¹Bifimer naniya Yecu Kiritti bibwe Dauda, bibwe Abrahame.²Abram co te Icaku, Icaku te Yakub, Yakub te Yahuda kange Yitub ceb.³Yahuda co te Farica Kange Jera fiye Tamar wiye, Farica nyori te Hacruna. Hacarua co te Arame.⁴Aram co te Aminadabe, Aminadab co te Nacone, Nacon co te Calmone.⁵Calmon co te Buaja fiye Rahab wiye, Boaja co te Obida fiye Rut nine. Obida co te Yeece.⁶Yecce co te Liya Dauda, Liya Dauda co te Culemanu fiye wii Yuriya wiye.⁷Culemanu co te Rehobwame, Rehobwam co te Abija, Abija co te Aca.⁸Aca co te Yehocafa. Yehocafa co te Yorame, Yorame cote Uziya.⁹Uziya co te Yotame, Yotam co te Ahaze, Ahaz co te Hezekiya.¹⁰Hezekiya co te Manacca. Manacca co te Amone, nyori Amon co te Yociya.¹¹Yociya co te Yekoniya kange yitub cebo, dong-dong fiya cuwo ci yem ci, ci yaaken kici biten Babila.¹²Bwiko ci yem ci, ci yaken ci biten Babila. Yekoniya co te Ceyaltiyele. Ceyaltiyele co te Zarubabele.¹³Zarubabel co te Abihudu. Abihudu co te Eliyakime, nimre Eliyakim co te Azuru.¹⁴Azuru co te Caduku. Caduku co te Akimu, nire Akimu co te Aliyudu.¹⁵Aliyudu co te Ali'azara, Ali'azara co te Matana. Nimre Matana co te Yakube.¹⁶Yakubu co te Yucubu bwe Maryamu wo fiye ci wiye ci bo Yecu wo ci cuwo ti ki Almaciu.¹⁷Core tau Ibrahim nin yaken ciko Dauda nineu kaltito kwob culombo naar, kange wo tau fiye yeka ciko ci yaken ki ci Babilau yaken ciko Kiritti nin, kaldo kwob culombo naar.¹⁸Bor Yecu Kiritti ko bwi nyo wo. Nece Maryamu ciya an nam Yucufu, naci nakangiri Maryamu kweri tum fer yuwa tangbe wucake.¹⁹Yucufu bwece nii cakcake, cuibo ci neco kwenduwe nuwe nobe, nyori cuiti naci nyangum kang cinen daar.²⁰La ci kwa diker buro tiri, bibwe tomange kwama wucake cerkangu cinen mor dukume. yi coti "Yucufu bi bwe Dauda nuware tai, tum Maryamu wimwe, wori dike ci tum ciko fwereu ca fiya yuwa tangbe wucake nen.²¹can do bwe, mwa cuwo dencere ki Yecu, co ca fulo nubo ti fiye bwiran ker ciye.²²Gwam wo an bwi na dim diker teluwe be toke nyii nii tomange, tokti ki,²³"To bubya an tu fwer, naci bo bwe ciya cuwo den cero ki Imanuel" Dike dendo nungeu "Kwama wi kange bo".²⁴Yucufu kwenu dumbo nineu, maani na wo bwe tomange kwama yiceu, cin kuni con tu wice.²⁵Yucufu Nyomombo wice wi co bom bwe La con co dendo Yecu.

¹Bwikako ci bo Yecu Baitalami biten Yahudiya ki core wo Hirudu Liyau, Kangem nob nyomka bifumer kwama bo Urcalima. Tokti ki.²"Fee wo ci bo Liya Yahudawa? nyon to bitiren cero twar, nya bo na nyi wabka.³La Liya Hiridu nuwa nyori, kwom co kambo ken kange hwam nubo Urcalima.⁴Hiridu mwer Liyab wabe kwama gwam kange nob mulankab nibe. me ci "kiriti a bo fe?" Cin yi co.⁵" Mor Baitalami Yahudiya nyo won co dike bibei tomange kwama mulange".⁶"Mo Baitalami mor biten Yahudiya mo kebo wo duwal-duwali tiber Liyab yahudiya. more mwe an fiya nii a ca Liyar tiye wo a yila nii biyuwar nobo Lomi Iciraila".⁷La Hiridu cwo nob nyomka bifumer reu, yurangum Yurange, me ci "Fiyang bitiren do cerkanguwe?".⁸Con twom ci Baitalami, yiciti, "Kom ya ki fuwa bwe biduware ki Lima ki Lima, no kom fiya ri, ko bou kom yiye, na mo ken nan ya nan wabco."⁹Bwikako ci nuwa diker Liya yi ciye ri cin kwen ci ta nure, bitiren do wo ci to twareu yakenti ka ci ya yan titi dor luwe bwe bi duware wiye.¹⁰La ci to bitirndo ri cin bilangi ki bilankako dur.¹¹Cin do mor luwe, nen cin to bwe bi duwareu kange nece Maryamu. cin cung bitine cin wabco. cin kwim cwaye ciye neco Lima nerek, mwinek kange lubban kange mor.¹²Kwama yi ci mor dukume, ciya yilare fiye Hiridu nine. yori cin yilaken bitine ciye nure kange.¹³Bwikako ci kweneu cin to nii tomange teluwe cerkangu Yucufu nin yi co, "Kwen tu bwe bi duwae wo kange bece cwa cu ciko biten Masare.¹⁴Kume cuwo Yucufu tu bweu kange nece u Masar. yi ken firen yinen di na nimre, wori Huridu cuiti na twalum bweu.¹⁵Cin yike fire Hiridu Bwiyati. Wo na dim diker teluwe be tokeu nyi nii tomange, "Min cuwou bi bwemi Masar".¹⁶Hiridu to nob nyomka Bifumereu bwanten bo ker cero ri mam funer ducce, cin twomi a twalangum bi bei nabarubbe bi duwartini gwam, wo Baitalami kange buro bi dom kange ce tati coro yob yirau ciko bitine.¹⁷Fiya cuwo la dike nii tomange Irimiya toke dimme.¹⁸Cin nuwa diro kange Rama ci wiye ti kinero fir cilong-cilonge, Rahila ci wiye dor bi beiyo locer. Mani ca fiya birum nere ti wo mani.¹⁹Fiya cuwo Hiridu bwiyame, nii tomange teluwe cerkangu Yucufu nin mor dukume mansar. yi co,²⁰Kweni tu bwe bi duwarewo kange nece yakan Iciraila, nyori niwo do dume bwetiye bwiyam".²¹Yucufu kweni tu bwe bi duware kane nece cu biten Iciraila.²²La ci nuwa Akilayu bi bwe Hiridu Ca liyar ti biten Yafudiya, con nuwa tai lakako firen. Bwikako kwama yi co ker mor dukume, cin tiyangum biten Galili.²³Yiken fiye kange ci cuwo ti ki Nazaret wo na dim dike ci toki nyii nob tomange ki, "Ciya cuwo co ki bwe nazare re.

¹Kume ni wo Yuwana yu mwem kwamam tiyeu yau ne fulen ker kwama ro ti.²Ko yiloten wori, liyar do lo kwama dadom.³won co wo nii dukume kaya tok kerce reu, "Dir nii kanger co bi cor ti kii, toki, "ko Yuwel Teluwe nin nureceu, fuwak ceko atim.⁴Yuwana merum ki belle yiri teleme, bwam ki dk teak fer cer. Cari ceu, kwake kange yuiti to kiyeu.⁵Co rubo Urcalima kange wo Yahudiya gwam, kange bitine tinim bo kong Urduneu, ci bou ti ka bo ka tuje co wiyeu.⁶Na ci yuu cinen mwem kwamam caji Urdun, kambo ci tok bwira kerer ce tiyeu.⁷La co to Faricawa kange cadukiyawa kila cirangum ti na co yu'u cinen mwem kwamamedi co ca ciye, "Kom berin nacuwe ki mwan neu, we wer kom ko cuam funero wo au tiye.⁸Ko ne bituti wo a nung yila ka kume ko tiyeu.⁹Ku kware mor ne kume kom ki Abram te kume! be ma yi kom ti, kwama wi kibi kwan do wo a kung Abram nin bibeiti fo tetendo wuro neneu.¹⁰Na wonyeu yoti biteye dimer tiniro nan, na cori tiyowo ne bo bituti keneti, an tom co na merken mor kire.¹¹Ma Yukumen mwem kwamam bo ki mwem, ya ciko yo laka kumekeu. Niwo bouti bui mi yeu layeki dur, woro ta ceu ma labo nan tu'u. co ca yu'u kumen mwem kwamam bo ki yuwa tangbe kwama, kange kira.¹²Kwele yu'u ka ceko tam kang cek, can nyinagum teneu wiyak, na murom bikateceu na yo ken binico."¹³La Yecu bou biten Galili, ya caji Urdun fintange Yuwana nen, na yu'u cinen mwem kwamam.¹⁴La Yuwana mani naco kicim co, tok ti ki, mo wo ma cuiti na yu'u mwem kwamam meu, mom bou minen?".¹⁵Yecu yila yi co a ma nyo na dim cak-cakeu gwam. Co Yuwana ciya cinene.¹⁶Buiko ci yu'u cinen mwem kwamam be di, Yecu cerum can duwo mor mwenge, La dii kwama wo cinen. La co to yuwa tangbe kwamako yirau ti docer na nagumfiye, yira yiti dorcer.¹⁷La diro kange lo kwama ceru toki, wo bi bwemi ma cui cuiyeu, ma nuwa luma cek ti.

¹La yuwa tangbek kwamako tu Yecu yaken ciko mor yere na bwekelkele na cuwaco.²Bwiko co yi yim Ngakem kakuko kwini na'ar kumeu kwini na'ar di wura tam co.³Nii cuwa kako bou cinen yico ki, "No mo bibwe kwamari yi tero wo ayilam cari".⁴Yecu yila yic mulagum mulange, Nii mani a dwiti ki cari ki kwace ce kange ker kwamar.⁵La bwekelkele to co yaken ciko mor cinan lor wucakeu. La kung ken co dor ku waber.⁶La yii co ki "No mo bibwe kwama ri, mwou bitine wori mulangum-mulange, ki "Can yi bibei tomange ce wucakeu na cer nen" La ci an kungum nen dii mor kani ciye. be na mo kware na mwek ter".⁷Yecu yi ten co mulangum mulange mani mwa cuwa teluwe mwe kwama ti ko.⁸Tak, di Bwekelkele tu co kungken co bang ko wo cwem-cwemeu, La nung cenen Liyar do kaleweu gwam kange duktanka ciye ko.⁹La yico ki dike wo gwam man neken nen no mon cung cunge mo wab yeri.¹⁰La Yecu yico ki "kubom fou bwekelkele be mulangum mulange, Wab ka teluwe mwe kwama co win.¹¹La bwekelkele dobco, La wo bibei tomange wucakeu bou cinen (wabco).¹²La Yecu nuwa cin tam Yuwanari, con cerum yilan ken Galili.¹³Co dubom Najaret cin yaken Kafanahum, wuro knog caji Galiliyeu, yii ka bitinek Jebulun Kange naftali.¹⁴wo ma nye na dim kero Icaya nii dukume tokeu.¹⁵biten Jebulune biten Nabtali wo kong Cajiyeu, kange dinge caji Urdun neu, Galili nob kumtacili.¹⁶Nubo wuro yim kumtacili yeu, cin to filanko dur, la buro yim wi fiyeceu, knage kakulok bware keu, dor cir fiya filanko ti kweni.¹⁷La fiyaco di Yecu yoten fulonka ker kwama ro, ko yolaten wori liyaro loh Kwama biyeken bidom."¹⁸co yakenti knog caji Galili, con to yitob butib yob, cimon wo co tiki Bitru, kange Andrawu yii ce mer biliyar ti mor caji, cin nobtaka jingeb.¹⁹Yecu yii ci, kom bou ko buang menten, an yo ka ta men nob.²⁰Dang jang ci dubom liyar cero cin buang ten co.²¹La Yecu dubom wi yaken tiri con to ten yitobbo kange ci yob, Yakubu bi bwe Jabali knage Yuwana yii ce, ci yim mor nabire mwenge kange jabal Tee ciye yulang biliyar ceroti.²²Con co ci dang jang cin dubom nabire mwengeu kange jabali tee ciye, cim bwang ten co.²³Yecu kentangum Galili gwam, merang cinen ti mor bikur waber, tok fulen ker liyar kwamaro ti twa'a mwanti tiire ti gwam kange nubo nuwabo lumau.²⁴La fulen kere ro dor cereu yake kale mor nubo ciriya, co nubo co ci bou cinen ki nubo wo kalati ki wang ki wang kange kwirom bwi kange buro kelkelibo o cinen ti bwiyeu, kange nob juibe, kange nubo kani kange nani bwiyarangumeu, Yecu twm ci.²⁵Nubo nawo kila kilau bwang cinen ten Galili kange dika foli kange Urcalima kange biten Yahudiya, yaken ciko dinge Urdun neu.

¹Kambo Yecu to mwerkang ka nubo ducceri kwiken dor bang-er. La cin yikenwi, nob bwankacebo bou cinen.²Wumom mor nerer ciro takri to merang cinen.³Bi bwiyer kiniwo bwini na yuwa tangbeceu nyori liyar kwama ki cii.⁴Bibwiyer kiniwo kibwatummeu, wori ciyatin macinen dangnee.⁵Bibwiyer ki nubo wo ki kunne wori kwalito dorbitinero ki cii.⁶Biwiyer ki nub wurab kange dulo mwe wucakke wori atin bwam ki cii.⁷Bibwiyer ki nub cika bwinib wori, atinci bwinicito.⁸Bibwiyer ki nubo nero wucakkeu, wori ciyen to kwama.⁹Bibwiyer ki nubo ki fuwer nerereu, wori a cociki bi biylo kwama.¹⁰bibwiyer ki nubo wuro cii ne cii dotangeti ker caccaker, liyar kwama ki cii.¹¹Bibwiyer ki kom no nubo to komtiri, yila cii ne kom dotange ti ka kaa cii kwakomti kiner kan-nge bi kulentito bwir wo cuwer keceu, kermin.¹²Kom ma bilangtum bo man ki dii kau, wori Bitininge kumeu na dur dii kwama. Nan wo nubo ne bibei tomange dotange biro yii kaale na nyime komeu.¹³Kom mam dor bitinerembo cano mambo lem lumacekori, bi'amanyi na yilau cuko tak? mani ani yilamti kinan'ngen tak dila atin cutan wi na fuwarangum kina nubek.¹⁴Kom filang dor bitinero kowo cinar loro tom bidukleu mani yurangek.¹⁵Nubo mani kwer talkire tire dokken mor bulene, nyori ca kunnyii cayo fiye tikacek nane nubo luweu filang.¹⁶No nyori filang kume k acera kabum nubem ciya tom yorak na ngenek kumekotiyeu naci caklang tee kume wo dii kwama.¹⁷Km kware komki mabou nan bubam werfun nobto mangebo. ma boubo nan bubamci Dila nan dimci.¹⁸Wori bilenker miyi komti, diko kange bitineu an dim dila kiker biduwar kakaa denka win wo mani dimti mor bolang atin dim dikero kang.¹⁹Nawori niwo kimwo duwal duwale mor werfunen wonine kakaa ci merang kangum ciya manyeri, aciioco nawo duwal-duwale mor liyar kwamar.²⁰Lari miyi komti miki "cawo-cawo cakcake kumeu tano labo cakcake nob mulangkab kange faricawbori, mani kakadokanti liyar kwamareu.²¹Kom nuwa kam inyi nubo nan duweu, kom taide dor, cano wo twaldoreri cikino cito warka.²²La min yi kom ti woma funer kange keceri, kino mor cito warka. woyi kece, mun nifiro bwireri! cikino mor cito doka mor kirak kwamak.²³Nawo nyori mwane funer nerer ti. tanyi landi kwabi kemwe wiki kwomka dorek kange mori,²⁴Dubom luman nerok kabum tan nyi lanem, yaa yam mwem. ki kabana, fuwang kangum kange kemwe na nyi me nabou na ne funer nerer mwero.²⁵Maa yuelka kange nii kiyangnye mwe kambo mudor nurer yaa kabum bolangem, ka nii kiyange mwe neken nen nii bolange nin nibolange an neken nen nii tomange ciyatin merkennen furcina.²⁶Bilinker mi yinenti, mani mwa certi wi firen dila mwatin yati kemero ci bwang mwenten tieu.²⁷Kom nuwa toki mare buraka.²⁸Dila miyi komti, tona niwo to nawi ye, ki dilanka nuwa keri, cin kweri cin mam buroka kange co mor nerece.²⁹Ca no nuwa me cacciyoro an dok nen kottankari, kurangum co, minangwi fiye muwiyeu. La diker win mor ayak cam, ca merbo curen buyet mwero gwam mor kira kwamak.³⁰Kakaa kom mweko cacciyero tano atin atim dok nen kottang kari, mwattumco miranwi fiye muwiyeu. wori in La diker win mor a yakcam, kange merka buye mweko gwam kirak kwama.³¹Yilam to ki niwo ywa wice ri, a neco bifumer nyaka kangeko.³²Dila miyi komti tano wo ywa wiceri, cano nobo dor kangka diker kayakardi, cin yilam kico ni burokak.³³Kom nuwa ten cin yi ki nubo burombo nan duwoo kom werde weri cwerke, dila kwama werka kumeko kwamanin.³⁴Dila miyi kom ti komti kom werde weri di kwamaka wori Nkunjala kwama;³⁵kakaa kange dorbitiner fititim nanice, kakaa Wurcalima, wori biten liya dur.³⁶Ca bu nano ka werweri ki dor kumerdi, la mani ka dolti kom yilam ki yiri duwekume fuwoje kakaa fije.³⁷Dila Ker kumero a yilam NYO Nyo, nonindi 'Nyonin, nyonin. Cano dikero cumweri, kino bwirkonin.³⁸Kom nuwa toki ki, Nuwe nyii nue nundo tak nyii nunne.³⁹Dila miyi komti kom mare Kwobkangka kange niwo na bwireu, nyiyoco nyeu, no cii malicom dan-nge cattiyereri, kom yilam cinen wineu ken.⁴⁰No ni kannge wii a yakenti ki kiyange kume kabum boulangem meriwori naci yo belle kueri kom netten nii wo lalan kumeko.⁴¹Cano ni dokkom yam nako kwininugri kom ya kannyace yob.⁴²Komne nii wo mekomeu, tak kom kware niwo do naan ti kumeneu.⁴³Kom nuwa dike tokeu, mwan cii ni bidome mweu mwanko ni kiye mweu.⁴⁴Dila min yi kom ti kom cii nob kiyeb kume bo, kom kwob nubo nekom dotannge tiye nin dilo kom ma nubowuri, cil komenin bibuyer, komma nubo wo ko kom tiyeu nin dikoro ken.⁴⁵Naweu nakom yilam bibiyo lo tekume wo dikwamau. wori dok kakuko wennii bwirninti kannge nii ken twom wucakke kannge nii maakenin mwom dikwamati.⁴⁶Wori cano kom ki cwi nubowuri cwikom tiyeri, nyii dikedde kom fiya? kebonyo nob yoka doreko matiya?⁴⁷Kume keneu tano kom yarum ka 'Kebkumebri, yekamani la tangece? kobonyo nubo nyombo kwamau matiya?⁴⁸Dila naweu nyi lam nyo kom yilam cikocok nawo tekumu wodiyeu.

¹Kom yilam yiber dover ko mare luma kume ko kabum nubem be naci tokom, no kom ma nyori, mani ka fiya cuneti fiye tee kume wo dii kwama wiyeu.²La naweu, no kama luma tiri kom cure cume kambo nubo bwirko mati ku wabe kannge dor nurereu wori na nubo caklang ci. Bilinker miyi kmo ti cin fiyam nyii diker cero.³La tano kama luma tiri kam kume moutkeu anyomde dike kango cattiyero matiyeu.⁴Wori na lumake meko na yilam yurangum yurannge. Tee kume wuro to dikeroti yuragum yurangeu, atin makumen cuner.⁵Tano kmbo ka kwob diloti takeri, kom yilam de na nubo bwirko, wori ci cwikwoka diloti timotiye ku wabece kannge cuga nurek tak, wori na nubo toci. bilenker miyi kom ti cinn fiyam cuner ceko fou kale.⁶La tano kom kakwob dilotiri, kom doken mor kuwe. Kom nungum nyiloko, kom kwobdilo Tee kume wo yurangum yurange an nekom cuner kumero.⁷Ca no ka kwob dilotiri, kom libride diker manki nagenneu. nawo nubo nyombo kwama matiyeu. wori kwanererceu ciyatin cuwa tuuki keticro dukceu.⁸Na weu ko yilamde naci wo Tee kume nyimoum bwini kumero kikinning nanyime kom kenco.⁹Na wori kom kwobdilo nawo Tee bewo dii kwamau, ane den mwero dur wucak.¹⁰Liyar mwero a dou ner nuber.¹¹Ne nyo carto na dume ce kume -kume.¹²Dob Nyinen bwirang kert nyero. nawo nyi dob nubowo ma yinentiyeu.¹³Yare kinya Fiye cuwaka, dila cok nyo nii bwir konin (kanng Liyar kannge bikom liyaret kange duktanka ka na mwe diri diri ati nyo).¹⁴Wori no kom dob nubori bwira kerer cirori, Tee kume wo dii kwamau an dobkumen ken.¹⁵Ca no ka dobbo nubonen bwirang keretinin cirori Tee kume mani a dob kumen ti.¹⁶Nyotak, no kama nyak tiri, kom yilam kitikob na nuwoma mwamangtu tiye kambo nubo bwirko matiyeu, wori ci kwuob kang yirom cimboti wori naci dannyi kabum nubem mwincimen Nyak ti. Bilenker miyi kom ti ci fiyam cuner cero.¹⁷Dilacano kom ma Nyak tiri kom beltu nuwan der kom nirum tikob kumebo.¹⁸La nanubo nyumde kom ma Nyak ti, lakan Tee kume wo to dikero kom matiyeu yurangumeu ati makumen.¹⁹Kom mwerde dor kumero nii cuweka for dor bitinet, fiye kerkere kange cnkume a kanngum tiyeu, fiye nob kubbo bani werti do kuumme.²⁰Nyiyoco Nyeu, kom mwer dor kumer kange nii cuwaka firen dii kwama fiye kerkere kannge cankume mani yeu. nawo a kanngum tiye fiye tak nuu kuyee mani werti na kumme.²¹Fiye cuweka mweu wiyeu ner mwero ki nowi ken.²²Nuweu co talkire bwiyeu. Nawori cno nuwemweu yorari, bwiyo kwarub dimki filang.²³la cano nuwemweu dikero kendi bwiyo kwarub dimki kumtacile.²⁴Nii mani bwiya bwnagten, Tee yobe La catin ciya wi ci ko win mani nyori can ciya kanyenin win ci cuyekangum wiceu.²⁵La na weu, miyi kom ti kom kwomre dor yimer kumer kidiki kacati yeu, kannge diker na netiye kakaa bwikume dike kama kulenti cikeu. Naweu dume labo carita, bwiyo labo kulanda.²⁶Kom to bilibenti dii kwama maci fi fik kakaa biyeka maci mwerank tak mor bine, Tee kume wo diyeu. No nyori kalancibo yorankka.²⁷we more kume a cob dorcero ninten cwemka kumetik kiker dikerowo kwom cotiye?²⁸La nya ko kwom dor kumeroti ker kulenerer? kom to funti nimbo kiyeu, kambo ci dwitiyeu. maci du kulent.²⁹Gwam kange wuru miti kom ti, culemanu ken mor dukktanka mabo nawin more birombonen.³⁰Cano kwma maa yera ko kiyenen bwa yilendi, wuro duwei notiyeu firuri ciyan merken yiri infe Danka Yorakko. kom dobbo dubo ki bwini bilin kerereu?³¹Nawo nyeu ko kwomde kom ki "Ye ba catiye, Ye ba dutiye³²Na weu nubo nyombo kwama wuyak ci do dukum kulenenmbo woti, Tee kume wo diyeu nyimom kom ti citi.³³Dila kom do liyar cero ki kaba kannge ladi kulendowo kwarub ciyan nekom.³⁴Nawue. kom kwomre dor kumer ko bwikume kwarub kumeniu ci dontanngece.

¹Kom mare warka, na cii makumende Warka.²Ki Warkako kom ki wardeu, ciya warmwen ki kwele mwa cuwa, ki kwele cu ciya cuwamwen cuko³Ye bwi muto cukkum bwatiye ti nure kemwe dila mutobo we mweu nure mwe?⁴Kaka ca manyi mwayi kemweti Berin cok mwe be dikoro nuwe mwe, wendi cuktom bwatiyeu wo nuwemwe?⁵Mwo nii bwir teri cokum cuktum bwatiyeu nuwe mwe, na yimde mwatin dolum mwan tom yor, kambo mwa cukom cuktum watiye ti nuwe kum mwe⁶Kom nere bicurle dikerowo wucak wucakkeu. la ki kom merde bilerinin cari bwayilenner kumer kebo nyo ri ciya fuawrumci.⁷Kii ni ciya necom do mwatin fiya kwabi tak, an womwen.⁸Ca niwo keneri atin yo, wo kwaberi atin wom ci nen.⁹Kakaa weni more kume, bibwece a kenco Tilitari la a ne co ta tiye?¹⁰Kakaa no kenco jinge tiri a ne co na cuwetiye?¹¹Nyori ca no kom bwirembo, ko yumum kambo kane bibiyo lokume lumako tiye, kambo Tee kume diyeu a ne kom dikero kentiye.¹²Na woro di gwamra dikero kom ci ti nubo amakume neu, kom macinen ken.¹³Kom doken nure wo dwaldwaleu, wori nure buareu kuya in nurewo bwaibo doka nob dokabo moreceu ci kila kabo.¹⁴Di la nureu yaken dumeu kwati kabo, nureu na wo bwai doka nub fiya kaceco kila bou.¹⁵Kom nyimi ki nob tomangeb dukumeb cuer kobe burombo bokumentiki curen kwamereu, bilinke cin nyece-nyece burombo kuyamtiye.¹⁶Ka tin nyumom ci kibi tuttuice nubo cok mwembo twiber ko bwi cuike kakaa nying bwi cilannge ka.¹⁷Nyo kwarub Tini yoken kitu bi tuttuie ken tiyo bwirko ki tuttuice bwir.¹⁸Tiyo yoryoreu mani tu bi tuttwi bwirti, yo tak tiyo bwir mani tu bi tuttwiy ken.¹⁹Tano tiyowo mani ne bituttuti kentiyeri laciya tom ciya merken mor kire.²⁰La nyori kin duku bibiyem bowo anyomcitiye.²¹Kebo nubo wuyak yiye tiki Tee, Tee adokenti o kwama dila niwo bwanteng ker tee mire dii kwama.²²Ki ka koko wo ducce an yi ki Tee, tee nyori nyamabo ker dukkumer kiden mwer nya cobo niya kiden mwer. nya mabo nangen do durbitineu ducce kiden mwera?²³La man yici ma yomkombo ko dubomye, kom nob make bwira kerer.²⁴La naweu Manang cemen cukotakeu, can dang kengco na ni nyomka wuro mu kuceu bangereu.²⁵La mwembo cuweri yuwako kunou kwa luweu dila yarbo wori ci muco dor bangek.²⁶Di la niwo nuwa kermirori mabo nange cike, ciya dan co kannge kulenii wo mu loceu dorbi ti nere.²⁷Mwembo cuire mwem wurmamkako bou dila yuwa ko kwenu kwa luwe yalam bukti.²⁸La kambo Yecu dim tokka keti ceri mwerkan kako nyimang merang ka ceko.²⁹wori meran ci nen ti ki bi kwan liyarer, kebona mulangkab.

¹kambo Yecu yirau do doweri nubbo ducce bwancinenten.²La nii ki wale kung diro kibi kwan ki no mwi ciu tiri mwatin yilam kimo wucak.³La Yecu tar kang ceko kico ri ki "miki cui". La yilam wuccak, la dang jang dang jang cii yilam wucak ki wale ceu nen.⁴Yecu yico "yire nii ka nge diker" tame nureu ya nung dormwero nii wabenin na mwi ne lumacere ko werful muca ko tokeu. wo buka kanger ce ko.⁵kambo ci yilau ti kafanahum meri, nii dur nob kweneo bou cinen ken coti.⁶La ki Te luwe bwe canga dam lo kilen di la nuwa dotange ti kambo ken.⁷Di la Yecu yi c o "Matin bou nami twam co"⁸Nii dur nob kweneb bo ciya co ki "Teluwe mi labo wo mwi bou to lo miyeu. Tok kaker dila bwe canga ni atin twam.⁹wori no mo ken min nii ciyo dur biwan keret, tag ri min wiki nob kwenebo min dur dor cere. Miki yi w miki ya ri ci yaken, ki kanage 'bou ri ci bow kange ki canga mi, ma wuro dila cimam.¹⁰Kamo Yecu nuwa weri, cin nyi mangi la cin yi biro bwang cinnen ten tiyeu, "bilenker mi yi kom ti mi fiya bo kange win wo ki bilenker nawo mor Iciraila."¹¹Min yi kom, kila atin bou twaar kange me la ciyan ca wari kange Ibrahim, Icaku kange Yakubu mor Liyar kwamar.¹²Yilo bibei liyareu atin cor ke mor kumta cilero kiring kiring fiye cika wiyek kange kika nuneg?¹³Yecu yi dur nor kwenebo, "ya nawo mwi le bilenkeu, la a mamwen nyo dila cnagau twam ki kwama don-dong (Yila mwenyo).¹⁴kambo Yecu bow mor lo Bitruce ri cin to fer Bitruce nawi yeu dam da nuwa luma ki kwi bwi.¹⁵Yecu tai kang cekori la kwirom bwim bo dubom co. Dila cin kweni cin ter maka cinen carito.¹⁶Kambo meu dome ri nubo bow Yecu ki nubo kila wo ki kelkelitini yeu. Ciin cikangum yuwa tangbe tinito ki ker yila cin twam wiyak biro nuwabo lumau.¹⁷Ki nure wo la diim digero toku nyi kaya nii tomange, tokti ki "co ciki bwico yem bwii nuwa ka luma beko ri yila cin tum twirak beko".¹⁸L kambo Yecu to mwerkako duce ken tangum ceri cin neci nyal naci yabken kong wimak ko Galili.¹⁹La ni mulankak bow cinen di to ki ki, "nii meraanka, matin bwang mwentn {Bwen no mwiki yang fye mwi yakenti wiyeu gwam feri}".²⁰Yecu yi co ki" wiki buwak cek, kange bilibetinim wo dii kwamau wiki lo cece dila bi bwe nii fire mani ki fiye wo ci yom dor tiye."²¹kange mor nub bwang kab cebo yico, "Teluwe dob ye bwiri nan ya nami fwerum teni".²²Di la Yecu yi co ki "Bwangmenten na dob nubo bwiyamen na fwerum bar cero.²³Kambo Yecu dogen tukom bwatiyeri, nob bwangka cebo bwang ci nen ten more ce.²⁴La yuwako durko kwenu mor wima, tokum bwantiyebo cimon ki yuwa mwengeb. La yecu dam dum.²⁵Nob bwang kab ceko bow cinen di yunco tokti ki "Cer nyo Teluwe, yan bwiya rangum.²⁶Yecu yi ci "Ye bwi kom cua tai tiye, kom wo ki bilenkere biduwaru?" Di la cin kweni la werang yuwako knge wimau. la cinge dur tam.²⁷Nubo nyimangi la ciki "nage nii ko wini wuro, wo ki yuwa ce kange wima nuwa co tiye?".²⁸Kambo Yecu bow dinge wineu kange mor biten gadara nubo yob wo ki ninga tininyeu wab kam co. ciki ceru mor tuwe, la ci bwi kabo wo nob yameb mani cu nure wiyeu.²⁹La cin kwa kiyakye ki dir cin yi ki "ye yo nen kange nye, bibwe kwama? mwi bo fo namwi nenyo dotange nanyumde kwama nye lauwa?"³⁰La nyere tini duce ca canak ti fiye co, kwitangbo ducce kange fiye ci niyeu.³¹Ninga tini tii kinito Yecu nin ciki "No mwi coknyori, tungen nwo mor nyere tini.³²Yecu yi ci "ko ya" la ninga tininu ceru yila dogen mor bentilen nyeretini, la bentilen nyeretiniu yirarangu kulor dugleroni di corge mor wima cin bwirangum mor mwege.³³Nubo to nyere tiyeu cin cua cin cu dila cin yaken mor cinar lor la cin yici digero bwiyeu wiyak. diger fiya nubowo ki ninga tiyeu.³⁴La cinartoro wiyak ceru naci wabkan Yecu. kambo ci to ceuri cin kinong co ca dubom cunga ceko.

¹Yecu dogen nabire mege, yabken dingeri la cin bou mor cinanlor cer.²La cin bo cinen ki kilen niir dam dor bicirit ki, toka bilen keret cero ri, Yeu yi kilen mire, "Bwe, bim ner. bwiran keretini mweron tabum cuko.³La knagem nob mulangab toki bwiti ci, "nii wo na dur ti".⁴Yecu nyumom diger ci kwati ner cereu cn yiki "Ye bwi kom kwa digero bwiti ner kumere?⁵Na wini bweibe, a tokki bwiran kertni meu tabum, kaka a tiki 'Kweni ti na ya yambo?'⁶Di la nako nyimori bibwe nii fire wiki bikwan keret dur kaler na tabum bwirangker, "ci yi kiledo, "Kwenti tum biciri mweu na yaken lomo".⁷Di la nii cou kweni lan cu gen loco.⁸Kambo nubo mwe rumweu to eri, cin cwatai ri cin duktan kwama, wo ne nubo bikwan nerero naweu.⁹Kambo Yecu cuken fiye ceri, cin to nii dndo Matta yim fi yime nob yoka nob yoka dorekke. cin yico "Cin yi co bwangmenten" la cin kwani cin tiri cin bwangcinnenten.¹⁰Nawo Yecu yiken caka cari mor luweri, dila nob yoka dorego duce nob bwangketi bow la ca wori kange Yecu kange nob bwangkab cero.¹¹Kambo nob diklingebo to weri cin yi nob bwangkabo ceko "Ye bwi nii merangka kume ko ati wari kange nob yoka dorek kange nob bwirangkere?".¹²Kambo Yecu nuwa na weri, cin ki nubo we kwamer mor bwiyam mani cui nii twaka, kanco nubo wo nuwa bo lumau.¹³Yom ya na kom merang digero wo nung tiyeu: "Miki cui nuwa ka bwinik la kebo twika nuwange go ficange. ma boubo nan co cakcak na yiloten, dila nob bwirangkereb.¹⁴La nob bwangka Yuwanako bow cinen, ciki, "Ye bwi nyo kange nob diklingebo yiti ngag kang kangri la nob bwangka mwe ko mani yiti ngag ngage?¹⁵Yecu yici "Bibei nange ne ku duklume tin ci wiye ki kwamawo nii bineu wari kange ciye? Di la kumetini ber wo ciya tum nii bincu ti cine neu la ciya tin yi ngag ngag.¹⁶Nii mani a yoten fiti kwele fwirti dor kwilenero car wori fiye tabeu atin woram bwi kwileneniu rila worakako atin bwira.¹⁷Kaka nubo kiyo mwem bituituinbo fwir mor bantilando car. No ci mani nyori, bantilando atin wurom ri mwem bo tuituinbo atin curi la bantillando wurom. nyori ciki yo bwem bi tuituinbo fwir ko mor bantilando fir ri naci lere kange ce.¹⁸Kambo Yecu tok digero biro tiyeri, la nii dur bow cung cinen. riki" bwe bubiya miu bwam na wonyo dila bow yoti kang mweko cinenn naci kwenim.¹⁹La Yecu kweni bang cinenten kange nob bwangka ceko.²⁰La nawiye kange wo kala ti cor ka bwiyalecu coro kwob cilombo yobeb bow bwingob Yecu la cin ke nyi kwilencero.²¹Ri cin yi dor cero, "tano matin teyim ka kwilencerori man yilam kwamer".²²Di la Yecu yila kangi lan to co, "Bwe Bubiya" bim ner, bilenke mweu twamnen". la nawiyeu fiya twaka dangjang. (Ki kwama co.)²³Kambo Yecu bou lo nii durreu, cinto nubo cu lira tiyeu kange nubo dimeu ma dike ti duce.²⁴Ciki "ko yakenti Bubiyau bwiyabo, dila ciki da dum. "Di la ciin nunco ki cuekanka.²⁵Kambo ci cokken nubo kaleri, cin dogen kuwenin la cin tau co ki kang, la Bubiyau kwenim.²⁶La kerowo yalati cinanlor cunga ko cuew.²⁷Kambo Yecu cungenti fiye ceri, fugma tini yob bwang cinen ten. cin tii kwaka direko la ciki, "nuwa bwini nyero, Bi bwe Dauda?²⁸Kambo Yecu bow mor leuweri, fugma tinimbo bow cinen. Yecu yici, "Kom ne bilenke matin ma diker wa?" cin yico ki "Og Teluwe".²⁹Di la Yecu ke nuwe cue ri ki a yila kumen dong dong bikwan bilenkerer kumer".³⁰La nuwe cue womagum Di Yecu neci bi werer kibi kwan, "Nii kange a nyomde diker dor wo"³¹La nubo yobeu cerken wam kero dor dikero wo cunga ko cuo nin.³²Kambo nubo co yobeb yaken tiri cin bou Yecu nen ki nii wo tabang tabange ker ti ki ningau.³³Kambo ci cukom nigari nii wo tok ker la na nubo dimmeu nyimangi ri, "Nii tombo dikero wo wi biten Iciraila?"³⁴La nob diklingebo tok ki "ki bi kwan iyar niga ci cikang ninga tiye."³⁵Yecu bwangten cinar lor gwam kange cunukur cin cakaba ki meranka mor bi kur wabka ci tok fulen ker liyaret kange twakak dimer ni twirakeo gwam kange lumako nubo neneu gwam.³⁶Kabo cito mwerka nubekeri cin nuwa bwini cero, cin nuwa dotange tiri cin cwam tai. ki "Kwama wo man ki nii toci tiye.³⁷Cin yi nob bwanka ce ko "Biyeka bitok ko duce ri la dob nangenebo kilabo.³⁸La nyori ko kwob dilo wulom Teluwe beka, ko bitok ko nii nacin tung nob nagenebo mor biye ka bi tok ceko nin.

¹Yeco co nob bwangka wari, la cin neci bikwan keret dor yuwa tangbeko bwir naci cukangwi ci, kane naci twam tuwirantini gwam kange nuwarangka luma ko maniyeu gwam.²La den nubo tomangebo kwob cilombo yobeu co buro ki kabou Cimon (wo ci cou tak ki Bitru) kange Andirawu kece, Yakubu bi bwe Zabadi, kange kece Yuwana.³Filibu, kange batalamawu, Toma, kange Matiyu nii yoka dorek, Yakubu bi bwe Alfa, Kange Taddawu.⁴Caminu Bakairawau, kange Yahuza Ickarioti wo miyem Ceu.⁵Kwobcilombo yobeu wo Yecu tomci cin yici ki nyal la ciki, "Ko yare fiye kange wo nubo yim kumtacileu, kom dore kange cinanlor nubo Camariya.⁶Ko ya nyori kwame wo lo Iciraila lem meu.⁷La kambo kom ya kom yii fulenker kom ki Liyar kwamak bow bidom.⁸Ko Twam wo nuwabo lumau, kon kungum wo bwiayameu, nako cokum ten ninga. lima nee ko yoke ko neken ki lima neek.⁹Ko tur kange mwin, azurfa kaka tagulla mor cuwaye kime.¹⁰Ko ture cuwaye Yam kimembo ce, kaka kulen, kaka taa wori nii nagenne daten cari cor.¹¹Ki cinan loro kaka mwan loro ka doweri, ko do nii datenne more ce, ko cer locona nyim de ko dob fiye co.¹²Kambo ko do mor luweri, ko ma yarume.¹³No luweu da tendi kom dob fur neret kumeu ayirati, no ci datenbori fur neret kumero ayilau kumen.¹⁴Nubo wo yo kombo kaka cuwa tu nuwa ker kimereu, Kambo kom cerum luwe nen kaka cinan lor cero ri kom fugom kwerdo nakume keu nen.¹⁵Bi lenke miyi komti Biten codoma kange Gomara atin fiya jire duwe ki kakuk bolanger kange cinan loro co.¹⁶To min Tomkom na kwame mor ngece ngece, ko yilam kiyiilam na nacuwe tini ri la ko wii re na nagum fe?¹⁷Ki yi ki bati kange nubo, ciyan neken kob kan nob yimnom dila ciya tin malliki kom mor bikur wabeb cer.¹⁸Ciyan bou ki kom kabum nob bolangeb kanage liya, ker mir na warkan cinen kange nubo yim kuntacileu.¹⁹Kambo ci neken komeri kom kwom de ki kambo kange dikero ko tok tiye, wori atin nekom di diker ko tok tiyeu ka kwama co.²⁰wori kebo kom ko tok ker tiye, dila yuma tangbe te kume a tok kerti kumene.²¹Kece atin ne ken kece nai twalum, dila Tee ceu bibwe ce. Bibeyo atin kwinag Teb cebo nen tien ci doki ci twallagum cii.²²Nubo duce an ko kom ker denen miir. Dila wo mwirom yaken ciko di ka ri ni cou atin fulo ka.²³No ci nekom dotange cinar lor wori koom cuaken cinan loro bdomeu, la miyi km bilenke ti, mani kom kentange cinan loro Iciraila ti wiyak nangimde bibwe nifire n bou.²⁴Ni bwanka duwi bo la nii merrang cinen tiyeu kaka canga dor Teeluwe ce.²⁵Dong dong ni bwanka a ylam a nii merang a ceko, kange caga na teluwe ce. Ta no cin cou Tee luweu Ba'al zabuba ri, la an bwira dendo wo ciya com numo loceu ti cike.²⁶Nyori, ko cua cire, wori yurke mani wo mnaiya tok tiye, kange dikero mni wo yurangum yurangeri mani a coku ti yanglang.²⁷Di kero mayi kom kumta cileu ko toki ki Kakkuk kange dikero mwi nuwa bi luma mor tuwe meu, toki ki dir dor lor.²⁸Cuwa re nubo wo twallum bwiyo ri la mani a twal dume tiyeu. Na wori cwa ni wo a twallum bwiyo ti kange dume mor kira kwama.²⁹Kebo bilibe yob ci miyeti dor wina? Duwal kange ce man o a yarti bilineri kebo ymka Teku mek.³⁰La yiri duwe kumeu kiyem kiye.³¹Ko cuwa re tai km la bilibetini yroka.³²La nyori gwam niwo ne warke me nuwe nuberi matin na warke ce ken kabum temim wo dii kwamau.³³Niwo ko neka warke dor miir kabum nuberi mo ken man neka warke dor ceer ka Tee mii wo dii kwama.³⁴Ko kware komki min yau ri nami bou ki fuwor neret dor bitinr. I yau bo nabi bou ki fuwor neret, dila kulen.³⁵Min bou na mi dok nii kiye kange tece, kange Kiye biber bubiyak kange nece kange bifire bwe bubiya kiye kange fer e nawiyeu.³⁶Nii kiye niu atin yilam co wo mor luwe ceu.³⁷Co wwo cui tece kaka nece laye re ri daten bo na mii wo ciu bwe kaka bwe bubiyaceu, layere da ten bo na mii.³⁸Co wo tu bo kwoblom bwatiye ce na bwang men teneri daten bo mii.³⁹Nii wo cui ti naci fulo dume ceri, an lem dume ceu. la wii dume ceu kermireri an fiyam co.⁴⁰Wo yokomeri yo mo, dila nii wo yo yerri, yo co wo tomou yereu.⁴¹Wo yo nii tomange ki den nii tomangeri an yo cuner nii tomangero, la co wo yo nii cak cakke ki den nii cak-cakke ri atin yo cuner niiwo cak-cakeu.⁴²wo ne win more bi duwartini buru kwel mwenge yibe nano ki den ni bwangkake ri, bilenke mi yi komti mani a le cuner cero ti".

¹Bwikako Yecu dim biweret bi bei tomange ceri, cin dibom bi kole cua na co merang, na cin yi ci fulen ker kwama cinnr lor cer.²La Yuwana nuwa co fiya co, ci fucinu dikero Yecu matiyeu, con tom bi bei tomange ceu na co yi co.³Mon co nii boutiye kaka nyo ningtang kange ka?⁴Yecu yi ci ki, kom ya ko yico dika ka towe kange dike ka nuwa!⁵Fukma ti toi, kilendo yayamti, walebo cin twam ci nubo mani nuwareu to nuwai ci kung nubo bweyameu ti nob bunebo ci neci fulen kerero ti.⁶Nii wo nuwabo funer kange me ri nob bibwiyer.⁷Kambo nubo wuro cuweri Yecu yi nubo mwerumeu ker dor Yuwanar.⁸Ye no kom cer yerak di kom ki tore, Yerako Yuwako moktiya? lan ye ka ciri ka towe nii dum ki kulendo fila-fila? Bilenker nubo dum ki kulendo Fila-fila ki daa lo liyabe.⁹Ye ka ceri ri ka towe bwe tomange kwama? ong mi yikomti, bwe tomange kwama.¹⁰Wo cowo ci mulang dorcer ki "to mi tom kimen nii tomange miti ka kom nuwe kime, wo a Yulang nure mwe tiye.¹¹Min yikom bilenke ba kange ci kung more kime wo natum bowe la Yuwana nii yuka mweme ke. Nyori bi duware gwam mor liyar kwamareu laco.¹²Ta ti kumeni Yuwanan nii yu mwemtiye yau ciko caneu, liyar kwamaro nuwa dotange kwiklki-kwilkiye, nob wilki-wilkiro tu kibi kwang.¹³Fiya na Yuwana na bou gwam nob tomangeb kwamaro kange werfundo tak ker dukumero woti.¹⁴No mwan ciya mo yuwo ri con Iliya wo a boutiye.¹⁵wo ki tuweri a nuwa.¹⁶Ma bonkan kwaldo wo ki ye? ci nabi ma lor ti fiye miyeka dike, wuro yirongm cuwo butici tiye.¹⁷Toki bin cii mwen lira mwa yelbo yila. Nyo yi kwan bwa, mwe cibo wiye.¹⁸Wo Yunana bou mani ca cari, ma no nyom kom yi ki to ciki bwekelkele.¹⁹Bibwe nifire bou, ti cai ti noi ri, kom ki to wi ki nii kucunu knge ni o nyom tiye, far nob yuwaka kiyeme kange nob bwiranke! Nyori yilang ki fiya yuwoka ki nangendo co matiye.²⁰La Yecu yoten werang cianr loro wo co man diker nyimankar wiyeu ducceu wori cin yiloka.²¹kwamen mo karangcimun kwamanen mo Baptcaida naki diker nyimankaro wori ci ma kimeneu, cimam taaya kange cindo di, kin yiloten kutan -kutange mor yakca yilanga kange bi tuwam.²²Na cuwori an la Tayanin kange cidon dor kimer, kakuk bolanger.²³Mo kafanahum, mo kwatiri man fiya duktonka lo kwama ka? or ong an cukken nen bitine, hadec. mo codom naki nyimangeu manue, ma muneg di, no ki wi duwal.²⁴Mi yikomti a yilam bwai biten codome min, na kimeu.²⁵Ki fiya co Yecu toki, "Min cakakom ti, Tebe, teluwe lo kwama kange kaleu, wori kom yurangen dike buro ka fiya nob yalannereu kange nyomka, la ka wom biyeyo bi dwartini nineu.²⁶Ong, te wuro yori kaba nuwe mwe.²⁷Dikero gwam cin neken ye fiye temi wiya ni kange mani wo a nyom bwe tiye, nyombo teu, nyo tak ni kange mani wo a nyom teu na bi bwece, kange wo co cokum naci nun cinene.²⁸Bou minen kom wo ki nuwa dotange tiye, wo ki kulendo tutue, nan ne kom fubi.²⁹Tu kulen miro, ki merangi mineng, wori mi lom-com, miki nero yiber mwan fiya fobka dume mwe.³⁰Wori kulen miro bwaibo, takeu kulen miro tubo.

¹Ki fiya cuwa, Yecu kwen yam ki kakuk fobka mor tankini. Bibei tomange ceu nuwa wura ti, la ci kwer dor cangero ti citi cai.²La fariciyawa to nyori, cin yii Yecu, "To be bei tomange mweu diker ci matiye werfundo ciyabo a mani ki kakuk fobka.³La Yecu yi ci ki ka karanta bo diker Dauda mane kange nobo loce ki fiya cuwo ci nuwa wura tiya?⁴Con doken bi kur kwamar, con ca cari wiye wo werundo ciya cinenbo kange nobo cineneu, ciyam kin nob wabeb koni.⁵Ka mor werfuna, ki kakuk fobka, nob wabbe kwama mor kikur kwamare ma dike werfundo ciyanbe, nyori, ci tacibe ki kero bwia?⁶Min yi kom niwo la bikur kwamareu wo fo.⁷Na ki ka nyimom ye wuro nuntiyeri, 'miki cwi cire duwe kebo twika nuwange ko wucake, no kom ki warbo ker dor niwo man ki bwiran kereu.⁸Bibwe nifire co teluwe kakuk fobka ke.⁹La Yecu dubom bikole cuwo, doken bi kur wabbero Urcalimau.¹⁰wori, nii kange kanko nom nowe wini. Fariciyawa me Yecu dong dongka a twa ni ki kakuk fobka ka? o na cin taco ki ker bwiranke.¹¹Yecu yi ci we fo more kume no kwame ce yarken bouk ki kakuk fobka ri mani a tau ti cokumme?¹²Na wine la kece kwame kaka nifir? nyori werfundo ciya a ma diker ken ki kakuk fobka.¹³La Yecu yi niwo, "Taruu kangeko, la con taruu kang ceko, la kango yilaken kwamer na wineu.¹⁴La fariciyawa erken kale cin mwer kangi dor Yecu. ciki do nure ciya twalum Yecu tiye.¹⁵Yecu to nyori co ci dubom bi kole cuwe. nuwe. nubo ducce bwanteng ce, con twam ci.¹⁶Con yi ciki nyial ciya yire nii.¹⁷wo na ci dim dike ci tok nyii nii wabe kwabe Icaya, tokti ki.¹⁸Too Yii tomange me wo ma cok ceu, ma bilankange ceu, Man ne co yuwa tangbek miko naci yii nubo wo kebo Yahudawa.¹⁹Mani ca kwobkan ker ti, Mani ca ci wiye ti ki diir, mani a nuwa dircer ti nure.²⁰Ma ca kyan dike fwinongum ti, ma ca dom kra ko dadom bwiyakau, can ya ki warka turani.²¹Mor dene ce nubo kumtacile an fiya yim yo neri.²²Nyori cin bou ki nii kange, fukma, mani nuwa tuu, wiki ninga fiye Yecu wiye. Con twam cona wo Nyori nii cuwo tok ker, ti toi tak.²³Nubo wmerkangum gwamme nuwa nyimangka la me, wo co bibwe Dauda ka?²⁴La fariciyaa nuwa diker nyimankako Yecu maneri cin yi ki, "Nii wo ki cok ninga kin bahalzabu liya kelkelebe.²⁵La Yecu nyimom dike ci kwati ner cere, yi ci ki, Liyar do wo yalkangum me ri, mani a ti-ti cinar lor tikangum yobe mani a titi, kako luwe fwemme ri, an wurom.²⁶No bwekelkele cok bwekele ri ki maa kiiye ki dor cero. La a mangyi na liyar do wo ti?²⁷No miki cok ninga kin Ba'alzabu ri, bi bei kimeu ki cok ki ye? nyori ci ciya yila warka kimek tiye.²⁸No miki cok ninga ki yuwa tangbe kwama wucake ri, nangi liyar kwamaro bou kimen.²⁹A man nyii nii doken lo nii bikwanne na ku kwi, co co bwam cobo ri? na nimre kange me ri ki ma kiiye kange mo, takeu, niwo mwerbo kange me ri, ki watangken.³¹Na wori mi yi kom ti, "bwirangke kange dilanka gwam an curanwi. La dilanka yuwatangbeko wucake mani a curang ti wi.³²Ni wuro tok dikro bwir dor bibwenifireu a cutang wi wo tok kero bwir dor yuwa tangbe wucakeu a curang cinen ti wi fo kale wo kange wo boutiye.³³Ywel tiyo a yori, bi tuti ce an yori kaka ywel tiyo a bwira bi tuti ce a bwira.³⁴Kom bi bei na cuwe, kom nubobwir a ma nyii ka tok dikero keng tiye? Mor dikero ducce nereu co nyiiyo toktiye.³⁵Ni ken ki coku dikero kendo ner cereu, nii bwir ki cok dikero bwir ko ner cereu.³⁶Mi yikom ti ki kakuk warka nubo an ne warke dor dikero bwir ko ci toke.³⁷Ki kero nyii mweu an coknen ki kero nyii mweu an kuwa nen.³⁸Nyori kangem nob mulang kar kange Fariciyawa ciya Yecu nin ki "nii merangka, nyi cwiti nayi to yirom muneng"³⁹la Yecu yi ci ki, "Kom nubo bwir, kom nob burotumbo kaldo weu, ko do yirom ti mani k fiya ti no kebo ka wo Yunana nii tomangeu ce ri.⁴⁰Nyori Yunana da kuma taar, kakuko taar mor fwer jingi dur, na cuwo bi bwe nii an daa kume taar, kakuko taar mor bitine.⁴¹Nubo niniba a kweni an tii kange nubo kaldo we ki kakuk wara, ci an kuwa ci wori cin yiloten ki fulen kerek Yunana ro, la to nii kange wo la Yunana wo.⁴²Liya bangeu an kweni kane nobo kaldo, an kuwaa ci. ca bou cile kale wo na ci nuwa yilen Culemanu ro, la to nii kange wo laa Culemanuweu wo.⁴³No yuwa tangbe ko bwir cerum nii nen di ki yaya fiyeni wo mwem mani yeu na ci fiya fobke, mani ca fiyati.⁴⁴La yi ki man yilaken lomiyo ma cerueweu. No ci yilaken di, can fiya luwa, nyinangum Yulangum yora.⁴⁵La con tuten kange kebceb niber wo bwira la ceu bou ciko na ci yi nyo, la cwile nii wo an bwira la wo fiyau, a yila nyo kange kaldo bwir ko wuro.⁴⁶La Yecu dibo tokka kereko nubo mwerum cineneu ri, nece kange yitobcebo bou tim kale, cwiti na cin to co.⁴⁷Kange yico, "To nemwe kange yitub mweb tirangum kale, cwiti na ci tok ker kange mo.⁴⁸Yecu yi co nii wo yico kereu, we nemi, we yitub mibo?⁴⁹La con taar kang ceko fiye be bei tomange ce nineu yico, "To" buro co nemi kange yitob mibo.⁵⁰No nii wo ma diker temi wo di kwama cwitiye ri, nii cuwo co nemi co nemi kange yitob mib.

¹Ki kume cuwo Yecu cerum luwe nen, yan yiken kong caji.²Nubo kila, kila mwerkani cinen la con doken mor na bire mwenge con yiken more ce tangne nubo ducce tiranken konge.³La Yecu yici dikero kila-kila or dangke. Con yi ci "Nii fike kange yaken fik dumek.⁴Kambo co fi tiye ri, kangum dumembo yarangken nure, bilibatine bou cibangum cuwo.⁵Kangumbo yaranken fiye terentiyeu bitine mani yorau tabbo bwi cin kim wori bitine cuwabo.⁶La kakuko kwiuri cin comam wori ci manki niyeten cin kucom.⁷Kangum dumembo yaranken tiber cuiyaktini, la cuiyakko dwiyangum di cakkangum ci.⁸Kangum dumembo yarangken bitine ken, ma nuni kangumbo kwini kwob, kangumbo kwini nukkun, angumbo kwini taar.⁹Niwo ki tuweri ca nuwa"¹⁰Bibei tomange bou yi Yecu "Ye bwi mo yi nubowo keroti mor dangke?"¹¹Yecu yii ci "Kom wi ki nure wo ka nyimom yurke liyare loh kwama, la ciye ci nencibo.¹²Niwo cike an neten co naci fiya ducce, La nii wo mancike, bi dure cinneu an yumom cinnen.¹³wori co dike bwi mi yici keroti ki dangke. To na ci ti toi ri mani ciya toti, tano citi nuwei ri ma ciya nuwati kaka nyimom.¹⁴Cine neu dike Icaya to tokeu dim. Wo tokki, no mo nuwatiri, mwan nuwa la mani mo nyomti, toka kan to mani ka nyomti.¹⁵Wori ner nubo wori wi ki kumtacile bwai na ci nuwa, cin kumom nuwe ciye naci tore ki nuwe ciye kaka ci nuwa ki tui ci kaka ci nyimom ki ner cir, la naci yilau nan twam ci.¹⁶Nuwe kime iker bibwiyer wori cin to, tu kime wori cin nua.¹⁷Bilenke mi yi komti nob dukumeb kange nubo wucake ducce cin cui naci to dike ka towe, ci tobo, cui naci nuwa diker ka nuwa ci nuwa bo.¹⁸Kom nuwa dangke niwo ya fi fikeu.¹⁹No kangumbo fulen liyar kwamar nyombe ri, nii bi cirene an bou bo yuwom dike ci finer cereu. won co dumbo ci fi nureu.²⁰W ci fi fiye bitine ki terentiye, co niwo nuwa kero ri yuwa wulom-wulom ki for neret.²¹La wori ci man ki niye bwici can ti biduwar la no co fiya kalaka kange dotange ri, wulom-wulom co yarum.²²Wori ci fi mor cuiyakeu co niwo nuw kereu la cuikko kalek kange kiyemer cakacangum kero la co mabo.²³Dumbo wo ci fi bitine keneu, co nii wo nuwa kero ri, nyimome ma ken kange kwini kwob, kange kwini nukkun, kange kwini taar no wo ci fi ciyeu.²⁴Yecu bo cinenten ki kang dangke. con toki, "Liyar kwamaro ki no na nii wo fi dumbo kem takeceu.²⁵La nubo da dumtiri, nii kiye ce bou fiti yerako wi mor bikate ce, la cu ce.²⁶Kambo Cuiko duyom meri, la ma ce bitwiti ceu ken²⁷Cangam nii take bou yi co, nii dur, mwe fi bo dumbo ken take mwe ka? Man nyi yerako wiye?²⁸Con yi ci "nii kiye ma we" cangam cebo yi co, la muki cui nyo ya nyo kubangum ka?²⁹Nii take kii, O-ong, no com kubang yerako tiri kang kubangum ten kange bi kateu.³⁰Kom dobci gwam ciya dwi nyo gwam ya cinko bika. La no lam bito ri man yi nob bitobbo, "Kom kwon yerako ki kaba, kom bwam ki blak na kom twim, kom mwer bikateu mor bini mi.³¹La Yecu bo cinen ten ki kange dangke. con toki kii, Liyar kwamaro nan nun bikate (Musta) wo nii kange tu ya fi ta kece.³²Nuni wo co bi duware gwam tannen nunim bo nin. La no dui ri la tannem nunim bo gwam, yilam ti wo bilibe dii kwama an yulng loni ciye kani ce nin.³³Yecu yi ci kange danke tak, co tur duwo mim taca taare na fuu ci gwam.³⁴Gwam dike boro Yecu yi nubo mwerume kin dangke, co cibo kange diker wo kebo dangke.³⁵Wuro na yilam dike ci toke nyii nob tomangeb, ba na dim, wo co yi ki, "man wumon Nyii mi mor dangke. Man tok dikero wo yurangum. yurange nawo a yom fer-kur kalereu.³⁶Yecu dobom nubo mwerumeu. doken mor luwe. Bibei tomage ceu cinen cin yi co, Fwetan nyinen dangke yere wo takeu".³⁷Yesu ciya la yici "wo fi dumbo keneu, so bi bwe nii fireu.³⁸Takeu so dor bitinero, la dumbo ken ko ci bi bei liyar kwamaro. yerako co bi bei nii kiyeu.³⁹Ni kiyeu fi fikkeu so bwekelkeleu. Bitou so cuile kaleu, nob bitobbo ci nob tomangeeb kwama wusake.⁴⁰Nyori yerako ci macangum ci tuimeu co cuile kaleu.⁴¹Bi bwe nifir an tom nob tomangeb kwama wusakeu ci an bwabangum naci cokum liyar kwamar gwam dike buro dok bwiran ketiye kange buro wo mani bwanten werfun tiye.⁴²Ci an merken ci mor kra cillen, fiye ciya ci wiyeti kange kironka nunnek.⁴³La ubo wusakeu ci an buwa na kakuk mor liyar kwama teciye. wo ki tuweri, can nuwa.⁴⁴Liyar kwama nan cweka yurangum yurange takeu. Nii kange fiyari yurangum cu ki bilangtum, yan miyem dike co cikeu gwam. La tiyenum take wo.⁴⁵Takeu, liyar kwamaro na nii kyeme do yoryore tiye.⁴⁶No co fiya kange wo yoryore ri, co ya ci miyem dike co cike gwam co tiyenum.⁴⁷Nyo tak liyar kwama nan bi liyar ci mer wima, la mweru dikero ducce.⁴⁸La dim ri nii taka jinge ko kwou konge, La con yiken con mwerum kenko mor kole, Bwirtinim bo ci miranwi firen.⁴⁹An yila nawo fiya co kaleu a bou ti cwileu. nob tomangeb kwama wasake an bou chokum nubo bwirko mor nubo wussake nen.⁵⁰Ciyan merkeng ci mor kira cilong-cilonge fiye ciya ci ti ka wiye kange kironka nunek.⁵¹Ka Nyimom dike wuro gwam ka? Bibei tomange ceu ciya co, "Ong"⁵²La Yesu yici "Nyori nob merankar werunero, wo yilam bibei tomange liyr kwamareu, ci nan nii ki luwe wo yeu dikero sarko kange fwirko mor kwene ceu.⁵³i fo nyori Yesu dim dangke brori, dubom fiye curo.⁵⁴La Yesu doken biten ce, meran nobo nen mor bi kur wabero Ursalimau. Nyori cin nyimange ciki "Nii wo fiya nyomka kange yileng do wo fe?⁵⁵Nii wo kebo bi bwe nii kwaka luwe ka? kebo nece ci cuwo ti ki Maryamu? Ale yakubu kange Yusufu kange Saminu, kange Yahuza kebo yitub ceb ka?⁵⁶Ale yitub ceb natubo kebo wo kange be ka? ca dikero wo fe?⁵⁷Cin kangum ner ducce dor cer. La Yesu yi ci "Nii tomange kwama mani fiya dur loco kange mor nubo loce.⁵⁸Ca mabo nyimanke ducce wori ci nebo bilinke.

¹Ki kwama curo Hiridus Liya nuwa fulen Yesu.²Yi canga ce kange Yuwana wo yu mwemti wusakeu kwenu tuwe, wori Bikwando wo ma nage tiki co.³Wori Hiridus tam Yuwana bwam co ta ke merken co furcuna, ki ker Hirodiya wi yi ce Filibus.⁴Yi co ki daba nyo tu co na wi mwe.⁵Hiridus kin twalum co di laki cwa tai nobe, wori cin tu co na nii tmange to dukum tire.⁶Di kakuk boka Hiridus kentanguu bi bwe Hirodiya yel yila kwo yoryore kabum Hiridus.⁷Co ma cinen mor kange weri ki ca ken dike co cwitiye can ne co.⁸Bwiko co nuwa ker necerori con ya coki aneco dor Yowana wo yu mwemtiye mor fantilaner.⁹Liya mam funer ki keni cero kweri wori weri co mane, nobo wari kange co fiye cika nin co bwi co yi ki a ma nye.¹⁰Con twom mwati ka dor Yuwana ro furcina.¹¹To mi a mwatu doro co ya ci boki dor cere mor fantilane ci ne bubya co ya na neken nece.¹²Bibei tomange ce to ci tu bilendo ya cin fwerum. Kambo naceu Cin ya la cin yi Yesu.¹³Yesu nuwa nyori cerum tkum mwengem bo nin ya yiken ki kwace fiye kange. mwe kankanko nuwa nyori cin bwang cinen ten ki na mor cinan lor.¹⁴Yesu bo kabum cem to tenanka mwerka nobe ko, cii cimen, co twam nubo nuwabo luma mo re ciye.¹⁵Ki Yo me bi bei tomange ce bo ci yi co, fiye wuro kiye kume no kweri fim, yo mwerka ko wo na ci ya cunnukur na ci tik dur ciyero nen cari.¹⁶Di la Yesu yici ki wifini yame ciye man kom necci dige ciya ca tiye.¹⁷Cin yi ki nyori carito cwendo nung kange jinge yob koni.¹⁸Yesu yi ci ki kom bu men ciko.¹⁹Yesu yi mwerka nobe ciya yiken dor yeret co tu carito nunge kange jinge yobe, con kunge dii kwama yoti bibwiro wi, con ne bi bei tomange ce.²⁰Gwam ciye cin ca cin bwam, ci to fiti cari kange jinge bulendo kwob cilombo yob.²¹Nubo ca, nabarubbo bikate nung, kiyebo kange natubo. kange bibeiyo²²Can nawo con yi bibei tomange ce ciya doken mor tokum mwengem bo, na ci yabken dinge wineu. nimde co beri na co yo mwerkako.²³Bwiko co yo mwerkako cuwe, co ci kwiken dor bange kwobka dilo kume fim co firen ki kwace.²⁴Can nawe tokom mwemero ki no tiber wimar, bwayum kaka koti ki mwelanka mwengero kange Yuako ne ci dotangeti.²⁵Ki kume (kene tar na kume ce) Yesu meru dor cinen yauti dor mwenger.²⁶Bibei tomange ceu to co yakenti dor mwenger cin cwa ciko ciye ke keno kelkeli, ci kwa kiyange mor tai ye.²⁷Di la Yesu yi ci ker can nawo co ki kom ma bi kwan neret, mo kom nuware tai.²⁸Bitrus kari ki teluwe tano mo ri dok ye bo fiye muneneu dor mwenger.²⁹Yesu yi co bo, Bitrus ceru mor nabire mwenge yauti dor mwemer Yesu nen.³⁰Bitrus to Yuwa ko taito tam co fiya co ter dikako co teluwe fulo ye.³¹Can nawo Yesu tarkanko tau Bitrus, yico ki mo nii bilenke bi dob, ye bwi ner mwero oktiye?³²Bwiko Yesu kange Bitrus donken nabire mwenge co yuko yiloten makake.³³La bibei tomange ce mor nabire mwenge ci wab Yesu ci yiti ki bi cum mo bi bwe Kwama.³⁴Ci yabum cin lau biten Janisata.³⁵Nubo wiye nyomom Yesu, co ci tom tomange mor cinanlor, take ci bo cinen ki nubo ki buwarakeu.³⁶Cin ken co, ca ciya cimen na cin tai bwi belle ceu, gwam wo tai ceri fiyam luma.

¹Kangeb nob dinglib kange nob mulanka ci bou fiye Yesu wiye, fire Ursalima ci yi ki.²Ye bwi bi bei tomange mue kim diye nobo dur biro matiye? mani ci nir kanci nime ci ca cari.³Yesu kari me ci, kume ye bwi kom kim werfuner kwamare ki dike kom bwangten tiye?⁴Kwama tok ki Nee tee mwe dur kange ne mwe. Nawo tok kro bwir dor tecer. kaka nece ri, tam ca bwiya.⁵Di la kom ki gwam wo yi Tece kak Nece ki, tikali mo fiyati minen naweu luma kwama nen.⁶Ni wo cwi bo co ne tece dur nure kom tu ker kwama yilam manki nage ker dike kom bwantentiye.⁷Kom kulendo bwir, dong dong Ishaya tok ker dor kumer.⁸Yi ki nubo wure ki niye dur fo tol niyeyer, ner ciyero kutan kange mo.⁹Ciki wabye kone, wori ci merang werfuner nober, yi dige a bwanten tiki ciye.¹⁰La co merkangka nobek fiye co wiye con yi ci kom ta cini kom nyomom.¹¹Kebo dige doti nyi nii yilati ki duyie dige ceruri nyi nii, co no yilanti dutiye.¹²Bibei tomange ceu bo co mo nyomom nob dinglibo nuwabo luma ci nuwa kero wa?¹³Yesu kari yi ci fikko wo kebo Temi diye fiye, an kwom co.¹⁴Kom dobti nyo cin fukma ti kabo tiye. tana fukma ta kece fukma nin cweri, gwam ciye ciyan yarken buwak.¹⁵Bitrus kari yi Yesu, fwetang nyinen dang kewo.¹⁶Yesu tok ki kom ken kom yomba?¹⁷Kom toba dige doti nyi gwam yakenti fureu, nyo a erti yaken tek bunak.¹⁸Dike ceruti nyi ki ceru mor nere, co dige nii yilati ki dutiye.¹⁹mor nee kwabanka digero bwir cirutiye, twal ka duwe, kayaka, Bwirangtum, kwii warkere cwerke kange tor kanganka.²⁰Kangem bo co diger kang nii tiye ca ka kange buni nerka kange mni kang nii.²¹Yesu cokbon wi yaken yare cinan lor taya kange Sidon.²²Knage nawiya kan aiya bo wi fiye cuwo, kun diro kibi kwan ki nuwa cire duwe mi teluwe bi bwe Dauda, bwe bubya mi ki ni mor dotange fir kange bwekelkle.²³Yesu kar cienbo ker, bibi tomange ce bo kenan co ciki yoken co bwang binen ti ki kiyange.²⁴Yesu kari tok ki ci tomyebo fiye kange wiye, ci tom ye kwamae lemle wo lo Israila.²⁵Con bo con cunge kanbom cem, co tok ki ki Teuwe tekang ye, kari tok ki daten a tu tii bibeiye a ne birin bi cuwe.²⁷co ki nyo Teluwe birin bicuwe ki cam fitiwo curu kan nii luwe.²⁸Yesu kari, yico nawiye bilenke mwe tenangi kabo. na yilamwen kambo mo cwitiye. Bubya ce fiya luma dang cang.²⁹Yesu dobom fiye cuwo yaken bi dom kange wima Galili, co kwiken diale la yikenwi.³⁰Mwerkankako dutce bo cinen bo cinen ki, nobo mani nuwatu tiye, fukma, kilen kange nobo nyiyo tamtabe, nubo dutce. Kange nuo nuwa bo luma cin bo ki ki kabum yesu co ci twam twirak ciyeko.³¹Nyo nubo kila yimati ki wo ci to nu o nyi tamtabe tok ket tiye. kilendo la yayamti kungando fiya luma fukma ti toi co ci dukton kwama³²Yesu c bibei tomange ce cinen la tok ki ma ci noboti ci wari kange mo kume taar, ci manki diye ci a catiye, ma cwibo nyo ci cabo cari kari ci fumom nure.³³abibei tomange ce kar cinen ba fiya carito fe, wo alam na bom nubo wo tiye.³⁴Yesu ki cirito kwem to nyi kom cike ciki niber kange jinge kilabo.³⁵Co Yesu ii nubo a yiken bitine.³⁶Tu carito wo niber kange jinge, bwi koko coma buka kange, con wuangum curito co, ci ne bibei tomange ce, bibei tmnge ne nobe.³⁷Nubo gwam ca cin bwam, ci mweran fiti cai bulendo niber dim.³⁸Nubo ca ci bi kate naw ka nabarub, kiyebo natib kange bibei.³⁹Yesu yo nubo doken nabire mwenge taken yare magadan

¹Nob dingli kange Sadukiya ci b cinen, ci cwiti na cin cwa co, cin kenc co ca nung cinen yirombo ii kwama.²Kari yi ci ki meri, kom ki fiye an lumi wori dii kwama fiye je.³Ta ke ki bwiri kom ki fiye lombo, wuro dii kwama fiyeje, dim dii ka? kom ynomom kabel yirom dii kwama la kom fwe ki jyomka keneko.⁴Kaldo bwir, nubo man ki taka bwiti, ci do yiromti di la yirom kange man wo a nungtiye ka wo Yunusa ce". Yesu cu.⁵Bibei tomange ce bo dinge wureno di la cin tabum ci tu bo cirato.⁶Yesu yi ci kom cibi kom yiki bati, kange dige fuu nob dinlibo kange Sadukiyawa.⁷Bibei tomange ce yateen ti tokkan bwiti ci, keno wori cari mani di.⁸Yesu nyomom co yi ci ki kom nob bwinin bilenke, ye bwi kom tokkan ti bwiti kume, keno ker carito bo, bocikeri?⁹Kom nyombo kom bulangbo carito cendo nung wo ca ki nobe bi kate nunge, bulen di nyi kom mwere?¹⁰kaka carito cwendo niber, nubo bikate na'ar, kange bulendo niber, nubo bikate na'r kange bulendo nyi kom tume?¹¹Ye bwi kom fwe ki nyomkako kom ki kebo cari ma kom cubi kom ka bati ki camfuwam, nob dinlibo kange Sadukiyawa.¹²La wo ciya bulangti, tok bo amfuwambo mor cariye di la ki yi ci ciya cub merangka nob dinglibo kange Sadukiyawa.¹³Fiya Yesu bo kai cariya Filibus me bibei tomange ce, wobo ki tok bi bwe nifire nyi?¹⁴La ci ki "Knagem ki yi ki Yuwana nii yuka mwenge, kangembo ki Iliya, kangembo ki Irimiya, kka win mor nob tomange.¹⁵Yi ci, kume we kom yi ti ki me?¹⁶Saminu Bitrus ciya kari mo Almaciya, Bibwe kwama ki dume."¹⁷Yesu kari yi co nibi bwiyer mo Saminu bibwe Yunusa, kebo nange kange bwiyale fwetang mn dige we Te mi mor dii kwama.¹⁸Ma yinenti mo Bitrus dur tere do wo ma mo bikur wabe mi tiye. Nyilo bwiyare man a fiya turinikiditti dor cer.¹⁹Man nenen yilo dii kwama ko diker mo bwabi fo kaleri, yilam bwambwabe firen dii kwama. Dikero mo kwim fo kale, yilam kwim firen dii kwama.²⁰Yesu yi bi bei tomange ce ci ya yide nii con Almasihu.²¹Tabti fo Yesu ter yika bibei tomange ce tamyo co ya Ursalima co nuwa dotange dutce kan nubo durko nen kange nubo dur wabero, kange nob mulangka werfunedo, ci twallum co an kun co dume bwiko kume wari.²²La Bitrus yaken ki co cungagin werangco, ki wuro a kutangi kange mo teluwe, wuro mani a bwiti kange mo.²³Di Yesu yila Bitrus, yila kenbwi mi, bwekelkele. mo ter kottanka minen, wori kwom nen bo kange diker na kwama ce ka na nubo ce.²⁴Yesu yi bibei tomange ce ki ni wo cwiti na bwagmentneri ca ko dor cer na co tu bwatiye bware ce na co bwangmenten.²⁵wuro cwiti naco fulo dume ce ri, co lemco, Wo lem dume ceri dormire di can fiya ti.²⁶Ye yori ni na fiyam kaleo na lem dume ce? Bibwe nii an bo mor duktanka Te cer wari kange nob tomange cak-cak ke, nimde na ya nubo gwam dor dike mo mane.²⁷Bibwe nii an bou ki luma te ceko kange bibie tomange ce, an ne nii dikero ca mani fo kaleweu.²⁸Bilenker mi yi komti, kangem komem bo tim feu na mani twi bwarti, Di ci an to bibwe nifire boti mor liyar cer.

¹Ki kume nukkundi Yesu tu Bitrus kange Yakubu kange Yuwana yiciye yaken ki co bangko cweem cwemeu, ki bwico.²Yirom cembo tii ba kabum ciyembo tikob cebo, ti bibai na kakuk, kange bellece ti tibai na filang.³Katten di Musa kange Iliya cerkangu cinen, tak.⁴Bitru kari, yi Yecu Teluwe yori bo fo fiye wo bo wiye. Tona mon cwitiri man ywel bi kurdo tar, win kimo win ki Musa, win ki Iliya⁵Co mor takka kerer biloro tia nyi cumo co diro coro bi loromi yici kiwo bi bwini mi cwiye coni fumen nen tiye kom nuco.⁶La bibei tomange ce nuwa yori cin mwelken dorcero bitene wori cin cwatai.⁷Yecu bo ke ci yici ki kweni kom nuware tai.⁸Ci kum dore ciyero, cito bo nii.⁹Fiyaci yirouti bang Yecu nyiki kom yire ni dukkum bowo fico bi bwe nii kwanen.¹⁰Bi bei bwangka ce me ki yebwe ni mulanka a tok ti ki Iliya yo boteye?¹¹Yecu diye cinen ki Iliya an boragu ki dikero.¹²Di miyi kom ti iliya kweri bou dila ci yomkombo nyori cin macinen diker ci cwiye. nurewo, bi bwe nifire an nuwa dotange kan ciye.¹³wo bi bei tomangece ci nyme ki tok cine kero tok Yuhana nii yuka mogen.¹⁴Ci law fiye mwirkanka ko weyenri kange nii bo cine, cunguge kabumce toki.¹⁵Teluwe ci bi bwemi wori ki juwe takeu, nuwa dotangeti kwabi ki yalti mwem kange kira ngit.¹⁶Maboki ci bi bei tomange nin cin dor bo twaka.¹⁷Yecu, Kari tokki nom bwini birinke kange cwatanka kle fiya fiyang mayi ti ki kome ko bo ki co fiye mi wiye.¹⁸Yecu kwenancinenten la ning bwice celum bwi fiya tai ka?¹⁹Bi bei tomange ce bo Yecu nen yulum yurang me ki yebi nyo fweki co kake?²⁰Yecu yiciki bilenker kumero nyo bi duwar mi yi kom ti naki kam wii ki beilenker na nun bi katairi kam nyi tiyo kamki kwam yaken fire tiyo an kom dike kange mani wo ala bi gwamm ki matiye.²¹La iren kelkeliyo wo mani a certi ciya kwobka dilo.²²Ciyim Galili, Yecu yi bei tomange ce ki ciyan ne bi bweni kan nii.²³Ci nyi mom twirum co ki kume tar an kwenum bibei tomange ceu nero kayam.²⁴Ci lam Kafanahum nubo yo dortiyeu wumer cekeltiyeu cin bo Bitru. ciki nii merankakumeko, ne wumer cekeliti. Na dore ce?²⁵Co toki ong dila Bitru do ken mor luwe Yecu ter kero kange co, nye mo kwatiye Saminu? liyam karero ciki nyo kemer doren wine kika kemer mweng fiye nobfuwai.²⁶Bitru kar cinen fiye Fabubo wiye Yecu yic nyori citu nob finyige keben yakako dila kari.²⁷Bi don nyo ka doreka bwirangke, kam ya wima, mam ker bibumo kom tau jinge wo ter bo kakeri. tano kom wom niceri, komfiya cekelo kumtu kone nubo yodoro tiyeu mi kange mwin.

¹Ki kwama co bibe bwingka Yecu me ki co wining durko mor di kwama.²La Yecu co bwi bi duren kange tiber ciyer.³Ki miyi kom ti na kam yirambo na bi bitiuttiri mani kom kuti di kwama.⁴Na ni wo yoken dur cero na bwi bi duwareri cu dikero dur ko di kwama.⁵No kom yo bwibi duware wo ki den mir di kom yomye.⁶Wuro dok win mor bibeiyo wo ne bilengke bwiranke, la diker a ye cinnen ti ter nerer kwir cer, na merken. Co wima cuwa.⁷Gwam dor bitinero, wo kwantangka a fiya ciye gwam wiwo kume ni wo abotiye.⁸Na kangmweko kaka namweko an donen kotankeri mwatum co di mirangco wi. Na wori La mwen diker kange wo ciya tunken nen ti kira ki kanko yobeu, Lamwen diker do lokwama ki kanko win ko nako win.⁹Na nuwe mweu an dok nen kwentanka ri cokum co na mirank cowi fiye mwi wiyeu an lamwen diker mo doken dume ki nuwe win kange yarka mor kira ki nuwe yob.¹⁰Kom burange kom cwinkande bibei bi durti nen bo bibwe tomange kwama to ti com tii ciwo di kwama.¹¹Bi bwe ni bou na cok dike lemeu.¹²Ni ye burangeka kime bou? na nii ki kwamagwini kom win la win reb maciya dubam tenwini ter cuo tereti naco dou woreme ka?¹³Na fiyam wo winenri miyi kom ti furner cero an lawo kuni tereo co dobeu.¹⁴Yo na wori yori kebo di wo tekume wo dii kwama nuge naco kun mor bi durdunen dowo na bwiyam.¹⁵Tano kenmwe kom mwendi yico tiber kumer mokange co kub biyo tano nunenddi moyirau.¹⁶Tano kam nukang bo bwitikimiri, kiya ki nubo yo kaka tar naci yiram warke, fi nob warka ko yau be kaka tare nunge kiro gwam dong dong.¹⁷Na ko nuwa ka ciye kori ya cuko nob kwama bone nako na nuwa ciri. tuken co na nubo yombo kwama.¹⁸Mi yi kom ti dike kom bwam bitineu bwam bwabe di kwama kike kom wineri gwin-gwine di kwama.¹⁹Mi yi kom ti na nubo yau an ciya ki dike kom kinantiyeu te mi wo di kwama an makimen.²⁰Fiye nubo yau kaka, taar ci mwerum ki denmireri mi we kange ci.²¹Bitrus bow Yecu nen ki kwama kiri to nyi kemi ama men burang ke manciten wiye? in lam kirito ni bwirka?²²Yecu diye cinen ki mi yi nen bo mii kirito niber, miki niber kiriti kwini niber.²³Nyori liyar kwamaro kino na liya kange o cwii naci kiyem kemer cereu knage cangam cere.²⁴Kambo ci ter ri cin bow cinen ki canga kange wo ci bwang tenti talent do bikate kwobbe.²⁵Dila kambo ci man ki nureu ci yam tiyeri, te kuwece ne wrfunendo ca a myim co, kange wii ce kange bibeyo kange dikero ci cikeu gwam dila na yam nan cero.²⁶La cangau yarken bitine, cungi kabum cem la ki "Teluwe, ma biner kange mo, dila man yi nen dikero gwam.²⁷La teluwe canga co kambo cin dim ki cikakeu nyem kang cinen di la citang cinen nan cero wi.²⁸Dila canga co cei ya fiya kange kece canga, wo ci bwang ten denani ti kwini kwob wiine cin tam co ri yoten bukka ceko la ciki yam ye dikero mi bwang mwne ten tiye.²⁹Di la kece cangau yarken bitine la kinog co ki "nuwa bi neri kange mo, ri man ya tinen wi".³⁰Di la canga wo ki kaba ko, Nyori, cin ya ci merken co mor fucina no cin yam co dikero ci bwang cinen ten tiye nyimde.³¹Kambo kebcebo canga bo to dikero bwiyeuri, cin kangum ner duce cin bou la cin yi teluwe ce dikero bwiyeu gwam.³²La Teluwe canga co, cou co rila yico "mo bwe canga bwir, mi tab mwen dikero mi bwang mweng ten tiyeu gwam, wori mwin kinong ye.³³No mwiki nungbo kemwe nin cireduwa, na wo min nung mwen cireduwe?³⁴Teluwe ceu knagum ner duce la neken co kang nubo ne dotange tiye no ciyam gwam dikero ci bwang cinen ten tiyeri nyimde.³⁵La nyo Te me di kwama ama kimen tiye ken no kom cutangbo kebkumebo nin wi mor nere kumer ri."

¹Lam bou kambo Yecu dimkero buro di co ca dubom Galili con yaken ti yii kar Yahudiya, dinge caji Urdune.²Nubo kila-kila bwan cinneten con twan ci finange cuwo.³Faricawau bouragum cinen ci cuwancoti ciki "daten nyo nii kambo wer funen nageu, ni a twal wii ce nin naaka ki kange dikerka?⁴Yecu Yii ci ka kiye bi wika tok ki co ni wo fule ci fiya kabu fuel, ci yob bwayile kaange nawiye.⁵Co niwo fule ciyeu tok ki kiwuro nii an dubom Teece kange Nee ce na murom kange wee ce, ci yobeu cin yilam win.⁶Ci man yob tak la buiyo win Na nyori dike kwama mureu, kange nii a yalkande.⁷Co ci yice, "La ye bui Musa yinyo ki nyiyal nyo tual nawiye nin na'aka nyo ywaco take?⁸La co yici bikwan nerer kumer, co dok muca ciya kumen ko tual nawiyenin Na'aka ki kaba kebo nyo.⁹Ma yi kom ti nii wo tual wii ce nin neu naka, na kebo borutom.¹⁰Bibei tomangeceu yico nawo nyo nii kange wii ce di, yorbo a na'aka.¹¹La Yecu yi ki "Kebo kwarub a yo merang kako tiye, la kan co nubo cia cinen cia yowe.¹²Kangem wii wuro bou ci Teeni (Combilome) Nyo tak di kangem wi buro yilamTeeniu ki ker Liyaro lo kwama. wo a yo merangka ko wo tiyeu ayo.¹³Co ci bou cinen ki bibeiyo biduwatinim na ci yo cinenkang dor, kwob cinen dilo, "La bi bei tomange ceu erang ci ti.¹⁴La Yecu Yii ci, ko dob bibeiyo bidu wattinum bo ko ywa cire bou kako kami wori liyaro lo kwamau ki wang ciko.¹⁵La con yoti ka'ani ceu dor cir na nimde co dob fiye co.¹⁶La nii kange bou fiye Yecu wiye tok ki "Nii meranka, nangen do ken do wini ma matiye nan fiya dume dii yeu?¹⁷Yecu yi co ye bwi mo meye kerti dor nangen nero kene? win cuwab dong dong, no mo cuiti mo do ken mor dumedi, bwnag ten wer funero,¹⁸nii co yii co ki wer funero wini? Yecu yico "Tuwalde nii mare buro tum, kuure kwi, ma'are warke niyer ker,¹⁹Ne Tee mwe kange Nee mwe dur, na cui nii bi dom kange mweu na dor mwer.²⁰Bwe bwantn yile wo yi co, mim man buro gwam yee ma mati take?²¹Yecu yii co, na mo cuiti na yilam dong dong di, ya'a miyem dike mo cike gwam, na kabkang nob bune bo nen di na mon fiya ciwekako dii Nimde na bou na bwanten ten²²La be bwa yile wo ki fir nerer wori con nii cuwe cuwe.²³Yecu yi bi bei tomange ceu, Bi com ma yikom ti, a yilam bwai yo na nii cuiwe-cuiwe na do liyar kwamar.²⁴Yila ma yi ten komti an la telem bo min a doken buwak bilifirak kange wo nii cuiwe -cuiwe a do liyar kwamar tiyeu"²⁵bibei tomange ceu nuwa nyori, yila cinen ki nyomanka bicom cikii we a fiya cerka tiye?²⁶Yecu to ti cici, fiye nubo wiye man i a mati, la fiye Kwama wiyeu dikero gwam ki maman.²⁷Bitru karu ki, Nyon dubom dikero gwam nyon bwangten nen. La ye ya fiya tiye?²⁸Yecu yici bi com ma yikom ti, kom wo ka bwang men teneu, ki boro fuir ko kwama wo bi bwe Nii a yi kenti kutile Duktangka ceu, kom keneu ka yii dor kutileni kwob cilombo yobe nin, kom ma tuwe luweu kwob cilombo yobeu Iciraila nin bolangti.²⁹Na nubo dubom loni, yitob cib, bayilob natub, Tee Nee, bibei kange tanki ni ki den miredi, an fiya kirito kwini kwob can fiya dume dii ri Yeu.³⁰La nubo ducce buro kabou na weu ci an yilam buiyok, nubo ducce wo buiyeu ci an yilam kabak.

¹liyar do kwama ki na nii Ta'ake kange wo cerki kimuomje do nob nangeneb buro ama nangenti taake ceu²kombo ci tokka ngum kange nob nangenebbo ti naiyo win ki diye, ci tung ci taake cecia ma nangendo³lacon certen ki kam kaneko tereu lacon to nob nangeneb kangem tirangum konimiye kulenek⁴laco yici ko ya'a tabke mi man ne kom dike dong dongeu co ci ya cima nangende.⁵yika con certen tak ki kang keneko kwob yob, con fiya kangem co ma na kabau⁶yila con certen ka kiyaka naku ked, co ya con fiye kange nob tiram koni laco yici ye bui ka tirangum koni na kwam kakuko we?⁷won kange nii mani wo tu'u nge. lacon yici kom keneu ko ya ta'a ke mi⁸kanbo mee lame di nii ta'akeu cou betomangene ceu nob nangeneb na ya'a ci nan nangener ciyero, terti nubo cuwa bwireu naya ciko nobkababo.⁹kambo nob nangerneb wo ca tu'u ciki kumji yadi lane ci naiyo win-win.¹⁰kambo nob nangeneb kababo bou weri, cikwati cina ocum nyo la ci keneu cone ci naiyo win-win.¹¹kambo ciyom nan nangener ciyereri, laci ti funan dor nii ta'a ke donin¹²cikii nob nangenebbo wo cowa bwireu ma kan kenko wimbiwine fiye nangne la yila mon tu'u kenci dong-dong kange nyo, wo nya twal bwiyeu kange cilon.¹³la nii ta'a ke kari yiciki farub, ma ma kumembo kange dike kebo dong-dong geu ka ciya men bo kama naiyo win-win ka?¹⁴Tamdike na mweu na ta nure mweu. macui co ma ne nob nange nibo cuwa bwireu dong-dong, na wo mane komeu.¹⁵wendi kebo dong- dong nama dike cuiye ki dike namiye ka? kaka kor kamatiye ki dike mamani dong donge ka?¹⁶cuwo nyo, nob bwikob cia yila nob kabab, nob kababo ayila nobo cuwa bwireu. conubo duccu nubo biduwar kwakwabe cokcoke¹⁷kanbo Yeecu yakenti wurcalima di con yaten kange kwob cilombo yobeu cungeca, dor mirer laco yici.¹⁸ko to bo ki kwin mor wurcalima, an ne ken bibwe nifire kan liya nob wabeb kange tual kak¹⁹cian neken co kang nubo kumtacilib na ci buo cona malli co, na kungum co²⁰la weebe beyo lo Jabadiu bou Yeecu nin kange bibei bayulobe ce yobe beu co cung cunge naco la con me kange diker cinen.²¹Yeecu yico yee no cuitiye / lacon, toki moki bibeyo lomi wo yobe ayi, win kangko catiyere win kangko mokere, mor liyare mwe.²²la Yeecu yico mo nyom dike wo mo metiyeu. mon dolum mo nomki kwelmwenge woma dadom nokaka? lacin yii co nyan dolum.²³co yii ci kwelmwenge miu cuwo kan dolum noka, layimbo kangko catiyere kange mokeu, ke bo ma ne tiye, na nubo buro na ciye teemi yuelum yuele.²⁴kambo tanggnim bibei tomangeceu kwobeu mwo wodi, cin man funer kange yitob bo wo yobeu²⁵la Yeecu coci fiye cowiyeu yii ci kom nyom liyabbo tam ki nubo kuntacili yeu nung cinen liyarti, nubo dorko cinen loreu nung cinen bikwanti²⁶mani ayilati nyo tiber kumer. tano nayori nii wo cuiti na co yilam du'ur more kumedi tamcan yila canga kume.²⁷la nii wo cuiti na co yilam nii kaba kumedi co a yilam canga kume²⁸kanbo bi bwe nifire boubo na ci co dur, lana cone dur na co ne ken ten dume ce fanka nubo kila-kilau.²⁹la ci cer jenko, mwerkanka nubeko ducce bwang cinen tene³⁰la cin to fukmatini yob yirongum kong nure, la fukmatinim bo nuwa Yeecu ciu tiyedi, lacin kung dirciro citi toki, Teluwe bi bwe Dauda nuwa cini nyeu.³¹la nubo ca cinen tor yii ci cia kamangum. kico nyeu, fukmatinim bou wo, yokten kung ka direk ciko laã wo kwatti yeu, tokti Teluwe bi bwe Dauda nuwa cini nyeu.³²la Yeecu tin cok, cok, doki cin cou ci, la me ci ye co cuiti nan ma kume ne?³³co ci yii ce, Teluwe nyo cuiti na nyo fiye to ka fiye³⁴la Yeecu bulangi ciko neercer, coke nuwe ciyeu. ca canduwo cin fiye toka fiyek. yila cin bwang ten co

¹kanbo Yeecu kange bi bei tomangeceu dadom kange wurcalimari, ci yaken betafaji fiye bang jaitun ne. co Yeecu tuom bibei tomange ce ci yob.²co yii ci ko doken muan loro kakumeu, kan to kelba kange be ce ci wari. ko kwiu ci kom bou men ciko.³na kange nii yii kom dike kange dor nyo di, ko yi co Teluwe cui citi. nii co an tomu kom kici danjang.⁴wo mani nyo na din dukum nii duku membo toke⁵ko yi bi butobo ci yo na, ko to liya kume bouti kumen nii cukka duwek yim dor kelbar dor be lunjuge kelbar.⁶co bi bei tomangeceu cu yaci ma dike Yeecu yi ciye.⁷ya cin ki kelbau kange be kelbau ci miranti kulenciro cere, Yeecu kwii la yii ti dor kulenro nin.⁸dur nuber mirang ti kulen ciyero dor nurer, kangem bo kiyangu alu tiniu cin miranti nure.⁹nubo mwerum we kaco kange buiceu, cin kung dirciyero citi toki Hocana fiye bi bwe Dauda wiye, ni bibuiyere co, wuro bou ti mor dene Teluweu. Hocana fiye Teluwe wiyeu,¹⁰kambo Yeecu doken wurcalima cinarloro dim, la ci merangi we wo?¹¹nubo lankar cinen, won Yeecu, nii durkume wo Najaret mor Galili.¹²co Yeecu, doken mor bi kurwabere, con yuwabkan nubo miyaran diker tiye kange buro ten dikerti moreu. co yalangum dengila nubo wo fuion kiyemer tiyeu, kange kutile nubo miye nagum fiye tiyeu.¹³con yii mulangum mulange lomi a yila lo dilor, lakom yilam buwak nob kub ciko.¹⁴co fukmatini kange kilenti bourangu cinene mor bi kur waber, con twan ci.¹⁵lanob bi wabero durko kange nob meranka werfunereu, cin to diker nyumankaro wo co manange cin nuwa tenbibeyo ci kun dirciro ti mor bikur waber, tokti Hocana fiye bibwe Dauda wiyeu, cin nuwa buwarum nem.¹⁶coki yii ce, mo nuwa dike ci tok tiye? Yeecu ciya ci oo laka nuwambowika, nyibibeyo bi du wadinim an buro no yiir tiyeu man dokti dur tangkako wi?¹⁷la Yeecu dubom ci cerum mor cinan lor yaken betani kuma co ca da'a wi.¹⁸la con buri kanbo ca yilau cinan loreri co nuwa wuranti¹⁹la con to tii nyingcin kong nure, con ya dimertironin laca fiya bituti mani kan layu. lacon yii tiye, betuti no nin we munen tak, danjang ko cuwo tii nyingcin dor kwicim²⁰bibei tomange ceu tonyori, cin nyumangi ciki manyi tii nying cindo kwiddim dangjang nye.²¹Yeecu yila yii ci, bicom ma yii kom tii na kom wiki bilanke kwaneri manidi, kebo ka ma tii nyingcin do nine ka ma tiye, lakom toki bwen nan co bang ko wori, kom ki akom co dii, na mob ken mor caji, la an manyo²²bwen na yeka keneri, kone bilenkerirti, kam nyo.²³kambo Yeecu bou mor kur bi waberedi, liya wabe nubo dur nubero bonrangn cinen kambo co ma meranka tiyeu, cin toki, ki bikwan kerero wuni moma dike buro tiye, we nenen bikwan kero ce?²⁴la Yeecu yii ci, na miu keneu man me kom ker. na kom yii yeri, man yii kom keno ki bi kwan kerero wini ma manan dike buro ti cike.²⁵yuka mwengek yuwanako yau fe? yau dii kwama kaka, yau nubo nin? la cin tokkangi bwiti ci, ciki na bou yii boki dii kwama an yibo, ye bwi ka ne nebo bilener kange ce?²⁶bwen bo yi bou ki bou nubo nindi, bou cuwa nuboti, wori ci gwam citu Yuwana na nii dukume.²⁷co co la ci yii Yeecu ciki nya nyombo. co keneu con yii ci, mikeneu mani ma yii komti keno kibi kwando wini ma manangum dike buroti yeu.²⁸lan ye ka kwabe? nii wi manangen do take duwen²⁹bweu yii co mani ma ya ti, la ki con fulong nercero con yaken.³⁰la nii wo ya be yobe nin tok dike co yiwo kabau. lacon manciya Tee laco yabo.³¹wemor be beyo wo ma dike teciye cuitiye? ciki wo kabau, Yeecu yii ci, bicom ma yii kom ti nuboyo dorti kange nob burotume an do kenten liyar kwamaro namimde kom.³²Yawana bou kumen kin nure cak-cak ka ne bo bilenker kange co nubo yõ dor tiyeu. kange natub ma burotum tiyeu ne bilenker cinen. lakume bwiko wo ka tom dike wo mane, ka yoloten bo ki bui nako ne bilenker kange co.³³ko cuwa tu kange danke. ma kange ni take, con fi fik take nin, con kwarum takeu, con wob bicunge yamka inabikowi, con mu dengila cuwen cuweme wo atom take tiyeu, lacon neken nubo kangem takeu kambo ci tokkangum kiyemereu, lacon cu kange bitine kange.³⁴kambo cuwa kiye inabi ko lameri con tom canga ce kangem na yo cinen carin cari to co mor takeu.³⁵la nob nangenebo wo tacanga buro buk wineu, ci tualum wineu, mobang wine ki ter³⁶nii ta'ake tung ten kangem cangam, lawo ki kabau, la nob nange nebo ma cinen na wo ki kabau.³⁷bwiko cuwo nii taãke tuom ten bibwe ce, cinenr, tokti³⁸kambo nob nagenebo to bibwi nii ta'ake di citi tokkangi buiti ci, won co nii aca kwali to tiyeu kom bou bi twalum cona bou cam kwalito,³⁹la cin tam bweu, ci mobkenco buim taken laci tualum co.⁴⁰la nii ta'akeu boudi, ye cama nob nangenebo wuro nin tiye?⁴¹la cin yico, an tualangum, na yila ta'ake ne nangene bo bwirko buro ki mare cilong cilonge, na yila ta'ake ne kangem nob nageneb buro a yam co tiki cuakiyar inabikeu.⁴²Yeecu yii ci ka tobo mor bifimere, tero wo nobo nin kuweti koweu, coyilan ter culangere. woki no Teeluwe nin, la yilam diker nyiman kar nuwebe?⁴³na weu ma yi komti, antum liyar kwamaro kumer, na bitine wo ne bituti tiyeru.⁴⁴nii wo yarti dor terero wori can yakcangum ki fiti. la nii wo tero yae cineti dore di ankuwan co.⁴⁵la nii liya re kange faricawa cin kwa ki dike ci toktiyeri la cin nyom ki tok kange ci.⁴⁶ci do tika cekori, lacin cuwa tai nubo mwerum meu, wori nubo tum co con nii dukume.

¹kiritti yila yici kerti ki dangke. cuki²liyar kwamaro wi tami liya kange wo yulang bi bwece nin ci ka nakakke.³nyi bi bei canga ce bou ker na kakko, la cin ko boka.⁴la nyori liyar yila tomten ci kangem nob canga, cokikere ki yi nubo wuro ci yi ci kere to, min fweten cikka ko min biye nenne kange bi cit biyeti tak direro gwam fiyam na cikka ce⁵la nubo tubo kero ki bilangka cin tab ka nure ciye kange take ce kange fiye tiyen ka kange miyeka.⁶tang nim bo cin cangam liya. cin nuwa cinen cin twal ci⁷la liya nuwa funet. con tomi ciya cuwo cinen nob bwaka dekeb ciya twallangum nubo twal nube naci twim cinar lor ciyero.⁸la cin cangace cika dim fwelka di. nubo wo fiya tomange ci datenbo⁹na no nyori kom nure kom cangangu nubo kwarub wo kom fiya¹⁰wo yori nyeu kange yorbe lo liyaro dim ki nob kambo ken.¹¹kambo liya bou naci to fabubeu cin to niwo dor bo kulen cika¹²di liya nyi co farmi mu manyi mu doufo fiye wuro kulen cika mani ye? ni curo fwe ki ker tokk.¹³laliyar yi bi bai canga ki bwam ni wuro kang kange cna naki merken co mwor kumtacili fiye wuro manki wiye kange kuka nunek.¹⁴nyo nubo ducce ci cuwowe la bidob ci cokke.¹⁵dila nob dinglib cin fuwau kutume kanbo ciya taco ti tokka kercere.¹⁶la cin tung ciclen bi bai canga ciyeu hirudiyawa cin yi kiritti. ni merangka nyin yumom mu ni bilinke yulo mu merang nubonin kero kenti yonen bo wi kange ker nuber nyo tok mu man ki cuika darek mwor diber nober¹⁷di la nyo kermwero? daten yi ya dorer kai care kakka yi yare ka?¹⁸lan Kiritti nyi mom funer ceyiro yici ye bwi kom me yeti nyo we kom nubo bwir.¹⁹kom nungmen culom ki yemero curo la cin bo cinen ki kiyemero²⁰Kiritti yici nyo komne²¹kaicar dige yilam nace kwama dige. yilam nace²²kambo ci nuwa nyeri yila ci men ki, nyi mangka, la cin dob co cin cu²³nyo yinidi nob bwiran kerero kangem wo liyabo kange kwenka kaleka cin bou cin nen cin meco²⁴ciki ni meranka muja tokki no ni na nacoiye bwiyam man ki bwedi yice na yi kange wice na bo bibwi²⁵kangem ciyem bo wi nyo nukkun wo ki kaba na lan bwiya kam ci man kibi bei yeu dob kechenin wice²⁶yice wo yobeu co kenneu co manyo la wo tereu yaken cuko nubo ni beri nin.²⁷wi bwi gwam ciye la na wi yeu bwi gwam di la ki kakuki kwenka nob bwareb na wi yeu ca yilam wi we mwor nubo nukku nin? nyo gwam ciye na co²⁸la Kiritti ci ya yici ki, kom lem, dige biwiyeu kom nyombo bifumer kakka bi kwan kwama²⁹dige bwiyeu kwenka nob bwarebo naka mani la mani ciya mwer kang citi naka.³⁰nona curo nyori ciki nona bibei tomange di kwama.³¹tano dige yilam kange kwenka nob bware yikom bwangtenbo dige kwama yikoma³²cuci kwama a brame kwama Icaku kange kwama Yakubu? kwaka kebo kwama nubo bwiya kwama nubo ki dume tinin.³³kambo tare nuwa nyeri ci men ki nyi manka.³⁴dii kambo fariciyawa nuwa kiritti ywa cudu ki yawa di la cin mwer dorciyero³⁵ki bwo fwer ciyer kange nubo nyimom bwo langeu cin cuwa co ki meke na ci nyimom co.³⁶nimerenka fwer funka mwor bwolang?³⁷Kiritti yico bilang kwama mwe ki bi kwan mwero gwam kange mer mwero gwam kange mwor ner mwero gwam³⁸wuro co wer fundo kendo³⁹werfundo wo yobeu tami na mwe bilang niwo bi dom kang mwe na dume mwe⁴⁰dor werfundo gwam dawi kere ci tikeu nin.⁴¹kanbo bi bei faracayawa ci murangum fiye wine kiritti meci ker⁴²tokki, nye kom kwati kange bi bwe kwama? co bi bwe we? cin yico bi bwe Dauda⁴³kiritti yi ci la manyi Dauda mwor yuwa tangbe cuwo ce bi bwe tokki⁴⁴bi bwe kwama yi bi bwe kwama yi kangko catiyer mer. la mai yila ke ki nob ki ye mwe ki no fiye fuwa namwek⁴⁶ni kange mani wo kar cine kange ni kar ciriren bo kerwi kange meco bo wi tak ka ciko dicire

¹la kiritti yi tartare kange bi bei tomangece²coki nob werfundo kange faricawa ciyim fiye muca³la nyori gwam dige ci yikom makerii kom mani wuro diger kimer ki tam yora dila kom mare dige ci manang tiye wori ci tkang dige ti mani ci manangti cuko.⁴cibwa kulen tunyoti, wuro bwai tukakke ci tu mwer nubo nin lakgwom la ciyeuw ki bwi ci mani ciya tar biwure ciyeti tu⁵gwam nanange ciyero cikin manin nubo nato ciki cur bi la ciye bi fumer ciyero ce ki tokko ci kwirang cunga tinin beileti.⁶ki cwi yulangka fiye ti nin yimem ciyem tolnyiyer kange yulangka fiye yime ciyeu bikur kwama⁷kange yarume yaruma na wa kungum dore fiye miyeka kange tiyenka na ciya cuwo citi kini meranka⁸la kebo wo ciya cuwo kom tini meranka nyonin dige bwiyeu ni meren kakko win kom cike, kom gwam kom bi yitinim.⁹ki cuwore ni kange teki kume fo kalewo dige biyeu tee win kom cike, diki nodi¹⁰kom ciya ciwo kom de nobbifime dige bwiyeu ni bi fimer ki merowin co bi bwe kwama¹¹di ni wo yilam dur tiber ki nureu na yilam canga kime¹²gwam niwo kung dor mwor dige gwam niwo tubo dorr cere ci kebo kange ni dur¹³di la daten bo nyo nob mulanka kange faricawa nubo bwit kom ten nubo nin yilok doka lo kwama kom dobo kom dobbo nubo cwi doka tiyeu na dou¹⁴daten bo nyo kom nob mulanka kange faricawa nyo kom nuwa natub kwilibti do tange¹⁵da ten bo nyo kom mulanka kange faricawa nobo bwit kom bwilangti digge wimer kange tineni du wonka ni merangka win bi wine na ki kom fiyam kom mamco konidi lengtidi yulan kumero nyo di yilam ni kere ne kom¹⁶da ten bo nyo kom fukma bo yame kom wuro kom tokti niwo werum kange ku kwamari kebo kange diger lagwam niwo werum kange mwindo ku kwamari weri ce fiyem fiye yime.¹⁷kom kula fukwa tinim na wini la bidwi yere mwindo kakka ku kwama wiyeu na wo manki dwitiye mwindo¹⁸tano wo werum kange tanjilandowu cakke kebo diger tano niwo werum ki kiye mero ci yoti dor cereri weri ceu tomco¹⁹kom fukma ti nimbo na wini wo durke kimer ku kwama kakka win mwabe wuro mwer kwama nin kiyemer tiye?²⁰tano nyo gwam niwo werunki tanjilando wucakke werum gwam co kange dige dorcere²¹tano niwo werum ki kwamari werum kango co wo fwer cereu²²tano gwam niwo werum ki di kwamari liyar kwama kange wo yim dor cereu²³daten bo faricawa kange nob mulang kanb nobo bwit kom cokkom luma renek ywerek kange kule kange lam cur la kom mirang bilengke wuro tu nyo weu. yona wucak, cire duwe, bitinke cu wura daten ka matiye kebo na wuro kom cutang. tang nini bo wiye²⁴fukma yame mwem nuwa kungkunge nin kange dige kangem nyori mwon mim tecembo²⁵daten bo kom nob mulangka kange faricawa nubo bwit kom nir bwim kwimkwelmwengeti kange kwele la mordi dimka bwirangke kange fitrerer²⁶no fukma nubo bwit ter yiwelka bwim kwele kwelmweu na bwim ciyemba yimki yorak²⁷daten bo kom nob mulankab kange faricawa nubo bwit na tuweti nim kumembo tami bitine fwor wiye kum ma curo nobo to yaran kume ko kale firer mwordi kom kuk nubo bwiyam kanga dwiti dimer kidimen²⁸nyo fo nuwe nobo kom la firer mwor di kang bwirankeret kange nero fit mwor.²⁹daten bo nyo kom nob mulang kab kange faricawa kom ki tuwe nob dugumeb la kom yulangum tuwe nob bilike³⁰kom tokti komki no yitin nowi ki kwama teb nyebe nin nonyiti necibo filan curka bwi yale nob dugume³¹na curo nyeu nung dor kimero kom bi bei kwalka nob dugume³²di la okm dim cuwa ka kwama³³na cweti nini kom bi nob bwit mana ka dorti nokom bwolang kwama³⁴tano nyodi to, mitom ki men nob dugumeti, kange kange kanlangnbo kom twalangum kangukab ci naci kulkenki kam ma kangam bo benjange kurbi wubit kumer kom bwanten citi cinat lor cinar lot³⁵maka ko nyeu dige kom manange dwiti bwile nobo kendo gwam wo curi fo kaleweu yileken fo dor kimer tau fo bwiyale tabila yaken cuko zakka bi bwa bara kiya wuro kom twqlum co tiber kur bi wubir kange tanjilan do wuca ke³⁶bilinke miyikom tiye gwam niwe ca kung kutume ti dor nubo kalewo³⁷urucalima, urucalima mwo wuro twanong nob tomange miyila mu bang nubo ci tom mwemeu ki terertini kiritti nyi min cwi nan murangu nen na wuro bi cake ki muragu de bi bei yo loce tibir tangum ceme munko³⁸nwo cin nob kimen lokume fwengteng³⁹minyu mi yikoti mana ka toyeti tok, no ki diye ki tokkeri, bibwiroyo ati dor niwo bouti kiden teluwereu.

¹Yecu cire bi kurwaber ta nure ce, bibei tomange ce bõ ci, nung cinen muka bi kurwabero ti²di, kari ciya, kom tõ dige wo gwamma? ke ti, kange ter meni na wo a dorke cer wo mani awertiye.³fiye co yim dor kang zaitun, bi bei tomangece bo cin yuranum yurange, ciki ye a yila yirom boka mwetiye kange dika cwile kale.⁴Yecu ciya, yi ci kom de kom tiyangum.⁵nobo durce an bõ ki denmir ci yan to ki kimo almacihu, take ciyan dok kangem kila tiya ngum.⁶kan nuwa fulen kwerer kang ka dir kwener, kom cubi, okm nuwa tai, tamyo dig buro bwi, dila cwila bwiri,⁷ber an kwenan kange ber nin ten liyar an kwenang liyar nin ten an ma wura kange mulcaka bitinek fiye kidimen ki dimen.⁸di gwam buro kabak buwarum bõ ka koni⁹biko wo, ci an niken kom dotange nin, ci twalum kom gwam bero an kwer kom ki ker denemir¹⁰fo dang tang kila a kottang tiye, ciyan kwerkom bwiti, ci ko ciya ka bwiti¹¹no curkebo kila a kwenu tiye ciya dur kali to tiyangum.¹²timi bi cirin cwika ko kila anyibom.¹³dila wo mwirumum meri an fiya fuloka.¹⁴an tok fulan diyar dorbitinero gwam, be na yilam warka dor nobo nyombo kwama. nimde cwile bõ¹⁵di na kom to dige wo nidurkume Danieltok ker cere, tim fiye wucak ke [ni kiyetiye na nyimi]¹⁶buro yahudiya ciya cukken dor, bangnge,¹⁷wuro dor luwe diye ca yirare na co to kange diye mor luwece¹⁸niwo take ca yilau de lo bõ na co tũbeke ce dur ko¹⁹kwan nobo tom ki bi bi bei kange nobo nẽ yir tiye fo kumeni wo²⁰kom kwob dila cwaki kume ko a yilare yuko bau kange bi diye kume fobka [acabaci]²¹an ma dotange tẽnan tenange wo mambo wi ka cik fwelka kale wo yau ciko dwen. o-on mana wuro ti tak.²²na kebowo ci mwatum kumeri na kange nii man bũũtiye, ker nobo wo ci cukange, ci mwatum kume.²³tano kange yiki tõ almacihu wo kaka almacihu wuren, wo kom nere bilenkẽ²⁴wob curkebo kange almacian curke ci an bõ ci nung yirom kange deger nyomamka, an ci bol²⁵nubo kila yana kangi tana anmam di kange wo cukange. kom towa, mam yim kom tiya an bou.²⁶nyona cuwo, naci yi kom wuren kii kaka wuren yurangum kũũkom nere bilenka²⁷na wo mulankako tibati twar yaken cuko mẽ, nyo boko bi bwe nifiri a yila tiye²⁸fiye nange buyan buya wiye co fiye bicabuni ki mwer kande.²⁹di can cando wo bwiko kumeni dotange wo, kakuko an fin kumta cili, cwakko mani a nẽ filancekoti, bitirendo an yarangu firen dii kwama, bikwan wo nii kwama cin muka,³⁰nimde yerom bibwe nii firo an cirkangu for dii kwama, gwam nobo kalewo ciyan ma fir neret. cia to bi bwe nifire a bõmor bilore kibi kwan kange duktangka wo dwi nyeu³¹an tom bibei tomange ce wo wucakke ki dir cumer kwamkwame, nobo co kwabe mor culangko na'ar tati wile dii kwama yaken coki wine nin³²kom tu merangka tii nyingcin do nin tana kan ceko yoten fuka, ter neka laluweko, kan nyomon tirakkon dadom³³nyo tano kom to dige wo gwam ko nyomom dadom, kino nyilok³⁴mayi kom bilenketi, kaldowo mani a cuti, dige wo gwam an bwi³⁵dii kwama kange bitine an cum, dii ker miro mani a cuti³⁶di la ker diye do ni mani wo nyome, nob tomange bo wucak dii kwama, kange bwe, kan Tẽẽ win³⁷nawo kume ni nuhu, ayila tiye ki boka bi bwe nifire³⁸kume ni wureno, nimde mwem cufana bau, nobo ti cai noi, citi nai, ci nakenti, diye nuhu doken nabire mweme³⁹cin nyombo kange diker, la mwembo, bo cam ci, nyo boka bi bwe nifire a yila tiye⁴⁰nobo you tim take, an tom win dobti win bwi⁴¹natubo yob kwa nirti dor kannya an tom win dobti yim baim, wori kom yombo dige teluwe kume a botiye⁴²kom nyomom wuro, na nii kuwe nyomom fiyang nii kuye a boutiyeri na kin yi ki bati, mani a dob loceti, ci wuri ci doken.⁴³kom yiki bati, bi bwe nii an bõ fiye kom man ki nyomka⁴⁴we canga ken wo ki yilen ne, wo luweti, na neci cariti kambo datenni? nibi bwiyere canga, teluwece bo a fiya coti⁴⁵we canga ken wo ki yilen ne wo teluwe ce yo na to cinen luwe anneci, cariti kambo daten ne?⁴⁶nibibwiyere canga, teluwece bo a fiya coti⁴⁷mayi okm bilenketi teluwe ce an yoti co dor dige co cike gwam⁴⁸tana canga bwirko yi mor nerece, teluweme tabum bwi⁴⁹coter bukka tannum cangabo, co cati coti noi, kange tangnum nob nukabo⁵⁰Teluwe canga wo an yilau kakuko canga wo manki bati, fiya cuwo co nyombo⁵¹teluwece an torangum co yob, cwile ce an yilam dong dong kange nii bwir tinim a yoco fiye cin wiye ti ka kuka nuneke.

¹la liyar kwamaro na bi butobbo kwobbeu wo tu talkire ce la cin yaken naci to nii kibineu²nung more ce kuletini rila nug more ce yula kabo^3-4la kambo kuletini bi butobe tutal kire ceu ci tubo nuwango kange cinen dila bi butobo yula nyeu tu nuwanger cero kange calkiretini ceu⁵lakambonii ki bineu tabum bwiyeri ci dugo dumti gwamceri cin darangum dum⁶dila kina cii kumeri cin nuwa kwaka diregi to nii bineu ko ceri, nakom co gwam wabkanco,⁷dila bi butobo co gam kwinangiri la cin ywellangum talkiretini ceu⁸la kule bi butobeu yi nubo yula, kon ne nyinen nuwang kumeko bi duwar wori talkire nyeu lombamti⁹dila buro yula nyeu ciya cinen wori mani a la nyinenti kange kumen ko ya nubo miye tiye nin ko te nu kumeu¹⁰kambo ci yake tiyenkakeri nii ki bineu begen dila nubo ki batiyeu cu tange co fiye nakakonin dila cin nungum nyilogo¹¹kutang bori tangni bi bibutoi, bow la ciki te luwe, teluwe wom nyi nen¹²dila cin ciya ciki bilenke mi yi komti mi yom kom bo¹³nyori ko yi ki bati wori kon yombo diye kaka kwama¹⁴la kino na nii wo darum na yaken mor bitine kange. cin co canga tini ceuri lacin neken dige ci cikeu kanceg¹⁵win more ce cin ne talen ti nung, ki kange cine yeuri la ki kange tak cin ne talenti wiin la ci yorang talenti dong ikwan cer yila nii co yaken yamcembo¹⁶la wo yo talenti nungeu yaken cuko win dor ken cii mor nangene lacin fiya mwem talntibo kange nung¹⁷nyo takri wo yo talenti yobeu fiyau bo yob¹⁸dila canga wo yo talenti win neu cu ya wob buwakko bitineri lacin yurangum kiyeme teluwe cero¹⁹kambo kutangeri tee luwe cangetini co yilau naci kiye kemero kange ci²⁰cange wo yo talenti nungeu, bou ki mwem talenti nung tak. ciki te luwe mwi neye talenti nung. to min fiyau mwembo talenti nung tak²¹teluwe ce yico ki yori kabo canga ken ki bilenke mwin ma bilnke dor digero bi dobeu matin yo nen dur dor digero duce dogen mor lumor talen mwek canga wo yo talen ti yobeb yau rki,²²teluwe mwin neye talenti bokange yob too min fiyau ten mwemb talent bo kange yob²³teluwe yico ki yori kabo canga ken ki bilenke mwin ma bilenke dor digero biduware matin yo nen dor digentiro duce digen mor luma te luwe mwek²⁴la canga no yo talenti wiineu yau la cin yiki teluwe min nyimom mwin cilongi nye. lamwiki biyem fye mwi fiibe nyori mwiki mwerumnyo fiye wo watangbe²⁵min cuwam tai rila ya min yurangum talenti meu mor bitine to wo digero na meu²⁶dila teluwe ce ciya lanyi co ki mo canga bwir, kange dilime mwin nyumom miki biyem fiye mi fibe take miki mwerum nyofiye me watang be²⁷nyeu mokin neken nubo ma nangen ti ben keme, mi yilau na weu miki yom kiyemer miro ki mwem²⁸nyori yom talenti cinen di na kom neken canga wo ki talenti kwobbeu²⁹la gwam niwo cikeri/ atin cobcinen ten la can yilam cuko duco. cike. dila kinii wo manki digereu, digero cimeneu atin tum cinen³⁰kom merken canga bwirko kale mor kumta cii fiye ciya ci wiyeti ki kika nunekeu³¹ki kwama bi bwe nii fiye bow mor duktangka ceke kange nob tomangebo kangeceu, dila cin yii dor kutile duktangka³²ka bumcem an mweru bitinetini gwam,³³ca tin cikangum nubo win nawo nii bicire cokum dekwama mor nibetiniye catai yoken kwameu kamko cattiker, dila nebetini kanga mokke.³⁴dila liyau an yi burowo kango cattiyer ceu ko bou wo ko fiyer temi nineu, ca kwali liyarreko ci ywel kumen ki kwama wo ci yo kwar kalereweu³⁵wori min nuwa wura la kom neyi cari, min nuwa dilomwe la kom neye noka, min bow fabe la kom doken ki mo mor³⁶min ya kwancer la kom dumen kwileni min nuwa bo lumauri kom cib ye mi lofucina kom ya mini³⁷dila nubo cak -cakkeu an ciya ciki teluwe, fiyang we tonen ki wura la nyi camkimwe? kaka mwi nuwa dilo mwe tiri nyi nenen noka?³⁸fiyang nyi tonen faberi nyi cib nene? kaka mwi kwancer di nyi du mwilene?³⁹fiyang nyi to wi nuwa bo lumari kaka lofucinari nyi bou mwinene?⁴⁰la liyau atin ciya na yiciki bilenke mi yi komti dige wo kom ma wii mor-mor kebmibo bidu war tininbo wuro ninu, ko man ki mo⁴¹la can yi buro kanko mor cekkeu, ko kubom min, kom wo ciikau ko yaken mor kire wo manki dikako ci ywel bwe kelkelenin kange nob bwangkab cekeu,⁴²worimin nuwa wura dila kom neye bo cari, min nuwa dilo mwe, dila komneye bo noka,⁴³min ya fabe, dila kom dobo kimo mor luwe, kwancer, dilakom dumen bo kulen, dam twirem kange lo fucina dila kom cib yebo⁴⁴la ciyan ciyaken ki teluwe, fyang nyi to ki wuro kaka ki dilomwe, kaka fabe, kwancer, kaka nuwabo luma, kaka focina rila nyi mwen bo nangenne?⁴⁵la can ciya cinen ciki, bilenke mi yikom, diger wo ko mabo kange nin wii mor bi duwar tininbo weri, kom ma membo⁴⁶buro atin go gen mor mwe kako manki dige dila nubo cak -caeu mor dume manki dika.

¹kombo Yeecu dim tok ke ti towo kange ciyeri co ca yii bei tomangeceu,²kon nyomom kum kume yob na duklume yabkako na lami, laci an ne ken bibweni na ci kulken co³lanob wabeko durko kange, nubo dur nubero cin mwerkangi karak nii wabero durko coti kikayafa.⁴cin tokkangum nure ci tam Yeecu ti yurangum yurange na ci tallum co.⁵la ci ti tokiki kebo ki duklumeu kati kwalkanke kweni tiber niber,⁶kamob Yeecu ki no betanya lob caminu waleu⁷dong dong kambo co yim cunga kobiomero ci cam. cori tiyeri, co nawiye kange dou kiwer nuwanger wo kikiyemereu cor Yeecu nin ti dorcer⁸kambo bibei tomange cru to wo nyeri nercer. ron kaya, kim yebwi a yakcang wo ti nye?⁹woro tin miyem ki kiyemero ducce na neken nob bune bou¹⁰la Yeecu nyomom wuro lam yii ci, ye bwi ka ne nawiye wo dotange tinye? wo con mamen dikero yor yore¹¹kom kir-kir kange nob bunebo, la maka fiya, yeti kir-kir.¹²na wo co corti nuwangko wo bwimi yeu, co mamna furka miko ce.¹³bi com ma yii komti na fe atok fulen ke do wo tiye fo dor bitinero wo dike nawiye wo mane an toki ken na kwa ki co.¹⁴la win mor kwob cilom bo yobenin coti Yuhuda kar yoti yeu yaken liya wabe nin.¹⁵con toki, yemo cuiti mwa neye tiye naneken niwo kangmuek di? cin cuwa cinen mwin do kwini ta'ar.¹⁶la nyeu con ta do ka nureko wo ca neken coti kang cikeu,¹⁷la kume kaba wo duklume yabkako neu bi bei tomange ceu bou cinen, la ci me co, fe mo cuiti nyo yulangum na mo camcari durlume yabkaro we?¹⁸co yii ci kom durlume cinan lor, kan fiya nii kange, ko yii co ni do mor ka toknyo kangkene takako dom, maca cari durlumer yabkaro lomo bibei tomangemiu.¹⁹bibei tomange ceu mani kanbo co yii ciyeu, ci yuelagum cari duklume yabkaro.²⁰la ki mee con yii kange bibei tomange ceu kweb cilombo yobeu na ci can cari to.²¹kanbo ci ca cari to tiyeri, con yici, bicom ma yii komti win more kume an miyem ye²²cin ma fir neorer, cinter meka ceko kiwinti min nyumom ke bomo na teluwe?²³la co yii ci, wuro dor kangti kange mo mor kwele wineu co nii a miye yetiye²⁴bibwe nifire an u kanbo mulangi dorcereu la kwanco nii kercer ci miye bibwe nii ye tin yor ni conin na cibou co bo di.²⁵Yahuda wo a miye co tiyeu me co, ma nii merangka? la con yi co, mon tokum ki bwimi.²⁶kanbo cica carito tiyeri, Yeecu tu carito yoten bibwiyer an kabkangum. con ne bibei tomange ceu, con tu cam wuro bwimi,²⁷con tu kwelmwenge, con ma buka kangek co ca nee ciye, yii ci ko nom gwam kume²⁸won bwiyalemi wo noro ceu wo corena tab ka bwiran kerer nubo kila-kila²⁹la ma yii komti, mani ma no mwem inabim bo wo ti tak mano kange okm fuije mor liyare Teemi.³⁰la ci okm nuweu, co ci cu bang jaitune³¹la Yeecu yii ci, gwam kume kan kottangi ker mir ki kume wo, wori mulangum mulange. man tumom nii to tiyeu, kwame ten do an yalam³²la bwiko wo ma kwenunmeri, man yaken ten kumen Galili.³³Bitru yii co bwentano tangnim bo anyarangum ker mwer di, mi mani ma yarti³⁴Yeecu yii co bicom ma yinenti mor kume wo bicake na manb kiyangeri mon yi moki mo nyom yebo kirito ta'ar³⁵Bitru yii co, bwentano ma bweya kange mori, mani ma yiti mi ma nyomnenbo la tangunim bi bei tomange cembo tokti nyo ken³⁶co Yeecu yaken kange ci fiye wo co tike Getca maniyeu laco yii bi bei tomangeceu ka yim fo miki yankab ma koub dilo³⁷con tu Bitru kange bibeyo lo Jabadi yobeu, kange co, con ter bulankako kange tutum nerem³⁸la co yii ci, dumemi ki no mor bulanka wo a lamti ki mo bwareu ka yim for koma corka kange mo³⁹con kutaken tenkab biduwar la con yarken ki tikob ceb. laco kob dilo con toki, mo Teemi na an mamdi, kweie wo a cum ye, kebo mi a bwang tentiye la an bwanten dike mo cuiyeu.⁴⁰con yila bibei tomang ce nin co fiya ci dam dum lacon yii Bitru mo maka cor ti kange mo bwen na nang kenoko wina?⁴¹kom cori kom kwob dilo kati ko yarken cuwaka, yuwa tangbe kwama kom ciya, la bwiyo kwambo⁴²coca yila yobece co kob dilo, con tok mo Teemi nona kwele wo cunin man nocori, be dike mo cuiti ye a mani⁴³con yilau ten co fiya ci da dumti wori nuwe ciyeu tu'u kabo⁴⁴con dubangum ci tak nako ta'areu, co kob dilo ti co tok tika dike kitanca tokeu⁴⁵Yeecu yila bi bei tomangkace nin, la con yii ci, ko damdum duwal komti fuobi? koto kwama con dadom, la cin neken bi bwe nifire kange nob bwiran ker.⁴⁶ko kwen bi ya to niwo a miye yetiyeu won lambi dom⁴⁷kambo co tok keretiyeu, yafuda win mor kwob cilom bo yobeu kange nubo dur nubero. cin bou ki kulenti kange kulki⁴⁸na weu, nii wo amiye Yeecu tiyeu tiibum ci yii ci nii wo ma teiceri co, ko tam co⁴⁹na con bou Yeecu nin con toki, yarume nii merangka laco tei bwiciu⁵⁰Yeecu yii co, farmi, ma dike mo bo makau, co ci bouwe ciyoti kanko dor Yeecu de laci tamco.⁵¹la kange, kange Yeecu ter kan ceko coku kulendo cuwalum tu'u canga nii wabe durko,⁵²co Yeecu yii ce dokken kulen mwero fiye ce [loco] nubo wo tu kulene di a dwiya kin kulen⁵³mo kwatiri mani maco tee mi ti ya, la can tommer dike cum wenange kwob cilombo yobeu wo nob tomangeb cebo wucakkeu?⁵⁴la a ma nyi na bifumero na dim na wo tam nar ma nyeu?⁵⁵la Yeecu yii nubo dim wiyeu, ka bou kin kulen kange kulki bou ko ta ye na nii kwiye? mati yii ma meranti kir-kir kur waber la ka ta yebo.⁵⁶wo gwam ma nyo na dike nob dukumero na dimla bi bei tomange ceu gwam dubom co cuakkanyi cu.⁵⁷nubo buro ta co Yeecu yaken ki co kayafa nin nii wabe durko, fiye nob muiangkabo kange nubo durko mwerkangum wari yeu⁵⁸la Bitru bwang cinen tenti ku tan kange karak nii wabere durko con do ken mor co yii na co to dike a matiye⁵⁹na weu laya wabeu kange nob tikali cebo ki to warke cuerker dor Yeecu na ci tualum co.⁶⁰la fiya bo win wo. na duwaleu nob warker cwerkero kila bou kab.⁶¹la ciki nii wo ki canwerum kur wabe kwamaro na co muti mor kume ta'ar.⁶²nii wabe kwen titiye lanme, co, mo man ki diker kar kaka? warke wini ci war ti dor mwere⁶³la Yeecu kumom. nii wabe durko yii co mo yii nen ti ki nyal kange kwama wo ki dumeu, yii kenon mo kritti bi bwe kwama⁶⁴Yeecu karcenen, mon to kum ki ko kab mon to bi bwenii yim kang ko catiyer bikwanrd, la yiranti dor bi loro dii kwama.⁶⁵la nii wabe durko worbangum belleceu, ki tok kero bwir, ye bwi bou do nob warker ti dualla? koto na wo kom nuwam kero bwirko.⁶⁶ye ko kwatiye? cin ciya ciki con daten buar⁶⁷ci tuom cinen ti bi tom bo tikob, yila cibukten co. ci kwabanco ki kani ceyeu.⁶⁸la ciki, yii bo ker dukumer mo kiritti. we wo kwa nene?⁶⁹la Bitru yim kale mor karake, la bubya kange canga bou cinen yii mo ki no kange Yeecu wo Galiliu"⁷⁰la Bitru kanangum kabum ciyem gwam tokti ki, ma nyombo dike motokker ti dorce reu.⁷¹kanbo co cerken nyi lo ko kaleri, kange bubya toco la yii nubo wiyeu, nii wo ken kino kange Yeecu bunajare.⁷²yila con kanangum ten kange weri, ma nyom bo nii co⁷³kakten nyo bi budar di nubo wo tirangum wiyeu bou yii Bitru, bicom mon wi more ciye ken wori kero mo tok tiyeu nugum nen.⁷⁴la con yoten kan cilka kange weri manyombo nii co, ladanjang bi cukeu mob kiya ngeu,⁷⁵Bitru kwabi ki kero Yeecu tokeu. bicake na mob kiyangeu mwan kanang ye kiro ta'ar. la con cerken kale cociwiye kefir neerer.

¹kambo fini celummeri, liya wabe kanga nubo dur nubero cin fuwakang nureu ciya tam Yeecu ti naci twalumceu.²cin bwanco, cin neken liya dur ko Bilatu³dila ya fuda niwo nekenceu, kokacito ci war Yeecu nin bolang twal keri in do yiloka-yilotak yila cimen ki nungeu kwini ta'ar durem faricawanin kannge nubo dur⁴yii ki mimmam bwirang ke ma neken buyale wo mabo bwirang keu la cin toki kii, ye yonyo wiye? nuwa ciko dor mwer?⁵dila cutang culom nungemwi bitine ku wabe liyan dob ci, yaken yan yeiken dor cero⁶dila ni durwabero tu culom nungembo yiki, kebo dnggdong mor werfuner⁷la ci fuwakam keroco tibercer, kemero lacin te num ka fiye nii muka tinngek nin yilam fiye tuwe fabube bi ye kenwo mor tinnyere, kemer buyalr ka⁸won co dike bwici cuo fi coti toti nyii Irimiya di duwenne kowo⁹dila dike toki nyii Iremiya nii du kumeu diim cin tu culom nungem kwini ta'ar wo fene bibei Iccere, la yo dor ciro nin neu,¹⁰cin neken na tenka bitinek nii tinngeret, nawo kwama yi yeureu¹¹dila Yeecunti kabum liya durko, liyadurko meco, mun liya yafudawarka? Yeecu ciya, nyoo mwa toke¹²dila nob webebbo durko kange nubo durko cin mwelcinen, tokbo ker,¹³dila Bilatu yico ki, mwo nuwabo mwelka tinim bowo ci mamen tiye ka?¹⁴dila yicobo ker winwo, dike liya durko nyimanyi kambo ken¹⁵liya durko nyamkang niwin nin nii wo nubo ma dacenneu¹⁶ki kwama wuro cin wiki kange nii furcina deco Barnaba.¹⁷la kaci muromere, dila Bilatu yici ki we kom cuiti a nya kumen kannge? Barnaba, kaka a wo ci cuwoti ki Yeecu kiritti ka?¹⁸wori cin nyimwom cibomkico na kiyerce¹⁹kanbo ciyim kutile twomcinen twomange ki, cirom nii wo nin nii manki bwaranke wuro min cokkan mor dukume kambo ken kercer.²⁰ki kwwamawo durem liya wabembo kannge nubo durko cin bolum nubo cin yi ki a nyani nen kange Barnaba nin, a twalum Yeecu²¹dila dur liya meci kom cuiti a nya kumen kange? cin yi ki, Barnaba²²Bilatu yi ci ye ma ma Yeecu ninti woci cuwoti kiritti dila gwamceu cii ciya akulken co.²³lan yii ci, ye bwiye, bwiran kererde camane? di cin ciya ki diro duro dur, akulkenco²⁴kambo Bilatu to manica doldiker tiyeri wori kwobkanke atin kweni, duu mwembo nirim kemceko kabum nubem, yiki, mimanki bwiranke dor buyale niwo manki kwirankru komma dike komcuiye.²⁵nubo kwarub yiki, dila buyaleceu a yii ken dor nyo kange bi beyo lokyeun²⁶la nya cinen Banaba dila ma Yeecu nin balyanyeri neken co cinen na yekom co²⁷la nob dakkeb liya dureko cintu Yeecu cin yaken ciko mor luwe liyako dur, lacin murou tangne nob dukkebo ducce²⁸cin marancinen meke na nyime ci dokcinen kulendo fiyere.²⁹cin me cinen lalam duwek cuakkek cin dok cinenti dorcer, yila cineco dango ciya tam kamce ko cal ciyere cin cunyii kabumce ci ma ci nen buuomti, ci yi ti ki dume mweu akutan nyi liya yafudawar'³⁰cin tuomcinenti betuombo bwitak, ci yom damngo ci mweco ciko dor³¹kam cidim buo kace keri, cin cokum lalango cin dok ci nen kulencero, cin cin ca cin kaba ya ken kica fiye ciya kulen cotiyeu³²kambo ci ciro kalere, cin kwabti bue ni bakurame kange dencero caminu, woci dokco ayakangeci natum bwatiye kulkake³³cin lau fiye kange ci cuotiki goltau, wuro yitiye, kweldu wee,³⁴cine neco mwem mwerum kange dike tweitweyeu naci nom kanbo citwiyeri lako nobo³⁵kanbo ci kulken ceri, cin kabkannyum belleceu kimaka dacenek dor cer³⁶lacin yiken ci too coti³⁷cin mulang dike kange cin yei ci nenti dor cer yiiki wonco liya yafudane³⁸cin yenkeco wari kange nob kub nyo yob, win neu kango cacci yerece wneu kango mwokece³⁹burombo cutiyeu too co t, fok doroti,⁴⁰laciti tokii, mwo muki mwom wurom lo kwamau yila mu mum mor kume ta'ar fulom dor mwero cile no munbi bwe kwamari yarau cuktom bwatiye nin⁴¹nyoken durem nob wabebo macinen kange nob mulamgkab kange liyab bo durembo, ciyi tiki,⁴²fulom kangumbo la fueki fuloka dorek ceko co liya jorilawa. ciya yirau dor cuktum bwatiyem nabi ne bilinke fiye ciwuyeu⁴³kambo ca ciya kange kwama. kwama a cerco wori cinyi ciki cimbi bwe kwama⁴⁴nyo naco nob kubbowo nyo yob ci kulkenci wari yeu ci toce.^45-46ki kakukce kumta cileu cumuom bitineu kwarub yalam kene ta'ar na meece. ki kene taareri, Yeecu kun diro kibi kwan yikii, eli-eli lama cabak tani? ki tokki, kwamanin, kwamami, yebwi mu mirannye wiye?⁴⁷kanbo birombo timbo dmmen muwari nyeri, lacin yiki, nyi bicuor Iliyaro⁴⁸dangjang dangjang kange woom nacwak yatuu cukko dokti mor munge fuwar dokti dor damge tarcinen ciya nom⁴⁹latangneceu, dubomco nabito keno Iliya anbou na fulomcori⁵⁰la Yeecu kundiro kibi kwan cii neyee cola nyam kang yuwa tangbek ceko nin ne⁵¹dila kuwabe kwama woram moro yob tamdi yiraken ciko bitini. bitrneu mikan nyi, bangtinimbo yaranngum,⁵²tuwe tinimbo wumangum, birombo wucakkeu darangum dameu cin kunangum⁵³cin cirangum mor tuwe tinim kanbo ca kwenum meri, cin doken cinar loro wu cakke cin yau nubo nin kila.⁵⁴ka dur nob dakkebo kange nubo wuro to Yeecu cin cwamtai kibi mikaka bitineko kange diko bwiyeuri, cin cwamtai kibi cuom cin yiki, bilinke wobi bwe kwama⁵⁵na tubo killa wofo Galili birombo bwangten Yeecu naci too ceu cin citi toi kutan⁵⁶morece mar yamu magdaliya, maryamu nee Yeecu kange yucufu, kange nii bibwe zabadi⁵⁷kimeri lani cwekaka ko kange inni armatiya bou, dencoro yucufu cekeneu inni bwanka Yeecu⁵⁸ya bilatunin me aneco bwi Yeecu dila Bilatu ne nyaldo aneco⁵⁹Yucufu tu bwi Yeecu cumuom ki lalango wucekke,⁶⁰la dokkenco mor tuweco ca wobi fwijeu mor la cin tungti tero nyi tuwe co cuwi⁶¹Maryamu Magdaliya kange Maryamu wineu ciyim cunga ko wineri⁶²cilfiniceu nawo kume yulangka ko cumeu, liya wabe kange faricawa cin muri kange Bilatu.⁶³cin yiki, tee luwe nyim kwabi ki kwama wo ni bibolero wuro kidu meu toki kii ki kume taardi⁶⁴man kwenum nyori ne nyaldo a to tuweti na kume yo bbece kebo nyori nob bwanka cebo anbou kumco, laci yi nubo, in kwennm tuwe. la buoko an la kaba ko ceu bwiraka⁶⁵Bilatu yici kom tu nob to kabo kamma tokako kibi kwan kumer gwam⁶⁶la ci ya cito tuweti cin cumuom tuweu cin titi to ka kaning

¹ki kume kakuk fobka fiini, dadonm celti na kume winneu mor nibere. maryamu makdaliya kange maryamu, ya naci tuwe Yeecu²la bitine muka ducce, wori yuwa tangbe kwama wucake yirau di kwama bou tungum tero, yiti dor cer³yirom cembo na milbangka, la kulen cero na cuno⁴nubo to tuwe tiyeu cwa tai duccu, cin yilam na bilenti nibe⁵nob tomangem kwama wucake yi natubo wuro ki, kom cware tai min yimom kom ki do Yeecu wo ci yei bwatiyeu⁶mani fo, kwenum na woco tokeu, tofiye teluwe daa wiye⁷kom ya wulom, wulom kiyibi bei tomange ceu, kwenum nin, to wii kakom yakenti Galili ka fiya co firen to min yi kom.⁸natubo wo wulom-wulom dubom tuweu, ki tai kange for nerero dur, cin cwa na ciyi bi bei tomange.⁹la Yeecu fiya ci, ci ki yarume natubo bou tam naceko, wabco¹⁰Yeecu yici, kom nuware tai ki ya kom yi yitob mibo ciya yaa Galilin ciya toye firen¹¹fiye natubo wuro mor yameri. nobo to tuwe tiye doken cinar lor, cin yi liya nob wabeko dike maneugwam,¹²nob wabe kwama mwerkangi kange nubo durko, cin tokkan dike wo cange ci, cin ne nob toka tuweko kyemer duccu¹³cin yi ci tanne nubeu, be bei tomange ceu bou bon kum bilen cero, fiya cuwo kom da dumti¹⁴tona kero wo lam liya durkori, nyan ken co na daken ki ner cere fiye ki wiye¹⁵nyori nob toka tuwe ko wo yuwo kyemero la cin mani na wo ci yi ciyeu kero wuro wati mor yahudawa yaken ciko duwen¹⁶la ci bei tomange kwob culombo wiineu yaken Galili dor bangero Yeecu yi ciyeu¹⁷la cin to cori, cin wab co, di kangumbo ciyabo¹⁸Yeecu bou cinen, yi ci ker ki, bi kwamer liyaret cin neye dii kwama kange dor biitiner.¹⁹kom ya ki dok nobo a yilam bi bei tomange ka le wo gwam kom yu'u cinen mwem ki den te, kange bwe kange yuwa tangbe wucake²⁰kom meran cinen ciya bwangten dikero gwam wo ma yi kom ki nyial leu to mikange kom ya ciko cwile kale.