¹کتاب تاریخچۀ عیسی مسیح، پسر داوود، پسر ابراهیم: ²ابراهیم، اسحاق را آورد، اسحاق، یعقوب را، و یعقوب، یهودا و برادرانش را. ³یهودا، فِرِص و زِراح را از تامار آورد. فِرِص، حِصْرون را آورد، و حِصْرون، رام را.⁴رام، عَمّیناداب را آورد، عَمّیناداب، نَحشون را، و نَحشون، ⁵سَلمون را. سَلمون، بوعَز را از راحاب آورد، و بوعَز، عوبید را از روت. عوبید، یَسا را آورد، ⁶و یَسا، داوود پادشاه را. داوود، سلیمان را از زن اوریا آورد.⁷سلیمان، رِحُبعام را آورد، رِحُبعام، اَبیّا را، و اَبیّا، آسا را. ⁸آسا، یَهوشافاط را آورد، یَهوشافاط، یورام را، و یورام، عُزّیا را.⁹و عُزیّا، یوتام را آورد و یوتام، اَحاز را آورد و اَحاز، حِزْقیَّا را آورد. ¹⁰و حِزْقیّا، مَنَسّی را آورد و مَنَسّی، آمون را آورد و آمون، یوشیّا را آورد. ¹¹و یوشیَّا، یَکُنیا و برادرانش را در زمان جلای بابِل آورد.¹²پس از تبعید یهودیان به بابِل: یِکُنیا، شِئَلتیئیل را آورد، و شِئَلتیئیل، زروبابِل را. ¹³زروبابِل، اَبیهود را آورد، اَبیهود، اِلیاقیم را، و اِلیاقیم، عازور را. ¹⁴عازور، صادوق را آورد، صادوق، اَخیم را، و اَخیم، اِلیود را.¹⁵اِلیود، اِلعازار را آورد، اِلعازار، مَتّان را، و مَتّان، یعقوب را. ¹⁶یعقوب، یوسف همسر مریم را آورد که عیسی ملقّب به مسیح از او زاده شد. ¹⁷بدین قرار، از ابراهیم تا داوود بر روی هم چهارده نسل و از داوود تا زمان تبعید یهودیان به بابِل، چهارده نسل، و از زمان تبعید تا مسیح چهارده نسل بودند.¹⁸وِِ دنیا اِوِِیَنِ عیسی مسیح وِِ ایصورت اتفاق وَست :مریم ، دا عیسی ، نِشون کِرده یوسف بی. اما هَنی عروسی نَکِردِن بی ،که معلوم وُوی مریم وِ روح القدس حامله هِست. ¹⁹اِزاوچوکه میرَش یوسف خیلی میرِِه ی ابرومندی بی و نیخواست مریمِن رُسوا بُکونه،ایخواست که بی سروصدا ولش بُکونه .²⁰اما تا ایخواست اِی کارُون بُکنه،یِدفه فرشته ی خداوند اِوِی مین خُووِش وِش گو: اِی یوسف،کُر داوود،اِز اِستِیَنِ زینَت مریم نترس،چونکه هرچیکه مین کُمِش نادِیه،اِز روح القدس هِست. ²¹هُو کُری وِِ دنیا اییاره که تو اِسمش اینی عیسی(خدا نجات دهنده است) چونکه هُو قوم خوشِن اِز گناهانشون نجات اییه.²²همه ی اینو اتفاق وَست تا هَرچِکه خدا وِ زِبون پیامبر گُوبی، وِ حقیقت برسه که: ²³دُووَرِبِکر حامله اییُوه، یه کُری وِ دنیا اییاره و هُون وِِش ایگُون عمانوِئیل. که اییوِه خدا وا ایمانه.²⁴وقتی یوسف اِز خُو بیار اُوِی، هَر دستوری فرشته ی خدا وِش دا بی، انجام دا. و زینه ی خُوشِن اِستِی. ²⁵اما دست وِش نَزِی تا هُو کُر خُوشِن وِ دنیا اِوِرد؛ و یوسف اِسمشِن نا عیسی.

¹وقتی عیسی مین دوره ی هیرودیس پادشاه، مین بیت لحم یهودیه وِ دنیا اِوِی، هَمُو موفع چَنتا ستاره شناس اِز مشرق زمین اِوِیِن اورشلیم،وپُرسیِن ²: کُجَنه هُو پادشاه یهود ک وِ دنیا اِوِی؟ چونکه ستاره ی هُون مین مشرق دیدیم و اِوِیم تا بپرستیمش. ³وقتی ای خِوَرُ وِ گوش هیرودیس پادشاه رِِسی، خُوش و همه ی اورشلیم وا یَک ترسِستِن.⁴پس هُو همه ی گَپیَل کاهن و عُلمای قومِن جار زِی و اِزِشون پُرسی: مسیح کُـجه وا وِ دُنیا بیا؟ ⁵جواب دان: مین بیت لحم یهودیه،چونکه پیامبردر ای مورد ایطورونی نوشته بی: ⁶اِی بیت لحم که مین سرزمین یهودایی مین فرمانروایی یهود اِز هیچ کدوم کمتر نیستی ، چونکه یه فرمانروایی اِز تو اییاهه که قوم مُون اسرائیلِن چوپونی ایکونه.⁷پس هیرودیس وِِستاره شناسا گُو که بی سر و صدا بِرِِن تِیش و موقع دقیق اِوِِیَنِ ستارَه نِ اِز اونو پُرسی. ⁸بعد اونُون به بیت لحم رِِوونه کِرد، وِِاونو گُو: بِرین در مورد اُو بچهیُو پُرس و جو بکنین هَرسا جُستینِش وِِ مُو هَم بُگُوین تا مُو هَم بیام ،وِِش تَعظیم بُکُنوم.⁹اونو وقتی حرفا پادشاه فهمیِن رَهدِن، و هَمُوسو ستاره ای که مین مشرق دیِن بی جلوشون هِی ایرَهد تا بالاخره بالا سرهَمو جایی که بچه بی واستا. ¹⁰اونو وا دیَنِ ستاره خیلی خوشحال وُویِن.¹¹وقتی رَهن مین هُونه، و بچهنِه وا مریم داش دیِن سَرنان وِِ گِل، و بچهنِ پرستش کِردِن بعد صندوقاشون واز کِردِن و سوغاتی هایی اِز طِلا و کُندُر و مُر وِِش پیش کِش کِردِن. ¹²و چون مین خُو هشدار وِِشون داده وُویی که نَرِِن تِی هیرودیس، وِِ یه رَه دیه رَهدِن مین شهر خوشون.¹³بعد اِزرَهدَنِ ستاره شناسا، فرشته ی خدا مین خُو وِِ یوسف ظاهر اُویی و گُو: ویری، بچه و داشِن وَردار و فِرار کن بِرومصرو هَمُوچو بِمَن تا وِِت خِوَر بُوم، چونکه هیرودیس دیندا بچه ایگَرده تا بُکُشش. ¹⁴هُوَم شُو وِِ شُو ویریستا بچه وُ داشِن گِرِه و رَه مصر ¹⁵تا مردن هیرودیس هَمُوچو مَند، ای اتفاقا وَست تا هرچی خدا وِِ زِِوُنِ پیامبر گُو بی اتفاق بیفته که کُر خُومِن اِز مصر جار زِِیوم.¹⁶تا هیرودیس فَهمی که ستاره شناسا گولِش زِِیِن،خیلی عصبانی وُویی و گُو، تمام کُرگَل 2 سال وِِ وازیر مین بیت لحم و دُورُواش بیِن، مین اووَقتی که اِز ستاره شناسا پُرسی بی، بُکُشِن.¹⁷هَمیُووُویی که هرچی ارمیای نبی گُو بی، روشنا وُویی که : ¹⁸صدایی اِز رامه وِِ گوش ایرِِِسه، صدای شیوَن و لیکه و ماتمی گَپ.راحیل سی بَچیَلِش ایگیریوِِه و جا نیگِرِِش، چونکه دی نیستِن.¹⁹بعد اِز مُردَن هیرودیس فرشته خدا اِوِِی مین خُو یوسف وِِش گُو: ²⁰ویری، بَچه و داشِن وَردار و بِرُو مین زِمین اسرائیل چونکه اونوکه ایخواستِن بَچَنِه بُکُشِن مُردِن. ²¹پَ هُوَم ویریستا، بَچه و داشِن وَرگی و رَه مین سرزمین اسرائیل.²²اما وقتی فَهمی که آرکِلائُوس وِِجا بُوش هیرودیس مین یهودیه پادشاه وُویه، تَرسِست بِره اوچو چونکه مین خُو وِِش هُشداردان بی رَه وَست و رَه دورُبا جلیل. ²³و رَه مین شَهر ناصره حونه گِرِِه، یُو اِتفاق وَست تا حرف پیامبرا حَقیقت پیدا کُنه که گُون ناصری ایخونِنِش.

¹مین هَمو روزاهُو یحیی غُسل دهنده ظهور کِرد، هُو مین بیاوونا یهودیه موعظه ایکِرد و ایگُو: ²توبه بُکُنین چونکه پادشاهی آسمون نزدیک وُویه. ³یُو هَمُونه که اشعیای پیامبر دربارَهش ایگُو: صدای هُویی که مین بیاوون هِی جار ایزِِنه:" رَه خدان اُماده بُکُنین!" رَههاشِن واز بُکُنین!"⁴یحیی لِواسی اِز پشم شتر وَرِِش بی و کمربند چرمی وِِ کِمرش ایبست، و غذاش مِلخ و عسل کوهی بی. ⁵مردمون اورشلیم و سرتاسر یهودیه و همه ی دُورُبا آورو اُردن ، هَمه ایرَن تِی هُو ⁶و گناهاشون اعتراف ایکِردِن و مین آورو اُردن هُو غُسلِشون ایدا.⁷اما وقتی یحیی دی خیلی اِز فریسیان و صدوقیان که ایان اوچو که هُو غُسل ایدا، وِِ اونو گُو:( ای افعی زاده ها! کِه وِِ ایشا هُشدار دا که اِز بِلایی که جِلُوتونه، فِرار کُنین؟ ⁸پَ یَچی بیارین که اَرزش توبه داشته بو، ⁹تِی خوتون نَگُوین " بُو ایما ابراهیمه" ، چونکه وِِتون ایگُوم خدا قادره اِز هَمی بَردا بَچییَلی سی ابراهیم بیاره.¹⁰همین الان تیشه وِِ ریشه دِرَدا نادِه وُوی، هر دِرَدی که ثمره ی خو نَیه، ایبُرِِنِش و ایریزِِنِشون مین تَش. ¹¹مُو ایشان سی توبه وا آو غُسل اییُوم؛ اما هُو که بعد مُو اییا جوندار تر اِز مُونه و مُو حتی لایق گِرِِدَن اُرُوسی یاشَم نیستُوم. هُو ایشان وا روح القدس وِِ تَش غُسل ایه. ¹²هُو چنگَکِش مین دستشِه و خرمن خوشِن پاک ایکونه و گندوماشِن مین انبار غَپون ایکونه، اما کَه هان مین تَشی که خاموش نیُوه ایسوزنِشون.¹³هَموسو عیسی اِز جلیل اِوِِی مین آورو اُردُن تا یحیی غُسلِش بِه. ¹⁴اما یحیی تِلاش کِرد رَأ یشِن بِزِنه و وِِش گُو:تو وا مُون غُسلُوم بی، و حالا تو اِوِِیی تِی مُو؟ ¹⁵عیسی مین جُوابش گُو: بِل وا ایطور وُوه، چونکه صِلاح یونه که ایما وا عدالت کامِلِن روشنا بُکُنیم. اوسو یحیی راضی وُویی.¹⁶تا عیسی غُسل کِرد، فوراً اِزاُو دِوِی. هَمُوسو آسِمون واز وُویی و هُو روح خُدان دی که مثل یِه کِموتَری اِوِِی دُووِِن و نِشَست ریش. ¹⁷هَموسو یه صِدایی اِز آسِمون دِوِِی که یُو کُر عَزیزُمه که اِزِِش راضیُوم.

¹هَمُوسو روح، عیسی ن بُرد مین بیاوُون تا شیطون وَسوَسَش بُکُنه ²هَمُوسو که عیسی چهل شُو وُ روز مین روزه سَر کِرد گُسنَش وُویی. ³اُوسو هَمُو که وَسوَسه ایکُونه اِوِی تِیش وُ وِِش گُو: اَیَر تُو کُر خدایی وِِ ای بَردا بُوگُو تا نون وُوِِن! ⁴عیسی مین جُوابِش گُو: نِوشته وُویه که: آدَمی فقط وِِ نون زِِنده نی، بَلکه وِِ هر کلامی که اِز دون خدا ایدِرا.⁵هَمُوسو شیطون هُون بُرد سر شهر مقدس سر بُلَندی گُنَبد نادِش ⁶و هُو گُو: اَیَر تو کُر خدایی، خُوتِن بِه بِره دووِِن، چونکه نِوشته وُویه که سی تو وِِ فِرشتیَل خوش دَستور ایه. و اُونو تُون سَر دَستا خُوشون ایگِرِن، که یَوََقتی پاتِن و یَه بَردی نَزَنی.⁷عیسی مین جُوابِش گُو: یُو هَم نِوشته وُویه که، خداوند، خدا خوتِن آزمایِش نَکُن. ⁸یِه وِِلای دی، شِیطون هُون بُرد سَر یَه بُلَندی کُویی همه ی حُکومتا دُنیان وا تِموم یال و کوپالشون و هُو نِشونِشون دا ⁹وِِش گُو اَیرکُت وُویی وِِ مُون تَعظیم بُکُنی هَمه ی اینون ایوم تو.¹⁰عیسی و هُو گُو: دیر اُو ای شیطون! چونکه نِوشتِه وُویه: خداوند، خدای خوتِن بپرست و فقط هَمون عبادَت بُکُن. ¹¹هَمُوسُو ابلیس وِِلِش کِرد، فرشته ها اِوِِیِن خِدمَتِش کِرد.¹²وقتی عیسی فَهمی که یحیی ن گِرِِدِنه، وَرگَشت جلیل. ¹³اِز ناصره زِِی سَرا، رَه کفرناحوم و هَموچو مَند. کفرناحوم کناره دریاچه جلیل و دورُوا زبولون و نفتالیم بی.¹⁴اینو وُوییِن تا گُودِه ی اشعیای پیامبر مَعلوم وَوه که گُو بی: ¹⁵دیار زبولون و نفتالیم، رَه دریا، دیرا دیر اردن، جلیل مِلَتا؛ ¹⁶هَمُو مَردُمی که مین تاریکی سَر ایکِردِن یَه نور گَپی دیِن، و روشَنایی دِرَخشِست مین هَمُوجایی که مین سایه ی مَرگ هونه داشتِن.¹⁷اِز هَمُوسُو دی عیسی شروع کِرد وِِ ای پِیغومِن دادِن که: توبه بُکُنین چونکه پادشاهی آسِمون نزدیک وُویه.¹⁸وَقتی که عیسی بال اُو دریاچه جلیل و رَه ایرِِه، دوتا گُون دی اِسم یِکیشون شمعون لَقَوِش پطرس بی و آندریاس گُوش که تور ایبِستِن مین اُو چون مُوهیگیر بیِن. ¹⁹وِِشون گُو: وِِ دیندا مُو بیِین تا ایشان شِکارچی مَردم بُکُنُم. ²⁰اونو یِهُوه توراشون وِِل کِردِن و وِستِن دینداش.²¹وقتی مین رَه هِی رَه دوتا گُو دیَن اَندِی یعوب کُر زِِبدی، وِِ گُوش یوحنان دی که وا بُوشون زبدی مین کَلک بیِن و هی توراشون آماده ایکِردِن؛ جار هُونَم زِِی. ²²اونو هَم تُندی قایق و بُوشُون وِِل کِردِن و دینداش وَستِن وِِ رَه.²³هَمیطورونی عیسی دور تا دور جلیلِن ایگَشت و مین عبادتگاهاشون درس وِِشون ایدا و خِوَر خوش پادشاهین بشارت ایدا و هر درد و مِرَضی که مردم داشتِن شفاشون ایدا. ²⁴خِوَرِش مین همه ی سوریه پیچِست و مردم همه ی مریضان که هر نوع مِرَض و دردی داشتِن، و هرکی کِلو بی یا خُوره داشت یا افلیج ایوِردِن تِیش و هُوَم شفاشون ایدا. ²⁵مردِمون زیادی اِز جلیل و دیکاپولیس و اورشلیم و یهودیه وَستِن دینداش.

¹وقتی عیسی او جَماعَتُون دی، رَه سَر یَه کُویی نشست. هشمُوسو وَردَستاش اِوِین تِیش. ²و هُوشروع کِرد ویادِشون ایدا و گُو: ³خُوش وِِ حال اونو که مین روح فَقیرِِن، چونکه پادشاهی آسمون مال اونُونِه. ⁴خوش وِِ حال ماتَم زِِیدِها چونکه اونُو وِِ راحَتی ایرِِسِن.⁵خوش وِِ حال اونو که صِویرِِن، چونکه زمین میراث اونو اییُوه. ⁶خوش وِِ حال اونو که گُسنه تشنه عدالَتِن ، چونکه هَمُونوَم سیر اییُوِِن . ⁷خوش وِِ حال اونُویی که رحم ایکُنِن، چونکه وِِشون رَحم اییُوه. ⁸خوش وِِ حال اونو که دل پاکِن ، چونکه اونُو خدان ایبینِن.⁹خوش وِِحال اُونو که دیندا صُلحِن،چونکه اُونو بَچیَل خدا خونده اییُوِِن. ¹⁰خُوش وِِ حال اونُویی که سی عدالت زجر ایکِشِن ، چونکه پادشاهی آسمون مال اینُونِه.¹¹خوش و حال ایشا هَمُوسُو که مردم وِِ خاطر مُو ایشان دارُدِشمون و اذیت ایکُنِن ،و حرف دُرُیی برعلیه ایشا ایزنِن. ¹²خوش بُویین و شاد چونکه پاداش گَپی مین آسمون دارین. چونکه همیطورونی پیامبرای قبل اِز ایشان خیلی آزار دانه.¹³ایشا نِمِیک ای دنیایین اما اَیَر نِمِیک فاسد وُویه، چطور ایُووِِه هُون دوواره نِمِیکی بُکُنی؟ دی وِِ کار نیا وا بِریزیمش سَرا، و مردم پاتِلقِش بکُنن. ¹⁴ایشا روشنایی ای دنیایین. یه شهری که سَر بلندی یه کُویی بنا وُویه نتِریم قامِش بکنیم.¹⁵هیچ کی چِران روشن نیکُنه تا بِنِش زیر پیاله، اما اینِش سر یه بلندی تا نورش هَمُونُونی که مین هُونِیِ روشن بُکنه. ¹⁶پَ بِلین نورِِتون بیا مردُمِن روشن بُکنه تا کارا درست ایشانِن بینِن و بُوتون که مین آسمونه بپرستن.¹⁷فکر نکنین که اِویُومه تا کِتاو تورات و نوشته ی پیامبرانِن باطلشون بُکنوم مُو نَوِیُومه تا باطلشون بُکنوم اِویُمه تا تِمومشون بُکنوم. ¹⁸چونکه آمین وِِ ایشا ایگُوم، تا آسمون و زمین خِراو نَوُوِِن، نقطه یا همزه ای مین تورات اشتباه نیُووه تا که همش وِِ انجام برسه.¹⁹و هرکه یه ذره اِز کوچکترین ای دستوراتون کم ارزش بشماره و وِِ بقیه ایطورونی یادبه، مین پادشاهی آسمون کوچکترین اییُوه. اما هرکس ای دستوراتون اجرا بُکنه و وِِ بقیه هم یاد به، هُو مین آسمون گَپ ایخونِنش. ²⁰وِِ ایشا ایگُوم،تا درستی ایشا بالاتر اِز درستیه عالِما دین و فریسیان نبُوه، هیچ وقت پادشاهی آسمون نَترین بِرین.²¹²²فَهمینه که وِِ قبلیا گُونه کَسین نکش، و هرکه یکین بکشه سِزاش وا مَحکَمه یه. اما مَو وِِ ایشا ایگُوم هرکی پِرِست وِِ گُو خُوش، جَزاش مَحکَمه یه. و هرکی گوخُوشن کوچیر یا سِوک بُکونه جِزاش محکمه جلوشورایه هرکی وگوخوش بگو نادون سزاش تش جهندمه.²³پ هرس خواستی یَه نذری قربونی بُکنی جلو خدا، یادت وَست که گُوت اِز تو ناراحتی وِِ دل داره. ²⁴نذرین وِِل بُکن بِرُو وا گُوت صلح بُکن بعد بیُو نذریتن پیش کش بُکن.²⁵هرکی وِِت شکایتی کِرده تُون هِی بُره تِی مَحکمه، تا هَنی مین رَهی واش صلح بُکن نه کِه تُون بِه دست قاضی ، قاضیَم تُون تحویل نگهبان بِه و بیُوفتی زندان. ²⁶آمین، وِِ تو ایگُوم که تا قِرون آخرِِن نَیی نییِی سَرا.²⁷²⁸فَهمین که ایگُون زنا نکنین. اما مُو و ایشا ایگُوم هرکی وِِ تیِه شهوت سیل یِه زینه ای بُکنه،همُوسُو مین دلش وا هُو زنا کِرده²⁹اَیَر تیِِه راستِت تُون گمراه ایکُنه بِدرارِِش بِش سَرا چونکه سی تو بهتره که یه تیکه اِز بدنت نابود وُوه تا که تِمام بدنت میش تَش بسوزه. ³⁰اَیَر دست راستت تُون گمراه ایکنه بِکِنِش وِِرِِش بِه چونکه سی تو بهتره که یه عضوی اِز بدنت نابود وُوه تا ایکه همه ی بدنت بیوفته مین تَش جهنم.³¹همیطور که ایگُون هرکی زینَش طلاق بِه ، وایه طلاق نامه ای بِه دستش. ³²اما مُو وِِ ایشا ایگُوم هرکی زینَش به غیر از ایکه بی عفتی کِرده بو طلاق بِه، هُو باعث زنا ار وُویَنِش وُویه، و هرکی یه زینه طلاق دادن بِستونه زنا ایکُونه.³³بازم فَهمینه قِدیمیَل ایگُون قسم دُورُو نخور فقط و قِسما خُوت و خدا وفا بکن. ³⁴اما مُو و ایشا ایگُوم هیچ موقع قسم نخورین، نه وِِ آسمون، چونکه تخت پادشاهی خدایه. ³⁵نه وِ زمین چونکه کُرسی زیر پاشه نه وِِ اورشلیم، چونکه شهر گَپ پادشاهیه خدایه.³⁶وسرخوتونم قسم نخورین چونکه حتی یه مین نترین سفی یا سیاه بکونین. ³⁷ها ایشا هامو ها بوه نه ایشا همو نه چونکه بیشتراز یو از شیطونه³⁸فهمینه که ایگون تیه جا تیه دندون جا دندون . ³⁹اما مو و ایشاایگوم جلو آدم شر نواست ایریکی سیلی زی مین گوشت ریت در به تا اوطرفم بزنه.⁴⁰هرسا یکی وات دعوا ایکونه که قباتن بستونه تو عباتنم وش به ⁴¹ایر یکی تُون مجبور ایکونه که صد قدم واش بری تو دویست قدم واش برو. ⁴²هرسا یکی یچی وت ایخوبش وُایر یکی از تو قرض خواست ری واپشت نکن⁴³فهمیدینه که ایگون و هُمسات محبت بکن وُ وِ دوشمنت دوشمنی. ⁴⁴اما مو وِ ایشا ایگوم وِ دشمنونتون محبت بُکونین وُ سی اونویی که دشمونتون این وُاِزتون متنفرن دعا خیر بُکن ⁴⁵تا پدرخوتون که مین آسونه کُرگلش ووین چونکه هو اّفتوشن سر بدیل و خویل ایزنه وُ بارون سر درست کارو ظولمون ایزنه⁴⁶ایر فقط وِاونویی محبت بکنینن که ایشان دوست دارن چه پاداشی طی خدا دارین؟ مر باج گرا هم همی کارون نیکونن؟ ⁴⁷وایر فقط و گوُیل خوتون سِلام بُکنین چه گّفتری سربقیه دارین؟ مّر باج گرا هم همی کارون نیکونن؟ ⁴⁸پّ ایشا هم کامل بووین هاموطور که پدر آسمونیتون کامله

¹یادتون بوه که رازونیازا خوتونن سی خدا جلو تیا مردم نکنین که ایشان بینن اّندی تی پدرتون که مین اسمونه هیچ پاداشی نارین. ²هرسا صدقه ایدین جار نزنین عین ریاکارا که مین معبدا وکیچه بازارا ایکونن تا مردم ازشون تعریف بوکونن آمین و ایشا ایگوم اینواجرشون کامل اِستینه³پ تو هرسا صدقه ایدی یه طوری به که دست چپت و دست راستت خور دار نووه. ⁴تا صدقه توقام بوه اوسو پدرتوکه از همه چی آگایه و تو پاداش ایه.⁵هرسا رازو نیاز ایکونی مثل ریاکارا نبووین که دلشون ایخومین کنیسه ها و سرکوچه ها واستن دعا بکونن تا مردم بیننشون آمین و ایشا ایگوم اینوکامل اجرشون اِستینه. ⁶اما تو هرسا دعا ایکونی برومین اتاقت درن بند و طی پدرخوت که ناپیدایه رازونیاز بکن تا پدر تو که وهمه چی آگایه تون آشکارا پاداش به. ⁷وُهر سا دعا ایکونی حرف ها ول هی تکرار نکنین مثل قومون بت پرست که فکر ایکونن ایر زیادی تکرار بکونن دعاشون مستجاب ایبوه.⁸پ مثل اونونبوین چونکه پدرایشا قبل از ایکه ایشا وش بوگوین نیازا ایشان ایدونه. ⁹پ ایشاهم ایطورونی دعا بکونین،ای پدر ایما که مین آسمونی نوم تو مقدس با. ¹⁰پادشاهی توبیاهه خواسته توهاموطورکه مین آسموناهستو مین زمین انجام ووه.¹¹سهمیۀ نون امروز ای مان امروز و ای ما به. ¹²قرضها ای مان ببخش هاموطورکه ای ماقرضدارامون ایبخشیم. ¹³ای مان میاآزما،ای مان اِزشرشیطون نجات به.چونکه پادشاهی و قدرت و جلال این تونه تا ابدالاباد،آمین¹⁴چونکه ایر خطاها مردمن بخشی پدر آسمونیم ایشان ایبخشه. ¹⁵اما ایر تقصیرا مردمن نبخشی پدرایشا هم تقصیراتون نیبخشه.¹⁶هرساکه روزه ایگرین مثل ریاکارا اَخمو نَبُویین چونکه اُونو ری خوشِن ایطورُونی ایگِرِن تا مردم بفهمِن اینُو روزه دارِن. آمین وِ ایشا ایگُوم که پاداش خوشُونِن کامل اِستِیِنِه. ¹⁷اما تو هرسا روزه ایگِری، وِ سر خُوت روغن بِزِن وُ ری خوتن بشور. ¹⁸مردم نفهمِن روزه داری، فقط پدر تو که قامِه بفهمه و پدر توکه وِ همه چی آگایه وِ تو پاداش ایِه.¹⁹گنجتونِن سَر زِمین نَه نین، همُوجایی که بید وُ زنگ ضِرر ایرِسوُنه وُ دزدا ایدُزدِنِشون و غارتشُون ایکنه. ²⁰پَ گنجتُونِن مین آسِمون بِنینِش ،هَمُوچُویی که بید و زنگ ضِرر نیرسوُنِه دزدا نیدزدنِش و غارت نیکنِن. ²¹چونکه هرجا گنج تونِه قلب تو هموچُونه.²²تیِه چِرا بدنه؛ اَیَرتیَت پاک بُوه همه وجودت روشنا ایبِوه. ²³اما اَیَر تیات ناپاک بُوه ،همه وجودتِن تاریکی ایگِرِه. پَ اَیَر نوری که مین تونه تاریکی بُوه چه تاریکی گَپی هستُو. ²⁴هیچکی نَتِرِه دوتا اَربابِن خدمت بکنه ،چونکه وِ یکی نفرت داره وُ وِ یکی محبت ایکنه ،و یا یِکین ایگِره و یکی دیَن خار ایکُنه. نتِرین هم بنده خدا بُویین و هم بنده پیل.²⁵پَ وِ ایشا ایگُوم دلواپَس زنداییاتون نبوُیین که چه بخورین یا چه بنوشین و دلواپَس نبوُیین که چه بپوشین.مَر زنده ای ایشا ،اِز خوراک و بدن ایشا اِز لِواس بهتر نیست؟ ²⁶بِنگِشتون مین هُوان سِیل بکنین نه ایکارِن و نه دِرو ایکُنن نه مین هَمبُون جمع ایکنن و پدر آسمونی تون روزیشون اییِه. آیا ایشا بِتَر و با ارزش تر اِز اونُو نیستین؟²⁷کُویِکیتُون ایتِرین وا نگرونی یه ساعت سر عمرتون؟ ²⁸سی چه دلواپس لَواسین؟ سِیل بکنین گُلا مین بیاوُون چطوری گَپ ایُوِن نه مَرِمَتی دارن نه زحمت ایکُشِن. ²⁹وِ ایشا ایگُوم که سُلِیمونَم وا اُو همه جلال و جبروت عین یکی اِز اُونو قشنگ نَپُوشی.³⁰اَیَر خدا عِلفا بیاوُونِن که اَمروز هستشون و سُوا مین چالِه وَستِه اییُوِن چُونُو قشنگ ایکُنه وَرشون ، پَ ایشانی که ایمُونتون ضعیفه خیلی بهتر نیکنه وَرتون؟ ³¹پَ نگرونی ناشته بُویین چه خَردیم و چه بخوریم و چه بکنیم وَرمون.³²چونکه قومون بت پرست دیندا همه ای چیاهُنِن. اما پدر آسمونی ایشا ایدونه که اینُون لازم دارین. ³³اول دیندا پادشاهی و عدالت خدا بُویین اُوسو همه ی اینُو وِ ایشا داده ایُوِه. ³⁴دی نگرونی صُوِن ناشته بُویین چونکه سُوا نگرونیا خوشِن داره دردسَرا اَمروز سی اَمروز بَسه

¹داوری نکنین تا ایشان داوری نکن. ²چونکه هَموطورکه مردمِن داوری بکنین اونو ایشان داوری ایکنن و هر تِرازی که بکشین وا هَمو سی ایشا کشیه اییُوه.³سی چه یه ذره کَه ین مین تیه گُوت ایبینی اما اِز چویی که مین تیِه خوته غافلی. ⁴چطور ایتری وِ گُوت بگُوی بِل پر که مین تیَت بدرارُم اما خُوت چُو مین تیَته. ⁵وُی ریاکار اول چُو مین تیه خوتِن بدرار، اوسو بهتر ایبینی تا پَر که مین تیه گُوتِن بدراری.⁶هرچی پاکه، و سگیَل نییِنِش و مرواریا خوتونن نَبیین تِی گُرازون ،که اونون پاسا نکنن اوسو ورگردن ،خوتونن بِدرن.⁷بُخوین که و ایشا داده ایبوه بجورین که جسته اییُوه. ⁸چونکه هرکی بخو وِ دست اییاره و هرکی بگرده ایجوره و هرکی بِکُوه در وِ ریشواز اییُوه. ⁹کو یکی اِز ایشا اَیَر کُرش از هُو نون بوخو بَرد ایِش. ¹⁰یا اَیر ماهی بوخو مار ایِش؟¹¹حالا ایشا وا همه ی بی ذاتیتون ایدونین که وا چیا خو وِ بچیلتون بین. پ بیشتر پدر ایشا که مین آسمونه وِ اونو که اِز هُو بُخون چیا خیلی خو ایبخشه. ¹²پَ وا مردم هموطور رفتار بکنین که ایخوین وا ایشا رفتار وُوه. یُو خلاصه کِتاو تورات و دست نوشته ی پیامبرا یه.¹³اِز دَرِ تنگ بییِن داخل چونکه فراخ ایبو او دری که پَنه هَمو رَهیه که آخرِش هلاکته و خیلیا داخلش اییُوِن. ¹⁴اما او دری که تنگه و او رهی که سخته آخرش وِ حیات ایرِسه و اونویی که ایجورنِش کَمِن.¹⁵اِز پیامبرا دُروگو دیری بُکُنین اونو مین لِواس گوسفند اییان اما باطنشون، گرگی درنده ین. ¹⁶اونُون اِز ثمره شون ایشناسین .مَر اَنگورن اِز بُته خار و اَنجیرِن اِز عِلَف هرز ایچینِن؟ ¹⁷همیطورن که دِرَد خُو میوه خُو ایدِه اما دِرَد بد، میوه بد.¹⁸دِرَد خُو نَتِره میوه بد بِه ريا،و دِرَد بد نَتِره ثمره خُو بیار. ¹⁹هر دِرَدی که میوه خُو نیاره، بُریه اییُوه و مین تَش ایوفته. ²⁰اونون اِز ثمره شون، ایشناسین.²¹هرکی مُون سرورم سرورم بُگو، نتره مین پادشاهی آسمون رَه پیدا بُکنه، فقط هرکی که اراده پدرمون مین آسمون انجام بِه. ²²مین اُوروز خیلیا وِ مُو ایگُون، سرورم سرورم آیا وِ اسم تو پیشگویی نکِردیم؟ آیا وِ اسم تو دیوان سَرا نکِردیم؟ آیا وِ اسم تو زیاد معجزه نکِردیم؟ ²³اما وِ اونُو وِ تُندی ایگُوم که، ایشان اصلا نیشناسُم ای بدکاران اِز مُو دیروُوین.²⁴پَ هرکی وِ حرف مُو گووش به و وِ اونو عمل بکُونه ،مثل میره دانایی هِستو که هونشِن سَر بَرد ایسازه. ²⁵چونکه بارون زِی، و سیل وِ رَه وَست و باد ایوِی، نَترِست او هُونه یُون خِراو بکونه چونکه سَر بَرد ساختش بی.²⁶اما هرکی حرفها مُون گوش بِگره، اما وِشون عمل نکونه مثل میره نادونی هِستو ه هونَشِن سر شن ساخته. ²⁷تا بارون زِی، و سیل رَه وَست و باد اِوِی ،وِ هُونَش زورگُو و خِراوِش کِرد و چه خراوی گَپی بی.²⁸تا عیسی حرفاش تموم کردِن مردم حیرت کردِن اِز تعلیماتش. ²⁹چونکه وا اقتدار و محکم تعلیم ایدا نه مثل عالما دینشون.

¹تا عیسی که اِز کُوه اِوی ،دُون یَه جماعت گَپی وَستن وِ دینداش . ²هَموسو یَه میرهُ جزامی اِوی نشست جلو پاش و وِش گُو: سرورم اَیَربُخوی ،ایتِری پاکُم بکنی. ³عیسی دستشِن دراز کرد، و قَش دست کشی و وِش گُو: ایخُوم؛ پاک وُو! فوری جُذامش پاک وُوی.⁴بعدش عیسی وِش گُو حواست بو وِ کسی هیچی نگوی، فقط بِرُو تِی کاهن خوتِن نشون بِه پیش کشی که موسی دستور داده، تقدیم بُکن تا گواه بوه.⁵تا عیسی اِوی مین کفرناحوم، یَه سواز رومی اِوی تِیش وا التماس، ⁶وِش گُو: سرورم کِنیزُم فلج وُوی خیلی درد ایکشه و مین حونه خُوه. ⁷عیسی گُو: مُوایاهُوم و هُون شفا ایُوم.⁸سرواز چُونو جواو دا گُو: سرورم ،مُو لایق نیستُم تو بیِی مین تُوم .فقط تو بُوگو تا کِنیزُم شفا پیدا بُکنه. ⁹چونکه مُو میره ای هستُم زیر دست و سروازایی هم زیر دست خُوم دارُم ؛وِ یکی ایگُوم بِرُو، ایره وِ یکی ایگُوم بیُو ایاهه و غلام خُوم ایگُو یُون بُکن، هُو هم وِجا ایاره. ¹⁰عیسی هم وقتی حرفاش فهمی خیلی خوشحال وُوی ،و اونویی که وِ دینداش هِی ایوِین گُو: آمی وِ ایشا ایگُوم که چُنُو ایمونی حتی مین اسرائیل نِیُوم بی.¹¹وِایشا ایگُوم ک خیلیا اِز شرق و غرب ،ایاهِن و مین پادشاهی آسمون وا ابراهیم و اسحاق و یعقوب سَر یه سُفره ایشینِن. ¹²اما بچیَل ای پادشاهیو بِسه اییُون سَرا، مین تاریکی هَموچو که ایگِریوِن و دندوناشون سَر یَک ایکِشِن. ¹³بعد عیسی وِ او سروازُ گُو: برُو، که وِ اندازه ایمونت وِ تو داده وُوی، هَموسو کنیزِش خُو وُوی.¹⁴وقتی عیسی رَ هونه پطرس، دا زینَشِن دی که تُو کرده، و وَسته. ¹⁵عیسی دستِشن گِره و توش قطع وُوی. پَ هُو ویریستوا، اِز عیسی پذیرایی کِرد.¹⁶دَم غُرو خیلی اِز دیو زیده هان اِوردِن و هُو وا کِلوم خوش اونون کِردشون سَراوو همه مریضان خُو کرد. ¹⁷تا ایچو پیشگویی اشعیای پیغمبر وِ حقیقت رسی که. هُو ضعفا ایمان گِر و مریضیا یایمان بُرد.¹⁸وقتی عیسی دی آدمگَل زیادی جمع وُوین دورِش دستور دا بریم اوطرف دریا. ¹⁹هَموسو یکی اِز عالما دینی اِوِی تِیش وِش گُو ای استا هرجا بری اِز تو دسستور ایگِرُم. ²⁰عیسی وِش گُو: روواه هونه داره و بِنگشتون مین هوا آشیونه. اما کُر انسان جا سَرنادَن نارِه.²¹یَه شاگردی دی وِش گُو: اول بِل تا بِرُم، بُومِن خاک بُکُنم و بیام. ²²اما عیسی وِش گُو مُون پیروی بُکن بِل مُردیَل، مردیَل خاک بُکنن.²³اوسو عیسی سوار یَه قایقی وُوی وِ شاگرداشم وَستِن وِ دینداش. ²⁴یهُو یَه طیفون سختی گِره که نزدیک بی قایق غرق وُوه، اما عیسی خُو بی. ²⁵پَ شاگرداش اِوِین بیارِش کِردن، وِش گُون سرورمون هیچی نَمَنده که غرق وُویم ویری نجاتمون بِه!²⁶عیسی وِشون گُو ای کم ایمونا سی چه چونو ترسِستین؟پَ ویریستا وِ باد و آو نهیو زِی و همه جا آروم وُوی. ²⁷همه وا تعجب و یَک ایگُودِن، یُو چه آدمیه که حتی باد و آو هم وِش فرمون ایبُرِن!²⁸هَموسوکه وِ جرجسیان که او طرف دریا بی رسیِن، دوتا میره کِلو دیِن که اِز گورِستون ایوِیدِن، اونو چونو کِلو بیِن که هیچ کس نتِرست تِیشون رد وُوه. ²⁹اونو جاز زیِن اِی کُرخدا تو چکار ایما داری؟ اِویِدی قبل از موعد ایمان عذاو بی؟³⁰یَزره دیرتروا اونو گله خوکی هِی ایچریِن. ³¹دیوا وِ عیسی التماس کِردن گُون اَیَر ایکُنیمون سَرا بِنمون مین او گله گرازون. ³²وِشون گُو برین، دیوا دُویِن رَن مین گله گرازون و تِموم گله اِز بلندی ریسِستِن، مین آو و همه شون هِلاک وُوین.³³چوپونا گرازون فِرار کِردن، رَن مین شهر و هرچی وُوی و هرچی که سی او دیو زِیدیَلو اتفاق وَسته بی تعریف کِردن. ³⁴بعد همه مردم سی دیدن عیسی اِوین، و وِش التماس کِردن که اِز اوچو بِره.

¹عیسی سُوار کشتی وُوی، رَه اووَر آو مین شهر خوش. ²هَموسو یه میره فلجی که سَر دُشک خُو بی، اِوردِن تِیش عیسی که ایمون اُونون دی، وِشون گُو دلِت قوی بُکن فرزندم که گناهونِت بخشیه وُویِن.⁴اوسو عالما دینی وِ یَک گُون، ای میرهُ کُرف ایگو. ³عیسی فَهمی چه فکری ایکُنِن، وِشون گُو سی چه ای فکرا پلیدون ایکُنین؟ ⁵گُودَن کویِکی بهتره، یُو که گناهات بخشیه وُویِن یا یُوکه ویری رَه بِرُو؟ ⁶حالا بِدونین پسر انسان ری زمین قدرت بخشیَن گناهان داره وِ افلیج گُو ویری دُشَکِت وَردار، بِرُو هُونَتون. اُوسو اُو میرِهُ ویریستا رَه هُونَش!⁷اُو میرهُ ویریستا رَه هونَش. ⁸مردم که هِی سِیل ایکِردِن چه خِوَر وُوی، تَرسِستِن و خدایی که ای قدرتُون داده، وِ انسان شُکر کِردِن. ⁹عیسی که اِز اوچوهِی ایرَه، میره این دی وِ اسم متی که سَر رَه نشسته بی وِش گُو: دیندا مُو بیُو. هُو هم ویریستا، وَست وِ دینداش.¹⁰یَه روز عیسی مین هُونه متی سَر سُرفه نشسته بی که خیلی اِز خِراج گیر و گنه کارا اِوِین، وا هُو و شاگرداش نشستِن سَر یَه سُرفه. ¹¹فریسیان که اونُون دیِن، وِ شاگرداش گُون سی چه استاد ایشا وا خراجگیرا و گنه کارا غذا ایخوره؟¹²وقتی وِ گوش عیسی رِسی، گُو: مریضا طِویو ایخُون، نه سالما. ¹³بِرین بِفهمین، ای کلامی که گُودِه چِنه که رحمتش ایپسندُم نه قربونی، چونکه مو نَوِیُومِه تا خداپرستان دعوت کُنُم، اِوِیُومِه سی گنه کارا.¹⁴شاگردا یحیی اِوِین تِی عیسی، وِش گُون سی چه ایما وا فریسیان روزه ایگِریم، اما شاگردا تو نیگِرِن؟ ¹⁵عیسی وِشون گُو مَر اییُوه مهمونا عروسی، تا وقتی دوماد وا باشونه عزاداری بُکنِن؟ اما یَه روزی ایاهه که دوماد اِزشون گِرِده اییُوه، اوسو روزه ایگِرِن.¹⁶هیچکی پارچه نون وِ لَواس کهنه وصله نیکُنه چونکه وصله کَنده اییُوه اوسو بدتر پاره اییُوه.¹⁷شِراو تازَه ن مین مَشک کهنه نیریزِنچونکه مَشک ایپُوکه، وِ شِراو ایریسِه و مشکَم پاره اییُوه. شِراو تازَه ن مین مَشک نو ایریزِن تا هردوتا سالم بِمَنِن.¹⁸هَموسو که ای حرفان عیسی وِشون ایزِی یکی رِئیساشون اِوِی نِشست جلو پاش، و گُو دُوَرُم هَمی حالا مُرد وا ای حال بیُو دَستِت بِنِه سَرِش که زنده ایبُوه. ¹⁹عیسی ویریستا ،وا شاگِرداش واش رَه.²⁰مین هَمو رَدَن یَه زینه ای که دوازده سال خین ریزی داشت، اِز پشت سَر وِ عیسی نزدیک وُویی و دست زِی وِ لِواسِش. ²¹هُو تِی خوش گُو، اَیَر حتی وِ لِواسِشَم دَست بِزِنُم شفا پیدا ایکُنُوم. ²²عیسی وَرگَشت دِیِش و وِش گُو دِلت قوی بُکُن ،که ایمُونِت تُون شفا دا اِز هَمُوساعت زینه شفا پیدا کِرد.²³وقتی عیسی رَه مین هَمُو هُونه، و دی همه هِی سُروو ایخونِن. ²⁴دستور دا بِرین سَرا دُوَر فقط خُووه، نَمُرده اما اُونو وِش خَندِستِن.²⁶وقتی مَردُمِن کِرد سَرا عیسی رَه داخل دست دُوَرِن گِرِه و دُوَر ویریستا. ²⁵خِوَر ای اتفاق مین کُل منطقه پیچِست.²⁷وقتی عیسی اِز او مکان رَه، دوتا میره کور وَستِن وِ دینداش جار ایزِیِن وُی کُرِ داوود، وِ ایما رَحم کُن. ²⁸تا رَه هُونه اودوتا میرهُ رَن تِیش عیسی وِشون گُو ایمون دارین که ایتِرُوم ای کارُن اَنجوم بُوم؟ وِشون گُون ها سَروَرمون.²⁹بعدش عیسی دست نا قَد تیاشون، و گُو اَیَر ایمون دارین تیاتون وازوون. ³⁰هَموسو تیاشون واز وُوی عیسی وِشون هُشدار دا گُو هیچکس خِوَردار نَوُوِه. ³¹اما اُونُو تا رَدِن، همه جان خِوَردار کِردِن.³²هَمُوسُو که اونو هِی ایرَدِن یَه میِرِهُ ای که دیو زِهدِه بی و لال وُوی بی اِوِردِن تِی عیسی. ³³تا عیسی او دیوُن کِرد سَرا، زِوُون میرِه واز وُوی مَردُم حیرت کِردِن که تاحالا چونو چی مین اسرائیل دیده نَوُویه. ³⁴اما فریسیان گُودِن هُو دیوان وِ کمک رئیس دیوا، ایکُنه سَرا.³⁵عیسی مین همه شهرا و دِهاتا ایگَشت مین عبادتگاهاشون درس ایدا، و درد و مریضیان شفا ایدا. ³⁶وقتی جمعیتن دی، دِلِش سُو چونکه مثل گوسفندا بی چوپون پَریشون و دَرمونده بیِن.³⁷وِ شاگرداش گُو مَحصول زیاده اما کارگَرا کَمِن. ³⁸اِز صاحاو محصول بُخُوین کارگر سی دِرُو محصول خوش بفرسته.

¹هاموسودُوازدهتا شاگردشن قدرت دا تا روح ها ناپاکن بُکنن وِدرو هر درد و بیمارین شِفا بن²اینو اسما دوازدهتا رسول بین،اولی شمعون معروف وپطرس وُگووش اندریاس؛یعقو کُر زبدی وُگووش یوحنا؛ ³فیلیپس و برتولما؛توما وُمتیّ باجگر؛ یعقو کُرحلفی وتّدای ⁴شمعون غیور و یهودای استخریوطی که عیسان داد و دشمنون⁵عیسی ای دوازدهتان فرستا و وشون گو، نرین تی غیر یهودیا و مین هیچ شهری اِز سامره داخل نووین . ⁶برین تی گوسفندون بلا وویهء اسرائیل . ⁷وقتی هی ایرین ای خِورون بین که پادشاهی آسمون نزیک وویه.⁸بیماران شِفا بین و مُردیَلن زنده بُکونین، دیوان بُکُونین وِدر. مفت اِستیینه مفتم بدین ⁹نه طلا نه نقره نه مس وا خُتون نَبورین ¹⁰وُ سی سِفَرتون لَواس یا کفش یا چودستی اضافی نبُرین چونکه کارگر مستحق خوراک خوشه.¹¹مین هر شهریا دهاتی که ایرین یَ آدم درستی بجورین و برین طیش وُ اُچو بِمَنین تا موقع رَدَن . ¹²وقتی وِ هونه ای داخل اِیبوئین بُگوین سِلام برایشا ؛ ¹³اَیَر او هونه یو لایق بوسِلام ایشا وِشون ایرسه وُاَیر لایق نَبون وِ خوتون ایوَرگَرده.¹⁴اَیرکسی ایشان نپذیره یا و حرفاتون گوش نَیه موقعی که اِز اوهونه یو هَی ایرین خاک پاتون بِتینین . ¹⁵آمین وِایشا ایگوم مین روز قیامت طاقتِ سزا سدوم و غموره آسونتر اِزاو شهرونه.¹⁶مو ایشان مثل گوسفندون رونه ایکونم برین مین گُرگون ، پَ مثل مارهوشیارو مثل کِموتر ساده بویین. ¹⁷هواستون و مَردم بو اونو ایشان و دادگاه ایبرن و مین عبادتگاهاشون ایشان تَرکه ایزنن ، ¹⁸و خاطر مو ایشان تی قاضی و پادشاه ایبُرن تا جلواونو وُ قومونِ دنیا شهادتی بویین¹⁹اما اَیر ایشان تسلیم کردن نترسین، که چه بُکونین یا چه بُگوین او زمانو هرچی وا بگوین و ایشا عطا ایبو، ²⁰چونکه هوکه حرف ایزنه ایشا نیستین ، روح پدر ایشانه که وجا ایشا صحبت ایکونه .²¹گو، گُونه و بُو، کُرِن و کشتن ایه و بَچیل سَر دا و بُو ایوریستن و اونون ایکُشن؛ ²²همه مردم وخاطر اسم مو اِز ایشامتنفر ایبون ،اما هر کسی که تا و آخربِمَنه نجات پیدا ایکونه. ²³تا مین یَ شهری ایشان اذیت ایکونن فرار بُکونین مین یَ شهری دی آمین و ایشا ایگوم که تا مین همه شهرهای اسرائیل برین ، کُر انسان ایاهه.²⁴نه شاگرد گَفتر اِزاُستاد خوشه ونه غلام بالاتر اِزارباو خوش. ²⁵فقط کافیه که شاگرد مثل استادش بُو وُغلام مثل ارباوش وُوه. پَ اَیر و صاوهونه ایگون شیطون وِچقد بدترن افراد هونش .²⁶پَ و اونو نترسین که هیچی پنهون نیست که نیاهه دیاری و هیچی قام نیست که برملا نَووه. ²⁷هرچی مین تاریکی وِتون گُوم مین روشنایی بُگوینش وهرچی مین گوشاتون گُم سر بُوم جارش بزنین²⁸اِز اونویی که جسمِن ایکُشن، نَتِرسین اونو نَتِرِن روح بُکُشِن اِز هُو بِتَرسین که ایتِرِه هم روحِن م جسمِن مین تَش جَهندَم هِلاک بُکُنه. ²⁹مَر دوتا بِنگِشتِن وِ یَه پیل سیاه نیفروشِن؟ وایحال حتی یَه بِنگِشتَم بی خواست پدر ایشا نیُوفته وِگِل. ³⁰حتی میا سَرِتون هَمَش شِمُرده وُویه. ³¹پَ نَتِرسین چونکه ارزش ایشا بیشتراِز هزارتا بِنگِشته.³²هَرکی جلو مردم مُون بِشناسه، مُو جلو پدر خُوم که مین آسمونه هُون ایشناسُم. ³³اما هرکی جلو مردم مُون اِنکار بُکُنه، مُو جلو پدر خُوم که مین آسمونه اِنکارش ایکُنُوم.³⁴فکر نَکُنین که اِوِیُومه، تا صلح بیارُم سرزِمین نَوِیُومه تا صلح بیارُم بلکه شمشیر اِوردُم. ³⁵اِوِیُوم تا کُرِن وِ بُو، دُوَرِن وِ دا، عروسِن وِ خَسی بریزُم وِ یَک. ³⁶دُشمِنون هرکسی، آدما هُونه خُوش ایبُون.³⁷هَرکی دا و بُو خوشِن اِز مُو بیشتر اِز مُو بُخو، هُو شایسته مُو نیست. ³⁸هَرکی صلیب خوشِن نَگِره وِ دیندا مُو نَیاهه، هُو شایسته مُو نیست. ³⁹هرکی بُخو جون خوشِن حفظ بُکُنه، هُون اِز دست ایِه و هرکی جونِشون وِ خاطر مُو اِز دست بِه هُون حفظ ایکُونه.⁴⁰هَرکی ایشان بپَذیره، مُون پذیرُفته و هرکی مُون بپذیره فرستنده مُون پذیرفته. ⁴¹هرکی یَه پِیامبرین وِ خاطر هُو که پِیامبر هِستو بپذیره پاداشه پیامبرِن ایگِر و هرکی یَه عادلین وِ خاطر هُو که عادل هِستو، بپَذیره پاداش عادلِن ایگِرِه.⁴²هَرکی وِ یَکی اِز این کوچیریَلو چون شاگرد مُو هِستِن یَه لیوان اُو سردی بِه، آمین وِش ایگُوم بی پاداش نیمَنِه.

¹وقتی عیسی ای دَستوران وِ دوازده تا شاگردش دا، اِز اوچو رَه مین شهرهای دیِه که تعلیم بِه و موعظه بُکُنه. ²وقتی یحیی مین زندان، کارا مسیحِن فَهمی شاگردا خوشِن فِرستا. ³تا بِپرسِن آیا تو هامونی که واسکِی بیاهِه یا وا مَندیر کسی دیه بوییم؟⁴عیسی گُو بِرین و هرچِه ایبینین و هرچِه ایشنِوین وِ یحیی بُوگُوین. ⁵که کوریَل ایبینِن و لَسما وِ رَه ایرِن جُزامیا پاک وُوینه، کَرا ایفَهمِن مُردیَل زنده ایبون وِ فقیریَل هم بشارت داده ایبو. ⁶خوش وِ حال کِسی که مین مُو نَلَغزِه.⁷تا شاگردا یحیی هِی ایرَن، عیسی سی یحیی شروع وِ صحبت کِرد و وِ جِماعت گُود رَهدین سی چه مین بیاوُون؟ سی دیَن یَه نِی که باد هِی تِکونِش ایِه؟ ⁸اَیَر نَه پَ سی دیَن چه رَهدین؟ سی دیَن میره ای که لَواس نَرم ُ نازک وَرِش بی؟ اونویی که لَواسا نَرم و نازُک وَرِشونه مین کاخ پادشاهیِن.⁹پَ رَهدین چه بینین؟ پیامبرِن بینین؟ ها وِ ایشا ایگُوم که هُو اِز پیامبر بالاتَر بی. ¹⁰چونکه هُو هامُونه که سیش نِوِشتِنه، حالا پیام آور خُومِن جِلُو تو ایفرِستُم که رَهن سیت واز بُکُنِه.¹¹آمین وِ ایشا ایگُوم کِه گَفتَر اِز یحیی تعمید دهنده اِز دا نَزاییه ، اما کوچکترین مین پادشاهی آسِمون اِز هُو گَفتَرِه. ¹²اِز زمان یحیی تعمید دهنده تا حالا، پادشاهی آسِمون پُر قدرت هِی ایرِه جلو و زورآوَرا هُون ایگِرِن.¹³چونکه همه پیامبرا و تورات تا زمان یحیی پیشگویی ایکردِن. ¹⁴و اَیَر نَخوین بِپَذیرین، یحیی هامو الیاس که واسکی بیاهِه. ¹⁵هَرکی گوش شنوا دارِه ایشنِوِه.¹⁶ای نَسلُون بُگُوم عِین چِنیِن؟ عِین بَچیَلی هِستِن که ایشینِن مین کیچه و بازار، و وِ یَک وِ دُورن جارایزنن ¹⁷ایگُون. سی ایشا نِی زِیدیم، نَرَقصِستین غَمونه خُوندیم سینه نَزِیین.¹⁸چونکه یحیی اِوی که نه ایخَرد و نه اینوشی ،گُودِن دیو داره . ¹⁹پسر انسان اِوید که ایخوره واینوشه ایگُون یَ میرهِ کُم پرست وشراوخوارورفیق خِراجگیراوُگُنه کارایه اما حقیقت،حکمته کاراشِن ثابت ایکونه²⁰اوسو عیسی سرزَنِشت کرد او شهرایین که بیشترمینشون معجزه کرد بی اماتوبه نکردن بی، ²¹اُف وتر خورزین !و اُف وتوبیت صیدا ! چونکه اَیر ای معجزه هایی که مین ایشا بی مین صوروصیدون وُویهء مردمون اوچو خیلی وقت پیش مین هُل و پلاس توبه ایکردن. ²²اما مطمئن بووین مین روز قیامت مجازات صوروصیدون آسونتراز ایشا ایبوه.²³وُتو کفرناحوم که تا وِ فِلک سر بلند کِردیه،مین جهنم سرنگون ایبویی چونکه معجزاتی که مین تو ووی اَیر مین صدوم بیهء تا امروز باقی ایمند. ²⁴اما یُن بدونین که مین روز قیومت مجازات صدوم بهتراِز تو تحمل ایبو.²⁵هاموسوعیسی گو:ای پدر مالک زمین وآسمون تون شاکرُم که ای حقایقن اِز خردمندا و دونایون پنهون کردی وُ وِبَچیل نشون دادی. ²⁶ها پدر چونکه شادی تو مین یُو بی. ²⁷پدر همه چین داده و مووُهیچکس پدرن نیشناسه جز پسر،هیچکسم پسرن نیشناسه جز پدر،وُ کسونین که پسر بخوهه وش نشون ایه.²⁸بین تی مو ای کسونی که زحمتکشین و باراتون سنگینه که مو ایشان آسایش ایوم. ²⁹یُرُکِ مُون وِخوتون بِگرین واِزمو درس بِگرین چونکه ساده و اُفتاده دلوم وُمین جونهای خوتون آسایش پیداایکونین. ³⁰چونکه یُرُک مو راحته وُ بار مو سِوِک.

¹هاموزمان عیسی مین روز شبات اِزتی زِمینها گندم هَی رَد اِیووی وُ شاگرداش که گُسنَشون وُوی بی هَی بُته ها گندومن ایکَندن وایخَردن. ²فریسیا که هَی سَیلِشون ایکردِن وِش گُن شاگردا تو هی کاری ایکونن که مین روز شبات درست نیست.³وِشون گو مَر نخوندینه که داوود و یارانش موقعی که گُسنشون بی چه کِردن ؟ ⁴رَن مین هُونه خدا ،و نون حضورِخدان خَرد که خَردنش سی خوشورفیقاش حِلال نَبی،فقط سی کاهنا بی.⁵یا مین تورات نَخوندینه که مین روز شَبات ،کاهنا مین معبد شَباتن بی حرمت ایکونن وُبیگناهِن؟ ⁶حالا وِایشا ایگوم که یکی گَفتر اِز قدس ایچونه.⁷وُ اَیر یون درک ایکردین که رَحمت ایخوم نه قربونی ،بی گناهونِن سرزنش نیکردین. ⁸چونکه پسر انسان صاحاو روز شباتم هِست.⁹از اُچو رَه مین عبادتگاشون، ¹⁰یَ میره ای که دستش هُشک بی هاموچو بی. اِز عیسی پُرسین،شِفا دادن مین روز شبات درسته یا نه؟ تا یَ بونه ای سی محکوم کِردنش وِدست بیارن.¹¹وِاونو گو اَیریکی اِزایشا یَ گوسفِندی داشته بوه وُمین روز شبات بیوفته مین چَه ،نیگِرین اِز مین چَه بِدِرارینش؟ ¹²حالا آدَمی چقد واارزشتر اِزگوسفنده.پَ خووی کردَن مین روز شبات مُجازه.¹³اوسو وِ هامو میره یو گو، دستتِن دراز بُکن!هوهَم دستش دراز کِرد،مثل اویکی سالم ووی. ¹⁴اما فریسیا رَهدن وِدَر،وایَک شور کِردن که چطور بُکُشِنش.¹⁵وقتی عیسی فَهمِست اِز اوچو رَه،اما خیلیا وِدینداش رَهدن.هُوهم اونون شِفا دا. ¹⁶وُ وِشون گو هیچ جا شُهرَتش نَین. ¹⁷ای اتفاقا وَستن تاگُودهء اَشعیا وِ انجام برسه که گو¹⁸یونه بندهء مو که انتخاوِش کِردُم و عزیزمونه که خاطرُم اِزش راحته. روح خومن اینوم سَرش تا عدالتن مین مین همه قومها اعلام بُکُنه.¹⁹دعوا نیکُنه،قال و مَنقال نیکُنه مین کیچه ها هیچکس صداشن نیفَهمه. ²⁰نَی هیرد وُویَن نیشکنه و فیتیلهءنیمسوزِن خاموش نیکُنه تاعدالت وِ پیروزی بِرسه. ²¹اسمش سی همه امتها امید ایبوه.²²هاموسو یَ میرهء دیوزیده این اِوردن تیش وهون شِفا دا طوری که کورولال هم ایدی هم حرف زی. ²³همه جماعت حیرت کِردن،گُو، آیا یو کُر داوود نی؟²⁴اما فریسیاکه فَهمِستن گون یو وکمک بعلزبول، سَرهء دیوایِ که دیوونن ایکونه وِدر! ²⁵عیسی فِکرِشونن خُوند،وُ وِشون گوهر حکومتی وِضد خوش ویریسته،نابود ایبو،وُهر شهریاهونه ای که وِضد خوش ویریسته،وِ جا نی مَنه.²⁶اَیر شیطون،شیطونن وِدَر بُکُنه ، وِ ضدخوش ویریستاده.پَ چطور حکومتش پاوَرجا بِمَنه؟ ²⁷وُ اَیرمو وکمک بعَلزِبول دیوونن ایکونم وِدَر،بچیل ایشا و کمک کی ایکارُن ایکُنن؟پَ هامونو خوشون ایشان داوری ایکُنن.²⁸اما اَیرمو وِ کمک روح خدا دیوونن وِدَر ایکُنوم،بدونین پادشاهی خدا وِ ایشا رِسیه. ²⁹وُ چطور یکی ایترِه بِره مین هونهء یَ شخص زورداری ومالِشن غارت بُکُنه،مَیر ایکه اول او زوردارون بَنده اوسو هونَشن غارت بُکُنه؟ ³⁰هر کی وامو نیست ، وِ ضد مونه و هرکی وا مو جمع نَکُنه ، پَخش وپِلاایکونه.³¹وِ ایشا ایگوم هر گُنه و کُفری که انسان بُکُنُه آمُرزیده ایبو، اما کفر وِ روح خدا آمُرزیده نیبو. ³²هرکی حرفی وِ ضدِ پسر اِنسان بِزِنه ،آمزریده ایبو اما هرکی وِ ضِدِ روح القدس حرف بِزِنه، نَه مین ی دنیا نَه مین او دُنیا آمُرزیده نیبو.³³اَیَر میوه خُوا بُخُوین وا دِرَدِتون خو بُوه، چونکه دِرَدِ بَد میوه بَد ایِه دِرَدِن اِز میوه ش ایبو بِشناسی. ³⁴ای اَفعی زادیَل، ایشا که بَد سیرَتین چِطُور ایتِرین حرف خُو بِزِنین چونکه هَرچی مین دِلِته وِ زونِت ایاهِه. ³⁵آدم خُو اِز خِزینه خُویی دل خوش، خُویی ایارِه اما آدم بد اِز خِزینه بد، دل خُوش بدی.³⁶اما وِ ایشا ایگُوم که مردم سی هر حرف وِلی که بِزِنِن، مین روز داوَری حِساو پَس ایِن. ³⁷چونکه وا حرفا خوتون آزاد ایبویین و وا حرفا خوتون محکوم ایبویین.³⁸هاموسو چَنتا اِز عُلَما دینی و فِریسیان وِش گُودِن: اُستاد ایخُویم چَنتا مُعجزه اِز تو بینیم. ³⁹جُواو دا نَسل ظالم و زناکار معجزه ایخُون اما معجزه ای وِشون داده نیبو جز معجزه یونس پِیامبر. ⁴⁰چونکه هاموطورکه یونس سه روز و سه شُو مین کُم ماهی گَپی بی، پِسر انسان سه روز و سه شُو مین دل زِمین ایمَنه.⁴¹مَردُمون نینوا مین روز داوَری وا ای نَسلُ ایویریستِن، و مَحکومِشون ایکُنِن چونکه اونو وِ خاطر حرفها یونس توبه کِردِن اما حالا، یَکی گَفتَر اِز یونِس ایچُونه.⁴²ملکه جنوب مین روز داوری وا ای نَسلُو ایویریستِه، و مَحکومِشون ایکُنه چونکه هُو اِز اووَر دنیا اِوِی تا حِکمَت سلیمانِن گوش بِه، وا ای حال یَکی گَفتَر اِز سلیمان ایچونه.⁴³هَرسا یَه روح ناپاکی اِز یَکی ایدِرا، ایرِه جاها هُشک و خالی تا یَه جایی سی راحتی خُوش بِجوره اما نیجوره. ⁴⁴پَ ایگُو وِ هونه ی که اِزش اِوِیُومه ایوَرگَردُم، اما وقتی اوچُو ایرِسِه و هُونَن خلی و پاک و تِمییز ایجورِه. ⁴⁵ایرِه و هَفتا روح بدتر اِز خوشِن ایارِه همه داخل ایبون و اوچو سُکونَت ایکُنِن، نَتیجَش یُو ایبو که اَخِرِش او اَدَمو بدتر اِز اَوَلِش ایبو به عاقِبَت ای نسل شریر هَمیو ایبو.⁴⁶مین هامو حال که عیسی وا مردم هِی صحبت ایکِر داش و گُویَلِش بیرون واستان بی ایخاستِن واش صُحبَت بُکُنِن. ⁴⁷یَه نِفَر اِوِی وِش خِوَر دا، که دا و گُویَلِت بیرون واستانِه و ایخُون وات صُحبَت بُکُنِن.⁴⁸جُواو دا، دا مُو کیه؟ گُویَل مُو کیا هِستِن؟ ⁴⁹اُوسُو وا دَست وِ شاگِرداش اِشاره کِرد و گُو اینُو دا و گُویَل مُونِن. ⁵⁰چونکه هَرکی اراده پدر مُون که مین آسِمونه وِ جا بیارِه هُو گُو و دِی و دا مُونِه.

¹ها موروز عیسی اِز هُونَش زِی وِ دَر و بیرون هُونَش اِوِی، نِشست بال دریا. ²اما چُونو جمعیت گَپی دُورِش گِرِن که سُوار قای وُوی و نِشَست، طوری که مردم مین هُوشکی واستادِن بی.³اُوسُو خیلی چیان وا مِثَل سی شو تعریف کِرد گُو، یَه روزی یَه کِشاوَرزی سی تُحم رِدَن زِی وِ دَر. ⁴تا دونه ایپاشی، بعضیاشون ایوَستِن سَر رَه و بِنگِشتون ایوِین ایخَردشون. ⁵بعضیاشونَم ایوَستِن سَر کِل بَردا که زیاد خاک ناشتِن، و زی سُوز ایوُوی چونکه خاکِش کَم پی بی. ⁶اما تا اَفتُو ایدِوِی ایسودِن و چونکه ریشه ناشتِن هُشک ایُوویِن.⁷بعضیاشونَم مین خار و گَشِه ایوَستِن و خارا گَپ ایوِوِیِن، اونُون خَفِه ایکِردِن. ⁸اما بقیه دونه ها سَر زِمین خُو ایوَستِن وبار دادِن، بعضیا صد بِراوَر بعضیا شصت بِراوَر و بعضیا سی. ⁹هَرکی گوش شنوا دارِه بِشنوِه.¹⁰اوسو شاگرداش ایوین تیش و وِش پُرسین،سیچه وا مردم وا مثل صحبت ایکونی؟ ¹¹مین جواوِشون گو سِرِ پادشاهی آسمون فقط وِ ایشا داده وویه نه وِاونو، ¹²چونکه و هرکی داره بیشتر داده ایبوتا وِ فراوونی داشته بوهِ. وُ اِز هوکه ناره هاموهم که داره گِرِده ایبو.¹³سی هم چینو وا اونو مثَل طُور صحبت ایکُنوم چونکه سَیل ایکُنِن اما نیبینِن و شِنوا هستن امانیشنُونُ و نیفهمن. ¹⁴پیشگویی اشعیا درباره شون وحقیقت رِسی که ایگو،وِگوشا خوشون اشنُون امانیفهمن و تیا خوشون ایبینِن اما درک نیکُنن.¹⁵چونکه دل ای قومو سخت وُویه وگوشاشون سنگین وویه و تیاشونن بَستِنه، که یَوقت وا تیاشون نَبیینن و واگوشاشون نَشنوفِن وُ مین دلشون نفهمِن وُ وَرگَردن و شفاشون بُوم.¹⁶اما خوش وِحال ایشا که تیَلِتون ایبینِن و گوشاتون اِیشنوفِن ¹⁷آمین و ایشا ایگوم که خیلی اِز پیغُمبَرا و خداپرستا دلشون ایخواست اُوچی که ایشا ایبینین ، بینن وُ نیدِن وهرچی ایشا گوش ایدین بِشنُوفن اما نَشنییِن.¹⁸پَ ایشا معنیه مَثَلِ کشاورزن گوش بین. ¹⁹وقتی کسی کِلُوم پادشاهی آسمونِن ایشنوه اما هُون درک نیکُنه شیطون ایاهه وهرچی مین دلش کاشته وویه ایبُره یو هامودونه ایه که مین رَه وَست.²⁰وُ دونه ای که سَر بَردا وَست کسی هست که بی معطلی کِلومِن ایشنووه وُ فوری هُون وا شادی ایپذیره، ²¹اما چونکه ریشه ناره یکم دِووم ایاره اما تا وخاطر کِلوم یَخُوردهء سختی و اذیت ایاهه،فوری ایبوفته.²²دونه ای که مین خارو گََشه وَست،هامو کسی هست که کِلومن ایشنووه اما نِگَرونیا دنیا وُ فریبِ مال و ثروت خَفَش ایکونه وُ بی ثَمرایمَنه. ²³اما دونه ای که مین زمین خو وَست کسی هست که کِلومِن ایشنووه، هون ایفَهمه وُثمر و بار ایاره،بعضی صدتا بعضی شصتا و بعضی سی تا وِبار ایاره.²⁴عیسی یَ مَثَلی دی سیشون گو،پادشاهی آسمون مثل میره ایه که مین زمینش دونهء خو کاشت، ²⁵اما موقعی که مردمون خُو بییِن دشمنشون اِوی وُ مین گندُمش عِلَف هَرز کاشت و رَه. ²⁶اوسو که گندم سُوزوُوی علفاهم دِویدِن.²⁷کارگرا صاوهونه رَهدِن تیش وُوِش گُودِن،آقا مَر تو دونهء خو مین زمینت نَکاشتی؟پَ ای علفا هرزو اِز کُوجه اِوِیه؟ ²⁸وِشون گُو یو کار دُشمِنونه. گُودِن :اِیخوی بریم اونون جمع بُکنیم؟²⁹گو، نه،اَیربُخُوین عِلَفها هَرزن جمع بُکونین گندُمانم وِ ریشه ایدِرارین. ³⁰بِلین هاردو تا موقع دِرو، وا یَک گَپ وُوِن اوسو موقع دِرو،وِ دروگرا ایگوم که اول عِلفها هُرزن جمع بُکونن و بِسوزنینِشون اوسو گندمان مین تاپو انبارِشون کنین.³¹دوواره یَ مِثَلی دی سیشون گو،پادشاهی آسمون مِثل دونهء خُردلی ایمَنه که یَ نفر هوُن بُرد مین زِمینش کاشت . ³²واحالی که دونه خَردل اِزهمهء دونه ها کوچیر تره اما وقتی رُشد ایکنه اِز همه دِرَدا باغ گَفترایبو،دِرَدی ایوُوه که همهء پَرَندیَل آسمون ایان مین لِتاش هونه ایکُنن.³³وُ مِثَلی دی سیشون گو،پادشاهی آسمون مثل مایهءخِمیریه که یَ زینه ای اِوی واسه تا کیسه گَپ آرد قاطیش کرد، تا وَر اِوی.³⁴عیسی همه ای حرفانه وا مِثَل سی جماعت ایگو،وُهیچی بدون مَثَل نَگو، ³⁵یو وِ اَنجوم رِسی تا گُودِهء پیامبر وِاِتمام برسه،دونوم وِ مِثَل واز ایکونموُ هرچی که اِز اول دنیا قام بین، ایگوم³⁶اوسو عیسی جماعتن رَد کِرد، وُ رَه مین هونه و شاگرداش اِوین تیش،وِش گُون مَثَل علَفها هَرز وزمینن سی ایما بُگو. ³⁷هوهم جواو دا ، اُو کسی که بذر خو ایکاره پسر انسانه، ³⁸زمین ای دنیایه، و بذرخو هم بَچیل پادشاهی آسمونن،وعِلَفها هرزم بچیل شیطونِن. ³⁹وُ دشمِنی که اُونون ایکاره، ابلیسه وفصل دِرو آخِرِزَمونه و فرشته هاهم دروگراین.⁴⁰هاموطور که عِلَفا هَرزین جَم ایکونِن و ایسوزنن، مین آخر زِمونم هَمیطور ایبو. ⁴¹پسر انسان فِرشتیل خوشِن ایفرسته و اُونو هرکی که باعث گُنایه وُ هم بدکاران جَم ایکُونن، ⁴²وُ اونون اِیبِن مین کُورهء تَش،هاموچو که گیریوه و دندون و دندون سائیدن هِستو. ⁴³اوسو خداپرستا مین پادِشاهی پِدر خوشون، مِثل اَفتُوی ایدرَخشن. هرکی گوش شِنوا داره ایشنُوه.⁴⁴پادشاهی آسمون مِثل گنجی هِستو، که مین دل زِمین پِنهونه وُ یکی ایره ایجورِشو باز قامِش ایکونه وُ ایره همه دارونَدارش ایقُروشه وُ ایاهه او زِمینون ایخره. ⁴⁵دوواره پادشاهی آسمون مِثل تاجریه که دیندا مِرواریا اصله، ⁴⁶تا یَ مِرواری وااَرزشی اِیبینه ایره هرچی داره ایفروشه و هون ایخِره.⁴⁷باز پادشاهی آسمون مِثل تورمایی هِستو که مین دریا ایبِنِش و هر نوع ماهی ایا مینِش، ⁴⁸اوسو که پُر وُوی ایکِشِنش سَر آو ، وُاینِشینِن خووان ایریزِن مین سَلَح وُ لیشییَلِشون ایریزِن ایره.⁴⁹آخر زِمونم هَمی طورُنه ،که فرشتیَل ایاهِن بَدیَلِن اِز مین خُویل جدا ایکون، ⁵⁰وُ اُنون ایبِن مین کورهء تَش هاموچو که گریوه ودندون و دندون سائیدنه.⁵¹عیسی وِشون گو،حالا فهمیدین اینویی که گُوم؟ گودِن ها خداوند. ⁵²دوواره وِشون گو، پَ هر عالم دینی ، که دربارهء پادشاهی آسمون درس گِرده، مثل صاوهونه ایه که مین خِزینه ش چی نو و کونه ایدراهه. ⁵³وقتی عیسی ای مِثَلاهون تِموم کِرد اِز اوچو رَه.⁵⁴رَه مین شهرخوش وُ مین عبادتگاشون دَرس ایدا،مَردمم تعجب کِردن، وایپُرسین،ای شخصو چطور چونوحکیم و قدرتمند وُویه؟ ای معجزان اِز کوجه یاد گِرِده؟ ⁵⁵مَر هو کُر نجار نیستو؟مَر اسم داش مریم نیستو؟وُ گویَلِش یعغو ویوسف و شمعون و یهودا؟ ⁵⁶مَرهمه دییَلِش همیچو تی ایما نیستن؟پَ ای چیان اِز کوجه یاد گِرِده؟⁵⁷ونظَرشون نادرست اِوی. اما عیسی وِشون گو، نَبی بی حُرمت نیبو بغیرازمین شهرخوش و هونهء خوش. ⁵⁸وُ اوچو وِ خاطر بی ایمونیشون زیاد معجزه نکرد.

¹هاموقع آوازهء عیسی وِ گوش هیرودیس پادِشا رِسی، ²وِ زیردستاش گُو،یُو یحیی غسل دهندهء که ایز مین مُردیل ویریستاده،سی هم چینو قدرت داره ای کاران بُکونه.³هیرودیس وِخاطرهیرودیا ،که قبلا زینه کاکاش فیلیپُس ،بی یحیان گِره بِست مین زندان؛ ⁴چونکه یحیی وش گو بی ای زینه یو وِتو حِلال نیست. ⁵ایخواست یحیان بُکُشه، اما اِز مردم که یحیان وِ پیامبری قول داشتن ایتَرسِست.⁶مین روز تولد هیرودیس، دُوَر هیرودیا چونُونی رقصسِت، که دِل هیرودیسِن شاد کِرد. ⁷که قِسَم خَرد، هرچی که بُخو وِش ایِه.⁸⁹دُوَر که داش تَحریکِش کِرد بی گُو: سَرِ یحیی غُسل دهندنِ هَمیچُو مین یَه سینی بُوم. پادشاه خیلی ناراحت وُوی، اما وِ خاطر قِسَمی که خَرده بی و وِ احترام مِهموناش گُو بِدِنِش.¹⁰پَ فِرِستا سَر یَحیان مین زِندون جدا کِرد. ¹¹و هُون مین یَه سینی اِوِردِن، دان دُوَر و هُوهَم دادِش وِ داش. ¹²شاگِردا یحیی هَم اِوِیِن، جَسَدِشِن بُردِنِش خاکِش کِردِن و بعد اِوِیِن، وِ عیسی خِوَر دان.¹³وقتی عیسی یُون فَهمی سُوار قایق وُوی، و رَه مین یَه جا دیری خَلوَت کِرد مردم که خِوَر دار وُوییِن، وا پا پیاده اِز شهرا خُوشون وَستِن وِ دینداش. ¹⁴وقتی عیسی اِزقایق پیاده وُوی، و او جِماعَتون دی دِلِش سیشون سُو وِ رَحم اِوِی و مَریضاشون شِفا دا.¹⁵دَم غُرو شاگِرداش اِوِیِن وِش گُون ایچُو مِکان پَرتیه و دیرمِجالِه، مَردُمِن رَد کُن تا ِبرِن مین دَرِدِهاتا دُوروُبا یَه چی بُخُوِرِن.¹⁶عیسی وِشون گُو لازم نی، مردم بِرِن خُوتون غذا بینیشون. ¹⁷شاگرداش گُودِن ایچُو فقط پَنجتا نون و دوتا مایی داریم. ¹⁸عیسی گُو اونُون بیارین تِی مسو.¹⁹اوسُو دستوردا مردم بِشینِن سَر عِلَف بعد پَنجتا نون و دوتا ماییِن اِستِی و سِیل آسِمون کِرد و برکت دا بعد نونان پارِه کِرد و دا شاگِرداش اونو هم دان مردم. ²⁰همه خَردِن و سیر وُویِن و اضافیاشِن، دُوازدَه تا سَلَن پُر کِرد. ²¹اونو که خَردِن بِغِیر اِز زَنگَل و بَچیَل پنج هِزارتا میرِ بیِن.²²عیسی سریع وِ شاگرداش گُ تا مردُمِن مُرخَص ایکُونِه اونو سُوار قایق وُوِن، و قبل اِز هُو بِرِسِن اُوَر دریا. ²³مَردُمِن که مرخص کِرد، خوشو تَک رَه سَر کُوه که دعا بُکُنِه شُو وُوی و هُو هم هامُوچُو خُوشو تَک مَند. ²⁴قایق که اِز هُوشکی دیر ایُوی تِکون ایخَرد، چونکه باد بَرعکس ایوِی.²⁵آخِرا شُو بی، که عیسی قَدَم زِنون سَر آو، رَه تِیشون. ²⁶وقتی شاگردا هُون موقع رَه رَهدِن سَر آو دیِن تَرسِستِن، گُون آیا روحِ و اِز تَرس ایقارنیِن. ²⁷اما عیسی وِشون گُو دِلِتون نَلَرزِه، مُونُوم نَتَرسین .²⁸پطر جُواو دا سروَرَم اَیَر تونی دستور بِه تا مُو هم سَر آو، بیام تِیت. ²⁹دستور دا بیُو اوسو پطرس اِز قایق دِوِی، و ری آو رَه سمت عیسی. ³⁰اما تا بادِن دی تَرسِست و وَست مین آو، و جار ایزِی سرورم نِجاتُم بِه.³¹عیسی فوری دَستِش دِراز کِرد، و هُون گِرِه و وِش گُو وُی کم ایمون سی ه شک کِردی؟ ³²تا اِوِیِن مین قایق باد خِلاص وُوی. ³³بعد کسایی که مین قایق بیِن جلو عیسی زونی زِِیِن، و وِش گُون وِ راستی که تو پسرخدایی.پَ وقتی و اُوَر آو رِسیِن مین منطقه جنسیره دِوِیِن. مَردُمون اوچو عیسان شِناختِن، و رِوُنه کِردِن تِموم اطراف مریضان اِوِردِن تِیش. اونو اِلتِماس ایکِردِن که اجازه بِه دست وِ اَباش بِزِنِن و هرکی دست ایزِی شِفا پیدا ایکِرد.

¹بعدِش یَ عده اِز فریسیاوعلما دینی اورشلیم اِوین تی عیسی،وِش گُون، ²سیچه شاگردا تو رسم ورسوم گََفترونِن اینِن زیرپا،چونکه اونو دستاشونِن قبل اِز غذا خَردن نیشورِن؟ ³هوهم گو ایشا سیچه یس رسم ورسوم خوتون حکم خُدان زیرپا اینین؟⁴چونکه خدا ایگووِپدرومادر خوت احترام بنه،وُ هرکی وُپدرومادر خوش ناسِزا بُگو وا کُشته ووه. ⁵اماایشا ایگُوین هرکی وِ پدرومادرش بُگو هرکمکی که مو ایترُم بُکُنوم وقف خُدایه، ⁶ایطورُنی دیه سی هو واجب نی وِ بُوش احترام بِنه ،ایطورونی سی رسم ورُسومتون حکم خدان باطل ایکُنین.⁷ای ریاکاران،اِشعیاچقدقشنگ دربارهء ایشا پیشگویی کِرد که گو، ⁸ای قومو وا لُواشون وِمو احترام اینین،اما دِلاشون اِزمو دیره. ⁹اونو مون عبادت ایکُونِن اما درساشون غیرازافکار انسانی هیچی نیست.¹⁰اوسومردمِن تی خوش جمع کردوُگُو گوش بین وبفهمین؛ ¹¹هرچی که اینین مین دونِتون ایشان نِجست نیکُونه ، هرچی که اِزدونتون ایاهه وِدر،هو آدمِن نِجسن ایکونه.¹²اوسو شاگِرداش اِویِن،وِش گُون،آیا ایدونی ای حرفا تو سی فریسیا ناپِسنده؟ ¹³عیسی جُواودا هَر بُوته ای که پدر آسمونی مو نکاشته بوه،ریشه کن ایبو. ¹⁴گو اونون وِ حال خوشون بِنین،ای کُورا راهنوما کورییَلِن،هَرسا کوری عصا کِش کوری دی ایبو هاردو ایبوفتن مین چَه.¹⁵پطرُس گُو ای مَثَلون سی ایما بُگو. ¹⁶عیسی جواو دا،آیا ایشا هم هَنی نیفَهمین؟ ¹⁷آیا ایشا نونین که هرچی اِزدون داخل ایبوایره مین کُوم و بعد دفع ایبو.¹⁸اما هرچی اِزدون ایدراهه،اِز دل سرچشمه داره وُ یونه که آدَمین نِجِست ایکونه. ¹⁹چونکه اِزدله که فِکرا خِراو، قتل و زنا وبی عفتی و دزدی و شهادت دورو تهمت ایاهه وِدر. ²⁰اینونن که آدَمین نِجست ایکُونِن، نه غذا خَردن وا دستها نَشوشته.²¹عیسی اوچون ترک کرد وُ رِه مین منطقه صوروصیدون. ²²یُهووه یَ زینهء کنعانی از مَردِمون هاموچواِوی تیش وُ لیکه زِنون ایگو،سَروَرُم ای کُر داوود وِ مو رحم کن دووَرُم کیلو وویه. ²³اما عیسی هیچ جوواوِش نا تا شاگِرداش اِویِن وُ ازش خواهش کِردن، هون رَدِش کن،خیلی لیکه ایزِنه وُ وِ دیندامون ایاهه.²⁴مین جواوِشون گُو مو فقط سی گُوسفندیل بِلا وُویه اسرائیل اِویومه. ²⁵اما او زینه یو اِوی جلوپاهاش زُونی زی گُو سَروروم وِدادُم بِرس. ²⁶مین جواوِش گُو نون بَچییلِن اِستِیَنو تی سَگییَل بِستَن دُرُست نیست.²⁷او زینهُ هم گُو ، دُرسته سرورُم اما سَگییَلَم اِز نون کولایی که سُفره صاحاوِشون ایبوفته ،ایخورِن. ²⁸اوسو عیسی گُو ای زینه! ایمونت خیلی زیاده! خواستت برآورده وُوی ،مین هاموساعت دووَر شفا گِره.²⁹عیسی اِز اوچو حَرکت کِرد ، تا وِ کنار دریاچه جلیل رِسی رَه َر یَ بُلندی کوهی نشست. ³⁰وُ یَ جماعت زیادی اِوین وواخوشون شَلان وکُوران و گُنگ و لَنگان اِوردِن تیش و اونون شِفا دا. ³¹مَردمون، که دیدِن گُنگا حرف ایزنِن وشَلا سالم ولَنگا وِ ره ایرِن وکورا ایبینِن،تعجب کِردن و خدای اسرائیلِن شُکر کردن.³²عیسی جار شاگِرداش زی و گو،دلوم سی ای مَردِمونُ ایسُوسه چونکه حالاسه روزه وا مونِن هیچی سی خَردَن نارِن نیخُوم اونون گُسنه رَد بُکنوم بِره یَوقتی مین رَه ضعف ایکُنِن. ³³شاگِردونش گون مین ای بیاوُنوکوجه ایتریم سی ای جماعتونون کِراکُن بِجوریم؟ ³⁴پُرسی چندتا نون دارین؟ گون هفتا نون و چندتا ماهی کوچیر. ³⁵پَ وِ مَردم دستور دا بِنِشینن ری زِمین.³⁶اوسو هفتا نون و چندتا ماهینِ گِره ، بعداِز شکر کردَن تیکه کرد دا شاگرداش وُشاگرداشم دان جماعت. ³⁷همه خَردن و سیر وُوین وهفتا زنبیل اِز تیکه ها جَم کِردن. ³⁸غیر از زَنگَلُ و بَچیل چهارهزارتا مِرد خوراک خَردِن. ³⁹بعد عسی مَردِمونِن مُرخَص کرد رَه مین منطقه مَجِدون.

¹فریسیا و صدوقیا اِوین تی عیسی تا آزمایِشش بُکونن،وِ ای نیت اِزش خواستن یَ معجزهء آسمونی نِشونمون به. ²مین جواوِوِشون گُو: مُوقِع آفتو زَردی ایگُوین هوا خُوه،چینوکه ری آسمون سُره ،³وُ خُروس خُون ایگوین اَمروز هوا خِراوه چینوکه آسمون سُره وُ گِرهدهیه .وُی ریاکارا ایشا خو سَیل آسمون بُکونین،ایگوین چطوره،اما زِ تعبیر نِشونه ها زِمونَه ناتِوُنین! ⁴نسل شَریرو زناکار، آیت اِیخون،اما آیتی وِشون داده نیبو بغیراز آیت یونس پیمبر.وُ اونون وِل کِردو رَه خوشِن رَد.⁵شاگِردا وقتی هی ایرَن اووَر،یادشون رَه واخُشون نون وَردارِن. ⁶عیسی وِشون گُو آگاه بوئین که اِز خمیرمایهء فریسیاو صدوقیا دیری بُکُنین. ⁷اونو هی وا خوشون فِکر ایکردِن ،که وا خومون ،نون نَوردیم. ⁸عیسی فَهمی که چِشونه،وِشون گُو ای سست ایمونیل ،سی چه یس نون هَی فکر ایکونین که نَِوِردینه؟⁹سیچه نیفَهمین و یادتون نیااُو پنجتا نون و پنج هزار نفرو و چندتا زنبیل نونی که جَم کِردین؟ ¹⁰یا او هفتا نون و چهارهزار نفرو وُ چندتا زنبیل که جَم کِردین؟¹¹پَ سیچه متوجه نیستین که مو اِز نون حرف نیِزنوم فقط ایگُوم اِز خمیر مایهء فریسیا و صدوقیا دیری بُکونین؟ ¹²اوسو متوجه ووین که دربارهء تعلیمات فریسیا و صدوقیا ایگو نه دربارهء خمیرمایهء نون.¹³وقتی عیسی وِ منتطقهء قیصَریَه فیلیپُ رِسی،اِز شاگرداش پُرسی،وِ گُودهء مردُم پسرانسان کیه؟ ¹⁴گُودن بعضی یحیای غسل دهنده ایگون و بعضی ایلیاوبعضی اِرمیا یا یکی اِز پیامبرا. ¹⁵وِشون پُرسی وِنظر ایشا مو کیوم؟ ¹⁶شمعون پطرُس جوواو دا، تونی مسسیح ،پسر خدای زنده!¹⁷عیسی مین جواوِش گو،خوش وِحالت شمعون کُر یونا! چونکه ای حقیقَتون جسم وخون وِتو آشکار نَکرد ،بلکه پدرِمو که مین آسمونه. ¹⁸موهَم و تو ایگوم که تونی پطرُس وَسَر ای بَردو کلیسا خُومن ایسازُم وُ دروازه ها جَهنم سرش هیچ قدرتی نَترِن داشته بووِن.¹⁹کلیدا پادشاهی آسمونِن ایوم تو،هر چی سَرزمین بندی مین آسمون بسته ایبو و هرچی سَر زِمین واز بُکونی مین آسمون واز ایبو. ²⁰وُ شاگرداشن جَم کردو منعشون کِرد که وِ هیچکس نَگون هو مسیح هِستو.²¹وُ اِز اوسو وِبعد عیسی شاگرداشِن آگاه کِردکه حقیقت یونه که بِره اُرشلیم وُ اُچو اِز گَفتَرون وعلما دینی وکاهِنا آزارواذیت زیاد ایبینه وُ کشته ایبو وُ مین روز سوم ایویریسته. ²²اما پطرُس وِش گو،اِز تو دیر با سروَروم ،نَکنه ای خداوند که همچی چی سی تو اِتفاق بوفته! ²³اما هُو وَرگَشت، وِ پطرُس گو، از مُو دیر وُو ای شیطون تو جلو رَه مونی، چونکه فکرا تو انسانیِن وُ خدایی نیستن.!²⁴اوسو وِ شاگردا خوش گُو، هر کی ایخو اِز مو پیرَوی بُکنه،وا خُوشن اِنکار بُکنه و چُو دارِشن وَرداره وُ دیندا مو بیاهه. ²⁵چونکه هر کی بُخوهه جون خُوشِن نجات به،هُون اِز دست اِیه، اما هَرکی وِ خاطر مو جونِشن اِز دست به، هُون وِ دست ایاره. ²⁶چه سود سی آدمی داره که همه دنیان بُره اما جونِشن اِز دست به؟یا آدمی سی وِ دست اِوردَن جون خوش چه فَدا ایکُنه؟²⁷چونکه پسر انسان مین جلال پدر خُوش وا فِرشتییَل ایاهه وُهر کین سی اعمالش جِزا ایه. ²⁸آمین وِ ایشا ایگوم که بعضیا که ایچو واستانه تا پسر اِنسانن که مین پادشاهی خُوش ایاهه نَبینِن، مِزه مَرگِن نیچِشن.

¹شیش روز بعد، عیسی، پطرس و یعقوب و گُوش یوحنان گِرِه و وا خُوش سَر بلندی یَ کُوهیِ وِ خلوت بُرد. ²هامُوچُو، جلو هامونو ،رنگ ریش عِوَض وُوی :صورَتِش مث اَفتُو ایدِرَخشِست، وُ لَواساش مثل نوری، سفید وُویِن.³مین هَمی موقع موسی و ایلیا جلو تیا اونو ظاهر وُویِن، و واعیسی هِی صحبت ایکِردِن. ⁴پطرس وِ عیسی گُو: ای سَروَرم، بیَنِ ایما ایچو خُوه. اَیَربُخُوی ،سه تا کِپَر بسازیم ،یِکی سی تو، یِکی سی موسی و یِکی سی ایلیا.⁵هَنی حرف پطرس مین دونِش بی که یَه آورِ دِرَخشونی اِوِی دُورِشون گِرِد، و صدایی اِزِش اِوِی که گُو: یُونِه کُر عزیزمو که اِزِش راضیُم؛ گُوشِش بِگرین. ⁶وا شِنیَن ای صدا شاگِرداش خیلی تَرسِستِن، وُ وِ رِی سَرزِمین وَستن. ⁷اما عیسی نِزیکِشون وُوی، و دست ناهاد سَرِشون وگُو: ویریستین و نترسین. ⁸وقتی تیاشون واز کِردِن ،دی هیچکسِن بِغیر عیسی نِیدِن.⁹وقتی اِز کُوه هِی اِوِیدِن دوِن، عیسی اُونون امر کرد:هَرچی دِیدین سی کسی وازگو نَکُنین ،تا زمانی که پسر انسان اِز مُردیَل ویریستِه. ¹⁰شاگِرداش اِزِش پُرسیِن: سی چه عُلَما دین ایگُون که اول ایلیا وا بیاهِه؟¹¹جُواو دا : البته که، ایلیا ایاهِه و همه چینَم اصلاح ایکُنِه. ¹²اما وِ ایشا ایگُوم که ایلیا اِوِی، اما هُون نَشناختِن و هرچی خواستِن واش کِردِن .هامُو طُورَم پسر انسان وِ دَستِشون آزار ایبینِه. ¹³اوسو شاگِرداش فَهمیِن که دربارهء یحیی غُسل دهنده هِی گَپ اِیزِنه.¹⁴تا وَرگَشتِن تِی جِماعت، یَه میرِه ای اِوِی نِزیک عیسی و جِلُوش زُونی زِی و گُو: ¹⁵سَروَرُم،وِ کُرُم رحم کن. تَشَنُج داره و خیلی عِذاو ایکِشِه .بیشتر وقتا ایبوفتِه مین تَش و آو. ¹⁶هُون اِوِردُم تِی شاگردات، اما نَتِرستِن شِفاش بِِن.¹⁷عیسی مین جُواوِش گُو: ای نسل کَم اِیمون و اِز رَه وَرگَشتِه، تا و کِی واتون بُووم وتحملِتون بُکُنُم؟ هُن بیارین تی مو. ¹⁸عیسی وِ دیو نِهیو زی، وُ دیو اِز کُر زی وِ در و هامو لَحظه کُر شفا پیدا کِرد.¹⁹اوسو شاگردا اِوِیِن تِی عیسی وُ مین خَلوَت وِش پُرسیِن: سی چه ایما نَتِرستیم اُو دیوُن وِ در کنیم؟ ²⁰جُواو دا :چینوکه ایمونِتون کَمِه .آمین ،وِ ایشا ایگُوم، اَیَر وِ اندازه یَه دونه خَردلی ایمون داشته بویین ،ایتِرین وِ اِی کُوهُ بُگُوین اِز ایچو جاوِجا وُوه وُ جاوِجا ایووه و هیچ خواسته ای سی ایشا غیر ممکن نی. ²¹اما این جنسُو بغِیر وزه و دعا وِ دَر نیرَه.²²موقعی که مین جلیل دورِ یَک جمع وُویِن عیسی وِشون گُو: پسر انسان، وِ دست مردم تسلیم کرده ایبو. ²³اونو هُون ایکُشِن و هُو مین روز سوم ایویریسته، و شاگرداش خیلی ناراحت وُویِن.²⁴بعد هُو عیسی و شاگرداش و کفرناحوم رِسیِن، مأمور مالیات دو درهم ،اِوِیِن تِی پطرس وِش گُون: استاد ایشا هم مالیات معبدن ایِه؟ ²⁵هُو هَم جُواو دا :البته که ایِه ! تا پطرس رِسی هُونِه، قبل اِز ایکه حرفی بِزِنه، عیسی وِش گُو: شمعون پادشاها جهان، اِز چه کسایی باج و خراج اِیستونِن؟ اِز بَچیَل خوشون یا اِزاَجنِوییَل؟ چه ایگُوی؟²⁶پطرس جُواو دا :اِز اَجنویَل عیسی وِش گُو: پَ بَچیَل مُعافِن! ²⁷اما وِ خاطر ای که نَرَنجونیمِشون بِرُو بال آو وُ قِلاوِ بِه . اوّلین ماهی که گِرِدی، حلقِش واز کن .سکه چهار درهمی ایجوری. وا هو سهم خُوم و خوتِن بِدِشون.

¹مین هامو ساعت،شاگردا عیسی جَم وُوین دُور عیسی وِش گُون، کی مین پادشاهی آسمون وِ همه گَفتره؟ ²عیسی یَ بَچه این بُنگ کِرد، وُ ناهاد وَسَطشون ³وگُود، آمین وِ ایشا ایگُوم تا تعقیر نَکُنین وُ مثل بَچیل نَووین، اصلَن مین پادشاهی آسمون رَه پیدا نیکُنین.⁴پَ هرکی خُوشِن مِثل ای بچهُ فروتن و اُفتاده نَکُنه، اصلا مین پادشاهی آسمون رَه پیدا نیکُنه. ⁵وُ هر کی چونو بُچه این وِ نوم مو قِول بِکنه، مُون قِول کرده. ⁶اما هر کی باعث وُوه یکی اِز ای کُوچیریَلو که وِمو ایماندارن، بِلَغزِن ، سی هُو بهتره که یَ سنگ آسیُووگَپی وِ گَردنش بَنده ، و خُوشن ته دریا غرق بُکنه!⁷وای وِ ای دُنیا وِ خاطر لَغزِشاش ؛ سی یو که نَتری اِز لغزِشا دیری بُکنی ، اما وای بَر هو که انجامِشون ایه. ⁸پَ اَیر دستت یا پات تون ایلَغزونه،هون قطع بُکن وُ وِرِش به وِ دیر، چونکه سی تو بِهتره لنگ یا شَل وِ زنده ای ابدی رَه پیدا بُکنی تا ایکه وا دو دست یا دو پا مین تَش ابدی بِسته وُوی.⁹اَیر تیَت تون ایلَغزونه، هُون بِدرار وُ بِش وِ دیر، چونکه سی تو بهتره که وا یَ تیه بِری مین زنده ای ابدی تا وا دوتا تیه مین تَش ابدی بِسته وُوی.¹⁰هواستون بُوِه که حتی یکی اِز ای کُچیریَلُن تحقیر و سِوک نَکنی، چونکه وِ ایشا ایگوم که فِرشتیلِ اینو هَر روز مین آسمون صورت پدر مون که مین آسِمونه اِیبینن. ¹¹چونکه پسر انسان اِویه تا بِلا وُوین نجات بَخشه.¹²چه فِکر ایکُنین؟ اَیر پیایی صدتا گوسفند داشته بُوه وُ یکیشون بِلا وُوه، آیا او نودو نه تان نینِشون مین کُوه بره دیندا او یکیُ بِگَرده؟ ¹³آمین وِ ایشا ایگوم که اَیر هُون بِجوره، خیلی بیشتر خوشحال ایوُوه سی او یکی تا او نودونه تا که بِلا نَووینه. ¹⁴سی هم چینو اراده پدرتون که مین آسمونه هَمیونه که حتی یکی اِز ای کوچیریَلو هم اِز دست نَرِن.¹⁵اَیر گُووت وِتو گُنه کِرد ، برو تیش و میون خُتون ای مُشکلون وِش تذکر به. اَیر حَرفت قِوُل کِرد،دوُواره گُوتِن وِدست اِوِردیه؛ ¹⁶اما اَیر قِوُل نَکرد یکی یا دو نِفَرِن وا خوت بُر، تا هر حرفی وُوی وا گُواهی دو یا سه شاهد اثبات وُوه.¹⁷اَیر نَخواست وِ اونو هو گوش بِگِره، وِ کلیسا بُگو. وُ اَیر کلیسانم قِول نَکرد، اوسو هُون غِریوه یا اجنَوی بِدون.¹⁸آمین وِ ایشا ایگُوم هرچی ری زِمین بُوَندین،مین آسِمون بَسته ایبو وُ هرچی ری زِمین بُگُشین مین آسمون ایگُوشه. ¹⁹باز وِ ایشا ایگُوم که هَرسا دو یا سه تا اِز ایشا ری زِمین در مورد مسئله ای پُرس بُکنن،وُ وا یک یکی وُوِن ،وِتون ایگُوم که تی پدر مو که مین آسمونه سی اُونو و انجام ایرسه. ²⁰چینو که دو یا سه نِفر وِ اسم مُو یَ جا جَم وُوِن مو هاموچو میونِشون هِستوم.²¹اوسو پطرُس اِوی تی عیسی ،وُ وِش گُو، آقای مو تا چند بار اَیر گُووم وِ مو بدی بُکنه ، مو وا هُون بُوَخشوم؟ آیا هفت بار ؟ ²²عیسی جُواوِش دا: وِ تو ایگُوم نه هفت بار ، بلکه هفتادوهفت بار!²³ایطورُنی ایتریم پادشاهی آسمونن عین شاهی بُگویم که تصمیم گِره وا خادِمونِش تصویه حِساو بُکنه. ²⁴پَ وقتی شروع وِ حِساو رَسی کِرد، یِکین اِوردن تیش که ده هزار دینار بدکارِش بی. ²⁵سی یو که نَترِست بدِهکاریش بِه،اَرباوِش فِرمون دا هون وا زَن و بچه و داراییش بِفروشن وُ طِلَوِشن وُصول بُکُنن.²⁶خادم رَه وَست وِ دست و پا ارباوِش وُ التماس کرد،گو یَ وَقت وِم به تاطِلَوُم تصویه بُکنُم. ²⁷اوسو دل اَرباو وِ حالش سُو وُ قَرضش بخشی و آزادِش کِرد.²⁸اما وقتی خادم هی ایرَه وِدر ، یکی اِز همکارا خوشِن دی که صد دینار وِش بدهکار بی. پَ هون گِره وُ دَست ناد بیخ ناش گو، جَلدی قَرضِتن به! ²⁹هُم کارِش وَست وِ دست و پاش وُ التماس کرد گُو، وِم وقت بِه تا قرضِتن بُوم.³⁰اما هُو قِول نَکرد،وُ رَه وُ هُون بِست زندان تا قرضِش بِه. ³¹وقتی بقیهء خادما ای اتفاقُن دیدِن ،خیلی ناراحت وُوین،وُ رَن تی ارباوِشون اِی جریان وازگو کِردن.³²اَرباوَم او خادمون خواست،وُ وِش گو، ای غلام شیطون صفت، مَر مو وِخاطر التماسات ، تموم قرض تون نَبَخشیوم؟ ³³آیا تو هم نَواستیکی وِ همکارت رحم ایکردی، هاموطورُنی که مو وِ تو رَحم کِردم؟³⁴پَ ارباوِشم خیلی بِغیض وُوی ، وُ بِستش مین زِندون تا شکنجه وُوه وُ همهء قرض خُوشن به. ³⁵همی طُرُونی پدر آسمونی مو وا ایشا رَفتار ایکُنه ایر ایشا هم گُویَلتونن اِز ته دل نَبخشین.

¹وقتی که عیسی ای حرفاهُون تموم کِرد،اِز جلیل زی وِدر، اُو بال آو اُردُن اِوِی مین منطقهء یهودیه. ²مَردمون زیادی وِ دینداش وَستن وِرَه وُ هُو هَم هاموچو اونون شِفا دا.³فَریسیا اِوین تَیش تا هُون آزمایش بُکنن، اونو پُرسین، ایبوه میرِه،زینهء خوشِن وِ هر علتی طلاق به؟ ⁴عیسی مین جُواوِشون گُو ،مَر نَخُوندینه که خالق جهان زِ روز اول اونون مِردوزن آفرید،⁵وُ گو: سی هَم چینو،میره بُو وداشِن وا ترک بُکنه وُ وِ زینه خوش بِپیونده، وُ هاردو یَ تَن ایبوِن؟ ⁶سی هم چینو، زِ اوسو وِ بعد اونو دی دو نیستن، چینو که یَ تَن ایبوِن . پَ هَر چی خدا وَصل کرده ،آدمی جداش نَکنه.⁷وِش گُودن، پَ سیچه موسی فَرمون دا میره طلاق نامه ای بِده و دست زینه وُ وِلش کنه؟ ⁸وِشون گُود موسی وِ خاطر سنگدلی ایشا ای اجازه یون دا که زینه تونن طلاق بِدین، ولی زِ اول ایطور نَبی. ⁹وِ ایشا ایگوم ،هرکی زینه خوشن بغیراز خیانت مین زناشویی طلاق به وُ یَ زینه ای دیه بستونه، زنا کرده.¹⁰شاگردا وِش گُودن: پَ اَیر پیا در قِوال زینه ایطوره،پَ اصلا زینه نَستونه بهتره! ¹¹عیسی گُو: همه نَترن ای کِلومون قِول بُکنن، مَیَر اونو که وِشون داده وُویه. ¹²چینو که بعضی خواجه ین، چونکه زِ مین کُم داشون چونو زاده وُوینه؛ بعضیا وِ دست مردم خواجه وُوینه؛ بعضیام وِ خاطِر پادشاهی آسمون رِی ازدواج تیه اِیبَندِن.هرکی ایتره یون قَوول بُکنه ،بِلین چینووُوه.¹³اُسو مردم بَچیل اِوردن تی عیسی تا دست بِنه قَدِشون وُدعا بُکنه.اما شاگردا مَردمِن سَرزِنِشت کردن. ¹⁴عیسی گُود: بِلین بَچیَل بیان تی مُو وُ جِلوشون نَگِرین، چینو که پادشاهی آسمون زِ ای کَسونه. ¹⁵پَ دست ناد قَدشون وُ زِ اوچو رَه.¹⁶یَ روز یَ میره ای اِوی تی عیسی وُوِش گُو: استاد، چه کارنیکویی انجام بُوم تا زنده ای ابدی داشته بُوُم؟ ¹⁷جوواو دا: سی چه دربارهء کار نیکو زِ مو سوال ایکُونی؟ تِنا یکی هِست که نیکوه. اَیر ایخوی وِ زنده ای ابدی رَه پیدا بُکنی،وا حُکم هُن اَنجُوم بی .¹⁸او پیا پرسی: چه حُکمایی؟عیسی گُو: قتل نَکن، زنا نکن،دزدی نکن، گواهی دُرُو نَیه، ¹⁹وِ بُوت و دات احترام بِنه،وِ هُمسات مثل خوت محبت بُکن.²⁰او جِونو گُو: همهء ای فرمونا اَنجوم ایوم؛ دی چه کم دارُم؟ ²¹عیسی جواو دا: ایر ایخوی کامل وُوی، برو هرچی داری بفروشُ وِ فَقیرا به که مین آسمون گنج داری. اوسو بیو مون پیرُوی بُکن. ²²جِوُن چینو که یُون فَهمی ،حالش گِرده وُوی، وُ زِ اوچو رَه،چینوکه مالومِنال زیادی داشت.²³اوسو عیسی وِ شاگردا خوش گُود: آمین وِ ایشا ایگُوم، که رَه جُستنِ مالدار وِ پادشاهی آسمون خیلی سخته. ²⁴باز مُحکم ایگوم که رَد وُوین شتر اِز سیلا سیزَن راحتتره تا رَه بُردن آدمِ مالدار وِ پادشاهی خدا.²⁵شاگردا وا شنییَنِ ای حَرفها خیلی شوکه وُوین وُ گودِن، پَ کی ایتره نجات پیدا کنه؟ ²⁶عیسی تیه دُوُد وِشون وُ گُود یُو سی آدمی غیر ممکنه اما سی خدا همه چی ممکنه. ²⁷پطرس گُو ،همی حالا هم ایما همه چینه وِل کردیمه وُ زِ تو هی اطاعت ایکنیم. چه چی نِصیوِمون ایبو؟²⁸عیسی وِشون گو،آمین وِایشا ایگوم او زمونی که مین جهان نو که پسر انسان سر تخت،پیروزمندانه بنشینه،ایشا که اِز مو اطاعت کردین، سر دوازده تا تخت اِینِشینین،وُ سَر دوازده تا قوم اسرائیل داوری ایکونین.²⁹وُ هر کی وِ خاطر نوم مو ، هُونه یا گُو یا دِیی یا بُو یا دا یا بَچیَل یا مِلکاشن وِل کِرده بُوه،صد بِراوَر ایجوره و زنده ای ابدی وِ دست ایاره. ³⁰اُوسو خیلیا که اوّلن آخر ایبون، و آخریا اول.

¹چینو که پادشاهی آسمون مثل صاحاوباغی هستو که خروس خون زی وِدررَه تا سی تاکِستونش کارگر روز مِز بِگره. ²هو وا اونوتوافُق کرد،که روزی یَ دینارسی کاریشون مین تاکستون بِشون.وُ اونون رَد کرد رَه مین تاکِستون.³نزدیکا ساعت نُه دوواره رَه بیرون وُ یَ عهده این مین میدون شهر بیکار واستادِن بی دی. ⁴وِ اونو هم گو ایشا هم برین مین تاکستان موُ و هرچی مِزِتون بووه ، وِتون ایوم .⁵پَ اونوهم رَهدِن ، نزدیک ساعت دوازده و سه هم رَه وِدر وُ چونو کِرد. ⁶نزدیک ساعت پنج بعدازظهردوواره رَه وِدر وُ یَ چند نفری که بیکار واستادن بی دید. زِ اونو پُرسی سیچه تموم روزن ایچو بیکار واستادینه؟ ⁷جواو دادن چینوکه هیچکس ایمانه سی مِز نَگرِد.وِ اونوهم گُو ایشا هم برین مین تاکِستونِ مو کار بُکنین.⁸دم غُرویی صاحاو تاکستون وِ مُواشِرش گُو،جار کارگرا بِزن وُ زِ آخریشون شروع بُکن مِز به تا وِ اولیشون. ⁹کارگرایی که تقریبا ساعت پنج اِوین بی سرکارهَر کی یَ دینار اِستید. ¹⁰چینو که نوبت وِ اینو رسی بی که جلوتر اِز همه اِوین بی ، گِمون ایکردن که بیشتر اِز بقیه ایستونن، اما هریکی اِز اونوهم یَ دینارگِردِن.¹¹تا مِزشون اِستِین، شروع کردن وِ شکایت کِردن، وصاحاو باغ گُودن: ¹²اینو که آخر اِوین،فقط یَ ساعت کار کِردن وُ تو اونون وا ایما که کل روزِن زیر تَش اَفتو زحمت کشیدیم،براور کردی؟¹³هُو هم ری کرد وِ یکیشون گُود:رفیق مو وِ تو ظلمی نکِردُم ،مَر قِرارمون یَ دینار نَبی؟ ¹⁴پَ حق خُوتن بِستون وبَرو، مُو ایخوم وِ ای آخری هم مثل تو مِز بوم.¹⁵مَر حق ناروم هرچی دلوم ایخو وا پیلا خُوم بُکُنوم؟ تیهء دیدَنه دستِ دل وازی مون ناری؟ ¹⁶پَ آخریا اولی اِیبون و اَولیا آخر.¹⁷وقتی که عیسی هی ایرَه اورشلیم،مین رَه دوازده شاگردش کِشی یَ کناری وُ وِشون گُو: ¹⁸هَمی حالا ایرُم اورشلیم ،مین اوچو پسر انسانن وِ گَپُون کاهنا وُ علما دینی تسلیمش ایکُنن ، اونو سی هُو حکم مَرگش ایبرن. ¹⁹وِ قومون اَجنوی اِیِن تا داوریش بُکنن وُ شلاق بُخوره وُ وِ صلیب کشیه وُوه،اما مین روز سوم ایویریسته.²⁰اوسو دا کُرگَلِ زِبدی وا دوتا کُرش اِوی تی عیسی وُ جلوش زونی زی،وُ زِ هو خواست که آرمونِش برآورده بُکنه، ²¹عیسی پُرسی: آرمونِت چنه؟گُو مستجاو بُکن که ای دوتا کُر مو مین پادشاهیت، یکی وِ طرف راستت وُیکی وِ طرف چپت بِنشینه.²²عیسی مین جواوش گو:ایشا نُونین چه ایخوین! ایشا ایترین اِز جامی که مو وِ هَمی زِیی سَر ایکِشوم،سر بِکشین؟ جوواو دادن:ها ایتریم. ²³عیسی گُو:شکی نی که اِز جام مو ایترین سَر بِکشین،اما بدونین که نشستن وِ طرف راست و چپ مومین اِختیار مو نیست تا هون وِ کسی بَخشوم، ای جایگاهو اِز کَسونی هِستو که پدرُم سیشون آماده کرده. ²⁴چینو که ده تا شاگرد دی اِز ای اتفاقو آگا وُوین سر او دوتا گُوو غِضو کِردن.²⁵عیسی جارِشون زی وگُود: ایشا ایدونین که حاکِمون بقیه قومون سَر اونو سَروری ایکُنن وُ گَپیَلِشون وِشون دستور اِیِن. ²⁶اما میون ایشا اینو نَبوه،هرکی میون ایشا ایخوهه گَپ وُوه،وا خادم ایشا وُوه. ²⁷وُ هر کی اِز ایشاایخوهه اوّل وُوه وا غُلوم ایشا وُوه. ²⁸هاموطور که پسر انسان نَوید تا وِش خدمت بُکنن،چینو که اِوی تا خدمت بُکنه وُ جونِشن سی باها آزادی مین رَه خیلیا بِنه.²⁹اوسو که عیسی وُ شاگرداش اِز اَریحا ایزِین وِدرعدهء زیادی وَستِن وِ دینداشون. ³⁰یَ طِرَفِ رَه دوتا میرهء کور نِشَستن بی،تا اَشنیدِن عیسی اِز اوچو هی رَد ایبو،قال ومَنقال کِردن،گُودن:سَرورمون،وُی کُر داوود،وِ ایما رحم کن! ³¹جمعیت جِلوشون گِردن وُ اِزشون ایخواستن ،که ساکت وُون، اما اونو بیشتر قال ومنقال کردن،وگُودن:سرورمون ، وُی کُر داوود،وِ ایما رَحم کن.!³²عیسی واستا،وُاو دوتان بُنگ کردوُ پرسی: چه ایخوُین سی ایشا بُکُنوم؟ ³³جواو دادن، سرورمون ایخویم تیامون بُگُشی.! ³⁴عیسی دِل سُوزونه دست ناد سَر تیاشون وُ هامو دِمون بیناییشون وَرگَشت وُ وَستِن وِ دینداش.

¹وقتی که وِ اورشلیم نِزیک وُوین وُ وِ بیت فاجی که دُوِن کوه بی رِسیِن، عیسی دوتا اِز شاگرداشِن رِوُونه کرد، ²وِشون فِرمون دا: وِ دِهاتی که جلو ریتونِه برین، هَمیکه ایرین داخل، یَه خَرین وا کره ش بسته اوچو ایجورین. اونُون وازِ کنین و بیارینِشون تِی مُو. ³اَیَر یکی حرفی وِ ایشا زِی، بُگوین: خدا ایخُوشون وهُو بی دُنگ اونون ایفِرِسته.⁴ای امر وَست تا هَرچی که پیامبر گُو بی وِ حقیقت برسه که: ⁵وِ دووَر صهیون بگویین، ها پادشاهِت تِی تو ایاهِه، فروتن و افتاده و سُوار سَر خر، سر کره خر.⁶⁷⁸او دوتا شاگردو رَدِن و موافق فِرمون عیسی اَنجوم دادِن. اونو خرِن وا کره اش اِوِردِن وُ اَباهاشون بِستن سَرِش و هُو سر اَباها نشست. جمعیت زیادی اَباها خوشونِن سَر رَه پَهن کِردِن و یَه عِهده ای یَم یَه دِرَدین بُریِن، مین رَه پهن کردِن.⁹جمعیتی که جلوتر هِی ایرَدِن و دسته ای که اِز دینداش هِی ایوِیدِن، بلند بلند جار ایزِیِن ایگودِن:هوشیعانا بر کُر داوود! مُوارِکه هُو که وِ نوم خدا ایاهِه! هوشیعانا مین آسِمون بالایی! ¹⁰تا هُو اِوِی مین اورشلیم، شادی و شوق همه شهرِن گِرِد. مردم ایپُرسیِن: یُو کیه؟ ¹¹وُ او جماعت جُواو ایدادِن: یُونه عیسی پیومبَر، اِز ناصره جلیل!¹²اوسو عیسی رَه مین معبد خدا و اونویی که اوچو هَی خِرید و فروش ایکِردِن رِه وِ در و تختا صرافونِن و بساط کِموتر فروشان واری کِرد. ¹³وُ وِ اونو فِرمون دا: نوشته وُویِه که هُونه مُون هُونه دعا ایخونِن، اما ایشا هُون لونه رَه زَنا کِردینِه. ¹⁴مین معبد، کورا و لَنگون اِویِن تِیش وُ هُو اُونون شِفا بخشی.¹⁵اما چینوکه گَپیَل کاهنا و علما دینی کارا شگفت انگیز هُون دیِن و دیدن که بچیَل مین معبد هِی داد ایزیِن: هوشیعانا بر کُر داوود غضِوناک وُویِن. ¹⁶پَ وِش گُون: ایشنوفی هِی ایگُون چه؟ جُواو دا: ها. مَر نخوندین که: وِ زوُون بَچیَل و شیرخوریَل شکرگذارین اُماده کِردی؟ ¹⁷عیسی اونون ترک کِرد و اِز شهر رَه وِ دَر، وِ بیت عنیا رَه و شُو اوچو مَند.¹⁸خروس خون عیسی مین رَه وَرگشتن وِ شهر گرسنَش وُوی. ¹⁹مین کناره رَه، یَه دِرَد انجیری دی و رَه طرفِش، اما دی درَد فقط پَر داره. پَ وِ دِرَد گُو: نکُنه که دی قَه تو میوه ای وِ بار بیاهِه! مین هَمو لحظه دِرَد هُوشک وُوی.²⁰شاگردا که وا دیَن ای اتفاق حیرت کردِن بی، اِز هُو پرسیِن: چطور دِرَد انجیر زی هُوشک وُوی؟ ²¹عیسی مین جُواوشون وِ اونو گُو: آمین، وِ ایشا ایگُوم که اَیَر ایمون داشته بووین و شک نکنین، نه فقط ایتِرین هرچی سر دِرَد انجیر اِوِی اَنجوم بین بَلکُوم هَرسا وِ ای کوهو بُگوین اِز جا کنده وُو و بیُوفت مین دریا، ایطورونی ایوُوه. ²²اَیَر ایمون داشته بووین، هرچه مین دعا ایخوین،ایجورین.²³اوسو عیسی رَه مین معبد و شروع وِ تعلیم مردم کِرد. مین هَمو وقت، گَپون کاهنان و شیخون قوم اِوِیِن تِیش و گُودِن: وِ چه اجازه ای ای کاران ایکونی؟ کی ای اقتِدارُون وِ تو داده؟ ²⁴عیسی مین جُواوِشون گُو: مُو هم اِز ایشا سوالی دارُم. اَیَر جُواوُم دایین، مُو هم وِ ایشا ایگُوم وا چه اقتداری ای کاراهُون ایکُونوم.²⁵غُسل یحیی اِز کُوجه بی؟ اِز آسمون یا اِز اِنسون؟ اونو بین خوشون اِختلات کِردِن و گُودِن: اَیَر بُگُویم اِز اِز آسمون بی وِ ایما ایگُو، پَ سی چه وِ هُو ایمون نَوِردین؟ ²⁶و اَیَر بُگُویم اِز اِنسون بی، اِز مردم ایتَرسیم. چینو که همه یحیی ن پیومبَر ایدونِن. ²⁷پَ وِ عیسی جُواو دان: نَونیم. عیسی گُو: مُو هم وِ ایشا نیگُوم وا چه اقتداری ای کاراهُون ایکُونوم.²⁸نِظر ایشا چِنِه؟ میره ای دوتا کُر داشت. رَه تِی کُر اولی و گُو: کُرُم اَمروز بِرُو مین تاکِستون مُو و وِ کار بُکُن. ²⁹جُواو دا: نیرُوم. اما بعد نِظَرِش عِوض وُوی و رَه. ³⁰بُو رَه تِی کُر دیِه و هامونَم وِ هُو گُو. کُر جُواو دا: ایرِوُوم آقا، اما نَرَه.³¹کُو یکی اِز او دوتا کُر خواسته بُوشون وِ جا اِوِردِن؟ جُواو دان: اولی. عیسی وِشون گُو آمین وِ ایشا ایگُوم که خراجگیرون و فاحشه یَل قبل اِز ایشا وِ پادشاهی خدا رَه پیدا ایکُنِن. ³²سی هَمیچُونو که یحیی اِز رَه پارسایی اِوِی تِی ایشا اما وِ هُو ایمون نَوِردین، اما خراجگیرا و فاحشه یَل ایمون اِوِردِن. اما ایشا وا ایکه یُون دیین، عقیدتون وِل نَکِردین و وِش ایمون نَوِردین.³³وِ یَه مثلی دیِه گوش بین. صاحاو یَه مُلکی تاکِستونی خِری و کاشت و دُورِش دیوار کِشی و چَرخشتی مینِش کند و برجی درست کِرد اِز او پس تاکستونن وِ چند باغِوون اجاره دا و خوش رَه وِ سفر. ³⁴چینو که وقت دِرُو محصول رِسی، نوکَرا خوشِن تِی باغِونون فرستا تا میوه هُون تحویل بِگِرِن.³⁵اما باغونون نوکراهُون گِرِدِن یکیشون زِیدِن و یکیشون کشتِن و سِیُومیشِن هم سنگسار کِردِن. ³⁶دُوارِه نوکرا بیشتری تِی اونو فرستا، اما باغونون وا اونوهَم هاموطور رفتار کِردِن. ³⁷سرانجوم کُر خوشِن تِی باغونُون فرستا و تِی خوش گُو حرمت کُرُمِن دارِن.³⁸اما اوسو که باغونون کُرِن دیِن وِ یَک و دُور گُودِن: یُو وارثه. بیِن هُون بُکُشیمِش و صاحاو و میراثشِش وُویم. ³⁹پَ هُون گِرِدِن و اِز تاکستون کِردِن وِ در، کشتِنِش.⁴⁰وا ای اوصاف، اوسوکِه صاحاو تاکستون بیا وا ای باغوناهُو چه ایکونه؟ ⁴¹جُواو دان: او آدما بی رحمُون وا بی رحمی تِموم نابود ایکُونِه و تاکستونِن وِ باغونا دیِه اجاره ایِه تا میوه هُون مین فصلِش وِش بِیِن.⁴²اوسو عیسی وِشون گُو: آیا تا حالا مین کِتاوا مقدس نخوندینِه که: بَردی که معمارون رد کِردِن، مهمترین بَرد او بنا وُویِه. خداوند ایطوُرو کِرده و مین نِظَر ایما شگفت آوره؟⁴³پَ وِ ایشا ایگُوم که پادشاهی خدا اِز ایشا گِرِده ایبو و وِ قومی دیِه دادِه ایبو که میوه هُون بِن. ⁴⁴هرکی سَر او بَردُ بیُوفته، هیرد اییُوِه، و هَرسا او بَردُو سَر یکی بیوفتِه، هُون مین خوش ایشکِنِه.⁴⁵هاموسو کِه گَپیَل کاهنا و فریسیا مِثَلا عیسیان اَشنیِن، فهمیِن که وِ اونو هَی صحبت ایکُونِه. ⁴⁶پَ ایخواستِن که گرفتارِش بُکونِن، اما اِز مردم ترس داشتِن چینوکه اونو عیسیان پیومبَر ایدونِستِن.

¹عیسی دوواره وا مِثل وا اونو صحبت کرد و فِرمون دا: ²پادشاهی آسمون مثل شاهی ایمَنه که سی کُر خُوش جشن عروسی وِپا کرد. ³هو خادماشن رونه کرد تا وِ دعوتیا بُگن وِجشن بیاهِن؛ اما اونو نخواستن بیاهِن.⁴پَ خادمونی دیه رونه کرد وگو:دعوتی یَلن بُگوین همی حالا سفرهء جشنن آماده کِردمه؛گایل وگُوریل پرواریمن سر بریدمه وُ همه چی آماده هستوپَ وِ جشن عروسی بیاهین.⁵اما اونو اعتنا نکردن وُ هر کی وِ رَه خوش رَد یکی سر زِمینش ؛ یکی وِ تجارت خوش. ⁶دیگرون هم خادمونش گِرهدن آزار دادن وُ کشتن. ⁷شاه تا یون اَشنید غضوناک وُوید لشکرخوشن رونه کرد و قاتلونِ کشت وُ تش نهاد وِ شَهرشون.⁸اوسو وِخادمومونش دستور دا؛جشن عروسی آماده یه ؛ اما دعوتیل لیاقت اویدن مین هون ناشتن. ⁹پَ برین مین میدون شهر وُ هرکین جُستین وِجشن عروسی دعوت بُکنین. ¹⁰غلامون رَهدن مین کیچیل وُ هرکین که جُستن چه خو وچه بد؛ وا خوشون اِوردن و تالار عروسی اِز مِهمون پروُوی.¹¹اما اوسو که شاه سی دیدن مهمونا اِوی مین مِیلِس؛ مِردین دی که لَواسا عروسی وَرش نَبید. ¹²اِزش پرسی:ای رفیق چطور بی لَواس عروسی اِویدی ایچو؟ او مِردو جُواوی ناشت.¹³اوسو پادشاه وِ خادمون خُوش گُود:دست و پاشِن بندین و هون بین وِدَرمین تاریکی؛جایی که گریوه و دندون وِ دندون سایدن هستو. ¹⁴چینو که دعوت وُویل زیادن اما برگزیدیل کم.¹⁵اوسو فریسیا زیدن وِدر وُ شُور کردن تا بِنرن چطور ایترن هُون وا حرفها خوش وِ تَله بِن. ¹⁶اونو شاگردا خُشونِن وا هیرودیا رُونه کردن رَهدن تیش وُ گُودن:استاد ایدونیم تو مِرد صادقی هستی وُ رَه خُدان وِ درستی یاد ایدی وُ اِز کسی ترسی ناری چینوکه ظاهری سیل کَسی نیکنی. ¹⁷پَ رأی خوتِن وِ ایما بُگوآیا دادن خراج وِ قیصر رَوایه یا نه؟¹⁸عیسی وِِ فِکر بَدشون پی بردوُ گو:ای ریاکارون سیچه مُون ایازمایین؟ ¹⁹سکه این که وا هُو خراج ایدین نشونُم بِدین. اونو سکهء یَ دیناری وِش دادِن.²⁰اِزِشون پرسی :نَقش و نوم ای سکه یو اِز کیه؟ ²¹جواو دادن: اِز قیصر.وِ اونو گُود:پَ مال قیصرن وِ قیصر بین وُ مال خُدان وِ خدا. ²²چینو که یُون اَشنیدن تعجو کردن وُ وِلش کِردن رَهدن.²³مین هامو روز صدوقیا که قیومتن غِوول نارن اِویدن طیش وُ اِزش سوال کردن؛ ²⁴گُودن: استاد موسی وِ ایما دستور داده که اَیر میره ای بی اولاد بمیره ؛ گُووش وا بیوهونِن وِزینه ای بِستونه تا اِز هوسی گُو خُوش نَسلی جا بِنه.²⁵زِمونی میون ایما هفتا گُو بیدِن .گُو اَولی زینه اِستید وُ مُرد وُ چینوکه اولادی ناشت؛زینه بیوه خُوشن سی گُوش ناهاد. ²⁶همیطور دومی و سومی ؛تا هفتمی. ²⁷سر اَنجوم زینه هم مُرد. ²⁸حالا؛مین قیومت ؛او زینه یو ؛اِز هفتا گُو زینهء کُوِکیشونه؛چینو که همهء اونو هُون وِ زینه ای گِرِدِن بی؟²⁹عیسی جواو دا:ایشا گُمراه هِستین؛ چینو که نه اِز کتاوا مفقدس آگاهین وُ نه اِز قدرت خدا. ³⁰مین قیومت نه کسی زینه ایستونه نه کسی شیی ایکونه ؛چینو که همه مثل فرشتیل آسمون ایبووِن³¹اما دروارهء قیومت مُردیَل؛آیا نَخوندینه که خدا وِ ایشا چه گُوده؟ ³²هُو فِرمون دا که : مو هِستوم خدای ابراهیم ؛ خدای اسحاق وُ خدای یعقو؛هُو نه خدای مُردیله چینو که خدای زندیله. ³³مردم وا اَشنیدَن ای سُخنون هُو شگفت زیده وُوین.³⁴چینو که فریسیا اَشنیدن که عیسی چطور وا جُواواش دُون صدوقیان بسته؛ دورِ یَک جَم وُوین. ³⁵یکی اِز اونو که عالمی بی وِ ای قَصد که عیسان بِ مین تِله؛ اِزش پُرسی: ³⁶ای استاد؛ گَفترین حکم ؛ مین شریعت چنه؟³⁷عیسی جواو دا:خداوند؛ خدای خوتونِن؛ وِ تمومی دل ؛ تمومیِجون و تمومیه فکرتون محبت بکُنین. ³⁸یُو اولین وُ گَفترین حکم هِستو.³⁹دومین حکمم مثل حکم اولیه : هُمساتِن چینو خُوت مُحبت بُکن. ⁴⁰تمومیه شریعت موسی و نِوشتیلِ پیومبرا سَر ای دو حُکم ُ ایواسته.⁴¹هاموسو فریسیل که دور یک جَم بین ؛ عیسی اِزشون پُرسی: ⁴²نظر ایشا در وارهء عیسی چنه؟هُو کُر کیه؟ جواو دادن: کُر داوود.⁴³عیسی گو: پَ چطور داوود مین روح؛ هون خداوند ایخوند؟ چینو که ایگو : ⁴⁴خداوند وِ خداوندِ مو گُود: وغ دست راست مُو بنشین تا اوسویی که دشمنونتن قالی زیر پات بُکنوم.⁴⁵اَیر داوود هُون خداوند ایخوند ؛ چطور هُو ایتره کُرِ داوود بِوه ؟ ⁴⁶ایطور وُوی که هیچکس نَترست جُواو هُون بده و اِز اوسو دیه هیچکس جرآت نکرد پُرسشی وِش بُکنه.

¹اوسو عیسی خِطاو وِ مردم و شاگردونش ایطور گُود: ²عُلمای دین و فَریسیا سَر مسند موسی نشستنه. ³پَ هر چی وِایشا ایگون نِیَهدارین وُ وِ جا بیارین ؛ اما عِمَلتون مثل اونو نَبو؛ چونوکه هرچی درس ایدن خوشون وِ جا نیارن.⁴بارا جونگِرِن ایبندن و سُر کول مردم اینِن؛ اما خوشون حاضر نیستن سی حرکت دادنشون حتی یَ انگشتی تَکون بِن. ⁵هر چی ایکُنن سی یونه که مردم اونون بینِن:آیه دوناشونن گَفتر و دامنا عباشونن پهنتر ایسازن.⁶دوست دارن مین ضیافتا بالا نشین مجلس بووِن؛وُ مین کنیسه ها بهترین مکونن داشته بُوِن. ⁷وُ مردم مین کیچه بازار وِشون سلام بِکنن و استاد خِطاوشون بکنن.⁸اما ایشا استاد خونده نَووین؛چینو که فقط یَ استاد دارین ؛ ⁹وُ همه ایشا گُووین. هیچکَسن ری زِمین پدر نخونین؛چینو که فقط یِ پدر دارین که مین آسمونه. ¹⁰وُ همیطور نخوین معلم خونده وُوین؛ چینو که فقط یَ معلم دارین که مسیح هستو¹¹هو که میون ایشا اِز همه گَفتره؛خذمت کار ایشا ایبوه. ¹²چینوکه هر کی خوشن گَپ بُکنه؛ پست ایبوه وُ هر کی خوشن اُفتاده ؛بُکنه سَر فِراز ایوُوه.¹³وای وِایشا ای عالما دین و فریسیا ریاکار؛ایشا دَر پادشاهی آسمونِن ری مردم ایبندین؛نه خوتون داخل ایووین و نه ایلین اونویی که مین رَه هستن داخل وُوِن. ¹⁴وای وِ ایشا ای عالما دین وفریسیا ریاکار؛ ایشا اِز یَطرف هُونهء زَنگَلِ بیون غارت ایکُنین؛وُ اِز اُوطرف سی تظاهر؛ دعا خوتون طول ایدین. سی هم چینو مکافاتِتون خیلی سخت تر ایوُوه. ¹⁵وای وِ ایشا ای عالما دین و فریسیا ریاکار؛ ایشا دریا و هوشکین گَشتین تا یَ نِفرن وِ دین خوتون بیارین؛ اوسو که اِوردین هُون دوبراور خوتون اولاد جهنم ایکُنین.¹⁶وای وِ ایشا ای رَهنُمایان کور که ایگوین : اَیر کسی وِ معبد قسم بُخوره طوری نیست؛اما اَیر وِطلای معبد قِسم بخوره وا وِ قِسَمش وفا بُکنه. ¹⁷ای بی عقلا کور ؛ کُو وِ کی گَفتَره ؟ طلا یا معبدی که طِلان پاک ایکُنه.¹⁸وُ هاموطور ایگوین:ایر کسی وِ قربونگاه قِسم بخوره طوری نیست ؛ اما اَیر وِ پیش کِشی که سر هو ناهاده ایبوه قِسم بخوره وا وفا بُکنه. ¹⁹ای کُورون ؛ کُو وِ کی گَفتره؟پیش کشی یا قُربونگاهی که پیش کشین پاک ایکُنه.²⁰پَ اُو کسی که وِقربونگاه قِسم بُخوره ؛ عین یُونه که وِ قربونگاه و هرچی سَر هو هِستو قسم خَرده. ²¹وُ هر کی وِ معبد قسم بُخوره ؛ وِ معبد و هر چی مین هُو هِستو قسم خَرده. ²²وُ هر کی آسمون قسم بُخوره ؛ وِ تخت خدا و هرکی سَرش نشسته قِسم خرده.²³وای وِ ایشا ای عالما دینی وُ فریسیا ریاکار ؛ ایشا اِز نعنا و شویدو زیره ده یِکِتون ایدین؛ اما حکما مُهمتر شریعتن که عدالت و رحمت و امانت هستو ؛ نا دیده ایگرین ؛ اینون وا وِ جا ایوردین وُاونون یادتون نیرَه. ²⁴ای رَهنُمایان کُور؛ ایشا پَشقَن وِ صافی رَد ایکُونین ؛اما شُترِن یَ جا قُورت ایدین.²⁵وای وِ ایشا ای عالما دینی وُ فریسیا ریاکار؛ایشا دُور پیاله و پُشقاوِن پاک ایکُنین؛اما داخلش پُر اِز طِمَع و ناپَرهیزیه. ²⁶ای فریسیه کُور؛اول داخل پیاله و بُشقاوِن پاک بُکُن که بیرونش خوش پاک ایوُوه.²⁷وای وِ ایشا ای عالما دین و فریسیا ریاکار؛ ایشا مثل گُورهایی هستین؛ سِفی کاری وُویه که اِز بیرون قِشَنگ وِ نِهر اِیاهین اما داخلش پُر هِست اِز استخونها مُردیل وُ هر نُوع نِجِستی. ²⁸وِ ای صورت ایشا خُوتونن تی مردم درستکار نشون ایدین ؛ اما مین باطنتون پُر اِز ریاکاری و شِرورَتین.²⁹وای وِ ایشا ای عالما دین وُ فریسیان ریاکار؛ ایشا سی پیومبرا زِریح درست ایکُنین؛وُ آرومگاه درستکارُنِن زینتی اِیکونین ³⁰وُ ایگُوین: اَیر مین روزگار پدرامون بیدیم ؛ هیچوقت مین کُشتن پیومبرا واشون شیریک نیوُویدیم. ³¹ایطوُرُنی وِ ضد خوتون شُهودی ایدین؛ که اولادِ قاتِلونِ پیومبرایین.³²حالا که ایطوره؛ پَ هر چی که بُویَلتون شروع کردن؛ایشا وِ کمال رِسُندین. ³³ای مارون ؛ ای افعی زادییَل ؛ چطور اِز جِزای جَهنم فِرار ایکُنین؟³⁴چینوکه مُو انبیا و حکیما و عالما تی ایشا رُونه ایکُنُم وُ ایشا بعضیاشون ایکُشین وُِ وِ صلیب ایکِشین ؛وُ بعضیاشون مین کِنیسه ها شلاق ایزنین وُ شهر وِ شهر دینداشون ایرین. ³⁵پَ همه خینِ درستکارا که سر زمین رِده وُویه ؛ اِز خینِ هابیلِ درستکار بِگر تا خینِ زکریا کُر برخیا ؛ که مابینِ مِحراب و قُربونگاه کُشتینش؛ وِ گَردن ایشانه. ³⁶آمین وِ ایشا ایگوم ؛همهء اینو دامنگیره ای نسلُ ایبوه.³⁷ای اورشلیم ؛ ای اورشلیم؛ ای قاتلِ پیومبرا ووُ سنگسار کُنندهء رسولایی که تی تو رُونه کرده وُوین ؛ چند وِلا خواستُم مثل مُرغی که تیلییَلِش زیر پَر و بالش جمع ایکُونه؛ بَچیَلِتن جمع بُکنوم اما نخواستی. ³⁸حالا دیه هُونهِ ایشا وِ خوتون ویرون کرده داده ایبووه. ³⁹چینوکه وِ ایشا ایگُوم دی اِز حالا وِ بعد مُون دی نیبینین تا روزی که بُگُوین: مُوارک هست هو که وِ نُوم خدا ایاهه.

¹اوسوکه عیسی اِز معبد رَد؛ وِ رَه خوش رَد ؛ شاگِردونش اِویدن تیش تا نِظَرِشن وِبِناها معبد جلب بُکنن. ²عیسی وِشون گُود : همهء اینُون ایبینین؟ آمین وِ ایشا ایگوم ؛ بَردی سَر بَردی دی نیمَنه؛وُ همه ایریسن وازیر.³عیسی وقتی سَر کوه زیتون نِشست بی ؛ شاگردونش مین خلوت اِوین تیش ؛ گُودن: وِ ایما بُگو ای وقایع کی اتفاق ایبوفتن وُ نشونهء اِویدن تو وُ تموم وُوین ای عصرُ چنه؟ ⁴عیسی جواو داد: هوشیار بُوین که کسی گُم رَهتون نکنه. ⁵چینو که خیلیا وِ اسم مو ایاهِن وُ ایگُون ؛مُو مسیح هستُم. وُ خیلیان گُم رَه ایکُنن.⁶همی طور هم دروارهء جنگها ایَشنین وُ خِوَرِ جنگا وُ گوشتون ایرِسه؛ اما پریشون نَوُوین؛ چینوکه ؛ چینو وقایعی وایَد رُخ بدن اما هَنی وِ پایون نَرسیده. ⁷وُ قومی سر قومی دیه وُ‌حکومتی سر حکومتی دیه ایویریسته. وُ قحطیا وُ زلزله ها جاها مختلفی ایاهه. ⁸اما همه اینو تازه اول درد زایمون هِستو.⁹مین اُو زمون ایشان تسلیم ایکُونن تا آزار زیادی بِوینین؛ وُ ایشان اِیکُشن. همه قوما سی اِسم مو اِز ایشا نفرت پیدا ایکُنن. ¹⁰مین اُو روزها خیلیا زِ ایمون خُوشون ری ایورگردونِن؛ وِ یک وُ دور خیونت ایکُنن. وُ اِز یَک و دور متنفر ایبووِن. ¹¹پیومبرونِ دُورُویِ زیادی ایویریستن؛ خیلیان گُمرَه ایکُنِن.¹²وِ خاطر زیاد وُوین شَرورَت ؛ محبت خیلیا و سردی ایره. ¹³اما هرکی تا آخر وِ پاش بِمَنه نجات پیدا ایکُونه. ¹⁴ای بشارت پادشاهیُ مین سرتاسر جهان اعلام کرده ایبوتا شهادتی سی همه قومها بُوه. اوسو آخرش دی ایرسه.¹⁵پَ هر چینه که دانیال نبی مکروه ویرونگر نُوم ناهاده مین او جا مُقدس بلند کرده ایبوـخوننده دقت بُکنه- ¹⁶اوسو دی هرکی مین یهودیه بُوه؛وِ کوه فِرار بُکنه؛ ¹⁷وُ هرکی سر بوم هُونه بُووِه سی وَرگیدن هیچی ؛ دُوِن نیاهه؛ ¹⁸وُ هرکی مین مزارع بُووِه سی وَرگیدن قَواش وِ هونه نَوَرگرده.¹⁹وای وِ زَنگَل حامله وُدایَلِ شیرده مین اُو روزها؛ ²⁰دعا بُکنین که فرار اِیشا مین زمستون یا مین روز شبات نبوه. ²¹چینوکه مین او زِمونو چینو مُصیوَتِ گَپی اتفاق ایبوفته که مثل هُو اِز شروع ای جهان تا حالا اِتفاق نَوَسته؛وُ هیچوقت دیه نَخواهد اُفتاد. ²²ایر او روزها کوتاه نیوُوین هیچ بشری جون سلام وِ در نیبفرد؛ اما وِ خاطر برگزیدیل کوتاه ایووِن.²³مین اُو زِمون؛اَیَر کسی وِ ایشا سِیل بُکُون مسیح ایچونه! باورنَکُنین. ²⁴چینو که مسیحیا کاذو و پیامبرا دُروگو ایویرِستِن آیات و معجزات زیادی نشون ایدِن تا اَیَر ممکن بُوه برگزیده هانم گُمرَه ایکُونن. ²⁵سِیل بُکُونین جلوجلو وِ ایشا گُودُوم.²⁶پَ اَیَر وِ ایشا بُگُون هُو مین بیاوُونه وِ اوچو نَرین وُ اَیَربُگُون مین اَندرونی هُونِه باور نکنین. ²⁷چینو که مَنی تَش برق مین شرق آسمون ایدِراهِه و نورِش تا وِ غرب ایرِسه ظهور پسر انسان هم ایطور ایبوهِه. ²⁸هرجا لاشه ای بُوه لاشخورا اوچو جمع ایبووِن.²⁹فوری بعد اِز مصیوَت او روزا اَفتُو تاریک ایبوه و مَه دی نوری نَتره بِزنه؛ ستاریَل اِز آسمون ایریسِن وِگِل و نیروها آسِمون ایریسِن وِگِل و نیروها آسمون وِ لرزه ایدراهِن.³⁰اوسو دیه نشونه پسر انسان مین آسمون ایدِراهِه و همه قومون جاهان و سینه خوشون ایزِنِن،و پسر انسان ایبینِن که وا قدرت و جلال عظیم سر اُورا آسمون ایاهِه. ³¹هُو فرشتیَل خوشِن وا صدای بلند شیپور رَوُونه ایکُنه وُ اونو برگزیدیَل هُون اِز چارگوشه جاهان، اِز ای سر آسمون تا او سر دیَش ایارِن.³²حالا اِز درَدِاِنجیر ای درسُون بگرین وِ محض ایکه شاخیَلش جِوُنه ایزِنن پِرک و پَر ایه، و ایفهمِن که تُوِستون نِزیکه. ³³وِ هَمیطور، هرسا ای چیاهُون ایبینِن، ایفَهمن که هُو نِزیک بلکیَم دم دَره.³⁴آمین، وِ ایشا ایگوم، تا اینو همه اتفاق نیوفتِن، ای نسلواِز میون نیرِن. ³⁵آسمون و زمین زایل ایبوِن، اما سخنون مُو هیچوقت زُوال نپذیرن.³⁶هیچ کس اُو روز و ساعتُون نُونِه وِ غیرا پدر، حتی فرشتیَل آسمون و پسرهم اِز هُو آگاه نی.³⁷زمونه ظهور پسر انسان مثل روزگار نوح هستو. ³⁸مین روزا قبل طیفون قبل اِز اوسو که نوح بِره مین کشتی، مردم ایخَردِن و اینوشیِن و زینه ایستِیِن و شی ایکِردِن. ³⁹و نُونِستِن چه پیش ری دارِن تا ایکه طیفون اِوِی و هَمَن وا خوش بُرد، ظهور پسر انسان هم همیطُورُو هِستو.⁴⁰اِز دو میرِه که مین زِمین هِستِن، یکی وَرگیده ایبو و یکی ایمَنه. ⁴¹وُ اِز دو زینِه که وا یَک هِی دَستاس ایکُنِن یکی وَرگیده ایبو و یکی ایمَنه. ⁴²پَ بیار بویین چینو که نُونین سَرور ایشا چه روزی ایاهه.⁴³یُون بِدونین که اَیَر صاحِو هونه ایدونِست چه روزی ایاهِه، بیار ایمَند وُ نیَلِشت وِ هُونَش دستبرد بِزنِن. ⁴⁴پَ ایشاهَم اُماده بویین، چینوکه پسر انسان مین ساعتی ایاهِه که انتظارش نارین.⁴⁵پَ اُو غُلوممه امین و دانا کیه که ارباوِش هُون وِ سرپرستی هونواده خوش ناهدِه تا خوراک اونون وِ موقع بِه؟ ⁴⁶خوش وِ حال او غُلُومو که وقتی ارباوِش ایاهِه هُون مشغول ایکارو بینِه. ⁴⁷آمین وِ ایشا ایگُوم، که هُون سَر همه مایَملک خوش اینِه.⁴⁸اما اَیَر او غُلومُو، شریر بُوِه وُ وا خوش بُگُو که اَرباوُوم دیر کِرده، ⁴⁹وُ هُمکارُون خوشِن آزار برسونه و میگساری بکنه و مشغول خََردَن و نوشیَن بوِه. ⁵⁰اُوسو ارباوِش مین روزیکه انتظارش ناره و مین ساعتی که نُونِه ایاهِه. ⁵¹وُ هُون اِز وسط نصف ایکنه، وُ ایبِشون قاطی ریاکارون هَموچو که گِریوِه و دندون وِ دندون ساییدِن هِستو.

¹مین او روز، پادشاهی آسمون عَین ده بِکر ایبو که چِراشون وَرگیِن، سی خوش آمِدی دوماد رَهن سی استقوالش وِ دَر. ²پَین نِفر اِز اونو دونا و پَین نِفر دیِه نادون بیِن. ³بِکریَل نادون چِراشون وَرگیِن، اما روغن وا خوشون نَبُردِن. ⁴اما دونایَل، وا چِرا خوشون دَرف پُر روغن هم بُردِن.⁵چون اِویدَن دوماد دیر وُوی، همه تیلِشون سنگین وُوی، وُخُوسیِن. ⁶مین نیمه شُو، صدای بلندی وِ گوش ایرِسی که ایگود: دوماد هِی ایا! وِ خوش آمِدی هُو برین!⁷اوسو همه باکِریَل بیار وُویِن و چِراهاشون اوماده کِردِن. ⁸نادونیِل وِ دونایَل گُودِن: یَه ذِره اِز روغَنِتون وِ ایما بین، چون چِراها ایما هِی خاموش اییُوِه. ⁹اما دونایَل جُواو دان: نیدیمِتون، چینوکه روغن سی همه ایما کفاف نیه. بِرین و اِز اونو که ایفروشِن سی خوتون بِخِرین.¹⁰اما اوسو که اونو رَهدن بی روغن بخرن، دوماد رِسی و بِکریَلی که اُماده بیِن، وا هُو وِ مهمونی عروسی رَهدِن و در بسته وُویی. ¹¹بعداِز هُو، بِکریَل دیِه هَم رِسیِن و گوهدِن: سرور ما، سرورما، دَرِن سی ایما واز کن! ¹²اما هُو وِ اونو گُود: آمین، وِ ایشا ایگُوم، مُو ایشان نیشناسُوم. ¹³پَ بیار بویین، چونکه اِز او روز و ساعت خِوَر نارین.¹⁴هَمیطور پادشاهی آسمون عِین میره ای ایمَنه که قصد سِفر داره. هُوخادمین خوشِن خواست و پیلاشِن وِ اونو دا. ¹⁵و اندازه قاولیته هر خادم، وِ یکی پَنشتا قنطار دا، وِ یکی دو وُ وِاویکی یَه قنطار. اوسو رَه سفر. ¹⁶میره ای کِه پَینشتا قنطار گِرِهده بی، فورا وا هُو کار کِرد و پَینشتا قنطار دیِه سود کِرد.¹⁷وِ همی طریق هُو که دو قنطار دیه هم گِرِهد. ¹⁸اما هُو که یَه قنطار گِرِهده بی، رَه و زمینِن کند و پیل اربابِشِن قام کِرد.¹⁹بعد اِز چند وقت، ارباب او خادمینو وَرگَشت و اِز اونو حِساو خواست. ²⁰میره ای که پَینش قنطار گِرِهده بی، پَینشتا قنطار دیه هم وا خوش اِوِرد و گُو: سرورم، وِ مُو پَینشتا قنطار دایی، یُوهَم پَینشتا قنطار دیِه که سود کِردُم. ²¹اروابِش جُواو دا: آفرین، ای خادم درستکار و امانت دار! مین چی کَم امین بیدی، پَ تُون مین چیا زیاد اینوم. بیُو و مین خوشی ارواوِت شِریک بو!²²خادمی که دو قنطار گِرهده بی هم اِوِی و گُو: وِ مُو دو قنطار دایی، یُوهم دو قنطار دیه که سود کِردُم. ²³اَروابِش جُواو دا: آفرین، ای خادم درستکار وامانت دار! مین چی کم امین بیدی، پَ تون وِ چیَل زیادی اینوم. بیُو و مین خوشی اَرواوِت شِریک بو!²⁴اوسو خادمی که یَ قنطار گرهدِه بی ،نِزیک اِوی وُ گو:چینوکه ایدونستوم مِرد تُندی هستی ، اِز جایی که نکاشتیه دِرو ایکونی وُ از جایی که نَفِشنیدیه جَم ایکونی، ²⁵پَ ترسِستوم وُ پیلِتِن مین زِمین قام کردُم. یُ هم پیلت!²⁶²⁷اما سرورش جواو دا: ای خادم بدکاره و بی عار! تو خو ایدونستی از جایی که نکاشتُمه ، درو ایکُنوم وُ از جایی که نَفشگِنیومه ، جمع ایکُنوم، پَ سیچه پیلِ مون نادی صرافا تا چینو که وَرگشتوم هون وا سودش بستونوم؟²⁸او قنطارُن از هو بستونین وُ و هو که دهتا قنطار داره بدین. ²⁹چینوکه وِ هرکی داره ،بیشتر داده ایبوتا وِ فراوُنی داشته بووِه؛اما هو که ناره، هامونم که داره ازش گرهده ایبو. ³⁰ای خادم بی فایده یون بینش وِ در مین تاریکی، جایی که گریوه و دندون و دندون ساییدن هستو.³¹اوسو که کُر انسون وا شکوه و جلال وُ هُمراهی همه فرشتیل ایاهه، سر تخت شکوهمند خوش اینِشینه ³²وُهمه قومون جلوش حاضر ایبووِن وُ هو مثل شُوونی که گوسفندیلن از بُزگل جدا ایکُنه،مردمونن و دو گروه تقسیم ایکُنه؛ ³³گوسفندیلن اینه سمت راستش وُ بُزگلن اینه سمت چپ خوش.³⁴اوسو و اونو که سمت راستشن ایگو:بیاهین ، ای برکت گردیَل از پدر مو، پادشاهین وِ ارث بُرین که از شروع جاهان سی ایشا آماده وُویه. ³⁵چینوکه گُسنه بیوم ،وِم خوراک دادین؛ تشنه بیوم ، وِم آو دادین؛ غریو بیوم،وِم جا دادین. ³⁶عُریون بیوم، مون پوشنیدین؛مریض بیوم،عیادتم کردین؛مین زندان بیوم،وِ دیدنُم اِویدین.³⁷اوسونیکوکارا جواو این:سرورایما، کی تون گُسنه دیدیم و وِت خوراک دادیم،یا تشنه دیدیم و وِت آو دادیم؟ ³⁸کی تون غریو دیدیم و وِت جا دادیم وُیا عُریون دیدیم و تون پوشنیدیم؟ ³⁹کی تون مریض یا مین زندون دیدیم و وِدیدنت اویدیم؟

¹چینوکه عیسی همه ای صحبتان تموم کرد،و شاگردیل خوش گو: ²ایدونین که دو روز دی ، عید پسح اِیرسه و پسر انسانن تسلیم ایکُنن تا بره سر صلیب.³پ سران کاهنون و مشایخ قوم مین کاخ کاهن اعظم که نومش قیافا بی ، جمع وُوین ⁴وُ شُور کردن که چطور وا حیله ، عیسان دستگیر بُکنن و بُکُشن. ⁵اما ایگُدِن نه مین روزا عید، یَوَقتی مردم بلند ایبون.⁶مین هامو وقت که عیسی مین بیت عَنیا مین هونهء شمعون جذامی بی، ⁷زینه ای وا دَرف مرمری از یَ عطر گرون قیمت اِوی تَیش وُ اوسو که عیسی سر سُرفه نشست بی ، عطرن رِهد مین سَرش. ⁸شاگردونش تا یون دیدن عصبانی وُوین،گُودن: ⁹اِی اِسرافو سی چنه؟ ای عطرُن ایوُوی خیلی گرون بفروشی وُ پیلِش وِ فقیرون بی.¹⁰عیسی فَهمِست وُگُود:سی چه ای زینه یون دلخور ایکُنین؟ هُو کار درستی در حق مو کرده. ¹¹فقیرونِن همیشه وا خوتون دارین، اما مون همیشه نَترین داشته بُوین.¹²ای زینه یو وا رِهدَن ای عطرُ سر بِدَن مو،در اصل مُون سی خاکسپاری آماده کرده. ¹³وِ راستی وِ ایشا ایگُوم مین تمومِ جاهان، هر جا که ای انجیل خُونده وُوه، کار ای زینه یو هم وِ یادِ هو وازگو کرده ایبو.¹⁴اوسو یهودا اَسخَریوطی که یکی از او دوازده شاگردو بی ،رَهد تی گَپیل کاهنون ¹⁵و گو:چه ایدین مو اَیر عیسان وِایشا تسلیم بُکُنوم؟ پَ اونوهم سی تا سکه نقره وِش دادِن. ¹⁶از اوسو دی ،یهودا دیندا فرصت ایگَشت که عیسان تسلیم بُکُنه.¹⁷مین روز اولِ عید فِطیر،شاگردون اِویدن تی عیسی وُ پُرسیِن:کُجِن ایخُوی سیت آماده بُکنیم تا شُمِ پِسحِن بُخوری؟ ¹⁸هُو وِ اونو گُود که مین شهر ، برِن تی فِلون کَس وُ وِش بُگون : استاد ایگو: وقت مو نِزیک وُویه . ایخوم پِسحن مین هونه تو وا شاگردونوم بِگِروم. ¹⁹شاگردا هاموطور که عیسی گُود بی، کِردن وُ پِسحن آماده کردن.²⁰²¹²²شُو وُوی وُ عیسی وا دُوارده شاگردش نشست سر سُرفه. مُوقع خَردن شُوم ، عیسی گُود : آمین، وِ ایشا ایگُوم،یکی اِز ایشا مُون تسلیم دُشمن اِیکُنه.²³عیسی جواو دا: هوکه دست خُوشن وا مو مین پیاله ایبوره ، هو مون تسلیم ایکُنه. ²⁴پسر انسان هاموطور که در وارَه اش نوشته وُویه ، اِیره، اما وای وِ حال هوکه پسر انسانِن تسلیمِ دشمن بُکنه. بهتر بی که هیچ موقع زِمار نیوُوی. ²⁵اوسو یهودا،تسلیم کُننده هوُ،مین جواو گُو:استاد،آیا هو مونوم؟ عیسی جواو دا:تو خوت گُودی!²⁶چینو که هَنی مشغول خَردن بیدِن،عیسی نونِن گِرهد و بعد اِز شُکر کِردن ، پاره کِرد و وِ شاگِردونش دا و فِرمون دا: بِستونین ،‌ بُخورین؛ یُونه بِدنِ مُو.²⁷اُوسو گیلاسِ شِراوِن گِرهد و بعد اِز شُکر کِردن هون وِ شاگِردونش داد و گُود:همه ایشا اِز یُو بِنوشین. ²⁸یُونه خین مُو سی عهد تازه که وِ خاطر خیلیا وِ خاطر آمرزِش گُنه هاشون رِهده ایبو. ²⁹وِ ایشا ایگُوم اِز ای مَحصول مو دی نینوشوم تا روزی که هُون وا اِیشا مین پادشاهی پِدرُم ،تازه بنوشم.³⁰اوسو بعد اِز خُوندن آوازی ، وِ سمت کُوه زیتون وِ رَه وَستِن. ³¹اوسو عیسی وِ اونو گُود: اَمشو همه ایشا وِ خاطر مو لَغزش ایخُورین. چینو که نِوشته وُویه ، شُووانِن ایزِنوم وُ گوسفندون گله پَروپَخش اَیوُوِن. ³²امابعد اِز هو که زنده وُویوم، جلوتر اِز ایشا وِ جلیل ایرُوم.³³پطرس مین جواوش گُو:حتی اَیر همه وِ خاطر تو بِلَغزن ، مُو اصلن نیلَغزُم. ³⁴عیسی وِش گُود: آمین، وِتو اِیگُوم که هَمی اَمشُو، قبل اِز بُنگِ خُروس ، سه وِلا مون انکار ایکُنی!

¹صُوِ زی ، همه گَپیَل کاهنون و مشایخ جَم وُوین، وا یَک شُور کِردن که عیسان بُکُشن. ²پَ هُون دست بسته بُردن وُ وِ پیلاتُس والی تحویل دادِن.³چینو که یهودا، تسلیم کننده ی هُو،دی که عیسانه محکوم کِردِن،اِز کِرده ی خوش پشیمون وُویو سی تا سکه ی نُرقَنِن وِ سَرون کاهنون و مشایخ ورگردوند اُ گود: ⁴گُنه کِردُمُ باعث رِهدَن خین يَ بی گُنَهی وُویوم. اما اونو جوواو دادِن:وِ ایما چه؟ خوت ایدونی! ⁵اوسو یهودا سِکیَلِن مین معبد رِهد وِ گِل و زی وِ در،خوشِن حلق آویز کِرد.⁶سَرونِ کاهِنون سِکیَلِن اِز ری گِل جَم کِردِن، گودِن: رِهدَنِ ای سِکیَلو مین خَزینه معبد درست نیست،چینو ک خین بهایه. ⁷بعد اِز شُور کِردن ، زِمین کوزه گَرِن وا او پیلو خِریِن تا هُنِن گورستونه غریویَلِ سازِن. ⁸سی همچینو او جاهو تا وِ اَمروز به یُردِ خین معروف هِست.⁹اوسو، غِیبگوییه اِرمیایِ نبی وِ حقیقت وَست که گودِه بی: هُنُن سی سکه نُرقَنِن وَرگیِن،یعنی قیمتی که بنی اسراییل سَرِ هو نادِبی، ¹⁰و هُنِن سی یُردِ کوزه گر دان،چونو که خداوند وِ مو امر کرده بی.¹¹اما عیسی جِلُو والی واستا.و والی از هُ پرسی:مَر تو پادشاه یهودی؟عیسی گود:تو ایگوی! ¹²اما وَختی که سَرون کاهِنون ومشایخ هُنِن متهم کِردِن،هیچ پاسخی نَدا. ¹³اوسو پیلاتِس اِز هُ پُرسی: «ایقَد چی علیه تو شهادت دان؟» ¹⁴اما عیسی وِ یکی اِز اِتهامیَل هم جواب نَدا، اوطوُ که والی هم خیلی تعجب کِرد.¹⁵والی رسم کردِه بی که هر عید یک زِندانینِن وِ انتخاب مردم آزاد کُنِن. ¹⁶اوسو یِه زندانیه معروفی هم بی به نام باراباس که مین زندان بی.¹⁷اوسو که مردم اِویِن تِی یَک، پیلاتس از اونو پرسی: « کین آزاد کُنم، باراباسِنِن یا عیسای معروف به مسیحِن؟» ¹⁸یُنه ای چونو گود چون ایدونست عیسانن از ری حسد وِ او تسلیم ایکُنِن. ¹⁹اوسو که پیلاتس ری مسند داوری نشسته بی، زینَش پیغامی وِ هو دا، که گُودِه بی: «وا ای مرد بیگناه کاری ناشته بو، سی همچونو که امروز خُوی درباره ی هو دیُم که مُنه خیلی رنج ایداد.²⁰اما بزرگون کاهنون و مشایخ، قوم را وادار کردن که آزادی باراباس و مرگ عیسان انتخاب کنن. ²¹پس اوسو که والی پرسی:« کو یکی از ای دوتان آزاد کنم؟» جواب دان:«باراباس را.» ²²پیلاتس پرسی:«پس عیسای معروف ب مسیحن چ بکنم؟» همگی گون:«بنش ری صلیب!»²³پیلاتس پرسی:«سیچه؟ مَر چِه بدی کِرده؟» اما هونُن بلندتر فریاد زِیِن: « بِنِش ری صلیب!» ²⁴سی همچینو که پیلاتس دی کاری اِز دستِش بر نیا وُ ایتَرسِست شورش کُنِن،اُو خواست و دستِشِن وا اُو شُست و وِ مردم گو :«مو از خین ای آدمو دست کشیوم. خوتون ایدونین!»²⁵مردم همه جواب دان:« خین هو ری گردن ایما و بچیَلِمون با!» ²⁶اوسو پیلاتس، باراباسِن سیشون آزاد کِرد و عیسانِن شلاق زِیِه، نادِش تا و صلیب بکِشِنِش.²⁷سربازون پیلاتس،عیسانِن وِ حیاط کاخ والی بُردِن و همه ی سربازون دور هو جمع وُویِن. ²⁸اُنو عیسان لُهد کِردِن، عبایی بِنُوش کِردِن وَرِش ²⁹وُ تاجی اِز خار بافتِن و ری سرش نادِن و چویی وِ دست راستش دان. اوسو جلوش زُونی زِیِن، و وِ مسخِرِه ایگودِن:«درود وَ پادشاه یهود!»³⁰و رِی هُو تُف کِردِن، چُو نِه اِز دستش ایگِرن و ری سَرِش اِیزِیِن. ³¹بعد از ای که هُنِن مسخره کِردن،عباشِن دِوِردِن، لواس خوشِن تَنِش کردِن. اوسو هُنِن بیرون اوردِن تا وِ صلیب بِکِشِنِش.³²هاموسو که رَهدن وِدر،وِ مِردی شَمعون نُوم وَرخُورد کردِن که اَهل قیروان بی وُ هون مجبور کِردن صلیب عیسان وِ کُول بکشه. ³³تا که وِ مَکونی وِاسم جُلجُتا رِسیِن که معنیش مَکُونِ جُمجُمه بی. ³⁴وِ عیسی شِراوی که زَرد آو قاطیش بی دادِن. چینوکه مِزش کرد ، نخواست بُخُره.³⁵هاموسوکه وِ صلیب کشیِنش ، میون خوشون قُرِه بِستن ، سی بَهر کردَن لواساش. ³⁶وُ هاموچو وِ نگهبونی هُو نشستن. ³⁷وا ای حال یَ تقصیرنومه ای سر یَ قاوی نوشتن وُ هون زیدِن بالا سَرش : یُونه عیسی پادشا یهود.³⁸دوتا رَهزَنن هم وا هُو وِ صلیب کِشیِن ، یکی وِ دست راست و یکی وِ دست چپش. ³⁹رَهگذرون سَرا خوشونن تَکون ایدادِن و ناسزا کُنون ⁴⁰ایگُدن: وُوی توکه ایخواستی معبدن ویرون بُکونی وُ دواره هُون سه روزه بسازی ، خوتِن نجات بِه! ایَر پسر خدایی از صلیب بیو دِووِن !.⁴¹گَپیَل کاهنون و عُلما دین وُ شیخون مسخره اش ایکردن، و ایگُدن: ⁴²دیگَرونِن نجات دا ، اما خُوشن نَتره نجات بِه ! ایَر پادشاه اسراییله ، همی حالا اِز صلیب بیاهه دُووِن تا ایما وِش ایمون بیاریم.⁴³هُو وِ خدا تَوکل داره ، پَ اَیَر خدا دوستش داره ،همی حالا هُون نجات به، چینو که ادعا ایکِرد کُر خدایه ! ⁴⁴اُو دوتا رِهزَنی هم که وا هُو وِ صلیب کِشیه وُوین، هَمیطورُ وِش اِهونت ایکردن.⁴⁵اِز ساعت شیشم تا ساعت نهم که زِظهر تا غُرو ایووه ، تاریکی وَست سَر هَمه اُو ولایِتو. ⁴⁶نزیکه ساعت نهم همو دم غرو، عیسی وا صدا بلند جار زی : ایلی،ایلی، لَما سَبَقتُنی؟ اندی ای خدای مُو ،ای خدای مُو، سیچه مُون وِل کِردی؟ ⁴⁷یَ عَده که اوچُو بیدِن وُ اَشنیدِن، گُودن: جار ایلیا ایزنه.⁴⁸یکی زِ اونو دِرِنگ نَکِرد و نا وِدو یَ اسفنجی اِوِرد ،وُ هُون اِز شِراو تُرُش پُر کِرد وُ سَر یَ چُووِی نادِش وُ بُردِش دَم دون عیسی تا بُخوره. ⁴⁹اما بَقیه گُودِن : هُون وِل کُن وِ حالِ خُوش تا بِنَریم ایلیا سی نجاتش اِیاهِه؟ ⁵⁰عیسی دُوارته وا صدا بلند قارنی وُ رُوح خُوشن تسلیم کِرد.⁵¹هامو دِمون، پرده معبد از بالا تا دُوِن دو پاره وُوی. زمین لَرزِست وُ بَردا قاچ وُوییِن. ⁵²مَزارا واز وُوین وُ بِدَنا خیلی اِز پاکُون که آرَمیده بین وِریستادِن. ⁵³اُونو اِز مَزارا اِویدِن وِدَر وُ بعداِز رستاخیز عیسی ، وِ شهر مقدس رَهدِن وُ خُوشونِن وِ خیلی اِز مردم نِشون دادِن.⁵⁴چینوکه فَرمُندهء سَروازا وُ آدَماش که مامورِ پاسِوُنی اِز عیسی بیدِن ، زمین لَرزه وُ همه اِی وِضیعتون دیدِن، سخت هِراسُون وُویِن ، گُودِن :وِ راستی که پسر خدا بی. ⁵⁵خیلی اِز زَنگَل اُوچو حضور داشتن وُ اِز دیر سَیل ایکِردن. اُونو اِز جلیل وِ دیندا عیسی رَه وَستِن بی تا هُون خدمت بُکُنِن. ⁵⁶میونِشون مریم مجدلیه وُ مریم دا یعقوب و یوسف،وُ هَمیطور دا کُرگَلِ زِبدِی بیدِن.

¹زپولس ،خدمتگزارخداوفرستاده عیسی مسیح من ِخدمت ِایمونِ انتخاب اویدههای خداوشناختنِ او حَیقتی که به دینداری مثلِ یَک بی ، ²وُوِامیدِ زِندیی همیشه ای که خدای پاک زِِهَردورویی زِابتدا وِ هو وعده دادِ بی. ³بعدکلام خوشِ مین زمانِ معین آشکار کِرد،زِطریقِ موعظه ای که وِدستورِنجات دهنده ی ایما خدا وِمو سپرده اوبی،⁴وِ تیتوس،وِفرزندِ درستکارُم مِنِ ایمونی مشترک:فیض وسلامتی وِ جانوِ خدای بوو وُ نجات دهنده ی ایما عیسی مسیح سی تو بوه. ⁵سی یو تونه مِنِ کُرت قرار دادُم تا کارای ناتمومِ سامون بدی و همون طور که به تو دستور دادُم،من هر شهرشیخونه انتخاو کِردی.⁶شیخ کلیسا وا ز سرزنش دوربووه،وا به زینَش وفادار بووه، و بچیلش با ایمان بووِن و زِ هر گونه یاغی گری پاک بووه . ⁷سی یو که شیخ کلیسا نماینده خدائه سی همیونه که وا دیر از سرزنش بووه ، نه یَه رای و تندخووُ نه شراب خورُو دنبال ِ سودهای غیرقانونی،⁸بلکم مشهور وٍمهمون نوازی و دوستدار نیکوییو پارسا ومقدس و منظم؛ ⁹وپایدار مِن کلامِ مطمینی که یاد دادِن تا بترِن دیگرنِن بر اساسه تعلیمه درست نصیحت کُ‍‍‍‍‍‍نِن وُنظرِمخالفوننِ ردش ایکنن.¹⁰چونکه سرکشونه بیهوده گو وُدروگو زیادِن ،مخصوصا اونه که ختنه اوبیدِن، ¹¹که دونشون وا بوَندی، چون سی به دست اِوردَنه منفعتی که ازراه دزدی ایخون به دست بیارن ،تعالیم اشتباه ایدَن وُایطور تمومِ حونواده ها نه پاک نابود ایکنِن.¹²¹³¹⁴حتی یکی زِِانبیای خوشون گودِه بییِن:<<کُرتیان مردمونی دروگو وُ وحشی وُ کُموایی بیعارِن.>> ای گوایی دادَن راسته. پَ اونونه وِشدت توبیخ و سرزنش بُکُن تا مطمئن وُوی که ایمونِشون پایدار وسلامت وُوِن وُوِافسانه های یهود وُکسایی که دستورای حقیقتِن انکار ایکنِن گوش نکُنِن.¹⁵سی پاکون همه چی پاکه،ولی سی اونو که آلوده وِگناهِن وُبی ایمونِن ،هیچ چی پاک و خو نیست، بلکَم هم فکرشون آلوده هِست وُهم باطنشون . ¹⁶ادعا ایکُنِن که خدانه ایشناسِن، ولی وا کرداشون هونه انکار ایکنن.نفرت انگیزِن وُنافِرمون،ومناسب نیستِن سی هر کارِخویی.

¹ولی تو طبق تعالیم درست ،سخن بُگُ. ²پیایلی که پیر اُویدنه بشون بُگُ متین و ملایم وباتقوا بووِن وُمِنِ ایمانشون وُ مهربونی وُصبوریشون وِ شایستگی رفتار بُکُنِن.³وُهمیطور زَنگَلی که پیر اُووین باید روش زندییشون محترمانه بووه. نوا غیبت کُنِن یا بنده ی شراب بووِن،بلکم وا او چی که خووِه یاد بِدِن ، ⁴تا بتِرِن زینگل جوونتره یاد بدِن که میره دوست و بچه دوست بووِن ⁵وُبا تقوا وُعفیف و کدبانو وُمهربونُ وُگوش گِرِ میرگلشون بووِن، تا کلومِ خدا بد گوده نَوُوِه.⁶وُ پیایلِ جوونِ نصیحت بکُن تا عفیف بووِن . ⁷خوت مین همه چی الگوه اعمالِ خو بو .مین ِیاد دادن وا صادق و جدی بوویی، ⁸وُمین سلامتِ گفتارت طوری بویی که کسی نترسته بووه تون ِسرزنش کنه ،تا مخالفون ایر موقعیت بد گفتن زِ ایما پیدا نکُنن ،خجالت زیه ایبون.⁹وِغلامون یاد بده که گوش بگرِن هر چی که ارباباشون ایگون وُ سی راضی کِردنِ ارباباشون تلاش بُکُنِن؛ وُیکی به دو نَکُنِن ¹⁰وُ زِاونو دزدی نَکُنِن ،بلاکُم امانتدار بووِن تا من ِهر چی یاد دادنی که ارتباط داره وِِنجات دهنده ی ایما خدانه زینت ایبخشه.¹¹چون فیض خدا ظاهر اووی ،فیضی که هَمَنه نجات ایده ¹²وُ وِ ایما یاد ایده که بی دینی و هوسهای دنیوینه ترک کُنِن،وا با عفتی وُپارساییو دینداری منِ ای زمونه زندیی کنیم، ¹³منِ او زمونی که انتظارِ او امیدِ موارِک، یَنی ظاهر اویدنه پر جلاله خدای بزرگُ نجات دهنده ی خومون عیسی مسیح هِدیم،¹⁴که خوشه فدای ایما کِرد تا ایما زِ هر چی کاره لیشه دیر اُویم وُ یه قومی پاک راست کنه که سی خوش بووه و با غیرت سی کار خو.¹⁵اینونه بُگُ، وُ وا هر چه قدرت داری تشویقُ تنبیهشون بُکُن، وُنهل هیچکی تونه کوچیر کُنه.

¹²‍‍‍‍‍‍‍‍‍‍‍‍‍‍وِاونو یادآوری کن که حرفِ حکمرانون وُ صاحبمنصبونِ گوش بُکُنِن وُ فرمونبری کُنِن،وُسی هر کارِخو آماده بووِن؛ وِهیچکی دشمون ندِن بلاکُم دنبال صلح بووِن واملاحظه بووِن وا همشون فروتن رفتار کُنِن.³ایما هم یه زمونی نادون ونافرمونبردار بیدیم وُرَمون گم کرده بیدیم وُوابسته وِهمه هوسها ولذت ها ؛وُ زِ هم کینه داشتیمو حسودی ایکردیم وُایطور روزگارمون ایگذروندیم .نفرت انگیز بیدیم وُ زِیکِدو متنفر بیدیم.⁴ولی وقتی مهربونی وُانساندوستیه کسی که ایمانه نجات داد آشکار اُوید، ⁵ایمانه نه سی یو که کارای خویی کِرده بیدیم ،بلاکم سی دله رحمت خوش نجاتمون داد، زِطریق غسل تولد تازه وُتازه اُویدنی که زِ روح القدس هِده؛⁶که هونه به فراوانی سی ایما فرستا ،زِطریق نجات دهنده ی ایما عیسی مسیح، ⁷تا وِ فیض هو پارسا شمرده اوویم،بنا وِ امیدِ زندییه ابدی ،وِوارثون تبدیل اُویم.⁸ای سخنی که گودن شایسته اعتماده. وُزِِ تو ایخوم که وِِ ای امور و مسائل تاکید بُکُنی ،تا اونو که وِ خدا اعتماد کِردِنه ،یادشون نَره که خوشونه وقفِ کارای خو بُکُنِن، که ای کارا سی همه خو وُ سودمنده.⁹ولی زِِدعواهایی که زِبی عقلی و شجره نومه ها وُبحثا وُ دعواهایی که درموردِ شریعته دوری کن،سی یو که بی فایده وُبی ارزشه. ¹⁰وِهو که باعث جداییه یه بار، وُبعد سی دومین بار هشدار وش بده ،ولی بعد از هو ،واش رابطته قطع بُکُن. ¹¹سی یو که ایدونی ای شخص خوش منحرفه وُگناکار،وُخوش باعث محکومیته خوشه.¹²وقتی آرتماس یا تیخیکوسِن بفرستُم طیت ،تلاشت بُکُن تا زیتر بیای طیمون مِن نیکوپولیس، چون ایخوم زمستونه اوچو بووُم. ¹³تا اوچو که ایطِری، وِزیناسه وکیل و آپولوس مِنِ کارای سفرشون کمک کن تا محتاج وِچیزی نبووِن.¹⁴اجازه بده همکیشانمون یاد بگِرِن که خوشون اختصاص بِدِن سی کارای خو تا سی برآورده کِردَنِ نیازای ضروری تدارک بینِن وُزندییه بی نتیجه ای نداشته بووِن.¹⁵اونو که وا مو هستِن ،همه سی تو سلام ایفرستِن.وِ اونو که ایمانه منِه ایمان دوست دارِِن، بشون سلام برسون .فیض همراه ِهمتون بووه.

¹زه پلوس ِرسول که مین ِزندان ِمسیح عیسی زه تیموتاس گوِایما وُه رِفیقُ عزیزِهٌمکارِ ایما فیلیمون ، ²وِه ددو ایما آپفیا وُه همرَزمِ ایما آرخیپوس ،وُوِ کلیسایی که مین حونه برپا ایکونی ³فیض و سلامتی زِه طِی خدا پدرِ ایما وُخداوند عیسی مسیح واایشا بووِه.⁴مو مین دعا هام وقتی یادت ایبفتَم بازم خدای خوم ِسپاس ایگوم ⁵سی چونوکه تعریف ِایمونتونِ وِه خداوند عیسی ومحبتت وِه همه مقدسینه شِنیوم ⁶دعامویونه که مشارکت ایمونت وِه کارت بیا، تونه و شناخت هر تواناییه خویی که داری هدایت ایبویی وسمتِ بدنِ مسیح که مین ایماهِست ⁷محبت تو مونِه یه کُلی شاد و امیدوار کرد،چون وِه دل های مقدسین تازگی بخشیی.⁸وا ایِکه در مسیح ایبینوم که هر کاری که بخووم ایترووم وات بکنم که لایقشی ⁹ولی وِت خوا هش ایکنم وا محبت ایکارون بُکنم .مو ُپلوس پیرومِ ،که حالا زندانی عیسی مسیحوم،¹⁰ایِخوم از کُروم اونِسیسموس که مین ِبند دیدومش وِ جور کُرومه یه خواهش که وِت داروم ¹¹هُو منِه گذشتش خیلیی بِدرد بخور نبی اما حالا خیلی خوُ وِدرد ایخوره ¹²هونه که نصفی زه وجودمه ایِخوم بِفرستمش تیت ¹³ایِخواستم تَی خُوت بِهلیش تا ای چن وقتی که مو سی خاطر انجیل مین زندانم سهم تونه و ای خدمت و گردن بِِگره.¹⁴مُو نِیخواستم یَه کارینِ مین بی خِوری تو بُکنم ،تا نیکی کِردن تو از ری میل بُو ،نه وه زور و اِجبار ¹⁵بسا کم سی همو یویه زمان کوتاهی و توجدا وویی تا سی همیشه بیا تی تو وَِرگرده ¹⁶اما دیِه نه جوره یَه غلام ،بَلاکم بهتر زِِه هو، خیلی عَزیزه .سیم اما تو عَزیزتری ،چِه مِنه مقام ،یَه انسان ، چه منه مَقامه یَه گوویی منه خداوند.¹⁷پَه ایرمونه ِرفیق خوت ایدونی ،هُونه هموطور قِوول کن که مونه قِووول داری. ¹⁸.ایر خطایی وِ تو کِرد،یا وِ تو بدهکاره ، هونه وِحساوِموبِنه. ¹⁹مو،پولس،وِدَست خط خوم اینویسوم که هونه تِلافی اِکنوم .اَلبته نیازی نیست که بُگووم که تو جون خوتِن وِمو مَدیونی. ²⁰ها گَگوم ،آرِمون داروم مِنه خداوند یه سودی زِِه تو وِِمو برسه؛پس جوُنو موُنه مِن مسیح تازه کن.²¹یونه اینویسوم که زِفرمونبریه تو اطمینون داروم وادونوم پیش زِهوکه اگوم ،انجوم ایدی. ²²در ضِمن ،یه تویی سیم اُماده کن،سی دِل یو که امید داروم سی دل دعاهاتون به ایشا بخشیده وابوم.²³اپافراس،هُم زِندونیم مِن مسیح عیسی،سلام ایرسونه. ²⁴همچُنین هُمکارونوم،مَرقس،آریستارخوس،دیماس ولوقا وِتو سلام ایرسونن. ²⁵فیض خداوند عیسی مسیح وا روح ایشا بو.

¹زِِشیخ کلیسا به گایوسِ عزیز که هونه در حقیقت دوست دارُم. ²عزیزُم،دعا مو،سی تو یونه که زِِهر لحاظ خوشوقت وابوی تنِدرستی و سلامتی وِسَربَری .هَمچونو که جونتم کامیاوه . ³مو یَه کُلی خوشحال وابیدُم که گُویَل اُووِیدِن،زِوفاداریتو حیقتو روش زندیی مِنه هو گوایی ایدِن . ⁴هیچی مونه ایقد خوشحال نیکنُه که بِشنُفُم بَچیَلُم مِنِ حَیقَت حرکت ایکُنن.⁵عزیزُم ،مو مِنه همه کارات سی گویَل ،امانت خوتِ نشون ایدی،بخصوص یو که اینو طِی تو غَریوِن . ⁶اًونُوَم مِن کلیسا زِمَحَبَت تو گُوهی دادِن.پَ کاری نیکو اِکُنی اَیَر،اونونه اوطو که لایُق خدابی رُونه سفرکُنی . ⁷سی یو که اونو به خاطِر نوم هو بی که سفَر کِردِنه زِ غیرِیهودیون کمکی دریافت نکِردِن ⁸پَ ایما وا اونون ِ حمایت کنیم تا وا اونو در پیشبردن ِ حیقًت همکاری کِرده بوئیم.⁹مَطلَوی که سی کلیسا نوشتُم ،ولی دیوترِفیس که مقامِ اولِ دوست داره ، قدرت ایمانه گردن نیگِرِن. ¹⁰پس چون وُرگَردُم، وا وِ کاری که انجام ایده رسیدیی کُنُم،ایسو که وا غَرَض دیندا ایما بد ایگو وِ یُوَم قانع نیبوِه،و گویَل ِ هم نیپذیره و اونو که ایخُن هونِه قبول کُنن، بازداشته ،زِ کلیسا اِندازنشون سَرا.¹¹عزیزُم ،کارِ لیشه سی خوت اَلگو مَکن ،خوئینه الگو خوت بُکن ؛سی یو که کسیکه خویی ایکنه زِ خدا هِده ،وِلی هو که رَفتارِس لیشه خدانه نیبینه . ¹²همه ی مردم دیندا دیمیتریوس وِ خویی تعریف اِکُنِن ، حتی حیقتَم . ایمانم ایطو گوایی ایدیم و ایدونی که گوایی ایما درسته .¹³یه کُلی چی داشتُم سیت بنویسُم ، ولی نیخُم وا جوهر و قلم بوِه ،وِلی امید داروم که زیتر زِ یو بِتَروم بِوینُمتو ری و ری صحوت کنیم . ¹⁴سلامتی سی تو بووه. ¹⁵رفیقو سی تو سلام ایفرستِن .وِ رَفیقون اُوچونه به نوم سلام بِرَسون.