Bilba: Bible for Philemon, Philippians

Formatted for Translators

©2022 Wycliffe Associates
Released under a Creative Commons Attribution-ShareAlike 4.0 International License.
Bible Text: The English Unlocked Literal Bible (ULB)
©2017 Wycliffe Associates
Available at https://bibleineverylanguage.org/translations
The English Unlocked Literal Bible is based on the unfoldingWord® Literal Text, CC BY-SA 4.0. The original work of the unfoldingWord® Literal Text is available at https://unfoldingword.bible/ult/.
The ULB is licensed under the Creative Commons Attribution-ShareAlike 4.0 International License.
Notes: English ULB Translation Notes
©2017 Wycliffe Associates
Available at https://bibleineverylanguage.org/translations
The English ULB Translation Notes is based on the unfoldingWord translationNotes, under CC BY-SA 4.0. The original unfoldingWord work is available at https://unfoldingword.bible/utn.
The ULB Notes is licensed under the Creative Commons Attribution-ShareAlike 4.0 International License.
To view a copy of the CC BY-SA 4.0 license visit http://creativecommons.org/licenses/by-sa/4.0/
Below is a human-readable summary of (and not a substitute for) the license.
You are free to:
The licensor cannot revoke these freedoms as long as you follow the license terms.
Under the following conditions:
Notices:
You do not have to comply with the license for elements of the material in the public domain or where your use is permitted by an applicable exception or limitation.
No warranties are given. The license may not give you all of the permissions necessary for your intended use. For example, other rights such as publicity, privacy, or moral rights may limit how you use the material.

Philippians

Chapter 1

(Soda mole neme Paulus no Timotius) 1Neme Paulus no Timotius ata neme Yesus Kristus mai, soa neu basa dahena lo mangamoi kala, nai Lamatua Tuhan Yesus dale ho lia manai Filipi. Boema soa neu basa manafo do manalolo neu manatunga dea neme Yesus mai. 2Babati ma papala mole ma dame neme Amamanatulain mai boema ita Lamatuan Tuhan Yesus Kristus sama-sama no kemi losa(Paulus huke makasih ma berdoa soa neu salani nai Filipi) 3Tunga-tunga fai au kafalene kemi au huke makasih neu au mana adu do mana taong. 4Nai au hule do hala doing dale soa neu kemi, au huke hala doi no namahoko do natadale. 5Hu ita lope lima takabua ma ngani ei takesa nai tui do tafada Lamatua ka hala lin neme fai maka sososa ka losa besa ia. 6Au kamahele tebe-tebe Lamatua ka nonoi do tatao malolen moli ma dadi nai kemi talada. Lia lian tao nan nantetu ma nala losa Lamatua Yesus Kristus fai ma- main na.7Au namemedanga tetean na leo lia soa neu kemi. Hu kemi basa nai au dalenga. Leo mae au be nai bui a, losa au fe natetea do na memepe neu susula mangamoi ka isi do lin, kemi dadi neu au tolanong nai Ama manatulain babatin do papalan dale. 8Ama manatulain mana bubulu do nalela neu au, au kafalene neu kemi basa nai ita Lamatuan Tuhan Yesus Kristus dale.9Au huke ma hala doi : Kela leo bea na kemi nasue do nalai aom boe namabauina neni basa duduka ma a'afi ma nama hehele. 10Ho kela kemi tenga do hele mala hata lia malole ; kela kemi masoda nai lo do mangamoi ka dale no tamanu sala singo nai Lamatua ka fai mamai na; 11kela kemi soda ma henu no buna do boa lo do matetu neme Yesus babati do papalan mai. neni malela do masa ma kikio do o opa soa neu Ama manatulain.(Neme Paulus doi doson na mai Lamatua ka dedea do nafadan lamaloa do namadalu) 12Tolanong kemin, au kahi kemi bubulu hata lia moli ma dadi neu au neni nama loa do nama dalu neu Lamatua dedea do nafadan, 13ho kela basa manea nai mane ka uman bama dehena feke kala babulu do lalela huku do lange au soa neu Kristus. 14Dehena kama hehele ka kadodo na nai Lamatua ka dale boe lamahele leo Lamatua ka neu hu no huhuku do lalange neu au, boe lapalani tui do lafada Lamatua ka dedea do nafadan ta bi do lamataku fa.15Dehena tui lafada Kristus boe, hu lakamuti ma laka hehe bao, te hu hapu dahena boe tui lafada no dale malole. 16Dehena lia nonoi do tatao malole hu susue do lalai sila babulu do lalela fe au mai ia kuni natetea do namemepe neu Lamatua ka hala lin na. 17Te noi lia ta lanu dale malole sila loi tao nana tunga sila natutua do nadedema aon na, ta lanu dale lo do matetu. Neme sila duduka do a'afin mai tuti do popo fe au eno nakaleo nai bui dale.18Boe ma neneni na dube ? Leo bea mesan, neni eno dube, muni dale takadalu do malole tui do tafada Kristus naden na. hu lia au kamahoko ma katadale. Tebe au kamahoko do katadale. 19Hu au bubulu neme kemi huhule do haladoin ma tutulu fafali neme Lamatua Tuhan Yesus mai. Hata lia moli ma dadi neu au neu ko napoi nala au.20Namahena do nakabani lia dadi au dalenga ta hapu namumulu do naka mamae au hapu napa lalani neme Kristus mai sama leo besa kia, kio opa neu Lamatua ka naden na nai au aopang ia nakalo. Leo mae au be kasoda do au mate. 21Bati neu au masoda ia nana hu Kristus boe ma mamate ia nana au kaua do kanale.22Te hu makaneni au be kasoda nai ao pa ia, au koi ma tao neni buna ma boa. Besa ka au hi do hele bea ? Au ta bubulu. 23Au kakatoka ma kakala doa nai hihi do hehele ia. malole neu au lako kela masoda ia ku ko Kristus. 24Te hu malole lena soa neu kemi au be kasoda teli nai kemi talada.25No nama hehele ia, au bubulu au leo do kapalasa nai kemi basa talada no namahoko ma natadale ma nama hehele neu Lamatua ka. 26makaneni ma au fali selu leo kemi basa talada mai na kemi nama hehelem boe natea do namepe neu Lamatua Tuhan Yesus hu au.(Makabua Mahele Moi Tao Makalo) 27leo mae leo lia masoda ma mole tunga eno malole soa neu Kristus hala lin ho kela au mai kaneta ko kemi, do leo mae au ta mai fa, au kama nene nai lia kemi mapa dei mahele nai Dula dale esa no duduka aafi esa kela moi ma tao noku-noku bati neu nama hehele neme susula mangamoi ka mai.28boso kemi fe musu mala laka bani kemi hu lia nana funu do tana esa ma ma binga do nabati soa neu sila, tehu soda mole soa neu kemi, funu do tana lia boe o neme Lamatua ka mai. 29Hu no Kristus nade na kemi hapu babati ma papala ta kada noi kela mamahele neu kana, te kemi boe o neu ko mameda doi doso bati neu lia. 30Hu no lia kemi masasale mo bela do bau ho lia deta do sama leo au kaneta do katongo kon, boma sama leo besa ka kemi mamanenen au bei kahele.

Chapter 2(Duduka ma aafi sama leo Kristus)

1makaneni ma nai Kristus dale hapu titipa do fafae ma ngate do malale, kokoe nanasi susue lalai , natuti na esa no Dula dale ka, sue do lai boe ma dale namameda susue tolesi dai lena, 2tao matetu au namahoko ma natadaleng teni dale esa ma aafi esa, tanu susue do lalai esa, dadi esa nai Dula dale kadale boe ma tanu eno esa.3boso moi tao ube mesan neme naseti nahange do koa lia tananu sosoa lala fa ; te hu no dale naloe ao ma nakadae ao; kela ko mete neu dehena feke ka malole lena ko ao ina heheli ma. 4boso kemi esa-esa ka lelu sosolo mesa ma, te mai ho ita basa talelu ao.5Ho kela duduka ma aafi ia moli ma dadi nai kemi basa talada, sama leo duduka do aafi neme Lamatua Yesus Kristus mai, 6leo mae lia sama leo Ama manatulain, lia tamete neu sasama do dadeta lia no Ama manatulain fa. 7Te hu lia tao na aon dadi neu mana dadi ta sama leo ata ho dahena feke ka paleta nana ho kela dadi sama leo dahena dae bafo. 8Nai lia masoda na sama leo dahena dae bafo naloe nakadae aon losa mate, lelena kala mate nai kai sele lain.9Neme lia mai Ama manatulain soko do fua nan bati ma pala fen nade nai lain neme basa nade kala mai. 10Ho kela neme nade Yesus mai, basa idu langa kala lakaluku ma basa 11ma kala tui lafada lea Kristus Yesus nana Lamatua, bati neu Ama manatulain malela do masan !Ama manatulain noi ma tao nai ita dalen 12Hu lia tolano susue lalai kemin, nai bea kemi tunga makalo ta noi lia au nai kemi talada fa, te lena-lena ka au ta nai kemi talada fa, nai kemi masoda ma moi tao ho babi ma namataku. 13Hu Ama manatulain lia noi ma tao nai kemi talada, leo mae nai kemi hihi do nanaum do nonoi ma tataon kela neni tesa tei ma tama dale neu Ama manatualain.14Moi do tao basa sila boso no matutui do na hihinga 15ho kela boso kemi ma ngengeo ma tuda leo sala singo ka neu, kemi lia ta manu sala singo nana Ama manatulain ana malela do ma ha nai tatiti nonosi peko paki ka talada ho lia kada hate mata mopo ma sala. ho kela kemi malela do ma ha nai sila basa talada neni malua do mangaledo neu dae bafo. 16Hopu mahele dedea do nafada masoda sila kela losa Kristus fai mamain, kela au hapu eno kamaloa do kamanalu nai au laleo lalakong nanoi ma tataong ta dadi neu sosoa ma lala ta.17Leo mae au sama leo oe a poka neme kala ka mai neu tutunu do hohotu ka lain boema nakaboi do nasamao neu kemi mama hehele ma au kamahoko ma katadale ko kemi basa ngemi. 18 Leo lia esa boe o kemi meni eno ho lia sama do deta, hika do makasoe mamahoko da matadale mo au.(Paulus nadenu Timotius no Epafroditus)19nai Tuhan Yesus dale, au kanu namahena kadenu Timotius neti ho kela au hapu kokoe ma nanasi nai fai ho au hapu hala neme kemi mai. 20 Hu au taka nu dahena feke sama leo lia, lia nanu dale lo do matetu lia nafaduli kemi tetu do teman. 21Hu feke kala lafaduli neu sila hahi nanau mesa na, ta tao dale neu hahi do nanau neme Yesus Kristus mai.22sama leo kemi babulu, Timotius natudu lia masoda na nanu beli nai Lamatua ka eno ma dalan. Lia lako sama-sama no au nai Lamatua ka eno dalan sama leo ama no ana. 23Hu lia au kanu nama hehena kadenu lia lai-lai sama leo au babulu do kalela hata lia sanga moli ma dadi neu au. 24Au kama hele neu Lamatua ka au boe o sangan mai lai-lai kaneta ko kemi.25Te hu neme lia mai au boe sanga fe Epsfroditus neu leo kemi neti. Lia nana au tolanong, au nanong mana tui do mana benga nai Lamatua ka dale, au nanong lia moi maka bua nai Lamatua ka dale, boema dahena lia neni fe kemi hala hehelu boema lia lia na lalau do na aono au hahi do nanaung. 26Hu lia beo neu naneta no kemi basa boema dale hedi nan selin hu kemi mamanene lia hedi do lau. 27Tatea makulun lia hedi hisa maten, tehu Ama manatulain natudu susue do lalain neu lia boema ta noi neu lia, te neu au boe. ho kela au dale hedi nga boso nama bau ina.28Hu lia au boe kahi kedenun leo kemi neti kela kemi boe mama hoko do mata dale nai fai do kemi mita lia boema au dale naka toka do naka la doa nga boe-boe mopon nana. 29sipo ma Epafroditus nai Lamatua ka dale no nama hoko do nata dale boema fe hada holo mata neu dahena ho lia sama leo lia. 30Hu lia hisa maten no nanoi tatao nai Kristus dale; lia pasa somane na ngati neu tatuku do fafali neme kemi mai neu au.
Chapter 3

(Kristus lia maka sososa ) 1Neme lia mai, basa tolanong kemin, mamahoko do mata dale nai lamatua ka dale. au ta mela do mangu dui ma sula selu eno ma bei sama neu kemi hu eno dala lia lanea kemi. 2Manea ao mala neme basa busa la mai, manea ao mala neme basa manoi manatao takadalu kala mai, manea ao mala neme sila lia ke ma dede ao pa nala. 3hu ita nana dahena mana ke do mana dede lo do matetu lia taka luku taka tele neu ama manatulain nai dula dale ka dale, kio opa Yesus Kristus.4Boe ma tapeda namahehele ka neu enoma ao pa ia, leo mae au tetea kanu hihi nanau leo namaloa namanalu ka neu nai ao pa ia eno dalan, mai ma hapu dahena feke be duka ma afi leo lia hapu eno neu namaloa namanalu nai enoma aopa ia lena ka au. 5Ke ma dede au nai fai falun, Israel nusa tean keme benyamin leo na mai, dahena Ibrani, dedea Ibrani tunga hukum Taurat, au nana dahena Farisi.6Nai eno makase, au nana mana ese do lumu sa lane, ma nai eno lo do matetu ka dale ho nai hukum Taurat ta dae, au ta kangengeo. 7Te hu basa-basa hata nai makulun na neni fe au hahapu besa kia au kalela tuda do monu hu Kristus.8Tetea basa hata lia natuda au nai fai au kalela Yesus Kristus au Lamatuang, lia belina bau lena basa hata lalaken, no kada Kristus, au kamopo basa sila, hu au babulu basa sila nana kadafu kela au hapu Kristus. 9Hapu au nai Kristus dale ta neme au lo do matetung lia au hapun neme hukum Taurat mai te mai tunga nama hehele nai Kristus dale, hu lia lo do matetu neme ama manatulain mai, nahu do naoka neme namahele ka. 10Kela au bisa kalela lia neme kuasa foa falin na mai boe ma dadi esa nai doi doson na dale kela dadi sama leo lia nai mamate do momopon na dale. 11Losa nai mateken na au hapu foa fali keme dahena kala mate kala talada mai.(Lope lima ngani ei leo na lo lo neme nusa tetu ka mai) 12Leo mae leo lia te hu au beta hapu kalan no lamatua te hu usin losa hapu kalan sama leo Yesus Kristus topu do hopu nala au. 13Tolano kaka fadi, au ta kae au topu do hopu kalan . kada noi eno esa lia au koi ma taon, au kafalene heni basa hata lia nai au deang boema au tunga ma sanga neu hata lia nai mata. 14Au kaka lo ulu ku leo dale hihing kela hapu babati neme na lolo nusa tetu ingu tema neme Ama mantulain mai nai Yesus Kristus dale.15mai leo ita lia tatetu do ta la duka ma aafi sama leo lia, mai ma kemi beta duka afi losa lia, Ama mantulain de natudu fe kemi lo do matetun. 16Leo mae leo, lia mai ita takalo soda lo do matetu ka lia ita tanu do taenan.17Tolano kaka fadi tunga mahele au ei ngangani do lima lolopeng. boe ma mete do lelu mata bebesa neu basa dehena lia nai masoda nala ei ngangani do lima lolope mala sama do deta leo kemi mitan nema ami mai, 18hu, hapu do lena do dok masoda mala dadi neu musu nai Kristus kai ngange na. 19mateke na sila la dadi mai hengu nisi do alemala, hu sila lamatua na lia sila tei poko nala ma sila kikio oopan lia naka mumu do naka mamae ka, sila duka afi kada eno ma dae bafo ia.20Noi ita nusa do namon nai busa tetu do ingu tetu ka dale, nai bea ita henu no nangate do nalale ka nai lahani neu mana soi do mana tefa, ho lia Lamatua Yesus Kristus. 21Lia neu ko adu do tao nahi ita ao pa mana ketu do mana basan ia dadi do moli sama leo lia ao pa malela do masan, no kuasan lia Kristus neu neni basa hata lalaken loloe aon nai Lia matan.

Chapter 4(Nanoli Nafada Kela Tei Esa ma Dale Esa)

1Hu lia, au tolanong kemi lia au sue lai ma kaneta ko kemi,dadi neu namahoko natadale bauina esa, napade nai ita talada nai Lamatuak dale. 2Au kamahena neu Euodia ma neu Sintikhe ho kela tei esa, dale esa nai Lamatuak dale. 3Hu lia, au huke neu ko, tialai-tialai malole, tulufali neu ina kala sila ia, kela sila loi tao tea-tea lo au ho tui lafada Lamatuak dadea nafadan, ma Klemens no nano nanoi tataon feke kala boe, ho lia nade-nade manadui nai sasula masodak dale.4Mamahoko matadale nai Lamatuak dale. Lakiesa selu au kafada, mamahoko nai Lamatuak dale! 5No ko dale naloe nakadae aom, basa dahena babuluk. Lamatuak mamai na deka. 6Boso makatoka do makala neu dube-dube mesan. Hu lia, basa-basa nanoi tataom, hahi nanaum neu Lamatuak no hahule haladoi no namahoko natadale neu Lamatuak. 7Soda molek neme Lamatuak desilena ita hahule haladoin mai, tapedan neu ita dalen no daduka a'afi nai Yesus Kristus dale.8Nateke na, basa tolanong ngemin nai lo ka dale, basan lia nai mangamoik dale, basan lia nai lo matetuk dale, basan lia nai manalalao manalalafuk dale, basan lia nai malole a dale, basan lia manakio do manakoa, basan lia natetu do nala, basan lia ita kio koan, dado ma basa sila lalaken. 9Hata bea lia kemi manolin, sipo, mamanenen, no kemi lelun neme au mai, moi tao basa sila la lalaken, ho kela Lamatuak hu mole dame soda molek sama-sama no kemi.(Paulus Hule Makasih neu Dahena Kamahele nai Filipi) 10Au kamahoko ma katadale nai Lamatuak dale losa besa kia, nateke ao na kemi tui mafada kemi dale ma neu au. Mema, makasasosan lia kemi beta mafada daduka a'afim neu au, tehu kemi tamanu fai ho tui mafada au. 11Au kafada eno ia neu kemi bukan au kakaleo, hu lia de au kanoli ho kela matetu mala dale ma nai dube-dube mesan. 12Au babulu kemi nai kakula kakopo ka dale, no au boe babulu kemi nai hahapu dadai ka dale. Nai basa-basa fai ka au babulu kemi tatoka tatama, au kanoli kafada kemi soda matetu mala ka, te kemi makabete do mamala, te kemi manu doi do doi ta. 13Au bisa koi tao nanoi tatao dube mesan neme Lamatuak mai lia bati fe au makapi balakai.14Tehu, kemi moi tao nanoi malole ma bati pala bela bau mo au boe. 15Kemi boe babulu, tolano salani ma nai Filipi, makasasosa na lanoli Injil, hu lia au foa kela mamana Makedonia, tahapu tolano salani ka lia nau babati bela bau mo au nai hahapu ma dadaik, kada neu ko. 16Nakalena neme lia mai, tepo lia nai Tesalonika, ko tulufali au laki dadou. 17Tehu, bukan tatulufali lia au sangan, au sanga buna boa ho lia neni fe ko hahapu dadai ma nambauina.18Au sipo kala babae henu ma nakalena. Au kanu basan lia au kahi kana ho lia ko haitua fe au tunga Epafroditus. Tatulu fafali ma lia dadi neu tutunu hohotu malole lia natetu nala no Lamatuak hahi nanaun. 19Au Lamatua nga lia tao natetu ko hahi nanau ma tunga Lamatuak hata nun holia manlalao manlalafu nai Yesus Kristus dale. 20Kakio o'opa neu Lamatuak, holia ita Ama Manatulain losa dado naneu. Tebe.21Tui mafada ami soda molek ma neu dahena manlalao manlalafu holia nai Yesus Kristus dale. Soda molek neu ko neme basa tolanong kamhahele holia no au nai ia. 22Basa dahena manlalao manlalafu fe hala soda molek neu ko, neu dahena lia noi tao nai Mane do Boko kala umandale. 23Babati papala neme Lamatuak Yesus Kristus ma natuti neme dula dalek mai, nasulu nahapa losa donaneu. Tebe.

Philemon

Chapter 1(Soda Molek neu Filemon)

1Soda molek neme Paulus, dahena lia nai hahuku lalange hu nakalalako Yesus Kristus dadea nafadan, no neme Timotius, ita nano kamahahelen, neu Filemon, tialai ma nano matui manamafada ita sue lain, 2boe ma neu Apfia, ita feto na,boe ma neu Arkhipus, ita nano manamatui manamafada, no neu dahena lia tunga Lamatuak tei esa dalek esa nai uma ma dale. 3Babati papala no soda molek neu ko neme Lamatuak mai, ita Ama na, no neme lamatuak Yesus Kristus.(Huke Makasi Kadadouk Neu Lia Namahahelena no Sasue Lalai Filemon)4Au huke makasi neu Lamatuak kela nafalalene ko nai au hule haladoi ka dale, 5hulia au kamanene kemi namahahele ma no sasue lalai lia kemi manun nai Lamatuak Yesus dale ma neu basa dahena mangamoi nai Lamatuak dale. 6Au huke ma haladoi kela kemi namahahele ma natea do nakamepe babaluk do malela enoma malole lia ita tanuna hu Kristus. 7Au kamahoko kan ia neu kemi sasue do lalaima neme kemi, tolanong kemin, dahena dale lo do matetu ka natea do nakamepe selu.(Paulus Huke Haladoi soa neu Onesimus) 8Hulia, leo mae au kanu namahahele bauina nai Kristus dale no kela paleta kemi moi tao hata bea lia kemi moi taon, 9tehu no sasue ma lalaik, de lia na au huke neu kemi. Au, Paulus -- ho lia lasi so, no besa'ia dadi neu dahena hahuku malalange hu Kristus Yesus.10Au hule haladoi neti ko neu au ananga, Onesimus, ho lia au hapun nai hahuku lalange ka dale, 11nai makulun lia au dadi neu dahena manadadi ta neu ko, tehu besa'ia au dadi neu dahena manadadi, batineu ko ma neu au boe. 12Au kadenu lia, au ana babonginga, fali leo ko neu, 13ho lia tateana au tanau fen fali ho kela leo no au ho kela lia ngati ko lelu natanae au neme au nai hahuku lalange ka dale hu Lamatuak dadea nafadan.*14Leo mae, ita beta takakaketu nanoi esa, au tanau koi hataesa boe ho kela malole lia au koinana esa ta nadenu au boe, tehu neme au hahi nanau mesanga. 15Onesimus sangaeno ho kela boso nakababua no ko fai esa dua ho kela ko sipoman makababua losa dadona neu, 16tehu tadadi neu ata so, te dadi lena neme lia mai, ho lia dadi neu tolano sasuek, ta soa neu au boe, te neu ko boe, malole nai soda aopa ka dale ma nai Lamatua ka dale.17Makaneni ma kemi au nana nano nanoi tatao, sipo mala Onesimus saman leo kemi sipo au boe. 18Makaneni ma lia tao sala' kemi do nahuta dube mesan neu kemi, au tangon basa lia. 19Au ia Paulus, au dui ia pake au lima nga: neu ko au bae Onesimus huta nala, au ta tatui esa boe kae kemi mahuta au, ho lia kemi soda mesa ma. 20Kela nai Lamatua ka dale, au hapu malole neme kemi amai. Malaloa au dalenga nai Kristus dale.21Hu au kamahele kemi makananete do makatataka, hu au babuluk kemi neu ko moi tao lena au huhuke nga. 22Neme lia mai, kemi bati fe au kama hu au kamahena hahule haladoi neme kemi a mai neu ko, Lamatua ka napoi au keti.(Soda Molek Natekeaoka)23Au nanong nai bui dale, Epafras nai Yesus Kristus, haitua hala soda molek neu kemi, 24leo lia boe Markus, Aristarkhus, Demas, no Lukas, au nanong manatungadea. 25Babati do papala neme Yesus Kristus mai nasulu nahapa ko.