¹Mi Paul, wan aposol blong Jisas Kraes long wantem blong God, mo Timoti, brata blong yumi, long olgeta jej blong God we i stap long korin, mo long yufala evriwan ol holi man blong God long evri jej blong Achaia. ²Bambae gladhat mo pis i stap long yufala we i kam long God Papa blong yumi mo Masta Jisas Kraes.³Bambae God Papa blong yumi mo Masta Jisas Kraes we yumi presem hem. Hemi Papa blong sori mo hemi God blong kamfotem yumi. ⁴God hemi kamfotem yumi long ol harem nogud blong yumi. Mo yumi kamfotem narafala man long sem kamfot we God hemi yusum blong kamfotem yumi.⁵Hemi semakk nomo olsem we kraes hemi bin sava from yumi, long semak fasin bae mifala save harem gud from bae kraes hemi kamfotem mifala we i stap sava from wok blong hem. ⁶Taem we mifala stap sava, hemi from se God bae hemi kamfotem yufala mo sevem yufala long denja ia. Mo taem we God hemi kamfotem mifala, hemi from bae hemi kamfotem yufala. Blong kraes hemi kamfotem yufaala, yufala i mass sava long semak harem nogud we mifala sava long hem. ⁷Mifala gat strong hop long yufala, from se yufala i sava olsem we mifala i sava, God bae hemi kamfotem yufala olsem weh hemi stap kamfotem mifala.⁸Ol brata blong mi, mifala wantem mekem yufala i save abaot ol trabol weh mifala i bin gotru long hem long provins blong Esia. Mifala i kasem plante trabol we mifala i fraet tumas long ol trabol we mifala i stap gotru long hem. Mo mifala i ting se bambae mifala i no save laef. ⁹Long taem ia mifala i tingse bambae mifala i ded. Be mifala i no lukluk long paoa blong mifala, mifala i lukluk nomo long paoa blong God, we hemi mekem ol ded man oli laef bakeken. ¹⁰Mo hem i sevem mifala long ol trabol ia, mo bambae hemi sevem mifala bakeken. Mifala i putum tras blong mifala long God nomo, mo bae Hem i kontinu blong sevem mifala.¹¹Mo yufala i stap helpem mifala blong stap prea from mifala. Fulap man oli talem tankiu long Papa God from hemi gud tumas hemi ansarem ol prea blong ol pipol blong hem long taem we oli stap long nid.¹²Praod toktok blong yumi emi: Yumi save talem long feit mo long klia tingting blong yumi se yumi stap liv wetem holines (paoa) mo tru feit blong Papa God. Yumi folem paoa mo lav blong God, i no long ol paoa mo waes blong ol man. ¹³Mifala i no raetem wan samting i kam long yufala we bae yufala i no save ridim mo andastandem, be mi save se bae yufala i andastandem i moa bigwan. ¹⁴Naoia yufala i kasem mo save gud everi pat , taem we Jisas Kraes bae hemi kambak, bae hemi glad long fasin we mifala i mekem mo mifala tu bae i glad from fasin we yufala i mekem.¹⁵From se mi sua abaot hemia, mi wantem kam long yufala fastaem, blong mi save visitim yufala nambatu taem. ¹⁶Mi stap plan blong visitim yufala taem we bae mi kam pas long Macedonia. Mo mi wantem blong visitim yufala bakeken taem we bae mi kam long Macedonia bakeken, mo bae yufala save sendem mi go long Judea.¹⁷Taem we mi stap tinktink long rod ia,mi no bin sua? Yu luk se mi planem wokbaot ia i stret blong mi folem, from samting ia mi talem se ''Yes,yes'' mo ''No,no''long sem taem? ¹⁸Be God hemi stap feitful blong lukaotem yumi,toktok blong mifala long yufala hemi no se ''Yes'' mo No''.¹⁹Long Pikinini blong God,Jisas kraes, we Silas, Timothy mo mi we mifala i talemaot long yufala se,i nogat konfus long Kraes. Long hem i nogat no long hem ''Yes'' mo afta ''No'' bakeken.Be,long hem oltaem hemi ''Yes'' nomo we i stap long hem. ²⁰Long everi promes blong God hemi ''Yes'' nomo long hem. Mo tu tru long hem yumi talem ''Amen'' mo givim glori i gobak long God.²¹Naia God hemi talemaot long yumi se yumi kam join long kraes mo yumi save se kraes nao hemi mekem yumi kam join tugeta,mo blong go talemaot gud nius blem long ol pipol, ²²Hemi putum gud yumi mo hemi lokem gud yumi blong ol pipol oli save se hem i tekofa long yumi mo hem i givim yumi spirit long hat blong yumi we God bae hemi stap wetem yumi i olsem wan promes we oli no save brokemaot we bae hem i mekem fulap gudfala samting long yumi we bae i fulap moa.²³Be mi singaot i go long God olsem witnes blong sol blong mi from samting ia nao mi no kam long Corin from bae mi no mekem yu yu stap harem nogud. ²⁴Hemi no from mifala wantem kam Masta ova long feit blong yufala, be mifala i olsem ol yangfala wokman nomo wetem yufala from gud blong yufala, mo stanap strong long feit blong yufala.

¹Nao mi stap tingting finis blong no save kam luk yufala, mo i no blong mekem yufala i stap harem nogud. ²Spos mi mekem yufala i harem nogud,huia long yufala bae i save mekem mi mi glad? Be yufala ya nao i stap mekem yufala i harem nogud i stap mekem mi mi glad?³From samting ya nao mi stap raetem leta ia i kam long yufala long stret fasin from taem mi kam luk yufala bae mi no save harem nogud long olgeta we oli sud stap mekem mi mi glad. Mi mi save yufala everiwan finis, taem mi stap harem gud i semak nomo olsem we yufala tu i stap harem gud. ⁴Mi stap raet i kam long yufala from ol bigfala trabol blong yufala,wetem trabol hat, mo fulap harem nogud.Mi stap raet i kam long yufala blong mekem yufala i no mas harem nogud. Be, mi wantem blong yufala i save bigfala lav we mi gat long yufala.⁵Spos eni man i stap kosem harem nogud, hemi stap kosem harem nogud ia i no blong mi wan nomo, be long nara samting-ino blong trabolem yu-long yufala everiwan. ⁶Panismen blong man ya we majoriti i kasem i stret ya na. ⁷So i no blong yufala i panisim hem, yufala i sud fogivim hem mo helpem hem. Mekem olsem blong hemi no tingting tumas mo harem nogud.⁸Be mi wantem blong yufala i soem lav blong yufala long hem. ⁹Risen blong leta ya we mi raetem i kam long yufala, hemi blong testem yufala mo save se yufala i save obei long everi samting o nogat.¹⁰Spos yufala i fogivim eniman, bae mi fogivim hem tu we i semak olsem we yufala i fogivim hem.Wanem we mi fogivim -spos mi fogivim enisamting -hemia mi stap fogivim long fes blong kraes finis. ¹¹Hemia hemi from blong setan bae i no trikim yumi. Mo i no save winim yumi long wan samting.¹²Wan doa we Masta blong yumi hemi openem long mi taem we mi kam long bigfala taon blong Traos blong prijim gudnius blong kraes long taon ia. ¹³Mi fraet tumas mo wari from mi no save faenem brata blong mi Titus long taon ya. Nao mi lego olgeta mo aot i go long Macedonia.¹⁴Be tankiu i go long God,we hemi Kraes i lidim yumi long viktri ya.Tru long yumi God i soemaot mo yusum yumi olsem wan naesfala smel blong flawa blong talemaot kraes long everi ples. ¹⁵From yumi olsem naesfala flawa we i gat smel blong hem,from yumi ol man blong God blong talemaot Kraes, long olgeta we oli sef mo olgeta we oli no save long Kraes.¹⁶Long olgeta we oli no save long Kraes, bae naesfala smel ia i olsem smel blong wan ded man we i smel nogud. Be olgeta we oli sef, bae naesfala smel ia i stap long laef blong olgeta oltaem nomo. Huia nao i save mekem ol samting ia? ¹⁷From yumi i no olsem fulap man we oli stap yusum mo salem tok blong God blong winim mani. Be God i putumaot mifala, blong talemaot Kraes, from mifala i olsem ol wokman blong God.

¹Bae yumi stap blong presem yumi bakegen. Yumi no nidim leta blong yu o i kam long yu, olsem sam man, bae yumi mekem? ²Yu nomo yu leta, raetem long hat blong mifala, blong ol pipol oli save andastanem mo oli lidim. ³Yumi mas soem se yu ia leta we i kam long Kraes, hemi risal blong ministri blong yumi. Oli no raetem wetem ink blong pen be wetem Spirit blong God. Oli no raetem long ston, be hat blong ol man.⁴Mo hemia emi pruf se yu go tru long Jisas Kraes bifo God. ⁵Yumi no komperem yumi wanwan blong tokbaot eni samting we istap kam from yumi. We kuwaelifae blong yumi ikam nomo long God. ⁶Hemi God we i mekem yumi save kam ol wokman blong niufala grup blong God. Hemia hem jej ino blong ol leta be hemi blong Spirit. From leta i kilim ded man, be Spirit blong God igivim laef.⁷Loa blong God i karem ded ikam, mo hemi raetem leta ia long ston, mo hemi kivim long Moses. Emi kam wetem wan gudfala laet weh emi saen oltaem long ples weh God istap long em. Mo glori ia i saen long fes blong Mosis, fes blong em i saen we i saen we ol pipol blong Isrel oli no save lukluk long fes blong hem. Laet ia istap lus long fes blong hem ⁸Hamas mo naes fala laet ya bae i saen long ministri blong Spirit we i stap kam?⁹Mo spos ministri blong judgem ol man weh oli mekem fasin nogud hemi impoten, hamas moa nao bae ministri blong olgeta weh oli klin long fes blong Papa God hemi impoten. ¹⁰From samting ia olfala loa emi nomo impoten from se ministri blong ol mama weh oli stap mekem ol gudfala fasin. ¹¹Mo sipose olfala wei, emi riples, emi niu weh emi stap long taem.¹²Taem niufala weis i kivim yumi wan strong tingting, yumi save gat hat blong mekem samting. ¹³Yumi, yumi no olsem Mosis, weh hemi putum pis kaliko ova long fes blong hem blong ol pikinini blong Isrel oli no luk laet ia weh ikam long God.¹⁴Be tingting blong olgeta i strong tumas. Kasem tedei taem oli harem wan man i ridim olfala kavenan, sem pis kaliko ia istap nomo. Ino gat man i karemaot pis kaliko ia, from God nomo i save karemaot thru long Jisas Kraes. ¹⁵Tedei tu taem oli ridim ol loa blong Mosis, emi olsem weh oli putum pis kaliko ia ova long maen blong olgeta yet. ¹⁶Beh taem weh wan man i tanem hem i kam bak long God, God i save tekemaot pis kaliko ia.¹⁷Nao Papa God hemi Spirit. Wea ples we Spirit blong Papa God istap long em, igat fridom. ¹⁸Nao yumi evriwan, we yumi no kaveremap fes blong yumi, yumi luk glori blong God. Yumi bin jens iko long semak glori long wan level blong glori iko long narawan, i semak weh ikam long Papa God weh hemi Spirit.

¹Olgeta, from we yumi gat ministri ia, i olsem we yu gat sori, yumi no kam blong harem. ²Instet, yumi no wantem acceptem ol secret blong yumi mo ol rabis fasin blong yumi.³Be sipos gud nius blong mifala iai haed, emi haed nomo long olgetat we oli lus. ⁴Long keis blong olgeta ia, god blong wol ia i blaenem gud tingting blong olgeta blong oli no save biliv. From samting ia, i mekem se oli no save luk laet blong gud nius blong glad hat blong Kraes, we hemi semak long God.⁵From mifala ino talemaot mifala, be Jisas Kraes olsem Papa God, mo mifala i olsem ol wokman blong Jisas Kraes. ⁶From God hem wan i talem se, "Laet bae i saen long tudak". Hem i bin laet long hat blong yumi, blong givim laet long tinktink ia long glori blong God long presens blong Jisas Kraes.⁷Be yumi kat gudfala fasin we i olsem jak we oli wokemaot long graon, blong hemi soemaot i klia we bigfala paoa emi blong God ino blong yumi. ⁸Yumi stap safa long difren wei, beh yumi no foldaon. Yumi konfius beh yumi no lus. ⁹Oli tritim nogud yumi be oli no leko yumi. Yumi foldaon be oli no save spolem yumi; ¹⁰tru long ded blong Jisas Kraes long kros, yumi stap wokbaot mo serem gudfala laef blong Jisas Kraes weh oli save luk long bodi blong yumi.¹¹Mo yumi weh yumi stap laef yet, Papa God istap lidim yumi blong fesem ded from yumi stap joen long Jisas, blong taem ol man oli luk yumi, oli save se Jisas i laef. ¹²Beh yu save luk se ded emi stap mekem wok blong em long yumi, beh laef ia istap wok insaed long yu.¹³Beh yumi kat sem Spirit blong feit i semak long wanem oli bin raetem se: "Mi bin bilif, mo mi bin toktok". Mifala i bilif tu, mo mifala i toktok tu, ¹⁴from we yumi save seh wan weh hemi mekem Jisas i kirap bakegen long ded bae hemi mekem yumi kirap bakegen wetem Jisas mo i tekem yumi ikam long presens blong hem. ¹⁵From everi samting emi from yu nomo, blong gres ia weh istap kasem plante man mo bae olgeta oli stap kivim moa glori iko long Papa God.¹⁶Mo yumi no lusum hop. Nomata weh yumi soem long aotsaed lukluk blong yumi weh yumi stap westem laef stael, beh insaed yumi stap jenis everidei. ¹⁷Long taem ia, bae yumi safa kasem taem we God i kambak, God bae mekem yumi naes i bitim mak we wan man ino save explenem. ¹⁸Be yumi no save wet long ol samting we yumi save luk be ol samting we yumi no save luk. Ol samting we yumi save luk emi blong smol taem nomo, beh ol samting weh yumi no save luk bae save stap long taem.

¹Mifala i wok tugeta wetem God, mo mifala i askem strong long yufala blong akseptem glad hat blong God long fasin we i no blong tingting nating long hem. ²From hemi talem se, ''mi bin helpem yu long wan taem, mo long dei blong salvesen mi bin helpem yu''. Yufala luk naoia hemi ol gud time. Luk naoia hemi time blong help. ³Yumi no mekem wan samting blong man i arem nokut long foret blong wan man, from yumi no wantem blong ol ministri wok bae oli nomo wok gut.⁴From samting ia, long efri wei blong yumi save long yumi wanwan se yumi ol wok man blong God, long had taem, long ol laef blong yumi, ⁵long taem we oli kilim yumi, long taem blong kalabus, long taem blong varots, long hard wok, long wan gud slip, long kros, ⁶long had situesen, long waes, long peisence, long kaenes, long tapu spirit, long love, ⁷long ol trut tok, long paoa blong God, wetem close blong faet blong raetegeness blong lef mo raet han.⁸Nating we ol man oli hona o no honarem mifala, mifala i stap gohed blong mekem wok blong God, long taem we oli talem ol gudfala samting we mifala i mekem, mo long taem we oli tok agens long mifala, mifala stap talem ol kiaman samting. ⁹Mifala stap mekem wok ia olsem we oli no save mifala, be oli save gud mifala, olsem se mifala i tet, be-yu luk -mifala stap laef iet, olsem we ol man oli panisim mifala from ol agens blong mifala, be iet oli no kilim mifala.¹⁰Mifala stap harem nogud taem mifala stap mekem wok ia, be mifala i stap glad oltaem, olsem ol pua man be iet mifala i mekem fulap man oli gat samting, olsem we mifala nogat eni samting, be iet mifala gat ol samting.¹¹Mifala i talemaot evri tru tok long yufala, ol man korin, mo mifala i lavem yufala tumas.¹²Mifala i no mekem eni samting blong yufala, yufala nomo i gat ol samting we i mekem yufala i nomo lavem mifala. ¹³Blong mekem ol samting i stret-mi stap toktok long yufala olsem ol pikinini blong mi-lavem mifala olsem we mifala i lavem yufala.¹⁴Yufala i no mas wokbaot tugeta wetem ol man we oli no biliv. Hao nao bae ol stret fasin i wok tugeta wetem loa? Hao nao laet i no semak long tutak? ¹⁵Wanem akrimen nao we kraes i gat wetem enemi? O wanem sea we wan man we i biliv i gat tugeta wetem man we i no biliv? ¹⁶Wanem akrimen we i stap bitwin haos blong God, mo ol kiaman god? from yumi ol tempol blong God ia we i laef, olsem we God i talem Bae mi stap wetem olgeta, mo bae mi wokbaot long metel blong olgeta. Bae mi God blong olgeta, mo olgeta bae oli ol man blong mi.''¹⁷''From samting ia,kamaot long olgeta, mo yufala i stap yufala nomo''Masta i talem'' tajem ol samting nomo we oli klin, mo bae mi welkamem yu. ¹⁸Bae mi papa blong yufala, mo bae yufala i ol pikinini blong mi, God we i gat olgeta paoa i talem.

¹Long yufala evriwan we mi lavem yufala, yumi gat ol promes ia i stap wetem yumi finis, yumi sut klin long bodi mo long spirit. Yumi mas mekem ol samting we i raet mo holi blo honarem God.²Yufala i mekem redi rum lo hat blong yufala. Mifala i no mekem wan samting i rong. Mifala i no kiaman lo wan man o kam blong tekem wan mani long yufala blong helpem mifala. ³Mi no talem ol toktok ia blong mekem se bai yufala stap tingting se mi stap talem yufala. From mi talem finis se yufala i stap lo hat blo mifala, blong bae yumi laef o ded tugeta. ⁴Mi kat strong tingting lo yufala, olsem bos lo yufala. Mi kat strong tingting mo glad tumas lo evri had taem we yumi stap ko tru wetem.⁵Taem Pol mo Timothy i kam lo Macedonia, mifala i no restem bodi blong mitufala nomo. Mifala i kasem fesem trabol lo everi wei aotside mo insaed lo bodi. ⁶Be God we i stap helpem ol man we oli stap daon, hemi stap helpem mifala wetem wan man nem blong hem Taetas. ⁷God hemi helpem mifala i no long Taetas nomo be from ol help tu we yufala i givim long Taetas. Mi glad tumas taem Taetas i talem lo mifala se yufala i stap wari from mi.⁸No mata leta we mi raetem i kam i mekem yufala i harem nogud. Mi no bin rigret se me raetem leta ia. Be mi rigret se leta we mi raetem i kam lo yufala i mekem yufala i harem nogud, be harem nogud ia i blong smol taem nomo. ⁹Naoia mi stap glad, i no from wanem we me raetem lo leta i mekem yufala i harem nogud, be from harem nogud blo yufala i mekem yufala i kam lo Masta. ¹⁰Harem nogud we yufala i gat hemi gudfala harem nogud, yufala i no harem nogud from mifala. From harem nogud we yufala i gat hemi wan gudfala harem nogud we hemi i mekem yufala i kam lo Masta mo i putum wan gufala samting we bae yufala i no rigret from. Harem nogud blo wol hemi ded.¹¹Yufala i lukluk bakeken se wanem gudfala samting nao bai yu save arem gud lo hem taem we yu stap arem noguud from we yu bin folem ol fasin we i stret. Rod we yu stap folem lo en blo rod ia bai prufum se yu everisamting we yu mekem i stret. yu stap kros olsem wanem, yu fraet, yu wantem tumas blong luk jastis i stap! Mo long evri samting yu wantem pruvum se i nno rong blong yu. ¹²Yes hemi tru we mi mi raetem leta ia bifo long yufala. Mi no raetem from olgeta man ia we oli no mekem stret samting. Mi no raetem tu from man we man ia i mekem ino stret long hem. Mi stap raetem nomo blong mekem i klia gud long yufala mo long fes blong God, from we yufala i stap lavem mifala.¹³From samting ia nao, toktok blong Taetas i stap leftemap tingting blong mifala, yes olgeta toktok we hemi blong Taetas i leftemap tingting blong mifala, mo antap long hemia hemi stap mekem mifala i harem gud oltaem. ¹⁴Bifo mi talemaot long hem we mi stap glad tumas long yufala, nao bihaen long olgeta samting ia, yufala i no mekem tingting blong mi we hemi foldaon bakeken oltaem nomo mifala i stap talem ol tru tok long yufala. Nao long semak fasin, evri samting we mifala bin tokbaot long yufala hemi tru, mo i soemaot tu se ol tok blong mifala we mifala i stap talem abaot yufala long Taetas hemi tru.¹⁵Hem i kam blong lavem yufala moa taem hemi stap tingbaot ol taem we yufala evriwan i stap obei, mo hao yufala i stap welkamem hem wetem frait mo seksek. ¹⁶I mekem we mi gat joi from mi gat ful konfidens long yufala.

¹Ol brata blong mifala,mifala i wantem blong yufala isave long ol gudgudfala samting ia we God i stap givim long ol jej long Macedonia tru long gladhat ia blong hem.

¹Folem wok blong ol gud man blong God, hemi no stret blong mi raet i ko long yu.

¹Tru long hambolnes mo jentelnes blo kraes, Mi, Pol, mi stap givim ol toktok ia long yufala. Bai me humblem mi taem we mi stap lo face blo yufala, be mi bai mi no save fraet blong talemaot ol truth ia taem mi stap long we long yufala. ²Mi sta askem yufala se, taem mi stap wetem yufala, bai mi no soem paoa ia we mi gat mo stap tingting blo talemaot truth ia spos we ol man blong wol oli sta tok agensem mi.³From samting ia yumi sta laef lo bodi nomo, yumi no save fight lo war wetem laef we yumi gat. ⁴From ol tul blo faet we yumi usum hemi no wanem we yumi mekem wetem hand blong yumi. Be, oli gat paoa blong brokem daon strong samting we man i no save brekem. Ol tul blong faet ia oli save brekbrekem gud ol kiaman raorao i ko nating.⁵Everi samting we ol man oli stap mekem blong stap leftemap olgeta we i agenesem paoa blong God bai oli kam nogud. olgeta man we oli no obey lo kraes mifala i putum olgeta lo prisen blong bai oli mas kam ol man blong obey long kraes. ⁶Mifala i stap redi blo punisim olgeta we oli stap no wantem lisen, blong mekem se everiwan i mas obei.⁷Yufala i lukuk gud ol wanem we i stap long foret blong yufala. spos wan long yufala i kat feit we hemi blong kraes, hemi i mas save se hemi blong kraes, we i semak long yumi. ⁸Bai mi no sem spos mi stap bos from wan paoa, we masta i givim long yumi blong mekem yufala i strong mo i no blong distorem yufala.⁹MI no wantem mekem yufala i fraet taem we yufala i ridim ol leta we mi stap raetem. ¹⁰From sam long ol man oli stap talem se, " ol leta we mi stap raetem oli gat paoa mo i gat ol strong tingting we i stap lo hem, be taem mi stap wetem yufala mi nokat paoa. Mo bai yufala i no save lisen lo ol toktok we mi talem.¹¹Mi wantem blong ol man ia oli save se wanem toktok we i stap long leta long taem we mifala i no stap bai stap long ol fasin blong mifala taem we mifala stap wetem yufala. ¹²Mifala i no fraet blong stap long grup o blong stap comperem mifala wetem olgeta we oli stap presem olgeta bakeken. Be taem olgeta oli stap comperem olgeta wan bakeken wetm ol narafala wan, i prufum se olgeta oli no undestanem wan samting nomo.¹³From samting ia, mifala, no save bos long ol samting we mifala i nokat raet long hem. Be, bai mifala i gat paoa ova nomo long ol samting we God i givim long mifala blong mekem, we yufala tu i stap long hem. ¹⁴Mifala ol fes man blong givim gud nius blong kraes long yufala. Taem mifala i kasem yufala, mifala i no go ova lo paoa ia we God i givim blong mifala i mekem wok blong hem.¹⁵Mifala i no bos ova long ol wok blong nara man olsem ol wok blong mifala. Be, hop blong mifala se bai feit blong yufala bai i stap grow, mo ol wok we mifala i stap mekem wetem yufala bai i kam bigwan, ¹⁶blong bai mifala i prijimaot gud nius lo ol kaontri afta lo yufala, from we mifalai i no bos long ol wok we mifala i stap mekem finis lo ol nara eria.¹⁷" Be letem olgeta we oli wantem bos, oli bos lo ol samting we Masta i bin mekem." ¹⁸From bai hem wan i no save talem se samting ia we i hemi mekem i stret o i no stret, be bai Masta nomo bai i save talem.

¹Mi wish spos yufala i save givim smol taem lo mi blo mekem some fasin we i no stret. Be yufala i stap givim taem ia lo mi finis! ²MI stap jalus lo yufala, lo taem ia me we mi mekem wan promes lo wan maret blo yu save stap wetem wan man nomo. Mi promes blo givim yu wan woman we i klin mo we i no save man yet long kraes.³Be taem mi stap tingbaot ol samting ia me stap fraet, se bai yufala i kiaman lo mi oslem setan i kiaman lo Iv, ol toktok blo yufala bai lidim yufala blo no stap lo gudfala laed blong kraes. ⁴From spos wan man i kam mo talemaot ol samting from wan nara Jisas i bitim lo hem ia we mifala i stap prijimaot. O spos yufala i kat wan nara spirit bitim wanem we yufala i bin kat. O spos yufala i risivim wan difren gud nius i bitim wan we yufala i bin risivim. Yufala i mas stanap strong oltaem from ol samting olsem.⁵From mi stap ting se mi mi stap las wan lo ol tija we oli ting se olgeta oli gud i bitim ol naraman. ⁶Be spos me no tren blo toktok, be mi save ol plante gudfala samting. Lo evri way mo everi samting we mi stap mekem blo yufalai save.⁷mi ting se yumi agree se bai mi no sin spos mi humbolem mi one blo bai oli presem yufala? From bai mi save prijim gud nius blo God lo yufala mo bai no expectem wan samting blo bai yufala i givim lo mi. ⁸Mi stap mekem ol kaen fasin ia lo ol nara church olsem we mi stap stilim olgeta blo sevem yufala. ⁹Taem mi stap wetem yufala mo taem mi stap lo nid, mi no wantem blo yufala i stap tingting lo mi. Ol brata we oli kam lo macedonia hemi ol nid we stap mitim. Bai mi stap continue blo kipim ol nid we hemi kam blo givim had wok lo yufala.¹⁰Mi save se yufala i save se mi save mo save talemaot ol tru samting from kraes, yufala i save se wanem we bai mi talem lo everi eria lo Achaia hemi tru. ¹¹From wanem i oslem? From mi no lavem yufala? God nomo i save.¹²Wanem we mi stap mekem bai mi stap continue blo mekem, blo bai olgeta oli no save bos from ol samting be bai oli mekem sem work olsem we mifala stap mekem. ¹³From ol man olsem hemi ol kiaman nomo blo talemaot tok blong God. Olgeta oli stap pretend nomo blong mekem wok blo Kraes.¹⁴Hemia hemi no wan samting we yumi sut suprise lo hem, from setan tu i stap pretend se hemi wan gudfala enjel. ¹⁵Hemi no wan bigfala suprise spos ol wokman blo setan oli pretend se olgeta oli ol man blo mekem ol gudfala fasin. Bai oli panis folem wanem we oli mekem.¹⁶Mi talem bakeken: one lo yufala i no mas tingting se mi no waes. Be spos yufala stap tingting olsem se, mi no waes bai mi stap talem ol toktok blo leftemap mi wan. ¹⁷Spos mi no fraet blo stap talem ol toktok blo leftemap mi wan- ol toktok ia i no folem stret way olsem we masta i wantem- mi stap toktok ia olsem man we i no waes. ¹⁸Fulap man oli stap bos lo laef we i stap lo bodi, be bai mi tu mi bos.¹⁹From yufala i glad se yufala i stap acceptem ol man we oli no waes. ²⁰Yufala stap ting se yufala i waes be nokat nomo. From yufala i no give up lo wan man we i save fosem yufala, i save distroem yufala, o i save mekem yufala i arem nogud lo ol samting we yufala i no save, i stap leftemap hem wan, o spos sapem fes bliu. ²¹Mi mi sem blo talem se yumi nokat paoa blo mekem ol samting ia. Be spos wan i save gat paoa ia blong talemaot ol tu samting- Mi stap totktok olsem se mi no waes- Bai mi tu mi save gat paoa ia blo talemaot ol tru samting.²²Ol man Hibru ia? Mi mi wan lo olgeta. Ol man israel ia? mi mi wan lo olgeta. Ol famili laen blo Abraham ia? Mi mi wan lo olgeta. ²³Olgeta oli wokman blo kraes? (Mi stap toktok olsem wan man we i nokat tingting.) Mi mi wok had i bitim olgeta, mi stap lo prision i bitim olgeta, oli faetem mi i bitim olgeta, mi mi stap fesem ol taem blo ded i bitim olgeta.²⁴I kat faev taem we ol jius oli wipim mi thirty nine time olsem wan punishment. ²⁵Oli bin wipim mi tri taem wetem wood we ol man blo lukaot lo sipsip oli stap usum blo luakotem ol sipsip we oli lus. oli bin stonem mi wan taem. Mi stap lo solwota from ship i reck tri taem finis. ²⁶Mi stap lo ol difren rod we mi fesem ol ol rabis taem, mi stap lo riva taem mi fesem rabis taem, lo ol man we oli stap kilim ol man, lo ol man blo mi, from gentaels, from ol bigfala taon, from ol dry ples, lo solwota mo from ol brata we oli stap kiaman.²⁷Mi stap had wok blo sevem man, lo naet we mi no stap silip gud, lo ol taem we mi i nokat kaikai mo wota, lo taem blo fast, lo taem we ples i kolkol mo lo taem we i nokat clos blo mekem mi stap wom. ²⁸Antap lo everi samting ia tingting blo mi i stap ol church i olsem wan samting we i stap pulum tingting blo mi i ko daon. ²⁹Hu lo yufala i nokat paoa, mo mi mi kat paoa? Hu lo yufala kolosap i foldaon, be mi mi no bon lo faea?³⁰Spos mi mi bos, bai mi bos lo ol samting we mi no save mekem. ³¹God we hemi Papa blong Masta Jisas kraes, wan we hemi stap happy oltaem, i save se me no kiaman!³²Lo Damascus, wan man king Aretas i bin jusum hem blo bai rul i talem lo man blo oli lukaotem bigfala toan ia blo faenem mo arestem mi. ³³Be sam man oli putum mi lo wan basket mo oli putum me ko daon lo graon tru lo wan window, mo mi ronwe lo lida ia.

¹Mi mas spos, even spos hemi no mekem wan gudfala samting. Bai keep on blo tokbaot ol samting God i allowem blo mi nomo bai mi luk. ²Fourteen yia i pas mi bin save wan man we i kam joenem kraes- mi no save se mi save hem lo bodi o lo spirit, God nomo i save- blong ko antap long ples we i live lo hem.³Mo mi save man ia- long bodi o lo spirit, be yet mi no save hem, God nomo i save- ⁴wan man we God i karem hem i ko lo paradise mo i stap arem ol toktok we hemi no stret bo man oli talem. ⁵Lo bihaf blo ol man ia bai mi boss. Be lo behaf blo mi wan bai mi no boss, be bai mi boss lo ol samting we mi wan mi no save mekem.⁶Spos mi save jusum ol samting we mi wantem bos from, bai mi wan waes man, from bai mi talem ol samting we i tru. Be bai mi no stop blo bos from ol samting, bai nokat wan man i save tingting lo mi bitim wanem we hemi luk mo arem ol samting we mi talem. ⁷Blo kipim mi blo mi no stap leftemap mi wan from ol gudfala samting we revelation i stap talem, oli givim flawa we i kat niddle lo mi, oli sendem wan blo wok blo seta i kam blong mekem mi arem nogud- blo mekem se bai mi no save presem mi wan from ol samting we mi stap mekem.⁸Tri taem we mi bin askem Masta from samting ia, blo hemi save karem ol samting ia ia i ko long we lo mi. ⁹Be hemi talem lo mi se, " Gladhat blo mi migivim lo yufala finis, from paoa blo mi i stap wok lo taem we yufala i no strong." I mo gu mi mi bos lo ol samting we mi nokat paoa blo mekem, blo man oli luk se paoa blo kraes i stap wetem mi. ¹⁰From samting ia mi save stopem olgeta fasin ia tru lo paoa blong kraes, olsem, fasin blo toktok agensem ol narafala man, fasin blo mekem trabol mo fasin blo mekem nara man i arem nogud. From lo taem we mi nokat paoa, mi mi kam mo strong.¹¹Naoia mi bin stap toktok olsem wan ful! Be yufala i bin fosem mi blong mekem samting ia, yufala i sut presem mi from. Mo from mi gud moa bitim ol supa aposol ia we ol man oli luk olgeta se oli gud tumas bitim evri man, be mi wan man nating. ¹²Mo ol saen wetem ol merikel we mi bin stap mekem oltaem long yufala, hemi olsem saen blong wan aposol. ¹³Hao nao yufala ino kam impoten olsem ol narafala jej sapos mi no bin kam olsem wan hevi beden long yufala? Fogivim mi long rong blong mi ia!¹⁴Naoia bae mi kam visitim yufala namba tri taem. Mo bambae mi no mekem i hevi long yufala, from ino mani blong yufala we mi stap wantem be hemi yufala. From hemi no duti blong ol pikinini blong sevap blong ol perens blong olgeta, be hemi duti blong ol perens blong sevap blong ol pikinini blong olgeta. ¹⁵Bambae mi glad tumas blong mi spendem laev blong mi from yufala mo tu sapos mi lusum laev blong mi from ol sol blong yufala. Hemi from mi lavem yufala tumas, bambae yufala i lavem mi smol nomo?¹⁶Be ol samting ia i semak long ol samting we i bin alaoem i kam long yufala se mi no bin mekem i hevi long yufala (wetem sapot blong mi, sam man oli talem se) mi wan parapa kiaman man mo long hem, mi no bin stap talem tru long olgeta wetem ol trik blong mi. ¹⁷Yufala i ting se mi bin stap tekem wan gudfala posisen blong yufala o mekem eni mani aot long yufala tru long eni mesenjas we mi bin stap sentem long yufala? ¹⁸(Wanem we i bin stap) mi bin talem strong long Taetas (blong go) mo mi bin sentem wan brata wetem hem. Yufala i ting sse Taetas hemi stap fosem hem tumas o tekem wan gudfala posisen blong yufala (long eniting?). Hem wetem mi mitufala i no bin wokbaot long sem spirit? Mitufala i no bin wokbaot long ol sem step?¹⁹Yufala i bin tingting se evri taem ia we mifala i bin stap difendem mifala mo mifala i bin stap mekem sore long yufala? (yes) long saed blong lukluk mo hemi tru presens blong God ( mo olsem wan) long Kraes ( the messiah) wan we ol Jiu oli stap wantem luk blong i sevem olgeta. Hemia nao mifala i bin stap talem, ol lav wan blong mifala, mo wetem evri samting i stap long oda blong bildim yufala i kam antap long spirit blong God.²⁰From mi stap fraet se spos mi kam bai mi nomo wantem luk wanem we yufala i stap mekem. Mi stap fraet se yufala i no likem wanem we bae yufala i luk lo mi. Mi frait se ating bambae i gat ol raorao, jelesi, strong toktok blong kros, ol faet akensem narawan, kiaman toktok blong spolem naraman, fasen blong tokbaot man ol hae tingting, mo konfiusen. ²¹(Mi stap frait tumas) Se taem we bambae mi kam bakeken, God blong mi ating bambae hemi mekem mi sem mo mekem mi go daon long foret blong yufala, mo mi fraet se ating bambae mi gat sore ova long plante long olgeta we oli bin mekem i nogud mo oli no bin ripen long ol samting nogud we i toti, habit blong mekem seks mo ol samting nogud we maen blong olgeta i bin stap ling hem oltaem long bifo i kam naoia we oli stap mekem iet.

¹Hemia hemi namba tri taem we mi kam long yu. ''Evri samting we yufala i mekem bae tu o tri witnes bae oli save talemaot long maot blong olgeta.'' ²Mi bin talem finis long olgeta we oli no save long kraes bifo mo long evri wan taem we mi bin stap long seken taem ya,mo mi talem bakegen:Bae mi no save lego olgeta.³Mi talem samting ya long yu from we yu stap lukaotem pruf se Kraes istap toktok tru long mi.Hem hemi no gat paoa long yu.Be, hem hemi paoaful long yu. ⁴From we oli bin nilim hem long kros we hemi nogat paoa,be hem hemi laef bakegen long paoa blong God.Mo yumi tu yumi no gat paoa long hem,be bae yumi stap wetem hem tru long paoa blong God we istap wetem yu.⁵Lukluk gud yufala fastaem,blong luk se spos yufala i gat feit yet.Traem yufala wan wan fastaem.Yufala i no bin tingbaot se hemi abaotem yufala,se Jisas Kraes istap long yufala ?Be spos Jisas Kraes ino stap long laef blong mi,yes bae yufala i feilem test ya. ⁶Mo mi hop se bae yu save luk save se bae yumi no feilem test ya.⁷Mo naoia yumi prea igo long God blong yu nomo mekem ol samting we oli no stret.Mi no prea from samting ya blong mekem se bae yumi save luk samting ikam tru olsem nomo blong mekem se bae i pasem test.I mo gud,blong mi prea blong yu save mekem wanem we i stret blong yu mekem,Iven to we yumi luk olsem se bae yumi feilem test. ⁸From yumi no save mekem eni samting agensem trut,be hemi from blong trut nomo.⁹Blong yumi glad taem we yumi nogat paoa mo yu yu strong.Yumi prea tu blong yumi save stap komplit oltaem. ¹⁰Mi raetem ol samting ya taem we mi stap long we long yufala blong mekem se taem we bae mi stap wetem yufala bae mi no save dil wetem ol strong toktok wetem yufala long taem blong mi we mi gat atoroti ofa long ol pipol -we Masta blong yumi i givim long mi blong mekem se bae mi save biltimap yufala,mo blong no mekem yufala i foldaon.¹¹Fainali,ol brata,yufala imas stap glad oltaem!Wok blong putum bak,inkarejem,mo man we tufala igat semak tingting oli stap long pis. ¹²Mifala i stap gritim yufala wetem kis olsem mifala i stap talem tata long yufala.Mifala i stap gritim yufala evriwan ol holi man blong God.¹³Gladhat blong Masta Jisas Kraes,Lav blong God,mo felosip blong holi spirit bae istap wetem yufala evriwan.