¹Mi Pol, mi kam wan aposol blong Jisas Kraes folem wil blong God, mo brata blong yumi Sostenes, ²mi stap raetem leta ia i go long yufala long jej blong Corin, we yufala i biliv long God, long olgeta we God i jusumaot olgeta we oli blong hem from oli ol man blong Jisas Kraes we God i singaot ol holi man,mo evriwan long evri ples we i singaot long nem blong Masta Jisas Kraes, we hemi Masta blong olgeta mo hemi Masta blong yumi. ³Letem gladhat mo pis i stap long yu, long nem blong God Papa mo Masta Jisas Kraes.⁴Evritaem, mi stap talem tankiu long God from gladhat blong hem we Jisas Kraes i givim long yumi. ⁵God i mekem yufala i kam rijman long evri wei long kristian laef. God hemi mekem yu save talem tok blong hem long ol narafala man long fulap wei, mo God hemi mekem blong yu kasem save mesej o tok blong hem long fulap wei. ⁶Hemi semak nomo olsem testimoni blong Kraes we bae yufala evriwan i talem se hemi tru oltaem.⁷From wanem we mi jes talem hemi tru, yu gat evri gift blong holi spirit mo yu stap tumas blong wet long taem we Masta blong yumi Jisas Kraes bambae i kam tru. ⁸Bae hemi stap wetem yu mo givim paoa long yu blong stap strong kasem lasdei ia we Jisas kraes, Masta blong yumi bae jajem olgeta man, long dei ia bambae i nogat wan samting blong hemi jajem yufala from. ⁹God hemi feitful, mo i joenem yufala long laef blong pikinini blong hem Jisas Kraes, we i Masta blong yumi.¹⁰Naoia mi talem strong long yufala, ol brata, tru long nem blong Masta Jisas Kraes, we yufala everiwan i bin akri, mo bambae yufala i no save serseraot. Mi stap talem strong long yufala blong joen tugeta wetem wan tingting mo fasin blong wok nomo. ¹¹From mi mi harem long ol pipol blong Chloe's abaot yufala ol brata, se olgeta oli stap wok wetem yufala.¹²Mi stap minim olsem: Wan wan long yufala i stap talem se, "Mi mi stap wetem Pol," mo sam i stap talem se,"Mi mi stap wetem Apollo," mo sam i stap talem se,"Mi mi stap wetem Cephas," mo sam i stap talem se,"Mi mi stap wetem Kraes. ¹³Be olsem wanem?Yufala i ting se Kraes i seraot long plante pis? Yufala i ting se Pol i ded long kros blong sevem yufala? Mo yufala i ting se yufala i baptaes long nem blong Pol?¹⁴Mi talem tankiu long God from aot long yufala evriwan mi baptaesem Krispas mo Gaeas nomo. ¹⁵Mi mekem olsem blong bae ino gat wan long yufala i save talem se hemi baptaes long nem blong mi. ¹⁶(Mi baptaesem Stefanas mo ol famli blong hem tu. Afta long hemia, mi nomo save tingbaot se mi baptaesem sam narafala bakeken.)¹⁷From we kraes i no sendem mi blong baptaesem ol man be blong mi talemaot gud nius blong hem, hemi sendem mi blong talemaot gud nius ia, i no long waestok blong ol man, from spos mi mekem olsem bae ded blong Jisas kraes long kros bae hemi blong nating nomo.¹⁸Ol tok blong tokbaot ded blong kraes long kros oli olsem kranke tok nomo long ol man blong lus. Be long yumi ia we God i sevem yumi, tok ia i soemaot paoa blong hem. ¹⁹Baebol i talem se, ''Bambae mi mekem ol waes man oli lusum ol waes blong olgeta, mo save blong ol man we oli gat hed, bae mi sakemaot.''²⁰Hemi no tru se God hemi talem wisdom blong hem long wol ia i go kranke. ²¹Waes blong wol i no save mekem man i save long God, be God i waes, nao hemi glad blong sevem olgeta we oli harem mo biliv long tok ia, we ol man blong wol oli stap talem se i kranke.²²Ol man Jiu oli wantem luk ol saen blong merikol mo ol Gris oli lukaotem waes. ²³Be yumi stap talemaot se Kraes i ded long kros, tok ia i mekem ol man Jiu oli stambol mo ol man we oli no laen blong Isreal oli harem olsem we i wan kranke toktok nomo.²⁴Be long ol man Jiu mo long ol man Gris we God i singaot olgeta, yumi talemaot se Kraes hemi paoa mo waes blong God. ²⁵From we wan samting we i blong God we ol man oli luk se i kranke, hem i waes moa i bitim ol man. Mo wan samting we i blong God we ol man oli ting se i nogat paoa, hemi strong moa i bitim ol man.²⁶Ol brata mo sista yufala i traem tingbaot se taem God i singaot yufala, yufala ol wanem kaen man, hamas long yufala nomo we long fes blong ol man oli talem se oli waes, oli gat paoa, mo oli kamoat long famli blong ol hae man. ²⁷Be God i jusum olgeta we ol man blong wol oli ting se oli kranke, blong mekem ol waes man oli sem. Mo God i jusum olgeta we ol man blong wol oli ting se oli nogat paoa blong mekem olgeta we oli gat paoa oli sem.²⁸Mo God i jusum ol samting we oli no impoten, mo ol samting we ol man oli stap lukluk daon long hem. Mo ol samting we oli nating nomo, blong mekem ol samting we oli stap naoia oli kam nating nomo. ²⁹Ol narafala man i stop, mi minim se ino blong yu. From wanem nao ol narafala man oli stap jajem fridom blong yu.³⁰From wanem we God i bin mekem, yufala i joen long Kraes Jisas we hemi waes ia we i kam long God.Hemi mekem yumi kam stret man long fes blong God, i mekem yumi holi, mo i karemaot yumi long trutok mo i mekem yumi kam fri. ³¹Olsem we i stap long Baebol, ''Man we i flas, i gud hemi tok flas from Masta.''

¹Taem mi kam long yufala, ol brata mo sista, mi mi no tok flas o mi talem tingting blong narafala man.Taem mi kam mi talem ol samting abaot God we oli bin haed bifo. ²Tingting blong mi i no stap long wan samting, taem mi stap wetem yufala, be Jisas Kraes nomo.³Taem we mi stap wetem yufala mi mi no save mekem wan samting from mi fraet mo mi seksek tumas. ⁴Ol mesej we mi stap talem aot long yufala ino wetem paoa blong toktok blong save, be wetem paoa blong Spirit, ⁵blong bae biliv blong yufala ino stap long save blong man, be long paoa blong God.⁶Nao mifala i stap talem ol waes tok i ko long olgeta we oli save moa long tok blong God, be i no save blong wol ia, o ol man we oli stap rulum wol ia, from olgeta tu bae oli ded. ⁷Be mifala istap talem aot ol tru samting we i haed long tok blong God tru long save blong God, waes tok ya God i jusumaot bifo long olgeta bambae hem i jusum blong leftemap nem blong hem long yumi.⁸Ino gat man we i stap rul ofa long wol ia, long taem blong tede bae i save andastanem ol samting ya,from spos olgeta oli andastanem ol samting ia, bae olgeta oli no save kilim Jisas we hemi Masta blong glori. ⁹Be i olsem we oli raetem, ''ino gat samting we ae bae ino luk, sorae bae ino harem, ino gat hat we bae man i save tingbaot wanem we God i priperem blong ol man we oli lavem hem."¹⁰From God i bin talemaot ol samting ia tru long Spirit. From we Spirit i save evri samting, hemi save evri samting abaotem God, be yumi ol man yumi no save. ¹¹From yumi no save tingting blong nara man be Spirit ya nomo we i stap wetem hem bae i save save? I olsem, no gat man i save ol samting we God i stap mekem be Spirit blong God nomo i save.¹²Be yumi no risivim spirit we hemi blong wol be Spirit we i blong God, blong bae yumi save se ol samting blong God we hem i givim long yumi hemi fri. ¹³Yumi stap talem ol samting ia, long toktok be ino long tingting mo save blong man be long Spirit, talemaot ol samting we spirit i stap givim long olgeta man we spirit i stap wetem olgeta.¹⁴Ol man we spirit ino stap wetem olgeta oli no risivim ol samting we hemi blong spirit blong God, from olgeta oli no save hem. Hem i no save andastanem olgeta from we spirit i mekem olgeta blong oli save samting we i gud mo we ino gud. ¹⁵Olgeta we oli risivim spirit oli save mekem jajmen long evri samting, be i no gat wan man we bae i save jajem olgeta. ¹⁶''No gat wan man i save tingting blong Masta blong yumi, we bae i save tijim hem long ol samting, from we hemi save ol samting ia finis?''

¹Ol brata mo ol sista, mi no save toktok long yufala olsem olgeta we oli gat spirit blong God long olgeta, be mi toktok long yufala olsem ol man blong wol, o olsem ol smolsmol pikinini long kristin laef. ²Mi fidim yu wetem melek, be i no strong kakai, from yu no redi iet blong kakae; mo kasem naia yu no redi yet.³From yu stap yet long fasin blong wol ia. From we i gat jalus mo raorao bitwin long yufala, yu stap liv folem ol fasin blong wol, yu stap folem fasin blong ol man long wol? ⁴Taem wan i talem se, ''Mi mi folem Pol," mo narawan i talem se, ''Mi mi folem Apollos, mo yu no stap aktem yu olsem ol man blong wol? ⁵Afta huia Apollos? Huia Pol? Tru long ol wokman blong God nao yu biliv, olsem we Masta i givim wok long wanwan long olgeta.⁶Mi mi planem mo Apollos i wotarem, be God i groem. ⁷Afta, i no impoten spos wan i planem o wan i wotarem. Be God nomo i mekem sid ia i gro.⁸Man we i plan mo man we i wotarem tufala i wok wan, mo wanwan long tufala bae i karem riwod blong tufala folem hadwok blong tufala. ⁹From mitufala i wokman blong God. Mo yu yu karen blong God, haos blong God.¹⁰Folem gladhat blong God we i givim long mi wan talen olsem wan masta bilda, mi mi statem faondesen mo nara man i bild long hem. Be man we i bild long faondesen ia i mas lukaotem gud. ¹¹From i nogat wan man we i save statem faondesen ia, olsem wan we hemi bin statem, hemi Jisas Kraes.¹²Nao spos eniwan i bildim faondesen blong hem wetem gol,silva ,ol stone we oli sas , wud, lif blong natangura ,o bambu ¹³bae wok blong hem i kamaot, bae i gat wan dei ia we bae hemi soemaot wok blong hem. Bae hemi soemaot long taem blong faea. Faea ia bae i testem kwaliti blong wok blong wanwan man.¹⁴Spos eni man i go hed long wok ia bae i save karem riwod from; ¹⁵15 Be spos wok blong eni man i bon long faea, bae hemi harem nogud, be hem wan nomo i save sev, i olsem we hemi pas tru long faea.¹⁶Yu no save se yu tempol blong God mo Spirit blong God i stap long yu? ¹⁷Spos eni man i distroem tempol blong God, God bae i distroem man ia. From tempol blong God i holi mo yu tu yu holi.¹⁸No letem eni wan i luk daon long hem wan. Spos eni wan long yufala i ting se hemi waes long taem ia, letem hem i kam ''kranke'' blong mekem hem i kam waes. ¹⁹From ol save blong wol ya i luk nogud nomo long God. Oli raetem se, ''Hemi kasem ol man we oli talem se oli waes tru long ol rabis fasin blong olgeta.'' ²⁰Mo bakeken, ''Papa God i save se risen blong olgeta we oli ting se oli waes oli nating.''²¹From risen ia, yufala i no tokbaot ol man ia tumas. From evri samting ia i blong yufala, ²²spos Pol, o Apollos, o Cephas, o wol ia, o laef, o ded, o ol samting blong tedei, o ol samting we i stap kam iet. Ol samting ia, hemi blong yufala, ²³mo yu blong Kraes, mo Kraes ia hemi God.

¹Hemia hemi hao wan man i sut lukluk long mifala, olsem ol wokman blong Kraes, mo ol wok man blong trut blong God we oli haet. ²Nao wanem we yumi luk long ol wok man ia, hemi yumi luk se oli ol man we oli save trastem olgeta.³Be long mi, hemi wan smol samting nomo se weta bae yufala i jajem mi o mi pas long wan narafala kot. From mi no even save jajem mi wan. ⁴Mi mi no save se i gat wan jaj agensem mi i stap, be samting ia i no mekem se mi mi stret gud. Man we i save jajem mi hemi God nomo.⁵From samting ia, yufala i no mas jajem ol narafala man long eni samting we i no stret, i gat taem iet blong jajem olgeta. Bifo Masta i kambak. Hem bae i karem ol samting we i haet long tudak mo i mekem ol samting we i stap insaet long hat blong man. Long team ia nao, God bae i leftemap nem blong wan wan man.⁶Ol brata, mi givim ol stampa samting ia long mi wetem Apollos from yufala, blong mekem se long mifala, yufala i save lanem mining blong tok ia se, ''yufala i no go pitim wanem we oli raetem i stap.'' Hemia from se i nogat wan long yufala i save tok hae long hem pitim ol narafala wan. ⁷Olsem wanem, hu i luk wan difrens bitwin yu mo ol narafala man? Samting we yu gat be yu nogat yet? Sapos yu risivim finis, from wanem nao yu stap toktok tumas olsem se yu no risivim iet?⁸Olgeta samting ia we yufalai bin gat evri samting we yufala i wantem finis. Yufala i kam ol rijman finis. Yufala i stat rul finis mo kam ol difren man long mifala. ⁹Mo mi ting se God i putum mifala ol wok man blong hem long en blong laen, mifala i stap wokbaot grup olsem mifala i stap redi blong ded. Naoia mifala i kam stanap long wol ia, mo long foret blong ol enjel mo ol man.¹⁰Mifala i olsem ol kranke man long Kraes, be yufala i ol waes man long Kraes. Mifala i wik be yufala i strong ol man oli lukluk gud long yufala be mifala oli no lukluk gud long mifala. ¹¹Kam kasem hawa ia, mifala i angre mo testi tumas, mifala i nogat ol klos, oli wipim mifala mo nogat ples blong stap.¹²Yumi wok had, yumi wok wetem ol han blong yumi. Taem yumi harem ol nogud toktok i kamaot long ol man, yu bles, taem oli kam blong holem taet yumi, mo yumi stap strong nomo oltaem. ¹³Taem we yumi harem ol nogud toktok blong ol man oli talem long yumi, yumi toktok long olgeta long wan gudfala toktok we i gud.¹⁴Mi no raetem ol samting ia blong mekem yu sem, be blong wonem yu olsem ol bilavet pikinini blong mi. ¹⁵From spos we yu gat ten tausen kaitens long Kraes, yu yu nogat fulap papa. From mi mi kam papa blong yu long Jisas Kraes tru long gud nius. ¹⁶Mo mi wantem yufala i mekem olsem mi.¹⁷Hemia nao from wanem mi sendem yu Timoti, bilavet mo feitful pikinini blong mi long Masta. Hem bae i tingbaot yu long ol wokbaot blong mi long Kraes, i olsem we mi tijim olgeta evri ples mo long evri jej. ¹⁸Naoia sam long yufala oli ting se oli save moa, mo oli stap mekem olsem se mi mi no bin kam long yufala.¹⁹Be bae mi kam luk yu i no longtaem, spos hemi wil blong Masta. Mo bae mi no save arem ol toktok blong olgeta we oli big hed tumas, be bae mi luk paoa blong olgeta. ²⁰From kingdom blong God i no long ol toktok nomo be i gat paoa long hem tu. ²¹Yu wantem wanem? Yu ting se bae mi kam long yu blong panisim yu o wetem lav mo spirit blong gudfala fasin?

¹Mifala i harem ripot se i gat fasin blong slip wetem nara woman o nara man we i no blong yu, hemi ol kaen fasin we i no letem blong wosipim ol fasin blong wol: Man ia i stap tekem woman blong papa blong hem. ²Hem i wan man we i ting hae long hem! Ino nid blong yufala i harem nogud, from man ia we i mekem ol fasin ia bae hem i aot long yufala?³From mi stap wetem yufala, be spirit blong mi i stap wetem yufala. Mi bin givim ol jajmen long ol man we i stap mekem ol fasin olsem, i olsem we mi mi stap finis. ⁴Taem yufala i kam tugeta long nem blong Masta Jisas Spirit blong mi mo paoa blong Masta Jisas i stap wetem yufala, ⁵we i givim man i go long setan from ol fasin nogud we hem i stap mekem, blong mekem se spirit blong hem bae i save sev long dei blong jajmen.⁶Fasin blong ting hae long yu wan i nogud. Yufala i no save se smol is blong bred isave mekem wan bigfala bred? ⁷Yufala i mekem yufala i klin aot long olfala is blong mekem se yufala i kam wan niufala flaoa we i nogat is long hem, we bae i soemaot yufala. Ded blong Kraes, long kros i olsem blad blong smol sipsip ia we oli bin sakrifaesem. ⁸Nao letem yumi selebretem lafet ia, i no wetem olfala is, we hemi ol rabis fasin mo ol fasin blong mekem ol kranke samting. Be yumi selebret wetem fasin we hemi rili tru i olsem wan bred we i nogat is long hem.⁹Mi raetem leta ia i kam blong talem se yu no mas joen wetem ol man we oli stap slip wetem ol narafala woman we i no blong olgeta. ¹⁰I no se mi mi minim, ol man we oli silip wetem ol woman we i no blong olgeta blong wol ia, o ol man we oli selfis, o kavet, o wosipim aedol, from blong no joenem olgeta bae yu mas aot long wol ia.¹¹Be naoia mi raet i kam long yu i no blong joen wetem eni wan we yu singaotem hem olsem wan brata be long laef blong hem, hemi stap silip wetem ol woman olbaot, o hemi stap wosipim aedol, o talemaot ol toktok we i no stret, o hemi wan drong man o hemi -wan man blong kavet. No mas kakai wetem ol man olsem. ¹²Hao nao mi save jajem olgeta we oli stap aotsaed long jej? Be, mi save jajem olgeta insaed long jej? ¹³Be bae God nao i jajem olgeta we oli stap aotside long jej. " Yu mas karem aot olgeta man we oli stap mekem rabis fasin long medel blong yufala."

¹Taem wan lo yufala i rao wetem wan narawan, hemi no sut askem ol man we oli no biliv blong oli mekem jajmen blong talemaot se huia i rong mo huia i raet, be oli sut go lo ol holi man blong God blong oli mekem jajmen ia? ²Yufala i stap mekem ol samting olsem se yufala i no save se ol holi man blong God bai oli jajem wol ia? Long taem we i stap kam bai yufala i judgem wol, mo yufala i sut solvem ol samting we i no impoten tumas lo yufala. ³Yufala i save se bai yumi judgem ol enjel? From samting ia, yumi sut mekem judgement lo ol problem we yumi stap fesem lo laef.⁴Spos yu save solvem ol problem blo laef we yu stap lo hem, from wanem bai yu mekem olgeta we oli no biliv blong mekem ol jajment? ⁵Mi talem olsem blong bai yufala i mas luk save se yufala i yufala i wik. Yufala i sut sem from yufala i no save lukaotem wan man we i waes blong solvem ol problem we i stap happen lo yufala. ⁶Be wan brata i mas tekem ol man blo loa blo ko agensem nara brata- mo hemia i blong ol man we oli no biliv.⁷Hemi wan samting we yu yu wik long hem, spos yu karem wan man blo mekem jajment i kam blong jajment yu mo brata blong yu. Hemi moa gud spos yu letem brata bliu i mekem nogud lo yu bitim bai yu karem hem i ko lo kot. ⁸Be yu yu wan man we i stap mekem nogud mo yu stilim ol brata blong yu!⁹Yufala i save finis se, olgeta we oli biliv nomo bai oli kasem Kingdom blong God. Yufala i no kiaman: Be i no olgeta we oli stap mekem fasin blong gat sex aotsaed lo maret laef, wosipem kiaman God, tekem woman blong difren man, o fasin blong man i gat sex wetem narafala man, ¹⁰o fasin blo stil, selfish, drink alcohol, o fasin blong stap spredem ol rabis toktok, bai oli no save kasem Kingdom blong God. ¹¹I semak olsem sam long yufala. Be from yufala i bin klin, tru long nem blong Masta Jisas Kraes, mo long Holi Spirit blong God yufala i kam holi mo fri long ol sin blong yufala.¹²"Sam man oli talem se, mi mi save mekem evri samting," be i no se evri samting ia mi gud long hem. "Mi save mekem evri samting ia," be bai no letem ol samting ia i controlem mi olsem mi mi wan masta. ¹³"Kakai hemi blong bell mo bell hemi blo kakai," be God ia save tekemaot tufala tugeta. Bodi hemi blong sex. Be, bodi ia hemi blo Masta, mo bai Masta bai i mekem wanem we bodi i nidim.¹⁴God hemi mekem Jisas i laef bakeken lo ded mo bai hemi mekem yumi tu yumi laef bakeken tru lo paoa blong hem. ¹⁵Yufala i save se bodi blo yufala i memba wetem Kraes. Bai mi no save tekem wan memba blong Kraes mo joenem hem wetem wan woman blong rod. Bai no save happen!¹⁶Yufala i save spos wan lo yufala i joen wetem wan woman blong rod hemi save se bodi blong tufala i kam wan? olsem tok blong God i talem se, " Tu bai oli kam wan bodi nomo." ¹⁷Be huia we i Joenem Masta tufala i kam wan lo spirit.¹⁸Yufala i no mas gat sex lo taem we yufala i no maret iet! Evri sin we man i mekem i stap aotsaed long bodi, be blong gat sex aotsaed long maret laef hemi wan sin we man i mekem agensem bodi blong hem wan.¹⁹Yufala i no save se bodi blong yufala hemi house we Holi Spirit i stap long hem, we God i givim long yu blong spirit i stap wetem yu? Yufala no save se yu no bos lo bodi ia? ²⁰From we God i pem fridom ia. From olsem yufala i mas presem God wetem bodi mo spirit we yufala i gat, from hemi blong God

¹Naia long tingting blong isu ia, we yu raetem: ''Hemi gud blong wan man i no save silip wetem wan woman we i no maret long hem iet. ²Be from se temtesen blong olgeta fasin nogud we man i silip wetem woman we i no blong hem mo woman i silip wetem man we i no blong hem, wan man i save gat stret woman we i maret long hem, mo woman i mas gat stret man blong hem we i maret long hem.³Man i mas maret long woman blong hem blong i save silip wetem woman blong hemi semak long woman ia, spos i maretem man ia bae i save silip wetem hem. ⁴Woman i nogat raet long bodi blong hem, hemi man blong hem nao i gat raet long bodi blong woman blong hem. I semak long man, man i nogat raet long bodi blong hem be woman nao i gat raet long bodi blong man blong hem.⁵Yufala ino save spolem mared laef blong wan kapol, be bakeken yufala i mas mekem wan agrimen long wan stret taem.Yufala i mekem blong komitim yufala long prea. Afta bae yutufala i save kam tugeta bakeken, from se setan bae i no save kam temtem yu from yu no save kontrolem yu wan. ⁶Mi no komantem yufala blong maret, be mi promes from mi save se plante long yufala oli maret finis, mo olgeta we oli no maret iet oli stap tingting blong maret. ⁷Mi stap wantem se spos evriwan oli olsem mi nomo. Be evriwan oli gat wan wan gift weh God i givim long olgeta. Man ia i gat gift blong hem, mo narafala man ia tu i gat nara gift blong hem.⁸Long yufala we i no maret iet, mo yufala ol wido mi talem long yufala i gud blong yufala i stap olsem nomo, olsem mi. ⁹Be spos yufala i no save kontrolem yufala, i gud yufala i go maret. Hemi gud blong yufala i maret i bitim we oltaem yufala i stap wantem ol nara man mo woman.¹⁰Naia long yufala ol kapol mi givim ol koman ia long yufala-ino mi, be hemi God-ol waef yufala ino sud lego ol man blong yufala ¹¹(be spos we wan woman i leko man blong hem, hemi sud stap nomo olsem o hemi sud talem sori long man blong hem), mo man blong hem i no sud difosem waef blong hem.¹²Be naia mi wantem talem long yufala evriwan-mi,ino God-se spos eni brata we i gat waef blong hem, we hemi no biliv long God, mo spos we hemi stap joen wetem hem, man ia i no sud difosem woman ia. ¹³Spos wan woman we i stap wetem man we i no biliv long God, mo spos hemi joen wetem woman ia, woman ia i no sud difosem man ia. ¹⁴From wan man we hem i no bilivim God, hemi save kam wan biliva spos woman blong hem i kristin, mo spos woman ia hemi no bilivim God, hemi save kam wan biliva spos ol brata o sista blong hem oli ol kristin. Spos no bae ol pikinini blong olgeta tu bae oli stap mekem ol fasin we oli no stret, be naia olgeta oli stap mekem gudfala fasin, sapos oli biliv long God.¹⁵Be spos wan man o woman weh i no biliv hemi wantem lego woman o man blong hem, letem hem i go. Long sem wei, kristin man o woman ia tufala i no mas stap tugeta; God i singaotem yumi blong yumi liv long wan kuwaet laef. ¹⁶Yufala ol woman, yufala i stap luk save se ol man blong yufala oli sef tru long yufala? Mo yufala ol man, yufala i stap luk save se ol woman blong yufala oli save saef tru long yufala?¹⁷Wan wan long yufala i sud liv long fasin we God i bin putum yufala long hem, mo yufala i mas liv long fasin we God i singaotem yufala blong liv long hem. Hemia hemi rul blong mi long evri jej. ¹⁸I gat eni wan we i sekomsaes finis we hemi wan biliva? Hem i sud tekemaot mak blong sekomsaes ia. I gat eni man we i no sekomsaes iet we hemi wan biliva? Hem i no sud sekomsaes. ¹⁹Spos we yu sekomsaes finis o yu no sekomsaes iet hemia hemi no impoten long mifala. Wanem we hemi impoten hemi blong yumi obei long komanmen blong God nomo.²⁰Yufala i go het blong liv mo mekem wok blong God olsem we yufala i stap mekem finis blong taem we God bae i singaotem yufala be yufala i biliv long Kraes finis. ²¹Yu bin wan slev taem we God i sevem yu? Yu no wari from. Be spos we yu kam wan fri man, yu go wokbaot mo enjoem yu wan. ²²Long eni man we i sev tru long God olsem wan slev bifo hem i kam wan friman blong God. Long sem fasin, ol man we i fri long taem ia we hemi sev i kam wan biliva blong Kraes. ²³God i givim wan praes long yu we hemi pikinini blong hem, mo yu no kam olsem wan slef blong ol man bakeken. ²⁴Ol brata mo sista long Kraes, long wanem situeisen we yufala stap long hem long taem we God i singaotem yufala, weta yufala ol slev o fri man, yufala i stap nomo wetem God long taem olsem.²⁵Naoia long yufala ol gel we yufala i no save long man iet, mi mi nogat wan komanmen we i kam long God. Be mi givim ol tingting blong mi olsem wan we, long gladhat blong God, blong yufala i mas trastem God nomo. ²⁶From samting ia, mi tingse from ol hadtaem ia we i stap kam, i gud blong man ia i stap nomo olsem we hemi stap.²⁷Yu stap wetem waef blong yu finis? Yu no stap lukaotem blong yu difos. Spos we yu yu fri yu nogat woman, no go lukaotem woman. ²⁸Be spos we yu tu yu wantem maret, yu yu nogat sin. Be spos we wan woman we ino save man iet i maret, hem i no mekem sin. Be spos olgeta we oli maret finis bae oli fesem fulap trapol long wol ia, mo mi no wantem yufala i fesem ol trapol ia.²⁹Mi talem long yufala, ol brata: Taem i sot tumas. Stat tedei i go, olgeta we oli maret finis bae oli lif olsem we oli no maret iet. ³⁰Olgeta we oli stap krae oli sud mekem olsem se oli no stap krae, mo olgeta we oli stap glad oli stap mekem olsem se oli no glad, mo olgeta we oli pem ol ting blong olgeta oli stap mekem olsem se oli nogat eni samting nomo, ³¹mo olgeta we oli stap mekem fasin blong wol ia, oli stap aktem olgeta se oli no stap mekem ol fasin ia. From wol ia i stap kam long en blong hem.³²Mi wantem blong yu fri long ol wari blong yu.Ol man we oli no maret iet oli stap tingbaot wok blong God, blong mekem God i glad long hem. ³³Be ol maret man oli stap tingbaot ol ting blong wol ia nomo, blong mekem ol woman blong olgeta i glad from- ³⁴ol maret man oli wantem mekem wanem nomo we oli wantem mekem. Ol woman we oli no maret iet, mo ol gel we oli no save long man iet oli stap tingbaot wok blong God, mo olgeta oli save hao blong mekem wok blong God long wan stret fasin long spiritual mo long fisikol laef blong olgeta. Be maret woman i stap tingbaot ol samting blong wol ia nomo, blong mekem man blong hem i glad from.³⁵Mi talem ol samting blong givhan long yufala nomo, i no blong kontrolem laef blong yufala. Mi talem ol samting ia from i stret blong mi mas talem, from blong mekem ol wokbaot blong yu wetem God bae i stret gud mo bae i nogat eni distraksen long hem.³⁶Be spos wan man i promes blong i maretem wan woman we i no save long man iet, be hemi faenem aot se hemi no save tritim gud woman ia from se hemi stap olfala, hemi sud maret nomo, from hemia hemi no sin. Tufala i sud maret. ³⁷Be spos man ia i stanap strong long hat blong hem se, spos we hemi no tingting tumas blong i maret be i save kontrolem hem wan, mo spos we hemi tingting blong mekem samting ia long hat bleblong hemi mekem, blong save lukaotem gud wan woman we i no save long man iet, hem i mekem wan gudfala jois. ³⁸Man we i maretem woman we i no save long man iet hemi mekem gud, mo man we i jus blong i no maret hem tu i mekem wan gudfala jois blong i no maret.³⁹Wan woman i join long man blem taem we hemi laef iet. Be spos we man blong hem i ded, woman ia ifri blong save maret bakeken long wan narafala man olsem we hemi wantem, be hemi mas maretem wan man we i gat Jisas long laef blong hem. ⁴⁰Be long jajmen blong mi, woman ia i sud glad moa spos we hemi save stap hem wan nomo. Mo mi ting se mi tu mi gat spirit blong God.

¹Naoia tingting from ol kakai we oli stap sakrifaisem i go long ol idol: Yumi save se yumi evri wan i gat save. Be save ia, i mekem tingting blong man i hae tumas, be lav i stap kam antap sloslo. ²Spos eni man i ting se hemi save eni samting, man ia hemi no save iet wanem we hemi sud save. ³Be spos man we i lavem God, God i save gud long man ia.⁴From samting ia, olsem wanem long ol kakai blong sakrifaesem i go long ol idol: Yumi save se ol idol long wol ia hemi nating nomo, mo bakeken i gat wan God nomo we hemi God blong yumi we hemi wan nomo hemi God. ⁵Mo spos we ol man oli stap talem se oli ol God, spos we hemi long heven o long wol ia (olsem we ples ia i gat fulap ''God'' mo fulap ''Masta"), ⁶Mo bakeken long yumi i gat wan God nomo, we hemi Papa blong yumi, we olgeta samting i kamaot long hem mo long hem yumi gat laef ia, mo wan Masta nomo we hemi Jisas Kraes, tru long hem nao evri samting i stap, mo tru long hem nao yumi tu yumi stap.⁷From olsem, save i no stap long evri wan. Be, fasin blong stap wosipim idol i stap long taem finis, mo oli stap kakai ol kakai ia, i olsem we oli sakrifaisem wan samting i go long wan idol. Oli stap wik from tingting blong olgeta i stap spolem olgeta bakeken.⁸Be ol kakai ia, bambae i no save tekem yumi i go long God. Bae yumi no save kam ol rabis man spos yumi no kakai ol kakai ia, o blong yumi kam gud moa, spos yumi kakai ol kakai ia. ⁹Be yufala i mas lukaot gud long fridom blong yufala blong i no kam wan risen blong wan man bae i wik long feit, mo bae i mekem hem i foldaon. ¹⁰From spos wan man i luk yu, we hemi gat save, be i stap kakai long haos blong wosipim idol, yu ting se hemi stret nomo blong kakai wanem we oli ofarem i go long idol?¹¹Nao from yufala i ting se yufala i gat save long fasin blong idol, man ia we tingting blong hem i no strong, bae i lus. Be hemi wan brata blong yumi ia we Kraes i ded from. ¹²Mo long fasin ia, taem we yufala i mekem i no gud long ol brata blong yufala we yufala i stap spolem tingting blong olgeta we oli no strong, yufala i stap mekem nogud long Kraes tu. ¹³From samting ia, spos kakai nao i mekem brata blong mi i foldaon, bae mi nomo kakai mit bakeken, blong i mekem se bae mi nomo mekem brata blong mi bae i foldaon bakeken.

¹Mi mi no wan fri man? Mi mi no wan aposol? Mi no bin luk Masta blong yumi we hemi Jisas? Mo yu no bin wan wok man blong mi long Masta? ²Spos mi no wan aposol long ol narafala man, be mi wan aposol blong yu. From se Masta i putum finis stap se, mi mi wan true aposol long yufala.³Hemia hemi olgeta samting we oli stap lukaotem gud mi long olgeta we oli stap lukluk daon long mi. ⁴Yumi nogat raet ia blong kakai mo drink wota? ⁵Yumi nogat raet blong tekem wan woman blong wan wan man we hemi wan biliva? Olsem ol wok man blong Kraes, mo ol brata long Masta, mo Cephus? ⁶Mi mo Barnabas, mifala i nogat raet ia long wok ia.⁷Huia long yufala i wok olsem wan soldia long own mani blong hem? Huia long yufala i planem wan karen afta i no kakai ol kakai we i karem long karen ia? O huia long yufala i lukaotem wan woman buluk afta i no drink milk blong woman buluk ia? ⁸Mi mi stap talem ol samting ia tru long wanem we man i stap jajem ol nara man from? From loa i no bin talem ol samting ia.⁹From Moses i bin raetem long loa blong hem, ''Yufala i no putum paoa blong yufala long wan buluk taem hem i stap kakai grain." Hemi wan buluk we God i stap lukaotem gud? ¹⁰Hemi no talem ol toktok ia from yumi? Toktok ia oli bin raetem from yumi, from wan man we i usum tul blong tanem graon i mas gat trast, mo man we i stap seraotem ol grain oli mas gat trast blong save serem ol samting we oli gat wetem ol nara man. ¹¹Spos mifala i soem ol gudfala samting long yufala, hemi big wan tumas long yufala spos mifala i karem ol samting we i blong wol long yufala?¹²Spos ol nara man oli save soem raet ia long yufala, bae mifala i no save gat mo long ol raet ia? Be from mifala i no gat raet ia. Be evri samting we mifala mekem, mifala i no blokem gospel blong Kraes Jisas. ¹³Yu yu no save se olgeta we oli stap mekem ol gudfala wok oli karem kakai blong olgeta long olta? ¹⁴Long semak fasin, Masta blong yumi i talem se olgeta we oli man blong taltalemaot gospel oli sut karem laef blong olgeta long gospel.¹⁵Be mi mi no talem se ol samting ia, hemi blong mi. Mo mi mi no raetem ol samting ia, blong bae yufala i mekem ol samting ia from mi. Hemi mo gud blong mi mi ded blong mekem se bae yufala i save folem ol samting we mi mi talem. ¹⁶From spos mi talemaot gud nius ia, mi mi nogat raet blong kam wan bos, from mi mas mekem ol samting ia, from spos mi no talemaot gud nius ia bae mi save harem nogud.¹⁷From spos mi mekem ol samting ia wetem glad hat blong mi, mi gat praes blong mi. Be spos mi mekem ol samting ia, i no long gladhat blong mi, mi mi gat wan wok i stap iet we God i givim blong mi mekem. ¹⁸Wanem nao praes blong mi? Taem mi prij, mi mas givimaot gud nius ia we i fri nomo mo blong no tekem evri raet long gud nius ia.¹⁹From olsem mi mi fri from olgeta man, mo mi kam olsem wan wokman blong olgeta, blong olsem mi mi mo long olgeta. ²⁰Mi go long Jiu, mi mi kam olsem wan man Jiu, blong mekem se mi save winim ol man Jiu. Olgeta we oli stap antanit long loa, mi mi kam olsem wan man we i stap antanit long loa blong winim olgeta we oli stap anta long loa.²¹Long olgeta we oli stap aotsaed long loa, mi mi kam olsem wan man we i stap aotsaed long loa, be mi no stap aotsaed long loa blong God, be mi stap andanit long loa blong Kraes. Mi mi mekem olsem blong winim olgeta we oli stap aotsaed long loa. ²²I kam long olgeta we oli nogat paoa, nogat paoa blong bae mi save winim olgeta. Mi kam olsem ol samting ia long evri wan. Blong bae mi save sevem sam long olgeta. ²³Mi mekem ol samting ia from tru longn gud nius, from bambae mi gat blesing long hem.²⁴Yufala i no save se long wan ronron evri man we oli ron long ronron ia, bae i gat wan man nomo we bambae i winim praes ia? Yufala i save ron blong winim praes ia. ²⁵Evri wok we wan man blong ron i save mekem hemi mas save blong controlem hem wan long evri samting, we hemi stap mekem.Olgeta oli karem praes we bae no save stap long taem, be yumi stap ron blong tekem praes ia we bae i save stap long taem. ²⁶Hemia hemi fasin blong hao nao mi stap ron, i gat wan samting we yumi stap ron from, hemia hemi fasin blong hao nao mi stap faet wetem nara man, i no olsem man we i stap faetem win nating. ²⁷Be mi mi letem bodi blong mi mo mekem mi kam olsem wan wok man, from afta taem mi prij long ol nara man, mi mi save gat ol raet ia.

¹Mi mi no wantem mekem yufala i no save, be mi wantem mekem yufala i save ol brata, se papa blong yumi oli stap antanit long claod mo oli pas tru long solwota mo long kraon. ²Evriwan oli baptaes i go long Moses long claod mo long solwota. ³Mo evriwan oli kakai spiritual kakai we i gat gudfala laef i stap long hem. ⁴Evriwan oli dring spiritual wota we i gat gudfala laef i stap long hem. From olgeta oli dring long spiritual ston we hem i Kraes i bin stap folem olgeta .⁵Be God i no glad long fulap long olgeta, mo i mekem bodi blong olgeta man ia i stap sting olbaot long drae ples. ⁶Nao ol samting ia, hemi ol eksampol blong yumi, blong bae yumi no kam olsem olgeta we oli stap wantem mekem ol rabis fasin wetem ol woman blong narafala man long tingting blong olgeta.⁷Yufala i no kam ol man blong wosipim ol kiaman god, olsem we sam long olgeta i stap mekem. Hemia i olsem we oli raetem, ''ol man oli stap sitdaon blong kakai mo dring, mo oli kirap blong pleiplei''. ⁸Yumi no mas gat sex bifo maret, olsem fulap long olgeta oli stap mekem. I gat twenti-tri taousen man oli ded long one dei nomo from fasin ia.⁹Olsem wanem bae yumi putum Kraes long test, olsem fulap long olgeta oli testem hem mo ol snek i bin kilim olgeta. ¹⁰Mo yufala i no mas toktok tumas, olsem we fulap long olgeta i stap mekem mo ol enjel blong ded we i bin kilim olgeta.¹¹Ol samting ia, i hapen long olgeta blong kam olsem wan eksampol long yumi. Olgeta oli raetem blong bae yumi mas folem-from bae yumi stap long taem we i stap kam iet. ¹²From samting ia letem wan we hemi ting se i save stanap i mas lukaotem gud hem blong i no foldaon. ¹³I nogat wan samting we bae i save kontrolem yu we ol man oli no save. Be from, God i gud. Bae hemi no save letem yu blong mekem ol rabis fasin afta long ol samting we yu save mekem. Wetem ol fasin we bae i save focem yu blong mekem ol rabis fasin hem bae i save karemaot yu, mo bae yu save stap long taem.¹⁴From samting ia, olgeta we mi lavem olgeta tumas, yufala i mas kamaot long fasin blong wosipim kiaman god. ¹⁵Mi talem long yufala olsem ol man we oli gat save, blong yufala i talem se ol toktok we mi talem i stret o i no stret. ¹⁶Kap blong ol blessing we yumi bless long hem, hemi no wan samting we yumi serem long blad blong kraes? Bred we yumi brekem, hemi no wan samting we yumi serem long bodi blong Kraes? ¹⁷From i gat wan lov blong bred, yumi evrian i gat wan body nomo. Yumi evriwan i tekem bred ia.¹⁸Yufala i lukluk body blong Israel. Hemia hemi no olgeta we oli kakai ol samting we oli bin ovarem i go long God? ¹⁹Wanem ia mi stap talem? Se wan kiaman god hemi eni samting? O kakai we oli givim i go long kiaman god hemi eni samting?²⁰Be mi stap talem ol samting we oli stap givim long God, be oli stap givim i go long ol spirit we oli stap akensem ol samting we God i gat. Mi no wantem blong bae yufala i joenem ol spirit we oli stap go agensem God! ²¹Yu no save drink long kap blong Masta mo kap blong ol rabis spirit, mo yu no save joenem table blong Masta mo table blong ol rabis spirit. ²²O yumi stap mekem ol samting blong mekem Masta i jelous? Be wanem yumi strong bitim hem?²³''Evri samting i gat loa blong hem, ''be i no evri samting we bae oli save helpem ol man. ''Evri samting i gat loa blong hem," be i no evri samting we oli save leftemap ol man. ²⁴No gat wan man we i save lukaotem ol gudfala samting we hemi gat. Be, wan wan long yumi i sut lukaot gud long ol gudfala samting we nara man i gat.²⁵Kakai everi samting we oli salem long maket mo i no blong askem se kakai ia i gud o i nogud. ²⁶From ''wol ia hemi blong Masta mo evri samting we i stap long hem.'' ²⁷Spos wan man we i no biliv i askem yu blong go kakai, mo yu wantem tumas blong go, kakai wanem we oli givim long yu mo yu no mas askem se ol samting ia i gud o no.²⁸Be spos wan man i talem long yu, ''Hemia oli givim i go long God,'' yufala i no mas kakai. From tufala samting nomo from wan we i talem long yu, mo from ol questen we yu gat ²⁹Ol tingitng we yu stap gat from naraman, we mi stap minim, mo i no blong yu. From wanem ol man baeoli talem se fridom we mi mi givim i gud o i nogud? ³⁰Be spos mi stap long kakai ia, from wanem nao bae mi mekem i nogud from ol samting we mi talem tankiu from?³¹Mo bakeken, weta yu kakai o yu drink, o wanem samting mo we yu mekem, mekem evri wan wetem glori blong God. ³²Yu mas mekem sua se, ol Jius, ol man Krik, mo jej blong God oli no bleimen yu. ³³Long semak fasin, mi traem blong mekem evri man i glad long evri samting. Mi mi no mekem ol samting long wantem blong mi, be mi mekem samting blong helpem ol man long hem. Mi mekem olsem blong ol man bae oli save sef.

¹Yufala I mas folem fasin blong mi, olsem we mi stap folem fasin blong Kraes. ²Mi mi glad long yufala from we yufala i stap tingbaot mi long evri samting. Mi glad we yufala I stap bilivim mo holem taet ol kastom we mi tijim yufala long hem. ³Naoia mi wantem we yufala i save se Kraes hemi hed blong ol man, mo man i hed blong woman, mo God i hed blong Kraes. ⁴Man we i prea o i talemaot trutok, be i kavremap hed blong hem, hemi mekem sem long hed blong hem.⁵Be eni woman we i prea mo talemaot trutok, be i no kavremap hed blong hem, hemi mekem sem long hed blong hem, hemia hemi semak nomo olsem we hemi sevemaot everi hea long hed blong hem wetem wan resa. ⁶Spos wan woman i no kavremap hed blong hem, hemi mas katem hea blong hemi sot. Letem wan woman i kavremap hed blong hem spos hemi no wantem oli katem hea blong hem o sevemaot hea blong hem.⁷Be wan man i no nid blo kavremap hed blong hem from hem nao hemi pikja blong God mo i givim glori long God, be woman i givim glori long man. ⁸From man i no kamaot long woman. Be woman nao hemi kamaot long man.⁹From we God i no mekem man blong helpem woman, be hem i mekem woman blong helpem man. ¹⁰From samting ia, ol woman oli mas kaveremap hed blo olgeta, olsem wan saen blong ona mo long ol enjel.¹¹Wanem we mi stap talem hemi tru, long Masta, woman i nidim man blong helpem hem mo man i nidim woman blong helpem hem.. ¹²From we woman i kamaot lo man, mo man i kamaot lo woman. Mo we evri samting ia i kamaot long God.¹³Jajem yufala bakeken: Hemi stret nomo spos wan woman i no keveremap hed blong hem taem i prea long God? ¹⁴Olsem wanem, neija i no tijim yu se spos wan man i gat longfala hea, hemi no honarem hem? ¹⁵Olsem wanem, neija i no tijim yu se spos wan woman i gat longfala hea, hemi glori blong hem? From we God i putum hea blong hem olsem wan samting blong kavremap hed blong hem. ¹⁶Be spos yufala i wantem raorao from ol samting ia, be yumi nogat nara kaen fasin olsem custom blong jej, o olgeta narafala jej blong God.¹⁷Be folem ol toktok we i stap, i gat ol samting i stap we mi no save presem yufala from. From taem yufala i kam tugeta, hemi no blong helpem yufala be blong mekem yufala i harem nogud. ¹⁸From lo fes ples, mi bin harem se yufala i stap seraotem yufala, taem we yufala ol biliva i kam tugeta, mo mi bilivim toktok ia. ¹⁹Yufala i mas gat ol difren grup, blong luk save olgeta we oli stap gat ona ia mo olgeta we i nogat.²⁰Taem we yufala i kam tugeta, hemi no Masta sapa, we yufala i stap kakai. ²¹From we taem yufala i stap kakai wan i kakai festaem bifo ol narawan oli karem kaikai blo olgeta. Samfala oli nogat kakai mo samfala oli stap drong long waen. ²²Yufala i no gat haos blong kaikai mo dring long hem? Yufala i ting nating nomo long jej blong God, mo yufala i stap mekem ol naraman oli stap sem? Wanem nao bai mi talem long yufala? Bai mi presem yufala from wanem we yufala i mekem? Bai mi no save presem yufala from ol fasin ia i no stret!²³Tok ia, mi kasem long Masta mo mi talemaot long yufala finis, se taem Masta Jisas, long naet ia we Judas Iskariot i salem hem i go long han blong ol enemi, hemi tekem wan bred. ²⁴Hemi talem tankiu long God from, i brekem mo i talem se, "Hemia hemi bodi blong mi, we bae mi givim long yufala. Yufala i mas kontiniu blong mekem samting ia oltaem blong tingbaot mi."²⁵Long semak fasin hemi tekem cup afta we oli kaikai, mo i talem se, "Cup ia hemi wan niufala promes long blad blong mi. From taem we yufala i dring long cup ia, bambae yufala i tingbaot mi." ²⁶From taem we yufala i kakai bred mo dring long cup ia, yufala i talemaot ded blong Masta kasem i kam bak bakeken.²⁷From samting ia, olgeta we bambae oli kakai bread o dring long cup blong Masta oli mas onarem God. Olgeta we oli no onarem wanem we bred mo cup i ripresentem bambae oli harem nogud. ²⁸Yu mas lukluk gud laef blong yufala festaem, mo bae yu save kakai bred mo dring long cup ia. ²⁹Bae jajment i kasem olgeta we oli kakai bred, mo dring long cup ia be oli no save se i stap minim wanem. ³⁰From samting ia, fulap lo yufala oli stap wik mo sik, mo ded from oli no onarem bred mo cup ia.³¹Be spos yumi lukluk gud laef blong yumi, bae yumi no kasem jajmen ia. ³²Be taem we Masta i jajem yumi, i stap trenem yumi, blong no stap lo fasin blong wol.³³From samting ia, ol brata blong mi, evriwan long yufala i mas stap bifo yufala i kakai. ³⁴Spos wan long yufala i hungry letem hem i kakai long haos bifo i kam, from taem yufala i kam bae hemi no wan jajmen. Mo olgeta narafala samting we yufala i raetem, bae mi givim ol wei taem bae mi kam.

¹Ol brata, mi wantem blong yufala i save long ol gift we, spirit i stap givim. ²Tingbaot long taem we yufala ol man blong stap wosipim ol kiaman god, ol man oli stap gat ol difren wei, blong lidim yuflala i go long ol kiaman god we oli no save toktok. ³From samting ia, mi wantem letem yufala i save se, nogat wan man i save talem se, "Jisas hemi man blong kesem man." mo, " Jisas hemi Masta", spos spirit blong God i no stap wetem hem be man we spirit blong God i stap nomo wetem hem bae save talem ol toktok ia.⁴I gat wan spirit nomo, be i gat ol difren gudfala samting blong givim. ⁵I gat ol difren wok i stap, be wan Masta nomo, ⁶i gat ol difren wok we i stap, be semak God nomo we hemi wok long olgeta wok ia.⁷Long olgeta we oli risivim paoa blong Holi Spirit blong helpem everi man. ⁸From man we Spirit i givim toktok blong waes long hem blong prijim tok blong God, mo i blong mekem narafala man i save moa long God.⁹Holi spirit i stap givim ol gift blong man i mas trastem God, mo i givim gift blong prea i go long God blong hilim naraman. ¹⁰Mo i mekem ol narafala man blong oli mekem ol merikels blong ol man oli presem God. I mekem blong ol narafala man blong luk save ol gudfala spirit mo ol spirit we oli rabis. Mo lo olgeta we i givim ol difren lanwij long olgeta blong oli talemaot tok blong God, mo i mekem ol naraman blong mekem toktok blong God i kam moa klia long ol man long lanwij blong olgeta. ¹¹I gat ol difren gifs, be blong wan Spirit nomo we hemi wantem givim long ol man we, hemi jusum olgeta.¹²From yumi everiwan i memba blong wan bodi nomo, we hemi Kraes. ¹³Yu wan Jiu o wan Krik, yu wan wok man o wan fri man, yumi evriwan i wan bodi nomo from yumi evriwan i baptaes long Holi Spirit blong yumi i kam wan bodi nomo, mo blong yumi risivim gif blong Holi Spirit.¹⁴From we bodi i no wan memba nomo, be i gat fulap memba we oli mekemap bodi ia. ¹⁵Spos leg i se, "mi mi no han, mi no memba blo bodi," bai bodi ia i gat wan memba nomo. ¹⁶Spos sorae i talem se," From mi mi no wan ae, mi mi no memba blong bodi", be yet hemi wan memba blong wan bodi. ¹⁷Spos everi memba blong bodi hemi wan ae, wea nao bae yu save harem save toktok long hem? Spos bodi hemi wan sorae, wea nao bae yu save gat sence blong smellem ol samting?¹⁸Be God i jusum ol wanwan memba, blong bodi ia, mo i putum lo ples we hemi wantem. ¹⁹Be spos bodi ia, hemi gat semak memba nomo, wea nao bae bodi ia i stap long hem? ²⁰Be naoia i gat fulap memba, be wan bodi nomo.²¹Ae bae no save talem long han se, "mi no nidim yu." O bae hed i talem long fit se. "mi no nidim yu." ²²Ol memba blong bodi we oli wik oli save mekem wok, ²³Mo ol memba blong bodi we oli ting se oli no impoten, yumi onarem olgeta, mo yumi lukaotem gud olgeta. ²⁴Ol memba blong bodi we oli stap aotsaed long bodi oli no nidim eni samting. Be, God i mekem bodi, mo i onarem ol memba blong bodi we oli wik from we olgeta oli memba blong wan bodi nomo.²⁵Hemi mekem olsem blong bodi i no seraot, be blong mekem ol memba blong bodi oli mas lukaotem gud olgeta wanwan. ²⁶From spos wan memba i harem nogud, be bae everi memba blong bodi tu bai oli harem nogud, o spos yumi onarem wan memba blong bodi, bae everi memba blong bodi tu bae oli glad. ²⁷Naoia yumi i memba blong bodi blong Kraes.²⁸Mo God i jusum ol fes wok man blong Kraes, ol profet, tija, mo olgeta we oli stap mekem merikel, mo gif blong hilim naraman, mo long olgeta we oli stap helpem ol naraman, olgeta we oli stap wok long office, mo olgeta we oli stap toktok long ol difren lanwij. ²⁹olgeta evriwan ia oli wok man blong Kraes? Oli ol profet? Oli ol tija? Olgeta evriwan ia oli mekem merikel?³⁰Olgeta evriwan ia oli gat gif blong hilim man? Olgeta oli save toktok long ol difren langwij? Olgeta everiwan oli save transletem ol langwij ia? ³¹Yumi mas askem ol gif ia long God. Mo bae hemi givim ol gif ia long wan gudfala wei.

¹Spos mi save toktok long evri lanwij blong man mo enjel. Be mi nogat lav, Mi olsem wan bel we inogat samting insaed mo oli stap kilim blong mekem nois nomo. ²Spos we mi save gud fasin blong God we oli stret mo oli tru, bae man i no save kasem mo mi stap talemaot, mo biliv blong mi tu i naf blong save muvumaot ol bigfala hil. Be mi nogat lav, mi mi nating nomo. ³Spos we mi givimaot evri samting blong mi long pua man, mo mi givim bodi blong mi blong oli bonem tu, be mi nogat lav. Mi no winim wan samting nomo.⁴Lav hemi longfala tingting mo i kaen. Lav i no tingting nogud long narafala man mo gat ol hae tingting ⁵O strong toktok. Tu hemi no selfis. Hemi no spolem narafala man, o haedem ol tingting we i no stret. ⁶Hemi no harem gud long ol rabis fasin. Be i stap harem gud nomo long ol stret fasin we oli tru. ⁷Lav hemi no save givap, hemi kavremap evri samting, long biliv from ol samting, mo wet from ol samting, mo i go tru long evri samting.⁸Lav i nogat en blong hem. Lav i no save finis, bambae ol toktok we ol man blong God bifo i talem i kam tru, mo i pas i go, ol langwij bambae i finis, bambae ol tingting bae oli lus. ⁹From we yumi save se i gat taem blong ol samting, mo yumi stap talemaot se i gat taem iet. ¹⁰Be taem we stret taem i kam, ol samting we yumi talem we i no stap kam tru mo i lus.¹¹Long taem ia we mi wan smol pikinini iet, mi toktok olsem wan smol pikinini, mi tingting olsem wan pikinini, mi ansa bak long ol man olsem wan pikinini. Taem we mi kam wan bigfala man, mi lego fasin blong ol pikinini. ¹²Naoia i olsem we yumi lukluk yumi long wan mira we i no klia, be yumi mas luk yumi fes tu fes. Naoia mi mi save smol, be bakeken bae mi save Kraes fulwan bae i semak nomo olsem we Kraes i save mi fulwan. ¹³Be bakeken olgeta tri ia oli stap: feit, hop, mo lav. Be bigfala samting long trifala ia hemi lav.

¹Yufala i mas traehad blong lavem ol nara man from ol spiritual gift, long ol taem we yufala i stap talemaot tok blong God. ²From man we i toktok long difren langwij we spirit i givim long hem, hemi no toktok long ol man be hem i toktok long God. Blong i nogat man i save wanem we hem i stap talem. ³Be man we i stap talemaot tok blong God oli talem long ol man blong mekem olgeta i stap strong blong mekem olgeta blong oli no fraet, mo blong mekem olgeta oli harem gud. ⁴Man we i toktok long difren langwij istap mekem redi laef blong hem, blong man we istap talem aot tok blong God hem i stap helpem evri man long jej blong stanap strong long biliv blong olgeta.⁵Mi wis se yufala evriwan i toktok long difren langwij be iven to long hemia, mi wis se bambae yu talemaot wanem we bae i hapen. Man we i stap talemaot samting we bae i hapen iet hemi gud moa long wan we i stap toktok long difren langwij (Spos eni wan i save explenem long ol nara langwij blong bae jej i save wanem we oli stap talem). ⁶Be naoia ol brata, spos mi kam long yufala we mi stap toktok long langwij blong yufala, olsem wanem nao bae mi helpem yufala? Bae mi no save mekem, spos nomo we bae mi talemaot long yufala wanem we i stap haed iet, blong helpem yufala i save wanem we yufala i no save, o blong talemaot sam long ol toktok we yufala ino stap harem, o blong tijim yufala long ol samting we yufala i no save.⁷Long sem fasin ia, ol instramen we i no gat laef lem be oli mekem saon-iolsem flut o harp-spos we olgeta instramen ia oli no givim gudfala saon, bae olsem wanem nao be man i save se hemia hemi saon blong flut o harp we i stap plei? ⁸From spos trampet bae i plei wetem wan saon we i no stret, bae olsem wanem nao bae man i save se hemi taem blong redi from faet? ⁹Hemi semak nomo olsem olgeta we oli stap toktok long nara langwij. Spos toktok blong yu i komplit be ino klia, hao nao bae man i save kasem wanem we yu stap talem? Yu stap toktok i go long heia nomo.¹⁰I gat fulap difren langwij long wol ia, mo i gat ol mining blong hem we man i save kasem. ¹¹Be spos we mi no save mining blong langwij ia, bae mi mi olsem man nara ples mo man ia tu i olsem man nara ples long mi.¹²I stap long yu nomo. Olsem we yu stap wantem mekem ol wok we spirit i wantem, yu mas lukaotem adfaes long jej blong yu save kasem moa. ¹³Naoia wan we i toktok long difren langwij ia, hemi sud prea blong mekem se hemi save harem save wanem we oli stap talem, mo bae hem i mas talem long narafala langwij bakeken. ¹⁴Spos we mi prae long difren langwij, spirit blong mi i stap prea, be tingting blong mi i no stap long prea.¹⁵Bambae mi mekem wanem? Bae mi prea wetem spirit blong mi, mo wetem tingting blong mi. I semak spos mi sing wetem spirit blong mi mo wetem tingting blong mi. ¹⁶Spos we, yu stap presem God wetem spirit blong yu wan, bae hao nao ol aotsaeda bae oli talem ''Amen'' taem we yu stap talem tankiu we hem i no save wanem we yu stap talem?¹⁷Long yufala ol man korin yufala imas givim tankiu blong yufala i bigwan i naf, be naraman ia hemi no strong nomo blong stanap hem wan. ¹⁸Mi talem tankiu long God from we mi toktok long ol difren langwij i moa long yufala. ¹⁹Be long jej bae mi talem faef toktok wetem save blong mi blong mekem se mi save tijim ol narafala wan, mo long ten taosen wod long ol nara langwij.²⁰Ol brata, yufala i no tingting olsem ol pikinini. Be, taem yufala i stap tinkbaot ol rabis samting, yufala i sud tingting olsem ol smol pikinini. Blong yufala i gat bigfala save blong mekem se yufala i save kasem gud olsem ol bigfala man. ²¹Long loa oli bin raetem se, ''Tru long ol man blong narafala langwij, mo tru long maot blong olgeta bae mi toktok long ol man blong mi. Be bae oli no harem save mi,''²²Spos wan man i toktok long nara langwij, we i no blong hem hemi wan saen i go long man we i no biliv ,be i no man we i biliv. Be profesi hemi wan saen blong ol biliva be i no blong ol man we oli no biliv. ²³Spos, evri biliva oli kam tugeta mo oli toktok long ol nara langwij we God i allawem, mo man we oli no biliv be oli harem olgeta bae oli talem se tru ol man ia oli lusum hed?²⁴Be spos we yufala evriwan i stap talemaot tok blong God mo olgeta we oli no biliv o wan aotsaeda bae i kam insaed, bambae hem i save harem save se hemi no wan stret man tru long wanem we oli stap talem. Bae hem i save karem jajmen long evri samting we oli stap talem. ²⁵Olgeta sikret long hat blem bae i kamaot long taem ia. Olsem wan risal blong hem, bambae hemi kam bifo long fes blong God blong i wosipim God. Hem bae i save talemaot se God i stap wetem yu oltaem.²⁶Naoia bae yumi mekem wanem bakeken, ol brata? Taem yufala i kam tugeta, wan wan long yufala i gat ol sing blong pres, wan tijing, wan visen, wan langwij, o blong talemaot wanem we oli stap talem. Yufala i mekem evri samting we yufala i save mekem blong inkarejem yufala from yufala nao i jej blong Kraes. ²⁷Spos eni man we i wantem toktok long narafala langwij, i nomo nid blong gat tu o tri man bakeken, olgeta oli sut toktok wan bae wan, mo wan man i mas talemaot wanem we oli stap talem. ²⁸Be spos i nogat man blong talemaot wanem we oli stap talem, letem olgeta oli stap kwaet long jej. Mo letem oli toktok long olgeta wan wan mo long God hem wan.²⁹Letem tu o tri profet i toktok, mo letem ol narafala wan oli lisen mo blong oli save kasem wanem we ol profet oli stap talem. ³⁰Be spos we i gat wan man we God i stap toktok long hem o i stap luk visen we hemi stap lisen insaed long miting, letem ol biliva oli stap kwaet mo oli lisen long mesej blong hem blong oli save kasem gud.³¹Blong wan wan long yufala i save talemaot tok blong God mo bae i save mekem wok blong God tu. Be olgeta oli mas mekem olgeta nomo, blong mekem se ol bilifa oli save gat karej blong lavem God. ³²Olgeta we oli stap talem aot tok blong God, olgeta oli save hao blong oli kontrolem spirit blong olgeta olsem we oli stap mekem. ³³From God hemi no God blong fasfas long ol man, be hemi God we i gat pis oltaem. Hemia hemi ol rul blong evri jej blong ol pipol blong God.³⁴Ol woman oli sud stap kwaet taem we oli stap insaed long jej. From olgeta oli nogat raet blong toktok. Olgeta oli sud obei o stap anta long wan man oltaem, i olsem we loa tu i talem. ³⁵Spos we i gat wan samting we olgeta oli wantem tumas blong oli save, letem olgeta oli askem long ol man blong olgeta long haos. From hemi no stret blong wan woman i toktok insaed long jej. ³⁶Yu ting se tok blong God i kam long yu olsem wanem? Hemi yu wan nomo we tok blong God i kasem yu?³⁷Spos we eni man i tink se hem bae i olsem ol profet o man we hemi save God, hemi sud talemaot se ol samting we mi raetem i kam long yu, hemi ol oda blong God. ³⁸Be spos eni man i no luksave, letem hem blong i no luk save.³⁹Mo bakeken, ol brata, yufala i wantem tumas blong talem aot tok blong God, mo yufala i no mas blokem ol narafala man blong oli toktok long langwij we God i givim long olgeta. ⁴⁰Be letem evri samting i finis gud mo istap long oda blem.

¹Naoia mi talem bakeken long yufala, ol kristin brata mo sista, gud nius ia we mi bin talemaot long yufala bifo. Yufala i kasem gud nius ia finis, mo biliv blong yufala i stap stanap strong long hem iet. ²Mo hemia gud nius ia we i sevem yufala finis taem we mi talemaot long yufala, yufala i holem taet ol tok ia. Be spos yufala i ting se tok ia i no tru, hemia i min se biliv blong yufala i blong nating nomo.³Wanem we bin stap talemaot long yufala hemi gud tumas, olsem we mi tu mi kasem, se Kraes hemi ded from ol samting nogud blong yumi olsem we tok blong God i talem. ⁴Se oli berem hem mo long namba tri dei hemi laef bakeken olsem we tok blong God i talem.⁵Kraea i soemaot hem long Cephas (we oli kolem Pita), mo ol twelef man blong hem. ⁶Long semtaem ia nomo ova long faev handred man blong hem tu oli luk hem. Mo plante long olgeta oli laef iet, mo plante oli ded finis. ⁷Mo emi soemaot hem long Jemis, mo long ol aposol blong hem.⁸Mo bihaen bakeken, emi soemaot hem long mi. we mi mi no bin redi blong kam wok blong hem. ⁹From we mi mi stap daon mo long ol narafala aposol. Mi, mi no stret blong kam wan aposol from mi stap mekem ino gud long jej blong God.¹⁰Tru long gladhat blong Papa God i mekem mi mi kam man blong hem, mi mi wok had i bitim ol narafala aposol. Be i no mi ia we mi stap mekem ol wok ia, be hemi tru long glathat blong God we i stap wetem mi. ¹¹From samting ia, yufala i biliv finis long gud nius ia, nating we yufala i kasem long mi o long olgeta ia.¹²Nao spos we yumi stap talemaot we Jisas hemi kirap bakeken long ded olsem wanem yumi stap talem se i no gat laef afta long ded. ¹³Be sipos i no gat laef afta long ded, i min se Kraes i no laef bakeken. ¹⁴Tok ia emi no tru, sipos yumi talem se Kraes hemi no laef bakeken afta long ded.¹⁵Spos yumi stap talem se ol ded man oli no save laef bakeken, i minim se Papa God i no save mekem Jisas i laef bakeken. ¹⁶Sipos we ol ded man oli no save laef bakegen, Jisas Kraes tu bae no save laef bakeken. ¹⁷Mo sipos Jisas i no laef bakeken biliv blong yufala i blong nating nomo, mo yufala i stap iet long ol fasin blong wol ia.¹⁸Mo sipos i olsem, ol kristian man we oli ded bambae oli no save laef bakegen. ¹⁹Sipos yumi stap putum ting ting blong yumi i stap long Kraes bambae God i mekem i moa gud long yumi.²⁰Be naoia God i mekem Kraes i laef bakeken we hemi fes wan long olgeta we oli ded. ²¹Yufala luk ded i kam tru long wol ia tru long wan man nomo, mo laef bakeken long ded i kam tru long wan narafala man.²²From we Adam hemi sin, yumi tu yumi sin. Olgeta we oli blong Kraes oli save gat laef we i no save finis. ²³Olgeta we oli biliv long Jisas Kraes bambae oli laef bakeken long taem we hem i kambak, long semak fasin we Jisas hem i laef bakeken long ded.²⁴Mo long en blong taem bae hemi givim ol paoa blong wol ia i go long God blong i spolem ol paoa blong wol ia. ²⁵Kraes hem i kam rula blong wol ia mo evri enemi blong hem oli kam andanit long hem. ²⁶Mo las enemi we God bae i spolem hemi ded.²⁷Olsem we Baebol hemi talem, evri samting hemi stap andanit long paoa blong God, i semak olsem we i stap antap long paoa blong Kraes. ²⁸Mo olgeta samting ia oli stap anda long paoa blong God mo pikinini blong hem hemi stap andanit long paoa blong God, from God hem i givim paoa long pikinini blong hem, blong hem i rul ova long ol samting long wol ia.²⁹Spos ol ded man oli no save laef bakeken, from wanem nao ol man oli stap mekem baptaes long bihaf blong olgeta we oli ded finis? From wanem oli stap mekem baptaes blong ol ded man we bae oli no save laef bakeken? ³⁰From wanem yumi stap pulum trabol i kam long laef blong yumi everi taem?³¹Ol brata mo sista, mi talem tru long yufala. Evri dei mi stap fesem ol trabol we klosap mi ded. Mi stap glad long yufala from wanem we Kraes Jisas i mekem long yufala. ³²Wanem nao bambae mi karem, long tingting blong ol man, spos mi bin faet wetem ol wael animol long Efases, spos ol ded man oli no save laef bakeken? "I gud yumi kakae mo yumi dring, from se tumoro bambae yumi ded".³³Yufala i no ko kranke. "From ol rabis grup bamabe oli spolem ol gudfala fasin blong yufala". ³⁴Yufala i tingting gud long wanem we i stret, mo yufala i stop blong mekem fasin nogud. From sam long yufala i no save long God nating. Mi talem toktok ia blong mekem yufala i sem.³⁵Be sam man bambae oli talem se, "Hao nao bamabe ol ded man oli laef bakeken, mo bambae oli kam wetem wanem kaen bodi?" ³⁶Yufala i kranke! wanem sid we yufala i planem bambae i no save gro spos sid ia i no roten fastaem.³⁷we yu planem bambae i no semak olsem stampa blong hem we i gru, be bae hemi kam wan sid. Bae i kam olsem wan difdifren kaen sid. ³⁸Be God i givim stampa blong plan we hemi jusum, mo long ol difdifren kaed sid long ol difdifren kaen stampa. ³⁹Evri bodi i no semak. Be, i gat wan bodi blong ol man, o nara bodi blong ol animol, o narawan blong ol pijin mo ol narawan blong ol fis.⁴⁰Mo i gat ol bodi we i blong heven mo ol bodi we i blong wol ia, be ol naesfala bodi blong heven hemi difren kaen bodi we hemi no blong wol. ⁴¹I nogat glori blong san, mo narafala glori blong mun, mo narafala glori blong star, be wan sta hemi difren long narafala blong glori.⁴²Nao long sem fasin, taem ol ded man oli laef bakeken, ol ded bodi ia we yumi berem olgeta long graon bae oli mas roten, be taem oli laef bakeken bodi blong olgeta bae i no save roten, a befta hemi semak long resereksen blong ol ded man. ⁴³Ol bodi blong yumi ia weh oli bin berem finis long pisis we we oli nomo save strong be taem oli laef bakegen, bodi blong olgeta bae i strong. ⁴⁴Ol bodi blong yumi ia oli laef blong wol ia nomo, be taem ol bodi ia oli laef bakeken bae oli stap wetem God. Yes i gat bodi we i laef long wol ia mo bodi we i laef blong stap wetem God foreva.⁴⁵Mo oli raetem se, "Fes man Adam hemi wan man we i givim laef long yumi ol man blong wol." Mo las man Adam hemi givim laef long ol man we oli liv long spirit blong Kraes blong oli save stap foreva. ⁴⁶Spirituel laef i no kam fastaem be hemi kam afta long naturol laef.⁴⁷Fes man blong wol ia God i mekem hem long graon, be seken man antap long heven. ⁴⁸Fasin blong ol man long wol ia emi olsem fasin blong fes man blong wol ia we God i mekem. Fasin blong ol man long heven i olsem fasin blong man ia we i aot long heven i kam i kam daon. ⁴⁹Yumi holem fasin blong man we i aot long heven i kam from we yumi holem finis fasin blong fes man blong wol ia we God i mekem.⁵⁰Nao mi talem, ol brata mo ol sista, bodi ia mo blad ia hemi no save go tru long kingdom blong God. Spos hem i ded bae i no save kasem samting we i laef bakeken. ⁵¹Yufala i luk! Mi stap talem wan gudfala samting: Bae yumi evriwan i no mas silip, be yumi evri wan mas jenj.⁵²Bae yumi jenj long wan taem iet, long taem we bae yumi sarem ae blong yumi, long las trampet. Taem we bae trampet i saon, mo bae ol ded man bae oli girap bakeken, mo bae yumi evriwan bae i jenj. ⁵³From ol bodi ia bae oli roten iet, mo ol bodi ia bae i distroi mo God nomo bae i mekem i kam niu wan bakeken, mo bae oli no save ded bakeken.⁵⁴Taem we samting ia i hapen, bae tok blong God long baebol i kam tru se. "Ded i nomo gat paoa blong win, from tru long God nomo." ⁵⁵"Ded wem viktri blong yu? Ded wem smel nogud blong yu?"⁵⁶Smel nogud blong ded hemi sin, mo paoa blong sin hemi wanem we loa i talem. ⁵⁷Tankiu i go long Papa God, we hem i mekem yumi stap win tru long Masta Jisas Kraes!⁵⁸Yufala, ol brata blong mi, yufala i mas stanap strong. Yufala i mas bisi oltaem long ol wok we yufala i stap mekem wok blong Jisas Kraes, from we yufala i save se ol wok we yufala i stap mekem blong Jisas bambae hemi no saef muv.

¹Nao concernem ol mani we mi stap tekem from ol holi man blong God: yufala i sut folem ol toktok we mi stap givimaot, olsem ol man galatia oli stap mekem. ²Yufala i sut putumaot sam mani blong yufala i stap long evri fes dei blong wik, from taem we mi kam bae yufala i no mo kolektem sam mo mani.³Yufala i mas jusum ol man, from taem we bae mi kam, bambae mi raetem leta blong introdusum ol gif we yufala i givim mo bai mi sendem wetem olgeta i go lo Jerusalem. ⁴Spos we i stret blong bae mi go, bae yufala i kam wetem mi.⁵From we bae mi pass lo Macedonia. Afta we me pass lo Macedonia bae mi kam joenem yufala. ⁶Be bae mi stap wetem yufala long taem blong kolkol win blong bae yufala i save helpem mi, long ol ples we bae mi go long hem.⁷Mi no wantem blong kam stap wetem yufala olsem we mi stap mekem wan visit. Be mi wantem blong spendem moa, taem wetem yufala, spos we God i allowem. ⁸Be bambae mi stap long Ephesus kasem taem blong Pentecost, ⁹from we i gat wan door we i open i stap blong mi, mo i gat fulap man we oli stap agensem mi.¹⁰Mo taem bambae Timoti i kam, bambae hemi no fraet blong stap wetem yufala, from hemi wan man blong mekem wok blong God olsem we mi stap wokem. ¹¹Yufala i mas tritim gud hem. Yufala i mas helpem hem mo givim pis long hem, blo bai hemi save kam joenem mi. From mi stap expectem blo bai hem i folem ol brata we bae oli kam luk mi. ¹²Nao from brata blong yumi Appllos, mi stap talem strong long hem blong visitim yufala taem we hemi i kam wetem ol narafala brata. Be bambae hemi kam long taem we i stret.¹³Yufala i mas lukaot gud long yufala, yufala i mas stanap strong long feit blong yufala, yufala i mas wok had blong stap givhan long ol famili blong yufala, mo yufala i mas strong. ¹⁴Mekem evri samting we yu mekem hemi finis gud mo mekem ol wok ia wetem lav.¹⁵Yu save evri famili blong stephana, we olgeta nao oli ol fes biliva blong Kraes long Achaia, mo olgeta oli gat bigfala lav ia blong olgeta blong oli mekem wok blong God wetem ol holi man blong hem. Naoia mi talem strong long yufala ol brata, ¹⁶blong stap andanit long atoriti blong ol man mo evri wan we oli givhan long olgeta wok mo olgeta we oli stap wok had wetem yu.¹⁷Mi mi glad tumas long kaming blong stephanas, Fortunatus, mo Achaicus. Olgeta oli bin save mekem blong oli stap long taem we yu no save stap. ¹⁸Blong olgeta oli save mekem blong yu save spel gud mo karem bak spirit blong yu mo blong mi. Blong mekem se, yufala i save talemaot long ol man olsem olgeta.¹⁹Ol jej long Asia oli talem halo long yufala. Aquila mo Prisilla tufala i talem halo long yu long nem blong Masta wetem jej we i stap long haos blong olgeta. ²⁰Evri brata oli talem halo long yufala. Talem halo long nara wan kisim olgeta wetem wan holi kiss.²¹Mi Pol, mi raetem leta ia wetem han blong mi. ²²Spos eni man i no lavem Masta, bambae God i kesem hem. Masta blong yumi, kam. ²³Bambae gladhat blong Masta Jisas bae i stap wetem yu. ²⁴Bambae lav blong mi bambae i stap wetem yufala evri wan long Kraes Jisas.