¹Yakobo, a kölipönit lo ꜧun ko a lo Matat Yesu Kristo, roman ko kötumitön puök wot murek nagon a rekin i jurön kine. ²Luŋasirik kwe, mette ta liŋ a lyöŋön ko temesi ka’de ka’de a ’dukin kasu ki. ³Ta deden adi, ko yupet nasu a tema a mo yumöundi gwo’dan go.⁴Ti gwo’dan go tutuŋörö kita nayit, anyen ta 'du'durjö i tetemakiŋda, ko adi mit, a ŋo nene gwe 'byin na yöyöŋönikin. ⁵Ama ko lele losuk yöŋö koŋon, ti nye piudi ko ŋun, a mo tindi nye; kogwon ꜧun tindu abur ’bak ririŋga i lepeŋat liŋ lo pipija.⁶Ama ti nye piji ko yupet ’bak dwadwa’yu, kogwon ŋuto logwon ko dwadwayesi gwon gwoso yala i tör logon a wukoji ko köbuŋot a wiŋgi i pirit. ⁷ꜧuto gwoso ilo ti gwe ti yeŋdu adi nye mo wuwuju nene ŋo ko Matat, ⁸kogwon lepeŋ gwon ko yeyeesi murek a ko twogwi'dikin mugun ikikoklin kayik liŋ.⁹Ti luŋaser logon a lomeri lo lyöŋe ko pirit na todumalan na lepeŋ. ¹⁰Ama luŋaser logon a kwörönit lo i pirit nayit na to’di'dit. Kogwon lepeŋ mo likinyörö kaŋo gwoso köturön ti mu’diŋ i döru. ¹¹Kogwon ko koloŋ sa’yi pape ko köbuŋöt adi yulök, a teteyondi döru , a köturön kayik ’do’done kak, a kelan nayit likinyörö kaŋo. Nyena ŋuto kwörönit lo mo kakarju tiina i kepotdu na kikolin kayik.¹²'boried ko ŋuto logon ŋoŋoŋga temesi, kogwon ko nye aje te’ya temet, a nye mo wuji Ioguya lo ru. Logon amileki lepeŋat logon nyanyar ꜧun kilo. ¹³Ti ŋadi geleŋ ko a tema ko temet gwe ti kuya adi, ꜧun lo temba nan, kogwon ꜧun ti bulö tema ko toron, a lepeŋ 'döki tine bulö temba lele ŋuto kwöŋ.¹⁴Ama ŋadi geleŋ tema ko ’dekesi kayik, nagon a lulukaddu lepeŋ, a mumuluŋgi lepeŋ. ¹⁵A kirut i 'dutet naga ’dekesi aje pigga, a yumoundi toron, a i 'dutet naga toron aje temakinda ’duirjö a yumoundi twan. ¹⁶An ta ko mumuluka, luŋasirik kwe lo nyanyara.¹⁷’Dokesi na’but liŋ ko ’Dokesi nake liŋ kune po ki. Ponda kak ni ko Monye lo pararajin. lepeŋ gwon 'bak lopuket kode tilimöt loponda kogon lopugö. ¹⁸ꜧun a ’dekan yuŋundö yi ko kulyaet lo to’diri, anyen yi böŋö gwon a gweyari lo ludweki togeleŋ iŋo liŋ na gwe nye kune.¹⁹Ta a den kine, Luŋasirik kwe lo nyanyara: ti ŋuto liŋ geleŋ geleŋ yiŋgi yiŋga adi wulek, ’dori ’dor jambu, ko ti ’dori ’dor woran. ²⁰Kogwon woran na ŋuto 'bayin ŋarakinda i tutuŋӧdu na kulya na rigwo ti Ŋun. ²¹Nyenagon paji ta ŋo liŋ nagon a toronjin a lut se ko ŋo narok na jore kine, i tokoyokan wuji ta kulyaet logon a ’yutuki kasuk i toilyet ilo. logon bubulo Iwӧggu kӧduduwӧlӧn kusuk.²²Gwe ta a kakonak ti kulyaet ko 'bayin a kayiŋak kana, imumuluŋga na ’borik ²³Kogwon ko ŋuto logon yiŋga kulyaet a gwe a ko kon lo, lepeŋ gwӧti ŋuto logon medda komoŋ nayit i mandara; ²⁴Lepeŋ 'do'doŋgu meddya mugun a wuti tu, a adi wulek, a lepeŋ bӧŋӧni bӧŋӧ ko nye gweya ada. ²⁵Ama ko ŋuto logon tiriku medda saret lo’but lo toluien lo, a yiŋiki konda tina, 'bayin a kayiŋanit logon bӧbӧŋӧ, ŋilo ŋutu gwon ko 'doriet i konesi kayit.²⁶Ko ŋadi geleŋ yeyeju adi nye a lo keri lo ŋun, ama a nye tine teŋgu ŋedep loyit, lepeŋ mumulugga twöli loyit, a krei loyit lo ŋun lo gwe a ŋo kana. ²⁷keri lo ŋun loke logon ’bak yuyuket ko ꜧun Monye i komoŋ gwon a ŋarakinda na kikijikö ko köru’bejin i deliyesi kase, ko i tiju na mugun an ’yota ko lut ti na kak.

¹Luŋasirik kwe, kayupök ti Matat likaŋ Yesu Kristo Matat lo minyo, kogwon ta ko nyunyumbö na ŋutulu. ²Nyena Ko lele ŋutu a po kasu i momoret, logon a jupu ’bura gwon ko katiman ti dakap kayik i könisi, 'döti a lele lomeri lo poni logon a jupu kereketwat, ³a ta meddi ŋutu logon a Jupu ’bura lo, a ta kulyani ko lepeŋ adi, Böŋö si’dakini i na si’daet na’but na, a ta kulyani ko lomeri lo adi, Gwo’de yu, kode adi, Si’dakini kak i kujöŋ nyona ko mokosi kwe. ⁴Ta ŋona ’bayin a kaliliyak ti ’borik, a ta gwe ti gwon a ŋutulu lo lilija ko yeyeesi narok le?⁵Luŋasirik kwe lo nyanyara, yiŋge ta. Ti gwon sona adi ꜧun a wulun ŋutulu lomerika ti na kak anyen gwon a kwörinikö i yupet, ko anyen wuju ŋo na’but ti tumatyan nagon nye a milyekin tindu ŋutu logon nyanyar nye kulo? ⁶Ama ta lalaun lomerika. Ti gwon a kwörinikö lo ru’ya ta? Ti gwon a se lo joŋgga ta i putet le? ⁷Ti gwon a se lo ’dö’döju karin na kwekwelen ti lepeŋ lo luŋgu ta kulo?⁸Ama nagon ko ta twöju saret lo Mor gwöti na wuröni, adi nyare marate ilot gwoso mugun inot, a ta aje konda ’bura; ⁹ama ko ta nyarju ŋutu kule, a ta aje konda toron, a Saret ’duŋokindi ta adi ta a katoronyak.¹⁰Ko logwon twöju Saret 'bukuluŋ, ama a 'dorone i lele geleŋ, kweja adi lepeŋ aje ’beleŋgu saret liŋ. Kogwon tupet geleŋ logon a kuya adi, Do ti lubbö, 'döki a kuya adi, Do ti peŋga. ¹¹Nyena ko do ’bayin a kalupe ama ko do a kapeŋanit, do aje wora a ka ’beleŋonit lo saret.¹²Nyena jambi ko kitani ta gwoso ŋutu logon mo ’duŋöki kokiko lo saret lo tolien. ¹³Kogwon ’duŋöki na putet mo ponda’bak won na kowen ikilo logon ti won kowen, won na kowen te’ya ’duŋöki na putet.¹⁴’Bulit a nyo, Luŋasirik kwe, ko lele ŋutu kuya adi nye kata ko yupet, ama 'bak konesi? ina yupet ŋona bubulö lwögu nye? ¹⁵Nyena ko luŋaser kode saser ’bak boŋgwat ko ’bak kinyo na lor, ¹⁶nyenago a ko lele losuk kuyani ko se adi, wuti ta ko taliŋ, ti mugunya kasuk yuke yuk, ko ti ta yimöte yimöt, ko do a ko tin se ŋo nagon mugun ’de’dekan kune, a ’bulit kirut gwe a nyo? ¹⁷Nyena gwon tiina 'döki yupet ko mugun, Ko ’bak konesi, a twan.¹⁸Ama lele ŋutu geleŋ bubulö kulya adi, do kata ko yupet, ko nan kata ko konesi. Kweki nan yupet inot 'bak konesi, a nan de kwekindi do yupet nio i konesi. ¹⁹Do a yubö adi ꜧun geleŋ kata; A na ’but. Ama 'döki Mulökö lorok yubbö tiina ko kujönö. ²⁰Do ŋutu lu ’böŋ! Do a ko den adi yupet ’bak konesi a ŋo kana?²¹'bayin kӧju Abarayama merenye likaŋ a tetenaki rigwo ko konsesi idiŋit na wukindi nye ŋiro loyit ipirit ’yuret na lubaŋgajin nu? ²²Do a met adi yupet kita ko konesi kayik, nyena i konesi a kirut yupet nayit aje temakiŋdya ajo. ²³a kuya nawurӧ kune temakindi a gwak adi, Abarayama a yubbӧ ꜧun, a lepeŋ lo kenakini a ŋutu lo rigwo. a luŋuni a ju lo ꜧunt. ²⁴Ta a met adi ikokonesi a ŋutu tetenakini rigwo, ama 'bayin ko yupet ka’de.²⁵'Daki tiina, Ti gwon sona kaju Raba kawute 'döki a tetenaki rigwo ko konesi, idiŋit na wuji nye luyökie, a yutaddi lepeŋat anyen tu lele kiko nu. le? ²⁶nyena gwoti naga ko mugun ’bak mulokotyo a twatwan, nyena 'doki ko yupet ’bak konesi a twan.

¹'Bayin adi Jore kasuk mo gwon a katodinӧk, Luŋasirik kwe, kogwon ta deden adi yi lo totodindyö kulo mo ’duŋӧki putet ko metet nagulu parik. ²Kogwon yi liŋ 'do'doro i kikolin Jore, a ko ŋutu ako 'do'doro i kulaesi, lepeŋ a ŋutu lo’but liŋ, bubulö teŋgu ma'di mugun nayit liŋ.³Koyi a kwakakinda wititöt i kutusin ti kusanjin anyen se twöju yi, yi 'döki bubulö wöwöriŋöddu mugunya kase liŋ. ⁴'döki yeyene ta ki’bojin, ma'di naga Lepeŋat a dumalak ama wuköji ko köbuŋöt duma, monye ki’bo bubulö wöwöriŋödddu se ko layi na'dit parik ipiritön nagon nye ’de’dekan.⁵I ilo kiko, ŋedep 'döki a tupet lo’dit, ama lepeŋ pupurja mugun ko ŋo dumalak. Yeyene ta, rudu duma ama kimaŋ na’dit ’yurakin kak! ⁶Nyena ŋedep 'döki a kimaŋ, lepeŋ a kak naron na 'yuraki ikiden nikaŋ na tupesi . ŋedep körju mugun liŋ, ’yurja ru na kak , ko nye ko mugun 'yuraki ko kimaŋ na ti peŋa.⁷ꜧuto bubulo toŋutu’yu gweyarijin liŋ ti kijakwa, 'döki kwen, 'döki ŋo lo gwöŋtu kak, se ko logwon i tör kata, ⁸ama ŋutu ti bulo toŋutu’yu ŋedep. Lepeŋ a loron, a lo kulyem, ajore ko kisum naga pepeŋga ŋutu.⁹Yi pupurja Matat ko Monye likaŋ ko nye, a yi 'döki Lӧmbi ŋutulu logon a gweya igwuluet na ꜧun ko ilo ŋedep lo geleŋ lo. ¹⁰'boriesi se ko lӧmesi lupe kaŋo ikutuk na geleŋ na. luŋasirik kwe, ti Kine ŋo gwe ti kona.¹¹ꜧona Pioŋ na ta'bin se ko pioŋ na pӧtӧr ŋona bubulӧ lelekun kaŋo ikoŋe lo pioŋ geleŋ? ¹²Luŋasirik kwe, ki’bi ŋona raradan ludweki ti Jeitun? Kode kӧdini lo binyo ŋona raradan ludweki ti ki’bi? Nyena pioŋ nagon a ’balaŋ ti bulo lelekun a pioŋ na tabin.¹³ꜧa logon a lokoŋ ko kukurundö kasuk kiden? Ti ilo ŋuto kwene gwiliŋit lobut ikonesi i tokoyok na koŋon. ¹⁴Ama ko ta gwon ko yulön na pötör se ko pusök kasuk itoilyet, an ta ko bu’ya ta ’borik, ko a ’burönok ti to’diri.¹⁵ŋina 'bayin a Koŋon na po ki yu ina kak, ama a na kakni, 'bain a na Mulokötyo, a na Mulölö lorok. ¹⁶Ko yulön se ko ’dekesi ti mugun gwon kata, koti a dwadwa'du se ko konesi liŋ narok gwe kata. ¹⁷Ama koŋon na po ki yu na, i kokwe nu a na ke, lepeŋ a nataliŋ, ko a nakoyok. jambu gik, a jore ko pitönö ko ludweki lobut, ti korja ŋutulu, ko a rigwo. ¹⁸ludweki ti torigwo meta i taliŋ i kiden na kilo lo kitaonda taliŋ kilo.

¹Mörö ko kokoroja ponda ya kasu kiden? 'bayin ponda i’dekesi nagon mömörö kasu i mugunya kine? ²Ta ’de’dekan ama ta ti ryö, ta pepeŋa ko bebe’ya ama ta ti wu; ta rerenya ko mömörö. ama ta tiröun, kogwon ta a ko mulun. ³Ta a mo’yu a ta gwe a ko wu, kogwon ta a mo’yu ikiko loron. Ta mulundö i kitani ŋo ti ’dekesi kasu.⁴Ta kautejin! Ta a ko den adi ŋutu logon nyanyar na kak kilo a merok ti Gun? Nyena ko ŋutu logon a 'dekan gwon a ju lo na kak lepeŋ konda mugun a miriku lo ꜧun. ⁵Kode ta yeyeju adi kuya ti ꜧun na wurӧ kune a ŋo kana; Mulӧkӧtyo logon lepeŋ a tindu kayaŋ i mugunya lo yiyinӧ parik ?⁶Ama ꜧun tindu 'busan parik; a wurö adi, ꜧun rerenya ŋutulu kabulak ti kusik, ama tindu ’busan i kilo lokoyokak. ⁷Nyena kugge ta ŋun. Gwo’de ta go i mörö ko Satani, a nye mo wöki kaŋo kasuk i komoŋ.⁸Miju ta nyona ko Ŋun, a lepeŋ mo miju kasu nyona. Tokele könisi kasuk ta katoronyak. ko tokele ta toke toilyet kasuk ta ŋutulu logon ko yeyeesi murek kilo. ⁹Wiwinyani ta, ko delyani ta, ko gwine ta. Ti jinya nasu lopugge a delya, ko ti lyöŋön nasu lopugge a mude. ¹⁰Tokoyogi ta ’börik ko Matat i komoŋ a nye mo toduma’yi ta.¹¹ko jambu ta lele luŋaser arabat. ŋutu logon jambu arabat i kulya ti luŋaser lo kode 'duŋökindö putet ko luŋaser lo lepeŋ jambu arabat i kulya ti Saresi, ko lepeŋ ’duŋökindö Saresi arabat. Ama ko do ’duŋökindö Saresi arabat, do ’bayin a kakonanit lo Saresi ama do a ka ’duŋönit lo putesi. ¹²Lo tindu Saresi ko a ka ’duŋönit lo putesi kata geleŋ, lepeŋ ka'de logon bubulö lwöggu ko bubulö tukarju. do a ŋa logon ’duŋgö putet lo marate ilot?¹³Nyena yiŋge ta, ta lo jambu adi, I lo lor kode ko’bure yi malu tu i nu köji, a yi mo gwe yu kiŋa geleŋ i tugwӧrju a yi rӧji gurut. ¹⁴ŋa logwon denden ko nyo naga pupukun ’bure, ko ru nasuk a nyo? Kogwon ta gwon a luru logon meta diŋit a na’dit a lilikara lilikara.¹⁵Kolumbö ta ködö kuya adi, Ko Matat ’de’dekan adi yi gwon jorun, a yi mo kondi na ŋo kode nu ŋo. ¹⁶Ama tinana ta bubu'ya 'barik kogwon tirkwesi kasuk dumalak. kine bubulesi ling a narok. ¹⁷Nyena ko ŋutu logon a den konda 'bura a gwe tine kon lo, lepeŋ a katoronyanit.

¹yiŋge ta, ta ŋutulu kwörinikö, gwine ta ko luluji ta kogwon delyaesi nagon mo ’dukin kasuk ki kune. ²Tukwörienjin kasuk aje ’bu’buri, a boŋgowat kasuk iŋge nyei ko lonyeri. ³Dakap se ko pödö kasuk aje lo’doke, a ina lo’doke nase mo na tokorju adi ta a konda arabat, a mo nyesi mugunya kasuk gwoso kimaŋ. Ta aje ’du’du’yu tukwörienjin kasuk i perok ti 'dutet.⁴Mete, ta a ko robba ŋutulu lo kita kasuk i meleseno a Gwiesi kase dirji ta. Gwiesi ti ŋutulu kaŋerak kulo aje ’durökin ko Matat lo kurumi i swö. ⁵Ta a si’da i minyo lo na kak adi monyot, a ta iŋge 'yodda 'börik. Ta aje topirjö teilöt kasuk ilor peŋet. ⁶Ta aje ’duŋökindö putet ko a peŋga ŋutu lo rigwo, lepeŋ a ko yuyuk ta.⁷Nyenagon luŋasirik, gwo’de ta go ’bak dara tojo Matat a po. Mete ta. kakurunit ti dara i mördu na kudwöt ti kiser ko ti ’butun, tojo ko kinyojin kayik logon ko ’bulit a duma kulo a toran. ⁸Ta 'döki, gwo’de ta go ’bak dara, togo'yi ta toilyet, kogwon Matat gwe nyona ko po.⁹Luŋasirik, an ta ko wowori ta ko ’borik, anyen ta gwon ti ’duŋöki putet arabat. Meddi ta, ka’duŋonit ilo gwo’de i kakat. ¹⁰Luŋasirik, metundeta miret na ŋoŋga na sasanyesi se ko na gwo ’dan go, ko nebijin logon koju a jambu i karin ti Matat kulu. ¹¹Mete ta, yi luŋu ŋutulu logon a gwo’dan go tojo ko ’dutet kulo a 'boria. Ta a yiŋ kulya ti ŋoŋaddu na Eyobo tojo ko ’dutet, a ta inge den ko Matat a konakin lepeŋ nyo i ’dutet. Kogwon Matat a jore ko won na konyen se ko pitökindö.¹²Ama luŋasirik kwe, lwölwön ŋo liŋ, an ta ko milyeju ta ko ki, kode ko kak, kode ko nene ŋo. Ama ko ruket nasu gwon a Ee, a ti gwe a Ee, ama ko gwon a ’Bayin, a ti gwe a ’Bayin, anyen ta gwon ti ’duŋöki putet.¹³Lele ŋuto ŋona kata kasuk kiden logon ŋoŋoŋga le? Ti nye kwakwaddi kwakwaddu. Lele kata logon a kalyöŋi le? Ti nye yo’yi pupuresi. ¹⁴Lele kata kasuk kiden logon a gilö le? Ti nye luŋgi temejik ti kanisa, anyen se kwakwaddu ko lepeŋ, a we’yi lepeŋ i karin ti Matat. ¹⁵kwakwasesi ti yupet, mo totoke ŋutu lo gilö lo, a Matat mo toŋiji lepeŋ ki i dotoet; a ko nye a toronda, a nye mo pitokine pitöki.¹⁶Nyenagon totuke ta toronjin kasu ko ’borik, ko kwakwasakindi ta ’borik, anyen ta bönö totokela. Kwakwaddu na nuto lo rigwo gwon ko riŋit a duma i konda na kita nayit. ¹⁷Eliya koju a ŋuto gwoso yi. Lepeŋ a kwakwaddu ko pusok a duma parik anyen kudu gwon ti ’don, a kudu gwe a ko ’don i kak kinajin musala ko yapala buker. ¹⁸A nye 'döki kwakwaddi kwakwaddu a ki to’doji kudu, a kak rade ludweki kayik.¹⁹Luŋasirik kwe, ko lele losu a yaŋara kaŋo i to’diri, a lele ŋuto inge nyökun lepeŋ bot 'döki. ²⁰Ti lepeŋ dene den adi, ko ŋuto logona nyökundö katoronyanit bot i kiko logon nye a lyangi, lepeŋ lo aje lwök nye i twan, ko a muggö toronjin jore parik.

¹Nan Petero luyökie lo Yesu Kristo, roman ko ta lo ŋo wule, logon a toreki i Juran ti Ponto, ko i Galatia, ko i Kapodokia, ko i Asia, ko i Bitunia kilo. ²ina gwon a denda nikaŋ na ŋun monye kaju, i kiko lo tokela ko Mulokötyo lonyit, anyen twötwöju, ko anyen gwagwata ko rima ti Yesu Christo. Ti 'bisan gwe ko ta, ko ti taliŋ nasuk ŋöine ŋöi.³Ti ꜧun ko a Monye lo Matat likaŋ Yesu Kristo purani pura! i pitönö nayit na rwarwan, lepeŋ a tindu yi yuŋwe a ludukö i yenet na yeŋon jörun i kiko lo ŋien na Yesu Kristo i twan. ⁴tiina anyen mo wuyuni lomore nagon ti likin, tine körö, ko ti bulö ’buron. A ritaki ta ki yu. ⁵Ta a gayi ko riŋit na ŋun kogwon yupet na lwökit, nagon gwe ajo a anyen möndu kwekweya i diŋit na ’dutet.⁶Ko ina kwe lyöŋi ta lyöŋön, ma’di soŋinana ta ŋoŋoŋga möriesi ka’de ka’de ko diŋit a na ’dit, ⁷ina temani yupesi kasu, Nagwon ko ’bulit Iwolwöŋ dakap nagon lilikin, ma’di nagon se a tema ko kimaŋ. kineŋo konda tina anyen 'duntet na yupet nasu gwon a pupuresi, ko kwelen, se ko bula i diŋit na kwekweyani Yesu Kristo nu.⁸Ta a ko met lepeŋ ama ta nyanyar lepeŋ, ta a ko met lepeŋ tinana, ama ta yuyup lepeŋ ko ta lyölyöŋnö ko lyöŋesi nagon ti bulö jama, ko a jore ko bulet. ⁹Ta tinana wukinda 'dörik tutupet na yubbö nasu, a lwökit na kodudwolön kasuk, ¹⁰Nebijin logon koju aje keju adi ꜧun mo ’dogga ta kilo aje ga’yu ŋina lwökit a iŋge piyuŋdya kulya kanyit ko tirikwet.¹¹Mulökotyo lo Kristo lo gwon kase i mugunya lo a tuggö ’beron ŋoŋesi ti Kristo ko ŋo nakekelan naga popo i mukök, a se mörji denunda kaŋo ko ŋilo Mulökötyo yutakin se ko kine ŋo gwon i nan diŋit, 'döti ko se po ada. ¹²A kweki lepeŋat adi ŋo nagon se a keju kune se ti kikin ’borik ama kikin ta ŋo na kiun se köju kunu soŋinana ŋutulu lo jakinda ta Loŋe Lo’but i riŋit na Mulökötyo Loke logon a sunyue ki yu lo aje tukökin ta. Ma’di malaikajin ’de’dekan galunda kine kuya kaŋo.¹³Gwe ta ajo ko gane ta yeyeesi kasuk, medi ta meda. tindi ta yened nasuk liŋ i 'busan naga mo jaki ta i ponda na Yesu Kristo nu. ¹⁴Gwe ta a wajik kayiŋak ti kuya, an ta ko si'da ta gwӧti i ’dekesi kasu ti ’beron naga ta kӧju ako den kuya nu.¹⁵Gwӧti naga nye lo luŋgu ta lo a loke, nyena 'dӧki gwe ta a loke i gwiliŋisi kasuk liŋ. ¹⁶Kogwon a wurӧ adi, Ta kӧdӧ gwon a loke, kogwon nan a loke. ¹⁷Ko ta luŋu "Baba" nye logon ’duŋӧkindӧ 'dak nyunyumbö lo ko gwoso konesi ti ŋutu, nyena kugge ta lepeŋ i diŋit nasuk gwoso jurӧn ni na.¹⁸Ta deden adi ŋo na ’bu’burön gwoso pödö kode dakap a ko dakunda ta igwiliŋit lo ’bak ’bulit logon ta a mirun ko merenyejin kasuk, ¹⁹ama ko rima ti Kristo nagon ko ’bulit a duma parik, gwoso ti kiloloŋ logon ’bak yuyuket kode mörikö.. ²⁰Christo a dena a ŋerot na gweya na kak, ama tinana lepeng aje kweya i kulo perok ti ’dutet kogwon kulya kasu. ²¹kogwon lepeŋ ta a yubbö ꜧun, lo toŋiju lepeŋ i twan a tiŋdi lepeŋ i bula, anyen yubbö ko yened nasu gwe ko ꜧun.²²Ta aje toke’ya ’börik i twöju nasu na kuya ti to’diri, ina kogwon nyarju na luŋasirik na to'diri, nyena nyare ta nyar ’börik parik ko tugwakan na ponda i töilyet loke. ²³Ta aje yuŋwe a ludukö. 'bayin i noyomot lo lilikin, ama i noyomot logon ti likin, i kulyaet lo ꜧun logwon jörun ko yeyeŋon lo.²⁴Kogwon, mugunya liŋ gwon gwoso doru, a kwelen nase liŋ gwe gwoso koturon ti mu’diŋ ti Döru a döru teteyone teteyon, a koturön ’do’done kak; ²⁵ama kulyaet lo Matat yeyeŋon ŋupi. ꜧilo kulyaet a Loŋe Lo’but logon aje tokuki ta lo.

¹Nyenagon paji ta ŋo narok liŋ, ko mumulukesi liŋ, ko ’burönö, ko yulön, se ko 'do'yu liŋ. ²Gwoso wajik lo pedede yuŋwe, yöŋöni ta le na lonŋ ti Mulökötyo Loke nagon 'bak mumuluga, anyen ta böŋö ’du'durjö i lwökit. ³Ko ta aje waŋ adi Matat a lo’but.⁴Po ta ko lepeŋ ni, Logon a ŋurupit logwon jörun logon ŋutulu a renya lo, ama ꜧun a wulun lepeŋ a ’bulit nanyit duma. ⁵Ta 'döki gwoso ŋurupö logwon jörun logon a ’dukö i gwon a kadi na Mulökötyo, anyen ta gwon a koanejin loke, logon wukindya rubaŋgajin ti mulökötio, logon ꜧun ruruk kogwon Yesu Kristo⁶Kulyaet lo a wurjö adi: Mete nan lo petakindya ŋurupit lo goŋet Siona, lo ŋo wulwe ko a ’bulit. Ko logon a yubbö lepeŋ lo mo tine yu kowe.⁷Nyenagon ta logon a yubbö lepeŋ kilo, ŋilo ŋurupit gwon kasu a ’bulit duma, ama i ŋutu logon a ko yubbö kilo, ŋurupit logon ka’dukök a renya lo. aje wora a ŋurupit tutuŋet lo goŋet lo kadi; ⁸Ko nye a ŋurupit köpuket ko a lurutat to’dorowet.Lepeŋat köpukö kogwon se a renya lo kulyaet. Lepeŋat a wuloki ikondya sona.⁹Ama ta a toberon na wule, a koanejin ti Matat, a jur loke, ko a ŋutulu lomorejin ti ꜧun, anyen ta bubulö tokujö konesi na’but parik ti lepeŋ logon a luŋun ta kaŋo imudwe iponda i parara nayit sörit na. ¹⁰Ta köju ’bayin a ŋutulu, ama soŋinana ta gwe a ŋutulu ti ꜧun; ta köju a ko wuju pitönö, ama soŋinana ta aje wuju pitönö.¹¹lo nyanyaia, nan mamandu ta gwoso legelok ko a lo mömönundö, adi pane ta ’dekesi ti mugun nagon mömörö ko ködudwö kasuk kine. ¹²Gwe ta ko gwiliŋit lo’but ko paganojin ikomoŋ, anyen na ŋökinde se adi ta a katoronyak na, a se de meddi konesi kasuk na’but a pupurje ꜧun i lor lo poponi nye lu.¹³Twoji ta miri lo ŋutulu liŋ, kogwon kuya ti Matat likaŋ. Twöji ta se ko mor goso naga nye a duma lo, ¹⁴'döki twöji ta mödirön logon a sunye anyen riŋga katoronyak ko anyen pupurja lo konda ’bura kilo. ¹⁵Kogwon kine a ’dekesi ti ꜧun, adi i konda ’bura ta toyiŋaju kuya na 'böŋ ti ŋutulu logon ti den kuya. ¹⁶Gwöti naga ta a luwi na; ko kitani ta tolien nasu a muket na konesi narok, ama gwe ta gwöti ’dupi ti ꜧun. ¹⁷Twöne ta ŋutulu liŋ. Nyare ta luŋasirik lo yubbo kilo. Kujöne ta ꜧun. Kuŋge ta mor.¹⁸Ta kölipönök, yuŋge ta sara ko komonye kita ko twöju. Ti gwon adi ta twöju ŋutulu lo’but logon töilyet lilik suak, ama 'döki twöji ta ma'di logon a mulea kilo. ¹⁹Kogwon a puret na’but, ko ŋuto tirikwa ꜧun i ŋoŋgo taliŋ, ma’di nagon nye a tomie ’bak kwe na kuya. ²⁰Kogwon ’bulit a nyo ko ta ŋoŋga taliŋ idiŋit nagon ta ’bi'bitö kogwon ta a konda toron? Ama ko ta ŋoŋga taliŋ idiŋit nagon ta totomie nu kogwon ta a konda ’bura, ŋina a na’but i pura na ponda ko ꜧun.²¹Kogwon kine kuya ta a luŋu , kogwon Kristo 'döki a ŋoŋga kogwon kuya kasuk, a kölökindi ta miret anyen ta kepoddu mokosi kayik. ²²Lepeŋ a ko kondya toron kwöŋ, ma'di mumuluga a ko rye kayi ikutuk. ²³I diŋit naga ko a moro lepeŋ ti ropakinda bot ko morju; na ŋoŋgi nye nu, a nye gwe a ko tokujondu ŋutulu, ama a nye yinikindi mugun ko lepeŋ logon 'duŋgö putet 'dir lo.²⁴lepeŋ lo ’doggu toronjin kaŋ kayik imugun ikodini, anyen yi twatwa i toron ko anyen ru i torigwo. Kogwon ’dikasin kayik ti kurubataTa aje tokela ²⁵Kogwon ta köju gwe gwöti yidin na ŋo likin , ama tinana ta aje wite ko Kayukunit ko a Kametanit lo ködudwölön kasuk.

¹Nyena 'döki, ta nagon a wate rukökindi ta 'börik i twöju na yayan kasuk, kondi ta tiina ma'di naga kule kase ti yup kulyaet lo ꜧun, a se mo jikene ko gwiliŋisi lo’but ti wate kase, ’bak jambu na kuya. ²igwon i metesi na meddi kö töwesi kasuk, i gwiliŋit loke lo kukga.³Ti kelan nasuk gwe ti gwon a na kaŋo kana gwöti taka na köpir, ko jupu na minyojin logon a dakap, kode jupu na boŋgwat; ⁴ama ti kwelen nasu gwe i ꜧutu lo katayu lo töilyet, logon ko kelan naga 'bak 'dutet ko ti ’buron i töilyet lo lilik ko tokoyok. lo gwon rwrwan ko ꜧun i komŋo.⁵Kogwon tiina köju ’beron, wate naga a gelakinda 'börik ko Ŋun ko tindu yened ko lepeŋ kune tokwelendu ’börik, i rukökindö na 'börik i twöju na yayan kase. ⁶I ilo kiko Sara a twöju Abarayama a luŋgi lepeŋ a matat loyit, ta soŋinana a ŋwajik ti kayik ko ta a kon ŋo naga a na’but a ta tine kujonö nene ŋo.⁷'Dӧki ta yayan, i ilo kiko si’dani ta ko wate kasu i pirit na geleŋ ko toyiŋakin ko 'bӧrik ’bak ri ’diet. gwӧti naga wate a turu'bӧti nagon a namunyan , tiki ta lepeŋat tӧwesi gwӧti naga se ipirit na geleŋ kota wuju ’busan na ꜧun nagon tindu ru na, an kwakwasesi kasu ko teŋo.⁸I ’dutet, ta liŋ, gweta ko yeyet gelen, wone ta kowen, nyarju ti gwe a na toluŋaseran, töilyet lolilik ko lokoyokak. ⁹Ko ropakinda ta toron ko toron, kode morju se ko morju, ama kölumbö, wu ta ŋerot i’borija, kogwon kine ŋo ta luŋe, anyen ta de wuju ’boriet.¹⁰Ko ŋuto logon nyanyar ru, ko medda perok lo'but, ti nye ködö teŋe teŋ ŋedep loyit i kuya narok, ko kutuk nayit i jambu 'buröt. ¹¹Ti nye löpukunde kaŋo i ŋo narok a kondi ŋo na ’but; ti nye ga’yi taliŋ ko kebbu mukök nayit. ¹²kowen ti Matat meddya lo rigwo, ko swö ti lepeŋ yiŋga kwakwasesi kase; ama komoŋ na Matat gwon a nagusu ko kilo lo konda ŋo narok.¹³Nye a ŋa de lo konda ta arabat ko ta tidda konda kuya na’but? ¹⁴Ama ko ta noŋga kogwon torigwo, ta a 'boria. Ko kujönö ta tokujönet nase, an ta ko delya.¹⁵ama wulökindi ta Kristo a Matat kasuk i töilyet. Gwe ta ajo i diŋitan liŋ i nyönyökökindö na ŋuto logon pija ta i ŋo na yen ta kune, i tokoyokan se ko twöju. ¹⁶ama i mönökindö kasuk i töilyet ko twöju, gwe ta ko yeyeesi na'but anyen ma'di naga ta a jama i ŋo kune adi ta a lorok a ŋutulu lo legu gwiliŋt losuk lo’but ko Kristo i mugun kulo de wuji yu na kusik. ¹⁷Ana'but ko gwon a ’deket na ꜧun, adi ta ŋoŋga kogwon konda na ŋo na’but, 'bayin kogwon ŋo naron.¹⁸Kristo 'döki a ŋoga daŋ geleŋ a ’dutet kogwon toronjin kaŋ; lepeŋ loogn a lorigwo a ŋoga kogon kuya kaŋ, yi logon 'bayin a lorigwo, anyen jouda yi ko ꜧun. Lepeŋ a tatua i mugun, ama a jörun i ködudwö. ¹⁹A ködudwö nayit wuti i tokukindö na ködudwölön nagon a rereka kunu. ²⁰Kine ködudwölön a ti ŋutulu logon köju a renya twöju ꜧun, na mondi nye madaŋ i kuya kase i perok ti Noa na tetenani ki’bo nu. ꜧutulu ku’dik, kena a budök ka’de lo lwökwe i pioŋ i ki’bo kata.²¹Ina a kweyet na batisimo nagon lwöggu ta soŋinana. Batisimo tigwon a lalaet na lut timugun, ama a piyet i yeyeet nake ko töili lo’but ko ꜧun, kogwon ŋien na Yesu Kristo i twan. ²²Yesu aje tu ki, a gwe ko Ŋun i könin lutaten, a malaikajin, ko tokimakan se ko riŋitön a tiki i ruguŋökindö ko Lepeŋ.

¹Nyena kogwon Kristo a ŋoŋga i mugun na, tojupukindi ta 'barik yeyeet gwöti ina anyen ta gaji ’börik, kogwon ko ŋuto logon aje ŋoŋga i mugun aje kö’yu toronjin. ²Nyena i 'dutet, ŋuto gwöti ilo, i diŋit na lepeŋ liŋ ina mugun, gwe tine gwon i ’dekesi ti ŋutu, ama gwӧti na 'deggi Ŋun.³I Diŋit na lwöŋgu ta aje jo konda ŋo naga paganojin ’de’dekan. Ta aje gwon i konda na ŋo ti yu na kwe, ko i ’dekesi ti mugun, ko i memeri, ko i to ’betan ko yawa, ko i mömöjutu na yawa i roriot, ko i konda na ŋo na mamana nagon a twöju na nyömuejin logon a ŋunyön. ⁴Lepeŋat yeyeju a ŋo söret kogwon ta a ko morakinda ko se i gwiliŋit lose logon abur ko a wuya lo, nyenagon a se jambi adi ta a ŋutulu lorok. ⁵Lepeŋat mo wawat nye logon gwe ajo i ’duŋökindö na kuya ti ŋutulu logwon jörun ko lo twatwa. ⁶Ko ina kwe, Loŋe Lo ’but 'döki a tokuki i ŋutulu lo twatwa, anyen, ma'di naga lepeŋat a ’duŋöki putet i na mugun gwoso ŋutu. A se mo rune i ködudwölön kase gwoso na kwondi ꜧun na.⁷’Dutet na ŋo liŋ gwe nyona, nyena gwe ta ajo kasu i yeyeesi. Tiji ta ’börik anyen ta kwakwaddu. ⁸I iloki na ŋo liŋ tunyare ta ko ’börik ko töilyet liŋ, kogwon nyaju muggö toronjin jore. ⁹Wuji ta ’börik a komu kasu i midijik ’bak wiwinya.¹⁰Gwoti naga ŋadi geleŋ a wuju ’doket na, kitakindi ta 'borik a kametak lo ’but ti narju na ꜧun i konesi kayik ka'de ka'de. ¹¹Ko lele ŋuto jajambu ti gwe ko kulyaesi ti ꜧun; ko lele ŋuto kikitakindya, ti gwe i riŋit nagon po ko Ŋun. Kondi ta kine ŋo anyen i kikolin liŋ a ꜧun purani pura kogwon Yesu Kristo. Ti bulet ko tumatan gwe ko lepeŋ ŋupi ŋupi. Amin.¹²Lo nyanyara, ko sörju ta i ŋo na pokin i temba na ta gwoso na tembi kimaŋ na, gwöti ŋo nene naga a sörit a pokin kasu ki. ¹³Nyena ma'di muda naga ta a ŋarunda ŋoŋesi ti Kristo na, lyöŋi ta , anyen molu na kweyani minyo loyit nu, a ta mo nyolani nyola ko lyöŋön a duma. ¹⁴Ko ta momoroyi kogwon karen ti Kristo, ta a 'boria, kogwon Mulökötyo lo bulet ko a lo ꜧun lo gwon ko ta.¹⁵Ama ti lele losuk gwe ti ŋoŋga kogwon a katatuanit, a koko ’ya, kode a konda arabat, kode a ŋutu logon pokin i kulya nagon ’bayin a kasuk; ¹⁶ama ko lele ŋuto a ŋoŋga kogwon nye a Kristianityo ti kwe nanyit gwe ti yu, kölumdö ti nye bu’ye ꜧun kogwon kine karin.¹⁷Kogwon diŋit aje po nagon ’duŋökini putet; a suluji ko ŋutulu ti 'baŋ na ꜧun. Nyena ko suluja ko yi, a de gwe ada i’dutet ko lepeŋat logon renya Loŋe Lo ’but lo ꜧun kilo? ¹⁸'döki ko a nago i lwökö na lo rigwo, a mo gwe ada ko ŋutulu logon ti twöju ꜧun ko katoronyak kilo? ¹⁹Nyenagon ti se logon ŋoŋoŋga gwoso ’dekesi ti ꜧun, ti se yinikindi ’börik Ka gweyanit lo yiyiniki lo, i kones na’but.

¹Nan jambu ko ŋutulu kasuk logon a temejik kilo. Nan logwon 'döki a lele temejiktyo ko a met Kristo i ŋoŋga lo, ko yendi ŋarunda na bulet nagon mo kwekweya nu. ²Gwe ta a ka yukuk ti yidin ti ꜧun na gwon kasuk i könin kine, kitani ta gwoso katiunit, ti gwon ko riŋaki, ama kogwon ta a 'dekan gwöti nagon ꜧun ’de’dekan na. kitani ta ti gwon kogwon 'bulit naron ama ko pusök . ³Ko tutumatyan ta i loki na lepeŋat logon a wulöki ta kilo, ama gwe ta a miresi ti teŋ na yidin. ⁴A na pukuni Kayukunit duma nu, a ta de wuji Ioguya telet logon a bulet lo ti riŋön.⁵'Döki ta teton rugi ta twöju na temejik kasu. Ta liŋ, jupukiŋdi ta tokoyokan ko tokitakin ko ’börik; kogwon ꜧun rerenya ŋutulu kabulak ti kusik ama kwekinda ’busan i ŋutu lokoyokak. ⁶Nyenagon Tokoyoke ta ’börik i mukuk na könin lo riŋit lo Ŋun, anyen nye böŋö ’bi’yu ta ki i diŋit nayit. ⁷Gumaki ta wiwinyesi kasuk liŋ ko lepeŋ ki kogwon lepeŋ lo meddya ta.⁸Tiji ta tiju, ti konyen kasu gwe gwoŋa, kogwon miriku losu kaŋöönit gwon gwöti kömiru lo wiwiri gaga’yu ko nye koja ŋa. ⁹Gwe ta a logo i yupet i renya na lepeŋ, kogwon ta a den adi luŋasirik kasuk loyubö i kak ’bukuluŋ kilo ŋoŋga kine ŋoŋesi na geleŋ kine.¹⁰A i mukök naga ta aje ŋoŋga ko diŋit a na’dit nu, a ꜧun lo 'busan liŋ lo luŋunda ta i na bulet na yeŋ nyin ko Kristo lo, mo totoludugi ta, a ruggi ta, a togo’yi ta, a togwi’dikindi ta go. ¹¹Ti tumatyan gwe ko lepeŋ ŋupi ŋupi. Amin.¹²Nan yiyinikin Siliwano logon a luŋaser lo a yubbö, nan a wurökin ta ŋina leta na’dit ko ŋaret nait. Nan tukukindö ta ko tokurukindyö ta adi kine ŋo liŋ ’diri a ’busan na nyarju gwak na ꜧun. Gwo’de ta go kata. ¹³Teŋ na kayupök logwon Babela yu logon ꜧun a wulun gwoso ta kulo a roman ko ta. 'döki Marako ŋuro lio roman ko ta. ¹⁴Rome ta ko ’börik ko ’bi’biyet na nyarju. Ti taliŋ gwe ko ta liŋ logon i Christo kilo.

¹Nan Simona Petero 'dupet ko a luyökie lo Yesu Kristo, roman ko ta logon a wuju nye yupet napir gwӧti na wuji yi na. Yupet i torigwo na ꜧun likaŋ ko Kalwӧkӧnit Yesu Kristo. ²Ti ’busan ko taliŋ gwe parik kasuk i denda na ꜧun ko Yesu Matat likaŋ.³I riŋit nayit na ki, ŋo liŋ ti gwiliŋit ko i kugga na ꜧun aje tiki yi i denda na lepeŋ lo luŋu yi i minyo ko 'busan parik . ⁴I kine ŋo nye aje tin yi milyejin lopir ko a dumalak parik, anyen ta boŋo ŋarundya gwon gwoso ŋun. I rwöddu nasuk ŋo ti ’buröt ti na kak kine kogwon ’dekesi narok.⁵Ko Iina kwe, mӧrji ta parik i ’yalakindya na to'busan kasu i yupet, ko i to'busan ’yalakindi ta dendya, ⁶ko i dendya ’yalakiŋdi ta teŋgu na ’borik ko i teŋgu na ’borik ’yalakindi ta ŋoŋga najo ko i ŋoŋga najo ’yalakindi ta toŋunyӧn ⁷ko i toŋunyӧn ’yalakindi ta nyaru na toluŋaseran ko i nyarju na toluŋaseran ’yalakindi ta nyarju.⁸Ama ko kine ŋo gwon kasuk a ŋӧine kasuk, a se tindi ta ti gwon a yokia kode ’bak ludweki i dendya na Matat likaŋ Yesu Kristo. ⁹Ama ŋuto logon ’bak kine ŋo lo metakinda nyona lepeŋ a mo’doke, a bӧŋӧ adi nye a lalai i toronjin kayik ti ’beron.¹⁰Nyenagon luŋasirik, marji ta parik anyen ta tindu luŋu nasuk ko wulwe nasuk a gik. Kogwon ko ta a kon kine ŋo a ta mo tine ’doro kwöŋ. ¹¹tina at a ta de rukökine ko pupuret duma ilupö itumatyan na yeŋ nyin na Matat likaŋ Kalwokonit Yesu Kristo.¹²Nyenagon nan de gwon ajo i diŋitan liŋi anyen toyiyikindö ta kine ŋo , ma’di naga ta a den se, ko ma’di naga ta a logo ito’diri nagon ta gwon ko nye na. ¹³Nan yeyeju meta a na’but kuwe, ti nan dede gwon i ilo gworoko, i 'bi'yu na ta ki ikiko lo toyiyikiŋdyö. ¹⁴Kogwon nan aje den adi diŋit nio gwe a na’dit nan de kökölökin lo gworoko, kogwon Matat likaŋ Yesu Kristo aje kwekin nan. ¹⁵Nyena nan mo mörju parik imedda adi idiŋit naga nan aje tu nu ta mo idiŋitan liŋ bubulö yeyeju kine ŋo.¹⁶Kogwon yi a ko mirakinda likikirilӧn kana ti koŋon, na tukӧkindi yi ta riŋit na Matat likaŋ Yesu Kristo se ko po nayit nu, ama yi a met lepeŋ ko konyen i todumalan nanyit. ¹⁷kogon lepeŋ awuju bulet ko todumalan ko ꜧun Monye, na poni gworo ki yu ko lepeŋ ni lo juwe ko minyo lo todumalan nu, kuya adi, ilo a ꜧiro lo nyanyara, logon nan a lyöŋgi parik lo. ¹⁸Yi ko ’borik a yiŋ ilo gworo kuun ki, i diŋit naga yi gwon kase lepeŋ i mere loke kiyu nu.¹⁹Kogwon yi a yubbö kulyaesi lo jam nebijin koju kulu tinana gwe akig, Ködö a na’but ko ta yiyiŋ kilo kulyaesi, kogwon se gwon gwöti lombo lo kobbu i pirit naga a mude tojo ko ŋaun na kak, a Lobur puköki kasu i toilyet. ²⁰Iloki na liŋ, dene ta den adi, kuya ti ꜧun na wuro nagon a keyo kune ’bayin a tokujö na lele ŋuto ko mugun nanyit, ²¹kogwon ŋutu ’bayin logon a wakunda keju, ama ŋutu jamunda kulyaesi lo po ko ꜧun idiŋit na muluajini lepepat ko Mulokotyo Loke nu.

¹Nebijin ’burönök köju a po i ŋutu, ko 'döki katodinök ’burönök mo poponda kasu. lepeŋat mo barunda adi li todinesi köresi, ko lepeŋat mo rerenya Matat lo gworundyö se lo, lepeŋat jakinda ’borik köret adi wulek kase ki. ²ꜧutu jore mo kepoddu gwiliŋit lose loron lo yu na kwe lo, kogwon kuya kase a kiko lo to’diri mo jamani arabat. ³A se mo lulukundye gurut kasu ko jamesi ’burönö kogwon galaŋ kata nase. Ama ’duŋöki na lepeŋat na putet gwon iponda ko diŋit anajo, ko tukara nase ako toto.⁴A ko ꜧun a ko kölökin malaikajin logon a torondya kulo, ama a gumakin lepeŋat imudwe rereket kak ipirit riŋet, tojo ko lor ’duŋet lo putet. ⁵'daki ko nye köju a ko kölökin kak ’beron nu, idiŋit na jondi bar ikak na ŋutulu logon ti twoju ꜧun kulo, ama swak lwöggu Noa katokuönit lo löti lo'bt se ko kule ŋutulu buryo. ⁶Ama 'daki ko lepeŋ ’duŋökindö köjino ti Sodoma ko Gomora i körö asut, a nyökundye se kak a kurön, a miret na ŋo naga kokonaki ŋutulu logon ti twoju ꜧun,⁷Ama lwökudö Loto lo rigwo, logon ari'diki idedelya ko konesi ti yu na kwe na kon ŋutu lorok kune. ⁸Kogwon ŋilo ŋut lo rigwo si’da ko lepeŋat ipirit na geleŋ, perokliŋ lepeŋ memet ko yiyiŋ ŋo nakona kune, Konesi kase nagon korjusaret kune totomi toili lonyit lo rigwo. ⁹Ko Matat konda kine ŋo, nyena lepeŋ deden ko nye lwökun ŋutulu lo twoju nye kulo ada kase imöriesi, ko Lepeŋ 'döki deden ’de’ya ŋutulu lorok i kadi rereket anyen lepeŋat wuju riŋet i lor ’duŋet lo putet,¹⁰kine a to'diri na jukin ko se logon wöwörö i ’dekesi narok ti mugun, ko a kalaak ti saret. Mete ko a kaŋajin, lepeŋat tine kujönö momoroju teŋ na malaikajin lo bubula. ¹¹Malaikajin kata ko riŋit duma parik ko kido, ama lepeŋat a ko joŋga se ko momoroju iputet ko Matat ikomoŋ .¹²Ama kilo ŋutulu gwon gwoso kijakuwa nagon ti kurundӧ, yuŋwe iloka ko itukara. lepeŋat ti den ko se momoroju nyo. i tukarju lepeŋat 'deki tutukara, ¹³tutudarayi a ropat na kondi se dariesi nu. Lepeŋat yeyeju adi to’betan ko yawa i tuparan a lyӧŋӧn. Lepeŋat gwon a lut nagon a ’yoddya, lepeŋat nyanyar konesi ti mumulugga i diŋit na nyesi se ko ta i pirit na geleŋ nu. ¹⁴Lepeŋat ko Konyen logon a jore ko lubbo; lepeŋat tine yimӧnӧ ko toron kwӧŋ. Lepeŋat togiraddu ŋutu lomunyak i konda na ŋo naron. Lepeŋat a todin 'bӧrik iToilyet lo galaŋak, Lepeŋat a wajik loŋo lӧmӧ.¹⁵Lepeŋat a kӧ’yu kiko lo rigwo a girara kaŋo, a kepoddi kiko lo Balam ŋiro lo Beor logon nyanyar ropaki i konda na ŋo nagwon 'bayin a torigwo, ¹⁶ama awuju yuyukӧ kogwon toron nayit, kaine nagon ti jambu na, a jambu ko gworo lo ŋutu, a teŋgi ilu nebi i konda na ŋo ti mamala.¹⁷Kilo ŋutulu a kidiya logon ’bak pioŋ, ko a luruöt logon wuköji ko köbuŋöt duma. Pirit nagon a mude adi ’du a wulöki lepeŋat. ¹⁸Lepeŋat jambu kulyaesi lobot logon a ŋo kana, i tetensi ti ’dekesi narok ti mugun se ko konesi ti yu na kwe, lepeŋat mumuluga ŋutulu logon ''dek wökön kaŋo ko kilo lo gwolong alorok kulo. ¹⁹Se rukökinde lepeŋat i gwon a lui, ama se ko ’borik a ’dupi ti ŋo narok ti ŋutulu, kogwon ŋutu a ’dupiet lo ŋo nagon a te’ya nye.²⁰ko ŋutulu aje rwoddu i tolutesi ti na kak kogwon dendya nase na Matat likaŋ Kalwokonit Yesu Kristo, ama ko kine tolutesi koti aje mok se, a iŋge te se, a kuya kase worani a narok parik Iwolwöŋ ti kowe kune. ²¹Kodö a na ’but kase ko se kwöŋ a ko den kiko lo löti lo rigwo, lwölwöŋ nagon se aje den lo kiko a kukutorö bot i kö’yu na saresi loke logon a tiki se kulo . ²²Lo tolupet a pokin kase ki a gwak adi, ’Dioŋ a witö kayik i jaat, 'döki adi, Wuri nagon aje kuwö na 'döki a witö i gwugwuluŋgö na mugun i wo’do’dot.

¹Lo nyanyara, na soŋinana a leta tomurek na wurokin nan ta. I kine letajin murek nan wurjö a toyeyet itopurundö na kuinyitat nasuk na rigwo, ²anyen ta kodyö yeyeju kula na jam nebijin loke köju kunu, ko saresi ti Matat likaŋ Kalwokonit, lo sunyukin ta ko luyökie kilo.³A kokwe dene ta den adi, i perok ’dutesi kajijinyak mo popo. A lepeŋat mo jijinyani ko ta a kondi gwoso na 'degi ’dekesi kase. ⁴A mo ’dö’döji adi, Nye a milyeju adi nye molu wiwite. Ko nyo nye ti po? Kogwon suluja i lor logon merenyejin kaŋ a twatwa nu, ŋo liŋ gwon jojo gwoso na gwondi se i suluwa na gweya na kak nu.. ⁵Kilo ŋutulu böŋö aka adi köju ’beron ꜧun a kuya, a 'dko se ko kak gweyene kaŋo i kiden na pioŋ ko i pioŋ kata. ⁶kogwon i kinden na inu diŋit, kak iŋge koro ko a mulua ko pioŋ . ⁷ꜧilo kulyaet lo geleŋ lo a ’de’ya ’diko ko kak anyen möndu ’yura ko kimaŋ i lor ’duŋet lo putet na tukarari ŋutulu logon ti twoju ꜧun kulo.⁸lo nyanyara, ta ködyö ti böŋö na ŋo geleŋ adi lor geleŋ gwon ko Matat likaŋ gwoso kiŋajin alip geleŋ. 'döti kiŋajin alip geleŋ gwon gwoso lor geleŋ. ⁹Matat ti karakin i kulya na ruk lepeŋ kune, gwoso na yeyeji kule ŋutulu adi lepeŋ a karakin na, ama nye a yatakin ta parik a tine ’dekan adi ti lele ŋuto karane karan, ama lepeŋ ’de’dekan ŋutulu liŋ ködyö Iöpuggö töilyet.¹⁰Ama Lor lo Matat mo popo gwoso kolanit, a ’diko mo likinyörö likinyörö adi wur, a toro’bo kayik mo lisököni lusökö ko yulöŋ na kimaŋ, a na kak se ko ŋo naga katayu kune liŋ mo ’yurani ’yura.¹¹A ko kine ŋo liŋ mo tukarani sona, ta ködö gwon a kulon ŋutulu i gwiliŋisi kasu? Ta ködö gwolonŋ a ŋutulu loke lo twöju ŋun, ¹²ta ködö yinikindö i möndu po na Lor lo ꜧun, i ꜧilu lor a ’diko mo tukarani ko kimaŋ, a toro’bo kayik mo lisököni lisökö ko kimaŋ. ¹³Ama yi möndu ’diko ludukötyo se ko kak ludukötyo nagon löti lo rigwo si’da kata, gwoso na rukökindye ꜧun yi na.¹⁴Nyenagon, lo nyanyara, gwoso na yinikindi ta i mömöndi na kine ŋo, mörji ta parik ko ’börik anyen lepeŋ böŋo ryeju ta gwon taliŋ ’bak ’yotet kode körit kanyik i komoŋ. ¹⁵'Döki rugi ta adi ŋoŋga na Matat likaŋ a lwökit, gwoso nagon Paulo luŋaser likaŋ lo nyanyara a wurökin ta i koŋon nagon a tiki lepeŋ na. ¹⁶Lepeŋ a jambu kine kuya i letajin kayik liŋ, ama Kune ŋo kata nagon a nago i kure, a ŋutulu lu’böŋ ko a lokolokak tukwölöŋgi tokoret na kine ŋo gwoso na tukwölöŋgi se kune kuya ti ꜧun na wurö kune, i jakiŋdya na ’börik körit.¹⁷Nyenagon, lo nyanyara, gwoso nagon ta aje den kine ŋo a ŋerot, gane ta ga 'bӧrik, an ta lulukaji ko giresi ti ŋutulu logon ti ’debba saresi kilo, anyen ta gwon ti ’dororo kaŋo i gwo’dan nasu i yupet. ¹⁸Ama ’durji ta i ’busan na ꜧun ko i dendya na Matat ko Kalwokonit likaŋ Yesu Kristo. Ti bulet gwe ko lepeŋ soŋinana ko ŋupi ŋupi. Amin.

¹Lu logoo kӧju gwo kata i suluet; logoo yi a yiŋ, logoo yi a met ko konyen kaŋ; logoo yi a dir, ko a ’bo ko konisi kaŋ, ŋilo a Kwe na Kulyaet lo Ru. ²'dӧki ŋina Ru a kweki dena, ko yi a met lepeŋ, ko a yi tokuji kuya kayik, yi tokukindӧ ta kuya ti ru na yeŋ nyin, naga kӧju gwo ko ꜧun Monye, ko a kweki yi denda.³ꜧo naga yi aje met ko aje yiŋ kune Yi 'döki tukökidyö ta, anyen ta boŋö gwon ko tojulin koyi i pirit na geleŋ; tojulin nikaŋ na ko ꜧun Monye se ko ꜧiro loyit Yesu Kristo. ⁴'Döki, yi wurökindö ta kine ŋo anyen lyöŋön nikaŋ temakinda 'bukuluŋ.⁵Lo a Loŋe logoo yi a yiŋun kayik lo a yi tukökindi ta, adi ꜧun a parara, mudwe ’bayin kayik asot. ⁶Ko yi kuya adi yi tojulin ko lepeŋ a yi wörö i mudwe, yi a ’burönök, ko yi 'bayin jujumbu na to’diri. ⁷Ama ko yi wörö i parara gwoso na gwoni nye i parara na, yi kata ko tojuline ko ’börik, a rima ti Yesu ꜧiro loyit lalaji yi i toronjin liŋ.⁸Ko yi kuya adi yi ’bak toron yi mumulugga ’borik, ko to’diri ’bayin kaŋ. ⁹Ama Ko yi tutuk toronjin kaŋ kaŋo, lepeŋ a lo rigwo ko a lo yiyiniki i pitökindö na yi i toronjin kaŋ ko i toke’ya na yi i ŋo narok liŋ. ¹⁰Ko yi kuya adi yi a ko toroda, yi konda lepeŋ a ’burönit, ko kulyaet loyit ’bayin kaŋ.

¹Wajik kwe, nan wurökindö ta kine ŋo anyen ta böŋö gwoo ti toronda. Ama ko lele ŋutu a toronda, yi kata ko ŋutu logoo gwo’dan i kuya kaŋ ko ꜧun Monye i komoŋ, lepeŋ a Yesu Kristo lo rigwo lo. ²Lepeŋ a tokelet lo toronjin kaŋ, ’bayin toke’ya toronjin kaŋ ka’de ama 'döki toke’ya toronjin ti ŋutulu ti na kak ’bukuluŋ. ³Tiina yi deden adi yi a 'durökin denda lepeŋ, ko yi a ’dep saresi kayik.⁴ꜧutu logoo kuya adi, Nan deden lepeŋ, ama ti ’debba saresi kayik lo, a ’burönit, ko to’diri ’bayin kayik lukata. ⁵Ama ko ŋutu logoo a ’debba kulyaet loyit, ’diri nyarju na ꜧun a temakinda kayik ilukata. Tiina yi deden adi yi gwoo ko lepeŋ imugun, ⁶ꜧutu logoo kuya adi nye gw'dan go i lepeŋ lo, a ti nye ködö wöröni gwöti na wöröni lepeŋ nu.⁷Ta lo nyanyara, nan ’bayin wurökindö ta saret ludukötyo, ama lo a saret lo ’beron logoo ta a yiŋ i suluwet lo. Saret lo ’beron lo a kulyaet lo yiŋ ta lo. ⁸Kölumbö nan wurökindö ta saret ludukötyo, logoo a gwak ko Kristo i mugun ko kasu i mugunya, kogwon mudwe lo wuti kaŋo, a parara naga a gik gwe i pararaju.⁹ko ŋutu logoo kuya adi nye gwo i parara ama maman luŋaser, lepeŋ dede gwo i mude teŋ ko na ŋorna. ¹⁰ꜧut logoo nyanyar luŋaser lo, lepeŋ si'da i parara, a neneŋo ge ’bayin kayik naga tindu lepeŋ i ’doro. ¹¹Ama ŋutu logoo maman luŋaser lo, lepeŋ gwo i mude, a wöröni i mude, a tine den ko nye tu yau, kogwon mude aje tomusukgö kowen kayik.¹²Nan wurökindö ta wajik, kogwon ta aje pitöki toronjin kasu kogwon karen Krayik. ¹³Nan wurökindö ta komonye, kogwon ta deden nye logoo kata suluja i siiluet lo. Nan wurökindö ta teton, kogwon ta aje te’ya ilo Loron lo. ¹⁴Nan wurökindö ta wajik kogwon ta deden ꜧun Monye. Nan aje wurökin ta komonye, kogwon ta deden nye logoo kata suluja i suluet lo. Nan aje wurökin ta teton, kogwon ta a logo, ko kulyaet lo ꜧun gwo kasuk i töilyet, ko ta aje te’ya ŋilo Loron lo.¹⁵Ko nyarju na kak kode ŋo naga gwo i na kak, a ko lele ŋutu nyarju na kak, a nyaret na Monye gwe ’bayin kayik. ¹⁶Kogwon ŋo liŋ naga gwon i na kak kune, a ’dekesi narok ti mugun, ko 'dekesi narok ti kowen, se ko bubulesi ti gwiliŋit, kine ŋo 'bayin po ko Monye yu, ama po i na kak. ¹⁷Na kak se ko ’dekesi kayik kune tutuŋgö, ama ŋutu lo konda ’dekesi ti ꜧun, mo yeŋikin ki 'bak 'dutet.¹⁸Wajik, na gwe a koloŋ na ’dutet! gwöti na yiŋgi ta adi miriku lo Kristo ilo popo, tinana merok jore ti Kristo aje po. tiina yi denda adi na gwe a koloŋ na ’dutet. ¹⁹Lepeŋat a geladdu ’börik kaŋo kaaŋ kata, ama kö ’bayin a ti teŋ nikŋ, kogwon ko se ködö a kaaŋ, kolo ködö gwo ko yi. Ama kö a geladdu ’borik kaŋo anyen kweja adi, lepeŋat ’bayin a ti teŋ nikaŋ.²⁰Ama ta welaa ko ilo Loke lo , ko ta deden ŋo liŋ . ²¹Nan 'bayin wurökindö ta kogwon ta ako den to’diri, ama kogwon ta deden, köti ta deden adi ’burönö ’bayin na po kaŋo i to’diri.²²ꜧa logoo a ’burönit? ama a nye lo renya adi Yesu 'bayin a Masia? Lepeŋ a miriku lo Kristo, kogwon nye a renya Monye se ko ꜧuro. ²³ꜧutu lo renya ꜧuro lo ’bak Monye. ꜧutu lo ruggö ꜧuro lo lepeŋ 'döki kata ko Monye.. ²⁴ama i kuya kasuk ti ŋo naga a ta yiŋ i suluwet kune gwe ko ta. A ko ŋo naga ta a yiŋ i suluwa kune gwe kasu i toilyet, a ta koti gwe i ꜧiro lo ꜧun ko i ꜧun Monye. ²⁵ꜧo naga lepeŋ a milyekintiŋdu yi na a ru naga 'bak 'dutet. ²⁶Nan wurӧkindӧ ta kine ŋo i kuya ti ŋutulu logoo ’dek togirja ta.²⁷A ko gwöti ta, welet naga nye a we ’yi ta na gwon kasuk i mugunya, a lele ŋutu gwe ’bayin logoo ’de’dekanikin anyen todindö ta. Welet naga nye a we’yi ta na nye na todindö ta kuya liŋ. ꜧina wela nasuk a gik ’bayin a ’buröt. Nyena gwöti naga nye aje todindö ta nu, si'dani ta kayik i mugun. ²⁸Nyena wajik, si'dani ta ko Kristo i mugun, anyen ko lepeŋ mo a pukun a yi böŋö gwe a purwat, a gwe ’bak yu na kowe i po nayit. ²⁹Ko ta deden adi lepeŋ a lo rigwo, ta agu ködö kukurun adi, ŋutulu liŋ lo kondya ’bura kulo a wajik ti ꜧun.

¹Mete na nyarju a nan nagon ꜧun Monye aje tin yi na, naga a yi luŋuni a wajik ti ꜧun ! yeko, yi ’diri a wajik ti ꜧun. ko ina Kwe ŋutulu ti na kak ti den yi, kogwon se ti den lepeŋ. ²Ta lo nyanyara kilo, yi soŋinana gwe a wajik ti ꜧun, ama tinana dede a ko kweya koyi molu gwoo ada, ama yi deden adi ko nye a kweya a yi yide ge gwöti lepeŋ, kogwon yi yide memet lepeŋ gwöti na gwoni nye na. ³Nyena ŋutulu liŋ logoo yendu lepeŋ kulo toke’ya ’borik gwöti na gwoni nye a loke na.⁴Kolo liŋ lo toronda kilo a ’beleŋgu saret; kogwon, toron a ’beleŋgu na saret. ⁵Ta a den adi, lepeŋ a pukun anyen lepeŋ joŋga toronjin ti ŋutulu kaŋo, a toron gwe ’bayin ko lepeŋ. ⁶ꜧuto logon gwoo ko lepeŋ i mugun lo ti toronda; ŋuto logoo a toronda lo a ko met lepeŋ 'dӧki a ko den lepeŋ.⁷ꜧwajik, an ta korukӧkin lele ŋutu i togirja na ta. Nye lo konda torigwo lo a lo rigwo, gwoso naga Kristo a lorigwo na. ⁸ꜧuto lo konda toron, lepeŋ a lo kӧmӧri; kogwon ŋilo kӧmӧri a toronda suluja i suluwet. Ko ina Kwe ꜧuro lo ꜧun a pukun anyen körju konesi ti kömöri.⁹ꜧuto logon yuŋe ko ꜧun lo 'bayin i to ŋerot i konda toron, kogwon nyomoti lo ꜧun gwon kayik i mugun, a lepeŋ tine to ŋerot i toronda kogwon lepeŋ yuŋeni ko ꜧun. ¹⁰tiina wajik ti ꜧun ko wajik ti kömöri a kweki kaŋo, ŋutu logon ti koŋdya torigwo lo mayin ponda ko ꜧun, ko 'deki logoo ti nyar luŋasirik lo ti gwon a lo ꜧun¹¹ŋilo a loŋe logon ta aje yiŋ i suluwet lo, adi yi ködö tutunyar ko ’börik; ¹²ti gwon gwöti Kaina logon a lo kaŋönit, ko a peŋgi luŋaser loyit. Ko nyo naga nye peŋga lepeŋ? Nye peŋga lepeŋ kogwon konesi kayik a narok, a ti luŋaser loyit gwe a na ’but.¹³An ta ko sörjuTa luŋasirik, ko ŋutulu ti na kak maman ta. ¹⁴Yi a den adi yi aje laŋadu kaŋo i twan tojo i ru, kogwon yi nyanyar luŋasirik. Nye logon ti nyarju lo lepeŋ si'da i twan. ¹⁵Ko lele ŋutu maman luŋaser, lepeŋ a kapeŋanit. Ta a den adi kapeŋanit 'bak ru na yeŋ nyin kayik i mugun.¹⁶Ko ŋina kwe yi aje den nyarju, kogwon Kristo a gumakinda ru nayit kak kogwon kuya kaŋ. Nyena ti yi 'döki gumakindi ru nikaŋ kak kogwon kuya ti luŋasirik. ¹⁷Ama ko lele ŋutu kata ko toro’bo ti na kak a meddi luŋaser logon ko yöŋö na ŋo, a kindi toili loyit i won na kowen ko lepeŋ, a nyarju na ꜧun kirut gwe a nyo kayik i mugun? ¹⁸wajik kwe, ti yi gwe ti nyarju ko kulyaesi kode ko kutusin kana, ama ti yi nyarji ko konesi ko to’diri.¹⁹tiina kirut a yi dendi adi yi a ti to’diri, a yi tokorji toilyet kaŋ kayik ikomoŋ ²⁰ama ko töilyet kaŋ tomijö yi, adi yi a yaŋan, ꜧun a duma lwölwöŋ töilyet kaŋ ko deden ŋo liŋ. ²¹lo nyanyara, ko töilyet kaŋ a ko tomijö yi, adi yi a yaŋan, a yi gwe ko yinikindö ko ꜧun ikomoŋ; ²²a yi wuji ŋo nagon yi a piyun kayik kune, kogwon yi ’de’dep saresi kayik, ko a konda ŋo nagon tulyöŋgu lepeŋ kune.²³Lo a saret loyit; adi yi ködyö yuyub karen ti ꜧiro loyit Yesu Kristo, a tunyare ko ’börik gwöti na sarakindi nye yi na. ²⁴ꜧutulu liŋ logon ’de’dep saresi kayik kulo, lepeŋat si'da ko ꜧun imugun a ŋun si'dani kase i mugunya. Mulökötyo Loke logon ꜧun aje tikin yi lo tindu yi idendya adi ꜧun si'da kaaŋ imugunya.

¹lo nyanyara, an ta ko yubbö ta mulökö liŋ, ama teme ta tem mulökö, anyen ta deden ko se a ti ꜧun, kogwon nebijin ’burönök jore aje to kaŋo ina kak. ²tiina ta bubulö denda Mulökötyö lo ꜧun; kweja adi, mulökö liŋ logon tuggö adi Yesu a Masia logon a po ina kak a ŋutu lo a lo ꜧun, ³ama mulökö liŋ logon ti bulö tuggö sona kilo, ’bayin a ti Ŋun. Kilo mulökö a ti Miriku lo Kristo, kogwon ta aje yiŋ adi ŋilo Miriku lo popo, yeko, tinana lo gwe kata ikak ni.⁴ꜧwajik, ta a ti Ŋun, ko ta aje te’ya lepeŋat, kogwon logwon gwon ko ta lo a duma parik lwölwöŋ logon gwon ina kak lo. ⁵lepeŋat a ti na kak; nyenagon ŋo na jam kö na a ti na kak, ko na kak yiyiŋ lepeŋat. ⁶Yi a ti ꜧun. ŋutu logon deden ꜧun lo yiyiŋ yi, a nye logon ’bayin a lo ꜧun lo tine yiŋ yi. tiyina a yi aje den mulökötyo lo to’diri ko mulökötyo lo lyaŋan.⁷Lo nyanyara, ti yi tunyare ta tunyar ko ’börik, kogwon nyarju po ko ꜧun. ko lele logon nyanyarju lo a yuŋe ko ꜧun, ko a den ꜧun. ⁸ꜧutu logon ti nyarju lo a ko den ꜧun, kogwon ꜧun a nyarju.⁹Kogwon kineŋo a nyarju na ꜧun kwekini kayaŋ kiden, adi ꜧun a sunyundö pilili loyit lo ŋuro ina kak, anyen yi böŋö gwon jörun kogwon lepeŋ. ¹⁰I yina Nyaret, 'dayin adi yi lo nyarju ꜧun, ama nye lo nyarju yi, a sunyundye ŋiro loyit a tokelet lo toronjin kaŋ.¹¹lo nyanyara, ko ꜧun nyanyar yi sona, yi ködö 'döki tutunyar ko ’börik. ¹²ꜧutu Lele ’bayin lo ŋo met ꜧun; ama ko yi tutunyar ko ’börik, a ꜧun gwe ko yi, a nyarju nayit temakindi kaaŋ. ¹³Tiina a yi deneden adi yi gwon kayik imugun, a nye gwe kaaŋ imugunya, kogwon nye a tikin yi kayik i Mulökötyo. ¹⁴'Döki yi aje met ko a yi tokorji adi, ꜧun Monye a sunyundyö ꜧiro loyit anyen gwon a Kalwökönit lo ŋutulu tina kak.¹⁵Ko ŋutu logon tuggö adi Yesu a ꜧiro lo ꜧun, ꜧun gwon kayik imugun a nye gwe ko ꜧun imugun. ¹⁶'Döki yi aje den ko a yub nyarju nagon ꜧun a nyarji yi na. ꜧun a nyarju, ko lele logon gwon iyina nyarju gwon ko ꜧun imugun, ko ꜧun gwon kayik imugun.¹⁷Kogwon tiina, ina nyarju aje konaki i muluja kayaŋ kiden, anyen yi gwon ko yenet na to'diri i lor ’duŋet lo putet, kogwon gwöti na gwoni nye na, a yi 'döki gwe tiina ina kak. ¹⁸Kujönö 'bayin i nyarju, ama nyarju naga 'bukulung riköddu kujönö kaŋo, kogwon kujönö kita ageleŋ ko riŋet. ꜧuto logon a kujönit lo a ko konaki 'bukulung inyarju.¹⁹Yi nyarju kogwon ꜧun lo nyarju yi a kowe . ²⁰Ko ŋutu logon kuya adi, Nan nyanyar ꜧun, ama maman luŋaser, lepeŋ a ’burönit; kogwon nye logon ti nyarju luŋaser, logon nye aje met lo, tibulö nyarju ꜧun logon nye a ko met lo. ²¹'Daki, lo a saret logon yi a wu ko lepeŋ lo adi, ŋuto logon nyanyar ꜧun, 'daki ti nyarji luŋaser.

¹Nye logon yubbö adi Yesu a Masia lo a yuŋwe ko ꜧun. ko logon nyanyar monye 'daki lepeŋ nyanyar ŋwajik lo yuŋwe ko lepeŋ. ²Tiina yi deden adi yi nyanyar ŋwajik ti ꜧun, ko yi a nyar ꜧun a yi yubbi saresi kayik. ³Kogwon nyarju nikaŋ na ꜧun gwon tiina adi, yi ’de’dep saresi kayik, a saresi kayik tine gwon a toŋo ko ŋutu.⁴Kogwon ŋutu liŋ geleŋ geleŋ lo yuŋwe ko ꜧun kilo a te ’ya na kak, a na gwe a telet nagon yi te’yi na kak, yubbet nikaŋ. ⁵ꜧa logon a te'ya na kak? a nye logon yubbö adi Yesu a ꜧiro lo ꜧun.⁶Lo a nye logon a po ko pioŋ se ko rima;Yesu Kristo. lepeŋ a ko po ko pioŋ ka’de ama a po ko pioŋ se ko rima. ꜧilo a Mulökötyo Loke lo tokujö, kogon ilo Mulökötyo a lo to’diri. ⁷Kogwon katökorok kata musala, ⁸Mulökötyo Loke, ko pioŋ, se ko rima. kilo musala a torukökin i ŋo geleŋ.⁹Ko yi wuju kuya na'but ti ŋutulu, a kuya na'but ti ꜧun kune gwe aduma parik. Nyena kune a kuya na'but ti ꜧun, adi lepeŋ a jambu kuya na'but ti ꜧiro loyit. ¹⁰Nye logon a yubbö ꜧiro lo ꜧun lo, lepeŋ gwon ko kuya na'but kayik imugun. Nye logon ako yub ꜧun lo, lepeŋ aje kon ꜧun a ’burönit, kogwon lepeŋ a ko yub kuya nabut nagon ꜧun a jam ikuya ti ꜧiro loyit kune.¹¹Kulya na'but kune se kune: ꜧun a tindu yi ru na yeŋ nyin, a ina ru gwe ko ꜧiro loyit. ¹²ko logon gwon ko ꜧiro, gwon ko ru. ko logon ’bak ꜧiro lo ꜧun, lepeŋ ’bak ru.¹³Nan wurökiŋdyö ta kine ŋo anyen ta deden adi ta gwon ko ru na yeŋ nyin. to logon a yubbö karen ti ꜧuro lo ꜧun kilo. ¹⁴'Deki, na yenet duma nikaŋ kayik i komoŋ, adi ko yi a pija neneŋo gwoso na ’deggi nye na, lepeŋ yiyiŋ yi. ¹⁵''Deki, ko yi ŋo den adi nye yiyiŋ yi - a ŋo liŋ na piyun yi ko lepeŋ - yi dendi adi yi aje wu ŋo nagon yi a piyun kayik kune.¹⁶Ko ŋutu logon a meddya luŋaser ikondya na toron nagon ’bayin a twayet, ti lepeŋ kwadi kwaddu, a ꜧun mo tiŋdi lepeŋ ru. nan jambu i kulya ti kilo logon toron nase 'bayin jounda twan. Toron kata nagon jounda twan, nan 'bayin kuya adi lepeŋ kwakwaddu kogwon ina toron. ¹⁷Kulya narok liŋ a toron, ama toron kata nagon ’bayin a twayet.¹⁸Yi a den adi ko logon yuŋwe ko ꜧun 'dayin toronda. ama a lo yuŋwe ko ꜧun lo ririt mugun, a ꜧilo kӧmӧri tine ’bo lepeŋ. ¹⁹Yi a den adi yi a ti ꜧun, ko yi 'daki aden adi kak ’bukuluŋ gwon ko kӧmӧri i riŋit.²⁰Ama yi a den adi ꜧiro lo ꜧun aje po, ko aje tindu yi kuruŋdyö anyen yi deden nye logon a gik lo. 'daki yi gwon ko lepeŋ i mugun, logon a gik lo, ko ꜧiro loyit Yesu Kristo i mugun. ꜧilo a ꜧun ’diri; ko a ru na yeŋ nyin. ²¹Wajik, riteta rit ’börik i kuya ti nyömuöjin.

¹Nan temejiktyo roman ko nye ŋuto naga a wule na, se ko wajik kayik logoo nan nyanyar i to’diri kulo— ama 'bayin a nan swak 'döki se liŋ logoo deden to’diri kulo. ²Kogwon kuya ti to’diri naga gwo ko yi na, a mo gwe koyi tojo ko 'dutet. ³Ti ’busan, ko won na kowen ti matat, ko taliŋ gwe ko ta, na po ko ꜧun Monye ko na po ko Yesu Kristo ꜧuro lo ꜧun Monye ito'diri ko nyarju⁴Nan a lyöŋön parik i röju na kule wajik köluk wörö i to’diri, gwoso naga yi a wuyun ilo saret ko ꜧun Monye na. ⁵soŋinana nan mo’yu do ŋote nikaŋ, ’bayin gwöti nan wurökindö do saret ludukötyo, ama a saret logo yi a wu i suluwet lo, adi yi ködö tutunyar ko ’börik. ⁶Ina a nyarju, adi, yi ködö wörö gwöti na 'degi saresi kayik. Ilo a saret logo ta a yiŋ i suluwet lo, adi wöröni ta kata.⁷Kamumulukak jore aje lupödu kaŋo i na kak. Kolo ŋutulu tiruggö adi Yesu a Masia logoo a po ina kak a ŋutu. ꜧuto lo kuya tiina lo a kamumulukanit ko a ilu Miriku lo Kristo. ⁸medi ta ’bura anyen ta gwoo ti tolikindyö ŋo naga yi a kitaun kune, ama anyen ta wuju ropet a duma.⁹ꜧutu logoo a jalatara kowe a ge a ko ’depakinda itodinesi ti Kristo lo, lepeŋ ’bak ꜧun. Ama nye logoo ’depakinda i todinesi ti Kristo lo, lepeŋ kata ko ꜧun Monye se ko ꜧiro loyit. ¹⁰Ko lele ŋutu a tu kasu ini a gwe a ko jakinda ta kine todinesi, an ta ko wuju lepeŋ kasu i'baŋin, 'döki ko roman ta ko lepeŋ. ¹¹Kogwon ŋutu lo roman ko nye lo ŋarunda konesi kayit narok.¹²Nan kata ko kuya jore naga nan ’dek wurökindö ta, ama nan ti ’bön wurjö i waraga ko iŋka. Ama nan yendu tu i ’yö’yu na ta anyen jambu ko ta a lokomoŋ, anyen lyöŋön nikaŋ böŋö tetemakinda. ¹³Wajik ti sösur naga ꜧun 'döki a wulun na a roman ko do.

¹Nan temejiktyo roman ko do Gayo lo nyanyara, logo nan nyanyar lo i kuya ti to’diri. ²Lo nyanyara, nan momo’yu ꜧun adi ti ŋo liŋ gwe ’bura ko do ko ti mugun inot gwe a na’but, gwöti naga do a lo’but i twöli na. ³Nan a lyoŋon parik i diŋit na ’durni luŋasirik kayupök a nyonyöggi kuya ti to’diri nenut nu. Gwöti ’diri na wöröni do i kuya ti to’diri. ⁴Neneŋo ’bayin naga tulyöŋgu nan parik lwöŋgu yiŋga nio adi wajik kuwe wörö i kuya ti to’diri.⁵Lo nyanyara, do yiyiniki i konda na ŋo liŋ ’bura iloki na luŋasirik ko jurön. ⁶Lepeŋat a nyönyöggu nyarju net ikomoŋ na kanisa. do akon 'bura i sondu na lepeŋat i jölö nase ikiko lojukin ko ꜧun. ⁷Lepeŋat a tu kogwon kuya ti karen kayik, a se gwe a ko wuju neneŋo ko paganojin. ⁸Nyenaga ti yi rugge ta miret na ŋutulu gwöti kolo, anyen yi kita ko lepeŋat kulo i to’diri.⁹Nan a wurökin kanisa neneŋo, ama Diotrepi logo nyanyar gwo a togeleŋ lo lepeŋat liŋ lo, ako wuju yi. ¹⁰Ko ina kwe ko nan apo, nan de totoyiyikin lepeq ŋo liŋ na kon nye kune. Lepeŋ jambu kuya narok i kuya kaŋ. Lepeŋ ti jo ko kene, i renya na wuyunda na luŋasirik kayupök ama 'döki lepeŋ goja ma’di ŋutulu lo 'de'dkan wuju luŋasirik kayupök kulo, a riköddi se kaŋo i kanisa.¹¹Lo nyanyara, an do ko mirunda ŋo naga a narok, mirundi ŋo naga a na’but. Nye logo konda ŋo na’but lo a lo ꜧun, ama kakonanit lo ŋo narok lo a ko met ꜧun. ¹²Demetrio a wuju junyesi ko ꜧutulu jore ko i to'diri komugun. Yi 'döki jundö lepeŋ, ko ta deden adi junyet nikaŋ a gwak.¹⁴¹⁵¹³Nan kata ko kuya jore naga nan ’dek wurökindö do, ama nan ti ’bon wurjö ko galam ko iŋka. 14Nan yendu medda do idiŋit a na’dit a yi de jambi ko do a lokomoŋ. 15Ti taliŋ gwe ko do. Julin a roman ko do. Rombi julin kaŋ ini ko karensik.

¹Yuda, kakitanit lo Yesu Kristo ko a luŋaser lo Yakobo, to ko kilo logon a luŋu, lo nyanyara ko ꜧun Monye, ko a ritaki ko Yesu Kristo: ²Ti won na kowen, ko taliŋ, ko nyarju gwe ko ta parik.³lo nyanyara, i diŋit naga nan mӧrju parik i wurökindö na ta kuya ti lwökö nikaŋ na liŋ. Nan ’dek wurökindö na ta anyen tokukindö ta i mörju parik i kuya ti yupet, nagon köju a wuki ko ŋutulu ti ꜧun daŋ geleŋ ko a 'dutet nu. ⁴Kogwon kule ŋutulu kata logon a 'bolunda ’borik katani a lwön kasuk kiden. Kolo ŋutulu aje wule kaŋo köju 'beron i 'duŋöki na putet. Lepeŋat ti twöju ꜧun, ko a löpuggö 'busan na ꜧun likaŋ i tolupeton, ko a renya Duma likaŋ lo geleŋ ꜧun ko Matat Yesu Kristo.⁵Nan ’dek toyiyikindö ta, madi naga ta köju a den ’bura adi Matat köju a Lökundö ŋutulu ti Yisaraele kaŋo i kak na Ejipeto, ama 'döki a peŋgi ŋutulu logo a ko yubbö ko. ⁶'Döki malaikajin logo a ko ’daba tumatan nase, ama a kölökin pirit si'dayet nakö, ꜧun a ’delakin lepeŋat ko rereket na'bak 'duted imude logo adi 'du, tojo i lor duma ’duŋed lo putet.⁷Gwöti naga Sodoma ko Gomora se ko Jurön lo didiŋö ko se kulu, atindu 'börik i tolup na tolutan, ko a kondi tolup i kikolin logo ’bayin a ti ŋutulu i ikepodu na mugunya kune, lepeŋat gwe a miret na kilo lo wuji ŋoŋga riŋet ikimaŋ na 'bak'duted. ⁸Nyena gwöti lepeŋat, kolo karudeok 'döki toludda ’börik, kö ti ’bön ksarak, ko kö launda lepeŋat logo ko minyo kulo.⁹Ma’di Mikaele duma lo malaikajin, I diŋit na rerenyani nye ko Kaŋöönit ko a woŋe ko lepeŋ i kuya ti 'döpu na Mose nu, lepeŋ a rit mugun a ko mor kode 'duŋökindö putet ko lepeŋ ama suwak kuya adi, Ti Matat riŋge do. ¹⁰Ama kolo ŋutulu momoroju ma'di ŋo naga kö ako kurun, ko suak kurundö na kö i gwiliŋit gwöti kijakuwa naga ti den kuya, kine a ŋo naga tukarju kö kune. ¹¹Wuwu ko lepeŋat! kö a kebu kiko lo Kaina, ko a dugga ’börik i yaŋan na Balam I kuya ti 'bulit, a kö twane i gor lo 'bi Kora.¹²Kolo ŋutulu a ŋurupö lorok i budu losuk lo nyarju, lepeŋat ŋarju budu ko ta 'bak kujönö, kayukuk logo tunyeju ’borik suak. Lepeŋat a ’dikolo na 'bak kudu na wuköji ko köbuŋöt ; kaden ti ja'be lo 'bak ludweki, a twatwa adi 'du döŋin murek, a gwunye kaŋo i murulö . ¹³Lepeŋat a yalajin ti tor logo ya’yu ko riŋit, gwekinda 'börik yuu na kowe. kaser logo wörö abur, logo a wulöki mude logo adi 'du to jo ko 'dutet.¹⁴Enoka toburyo lo nyakwariat ti Adama a keju köju i kuya kase adi, Mete, Matat ilo yide popo ko alipan ti alipan ko kulu kayik loke kulo. ¹⁵Nye po i tetenakinda na putet i loki na ŋutulu liŋ, ko a riŋgi ŋutulu liŋ lo toronda i konesi liŋ ti toronyesi na kon lepeŋat, se ko kulyaesi lo pötör lo jam ŋutulu katoronyak arabat i kuya kayik ko. ¹⁶lepeŋat a kawiwinyak, woŋoro kowe i ŋo liŋ, kepoddu ’dekesi kase narok, a jambi kulyaesi lobot, a ’bu’buddi kule ŋutulu anyen röju neneŋo.¹⁷Ama ta, lo nyanyara, yeyene ta jamesi na jam luyökie ti Matat likaŋ Yesu Kristo koju kune. ¹⁸Lepeŋat köju takinda ta adi, Kule ŋutulu logo a ka’dö’döyök yide pupukun i perok ti ’dutet, logo wörö i ’dekesi kase narok naga ’bayi a ti ꜧun. ¹⁹kolo a se logo jounda kokoroja. Lepeŋat a ti mugun ko ’bak Mulökötyo Loke.²⁰Ama ta lo nyanyara, gweyundi ta ’borik ki i yupet nasu nake parik; ko momo’yi ta i riŋit na Mulökötyo Loke. ²¹Ridi ta 'börik i nyaret na ꜧun, ko möndi ta ŋariet na won na kowen ti Matat likaŋ Yesu Kristo i tindu na ta ru na 'bak 'dutet.²²Wone konyen ko ŋutulu logo dyadya’yu iyupet kolo; ²³ko lwöke kulye i jekunda na se kaŋo i kimaŋ; ama kulye kulo kweki wone na kowen ko kujönö, mane ta man ma’di boŋgo naga a bobota ko lut ti ’dekesi ti mugun.²⁴Nye logo bubulö rida ta i ’doro, ko bubulö tindu ta i gwo’dan ’bak köret kayik ikomoŋ na minyo ko lyoŋön a duma . ²⁵ꜧun geleŋ lokoŋ kalwökönit likaŋ , tomoran, ko saret, ko kido, gwe ko lepeŋ, i Yesu Kristo Matat likaŋ, suluja tinana tojo ko 'bak 'dutet. Amin.