¹ Ibuuku lyamfyalo yakwa Yesu Kristu, umwana mwaume wakwa Davidi, umwana mwaume wakwa Abramu. ² Abramu ali e wishi wakwa Isaaki, elo Isaaki ali ewishi wakwa Yakobo, elo Yakobo ali e wishi wakwa Yuda elo na wabo. ³ Yuda ali e wishi wakwa Perez elo na Zerah ukufuma kuli Tama, Perez ali e wishi wakwa Hezroni, elo Hezroni ali e wishi wakwa Ramu. ⁴ Ramu ewali wishi wakwa Amminadabu, Amminadabu ali e wishi wakwa Nahshoni, elo Nahshoni ali e wishi wakwa Salmoni. ⁵ Salmoni ali e wishi wakwa Boasi kuli Rahabu, Boasi ali e wishi wakwa Obedi muli Ruti, Obedi e wishi wakwa Yesse. ⁶ Yesse ewali wishiwi wakwa Dabidi imfumu, Davidi e wishi wakwa Solomoni muli Uriah. ⁷ Solomoni e wali wishi wakwa Rehoboamu, Rehoboamu e wishi wakwa Abiyah, Abiyah e wishi wakwa Asa. ⁸ Asa ewali wishi wakwa Yehoshafati, Yehoshafati e wishi wakwa Yoramu, elo Yoramu e cikolwe cakwa Ussiah ⁹ Ussiah e wali wishi wakwa Yotamu, Yotamu e wishi wakwa Ahasi, Ahasi e wisi wakwa Hesekiah. ¹⁰ Hesekiah ali e wishi wakwa Manaseh, Manaseh ali e wishi wakwa Amoni, elo Amoni e wishi wakwa Yosiah. ¹¹ Yosia ali e cikolwe cakwa Yekoniah elo naba wabo panshita iyo babatwele ku Babiloni . ¹² Panuma yakupiitwa ku Babiloni, Yekonia e wli wishi wakwa Shealtieli, Shealtieli ewali icikolwe cakwa Selubbabeli. ¹³ Selubbabeli ewali wishi wakwa Abiudi, Abiudi ewishi wakwa Eliakimu elo Eliakimu ewali wishi wakwa Asor. ¹⁴ Asor ewali wishi wakwa Sadoki, Sadoki e wishi wakwa Akimu, elo Akimu ewali wishi wakwa Eliudi. ¹⁵ Eliudi ewali wishi wakwa Eliasa, Eliasa e wishi wakwa Matthani, elo Matthani e wishi wakwa Yakobo. ¹⁶ Yakobo ali e wishi wakwa Yosefu umulume wakwa Maria, umo umwaishile kufyalwa Yesu, uyo uukutwa Kristu. ¹⁷ Inkulo shonse ukutula pali Abramu ukushinta pali Dabidi shali inkulo ikumi na shine, ukutula pali Dabidi ukushinta no kupiitwa ukuya mu Babiloni shali nkulo ikumi na shine, elo ukutula pa kupitwa ku Babiloni ukushinta napali Kristu shali inkulo ikumi na shine. ¹⁸ Ukufyalwa kwakwa Yesu kwacitikile muli uyu musango. Nyina wakwe, Maria, alikobekelwe ukupwa kuli Yosefu, nomba ulo tabalaba pamo, alisangilwe ukuti aliimitile ifumo lya mu Mupashi wa Mushilo. ¹⁹ Nomba Yosefu, umulume wakwe, ali umuntu umololoke elo talikufwaya ukumusebanya pa lwalala, kanshi alikutontonkanya fye ukumuleka mu bumfisoolo. ²⁰ Ulo alikutontonkanya pali ifi, malaika wakwa Shikulu alimonekele kuli ye mu ciloto, nokulanda ati, ''Yosefu mwana Dabidi, witina ukubula Maria ukuba umukashi obe, pantu uyo uwimitilwe muli ye emitilwe ku Mupashi wa Mushilo. ²¹ Akafyala umwana umwaume, elo muka mukuta ne shina lyakwe ati Yesu, pantu u kapususha abantu bakwe ukufuma mumasambi.'' ²² Nomba nefi fyonse fyacititikile pa kufikilisha ifyalandile Shikulu ukupitila muli kasesema, ukuti, ²³ ''Boneni, na cisungu ali nokwimita elo noku fyala umwana umwaume, elo baka mukuta ne shina lya Immanueli''--ico icipilibula, ''Lesa twaba naye.' ²⁴ Yosefu alyalamukile ukufuma mu tulo elo nokucita nge fyamwebele malaika, elo alimubulile nokuba umukashi wakwe. ²⁵ Nomba tamwishibile mpaka fye nokupapa umwana umwaume. Eluntu ba mwinikile ne shina ati Yesu.

¹ Panuma ninshi Yesu alifyelwe mu Betelemu uwa mu Yudeya mu nshiku shakwa Herodi imfumu, abaume abasambilila bafumine ku kabanga no kufika mu Yelusaleemu nokulanda ati, ² ''Bushe ali kwisa uyo uu fyelwe Imfumu yaba Yuda?'' Twalibwene ulutanda lwakwe ku kabanga eulu twaisa muku mupepa.'' ³ Uluntu Herodi imfumu yaumfwile ifi, yalisakamene, elo Yelusaleemu onse pamo na ye. ⁴ Herodi alongenye pamo bonse abakulu baku ba shimapepo elo naba kalemba ba bantu, elo abepwishe ati, ''Bushe nikwisa uko Yesu ali nokupapilwa?'' ⁵ Balandile kuli ye ati, ''Ni mu Betelemu uwa mu Yudeya, pantu ifi efyalembelwe na kasesema, ⁶ 'Nomba webo, we Betelemu uwa mu calo cakwa Yuda, tewe uwacepesha muli ba kateka abamu Yuda, pantu nimuli webo emukafuma kateka uyo uukacema abantu bandi Israeli.' ⁷ Eluntu Herodi mubumfisolo akutile abaume balya abasambilia pakuti abepushe bwino bwino inshita ulutanda lwamonekele kuli bo. ⁸ Abatumine Betelemu, nokubeba ati, ''Kabuyeni muye kufwailikisha mukutekanya palwa uyu umwana umunono. Uluntu mukamusangana, mukese kucinkulako pakuti nandibo kuti naisa elo nokwisa kumupepa.'' ⁹ Panuma yakukutika ku mfumu, balikonkenyepo ukuya, elo no lutanda ulo ba bwene ku kabanga lwalibatangille mpaka lwaisa kutalama shinkinta apali umwana munono. ¹⁰ Uluntu babwene ulutanda, balisasansamukile ne nsansa ishakucilapo. ¹¹ Balingile mu ŋanda no kubona umwana umunono ali na Maria nyina. Baliwile panshi elo noku mupepa. Baliswile ifyuma fyabo elo noku mutula ifyabupe fya golide, ulubani, elo na muri. ¹² Lesa alibasokele mu ciloto no kubakanya ukubwelela kuli Herodi, eico balibwelelemo ku calo cabo ukubomfya inshila imbi. ¹³ Panuma yakufuma kulya, malaika wakwa Shikulu alibonekele kuli Yosefu mu ciloto elo noku mweba ati, ''Alamuka, bula umwana umunono elo na nyina, elo no kufulumukila ku Egupito. Ukekale kulya kwine mpaka nkakwebe, pantu Herodi akafwaya umwana umunono no kumonaula.'' ¹⁴ Ubushiku bweka bulya Yosefu alimine nokubula umwana umunono elo na nyina elo nokuya ku Egupto. ¹⁵ Alikele kulya mpaka no kufwa kwa kwa Herodi. Neci cafikilishe ifintu Shikulu alandile ukupitila muli kasesema ati, ''Nakutile umwana mwaume wandi ukufuma mu Egupito.'' ¹⁶ Eluntu Herodi, uluntu abwene ukuti nabaume abamano balimutumpikile, ali fulilwe nganshi. Alitumine elo no kwipaya bonse abana baume abo abali mu Betelemu elo na mucitungu conse cilya abafikile pa mushinku wa myaka ibili elo nokubwelela panshi, ukukonka ne nshita iintu abepelwemo ku ukufuma baume abamano. ¹⁷ Eluntu cafikilishiwe ico icalandilwe na kasesema Yeremia, ¹⁸ ''Ishiwi lyalyumfikile mu Ramah, ilya musowa no kulosha ukukulu, Rachel alelosha pa bana bakwe, elo alikene noku mutalalika, pantu tabalipo nakabili.'' ¹⁹ Uluntu Herodi afwile, boneni, malaika wakwa shikulu alibonekele kuli Yosefu mu ciloto mu Egupto elo no ku mweba ati, ²⁰ ''Ima noku bula umwana pamo na nyina elo ulekuya naku calo ca Israeli, pantu abo abali kufwaya umweo uwa mwana balifwa. ²¹ Yosefu epakwima, nokubula umwana na nyina, no kwisa ku calo ca Israeli. ²² Nomba uluntu aumfwile ati Akaleo ewalikuteka mu Yudeya pa cifulo yakwa wishi Herodi, alitinine ukuya kulya. Panuma Lesa amusoka mu ciloto, alifumine mu citungu ca Galilee ²³ elo aile nokuya kwikala mu musumba uukutwa Nasareti. Ifi fyafikilishe ifyo ifya landilwe ukupitila muli ba kasesema, ukuti bakalekumukuta umwina Nasareti.

¹ Munshiku shilya Yoani kabatisha alishile akobilikisha mumatololo ayamu Yudeya ati, ² ''Lapileni , pantu ubufumu bwamumulu buliipalamine.'' ³ Pantu ni uyu wine uo balekulandapo kuli Esaya kasesema , ati, '' Iswiwi lya umo likobilikisha mumatololo , ' Pekanyeni inshila yakwa Shikulu , pangeni ne nshila yakwe iyakololoka.'' ⁴ Nomba Yoani alikufwala amasako yanga mali ne lamba lya mpapa mumusana wakwe. Ifilyo fyakwe fyali ni makanta elo no buci bwa mumpanga. ⁵ Eluntu Yerusalemu , Yudeya onse, kabili necitungu conse icashingulukile umumana wa Yordan baile kuli ye. ⁶ Balibatishiwe kulio mumumana wa Yordani, no kuyebelela amasambi yabo. ⁷ Lelo uluntu abwene abengi abamu ba Falisei na ba Saduki bakoisa kuli yee mukubatishiwa, alibebele ati, '''Mwebana ba nsoka mwe, ninani amisokele ukufulumuka ubukali ubo ubukoisa? ⁸ Mutwale ifisabo ifyakulingana no kulapila. ⁹ Mwilakutontonkanya no kulanda umo mubelele ati , 'Tulikwete Abrahamu nga tata! Pantu nebo nkolanda kuli mwebo ati, Lesa alikwete amaka yakwimya abana bakwa Abrahamu nangufye ukufuma muli aya yene mabwe. ¹⁰ Kale kale isembe lilibikilwe pamishila yafiti. Eico iciti conse ico icitatwala ifisabo ifyabune bakacitema no kuciposa mumulilo. ¹¹ Nkomibatisha na menshi pakulapila. Lelo uyu ukoisa panuma yandi alikwatishe amaka aya kuncila, kabili ntalingile no kupita ifyakumakasa fyakwe. Akamibatisha ku mupashi wamushilo elo na kumulilo. ¹² Ulupe lwakululwilapo ali nalo mumaboko yakwe, akafumyamo inkapa shonse isha ŋano mu musolo no kulonganya iŋano shakwe mu ŋanda yakusungilamo. Lelo akoca ifisoso mumulilo uyo uutangashiwilwa. '' ¹³ Eluntu Yesu aishile ukufuma ku Galileya nokuya ku mu mana wa Yordani kukubatishiwa kuli Yoani. ¹⁴ Lelo Yoani alikonkenyepo ukwesha ukumukanya ati, Nebo nine nko kabila ukubatishiwa kuli webo, lelo niwe waisa kuli nebo?'' ¹⁵ Yesu alimwasukile no kulanda kuli ye ati, ''Cisuminishe nomba, pantu cililungeme kuli fwebo ukufikilisha ubulungami bonse.'' EluntuYoani amusuminishe. ¹⁶ Napanuma ulo abatishiwe, Yesu aliminine apopene ukufuma mu menshi, kabili boneni imyulu yalisukile kuli yee. Alibwene no mupashi wakwa Lesa ukoika ukubati lu kunda kabili no kwikala pali yee. ¹⁷ Boneni, Ishiwi lyaishile ukufuma mumyulu nokulanda ati, '' Uyu emwana mwaume wandi uo natemwisha. Muli ye emo nsansamukila.''

¹ Eluntu Yesu atungulwilwe nomupashi nokuya mumatololo kukutunkwa na cibanda. ² Uluntu alekele ukulya panshinku amakumi yane akasuba no bushiku, ali nensala. ³ Awe katunka alishile no kulanda kuli yee, ati '' ngacakweba ati uli umwana wakwa Lesa, konkomesha aya mabwe yaluke umukate.'' ⁴ Nomba Yesu alyasukile no kulanda kuli yee ati,''Calilembwa ati , 'umuntu tekalila kumukate wekafye, lelo na kwishiwi lyonse ilifuma mukanwa kakwa Lesa.'' '' ⁵ Eluntu cibanda amupiitile kumusumba wamushilo no kumutwala pamulu wetempele, ⁶ elo alanda kuli yee ati , ''nga cakwebati uli mwana wakwa Lesa , uipose panshi we mwine, pantu calilembwa ukuti, 'Ena akakonkomesha bamalaika bakwe kukusungilila,' 'Elo. bakakupita mumaboko yabo, pakutila webo wikaipuntula ulukasa lobe kwibwe.''' ⁷ Yesu alandile kuli yee ati, ''Nakabili calilembwa, aciti 'wilakwesha imfumu Lesa obe.''' ⁸ Nakabili, cibabanda amupitile palupili ulutali elo amulangisha amabufumu yonse aya mu calo no ululumbi lwayako. ⁹ Elo alanda kuli yee ati, '' Fyonse ifi fintu nkokupa, nga cakuti wawa panshi no nkupepa.'' ¹⁰ Eluntu Yesu alandile kuli yee ati, '' Kabuye fuma pano we Satana! Pantu calilembwa ati, 'uli no kupepa shikulu Lesa obe elo no kubombela ena epela'''. ¹¹ Awe na cibanda alimushile, nomba boneni, bamalaika balishile no kumubombela yee. ¹² Nomba uluntu Yesu aumfwile ukuti, Yoani balimwikete, aile mu Galile. ¹³ Ena afumine ku Nazareti nokuya kwikala mu Kapenamu, uwali mumbali ya bemba wa Galile mu mpanga yakwa Zebuloni na Nafutali. ¹⁴ Ifi fyacitikile pakufikilisha ifyalandile Esaya kasesema. ati, ¹⁵ ''Impanga yakwa Sebuloni ne mpanga yakwa Nafutali , ukulola kuli bemba, ukucila kwishilya iya Yodani na ku Galileya wabena fyalo! ¹⁶ Abantu abaikele mumfinshi balibwene ulubuto lukalamba, nabo abaikele mu citungu namu cinshingwa ca mfwa, pakati kabo ulubuto lulisanikile'' ¹⁷ Ukutulafye pali ilya ine panshita Yesu alitampile ukushimikila nokulanda ati, '' lapileni, pantu ubufumu bwamumulu bulipalamine.'' ¹⁸ Ulo alikwenda mumbaali ya bemba wa Galile, abwene ba ndume babili, Simoni uwalikukutwa Petelo, na Andereya wabo, bakoposa isumbu mumenshi, ico bali bashila besabi. ¹⁹ Yesu alandile kulibo ati, '' Iseni, kokeni nebo, elo nkomicita abaashila ba bantu.'' ²⁰ Ulo lwinefye balishile l amasumbu nokumukonka. ²¹ Awe Yesu ulo acili akoya abwene indume shimbi shibili, Yakobo mwana Sebede, na Yoani wabo. Bali mubwange na Sebede shibo bakolunda amasumbu yabo. Alibakutile, ²² nabo ulolwine fye bashile ubwange elo nashibi elo nokumukonka. ²³ Yesu aendaukile monse mu Galile, akofunda mumasungoge yabo, alikubila imbilansuma yabufumu no kuposha amalwele yamisango yonse na malwele ayali mubantu. ²⁴ Ilyashi pali yee lwakumene monse mu Syria, na bantu baleleta kuli yee abo bonse abalekucushiwa ukufuma kumalwele yakupusana pusana elo no nefya kukalipa, abo abalikucushiwa ne ngulu, abacipumputu, elo nababulebe. Yesu ali baposeshe. ²⁵ Amabumba ayakuku yalimokonkele ukufuma ku Galile, ku Decapoli, na ku Yudeya, noku cila ubushilya bwa Yodani.

¹ Uluntu Yesu abwene amabumba ya bantu, alile pa mulu wa lupili. Uluntu aikekeleko panshi, abasambi bakwe balishilekuli ye. ² Ayasamwine akanwa kakwe elo atampa ukubasambilisha, ati, ³ ''Bakushuka abalanda mu mupashi, pantu ubufumu bwa mu mulu bwabo. ⁴ Bakushuka abo abalosha, pantu Lesa akabatalalika ⁵ Bakushuka abo abakufuka, pantu bakapyana icalo ⁶ Bakushuka abo abomfwa insala elo ne cilaka icakucita ubulungami, pantu bakekuta. ⁷ Bakushuka abo abakwata luse, pantu nabo bakabelelwa ulusu. ⁸ Bakushuka abo abakubuta imitima, pantu bakalekumona Lesa. ⁹ Bakushuka abo abaleta umutende, pantu bakakutwa abana bakwa Lesa. ¹⁰ Bakushuka abo abapakaswa pa mulandu wakucita ubulungami, pantu bwabo ubufumu bwa mu mulu. ¹¹ Mulibakushuka mwebo ngacakuti abantu bakomituka insele elo noku mipela imilandu elo nokulanda ifintu ifyabubi ifyakulekanlekana pa mulandu wandi. ¹² Mulekusansamuka elo nokusangalala, pantu icilambu cenu cikulu mu mulu. Pantu ni muli uyu wine musango abantu balikucushishamo bakasesema abamitangililile. ¹³ Mwebo nimwe mucele wa pano calo. Nomba umucele nga wafumuka, bushe kuti waloweshiwa shani nakabili? awe tekuti uwamye akantu nakabili kano ukuuposa panse elo nokuleku unyantaulapo ku maksa ya bantu. ¹⁴ Nimwebo lubuto lwa calo. Umusumba uo bakula pa mulu wa lupili tekuti baufise iyoo. ¹⁵ Tapaba abantu abasanika icisaniko elo nokucifimbapo museke, nomba bacibika apakusansuka elo nokusanikila bonse mu ŋanda. ¹⁶ Lekeni ulubuto lwenu lulekusanikila abantu icakuti nga bamona imicitile yenu iyabune elo balekulumbanya Shinwe uwamu mulu. ¹⁷ ''Mwilakutontokanya ukuti nebo naisa mukonula amafunde nangu ba kasesema. Nshaisa mukuyonaula, nomba naisa mukuyafikilisha. ¹⁸ Pantu nkomyeba mucine cine mpaka umulu elo ne calo fikapita. takwakabe akalembo akacepesha nangu akaputulwa akacepesha akakafumapo mu musango uli onse,mpakafye ifintu fyonse fikafikilishe. ¹⁹ Eico kanshi uyo onse uutobapo akalifunde nangu fye akanono elo nokusambilisha nabambi ukucita ifyo fine bakamukuta uwakucepesha mu bufumu bwamu mulu. Nomba uyo onse uwayasunga elo nokuyasambisha bakamukuta umukulu mu bufumu bwamu mulu. ²⁰ Pantu Nkolanda kuli mwebo nati kano fye ubulungami bwenu bwacilapo pa bulungami ubwakuba kalemba elo naba Falise, ninshi tamwakabale amwingila mu bufumu ubwa mulu mu musongo uli onse. ²¹ ''Mwalyumfwa ukuti calilandilwe kuli bo mu nshita yakale ati, 'Mwilakipaya', elo 'Noyo onse uwaipaya akaba no mulandu wakupingulwa.' ²² Nomba nkomyeba ukuti uyo onse uwafulilwa munyina ninshi aba no mulandu uwakupingulwa; elo noyo onse uweba munyina ati, 'We mungwa we!' ninshi aba no mulandu kabili ali kuya ku cilye icikulu; elo uyo onse uwaeba munyina ati, 'We mupuka we!' ali no mulandu wakuposwa mu mulilo wa pe. pe. ²³ Eico kanshi nga ulepela ubupe pa cipailo elo waibukisha ukuti munyina alikulufyenye, ²⁴ uleke icabupe cobe pa ntanshi ya cipailo, nkubwelela mo. Utampilepo ukubweshanya na munyina, elo eluntu wise elo nokwisa kupela icabupe cope. ²⁵ Suminishanyeni no mulwani obe bwangu bwangu ulo muli naye ninshi muleya ku cilye ca milandu, epali umulwani obe kuti akulekela mumuboko yakubaka pingula, elo kapingula kuti akutwala mu maboko yaba shilika, elo nokukuposa mu cifungo. ²⁶ Nde myeba mu cinecine nati, tawakate ukufuma mulya mpaka fye ukaliple naka nndalama ka kulekelesha ako ²⁷ Mwalyumfwa ukuti calilandilwe aciti, 'Mwilakucita ubucende.' ²⁸ Nomba Nebo nkolanda ati uyo onse uwa lolekesha umwanakashi bubi bubi ninshi kaale kale alicitile ubucende naye mu mutima wakwe. ²⁹ Nga cakuti ilinso lyobe ilyaku kulyo elyakulengesha ukuipuntula, ulitonkolemo elo nokuliposa ukutali ukufuma kuli we. Pantu kuti cawama iciputulwa cimo icakumubili obe ecaloba ukucila umubili obe onse ukuya kuposwa mu mulilo wape. ³⁰ Nga cakuti ukuboko kobe ukwaku kulyo ekwakulengesha ukuipuntula, ukuputuleko elo nokukuposa ukutali ukufuma kuli we. Pantu kuti cawamapo icipandwa cimo icakumubili obe ukuloba ukucila umubili onse ukuya kupya mu mulilo wa pe. ³¹ Calilandilwe nakabili aciti, ''Uyo onse uwakaana umukashi wakwe, amupele kalata wakumukana. ³² Nomba Nebo ndemyeba ukuti onse uwalekana no mukashi wakwe, ukucila fye pa mulandu wa bucende, amulenga ukuba umucende. Na onse uwamupa panuma yakupwa kwa fyupo ninshi alecita fye ³³ ''Nakabili, mwalyumfwile ukuti calilandilwe ku bakukale aciti, 'Wilakulapa umulapvwabufi, nomba ulekutwala ukulapa kobe konse kuli Shikulu.' ³⁴ Nomba Nebo nkomyebaba nati, mwilakwesha ukulapa iyo, nangu ni mu mulu, pantu ecipuna cakwa Lesa; ³⁵ nangu ku calo, pantu ecipuna ca makasa yakwe; nangu kuli Yelusaleemu, pantu e musumba wa Mfumu iikulu. ³⁶ Kabili wilakulapa na ku mutwe obe wine, pantu webo tawingapangapo umushishi uwakubuta nangu uwakufita. ³⁷ Lelo uleke ukulanda kobe kube 'E, e' nangu 'Iyo, Iyo'. Conse icakucila pali ifi ninshi cakufuma kuli satana. ³⁸ ''Kabili mwalyumfwa ukuti calilandilwe ukuti, 'Ilinso pa linso, ne lino pa lino.' ³⁹ Lelo Nebo nkomyeba nati, mwilakulwishanya no muntu uwabubi. Lelo umuntu nga akutoba ulupi kwi saya lyaku kulyo, umwalwile nelinakwe line ⁴⁰ Nga ca kweba atii umuntu akutwala ku cilye ca milandu elo akofwaya ukukupoka icifwalo cobe, uleke uyo muntu apite no mwingila wine. ⁴¹ Onse uwakupatikisha ukuya naye umulundu umo, ulekuya naye imilundu ibili. ⁴² Ulekupa onse uwakulomba, elo wilakukanina onse uukofwaya ukwashima kuli we ⁴³ ''Mwalyumfwa ukuti calilandilwe ukuti, ''Mulekutemwa abena mupalamano elo mulekupata abalwani benu.' ⁴⁴ Lelo Nebo nkomyeba ukuti, mulekutemwa abalwani benu elo mulekutemwa nabo aba misonsomba, ⁴⁵ epakuti mwingaba abana bakwa Shinwe uwamu mulu. Pantu alaleka akasuba ukusanika pa babubi elo napaba bune, elo alaloka imfula paba kulungama elo napa kumalala. ⁴⁶ Pantu nga cakuti mwatemwa fye abo abamitemwa, bushe cilambu ndo mukapokelapo? Bushe naba kasonkesha ba misonko tabacita icintu cimo cine? ⁴⁷ Nga cakuti muposhanya fye naba munyine nwe, findo ifyo mukocita ificililepo ifyo ifitacita bambi? Bushe tali na bena fyalo balacita icintu cimo cine? ⁴⁸ Eico kanshi mulekuba abakupwlilika ku bune, nga filya Shinwe wa mu mulu aba uwakupwililika.

¹ ''Boneni ukuti mwilakucita imilimo iyabune pakuti fye abantu balekumibona, nga mulecta ifyo tamwakamone icilambu ukufuma kuli Shinwe uwaba mu mulu. ² Eico uluntu webo ukopela ifya nkumbu, wilakwabilisha pamo nga filya ba bumbi munda bacitamu ma sinagoga namu misebo, epakuti balekubalumbanya ku bantu. Icine fye nko myeba nati, balipokolela icilambu cabo icakufikapo. ³ Lelo uluntu ukopela ifyakukumbusuka, wileka ukuboko kobe ukwa kukuso kwishibe ifyo ukuboko kwa kukulyo kukocita ⁴ epakuti icabupe cobe cibe fye mu bumfisolo. Eluntu Wiso uubona mubumfilo akakulambula. ⁵ ''Uluntu mwebo mukopepa, mwilakuba ukabati niba bumbi munda, pantu bo balitemwa ukutalama elo nokupepa muma sinagogi elo namu misebo pakuti balekubabona ku bantu. Icine fye nkomyeba nati, bo balipokelela icilambu cabo. ⁶ Lelo mwebo, uluntu mukopepa, mulekwingila mu muputule wenu uwamukati. Mwisaleko iciseko elo nokupepa kuli Shnwe, uyo uwaba mu bumfisolo. Eluntu Shinwe uubona mubumfisolo akamipela icilambu. ⁷ Uluntu mukopepa, mwilakubwekesha bwekeshapo ifintu fimo fine ifitakwete bupilibulo ukubati nifilya Abena fyalo bacita, pantu bo batontonkanya ukuti bakabomfwa pamulandu wa mashiwi yabo ayakufula. ⁸ Eico kanshi, mwilakuba ukubati nibo, pantu Shinwe alishiba fintu ndo ifyo mukokabila ulo tamulamwipusha. ⁹ Eico kanshi mulekupepa ukubati nifi: 'Tata wesu uwaba mu mulu, lekeni ishina lyenu lilumbanishiwe nga ilya mushilo. ¹⁰ Lekeni ubufumu bwenu bwise. Lekeni ukufwaya kwenu kucitike pano pa calo ukubati ni mu mulu. ¹¹ Tupeleni buno bushiku umukate wesu uwacila bushiku. ¹² Mutubelele uluse ku masambi yesu,nga filya fine nafwebo tubelela abatulufyanya. ¹³ Mwitulekela mu matunko, lelo mutupusushe ukufuma ku mulwani' ¹⁴ Pantu nga cakuti mwabelela abantu uluse ukulufyanya kwabo , na Shinwe wa mu mulu naye akamibelela uluse. ¹⁵ Lelo nga cakutila ati tamubabelele uluse kufyo bamilufyanya, na Shinwe wa mu mulu naye wine takamibelele uluse ku fya kulufyanya kwenu. ¹⁶ ''Uluntu mukofunga ukulya, mwilakulanga pa menso bulanda bulanda ukubati nifilya ba bumbi munda bacita, pantu bo balabifya pa menso pakuti bababone ku bantu ati bakofunga ukulya. Icine fye Nkomyeba ati, bo balipokelela icilambu cabo icakufikapo. ¹⁷ Lelo mwebo , uluntu mukofunga ukulya, musube umutwi wenu amafuta no kusamba pa menso ¹⁸ pakuti cilakuboneka kuli bambi ati mukofunga ukulya, lelo kuli shinwe fye uwamubumfisolo; elo shinwe uubona mu bumfisolo eukamilambula. ¹⁹ ''Mwilakuisungila mwebene ifyuma pano pa calo, apo ububenshi ne ndalabwa shonaula, elo apo naba pompwe batoba nokwiba. ²⁰ Lelo, mulekubikisha ifyuma fyenu mu mulu, umu umo ububenshi ene ndalabwa tashanonaula, elo umo umo bapompwe tabatoba elo nokwiba. ²¹ Pantu uko ifyuma fyobe fyaba uko kwine ekuba no mutima obe ²² Ilinso ecisaniko ca mubili. Eico kanshi, nga cakuti ilinso lyobe labune, no mubili onse uleulamo no lubuto. ²³ Lelo nga cakuti ilinso lyobe lyabubi, no mubili obe wiula mo fye imfinshi. Eico kanshi, nga cakweba ati ulo ulubuto ulwaba muli webo lwena ni mfinshi, bushe bukulu ndo ubwaba mulu iyi mfinshi! ²⁴ Takwaba nangu umo uwinga tumika bakanabesa babili, pantu kuti apatapo umo elo nokutemwapo umbi, nangu nga teifyo kuti aipeleshapo kuli umo elo nokulekeshapo umbi. Tekuti utumike Lesa elo ne fyuma. ²⁵ Eico kanshi Nkolanda kuli mwebo nati, mwilkusakamana pa mwo wenu, pafyo mukolya nangu ati findo mukonwa; nangu pa mubili wenu, ati findo mukofwala. Pantu bushe umwo tawacilapo pa filyo, elo no mubili tawacilapo pa fifwalo? ²⁶ Boneni ku fyoni ifya mu lwelele. Tafibyala nangu ukusombola nangu ukututila mu matala, nomba Shinwe uwa mu mulu alafilisha. Bushe tamwacilapo ukucindama pali fyo? ²⁷ Bushe ninani pali mwebo uwingasakamana ukulundapo inshita imo pa mweo wakwe? ²⁸ Bushe nindo ico musakamanina pa fifwalo? Tontonkanyeni pa maluba ayamu ya fyonde, ifyo yakula. Tayabomba, elo tayabila ne fifwalo. ²⁹ Lelo Nkolanda kuli mwebo ukuti, nangu ni Solomoni mu bucindami bwakwe tatalile ukufwalapo ukubati nyaya amaluba. ³⁰ Nga cakuti Lesa akofwika ifyani ifya fyonde, ifyo ifibako fye lelo elo mailo bafiposa mu mulilo, findo fingacila pali ye ukufwika mwebo, mwebo mweba cisumino icinono? ³¹ Eico kanshi mwilakusakamana nokulanda ati, 'Findo ifyo tukolya?' nangu ati 'Findo ifyo tukonwa?' nangu ati 'Fifwalo ndo ifyo tukofwala?' ³² Pantu nabena Fyalo balafwaya ifi fintu, elo na Shinwe uwa mumulu alishiba ukuti mulafikabila. ³³ Lelo pakutampa fwayeni ubufumu bwakwe no bololoke bwakwe, elo nefi fintu fyonse fikapelwa kuli mwebo. ³⁴ Eco kanshi, mwilakusakamana pali mailo, pantu mailo ikaisakamana iine. Cila bushiku bwali ikwatila ifyabubi fya buko.

¹ "Mwilakupingula, namwe tamwakapingulwe. ² Pantu umomwine mupingwila emo namwe mukapingwilwa, ne cipimo ico mwebo mupima, cikapiminwa kuli mwebo. ³ Cindo ulolekesesha pa kapapala ka musanse ako akali mulinso lyakwa wenu, nomba webo taukocibona icimulando icili mulinso lyobe? ⁴ Kuti walanda shani kuli wenu ati, 'Leka mfumye akapapala ka musanse akali mulinso lyobe; lelo icimulando cili mulinso lyobe? ⁵ Mwe ba mumbi munda mwe! Pakutampa fumya umulando mulinso lyobe, eluntu ninshi walabona bwino sana ukufumya akapapala ka musanse ako akali mu linso lya kwa wenu. ⁶ Wilakupela icili icamushilo kumbwa, kabili wilakuposa mapapa kuntanshi yakuba kapoli. Pantu limbi kuti banyantaula ifi kumakasa, kabili no kwaluka no kukusantaula mutumpifya. ⁷ "Lombeni, elo cikapelwa kuli mwebo. Fwayeni, elyo mukasanga. konkosheni, elo cikeswilwa kuli mwebo . ⁸ Pantu onse uulomba, alapokelela; Onse uufwaya alasangana; Elo na ku muntu uukonkonsha, cileswilwako. ⁹ Nangu ninani pali mwebo, nga cakuti umwana mwaume wakwe alomba umukate, uwinga mupeela iilibwe? ¹⁰ Nangu nga alomba inswi, kuti amupeela insoka? ¹¹ Eico, nga cakuti ifi mwebo mwe ba bifi mulishibile ifyo muli no kupela ifya bupe fyabune ku bana benu, nifinga ifyakucilapo akalundapo Shinwe wa mu mulu uupela ifintu ifyabune kuli bo aba mulomba? ¹² Eico, fyonse ifyo mufwaya abantu ukucita kuli mwebo, namwe efyo mufwile ukucita kuli bo, pantu ili lifunde no busesemo. ¹³ "Ingileni ukupitla pa mpongolo ya kumfyemfyenkana. Pantu impongolo yakusalala ne nshila ya kupabuka iitwala kuboni, kabili kwaba abantu abengi aba ipitamo. ¹⁴ Lelo Impongolo ya kumfyemfyenkana kabili ne nshila yakwafya iyo iitwala ku mweo, kabili baba abanono abaisangana. ¹⁵ "Muleku cengela naba kasesema wa bufi, abesa kuli mwebo mu mpampa sha mpanga lelo mucishinka mimbulu yakukalipisha. ¹⁶ Kufisabo fyabo mwebo eko mukabeshibila. Bushe abantu balonganya imyangashi ukufuma ku fiti fya myunga nangu imikunyu ukufuma ku nkololo? ¹⁷ Mu nshila imo ine , conse iciti cabune citwala ifisabo ifyabune, lelo iciti cabubi citwala ifisabo fya bubi. ¹⁸ Iciti cabune tekuti citwale ifisabo fya bubi nelyo iciti cabubi tekuti citwale ifisabo fyabune. ¹⁹ Conse iciti ici tatwala ifisabo fyabune balacitema ele no kuposwa mu mulilo. ²⁰ Eico kanshi, muli nokubeshibila kufitwalo fyabo. ²¹ Te onse uulanda kuli nebo ati 'we shikulu , we shikulu,' eukengila mubufumu bwa mumulu, lelo kano fye abo beka abacita ubufwayo bwa kwa Tata uwaba mu mulu. ²² Abengi abantu bakalanda kuli nebo muli bulya bushiku ,'we shikulu , we shikulu , bushe fwebo tatwasesemene mwishina lyobe, na mwishina lyobe tatwatamfishe ingulu, kabili mwishina lyobe twacitile ifingi ifisungusho?' ²³ Eluntu nebo umufuma cumi nkabebelapo ati, 'nebo ntamishibile fumeni pali nebo, mwebo mwe batakonka mafunde!' ²⁴ Eico Kanshi, onse uumfwa amashiwi yandi noku yakonka akaba ukubati umuntu mano uwa uwakuulile iŋanda yakwe pe bwe. ²⁵ Imfula yalilokele, mulamba alishile na mapunga yalimine no kupuma muli iyo ŋanda, lelo tayawile, pantu yakulilwe pebwe. ²⁶ Lelo uyo onse umfwa amashiwi yandi no kukana yakonka akaba ukubati cipuka camuntu ico icakulile iŋanda yaciko mu mucanga. ²⁷ Imfula yalilokele ,mulamba alishile namapunga yalimine no kupuma kuli ilya ŋanda , kabili yaliwile, elo noboni bwaiko bwalipwililikile.'' ²⁸ Ifyacitikile fyakuti, uluntu Yesu apwilishe ukulanda aya mashiwi , amabumba yali papukile pamifundile yakwe, ²⁹ pantu aalikubasambilisha ukubati ni uyo uwa kwete insambu, lelo tashali nge sha kuba kalemba babo.

¹ Uluntu Yesu atentemwikile ulupili amabumba ayakulu yalikumukonkele . ² Boneni, Kabili uwafibashi aishile kuli yee no kufukama kuli yee, nokuland ati, '' Wemfumu, ngamulitemenwe, kuti mwasangulula nebo. ³ Yesu alitambalikile ukuboko kwakwe elo ali mwikete, nokulanda ati, '' Nditemenwe sangululwa.'' ulolwine fye naye alisangulukile kubashi fyakwe. ⁴ Yesu alandile kuli yee ati, '' Bona ukuti taulandile nangu cimo kumuntu uuli onse. Kabuye uye kuilangisha wemwine kuli bashimapepo, elo ukapele icabupe nga fintu Mose akonkomeshe, kukuba ubunte kuli bo.'' ⁵ Uluntu wo alikwisa mukapenamu, mushika wapamwanda aishile kuli yee, ⁶ akomupapata elo alandile ati, '' Mwemfumu , umubomfi wandi aliilwele pa ŋanda ali nobulebe akocushiwa cibi.'' ⁷ Elo Yesu alandile kuli yee ati, '' nalaisa nokwisa kumuposha.'' ⁸ Mushika alyasukile nokulanda ati ,'' Mwemfumu nebo ntalingile ukuti mwebo mwingile m ŋanda yandi. Landanifye ishiwi elo nomubomfi wandi akopola. ⁹ Pantu na ndibo ndimuntu uwasontwa namaka, elo ndikwete nefita ifinakila inanda kuli uyu ati , ' kabuye naye aya, elo nakuli umbi, ati isa naye aisa, elo nokumubomfi wandi ati, cita ici naye acita. ¹⁰ UluntuYesu aumfwile ifi, alipapile elo alandile kubali kumukonka ati, '' Icine fye nkolanda kuli mwebo, ntatala sangana nangu umo uwacicetekelo ngeci muli Israeli. ¹¹ v 11 Nkomweba ati , abengi bakafuma kukabanga nakumasamba,elo bakesa kwikala kwitebulo pamo na Abraham, Isaki, na Yakobo, mubufumu bwa mumulu. ¹² Lelo nabana baume babufumu bakabatamfisha kunse yamfimfi, uko ukuba ukulila elo nokusumanya ameno. ¹³ Yesu alandile kuli mushika ati,''kabuye! ifyo fine ifyo usumine, efyo cicitwe kuli webo.'' elo nomubomfi alipolele peka palya. ¹⁴ Uluntu Yesu aishile mu ŋanda yakwa Petelo , ena abwene nafyala Petelo alilele nalwala impepo. ¹⁵ Yesu alimwikete paku boko, nempepo yalipwile. naye alimine nokutampa ukumubombela. ¹⁶ Awe ilyo icungulo cafikile , abantu balikuleta kuli Yesu abengi abaikatwa ne fiwa, Nao alefumya imipashi iyi ku cebo no kuposha abalwele. ¹⁷ Munshila iyi emo cafikilishiwe ica icalandile Esaya kasesema ati,'' Ena umwine alibulile ukulwala elo nokunakuka kwesu'' ¹⁸ Lelo uluntu Yesu abwene amabumba yalimushingulukile, aebebele ukufumako nokuya kuncende imbi bushilya bwa bemba wa Galile. ¹⁹ Eluntu kalemba ashile kuli yee no kulanda ati, '' Kafundisha ,nalekumikonka konse uko mwalekuya.'' ²⁰ Yesu alandile kuli yee ati, '' Bamumbwe balikwete amendo, elo umwana wa muntu takwete nangu pamo apakusamika umutwe wakwe.'' ²¹ Naumbi umusambi alanda kuli yee ati, '' Shikulu ,nsuminisheni nebo ndekuya kushika tata.'' ²² Lelo Yesu alandile kuli Yee , ati, ''Nkonka nebo, nokusha abakufwa bashike abakufwa banabo! ²³ Uluntu Yesu apateme mu bwange , abasambi bakwe balimukonkele mulya mwine. ²⁴ Boneni kwalimine ipunga ilikulu icakutila ubwange bwafimbwa na maba. Lelo Yesu aliilele. ²⁵ Abasambi baishile kuli yee noku mwalamusha no kulanda ati, ''fwebo tupusushe, Shikulu, twalaloba!'' ²⁶ Yesu alandile kulibo ati, ''Cindo mukotinina , mwebacicetekelo icinono mwe?'' eluntu aalamukile nokukalipila imyela na bemba. Eluntu kwali ulushi ulukulu. ²⁷ Nabaume balisungukile nokulanda ati, ''Muntu wamusango ndo uyu apo ne myela naba bemba fikomubeela?" ²⁸ Uluntu Yesu aishile kwishilya ku mpanga yabena Gadara, abaume babili abali ne ngulu balimukumenye. Balikufuma ku nshishi elo bali abakali icakuti takuli umulendo uwakupita ilya nshila. ²⁹ Boneni, babilikishe nokulanda ati, '' Findo twingacita nobe, we mwana mwaume wakwa Lesa? Bushe wishile mukutucusha ulo inshita iyateyanishiwa tailafika?'' ³⁰ Nomba icikunka icikulu ica ku ba kapoli cali kulya ninshi cikolya , akatalamukila napo babelele. ³¹ Ne ngulu shalitwalilile ukupapatila Yesu no kulanda ati, '''Nga mwatutamfya fwebo, tutumeni tuye mucikunka cakuba kapolii.'' ³² Yesu alandile kulibo ati, ''Kabuyeni!'' Ne ngulu shalifumine nokuyakwingila mulibakapoli; elo boneni, conse icikunka califulumukile ukutentemukila mucikonkwa no kuponena muli bemba no kufwila mu menshi. ³³ Naabo abalikulonda bakapoli balibutukile nokuya mumusumba no kutubulula fyonse, makamaka ifyacitikile ku baume abaiketwe ne ngulu. ³⁴ Boneni, onse umusumba walishile muku kumanya Yesu. Uluntu bamubwene, bali mulombele ukufuma mufitungu fyabo.

¹ Yesu alipateme mu bwange, ayabukile ku bushilya elo aishile kwingila mu musumba wakwe. ² Boneni ,baliletele kuli ye umwaume uwabulebe alisendeme pabutanda napakubona icicetekelo cabo, Yesu alandile ku mwaume wabulebe ati, '' wemwana mwaume koseleshiwa. Amasambi yobe yalibelelwe uluse.'' ³ Boneni, bamo bakalemba balikuilabisha abene beka ati, uyu muntu akoponta.'' ⁴ Yesu pakwishiba ifyo balikutontonkanya elo alanda ati, ⁵ ''Nindo mukotontokanishisha ifyabubifi mumitima yenu? Bushe cindo cayanguka, ukulanda ati, ' amasambi yobe yaelelwa, nangula ukulanda ati, ' alamuka no kwenda'? ⁶ Lelo mwebo ishibeni ukuti umwana wamuntu alikwete amaka pano calo aya kumyeelela amasambi ... ''' alandile kuwabulebe ati, 'Alamuka piita ubutanda bobe ulekuya na ku ŋanda kobe.'' ⁷ Eluntu umwaume aalamukile no kuya ku ŋanda kwakwe. ⁸ Uluntu amabumba yabwene ifi yaliketwe no mwenso nokulumbanya Lesa, uwapeela amaka yamusango uyu ku bantu. ⁹ Ulo Yesu alikuya ukufuma kulya , abwene umuntu ishina lyakwe ni Mateyo alikele mwi tenti lyakusonkeseshamo. Aalandile kuliye ati, Nkonka.'' Naye aliimine nokumukonka. ¹⁰ Umo Yesu ali alikele kukulya mu ŋanda, boneni, bakasonkesha wamisonko abengi elo naba masambi baliishile no kulya na Yesu elo na basambi bakwe. ¹¹ Uluntu abafarise babwene ici , balandile kubasambi bakwe ati, '' Cindo ico kasambilisha wenu akoliila nabakasonkesha na bamasambi?'' ¹² Uluntu Yesu aumfwile ifi. alandile ati, ''Abantu abatuntulu mumibili tabakabila shiŋanga, kano abo abakulwala. ¹³ Nomba kabuyeni nokusambilila umo ici calola; 'Nebo nkabila uluse talili ilambo iyoo. Pantu nebo ntaisa mukwita abololoke mukulapila ,lelo kano aba masambi.'' ¹⁴ Eluntu abasambi bakwa Yoani baishile kuliye no kulanda ati, ''Cindo ico fwebo naba Farise tufungila ukulya ilingi line, lelo abasambi bobe ta bafunga ukulya?'' ¹⁵ Yesu epakulanda kuli bo ati, ''Bushe abana baume bakwashibwinga kuti baloosha ulo shibwinga acili nabo? Lelo inshiku shikoisa uluntu shibwina akapitwa ukufuma palibo, kabili eluntu bakalekufunga ukulya. ¹⁶ Takuli umuntu uwingelika icikamba ca nsalu iipya pa cifwalo icakale, pantu icikamba cikalepuka ukufuma pa cifwalo, kabili no kulepuka kukacilamo. ¹⁷ Nangu abantu tababika umwangashi uupya munsupa ishakale. Nga cakuti balacita ifyo, insupa kuti shalepuka, no mwangashi waitika, ne nsupa kuti shaonaika. muli ci cifulo, babika umwangashi uupya munsupa ishipya, na fyonse kuti fyakusungwa.'' ¹⁸ Ulo Yesu alikulanda ifi fintu kuli bo , boneni, intungulushi, yaishile no kwinamina panshi kuli yee. Alandile ati, ''Umwana wandi umwanakashi afwa nombaline fye, lelo isa nokutambalika ukuboko kobe pali ye, elo akoba nomweo.'' ¹⁹ EluntuYesu aimine no kumukonka, pamopene fye na basambi bakwe. ²⁰ Boneni , umwanakashi uwacululukile no ukufuma kwa mulopa pamyaka ikumi limo na ibili aishie kuluto numa kuli Yesu no kumwikata palutwe lwe laya lyakwe. ²¹ Pantu aisoseshe umwine ati, ''Ngacakuti fye naikata kucakufwala cakwe , nebo nkoba fye bwino. ²² LeloYesu alipilibukile nokubumona , elo alanda ati, '' wemwana mwanakashi , koseleseshiwa ; icicetekelo cobe cilikulengele ukupola,'' Elo nomwanakashi alipolele ukutula apopene fye. ²³ Uluntu Yesu aishile mu ŋanda ya mu cindamimi,abwene abalikulisha imitolilo ne bumba ilya likulila. ²⁴ Alandile ati, '' Fumeni apa, pantu umukashana tafwile, lelo asendemefye utulo.'' Lelo balimusekele mukumupunika. ²⁵ Uluntu ibumba balifumishe panse, alingile mumuputule no kumwikata pakuboko, no mukashana alyalamukile. ²⁶ Nelyashi pali ici lyalikumene mutungu conse cilya. ²⁷ Uluntu Yesu alikupita ukufuma kulya, impofu shibili shalimukonkele. Shali twalilile kubilikisha no kulanda ati, ''Mwana Davidi!'' ²⁸ Uluntu Yesu aingile mu ŋanda impofu shibili ishaume shaishile kuli yee. Yesu alanda kulisho ati, '' Bushe mulisumine ukutila nebo kuti nacita ici?'' Nasho shalanda kuli yee ashiti, Eee, mwe shikulu." ²⁹ Eluntu Yesu ashikete pamenso nokulanda ati, ''Nacicitwe kuli mwebo umwabela icicetekelo cenu,'' ³⁰ namenso yashiko yalishibwilwe. Eluntu Yesu ashikonkomeshe nokulanda ati, ''Boneni ukutila umuntu nangu umo teshibile pali ici. ³¹ Lelo aba baume babili balile nokwananya ilyashi pili ici mpanga yonse. ³² Ulo abaume babili balikuya , boneni, cibulu uwali ne ngulu bamuletele kuli Yesu. ³³ Uluntu ingule bashitamfishe, cibulu aalilandile. Namabumba yalipapukile nokulanda , ati. '' ici tacatala acibonekapo mu Israeli.'' ³⁴ Lelo aba Farise balikulanda ati, '' nikuli kateka wa ngulu naye eko afumisha ingulu.'' ³⁵ Yesu ayendaukile monse mumisumba na mumishi. Alikonkenyepo ukusambilisha mumasunagoge yabo, ukubila imbila nsuma yabufumu nokuposha amalwele ayakupusana pusansa ne fyakukalipwa ifyakupusana pusana . ³⁶ Uluntu abwene amabumba, ye alibakwatile inkumbu, pantu balikucushiwe noku tompolwa. Bali ukubati ni mpanga isitakwete kacema. ³⁷ Alandile kubasambi bakwe ati, '' ukusombola kulikulile, lelo ababomfi balicepele. ³⁸ Eico sakaukeni ukupepa kuli shikulu umwine wabusomboshi, pakutila atume ababomfi abengi mwibala lyakwe.

¹ Yesu akutile abekumi limo nababili abasambi bakwe pamo elo abapeele amaka pamipashi yakukowela, ayakufumya , elo naya kuposha amalwele ayakupusana pusana elo nokukalipwa ukwakupusana pusana. ² Nomba namashina aya batumwa yabekumi limo nababili nyaya. Uwantashi ni, Smoni (untu uwalikukutwa Petelo), na Andele wabo; Yakobo mwana Sebedi, elo Yoani wabo; ³ Filipo, na Batolomeo; Toma, elo Mateyo Kasonkesha wamisonko; Yakobo mwana Aluffelo na Tedeo; ⁴ Simoni umwina Selot, na Yuda Iskariote, uwakwisa kumufutuka. ⁵ Aba ikumi nababili Yesu alibatumine kunse. Alibakonkomeshe nokulanda ati, ''Mwikesha kuya muncende umo umwaikala abenafyalo, elo mwiingila mumushi onse uwabena Samaria. ⁶ kabuyeni nakucilisha kumpana ishaluba isha mu ŋanda yakwa Israili ; ⁷ elo ulo mukoya , bileni no kulanda ati, ' ubufumu bwamumulu buli palamine. ⁸ Posheni abalwele , busheni abakufwa, sangululeni aba fibashi, elo mufumye ne ngulu. Mulipokelele acabupe apalutu, peleni apalutu. ⁹ Mwikapiita golide, siufere , nangu umukuba mu fikwama fyenu. ¹⁰ Mwikapiita icola capabulendo pa lwendo lwenu nangu ifyakumakasa , nangu ninkoto, pantu umubomfi alilinga ukupelwa icilyo cakwe. ¹¹ Onse umusumba nangula umushi mukoya kwingilamo, fwayenimo uwakuba bwino, elo mwikale kulya mpaka mukafumemo. ¹² Ulo mwakoingila mu ŋanda , muposheni. ¹³ Kabili nga cakuti iŋanda ilibwino lekeni umutende wenu wisemo. Lelo ngacakuti taili bwino, lekeni umutende wenu umibwelklele. ¹⁴ Kuli abo abatamipokelele nokumfwa ku mashiwi yenu, uluntu mukofuma ukufuma muli ilya iŋanda nangu umusumba, mukakunte ulukungu ukufuma ku nkaasa shenu. ¹⁵ Icine fye nkolanda kuli mwebo ati , cikaba eyefilyako kumpanga ya Sodoma na Gomora mubushiku bwabupingushi ukucila pali ulya umusumba. ¹⁶ '' Boneni, nebo namituma ukuba ati ni mpanga pakati kamimbulu , eico mube abakucenjela nge nsoka elo abakuufuka nge nkunda. ¹⁷ Mulekucenjela na bantu ! Bakalekumitwala kufilye, elo bakalekumifopaula mu masunagoge yabo. ¹⁸ Eluntu bakalekumitwala kuli bafilolo ne shamfumu pa mulandu wandi, pa kuba ubunte kulibo elo naku bene fyalo. ¹⁹ Uluntu mwebo bakumitwala uko , mwila kusakamana ifyo muleya kulanda, pantu ifyo mwakulanda fikayo kupelwa kuli mwebo panshita yeka ilya. ²⁰ Pantu talimwebo mukalekulanda ,lelo ni Mupashi wakwa Shinwe eu kalekulanda mili mwebo. ²¹ Wabo akapela Wabo mu kufwa, elo wishi umwana wakwe. Abana bakwimina abafyashi no kulenga bena ukufwa. ²² Mwebo mukapatwa kuli bonse pamulandu weshina lyandi. Lelo uyo onse uukaashipikisha ukushinta nakumpela , uyo muntu e ukapusuka. ²³ Uluntu bakamicusha mwebo muli uyu musumba, butukileni kuunankwe , pantu icine nebo nkolanda kuli mwebo ati , mwebo ninshi tamulakumana mu misumba yonse iya Israeli ulo Umwana wa Muntu alibwelele. ²⁴ Umusambi tacilapo pali kasambilisha wakwe , nangu umusha ukucila shikulu wakwe. ²⁵ Cawama umusambi ukuti abe nga kasambilisha wakwe, no musha nga shikulu wakwe. Nga bakoikata umwine ng'anda Beeisebuli, kuti caba shani kumashina bakakuta ukuba abamukati ka ŋanda' ²⁶ Eico kanshi mwilekubatina , pantu takuli icintu nangu cimo icafisama icitakasokololwe , elo tapali nangu cimo icafiswa ico icitakeshibikwe. ²⁷ Ico Nebo nkomyeba mumfinshi, elo ico mwebo mwaumfwa muka ntepentepe mu kutwi kwenu, muka bilikishe pa mulu wa mitenge ya mayanda. ²⁸ Mwilakutina abo abepaya umubili lelo abatengepaya umwebo. lelo mulekuna ena uyo uwingepaya fyonse umweo no mubili ku mboo. ²⁹ bushe tali nseba shibili shishitwa palika kakobili akanono? Kabili nangu lumo pali sho tekuti luponenene panshi ukwakubula Shinwe ukwishiba. ³⁰ Lelo ne mishishi iyaku mutwe wenu yalipendwa yonse. ³¹ Mwilakutina, pantu mwebo mwacilapo umutengo pa nseeba. . ³² Eico kanshi uyo onse uwa nsusumina pa bantu, nandibo nkumusumina pamenso ya kwa Tata uwaba mu mulu. ³³ Lelo uyo uwankana pabantu , nandibo nkumukana pa menso yakwa Tata uwaba mu mulu ³⁴ Mwila kutontonkanya ati Nebo naisa mukuleta umutende pano calo. ³⁵ Nebo ntaisa mukuleta umutende, lelo ulupanga. ³⁶ Pantu Nebo naisa mukulekanya umwna mwaume na wisi , no mwana mwanakashi ukulekana na nyina , elo nomupongoshi ukulekaana na na nafyala. ³⁷ Uyo onse uwatemwa wishi nangu nyina ukucila pali nebo talinga ukuba uwandi; uyo uwatemwa umwana mwaume nangu umwana mwanakashi ukucila pali nebo talinga ukuba uwandi. ³⁸ Uyo onse uutapiita umusalaba wakwe elo noku nkonka talinga ukuba uwandi. ³⁹ Uyo onse uusangana umweo wakwe akaulufya. Lelo uyo onse uulufya umweo wakwe pamulandu wandi akausangana. ⁴⁰ "Uyo onse uumipokelela ninshiapokelela nandibo, elo naye uwampokelela ifyo fine ninshi apokelela noyo uwantuma nebo. ⁴¹ Noyo naye uwapokelela kasesema mwishina lya kubu kasesema akapokelela icilambu icaku bukasesema, elo noyo nye uwapokelela umuntu umulungami mwi shina lya muntu umulungami akapokelela icilambu ca muntu umulungami. ⁴² Uyo onseuwapela kuli uli umo pali aba abana nangu fye ulukombo ulwa menshi ayakutalala mwishina ilya butumwa, icine fye nkomyeba, takuli mu musango uuli ukuti onse ukuti ekapokelela icilambu cakwe.

¹ Nomba uluntu Yesu apwilishe ukufunda abasambi bakwe ikumi limo nababili , aliifumineko kulya no kuya kukusambilisha no kubila mumisumba yabo. ² Nomba ululuntu Yohani aumfwile mucifungo palwa mibombele yakwa Kristu ye alitumine amashiwi kubasambi bakwe ³ nokulanda kuli ye ati, '' Bushe eniwe umo uukoisa , nangu kuli tuli nokulolesha kuli umbi? ⁴ Yesu alyasukile elo no kulanda kuli bo ati, ''Kabuyeni elo mulondolole kuli Yohani ifyo mubwene elo no kumfwa. ⁵ Impomfu shikobona , abalemana bakoenda , abafibashi balisangulwile , bankomya matwi bakoumfwa nakabili abafwa bakobushiwa ukubwelela kubumi , elo nembila nsuma ikobililwa kubalanda. ⁶ Washuka ni uyo onse uutaipununa pa mulandu wadi. ⁷ Ulo aba abntu baliku bwekelamo, Yesu atampile ukulanda kumabumba palwa kwa Yohani, '' Cindo ico mwaile mukubona mumatololo -litete ilikotenkana no mwela? ⁸ Lelo Bushe cindo mwaile mukubona -Muntu uwafwele ifyakufwala fyakunakilila. Boneni, ala abo abafwala ifyakufwala ifyakufwala ifyabune bakela mumayanda ya mayanda akuba shs mfumu. ⁹ Lelo bushe cindo ico mwaile mukubona-ni Kasesema? Ina,N ebo nkolanda kuli mwebo. elo uwakucila pali kasesema. ¹⁰ Noyu eoyu caleembelwe ukuti untu, ' Bona nkotuma ikombe yandi kuli mwebo, uyo uwakukuteyaniniisha yobe libela. ¹¹ Mu cine nkolanda kuli mwebo ukuti, pali abo abafyalwa ku banakashi takwaba nangu umo uwacila paliYohane Kabatisha. Lelo uwacepesha ukucindama mu bufumu alicindamisha ukucila pali ye. ¹² Ukutula panshiku shakwa Yohani Kabatisha ukushint nalelo , ubufumu bwamumulu bulacula mucimfulunganya, abaume baume bacimfulunganya bacipoka mu cimfulunganya. ¹³ Pantu bonse bakasesema elo mafunde fyali busesema uku shinta pali pali Yohane, ¹⁴ elo nga cakuti mukokabila ukucipokelela ici, ali ni Eliya uwali nokwisa. ¹⁵ Ena uuli namatwi ayakukutika, lekeni ye akutike ¹⁶ Ni kucindo uko Ninga pashanya ino inkulo? Cili ukubati banike bakoyangala pa ncende sha mu fisankano, abo abakokuta abanabo, elo nokulanda ati, "Twalikukulishisha umutolilo, elo tawali kucinda. ¹⁷ Twalikulila elo tamwali kuloosha. .'' ¹⁸ Pantu Yohani taishile mukulya umkate nangula ukunwa umwangashi, elo balanda ati, "Aliba ali ne ngulu.'' ¹⁹ Umwana wa Muntu alishile no kulya akolya elo no kunwa elo bakolanda ati, ' Boneni , ye mulili wa muntu elo ni cakolwa, elo muankwe uwakubakasonkesha wa misonko elo naba masambi!' Lelo amano yeshibikilwa muficitwa" ' ²⁰ Eluntu Yesu atampile ukwebaula imisumba umo umo ifisungusho fyakwe ifingi fyali kucitikila, pantu tabalapile. '' ²¹ Kalanda kuli webo ,Kolasini! kalanda kuli webo, Betsaida! Nga cakweba ati ifisunguko fyalikucitikila muTuri elo na Sidoni ifyo ifyacitilwe muli webo, ngabalilapile akale munsamu na mu mito. ²² Lelo, Nebo nkokweba caba eyefilyako kuli Turi na Sidoni pabushiku bwabupingushi ukucila kuli pali webo. ^{24 23} Webo , Kapenamu , bushe webo utontonkanya ati ukasumbulwa uletontonkayanya ukasumbulwa ukushinta na mu mulu? Awe ukatentemulwa ukuya ku mbo. Pantu nga cakuti mu Sodoma mwalicitilwe ifipapusho ifyo ifyacitikile muli mwebo, nga epo yaba ukushinta na lelo.

¹ Pa nshita ilya Yesu alipitile pa bushiku bwapa chibelushi mu mabala ya ŋanu. Abasambi bakwe balyumfile insala elo balitampale ukutempula imitwe ya ŋanu elo no nokulya. ² Nomba uluntu aba Falisayo babwene ifyo, balandile kuli Yesu ati, ''Bona abasambi bobe bakocita ifi tasuminishiwa ukucita pa bushiku bwa pa Chibelushi," ³ Lelo Yesu walandile kuli bo ati, ''Bushe mwebo tamwabelenga ifyo David acitile uluntu aumfwile insala, elo na bantu abo ali nabo? ⁴ Ena alingile mu ng'anga yakwa Lesa elo nokulya imikate iyalimo, icintu ico icitasuminishiwe ye ukulya elo icitali lifunde kubo ali nabo, lelo abakwete fye insambu ni bashi mapepo. ⁵ Bushe mwebo tamwbelenga mu citabo ca mafunde ukuti pa bushiku bwa pa chibelushi bashimapepo mwi tempele balilufyenye pa chibelushi nomba tababa no mulandu? ⁶ Nomba nkomyeba ati uyo uwacila pe tempele ali pano. . ⁷ Nga cakuti mwebo mwalishibile umo ici cintu calolele, ' Nebo nkokabila uluse lelo te malambo,' nga tekuti museke naba takwete na mulandu. ⁸ Pantu Umwana wa Muntu e Shikulu we Chhibelushi." ⁹ Eluntu Yesu afumineko kulya elo no kwingila mwi tempele lyabo. ¹⁰ Boneni, mwali no muntu uwali no kuboko ukwakulemana. Aba Falisayo balipwishe Yesu ati, ''Bushe caliba lifunde ukuposha pa chibelushi?'' epa kweba ati benga mupela umulandu wakupanga isambi. ¹¹ Yesu alilandile kuli bo ati, ''Muntu ndo muli mwe, uyo, nga cakuti akwata fye impaanga imo, elo nga cakutila iyi ine impaanga imo yaponena mucilindi icitali pa chibelushi, uutangaikata no kuyabula? ¹² Nakanshi icacilapo ukucindama, muntu ukucila impanga. Eico kanshi calisuminishiwa ukucita icabune pa bushiku bwa Chibelushi." ¹³ Eluntu Yesu aebele umuntu ati, ''Tambulula ukuboko kobe.'' Alikutambulwile, elo kwalyo lolokele nokupola. ¹⁴ Nomba aba Falisayo balifuminepo nokumupingila. Balikufwailikisha inshila shs ku mu pelelapo umulandu. Bali kufwailisha inshila iyakuti bengamonawilamo. ¹⁵ Neco Yesu alishibile ifi, alifumineko kulya. Abantu abengi balimukonkele, elo ali baposeshe bonse. ¹⁶ Ye alibakonkomeshe ukuti bemwishibisha na kuli bambi, ¹⁷ e pakuti cifikilishe ico icalandilwe ma kassema Esaya ati, ¹⁸ Bona, umubomfi wandi uo Nebo nasala; uwa temwikwa wandi, ni muli ye emo umupashi wandi usaminwa. Nkabika umupashi wandi pali ye, elo akabila ubupingushi bwa mulinganya ku bena Fyalo. ¹⁹ Ye takashupikwe nangu ukupongomona umusowa; atemwa uuli onse takomfwe ishiwi lyakwe mu misebo. ²⁰ Ye takakobone itete; ilya kulepauka; ye takashimye iciku ico conse icikofuuka icushi, mpaka fye akatungulule umulinganya ukwansha. nakuku cimfya ²¹ elo ni mwishina lyakwe emo abana Fyalo baka kwatila isubilo." ²² Eluntu umuntu umo impofu elo cibulu, uwaiketwe ne ngulu, baliletele kuli Yesu. Ali muposeshe, ne catumbukilemo cakuti ulya muntu cibulu alilandile elo nokubona. ²³ Yonse ama bumba yalipapile elo nokulanda ati, ''Bushe uyu muntu kuti aba e Mwana mwaume wakwa Davidi? ²⁴ Lelo uluntu Abafalisayo baumfwile pali ici icisungusho, bali landile ati, ''Uyu muntu taifumisha fye ingulu kano ukubomfya Beelzebul, imfumu iyangulu. ²⁵ Lelo Yesu alishibile ifyo balikutontonkanya elo alandile kuli bo ati, ''Ubufumu bonse ubwayakanika ubwine bulabongoka, elo no musumba onse nangu inanda iya akanikamo iine tekuti italame. ²⁶ Nga cakuti Satana atamfya Satana, ni alyakanikamo umwine palwakwe. Bushe kanshi ubufumu bwakwe kuti bwatalamana na musango ndo? ²⁷ Elo nga cakuti nebo nkotamfya ingulu ukubomfya Beelzebul, nga bana benu bushe ninani balikubomfya pa kushitamfya? Nipali weka uyu umulandu bena bakabela bakapingula benu. ²⁸ Lelo nga cakuti nebo nkofunya ingulu ukubomfya Umupashi wakwa Lesa, ninshi kanshi ubufum bwakwa Lesa bulishile pali mwebo. ²⁹ Bushe umuntu uuli onse kuti aingila mu ŋanda ya muntu uwamaka no kumwibila ifipe fyonse ukwakubula ukutampilapo ukumukakila? Eluntu kuti amwibila ifipe fyakwe fyonse mu ŋanda. ³⁰ Umuntu uutaba nandi nandi ninshi alipusana nandi, elo no muntu uutailonganya nandibo alasalangana. ³¹ Eico kanshi Nebo nkolanda kuli mwebo ati, isambi lyonse elo nomusaluula umuntu akabelelwa uluse lelo ukusaluula Umupashi takwakebelwe uluse. ³² Na uyo onse uwalanda amashiwi ayabubi pa Mwana wa Muntu, naye akabelelwa uluse. Nomba uyo onse uwalanda amashiwi ayabubi pali Mupashi wa Mushilo, uyo ye takabelelwe uluse, nangu ni muno mwine mu calo, nangu ni muli cilya cine icalo ico icikoisa. ³³ Pangeni icimuti icabune elo ne fisabo fikaba ifyabune, nangu pangeni icimuti icabubi elo ne fisabo ifyaciko fikaba ifyabubi, pantu icimuti ba cishibila ku fitwalo fyaciko. ³⁴ Mwe bana ba mafwafwa mwe, apo muli bamasambi, bushe kuti mwalanda ifintu ifyabune? Pantu ifyaisula mu mutima wa muntu efifuma mu kanwa kakwe. ³⁵ Umuntu wabune ukufuma mu butaala bwa mutima wakwe uwabune mufuma ifintu ifyabune, no muntu uwabubi ukufuma pa fyabubi ifya mu mutima wakwe emufuma ifintu ifya bubi. ³⁶ Nebo nkolanda kuli mwebo ati pa bushiku bwa bupingushi abantu bakalubulwilapo pa mashiwi yonse aya bubi ayo balikulanda. ³⁷ Pantu amashiwi ayo ulanda eya kakupingula, elo ukufuma mu mashiwi yobe eyo ukapelelwapo umulandu." ³⁸ Eluntu bambi bakalemba elo naba Falisayo balyasukile Yesu elo nokulanda ati, ''Kasambilisha, kuti twatemwa ukubonako icishibilo kuli webo.'' ³⁹ Lelo Yesu alyasukile elo nokulanda kuli bo ati, Mwe nkulo iya bubi elo iyi cende iikofwaya icishibilo. Lelo takwabe nangu cimo icishibilo icilecitwa kano icishibilo icakwa Yona kasesema. ⁴⁰ Pantu filya fine Yona ali pa nshiku shitatu akasuba elo ne nshiku shitatu ubushiku mumala ya nswi icikulu, ifyo fine efyo no Mwana wa Muntu akaba insiku shitatu akasuba na shitatu ubushiku mu mu nshiishi. ⁴¹ Abantu ba mu Niniveh bakatalama pa bupingishi pamo naino inkulo iya bantu elo bena bakalekubaseka. Panto bo balilapiile ku mbila yakwa Yona, elo boneni, Uyo uwakucila pali Yona ali pano. ⁴² Namfumu wa kukapinda ka kulyo akabukila ku bupingushi pamo na bantu ba ino ine nkulo elo no kubaseka. Afumine ku mpela ya calo ukwisa mu kumfwa amano yakwa Solomoni, elo boneni, uyo uwakucila pali Solomoni ali pano. ⁴³ Uluntu umupashi wakukowela wafuma mu muntu,wapita namu ncende umo umtali amenshi elo no kufwaya umwakutushisha, nomba tausangile iyo. ⁴⁴ Eluntu walanda ati, 'Nebo nalabwekelamo ku ŋanda yandi uko nafumine.' pakubwekelamo waya kusangana ukuti ŋanda taikwete ne cimo-- taisoleelwe elo no kwanshikwa bwino. ⁴⁵ Eluntu ulaya nokupiita imipashi naimbi cine lubali iyakubipisha ukucilapo, elo yaisa yonse nokwikala mulya mwine. Eluntu namukulekelesha imibele ya ulya umuntu ikacila napakutampa. Nifyo fine cikaba na ku nkulo ino iya iya bubi. ⁴⁶ Ulo Yesu ali akolanda ku mabumba, booneni, nyina elo naba wabo bataleme panse, balikufwaya ukulanda naye. ⁴⁷ Umo alanda kuli ye ati, ''Bona, banoko elo naba wenu baliminine panse, bakofwaya ukulanda nobe." ⁴⁸ Lelo Yesu alyasukile elo nokulanda ku wamwebele ati, ''Nga mayo ni nani elo nga bawesu niba nani? ⁴⁹ Eluntu ena atambalikile ukuboko kwakwe pa basambi elo nokulanda ati, ''Boneni, bamayo ni aba elo naba wesu! ⁵⁰ Pantu uyo onse uucita ififwaya Tata uwamu mulu, uyo muntu ninshi e wesu, elo na nkashi, elo na mayo."

¹ Papali bulya ubushiku Yesu alifumine mu ŋanda nokwikala mumbali yaku bemba. ² Ne bumba ilikulu lyali mushingulukile, eico alipateme mu bwange elo no kwikala mu kati ulo ibumba lyonse liliminine mumbali yaku bemba. ^{3 4 5} Eluntu Yesu alilandile ifintu ifingi kuli bo ukubomfya imilumbe. Alilandile ati, ''Boneni, umulimi aliile muku kusa imbuto. Ulo akushile, shimbi imbuto shaliponene mu nshila, eluntu ne fyoni fyalishilile nokushilya. Imbuto shimbi shaliponene mu mushili wa mabwe, umo umo tashsakwete umushili uwinenene. Apo pene shali ba lwile pantu umushili tawali uwinenene. ⁶ Lelo uluntu akasuba kabalile, shalibonsele pantu tashali ne mishila, elo footele no kuma. ⁷ Imbuto shimbi shaliponene mu myunga. Imyunga yalilulumukile nokushitabilila. ⁸ Imbuto shimbi shaliponene mu mushili uwabune elo no kutwala ifisabo, shimbi umwanda umo ukucilapo, shimo amakumi mutanda. ⁹ Uyo uuli na matwi yakumfwa ka omfwe," ¹⁰ Abasambi balishile elo no kulanda kuli Yesu ati, ''Nindo ico ku mabubumba ukubomfya amilumbe?'' ¹¹ Yesu alyasukile elo no kubeba ati, '''Mwalipelwa ishuko lya kwishiba ifyankama fya bufumu bwa mulu, lelo kuli bo ili shuko talyapelwa. ¹² Pantu kuli uyo uwakwata bakamulundilapo, elo fikafulilako. Nomba kuli uyo uutakwata, noto akwete baka mupokolola. ¹³ Ici cine eco nandila kuli bo mumilumbe: Nangula bakololesha, tabakobona; elo nangu bakokutika, tabakokutika nokufyumfwa. ¹⁴ Kuli bo icasesemene Esaya fya fikilisha, ico icilanda ati, 'Ukukutika ko, mukalekukutika, lelo munshila fye iili yonse tamwakomfwe; ukulolesha ko, mukalekulolesha, lelo mu munshila fye ili yonse tamwakeshibe. ¹⁵ Pantu imitima ya aba bantu yakulema elo balyafya ukumfwa, elo balisaala amenso yabo, nangu ukumfwa na matwi yabo, atemwa ukumfwa ne mitima yabo, pakuti limbi kuti ba aluka, elo Nebo kuti nabapoosha. ¹⁶ Lelo mwebo amenso yenu yakupaalwa, pantu yalabona; elo na matwi yenu, pantu yalakutika. ¹⁷ Mucine nkolanda kuli mwebo ati abengi bakasesema na baume abalungami balikukabila ukubona ifintu ifyo mukobona elo tabafibwene. Balikukabila ukukutika ifintu ifyo mukokutika elo bo taba fikutikile. ¹⁸ Kutikeni kanshi umulumbe uwa kwa shibulimi uyo uwa kushiile imbuto shakwe. ¹⁹ Uluntu umuntu uuli onse akutika amashiwi ya bufumu nomba takoyomfwa, satana aisa elo nokusompola ifyo ifya byelwe mu mutima wakwe. Iyi e mbuto ilya iyaponene mbali yanshila. ²⁰ Isho ishakushilwe pa mushili wa mabwe ni ulya umuntu uukutika ili shiwi elo apo epne fye alipokelela ne nsansa, ²¹ lelo taba namushila muli ye elo naye wa nshita fye iinono. Eluntu ubucushi nangu ukupakaswa kwaisa pamulandu we shiwi lyakwa Lesa. kalekale fye awa. ²² Isho ishakushilwe mu myunga, uyo muntu uukutika ishiwi, nomba amasakamiko ya mu calo elo nokongolwa ne fyuma fya tosha ishiwi, elo ena afilwa ukutwala. ²³ Ne mbuto ishakushilwe mu mushil wa bune, ni ulya umuntu uumfwa ishiwi elo noku lyumfwa. Ye ulakula muma shiwi elo nokutwala ifisabo, no kutwala pa nshita imo umwanda umo, muli imbi amakumi mutanda, elo na muli imbi amakumi yatatu ukucila pa ²⁴ Yesu alilandile naumbi umulumbe kulibo. Asole ati, ''Ubufumu bwa mu mulu bwaba ukubati ni ulya umuntu uwa byele imbuto mwi bala lyakwe. ²⁵ Nombo ulo abantu ninshi balilele, umulwani wakwe alishile elo no kubyalamo inseku mu ŋanu elo noku fumako aya. ²⁶ Uluntu imisongo yafumine elo noku twala ifisabo, eluntu nenseku nasho shaboneka. ²⁷ Nababomfi ba mwine we bala balishile elo noku mweba ati, 'Mwane, bushe tamwabyele imbuto ishabune mwi bala? Nindo nomba mwaba inseku?' ²⁸ Alilandile kuli boa ati, 'Umulwani eucitle ifi.' ''Ababomfi balandile kuli ye ati, 'Ninshi bushe ulefwaya fwebo tuye elo noku sekwila. ²⁹ ''Umwine we bala alandile ati, 'Awe, pantu ulo mwakulanukula inseku, limbi kuti mwanukwila kumo ne ŋanu. ³⁰ Lekekeni fyonse filekukulila pamo mpaka napakusombola. Pa nshita yaku sombola nkalanda ku bakusepa, ''Tampilenipo ukunukula inseku elo mushikake mu mipo pakushoca, nomba kolonganyeni iŋnanu mu butala.""' ³¹ Eluntu Yesu alilandile naumbi umulumbe. Alandile ati, '''Ubufumu bwa mu mulu bwaba ukubati luseke lwa lubanga ulo umuntu abulile elo no kulubyala mwibala lyakwe. ³² Ulu ulubuto mu cine lwalicepesha pa mbuto shonse. Lelo uluntu lwakula, lulakula pa fimuti fyonse ifya mwibala. Lulasanguka mu cimuti, icakuti ne fyuni fya mulwelele filesa elo no bikpanga ifinsa ku misambo ya ici cimuti." ³³ Yesu eluntu abebele naumbi umulumbe ati. ''Ubufumu bwa mu mulu bwaba ukubati citutumushi ico umwanakashi abulile ele nokusankanya mu milingo itatu iyabunga mpaka no mufuba onse watutumuka." ³⁴ Ifi fintu fyonse Yesu alandile ku mabumba mu milumbe; elo tasosele icintu icili conse ukwakubula ukubomfya imilumbe. ³⁵ Neci cali nipa kufikilisha ifyo kasesema alandile fishininkishiwe, uluntu alikulanda ati, ''Nebo nkasaamuna akanwa kandi mu milumbe. Nkalanda ifintu ifyo ifyakufisama ukutampa pa ntendekelo ya calo. ³⁶ Eluntu Yesu ashiile amabumba elo no kuya mu ŋanda. Abasambi bailishile kuli ye elo nokulanda ati, ''Londolola kuli fwebo umulumbe uwa nseku mwi bala. ³⁷ ''Yesu alyasukile elo nokulanda ati, ''Uyo uubyala imbuto ishabune mwibala Mwana wa Muntu. ³⁸ Nebala calo cino; elo imbuto ishabune, aba ebana ba muli buno ubufumu. Ne nseku e bana bakwa satana, ³⁹ elo no mulwani uyo uwabyelemo inseku ni satana. Ubusomboshi e mpela ya nkulo ino, elo abasomboshi ni ba malaika. ⁴⁰ Eico kanshi, lulya inseku bashikolonganya elo noku shoca no mulilo, nifyo fine efyo cikaba napa kupwa kwa ino inkulo. ⁴¹ Umwana wa Muntu akatuma ba malaika, elo bakalonganya ukufuma mu bufumu bwakwe ifintu fyonse ifyo ifilenga amasambi elo nabo ababembuka. ⁴² Baka baposa bena mwilungu lya mulilo, umo umukaba ukuloosha elo no kusumanya ameno. ⁴³ Eluntu abantu abololoke bakaaka kwati kasuba mu bufumu bwakwa Shibo. Uyo uuli na matwi, kaomfwe. ⁴⁴ Ubufumu bwa mu mulu bwaba ukubati cuma ico ba fisa mwibala. Umuntu alicisangene elo no kucifisa. Mukusansamuka kwakwe, ashitishe ifintu fyonse ifyo akwete, elo no kushita lilya ibala. ⁴⁵ Na kabili, ubufumu bwa mu mulu bwaba ukubati ni ulya umuntu shimakwebo uyo uukofwaya ubulungu bwabune ubwa mutengo. ⁴⁶ Uluntu abwene ubulungu bumbi ubwakuciliepo ubune no mutengo, aliile elo nokushitisha ifintu fyonse ifyo akwete elo no ku bushita. ⁴⁷ ''Nakabili. ubufumu bwa mu mulu bwa pala ukubati lisumbu ilyo bateele muli bemba, elo lyalikete sabi ilyakulekana lekana. ⁴⁸ Uluntu lyaiswile, abashiila balilikulile kunse. Eluntu baikele panshi elo nokulonganya isabi lyabune mu fipe,lelo ifintu ifitakwete incito bali balifiposele kumbi. ⁴⁹ Efyo cikaba napa kupwa kwa nshita. Ba Malaika bakesa elo no kupusanya abantu ababubi ukufuma ku bololoke. ⁵⁰ Bakabaposa mwilungu lya mulilo, umo umukaba ukuloosha elo nokusumanya ameno. . ⁵¹ ''Bushe mulyumfwile ifi fyonse?'' Abasambi balilandile kuli ye ati, ''''Ina'', ⁵² Eluntu Yesu alandile kuli bo ati, ''Eico kanshi kalemba onse uwaba umusambi ku bufumu bwa mu mulu apala umuntu umwine wa ŋanda, uyo uufumya ifyakale elo ne fintu ifipya mu fyuma fyakwe.'' ⁵³ Eluntu icacitikile cakuti uluntu Yesu apwishishe iyi imilumbe, alifumine kuli ilya incende. ⁵⁴ Eluntu Yesu aingile mu citungu mu mwakwe elo nokusambilisha abantu mu sinagogi. Ifya tumbukilemo fya kuti balipapile elo no landa ati, ⁵⁵ ''Bushe uyu muntu afunya kwisa amano elo ne fi fipapusho?'' Bushe te uyu mwana kapala wa mbao? Bushe nyina te Maria? Bushe ba wabo te Yakobo, Yusufu, Simoni, elo na Yuda? ⁵⁶ Bushe bankashi yakwe bonse tatuli nabo? Bushe afumishe kwisa ifi fintu fyonse?" ⁵⁷ Bena alibakalifishe. Nomba Yesu alandile kuli bo ati, ''Kasesema tabamucindika mu calo cakwe elo naba mu ŋanda yakwe.'' ⁵⁸ Tacitile ifipapusho ifingi kulya pa mulandu no kutwishika kwabo.

¹ Ukulingana na munshita ilya, Herodi imfumu yalyumfwile ululumbi pali Yesu. ² Ye alandile ku babomfi bakwe, ''Uyu ni Yoani Kabatisha, alibukile ku bafwa. Eico aya maka yalebombela muli ye. ³ Pantu Herodi ulo aikete Yoani, alimukakile, elo noku mubika mu cifungo pamulandu wakwa Herodia, muka ndume wakwa Filipo. ⁴ Pantu Yoani alilandile kuli ye ati, ''Talili lifundende ukumubula webo ukuba umukashi obe.'' ⁵ Herodi nga ali mwipeye, nomba alikutina abantu, pantu balimubikile ye ukuba nga kasesema. ⁶ Lelo uluntu ubushiku Herodi afyelwe bwafikile, umwana umwanakashi uwakwa Herodia alicindile pakati kabo elo nokusekesha Herodi. ⁷ Pakwasuka ye alilaile nokulapa ukumupela icili conse ico enga mwipusha. ⁸ Panuma yaku mukonkomesha kuli nyina, alandile ati, ''Mpeleni nebo, pa nsani, umutwe wakwa Yoani Kabatisha.'' ⁹ Ne mfumu yaliketwe ubulanda pafyo umukashana alombele, nomba pa mulandu wa mulapo yacitile elo napa mulandu wa abo bonse yalongene nabo, yalandile ati ico cine cicitike. ¹⁰ Yalitumine elo nokuleka baputule Yoani umutwe mu cifungo. ¹¹ Eluntu umutwe wakwe bali uletele pa nsani elo nokupela umukashana elo alitwele kuli nyina. ¹² Eluntu abasambi bakwe baishile, nokupiita icitumbi, elo noku cishika. Panuma ya ifyo, elo baile kweba Yesu. ¹³ Nomba uluntu aumfwile ifi, alifumineko kulya nokunina ubwange nokuya ku ncende iyali yeka. Uluntu amabumba yaumfwile ifyo, bali mukonkele pa makasa ukufuma mu misumba mu misumba. ¹⁴ Eluntu Yesu aishile kuli bo elo nokumona ibumba ililkulu. Alibomfwililile uluse elo noku posha amalwele yabo. ¹⁵ Uluntu icungulo cafikile, abasambi balishile kuli ye noku mweba ati, ''Kuno ku ncende niku mpanga, elo no bushiku buno bulipwile. Salanganya ama bumba, pakuti bengaya mu mishi elo baishitile ifilyo abene. ¹⁶ Lelo Yesu alandile kuli bo ati, ''Tabalingile ukuya. Bapeleni ifilyo ifya kuti balye.'' ¹⁷ Balandile kuli ye ati, ''Fwebo kuno tukwete fye imikate isano elo ne nswi shibili. ¹⁸ ''Yesu alandile ati, ''Fileteni kuli nebo" ¹⁹ Eluntu Yesu aebele amabumba ukwikala pa fyani. Abulile imikate isano elo ne nswi shibili. Apunanamina namu mulu, alipaaplile elo no kusunaula imikate elo nokupela abasambi bakwe, elo abasambi nabo bafipela ku mabumba. ²⁰ Bonse balilile elo no kwikuta. Eluntu babulile ifyafungaikile ku filyo¬imiseke ikumi limo naibili. ²¹ Abo abalile balifikile na ku mpendwa amakana yasano abaume, ukufunyako abanakashi elo na baice. ²² Ulo lwine fye fye alyebele abasambi ukunina mu bwange elo nokuya ku bushulya bumbi, ulo ninshi aeba amabumba ukusalangana. ²³ Panuma yakusalangananya amabumba, alininine eka ku lupili mukupepa. Uluntu icungulo cafikile, kulya ali fye eka. ²⁴ Nomba ninshi ubwange bwena bulifikile napatali ukufuma ku mulundu, buliku sunkanishiwa na maaba, pantu bali kupansa umwela. ²⁵ Mu nshita iya ku macha pali kundwe Yesu alaisa kuli bo, ako enda pali bemba. ²⁶ Uluntu abasambi bamu bwene ako enda pa menshi, balitinine nganshi elo balanda ati, ''Ici cibanda.'' elo bapundile no mwenso. ²⁷ Lelo Yesu alandile kuli bo ulo lwine elo no kulanda ati, Shipeni! Ninebo! Mwitina iyo!" ²⁸ Petelo alimwasukile elo nokulanda ati, ''Shikulu, nga cakuti ni mwebo, njebeni njise kuli mwebo pa menshi.'' ²⁹ Yesu amweba ati, ''Isa.'' Eico Petelo alikiile mu bwato elo nokwenda pa menshi no kuya kuli Yesu. ³⁰ Nomba uluntu Petelo abwene amaba, aumfwa umwenso. Lulya atampa ukwibila, apunda no kulanda ati, ''Shikulu, mpususheni!" ³¹ Ulo lwine fye Yesu alitambalikile ukuboko kwakwe, no kwikata Petelo, elo alanda kuli ye ati, '' We wa cisumino icinono, cindo ico wa citwishikila?'' ³² Elo uluntu Yesu na Petelo bapatemle mu bwange, no mwela walilekele ukupupa. ³³ Eluntu abasambi mu bwange balipepele Yesu elo no kulalanda ati, ''Cishinka uli Mwana wakwa Lesa." ³⁴ Uluntu batapukile ku bushilya, baishile ku mulundu wa Gennesaret. ³⁵ Eluntu abaume muli ilya ncende bali bukishe Yesu, balisabankenye na ma lyashi mu ncende ishashingulukile, elo bali letele kuli ye uyo onse uwalwele. ³⁶ Balimupapatiile pakuti limbi kuti baikatako fye ku mwingila wakwe, elo nabengi baliketeko nokupola balipolele.

¹ Eluntu aba Falise bamo elo naba kalemba baishile kuli Yesu ukufuma ku Yelusaleemu. Balandile ati, ² ''Bushe cindo ico abasambi bobe batobela intambi shabakulu besu? Pantu tabasamba ku minwe uluntu bakolya.'' ³ Alyasukile elo nokubeba ati, ''Bushe mwebo findo mutobela amafunde yakwa Lesa pa mulandu fye wa ntambi shenu? ⁴ Pantu Lesa alanda ati, 'Ulekucindika wiso elo na noko,' elo Noyo onse ulanda ifyabubi pali wishi nangu nyina mu cine ali nokufwa. ⁵ Lelo mwebo mulanda ukuti, ''Onse uuko eba wishi nangu nyina ati, ''Bonse ubwafwilisho ubo mwebo mukopokelela ukufuma kuli nebo ici nomba ica bupe cipelwe kuli Lesa,'' ⁶ uyo muntu tafwile ukucindika wishi.' Muli uyu musango muli lengele ukuba ilyafye ishiwi lyakwa Lesa pa mulandu wa ntambi ⁷ Mwe ba bumbi munda mwe! Kwena tali Esaya alisesemene pali mwebo uluntu alandile ati, ⁸ 'Aba bantu bantatakula fye pa tunwa twabo, lelo imitima yabo yaba ukutali nandi. ⁹ Bapepa nebo apa fye pantu basambilisha ifyo basuminamo ukuba amafunde ya bantu."' ¹⁰ Eluntu akutile ibumba kuli ye elo nokubeba ati, ''Kutikeni elo mumfwikishe-- ¹¹ Tapali ifyo ifingila mukanwa ifyo ifikowesha umuntu. Lelo, ico icifuma mu kanwa, ico ecikowesha umuntu." ¹² Eluntu abasambi baishile elo nokulanda kuli Yesu ati, ''Bushe ulishibile ukuti aba Falise balifulilwe pali filya wacilanda?'' ¹³ Yesu ayasukuile elo nokulanda ati, ''Icimuti conse ico tata wa mu mulu tabyala cikashulwa. ¹⁴ Balekeni fye, niba katungulula ba mpofu. Nga cakuti umuntu impofu aletungulula impofu inakwe, bonse babili kuti bawila mu cilindi." ^{15 16} Petelo alyasukile elo nokulanda kuli Yesu ati, ''Londolola uyu umulumbe kuli fwebo.'' Yesu alandile ati, ''Bushe namwe mucili tamulaumfwa? ¹⁷ Bushe tamubona ukuti ico conse icingila mu kanwa cipita mwifumo elo eluntu cafumina panse ukuya mu cimbusu? ¹⁸ Lelo ifintu ififuma mukanwa fifuma panshi ya mutima. Ifyo efintu ifikowesha umuntu. ¹⁹ Pantu kufuma mu mutima emutampila amatontokanyo ya bubi, ukwipaya, ubucende, ubulalelale, bupompwe, bukambone bwa bufi, elo nemiponto.'' ²⁰ Ifi e fintu ifikowesha umuntu. Nomba ukulya ukwabula ukusamba ku minwe takukowesha umuntu awe." ²¹ Eluntu Yesu afumine kulya elo nokulola ku fitungu fya misumba ya mu Tyre elo na Sidon. ²² Boneni, umwina Kenani umwanakashi afumine muli cilya icitungu. Abilikishe elo nokulanda ati, ''Ngufwila uluse, Shikulu, we Mwana wakwa Davidi! Umwana wandi umwanakashi alikatwa ne ngulu--ishabubi.'' ²³ Nomba Yesu tamwasukile isihwi nangu limo. Abasambi bakwe balishile noku mupapata, nokulanda ati, ''Mutamfye, pantu akotubilikisha." ²⁴ Lelo Yesu alyasukile elo nokulanda ati, ''Nebo ntatuminwe ku uli onse kano fye ku mpanga ishaluba isha ŋanda yakwa Israeli. ²⁵ ''Lelo aishile elo nokufukama pa ntanshi yakwe, nokulanda ati, ''Shikulu ngafwilisha.'' ²⁶ Alyasukile elo nokulanda ati, ''Tacilolelemo ukubula umukate wa bana elo nokuposela ku mbwa." ²⁷ Umwanakashi amwasukile ati, ''Ina, Shikulu, nomba nembwa shine shilalyako ubufungau ubo ubupona ku matebulo yakuba kanabesa bashiko. ²⁸ Eluntu Yesu ayasukile elo nokulanda ati, ''We mwanakashi we, cikulu icisumino cobe; leka ficitike kuli we ifyo ukofwaya.'' Umwana wakwe umwanakashi alipolele pali ilya ine fye inshita. ²⁹ Yesu alifumineko kulya ku ncende elo nokuya kumbali ya bemba wa Galilee. Eluntu aile pa mulu wa lupili elo nokwikala palya pene. ³⁰ Amabumba ayakulu yalishile kuli ye. Balimuletele abantu abakulemana, impofu, bacibulu, elo naba bulebe, elo nabambipo abalwele. ³¹ Eico abantu balikupapa pakumona uko bacibulu balikulanda, ababulebe balikuba bwino, abakulemana balikwenda, elo ne mpofu shalikumona. Balilumbenye Lesa uwa bena Israeli. ³² Yesu akutile abasambi bakwe kuli ye elo nokubeba ati, ''Naumfwila ibumba uluse pantu baikala nandi inshiku shitatu elo tabakwete nangu fimo ifilyo. Ntakofwaya ukubasalanganya ukwakubula ukubapa ifilyo, pantu limbi kuti bafwa ulushile munshila pakubwekelamo.'' ³³ Abasambi epakulanda kuli ye abati, ''Bushe nikwisa uko twingafunya imikate muno mu mpanga iyakuti twingalisha ibumba lya bantu ilyakukula ifi pakuti likute?'' ³⁴ Yesu abepwishe ati, ''Mukwete imikate inga?'' Bayasukile ati, '' Cine lubali, elo notuswi fye utunono.'' ³⁵ Eluntu Yesu aebele ibumba ukuti bekaleko panshi. ³⁶ Abulile imikate cine lubali elo notuswi, elo panuma yakutotela, ali sunawile imikate elo nokupela ku basambi bakwe. ³⁷ Abasambi bapele kwi bumba. Abantu bonse balilile elo nokwikuta. Eluntu batolele nokwiusha imiseke cine lubali iya bufungau. ³⁸ Aba abalile bali amakana yane abaume, ukufunyako abanakashi elo na bana. ³⁹ Eluntu Yesu asalangenye ibumba elo aninine mu bwange elo nokuya mu citungu ca Makatani.

¹ Aba Falise elo naba Saduki balishile elo noku mwesha pa ku mwipusha ukuti abalangisheko icishibilo cimo icakufuma mu mulu. ² Nomba Yesu abasukile ati elo no kulanda ati, ''Uluntu cafika icungulo bushiku, mulanda ukuti, 'Kukaca bwino, pantu ku mulu kuli ukwabu kashika.' ³ Uluntu caba ulucelo, mulanda ati, 'Kuleba ici mwela, pantu ku mulu kuli ukwa kukashika elo nokutalala.' Mwebo mulishibile ukwilula imibonekele ya myulu, nomba mwebo tekuti mwishibe ukwilula ifishibilo fya nshita. ⁴ Mwe nkulo yabubi elo iya bucende e ilefwaya icishibilo, takuli icishibilo nangu cimo icikopelwa kano fye icishibilo cakwa Yona.'' Eluntu Yesu abashile elo nokuya. ⁵ Uluntu abasambi bafikile ku bushilya, bo balilabile ukupiita umukate. ⁶ Yesu alandile kuli bo ati, ''Tekanyeni elo mule kucenjela ku citutumushi icaba Falise elo naba Saduki.'' ⁷ Abasambi balabishanya abene beka elo balanda ukuti, ''Nico pantu tatwacipiita umukate.'' ⁸ Yesu alishibile ifyo elo alanda ati, ''Mwe bacisumino icinono, bushe nindo ico muko ilabishisha mwebene beka elo nokulanda amuti nico pantu tamupitiile umukate? ⁹ Bushe na nomba tamulakutuluka nangu ukwibukisha pa mikate isano ifyo nalishishe abantu amakana yasano, elo ne miseke ni inga iyo mwalongenye? ¹⁰ Nangu imikate cine lubali iyo nalishishe abantu amakana yane, elo bushe miseke inga iyo iyo mwapiitile no kwi usha? ¹¹ Nga kanshi nindo ico mutelukiile ukuti Nebo taili mikate nali nkolandapo? Tekanyeni elo mulekucenjela ku citutumushi ca Falise elo naba Saduki.'' ¹² Eluntu nomba baumfwilishe ukuti talikubeba ukucenjela ku citutumushi ca mu mukate, nomba alikubeba ukucenjela ku masambilisho ayaba Falise elo naba Saduki. ¹³ Nomba uluntu aishile ku fitungu mupepi na Kaesaria Filipi, alipwishe abasambi bakwe, nokulanda ati, ''Bushe abantu balanda ukuti Umwana wa Muntu ninani? ¹⁴ Balandile ati, ''Bambi balanda ati Yoani Kabatisha; bambi ati, Eliya; elo na bambi ati, Yeremia, nangu umo pali bakasesema.'' ¹⁵ Alandile kuli bo ati, ''Lelo nga mwebo mulanda ati bushe ninebo Nani? ¹⁶ Mukwasuka, Simoni Petelo alandile ati, ''Niwebo Kristu, Umwana wakwa Lesa Umumi." ¹⁷ Yesu ayasukile elo no kulanda kuli ye ati, ''Walipalwa webo, Simoni Ba Yona, pantu umubili elo no mulopa te fyasokolola ifi fintu kuli we, nomba ni Tata uyo uwaba mu mulu. ¹⁸ Nandi nalanda kuli we ukuti niwe Petelo, elo napa libwe ili Nebo nkakulapo ulukuta lwandi. Ne fibi fyaku mbo fikafilwa uku lupitapo. . ¹⁹ Nebo nka kupa imfungulo sha bufumu bwa mulu. Icintu conse ico ukakaka pa calo namu mulu cikakakwa, elo neco ukakakula pa calo namu mulu ninshi cakakuluka.'' ²⁰ Eluntu Yesu akonkomeshe abasambi bakwe nokuti tabafwile ukwebako umuntu nangu umo ukuti ye e Kristu. ²¹ Ukutula pali ilya ine inshita Yesu atampile ukweba abasambi bakwe ati afwile ukuya ku Yelusaleemu, nokucula ifintu ifingi ku minwe iyaba Yuda elo nabakulu baku bashimapepo elo naba kalemba, akepaiwa, elo nokubushiwa ukuba no mweo pa bushiku bwakulenga shitatu. ²² Eluntu apitile Yesu pa mbali elo no kumukalipila, no kulanda ati, ''Lekeni ifi pitile ukutali, Shikulu; lekeni ifi fikacitika kuli mwebo.'' ²³ LeloYesu apilibukile elo no kweba Petelo ati, ''Kabuye kunuma yandi, Satana! Webo ulicakupunwisha kuli nebo, pantu webo taukosakamana pa fintu fyakwa Lesa, nomba ukotontonkanya fye pa fintu fya bantu." ²⁴ Eluntu Yesu alandile ku basambi bakwe ati, ''Nga cakuti uuli onse akofwaya ukunkonka, alingile ukuikanya umwine, nokupiita ulupanda lwakwe, elo ankonke. ²⁵ Pantu uyo onse uukofwaya ukupususha umweo wakwe ali noku ulofya, elo uyo onse uwalofya umweo wakwe pa mulandu wandi akausangana. ²⁶ Pantu bushe kuti cawamina indo umuntu ukunonka icalo conse elo alofya umweo wakwe? Bushe cindo ico umuntu engakabushanya no mweo wakwe? ²⁷ Pantu Umwana wa Muntu ali nokwisa mu lu lumbi lwakwa Wishi naba malaika bakwe. Eluntu akapele icilambu kuli cila umo ukulingana nefyo abomba. ²⁸ Icine Nkolanda kuli mwe nati, bamo pali mwebo mwebataleme apa takapiteko ku mfwa mpaka bakabone Umwana wa Muntu uko akoisa mu bufumu bwq mu mulu."

¹ Ulo inshiku mutanda shapitilepo Yesu alipitile Petelo pamo naye , na Yakobo na wabo Yoani, kabili alibasendetele pa mulu wa lupili. ² Kabili alipilibukile palibo. Icinso cakwe calyalukile ukuba ukubati kasuba ne fifwalo fyakwe fyalyalukile ifyabune ukuba ukubati kasuba, elo na malaya yakwe yabonekele bune bune ukubati lubuto. ³ Boneni, kulibo kwalibonekele Mose na Eliya abalikulanda naye. ⁴ Petelo aisa kwasuka no kweba Yesu ati,''Shikulu cawama ukuti tube namwe pano . Nga cakuti mukokabila , Nebo nkopanga imitanda itatu -Umo wenu ,uimbi nao wakwa Mose, kabili umo wakwa Eliya. ' ⁵ Ulo ali akolanda, boneni , ikumbi ilyakubuuta lyaishile ku bakupilisha, elo boneni, , kabili kwa lifumine ne shiwi mwikumbi, no kulanda ati, '' Uyu e Mwana mwaume wandi uuntu natemwisha ,uo Nebo mbekelwamo . Mulekukutika kuli ye.'' ⁶ Uluntu abasole baumfwile ifi, baliponeshe ifinso fyabo panshi elo bali tutumine. ⁷ EluntuYesu aishile elo no kubekata nokwisa kulanda ati, '' Alamukeni elo mwitutuma.'' ⁸ Eluntu baloleshe mu mulu lelo tabwenepo uuli onse lelo babwenepo fye Yesu. ⁹ Ulo balikutentemuka ulupili, Yesu alibakonkomeshe nokubeba ati, '' Mwikatubulula ici cimonwa ku uli onse kanofye umwana wa muntu ulo akashukuka ku bafwa.'' ¹⁰ Abasole bakwe balimwipwishe , nokulanda ati, '' Cindo bushe ico bakalemba balandila ati Eliya ali no kutampilapo ukwisa? ¹¹ Yesu alibasukile no kwisa kubeba kubeba ati, '' Eliya icine fye akesa no kubona ukuti fyonse fyabikwa bwino . ¹² Lelo Nko myeba nati, Eliya alisa kale lelo tabamwishibile. Muli ici cifulo, balicitile fyonse umo balikufwaila kuli yee. Mumusango umo wine , Umwana wa Muntu naye ali no kucula kuminwe yabo.'' ¹³ Eluntu abasambi bakwe baumfwile ati kanshi alikulanda pali Yoani Kabatisha. ¹⁴ Uluntu baishile kuli cinkupiti, umuntu alishile kuli yee , alifukeme kuli yee, nokwisa kulanda ati, ¹⁵ ''Mwe Shikulu kwateni uluse pa mwana wandi , pantu alilwala cipumputu elo alacula sana. Pantu ilingi alaponena mu mulilo nangu mu menshi . ¹⁶ Na cimuleta kubasambi bobe , lelo balifililwe ukumuposha." ¹⁷ Yesu alimwasukile ati, '' Mwe nkulo iyakubula icisumino kabili iya bwangalishi, bushe kanshi nkekala nenu inshita ndo? Bushe Nebo nkashipikisha inshita ndo ukuba nenu? Muleteni kuno kuli nebo.'' ¹⁸ Yesu aishile kukalipila ingulu, elo shafumine muli yee, no mulumendo alipolele ukufuma ukutula fye ilya ine inshita. ¹⁹ Eluntu abasambi baishile kuli yee mubumfisolo nokwia kulanda ati, '' Cindo ico tutashifumisha fwebo ?'' ²⁰ Yesu aishile kubeba ati,'' Pamulandu wacisumino cinono. Nkomyeba icnshinka nati, umfwa mukwate icisumino icakulana no luseke lwalubanga, kuti mwaeba ,ulupili, ati, 'Sela ukufuma pano nokuya palya ' kabili kuti lwasela, kabili takuli icintu icingafya kuli mwebo.'' ²¹ Lelo ingulu isha musango uyu tashima fye kano ukupepa nokufunga ukulya. ²² Panshita baikele mu Galile Yesu alikulanda ku basambi bakwe ati, '' Umwana wa Muntu akapelwa mu minwe ya bantu, ²³ elo bakamwipaya , napabushiku ubwakulenga shitatu akatutubuka .'' Abasambi bakwe baliketwe no bulanda nganshi. . ²⁴ Uluntu baishile ku Kapenamu, bakasonkesha wamisonko balishile kuli Petelo no kumweba ati, '' Bushe kasambilisha wenu tapela musonko ?'' ²⁵ Aishile kubasuka ati, '' alapela.'' Uluntu Petelo aingile ŋanda , Yesu aishile kulanda kuli yee pakutampa elo nokulanda ati, '' Findo ifyo ukotontonkanya , Simoni ?Bushe nikwisa uko isha mfumu sha mu calo shipoka ubulobololo elo ne misonko? Bushe ni ku bana ba shiko nangu ni kuli bambi? ²⁶ ''Nikuli bambi,'' efyaishile kwasuka Petelo. '' Eluntu abana tabali na mulandu'' efyalandile Yesu . ²⁷ Pakutila twilenga ba kasonkesha ukupanga isambi , kabuye ku nika upose indobani, kabili ubule inswi iikotampilailapo ukufuma. Uluntu walacenamuna akanwa, walasanganamo indalama ubule utwalile ba kasonkesha umutulo umbi wandi elo no obe."

¹ Napali ilya inshita abasambi balishile kuli Yesu nokwisa kumweba ati, '' Bushe umukulu ni nani mu bufumu ubwa mu mulu?'' ² Yesu alikutile akana akanice kuli ye no kukabika pakati kabo ³ elo aishile kulanda ati, " Mucishinka Nebo nkolanda kano fye nga mwaaluka no kubati baice tamwakengile mu bufumu bwa mu mulu. ⁴ 4 Eico kanshi uuli onse uwaicefya nga akanice e mukulu mu bufumu bwa mu mulu. ⁵ Uyo onse uwapokelela akana akaice ukubati nifi mwishina lyandi nisnshi ampokelela. ⁶ Lelo uyo onse uwalenga umo pa baice abasumina muli nebo ukuipuntula kuti cawama kuli yee ukuti a kobekwa icilibwe icikulu mumukoshi , elo alingile ukumuposa muli bemba ⁷ " Kalanda kwi sonde kumulandu wafipunwisho! Pantu cililingile ukweba ati, ifi punwisho fise lelo kalanda kuli uyo uo ifipunwisho fikoishilamo! ⁸ Nga cakuti ukuboko nangu ukulu kobe kwakulenga ukuipuntula kuputuleko noku kuposa ukufuma kuli webo. Cililingile webo ukuba umulema ukucila ukwisakuposwa mumulilo wape namaboko yabili nangu amoolu. ⁹ Nga cakuti ilinso lyobe lyakulenga ukuipuntula ulishongolemo no kuliposa ukutali nobe. Ciliweme kuli webo ukwingila mu mweo ne linso limo ukucila ukuposwa muli bemba wa mulilo ulikwete amenso yabili. ¹⁰ Boneni ukuti tamulufishepo nangu kamo pali utu twanice. Kabili Nebo nko myeba ati, abangeli mu mulu lyonse balalolesha pa cinso cakwa Tata uwaba mu mulu. ¹¹ Pantu umwana wa Muntu aishile mukupususha abaluba. ¹² Findo mutontonkanya? Nga cakuti umo alikwete impaanga umwanda umo, elo imo yaya iciyeyeye tekuti ashe ishili amakumi pabula na pabula pambali ya culu nokuya mukufwaya iile iciyeyeye? ¹³ Nga aisangana, nko myeba icine nati alasamwa pali imo ukucila ishili amakumi pabula na pabula isho ishitaciya iciyeyeye. ¹⁴ Munshila imo ine , tekufwaya kwakwa Shinwe uwa mu mulu ukuti umo pali aba banice ukuloba. ¹⁵ Nga cakuti wenu akulufyanya, kabuye elo nokuya muyekulanshanya mwebo mweka babili. Nga cakuti aku kutika kuli webo ninshi wa nonka wenu. ¹⁶ Lelo nga takutikile kuli webo, piitapo umo nangu babili ulekuya nabo, pakweba ati utunwa tubili nangu tutatu utwa bunte , ishiwi ilili lyonse likomfwika. ¹⁷ Lelo umfwa nga akana uku kutika kuli bo, utwale umulandu ku cilonganino, umfwa nga akana uku kutika ku cilonganino, umuleke ukamucite fye ukubati mwina fyalo nangu kasonkesha wa misonko. ¹⁸ Nko myeba mu cine nati,ifintu fyonse ifyo mwakakilila pano pa calo namu mulu ninshi filikakililwe, kabili ifyo mwakakula pano pa calo na mu mulu namo ninshi filikakulukile. ¹⁹ Na kabili nko myeba mu cine nati, nga babili pali mwebo basuminishanya pano pa calo pafili fyonse ifyo mukofwaya ukulomba, cikacitwa kuli bo na Tata uwaba mu mulu. ²⁰ Pantu apali babili nangu batatu abakolongene mwishina lyandi nandibo ninshi e pondi pakati kabo." ²¹ Eluntu Petelo aishile kulanda kuli Yesu ati, "Shikulu, bushe miku inga wesu engatulufyanya elo nokumu belela uluse? Ukushinta fyenapa miku cine lubali? ²² Yesu alimwasukilee ati, Ntakwebele ati imiku cine lubali, lelo uku shinta fye na ku miku amakumi amakumi cine lubali na cine lubali. ²³ Eico kanshi ubufumu bwa mu mulu bwapalanishiwa ku mfumu imo iyatampile ukukalipila abasha baiko. ²⁴ Uluntu atampile ukulubulwisha aba abasha, umusha umo aliletelwe kuli yee uwamukwatile amatalanta amakana ikumi. ²⁵ Lelo apo takwete umusango wakulipililamo Shikulu wakwe amwebele ati ukusitisha , fyonse pamo no mukashi wakwe nabana bakwe elo ukulipila fyonse ifyo akwete, elo no fya kulipila. ²⁶ Eluntu umusha awile panshi,ali fukeme napali e nokulanda ati, 'Shikulu mbeleleniko uluse, kabili nkomipela fyonse.' ²⁷ Kabili Shikulu wauyo musha ico alisendelwe no bulanda, alimulekeleleko uluse nokumwelela inkongole akwete. ²⁸ Lelo ulya musha aile panse no kusangana umo uwa mubasha banankwe, uwa mukwatile amashekele umwanda umo. Alimwikete no kutampata ukumupamfya ati, mpela inkongole shandi.' ²⁹ "Lelo umusha munankwe aliwile panshi nokupapata kuli yee ati, mbelelako uluse, elo nokualanda ati, 'Mpela inkongole ishowankwatila.' Lelo umusha munakwe alipapatile kuli nokulanda kuli ye ati, Mpelako akashita, elo nka kulipila.' ³⁰ Lelo umusha wa ntanshi alikene. Ifya citikile, ye aile elo noku muposa mucifungo mpaka akamupele inkongole amukwatile. ³¹ Uluntu abasha banakwe babwene ifyacitikile, balyumfwile ubulanda nganshi. Balishile nokweba shikulu wabo fyonse ifyacitikile. ³² Eluntu shikulu wa ulya musha alimukutile no ku mweba ati, ' Wemusha wa bubi we, nalikubelele uluse pali shonse inkongole pantu walipapatile kuli nebo. ³³ Bushe tekuti ukwatile umusha munobe, uluse, ngefyo Nebo nakukwatile uluse? ³⁴ Shikulu wakwe alifulilwe nganshi no kumupela kuba kumucusha mpaka akalipile inkongole isho amukwatile. ³⁵ Ifyo fine na Tata wa mu mulu akacita ifyo fine kuli mwebo nga tamwakelele ba wenu panshi ya mitima yenu."

¹ Caishile kuba fye ulo Yesu apwilishe ukulanda aya mashiwi , alifuminemo mu Galile elo nokwisa ku citungu ca Yudea uwaba bushilya bwa mumana wa Yorodani. ² Icina bwingi cali mukonkele , elo nokubaposha kulya kwine. ³ Aba Farise balishile kuli yee ,no kumwesha , abati, '' Bushe cilisuminishiwa umwaume ukulekana no mukashi wakwe pamulandu uli onse?'' ⁴ Yesu alibasukile ati, ''Bushe tamwa belenga ati, uwa balengele pa kutampa abalengele umwaume elo no mwanakashi? ^{5 6} Pantu nipa mulandu wine uyu umwume akasha wishielo na nyina nokuya ku suntinkana no mukashi wakwe, elo aba babili bakaluuka umubili umo.' Eico kanshi ico Lesa alundanya pamo, mwileka nangu umo aci lekanye." ⁷ Balandile kuli ye ati, "Nindo ifyo Mose atukonkomeshe ukupela icitupa ica kulekana elo eluntu noku mutamfya.?" ⁸ Alandile kulibo ati,"Nipa mulandu wakukosa kwa mitima yenu , Mose amisuminishishe ukukaana abakashi benu, lelo kukutampa tefyo cali muli iyi nshila. ⁹ Nkolanda kuli mwebo nati, uyo onse uwakana umukashi wakwe, kano fye pa mulandu wa bulalelale,no kuya kupa umbi acita ubunende ." ¹⁰ Abasambi balandile kuli Yesu ati,"Ifyo nga e fyo caba pa mwaume no mukashi wakwe, te cabune ukupa." ¹¹ Nomba Yesu alandile kulibo ati,"Tali onse uwingasumina uku kulanda , lelo kanofye kuli uyo uo capelwa. ¹² Pantu kuli ba mutungwi ababa ifyo fine ukufuma munda yaku ba nyina, na ba mutungwi abalengwa ba mutungwi na bantu,kuli ba mutungwi baipanga abene beka bu mutungwi pa mulandu wa bufumu bwa munmulu,uyo onse uli no kusumina uku kufunda ,mulekeni apokelele ici." ¹³ Eluntu abana banono bambi baletelwe kuli ye pa kuti ababikepo iminwe yakwe elo no kupepepa, nomba abasambi balibakalipile. ¹⁴ Lelo Yesu alandile kuli bo ati , "Suminisheni abana banono,elo mwibakanya ukuti bese kuli nebo, pantu ubufumu bwa mu mulu bwa pelwa kuba kuba ifi." ¹⁵ Abikile amaboko yakwe pa baice, elo afuminekulya. ¹⁶ Boneni, uwaume aisile kuli Yesu no kulanda ati, "kasambilisha , Cintu ndo icabune ico Ndingile ukucita pa kuti Nebo ninga kwata umweo uwamuyaya? ¹⁷ Yesu alandile kuli y atie,"Cindo ico ukonjipushisha paliicili icabune? Kuli fye umo e wa bune , lelo nga ukufwaya ukwingila mu mweo, ulekusunga amafunde" ¹⁸ Umulumendo alandile kuli ye ati , "Fipope ndo?" Yesu alandile ati,"Wilakwipaya, wilakucita bucende, wilakwiba, wilakupela bukambone bwa bufi , ¹⁹ ulekucindika wiso na nako, elo ulekutemwa umwina mupalamano obe ukubati ni we mwine. ²⁰ Umulumendo alandile kuli ye ati, "Ifi fyonse ndakonka. Findo fimbi ifyo Nebo nkofwaikwa?" ²¹ Yesu alandile kuli ye ati, "Nga cakuti ukofwaya ukuba uwakaele, kabuye,usulwishe ifyuma wakwata, elo nokupela, ku balanda, elo ukakwata icuma mu mulu; elo wise, ukwisa kunkonka." ²² Lelo uluntu umulumendo akutikile ifyo Yesu alandile, aile uwabulanda , pantu alikwete ifyuma,ifingi. ²³ Yesu alandile ku basambi bakwe ati, "Mucine nkolanda kuli mwebo ati , cakukosa uwa fyuma ukwingila mu bufumu bwa mu mulu. ²⁴ Kabili nkolanda kuli mwebo ati,cili icakwanguka ingamile ukupita mulinso lya nshindano ukucila uwafyuma ukwingila mu bufumu bwa kwa Lesa." ²⁵ Uluntu abasambi baumfwile ifi, balipapukile no kulanda ati, ''Ni nani kanshi uwingapusuka?" ²⁶ Yesu abaloleshe no kulanda ati, "Ku bantu ici cintu cintu icacakwafya, lelo kuli Lesa ifintu fyonse fyakwanguka." ²⁷ Eluntu Petelo ayasukile no kulanda kuli ye ati, "Bona fwebo twalisha fyonse elo no ku konka webo , Kanshi findo fwebo tukakwatako? t" ²⁸ Yesu alandile kulibo ati, "Mucine nkolanda kuli mwebo nati, mu nkulo iikoisasa uluntu Umwana wa Muntu akekala pa cipuna calulumbi, mwebo mwebankonka na mwebo bene mukekala pa fipuna ikumi limo na fibili, ukupingula inkulo ikumi limo na ibili ishamuIsraeli. ²⁹ Uyo onse uwasha amayanda , ba wabo , bankashi, ba wishi, b anyina, abana,nangu impanga pa mulandu wandi akapokelela umwanda umo mu bwingi no kupokelela umweo wa muyayaya. ³⁰ Lelo abengi ababa abantanshi bakaba abakunuma, naba kunuma eba kaba abakuntanshi.

¹ Pantu ubufumu bwa mumulu bwaba ukubati mwine wa mpanga uwaile ku macaca mukufwaya abakubomba mwibala lyakwe ilya myangashi. ² Panuma yakumfwana na ba ncinto ukubalilapo impiya imo cila bushiku ,alibatumine mwibala ilya myangashi. . ³ Alilefuminepo nakabili panuma yansa iya kulenga butatu kabili nokubona ababomfi bambi baliminine ukwakubula ifyo balikucita mu cisankano. ⁴ Alilandile kulibo ati, 'Namwe kabuyeni mwibala lya mwangashi kabili nko mipa ifilingile .' Eico balile na mukubomba. ⁵ Nakabili alifuminepo panuma yansa mutanda nakabili pansa pabula, kabili alicitile cimo cine . ⁶ Nakabili pansa ikumi limo na imo aliile no kusanganako nabambi baliminine ukwakubula ifyo balikucita. alibebele ati,' Cindo mwikalile ifi apatali na ifyo mukocita akasuba konse aka?' ⁷ Balimwasukile ati, ''Pantu tapali uwakutubomfya.' ''alibebele ati ,' Namwe kabuyeni mwibala lyandi ilya myangashi.' ⁸ Uluntu icungulo cafikile umwine webala lya myangashi alandile kuli kangalila ati, ' Kuuta ababomfi elo ubalipile amalipilo yabo , ukutampila pawa kulekelesha ukushinta pa kuwakutampilapo. ⁹ '' Uluntu ababomfi abo akutile pansa iyakulekelesha baishile, cila umo na umo alilipilwe amalipilo ya bushiku bumo. ¹⁰ Uluntu ababomfi abatampilepo baishile ,bali kutontonkanya ati, balapokapo ishingi ,lelo nabo bapokele isha bushiku bumo cila umo na umo. ¹¹ Uluntu bapokele amalipilo yabo baliilishenye pa mulandu wa mwine we bala ¹² .Balandile ati, aba ababomfi bakulekelesha baposafye insa imo pa ncito, lelo mulilingenye, na fwebo twa cululuka mukasuba akakulapuka. ¹³ '' Lelo umwine alibasukile nokweba umo palibo ati, ' Cibusa Nebo nta ku fyengele. Bushe tawacisumina kuli nebo ukupoka indalama yapa bushiku bumo? ¹⁴ Piita ifili ukuba ifyobe kabili ulekuya. Na chisaala ukupela ababomfi abalekelela ukulingana fye nenu. ¹⁵ Bushe tacasuminishiwa kuli Nebo ukucita ico nkofwaya ukucita pa fintu ifyandi? Nangu bushe ilinso lyobe ilibi pantu ndi wabune?' ¹⁶ Eico abakunuma bakaba eba kutampa, elo abakutampa eba kunuma. ¹⁷ Ulo Yesu alikuya ku Yerusalemu , alisendele abasambi ikumi na babili kabili mu nshila alibebele ati, ¹⁸ '' Boneni, tukoya ku Yerusalemu , kabili Umwana wa Muntu akoya kupelwa ku bakulu baku bashi mapepo naba kalemba . Bakaya kumupingwila ukufwa ¹⁹ kabili bakaya kumuposa muminwe yabena fyalo, no ku museka, noku mulopola ifikoti kabili no kumutanika. Lelo ubushiku bwakulenga shitatu aka bushiwa." ²⁰ Eluntu nyina waku ba mwana Sebedi aishile kuli Yesu nabana bakwe abaume . Alifukeme kuli yee no ku mwipusha ifintu fimo. ²¹ Yesu ali mwasukile ati, '' Cindo ico ukokabila?'' Ayasukile ati, "Konkomesha ukuti aba abana bandi babili ukuti bakele , umo ku kulyo na umbi ku kuso kobe mu bufumu bobe. ²² Lelo Yesu alimwasukile elo no kulanda ati, '' tawishibile ico ukoipusha. Bushe muli iteyenye ukunwa ukunwa kulukombo ulo nal anakwako?'' Bali mwasukile ati tuli iteyenye.'' ²³ Alibebele ati, '' ulukombo icishinka mukanwa. Lelo ukwikala ku kulyo kwandi kabili na kukuso kwandi te candi ukupela , lelo cabo abantu cateyanishiwa na Tata.'' ²⁴ Uluntu abasambi bambi ikumi baumfwile ifi, balifuliilwe nganshi pali balya ba wabo babili. ²⁵ Lelo Yesu alibetile kuli yee elo no kubeba ati '' Mulishibile ati bakateka ba bena Fyalo balikwete insambu pali bo, kabili abaume babo abakucindama bakolanga amaka palibo. ²⁶ Lelo tacili nakuba muli ii inshila palimwebo.Muli ico, uyo onse uukofwaya ukuba umukulu muli mwebo alingile ukuba umubomfi wenu , ²⁷ elo uyo uukofwaya ukuba uwa kutampilapo pali mwebo alingile ukuba umubomfi wenu. ²⁸ ukubati ni filya Umwana wa Muntu taishile mu kubombelwa lelo ukupela umweo wakwe nga nga ilambo ilya bengi. ²⁹ Ulo balikuya ukufuma mu Yeriko, icintu bwingi cali mukonkele. ³⁰ Kwali impofu shibili ishaikele pa musebo . Uluntu shaumfwile ukuti Yesu akopita sha bilibilikishe ati, '' Shikulu, Mwana Davidi, tumfwile uluse. ³¹ Icintu bwingi calibakalipile no kubeba ukwikala shilili , lelo ba cililemo fye ukukosha ukulila ati, '' Shikulu, Mwana Davidi, tumfwile uluse." ³² Eluntu Yesu ataleme shinkinta elo no kubakuta elo nokulanda ati, '' Cindo ico mukofwaya micitile?'' ³³ Balandile kuli yee ati, Shikulu tukofwaya ukubona. ³⁴ Eluntu Yesu aiketwe no bulanda , alikete naamenso yabo. Ulo lwine fye balitampile ukubona elo bali mukonkele.

¹ Ulo Yesu na basambi bakwe bali kupalamina ku Yerusalemu elo bafikile Betifage , ku Lupili lwa miolifa, eluntu Yesu atumine abasambi babili , ² no kubeba ati, '' Kabuyeni mu mushi uukonkelepo, kabili pa kwingila mwalaya musangane impunda ilikakilwe palya, pamo naka mwana. Mushikakule elo mushilete kuli nebo. ³ Nga umo alanda ifili fyonse kulimwebo pali ifi fintu mulande ati, ' Ni Shikulu akofifwaya ,' kabili uyo muntu ulo lwine ako mipela." ⁴ Nomba ifi fyacitikile pakufikilisha ifya landilwe uku pitila muli kasesema ati, ⁵ '' Ebeni umwana mwanakashi Sioni amuti, ' Bona Imfumu yobe ikoisa iya kuicefya kabili ili ninine pali punda - pa musepela umwana wakwa punda. ⁶ Eluntu abasambi baile elo no kucita ifyo fine Yesu abebele. ⁷ Baliletele punda elo no musepela waku punda, no kubula amalaya yabo bayanshikapo elo Yesu aikalapo. ⁸ Amabumba ayengi balibikile insalu shabo mu nshila, Kabili bambi baliputawile imisambo ku fimuti elo no kwanshika mu nshila. ⁹ Eluntu icintu bwingi icaishile kuli Yesu kabili abo aba mukonkele balikubilikisha ati , '' Hosana kuli mwana Davidi! Wakupaalwa uyo uwishila mwishina lya kwa Shikulu! Hosana kuli Lesa mu mulu! '' ¹⁰ Uluntu Yesu aishile kwingile mu Yerusalemu yonse imisumba yakaba na see elo nokuland ati, Ninani uyu?'' ¹¹ Icina bwingi calyasukile ati, Uyu ni Yesu kasesema uwafuma ku Nazareti wamu mu Galile." ¹² Eluntu Yesu aingile mwi tempele. Alitamfishe bonse abalikushita noku shitisha mwi tempele kabili alipilibwile ama tebulo yakuba kakabushanya bandalama kabili na ifipuna fyabalishitisha inkuunda. ¹³ Alilandile kuli bo ati, '' Cililemba ukuti, 'iŋanda yandi ikakutwa iŋanda iya mapepo,' lelo mwebo mwaya kuisangula ukuba icifulo ica kuba pompwe. icifulo caba .'' ¹⁴ Eluntu impofu elo ne filema baishile kuli yee mwi tempele, elo naye ali ba poseshye. ¹⁵ Lelo uluntu abakulu baku ba shimapepo elo na ba kalemba babwene ifipesha mano ifintu alikucita , kabili uluntu abaice bali kupunda mwi tempele abati, '' Hosana kuli Mwana Davidi '' Balifulilwe bubi bubi. ¹⁶ Bali mwebele ati, '' Bushe ulyumfwile ifyo bakolanda? '' Yesu alibebele ati, '' Ina! Lelo bushe tamwa belenga ati, 'Ukufuma mu tunwa twaba baice elo no tunyautuko onka eko uteyenye amalumbo?'' ¹⁷ Eluntu Yesu abashile elo afuma mu musumba no kuya ku Betani elo alisendemeko ubushiku bumo kulya. ¹⁸ Nomba mu lucelo ulo abwelele ku musumba, alyumfwile insala. ¹⁹ Paku bona iciti ca makunyu mu mbali ya musebo, aliileko kabili tasangeneko nangu fimo yeka fye amabula eyaliko. Yesu alandile kuciti ati, '' Wikesha uku twalako ifisabo na kabili, '' elo ulo lweka fye ne iciti ca makunyu calyumine. ²⁰ Uluntu abasambi babwene iciti , balipapulile, elo no kulanda ati, '' Bushe nindo ico iciti ica makunyu caumina peka apa?'' ²¹ Yesu alibasukile elo alibebele ati, '' Mucine nkolanda kuli mwebo ati , nga mwakusha icicetekelo elo tamu kotwishika , ta mwakacite fye fyeka ifi ifya citika kuli ici iciti camakunyu, lelo mukanda kuli ulu lupili ati , 'Sela apa elo uye kuiposa no kuiposa muli bemba, ' elo naco cikacitwa. ²² Icili conse ico mukalomba ukupitila mukupepa, mu cisumino, mu kapokelela." ²³ Uluntu Yesu aishile mwi tempele abakulu baku ba shimapepo elo na bakulu mu bantu baishile kuli yee ulo ali kusambilisha elo no kulanda ati,''Bushe ni ku nsambu ndo ucitila ifi fintu, elo ni nani uwaakupela ishi insambu?' ²⁴ 'Yesu alibasukile nokubeba ati, '' Nandibo nala mipusha ilipusho limo. Nga cakuti mwala njeba, Nandibo nko myeba uko ishi nsambu Ncintilamo ifi fintu sha fuma. ²⁵ Ulubatisho lwakwa Yoani - bushe lwafumine kwisa? Niku mulu nangu lwafumine ku bantu? Batampile ukulabishanya abene beka bakolanda ati, umfwa tulande ati, niku mulu akotweba ati ' Cindo kanshi ico tamwa musuminine?' ²⁶ Lelo nga cakuti tulande ati,' Niku bantu' tukotina icina bwingi, pantu bonse batunga Yoani ukuba kasesema.'' ²⁷ Eluntu ba asukile Yesu elo no kulanda ati, tatwishibile.'' Naye epakubeba ati , '' Ifyo fine Nadibon tamyebe niku nsambu ndo uko ncitila ifi fintu. ²⁸ Lelo mwebo nindo mu tontonkanyapo? Umuntu alikwete abana baume babili elo atile kuwa kutampilapo ati,' wenu, 'Mwana wandi, kabuye lelo uye kubombako mwibala lya mwangashi.' ²⁹ Umwana mwaume ayasukile ati, 'Nebo ntayemo, ' lelo panuma aisa kupilibula ama tontonkanyo elo no kuya ku bomba.'' ³⁰ Eluntu umuntu aile ku mwana mwaume uwa bubili elo no kulanda kuli ye ifintu fimo fimo fine. Alyasukile no kulanda ati, 'nalaya tata' lelo taile. ³¹ Ninani pali aba abana babili uwacitile ifyo wishi alikufwaya?'' Balandile ati, '' Uwakutampilapo.'' Yesu alilandile kuli bo ati, '' Mu cine fye nko landa kuli mwebo ati, ba kasonkesha elo na maule bakengila mu bufumu bwa kwa Lesa pali mwebo. ³² Pantu Yoani alishile muli mwebo mu nshila iya bulungami , lelo mwebo tamwa musumiine, Lelo mwebo, no luntu mwa bwene ifi, tamwalapiile panuma elo noku musumina. ³³ '' Kutikeni ku mulumbe naumbi uyu. Kwaliko umuntu umo uwakwete impanga. Alibyele ibala lya myangashi, abikako nelinga abikamo ne cakukaminamo umwangashi, akulilamo no lupungu no kusonkesha kubalimi ba myangashi. Eluntu aile ku calo cimbi. ³⁴ Uluntu inshita ya kusombola yapaleme, alitumineko bamo ababomfi ku mulimi wa myangashi ukuya kupiita ifisabo. ³⁵ Lelo abalimi bamwangahi balipitiile ababomfi baumapo na umo, umbi ba mupuma elo umbi naye bamwipaya elo kabili noku longaula umbi amabwe. ³⁶ Nakabili umwime alitumine na bambi ababomfi, ukucila paba paba kutampilapo, lelo abalimi bamyangashi balibacitile mu musango umo wine. ³⁷ Panuma ya ifyo, umwine alitumine umwana wakwe kuli bo, no kulanda ati, Bakaya ku cindika umwana wandi.' ³⁸ '' Lelo uluntu abalimi ba myangashi ba bwene umwana mwaume, balitampile ukuilabisha abene beka ati, ' uyu e mpyani, ka tumwipaye elo no kubula ifyuma. ³⁹ Elo bamupitilele, bamuposa na kunse yebela lya myangashi elo no kumwpaya. ⁴⁰ Nomba uluntu umwine webala lya myangashi akesa, Bushe nindo akesa ku cita abalimi ba myangashi?'' ⁴¹ Balilandile kuli yee ati, '' Akesa konaula mu cifukushi abo bantu bakubipisha, elo e luntu akasonkesha ibala lya mwangashi kubalimi b amwangwashi bambi, abantu abo abakamupa icakaniko ca filimwa panshita iya kusombola." ⁴² Yesu alilandile kulibo, ati, ''Bushe tamwatala amu belenga mu malembo ati, .Itafwali ilyo bakakula basuulile elya isa kuba ilya pa cifutu. Ici ca fumine kuli Shikulu, kabili cakupapusha mu menso yesu. ⁴³ Eico kanshi Nkolanda kuli mwebo ati , ubufumu bwakwa Lesa bukapokwa ukufuma kuli mwebo elo bukapelwa ku calo ico icitwala ifisabo. ⁴⁴ Naye onse u ukawila pali ili itafwali aka putaulwa mutupimfya. Lelo uyo onse uo likaponenapo aka shonaulwa." ⁴⁵ Uluntu abakulu baku bashimapepo na ba Falise baumfwile imilumbe yakwaYesu, balisumine ati alikulanda palibo. ⁴⁶ Bali kufwailisha ukumwikata, balikutina icintu bwingi, pantu abantu bali kumutunga pali ba kasesema.

¹ Yesu alandile nabo mu milumbe nakabili, ukulanda ati, ² '' Ubufumu bwa mu mulu bwa palanishiwa ku mfumu iyo iya teyenye umutebeto wa bwinga bwa mwana mwaume waiko. ³ Yalitumine ababomfi bakwe ukuya ku kuuta abo abakutilwe ukwisa ku mutebeto wa bwinga, lelo tabaishileko. ⁴ Nakabili imfumu yalitumine ababomfi bambi, noku beba ati, "Kebebeni abo abakutilwe, '' Boneni nditeyeenye imitebeto yandi. Ndipeye ŋombe ishilume elo ishakwina , elo ne fintu fyonse filipekanishiwe. Iseni ku mutebeto uwa kufya."' ⁵ Lelo taba poseleko amano kabili balifuminepo, cila umo kwibala kwakwe, na umbi kuma kwebo yakwe. ⁶ Bambi abakutilwe baikata ababomfi bamfumu, ba bacusha no musebanya, elo no kubepaya. ⁷ Imfumu yalifulilwe, kabili yalitumine abashilika baiko elo bailekonaula bonse abaipeye nokoca umusumba wabo. ⁸ Eluntu alandile ku babomfi bakwe ati, "Ubwinga bulipekenywe , lelo abakutilwe tabalingile. ⁹ Kanshi kabuyeni muma nsansa ya mm misebo muye ku kuta bonse abo mukosangana kumitebeto ya bwinga ngefyo mwingasanga! ¹⁰ Ababomfi balile mu mansansa ya misebo elo no kulonganya abantu bonse abo baile kusangana , bonse ababubi elo babune. Kanshi icikulwa cabwinga yaiwilemo naba shi mucindikwa. ¹¹ Lelo uluntu imfumu yaingilo pakwisa kulolesha abakutilwe, yalibwene umuntu umo uu tafwele ilaya lya bwinga. ¹² Imfumu yali mwebele ati, ' We munandi , bushe wingile shani muno ukwabula ukufwala ilaya lya bwinga ?' Lelo umuntu takwete amashiwi ayali yonse. ¹³ Eluntu imfumu yaebele ababomfi ati,' Mukakileni uyu muntu amaboko na molu, elo mu mupose panse pa mfinshi , apo apa kaba ukulila elo , kusumanya ameno.' ¹⁴ Pantu abakutwa bengi , lelo banono abasalwa. ¹⁵ Eluntu aba Falise baile elo no kuya kwa nshika apaku fyenenkesesha Yesu mukulanda kwakwe. ¹⁶ Eluntu batumine kuli Yesu abasambi babo pamo nabena Herodi. Balandile kuli Yesu ati ,'' Kafundisha twalishiba ati mwebo mulibacishinka , kabili musambilisha inshila ya kwa Lesa mucishinka. tamusakamana pa muntu nagu umo , kabili tamwaba nakapatulula pa bantu. ¹⁷ kanshi twebeni , findo ukotontonkanya? Bushe calisuminishiwa ukupela umusonko kuli Kaisale nangu iyo? ¹⁸ Lelo Yesu alishibile ifyo bali kutontonkanya elo alandile ati, '' Cindo ico mukonjesesha, mweba bumbi munda mwe? ¹⁹ Ndangeni indalama umuwaya iya musonko.'' Eluntu baletele indalama kuli ye. ²⁰ Yesu alibebela ati, '' Nimpumi elo ne shina lyakwa nani ilili apa ?'' ²¹ Bali mwasukile ati, '' Ni Kaisale." "Kanshi peleni Kaisale ifintu fya kwa Kaisale kabili kuli Lesa ifintu fya kwa Lesa .'' ²² Uluntu baumfwile ici , balipapile. Eluntu balimushile no kuya. ²³ Pali bulya bushiku aba Saduki, abalikulanda ati takwaba kututubuka baishile kuli ye. Bali mwipwishe , ²⁴ nokulanda ati, " Kasambilisha, Mose alitwebele ati 'Nga cakuti umwaume afwa, ukwakubula ukufyalapo abana, wabo afwile ukuupa umukashi wakwe noku mufyalilako abana.' ²⁵ Kwaliko abaume cine lubali. Uwakutalapo alyupile kabili eluntu afwa.Tashilepo no mwana , aishile kusha umukashi wakwe kuli wabo. ²⁶ Elo uwa bubili naye acitile fimo fine, eluntu uwa butatu, ukuyaku shinta na ku wakulenga cine lubali. ²⁷ Panuma ya aba bonse umwanakshi alifwile. ²⁸ Nomba mukututubuka , mukashi wakwa nani akaba pali aba ba wabo na wabo cine lubali? Pantu bonse bali mupileko." ²⁹ Lelo Yesu alibasukile nokulanda ati, Mwaliluba pantu tamwaishiba amalembo nangu amaka yakwa Lesa. ³⁰ Pantu mukututubuka tapabakale kuupa nangu ukuupwa. Lelo baba ukuba ati niba malaika aba mu mulu. ³¹ Lelo ukulosha palwa kututubuka kubafwa , bushe tamwa belenga ifyo Lesa alandile kuli mwebo, ati, ³² 'Ninebo Lesa wakwa Abrahamu, Lesa wakwa Isaki , elo Lesa wakwa Yakobo? Lesa te Lesa waba kufwa, lelo wa ba mweo'' ³³ Uluntu icintu bwingi caumfwile ifi, calipapile imi sambilishishe yakwe. ³⁴ Lelo uluntu aba Falise baumfwile ukuti Yesu alitalalikile aba Saduki , balilongene beka beka. ³⁵ Umunabo umo kafundisha wa mafunde amwipwishe ilipusho, kuku mwesha - '' ³⁶ "Kasambilisha , bushe lifunde ndo ilyakulishapo? ³⁷ Yesu alandile kuli ye ati, '' Ulekutemwa Shikulu Lesa obe, no mweo obe onse, no mutima obe onse, na mano yobe yonse,' ³⁸ Ili e funde ilikulu kabili e lyakutampilapo. ³⁹ Elo ifunde lyabuli lyaba ngeli--'Ulekutemwa umwina mupalamano ukubati ni we mwine .' ⁴⁰ Pali aya mafunde yabili epa shintilila amafunde yonse kabili elo naba kasesema." .'' ⁴¹ Nomba ulo aba Falise bali balilongene pano , Yesu alibepwishe ilipusho . ⁴² Alandile ati, 'Mutontonkanya indo pali Kristu? Bushe mwana wakwa nani? '' Balimwasukile ati, '' Mwana mwaume wakwa Davidi." ⁴³ Yesu alandile kuli bo ati, '' Nindo ico kanshi Davidi mu Mupashi amukutila ukuti Shikulu , ukulanda ati, ⁴⁴ Shikulu alandile kuli Shikulu wandi, ati , '' Ikala ku kuboko kwandi ukwa kulyo kwandi, mpaka abalwani bobe nkabacite apakunyanta amakasa yandi"'? ⁴⁵ Nga cakuti Davidi alikukuta Kristu ati, Shikulu ; cindo ico abela umwana wakwa David?'' ⁴⁶ Takwali nangu umo uwakumineko uku mwasukapo ishiwi, elo tapali umuntu nangu umo uwapamine ukumwipusha amepusho nayambi ukutula bulyabwine ubushiku.

¹ Eluntu Yesu alandile kuli cinkupinti elo na basambi bakwe. ² Alandile ati, "Bakalemba ba mafunde naba Falise bekele pacipuna cakwa Mose'. ³ Eico kanshi conse ico ba konkomesha mwebo ukucita chiteni ifi fintu elo no kukonka ifikocitika . Lelo mwilakukonkelesha ificitwa fyabo pantu balanda ifintu eluntu ta ficita. ⁴ Ina, bakakila ifi piito ifya kulema ifyo ifya kwafya ukupiita, elo eluntu ba fibika pa mabeya ya. Lelo bo abene palwabo teti baseshe umunwe no ukfu piita. ⁵ Bacita ificitwa ifintu fyonse pakuti babonekele ku bantu. Balapangila utwakufwala utwakufunguluka na malembo elo nefyakufwala fyansenkebele. ⁶ Balitemwa incende shalulumbi ku mitebeto elo ne fina ifyapa mulu muma sinagoga, ⁷ elo nokuposha kwa mucinshi mufisankano no kubakuuta 'Rabbi' ku bantu. ⁸ Lelo ta muli na kumikuuta ati 'Rabbi' ta mufwile pantu mwakwatafye umo kasambilisha, elo na bonse muli bawabo. ⁹ Elo tamulingile ukukuta umwaume, pano pa calo ati shinwe, pantu mwakwata fye umo shinwe, uyo uwaba mu mulu. ¹⁰ Belekumikuta ati 'kasambilisha' pantu mwakwata fye umo kasambilisha, Kristu. . ¹¹ Lelo uwakulisha pali mwebo bonse mwebo akabe umubomfiwenu. ¹² Uyo onse uuimya umwine ba kamubwelesha panshi, elo naye onse uuicefya baka mwimya' ^{14 13} Lelo kalanda kuli mwebo, bakalemba elo aba Falise, ba bumbi munda! Mulesalila abantu ubufumu bwa mu mulu.mu kupinkana Pantu mwebo tamwingilamo, elo kabili tamusuminisha nangu ni abo abako fwaya ukwingila ukuti bacite ico. 14 Kalanda kuli mwebo, bakalemba elo na ba Falise , mweba bumbi munda! Pantu imwe mwisula insoloko mukuilangisha amapepo yenu mukutandalila. Mukapokelela uluse kwa uyu kalamba. ¹⁵ Kalanda kuli bakalemba elo na , ba bumbi munda Falise! Pantu mwebo mulabuuka ba bemba elo naku mulundu mukulenga umo ukupilibuka , lelo uluntu aba umo pali abo, mula mulenga imiku ibili aba umwana wa kumbo ukua ati ni mwebo. ¹⁶ "Kalanda kuli mwebo, mwe mpofu mutungulula, mwebo mwe balanda ati, ,'Uyo onseukulapa pe tempele, ati tapali ubwafya. Lelo uyo onse uulapa palwa golide wa mwi tempele , alikakilwe no mulapo wakwe . ¹⁷ Mwebo mwe mpofu sha kutumpa ! Bushe cindo iciikulupo, ni golide nangu itempele ico icilenga golide waba uwa mushilo? ¹⁸ Elo , uyo onse uwalapa pa bulambo, ninshi tapali ubwafya. Lelo uyo onse uwalapa na ica bupe cakwe , aikakile ku mulapo umwine. ¹⁹ Mwe mpofu abantu! Bushe cindo icakulapo, ia bupe nangu ubulambo ubo ubulenga ica bupe ukuba ica mushilo? ²⁰ Eico kanshi , uyo onse uwalapa pa bulambo alapa pali ici elo na pali fyonse umwine. ²¹ Uyo umuntu uwalapa pa lwe tempele alapa pali ici elo napali uyo uwikalamo, ²² Elo no muntu uwalapa pa lwa mulu alapa pa cipuna ica kwa Lesa elo no umwine uwaikalapo. ²³ "Kalanda kuli mwebo, ba kalemba naba Falise, ba bumbi munda! Pantu mupela ice kumi ca Minte na Anise elo na kumini , lelo muli shile ukwabula ukucita ifyali nga mafunde-mubupingushi no luse necishinka. Lelo ifintu ifi fimufwile ukucita ifintu ifikankala ifye funde --umulinganya elo uluse elo nabu cishinka. Lelo ifi ifyo mwali no kucita elo tekufisha ukwa kubula uku ficita. ²⁴ Mwebo mwe mpofu ishi tungulula, , mwebo mufwisa akashishi lelo mwamina ingamali! ²⁵ Kalanda kuli mwebo, ba kalemba naba Falise, ba bumbi munda! Pantu mu wamya kunse ya nkomaki elo ne nsani, yankomaki lelo mukati mwaiula fye bu pompwe elo na bukaitemwe. ²⁶ Mwebo mwe mpofu aba Falise! Tampilenipo ukuwamya mukati kankomaki elo ne nsani, pakweba kunse kube ukwa kubuta nako. ²⁷ "Kalanda kuli mwebo, ba kalemba naba Falise, bumbi munda! Pantu mwaba ukubati fintu ifya kubuta bashingula pa nshishi, ifiboneka kunse ifya bune, lelo mukati mwaisula abantu bakufwa amafupa na fyonse ifya kulamba. ²⁸ Ni mu musango umo wine, na mwe ifyo fine muboneka abalungama ku bantu, lelo mukati kenu mwaisulamo fye bu bumbi munda elo na mpula mafunde. ²⁹ "Kalanda kuli mwebo, ba kalemba naba Falise, bumbi munda! Pantu mukula inshishi ishakuba kasesema elo mwawamya ne nshishi ishabalungami. ³⁰ Mwebo Mulanda ati, 'Nga cakuti twaikele mu nshiku shaku ba shifwe, fwebo nga tatwakumineko mufya ku sumya umulopa wakuba kasesema.' ³¹ Eico kanshi mwebo mupela bunte mukupinkana na mwebene ukuti muli bana baku balya abaipeye ba kasesema. ³² Na mwebo bene isusheni umulingo wakuba shinwe. ³³ Mw ensoka mwe, mwe bana bamafwafwa mukapusuka shani kukupigula ubwa kuya ku mbo. ³⁴ Eico kanshi, boneni, Nebo nkomima ba kasesema elo na bamano abaume elo na ba kalemba. Bambi pali abo muka bepaya elo no batanika, elo bambi muka balopola mu ma sinagoga yenu elo noku batamfya ukufuma umusumba no musumba. ³⁵ Nefi katumbukamo fya kuti bonse pali mwebo bene mukafuma umulopa uwabalungami uyo uwasumine pa calo,, ukufuma mu mulopa wa mulungami Abeli, ukushinta naku mulopa wakwa Sakaliya umwana mwaume wakwa Belekiya, uo mwaipeye pakati ka mwashila no bulambo. ³⁶ Mu cishinka nkolanda kuli mwebo nati, fyonse ifi fintu fikesa kupona pali pali ino inkulo. . ³⁷ "Yelusalemu , Yelusalemu, webo we wipeya ba kasesema no kulasa amabwe bonse abo batuma kuli webo! Ninshita ndo nafwaile ukulonganya abana bobe pamo, ukuba ati ni filya na nkoko alonganya utwana twakwe mu mapindo yakwe, lelo mwebo ta mwakukabila! ³⁸ Boneni, iŋanda yenu yashala kuli mwebo iya konaika. ³⁹ Pantu Nebo nkolanda kuli mwebo ati, 'Tamwa kambonepo ukufuma ino nshita, paka mukasose ati, 'Apalwe uyo uukoisa mwishina kwa Shikulu.

¹ Yesu alifumine mwi tempele elo alikuya pa lwakwe. Abasambi balishile kui ye no ku musontela ifikulwa fye tempele. ² Nomba alyasukile elo nokulanda kuli bo ati, ''Bushe tamukobona ifi fintu fyonse? Nkolanda icine kuli mwebo nati, tapakabe ilibwe nangu limo ilikashala pa mulu wa libwe nakwe ilyo ili takabongoloke. ³ Umo ali alikele pa lupili lwa mi Olifa, abasambi balishile kuli ye mu bumfisolo elo nokulanda ati, ''Fwebo twebe, bushe ifi fintu fikacitika ni lwisa fikacitikila? ⁴ Yesu alyasukile elo nokulanda kuli bo ati, ''Mucenjele epakuti umuntu nangu umo tamishentekele. ⁵ Pantu abengi bakesa mwishina lyandi. Bakalekulanda ati, ''Ninebo Kristu; elo bakashenteka abengi. ⁶ Mukalekumfwa palwa nkondo elo nama ŋwinŋwi ya nkondo. Mubone ukuti tamushupikilwe, pantu ifi fintu fifwile ukucitika; nomba ninshi inshita tailati ukufika. ⁷ Pantu icalo cikemina icalo cinakwe, elo uluko lukemina uluko lunakwe. Ku kapona ifipowe elo naba makumba mucende ishakupusana pusana. ⁸ Nomba ifi fyonse ifintu entapilo yakukalipa kwe fumo. ⁹ Eluntu bakamitwala mukumipakasa elo nokumipaya. Mukapatwa ku fyalo fyonse pa mulandu fye we shina lyandi. ¹⁰ Eluntu abengi bakaipuntula, elo nokusenuka abanabo elo nokupata abanabo. ¹¹ Bakasesema abengi bakema elo nokulufya abengi. ¹² Pantu bucintomfwa bukafula, icitemwiko cabengi cikatalala. ¹³ Nomba uukashipikisha ukushinta na kumpela eu kalubuka. ¹⁴ Iyi Imbila ya bune iya bufumu bukabilwa mu calo conse kabili nobunte kuli fyonse fyalo. Eluntu ne mpela ikesa. ¹⁵ Eico kanshi nga mwabona icamuselu icakuponena icalandilwe na Daniele kasesema, ciminine mucende iya mushilo."(Iekeni uukobelenga omfwikishe). ¹⁶ Lekeni abali mu Yudea ba butukile ku mpili, ¹⁷ Lekeni abali pa mtenge wa ŋanda beikile ukuti bapiite akali konse ukufuma mu ŋanda, ¹⁸ elo mwileka uuli mwibala aye mukusenda icilundo. ¹⁹ Lelo kalanda kuli abo abali pabukulu na bako onsha utunya muli isho inshiku! ²⁰ Pepeni ukuti ulwendo lwenu lwikaba mu mupepo na pa Chibelushi. ²¹ Pantu kukaba ubucushi ubukulu, ubutatala abubapo apo icalo ca tampila ukushinta na nomba awe, kabili takwakabepo nakabili. ²² Kano fye inshiku isho nga shaiposhiwa takalipo umuntu uu nga pusuka. Lelo pa mulandu wabasalwa ishi nshiku shikepishiwa. ²³ Eluntu nga uuli onse amyeba ati, 'Boneni Yesu ali apa nangu Yesu ali uko! mwicetekela. ²⁴ Pantu ba Kristu aba bufi na ba kasesema aba bubfi bakema nokulangisha ifilangisho ifikulu nefingelengwe, pakweba ati, balufye abengi, nga cinganguka pamo nabasalwa. ²⁵ Boneni, nebo namwebelapo limo ulo inshinta tailafika. t ²⁶ Eico kanshi, nga bamweba ati, 'Boneni ali mu matololo,' mwikaya ku matololo nangu, boneni ali mu fipinda fya mukati mwictekela. ²⁷ Pantu ngefyo inkuba ibyasha ukufuma ku mutula kasuba ukuya ku masamba, efikaba nokwisa kwa Mwana wa Muntu. ²⁸ Uko konse ukuli inama yakufwa, ekukolongana ama kubi. ²⁹ Lelo panuma fye ya bucushi mu nshiku shilya akasuba kaka fita fititi, no mweshi tawakapeelepo ulubuto, ne ntanda shakuwa ukufuma mwi ulu na maka ya mu myulu ya katenkana. . ³⁰ Eluntu ne cishibilo ica Mwana wa Muntu cikaboneka mu mulu, ne mitundu yonse iya pano calo ikaloosha. Bakabona Umwana wa Muntu akoisa mu ma kumbi na maka elo no lulumbi ulukulu. ³¹ Akatuma ba malaika bakwe ne ciunda icikulu ice penga no kulonganya abasalwa bakwe ukutula ku tupinda tune; ukutula ku mpela ya myulu ukuya na kumbi. ³² "Sambilileni isambililo ku ci muti ica makunyu. ³³ Lulya lwine fye musambo wafunya amabula ayapya ninshi mwaishiba ati ulusuba lwapalama. Eico ifyo fine,uluntu mwa bona ifi fintu, mu fwile ukwisha atu inshita ili palimine, pa mpongolo shilya shine. ³⁴ Icine cine fye nko myeba nati, ino inkulo tayakapitepo ninshi ifi fintu fyonse ninshi filicitikile. ³⁵ Umulu ne calo fikapita, lelo amashiwi yandi tayatale ukupita. ³⁶ Lelo ukulosha pa bushiku bulya na kashita tabapo nangu umo uwaishiba, na bamalaika baku mulu, nangu Mwana, lelo ni Tata e waishiba fye. . ³⁷ Ukubati nifilya inshiku shakwa Noah shali, efikaba nokwisa kwa Mwana wa Muntu. ³⁸ Pantu filya fine cali mu nshiku ulo icalo tacila bundaa bali kulya no kunwa, bali kupa no kufya uku shinta no bushiku Noah apteme mu ci bwange, ³⁹ tabaishibilepo akantu nangu kamo mpaka ukubunda kwaishile no kubapiita bonse- efikaba nokwisa kwa Mwana wa Muntu. ⁴⁰ Eluntu abaume babili bakaba mwibala-- umo akapiitwa, umbi naye akashala. ⁴¹ Abanakashi babili bakabalekupeela umo akapitwa umbi naye akashala. ⁴² Eico mube abakulola pantu mwebo tamwishibile ubushiku ubo Shikulwe ali no kwisa. ⁴³ Lelo ishibeni ici, icakuti nga cakuti kasunga uwa ŋanda alishiibile ni inshita ndo iya bushiku pompwe akoisa, nga alilondele ŋanda yakwe ukuti acingilile ba pompwe ukusansa. ⁴⁴ Eico mwebo mulyufwile ukuba aba kuiteyanya na mwebo, pantu Umwana wa Muntu akesa pa shinta iyo tamukoenetekela. . ⁴⁵ "Eico ni nani uwa cishinka no mubomfi wa mano uyo shikulu wakwe apele amaka pa ŋanda yakwe ukubapela ifilyo pa nshita iyakulinga? ⁴⁶ Alipalwa niu uyo umusha uo shikulu wakwe akasangana akocitai fyo uluntu akesa. ⁴⁷ Mu cine Nko myeba ati shikulu wakwe akamupela amaka pa fipe fyakwe fyonse. ⁴⁸ Lelo nga cakuti umubomfi akolanda mu mutima wakwe ati, ' Shikulu wandi akokola; ⁴⁹ elo no kutampa ukuma ababomfi banankwe elo no kulya elo no kunwa na bacakolwa, ⁵⁰ eluntu shikulu wakwe akesa pa bushiku ubo atashibile. ⁵¹ Shikulu wakwe amuputala mutupifya nokupela icende pamo naba mumbi munda, uko ukukaba ukulosha nokusumanya ameno.

¹ ''Eluntu ubufumu bwa mu mulu bukaba ukubati niba na cisungu ikumi limo abo abapitiile ifisaniko elo baile mukumanya shi bwinga. ² Basano bali bapuka elo basano bali abakucengela. ³ Pantu uluntu bana cisungu basano bapitiile ifisaniko fyabo tabapitiile amafuta nangu yamo. ⁴ Nomba bana cisungu balya basano aba mano balipitiile amafuta mu fisaniko fyabo. ⁵ Nomba ulo shibwinga akokwele ukwisa, balyu mfwile utulo elo nokusendama. ⁶ Lelo pakati ka bushiku kwaumfwikile akapoota, 'Boneni, shi bwinga! Kabuyeni elo mu ku mukumanya.' ⁷ Eluntu bonse abo bana cisungu basantamukile elo no kwasha ifisaniko fyabo. ⁸ Abapuka balandile kuba mano ati, 'Tupeleniko amafuta yenu yamo pantu ifisaniko fyesu fyalashima.' ⁹ ''Lelo abamano balyasukile elo nokulanda ati, 'Apo tayakumane fwebo elo namwe, kabuyeni kanshi kuli abo abashitisha elo muye kushita amafuta ayenu,' ¹⁰ Ulo bali mukushita amafuta, sh ibwinga alishile, elo abo abaiteyenye balingile naye ku mutebeto wa bwinga, elo ne cibi caliselwe. ¹¹ Panuma balya bambi bana cisungu nabo balishile elo nokulanda ati, ''Kanabesa, kanabesa, tuswileniko.' ¹² ''Nomba alibasukile elo nokubeba ati, 'Mucine Nkolanda kuli mwebo nati, Ntamishibile mwebo.' ¹³ Eico beni abakulola, pantu tamwaishiba ubushiku nangu nshita. ¹⁴ ''Pantu caba ukubati ni uluntu umuntu alipepi no kukuya mu calo cimbi. Alikutiile ababomfi bakwe elo no kubapela ifyuma fyakwe. ¹⁵ Kuli umo amupele amatalanta yasano, kuli umbi amupele yabili, elo kabili kuli umbi amupele limo. Cila umo apokele ukulingana napapelele amaka yakwe, elo noyo muntu alifuminepo nokuya. ¹⁶ Uyo uwapokele amatalanta yasano aile ulo lwine elo no kuya kubika mu makwebo elo apangilapo nayambi amatalanta yasano. ¹⁷ Mu musango umo wine ulya uwapokele yabili apangilepo nayambi yabili. ¹⁸ Lelo ulya uwapokele italanta limo alifumunepo, nokuya kwimba icilindi, elo nokufisa indalama shakwa kanabesa wakwe. ¹⁹ Nomba panuma ya nshita iitali kanabesa wabalya babomfi alibwelele nokufwaya indalama shakwe. ²⁰ Umubomfi ulya uwapokele amatalanta yasano alishile elo nokuletelapo na yambi yasano amatalanta. Alandile ati, Kanabesa, mwampele amatalanta yasano. Boneni, ndipangilepo nayambi amatalanta yasano.' ²¹ ''Kanabesa wakwe alandile kuli ye ati, 'Mwabombeni, we mubomfi uwa bune elo uwacishinka! Wali uwacinshinka pa fintu ifinono. Nalakubika ukulolekesha pa fintu ifingi. Ingila mu nsansa shakwa wisokulu.' ²² ''Umubomfi ulya uwapokele amatalanta yabili aishile elo nokulanda ati, 'Kanabesa, mwampele amatalanta yabili.' ²³ Kanabesa wakwe amwebele ati, 'Mwabombeni, we mubomfi uwabune elo uwa cishinka! Nalakubika mukulolekesha pa fintu ifingi. Ingila mu nsansa shakwa kanbesa.' ²⁴ ''Eluntu ulya ulya umubomfi uwapokele itanta limo aishile elo no kulanda ati, ''Kanabesa, nalishiba ukuti uli muntu uwakwafya. Usombola napo tawabyele, elo usombola napo tawasanshile. ²⁵ Nalyumfyule umwenso, eico Nebo nalile elo nokufisa italanta lyobe mu mushili. Boneni, pokeni icintu cenu.' ²⁶ ''Lelo kanabesa wakwe amwasukile elo no kumweba ati, 'Webo we mubomfi wabubi elo umunangani, walishibile ukuti Ndasombola napo ntabyele elo Ndasombola napo ntaasalangenye. ²⁷ Eico kanshi nga walibikile indalama shandi ukwakusungila, elo pakwisa kwandi nga Nalisangene nokupoka nsonsela. ²⁸ Eico kanshi pokololeni ne talanta limo kuli ye elo nokupela umubomfi uyo uukwete amatalanta ikumi. ²⁹ Pantu uyo onse uwakwata ifingi, bakamubikilapo nafimbi--elo namukufula. Nomba kuli uyo onse ushakwata akali konse, nototwine uto akakwata baka mupoklola. ³⁰ Poseni uyo umubomfi wa bubi panse apakufiita, apo apakaba ukulila elo nokusumanya ameno.' ³¹ ''Uluntu Umwana wa Muntu akesa mu lulumbi lwakwe elo naba malaika bonse bakaba naye, eluntu akekala pa cipuna cakwe ica lu lulumbi. ³² Kuntanshi yakwe kukalongana ifyalo fyonse, elo akapatulula abantu ukufuma ku banabo, ukubati nifilya kachema apatulula impanga ukufuma ku mbushi. ³³ Akabika impaanga ku kuboko kwaku kulyo, nomba imbushi ku kuboko kwakwe ukwa ku kuso. ³⁴ Eluntu Imfumu ikalanda kuli abo abakaba ku kulyo kwakwe ati, 'Iseni, mwebo mwebapaalwa kuli Tata, pyaneni ubufumu ubo ubwapekanishiwa ukufuma pa kutampa kwa calo. ³⁵ Pantu Nali ne nsala elo mwalimpele ifilyo; Nali ne cilaka elo mwalimpele amenshi; Nali umweni mwalimpokelele; ³⁶ Nali umuneke elo mwalimfwikile; Nali uwakulwala elo mwalinsakamene; Nali mu cifungo elo mwalishile kuli ku mpempula.' ³⁷ ''Eluntu abalungami bakamwasuka elo nokulanda ati, 'Shikulu, nilwisa ulo twamibwene ninshi muli ne nsala elo twamipela ifilyo? Nangu mwali ne cilaka elo nokumipa amenshi? ³⁸ Nangu abeni elo nokumipokelela? Nangu umuneke elo nokumifwika? ³⁹ Bushe ni lwisa ulo twamibwene abakulwala nangu mu cifungo elo nokwisa kuli mwe? ⁴⁰ ''Eluntu Imfumu ikasuuka elo nokulanda kuli bo ati, 'Mucine Nkomyeba nati, fyonse ifyo mwacitile kuli aba ba munyina abanono ninshi mwacitile kuli nebo.' ⁴¹ Eluntu akalanda kuli abo abakaba ku kuso kwakwe ati, 'Fumeni pali nebo, mweba tipwa, akuyeni mu mulilo wa muyayaya uyo uo bapekaninishisha Satana elo naba malaika bakwe, ⁴² pantu Nali nensala, lelo tamwampeleko ifilyo; Nali ne cilaka, lelo tamwampeleko amenshi; ⁴³ Nali umweni, lelo tamwampokelele; umuneke, lelo tamwamfwikile; nalilwele elo namu cifungo, lelo ta mwansakene.' ⁴⁴ Eluntu nabo bakamwasuka abati, 'Shikulu, ni lwisa twamibwene muli ne nsala, nangu ne cilaka, nangu umuneke, nangu abakulwala, nangu mu cifungo, elo tatwamitangete?' ⁴⁵ ''Eluntu akabasuka elo nokulanda ati, 'Mucine Nkolanda kuli mwebo nati, ifintu ifyo tamwacitilile aba abanono uku, ninshi tamwacitile nebo.' ⁴⁶ Abo bakaya mukucula ukwa muyayaya, nomba abololoke ku mweo wa muyayaya."

¹ Caishile kuba ukuti uluntu Yesu apwile aya yonse amashiwi, alandile ku basambi bakwe ati, ² ''Mulishibile ukuti pa numa ya nshiku shibili inshiku nkulu ye Pasaka ikoisa, elo no Mwana wa Muntu baka mupela pakuti baka mutanike." ³ Eluntu abakulu bakuba shimapepo elo na bakulu ba bantu balongene pamo mu cipango ca mukulu wakuba shi mapepo, uo balikukuta ati Kaifa. ⁴ Baumfwene pamo pakwikata Yesu mu bucenjeshi elo no kumwipaya. ⁵ Pantu balikulanda ati, ''Tepa nshita ya nshiku nkulu, epakuti tapemine ifyongo mu bantu." ⁶ Nomba ulo Yesu ali mu Betani mu ŋanda yakwa Simoni uwali ne fibashi, ⁷ ulo alikulya pa tebulo, umwanakashi alishile kuli ye alikwete no musukupala uwaiswilemo amafuta aya mutengo nganshi , elo nokwisa kupongolwela pa mutwe wakwa Yesu. ⁸ Lelo uluntu abasambi babwene, balifulilwe no kulanda elo ati, ''Mulandu ndo uwa kukwata ubonaushi ubwa musango uyu.'' ⁹ Aya mafuta nga baliyashitishe pa mutengo uukulu elo nokupela ku balanda." ¹⁰ LeloYesu, Yesu ico alishibile ifyo, alandile kuli bo ati, ''Nindo ico mukucushisha uyu umwanakashi? Pantu acita icintu icabune kuli nebo. ¹¹ Mulaba lyonse na balanda, lelo nebo tabmwakabe nandi. . ¹² Pantu uluntu acipongolwela aya amafuta pa mubili wandi, acitila ifi pa kushikwa kwandi. ¹³ Mucine Nkolanda kuli mwe nati, ulo lonse ulo iyi imbila nsuma ikalekubilwa ku calo conse, ico uyu umwanakashi acita naco bakalekucilandapo pa kunjibukisha." ¹⁴ Eluntu umo pali balya ikumi nababili, uwalikukutwa Yuda Esikalioti, aile ku bakulu bakuba shimapepo ¹⁵ elo nokulanda ati, ''Bushe nindo mwinga kabila ukumpa pakuti ninga muleta kuli mwe?'' Baishile ku mupimina indalama shama silifa amakumi yatatu kuli ye. ¹⁶ Ukufuma fye pali ilya nshita alikufwailisha inshila yaku mutwalilamo kuli bo. . ¹⁷ Nomba pa bushiku bwkutampilapo ubwa mikate iyakubula ukututumuka abasambi balishile kuli Yesu elo nokulanda ati, ''Bushe nikwisa uko mwingatemwa ukulila Ipasaka?'' ¹⁸ Alandile ati, ''Kabuyeni mu musumba ku muntu umo elo mulande kuli ye ati, 'Kasambilisha alanda ati, ''Inshita yandi ili apepi. Nalasungila Icakucilila ku ŋanda kobe pamo na basambi bandi.''' ¹⁹ Abasambi balicitile ifyo nge fyo Yesu abebele, elo balityeenye ne cakulya ce Pasaka. ²⁰ Uluntu icungulo cafikile, alikele panshi nokulya na basambi ikumi na babili. ²¹ Ulo bali bakoya, alandile ati, ''Mu cine Nko myeba nati umo pali mwebo ako nga lukila.'' ²² Baliketwe no bulanda, elo cila umo alitampile ukumwipusha, ''Icine fye te Nebo, Shikulu?' ²³ Alyasukile ati, Uyo uwalatubikila ukuboko pamo nandi mwi beseni euyo uuko ngalukila. ²⁴ Umwana wa Muntu alinokuya, pamo nge fyo calembwa pali ye. Nomba alale we bulanda kuli uyo uukoshitisha Umwana wa Muntu! Kuti cawamisha nga cakuti uyu muntu tafyelwe.'' ²⁵ Yuda, uyo uwali noku mwalukila alandile ati, ''Bushe ninebo, Rabbi?'' Alandile kuli ye ati, ''Ulilandile we mwine." ²⁶ Ulo balikulya, Yesu abulile umukate, noku upaala, elo noku usunaula. Alipele abasambi bakwe elo no kubeba ati, ''Buleni, lyeni.'' Uyu mubili wndi." ²⁷ Abulile ikomaki elo nokutotela, elo nokubapela elo no kulanda ati, ''Nweni,mwe bonse. ²⁸ Pantu uyu mulopa wandi uwa cipangano uyo uukosuuma pa bantu abengi pa kubelelwa amasambi. ²⁹ Nomba Nkolanda kuli mwebo nati, Ntakatale ukunwa nakabili ku cisabo ca mwangashi, mpaka bulya ubushiku uluntu Nkanwa nenu mu bufumu bwakwa Tata." ³⁰ Uluntu baimbile ulwimbo, baile panse ku lupili lwa mi Olifi. ³¹ Eluntu Yesu alandile kuli bo ati, ''Mwe bonse mukobutuka pa mulandu wandi, pantu calilembwa ukuti, ''Nkapuma kacema elo ne mpanga shi kapalangana.' ³² Lelo panuma nga nabuka, Ndi nokumitangilila ku Galile." ³³ Lelo Petelo alandile kuli ye ati, ''Nangu bonse babutuke pa mulandu obe, nebo ntakushe.'' ³⁴ Yesu alandile kuli ye ati, ''Mucine Nkolanda kuli webo ati, lelo line ubushiku, ulo mukolwe talati ukulila, ninshi ulinkene imiku itatu.'' ³⁵ Petelo alandile kuli ye ati, ''Nangu kufwa nobe, Ntakukane.'' Nabonse abasambi balilandile fimo fine. ³⁶ Eluntu Yesu aile nabo ku ku ncende iyo bakuta ati Getisemani elo alandile ku basambi bakwe ati, ''Ikaleni pano ulo nalaya kulya elo no kupepa.'' ³⁷ Apiitile Petelo elo naba mwana Sebeti babili elo atampile ukumfwa ubulanda elo no kwafiwa. ³⁸ Eluntu alandile kuli bo ati, ''Umupashi wandi waikatwa no bulanda nganshi, ukushinta na mukufwa. ''Shaleni pano elo mube abakulola nandi. ³⁹ Alileko akatalamukila, awile ubunkupeme, elo nomkupepa. Alandile ati, ''Mwe Tata, tekufwaya kwandi, lelo ukufwaya kwenu.'' ⁴⁰ Aishile ku basambi bakwe elo nokubasangana balilele, elo alandile kuli Petelo ati, ''Nindo, tekuti mulinde nandi pa nsa fye imo? ⁴¹ Loleni elo nokupepa pakuti mwiponena mu mu matunko. Umupashi icine ukokabila, lelo umubili ulinakile." ⁴² Alifuminepo nakabli umuku wa bubili elo nokupepa. Alandile ati, ''Mwe Tata, nga cakuti ici tekuti cipite kano fye Nweko, lekeni ubufwayo benu bucitike.'' ⁴³ Alishile nakabili elo no kubasangana balilele, pantu bali notulo mu menso. ⁴⁴ Eico abashile na kabili, alifuminepo elo no kupepa umuku wakulenga butatu, ukulanda amashiwi yamo yene. ⁴⁵ Eluntu Yesu aishile ku basambi bakwe elo no kulanda kuli bo ati, ''Bushe mucili mulilele elo nokutuusha? Boneni inshita ilifikile, elo no Mwana wa Muntu ako alukilwa mu minwe yaba masambi. ⁴⁶ Amupepi nandi,"lamukeni, katulekuya. Boneni, uyo uuko ngalukila ali ⁴⁷ Umo ali akolanda, Yuda, umo pali balya ikumi limo nababili, alishile. Ibumba ilikulu lyalishile naye ukufuma ku bakulu bakuba shimapepo elo na bakulu ba bantu. Baishile namapanga elo ne nkoli. ⁴⁸ Lelo umuntu uwali no kwalukila Yesu alibalangilile, no kulanda ati, ''Uyo uo Nkotomona e eka uyo. Mu mwikate." ⁴⁹ Peka apo alishile kuli Yesu elo no kulanda ati, ''Mwapoleni, Rabbi!'' elo no kumutomona. ⁵⁰ Yesu alandile kuli ye ati, ''We munandi, cita ifyo ukonkele ukucita.'' Eluntu baishile, nokubika amaboko pali Yesu ,elo noku noku mupiita. ⁵¹ Boneni, umo pali abo abali na Yesu alifungulwile ukuboko, nokusomona ulupanga, elo nokukoma umubomfi wa mukulu wakwa shimapepo, elo noku mupula ukutwi. ⁵² Eluntu Yesu alandile kuli ye ati, ''Bwelesha ulupanga umo lwikala, pantu abo bonse ababomfya ulupanga ni kulupanga eko bakafwa. ⁵³ Bushe ukobona ukubati kuti nafilwa uku kuuta kuli Tata, elo naye nokuntumina ba malaika ukucila pa makana ikumi nababili? ⁵⁴ Lelo bushe amalembo kuti yafikilishiwa shani, aya kuti ifi filingile ukucitika? ⁵⁵ Pali ilya inshita Yesu alandile kwi bumba ati, '''Bushe mwaisa na mapanga elo nenkoli ukwisa mukungikata ukabati ndi cipondo? Cila bushiku Nalikwikala ndesambilisha mwi tempele, elo tamwanjikete. ⁵⁶ Lelo ifi fyonse fyacitika pakuti ifyalembele bakasesema fifikilishe ifya kuti.'' Eluntu abasambi bakwe balimushile elo elo no kufulumuka. ⁵⁷ Abo abaikete Yesu balimufunishepo no kumutwala kuli Kaifa umukulu waku ba shimapepo, uko uko bakalemba elo na bakulu balongene pamo. ⁵⁸ Nomba Petelo alimukonkele akatalamukila ukushinta na mulubansa lwakwa mukulu waku bashmapepo. Aingile mukati elo nokwikalako panshi pamo na bamalonda pa kubona ⁵⁹ Lelo abakulu bakuba shimapepo elo naba kapingula bonse balikufwailisha ubunte bwabufi ubwakubepesha Yesu pakuti benga mwipaya. ⁶⁰ Tabasangene nangu bumo, nangu cali ukuti bakambone wabumfi abengi balishile. Nomba mukulekelesha kwalishile babili ⁶¹ elo no kulanda ati, ''Uyu muntu alikulanda ati, ''Nebo kuti natobolola itempele lyakwa Lesa elo nokulikuula mu nshiku shitatu."' ⁶² Umukulu wakuba shimapepo aliminine elo no kulanda kuli ye ati, ''Bushe taukwetepo ifyakwasuka nangu fimo? Bushe findo ifi ifyo balekubela bukambone?'' ⁶³ Nomba Yesu ali fye shilili. Umukulu wa kuba shimapepo alandile kuli ye ati, ''Naku konkomesha mwishina ilyakwa Lesa uwa mweo, twebeko nga cakuti niwe Kristu, Umwana uwakwa Lesa.'' ⁶⁴ Yesu amwasukile ati, ''Ulilandile we mwine. Nomba Nkokweba nati, ukutula lelo ukuya na kuntanshi ukabona Umwana wa Muntu alikele ku kuboko ukwa maka,elo akoisa mu makumbi ya mu mulu." ⁶⁵ Eluntu umukulu wakuba shi mapepo alepwile ififwalo fyakwe elo no kulanda ati, ''Aladta imiponto! Bushe cindo na nomba tukofwaila bakambone? Boneni, lelo mwaumfwa imiponto. ⁶⁶ Findo mukotontonkanyapo?'' Balyasukile elo nokulanda ati, ''Alilingile fye ukufwa." ⁶⁷ Eluntu bamusakiile amate pa menso elo noku mupuma, elo no kulopola ne fisansa fya maboko yabo, ⁶⁸ elo nokulanda ati, ''Tusesemene, we Kristu. Bushe ninani uwakupuma?" ⁶⁹ Nomba Petelo alikele mukati ka lubansa, elo umubomfi umwanakashi aishile kuli ye elo noku mweba ukuti, ''Nobe wali na Yesu waku Galilee.'' ⁷⁰ Nomba alikene pa menso ya bantu bonse, no kulanda ati, ''Nteshibile ifyo ukolandapo." . ⁷¹ Uluntu afumine ukuya ku mwenshi, naumbi umubomfi umwanakshi alimubwene elo no kulanda kuli abo abali palya ati, ''Noyu muntu naye alikusanganwa na Yesu waku Nasareti.'' ⁷² Nakabili alikene no kulapika ati, ''Ntamwishibile uyu muntu!' ⁷³ Panuma ya nshita fye iinono abo abataleme mupepi balishile elo no kulanda kuli Petelo ati, ''Mucine fye nobe wine uli umo pali bo, pantu ifyo ukolanda efikolanga.'' ⁷⁴ Elo alitampile ukutipa elo no kulapika ati, ''Ntamwishibile uyu muntu,'' elo ulo lwine na mukolwe alilile. ⁷⁵ Petelo aibukishe amashiwi ayo Yesu alandile aya kuti, ''Ulo mukolwe talalila ninshi webo uli nkene imiku itatu.'' Eluntu afumine panse elo nokulila nganshi.

¹ Nomba uluntu ulucelo lwaishile, bonse abakulu baku ba shimapepo elo naba kulu ba bantu balipingushenye nokuti bepaye Yesu. ² Balimukakile, noku mutwala kumbi, elo nokumupela kuli Pilato chilolo. . ³ Eluntu uluntu Yuda, uwamwalukile, abona ukuti Yesu ba mupingwila ukufwa, alilapile elo nolkubwesesha amakumi yatatu aya ndalama sha silifa ku bakulu baku ba shimapepo elo na bakulu, ⁴ elo no kulanda ati, ''Napanga isambi pakwalukila umulopa uwakaele.'' Lelo bamwebele ati, ''Bushe ico cindo kuli fwebo? Ibwene we mwine.'' ⁵ Eluntu aposele indalama sha silifa mwi tempele, elo nokuya, elo nokuya panse nokuya kuikulika umwine eka. ⁶ Abakulu baku ba shimapepo baishile kubula indalama sha silifa elo no kulanda abati, ''Tefunde ukubika ishi mu cipao pantu ni ndalama sha mulopa.'' ⁷ Balanshenye uyu mulandu bonse, elo mulisho ndalama bashitilemo impanga yakwa nakabumba umwakushika abeni. ⁸ Napali uyu mulandu ilya mpanga baikuta ati, ''Impanga ya mulopa'' ukushinta na nomba. ⁹ Eluntu ico icalandilwe na kasesema Yeremia califikilishiwe, icakuti, ''Balipitile amakumi yatatu aya silifa, umutengo uwabikilwe pali ye ku bana ba Israeli, ¹⁰ elo bashipele naku mpanga yakwa nakabumba, ngefyo Shikulu ankonkomeshe." ¹¹ NombaYesu ataleme ku ntanshi yakwa cilolo, elo na cilolo amwipwishe ati, ''Bushe niwe Mfumu yaba Yuda?'' Yesu amwasukile ati, ''Ulilandile we mwine.'' ¹² Nomba uluntu balikumulubulwisha abakulu baku bashimapepo elo na bakulu, talikwasukapo nangu kamo. ¹³ Eluntu Pilato alandile kuli ye ati, ''Bushe taukoumfwa ifyo bakokushinina?'' ¹⁴ Lelo ta asukilepo ishiwi nangu fye limo, eico cilolo alipapile. . ¹⁵ Nomba pa mutebeto lwali lutambi lwakwa cilolo ukulekako umufungwa umo uwasalwa ku cintu bwingi. ¹⁶ Pali ilya nshita balikwete umufungwa uwaishibikilwe nganshi kuli buntala misoka uwe shina lya Balaba. ¹⁷ Eico kanshi uluntu balongene pamo, Pilato alandile kuli bo ati, ''Bushe ninani uo mukofwaya ukuti mikakwile? Balaba, nangu Yesu uyo uukutwa ati Kristu?'' ¹⁸ Alishibile ukuti baliletele Yesu kuli ye pa mulandu fye uwalupato. ¹⁹ Ulo ali alikele pa cipuna cabupingishi, umukashi wakwe amutumine ulusebo elo no kumweba ati, ''Wiesha ukucita icintu nangu cimo kuli uyo muntu wakaele. Pantu Ndiculile nganshi lelo pa mulandu ne ciloto ico nacikwata pali ye." ²⁰ Lelo abakulu baku bashimapepo elo nabakulu ba belelekele ibumba no kuti ba bapele Balaba, elo nokuleka Yesu epaiwe. ²¹ Cilolo alibepwishe ati, ''Bushe pali aba babili ni nani uo nebo mukofwaya ukuti mikakwile?'' Balandile ati, ''Balaba.'' ²² Pilato alandile kuli bo ati, ''Nindo ifyo mukofwaya ukuti nebo ncite na Yesu uukutwa Kristu?'' Bose balyasukile ati, "Mutanike." ²³ Eluntu alandile ati, ''Findo, bushe mulandu ndo acitile?'' Nomba balicililepo ukubilikisha ati, ''Mutanike.'' ²⁴ Eico uluntu Pilato abwene ukuti tapali icintu nangu cimo ico engacita, nomba icimfulunganya ecatampa,abulile amenshi, nokusamba amaboko pe bumba lya bantu, elo nokulanda ati, ''Ndi wakaele pali uyu mulopa uwa uyu muntu. Ibweneni mwe bene." ²⁵ Abantu bonse baishile kulanda ati, ''Lekeni umulopa wakwe ube pali fwebo elo nabana besu.'' ²⁶ Eluntu abakakwililile Balaba, nomba alopwele Yesu elo no kubapela ukuti ba mutanike. ²⁷ Eluntu abashilika bakwa cilolo bapitiile Yesu noku mutwala mukati kalubansa ka mwisano elo balongenye ne mpuka ya bashilika bonse. ²⁸ Balimufulile ififwalo elo no kumufwika umwingila uwakukashika. ²⁹ Balukile iŋana ya myunga elo noku mufwika ku mutwe, elo babikile inkonto mu minwe yakwe. Balikufukama kuli ye elo nokumupunika, ninshi bakolanda ati, ''Kuku, Imfumu yaba Yuda!" ³⁰ Balimusakile amate, elo bali mupokele inkonto elo noku mupuma pa mutwe imiku ne miku. ³¹ Uluntu baleke ukumupunika, balimufulile umwingila elo no kumufwika ififwalo fyakwe, elo nokumutwala muku mu tanika. ³² Ulo bafumine panse, baishile kusangana umuntu ukufuma ku Cyrene uwe shina lya Simoni, uo bapatikishe ukuya nabo pakweba ati enga musendelako umusalaba. ³³ Baishile kufika pa ncende iikutwa ati Gologota, icipilibula ukuti, ''Pa cipanga.'' ³⁴ Bali mupele ukunwa umwangashi uo basankenyemo ne fyakulula. Nomba uluntu aumfwilemo, alifililwe ukunwa. ³⁵ Uluntu ba mutanikile, balepwile ififwalo fyakwe no kupendula, ³⁶ elo balikeele elo noku mulonda. ³⁷ Pa mulu wa mutwe wakwe balibikilepo icipampa, icalembelwepo ukuti, ''Uyu ni Yesu, Imfumu yaba Yuda." ³⁸ Utupondo tubili eto batanikile pamo naye, kamo ku kulyo kwakwe elo na kambi ku kuso kwakwe. ³⁹ Abo abalikupita bali kumutuka, bakopukumya ne mitwe ⁴⁰ elo nokulanda ati, ''Webo wewali no konaula itempele elo noku kuula mu nshiku shitatu, ipusushe we mwine! Nga cakuti uli Mwana wakwa Lesa, iciluka ukufuma pa musalaba!" ⁴¹ Mu musango umo wine abakulu baku bashi mapepo balikumupunika, pamo pene naba kalemba elo nabakulu, elo nokulanda ati, ⁴² ''Alikupususha bambi, nomba tekuti aipusushe umwine. E Mfumu ya bena Israeli. Lekeni aciluke ukufuma pa musalaba, elo eluntu twalamusumina. ⁴³ Alicetekela muli Lesa, lekeni Lesa amupusushe lelo, nga cakuti Lesa akofwaya ukumupususha. Pantu alikulanda nokuti, 'Ndi Mwana wakwa Lesa.''' ⁴⁴ Mu musango umo wine notupondo uto bamutanikile naye pamo twlikulanda insele kuli ye. ⁴⁵ Nomba ukufuma pansa yakulenga mutanda imfinshi yaishile kukupa icalo conse ukushinta napansa yakulenga pabula. ⁴⁶ Ukulola ku nsa yakulenga pabula, Yesu alilile no musowa uukulu elo no kulanda ati, ''Eloi, Eloi, lama sabakatani?'' icalikupilibula ukuti, ''Lesa wandi, Lesa wandi, bushe nindo wandekelesesha?'' ⁴⁷ Uluntu bamo abataleme palya baumfwile ifi, balandile ati, ''Akokuta Eliya." ⁴⁸ Ulo lwine fye umo ali butukile elo nokuya kubula ifuso, nokulitubika mu mwangashi uwakusasa, nokubika kwitete, elo noku mutambika ukuti anwe. ⁴⁹ Abashala bonse balandile ati, ''Muleke fye. Lekeni tubone nga cakuti Eliya akoisa ku mupususha.'' ⁵⁰ Eluntu na kabili Yesu alilile mwishiwi ilikulu elo nokuleka umweo. ⁵¹ Boneni, icisalu ca mwitempele caishile kulepuka ukwakanikamo pakati ukutula pa mulu ukushinta panshi, elo ne calo calisunkene, elo nama bwe yalilepaukilemo. ⁵² Inshishi shalisuukile, elo ne mibili ya bantu aba mushilo abo abalele mutulo utwamfwa balibukile. ⁵³ Balifumine mu nshishi panuma yaku shikuka kwakwe, nokwingila mu musumba uwa mushilo, elo balibonekele na ku bantu abengi. ⁵⁴ Nomba uluntu malonda elo na balikutambako Yesu ba bwena icinkukuma elo ne fintu ifyacitikile, balyumfwile umwenso elo no kulanda ati, ''Mucine uyu ali Mwana wakwa Lesa.'' ⁵⁵ Abengi abanakashi abo abakonkele Yesu ukufuma ku Galilee kuku musakamana bali kulya kwine balikulolesha aka talamukila. ⁵⁶ Pali abo pali Maria Mandalena, Maria nyina wakwa Yakobo elo na Yusufu, elo nyina wabana bakwa Sebeti. ⁵⁷ Uluntu cali icungulo, kwalishileko umuntu umukankala ukufuma ku Arimate, uweshina lya Yosefu, uyo naye uwali umusambi wakwa Yesu. ⁵⁸ Ailekubona Pilato elo noku mwipusha ukuti enga piita umubili wakwa Yesu. Eluntu Pilato abebele ukuti benga mupela. ⁵⁹ Yosefu apitiile umubili, noku ufunganya mu nsalu iya busaka, ⁶⁰ elo no kulalika icitumbi mu nshishi iipya iyo afonkwele mulibwe. Elo akunkulushishepo ne libwe ilikulu pa mwenshi wa nshishi elo nokuya afumako. ⁶¹ Maria Mandalena elo na Maria umbi bali kulya, baikele ukulolenkana ne nshishi. ⁶² Ubushiku bwakonkelepo, ubwali ubushiku bwapanuma Yakupekanya, abakulu baku bashi mapepo elo naba Falisasi balikele pamo na Pilato. ⁶³ Balandile ati, ''Mulopwe, twaibukisha ukuti uluntu ulya kabepa ali umutuntulu,alandile ati, 'Panuma ya nshiku shitatu Nkabuka nakabili.' ⁶⁴ Eico kanshi konkomesheni ukuti inshishi ilekulondwa mpaka pa bushiku bwa kulenga shitatu, nalimo kuti abasambi bakwe baisa, elo noku mwiba elo nokulanda ku bantu ati, 'Alibukile kuba kufwa,' elo ubufi ubwakulekelesha kuti bwacilapo pabwa ku tampilapo." ⁶⁵ Pilato alandile kuli bo ati, ''Piteni malonda. Kabuyeni elo mushininkishe nokuti kwacingililwa ngefyo mwaishiba.'' ⁶⁶ Eico balile elo nokuya kucingilila inshishi, ukukomenena ilibwe elo nokubikapo malonda.

¹ Nomba pa kupwa kwa pa Chibelushi, ilyo kwatampile ukuca ku bushiku bwantanshi ubwa mulungu, Maria Mandalena na umbi Maria balishile ku nshishi. ² Bonneni kwali icinkukuma icikulu, pantu malaika wakwa Shikulu alikiile ukufuma ku mulu alishile ku nkulushapo ilibwe, no ku likalapo. ³ Imibonekelo yakwe yali kwati ni nkuba, ne nsalu shakwe ishakubuta ukuba ati bunga bwa mfula. ⁴ Ba malonda balitutumimine no mwenso kabili bali kwati bantu bafwile. . ⁵ Malaika atekeshe abanakashi, elo no kulanda kulibo ati, " Mwitina , pantu ndishibile ukuti mukofwaya Yesu, uwatanikilwe. ⁶ Tali pano, nomba alibukile , nge fyo alandile. Iseni mubone incende umo Shikulu aci sendama. ⁷ Kabuyeni bwangu no kweba abasambi bakwe ati, "Nabushiwa ku bafwa. Boneni, akomitangilila ku Galile.Kulya eko bali noku mubona,' Boneni, Ndi myebele." ⁸ Abanakashi bwangu bwangu balifumineko ku nshishi no mwenso kabili ne nsansa ishikulu, elo no kubutuka ukuya kweba abasambi bakwe . ⁹ Boneni, Yesu alibakumenye no kulanda ati, "Mwapoleni " abanakashi balishile , no kufukatila amakasa yakwe no ku mupepa. ¹⁰ Eluntu Yesu alandile kuli bo ati,, "Mwitina kabuyeni mwebe ba munyina baye ku Galile .Kulya eko bakoya ko moona." ¹¹ Nomba ulo abanakashi balikuya, boneni, ba malonda bambi baile mu musumba elyo no kweba ba shimapepo abakulu ifintu fyonse ifyacitikile. ¹² Uluntu ba shimapepo bakumene ne ntungulushi no kulanshyanya uyu mulandu nabo bapele icipendo ca ndalama icikulu ku bashilika ¹³ no kubeba ati, "Landeni kuli bambi ati, abasambi bakweaYesu bacisa ubushiku no kwiba icitumbi ulo twaciba atulele.' ¹⁴ Nga cakuti ulu ulusebo lwafika ku mulashi, tuka munasha,fumyeni ukusakamana muli mwebo.'' ¹⁵ Eico abashilika balipokele indalama no kulanda umo mwine babelele. Aya malyashi yalisabankene mu ba Yuda monse kabili yali twatwalilila ukushinta na lelo. ¹⁶ Lelo abasambi ikumi na umo baile ku Galile, ku lupili uko Yesu abalangile . ¹⁷ Uluntu ba mubwene, bamupepele, bambi bali kutwishika. ¹⁸ Yesu aishile kuli bo no kulanda kulibo ati, ' Yonse amaka yalipelwe kuli nebo mu mulu na muno calo. . ¹⁹ Eico kabuyeni no kupanga abasambi abanko shonse. Mulekubabatisha mwishina lya Tata, nelya Mwana, nelya Mupashi wa Mushilo. ²⁰ Mulekubafunda ukukonka ifintu fyonse ifyo na mukonkomesha, boneni nakulaba nenu lyonse, mpaka na kumpela ya calo."