¹Lyakafumilanga katika fukusya bhutawala bhwa majaji kukabhele ne nsala katika syalo, no mutu ghumwi ghwa Bethlehemu jeke Yuda ghakajanga katika nsi ja Moabu hamwi no mukasi o bhana bhaje bhabhili bhaghose. ²Insina lamutu ghogho likabhele Elikeleki, no insina lyamkasi ghwaje likabhele lijitilye Naomi. Masina ghabhana bhaje bhavili bhaghosi ventiwe Mahiloni no Kileoni, obhabho bhaka bhele Waefraimu bha Bethlehemu ja Yuda. Bhakajanga katika insi ja Moabu no kwikala haho.³Ohaho Elimeleki, ibhajeke Naomi, ghakasumalangaBhana ⁴bhabho bhakatola bhana bhakema bhwa Moabu; isina lya umwilikabhele lijititwelwe Oripa, ne isina la muinaje likabhele lijitilwe Ruth. Bhakikala kobhe miaka ikumi. ⁵Tukubha bhose Mahiloni ne Kileoni bhakasumalika, no kumuleka Naomi ghogwa musila ibhana bhana bhaje bhabhili.⁶Okubha Naomi kufuma Moabu na bhamkamwaje bhabhili no vabhakasi bhana bhaje nokuhelela ku Yudakusababu akabhele ghahulika katika mkowa wa Moabu kubha Yahweh ghabhafunanila bhatu bhaje katika bhuhitaji bhabhaha fyakulila. ⁷Teteo ghakubhuka luhande akabhele namwi no bhakasi bhahana bhaje bhabhili, bhakasokanga nsila kuhelela kunsi ja Yuda.⁸Naomi ghakabhabhalilanga vakasabhabhana bhaje, ''Jende, muhelele, kilaghumwi ghwenyu, kunyumba jeke nyina ghwaje. No kabhumba valangisye bhwema juu ja kumwenyu, kobhebhomwakalangisya bhwema kumwabho bhakasumalika nokumwane. ⁹Kabhumba abhajalie umwe kutamkwa, kila mghu mughwenyu katika nyumba jamughosi ghundi.'' Tukubha akabhabusu, no bhatasya sauti syabho nakulila. ¹⁰Bhamulomba, ''Hatuhutula! Kuhelela hamwi noghwe kubhatubhobhe.''¹¹Tukubha Naomi ghatenda, ''Helele, bhana bhanbhakulee?e! Kusiimla kujanane? Kwani syali nilinabhana katika munda jane kuajili jenu, ili kubha bhese bhabhe bhebhenywe? ¹²Helele, bhana bhane, jende katika nsila syenu mwebhene, kukubha une nimkekulu nkana kubhana mghosi. Kubhana tenda, 'Nahesa mpate mughosi, 'Bhufukubhobhu, 'nokubha kufyala bhana bhaghosi, kulelyo mnakobhola kuhembela mpaka bhakulee? ¹³Mulohembela na musitolwinonwe? hatuhu, bhana, bhane! Ibwene bhulndankana, kusumba kuloko bhofili kubhaha bhulanda umwe, kusababu kuvoko kwa Yahwe waja kinyume none.''¹⁴Okubha bhakasi bhabhana bhanaje bhatasya sauti syabho nakulila. Oripa ghamutahya kukumubusu, tukubha Ruth ghakasibhanganaje. ¹⁵Naomi ghatenda, ''Hulikisya, mwinobhe ghahelela kubhatu bhaje no kubhumba ghwaje. Helela hamwinaje.''¹⁶Tukubha Ruth ghatenda, ''Usindeke nhele, hale nonghwe, kukubha kojileko, no nendoja, holojikale; bhatubhobhe bhalobha bhalubha kumwane, no kubhumba bhobhe alobha kabhumba wakumwane. ¹⁷Luhande ho lukufyila, ndokafyilahahoe, no hahondoka zikwa. Yahwe funanile no haho Kusumba, kubha kwabha syesyose tukubha kufu tuluko bhwele kutubika hale. ¹⁸Naomi abhakalonga kubhulutu akubhele ghaswa kujanaje, ghakalekanga kupinganya nake.¹⁹Tetyo bhose bhabhili bhakajanga mpaka bhakafika mulugho Bethlehemu. kuhaho bhokafikanga m Bethlehemu, lugho ghose lwakabha sangabhalilanga, bhana bhakema bhatenda, ''Gho ghuni Naomi?'' ²⁰Tukubha bhabhalila, ''Musijiti Naomi. Njitemuchungu, kukubha libhwelelo kubhumba ghakatenda maghambo Machungu nkana. ²¹Nakajanga kokunamumbike, tukubha Yahweh ghahelesya kulugho na silinabhose. Kutekusi mkujita Naomi, koku mubhwene Yahweh ghakalila, kubhamwene Kabhumba Ghasafia?''²²Kutetyo Naomi no Ruth Mmoabu, mkasi wamwanaje wake, bhakahelelanga kufuma kusi ja Moabu. Bhakahelelanga Bethlehemu mukusapa mukusumbula mumabhu no mwa shairi.

¹Kundi Elimeleki ibha ghwake Naomi, akabhele na muntu ajilitwe Boazi, akabhele mtunsi na muntu amanyike. ²Ruth, Mmoabu, ghamubhalila Naomi, ''Tusya inje kako mekanye maholwa gha fyakulya. Kumabhala.'' Kajye mwanane.''³Ruth ghakajanga kasughula kwibhala no kubhalonda munyuma bhalikusughula. Kansi lulya luhande lwebhale lukabhlee nisambho jyake Boazi, akabhele bhehulike na Elimeleki. ⁴Kunga, Boazi, alikuja kufume Bethlehemu no kubhabhalila bhalikusughula, ''Yahweh avena mwe, ''Yahweh akubaliki.''⁵Haho Boazi ghamubhalila mkolomulimo ghwajye akabhele ne kubhahaghalile bhalikusughule, ''Bhulo musaaghoghu muhala nighweke ghanyi?'' ⁶Mkolamilimo muhaghalisi ghwabhalya bhalikusughula ghahindula ghanetenda, ''Nimuhala Mumoabu ghakahelela na Naomi kufuma musihugho sya Moabu. ⁷Ghakambalilanya hulikisya ndekesughule ne kukomekanya maholwa ghobhakalekelanga.' Tetyo ghakesanga ghabha nekusughula kufuma mulabha mpaka nomwe, ghatamka fisee munyumba.''⁸Kundi Boazi ghamubhalila Ruth, ''Hulikisya, mwanone? Nosijikasughula mwibhalanlindi; nosibhuki mwibhala lyane. Badala jyajye, sibhe haha nabhahala bhane bhamilimo. ⁹Ghakunge menso ghobhe kwibhala momo bhaghosi mobhalikusughula ubhalonde munyuma ja bhakema bhandi. Je, sibhalangisye bhaghosi bhasikukumisi? Nekobhe ghwalola nkangu unajunywa mansi hamuhange bhaghosi ghobhabhumba.''¹⁰Kundi ghasukama hambele jeke Boazi, nekukukumisya mtwe ghwajye hansi. Ghamubhalila, ''Kukibali hamenso ghobhe, ninga unemughenyu?'' ¹¹Boazi ghahindula ghanamubhalilwa, ''Ghonse ghowakelanga tangu ibhalo afwe. Wabhaleka bhasoo nonyokono bhelelelo, bhwakubhantu uisbhamanyile. Yahweh akalihe kufihando fyobhe. ¹²Yahweh akulihe kubhwingi, kabhumba ghwa Israeli, alihansi na mapapaghajye ghwapata kwakilimila.''¹³Ruth ghatenda, ''Mpe kibali mumenso ghobhe, tatabhusya ghwane bhukobha ghwafaliji, no kusahula bhwema kumwane nansikubha une teghumwighwa mkolamilimo ghobhe mkema.''¹⁴Bhwakali bhwafyakulya Boazi ghamubhalila Ruth, ''Jisa hanu, ulye badhi jya mikate nakusonda sihondes katika divai.'' Ghajikala hambali jyo bhasughusi, no Boazi ghamuha kiasi sya nafaka silyo sika langilwe. Ruth ghalya mpanka hoghakato shekanga no kusaza.¹⁵Hoghakabhukanga kujya kasughula, Boazi ghabhasongola bhasumba bhaje, no kutenda muteke asughule nansi katika masuke, no musimubhalili lyolyonse ibhi. ¹⁶No kubha mumulekele masuke ghandi katika vifulushi kuajili jyaje, no mumulike ili asughule. Msimukalihili.''¹⁷Tukubha ghakasughulanga mpaka mugholo. No kusonsola nafaka no bhwasi bhulya abhusughwile, nagho nafaka sikabhele kobhe efa jimwi hje shaili. ¹⁸Ghasiheka no kuja katika lugho. Haho nyinaje bhukwe ghwajye ghakalolanga silya syoghakasughulanga. Ruth nagho ghakamuletelenga nyinobhukwe nafaka silya sikalangilwe syoghasibhisyanga kufyakula fyaje.¹⁹Nyinabhukwe ghamubhalila, ''Wasughulila ihe kowasughulila bhwalelo? Wayanga kalolelo ine mulimo? Abhaliwe muntu ghakufunanilanga.'' Haho Ruth ghamubhasya nyina bhukwe ghwaje kuhusu muntu akabhele amiliki ibhala lyakabhele nakulikolela mulimo. Ghamubhalila, ''Isana lya muntu ghakamilikingi ibhabhala lyokabhele nikwakolela milimo ni Boazi.'' ²⁰Naomi ghamubhalila Ruth, ''Abalikiwe no Yahweh, ghulyaasyakabhusyanga bhuainifu bhwaje kubhalihai no bhafu.'' Naomi ghamubhalila, '' Ghogho muntu ni jama wa hehi nafwe, ni muntu ghwetu mkombozi.''²¹Ruth Mmoabu ghamubhalila, ''Nibhwene , ghakambalilanga, ''Jikale hehi na bhalughalugha bhane bha ghosi mpaka hobhalokahwa kusughala isughusi lyane lyonse.''' ²²Naomi ghamubhalila Ruth kamwanaje wa mwanaje mughosi, ''Nifisogha mwanane, uje na hamwi na bhakolamilimo bhajye bhakema ili kubha isikesi kupata madhala ghoghonse katika ibhala lyolyonse.''²³Tukubha ghakekala hamwi nabhakolamilimo bhakema ili asughule mpaka bhuhela bhwa isughusi gha shayiri no isughusi lya ngano. No akabhele najikele no nyina bhukwe ghwajye.

¹Naomi, majo mukwe ghwaje, ghaka mubhalitanga, ''Mwanane, tejikulazimu kuhensa mahali gha ughwe kutamuka, ili kwamba maghambo ghobhe ghaje fisogha? ²Naje Boazi, muntu ambaje gha kulanga hamwi ne bhahala bhaje bhamulimo, nyene simunywanyi ghwetu? Kunga mugholo ghoghu ghulo bha ghukukunguta shairi syakumwetu katika sakafu sya kupuria.³Kwahiyo, nyagha lisighe mafuta, ufwale mienda syobhe misogha ne usoke kuja kusakafu ja kupuria. Lakini usimanyi ile kumuntu ghoghu mpaka ho alo kamalisya kulya ne kunywa. ⁴Ne ukakikishe kubha, ho alokalala hansi ukumbule mahali hoghalalanga ili kwamba mugholo aje kumwaje ufueni maghulu ghaje, ne ulale haho. Kisha alo kubhalila sya kujila.'' ⁵Ruth ghaka mubhalilanga Naomi, ''Ndofila kila sintu syo ghwaka tendanga.''⁶Ghaka sokanga kus ku sakafuni ja kupuria ne ghaka londanga maelekezo gho akahebhwanga ne majomukwe ghwanje. ⁷Boazi ho ghaka kwisyanga kulyane kunywa ne mwegho ghwaje ghukabhesene furaha ghaka janga kulala hansi mwisyo ghwa sehemu ja kubhikila mazao. Kisya Ruth ghaka janga taratibu, ghakajifunukula, mighulusya Boazi, ne kulala haho bhu.⁸Fukubhwa manane Boazi ghaka. Usukilanga, ghaka lihindulanga, nehaho mukema akabhele ghalala maghulu ghaje! ⁹Ghaka mubhalilanga, ''Ughweni?'' Ghakajibhungu, ''Une ni Ruth, mtumiahi bhobhe ghwa kike. Mtimbite shuka jobhe unemtumishi ghwa sikema kwa kuwa aghwe ni munywani ghwa hehi.''¹⁰Boazi ghaka mubhalilanga, ''Mwanane, Yahweh akubhariki. Ghwa lolesya bhwema kumwisyo kuloko kumwanzo kusabhabhu te ghwa kujanga kubha ghosi bhasumba, abhe utunsi au mupina. ¹¹Ne nomwe mwanane usighubhahe ndo kujilila ghanse gho ukutenda kwa sabhabhu amji ghwa bhantu bhane bhonse bhakumanya kubha ughwe ni mukema gho ukustahili.¹²Nibhwene kubha une nili munywanyi ghwa hehi; ninga, tetyo kuline bhanywanyi bhahehi kusumba une. ¹³Sibha hahaha bhufukubhobhu, ne mwabho, kobhejabha akujila uikumu lyaje lya munywanyi ghwa hehi fisogha, muleke ajile jukumu lyaje lya kundughu. Lakini kobhe te alojila jukumu lya kindughu kumobhe ndiho une ndojile, kobhe Yahweh bho akuishi. Ghona mpaka mulabho.''¹⁴Kwa hiyo Ruth ghaka lalanga kumaghulu gha Boazi hadi modabho. Lakini ghaka halamkanga mapema kabla ja ghoghonse kukobhola kumtambua, muntu munsi. Kwa kuwa ghaka kwisyanga kumubhalila jisi julikane kubha mukema ghaka jisanga ku sakafu ja kupuria.'' ¹⁵Kisha Boazi ghaka mubhalilanga, tetanga mutandio ghobhe ne ughu ni ghilile.'' Hoghaka jilanga tetyo ghakapimanga fipimo fikulu mukagha fyashairi katika mtandio ne kumumtwisha Ruth. Kisha Boazi ghakajanga kumujini.¹⁶Ruth hoghaka helelanga kwa mama mkwe ghwaje, ghaka tendanga, ''Ghwakajila, bhuti mwanane?'' Ndiho Ruth ghaka mubhalilanga maghambo ghonse gho ghakajililwanga ne muntu ghogho. ¹⁷Ghaka mubhulilanga, ''Fefi fipimo mukagha fya shairi ni filya fyo ghakampanga nyene, kwa kuwa ghaka tendanga usikaje.''' ¹⁸Kisya Naomi ghakatendanga, ''Sibhahaha mwanane, mpaka ho ulokamanya bhoghakali, kwa kuwa Boazi te alotamka mpaka ho alokalimalisya ighambo leli bhwelelo.''

¹Ho Boazi akajile ku musgho ghwa Brthlehemu no kwi kala hansi. Muda mutofu tuweavesile mughana ghwa heli gho Boazi ghakamu sahulilanga. Boazi ghaka mubha lilanga, ''Rafiki ghwane, jisa haha no ujikale. Kiisha muntu uujo akesile no kwikala. ²Ho Boazi ghakakonkanga fiongosi ikumi limwi ghwamuji no kubhala, ''Jikale haha.'' Tetyo bhakekalanaga.³Boazi ghaka mubhalilanga ghulya jamaa gha hehi, ''Naomi gho ghaka helelanga kufuma kumuji ghwa Moabu, alikughusya sehemu ja alidhi jo jikabhele ni milikija mukulu ghweefu Elimeleki. ⁴Nankalanganyanga kukuha lupola no kukubhalile, 'Uighuleha mbele ja aabhe bhobhekele haha, no ha mbele ja fingosi ghwa bhantu bhaane.' Kubha ulo kunyomwa kuji sabhula, sikombole. Lakini kubho no usilensile kujikombola, umbalile, ili imanye, kukubha kutuhu ghundi ghwa kuji kombola tuughwee, boene ni mutoghoobhe.'' Hoho uujo muntu ghundi akabhalisye, ''Ndku lisabhula.''⁵Kiisha Boazi ghaka bhala, ''Jilja ntukujo ulokughula ibhala kufuma mumabhoko gha Naomi, uhensi bhwe kumutwala kumwi Ruth Mmoabu, mulekwa ghwa mwaana ghwa Elimeleki, ili kuli nyanyula isime lya malehemu kati bhuhyanyi ghwaaje.'' ⁶Hoh ghula jamaa ghwa hahi akabhalisye, ''Uunesya kobhole kuji kombola alidhi kujili ja kwaane bhusila kuleta madhala kubhuhyanyi ghwaane binafsi. Ndiku kuhauughe haki ji kuji kombola kujili ja kwoobhe ghwe nyene, kukubha uune syakobhole.''⁷Jeji jika bhele ni desituri ja kale ja Israeli kuhusu bhukombo no kubadili syana masogha. Kuthibhitisha maghakambo aaghe ghoonse, muuntu uujwe ghaka fulanga fileto jika bhele ni namuna ja kwila makubaliana gha kisyelia ku Israeli. ⁸Kutetyo uuju jamaa ghwa hehi ghaka mubhalilanga Boazi, ''Bhuusya ghwe nyene.'' Kiisha ghaka lifulesilato syaaje.⁹Ho Boazi ghaka bhabhalila fiongosi no bhantu bhoonu, ''uumwe ni masyalidi kubha nangula kila syo sikabhele sya Elimeleki no kila syo sikabhele syaKileoni no Mahilon kufuma ku mabhoko gha Naomi. ¹⁰Suumba ja ghaagho gho ghali kumuhulu Ruth Mmoabu, mukari ghwa Mahlon: na muha sibali sya kubha mukasyaane, ilikuendelesya isina no bhuhyanyi ghwa maleemu, ili kubha isina lyaaje lisitaghike kati ja bhamughana ghwaje no musigho ghwa bhantu bhaaje. Uumwe ni masyahidi bhwalelo.''¹¹Bhantu bhoonse no fiongosi bho bhakabhele kwilango, bhabhalanga, ''Tuli masyahidi. Yahweh amwile mukema uujwe gho ghajisa kulugho kwaobhe kobhe Raheli no Leya, bhobhabhili aabhe bhajijenga ntumba ja Israeli. No bhubali kibhwe kwi Efrata no kubha mashuhuri ku Bethlehemu. ¹²No nyumba joobhe kobhe nyumba ja Peles, gho Tamarighamu fyalilanga Yuda, kuhitilabhu fyalo bho Yahweh alo kukupatila kumwi no muhala uujwe.''¹³Tetyo Boazi ghaka mutwalangi Ruth, no akabhele mukasi ghwaaje. Boazi ghaka lalanganaaje, na Yahweh ghaka muhanga luhusa kupata nelaa, no ghaka fyalanga mwaana mughosi. ¹⁴Mukema uujwe ghakambabhalila Naomi, ''Yahweh abarikisibhwe, gho syakauleka bhusila mughana ghwa hehi, yaani mwaana kujwe. Isina lyaaje no libhemaalufuku Israeli. ¹⁵No abhe kumwobhe mulutubhi syaji ghwamaisya no mukanya luzuku mubhu kekulu ghoobhe, kukubha mwaana ghoobhe mukwe, gho akutehile, gho ni bola kumwoobhe kuleka bhaana bhaghosi mupungati, ghamuyala.¹⁶Kiisha Naomi ghaka mutwala mwaana, ghakamulasya kwitundu lyaaje, no kumuhudumia. ¹⁷No majilani bha ghulya mukema, bhakamuhele isina, kokubhabhalite, ''Mwaaana ghafyelibhwa kwa Naomi.'' Bhaka mwilika Obedi. Ghoghakesanga kubha tata ghwaaje no Jese, gho ghakesanga kubha tata ghwaaje no Daudi.¹⁸Sesi sikabhele ni bhufyalo ghwa Peresi: Peres ghakamufyalanga Hezroni, ¹⁹Hezroni ghaka mufyala Ram, Ram ghaka ufyala Aminadabu, ²⁰Aminaabu ghakamufyala Nashoni, Nashon ghaka mufyala Salmon, ²¹Salmon ghaka mufyala Boazi, Boazi ghaka mufyala Obedi, ²²Obedi ghaka mufyala Jese, no Jese ghaka mufyala Daudi.