To view a copy of the CC BY-SA 4.0 license visit
http://creativecommons.org/licenses/by-sa/4.0/
मर्कुसओ नुयङखान
11देकमि निनामछेनओ नुसावानामओ तापुङ । 2ओटनि यसैयाह यामाङओ छापलायाकडा छापतानचिनओ याआङ, खाङानुम अङका अकटेट याकेनछाञा खानाओ बुसि बुसि छुतङा, खोक्कोआ खानाओ लाम छुमचुम चुवोङ, 3खोक्लिडा कापात्ओ डोसाङला, हाएसिओ लाम छुमचुम मुवानुम, खोनिनओ चुपलाम बिकु मुलुत्तानुम।4हङसानवा पुमि युहन्ना हुमुकवालेकओ निकि लाछुङमिनओ हङसानवाओ रूमरङ मुयाङसा खोक्लिडा दातलुवा । 5झारा यहुदिया सिङवाङ का यरूशलेमओ याकखामि मोचिओया लोननि मता, नङ मोकोचिआ आनओ आनओ हुमुकवा देङहुतला चुवाकि मोचि डाङका इताङकु होङकुडा हङसानवा मलोकता । 6युहन्नाआ देङकोङपाओ मुआओ टिट का छुमायुडा होक्वाओ छाकछिनमा छुम्ताओ याआङा, का दोममाक नङ खोकलिओ सुइवालेम चासाङा।7नङ मोचिआ उसओ यिङयाङसा रूमरङ मचुवा, 'खोक्को अङकाओ नेतलोक बानमानु, खोनिनओ लाङसुपओ सुछु बोम्तुकि हुत्वो मुरूओ अङका याकनुङा। 8अङकाआ खानाचिञा चाःवाआ हङसानवा पुउङ, मेन खोनिनआ खानाचिञा वाचोङ साकोङआ हङसानवा पुमा लिवोङ।9हान मोलेनडा देकमि गालिलओ नासरत डाङका बानानिन का युहन्ना डाङका इताङकु होाङकुडा हङसानवा तारानिन। 10नङ वाडाङका थाङमुसा खोनिनआ सारुङ्गा होङसानचिनओ का साकोङञा कुइवाओ नुरुङडा अहाङपाङडा धायाङसा मुवाओ टोक्तानिन। 11नङ् सारूङगाङका अकटेट डोसाङला लिसा, 'खाना अङकाओ स्वावा सावाछा तए, खाना सुत्डा अङका सावालेत याकङा।'12नङ् साकोङआ खोनिनञा हालेङे राकामाललाकनिन खोक्लिडा खाटटानिन। 13मन्कि खोनिन खोकलिडा तुकिलेन सुलावा डाङका सुकोडा डोट्याङसा सायारूचि सुत्दा युङानिन, का सारूङ याकेन्छाचिआ खोनिनओ रोपधामवा मचुवाङा। /s देकमिओ ओकओ यापुङ /s14हान् युहन्ना लाप्माछेक मलिसा नेत्लोक निनाममुओ नुसावानाम् रूमरङ मुयाङसा देकमि गालिलडा बानानिन, 15का लोवानिन, 'मुयाकला लाट्ला लिसाओ याआङ, नङ् निनाममुओ हाङहोन चुकडा ताबानाओ याआङ। लाछङमिन मुवानुम, का नुयङखानडा मकतुम मुवानुम।'16हान गालिल वातताम्ओ वाचुक वाचुकखाङे कोननियुङहिडा खोनिनआ शिमोनञा का शिमोनओ बुबु अन्द्रियासञा साजुमाडा चङखावेत वेतनियुङसाओ टोक्तानिन। देनादि मोकोचि वेत्काबा मयाआङा। 17नङ देकनिआ मोकोचिआ लोवानिन अङका खानाचिञा मनाचिओ वेतकाबा मेतवोङा। 18हाले आन्ओ चङखावेतचि छिराकि मोकोचि खोनिन्ओ देङसि मखारा।19अचि हयानि मखारा नेतलोक खोनिनआ जब्दिओ सावाछा याकुब का मोचिओ निछाक युहन्नाञा टोक्तानिन। मोकोचि छाङ चावासिडा चङखावेत् बोपनियुङसाओ मयाआङा। 20मोबेन हालेङे खोनिनआ मोकोचिञा बुत्तानिन, का मोकोचि अचुपा जब्दिञा याङसुमिचिओ अकनिनडा चाःवासिडा छिराकि खोनिन्ओ देङसु मवाङा।21हाले खोनिनचि कर्फनहुमडा खारानिन, का मोबेन खोनिन् सावाएमलेनडा यायोकखिमडा वाङनि सालामयड पुसि पुङसानिन। 22नङ मोकोचि खोनिनओ सालामयङडा स्वमराक मडोट्टा देनादि खोनिनआ मोकोचिञा कायङवानआ उसओ माआङ मेन कोपरूयुङमिचि उसओ चिनलुमा लिसाङा।23मोवाइडाङे मोकोचिओ यायोकखिमडा असेङअत साकोङ लिमाओ अकपाङ मना याआङा, मोको उसओ यिङयाङसा पात्तु 24देकमि नासरी, आनकानञा खानानिन सुत्डा दि चाखाम? दि खानानिन आन्कानञा युनला चुसि बानानिनओ ए? अङका खानानिनञा सिनङा, खानानिन् निननममुओ वाचोङहाङ लिमा नु। 25देकमिआ मोसाञा उसओ यिङयाङसा हेन्तानिन, वाइःया युङे, का मोडाङका लोन्टाकि बाने। 26मन्कि असेङअत साकोङआ मोसाञा सुवालोङथेन मेत्ताकि धिडोसाङलाआ रिखापनि मोडाङका लोन्टाकि ता।27नङ झारा पाङ स्वमराकडा मडोट्टा सेन्मासेन चुसिमलुवा, ओको दि ए ? ओको ना नुङवा सालामयङ ए, ओचिआ कोपरूयुङ सुत्डा असेङअत् साकोङचिञा छाङ इङइवा मचुलुक, का मोकोचिआ ओचिओ इङइवा मकाङ। 28नङ उसओ लिमुसा खोनिनओ मुनुम गालिलओ झारा यापाकडा खुदाखुदि फेया।29हान् खोकोचि यायोकखिम डाङका लोनमुसा याकुब का युहन्नाओ अकनिनडा शिमोन का अद्रियासओ खिमडा बानानिन। 30शिमोनओ छादिमा माआ सारि लिसाओ याआङा का मोकोचिआ खोनिनञा मोबेन ङे मोचिओ छापछोङडा ताछुकफेङडा मचुवा। 31नङ चुकडा तांकि खोनिनआ मोचिआ छुक लाप्ताकि मोचिञा छुटुक्का पुलोन्टानिन का माआ मोचिञा छित्तनिलेवा का मोचिआ खोनिनचिओ रोपधामवा मचुवा।32मन्कि नामपुकडा मुनटोङ नामलुन्ता हाले मोकोचिआ खोनिनओया तुककाबाचि का मामाङसुखा वाङाओ झाराञा मबाटटा । 33नङ झारा तालावाङ ङे लापटिखोमडा झाराझुम लिसाओ मयाआङा। 34नङ् खोनिनआ ओला माइओ सारिआ दाखासाङ मेत्ताओ तुक्काबाचि बदधेकाञा नुसङ मेत्तानिन का बद्धेका मामाङसुखाचिञा लात्तानिन का मामाङसुखाआ खोनिन्ञा सिन्ताओ लिहिडा खोनिनआ मोकोचिञा चेपसि पुमा मानलि।35हान उपमि लिमाबुसि ओङसाङे पोक्तुकि खोनिन हुइया सेनयाङनि खामडा खारानिन का मोडा सोमफोङला मुवानिन। 36नङ शिमोन का मोचिसुत्डा लिवोचि खोनिनञा खेन्याङसा मखारा। 37नङ खोनिनञा धिराकि मयिङा, झाराआ खानानिनञा लामनियुङसाओ मयाआङ।38मोबेन खोनिनआ मोकोचिञा लोवानिन,' बानानुम आनकानका खाउ ङे चुकडाओ तालावाङचिडा खारइनने का मोडा छाङ अङका रूमरङ मुम, देनादि ओसाओ निकि ङे अङका लोननि ताओ एव।' 39मन्कि झारा गालिलडा मोकोचिओ यायोकखिमचिडा रूमरङ मुयाङसा का सुलावाञा लात्याङसा खोनिन बियानिन । /sसुखेन्वा नुसङ लिसाओ /s40मन्कि अकपाङ खुखेनवा मोडा ताकि ताछुकफेङला मुवाकि उसओ लोयाङसा लाङतुमफु नेपता, "खानानिन्आ राका मुवानिन लो अङकाञा सेङवानुमा रूमानु। 41मोबेन खोनिन्आ सोमनुवाकि आनओ छुकआ मोसाञा नोपतानिन का मोसाञा यिङानिऩ, 'अङका राका मुङा खाना साङनुवा लिसानुम। ' 42मन्कि हालेङे मोसाओ खुखेन मोडाङका खाछिरा का मोको साङनुवा लिनिलेवा ।43नङ खोनिनआ मोसाञा चाउक इङइवा पुवाकि हाले छुत्तानिन। 44नङ मोसाञा लोवानिन, 'खाङानुम ,खानाआ ओको साङञा छाङ मानियङदे मेन खाराकि खाना आमहाङपाङे बुबकाबाचि ओया खाङमेत्तानुम, का खानाचिञा सिनलेखाओ निकि वाछाप्पाआ लोवाओ ओटनि साङनुवारिओ यामतोकचि हेन्खुवा रिपेन्तानुम।45मेन मोको लोनताकि खारा नेतलोक ओको दुमओ उनबद्धे रूमरङ मुवा का मुनुम फेममा पुङसा हे देकमि लादेङ सासापसा तालावाङडा वाङला मुसि रूमा मानलि मेन हुइया सेनयाङनि खारुङडा युङानिन, का मनाचि रिनचोलिपाङका खोनिनओया मबाना।
21दिचलेन नेतलोक लादेङ खोनिन मुनटोङ कर्फनहुमडा वाङानिन, मोबेन खोनिन खिमडा लिमानु लोवो एनानचिन 2नङ उनबद्धे मनाचि झाराझुम मलिसा हे मोकोचि मोडा मानछत ,ओडातारि हे लापतिखोमओ चुवाङयोवा अकनिया खाम मानलि। नङ खोनिनआ मोकोचिञा इदुम एनमेत्तानिन।3नङ लुकापाङआ खुनताओ अकपाङ धासारिवाञा ताराकि मनाचि खोनिनओया मता। 4मुकलाओ सुन्दुमआ खोनिनओ चुकड़ा बानमा मानरूहिदा मोकोचिआ खोनिन लिसानिनओ खाम धानिओ खापपु महोक्ता, का होक्ताचिया नेतलोक मोको घासारिवा इमनियुङसाओ ङे इमखा मोडाङका हुयनि मइत,ता।5देकमि मोकोचिओ मकतुम खाङाकि मोको घासारिवाञा यिङानिन "सावाछा खानाओ हुमुकवा नुनाम्लानुत मलिसा।" 6मेन मोडा खाउ ङे यङवानमिचि युङनियुङसाओ मयाआङा का आनओ आनओ कोङरिङडा उसओ यिङाकि मिनला मुनियुङसाओ मयाआङ 7देना ओको मनाआ मुइसाकिया चेपलुक? ओसाआ ना निनाम्मुओ उतनुुङ चुलुक। ओन् अक तामिनतुप् निनाममुआ लेट्का निचि साङआ छाङ हुमुकवा नुनामलानुत मुमा रूयाक?8मन्कि मोकोचि हाङपोहाङडा उइसाकिया मिनला मचुलुक लोवो देकमिआ हाले आनओ साकोङडा सिनला तोक्तुकि मोकोचिञा लोवानिन, देना खानाचि आनओ आनओ कोङरिङडा उसओ दुम्ओ मिनला अचुलुक? 9धासारिवाञा आमनो हुमुकवा नुनामलानुत मलिसा यिङमा हे पोक्ते आमनो इमखा थेन्ताकि बिए, यिङमा, खाउ ओलाक नेकता याआङ ?10मेन मनाओ सावाछाञा हेन्खामाडा हुमुकवा नुनामलानुत मुवो पाङ याआङ लोनि खानाचिआ लेसि रूवानुम। (खोनिनआ धासारिवाञा लोवानिन) 11अङका खानाञा लोङा पोक्ते, आमनो इमखा थेन्तानुम का आपनो खिमडा बिनिलेवानुम। 12नङ मोको ठिन्ता का हाले आनओ इमखा थेन्ताकि झाराओ बुसित डाङका खारालेवा, उनतारि हे झारा पाङ स्वमराकआ नाकाक् मलिसा का आनकान्आ उसओ ना देमखा छाङ टोक्तुओ याइमिन लोनि मोकोचिआ निनाममुओ धिनुमसङ मचुवा। /s लेविञा बुतसान /s13मन्कि खोनिन् लादेङ वात्ताम वाचुकखाडा खारानिन, का झारा मुकला खोनिनओया मबाना नङ् खोनिनआ मोकोचिञा सालामयङ पुवानिन । 14नङ खात्याङसा मुहिडा खोनिनआ अल्फयसओ सावाछा लेविञा छोनलाखाडा युङनि युङसाको टोकतानिन का मोचिञा यिङानिन अङकाओ देङसु बानानुम। मोचि पोकताकि खोनिन्ओ देङसु मवाङा।15नङ् उसओ लिसा, हे मोचिओ खिमडा चासिञा खोनिन् युङानिन, नङ बद्धेका छोनकाबाचि का दाखोङवाचि छाङ देकमि का खोनिन्ओ खेनमाछाचिओ अकनिनडा युङाओ मयाआङा, देनादि मोकोचि बद्धेका मयाआङ नङ् खोनिनओ देङसु देङसु बियाओ मयाआङा। 16मेन फरिसिचिओ कायङवानचिआ खोनिन दाखोङवाचि का छोनकावाचि सुतडा चानियुङसानिनओ टोक्तुकि खोनिनओ खेनमाछाचिङा मयिङा, मोचि छोनकाबा का दाखोङवा सुत्दा चामादुङमा मुहिडा मयाछा।17ओको एनाकि देकमिआ मोकोचिञा लोवानिन चावापाडचिञा नुखामिओ चाखाम नुनिन् मेन तुककाबाचिञा, अङका सामयोकमिचिञा ना माआङ मेन दाखोङवाचिञा बुतसि ताओ एव। /s मानचायाकला छापछोङ खासेन /s18हान युहन्नाओ खेनमाछाचि का फरिसिचि मानचायाकला मयुङाङा का मोकोचि ताकि खोनिनञा मयिङा, युहन्नाओ खेनमाछाचि का फरिसिओ खेनमाछाचि देना मानचायाकला मयुङलुक मेन खानानिन्ओं खेनमाछाचि लो मानचायाकता मयुङनिन ? 19देकमिआ मोकोचिञा लोवानिन, दि साङकोम मोकोचिओ अकनिन्डा लिदातारि सायाहाङमि मानचायाकला मयुङ का? मुनटोङतारि साङकोम मोकोचिओ अकनिनडा मलि मोकोचि मानचायाकला युङसि मरुनिन्। मेन मोचिलेन मबानवोङ मुनटोङ साङकोम मोकोचि डाङका नियाक ममुमेत्वोङ का मोलेन मोकोचि मानचायाकला मयुङवोङ।20मेन मोचिलेन मबानवोङ मुनटोङ साङकोम मोकोचि डाङका नियाक ममुमेत्वोङ का मोलेन मोकोचि मानचायाकला मयुङवोङ। 21साङआ छाङ आसुङ टिटडा नुङवा तेन्तुमा चङनिन् माआङलो मोडाङका मोको चङसाओआ तामिनतुप नुङवाआ आसुङडाङका सातनि मखाट का पेतसु ओलाक लिवोङ।22नङ साङञा छाङ नुङवा यम्पारावा आसुङ होःवाओ खुङडा लेननिन माआङलो मोको यम्मारावाञा हो वाओ खुङचि केतनि पुयाक का यम्मारावा का हो वाओ खुङ छाङ युनता मलि। मेन नुङवा यम्मारावा नुङवाङे हो:वाओ खुङओ निकि ए। /s सावाएमलेनओ काङलेन छापछोङ खासेन /s23अक सावाएमओ लेनडा खोनिन चासुमखाचि डाङका लिनि खात्याङसा लिमानुवाङा, का खोनिनओं खेन्माछाचिआ बियाङसा मुहिडा चासुमओ वाचुङखुङचि कुपसि मपुङसा। 24फरिसिचिआ खोनिनञा मलोवा, 'खाङाने सावाएम लेनडा खाकको मुमा उतनुवा याआङ, मोकोचि देना मचुलुक? '25खोनिन्आ मोकोचिञा लावानिन, 'दि खानाचिआ देमखा छाङ खिपतुओ तमानुनुङ, दाउदआ मुनटोङ मोचिञा चाखाम डोटटाओ याआङा, मोचि नङ मोसुतडा लिवोचि साकारूहिडा दि मुवाओ मयाआङा? 26खाइसाकिया अवियाथार बुलामबु बुबकाबाओ वाइदा निनाममुओ खिमडा मोचि मवाङा का बुकफेनओ पेमपाक मचो खाकको बुबकाबा लेटका निचिआ चामा उत्नुवा याआङ ,का उहाङपाङसुतडा लिवोचिञा छाङ मपुवा।27मन्कि खोनिनञा मोकोचिमा लोवानिन सावाएमओ लेन मनाओ निकि मेत्ताओ ए। मना सावाएमओ लेनओ निकि माआङ। 28ओसुन्दुम ना मनाओ सावाछा सावाएमओ लेनओ छाङ हाएसि ए।
31खोनिन लादेङ यायोकखिमडा वाङानिन, नङ मोडा सिपतुओ छुक लिसाओ अकपाङ मना याआङा। 2नङ खोनिन्आ मोसाञा सावाएमओ लेनडा नुसङ मेत्मानु हे लोनि खोनिन्ञा खायोङमाञा मोकोचि खोनिनओ सुक्सुखाडा मयाआङा।3मोबेन खोनिनआ सिपतुओ छुक लिसाओ मनाञा लोवानिन 'हुपडा ठानठुक लिसानुम ।' 4नङ् खोनिनआ मोकोचिञा लोवानिन सावाएमओ लेनडा नुलोक चुमा हे उवाक चुमा? हाङमाङ रातमा हे युनला चुमा? खाउ ओलाक नुलोक ए? मेन मोकोचि वाःइया मयुङा5मोबेन मोकोचिओं कोङरिङओ चाउकला टोकनि तुकखामि लिसाकि माइसुङआ चुवाङयोवा मोकोचि धानि मुकखाङ लुवाकि खोनिनआ मोसाञा लोवानिन "आमनो छुक फेयानुम" मन्कि मोसाआ फेया का मोसाओ छुक बुखुवातनि ङे लिसाखारा। 6नङ हुड्या खाराकि फरिचिआ हाले हेरोद सुत्डा खोनिनओ उसादाकडा खोनिनञा खाइसाकिया युनला मेत्तोमने यिङाकि यायोक मचुवा।7मोडाङका देकमि आनओ खेनमाछाचिसुत्डा वात्तामलिपा खाछित्ताकि खारानिन। नङ गालिल डाङका मनाचिओ टोप्पो मुक्ला खोनिनओ देङसु मता, 8का यहुदियाङका, का यरूशलेम डाङका, का इदुमिआडाङका, का यर्दन हयाधेतदाङका, का टायर डाङका, का सायडनओ चुवाङयोवाङका मनाचिओ टोप्पो मुकला खोनिन्आ खासओ टोप्पो टोप्पो ओकचि मुवानिनओ याआङ लोवो एनाकि खोनिनओया मता।9मन्कि खोनिनआ आनओ खेनमाछाचिञा लोवानिन मुकलाओं सुन्दुमआ मुहिडा अकटेट चुप्पो चाःवासि अङकाओ निकि चुकडा छुमचुम लिने माआङलो मोकोचिआ मतिमताङवोङ। 10देनालो खोनिनआ बदधेकाञा नुसङ मेत्तानिनओ याआङा, उनतारि हे, सारि लिसाओ झाराआ छाङ खोनिनञा नोप्तोमने लोवाकि छुनमाछुन् मचुवाङा।11नङ मुनटोङ असेङअत साकोङचिआ खोनिनञा मटोक्ताङा हाले खोनिनओ बुसित बोम्का लिसाकि उसओ यिङयाङसा मपातताङा खानानिन निनाममुओ सावाछा लिमानु।" 12नङ मोकोचिआ खोनिनञा पुक्तु मानमुविने यिङवो चाउक इङइवा खोनिनआ मोकोचिञा चुवानिन। /s देकमिआ हवापौ खेनमाछाचि छेनतानिनओ /s13नङ खोनिन भुरूडा वाङानिन का खोनिनआ राका मुवानिनओ उनलोञा बुत्तानिन, का मोकोचि खोनिनओया मता। 14नङ मोकोचि खोनिनओ ढायुकडा युङसि का मोकोचिञा रूमरङ मुसि छुतसि 15का मामाङसुखा खालाचि लातवो कोपरु छाङ मोकोचिञा लिने यिङाकि खोनिनआ हवापौपाङञा कावाङसाङ मुवानिन। 16तामिनतुप, शिमोन, खोसाओ नुङ पत्रुस युङसानिन।17नङ जब्दिओ सावाछा याकुब, का याकुबओ निछाक युहन्ना, का खोनिनआ मोकोचिञा वोअनर्गेस तामिनतुप कुलुङदिपाओ सावाछाचि लोवो नुङ युङसानिन। 18नङ अन्द्रियास, का फिलिप, का बर्थलोमै, का मत्ति, का थोमा, का अल्फयसओ सावाछा याकुब, का थेदियस, का शिमोन कनानी, 19का यहुदा इस्करयोति, खोक्कोआखोनिनञा लुलेनला छाङ मुवा। नङ खोनिन खिमहुड्डा खारानिन। /s देकमि धानि एमसुकोप /s20नङ लादेङ मुक्ला झाराझुम लिसा, उन्तारि हे, खोनिनचिआ चामासेसि चासि छाङ तोकमा मान्लि । 21मुनटोङ खोनिनओ रूमिपामिआ ओको मएना, मोबेन खोनिन्ञा खाङओछुङ मुमा मलोनतु देनादि खोनिनओ कोङरिङ छुककोङडा मातदङ लोनि खोकोचिआ मलोवाङा। 22नङ यरूशलेम डाङका इनिताओ यङवानमिचिआ मयिङा, "मोको सुतडा बालजिबुल याआङ का मामाङसुखाओ हाङछेकुछा डाङका मोसाआ मामाङसुखाचि मलातलुक।"23मेन खोनिनआ मोकोचिञा अहाङपाङओया मबुत्ता, का मोकोचिञा डोवाङलाचिडा यिङानिन "सुलावा आ सुलावाञा खाइसाकिया लातसि रूलुक् का ? 24खाउङे हाङहोनओ हाङपोहाङडा यङछित्ला लिसा लो मोको हाङहोन पाङचङमा रूनिन् 25खाउ ङे खिमओ छाङ हाङपोहाङडा यङछितला लिसा लो मोको खिम पाङचङसि रुवोनिन।26खोनालो सुलावाआ सुलावाओ ङे उसादाकडा ठानठुक लिसाकि मानतोङवा मुवाओ याआङ लो मोको युङसि रूनिन् मेन मोसाओ वाइचोम लातलिवोङ। 27साङआ छाङ सापसामि मनाओ खिमडा वाङाकि खोसाओ यामतोक ङाकमा रुनिन् मुनटोङ तारि मोकोआ सापसामि मनाञा बुसि छुमनिन्, का मोबेन ओन मोसाआ खोसाओ खिम ङाक्तुउने।28अङका खानाचिञा नुच्चुङङे लोलुकङा, मनाओ सावाछाचिओ झारा हुमुकवा का मोकोचिओ निनामुत्नुङ, खाक्को मोकोचि मिनअतलाडा चुउने, नुनामलानुत मलिवोङ 29मेन खोक्कोआ वाचोङ साकोङओ उसादाक मिनअत चुवोङ मोको देमखा छाङ नुनामलानुत लिवोनिन, मेन मोको सानलेप हुमुकओकओ खायोकमि दोक्याक। 30देनालो खोनिनसुत्डा असेङअत साकोङ याआङ लोनि मोकोचि मलोवाङा।31मोबेन खोनिनओ मामा का निछाकचि मता, का हुड्याडे ठानठुक लिसाकि खोनिनञा बुतनि मछुत्ता। 32मुकला खोनिनओ चुवाङयोवाडा युङनि युङसाओं याआङा, का मोकोचिआ खोनिनञा मयिङा, खाङाने, आमनो मामा, का आमनो निछाकचि खानानिनञा हुझ्या मलामयाङ। "33खोनिनआ मोकोचिञा लायङ पुवाकि यिङानिन, अङमामा, अडनिछाचि साङ मए?" 34नङ आनओ चुवाङयोवाडा युङकाबाचिञा खाङाकि खोनिनआ लोवानिन, खाङानुम, अङमामा का अहनिछाचि। 35देनादि खोकोआ निनाममुओ राका काङलेन मुवोङ मोकोङे अङनिछा, अङनिछामा का अङमामा मए।"
41खोनिनआ लादेङ वाततामओ वाचुकखाडा सालामयङ पुसि पुङसानिन। नङ उन टोप्पो मुकला झाराझुम लिसा, हे खोनिन् चाःवासिडा वाङाकि वात्तामडा ङे युङानिन, का झाराङे मुकला लो वात्तामओ वाचुकखाडा ङे याआङा। 2मन्कि खोनिनआ मोकोचिञा डोयङलाडा बद्धेका दुम चिनलुवानिन, का आन्ओ सालामयङडा मोकोचिञा यिङानिन।3एनानुम, खाङानुम, यामाचा तेममि तेममाञा लोन्तु। 4नङ उसओ लिसा, तेमहिडा दिच यामाचा लामलिपा मडोटटा, का माइसेचियाआ ताकि मचोलेवा। 5दिच धिलुङबाखाडा मडोटटा, मोडा बदधे बाखा मानुनुङा, का बाखाओ गङयु मानलिहिडा मोको चकनिङे थुवा।6मुनटोङ नाम लोनता, मोको छोपता का मोसाओ सुङभेन मानलिहिडा सिप्तालेवा। 7खाउङे लो सेन्मिचिओ हुपडा मडोटटा, मेन सेन्मिचि पोयाकि ता का मोसाञा साकनाननि मपुवा, का मोसाआ सिवा मानपु।8खाउ ङे नुलोक बाखाडा मडोट्टा का थुयाङसा पोन्याङसा खाराकि सुकि फसमि, का तुकि फसमि का भुङकि फसमि सिवा मपुवा। 9मन्कि खोनिनआ लोवानिन ,'खोक्कोओ नाबाक याआङ मोसाआ एनने।'10मुनटोङ खोनिन इकआङे लिसानिन, मोबेन हवापौ पाङ अकनिया चुवाङयोवा लिसाओ निचिआ खोनिन सुतडा ओको छापछोङडा मसेना। 11नङ खोनिनआ मोकोचिञा यिङानिन, निनाममुओ हाङहोनओ तुपतुपला खानाचिञा पुवानचिनओ याआङ मेन हुड्याओचिञा लो झारा दुम डोयङलाचिडा मचुविन्। 12हे मोकोचिआ खाङसि ना खाङने, मेन मानटोकने। का एनसि ना एनने, मेन मानतुपने ,माआङलो ना मोकोचि लादेङ लावोङ का मोचिञा नुनामलानुत लिवोङ।"13नङ खोनिनआ मोकोचिञा लोवानिन, दि खानाचिआ ओको डोयङला ततुपनिन् ? मोबेन खाइसाकिया झारा डोयङलाचि ततुपतुङने ना? 14यामाचा तेममिआ इदुम तेमलुक। 15लामलिपडा वेतत्तानचिनओ इदुम ओको ङे मए, मुनटोङ मोकोचिआ मएन, मोबेन हाले सुलावा बान का मोकोचिडा वेततानचिनओ इदुम खाटनिलेयाक।16नङ मुइसाकिया धिलुङबाखाडा वेततानचिनओ ओकोङे मए, खोक्कोआ मुनटोङ इदुम एन हाले छेमनसुतडा मोबेन ङे मोको देङहुत। 17मोसाओ अहाङपाङडा सुङभेन नुनिन का मोचि दिचवाइ पाङचङ ,मेन मुनटोङ इदुमओ सुन्दुम लारूम हे ठिनसु तानिडोट, मोबेन हाले ढुङला मचा। निचि लो मोचि मए,18खाकको सेन्मिचिओ हुपडा वेततानचिनओ मलि, ओकोचि मोचि ङे मए, खोक्कोआ एनाओ मलि 19नङ धाधारङओ मिनराक का खाबालुङको राका का निचि यामतोकओ रापचा हुड्डा वाङनि इदुमञा साकनाननि मपु, का मोको मानसिवो लिनिलेयाक। 20खान्नो थाम्पुकडा वेततानचिनओचि ओचि मए, उसओआ इदुम मएन का देङहत्ला मचु का सुकि फसमि का तुकि फसमि का भुङकि फसमि सिवा मपु। /s यामाचा का ओपकि डाङका सानयङ /s21मन्कि खोनिन्आ मोकोचिञा लोवानिन,' दि ओपकि पादुकओ ह्यिुनि हे इमखाओ ह्युनी युङसि यिङाकि बाट? दि ओपकियुङखाडा युङसि लोवाकि माआङ? 22छुप्ताकि छोङ मानलिवो का कोपनिडा युङसाकि मुलुम्पुक मानलिवो दिच छाङ माननुङ। 23खोनालो खाउ ङे मनाओ एनवो नाबाक याआङ लो मोसाआ एनने।'24नङ खोनिनआ मोकोचिञा लोवानिन, 'खानाचि खाक्को तएन, मोसाडा स्वमलेन पुवानुम, देनादि खाक्को हाकलाआ खानाचि भेपलुक मोको ङे हाक्लाआ खानाचिञा छाङ भेपवोङ नङ खानाचिओ निकि बढ्धे पुवोन। 25देनालो खोक्को सुतडा याआङ मोसाञा पुवोन नङ खोक्को सुतडा मातदङ मोसासुतडा लिसाओछाङ मोसाङका ङाकवोन् ।'26नङ खोनिनआ लोवानिन, 'निनाममुओ हाङहोन उसओ याआङ, हे खाउङे अकपाङ मनाआ थामपुकडा यामाचा तेमने 27नङ खाखुत लेन इमने का पुलोनने का यामचा लो लिमलातने का पोनने, मेन मोको खाइसाकिया लिसाओ ए मोको मोसाआ लेनिन् । 28थामपुक अहाङपाङेआ सिवा सिमेत्, बुसि सुङताङ मोडाङका वाचुङखुड मन्कि वाचुङखुङडा भेप्लो चासुम। 29मेन मुनटोङ चासुम चारू मोबेन हाले मोसाआ हेकमु याङलुक, देनालो चामुसिवाओ मुयाकला ताबानाओ नुयाक।'30मनकि खोनिनआ लोवानिन, 'निनाममुओ हाङहोनओ हाकङहा आन्कान खाइसाकिया मुइनने? नङ खाउ डोयङलाडा मोको युङसुमने? 31मोको ना होमसिओ लुङवा इसा याआङ, खाको मुन्टोङ थामपुकडा तेम्तिन मोबेन हेनखामाडा झारा यामाचाचिडा चुपपो मलिसा 32मेनछाङ मुनटोङ मोको लित्तिन मोडाङका मोपोन का झारा लिमपुकचि चोङलो टोप्पो नु, का बदधे बदधे खेकचि लिम्लु, उसओ हे नामकदुओ माइसेचियाआ मोकोओ लाछामियु याक्मा मरू।'33नङ मोकोचिआ एनसि रुइन्लोक खोनिनआ उसओ ङे बदधे डोयङलाचि लोवाकि मोकोचिञा इदुम एनमेत्तानिन। 34नङ मायाक डोयङला खोनिन मोकोचि सुत्डा चेम्पा मानलि मेन आनओ दुक्छा खेनमाछाचिञा खोनिनआ कोपनिडा झारा तुपयङ होङनिपुवानिन ।35मोलेन नामपुक मलिसा नेतलोक खोनिनआ मोकोचिञा लोवानिन ,'बानानुम आन्कान ह्याघेतलिप्पा खारिनने।' 36नङ मुकलाञा छिराकि देतनि खोनिन चा:वासिडा लिमानुवाङा, खोवातनि मोकोचिआ खोनिनआ अकनिनङे मखाटटु, नङ निचि चा:वासिचि छाङ खोनिनओ अकनिनङे मयाआङा। 37मन्कि मोडा टोप्पो कुहुक ता का वारेपचि चा:वासिडा वान्ठेनमा मलुवा, उनतारि हे, चाःवासिडा चाःवा भेपमा पुङसा।38खोनिन अहाङपाङ लो देङसिलिप्पा अक्टेट टाङयुङडा टाङ युङसाकि इमनियुङसानिनओ याआङा, का मोकोचिआ खोनिनञा उसओ यिङयाङसा मपुलोन्टा, "रुमु, आन्कान युन्ला लिमा पाक्तोम् लोवो दि खानाञा स्वम माननुङ?" 39मोबेन खोनिन पुलोन्तानिन, का कुहुकञा हेनतानिन, का साजुमाञा लोवानिन वाइःया लुए, सावेङला लिसानुम। मन्कि कुहुक नान्ता का टोप्पो सेन्याङनिला लिसा।40नङ् खोनिनआ मोकोचिञा लोवानिन, 'खानाचि देना मुइसाकिया कुमाकासाङ अलि? खानाचिडा फाननु मकतुम मात्दङ? " 41नङ मोकोचि धिकुमाकाराकि हाङपोहाङडा मयिङा". खोनिन साङ मए? कुहुक का साजुमाआ खोनिनओ इङइवा मकाङ।"
51मन्कि खोनिनचि वात्तामओ हयाधेतलिप्पा गिरासिनीओ सिङवाङडा बानानिन। 2नङ खोनिन चाःवासिडाङका लोनमुसा सुचिनखुम डाङका असेङअत साकोङ वाङाओ अकपाङ मनाआ खोनिनआ धिरू3खोक्कोओ याकखिम एपमाचिडा ङे लिसाङा का खाउ ङे मनाआ मोसाञा चोकछुमचिआ छाङ छुम्मा रूवाओ मान्नुङा । 4देनादि मोको बदघेकादु लाङछुमबि का चोक्छुमचिआ हेत्तानचिनओ याआङा का मोसाआ चोकछुमचिञा फङला फङला मेत्नि लाङछुम्बिचिञा छाङ दाङला दाङला मेत्निपुवाओ याआङा, का खाउङे मनाआ छाङ मोसाञा छुककोङडा युङसि रुवाओ माननुङा।5मोको खाखुत का लेन् निम्मा एपमाचिडा नङ हेमसुवाचिडा पातयाङसा अहाङपाङआ हाङपाङञा लुङटाकआ फाक्याङसा बियाङा। 6नङ मुनयोकदा मोकोआ देकमिञा माङखाङका टोक्ता, हाले लोटयाङसा ता, का खोनिनञा सायालोङ मुवा।7नङ धिडोसाङलाआ पाराकि यिङा, "धिवाङ हाएसिओ सावाछा देकमि अङकाओ खानानिन सुत्डा दि चाखाम? अङका निनाममुडा सिस्वदुम चोकि खानानिनञा ताछुकफेङला मुङा, छुयु मान्पुदाङने।" 8देनादि खोनिनआ मोसाञा लोवानिनओ याआङा, "असेङअत साकोङ, ओको मनाङका लोन्नि बाने।"9मन्कि खोनिनआ मोसाञा सेनानिन, "आमनुङ दि ए?" मोसाआ खोनिनञा यिङा, "अङनुङ ना मुकतला ए, देनादि आनकान बदधे याइनका।" 10नङ मोसाआ खोनिन सुत्डा मोकोचिञा सिङवाङ लातखाला मानलिने लोनि थिकनिन ताछुकफेङ मुवा।11हान मोडा हेमसुवाओ चुकडा वाकचिओ बदघेका रुहुप चाननियुङसाओं याआङा। 12नङ मोकोचिआ उसओ लोनि ताछुकफेङ मचुवा, "आनकानञा वाकचिओया खातसि पुवाने, का आनकान मोचि हुड्डा वाङोम्का।" 13मोबेन खोनिनआ मोकोचिञा देङहुतवारि पुवानिन का असेङअत साकोङचि हुझ्या लोन्ताकि बाकचि हुडडा मवाङा, मन्कि हवाहिभुङ मेतलो रुहुप् हेमसुवा डाङका साजुमालिप्पा टोम्तुकि मखारा, का मोकोचि साजुमाडा साकमासोन्तुकि सुवा।14हान मोकोचिञा चानवोचि मफुङसा का तालावाङ का टेन टेनडा युङखान मपुवा, का दि लिसाओ ए मोको खाङसि मोकोचि मता। 15मोवाइडा मोकोचि देकमिओया मता का मो खाला वाङाओ मनाञा नुलोककोङओ लिसाकि टिटखान छाङ होङाकि युङनियुङसाओ मटोक्ता, का मोकोचि मकुमाकारा।16नङ खोक्कोआ ओको टोक्तुओ याआङा मोकोचिआ खालाचि वाङाओ मनाञा का बाकचिओ छापछोङडा दि लिसाओ याआङा मोको मोकोचिञा लोनि मपुवा। 17मन्कि मोकोआ खोनिनञा मोकोचिओ हायुङडाङका खारालेवाने लोनि ताछुकफेङ मुसि मलुवा।18नङ खोनिन चाःवासिडा वाङसिलुहिडा मोको खाला वाङाओ मना खोनिनओ ङे अकनिन्डा युङसिओ निकि ताछुकफेङ मुवा, 19मेन खोनिन्आ मोसाञा देङहुतसु पुमा मानलि। मेन मोसाञा लोवानिन, 'खाना आनओ खिमडा खाराकि आमयावाचिञा एन्मेत्नि पुए ।हे घिवाङ हाएसिआ खानाओ निकि देम् बदधेका ओक मुवा, का खानाञा पुनोत् खाङमेत्ता। 20नङ मोको बिनिलेवा, का देकमिआ मोसाओ निकि देम टोप्पो ओक मुनिपुवानिन, मोको डिकापोलिसओ झारालिप्पा रूमरङ मुसिलुवा का झारा मनाचि नाकाकवाडा मडोट्टा। /s याइरसओ मेछाछा /s21मन्कि मुन्टोङ देकमि लादेङ चाः वासिडा हयाधेतलिप्पा खारानिन, मोबेन अक्टेट टोप्पो मुकला खोनिनओया झाराझुम मलिसा। खोनिन वातताम्ओ वाचुकखाडा लिमानुवाङा। 22नङ यायोकखिमओ हाङछाचिखपडा याइरस नुङ लिसाओ अकपाङ खोनिनओया मता, का खोनिनञा टोक्तुकि खोनिननओ लाङडा बोम्का मडोट्टा। 23नङ उसओ यिङाकि धिथिकनिन् तालुकफेङ मचुवा, अङकाओ चुप्पो मेछाछा सुसिलुवाओ याआङ, बानाकि मोधानि खानानिनओ छुक युङनिपुवाने, का मोको हङने का लेनचाने। 24नङ खोनिन मोचिसुत्डा खारानिन, का अकटेट टोप्पो मुकला खोनिनओ देङसु मता, का खोनिनञा छुनमाछुन् छाङ लिसा ।25नङ हवापौ दोङडाङका हुवा पेतवो सारि लिसाओ अकपाङ मारिछा, 26खोकोआ बदधका नुखामिचिओ छुकडाङका छुयु तोकताओ याआङा, का हाङपाङसुत्डा लिसाओ झारा खाबालुङ याङयाङला मुवाकि छाङ नुसङ मानलिसाकि हेनाक फाननु उवाक यामामुडा डोटटुओ याआङा, 27देकमिओ छापछोङडा दुमचि एनाकि मुकलाओ देङसुलिप्पाङका ताकि खोनिनओ सङनान् नोप्तु।28देनादि मोसाआ यिङाओ याआङा, अङकाआ खोनिनओ सङनान ओन् नोपतुङलो छाङ अङका नुसङ लिवोङा। 29नङ मोबेन ङे मोसाओ हुवा पेतवो छेक्का लिनिलेवा का आनओ साएमपोकडा सारि नुसङ लिसाओ मिनला तोक्तालेवा।30नङ हाङपाङडाङका साएराङ हुइया लोन्ताओ चकनि देकमिआ सिनला तोक्तुकि मुकलाडा देङसुलिप्पा लासाकि यिङानिन, "साङआ अङटिट नोप्तु?" 31खोनिनओ खेनमाछाचिआ खोनिनञा मयिङा, 'मुकलाआ छुनमाछुन मुवाओ ना खानानिनआ टोकतानिनओ ङे याआङ, नङ खानानिन यिङमा नु साङआ नोप्ताङ? 32नङ खोक्कोआ खाक्को मचुवा ,मोसाञा खाङसिञा खोनिनआ रिनचोलिप्पा अमुक खाचोपतानिन।33मेन् खाक्को मोसाञा लिसाओ याआङा मोको सिनला तोक्तुकि मोको मारिछा कुमाआ धुन्याङसा ताकि बोम्का डोरु, का खोनिनञा झारा नुच्चुङ दुम लोनिपुवा। 34मन्कि खोनिनआ मोसाञा यिङानिन मेछाछा, आमनो मकतुमआ खानाञा डेकताओ याआङ। नुसानसुत्डा खारानुम, आमसारि नुसङ लिनिखात्ने।35खोनिन चेपमा लियाङसा याआङा, यायोकखिमओ हाङछाओया डाङका मनाचि बानाकि मयिङा, "खानाओ मेछाछा सुवा ! रूमुञा हान फाननु छुयु देना पुमा नु?"36मेन मोकोचिआ मुनियुङसाओ दुम देकमिआ मानएन ओटनि मुवाकि यायोकखिमओ हाङछाञा यिङानिन, "मानकुमाकातदानुम, मकतुम ओन मुवानुम।" 37नङ खोनिनआ पत्रुस, याकुब नङ याकुबओ निछाक युहन्नाञा लेटका निचि साङञा छाङ खोनिनओ सुत्डा बानसि देङहुत्ला पुमामान्लि । 38नङ खोनिनचि यायोक खिमओ हाङछाओ खिमडा बानानिन का खोनिनआ बदधेका डुमलुङला मुवो, खापवो का धितुकहुयु मुवोचिञा टोकतानिन।39मन्कि हुड्डा वाङाकि खोनिनआ मोकोचिञा यिङानिन, "खानाचि देना डुमलुङला अमु, का अखाप? कामेत्छा सुवाओ मातदङ मेन इमनियुङसाओ याआङ।" 40नङ मोकचिआ खोनिनधानि इयावारि मचुवा। मेन खोनिनआ झाराञा सोत्ताकि कामेन्छाओ पापा नङ मामा, का खोनिन् सुत्डा लिवोचिञा अकनिनडा टारूकि कामेत्छा इमसाओ खामहुडडा खारानिन।41मन्कि कामेत्छाओ छूक लाप्तुकि खोनिनआ मोसाञा यिङानिन, "तलिता कुमि", खाकको तुपयङ ए ,'साएङमि अङका खानाञा यिङडा पुलोन्ते !' 42नङ मोबेनङे मोको छुटुक्का पोक्ता का बिकोन्ला मुमा-पुङसा। देनादि मोको ह्वापौ दोङओ याआङा। नङ मोकोचि मिन्तालुक धिस्वमराक मडोट्टा । 43नङ खोनिनआ ओकोचिञा ओको साङआ छाङ सिनला मानतोक्तने लोवो चाउक इङइवा पुवानिन। नङ मोसाञा दिच चामा पुसि लोनि यिङानिन।
61मोडाङका लोन्तुकि खोनिन आनओङे सिङवाङडा बानानिन। नङ खोनिनओ खेनमाछाचि खोनिनओ देङसि मवाङा। 2नङ मुनटोङ सावाएमलेनओ लेन ता, खोनिनआ यायोकखिमडा सालामयङ पुसि पुङसानिन। नङ काएनवाचि बद्धेका पाङ उसओ यिङयाङसा स्वमराक मडोट्टा ओचि मनाञा ओचि दुमचि खाडाङका ता? नङ ओको मनाञा पुवानचिनओ ओको ताया दि मए? अङछुकडाङका लिसाओ वक दि ए? 3दि ओचि मरियमओ सावाछा याकुब, योसेस, यहुदा का शिमोनओ बुबु रेककाबा माआङ? दि ओचिओ निछामाचि ओया आनकानका सुत्डा माननुङ का? नङ मोकोचि खोनिन सुत्डा मह्रुकता।4मोबेन देकमिआ मोकोचिञा यिङानिन, 'यामाङचिञा आनओ लुङवाङ का आनओ सायाबुङचिओ खपडा का चिखिमडा लेट्का हाउसो खातनिङे उत्सानुङवा नुनिन।' 5खोनिनआ मोडा खाउङे खाउङे तुक्काबाधानि आनओ छुक युङसाकि मोकोचिञा नुसङ मेत्मा लेट्का निचि साएराङओ ओक् मुसि रूमा मानलि। 6नङ मोकोचिओ योकोममिनआ मुहिडा खोनिन स्वमराक डोरानिन, का खोनिन टेन्डा चिन्याङसा कोनतानिन ।7मन्कि खोनिनआ अकहवापाङञा हाङपाङओया वुत्तानिन का मोकोचिञा हवा हवापाङ मुनि छुतमा लुवानिन, का मोकोचिञा असेङअत साकोङ धानि कोपरू पुवानिन। 8नङ लामओ निकि ओन अकटेट टोमफुक लेटका दिच छाङ मानतात्मा लोवो चाउक इङइवा पुवानिन मानना पेम्पाक, मान बेखा, मानमा बुकरिमडा फेक 9मेन लाङसुप हुममा नङ हवाटेट लोकछुम मान्हुमदामा लोनि खोनिनआ यिङानिन।10मन्कि खोनिनआ मोकोचिञा यिङानिन, 'मुनटोङ खाउङे खिमडा अवाङउने मुनटोङतारि मोखामडाङका अलोननिन मोबेनतारि मोडाङे युङानुम। 11नङ खाक्को खाक्को खारोङडा खानाचिञा सानुङवा मानलिसुने, का मोकोचिआ खानाचिओ इदुम मएननिन, मोखामडाङका खानाचि लोन्हिडा मोकोचिञा सिनलेखाओ निकि आनओ लाङफेमओ थुलि रुङनिपुमा।"12हाले मोकोचि लोनताकि खातनि मनाचिञा लाछङमिन मचुने लोवो रूमरङ मचुवा। 13मन्कि मोकोचिआ बदधे खालासाकोङचि मलात्ता, का बद्धेका तुक्काबाचिञा आः वा सोपनिपुवाकि नुसङ ममेत।14हान हेरोद हेनकोपहाङआ खोनिनओ मुनुम मएना, देनादि खोनिनओ नुङ रुङामि लिसाओ याआङा। नङ मोचिआ मयिङा, हङसानवा पुवि युहन्ना सुवाओ डाङका खोङयाछा, का ओङे सुन्दुम ओचि साएराङचिआ खोसाडा ओक चुलुक। 15मेन निचिआ मयिङा ,"ओचि ना एलिया मए।" नङ निचिआ मयिङा, ओचि ना खाउङे यामाङखपओ अकपाङ यामाङ मए।16मेन मुनटोङ हेरोदआ ओको मएना, मोबेन मोचिआ उसओ मयिङा, युहन्ना खोसाओ टाङ अङकाआ हेकमेत्तुङ मोकोङे खोङयाछा। 17देनालो हेरोद अहाङपाङआ आनओ निछाक फिलिपओ तायामा हेरोदियासओ निकि टाङकारुकचि छुत्ताकि युहन्नाञा लापतुकि मोचिञा छेकखिम्डा वाक्तुओ याआङा। देनालो खोचिआ मोचिञा याकाम्मु मुवाओं याआङा।18नङ युहन्नाआ हेरोदञा उसओ यिङाओ मयाआङा, 'आन्ओ निछाओ तायामाञा युङमा खानानिनञा नुलोक माननुङ। ' 19हेरोदियासआ मोचिदु माइसुङ युङसाओ याआङा, का मोचिञा सेतसि लामयाङसा याआङा, मेन रूवाओ माननुङा। 20देनादि युहन्नाञा सामयोकवा का वाचोङ मना लोनि चामलोक्तुकि हेरोद मोचिसुत्डा कुमाकात्ताङा का मोचिञा रात्तुकि युङसाओ मयाआङा, नङ मोचिओ इदुम एनहिडा खोचि बदधेका तुकखामि लिसाङा, मेनछाङ वाया सुत्डा एनाङा।21हान लोइसा सुकधिइ मोवाइडा बाना, मुनटोङ हेरोदआ आनओ पुकलेनओ छेमालोकडा आनओ टोप्पो खारूखाहाङछाचि, मुकतलाटाङमिचि, गालिलओ अधुवा अधुवा मनाओ निकि चाचायु मपुवा, 22का मुनटोङ हेरोदियासओ आनओ मेछाछा हुड्डा ताकि लाकलुवा मोबेन् मोसाआ हेरोद नङ मोडा अकनिनडा चाचायुडा युङकाबा झाराञा वाया मेत्तु का हाङआ मोको मेछाछाञा मयिङा, 'खानाञा नुवानुसाओ यामतोक अङकाकनिन दोरानुम का अङका खानाञा पुवोङा।'23नङ मोचिआ सिस्वदुम चोकि मोसाञा मयिङा, खाकको खाना अङकासुतडा तदोत् अङकाओ दुकेवा हाङहोन छाङ अङका खानाञा पुवोङा।' 24मन्कि मोसाआ हुड्या लोन्तुकि आनओ मामाञा मयिङा, "अङका दि दोरूम?" मोचिआ मयिङा, "हङसानवा पुमि युहन्नाओ टाङ!" 25मोको मोबेन हालिफुलिकनिन हुड्डा हाङओया खाराकि उसओ यिङाकि दोरा, "खानानिनआ हानदे अङकाञा हङसानवा पुमि युहन्नाओ टाङ चाखुङडा पुवाने, लोवो अङका राकामुङा।”26नङ हाङ घितुकखामि मलिसा, मेन मोचिआ आनओ सिस्वदुम का अकनिन्डा चायायुडा युङकाबाचिओ निकि मोसाञा देङहुतमा राका मानमु। 27मन्कि हाङआ हाले आनओ रात्काबाओ अकपाङ टाङकारूकञा छुत्ताकि युहनाओ टाङ बाटवो इङइवा मपुवा। नङ मोसाआ छेकखिमडा खाराकि मोचिओ टाङ हेक्ता 28नङ मोचिओ टाङ चाखुङडा बाटटुकि मेछाछाञा पुवा, नङ मेछाछाआ मोको आनओ मामाञा पुवा। 29मोचिओ खेनमाछाचिआ मुनटोङ ओको दुम मएना मोबेन मोकोचि ताकि मोचिओ सुपोकवा थेनतुकि सुचिन्खुम खाटुकि मयुङसा।30मन्कि बुलाम्बु खेनमाछाचि देकमिओया झाराझुम मलिसा, नङ मोकोचिआ दि दि मचुवा, का मचिनलुवा मोचि झारा खोनिनञा चेपयङ मचुवा। 31नङ खोनिनआ मोकोचिञा यिङानिन, खानाचि आमहाङपाङे छाङ छुटुक्का खोयाङखामडा बानानुम का दिच सावाएमतानुम। देनादि मोडा तावो खात्वोचि बदधेका मयाआङा का खोनिनञा चासितारिओ फुसलिवा माननुङा। 32नङ खोनिनचि चाःवासिडा छुटुक्का अकटेट खोयाङखाम्डा खारानिन।33हान मनाचिआ खोनिनचि खातनियुङसाओ मटोक्तु का बदधेकाआ मसिन्ता का झारा तालावाङ डाङका लाङलाम लोकतुकि मोडा मखारा, का खोनिनञा मलिपता। 34नङ खोनिन लोनहिडा अकटेट टोप्पो मुकला टोक्तानिन का मोकोचिधानि पुनोत्तानिन, देनादि मोकोचि चानकाबा मानलिसाओ सामुवा ओटनि मयाआङा का खोनिनआ मोकोचिञा बदधेका दुमओ सालामयङ पुसिलुवानिन । /s देकमि का ङाहिभुङ मना /s35मन्कि मुनटोङ लेन उनभेप्लो छित्दानि चिया, मोबेन खोनिनओ खेनमाछाचिआ खोनिन्ओया ताकि मयिङा, "ओको खारोङ अखोयाक याआङ, का हान लेन उनभेप्लो लिमनिचिया। 36मोकोचिञा खायोङ पुवाने, का माकोचिआ ओहयानि मोहयानिओ सोहोन का टेनचिलिप्पा खाराकि आनओ निकि दिच चामासेसि मखितने।37मेन खोनिनआ मोकोचिञा यिङानिन, "खानाचिआ मोकोचिञा चासि पुवानुम।" मेन मोकोचिआ खोनिनञा मयिङा, "दि आनकान खाराकि हवाभुङ दिनार मेतलोओ पेमपाक खित्ताकि ओकोचिञा चासि पुम्?" 38नङ खोनिनआ मोकोचिञा यिङानिन, खानाचि सुत्डा देमकाटेट् पेम्पाक मयाआङ, खाराकि खाङानुम् ना। नङ सिनला मलिसा नेतलोक मोकोचिआ मयिङा, "ङा पेम्पाक का हवा ङा।39मनकि खोनिनआ मोकोचिञा लकलकवा सित्चाडा रूहुप रुहुप मुनि युङसिञा इङइवा चुवानिन। 40मोकोचि भुङ भुङ नङ ङाकि-ङाकिओ पेलेक्लेकवाडा तोङाकि मयुङसा। 41खोनिनआ मोचि ङा पेम्पाक का हवा ङा लोक्तुकि निनामखिमलिप्पा खाङनि आलाङने पुवानिन का मोचि पेम्पाकचि ओराकि खेनमाछाचिञा, 'मोकोचिओ बुसित बुसित युङनि मपुने यिङाकि पुवानिन का मोको हवा ङा छाङ खोनिनआ झाराञा हाकनि पुवानिन।42नङ झाराआ मचो का पाकचा मलिसा। 43नङः मोकोचिआ पेम्पाक का ङाचिओ दाङलाचि हवापौ वाइखिप भेप्लो मकोप्ता। 44पेम्पाक चावो ङाहिभुङ पाचुपचि मयाआङा।45मन्कि खोनिनआ हालेङे आनओ खेनमाछाचिञा चा:वासिडा वाङसि का ह्यानि वेत्सैदाडा खोनिन चोङलो बुसि खातसिञा मोमेतानिन, का मोबेनतारि खोनिनआ लो मुकलाञा खायोङ पुवानिन। 46नङ मोकोचिसुतडा खायोङ मलिसा नेतलोक खोनिन लो भुरुडा सोमफोङमाञा खारानिन। 47नामपुक ताहिडा चा:वासि साजुमाओ हुपडा याआङा, का खोनिन लो सकलुकपाङे हुड्याडा लिमानुवाङा।48नङ खेनमाछाचिञा लेपमाञा छुयुकोप लिनि युङसाओ खाङाकि, देनालो कुहुक मोकोचिओ थाङपाडा याआङा, खाखुतओ लुकालेनकलिपा खोनिन मोकोचिओया साजुमाधानि बियाङसा बानानिन का मोकोचिञा लिमतुकि खात्वो राका मुवानिन। 49मेन मुन्टोड मोकोचिआ खोनिनञा साजुमाडा बिनियुङसानिनओ मटोक्ता, मोबेन खाला ए लोनि चामलोकतुकि मपारा । 50देनादि झाराआ खोनिनञा टोक्तुकि कोङचोनसाङ लिसा, मेन खोनिन हाले मोकोचि सुत्डा चेवाकि मोकोचिञा लोवानिन, स्वमसावा चुवानुम, अङका ङे एव, मानकुमाकातदानुम।51मन्कि खोनिन मोकोचिओया चाःवासिहुड्डा वाङानिन का कुहुक नाननिलेवा। नङ मोकोचि धिस्वमराक्क मलिसा। 52देनादि मोकोचिआ पेम्पाकओ छापछोङओ दुम मानमित, मेन मोकोचिओ कोङ चाउक लिसाओ याआङा।53मन्कि ओह्यातनि मता नेत्लोक खोनिनचि गनेसरेतओ लुङवाङडा बानानिन, का मोकोचिआ चा :वासि वाचुक्खाडा मपाक्ता। 54नङ मुनटोङ खोनिनचि चाःवासि डाङका लोनतानिन, मोबेन हालेङे मनाचिआ खोनिनञा सिननि मलेवा। 55का चुवाङयोवाओ मोको सापतेनभेप्लो लोराकि खाडा खाडा खोनिन खातमा लिसाङा लोवो मएनाङा मोडा मोडा तुकयुङवाञा इमखा इमखाडाङे खुनत्ताकि खाटमा पुङसा।56मन्कि टेनचिडा, हे इन्खावाङचिडा, हे साप्तेनचिडा, खाडा खाडा खोनिन् वाङमा लिसाङा, मोकोचिआ तुकयुङवाचिञा इनखावाङ इनखावाङडा मयुङसाङा का खोनिनओ सङनानओ चुक्टा ओन नोपसि पुइनने लोनि मोकोचिआ खोनिनञा ताछुकफेङ मचुवाङा, का मेतलोआ खोनिनञा मनोप्ता मोकोचि झारा नुसङ मलिसाङा।
71फरिसि का यरूशलेमडाङका ताओ खाउङे खाउङे कायङवानचि खोनिनओया झाराझुम मलिसा2का खोनिनओ खेनमााछाचिहुपडा खाउङे खाउङेआ चेपपा, लामिनतुप मानवासुवाओ छुकआ पेम्पाक चोओ मटोक्ता। 3देनादि फरिसि का झारा यहुदिचि थाङमुथाङ ओनसामि खान्नोकनिन छुक मानवासुदोनि मचानिन। 4नङ इनखावाङ डाङका मता नेतलोक मानवाचाकदोनि मोकोचि मचानिन् । मोकोचिआ काङमायाक उसओ दुमचि बदधेका मयाआङ, तामिनतुप कानचुरोचि, का भगुनाचि, का साङलाछुपवा खुङखेनचि ,पुनवो झाराक।5मोबेन फरिसि का यहुदिचिआ खोनिनञा मसेना, खानानिनओ खेनमाछाचि देना थाङमुथाङडा मबिनिन्, मेन असेङअत छुकआ पेम्पाक मचा ?6खोनिनआ मोकोचिञा यिङानिन, चाकरोङच्यो यसैयाआ खानाचिओ छापछोङडा नुलोकनिन मायुङछामसु मचुवा ओटनि छापतानचिनओ याआङ- 7मोकोचि सित्लामडा अङकाओ रेप मचुलुक, देनालो मनाचिओ रिदुम पादुमञा साम्योक नुमितलाम मुमेत्नि सानयङ मपु।'8खानाचि निनाममुओ इङइवाञा छिराकि मनाचिओ थापसङञा अकाङ। 9नङ खोनिनआ मोकोचिञा यिङानिन, खानाचि आनओ रिदुम काङमाञा देम नेकताकनिन निनाममुओ इङइवाञा थेरेमनि अपु। 10देनालो वाछाप्पाआ लोवाओ मयाआङ,' आनओ पापा का मामाञा सानुवा मुवानुम, नङ खोकोआ पापा मामा उवाक दुम चुलुक, मोसाञा सेरिनने।'11मेन खानाचि लो अयिङ "मनाआ मान पापा- मामाञा अङका डाङका दुकनुवा लिवो हेनखुवा निनाममुञा पुवानचिन लो 12खानाचिआ मोसाञा मोसाओ पापा मामाओ निकि लादेङ दिच छाङ मुमा तपुनिन्। 13खानाचिआ काङाओ रिटुम निनाममुओ इदुम थेरेम्ताकि उसओ बदधेका ओकचि खानाचि अचुलुक।14नङ खोनिनआ मुकलाञा लादेङ हाङपाङओया बुत्ताकि मोकोचिञा यिङानिन, खानाचि झाराआ अङदुम एनानुम का तुप्तानुम। 15मनाडा उसओ खाउङे याक्क मात्दङ खाकोआ हुद्दा वाङाकि मनाञा असेङअत मेतमारू, मेन मनाओ हुट्टा डाङका हुइया तावो दुमचिआ ङे.ममाञा असेङअत मेत्वो मलि। 16खोक्कोओ एनवो नाबाक याआङ, मोसाआ एनने।" १७ मन्कि मुकलाडाङका लोन्टाकि खिमहुडडा मवाङा नेतलोक खोनिनओ खेनमाछाचिञा खोनिनआ उसओ डोयङलाओ छापछोङडा मसेना।17देनालो हेरोद अहाङपाङआ आनओ निछाक फिलिपओ तायामा हेरोदियासओ निकि टाङकारुकचि छुत्ताकि युहन्नाञा लापतुकि मोचिञा छेकखिम्डा वाक्तुओ याआङा। देनालो खोचिआ मोचिञा याकाम्मु मुवाओं याआङा। 18नङ युहन्नाआ हेरोदञा उसओ यिङाओ मयाआङा, 'आन्ओ निछाओ तायामाञा युङमा खानानिनञा नुलोक माननुङ। ' 19मोचिदु माइसुङ युङसाओ याआङा, का मोचिञा सेतसि लामयाङसा याआङा, मेन रूवाओ माननुङा।20देनादि युहन्नाञा सामयोकवा का वाचोङ मना लोनि चामलोक्तुकि हेरोद मोचिसुत्डा कुमाकात्ताङा का मोचिञा रात्तुकि युङसाओ मयाआङा, नङ मोचिओ इदुम एनहिडा खोचि बदधेका तुकखामि लिसाङा, मेनछाङ वाया सुत्डा एनाङा। 21हान लोइसा सुकधिइ मोवाइडा बाना, मुनटोङ हेरोदआ आनओ पुकलेनओ छेमालोकडा आनओ टोप्पो खारूखाहाङछाचि, मुकतलाटाङमिचि, गालिलओ अधुवा अधुवा मनाओ निकि चाचायु मपुवा, 22का मुनटोङ हेरोदियासओ आनओ मेछाछा हुड्डा ताकि लाकलुवा मोबेन् मोसाआ हेरोद नङ मोडा अकनिनडा चाचायुडा युङकाबा झाराञा वाया मेत्तु का हाङआ मोको मेछाछाञा मयिङा, 'खानाञा नुवानुसाओ यामतोक अङकाकनिन दोरानुम का अङका खानाञा पुवोङा।' 23नङ मोचिआ सिस्वदुम चोकि मोसाञा मयिङा, खाकको खाना अङकासुतडा तदोत् अङकाओ दुकेवा हाङहोन छाङ अङका खानाञा पुवोङा।'24मन्कि मोसाआ हुड्या लोन्तुकि आनओ मामाञा मयिङा, "अङका दि दोरूम?" मोचिआ मयिङा, "हङसानवा पुमि युहन्नाओ टाङ!" 25मोको मोबेन हालिफुलिकनिन हुड्डा हाङओया खाराकि उसओ यिङाकि दोरा, "खानानिनआ हानदे अङकाञा हङसानवा पुमि युहन्नाओ टाङ चाखुङडा पुवाने, लोवो अङका राकामुङा।” 26नङ हाङ घितुकखामि मलिसा, मेन मोचिआ आनओ सिस्वदुम का अकनिन्डा चायायुडा युङकाबाचिओ निकि मोसाञा देङहुतमा राका मानमु।27मन्कि हाङआ हाले आनओ रात्काबाओ अकपाङ टाङकारूकञा छुत्ताकि युहनाओ टाङ बाटवो इङइवा मपुवा। नङ मोसाआ छेकखिमडा खाराकि मोचिओ टाङ हेक्ता 28नङ मोचिओ टाङ चाखुङडा बाटटुकि मेछाछाञा पुवा, नङ मेछाछाआ मोको आनओ मामाञा पुवा।29मोचिओ खेनमाछाचिआ मुनटोङ ओको दुम मएना मोबेन मोकोचि ताकि मोचिओ सुपोकवा थेनतुकि सुचिन्खुम खाटुकि मयुङसा। 30मन्कि बुलाम्बु खेनमाछाचि देकमिओया झाराझुम मलिसा, नङ मोकोचिआ दि दि मचुवा, का मचिनलुवा मोचि झारा खोनिनञा चेपयङ मचुवा।31नङ खोनिनआ मोकोचिञा यिङानिन, खानाचि आमहाङपाङे छाङ छुटुक्का खोयाङखामडा बानानुम का दिच सावाएमतानुम। देनादि मोडा तावो खात्वोचि बदधेका मयाआङा का खोनिनञा चासितारिओ फुसलिवा माननुङा। 32नङ खोनिनचि चाःवासिडा छुटुक्का अकटेट खोयाङखाम्डा खारानिन।33हान मनाचिआ खोनिनचि खातनियुङसाओ मटोक्तु का बदधेकाआ मसिन्ता का झारा तालावाङ डाङका लाङलाम लोकतुकि मोडा मखारा, का खोनिनञा मलिपता। 34नङ खोनिन लोनहिडा अकटेट टोप्पो मुकला टोक्तानिन का मोकोचिधानि पुनोत्तानिन, देनादि मोकोचि चानकाबा मानलिसाओ सामुवा ओटनि मयाआङा का खोनिनआ मोकोचिञा बदधेका दुमओ सालामयङ पुसिलुवानिन । 35मन्कि मुनटोङ लेन उनभेप्लो छित्दानि चिया, मोबेन खोनिनओ खेनमाछाचिआ खोनिन्ओया ताकि मयिङा, "ओको खारोङ अखोयाक याआङ, का हान लेन उनभेप्लो लिमनिचिया।36मोकोचिञा खायोङ पुवाने, का माकोचिआ ओहयानि मोहयानिओ सोहोन का टेनचिलिप्पा खाराकि आनओ निकि दिच चामासेसि मखितने। 37मेन खोनिनआ मोकोचिञा यिङानिन, "खानाचिआ मोकोचिञा चासि पुवानुम।" मेन मोकोचिआ खोनिनञा मयिङा, "दि आनकान खाराकि हवाभुङ दिनार मेतलोओ पेमपाक खित्ताकि ओकोचिञा चासि पुम्?"
81मोचि लेनडा लादेङ मुकला उनखामा याआङा, का मोकोचि सुत्डा चासिञा दिच छाङ माननुङा, मोबेन खोनिनआ खेनमाछाचिञा अहाङपाङेओया बुत्ताकि यिङानिन, 2"अङका ओको मुकला धानि सोमतुकङा, देनालो ओकोचि अङकाकनिन युङसाओ आई सुमाकालेन लिसा, का ओकोचि सुत्डा चामासेसि दिचछाङ मात्दङ। 3नङ ओकोचिञा आनओ खिमडा मानचाङे छुत्तोम लो लामडा ङे आकतुमाग्वोङ। ओकोचिखपडा खाउङे खाउङे ना माङखा डाङका बानाओ मयाआङ।" 4खोनिनओ खेनमाछाचिआ खोनिनञा मयिङा, 'ओडा खोयाकखाडा ओचि मनाचिञा पेम्पाकआ पाकचा चुसिञा साङआ खाइसाकिया रूउने का?'5खोनिनआ मोकोचिञा सेनानिन,' खानाचि सुत्डा देमका टेट पेम्पाक मयाआङ?' मोकोचिआ मयिङा ‘एक्टेट।’ 6६ खोनिनआ मोकोचिआ लुमडा युङवो इङइवा मुवानिन, का मोचि एकाटेट पेम्पाक तात्तुकि आलाङने पुनि ओरानिन, का मोकोचिओ बुसित युङनिपुविनने यिङाकि आनओ खेनमाछाचिञा पुवानिन, का मोकोचिआ मुकलाओ बुसित बुसित युङनि मपुवा।7मोकोचि सुत्दा दिच चुप्पो ङाचि छाङ मयाआङा, का खोनिनआ सायोक पुवाकि मोचि छाङ मोकोचिओ बुसित बुसित युङमा लुवानिन। 8मन्कि मोकोचिआ मचो, का पाकचा मलिसा। नङ हेन्तुओ दाङलाचि मोकोचिआ एकाखेङ मदुवा। 9मोकोचि हाप्पो लुहिभुङ मयाआङा, का खोनिनआ मोकोचिञा खायोङ मुनि बाइसानिन, 10मन्कि खोनिन आनओ खेनमाछाचि सुत्डा हाले चाःवासिडा वाङाकि दलमनुथाओ थुमचिडा बानानिन ।11मन्कि फरिसिचि मता का खोनिनञा सुको मुवाकि सारुङगाङका अक्टेट सिनछुङ लामयाङसा खोनिन सुत्डा खासेनला चुसिमुलुवा। 12नङ आनओ साकोङडा उखाम साकमा सोन्तुकि खोनिनआ लोवानिन, "ओको तालाखुकआ देना सिनछुङ लामलुक? अङका खानाचिञा नुच्चुङ डे लोलुकङा ओको तालाखुकञा खाउ ङे छाङ सिनछुङ पुविनवोनिन।” 13नङ खोनिनआ मोकचिञा छिरुकि चाःवासि हुड्डा वाङनि मोह्यातलिप्पा खारानिन।14नङ मोकोचिआ पेम्पाक खाट्मा ममान्ताकेसा का चाःवासिडा मोकोचिसुत्डा ओन अकटेट पेम्पाक याआङा। 15खोनिनआ मोकोचिञा उसओ यिङयाङसा छाक्को इङइवा पुवानिन "खानाचि फरिसिओ बोपखा का हेरोदओ बोपखा डाङका लेन्तानुम”16मोकोचिआ लो चिढायुकडा पेम्पाक मात्दङ लोनि हाङपोहाङडा लाचेपला मुमा लुवा। 17देकमिआ ओको सिनला तोक्तुकि मोकोचिञा लोवानिन, "खानाचि सुत्डा पेम्पाक माननुङ यिङाकि देना खानाचि लाचेपला अमुलुक ? दि खानाचि फाननु अमितनिन् ? दि खानाचिओ कोङ चाउक लिसाओ ङे याआङ?18मुक मलिसा मेनछाङ खानाचि अटोकनिन् नङ नाबाक मलिसा मेनछाङ खानाचि अएन्निन, नङ दि खानाचिञा मुकसिन मात्दङ, 19अङकाआ मुनटोङ ङाकाटेट पेम्पाक मोचि ङाहिभुङओ खपडा ओराङाङ, मोबेन देम खेङ दुनवातदुन खानाचिआ अदुवाङा?" मोकोचिआ खोनिनञा मलोवा "अहवा"20' नङ मुनटोङ मोचि एकाटेट लुहिभुङओखपडा मोबेन देम खेङ दाङलाचि खानाचिआ अदुवाङा?' नङ मोकोचिआ खोनिनञा मलोवा "एका"। 21खोनिनआ मोकोचिञा लोवानिन "दि खानाचि फाननु अतुपनिन्?" /s वेत्सैदाओ खाथेप मना /s22मन्कि खोनिनचि वेत्सैदाडा बानानिन नङ मनाचिआ अकपाङ खाथेप मनाञा खोनिनओया मटारा, का मोसाञा नोप्ताने लोनि ताछुकफेङ मचुवा। 23खोनिनआ मो खाथेप मनाओ छुक लाप्तुकि मोसाञा टेन्डाङका हुझ्या बाटटानिन का मोसाओ मुकडा थेत्तुकि मोधानि आनओ छुक युङसाकि मोसाञा सेनानिन, ‘खाना दिच त टोकलुक?’24मन्कि धानिलिप्पा खाङाकि मोसाआ मयिङा, ‘अङका मनाचिञा सुङताङइसा बिनियुङसाओ टोकङा।’ 25मोबेन खोनिनआ लादेङ अमुकडा छुक युङसानिन, का मोकोआ सुकमुलुवाकि खाङा, का खुवातनि लिसा ,का झारा यामतोक ताकछेक ङे टोकसिलुवा। 26नङ खोनिनआ मोसाञा टेनडा मानवाङदामा लोनि मोसाओ खिमडा खाइसानिन।27मन्कि देकमि नङ खोनिनओ खेनमाछाचि सिजरिया फिलिप्पिओ टेन्चिडा बानानिन, का लामडा खोनिनञाआ आनओ खेनमाछाचिञा उसओ यिङाकि सेनानिन, "मनाचिआ अङका साङ एवं लोनि मयिङलुक् ?” 28मनकि मोकोचिआ खोनिनञा मयिङा, "हङसानवा पुमि युहना, निचिआ, एलिया, मेन निचि साङआ यामाङचिखपडा खाउङे अकपाङ।”29मोबेन खोनिनआ मोकोचिञा सेनानिन, "खानाचि लो अङका साङ एव लोनि अयिङलुक?" पत्रुसआ लायङ पुवाकि खोनिनञा मयिङा, "खानानिन निनामछेन लिमानु।" 30नङ खोनिन्आ मोकोचिञा उसओ यिङाकि छाक्को इङइवा पुवानिन, "खानाचिआ अङकाओ छापछोङडा साङञा छाङ मानलोदामा।31नङ मनाओ सावाछाआ बदधेका छुयुलोकमा, का पासुङ बुलाम्बुचि का धियान बुबमिचि का कायङवान डाङका बुङछुनला लिमा, का सेतमान, का सुमकालेन नेतलोक लाहङसु लिमा, चाखाम याआङ" लोवाकि खोनिनआ मोकोचिञा चिनलुसि लुवानिन। 32नङ खोनिनआ ओको दुम दुम्छुयुकनिन लोवानिन। मेन पत्रुसआ खोनिनञा अकलिप्पा खाटटुकि थोपसिमपुङसा।33मेन लासुकि खोनिनआ आनओ खेनमाछाचिञा खाङाकि पत्रुसञा उसओ यिङाकि थोपतानिन, सुलावा, अङकाङका खाछितनि खारे, देनादि खाना निनाममुओ माआङ मेन मनाचिओ दुमडा इकमा पुहिडा तयुङयाछा। 34नङ आनओ खेनमाछाचिओ सुत्डा मुकलाञा हाङपाङोया बुत्ताकि खोनिनआ मोकोचिञा लोवानिन, ‘खाउङे मना अङदेङसु बानसि मिनमासा चुलुक लो, मोसाआ हाङपाङञा बुङछुनला मुने, का चिइलाक थेनतुकि अङकाओ देङसु वाङने।35देनादि खोक्कोआ आनओ हाङमाङ रातओ मिनमासा चुलुक, मोसाञा मोको मासुवोङ का अङकाओ नङ नुसावानामओ निकि आनओ हाडमाङ मासुवोआ मोको रातवोङ। 36देनालो मनाआ झारा धाधारङ छुककोङतुकि आनओ हाङमाङ लो मासुवा लो मोसञा दि ढुक्नुवा नु? 37देनादि मनाआ आनओ हाङमाङओ पिपेनडा दि पुमारु? देनादि ओको राकयाङवा का दाखोङवा तालाखुकडा खोक्को अङका नङ अङकाओ इदुम डाङका सिसुवाकात्, मनाओ सावाछा छाङ आनओ पापाओ नुसानुवाडा वाचोङ याकेन्छा चिसुत्डा बानहिडा मोको डाङका सिसुवाकातवोङ38देनादि ओको राकयाङवा का दाखोङवा तालाखुकडा खोक्को अङका नङ अङकाओ इदुम डाङका सिसुवाकात्, मनाओ सावाछा छाङ आनओ पापाओ नुसानुवाडा वाचोङ याकेन्छा चिसुत्डा बानहिडा मोको डाङका सिसुवाकातवोङ
91नङ खोनिनआ मोकोचिञा लोवानिन, 'अङका खानाचिञा नुच्चुङे लोलुकङा, ओडा एवानचिनओचिखपडा साङ साङ मयाआङ खोकोआ निनाममुओ हाङहोनञा साएराङडा ताओ मान्खाङइनलोक तारि खाउ ङे माइआ सुवाललोङओ दुतछुप तोकवो माननुङ। 2तुकालेन नेतलोक देकमिआ पत्रुस, याकुब का युहन्नाञा अकनिनडा तारानिन, का मोकोचिञा अकटेट टोप्पो भुरूडा खाटानिन, का मोकोचिओ बुसित खोनिनओ युपा फानतु। 3नङ खोनिनओ टिटखानचि छोकछोकवो का धिओमचुक मलिसा, उसओ हे, हेन्खामाडा साङ धापकाबाआ मुसओ ओमचुक मेत्मा रुनिन।4नङ मोडा वाछाप्पासुत्डा एलिया मोकोचिओया यादारा, का मोकोचि देकमि सुत्डा दुम मुनियुङसाओ मयाञाङा। 5पत्रुसआ देकमिञा मलोवा, रूमु, आनकानञा ओडाङे युङमा नुलोक याआङ, नङ आनकान ओडा सुमकाटेट याक्सा मेत्तोमने, अकटेट खानानिनओ निकि, अकटेट वाछापपाओ निकि का अकटेट एलियाओ निकि। 6देनादि दि यिङवो लोनि मोचिआ मानले, देनालो मोकोउनखामा कुमाकाराओ मयाआङा।7नङ मोकोचिञा लाछामि मुलुत्ताकि मोडा अकटेट युवारि बाना, का युवारि डाङका अकटेट डोसाङला लोन्ता "खोचि अङकाओ स्वावा सावाछा मए, खानाचिआ खोनिनओ इदुम एनानुम।" 8नङ हाले चुवाङयोवा खाङहिडा मोकोचिआ आनओ अकनिन्डा देकमि लेटका, लादेङ निचि साङञा ममानटोक।9मन्कि खोनिन भुरूङका इहिडा खोनिनआ मोकोचिञा उसओ यिङाकि छाक्को इङइवा पुवानिन, 'खानाचिआ खाकको अटोक्ता मनाओ सावाछाओ लाहङसु मानलिसइन्लोक तारि मोको साङञा छाङ मानलोदामा वै।" 10मोकोचिआ लाहङलेन यिङाओ दि ए लोनि हाङपोहाङडा ओकोङे सानुङ लोक्तुकि दुममुमा मलुवा।11नङ मोकोचिआ खोनिनञा उसओ यिङाकि मसेना, ‘बुसि एलिया बानमा डोट लोनि यङवानमिचि देना मयिङ, 12नङ नुच्चुङ ङे ए, एलिया बुसि मबान् का झारा चाकखिम मसाङसेन नङ मनाओ सावाछाओ छापछोङडा खाइसाकिया खोसाञा बद्धेका दुमडा छुयुकुपमा का असाओ दोकमान डोट, यिङाकि छाप्तानचिन याआङ लोनि खोनिनआ मोकोचिञा लोवानिन। 13मेन अङका खानाचिञा लोङा एलिया बान्निचियाओ याआङ, नङ मनाचिआ खोसाओ छापछोङडा मछाप्तानचिन खुवात्नि मोकोचिओ नुङनुलो दुम खोचि धानि मुनिचियाओ मयाआङ। /s खाला वाङाओ एलोकछा /s /p14नङ मुनटोङ खोकोचि खेनमाछाचिओया बानानिन, मोबेन अकटेट टोप्पो मुक्ला मोकोचिओ चुवाङयोवा युङाओ का यङवानमिचिआ मोकोचिञा खासेन सेननियुङसाओ टोकतानिन। 15मन्कि झारा मुकलाआ खोनिनञा टोकमुसा धिनाकाक मकाङा, का खोनिनओया लोराकि खातनि सायालोङ मचुवा। 16खोनिनआ मोकोचिञा सेनानिन, खानाचि खोचिसुत्डा दि खासेन अचुलुक?17मुकलाओ अकपाङआ खोनिनञा लायङ मपुवा, रूमु, अङकाआ मेः वा खाला साकोङ वाङाओ अङछाञा खानानिनओया बाटटाओ याआङाङ। 18मोकोआ मोसाञा खाडडा फेम्याक ढुङनिलेयाक मोसाआ बोसोमपोत् का कुङजोङ साङ का दोम्।अङकाआ खानानिनओ खेनमाछाचिञा मोको लातनिपुने लोउङ मेन मोकोचिआ ममानरू। 19मोबेन खोनिनआ मोकोचिञा लायङ पुवाकि यिङानिन, 'योकोममिन्वा तालाखुक, अङका देमतारि खानचिसुत्डा युङवोङा का? खानाचिञा देम आङउम? ,मोसाञा अङकाओया बाटानुम।'20मोकोचिआ मोसाञा खोनिनओया मबाटटा। खोनिनञा खाङमुसा मोको खाला साकोङवाआ गोङलोक्तु का मोको लुमडा वेन्तानचिन बोसोम पोत्याङसा यालिमतालिम मुवा। 21खोनिनआ मोसाओ पापाञा सेनानिन, ‘देमखाङका मोसाञा ओको लिसाओ ए?’ मोचिआ मलोवा सिसुमवाइ दाङका ङे। 22नङ मोसाञा युनला मुसिञा खप्याकखप मोकोआ मोसाञा मिडा का चाःवाडा छाङ वेत्तुओ याआङा, खोनालो खानानिनआ दिचछाङ मुमा रूमानु लो आनकानधानि पुनोत मुनि नुनोतला मुवाने,'23देकमिआ मोसाञा लोवानिन, 'खानाआ ङे तरु लो मक्तुम् मुकाबाओ निकि ना झारा यामतोक कारुयाक याआङ।' 24मोबेन चकनि छाओ पापाआ पात्तुकि मयिङा, 'अङका मकतुम मुङा, अङकाओ योकोममिनञा फामासि मुवाने।' 25मन्कि मुकला झाराङे लोटनिताओ टोक्तुकि खोनिनआ मोको असङअत साकोङञा उसओ यिङाकि योप्तानिन, "एई क:वा नङ मे:वा साकोङ, अङका खानाञा इङइवा मुङा, मोछाङका लोन्तुकि बाने, नङ लादेङ देमखा छाङ मोहुडडा मान्वाङदे। '26मन्कि रिखापतुकि मोसाञा गोङतुकि मोको लोन्ता का मोको दुकपाछा सुवाइसा लिसा, उनतारि हे बदधेकापाङआ मोको सुवा लोनि मलोप्ता। 27मेन देकमिआ मोसाओ छुक लाप्तुकि छुटुक्का थिनतानिन का मोको पोक्तु।28नङ मुनटोङ खोनिन खिमडा बानानिन मोबेन खोनिनओ खेनमाछाचिआ खोनिनञा उसओ लोनि मसेना, "आनकानआ मोसाञा देना लातमा रूमिइन्?" 29खोनिनआ मोकोचिञा लोवानिन ओको माइओ लो सोमफोङला लेट्का निचि खाउङे सुमतुमआ लोनमा रूनिन।30मन्कि मोडाङका लोन्तुकि खोनिनचि गालिल लिप्पा खारानिन, का साङआ छाङ मानसिनने लोवो खोनिनओ मिनमासा याआङा। 31देनादि खोनिनआ आनओ खेनमाछाचिआ उसओ यिङाकि सानयङ पुमा लिसाङा, 'मनाओ दुवाछा मनाचिओ छुकडा पाङपाक्वोङ ,का मोकोचिआ खोसाञा मसेत्वोङ, का मसेरानचिन नेतलोक सुमका लेन देङदा लादेङ थिन्वोङ।' 32मेन ओको लोयङला मोकोचिआ मानतुप् का खोनिन सुत्डा सेनमा मकुमाकारा। /s नोऔलाओ सान्यङ /s /p33मन्कि खोनिनचि कर्फनहुमडा बानानिन, का खिमडा लिहिडा खोनिनआ मोकोचिञा सेनानिन, 'लामडा खानाचिआ दि मिन्फाकमिन मुनियुङसाओ अयाआङा?' 34मेन मोकोचि वाइःया मयुङा, देनादि लामडा मोकोचिआ साङ टोप्पो लोनि हाङपोहाङडा दुम मुनियुङसाओ मयाआङा। 35मोबेन युङाकि खोनिनआ हवापौपाङञा बुत्तानिन, का मोकोचिञा यिङानिन, 'साङ मना बुसि लिवो राका चुलुक लो, मोको झारा चोङलो थेन्यु का झाराओ याङसुमि लिवोङ।'36नङ अकपाङ चुप्पोछाञा लोक्तुकि खोनिनआ मोसाञा मोकोचिओ हुपडा युङसानिन, का मोसाञा छाकेन्छाडा लोक्तुकि खोनिनआ मोकोचिञा लोवानिन, 37'खोक्कोआ मुसओ चुप्पाङ छाचिखपडा अकपाङञा अङनुङडा देङहुतला मुउने, मोसाआ देङहुत्ताङवोङ का खोक्कोआ देङहुत्ताङउने मोसाआ अङका माआङ मेन छुत्ताङमिञा देङहुतला मुलुक ।38युहन्नाआ खोनिनञा मयिङा, 'रूमु अकपाङआ खानानिनओ नुङडा खालाचि लातनियुङसाको आनकानआ टोक्तोम, नङ आनकानआ मोसाञा मानेमिन मुइन, देनादि मोको आनकानओ देङसु लुनिन याआङा।' 39मेन देकमिआ यिङानिन,' मोसाञा मानेमिन मानमुए, देनादि अङनुङडा साएराङओ ओक मुवोआ हाले अङउतनुङ चुमारुवोनिन।40देनादि खोक्को आनकानओ यङछितलाडा माननुङ ,मोको आनकानलिप्पा याआङ। 41देनालो खोक्कोआ खानाचि निनामछेनओ अए, लोवाकि खानाचिञा अक कनचुरो चाःवा दुङमा पुउने, अङका खानाचिञा नुच्चुङ ङे लोलुकङा, मोसाआ खाउ ङे माइआ आनओ उनमाला मासुवो मान्नुङ।'42नङ खोक्कोआ अङकादु मकतुम मुवो चुप्पाङचिखपडा अकपाङञा साकबाय पुउने, मोसाओ निकि ना हेनाक अकटेट बद्धेका चाचेमलुङ मोसाओ पोटडा कुङताकि साजुमाडा वेतनिपुमा मोसाओ निकि खान्नो लिहिडा ए। 43नङ आमछुकआ खानाञा साकबाय पुलो मोसाञा धेतनिपुए, हवाछुक लिसाकि खामारेनओ मानसेक मिडा खातमा चोङलो ना लाङभाङजा लिसाकि अयामडा वाङमा खानाओ निकि खान्नो ए। 44खाडा मान मोकोचिओ भेवा मसुयाक नङ मान मि सेतलुक।45नङ आमलाङआ खानाञा साकबाय पुलो मोसाञा धेतनिपुए, हवालाङ लिनि खामारेनडा वेतमा चोङलो ना पेसोला लिसाकि अयामडा वाङमा खानाओ निकि नुलोक ए। 46खाडडा मान मोकोचिओ भेवा मसुयाक नङ मान मिसेकलुक।47नङ आनअमुकआ खानाञा साकबाय पुलो मोसाञा लात्तुकि केनिपुए, का हवाअमुक लिसाकि खामारेनडा वेतमान चोङलो ना अकअमुक लिसाकि निनाममुओ हाङहोनडा वाङमा खानाओ निकि नुलोक ए। 48खाडडा मान मोकोचिओ भेवा मसुलुक नङ मान मि सेक।49देनादि उकताउक मना मिआ साङनुवा मेत्तिनवोङ। 50युम खान्नो ए, मेन युम वाचेक लिसा लो मोको दिआ दुतछुप्लो मुमेत्वो? हाङपोहाङडा युम युङसानुम का हाङपोहाङडा तोङनियुङानुम।
101मोडाङका थिन्तुकि खोनिन इताङकु होङकुओ ह्याउलिप्पा यहुदियाओ चोमसिनचि हुड्डा बानानिन। मुकलाचि लादेङ खोनिनओया झाराझुम्मा मलिसा; नङ आनओ सुङसेनवात्नि लादेङ खोनिनआ मोकोचिञा सानयङ पुसिलुवानिन। 2नङ फरिसिचि खोनिनओया ताकि खोनिनञा सुको मुवाकि मसेना,' दि साङ मनाआ आनओ तायामाञा लेटमा नुलोक याआङ? ' 3खोनिनआ मोकोचिञा लायङ पुवाकि लोवानिन, मोसाआ खानाचिञा दि इङइवा पुवाओ मयाआङ?' 4मोकोचिआ मलोवा, 'अकटेट, लेटमाछाप छाप्तुकि लेटमा लोनि देङहुतवारि पुवाओ मयाआङ।'5मेन देकमिआ मोकोचिञा लोवानिन, 'खानाचिओ कोङओ चाउकलाआ मुहिडा खोचिआ खानाचिञा ओको इङइवा छापनिमपुवा। 6छावनछाओ पुङलाङका खोनिनआ मोकोचिञा हाङछा- हाङछामि मुनि मेतानिन।7ओसुन्दुम मनाआ आनओ पापा का मामाञा छिराकि आनओ तायामासुत्डा तोङनियुङ , 8नङ मोचि हवापाङ अकपोक ङे मलिवोङ, का मोकोचि लादेङ हवा ममाआङ मेन अक्टेटङे साएमपोक मलि। 9ओसुन्दुम निनाममुआ खोकोञा अकसुत्डा कामतानिनओ याआङ, मनाआ, मानफोकदाने।'10नङ खिमडा खेनमाछाचिआ लादेङ ओको सानुङडा खोनिनसुत्डा मसेना। 11खोनिनआ मोकोचिञा लोवानिन,' खोक्कोआ आनओ तायामाञा छिराकि हाउसोसुत्डा याकाम्मु मुवोङ, मोकोआ मोसाओ उसादाकडा राकयाङला मुलुक। 12नङ मोको उहाङपाडआ आनओ सायापाञा छिराकि हाउसोसुत्डा याकाम्मु मुलुक लो ना, मोसाआ ङे राकयाङला मुलुक।'13मनाचिआ चुप्पाङ छायाङछाचिञा, खोनिनआ मोकोचिञा नोपनिपुने लोवो निम्पिआ खोनिनओया मबाटटा, मेन खेनमाछाचिआ मोकोचिञा महेनता। 14मेन ओको टोक्तुकि देकमि छेमानुत लिसानिन का मोकोचिञा लोवानिन, चुपपाङ छायाङछाचिञा अङकाओया बानसि पुवानुम, मोकोचिञा माननान्तानुम, 'देनालो निनाम्मुओ हाङहोन मुसओचिओङे ए।15अङका खानाचिञा नुच्चुङ ङे लोलुकङा, खोक्कोआ निनाममुओ हाङहोनञा चुपपाङ एलोछाआ ओटनि काङलेन मानचुउने, मोको दिमुछे मोहुडडा मानवाङवोङ।' 16मन्कि खोनिनआ मोकोचिञा छाकेन्दा तारूकि मोकोचिधानि आनओ छुक युङसाकि सायोक पुवानिन। /s अथेनअत अयाम /s /p17खोनिन लामडा खातयाङसा मुहिडा अकपाङआ लोरूकि तानि खोनिनओ बुसित लाङतुमफु नेप्तुकि खोनिनञा सेना, "धिवाङ रूमु, सानलेप अयामओ पाङयि लिमाञा अङकाआ दि चुमा डोट?" 18देकमिआ मोसाञा लोवानिन, 'खाना देना धिवाङ तलोङाङ, अक तामिनतुप निनाममु लेटका निचि साङ छाङ धिवाङ माननुङ। 19खाना इङइवाचि ना तसिनलुक, सेतसु मानमुदामा, राकयाङला मानमुदामा, मानखुदामा, मुपसाङ सिनलेमु मानपुदामा, लुलेन मानछाकछेनदामा, आनओ मामा-पापाञा सानुवासात्मा। '20मन्कि मोसाआ खोनिनञा यिङा, "रूमुहाङ, ओचि झारा ना अङकाआ अङकाओ छादुमु डाङकाङे काङलेन मुवाओ ङे याक्ङा।" 21देकमिआ मोकोदु अमुक मुनि मोसाञा सोम मुवाकि लोवानिन, 'खानाञा फाननु अक्टेट दुमओ मादुङतोक याआङ, खारानुम का आमनो खाक्को मेत्लो मयाआङ इन्तानुम, का छुयुकुप्पाचिञा पुवानुम, मन्कि खानाआ सारुङगाडा खाबालुङ ततोक्वोङ, का ताकि अङकाओ देङसिलुवानुम्।' 22मेन ओको दुमआ मोसाओ नापङुङता, का मोको तुकखामि लिसाकि खातनिलेवा, देनालो मोको बद्धेका खाबालुङ लिसाओ मना याआङा ।23मन्कि चुवाङयोवा खाङाकि देकमिआ आनओ खेनमाछाचिञा लोवानिन, 'लुङलिचि खासओ चरकवा सुत्दा निनाममुओ हाङहोनहुड्डा मवाङ।' 24नङ खेनमाछाचि खोनिनओ मोचि दुमडा नाकाक् मलिसा। मेन देकमिआ मोकोचिञा लोवानिन, 'एलोकछा च्यो, खाबालुङधानि ताङखोङ युङकामिचिञा निनाममुओ हाङहोन हुट्टा वाङमा खाइसुओ चरकवा याआङ। 25लुङलि मना निनाममुओ हाङहोन हुड्डा वाङमा लोहिडा ना हेनाक लुपमिओ लुप्मकडाङका देङकोङपाञा चोङसि नेकता याआङ।'26मोबेन साङ हङनुमारू ? लोवाकि मोकोचि हाङपोहाङडा दुममुयाङसा बद्धेङे स्वमराक मकाङा। 27देकमिआ मोकोचिधानि अमुक मुनि लोवानिन, 'मनाचिञा ओको अतकारूयाक याआङ, मेन निनाम्मुञा ना माआङ, देनादि निनाम्मुञा झारा कारूयाक नु।' 28पत्रुसआ खोनिनञा लोमा लुवा,' खाङाने आनकानआ सिरिसाएताममा छिरोम, का खानानिन्ओ देङसि लुवाओ याइन्का।'29देकमिआ लोवानिन, 'अङका खानाचिञा नुच्चुङ ङे लोङा,' खोककोआ अङकाओ निकि खिम हे बुबु निछा हे नाना फेङमामा, हे मामा, हे पापा हे छाचि, हे खारोङ थाम्पुक छित् 30मोसाआ ठिनसुओ अकनिन्ङे भुङफसमि बद्धेका खिमचि का बुबु निछाचि का नाना फेङमाचाचि का मामाचि, का एलोकछाचि का खारोङ थाम्पुकचि हान्दे मोवाइदाङे तोक्वोङ का तावो बुलुहुतडा सानलेप अयाम। 31नङ बद्धेका बुसित लिवोचि देङसि का देङयाक्को लिवोचि लो बुसि मलिवोङ।32हान खोनिनचि यरूशलेमलिप्पा लामडा वाङनियुङमा लिसाओ मयाआङा, नङ देकमि मोकोचिओ बुसित बुसित खात्नियुङसानिनओ याआङा, का मोकोचि स्वमराक लिसाकि खोनिनओ देङसु देङसु कुमाकाराकि बियाङसा मयाआङा। हाले खोनिनआ अकहवापाङञा लादेङ अकलिपा खाटटाकि उहाङपाङधानि डोट्नितावो दुमचि उससो यिङयाङसा मोकोचिञा एनमेत्मा लुवानिन, 33'खाङानुम, आनकान यरूशलेमलिप्पा वाङनियुङसाओ याइन्का, का मनाओ सावाछा धियान बुबमिचि का यङवानमिचिओया पाङपाकवोङ, का मोकोचिआ खोसाञा सुमेकसन मपुवोङ, का निसामचिओया पाङपाकनि मपुवोड, 34नङ मोकोचिआ खोसाञा स्यावारि मचुवोङ, का खोसाञा मथेतवोङ, का खोसाञा रमफकआ मधातवोङ, का खोसाञा मसेतवोङ नङ सुमकालेन नेतलोक खोको लादेङ खोङवोङ।35जब्दिओ हवापाङ सावाछाचि, याकुब का युहन्ना खोनिनओया ताकि उसओ मयिङा, 'रूमु, उङकाचि खानानिन सुतडा खाकको दोतवोङचि, खानानिनआ अङकाचिओ निकि मुनि पुवाने लोवो अङकाचि मिनमासा मुवाचि। 36खोनिनआ मोकोचिञा लोवानिन, 'खानाचिओ निकि अङका दि चुउम, लोवो खानाओ राका तयाआङचि?' 37मन्कि मोकोचिआ खोनिनञा मयिङा, 'खानानिन धिनुमसङडा आनकानचिडा अकपाङ खानानिनओ चुपचुछुक लिप्पा का हाउसोञा बेङवाछुकलिप्पा युङमा तोक्वो उङकाचिञा देडहुतवारि पुवाने , ’38मेन देकमिआ मोकोचिञा उसओ लोवानिन,' खानाचि दि तदोतलुकचि, मोको खानाचि तलेनिनचि। दि खाक्को कान्चुरो अङका दुङङा, मोको खानाचि दुङमा तरूचि? हे खाक्को हङसानवा लोकतुओ याकङा, दि मोको हङसानवाआ खानाचि हङसानवा लोकमा तरुचि? 39मन्कि मोकोचिआ खोनिनञा मलोवा, “उङकाचि रुचि”।. देकमिआ मोकोचिञा लोवानिन, “खाक्को कानचुरो अङका दुङङा, मोको खानाचि तदुङवोङचि का खाक्को हङसानवा अङकाआ लोकतुओ याकङा ,मोको ओतमावा खानाचिआ तलोक्वोङचि 40मेन अङकाओ चुपचुलिप्पा का अङकाओ बेङसुलिपपा युङसि पुमा लो अङकाआ पुवो माआङ, ओको ना खोक्को खोक्कोओ निकि छुमचुम लिनियुङसाओ याआङ मोकोचिओ ङे निकि ए।,”41मोको एनाकि पौकापाङे याकुब का युहन्ना सुत्डा मह्रुकता 42मोबेन देकमिआ मोकोचिञा अहाङपाङओया बुत्ताकि लोवानिन, 'खानाचि अलेलुक, हे निरङचिडा हाङमुयाङ मुवोचि मोकोचिधानि थामपुकसाया मचुलुक, का मोकोचिओ टोपाङ टोपाङचिआ ओलाक मोकोचिडा कोपरुयङ मयाङलुक।43मेन खानाचिडा ओलाक उसओ नुनिन, मेन खोक्को खानाचिडा टोप्पाङ लिवो राका मुलुक, मोको खानाचिओ खाङसुमि लिवोङ। 44खोक्को खानाचिडा बुसि लिवो राका मुलुक, मोको खानाचि झाराओ रोपधामवा लिवोङ। 45देना लो मनाओ सावाछा रोपधाम लोकमा माआङ मेन रोपधाममुमा, का बद्धेकाओ सेममालाओ निकि आनओ हाङमाङ पुमा ताओ ए। खाथेप बर्तिमै46मुनटोङ खोनिनचि जेरिकोडा बानानिन, का खोनिन आनओ खेनमाछाचिओ का टोप्पो मुक्ला सुत्डा जेरिको डाङका लोनहिडा तिमैओ सावाछा बर्तिमै अकपाङ खाथेप दोतकाबा, लामओ चुकडा युङनियुङसाओ आआङा, 47मोबेन नासरतओ देकमि लिमानु लोवो एनुकि मोको पाराकि यिङमालुवा, 'देकमि, दाउदओ सावाछा,अङकाधानि पुनोतवा चुवाने।' 48नङ मोको वाइ:अया लिने यिङाकि बदधे कापाङआ मोसञा मथोपता, मेन मोको फाननु टोप्पो डोसाङलाडा पातमा पुङसा, “दाउदओ सावाछा, अङका धानि पुनोतवा मुवाने”49हाले देकमि चोकेप्पा एवानिन का लोवानिन, 'मोसाञा बुत्तानुम।' मन्कि मोकोचिआ मोको खाथेपवाञा उसओ यिङाकि मबुतता, 'टाङखोङ मुए, पोकते, खोनिनआ खानाञा बुत्मा लियाङ।' 50नङ आनओ बोपछुम केसाकि फिनयाङसा मोको देकमिओया बाना,51देकमिआ मोसाञा लोवानिन, “अङका खानाञा दी मुम लोवो खाना राका तचु?” खाथेप मनाआ खोननिनञा यिङा,“रुमु, अङका मुकखाङ तोकतुम” , 52नङ देकमिआ मोसाञा लोवानिन, 'आमनो लाम वाङानुम, आमनो मकतुमआ खानाञा चावापा मेत्तुओ याआङ।' मोबेन मोसाआ मुकखाङ तोकतु का लामडा खोनिनओ देङसु देङसु लुवा।
111मुनटोङ खोनिनचि यरूशलेमओ चुकडा जैतुन भुरूडा बेथफागे का बेथानि लोवो खारोङडा ताबानानिन, मोबेन खोनिनआ आनओ खेनमाछाचिखपडा हवापाङञा उसओ लोवाकि छुत्तानिन 2खानाचिओ बुसितओ टेनडा खारानुम, का वाङदावाङहिडा ङे खानाचिआ हान्देतारि खाउङे मना मानवाङाओ खुइवाछा अधितवोङ, मोसाञा हुलुङताकि बाट्टानुम। 3साङआ खानाचिञा, 'उसओ देना अचुलुक?' यिङा लो, हाएसिञा ओकोओ चाखाम डोरासो याआङ, का खोनिनआ लादेङ चकनि ओडा छुत्नि पुमा लिवोङ' लोवानुम ।'4मोबेन मोकोचि मखारा, का खुइवाछा बुङया चुप्लामडा हुइयालिप्पा लाप्टिखोङ चुकडा छुम्तानओ मधित्ता, का मोसाञा महुत्ता। 5मोडा एवानओचिखपडा साङ साङआ मोकोचिञा मयिङा,' खुड्वाछा हुत्ताकि खानाचि दि अमुयाङ? ' 6मोबेन मोकोचिञा देकमिआ यिङानिन खोवातनि मुनि मोकोचिआ मयिङा, का मोकचिआ खाटसि मपुवा।7मोकोचिआ खुइवाछाञा देकमिओया मबाट्टा, का मोकोचिओ बोपछुमचि मोको धानि युङनि मपुवा, का खोनिन मोकोधानि हाङकोनवा मलिसा। 8नङ बद्धेकापाङआ आन- आनओ बोपछुमचि का निचिआ टेम्माखाओ सुम्बाकचि हेक्ताकि लामडा मथुङसा।, 9नङ बुसि बुसि बिवो का देङसु देङसु बानवोचि उसओ लोयाङसा मपारा, होसन्ना, सायोकसाङ मोचि, खोक्को निनाम्मुओ नुङडा बान्मानु। 10सायोकसाङ मोको तावो हाङहोन, आनकानओ पापा दाउदओ ङे हाङहोन, सारूङगाडा होसन्ना।11खोनिन यरूशलेमडा माङखिम हुड्डा वाङानिन, का चुवाङयोवा झारा यामतोकधानि खाचोप्तानिन नेतलोक माअत्ला लिसाओ लिहिडा, हवापाङेओ अकनिन्डा खोनिन बेथानिडा खारानिन। 12माङकोलेन्दु खोनिनचि बेथानिङका बानमा लिहिडा खोनिन साकारङानिन।13नङ माङखाडा सुम्बाक लिसाओ अक्टेट वासिखुकमाकओ सुङताङ टोक्ताकि खाटनिङे मोसाडा दिच तोकङा हे यिङाकि खोनिन खारानिन, मेन मोडा मता नेतलोक खोनिनआ सुम्बाक लेट्का दिचछाङ तोक्मा- मानलि, देनादि मोवाइडा वासिखुकमाकओ मुयाकला माननुङा। 14मोबेन खोनिनआ मोसाञा लोवानिन, 'हानङक्यातनि खानाओ सिवा साङछे मनाआ मानचादाने।' खोनिनओ खेनमाछाचिआ ओको मएना।15नङ खोनिनचि यरूसलेमडा बानानिन, का खोनिन् माङखिम हुड्डा वाङाकि माङखिमडा इनकाबा का खितकाबाचिञा हुइया लातसि लुवानिन, का बाटकाबाचिओ छापबुङचि का कुइवा इनकाबाचिओ युङखा खोनिनआ लिमनि पुवानिन। 16खोनिनआ साङञा खाउङे खुङखेन माङखिम हुड्डाङका खाटसि पुमा मानलि।17नङ खोनिनआ सानयङ पुवाकि मोकोचिञा लोवानिन, "दि उसओ छापतानचिनओ माननुङ, उङखिम झारा रावाचिओ निकि सोम्फोङलाओ खिम् दारावोङ? मेन खानाचिआ ना ओकोञा ङापकाबाचिओ बुकताङ मेत्ताओ अयाआङ।" 18नङ अधुवा अधुवा बुबमिचि का यङवानमिचिआ ओको एनाकि खोनिनञा खाइसाकिया युन्ला मुइन्ने लोनि सुमतुम मलामा, देनालो मोकोचि खोनिन सुत्डा मकुमाकाराङा। देनादि झारा मुकलाआ खोनिनओ सानयङडा स्वमराक काङाओ मयाआङा। 19नङ नाम्पुक लिहिडा खोनिन तालावाङ हुइया लोन्तुकि खारानिन।20२० नङ वायाङ मोडाङका खात्मा लिहिडा खोनिनचिआ मोको वासिसुकमाकओ सुङताङञा भेनडाङकाङे सिप्तुओ टोकतानिन। 21नङ मुनटोङ पत्रुसञा मुकसिनमा लिसा, मोबेन मोचिआ खोनिनञा मयिङा, 'रूमु, खाङाने, खानानिनआ यासान्ला पुवानिनओ वासिखुकमाकओ सुङताङ ना सिप्तायाछा !'22देकमिआ मोकोचिञा लायङ पुवाकि लोवानिन, 'निनाम्मुडा मकतुम युङसानुम। 23अङका खानाचिञा नुच्चुङे लोलुकङा खोक्कोआ ओको भुरुञा खाना उक्ताकि साजुमाडा वेतनि' लोग्ने, का आनओ कोङरिङडा देम छाङ मिनछेन मुनिन, मेन उहाङपाङआ यिङाओ दुम अछङ लिमा ता लोवो मकतुम चुलो ,मोसाञा मोको लिवोङ।24ओसुन्दुम अङका खानाचिञा लोङा, झारा यामतोक खाक्कोओ निकि खानाचि सोमफोङला अचुलुक, का अदोत्लुक मोको तोक्ताओ अयाआङ लोवो मकतुम युङसानुम, का मोको खानाचिआ अतोक्वोङ। 25नङ मुनटोङ खानाचि सोमफोङला मुवाकि ठानठुक अलि, मोबेन साङओङे उसादाकडा खानाचिओ दिच याआङ लो नुनाम्लानुत मुवानुम का सारुङगाडा लिमानुवो खानाचिओ चापाआ छाङ खानाचिञा खानाचिओ हआदोङ नुनामलानुत मुमा लिवोङ। 26मेन नुनामलानुत अमुनिन लो ना, सारुङगाडा लिमानुवो खानाचिओ पापाआ छाङ खानाचिओ हआदोङ नुनाम्लानुत् मुमा लिवोनिन ।27नङ लादेङ खोनिनचि यरूशलेमडा बानानिन का खोनिन माङखिमडा बिकोन्नि युङमा लिहिडा अधुवा बुब्काबाचि यङवानमिचि का खोक्पा बुलाम्बुचि खोनिनओया मबाना। 28मोकोचिआ खोनिनञा मयिङा, 'खाउ कोपरूयुङआ खाना ओचि ओक तचुलुक? नङ ओचि ओक मुमा खानाञा साङआ कोपरूयुङ पुवा?'29मोबेन देकमिआ मोकचिञा लोवानिन, 'अङका खानाचिआ अकटेट दुम सेनङा का खानाचिआ , मोसाओ लायङ पुवाङनुम् का अङका दि कोपरूयुङआ ओचि ओक मुङा मोको खानाचिञा लोवोङा। 30युहन्नाओ ओतमावा सारूङगा डाङका लिसाओ हे मनाचि डाङका? लायङ पुवाङनङ ।'31मोबेन मोकोचि उसओ यिङयाङसा हाङपोहाङडा तुक्वातुप मुमा मलुवा, सारूङगा डाङका लोइनने लोना खानाचिआ खोनिनदा देना मकतुम अमानचु ? लोनि खोनिनआ मलोवोङ 32मेन मनाङका लोइनने लो मोकोचि हाङछामि डाङका मकुमाकाराङा देनादि झाराआ युहन्नाञा नुच्चुङ ङे यामाङ लोनि मलोप्ताङा। 33मोकोचिआ देकमिञा लायङ पुवाकि मयिङा, 'आनकानञा सिनला मात्दङ'। हाले देकमिआ मोकोचिञा लोवानिन, 'अङका छाङ खाउ कोपरूयङआ ओचि ओक मुङा, मोको खानाचिञा लोनुङा।'
121मन्कि खोनिनआ मोकोचिञा डोयङलाडा लोसि लुवानिन,' अकपाङ मनाआ यमसिखा पाक्तुकि मोसाओ चुवाङयोवा तामसे ममेत्ता, का आःवासुङ मपोन्तुवा, का अकटेट खाचोपखा मेत्ताकि खारूमिचिञा मोको खाछोनलुङडा पुवाकि नियुङखा मखारा। 2यमसिवा कुप्वो वाइदा मोचिआ अकपाङ खाङसुमिञा खारूमिचिओया यमसिखाओ दिच सिवाचि मोचि खारुमिचि डाङका टाटसि लोनि मछुता। 3मेन मोकोचिआ मोचिञा लाप्ताकि मधात्ता, का उहुपछुक मछुत्ता।4नङ लादेङ मोचिआ मोकोचिओया हाउसो खाङसुमिञा मछुत्ता, का मोकोचिआ मोको ओलाकओ टाङ मकेरा का मोसाञा मिनअत मचुवा। 5मोचिआ हाउसोञा मछुत्ता, का निचि बदधेका पाङञा छाङ मछुत्ता मेन् मोकोचिआ साङञा मधात्ता का साङञा मसेरा।6मोचिओ हान अकपाङ ओन याआङा मोचिओ स्वमपोवा सावाछा। मोकोचिआ अङसावाछाञा ना सानुवा अछङ मचुवोङ यिङाकि झारा चोङलो देङसु मोचिआ ओकोङेञा मोकोचिओया मछुत्ता। 7मोबेन मोचि खारूमिचिआ हाङपोहाङडा मयिङा, "ओको ना पाङयि ए, बानइनने आनकानका खोसाञा सेरूम का कोपरू आनकाओ लिवोङ।"8नङ मोकोचिआ मोसाञा लाप्तुकि मसेरा, का यमसिखाओ हुइयालिप्पा वेतनि मपुवा, 9ओसुन्दुम यमसिखाओ नामसोङमिआ दि मचुवोङ? मोचि मबान्वोङ, का खारूमिचिञा युनला मचुवोङ, नङ यमसिखा निचिञा मपुवोङ।10दि खानाचिआ सामयोक यङवानओ ओको इदुम खिप्ताओ अमाननुङ? डाककाबाचिआ खाकको लुङटाकञा असाओ मचुवा, मोकोङे ओलाक केङकुओ सायालुङ मेत्तानचिन, 11ओको हाएसि डाङका लिसाओ ए, नङ ओको ङे आनकाओ मुक्खाङडा नाकाकताओ याआङ। 12नङ मोकोचिआ खोनिनञा लापमासुङा मेन मुकला सुत्डा कुमामकारा, देनादि मोको डोयङला खोनिनआ मोकोचिओ यङछितलाडा लोवानिनओ, ए लोनि मोकोचिआ मतुप्ता का मोकोचिआ खोनिनञा छिरूकि खातनिलेवा। /s सिजरञा छोन्लुङ छोन्वो छापछोङडा खासेन /s13खोनिनञा दुमडा खेखुपतानुम यिङाकि मोकोचिआ फरिसिचि का हेरोदिचिखपओ साङ साङञा खोनिनओया मछुता। 14मोकोचिआ मताकि खोनिनञा मयिङा, 'रुमुच्यो, आनकान लेइन्का खाना निसवान लिमानु, का साङओ छाङ लिपालाम मुमा नुनिन, देनादि खानानिन डोखाङाकि ओक मुमानुनिन मेन निनाममुओ लाम नुसुप्तुमआ चिनलुमानु, लोवाने सिजरञा छोनलुङ पुमा नुलोक याआङ हे माननुङ। 15आनकान पुइन्ने हे पुइमिन्ने? खोनिनआ मोकिचिओ रूङचाला सिन्ला तोकताकि मोकोचिञा लोवानिन्, 'खानाचि देना सुको अचुवाङयाक ? अकटेट दिनार बाट्टानुम, का अङका खाङुम?'16नङ मोकोचिआ मबाट्टा। का खोनिनआ मोकोचिञा लोवानिन, 'ओको सेमफोक का थेपसुवा साङओ ए ?' मोकोचिआ खोनिनञा यिङा 'सिजरओ' 17मोबेन देकमिआ मोकोचिआ लोवानिन, सिजरओ यामतोक सिजरञा पुवानुम, का निनाममुओ यामयोकचि निनाममुञा। मोकोचि खोनिन सुत्डा धिनाकाकता मकाङा। /s लाहङेन छापछोङयि खासेन /s18हान लाहङलेन नुनिन लोवो सदुकिचि खोनिन्ओया मता, का खोनिनञा उसको यिङाकि मसेना, 19रुमु, वाछाप्पाआ आनकानञा छापनिपुवाओ मयाआङ हे साङओ बुबु सुवा का छालुक्पा लिसाकि तायामा ओलाक छिरू लो अनिछाकआ बुसुनिमा खाटने , का आनओ बुबुओ निकि आङखेप पुक्तु मुने।20एकापाङ सावाछा मयाआङा नङ तोङदाआ सायाकाम्मु मुवा, का मोको छालुक्पा लिसाकि सुवा। 21नङ जुम्दाआ मोसाञा सायाकाम्मु मुवा, मन्कि मोको छाड़ छालुक्पा लिसाकि सुवा नङ पिपदोआ मुसओङे सुवा। 22नङ एकपाङओ ङे आङखेप मानलि। झारा चोङलो नेत्लोक मोको छामिन्छा छाङ सुवा। 23हान लाहङलेनडा मोकोचिखपडा साङओ दापयामा मोको लिवो निमाङ? देनादि मोचि एकापाङआ मोसाञा दापयामा मेत्ताओ मयाआङा।24देकमिआ मोकोचिञा लोवानिन, 'खानाचि होइसेङलाडा डोटटाओ सुन्दुम ओकोङे माआङ? खानाचि मानना इयङवान मान निनाम्मुओ साएराङञा असिनलुक 25देनादि मुनटोङ मोकोचिओ लाहङलेन नुयाक, मोबेन मानना सायाकाम्मु मचु, मानना सायाकाम्मुडा मपु ,मेन मोकोचि सारुङगाडा याक्केनाछाचि इसा मलि।26मेन सुपोकवाचिओ छापछोङडा लो मोकोचिओ लाहङलेन नुयाक, लोनि दि खानाचिआ वाछाप्पाओ छापलायाकडा वाहिलाओ चेपयङडा खिपताओ अमाननुङ? खाइसाकिया निनाम्मुआ मोचिसुत्डा 'अङका सुन्तुमदिवाओ निनाममु, यङचावाछा निनाममु का सोझामुओ निनाम्मु एव, लोनि लोवानिनओ याआङा। 27खोनिन सुपोकवाचिओ निनाम्मु माआङ मेन अहडङसाङचिओ लिमानु, खानाचि बद्धेङे होइसेङलाडा डोट्टाओ अयुङयाछा।' /s झारा चोङलो टोप्पो इङइवा /s28यङवानमिचि खपडा अकपाङ खोनिनओया मता का खोनिनचिञा हाङपोहाङडा तुकवातुप मुनियुङसाओ मएना। खानिनआ ओकोचिञा नुलोक लायङ पुवानिनओ सिन्ला तोक्तुकि खोनिनञा मसेना, 'झारा इङइवाचिडा बुसि ओलाक खाउ ए?' 29देकमिआ लायङ पुवानिन, 'बुसि ओलाक ओको ए,हेइ! इस्राएल एने, धिवाङ हाएसि आनकाओ निनाम्मु अकपाङे धिवाङ हाएसि लिमानु, 30नङ खानाआ धिवाङ हाएसि आनओ निनाममुञा आनओ झारा कोङआ, आनओ झारा हाङमाङआ, आनओ झारा खारूआ का आनओ झारा साएराङआ नुसोम मुए। 31हवासि ओलाक ओको ए, खानाआ आनओ डाकनिञा हाङपाङञा ओटनि सोम् मुए। ओचि चोङलो बद्धेका इङइवा निचि मातदङ। '32यङवानमिआ खोनिनञा मयिङा ,'नुच्चुङ ङे रुमु, खानानिनआ नुलोक ङे लोवानिन, खोनिन अकपाङे लिमानु, खोनिन् लेटका निचि मात्दङ। 33नङ खोनिनञा कोङआ, झारा नुतनुआ, का झारा सावाआ सोममुमा, का डाकनिञा उहाङपाङञा ओटनि सोम मुमा, झारा हेन्खुयुहुत का हुयुकमुचि चोङलो मुलुमरङ ए। 34मोचिआ तायामुकनिन् लायङ पुवाओ टोकताकि देकमिआ मोचिञा लोवानिन, खाना निनाम्मुओ हाङहोन डाङका माङखा तमाननुङ। मोनेत्लोक खोनिनञा खासेन मुवो साङओ सापसा मानलि।35मन्कि माङखिमडा चिनलुमानुहिडा देकमिआ लोवानिन, खाइसाकिया निनामछेन दाउदओ सावाछा ए लोनि यङवानमिचि मयिङलुक। 36दाउद अहाङपाङेआ वाचोङ साकोङ डाङका यिङाओ मयाआङ, 'धिवाङ हाएसिआ अङहाएसिञा लोवानिन, अङकाआ खानाओ नुकसाचिञा आमनो लाङओ लाङटक मानमेतइन्लोकतारि खाना अङचुप्चुछुक लिप्पा युङानुम। 37दाउद उहाङपाङे खोनिनञा हाएसि मयिङलुक लो खादाङका खोको मोचिओ सावाछा मलिसा? नङ मुकलाआ खोनिनओ इदुम वायाकनिन मएना।38आनओ सान्यङडा खोनिनआ लोवानिन, यङवानमिचि डाङका चानचुप यङानुम, खोक्को उखाम टिटखान हुमसाकि ओडा मोडा कोन्मा का इन्खावाङडा सायालोङ लोकमा 39नङ यायोकखिमचिडा यामुयुङखा का चाचायुडा टोप्पोखा नुवानुयाक् 40खोक्कोआ सासाममिओ खिम मङाक्लुक् का खाउनतुङ निकि उखाम उखाम सोमफोङला मचुलुक। ओकोचिआ बढ्धेका बानछूप मतोक्वोङ। /s सासाममिआ पुवाओ पुनोत् /s41मन्कि खोनिन खाबाखाओ बुसित युङानिन, का मुकलाआ खाबाडा फेक रिपेन्ताओ खाङानिन, का बदधेका लुङलिचिआ बदधेङे रिपेन्ताङा। 42नङ अकपाङ छुयुप्मा सासाममिआ ताकि हवा माइट तामिन्तुप केङवा याङ मेत्लो रिपेनन्तु43नङ आनओ खेनमाछाचिञा अहाङपाङओया बुत्ताकि खोनिनआ मोकोचिञा लोवानिन, अङका खानाचिञा नुच्चुङे लोङा खाबाखाडा रिपेनकाबा चिखपडा ओको छुयुमि सासाममिआ झारा चोङलो बदधे रिपेन्ता। 44देनालो झाराआ आन-आनओ सायाथाक्ला डाङका मरिपेन्ता मेन् ओकोआ ना आनओ ताङछुतलाङका मोसाओ खाक्को मेत्लो याआङा ,तामिनतुप आन्ओ झारा मुचाङे रिपेन्लेन मुवा।
131नङ मुन्टोङ खोनिन् माङखिम डाङका लोन्याङसा लिमानुवाङा, मोबेन खोनिनओ खेनमाछाचिखपडा अकपाङआ खोनिनञा मयिङा, 'रूमु खाङानुम, खासओ खासओ लुङताङचि का खासओ खासओ धिखिमिचि,' 2देकमिआ मोचिञा लोवानिन, 'दि खाना ओकोचि टोप्पो टोप्पो धिखिमचि तटोकलुक? लुङटाक् धानि लुङटाक छित्वोन्निन ,खाक्को फेनतिमिन।3नङ माङखिमओ बुसित जैतुन भुरुडा युङमानुहिडा पत्रुस, याकुब, युहन्ना का अन्द्रियासआ खोनिनञा छुतुक्का मसेना, 4'आन्कान्ञा लोवाने, ओकोचि दुम देमखा मलिवोङ? का ओकोचि दुम लिमानुहिडा दि सिन्मेत लिवोङ?'5देकमिआ मोकोचिञा लोसिलुवानिन, चानचुप युङानुम, साङआ छाङ खानाचिञा होइसेङलाडा मान्मुलुतने। 6बद्धेकापाङ अङकाओ नुङडा अङका खोकोङे एव लोयाङसा मबानवोङ, का मोकोचिआ बदधेकापाङञा लुलेन मपुवोङ ।7नङ मुनटोङ खानाचिआ म्हु का म्हुओ अत्छङदुम अएनवोङ मोबेन मानहेङतानुम, देनादि ओको लिमा चाखाम याआङ, मेन थेनयुओ मुयाकला मोको माआङ। 8देनादि रावाओ उसादाकडा रावा, का लुडवाङओ उसादाकडा लुङवाङ ठानठुक लिवोङ, खाम खामडा लुटलि खात्वोङ, साङसाङवा लिवोङ। यातुकलाओ तापुङ ओकोङे ए।9खानाचि आन्ओ सानुङडा चानचुप युङानुम, खानाचिञा धियायोक्खाडा मपाङपाक्वोङ। खानाचि अधात्तिनवोङ का खारुखाहाङछाचि का हाङओ बुसित अङकाओ निकि सिनलेखा पुसिओ निकि खानाचि ठानठुक अलिवोङ 10मेन बुसि झारा रावाञा नुसावानाम रूमरङ मुवाओ लिमा डोट।11नङ मुन्टोङ मोकोचिआ खानाचिञा लापनि खाट्टाकि पाङपाकवोङ ,मोबेन दि चेइनने लोनि बुसिङका मिनराक मान्मुदानुम, मेन मोको ङे मुयाकला खाक्को खानाचिञा पुविन् मोकोङे चेवानुम देनादि चेपमि खानाचि अमाआङ मेन वाचोङ साकोङ लिमा लिवोङ। 12नङ वात्तोङआ वात्तोङञा सुवालोङओ निकि पाङपाक्वोङ, पापाआ सावाछाञा नङ छाचि पापा-मामाओ उसादाकडा ठानठुक मलिवोङ का मोकोचिञा सेतसि मलुमेत्वोङ। 13नङ अङनुङओ निम्पि खानाचि झारा डाङका चिमासाङ अलिवोङ ,मेन् खोक्को थेन्युतारि लोमान्टका युङउने मोसाओङे सेममाला लिवोङ।14मुनटोङ खानाचि नामबुकलो यामामुओ चिमासाङ याक्कञा खाडडा मुरु मातदङ मोडाङे एवानचिनओ अटोक्वोङ (खिपकाबाआ तुपने) मोबेन यहुदियाडा युङकाबाचि भूरुलिप्पा मफुङने। 15खिमओ छान्बाकखाडा युङकाबाचि हृयुनि मानधाने, मानना आनओ खिमडाङका दिच लात्माञा हुड्डा वाङने। 16कायाखाडा युङकाबाचि आनओ बोपछुम तात्माञा देङसि मान्लादाने।17मेन मोचिलेनडा आमोचुनो! बुखुन्डिमा का नुपुन फपकामाचिञा! 18ओको नाङदोङडा मानलिदाने लोनि सेमफोङला मुवानुम। 19देनादि मोचिलेनचि उसओ छुयुओ मलिवोङ, उमओ निनाममुआ मेत्तानिनओ मेट्लेनओ पुङला डाङका हान्देतारि ना मानना लिसाओ याआङ, का देम्खाछे लिवोङ। 20नङ धिवाङ हाएसिआ मोचिलेन् मानदुनिपुवाओनिन् ना खाउङे साएमछामि हङवो माननुङा, मेन खोनिनआ छेनतानिनओचिओ निम्पि मोको लेन दुन्तानिन।21मोको मुयाक्लाडा साङआ छाङ खानाचिञा खाङानुम निनामछेन ओडा मयाआङ, हे मोडा मयाआङ, यिङा लो खानाचिआ मानयाआतानुम। 22देनालो मुपसाङे निनामछेन का मुपसाङ यामाङचि ठानठुक मलिवोङ का लिमारू लो छेन्तान्ओचिञा होङसेङलाडा मुलुतमाञा माकोचिआ सिनछुङचि का नाकाक वकचि मचुवोङ। 23मेन खानाचि लो चान्चुप युङानुम ,खाङानुम अङकाआ खानाचिञा झारा दुम बुसिङकाङे लोनि पुवाओ ङे याक्ङा ओनेउ ।24मेन मोचि लेनडा मोको हुपरुवा छुयु नेतलोक नाम कुइया मलिवोङ का लादिप्माआ आनओ छोकलासि पुवोनिन 25नङ साङगेनचि नामकुदु डाङका मधावोङ, का नामचोकडा लिसाओ साएराङचि मरुखोकवोङ । 26मन्कि मोकोचिआ मनाओ सावाछाञा साएराङ का धिमुमसङ सुत्डा बान्याङसा मुवाओ मटोक्वोङ। 27मोबेन खोसाआ सारूङ याकेनछाचिञा मछुतवोङ का हेन्खामाओ थेन्यु डाङका नामकुदुओ थेन्यु तारि लुकाङे होनडाङका आनओ छेनतानचिनओञा अकखाम्डा मकोपवोङ।28वासिखुकमाकओ सुङताङ डाङका डोयङला चिन्तानुम, मुनटोङ मोसाओ खेक् नोत्नो लिसाओ नुयाक,ल का चोकखान बात मोबेन चोकफोवा चुकडा बान्याछा लोवो सिन्ला अतोकयाक। 29उइसाकिया ङे खानाचिआ छाङ मुनटोङ ओचि दुम लिनियुङसाओ अटोकवोङ मोबेन खोको चुकडा याआङ, लाप्टिखोङडाङे याआङ लोवो लेसानुम।30अङका खानाचिञा नुच्चुङ ङे लोलुकङा, ओको झारा दुम लिनि मानरुइनलोकतारि ओको तालाखुक छितदावो माननुङ। 31सारुङगा का हेन्खामा खालेतनि मखात्वोङ, मेन् अङको इदुम खालेत्वोनिन। 32मेन मोलेन, हे मोवाइदाओ सानुङडा पापाआ लेटका निचिसाङआ छाङ लेनिन, मानना सारूडगाडा लिवो सारूङ याकेनछाचिआ, मान् सावाछाआ।33चानचुप युङानुम, माइमसक युङानुम का सोम्फोडला मुवानुम, देनादि मोको मुयाकला देम्खा लिवो ए मोको खानाचि अलेनिन्। 34ओको ना खाङसुमिचिआ कोपरूयुङ का उकताउकञा आनओ आनओ वक पुनि, हुङकाबाञा 'खाना माइमसकङे युङमा लोवो इङइवा अकनिया पुवाकि चिखिम छिरूकि नियुङखा खाराओ खाउङे अकपाङ मना ओटनि ए।35ओसुन्दुम पोकसुमि युङानुम, देनादि खिम्पाङ वावाङ हे नाम्पुकखपडा, हे वापा ओकहिडा, हे वायाङ देमखा तावो ए मोको खानाचि अलेनिन् । 36माआङलो ना मिन्तालुक ताहिडा मोचिआ खानाचिञा इमनियुङसाओ मधित्वोङ । 37नङ खाक्को अङका खानाचिञा लोलुकङा, मोको अङका झाराङेञा लोलुकङा "माइमसकङे युङानुम।"
141हान हवालेन नेतलोक सेमलायोक का बोपखा मात पेमपाकओ छेमालोक याआङा। धियान बुबमिचि का यङवानमिचि खोनिनञा खाइसाकिया मुपलाकनिन लाप्तुकि सेरोमने लोवो लामसुडा मयाआङा। 2देनालो मोकोचिआ लोवाओ मयाआङा छेमालोकओ मुयाकलाडा ना माआङ, माआङलो मनाचिडा डोमोसाङ लिवोङ।3खोनिन देङयाकनिडा शिमोन खुखेनकाबाओ खिमडा चासि युङहिडा अकपाङ छामा वाचोङ नामनुवाओ छुओ ओकति ओमसुवाङलुङओ वात्तामखुङडा तारूकि बाना, का मोको वात्तामखुङ केराकि खोनिन्ओ टाङडा लेन्तु। 4मेन साङ साङआ माइसुङ मुवाकि हाङपोहाङडा यिङमा मपुङसा, ओको फोङनुवाओ मायाक्सा देना लिसाओ ए? 5देनादि ओको फोङनुवा सुमका भुङ दिनार चोङलो बदधेडा इनताकि छुयुकुप्पाञा पुमा रूवोन् याआङा। नङ मोकोचि मोको सुतडा आरियङआ छोलोकवा मलिसा।6मेन देकमिआ लोवानिन, लिनिखारा, मोसाञा देना छुयु पुनि अयुङयाङ। मोसाआ अङकाधानि खाननो ङे मुवाओ याआङ। 7देनालो छुयुकुप्पाचि ना खानाचिसुत्डा निम्मा मलि का नुङनुसाओ मुयाक्लाडा खानाचिआ मोकोचिओ नुओकला मुमा अरू मेन् अङका ना निम्मा खानाचिओ अकनिन्डा लिनुङा 8मोसाआ खाक्को मुमा रुवाङा मोकोङे मुवाओ याआङ, मोसाआ अङकाओ पोकञा खुमसिओ निकि बुसिङका ङे फोङनामिक ओकति सोपनि पुवाओ याआड़। 9अङका खानाचिञा नुच्चुङ ङे लोङा झारा हेन्खामाडा खाडा खाडा ओको नुसावानाम रूमरङ मुउनने, मोसाआ खाक्को मुवाओ याआङ मोडा मोडा मोसाओ मु्कसिन्ओ निकि ओको यिङवोन।10हवापौखपडा अकपाङ यहुदा इस्करयोति ओलाक खोनिनञा मोकोचिओ छुकडा लापनि पुमाञा धियान बुबमिओया खारा। 11मोकोचि छाङ ओको एनाकि छेमन् मलिसा, का मोसाञा फेकवा पुवो चङमुदुम मुवा नङ खानिनञा खाइसाकिया लापमेत्तुम लोनि मोसाआ लोइसा सुकधिइ लाममालुवा । /s थेन्यु चाचायु /s12बोपखामात पेम्पाकओ साकेओ बुसिलेनडा मुनटोङ सेमलायोक साकेओ हेनखुवा लिसाङा, खोनिनओ खेनमाछाचिआ खोनिनञा मयिङा, खाडा खाराकि खानानिनआ चामादुङमाओ निकि आन्कान् सेमलायोकओ छेमालोकओ चाचायु छुमचुम मुइनने लोवो खानानिनओ राका याआङ? 13मन्कि खोनिनआ आनओ खेनमाछाचिखपडा हवापाङञा उसओ यिङाकि छुत्तानिन, तालावाङडा खारानुम का खानाचिआ वाखुडडा चाःवा तारूकि खात्वो अकपाङ मनाञा अधित्वोङ, मोसाओ देङसि लुवानुम। 14नङ मोको खाड्डा वाङउने, मोखिमओ नामसोङमिञा लोवानुम, रुमु यिङमानु, अङतावाङखाम् खाडा याआङ? खाड्डा अङका अङखेनमाछाचिसुत्डा सेमलायोक साकेओ चाचायु चोउम् ?15नङ मोचि अहाङपाङेआ खानाचिञा नियिक यामतोकआ लक्लात् लिनि छुमछुम मुलुत्ताओ अकटेट धाककोबेन्ओ युङ्खा मखाङमेत्वोङ का मोडाङे खानाचिआ आनकानओ निकि छुमचुम मुवानुम। 16हाले मोचि खेनमाछाचि खातनि मलेवा का तालावाङडा मता, नङ खोनिन् मोकोचिआ लोवानिन ओटनि मतोक्ता, का मोकोचिआ सेमलायोक छेमालोकओ चाचायु छुमछुम मचुवा।17वावाङ लिहिडा खोनिन हवापाङे सुत्डा बानानिन। 18खोनिनचि युङाकि चासिलुहिडा देकमिआ लोवानिन, अङका खानाचिञा नुच्चुङ लोङा, खानाचिखपडा अङकासुत्डा चावो एकपाङआ अङकाञा लुलेन पुवोङ। 19मोकोचि तुक्खामि लिसाकि फान्अफान सुत्डा खोनिनञा दि मोको अङका एव? यिङाकि सेनसिलुवा।20खोनिनआ मोकोचिञा यिङानिन, हवापाडखपडाओ अकपाङ, अङकासुडा चाखुङडा पेम्पाक काछुम ओलाक। 21देनादि मनाओ सावाछा ना उछापछोङडा छाप्तानचिनओ खुवात्नि खातनिलेयाक मेन नङफिसा मोको मनाञा खोक्को दाङका मनाओ सावाछाञा लुलेनला नु! मोमनाओ पुक्तुङे मानलिसाओनिन ना मोसाओ निकि नुलोक लिवो याआङा कि।22मन्कि खोनिनचि चानियुङमानुहिडा खोनिनआ पेम्पाक लोक्तुकि सायोक पुवानिन का ओराकि मोकोचिआ पुवानिन का लोवानिन, लोक्तानुम् ओको अङसाएमपोक ए। 23नङ कनचुरो लोक्ताकि आलाङने पुवानिन नेतलोक खोनिनआ मोकोचिञा पुवानिन, का मोकोचि झाराआ मोडाङका मदुङा। 24मन्कि खोनिनआ मोकोचिञा लोवानिन, ओको यङचकलाओ उङहुवा ए खाक्को बदधेकाओ निकि पेततिन। 25अङका खानाचिञा नुच्चङ ङे लोङा, अङका लादेङ यमसिओ सिवाङका मोलेन तारि दुङवोनुङा मुनटोङतारि निनाममुओ हाङहोनडा मोको नुङवा दुङनुङा।26नङ अकटेट् सङमुसान छाममुवाकि खोनिनचि लोन्ताकि जैतुन भुरूलिपा खारानिन। 27मन्कि देकमिआ मोकोचिञा लोवानिन, "खानाचि अङकालिपा रूहुकमि अलिवोङ देनादि उसओ छापतान्चिनओ याआङ, अङका चानकाबाञा धित्वोङा का सामुवाचि टुङटेम मलिवोङ।28मेन्छाङ अङकाओ लाहङसु मलिसा नेतलोक अङका खानाचि चोङलो बुसि गालिलडा खात्वोङा। 29नङ पत्रुसआ खोनिनञा मलोवा, "झारापाङ खानानिनसुत्डा ह्रुकमि मलिसा मेन्छाङ अङका लो रूहुकमि लिवोनुङा ।"30मोबेन देकमिआ मोकोचिञा लोवानिन, अङका खानाचिञा नुच्चुङ ङे लोङा, आइ, ओखाखुतडाङे वापा हवाफेन ओकमा बुसित खानाआ अङकाञा सुम्कादु बुङछुनला तमुवोङ।" 31मेन् मोचिआ फाननु अराङकानिन मयिङा, "खानानिन सुत्डा अङका सुमा मडोट्टु मेनछाङ अञका खानानिनञा बुङछुनला मुवो मानयाकदोङ, निचि झाराआ छाङ उइसाकिया ङे मयिङा। /s देकमि गेतसमनिडा /s32नङ खोनिनचि गेतसमनि नुङ लिसाओ अकटेट खाम्डा बानानिन का खोनिनआ आनओ खेनमाछाचिञा लोवानिन "अङकाआ सोमफोङला मानमुइनलोकतारि खानाचि ओडा युङानुम।" 33मोबेन खोनिनआ पत्रुस, याकुब का युहनाञा हाङपाङसुत्डा खाटानिनका खोनिन कोङचोनसाङ का बदधेका नुङचिमु लिसि लुवानिन। 34नङ खोनिनआ मोकोचिञा लेवानिन, अङहाङमाङ35नङ दिच याखाराकि खोनिन लुमडा बोमका डोटानिन, का उसओ यिङयाङसा सोमफोङला मुवानिन, “लिमारू लो ओको मुवाक्ला अडकाङका खाछितने। 36नङ खोनिनआ लोवानिन, ‘पापा खानानिनआ झारा दुम कारुयाक याआङ, ओको कन्चुरो खाछितनि पुवाने। मेन अङराका खुवात्नि माआङ मेन् खानानिन देतनि राका मुमानु।37मन्कि खोनिन ताकि मोकोचिआ इमनि युङसाओ धिरानिन, का खोनिनआ पत्रुसञा लोवानिन, ‘ए शिमोन दि खाना इमनियुङसाओ तयाआङ दि अकटोङ छाङ पोकसुमि युङमा तमानरु ? 38माइमसक युङानुम का सोमफोङला मुवानुम, का सुकोडा मानडोटटानुम, साकोङ ना नुच्चुङे छुमचुम याआङ, मेन साएमपोक रूपरू याआङ। 39नड लादेङ खाराकि खोनिनआ खोकोङे दुम यिङयाङसा सोमफोङला मुवानिन ।40लादेङ ताकि खोनिनआ मोकोचिञा इमनि युङसाओ धिरानिन , देनालो मोकोचिओ अमुक धिमाइमलिसाओ मयाआङ का खोनिनञा दि लायङ पुवो ए. मोको मोकोचिआ ममानले। 41नङ खोनिन सुमकादु बानानिन का मोकोचिञा लोवानिन, हान इमनि युङानुम का सावाएमला मुवानुम। लिनिचिया, मुयाकला बाननिचिया, खाङानुम मनाओ सावाछा हआदोङमिओ छुक्डा लाप्माछेक लिसिलुवाओ याआङ। 42पोक्लानुम, खारइन्ने, खाङानुम अङकाञा लापमाछेकवो चुकडा ङे याआङ। /s देकमिओ लाप्माछेक /s43खोनिनआ उसओ लोयाङसा लिमानुवाङा, धियान बुबमिचि, यङवानमिचि का पासुङ बुलामबुचि बान्छोन भेचोम लोक्ताओ मनाचिओ अकटेट रुहुप टारुकि हवापाङखपडाओ अकपाङ यहुदा चकनि ताबाना। 44मुनटोङ खोनिनञा लापमेत्काबाआ मोकोचिञा उइसा यिङाकि उसओ अकटेट खोतला पुवाओ याआङा, खोककोञा अङका चुपला मुवोङा, मोचि मोकोङे मए मोकोङेञा लाप्तानुम का रातलाकनिन खाट्टानुम। 45नङ हाले खोनिनओया ताकि मोसाआ चुकडा खाराकि ‘रुमुहाङ’ 46मन्कि मोकोचिआ खोनिनधानि छुकपाकताकि खोनिनञा मलाप्ता।47चुकडा एपवोनचिखपड़ा खाउङे अकपाङआ बान्छोन लाततुकि बुसिवा बुबकाबाओ याङसुमिञा धाततु का मोसाओ नाबाक हालिक हेकनि-पुवा । 48देकमिआ मोकोचिञा लोवानिन, दि खानाचि खुसावाओ उसादाकडा खुवातनि बानछोन का भेचोम अकनिया लोक्ताकि अङकाञा लापसि अता। 49उङका ना लेनओलेन खानाचिओ अकनिनडा लिनि माङखिमडा चिनलुयाङसा याआङाङ, का छाङ खानाचिआ अङकाञा अमानलाप। मेन साम्योक सामकालिन लाटला लिने यिङाकिङे ओको लिसाओ ए। 50मन्कि झारा खेनमाछाचिआ खोनिनञा छिराकि मफुङसा।51मन्कि आनओ असकलक साएमपोकञा अकटेट बाङगासिटिट्आ रिम्तुओ खाउ ङे एकपाङ फानटा खोनिनओ देङसु लुवा। नङ मोकोचिञा मोको फान्टाञा मलाप्ता। 52मेन टिट्खान छिरूकि मोको असकलक ङे फुड़सा। /s धियान बुबमिओ बुसित /s53हाले मोकोचिआ देकमिञा धियान बुबमिओया खाट्टुकि झारा बुबकाबाचि का पासुङ अधुवाचि यङवानमिचि खोनिन अकनिन अकनिन ङे मता। 54पत्रुस लो माङखाङकाङे धियान बुबमिचिओ - धियुङखिमओ बुकलुङ तारिङे खोनिनओ देङसि-मताओ याआङा। का मिबुक्याङसा टाङकारूङ सुत्डा युङनियुङसाओ याआङा।55हान धियान बुबमिचि का झारा धियायोकलाआ देकमिञा सेतमाञा खोनिनओ उसादाकडा सिनलेखा मलामा मेन साङछाङ ममानतोक। 56देनालो बद्धेआ खोनिनओ उसादाकडा सोज्जे सिनलेमु मपुवा मेन मोकोचिओ सिनलेमु उक्नुरुङे मान्नुङा।57नङ साङ पोक्तुकि खोनिन्ओ यङछित्डा उसओ यिङयाङसा सोज्जे सिनलेमु मपुवा, 58छुकआ मेत्तुओ ओको माङखिम अङका फेनवोङा का मायाक छुकआ मुवाओ सुमकालेनडा हाउसो ठानठक मुवोङा, लोनि ओसाआ यिङाओ आनकानआ एनाओ याइन्, 59मेन ओसाङेडा छाङ मोकचिओ सिनलेमु तोङसि मानता।60हाले बुसिवा बुबकाबाआ एवाकि देकमिञा उसओ यिङाकि मसेना, दि खाना दिचछाङ लायाङ तपुनिन् । ओकोचिआ आमनो छापछोङडा दि सिनलेमु मपुयाङ?” 61मेन खोनिन वाइ:अया युङानिन, का दिच लायङ पुमा मानलि, लादेङ धियान बुबमिआ खोनिनञा सेनुकि मयिङा, “दि खाना धिवाङ धियानओ सावाछा निनामछेन तए?” 62देकमिआ लोवानिन, “अङका एवं नङ खानानिनआ मनाओ सावाछाञा रूमरुहाङओ चुपचु छुकडा युङनियुङसाओ का नामकुदुको योवारिडा इनियुङसाओ टोकमा लिवोङ।63धियान बुबमिचिआ आनओ तितखान पेराकि मयिङा, “आनकानञा सिनलेखाचिओ निचि दि चाखाम याआङ? 64खानाचिआ निनामुतनुङ ना एननि अलेवा, खानाचि दि अलोप्?” मन्कि मोकोचि झाराआ खोनिनञा सुवालोङ मेकसन्ओ मुरु मदोकता। 65साङ साङआ खोनिनञा थेत्मा मलुवा का खोनिनओ ङालुङ दिपतुकि खोनिनञा फेकला पुवाकि मयिङा, “मायाङछाम्सु चेउवे”, नङ खारुखाहाङछाचिआ खोनिनञा अपुम-अपुम पुवाकि पाङखुनडा मलोक्ता। /s पत्रुसओ बुङछुनला /s66पत्रुस ह्युनि बुक्लुङडा लिहिडा धियान बुबमिओ याङसुमिमाचिखपडा अक्पाङ बाना 67का पतरुसञा मिबुकनियुङसाओ टोक्तुकि मोचिञा खाङाकि मयिङा, “खाना छाङ देकमि नासरिसुत्डा तयाआङा। 68मेन मोचिआ उसओ यिङयाङसा बुङछुनला, मचुवा, खाना दि तयिङ, मोको मानना अङकाञा सिनताङयाक मानना अङका तुपङा।नङ मोचि हुड्या केपसाडा मलोनतु मन्कि वापा ओक्तु।69नङ याङसुमिमाआ मोचिञा टोक्तुकि ओया-मोया एकाबाचि सुत्दा लादेङ लोसि लुवा, ओचि ना मोकोचिखपडाओङे मए।' 70मेन मोचिआ लादेङ बुङछुनला मचुवा, का दिच वाइदा नेतलोक ओया मोया एपकामिचिआ लादेङ पत्रुसञा मयिङा, नुच्चुङ खाना मोकोचिखपडाओ तए, देनादि खाना गालिलि तए।71मेन मोचिआ अहाङपाङेञा नङफिसा मुमा का सिस्वदुम पाक्तुकि यिङसि मलुवा, खोक्कोओ छापछोङडा खानाचि तयिङ, मोमनाञा अङका सिननुङा। 72मन्कि हाले हवादु वापा ओक्तु का पत्रुसञा मोको दुमओ मुकसिन लिसा, खाक्को देकमिआ मोचिञा लोवानिनओ तयाआङा - वापा हवादु ओकमा बुसित खानाआ समकादु बुङछुनला तमुवाङवोङ। नङ मोदुमञा मित्ताकि मोचि परु परू म खावा।
151मन्कि ओङसाङे बुसिवा बुबमिचिआ, पासुङटाङ का यङवानमिचि सुत्डा, झारा धियायोक्लाआ हाङपोहाङडा यायोक मुनि देकमिञा छुम्ताकि मखाट्टा, का पिलातसओया पाङपाकनि मपुवा। 2पिलातसआ खोनिनञा मसेना, 'दि खाना यहुदिचिओ हेन्कोपहाङ तए?' खोनिनआ मोचिञा लायङला पुवानिन, 3'खानानिन ङे लोयाङसा लिमानु।' धियान बुबमिआ खोनिनधानि बद्धेका दुमओ एमसु मपाक्ता।4नङ पिलातसआ खोनिनञा लादेङ उसओ यिङाकि मसेना, 'दि खाना दिच लायङ तपुनिन? खाङानुम खानाओ उसादाकडा मोकोचिआ देम दुमचिओ खायोक मपाकयाङ।' 5मेन देकमिआ लादेङ दिच छाङ लायङ पुमा मानलि उनतारि हे, पिलातस स्वमराक मडोटटा।6साकेओ मुयाक्लाडा मोकोचिआ दोराओ अकपाङ छेकमिञा मोकोचिओ निकि खोचिआ छितनि पुवाङा। 7नङ हाङदुमलोङडा हाकलोक्तुकि सेतसु मुवो बरब्बा नुङओ अकपाङ मना छेकछाखिमडा याआङा। 8नङ मुक्लाआ वाङाकि मोकोचिओ निकि बुखुवातनि मुनिपुवाने लोनि सोमफोङला मचुवा।9पिलातसआ उइसाकिया लायङ मपुवा, 'दि अङका खानाचिओ निकि यहुदिचिओ मोचि हेनकोपहाङञा छितनि पुम? लोवो खानाचि राका अचुलुक ?' 10देनादि नुङछिनआ मुहिडा बुसिवा बुबमिचिआ खोनिनञा पाङपाकताओ मयाआङा। 11मेन हेनाक बरब्बाञा मोकोचिओ निकि मोचिआ छितनि मपुने यिङाकि बुसिवा बुबमिचिआ मुकलाञा मचोङमेत्ता ।12पिलातसआ लादेङ मोकोचिञा लायङ पुवाकि मयिङा, 'खोक्कोञा खानाचि यहुदिचिओ हेनकोपहाङ अयिङ खोसाञा ओलाक अङका दि चुम ?' 13मोकोचि लादेङ रिखाप्ता 'मोसाञा इलाकडा लाक्ताने।14पिलातसआ ओकोचिञा मयिङा, 'देना? मोचिआ दि उवाक मचुवाओ मयाआङ?' मेन मोकोचि धिडोसाङलाआ मरिखाप्ता, 'इलाकडा लाक्ताने।' 15हाले पिलातमआ मुकलाञा साववासा मुलुत्त्वो मिनला मुनि मोकोचिओ निकि बरब्बाञा छितनिमपुवा का देकमिञा रमफक धातलाम मचुवा नेतलोक इलाकडा लाकसिञा पाङपाकनि मपुवा।16खारातमिचिआ खोनिनञा धियुङखिमहुड्डा मखाटटा, का झारा मुक्तलाञा झाराझुम मुमेत्ता। 17मन्कि मोकोचिआ खोनिनआ हललिपचुकवा टिट्खान हुममेत्नि मपुवा, सेनमिओ डोलोकुम चङताकि हुममेतनि मपुवा, 18नङ 'सेवानने यहुदिचिओ हेनकोपहाङ' लोयाङसा मोकोचिआ सायालोङ चुसि मलुवा।19मनकि मोकोचिआ खोनिनओ टाङडा दङआ धातयाङसा मथेतता, का लाङतुमफु नेप्ताकि खोनिनञा सायालोङ मचुवा। 20नङ मुनटोङ खोनिनञा चुतनि मचिया, मोबेन मोकोचिआ हलचुकवा टिट्खान् होङनिमपुवा का खोनिनओ आनओङे टिटचि हुममेतनि मपुवा, का खोनिनञा इलाकदु लाकसिञा हुइया मखाट्टा। 21नङ टेनडाङका बाननियुङसाओ लामदुवा मना सिकन्दर का रूफसओ पापा साइरेनिओ शिमोनञा खोनिनओ इलाक खुन्तुकि खाटमाञा मोकोचिआ हियुक मलुवा।22हाले मोकोचिआ खोनिनञा गलगथा लोवो खारोङडा मबाटटा। मोसाओ तुपयङ टाङखोकइवा खाम ए। 23नङ मोकोचिआ खोनिनञा नामनुवा मोम्ताओ यमसि खामावा मपुवा। मेन खोनिनआ हेङहतलेन मुमा मानलि । 24अन्कि मोकोचिआ खोनिनञा इलाकदु मलाकता, का साङआ दि तोक्वो लोनि मोचिडा छापलाद मपाक्ताकि मोकोचिआ खोनिनओ टिट्खानचि हाङपोहाङडा महाक्ता।25बुसि लेनक् लिसाओ याआङा, मोकोचिआ खोनिनञा इलाकदु मलाक्ता। 26नङ यहुदिचिओ हेमकोपहाङ लोवो खोनिनओ खायोकछापला छापतानचिनओ याआङा । 27खोनिन सुत्डा मोकोचिआ हवापाङ खुसावाचिञा इलाकदु मलाक्ता, अकपाङञा खोनिनओ चुप्चुलिप्पा , हाउसोञा बेङसिलिप्पा 28(का साम्योयङवानओ इदुम उइसाकिया लाटला लिसा, खोनिन हआदोङमिचि सुत्डा इखिपतानचिन)29नङ ताखातसुकामिचिआ आनओ टाङ ङाङयाङसा उसओ यिङाकि खोनिनञा स्यावारि मचुवा, 'आहा! खाना माङखिम ओत्काबा, का सुमकालेनडा मेत्वो, 30इलाक डाङका धासाकि अहाङपाङेञा लेउए,'31मुइसाकिया ङे धियान बुबमिचिआ छाङ यङवानमिसुत्डा खोनिनञा चुतमुयाङसा हाङपोहाङडा मयिङा , 'ओसाआ निचिञा डेकता, उहाङपाङञा लो डेकसि रूनिन्। 32इस्राएलओ हेनकोपहाङ, निनामछेन, हान इलाक डाङका धासाकि ताने, का आनकान टोक्ताकि मकतुम मुइनने।' खोनिन सुत्डा इलाकडा लाकतिनवोचिआ छाङ खोनिनओ उतनुङ मचुवा। /s देकमिओ सुवालोङ /s33हवालेनक डाङका सुमकालेनकतारि झारा हाङहोनडा मुकछुलुमआ रङा । 34सुमकालेनकडा उसओ यिङाकि देकमि धिडोसाङलाआ पारानिन-' इलोइ, इलोइ, लामा सबखथानि? खाक्कोओ तुपयङ ए,हेइ! अङनिनाममु, अङनिनाममु, खानानिनआ देना छिराङनिन?' 35ओह्यात मोहयात एपवोखपडा साङ साङआ ओको एनाकि मलोवा , 'खाङानुम, मोसाआ एलियाञा बुतयाङ ।'36नङ अकपाङआ लोरूकि खातनि अकटेट वाफपसा सुनहेङवाआ भेपतुकि अकटेट दङडा पाकनि उसओ यिङाकि खोनिनञा दुङसि पुवा,' खाङइनने, खाटनिङे एलिया मोसाञा वाहोप्लातसि मता हे?' 37मोबेन देकमिआ धिडोसाङलाआ पाराकि हाङमाङ छिरानिन। 38मन्कि माङखिम्ओ टिछेकवा धानिङका भेन्तारि हवा दाङला लिसाकि पेरू।39खोनिनआ उइसाकिया हाङमाङ छिरानिनओ टोक्ताकि खोनिनओ बुसित एवानचिनओ खारातमिटाङआ मयिङा , 'ओचि मना ना नुच्चुङङे निनाममुओ सावाछा मयाआङा।' 40मोकोञा माङखाङका खाङनि युङवो माचुप छाङ मयाआङा। मोकोचिओ खपडा मरियम, मग्दालिनि, का चुप्पो याकुब, नङ मोचिओ मामा मरियम, का सलोमि याआङा। 41मुन्टोङ खोनिन गालिलडा लिमानुवाङा मोबेन ओकोचि खोनिनओ देङसु लुवाओ मयाआङा, का खोनिनओ खाङओछुङ मचुवाङा , निचि बद्धेका माचुप छाङ खोनिन सुत्डा यरुशलेम बानाओ मयाआङा ।42वावाङताहिडा मोको छुमचुमओ मुयाकला, तामिनतुप सावाएमओ बुलेन लिसाओ लिहिडा, 43अरिमथियाओ युसुफ अकपाङ सानुङमि यायोकछा, खोक्को उहाङपाङे छाङ निनाममुओ हाङहोनओ लाम खाङयाङसा मयाआङा, सापसाकनिन पिलातसओया खारूकि देकमिओ सुपोकवा मदोरा। 44नङ खोनिन बुसिङे सुनिचियानिन लोनि पिलातस स्वमराक मडोट्टु, का खारात्मिटाङञा हाङपाङओया बुत्ताकि मोचि बुसिङे सुवाओ मए, हे यिङाकि खासेन मचुवा।45मोबेन खारातमिटाङ डाङका सिनला मतोक्ता नेतलोक मोचिआ युसुफञा सुपोकवा खाटसि देङहुत्वारि मपुवा। 46नङ मोचिआ बाङगिटिटखान मखिपतु, का खोनिनञा धासाकि मोको बाङखिटिटडा रिम्ताकि धिलुङखाडा पोन्तुवाकि मेत्तुओ अकटेट सुचिनखुमडा खोनिनञा मयुङसा, का रुपाखिमओ लापटिखोमडा लुङटाक हुछुननिपुवा। 47मरियम मगदालिनि , योसिओ मामा मरियमआ खोनिनञा युङसाओ खाम खाङनियुङसाओ मयाआङा।
161सावाएमलेन खालेरा नेतलोक मरियम मग्दालिनि, का याकुबओ मामा मरियम, का सलोमिआ नामनुवा नुफोङचि खोनिनओ पोकडा सोपमाञा मखित्ता। 2नङ एखपओ बुलेनडा वायाङ ओङसाङे नामलोनहिडा मोकोचि रुपाखिमडा मता।3नङ मोकोचिआ हाङपोहाङडा मयिङा, 'साङआ आनकानओ निकि रुपाखिमओ लापतिखोमओ लुङटाक हुछुननि पुउने?' 4नङ धाक्कोलिप्पा खाङहिडा मोकोचिआ लुङटाक हुछुननि युङसाओ मटोक्ता, देनादि मोको धिटोप्पो याआङा,5नङ सचिनखुमहुडडा वाङाकि मोकोचिआ ओमचुक सङनान हुमसाओ अकपाङ मनाञा चुपचुलिप्पा युङनियुङसाओ मटोक्ता, का मोकोचिआ नाकाकता मकाङा। 6मेन मोचिआ मोकोचिञा मयिङा,' स्वमराक मानकाङदानुम, खानाचि इलाकडा लाकताननिनओ देकमि नासरिञा अलामलुक। खोनिनओ लाहङलेन लिसाओ याआङ। खोनिन ओडा लिमानुनिन्। मोकोचिआ खोनिनञा युङसाओ खाम खाङानुम ! 7मेन खारानुम, का खोनिनओ खेनमाछाचि का पत्रुसञा खानाचिओ बुसि बुसित गालिलडा खात्मानु लोनिपुवानुम। खोनिनआ मोकोचिञा यिङानिनओ ओटनि खानाचिआ खोनिनञा अटोक्वोङ।'8नङ मोकोचि लोन्ताकि सुचिनखुम डाङका मफुङसा। देनादि कुमा नङ स्वमराकआ मोकोचिञा रङाओ याआङा। नङ मोकोचिआ साङञा छाङ ममान्लो देनादि मोकोचि कुमाकाराओ मयाआङा।9मेन एखपओ बुसिलेन खोनिनओ लाहङलेन मलिसा नेतलोक खोनिन बुसि मरियम मग्दालिनिओया यादारानिन, खोक्को डाङका खोनिनआ एकाटेट खालाचि लात्तानिनओ याआङा । 10मोचिआ खाराकि खोनिनओ अकनिनडा युङवोचिञा मिनराक नङ तुक्हुयु मुनियुङसाओ वाइदाडा यङखान मपुवा। 11नङ खोनिन अहङसाङ लिमानु, का मोकोचिओया यादारानिन लोवो दुम एनाकि मोकोचिआ मान्याआत्ता।12ओको मलिसा नेतलोक सापटेनलिप्पा खात्हिडा बिनियुङसाओ मोकोचिखपड़ा हवापाङओया अलामडा खोनिन हाउसो युपाडा यादारानिन। 13नङ खोकोचि लासाकि खात्नि निचिञा मलोवा। मेन खोकोचिञा छाङ मोकोचिआ मकतुम ममानचु।14नेतलोक डाङका खोनिन अकपौ ओया, मोकोचि चासि युङहिडा यादारानिन, का मोकोचिओ योकोममिन् का चुवालुङओ छाक्कोउलाञा खोनिनआ थोपतानिन, देनालो खोनिनओ लाहङलेन मलिसा नेतलोक टोककामिचिओ दुम मोकोचिआ याआत्ला ममानचु। 15मन्कि खोनिनआ मोकोचिञा लोवानिन,' झारा बुलुहुतडा खाराकि झारा साएमछामिञा सावानाम रूमरङ मुवानुम। 16मकतुम मुवो का हङसानवा लोकवोआ फाखालाम तोक्वोङ, मेन योकोममिन मुवो खायोङवा मदोकवोन् ।17नङ मकतुम मुकाबाचि सुत्डा ओचि सिनछुङचि मलिवोङ - 'अङनुङडा मोकोचिआ खालाचि मटुङवोङ, का नुङवा अयङचि मोकोचिआ मचेपवोङ। 18मोकोचिआ पुछापचि मलाप्वोङ का खाउङे नुङयि यामतोक मदुङा मेन्छाङ खाउङे सुमतुमआ मोसाआ मोकोचिओ मायाक्सा मुवोनिन, मोकोचिआ योम्मुचिधानि छुक मयुङवोङ, का मोकोचि नुसङ लिनिमखात्वोङ।'19मोबेन उइसाकिया हाएसि देकमि मोकोचि सुत्डा चेपनिचियानिन नेत्लोक सारुङथाङलेन लिसानिन का निनाममुओ चुप्चुछुक लिप्पा युङानिन 20नङ मोकोचि लोन्ताकि खादानुछेङे रूमरङ मचुवा। हाएसि मोकोचिओ साएमुकामि लिसानिन, का अकनिन - अकनिनङे मलिसाओ। सिन्छुङचिङका इदुमञा नुअछङ मुलुत्तानिन। आमेन ।
