Bible

Mateo

1¹Icitabo catantikwa ukufyalwa kwa kwa Yesu Kristu umwana wakwa Dabidi, umwana wakwa Abrahamu. ²Abrahamu ali wishi wakwa Isaki, na Isaki ali wishi wakwa Yakobo, na Yakobo ali wishi wakwa Yuda na munyina. ³Yuda ali wishi wakwa Peresi na Sera muli Tamari, Peresi ali wishi wakwa Hesroni, na Hesroni ali wishi wakwa Ramu.⁴Ramu ali wishi wakwa Amminadabu, Amminadabu ali wishi wakwa Nashoni, na Nashoni ali wishi wakwa Salmoni. ⁵Salmoni ali wishi wakwa Boasi muli Rahabu, Boasi ali wishi wakwa Obedi muli Ruti, Obedi ali wishi wakwa Yese. ⁶Yese ali wishi wakwa Dabidi imfumu. Dabidi ali wishi wakwa Solomon mu mukashi wakwa Uria.⁷Solomoni ali wishi wakwa Rehoboamu, Rehoboamu ali ni wishi wakwa Abiya, na Abiya ali wishi wakwa Asa. ⁸Asa ali wishi wakwa yehoshafati, yehoshafati ali wishi wakwa Yoramu, na Yoramu icikolwe cakwa Ussia.⁹Ussia ali wishi wakwa Yotamu, Yotamu ali wishi wakwa Ahasi, Ahasi ali wishi wakwa Hesekia. ¹⁰Hesekia ali wishi wakwa Manase, Manase ali wishi wakwa Amoni, na Amoni ali wishi wakwa Yosia. ¹¹Yosia ali cikolwe cakwa Yekonia na ba munyina pa nshita basendelwe bunkole ku Babyloni.¹²Panuma yakusendwa ku Babyloni Yekonia ali wishi wakwa Sheltiele, na Sheltiele ali cikolwe cakwa Serubabele. ¹³Serubabele, ali wishi wakwa Abiudi, Abiudi ali wishi wakwa Eliakimu, na Eliakimu ali wishi wakwa Aso. ¹⁴Aso ali wishi wakwa Sadoki, Sadoki wishi wakwa Akimu, na Akimu wishi wakwa Eliudi.¹⁵Eliudi ali wishi wakwa Eleasari, Eleasari ali wishi wakwa Mattani, na Mattani wishi wakwa Yakobo. ¹⁶Yakobo ali wishi wakwa Yosefe umulume wakwa Maria, uo Yesu afyalilwemo, uwitwa Kristu. ¹⁷Inkulo shonse ukufuma kuli Abrahamu ukufika pali Dabidi shali ikumi na shine, ukufuma pali Dabidi mpaka ukusendwa ku Babiloni pali inkulo ikumi na shine, no kufuma apo basendelwe ku Babiloni ukufika pali Kristu pali inkulo ikumi ne shine.¹⁸Ukufyalwa kwakwa Yesu Kristu kwa citike muli uyu musango. Nyina, Maria, ali kobekelwe ukupwa kuli Yosefe, lelo ulo tabalaba pamo, alisangilwe alimite ifumo lya Mupashi wa Mushilo. ¹⁹Lelo Yosefe, umulume wakwe, ali muntu umulungami kabili talikufwaya ukumusebanya palwalala, eco alipingile ukumuleka munkama.²⁰Ulo ali akotontonkanya pali ifi fintu, malaika wakwa Shikulu alimonekele kuli ena muciloto, ukwebati, ''Yosefe we mwana wakwa Dabidi, witina ukubula Maria ukuba umukashi obe, pantu uwimitwe mwifumo lyakwe emitwe ukupitila muli Mupashi wa Mushilo. ²¹Ali no kukwata umwana umwaume, kabili mukamwinika ishina lyakwe Yesu, pantu akapususha abantu bakwe ku masambi yabo.''²²Nomba ifi fyonse fyacitikile mukufikilisha ifyalandilwe na Shikulu ukupitila muli bakasesema, ukwebati, ²³''Moneni, nacisungu akemita kabili ali no kufyala umwana, kabili bakamwinika ishina lyakwe Imanueli'' - icikopilibula ukwebati, ''Lesa aba na fewebo.''²⁴Yosefe alibukile ukufuma mutulo no kucita ifyo malaka wakwa Shikulu amukonkomeshe, kabili alimubulile ukuba umukashi wakwe. ²⁵Lelo tamwishibe mpakafye napo apapile umwana.

2¹Panuma Yesu afyalwa mu Betelehemu yaku Yudea mu nshiku sha mfumu Herodi, abaume bamano ukufuma ku kabanga balifikile mu Yerusalemu balikulanda ati, ²''Ilipi Imfumu yaba Yuda? Twalimwene ulutanda lwakwe kukabanga natwisa mukumushinshimuna.'' ³Ulo Herodi imfumu aumfwile ifi, alisakamikilwe, pamo na bena Yerusalemu bonse.⁴Herodi aliletele capamo bashimapepo bakalamba bonse na bakalemba ba bantu,kabili alibepwishe ati, ''Nikwisa Kristu ali no kufyalilwa?'' ⁵Balilandile kuli ena ati, ''Mu Betelehemu yaku Yudea, pantu ifi efyalembelwe na bakasesema, ⁶'Lelo webo, Betelehemu, mu calo cakwa Yuda, tauli uwacepesha muliba kateka ba Yuda, pantu muli webo emukafuma uukateka, uukacema abantu bandi abena Israeli.'''⁷Nolu Herodi alikutile abaume bamano mu bumfisolo no kubepusha inshita ulo ulutanda lwa monekele. ⁸Ali batumine ku Bethlehemu, ukwebati, ''Kabiyeni muye kufwaya bwino palwa kanya. Ulo mwakasanga, mukandetele akasebo pakwebati na nebo wine ningesa no kwisa kumushinshimuna.''⁹Panuma ya kumfwa amashiwi ku mfumu, balile uko bali kuya, no lutanda bamwene ku kabanga lwali batangilile mpakafye lwasuka lwaya kwiminina pa mulu apo akanya kali. ¹⁰Ulo bamwene ulutanda, balisekelele ne nsansa nganshi.¹¹Balingile mu ng'anda kabili balimwene akanya na nyina Maria. Baliwile panshi no kukashinshima. Baliswile ifipao fya fyuma fyabo no kumutula ifyabupe fya golide, ububani na muri. ¹²Lesa alibasokele muciloto ati bebwelela kuli Herodi, eco balibwelele ku calo cabo ukubomfwa inshila imbi.¹³Panuma yakufumako, malaika wakwa Shikulu amonekele kuli Yosefe muciloto no kumwebati, ''Ima, senda akanya na nyina, no fulumukila ku Egupti. Ukekale kulya mpaka nkakwebe, pantu Herodi akofwaya ukonaula akanya kobe.'' ¹⁴Bulya ubushiku Yosefe alimine no kusenda akanya na nyina ukuya ku Egupti. ¹⁵Alikele kulya mpaka nemfwa yakwa Herodi. Uku ekwali ekufikilisha kwa mashiwi Shikulu alandile ukupitila muli kasesema, ukwebati, ''Ukufuma mu Egupti emo nakutile Umwana wandi Umwaume.''¹⁶Nolu Herodi, ulo amwene ati ba mupumya kubaume mano, alifulilwe sana. Alitumine abakwipaya abana banono abaume mu Betelehemu na muli cilya citungu conse abali ne myaka ibili no kwisa panshi, ukulingana ne nshita iyo aumfwile ku baume bamano.¹⁷Nolu califikilishiwe icalandilwe ukupitila muli Yeremia kasesema, ukwebati, ¹⁸''Ishiwi lyalyumfwikile mu Rama, ukulilishika no kulosha kukalamba, Rakele akolila pa bana bakwe, kabili alikene ukumutalalika, pantu abana balifwile.''¹⁹Ulo Herodi afwile, moneni, malaika wakwa Shikulu alimonekele mu ciloto kuli Yosefe mu Egupti no kulanda ati, ²⁰''Ima senda akanya na nyina ulekuya ku calo ca Isreali, pantu abo abalikufwaya umweo wa kanya balifwile.'' ²¹Yosefe alimine no kusenda akanya na nyina nokwisa mu calo ca Isreali.²²Lelo ulo aumfwile ukwebati Arkelasi akoteka mu Yudea mwipunda lya kwa wishi Herode. Alyumfwile umwenso ukuya kulya. Panuma yakumusoka kuli Lesa mu ciloto, alile ku citungu ca Galili ²³kabili alile no kuya kwikala mu Nasareti. Ici cafikilishe ifyalandilwe ukupitila muli bakasesema, ukwebati akakutwa umwina Nasareti.

3¹Mu nshiku shilya Yohane Kabatisha alishile akoshimikila mu matololo yaku Yudea ukwebati, ²"Lapileni, pantu ubufumu bwa mu mulu bulipaleme." ³Pantu uyu eulya Esaya kasesema alandilepo, ati, "Ishiwi lya ukobilikisha mu matololo ati, 'Pekanyeni inshila yakwa Shikulu, olololeni inshila shakwe.'''⁴Nomba Yohane alifwele insalu ya masako ya ngamali ne lamba lya mpapa ukushingulusha umusana wakwe. Alikulya makanta no buchi bwa mpanga. ⁵Nolu Yerusalemu, Yudea yonse, ne citungu conse ica shinguluka umumana wa Yordani balile kuli ena. ⁶Balibatishiwe kuli ena mu mumana wa Yordani, ukulapila imembu shabo.⁷Lelo ulo amwene abengi mu baFarise na baSeduki bakoisa kuli ena na ku kubatishiwa, alandile kuli bena ati, "Mwe bufyashi bwa mafwafwa mwe, Ninani amisokele ukubutuka ku bukali ubukoisa? ⁸"Twaleni icisabo icilingile ukulapila. ⁹Mwitontonkanya ukulanda pakati kenu ati, 'Twalikwata tata Abrahamu.' Pantu nkolanda kuli mwebo nati, Lesa kuti aimisha Abrahamu abana ukufuma muli aya mabwe.¹⁰Kalefye sembe lyabikwa pa mushila wa cimuti. Eco icimuti conse icishitwala icisabo cabune cikaputulwa no kuposwa mu mulilo. ¹¹Namibatisha na menshi kukulapila. Lelo uukonkonka panuma alikwatishe amaka ukuncila, nshilingile nangulafye kusenda indyato shakwe. Akamubatisha no Mupashi wa Mushilo na ku mulilo. ¹²Ulupe lwakwe luli mu minwe yakwe ku kuwaminisha pa cakupelelapo cakwe no kututila ingano shakwe mu butala. Lelo imisungu akayoca mu mulilo uutangashima.''¹³Nolu Yesu alifumine ku Galili no kuya ku mumana wa Yordani ukubatishiwa na Yohane. ¹⁴Lelo Yohane alitwalilile ukwesha ukumulesha, ukulanda ati, "Ninebo ndingile ukubatishiwa kuli mwebo, kabili kuli nebo eko mwaisa?" ¹⁵Yesu alimwaswike no kulanda ati, "Cisuminishe nomba, pantu ciliyene fwebo ukufikilisha ubulungami." Nolu Yohane alimusuminishe.¹⁶Panuma ya kubatishiwa, Yesu alifumine mu menshi apopenefye, kabili moneni, imyulu yaliswike kuli ena. Alimwene Mupashi wakwa Lesa aikile kubati lukunda no kwikala pali ena. ¹⁷Moneni, ishiwi lyafumine mu myulu likoeba ati, "Uyu e Mwana wandi uwa temwikwa. Uo mbekelwamo."

4¹Nolu Yesu alitungulwile no Mupashi mu matololo ku kutunkwa na kasebanya. ²Ulo afungile ukulya pa nshiku amakumi yane akasuba no bushiku alyumfwile insala. ³Katunka alishile no kumweba ati, ''Umfwa uli Mwana wakwa Lesa eba aya mabwe yaluke umukate.'' ⁴Lelo Yesu alimwaswike no kulanda kuli ena ati, ''Calilembwa aciti, tekucilyo ceka umuntu engekalila no mweo, lelo ku cebo conse icikofuma mu kanwa ka kwa Lesa.'''⁵Nolu kasebanya alimutwele mu musumba wa mushilo no kumwiminika pa nsoshi ya cikulwa ce tempele, ⁶no kumweba ati, ''Umfwa uli Mwana wakwa Lesa, ipose panshi, pantu calilembwa aciti, 'Akakonkomesha ba malaika bakwe ukukubaka,' 'Nolu bakakwanka mu maboko yabo, pakwebati tauicenene lukasa lobe kwibwe.'''⁷Yesu alimwebele ati, ''Nakabili calilembwa aciti, 'Wilekwesha Wisokulu Lesa obe.''' ⁸Nakabili, kasebanya alimutwele pa lupili ulutali no ku mulanga amabufumu ya mu calo no bukata bwa yako bonse. ⁹Alimwebele ati, ''Fyonse ifi fintu nkakupela, Umfwa wawa panshi no kunshinshimuna.''¹⁰Nolu Yesu alilandile kuli ena ati, ''Kabiye fuma pano, Shetani! Pantu calilembwa aciti, Wisokulu Lesa obe eo ulekushinshimuna, kabili ena ekafye eo ulepyungila.'' ¹¹Nolu kasebanya alimushile, kabili moneni, bamalaika balishile no kumupyungila.¹²Nomba ulo Yesu aumfwile ati Yohane balimwikete, alifumineko no kuya ku Galili. ¹³Alifumine ku Nasareti kabili alilekwikala mu Kapernaumu, Iyaba kululamba lwa bemba wa Galili mu mipaka ya kwa Sebuluni na Naftali.¹⁴Ifi fyacitikile pa kufikilisha ifyo kasesema Esaya alandile ati, ¹⁵''Icalo cakwa Sebuluni ne calo cakwa Naftali, ukulola kuli bemba, kubushilya bwa Yordani, Galili wa bena Fyalo. ¹⁶Abantu abaikele mu mfimfi balimwene ulubuto ulukalamba, nabo abaikele mu citungu na mucinshingwa camfwa, pali bena ulubuto lulisanike.''¹⁷Ukutula pali ilya nshita Yesu alitendeke ukushimikila no kwebati, ''Lapileni, pantu ubufumu bwa mu mulu buli paleme.''¹⁸Ulo ali akoenda mu lulamba lwa bemba wa Galili, alimwene ba wabo babili, Simone uukutwa Petero na Andrea wabo, bakoposa isumbu pali bemba, pantu bali abalondo besabi. ¹⁹Yesu alilandile kuli bena ati, ''Iseni, nkonkeni, kabili nkomicita abalondo ba bantu.'' ²⁰Apopenefye balishile amasumbu no ku mukonka.²¹Ulo Yesu alikuya ukufuma palya alimwene ba wabo babili nakabili, Yakobo umwana mwaume wakwa Sebede, na Yohane wabo bali na Sebede shibo bakolundanya amasumbu yabo. Alibakutile, ²²napopenefye balishiile ubwato na wishibo kabili balimukonkele.²³Yesu alikwendauka mu Galili monse, alikusambilisha mu synagoge, ukubila imbila nsuma ya bufumu no kundapa amalwele yonse ne misongo yonse mu bantu. ²⁴Ululumbi lwakwe lwalile monse mu Siria, na bantu balimuletele bonse abali kucushiwa na malwele ayakulekana - lekana ne fya kukalipwa, abakwete ingulu, abacipumputu, na babulebe. Yesu alibondepe. ²⁵Amabumba ayakalamba yalimukonkele ukufuma mu Galili, Dekapoli, Yerusalemu, na Yudea, no kufuma kwishilya lya Yordani.

5¹Ulo Yesu amwene amabumba, alile palupili. Ulo aikeleko, abasambi bakwe balishile kuli ena. ²Aliswile akanwa no kubasambilisha, ukwebati, ³"Balipalwa ababusu mu mupashi, pantu ubufumu bwa mu mulu bwabo. ⁴"Balipalwa abaloosha, pantu bakatalalikwa.⁵Balipalwa abaicefya, pantu bakapyana isonde. ⁶Balipalwa abali ne nsala ne cilaka ca bulungami, pantu bakekushiwa. ⁷Balipalwa abaluse, pantu bakapokelela uluse. ⁸Balipalwa abasangulwa imitima, pantu bakamona Lesa.⁹Balipalwa abaleta umutende, pantu baketwa abana bakwa Lesa. ¹⁰Balipalwa abo abapakaswa pamulandu wa bulungami, pantu ubufumu bwa mu mulu bwabo.¹¹Mwalipalwa ulo abantu ba mituka no kumipakasa no kumilandila ifyabufi ifya misango yonse ifyabufi pa mulandu wandi. ¹²Sekeleleni no kwanga, pantu cikalamba icilambu cenu mu mulu. Pantu ni muli uyu umusango umo wine abantu bapakashile bakasesema abamitangilile.¹³Muli mucele we sonde. Lelo umfwa umucele wa sunduka, kuti waloweshiwa shani nakabili? Tawinga wamina cintu nakabili kanofye ukuposwa no kunyantaulwa ku makasa ya bantu. ¹⁴Muli lubuto lwa calo. Umusumba uwabikwa pa lupili tawinga fiswa.¹⁵Nangu abantu tabasanika inyali no kuibika panshi ya museke, lelo pa cakutekapo inyali, kabili ilasanikila bonse mung'anda. ¹⁶Lekeni ulubuto lwenu lusanike ku bantu pakwebati abantu bamone imilimo yenu iyabune no kulumbanya Shinwe uwa mu mulu.¹⁷Mwilekutontonkanya ukwebati naisa kukonaula amafunde nangula ba kasesema. Nshaisa kuku bonaula, lelo kukufikilisha. ¹⁸Pantu mucinefye nkomweba nati, mpankafye umulu ne calo fikapite, takwakabe nangu kanonofye akalitoni nangula kamo akanonno aka mumafunde, mpakafye ifintu fyonse fikafikilishiwe.¹⁹Eco kanshi onse uukatobapo ilya cepesha pali aya mafunde no kusambilisha bambi ukucita ifi aketwa uwa cepesha mubufumu bwa mu mulu. Lelo onsefye uuyabaka no kuyasambilisha aketwa umukalamba mubufumu bwa mu mulu. ²⁰Pantu nkolanda kuli mwebo nati kanofye ubulungami bwenu bwacila ubulungami bwa bakalemba na baFarise, mwebo tamwakengilemo mubufumu bwa mu mulu.²¹Mwalyumfwa ukwebati calilandilwe ku baliko mu nshita shakale ati, 'Wilakwipaya,' kabili, Oonse uwipaya akapingulwa.' ²²Lelo nkolanda kuli mwebo nati onse uufulilwe wabo akapingulwa; kabili onse uulanda kuli wabo ati, 'We mbulwa mano ya muntu!' akatwalwa ku cilye; na onse uulanda ati, 'We ciwelewele!' akaposwa mu mulilo wa ku mbo.²³Eco umfwa ukotula ica bupe pa cipailo kabili waibukisha ukwebati wenu napinkana nobe, ²⁴sha icabupe cobe palya pa cipailo, kabili bwelelamo kwenu.Pakubala muwikishanye na wenu, elo wise kutula icabupe cobe.²⁵Suminishanya no mulwani obe bwangu ulo ucili nankwe mukoya ku cilye, epali umulwani obe akupela kuli kapingula, nao kapingula kuti aisakukupela kuli mushika, kabili kuti waposwa mucifungo. ²⁶Mucinefye nkokweba nati, tawakafumemo mpakafye ukalipile akalikobili ka kulekelesha akandalama wakongwele.²⁷''Mwalyumfwa ukwebati calilandilwe ati, 'Wilakucita bucende.' ²⁸Lelo nkolanda kuli mwebo nati onse uwalolekesha umwanakashi no kumukumbwa ninshi alicitile nankwe ubucende kale mu mutima wakwe.²⁹Umfwa ilinso lyobe ilya kukulyo lya kulenga kuipununa, lilobolemo no kuliposa. Pantu Cawamapo webo ukulufyapo icilundwa cimo ukucila umubili onse ukuya kuposwa ku mbo. ³⁰Umfwa ukuboko kobe ukwa kukulyo kwakulenga ukuipununa, kuputuleko no kukuposa. Pantu cawamapo webo ukulufyapo icilundwa cimo ukucila umubili onse ukuya ku mbo.³¹Kabili calilandilwe ati, 'Onse uwatamfya umukashi wakwe, lekeni amupele kalata wakulekaninapo. ³²Lelo nkolanda kuli mwebo nati onse uwaleka umukashi wakwe, ukufumyakofye pamulandu wa bucende, amulenga ukuba umucende. Onse uwamupa panuma yakulekwa ninshi acita ubucende.³³Nakabili, mwalyumfwa ukwebati calilandilwe kuli abo mu nshita shakale ati, 'Wilakulapa mulapo wa bufi, lelo ulape umulapo obe kuli Shikulu.' ³⁴Lelo nkolanda kuli mwebo nati, tekwesha kulapa nakalya, cibe ni ku mulu takwesha, pantu ecipuna ca kwa Lesa; ³⁵nangu pe sonde iyo, pantu ecakunyantapo amakasa yakwe; nangu ni pali Yerusalemu wine iyo, pantu emusumba wa Mfumu nkalamba.³⁶Cibe kulapa pa mutwe obe nakalya, pantu tawingalenga umushishi obe ukuba uwa kubuta nangu uwa kufita. ³⁷Lelo leka ukulanda kobe kube 'Ee, ee' nangula 'Iyo, iyo.' conse icakucilapo pali ici ninshi cifumine ku mubifi.³⁸Mwalyumfwa ukwebati calilandilwe ati, 'Ilinso pali linso, ne lino pali lino.' ³⁹Lelo nebo nkomyeba nati, mwikanya umubifi. Lelo, onse uwakutoba ulupi kwisaya lya kukulyo, mupele ne libiye line.⁴⁰Umfwa uuli onse akofwaya ukulubulula nobe no kukupoka umwingila, leka abule ne laya lyobe line. ⁴¹Uyo onse uwa kupatikisha ukumushindika umushinso umo, kabiye nankwe imishinso ibili. ⁴²Pela kuukokulomba, kabili kuukofwaya ukwashima kuli webo wifutatilako.⁴³''Mwalyumfwa ukwebati calilandilwe ati, 'Ulekutemwa umwina mupalamano obe no kupata umulwani obe.' ⁴⁴Lelo nkolanda kuli mwebo nati, temweni abalwani benu kabili pepeleni abo abamipakasa, ⁴⁵pakwebati mwingaba abana bakwa Shinwe uwa mu mulu. Pantu alalenga akasuba kakwe ukubalikila pa babubi na pa babune, kabili alalokesha imfula pa balungami na pa bashalungama.⁴⁶Pantu umfwa mukotemwafye abamitemwa, cilambu nshi mukapokelela? Bushe na bakasonkesha ba misonko tabacita cimo cine? ⁴⁷Umfwa mukoposhafye na ba wenu, findo mwacita ukucila bambi? Bushe na bena Fyalo bene nabo tabacita cimo cine? ⁴⁸Eco beni abapwililika, ifyo Shinwe wa mu mulu aba uwapwililika.

6¹''Cenjeleni ukwebati mwicita milimo yenu iya bulungami ukuti abantu bamimone, nga teifyo tamwakakwate icilambu ukufuma kuli Shinwe uwaba mu mulu. ²Eco ulo wapela ifya nkumbu, wiilishisha ipenga we mwine ngefyo babubi munda bacita muma synagoge na mu misebo, pakwebati ba balumbanye ku bantu. Mucinefye nkolanda kuli mwebo nati, balipokelelele icilambu cabo conse.³Lelo ulo wapela ifya nkubu, wileka ukuboko kwa kukuso kobe kwishibe ifyo ukuboko kwa kulyo kobe kukocita ⁴pakwebati ifya nkubu fyobe fingapelelwa mu nkama. Nolu Shinwe uumona mu nkama aka milambula.⁵Ulo ukopepa, mwiba kubati ni babubi munda,pantu bena balitemwa ukwiminina no kupepa mu ma Synagoge na mu fifutu fya misebo pakwebati ba bamone ku bantu. Mucinefye nkolanda kuli mwebo nati, balipokelelele icilambu cabo. ⁶Lelo webo, ulo ukopepa, wingile mukati ku muputule obe. Isalako icibi no kupepa kuli Shinwe, uwaba mu nkama. Elo Shinwe uumona mu nkama akamilambula. ⁷Ulo ukopepa, tekwesha ku bwekeshapo ifya kubula ubuyo fimo fine nga filya ficita abena fyalo, pantu bena batontonkanya ukwebati bakobomfwa pamulandu wa fyebo fyabo ifingi.⁸Eco kanshi, mwiba kubati ni bena, pantu Shinwe alishibila libela ifintu ifyo mu kabila libe tamula mwipusha. ⁹Eco kanshi mulekupepa ngefi: 'We Shifwe waba mu mulu, Leka ishina lyobe licindikwe nge lya mushilo. ¹⁰Leka ubufumu bobe bwise. Leka ubufwayo bobe bucitwe pe sonde ngefyo caba mu mulu.¹¹Utupele lelo icakulya ca cila bushiku. ¹²Utweleleko imisha shesu, nga filya nefwe twelela aba misha besu. ¹³Wituleta mu matunko, lelo utupusushe ku mubifi.'¹⁴Pantu umfwa mwaelela abantu ku fibi fyabo, na Shinwe wa mu mulu nao aka myelela. ¹⁵Lelo umfwa ta mukobelela kufibi fyabo, na Shinwe nao takamyelele kufibi fyenu.¹⁶"Ulo ukofunga ukulya, wiba ne cinso ca bulanda nga filya babubi munda bacita, pantu bena balalula ifinso fyabo pa kwebati bamoneke ku bantu nga bakofunga. Mucinefye nkomweba nati, bali pokelele icilambu cabo conse. ¹⁷Lelo webo, ulo ukofunga, isube amafuta ku mutwe obe no kusamba ku menso yobe ¹⁸pakwebati taumoneke ku bantu ati ukofunga, lelo kanofye kuli Shinwe uwaba mu nkama; kabili Shinwe uumona mu nkama akakulambula.¹⁹" Mwitutila ifyuma fyenu pe sonde, apo ububenshi ne ndalawa fyonaula, kabili apo abapupu batoba no kwiba. ²⁰Lelo, tutileni ifyuma fyenu mu mulu, umo ububenshi nangu indalawa fishingonaula, na bapupu mwena tabatoba no kwiba. ²¹Pantu ukuli icuma cobe, eko no mutima obe wine nao ukaba.²²Ilinso enyali ya mubili. Eco, ilinso lyobe nga lili bwino, umubili onse ninshi uliswilimo ulubuto. ²³Lelo ilinso lyobe nga libi, no mubili obe onse ninshi ukoisulamo imfimfi. Eco, umfwa ulubuto ululi muli webo ni mfimfi, ninshi iyo mfimfi yakula shani! ²⁴Takwaba uwinga pyungila bashikulu babili, pantu kuti apatapo umo no kutemwapo umbi, pantu kuti aba uwaipeleshapo kuli umo no kusulapo umbi. Tekuti upyungile Lesa kabili ne cuma.²⁵Eco kanshi nkolanda kuli mwebo nati, mwilekusakamana palwa bwikashi bwenu, ifyo mukolya nangu ifyo mukonwa; nangu palwa mibili yenu, ifyo mukofwala. Bushe umweo tawacila pa fya kulya, kabili umubili tabwacila ifya kufwala? ²⁶Lolesheni pa fyuni fya mulwelele. Tafi byala nangula ukusombola nangufye ukututila mu matala, lelo Shinwe wa mu mulu alafilisha. Bushe tamwacindamishapo ukuficila?²⁷Bushe ni nani umo pali mwebo mu kusakamana engailundilako umukono umo ku nshiku sha mweo wakwe? ²⁸Ninshi musakamanina pa kufwala? Tontonkanyeni pa maluba mwibala, ifyo yakula. Tayabomba, kabili tayapikula nsalu. ²⁹Lelo nkolanda kuli mwebo nati, nangufye ni Solomoni mu bukata bwakwe bonse tatalile afwikwapo nga limo muli aya.³⁰Nga Lesa alafwika icani mu mpanga, icakwebati ciliko lelo kabili mailo caposwa mu mulilo, bushe takacishepo ukumifwika, mwebo mweba cicetekelo cinono? ³¹Eco kanshi mwisakamikwa no kulanda ati, 'Bushe nindo tukolya?' nangu 'Bushe nindo tukonwa?' nangu 'Bushe nindo tukofwala?'³²Pantu abena Fyalo ifi fintu efyo bafwaya, na Shinwe wa mu mulu alishiba ukwebati mukofikabila. ³³Lelo balilenipo ukufwaya ubufumu bwakwe no bulungami bwakwe, nefi fintu fyonse fikapelwa kuli mwebo. ³⁴Eco, mwisakamana palwa mailo, pantu ubushiku bwa mailo bukaisakamana ubwine. Pantu cila bushiku buliikwatile ubwine ifibi fyabuko ifibulingile.

7¹''Wipingula, nobe tawakapingulwe. ²Pantu ubupingushi ubo upingwilako, ebo ukapingwilwako, ne cipimo ico ulingilako, eco nobe wine bakakulingilako.³Ninshi mulolesesha akapapa akanono akali mu linso lyakwa wenu, lelo wafilwa ukumona icipampa icili mu linso lyobe? ⁴Kuti walanda shani kuli wenu ati,' leka mfumye akali mu linso lyobe,' elo ninshi icipande icili mu linso lyobe? ⁵We bubi munda we! Ubale ufumye icipande icili mu linso lyobe, Nolu elo winga mwenekesha no kufumya akapapa mu linso lyakwa wenu⁶Wipela ica mushilo ku mbwa, kabili mwila kuposa fintu fya bukumu pantanshi ya nkumba. Epali bafinyataula ku makasa, nolu kabili kuti shaaluka nokwisa ku kuputaulamo mu tupimfya.⁷"Lomba, kabili cikopelwa kuli webo. Fwaya, kabili wala sanga. Konkosha, kabili cikeswilwa kuli webo. ⁸Pantu onse uulomba, alapokelela; onse uufwaya, alasanga; na ku muntu uukonkosha, cikeswilwa. ⁹Nangu ninani pali mwebo, umfwa umwana wakwe amulomba umukate, enga mupela ilibwe? ¹⁰Nangu umfwa alomba isabi, enga mupela insoka?¹¹Eco kanshi, nga mwebo mwe babi mwalishiba ukupela ifya bupe fyabune ku bana benu, bushe Shinwe wa mu mulu takacishepo ukupela ifintu fyabune kuli abo aba mulomba? ¹²Eco kanshi, ifintu fyonse ifyo mufwaya abantu bamicitile, efyo na mwebo bene mubacitile, pantu aya emalango na bakasesema.¹³"Ingileni pa mpongolo ya kamfyemfye. Pantu impongolo ya kusalala kabili inshila ya kupabuka iitwala ku bonaushi, kabili kwaba abantu abengi abaipitamo. ¹⁴Lelo impongolo ya kamfyemfye ne nshila iitwala ku mweo ya kwafya, kabili banono abaisanga.¹⁵''Cengeleni na bakasesema ba bufi, abo abesa kuli mwebo mu fyakufwala fya mpanga lelo mucinefye mi mbulu iitakanya. ¹⁶Niku fisabo fyabo eko mukabeshila. Bushe abantu balasaba imyangashi ku myunga nangu amakunyu kuli fi cilasa? ¹⁷Mu musango umo wine, icimuti conse icabune citwala ifisabo fyabune, lelo icimuti cabubi citwala ifisabo fyabubi.¹⁸Icimuti icabune tekuti citwale icisabo icabubi, nangu icimuti icabubi tekuti citwale icisabo icabune. ¹⁹Icimuti conse icishitwala icisabo cabune cilaputulwa no kuposwa mu mulilo. ²⁰Eco kanshi, mukabeshibila ku fisabo fyabo.²¹Tebonse abalanda kuli nebo ati, 'Shikulu, Shikulu,' abakengila mu bufumu bwa mumulu, lelo kanofye abo abacita ubufwayo bwa kwa Tata uwa mu mulu. ²²Abantu abengi bakalanda kuli nebo muli bulya bushiku ati, 'Shikulu, Shikulu, bushe tatwasesemene mwi shina lyenu, na mwishina lyenu twafumishe ingulu, na mwi shina lyenu bushe temo twacitile ifisungusho ifingi?' ²³Nolu nkalandafye pa bwelu kuli bena ukwebati, 'Nshamishibile! Kabiyeni uko fumeni kuli nebo, mwe bakacita wa fibi!'²⁴Eco kanshi, uyo onse uumfwa icebo candi no kucibela akaba kubati muntu uwa mano uwa kulile ing'anda yakwe pe libwe. ²⁵Imfula yalishile kuloka, ne lyeshi lyalishile, no mwela walipupile no kuma muli ilya ng'anda, lelo tayaponene, pantu yakuliwe pe libwe.²⁶Lelo uyo onse uumfwa icebo candi no kukana bela akaba kubati muntu umuwelewele uwakulile ing'anda yakwe pa musensenga. ²⁷''Imfula yalilokele, ilyeshi lyalishile, no mwela walipupile no kupuma muli ilya ng'anda, nayo yaliwile, kabili yalyonaike umupwilapo.''²⁸Calishile kuba ukwebati ulo Yesu apwile ukulanda aya mashiwi, amabumba yalipapile pa ma sambilisho yakwe, ²⁹pantu alikusambilisha ngo muntu uwakwete insambu, kabili talikusambilisha nga bakalemba babo.

8¹Ulo Yesu atentemukile ukufuma ku lupili, amabumba aya kalamba yali mukonkele. ²Moneni, uwa fibashi alishile kuli ena no kufukama kuli ena, "Shikulu, umfwa ukofwaya, kuti wansangulula." ³Yesu alitambalike ukuboko kwakwe no kumwikata, ukwebati, "Nkofwaya. Ba uwa sangululwa." Apopenefye alisangulwilwe ku fibashi fyakwe.⁴Yesu alilandile kuli ana ati, ''Umone ukwebati taulandile icili conse ku muntu uuli onse. Kabiye, uye kuilangisha kuli shimapepo, no kupela icabupe cilya Mose akokomeshe, ngo bunte kuli bena."⁵Ulo ali akoisa mu Kapenamu, umukalamba wa bashilika alishile kuli ena, akomupapatila ⁶no kwebati, ''Mwe Shikulu, umubomfi wandi alilele ku ng'anda ali no bulebe kabili akocushiwa no bukali nganshi." ⁷Nolu Yesu alilandile kuli ena ati, "Nkoisa no kwisa ku mundapa.''⁸Umukalamba wa bashilika alyaswike no kulanda ati, "Mwe Shikulu, Nshilingile ukwebati mwingesa ku ng'anda yandi. Landenifye ishiwi no mubomfi wandi akopola. ⁹Pantu nanebo wine ndi muntu uwa sontwa mu nsambu, kabili nalikwata abashilika abo ntungulula. Ndalanda kuli umo ati, 'Kabiye,' nao alaya, nakuli umbi ati, 'Isa,' nao alesa, na ku mubomfi wandi ati, 'Cita ifi,' nao alacita." ¹⁰Ulo Yesu aumfwile ifi, alipapwuke no kulanda kuli abo abali kumunkonka ati, "Mucinefye nkolanda kuli mwebo nati, Nshatala nsangapo nangu umo uwa kwata icicetekelo ca musango uyu mu Israeli.¹¹Nkomweba nati, abengi bakesa ukufuma ku kabanga na ku masamba, kabili bakakuwama kwi tebulo na Abrahamu, Isaki, na Yakobo, mu bufumu bwa mu mulu. ¹²Lelo abana ba bufumu bakaposwa kunse mu mfimfi ya kunse uko ukukaba ukulila no kusumanya ameno." ¹³Yesu alilandile ku mukalamba wa bashilika ati, "Kabiye! Ngefyo ucetekele, eco na cicitwe kuli webo." No mubomfi alipolele pa nshita ilya ine.¹⁴Ulo Yesu aishile mu ng'anda yakwa Petero, ali mwene nafyala wakwa Petero alilambale aliketwe ne mpepo. ¹⁵Yesu alikete ukuboko kwakwe, nempepo yalifumine. Nolu alimine no ku tampa uku mupyungila.¹⁶Ulo icungulo cafikile, abantu baliletele kuli Yesu abengi abaiketwe ne ngulu. Alitafishemo imipashi kwi shiwi no kundapa bonse abalwele. ¹⁷Ifi fyali ku fikilisha ifyalandilwe na Esaya kasesema, ukwebati, "Alibulile ifyakukalipwa fyesu no kusenda amalwele yesu."¹⁸Nomba ulo Yesu amwene ibumba ilya mushingulwike, alipele ifipope ifyakufuma no kuya kwishilya lya bemba wa Galili. ¹⁹Nolu kalemba alishile kuli ena no kulanda ati, "Kasambilisha, nkomikonka konse uko mukoya." ²⁰Yesu alilandile kuli ena ati, "Bamumbwe balikwata amendo, no tuni twa mulwelele twalikwata ifinsa, lelo Umwana wa Muntu takwata na pakusamika umutwe wakwe."²¹Na umbi pa basambi alilandile kuli ena ati, "Shikulu, nsuminisheni mbale ndeya kushika tata." ²²Lelo Yesu alilandile kuli ena ati, "Nkonka, kabili leka abafwa bashikane na bafwa babo."²³Ulo Yesu Aninine ubwato, abasambi bakwe balimukonkele mulya mwine. ²⁴Moneni, kwalimine amambi ayakalamba pali bemba, Icakwebati ubwato bwalifimbilwe na matamba. Lelo Yesu ali alilele. ²⁵Abasambi balishile kuli ena no ku mubusha, ukwebati, "Tupususheni, Mwe Shikulu; Twalafwa!"²⁶Yesu alilandile kuli bena ati, "Nindo mukotinina, mwebo mweba cicetekelo cinono?" Nolu alimine no kukalipila umwela na bemba. Nolu kwalishile kuba umutende uukalamba. ²⁷Abantu bonse balisungwike no kulanda abati, ''Muntu wa musango inshi uyu, uwa kwebati no mwela na bemba fikomubela?"²⁸Ulo Yesu aishile ku lubali lumbi kabili mu calo ca Gadara, abaume babili abaiketwe ne ngulu balimukumenye. Bakufuma mu manda kabili balikalipishe, icakwebati takwali kuba umulendo uwalikupita kuli ilya nshila. ²⁹Moneni, balipundile no kulanda abati, "Findo tufwile ukucita na webo, we Mwana wakwa Lesa? Bushe waisa kuno ku kutucusha ulo inshinta yabikwa tailafika?"³⁰Nomba umukuni wa kumba wali palya ukolya, tapali patali napo bali. ³¹Ingulu shakonkanyepo ukupapata Yesu no kulanda ati, ''Nga ukotutamfyamo, ututume mu mukuni wa kumba ulya." ³²Yesu alilandile kuli shena ati, Kabiyeni!" Ingulu shalifumine no kuya munkumba; Kabili moneni, umukuni onse walitentemwike ulupili no kuya muli bemba kabili shalifwilile mu menshi.³³Balya abali kucema inkumba balibutwike kabili balile mu musumba no kuya kushimika fyonse, maka - maka ifyacitike ku baume abakwete ingulu. ³⁴Moneni, umusumba onse walifumine ukwisa ku kumanya Yesu. Ulo bamumwene, balimupapatile ukufuma ku citungu cabo.

9¹Yesu alingile mu bwato, alyabukile kwi shilya, no kwisa mu musumba wa ku mwabo. ²Moneni, baliletele kuli ena umwaume wa bulebe alilambalele pa butanda. napakumona icicetekelo cabo, Yesu alilandile ku mwaume wa bulebe ati, ''We mwana mwaume, ba uwa ku koseleshiwa. Imembu shobe na shelelwa.''³Moneni, bamo aba muli bakalemba balikulanshanya umo ba belele abati, ''Uyu Muntu akoponta.'' ⁴Yesu alishibile amatotonkanyo yabo no kulanda ati, ''Nindo mukotontokanishisha ifibi mu mitima yenu?'' ⁵Bushe cindo cayangukapo, ukwebati, 'Imembu shenu na shelelwa,' Nangu ukwebati, ima no kwenda'? ⁶Lelo mufwile ukwishiba ukwebati Umwana wa Muntu alikwata insambu sha kwelela imembu pe sonde,...'' alilandile ku wabulebe ati, ''Ima, senda ubutanda bobe, nokuya ku ng'anda yobe.''⁷Nolu umwaume alimine no kuya ku ng'anda yakwe. ⁸Ulo amabumba yamwene fi, yalitinine no kulumbanya Lesa, uwapela insambu sha musango uyu ku bantu. ⁹Ulo Yesu ali kupita ukufuma kulya, alimwene umuntu uweshina lya Mateo alikele mwi tenti lya bakasonkesha. Alilandile kuli ena ati, ''Nkonka.'' Alimine no kumukonka.¹⁰Ulo Yesu aikeleko ku kulya mu ng'anda, moneni, bakasonkesha wa misonko na ba bembu abengi balishile no kwisa kulila pamo na Yesu na basambi bakwe. ¹¹Ulo abaFarise ba mwene fi, balilandile ku basambi bakwe ati, ''Nindo kasambilisha wenu alila na bakasonkesha wa misonko na ba bembu?''¹²Ulo Yesu aumfwile ifi, alilandile kuli bena ati, abantu abali bwino mu mubili tabakabila shing'aga, kanofye abalwele. ¹³Mufwile ukuya no kusambilila umo ifi fikopilibula: 'Nkokabila uluse telambo iyo.' Pantu ntaishile ku kwita abalungami ku kulapila,lelo ababembu.''¹⁴Nolu abasambi ba kwa Yohane balishile kuli ena no kulanda kuli ena ati, ''Nindo fwebo na baFarise tufungila ilingi, lelo abasambi benu tabafunga ukulya?'' ¹⁵Yesu alilandile kuli bena ati, ''bushe abana baume abali mu cikulwa ca bwinga bengalosha ulo shibwinga ali nabo? Lelo inshiku shikoisa ulo shibwinga akasendwa ukufuma kuli bena, kabili nolu bakafunga ukulya.¹⁶Takuli umuntu wingabika icikamba icipya pa mwingila uwakale, pantu icikamba kuti casusukapo pa mwingila, kabili kuti calepuka kucilapo.¹⁷Eico abantu teti babike umwangashi uupya mu nsupa iyakale. Umfwa bacite ifi, impapa ikalepuka, umwangashi uketika, kabili insupa shikonaulwa. Lelo, babika umwangashi upya mu nsupa shipya, na fyonse fikasungwa.''¹⁸Ulo Yesu alikulanda ifi fintu kuli bena, moneni, mushika alishile no kufukama kuli ena. Alilandile ati, ''Umwana wandi umwanakashi afwa nombalinefye, lelo iseni mubikepo ukuboko kwenu pali ena, kabili akoba no mweo.'' ¹⁹Nolu Yesu alimine no kumukonka, na basambi bakwe efyo bacitile.²⁰Moneni, umwanakashi uwacushiwe ku kusuma kwa mulopa pa ikumi na ibili aliishile kunuma yakwa Yesu no kwikata kumpela yamwingila wakwe. ²¹Pantu alitontonkenye ati, '' Umfwa njikatefye ku fyakufwala fyakwe, nkopola.'' ²²Lelo Yesu alipilibwike no kumumona, no kulanda ati, ''we Mwana mwanakashi shipa; icicetekelo cobe cilikuposeshe.'' Kabili umwanakashi aliipolele ukufuma pa nshita ilya ine.²³Ulo Yesu aishile mu ng'anda yakwa mushika, alimwene bakalisha wa mutolilo ne bumba lyalikupanga icimfulumganya. ²⁴Alilandile ati, kabiyeni, pantu umukashana tafwile, lelo alelefye utulo.'' Lelo balimusekele mu kumupumya.²⁵Ulo ibumba lyafumishiwe panse, alingile mu muputule no kumwikata pa kuboko, no mukashana alimine. ²⁶Ilyashi palwa ifi lyalisalangene muli cilya icitungu conse.²⁷Ulo Yesu alikupita ukufuma kulya impofu shibili shalimukonkele.bali kubilikisha no kwebati, ''tubeleleni uluse, mwana Dabidi.'' ²⁸Ulo Yesu aishile mu ng'anda, impofu shalishile kuli ena. Yesu alilandile kuli bena ati, ''Bushe mulisumine ukwebati kuti nacitefi?'' Balilandile kuli ena ati, ''Ee, Mwe Shikulu.''²⁹Nolu Yesu alikete mu menso yabo no kulanda ati,''Nacicitwe kuli mwebo ukulingana ne cicetekelo cenu, '' ³⁰na menso yabo yaliswike. NoluYesu alibakonkomeshe no kulanda ati, ''Mumone ukwebati umuntu nangu umo eishiba palwa ifi. '' ³¹Lelo abaume babili balifumine no kuya kusabankanya ilyashi palwa ifi mu citungu conse.³²Ulo abaume babili bali bakoya, moneni, cibulu uwali ne ngulu aliletelwe kuli Yesu. ³³Ulo ingulu yafumine, cibulu alilandile. Amabumba yalisungwike na kulanda ati, ''Ifi tfyata afimonekapo mu Israele!'' ³⁴Lelo aba Fariseyo balilandile ati, '' Ukupitila muli kateka wa ngulu, emo afumisha ingulu.''³⁵Yesu alyendawike mu misumba yonse na mumishi. Alikonkenyepo ukusambilisha mu ma synagoge, akoshimikila imbila nsuma ya bufumu Nokuposha amalwele ya mitundu yonse ne fyakukalipwa fyakulekana-lekana. ³⁶Ulo amwene amabumba, alibomfwilile inkumbu , pantu balicushiwe no kunenuka. Balikubati ni mpanga shakubula kacema.³⁷Alilandile ku basambi bakwe ati, ''ubusomboshi bulifulile, lelo ababomfi balicepele. ³⁸Eco kanshi mukwangufyanya pepeni kuli Shikulu wa busomboshi, pakwebati engatuma ababomfi mu busomboshi bwakwe.''

10¹Yesu alikutile abasambi bakwe ikumi na babili kabili alibapele insambu pa mipashi yakukowela, iyakushitamfya, no kuposha amalwele aya mitundu yonse, ne fyakukalipwa ifyakulekana-lekana.²Nomba amashina yabatumwa abe kumi na babili ni aya. Uwakubalipo, ni Simoni (uo nao alikwita Petero), umbi ni Andrea munyina, Yakobo mwana Sebede, na Yohane munyina; ³Filipo, na Batolomeo; Tomas, na Mateo kasonkesha wa musonko; Yakobo mwana Alufeyo, na Tadeosi; ⁴Simoni uwa mwibumba lyaba Sealot, na Yuda Escariot uwamufutwike.⁵Aba ebekumi na babili Yesu atumine. Alibakonkomeshe no kulanda ati, mwilekuya ku ncende iili yonse umo abena fyalo bekala, kabili mwiingila mu musumba uuli onse uwa bena Samaliya. ⁶Lelo kabiyeni ku mpanga ishaluba isha mu ngánda yakwa Isreali; ⁷kabili ulo mukoya, shimikileni no kwebati, 'Ubufumu bwa mu mulu bulipaleme.'⁸Mulekuposha abalwele, mulekubusha nabafwa, mulekusangulula abafibashi, no kutamfya ingulu. Mwapokelelafye ifwa lutu, nemwe mulekupelafye ifya lutu. ⁹Mwisenda golide iili yonse, Silfere, nangu umukuba mu mishipi yenu. ¹⁰Mwikasenda icola ca kwenda naco pa bulendo bwenu, nangu umwingila na umbi, nangu indyato, nangu inkonto, pantu umubomfi alilinga icakulya cakwe.¹¹Umusumba uuli onse nangu umushi uo mwaingilamo, fwayenimo umuntu wa cine, kabili mwikale palya mpaka no kufumako. ¹²Ulo mwaingila mu ng' anda, mulekubaposha. ¹³Umfwa iyo ng'anda ililingile, lekeni umutende wenu ubepo. Lelo umfwa tailingile, umutende wenu ubwelele kuli mwebo.¹⁴Lelo kuli abo abatakamipokelele nangu uku kutika ku fyebo fyenu, ulo mwafuma muli iyo ngánda nangu mu musumba, kunteni ulukungu ku makasa yenu. ¹⁵Mucinefye nkolanda kuli mwebo nati, cikabako bwino ku musumba wa Sodoma na Gomora mu bushiku bwa bupingushi ukucila pali ulya musumba.¹⁶''Moneni, Namituma kubati ni mpanga pakati ka mimbulu, kanshi mube aba kucenjela kubati ni nsoka kabili abakufuka kubati ni nkunda. ¹⁷Cenjeleni na bantu! Bakamitwala ku filye, kabili bakamilopola muma synagoge yabo. ¹⁸Nolu bakamitwala kuli bacilolo na bashamfumu pa mulandu wandi, ngo bunte kuli bena na ku bena Fyalo.¹⁹Ulo bakalamitwala, mwikasakamana umo nangu ifyo mukalanda, pantu ifyakulanda fikapelwa kuli mwebo pali ilya nshita. ²⁰Pantu temwebo mukalanda, Lelo Mupashi wakwa Shinwe eukalalanda muli mwebo.²¹Munyina akapela wabo kumfwa, na wishi umwana wakwe. Abana bakemina abafyashi babo kabili bakabalenga ukwipaiwa. ²²Mukapatwa ku bantu bonse pa mulandu we shina lyandi. Lelo uukashipikisha ukufika ku mpela, uyu muntu akapusuka. ²³Ulo bamipakasa muli uyu musumba, fulumukileni kuwa kukonkapo, pantu mucinefye nkomyeba nati, tamwakaye mu misumba yonse iya mu Israeli ninshi Umwana wa Muntu alishile.²⁴Umusambi tacila kasambilisha wakwe, nangu umubomfi ukucila shikulu wakwe. ²⁵Nacilinga umusambi ukwebati engaba kubati ni kasambilisha wakwe, no mubomfi kubati ni shikulu wakwe. Nga balikutile shikulu wa ngánda ati Beelsebuli, pali bufi aba mu ngánda yakwe bengabeta mashina nshi!²⁶Eco kanshi mwilekubatina, pantu takwaba nangu cimo icafimbwapo icitakasokoloke, kabili takuli icafisama icitakeshibikwe. ²⁷Ifyo nkomweba mu mfimfi, mukafilande pa bwelu, nefyo mumfwa mu kutwi mukantepe-ntepe, mukafibilishe pa mitenge ya ng'anda.²⁸Mwilakutina abepaya umubili lelo tekuti bepaye umupashi. Tineni ena uwaba na maka yakonaula fyonse umweo no mubili kumbo. ²⁹Bushe inseba shibili tashishitwa pandalama iinono? Lelo tapaba nangu kamo akaponena panshi ukwabula Shinwe ukwishiba. ³⁰Lelo ne mishi yaku mutwe yenu ine yonse yalipendwa. ³¹Mwitina. Mwalicindamisha ukucila inseba ishingi.³²Umuntu onse uyebelela kuli ine pa bantu, ninshi muntu wandi, naine kamulumbula pali tata wa mumulu. ³³Lelo uyo ukankaana pa bantu naine nkamukana pali tata wa mumulu.³⁴''Mwilekutontonkanya ukwebati naishile mukuleta umutende pe sonde. Ntaishile mukuleta umutende, lelo ulupanga. ³⁵Pantu naisa mukulwishikanya umwana mwaume na wishi, umwana mwanakashi na nyína elo nafyala na nyinafyala. ³⁶Abalwani ba muntu bakaba ni abo aba mung'anda yakwe umwine.³⁷Uyo uwatemwa wishi nangu nyina ukucila nebo talingile ukuba uwandi; uyo uwatemwa umwana mwaume nangu umwanakashi ukucila nebo talingile ukuba uwandi. ³⁸Uyo uutasenda icapindama cakwe no kunkonka talingile ukuba uwandi. ³⁹Uyo uusungilila umweo wakwe akaulofya. Lelo uulofya umweo wakwe pamulandu wandi akausanga.⁴⁰''Uyo uwamipokelela apokelela nebo, kabili no wa mpokelela ninshi apokelela uwantuma. ⁴¹Uyo uwapokelela kasesema mwishina lya bukasesema akapokelela icilambu cakwa kasesema, uwapokelela umuntu umulungami mwishina lya muntu umulungami akapokelela icilambu ca muntu umulungami.⁴²Onse uwapela kuli umo pali utu utwacepesha ulukombo lwa menshi yakutalala aya kunwa mwishina lya musambi, mucinefye nkolanda kuli mwebo, takalufye icilambu cakwe mu musango uuli onse.''

11¹Calishile kuba ukwebati ulo Yesu apwishishe ukulangilila abasambi bakwe abe kumi na babili, alifumineko kulya kukusambilisha no kushimikila mu misumba yabo. ²Nomba ulo Yohane aumfwile mu cifungo palwa milimo yakwa Kristu, alitumine amashiwi ukupitila basambi bakwe ³kabili alilandile kuli ena ati, ''Bushe niwe ukoisa, nangula tufwaye umbi?"⁴Yesu alibaswike no kulanda kuli bena ati, "Kabiyeni no kulanda kuli Yohane ifyo mukomona no kumfwa. ⁵Impofu shikomona, ifilema ifikoenda, abafibashi bakosangululwa, bankoma matwi bakoumfwa, abafwa bakobukila ku mweo, ne mbila nsuma ikobilwa ku babusu. ⁶Uwapalwa ni uyo uushipununa pamulandu wa wandi."⁷Ulo aba bantu babwekelemo, Yesu alitampile ukulanda ku mabumba palwa kwa Yohane ati, "Nindo mwaile mukomona muciswebebe - litete lyalikutenkanishiwa ne cimwela? ⁸Lelo nindo mwaile mukomona - bushe muntu uwafwala ifyakufwala ifyaluma umutengo? Mucine, abafwala ifyakufwala fyaluma umutengo bekala mu mayanda ya mfumu.⁹Lelo nindo mwaile mukumona - ni kasesema? Ee, nkolanda kuli mwebo ati, no kucilapo pali kasesema. ¹⁰Uyu eo calembelwepo ati, 'Mona, Nkotuma inkombe yandi ku ntanshi yobe, uukukateyanishisha inshila .'¹¹Mucinefye Nkomweba ati pali bonse abafyalwa ku banakashi, takwaimapo uli onse uwacila pali Yohane kabatisha. Lelo uwacepesha mu bufumu bwa mu mulu alikulilepo ukucila pali ena. ¹²Ukufuma mu nshiku shakwa Yohane kabatisha ukufika pali nomba, ubufumu bwa mu mulu bwacushiwa no lukakala, kabili abantu balukakala ebakabupoka mu maka.¹³Pantu bakasesema bonse na malango yasesema ukufika kuli Yohane; ¹⁴kabili umfwa muliipeleshe ukufipokelela, ni Eliya uwali no kwisa. ¹⁵Uuli namatwi yakumfwa, naomfwe.¹⁶Ni kundo ningapalanya ino inkulo? Yaba kubati bana bekele mu ncende sha mishika bakoita bambi, ¹⁷kabili mulande ati, 'twalimilishishe imitolilo, kabili tamwacindile. Twaliloseshe, na mwebo tamwalilile.'¹⁸Pantu Yohane taishile akolya umukate nangul ukunwa umwangashi, kabili balilandile ati, 'Alikwete ingulu.' ¹⁹Umwana wa Muntu aishile akolya no kunwa kabili balanda ati, 'Lolesheni, muntu umulili kabili ni cakolwa, cibusa wa bakasonkesha wa minsoko na babembu!' Lelo mano alungamikwa ne ficitwa fyakwe.''²⁰Nolu Yesu alitendeke ukukalipila imisumba umo ifisungusho ifingi fyacitilwe, pantu tabalapile. ²¹''Akalanda kuli webo, Korasini! Akalanda kuli webo, Betsaida! Umfwa ifisungusho fyacitikile mu Turi na Sidoni ifyo ifyacitilwe muli mwebo, nga balilapile kale mu fisamu ne mito. ²²Lelo, nkomyeba ati cikaba icakwangukapo kuli Turi na Sidoni pa bushiku bwa bupingushi ukucila pali mwebo.²³Webo, Kapernamu, bushe ukotontonkanya ati ukasumbwilwa ku mulu? Iyo, ukatentemwinwa kumbo. Pantu mu Sodoma nga mwalicitilwe ifisungusho ifya citilwe muli webo, nga yalibelelela ukufika na lelo. ²⁴Lelo nkolanda kuli webo ukwebati cikangukapo ku calo ca Sodoma pa bushiku bwa bupingishi ukucila pali webo."²⁵Pali ilya nshita Yesu alilandile ati, "Namilumbanya, mwe Tata, Shikulu wa mulu ne sonde, pantu mwalifishile ifi fintu ku bamano na bamucetekanya, no kufisokolola kubana banono. ²⁶Ee, Tata, pantu fyalisekeshe ku cinso cenu. ²⁷Ifintu fyonse fyalipelwa kuli nebo ukufuma kuli Tata; kabili takwaba uwaishiba Umwana kanofye wishi, kabili takwaba uwaishiba Wishi kanofye Umwana na onse uo Umwana asala ukumusokololako.²⁸Iseni kuli nebo, bonse mwebakocucutika kabili abafininwa ne fisendo, kabili nkomipela ukutusha. ²⁹Sendeni ikoli lyandi no kusambilila kuli nebo, pantu ndi uwakufuka kabili uwakupetama mu mutima, kabili mukosanga ukutusha ku myeo yenu. ³⁰Pantu ikoli lyandi lya kwanguka ne cisendo candi cakupepuka.''

12¹Pali ilya nshita Yesu alikupita mwibala lya ngano pe Sabata. Abasambi balyumfwile nsala kabili balitendeke ukutempula imitwe ya ngano no kulya. ²Lelo abaFarise ulo bamwene ici, balilandile kuli Yesu ati, "Mona, abasambi bobe bakocita icitasumishiwa ukucita pe Sabata."³Lelo Yesu alilandile kuli bena ati, "Bushe tamwabelenga ifyo Dabidi acitile ulo ali ne nsala, pamo na bantu ali nabo? ⁴Alile mu ng'anda yakwa Lesa no kulya umukate wa ceni, icitasuminishiwe kuli ena ukulya kabili icitasuminishiwa na kubo ali nabo, kanofye kuli bashimapepo beka.⁵Bushe tamwabelenga mu malango ukwebati pe Sabata bashimapepo mwi tempele balabifye Sabata lelo tababa na mulandu? ⁶Lelo nkomweba ukwebati uwacila itempele ali pano.⁷Nga mwalishibe ifyo ici cikopilibula icakwebati, 'Mfwaya uluse kabili telambo iyo,' nga tamusekele abatali na mulandu. ⁸Pantu Umwana wa Muntu e Shikulu we Sabata.''⁹Yesu alifumine kulya no kuya kwingila mu synagoge. ¹⁰Moneni, kwali umwaume uwalemana ukuboko. AbaFarise balipwishe Yesu, ukwebati, "Bushe calisuminishiwa ukundapa pe Sabata?" Pakwebati benga mutunganya ukubembuka.¹¹Yesu alilandile kuli bena ati, "Muntu nshi pali mwebo, uwakwebati, umfwa alikwete fye impanga imo, kabili umfwa impanga iyo ine yaponena mu cilindi pe Sabata, bushe tekuti ayabule? ¹²palibufi ifyo acindamisha, kanshi, umuntu ukucila impanga! Eco kanshi calisuminishiwa ukucita icabune pe Sabata."¹³Nolu Yesu alilandile ku mwaume ati, "Tambulula ukuboko kobe." Ali kutambulwile, kabili kwalibwelele ukutuntulu nge fyali ukunankwe. ¹⁴Lelo abaFarise balifumine no kuya kumupangila. Balikufwaya ifyo benga monaula.¹⁵Lelo Yesu, pakwishiba ici, alifumineko kulya. Abantu abengi balimukonkele, kabili alibondepe bonse. ¹⁶Ali bakonkomeshe ukukana mulenga eshibikwe kuli bambi, ¹⁷ukwebati finga fikilishiwa, ifya landilwe ukupitila muli kasesema Esaya, ukwebati,¹⁸"Moneni, umubomfi wandi uo nasala; uo natemwa, uo umweo wandi ubekelwamo. Nkabika Umupashi wandi pali ena, kabili akabilisha umulinganya ku benaFyalo.¹⁹Takalwishe nangu ukulila umusowa; nangufye umuntu uuli onse ukumfwa ishiwi lyakwa mu misebo. ²⁰Takafunepo itete ilili lyonse ilyafyantwa; takashimye cishiki icikofuka icushi, mpakafye akalenge umulinganya ukucimfya, ²¹na mwi shina lyakwe abena Fyalo baka kwatilamo isubilo."²²Nolu umo uwali impofu kabili cibulu, uwaiketwe ne ngulu, aliletelwe kuli Yesu. Ali mundepe, ulya muntu alilandile no kumona. ²³Ibumba lyonse lyalipapile sana no kulanda ati, "Bushe uyo muntu kuti aba mwana wakwa Dabidi?"²⁴Lelo ulo abaFarise baumfwile pali ici cisungusho, balilandile ati, ''Uyu muntu tafumyafye ingulu kano ukupitila muli Beelesebuli, kateka wa ngulu." ²⁵Lelo Yesu alishibe ifyo bali kutontonkanya kabili alilandile kuli bena ati,Ubufumu bonse ubwapatukana ubwine bulashala icibolya, no musumba nangu ing'anda iya patukana iine tayakeminine.²⁶Umfwa Shetani atamfya Shetani, ninshi ako yakanyamo umwine. Kanshi ubufumu bwakwe kuti bwaimina shani? ²⁷Kabili nga ntamfisha ingulu muli Beelesebuli, bushe nga abana benu bashitamfisha muli nani? Pamulandu wa ici bakaba bakapingula benu.²⁸Lelo nga ntamfisha ingulu mu Mupashi wakwa Lesa, ninshi ubufumu bwakwa Lesa bulishile pali mwebo. ²⁹Bushe umo kuti aingila shani mu ng'anda ya wa maka nokwiba ifipe fyakwe ukwabula ukubalilapo ukukaka uwa maka? Nolu kuti amwibila ifipe fyakwe fyonse mu ng'anda yakwe. ³⁰Uyo uushili nanebo ninshi akopinkana nanebo, Kabili onse uutalonganya nanebo asalanganya.³¹Eco kanshi nkolanda kuli mwebo nati, ulubembu lonse ne miponto fikelelwa ku bantu, lelo ukupontela Mupashi wa Mushilo takwakelelwe. ³²Uyo onse uulanda amashiwi ya bubi pa Mwana wa Muntu, uyo akelelwa. Lelo uyo onse uulanda ifya bubi pa Mupashi wa Mushilo, uyo takelelwe, nangufye ni muli cino calo, nangu muli ico icikoisa.³³Lengeni icimuti cibe icabune ne fisabo fyaciko ifyabune, pantu icimuti conse bacishibila ku fisabo fyaciko. ³⁴Mwe bana bamafwafwa mwe, apo muli babifi, kuti mwalanda shani ifintu fyabune? Pantu mubwingi bwa fya mu mutima akamwa kakwe efyo kalanda. ³⁵Umuntu wabune amfumya ifyabune ukufuma mu cipao ca mutima wakwe uwabune, no muntu umubifi ukufuma mu cipao ca mutima wakwe uwabubi afumya ifyabubi.³⁶Nkolanda kuli mwebo nati muli bulya bushiku bwa bupingushi abantu bakalubulula pe shiwi lya cilande - lande lyonse ilyo balandile. ³⁷Pantu ni pa fyebo fyenu apo mukalungamikilwa, kabili ni pa fyebo fyenu apo mukasekelwa.''³⁸Nolu bakalemba bamo na baFarise balyaswike Yesu no kulanda ati, "Kasambilisha, tukofwaya ukumonako icishibilo kuli mwebo." ³⁹Lelo Yesu alibaswike no kulanda kuli bena ati, ''Inkulo iibifi kabili iya bucende ikofwaya icishibilo. Lelo takuli cishibilo cipelwa kuli yena kanofye icishibilo cakwa Yona kasesema. ⁴⁰Pantu nga filya Yona ali munda cisabi akasuba no bushiku pa nshiku shitatu, efyo no Mwana wa Muntu akaba inshiku shitatu akasuba no bushiku munda ye sonde.⁴¹Abantu ba ku Ninebe bakeminina pa bupingushi na iyi nkulo ya bantu no kubaseka. Pantu bena balilapile pa bushimikilo bwakwa Yona, kabili moneni, uwakucila pali Yona alipano.⁴²Namfumu wa ku kapinda ka kulyo akabukila pa bupingushi pamo na bantu ino nkulo no kubaseka. Afumine ku mpela ye sonde ku kumfwa amano yakwa Solomone, kabili moneni, uwakucila pali Solomone ali pano.⁴³Ulo umupashi wa kowela wa fuma mu muntu, ulapita mu ciswebebe mukufwaya ukutusha no kusanga iyo. ⁴⁴Elo waisa kwebati, 'Nkobwelela ku ng'anda yandi uko na fumine.' Lilya wa bwelela, wasanga ing'anda umwakubula nangu kamo - ilipyangilwe bwino kabili iya tantikwa bwino. ⁴⁵Nolu ulaya no kuya kusendelapo imipashi na imbi cinelubali iya kubipisha ukucila pali wena, kabili shonse shikesa kwingila no kwikala mulya. Nolu imibele ya kulekelesha iya ulya muntu ikabipisha ukucila iya pakubala. Ifyo fine efyo cikaba na ku nkulo iyi iya kubipa."⁴⁶Ulo Yesu ali akolanda ku mabumba, moneni, banyina na bamunyina baliminine panse, bakofwayo ukulanda nankwe. ⁴⁷Umo alimwebele ati, "Lolesheni, banyinenwe na bawenu baliminine panse bakofwaya ukulanda nenu."⁴⁸Lelo Yesu alibaswike no kulanda ku wa mwebele ati, "Bushe mayo na bawesu nibani?" ⁴⁹Nolu alitambulwilile ukuboko kwakwe ukulola ku basambi bakwe no kulanda ati, "Moneni, aba e bamayo na bawesu! ⁵⁰Pantu onse uucita ubufwayo bwa kwa Tata wa mu mulu, uyo muntu e ndime yandi, na nkanshi, kabili e mayo."

13¹Pali bulya bushiku Yesu alifumine mu ng'anda no kuya kwikala kululamba lwa bemba. ²Ibumba ilikalamba lyali mukolongene, eco alininine mu bwato no kwikalamo lelo ibumba lyonse lyaliminine mululamba.³Nolu Yesu alilandile ifintu ifingi kuli bena mu milumbe. Alilandile ati, ''Moneni, umulimi alile akotanda imbuto. ⁴Ulo ali akotanda, imbuto shimbi shaliponene mu mbali ya musebo, ne fyuni fyalishile no shilya. ⁵Shimbi mbuto shaponene mu mushili wa mabwe, opa tashakwete mushili uwingi. Apopenefye shalipukile pantu umushili tawafulille. ⁶Lelo ulo akasuba kabalike, shalibonsele pantu tashakwete mishila, kabili shalyumine.⁷Imbuto shimbi nasho shaponene mu fimuti fya myunga, ne myunga shalikulile no kushitabilila. ⁸Na shimbi mbuto shaponene mu mushili wabune no kutwala ifisabo, shimo umwanda, shimbi amakumi mutanda, na shimbi amakumi yatatu. ⁹Uuli na matwi, na omfwe.''¹⁰Abasambi balishile no kulanda kuli Yesu ati, ''Nindo mulandila kwi bumba mu milumbe?'' ¹¹Yesu alibaswike no kulanda kuli bena ati, ''Mwalipelwa ishuko lya kwishiba ifyankama fya bufumu bwa mu mulu, lelo kuli bena tacapelwa. ¹²Pantu uyo onse uwakwata akapelelwapo na fimbi, kabili akakwata ifingi. Lelo uyo onse uushakwata, neco akwatwa cine cikapokwa ukufuma kuli ena.¹³Ecalenga ndekulanda kuli bena mu milumbe: Nangu bakololesha, tabakomona iyo; kabili nangu bakoumfwa, tabakotesha iyo, nangu ukwiluka. ¹⁴Kuli bena ubusesemo bwakwa Esaya bwafikilishiwa, ubo ubulanda ati, 'Ukumfwa, mwalekumfwa, lelo tamwalekwiluka iyo; ukumona, mwalekumona, lelo tamwalekwishiba iyo.¹⁵Pantu imitima ya aba bantu yalitalama, kabili na matwi yabo cakwafya ukumfwa, kabili balisala amenso yabo. Nga teifyo kuti bamona na menso yabo, no kumfwa na matwi yabo, no kwiluka ne mitima yabo no kubwela nakabili, nanebo nkabondapa.'''¹⁶Lelo yakupalwa amenso yenu, pantu yakomona; na matwi yenu, pantu yakoumfwa. ¹⁷Mucinefye nkomyeba ukwebati bakasesema abengi na bantu abalungami balikukabila ukumona ifintu ifyo mukomona lelo tabafimwene. Balikukabila ukumfwa ifyo mukoumfwa lelo tabafyumfwile¹⁸Kanshi kutikeni ku mulumbe wa mulimi uwali kutanda imbuto. ¹⁹Ulo uuli onse aumfwa icebo ca bufumu lelo teshibile umo cilolele, umubifi alesa no kusompola icatandilwe mu mutima wakwe. Ishi e mbuto ishatandilwe mu mbali ya musebo.²⁰Ishatandilwe mu mushili wa mabwe muntu uumfwa icebo napopenefye acipokelela ne nsansa, ²¹lelo tacikwata mishila muli ena kabili cishipikishafye pa kashita kanono. Ulo amacushi nangu ukupakaswa fyaima pa mulandu wa cebo, alawa mukwangufyanya.²²Ishatandilwe mu myunga, muntu uumfwa icebo, lelo pamulandu wa masakamika ya calo cino no longolo lwa fyuma filatosha icebo, kabili tatwala fisabo. ²³Imbuto shaponene mu mushili wabune, muntu uumfwa icebo no kwiluka. Alatwala ifisabo ne filimwa, kuli cimo umwanda, cimbi amakumi mutanda, na cimbi amakumi yatatu ukulingana no bwingi bwafyo fyabyelwe.''²⁴Yesu alilandilepo na umbi umulumbe kuli bena. Alilandile ati, ''Ubufumu bwa mu mulu bwaba kubati muntu uwatandile imbuto shabune mwibala lyakwe. ²⁵Lelo ulo abantu balele, umulwani wakwe alishile kabili nao alitandilemo amankumba no kuya. ²⁶Ulo insonga shamena no kutwala ifitwalo, na mankumba nayo yalimoneke.²⁷Ababomfi ba mwine we bala balishile no kulanda kuli ena ati, 'Shikulu, bushe tamwatandilemofye imbuto sha bune mwibala lyenu? Nindo mwabela amankumba? ²⁸Alilandile kuli bena ati, 'Umulwani eucitile ifi.' ''Ababomfi balilandile kuli ena ati, 'Bushe mukofwaya tuye kuyanukulamo?''²⁹Umwine we bala alilandile ati, 'Iyo. Pantu ulo mukonukulamo amankumba, kuti mwanukwila kumo ne ngano, ³⁰Lekeni fikulile pamo ukufika pakusombola. Pa nshita ya kusombola nkalanda ku bakusepa ati, ''Pakubala munukulemo amankumba kabili muyakake mu mipo pakuyoca, lelo mulonganye ingano mubutala bwandi.''''''³¹Nolu Yesu alilandilepo umulumbe naumbi kuli bena. Alilandile ati, ''Ubufumu bwa mu mulu bwaba kubati luseke lwa lubanga ulo umuntu abulile no kulubyala mwibala lyakwe. ³²Ulu luseke elwacepeshapo pa nseke shonse. Lelo nga lwakula, lulakulishapo pa filimwa fya mwibala. Lulaluka icimuti, pakwebati ifyuni fya mulwelele filesa no kubika infinsa mu misambo yaciko.''³³Nolu Yesu alibebele umulumbe na umbi. ''Ubufumu bwa mu mulu bwaba kubati citutumushi ico umwanakashi abulile no kusankanya mu milingo itatu iya bunga bwa ngano mpaka umufuba watutumuka.''³⁴Ifi fintu fyonse Yesu alandile ku mabumba mu milumbe; kabili talandilepo nangu cimo kuli bena ukwabula umulumbe. ³⁵Ici cali mukwebati ifya landilwe ukupitila muli bakasesema finga fikilishiwa, ulo alandile ati, ''Nkesula akanwa kandi mu milumbe. Nkalanda ifintu ifyafishilwe ukutula ku mufula wa calo.''³⁶Nolu Yesu alishile amabumba no kuya mu ng'anda. Abasambi bakwe balishile kuli ena no kulanda ati, ''Tulondolweleni umulumbe wa mankumba ya mwibala.'' ³⁷Yesu alibaswike no kulanda ati, ''Uyo uwatandile imbuto shabune Mwana wa Muntu. ³⁸Ibala e calo; imbuto shabune, ebana ba bufumu. Amankumba ebana ba mubifi, ³⁹kabili umulwani uwa yatandile ni kasebanya. Ukusombola ekupwa kwa nshita, abakusepa ni bamalaika.⁴⁰Eco kanshi, ifyo amankumba yakolonganikwa no kupya ku mulilo, ifyo fine efyo cikaba na pakupwa kwa nshita. ⁴¹Umwana wa Muntu akatuma bamalaika bakwe, kabili bakalonganika ukufuma mu bufumu bwakwe fyonse ifya kuipununako nabo abacita ubupulumushi. ⁴²Bakabaposa mwi lungu lya mulilo, mulya umukaba ukulila no kusumanya ameno. ⁴³Nolu abalungami bakalekusanika kubati kasuba mu bufumu bwa kwa Shibo. Uukwete amatwi, na omfwe.⁴⁴''Ubufumu bwa mu mulu bwaba kubati cuma icafiswa mwibala. Umuntu alicisangile no kucifisa. Mu nsansa aya, ashitisha fyonse ifyo akwete, no kushita lilye bala. ⁴⁵Nakabili, ubufumu bwa mu mulu bwaba kubati muntu uwa makwebo uukofwaya amabwe ya mutengo. ⁴⁶Ulo asangilepo limo ilya mutengo, alile kushitisha fyonse ifyo akwete no kulishita.⁴⁷''Nakabali, ubufumu bwa mu mulu bwaba kubati lisumbu ilya poselwe muli bemba, kabili lya ikete isabi lya misango yonse. ⁴⁸Ulo lyaiswile, abalondo be sabi balilikulile ku lulamba. Nolu balikeleko no kusalamo ilya bune mufipe, lelo ilya bubi baliliposele.⁴⁹Cikaba umusango uyu wine ku mpela ya nshita. Bamalaika bakesa kupatula imbifi ukufuma pa balungami. ⁵⁰Bakabaposa mwi lungu lya mulilo, mulya umukaba ukulila no kusumanya ameno.⁵¹''Bushe mulilwike ifi fintu fyonse?'' Abasambi balilandile kuli ena ati, ''Ee.'' ⁵²Nolu Yesu alilandile kuli bena ati, ''Eco kanshi kalemba onse uwaaluka umusambi ku bufumu bwa mu mulu aba kubati muntu umwine wa ng'anda, uututulula ifintu fyakale ne fipya ukufuma mu cipao cakwe.'' ⁵³Nolu calishile kuba ukwebati ulo Yesu apwile iyi milumbe, alifumineko kuli ilya ncende.⁵⁴Nolu Yesu alingile mu citungu cakwabo no kusambilisha bantu mu synagoge yabo. Icakwebati balipapile no kulanda ati, '' Bushe nikwisa uko uyu muntu afumya aya mano naya maka aya fisungusho? ⁵⁵Bushe te mwana wakwa kabasa wa mbao? Bushe nyina te Maria? Bushe ba munyina te Yakobo, Yosefe, Simoni, na Yuda? ⁵⁶Bushe bankashi yakwe bonse tatwaba nabo? Nikwisa afumya ifi fintu fyonse?''⁵⁷Alibakalifye. Lelo Yesu alilandile kuli bena ati, ''Kasesema tabulwa bucindami kanofye mu mushi mu mwabo na ku lupwa lwakwe.'' ⁵⁸Tacitilemo ifisungusho ifingi mulya pamulandu wakubulwa kwa cicetekela kwabo.

14¹Pa nshita ilya, Imfumu Herodi yalyumfwile ilyashi palwa kwa Yesu. ²Alilandile ku babomfi bakwe ati, ''Uyu ni Yohane Kabatisha; alibukile kubafwa. Eco kanshi aya maka ya kobombela muli ena.''³Pantu Herodi alikete Yohane, ali mukakile no kumubika mu cifungu pamulandu wakwa Herodia, umukashi wakwa Filipi wabo. ⁴Pantu Yohane alilandile kuli ena ati, ''Tacilingile webo ukumubula abe umuakashi obe.'' ⁵Herodi nga ali mwipeye, lelo alikutina abantu, pantu bamwishibe nga kasesema.⁶Lelo ulo ubushiku bwakufyalwa kwakwa Herodi bwafikile, umwana mwanakashi wakwa Herodia alicindile pakati ka bantu no kusekesha Herodi. ⁷Mukwasuka, alilaile no mulapo ukumupela conse ico akomulomba.⁸Panuma yakutungululwa na nyina, alilandile ati, ''Mpeleni pano, pa lupe, umutwe wakwa Yohane Kabatisha.'' ⁹Imfumu yalisakamikwe sana paco alombele, lelo pamulandu wa mulapo wakwe no mulandu wa balya bonse abali ku mutebeto nankwe, alikonkomeshe ati na cicitwe.¹⁰Alitumine abakuya kuputula Yohane umutwe mu cifungo. ¹¹Nolu umutwe wakwe baliuletele pa lupe no kupela umukashana nao aliutwele kuli nyina. ¹²Nolu abasambi bakwe balishile, balisendele icitumbi, no kuyakushika. Panuma ya ifi, balile kweba Yesu.¹³Nomba ulo Yesu aumfwile ifi, alifumineko no kuya mu bwato ku ncende iya mu matololo. Ulo amabumba yaumfwile ici, balimukonkele pa makasa ukufuma mu misumba. ¹⁴Nolu Yesu alishile kuli bena no kumona ibumba ilikalamba. Alibomfwilile inkumbu no kubondapila abalwele babo.¹⁵Ulo caishile kuba icungulo, abasambi balishile kuli ena no kwebati, ''Muno ni mu matololo, ne nshita ilipwile. Salanganyeni amabumba, pakwebati bengaya mu mishi no kuishitila ifyakulya abene.''¹⁶Lelo Yesu alilandile kuli bena ati, "Tabakofwaikwa ukuya. Mwebo bapeleniko ifyakuti balye.'' ¹⁷Balilandile kuli ena ati, ''Pano tukwetepo fye imikate isano ne sabi libili.'' ¹⁸Yesu alilandile kuli bena ati, ''Fileteni kuli nebo''.¹⁹Nolu Yesu alikonkomeshe ibumba ukwikala pa fyani. Alibulile imikate isano ne sabi libili. Aliloleshe ku mulu, alifipalile no ku mokaula imikate no kufipela ku basambi, na basambi balifipele kwi bumba. ²⁰Bonse balilile kabili balikwite. Nolu balilongenye ubufungau bwashele ku fyakulya - imiseke ikumi na ibili. ²¹Abalile bali nalimo amakana yasano abaume, ukufumyako abanakashi na bana.²²Apopenefye alilengele abasambi ukwingila mu bwato no kumutangilila ukuya kwishilya, ulo ali akosalanganya amabumba. ²³Panuma ya kusalanganya amabumba, alile ku lupili eka mu kupepa. Ulo icungulo cafikile, ali eka kulya. ²⁴Lelo ubwato pali iyi nshita bwali ukutali na ku mulundu, bukosunkanishiwa na mabimbi, pantu umwela walibemine.²⁵Na pa nsa yakulenga bune iya bushiku Yesu alipeleme kuli bena, akoenda pali bemba. ²⁶Ulo abasambi bamumwene akoenda pali bemba, balicushiwe no kulanda ati, ''Mulungulwa,'' kabili balipundile ku mwenso. ²⁷Lelo Yesu alilandile nabo apopene no kulanda ati, ''Shipeni! Ninebo! Mwitina.''²⁸Petero alimwaswike no kulanda ati, ''Mwe Shikulu, nga nimwebo, nkuteni njise kuli mwebo pa menshi.'' ²⁹Yesu alilandile ati, ''Isa.'' Eco kanshi Petero alifumine mu bwato no kwenda pa menshi ukuya kuli Yesu. ³⁰Lelo ulo Petero amwene ukupupa kwa mwela, alitinine. Ulo atendeke ukwibila, alipundile no kulanda ati, ''Mwe Shikulu, mpususheni!''³¹Apopenefye Yesu alitambike ukuboko kwakwe, ukwikata Petero, no kumweba ati, ''We wa cicetekelo cinono, nindo wacitwishikila?'' ³²Nolu ulo Yesu na Petero baingile mu bwato, icimwela calilekele ukupupa. ³³Nolu abasambi mu bwato balishinshimwine Yesu no kulanda ati, ''Mucinefye uli Mwana wakwa Lesa.''³⁴Ulo baabukile kwishilya, balishile ku calo ca Genesarate. ³⁵Ulo abaume muli iya ncende baishibe Yesu, balitumine imbila mu ncende shonse isha shingulwike ilya ncende, kabili baliletele kuli ena bonse abalwele. ³⁶Balimupapatile ukwebati benga kumyakofye kulutwe lwa cakufwala cakwe, na bengi abakumisheko balyundepwe.

15¹Nolu abaFarise na bakalemba balishile kuli Yesu ukufuma ku Yerusalemu. Balilandile ati, ²"Nindo abasambi bobe batobela mu fishilano fya bakalamba? Pantu tabasamba ku minwe ulo bakolya umukate." ³Alyaswike no kulanda kuli bena ati, "Nindo kanshi mutobela ifunde lyakwa Lesa pamulandu wa fya cishilano fyenu?⁴Pantu Lesa alilandile ati, 'Cindika wiso na noko,' kabili 'Uyo uwalanda ifya bubi pali wishi nangu nyina mucinefye akafwa.' ⁵Lelo mwebo mulanda ati, 'Onse uweba wishi nangu nyina ati, ''Conse ica bwafwilisho ico mwapokelele ukufuma kuli nebo nomba cabupe icipelwe kuli Lesa,'' ⁶ulya muntu tafwile ukucindika wishi.' Muli iyi nshila mwalilenga icebo cakwa Lesa icafye pamulandu wa fishilano fyenu.⁷Mwe babubi munda mwe! Bushe Esaya aseseme pali mwebo ulo alandile ati, ⁸'Aba bantu bancindika ne milomo yabo, lelo imitima yabo yaba ukutali na nebo. ⁹Banshinshimwina apafye pantu basambilisha kubati masambilisho yabo ukuba mafunde ya bantu.'''¹⁰Nolu alikutile ibumba uko ali kabili alilandile kuli bena ati, "Kutikeni no kwiluka - ¹¹Takwaba icingila mukanwa ka muntu icimukowesha. Lelo, icifuma mukanwa, ecikowesha umuntu."¹²Nolu abasambi balishile no kulanda kuli Yesu ati, "Bushe mulishibile ati abaFarise balikalipe ulo baumfwile aya mashiwi?'' ¹³Yesu alyaswike no kulanda ati, "Icilimwa conse ico Tata wandi uwa mu mulu talimba cikanukulwa. ¹⁴Balekeni beka, ni ntungulushi impofu. Umfwa impofu yatungulula impofu inankwe, bonse bakawila mu cilindi."¹⁵Petero alyaswike no kulanda kuli Yesu ati, "Tulondolweleni uyu mulumbe." ¹⁶Yesu alilandile ati, "Bushe na mwebo mucili ukwabula ukwiluka? ¹⁷Tamwaishiba ukwebati conse icingila mukanwa cilaya munda no kufumina kunse ukuya mu cimbusu?¹⁸Lelo ifintu ififuma mukanwa fifuma ku mutima. Efintu ifikowesha umuntu. ¹⁹Pantu mu mutima emufuma amatontonkanya ya bubi, ukwipaya, ubucende, ubulalelale, ukwiba, bukamboni bwa bufi, ne miponto. ²⁰Ifi efintu fikowesha umuntu. Lelo ukulya ne minwe yakutasambako tacikowesha muntu iyo.''²¹Nolu Yesu alifumineko kulya no kuya ukulola ku fitungu fya misumba ya Turi na Sidone. ²²Moneni, umwanakashi umwina Kenani alifumine mu citungu cilya. Alikubilikisha no kulanda ati, "Mbeleleni uluse, mwe Shikulu, Mwana Dabidi! Umwana wandi umwanakashi aliketwe ne ngulu bubi bubi.'' ²³Lelo Yesu tamwaswikepo ishiwi nangu limo. Abasambi bakwe balishile no kumupapatila, ukwebati, ''Mutamfyeni, pantu akotupundilila."²⁴Lelo Yesu alyaswike no kulanda ati, ''Nshatuminwepo kuuli onse kanofye ku mpanga shaluba isha mu nga'nda yakwa Israeli.'' ²⁵Lelo alishile no kufukama panshi kuli ena, ukulanda ati, "Mwe Shikulu, ngafweni." ²⁶Alyaswike no kulanda ati, "Tacilingile ukubula umukate wa bana no kuposela utubwa utunono."²⁷Alilandile ati, "Ee, mwe Shikulu, lelo no tubwa twine tulalyako utubufungau utupona ku matebulo ya bashikulu batuko." ²⁸Nolu Yesu alimwaswike no kulanda kuli ena ati, "We mwanakashi, icicetekelo cobe cikalamba; na cicitwe kuli webo ifyo fine ifyo ukofwaya." Umwana wakwe umwanakashi alyundepwe pa kashita kalya kene.²⁹Yesu alifumine kuli ilya ncende kabili alile mupepi na bemba wa Galili. Nolu alininine ulupili no kwikala palya. ³⁰Amabumba ayakalamba yalishile kuli ena. Baliletele abakulemana, impofu, bacibulu, na bantu babulebe, na bambi abengi abalwele. Balibaletele pa makasa yakwa Yesu, na ena alibondepe. ³¹Eco ibumba lyalipapile sana ulo lya mwene abantu bacibulu bakolanda, ababulebe bapola, abakulemana bakoenda, ne mpofu shikomona. Balilumbenye Lesa wakwa Israeli.³²Yesu alikutile abasambi bakwe no kulanda ati, ''Naumfwila ibumba inkumbu pantu twaikala nabo inshiku shitatu ukwabula ifyakulya. Ntakofwaya ukubaleka baye ne nsala, kuti bafwa ulushile mu nshila." ³³Abasambi balilandile kuli ena ati, "Nikwisa tukofumya umukate uwakuti amabumba ya bantu aya yekute muno mu matololo?" ³⁴Yesu alilandile kuli bena ati, "Mukate unga mukwete?" Balilandile ati, "Uli cinelubali, no tusabi utunono." ³⁵Nolu Yesu alyebele ibumba ukwikala panshi.³⁶Alibulile imikate cinelubali ne sabi, na panuma ya kutotela, alimokawile imikate kabili alipele ku basambi. Na basambi balipele kwi bumba. ³⁷Abantu bonse balilile no kwikuta. Nolu balilonganike imiseke cinelubali iya isulamo ubufungau ubwashelepo. ³⁸Nabo abalile bali abaume amakana yane, ukufumyako abanakashi na bana. ³⁹Nolu Yesu alekele amabumba yalekuya kabili alipateme mubwato no kuya ku citungu ca Magadani.

16¹AbaFarise na baSaduki balishile no kumwesha ukumwipusha ukubalangako icishibilo ukufuma ku mulu. ²Lelo alyaswike no kulanda kuli bena ati, "Ulo caba icungulo, mulanda ati, 'Bukaca bwino, pantu umulu ulikashike.'³Ulo caba ulucelo, mulanda ati, kuleba icimwela, pantu ku mulu kwakashika kabili kwaba icikutumina.' Mulishibe ukwilula imimonekele ya myulu, lelo muli fililwe ukwilula ifilangililo fya nshita. ⁴Inkulo ya bubi kabili iicende ikofwaya icishibilo, lelo takwakabe icishibilo icikapelwa kuli yena kanofye icishibilo cakwa Yona." Nolu Yesu alibashile kabili alile.⁵Ulo abasambi bafikile kwi shilya, balilabile ukupita umukate. ⁶Yesu alilandile kuli bene ati, "Loleleni kabili cenjeleni ku mufuba wa baFarise naba Saduki." ⁷Abasambi balilanshanye pakati kabo no kukanda, "Ni pamulandu wakwebati tatwacipita umukate." ⁸Yesu alishibile pali ici kabili alilandile ati, "Mweba cicetekelo cinono, nindo mukoipushishanya no kulanda ati mulandu wakwebati tamupitile umukate?⁹Bush tamwilwike? Bushe tamwibukishe imikate isano iya bamakana yasano, kabili miseke inga mwakolongenyepo? ¹⁰Nangu imikate cinelubali iya ba makana yene, kabili miseke inga iyo mwatolelepo?¹¹Bushe nindo tamwiluka ukwebati nshacilalanda kuli mwebo palwa mukate? Loleleni no kucengela ku citutumushi ca baFarise na baSaduki." ¹²Nolu balilwike ukwebati tali kubeba ukucengela ku citutumushi ca mu mukat, lelo ukucenjela ku masambilisho ya baFarise na baSaduki.¹³Nomba ulo Yesu aishile ku fitungu fya palamina na Kaisarea Filipi, alipwishe abasambi bakwe, ukwebati, ''Bushe abantu balanda ati Umwana wa Muntu ninani?" ¹⁴Balilandile ati, "Bambi balanda ati Yohane Kabatisha; bambi, Eliya; kabili bambi, Yeremia, nangu umo uwa muli bakasesema." ¹⁵Alilandile kuli bena ati, "Lelo mwebo mulanda ati nine nani?'' ¹⁶Pakwasuka, Simone Petero alandile ati, "Niwebo Kristu, Umwana wakwa Lesa wa mweo."¹⁷Yesu alyaswike no kulanda kuli ena ati, "Walipalwa webo, Simone umwana mwaume wakwa Yona, pantu umubili no mulopa tafisokolwele ifi kuli webo, kanofye Tata uwaba mu mulu. ¹⁸Nanebo nakweba ati niwe Petero, na pali ili libwe epo nkakula ulukuta lwandi. Impongolo sha ku mbo tashakalwanshe.¹⁹Nkakupa ne mfungulo sha bufumu bwa mu mulu. Conse ico wakaka pe sonde cikakakwa na mu mulu, na conse ico wakakula pe sonde cikakakulwa na mu mulu. ²⁰"Nolu Yesu alikonkomeshe abasambi ukukana ebako uuli onse ukwebati ali ni Kristu.²¹Ukufuma pali ilya nshita Yesu alitampileko ukweba abasambi bakwe ukwebati afwile ukuya ku Yerusalemu, ukucula ifintu ifingi mu maboko ya bakalamba na bashimapepo mukalamba na bakalemba, ukwipaiwa, no kubushiwa ku mweo pa bushiku bwakulenga shitatu. ²²Nolu Petero alimusendele ku mbali no kumukalipila, ukwebati, "Ici cingataluka kuli mwebo, mwe Shikulu! ici cikacitika kuli mwebo!" ²³Lelo Yesu alipilibwike no kulanda kuli Petero ati, "Pitila kunuma yandi, Shetani! Uli cakuipununako kuli nebo, pantu taukotontonkanya pa fintu fyakwa Lesa, kanofye pa fintu fya bantu.''²⁴Nolu Yesu alilandile ku basambi bakwe ati, "Umfwa umo akofwaya ukunkonka, afwile aikane umwine, asende icapindama cakwe, no kunkonka. ²⁵Pantu onse uufwaya ukupususha umweo wakwe akaulofya, na onse uulofya umweo wakwe pamulandu wandi akausanga. ²⁶Bushe cakwafwa nshi ku muntu umfwa anonke isonde lyonse lelo panuma alufya umweo wakwe? Cinshi umuntu mukukabusha no mweo wakwe?²⁷Pantu Umwana wa Muntu akesa mu bukata bwakwa Wishi na bamalaika bakwe. Nolu akalambula umuntu onse ukulingana ne milimo yakwe. ²⁸Mucinefye nkomyeba nati, bambi pali mwebo mwebeminine pano tabakasonse imfwa mpakafye bakamone Umwana wa Muntu akoisa mu bufumu bwakwe."

17¹Panuma ya nshiku mutanda Yesu alisendele Petero, Yakobo na Yohane ndume yakwe, no kubatwala pamulu pa lupili ulutali apo bali beka. ²Alicinjishiwe pa menso yabo. Icinso cakwe calibengeshime kubati kasuba, na malaya yakwe yalishile kuba ayakubutisha kubati lubuto.³Moneni, palya pamonekele kuli bena Mose na Eliya bakolanda nakwe. ⁴Petero alyaswike no kulanda kuli Yesu ati, "Mwe Shikulu, ciliweme fyebo ukuba pano. Umfwa mukofwaya, nkomipangilapo pano insakwe shitatu - imo yenu, imo yakwa Mose, na imo yakwa Eliya."⁵Ulo ali acili akolanda, moneni, ikumbi lyakubuta lyalibafimbile, kabili moneni, ne shiwi yalifumine mwi kumbi, likoeba ati, "Uyu Mwana wandi uwatemwikwa, muli ena emo mbekelwa. Mumfwileni." ⁶Ulo abasambi baumfwile ifi, baliwele ubunkupeme kabili baliketwe no mwenso sana. ⁷Nolu Yesu alishile kubekata no kulanda ati, "Imeni kabili mwitina." ⁸Nolu baliloleshe mu mulu kabili tabamwenemo nangu umo kanofye Yesu eka.⁹Ulo bali bakotentemuka ulupili, Yesu alibakonkomeshe, ukwebati, "Mwiesha kwebako umuntu nangu umo ici icimonwa mpakafye Umwana wa Muntu akabuke ukufuma kubafwa." ¹⁰Abasambi bakwe balimwipwishe, ukwebati, "Nindo kanshi bakalemba balandila ukwebati Eliya eufwile ukubalilapo ukwisa?"¹¹Yesu alyaswike no kulanda ati, "Eliya kwena akesa no kwisa kubwekeshapo ifintu fyonse. ¹²Lelo nkomweba mwebo nati, Eliya alisa kale, lelo tabamwishibe. Lelo, balicitile fyonse ifyo balikufwaya kuli ena. Mu musango umo wine, Umwana wa Muntu nao akacula mu minwe yabo." ¹³Nolu abasambi balilwike ukwebati akolanda kuli bena pali Yohane Kabatisha.¹⁴Ulo baishile kwi bumba, umwaume alishile kuli ena, alifukeme kuli ena, no kulanda ati, ¹⁵"Mwe Shikulu, beleleni umwana wandi umwaume uluse, pantu alilwala ubulebe kabili alacushiwa sana. Pantu ilingi alaponena mu mulilo nangu mu menshi. ¹⁶Nacimuleta ku basambi benu, lelo tabacimundapa."¹⁷Yesu alyaswike no kulanda ati, "Mwebakubula icicetekelo kabili inkulo iyakutalama, bushe nkaba nenu ukufika lilali? Bushe nkashipikisha nenu ukufika lilali? Muleteni kuno kuli nebo." ¹⁸Yesu alikalipile ingulu, kabili yalifumine muli ena, no mulumendo alipolele ukufuma pa nshita ilya ine.¹⁹Nolu abasambi balishile kuli Yesu ku mbali no kulanda ati, "Nindo tushaciitamfisha?" ²⁰Yesu alilandile kuli bena ati, "Ni pamulandu wa kucepa kwa cicetekelo cenu. Pantu mucinefye nkolanda kuli mwebo nati, umfwa mwakwatafye icicetekelo icinono nga akaluseke ka lubanga, kuti walanda ku lupili ulu ati, 'Sela ukufuma pano kabiye palya,' nalo lukasela, kabili takwakabe icikaba icakwafya kuli webo." ²¹²²Ulo baikele mu Galili, Yesu alilandile ku basambi bakwe ati, "Umwana wa Muntu akapelwa mu minwe ya bantu, ²³kabili bakamwipaya, no bushiku bwa kulenga shitatu akabushiwa." Abasambi baliketwe ubulanda nganshi.²⁴Ulo baishile ku Kapenaumu, abaume abali kusonkesha imisonko ya mwi tempele ibili balishile kuli Petero no kulanda ati, "Bushe kasambilisha wenu tapela imisonko ibili iya mwi tempele?" ²⁵Alilandile ati, "Ee." Ulo Petero aishile mu ng'anda, Yesu alibalilepo ukulanda kuli ena ati, " Bushe ukotontonkanyapo shani, Simone? Ni kuli bani uko bashamfumu ba pesonde bapoka imisangulo nangu imisonko? Kufuma ku bana babo nangu kufuma kuli bambi?"²⁶"Kufuma kuli bambi," efyo Petero aaswike. "Kanshi abana babo abaume bantungwa," efyalandile Yesu. ²⁷Lelo pakwebati tatulengele bakasonkesha bamusonko ukuipununa, kabiye kuli bemba, uye kuposa indobo, no kwikatapo isabi ilyalabalilapo ukwisa pamulu. Ulo walaisula akanwa kaliko, ukosangamo indalama. Uipite no kuipela kuli bakasonkesha ba musonko ulipilileko nebo na webo."

18¹Pali ilya nshita abasambi balishile kuli Yesu no kulanda ati, " Bushe uwakulishapo mu bufumu bwa mu mulu nani?" ²Yesu alikutilepo akana akanono, no kukateka pakati kabo, ³no kulanda ati, "Mucinefye nkolanda kuli mwebo nati, umfwa tamupilibwike no kuba nga bana banono, tamwakengile mu bufumu bwa mu mulu.⁴Eco kanshi, uyo onse uwaicefya umwine kubati nyaka akamwana akanono e mukalamba mu bufumu bwa mu mulu. ⁵Uyo onse uwapokelela akana akanono ngefi mwishina lyandi apokelela nebo. ⁶Lelo uyo onse uwalenga umo pali utu utwana utwacetekela muli nebo ukuipununa, cawamapo uyo muntu ukumukulikila icilibwe mu mukoshi, kabili afwile ukwibishiwa muli bemba apakushika.⁷"Akalanda ku calo pamulandu wa fya kuipununako! Pantu cililingile ukwebati ifya kuipununako fise, lelo akalanda ku muntu uyo ifya kuipununako fikoishilamo! ⁸umfwa ukuboko kobe nangu ulukasa lobe wakulenga ukuipununa, kuputuleko na kukuposa. Cakuwamina ukwingila mu mweo makunkutu nangu uwakulemana ukucila ukuposwa mu mulilo wa muyaya ulikwete amaboko yabili nangu amakasa yabili.⁹Umfwa ilinso lyobe lilakulenga ukuipununa, lilobolemo no kuliposa. Cakuwamina ukwingila mu mweo ne linso limo ukucila ukuposwa mu mu mulilo wa ku mbo ulikwete amenso yonse yabili.¹⁰Mumone ukwebati tamusulilepo nangu kamo pali utu utwana utunono. Pantu nkolanda kuli mwebo nati mu mulu bamalaika batuko lyonse balolesha pa cinso cakwa Tata uwaba mu mulu. ¹¹¹²Bushe mukontontonkanya shani? Umfwa umo alikwete impanga umwanda, na imo pali isho yaya iciyeyeye, bushe tekuti ashe ishili amakumi pabula- na pabula ku mbali ya lupili no kuya akofwaya imo iyaile iciyeyeye? ¹³Umfwa aisange, mucinefye nkolanda kuli mwebo nati, alasangalala palwa iyo ukucila pali shilya amakumi pabula - na pabula isho ishishaile iciyeyeye. ¹⁴Mu musango umo wine, tebufwayo bwakwa Shinwe wa mu mulu ukwebati umo pali utu utunono kenga loba.¹⁵Umfwa munonko akubembukila, kabiye no kumukalipila, pakati kenu mweka. Nga akukutika, ninshi wanonka munonko. ¹⁶Lelo umfwa akana ukukutika kuli webo, sendapo umo nangu bambi babili muye nabo pakwebati pa bunte bwa bantu babili nangu batatu amashiwi yonse kuti yashininkishiwa.¹⁷Kabili umfwa akana ukukutika kuli bena, twala umulandu ku lukuta. Umfwa akana ukukutika na ku lukuta, muleke abe kuli webo kubati mwina fyalo kabili kubati ni kasonkesha wa musonko.¹⁸Mucinefye nkomweba nati, icintu conse ico wakaka pe sonde cikakakwa na mu mulu, na conse ico wakakula pe sonde cikakakulwa na mu mulu. ¹⁹Nakabili nkomweba nati, umfwa babili pali mwebo basuminishanya pe sonde pa cili conse ico balomba, cikacitwa kuli bena na Tata uwaba mu mulu. ²⁰Pantu apali babili nangu batatu abalongene mwishina lyandi, palya epo ndi pakati kabo."²¹Nolu Petero alishile no kulanda kuli Yesu ati, "Mwe Shikulu, miku inga munyina enga mbembukila kabili na mwelela? Bushe kufikafye imiku cinelubali?" ²²Yesu alilandile kuli ena ati, "Nshacikweba ati cinelubali, lelo kano ukufikafye ne miku amakumi cinelubali na cinelubali.²³Eco ubufumu bwa mu mulu bwapalanina ku mfumu iyali kufwaya ababomfi baiko ukubwesha imisha. ²⁴Ulo atampile ukupoka, umo umubomfi aliletelwe kuli ena uwa mukwatile inkongole amatalanta amakana ikumi. ²⁵Lelo apo takwete inshila yakulipilamo, shikulu wakwe alikonkomeshe ukwebati bamushitishe, kumo no mukashi na abana na fyonse ifyo akwete, no kwebati amalipilo yenga lipilwa.²⁶Eco umubomfi aliwile panshi, no kumufukamina, no kulanda ati, 'Mwe shikulu, ndoleleniko panono, kabili nkamilipila fyonse. ²⁷Eco kanshi shikulu wa ulya mubomfi, apo aliketwe inkumbu, alimukakwile no kumwelela imisha.²⁸Lelo ulya mubonfi alile no kuya kusanga umubomfi munankwe umo, uwa mukwatile imisha umwanda umo. Alimwiteke, alitendeke ukumukama, no kulanda ati, 'Ndipila inkongole wankwatila.' ²⁹''Lelo umubomfi munankwe aliwile panshi no kupapata kuli ena, ukwebati, 'Ndolelako panono, kabili nkakulipila.'³⁰Lelo umubomfi wakubalilapo alikene. Lelo, alile no kumuposa mu cifungo mpakafye akamulipile ifyo akongwele. ³¹Ulo ababomfi banankwe bamwene ifya citike, baliketwe no bulanda sana. Balishile kabili balyebele shikulu wabo fyonse ifya citike.³²''Nolu shikulu wa ulya mubomfi alimukutile no ukulanda kuli ena ati, 'We mubomfi mubi, nalikwelelako pali ilya imisha yonse pantu wali mpapatile. ³³Tekuti nobe ukwate uluse ku mubonfi munobe, ngefyo nanebo nakubelele uluse?'³⁴Shikulu wakwe alikalipe kabili alipele kuba ku mukanda mpakafye akalipile fyonse ifyo akongwele. ³⁵Ifyo efyo na Tata wa mu mulu akacita kuli webo umfwa tawelele ndume yobe ukufuma panshi ya mutima obe."

19¹Calishile kuba ukwebati ulo Yesu apwile ukulanda aya amashiwi, alifumineko ku Galili no kwisa ku citungu ca Yudea icaba kwi shilya lya mu mana wa Yordani. ²Amabumba yakalamba yali mukonkele, kabili alibondepe kulya.³AbaFarise balishile kuli ena, mukumwesha, ukulanda kuli ena ati, ''Bushe calisuminishiwa umuntu ukuleka umukashi wakwe pamulandu uuli onse?" ⁴Yesu alyaswike no kulanda ati, "Bushe tamwabelenga ukwebati uwa balengele pa kutendeka abalengele umwaume no mwanakashi?⁵Uwa balengele kabili alilandile ati, 'Pamulandu wa ici umwaume akasha wishi na nyina no kuilunda ku mukashi wakwe, kabili aba babili bakaba umubili umo.' ⁶Kanshi tabali babili, lelo umubili umo. Eco kanshi ico Lesa alundanya pamo, umuntu nangu umo epatukanya."⁷Balilandile kuli ena ati, "Nindo kanshi Mose atukonkomeseshe ukupela icitupa ca kulekaninapo no kumuleka umwanakashi alekuya?" ⁸Alilandile kuli bena ati, "Ni pa kukosa kwa mitima yenu, Mose amisuminishe ukuleka abakashi benu, lelo tacali muli uyo musango ukufuma mu kutendeka. ⁹Nkolanda kuli mwebo nati, uyo onse uwaleka umukashi wakwe, no kupa umbi, kanofye pa mulandu wa bulalelale, ninshi acita ubucende."¹⁰Abasambi balilandile kuli Yesu ati, "Umfwa cibe fyo ku muntu uuli no mukashi, te cabune ukupa." ¹¹Lelo Yesu alilandile kuli bena ati, "Te onse uwinga sumina iyi nsoselo, lelo kanofye kuli abo capelwa. ¹²Pantu kwaliba ba mutungwi abafyalwafye ifyo fine ukufuma munda muli banyinabo, kabili kwaliba na bamutungwi abatungulwa na bantu, kabili kwaliba na ba mutungwi abailenga bamutungwi abene beka pa mulandu wa bufumu bwa mu mulu. Uyo uwinga sumina aya masambilisho, lekeni ayasumine."¹³Nolu abana banono bamo baliletelwe kuli ena pakwebati abikepo indupi no kupepa, lelo abasambi bali bakalipile. ¹⁴Lelo Yesu alilandile ati, "Lekeni abana banono, kabili mwibalesha ukwisa kuli nebo, pantu ubufumu bwa mu mulu bwa abo abakuba ngefi." ¹⁵Alibikele indupi shakwe pa bana, kabili alifumineko kulya.¹⁶Moneni, kwalishile umuntu kuli Yesu kabili alilandile ati, "Kasambilisha, bushe cabune nshi mfwile ukucita pakwebati ningaba no mweo wa muyayaya?" ¹⁷Yesu alilandile kuli ena ati, "Nindo wanjipushisha pa cabune? Ni umo fye ewabune, lelo umfwa ukofwaya ukwingila mu mweo, ubake amafunde."¹⁸No muntu alilandile kuli ena ati, "Mafunde nshi?'' Yesu alilandile kuli ena ati, "Wilakwipaya, wilakucita bucende, wilakwiba, wilakushinina bukambone bwabufi, ¹⁹cindika wiso na noko, ulekutemwa umwina mupalamano obe nga we mwine."²⁰Umulumendo alilandile kuli ena ati, "Ifi fintu fyonse nalibela. Bushe findo ncili nkofwaikwa ukucita?" ²¹Yesu alilandile kuli ena ati, "Umfwa ukofwaya ukuba uwa pwililika, kabiye, ushitishe fyonse ifyo wakwata, no kupela ku balanda, kabili ukakwata ifyuma mu mulu; kabili wise, unkonke." ²²Lelo ulo umulumendo aumfwile ifyo Yesu alandile, alile uwa bulanda, pantu alikwete ifyuma ifingi.²³Yesu alilandile ku basambi bakwe ati, "Mucinefye nkolanda kuli mwebo nati, cakwafya umuntu umukankala ukwingila mu bufumu bwa mu mulu. ²⁴Nakabili nkolanda kuli mwebo nati, cakwangukapo ingamali ukupita mu linso lya nshindano ukucila umuntu umukankala ukwingila mu bufumu bwakwa Lesa."²⁵Ulo abasambi baumfwile ici, balipapwike kabili balilandile ati, ''Ninani kanshi uwingapusuka?'' ²⁶Yesu alibaloleshe no kulanda kuli bena ati, ''Ku bantu ifi fyakukosa, lelo kuli Lesa ifintu fyonse fyakwanguka." ²⁷Nolu Petero alyaswike no kulanda kuli ena ati, ''Moneni, fwebo twalisha fyonse no kumikonka. Bushe nindo kanshi fwebo tukakwata?"²⁸Yesu alilandile kuli bena ati, "Mucinefye nkolanda kuli mwebo nati, "Mucalo cipya ulo Umwana wa Muntu akekala pa cipuna cakwe ica bukata, mwebo mwe bankonka mukekala pa fipuna ikumi na fibili, ukupingula imikowa ikumi na ibili yakwa Isreali.²⁹Onse uwasha amayanda, bamunyina, bankashi, wishi, nyina, abana, nangu impanga pamulandu we shina lyandi akapokelela ifya miku umwanda mu bwingi kabili akapyana umweo wa muyayaya. ³⁰Lelo abengi abantanshi bakaba abakulekelesha, na bakulekelesha bakaba abantanshi.

20¹''Pantu ubufumu bwa mu mulu bwaba kubati mwine wa mpanga uwacelele ulucelo ukuya mukwingisha abancito mwibala lya myangashi. ²Panuma yakusuminishanya na babomfi pa ndalama imo ubushiku bumo, alibatumine mwibala lya myangashi.³Alibwekelemo nakabili pa nsa iyakulenga shitatu kabili alimwene ababomfi bambi baliminine tabakocita nangu cimo mu cisankano. ⁴Kuli bena alilandile ati, 'Nemwe bene, kabiyeni mwibala lya myangashi, Kabili nkomipela icilingile!' Eco balile ku kubomba.⁵Alibwekelemo nakabili pa nsa iyakulenga mutanda nakabili pansa iyakulenga pabula, nokucita cimo cine. ⁶Nakabili pa nsa iyakulenga ikumi nalimo alile no kusanga bambi baliminine tabakocita nangu cimo. Kuli bena alilandile ati, "Nindo mwimanine tamukocita nangu cimo akasuba konse?" ⁷''Balilandile kuli ena ati, pantu takuli utwingishe incito.' '' Alilandile kuli bena ati, "Nemwe bene kabiyeni mwibala lya myangashi."⁸Ulo icungulo cafikile, umwine we bala lya myangashi atile kuli kangalila, ' kuta ababomfi no kubapela amalipilo yabo ukutendekela kuwakulekelesha ukufika kuwakubalilapo. ⁹Ulo ababomfi abo baingishe incito pa nsa yakulenga ikumi na limo balishile, cila umo alipokelele indalama imo. ¹⁰Ulo ababomfi bakubalilapo baishile, balitontonkenye ukwebati bakopokelela ukucilapo, lelo nabobene bapokele indalama imo cila muntu.¹¹Ulo bapokelele amalipilo yabo, baliilishenye kumwine we bala. ¹²Balilandile ati, 'Aba ababomfi bakulekelesha baposafye insa imo mu mulimo, lelo wabalinganya kuli fwebo, fwebo fwebacicucutika mukubomba mu kasuba no kupya kucikabilila.'¹³Lelo umwine alyaswike no kulanda kuli umo uwa muli bena ati, "Cibusa, Nshikulufyenye. Bushe tawa cisuminishanya nandibo indalama imo? ¹⁴Piita icakaniko cobe ulekuya. Ndisalile ukupela ababomfi abakulekelesha ifyo mpele kuli webo.¹⁵Bushe tacasuminishiwa kuli nebo ukucita ifyo nkofwaya ku fintu fyandi? Nangu uli nakafindwe pantu ndi wabune ¹⁶Eco abakulekelesha bakaba abantanshi, na bantanshi bakaba abakulekelesha."¹⁷Ulo Yesu alikuya ku Yerusalemu, alisendele abekumi nababili pambali, na munshila alilandile kuli bena ati, ¹⁸"Moneni, tukoya ku Yerusalemu , no Mwana wa Muntu akopelwa kuli bashimapepo bakalamba na bakalemba. Bakamupingwila ukufwa ¹⁹kabili akapelwa ku bena fyalo ku kumuseka, ukumulopola, no kumutanika. Lelo pa bushiku bwakulenga shitatu akabushiwa kubafwa."²⁰Nolu nyina wa bana baume bakwa Sebede alishile kuli Yesu na bana bakwe abaume. Alifukeme ku cinso cakwe no kulomba cimo kuli ena. ²¹Yesu atile kuli ena ati, "Nindo ukokabila?" Atile kuli ena ati, '''konkomesheni ukweba ati aba abana baume bandi babili bakekale, umo ku kuboko kwakulyo na umbi ku kuboko kwakuso, mu bufumu bwenu.''²²Lelo Yesu alyaswike no kulanda ati, ''Tawishibe ico ukolomba. Bushe ulilingile ukunwa ulukombo ulo nebo nkanwako?''Balimwebele ati, ''Tulilingile.'' ²³Alilandile kuli bena ati, ''Mucinefye mukanwa ulukombo lwandi. Lelo ukwikala ku kuboko kwandi ukwa kukulyo nangu ku kwakuso tecandi ukupela, Lelo ca abo abo capekanishiwa na Tata.'' ²⁴Ulo bambi abasambi ikumi baumfwile ifi, balikalipe sana palwa balya babili bamunyina.²⁵Lelo Yesu umwine alibakutile no kulanda ati, "Mwalishiba ukwebati bakateka babena fyalo balatitikisha, kabili abantu bakucindama babomfya amaka pali bena. ²⁶Lelo tacifwile ukuba muli uyu musango pali mwebo. Lelo, onse uukofwaya ukuba umukalamba pali mwebo afwile ukuba umubomfi wenu, ²⁷na onse ukofwaya ukuba uwantashi pali mwebo afwile ukuba umubomfi wenu, ²⁸ngefyo Umwana wa Muntu taishile mukupyungilwa, lelo mukupyunga, no kupela umweo wakwe icilubula ca bengi.''²⁹Ulo bafumine ku Yeriko, ibumba ilikalamba lyalimukonkele. ³⁰Kwali impofu shibili ishaikele mu mbali ya musebo. Ulo shaumfwile ukwebati Yesu akopita, shalibilikishe, "Shikulu, Mwana Dabidi, tubeleleni uluse." ³¹Ibumba lyalibakalipile, no kubeba ukwikala tondolo, lelo balibilikishe ukucilapo, "Shikulu, Mwana Dabidi, tubeleleni uluse."³²Nolu Yesu aliminine kabili alibakutile no kulanda ati, "Nindo mukofwaya nebo micitile?'' ³³Balilandile kuli ena ati, "Mwe Shikulu, ukwebati amenso yesu yashibulwe.'' ³⁴Nolu Yesu, pakwikatwa ne nkumbu, alikete amenso yabo.Apopenefye balimwene kabili balimukonkele.

21¹Ulo Yesu na basambi bakwe bapalamine ku Yerusalemu kabili balifikile ku Betifage, ku Lupili lwa Miolife, nolu Yesu alitumine abasambi bakwe babili, ²ukulanda kuli bena ati, ''Kabiyeni mu mushi uukonkelepo, kabili ilyo linefye mukosanga punda alikakilwe palya, no musepela pamo nankwe. Mufikakule no kufileta kuli nebo. ³Umfwa umo alanda ifili fyonse kuli mwebo palwa ifyo, mukolanda ati, 'Shikulu akofikabila,' kabili uyo muntu apopenefye akomupela mwise nafyo.''⁴Nomba ifi fyonse fyalicitike mukufikilisha ifyalandilwe ukupitila muli kasesema, ukwebati, ⁵''Eba umwana mwanakashi wa Sione, 'Mona, imfumu yobe ikoisa kuli webo, Iyakufuka kabili ilininine pali punda - na pa musepela, umwana wa mpunda.'''⁶Nolu abasambi balile no kucita ifyo Yesu abebele. ⁷Baliletele impunda no musepela kabili balibikilepo amalaya yabo, kabili Yesu alinininepo no kwikala pa malaya. ⁸Na bengi mwi bumba balyanshike amalaya yabo mu musebo, kabili bambi bakontwele imisambo ya fimuti no kwanshika mu musebo.⁹Nolu amabumba aya tangile pa ntanshi yakwa Yesu na abo abalikumukonka balikubilikisha ati, ''Hosana kuli Mwana Dabidi! Wakupalwa uukoishila mwi shina lyakwa Shikulu! Hosana mu myulu mwa kusansama!'' ¹⁰Ulo Yesu afikile mu Yerusalemu, onse umusumba walisunkene kabili balilandile abati ''Ninani uyu?'' ¹¹Amabumba yalyaswike ati, ''Uyu ni Yesu kasesema ukufuma ku Nasareti mu Galili.''¹²Nolu Yesu alingile mwi tempele. Alitamfishe bonse abo abalikushitisha no kushita mwi tempele, no kupilibula amatebulo ya bakakabula wa ndalama ne fipuna fya balikushitisha inkunda. ¹³Alilandile kuli bena ati, ''Calilembwa ati, ''Ing'anda yandi iketwa ing'anda ya mapepo,' lelo mwaicita ininga ya bapupu.'' ¹⁴Nolu impofu na bakulemana balishile kuli ena mwi tempele, kabili alibondepe.¹⁵Lelo ulo bashimapepo bakalamba na bakalemba bamwene ifyakupapa ifyo acitile, kabili ulo baumfwile abaice bakopunda mwi tempele kabili bakolanda ati, "Hosana kuli Mwana Dabidi," balifulilwe sana. ¹⁶Balilandile kuli ena ati, ''Bushe ulyumfwile ifyo bakolanda?" Yesu alilandile kuli bena ati, ''Ee! Lelo tamwabelenga ati, "Ukufuma mutunwa twa twana utunono no tukoonka emo mwapekanishisha amalumbo'?" ¹⁷Nolu Yesu alibashile no kufuma mu musumba ukuya ku Betani kabili alisendeme ubushiku kulya.¹⁸Nomba ulucelo ulo abwelelemo ku musumba, alyumfwile insala. ¹⁹Pakumona icimuti ca mukunyu mu mbali ya musebo, alile kuli cena kabili tasangileko nangu cimo kanofye amabula. Alilandile kuli cena ati, "Kwikatala akuba ifisabo kuli webo nakabili,'' kabili apopenefye icimuti ca mukunyu calyumine.²⁰Ulo abasambi bamwene ifi, balisungwike no kulanda abati, "Nga kanshi icimuti ca mukunyu cauma shani apapene?" ²¹Yesu alibaswike no kulanda ati, "Mucine nkolanda kuli mwebo nati, umfwa mulikwete icicetekelo no kukana twishika, tamwakacite fye ici cacitika ku mukunyu, lelo mukalanda kuli ulu lupili, 'Sendwa no kuposwa muli bemba,' kabili fili no kucitwa. ²²Fyonse ifyo mwalomba mwipepo, mulicetekele, mukapokelela."²³Ulo Yesu aingile mwi tempele, bashimapepo bakalamba na bakalamba ba bantu balishile kuli ena ulo alikusambilisha kabili balilandile ati, "Bushe ni kunsambu nshi ucitila ifi fintu, kabili ninani akupele ishi nsambu?" ²⁴Yesu alyaswike no kulanda kuli bena ati, "Nanebo nkomipusha ilipusho limo. Umfwa mwanjasuka, nkomweba mu nsambu ncitila ifi fintu.²⁵Ulubatisho lwakwa Yohane - nikwi lwafumine ? Ni ku mulu nangu ni ku bantu?" Balilanshenye abene umo babebele, ukwebati, "Umfwa twalanda ati, 'Ni ku mulu,' alatweba ati, 'Ninshi tamwamusuminine?' ²⁶Lelo umfwa twalanda ati, 'Ni ku bantu,' tukotina ibumba, pantu bonse baishibe ati Yohane ni kasesema.'' ²⁷Nolu balyaswike Yesu no kulanda ati, "Tatwaishiba." Kabili alilandile kuli bena, "Nanebo nshamwebe mu nsambu ncitila ifi fintu.²⁸Lelo mukotontonkanya shani? Umuntu alikwete abana baume babili. Alile ku wa kubalilapo no kulanda ati, "We mwana, kabiye kabombe ilelo mwi bala lya myangashi.' ²⁹Umwana alyaswike no kulanda ati, 'Nshayeko,' lelo panuma alipilibwile itontonkanyo lyakwe kabili alile. ³⁰''Nolu umuntu alile ku mwana wa cibili no kulanda ifintu fimo fine. Alyaswike no kulanda ati, emukwai nkoya,shikulu,' lelo taileko.³¹Bushe ninani pali aba abana baume babili uwacitile ubufwayo bwakwa wishi?'' Balilandile ati, ''Uwa kubalilapo.'' Yesu alilandile kuli bena ati, "Mucinefye nkolanda kuli mwebo nati, bakasonkesha bamisonko na banakashi bacilende bakamitangilila ukwingila mu bufumu bwakwa Lesa. ³²Pantu Yohane alishile kuli mwebo mu nshila ya bulungami, lelo tamwamucetekele. Lelo bakasonkesha ba misonko na banakashi bacilende balimucetekele. Lelo mwebo, nangu ulo mwamwene ifi, tamwalapile panuma no ku mucetekela.³³''Kutikeni ku mulumbe na umbi. Kwali umuntu, umwine wa mpanga. Alilimine ibala lya myangashi, alishingulwisheko ulubango, alimbilemo umwakukamina umwangashi, alikulile no lupungu lwakwa kalinda, kabili alilisekeshe ku balimi ba myangashi. Nolu alile ku calo cimbi. ³⁴Ulo inshita ya kusombola ifisabo yapaleme, alitumine ababomfi bakwe ku balimi ba myangashi ukuya kupokako ifisabo fyakwe.³⁵Lelo abalimi ba myangashi balibulile ababomfi bakwe, balyuminepo umo, ukwipaya umbi, no kupola umbi amabwe. ³⁶Nakabili, umwine we bala alitumine na bambi ababomfi, abengi ukucila abapakubala, lelo abalimi bali bacitile cimo cine. ³⁷Panuma ya ifyo, umwine alitumine umwana mwaume wakwe kuli bena, ukwebati, 'bakamucindika umwana wandi.'³⁸"Lelo ulo abalimi ba myangashi bamwene umwana, balilandile umo babelele ati, 'Uyu empyani. Iseni, natumwipaye no kupyana icabupyani cakwe.' ³⁹Eco balimusendele, balimufumishe kunse ye bala no kumwipaya.⁴⁰Nomba ulo umwine we bala akesa, akabacita shani abalimi ba myangashi?" ⁴¹Balilandile kuli ena ati, "Akabonaula cibi abo ababifi ba bantu, no kusekesha ibala ku balimi bambi, abantu abenga mupela icakaniko cakwe ica filimwa pa nshita ya busomboshi."⁴²Yesu alilandile kuli bena ati, "Bushe tamwabelenga mu malembo, 'Ilibwe ilyo bakakula basulile elyaba umutwe wa pa cifutu. Ifi efyacita Shikulu, kabili ca kupapa mu menso yesu'?⁴³Eco kanshi nkolanda kuli mwebo nati, ubufumu bwakwa Lesa bukapokwa kuli mwebo no kupelwa ku luko ulukotwala ifisabo fya luko. ⁴⁴Onse uukaponena pebwe ili akaputaulwa mutupimfya. Lelo uuli onse uo likaponena akashonaulwa."⁴⁵Ulo bashimapepo bakalamba na baFarise baumfwile imilumbe iyi, balilwike ati akolanda pali bena, ⁴⁶Balifwaile ukumwikata, lelo balitinine ibumba, pantu abantu bamwishibile nga kasesema.

22¹Yesu alilandile kuli bena na kabili mu milumbe, ukwebati, ²"Ubufumu bwa mu mulu bwaba kubati ni mfumu imo iyateyenye umutebeto wa bwinga bwa mwana wakwe umwaume. ³Alitumine abasha bakwe mukwita abo abalalikwe ukwisa ku mutebeto wa bwinga, lelo tabaishile.⁴Nakabili imfumu yalitumine abasha bambi, ukwebati, kebeni abalalikwe, "Moneni, ninteyanya umulalilo wandi. Ing'ombe shandi ishilume, ne ng'ombe ishaina shilipaiwe ne fintu fyonse filiteyanishiwe, Iseni ku mutebeto wa bwinga."'⁵Lelo tabayangilweko kabili balifuminepo no kuya, umo kwi bala lyakwe, naumbi ku makwebo yakwe. ⁶Elo bambi balikete abasha ba mfumu, ukubasebanya, no kubepaya. ⁷Imfumu yalikalipe, kabili yalitumine abashilika baiko no konaula balya bantalamisoka no koca umusumba wabo.⁸Nolu alilandile kubasha bakwe ati, Ubwinga buliteyanishiwe lelo abo abalalikwe tabayene iyo. ⁹Eco kabiyeni pa mampatu ya nshila no kwita abantu abengi ku mutebeto wa bwinga abo mukosanga." ¹⁰Abasha balile pa mampatu ya nshila no kukolonganya pamo bonse abantu abo basangile, bonse ababi nabasuma, kanshi ing'anda ya bwinga yaiswilemo na beni.¹¹Lelo ulo mfumu yaishilemo ku kumona abeni, yalimwenemo umo uushafwele insalu sha bwinga. ¹²Imfumu yalilandile kuli ena ati, 'Cibusa, bushe wingile shani muno ukwabula ilaya lya bwinga?' Lelo umwaume talandilepo.¹³Elyo imfumu yatile kubabomfi, kakileni uyu umuntu amaboko na makasa, no kumuposa kunse ku mfinshi, ukukaba ukulila no kusumanya ameno.' ¹⁴Pantu abaitwa bengi, lelo abasalwa banono."¹⁵Nolu abaFarise balile no kupangana pafyo Yesu bengamuteya mukulanda kwakwe. ¹⁶Nolu balitumine abasambi babo kuli ena, pamo na bena Herode. Balilandile kuli Yesu ati, "Kasambilisha, twalishiba ukwebati uli wa cishinka, kabili usambilisha inshila yakwa Lesa mu cine. Tausakamana itontonkanyo lya uli onse, kabili tawakwata akapatulula pakati ka bantu. ¹⁷Eco twebe, ukotontonkanyapo shani? Bushe calisuminishiwa ukupelako umusonko kuli Kaisare nangula iyo?"¹⁸Lelo Yesu alilwike ububifi bwabo no kulanda ati, ''Nindo mukonjesesha, mwe babubi munda? ¹⁹Ndangeni indalama ya musonko," Elo baletele ndalama kuli ena.²⁰Yesu alilandile kuli bena ati, "Cimpasho cakwa nani ici kabili lishina nshi ili?" ²¹Balilandile kuli ena ati, "fyakwa Kaisare." Nolu Yesu alilandile kuli bena ati, ''Ninshi peleni ifya kwa Kaisare kuli Kaisare, na kuli Lesa ifintu fya kwa Lesa." ²²Ulo baumfwile ici, balipapwike. Nolu balimushile no kuya.²³Pali bulya bushiku bamo aba Saduki, abalanda ati takwaba kubuka, balishile kuli ena. Balimwipwishe, ²⁴ukwebati, "Kasambilisha, Mose alilandile ati, umfwa umwaume afwa, ukwabula abana, wabo afwile aupa umukashi wakwe no kufyalila wabo abana.'²⁵Kwaliko bamunyina cine-lubali. Uwakubalilapo alyupile na panuma alifwile. Tashilepo abana, alishile umukashi wakwe kuli wabo. ²⁶Elo wabo uwa bubili alicitile cimo cine, Elo no wa butatu, efyo cali ifyo fine ukufikafye na kuli wabo wakulenga cine-lubali. ²⁷Panuma ya aba bonse, umwanakashi alifwile. ²⁸Nomba mukubushiwa, akesa kuba umukashi wakwa nani pali abo bamunyina cine-lubali? Pantu bonse balimupile."²⁹Lelo Yesu alyaswike no kulanda kuli bena ati, "Mulilubile pantu tamwaishiba amalembo nangu amaka yakwa Lesa. ³⁰Pantu mukubushiwa tabakalekupa nangu ukupwa. Lelo, bakaba kubati ni bamalaika mu mulu.³¹Lelo palwa kubushiwa kwa bafwa, bushe tamwabelenga ifyo Lesa alandile kuli mwebo, ukwebati, ³²"Nine Lesa wakwa Abrahamu, Lesa wakwa Isaki, Lesa wakwa Yakobo'? Lesa te Lesa wa bafwa, lelo wa bamweo." ³³Ulo amabumba yaumfwile ifi, yalipapile pa kusambilisha kwakwe.³⁴Lelo ulo abaFarise baumfwile ukwebati Yesu alitalalike aba Saduki, balikolongenye bonse pamo. ³⁵Umo muli bena, incenshi ya malango, yalimwipwishe ilipusho, ku kumwesha- ³⁶''Kasambilisha, lifunde nshi ilikalamba mu malango?"³⁷Yesu alilandile kuli ena, "Ulekutemwa Shikulu Lesa obe no mutima obe onse, no mweo obe onse, na mano yobe yonse.' ³⁸Ili efunde ilikalamba kabili ilya ntanshi.³⁹Kabili ifunde ilya bubili lyaba ifi- 'Ulekutemwa umwina mupalamano nga we mwine.' ⁴⁰Pali aya amafunde yabili emwashintilila amalango yonse na bakasesema."⁴¹Nomba ulo abaFarise balilongene pamo, Yesu alibepwishe ilipusho. ⁴²Alilandile ati, "Nindo mutontonkanya palwa kwa Kristu? Mwana wakwa nani?" Balilandile kuli ena ati, "Ni mwana Dabidi."⁴³Yesu alilandile kuli bena ati, "Nindo kanshi Dabidi pakuba mu mupashi amukutila ati Shikulu , ukwebati, ⁴⁴Shikulu alilandile kuli Shikulu wandi ati, "Ikala ku kuboko kwandi ukwakulyo, mpaka nkalenge abalwani bobe icakunyantapo amakasa yobe"'?⁴⁵Kanshi Dabidi nga akuta Kristu 'Shikulu,' kuti aba shani mwana Dabidi?'' ⁴⁶Takwali nangu umo uwamwaswike shiwi, kabili takwali umuntu uwaeseshe ukumwipusha ilipusho ilili lyonse ukufuma pali bulya bushiku.

23¹Nolu Yesu alilandile ku mabumba na ku basambi bakwe. ²Alilandile ati, ''bakalemba na baFarise bekala pa cipuna cakwa Mose. ³Eco fyonse ifyo bamikonkomesha ukucita, citeni ifi fintu no kufibaka, Lelo mwikonkelesha ificitwa fyabo, pantu balalanda ifintu lelo tabaficita.⁴Eee, balakaka ifisendo ifyafina ifyo ifyashupa ukusenda, no kufibika pa mabeya ya bantu. Lelo abene teti bekateko umunwe ukwebati basendeko. ⁵Balacita ificitwa fyabo fyonse pakwebati ba bamone ku bantu. Pantu balapanga utupampa twa malembo, no kukusha ulutwe lwa mingila yabo.⁶Balitemwa ififulo fyabucindami pa matebeto ne fipuna fyabucindami muma synagoge, ⁷no kubaposha ukwa mucinshi mufisankano, no kwitwa 'Rabbi' ku bantu.⁸Lelo tamufwile ukwitwa 'Rabbi,' pantu mwakwata fye kasambilisha umo, kabili bonse muli ba bwananyina. ⁹Kabili mwikuta nangu umo pa calo ati shinwe, pantu mwakwatafye Shinwe umo, kabili aba mu mulu. ¹⁰Namwebo tamufwile ukwitwa 'kasambilisha,' pantu mwakwatafye kasambilisha umo, uuli ni Kristu.¹¹Lelo uyo uuli umukalamba pakati kenu akaba umubomfi wenu. ¹²Onse uuisansabika bakamucefya, na onse uuicefya umwine akasansabikwa.¹³Lelo akalanda kuli webo, bakalemba na baFarise, ba bubi-munda! Mulesalila abantu ubufumu bwa mu mulu. Pantu mwebo mwebene tamwingilamo, kabili tamusuminisha abakofwaya ukwingila ukucita ico. ¹⁴Cabulanda kuli imwe, bakalemba na baFarise, ba bubi-munda! Pantu mulalya mu mayanda ya bamukamfwilwa nokupepa amapepo ayatali. ¹⁵Akalanda kuli mwebo, bakalemba na baFarise, ba bubi-munda! Pantu mulabuka ba bemba ne fyalo ku kulenga umo aisansheko, kabili ulo aisanshako, mulamulenga aba umwana wa kumbo uwakucila pali mwebo imiku ibili.¹⁶"Akalanda kuli mwebo, mwe ntungulushi mpofu, mwe balanda ati, 'Onse uwalapa ukupitila mwi tempele, ninshi cafye. Lelo uwalapa pali golide we tempele, abo uwakukakwa kuli uyu mulapo.' ¹⁷Mwe mpofu ishiwelewele! Nindo cakulapo, golide nangu itempele ililenga golide ukuba iya mushilo?¹⁸Kabili, 'Uyo onse uwalapa pa cipailo, cafye. Lelo uyo onse uwalapa pa cabupe icilipo, alikakwa ku mulapo wakwe.' ¹⁹Mwe bantu impofu! Nindo yakulapo, pa cabupe nangula icipailo ico icipanga icabupe ukuba ica mushilo?²⁰Eco, uyo onse uwalapa pa cipailo ninshi alapa pali cena na pali fyonse ifilipo. ²¹Uyo onse uwalapa pe tempele alapa pali lyena na pali uyo uwaikalamo. ²²Kabili uyo uwalapa pa mulu alapa pa cipuna ca bufumu icakwa Lesa no waikalapo.²³Akalanda kuli mwebo, bakalemba na baFarise, ba bubi-munda! Pantu mulapela ice kumi ca minti na dilu na kumini, Lelo mwalisha imilandu ya malango iyakufina iyo tamwacita - umulinganya no uluse ne cishinka. Lelo ifi efyo mwalingile ukucita no kukanasha fimbi ukwabula ukuficita. ²⁴Mwe ntungulushi mpofu, mwebafwisa akashishi no kumina ingamila.²⁵''Akalanda kuli mwebo, bakalemba na baFarise, babubi-munda! Pantu musamfya ulukombo ne mbale kunse, lelo mukati mwaisula ubupupu no bukaka. ²⁶Mwe baFarise impofu! Samfyeni pakubala mukati ka lukombo ne mbale, pakwebati icakunse ciwamishiwe naco.²⁷Akalanda kuli mwebo, mwe bakalemba na baFarise, babubi-munda! Pantu mwaba kubati ni nshishi ishashingulukwako impemba, isho kunse kwena shimoneka ishabusaka, lelo mukati shaisulamo amafupa ya bafwa ne fintu fyonse ifishawama. ²⁸Munshila imo ine, mu moneka abalungami ku bantu, lelo mukati kenu mwaisula bu bubi-munda no bupulumushi.²⁹Akalanda kuli mwebo, bakalemba na baFarise, babubi-munda! Pantu mulakula Inshishi sha bakasesema no kuwaminisha inshishi sha balungami. ³⁰Mulanda amuti, 'Nga ekotwali mu nshiku sha bashifwe, nga tatwabombele pamo nabo mu kusumya umulopa wa bakasesema.' ³¹Eco mulaishinina mwebene ukwebati muli bana baume ba abo abaipeye bakasesema.³²Namwebo isusheni umulingo wa bashinwe. ³³Mwe nsoka mwe, mwe bana ba mafwafwa mwe, mukapusuka shani ku bupingushi bwa kumbo?³⁴Eco, moneni, nkomutumina bakasesema na ba mano na bakalemba. Bamo muli abo mukabepaya no ku batanika, kabili bamo mukabalopaila mu ma synagoge yenu no ku batamfya ukufuma mu musumba ukufika mu musumba. ³⁵Icikatumbukamo cakwebati pali mwebo epakesa umulopa onse uwa balungami uwa sumine pe sonde , ukufuma ku mulopa wakwa Abele umulungami, ukufika ku mulopa wakwa Sekaria umwana wakwa Berekia, uyo mwaipaile pakati ka mwashila ne cipailo. ³⁶Mucinefye nkomweba ati, fyonse ifi fintu fikesa pa nkulo iyi.³⁷We Yerusalemu, We Yerusalemu, webo wewipaya bakasesema no kupola amabwe abo abatumwa kuli webo! Miku shinga nafwaile ukulonganya abana bobe capamo, ngefyo nankoko afukatila abana bakwe mu mapingo, lelo tawalikufwaya! ³⁸Mona, ing'anda yobe yashala iya pomonwa. ³⁹Pantu nkolanda kuli webo nati, tawakambonepo ukufuma pali nomba ukufika ne nshita ukalanda ati, ''Alipalwa uyo uwishila mwishina lya kwa Shikulu.''

24¹Yesu alifumine mwi tempele kabili alikuya mu nshila yakwe. Abasambi bakwe balishile kuli ena no ku musontelela ku fikulwa fye tempele. ²Lelo alibaswike no kulanda kuli bena ati, "Bushe tamukomona ifi fintu fyonse? Mucinefye nkomweba nati, takulipo ibwe nangu limo ilikashala pa mulu wa linankwe ilishakapilibulwe."³Ulo aikele pa lupili lwa Miolife, abasambi balishile kuli ena ku mbali no kulanda ati, "Twebeni, ni lilali ifi fintu fikacitika? Fishibilo ndo ifya kwisa kwenu ne mpela ya nshita?" ⁴Yesu alibaswike no kulanda ati, "Mucenjele ukwebati umuntu uuli onse emilufya. ⁵Pantu abengi bakeshila mwishina lyandi. Bakalanda ati, 'Nine Kristu,' kabili bakalufya abengi.⁶Mukomfwa inkondo na mangufu-ngufu ya nkondo. Mumone ukwebati tamusakamikwe, pantu ifi fintu fifwile ukucitika; lelo impela tailati kufika. ⁷Pantu uluko lukemina uluko, no bufumu bukemina ubufumu. Kukaba icipowe ne finkukuma mu cende ishakulekana-lekana. ⁸Lelo ifi fintu fyonse ni ntendekelofye ya bukali bwa pa kupapa.⁹Nolu bakamitwala ku kumicusha no kumipaya. Mukapatwa ku nko shonse pamulundu we shina lyandi. ¹⁰Nolu abengi bakaipununa, no kuifutukila umo no munankwe no kupatana umo no munankwe. ¹¹Abengi bakasesema wa bufi bakema no kulufya abengi.¹²Pantu ubupulumushi bukafula, ne citemwiko mu bengi cikafubalishiwa. ¹³Lelo uyo uukashipikisha ukufika ku mpela akapusuka. ¹⁴Iyi mbila nsuma iya bufumu ikashimikilwa mu calo conse ngo bunte ku nko shonse. Elo impela ikesa.¹⁵Eco, ulo mwamona ica muselu ica kubongolola, icalandilwepo kuli Daniele kasesema, iminine mu ncende ya mushilo" (Iekeni uukobelenga eluke), ¹⁶''lekeni abo abali mu Yudea bafulumukile ku mpili, ¹⁷lekeni uuli pa mutenge wa ng'anda eseluka ukwebati asende akali konse ukufuma mu ng'anda yakwe, ¹⁸Kabili mwileka uuli mwibala abwelelemo mukusenda umwingila wakwe.¹⁹Lelo akalanda kuli abo abali ne fumo na abo abakoonsha utunya muli isho nshiku! ²⁰Pepeni ukwebati ulwendo lwenu lwikaba mu mupepo nangu pe Sabata. ²¹Pantu kukaba ubucushi ubukalamba, ubushatala bapo ukufuma mu kutendeka kwa calo ukufika na nomba, iyoo, nangu takwakatale akubapo nakabili. ²²Kanofye isho nshiku bashicefya, takuli umuntu uwinga pusuka. Lelo pamulandu wa basalwa isho nshiku shikacefeshiwa.²³Nolu umfwa uuli onse amyeba ati, 'Lolesheni, Kristu uyu apa!' nangu, 'Kristu uyo palya!' Mwisumina ico. ²⁴Pantu ba Kristu ababufi na bakasesema ababufi bakema no kulangisha ifilangililo ifikalamba ne fipapwa, pakweba ati balufye abengi, nga cinganguka, pamo na basalwa. ²⁵Moneni, namwebela libela ulo inshita tailafika.²⁶Eco kanshi, umfwa bamweba ati, 'Moneni, ali mu matololo,' mwikayako ku matololo. Nangula, 'Moneni, ali mu miputule ya mukati,' mwisumina ico. ²⁷Pantu ngefyo inkuba isanika ukufuma ku kabanga no kubyasha ukuyafye na ku masamba, efikaba no kwisa kwa Mwana wa Muntu. ²⁸Uko ukuli inama yakufwa, ekukolongana amakubi.²⁹''Lelo panumafye ya bucushi bwa isho nshiku isho akasuba kakafita, umweshi tawakapele ulubuto lwauko, intanda shikawa ukufuma mu lwelele, na maka ya myulu ya kasunkanishiwa.³⁰Nolu icishibilo ca Mwana wa Muntu cikamonekela mu lwelele, ne mitundu yonse iya pe sonde ikalosha. Bakamona Umwana wa Muntu akoisa mu makumbi ya mu lwelele na maka no bukata ubukalamba. ³¹Akatuma bamalaika bakwe ne ciunda icikulu ice penga, kabili bakalonganika capamo abasalwa bakwe ukufuma ku myela ine, ukufuma ku mpela imo iya lwelele ukufika ku ibiye.³²"Sambilileni isambililo ku cimuti ca mukunyu. Ulofye imisambo yaaluka iiteku no kupulula amabula ya uko, muleshiba ukwebati ulusuba lulipaleme. ³³Eco nemwe bene, ulo mwamona ifi fintu fyonse, mufwile ukwishiba ukwebati alipalamine, pali shilya shine impongolo.³⁴Mucinefye nkolanda kuli mwebo nati, iyi nkulo tayakapite mpakafye ifi ifintu fyonse fyacitika. ³⁵Umulu ne sonde fikapita, lelo ifyebo fyandi tafyakapite.³⁶Lelo palwa bushiku bulya na kashita takwaba uwaishiba, nangufye ni bamalaika ba ku mulu, nangu Mwana, lelo kanofye Wishi.³⁷Ngefyo inshiku shakwa Noa shali, efikaba no kwisa kwa Mwana wa Muntu. ³⁸Pantu ngefyo cali mu nshiku isho ulo ilyeshi talilaisa balikulya no kunwa, balikupa no kufya ukufika no bushiku ubo Noa aingile mu cibwato, ³⁹kabili tabaishibilepo akantu nangu kamo ukufika nelyo ilyeshi lyaishile no kubasenda bonse - efikaba no kwisa kwa Mwana wa Muntu.⁴⁰Nolu abaume babili bakaba mwibala - umo akasendwa, na umbi akashala. ⁴¹Abanakashi babili bakalapela ne mpelo - umo akasendwa, kabili umbi akashala. ⁴²Eco kanshi mube abakulola, pantu tamwaishiba ubushiku ubo Shikulu wenu akesa.⁴³Lelo ishibeni ifi, ukwebati umfwa shikulu wa ng'anda alishibile libela mu nshita ya bushiku umupupu ali nokwisa, nga ali mubulinde kabili nga tasuminishe ing'anda yakwe ukusanswa. ⁴⁴Eco kanshi mufwile ukuba abaiteyanya, pantu Umwana wa Muntu akesa pa nsa tamukoenekela.⁴⁵"Eco mubomfi nshi uwacishinka kabili uwa mano uo shikulu wakwe apeela amaka pa ng'anda yakwe uwakulabapela ifyakulya fyabo pa nshita yakulinga? ⁴⁶Uwakupalwa ni ulya umubomfi uo shikulu wakwe akasanga akocita ifyo ulo akesa. ⁴⁷Mucinefye nkolanda kuli mwebo nati shikulu wakwe akamupela amaka pa fikwatwa fyakwe fyonse.⁴⁸Lelo umfwa umubomfi umubifi alanda mu mutima wakwe ati, 'Shikulu wandi akokola,' ⁴⁹kabili atendeka ukuma ababomfi banankwe, no kulya no kunwa pamo na bacakolwa, ⁵⁰nolu shikulu wakwe akesa pa bushiku ubo takoenekela na pa nshita iyo teshibe. ⁵¹Shikulu wakwe akamuputaula mutupimfya no mukupela icende pamo na babubi-munda, uko ukukaba ukulila no kusumanya ameno.

25¹''Nolu ubufumu bwa mu mulu bukapashanishiwa kuli bana cisungu ikumi abasendele inyali shabo no kuya ku kumanya shibwinga. ²Basano pali bena bali bawelewele na basano bali bamano. ³Pantu ulo bana cisungu abawele-welele basendele inyali shabo, tabasendelepo na yambi amafuta. ⁴Lelo bana cisungu ba mano balisendele icikunkubiti ya mafuta pamo ne nyali shabo.⁵Nomba ulo shibwinga akokwele ukubwela, bonse balyumfwile utulo no kusendama. ⁶Lelo pakati ka bushiku kwali ukubilikisha ati, "Moneni, shibwinga! Fumeni no kumukumunya.'⁷Nolu balya bonse bana cisungu balibukile no kusanika inyali shabo. ⁸Abawelewele balilandile ku bamano ati, 'Tupeniko yamo amafuta yenu pantu inyali shesu shikoshibantukila.' ⁹''Lelo abamano balyaswike no kulanda ati, 'Apo tayakumane kuli mwebo na fwebo, kabiyeni fye kuli abo abashitisha no kuishitila mwebene.'¹⁰Ulo baile mukushita, shibwinga alishile, na abo abaipekenye balile nankwe ku matebeto ya bwinga, ne cibi caliselwe. ¹¹"Panuma bambi bana cisungu nabo balishile no kulanda ati, 'Mwe shikulu, mwe shikulu, twiswileniko.' ¹²''Lelo alibaswike no kulanda ati, 'Mucinefye nkomweba nati, Nshimwishibe.' ¹³Eco kanshi loleni, pantu tamwaishiba ubushiku nangula akashita.¹⁴"Pantu caba kubati ni lulya umuntu ali pakuya ku calo cimbi. Alikutile ababomfi bakwe no kubapela ifikwatwa fyakwe mubulinde bwabo. ¹⁵Kuli umo uwa muli bena amupele amatalanta yasano, kuli umbi amupele yabili, na kuli umbi amupele italanta limo. Cila umo apokelele umwabelele amaka yakwe, na ulya muntu alile pa bulendo bwakwe. ¹⁶Uwa pokele amatalanta yasano alile pa nshita ilya ine no kutendeka ukuyabomfya no kunonkelapo na yambi yasano.¹⁷Mu nshila imo ine, ulya uwapokelele amatalanta yabili alinonkelepo na yambi yabili. ¹⁸Lelo umubomfi uwa pokelele italanta limo alile, alimbile icilindi mu mushili, no kufisa indalama yakwa shikulu wakwe.¹⁹Nomba panuma ya nshita ntali shikulu wa balya babomfi alibwelele no kulondola icuma cakwe kuli bena. ²⁰Umubomfi uwa pokelele amatalanta yasano alishile no kuletelapo na yambi yasano. Alilandile ati, "Shikulu, mwampele amatalanta yasano. Moneni, ndinonkelepo yasano amatalanta na yambi.' ²¹"Shikulu wakwe alilandile kuli ena ati, 'Mwabombeni, we mubomfi wabune kabili uwa cishinka! Wali uwa cishinka pa tuntu utunono. Nkakupela amaka pa fintu fingi. Ingila mu nsansa shakwa shikulu obe.'²²Umubomfi uwapokelele amatalanta yabili alishile no kulanda ati, "Shikulu, mwampele amatalanta yabili. Moneni, ndinonkelepo yabili amatalanta na yambi.' ²³"Shikulu wakwe alilandile kuli ena ati, 'Mwabombeni, we mubomfi wabune kabili uwa cishinka! Wali uwa cishinka patuntu utunono. Nkakupela amaka pa fintu fingi. Ingila mu nsansa shakwa shikulu obe.'²⁴"Nolu umubomfi uwapokelele italanta limo alishile no kulanda ati, 'Shikulu, nalishiba ukwebati muli muntu wakushupa. Musepa apo mushatandile, no kusombola apo mushabyele. ²⁵Nalitinine, eco nalile kufisa italanta lyenu mu mushili. Moneni, icenu ici pano.'²⁶"Lelo shikulu wakwe alyaswike no kumweba ati, we mubomfi wabubi kabili umunang'ani walishibe ukwebati nsepa apo nshatandile no kusombola apo nshabyele. ²⁷Eco nga walipele indalama yandi kuli ba kusunga, na pakwisa kwandi nga nali pokelele nemwine ishandi na kakulundwapo.²⁸Eco kanshi pokeni italanta kuli ena no kulipela ku mubomfi uukwete amatalanta ikumi. ²⁹Pantu kuli onse uwakwata akalundilwapo na fimbi, kabili akakwata ifingi. Lelo kuli uyo uushakwata nangu kamo, nako akwata kakapokwa. ³⁰Poseni icinangwa ca mubomfi kunse ku mfimfi, uko ukukaba ukulila no kusumanya ameno.'³¹''Ulo Umwana wa Muntu akesa mubukata bwakwe na bamalaika bonse pamo nankwe, elo akekala pa cipuna ca bukata. ³²Kuli ena kukalongana inko shonse, kabili akapatula abantu ukufuma kuli umo no munankwe, ngefyo kacema apatula impanga ku mbushi. ³³Akabika impanga kukuboko kwakwe ukwa kulyo, lelo imbushi kukuso kwakwe.³⁴Nolu imfumu ikalanda kuli abo abali ku kuboko kwa kulyo ati, 'Iseni, mwebo mwebapalwa na Tata, pyaneni ubufumu bwapekanishiwe kuli mwebo ukufuma kumufula wa calo. ³⁵Pantu nali ne nsala kabili mwalimpele icakulya; Nali ne cilaka kabili mwalimpele icakunwa; Nali umweni kabili mwali mpokelele; ³⁶Nali ubwamba kabili mwalimfwikile; Nalilwele kabili mwali nsakamene; Nali mu cifungo kabili mwalimpempwile.'³⁷"Nolu abalungami bakasuka no kulanda ati, 'Mwe Shikulu, ni lilali twamimwene ne nsala no kumilisha? Nangu ne cilaka no kumipela icakunwa? ³⁸Ni lilali twamimwene abeni no kumipokelela? Nangu ubwamba no kumifwika? ³⁹Ni lilali twa mimwene abalwele nangula mu cifunga no kumipempula?' ⁴⁰"Nolu Imfumu ikasuka no kulanda kuli bena ati, 'Mucinefye nkomweba nati, ifyo mwacitile kuli umo pa bacepesha pali aba bamunyinane, mwacitile kuli nebo.'⁴¹Nolu akalanda kuli abo aba kukuboko kwakwe ukwa kuso ati, 'Fumeni kuli nebo, mweba kutipwa, kabiyeni mu mulilo wa muyayaya uo bapekanishisha kasebanya na bamalaika bakwe, ⁴²pantu nali ne nsala, lelo tamwampele icakulya, Nali ne cilaka, lelo tamwampele icakunwa, ⁴³Nali umweni, lelo tamwampokelele; nali ubwamba, lelo tamwamfwikile; umulwele kabili mucifungo, lelo tamwansakamene.'⁴⁴''Nolu na bena bakasuka no kulanda ati, 'Mwe Shikulu, ni lilali twamimwene ne nsala, nangula ne cilaka, nangula abeni, nangula ubwamba, nangula abalwele, nangula mucifungo, kabili tatwa mitangete?' ⁴⁵''Nolu akabasuka no kulanda ati, 'Mucinefye nkomweba nati, filya mushacitile kuli umo muli aba abacepesha, tamwacitile kuli nebo.' ⁴⁶Aba bakaposwa mukulunguluka kwa muyayaya, lelo abalungami ku mweo wa muyayaya."

26¹Calishile kuba ukwebati ulo apwile ukulanda ifi fyebo fyonse, alilandile kubasambi bakwe ati, ²"Mulishibe ukwebati panuma ya nshiku shibili kukaba Icakucilila, no Mwana wa Muntu akapelwa ku kutanikwa."³Nolu bashimapepo bakalamba na bakalamba ba bantu balilongene capamo mu lubansa lwakwa shimapepo mukalamba uwalikukutwa Kayafa. ⁴Balipangane capamo ukwikata Yesu mubumfisolo no kumwipaya. ⁵Pantu bali kulanda ati, ''Tepa mutebeto iyoo, pakwebati tapemine intulubundi pakati kabantu."⁶Nomba ulo Yesu ali mu Betani mu ng'anda yakwa Simone uwa fibashi, ⁷Ulo akuweme kwi tebulo, umwanakashi alishile kuli ena uwakwete umusashi wamafuta ayakununkila ayakuluma umutengo, kabili aliyapongolwelele pamutwe wakwe. ⁸Lelo ulo abasambi bamwene ici, balifulilwe sana no kulanda ati; "Bonaushi bwa musango shani ubu? ⁹Pantu aya ngayalishitishiwe pa mutengo uukalamba no kupelwa ku babusu.¹⁰Lelo Yesu, pakwishiba ici, alilandile kuli bena ati, "Nindo mukocushisha uyu mwanakashi? Pantu alicitile icintu icabune kuli nebo. ¹¹Ababusu mwaba nabo lyonsefye, lelo tamwakabe nandi lyonse.¹²Pantu ulo apongolwelele aya mafuta pamubili wandi, acitile ku kuteyanya ukushikwa kwandi. ¹³Mucinefye nkolanda kuli mwebo nati, konse uko iyi imbila nsuma ikabilwa mu calo conse, ifyo uyu mwanakashi acita nafyo fikalandwapo pa kumwibukisha."¹⁴Elo umo uwa pa bekumi na babili, uwalikwitwa ati Yuda Iscariote, alile kuli bashimapepo bakalamba no kulanda ati, ¹⁵"Bushe nishinga muipeleshe ukundipila pakwebati mupele kuli mwebo?'' Balipimine indalama sha silfere amakumi yatatu. ¹⁶Ukufuma pali ilya nshita alikufwailikisha apakumupelela kuli bena.¹⁷Nomba pa bushiku bwa ntanshi ubwa mukate uushatutumuka abasambi balishile kuli Yesu no kulanda ati, "Nikwisa mukofwaya tuye kumipekanishisha icakulya Cakucilila?" ¹⁸Alilandile ati, ''Kabiyeni mu musumba ku muntu umo nokuya kumweba ati, 'Kasambilisha alanda ati, "Inshita yandi ilipaleme. Nikwenu eko nkokwatila icakulya Cakucilila pamo na basambi bandi."'' ¹⁹Abasambi balicitile ukulingana nefyo Yesu abalangilile ukucita, balipekenye ne cakulya ca Cakucilila.²⁰Ulo icungulo cafikile, alikele ku kulya na bekumi na babili. ²¹Ulo balikulya, alilandile ati, "Mucinefye nkomweba nati umo pali mwebo akamfutuka." ²²Baliketwe ubulanda, kabili cila umo alitendeke ukumwipusha ati, ''Icinefye tenebo, Mwe Shikulu?"²³Alyaswike ati, "Uyo uo nkotobela nankwe mwi bakuli ninshi eukomfutuka. ²⁴Umwana wa Muntu akaya, ukulingana nefyo calembwa. Lelo akalanda kuli uyo uwafutuka Umwana wa Muntu! Nga calimuwamine ulya muntu nga tafyelwe." ²⁵Yuda, uwali no kumufutukila alilandile ati, "Bushe ninebo, Rabbi?" Alilandile kuli ena ati, ''Ulilandile we mwine."²⁶Ulo balikulya, Yesu alibulile umukate, aliupalile, no kuumokaula. Alipele ku basambi no kulanda ati, "Buleni, lyeni. Uyu emubili wandi.''²⁷Alibulile ulukombo no kutotela, kabili alipele kuli bena no kulanda ati, "Nweni, mwebo bonse. ²⁸Pantu uyu emulopa wandi uwa cipangano cipya uukopongolwelwa pa bengi ku kulekelelwa imembu. ²⁹Lelo nkolanda kuli mwebo nati, nshakanwepo nakabili ici cisabo ca mwangashi, ukufikafye na pa bushiku bulya ulo nkanwa icipya pamo na mwebo mu bufumu bwakwa Tata."³⁰Ulo baimbile ulwimbo, balile ku lupili lwa Miolife. ³¹Nolu Yesu alilandile ati, ''Bonse mwebo mukoipununa buno bushiku pa mulandu wandi, pantu calilembwa ati, "Nkoma kacema no mukuni wa mpanga ukasalangana.' ³²Lelo ulo nkabushiwa, Nkamitangilila ku Galili.''³³Lelo Petero alimwaswike ati, "Nangu bonse baipunune pa mulandu wenu, nebo nshakaipunune." ³⁴Yesu alilandile kuli ena ati, "Mucinefye nkolanda kuli webo nati, buno bwinefye ubushiku, ulo mukolwe talalila, ukonkana imiku itatu." ³⁵Petero alilandile kuli ena ati, "Nangu ningafwa na mwebo, nshamikane.'' "Na basambi bonse balilandile cimo cine.³⁶Nolu Yesu alile nabo ku cifulo citwa Getsemane no kulanda ku basambi bakwe ati, ''Ikaleni apa ulo nebo nkoya kulya no kupepa." ³⁷Alipitile Petero na bana baume babili abakwa Sebede kabili alitendeke ukwikatwa ubulanda no kucushiwa. ³⁸Nolu alilandile kuli bena ati, "Umupashi wandi waikatwa ubulanda, ukufika na kumfwa. Shaleni pano no kulola na nebo."³⁹Alile akatamukila, aliwile ubunkupeme, no kupepa. Alilandile ati, "Mwe Tata, umfwa cilyangwike, lekeni ulu lukombo lupite pali nebo. Lelo, tebufwayo bwandi, lelo bufwayo bwenu." ⁴⁰Alishile ku basambi kabili alisangile balisendeme, kabili alilandile kuli Petero ati, "Nishani, Tekuti mulole nandi pa nsafye imo? ⁴¹Loleni no kupepa pakwebati mwiiwila mu matunko. Icine umupashi ukofwaya, lelo umubili ulinakile."⁴²Alile na kabili umuku wa cibili no kupepa. Alilandile ati, "Mwe Tata, ulu ulukombo ngatalwingampita kano nwemo, ubufwayo bwenu bucitwe." ⁴³Alibwelele na kabili no kubansanga balisendeme, pantu amenso yabo yalilemene. ⁴⁴Eco pa kubasha na kabili, alile mukupepa umuku wa butatu, ukulanda amashiwi yamo yene.⁴⁵Nolu Yesu alishile ku basambi no kulanda kuli bena ati, "Mucili mulisendeme no kutusha? Lolesheni, inshita ilipaleme, no Mwana wa Muntu akofutukilwa mu minwe ya babembu. ⁴⁶Imeni, natulekuya. Lolesheni, uukomfutukila ali mupepi."⁴⁷Ulo acili akolanda, Yuda, umo uwa mu bekumi na babili, alishile. Ibumba ilikalamba lyalishile nankwe ukufuma kuli bashimapepo bakalamba na bakalamba ba bantu. Balishile na mapanga ne nkonto. ⁴⁸Nomba umuntu wali no kufutukila Yesu ninshi alibapele icishibilo, ukweba ati, Umo uo nkotomona. Mu mwikate."⁴⁹Apopene alishile kuli Yesu no kulanda ati, "Mwapoleni, Rabbi!'' kabili alimutomwene. ⁵⁰Yesu alilandile kuli ena ati, " Cibusa, cita ico wishile mukucita." Nolu balishile, balibikile amaboko pali Yesu, no kumwikata.⁵¹Moneni, umo pa bali na Yesu alifungulwile ukuboko kwakwe, alisomwene ulupanga, no kukwempula ukutwi kwa mubomfi wakwa shimapepo mukalamba, no ku muputulako ukutwi. ⁵²Nolu Yesu alilandile kuli ena ati, "Bwekeshamo lupanga lobe umo lwikala, pantu abo bonse ababomfya ulupanga bakafwa ku lupanga. ⁵³Bushe ukotontonkanya ukwebati tekuti nkute Tata, naena kuti antumina amabumba ya bamalaika ukucila ikumi na yabili? ⁵⁴Lelo kuti yafikilishiwa shani amalembo, ukwebati ifi fifwile ukucitika?''⁵⁵Pali kalya kashita Yesu alilandile kwi bumba ati, "Bushe mulishile na mapanga ne nkonto mukunjikata kubati kapondo? Cila bushiku nalikwikala nkosambilisha mwi Tempele, kabili tamwanjikete. ⁵⁶Lelo ifi fyonse fyacitika pakwebati amalembo yaba kasesema yafikilishiwe." Nolu abasambi balimushile no kufulumuka.⁵⁷Abo abaikete Yesu balimutwele kuli Kayafa shimapepo mukalamba, uko bakalemba na bakalamba balongene capamo. ⁵⁸Lelo Petero alikumukonka akatalamukila ukuya kufika ku lubansa lwakwa shimapepeo mukalamba. Alile mukati no kwikala naba kalinda ku kumona ifikotumbukamo.⁵⁹Nomba bashimapepo bakalamba ne cilye conse balikufwailisha ubunte bwabufi pali Yesu pakwebati bamwipaye. ⁶⁰Tabasangilepo nangu cimo, nangu bakambone babufi abengi balishile kuntanshi. Panuma kwalishile babili ⁶¹kabili balilandile ati, "Uyu muntu alilandile ati, "Ndikwete amaka yakutobolola itempele lyakwa Lesa no kulikula mu nshiku shitatu."'⁶²Shimapepo mukalamba alimine no kulanda kuli ena ati, "Taukwete ubwasuko? Ngefi finshi ifyo bakokushinina?'' ⁶³Lelo Yesu ali fye tondolo. Shimapepo mukalamba alilandile kuli ena ati, "Nakukonkomesha muli Lesa wa mweo, twebe nga niwe Kristu, Umwana wakwa Lesa." ⁶⁴Yesu alimwaswike ati, "Walanda we mwine. Lelo nkokweba nati, ukufuma nomba ukamona Umwana wa Muntu alikele ku kuboko kwa kulyo ukwa maka, kabili akoisa pa makumbi ya mu mulu."⁶⁵Nolu shimapepo mukalamba alilepwile ifya kufwala fyakwe no kulanda ati, "Alanda ifya miponto! Nindo tukofwaila na bakambone? Lolesheni, nomba mwaumfwa imiponto. ⁶⁶Mukotontonkanyapo shani?'' Balyaswike no kulanda ati, "Alilingile ukufwa."⁶⁷Nolu balimusakile amate pa menso no kumuma na makofi yabo, ulo bambi balimutobele amapi ⁶⁸no kulanda ati, "Tuseseme, we Kristu. Ninani wa kuma?"⁶⁹Nomba Petero Alikele panse mu lubansa, no mubomfi umukashana alishile kuli ena no kulanda ati, ''Nobe waciba na Yesu wa ku Galili." ⁷⁰Lelo alikene pa menso yabo bonse, ukwebati, ''Nshishibile ifyo ukolandapo."⁷¹Ulo aile kwiminina pa mpongolo, na umbi umukashana umubomfi alimumwene no kulanda kuli abo abali palya ati, "Uyu muntu na ena ali na Yesu wa ku Nasareti." ⁷²Nakabili alikene no mulapo, "Nebo nshimwishibe uyu muntu!"⁷³Panuma ya kashita akanono abo abaiminineko balishile no kulanda kuli Petero ati, ''Icinefye nebo wine uli umo uwa muli bena, pantu imilandile yobe ikokushinina." ⁷⁴Nolu alitendeke ukutipa no kulapa ati, ''Nshimwishibile uyu muntu," napopenefye mukolwe alililile. ⁷⁵Petero alibukishe amashiwi Yesu alandile ati, "Ulo mukolwe talalila ukonkana imiku itatu." Nolu alile panse kabili alilile apakalamba.

27¹Nomba ulo caishile kuba ulucelo, bonse bashi-mapepo bakalamba na bakalamba ba bantu balipangene palwa kwipaya Yesu. ²Balimukakile, no kumusenda, kabili balimupele kuli Pilato cilolo.³Nolu ulo Yuda, uwa mufutwike, amwene ukwebati Yesu asekwa, alilapile kabili alibwekeshemo isha silfere amakumi yatatu kuli bashimapepo bakalamba na bakalamba, ⁴no kulanda ati, ''Ndibembwike pa kufutukila umulopa wa kaele.'' Lelo balilandile ati, ''Nindo iyo kuli fwebo? Uimwene we mwine.'' ⁵Nolu aliposele panshi isha silfere mwi tempele, kabili alifumineko, kabili alile kuikulika.⁶Bashimapepo bakalamba balibulile isha silfere no kulanda ati, ''Tefunde ukubika ishi mucipao pantu mutengo wa mulopa.'' ⁷Balilanshenye uyu mulandu bonse, kabili kuli isho indalama balishitilemo impanga ya kwa kabumba wa nongo umwakushika abeni. ⁸Na pamulandu wa ici ilya mpanga ikutwa, ''Impanga ya Mulopa'' ukufika na lelo.⁹Nolu cilya icalandilwe na Yeremia kasesema cali fikilishiwe, ukwebati, ''Balibulile isha silfere amakumi yatatu, umutengo uwabikilwe pali ena ku bana bakwa Israeli, ¹⁰no kushipela ku mpanga ya kwa kabumba wa nongo, ngefyo Shikulu antungulwile.''¹¹Nomba Yesu aliminine pamulola wakwa cilolo, kabili cilolo alimwipwishe ati, ''Bushe uli mfumu yaba Yuda?'' Yesu alimwaswike ati, ''Ulilandile ifyo fine.'' ¹²Lelo ulo balikumutunganya kuli bashimapepo bakalamba na bakalamba, tabasukile nangu kamo. ¹³Nolu Pilato alilandile kuli ena ati, ''Bushe taukomfwa ifintu ubwingi ifyo bakokutunganya?'' ¹⁴Lelo ta-aswike ishiwi nangu limo, icakwebati cilolo calimupapwishe.¹⁵Nomba pa nshita ya mutebeto wali mutande wakwa cilolo ukulekako umufungwa umo uo ibumba lyalikusala. ¹⁶Pali ilya nshita balikweteko umufungwa ntalamisoka uwali kwitwa Baraba.¹⁷Eco kanshi ulo bakolongene pamo, Pilato alilandile kuli bena ati, ''Ninani mukofwaya mikakwileko? Baraba, nangu Yesu uukutwa Kristu?'' ¹⁸Alishibile ukwebati ni pamulandu wa kalumwa bapelele Yesu kuli ena. ¹⁹Ulo ali alikele pa cipuna ca bupingushi, umukashi wakwe alitumine amashiwi kuli ena no kulanda ati, ''Wibulamo ulubali muli uyo muntu wakaele. Pantu ndiculile sana lelo pamulandu wa ciloto nacikwata pali ena.''²⁰Nomba bashimapepo bakalamba na bakalamba bali sonsombele ibumba ukwebati balombe Baraba, no kwipaya Yesu. ²¹Na cilolo alibepwishe ati, ''Bushe ninani pali aba babili uomukofwaya nebo mikakwilepo?'' Balilandile ati, ''Baraba.'' ²²Pilato alilandile kuli bena ati, ''Nindo nkocita na Yesu uwitwa Kristu?'' Bonse balimwaswike ati, ''Mutanikeni.''²³Nolu alilandile ati, ''Nindo, bubi ndo acitile?'' Lelo balicililemo ukubilikisha ati, ''Mutanikeni.'' ²⁴Eco kanshi ulo Pilato amwene ukwebati tapali icikomwafwa, lelo intulubundi eyali ikotendeka, alibulile amensi, alisambile na kuminwe pamulola we bumba no kulanda ati, ''Nebo ndi wakaele pa mulopa wa uyo muntu, Muimwene mwebene.''²⁵Abantu bonse balilandile ati, ''Umulopa wakwe na ube pali fwebo na bana besu.'' ²⁶Nolu alibakakwilile Baraba, lelo alilopwele Yesu no kumupela mukutanikwa.²⁷Nolu abashilika bakwa cilolo balitwele Yesu ku cipango cikalamba ica buteko no kukolonganika impuka yonse iya ba shilika. ²⁸Balimufulile kabili balimufwikile umwingila wakukashika cee. ²⁹Balipikwile ne cilongwe ca myunga no kubika pa mutwe wakwe, kabili balibikile inkonto ku kuboko kwakwe ukwa ku kulyo. Balimufukamine no ku mupunika, ukwebati, ''Mulopwe, we Mfumu yaba Yuda!''³⁰Balimusakile amate, kabili balibulile inkoto noku muma kumutwe imiku ne miku. ³¹Panuma ya kumupumya, balimufulile umwingila no ku mufwika amalaya yakwe kabili bali mutwele na mu ku mutanika.³²Ulo bafumine kunse, balisangile umuntu uwafumine ku Kurene ishina lyakwe ni Simone, uo bapatikishe ukuya nabo pakwebati engamusendelako icapindama cakwe. ³³Balifikile kuncende iikutwa Gologota, icikopilibula ukwebati ''Incende ya Cipanga.'' ³⁴Balimupele umwangashi wakukantuka uo basankenyemo indusha. Lelo ulo ausondele, alifililwe ukunwa.³⁵Panuma ya kumutanika, balyakenye amalaya yakwe mukuteya icakupendula, ³⁶kabili balikele bakomulinda. ³⁷Pamulu wa mutwe wakwe balilembelepo umulandu wakwe, uwalikubelengwa ukwebati, ''Uyu ni Yesu, imfumu yaba Yuda.''³⁸Utupondo tubili twalitanikilwe pamo nankwe, kamo ku kulyo kwakwe kambi ku kuso. ³⁹Nabo abali kupita bali mutukile, bakopukunya imitwe yabo ⁴⁰no kwebati, ''Webo we wali no kubongolola itempele no kulikula mu nshiku shitatu, ipusushe wemwine! Umfwa uli Mwana wakwa Lesa, ikila pa capindama!''⁴¹Mu musango umo wine bashimapepo bakalamba bali kumupunika, pamo na bakalemba na bakalamba, no kulanda ati, ⁴²''Alipuswishe bambi, lelo tekuti aipusushe umwine. Ni Mfumu ya bena Israeli. Lekeni ekile ukufuma pa capindama, elo tukosumina muli ena.⁴³Alicetekela muli Lesa, lekeni Lesa amupusushe nomba, umfwa Lesa asuminisha ukumukakula. Pantu umwine alilanda ati, 'Ndi Mwana wakwa Lesa.''' ⁴⁴Mu musango umo wine utupondo utwatanikilwe pamo nankwe nato twine twalimutukile.⁴⁵Nomba pa nsa yakulenga mutanda imfifi yalishile pe sonde ponse ukufika na pa nsa yakulenga pabula. ⁴⁶Pa nsa yakulenga pabula, Yesu alipundile ne shiwi ilikalamba kabili alilandile ati, ''Eloi, Eloi, lama sabakatani?'' icikopilibula ati, ''Lesa wandi, Lesa wandi, nindo mwandekelesesha?''' ⁴⁷Ulo abo abaiminine palya baumfwile ifi, balilandile ati, ''Akokuta Eliya.''⁴⁸Apopenefye umo pali bena alibutwike nokuya kubula umwepu, aliswishemo umwanganshi wakukantuka, no kubika ku nkonto yetete, no kumupa ukwebati anwe. ⁴⁹Na bashala bonse balilandile ati, ''Mulekeni eka. Lekeni tumone umfwa Eliya akoisa kumupususha.'' ⁵⁰Nolu Yesu nakabili alipundile ne shiwi ilikalamba kabili alilekele umweo.⁵¹Moneni, icisalu ca mwi tempele calilepwike pabili ukufuma pa mulu ukufika na panshi, kabili umushili walisunkene na mabwe yalilekenemo pakati. ⁵²Inshishi shaliswike, kabili ne mibili ya bamushilo abalele utwa mfwa balibukile. ⁵³Balifuminemo munshishi panuma ya kubuka kwakwe, balingile mu musumba wa mushilo, kabili balimonekele na ku bengi.⁵⁴Nomba ulo umukalamba wa bashilika nabo abali kulinda Yesu bamwene icinkukuma ne fintu fyacitike, balyumfwile umwenso sana kabili balilandile ati, ''Mucinefye uyu ali Mwana wakwa Lesa.'' ⁵⁵Bana mayo abengi abali kukonka Yesu ukufuma ku Galili kukutangata ifya kukabila fyakwe balikutamba akatalamukila. ⁵⁶Pali abo pali Maria umwina Magadala, Maria nyina wakwa Yakobo na Yosefe, na nyina wa bana baume bakwa Sebede.⁵⁷Ulo caba icungulo, kwalishile umuntu umukankala ukufuma ku Arimatea, uwe shina lya Yosefe, uwali nankwe musambi wakwa Yesu. ⁵⁸Alikumenye Pilato no kulomba umubili wakwa Yesu. Nolu Pilato alipele insambu ukwebati bamupele umubili.⁵⁹Yosefe alisendele umubili, aliupombele mu nsalu ya busaka iya kolokondwe, ⁶⁰kabili aliulalike mu nshishi yakwe iipya iyo aimbile mwi libwe. Nolu alisunkilepo icilibwe icikalamba pa mwinshi wa nshishi no kuya. ⁶¹Maria umwina Magadala na Maria umbi bali palya, balikele apalungatene ne nshishi.⁶²Ubushiku ubwa konkelepo, ubwali bushiku panuma ya bushiku bwa kupekanya, bashimapepo bakalamba na baFarise balikolongene pamo na Pilato. ⁶³Balilandile ati, ''We mfumu, tulibukishe ukwebati ulo ulya kabepa ali no mweo, alilandile ati, 'Panuma ya nshiku shitatu akabuka nakabili.' ⁶⁴Eco peleni ikambisho ukwebati inshishi icingililwe ukufika ku nshiku shitatu, nga teifyo abasambi bakwe kuti baisa kumwiba no kulanda ku bantu ati, 'Alibukile ku bafwa,' kabili ukulufya kwakulekelesha kukaba ukwabipisha ukucila ukwa ntanshi.''⁶⁵Pilato alilandile kuli bena ati, ''Sendeni kalinda. Kabiyeni mucingilile ukulingana nefyo mwishibe.'' ⁶⁶Eco balile no kulenga inshishi ukulindwa, balishinkilepo icilibwe no kubikapo ba kalinda.

28¹Nomba panuma ye Sabata, ulo cafikile ku maca pa bushiku bwakubalilapo ubwa mulungu, Maria Magadala na Maria umbi balishile mukumone nshishi. ²Moneni, kwali icinkukuma icikalamba, pantu malaika wakwa Shikulu alikile ukufuma ku mulu, alishile ku nkulushyapo icilibwe, no kwikalapo.³Ali kumoneka kubati ni nkuba, ne fyakufwala fyakwe fyalibutile nge mfula ya bungululu. ⁴Bakalinda balitutwime ku mwenso no kuba kubati bantu bafwile.⁵Malaika alilandile na banakashi no kulanda kuli bena ati, ''Mwitina, pantu ndishibe ukwebati mukofwaya Yesu, uwatanikilwe. ⁶Tali muno, lelo alibukile, ngefyo alandile. Iseni mumone apo shikulu alele. ⁷Kabiyeni mukwangufyanya muye kweba abasambi bakwe ati, 'Alibukile kubafwa. Moneni, alimitangililile ku Galili. Kulya eko mukoya kumumona.' Moneni, namyeba.''⁸Abanakashi balifumineko mukwangufyanya ku nshishi no mwenso ne nsansa ishingi, balibutwike ukuya kweba abasambi bakwe. ⁹Moneni, Yesu alibakumenye no kulanda ati, ''Mwapoleni!'' Banamayo balishile, balikete amakasa yakwe no ku mushinshimuna. ¹⁰Nolu Yesu alilandile kuli bena ati, ''Mwitina. Kabiyeni muyekweba ba munyinane baye ku Galili. Kulya eko bakaya kumbwena.''¹¹Nomba ulo abanakashi balikuya, moneni, bamo abapali bakalinda balile mu musumba no kuya kweba bashimapepo bakalamba ifintu fyonse ifyacitike. ¹²Ulo bashimapepo bakalamba bakumene na bakalamba no kulanshanya nabo ulya mulandu, balipele indalama ishingi ku bashilika ¹³no kubeba ati, 'Mulande kuli bambi ati, 'Abasambi ba kwa Yesu bacisa ubushiku no kwiba umubili wakwe ulo twacisendama.'¹⁴Umfwa ii imbila yafika kuli cilolo, tukamunasha no kufumya amasakamiko ayali yonse kuli mwebo.'' ¹⁵Eco kanshi abashilika balipokele indalama no kucita ifyo ba bebele. Imbila iyi yalisabankene monse mu ba Yuda kabili yalitwalilila ukufika na lelo.¹⁶Lelo abasambi ikumi na umo balile ku Galili, ku lupili ulo Yesu abasontelele. ¹⁷Ulo bamumwene, bali munshishimwine, lelo bamo balitwishike.¹⁸Yesu alishile kuli bena kabili alilandile nabo ukwebati, ''Amaka yonse yalipelwe kuli nebo mu mulu na pe sonde. ¹⁹Eco kanshi kabiyeni no kuya kulenga aba nko shonse ukuba abasambi. Mulekubabatisha mwishina lyakwa Tata, ilya Mwana, ne lya Mupashi wa Mushilo.²⁰Mulekubasambilisha ukubaka fyonse ifyo na mikonkomeshe. Moneni, na kulaba na mwebo lyonse, mpaka na kumpela ya nshita.''

Aushi: Bible for Mateo

Formatted for Translators

Mateo