To view a copy of the CC BY-SA 4.0 license visit
http://creativecommons.org/licenses/by-sa/4.0/
Luka
11Abengi balibulile umulimo wakubika pamo ifintu ifya fikilishiwa pali fwebo, 2mu musango umo wine fyapelelwemo kuli fwebo ukufuma ku bakubalilapo abo abali bakambone bacine kabili ababomfi ba cebo. 3Eco calimoneke icabune nakuli nebo wine, pantu nalifwailikishe fyonse bwino ukufuma mukutendeka, ukwebati nkulembele ifya kusuntinkana bwino, we wakucindikwa Teofile, 4pakwebati wishibe cine pa fintu ifyo wa sambilishiwa.5Mu nshiku sha mfumu Herodi imfumu yaku yudea kwaliko shimapepo ishina lyakwe ni Sekaria ukufuma mu cakaniko cakwa Abiya; umukashi wakwe Elisabeti nao ali wa muluko lwakwa Aaroni. 6Bonse babili bali balungami kuli Lesa, bali kwenda ababula akabi mu mafunde yonse ne fipope fyakwa Shikulu. 7Lelo tabakwetepo mwana pantu Elisabeti ali ni ng'umba, kabili bonse babili inshinku shabo shali - tantalile.8Nomba calishile kuba ukwebati Sekaria ali muceni cakwa Lesa, akobomba imilimo ya bushimapepo ukunkoka icakaniko cakwe. 9Ukulingana no mwata wakusalilamo nga ni shimapepo nshi akopyunga, alisalilwe mukupendula ukwingila mwi tempele lyakwa Shikulu mukoca ifya cena ca bune. 10Lyonse ibumba lya bantu lyali kupepela panse pa nsa ulo ifya cena cabune fyali kocewa.11Nomba malaika wakwa Shikulu alimonekele kuli ena no kwiminina lubali ku kulyo kwa cipailo ca fya cena cabune. 12Ulo Sekaria amumwene, alicushiwe, kabili alyumfwile umwenso. 13Lelo malaika alimwebele ati, ''Witina, Sekaria, pantu ipepo lyobe lilyumfwikile. Umukashi obe Elisabeti akakufyalila umwana mwaume. Ukamwinika ishina lyakwe Yohane.14Ukakwata ukusekelela ne nsansa, kabili abengi bakasangalala pa kufyalwa kwakwe. 15Pantu akaba mukalamba ku cinso cakwa Shikulu. Tafwile ukunwa umwangashi nangu ukunwa conse icikola, kabili akesulamo no Mupashi wa Mushilo ukufuma mu nda muli nyina.16Abengi aba mubufyashi bwakwa Israeli bakapilibukila kuli Shikulu Lesa wabo. 17Akaya pa cinso cakwa Shikulu mu mupashi na maka yakwa Eliya, no kupilibula imitima ya bashibo ku bana na batabela ku mucetekenya wa bakulungama - ukuteyanishisha Shikulu abantu abaipekanya pali ena"18Sekaria alyebele malaika ati, ''Bushe nkeshiba shani ifi? Pantu ndi mukote kabili umukashi wandi nao alitantalile mu nshiku shakwe.'' 19Malaika alyaswike no kumwebati, ''Nine Gabriele, uwiminina muceni cakwa Lesa. Nalituminwe ukulanda kuli webo ukukuletela iyi mbila nsuma. 20Mona! Ukaba tondolo, Tawakale kulanda, mpaka ubushiku ifi fintu fikacitika. Neci nipa mulandu wakwebati tausumine amashiwi yandi, ayo ayakafikilishiwa pa nshita lyayana."21Nomba abantu balikulolela Sekaria. Calibapapwishe pantu aliposele inshita sana mwi tempele. 22Lelo ulo afumine panse, talandile nabo. Bali kutulwike ukwebati alimwene icimonwa ulo aciba mwi tempele. Alikubacebushafye no kubelelela tondolo. 23Caishile kuba ukwebati ulo inshiku shakupyunga kwakwe shapwile, alile ku ng'anda yakwe.24Panuma ya ishi nshiku, umukashi wakwe Elisabeti alimite na pa myeshi isano alikuifisa umwine. Alyebele ati, 25''Ifi efyo Shikulu ancitile ulo andoleshe no bubile pakwebati afumye umusebanya wandi ku bantu.''26Mu mweshi wakulenga mutanda, Malaika Gabriele balimutumine ukufuma kuli Lesa ukuya mu musumba wa mu Galili uwitwa Nasareti, 27kuli nacisungu uwa kobekelwe ku mwaume uwe shina lya Yosefe, uwa mu lupwa lwakwa Dabidi, kabili ishina lyakwa nacisungu ali ni Maria. 28Alishile kuli ena no kulanda ati, ''Mwapoleni, webo we wakusenaminwa apakalamba! Shikulu ali nobe.'' 29Lelo alisakamikwe pa mashiwi yakwe kabili alilangulwike nga kuposha kwa musango nshani uku kwingaba.30Malaika alimwebele ati, ''Witina, Maria, pantu webo ulisangile ububile kuli Lesa. 31Mona, ukemita mwi fumo lyobe no ku fyala umwana umwaume. Uka mwinika inshina lyakwe 'Yesu.' 32Akaba umukalamba kabili akale kwitwa Umwana wa Wapulamo. Shikulu Lesa akamupa icipuna ca bufumu bwa cikolwe cakwe Dabidi. 33Akateka pa ng'anda ya kwa Yakobo umuyayaya, kabili takwakabe impela ku bufumu bwakwe.''34Maria alilandile kuli malaika ati, ''Ni mu musango ndo ifi fikacitika, pantu ntaishiba mwaume?'' 35Malaika alyaswike no kumweba ati, ''Umupashi wa mushilo ukaba pali webo na maka ya Wapulamo yakakufimba. Eco uwa-mushilo ukafyalwa aketwa Umwana wakwa Lesa.36Mona, lupwa obe Elisabeti nao alimite umwana umwaume mu bukote bwakwe. Uno emweshi wakulenga mutanda kuli ena, uyo uwalikwitwa ing'umba. 37Pantu takwakabe icakosa kuli Lesa ." 38Maria alilandile ati, ''Mona, ndi kanakashi umubomfi wakwa Shikulu.Nacibe kuli nebo ukulingana ne mbila yobe.'' Nolu malaika alimushile.39Nolu Maria aliimine muli shilya nshiku kabili mukwangufyanya alile ku calo ca mpili, ku musumba wa Yudea. 40Alingile mu ng'anda yakwa Sakaria no kuposha Elisabeti. 41Nomba calicitike ukwebati ulo Elisabeti aumfwilefye ukuposha kwakwa Maria, umwana munda yakwe alitolweke, kabili Elisabeti alisushiwemo na Mupashi wa Mushilo42Alililile ne shiwi lyakupundisha no kulanda ati, ''Walipalwa webo pa banakashi, kabili bwalipalwa ubufyashi bwa mwifumo lyobe. 43Nindo cacitikila kuli nebo ukwebati nyina wa kwa Shikulu wandi ese kuli nebo? 44Eco mona, ulo iciunda cakuposha kobe cishile ku matwi yandi, umwana mwi fumo lyandi acitoloka ku nsansa. 45Alipalwa umwanakashi uwasumina ukwebati kukaba ukufikilisha kwa ifi fintu ifyo aebelwe ukufuma kuli Shikulu."46Maria alilandile ati, ''Umweo wandi ulelumbanya Shikulu, 47kabili umupashi wandi ulyangile muli Lesa umupusushi wandi.48Pantu alilolekeshe pa kuicefye kwakwa kanakashi umubomfi wakwe. Pantu mona, ukufuma nomba ne nkulo shonse shakulankuta uwakupalwa. 49Pantu uwa Maka yonse alincitile ifintu ifikulu, kabili ishina lyakwe lya mushilo.50Uluse lwakwe lwalibelelela ukufuma ku nkulo ukufika ku nkulo kuli abo abamutina. 51Alilanga ubukose ku kuboko kwakwe; alisalanganya abo abaisansabike mu matontonkanyo ya mitima yabo.52Alitentemuna abalupaka ukufuma pafipuna fya bufumu bwabo kabili no kusumbula abaicefya mu mibele yabo. 53Alikwishe aba nsala ne fintu fyabune, lelo alilekele aba fyuma ukuya iminwe - nkutwa.54Alipele icafwilisho kuli Israeli umubomfi wakwe, pa kwibukisha ukulanga uluse 55(nga fintu alandile kuli ba shifwe ) kuli Abrahamu na bamubufyashi bwakwe umuyayaya."56Maria alikele na Elisabeti ukufika ku myeshi itatu kabili alibwelele ku ng'anda yakwe. 57Nomba inshita yalifikile kuli Elisabeti iya kupapa umwana kabili alifyele umwana umwaume. 58Abena mupalamano na balupwa bakwe balyumfwile ukwebati Shikulu alilangile uluse lwakwe ulukalamba kuli ena, kabili balisangalele nankwe.59Nomba calicitike pa bushiku bwakulenga cinekonsekonse ukwebati baliletele umwana mu kusembululwa. Nga balimwinike ''Sekaria,'' ishina lyakwa wishi. 60Lelo nyina alyaswike no kwebati, ''Iyo. Ali no kwitwa Yohane.'' 61Balilandile kuli ena ati, ''Tapaba nangu umo uwitwa ili shina mu balupwa lobe.''62Balilangilile wishi ifyo alikufwaya umwana enikwe. 63Wishi alilombele icipapatu apakulemba kabili alilembele, ''Ishina lyakwe ni Yohane.'' Caliba papwishe bonse pali ici.64Apopenefye akanwa kakwe kaliswike kabili ululimi lwakwe lwalikakwilwe. Alilandile no kulumbanya Lesa. 65Umwenso walikete bonse abena mupalamano ba bashingulwike. Ne milandu yonse iyi yalisalanganine mufyalo fya mu mpili ifya mu Yudea. 66Bonse aba bomfwile ba balibasungile mu mitima yabo, ukweba ati, 'Kanshi uyu mwana akaba shani?'' Pantu ukuboko kwakwa Shikulu kwali nao.67Wishi Sakaria alisushiwemo na Mupashi wa Mushilo kabili aliseseme, ukweba ati, 68''Alumbanishiwe Shikulu, Lesa wa kwa Israeli, pantu alishile mukwafwilisha kabili alipwilishishe icilubula ca bantu bakwe.69Alimishe ulusengo lwe pusukilo pali fwebo mu ng'anda ya mubomfi wakwe Dabidi 70(nga filya alandile ku kanwa ka bakasesema ba mushilo ukufuma ku kale), 71ukulubuka ukufuma ku balwani besu kabili ukufuma kumaboko ya abo abatupata.72Ali nokucita ici ku kulanga uluse kuli bashifwe no kwibukisha icipangano cakwe ica mushilo, 73umulapo uo alapile kuli Abrahamu shifwe. 74Alilapile ukutupela pantu fwebo, alitupokolwele ukufuma ku maboko yaba lwani besu, tukamupyungila ukwabula mwenso 75muli bumushilo kabili mu bulungami ku cinso cakwe inshiku shesu shonse.76Ee, kabili webo, we mwana, ukakutwa Kasesema Uwapulamo, pantu ukaya ku ntanshi yakwa Shikulu ku kukupekanya inshila shakwe, ku kupekanya abantu palwa kwisa kwakwe, 77ukupela ubwishibilo bwe pusukilo ku bantu bakwe ukupitila mu kwelela kwa membu shabo.78Ifi fikacitika pa mulandu wa luse lwakwa Lesa wesu, pamulandu wa ici ulubuto lwa kutula kwa kasuba ukufuma mu mulu lukesa kutwafwa, 79kukusanika pali abo abekala mu mfinshi na mu cinshingwa camfwa. Akacita ifi ku kutungulula amakasa yesu mu nshila ya mutende.''80Nomba umwana alikulile kabili alikosele ku mupashi, kabili ali mu matololo ukufika na ku bushiku bwa ku moneka kwakwe palwalala kuli Israeli.
21Nomba muli shilya nshiku, calishile kuba ukwebati Kaisere Augusti alitumine icipope ukwebati ukupenda kucitwe ukwabantu bonse abekala mu calo. 2Uku ekwali ukupendwa kwakubalilapo ukwacitilwe ulo Qwirini ali kateka wa ku Syria. 3Eco cila umo alile ku Musumba wakwe ku kulembeshiwa kukupendwa.4Yosefe nao alile ukufuma ku Galili, ukufuma ku musumba wa Nasareti, ku Yudea, ku musumba wakwa Dabidi, uukutwa Betelehemu, pantu ali wa mu ng'anda kabili mulupwa lwakwa Dabidi. 5Alile kulya ku kulembesha pamo na Maria, uo akobekele kuli ena kabili ali ne fumo.6Nomba calishile kuba ukwebati ulo bacili bali kulya, inshinta ya kupapa umwana wakwe yalifikile. 7Alifyele umwana umwaume, umwana wakwe ibeli, kabli alimupombele mu nsalu ishitali isha mishilwa yakulola mu butali no kumulalika mwitanga, pantu tamwali umuputule wabo mu ng'anda ya beni.8Kwali bakacema kuli cilya citungu abalikwikala mu mpanga, bakolinda imikuni shabo ubushiku. 9Malaika wakwa Shikulu alimonekele kuli bena, no bukata bwakwa Lesa bwalisanike ukubashinguluka, kabili baliketwe no mwenso uukalamba.10Nolu malaika alilandile kuli bena ati, "Mwiba na mwenso, pantu ndimiletele imbila nsuma iyo iikaleta insansa inshikalamba ku bantu bonse. 11Lelo Kapususha alimifyalilwe mu musumba wakwa Dabidi! Ni Kristu Shikulu! 12Ici ecishibilo icikapelwa kuli mwebo: Mukosanga akanya kalifungilwe mu nsalu kabili kalilele na mwitanga."13Mukupumikishafye pamo na malaika kwali bumba ilikalamba ukufuma kumulu, likolumbanya Lesa no kwebati, 14" Ubukata kuli Lesa uwa mwasansama, kabili napabe umutende pesonde pakati ka bantu abo abekelwamo.''15Calishile kuba ukwebati ulo malaika aile ukufuma kuli bena ukuya mu mulu, bakacema balilandile kuli cila umo na umo, "Natulekuya ku Betelehemu no kumona ici cintu icicitikile, ico Shikulu elengele cishibikwe kuli fwebo." 16Balyangufwenye ukuya kulya kabili balisangile Maria, Yosefe, na kanya, akalele mwitanga.17Panuma ya kumumona, balilondolwele icalandilwe kuli bena palwa uyu mwana. 18Bonse abaumfwile balisungwike pa fyalandikwe kuli bena ukufuma kuli bakacema. 19Lelo Maria akonkenyepo ukutontonkanya pa fintu fyonse ifyo aumfwile, ukufisunga mu mutima wakwe. 20Bakacema balibwelelemo, bakopela ubukata no kulumbanya Lesa pali fyonse ifyo baumfwile no kumona, kubati fintu fyalandilwe kuli bena.21Ulo ubushiku bwakulenga cinekonsekonse bwapwile, ulo asembulwilwe, alinikwe Yesu, ishina ilyo apelwe ukupitila muli malaika ilyo talaimitwa mwifumo.22Ulo nshiku shalinga isha kusangululwa kwabo shapitile, ukulingana na malango yakwa Mose, balimuletele kwi tempele mu Yerusalemu ku kwisa kumutula kuli Shikulu. 23Nga fintu calembwa mu malango yakwa Shikulu, "Umwaume onse uwakubalilapo mwi fumo akapelwa kuli Shikulu." 24Eco balipele ilambo ukulingana ne fyalandilwe mu malango yakwa Shikulu, ''inkunda shibili nangu ifipele ifyana fibili."25Moneni, kwali umwaume mu Yerusalemu ishina lyakwe ni Simeon, kabili uyu muntu ali mulungami kabili uwaipelesha. Alikulolela icikoseleshi cakwa Israeli, kabili Mupashi wa Mushilo ali pali ena. 26Calisokolwelwe kuli ena na Mupashi wa Mushilo ukwebati takamone mfwa ulo talati kumona Kristu wakwa Shikulu.27Alitungululwilwe na Mupashi, Simeone alishile mwi tempele. Ulo abafyashi baletele umwana Yesu mukati, ukumucitila ukulingana no mwata wa malango, 28alimwimishe mu maboko yakwe no kulumbanya Lesa, kabili alilandile ati, 29"Nomba lekeni umubomfi wenu alekuya mu mutende, mwe Shikulu, ukulingana ne cebo cenu.30Pantu amenso yandi yalimwene ipusukilo lyenu, 31ilyo mwapekanya ku cinso ca bantu bonse: 32Ulubuto lwa busokololo ku bena fyalo no bukata kubantu bobe abena Isreali."33Wishi na nyina balipapwike pa fyalandilwe pali ena. 34Simeone alibapalile kabili alilandile kuli Maria nyina ati, "Mona, uyu mwana alisontwa kukuwa no kwimishiwa kwa bantu abengi mu Isreali kabili icishibilo icakanwa- 35kabili ulupanga lukalasa umweo obe - pakweba ati amatontonkanyo ya mitima iingi yengasokololwa."36Kasesema umwanakashi uwalikwitwa Ana emo ali. Ali mwana mwanakashi wakwa Fanuele ukufuma ku mutundu wakwa Ashere. Alitantalilako mu nshiku shakwe. Alikele no mulume wakwe imyaka cinelubali panuma ya buna cisungu bwakwe, 37kabili ali ni mukamfwilwa pa myaka amakumi cinekonsekonse na ine. Tatalile afuma mwi tempele lelo alikupyunga na mafungo na mapepo, ubushiku na kasuba. 38Pali ilya inefye nsa alipalamine kuli bena no kutendeka ukupela matotelo kuli Lesa, kabili alilandile pa mwana kuli onse uwalikulolela ukulubulwa kwa Yerusalemu.39Ulo bapwishishe fyonse ifyo balikufwaikwa ukucita ukukonka na malango yakwa Shikulu, balibwelele ku Galili, ku mushi wabo uwa Nasareti. 40Umwana alikulile kabili alikosele; alikwatishe amano, no kusenaminwa kwakwa Lesa kwali pali ena.41Abafyashi bakwe balikuya cila mwaka ku Yerusalemu ku mutebeto wa cakucilila. 42UIo ali ne myanka ikumi limo na ibili, nakabili balile pa nshinta ya mwata ku mutebeto. 43Panuma ya kwikala inshiku ishakumanina ku mutebeto, balitendeke ukubwelela ku ng'anda. Lelo umulumendo Yesu alishele ku Yerusalemu na bafyashi bakwe tabaishibile ici. 44Balitontonkenye ukwebati ali pe bumba ilyali kuya nabo, eco balyendele ubulendo bwa bushiku bumo. Nolu balitampile ukumufwailisha muli balupwa babo ne fibusa.45Ulo tabamusangile, balibwelelemo ku Yerusalemu no kutendeka ukumufwaya mukutekanya kulya. 46Calishile kuba ukwebati panuma ya nshiku shitatu balimusangile mwi tempele, alikele pakati ka bakasambilisha, akoumfwa kuli bena akobepusha ne fipusho. 47Bonse abamumfwile balisungwike pa bwishibilo bwakwe na masuko yakwe.48Ulo ba mumwene, balisungwike. Nyina alilandile kuli ena ati, "We mwana, nindo wacitila ifi kuli fwebo muli uyu musango? Lolesha, bawiso na nebo twacilakufwaisha." 49Alilandile kuli bena ati, "Nindo mwaciba mukomfwaila? Tamwacishiba ukwebati naciba ku makwebo yakwa Tata? 50Lelo tabailwike umo aloseshe pali ayo mashiwi.51Nolu alibwekelemo nabo ku ng'anda ku Nasareti kabili ali ne cumfwila kuli bena. Nyina alisungile ifi fintu fyonse mu mutima wakwe. 52Lelo Yesu alikonkonyepo ukukula mu mano na mu mushinku, kabili alikulile mu bubile kuli Lesa na ku bantu.
31Mu mwaka wakulenga ikumi limo na isano mu buteko bwa kwa Tiberi Kaisare - ulo Ponti Pilato ali mulashi waku Yudea, Herodi ali ni mfumu yaku Galili, na Filipi munyina ali ni mfumu ya kucitungu ca Iturea na Tarakonitisi, kabili Lisanyasi ali ni mfumu yaku Abilene, 2munshita Anasi na Kayafa bali bashimapepo bakalamba - icebo ca kwa Lesa calishile kuli Yohane umwana mwaume wakwa Sekaria mu matololo.3Alile mu citungu conse icashingulwike Yordani, akoshimikila ulubatisho lwa kulapila ku kwelelwa kwa membu.4Ngafilya calembwa mu citabo ca mashiwi ya kwa Esaya kasesema ukwebati, "Ishiwi lya umo ukobilikisha mu matololo, 'pekanyeni inshila yakwa Shikulu, tambalikeni nshila shakwe.5Umukonko uuli onse ukesushiwa, kabili ulupili lonse no tumilundu tukapaswa ne misebo yakolobana ikatambululwa, ne ncende sha kulundumama shikapangwamo imisebo, 6ne ca mweo conse cikamona ipusukilo lya kwa Lesa."'7Eco Yohane alilandile ku mabumba ayalikwisa mu kubatishiwa kuli ena ati, "Mwebo mwe bufyashi bwa mafwafwa! Bushe ninani wamisokele ukubutuka ukufuma ku bukali ubukoisa?8Eco, twaleni fisabo ifilingile ukulapila, kabili mwitendeka ukulanda muli mwebene ati, 'Twalikwata Abrahamu nga shifwe,' pantu nkomyeba nati Lesa kuti aimishapo Abrahamu abana ukufuma kuli aya mabwe.9Na nomba line isembe lilibikilwe ku mishila ya miti. Eco kanshi icimuti conse ici shitwala ifisabo fisuma cikoputulwa no kuposwa mu mulilo."10Nolu amabumba yalitwalile uku mwipusha, ukwebati, "Nindo kanshi fwebo tukofwaikwa ukucita?" 11Alibaswikile no kulanda kuli bena ati, "Umfwa umo alikwete amalaya yabili, akanyeko umo uutakwetepo, no ukwete ifyakuya nao acite cimo cine."12Bakasonkesha nabo bene balishile mu kubatishiwa, nabo balilandile kuli ena ati, "Kasambilisha, bushe nindo tukofwaikwa ukucita?" 13Ali bebele ati, "Mwilekusonkesha ulupiya ulwingi ukucila palo ba myeba ukupoka."14Abashilika nabo bali mwipushe, ukwebati, "Bushe nga fwebo? Nindo fwebo tukofwaikwa ukucita?" Alibebele ati, "Mwilekupoka lupiya ku muntu nangu umo ku maka,kabili mwilakushinina uuli onse ifyabufi. Mutemumwe na malipilo yenu."15Nomba ulo abantu bali bakokabila sana Krisitu ukwisa , bonsefye balikulanguluka mu mitima yabo palwa kwa Yohane, nga kuti aba ni Kristu. 16Yohane alibasukile no kulanda kuli bonse ukwebati, "Nebo nkomubatisha na menshi, lelo umo uukoisa wa maka yakucila nebo, kabili nshalinga ukukakula intambo sha pa ndyato shakwe. Akamibatisha no Mupashi wa Mushilo no mulilo.17Ica kupetwilako cili mu minwe yakwe ku kulula bwino fyonse pa cipulilo no kulonganya ingano kubutala bwakwe. Lelo akoca imisungu mu mulilo uushingashima."18Na pa mashiwi yakukoselesha nayo ayengi, Yohane alikubilisha imbila nsuma ku bantu. 19Ulo Herodi imfumu ba ikalipile pa kupa umukashi wa kwa Herodia munyina, kabili ne fintu fya bubi fyonse ifyo Herodi acitile, 20alilundilepo nefi kuli bonse, ifyakwebati aliisalile Yohane mu cifungo.21Nomba caishile kuba ukwebati, ulo abantu bonse babatishiwe, Yesu nao alibatishiwe, kabili ulo ali akopepa, imyulu yaliswike, 22no Mupashi wa Mushilo walikile pali ena kubati lukunda, ne shiwi lyalifumine ku mulu likoeba ati, "Uli mwana wandi uwatemwikwa. Muli webo emo mbekelwa."23Ulo Yesu atendeke ubupyungishi bwakwe, ali ne myaka amakumi yatatu. Ali mwana mwaume (nga fintu calikutunganishiwa) uwakwa Yosefe, mwana mwaume wakwa Heli, 24Mwana mwaume wakwa Matati, mwana mwaume wakwa Lebi, mwana mwaume wakwa Melki, mwana mwaume wakwa Yanai, mwana mwaume wakwa Yosefe.25Yosefe ali ni mwana mwaume wakwa Matatia, umwana mwaume wakwa Amose, umwana mwaume wakwa Nahumu, umwana mwaume wakwa Esli, umwana mwaume wakwa Nagai, 26umwana mwaume wakwa Mati, umwana mwaume wakwa Matatiasi, umwana mwaume wakwa Semeini, umwana mwaume wakwa Yoseke, umwana mwaume wakwa Yoda.27Yoda ali mwana mwaume wakwa Yoanani, umwana mwaume wakwa Resa, umwana mwaume wakwa Serubabele, umwana mwaume wakwa Salatile, umwana mwaume wakwa Neri, 28Umwana mwaume wakwa Melki, umwana mwaume wakwa Addi, umwana mwaume wakwa Kosamu, umwana mwaume wakwa Elimadamu, umwana mwaume wakwa Er, 29umwana mwaume wakwa Yoshua, umwana mwaune wakwa Eliesere, umwana umwaume wakwa Yorimu, umwana mwaume wakwa Matati, mwana mwaume wakwa Lebi.30Lebi ali mwana mwaume wakwa Simeone, umwana mwaume wakwa Yuda, umwana mwaume wakwa Yosefe, umwana mwaume wakwa Yonamu, umwana mwaume wakwa Eliakimu, 31umwana mwaume wakwa Melea, umwana mwaume wakwa Mena, umwana mwaume wakwa Matata, umwana mwaume wakwa Natani, umwana mwaume wakwa Dabidi, 32umwana mwaume wakwa Yese, umwana mwaume wakwa Obede, umwana mwaume wakwa Boasi, umwana mwaume wakwa Salmone, umwana mwaume wakwa Nashone.33Nashone ali mwana mwaume wakwa Aminadabu, umwana mwaume wakwa Adimini, umwana mwaume wakwa Arni, umwana mwaume wakwa Hesrone, umwana mwaume wakwa Perese, umwana mwaume wakwa Yuda, 34umwana mwaume wakwa Yakobo, umwana mwaume wakwa Isaki, umwana mwaume wakwa Abrahamu, umwana mwaume wakwa Terah, umwana mwaume wakwa Nahor, 35umwana mwaume wakwa Serugi, umwana mwaume wakwa Reu, umwana mwaume wakwa Pelegi, umwana mwaume wakwa Ebere, umwana mwaume wakwa Shela.36Shela ali mwana mwaume wakwa Kainani, umwana mwaume wakwa Afakisadi, umwana mwaume wakwa Shemu, umwana mwaume wakwa Noa, umwana mwaume wakwa Lameki, 37umwana mwaume wakwa Metusela, umwana mwaume wakwa Enoke, umwana mwaume wakwa Yaredi, umwana mwaume wakwa Mahalaleli, umwana mwaume wakwa Kenani, 38umwana mwaume wakwa Enosi, umwana mwaume wakwa Seti, umwana wakwa Adamu, umwana mwaume wakwa Lesa.
41Nolu Yesu, pakuba uwaisulamo no Mupashi wa Mushilo, alibwelele ukufuma ku mu mana wa Yordani kabili alitungulwilwe no Mupashi mu matololo, 2pa nshiku amakumi yane alikutukwa na kasebanya. Talikulyapo nelyo kamo pali isho nshiku, na pa kupwa kwa ilya nshita alyumfwile nsala.3Kasebanya alilandile kuli ena ati, "Nga uli Mwana wakwa Lesa, "Eba ili libwe lyaluke umukate." 4Yesu alimwasuke ati, ''Calilembwa aciti, 'Umuntu tekalila ku mukate wekafye."'5Nolu kasebanya alitungulwile Yesu pamulu no kumulanga amabufumu yonse aya pa calo mu kashita akanono. 6Kasebanya alilandile kuli ena ati, "Ndekupela insambu ishi shonse no bukata bwayako bonse, pantu fyalipelwa kuli nebo, kabili kuti napela ku kuuli onse uo nkofwaya. 7Eco kanshi, umfwa wamfukamina no kunshinshimuna, fikoba fyobe."8Lelo Yesu alimwasukile no kulanda kuli ena ati, "Calilembwa aciti, 'Ulekushinshina Shikulu Lesa obe, no kumupyungila eka fye. '''9Nolu kasebanya alitungulwile Yesu ku Yerusalemu no kumubika pa nsoshi ye tempele, no kulanda kuli ena ati, "Nga uli Mwana wakwa Lesa, ipose panshi ukufuma pano. 10Pantu calilembwa aciti, 'Akakonkomesha ba malaika bakwe palwa webo, uku kucingilila,' 11kabili , 'Bakakusumbula mu maboko yabo, pakwebati tauipunwine ulukasa lobe kwilibwe.''''12Pakumwasuka, Yesu alilandile ati, ''Calilandwa ati, 'Wilakwesha Shikulu Lesa obe.''' 13Ulo kasebanya apwile ukutunka Yesu, alifuminepo kabili alimushile mpaka inshita imbi.14Nolu Yesu alibwelele ku Galili mu maka ya Mupashi, ne lyashi pali ena lyali salangene ukushinguluka icitungu conse. 15Nolu alitendekele ukusambilisha muma sunagoge yabo kabili ali lumbanishiwe kuli bonse.16Alishile ku Nasareti, uko akulile, kabili, nge fyali ulutambi lwakwe, aliingile mu sunagoge pa bushiku bwe Sabata kabili alimine ku kubelenga mukubilikisha. 17Umufungilo walembelwepo ifya kwa kasesema Esaya walipelwe kuli ena. Aliswile umufungilo kabili alisangile apalembelwe ati,18"Umupashi wakwa Shikulu uli pali nebo, pantu alinsubile ukubila imbila insuma ku babusu. Alintumine ukuya kubila ukulubulwa kuli bankole no kubweshesha ukumona ku mpofu, ukukakula abo abanyantililwa, 19ukubila umwaka wa bubile bwakwa Shikulu."20Nolu alipombele umufungilo, alibweseshe kuli kangalila, kabili alikeleko. Amenso ya bonse abali mu sunagoge yalitontele pali ena. 21Alitendekele ukulanda kuli bena ati, "Ubwalelo ili lembo lyafikilishiwa mu matwi yenu." 22Bonse kulya balilandile ifyabune pali ena kabili bali sungwike pa fyebo fya kusenamina ifyali kufuma mukanwa kakwe, kabili balipwishe ati, "Bushe uyu tali mwana mwaume wakwa Yosefe?"23Alilandile kuli bena ati, "Mucine mwalangumina ilipinda, 'Kondapa, yundape we mwine. Fyonse ifyo twaumfwile wacitile mu Kapenaumu, cita fimo fine mu mushi obe."' 24Lelo alilandile ati, "Mucinefye nkolanda kuli mwebo nati, takuli kasesema uupokelelwa mu mushi wakwe.25Lelo mucine nkomweba nati mwali bamuka mfwilwa abengi mu Isreali mu nshita yakwa Eliya, ulo umulu waiselwe pa myaka itatu ne myeshi mutanda ne cipowe cikalamba caliponene pa calo conse. 26Lelo Eliya tatuminwe ku uli onse pali bena, lelo kanofye ku Sarefati mu Sidone, kuli mukamfwilwa uwalikwikala mulya. 27Kwali abafibashi abangi mu Isreali pa nshita yakwa Elisha kasesema, lelo tapali nangu umo uwa sangulwilwe kanofye Naamani umwina Syria."28Bonse abantu abali mu sunagoge baliswilemo icipyu ulo baumfwile ifi fintu. 29Balimine, no kumutamfya mumushi, no kumutwala ku cipuma ca lupili apo umushi wabo wakulilwe, pakweba ati baye kumuposa ukufuma pa cipuma ca lupili. 30Lelo alipitile pakati kabo kabili alile ku ncende imbi.31Ulo atentemukile ku Kapenaumu, umusumba wa mu Galili, kabili alitendeke ukubasambilisha pe Sabata. 32Balisungukile pa misambilishishe yakwe, pantu alikulanda ne nsambu.33Nomba mu sunagoge mwali umwaume uwali no mupashi wakukowela, kabili alililile ne shiwi ilikalamba ati, 34"Yaku ee! Nindo tukofwaika ukucita na webo, we Yesu waku Nasareti? Bushe ulishile mukutonaula? Ndikwishibile webo - uli wa Mushilo wakwa Lesa!"35Yesu alikalipile ingulu, ukweba ati, "Talala! Fumamo muli ena!" Ulo ingulu yaponeshe umwaume panshi pakati kabo, yalifuminemo muli ena, kabili tayamucenene mu musango uuli onse. 36Abantu bonse balipapile sana, kabili balitwalilile ukulandapo umo no munankwe. Balilandile ati, "Fyebo fya musango shani ifi? Alakalipila imipashi yakukowela mu nsambu na maka nayo ilafumamo." 37Eco ilyashi pali ena lyalitendekele ukusabankana mu citungu ca shinguluka.38Nolu Yesu alifumine mu sunagoge no kwingila mu ng'anda yakwa Simone. Nomba nafyala wakwa Simone alikucushiwa ne mpepo iikalamba nganshi, kabili balimupapatileko kuli ena. 39Eco aliminine pali ena no kukalipila impepo, kabili yalimushile. Apopenefye alimine kabili alitendeke ukubapyungila.40Ulo akasuba kalikuwa, abantu baliletele kuli Yesu bonse abalwele amalwele ayakulekana - lekana. Alibikilepo indupi shakwe pali bonse no kubaposha. 41Ingulu nasho shalifuminemo mu bengi, shikopunda no kulanda ati, "Uli Mwana wakwa Lesa!" Yesu alikalipile ingulu kabili talikushisuminisha ukulanda, pantu shalishiibile ukwebati ni Kristu.42Ulo ubushiku bwacele, alile ku ncende ya fisama. Amabumba ya bantu yalikumufwaya no kwisa ku ncende uko ali. Balyeseshe ukumukanya ukuya ukufuma kuli bena. 43Lelo alilandile kuli bena ati, "Mfwile ukubila imbila nsuma palwa bufumu bwakwa Lesa naku misumba iingi naimbi, pantu uyu emulandu natuminwe kuno." 44Nolu alitwalilile ukushimikila muma sunagoge ukupita monse mu Yudea.
51Nomba calicitike ulo abantu balikuititika ukushinguluka Yesu no kumfwa ku cebo cakwa Lesa, aliiminine pa mbali ya bemba wa Gennesareti. 2Alimwene amato yabili ayo bakakile pa mpela ya bemba. Abashila balifuminemo kabili balikusamfya masumbu yabo. 3Yesu alingile mu bwato bumo, ubwali bwakwa Simone, kabili alimwipwishe ukubutalushako panono ku mulundu ukuyako mu menshi. Elo aikeleko mubwato no kusambilisha abantu.4Ulo apwishishe ukulanda, alilandile kuli Simone ati, "Twala ubwato pa menshi ayakushika no kuposa amasumbu yenu ku kwikata." 5Simone alyasukile ati, "Shikulu, tubombele ubushiku bonse no kukana ikata nangu kamo, nomba pa cebo cenu, nkoteya amasumbu." 6Ulo bacitile ifi, balikete isabi ilingi, na masumbu yabo yalikulepuka. 7Eco balicebwishe abanabo mu bwato bumbi ukwebati bengesa kubafwilishako. Balishile no kwisusha yonse yabili amato, icakwebati balitendekele ukubunda.8Lelo Simone Petero, ulo amwene ifi, aliwile pa makasa yakwa Yesu, ukulanda ati, "Fumeni kuli nebo, pantu ndi muntu umubembu, mwe Shikulu." 9Pantu ena na bonse abali nankwe balipapwike pa kwikata kwe sabi ilyo basendele. 10Na bambi bali ni Yakobo na Yohane, abana baume bakwa Sebede, abali kwampana na Simone. Yesu alilandile kuli Simone ati, "Witina, pantu ukufuma lelo ukoba umulondo wa bantu." 11Ulo baletele amato yabo ku mulundu, balishile fyonse no kumukonka.12Calishile kuba ukwebati ulo ali mu musumba umo, umwaume uwalwele ifibashi alikulya. Ulo amwene Yesu, aliwile ubunkupeme no kumupapata, alilandile ati, "mwe Shikulu, umfwa mukofwaya, kuti mwansangulula." 13Elo Yesu atambalike ukuboko kwakwe no kumwikata, ukulanda ati, nkofwaya. Sangululwa." Apopenefye ifibashi fyalipolele.14Alimukonkomeshe ukukana eba nangu umo lelo alimwebele ati, "Kabiye munshila yobe, nokuya kuilanga kuli shimapepo no kupela ilambo palwa kusangululwa kobe, ukulingana nefyo Mose akonkomeshe, ukubo bunte kuli bena."15Lelo ululumbi lwakwe lwalisalanganineko, na mabumba ya bantu ayakalamba yali kolongene capamo ku kumumfwa akosambilisha no kundapwa ku malwele yabo. 16Lelo ilingi alikubasha nokuya ku ncende yakutalala tondolo no kupepa.17Calishile kubati pa bushiku bumo munshiku shilya ati ali kusambilisha, kabili kwali aba Falise naba kasambilisha ba malango abaikele kulya abaishile ukufuma kuli cila mushi wa mu Galili na mu Yudea no kufuma ku Yerusalemu. Amaka yakwa Shikulu aya bundapa yali nankwe.18Nomba abaume bamo abaishile balisendele pa butanda umwaume uwali no bulebe, kabili balifwaile inshila shakumwingisha mukati no kumulalika panshi kuntashi yakwa Yesu. 19Balifililwe ukusanga inshila yakumwingishishamo mukati pamulandu we bumba, eco baninine pamutenge bamupisha mu ngelwa shakupapatala, pa butanda bwakwe, mukati ka bantu, ku mulola wakwa Yesu.20Pakumone cicetekelo cabo, Yesu alilandile ati, "We mwaume, imembu shobe shaelelwa." 21Bakalemba na baFarise balitendekele ukwipusha ici, bakolanda ati, "Ninani uyu ukolanda ifyamiponto? Ninani wingelela imembu kanofye Lesa eka?"22Lelo Yesu, pakwishiba ifyo bali kutontonkyanya, alyasukile no kulanda kuli bena ati, "Nindo mukoipusha ici mumitima yenu? 23Cindo cayanguka ukulanda, 'Amasambi yobe yaelelwa' nangula ukulanda ati 'Ima no kwenda'? 24Lelo pakwebati mwingeshiba ati Umwana wa Muntu alikwata amaka pe sonde ayakwelela imembu," - alilandile ku mwaume wabulebe ati - "Nakweba, ima, senda ubutanda bobe nokuya ku ng'anda yobe."25Apopenefye aliminine ku ntanshi yabo kabili alimishe ubutanda ubo alelepo. Nolu alile ku ng'anda yakwe, akolumbanya Lesa. 26Bonse balisungukile kabili balilumbenye Lesa. Baliswilemo no mwenso, ukulanda ati, ''Twamone fintu fyakupapa ilelo."27Panuma ifi fintu fyacitika, Yesu alifumineko kulya no kumona kasonkesha wa misonko uweshina lya Lebi alikele mwi tenti lyaba kasonkesha ba misonko. Alilandile kuli ena ati, "Nkonka." 28Eco Lebi alimine no kumukonka, alishile fyonse kunuma.29Nolu Lebi alipekanishishe Yesu umutebeto uukalamba mu ng'anda yakwe. Kwali ba kasonkesha ba misonko abengi kulya na bantu bambi abalikukuwama pe tebulo no kulya nabo. 30Lelo abaFarise na bakalemba babo balikuilishanya ku basambi bakwe, ukulanda ati, "Nindo mulila no kunwa pamo na bakasonkesha ba misonko na babembu?" 31Yesu alibasukile ati, "Abantu abatalwele tabafwaya shinganga; kanofye abo abalwele. 32Nshaishile kukukuta abalungami, lelo ababembu kukulapila."33Balilandile kuli ena ati, "Abasambi bakwa Yohane ilingi balafunga no kupepa, na basambi babaFarise bacita cimo cine. Lelo abasambi bobe balalya no kunwa." 34Yesu alilandile kuli bena ati, "Bushe uuli onse engalenga abakwa shibwinga abeshile ku bwinga ukufunga ulo shibwinga acili nabo? 35Lelo inshiku shikoisa ulo shibwinga akasendwa kumbi ukufuma kuli bena, elo muli isho inshiku bakafunga.''36Nolu Yesu alibomine umulumbe. "Takwaba uulepulako akapimfya ku nsalu iipya no kukabomfya ukukambika insalu ya kale. Nga acita ifyo, akalepula insalu iipya, na kasalu kakofuma ku nsalu iipya takakalinge ku nshalu ya kale.37Takuli uubika umwangashi upya mu nsupa sha mwangashi ishakale. Umfwa acita ifyo, umwangashi upya kuti walepula insupa, no mwangashi kuti waitika, ne msupa sha mwangashi shikonaika. 38Lelo umwangashi upya ufwile ukubikwa mu nsupa sha mwangashi ishipya. 39Takuli nangu umo panuma ya kunwa umwangashi uwakale enga fwaya uupya, pantu alanda ati, "uwakale wabune."'
61Nomba calicitikile pa bushiku bwe Sabata ukwebati Yesu alikupita mu mabala ya ng'ano, na basambi bakwe balikutempula imitwe ya ng'ano, ukulekufikina mu minwe yabo, no kulya ing'ano. 2Lelo bamo mu baFarise balilandile ati, "Nindo mukocitila icintu icishasuminishiwa ukucitwa pa bushiku bwe Sabata?"3Pakubasuka, Yesu alilandile ati, "Bushe tamwabelenga ifyo Dabidi acitile ulo aumfwile insala, ena na baume ali nabo? 4Alingile mu ng'anda yakwa Lesa no kubula umukate waceni no kulyapo umo, no kupela umbi ku baume ali nabo ukulya, nangula casuminishiwefye ukwebati ba shimapepo ebakulya." 5Nolu alilandile kuli bena ati, "Umwana wa Muntu e Shikulu we Sabata."6Calicitikile na pe Sabata limbi ukwebati alile mu synagoge no kusambilisha abantu mulya. Mulya mwali umwaume uwali ne cisansa cakuma. 7Bakalemba na baFarise balikumulolekesha ukumona nga cakwebati akoposha uuli onse pe Sabata, pakwebati bakwate apa kumushinina. 8Lelo alishibile ifyo balikutontonkanya kabili alilandile ku mwaume uwali ne cisansa cakuma ati, "Ima no kwiminina pano pakati ka bonse." Eco umwaume alimine no kwiminina palya.9Yesu alilandile kuli bena ati, "Nkomwipusha, bushe calisuminishiwa ukucita icabune pe Sabata nangula kucita ica bubi, ukupususha umweo nangu ukuulofya?" 10Nolu alilolekeshe ukushinguluka pali bonse no kulanda ku mwaume ati, "Tambullula ukuboko kobe." Álicitile ico, no kuboko kwakwe kwali bwekelepo. 11Lelo baliswilemo icipyu cabula mano, kabili bali kulanshanya abene nabene pafyo bengacita kuli Yesu.12Calicitikile muli isho nshiku ukwebati alifumine no kuya ku lupili mukupepa. Alikonkenyepo ubushiku bonse ukupepa kuli Lesa. 13Ulo bwacile, alikutile abasambi bakwe kuli ena, no kusalapo abali ikumi na babili, abo kabili ainikile abatumwa.14Amashina ya batumwa yali Simone (untu ainikile Petero) na munyina Andrea, Yakobo, Yohane, Filipi, Bartolomeo, 15Mateo, Toma, Yakobo umwana mwaume wakwa Alfeo, Simone uwalikwitwa Selote, 16Yuda umwana mwaume wakwa Yakobo, na Yuda Iskariote, uyo uwaishile ku mubemba.17Nolu Yesu alitentemukile nabo ulupili no kwiminina pa ncende iyakubatama ne bumba ilikalamba ilya basambi bakwe ne mpendwa iikalamba iya bantu ukufuma mu Yudea na mu Yerusalem na mu mbali ya bemba wa ku Turi na Sidone. 18Balishile kuku kutika kuli ena no kuposhiwa ku malwele yabo. Abantu abali kucushiwa ne mipashi iya kukowela nabo bene balipolele. 19Uuli onse mwibumba alikwesha ukumukumya pantu amaka ya kuposha yalikufuma muli ena, kabili alibaposeshe bonse.20Nolu aliloleshe pa basambi bakwe no kulanda ati, "Mwalipalwa mwe babusu, pantu ubufumu bwakwa Lesa bwenu. 21Mwalipalwa mwe bali ne nsala pali nomba, pantu mukekushiwa. Mwalipalwa mwe bakolila pantu mukaseka.22Mwalipalwa ulo abantu bamipata, nolo bamikana no ku misalula no kukana ishina lyenu nge lya bubifi, pamulandu wa Mwana wa Muntu. 23Sekeleleni muli bulya bushiku kabili cilaukeni ne nsansa, pantu icinefye muli no kukwata icilambu icikalamba mumulu, pantu ifikolwe fyabo fyalicitile cimo cine kuli ba kasesema.24Lelo akalanda kuli mwebo mwebafyuma, pantu muli pokelele kale ukusansamuka kwenu. 25Kalanda kuli mwebo mwe bekutile pali nomba, pantu mukaba ne insala kuntanshi. Kalanda kuli mwebo mwebakoseka pali nomba pantu mukalosha no kulila kuntanshi.26Akalanda kuli mwebo ulo abantu bonse basosa ifyabune pali mwebo, pantu nifyo fine ifikolwe fyabo fyacitile kuli ba kasesema babufi.27Lelo nkolanda kuli mwebo mweba kokutika ati, temweni abalwani benu no kucita icabune ku ba mipata. 28Paleni abo abamitipa no kupepela abo abamicusha.29Kuli uyo wakuma kwi saya limo, mupele neli nankwe. Nga umo akusendela ilaya, wimukanya no mwingila obe wine. 30Pela kuli onse uwakulomba. Umo nga akusendela ifintu ifili fyobe, wimwipusha ukukubwesesha.31Ifyo ufwaya abantu bacite kuli webo, ufwile ukucita cimo cine kuli bena. 32Umfwa watemwafye abantu abakutemwa, cilambu ndo cili pali webo? Pantu naba bembu bene batemwafye abo aba batemwa. 33Umfwa wacita icabune ku bantu fye abacita ifyabune kuli webo, cilambu ndo cingaba pali webo? Pantu na babembu bacita cimo cine. 34Umfwa wakongwesha fye abantu abo ukosubila ukukubwesesha, cilambu ndo cili pali webo? Na ba bembu bakongwesha ku babembu, kuku pokelela icipendo cimo cine.35Lelo temweni abalwani benu no kucita ifyabune kuli bena. Kongwesha, ukukana subila ukukubwesesha ifili fyonse, ne cilambu cenu cikaba icikalamba, kabili mukaba abana ba Wapulamo, pantu ena umwine aliba ne nkumbu kubashitotela na bantu ababifi. 36Mube abaluse, ngefyo Shinwe aba no luse.37Mwipingula, na mwebo tamwakapingulwe. Mwiseka, na mwebo tamwakasekwe. Eleleni bambi, na mwebo mukelelwa.38Peleni, kabili cikapelwa kuli mwebo. Umulingo wabune - uwakushindailwa, uwakusunkanishiwa kabili uwakusempauka - e fiketulukila mu ceni cenu. Pantu ku mulingo mupiminako, e mulingo mukapiminwako na mwebo."39Nolu alibebele mulumbe nakabili. "Bushe impofu kuti yatungulula impofu inankwe? Umfwa yacita ifyo, bonse kuti baponena mu cilindi, bushe tekuti baponenemo? 40Umusambi tacila pali kasambilisha wakwe, lelo onse ulo asambilishiwa ukufikapo akabafye cimo cine nga kasambilisha wakwe.41Nindo ulolesesha akapapa akanono akatobola mu linso lyakwa wenu, lelo taumona umulando uutobola mu linso lyobe? 42Kuti walanda shani kuli wenu ati, 'Munyina, leka mfunye akapapa mu linso lyobe, ulo webo wemwine taumwene umulando uli mulinso lyobe? Mwebabubi munda! Bala fumya umulando mu linso lyobe, elo walamona bwino ukufumya akapapa akali mu linso lyakwa wenu.43Pantu takwaba icimuti cabune icitwala ifisabo fya bubi, nangula icimuti cabubi icitwala ifisabo fyabune. 44Pantu cila cimuti caishibikilwa ku fisabo citwala. Pantu abantu tabasaba makunyu ku myunga, nangula ukusaba ifisabo fya myangashi ku cimuti ca myunga .45Umuntu wabune ukufuma mu cipao cabune ica mutima wakwe afumye fyabune, no muntu mubi ukufuma mu cipao cabubi ica mutima wakwe afumya ifyabubi. Pantu ukufuma mubwingi bwafya mu mutima wakwe efyo akanwa kalalanda.46"Nindo munkutila ati, 'Shikulu, Shikulu,' lelo tamubela ifintu ifyo myeba? 47Umuntu onse uwisa kuli nebo no kumfwa ifyebo fyandi no kufibela, nkomweba ifyo aba. 48Ali ngo muntu ukokula ing'anda, uwaimbishe panshi mu mushili no kukula umufula wa ng'anda pa mwalala. Ulo ilyeshi lyaishile, umukuku wakonkolweke mu mbali ya ng'anda lelo tawaisunkenye, pantu yalikulilwe bwino.49Lelo umuntu uumfwa ifyebo fyandi no ku kanafibela, alipamo nga umuntu uwakulile ing'anda pa mulu wa mushili ukwabula umufula. Ulo umukuku wakonkolokele pa ng'anda ilya, apopenefye yalibongolweke, ne ng'anda ilya yalyonaike umupwilapo."
71Panuma Yesu apwishishe fyonse alikulanda mu matwi ya bantu, alingile mu Kapernamu.2Nomba umukalamba wa fita alikwete umusha uwali uwa kucindama kuli ena, kabili alilwele mupepi no kufwa. 3Ulo umukalamba wa fita aumfwile pali Yesu, alitumine abakalamba baba Yuda, ku kumulomba aye kumundapilako umubomfi wakwe. 4UIo baishile kuli Yesu, balimwipwishe mukupapatila, ukwebati, "Alilingile mwebo ukuya kumucitila ici, 5pantu alitemwa uluko lwesu, kabili ewatukulile synagoge.''6Eco Yesu alile palwendo nabo. Lelo ulo alamine ku ng'anda, umukalamba wa fita alitumine abanankwe ukulanda kuli ena ati, "Mwe Shikulu, mwiicusha, pantu nshilingile ukwebati mwingesa mu ng'anda yandi. 7Pali mulandu wa ici nshaciitunga ukuba uwalinga ukwisa kuli mwebo, lelo landenipofye icebo no mubomfi wandi akopola. 8Pantu na nebo ndi muntu wa nsambu, na ba shilika abo ntungulula. Ndalanda kuli umo ati, 'Kabiye,' kabili alaya, nakuli umbi, 'Isa,' kabili alesa, na ku mubomfi wandi, 'Cita ici,' kabili alacicita."9Ulo Yesu aumfwile ifi, alisungukile pali ena, napa kupilibukila kwi bumba lyali kumukonka alilandile ati, "Nkolanda kuli mwebo nati, nangulafye ni mu Isreali, nshasangamo icicetekelo icakuba ngeci." 10Ulo balya batuminwe babwelele ku ng'anda, balile kusanga umubomfi alipolele.11Panuma ya ifyo, Yesu alile ku mushi walikwitwa Naini, na basambi bakwe ne bumba ili kalamba lyalile nankwe. 12Pakupalamina mupepi ne mpongolo ya mushi, moneni, umwaume wakufwa bali musendele, umwana mwaume umofye mpo uwa kwa nyina ( Uwali mukamfwilwa), ne bumba ilya kulileko ukufuma mu mushi lyali pamo nankwe. 13Ulo Shikulu amu mwene, aliketwe nkumbu ngashi pali ena no kulanda kuli ena ati, "Wilalila." 14Elo aile kwikata kumacila apo basendele icitumbi, nabo abacisendele bali minine ndii. Alilandile ati, "We mulumendo, nalanda kuli webo nati, "Buka." 15No wafwile alibukile alitendeke ukulanda, na Yesu ali mupele kuli nyina.16Nolu umwenso walibekete bonse, kabili balitwalilile ukulekulumbanya Lesa, ukwebati, "Kasesema umukalamba alimine pakati kesu'' na ''Lesa alilolekeshe pa bantu bakwe." 17Ili lyashi ilya pali Yesu lyali salangene Yudea yonse ne fitungu fyonse ifya bena mupalamano.18Abasambi bakwa Yohane balimwebele pali ifi fintu fyonse. Nolu Yohane alikutilepo babili pa basambi bakwe 19no kubatuma kuli Shikulu ku kwipusha ati, "Bushe nimwebo muli no kwisa, nangula tufwile ukulolela umbi?" 20Ulo bapalamine kuli Yesu, abaume balilandile ati, "Yohane kabatisha alitutumine kuli mwebo ku kumipusha ati, "Bushe nimwebo muli no kwisa, nangula tufwile ukulolela umbi?"'21Muli ilya nshita aliposeshe abantu abengi ku malwele ne fyakucushiwa na ku mipashi ya kowela, na ku mpofu ishingi alipele amenso. 22Yesu alyasukile no kulanda kuli bena ati, Ulo mukobwekelamo, muye kulanda kuli Yohane ifyo mumwene nefyo mumfwile. Impofu shikomona, ifilema fikoenda, abafibashi bakosangululwa, bankomya matwi bakoumfwa, abakufwa bakobushiwa ku mweo, na babusu bakoebwa imbila nsuma. 23Umuntu uutaleka ukucetekela muli nebo pa mulandu wa ficitwa fyandi alipalwa."24Panuma inkombe shakwa Yohane shaya, Yesu alitendekele ukweba amabumba palwa kwa Yohane, "Findo mwaile kumona mu matololo? Itete ilitenshiwa ku mwela? 25Lelo findo mwaile mukumona? umuntu uufwala insalu ishakunakilila? Lolesheni, abo abafwala insalu ishalumo mutengo no kwikala ubwikalo bwabune bekala mu cipango ca mfumu. 26Lelo nindo mwaile mukumona? Ni kasesema? Eee, nalanda kuli mwebo nati, no kucila pali kasesema.27Uyu ni uyo wine uo calembelwa ati, 'Moneni, nkotuma inkombe kuli mwebo, uwakumipekanishisha inshila.' 28Nkolanda kuli mwebo nati, pali bonse abafyalwa ku mwanakashi tapalipo uwakucila Yohane. Lelo uwacepesha mu bufumu bwa kwa Lesa mukalamba ukucila ena."29(Ulo abantu bonse baumfwile ifi, ukubikapofye na bakasonkesha ba misonko, balilandile ukwebati Lesa wakulungama, pantu balibatishiwe no lubatisho lwa Yohane. 30Lelo abaFarise ne censhi sha malango balikene ubuyo bwakwa Lesa pali bena, pantu taba batishiwe kuli Yohane.)31"Nikufindo, nolu, uko ninga palanya abantu baino nkulo? Baba kubati ni findo? 32Baba kubati baice abakoangalila pa cisankano, abekala no kulaikukuta umo no munankwe no kulanda ati, twalimilishishe ifimpeta na mwebo ta mwacindile. Twalimbile ulwimbo lwakulosha, na mwebo tamwalilile.'33`Pantu Yohane kabatisha alishile uwakubulo kulya umukate no kunwa umwangashi, kabili mwalandile ati, 'Alikwete ingulu.' 34Umwana wa Muntu alishile akolya no kunwa mwalilandile ati, 'Moneni, uyu muntu muliili kabili ni cakolwa, munabo wa bakasonkesha na babembu!' 35Lelo mano alaisokolola ukuba uwa cine mubana ba bakwe."36Nomba umo uwa mu baFarise alilalike Yesu ukuya kulya nankwe. Eco panuma Yesu alingile mung'anda ya mu Farise, alikuweme kwi tebulo kukulya. 37Moneni, kwaliko umwanakashi mu musumba uwali umubembu. Ulo aishibe ukwebati Yesu alikuweme kwi tebulo mung'anda ya mu Farise, aliletele ibotolo lya mafuta yacena cabune. 38Ulo aishilekwiminina kunuma mupepi na makasa yakwe, akoliila, alitendeke ukubomfya amakasa yakwe ku filamba fyakwe, no kuya kumuna no mushishi wakwe nokuyatomona no kuyasuba na mafuta yacena cabune.39Ulo umuFarise uwalalike Yesu amwene ifi, alitontonkenye umwine, ukwebati, "Umfwa uyu muntu ni kasesema, ngalishibile umusango wa uyu mwanakashi akomwikata abelamo, ukwebati mubembu." 40Yesu alimwasukile no kumweba ati, "Simone, ndikwete ifyo nkofwaya ukulanda kuli webo." Alilandile ati, "Cilandeni, Mwe kasambilisha!"41Yesu alilanda ati, "Kakongwesha umo ali na bamisha babili. Umo alimukwatile indalama imyanda isano, no munankwe amakumi yasano. 42Ulo bafililwe ukupilila alibabelele uluse bonse babili. Eco, ninani uwinga mutemwisha sana?" 43Simone alimwasukile no kulanda ati, "Namona kubati untu alekelele ishingu." Yesu alilandile kuli ena ati, ''Walungika."44Yesu alipilibukile ku mwanakashi no kulanda kuli Simone ati, "'Uli mumwene uyu mwanakashi. Ndingile mu ng'anda yobe. Taumpele amenshi ya kusamba makasa, lelo alibomfeshe amakasa ku filamba fyakwe no kuyankumuna ku mushishi wakwe. 45Tauntomwene, lelo ukutulafye apo ngishile talekelepo kutomona amakasa shandi.46Taunsubilepo mafuta ku mutwe, nomba ena alinsubile ku makasa amafuta ya cena cabune. 47Pamulandu wa ici nkolanda kuli webo nati, imembu shakwe, ishali ishingi, shilyelelwe - pantu alanga ukutemwa sana. Lelo uwaelelwa panono, atemwako panono."48Nolu alilanda kuli ena ati, "Imembu shobe shaelelwa." 49Nabo abakuweme pamo balitendeke ukusoshanya abene ati, "Ninani uyu uwakwebati akoelela ne membu?" 50Nolu Yesu alilandile ku mwanakashi ati, "Icicetekelo cobe cakupususha. Kabiye mu mutende."
81Calicitikile panuma Yesu alitendeke ukwenda ukushinguluka mu misumba ne mishi iyakulekana lekana, ukushimikila no kubila imbila nsuma palwa bufumu bwakwa Lesa. Abekumi na babili bali nankwe, 2Kumofye na banakashi abaundepwe ku mipashi ya kukowela na malwele: Maria uo balikukuta umwina Magadala, uo bafumishemo ingulu cinelubali; 3Yoana, umukashi wakwa Chusa, kangangalila wakwa Helode; Susana; na bambipo, abo, ukufuma mu fikwatwa fyabo, bali kubapela ifya kukabili kwabo.4Ulo ibumba lya bantu ilikalamba lyalongene, na bantu balikwisa kuli ena ukufuma mu mushi no mushi, alibebele umulumbe ati: 5"Umulimi alile mu kubyala imbuto. Ilyo abyele, shimo shaliponene mu mbali ya musebo kabili shalinyantawilwepo ku makasa, ne fyoni fya mulwelele fyalishilile. 6Shimo shaliponene pe bwe, na panuma ya kukula, shalyumine, pantu tashakwete umutonshi.7Shimo shaponene mu myunga, ne myunga yalikulile pamo ne mbuto no kushitabilila. 8Lelo shimo shaliponene pa mushili wabune no kutwalika ifisabo ifyali nalimo umwanda mu bwingi." Panuma Yesu alanda ifi fintu, alipundile ati, "Onse uuli na matwi yakumfwa, naomfwe."9Abasambi bakwe balimwipwishe ifyo umulumbe walikupilibula. 10Alilandile ati, "Ubwishibilo bwafya nkama fya bufumu bwakwa Lesa bwalipelwa kuli mwebo, lelo kuli bambi nandila mu milumbe, pakwebati 'balekulolesha ukwabula ukumona, no kumfwa ukwabula ukwiluka.'11Nomba ubu ebupilibulo bwa mulumbe: Imbuto cebo cakwa Lesa. 12Isha mu mbali ya musebo ni abo abaumfwa, lelo kasebanya alesa no kusompola icebo mu mitima yabo pakwebati bakane ukusumina no kupusuka. 13Isha pa mabwe ni abo, ulo baumfwa icebo, bacipokelela ne nsansa. Lelo tabakwete imishila; balasumina pa kashita akanono, na munshita ya kweshiwa balawa.14Imbuto ishaponene mu myunga bantu abomfwa icebo, lelo ilyo bakoya mu nshila yabo, batomposhiwa na malangulushi ne fyuma ne fya mangalo ya bwikashi buno, ne fitwalo fyabo tafikula. 15Lelo imbuto ishaponene pa mushili wabune, aba ebamo abo, abomfwa icebo umufuma cumi ne mitima iyabune, bacikatisha no kutwala ifisabo mu kushipikisha ukulolela.16"Takwaba uwasha inyali no kufimbako imbakuli nangu ukubika mwisamba lya musengele. Lelo, alabika pa cakubikapo inyali pakwebati onse uukoingila alekumona ulubuto. 17Pantu takwaba icakufisama icishakeshibikwe, nangu icili conse icankama icishakeshibikwe no kwisa apakubuta. 18Eco umfwikisheni, pantu umo uwakwata, ifingi fikapelwa kuli ena, lelo kuli uyo uutakwata, nefyo atontonkanya ati alikwata fikapokololwa kuli ena."19Nolu nyina na bamunyina balishile kuli ena, lelo balifililwe ukupalamina kuli ena pa mulandu we bumba. 20Balimwebele ati, "Banoko na bamunonko baliminine panse, bakofwaya ukukumona." 21Lelo Yesu alibasukile no kulanda kuli bena ati, "Bamayo na ba munyina ni abo abomfwa icebo cakwa Lesa no kucicita."22Nomba ubushiku bumo alininine mu bwato na basambi bakwe, no kulanda kuli bena ati, "Natulekuya kwi shilya lya cimana." Balitampile ukwabuka. 23Lelo ulo balikuya Yesu alisendeme. Icipupu icikalamba calishile kupona pa cimana, no bwato bwabo bwalikwisulamo na menshi, kabili bali mu busanso.24Nolu abasambi bakwa Yesu' balishile kuli ena, no kumubusha, ukwebati, "Shikulu! Shikulu! tuli mu kufwa!" Alyalamukile no kukalipila umwela na mabimbi ya menshi, kabili yalilekele, kabili kwali talele. 25Nolu alilandile kuli bena ati, "Icicetekelo cenu cili pii?" Lelo balitinine no kusunguka, kabili balipushenye umo no munankwe ati, "Uyu ninani kanshi, uwakwebat ukonkomesha na mabimbi na menshi, kabili fikomubela?"26Balile kufika ku citungu ca bena Gerasa, icapulinkanya mu mumana wafuma ku Galili. 27Ulo Yesu ayabukile ku mulundu, balimukumenye ku mwaume wa kufuma lmu musumba uwali ne ngulu. Pantu pa nshita ntali tali kufwala ifyakufwala, kabili talikwikala mu ng'anda lelo alikwikala mu manda.28Ulo amwene Yesu, alipundile no kuwila pali ena no kulanda ne shiwi ilikalamba, "Cinshi ukofwaya ukucita kuli nebo, Yesu, we Mwana wakwa Lesa Uwapulamo? Nkokupapata, wincusha." 29Pantu Yesu alikonkomeshe umupashi wa kukowela ukufuma mu muntu. Pantu inshita ishingi walikumwikata, kabili nangu bali mukakile ne minyololo ne myando no kumusunga mu bulinde, alikuputula iminyololo yakwe kabili alikutungululwa ne ngulu mu matololo.30Nolu Yesu alimwipwishe ati, ''Niwebo nani ishina?" Alilandile ati, "Itulwe," Pantu ingulu ishingi shalimwingile. 31Shalitwalililepo ukumupapata ukwebati eshikonkomesha ukuya kumbo.32Nomba ibumba lya nkumba lyali likolya ku lupili lubali. Ingulu shalimupapatile ukwebati ashileke shilekuya muli shena, kabili alishisuminishe. 33Eco ingulu shalifumine mu muntu no kuya mu nkumba, ne nkumba shalibutukile ku matelo ya cimana no kunwina.34Ulo abalikumona inkumba bamwene ifyacitike, balifulumwike balile bakobilikisha mu misumba na kunse ya mushi. 35Eco abantu balile mukumona ifyacitikele, kabili balishile kuli Yesu no kuyasanga umuntu uo ingulu shafuminemo. Alikeleko pa makasa ya kwa Yesu, alifwele kabili ninshi alibwele mubutuntulu; kabili balyumfwile umwenso.36Nolu abo abasangilweko balibalondolwelele fintu umuntu uwaiketwe ne ngulu aundepwe. 37Nolu abantu bonse aba mu citungu ca Gerasa balipwishe Yesu ukwebati afume kuli bena, pantu balipapwike no kutina apakalamba. Eco alingile mu bwato no kubwelelamo.38Umuntu uo ingulu shafuminemo alile no kupapata ukwebati amusuminishe balekuya nankwe, lelo Yesu alimutamfishie, alilandile ati, 39"Bwelelamo ku ng'anda no kuya kubalondolwela fyonse ifyo Lesa acitile pali webo." Umwaume alile munshila yakwe, akobilikisha ukupita monse mu musumba ifyo Yesu amucitile.40Nomba ulo Yesu abwelele, ibumba lyalimupokelele, pantu bonse balikumwekela. 41Moneni, umwaume we shina lya Yailo, ali ni umo pa ntungulushi sha mu synagoge, alishile no kuwila pa makasa yakwa Yesu,' no ku mupapata ukwebati ese ku ng'anda yakwe 42pantu umwana wakwe umwanakashi umofye, umukashana uwa malimo imyaka ikumi na ibili alikushikila. Ulo Yesu ali akoya mu nshila, ibumba lya bantu lyalikuititika ukumushinguluka.43Nomba kwaliko namayo uwali kusuma umulopa pa myaka ikumi na ibili kabili aliposele indalama shakwe shonse kuli bashing'anga no kundapwa nakalya ku uli onse. 44Alishile kunuma ya kwa Yesu no kwikata ku lutwe lwe laya lyakwe, na popenefye ukusuma umulopa kwalilekele.45Yesu alilandile ati, "Bushe ninani anjika?" Ulo bonse bakene, Petero alilandile ati, "Mwe Shikulu, ibumba lya bantu balimishingulwike kabili bakomutitikisha." 46Lelo Yesu alilandile ati, "Umuntu umo alinjikete, pantu ndyumfwile amaka yafuma muli nebo."47Ulo Umwanakashi amwene ukwebati tafiseme ukukana mwishiba, alishile akotutuma no kuwa pali ena. Pa menso ya bantu bonse alilandile umulandu amukumishe na fintu akwete ukundapwa apopenefye. 48Nolu alilandile kuli ena ati, "We mwana mwanakashi, icicetekelo cobe cilikundepe. Kabiye mu mutende."49Ulo acili akolanda, umo alishile ukufuma ku ng'anda ya ntungulushi ya mu synagoge, ukulanda ati, "Umwana wenu umwanakashi alifwile. Mwitwalilila ukucusha kasambilisha." 50Lelo ulo Yesu aumfwile ifi, alyasukile Yailo, "Witina; cetekela fye, kabili akoundapwa."51Ulo aishile ku ng'anda, tasuminishe nangu umo ukwingila nankwe, kanofye Petero na Yohane na Yakobo, na Wishi wa mwana na nyina. 52Nomba bonse balikulosha no kupumapo misowa, lelo alilandile ati, "Lekeni ukulila; tafwile lelo asendeme fye utulo." 53Lelo balitendeke ukumupumya, pantu baishibile ati alifwile.54Lelo alimwikete pa kuboko no kukuta, ukwebati, "We mwana, alamuka!" 55Umupashi wakwe walibwelelemo, kabili apopenefye alimine. Alibebele ukumupela ifyakulya. 56Abafyashi bakwe balipeshiwe amano, lelo alibaleseshe ukwebati beebako umuntu nangu umo pa fyacitikile.
91Alikutile pamo abekumi na babili no kubapela amaka ne sambu ukufumya ingulu shonse no kuposha amalwele. 2Alibatumine ukuya mukushimikila ubufumu bwa kwa Lesa no kundapa abalwele.3Alilandile kuli bena ati, "Mwipita kantu nangu kamo pa lwendo lwenu - nangu ni nkonto, nangu icikwama, nangu umukate, nangu indalama, ne mingila ya kucinja. 4Mu ng'anda yonse umo mwaingila, mwikale umo mwine ukufikafye nelyo mukafumako.5Konse uko tabamipokelele , pa kufuma mu mushi ulya, mukunte no lukungu ukufuma ku makasa yenu kukuba ubunte kuli bena." 6Nolu balifumine kabili balile ukupita mu mushi, bakobila imbila nsuma na ukundapa monse .7Nomba imfumu Herode yalyumfwile fyonse ifyalikucitika, kabili alipeshiwe amano, pantu balikulanda bamo abati Yohane alibukile ukufuma kubafwa, 8na bamo balikulanda ati Eliya alimonekele, na bambi nabo ati umo uwa muli bakasessema ba kale alibukile. 9Herod alilandile ati, ''Nine naputwile Yohane umutwe. Ninani uyu uo nkoumfwilapo ifi fintu?'' Kabili alifwaile ukumumona.10Ulo abatumwa babwelulwike, bali mulondolwelele fyonse ifyo bacitile. Nolu alibasendele, kabili balile mu bumfisolo ku mushi uwitwa Betsaida. 11Lelo ulo ibumba lyaumfwile pali Ifi, balimukonkele. Alibapokelele no kulanda kuli bena palwa bufumu bwa kwa Lesa, kabili aliposeshe abalikukabila ubundapishi.12Nomba akasuba kali mukuwa, na bekumi na babili balishile kuli ena no kulanda ati, ''Paseni ibumba ukwebati baye mu mishi ishingulwike na mumishi ya mu mbali mukufwaya umwakusendama ne filyo, pantu tuli mu ncende ya kutali ." 13Lelo alilandile kuli bena ati, ''Bapeleniko ifyakulya.'' Balilandile ati, ''Tatukwete ificilile pa mikate isano ne sabi libili- kanofye tuye kushita ifyakulya fya bantu bonse aba.'' 14(Bali abantu nalimo amakana yasano.) Alilandile ku basambi bakwe ati, "Bebeni bekale mu mabumba ayali nalimo amakumi yasano cile bumba."15Eco balicitile ifi, no kulenga abantu ukwikala panshi. 16Pakubula imikate isano ne sabi libili, aliloleshe ku mulu, alifipalile no kumokaula mutupimfya-tupimfya, no kupela kubasambi ukwebati bapele kwi bumba. 17Bonse balilile no kwikuta, ne fyashelepo fyalisendelwe - imiseke ikumi na ibili iya mokaulwa mutupimfya.18Calishile kuba ukwebati ulo Yesu ali akopepa umwine eka, abasambi bali nankwe. Alibepwishe, ukwebati, ''Bushe ibumba lilanda ati nine nani?''. 19Balyaswike ati, ''Yohane kabatisha. Lelo bambi balanda ati Eliya, na bamo balanda ati umo uwa muli bakasesema abapakale uwabuka."20Nolu alilandile kuli bena ati, "Lelo mwebo mutila nine nani?'' Petero alyaswike ati, "Kristu wa kwa Lesa.'' 21Lelo alibasokele no kubalangilila ukutana eba ifi ku uli onse , 22ukulanda ati, ''Umwana wa muntu ali no kucula mu fintu ifingi no kukanwa kubakalamba na bashimapepo mukalamba na bakalemba, kabili bakamwipaya na pa bushiku bwakulenga shitatu akabushiwa.''23Nolu alilandile kuli bena bonse ati, ''Umfwa umo akofwaya ukwisa kuli nebo, afwile aikane umwine no kusenda icapindama cakwe cilabushiku no kunkonka. 24Onse uyo uusungingilila umweo wakwe akaulofya, lelo uulofya umweo wakwe pamulandu wandi akaupususha. 25Bunonshi ndo buli ku muntu ukunonka isonde lyonse lelo alofya atemwe ukuiposa umwine?26Uyo onse uwangumfwila insoni ne fyebo fyandi, muli ena Umwana wa Muntu akamumfwila insoni ulo akesa mu bukata bwakwe no bukata bwakwa Wishi no bwa ba malaika ba mushilo. 27Lelo nkolanda kuli mwebo mucine nati, pali bamo abeminine pano abashakasonde imfwa ulo tabalati kumona ubufumu bwakwa Lesa.''28Nomba nalimo inshiku cinekonse-konse panuma Yesu alandile ifi fyebo, alisendele Petero na Yohane na Yakobo no kunino lupili mu kupepa. 29Ulo ali akopepa, icinso cakwe calicinjishe, ne fyakufwala fyakwe fyalyalukile ifyakubuta tutu.30Moneni, abaume babili bali kulanshanya nankwe, Mose na Eliya, 31abamonekele mubukata, ukulanshanya nankwe palwa kuya kwakwe, uko ali no kupwilishisha mu Yerusalemu.32Nomba Petero na abo abali nankwe balyumfwile utulo, lelo ulo babukile, balimwene ubukata bwakwe na baume babili abaiminine nankwe. 33Ulo bali kufuma kuli Yesu, Petero alilandile kuli ena ati, ''Shikulu, cabune ifwebo ukuba kuno. Lekeni fwebo tukulepo insakwe shitatu, Imo yenu, imo yakwa Mose, naimbi iya Eliya.'' (Taishibile ifyo alikulanda.)34Ulo alikulanda ifi, ikumbi lyalishile nokwisa kubafimba, kabili balitinine nokwisa kwingila mwi kumbi. 35Ishiwi lyalishile kufuma mwi kumbi, ukwebati, ''Uyu Mwana wandi, uwasalwa; Mulekumumfwila.'' 36Ulo ishiwi lyalandile, Yesu asangilwe ali eka. Balikele tondolo kabili tabaebeleko nangu umo muli shilya nshiku ifili fyonse pafyo bamwene.37Nomba ubushiku bwakonkelepo, ulo baishile kutentemuka ukufuma pa ulupili, ibumba ilikalamba lyali mukumenye. 38Moneni, umuntu ukufuma mwi bumba alipundile, ukwebati, ''Kasambilisha, namipapata ukwebati mulolesheko pa mwana mwaume wandi, pantu emwana wandi umofye. 39Moneni, umupashi ulamwingila kabili apopenefye alamba no kupunda; ulamulenga ukusamfula icakwebati alafumya ipofu kukanwa. Ulakokola ukumulekako no kumucenaula sana. 40Nacipapata abasambi benu ukuutamfyamo, lelo tabacicita ico.''41Yesu alyaswike no kulanda ati, ''Mwe nkulo iipondamishi kabili iyabula icicetekelo, nkaba nenu ukufika lilali no kushipikisha nenu? Leta umwana obe umwaume kuno.'' 42Ulo umulumendo ali akuisa, ingulu yalimuposele panshi no kumushingulusha mu musamfu. Lelo Yesu alikalipile umupashi wakukowela no kundapa umulumendo, no kubwesesha kuli wishi.43Nolu bonse balipapile pa bukulu bwakwa Lesa. Ulo bonse bali bakopapa pali fyonse ifyo alikucita,alilandile ku basambi bakwe ati, 44''Lekeni ifi fyebo fishike mu matwi yenu: Umwana wa Muntu ali no kufutukwa mu maboko ya bantu.'' 45Lelo tabailwike iyi milandile. Yalifishilwe kuli bena, eco tabaishibile ubupilibulo, lelo bali no mwenso wa ku mwipusha pali uku kulanda.46Nolu ifikansa fyalitampile pakati kabo pa ufwile ukuba umukalamba. 47Lelo Jesus pakwishiba imitontonkanishishe ya mu mitima yabo, alisendele akana akanono no kukabika pa lubali lwakwe 48no kulanda kuli bena ati, Onse uwa pokelela akakaice mwi shina lyandi, apokelela nebo; na onse uwampokelela, apokelela uwa ntuma. Pantu onse uwa cepesha pali mwebo bonse emukalamba.''49Yohane alyaswike ati, ''Mwe Shikulu, twalimwene umo akotamfya ingulu mwi shina lyenu kabili twalimuleseshe, pantu takonka pamo na fwebo. 50''Mwimulesha,'' efyo Yesu alandile, ''pantu onse uutakopinkana nenu ninishi ali nenu.''51Ulo inshiku shapaleme ishakusendwa kwakwe, aloseshe icinso cakwe ukuya ku Yerusalemu. 52Alitumine inkombe ukumutangilila, kabili balile no kwingila mu mushi wa bena Samaria ukumupekanishisha fyonse. 53Lelo abantu kulya tamupokelele pantu aliloseshe icinso cakwe ukuya ku Yerusalemu.54Ulo abasambi Yakobo na Yohane bamwene ifi, balilandile ati , ''Shikulu, bushe mukofwaya twite umulilo ukufuma ku mulu ukwisa kubonaula?'' 55Lelo alipilibwike no kubakalipila, 56kabili balile ku mushi umbi.57Ulo bali bakoya mu musebo, umo alilandile kuli ena ati, ''Nkomikonka konse uko mukoya.'' 58Yesu alilandile kuli ena ati, ''Ba mumbwe balikwata ifilindi, ne fyoni fya mulwelele fyalikwata ifinsa, lelo Umwana wa Muntu takwata na pakusamika umutwe wakwe.''59Nolu alilandile kuli umbi ati, '' Nkonka.'' Lelo alilandile ati, ''Mwe Shikulu, pakubala lekeni ndeya kushika batata.'' 60Lelo alimwebele ati, '' Leka abafwa bashike abakufwa babo. Lelo webo, kabiye no kubilikisha ukutali no kusabankanya konse ubufumu bwakwa Lesa.''61Nolu umbi alilandile ati, ''Nkomikonka, mwe Shikulu, lelo pakubala lekeni nkashalikepo abang'anda yandi.'' 62Yesu alimwaswike ati, ''Takwaba uwikata ukuboko kwakwe ku cakuliminako no kulolesha kunuma uwalingila ubufumu bwakwa Lesa.''
101Nomba panuma ya ifi fintu, Shikulu alisontelepo na bambi, amakumi cinelubali, no kubatuma babili-babili ukuya ukumutangilila muli cila mushi ne ncende uko umwune ali nokuya. 2Alilandile kuli bena ati, "Ubusomboshi buli fulile, lelo ababomfi balicepele. Eco ipusheni Shikulu wa busomboshi atume ababomfi mu busomboshi bwakwe.3Kabiyeni mu nshila yenu. Moneni, Nkomituma kubati ni mpanga pakati ka mimbulu. 4Tekwesha kusenda chola ca ndalama, nangu cola capabulendo, nangu indyato, kabili mwiposha nangu umo munshila.5Yonse ng'anda mwaingilamo, pakubala mulekulanda ati, 'Umutende ube pa ng'anda ino!' 6Umfwa umwana wa mutende epo ali, umutende wenu ukaba pali ena, lelo umfwa talipo, uka mibwelela. 7Mukekalilile mu ng'anda imo ine, mulekulya no kunwa conse ico bakomipela,pantu umubomfi yalimulingile amalipilo. Tekwesha kulaenda cila ng'anda ne ng'anda.8Umushi onse mwayamo, kabili bamipokelela, mulekulya ico bamipekanishisha 9kabili mulekundapa abalwele ababamo. Mulekulanda kuli bena ati, 'Ubufumu bwakwa Lesa bulipaleme kuli webo.'10Ulo mwaingila mu mushi kabili bakana ukumipokelela, kabiyeni mu misebo ya uko no kulanda ati, 11'Nolukungu lwine ulukofuma mu mushi wenu ulwali kulambata ku makasa yesu tukomikuntila! Lelo ishibeni ici: Ubufumu bwakwa Lesa bulipaleme.' 12Nkolanda kuli mwebo nati pali bulya bushiku nkalekelelapo Sodoma ukucila ulya mushi.13Akalanda kuli webo, Korasini! Akalanda kuli webo, Betisaida! Imilimo ya maka iya citilwe muli webo umfwa yalicitilwe kuli Turi na Sidoni, nga balilapile kale, ukwikala mu fisamu na mu mitoi. 14Lelo nkanashako ubukali pali Turi na Sidoni pa bupingushi ukucila pali webo. 15Webo, Kapernaum, bushe utontokanya ukwebati ukasumbulwa ku mulu? Awe, webo uli nokubikwa panshi ku mbo.16Uyo uukutika kuli webo akutika kuli nebo, kabilli na onse uukukana akana nebo, kabili uyo uwa nkana akana no wantuma ."17Abekumi cinelubali balibwelulwike ne nsansa, bakolanda ati, "Shikulu, ne ngulu shine shalikutubela mwishina lyenu." 18Yesu alilandile kuli bena ati, "Nalikumona uko Shetani akopona ukufuma ku mulu kubati ni nkuba. 19Moneni, Ndimipele insambu sha kunyanta pa nsoka na bakaling'ongo, na pa maka yonse aya mulwani, kabili takuli icili conse icikamicena munshila iili yonse. 20Nangula cingabe ifyo mwisangalala palwa ici ceka, ukwebati imipashi ikominakila, lelo sangalaleni ukucilapo ukwebati amashina yenu yalilembwa mu mulu."21Panshita ilya ine alisangalele sana mu Mupashi wa Mushilo no kulanda ati, "Nkomilumbanya, mwe Tata, Shikulu wa mulu ne sonde, pantu mwebo mwalifishile ifi fintu kuba mano na kubabwishibilo no kufisokolola ku batasambilila, kubati bana abanono. Ee, Tata, pantu ico cali icakutemuna ku menso yobe.22''Ifintu fyonse fyalipelwa kuli nebo ukufuma kuli Tata, kabili takwaba nangu umo uwaishiba Umwana kanofye Tata, takwaba nangu umo uwaishiba Tata kanofye Umwana na kubo Umwana asala ukusokolwela."23Nomba alipilibukile ku basambi no kulanda nabo munkama ati, "Balipalwa abo abamona ifintu ifyo mumona. 24Nkolanda kuli mwebo nati, abengi bakasesema na bashamfumu balikukabila ukumona ifintu mumona, kabili tabafimwene, no kumfwa ifintu ifyo mumfwa, lelo tabafyumfwile."25Moneni, uwaishibisha malango aliminine pakwebati amweshe, ukulanda ati, "Kasambilisha, kuti nacita shani pakupyana umweo wa muyayaya?" 26Yesu alilandile kuli ena ati, "Findo fyalembwa mu malango? Webo ubelenga shani?" 27Alipele ubwasuko no kulanda ati, "Ulekutemwa Shikulu Lesa obe no mutima obe onse, no mweo obe onse, na maka yobe yonse, na mano yobe yonse, na umwina mupalamano obe kubati ni we mwine." 28Yesu Alilandile kuli ena ati, "Walungika mukwasuka. Ulekucita ici, kabili webo uli no kuba no mweo."29Lelo ena, mukufwaisha ukuipokola umwine, alilandile kuli Yesu ati, "Ninani umwina mupalamano wandi?" 30Yesu alimwaswike no kulanda ati, "Kwaliko umwaume umo uwalikutentemuka ukufuma ku Yerusalemu ukuya ku Yeriko. Alisanshilwe ku bapupu, balimupokolwele ifyuma fyakwe, no kumuma, no kumusha alifwile icitu.31Ku ceshuko shimapepo umo alikuya akotentemukila muli ilya ine inshila, kabili ulo amumwene, alipitile lubali lumbi. 32Mu musango umo wine, umwina Lebi nao, ulo aishile pa ncende no ku mumona , alipitile lubali lumbi.33Lelo umwina Samaria umo, ulo ali pabulendo, aliishile apo ali. Ulo amumwene, aliketwe nkumbu. 34Alipalamine pali ena no kumukakila ifilonda fyakwe, alipongolwelelepo amafuta no mwangashi. Ali mubikile na panama yakwe, no kumutwala mu ng'anda ya beni, no kumutensha. 35Ubushiku bwakonkelepo ali bulile indalama shibili, no kupela ku mwine wa ng'anda ya beni, no kulanda ati, 'Mu musunge bwino, ne shikapulamo shonse isho mukabomfya, ulo nkabweluluka, nkesa kukulipila.'36Nani pali aba batatu uo ukotontonkanya uwali umwina mupalamano ku waponene mu bapupu?" 37Alilandile ati, "Uyo uwamulangile uluse." Yesu alilandile kuli ena ati, "Kabiye kabili ulekucita cimo cine."38Nomba ulo bali bakoenda, aliingile mu mushi umo, no mwanakashi umo uweshina lya Marita alimupokelele mu ng'anda yakwe. 39Alikwete nkashi yakwe uwe shina lya Maria, uwaikele pa nkasa shakwa Shikulu no kunfwa ku cebo cakwe.40Lelo Marita ali kupikintika mukupekanya icakulya. Alishile kuli Yesu no kulanda ati, "mwe Shikulu, tamusakamene ukwebati nkashi yandi alinshile neka mukupekanya? Eco mwebeni angafweko." 41Lelo Shikulu alyaswike no ukulanda kuli ena ukwebati,"Marita, Marita, webo nausakamikwa no kushupikwa mu fintu ifingi, 42lelo icintu cimo fye ecilingile. Maria alisalile ica bune, ico icitakapokololwe kuli ena."
111Calicitikile ubushiku bumo ukwebati Yesu alikupepa pa ncende imo. Ulo apwishishe, umo pa basambi bakwe alilandile kuli ena ati, "mwe Shikulu, tusambilisheni ifya kupepa ngefyo Yohane asambilishe abasambi bakwe."2Yesu alilandile kuli bena ati, "Ulo mukopepa mulekulanda ati, 'Tata, ishina lyenu lilekucindamikwe nge lya mushilo. Ubufuma bwenu bwise.3Tupelemi icakulya ica cila bushiku. 4Tubeleleni uluse ku membu shesu, ifyo twelela abatukwatila imisha. Mwitutwala mu matunko."'5Yesu alilandile kuli bena ati, "Nani pali mwebo uwingaba no munankwe, no kuya kuli ena pakati ka bushiku, no kulanda kuli ena ati, 'Cibusa, ngashimako imikate itatu, 6pantu umunandi elo afikafye pabulendo bwakwe, kabili nshikwetepo nangu kamo akakumupa'? 7Elo uuli mukati uwa mwaswike kuti alanda ati, "Wimpamfya webo. Icibi ciliselwe kale na bana bandi, pamo nandibo, tuli mu busanshi. Tekuti njime no kukupela umukate." 8Ndelanda kuli mwebo nati, nangufye tabukile no nokwisa kukupela umukate pantu uli munankwe, lelo pamulandu wa mupatikisha obe akema no kwisa kukupela imikate ukulingana neyo ukofwaya.9Nkolanda kuli mwebo nati, lomba, kabili cikopelwa kuli webo; fwaya, kabili ukosanga; konkosha, kabili cikoiswilwa kuli webo. 10Pantu umuntu onse uulomba alapokelela; no muntu uufwaya alasanga; na ku muntu uukonkosha, cikeswilwa.11Ni wishi ndo pali mwebo, umfwa umwana obe aisa kukulomba isabi, enga mupela insoka mucifulo ce sabi? 12Nangu nga aisa kulomba ilini, bushe kuti waisa kumupela kaling'ongo? 13Eco, apo mwebo mweba bubi mwalishiba ukupela ifyabupe fyabune ku bana benu, pali bufi Shinwe uwa ku mulu takacishepo ukupela Mupashi wa Mushilo kuli abo abako mulomba?"14Nomba Yesu alikutamfya ingulu iya bucibulu. Ulo ingulu yaisa kufuma, umwaume uwali cibulu alilandile, ne bumba lyalisungwike. 15Lelo abantu bamo balilandile abati, "Nikumaka yakwa Beelesebu, kateka wa ngulu, eko akotamfisha ingulu."16Bambi bali kumwesha no kufwaya kuli ena icishibilo ica kufuma ku mulu. 17Lelo Yesu alishibe amatontonkanyo yabo kabili alilandile kuli bena ati, "Ubufumu bonse ubwapatukana ubwine bukashala icibolya, ne ng'anda ya patukana iine yeka ilawa.18Nga cakwebati Shetani apatukana umwine, bushe ubufumu bwakwe kuti bwaiminina shani? Pantu mukolanda ati nkofumisha ingulu mwishina lyakwa Beelesebu. 19Nga cakwebati nkofumisha ingulu mu maka yakwa Beelesebu, Ni muli nani abamikonka batamfisha ingulu? Pamulandu wa ici, bakaba ba kapingula benu. 20Lelo nga cakwebati ntamfisha ingulu ku kuboko kwa kwa Lesa, ninshi ubufumu bwa kwa Lesa bulishile kuli mwebo.21Ulo mwaume wa maka uwaipangasha umupwilapo abaka ing'anda yakwe, ninshi ifikwatwa fyakwe filicingililwe, 22lelo ulo umwaume wa kumucila maka amucimfya, umwaume wa maka ukumucila akosenda icanso ico umwaume ashintililemo no kutapa ifikwatwa fya mwaume. 23Uyo uushili nanebo akopinkana na nebo, na uyo uushikolonganika nanebo alasalanganya.24Ulo mupashi wakukowela wafuma mu muntu, ulaya ukosabanta muncende ishakuma no kufwaya ukutusha. Ukwabula ukusanga nangu imo, waisa kulanda ati, 'Nkobwelela ku ng'anda yandi uko na fumine.' 25Pakwisa kubwela, waisa kusanga ati, ing'anda ilipyangilwe ubusaka no kuteyanishiwa. 26Nolu ulaya no kuya kusenda imipashi iyakukowela cinelubali iya kubipisha ukucila wena kabili yonse yaisa kwikala mulya. Ne mibele ya kupelekesha iyaa ulya muntu ilabipisha ukucila iyapakubala."27Calicitikile ukwebati, ulo alandile ifi fintu, namayo umo alisanswile ishiwi mwibumba nokwisa kulanda kuli ena ati, "Lyakupalwa ifumo ilya kufyele na mabele ayali kukonsha." 28Lelo alilandile ati, "Abakupalwa nyabo abomfwa icebo cakwa Lesa no ku cibaka."29Ulo amabumba yali kufulilako, Yesu alitendekele ukulanda ati, "Iyi nkulo ni nkulo ya bubi. Ikofwaya icishibilo, nangula takuli icishibilo icikapelwa kuli yena kanofye icishibilo cakwa Yona. 30Pantu ngefyo Yona aishile kuba icishibilo ku bena Ninebe, efyo no Mwana wa Muntu akesa kuba icishibilo kuli iyi nkulo.31Namfumu wa ku kapinda ka kukulyo akema pa bupingushi pamo na baume ba iyi nkulo no kubaseka, pantu alishile ukufuma kumpela ye sonde ukwisa kumfwa amano yakwa Solomoni, kabili moneni, uwakucila Solomoni ali pano.32Abena Ninebe bakeminina pa bupingushi pamo na iyi nkulo ya bantu kabili bakaiseka, pantu balilapile ku bushimikilo bwakwa Yona, kabili moneni, uwakucila Yona ali pano.33Takuli nangu umo, panuma ya kwasha inyali, uwisa kuibika pa ncende yakufisama nangu ukuifimbapo museke, lelo nipacakutekapo inyali, pakwebati bonse abakoingila benga mona ulubuto. 34Ilinso enyali ya mubili obe. Ilinso lyobe nga lya bune, ninshi no mubili onse ukesulamo ulubuto. Lelo ilinso lyobe nga lya bubi, umubili obe onse waisulamo imfimfi. 35Eco, mube abakucenjela ukwebati ulubuto ululi muli mwebo te mfimfi. 36Eco kanshi umubili obe onse uliswilemo lubuto, ukukana kwata icilundwa icili conse mu mfifi, ninshi umubili obe onse ukesa kuba nge nyali iikosanikila ulubuto pali webo."37Ulo aisakuleka ukulanda, umuFarise amulalika ukuya kulya nankwe ku ng'anda yakwe, eco Yesu alile no kuya kukuwama. 38UmuFarise alisungukile pa kwebati Yesu tabalile kusamba ulo tabalalya.39Lelo Shikulu alilandile kuli ena ati, "Nomba kanshi, mwebo mwe baFarise muwamya kunse ya nkombo ne misambilo, lelo mukati kenu mwaisula ubupupu no bubi. 40Mwe bantu bakubula mano! Bushe uwalengele kunse tali eulenga na mukati? 41Peleni icili mukati nge cankumbu, kabili elo fyonse fikesa kuba ifyakusanguluka kuli mwebo.42"Lelo akalanda kuli mwebo mwe baFarise, ico ica pe kumi ca minti na rue no musalu umbi uwa mwibala, mufumyapo ku kutula, lelo mulekelesha umulinganya no kutemwa kwakwa Lesa. Ciliyene ukucita ubulungami no kutemwa Lesa, ukwabula ukufilwa ukucita ifintu na fimbi.43Kalanda kuli mwebo mwe baFarise, pantu mwatemwa ifipuna fya kuntanshi mu ma synagoge no kumiposha kwa mucinshi mufisankano. 44Kalanda kuli mwebo, pantu mwaba kubati ni nshishi ishakubula icishibilo apo abantu benda ukwabulo kushishiba."45Umo uwaishibisha malango alilandile kuli ena ati, "Kasambilisha, ico ukolanda ukotutuka na fwebo." 46Yesu alilandile ati, "Akalanda kuli mwebo, ba kasambilisha wa malango! Pantu mubika ifisendo pa bantu ifyakukosa ukusenda, lelo tamwikate fisendo nangu ni ku munwe wenu umo.47Akalanda kuli mwebo, pantu mukulila ba kasesema inshishi, kabili fikolwe fyenu efya bepeye. 48Eco muli ba kambone kabili mulasuminisha ku milimo ya fikolwe fyenu, pantu mucine bali bepeye kabili mulakula inshishi shabo.49Pali uyu mulandu nao, amano yakwa Lesa yalilandile ati, 'Nkatuma kuli bena ba kasesema na ba tumwa, kabili bakapakasa no kwipayapo bamo.' 50Pamulandu wa ici, iyi nkulo ikesa kuba iya mulandu pa mulopa onse uwaba kasesema uwasuma ukutulafye pa mufula wa calo, 51ukufuma pa mulopa wakwa Abele ukufika pa mulopa wakwa Sekaria, uo baipaile pakati ka cipailo ne tempele. Eee, Nkolanda kuli mwebo nati, iyi nkulo ikaba no mulandu.52Akalanda kuli mwebo mwe baishibisha amalango, pantu mwalisenda imfungulo ya kwishiba; tamwingilamo mwebene, kabili mucilikisha abo abakoingila."53Panuma Yesu aisa kufumako kulya, bakalemba na baFarise balipinkene no kutalikana nankwe pa fintu ifingi, 54balikele mukulolela ukumwikatila pa cebo ico engalanda.
121Pali nomba, ulo iminta pendwa ya bantu bakolongene pamo ica kwebati bakonyantana umo no mu nankwe, pakubala alitendeke ukulanda ku basambi bakwe, "Cenjeleni ne citutumushi ca baFarise, icili ni bububi munda.2Lelo takwaba icafimbwapo icishakasokololwe, ne cafiswa icishakeshibikwe. 3Eco fyonse ifyo mwali kulandila mu mfimfi fikesa kumfwinkila mu lubuto, neco mwalandile mu kutwi mu miputule ya mukati fikabilikishiwa pa mitenge ya mayanda.4Nkolanda kuli mwebo nati, ba cibusa wandi, mwile kutina abepaya umubili, na panuma ya ifyo tabakwete neco bengacita cimbi. 5Lelo nkomisoka mwebo uo mwingatina. Mulekutina uyo, panuma ya kwipaya, ali kwete nsambu ya kumiposa kumbo. Eee, nkolanda kuli mwebo nati, eo mulekutina.6Bushe inseba shisano tashishitwa mutuma kobili tubili? Lelo takwaba nangu imo iilabwa mu menso yakwa Lesa. 7Lelo ne mishishi ya kumitwe yenu yalipendwa. Mwilekutina. Muli bakucindamisha ukucila inseba ishingi.8Nkolanda kuli mwebo nati, onse uunumbula pa menso ya bantu, Umwana wa Muntu nao akamulumbula pa menso yaba malaika bakwa Lesa, 9lelo uyo uunkana pa menso ya bantu nkamukana pa menso yaba malaika bakwa Lesa. 10Na onse uulanda icebo cabubi pa Mwana wa Muntu, akabelelwa uluse, lelo kuli uyo uupontela Mupashi wa Mushilo, takabelelwe uluse.11Ulo bakamitwala mu ma synagoge, kuli ba kateka, na ba maka, mwikasakamana pafyo mukalekulanda mukuipokolola, nangu ifyo mukalanda, 12pantu Mupashi wa Mushilo akamisambilisha mukashita kalya ifyo mufwile ukulanda."13Elo umo uwa mwibumba alandile kuli ena ati, "Kasambilisha, ebeni munyinane ukwakanya icakaniko cabupyani na nebo." 14Yesu alilandile kuli ena ati, "We muntu, ninani wansontele ukuba kapingula nangu ndubulwila pali mwebo?" 15Alilandile kuli bena ati, "Cenjeleni ukwebati muisunge ku fyakukabila fya lunkumbwa lonse, pantu umweo wa muntu tawaba mu bwingi bwa fintu akwata."16Nolu Yesu alibebele umulumbe, ukwebati, "Ibala lya mukankala lyali twalishe, 17kabili alitontonkenye mu mutima wakwe, ukwebati, 'Nkocita shani, pantu nshikwete ncende umwakututila ifisabo fyandi?' 18Alilandile ati, 'Ifi efyo nkocita. Nkobongolola amatala no kukulapo ayakalamba, emo nkasungila ifisabo fyandi fyonse ne fipe fyandi fimbi. 19Nkolanda ku mweo wandi, "We mweo, ulikwete fipe ifingi ifikasungwa pa myaka iingi. Utushe, ulekulya, ulekunwa, ulekusangalala."'20Lelo Lesa alilandile kuli ena ati, "We ciwelewele ca muntu, buno bushiku umweo obe ukopokololwa kuli webo, ne fintu wapekanya, fikaba fyakwa nani?' 21Efyaba uukotutila ifyuma fyakwe umwine kabili taba umukankala kuli Lesa."22Yesu alilandile kuba sambi bakwe ati, "Eco nalanda kuli mwebo nati, mwilekusakamana pa bwikashi bwenu, ifyo mukalya; nangu imibili yenu, ifyo mukafwala. 23Pantu umweo walicila ifyakulya, no mubili walicila ifya kufwala.24Tontonkanyeni pali ba mwankole, ukwebati tabalima nangu ukusepa, tabakwata cipao nangu butala, lelo Lesa alabalisha. Mwalicindamisha ukucila ifyoni! 25Ninani pali mwebo mukuba uwakusakamana engalundapo akalitoni kamo ku nshiku sha bumi bwakwe? 26Nga cakwebati mwafilwa ukucita aka kantu kaku cepesha, nindo musakamanina pa fyashala?27Tontonkanyeni pali bacananika - ifyo bakula. Tababomba, nangu kupikula ifyakufwala. Lelo nkomyeba nati, nangu Solomoni mubukata bwakwe talikufwala nga umo uwa muli bena. 28Nga Lesa kuti afwika icani ca mu mpanga, icilipo lelo, kabili mailo caposwa mwi buku lya mulilo, bushe tekuti acilepo ukufwika mwebo, mwebo mweba cicetekelo cinono!29Mwilekufwaya ifyo mukalya nefyo mukanwa, kabili mwilekusakamana. 30Pantu inko shonse isha pa calo bafwaya ifi fintu, na Shinwe alishiba ati mukofikabila.31Lelo mufwaye ubufumu bwakwe, nefi fintu fikalundwa kuli mwebo. 32Mwilekutina, mwe mukuni uwa cepesha, ico Shinwe abekelwa ukumipela ubufumu.33Shitisheni ifikwatwa fyenu no kupela ifya nkumbu. Icitileni mwebene ifikwama ifitakakote - icuma mu mulu icitapwa, umo umupupu tafika, no bubenshi tabonaula. 34Pantu ukuli icuma cobe, eko no mutima obe nao ukaba.35"Imisana yenu ibe iya kukakwa ne nyali shenu ishakwaka, 36kabili mube nga bantu abakololela shikulu wabo ulo akabwela ku mutebeto wa bwinga, pakwebati ulo aisa kukonkonsha, benga mwiswilako iciibi bwangu.37Balipalwa ababomfi balya abo shikulu wabo akasanga bakolola ulo akesa. Mucinefye nkolanda kuli mwebo nati, akaikaka umwine kukupyunga no ku bekalika kwi tebulo, kabili akesa kubapyungila. 38Nga shikulu abwela munshita ya cibili mu kulinda kwa bushiku, nangu munshita ya citatu no kubasanga abaiteyanya, balipalwa ababomfi abo.39Lelo mwishibe ici, ukwebati shikulu wa ng'anda nga alishibile akashita umupupu akoisa, nga talekele ing'anda yakwe ukusanswa. 40Mube abaiteyanya, pantu Umwana wa Muntu akoisa panshita iyo tamwenekele."41Petero alilandile ati, "mwe Shikulu, bushe mukolandafye uyu mulumbe kuli fwebofye, nangu nakuli bonse?" 42Shikulu alilandile ati, "Ninani kanshi uwacishinka kabili kangalila wa mano uo shikulu akabika mukumona pa babomfi bambi ukupela ifyakaniko fya fyakulya panshita iya kulinga? 43Alipalwa uyo mubomfi uo shikulu wakwe akasanga alecita ifyo ulo akabwela. 44Mucinefye nkolanda kuli mwebo ukwebati akamubika pafipe fyakwe fyonse.45Lelo umfwa ulya mubomfi alanda mu mutima wakwe ati, 'Shikulu wandi akokola ukubwela,' kabili atendeka ukuma ababomfi abaume na banakashi no kulya no kunwa no kukolwa, 46shikulu wa ulya mubomfi akesa mu bushiku ashenekele na mukashita ashishibile kabili akamuputaula mutupimfya no ku musontela icifulo pamo naba shaba na cine.47Ulya mubomfi, pakwishiba ukufwaya kwakwa shikulu wakwe na pakukana ipekanya nangu ukucita ukulingana no kufwaya kwakwe, akapumaulwa ne fipumo ifingi. 48Lelo uyo uushaishibile nokucita ifyawamine mpumo, akapumwa panono. Lelo abo bonse abapelwe ifingi, ifingi fikafwaikwa kuli bena, noyo uo balashilile fingi, bakepushako ifyakucilapo.49"Naishile mukuposo mulilo pe sonde, kanshi nga wali bilimwike kale. 50Lelo ndi no lubatisho ulo ndi no kubatishiwako, kabili ifyo nkolungulushiwa mpaka lukapwililike!51Bushe mukotontonkanya ukwebati naishile mukuleta umutende pe sonde? Iyoo, nkomyeba nati, lelo kano ukupatukana. 52Pantu ukufuma pali nomba kukaba basano mu ng'anda imo abakupatukana - abantu batatu bakapusana naba bili, na bantu balili bakapusana na batatu. 53Bakapatukanamo, wishi bakapusana no mwana mwaume, no mwana mwaume bakapusana na wishi, nyina bakapusana no mwana mwanakashi no mwana mwanakashi bapusana na nyina, nafyala bakapusana no mulokashi umwanakashi no mulokashi umwanakashi bakapusana na nafyala."54Yesu alikulanda ku mabumba nako ati, "Ulo mwamone kumbi likonina ku masamba, Apopenefye mukalande amuti, 'Imfula ikoisa, nefyo efikacitika. 55Ulo umwela wa kukapinda ka kukulyo ukopupa, mukalanda amuti, 'Kukoba icikabilila icikalamba, kabili fyacitika. 56Mwe babubi munda, mwalishiba ukupilibula kwa mimonekele ye sonde ne myulu, lelo nindo mushaishibila ukwilula ifya nshita ino?57Nindo mutaipingwila icilungeme palwenu mwebene? 58Pantu ulo mukoya no mulwani obe kuli kapingula, munshila weshe ukumfwana nankwe pakwebati takutwele kuli kapingula, na pakwebati kapingula takupele ku mushilika, no mushilika takuposele mu cifungo. 59Nkolanda kuli webo nati, tawakafumemo mulya mpaka ukalipile akamyampuku ka ndalama akakupelekeshako."
131Pali ilya nshita, abantu bamo kulya bali mwebele palwa bena Galili abo umulopa wabo Pilato asankenye na malambo yabo. 2Yesu alibasukile no kulanda kuli bena ati, "Bushe mukotontonkanya ukwebati aba abena Galili babembu sana ukucila bonse abena Galili bambi pantu bali culile muli iyi nshila? 3Iyoo, efyo namyeba. Lelo umfwa tamulapile, mwebo bonse mukonaulwa mu musango umo ine.4Nangu balya ikumi limo na cinekonse - konse abantu ba mu Siloamu abo ulupungu lwawilile no kubepaya, bushe mukotontonkanya ukwebati bali babembu sana ukucila abantu bambi mu Yerusalemu? 5Iyoo, Nalanda. Lelo umfwa mwebo tamulapile, naimwe bene bonse mukonaika.''6Yesu alibebele uyu mulumbe, ''Umo alikwete icimuti ca mikunyu icabyelwe mwibala lyakwe ilya myangashi kabili alishile no kufwayako icisabo lelo tasangileko nangu cimo. 7Umuntu alilandile ku mulimi ati, 'Lolesha, pa myaka itatu ndesa no kwesha ukufwayako icisabo kuli ici cimuti ca mukunyu kabili nshisangako nangu cimo. Citeme. Nindo ukocilekela cilekonaula umushili?'8Umulimi alyasukile no kulanda ati, ' Shikulu, cilekeni uno mwaka ulo nkocimbilila mumbali no kubikamo umufundo. 9Umfwa cikatwala ifisabo uyu mwaka, cabune; lelo umfwa tacitwele, citemeni!'''10Nomba Yesu alikusambilisha mwi synagoge limo pe Sabata. 11Moneni, umwanakashi uo pa myaka ikumi na cinekonse-konse uwakwete umupashi wa kunasha umubili ali palya. Alikonteme kabili takwete maka ya kololoka ukufikapo.12Ulo Yesu amumwene, alimukutile no kulanda ati, ''We mwanakashi, wakakulwa ku bunasha bobe.'' 13Alibikile amaboko yakwe pali ena, napopenefye alyololweke no kupela ubukata kuli Lesa. 14Lelo kangalila wa mu synagoge alifulilwe pantu Yesu aposha pe Sabata. Eco kangalila alyaswike no kulanda kwi bumba ati, ''Kwaliba inshiku mutanda ishalinga ukubombamo. Iseni no kundapwa, te pa bushiku bwe Sabata.''15Shikulu alimwaswike no kulanda ati, ''Mwe babubi munda! Bushe mwebo bonse tamukakwila ing'ombe na punda wakwe ukufuma mwi tyanga no kufitungulula mu kunwa pe Sabata? 16Eco na uyu umwana mwanakashi wa kwa Abrahamu, uo Shetani akakile pa myaka iingi iili ikumi na cinekonse - konse, bushe ifikakilo fyakwe tekuti fikakulwe pa bushiku bwe Sabata?''17Ulo alandile ifi fintu, bonse abali kumutalika balyumfwile nsoni, lelo ibumba lyonse ifikatami ifyo acitile.18Nolu Yesu alilandile ati, ''Bushe ubufumu bwakwa Lesa bwaba shani, kabili findo ninga bupalanyako? 19Bwaba kubati luseke lwa lubanga ulo umuntu abulile no kuposa mwibala lyakwe, kabili lwalikulile mu cimuti icikalamba, ne fyoni fya mu mulu fyakulamo ifinsa mu misambo ya ciko.''20Nakabili alilandile ati, ''Ni kufindo ninga palanya ubufumu bwakwa Lesa? 21Bwaba kubati citutumushi ico umwanakashi abula no kusankanya ne fipimo fitatu ifya bunga bwa ng'ano mpaka ubunga bwa ng'ano bonse bwa tutumuka.''22Nolu Yesu alyendele ukupita mu misumba na mu mishi, akosambilisha no kuipangila inshila ukulalo ku Yerusalemu. 23Umo alilandile kuli ena ati, '' Mwe Shikulu, Bushe banono fye abantu abakapusuka?'' Eco alilandile kuli bena ati, 24''Lwisheni ukwingila pa mwinshi wa kamfyemfye, pantu, Ndemyeba nati, abengi bakesha ukwingila, lelo tabakakwanishe ukwingila.25Ulo fye umwine wa ng'anda aima no kukoma ku ciibi, ninshi ukoiminina panse no kukonkonsha ku ciibi no kwebati, 'Mwe Shikulu, mwe Shikulu, lekeni twingile.' ''Akasuka no kulanda kuli webo ati, ' Nshikwishibile nangu kuntu ufumine.' 26Nolu ukalanda ati, ' Twalilile no kunwa ku ntanshi yenu no kusambilisha mu misebo yesu.' 27''Lelo akasuka ati, 'Nalanda kuli mwebo nati, Nshishibe kuntu mufumine. Fumeni kuli nebo, mwebo bonse mwe babomfi batalungama!'28Kukaba ukulila no kusumanya ameno ulo mukamona Abrahamu, Isaki, Yakobo, na bakasesema bonse mubufumu bwakwa Lesa, lelo mukaposwa kunse. 29Bakesa ukufuma ku kabanga, ku masamba, kukuso na kukulyo, no kwikala kwi tebulo mu bufumu bwakwa Lesa. 30Ishibeni ifi, abo abacepesha ebakaba abantanshi, nabo abacindamisha bakaba abanuma.''31Mu nshita ilya ine, Bamo abaFerise balishile no kulanda kyuli ena ati, ''Kabiyeni no kufuma kuno pantu Herode akofwaya ukumipaya.'' 32Yesu alilandile ati, ''Kabiyeni no kuya kweba ulya mumbwe ati, 'Lolesha, Ndetamfya ingulu no kundapa ilelo na mailo, no bushiku bwakulenga shitatu nkafika pa buyo bwenu.' 33Nangu cibe ifyo, cililingile nebo ukukonkanyapo ilelo, mailo, no bushiku bwakonkapo, apo tacasuminishiwa kasesema ukonawilwa kunse ya Yerusalemu.34Yerusalemu, Yerusalemu, uwipaya ba kasesema no pola amabwe abo abatumwa kuli webo. Ifyo ilingi nafwaishe ukukolonganya abana bobe nga filya nankoko afukatila utwana twakwe mu mapindo yakwe, lelo webo tawali kufwaya ifi. 35Mona, ing'anda yobe yalekeleshiwa. Nakweba nati, tawakambonepo mpakafye ukalande ati, 'Alipalwa uwishila mwi shina lyakwa Shikulu.'''
141Calicitikile pe Sabata limo, ulo aile kwingila mu ng'anda ya ntungulushi imo iya baFarise ku kulya umukate, ukwebati bali ku mulolekesha. 2Moneni, pa ntanshi yakwe palipo umuntu uwali kulwala ubulwele bwa kufimba amaboko na molu. 3Yesu alipwishi abaishibisha malango ya ba Yuda na baFarise ati, "Bushe calisuminishiwa ukundapa pe Sabata, nangu iyo?"4Lelo bali kutumene fye. Eco Yesu alimwikete, alimundepe, kabili ali mulekele alekuya. 5Alilandile kuli bena ati, "Ninani pali mwebo uukwete umwana umwaume nangula ing'ombe iya ponena mu cishima pa bushiku bwe Sabata ashinga yabule palya penefye?" 6Balifililwe ukumupela ubwasuko pali ifi fintu.7Ulo Yesu amwene ifyo abo abalalikwe basalilepo ifipuna fya bucindami, alibebele umulumbe, ukulanda kuli bena ati, 8"Ulo walalikwa kuli umo ku mutebeto wa bwinga, wilekwikala ku ncende ya kucindama, pantu kuti na umbi alilalikwe uwa kucindamisha ukucila pali webo. 9Ulo umuntu wa milalike mwebo bonse babili afika, ali no kulanda kuli webo ati, 'Pela uyu muntu umbi ncende yobe,' Elo mu nsoni ukaya kubula incende ya kucepesha.10Lelo ulo walalikwa, kabiye wikale ku ncende yakucepesha, pakwebati ulo uyo uukulalikile afika, kuti alanda kuli webo ati, 'Cibusa wandi, ima selela pa mulu.' Elo uka cindamikwa mu menso ya abo bonse abakuweme nobe. 11Pantu uyo onse uuisumbula umwine akacefeshiwa, na uyo onse uuicefya umwine akasumbulwa."12Yesu alilandile naku muntu uwa mulalikile ati, "Ulo wacita umulalilo nangula umwikulo, wilalika abanobe nangula ba munonko nangula ba lupwa bobe nangu abena mupalamano abakankala, pantu nabo kuti bakulalika mu cibwesha, kabili uli no kubweseshiwa amalipilo.13Lelo ulo wacita umwikulo, lalika ababusu, abalema, abakulemana amolu, ne mpofu, 14kabili uli no ku palwa, pantu tekuti ba kubweseshe amalipilo. Pantu uli no kubweseshiwa amalipilo mukubushiwa kwa balungami."15Ulo umo pali abo aba ikele na Yesu pe tebulo aumfwile ifi fintu, alilandile kuli ena ati, "Uwakupalwa ni uyo ukalya umukate mu bufumu bwa kwa Lesa!" 16Lelo Yesu alilandile kuli ena ati, "Umuntu umo alipekenye umulalilo uukalamba no kulalika abengi. 17Pa nshita ya mulalilo, alitumine ababomfi bakwe ukuya kulanda kuli abo abalalikwe ati, 'Iseni, pantu fyonse nomba filipekanishiwe.'18"Bonse cimo cine balitendeke ukupanga umwakubepesha. Uwa kubalilapo alilandile kuli ena ati, 'Ndishitile mpanga, kabili mfwile ukuya kuimona. Nkokupapata leka ndekuya.' 19Na umbi alilandile ati, 'Ndishitile ng'ombe sha ku makoli yasano, kabili nkoya muku shesha. Nkokupapata leka ndekuya.' 20Elo na umbi umuntu alilandile kuli ena ati, 'Ndyupile umukashi, eco tekuti ngise.'21Umubomfi alishile kweba shikulu wakwe ifi fintu. Kabili shikulu wa ng'anda alifulilwe no kulanda ku mubomfi wakwe ati, 'Kabiye bwangu mu misebo iyi kalamba ne inono iya mushi kabili ulete kuno ababusu, abalema, Impofu, na bakulemana amolu.' 22''Umubomfi alilandile ati, 'Mwe shikulu, ifyo mwacikonkomesha filicitilwe, lelo kwena mucili ncende.'23"Shikulu alilandile ku mubomfi ati, 'Kabiye mu nshila sha pabuka na mutushila twa mu mpanga no kubapatikisha ukwisa kwingila, pakwebati ing'anda yandi ingesula. 24Pantu nkolanda kuli webo nati, tapali nangu umo pali balya bantu nalalike abakosonda umulalilo wandi."25Nomba amabumba ayakalamba yali kuya nankwe, kabili alipilibukile no kulanda kuli bena ati, 26"Umfwa uuli onse aisa kuli nebo no ku kana pata wishi, nyina, umukashi, abana, bamunyina na bakanshi, no mweo wakwe kumo, tekuti abe umusambi wandi. 27Uyo onse uutasenda icapindama cakwe umwine no ku konka tekuti abe umusambi wandi.28Pantu ninani pali mwebo uwinga kabila ukukula ulupungu uutabalilapo ukwikala panshi no kupenda icipendo ukumona nga cakwebati alikwete fyonse ifikofwaikwa pa kulupwisha? 29Nga teifyo, ulo atendeka umufula elo afilwa ukupwilishisha, abo bonse abakomonako bali noku tendeka ukumupumya, 30ukulalanda ati, 'Uyu muntu alitendeke ukukula kabili alifililwe ukupwisha.'31Nangu ni mfumu ndo, ulo ikoya ku kulwa ne mfumu imbi, tekuti ibalilepo ukwikala panshi no kupandwa amano nga cakwebati ifita fyakwe amakana ikumi kuti fya lwishanya na imbi imfumu ili ne fita amakana amakumi yabili? 32Nga teifyo, ulo ifita fimbi ficili apatali, akotuma inkombe isha kuya ku mwimininako no kuya kwipusha umo bengomfwanina. 33Eco kanshi, uuli onse pali mwebo uushilekelako fyonse ifikwatwa fyakwe tekuti abe umusambi wandi.34Umucele wabune, lelo ngo mucele wasunduka, bushe kuti waloweshiwa na kabili? 35Taukwete umulimo ku mushili nangu ni ku mufundo. Ulaposwa fye. Uyo uli na matwi ya kumfwa, na omfwe."
151Nomba bonse bakasonkesha wa musonko na babembu balikwisa kuli Yesu mu kumfwa kuli ena. 2Bonse abaFarise na bakalemba balikuilishanya umo no munankwe, ukulanda ati, "Uyu muntu alapokelela ababembu, no kulya nabo."3Yesu alilandile uyu umulumbe kuli bena, ukwebati, 4"Ninani pali mwebo, umfwa alikwete impanga umwanda umo elo alufyapo imo, uushingasha ishili amakumi pabula na pabula mu matololo no kuya akofwaya iilubile mpakafye aisanga? 5Nomba ulo aisanga, aibika pa mabeya yakwe no kusekekela.6Ulo aisa ku ng'anda, aita ifibusa fyakwe na bena mupalamano pamo, no kulanda kuli bena ati, 'Sekeleleni pamo na nebo, pantu ndisangile Impanga nalufishe.' 7Nkomweba nati ifyo fine efyo cikaba, kukaba insansa ku mulu pa mubembu umo uwalapila, ukucila abali amakumi pabula na pabula abantu abalungami abashikokabila ukulapila.8Nangu ninani umwanakashi uukwete indalama isha silfere ishamuwaya ikumi, umfwa alufye imo, bushe tekuti asanike inyali, apyange na mu ng'anda, no kufwaya bwino mpakafye aisanga? 9Ulo aisanga, aita pamo abanankwe na bena mupalamano bakwe, abeba ati, 'Sekeleleni pamo na nebo, pantu ndisangile indalama nalufishe.' 10Nangu cibefyo, nkolanda kuli mwebo nati, kuli nsansa muceni ca ba malaika bakwa Lesa palwa mubembu umo uwalapila."11Nolu Yesu alilandile ati, "Umuntu umo alikwete abana babili abaume, 12no mwaice bantu alilandile kuli wishi, "Tata, mpeniko icakaniko candi pa fyuma fyenu.' Eco alibakenya ifyuma fyakwe bonse babili.13Tapapitile nshiku ishingi, umwaice alikolonganike fyonse ifyo akwete no kuya ku calo ukutali, kabili kulya alyonawile ifyuma fyonse mukuipoisaika. 14Nomba ulo aonawile fyonse, icipowe icikalamba cali salangene mu calo cilya, kabili alibulilwe.15Alile kwingila icinto ku mwikashi umo uwa mu calo cilya, uyo uwa mutumine mu mabala yakwe mukulisha inkumba. 16Alikukabila ukulyako ifilyo fya nkumba pantu takwali nangu umo uwakumupa ifili fyonse.17Lelo umwana umwaice alikutulwike umwine, alilandile ati, "Ni banga ababomfi tata akwata abalya imikate iingi, na pano ndi, nkofwa ku nsala! 18Nkoima ukufuma kuno no kuya kuli tata wandi, no kuya kulanda kuli ena ati, ''Tata, nalibembukila umulu na mwebo. 19Nshilingile ukwitwa umwana wenu; ndengeni ukuba umo pa babomfi benu abo mwaingisha."'20Eco Umwana umwaice alimine no kufumako no kwisa kuli wishi.Ulo acili akatamukila wishi alimumwene kabili aliketwe inkumbu, no ku mubutukila no ku mukumbatila no ku mutomona. 21No mwana alilandile kuli ena ati, "Tata, Nalibembukila umulu na mwebo. Nshilingile ukwitwa umwana wenu.'22"Bawishi balilandile ku babomfi babo ati, 'Leteni bwangu umwingila uwabune sana, mufwikeni, kabili bikeni ininda munwe ku kuboko kwakwe, ne ndyato ku makasa yakwe. 23Nolu mulete no mwana wa ng'ombe uwakwina no kwipaya. Natuilemene no kwanga! 24Pantu umwana wandi alifwile, nomba ali no mweo. Alilubile, nomba alisangilwe.' Nolu balitendeke ukusefya.25"Nomba umwana umukalamba ali mwibala. Ulo abwelele akopalamina ku ng'anda, alyumfwile inyimbo no kucinda. 26Alikutilepo umo umubomfi no kumwipusha ati nindo ikocitika. 27Umubomfi alilandile kuli ena ati, 'Ndume yenu alibwelele ku ng'anda na bawiso balimwipaile akana ka ng'ombe akaina pantu balimupokelele umumi.'28Umwana umukalamba bantu alifulilwe alikene no kwingilamo, nawishi alifumine no kwisa kumupapatila. 29Lelo Umwana umukalamba bantu alyasukile nokulanda kuli wishi ati, 'Lolesheni, iyi myaka iingi nali mibombela ngo musha, nshasulilepo icipope cenu nangu cimo, lelo tamwampelepo nangu kana ka mbushi ukwebati nsemfye na banandi, 30Lelo ulo uyu mwana wenu eshile, uwaonawile ubwikashi bwenu na ba cilende, mwamwipaila akana ka ng'ombe akakwina.'31"Bawishi balilandile kuli ena ati, 'We mwana, lyonse waba nanebo, na fyonse ifyandi fyobe. 32Lelo cacilinga ukwebati tusefye no kusekelela, pantu uyu wenu alifwile, nomba ali no mweo, alilubile, nomba alilondweke."'
161Yesu nakabili alilandile ku basambi ati, "Kwalipo umuntu umo umukankala uwakwete kangalila, kabili calyebelwe kuli ena ukwebati uyu kangalila alikumonaula ifikwatwa fyakwe. 2Eco mukankala alimukutile no kulanda kuli ena ati, 'findo ifi nkoumfwa pali webo? pela ubulondoloshi pa mibombele yobe, pantu taukotwalilile ukuba kangalila.3"Kangalila aliisoseshe umwine eka ati, 'Nkocita shani, apo shikulu wandi akontafya imilimo ya bukangalila? Nshakwata maka ya kulima, kabili nalikwata nsoni sha kulomba. 4Ndishibile ifyo nkocita, pakwebati ulo bakontamfya imilimo, abantu bakampokelela mu mayanda yabo.'5Nomba kangalila alikutile bonse abali ne misha kuli shikulu wakwe, no kwipusha uwa kubalilapo ati, 'Nishinga wakongola kuli shikulu wandi?' 6Alilandile ati, 'Amabotolo ya mafuta umwanda umo.' "Alilandile kuli ena ati, 'Bula kalata wa misha yobe, ikala panshi bwangu, no kulemba amabotolo ya mafuta amakumi yasano.' 7"Elo kangalila alanda na kuli umbi ati, 'Nishinga wakongola?' "Alilandile ati, 'Amasaka ya ngano umwanda.' "Mushika atile, "bula kalata obe uwa nkongole, no kulembapo amakumi cinekonse - konse.'8Shikulu alitashishe kangalila uushili mulungami pantu alibomfeshe amano ya bucenjeshi. Pantu abana ba cino calo balicenjelesha mukubomba na bantu babo ukucila abana ba lubuto. 9Nkolanda kuli mwebo nati, pangeni ifibusa mwebene ukubomfya ifyuma ifyakubula ubulungami pakwebati ilyo fikapwa, benga mipokelela mubwikashi bwa muyayaya.10Onse uwacishinka mutunono sana wacishinka na mufingi, noyo uushalungama mutunono tekuti alungame na mufingi. 11Umfwa tawaba na bucishinka mukubomfya ifyuma ifyabula ubulungami, ninani akakucetekela mufyuma fya cishinka? 12Umfwa tauli na cishinka mukubomfya ifipe fya bantu bambi, ninani wingakupela indalama ishobe?13Takwaba umusha uwinga bombela imfumu shibili, pantu kuti apata umo atemwapo umbi, nangu akaipeleshapo kuli umo no kusula umbi. Tekuti ubombele Lesa ne fyuma."14Nomba abaFarise, abatemenwe indalama, balyumfwile ifintu fyonse ifi, kabili balimusushishe. 15Alilandile kuli bena ati, "Mulaiwaminisha mwe bene mu menso ya bantu, lelo Lesa alimishiba imitima yenu. Uyo uukoisansabika pa bantu wa muselu mu menso yakwa Lesa.16Amalango na bakasesema fyalikubomba mpaka ulo Yohane aishile. Ukufuma ilya nshita, imbila ya bufumu bwa kwa Lesa ikobilwa, na onse alafwaya ukuipatikisha ukwingila muli iyi inshila. 17Lelo cakwanguka ku mulu ne sonde ukupita ukucila akalitoni ka malango ukuba akafye.18Onse uwaleka umukashi wakwe nokuya kupa umbi acita ubucende, noyo uwayakupa uwakanwa nao wine acita ubucende.19"Nomba kwalipo umuntu umukankala uwalikufwala insalu ishakukashikila nesha kolokondwe kabili alikuipakisha cila bushiku pa fyuma fyakwe ifingi. 20Kwaliko na kalomba lomba umo ishina lyakwe ni Lasaro alikwikala pa mpongolo yakwe, alikwete ifilonda, 21alikukabila ukulya utwalikupona kwitebulo lya mukankala. Ne mbwa nasho shalikwisa muku myanga ifilonda fyakwe.22Caishile kuba ukwebati umulanda alifwile na bamalaika bali musendele nokumutwala kulubali lwakwa Abrahamu. No mukankala nao alifwile no kushikwa, 23na ku mboo, ulo ali akolunguluka, ali nwine amenso yakwe no kwisa kumona Abrahamu akatalamukila na Lasaro ku lubali lwakwe.24Eco alibilikishe nokulanda ati, 'Tata Abrahamu, mbeleleniko uluse no kuntuminako Lasaro, aye kutumpika aka lutwe kamunwe wa kwe mu menshi no kwisa ntalalikako palulimi lwandi, pantu ndi culile muli ulu lubingu.'25"Lelo Abrahamu alilandile ati, 'We mwana, ibukisha ukwebati mubwikashi bobe walipokelele ifintu fyobe ifya bune, elo Lasaro aliculile mupamba. Lelo nomba alisansamushiwe kuno, nobe ukomanama. 26No kucilishapo, paliba umuyenge pakati, pakwebati abakofwaya ukwabuka ukufuma kuno ukwisa kuli webo tekuti ficitike, kabili takuli nangufye umo uwingabuka ukufuma uko ukwisa kuli fwebo.'27"Umukankala atile, "Nkomipapata, Tata Abrahamu, nkofwaya mumutumeko ku ng'anda yakwa tata ---- 28pantu nalikwata indume shisano - pakweba aye kubasoka, pakwebati cikaba ati nabo baisa kuli ino ncende ya kulunguluka.'29Lelo Abrahamu alilandile ati, 'Balikwete Mose na bakasesema; baleke bakutike kuli bena.' 30Umukankala alyaswike ati, 'Iyoo, Tata Abrahamu, lelo umfwa umo aye kulibena uwakufuma ku bakufwa, bakolapila.' 31"Lelo Abrahamu alilandile kuli ena ati, 'Umfwa tabomfwile kuli Mose na bakasesema, tekuti bomfwe no kusumina nangufye umo enga kuba ukufuma ku bakufwa."
171Yesu alilandille ku basambi bakwe ati, "Calishibikwa ukwebati kukabako ifipunwisho, akalanda kuli uyo muntu fyaishilamo! 2Kuti camuwamina umfwa uyu bamukakila icilibwe ca mpelo ukumushingulusha mu mukoshi kabili nga aliposelwe muli bemba pakweba ati talengelepo umo muli aba abanono ukuipununa.3Ilindeni mwebene. Umfwa wenu abembuke, mukalipile,kabili umfwa alapila, mweleleko. 4Umfwa akubifya imiku cinelubali mu kasuba kamo, kabili abwela imiku cinelubali kuli webo, ukwebati, 'Nalapila,' ufwile wa mwelela!"5Abatumwa balilandile kuli Shikulu ati, "Kusheni icitetekelo cesu." 6Shikulu alilandile ati, "Umfwa mwalikwete icicetekelo ngo luseke lwa lubanga, kuti mwalanda kuli ici icimuti ca maluberi ati, 'Nukuka, kabili kabyalwe muli bemba,' naco kuti cakubela.7Lelo ninani pali mwebo, uwakwata umubomfi wa kumulimina nangula uusunga impanga, uwinga mweba ulo afumafye kwibala ati, 'Isa apapapenefye no kwikala mukulya'? 8Bushe tekuti alande kuli ena ati, 'Mpekanishishako ifyakulya, kabili bikamo umushipi mu fyakufwala fyobe no kumpyungila mpakafye mpwishe ukulya no kunwa. Nolu panuma nobe ukolya no kunwa'?9Tatashako umubomfi pantu alicitile ifintu ifyo amukonkemeshe, bushe alacita? 10Umfwa acikaba ifyo na mwebo bene, ulo mwacita ifyo bamunkonkomesha, mwebe ati, "Tuli babomfi abashalinga. Tucitilefye ifyo tulingile ukucita.'"11Casangilwe ukwebati ilyo ali munshila ukuya ku Yerusalemu, apitile mu mupaka waba pakati ka Samaria na Galili. 12Ulo aingile mu mushi umo ifi, kulya alikumene naba baume ikumi abali ne fibashi. Baliminine akatalamukila ukufuma apo ali 13kabili balisanswile amashiwi yabo, ukwebati, "Yesu, Shikulu, tubeleleniko uluse."14Ulo abamwene, alilandile kuli bena ati, "Kabiyeni muye kuilanga kuli ba shimapepo." Ulo balikuya balisangulwike. 15Ulo umo pali bena amwene ati apola, alyalulwike, no kubilikisha ishiwi ukulumbanya Lesa. 16Awile ubunkumpeme pa makasa yakwa Yesu, no kumutotela. Nomba ali mwina Samaria.17Nolu Yesu alilandile ati, "Bushe tabaciba ikumi abasangulwilwe? Bushe abali pabula bambi bali kwi? 18Takuli na bambi abakwisa kupela ubukata kuli Lesa, Kano fye uyu mwina fyalo?" 19Alilandile kuli ena ati, "Ima, no kuya. Icicetekelo cobe cilikuposeshe."20Pa kumwipusha ku baFarise ulo ubufumu bwakwa Lesa bukesa, Yesu alibaswike no kulanda ati, Ubufumu bwakwa Lesa tabwisa ne cakumwenako. 21Nangu tabakalande ati, 'Lolesheni, ubu apa!' nangu, 'Bulya palya!' Pantu moneni, ubufumu bwa kwa Lesa buli muli mwebo."22Alilandile ku basambi ati, "Inshiku shikoisa ulo mukafwaya ukumona ubushiku bumo pa nshiku sha Mwana wa Muntu, lelo tamwaka bumone. 23Nolu bakamweba ati, "Lolesheni, palya! Lolesheni, Pano!' Lelo mwiyako nangu ukubabutukila, 24pantu nga filya inkuba isanikisha ulo imyashe ukufuma ku ciputulwa cimo ica mulwelele ukutwala ku ciputulwa cimbi ica mulwelele, efyo no Mwana wa Muntu akaba pali ubu bushiku.25Lelo pakubala afwile ukucula mu fintu ifngi no kukanwa na iyi nkulo. 26Nga fintu cacitike mu nshiku shakwa Noa, efyo cikacitika na mushiku sha Mwana wa Muntu. 27Balikulya, balikunwa, balikupa, kabili balikubofya mu fyupo ukufikafye ulo Noah aingile mu cibwato - ne lyeshi lyalishile no kubonaula bonse fye.28Mu musango umo wine, kabili ngefyo cacitike munshiku shakwa Loti - Balikulya no kunwa, ukushita no kushitisha, ukubyala no kukula. 29Lelo mu bushiku ubo Loti afumine mu Sodoma, kwalokele umulilo na sulfere ukufuma mu mulu no konaula bonse fye.30Mumusango umo wine efyo cikaba na mu bushiku ubo Umwana wa Muntu asokololwa. 31Muli ubo bushiku uyo uuli pa mutenge wa ng'anda eikapo ukuya mukubula ifipe ukufuma mu ng'anda yakwe, na mumusango umo wine lekeni uyo uuli mwibala ebweluluka.32Ibukisheni muka Loti. 33Uyo uukofwaya ukunonka umweo wakwe akaulofya, lelo uyo uukolofya umweo wakwe akaupususha.34Nkomweba nati, muli bulya bushiku kukaba abantu babili mu busanshi bumo. Umo akasendwa, umbi akashala. 3536Kukaba banamayo babili abakalapela inseke pamo. Umo akasendwa, na umbi akashala.''37Balimwipwishe ati, ''Nikwi, mwe Shikulu?'' Alilandile kuli bena ati, ''Ukuli icitumbi ca mubili, eko na makubi ya longana capamo.''
181Nolu alibebele umulumbe pafyo bafwile ukupepa lyonse kabili ukwabula ukunenuka, 2Ukwebati, ''mu musumba umo mwalipo kapingula uutalikutina Lesa kabili uutali kucindika bantu.3Nomba mwali mukamfwilwa muli ulya musumba, uwali kwisa ilingi kuli ena, ukwebati, 'Ngafweniko ukupingula mukulinganya noukotoshanya na nebo.' 4Panshita ntali alikene ukumwafwilisha, nomba elo papitile akashita aliisoseshe umwine, nangula ntatina Lesa no kucindika umuntu, 5lelo pantu uyu mukamfwilwa akompanga icongo, nkomwafwilisha ukukwata umulinganya, pakwebati tanashishe pakwisa kwakwe ukwa libili - libili.''''6Nolu Shikulu alilandile ati, ''Kutikeni kufyo kapingula wabula umulinganya alanda. 7Nomba Lesa takalete umulinganya ku basalwa bakwe abakolilila kuli ena akasuba no bushiku? Bushe akashinga-shinga inshita iitali pali bena? 8Nkomyeba nati akaleta ubupingushi pali bena mukwangufyanya. Nangu cingaba ifi, ulo Umwana wa Muntu akesa, Bushe mucinefye akasangapo icicetekelo pe sonde?''9Nolu nakabili alilandile uyu mulumbe kuli bamo abaicetekele abene ukwebati balungami no kususha abantu bambi, 10''Abaume babili balile mwi tempele mu kupepa - umo ali muFarise na umbi ali ni kasonkesha wa musonko.11UmuFarise aliminine no kupepa ifi fintu palwakwe umwine, 'Mwe Lesa, nkomitotela pantu ntali kubati nyaba bantu bambi - abapupu, abantu bashalungama, abacende - nangu kubati ni bakasonkesha wa musonko. 12Ndafunga ukulya imiku ibili cila mulungu. Ndapela icekumi muli fyonse ifyo nkwata.'13Lelo kasonkesha wa musonko, aliminine akatala mukila, tekuti afwaye no kwinuna amenso ku mulu, lelo aikunkunshishe icifuba cakwe, ukwebati, 'Mwe Lesa, mbeleleni uluse, ne mubembu.' 14Nkomyeba nati, uyu muntu alibwekelemo ku ng'anda yakwe uwa lungamikwa ukucila ulya umbi, pantu onse uisansabika umwine bakamucefya, lelo onse uuicefya bakamusansabika."15Abantu balikumuletela utunya utunono pakwebati atwikatemo, lelo ulo abasambi bamwene ifi, balibakalipile. 16Lelo Yesu alibakutile kuli ena, ukwebati, "Suminisheni abana banono bese kuli nebo, kabili mwibalesha. Pantu ubufumu bwa kwa Lesa bwa bakuba ifi. 17Mucinefye nkolanda kuli mwebo nati, onse utakapokele ubufumu bwakwa Lesa kubati kana konono mucinefye takengilemo."18Umo kateka alimwipwishe, ukwebati, ''We kasambilisha wabune, nkocita shani pakwebati nkapyane umweo wa muyayaya?" 19Yesu alilandile kuli ena ati, nindo wankutila uwabune? Takwaba wabune, kanofye Lesa eka. 20Walishiba amafunde -wilekucita bucende, wilekwipaya, wilekwiba, wilekupela bukambone bwabufi, cindika wiso na noko.'' 21Kateka alilandile ati, "Ifi fintu fyonse ndafibela ukufuma munshita iyo nali umusepela."22Ulo Yesu aumfwile filya, alilandile kuli ena ati, ''Icintu cimo ucili ukobulisha. Ufwile washitisha fyonse ifyo wakwata no kufipela ku balanda, kabili nobe uli no kukwata ifyuma ku mulu - kabili isa, unkonke.'' 23Lelo ulo kateka aumfwile ifi fintu, alyumfwile sana ubulanda, pantu ali umukankala sana.24Elo Yesu, pakumumona alilandile ati, "Ifyo cayafya umukankala ukwingila mu bufumu bwakwa Lesa! 25Pantu cayangukapo ingamila ukupula mu linso lya shindano, ukucila umuntu umukankala ukwingila mu bufumu bwakwa Lesa."26Abo abalikumfwa ifi balilandile abati, ''Ninshi nani uwingapusuka?'' 27Yesu alyaswike ati, "Ifintu ifyakukosa ku bantu fya kwanguka kuli Lesa."28Petero alilandile ati, ''kwena, fwebo twalisha fyonse ifyo twakwete no ku mikonka.'' 29Yesu alilandile kuli bena ati, '''Mucinefye, nkolanda kuli mwebo ukwebati takwakabe uwasha ing'anda, nangu umukashi, ba munyina, nangu abafyashi, nangu abana, pa mulandu wa bufumu bwakwa Lesa, 30uushakapokelele ifingi muli ino nshita, na mushita ikoisa, umweo wa muyayaya.''31Panuma akolonganika abekumi na babili ku mwine, alilandile kuli bena ati, ''Moneni, tukoya ku Yerusalemu, na fyonse ifintu ifyalembwa kuli bakasesema palwa Mwana wa Muntu fili no kufikilishiwa. 32Pantu ali no kupelwa ku bena Fyalo, ukumupumya, no kumusebanya, no kumusakila amate. 33Panuma ya kumufupaula, bali no kumwipaya, kabili no bushiku bwakulenga shitatu akabuka na kabili."34Tabaishibepo nangu cimo pali ifi fintu, na aya mashiwi yalifishilwe kuli bena, tabakwete ubwishibilo pa fintu ifyali kulandwa.35Calishile kubati ukwebati, ulo Yesu apaleme ku Yeriko, kwaliko muntu umo impofu uwaikele mu mbali ya nshila akolomba, 36kabili pakumfwa ibumba likopita, alipwishe ifyali kucitika. 37Bali mwebele ati ni Yesu amwina Nasareti akopita.38Eco impofu yalibikilishe, ukwebati, ''Yesu, Mwana Dabidi, mbeleleni uluse." 39Abalikuya pantashi balikalipile iyi mpofu, ukuyeba ukwikala tondolo. Lelo yalipundishe ukucilamo, ''Mwana Dabidi, mbeleleni uluse."40Yesu aliminine no kubakonkomesha ukwebati umwaume bamulete kuli ena. Nolu ulo umwaume impofu apalamine, Yesu alimwipwishe ati, 41"Nindo ukofwaya nkucitile?'' Alilandile ati, " Mwe Shikulu, nkofwaya ukumona."42Yesu alilandile kuli ena ati, "Mona. Icicetekelo cobe cakuposha." 43Apopenefye alishibwile amenso no ku mukonka, akopela ubukata kuli Lesa. Abantu bonse, ulo bamwene ifi, balilumbenye Lesa.
191Yesu alingile kabili alikupita mu Yeriko. 2Moneni, mwali umuntu umo uwaleitwa Sakeo. Ali mukalamba wa bakasonkesha wa misonko kabili ali umukankala.3Alikufwaisha ukumona Yesu nga ali ninani, lelo alifilwe ukumumona mwi bumba, pantu ali ne cimo icipi. 4Napalici alibutukile ku ntanshi ya bantu no kunina ku cimuti ca mukunyu ukwebati amumone, pantu Yesu ali no kupita kuli ilya inshila.5Ulo Yesu afikile pali ilya ncende, aliloleshe ku mulu no kulanda kuli ena ati, "Sakeo, ika mukwangufyanya, pantu ilelo mfwile ukwikala mu ng'anda yobe." 6Eco alyangunfyenye ukwikila ku cimuti no kumupokelela ne nsansa. 7Ulo bonse bamwene ifi, bonse baliilishenye, ukwebati, "Aya mukutandalila umuntu umubembu."8Sakeo aliminine no kulanda kuli Shikulu ati, "Lolesheni, mwe Shikulu, citika wa fikwata fyandi nkopela ku bapina, kabili umfwa nalifinshanyapo uuli onse ifili fyonse, nkomubwesesha imiku ine." 9Yesu alilandile kuli ena ati, "Ilelo Ipusukilo lilishile muli ino ng'anda, pantu nao uyu mwana wakwa Abrahamu. 10Pantu Umwana wa Muntu aishile ku kufwaya no kupususha abantu abakuluba."11Ulo baumfwile ifi fintu, alikonkenyepo ukulanda no kubeba umulumbe, pantu alipaleme ku Yerusalemu, kabili bali kutontonkanya ukwebati ubufumu bwakwa Lesa bwala monekela ililinefye. 12Eco alilandile ukwebati, "Umukankala umo alile ku calo ukutali ku kuipokela umwine ubufumu elo no kubweluluka.13Alikutile ababomfi bakwe ikumi no kubapela indalama ikumi no kulanda kuli bena ati, 'Mulekucita amakwebo mpaka nkabwele.' 14"Lelo abekashi ba mu calo cakwe balimupatile no kutuma inkombe ukumukonka, ukwebati, 'Tatukofwaya uyu muntu ukututeka.' 15Calicitike ulo abwelulwike, pa kupokelela ubufumu, alikonkomeshe ababomfi abo apele indalama ukwebati baye kuli ena, pakwebati eshibe ifyo basandulwile ukupitila mukucita amakwebo.16"Uwa ntashi alishile kuli ena, ukwebati, 'Mwe Shikulu mu ndalama yenu ndi pangilemo indalama na shimbi ikumi.' 17"Umukankala alilandile kuli ena ati, 'Wacita icabune, we mubomfi wabune. Pantu wali uwacinshinka na mutunono, ukoba ne nsambu pa misumba ikumi.'18"Uwa cibili alishile, akoeba ati, 'indalama yenu, shikulu, ilipangile indalama shisano.' 19''Umukankala alilandile kuli ena ati, 'Walekulolekesha pa misumba isano.'20"Naumbi alishile, ukwebati, 'Shikulu, indalama yenu iyi, iyo nasungile bwino mu nsalu, 21pantu nalikumitina, pamulandu muli muntu uukabila sana. Mubula neco tamwabikile, musombola napo tamwatandile.'22"Umukankala alilandile kuli ena ati, 'Pa mashiwi yobe epo nkokupingwila, we mubomfi mubi. Walishibe ukwebati ndi muntu uukabila sana, nsenda nefyo nshabikile no kusombola efyo nshabyele. 23Kanshi nindo tawabikile indalama yandi mukuisekesha, pa kwebati ulo nabweluluka nga nalisangile shilisanduluke pali naka nsonsela?'24Umukankala alilandile ku baiminine mupepi ati, 'Mupokeni indalama, kabili peleni ku uukwete indalama ishili ikumi.' 25"Nabo balilandile kuli ena abati, 'Mwe shikulu, alikwete indalama ikumi.'26"Nkolanda kuli webo, ukwebati onse uwakwata akapelelwapo na fimbi, lelo uushakwata, akopokololwa noto akwata. 27Lelo aba abalwani bandi, abo abashalikufwaya nebo ukuteka pali bena, baleteni kuno no kubepaya pa cinso candi."'28Ulo alandile ifi fintu, alikonkenyepo ukwenda, ukuya ku Yerusalemu.29Calishile kuba ukwebati ulo apaleme ku Betfage na Betani, pa lupili ulwitwa ulwa Miolife, alitumine abasambi babili, 30ukwebati, "Kabiyeni mu mushi uukonkelepo.Ulo mukoingila mukosanga umwana wa mpunda uutaninwapo. Mu mukakule mumulete kuli nebo. 31Umfwa umuntu amipushe ati, 'Nindo mukomukakwila?' mulande ati, 'Shikulu akomukabila."'32Abo abatuminwe balisangile umwana wa mpunda nga filya fine Yesu abebele. 33Ulo bali bakokakula umwana wa mpunda, abene balilandile kuli bena ati, "Nindo mukokakwila umwana wa mpunda?" 34Balilandile ati, "Shikulu akomukabila." 35Balimuletele kuli Yesu, kabili balyanshikile amalaya yabo pa mwana wa mpunda na Yesu alinininepo. 36Ulo alikuya, balyanshikile amalaya yabo pa musebo.37Nomba ulo ali akopalamina ku ncende uko ulupili lwa miolife lwa tentemukila, ibumba lyonse ilya basambi lyalitendeke ukusekelela no kulumbanya Lesa ne shiwi ilikalamba pa milimo yonse iya maka iyo bamwene, 38bakolanda ati, "Yakupalwa Imfumu iisa mwi shina lyakwa Shikulu! Umutende mu mulu no bukata umwapulamo!"39Bamo abaFarise mwi bumba balilandile kuli ena ati, "Kasambilisha, kalipileni abasambi benu." 40Yesu alyaswike no kulanda ati, "Nkomweba nati, umfwa aba batalala tondolo, amabwe kuti yabilikisha."41Ulo Yesu apalamine mu musumba, alililile palwa wena, 42ukwebati, "Umfwa walishibe muli ubu bushiku, nobe, ifintu ifikuletela umutende! Lelo nomba fyali fiswa ku menso yenu.43Pantu inshiku shikoisa pali webo ulo abalwani bobe bakakula ilinga ukukushinguluka no ku kutitikisha mu mbali shonse. 44Bakakuwisha panshi pa mushili, na bana bobe pamo nobe. Tabakaleke ilibwe likekale palibiye pantu tawaishibe inshita ya kutandalilwa kobe."45Yesu alingile mwi tempele no kutendeka ukutamfyamo abo bonse abali kushitisha, 46ukulanda kuli bena ati, "Calilembwa ati, 'Ingánda yandi ikaba ni ng'anda ye pepo, 'lelo mwebo mwaicita icisankano ca bapupu."47Eco Yesu alikusambilisha cila bushiku mwi tempele. Bashimapeppo bakalamba na bakalemba balikufwaya ukumonaula, nge fyali kufwaya intungulushi sha bantu, 48lelo tabasangile inshila yaku citilamo ifi pantu abantu bonse balikukutikisha kuli ena sana.
201Calicitikile ubushiku buno ulo Yesu alikusambilisha bantu mwi tempele no kubila imbila nsuma ukwebati bashimapepo bakalamba na bakalemba balishile kuli ena pamo na bakalamba. 2Balilandile, ukumwebati, "Twebe ni munsambu nshi ucitila ifi fintu, nangu ninani wakupela ishi nsambu."3Alyasukile no kulanda kuli bena ati, "Nandibo nkomipusha ilipusho, na mwebo munjebe. 4Ulubatisho lwakwa Yohane: Bushe lwafumine ku mulu nangu ku bantu?"5Nabo balilanshenye abene, ukwebati, "Umfwa tulande ati, 'Lwafumunine ku mulu,' akolanda ati, 'Nolu nindo mutamusuminine?' 6Lelo nga twalanda ati, 'Lwafumunine ku bantu,' abantu bonse bakotulasa amabwe, pantu balisumina ukwebati Yohane ali ni kasesema."7Eco balyasukile ukwebati tabaishibile uko lwafumine. 8Yesu alilandile kuli bena ati, "Nandibo nshamyebe insambu ncitilamo ifi fintu."9Alyebele abantu uyu mulumbe ati, "Umuntu alilimine ibala lya myangashi, alilisekeshe ku balimi ba myangashi, kabili alile ku calo cimbi panshita iitali. 10Pa nshita yakulinga alitumine umubomfi ukuya ku balimi ba myangashi, ukwebati baye kumupelako ifisabo fya mwibala lya myangashi. Lelo abalimi ba myangashi balimumine, no kumutamfya minwe - nkutwa.11Kabili alitumine umubomfi umbi nao balimumine, bali musalwile, balimutamfishe minwe - nkutwa. 12Kabili alitumine uwakulenga butatu nao balimucenene, no kumuposa kunse.13Eco shikulu we bala lya myangashi alyebele ati, 'Nkocita shani? Nkotuma umwana wandi uwatemwikwa. Limbi bakoya kumucindika.' 14"Lelo ulo abalimi ba myangashi bamumwene, balilanshenye abene beka, ukwebati, uyu empyani. Natumwipaye, pakwebati ifyabupyani fibe fyesu.'15Balimuposele kunse ye bala lya myangashi no kumwipaya. Nindo kanshi shikulu we bala lya myangashi akacita kuli bena? 16Akesa konaula aba balimi ba myangashi, no kupela ibala lya myangashi kuli mambi." Ulo baumfwile ici, balilandile ati, "Cikaba ifyo!"17Lelo Yesu aliloleshe pali bena, no kulanda ati, "Calola mwisa ico icalembwa: 'Ilibwe ilyo bakakula basulile elyaaluka ilya pa cifutu'? 18Onse uwaponena palibwe lilya akaputaulwa mutupimfya, na onse uo lyaponena akashonaulwa."19Eco ba kalemba na bashimapepo bakalamba balifwaile ukumwikata munshita ilya ine, pantu balishibe ukweba ati ni bena alandile uyu mulumbe. Lelo balikutina abantu. 20Balikumulolekesha, balitumine inengu isho ishaifungwishe ukuba abakulungama, pakwebati benga sanga ifilubo mukulanda kwakwe, pakweba ati bamutwale ku buteko na ku nsambu shakwa kateka.21Balimwipwishe, ukwebati, "Kasambilisha, tulishibe ati mulanda no kusambilisha ifya kulungama, kabili tamupatulula uuli onse, lelo musambilisha icishinka pa nshila shakwa Lesa. 22Bushe lifunde fwebo ukupela umusonko kuli Kaisare, nangu iyo?"23Lelo Yesu alishibe ubucenjeshi bwabo, kabili alilandile kuli bena ati, 24"Nangeni indalama. Bushe lishina ne cipasho cakwa nani cabapo?" Balilandile ati, "Cakwa Kaisare."25Alilandile kuli bena ati, "Kanshi peleni kuli Kaisare ifintu fyakwa Kaisare, na kuli Lesa ifintu fyakwa Lesa." 26Balifililwe ukusanga ifilubo pafyo alikulanda pamenso ya bantu, lelo mukusunguka pakwasuka kwakwe, balifye tondolo.27Ulo bamo aba Saduke baishile kuli ena, abo abalanda ati takwaba ukushukuka, 28balimwipwishe, ukwebati, "Kasambilisha, Mose alitulembele ukwebati umfwa umuntu afwa, uuli no mukashi, kabili uwakubula abana, munyina apyane umukashi, no kufyalilamo munyina abana.29Kwali bamunyina cinelubli no wakubalilapo alikwete umukashi, kabili alifwile uwakubula umwana, 30no wakulenga bubili cimo cine. 31Uwakulenga butatu alimusendele, nao mumusango umo wine nowa cinelubili alifwile kabili tashilemo bana. 32Panuma umwanakashi nao alifwile. 33Nomba pa kushukuka, akaba mukashi wakwa nani? Pantu abali cinelubili ali mukashi wabo."34Yesu alilandile kuli bena ati, "Abana ba buno bwikashi ebopa no kupwa. 35Lelo abalingwa abawamino kumono bwikashi bulya kukupokelela ukushukuka kubafwa tabakaleupa nangu ukupwa. 36Kabili tekuti bafwe nakabili, pantu balilingene naba malaika kabili bana bakwa Lesa, pakuba abana ba cishukuko.37Lelo ukwebati abafwa balabushiwa, na Mose alilangile, pa ncende ya cimpusa, apo akutile Shikulu Lesa wakwa Abrahamu na Lesa wakwa Isaki na Lesa wakwa Yakobo. 38Nomba tali Lesa wa bafwa, lelo waba mweo, pantu bonse ba mweo muli ena."39Bakalemba bamo balyaswike ati, "Kasambilisha, mulyasukile bwino." 40Pantu tabamwipwishepo na yambi amepusho.41Yesu alilandile kuli bena ati, "Bushe balanda shani ukwebati, Kristu mwana wakwa Dabidi? 42Pantu Dabidi umwine akolanda mwibuku lya malumbo ati, Shikulu alilandile kuli Shikulu wandi ati, 'Ikala kukuboko kwandi ukwa kukulyo, 43mpaka nkalenge abalwani bobe icakunyantapo amakasa yobe.' 44Eco Dabidi akuta Kristu ati 'Shikulu,' nomba kuti aba shani umwana wakwa Dabidi?"45Mukumfwa kwa bantu bonse alilandile ku basambi bakwe ati, 46"Cenjeleni na bakalemba, abafwaya ukwenda mumalaya yabo ayatali kabili balitemwa ukubaposha imitende ya bucindami muncende ya fisankano ne fipuna fya bufumu muma synagoge ne fifulo fya bucindami mu mitebeto. 47Abalila bamukamfwilwa amayanda, na mukuilangisha balapepa amapepo ayatali. Abantu abakubefi bakapokelela ukusekwa kukalamba."
211Yesu alinwine amenso no kumona bafyuma bakobika ifya bupe fyabo mu cipao. 2Alimwene mukamfwilwa umubusu abikamo utunya mpuku tubili. 3Eco alilandile ati, Mucinefye nkomweba nati, uyu mukamfwilwa umubusu apela icakucilapo pali bonse. 4Bonse aba bapele ifyabupe pa bwingi bwafyo bakwata. Lelo uyu mukamfwilwa, mu bucushi bwakwe, apele fyonse ifyo ali no kwikalilamo."5Ulo bambi bali kulanda pe tempele, ifyo baliwaminishe na mambwe yabune ne fyabupe, alilandile ati, 6"Palwa ifi fintu mukomona, inshiku shikesa ulo takwakabe ilibwe ilikashala pelibwe linankwe ilishakapone panshi."7Eco bali mwipwishe, ukwebati, "Mwe Kasambilisha, nililali ifi fintu fikacitika? Ngefishibilo fikaba shani ulo ifi fintu fili mukucitika?" 8Yesu alyaswike ati, "Cenjeleleni ukwebati tamulufiwe. Pantu abengi bakeshila mwishina lyandi, ukulanda ati, 'Ninebo ena,' kabili, 'Inshita ilipaleme.' Mwikaya kuli bena. 9Ulo mukomfwa inkondo ne mpasase, mwikatina, pantu ifi fintu efikabalilapo ukucitika, lelo impela tayakacitike apopenefye."10Nolu alilandile kuli bena ati, "Uluko lukemina uluko lunankwe, no bufumu bukemina ubufumu bunankwe. 11Kukaba ne finkukuma ifikalamba, na mucende sha kulekana lekana ifipowe ne fikuko. Kukaba ifyakutinya ne fishibilo fikalamba ukufuma mumulu.12Lelo ulo ifi fintu fyonse tafilacitika, bakamikata no kumipakasa, ukumitwala muma synagoge na mufifungo, ukumitwala kuli bashamfumu na bakateka pa mulandu we shina lyandi. 13Fikesa ku mitwala ku nshita ya bunte bwenu.14Eco kanshi ipinguleni mu mitima yenu ukukana pekanishisha libela ifya kulubulula, 15pantu nkamipela ifyebo na mano ayo abalwani benu bakafilwa ukukana nangu ukutalika.16Lelo mukafutukwa na bafyashi benu, ba munonko, balupwa, ne fibusa, kabili bakepayapo bamo pali mwebo. 17Mukapatwa kuli bonse pa mulandu we shina lyandi. 18Lelo takwakabe nangu umo umushishi wa mu mitwe yenu uukaloba. 19Mukushipikisha kwenu emo mukanonkela imyeo yenu.20"Ulo mukamona Yerusalemu ilishingulwikwe ne fita, ishibeni ukwebati ukonaulwa kwaiko kuli paleme. 21Ninshi lekeni abo abali mu Yudea bafulumukile ku mpili, lekeni abo abali mu musumba bafumemo, na bali mu mapanga beingila mu musumba. 22Pantu ishi ni nshiku sha cilandushi, pakwebati ifintu fyonse ifyalembwa fikafikilishiwe.23Akalanda kuli abo bali na mafumo na bakoonsha muli isho inshiku! Pantu kukaba ukumanama ukukalamba pa calo, ne cipyu kuli aba bantu. 24Bakawa ku lupanga, no sendwa bunkole mu nko shonse, na Yerusalemu ikanyantaulwa ku bena Fyalo mpaka inshita ya bena Fyalo ikafikilishiwe.25Kukaba ifishibilo ku kasuba, ku mweshi, na ku ntanda, na pe sonde. Inko shikaba mu bulanda, mu mwenso pa kubuluma kwa pali bemba na mabimbi. 26Kukaba abantu abakalekufwa icitu ku mwenso na kukulolela ifintu ifikoisa kupona pa calo. Pantu amaka ya mu myulu ya kasunkanishiwa.27Nolu bakamona Umwana wa Muntu akoisa mwikumbi na maka no bukata bukalamba. 28Lelo ulo ifi fintu fyatendeka ukucitika, iminineni kabili mwinune imitwe yenu, pantu ukulubuka kwenu kukopalama."29Yesu alibebele umulumbe, "Lolesheni umukunyu, ne miti yonse. 30Ulo amabula yapuka, mulaimwena mwebene no kwishiba ukwebati ulusuba lulipaleme. 31Ifyo fine, ulo mwamona ifi fintu fikocitika, ishibeni ukwebati ubufumu bwa kwa Lesa buli mupepi.32Mucinefye nkomweba nati, ino nkulo tayakapite mpaka ifi fintu fikacitike. 33Umulu ne sonde fikapita, lelo ifyebo fyandi tafyakapite.34"Lelo ilameni mwebene, pakwebati imitima yenu tailemenenwe ne micitile ya buweleweke na bu cakolwa elo na masakamika ya bwikashi, na bulya bushiku mukupumikisha ukwisa 35kubati citeyo. Pantu cikesa pali bonse abekala pe sonde lyonse.36Lelo mube abakulola inshita yonse, ukulapepa ukwebati mube abakukosa ukupusuka kuli ifi fintu fyonse ifikesa kucitika, nokwisa kwiminina pa cinso ca Mwana wa Muntu."37Eco mu kasuba ali kusambilisha mwi tempele, kabili ubushiku ali kufumamo no kuya kwikala ku lupili lukutwa ulwa Miolife. 38Abantu bonse balikucelela ukuya ku ku mumfwa mwi tempele.
221Nomba Umutebeto wa Mukate Uushatutumuka wali ukopalama, uwitwa ica Kucilila. 2Bashimapepo bakalamba na bakalemba balikufwaya umwakwipaila Yesu, pantu balikutina abantu.3Nolu Shetani alingile muli Yuda, uo balikwita Iscariote, uwali umo pa bekumi na babili. 4Yuda alile kuli bashimapepo bakalamba na bamushika nokulanshanya nabo pafyo enga futuka Yesu kuli bena.5Balisekelele kabili balisumine ukumupela indalama. 6Alisumine no kufwaisha akashita enga mupelelamo kuli bena apatali ibumba.7Nolu bwalifikile ubushiku bwa mukate uushitutumuka, ulo ilambo lya cakucilila lyali no kwipaiwamo. 8Eco Yesu alitumine Petero na Yohane, ukwebati, "Kabiyeni muye kutupekanishisha icakucilila, ukwebati twise kulya." 9Balilandile kuli ena ati, "Nikwi mukofwaya tuye kupekanishisha?"10Alibaswike ati, "Lolesheni, ulo mukoya kwingila mu musumba, umwaume uusendele umutondo wa menshi akoya ku mikumanya. Muye kumukonka mung'anda umo akoya kwingila. 11Elo muye kulanda kuli shikulu wa ng'anda ati, 'Kasambilisha alandile kuli mwebo ati, "Ulipi umuputule wa beni, umo nkolila Icakucilila pamo na basambi bandi?"'12Akoya kumilanga umuputule wa pamulu uukalamba ulyanshikwemo bwino. Emo muye kupekanishisha." 13Eco balile, nokuya kusanga fyonse filifye filya fine acifilanda. Nolu balipekenye Icakucilila.14Ulo akashita kafikile, alikele pamo na batumwa. 15Nolu alibebele ati, "Nali kufwaisha ukulya umutebeto uyu naimwe apo nshilacula. 16Pantu nkomweba nati, nshakalyepo nemwe nakabili mpaka cikafikilishiwe mu bufumu bwakwa Lesa."17Nolu Yesu alibulile ulukombo, kabili ulo atotele, alilandile ati, "Buleni ici, akaneni pakati keni. 18Pantu nkomweba nati, Nshakanwepo nakabili ifya fisabo fya mwangashi mpaka ubufumu bwakwa Lesa bukese."19Nolu alibulile umukate, kabili ulo atotela, ali umokawile, no kupela kuli bena, ukwebati, "Uyu emubili wandi, uukopelwa kuli mwebo. Mulekucita ifi pa kunjibukisha." 20Alibulile ulukombo mu musango umo wine panuma ya mulalilo, ukwebati, "Ulu ulukombo ecipangano cipya mumulopa wandi, uukoitikilwa pamulandu wenu.21Lelo kutikisheni. Ukuboko kwa ukomfutuka kuli nandi pamo pe tebulo. 22Pantu Umwana wa Muntu akoya ukulingana nefyo camulingilwe. Lelo akalanda ku muntu uo akofutukilwako!" 23Balitendeke ukulanshanya pakati kabo nga ninani uwingacita ifi.24Nolu palimine fikansa pakati kabo palwa kweba ati ninani walingile ukuba umukalamba. 25Alilandile kuli bena ati, "Ishamfumu sha bena fyalo eba shikulu pali bena, nabo abakwata insambu pali bena bakutwa bakacita wa fya bune.26Lelo tacifwile kubefyo kuli mwebo. Mucilingile, lekeni umukalamba pali mwebo abe kubati eucepeshe kabili uyo uukotungulula abe ngo ukopyunga. 27Pantu ninani umukalamba, uwikala pe tebulo, nangu uukopyunga? Bushe te uyo uwikala pe tebulo? Lelo nebo ndi pakati kenu nga umo uukopyunga.28Lelo nimwe mwatwalilila nanebo mufya kweshiwa fyandi. 29Namibika pa bufumu, kubati nifyo Tata ambika pa bufumu, 30pakwebati mukalekulya no kunwa pe tebulo lyandi mu bufumu bwandi, kabili mukekala pafipuna fya bufumu ukupingula imitundu ikumi na ibili iya bena Isreali.31"Simone, Simone, ucenjele, Shetani alilombele ati ube uwakwe, ukwebati akulule kubati ni ngano. 32Lelo ndi kupepeleko, ukwebati icicetekelo cobe cipelela. Panuma nga wa aluluka nakabili, ukakoshe ba munonko."33Petero alilandile kuli ena ati, "Mwe Shikulu, nebo ndi ipekenye ukuya nenu ku cifungo na kumfwa." 34Yesu alimwaswike ati, "Nkokweba nati, Petero, ulo mukolwe talalila buno bushiku, ukonkana imiku itatu ati tawanjishiba."35Nolu Yesu alilandile kuli bena ati, "Ulo namitumine ukwabula icikwama, tumba wafikofwaikwa nangu ni ndyato, bushe mwalibulishepo ifili fyonse?" Balyaswike ati, "Nangu kamo." 36Nolu alilandile kuli bena ati, "Lelo nomba, uyo uukwete icikwama, lekeni asende, na pamo penefye na tumba wafikofwaikwa. Uyo utakwete ulupanga ashitishe ilaya lyakwe no kuya kushita lumo.37Pantu nkomyeba nati, ifyalembwa pali nebo fifwile ukufikilishiwa, 'Apendelwe pamo naba bupulumushi.' Pantu icalandililwe pali nebo cikofikilishiwa." 38Nolu balilandile ati, "Mwe Shikulu, lolesheni! amapanga aya yabili yali apa." Alibebele ati, "Epela."39Yesu alile, nga fintu alikucita ilingi, ku Lupili lwa Miolife, na basambi bali mukonkele. 40Ulo bafikile, alilandille kuli bena ati, "Pepeni pakwebati mwiwila mwitunko."41Alifumine apo bali aya akatalamukila apali intamfu ya kuposa ilibwe, kabili alifukeme no kupepa, 42ukwebati, "Tata, umfwa mukofwaya, fumyeni ulukombo ulu pali nebo. Nomba tabuli bufwayo bwandi, lelo ubwenu ukucitwe."43Nolu malaika ukufuma ku mulu alimonekele kuli ena, kukumukosha. 44Pakuba mukulunguluka, alipepele mu maka, ne libe lyalishile kubati matoni ayakalamba aya mulopa yakoponena panshi.45Ulo aimine mukupepa kwakwe, alishile ku basambi bakwe alibasangile balisendeme pamulandu wa bulanda bwabo 46kabili alibepwishe ati, "Nindo musendamine? Imeni no kupepa, ukwebati mwiwila mwitunko.''47Ulo acili akolanda, moneni, ibumba lyali monekele, na Yuda, umo uwa mu bekumi na babili, akobatungulula. Alipalamine kuli Yesu mukumutomona, 48lelo Yesu alimwebele ati, "Yuda, ukofutuka Umwana wa Muntu kukutomona?"49Ulo abo abashingulwike Yesu bamwene ifikocitika, balyebele ati, "Mwe Shikulu bushe tubakome ku lupanga?" 50Elo umo uwa pali bena akomene umubomfi wakwa shimapepo mukalamba, no kumuputula ukutwi kwa kukulyo. 51Yesu alilandile ati, "Epela!" Alikete no kutwi kwake, kabili alimundepe.52Yesu alilandile kuli bashimapepo bakalamba, kuli bakangalila we tempele, naku bakalamba abamwimine ati, "Bushe mukonjishila kubati ndi kapondo, ne mpanga ne nkoli? 53Ulo nali kuba nemwe mwi tempele cila bushiku, tamwanjikete. Lelo aka kashita kenu, na maka ya mfimfi.''54Pakumwikata, balimutwele mu ng'anda yakwa shimapepo mukalamba. Lelo Petero alikumukonka akatalamukila. 55Panuma yakukunka umulilo mukati ka lubansa no kwikala bonse pamo, Petero alikele pakati kabo.56Umukashana umo umubomfi ali mu mwene ulo aikele mu lubuto lwa mulilo no kumulolekesha kabili alilandile ati, "Uyu mwaume naena ali nankwe." 57Lelo Petero alikene, ukwebati, "We mwanakashi, nsh mwishibe." 58Ulo papitile fye akashita akanono na umbi nao ali mumwene, no kulanda ati, "Nobe uli umo uwa muli bena." Lelo Petero alilandile ati, "We mwaume, Tenebo."59Panuma ya nsa imo umwaume na umbi ali mupatikishe no kulanda ati, ''Mucinefye uyu mwaume naena ali nankwe, pantu mwina Galili." 60Lelo Petero alilandile ati, "We mwaume, Nshishibile ifyo ukolandapo." Apopenefye, ulo acili akolanda, mukolwe alililile.61Mukupilibuka, Shikulu aliloleshe pali Petero, na Petero alibukishe icebo cakwa Shikulu, ulo amwebele ati, "Apo mukolwe talalila ubwalelo uko nkana imiku itatu." 62Petero alifumine panse no kulila sana.63Nolu abaume abali kulinda Yesu balikumupumya no kumuma. 64Bali mufimbile icifimbo no kumwipusha, ukwebati, "Sesema! Ninani wakuma?" 65Balilandile ifintu ifingi kuli Yesu, ifya kumupontela.66Ulo bwacele, Abakalamba babantu balilongene capamo, bonse bashimapepo bakalamba na bakalemba. Balimutwele ku cilye 67no kulanda ati, "Nga niwe Kristu, twebe." Lelo alilandile kuli bena ati, "Nga namyeba, tamwansumine, 68kabili nga na mipusha, tamwanjasuke.69Lelo ukufuma pali nomba, Umwana wa Muntu akulaikala kukuboko kwa kulyo ukwa maka yakwa Lesa." 70Bonse balilandile ati, "Ninshi uli Mwana wakwa Lesa?'' Yesu alilandile kuli bena ati, "Mulilandile ati Ninebo." 71Balyebele ati, "Nindo tukofwaila na kambone? Pantu fwebene twayumfwila kukanwa kakwe."
231Ibumba lyabo lyonse lyalimine no kutwala Yesu kuli Pilato. 2Balitendekele ukumushinina, ukwebati, "Twalisangile uyu muntu akolufya uluko lwesu, akokanya ukupela umusonko kuli Kaisare, no kulanda ukwebati umwine ni Kristu, imfumu."3Pilato alimwipwishe, ukwebati, "Bushe uli Mfumu yaba Yuda?" Yesu alimwaswike ati, "Ulilandile ifyo fine." 4Pilato alilandile kuli bashimapepo bakalamba na mabumba ati, "Nshisangilemo mulandu muli uyu muntu." 5Lelo bena balikoselepo, ukwebati, "Akofulunganya abantu, ukusambilisha mu Yudea monse, ukutendekela mu Galili ukufikafye na kuli ino ncende."6Eco ulo Pilato aumfwile ifi, alipwishe umfwa uyu muntu ali mwina Galili. 7Ulo aishibile ukwebati ali mumaka yakwa Herode, alitumine Yesu kuli Herode, uyo nankwe uwali mu Yelusalemu muli shilya nshiku.8Ulo Herode amwene Yesu, alisansamukile nganshi, pantu alikufwaisha ukumumona pa nshita ntali. Alyumfwile palwa ena alisubile ukumonapo ifishibilo ifyo alikucita. 9Herode alipwishe Yesu mu fyebo ifingi, lelo Yesu tamwasukilepo nangu kamo. 10Bashimapepo bakalamba naba kalemba baliminine, bakomushinina mulukakala.11Herode pamo na bashilika bakwe balisushishe Yesu kabili balimupunike. Nolu balimufwikile insalu shabucindami no kumubwekeshamo kuli Pilato. 12Pantu Herode na Pilato balyalukile bacibusa bulya bwine bushiku, pantu akale bali pa bulwani umo no munankwe.13Nolu Pilato alikutile pamo bashimapepo bakalamba naba kateka ne bumba lya bantu 14no kulanda kuli bena ati, "Muliletele kuli nebo uyu muntu ngo muntu uukofulunganya abantu, kabili moneni, Nebo, ulo nkomwipusha apo muli, nshikosangamo mulandu muli uyu muntu pali ifyo fintu muko mushinina.15Iyo, nangu ni Herode wine, pantu alimubweseshe kuli fwebo, kabili moneni, tacitile nangu cimo icakumulingila ukufwa. 16Nomba nkomukanda no kumukakula." 1718Lelo balibilikishe bonse pamo, ukwebati, ''Tatukofwaya uyu muntu, kabili tukakwileniko Baraba!" 19Baraba ali muntu uwa bikilwe mucifungo pamulandu wa busangushi mu musumba no kwipaya.20Pilato alishile kulanda nabo nakabili, alikufwaisha ukukakula Yesu. 21Lelo balibilikishe, ukwebati, "Mutanikeni, Mutanikeni." 22Alilandile kuli bena umuku wa citatu ati, "Nindo, bubi nshi ubo uyu muntu acitile? Nshikosangamo mulandu muli ena uwakumulingila ukufwa. Eco kanshi na panuma ya kumukanda, nkomukakula.''23Lelo balikoselepofye na mashiwi ayakalamba, balikufwaya ukwebati atanikwe. Amashiwi yabo yali nashishe Pilato. 24Eco Pilato alisalilepo ukubapela ifyo balikufwaisha. 25Akakwile uo balikulomba uwakakilwe mu cifungo pamulandu wa bucisanguka no kwipaya. Lelo alibapele Yesu ku kufwaya kwabo.26Ulo balikuya bakomutungulula, baliketepo umo Simone waku Kurene, uwali kufuma mu mpanga, kabili balimutwikile icapindama ukusenda, akukonka Yesu.27Ibumba likalamba ilya bantu, na banamayo abalikulosha no kumulilila, balikumukonka 28Lelo pakupilibukila kuli bena, Yesu alilandile kuli bena ati, "Mwe bana banakashi ba mu Yerusalemu, mwilandilila, lelo mulekuililila mwebene na bana benu.29Pantu moneni, inshiku shikoisa isho bakalanda ati, 'Shalipalwa ing'umba na mafumo ayashafyele, na mabele ayasha onseshe.' 30Nolu bakatendeka ukulanda ku mpili ati, 'Wileni pali fwebo,' na kutupili ati, 'Tufimbeni.' 31Pantu nga bakocita ifi fintu ulo icimuti cicili icibishi, nindo ikacitika ulo cikoma?"32Bambi abaume, utupondo tubili, twali tungulwilwe nakwe ukuya ku kwipaiwa.33Ulo bafikile ku ncende iikutwa "Icipanga," palya epo bamutanikile no tupondo - kamo ku kuboko kwa kukulyo na kanankwe kukwa ku kuso. 34Yesu alilandile ati, "Tata, beleleni, pantu tabeshibile ifyo bakocita.'' Nolu balipendwile, pa kwakana insalu shakwe.35Abantu baliminine bakotamba ulo bakateka nabo bali bakomupumya, ukwebati, "Alikupususha bambi. Naipusushe umwine, nga ni Kristu wakwa Lesa, uwasalwa."36Abashilika nabo balimupumishe, bakomupalama, bakomupela mwangashi uwakantuka, 37no kwebati, ''Umfwa uli Mfumu ya ba Yuda, ipusushe we mwine." 38Kwaliko ne cishibilo pali ena ati, "Uyu ni Mfumu yaba Yuda."39Kamo pa tupondo utwatanikwe palya kali mutukile mukulanda ati, "Bushe tewebo Kristu? Ipusushe we mwine na fwebo." 40Lelo kambi kalimukalipile, ukwebati, "Bushe taukotina Lesa, apo webo uli mubupingushi bumo bwine ubwa kukandwa? 41Pantu fwebo cilitulingile ukuba pano, pantu tukopokelela icitulingene ne micitile yesu. Lelo uyu muntu tacitile icibi nangu cimo."42Nolu alilandile ati, "Mwe Yesu, mukanjibukishe ulo mukesa mu bufumu bwenu." 43Yesu alilandile kuli ena ati, "Mucinefye nkokweba nati, ubwelelo ukoba nanebo mu paradise."44Nomba cali mupepi ne nsa iya kulenga mutanda, ne mfimfi yalishile pesonde ponse ukufika ku nsa ya kulenga pabula 45ulo akasuba kafimbilwe ne mfimfi. Nolu icisalu ca mwi tempele calyakanike pabili.46Pakubilikisha ne shiwi ilikalamba, Yesu alilandile ati, "Mwe Tata, mu maboko yenu emo nabika umupashi wandi." Ulo alandile ifi, alifwile. 47Ulo umukalamba wa bashilika amwene icacitike, alilumbenye Lesa, ukulanda ati, "Mucinefye uyu muntu ali mulungami."48Ulo amabumba yonse ayalongene pamo pali iyi ncende bamwene ifintu fyali kucitika, bali bwelelemo bakokunkunsha pa fifuba fyabo. 49Lelo abo bonse abamwishibile, na banamayo abali kumukonka ukufuma ku Galili, baliminine akatalamukila, bakotamba ifi fintu.50Moneni, kwaliko umwaume uwalikwitwa Yosefe, uwali umo pa bamucilye. Ali wabune kabili umuntu umulungami. 51Uyu muntu talikusuminishako kumapange yabo nefyo balikucita. Afumine ku Arimatea, umusumba waba Yuda, kabili alikufwaya ubufumu bwakwa Lesa.52Uyu muntu, pakukumamya Pilato, alilombele umubili wakwa Yesu. 53Aliwikishe panshi kabili ali upombele mu nsalu sha kolokondwe, no kuubika munshishi iyaimbilwe mwilibwe, umushashikilwepo umuntu nangu umo.54Bwali Bushiku bwa Kuteyanya, ne Sabata lyali mupepi no kutendeka. 55Banamayo abaishile na Yesu ukufuma ku Galili balikonkeleko Kabili balimwene nshishi nefyo umubili wakwe walalikwe. 56Balibwelelemo kukupekanya ifyacena cabune na mafuta. Elo pe Sabata balitushishe ukulingana ne fyaba imfunde.
241Ku macaca pa bushiku bwa kubalilapo ubwa mulungu, balishile ku nshishi, ukuletako ifya cena cabune ifyo bapekenye. 2Basangile ilibwe lilikunkulukilepo pa nshishi. 3Balingilemo, lelo tabasangilemo umubili wakwa Shikulu Yesu.4Calicitike ukwebati, ulo bali balifulungene pali ici, mukukana ibukila, abaume babili balimimine mupepi na bena mu nsalu shakubengeshima. 5Ulo abanakashi bali bakosunguka no kukontamika ifinso fyabo ukulolesha panshi, balilandile ku banakashi ati, "Nindo mukofwaila uwa mweo ku bafwa?6Tali muno, lelo alibushiwe! Ibukisheni ifyo alandile kuli mwebo ulo ali ku Galili, 7ukwebati Umwana wa Muntu afwile ukupelwa mu maboko ya bantu ababembu no kutanikwa, kabili pa bushiku bwakulenga shitatu akabuka nakabili."8Abanakashi balibukishe amashiwi yakwe 9kabili balibwelelemo ukufuma ku nshishi no kulondolola ifintu fyonse kubekumi na umo na kuli bonse abashelepo. 10Nomba Maria umwina Magadala, Yoana, Maria nyina wakwa Yakobo, na bambi abanakashi abali na bena balifishishe fyonse ifi ku batumwa.11Nomba aka kasebo kamoneke kubati cilandelandefye ku batumwa, kabili tabasumine bana mayo. 12Lelo Petero alimine no kubutuka ukuya ku nshishi, kabili, alinaminemo no kuloleshamo, alimwene insalu shakolokondwe shilifye sheka. Petero nolu alile kwakwe, akopapa ifyacicitike.13Moneni, babili bali bakoya bulya bwine bushiku ku mushi uwitwa Emmausi, uko ukwali intamfu amakumi mutanda ukufuma ku Yerusalemu. 14Balikulashanya cila umo no munankwe palwa fintu fyonse ifyacitike.15Calicitike ukwebati, ulo bali bakolanshanya no kwipushanyana capamo, Yesu umwine alibakumenye no kuya nabo. 16Lelo amenso yabo tayasuminishiwe ukwebati ba mwishibe.17Yesu alilandile kuli bena ati, "Milandu nshi mukolanshanyapo ulo mukoenda?" Baliminine palya bakomoneka ababulanda. 18Umo pali bena, ishina lya kwe ni Kleopasi, ali mwaswike ati, "Bushe niwe weka mu Yerusalemu uteshibile ifintu ificitike kulya shino nshiku?"19Yesu alilandile kuli bena ati, "Fintu nshi?" Balimwaswike ati, "Ifintu ifikumine Yesu umwina Nasarete, uwali kasesema, uwa maka ku ficitwa na ku cebo ku cinso cakwa Lesa na ku bantu bonse, 20Kabili nefyo bashimapepo mukalamba na bakateka besu balimupele ku kupingwilwa imfwa no kumutanika.21Lelo fwebo twalesubila ukwebati ni ena uwali no kulubula Isreali. Ee, kabili icacilapo cinshi, nomba buno bushiku bwakulenga shitatu apo ifi fintu fya citikile.22Lelo kabili, bamo bana mayo abali na fwebo balitupapwishe, pakusangwa bali ku nshishi kumacaca. 23Ulo bashasangile umubili wakwe, balishile, ukulanda ukwebati balimwene icimonwa caba malaika abalikunda ukwebati ali uwa mweo. 24Abaume bamo abali na fwebo balile ku nshishi, no kuya kusanga fye nga filya fine banamayo bacilanda. Lelo tabacimumona umwine."25Yesu alilandile kuli bena ati, "Mwe fiwelewele fya baume mwe bakokola ukusumina mu imitima fyonse ifyo bakasesema balanda! 26Bushe tacali icikankala Kristu ukucula kuli ifi fintu, no kwingila mu bukata bwakwe?" 27Nolu ukutendekela kuli Mose na muli bakasesema bonse, Yesu alibelwilile ifintu ifikumine umwine mu malembo yonse.28Ulo bapalamine ku mushi uko balikuya, Yesu acitile kubati akopitilila ukucilapo. 29Lelo bali mupatikishe, ukwebati, "Ikala na fwebo, pantu cungulo na kasuba kaliwile." Eco Yesu alile kwikala nabo.30Calicitike ukwebati, ulo aikala nabo ku kulya, alibulile umukate, aliupalile, no kuumokaula, aliupele kuli bena. 31Nolu amenso yabo yalisukile, no kumwishiba, kabili alilubile mu menso yabo. 32Balilandile kuli umo no munankwe ati, "Bushe imitima yesu tayacila bilimuka munda sheshu, ulo acilalanda kuli fwebo mu nshila, ulo acisula amalembo kuli fwebo?"33Balimine kalya kene akashita no kubwelela ku Yerusalemu. Kabili balisangile abekumi na umo na bakolongana pamo na bambi abo bali nabo, 34ukwebati, "Shikulu alibukile mucinefye, kabili acimonekela kuli Simone." 35Eco balilandile ifintu ifya citike mu nshila, nefyo Yesu aishibikwe kuli bena mu kumokaula umukate.36Ulo balikulanda ifi fintu, Yesu umwine aliminine pakati kabo, no kulanda kuli bena ati, umutende ube na mwebo." 37Lelo balitinine no kwisushiwamo no mwenso no kutontonkanya ukwebati bakomona iciwa.38Yesu alilandile kuli bena ati, Nindo mwatinina? Nindo amepusho yafulila mu mitima yenu? 39Moneni indupi shandi na makasa yandi, ukwebati ninebo. Njikateni no kumona. Pantu umupashi tawakwata munofu na mafupa, nga fintu mukombona nebo nkwete." 40Ulo alandile ifi, alibalangile indupi shakwe na makasa yakwe.41Nalo lwine tabacisumine pamulandu wa nsansa, kabili balisungwike. Yesu alilandile kuli bena ati, "Bushe mulikwetepo icakulya icili conse?" 42Bali mupele aka pimfya ke sabi lyaipikwa, 43nao alibulile no kulya pa menso yabo.44Alilandile kuli bena ati, "Aya emashiwi yandi ayo nalandile ulo nali na mwebo, ukwebati fyonse ifya lembelwe mu malango yakwa Mose na bakasesema na musha malumbo fifwile ukufikilishiwa."45Nolu aliswile amatontonkanyo yabo, ukwebati beshibe amalembo. 46Alilandile kuli bena ati, "Calilembwa, ukwebati Kristu afwile ukucula no ukubuka nakabili ku bakufwa pa bushiku bwakulenga shitatu. 47Ukulapila no kwelelwa kwa membu kufwile ukushimikilwa mwishina lyakwe ku nko shonse, ukutendekela ku Yerusalemu.48Mwebo muli bakambone ba ifi fintu. 49Moneni, nebo nkomitumina ifyo Tata alaile.Lelo mukekale mu musumba mpakafye ulo mukesushiwamo na maka ukufuma mu mulu."50Nolu Yesu alibatungulwile kunse ukufikafye nelyo bapalamine ku Betani. Alimishe amaboko yakwe no kubapala. 51Fyalicitike ukwebati, ulo ali akobapala, alibashile kabili alisendelwe mu mulu.52Eco bali mushinshimwine no kubwelelamo ku Yerusalemu ne nsansa ishingi. 53Bali konkenyepo ukusangwa mwi tempele, bakolumbanya Lesa.
