Asoa: Bible for 1 John, 2 John, 3 John, Jude, Philemon, Philippians, Titus

Formatted for Translators

©2022 Wycliffe Associates
Released under a Creative Commons Attribution-ShareAlike 4.0 International License.
Bible Text: The English Unlocked Literal Bible (ULB)
©2017 Wycliffe Associates
Available at https://bibleineverylanguage.org/translations
The English Unlocked Literal Bible is based on the unfoldingWord® Literal Text, CC BY-SA 4.0. The original work of the unfoldingWord® Literal Text is available at https://unfoldingword.bible/ult/.
The ULB is licensed under the Creative Commons Attribution-ShareAlike 4.0 International License.
Notes: English ULB Translation Notes
©2017 Wycliffe Associates
Available at https://bibleineverylanguage.org/translations
The English ULB Translation Notes is based on the unfoldingWord translationNotes, under CC BY-SA 4.0. The original unfoldingWord work is available at https://unfoldingword.bible/utn.
The ULB Notes is licensed under the Creative Commons Attribution-ShareAlike 4.0 International License.
To view a copy of the CC BY-SA 4.0 license visit http://creativecommons.org/licenses/by-sa/4.0/
Below is a human-readable summary of (and not a substitute for) the license.
You are free to:
The licensor cannot revoke these freedoms as long as you follow the license terms.
Under the following conditions:
Notices:
You do not have to comply with the license for elements of the material in the public domain or where your use is permitted by an applicable exception or limitation.
No warranties are given. The license may not give you all of the permissions necessary for your intended use. For example, other rights such as publicity, privacy, or moral rights may limit how you use the material.

Philippians

Chapter 1

1 Masihi ma Paolo la Timote, basali ba Yesu Kilisito, ale banyemi atite ya Yesu, batondoli la milutifelo mia ekanga ya Filipo; 2 Senye mbo lifee la Mungu la ehole yefeme ino la Mungu sango limo la Angene Yesu Kilisito. 3 Lofa eboto ale Mungu lita la masala malo manu emalubi mba, 4 Soo bosenyi bikeka fee malombi ma mba lita lanu fee, 5 La boenesi enyange ya mba lita la bobengeli bwanu mboli ya Yesu sokba o lise la ososo tee owaniwani, 6 Lele la boimeli mbo, oyo atchatchesi lisala lilo atite yanu, elonganesa bono lo lita la lise liya bono Yesu Kilisito. 7 Yengani mbo leluhanya bono lita lanu fee, lwaso mbo lele leluhanya ino la motema mwa mba , yebe nde la bobwemi bwa mba ambeke nde bwenesi la boimelesi masala ma Mungu, ino atubu fee eba bosobiana la mba la lifee la Mungu. 8 Lwaso mbo Mungu alubi mbo lenangi ino atubu la loundo lwa Yesu Kilisito. 9 La eyelenge mba la malombi, yele mbo loundo lwanu lolile oliyolo la bolubi ndjaso la bweli botumi, 10 Imbo bolembele ndjaso eyeti la bolo bobe ndjaa la soo mapusano lise liya Kilisito, 11 Botume la ndjaso ya tondoyo la mbwa ya Yesu Kilisito ya bofiefi Mungu. 12 Beelo, lenangi bolube mbo lwaso lobweseli lobengela limo ndenga botondoli yohi la Mungu. 13 Obona, atite ya batondoli fee, la ngemba fee, moto aiyotchui mbo lele nde la la bayaka lita la Kilisito, 14 La beelo oliyama atite ya Angene, eba sosesema la lwa botondoli soola boho yohi la Mungu. 15 Yele omongo mbo basi betondolo Kilisito la mohohia la elenge yonangela. 16 Eba balebekela la loundo la oluba mbo letemi lita la boenesi masala malo ma Mungu. 17 ango nde bana ebatumi la mwenda mwa fehe bale betondolo Kilisito la ndjaso yitchengani la lihenya la boyesi miundu la bobwemi bwa mba. 18 Yebe nde la bilenge fee, yebe nde la elenge ya boeni la maiso, yebe nde la elenge ya omongo, Kilisito ati etondoleme la bolemalemu: lohenela la elenge yaho, la lehenela bono yasi. 19 Lwaso lelubi mbo eyo yekikwa bono la boumi bwa mba la mbowa ya malombi manu la bobengeli bwa mwenda mwa Yesu Kilisito. 20 La elenge ya boimeli bwa mba, la boteli motema yele mbo litchoe abono yombi la lwaso ango lomoti,la mbo sokba olabono tee o maise meya, Kilisito efiefeme bono atite ya loomba lwa mba la boteli motema tebe nde la mbowa ya boumi bwa mba ambeke nde ya loho lwa mba; 21 Lwaso mbo Kilisito nde ale boumi bwa mba, la loho lole nde seeli ale mba. 22 Ambeke yele bolo lita la lisala la mba imbo leuhe atite ya mwinyo, lilonge bolubi luba lina lihenelesa bono mba. 23 Loheheleme la ndjaso imbale: lele la kamo ya boi limo la bobi esiya yemoti la Kilisito, eyele bolo ele bato baiye; 24 ango nde lita lanu, yele bolo imbo lebe la boumi bwa loomba. 25 La leimeli la lelubi mbo letobo bono, la leba bono lanu fee, lita la bohohomesi ino la lohenele lwanu atite ya boimeli, 26 imbo la mabinyuelo ma mba atite yanu, lebe atite yanu moto ya bofiefi atite ya Yesu Kilisito. 27 Angombo ende la elenge yengani la boimeli bwa Kilisito lita lambo leye wasimela ino, ango nde liyei, loowe ale ino imbo bobwi kboo la bole bowanesa atite ya mwenda momoti lita la boimeli bwa yohi la Mungu. 28 Ele Mungu, lwaso ekeka ango yemoti ale ebafalesemi lanu, eyeba bono ndembe ya bolisi bwa bu nde ale ino ndembe ya boumi. 29 Ele Mungu, lwaso mbo yekekemeli ino lifee la Mungu la mbowa ya Kilisito oyo eya la loomba lwa Mungu soo nga lita la boimeli inde, ango boeni mundu lita la nde.
Chapter 2

1 Ambeke lifafemi lile ela Kilisito, ambeke buhi bole la loundo, ambeke buasesani bwa mwenda boleho, ambeke boboto la buha bole ho, 2 tumesa lohenele lwa mba ani ale ino la liluhanyi limoti, la loundo lomoti, la mwinda momoti. 3 Botonge lwaso ango lomoti elenge ya botehenesi ango elenge ya mofoto, nde laelenge ya bweni mbo ebamoti bale oliolo yanu. 4 Seinye mbo omoti la omoti yanu aenangi nga bolo bwande nde alubi limoo bolo bwa ebamoti. 5 Ba atite yanu la malahanyi mabi la Yesu Kilisito. 6 Oyo auhi la elenge ya Mungu, aibi la liluhanyi la boenganeli la Mungu.
8 Abototoli la bwelesi to la loho, ango nde toe la loho la ekulusu. 9 Lita la bana Mungu aibi inde olioyo oboso ya bato fee, la afi inde lina leti maina fee, 10 Lita la mbo la lina la Yesu makokonyoko fee masweme se la lobola, oliolo ya nyele la ose ya nyele, 11 La mbo ndame fee yasi mbo Yesu Kilisito ale Angene, la lifiefi la Mungu Sango. 12 Bona belo ba mba, ani etoso ino bikeka fee,tonga lita la bouhi bwanu la boho la loyayimo, so feo oboso yamba, nde yasi obwiya owani ati mba oboso yanu. 13 Lita mbo Mungu nde etonga atite yanu mbo bonange la botongi la elenge yenangi inde. 14 Tonga ndjaso fee so mahimahimi ango nde bobangi. 15 Bofamelemee la mbo bobi ndjaa buse djaa, bana ba Mungu ebati la obe atite ya libota lina elolisa mbowa ndoo, ati ya lobola bolola ambo miendi la mohili, 16 ani aswi ino yohi la boumi, bona Lise la Kilisito mba liba abono la ifata mbo lii mangu ekeka la litonge mosala ekeka. 19 Lele letola motema ele Angene Yesu mbo letumela abono owaniwani Timote, lita mbo lebe la bolongi eowa abono mba mboli yanu. 20 Lita mbo liti lanu lamoto yasi ango omoti esanganesa lomba mahenya lita landjaso yanu. 21 Bato fee balebe mba feo bolobwabu angene, so bwa Yesu Kilisito. 22 Bolubi mbo baengeli inde ani atongi inde la mba lisala la mbuli ndo, ambo mwana la sango ya nde. 23 Leluhanyi mbo letomela abono ino inde ekeka yene abono mba bolungi bwa ndjaso yamba. 24 La lile lita motema ele etungani mbo mba ngene leya abono owaniwani. 25 Leni bolo botmeli ino mwelo ya mba Epapalodito, mwendi la mba la mosala la yimo, oyo batomeli mba lande luba la botumesi kamo ya mba. 26 Lita la mbo obi la kamo ya bweni ino fee, la abi la buha mbo buowi lita la wale bwa nde. 27 A bi la wale titina ya loho; nde Mungu aoweli inde buha, so feo inde, la mba limo, lita mbo libee la buha oliolo ya buha. 28 Lotuma inde kalakala, lita mbo bohenele bweni inde la mbo mbangene lebee la buha bwiya. 29 Lutela inde atite ya Angene( la lina la Mungu) la lohenele fee, la olese bato ba elenge yeyo. 30 Lwaso mbo yele nde lita la lisala la Kilisitonnde yebi inde titina ya loho, bofi buumi bwa nde lita la bokeleli mba ekeka yebi ino ho.
Chapter 3

1 Laa btongi, beelo bamba, bohenele atite ya Angene. Liihenahene bosiheli ino ndjaso yimoti, la ale ino yile eemalelo. 2 Angatala la mbwa, angatala la basali babe, angatala la eba betena mambute ekakaa. 3 Lita lambo eba bateni mambute,ambo iso, eba bekelela Mungu lifambani la mbowa ya mwenda, ambo iso, eba baitshititae laa bobateli komba ya bu. 4 La haho, imba limoo, leba bono la lotomo lwa bobateli loomba. Ambeke yele la moto yasi oyo aimeli bobateli loomba, imba leleho obwiya, 5 Imba, oyo atenemi kbengilenginde lise la ndoiyele, ekanga ya Isalaele, laa linginda la Bendjamina, Moebele mobotemi la Baebele; laa eyi yitali ngele, lele Mofalisai. 6 Laa Isahasaha, moenesi mwa linginda muundu, moto ati la lipusano, laa mbowa ya tondoyoo ya ngele. 7 Ango ho ndjaso yibi ale mba ambo seeli, losene yo ambo mapusano, lita la Kilisito.
9 La bobi ale inde, soo laa tondoyoo, eye yesokba laa ngele, nde la eye yoohanyema laa boimeli ale Kilisito, tondoyo eye yesokba ale Mungu la mbowa ya boimeli. 10 Lita la bolembeli Kilisito, la loili lwa bosomwi laa loho la esiya yemoti la miundu mia nde , la bobi ambo inde laambowa ya loho lwa nde lita la bobwesi, 11 ambeke yeengana, laa bosomwi laa nkunda. 12 Loti mbo losoyanya seeli ohala, ambeke mbo loobwesa laa kbekbe; nde lele lenduka mangu, labosiyo loohanye yo, litalambo imba limoo loohanyemi la Yesu Kilisito. 13 Beelo, leti lehenya mbolosohanya; nde lele lekela lwaso lomoti mbo: o lendja eyi yie ombisa , ota loomba laa eyi yile oboso. 14 Lele lenduka mangu mbo lebwese laa kbekbe, lita lambo loohanye seeli ya botemi yoohi bwa Mungu atite ya Yesu Kilisito. 15 Iso fee eba tole tondoyo, tobe la lihenya lilo; la ambeke ole la lihenya laasi, Mungu eenese bono aye mbowa. 16 Oonga mbo, laa etena yoobwesa iso, toende elenge yemoti. 17 Bobe ino fee botshutshaeli bamba, beelo, la maiso manu mabe ale eba beende elenge yemoti yoosi ino ale iso. 18 Lwaso mbo obaiye bale beende la bofela la ekulusu ya Kilisito, laasaa laanu bikeka fee, la owanuwani lele laasa lo la bilelo. 19 Botangi bwa bu boba nde bolisi; mungu yaabu ambo Solo yabu, bale befiefa ndjaso yina yifa ibo yombi, behenya nde nga ndjaso ya mohili. 20 Nde moi emwasu mole nde laa lobola, emo tokumbaeli Angene Yesu Kilisito ambo mouhesi mwasu. 21 Oyo ekikola bono loomba lwasu lwa ebongu, osele lo elenge yemoti la loomba lwa nde lwa bokumi, la loili lole laande lwa bobi oliolo ya ndjaso fee.
Chapter 4

1 La bosio bwaho, beelo bamba ba loundo, la beelo bamba ba loundo, ino eba bole enyange yamba la ekbe ya koso yamba, kanda mitema mianu atite ya Angene , beelo bamba ba loundo. 2 Loofa yemotiatite ya Angene. 3 La aye limoo, abiya molo, eeh, loolombo aye mbo obengele ibo, ibo eba bawani lita la mboli ndoo etena yemoti la mba limoo la KELEMA la baendi lamba la lisala ebamoti, eba maina masihemi laa buku bwa boumi. 4 Bohenele bikeka fee atite ya Angene, loobinyoela yaasi, bohenele. 5 Seinye mbo motema molo mwa molubane la batome fee, Angene ale tiitina. 6 Bolengesanee la lwaso ango lomoti, nde laa ndjaso fee, bolubesa kamo yanu ale Mungu la mbowa ya malombo, la misabano, la bofi eboto. 7 Laehole ya Mungu, eye yeeti bweli fe, yebwa bono mitema mianu la maluhanyi manu atite ya Yesu Kilisito. 8 La botungi, beelo, seinye mbo eyi fee yile omoongo, la eyi fee yile lefefia, eyi fee yile tondoyo, eyi fee yile ndjaa,eyi fee yinangemi, eyi fee yengani boimelemi, eyi fee ya motema molo, layengani la bofiefi, yebi laa mahenya manu. 9 Eyi yifalesemi ino, yiboli ino la boowi ale mba, la eyi yeeni ino atite yamba, botonge yo. La Mungu ya ya ehole eba laanu. 10 Lotuma la enyange oyefi atite ya Angene laa eyi yitongi ino lita la bobinyoeli elenge ya kamo yanu ale mba, bohenyi ho bolo, nde ekeka ya botongi yibiho. 11 Litshase lita la kamo ya mba, lita la mbo lefalesemi boheneli la mombani emo mole mba. 12 Lelubi elenge ya buuhi laa mbuwa, la lelubi elenge ya buuhi laa mboli, laa ndjaso fee, la bitena fee, lefalesemi la botumi la bobi la isiye, la bobi la mboli, la bobi la mbuwa. 13 Lelubi bokeli ndjaso fee la oyo efa mba loili. 14 Obona botongi bolo lita la bofambani la mba laa muundu. 15 Bolubi ino angene, Bapilipo, laa litshatshelo la litondoli la mboli ndoo, ekeka yesokbi mba laa Makedonia, linginda angoo limoti liifambani la mba lita la eyi yibi ibo bofi la boohanyi. 16 Bbwabaa ngaoo botonga ino angene, lita lambo bwatomelaa mba ohala laa Batesaloniki, angoo mbala imbale , litala bosungi laa kamo yamba. 17 Loti mbo lele nde leemba mafao, ango lele nde leemba tuma eto totuma lita la isabo sanu.
19 La Mungu yamba eenganesa kamo yanu yaatubu boenagneli la liboli la nde, la lifiefi la nde, atite ya Yesu Kilisito. 20 Lifiefi libe ale Mungu Sango la bikeka la bikeka , omongo la omongo, obona. 21 Paya ebanyenwi fee atite ya Yesu Kilisito. Beelo eba bale lamba ono baopaya ino. 22 Eba onyemwa fee baopaya ino, bolo bolo eba ndao ya Kaisala. 23 Seinye mbo loundo lwa Angene Yesu Kilisito lobe la mwenda mwaye.

Titus

Chapter 1

1 Polo, mosali mwa Mungu, la motomemi mwa Yesu lita la boimeli bwa omoongo, ebo bole laa elenge ya bonyemu, 2 Laa eyo ebotama boteli motema bwa boumi bwa omoongo omoongo, ebo bo botiemi esemba, sokba bikeka bia hala la Mungu oyo aila ititae.
4 Ale Tito,mwana ya mba ya bobotemi laa boimeli bwasu. Seinye mbo lifee la Mungu la ehole yiwelemele aye ale Mungu Sango la Yesu Kilisito mouhesi mwasua. 6 Ambeke yele la moto ati la mapusano, molome ya motoomi momoti oyo ale la bana baimeli, bale la mafeleki ma misambo la yenge. 7 Yengani mbo Moonde abee la mofoto, soo bohahu, soo minunga mia yombi. 8 Abe moluteli abiya ya bato balo, la bofohu, tondooyo, ndjaa, moteema mosa. 9 Abeteme la yoohi la omoongo obona afalesemi lo, litambo abe la alonge bofi bato loili laa elenge ya maluhanyi ma ndjaa, la bohuli bato ba tofenya. 10 Yele la buiya ale bato batenemi mambute, bato ba yenge, baasasi ekaka ekaka la beititai. 11 Yengani mbo akandele ibo monoo. Bale betshaa manginda fee, befalesa ndjaso eyi yitshengani bofalesemi lita la seeli ya yombi. 12 Omoti atite yabu, motondoli mwa bu, aasi mbo: bakelete, bikeka fee baititai, nyama ya bohahu, bato bainange misala. 13 Mboli yiyi yele omoongo. Llo, faamela ibo la bokbamu, imbo babe la boimeli bonyemwi, 15 Luba fee lile ndjaa lita la eba bale ndjaa, luba angoo limoti liti ndjaa lita la eba bale la liindi la eba mitema mikbamu, weli bwa bu la maluhanyi mabu maosehama. 16 Betonga mosala ambo bato balubi Mungu, ango nde bale beangina inde la misala ma bu mabe, ma yenge, la bailonge botongi mosala molo.
Chapter 2

1 Lita la ye, asa ndjaso yeengani la maluhanyi malo. 2 A sa mbo mionde babe bato ba fohi, tondoyo, ndjaa la boimeli, laa loundo, laa motema mosa. 3 Asa mbo mionde mia batomi babe la mombani molo, mwengani, ba bee la matongi, ba bee ba mwi ba mana; baengani bofi maano. 4 Laa bosiyo bwa bofalesi batomi ba songe liya mbisa, banange balome la bana babu, 5 bakande mitema, bawee mbeli ya balome babu, batonge misala mwa ndao, balo, baolese balome babu, lita mbo yohi la Mungu li sabwee. 6 Faa limoo loili ale yembemba mbo babe la bofohu. 7 Oenese ayengene ndembe ndoo laa ndjaso fee, la bofi mafalesi malo, 8 maohi malo, mati la mapusano, lita la mbooyo afeleseni laye abwe yombi, abee la lwaso lobe angoo lomoto lwa boaseli iso. 9 Fa loili ale basali baolese bangenge babu, bahenese ibo la ndjaso fee, babee baemaleli, 10 baibee luba, nde baenese bikeka fee elenge yeyo lita la boolesi laa ndjaso fee, maluhanyi ma Mungu mouhesi mwasu. 11 Lita lambo lifee la Mungu, esokwelo ya bouhi bwa bato fee, leenesemi. 12 Yele yefalesa iso bokili ndjaso ya liindi la kamo ya mwano la bouhi, la elao yeye, benganeli la boala, la omoongo la bonyemu, 13 la lohenele lwa bokumbaeli boenesemi bwa lifefia la Mungu la mouhesi mwasu Yesu Kilisito. 14 oyo afi boumi bwande lita lasu mbo asoole iso la obee bofee, la mbo tobe ekanga ya nde, yenyemolemi laa nde la tobe la mofoto mwa botongi ndjaso ndoo. 15 Asa ndjaso yiyi, fa loili, la faamela, la bolengi fee. Moto a lefolee aye.
Chapter 3

1 Luhanyesa ibo mbo baolese basambesi la mikondji, la bakumbaeli laa masala malo, 2 la soo botongi moto, la bobi la ehole, la ebongu, la motema molo ale bato fee. 3 Lita lambo iso limoo tobi boso bibebe, bato ba bokahala, milefanya, mokobe mwa kamo bilenge fee ya loomba, bouhi la bofangangalu la atite ya kamo mbe, ihe yengani bafelesene laasu. La tofelesene iso angene. 4 Nde, ambeke bolobwa Mungu mouhesi mwasu la loundo lwa nde ale bato loeneni, 5 auhesi iso, soo lital ndjaso yasu ya tondoyo eyi yikeli iso , nde lita la buha bwa nde la mbowa ya bolufesemi bwa imbale bwa moenda mwengi. 6 Emo moweleli inde iso la wiiye la mbowa ya Yesu Kilisito mouhesi mwasu, 7 llita lambo bonyemolemi la buha bwa nde, toundjwe, la boteli motema, bangene la lisomba la boumi bwa omoongo. 8 Yoohi lile la omoongo la lenangi mbo oimele ndjaso yiyi, litalambo eba baimeli Mungu babande botongi misala milo. 9 Simela eyi yile bolo la isabo ale bato. Nde seinye fehe ya ekaka, toholo, miso, mawesani ma ngele litambo mtila isato la mati la bosiyo. 10 Tohohala, mbisa ya bokebisi aye mbala ya ososo, la mbala ya imbale, oyo oyesa botshaani, 11 nde olubi mbo moto ya elenge yeyo ee oboso ee ombisa, la ekela ndjaso mbee, la boti loomba laa itumbo. 12 Ekeka yetomela bono mba aye Atalemase, Tikite, hoesa oye totumane la Nikolopose, lityalambo eyo nde aenganesi mba boyei waa etesa ekeka ya fio. 13 Enganesa loendo lwa Senasi, mofalesi mwa ngele, la emwa Apolo la elenge mbo babee la bohola bwa luba. 14 Yengani ebasu baengele botongi masala malo lita la boenganesi kamo ya kbakakbaka , mbo bohomee boboti tuma tolo. 15 Eba fee bale la mba baopaya aye. Paya ebananga iso atite ya boimeli. Seinye lifee la Mungu libe laanu atuba.

Philemon

Chapter 1

1 Polo, moya mwa Yesu Kilisito , la mwelo Timote, ale Filemona, mwelo yasu ya loundo, la moendi lasu laa lisala, 2 ale mwelo motomi Apia, ale Alikipe, moendi lasu laa bita, la ale linginda lile laa ndao. 3 Seinye mbo lifee la ehole ye feme ino ale Mungu la angene Yesu Kilisito. 4 Lele lefa mbotobikeka fee ale Mungu yamba, lele letoloo aye laa malombo. 5 Litambo letelema mboli ya buimeli bwaye ale Angne Yesu la loundo ale eba onyemwa. 6 Lele leuhola inde mbo bohoti bwaye laa boimela bohohomo litala bosiyo bwa Yesu Kilisito la bolubesi iso bilenge fee ebilo. 7 Obona, lebwi lohenele obwiya la lefoyesemi motema litala loundo lwa ye, litalambo, la mbowa yaye mwelo, motema mwa bonyemwi mobi la ehole. 8 Lolo, angonde le ohanyi ale Kilisito lipombo lo fee la bosiyeli aye ndjaso eyi yengani, 9 la bweti la lina la loundo nde lele lekelela aye lilombi, la elenge yele mba, Polo, moonde, la boeti, owanu wani moya ya Yesu Kilisito. 10 Loolombo aye ambomwana ya mba oyo leboti leboti nde lele laa bayaka, Onesime, 11 Oyo aibi la isabo boso nde owanuwani aba la isabo, ale aye la ale mba. 12 Loobinyoesela aye inde mwana yamba oyo leboti. 13 Lebi mbo leyale laa nde titina ya mba mbo abengele mba laa esiya yaye, ekeka yele mba laa bayaka ba mboli ndoo ya Yesu. 14 Ekeka yasi leebangi botongi soo la isosa saye, lita lambo misala milo miaye mingaaba mia kanga, nde mibe mia boimili. 15 Tonga yasi baseeneseni laye la mwa ekeka, litalambo otumane laa omoongo la omoongo. 16 Soo limo ambo moya,nde ambo oyo qeti moya, mbo mwelo ya loundo yamba angene, la boeti la ye limoo, yebe nde laa loomba yebe nde atite ya angene. 17 Ambeke wene mba ambo abeya yaye, lutela inde ambo omba angene. 18 La ambeke akeli aye lipusano ambeke nde mbo ale nde la ;olima mwaye tangela mba mo. 19 Imba Polo, loosihela aye la liasa lamba angene. Lefuta bono mbo laase laye mbo ole limoo moto yamba. 20 Bona, mwelo,seinye mbo loohanye ale aye seeli soso, atiteya Angene, tambesa mba motema atite ya Kilisito. 21 Lita la boolesi bwa ye nde lele lesihela aye, oluba mbo okela bono boeti eyi yosasa mba. 22 La yaasi longanelesa mba ndaolitalambo lele lehenya mbo lebinyoela bono ino lita la malombo manu. 23 Epafalasi, moendi la mba mwa bayaka ba Yesu Kilisito, aopaya aye. 24 Limoo la Malako, A lisatalake, Demasi, Lujka, baendi lamba ba lisala. 25 Seinye mbo lifee la A ngene yaaasu Yesu Kilisito abe la mwende mwa ye. Obona.

1 John

Chapter 1

1 Eye yebi o laa litshatshelo, eye yowi iso, eye yeni iso la maiso masu, eyi yitengeli iso, limoo la eyi yimati iso, eyi yisimeli yisimeli yoohi la boumi, 2 Litambo boumi boenesemi, la toeni yo la toenesi ndembe yande, la tolubesa ino boumi bwa omongo, ebo bobi ale sango la eyi yenesemi iso, 3 yeni iso la eyi yowi iso, tolubesa ino, lanu limoo, litalambo ino limoo bobe esiya yemoti lasu. Angoho, tole esiya yemoti la sango limoo la mwana ya nde Yesu Kilisito. 4 La tosiya ndjaso yiyi, mbo enyange yasu yetume. 5 Mboli yowi iso ale inde, eyi tolubesa ino, yile mbo Mungu ale monyanya, la ale inde ngundu yetiho. 6 Ambeke toasa mbo tole esiya yemoti lande, angoho tole to ende la ngundu, tosititaa, la tutongle omongo. 7 Ambeke toende la monyanya, ani ale indeangene la monyanya, tote lande esiya yemoti, la maila ma Yesu Mwana ya nde manyemolo iso la obe bo fee. 8 Ambeke toasa mbo toti la obe, tole toitisaesana iso angene, la omoongo yeti lasu. 9 Ambeke tosomolo obe bwasu, ale tondoyo lita la bomeseli iso la bonyemoli iso la obe bo fee. 10 Ambeke toasa mbo tukeli obe, tosele inde moititai, la yoohi la nde liti ale iso.
Chapter 2

1 Bana boli, losiyela ino ndjaso yiyi, litambo moto atongee obee. Ambeke moto aotonga obe, tole la mwaseli oboso ya sango, Yesu Kilisito oyo aletondo yo. 2 Ale indeangne kwele lita la obe bwasu, soo nga bwasu angene, ango limo la eba mwano fee. 3 Ambeke tohohomese ngele ya nde, haho tooluba mbo toolembela inde. 4 Oyo aasa mbo looluba inde, nde ati ehohomese ngele ya nde, ale moititai, limoo moongo yeti ho ale inde. 5 Angoho oyo ahohomesi yoohi lande, loundo lwa Mungu loengani moongo ale inde: haho, toluba mbo tole atite yande. 6 Oyo asa mbo: aoyala atite yande, aengani boendi obona aende indiangene. 7 Baelo ba loundo, yeti ngele ya owanu wani y'osiyela mba ino, angoho ngele ya hola yoohanyi ino olaa litshatshelo; ngele yaho ya o hala, ambo loohi loowi ino. 8 Ekeka yemoti yele ngele ya owaniwani yosihela mba ino, ele lwa omongo ale inde limo ale ino, litambo ngundu yesisama limoo monyanya mwa omoongo mosomwa ohala. 9 Oyo aasa mboo alee laa ndjaa, nde ale eowa mwelo yande obe, ale la ngundu. Oyo enanga mwelo ya nde, aoyala laa ndjaa, limoo liuuya liti ale 10 inde. 11 Angoho eowa mwelo yande obe ale laa ngundu, ale eende ya ngundu, la ailubi ambeke ee to yaito, litambo ngundu yolifa maiso ma nde. 12 Loosihela ino, bana boli, litambo obe bwanu bo omeseleme ino la bosiyo bwa lina lande. 13 Lo siyela ino, ba sango, litalambo bolubi oyo aleho sokba laa litshatshelo, lo sihela ino, yembemba, litalambo bolongi moto ya maluhanyi mabe. Lesiheli ino, bana boli, litalambo ino bolubi Sango. 14 Lesiheli ino, basango, litalambo ino bolubi oyo ale ho, sokba laa litshatshelo. Lisiheli ino, yembemba, litalambo bole la bolengi, la yohi la Mungu lile ale ino, la yasi, ino boolonga moto ya maluhanyi mabe. 15 Bonange mohili la ndjaso ile la mohili. Ambeke moto enanga mohili, loundo la Mungu loti ale inde. 16 Lita lambo eyi yile laa mohili, kamo ya loomba, kamo ya maiso, la ifata sa mohili, yisokbe ale Sango, yisokba nde la mohili. 17 Mohili mweta, la ndjaso ya nde. Angoho oyo ekela kamo ya Mungu, ale euha omoongo. 18 Bana boli, tole laa molaho mwa botungi. Obona aowi ino mbo oyo akili Yesu ale eya, owanuwani, eba bakili Yesu baoba obaiye. La haho tooluba mbo tobwesa la molao mwa botungi.
20 Ino bobwi boumi bwa mwenda, la ino fee boolembela. 21 Lesiheli ino, yeti lita lambo buulubaa omoongo, yele nde litalambo bolembeli inde, lambo boititai angoo bomoti bosokbe laa omoongo. 22 Ndato ale moititai, ambeke ati oyo aangina mbo Yesu ale Kilisito? Oyo ale mokili Yesu, oyo aangina Sango la Mwana. 23 Oyo aangina mwana, ati limoo la Sango; oyo eimela Mwana ale limoo la Sango. 24 Yengani mbo ndjaso yowi ino sokba laa litshatshelo yiyale ale ino. Ambeke iyi yowi ino sukba laa litshatshelo yile ale ino, botiale limoo bona ale mwana la ale sango. 25 Esemba yefi inde iso, yele boumi bwa omoongo. 26 Lesiheli ino ndjaso yiyi lita la eba belisesa ino. 27 Lita lanu, boumi bwa mwenda ebo bobwi ino ale inde botiala ale ino, la boti la kamo mbo bafalese ino. Ani boumi bwa mwenda bole bofalesa ino, la bole omongo, la boti la boititai, tiyala ale inde obona afalesi inde ino. 28 Owanuwani, ino bana boli, yala atite ya nde, lita la mbo molao moyabono inde, tobe la boimeli oboso, litalambo la boyei bwa nde toowee yombi la tobee hola laa nde. 29 Ambeke bolubi mbo ale tondoyo, lembela mbo oyo ale tondoyo, abotemi laa nde.
Chapter 3

1 Simela loundo olofi lwa Mungu atite yasu, lita lambo toteme bana nde! Ambeke mohili mulubi iso lita la mbo mulubi inde. 2 Baelo ba loundo tole owani wani bana ba Mungu. Elenge yeba bono iso ya lubani; nde tolube mbo, ekeka yengana abono yo toba abono elenge yemoti laa nde, lita lambo toene abono inde elenge yele inde. 3 Oyo ekumbaela laa omoongo enyemwa, obona ale inde angene ndjaa. 4 Oyo etonga obe aobuna ngele, bokeli obe yele nde bobuni ngele. 5 La bolubi mbo Yesu ayei lita la bosooli obe, la obe ango bomoti boti ale inde. 6 Oyo ale atite yande, aitonge obe; oyo ekela obe aitsheni inde, la ailubi inde. 7 Bana boli, moto aititaee ino. Moto etongela omoongo ale tondoyo, obona ale inde angene tondoyo. 8 Oyo etonga obe ale nde moto ya mwenda mobe,litalambo mwenda mobe ale la obe okba laa litshatshelo. Mwana ya Mungu ya Mungu ayei nde lita la bosoli ndjaso ya mwenda mobe. 9 Oyo abotemi la mongu aitonge obe, litalambo moloho mwa Mungu mole atite ya nde; aitshengani otonga obe, lita la mbo abotemi la Mungu. 10 La elenge yeyo nde yelubana bana ba Mungu la bana ba mwenda mobe. Oyo aitshengali omoongo ati eya Mungu, elengeyemoti la moto ona ainangi mwelo ya nde. 11 Litalambo, la elenge yelubesema ino la elenge ya owaa ino sokba la litshatshelo, yele mbo tonangeseme iso laasu,
13 Beelo bamba bokamwee, ambeke mwano mofelesene laanu. 14 Tolubi mbo tosokbi laa loho boeti la boumi, litalambo tonangi beelo basu. Oyo ati la loundo ale atite ya loho. 15 Oyo afeleseni la mwelo ya nde, ale nde mooli mwa bato, bolube mbo mooli mwa bato ango omoti ati la boumi bwa omoongo. 16 Tolube loundo lita la mbo afi boumi bwa nde lita lasu. Yengani mbo iso limoo to fe boumi bwasu lita la beelo basu. 17 Ambeke moto ale la liboli la mohili nde eene mwelo yqnde laa muundu, ekandela inde motema, yaito elenge loundo lwa Mungu lole ale inde? 18 Bana boli, tonangee foo la maohi, la elaha, nde la masala la omoongo 19 Labona toluba bono mbo tole laa omongo, la toenese bono mbo mitema mwasu mile ale inde; 20 italambo ambeke mitema mwasu mifa iso miengi, Mungu ale mofi boeti mitema mwasu la olubi ndjaso fee. 22 Ango nde tolengele inde, toboloale inde litalambo tobui kboo ngele ya nde, la tole tokela eyi yi henelesa inde. 23 Hane ngele ya nde yele mbo: toimele la lina la Mwana ya nde Yesu Kilisito, la mbo tonangeseme elenge ya ngele yefi nde iso. 24 Oyo ebwa kboo ngele yeye ale atite ya Mungu, la Mungu atite ya nde, la tooluba mbo ale atite yasu la mwenda mofi inde iso.
Chapter 4

1 Beelo ba loundo, boimelee mienda fee; nde bolembele mienda lita bolubi ambeke mile mia Mungu, lita la mbo batondoli baiye ba boititai baoya laa mwano. 2 Bolembele moenda mwa mungu: moenda fee motondolo Yesu Kilisito oyo ayei la mwinyo mole mwa Mungu; 3 La mwenda fee mutondole Yesu Yesu moti mwa Mungu, mole nde mwa mokili Yesu, emo moowi ino boyei owaniwani mole laa mwano. 4 Ino, bana boli, bole e ba Mungu, la bolongi ibo, litambo oyo ale atite yanu ale mofi boeti oyo ale laa mwano. 5 La, ibo bale ba mwano lolo loasasa ibo la elenge ya mwano moowa ibo bolo. 6 Iso, tole eba Mungu; oyo alembeli Mungu eow iso; oyo ati ya Mungu aitsoe iso: haho nde tole tolembela mwenda mwa omongo la mwenda mwa lipusano. 7 Beelo ba loundo, tonangesane lita la mbo loundo losokbi ale Mungu, la oyo ale la loundo abotami la Mungu la alembeli Mungu. 8 Oyo ati la loundo ailubi Mungu, lita la mbo Mungu ale loundo. 9 Loundo la Mungu loenesimi ale iso la elenge mbo Mungu atomi Mwana ya nde omoti laa mohili litalambo touhe la mbowa yaa nde. 10 Loundo lolo loti mbo iso nde tonangi angoho inde anangi iso, la atomi Mwana ya nde ambo kwele ita la obe bwasu. 11 Beelo ba loundo, ambeke Mungu anangi iso bona, toengani mbo tonangesane,
13 Toolembela mbo tole atite ya nde, la inde atite yasu, la elenge mbo afi iso mwenda mwa nde. 14 La iso, toeni la totondolo mbo Sango atomi mwana ambo mouhesi mwa mohili. 16 La iso, tolembele loundo la Mungu ale iso, la iso toimeli. Mungu ale nde Loundo; oyo ale la loundo ale atite ya Mungu la Mungu ale ele inde. 17 Obona ale inde, obona ale iso laa mwano: la bona nde loundo lotumi ale iso, litalambo toene mbowa lise la bosambisemi. 19 Ale iso, tonangi inde litalambo inde nde anangi iso boso. 20 Ambeke moto aasa mbo: lenangi Mungu, la ale efeleseme la mwelo ya nde ale moititai, lita lambo oyo ainange mwelo ya nde oyo eene inde, enanga to yaito elenge inde aitshene inde? 21 La toohanyi ale Mungu ngele yeeye: mbo oyo enanga Mungu anange limoo mwelo yaa nde.
Chapter 5

1 Oyo eimela mbo Yesu ale Kilisito, abotami la Mungu, la oyo enanga oyo aboti inde anangi limoo Mwana yaa nde. 2 Tolube mbo tonangi bana ba Mungu, ambeke tonanga mungu, limoo mbo toolese ngele ya nde . 3 Lita lambo loundo lwa mungu lole boolesi ngele ya nde. La ngele ya nde yiti la looso, 4 Lita lambo eyi fee yebotemi la Mungu yile o liolo ya mwano; la bolongi mwano bole boimeli bwasu. 5 Ndato oyo alongi mohili, ambeke ati oyo eimela Yesu Mwana ya Mungu? 6 Ale inde, Yesu Kilisito, oyo ayei la maliba la maila, la mwenda nde afi mboli, litambo mwenda nde ale o moongo. 7 Lita lambo bale bahato e befa mboli. 8 Mwenda, maliba la maila, ibo bahato ba owesani. 9 Ambeke toowa mboli ya bato, mboli ya Mungu yeeti la bofi; litambo litondoli la Mungu lile mbo, atondoli lita la mwana yaa nde. 10 Oyo eimela Mwana ya Mungu, ale la litondeli laaho inde angene; oyo aitshimeli Mungu aoseli inde moititai, lita lambo aitshimeli mboli ya Mungu lita la Mwana ya nde. 11 La simela mboli yaho, yile mbo Mungu qfi iso boumi bwa omoongo, la boumi bwaho bole atite ya Mwana ya nde. 12 Oyo ale la Mwana ale la boumi; oyo ati la Mwana ati la boumi. 13 Lesiheli ino ndjaso yiyi, mbo bolube mbo bole la boumi bwa omoongo, ino eba boimeli lina la Mwana ya Mungu. 14 Toimeli ohala mbo ambeke tolengele inde luba elenge yenangi inde, eowa iso. 15 La ambeke tolubi mbo eowa iso, luba lilengele iso, tooluba toobwa luba elilengele iso inde. 16 Ambeke moto eene mwelo ya nde la lipusano eli lihese loho, alombe, la Mungu efa boumi ale mwelo yaa nde, efa bono ale eba bekela mapusano ema maiyese loho. Yele la lipusano limoti limoti liyesa loho; yeti lita la lipusano lilo nde loasa mba mbo bolombe. 17 Bolisi fee bolelipusano, la yele la lipusano eli liyesa loho. 18 Tolube mbo oyo abotemi la Mungu alubi boangatali, la moto ya maluhanyi mabe aitshohanye inde. 19 Tolubi mbo tole eba Mungu, la mbo mwano fee mole ose ya loili lwa oyo ya mahenyamabe. 20 Tolubi limoo mbo Mwana ya Mungu ayei, la afi iso weli mbo tolube oyo aengani; la tole atite ya oyo aengani, ale mwana yaa nde Yesu Kilisito. 21 Inde ale Mungu ya omoongo, la boumi bwa omoongo. Bana boli, angatala la miungu mia mohili.

2 John

Chapter 1

1 Moonde, la kiliya, mominolemi, la ale bana bande, eba lenangi laa omoongo, la leti imba angene nde lenangi ibo, angoho limoo la eba fee balembeli omoongo, 2 la bosiyo bwa moongo yele ale iso , la yeba bono laasu lita la omoongo la omoongo. 3 seinye mbo lifee la Mungu, buha bwa Mungu la ehole bobe laanu la mbowa ya Mungu Sango la mbowa ya Yesu Kilisito, Mwana ya Sango, atite ya moongo la loundo. 4 Leheneli obwiya boeni bana baye boendi laa mbowa ya omoongo la elenge ya ngele eyi yiboli iso ale sango. 5 La owanuwani, elo lolengele mba aye Kiliya, soo ambo bosihela aye ngele ya owanu wani, ambo eye yoohanyi iso skba laa litshatshelo; ambo la elenge ya bonangesani bwasu. 6 La loundo lolengele nde boendi boenganeli la ngele ya nde. Eyo nde ngele eye yeengani lqqnu boendei obona aflesemi ino sokba laa litshatshelo. 7 Lita lambo baititai o baiye baoya laa moholi, eba baitshimele mbo Yesu Kilisito ayei laa mohili la loomba. Oyo ale bona, ale nde moititai la oyo akili Yesu. 8 Angatala laanu angene, lita la mbo bolisesee tuma twa lisala lanu, ango mbo boohanye seeli fee ya lisala lanu. 9 Oyo ee hola la ati atite ya maluhanyi ma Kilisito, ati atite ya Mungu, oyo ale atite ya maluhanyi maaho ale la Sango la Mwana. 10 Ambeke moto eyela aye la aiyei la maluhanyi mamo, bolutelee inde la bisiya bianu la bofee inde: Bopaya! 11 Litalambo oyo efa inde bopaya aokuwana laande la masala ma nde mabe. 12 Ango nde labaa la ndjaso ndiye ya bosiheli ino, lenangi nde bosiheli ino la loasi la mosihi, ango ho lele leta motema boyei ale ino mbo toasesana lita lambo lohenele lwanu lotume. 13 Bana ba mwelo yaye mominolemi baopaya aye.

3 John

Chapter 1

1 Moode, Gaiyus, mwelo ya loundo, oyo lenangi laa omoongo. 2 Mwelo ya loundo, kamo yambo oe oboso laa ndjaso la obe la boumi bolo obona ehoa moolo mwaye. 3 Leheneli obwiya, ekeka yebwesi beelo basu la batondoli lita la omoongo. 4 Leti la enyange ya bweti boowi mbo bana bale beende la mbowa ya omoongo.
6 eba batondoli lita la loundo lwa ye oboso ya linginda. Okela bono bolo bobongesi loendo lwa bu la elenge yeengani la kamo ya Mungu, 7 Lita lambo la lina Yesu Kilisito nde bai, toohanya luba ale ebaitshimeli Yesu. 8 Toengani boluteli bato bilenge bibo mbo to be laabu bato ba lisala la omoongo. 9 Lsihi ndambo ya maohi la linginda ango ho Diotefele, oyo anangi mbo abe oboso yabu, ailutele iso ango konu. 11 Mwelo ya loundo, otshutshele obe nde tutsha bolo. Oyo ekela bolo ale la Mungu; oyo ekela obe aaeni Mungu ango kunu. 12 Isi fee, la moongo yaho angene, bale betondolo lita la nde la olubimbo litonoli lasu lile la omoongo. 13 Leba bono la maliba ma mosihi la mosihi. 15 Seinye mbo ehole yebe la ye. Babiya bao paya aye. Paya babiya Omoti la omoti.

Jude

Chapter 1

1 Yuda, mosali mwa Yesu Kilisito, la mwelo ya Yakobo, ale eba batemi batomi yoohi, eba ba nangemi la Mungu Sango, la eba ba batelami lita la Ysu Kilisito. 2 Seinye mbo buha bwa Mungu, ehole la loundo lotumele ino. 3 Baelo ba loundo, ani abi mba la kamo o bwiya ya bosiheli ino lita la boumi bwa bato fee, yootoma mba mbo letonge lita la bofi ino bolengi bwa bowani lita la boimeli ebo botomemi ale eba banyemwi mbala yemoti lita la omoongo. 4 Litambo bato bamoti ba fondi lita atite yanu, eba itumbo sisihema o hala, bato ba liindi eba betshaa lifee la Mungu, la boangini Mofalesi mwasu momoti la Angene Yesu Kilisito. 5 Lenangi bo ambesi ino yaasi, ino eba bolubi bolo ndjaso yiyi fee, mbo angene, mbisa ya bouhesi bato la bo sooli ibo laa ekanga ya Ejipito lambisa aoli eba mitema mikbamu. 6 Eba batiemi lita la motangolo mwa lise la botungi, bakandemi omoongo la omoongo laa ngundu, mienda emi miihohomesi etito nde baosendje ndao yabu angene. 7 Eyi Sodomo la Gomolo la mii mia tiitina, emi tongi limoo moheha ambo ibo, la mapusano la ndjaso yilakelemee laa mohili, yofema mbo ndembe boeni muundu mwa mosa mwa omoongo la omoongo. 8 Angoo bona, bato baaho limoo, bolutemi la maluhanyi mabu, bale bseha limoo komba yabu, botefoli mbabu, la bosei lifefia labu. 9 Angoho, mwenda kumi Misele, ekeka yetuesi inde la bohaani la mwenda mobe loomba lwa Moose, aitshengelaa boweli inde mafeleki ma biseo, asasa mbo: seinye Angene afe aye itumbo. 10 Ibo, la bofeu, bale baasa laa elenge ya biseo ebiilubi ibo, la bale beititaema la eyi yilubi ibo ambo mabonda. 11 Buha bwa bu! lita lambo batshutshi mbowa ya Kaina, baokusa komba yabu la ndjaso ya bolisesemi bwa Balama lita la seeli. Baolisesa komba yabu laa yenge ya Kole. 12 Bale nde ambo liuya atite yanu, beenene ambo bato balo, ango bale nde betumesa komba yabu. Bale ambo bilimi biti la maliba, bitshindjema la lifofela; mite mwa ekeka ya mwanga miti la tuma, mioha mbala imbale, mioyolema. 13 Miula mifi mia ngbanda, miwele mahulo ma tiendi labu. Tolonge tolumbalumba, tona ngundu yootielema ibo lita la omoongo. 14 Yele limoo labu nde Enoke, moto ya mosmbale sokba oto Adama, atondoli la maohi mama: simela, Angene ayei la koto la koto ya eba banyemwi. 15 Lita la bosambesi bato fee, la lita la bofeleki bato baliindi fee, bana atite yabu ndjaso fee yaliindi, la maohi fee ma mosebo maasemeli nde la bato ba liindi. 16 Bale bato behimahima, besabana la botongi bwa lwaso lwa bu, eba beende la elenge ya mohohia mwabu, eba bele la maohi ma mofoto laa minoo mia bu, eba beimela bato lita abole. 3 Baelo ba loundo, ani abi mba la kamo o bwiya ya bosiheli ino lita la boumi bwa bato fee, yootoma mba mbo letonge lita la bofi ino bolengi bwa bowani lita la boimeli ebo botomemi ale eba banyemwi mbala yemoti lita la omoongo. 4 Litambo bato bamoti ba fondi lita atite yanu, eba itumbo sisihema o hala, bato ba liindi eba betshaa lifee la Mungu, la boangini Mofalesi mwasu momoti la Angene Yesu Kilisito. 20 Ale lanu beelo ba loundo, ani ahohomi ino laa boimeli bwa nu bwa omoongo, la molombi la mbowa ya mwenda mwengi, 21 hohomo atite ya loundo lwa Mungu bokumbaeli buha bwa Angene Yesu Kilisito lita laboumibwa omoongo. 22 Lutela bamoni, eba bekila; 23 Uhese baasi la bosooli ibo laa mosa. La ebamoti bela ibo la buha bosobwani la boho, kila tee olaa mokoto moosehanala liindi la loomba. 24 Angoho, ale oyo aengani botuesi ino la mauya, la bobwesesi ino la lifiefi lande ambo bato bati la mapusano, atite ya lohenele, ale Mungu inde angene mouhesi mwasu la mbowa ya Yesu Kilisito, laa nde lifiefia, longuma, bolengi la loili, sokba oboso bwa bikeka, la owanuwanu, tee o bilanga la bilanga. Oo bona.