To view a copy of the CC BY-SA 4.0 license visit
http://creativecommons.org/licenses/by-sa/4.0/
Maki
11Mi kpɔ enyɔ nyui tsi kuȡó Yesu, Mawuwóviɛ ŋtsilɔ ke. 2Enyɔnudaȡɛtɔ Ezayi ŋluin le yio nyɔnunumɛ bé"Mi kpɔ, ŋ sɔ aŋɛndótɔ tsinyɛn le ȡóȡówɔ ȡeȡa mi, tsi la djra mia mɔwó ȡó. 3É le tótówɔ ne ametsiwóé le toȡóewɔ le zogbeɛme bé wó ne djraȡó ne axuétɔlɔ.4Eján va, yí ele amɔwó nyrɔwɔ le zogbeme yí le nuxó xowɔ kuȡó djimɛtrɔtrɔ yió nyɔnyrɔ ne nuvɔnwó sɔsɔke ŋtsi. 5Ame gbógbóȡé só Judea kudo Jerusalem duganwóme yí le zogbeɛdji le Eján gbɔ. É nyrɔnwó le Jordan yio tɔ me yí wóle nuvɔnwó gɔme hunwɔ. 6Eján dó zogbedjisɔ yio gbazawu, langbaza lindjíblanú le alin ni. Le gaxɔnmelɔ, é ȡunɔ abɔ ku zogbeme nyishi.7 Le gaxɔnme lɔ, enú mawunyɔ be: zanȡé viɛ ametsi klowuŋ lɔ lava. Neŋsɔɛ sɔkú ȡekinyɛn lɔ, nye ŋde nyi nuȡeó. Nye ŋde djé latú yio fɔkpakawó. 8ŋ nyrɔn mi kúdó shi, vɔ yɛ lava nyrɔn mi kúdó gbɔngbɔn kɔkɔɛ.9Le gaxoxo tsi me Eján le mawunyɔ tówɔlɔ, Yesu só Nazereti, le Galilé nútowóme va, yí Eján nyruin ȡó Jordantɔ me. 10Tsi Yesu tó le tɔme lɔ, lílíkpówó hun yí Mawu wó gbɔngbɔn ȡi ȡódjí. Mawu wó gbɔngbɔn ȡíȡí le huanlin wó nɔnɔme mɛ. 11Yí egbeȡiȡi só djiŋkúshi yi nú bé:"Wó yi nyí evinye tsi lɔnlɔntɔ. ŋ kpɔnɔ ŋdjedje ȡo ŋtiwó."12Yí Mawu wó gbɔngbɔn kplɔ Yesu yi zogbeme. 13É nɔ xɔn wa ŋkeke eka(40), Abusaŋ teekpɔ. Elanlenúwó nɔ xɔn vɔ mawudɔláwó lebe ni.14Tsɛ wó ŋgbedemelɔ, tsi wó lé Eján dó gakpáme vɔa,Yesu Galilé, afitsi evɛ le Mawunyɔ tówɔ lea. 15É nɔnɔ núnúwɔ bé:"Gaxoxoa ȡodjí vɔ. Zanȡé viɛ Mawu laá ȡeefia bé yí nyí fiɔ. Mi trɔ le mia núvɔnwó yome ne mia tashi lewóŋtsi ne Mawu yasɔwó kemi. Mi kánȡó enyɔnyuiɛlɔ djí.16Gbéȡéká, tsi Yesu le azɔnli zɔnwɔ le Galilé tɔtó lɔ É kpɔ ŋsu ameve, Simon kú nɔviɛ André. Wó le eȡɔ dawɔ. Wó kpɔnɔ ega le eȡɔdada me. 17Yesu nú nɔ wó bé:"shigbe letsi mi le eȡɔdawɔ yi le lanvi léwɔ nenelɔ, mi kpɔŋdó, yí nasɔ mi wa agbetówó ȡétɔ. 18Zéȡéká, wó ȡashi eȡɔwó damȡɛ yí wó kplɛdó.19Le ŋkɔ víȡélɔ, Yesu kpɔ ŋsu améve, Jaki kúdó nɔviɛ Eján, tsiwóé nyí Zébédé wó viwó. Wó ame eveɛwó le tɔdjíhún me le wó ȡɔwó djrawɔ ȡó. 20Zéȡéká tsi Yesu kpɔ wó lɔ, É tó nɔwó bé miva miayi zéȡéká, wó tashi wó tɔ' Zébédé kú dɔwaviwó ȡó tɔdjíhúnlɔ me yi kplɔ Yesu do.21Yeu kúdó yio núkplanviwó yiȡó Kapɛnaum le Sabatizán gbé, é gɛnȡó gbedóxɔmɛ; tɔ enú fíafía amɛha gbógbóȡé tsi le xɔn. 22Nɔnɔmɛ tsi esɔ le enú fíafía wawɔ kpátsá amɛwó. É le enúɔ fia kú atsɛkpakpaȡé tsi tóvo ne ayémenú watɔwó tɔ.23Dawɛȡé tsi me gbɔngbɔnvɔnwó lea le gbedóxɔ tsi me Yesu le núfiafia wawɔ lea. ŋsuɔ tɔ axúá djí, 24le gbɔngbɔnvɔn lɔ wó ŋsɛn mɛ. Hé! Yesu miɔwó gbɔngbɔnvɔnwó mi ŋde ȡó nuȡé la wa nɔ ewo. Wo dja vá tsrɔn mí yea? ŋ nyá ame tsi wo nyiá. Wo nyí kɔkɔɛ tsi só Máwu gbɔa. 25Yesu gbé enyɔ nɔ gbɔngbɔnvɔn lɔ le núnúwɔ bé: bɔnu ne nɔ tó le daweɛ mɛ. 26Gbɔngbɔnvɔn lɔ húnhún daweɛ kú adán. É dó axuá sɛnsɛnȡé yi tó le daweɛ mɛ.27Ame yio kpata le xɔnlɔ wó tsáká, wóle enyɔ hɛnwo le wonɔnɔɛwó dome yi nu be: eyɛ kpátsá ame ŋtɔɛ! ŋdenyi be efia enu yéyéwó kpoyɔ vɔ kudo ŋsɛn, eɖegbe ɖo gbɔngbɔnvɔnwó djí yi woɖotóé. 28Zéɖéka amɔwó kankan nútsi Yesu wa ɖo Galilé nútówó me.29Yi edjo le gbedoɖá xuéá, Yesu, Simɔn ku André, wonɔdu kúdó Jaki ku Ejan yí wó yi Simɔn kúdó André wó xóme. 30Simɔn lɔnxóalɔ le anyimlɔnxué ɖó vivɔ kɔɖɔdjí. Zeɖekalɔ wo nu nyɔlɔ nɔ Yesu. 31Yesu yi nyɔ nulɔ gbɔ, yí ele alɔ ni shíte. Vivɔlɔ kan nɔ nyɔnuɔ zeɖeka yi etɔ dɔsɔsɔ nɔwó.32Le wuetrɔ xɔn gatsime ewe ɖóxɔ vɔlɔ amɔwo kɔkɔ dɔnɔwo ku ame tsiwó me gbɔngbɔnvɔn lewó va Yesu gbɔ. 33Amɔwo keŋkeŋ va bɔ do Simɔn yíó gbódji. 34Yesu dadɔ ne ame sugbɔ tsi woé ledɔ vovowó. E degbe ɖo gbɔngbɔnvɔnwó djí be ne wóató le amewó me. ŋde ɖemɔ nɔ gbɔngbɔvɔnwó be wone to enyɔ so yeŋtsio nuyiŋtsia wonya be yí nyi Mawu yio kɔkɔɛtɔlɔ.35Tsi eŋukelɔ, le fɔnfɔnme fut ulɔ, Yesu djoyi zogbedji yi vɛ le gbedowɔɖá. 36Simɔn kúdó yitɔwo vɛ djí. 37Tsi wo kpɔɛ lɔ, wo núní bé"amewó so du vovowó me va le djídjíɔ"38E to nɔwó bé, "Mi ɖólá yi edu buwó me be miasɔ enyɔnyuiɛlɔ nɔ wótsán, yiŋtsi ŋva xixeɛme ɖó. 39É yi Galilé wó xúxoxúé(synagogue) wó me fitsi Yesu tó mawunyɔ le yí egbe nyan gbɔngbɔnvɔnwó tsán le.40Gbeɖekalɔ, ŋsu ekpodɔnɔtɔɖé vá Yesu gbɔ. Edó enu gun le kúkúɖéɔ ní bé: "Yɔdɔnuŋ ɖo ŋsɛn le ashio be na naŋ lamesɛn ne wodjróa." 41Yio nu wa ŋshinshin nɔ Yesu ŋtɔ, yi evlun alɔ sɔtɔ ŋsuɔ yi tóní bé: "ŋdjró, xɔ lamesɛn." 42Zeɖeka, kpodɔlɔ vɔ ní.43Yesu dósé ní ŋtɔ gboxué bé né djóyi. 44Enyɔn tsi Yesu nuni ke: "ŋgbe nu enútsi djɔ ne ameɖeo, bohun nayi avɔsatɔgánɖé gbɔ nasɔ ɖekio fiɔɛ ne yatɛn kpɔ, le etsɛ godolɔ, wa kɔkɔɛnyínyí yio vɔsa tsi Moyisi fia ne yatɛn nyi kúnúɖeɖe né dukɔn tsi me wósó.ŋsuɔ ŋde waɖo Yesu yio nyɔnɔnu djio. E dje letsi Yesu dadɔnilɔ djradjra sigbe ɖoŋtsi ne nɔnɔmexɔnlɔ Yesu ŋdatɛn gbe kpɛntsi ato dje dukɔnwó domeo, ɖo ele vɔnvɔnwɔ be ameha lava tsɔn ye. E tsi azoge needuawo le afitsi ame ŋde leo wa, gankea amewó kpɔtɔ le afiwo sowɔ va gbɔ.
21Le ŋkeke geɖewo ŋgbedemea, Yesu trɔyi Kapɛnaum. 2Amɔwo se be Yesu gbe trɔgbova axome. Enyɔ yɛ kankan kaba yi ameha ganɖe va bɔ ɖo afiyine Yesu le. Amɔwo sugbɔ kaka axuɛme ɖɔ, texue ŋde gbe le huntruɔ ŋtɔtsan nuo. Yesu ɖe gbefan mawuynɔ nɔwó.3Ameɖewo va yi wokɔ ŋsu tsi kplibɔ va ne Yesu. yi ame amene kɔe ɖo avɔkpomɛ. 4Tsi woŋda kpɛŋtsia akɔ ameɛlɔ sɔ to amehalɔ domeolɔ, wo yi xɔlowo tame afitsi Yesu lea yi ɖemɔ kɛn ɖiɖi kplibɔkplibɔtɔa ɖo Yesu yio ŋmɛ yi mlɔanyi ɖo avɔpko me.5Ke Yesu kpɔ kankanɖodji be amea ɖo xɔse be yea kpɔ dɔyɔyɔ. Eto ne kplibɔkplibɔtɔlɔ be: "Vinye, wosɔ axo nuvɔwo kewo". 6Vɔ Yudatɔ wó séfiatɔwó tsán nɔanyi le xɔn. 7Wo butame le woɖékiwó domɛ.8Tsi Yesu nyá zeȡeká kú yió gbɔngbɔn bé wó le enyɔ xɔnwó núwɔ le wóȡéki mɛ lɔ, é nú nɔ wó bé, ŋdé ŋtsí mi le susu xɔnwó ȡéwɔ ȡó? 9ŋdé yi le bɔbɔɛȡé núŋ bé ma nú, wo sɔ núvɔn tɔwó kéwo lóó aló shíté! nasɔ avɔkpo tɔwo ne na zɔn yea?10ŋ djí bé mia nya bé amegbétɔvílɔ ȡó atsɛ látɛn sɔ núvɔnwó sɔke le anyígbán djí. Yí é tó né abɔtútúnɔlɔ bé: 11"shíté, sɔ axó vɔkpo ne na yi axómɛ!" 12Ameɛlɔ shíté, sɔ yió vɔkpo yí djó le amɛhalɔ yió ŋmɛ.13Yesu djó le Kapɛnaum yi zɔn tó Galilé yio tɔ tómɛ. Amɛha gbogboȡé va egbɔ yi é fíánú wó. 14Etsi va le yiyiwɔa, é kpɔ ŋsuȡé tsi wo yɔnɔ bé Lévi, Alfé yio ví. É nɔ anyí ȡó ȡɔmɛ afitsi wó djɔnɔ ega(impots) lea. Yesu nú ní bé:"Va mi adjó". É shiyé yi ekplɔ Yesu do.15Le gaxoxobu mɛa, Yesu ȡunú le Lévi wó xómɛ. Núvɔnwatɔ kúdó agadjɔtɔ gbógbóȡé wó ȡunú kuí kú yio núkpanviwó. 16Yúdatɔwó wó séfatɔwó kúdó Frizitɔwó, tsi wo kpɔ bé Yesu le enú ȡuwɔ kú mɛxɔnwó lɔ, wo biɔ yio núkpánviwó bé:"ŋdé ŋtsi ele nú ȡuwɔ yi le nú nuwɔ kúdó núvɔnwatɔ kúdó agadjɔtɔ xɔnwó?"Yi Yesu se enyɔn tsi wobuise salɔ,eɖoŋtsi nɔwo be, ametsiwoe le lamesɛnmewo ŋde hian ɖɔkita, ametsiwoe djedɔ woe hian ɖɔkita. Nye ŋde va ɖo ame djɔdjɔewo ŋtsio, bohun ŋva ɖoame madjɔmadjowo ŋtsi.18Le gahɔnmelɔ Ejan eshidotanametɔ wo nukplanvio ku ameɖewo so Farizitɔwo kɔtamea wo blanu shigbe le tsi wo wani sa nene. ameɖewo le wodome va Yesu gbɔ yi biɔɛse be:"Ejan wo nukplanviwo ku Farizitɔwo le nublabla me, ŋdeŋti nukplanvi tɔwoó ŋdele nublablameo?". 19Yesu ɖoŋti nɔwo be, ne ŋsuɖe ɖe nyɔnua, yio xɔlɔnwo blanɔnu kui le gatsime yile wogbɔa? Gatsime ŋsuɔ le wogbɔlɔ wo ŋdatɛŋ blanuo.20Vɔ gbeȡeká, wo lakɔ ŋsuɔ djó le wógbɔ. Le ŋkeke xɔn wódjí lɔ, wo la tashi le núȡuȡu ŋtsi. 21Yesu yi nyɔlɔ dji yi núnúwɔ nɔwó bé,"mɛȡé ŋdé sɔnɔ eȡó yéyé sɔ tanɔ eȡó xóxó, ne ele nene lɔ, eȡó yéyéɛ lavún xóxóɔ ȡódjí.Mɛȡé ŋdé sɔnɔ aha yéyé sɔ kɔnɔȡó langbaza go xóxó méo, ŋdé neneo lɔ egoɔ lagban.23Gbeȡeká le Sabati ŋkeke djí lɔ, Yesu le núkúwó yi gble mɛ tówɔ kú yio núkplanviwó, tsi wó le agbeɛ me tówɔa, núkplanviɛwó ŋé núkúȡéwó. 24Tsi Farizitɔȡéwó kpɔ nú tsi wa wó lea, wo nú nɔ Yesu bé:"kpɔȡá! wó le ȡaȡawɔ le Yudatówó wó séɛwó djí kuȡó Sabati ŋtsí. ŋdé ŋtsí wó le néné wawɔ ȡó?"25Yesu to nɔwo be: Ɖe miŋɖe hlin Nuŋlinŋlinlɔwo sɔ kuɖo Efiɔ David kudo ŋsu tsiwoe le ŋtsiwo, gatsime yi shive le wotsiwɔ? 26Gatsime Abiathar nyi vɔsatɔgan, David ɖo Mawu wó xome yí biɔ kpɔnɔn. Yi avɔsatɔgan ni kpɔnɔn kɔkɔɛ. Le mia sewo mea, vɔsatɔganwo kpoe ɖunɔ neneo kpɔnɔn. Vɔlɔ yɛ nanɔ akpɔnɔn xɔn ametsiwoe nɔnɔ xɔn kui.27Yesu yidji le totowɔ nɔwo be, amegbetɔ yio hianhian ŋtsi woɖo Sabati ɖo, ŋde Sabati yio hianhian ŋtsi woɖo amegbetɔ ɖo. 28Yiŋtsia, Amegbetɔvilɔ yinyi Axuetɔa, yi ɖu axuetɔ ɖo Sabati dji.
31Yesu yíȡó kuifanxóme yí ŋsuȡé xɔmɛ tsi alɔ kúná. 2Wó le Yesu kpɔwɔ dún le trɔtrɔwɔ le ŋtsi be elá tɛnŋ dadɔ ni le Sabatizán dji bé ne wóa teŋ ȡó kodjó ni.3Yesu tó nɔ dɔnɔlɔ bé" shíte ne nanɔ dodomɛ." 4Yí Yesu tó nɔ dukɔn lɔ bé:"E djé bé wola wa nunyui alo nuvɔn le Sabati yio ŋkekeɛ djía, ényɔ bé wone wluɛnamegán ló alo wɔa tashi ne ya bua? Xɔnme lɔ, wó keŋkeŋ wó ȡóȡa.5É sa ŋkúvi tó wódjí kúdó edjibibi kú núxaxa djidjiȡé lé wó dji mɛ, etó nɔ ŋsuɔ bé:"vlún alɔ ȡóȡá", É vlún alɔwó ȡóȡá yi Yesu dadɔ ni. 6Zéȡéká lɔ, Farizitɔwó tó yi wówa sébla kúdó Heroditɔwó ȡóŋtsi bé né wó awui.7Yí Yesu kudó yió nukplanviɛwó yi ȡó axuɔ tó yí ameha sugbɔ klpɔɛdó só Galileya 8kudó Judea, Jerusalem, Idumea, kudo Jordan yio tɔlɔ wó agóme, kudó Tyr ku Sidon yio nutowó me, ameha xɔn va egbɔ, ȡólɔ wó sé nutsiwó kpata wawɔ yi elewó.9É tó né yio núkpánvwó bé wo né djra tɔdjíhúnȡéká ȡó nɔ ye le amɛha gán lɔ yio gingin ŋtsi. wo latɛŋ zondjí djró. 10É le edɔ dawɔ ne amɔwó káká amɛ ysi wóé lédɔwó va le djídjíwɔ. wó lé djídjíɔ bé yewó la talɔɛ.11Né gbɔngbɔnvɔnwó kpɔɛ lɔ, wó zenɔ ni yií tɔnɔ axúá bé:"Mawú wó ví yi wo nyí. 12É gbenɔ nɔwó vévéȡé bé wó ŋgbe djrá yeo.13É yi etó djí, é yɔ amɛ tsiwóé djɔdji ni wó yí wo yi gbɔ. 14É tsán amɛ amewúíve (tsiwó é yɔ bé apɔstólówó) tsiwóé la nɔ anyí kui yí ya dɔnɔ wó ȡédá mawúnyɔ núxúé 15kúdó gbɔngbɔnvɔn nyanya wó tsɛkpakpa. 16Ame tsiwó é tsán wó ke: É sɔ nyikɔ nɔ Simɔn bé Petro;17Zébédé wó vi Jaki, Eján tsi nyí Jaki wó nɔví tsi é sɔ nyikɔ na bé Boanerges tsi gɔnmɛ nyi bé djíȡégbé ŋsen víwó; 18kúdó André, Filipu, Bartélémi, Matié, Toma, Alfé wó ví Jaki, Tadé, Simɔn Zelɔti tɔ, 19kúdó Yuda Iskariɔt tsi va sɛa.20Wó le axome yiwɔ yi amehalɔ gbe le egbɔsuwɔ kaka be wó ŋda tɛŋ aȡu núo. 21Tsi yio xomɛtɔwó sé lɔ, wó va be yewoa va kplɔɛ, wó tó be:"etagbɔ le gblegblewɔ ni". 22Wema ŋlɔtɔwó tsiwóe só Jérusalem wó tó be:" gbɔngbɔnvɔn wófiɔ so axué ȡó eme, yí dji tówɔ ele sɔ le gbɔngbɔnvɔnwó nyawɔ.23Yesu yɔwó va yiȡeki gbɔ yí dolo nɔwó be:"lede Abusaŋ latɛŋ wa ahua kudo Abusaŋ ȡó?" 24Ne fiɔȡuxuéȡe má le yiȡekimɛ lɔ, fiɔȡuxué xɔn ŋda gbe nɔanyi gbeȡeo. 25Ne axuéȡe má le yiȡekimɛa ŋde kpɛŋtsi anɔanyio.26Ne Satana dje aglan ȡó yeȡehi ŋtsi lɔ, éla má. ŋda ten anɔnyí djidjiȡeo. 27Vɔlɔ, ameȡe ŋda tɛŋ aȡó ŋsu sɛnsɛn yio xóme avɛ fin yio kɛsinɔnuwó ne ŋde li bla keŋgbɔxuéo, nene ela wa gbɔxué ateŋ lɔ axuéalɔ.28Nyawo ŋle tótówɔ nemi bé: enuvuin agbetɔwotɔ lanyi sɔsɔke nɔwo, busunyɔ tsi wó lató ŋtɔtsán, 29vɔlɔ busunyɔn tótó ɖó mawugnɔ kɔkɔeɛ ŋtsi ŋda ɖó sɔkeo, vɔa nene wó me dje agɔ tsi nyi nuvuin wo gɔdjedje mavɔ mavɔ. 30Yesu nu enyɔyɛ ɖólɔ, wó le nunuɔ bé:" eɖó gbɔngbɔ baɖa"31Enɔlɔ kúdó nɔviɛ wó vá, wóle xixenu yi wódɔ ameɖe bé ne yɔɛ. 32Ame sugbɔ nɔanyi trɔdui yi wotóni bé: "Enɔwo kúdó nɔviwowó le djidjiɔ".34Yesu ɖoŋtsi nɔn wó bé:"mɛɖé woe nyi enɔnye kudo nɔvinyɛwo?" 33Tsi eɖe ŋkuvi kpɔ ame tsiwoe trɔdui vɔlɔ, enu bé, "Mikpɔ, ame tsiwoe nyi enɔnye kudo nɔvinyewo ke. 35Ame tsi wanɔ etɔnye yio djrolɔ woe nyi enɔnye kudo nɔvinye ŋsu ku nyɔnuwó".
41Yesu gbetɔ nufiafia dji le tɔto. Ame sugbɔ trɔ dui, evayiɖo tɔdjihunme yi nɔ anyi. Ame hawo kekeŋ tsi tɔto. 2Efia nu wo le lododome. Le yonufiafiamɛ étóbé:3Mise : núkúwútɔ yi núkú wú gbé. 4Evá me bé núkúwa ɖéwo ge dje mɔto, ayame xéviwo va ɖu wo kékéŋ. 5Ɖéwo gé dje kpé nynigban dji, afitsi kɔ sugbɔ ŋdé leo éɖe zeɖeka, núyiŋtsia ekɔ ŋɖé sugbɔ yi gɔmeo. Vɔa yi nɛ ewezea éfiɔ éhú le kemaleta. Ebuwo dje aŋankan mɛ yi shi tsɔwodji.7Vɔa yine wé zéa, efiɔn eku le kemanɔshi ta. 6Ebuwo gedje aŋwankan me yi evun tsɔn edji, yi tsi kumasɛn.8Ebuwó dje anyigban nyui dji, wómi, 9woshin yi wo sinku. Ɖewo sɛn egban,ɖewo katakpotsiwó yi ɖewo kavetakpo. Yi etobe: ameyishi etosenu lea, ne senu.10Gayime Yesu ɖeka lea, amewo va kpɔdeɛ kudo wuiveɛwo, yi wó buiɛ lododoawo gɔmeɖeɖe. 11Eto nɔwo be: miwoyɛ wosɔ mawufiaɖuxoea yio nuwlawlawo sɔna mi, vɔa ne amekpɛtɛawoa, wo sonawo lo lododome. 12Be newo kpɔnua woŋgbe djeshio, newo senua ne woŋgbe se egomeo, bene woŋgbe trɔdjime ne wosɔ wó nuvɔnwo aso kewó.13Eto nɔwo be, miŋse lododo yɛ gɔmeo? Lede milawa ase kpɛtɛwo gɔme? 14Nukuwutɔ wu enyɔ. 15Eyiwo dje mɔtoa, afiyi wodo nyɔlɔdo, ne wo sea, zeɖeka abusaŋ va ɖeɔ nukua le wome.16Ɖewo dje ekpe nyigban dji: nɔ wo se nyɔa, wó xɔni kudo didjɔɛ, 17vɔa wo ŋde ɖo ke le wo ɖekiwo me ne woa tɛn to yometsitsi kudo xaxawo me, zeɖeka kea wo gbenɔ xɔsea yi trɔzun gege mɔnu nɔwo.18Vɔ núkú tsiwé yi ŋdjawó mɛ lɔ, wóé nyi amɛ tsiwóé sé nyɔlɔh, vɔ núxaxa xixéymɛ tɔ kúdó kɛshinɔnúwó wó amebleble tsinɔ nyɔlɔ nu le wó djimɛ, yí amɛxɔnwó tsinɔ ekúmasɛn. 19Núkú tsi wóé dje anyigban nyui mɛ lɔ, wóé nyí amɛ tsiwó xɔnɔ 20 enyɔlɔ ȡó edji nyuiwó mɛ; ȡéwó sɛnkú egban, ȡéwó sɛn kú katákpó, yí ȡéwó sɛn kavetákpó.21Yesu tó nɔwó bé:"wo sɔnɔ kalingbɛn vanɔ xɔmɛ yí sɔ danɔ ȡó núdjidjégbán gɔnmɛ aló batí gɔnmɛa? wo sɔ danɔȡó kalingbɛnti djí nɛ yaklɛn ne ame tsiwó le axuɛmɛwó. 22Ðólɔ, nuȡé kpokpui ŋde le tsi nyí nú wláwlá tsi wó ŋdá ȡé fíá amɛwó. Yí núȡé kpokpui ŋȡé le tsi nyí enú wláwlá tsi wó ŋdá djéshio. 23Mɛ tsi shi etó sénú le lɔ, ne sé nútsi núwɔ gbɔngbɔnlɔ le.24Yí egbe tó nɔwó bé,"milé tó ȡó nutsi sewɔ mile ŋtsi, núdjídjénú wo sɔ djídjé lɔ, yíké wolasɔ djídjé nɔ wótsán yi wóla gbe dódjí tɔwódjí. 25Ðólɔ ametsi shi enu lelɔ wola gbe ni kpí, yi ametsi shí ŋdeleo lɔ wola gbe xɔ vitúkui yitɔ leshí.26Yí egbe tó bé:"Mawu fiɔȡuxuélɔ le shigbe amegbetɔ tsi le núkú dowɔ nene. 27Ne ele alɔdɔnwɔ aló ele ŋzɔn ezán kú kédé tsán ŋda tɛn nya letsi enúkúlɔwó minɔ aló shinɔ ȡó. 28Anyígbán ŋtɔ minɔgbe ȡó yeȡeki shi tútúgbɔn, evegɔnlɔ eminɔn blafókui yi blafókuiɛ va shinɔn le atsiɛ ŋtsi. 29Ne núkúɔ shin vɔlɔ, eȡenɔ kpatsa ȡómɛ zeȡeka, ȡólɔ núkúȡéȡé wó gamɛ sun.30É nu bé:"ŋdé milasɔ sɔ kudó djipó yio fiɔȡuxué? Yí lódódó ŋdé miazán asɔ ȡé gɔmé? Mawu fiɔȡuxuélɔ sɔ kúdó Ewaku. 31É nyí núkú vitúkúi le núkúwó dome le anyigban dji. 32Ne wó ȡui vɔlɔ, é shinnɔ yi trɔ zunɔ atsi gángán le atsowó dome le abɔ lɔ me. É tónɔ alɔzɛn gángánwó tsiwó xeviwó latɛŋ áwa wó atɔn ȡó.33Yesu zán lódódó sugbɔ sɔ xó nuxó nɔn dukɔnlɔ yinɛele Mawu wó nyɔn tówɔ nɔwó le gɔnme sese tsi le wóshilɔ nu. 34É xonɔn nuxó nɔn dukɔnlɔ le lódódó mɛ. Vɔ ne yíȡékɛ kúdó yio nukplánvíwó le lɔ, e ȡenɔ lódódó lɔwó gɔnme nɔwó.35Le ŋkeke xɔn djí,le wetrɔgbɔ lɔ, Yesu tó nɔwó be: "mine yi alɔgó xɔndámɛ." 36etsime tɔdjíhunlɔ sɔgbe vɔ lɔ, Yesu kúdó yió nuklpánviwó ȡó emɛ. Wó yashi le amehalɔwó ŋtsi yí wóyi axuɔ lɔ dodomɛ. 37Tɔdjíhún búwó kplɔ wódó. Aya gángán ȡéká xɔ le axuɔ djí, yi axuɔ le adan wawɔ káká eshi le tɔdjíhúnlɔ me ȡówɔ.38Yesu le tɔddjihun me le alɔn dɔnwɔso ta daɖo sunɖe dji, wofoin yi wotoni be: "nufiatɔ, ɖe mia tsrɔtsrɔn ŋde ɖi ŋɖe nɔwolo?" 39Yesu fɔn yi bluɖo ta ne ayalɔ. Eto nɔ axulɔ be, bɔnu! xotɛ! Ayalɔ tɔte yi eɖaɖo le wokpata nu.40Yesu tó nɔ núkplánviwó be ŋdé wa mile vɔnvɔnwɔ? Miŋɖo xɔse lo? 41Yi vɔnvɔn gánɖé ɖówó ŋtɔ. Wo tó le wó nɔnɔwó me bé, mɛɖé nyí meyɛ yí aya kúdó axudjagbo wó ɖó tui?
51Wo va ɖó tɔlɔ gódó le Gadalati tɔwó nyigban dji. 2Etsine Yesu tó le tɔdjihúnlɔ me lɔ, ŋsuɖé tsi me gbɔngbɔnvɔn lea dógoe. E tó le amekúkúdowó me.3ŋsu yɛ nɔnɔ agbe le amekúkúdowó me. Ame ɖekpokpui ŋde ɖunɔdjio kúdó awlɔga ŋtɔtsán. Wo dónɔ awlɔga kúdó gakpo afɔwó ni xóxó. 4E sonɔ awlɔgawó yí ȡenɔ gakpoawó. Ame ɖekpokpui ŋdé ɖo ŋsɛn laɖu djíó.5Azán ku kédé, nusuɔ nɔnɔ yɔdowó me kúdó etówó djí, é le axua dówɔ sɛnsɛnȡé yi sɔ kpéwó le afɔku dówɔ yeȡeki. 6Tsi ekpɔ Yesu ȡáá lɔ, eshidu yi gbɔ yi edjeklo ȡó yio kɔnmɛ,7é dó axuá sɛnsɛnȡe bé:"Yesu, ŋdé yi ŋ wa nɔn, Mawu wó ví tsi le edjí bóó? ŋ ȡekúkú nɔ le mawu wó nyíkɔ me be ŋgbe ȡefun nuŋo. 8Yesu tó ni be:"gbɔngbɔn makɔmakɔ, tó lé ŋsu yɛ me."9Yesu biɛ bé,"axó nyikɔ ȡé?" é ȡóŋtsi bé,"axin nyikɔ yi nyi Legion, tsi gɔme yi nyi bé mí sugbɔ." 10Ke gbɔngbɔnvɔn tsiwóé le ŋsu yɛ me wó kpɔtɔ le kuikuiwɔ ni bé ŋgbe nya yewó tó le nútoɔ meo.11Le gaxoxo xɔn tútú melɔ, ehan wó hásoso ȡéká le enuȡuwɔ le tɔgɔme, 12tsi ele nenelɔ gbɔngbɔnvɔnwó ȡekúkú nɔ Yesu bé "namɔmi nemiaȡó ehanyɛwó me". 13Yesu ȡemɔ nɔwó wa ȡó wómɛ. Le xɔnlɔ, gbɔngbɔnwó tó le ŋsuɔ me vɛ ȡó ehanlɔwó me, ehan tsi wó xlinxlinme le shigbe kavetákpo texué ewui lɔ wó lɔdu ȡó etɔme yi wó kútɔkú.14Ame tsiwó le eháwó dji kpɔwɔ lɔ, wó yi duɔmɛ kúdó edu tsi trɔduilɔ yí vɛ nu enú tsiwó keŋkeŋ djɔ nɔwó yi ame sugbɔwó va kpɔ enúɔ texué. 15Wó va Yesu gbɔ yí kpɔ bé ame tsi me gbɔngbɔnvɔn le sánlɔ dó awu le nɔnɔmɛ nyuitɔ mɛ yi vɔnvɔn ȡówó.16Ame tsiwóé kpɔ nútsi djɔ ȡó gbɔngbɔnvɔntɔlɔ djílɔ, wónú enú tsi wókpɔ kúdó enú tsi djɔ ȡó ehanwótsán djí ne amɔwó. 17Yí wó ȡekúkú nɔn Yesu be ne ya djó le wó nuto me.18Tsi Yesu ȡó tɔdjíhúnmɛ be yea djólɔ, ame tsi ggbɔngbɔnvɔn kplɔ sán lɔ tó nɔ Yesu be:"ȡemɔ núŋ ne ma kplɔ wódó"! 19Vɔ Yesu ŋde lɔn ni be yayi kudó yeo. É tóni be,"yi axó xómɛ le tɔwowó gbɔ ne nató nutsiwó Mawu wa nɔ kudó letsi Mawu gnɔdɔmɛ ȡo ŋtsiwólɔ nɔwó. 20Yí ameɛ djó yi amɔwó domɛ le nutoawómɛ. É nú nutsiwó keŋkeŋ Yesu waniwó. Ame tsiwóe se enyɔn tsi núwɔ elea wó tsaka.21Etsi Yesu va ȡó etɔlɔ wó akpá eve gɔn lɔ dji le ehun me lɔ, 22ameha gánȡé trɔdui yi elete le tɔlɔtó. Xúxóxúédji kpɔtɔ ȡéká tsi wó yɔnɔ bé Jairus va kpɔ Yesu, 23yí djeklo ȡo Yesu gbɔ yi 24eȡekúkú ni bé:"Evinyɛn nyɔnuvi léȡɔ yi djakú! Ne édjɔdji nɔwo lɔ, va axin xóme ne na da alɔ ȡodjí. Dadɔ ni ne ya nɔ agbe!" Ke Yesu kúdó yio núklpánvio yi kui, ameha gánȡe kplɔwódó yi wóle Yesu tutuwɔ.25Fifiɛ, nyɔnu ȡé le tsi ehun le kɔkɔwɔ leŋtsi kaka shi exué wúíeve nene. 26É kpéfun sugbɔ le yio dɔdada ŋtsi le ȡɔkita vovowo wó lɔmɛ. E zán yio gawó kéŋkéŋ ȡó edɔdada ŋtsi, vɔ yio dɔ ŋdé vɔ kpɔ, bohún egbe nɔnɔ nyranyawɔ ȡodjí gashiagamɛ. 27É sé Yesu wó ŋtsinya, yí eva gbɔ tó yio ŋgbedeme gatsime Yesu le zɔnzɔnwɔ tó amɔwó domea,yi etɔ alɔ Yésu wó wulɔ.28É nu bé:"ne ŋtɛn talɔ yio awu lɔ, nakpɔ lanmesɛn. 29Etsi etalɔɛ lɔ, ehun kɔkɔlɔ so zedeka yi ekpɔ le yio lanme bé ye kpɔ dɔdada.30Yesu nya zedéká bé ŋsɛnȡé tó le yeŋtsi, yí trɔdó amehawó ŋtsi biɔɛ se bé:"Ameŋdé yi tɔalɔ awu nye? 31Nukplanviwó nú ní bé:" wo kpɔ ameha gbógbóyɛ wó le tututuwɔ yi wobé:"ameȡé tɔalɔ yea?" 32Vɔ Yesu kpɔ yio xadji bé yeakpɔ ametsi wa nene.33Nyɔnuɔ nya enútsi djɔ le yio gbeme, yí va kúdó vɔnvɔn gáné yi va djeklo ȡó Yesu wó afɔ nu yi nú nyɔlɔwó kéŋkéŋ ni. 34É nú ni bé:"evinyɛn nyɔnuvi, axó xɔsé ȡéo. Yi le ŋtsifáfá me na kpɔ dɔdada, wó ȡegawo só axó dɔléléwó shímɛ.Gatsime ekpɔtɔ le núxó xowɔ ni laùɔ, amewó só xúxoxúédjikpɔtɔ wó xómɛ vá yi nú bé:"Eviwo nyɔnuviɛ kúvɔ, ŋdeŋtsi wo gbele nuxó dowɔ nɔ axúétɔlɔ?"36Vɔ etsi ese enyɔ tsi núwɔ wóle lɔ, Yesu nu nɔ xúxóxúédjikpɔtɔ bé:"ŋgbe vɔn, xɔɛsé kpo". 37ŋde ȡemɔ nɔ amehálɔ bé ne kplɔ yedó, sɔ tóvo nɔ piyɛ, Jaki kúdó Eján, Jaki wó nɔvi wó. 38Wó ȡó xúxóxúédjikpɔtɔlɔ wó xómɛ yí Yesu kpɔ amɛ sugbɔ tsi wóé le tukádá wawɔ, le avi fanwɔ kúdó ekui fanwɔ le axúá dówɔ wó.39Tsi wó ȡó axúɛ mɛ lɔ, é nú nɔwó bé:"ŋde ŋtsi mile axúá dówɔ yi le avi fanwɔ? Ðéviɛ ŋdekpɔ kúó, alɔn yi edɔn." 40Wó tɔɛ koko, yĩ eȡe wó kéŋkéŋ tó.É kplɔ evitɔ kú evinɔ kúdó ametsi wóé bɔȡóŋtsiwó ȡó ŋtsí yi wó dó exɔ tsimɛ ȡéviɛ le.41É kɔkɔ ȡéviɛ ȡó alɔmɛ yi tó ni bé "Talithakumi", tsi gɔme nyí bé 42"Nyɔnuvi ŋle tótówɔ nɔ bé shiíté". Ðeviɛ shíté zéȡéká yí zɔn, ȡólɔ eȡó xué wuíve. É tó ameɛwó ŋtsi djó yi wa yaa nɔwó. 43É dósé nɔwó vévéȡé bé wó ŋgbe kankan enyɔ lɔ, yí tó nɔwó bé wó ne na nuȡuȡu ȡéviɛ ne ya ȡu.
61Yesu djole kapɛnaum yi yio dumé Nazarɛt. Yio nusrɔnviwo yi kui. 2Le sabat yio ŋkéké dji, eyi Mawuwo xome yi fia nu amewo. Ame gbogbo tsio le to ɖowɔ lɔ kpɔ ŋdjedje. wole wonɔnɔewo biwɔse be fiɖe kpɔʋ nunya kudo ŋsɛn xɔn so sɔle nukunu xɔnwo wawɔ. 3Wo le nunuwɔ be: Atsi kpatɔ yi enyi mi djeshi kodo yio Home! Mi djeshi enɔ lɔ Mariya! Mi djeshi nɔviɛwo, Jaki, Yosi, Judi, Shimɔn kudo nɔviɛ nyɔnuviwo tsiwoé le miagbɔ le fiɛ woa. Yi wonyi tó.4Yesu nu nɔwo be: Nyawo enyi be nyɔnudaɖɛtɔ ɖekpokpui ŋde dokpo asi xɔxɔ le afiɖe kpokpui negbe le yiŋtɔ wo dume kpo! 5ŋtɔtsan mia djilawo, kudo ame yiwɔ le axome kudo mi wo ŋde donɔ bubu ŋtinyeo. Eyɛ ŋtsi ŋde kpeŋtsi wɔnɔ nukunuɖeo. 6Yí tsáká ȡó wó djimaxɔse ŋtsi. E yi kɔxuiwome yi fianu amɔwó.7Gbeɖeka, eyɔ yio nukplanvi wuievɛwo yi ɖo wó eve eve, be woayi fianu le txue vovowo.Yi nawo ŋsɛn woanya gbɔgbɔn baɖawo le amɔwo me, 8yi nu be woa do fɔkpa kudo mɔzɔntsikplɛ, é tó nɔwó be wó ŋgbe hɛn nuɖuɖu alo kpɛtɛ alo ega asɔ zɔn mɔlɔ, 9vɔ bé wó né dó fɔkpa, wó ŋgbe sɔ nudódó ameveo.10Egbe nu nɔwo be, ne miɖo duame zeɖeka yi ameɖe kpemi va yio xomea, mi yi gbɔ. Mi ɖu nu adɔalɔn le yio xome vayisɛn gbeyigne mila djo le duamea. 11Nevɛme be wo ŋde xɔmi le texueɖeo lɔ yi wo ŋde ɖotó mio lɔ, mi hunhun afɔkɔ miatɔ ɖo texue hɔn adjó. Nuwana xɔn la nyi djeshi be woɖeɖɔ tɔ mi.12Yinɛ wovɛ ɖo texue vovawo, wo ɖegbefan ne amɔwo kuɖo nuvɔn wotɔwo ŋtsi be ne woa sɔ gbeta atrɔ djime, ne Mawu ne sɔ wó nuvɔnwo kewo. 13Wó nya gbɔngbɔn baɖawo tole amewo me yio shiami nɔwo yi dadɔ nɔ dɔnɔwo.14Fifiɛa, efiɔ Herodi Antipa se enyɔ so Yesu ŋtsi, enuyiŋtsia, amesugbɔ wole nyɔ towɔ soŋtsi. Ameɖewo be elanyi Ejan shidotanametɔ yí fɔn so amekukuwo gbɔ, enuxɔŋtsi yi eɖoŋsɛn tɛn wanɔ nukunuwó. Amebúwó be;Yesu yi nyi tɔgbuixoxo nyɔtoɖɛtɔ Eliya yineo ŋgbe Mawu do be ele vava lɔ. 15Amebuwo gbetó be yi nyi nyɔtóɖɛtɔ shigbe nyɔtóɖɛtɔ kpɛtɛwó nene yi woto ŋkɔ ni.16eyi mɛ yi se nyɔtsi amewo le nunuwɔ lɔ, Efiɔ Herodi Antipa to le eɖokui me be: 17Ameyi le nukunu tsɛwo wɔwɔa, latɛn nyi Ejanawoa? Yinɛ ŋɖe mɔ ne axin sɔdjawo be woaso ta le enu awoa? Vɔ efɔn so amekukuwó gbɔ. Game yi do ŋkɔ nɔ enuyɛErodi ɖe nyɔ nu Eridia, togbɔ be enyi nyɔnu nɔvia Philipo srɔn.18Ejan ŋde gbondjɛn enyɔyɛ toto nɔn Eridio "Mawunyɔ ŋde ɖemɔ be naxɔ nɔvio shi yinɛ ekpɔtɔ le agbeo. 19Vɔ tsi egni be Herodi le etutuwɔ, be yaɛo Ejan do gakpame, Herodi ŋtɔ dɔ sɔdjawo ɖaɖa Ejan gbɔ, yi wole Ejan so do gakpame. 20Vɔ enu yi ŋtsi Erodia dji be yea wanyɔ kudo Ejan lɔ,ehian ameɖe be ya ɖotoe vɔ ŋb de kpeŋtsio. Enuyita gatsime Ejan le gakpamea Herodi na be enɔ djidjixoe le nyɔnuɔ ŋtsi. Herodi wa nene, ɖolɔ ele Ejan vɔ enya be nyi amedjɔdjɔ yi sɔ etɔku na Mawu. Efiɔ tsaka le yio nyɔ ŋtsi, ŋde gbanya letsi elawɔɛo, vɔ elɔn ni be yea ɖotoe.21Zeɖeka ŋkekeɖe va kpata be woa ɖu Herodi yio djigbezan.Eyɔ amegan tsiwoe le yio fiɔsa me, sɔdjaganwo, tsami tsiwoe kpɔnɔ Galileya be wone va ɖu azanlɔ kudo ye. 22Le enuɔɖuɖu gamea, Erodi viɛ nyɔnuvi, ɖo xɔme, ɖuwe ne fiɔ kudo amekpekpeɛwo. E djɔdji ne Herodi kudo yio mekpkpeɛwo. Enunyɔ ni be: Biɔŋ nutsiwo kpata djɔnɔdjinɔ, ne masɔwo naɔ.23E gbe nui ke be: "nutsiwo kpata djɔnɔdjinɔ, biɔŋ ne masɔwo na, ne egbe nyi axin fiaɖuxoe wo mamame enyi tsan". 24Zeɖeka, nyɔnuviɛ djo le xɔmɛ yi nɔlɔ gbɔ. E to enyo tsiwo kpata efiɔ nu ni kudo nutsi ebiɔ lɔ ni. 25E to ne enɔlɔ be: ŋdexa natɛn biɔɛ? Enɔa ɖoŋti ni be: "Ejan Baptisi yio ta". Nyɔnuviɛ gbeɖo xɔlɔ me yi fia gbɔ yi toni be, ŋdji be nadɔn ameɖe ne yaso Ejan yio ta daɖo agbangbɛdjɛ dji va nuŋ.26Efiɔ tsi nushishi me yinɛ ese nubiɔbiɔ enuyi ŋtsi enui be Ejan nyi amedjɔdjɔɛ. 27Vɔ ŋde kpɛntsia gbe yio nu biɔbiɔlɔ le eyi me edo ŋgbe ni be yelasɔ nutsiwo kpata ebiɔ sɔni, vevetɔa le etsi me yió mekpekpeɛwo se yió ŋgbedodoa lɔ. Efiɔ ɖegbe ne ameɖe be neyi so Ejan yio ta va nɔn nyɔnuviɛ. Amɛ yi gakpame yi ɖe ta le kɔnu ne Ejan. 28E sɔɛ daɖoagbangbɛdjɛ dji, yi sɔɛyi na nyunuviɛ.Yitsan sɔyi na enɔlɔ. 29Yinɛ Ejan yio nukplanvio se nutsi va djɔ, wo va yi dji Ejan yio ŋtsilan kukua yi woɖi.30Apɔstolo wuivɛwo trɔyi Yesu gbɔ so afitsi wo so. Wo ɖogbe ne Yesu kuɖo wo dowɔwɔ kudo wo nufiafiawó ŋtsi. 31E to nɔ wo be miyi afitsi ameɖekpokpui ŋde leo ne mia ɖiɖome viɖe, ɖoa ame gbogboɖeo vanɔ wogbɔ yio ŋde kpɛntsi ɖunɔnuo. 32Wo ɖo tɔd jihun djoyiɖo afitsi ameɖe ŋde leo.33Ganke amegbógbóɖeó kpɔ djódjóme nɔwó. Wo gbe do djeshi be Yesu kudo yio nukplanvio yi yio kanɖo afitsi wole yiyiwɔ dji. Wo dje ŋkɔ nɔwo ne Yesu ku yio nusrɔnviwo tuta. 34Wo vɛ ɖó djeŋkɔ nɔ nukplanviɛwo. Tsi Yesu ku yio nukplanvio le ɖiɖiwɔ le todjihume lɔ,Yesu kpɔ ame gbogboɖe. Yio dɔme trɔ ɖo ameɛwo ŋtsi, nutsi ŋtsia wole shigbe alingbɔyiwe ŋde ɖo tɔ nene.Yi fiawo enu sugbɔ.35Tsi wetrɔme ɖo lɔ, nukplanviɛwo va egbɔ toni be, "tehue yi milea, ameɖe ŋde le tehuɛlɔ vɔ game djo le yiyiwɔɛ. 36Nyawo ne wayiɖo edu yiwo sɔfiɛ gbɔ ne woadji nuɖe aɖu.37Yi Yesu gbenyɔ nɔwo be:"Miɔŋtɔwo midji nuɖuɖu ne woaɖu. Wo ɖoŋtsi ni be: "mi ŋde kpɛntsi axle bolo be ame gbogbo yɛwo ne ɖu, alo ɖe miayi xle bolo kawo nɔ meyɛwo ne woaɖua?" 38Yesu ɖoŋtsi nɔwo be:"bolo kankin nene yi le miashi.Mivɛ kpɔɖa,woyi vɛ dji yi ɖoŋtsi ni be, mikpɔ bolo amatɔn kudo kpavi mɛmɛ ameve.39E to nɔ nukplanviɛwo be wone na ameɛwo ne nanyi ɖo egbewo dji. 40Ameɛwo bɔbɔ nɔanyi ɖo hasosowo me, ɖewo katsiwó, ɖewo kavetakpo. 41Yesu so bolo amatɔn kudo kpavi ameveɛ, kpɔ djiŋkushi yi do akpe ne Mawu ɖo wota yi ŋin wome trɔ sɔ na nukplanviɛwo be wone ma nɔ mɛlɔwó.42Ameshame ɖu yio nu kaka ɖɔ xodo. 43Nukplanvio tsan nuɖuɖu kpɛtɛwo. 44Amɛlɔ wo gbɔsusume le shigbe xlinxlime kavetakpo texue amatɔn (5000) nene yi nu bolo le etsi me wo ŋde hlin nyɔnu kudo deviwo.45Le eyɛ wo ŋgbedemea, Yesu tonɔ yio nukplanvio be wone sɔ tɔdjihun djeŋkɔ nɔ ye yi Betɛsaida yine le Galileya xuta yi enya amehawo. 46Tsine enya amehawo vɔlɔ, E djo yi to dji be yea dogbeɖa. 47Woetrɔme ɖo, yi nukplanviɛwó le tɔdjihun me le axuɔ dodome, yi Yesu ɖeka tsi ago.48Wo kpɔ be aya le nuxó dowɔ ne tɔdjihúnlɔ, yi wó le funkpewɔ. E te gógówó le ŋdékányán yi me xixeme ŋdekpɔ kɔ yi le tɔ djí zɔnwɔ le djídjíwɔ be yea dje ŋkɔ nɔwo. 49Vɔ tsi wó kpɔɛ ele eshidji zɔnwɔlɔ, wo bubé ŋɔli yɔ, 50yi é tó bé midjeme, vɔvɔn ŋgbe ɖó mio, eyne yɔ.52Eɖo tɔdjihúnlɔ me yi nɔ anyi kúdó wó yi ayaxoxolɔ tɔté, wo kɛŋkɛŋ tsáká le núwana xɔn ŋtsi. 51Tógbɔ be wo kpɔ Yesu yi dji bolo kú kpaví ɖó djixɔse yio ŋsɛn mea, wo ŋdé tɛŋ se nuawó gɔmeo.53 Eyi wo va djeagolɔ, wodjo yiɖo Genezaret wo doka tɔdjihunlɔ ɖo texoe hɔn. 54Yi wotó le tɔdjihunmea amɔwo do djeshi Yesu. 55Wo dó axúá tó edua me be Yesu vaɖo, yi wo kɔ dɔnɔwo ɖó agbawó djí le afiɖékpokpui tsi wó sé be Yesu lea.Le afisaifi tsi evɛ ɖo le duviwo kudo duganwo me, wo sɔnɔ dɔnɔwo va danɔ ɖo gbadjadjiwo yi wo ɖenɔkuku ni be ne namɔ yewo, ne yewoasɔ alɔ atɔ yi wu kpo. Yi ame yio kpata tɔashi awua kpɔ hayahaya.
7Farizitɔwó bɔ ɖo Yesu gbɔ kudo wemafiatɔ tsiwóe só Jerusalɛm.2Wó kpɔ be Yesu wó nukplanviwó le enuɖuwɔ kudo eɖi, tsi fia be alɔ xoɖi yi wo sɔ ɖunu. 3Vɔa Frizitɔwó kudo Yudatɔwó keŋkeŋ ŋdé ɖunɔnu, newó ŋde klɔ alɔ blebluó; le ameganxó wó dekɔnuwó ta. 4Ne Farizitɔwó trogbɔ so abɔmea, wó ŋde ɖunɔnu eshimaleo, yi le kɔnu buwó tsan tsio wolenɔbenɔ, shigbe kɔpo, eze, kudo zikpui nuɖuxɔme tɔwó.Farizitɔwó kudo wemafitɔwó biɔ Yesu se be:"ŋde ŋtsi axó nukplanviwó ŋde nɔnɔ agbe le mɛgan kɔnuwó nuo, yi wo le nuɖuwɔ ashimaklɔ?"7E ɖoŋtsi be: Yezayi nunyɔdaɖɛ so mia yemenuwawa ŋtsi, le enyɔyɛme be:"Ametsɛwó le yɔyɔŋwɔ le numɛ, vɔ wó dji le djidjixue nuŋ. 6Subɔsubɔ tsi wósɔ le nanaŋwɔ lɔ le tótó, yi wole amegbetɔ wó ɖoɖo wa ne woɖekiwó.8Migbe Mawu wó sewódji wawa yi djo vɛ le agbetɔwó tɔ dji wa kudo vevedodo. 9Yi enu nɔwó be,"migbe Mawu wó se le madjɔmadjɔme yi mi lebene miaŋtɔwó ɖoɖowó! 10Moyizi nu be,"bu etɔwo kudo enɔwo" yi,"Ame tsi xo nuxó so tɔlɔ kudo nɔlɔ ŋtsilɔ eku yi dje ni."11Vɔ mile nunuwɔ be,"ne ameɖe tonɔ tɔlɔ kudo nɔlɔ be:"Enu tsi me na kpeɖoŋtsio le lɔ yinyi enudjɔdjɔ nɔ Mawu lɔ, 12mi nanyigbe zedeka be ŋdagbe kpeɖo etɔlɔ kudo nɔlɔ ŋtsio. 13Mi tutunɔ Mawu wó ɖoɖo kudo tsi miaŋtɔ miɖoanyiwó. Yi mi nɔnɔ nuyɛwó tɔngbe wawɔ.14E gbe yɔ ameɛwó yi nu nɔ wó be:"Miɔwó keŋkeŋ, mise axin nyɔ, nɔ mise yio gɔmɛ". 15ŋɖe kpokpui ŋde sonɔ xixenu tsi ɖónɔ amɛmɛ yi xonɔɖio, vɔ tsi só amɛmɛ yi xonɔȡi. 16Enu tsi tó só amɛmɛ yi xonɔȡi.17Etsi Yesu djo le ameɛwó gbɔ yi evɛ ȡó axomɛ lɔ; yio nukplavió biɛ lododoɔlɔ wó gɔmeȡeȡe. Yesu tó nɔwó be:"Miŋde kpo sé yio gɔme haȡé lo? 18Mi ŋde le kpɔpɔwɔ be enu tsi só xixénu ȡó amɛmɛ ŋde xonɔȡi lo, 19enutsiŋtsia ŋde yinɔ amea wó djimeo vɔ eyinɔ yio xodomɛ yí tonɔ le kpagódó. Tó enyɔ hunhun xɔn me lɔ Yesu ȡefia be enuȡuȡu ȡekpokpui ŋtsi kɔ.20É tó nɔwó be:"Enu tsi tónɔ le amemɛ lɔ yi xonɔȡi. 21Enuyiŋtsia amɛ yió djime yí susu baȡawó tónɔ só shigbe gbɔdɔndɔn makɔmakɔ, efin finfin, amewuwu, 22hashi wawa, nunɔamɛshi djidji, súsú baȡa, ajavi ȡóȡó, ŋbia, egoyíyí, enyɔdɔɛ kúdó hadjedje. 23Enuyɛwó keŋkeŋ sónɔ amɛ yió djimɛ, wowóé nyi enutsiwóé xonɔȡi amɛ.24Le xɔn lɔ é djó yi Syro kudo Sidon nutowóme vɛ axué ȡéká me tsi ŋde dji be amewó nenya fitsi eleo, vɔ ŋde kpeŋtsi abéo. 25Zedeka ke lɔ, nyɔnu ȡéká tsi me gbɔngbɔnvɔnwó le eviɛ nyɔnuvi me lɔ, sé Yesu yio texoɛ nɔnɔ, yi eva djeklo yi dotagun ȡo Yesu yio afɔ gbɔ. 26Nyɔnu lɔ nyi Grɛkitɔ tsi wódji le Syropheniki. É ȡekuku nyí be ne nya gbɔngbɔnvɔnlɔ tó le nyɔnuviɛlɔ mɛ.27É tó ni be:"tashi ȡeviwó ne ȡunu keŋ gbɔxué, enuyiŋtsi ŋde nyɔ be wóasɔ ȡeviwó wwó nuȡuȡu asɔ na avunwó". 28Vɔ etrɔ ȡóŋtsí ní be:"Axuétɔ, ganké avun tsiwó le ekplɔngɔmelɔ wó ȡunɔ enukui hlɛnhlɛnwó.29É tó nɔ nyɔnulɔ be, tsi wo nú nenelɔ, djo yi le ŋtsifafamɛ, eviwo kpɔ ȡeȡe. 30Nyɔnu lɔ djoyi vɛ kpɔ eviɛ, yi mlɔanyí ȡó eba dji, yi gbɔngbɔnvɔn lɔwó djó lemɛ.31É djo yi Tyro nyigban dji yi eva gbɔ tó Galilea xusoso me vadje Dékapolisi nutowó me. 32Wó kplɔ tókúkúnɔ nuxómaxotɔ ȡéká va ni yi wó ȡekuku ni be, ne ȡó alɔ djí.33É sɔɛ ȡó vo le wlawlaxué, yí edo alɔviwó etómɛ ni yí sɔ yio tan sɔ tɔ aȡe ni. É kpɔ ayamɛ, 34egbɔnfuŋ yí be:"Effatha" tsi gɔmɛ nyi be"hun"! 35Yesu hun yio tówó yí ȡega yio ȡé be ne ya tɛn xo nuxó nyuiȡé.36É dji só wóshí be wó ŋgbe nui ne ameȡeo, vɔlɔ wó gbe kpɔtɔ le nunuiwɔ ȡódjí. É daŋ do wó yi wó tó be:"É wa ŋdandónuwó. E 37wɛ be etokukunɔ senú yi aȡetɛntɛntɔ xo nuxó.
81Le ŋkeke xɔn wo mea,ameha gbogbo ɖewo va,nuɖe ŋdeli wola ɖuo.Yesu yɔ nukplanviwo tonɔ wo be: 2Axun dɔmɛ trɔ ɖɔ ameha ŋtí;ɖo ŋkeke tɔn ke wo lé gbɔn nyé ,vɔ o ŋdé ɖu ŋɖekpikpi ó. 3Né ó djó enu maɖu maɖua,ŋsɛn la vɔ dowó le mɔdji,ɖo amesugbɔ so djidji xoe le wó domé. 4Nukplanviwó ɖo ŋtí ní bé:fiɖé mila kpɔ ŋdudu lé le zogbé yɛ dji nɔn wó?5wo bé,bolo nɛn ní yi le miashí?ó bé amadrɛ. Eto né ameha wó bé ó né nɔn anyí ɖó anyigban. 6E sɔ bolo amadrɛ lɔ yí i do gbéɖa ɖó ta,esɔɛ na yó nukplanviwó yí wo mi na amehawó.7Lánví víɖé tsan le wo shi,e do gbeɖá ɖó ta yi í sɔɛ na nukplanviwó bé wóa mí nɔn amehawó. 8 Ameha lɔ ɖu nu yí xodo ɖɔ wó.Ŋdudu kíshí wuíve kpáta kpɔ tɔ. 9 Me tsí wó nɔn xɔn gá xɔn me lɔ,wo hɛnhlɛn me nyí kave takpó texoé ameka(5OOO).Yesu to nɔ wo bé wo né yí axome. 10Yesu ɖó tɔdji hun me kudo yo nukplanvíwo yí wo yí texoé tsí wo yɔ nɔn be Dalmanutha.11Falisitɔwo va gbɔ yí o biɔɛ bé ne wá djeshi ɖé ne yewo ku susu be ye woa duí kpɔ. 12 Yesu nya wó susu yí í to nɔwó be:ŋde ŋtí djidji meyɛ le djeshi biɔ wɔ?le nyáwó toto mea,nye ŋda wá djeshi ɖekpikpi nɔn míɔ. 13 Yí ída shi wo.Eɖo tɔdji hun me ke yí i yi tɔ lɔ go xɔn ɖá me.14Nukplanviwó ŋlɔn be o dé sɔ bolo ɖó ŋtío.Bolo ɖeka kpoé nɔn hun lɔ me. 15 E klan wó be wó ne kpɔ wó ɖokú djí nyui ɖe le falisitɔwo kudo Herodi yo isi(kpɔnnɔn tsike)ŋtí.16Nukplanviwo to nɔn wó nono wó be,eto nenɛn ŋtí ŋti lɔ mi ŋdé sɔ bolo. 17 Yesu nya yí i to nowó be:ŋde ŋtí mi le totoɔ be tsi yewo ŋde sɔ bolo yi wá ŋtó nene ɖó?Mi ŋkpɔ nya ló?Mi ŋkpɔ se gɔn me ló?miá dji tri yá?18Ŋkuví le mia shí,mi ŋlé nu kpɔ ɔ ló?Eto le mia shí,míŋ senɔ nu ló?Miŋ se nɔ nu gɔn me ló? 19Etsi me ŋsɔ bolo amatɔn yí ame kave takpo texɔé ameka(5OOO)wo ɖu lɔ,bolo nɛní yi kpɔtɔ?Wo ɖó ŋti ní bé,wuívé.20Tsi ŋuŋɛ bolo amandrɛ ɖó amé kavetakpo texoé gban nu lɔ,kishi néni yí kpɔ tɔ?Wo ɖo ŋtí be amadrɛ. 21Eto nɔnwó bé mi ŋkpɔ se gɔn me ló?22Wó yí betɛzda.Wo kplɔ ŋkuví gbangban tɔ deka va gbɔ bé ne dó gbeɖa ɖɔ ta. 23 Yesu kplɔ ŋkuvi gbangban tɔ lɔ yí eduɔ lɔ godo.Etu tan sɔ lili ŋkuví dji ni yí í dɔ alɔ ɖó djí,ebúɛ be o lé ŋɖe kpɔ ɔa?24E kɔ ŋme yídi yí í be:Ŋ le amewo kpɔ ɔ vɔ wó ɖí ati tiwo le zɔnzɔn kɔ. 25 E gbe sɔ alɔ sɔ daɖó yo ŋkuvi dji,yi í na be ekpɔ nu,yi í kpɔ nu nyú ɖé. 26 Yesu dúí mɔ yí í to ni be:Ŋgbe yí edjuɔ meo.27Yesu kudo yo nukplanviwo djo le xɔn be yewa yí edju tsi me oyɔ be sezaré.Le mɔ lɔ djía,ebiɔ wo se be:meɖe amo wo tonɔn be ŋnyí? 28 Wó ɖó ŋti ni be:Ejan ame nyrɔnɖoshime tɔ.Ame buwo tonɔn be Eliya,yí mebuwo tonɔn be Nyɔnnudaɖɛtɔwo dome tɔ ɖeka.29E biɔ wo be:Me ɖe miɔwó mi be ŋnyí?Piyɛ ɖo ŋti ní be:Ewoé nyi Klisto. 30 Yesu do se nɔnwó be wo ŋgbe túí nɔn me ɖe kpíkpío31E fia nuwo yi í to nɔn wo be éhian be ame gbetɔ vilɔ ɖó lá ɖu ayá sougbo.yí ameshinshin wo,vɔsalawo kudo omaŋlɔntɔwó la gbenu le gbɔ,yí ola wúí,vɔ le ŋkeke ametɔn yó ŋgbo domé lɔ,é lá fɔn tóle ame kuku wo domé. 32 E núí nɔn wó bé yé djá ku.Piyɛ kplɔɛ yí azɔgé yí í kan ŋmé ní.33Vɔ Yesu trɔ kan ŋmé né Piyɛ yi í to ní bé,Abosanŋu djo lé gbɔn nyé!Mi ŋdé lé vévé séwo né Mawu yo nuwo,vɔ né amé gbetɔwo tɔ. 34E yɔ amehá wo kudó yo nukplanviwo yí í to nɔn wó bé:né améɖé bé ya djé yé yomea,né gbénu lé yé ŋtɔ ɖókúí gbɔ,yí ya dro yó atisoga.35Mé tsi la djí bé yá ɖé yo gbéa é lá búí,vɔ mé tsi la bu yo gbé ɖo tanyéa kudo ényɔn nyúí lɔ tá lɔ,é la kpɔɛ. 36Víȡé ŋdé yi lá nyí né amegbetɔ né xíxé yɛ mé nuwo sun shí,vɔ yí bu yo klan? 37Ŋdé amegbetɔ lá sɔ ȡɔli yo klan?38Métsí nu lá kpin ȡó ŋti nyé kudo axun nyɔn ŋtí lé ahashitɔ kudo nuvɔnwalawó djídjí mé yɛ gbɔ lɔ,ame gbetɔ vilɔ tsan lá kpin nu ȡó ŋti,né evá lé etɔlɔ yó ŋti kɔkoé mé kudo Mawu dɔla kɔkoɛ wo.
91Yesu nu nɔ wó be ,lé nyawó tótó mé ŋlé nunuwɔ nɔn mi bé mia domé tɔ ȡéwo ŋdá ku gbɔxoé akpɔ Mawu fiɔ ȡu xoé kudo yo ŋsɛn. 2Lé ŋkeke amadɛn yo ŋgbo domea,Yesu kplɔ Piyɛ,Ejan kudo Jaki yí to kɔkɔ ȡéka dji.Yí yo nɔnnɔn mé trɔ lé wo ŋmé. 3 Yoó ŋmé klin,yí yo wu lé zo dawɔ.mé ȡé kpíkpí ŋda tɛn ŋun nya awu yí ya klin nin nin.4Eliya kudo Moyisi zé dúí yí wo xo nuxo kúí. 5 Piyɛ to ní bé:na miá wa gbádɔ amétɔn:ȡéka la nyí tɔwo,ȡéka la nyí Eliya tɔ yi ȡéka la nyí Moyizi tɔ. 6Piyɛ ŋdé gbé nyá é nyɔn tí í la gbé to yí nukplanvi kpɛ tɛ wo djika so wo.7Lilikpo tsɔn wo dji yí wo sé gbé ȡé bé:Mé yɛ yí nyí vinyé tsí gbɔ nyé ŋdé lɔn nɔn nu leo mi sé yo gbé. 8 Tsi wo kɔ ŋmé yí dji lɔ,Yesu ȡéka kpo wo kpɔ.9Tsí wo lé ȡiȡi ɔ lé toɔ djiá,é to no wo bé wogbé to enyɔ ȡékpíkpí nɔn ameȡé sɔ ŋtí wo kpɔ ŋtí vá ȡo gatsí mé amégbetɔ vilɔ lá fɔn só amé kuku wo domé. 10 Wo lé enyɔn xɔn ȡɔ susu mé yí wó lé wó nɔn nɔn wó biɔ sé bé afɔn só amé kuku dómé gɔnmé ȡé?11wó biɔɛ sé bé :ŋdé ŋtí omaŋlɔntɔwo tonɔn bé Eliya ȡó lá vá tutugbɔn? 12 Eȡó ŋtí nowó bé:Eliya ȡó lá vá tutugbɔn á vá djra enu wó kékeŋ ȡo.ŋdé ŋtí wó ŋlɔn bé ame gbetɔ vilɔ lá kpé fun sugbɔ lé metsí wó lá lí funwo shimé? 13Vɔ ŋtúí nɔn mí bé Eliya vá vɔ yí wó wá ŋtí drówó kúí,shí gbé lé tsí wó ŋlúí dá ȡɛ nɛnnɛn.14Tsí wó gbɔ vá fítsi enukplánví kpɛtɛwó le lɔ', wo kpɔ amɛ sugbɔwó vá trɔ' dówó yí womáŋlɔtɔwó le enyɔn henkɔ kudówó. 15Tsi amɛhawó kpɔ' Yésu lɔ' edjidjɔwó yí wó sídu váyi kpí kudó yayá. 16E biɔ yó nukplánvíwó se bé: "ŋdé ŋtsí mi le enyɔn hɛnwɔ só?"17Amɛɖeká le amɛhá lɔwó dome xɔ enyɔn lɔ ' bé:" Enukplánmɛtɔ, ŋ hɛn eví nyɛ va nɔ' wo;gbɔngbɔn vɔn ɖé le mɛ tsilénɔ' aɖe ní, yí dé xonɔn nuxú o, 18ésɔnɛ xlánɔn ɖɛ' yí devílɔ'ɖunɔn aɖuklí. ŋ biɔ' nukplánví tɔwowó bé wo nɛ nya gbɔngbɔn vuín lɔ' tó le emɛ vɔ wo ŋdé kpéŋtsi ó . 19Yésu ɖóŋtsí nɔ wó bé :" djidjimɛ maxɔsetɔwó , gaxoxo nɛní na wa kudó mi o? Va sɛnɖó ga ŋdé mɛ na hɛn mio? Mi kplɔɛ va nu'ŋ.20wó kplɔ ȡéviɛ va ní.Tsí gbɔngbɔn vɔn lɔ kpɔ Yesu á,é huan nyán ȡévilɔ ku ŋsɛn.É dján nyí djé anyígban yí ádé kɔ lé numé ní. 21 Yesu biɔ étɔlɔ bé:só gá ŋdémé yí í lé nɔnnɔn mé yɛ mé? Etɔlɔ ȡó ŋtí ní bé,só yo ȡévi mé. 22 É kɔkɔ nyí ga ȡéwo mé dó nɔn ézo ku shí mé,ku susu bé yá glé domé ní. Kpɔ nu blányúí nɔ mí yí na kpé ȡó miá ŋtí.23Yesu ȡo ŋtí bé:Né o lá tɛnŋ!Nu shiá nu lé bobɔɛ né mé tsi xɔsé. 24Zé ȡéká ȡéviɛ tɔlɔ do axua yí í bé:ŋ xɔɛsé,sɔ axun djimaxɔsé sɔ kéŋ. 25Tsí Yesu kpɔ améháwo gbɔn nɔn wo gbɔ lɔ,é kán ŋmé né gbɔngbɔn vɔnlɔ yí í to ní bé:Ŋȡé gbé nɔn bé na to lé ȡéviɛ mé yí ŋgbé trɔvá kéo.26É do axuá sínsín ȡéká,éyá ȡévíɛ ȡo anyigban yí í to lé mé.É wa shí gbé ȡévíɛ ku xá néné káká améha lɔ lé toto ɔ bé:É ku. 27 Vɔ Yesu lé alɔ ní,yí ȡévíɛ tsíté.28Tsí Yesu yí axuɛ mé lɔ,yó nukplanviwo biɔ lé wláwlá bé:ŋdé ŋtí yí mí ŋdé tɛnŋ nyá gbɔngbɔn xɔn ȡo? 29 E ȡo ŋti nowo bé:to gbédodoȡá mé kpo o lá tɛnŋ nyá gbɔngbɔn xɔn wo lé.30Wo djó lé xɔn yi wo to Galelíya.Yesu ŋdé djí bé amowo ná nyá fí tsí yé wo léo. 31 Ðo ŋtí ŋtí lɔ é lé nu fiáɔ yó nukplanviwo.E to nowo bé:O lá sɔ amégbétɔ vilɔ sɔ do alɔmé nɔn amɔnwo yí wo lá wúí.Né wo wúí vɔ lɔ,E lá fɔn lé ŋkeke tɔn gɔn lɔ gbé. 32 Vɔ wo ŋdé sé ényɔn xɔn gɔnméo yí wo ŋdé biɔɛ tsan.33Wo vɛ ȡo (kapɛnaxum).Tsí wo lé axuɛ mé lɔ,ébiɔ yó nukplanviwo sé bé:É nyɔn ŋdé towo mi le lé molɔ djí? 34 Wo bɔnu,ȡo wo lé djídjíkɔ lá nyán bé mé ȡé lá nyí amégan lé yé wo domé. 35 E nɔn anyi yí í yɔ amé wúívé wo ȡo dju,é to nɔn wó bé:Mé tsí dji bé ya nyí amé tutugbɔn tɔ lɔ né nyí amé kpɛtɛ yí yá sɔ dɔ nɔn amɔnwo kékéŋ.36E sɔ ȡévi ȡéka yí í sɔ dáȡó wo dodo mé.Yí í to nɔn wo bé: 37Mé tsí xɔ ȡéviȡé shigbé ȡévi tsɛ néné lé axun ŋkɔ mélɔ,xɔ nyé tsan;yí me tsí xom lɔ,ŋdé nyé ȡéka yí í xɔ,vɔ éxɔ mé tsí dɔm ȡoȡá tsán.38Ejan to ní bé:Mikpɔ améȡé tsí í lé gbɔngbɔn vɔn nya ɔ lé axo ŋkɔ mé yí mí gbé gbɔ ní ȡó ŋdé lé mia doméo. 39 Vɔ yesu bé:mi ŋgbé xé mo nío ȡo amé ȡé kpíkpí ŋda tɛnŋ áwá édɔ nyúí xɔn yí í lá gbé to ényɔn báȡa so ŋtí nyéo.40Mé tsí ŋdé tité ȡó mia ŋtío lɔ é lé miadji. 41 Mé tsí la na mí éshi kɔpo ȡéka ȡó Kristo ŋti lɔ,ŋlé túítúí ɔ nɔn mi bé é lá xɔ fɛntu.42Mɛtsi yí lanyí afɔklinu nɔ mi amɛtsiwó xɔ djí nyɛ se lɔ é la nyɔ ní wu bé wó asɔ yebesítukpé asɔ ku kɔ ní yí wó asɔ daŋkpɛn ȡó axumɛ. 43Nɛ axó alɔ látu mɔ dó wo lɔ sui ; 44ȡó nutsi ŋtsí lɔ élányɔ nɔ wo bé nayi Mawu fiɔȡuxoé mɛ kudó alɔ ȡéká sɔwu bé nayi zomavɔ mɛ kudó alɔ amɛve.45Nɛ axó afɔ átu mɔ nɔ wo ló sui. 46Ðó nutsi ŋtí lɔ elá nyɔ nɔ wo bé na yi agbe mavɔ mɛ kudó afɔ ȡeka sɔwu bé náyi zomavɔmɛ kudó alɔ amɛve.47Nɛ axó ŋkuví átu mɔ nɔ wo lɔ hun i . Ðó nutsi ŋtí lɔ enyɔ nɔ wo bé nayi Mawu fiɔȡuxoé lɔ mɛ kudó ŋkuví ȡéká sɔwu bé nayi zomavɔ mɛ kudó ŋkuví amɛve , 48fítsi eŋɔví kudó ezo ŋdé tsínɔ le o.49Ðó nutsi ŋtí lɔ wo ásɔ zo ásɔ dó dje amɛshiamɛ. 50Edje nyɔ vɔ nɛ ébu yó vívísese lɔ ȡé wó latɛŋ gbe sɔɛ ní a? Edje nɛ mia mɛ , yí nɔ ŋtífáfá mɛ kudó mia nɔnɔwo.
101Yesu djó le texé hɔn yí i yi yudéa ŋtomé lé yɔdan tɔlɔ godo.Amehawó gbe vá gbɔ ké.E gbe fiá nuwó shigbé le tsi yi wani há néné. 2 Farisitɔwo vá gbɔ yi wo biɔɛ bé:E nyɔn bé ŋsu ná gbé ashiɛ lɔ?Wó biɔɛ bé yewá sɔ lí gamɔn ní. 3E tó nɔnwo bé:Ŋdé Moyizi fia mi? 4 Wó bé:Moyizi ȡé mó né ŋsu bé yá ŋlɔn asu gbégbé yo woma keŋ gbɔxé anyán nyɔn nu lɔ.5E to nɔnwo be:Mia djime sɛnsɛn ŋtí yí í ŋlɔn esé hɔn nɔn mi ȡó. 6 Vɔ lé gɔnme djedjeɛ mé lɔ Mawu wá ŋsu kudo nyɔnnu.7Nuxɔn ŋti ŋsu lá djó lé étɔlɔ kudo énɔnlɔ gbɔ avɛ kuȡó ashiɛ ŋti. 8 Yi wamevɛ lá trɔ zun ŋtilán ȡéká. 9 Enu xɔn ŋti yí,ŋti Mawu blá lɔ,meȡe kpékpi ŋdé ȡo lá maméo.10Tsi wó vá ȡó axomé lɔ nukplanviwo biɔɛ nyɔn kudo enyɔn xɔn ŋti. 11 E to nɔnwo bé:Metsi gbé ashiɛlɔ yí i ȡé nyɔnu bu lɔ,wá hashi. 12 Né nyɔnu tsan gbe asuɔ lɔ yí í ȡe ŋsu bu lɔ,yetsan wá hashi.13Amɔnwo kplɔ wo viwó va ni be yá tɔ alɔ wo ŋti.Vɔ nukplanviwo nyan wó djó. 14 Tsi Yesu kpɔ wo lɔ,ebidji dowó yí í to nɔnwo bé:Mi dashí ȡeviwo wá vá gbɔn nyé!Mi ŋgbé xé mó nɔnwo.Mawu fiɔ duxéɛ sɔ ku ȡéviwó.15Lé nyawó totoméa:metsi ŋdá xɔ Mawu fiɔ duxéɛ mé sigbe ȡevi néné o lɔ,ŋda yi méo. 16 E kɔkɔ ȡeviwó ȡo yo lɔme yi i da alɔ ȡo wó dji yráwó.19Gatsime yí dja djó yi mɔndji lɔ,ŋsu ȡeka shi du vá djékló ȡo akɔnme ni yí i biɔɛ bé:nufiatɔ nyúí,ŋdé nawá ayi agbé mávɔ lɔ mé? 18 Yesu to ni bé:Ŋdé ŋti o yɔm bé amé nyúí?Meȡé kpekpi ŋdé nyɔn né gbé Mawu ȡeká kpó. 17 O nyá éséɛ wo:Ŋdá wá hashio,ŋdá wu ameo,ŋdá fífiɔn,ŋdá ȡadjéo,ŋdá djé agɔ lé amé ȡekpíkpí djio kudo ná bu etɔwo ku enɔnwo.20Ŋsuɔ bé:nufiatɔ,ŋwá nuxɔnwo kekeŋ só axun ȡékadjɛmé. 21 Yesu kpɔ djidjɔ do ŋti yi i to ni bé:Kpɔ tɔ ŋȡéká nɔn.Vɛ sá ŋtíwo kekeŋ lé ashió yi na sɔ égalɔ ná amédáhɛnwó.Yi késhinɔn nu lá nɔn ashio lé djipo.Ne ó wá exɔn vɔ lɔ,ná djé yomé nun. 22 E gbɔdjɔ ȡo enyɔn ti yí to ni lɔ ŋti yí í djó,ȡó ŋti ŋtí lɔ keshinɔn nu sugbɔ lé shí.23Yesu to né yo nukplanviwo bé:E lá sɛnsɛn nɔn metsiwo shi keshinɔn nu lé bé wá yí Mawu fiɔ duxéɛ mé. 24 Yo nyɔnwó wá yá nɔn nukplanviwo.Vɔ Yesu gbé to nɔnwo bé:Evinyewo,élá sɛnsɛn nɔn metsiwo sɔ wó mokpɔkpɔwó dáȡo keshinɔn nuwo dji bé wá yí Mawu fiɔ duxéɛ mé. 25 E lá bɔbɔ né zogbedjisɔ bé yá to abúí yo domé sɔ wu keshinɔntɔ bé yá yí Mawu fiɔ duxéɛ mé.26Wó kekeŋ ké yáa yí wó biɔ wó nɔnnɔn wo sé bé:Fifiɛ meȡé la tɛŋ kpɔ ȡéȡé? 27 Yesu tonɔn wó bé:E sɛnsɛn wáwá nɔn amegbétowó,vɔ ŋdé sɛnsɛn né Mawuo.Ðó ŋtí ŋtí lɔ nushianu lé bɔboɛ nɔn Mawu. 28 Piyɛ to ni bé:Mi dashí nushianu yí mi djé yo wó mé29Yesu bé:Le nyáwo tótó mé lɔ,meȡé kpékpi ŋdé lí tsí dashi yo xoé,nɔnvíɛ ŋsuwó alo nɔnví nyɔnnuwó,alo énɔnlɔ,alo étɔlɔ,alo évíɛwo,alo yio nyígban ȡo tanyé kudó enyɔn nyúí tá. 30 Tsi wo ŋdá ȡo texoé ní zigbɔ kávétákpó lé xixé yɛmé kudo axoéwo,nɔnvi ŋsuwo,nɔnvi nyɔnnuwo,enɔnwo,eviwo,kudo anyigbanwo,kudo yomé tsitsiwo,kudo agbé mavɔ lé xíxé tsí gbɔnnɔn mé. 31 Vɔ amé tutugbɔn tɔwo lá trɔ zun amé kpɛtɛwo yí amé kpɛtɛwo lá trɔ zun amé tutugbɔn tɔwo.32Wó djé mɔn lé yéruzalɛm yí ɔ,yi Yesu djé ŋkɔ nɔnwo.nukplanviwo tsaká yi wo kplɔɛdo kudo vɔnvɔn.Yesu gbé kplɔ amé wúívɛwo yí akpaȡeka yi í gbé xó nuxo nɔnwó kuȡó ŋtiwo djá vá djɔ ȡó dji lɔ ŋti. 33 Mi lé yeruzalɛm yiwɔ,wó lá sɔ amegbetɔ vilɔ do alɔmé nɔn vɔsalawo méganwo kudo womá ŋlɔntɔwo.Wó lá só éku hoɛ ní yi wo lá soɛ dó alɔmé nɔn trɔn subɔlawo. 34 Wo lá ȡé álɔmɛ lé ŋti,wo lá tután ȡó ŋti,wo lá xúí yi wo lá wúí.Vɔ lé ŋkeke étɔngɔn gbé lɔ,e lá trɔ fɔn.35Jaki kudo Ejan tsiwo nyi Zebedeo viwo lɔ va gbɔ yi wo to ni bé:Axuétɔ,mi dji bé ná wá ŋȡéká nɔn mí. 36 E to nɔnwo bé:ŋdé mi djibé máwá nɔn yéwó. 37 Wo to ni bé:ȡémɔn bé mia nɔn anyi kuo lé axó ŋtikɔkoɛmé,méȡéká lá nɔn axo ȡushimé yí amé végɔn lá nɔn axó miɔmé.38Vɔ Yesu to nɔnwo bé:Mi ŋdé nyan ŋti biɔwɔ mi léo.Mi lá tɛnŋ nu ŋti ŋdjá nuá,aló mi lá tɛnŋ to ŋtimé ŋdjá toa? 39 Wo toni bé:Mi lé gbé sɔsɔ.Yesu to nɔnwo bé:ŋti ŋdjá nu lɔ,mi lá tɛnŋ núí.Yi nyɔnnyrɔn tsimé ŋdjá tó lɔ,mi lá tɛnŋ tomé. 40 Vɔ ŋti kuȡo axun dushimé nɔnnɔn aló axun miɔmé nɔnnɔn lɔ,yɛ ŋdé só gbɔn nyéó,Vɔ ényi métsiwó wó djrɛȡó nɔn tɔ.41Tsi nukplanvi kpɛtɛwo sé enyɔn lɔ,wó do domezúí ȡo Jaki kudo Ejan ŋti. 42 Yesu yɔ wo yi i to nɔnwo bé:mi nyá bé metsiwo yi dukɔnwo tsan nɔn bé wo nyi fiɔ lɔ,ȡunɔn dukɔn lɔ dji yi wo méganwo zan nɔn wo ŋsɛn ȡo wodji.43Vɔ ŋdá nɔn néné lé mia domeo.Metsi djibe yá nyi amegan lé mia domé lɔ,né nyi mia sumɔnvi. 44 Yi metsi djibé ya nyi tutugbɔn lé mia domelɔ,ne nyi kluvi nɔn améshiamé. 45 Ðó amégbetɔ vilɔ ŋdé vá bé wá subɔ yéo vɔ bé yá vá subɔ yi ya sɔ yo gbé sɔ sávɔ ȡó amɔnwo tá.46Wo va yeriko.Tsi i lé djodjo ɔ lé yeriko kudo yio nukplanviwo ku améha gbógbó ȡé lɔ.Wo yo nɔn ŋsu ȡéká bé Batimé,etɔlɔ tɔ timé,ŋsuɔ lɔ ŋkuvi gbán ní,e nɔnɔn mɔndjí anɔn nu biɔ wɔ. 47 Tsi í sé bé Yesu Názárɛtí tɔ vá lé yiyiɔ lɔ.E tɔ axua dódó bé:Yesu, David yo vi,kpɔ axun nublanyúí. 48 Amɔnwó tɔ shánshán dúí bé né bɔnu;vɔ e gbé dó axua sinsinȡé bé:David yó vi kpɔ axun nublanyúí.49Yesu nɔnté yí í bé wó nɛn yoɛ va.Wó yɔ ŋkuvi gbángbán nɔnlɔ yí wo to ni bé:dodji!tité!e lé yɔyɔ ɔ kɔ . 50E sɔ yo wu dá ŋkpɛn,yi í tité vá Yesu gbɔ51Yesu to ní bé:Ŋdé ó dji bé má wá néyé?Ŋkuvi gbángbán tɔlɔ to ní bé:Axuétɔ,ŋdi bé má kpɔ nu. 52 Yesu to ni bé:Djoyí axó xɔsé ȡéwo.Zéȡéká yó ŋkuví xun yí í kpásɛ dó.
111Gatsime yi wo gogo Jerusalɛm, Betfagé ku Batani gbɔ, le olivier wó tóa gbɔ lɔ, Yesu dɔn yio nukpanvi ameve 2le totowɔ nɔwó bé:"Mi yi kɔxúé tsi le ŋkɔ nɔ mia mɛ. Né mi ȡo zéȡéká lɔ, mi la kpɔ ésɔviȡé tsi wó doka, tsi dji ameȡekpokpui ŋdé kpɔ ȡéo. 3Mi ȡékɛ né mi asɔ vá nuŋ. Né amɛȡé biɔ mi bé ŋdé ŋtsi mi le nuxɔn wawɔ ȡo mea, mi ȡoŋtsi ni bé, axuétɔlɔ hin yi gabumea, éla gbe tashi yi ela gbɔva fiɛ."4Wó yi kpɔ esɔviɛlɔ le ekamɛ le agbóȡédji le emɔlɔ wó xadamɛ. 5Yi wo ȡékɛ. Amɛ tsi woé le xɔn wo biɔwo be ŋdé ŋtsi mi ȡéka sɔviɛ ȡo? 6Wo ȡoŋtsi shi le tsi Yesu nu nɔwo nene. Yi wo ȡémɔ nɔwo bé wone sɔ esɔviɛ yi.7Nukplanvi eveɛwo sɔ esɔviɛ va nɔ Yesu yi wosɔ wo wu kɔȡodji ne Yesu ya téŋ dédji. 8Ame sugbɔwo sɔ wo vɔwo ȡoȡo emɔlɔ dji, mɛȡéwo ȡo atsi lɔzéwo tsi woso lé egbewo mea. 9Amé tsiwoé lé ŋkɔ kudo ŋgbedeme ni wo le axuɔùa dowɔ bé:"Hosanna! 10wo yra ame tsi vá lé axuétɔlɔ wo nnyikɔ mɛ. wo yra mia tɔ David wo fiaduxuéa wo vává! Hosanna nɔ ametsi le djiŋkushi wo kɔkɔxué.11Yesu ȡo Jerusalem wo duɔ me yi eyi gbedoxomɛ. Tsi ekpɔ enuwo kéŋkéŋlɔ, ézan tɔ dodo, yi edjo yi Betani ku yio nukplanvio. 12Tsi etrɔva Betani lé yio ŋkebe lɔ shive tsi.13É nɔ azɔgé yi kpɔ (figuier) tsi dji ama sugbɔ léa. Tsi gogui lɔ, ama kɛȡɛ kpo ékpɔ lé dji, ȡolɔ, ŋdé nyi (figue) wo sɛnsɛn wo gaméo. 14É tó ni bé:"Ameȡékpokpui ŋda gbe ȡu ku sɛnsɛn tɔwo." Yio nukplaanvio le etó ȡoéwɔ.15Wo va ȡo Yerusalem yi eȡo gbedoxome yi tɔ enusatɔ ku enuxletɔwo le gbedoxɔame. É gban egagbantɔwó kplɔnwó ku huanlinsatɔwo gbanwó, 16ŋdé ȡémɔ ne ameȡé bé ya sɔ ŋȡé ava sa le gbedoxɔlɔ meo.17É fia nu wo yi nu bé"wo ŋdé ŋlui lo,' wo la yɔ axué nye mɛ bé dukɔnwo wó gbedoȡa xomɛ? Vɔ miɔ misɔ va wa efi fin xué. 18Vɔsatɔganwo kudo nuŋlɔntɔwo wo sé nutsi é toa, yi wo dji bé yewoa wui. 19Vɔ wole vɔnvɔnwo ni, ȡolɔ, ameha lɔ kpɔ djidjɔ ȡo yio nufiafia ŋtsi. Le wétrɔme lɔ édjo le eduɔ mɛ.20Tsi wo to hɔn ŋdékanyi mea, wo kpɔ bé(figuier) ku kaka yi yio kɛn mɛ. 21Piyɛ ȡo ŋkudji yi enu bé:" Nufiatɔ, kpɔȡa! (Le figuier) tsi wo sɛnkpsɛn nɔ lɔ ku.22Yesu xɔ nuxó yi tó nɔwo bé, mi ȡo xɔsé ȡo Mawu dji. 23Le nyawo me ŋle totówɔ ne mi, né ameȡé tónɔ étó xɔn bé:"Mawu né kɔkɔ né ya sɔ daȡo axu me" yi le nunuiwɔ yi ŋdé vɔn le yio djiméo vɔ kanȡodji bé nyɔ tsi nuwo yelea la va emea, nuxɔn yi Mawu la wa nɛ.24Yiŋtsia, ŋ le nunuiwɔ némi bé, nu tsiwo kpata mi la biɔ tó gbédoȡa méa, mi xɔɛsé bé mixɔɛ djéŋkɔ yi ela nyi miatɔ. 25Né mile eténu le gbédoȡa wawɔa, mi ȡo la sɔ nu tsiwo kpata miȡo ȡo ameȡé ŋtsia, né mia tɔ tsi lé djiŋkushia né ya kpéŋtsia sɔ mia nuvɔnwo kemi. Vɔ ne mi ŋdé sɔ kéo lɔ, mia tɔ tsi le djiŋkushia ŋda kpéŋtsia sɔ mia nuvɔnwo 26kémio.27Wó trɔ gbɔva Jerusalem ke. Gatsime Yesu le esa ȡiwɔ tó gbedoxɔamea, Vɔsatɔgan kudo enuŋlɔtɔ, hamɛ meganwo va egbɔ. 28Wo tó ni bé:"Nu atsɛkpakpa tsi wosɔ le nuyɛwo wawɔ yi ameŋdé yi sɔ atsɛkpakpayɛ na?29Yesu ȡoŋtsi nɔwo bé:"Na biɔ enyɔ ȡékɛ mi. Né mi ȡoŋtsi nuŋ lɔ na nu fitsi ŋ kpɔ atsɛkpakpayɛ so nɔ mi. 30Batɛm Ejan tɔ ȡé, djiŋkushi eso aló agbetɔ gbɔ eso? Mi ȡoŋtsi.31Wo le susu ȡéwɔ lé wo nɔnuiwo me yi le enyɔ tsánwɔ bé:"né mi tó bé,'eso djiŋkushi lɔ' éla to bé 'ŋdéŋtsi mi ŋdé xɔɛ djiséo?' 32Vɔ né mi tó bé'eso agbetɔwo gbɔlɔ'...Wolé amehalɔ vɔnwɔ, ȡo yɛ lé kpɔkpɔɛwɔ bé nyɔnudaȡɛ tɔ. 33Yi wo doŋtsi nɔ Yesu bé:"mi ŋdé nya" Yi Yesu nu nɔwo bé:"Nyétsán nye ŋda nu atsɛkpakpa tsi ŋsɔ le nuyɛwo wa nɔ mio.
121Yesu xo nuxo nɔn wó lé lodódómé bé:Nusu ȡéká dé rézin gblé.E tɔn kpá dúí.E wá áha fiɔn nu.E tu éxɔ gángán ȡéká ȡó mé,yí i sɔ agbléɛ sɔ ná amɔnwó bé wó né kpɔ djí yí í djó lé duɔ mé. 2Tsí gámé sun yí énuɔ wó wá vɔ lɔ,é dɔ yó subɔvi ȡéka ȡoȡá wo bé wó né sɔ yo gomé ȡóȡá yé. 3Vɔ é tsí subɔviɛ vá lɔ,Wó xúí yí í trɔ djo álɔ gbáló.4Tsí íwá zánȡé lɔ,é trɔ dɔ subɔvi bu ȡoȡá wó vɔ wó gban tá ní yí wó zúí.Etrɔ dɔ subɔvi bu ȡóȡá wó ké vɔ wó wúí. 5 Wó wá nu báȡá kudo subɔvi buwo tsí yí dɔ ȡóȡá wo.wó xo améȡéwó yí wó wu amé buwo.6Anyígbantɔlɔ dɔ évíɛ tsí í lɔn nɔn ȡóȡa wo,ȡó ŋtí ŋtíá é búíbé wo lá dó bubu ŋtí. 7Tsí agblédikpɔlawo kpɔɛ lɔ,wó tó nɔn wo nɔnɔn bé;métsí djá va nyí domé nɔn anyigban lɔ né,mia wúí né anyigban lɔ atrɔ zun miatɔ.8Wó djédjí yí wó wúí.Wó sɔ ŋtílan kukuɔ sɔ da ŋkpɛn ȡó anyigbanlɔ gódó. 9 Fifiɛ mí nyá ŋti anyigbantɔlɔ lá wá?E lá vá wu ámé vɔnȡí xɔnwo yí í lá sɔ mébuwo dáȡó anyigban lɔ djí10Mi ŋhlɛn ényɔn tsí í lé ŋlɔnŋlɔn mé bé:Ekpé tsí exɔtulawó gbé lɔ trɔ vá zun zogodjikpé ló . 11 Yéhowa yí woɛ yi nyɔn lé mia ŋmé.Yudatɔwo méganwó sɔɛ bé Yesu lé ényɔn sɔwɔ ȡo yéwo ŋtí étsimé yí xo nuxo só agblédatɔ báȡá xɔnwo ŋtí. 12 Wó dji bé yéwa lí,vɔ wó vɔn améha wo yí wó djó.13Yudatɔwó méganwó dɔ Farisitɔwo,Romatɔwo méganwo kudó métsiwó lé Herodi dji lɔ ȡóȡá Yesu.Wo dji bé yéwá lí gamɔn ni lé yeŋtɔ xuxo xoxomé ku susu bé yéwa sɔ nyɔn ȡo ŋtí lé Romatɔwo fiɔ ȡuxoɛ méganwo gbɔ. 14 Tsi wo va lɔ,wo toní bé:Amégan mi nyá bé wo fia nɔn nyawo toto.Mi nyá bé ŋdé sénɔn é nyɔn ti amɔnwo tonɔn vɔ ó fianɔn Mawuo lɔnlɔnnu lé nyáwó totomé.Fífíɛ túí nɔn mí:E nyɔn bé mia tu takoɛ né romatɔwá? 15 Yesu nyá wó susu.E to nɔnwó bé:Ŋdé ŋtí mi lé dódó ŋwɔ kpɔ?Mi sɔ égá ȡéká vá mákpɔ,16Tsi wó sɔ égá va lɔ,é biɔ sé bé:Méȡé yó foto kudo méȡé yó ŋkɔ yi lé égá lɔ dji?Wó ȡo ŋtí bé sézár yó foto kudo yo ŋkɔ yí lé égá djí. 17 Yesu to nɔnwo bé:Mi sɔ ŋtí nyí Sezar tɔ lɔ ná sezar yi ŋtí nyí Mawu tɔ lɔ ná Mawu.Ŋmé wá yá nɔnwo ȡo nyɔnti Yesu to nɔnwo ŋti.18Sadúkítɔwo tsi wo ŋdé xoɛsé bé amé kukuwo lá tɛŋ fɔn lɔ vá Yesu gbɔ yí wo toní bé . 19Mosé fiá mi bé né ŋsu ȡé ku yí ŋdé djí vio lɔ,nɔnvíɛ lá ȡé áshíɛ,né wo djí vi lɔ,ȡévíɛ lá sɔ mé tsi ku lɔ yo ŋkɔ.20Vɔ ŋsu amadrɛ nɔn xomé ȡé mé.Améganxo lɔ ȡé nyɔnnu vɔ wó ŋdé dji vio. 21Nɔnvíɛ lɔ ȡé nyɔnnu lɔ vɔ wo ŋdé dji vio yí yétsan ku méxɔn noviɛ tsan ȡé nyɔnnu lɔ vɔ yétsan ku shibé nɔnviɛ kpɛtɛ wɔ néné. 22Ŋsu amadrɛ lɔwo kékéŋ ku yí nyɔnnu lɔ tsán ku. 23Lé ŋkéké tsi dji wó lá fɔn amé kukuwo lɔ,méȡé tɔɛ lá nyí nyɔnnuɔ?24Yesu tonɔnwo bé:mio kékéŋ miwá vo dada.Mí ŋdé sé ŋlɔnŋlɔn wo gɔn mé kuȡó énu yɛwó ŋtio ku Mawu yó ŋsé kuȡó ámé kukuwo ŋtió. 25 Nyɔnnu lɔ ŋdá nyí méȡé kpékpi yó shío,Ðó lé djipo lɔ,nyɔnnuwo ŋdá ȡé ŋsuo yí ŋsuo tsan ŋdá ȡé nyɔnnuo,amé shiámé lá nɔn shigbé Mawu dolawó néné.26Mi nánŋ gbé má xonuxo nɔn mi so amé kukuwo fɔnfɔn ŋtí.Mi ŋhlɛn lé womá tsi Mosé ŋlɔn mé bé Mawu lé tótóɔ ní bé:E nyé yí nyí Abraham,Isaak kudo Jakɔb yo Mawu. 27 Mawu ŋdé nyí amé kukuwo Mawuo vɔ amé gbágbé wo Mawu.Yí ŋtiá mí lé vodádá mé.28Ŋsu ȡéka tsí fianɔn Yudatɔwo sé lɔ,sé nyɔn lɔ yí í nyá bé Yesu ȡo ényɔn lɔ ŋti nyúíȡé né Sadúkitɔwo,évá Yesu gbɔ yí íbiɔɛ bé:Esé ŋdé nyi gángán lé éséwo domé? 29Yesu ȡo ŋtí ni bé:Esé gángán lé éséɛ wo mé nyí bé:Oó Izraɛl sé!axuétɔ mia Mawu ȡéka yí lé. 30OÐó lá lɔn Mawu kudó axó dji blíbo,axo klá blibo,axo susu blibo kudo axo ŋsɛn blibo. 31 Esé végɔn tsí le véví lɔ yi nyí:ó ȡó lá lɔn hawoví shígbé wo ŋtɔ há néné.Esé ȡékpíkpí ŋdé gbé lólo wu amévé xɔn.32ŋsuɔ to né Yesu bé: Amégán,o ȡó ényɔn ŋti nyúíȡé bé Mawu ȡéká yí lí. O gbé túí nyúíȡé bé miȡo lá lɔn Mawu kudo miá dji blibo, mia klá, mia susu kudo mia ŋsɛn. 33O gbé to tsán bé mia lɔn mia háviwo shigbé mia ŋtɔ há néné yi né mi lé néné wawɔ lɔ, é djé nɔn Mawu nu sɔ wu vɔsá tsi wó tɔnɔnzo kékéŋ kudo vɔsá kpɛtɛwo. 34Yesu dúí djéshi bé ŋsuɔ lɔ ȡó ényɔn ŋtí kudo nunyá yí í to ní bé:O gógó Mawu fiɔ duxoɛ. Yi méȡé kpíkpí ŋdé gbé biɔɛ ényɔn bé yéwá sɔ lí gamɔn níó.35ŋgbodomé tsí Yesu lé nu fiáɔ lé gbédoȡá hɔmélɔ, é tonɔn amɔnwo bé: mé tsi wo lé yudatɔwo séɛ fiaɔ lɔ wa vódádá,étsímé wo bé Kristo nyí amé gbétɔ gbáló so David yó djidjimé. 36kɔkoɛ ȡo David ŋtɔ mé yí í tó bé: Mawu to né axuétɔ nyé bé: Nɔn anyi ȡó axun ȡushí mé, vá sɛnȡo gátsimé ná sɔ axó kétɔwo wá axo fɔ tutunu. 37David ŋtɔ yo Kristo bé axuétɔ nyé, fifiɛ lédé Kristo lá nyi yó djidjimé viȡo? Amé sugbɔ kpɔ djidjɔ lé yoó nufiafia ŋti.38E tsimé Yesu lé nufiaɔ dukɔn lɔ,é to nowo bé:mi kpɔ miá ȡokúí djí nyúíȡé lé ómá ŋlɔntɔwo tsi wó donɔn awu lɔgbɔ anɔn sá ȡiɔ yí wo djinɔn bé amɔnwo na do bubu yéwo ŋti. 39 Wo dji nɔn bé yéwa nɔn téxóé tutugbɔn lé gbédoȡá xóé wo kudó téxoé tutugbɔn lé ázán duxoé wo. 40 Wo gbán nɔn ahoshiwo xoé,vɔ wo wanɔn wo ȡokúwo shigbé amé kɔkoɛ wo néné to gbédodoȡá lɔgbɔ wó mé.Vɔ Mawu lá hɛn to nɔnwo véviȡé.41Exɔn ŋgbodomé lɔ,Yesu nanyí ȡó agbán tsimé wo djɔnɔn nu ȡo lɔ gbɔ.Tsi í lé hɔn lɔ ,é kpɔ létsí gatɔwo sɔ égá sugbɔ lé énuɔ mé dówɔ. 42 Ahoshí ȡé tsán sɔ biévé dó nuwɔ mé.43Yesu yɔ yó nukplanviwo yí í to nɔnwo bé: lé nyáwo toto mé lɔ égátɔ hɔnwolɔ égá sugbɔ lé wo shí. 44 Vɔ viȡé kpó wo vá ná.Vɔ nyɔnnu ahoshí xɔn sɔ égá tsi kékéŋ lé shí lɔ vá ná.Ahoshíɛ ná nu wu améshiamé.
131Gatsi me Yesu le tótówɔ le gbedoȡá xoamea, yió nnúkplánví ȡéka tó ni bé, núfiatɔ kpɔ ékpé xɔashi kú exɔ yɛwó ȡá! 2É nú ni bé:"Mi kpɔ éxɔ gán yɛwóa? Ekpé ȡéká ŋtɔ ŋdá kpɔtɔ nɔ éȡé djí tsi tsi wó ŋdá muio(renversée).3Gatsime yí enɔanyí ȡó Olivié tóɔ djí yí dje ŋkɔ gbedóȡáxúɛ lɔ, Piyɛ, Jaki, Eján kúdó André wo biɔɛ bé: " 4Gaxoxo ŋdé mɛ núxɔnwó la va emɛ yi ŋdé wóé mi la tɛŋ sɔ dó djéshi wó eme vavawó?5Yí Yesu nu nɔwó bé:"Mi kpɔ núíȡé nɔ mɛȡé ŋgbe va flu mio. 6Amɛ sugbɔ la va kú axún nyíkɔ anɔ núnúwɔ bé:"ŋ nyí Kristo". Yí wo la kpɔ ame sugbɔ yiȡó tsrɔntrɔn mɛ.7Ne mi va le ahuawó kú wó xúáwó séwɔ lɔ, miŋgbe vɔn. 8Nene wó núwó ȡó la djɔ, vɔ ŋdá kpɔ nyí núwúwúɔ haȡéo. Ðólɔ edukɔnȡé la shíté ȡó dúkɔn bú ŋtsi yí dukɔnxoxúȡé la shíté ȡó bu ŋtsí.9Mi kpɔ núíȡé. Wo lá sɔ mi sa nɔ edumɛganwó, yí wo lá xomi lé xúxóxúéwó. Wo la kplɔ mi yi kódjósoxúé kú efiɔwó gbɔ ȡó ŋtsinye. Tsɛ yí lává nyí kúnúȡéȡé nɔ wó. 10Vɔ gbɔxúé núxɔnwó lává lɔ, wo ȡólá nú mawugnɔ nɔ dukɔnwó.11Gatsimɛ wo lá lé mi yí wo lá sɔ mi dáshí lɔ, mi ŋgbe vɔn nɔ nyɔ tsi mi lá núo. Ðóa le gaxɔnmɛ tútú lɔ, nyɔ tsi mi lá núlɔ wo lá sɔ na mi. ŋdé nyi miwó yi la xó núxó, vɔ gbɔngbɔn kɔkɔɛ yɔ. 12Nɔví lá sɔ nɔví sa bé ne woa wui, yí étɔ' lá sa eviɛ. Ðeviwó lá shíté ȡó wó tɔwó ŋtsi bé wo né kú. Amɛshiamɛ lá gbé hamɛ nɔ mi ȡó axin nyíkɔ ŋtsi. 13Vɔ amɛtsi lá dódji kaka sɔyi enuwuwua lá kpɔ ȡeȡe(xɔxɔ).14Gatsimɛ mi kpɔ núgbangban ȡó vɔnvɔn wó mévává le fitsí ŋdé ȡó lá djɔ leo lɔ - ametsi le hlinhlinwɔa ne sé gɔnmɛ - Amɛ tsiwóé le Yuda nyigban djí wo né shí ayi etówó djí. 15Amɛ tsi le exɔtamɛa ŋgbé ȡi va axúéɛmɛ bé yea vá sɔ núȡé kpuikpuio. 16Yí ametsi lé gbemea ŋgbé gbɔ vá sɔ yió wulɔgbɔ.17Vɔ babɛ nɔ nyɔnu tsiwóé lá fɔfu kú ysiwóé lá nɔ anɔ' dówɔ nɔ evi le gbexɔngbewó. 18Mi dógbeȡa ne ŋgbe va nyí fáfá wó gamɛo. 19Ðólɔ gaxɔnmɛa vévésésé gánȡé lá nɔ anyí tsi ŋdé djɔ só gɔnmedjedje kpɔ, yí ŋdá gbe vá djɔ lé xixéɛ mɛ gbeȡeo. 20Né Mawu ŋdé ȡíȡí ŋkeke xɔnwó, gbaza ȡé ŋdá kpɔ ȡéȡéo. Vɔ sɔ kuȡó amɛ tsántsán, ame tsiwó étsánwó ŋtsia, ŋkeke xɔnwó lá ȡíȡí.21Kexɔn, ne ameȡé nú nɔ mi bé: "Mi kpɔȡá, kristoɔ lɔ ke!" aló " Mi kpɔȡá, yí ke" Mi ŋgbe kánȡódío. 22Ðólɔ, améblé Kristowó kú améblé nyɔnúdaȡɛtɔwó lává zɛn. Wo lává wanɔ djeshiwókú ŋdandónúwó bé , ne wo lá kpéŋtsi lɔ, ne wɔa blé amɛ tsántsánwó tsán. 23Mi nɔ ŋuzɔn, ŋ nú nyɔ yɛwó nɔ mi daȡɛ.24Vɔ lé vévéséséyɛ wó ŋgbédemea, Nyidɔn lá dó vivitsí, wlétsi lá bu yió kɛnklɛn, 25wlétriviwó lá gɛn só djiŋkúshí, djiŋkúshí yió ŋsɛnwó lá húnhún. 26Kexɔn, wo lá kpɔ Agbetɔ wó viɛ yi lá ȡíȡí le linlinkpówó djí, kúdó nusɛn ganȡé kú dódóȡódjí. 27Yí élá dɔn yió mawudɔlawó, yí éla xóxú yió ametsántsánwó só aya ameneɛwó djí só anyígbán wó vɔvɔxúé sɔ yi djiŋkúshí wó vɔvɔxúé.28Mi kplán élódódó só (figier) ŋtsi. Né eshi ȡó yió lɔzɛnwó yi édó ama lɔ, mi nyanɔ bé ézóme tɔ ȡó vɔ. 29Nénéké, né mi va lé núxɔnwó kpɔwɔ yió lé djɔdjɔwɔa, mi tó né mia ȡékiwó bé é gógó vɔ. É ȡó hɔntrúɔ djí.30Le nyawótótó me lɔ, ŋ le núniwɔ ne mi, djidjime yɛ ŋdé dja váyi, gbɔxué núxɔnwó lá djɔ. 31Djiŋkushí kúdó anyígbanwó lá vá yi, vɔ enyɔ xinyɛnwó ŋdá váyio. 32Vɔ sɔ kuȡó ŋkeke aló gaxoxoa ŋtsialɔ, ame ȡé kpokpui ŋdá nyán, neneke mawudɔlawɔ tsán ŋda nyán, éviɛwó tsán ŋdá nyán, vɔ Mawu ȡékɛ pɛ kpoé la nyán.33Mi kpɔ nyuiȡé! Mi nɔ ŋzɔn ȡo mi !ŋdé nyán gaxoxo tsi mɛ yi ela vá djɔ. 34É le shigbe axúétɔ tsi yi le emɔdjí néné, é ȡashí axúɛ nɔ yió subɔviwó. É ȡó édɔ nɔwó ȡéká ȡéká. Étó nɔ agbódjí sɔdja bé né nɔ ŋzɔn.35Mi nɔ ŋzɔn, ȡó mi ŋdé nyán gatsimɛ axúɔ lává. É lá tɛn trɔvá wétrɔmɛ, aló ézandomɛ, aló fɔnfɔn mɛ futu. 36Né évá lé manyá mɛ lɔ,ŋgbe vá kpɔ mi le alɔndɔnxuéo. 37Nutsi tówɔ ŋlé nɔ mi lɔ, ŋ le tótóewɔ ne amɛshimɛ: mi nɔ ŋzɔn.
141Paki kudó kpɔnnɔn tiké zán djá vá mé le ŋkeke évé mé.Vɔsatɔ wo meganwó kudo ómá ŋlɔntɔwo méganwó lé mɔn djiwɔ lé Yesu ŋti bé yéwá lí yí yéwá wúí. 2 Wó to nɔn wó nɔnnɔn wo bé:Mi ŋdá lí lé azán djio,ku susu bé dukɔn lɔ ŋgbé shité ȡó miá ŋtio.3Tsi Yesu nɔn Betania lé Shimɔn ekponɔn yo xomé lɔ,gatsimé wo lé nu ȡuwɔ lɔ,nyɔnnu ȡéká ȡó axoɛmé ku ego tsí mé anuwátrɛ xuáshí lé.É xun égó lɔ Yi í sɔ annwátrɛ sɔ kɔȡó tá dji ni. 4 Amɔnwó bidji.Wó to nɔn wó nɔnnɔn wó bé:égá gugu ŋdé xɔn? 5 Anuwátrɛ xɔn lɔ wo lá tɛnŋ sɛ wu Denario kádrɛ tákpó yí wá sɔ égá lɔ ná amédáhɛn wo.Yí wó sɔ nyɔn ȡó ŋti.6vɔ Yesu bé:Mi dáshi né yavó.Ŋdé ŋti mi lé nuxó do ɔ ní?Enu nyúí yí í wá nun. 7 Wáménɔnwó lé miágbɔ gbéshiábé,yí gbésiágbé ti mi dji lɔ,mí lá tɛnŋ wá é nu nyúí nɔn wó,vɔ nyéyɛ lɔ,nyɛn ŋdá nɔn miá gbɔ gbéshiágbéo. 8E wá ŋti híánlɔ nun.E shi ami nɔn axun ŋtilán nɔn ȡíȡí. 9 Lé nyawo tótó mé lɔ,gáshiá gámé ti wo lá tó enyɔn nyúí lɔ lé le xixéɛ kékéŋ mé lɔ,ŋtí nyɔnnu yɛ wá viɛlɔ,wó lá túí asɔ ȡó ŋkuví djí.10Yuda iskariot,tsí nyí améwúívɛ wo domé tɔ ȡéká,yi vɔsatɔ mégánwó gbɔ ŋti ŋti lɔ,e dji bé yiá sá Yesu. 11 E tsi wó sé ényɔn lɔ,edji djɔwó yí wo to ni bé yewo lá ni gá.E lé mɔnnu djiwɔ lé ŋti bé yá sɛ.12Ŋkéké tutugbɔn tɔ lé kpɔnnɔn tiké zán dij lɔ,tsi wó wu alɛngbɔ wó nɔn pakí ȡuȡu lɔ,yó nukplanviwo biɔɛ bé:Fiȡé wo dji bé miá ȡá paki yó ŋȡuȡu ɔ lé nɔn yí ná ȡu? 13 E dɔ yó nukplanvi amévé yí í to nɔnwo bé:Mi yí éduɔmé,mi lá kpɔ ŋsu ȡéká lá dró shigo ȡó tá,mi kploɛ dó. 14 Né ȡó axué ȡéká mé lɔ,miá toné axuétɔlɔ bé:Miá xuétɔ bé:Fiȡé éxɔ tsi wó djráȡo nunlɔ ȡé?Fitsí ŋdjá ȡu pakí yó ŋȡuȡu lé kudó axun nukplanviwo.15E lá sɔ exɔ gángán ȡéká fíá mi tsí mé wó djráȡó vɔ.Mi wá djádjráȡówo lé xɔn. 16Nukplanviɛwó djó yí wó yí édjuɔ mé.Wó kpɔ énuɔwo shigbé létsi yí túí nɔnwó néné,yí wó wá paki yó djádjráȡowó lé xɔn.17Lé wétrɔ gbɔ lɔ,e vá kudo nukplanvi wúívéɛ lɔ. 18 Tsi wó lé énuɔ ȡuɔ lɔ,Yesu bé:Ŋ lé nyawo toɔ nɔn mi bé,miá domé tɔ ȡéká tsi lé enu duwɔ kudo ŋlɔ,lá fluŋ. 19 Ŋblanyúí wá wó kékéŋ,yí wó kékéŋ biɔɛ bé:''ényéɛ?20Yesu to nɔn wó bé:Miá domé tɔ ȡéká yɔ,mé tsi lé alɔ dówɔ agbán mé kudo ŋlɔ,yí yɔ 21 Amégbétɔ vilɔ lá djó yí shigbé lé tsi wo ŋlúí só ŋti lé ŋɔnŋlɔn kɔkɔɛ mé xá néné.Vɔ bábá nɔn mé tsi djí í lá tó!Elá nyɔn ní wu bé woŋgbé djíó.22Tsi wó lé énuɔ ȡuɔ lɔ,Yesu sɔ kpɔnnɔn,e yrɛ,yi í min.E sɔɛ nɔn wo yí í bé:Mi xuɛ.Axun ŋtilán yɔ. 23 E sɔ áhá,e yrɛ yí í sɔɛ nɔnwo wó núí. 24 E to nɔnwo bé:Eyɛ yí nyí axun ŋtilan tsí nyí nubláblá,exun tsi kɔȡɛ nɔn amé sugbɔ. 25 Lé nyawó tótó méá,nyɛn ŋdá gbé nu áhá yɛ vá ȡó gatsimé ná núí lé Mawu fiɔ duxoɛ mé.26Wó dji paki yó há woa,yí wó djo yí amitó lɔ djí. 27 Yesu to nɔn wó bé:mió kékéŋ mí djá shi ȡó tanyɛn, ŋti ŋtí lɔ wo ŋlúí dáȡɛ bé:Ná xó alɛn kplɔlálɔ,yí alɛnviwo lá kánkán.28Lé exɔn yó ŋgbodomé lɔ ná trɔ fɔn,ná dó ŋkɔ nɔn mí a yí Gáléliyá. 29 Piyɛ to ni bé:Nɛn amé kpɛtɛwó lá shi tsan,nyé ŋdá shió.30Yesu to ni bé:Ezan yɛmé keŋ gbɔxóé kokló lá ku átɔ zévé lɔ,ó lá gbénu lé gbɔnnyɛn zétɔn. 31 Vɔ Piyɛ to ni bé:Nɛn ná ku kuwó tsán lɔ,ná wɛ.Yí wó kékéŋ dó ŋgbé xɔn ní.32Wó djó lé xɔn,yí wó yí fiȡéká tsí wo yɔ nɔn bé Getsémani,yí Yesu to nɔn yó nukplanviwo bé:Mi nɔn anyi ȡó fiɛ nɛn má vɛ dó gbéȡá mavá. 33 E kplɔ Piyɛ,Jaki kudó Ejan ȡo ŋti,e gɛnȡó nuháhá ganȡé mé yí í tsáká. 34 E to nɔnwó bé:axun klá lé nuháhá mé káká djá yi ȡó kumé.Mi nɔn fiɛ nɛn miá dó gbéȡá.35Yesu zɔn yí ŋkɔ viȡé,yi i do gbéȡá bé nɛn ela tɛnŋ vá mélɔ gáxoxo xɔn nɛn tó yé ŋtíá vayi. 36 E bé:Aba,etɔ,nushianu lé bɔbɔɛ nɔn.Fun kpékpé yɛ nɛn tó tá nu vayi.Vɔ axun djidji ŋgbé va méo,tɔwó nɛn va mé.37E trɔ vá yí í kpɔwo lé alɔn dɔnwɔ,e tó nɛn Piyɛ bé:Ó lé alɔn dɔnwá?Na tɛnŋ nɔn ŋzɔn gáxoxo ȡéká ló? 38 Nɔn ŋzɔn yí ná dó gbéȡá bé ŋgbé vá djé tétékpɔméo.Gbɔngbɔnlɔ lé lɔnlɔnwɔ,vɔ ŋtilan lɔ gbɔdjɔ. 39 E gbé djó vɛ dó gbéȡá yí í gbé tó nyɔntixɔnwo pɛpɛ.40E gbé trɔva kpɔwo wo gbé lé alɔn dɔnwɔ,wó ŋkuviwo lé miɔmiɔ. 41 E trɔva zétɔn gɔn yí í to nɔnwo bé:Mi gbé kpɔtɔ lé alɔn dɔnwá?Enyɔn nɛnnɛn!Gaméɛ sun. 42 Amegbetɔvilɔ djá ȡó alɔmé nɛn nuvɔn wá tɔwo.Mi tsité mia djó.Me tsi dja saŋ lɔ gbɔn nɔn.43Tsi wo lé nuxo xowɔ lɔ,Yuda,amé wúívéɛ wo domé tɔ ȡéká vá kudo amé gbógbó ȡéwo tsiwé sɔ ebá kudo dékpúí ȡó alɔmé,vɔsatɔwo méganwo,womá ŋlɔntɔwo kudo améshinshinwo yí dɔwo. 44 Amé flutɔlɔ to nɔnwo bé:métsi ná kishi nɔn lɔ,mi lí yí mia kplɔɛ yi. 45 Tsi Yuda vá lɔ é zɔn yí Yesu gbɔ yí í kishi ni. 46 Ameha lɔ lé Yesu.47Wó domé tɔ ȡéká sɔ dékpúí só tó nɔn vɔsatɔ méganwo subɔvi ȡéká . 48Yesu to nɔn wo bé:E hian bé mia vá gbɔn nyé ku ekpó ku dékpúí shigbé gbévun ŋnyí xá nɛnnɛn? 49Ŋ fiá nɔn nu gbéshiágbé lé gbédóȡá xɔlɔmé,vɔ mi ŋdé léŋkpɔ.Vɔ éyɛ vá émé bé ŋɔnŋlɔnwó ná wunu. 50 Metsíwó kékéŋ nɔn Yesu gbɔ lɔ,gblí dáȡɛ yi wó shídjó.51Ðékádjɛ ȡéká kplɔɛ dó,e sɔ éȡó sáȡó ékɔ.Wó djí bé yéwá lí. 52 Vɔ é shídjó amánmán yí í gblé éȡólɔ daȡɛ.53Wó kplɔ Yesu yí vɔsatɔwo mégán agbɔ,womá ŋlɔntɔwo kudó améshinshinwo tsan lé xɔn. 54 Piyɛ kplɔ dó blɛwu blɛwu yí yétsán ȡó axuɛ mé.E nɔn anyí ȡó sɔdjáwó dómé yi wólé ézó xuwɔ.55vɔsatɔwo mégan lɔ ku amékpɛtɛwó lé ényɔn tí wá sɔ ȡó Yesu ŋtí nɛn wá tenŋ wúí lɔ,vɔ wóŋdé kpɔ dékpékpió. 56 Ðó ŋtí ŋti lɔ,amésugbɔ ȡá djé ȡó shi yí wó adjéȡáȡá lɔ ŋdé sɔgbéo.57wo dométɔ ȡéwó sɔ nyɔn ȡó ŋti bé: 58 Mi sé é nu bé:Ná gban gbédoȡáxoé xɔn tsí amégbétɔwo sɔ wó alɔ sɔ tu,yí lé ŋkéké amétɔn mé lɔ yélá tu bu tsí ŋdé amégbétɔwoé lá sɔ alɔ túí. 59 Enyɔn xɔn tí wó sɔ ȡó ŋtí tsan ŋdé sɔgbéo.60Vɔsatɔwo mégan lɔ tité yí i biɔ Yesu sé bé:Ðoŋtí ȡékpikpi ŋlé ashio kuȡó enyɔn ti wó lé sɔsɔkɔ ȡó ŋtíɔ ŋti ló? 61 Vɔ e bɔnu yí ŋdé nu enyɔn ȡékpikpio.E gbé biɔɛ bé:Ewoé nyi Kristo,evi yáyrá lɔá? 62 Yesu ȡó ŋti bé:Enyé yɔ.ó lá kpɔ amégbétɔ vilɔ gatsimé yí i lá nɔn Mawu yó dushí sɛnsɛn mé yí i lá vá to lílíkpó mé.63Vɔsatɔwo mégan lɔ zɛn yó wu yí í bé:Mi gbé hián énu téxoé kpɔ tɔá? 64 Mioŋtɔ mi sé busu nyɔn ti í nu.Tsántsán ŋdé lé miáshi?Yí wó só ku hoɛ ni sigbé edjé agɔ xá nɛnnɛn. 65 Améȡéwo tu tán kɔȡó ŋtí,wó xo tomé ni yí wó toní bé:Tonyɔndáȡɛ!Sɔdjawo kploɛ yí vɛ xúí.66Tsi Piyɛ lé axuɛmélɔ,vɔsatɔwo meganlɔ yo dɔsɔvi nyɔnnu ȡéká vá gbɔ. 67 E kpɔ Piyɛ tsí i lé ezo xu wɔ.E lé ŋkuvi ȡó ŋtí djidjiȡé.Yi i to ni bé:ó tsan o nɔn Yesu Nazarɛtitɔ lɔ gbɔɛ. 68 Vɔ e gbé bé:Nyɛn ŋdé nyá enyɔntí towɔ o léo.zéȡéká e to lé axuɛmé yí kokló ku átɔ.69Dɔsɔviɛ gbé kpoɛ ké yí í to nɔn métsíwo lé xɔn bé:Ŋsuyɛ tsán nyí wó domé tɔ ȡéká. 70 Vɔ e gbé gbéké.Lé gáxoxo ȡéwó ŋgbodomé lɔ,metsiwo lé xɔn lɔ to nɔn Piyɛ bé:Ewá bé otsan o lé wo domé,ȡo ŋti ŋti lɔ Gáléliyá tɔ yi o nyi.71E sɔ yéȡókúí dó gblégblémé yí í tánu bé:Nyɛn ŋdé djéshi métsi towɔ miléó. 72 Zéȡéká kokló ku átɔ zévégɔn.Yí Piyɛ ȡó ŋku ényɔn tsiwo Yesu toni lɔ dji:Kéŋ gbɔxoé kokló lá ku atɔ zévé lɔ,o lá gbénu lé gbɔnnyɛn zétɔn.Yi i fanvi sugbɔ.
151ŋdékɛn futu lɔ,avɔsatowo yo ameganwo kudo yudatɔwo yo ŋkɔnotowo bu tame kpo ɖodju só letsi yi woó a sɔ nyɔwó ɖo Yesu ŋty le metsi romatɔwó fiɔ da ɖó ŋkɔ nɔ wó.Wó amedjíkpɔwó sɔ ka blã Yesu. 2YÍ wó kplɔɛ yi Pilati tsi nyi roma fiɔ texoe nɔ tɔ lɔ gbɔ. Pilati biɔ Yesu se be,Wo yi nyi yúɖatowo fiɔ lɔ?Yesu to nú bé,wo ŋtɔ yi tui. 3Avɔsatɔwó meganlɔ sɔ nyɔ ɖo Yesu ŋti be é wa enu baɖawo.4Pilati biɔɛ se be ,doŋti ɖékpékpí ŋdé le ashíwo lo?Kpɔ enyɔ gbógbó tsi wó sɔ ɖo ŋtíwo ɖá? 5Vɔ Yesu ŋdé to enyɔ ɖékpékpio,le nɛnɛ nu ŋtilɔ ŋme wa ya nɔ Piláti.6Edjiedji xoe dékpékpi mɛ lɔ,Piláti tanɔ shi gakpamenɔtɔ deká le pák-zánɖuɖu game. 7É tanɔ shí gakpamenɔtɔ tsi dukɔ lɔ bíɔ. le ga xɔn me ame ɖeka tsi yo ŋkɔ nyi Barabasi ɔ le gaxɔme kúdo ame búwo,wó wu ame le ga tsi me wo tsite ɖo rómadukplɔláwó ŋty. 8Ameháwó vá Piláti gbɔ yi wó tó ni be nɛ dashi le ame ɖé ŋty shigbe letsi é wani édjíédjí nɛnɛ.9Ɖe mi dji be má dashí le ame tsi miá dukɔn lɔ tó nɔ ŋtí bé yi nyi mia fiɔ lɔ a? 10 É tó nyɔ xɔn ɖó é nyá nú tsi avɔsatɔ lɔwó le djidjí ɔ be yewó áwa.É dó djeshi bé avɔsatɔ lɔwɔ sɔ nyɔ ɖó Yesu ŋti le núhuan ŋtí.Ɖó ame gbogbowo le Yesu yome dje ɔ. 11 Vɔ vɔsalawo ŋkɔ nɔntɔwo zin ameháwó djí bé wóa biɔ Piláti bé ne dashí le Barabasi ŋti ɖo Yesu texoe.12Piláti biɔ wó se bé ŋdé wó djí bé yáwa kúdó ame tsi yɔɔ wó le bé yewó fiɔ? 13Avɔsátɔ gáwó tó nɔ amehá lɔwó bé wo nɛ biɔ bé wóne kí í ɖó atí ŋtí.14Piláti biɔ wó se be ŋdé ŋtí?Enu gbégblé ŋdé i wa?Wo gbé do axua sɛnsín kpí i bé: mi kí i ɖo ati ŋtí. 15Tsi Piláti djí bé ye adje amehawo nú lɔ édashi le Barabasi ŋti.Yi sɔdjawó dóba nɔ Yesu.Exɔn ŋgbodomelɔ é to nɔ yo sɔdjawo be wo ni va yi kí i.16sɔdjalɔwó kplɔ Yesu yi wó kpáme .Yi wo xoxu wó há tsiwo le afɔte le ga xɔn me. 17 Gad tsi me sɔdjalɔwo xoxu kekeŋ vɔ lɔ,wó sɔ awu lɔgbɔ djin dó nɔ Yesu,wó sɔ ŋdja kúkú tsi wó ŋtɔ wó wa lɔ dó ta ni. 18 Wo dó gbe ni shigbe letsi wo dónɔn gbe nɔ efiɔwó nenɛ,nɛ wó asɔ kui.19wo sɔ yétí xo ta ni ze nɛní ɖé ,wo tu tan ɖo ŋti,yí wó tsɔn ŋmɛ anyi le yo kɔme shigbe bubu dóɔ wo le ni nɛnɛ. 20 Tsi wó kui vɔ lɔ,wó ɖe awu djin lɔ le ŋti ,wó sɔ yí ŋtɔ wuwó dó ni,yí wó kplɔɛ yi eduɔ godo nɛ wo avá yi ki. 21Vɔ ame ɖé tsi yo nyíkɔ tɔ Simon ,Aleksándri kudo Rufusi yó tɔ,só duɔ gódó vá dógo wó.Wo yɔɛ yí wo zín djí bé ya sɔ atisogalɔ kúdó Yesu.22sɔdjalɔwó kplɔ wó kú ve lɔ yi Golgóta;texoe xɔn nyikɔ gɔmesese yi nyi ametaxú texoe. 23 wo sɔ (yovo-déha) tsi me kotoklobo le ni be ya nu,vɔ Yesu gbé.sɔdjalɔwó sɔ yó wuwó. 24 wó kí i ɖo atisoga ŋtí.sɔ yidjí lɔ wó da akɔ sɔ má yo wu.25Le gaxoxo tɔngɔn lɔ mɛ yí wó kí í. 26Wó kán súsú tsi ŋti yi wó wui ɖó lɔ ɖó atísoga ŋtí. 27Núŋɔŋlɔ lɔ le nunúɔ bé yí nyí yuɖa tɔwó fiɔ lɔ.Wó kán fĩafĩ ámeve tsán. 28 Wó kán mɛ ɖéká ɖó yó ɖushi djí,evegɔn lɔ ɖó yó miɔ dji.29Me tsiwó vá le yíyíwɔ le Yesu zun wɔ,le eta húnhúnwɔ 30Wó le nunú ɔ bé:óxóo !wo tsi nunɔ bé ye látɛŋ gban Mawu xóé lɔ yi ye latrɔtui le ŋkeke tɔngɔ gbe;Ne wo latɛŋ wa nú xɔn, ɖe ɖɔkú wo nɛ na ɖi le atísoga lɔ ŋtí.31Avɔsatɔ mɛgánwo kudó yudatɔwó sé fíátɔwó tsán le Yesu ko ɔ.Wó le nunu ɔ le wó ɖokúwó mɛ bé:yi tsinɛ ɖe amɛwó le wó fukpékpé mɛ lɔ,ná tɛŋ ɖe yéɖokú lɔ? 32Ametsi nɛ nunɔ bé ye nyi Klísto,izraɛlíviwó fiɔ lɔ nɛ ɖi le atísoga lɔ ŋtí nɛ mia kpɔ yi mia xɔ djí se!Ame ámɛve tsiwó wó kán ɖó yó alɔwó dji lɔ tsán le zunzun i wɔ33Le gaxoxo ámadɛn ɔ mɛ lɔ anyígbándjí kékéŋ dó vivití káká yi ɖo gaxoxo amashiɖekɛ ɔ djí. 34 Le gaxoxo amashiɖekɛ ɔ djí lɔ Yesu do axua gánɖé dowɔ bé:Eloyi Eloyi lamá sabaktaní tsi gɔmɛ nyi be:Mawu nye Mawu nye ŋdé wa o gblé ŋ daɖɛ? 35 Gatsi mɛ amɛha tsiwó le xɔn a woó se nyɔ Eloyi ɔ,tsi woó se nyɔlɔ baɖa a woó nú bé:Mi se é le nyɔnunudaɖɛtɔ Eli yɔ ɔ.36wo domɛtɔ ɖeká shidu sɔ ɖovúnvún va yi do aha vevé(vinɛgri)mɛ.yí i sɔ ku yeti ŋti yi i le jinjín ɔ ɖo Yesu dji be nɛ ɖíɖɔɛ.E le tótó ɔ be mi nán mi á kpɔ létsi Eliya lá ɖivá á vá ɖi i le atisoga ŋtí ɖó. 37Yi Yesu dó axua kudo gbe gbégánɖé sɔ yó gbɔngbɔn ná, yí i ku. 38 Le gaxoxo xɔn mɛ lɔ xɔmesoɖowɔ zɛn so dji vá gɔnmɛ.39Sɔdjawo mɛgan tsi kpan ŋkɔ Yesu le atisoga ŋtí le gatsime yi le kukuwɔ lɔ kɔ gbe yi dji yi i tó bé:le nyawo tótó mɛ lɔ,ŋsu yɛ Mawu ví i nyi. 40 Nyɔnu ɖéwó tsán le xɔn tsi wó lé azɔgé lé nuawó kpɔwɔ .Le wó domɛ lɔ mila kpɔ Maria Magdalá tɔ,tsi nyi Jaki kudo Yosi nɔlɔ,Salomi tsan le xɔn. 41 Wó kplɔ Yesu dó le ga tsimɛ yi le Galilí ,woó ɖónɔ yo híánwó kékéŋ tsi ni.Woó va Yeruzalɛm kudúi.42Gatsimɛ woetrɔ gógó ɔ,tsi ŋkeke tsi dó ŋkɔ nɔ wó gbɔngbɔnɖémɛ ŋkeke(Sábáti)lɔ mɛ yi woó le ɔ,ŋkeke yi dji woó djranɔn wo dékíwo ɖó ɔ. 43 Ŋsu ɖé tsi nyíkɔ nyí Jozɛf alimaté (Arimate)tɔ ɔ vá.E nyi amɛ ŋkutá le yuɖatɔwó ŋkɔnɔtɔwó domɛ.Ye tsan le te nɔɔ kpɔ Mawu fiɔɖuxoe lɔ ɖeɖefia.É yi kudó djidoxo vayi biɔ Yesu yó ŋtilán le Piláti gbɔ. 44 É wa yaa nɔ Piláti be Yesu ku kábá léhá.Éyɔ sɔdja kavetakpo tatɔ lɔ biɔɛ se bé Yesu ku vɔa?45Tsi sɔdjawó tatɔ lɔ ná e nya bé Yesu ku lɔ é sɔ ŋtílan lɔ na Jozɛfu. 46 Jozɛfu xloe klóba.Tsi i ɖí le atisoga ŋtí á é sɔ klóbá lɔ sɔ butu i.É sɔɛ sɔ va yi dó yɔdo tsi wó ɖe ɖó ekpé mɛ.É mlin kpé ɖéka sɔ tu yɔdoɔ lɔ. 47 Maria Magdalátɔ kudó Maria Jozé nɔ wó le fi tsi woó ɖiiɖo ɔ kpɔ ɔ.
1619Gatsime Axuétɔ lɔ xonuxó kudó wó vɔ lɔ,wó kɔkɔɛ djó yi djipó yí yi váyí nɔn Mawu yó ȡushi mé. 20 Nukplanviwó djó,yí wó ȡe gbefán le texoé shíá texoé,yi Axuétɔ lɔ wa dɔ kudó wó yí yi ȡó kpé enyɔn lɔ djí tó nukunu kudó djéshi tsiwó wo wá lɔ mé.1Tsí Sábáti ŋkéké lɔ váyi vɔlɔ,Mariya magdalá tɔ,Mariya Jaki kudó Salomi nɔnlɔ wó xlé ánuwátrɛ be yéwa va shí nɔn Yesu. 2 Ŋkéké tutugbɔn tɔ lé kɔshiȡáme yó fɔnfɔnme yí wó yɔdolɔ tó.3Wó lé woȡókúí wó bíɔ ɔ bé:mɛȡe láȡe ékpé lɔ le yɔdo lɔ dji né yewó? 4 Tsi woȡe ŋkuví lɔ,wo kpɔ bé améȡé ȡe ekpé gángán lɔ djó.5Wó ȡó yɔdolɔ me yí wó kpɔ ȡekadjɛ ȡé tsí do awu hí lɔgbɔ nɔn anyí ȡo ȡushimé yí vɔnvɔn ȡo wó. 6 É tó nɔn wo bé:Vɔnvɔn ŋgbe ȡomiɔ.Mi lé Yesu nazarɛtitɔ tsi wó kán ȡó atsí ŋti lɔ djíwɔ.E fɔn,ŋdé le fiɛɔ.Mi kpɔ fítsí wo dɛ ȡó ȡá? 7 Mi vɛ tonɔn nukplanviwó kudó Piyɛ bé É dó ŋkɔ nɔnwo yí Galéliyá.Xɔn mila kpɔɛ lé shigbé letsi yí túí nɔn mi sá nɛnɛ.Wó lɔdju tó lé yɔdó lɔ mé.Ŋméya wá wó,wo ŋdé to enyɔn ȡékpikpí nɔn amewó,ŋti ŋtí lɔ vɔnvɔn ȡo wó sugbɔ.9Le kɔshiȡá ŋkeke tutugbɔn tɔdjí le fɔnfɔn mé lɔ,éyimé Yesu fɔn vɔ lɔ,é zé tutugbɔn dó Mariya tsimé yi nyá gbɔngbɔn vɔn amádrɛ lé. 10 É yi vɛ nú né mé tsi wó nɔ kúí vayi,etsimé wo lé avi fán ɔ kudó wó le nu xa ɔ. 11 Wo se bé é lé agbe,yí Mariya kpɔɛ,vɔ wó ŋdé kánȡo dji o.12Le exɔn ŋgbodome lɔ,é zé dó ame ámeve buwo le nɔnnɔnmé bumé gátsi mé wó lé zɔnzɔn ɔ to edju lɔ gódó. 13 Wo yi vɛ túí né nukplanviwo vɔ,wo ŋdé xɔ woó djí séo.14Exɔn ŋgbodomé lɔ,Yesu zé dó ame wúíȡeká lɔ gatsime wo nɔn anyí le ekplɔn ŋti.É shan dó wo le wo djimaxɔse kudó wó djime sɛnsɛn ŋtí gatsime wó ŋdé xɔɛ sé bé Yesu fɔn lé amekukuwo domeo. 15 É tó nɔn wó bé:Miyi xíxéɛ mé,minu enyɔn nyúíɛ né nuwawa wo kekeŋ. 16 Mé tsí lá xoɛse yi wó la nyrúí lɔ,wo lá hlúígán,vɔ mé tsi ŋdá xɔɛse o lɔ wó lá so hoɛ ni.17Me tsi wó lá xɔɛse lɔ djeshi tsi lá kplɔ wó dóke:Wó lá nya gbɔngbɔn vɔn wo le axun ŋkɔme.Wó lá dó egbe yéyé wó. 18 Wo lá lé edán wó kudó alɔ.Ne wó nu aȡi shiame tsan,ŋdá wá ŋȡé kpékpi nɔn wó.Wó lá dá alɔ ȡó dɔnowó dji yi wó lá háyá.19Gatsime Axuétɔ lɔ xonuxó kudó wó vɔ lɔ,wó kɔkɔɛ djó yi djipó yí yi váyí nɔn Mawu yó ȡushi mé. 20 Nukplanviwó djó,yí wó ȡe gbefán le texoé shíá texoé,yi Axuétɔ lɔ wa dɔ kudó wó yí yi ȡó kpé enyɔn lɔ djí tó nukunu kudó djéshi tsiwó wo wá lɔ mé.
