To view a copy of the CC BY-SA 4.0 license visit
http://creativecommons.org/licenses/by-sa/4.0/
Acts
Chapter 1
1
Tiopilus, pefa tei doanafin bompon uwantare,m tei pefai tiyan ame . Tepuro ma dorema anih inaipake ,
2
kanaie ema maidamu ma Ayarafenu aviren ointen. Mai dana enadamu dakoen akonabaya va kanta' aun akona bei doram banta fin orin inka kipen.
3
Inain pake bei puripike emantaven, bei kekapin beyan dagan maman aniukaren. 40 damu maen, beyan dagan maman beupoin orunmante, inarafake Ayarafenun avaya tigaren.
4
Mai damu ma beuba ataruwen tiyan amen iava Jerusalem ampeno, mauke mifo tifoeni tiyan bayava avei, mai bei ma'asen, "Iretimaen tepinten ineonai,
5
ma'aukan Jon i nopoi nonmanten, maukemifo ereti Kanta'aunan poi nonbarano mana'a damu ma orivinti."
6
Mai damu minoano ataruren bei inaen, Kakanoe mai inka a auien ei everene Israel i kingdom i orun avian manta?"
7
Bei beu ma'asen tiyan amen, ' Ea erenina dana ino erema mai damu ba mai a aumadakoinan. Be anon afovaiuke.
8
Maukemifo iretin evere akona barano, mai damu ma kanta aunan ma erempi ma eranti, maukanti ereti maen teti darari Jerusalemi, mino akinafa Juda ba Samaria ore mino ma baraffin mino mokipaken.
9
Mai a'aufim Tepuro mai baya kayo tiyan amide oen, mino ano onan mana konan mano bei aupasi uran ia bein everenonta.
10
Everen bema oreipa beu kagake bami, ainuwaken kan banta efan onauren beu ade mantagen bami.
11
Bekan masen, " Ireti Galili banta kayo, paravara mantage Inarufa kagake bafo no? Mai Tepuro Ayarafenu aviren everen Inarufa oen. Bei overenmanai oriri Inarura inten.
12
Mo'aukan beu mana damu eren Olivi anura me ampire Jerusalem, i erikaren, Oliv anu maen Jerusalem i ade ivami.
13
Manada afoka uwen, beu everen dan domufin mobainpin everen oen. Beu avih, Pita, Jon,Jems, Andru, Filip, Tomas, Batolomyu, Matyu, Jems Alfus ini afo iyampon inka Saimon bei Salot keka banta inka Judas i Jems ini afon iyampon.
14
Mino ano manafin ataruwen kogonta amuken, anasi kayova Tepuro be anoe ema be afa avaeyam.
15
Mai damu Pita maen mumunan batan kayo auban mantakaren, beu i nampa maen 120 bei ma'asenten,
16
ereti tifativae mai kamaen, Ayarafenu ni doanafin bain bayaano tiyan afokasien, pefa kanta auna mano Devit oi in Judasin baya tiyan amikan bei ma'asen mai banta ano adafodoranti mai banta kayo afovaien mai Tepuro inoten.
17
Paravarase bei tetisi kekapasen teti ma dorerunaiya.
18
(Tare mai banta bei monipo bara miyanie bei namu danakake fo baren, Inain bei anopake eraven barara akamen, ben ara ano pautan barufa eraven.
19
Mino Jerusalem naninbanta ano maira afovaien, inka beu, barevaya rai afovaien, beu mai bara aviden Alkeldama beni ana baya anosen nare bain bara.")
20
Ma' aukan Ayarafenu avaya Buksong i fin ban, ain beni minodanasa kipa, iava aesi mana banta ba , Maukanti iava ena banta ano beni avuavaba beni dorama bara.
21
21 Bei kama ugen ban, mana banta ena ena tetima baeyian, bei kakan Tepurio tetin auban baeyian,
22
maidamu Jon i nan man sen eren mai damuma Ayarafeun everen teti mama baen, everen aviren.
23
Bei everen tiyan bei emanta tiyan amainten, Beu ka banta anien, Josepeveren aren Basabas en ben avih Jastas ma Matias.
24
Inka beu amakuren ma'asen, Ei kakamo, Ei mino naninbanta arapin afovaiuge, Ei makampinke mana banta maman afokau eima aniukena finte.
25
Maukan beu Judas sin aravin aposel i dorarien orinte, Bei ampiren bei ma ampiren bema iniken barufa aronovan iniken."
26
Kainano siren beu dais i karuden b ekamapinte iye mana ano doran baren orint nafi mauvin beu Matias anien, be i doran banta kayofin oferen.
Chapter 2
1
Mana afin Penticost i damure mino ano barura ataruen beu maataruiyanta.
2
Beu inikan mana aravasen erin anude ma'aen ifimadeinien kakan uwa eren.
3
Beu ona tito danasinta dakoen ma'aen iranden mana mana naninbata fin ovaren.
4
Minopin Kanata Aunan intikan araien baya enen barebayafin keten, Kanta Aunan mano mai barevaya beu amen.
5
Tare mino ano Juda kayo Jerusalem ban, beu mono keka, maukan mino banta mino akinafa mabarafin ban
6
Beu ma mai avaya ma iniya kogon naninbanta e ataruen inen naivara sen, manaman banta ano baya beu i mana mana i barebay finketen.
7
Beu inien anudure peren,, beu ma'sen bayasen, " Pura ino, beu doran bantakayo anan ia Galili bayafinke anatigen?
8
Inte uresa beuma tisimiyan barevaya inenterafu tetima mara dakougare uno?
9
Beu Paita, Midia, Elam, inka Mesopotamia, Juda, Kapadosia, Pontas ma Esia,
10
Inka beu Frigia, pamfilia, Isip Libia ade Sairini inka bantanasi Rom mike,
11
Juda kayova ena kayova mono avuava dagafiyan mi beuina, beu krit iva Arabia, teti inekun beu baya akonaen tiyan Ayarafenu avava tetisi bare bayafinke tisimiyan."
12
Beu anudure anome inen, beu berarampin bayasen," Mai nainasafi?"
13
Mana ano beusan taroten ma'asen ," Beu kogo wain i non nagen."
14
Maukan Pita 11 doran bantava mantakaren, bei kakanien ovaren tiyan amigan, " Ireti Juda bantava mino naninbanta Jerusalem, ireti ine, tei irentin n amente nai danas afokaintenafi.;
15
Beu doran banta kayo ma ia wani nagein kayo ereti baya temainka 9 kilok i akuranten .
16
Mai baya doran banta Joel, baya pefa tiyamikare.
17
Tipa mokipan damu Ayarafenu masen, Tei si Spirit dekun batanasi orinten. Iren aca afon iyampon arinta iyampo profet i baya tinten, mauganti dampara bantakayo beu mana'a danasinta kain andacen onati ayokuwin kayo beu kain onaten.
18
Mai damu tisi Spirit banaekun doran banta va doran nanikyofin orintin profet baya tinten.
19
Tei ena damu dan Inarura aniekun onen mana'a dana barara mana'a avuava aniekun onatyen, nare, ira, va tokon kona ikun andacein.
20
Kacan mano doveren titipainten, biyon mano doveren nari inten, mauvintin mada sinta erivintin inoin kakan erinten.
21
Mai ma ukan iye banta kayano ovarenten bi kakamio tintenafi be pa oriyan ban aunan baranten.
22
Ireti Israel naninbanta, ireti ma baya ine, Mana damu Tepuro ma Nasaret iremma ban, Ayarafenu bein afokan ten bei tiantan eren, inka be ayapike, Ayarafenu kakan dorarien mana dorama iretin auban ukaren, ireya mana afove.
23
Ayarafenu mai bata iretin aya binkaen, bei ineine uren maoteuno tivan damen maonteuno. Namu banta bein arin puren inka beu bein daunka manta antoaren.
24
Maukan, Ayarafenunbein purimpike orunavan maten, ia bei aipin bami namufin purino tighan, paravarase purimano ia pakanten.
25
Devit bein ma'asen tiyan amen, Tei kakan oneku ade tema bami, paravarase bei dan karudapa tema bami mauka tei ia pere kayaonte.
26
Mauka ten tira'ano inka toano tiyanpaman Ayarafenu ni kamavan. Ma ukan, ten tu akonaen ban.
27
Ei ia kanaie tein aesi purin banta kayo i barufin bante, maukanti ai kanaie Holy ugein Iyampon masipin namuinten.
28
Ei a aniesi aun baran asapa oro, maukanti ei tein amusin teimpin intikaresi en aufaba.
29
Ireti tifativae, tei eretin tetisi tinau Devit i pake , tya ame, Bei pubin beu maman masiuken, beni masi teti ma ban ereyan tare paban.
30
Maukan bei doran banta bei afovaien Ayarafenu bein tiyan akona en ei mana anavasi iyamp[on eni kekapike aniesin bei i kini inten.
31
Bei mai oarenTepuron i mantapake ten bei iapamasipin ban ben au ia namuiten.
32
Mai Tepuro Ayarafenu avian mante, teti mino ano oare afovai'e.
33
Ma,aukan bei orun manta Ayarafenu ayan kurompa kumanen kanta Aunapike akona baren inka be Afoepike, inka bei banaen nainasa onen inen enafi.
34
Devit i ea inarufa orikami, inka bei masen, " Kakamano tesi kakan tiyanamen, tesi tiyan kurompa kumane,
35
kanaisa e tekun ei namurokayo eni arant arano bantenafi.
36
Maukan ain mino Israel i kayo afovai en Ayarafenu bei Tepuron anen bei kakan ban bei Krais, mai Tepuro ireti daunkamanta anto akameuna."
37
Mai damu ma banta anasi inien, beu araumanden Pita ma doram banta kayova baya tigan," Ireti tifative teti naisa oterfu?
38
Inka Pita beu tiyan amen, " Ara be'e nonbara, ireti manamana ano, Tepuron avika, irei ume apire inka ireti Kanta Auna i avaba bara.
39
Bei tiyan akona amien iretin amiare iren agafanava amente, entama bankayova, inka ena kekama be baima ovaranai."
40
Maiva kogon baya, bei amen pamaniovan, inka bei i masen, "ireyanta dafise maikea ia arabeken."
41
Inkaifo beu ben avaya inen, nonbaren inka maidamu beu i nampa,oen 3,000 ti nanibanta.
42
Beu pa maifin doranbanta kayo ma aniuren manafin ban monotiyan, inka beu amukuren breti kien.
43
Peramano mino nanibantafi biken, paravarase kogon afova danabay kogo dorankayo dorfan banta ayanpin afokaen.
44
Kogo naninbanta iyen benta mumunan iugefo minoan ataru uve mino ano manafin minodana daimo,
45
Mino dana beupin tariuren meama minodana ivankayho amen.
46
Manamana damu beu ataruen mino anoni inimano mono namunta ban, beu amapin bret i kien inka mai dunan amusimpike daimen, beyan barafinen kama araba ban,
47
beu Ayarafenu aviaman danien kama arasin ena naninbanta vaen, inka kakan mano beu i nampa ekanoen nauwamano manamana araberiyanafi.
Chapter 3
1
Mai 3kilok i inupa Pita nu Jon i mono barufa amuki damu oren.
2
Maukan beu mana banta aranta ayan pukein aviren mono namun onara mokaen beu ma'asen kamaen, beu bein mara kaintin moni ba manadanba mono namum ma dunperein kayovaninanten.
3
Beima Pita ma Jon i onan mono namun oiyan, bei monisan bekan bai inaten.
4
Pita nu Jon i ben aufen kaga ben tiyan amen, " Berasan tona".
5
Mai banta arantan ayan buken mano Pita nu Jon nin onen be kan mana'a dana amintemino tigan.
6
Ma'a ukan Pita ma'asen, " silva va goli ia dekun ban nainasa dekun banafi maidan i ein anente.
7
Pita beni ayan karudapa pakaren orun avian bein manten. Ma'a uran mino ben arantan ayampa akonaen.
8
Mai banta aranta ayan ma namu ukaein emanten ainen oren, inka bei Pita ma Jon i ma mono nomun oren, inka bei manten me kaosi, kaosi en Ayarafenu avi amandanien.
9
Mino nanibanta mai banta ano oriyan Ayarafenu avi aman danien.
10
Beu bein afovaien mai banta mono namun onara kumani yaein beu ma'asen kamaune sen moni san mana'a danaba san intanttiyan, inka beu anuduren ma'asen nainasa mai bantafin dakoiyan nafi.
11
Bei ma Pita ma Jon i ban, mino naninbanta manta anudure tavaen onara beu ma beitya oriven ten kakan amusin na Solomon nina o.
12
Pita ma maiyana oniyan, bei ma'asen bantanasi tiyanamen, " Ireti Israel naninbanta, baravara ireti anudiyafa? Paravara uru akonae toni mono pin orinovan.
13
Abraham, Aisak i ma Jekoip ini Ayarafenu i, inka Ayarafenu bei tetin tifoen ofoei, bei kakan bi bei doran banta amen, bei Tepuro. Bei ana ireti ayon amie avire Pailat tin oufa oreo, maira ben ampiran tin orinoan ikami.
14
Ireyantai ayon Holi, en puntakein banta ia uman bain, inka ireti beu inae banta ma arima puriyan ampesin na ori.
15
Ireti aun amin banta areo, Ayarafenu bein purinpin ten avian manten, ma teti oman aubaini maidana sintae.
16
Maukemifo ben avika mumnan o bei ma mai banta uwantein akonen teri ba ireti bein onya afovai iya. Bei purai, bei ma Tepuron tama munan eintai ben du kamaen eren aura minano oneo.
17
Ma'auka tifativae, tei afovai ugeu ireti ia afovai uge ma avuava sie, Iretini anonon banta kayo anodere maen.
18
Maukan mino danama Ayarafenu tiyan doran bantafin pefa amigan, maukan Tepuro uman baranten, mai tare dakoen.
19
Maukanti ireti arabe e va ume ayon ame, Ayarafenu ereni ume aruminten, Ma'aukan tin kakamano irempin eriven iren akona aminten.
20
Inka bei kakan tiyan tanten, bei ireninae tigan bei Tepuro.
21
Bei mana inaru ano everen avien pakaren ayaka oriyan Ayarafenu bei tin minodana oruman ayenien. Mai danaka, Ayarafenu pe tiyan beu ofen amigami, pefa punta kein doran bantafin.
22
Moses i ma'asen pesen, Ayarafenu kakan bei doran banta afoka kainten mai tei irenpik afonkayo aubanake. Ireti kama ureva baya ma minodana pake tinan ine.
23
Bei itimpin abanbataien inten, Iya mai doran banta avaya inema dagafinte ei uman barano.
24
Pura tere, mino doran banta Samuel damu eren tarema evain, iye beu ayompa afokauge nafi, beu manio baya ana tigen, minoano manai baya anaten nainasa tare afokain tenafi.
25
Ire anan doran banta agafana banan Ayarafenu erema baya tiyan damen bei kontrak ima, iren anavasin pin banten, Abfraham ma uwanten, Ein agafanafinn mino mabarara ke nanibata mai avaba baranten.
26
Inain Ayarafenu bei doran banta aman afokaen, bei tiyan tan irevain orien eren eretin avabaen inka iretiva arabe e mino namu dano ireti me ampe."
Chapter 4
1
Pita nu Jon i ninu ma manasifin bay tiyan ban, beu i doran banta va ayafava mono namun eren inka Sadusi kay beu bai eren.
2
Beu kakan uman bare parava rasi, Pita nu Jon i banta nasi doran anien inka Tepuro ni emantapake ten iye e pukanafi.
3
Beu bekan pakare karavusi namun kain ena damu o afokaen, nai varase mai adeanata duniten.
4
Ma'aukan kogo nanibanta iye mai baya inenafi, beu mumunan en, inka nampa oen maen 5 000 .
5
Inka enadamu, mino dafisin kayova anon banta va afova banta kayo Lo uvaran kayo beu Jerusalem i o ataruen.
6
Anon banta Anas, bemaban, Kaiapas ima Jon, inka Aleksenda ma mino bekea ba anobanta va manafin ban.
7
Beu ma Pita nu Jon i beu aubankaen, beu bekan inaen, " Inte akonarasa, iye avikasa mai dana aruavasi en?"
8
Inka Pita pin Kanta Aunan intiken, bei ma'sen beu tiyan amen, "Ireti dafise kayova bantanasi anon banta kayo,
9
inka ma damu, beu tetin inaen inte kama dora mai aibanta fin dakoen, nai anavara mai banta kamaen,
10
Ireti mino ano ma mino naninbanta ireti afovai ino Tepuro ni avika Nasaret tike, iye ireti bein daukamanta arenafi, mae mifo Ayarafenu beni masipike orun avianmanten, bei mai bika anai mai banta iye iren aura mantakanafi bei kanaien.
11
Tepuro bei mai on ireti batakayo ma uvarankayo bei ayon ameo, ma'aukemifo bei mano akona on.
12
Ia ena aviano Ayarafenu avi ba manaiuken banasima everen aviranain, paravarase, ia ena avi inaru Ayarafenu ayompa ban bei mai banta anoma tetima tivirani.
13
Ma'aukan beu ma Pita nu Jon i ma dambain akona oniya, beu afovai en bekan baravaitaino tigan, inka bekan i tiguru tig beu anudugan, beu afovai en Pita ma Jon i pefa Tepuro ma baren.
14
Inka beu ia maidana sintara bayatigan, para varase, beu mai banta onan kama uven manafin beuba ban.
15
Maukan inain beu masen tiyan kan doran banta tiyan amen mai kansori ataru ampire oro, beu berarapin baya sen.
16
Beu ma'asen, " Teti maikan bantafin naisa onterafu? Bekan mirikori in mino nanin banta ma Jerusalem mi ma baen kayo onen, ia teti mai dana aupasionte.
17
Ma'aukanti ma'a onomasinte mae baya ai kogon nanin banta fin origen, tetiva akona baya tiya amekun mai bika iava bayasi.
18
Beu Pita ma Jon i aran manaun oen, inka beu akonaen bekan tiyan amen iava baya banasi baya tiyan ameva inka iava mana'a danasi Tepuron avikao.
19
Ma'aukan Pita nu Jon i ma'asen everen tiyan amen, I reyanti daimeo, Mai kanai ukantisa Ayarafenu aura ifrent avaya dagafon terafo ah a Ayarafenu avaya dagafonu.
20
Teti ia bayasipin to damure bantye barava rase teti mai danasinta ontepasi teti inka inige.
21
Inain mana'a dana tiyan paman Pita nu Jon i beu bakan ampin oren. Beu iava mana uman beka pinte dosen beka ma uman aminain, paravarase mino nanibanta Ayarafenu avi amadanien mana dana bei dakougain.
22
Mai banta ma ayain barein, beni orana 40 esantagen.
23
Inain Pita nu Jon i ampintim ma orintein, bekan everen bekani banasifin oriven mino danama baya kakan doranbantava anon doran banta va ma tiyan amigaen mo tiyan amen.
24
Beu ma maibayo inien, beu ataruen Ayarafenu vain ovaragan, " Kakan oe, eianan uareo inaru va bara va siva, mino dana maifin ma bain.
25
Inka Kanta Aunan i akonara, ei eidoranbanta oven tiyan ame Devit i bei tetin tifoe, paravarase afokampin bankayo aran en, inka banasi namudana saman ininen?
26
Ei ma'ase, bein mabararake king mano beu danta eataru anonbanta ba baya fo aruviren Kakan nan beni ayinan en.
27
Pura uran tein, Heroti ma Pontius Pailoti ma afokampin ban Israel, beu kakan banfin eataru uven Tepuro namuroien, eni puntakein doranbanta, iye benetiganafi.
28
Beu manafin eataru mino danasi ono van tigaeno mai dana afokainten, Eni akonara eni anunura afokainten.
29
Inkaino, Kakan oe, ei inka beui dafisin baya ma tein ineo, inka tiyanameo doranbanta kayo van baya akonaen beu tinovan.
30
Ei ayar tesin orinti ai bantakaiyo ayaure inka mana'o dorarima ukeuna va mana'a dorama dokeuna puntakein doranbanta avika bei Tepuro.
31
Beu ma amukin mo kipiyan, mai baru ma beunataruwen amakiya einta burunin inka mino kekapin Kanta Aunan intiken, inka beu Ayarafenu avaya akonava ten.
32
Kogon keka nanibanta iye mumunan mamandakoen mana arasien inin ma araba mino ano en. Ia mana beupike ten nainasa beimpin banafi mai benina, maukan b eu minodana manafin daien baren.
33
Manafin mino akon baren, beu doran banta kayo tiyan afoka mana dana ma beu onein beu Tepuro Kakan min ten onen, inka beni kaka avaba mino amanino.
34
Ia mana banta fi anasi beu aubante ten mana dana ea matese tinten, paravarase mino banta iye beu tito dana ba barafi masafi amien moni bare
35
inka doran banta arantapin mekaen inka beu ma moni daimen manamana mumunan nanibanta fin oren beu ma i kanai ugeintatiyan.
36
Josep bei mana banta mana barurake Saiprus Livai i kekapike, iye beu doranbanta ben avi Banabas,(Mai avi aba ma'auken, mai iyamban banta i area akonointen,
37
Bei mana bara tariure moni maen doran banta kayo arantapin mogen.
Chapter 5
1
Mana banta ben avi Ananias, ben ana, va Sapira, beu mana'a bara monika amighen
2
bei aubana dai'en mei moni evarenen bakeran (be ana ano afovaen) ma'a moni ana baren aposoli kaiyo arantanpin moden.
3
Meivan Pita Ma'asen, "Anannias, naivara bananon mano ein arapin bikavi ya kanta aunan makatefo. Barake moni ma aubana ma durafue evarene ma pake ona'e?
4
Ei ida ma moni kama amighenan men, ida eni dafisinfin baren mino, ei nai vara mei inin mae ya e arapin aupa defono? E'i ida banta makate ompo, Ayarafenui makateono.
5
Mei baiya ma iniyan men Ananias eraven bei kipan aun nankuen puren. Banta anasi ano ma mei baiya inein mano kakan peran mantaren.
6
Pumara banta ben ade eriven davaraefin ukuren, baren araven barufa mo masien.
7
Kanu manau aua ayompake, be ana dun peren, bei mei dana ma dako ughen ida afovai ugharen.
8
Pita ano bei tiyan amen, "tein tisimeno, ireti mei bara mama'a moni kasa ame onanafi idafi. "Bei ma'asen eyo'e ma'a moni ka'i amikhere."
9
Pita bein tiamen, "naiva irekan inin damureya kakani aunan makate fono? Onano, en avafu ma masi ughen banta kaiyo aranta mino, pe onara mantakene, ei aviren barufa aravinte.
10
Ainen mana ben arabtanpin eraven ankamen, bei kipan aun darinpen, puma banta bein duman onan. Pukan, beu ano bein aviren be avafun ade oman masien.
11
Mino mono namunpin peran mano eren, ma mino ano iye mei danasinta ma inikare ein mase.
12
Aposoli kaiyo ayan pinke mana'a ivain danasinta afoka banasi aubanaen. Mino ano Solomoni dafufin ma bain mono namunpin iyen.
13
Ida mana ano akona inin baren beu bakuronon tigaren, banta anasi ano beu afovai'en beu kama avu avasi uvanten.
14
Kokona mumunan nanin banta ano kakan bain eriyane kokonanin banta vase.
15
Meivan men Pita ma erinain asa men ai ban ta kaiyo aviren eman tauni asa kau'en baran uwein dan baven, benave ukhen ban, bei aman mano mana'a kayo amanina ave dano van.
16
Mana'a kakan nanin banta Jerusalem taunifin oman ataruen.
17
Meivan hetpris ano mantaven, iye ankan bema ma bare ein mano Sadusi keka baren namu inin ma bikene.
18
Beu ano aposoli kaiyo bakan, mino ano ma kuwiyainpin ka'in beu oren.
19
Inurampin men kakan i mana ayan ma banta ano pakan kwin namuni ona kaiyo diren beu aviren barufa morun kau en, ma'asen
20
Ore va mono namunpin mantave anasi bantafin ma tare damui aun na tiyan ameno."
21
Mei baya ma beu ma ininti beu ade ma bain mono namunoin kakan adesi iyan oman beu ani uwantene. Hetpris ano erin bema bare ein kaiyo, ano mino kakan banta kaiyo aran eman ataruen, inka mino Isreli kaiyo i anon banta kaiyoano va, beu ano tiyantan kuwin namun pinke beu o aviren erino vane.
22
Doran banta kaiyo ano ovikhen, ida beu kuwin namun ban mo dosen, evaren beu eman ma'asen tiyan amen,
23
teti dose una men kuwin namunona men kama en munkukhan dafisin banta kaiyo anora dafikaren teti ma dive unde, ida teti mana banta dosekun meifin baren"
24
Mai, baiya ma mono namun pinke i kepten ma bikpris kaiyo ma inin ne, beu anoma inen naina danasa beupin afoka intenafi.
25
Mana banta ana eman ma'asen tiamen, banta kaiyo ma e'i kuwin namunpin ma dakare ona men mono namupin beu mantaknen banasi aviren anien iyan bane."
26
Meivan men kepten ma doran bantakaiyo vo arikan, o aviren beu evarenen eren, ida beu aman namuen mino, nai varaino, beu pe kare mino anasi banta ano beu on ankaminain vane.
27
Beu ma aviren ma erin, kansoli aura beu eman manten. Hetpris ano beu inaen,
28
ma'asen, " ida va mei avi paman ono ma are erunae, ireti Jerusalem irei inin amin danapo mino inte ono ma mei bantai nare bare tetin timanina me kaono vamono."
29
Pita ma aposoli kaiyo ma evarenen ten,"teti ida va banta bakuruno Ayarafenu na bakurono."
30
Tetinti tinau yani Ayarafenu ano Tepuro avian mante, iye bein ireti ano are onae, mei damu ma da unkama'anta kae onae.
31
Ayarafenu ano avian aiyan opa kauen kini ureva aiyain bantai ono, Isreli kaiyo ara beran a amino va ume amoin base.
32
Mei dana teti ma i afovai ughere, kanta aunan mase, Ayarafenu ma ben ma dakafiyian kaiyo ma amikheine."
33
Kansoli kayo ano ataru uren ma mei baiya ma iniyan, arankan aposeli kayo aronon ukharen.
34
Mana Farasi ben avi Gamaliel ano, man baiya i aru ino, mino nanin banta ano ben ara''nau baine, bei mantaven akona baiya aposeli kayonvan ten barufasa tana'ara aravukesiso.
35
Bei beu tiyan amen, " Isreli banta kaiyo kamae ineno ireti ma nai inin damure ma banasi ra ma inona danasintae.
36
Mana'a damu esavedavin, Teodiasi emantaven ma'asentei mana kaini banta uno, kokona banta ano bein bakuren, 400 adesi iyain nanin banta ano bein ma tupaen.Beu bein aruren, iyen bein bakuntare ein mano, beu karan orera uran ida mana danasi en.
37
Mei banta ayonpakemen, Judas kalilike ano banta ma dankafin damupin mantaven bei mana'a banta bein ma bakuri nain aviren. Beima pu bin, mino kayo ma bein ma bakun tare ein kayo karan orera ene.
38
Tare tei irevain teuno, mei banta kaiyo va ampire nenetasa bano. Purae, mei inin nafi doran nafi banta finke ma erikhantin, eraven ankamen nanu intene.
39
Mei Ayarafenu finke ma erikhanti, ireti ida kasae evare ankamino, Ireti Ayarafenu ma i aruviyare tire dosi onanono meivan mino ano mana arasien.
40
Ma'an uran aposeli kayo aran eavin beu ankaen, beu tiyamen ida va Tepuro avikasa baiya senono tiren, beu ampin oren.
41
Beu mei ataru amusin ma ampiren oren mei mana'a kaiyo mei avika aibarene.
42
Mei ayomake, mino damupin, beu pa betin arien inin amiyan inka tiyan pamanen Tepuro men bantai aviran banta ino tenb mino naun pin ma mono nanun kaiyo vase.
Chapter 6
1
Mei damu kayo pimpa men, disaiple kaiyo ano mo kokonasi'in asivin baiya ano eaven Juda kaiyofin ori aren Griki kaiyofin eriaren men hibru kaiyofin oren, du
nan daiminan damuse, hibru kaiyo ano kokona disaipeli kaiyo ido kento nanin kaiyo dunan amen.
2
Aposel kaiyo ano kokona disaipeli kaiyo aran erivin, ma'asen, "Ida kama ughe mino teti ma kakani baiya ida banasi tiyamie ma dunan ma damiya unge.
3
Tiyoma kayo, kasae ireti yan pinke 7 ni banta dantefo, kama avi ma dakein bantankaiyo, aunpin bikaven ma kama inin onan ma bain, iye teti ma doranta ma dan nunde.
4
Tetinpin men, teti mino ano amukinpin ba Ayarafenu baiya tiyan amin avu'avapin bantere.
5
Mino kaiya ano beu ma mei baiya ma teinta amusinen Stepen mi kaen, mei banta ma akona mumunan dan ban ma aunan ma bempin bikagheine ma Filipi, Prokorusi, Nikano, Timon, Pamenas va Nikolasi, mana banta ma Antiokike ma au bereine.
6
Mumunan banta kaiyo ano mei banta kaiyo aviren Aposeli kaiyo aura me den. Beu ano kanaien ayan meikayo daro kauren amukuwan ta'en na mei doran amintin baranavane.
7
Meivan Ayarafenui baya ano mo kakanien, disaipeli kaiyo ano mo kokonasi'in me Jurusalemi dere dampoi in meivan kokona prisi ano eman mumunan a bakuren .
8
Meivan Stefen avabapin ma akonafin bikaven bei enana doran ma mirakeli anasi banta aubana en.
9
Mana'a nanin banta iye Juda kaiyoi kakan mono nanunpike no, beuyan mi aren ida mana dana ano be 'bakakein banta kaiyouno. Kakan tauni Sairini va Aleksendria, va mana'a Silisia kaiya va Esia beu orun mantene. Mei banta kaiyo ano ma Stiveni va ma asuvi kare'ein kayoe.
10
Beu ida kasaen Steveni ma mantaven asivintene mino Aunan mano ben ma inin aminma tiyain baiya'e.
11
Meivan beu aupa ban banta kaiyo tiyanten oren omah ma'asen,.Tetin inekun Stiven ni ano Mosesi ma tiyain Ayarafenu masan tiren inrene"
12
Be ano banasi aman aran amene, kakoy banta kaiyo va mam baiya afovai ughein banta kaiyo beu stiveni baken kansol ayampin aviren moden.
13
Beu ano kampun banta aviren orin oman ma'asen, ma banta ano ida no munkurein kantasi ughen barufin ma mam baiya vase asivin baiya sigarein.
14
Pura ino teti ben inekun bei ma'asen Nasareti ni Tepuro ano ma baru intanurei men tetisi tinan yan ma pefa ma iyareein danasinta ma tetin timien eman enafini intene."
15
Mino ano ma kansoli ama ma kumuntare ein mano ben aunapin mana beu au karudan oen, ben auna onan men ensoli aunasi ben auna ano aman en.
Chapter 7
1
Anon banta betin inaen, " Mai dana sinta purafino?"
2
Stiveni beu tiyamen, " Tifa tivae ma tifoe yama, ateren kau'e ma bayama senuna ineno, Ayarafenn i kagan mano tetin tifoe Abrahami pin me afoka emi Mesopotamia ma bamaen inain Arani orintein,
3
Ayarafenu bein tiya miyaken ten, " Ei barava ei keka ba ampire mana barama ani onuna ra orono."
4
Mai bei kaldia kayoi bara ampiren Arani o baremi, maira mai ayom bake be afoe puremi, bei mai barara overen eremi tare ma teti barunara.
5
Ayarafenu ida mana bara ami gami, ida ino, ma'a ugan ida kanai en bei arantan mai ra danten. Kana ifo, bei pe poromasi beinta uran baremi, puraino Abrahami ida iyam pon ida kaim bami, mai Ayarafenu aminten mai bara Abrahami ma be arao nia kayova ino sinten.
6
Ayarafenu bema baya sen tiyaken ein ana vasin ena barura ovanten mino mana'a damu mai barura banta nasi maen aman kalabusi andan maen beu 400 ti oranara uman aman namu inten.
7
Inkaifo tei mai kantri kotian tante mai Israli keka ma bei dorari uwan tiyainta,'' Ayaraufenu tiyaken,'' Inain beu maen ampiren teinta me mono tinte mino ma barura,''
8
Inain Ayarafenu Abrahamin au sikan doran amemi, ma'a ugen Abrahamin Aisakin afoe nian Aisakin a'u siken mi nampa 8 bayan damu. Aisaki maem Jeikopin afoe ni'in maen Jeikopi 12 anon banta afoe eni emi.
9
Ma'a ugan mai anon banta kayo Josepina aran karen maen.Isipi monika sali in miyani uren aviren oremi, Ayarafenu bein ma baremi.
10
Mai mino umanpin bein ayaemi. Bei Josepin anunu emaen kama inin Josepin amiga mi Feroni barura, Bei Isipi i king mi bei Josepin aman Isipi Gavanai en mino Feroni kela ba defisemi.
11
Tare mana kakan arafan mino Isipi ba kenani barafin eremi, kakan uman afoka emi, ma'a ugan tetiin tifoe ni dunan baran 'a' ida bami.
12
Ma'a ugan Jeikopi inin dunan Isipi bam maen, Tetin tifoe yan tiyantan nam pa wan damu Isipi duna dosin ta oremi.
13
Nampa 2 damu sien tetin tifoe dunan dosinta origemi, Josepi beyan dagan afoka en be afa ava eyan aura imaen Fero dere Josepin afa avae yan oman afoka en.
14
Josepin be afa avae yan tiyantan be afoen Jeikop in mo tiyan amin Isipi eremi, mino bei keka ba eremi, beu i nampa maen 75 keka i.
15
Ma'a ugan Jekopi Isipi aravemi, bema be agafana ba maira ofuremi.
16
Jekopi ma be agafana i bodi baren sekem oremaen mat mati fin mo kaemi Abrahami Silva moni po miyani ugami Sekemi barafin Amoni agafana.
17
Ma'a ugan mai damu ma afoka imaen ade anan ta ma mai poromasi ma afoka iri iyan maen, mai poromasi mean Ayarafenu Abrahami tiyan mikami, Isipi maen Israeli nani banta mo kogoni ugami.
18
Orem maen mana king afoka emi Isipi dafisen maen mai king Josepin ida ofova ugami.
19
Mai king maen tetisi banta nasi kampun ten mean tetin tifoe yan akona baya ten maen arara iyampon afoka avire ereno ida beui laifi banova.
20
Mai damu ana Mosesi afoka emi bei maen Ayarafenui aura avoru iyampon ba maen tarifara biyonta be afoen ama dan baremi.
21
Bein avian barufa kain maen, Feron araun bein avien dafisim maen anonien bein agasien.
22
Mosesi tigurusen Isipi kayoi save barem maen akonava baya sen maen beni doram ma akona emi.
23
Bei ma 40 ti oranai maen bein ara mantan be afa avae o'onano banb emi, ma Israeli kekai.
24
Bei onam maen mana Israeli banta uman dosemi mana Isipi banta ayanta bei maen mai Israeli banta mo aya emaen Isipi banta aruan puremi.
25
Mosesi ini yaken ten be afa avae afovae ten Ayarafenu be ayampo everen beu aviren mino, puraino beu ida oman afovai en.
26
Ena bayan ayompake, bei Israeli keka pin oren onan maen beu auban beraran asivim maen beu auban ara kusin bayan baren oren tiyaken temi, banta kayowe ire mana keka ono, para ire auban uman dosiya fono?
27
Ma'a ugan mai banta ano be arona banta uman amen, Mosesin avekan nenta orin ma'a semi iye ein maki iya ayafai 'e Jasi'e tetin pin onobarafono?
28
Ei tein tinono barafono inuran ei mana Israeli banta ma aruga e'onai ono barafono?
29
Mosesi ma mai baya inen maen karan oren enafa bantai emi, Midia kayoi barafin oremi, maira maen kan iyambon afoeni mo emi.
30
40 orana ma esan tavin maen, mana ensoro maen 'e' afoka ugami pasavi afo gampion sanai anura mana dara ira gemi.
31
Mai Mosesi ma ira oniyaken, bei kakanta anudemi mai dana oniyaken, ma'a iyama bei onanovan ade ori yam maen, mana kakan ova kakan pimke eri yaken ma'asen,
32
Tei iren afoen Ayarafenu uno, Abrahami, Aiseki, ma Jekoipi ni ayarafenu uno. Mai Mosesi ma mai baya ini yaken, nbei kakan ta agogo van en ida everen onemi.
33
Kakan maen everen Mosesin tiya men, sendioli aran tan take ayu fono, paravaraseyo, mai ma mantage ona bara maen holi ugein bara ino.
34
Tei one uno tenti banta nasi ma kakan uman pima Isipi bain, mai tei beui ifi ine mae beu avirano van umbare ere uno, tare ei ereno, tiyanter ku tara evere Isipi orinono."
35
Mosesin beu oyan amigein mino, beu tiyaken iyeein makim ayafa ono jasi on tige nafi? Mai Mosesi ana inp, mai Ayarafenu bein ayafa banta en Isipi kalabusi finke avirano van. Ayarafenuansoro ayampion tiyantan eremi iye Mosesim pin afoka enafi mai kata fin.
36
Mosesi beu Isipike aviren eremi, inain mai ayonpake kogon mirakoli emiu mai maki kayo Isipi anien maen Red sea solwarabfimi, mai para bara afogapim 40 oranara.
37
Mai Mosesi ana Israeli keka tiyami yanken ten, Ayarafenu maen mana profeti banta avian mantan temino ireti tifa tivae aubanake profeti tein andagein.
38
Bei mai banta iye ansoro ba ataru uganafi para afogam pin ansoro ano Sanai anura baya sigan nafi, Mai banta tetin tifo ema bare ein mino bei mai banta laifi bain baya baren tetin me simein mino.
39
Mai banta tetin tifo yan ida beini baya inein mino, beu bein tiyan tan nenta orafubin beu everenen Isipi ini gami.
40
Mai damiu beu Eroni tiyan miyan ken, mana gotin maki esina bei tetin tiviren orino. Mai paravara seyo, mai banta Mosesi iye tetin tiviren Isipi bara finke erein mino, teti ida afova uge uno mai banta fin nai na dana sa afoka ugena fino.
41
Ma'a uga mana tito kaoi pikisa uwa man kau en amusin en ofa baren mai pikisa ra baren me amen, paravara seyo mai dana beu ayampo uwaman kaukein mino.
42
Puraino, Ayarafenu beu oyan amen ain ofura beu mono temino profeti kayo tiga, ein mai baya fin beu oren mino. Israeli banta nasi, ireti afa uraran po tein ofa time onafino mana dana ivan baru finke ma 40 orama ma origein' ne a?
43
Ireti mana arasi ure Molecki kayo i mono namun bare mae Refani kayoi ofun goti kayo ba pikisa kayo uwae ireti mairai mono tiya ono, ma'a uga iretin avire ayaga Babiloni esan tante uno.
44
Tetin tifoe yani oeri mono namun para afogampin bamino, ma'a ugemino Ayarafenu Mosesi akona baya teimino, ma'a ugan manai ugen maki pikiosa ba uwarano.
45
Tetin tifoe mai ceri namun beu ina baren erigen mino. Mai dana sintava baren beu ba Canani Josua o'emino. Tetin tifoe yan aura, mino mai dana sinta kayo Ayarafenu dovaren beui barurake ba bararake tiyan ten mi mai keka ma mai barara bain, mai bara tetin tifoe yan beu ina'e siren amemi. Mai ceri namun tetin tifoe yama baren oriyan Davitini afoka impin pa baremi.
46
Mai bei Ayarafenui anu nu dosen Ayarfenu inaen kana tei mana baru dosere kuna Jekopini Ayarafenu maira ban tenafi.
47
Puraino, Solomoni bei Ayarafenui ama uwanta ein banta ino.
48
Puraino, kakan Ayarafenu bei dan bain mini ida bei ma barara mapin baim mino banta ayapo ma uwantein mapin, ma'a ugan profeti kayo ma tigain.
49
Kakan mano tiyaken inaru tenti sia King mino ma bara tesi tirantan kain baru ino. Nai na namun ireti tein tina uwarono bara fono? Intea barura tei tivi kantera fono?
50
Te siyampo ida mino mai dana sinta uwanta uno?
51
Ireti baya do avekan keka onmo au ara pinke ida
52
Intea profeti kayo tetin tifoe yan ida namu ugan nafi? Iretin afoe yan profeti kayo aruganafi iye esesian puntaken banta ra essesian ori ganafi, ma'o ugan tare a ireti ma dere banta namura ayampin kain keka ono ma'a ugan ireti ma dere bein arin keka ono,
53
Ireti ensoro ano ma kau kein lo mante onmo puraino irete mai lo ida paka geo no.
54
Inain kansoro kayo mai baya kayo inim maen, mai baya kayo ono beui ara manten ara uman amin maen Stiveni na aran kemi.
55
Puraino, Stiveni aupin Kaunta Auna mano inti kaga maen inarufa mun onemi Ayarafenui kagan inti kagan, maen Tepuron onan Ayarafenui ayan karu apa manta gami.
56
Stiveni tiyaken, " onano, tei onekun inaru ona divin afon iyampo manta gemi Ayarafenui ayan karu dapa.
57
Mai kansoro keka ayan aterenta iyaen kakanta ovaran mino ano tavaen Stiveni bain oremi.
58
Mino ano Stiveni darifen barufa kakan taunifin ara vemi mino ano on ankamin maen mino banta nasi bein onami, mino ano beui saket ayuen mana pumara arantam pin kaemi, ben avi Soli i.
59
On ma Stivenin ankjami yamaen, kakan bain ovaren ma'a semi, "Kakan Tepuro teinti Aun barano.
60
Bei aronkon iyarem kakanta ovaren ma'a sen, "Kakan o'e, idava beui ara uman pakano, " bei ma'ama tiyan kipem, puremi.
Chapter 8
3
1
Soli mana arasi ughami Stiven nini pueinan. Mai damu Soli araien Jerusalemi bain mono nanin banta namu uantemi ma' a iya maen mumu nan nanin banta karan orera Juda fin Sameria fin emi. mono dorant kaiyo maira para bare mi.
2
Ayarafenu ni baya anunu ma da'a afi banta kaiyo oman Stiven i dosiren kakan arun baren ifi dantemi. Soli ma'an turen mono nanin banta mo namu uantiya maen. Bei mana mana namun unpeben banta nasi un darifan damuren dafufin kaemi.
4
Mumuna naninbanta mino barufa ma karan ma orera ughaein maifa mono bayo mo tiamen orera emi.
5
Pilip i kakan barufin Sameria aravuven Tepuro ni mono baya moran tiame orera emi.
6
Mai damu kogon naninbanta inen one mi Tepuro ni akona avuava ma Pilipi ma ani iyain mino ano ataren kauren kama en inen orera em.
7
Mai damu kogon naninbanta aupinte namu aunan enta ven mi mai iye iye pin na mai namu auran bare nafi, mai namu aunan danu ano kakan bodiyan karan antave mi. Ma'an tiyan maen kogon naninbanta, arantan ayan ma namuen puren orera ma ughein everen puntaren kama en onora emi.
8
Ma'an tiya maen mai barufin kakan amusin en orera emi no.
9
Maira mana banta baremi ben avi Saimon, bei araien asate uvare mi. Mai asafe fo Sameria naninbanta kakan akogo yana amin baren orera emi, maivan bei temi tei kakan banta uno iniyafono.
10
Mino Sameria naninbanta o'e, kakan take ma arera ma aravu geona mae ataren amire beni baya ineno, ma'a semi, mai banta maen Ayarafenu ni akona ma emi ughe mino, mai vamaen beu aviden kakan an dageimino temi.
11
Ben avaya mino ano dag'ga fiya mi. Para vara sei beni asafe ano mino agogo yana amiya mi.
12
Mai damu maen Pilipi ni mono bayara mumu nan iya maen Ayarafenu ni avuava baya tiamiyan Tepuro avi man dako emi, ma'an tiya maen mono non baren orera em.
13
Saimon ni bema mono baya iniya mumuna iya maen non bare mi. Ma'a ma iyan mino damu Pilipi ade dagafen nore mi, non omemi Pilipi ma akona mono kasanapai mai yain doriyain.
14
Jerusalem mi ma bain mono banta kaiyo inemi baya inka Sameria kayo Ayarafenu ni baya bare mino; ma'an tiya maen Pita nu Jon inu tiantan beu bain oremi.
15
Mikam maira ara vuven, mikam ma no amuku antemi Jerusalem mi nanibanta Kanta Aunan bara no vam.
16
Mai damu maen, Tepuro avi ka non bare mi fo ida Kanta Aunan manten mi ida mana mana fin erikami.
17
Oriyam mae Pita nu Jon ni nu ayan kau'en amukuanta a maen mai Kanta Aunan maikayo baren orera em.
18
Bariya maen Saimon one mi mono banta kayo ma ayan mana mana banta anon tama ayan kaure amuku ra maen Kanta Aunan bare orera ma iyan, bei ma en emate karero amemi mai doran banta kayo.
19
Mai bei ma'a sem; tein mai akona timesi bantanasi anonta tiyan kauan taeken Kanta Aunan bara no.
20
Ma'an tiya maen Pita e mante tiamem , ema eni karero va, eni inni ma ida kani e Ayarafenu ni na yana, miya ni inono kare ro fo se.
21
Ei mana yana ba eni dora ma mafin i bamino, para bara guno eni anunu ano ida Ayarafenu ma kana i ugemino.
22
Ma'a tuge mifo ei anunu va en namu inin ma bain amukure sin, ein kakan mano auyen inin ona ami nu, peyante inin doma esin no.
23
Para bara guno, tei one gun kakan namufin bana uno en namu arra ano; kakan ume dafufin bana uno.
24
Saimon eve ren temi, ''Amu kusintano kakan bai; mai ma tiya'ona yana ida teinpin dako ino.''
25
Maira kakan ni mono bay tiam amira maen. Pita nu Jon ni nu kama mono baya tiamen mino Sameria agenpa tiame everene Jerusalemi odemi .
26
Kakani aya ma bain Tifaru ano Pilip tiame mi mante mae Jerusalemi ayana ori are Gasa aravono (Mai a ma bain kama ayana ino)
27
Bei e mante oria maen mana Itiopia nani ni kava banta oma one mi, mai banta Jerusalem mono si kakan uantanno van mai banta kakan dora ma abiba mante imi, Jerusalem anonta kavain nanini doran banta ino ika ikare roro ra dafisin banta inno.
28
Bei anon karisi mane daro kuma mima en darifen Itiopia oria maen bonpon dankafe onen ore mi, mai Aisaia matigein bonpon.
29
Kakan ni auna mano Pilipi tiame, ma'a semi, mema ma aris meme ano darife ma oriyain ade oman tupa uve oro no.
30
Pilipi tava en ade oriven inemi, mai Itopia banta ano Aisaia ni tia'an banpo dankafen oria maen , ma'asemi, Ei ma bayai ana ini keya dankafi ya fono ida fino?
31
Itiopia banta ano temi, "intesa ure ma baya ana afova onte rafuno,iye ano tisimi te nafino? "Mai Pilipi tiame mi eafuve tema kuma neno tima en Pilipi uma bema kuma nemi.
32
Itiopia banta ano Ayarafenu tito ara baya dankafemi, "Ma'a semi aru sipisipi are ra ma bempake ma bama anondo ma kavein enne in maen mai ida o'o davoen mana baya tigami.
33
Bein ma barara kaure namu avu ava po damua e mi iye me akafana keka fin tiamin tena fino paravara se, ma barara finke ben auna domanta seyo.
34
Itiopia banta ano Pilipi inaem tiamei, " Tei ein inaiya re, mai kasanapa banta ano beya nara tigenafi no a'a ena banta bara tigenafi no,
35
Pilipi i araen baya temi, araiem Ayarafenu ni baya fo tiamem mi, Araen kama baya. Tepuro ni baya tiame mi.
36
Ayanafa ma oriam mae, mana non bain ade ma orian ma Itopia banta ano temi " Onano masi non bamino, nai yana ano tein iyara tenafi non bara nova muno.
37
(Undefined)
38
Paka no tima en maima darifem karis oriya en maira o mantemi. Mi kamano erave mimaen non eravi yainta ore maen ma Pilip mae Itiopia banta mono non peantemi.
39
Mikam mano non pinke ma eaviya ma, kaka ni Aumano avire Pilip oremi oriam maen Itiopia banta ano ida bein enava onemi, ma'ama tiyama en mai ayana kakan ta amusin iyan maen oremi.
40
Pilip ma Asotus oma dako iya maen mino agenpa orirera iya maen oren mino kakan baru gayo fin mono baya tiame oreipa Sisaria oman onen oremi.
Chapter 9
1
Soli akona ra baya tiyami paravara gu kakani doran banta kayo aruna purino vani, Inka bei ano oma pris onemi.
2
Bei oma inaem kanae mana bonpon uvaman timesi ma'ayen baya ma dgafi yain, kakani mono baya ma ini yain kayo ma Damaskas bain, pakare avire Jerusalem no vamuno.
3
Ma'an tiren ma Damaskas ade ma oriya maen mana kagan mano eremi, mai akona kagan inaru fake eremi beinauban den eukuga mi.
4
Bei evaran ma barara ankante maen inemi mano o'o ano ma'a semi tiaemi, Soli o'e Soli o'e para tein mamu usin tiya fono?
5
Everen maen Soli tiame mi ei iyefono, Ei kakan na fono? Ma'a semi, tei Tepuro ano ei ma tein namu usin tiya onae.
6
Ei e mate kagan barufin aravono, oriyasi mae baya tiamen teuno intesa onterafuno.
7
Soi mama origaen banta kayo omata gamifo i mana baya tigami banta amen avaya ini yamifo ida mana banta onemi.
8
Soli barara baga ma orun mante mifo ida kanai en au onari imaen ayan orun pakare aviren damaskasi ore mi no.
9
Kanu'u manau damu ida kanai en onari em mion; ida kanai en dunan nari emino, non dere ida nemino.
10
Mana mono doran banta Damaskas bare mi, ben avi maen Ananias; kakan mano bein mana kain pin tiame mi.Ananias oe ma tiyan, "Eve ren temi kakan oe masi bare".
11
Kakan mano everen ten tiame; mai ma orinona ae; mai puntakein ae mairama orinte man banta bami Judas mai ben tasa inao; mana banta banafino ben avi sol bei amukiyan banafino.
12
Beim mana kain onen bainta mana banta e'emi mai Ananias mai manaun edemi mun ayan anonta ma kauren amuku antaamaen marake bain au onen kama intemi.
13
Ananias everen tiamen ma'a temi; kakan oe; tei mai banta avi ineken dana namu ugein banta ino mino puntakein nanibanta namu uantakei mino mai Jarusalom kenae.
14
Bei kanae sin bonpon manta mi prist banta finke mino pakanouan iye iye en avi daren ma mono si iyain kayo.
15
Inkaifo kakan mano ma'a semr, "Orono,tei bein pakarekun bamino te'ti dorani banta i ino vare; tein tivi baren orino vare enaena banasi fine orino vare mai king mapin inka Israel iyanpon kayo fine.
16
Mai tei anie mae ara ara umanpi oria ma tenti dora ma ten tivi ka be baran te mi no
17
Ma'an tiren Anaias ora mai namunpi oferian maen mo ayan anonta kauren, maa'temi, Tetivae oe, soli; Kakan Tepuru ma ei eria namaen ayana fama ma dakoe ke toneone ino.Bei i tisinta evain eriyare ein au kawa inti oniya mae Kanta Aunan barano vare.
18
Mai anien soli aufente noyana ataro ma eini ugein dana ano eravemi eraviyan maen au kama imaen onemi mairake emate mono non bare mi.
19
Marake ematen dunan nen akona bare mi, mara mono doran banta kayo va mana'a damu baremi.
20
Ain uro en tepuro avi man dago emi, Juda kayo i mono namun. Mai bei ma semi mai Ayarafenu aga suro mono.
21
Mino naninbanta ano iye iye inenafi mai kakan anuden agogo dana mantami,"Beu temi mai banta ano ana kakan avi ma diyake maen; bei banasi namu uantiya mi Jarusalem mi bain keka, bei tetin kampun tire tivire pirs mo ameno va iyami no tire agogo mantami.
22
Ma'a tiyan maen Soli moekan akona bariyan kakan ni mono baya ma tiamiya maen mafin ma bain Juda kayo ara uman briya maen moekan Tepuro avi daniemi.
23
Man'a damu Judakayo baya damuren bein aruuan puro no van iya mino .
24
Intea baya damiya nafi Soli pe afova ugami .Beu mai mai Baru onara inuran bayan dafi siyami bei arono van.
25
Beni doran banta kayo tesen ku fin kufeden ananta dan avenu ven kara oremi mai inura mana.
26
Jarusalem ma oman dako uve ma mono banta kayo va ma oman.Kuma men dorano vama iya. Beu bena kakan perari ugami, ida bei nan mumu na ugomi benan ida mono banta ino semi.
27
Ma'a timaen Barnabas bein aviren avo aposol kayo bain oremi, mo siamen ma'asem mi Soli maen bei Kankan ayanafa onemi beina Kakan mano baya tigami, ma'an tiya maen Poli ita peka mi akonara mono baya tiyami Tepuro avika Danaskas barufin.
28
Ma'a iyan bue ba o tipaen kumane mi ma Jarusalem mi eno ben oremi, Bei ida peren agogo baremi marake ematen akonara. Tepuro avika Damaskas barufin .
29
Beimaen ematen arviri ugami Juda kayo ma gir kema dunbain; maikayo emate bein aruan puro nova iyami.
30
Bai ma afova mai i yan oniya maen aviren Sisaria onoben tiantan aravem mi Tarsus.
31
Mai yana ma dakoiyan ma oniya Judia mono pin, Galili ba Sameria kayo va ara kusin ma akona va baremi; Marake ma oriya maen akona ra kakan na pekami marake Kanta Aunan mano beupin boreya kama iyan.
32
Mai damu maen Pita ma mino agepa dore eukiya bei eremi nan nanin bata onano van Lida barufin ma barn kayo.
33
Maira ma arave mana banta onemi ben avi Ainias bei tagopin paona bagen bare mi ayan manpa ifo kami mani orana paravara kuno bein aubaugafa mino pukan baremi .
34
Pita ma'a semi,"Ainias,oe; Tepuro ein kama uantan temin ei emata va ei tago puntarno ma'a tiya maen bei orun ainenmantemi.
35
Mino Lida ke Saron ni ke naninbanta ma mai banta ma oniya maen mino ano ara baeren kakan pin ere mino.
36
Jopa mana mono nanin baremi ben avi Tabita; mai abi ana maen ( "Dokas" (Grik baya finke.) mai nanin maen kama avuava bein pin bikaka,ma'a tuga maen ida ma ona; danan; ma ban banasi ayaiya mi.
37
Mai damu bei ai baren purin maen non pean taen dan namun purin bugafa kaem mi.
38
Lida maen Jopa ade bamaen mono banta kayo ine mi Pita na maifa bamin na tigema iniya maen kanka banta tian oren oma tiame mi."Aine urona mante tati bain na ereno".
39
Pita emante anen beu ba oremi maira ma euniyan mai kay ben avire dan namun oemi. Unpeden anasi kayo onemi be avafuna ma pukein kayo bama en kakan arun baren ifi diyam oniya maen bei ma uvariya ein unan kafina va iyon afui ma bein one pama ba'ma uvata en.
40
Ma'an tiya ma oniya mino tiantan barufa aravemi , maira bei aron kon iyaren amake mi, amukure maen dovean purin nanin kaga ben ma'a semi, "Tibita oe, orun monta no" ma'a siya maen orin mantaven Pita oniya mema kuma nemi.
41
Pita ayano an kuma nan temi, maira mumu na nanin bant kayo ariya moen inka beu avafuna ma pukein kento kayo va ma aran ediya maen mai nani everen beu ame mi.
42
Kakan ta mai baya ano Jopa agen pa orera iyan maen kogon nanibanta akona mumuna emi mai kakanani.
43
Saimon ni ma Pita mana'a damu baremi Jopa, uraran ayofo Saimon unan kafina uvaran bantai.
Chapter 10
1
Tarea mana banta bamino kakan taunifin Sisaria bein avi'i Konilias mai bei kapteni ino 100 soldiara dafike mino kakan tauni Itali amira.
2
Bei Ayarafenuta monotin banta be ama ba mino bema bain kayova, bei kogon nanin banta moni aya'e e iyan iye ida ona dakenafi ma'a iyan bei ena ena Ayarafenuta amuke'e iyuan.
3
3 kilok inupa bayan, bei Ayarafenui ansori onan beivain kainpin eremi. Ansori bein aremi, "Konilias!"
4
Konilias ansori oniyaken ago' gofaren tiyaken, " Ei nai na sara fono, kakan banta? " Ansori everfen beintiya miyaken, "Ei amukima e'i tusu dana ma ona ivam banta kayo ma amiyake ona, mai inarufa oin maen Ayarafenu inemi kama avu ava ma bariya'e ona.
5
Tarea mana'a banta tiyantan kakan tauni Jopa oremi mana banta aviranta bein avi Saimoni ena avi Pitai.
6
Bei maen mana bantava bamino bein avi saimoni, bei maen kae aufo ona amuin banta ben ama maen nampisi ankinafa bamino.
7
Mai ensori bema baya tiyain ampiren orin maem, Koniliasi bei kan doram banta aren mana soldia iye mono beu aubanake tiyana beni dorari iyan nafi.
8
Konilias intea danasa afoka en nafi beu tiyamien beu tiyantan Jopa oremi.
9
Ena bayam 12 kiloki, beu ayana oriyan kakan tauni ade ounim maen, Pita ma amonta oemi amukita.
10
Inain bei arafan purim maen dunan nanovan emi inain banta kayo onan mana'a dunan bamaen, Pita mana kain onemi.
11
Mai bei onan inaru ona divin maen mana kakan davarave antuken eremi ma barara, mai 4 fara kona bain mi.
12
Mai davara vefin ara'ara abusi bami 4 fara arantanta orin dana kayo mana'a amupake orin dana sinta ban amaran ura ran kayo bami.
13
Inain mana ova tei bain eremi, " Pita mantave ma'uraran kayo arure nano.
14
Mai Pita tiyaken, Kaka o'e, idaino, mai paravara seyo tei ida namuen pani ugein dunan niya runaino.
15
Mai 'o' Ayarafenu aru'an kama enafi, ei ida ba tiyake mai namu an pani eminova teno.
16
Mai 3 fara dada afokasi en inain mai davarave amunen inarufa o'en.
17
Inain Pita ma mai kain o'arema beni anavan anoima iniyan bamaen, inkaifa Koniliasi tiyanta ma erein banta kayo onara 'e' man temi, beu avan inau'en ma haun oremi.
18
Beu ovaren inaemi saimoni ena avi Pita, m,aira banafino.
19
Mai Pita ma mai danasama anoma iniyam mai kain ta ma bamaen, Kanta Aunan mano bein tiyami yaken, " Onano, 3 fara banta ein nan dosia mino.
20
mante arave beu ba orono. E'i idava avesarae beu ba orono, mai tei tiyanta nan beu eriyan.
21
Ma'a ugan Pita mai banta kayo bain aravem ma'a semi, " Tei ma banta uno tein nama dosiya'e ona. Naivara ireti erefono?
22
Beu tiyaken, " mana amio ofisa, beni avi konilias, bei mana puntakein bantai Ayarafenu ta mono tin banta bam maen Juda kayo bem bayai e'e iyami, Ayarafenui Holi ensori ano mai banta baya tiyami maen tetin tisinta ein aviranta ere uno ein avire bein ama orekun en ofenke baya inenovan.
23
Ma'ain Pita aviren be ama oin bema obaremi. Ena akura mante maen beuba oremi, mana'a afa avae Jopake bemaoremi.
24
Ena bayam maen Sisaria eremi. Konilias beu ave ugen bami, bei maen bei femali ba ade bain arona va ataru uren bami, Konilias beu ave ugen bami.
25
Bei maen bei femali ba ade bain arona va ataru uren bami. Pita ma naun dum periya maen, Konilias aron iyaren Pitan ta mono tiyan tano van emi.
26
Pita bein ayano an mantiyakenten, Mantano! Tei ein andage runa banta uno.
27
Pita bema baya tirem maen, inain manaun o'emaen onan kogon nani banta ataru ugami.
28
Bei beu tiya miyaken, " Ireti yanta afova uge ono Juda kayoi lo ano sen ida va ena nani banta vasa bake beuba baya seno, Purain Ayarafenu tein ani iyaken idava mana banta namu geona 'o' puta uge ono.
29
Mai anara tei ireti bain ere uno, tei ida anane uno irema baya denama orein, ma'a uga tarea tei iretin inae uno nai anavara baya denan orenafino tei bain.
30
Koniliasi tioyaken 3 fara damu orafubin ma'a a'aura, tei tesima timuke 3kiloki inupa a'aura, tei mana banta onekun efen onava kakan kagan ma tein tufa emantemi.
31
Bei tiyaken, Ayarafenu eini amukin inemino mai avuavasi ma iyae ona.
32
Ma'a ugan mana'a banta tiyante sina Jopa oren inaino mana banta ben avi Saimoni ino ena avi maen Pita ino. Bei mana banta ama bamino ka'o aufo ona amuin banta bein avi Saimon bei nampisi snkinafa bamino.
33
Ma'a uga amune banta kayo tiyantekun ein o aviren eremino. Kanavan e'i ere ono. Tarea, teti mino ono Ayarafenu aura mante uno tarea eini baya ine novan kaka manoma ein amigein ei tetin tisimeno.
34
Inain, Pita osafe en ma'a semi, " Puraino, Ayarafenu ida mana keka nani banta saitifa ore'e iyami.
35
Mai mino ma bararake banta nasi iye bei mana monotena puntakein avu avaba banafi puraino Terupo mai banta anu nu ugemino.
36
Ireti baya afova uge ono bei ma tiya'an Israel banta nasifima erein, beima arakusim mono bayama tiyan amaein Tepuro bei banta nasi kakan mino.
37
Ireti afova uge ono mino kakan dana sinta ma afuka ugein mai mino Judia akinafa afoka ugemino, galili arai ugemino, mana danasinta Jonin ayombake afoka ugemi tiyan ama'en baptasi emi,
38
Ma danasinta ma afoka inein ma Tepuro ni nasareti ke'i, intea asapakesa Ayarafenu Tepuro oili ena Kanta Aunan ma akonava. Bei oren kama avu ava mo emi ai'i dovaremi mino banta nasifinke iye bananan mano da'daganafi, mai Ayarafenu bema bami.
39
Teti one afovai 'e' uno, Tepuiro ma barein, Juda ba Jerusalemi kantrifin. Bei aruren diwai krosi dara dia emi,
40
Ayarafenu Tepuron nampa 3 damu avian mantemi mai bei ma'a emi beu mai danasinta ona novan,
41
Ida kogon banta bein onemio, mai mino ano bein onan afova emi Ayarafenu pefa maki ugami tei mai keka bema kumame dunan ne non ne uno inain ma bein purim pinke emantein.
42
Bei tetin baya timi'en banta nasi mo tiya miyake te Ayarafenu tein maki emi mai Jasi uwen banta nasi daimin novan pavain banta nasi ya pukein banta nasi va.
43
Mino profeti kayo beini bayai ana ten ore raen,ma'a ugan iye beinta mumunan enafi, Ayarafenu beini ume Tepuron avika aru mitan.
44
Mai Pita ma baya tiyan mai dana kayora bam maen , Kanta Aunan eren banta nasi amanina ekuman nemi iye beini baya ini yan nafi bema tiyain baya.
45
Banta nasi au tikanta mumunan e'e iyanafi, mai Pitama erigein keka ano anuden ore'raen, maen onan Kanta Aunani akona ano ida Judan Kekapin inti kaga mi.
46
Paravara seyo beuma inein ida Judan Kake ano baya temaen ena bare baya finke Ayarafenui avi aman tani emi. Mai Pita,beui baya everen tigami,
47
''mana'a keka ano tiyaken ida non barano tiyafo?Ma keka maen Kanta Aunan baremino mai tetima manta eruna anden?''
48
Inain bei non baran baya beu tiyamemi Kakan Tepuron avika. Inain beu bein inaemi kana tetima bante fono mana'a damu
Chapter 11
1
Tare beu doran banta kayo va ena mumuna nanibanta iyeiye Judia ban ma'asen iniganafi, ena nanibanta va Ayarafenu avayara mumunan iyanafi.
2
Inka Pita ma Jerusalem i erein, iyeiye au kaganafi Pita aufinte en.
3
Beu ma'asen, " Ei beu ba ataru uve ida ma au kakein kayova ataru uve dunan neiyao.
4
Ma'aughan Pita ma'asen minodana ma dako ukaepake beu tiyan amen, inka bei ma'asen.
5
Tei kakan tauni fi Jopa timukiya, tei mana kain one, mai kaimpin onekun mana dana dokifin inarufake eren, beti 4 fara konafin davarae ma pakein uren ampia'an tema baunara erakane.
6
Tei oare mai danasinta van anoma ine, tei ma bararake uraran ma afa uraran ma, osafaeva mana'a nun ma ayonta noin ontere.
7
Inain tei ineku mana ova ano tein tisimen, "Pita, mantaven mai danakayo arure na!
8
Inkan tei ma'ase, Kakan oe, tei iavaruromi aranuna iya danaba paini uken dana nage.
9
Maukemifo kan dadasi en inarufake o ano masen tisimen, " Nai nasa Ayarafenu tiyan amen nano tenafi, iava te iae."
10
Mai dana 3 fara dada dakain mai danakayo everen inarufa oen,
11
Amunen tarafira banta teti ma baruna onara mantagen bami, beu tiyan tan Sisaria ke maigayo tevain eren.
12
Maka Kanta Aunan mano tein tisimen beu basa oro, inka aiva tei ma'ase beu enui 6-si tifativae tema ori mai banta ama ore.
13
Mai banta ano tetin tisimen mana ensel riano mantaken ben ama ban masen, " Tiyantesin mai batakayo Jopa orive Saimon beu ben aren Pita ove ere.
14
Bei iren aya in bayan tiyan aminten, inka ema ei bantanasi ereti mino namu dana me ampire kama a dagafo.
15
Tarema tei araie baya ma beu pin tiyan ame, Kanta Aunan beupin eren manai avuava ga tiyan tetimpi ma ese damuma ugaeini en.
16
Inka tei einiya kakan avaya kae, bei ma'asen ten, "Jon i nompo i nonamigan, ma'auke mifo ireti Kanta Aunan poi nonbarano.
17
Ma'a uganti Ayarafenu ma avaba Kanta Aunan ma beu amien manai anon en tetin ma timiga enien teti ma kakan ta Tepuro mumunan ugaeku, tei iye bara Ayarafenu ni baya iyarante rafu?
18
Inka beu ma maidana ma inyaken, beu ia mana baya tigan, maukan beu Ayarafenu avi anan ama daniuren inka ma'asen, Ayarafenu ana tirunoe umerama tin ma pavan oriyaban aunan ena nanibantavai baren.
19
Inain ma Stiven i ma beu namui inka ari puriyan, beu mumunan bantakayo peren karan oren en Fonisiaore, Saiprus ma Antiok, beu monobaya Tepuro avika ten Juda kakapin oren.
20
Maukan mana'a mumunan banta kayo Saiprus i keba Sairin eren Antiok eman kama auyen baya Kakan Tepuro pake ten Grik ki fin oren.
21
Kakani ayan beuba bamaen inka koko nanibanta mumunan bayara uve Kakan bain eren.
22
Mai damuma Jerusalem mono ano mai baya orin inien, beu Banabas i tiyan tan Antiok i oren.
23
Bei ma eren Ayarafenu ni avaba beu pike eonen, bei amusin iyan akona beu uwanten kaka maban ben tya mumunan mino arakake inovanten.
24
Banabas i bei kama banta, bei pin Kanta Aunan ika akona mumunan ma bami, ma auka koko nanibanta ano kakan ta mumunan ugami.
25
Inain Banabas i Tarsus Pol in dosiran origan.
26
Mai damu Sol ima o dosiren avere overen Antiok eren. Mai mana oranafin bekan beu ba ataru uven bantanasi monopi Tepuron pake beu tiyan amen. Mai damu Antiok, ese damuma monokeka i ma ten aviamiyan mai doran banta vami.
27
Mai damu mana'a doranbanta Jerusalem me ampiren Antiok i eren.
28
Mana beupike avi bei Agabus, Kanta Aunan be pin ban bei dorabaya te inaima kakan arafan mino akinafa mabarafin afoka inte. Mai afova baya inka afokaen mai damuma Klaudias i ma anonbanta i ma Rom i ugan.
29
Beu ma Agabus avaya iniren, beu doran banta kayo moni ataru uren mumunan nanibanta Juda ayaukan, beu ma bainta tiyanamen.
30
Beu Banabas i ma Sol i moni amiren mova mono pike anobata ame Juda ke.
Chapter 12
1
Tare ma damu pin, Kin Herot i ano iye ma mono auuava pin ma mumunan'e mei bei ano arian, meivan bei mei kaiyo aman namu iyan.
2
Mai be'i Jems'i aren, mei bei Jon'in ava'e tope'fo aren'e.
3
Inainfa bei onan Juda'n kaiyo ano mei avu'avu san amusin en, meivan men bei Pita nan dosiren aman bein dafufin munkuvvai'an non. Mei aiv ava ma dako'en men ida ma pamin dana bain dunan ma nan damuse.
4
Inain Kin herot i ano Pita bakan bein dafufin mukuwa ano,mei bei fofara dafisin ayan ta Pita kau aren mi beu sara kamae banta dafiseno. Pita aviren barufa me banasi ameno wan kini ano ini yane, do esavedar dunam ma inian ayompase.
5
Mei Pita ma dafufin ma muku'an ma baim pimpa se, mumunan nanin banta ano Ayarafe un'ta akona amukivi'en.
6
Mai inupapin Herot ano ida Pita avrven barafa eran'e. Be'in kankahan ananpo damuwa'an ban, meiva Pita kankanan difisin banta aunbanan ba'vin. Mai ena anta ma bain onara ma difisian dafisin kaiyo ano wa banta dafisene dafu ma munkuwa'ane.
7
Inainpa, kakani aiyan ma banta ano bevain eriven mei dafu munkuwa'an na eren. Pita aruen avo raren tiyan,"Aine manta no," ainen mana anan ma aiyanta ma bare'ein utufene.
8
Ma aiyan ma bain banta ano tiyan amen ma'asen, "ei ona kaiyo va ei aranta ta in ma ka ono". Inka Pita ma'anen.Inainpa Aiyan ma banta ano tiyan miyaken," Ei mino akona ona va kaue va tein bakuro".
9
Maivian Pita aiyan ma banta bakuren barufa avavono vane. Bei ida iniyaken mei ma aiyan ma banta ano banta uwarein mi ida pura dana ino.Bei ano ma inein mano pa kain mino ino.
10
Mei kanan ma a'nta ban difisin meira ma bain difisin ma e'anten, bekanan onara eren kakan barufa ma oriyain asa se, Mai ona ano beyanta divin bekanan'nan barufa araven.Mei kanan ma barufa ara vuben ma ma oren Ainen mana Aiyan ma banta ano Pita ampiren oren.
11
Mai ma pita kama inin ma baren; bei ma'a sen,''Pura ino tare tei afovaie, kakan mano bei aiyan ma banta tiyanta tein me siya'en herot in ayan pinke ba Juda nanina banta avu ava ma teinta ma inain tase."
12
Maira ma bema meidana ma faova'en;Maria am'a pin oren, Jon i ano'e, beu Mark'i aran mino nanin banta ma iye ghen ma amukiyare einta.
13
Bema onara ma emantaven ma ona ankan ankan ma iyan, mana doran nanin, benavi Roda, bei'ni ona diantanta eren.
14
Bema Pita amen ma iniyaken, bei kakan amusin inyan ido ona diven; idae bei tava'en ma pin oiven mei kaiyo ma'asen tiyamen.Pita onara i manta ghen ban.
15
Ma'anen beu bentiya miyata,"ei Pol'i ona ka'nono," Ma'anin bei tia'ken tei puran tiya uno.Mei beu ano ma'a sen," ei beni ban mi onta nono:
16
Mei Pita men pa ona anka miyan beu oman ona diven. Mai ma beu ona diven, beu Pita'n o'aren namu anudene bema oneine.
17
Pita ma ma'pin ma o'eine, be aiyan aman ora Kau'en mi beu nan ora damo, bei ano beu tiyan miyan Kakan ma ben dafu munkuwa'an pinke ma aviren barufa erein.Ma beu ma tiyan miyaken '''Jems' i ma tesi tifa tiva na tenta ma ein dana sinta va tiyan ame.'' Inainpa beu ampiren ena barufa oren.
18
Ena akuras'in, ida mana dana dafisin kaiyo aubana afoka'en meivan ma Pita ta ma afoka'eine.
19
Inainpa Kin herot ano beinan dosen mifo ida onen'e. Meivan bei beu san ina'en, dafu munkuwa'an dafisin kaiyo va aru'ran purino. Inainpa bei Judia ampiren siseria o meifa ban'e.
20
Tare Kin herot ano aia ba Saicloni nanin banta van namu aran dosiyan.Mino ano bevain oriyan.Beu ano akona'en tiyaken kin i anta akona banta Blastus,i beu aya'ino van'e.Inain beu ara kusin avu'ava san ina'en, para'vara seiyo beu ni baru ano kini barurake oman dunan bariyane.
21
Mai damu ma tikare'ein Herot'i kini ona i'en kumanten kini ma kuman iyan ban; mana'a baiya banasi aura uwariane.
22
Mino nanin banta ano ba'duvaken ma'a sen, ma men mana kampun ayarafeun'i amen nafi "banta i amen naino!"
23
Ainen mana Ayarafenu'i aiyan ma banta ano eraven bein arene mei ma, bei ano ma ida Ayarafenun avi dani'en; ma'ghin mano ben naran do furen.
24
Mei Ayarafenu'i baiya ano mino pimpo ore'raen mo akona en.
25
Inainpa Banabas'i ma sol'i ano bekan'i mono doranrintaren Jon'i Vain eve'renen eren, beu ano Mak'i aren'e.
Chapter 13
1
Bare Antiok'i mono namun Kaiyofin, mana'a profet kaiyo va tisa'n kaiyo va ban. Beu avi men; Banabas, simon (iye Nigane ma Siyaine), Iusius Sairin'Ke, Manaen (Herot'i avae ma beu ma ma'en avinteing, mai Herot men 4-fara provinsi dafiken) ma sol.
2
Mei ma dunan ampiren kakan banta ma mono tiyantian, Kanta Aunan beu Tiyamiyan ma'asen, "Banabas'i un sol'i hus sa ka'o,meivan bekan mano te ma are kun ma inain doran mi inten."
3
Inainpa ma dunan ampiren, bu ayan be kanan ta daren mei kananta amukuren tiyanta be kanan oren.
4
Maivan men Banabas nu pol Kanta Aunah mano ma sein baiya bakuren Seliusia oren; Meira men bekanan sipifin kansiven siaiprus'in*ailanifin oren'e.
5
Beu ma salami ni kakan barufin ma bare'ein, beu ano kakan banta i baiya Juda kaiyo i mono namunpin mo san. Mei ka'nan mano Jon Mak avi'an bekani ayaini'en.
6
Mei beu ma Pafos *ailani auban ma oriven, beu ano mana* glas'i banta dosen, bei mana kampun Juda'n kain banta (profeti), ben avi i Ba Tepuro.
7
Mei*glasi banta ano *gavana va'i tupa ughen,Segius Polus, bei mana* save banta.Mei bei pol'i ma Banabasi aran bein me onano van, mai bei i baiya inenon van'e.
8
Ma Elimas'i ano (mai Elimasi bi anaglas'i banta e sighin)ida beu anunu uren,ida Gavana van Ayarafenu'i baiya inirena mumunan ino van.
9
Ma'an ughan sol'i ma pol'i ma arigain mano,bei kanta Aunan pin bika'ghen, mei glasi banta ankona onari'en.
10
Bein tiyan miyaken, ei bananon agha ono, ei mino kampun ma namu avu avupin bika'ghe ono.Ekama avu'ava i namuro ono.Eidakanai'e kanai kama avuava munki'nono,ei kaina ughe'fo?"
11
Tare onano, kakani aran mano evain erehe,mei ei au namuin andan ono.Ei ida kaina'e a'au mana damu onan no."Ailnen mana mana kanan ma titipa ano Elimasin amannina eren; mei bei arai'en barasi van ben aiyan barkaren a ani'inp van dosen.
12
Inainpa*gavana ano mai dana ma afokaein onen,bei mumunan''eh, naivara bei kakani inin amin baiya kaiyo ra anuden.
13
Tare ol'i ma bei kaka ano pafosi ampiren sipifin kausen pega ma pafilifin oren.Jobei'i beu ampiren Jerusalemi ampiren eve renen oren.
14
Poli ma bei keka ano peka amprien Antioki pisidiafi eren meira beu*sabbath mono namun pin oi'ven kumanen.
15
Inainpa ma* kain banta i baiya va mam baiya mariti uren mono namunpin ma kakani ughein mano baoya pol ma bei keka pin olan oren ma'a sen,"tifa tiva'e kaiyo, ida mana'a baiya mana'ra ke banasi akona'in baiya dakefo'i iretikasa tino."
16
Meivan poli mantaven aiyan dani uren mai baiya akono ino van ma'a sen,"Isreli banta kaiyo iye ma Ayarafenui baya ma inie ma bakuriya ona,ireti ineno.
17
Teti Isreli kaiyo i Ayarafenu ano tetin tifoen aman,banta anasi i mampaaman kokonasien mei ma lsipi ma bre'ein mai ba Ayan dana uren beu lsipi aviren barufa eren.
18
40 orana ade'sien,Mosesi ma beu ma'ma ida mana dana banta ma uman barein.
19
Inainpa bei 7 kenani kautri aman namu uren ,bei kenani bara aman tetinti keka amiren beu nina anden.
20
Mei mino dana ma afoka ein men 450 oranapin mino.mai mino dana ayonpa'ai, Ayarafene isieli anon banta amen mei ma Profet Samuel.
21
Ma en,Inainpa banasi ano man kin nan ina'en, Ayarafenu soli amen kisi anin,Benjanmin anan banta finke, 40 orana kini ino van.
22
Ayarafenu ma Soli maikin baru rake ma doen,Ayarafenu Devitin avian Isreli kaiyon i kini ino van den. MeiDevitinan Ayarafenu ma'asen,Tei inka dosere Deviti Jesi anin bei tesi inin ma tira ba bakuriyaine, bei mino dana sinta ma te ma barano ma sighe una bariyane.
23
Mei beni anan banta ra i Ayarafenu mana banta ma eva renen lsreli kaiyo aviran lsreli eren, bei Tepuro, bema per tigare'eine anden.
24
Mei arai'en afokaen, Tepuro ma i erikare'ein, Jon ano ma lsreli naniu banta ma tiyan amen au sa be'en na*baptais barano.
25
Joni ma bei daran ma intan non, bei beu ma'asen ina'en, ''lreti tenan iyefino tiyafo?Tei mei banta vauno. Lneno, mana ma tiyonpa ma erinain, tei ida kana'e ben arantan pinke in do'onte uno.
26
Tifa tiva'e,Abrahan agha fana finke, ma iren aubana iye Ayarafenun ta mono tiya ona, tetinpin mana mei evaren banta aviran baiya eren.
27
Mai ma Jerusalemi bain kaiyo, bue ma Ayafa i ughen kaiyo va, bein ida afovai'en, bue ano *profet ma sighen baiya ra i bakuren beni dunan afokasien mei ma mino *Sabati ma riti uren ma ka aviran ma aviranain damu se.
28
Beni mana namu doseir benan purino van in, bue Piailati nan ina uren beinar arino van.
29
Beu ma mino danasinta ma *profet nao ma Banasi ano ma benta ma inain ma en , beu ano bei da unkamanta do'uren aman masipin ka'en.
30
Ayarafenu ano be'in purin bamta i barurake evaren avian manten.
31
Ben kokona damu i bue ano onen, mei bananasi ma bama ma Galili ke ma eriven ma lsreli ma oriken kaiyo. Mai manin banta iye ben onen, beu ano bein aman pamanen ena nanin banta ra.
32
Meivan teti ano ireti ma kama baiya tiyanme, Ayarafenu ma tetinti tinafu tira'o fin ma tiyami kare'eine,.
33
Bema itgare'en danasinta tetinpin dan me afokaen beu agha'fana fine, bema tepuro ma ma'si pinke ma avian ma manteine, i'dan bukufin ma uniantare'ein andan:'Ei tein tigha'fana, mei damu ma ein afoeni e'unae!
34
Pura ma'asen,Ayarafenu men Tepuro purin pinke evern avi'an manten banta va beni bukofa ano ida namu inten, mei asa ma Ayarafenu ma tikare eine:' tei iren mei ma kantasi ughen avaba ma Deviti ma tiyan mikare una'.
35
Mei ana ra ena i'dan *buku fin ma bei ti'gheine .Ida ei ei'ni puntakein banta a'esin bei bukara namu inten.
36
Devit ma Ayarafenu i mino aranta ma barafin ma ughare'ein beini damu pine purin,beni bukafa aman mas'i be afoe'yan ma ka'en ,beini bukafa ano puta'en.
37
Mei banta iye ma Ayarafenu ma avi'an evaren ma mantein mano,bei ida kanai'en namu inten.
38
Ma'an ughanti ireti tifa tivae ano afovai'e, mei banta ra ano ume anipinavu'ava me afoka'en.
39
Beinta ano ana , iyen nanin banta ano ma mumunau intefo e'i puntake'in nanin banta'i ino .Mosesini mamkaiyo ano ida e'in man puntakein bantai ino .
40
Meivan men, ireti sa kama'e va dafiseiti ma sigha re'ein dana sinta va ida va iretimpin afoka ino.
41
'Onano, ireti kampun baiya uniaran kaiyo ono,anu duen inainpa mino ano afeyorano ,nai vanen,tei ireni damupin doran barere.Mana doran ma ireti ida kanai'e ma mumunan inona'e,ifa'ano mana'a kaiyo ma ein ma tiyanmiyariti.
42
Poli'nu banabasi ma orin ne, banabasi ano bekan ino iyaken mei baiya ana evarenei ena *sabati sino van.
43
Mono ataru maintan,kokona Juda nauinbanta va au yeh mumunan kaiyo ua i poli nu Banabasi nu bakuren,beu tiya mi en ma ina'en ma'asen beu sa Ayarafenui kama vasa or'ino.
44
Ena*Sabati men, mino nanin banta kakan barufin man beu ma ataru upen beu ba Ayarafenu'i baiya ineno van.
45
Juda kaiyo ma kokona nanin banta ma onen, beu ano ara namu'en, beu evarenen poli ma sigha re'ein baiya siren bein aman namu'en.
46
Meivan poli nu Banabasi ano beu ni baiya evarenen punta'en tiyan amen, ma'a sen,"ma'a va ino,Ayarafenu i baiya ano va ireti Juda kaiyo fin nare va erino.Ireti mai avekan nerta dare ya mei avu'ava ka'se ireti ma'ase ireti ida kamaughe aunan ayaka bain bara no,, era'an mi be'an ena nauinbantafin ka'e kun orinten.
47
Manai ughen Ayarafenu ma dafisin baiya ma seine,'teiein ka'ghan anden ena nanin bantfin ka'e, na'i vara'ino ei Ayarafenui baiya tiyan miya ma bantaavire ona,mino aghenmpa oren.
48
Ena nanin banta ma'ma inen, beu amusin iyan kakani avi aman dani'en.kokona ano kakanta mumunan uren ayaka ma bain aunsh baren.
49
Ayarafenu i baiyo ano mei barufin mino a'ghenmpa ore ra'en.
50
Juda kaiyo ano ank kona'en ten Anasi kaiyo ma kakan avi ma dukeinan ma beu ni mono mape ma kakan barufake ma eriyainainan.Mei ano kakan uman Poli nu Banabasi amaninan kau'an beu ano bekan kakan barufake karu'dan barufa eren.
51
Poli nu Banabasi ano bekan arantan pinke beu ra kaiyo do'en.Inainpa bekan Ikonium ni kakan barura oren.
52
Disaipel kaiyo ano kanta aunan pin bika'ghen ban kakan amusinpin ban.
Chapter 14
1
Mai yana Ikonium dakoen Poli nu Banabasi nu.Juda kayo i mono namumpin kakani baya mo se.Ma'ai Juda ba Griki nanin banta ano kakani bayara mumunane.
2
Baya ma ida inikein Juda kayo, emante anasi banta inin ami be afa ava'e namuroie.
3
Ayaka i maifa bekan bami, kakani akonafi. Ifera ba bakan bayasen. Maudamu ana, kaka mano ayai bekan mirakoli en beni avaba ba. Poli nu Banabasi nu kaka mano dorau ame mirakoli ono se
4
Mai baru winte i nani'n banta kanpinta daime.Mana'a kayo daime Juda ba ori mana'a kayo daime doran banta va oren.
5
Ena nanin banta kayo vaJuda ba ano beu'i a'non banta arapini en. Poli nu Barabasin nu on anka mona se.
6
Bekan afora en karan Likonia, Listra barufa oren.
7
Ade baru Debi maifa.Tepuro ni kam baya sen.
8
Listra barufi mana banta kumanten ban. Arantampi i akona van.Bei i aranta daren oirkan.
9
Mai Banta ano inin Poli bayasen. Poli au kain orin mai banta oren. Bei mumunan en ti'kipante ne sen ine.
10
Poli avaren ben tiamen. E arantan ta orun manta"mai banta orun manten oren.
11
Kakan nanin banta ano onan Poli ma danasi en, Likonai bare baya fo ava ren akonaen ten."Banta ma ereini tetin pin ayarafu kayo ukene."
12
Mai kayo ano a'vi aren, "seua" Bananaoas "emes" Poli nan ten.Para vaina bei bayafin an'i in banta ino.
13
Seusini doran banta, kakan baru ayopa bei mono namum ban kakan nanin banta va ikun uan amero va bulmakao ba kama flawa ba ma'iaren kakan baru i onara oren.
14
Poli nu Banabasin nu ma mai baya iniya, bekan ona dakan, amune bekan koko banasivin mo ovaren.
15
"Ma'a sen, Banta kayo oe, nai vara ma avu ara iya fono? Ireti an berasan dake uno. Ireti ma bari yao'na inin ma avuava ba, berasan bare e iya uno. Berasan kama baya bare eriya uno, ireti inire kama baya namu avu ava ampere kakampin ere ayaka ban tifoe. Ayarafenie, Inaru bara uvaran benafo, mino dana solwarafim ma bai ma.
16
Pefa ifai banasi beui anunura i nore mino.
17
Beyan i afoka uka ren ena ano i ren onta.Ma'ai kama avu avasi'en inarafinte a'amin mino damu kama duna ame, Ireti amusima nena amukuren ma'aukan.
18
Poli nu banabasi nu ibaya ano i'a ayon aminte mino banasi ano ofa amenon e.
19
Antioki ke Juda ba Ikonlumi kakan nanin banta inin ona darifam baya sen. Polin on ankame, darifen bein kakan baru ampiren avire ara ven. Beu'ma inei bei pukemino siren.
20
Doran banta kayo ben ma'an aubanasi mantakan, orun manten kakan barufin o'en.Ena damu, bei Barabasi ma Debe oren.
21
Bekan kakan bar ufiin mono baya sin koko banasi au beren kakani batai en.
22
Bekan banasi tiame, Tiyarafenu i panu barufim ma o'in, teti sa koko umapin ma bara.
23
Bekan emante ano banta kayo mono namu Kayofin ei ei va bano ten .Beu doun ampiren amuken kakan ayampin beken anon banta kayo ampen.Bekam ma mumuna iyaintase.
24
Inai pake bakan Pisidia enoben pamfilia e afoka'en.
25
Bekan mono baya page me san Atalia araven.
26
Mafaka sipivin kausiven Antioki oren,bekan au mai barunai Ayarafanu amiren beni dorari en .
27
Antioki ma bekan o afokaen, bekan miro mono ata ru`uren, inte doran na kakama dokan nafi mai fake ten.Inte ona fake sa Ayarafenu ena nanin bantai mumuna ona diven.
28
Doran banta kayo va bekan ayakai ban.
Chapter 15
1
Judia ke mana'a banta Antiok aravuben mo be afa avaen doran anien, ma'asen,"ireti ida ma au tikare Mosesi ni akana man baya ma bakuria fono, Ayarafenu ida iretin kanaien evarenen aviranten."
2
Mei anoin mei banta kayo va Poli nu Banabasi nu asivin aruvin baiya sen. Poli ma Banabasi nu ba mana'a beu pinke banta kayo ba tiyantan Jerusalemi oren oman ataruen aposeli kayo va beuni a'non banta va mei inain pake baiya sino van.
3
Meivan mono ano beu tiyantan Fonisia ba sameria va baya mo tiy an amen, ena keka Ayarafenunpin ma ere mino. Mei baiya ano tifa tivaenpin kakan amusin baren eren.
4
Beu ma Jerusalemi ma mo afoka eni, mono pinte kayo ano, aposeli kaiyo va a'non banta kayo ano beu amusin ma aviren. Poli nu banabasi nu mino baiya tiamen Ayarafenu mabekan ma kakan danasi ma ugheine.
5
Mai ifo mana'a Farisi mumunan banta kayo , emantaven ma'asen," beu tiamen au va ikare va Mosesi ni mam baiya va bakurono."
6
Meivan aposeli kayo va a'non banta kayo va ataru uren mei dana ka baiya seno van.
7
Kokon aruvin baiya ayonpare, Pita orun mantaven beu ma'asen tiyan amen, "tifa tivaeyan, ireti afovai ughe ano mana'a damu esave dakhan, Ayarafenu mana a iretin aubana kauen, mei baiya mate ma tiya unae, ena nanin banta ano kanaien kama baiya fake inien, mumunan ino van.
8
Ayaerafenu, iye arapin a fovai ukheine, beyami beu tiyamien kanta aunan beu amen tetin ma eini ene;
9
bei ida daimin avu'avu ten ma benaubana en. Beu ara aman kamaene mumunan avu'avu pokese.
10
Tare, naivara Ayarafenu Kaseriya fono, ireti nai vara aposeli kayo mei uman amenpin dantiya fono teti ma tifoyan ma ida kanai'e bararen uman mino.
11
Mumunan teti iyare Ayarafenu tetin Tepuro ni avaba poka evarenen tivirantene, beu ba i manai intene.
12
Mino nanin banta bempake ban Poli nu Banabasi ma Ayarafenu ma aya ukha re'ein pake inen inka bekan ma ivain danasi ma ena nanin banta fin ma ukha re'eine.
13
Tasoren ma beuni baiya ma intanain, Jemsi evarenen ma'asen," tifa fivaeyan, tein ineno.
14
Simoni ma fein pake Ayarafennu ma anta ma bei avaba ani en ma ena nanin banta ma aya eine mana'a nanin banta ma ben avika ma aviranaine.
15
Profeti kayoi baiya ano pe ma uwama'an baiya va mana arasiene.
16
Mei dana kayo ayompake, tei orare erive Deviti ni tarara namun uwamantan tere, mei ma eravu khare ein, mino dana ma nama kare ein tei evarene puntae kaontere.
17
Maivan men tito ma'a banta ano kakanan dosinten mai ten tivika ma arake una ena nanin bantae base.
18
Mai nai fino kakan mano ma'asen, iye mai danasinta uwantanafi teti pefa afovai ukhare.
19
Meivan tesi inin mano ma'a ukhen, teti idara ena nanin ban ta iye Ayarafenupin ma eriyain ara uman ameno.
20
Ma'aukanti, tetisa bompon uwama'an beu bain orine, beu tiame, ireti nentasa bano ida va paini ughen danasa arue ma'anen kampum ayarafenu kayoe, va arara banasi'in avu ava ba, pukein uraran ma bei aun baranta ma iyaran ma pukein ma nan avu'ava, inka nare va ma nan avu'ava base.
21
Para varaino, Mosesi ni mam baiya mino kakan taunifin pefa ma baren oren va mino mono namunpin ma oya damu ma eriyaine."
22
Mei kanaien aposeli kayo va a'non banta kayo ano va mono kayo va Juda avian kaen bue Barsabasi e ma siren ariyaine, Sailasi ma, bekan mono i aviren orin banta i uren Poli nu Banabasi bakuren Antioki oren.
23
Beu bompon ma'a uren uwaren, "ma bompon man aposeli kayo va anon banta finke i erikheng mai ireti afa avaeyan mino, va ireti tetin tifa tivae ena keka ma Antoki ba Siria va Silisia ma baine; beu ma'a sen ireti kama damu ino!
24
Teti inekun mana'a banta tetin aubana ke barufa aravan, tetinta ida iniren, beu eman mana'a inin amin baiya siren iren ara uman amene.
25
Meiran teti baiya damure ireti vain vain ma tiyantan banta kayo kaue ma kankanan kama tifa tivae Poli nu Banabasie tiantekun orinten,
26
Bekan kakan banta Tepuro ariran banta avika purinan ida pekene.
27
Judasi nu sailasi nu teti meivan mi tiyantekun erene, manai baiya bekan ofenke tinti ineno van.
28
Mai kama ukhemi kanta Aunan ma tetinpi mase, ida va kakan uman dana ireti anera da.
29
Ireti kampun ayarafenu ma amiyain danasa ayon ame, nare nan avu'ava ba aunta ma iyaen arein uraran ma nia ona va banasi'in avu'ava kayo'e. Ireti ma mei avu'avapin ma nenta bantefo, ireti kamae bano, ireti kama damu ino."
30
Beu ma ataru inten Antioki araven, mino nanin banta ataru uren bekan mei bompon beu amen.
31
Beu ma mei bompon ma onen, beu kakan amusin ukharen mai baiya ano beu aya eine.
32
Judasi nu Sailasi nu bekan ma profeti ino, ma'a ukhan bekan mano kokon baiya foke akona be afa avae uwante.
33
I'nain pake beu ma mana'a damu ma meifa ban, afa avae kayo ano beu avaren tiyantan ara kusin ma tiyan ta kare'eni kayo fin oren.
34
Ida pasavi en Sailasi ano meira banan aranden.
35
Poli nu Banabasi nu Antioki ban ena nanin banta anien kakani baiya tiyane.
36
Mana'a damu ayompake, Poli Banabasi ma'asen tiyamen; erasan na mino kakan barufa tifa tivaeyan ma mo onano mei ma kakani baiya ma tiyan ame una kayoe, beu onana inte'a bari tare ukhenafi."
37
Banabasi men Jon i makine ma sin banta ano bekan ma orino van tikharen.
38
Poli ma inein maki ida kanaien beu ma aviren orinten, nai varaino, bei bekan Pamfika ampiren bekan ma barein doran ida oman en.
39
I'nainpa, bekan meivan asivuen auban daimen, ma'anin Banabasi Maki avraren Sipifin kausen Saiaprusi oren.
40
Poli ano Sailasi kauren me ampen be afa avaeyan ma orein bakuren kakan avaba'in doranpin oren.
41
Mei be siria ba Sisilra oman meifake mono kayo aman akonaen.
Chapter 16
1
Inka Pol i ma Sailas i beka kakan baru Deb ba Listra oren, mai nakinafa man doran banta bami ben avi Timoti, bei mana Juda nanin agai iye inen be afoe Grik i banta.
2
Mai banta iye ben afovaye Listra ba Ikonum ke ben afovaien kama baya bena ten.
3
Pol i Timoti na anunu en bema orinoa inen, ma,aukan bein aviren ben au mo tiken, paravarase beu Juda kayo iye mai barufin banafi, mino ano afovai en be afoe Grik i banta.
4
Beu mai damu kakan baru auban oren, beu baya mono kayo amen inain kama auava ba baya va dagafi nosiren, mai beu doran banta va anobanta kayo Jerusalem ke beu uvaren.
5
Ma'a avin mai mono kayo mantan akona beu i mumunapi ma bantanasi nampa kogoni manamana damuen.
6
Pol i ma iye iye ben dagafen orenafi, beu oren auban baru Frikia ba Galatia mifa o afokaen, inka Kanta Aunan mano beu o muken paravarase beu ia Ayarafenu avayo Esia barufin tinovan.
7
Beu ma Misia ade ma orin, beu maen Bitinia o onovan inigan, ma uganAyarafenu auna mano beu iyuaren.
8
Maukan beu Misia esantave, beu kakatauni fin Troas i eren.
9
Pol i mana dana kain andagein dana inura onen, inka mana banta Masidoniake bei mesapan mantgan, inka overen tiyan ame, " Masidonia erive tetin tiyao."
10
Pol i mai danasinta kaima onenien, manada ano teti e mante Masidonia ore,, paravarase teti te ine mase Ayarafenu tetin tararen ten ten beu pina kama bayamo tiyan ame.
11
Teti bouti fin kaosive kakatau ni me apire Troas ke Samotrais i oren, inka enadamu teti Neapolis i oafokae.
12
Inain teti Flipai ore, bei mana kaka taun Masidonia ke, be i kakani kakataun i ke distrik inka beu kogon nanibanta maira afovai ure ban, inka teti kaka taun nifi mana damu ba.
13
Sabat i damu teti barufa arave tauni onara non akinafa, maifa teti ma ineruna mana amuki baru banase. Teti anasi kayo ba kumame bayase iyeiye amukinta eriga.
14
Mana nani ben avi Lidia, bei kama korosi kayo Tiatiro taunifin tarieiyan, be mana nanin Ayarafenu mono tiayamaen tetin tivaya iniyan. Kakan mano ben ara diran Pol i ma tei baya ine.
15
Mai ayompak Pol ma Salia i nu be ama mabaen kayo noname, " Bei teti ma;asen tisime, Ireti ma ine tena puntake kaka ma ban, tenti ma eriveba. inka mai nanin tetin tira eman beyampa kaen.
16
Inka ena damu teti amukin barura ore, inka teiti mana dampara arinta va o foke iye bei namu spirit i bainafi. Bei maen banta nasi tiyan ame naina danasinta inain afokauwin tis kogon moni mae beni dafisin banta ameterafu.
17
Mai nanin dagafen Pol i ma tetin oriven ma'asen, Magayo beu Ayarafenu ni doran banta iya men ta dan banafi, Beu Ayarafenu ni afake tiyan amae bei ma banta everen avirana pake.
18
Bei mai baya kogon damu ten. Mauka Pol i ia manavasi en, mauvin bei mai nanin oaren tiyan mai spirit i tiyan amen, " Tei Tepuro avika tiyan ame bei ampe. " Manada ano mai spirit i bei me ampire ore.
19
Mai beni dafisi kayo ma oniya moni baran avu ava bepike me apen, beu aranan uren Pol i ma Sailas i darife mino aura mageti fion lo anobanta vain oren.
20
Mara beu ma bekan aviren anon banta vain orin, beu ma'asen, Mai kan Juda banta kan nasi asuse tesi taunifin en.
21
Beu tiyan paman en Rom i kayo ma iya ontein ma dagafiyian.
22
Mauka mino naninbanta orun mantaven areuviri bayafo Pol nu Sailas ba en, beu anonbanta kayo bekanio ona do ayuden tiyan soldia gayo ame dakafosa bekan akamo.
23
Bekan ma soldia kayo kogo ai amien, beu bekan karabusi fin kaen, beu karabus i ramadafisi kayo tiyan ame dafiana bekata akona esin iava karan ori.
24
Inain ma be i mai bay iniyan, mai dafisin banta bekan dan karabus i fin bekan arantan damure menapa mapin dan oen.
25
Tnuran auba Pol i nu Sailas i amuken inka Ayarafenu vain iden, ena karabusi banta kayo beka ine.
26
Manada ano bara burunen simenti namupin, antuantu in amunen mino ona diven oreraem anama aratan ayama damu gaein utufen oreraemi.
27
Mai karabusi ra, ma dafisin banta bagaein pinke emanten onan mino karabusi namunte ona dugami, mai bei bainati maen beyante beyan aronovan emi, mai bei ma inein mino karabusi banta karan ore mino tiren.
28
Mai Poli maen kakanta ovaren ma'a semi, "Idava eyanta uman doseno, mai teti mino ano pava uno.
29
Mai karabusi rama dafisin banta maen ovare laitivan dosemi mai iye pavanafi ona novan, kakan perama, mai Poli nu Sailas nu arantampin e ankame mi,
30
mai bei maen aviren mikana barufa erafube inaemi, " Ayafa kayova, mai tei naisa ekuna Ayarafenu tein tiviran tenafi no?"
31
Mikan tiyaken,Ema e'iu kekaba iye ein ama banten nafino mumuna na ono kakan Tepuronta esimaen Ayarafenu iretin avirantemino.
32
Mikanan maen kakani mono baya bein tiyamemi iye beima ben ama ba'e iyanafi.
33
Inain karabusi dafisin banta maen mai damu ana mikani namon amunen teseemi, mai ma'a uren amunen bema mino bema ma bain kayova non baremi.
34
Inain Poli nu Sailas nu aviren be ama oem maen dunan amin mikan nemi, beima iye bema beama benafi kakan amusin emi mai bei Ayarafenu unta mumunan emi.
35
Inain a'au ma eavim, a'non banta kayo maen baya dan eremi karabusira dafisin banta kayo tiya miyaken, "Fri emifo aesina mikan orino.
36
Inain karabusira dafinsin banta Polin tiyamyan ken tenmi "Anon banta baya dan eren tiyaken aesina mikan orino , ma'a ugan irekan erafube arakusim ma orono.
37
Poli bein tiyami yaken, " Teti Romi ke bakun mino banta nasi aura tinka'en karabusifin kaemi, mai para tetin aupake tisin tano bara fino? Ida ino! Aesina mai Jasi kayo beu dantesa esiviren karabusifinkesa barufa orino.
38
Karabusira ma dafisin banta kayo maem mai baya baren oremi Jasi kayo mo tiyamemi, inain ini maen Poli nu Sailasi nu Rom ke ma bamaen kakan agogofin bami.
39
Mai Jasi kaya ma me tirunoe ma mikan ta tire maen mikan karabusi finke abire barufa eremi mikan enaiyaken kana ireka ma kakan tauni ampire orin tefono.
40
Ma'augan Poli nu Sailas nu karabusi ampire barufa ere maen Lidia ama oremi. Poli nu Sailas nu ma ena mumuna banta nasi ma oniya ken, mikan beu akona ami emae mai kakan tauni ampire oremi.
Chapter 17
1
Poli bei mana doran banta kayovo kankanan kakan tauni Amfipolis ma Apolonia auban origami inain ena kakan tauni Tesalonaika mai Juda kayai mono namu bainta origami.
2
Pol Juda kayoi mono namun origami enaina oriyainta bai oremi, mai tarifara sabati damu Ayarafenu baya beuba daimemi.
3
PolinTepuroma umam baraneim baya tiga mi, mai beni purim bayava beni mantan bayavatigaremi, mai Tepuro ni baya ma ireti ma tiya mika eruna mai kaka mino.
4
Judan keka maen Polin ni bayava mumunan ugaremi, beu maen Poli nu Sailas ma ataru emino, mai Griki kakan mumunan nanin banta ba avi bain nanin kago Polin bakuntami.
5
Mai Juda nanin banta ma baya seinta ida mumunan ugaren, beu ara uman dagami, Mai Juda ma Griki nanin banta Poli ni bayara mumunan ugami. Ma'augam maen beu i mageti barufin ora fuben namu banta kayo ara avoran kakan tauni fin kaka baya sen ore raemi, mai Juda nanin banta va ena nanibanta tavaen Jeseni ni ma onara tavaen oren, mai Poli nu Sailas avitren banta nasi ayam pin me kaono.
6
Oren onan Poli nu Sailas nu ida bamaen, Jeseni ma be afa avae ma Poli ni bayava nununan ugain darifen oren, Aviren oren tauni anon banta ayanpim mogaen, mogauan tiyan amen, mai banta kayo mino barufin uman barenon, tare mara ere mino.
7
Mai banta kayo Jeseni mai aviren be ama ma moram baein, beu maen ida Sisa i baya bakuria mi, beu maen ma'asiyankan, ena King bamino, bein avi Tepuro ino.
8
Mai bantya nasi va kansol kayo va kakan taun nifin ma kakan baya ma iniyaken, mino ano aranamu ugami.
9
Inain kakan hauni a'ano banta kayo ano Jeseni ma mumunan banta kayo ban tiyaken moni miyani uresi, ampeke orono.
10
Mai inuram mana be afa avae Poli nu Sailas nu tiyantan Beria oremi. Mikama mai barurama o uniyaken maen, mikana Juda kayoiu mono namun o'emi.
11
Kogon Juda nanin banta ma Tesalonaika bain ida Ayarafenui baya ida amusin nen ida ine'e iyami, ma'a ugam maen iyen Juda Beria banafi amusinen baya bare'e iyami, kama ini ma kama ara ba, ena ena damu, beu Ayarafenu baya dai men ine'eiyami ma baya purafi kampunafi.
12
Ma'a ugam maen kogon Juda nanin banta, mana'a Griki nanin, iye avi bain kayo mai kakan taunifin banafi, mana'a banta kayoba maifin banafi, mai Tepuronta mumuna ugemi.
13
Mai Juda kayo ma Tesalonaika ma bain kayo ini ma Ayarafenui baya ma Beria tiya maen, emanten maen Beria banta nasi ara manten, banta nasi ara namu emi.
14
Inkai tiyan beafa, avae Polin tiyantan nampisi barufa oremi, Sailas nu Timoti nu mikan Beria bam mi.
15
Iyan banta kayo Pol in aviren origa renafi, aviren nenta kakan taunifin Atens aviren moremi. Aviren mokauen, overen erenovan imaen, Poli beu tiya miken Sailas nu Timoti nu tiyan tesina ainen teivan overen erino.
16
Mai Poli ma Sailas nu Timoti nu ba'ma Atens baken, bei onan maen kogon kampun Goti kayo ma taunifim inti kagan maen, bein ara maen kakanta uman demi.
17
Ma'a ugam maen everen Juda kayoi mono namu n' o kumamen baya daimemi, mai mana'a Ayarafenu ra'ma mumunan iyain kayo va iyen banta nasi maira ataru ugan nafi mai kayo va baya daimemi.
18
Mana'a Epikurian ba Stoik save banta kayo eman bema ataru emi. mana'a ano tiyaken, " Ma kampum banta ino, bei nai esa teno barafino? Ena kayo tiyaken, bei maen ma banta banasi aviren ena goti bakurino van, mai bei maen Tepuro ni mantan baya tiya mino.
19
Beu Pol in aviren Areopagusi oremi, mai maen mino a'no banta kayo maen mai barurai o atam 'e'n, bei nan tiyaken, " Ei kana'e tetin oyen baya kayo tisi mintefo, Ema tiya ona e?"
20
Mai teti ini yauno ara ara bayama tetin ta'tarempin ma eri yain. Ma'a uga mai teti afova onovam muno, mai baya beni ana nai esa tige nafi?
21
Mino banta nasi Atens sike ba ena banta nasi mai barura ma bain kayo ba, beu i kakan inin onan kau en baya iniya, o'en baya inen novan.
22
Poli maen Atens si manta van mino a'no banta kayo aura tiyan, " Ireti Atens si banta kayo'e, tei oneku ma'e ireti mono banta kayo ono mino puntakein avu ava pin.
23
Ese tei ore, mae one uno ireti mono ma tiya ona, tei mana bonpon uwan tein alta one mae riti e'uno, Mai alta maen ida teti mono tiyan tiya una goti ino". Ma'a ugan mai goti ireti ida afova uge ona ino, ireti maira mono tiyan tiya baono, mai tei tiyan amae uno iretimpin.
24
Mai Ayarafenu iye ma bara uvarena mino dana kain ban nafi, bei inaruva barai kakan mino, bei ida banta ayampo ma uwan tein mono namunpin ba'e iyamino.
25
Ayarafenu banta nasi ida bein aya inovan e e iyami no beu ayampo, bei ida banta aya inovan ini gemi, mai paravara seyo be yanta laifi amen, aunan amen, mai mino dana banta amigen.
26
Mana bantara ano, bei mino bangta nasi uwa ma'an mino pimpa bami, ma barara, pefa maen beui ban damu dan baremi, beui barara maki dan baremi.
27
Mai beu Ayarafenu dosen maen avan dosen be bain maen orinten, mai Ayarafenu ida tetin ampiren nenta bamino.
28
Beimpin teti laifi bake, noke ma barara bauno, ma'a ugan manano iretim pinke tiyaken, teti mino ano Ayarafenun aga fana uno.
29
Ma'a uga maen mai anara teti Ayarafenun aga fana uno, idava teti tiyake, Ayarafenu maen kori anda gemino se mae, o silva ino se, o omino se, o mino danai pikisa ino se, banta kayo beui inipo uwan tein.
30
Ma'a ugan Ayarafenu bantai avu ava san ida anunu ugami, mai peifo dare madamu maen, bei akona baya banta mino pantiyami yaken ausa berano.
31
Bei mana damu pe maki ugemi, mino nani banta ma barara ma dai minain bei puntakein avu avaba, mai banta pe Ayarafenu maki ugemi pe ani ugemino bei purim pinke oruman avian mante mino.
32
Atensi banta kayo inin ma Poli Tepuroni purima mantan bayava tiyakan, mana'a banta beini baya van inti gami. Ma'a iyam maem mana'a ano tiyaken, " Evere inen no bamuno Poli ma tiyain baya.
33
Mai ayonpake, Poli beu ampiren oremi.
34
Mana'a banta kayo Polini bayara mumuna emi Dionisius Areo pagite baru rake, ba mana nanin, bein avi Damaris, ma mana'a keka iye beu ba bare nafi.
Chapter 18
1
Mai da na sinta ayom pake, Poli Atensi me am pe korini o re mi.
2
Mai a kem pake, Ma na Juda ban ta mo o ne mi, Mai banta avi Akuilai,Pontusi ni a nam pinte bantai,Be a na Prisila ma Itali me am peu ore mino. Klaudiusi mi no Juda ka yo ban Romi am pe no se mi. Poli mai ka yo mo one mi no.
3
Para ba ra ku no, Mai kayo ma dori yain do ra ri bei do ri yai mi no. Mai kayo va be ken o na amui do ra ri iya ba mi.
4
Poli mi no sabati mono na mu pin baken Juda va Griki kayoi ini ama an ama sien.
5
Sailasi ma Timoti nu Masedonia am pire ma e rein damu, kaka ni kanta auna mano Poli ako nae tian a mi ya ken Tepuro bei kaka mi ba mi no se te mi.
6
Juda kayo ano ida ma na ara sie bei na mu ba ya sen asi ka,Poli beti au kan aufen bei on na ra ke kau ti pu ap ti re ma a si ya ke, "Ire ni na re a no i re ni a nom pi na pe ra no. Tare tepin ida ma na uman ban te mi no. Ta re ra ke ,Te i e na na ni banta fi mi o ron te u no."
7
Mai a yom pa ke, Be i me am pi ren Taitrusi ma Jastusi nu a ma pin ore mi, Ayarafenu ma mo no ti an ti yai ban tai. Ben ama mono na mu ade bakan.
8
Krispai, mo no na mun pin te do ram pin mo a ni u kei banta ka kam pin be ma be a ma pi ma bai nani bau ta ba ano mumu na u ka re mi. Korini nani banta kayo ano Poli ni ba ya ra mumu na u ren non pe re mi.
9
Ka ka ma no i nu ran ka in pin Poli ma a sen me ti an a me mi.E i ida va pe re va no.
10
Tei e ima bante uno, Ida ma na banta ano e in te mino, Pa ra va ra se yo kakan barufin koko na ni ban ta de ku mi ba mi no,"
11
Poli ma na ora na da ma na pa un ka da (1 year, 6 months) bi you ta ba ken Ayarafenu ni ba ya bau ta na sitian ame.
12
Galio ma Akaia ni a non ban tai mae in damu, Juda kayo anno Poli asi ren avi reu ko barufin ere mino.
13
Be ti au ka ma no ti ya ke," Ma banta ano banta nasi ka pun ti ran ida mono i are baya da ka fe Ayarafenu me am pe ta vi fin ore mi no.
14
Poli ba ya se no va ika, Galio Juda ka ya ti an a mi ya ken,Juda ka yo oe,Pu ra ino, a re ba ya ma a 'ta ka re mai ya a na ida ka ma a vu a va i fo te ma sa punta ra no.
15
Mai i na i kayo ba,E ni kakan bi ba are ba ya ba i ti kei mi no, i re yan ta sa pun ta ra no. Te i ida mai u man da i mi banta u no.
16
Galio ma a sen tian a mi kan ko ba ru am pi ren ore mi.
17
Sostenisi pa ka are, mo no na mu pin te a non ban ta ba i ko ba ru fin ka an ka me mi no.Galio mai avu avu si ma i yai na i da ano ma i ne mi.
18
Poli aya mai fa bau a you pake, be afa a va en me am pen Prisila nu Acuila ma a vi a ren Senkria oren.Be tin a vi ka ti ya ken a non do ti ke mi.
19
Efesasi ma o ren, Poli ma en Prisila ma Akuila nu mai fa me afa e mi.Be ya ka mo no na mu pin Juda ka yo ba mo ba yai e mi.
20
Poli na ma na are be ti ma ba no ti ka, i da e te mi.
21
Be ti an ka ma me am pi na in a you pa ke, be ti an kan ma a sen tian ame mi, Ayarafenu nu ra ma ban ti, eve re tei i re bai e ren te u."Mai ayom pa ke si ba ren Efesesi me am pen ore mi no.
22
Poli Siseria ma o riven, Jerusalemi ma bai mo nu na mu pin o en, ka ma da mu ino mu mu na na ni ban ta ban trie Antioki a re ven mi no.
23
Mai fa be i ma na ara ba ma en,be ti an ka me afa en Galesia ba Frigia do ran ban ta ka yo mo a ko na u an te mi no.
24
Ma an Juda ban ta, ben avi Apolosi i Aleksandra ke Efesesi e re mi ka ma en ba ya sin ban ta baken Ayarafenu ni ba ya a fo bai u ka re mi no.
25
Apolosi ka ka ka ma a fo va ba ka yo ba re mi. Au i yam po ma no a musine mi, Tepuron ava ya sin ara fanbem pin ban Tepuro ava ya ti an ban ta na si a me mi.Jonini non pe anta mi a fobai uka remi.
26
Apolosi mo no na mu pin ara, en ba ya si kan. Prisila nu Akuila nu ma i ni ya ken, ben a vi ren akem pa mo ran Ayarafenu ni ka ma a in da ka fin ba ya ti an a me mi.
27
Akaia ma oro no i kan, be afa a vae ka yo a no ka ma bo pon nva en Akaia ni do ran ban ta ka yo a mei ya ken be i na avi ra note mi.
28
Mi no a ko ua va, Apolosi Juda ka yo ka kan tepuro ni ba ya fo ke dan e rave mi no.
Chapter 19
1
Mai dana sinta ma afoka ein Apolosi Korini pavami, Poli mena ayo barufa doren kakan tauni Efesasi araven, mana'a disaipoli kayova mo ataruen.
2
Poli beau ina'en, "iretima mumunan e'ona, ireti Kanta Aunan pemante fono?" emanten beu tiyaken, "ida ino, teti ida Kanta Aunan afova uge uno".
3
"Poli beu inaen, "Ireti intesa'e non mante fono?" Beu tiyaken, Jon baptisi maen tetin non petinten mino".
4
Poli evaren tiyaken, "Joni ma banta nasi non pe'antein ara bae'na Ayarafenu bakurino". Emanten banta kayo tiyan miyan mumunana ono bante iye tein tiyonpa eriyan, Tepuron tasa mumunan na ono.
5
Mai damu banta nasi mai bayama iniyaken, Emanten ino ano Tepuron avika non baren.
6
Inain, Poli ma beu anontama ayan kaiyan maen, Kanta aunan beu pima erim maen ara ara bare baya tiya maen inain ma afoka inein bayava tigami.
7
Emanten 12 keka ano non baremi.
8
Poli maen Juda gayoi mono namu mantan akona uwen mono baya banta nasi tiyami yaken Ayarafenui kingdomi van tarifara biyonta temi.
9
Juda kayoi ara ano akonai maen baya ida inen maen, namu baya ayarafenui baya bakurinan temino banta nasi a'ura. Ma 'a ugan Poli beu ampiran disaipol kayo avi aren oremi Tairanusi tigurufin mo Ayarafenui baya tinovan mo daini emino ena ena damu.
10
Bei kan oranara mai dorari emi, kanai en Esia bain nani banta beini baya ini 'an kamaen, mai Juda ma Griki kayo va.
11
Ayarafenu kogan kakan kama dorari Poli na aupim ugami,
12
tito davarave Poli ma pakaga'en barem maen aikayo amanina mokain maen ai'i kipa vin, namu spirit kayo maen karan are'ra en.
13
Mana'o kamu banta mai barufin ba maen banta kayofin namu spiriti dovare'e'iyan. Beu maen tepuron avika akona baren maen namu spiriti tiyan'ten, beu tiyaken, "Kakan tepuron avika Poli ma bei nama tiyain, tei akona va tia mai banta ampire orono."
14
Mai 7 ni banta iye ma'a avu aba bare'e'iyan nafi mai Juda a'ano banta aga fana, Bein avi Skiva.
15
Mana namu spirit beui baya everen tiyake, "Tei Tepuron afova'e, ma'e Polin afova uge uno, ireti iye fono?."
16
Namu spirit mai banta aupinke maen kaosen mai kamu banta fin oren, kaosen oferen maen beui akona arin eraven, maen beui ona kafa kafa'em maen ka ankamen, beu kakan uman barem maen mai namun ampiren oren.
17
Mino Juda va Griki kayo Efesasi ma baen kayo mai baya inemi. Beu kakanta peremi, emanten maen kakan Tepuron avi aman danian.
18
Kogon mumunan banta kayo erafu ben beui ume me tiya ama'en beui namu avu ava tiyan paman emi.
19
Kogon asafe uwaran banta kayo beui buku kayo baren me ira saremi banta nasi aura. Mai kakan moni 50,000 silva koin nira bain buku kayoi.
20
Ma'a ugan Ayarafenui baya ano akona ba mino pimpa ore raen.
21
Poli ma Efesasi mino doran ma kipen maen, kanta Aunan ni akona ra Masedonia orin inin baren Masedonia oren Akai ore maen Jerusalemi o'unemi. Bei tiyaken, "Inain ma tei Jerusalem ba'mae Romi dere oronteu".
22
Poli maen kan doran banta Timoti ma Erastua ma Masedonia tiyatan oremi, mai banta kanan maen bein duan aya e'e iyami. Bei everen Esia mana'a damu baremi.
23
Mai damu ma eren tarea ma bain, ida mana tito bayafi umanafi Efesas afoka en Tepuroni bakurin 'a' ida mukemi.
24
Mana banta bamino, bein avi Dimitris, bei maen silivafo kapun goti ate misi uvaen maen kakan moni bare'e' iyami bei maen mana'a' kapun gotini pikisa kayoba uwaen sari iyami.
25
Ma'a ugan bei mino banta ataruan iye kampun gotini pikisa uva'ena sari'e'e iyanafi, bei maen beu tiyami yaken," ireti afova uge ono teti kampun gotini pikisa uvae mae sari ure kogon moni bare'e iya."
26
Ireti inire onano Efesas ana baino, mai mina Esia ankinafa ino Poli maen banta nasi a'u beren ena asa aviren oriyan, bei tiyaken, ida ena goti bamino banta ma ayampo ma uvaran.
27
Teti ana ba mai pikisa mo ampire, moni barante rauno, kampun nani ni kakan mono namun Atemis ida beni akona bantin paradana andanten. Mai gotin avika Esia ba ma bararake banta nasi mono tiyan tiyain, umbaren eravinten.
28
Beuma mai baya iniyaken maen, aran ita in maen kakanta ovaremi," Efesasi kayoi Atemisi mai kakan mino."
29
Mino banta nasi mai kakan taunifin amino'en mino nanin banta tavaen mana kakan i'u'u namu o'en. Mai kam banta umpaken iye Masedonia ke Poli ma erigan nafi, mai Gaiusi nu Aristakusi nu'i.
30
Poli maifi o'onovan kaka banta na auban orim maen, disaipoli kayo ano ayopaen ida maifin oi'nono.
31
Mana'a kakan banta kayo mai barufima dafikein Esia mai Poli ni arona kayo baken akona baya dan oren Poli nan idava mai i'i'u namu o'i no.
32
Mana'a banta nasi ovaren ena danasin tin ena banta nasi ovaren ena danasin ten, maifin beu kakan iniri emi, kogon mano ida beni ana afova in maifin umbaremi.
33
Mana'a banta kayo Aleksendar tiyamen, mai banta kayo mai Judan banta ekam maen mino banta aura oremino ataru ugempin, ma'o ugan Aleksendar ayan dani en tiyan ama onovan Judan banta nasi ida beui mana ume ida bamino.
34
Puraino beu afovai en mai Judan banta keka ino, mai banta nasi kakanta ovarem maen, "Efesasi kayo i Atemisi kakan mini." Pa ovaren baden oriyan kan aua oremi.
35
Mai tauni a'anon banta ano sen maira pakano, bei beu tiyami yaken ireti Efesasi banta ono, mino banta nasi mino baru rake afova en Efesasi kayo i Atemisi goti nanini mono nam un mino, mai ofovai en kampun gotini pikisa ino inarufake eragen mino.
36
Ireti pe afova ugen ono mai dana sinta ma'a ugan ireti idava amune mana namu avu ava beuka ono.
37
Naivara mai banta kayo avire koka erefono, mi kana ida mono namun umoyani e'e iyamino, ida mikana mai goti nanin namu baya te'e iyan.
38
Ma'a ugan Dimitris ma pikisa uwaran banta kayo i baya ma bantin maen, ma'a ugan ko ona inka dive mino ko inin banta kayo pe masi bamino, a'esen beui uman mana mana ano tiyan ama ino.
39
Inkaifo ireti ma ena dana sinta rama baya tinte, kana ino oreva irei a'anon banta rasamo puntara no.
40
Puraino tetimpin baya bamino ma atarufim ma banta kayo aran bari yama me ataru ugen, ida beni ana bain ataru banti mae ida baya sente uno kamani ma ina inti.
41
Bei pe tiren mino banta nasi mai ataru finke tiyanten, beu ma baru ampiren orera emi.
Chapter 20
1
Uman ma kipavin maen, Poli baya dan oremino bei disaipoli kayovan eereva tonano, bei maen beu akona amemi me tiyan taen Masedonia oremi.
2
Bei minp mai barufin eukiyan mumunan banta nasi akona amien inain bei Grisi oremi.
3
Bei ma tarifara biyonta mai barura barein, Judan keka ano bein namura uwan tiyain pin emante Sipi baren Siria kanrifa orono van ini gami, ma'a ugan mairake bei inin tenisi uren evaren Masedonia origami.
4
Sopeta Pirasini anin beriake, Aristakas nu Sekondasa, Mikan Tesalonika mumuna bantai, Gaiusi Debikie, Timoti nu Tikikas, Trofimasi Esia banta evaren mikama Esia oremi.
5
Ma'a ugan mai banta kayo bue nara pe troas oren maira tetin o'tive ugami.
6
teti filipai ampire isti ivan breti damu eri mae bato bare paipi bayan o'une. Mairake troasi seveni bayan maira o'bau.
7
Ese bayan mana wiki, teti mino mano etaru ure breti kai anovan iya kumaen, poli mumunan nanin banta mono baya ten oriyan inuran auban nasiemi. Mia bei beu me ampiren ena bayan orinten pasin.
8
Mai dan bain dumufin etaru e'tifema wintuara kumamen aunke bagami.
9
Poli ma baya tiyan bamaen, mana pumara benavi Tikikasi ma wintuara kumamen aunka bagami. Poli ma baya ayaka dariffen oriyan maen, bei nampa tari titori namun pinkw eravan barara ankamen puremi.
10
Poli araven maen ben amanina o'baven dafa yoremi bei tiyaken, " Ireti idava ara uman barano, bei ida pukemino, bei pabamino.
11
Inain Poli dan mapin o'iven bereti kiaren naren, inain mono baya ten oriyan kagen, beu me ampiren maen bei oremi.
12
Beu kama ara ba amusima baken onan maen mai iyampon aunan baren asefa emi.
13
Mai rake teti Polin ampire mae teti nare Asosi ore'u, maira maen, Poli teti ma Sipi fin kao sintemi. Mai Poli ni inin mi no mai Paravara, bei barara orin inin mantami.
14
Mai damu bei teti ma'a Asosi o'ataru emi, teti ma Sipifin ka'ose Mitailenb oren.
15
Mai rake teti botifin kao sive, ena ba yan mae Kiosi aileni fin o'une'u. Inain ena bayan, teti mae Samosi aileni fin o'une'u, ena bayan, teti mae Miletus kakan taunifin o'une'u.
16
Poli maen botifin pa oriya banovan ini gami Efesasi me ampire bema oronovan, mai paravara, bei ida Esia banovan ini gami. Mai Paravara ino bema inigein, amunen Jerusalemi orive kakan Pentikosi damu onanovan.
17
Mai Miletiusike , bei banta kayo tiyantan oremi Efesesi mono a'ano banta kayo tiyan mintin bein e'onanovan.
18
Bei bain erin maen, beu tiyam miyaken, " ireti yanta afova uge'ono, ese damu mae tei Esia tirantan dare iretima bareuno.
19
Tei mae tesi inin bararasi ure tinufinke kakani dorari uga'uno, mai tei kakanuman kayo dosige uno mai paravara seiyo, Judan kayo baya damuren tein uman timeno ban.
20
Ireti yanta afova uga ono ida evere mana dana pakaga uno mai iretima tiya menu na mai kama dana sina iren ayain nami tente uno, nai esate ireni barufa tiyan miya manaun tiya mikara funo.
21
Ire afova uga ono Judan keka tiyan afoka ugare erunava Griki keka au be'e Ayarafenu bain orafube kakan Tepuronra mumunan ono.
22
Tarea onano, kanta auna mano kanta inti mae tei Jerusalemi orante uno, ida afova uge uno nai danasa teim pim mesapa afoka intenafino.
23
Mai kanta aunan mano tisime dafiseno, mai kakan tauifin ayaveva uman ma tive ugemino.
24
Tei ida tetusan ine unam mai kama dana ino ein oim, tei akona ugesa tesi tavain kipesa mai dorama kakan Tepuron pimke manteruna Ayarafenui kusin baya tiyan ame .
25
Tara anano, tei afova uge uno mino keka pin, tei Kingdom, baya tige uno, ireti ida evere tein tuna tona nono.
26
Ma'a ugan tare ma baya tiyann amae, Tein pim ida mana uman banti mana banta i nare ida tein pim banten mino bei ma auyorantin.
27
Mai paravara seyo, ida tei mana mino bei ma auyorantin.
28
Ma'a ugan ire yan tasa ireyanta dafiseno mai kanta aunan manoma ireninae ma siren amigein ireti beui dafisin mon. Ireti dafi ana ono akona ono mai sipisipi kayo ma Ayarafenui monopin ma bain, beu mai keka ino bei maen bei narefo miyanni ugein keka ino.
29
Tei afova uge teima orafube kun, afa iyan kayo iren auban eren ida sipisipi kayo ampinten mino.
30
Tei afova uge'uno iren aubanake maen ani me ara ara i puntakein baya tiyaken disaipoli kayo e'aviren beu bakurino van orinten.
31
Ma'a ugan ireti dafiana akona ono. Ireti dafiana akona ono inura ma bayama, mai tarifara oranara iretin tiyamipin ida tivi kagauno mino dana tinu vaino.
32
Tarea iretin evere Ayarafenui ayanpim kae uno beni arakusin bayava, mai ano kanaien iretin akona aminten bei kanaien mino dana aminten Ayarafenu ma bei'a ema tigein banta nasi.
33
Ida tei Silva ban tinu nu ugeuno, mai kolifi, mana banta i anovan.
34
Ireti afova uge ono ma tiyan mano doram bariyam mino tein tiyaimpim, mona'a keka ma tein ma bain.
35
Mai mino danaka, tei ma'e iren pikisa amige ani'e aya ono ima akona bain banta kayo dorama baranovan mai ini nono kakan Tepuroni baya, mai baya be yanta tigein baya ino. Amusin ono banta ano ma ena banta ona ma ami yake mai amusin esantage mino ena banta bai pake ma baran.
36
Bei ma mai baya ma mai avu ava kayo bama tiyaken, be auna barafin dan aravin beuka amukuan temi.
37
Beu Polin me dafa yoen umo niyaken ifi demi.
38
Beu kakan arun baremino inima bei baya tiya maen, beu maen ida bein auna'a onanten. Inain, beu bein aviren botifin mokain kaosen botifin o'a fuben oremi.
Chapter 21
1
Mai damu beu ma ampire mae, teti sipifin kao sibe kakan tauni Kosi oretife'u, ena bayan mae emanta kakan tauni Rodes oretifeu, Mairake emante mae kakan tauni Patara oretifeu.
2
Mairake mae mana sipi sipi dosetife mae ena ankinafa Foinisia oretifeu, mai Sipiofin kaosibe oretifeu.
3
Oriya mai Saiprus aileni nentake one tifeu, tetima bekoe dan karuapa ma ore mae mana kakan tauni Taia o'unetifeu, mai paravara seyo sipifin ma bain keka ano mana'a kago maira mo ka'onovan.
4
Inain maen, teti mana'a disaipoli kayommaen Polin ma'asen tiyami kami, Ayarsfeuni kanta aunan mano beu tiyami yaken Poli idava Jerusalemi orinovan tiyamemi.
5
Kogon damu maira bakuma kipa ma'e, teti ma mai baru meampire ayanafa ma oriya tetima oronoma tige runafa oretifeu, tetin tina tiga ba tetima kanai'e' mai kakan tauni me ampire eretifeu. Teti mae nambisi eyura tironkon me dafe'e 'e' mae, timuke tifeu.
6
Teti maira me ampe inkaino te oreme nae tetifeu,Inain teti sipifin kaosive tifekun beti beuibarufa ore'raemi.
7
Tetima arai'eya tavae ma Taia ore mae Tolemaisi o'uneifeu. Maira mae timusiniya mae tifa tivaen o'onetife mana bayam beu ba obaretifeu.
8
Ena bayam maira me ampire mae Siseria taunifin ounetifeu. Mairake teti Filipin ama oretife, bei mono baya sin banta ino, bei maen mana seveni banta finke ma maki uga ei mino, teti maira bema obaretifeu'u.
9
Tare mai banta maen pofara kafe arinta dam baremino ma profeti bay tin kayo ino ida beu banta kayoba bagerin kayo ino.
10
Teti maira ma mana'a bayam damu ma baketifekun, mana profeti ben avi Akabu bei Judia eremi.
11
Bei tetin bain eren polini belti evaremi. Bei ma belti emaen bei arantan ayan daruren tiyaken, " Kanta Aunan mano ma'semino, mino Judan keka Jerusalemi i ma bain kayo ano maen belti afoen damuren maen avian ena banta kayo ayampin kainten.
12
Teti mai baya ma iniyake, tetima mai barurake banta nasi ba Polin inaiyake tetife ida Jerusalemi oi nono setifeu.
13
Poli everen tiyaken, ireti, mai naisa iyafono, ireti tu'u kiena ifi diya uno? Puraino, tei deri uge uno teima dami nein mai tei Jerusalemi purinta deri uge uno kakan Tepuron avika."
14
Mai poli avesara emino tetima ben ayopa inan, ma'a uga teti ida bein evere inae mae tiyake", a'esin kakani anunu afokamino."
15
Inain mana'o damu orafubin, tetisi ona utare ma'e Jerusalemi o'unetifeu.
16
Mana'a disaipoli Sisareake tetima oremi. Beu maen mana Saiprusike banta aviremi, ben avi nason, pefa bei mana disaipoli ino, mai tetima eremino mai bei ma bante tifekun
17
Teti ere ma Jerusalemi e;unekum maen, maifake tifa tivae ano mana abara amusin baya tiyaken tiviren o'emi.
18
Ena damu mai Poli tetima oremi Jemsi bain, mai mino a'anon banta kayo maira bamino.
19
Bei ma amusin baya beu sama tiyaken, inain beu mana mana baya tiyan ama ' emi Ayarafenu ena banta kayo auban doriyaken bei dorari ugami.
20
Beuma mai baya iniyaken, Ayarafenu avi aman dani emi, mino ano bein tiyami yaken," Ei mino e' afa avaen onano, Nai ma'a tauseni Judan auban keka pinke mumunan iya nafino, mino ano akona iyamino Moses ini lora'a.
21
Mana'a banta kayo einan tiyaken, ei Juda nami banta ani iya ono, iye ena banta kayo aubana banafi beu ida Mosesini lo bakurian, emante beu tiyaken ei beu tiyamiake idava arara iyampo rinta a'u sikano, tiyake ireti idava peyante avu ava bakurono.
22
Mai teti naisa onterafu? Beu pe inen e'i nan mara erige ono.
23
Ma'a ugan e'i va tiyameno inte danasa ein ina onterafe, Teti porafa banta pe dekum ban baya sigemino.
24
Mai pofora banta aviresina ema oriyana puntakein avu ava irem aman amako kain kakan aura kain ti e'i va mai danasinta miyami ure mino kayo aunon do bagi ono. E'i ma ma'a urante, mai banta nasi afovai en inten danasara beu tigana fino mai bei temino.
25
Mai ena keka iye Tepuronta mumunan iyan nafi, teti bonpon uwa'e baya dekun oremi mai dana sinta ma kampun gotin ta ma mono tiyan tiyain, mai dana sinta kayo iva bare aru ono, idava nare ne mae mai abusi amen dopuanti ma purinain idava ne mae, idava ireti pamuku avuy avasa ono.
26
Mai ayom pake Poli pofara banta aviren, ena damu, bei be a'u tesein avu avapin oferen beu ba mono namu umperen nai ma'a damusa ofere teti tu tese''e ore mino ano tetisi ofa amesa kirini onte rafu.
27
Ade ananta 7-i bayan orafubin, mana'a Judan keka Provinsi Esiake, onan Poli mono namun bamaen beu banta nasi ara mante maira ataruan ayan kaemi Polin ta.
28
Mino ano ovaren tiyaken, " Israeli banta nasi, tetin tiya ono. Ma banta ioye bakena mino banta nasi afova ami yana fino mino ankin nafa ida'e ma sigen baya tetisi banta nasifin, ma baruva Mosesi ni lova. Mai bei Griki keka avi ren mai keka ida Judan keka ino aviren mono namun umperen maen paini emi."
29
Beu tiyaken mai fara pefa Trofimusi beu one na fino, kakan taunin Efesasi ba Jerusalem insaiti fin Poli ma, mai beu ma inein Poli bein aviren mono namun 'o' emi.
30
Mino banta nasi kakan taunifinke anuden ore raen emanten tavaen Poli ofaken. Darifen mono namunte barufa eren maen, ainen ona mukemi.
31
Beu ma bein arono van iya maen mai baya ano oren maen soldia kayoi kepteni ra o' unemi mai baya orim maen inen Jerusalemi nani banta kakan uman afoka emi.
32
Amunen bei soldia kayo aviren soldia ra dafisin banta kayova oremi, beu amune tavaen banta nasi atarufin oremi. Banta nasi kepteni ba soldia kayova oni yan, ida beu Polin ankamemi.
33
Inain kakan kepteni Poli bain eren eman Polin pakaren bei soldia kayo tiya men seni anan po damono. Bei Polin ina iyaken ei iye bakeya naina dorarisa iya fono.
34
Banta nasi ataru ugen aubanake mana ano mana dana san ovaremi mai mana'a kayo ena danasan ovaremi. Kogon ara'ara bayava tisiva kakani imaen kepteni ida mana baya inemi beu ma tiyain. Maain maen akona en soldia kayo baya tiyamen Polin aviren tesi dafufin tesima orono.
35
Polima maira o'unem maen detara oin maen, soldia kayo aviren, paravara seyo banta nasi bein arono banen.
36
Kakan banta nasi bein bakuren oriyaken, ma'asen ovaremi, " marake bein tiyan tano."
37
Mai soldia kayo aviren Polima kepten dafufin oi'an maen kakan keptenin tiyamen, " Kana mana baya ein tiyamen terafuno? " Mai kepteni tiyaken, "Ei Griki baya afova uge fono 'a'?"
38
Pura ei Isipi banta fono iye aruvin arai ure fo tauseni banta avire fono, iye kamanini baya do avekare pasavi barufin orefo a?"
39
Poli tiyaken, " tei mana Juda banta uno, tei kakan taun i Tarsus ba Cilicia uno. Tei mae baru ana banta uno avi bain kakan tauni finke uno. Tei ein ina iya uno, a'esi tei banta nasi ba baya seno."
40
Kepteni maen kana ino baya seno timaen, Poli deta ra mantaven ayan dani banta nasi fin uren kusen aravinti baya tenovan, Mino banta nasi puke gen ore rain maen, bei maen arai en Hibrew bare baya finke baya sen tiyanke. Inain bei tiyaken,
Chapter 22
1
''Tifa tiva'e va tifo'e,ireti a'aren kau are te'in tivaya ineno, tei mei kaiyo ma teinpin baiyo osiya ein kaiyo fin teno van.''
2
Barasi ma Poli ma inin Hibru bare vaiya finke ma a'me en, beu o munkuren benke ban bei tia'men.
3
''tei Judabanta uno, te tino'e ano te'in Teses ni barufin ka'enSisilia kakan barufin ne. Tei mei kakan barufin Gamaliel sikuru sighe uno. Beu ano tein tetisi tinafu tira'o, tifoyam ni mam baiya bakurino van tini'en, ma'an ugha tei iren anden Ayarafenu bakuria ona ei tei Ayarafenu bakuria.
4
Maivan men tei mono nanin banta ariya uno, tei beu pa'kare avi'an ku'viya uno.
5
Het Pris kaiyo va Ano banta kaiyo ano kasa sen beu pin bompon mantere tei kasa'e Damaskas ma bain tiva'e yampin orive mei ma Jerusalem a bakureinma erighen bakare beu onante uno.
6
Ma'an u'gha ma te'i Damaskas aden ma ore kun ma baiyan aubani'i, mana'da ana inaru finke mana kakan mano me tein e'ukuwaen .
7
Tei barara era've ba've kun inaru finta mana bantai owa ine kun ma'asen, ''Sol, Sol na'i vara ei tein namu iya fono?'
8
Te'i bein aivaya ini'e eravene tiya miyaken , 'Ei iye fono, kakan nafo ?' bei tein tiya miyaken, 'Tei Nasaret ni Tepuro bake e'i tein namu usintiya on'o!
9
Banta kaiyo ma te'mabain mano mai ka'ghan onen mi, beu ano ida mei or ano tein ma tisimen baiya inen.
10
Ben avaya inise evarene tiame. Ma'a se, kakan e'i teinan naisa ino van inighe fono? Kakan mano tein tisimen ma'asen, 'E'i mante Damaskas orivesin meirake banta ano ei ma inona dana sinta tiyaminten.
11
Tei ida kanai'e evarene one uno, mai akona ka'ghan mano tein tu munken, ma'an u'ghan banta kaiyo ano te'ma oren , beu ano ten tiyan bakaren darimpen te'in Damaskas i oren.
12
Maira men mana banta ano eman tein tonen, be'in avi Ananiasi ino, mei banta ano ma beiyan da'ahan ma Ayarafenu pin ma dan eravu bin ma mino mam baiya ma bakuriyan. Bei kama bi Juda kaiyo maira ma bain kaiyo fin dan dan.
13
Bei te'in tid'e e'mantaven ten, tentiva'e Soli, ei kasa'e va evarena anona, 'meira men te'in tu divi bein one uno.
14
Bei ma'asen, 'Tetin tinafu tira'o ni Ayarafenu ano ein nan be'ini anunu bakurino van, mei van mi ein puntakein banta ani ura, be'in ofenke baiya ma ine ona.
15
Mei van ein nan ena nanin banta tian pamane e'i ma one ona danasinta va ine ono'e.
16
Meivan e'i. na'i vara aveiya fono? E'i mantave non ma'e va bein na avi araresin ano e'ini ume aru 'antano.
17
Inainpa tei Jerusalemi evarene ore me mana damu mono namunpin o'va amukiya bare mana da'na kain ma oneini e'uno,
18
Kakan mano, te'in tisimmiyaken, aine va. Jerusalem ampire orono, beu ano tei e'inta ma uhge una dana ida mumunan intene.
19
Tei ano ben tiyame, ' Kakan, beu yan ofova ughen mino te'i mino mono namunpin orive beu anka'e me' bakan kuviya uno enta ma mumnan iyain kaiyo'e.
20
Te'i beu ma bakun mei eini doran banta Steven nare ma eraveine, tei beu ni onara dafike me beu i'ya bein arinain kaiyo va mana ararsi urekun bein aren. Nai varaino, eini baiy ma tian paman en ma banasi ma tiyan ameine.
21
Ayarafenu ano tein tisime, e'i mante orono, ein ena nanin bantafin tiyanta orino.
22
Banasi ano bein a'in baiya tianpananen, bei ma mei baiya ma siyan beu ba'den ma'a sen, ''ma banta ma bara rake intano.'' Bei ida kanai en ma barafinpa bari ughan.''
23
Beu ba'duren kaiyo ba beu ni ona va karudan dan inarufa o'en.
24
Aruvi banta kaiyo i ayafa ano beu tin Poli bakan aruvin banta kaiyo i dafufin ka'en. Beu ni ayafa ano tiyan beu amen ma'asen be'in na anan po sa intu tiyan ami'e va ina onae na'i ana vara Juda kaiyo benan ma'a akona da'denafi.
25
Ben ano ma be'in arantan ayan ma daniyan bein a'de ma bare ein aruvin banta inaen, amam bauya ano ma'a se'na na mana Rom i banta va bakaren ida be'in ko'pin ben avaya int'en pa bein ankamino tighen nafi?
26
Aruvin banta ano ma mei baya ma inen, bei oman aruvin banta kaiyo i ayafa tiyan amen ma'asen, " Ei ai'na danasi ono varafono, ma banta men Rom'i ke ino."
27
Aruvin banta kaiyo i ayafa ano meira Poli me inaen ma'asen, " Pura e'i Rom'i banta fono? Poli "eyo'e se."
28
Aruvin banta kaiyo ayafa ano ten, "Tei kakanbiyan Romi banta ono van ka'e una'e."Poli ma'asen, "Tei men te tino'e ano be'in ina ono van ka'ein mino.
29
Aruvin banta kaiyo ano be'in ina ono vaneren, beu mei baya ma inen ben ampiren beu oren, Aruvin banta kaiyo i ayafa ano ma mei Poli Romi banta ino bei peh kare mino nai vaino, bei ano Poli ananpo damu ghave ein.
30
Ena damu men, aruvin banta kaiyo i ayafa ano afovai ono van na'i vara Juda kaiyo Pol namu avu ava si uwanten. Meivan anom banta kaiyo va inin amin kaiyo va a'ran e ataru'en. Bei Poli avian beu au'bana me ka'en.
Chapter 23
1
Poli inin amin kaiyo au'fen o'aren ten,"tivae kaiyo,tei Ayarafenu aura puntake va kamainin ma ba pa'tare ba'uho.
2
Ananiasi anonbanta ano ben a'de ma bain kaiyo wan bein oh tani tian ameno ten.
3
Poli ano ben tiyan amen," ei dafu rake efan paint ano,Ayarafenu ano eni tani tian aminten."Ei mam bakuria ya baiya ida iniya fo, ei ma iniya ona ano tei mam ki'iya ku ei ten para tanitian timen no fono?"
4
Iye a'cle manta kare'ein kaiyo anon sen, nai vara ei Ayarafenui hetprisi namu baya tiyantiya fono?
5
Poli ma'asen, tivaeyan ti ida ofovaie bei hetpris ino.Ayarafenui bonpon pin ma'a sighen,ida ei va eini banasi lida va mamu vaiya va tiyanta ho.''
6
poli ma kanse kaiyo dosian kamaen mano' ano men Sadusi va mana'a ano Farisi kaiyo, meivan bei ba'duren kansoli kaiyo tiyanmen ,'' tivaeyan, tei Sadusi kayo i'mana iyampon muno tei men Parisi uno.Tei kakan inin ohgen ma dake una men one kun punh banta kaiyo evaren mantano. Meivan tei ko'pin manta'ghe."
7
Be ma mai baiya ma tiyan, asivin baiya ano Sadusi va Parisi aubana e'aven aman aubana daima'en kan pintanien.
8
Meivan Sadusi kayo ano ma'asen, banta ma ida ayan ma banta bamino, Parisi kaiyo ano mino bane sen.
9
Meivan kakan asivin avaya meira e'avu karen Farisi kaiyo i kama inin iye mam ayova ughein banta kaiyo ano emanten akonaen ten ma'asen,"Teti ida ma banta i manu namu dose uno?" Mana ayan ma banta ano fi mana aunan mano ben baiya tighan tenafi?"
10
Aruvin banta kaiyo i anta bain ayafa ano ma mei asivin avaya ma iniyan, bei pe karemino Poli ma anka'en ma bein aman namuin nainwane, meivan bei aruvin banta kaiyo tiyantan oman kansol banta kayo aubanake aviren akona dafufin mokaen.
11
Ena inuran men kakan mano Poli a'de mantaven ten," Ei ida va perano, meivan ei va tesi vitnesi sa Romi sa ono."
12
Ena akura, mana'a Juda kaiyo aturu uren akona promisi beuyanta en ma'anen, beu ida dunan nen non nen inten beu ma Poli ma duren mana inten.
13
Ao banta esave daghen banta kaiyo ano mie akonaen mei baiya fian damughen.
14
Beu ano hetpris kayo va anon banta kaiyo fin oriven ma'asen," Tetiyan men mana akona baiya fin dare i Poli ma arure ana dunan nante'u.
15
Ma'an ughanti ireti kansol kaiyo va orive tesin Ayafa ano bein aviren ire vain erinti ma'ane ireti yan beni ko kama'e daimeno van. Teti ano mara puntae bare bain ma mara erinti aronte."
16
Poli ananoen anin mano inin beu kampuntiren ave ughen banten. Bei akona dafufin oiven Poli tiyanmen.
17
Poli ano mana aruvin banta aran me daren bei tiyan amen," avirei ma arera iyampon Ayafa vain mo daresin, bei mana daiya dan baimi bein tiyaminten."
18
Maivan men mei aruvin banta ano eman mei arera iyanpon aviren ayafa vain mo daren ma'asen, ku ghein banta Poli ano tein tarare ma'asen avire ma arara iyanpon evain erino van, bei mana'a baiya dan bain ein tiyan minten.
19
Ayafa ano ben ayan baken akempa mo daren bein inaen." Tisimeno na'i baiya tein tisimeno ra fono?
20
Arera iyampon mana ten,"Juda kaiyo ano baiya damuren ein inainti Poli aviren inun oruman kansoli kaiyo vain desin. Beu ano bei ko kamaen dosinovan.
21
Mei ifo beu avaya va ida va ineno. Mei vamen 40 esavedaghein banta ano aupa bein ava ughen banten. Beu yan akona bai yasen ida teti mana non ne dunan ne' Poli ma arure ana onte. Beu yan puntaen eniavaya ana ave ughen."
22
Ayafa ano iniren inain ma arera iyanpon ma tiyantantin ma orinain, bei dafisin baiya bein tiyan mikaren ma'asen, ida va mana banta va tiyan amue ma baya ma tein tisime ona."
23
Kanka'nan opisa aran bevain erivin beu tiyan amen," 200 aruvin banta punta'an daresin Siseria ma orinain ne, 70 aruvin banta ma hosi daro ma kumaniyain va 200 aruvin banta ma uwe ma bakiyain mase. Ierti a o'cloki inaran mi orino."
24
Beu tiyan maen Poli ma meyaro ma kuman ninain uraran masa puntarano. Eretisa bein kamae dafibe va avire gavana feliksi vain orono.
25
Bei mana bompon uware:
26
" Tei kiaudias Lisias ano tesi baiya dekun kakan anta bain gavana Feliksi fin oren.
27
Juda kaiyo ano ma banta bakaren bein aronovane. Tei ma tesi areuvin banta kaiyo ano ma bein meifin ma erive ma ayae unae. Tei ma afovia'e una men bei mana Romi ke banta ino.
.
28
Tei afovai ono vare naivare bein aufinkesi iyanafi, meivan mi tei avire beu ni kansol bein ore.
29
Tei ma dosiyan kamae una me beu ano bei aufintesi iya n men beuyani mana'a mam baiya finke inaen. Mei ifo bakaren ma dafufin kaen ma banama parino ma seine.
30
Te ma ineruna men beu mana namu inin mei banta arinton danban ne, meivan te bein evain aine tiyantekun eren, tiyamesin mei bema aufini iyain banta kaiya en aufa emana bein ko tiyantano. Inkae."
31
Aruvin banta kaiyo ano beu in ayafa avaya inien inuran pinke Poli aviren Antipatris araven.
32
Ena akura men aruvin banta kaiyo ano Poli ma mana hosi yaro ma kumanian aruvin banta kaiyo tiyanten. beu yan evarenen beu ni akona dafufin evavene oren. Aruvin banta kaiyo ma hosi daro ma kamaniyain mano Poli ma oren.
33
Beu ma Siseria man oman afokasien, beu ano bompon Gavana amien ben aura Poli ma oman mantaen.
34
Gavana ano ma mei bompon ma oman ma intaren, bei Poli inaukaren, Ei intea Provins ke fono? Poli ma'asen, Tei Silisia ke uno.
35
Gavana ano bein tiyan amen," mei banta kaiyo iye ein ko ara kein kaiyo ma erivinti ereti minoi ko damente." Bei beu tiyan amen Poli na kamae dafiseno Kin Heroti ni kakan mapine.
Chapter 24
1
Inain 5 pi bayan, a'anon pristi Ananaias ena a'anon banta kayava 'o' banta kayava gavana Tetulusin bain mo kampun baya sen Polin koti yantemi.
2
Poli ma gavana aura o manta vi maen, Tetulusi kampun baya Poli nan gavana aura tiyaken, "ei gavananara mae, teti kama kumaniri "e" tira kusima bauno, ei mae kama dana ma kantrifim bare ere eno".
3
Kakan banta Feliks; mai anara ein tusu seuno, mai nai dana sa mantafo.
4
Ida evere ein uman amiya banova muno, ein ina ono vamuno kana tenti baya arakusima initefono.
5
Teti ma banta oman afova'e uno uman ma baren Judan auban ma erein, aruven asiven iyan baya dosakien mino Juda bara ankinafa. Mai banta iye Nasareti keka pin ani iyan nafi.
6
Mai ade ananta mono namun paini inten ma'a uga bein pakare koti yante tifeu.
7
8
Mai ireti Poli ma mino danasama inaiyake ireti ma dere afova inono nai anarasa bein koti yantia tiferavu.
9
Judan keka atarufima bain Polin kampum baya siyatemi, beu ma'asen, mai bayama Tutulus ma tigein mai pura baya ino.
10
Puraino, gavana ana Poli nan baya seno, "Poli everen tiyaken, tei oman afovai 'e' e'i ma kantri fin ayaka jasi baono. Ma'a uga tei timusunia tesi baya ein tiya amenovan.
11
E'i oman afovai'e' oman pamane ida 12fi bayani uga tei monoka Jerusalemi oreu.
12
Beu mono namu te tein dosen, ida tei mana bantavo tisivuka 'u, ida tei mana keka pin anie uman bare mono namun nafi kakan tauni fin nafi.
13
Tarea maen, beu ida witinisi dan bamino teima kampun baya sen kotisin tampin.
14
Puraino, tei punta'e' en tiyaname no vamuno, puraino tei ayarafenunta mono tiya uno tifoe yama pefa mono tiyan einta mai puraino tei mae Tepuroni baya baku riya mino dana puntae bakuriya uno mai lo bayava profeti kayoma uvama 'am ba 'einta.
15
Mai tei ayarafenunta akona mumunan uge uno, mai banta kayo ande uno iye purim bantai mantampin, mai puntakein bantavo namu bantava.
16
Mai asa tei kama ini bariya uno Ayarafenu ma banta auraba ma mino dana ma bariya runa.
17
Kogon orana ayombake, tesi barara ofa moni bare ere uno.
18
Teima ma'a iya mana'a banta Juda ke Esia tein mono namunte toneme, mai teima puntakein avu ava bama aya rafenun a' urama mono namu eriyakun, mai tei ida uman baran banta kayova bare uno.
19
Ma'a ugan mai banta kayo ein aurasa mantaven puntaena baya sino inte a baya rasa tein kotiyan nafi, mai beuma baya bantin.
20
Ima bantin, mai banta kayova puntaena tiyan amaino intea namu danasa teinpim banafi tei ma kansoro aura Judan kayoi atarufima mante runa.
21
Ima banti, mana dana bamino mai akonava tiyan ama'e' uno mai damu, mai teima beu aubana mantave. Mai purima mantam bayaino, maimai baya ana ino, tarea mai bayara tein kotemi no.
22
Gavana Feliksi baya sin'a' inka afova'en, ma'a ugam bei Judan kayo sin maen ave ugami. Gavana tiyaken, ina damusa komanda Lisias Jerusalemi eranten nafino, eman kotin'a' uvisinten mino.
23
Inain bei soldia kayo tiyan amiyaken Polin tasa dafiseno. Bei Polin tiyami yaken kana ino ida mana loano ein airo anani ugemino'e arona kayo ano kasaen 'e'onan temi'e' one maen na ayaino.
24
Inain mana'a damu Feliksi be ana Drusila ma eremi. Dusila bei mana Judan na nin mino. Bei baya dan Poli bain oremi, Poli eren maen Feliksi tiyamen mumunan ono kakan tepuronta.
25
Puain, Poli ma punkein avu ava sama baya tiya maen eaurasa dafiseno ayarafenui koka, Feliksi mai baya iniyaken kakanta perem maen Polin tiyanten maira ampire orono, inain mana'a' damu ein overene aran teuno.
26
Mai damu ana beima inigaein Poli mana'a' moni timintem mino ten inigan, ma'a ugan Polin kogon damu ariyami ma Polin ampirantin ma orinain.
27
Puraino, kan orana ayompake Posius Festus, Feliksi ni baru baren gavanai emi. Feliksi maen Juda kayoi ara darifano yan emi, ma'a' ugan bei Polin a'in bami soldia kayo anitifin soldia kayo dafikan baremi.
Chapter 25
1
Ma'a ugan Festusi provinsifin edun peremi, inain tarifara bayam Sisiriake Jerusalem o'emi.
2
Het Pristiva Judan kayo a'non banta Polin kampum baya tiyan ten akona inain Festus inaukami.
3
Beu maen bein inaemi no eyosintin Polin uman amenovan beima Jerusalem erinti, mai asa maen, bein aruan puronovami.
4
Festusi everen tiyaken, beu maen Polin pakaran Sisiria ida ayaken bami, beyanta everen maifa orinten.
5
Bei tiyaken, " ma'a ugan, mana'a kayo irema kanai uganten, tetima kana mesapa orino. Mai banta fima uman banti, kana ino iretiva bein Kotian tano."
6
Inain Festusi ida maira 8ti bayama 'o' 10ni bayama ida maira bami, bei maen Siseria ara bugami. Mai ena bayan, orem maen okumaen mi ko inenovan, bei beu tiyami yaken inkaifo Polin avire tei bain ereno.
7
Plima maira e'uniya maen, Judan keka Jerusalemi ke bein ade emmanta gami, beu maen kogon akona baya sigami, mai beu dante ida kanaien beni ana mai bayafin dosemi.
8
Poli everen tiyaken tesi baya akona ono vamu, ida tei mana Juda kayo i lo namu'uge uno, 'o' mono namu tasafi a'a sisan avikasafi."
9
Mai Festusi Judan kama ara barano van. ma'a ugan everene Polini baya tiyami yaken, kana ei Jerusalemi evere o'esisa mai danasintai ko inen tesa fono?
10
Poli tiyaken, " Tei sisan aurai mante uno, beu maen teinti kosa inino. Ei afova suron uge onol tei ida mana Judan banta aura namuge uno.
11
Puraino tei mana ume manta ekun mai mai umera ma tei purekum maen, puraino ida tein pin mana baya bamino. Purtaino beuma baya siyama tein tufinke anama iyante, mai puira baya baino, ida kanai en mana banta ano tein lo ayampin kainten, Tei sisan tiyan me teinti bayava ineno.
12
Inain Festusi kansoli kayova ma baya siren, bei everen tiyaken, "Ei sisan tiya miyake teinti bayava ineno, ma'a ugan ei Sisa baina everene orono
13
Mana'a damu orafubin mai ayompake, king Agripa nu Benais Sisaria oremi Festusin o'are amusin baya senovan.
14
Inain kogon bayam ma maira ma bei baken maen, Festus Polin kotiyantam baya King Tiyami'en, bei ma'a semi, " Feliksi mara mana banta me ampemino kalabusi anden.
15
Teima Jerusalemi bakun, het pristiva Judan a'anon banta kayo eren teinta mai banta me kotiyan temi, mai beu kopin ina emi, eyossesire ma banta uman ameno.
16
Tei beui baya evere tiyami yake, Romin avu ava saino mana banta avian amintin ma banta kayo aruan purin, bei bayasen bei baya akona onovan iyenbanta bein kotiyan tiyanafi.
17
Ma'a ugan, beuma mara tein ma e'ataru iyamae, ida tei ave ugauna, ena bayam mae tei Kotin barura okumane mae, tiyan ame mai banta avire e'onose.
18
Mai kayoma beintama kapun baya ma tigain emante bein kotiyan temi, teima inigae runa, idama baya kayofin ida beni uman bami.
19
Ma'a ugan beu maen mana'a uman baya tigami beui mono tin avu ava kayofin, tiyaken Tepuro pr fukemino tiyan maen, Polintiyaken bei pa laifinbamino.
20
Tei ida afova uge uno mai 'a' ana dosian afokain, tei bein inaiyake Jerusalemi orinte fono mai dana sinta i ko ininta.
21
Poli tein inaiyan kana tei kalabusi namun pa aveuge bakuna Sisa me teinti ko ininten nafino, tei beu tiyan amiyake kana bein pakaresin kalabusi namun pa banti mae tei tiyantan maen sisa bain orinte.
22
Agripa maen Festusi tiyan miyaken," Tei dere mai bantai i baya ineno bamuno," Festusi tiyaken", inuran beini baya inen teuno."
23
Ma'a ugan ena damu maen. Agripa nu Banaisi nu mai ataruin barura erin maen banta nasi kakan amusin en, beu ataruin barura dum peremi ami kayoi ofisa ba kakan tauni a'anon banta kayova. Festusi ma ovaram maen, beu Polin aviran bevain eremi.
24
Festusi tiyaken, " King Agripa, ma mino banta nasi iye tema mara bafo, ireti iye ma banta ontefoi, mai mino banta nasi Juda ke iye teima ma baya inigan nafi Jerusalemi ba maraba, teinta ovarian tare ana ma banta purinovan muno.
25
Tei one umpo ,a banta ida mana uman mante mino bema purinain bei sisan inaukamino bein ayan inovan, ma'a uga tei initauno bein tiyan tekun orinovan.
26
Ma'a uga teinpin ida kama baya bamino bompon ma uwama ekun sisa bain ma oronain. Mai paravara seiyo, mai inita maen, tei bein avire ebain ere uno, ein King agripa tei mae kogon dana baya dekum bain uwama ekum ma umanta orinte mino.
27
Paravara seiyo, ida puntake mino tei mana kalabusi banta tiyan tekum ma orinain ma'a ugan ida beni ana bain bayarai bein kotiyan tiya tife uno.
Chapter 26
1
Agripa Polin ma'asen tiyamemi, tarea e'i stori ono, mai Poli be ayan danien bei tiyake.
2
King Agripa, tei timusin iya uno tesi storima onuna punta kein baya ein tiya mente uno Judan kayoma tei nama kampun bayama tigain, mai paravara seyo,
3
E'i Juda kayoi avu ava ba inaim ma afova uge ono, ma'a uga ein inaiya uno kamae va teinti baya ineno.
4
Pura siauno mino Judan kayo tein afova ugemino tei pumarara ma tesi barura ma bama Jerusalemi ma tesi barura ma bama Jerusalemi ma baeruna.
5
Beu pefa tein afova uge mino ma'a ugen beu danta tiyan amainten mino mai tei ma mana Farisi ma bae runa mai beu mana akona keka ino tetisi mono timpin.
6
Tare mara mante kumi beu tein kotisin temi mai paravara seiyo tei aman afoka e'uno Ayarafenu ma teni tinaun pima tigain.
7
Mai anarai 12fi keka Israeli Ayarafenunta mono tiyami bayama inurama aveugen dosiyami mai danaka, king Agripa, mai anarai Judan kayo tein kotisi tiyami.
8
Mai para ireti anoma iniya fono Ayarafenu purim banta ida avian mantaa temino te iniyafo?
9
Mana'a damu orafubin,tei kogon inin manta uno namu dana bare tepuro Nasaretike bein avi namu onovan.
10
Het pristi kayo eyosi ma'e mai dorari e'mae mai avu ava Jerusalemi manta uno, tei kogon mumunan banta pakare kalabusi iya uno, emante eyo sekun maen beu arin puriyami no.
11
Tei mino mono namun mo namu uwan tiya namu baya se uman amiyau, beu san tei tiranka mae bakure ena ena kakan taunifin oriya'u.
12
Tei ma mai avu ava ma bakuri yakum maen, het pristi kayo eyosi mae mai dorari'e Damaskas origa uno,
13
mai teima oriyakum maen 'a' aubana me bero rasi in mae onekun mana akona laiti a'aui akona esantaren mai laiti ano inarufake eren tein ekuaren tema erigain banta kayova dademi.
14
Teti mino ano ereve barara tinkame orerae, iniyakum mana banta amen eren tiyaken Hibru bayafike bayasen maen ma'asemi, "Sol, Sol, mai ifara tein uman timiya fono?" E'i ida tein namu ino no.
15
Tei bein tiyamiyake, kakan no'e e'i iyefono? Kakan mono everen tiyaken, tei tepuro uno, e'i tein namu'e uman timi yaono.
16
E'i mante'e arantanta mantano, tei ei bain ereuno mai paravara seyo ein maki'e teinti doraro iya mae tian amae nai dana sinta teinpim oniyaso inain ena dana ani eku ona nono;
17
Tei banta nasi aubanake avire ena nanin banta finke dere avie tiyanteku orinono,
18
Beui au ona divintin maen kagan onemaen dunin ampinten, bana noni akona ampiren maen Ayarafenu bain erinten, Ayarafenu beui ume ampian tantin maen, tema'beu amenuna dana sinta barante mino teyanta ma pe maki uge runa banta kayo, mai intea banta nasi teinta mumunan ugenafi.'
19
Ma'a ugan king Agripa, tei mai baya kayo ida doaveke uno mai inarufake ma kain ma one runa;
20
tei banta nasi a'u beranovan baya tige uno beui avu ava ma baranain a'u beran kayo andano, tei baya Damaskas nare tire inain Jerusalemi te mae mino Judia ankinafa ena nanin banta fin dere.
21
Mai anara maen Juda kayo mono namunte tein pakaren beu tein tiruan puronovan emi.
22
Ayarafenu tiyaen eren tare dere pa tiya iyan mai tare avi ivan banta nasi auban mante avi bam banta nasi auban mantave baya tiame Mosesi ma profeti kayova tiyakenafo intemino ma tiga ain.
23
Mai ma'a ugemino Tepuro uman baren maen purin maen purim pinke emantan maen kagan ma banta nasi fima ori nain tiyan ama intemino kagan Judan nanin banta fin oren maen ena kekapin dere orinte.
24
Poli ma bei baya mo kipam maen, Festusi ovaren ten, " Poli e'i o'ani ugeono, e'i kogon tigurusen nan mai ono ein aman o'ani ugemino.
25
Poli everen tiyaken, " kakan banta Festus, tei o'an nauno, tei puntakein baya mana kakan danaka tiya uno.
26
King mano beyanta ma dana afova ugemino ma'a uga mai vami tiya uno, tei afova uge uno ida mana dana bein pin aupasi intemino, mai paravara seyo mai dana sinta kayo ida aupanbaremino mana ankinafa.
27
Poli everen inaemi, "King Agripa e'i profeti kayoi baya mumunan iyafono 'a'? Tei afova uge uno e'i mumunan iya ono.
28
Agripa everen Polin tiyami yaken ma asika damu e'i ma iniya ona tein aman Kristeni inte fono 'a'?
29
Poli everen tiyaken, tei Ayarafenun ta timu kiya uno, mai asika damu safi aya damu safi teima inige una e'i ma mino kayova iya iniyafo tei bayama tare tiya runa.
30
Kin ma, gavana va, Benisi ma, mino kayo iye beu ba kuman tanafi mantemi.
31
Beu ko namun ampiren barufa ma eriyaken beu ma baya sen tiyaken, " Ma banta maen ida mana ume mante mino bei ma karabusi on terafu a'an arekuna purin tenafi."
32
Agripa, Festusin tiyami yaken," Sisa ida bein kopin aren baintin, bei kana ume ivan banta orinte intem mino.
Chapter 27
1
Mai beu baya dmuen kanuwen miasen tetisa sipi bare Iyali ovono , beuaeno Poli ma ahu banta gaiyova a' vian esesi ma iyain tinko banta i doran banta benavi Juliasin hayan pili' e.
2
Teti mana sipi kause kakan barura Adramitiumi, dagave Esia non agen agen oronovan, maha'uga teti kakan nona arave'u. Aristakusi bei Tesalonika ba mesedonia tetima erighami.
3
Mai seti ena damu e'afokae kakan ife kakan bara Sidoni, mai donta Juliasi ano Poli Kama'uren a'in behiarona mo'onen ayahin be'u pinke baranovan.
4
Mai rake maen teti meape kakan non ori are tato bara saiprusi aghen euk paravaraseyo uwa anometetipin me'akono'e.
5
Mai damu teti ore kakan non aghen Silisia ba pomfilia ade,teti moafokasi'e Maria bei kakan barura lisia.
6
Maiama'en ahntasima iyain doran banta ano mana Sipi van dosen Aleksendria vain oren mai sipis fin O'hefife.
7
Mai damu tefi purase bempake bempake oreifeu kakan doran KohKohn damu mantaife maivan inainpa purase teti O'afokasi'e Snaidusi ade, uwa ano teti maihen asa iyaren ma'haugha teti Kriti aupa barura ore, ena aghen Salmoni.
8
Teti maien doran bare ore inaimpa avakure non aghen teti ohafokasi'e mana barura be avi Fea Heavensi, bei main kakan barura Lasea ade ban.
9
Teti maien aya damu mantaifeku Judiasi kayoi damu maien beu ivdeunaman iyesin mokipen, mai kakan non mano tare'a purase orin namuen. Ma'ah ughun Poli dafisis baya mahasen tiyamen,
10
"Banta ghaiyove, tei oneku ama tetima oro tifanafa,mai teti kokon namu oyose maiva o'ah yo ranteve uno, onava sipi varasyo, teti bantasi auna ma."
11
Ma'ahughan esesima ughen dora banta bei a'u mino amen mi sipi baren orin banta va sipi afoema ma'haure mi ida mumunan emi Poli ma Sighaem baya Kayora.
12
Paravara seyo sipi i ka'u ano uman dosemi kumanita uwa damu, ma'ahugan sipi baren orin banta kaiyo baya sen, mai teti ida kana'e oh kumanante, teti mai pava oria basa inaipa teti kanaiesi o' afokasi kakan barura Foniksi aveuka -ken uwa kipante. Bei mana Kriti sipi kaui, mai bei mo' onan ayan opa ba a' au e'avipa ba ayan mapake ba a'au e'avipa.
13
Maira maen uwa ayan mapake eren bempake bempake si'in sipi baren ovin banta kayo a inin dakafen be'u ayan namapake avakuren Kriti non aghen aghen oren.
14
Ma'ahughuan ida aya oriyan mana kakan uwa emi beu ayan opa ovaren, ere akonai tetisi tata baru aravo.
15
Mai damu sipi ano uman uwa va odose ida kanaien meape oriri'e, tetisa mana a'ra i uwa aveuke a'ekena sipi non daro ori.
16
Teti dakafe mana aupa baru tato bara ben avi Kaudai, mai uman abauna teti uman edose tato boti daminpin.
17
Mai damu tato boti orivin. Kama'en bei aufake anan damen. Beu pere tetima nopin kata daroma oro'navan, ma'ahughan beu sipi pakan dan ain kakan non anitifin arafubin non daro nome.
18
Uwa va a'ba ano metetin purasen tiveken a kona'en ma ain ena damu be'u a'rai en ona karuden nonpin.
19
Ma'a ukan kanu manu damu be'u sipifinke dana sinta karudan kakan non pin oren mi.
20
Ma'a ima a'au wa ofun ma i ma efokain ma dandaro kokon damu orin, uwa va a'ano tetin do tiveken, ma aughan akona inin tetiyan ayain ekipen, mana a'ana en mai tetima'en sipi ampire'sa'oro ni.
21
Ma'a in ia beu du nan nan a'ya ka o'en,Poli beu au'ba na manta van baya tiya ken,"banta kayowe, tema en iretin tiyami ya ke kriti bano,mi fo i a ten tivya i'nin eri ka tiveuno,ma a uhga i teti kakan namu e'dose au'yoran'te ife.
22
Ma a ugha i bare baya ame,ire ni akona i'nin cinie .Pa'ravarse iva mana auna na auyara tetin audana, ma'a in tin sipi ana va auyora.
23
Ayarafenu i'na te ma'do'tu sian tiya na, bei ayan ma banta tema manten.
24
Ma'a tiya ken, poli, eiva pera, e'va o'manta ayafa aura, ure ona, Ayarafenu be i a'run dana ani ema mi no na nin banta ma oriyain e'ma.
25
Ma aughan tiva eyan kayo, ire tiva mantan na akona'o, payarase temaen Ayarafenun ta mumu nan iya ma'a'en be maen a'foka be ma ten tisiman.
26
Maifo teti maeso ta va'o dandro ma bain danasint tato bara.
27
Ma a'ima teti ore'ha maen 14 ni inupai, uwa tega teti o'afoka kakan no pin e Adriatiki. Ma' a in inuran auban sipifin doran boin kayo inen a'de i afoka'e bara ma bai ta'e.
28
Ma ain be'u a'n an maen noni orin aravin o'nen ma' aen 40 ponta in'ka mana a'ra oriven kain aravu bin o'nan 30 ponta sien.
29
Ma a in be'u peren miaiyan sipi a'no on kayo kuwan ta nan.Ma a'in be'u ano 4 fara uku dan araven sipi i asika ure be'u a'muken a'inen na kaka no'van.
30
Sipi i doran banta kayo be'u sipi me am 'pin avan dosiren karan orin ton pasin'tin be'u tato sipi kayo dan araven nopin, uren be'u kampun mi'a sen'tiyan be'u uku karu dan aravin ten nonpin.
31
Ma aughan poli esesima iyan dora banta tiya miyan doran banta kayo'va mi a sen'tiyamiya,'' Ma ain tin ma banta kayo ma sipi fin ma pavanti, ireti i'a eyan ma'en ayau ke ino.
32
Ma a ughan mi tin ko banta kayo a'nan ikaranta sipi i na kayo uran mi mai oren non daro.
33
Ma ain kaka rimain, Poli mi no banta kayo inaen mana a dunan kayo baranovan. Be i ma'asen," Tarea ma'en 14 damu i teti ave'e pasi'i a dunan ne, teti i amana dunan neife.
34
Ma aughi iretin inaiya mana a dunan teti yan tiyaen pafan dunan baran. Ma' ia mana anon do ida darinten anon pin ke."
35
Ma'a uren be i ma'baya sian kipen, be i peran paren pasin Ayarafenu tu'su'sianten mi no kayo aura.Ma'a'uren peran am'piren a'ra'i en dunan nen.
36
I'nain pa mi no a'no akona baren be'u i arapin ma inin pin u'ren be u ba ma'en dunan nen.
37
Teti ma'en 276 banta i ba'u ma sipi aupin.
38
Ma'a uren ma be'u duna na ren akona baren, be u witi maen ka'ru'den non pin arawen mi ida sipi uman danovan.
39
Ma a'uren kakan afo kai in i a be'u bara o'nen a'fovai'en ma ughan ma'en be'u o'nen ma na tato bara a'ton,U'ren beu inin kau en mi a'sen, be'u kana sipi darifan dan daro o'in ten na'fi.
40
Ma aughan mi beu a'nan iken uku i na uren dan araven non pin.Ma auren beu ba anan ampin deta i na seri a'una ina uwa fa o'ren beu o'a'kona kakan nonaken pa en.
41
Ma aughan sipi o'paranen on daro kakan non aubana uren orin nan i maen kakan non manoekan be i arantan i yen.
42
Ma aughan dafisin au banta kayo baya bamen mi no au banta kayo arin bavara ma intin ida akosaden non pin orinova mi no karan.
43
Ma aughan mi ese doran banta polin aya o'novan,ma aughan mi bei ida esen beu i ininnan,uren bei baya banta kayo tiyamen i ye kanai e akosa inte be u nare va kausi nompin ure na ayan akosa den ori parafa.
44
Inka mino ena banta kayo kasa be'u dakafino,mana'ano kasa'e paran daro divino mana'ano kasa ena dana sinta sipi finke nafo.Ma asake i,mi no ano kama ma aske barave inono.
Chapter 28
1
Teti ma kamae ma aghempa erive me, teti afovaie mei ailani men Maita ne siren ariyaine.
2
Mei barurake nanin banta ano tetin ara timienbaiya tisintaen, ira taman tintaen, meira men kakan a'den baru iyoniuan mino.
3
Poli ma kaghein ira kaiyo ma aien ma taran, irai mumua anoinmeifinke mana osofae eravuben Poli ayan untaren.
4
Meirake banta Kaiyo ano onan ma osofae ma Poli ayanta ma dighan, beuyan beu aubana ten oreraen." Ma banta, bei banta arin purin banta ino, meivan bei ida sore non mano aren mino. Meivan men ida mam mano aintin pa bantene."
5
Bei osofae douwa'an irafin aravubin ida purene.
6
Anasi banta ano bein mana ma aveughantin ma bein ma au mumuintin ma eraven ma purinain na vane. Meivan bein ayakai Kaghaken baren mino, ida mana'a danasinta bein aura afokasi'in beu inin enafinien ma'asen, ma banta men mana ayarafenu hafino.
7
Meria ade,mana'a bara bamino,mei ailani anon banta i bara ino,ben avi pablius ino. Bei tetin tivien kama baiya tisintaen tetin ta tarifava damu kamaeh tetin dafsien.
8
Mei damu men pablisu afoe ano au mumuen are ai'in aidana danban.Poli ma ben daro ma mo ayan kauen ma bein ma amukuwanten, bei me kamaen oren.
9
Inainpa mei ailani finke manin banta iye ai baimano poli ta erin amukuanta'an me kamaen oren.
10
Teti ma orono van ma iyakunm banasi ano tetin kakan bi timen, beu teti ma ida ma dakue una danasinta timen.
11
Tarifara biyon ayonpake, teti mana Aleksendrai sipi mare orere. Mei sipi men iyonein damu men meria bara mino.Alexsendra sipi men anonta men kanka'nan kampun ayarafenui anua dan bamino.
12
Inainpa teti sirakus tounifin ere, Tarifara inuran mi teti meira bare.
13
Meirake teti sipi amare kakan tauni Reguimi ore. Mana damu ayompa men uwa tiyan amapake emanten eren . Kanka'nan damupin mana teti kakan tauni puteoli eman afaokae uno.
14
Meira men teti mana'a tifa tivaeyan dosirekun tetinan beu vasa sevenidamu sa bano esen .Mei asu men teti Romi eman afokasie uno.
15
Inaipa tifa tivaeyan mano, tetinti stori iniren tetin eman tonanon eren. Beu aipiuisi vain erene.Poli ma be afa avae ma onen bei kakan tusu Ayarafenun tiyanta'an mei ano ben ara man akonaen.
16
Teti ma Romi ma oreuna men, beuu poli mana a'in banta ma dafikave ein aruvin banta kaiyo va bane.
17
Tarifara damu ayompa,poli men Juda kaiyo aubana ke kaiyo aran eman ataruen.Beu ma eman ataruin,poli beu ma'asen tiyamen." tivaui an, pura ino ida tei mana namu tetisi kekapin ughe uno va tetisi tinauyan ni avu avu basa.Beu ano tein paasvi ma kuwin banta andren ma tivi ren Jerusalem ke me Romi kaiyo ayanpin den.
18
Inainpa ma ten ma inaonore, beu ano teian pa ampinti orino pigharen, beu ano ma ida ten tirint ene mei tei ida mana ume dakeuno.
19
Juda kaiyoi lida ano ma ida Romi kaiyo va mana arasiene, meivan tei Sisa inaure evarene tei ko tenovare,ma men ida tei tesi kantri evarene mana'a baiya tiyan tano varauno.
20
Nai inintsai tei ma ko evarene tiyarafu, tei e'in oare ema baiya teno vare,mei men Isreli kaiyoi mana mumunata i tein dafufin da barere.
21
Beu ano ben ma'asen tiyamen,teti ida mana bompon Judia ke erighein mantere,ena tifa fivae finke ida en aufinkes in baiya bare.
22
Teti ano en ofenke inenon vane ei na'i inin ei mei mumunanta dakefono,teti afovaie minopa ma baiyara i asivin baiya tiyane.
23
Beni damu kain,kokona nanin bante bema bare enita eren.Poli beu baiya tiyan amiyan inka Ayarafenui Kindomi fake tiyan amen.Tepuron nan kakan baiya sin va Mosesi ma profeti kaiyo i man baiya fake base,akura kake oren inupasi'en.
24
Mana'a ano Poli avaya inien mumunan en,mifo mana'a ano ida ben ayafafin mumunan en.
25
Beu ida beu aubana mana arasi ughen,Inainpa ma Poli ma mana baiya tiranti ma bein ampiren ma orera inaine.Me ma'aughen,"kanta aunan mano puntaen tetin tinauyanpin ten.
26
Bei ma'asen," Ei mei hanio banta fin orive ma'ase; Ei ininonpo, ida mei baiya ana afovai ino, ei onanonpo ida kanaie oman afovai ino."
27
Nai vaino, mei kaiyo ara munkughan beu a'aren mano baiya ininan afonkiyan beu au munkiyane, ida onano vare.Beu ano ma evarenen ma onen incno van ma inten, beu sa teinpin evarenen evivinti sa kama uwantano.
28
Mei anarasa ivetisa afovai ono, Ayarafenu ano evarenen banta aviren baiya ena banta kaiyo dan oren, beu ano kasaen inino van.
29
Bei ma mei baiya ma tiyan, Jiusi kaiyo ampiren oriven, beuyan aubana kakan asivin baiya e'aven.
30
Poli kan oranara beyan ma biyani ughen namunpin ban, bei din banasi bema banta eriyan.
31
Bei Ayarafenui kindomi fake tiyan mien me beu Tepuroni baiya fake ani uwanten uran ida mana banta kainaen bei eman ida barano tinten.
