¹من يوحنا ألشيخ، للمره ألي اختارها الله، ولأولادها الي حبهم كلهم بالحق، ومو بس اني وحدي احبهم، لكن كل الي عرفوا بالحق. ²بما انو الحق ثابت في كلوبنا، لازم يرافقنا للنهاية ³لان النعمة والرحمة والسلام راح تبقى ويانه، من عند الله الاب والرب يسوع المسيح ابن الاب، بالحق والمحبة.⁴فرحت هوايه لمن لكيت الأولاد يمشون عالحك، مثل ما وصانة بي الاب ⁵وهسه يا مرة، الي فد رجاء اريدة منج ولتعتبريها وصيه جديدة. لان هيه نفس الوصيه الموجودة عدنه من البداية: لازم نحب بعضنا البعض . ⁶هاي هي المحبة: ان نمشي مثل ما وصانه. وهاي الوصية، مثل ماسمعتوا من البداية: ان تمشون بالمحبة !⁷ان العالم مليان بالحيالين الي مايعترفون انه يسوع المسيح اجى الى الارض بجسم بشري .هو هذا روح المضل وضد المسيح! ⁸ديروا بالكم على نفسكم ،حتى مايضيع التعب الي سوينا الكم حتى تاخذون اجركم كامل .⁹الي يتعدى على تعليم المسيح ومايثبت عليه، ما يكون الله من نصيبه. والي يثبت بهذا التعليم، راح يكون عنده الاب والابن سوى. ¹⁰اذا جاكم احد بغيرهذا التعليم، لا تستقبلوا ابيتكم، ولا تردون السلام عليه. ¹¹لان الي يسلم عليه، راح يشاركه باعماله الشريرة.¹²جان عندي اشياء اهوايه اكتبها الكم بس ما ردت اكتبها اهنا بالحبر والورق. اني اتمنى اجيكم بنفسي او نحجي وجه لوجه وياكم، وهشكل تكمل فرحتنا. ¹³يسلم عليك اولاد اختك الي الله اختارها.

¹²³⁴من يوحنا الشيخ الى غايوس الحبيب الي احبه بالحق . ياحبيبي ,اريدك ان تكون موفقا في كل شي , وان تكون صحتك الجسديه قويه وزينه مثل صحتك الروحيه .وشكد كانت فرحتي كبيره لمن اجوي بعض الاخوه المسافرين وكالولي انت دتمشي بحسب الحق , وشهدو للحق بيك ! وشكد جبير الفرح الي يترس كلبي من اسمع الاخبار الطيبه الي تأكد انو اولادي يمشون بحسب الحق !⁵⁶⁷⁸فيا حبيبي ,ان معاملتك الزينه للاخوه وللغربه ادل على انو انت دتتصرف بأمانه تجاه الله.وهذوله الاخوه ,شهدولك كدام الكنيسه ,شهاده حلوه لمحبتك . فأنت دتسوي زين اذا انطيتهم شنو يحتاجون اله بالسفر . فأنت تعرف انه هذا يرضي الله , لانو هذوله طلعو من اجل خدمة المسيح , وهما ما ياخذون اي مساعده من غير المؤمنين . فعلينا احنا ان نرحب بمثل هشكل ناس حتى يكونون صحيح شركاء الهم في خدمة الحق.⁹¹⁰كتبت كلمه للكنيسه بخصوص هذا الشي لكن ديوتريفوس, الي يحب ينصب نفسه عليهم رئيس مايقبلنا. لهذا ,راح الفت الانتباه الى الاعمال الي راح اكوم بيها ,لمن اجي . هو دينشر ضدنا تهم كذابه, يحجي بطريقه خبيثه .وهو مايكفي هذا ,بعد ديرفض استقبال الاخوه المسافرين .وديمنع حتى الي يريدون يرحبون بيهم ويطردهم من الكنيسه.¹¹¹²فيا حبيبي ,لا تمشي وره الشر, لكن كل ماهو خير .لان الي يسوي خير, يكون ويه الله .والي يسوي شر يبين انو هو مايعترف بالله نهائي. لكن ديمتريو س فكلهم يكولون شهاده طيبه . حتى الحق نفسه يشهد اله. واحنا هم نشهدله وانتو تصدكون بما نشهد بي.¹³¹⁴¹⁵جان عندي هوايه اشياء اكتبها ,الك لكن مااريد ان اكتبها هنا بالحبر والقلم . فأتمنى ان نتشاوف عن قريب ونحجي وجه لوجه ! تحياتي الك ! الاحباب هنا يسلمون عليك وسلم على كل واحد من عدهم بالاسم.