Bible

Jenesesi

1¹Pakutoma Mulungu adalenga kudzaulu na dziko lapansi. ²Dziko lapansi likhali lakusaya makonzedwe na lakusaya chinthu. M'dima ukhadampsinkha padzaulu pakuzika. Mzimu wa Mulungu ukhafamba famba padzaulu pa madzi.³Mulungu adati, "Mbakuchene," apo kudachena. ⁴Mulungu adaona kuchenako, kuti kukhali kwabwino. Iye adagawanisa kuchena na m'dima. ⁵Mulungu adachemera kuchenako "masikati," apo m'dimayo adauchemera "usiku" Ndiye pakhana maulo apo pakhana machibese, nsiku yakutoma.⁶Mulungu adati, "Mbapakhale mbuto pakati pamadzi na madzi manzache, apo igawe uku madzi uku madzi." ⁷Mulungu adagawanisa mbuto ya kunsi kwa madzi na madzi ya padzaulu pa mbutoyo. Bzikhali tenepo letu. ⁸Mulungu adachemera mbutoyo "mdzaulu." Apo pakhana maulo, na machibese, nsiku yachiwiri.⁹Mulungu adati, "Madzi ya pansi pa thambo mbayagwezekane pabodzi, apo mbuto yakuuma mbaioneke." Bzidachitika tenepo. ¹⁰Mulungu adachemera mbuto yakuumayo "dziko lapansi," na madzi yakugwezekanayo "nyanza." Iye adaona kuti bzikhali bwino.¹¹Mulungu adati, "Dziko lapansi mbalimere bzakumera: mbeu zakukololewa njere zache na miti ya bzipaso yakumbabala bzipaso bzomwe njere zache ziri mchipasomo, chirichense na mtundu wache wache." Bzikhali tenepo. ¹²Dziko lapansi lidachosa bzakumera, mbeu kuchosa njere zamtundu wawo, na miti ichibala bzipaso bzomwe njere zache ziri mkatimo, za mtundu wache. Mulungu adaona kuti bzikhali bwino. ¹³Apo pakhana maulo apo pakhana machibese, nsiku yachitatu.¹⁴Mulungu adati, "Mbabzikhale bzakubvunika mdzaulu kugawa masikati kwa usiku apo mbabzikhale ninga bzizindikiro, bza nyengo, pala nsiku na magole. ¹⁵Mbapakhale bzakubvunika mdzaulu kupereka kutoya kudziko lapansi." Bzikhali tenepo.¹⁶Mulungu adalenga bzakubvunikira bziwiri bzikulu bzikulu, chakubvunikira champhamvu kumbatonga masikati, na chakuchepa mphamvu kumbatonga usiku. Adalenga pomwe nyenyezi. ¹⁷Mulungu adabziikha mdzaulu kumbabvunika padziko lapansi, ¹⁸kutonga masikati na usiku, na kugawa kubvunika na m'dima. Mulungu adaona kuti bzikhali bwino. ¹⁹Apo pakhana maulo na machibese, nsiku yachinayi.²⁰Mulungu adati, "Madzi mbayadzale na bzakulengiwa bzamoyo bzizinjitsa, na mbalame zimbuluke mbuto ya mdzaulu ya dziko lapansi." ²¹Mulungu adalenga bzinyama bzikulu bzikulu bza mnyanza, na mtundu pomwe wachirichense cha moyo, bzalulengiwa bzakumbafamba kumbadzala madzi palipense, na mbalame iriyense yamaphapidwe mwa mtundu wache. Mulungu adaona kuti bzikhali bwino.²²Mulungu adabzidalisa bzimwebzo, kulewa kuti, "Bzikhale bzakubala na kubalana, na kudzala madzi mnyanza mwense. Mbalame mbaziwande pa dziko lapansi." ²³Apo pakhana maulo na machibese nsiku yachichanu.²⁴Mulungu adati, "Dziko lapansi mbalibale bzamoyo, chirichense mwamtundu wache, ng'ombe, bzinthu bzakukwawa, na nyama zakuthengo, iriyense mwa mtundu wache." Bzikhali tenepoyo letu. ²⁵Mulungu adalenga nyama zakuthengo za mtundu wache, na chirichense chakukwawa pansi cha mtundu wache. Iye adaona kuti bzikhali bwino.²⁶Mulungu adati, "Mbatiye tilenge munthu mchilinganiro chathu, ninga chikhalidwe chathu. Iwo akhale na chinyang'aniro pa nsomba za mnyanza, pambalame za mdzaulu, pa ng'ombe, padziko lense lapansi, na pachirichensene chakukwawa padziko lapansi." ²⁷Mulungu adalenga munthu mchilinganiro chache. Mchilinganiro chache adamulenga iye. Mwamuna na mzazi adawalenga iwo.²⁸Mulungu adawadalisa achiti kuna iwo, "Mubalane, na kuwanda. Dzazani dziko lapansi, na kuligonjesa. Khalani wa kunyang'anira pa nsomba zamnyanza, pa mbalame za mdzaulu, na pa chirichense chamoyo chakufamba padziko lapansi." ²⁹Mulungu adati, "Onani, ndakupani mbewu iriyense yakubala njere ndiyo iri padziko lapansi, na muti uliwense na chipaso ndicho china njere mkati mwache. Bzimdzakhala bzakudya bzanu.³⁰Kuchilombo chirichense chapadziko lapansi, kumbalame iriyense yamdzaulu, na kuna chirichense chakukwawa padziko lapansi, na kuna chakulengiwa chirichense chakukhala na kupuma kwa moyo ndapereka therere liwisi kukhala chakudya." Bzikhali tenepoyo. ³¹Mulungu adaona chirichense ndicho adachilenga. Onani, chikhali bwino maninge. Apo pakhana maulo na machibese, nsiku yachitanthatu.

2¹Tsapano kudzaulu na pansi kudamaliziwa, na bzinthu bziribzense ndibzo bzikhadadzala momo. ²Pansiku yachinomwe Mulungu adafika pamapeto pa basa lache ndilo akhadachita, apo adapuma nsiku yachinomwe kubasa lache lensene. ³Mulungu adadalisa nsiku yachinomweyi achilichenesa, thangwe paimwei adapuma kubasa lache lensene ndilo adalilenga na kulikonza.⁴Imweyi ndiyo mmibwado ya bza kudzaulu na padziko lapansi, nthawe ndiyo adabzilenga, pansiku ndiyo Mulungu Yahova adalenga dziko lapansi na kudzaulu. ⁵Padziko lapansi pakhanati kukhala bzakumera bza mthengo, apo chakumera chirichense chakuthengo chikhanati kuphuka, thangwe Yahova Mulungu akhanati kubvumbisa mvula pa dziko lapansi, apo pakhalibe munthu wakulima pamataka. ⁶Soma nkhungu ikhabula kunja kuchoka mmataka mkumbathirizira padzaulu pensene pa mataka.⁷Yahova Mulungu adaumba munthu kuchokera ku pfumbi la mataka, achimupumira mu mphuno zache mphuye ya moyo, apo munthuyo adasanduka munthu wa moyo. ⁸Yahova Mulungu adabzala munda mbali za kumabvadzuwa, mu Edeni, apo momo adaikha munthu adamuumbayo.⁹Kuchoka mmataka Mulungu Yahova adameresa muti uliwense wakudeka kuunyang'anisa na wabwino kukhala chakudya. Uku mkuphatanidza na muti wamoyo ndiwo ukhali pakati pa munda, na muti wakudziwisa bzabwino na bzakuipa. ¹⁰Mkulo udabula mu Edeni wakuthirizira mundayo. Kuchoka popo udagawanikana mkukhala mikulo minayi.¹¹Mkulo wakutoma ni Pisoni. Ndiwo umbayerera kumbuto yensene ya Havila, ndiko kuna oro. ¹²Oro wakumbuto koko ngwabwino. Kuna minyala pomwe ya bedola na sohamu.¹³Dzina la mkulo wachiwiri ni Gihoni. Uyu umbayerera kumbuto yensene ya Kusi. ¹⁴Dzina la mkulo wachitatu ni Hidikeli, omwe ubayererera kumachibese kwa Asuri. Mkulo wachinayi ni Firate.¹⁵Mulungu Yahova adatenga munthu mkumuikha mmunda wa Edeni kumbalima na kuutchenkha. ¹⁶Mulungu Yahova adatonga munthuyo,kulewa kuti, "Muti uliwense mmundamu udye. ¹⁷Soma muti wakudziwisa bzabwino na bzakuipa nampodi kuudya umweyo, thangwe nsiku ndiyo umdzadya chakuchoka momo umdzafa chadidi."¹⁸Kinangoka Mulungu Yahova adati, "Mpsabwino lini kuti mwamuna akhale yekha. Nimdzamuikhira wakumuthandizira wakuthemera iye." ¹⁹Kuchoka ku matala Mulungu Yahova adaumba nyama iriyense yakuthengo na mbalame iriyense ya mdzaulu. Ndiye adabzibweresa kuna munthuyo kuti awone am'bzichemera kuti chani. Dzina lirirense la chakulengiwa ndilo munthuyu adalisandula, dzina lache lidakhaliratu limwero. ²⁰Munthuyo adapa madzina ya bzinyama bzensene, ya mbalame zensene za mdzaulu, na la chilombo chirichense cha kuthengo. Soma pala mwamunayo pakhanati kugumanika wakumuthandizira wakumuthemera iye.²¹Yahova Mulungu adagonesa mwamunayo tulo twa kufa nato, ndiye munthuyo adagona. Yahova Mulungu adachosa mbabvu ibodzi achifunga na mnomfu pomwe adachosa mbabvupo. ²²Na mbabvu ndiyo Yahova Mulungu adatenga kuna mwamunayo, adalenga mkazi achiyenda naye kuna mwamunayo. ²³Mwamunayo adati, "Panthawe ino, uyu ni pfupa la mafupa yangu, na mnomfu wa minomfu yangu. Amdzachemeriwa 'mkazi,' thangwe adatengiwa kuchokera kuna mwamunayo."²⁴Ndiye tsono mwamuna amdzasiya babache na mai wache, achidzaphathika kwa mkazache, achidzakhala thupi libodzi. ²⁵Wensene akhali pezi, mwamuna na mkazache, soma iwo akhabva lini manyazi.

3¹Tsapano nyoka ikhali yakuchenjera kuposa chilombo chirichense chakuthengo ndicho Yahova Mulungu akhadachilenga. Iyo idati kuna mkaziyo, "Mulungu adati chadidi, 'Nampodi kudya chipaso chirichense cha mmundamu'?" ²Mkazi adati kuna nyokayo, "Adati tidye bzipaso bza miti ya mmundamu, ³soma bza muti ndiwo uli pakati pa munda, Mulungu adati, 'Nampodi kuudya, nampodi neye kuuphata, ayai mumdzafa.'"⁴Nyoka idati kuna mkaziyo, "Chadidi letu umdzafa lini. ⁵Thangwe Mulungu akudziwa kuti nsiku ndiyo umdzaudya maso yako yamdzafunguka, apo umdzalingana na Mulungu, kudziwa chabwino na chakuipa." ⁶Pomwe mkaziyo adaona kuti mutiyo ukhali bwino pala kudya, apo kuti ukhali wakudeka mmaso, na wakukwanisa kupereka nzeru, adatchola chipaso chache chinango mkudya. Kinangoka adapasambo chinango kuna bayache omwe akhanaye pabodzi, apo iye adadyambo.⁷Maso yawo wensenewo yadafunguka, apo adazindikira kuti zjai ali pezi. Ndiye adasona masamba ya mkuyu achibisa upezi bwawo. ⁸Iwo adabva mafala yakuchoka kuna Yahova Mulungu akufamba mmunda mkujejera kwa maulo, ndiye mwamunayo na mkazache adabisalika pamaso pa Yahova Mulungu pakati pa miti ya mmundamo.⁹Yahova Mulungu adachemera mwamunayo achiti kuna iye, "Uli kuponi" ¹⁰Mwamunayo adati, "Ndakubvani imwepo mmundamu soma ndikhagopa, thangwe ndikhali pezi. Ndiye zjai ndidabisalika." ¹¹Mulungu adati, "Mbani adakuuza kuti ukhali pezi? Kani wadya bza mmuti ndiwo ndidakutonga kuti nampodi udye ule?"¹²Mwamunayo adati, "Mkazi ndiye mudandipa kuti ndikhale nayeyu, wandipa chipaso cha mmutimo, ndiye zjai ndidadya." ¹³Yahova Mulungu adati kuna mkaziyo, "Mchani ndicho wachita iwepo?" Mkazi adati, "Nyoka idandinyengeza ine, ndiye ndidadya zjai."¹⁴Mulungu Yahova adati kuna nyokayo, "Thangwera kuti wachita bzimwebzi, ndiwe wekha wakutembereriwa pakati pa bzinyama bzensene na bzilombo bzensene bzakuthengo. Umdzapsenda na mimba yako, na kudya pfumbi nsiku zensene za moyo wako. ¹⁵Nimdzaikha chiwengi pakati pa iwepo na mkazi, na pakati pa mbeu yako na mbeu yache. Iye amdzadya msolo wako, apo iwe umdzadya katendene wache."¹⁶Kuna mkaziyo adati, "Nimdzathimizira kwene kwene kuwawa kwako pakubala; mkuwawa kumweko ndiko iwepo umdzabva pakubala wana. Umdzakhumba bayako, soma iye amdzakutonga iwepo."¹⁷Kuna Adamu iye adati, "Thangwe wabvera mafala ya mkazako, apo wadya bzakuchokera mmutimo, omwe ndidakutonga, kulewa kuti, 'Nampodi kudya bzakuchokera momo,' mataka zjai ndayatemberera thangwera iwepo; umdzadya na kuphatira basa lakuwawa nsiku zensene za moyo wako. ¹⁸Yamdzayambisa minga na bzitsotso pala iwe, apo umdzadya bzakumera bza mmunda. ¹⁹Umdzadya chakudya na kaluma yakunkhope kwako, ate udzabwerere kumataka, thangwe udatengiwa kuchoka kumweko. Nakuti ndiwe pfumbi, apo kupfumbiko umdzakubwerera."²⁰Mwamunayo adachemera dzina la mkazache Hava thangwe akhali mayi wa wamoyo wensene. ²¹Yahova Mulungu adakonzera Adamu na mkazache bzakubvala bza makhanda achiwabvazika iwo wale.Yahova ²²Mulungu adati, "Tsapano mwamunayo wasanduka ninga m'bodzi wa ife, kudziwa bzabwino na bzakuipa. Tsapano nampodi kumubvuma kufuthula boko lache, kutengambo kuchoka mmuti wa moyo, kudya chimwecho, na kukhalambo na moyo kunthawe za nthawe." ²³Ndiye Yahova Mulungu adamuchosa mmunda wa Edeni, kukalima munda ndiwo akhadatengedwera. ²⁴Ndiye Mulungu adabulisa mwamunayo mmundamo, achiikha anjero kumachibese kwa munda wa Edeni, na lupanga la malambi ya moto ndilo likhachungunusiwa pensenepo, pala kukoya njira ya ku muti wa moyo.

4¹Mwamuna adadziwa Hava mkazi wache achitenga pathupi mkubala Kaini. Mkaziyo adati, "Ndabala munthu na chithandizo cha Yahova." ²Ndiye adabala pomwe m'bale wache Abele. Tsapano Abele adakhala makabusa wa mabira, soma Kaini akhambalima pamataka.³Bzidachitika kuti mkupita kwa nthawe Kaini adabweresa bzipaso bzakumunda ninga nsembe kuna Yahova. ⁴Pomwembo Abele, adabweresa wina wa wana wakutoma wa mabira na mafuta yache. Yahova adatambira Abele na nsembe yache, ⁵soma Kaini na nsembe yache alibe kubzitambira. Ndiye Kaini adakalipa kwene kwene, achinyang'ana mwakubzokola.⁶Yahova adati kuna Kaini, "Thangweranyi ukukalipa apo thangweranyi ukunyang'ana mwa kubzokola? ⁷Penu umbachita bzakulungama, umdzatambiriwa lini kani? Soma penu umbachita lini bzakulungama, chakuphonya chimdzakotama pa msuwo pako na kukhumba kudzakutonga iwe, soma umfunika udzachitonge ndiwe."⁸Kaini adasewera na Abele m'bale wache. Idafika nthawe yakuti pomwe iwo akhali mthengo, Kaini adagandukira Abele m'bale wache achimupha iye. ⁹Ndiye Yahova adati kuna Kaini, "Ali kuponi m'bale wako Abele?" Iye adati, "Ndikudziwa lini. Kani ndine wakukoya m'bale wanguyo?"¹⁰Yahova adati, "Wachita chani iwepo? Mulopa wa m'bale wako ukundichemera ine kuchokera pansi. ¹¹Tsapano wakutembereriwa ndiwe kuyambira pansi, pomwe pafungula pakamwa pache kutambira mulopa wa m'bale wako kuchoka mmanja mwako. ¹²Ungakalima pansipo, kuchokera tsapano ate pamdzakubalira lini mphamvu yache. Umdzakhala wakuthawathawa na wakukhala apa na apa mdziko lapansi."¹³Kaini adati kuna Yahova, "Chilango changu mchikulu kwakusaya kupiririka. ¹⁴Mchadidi, mwandithamangisa lero kuchoka pansi pano, apo nimdzabisalika pamaso panu. Nimdzakhala wakuthawathawa na wakumbakhala apa na apa padziko lapansi, apo aliyense wakundigumana amdzandipha ine." ¹⁵Yahova adati kuna iye, "Penu wina anipha Kaini, amdzabwezeriwa kanomwe." Ndiye Yahova adaikha chizindikiro pa Kaini, pala kuti wina angamugumana, munthu umweyo nampodi amuchite chakuipa.¹⁶Ndiye Kaini adachoka pamaso pa Yahova achikakhala kudziko la Nodi, kumabva dzuwa kwa Edeni. ¹⁷Kaini adadziwa mkazi wache achimupa pathupi. Iye adabala Inoki. Kaini adamanga mzinda achiupa dzina la mwanache Inoki.¹⁸Kwa Inoki kudabadwa Irade. Irade adabala Mehuyaeli. Mehuyaeli adabala Metusaeli. Metusaeli adabala Lameki. ¹⁹Lameki adabzitengera yekha akazi awiri. Mkazache m'bodzi akhali Ada, apo dzina la winangoyo likhali Zila.²⁰Ada adabala Yabala. Iye akhali babawo wa wale akhakhala mmisasa omwe akhana bzifuwo. ²¹Dzina la m'bale wache likhali Yubala. Iye adabala wale akhaimba azeze na bzitolilo. ²²Angakhala Zila, adabala Tubala-Kaini, wakusungunula bzipangizo bza mkuwa na bzitsulo. Nana wache wa Tubala-Kaini akhali Nama.²³Lameki adati kuna akazache, "Ada na Zila, tetekerani mafala yanguya; imwe akazi wa Lameki, tetekerani mafala yangu. Thangwe ndapha munthu omwe adandidzonga ine, mnyamata pakundidzonga ine. ²⁴Penu Kaini anibwezeriwa kanomwe, ndiye kuti Lameki amdzabwezeriwa makumi manomwe na kanomwe."²⁵Adamu adadziwa pomwe mkazi wache, apo adabala Mwana wina wachimuna. Mkaziyo adasandula dzina la mwanayo kuti Seti achiti, "Mulungu wandipa mwana winango wachimuna kupita m'buto ya Abele, nakuti Kaini adamupha iye." ²⁶Mwana wachimuna adabadwa kuna Seti apo adamusandula Inosi. Panthawe imweyo wanthu adayamba kuguma dzina la Yahova.

5¹Uyu ni mndandanda wa wana wa Adamu. Pansiku ndiyo Mulungu adalenga wanthu, adawalenga mchilinganiro chache. ²Iye adawalenga mwamuna na mkazi. Adawadalisa achiwachemera kuti wanthu pomwe adawalenga.³Nthawe ndizo Adamu akhadakhala magole dzana libodzi na makumi matatu, adabala mwana wachimuna wakulinganira na iye, wachilinganiro chache, apo adamusandula dzina lache Seti. ⁴Adamu atabala kale Seti, adakhala magole madzana masere. Iye adabala wana azinji wachimuna na wachikazi. ⁵Adamu adakhala na moyo magole madzana mapfemba na makumi matatu, apo kinangoka adasaika.⁶Nthawe ndizo Seti adakhala magole dzana libodzi na machanu, adabala Enosi. ⁷Iye atabala Enosi, adakhala magole madzana masere na manomwe achibala wana azinji wachimuna na wachikazi. ⁸Seti adakhala magole madzana mapfemba na khumi na mawiri, apo kinangoka adasaika.⁹Nthawe ndizo Enosi akhadakhala magole makumi mapfemba, adabala Kenani. ¹⁰Atabala Kenani, Enosi adakhala magole madzana masere na khumi na machanu. Iye adabala wana azinji wachimuna na wachikazi. ¹¹Enosi adakhala na moyo magole madzana mapfemba na machanu, apo kinangoka adasaika.¹²Nthawe ndizo Kenani akhadakhala magole makumi manomwe, adakhala babache wa Mahalalele. Iye atabala Mahalalele, ¹³Kenani adakhala magole madzana masere na makumi manayi. Iye adabala wana azinji wachimuna na wachikazi. ¹⁴Kenani adakhala na moyo magole madzana mapfemba na khumi, apo kinangoka adasaika.¹⁵Nthawe ndizo Mahalalele akhadakhala magole makumi matanthatu na machanu, adabala Yaredi. ¹⁶Atabala Yaredi, Mahalalele adakhala magole madzana masere na makumi matatu. Iye adabala wana azinji wachimuna na wachikazi. ¹⁷Mahalalele adakhala na moyo magole madzana masere na makumi mapfemba na machanu, apo kinangoka adasaika.¹⁸Nthawe ndizo Yaredi akhadakhala dzana libodzi na makumi matanthatu na mawiri, adabala Enoke. ¹⁹Atabala Enoke, Yaredi adakhala magole madzana masere. Iye adabala wana azinji wachimuna na wachikazi. ²⁰Yaredi adakhala na moyo magole madzana mapfemba na makumi matanthatu na mawiri, apo kinangoka adasaika.²¹Nthawe ndizo Enoke akhadakhala magole makumi matanthatu na machanu, adabala Metusela. ²²Enoke adafamba na Mulungu magole madzana matatu atabala kale Metusela. Iye adabala wana azinji wachimuna na wachikazi. ²³Enoke adakhala na moyo magole madzana matatu na makumi matanthatu na machanu. ²⁴Enoke adafamba na Mulungu, apo kinangoka adaguduka, thangwe Mulungu adamutakula iye.²⁵Nthawe ndizo Metusela akhadakhala magole dzana libodzi na makumi masere na manomwe, adabala Lameke. ²⁶Atabala Lameke Metusela adakhala magole madzana manomwe na makumi masere na mawiri. Iye adabala wana azinji wachimuna na wachikazi. ²⁷Metusela adakhala na moyo magole madzana mapfemba na makumi matanthatu na mapfemba. Kinangoka adasaika.²⁸Nthawe ndizo Lameke akhadakhala magole dzana libodzi na makumi masere na mawiri, adabala mwana wachimuna. ²⁹Adamusandula dzina lache, Nowa, kulewa kuti, "Uyu amdzatipa kupuma ku basa lathu na kuwawa kwa basa la manja yathu, ndilo timfunika kuphata thangwera pansi ndipo Yahova wapatemberera."³⁰Lameke adakhala magole madzana machanu na makumi mapfemba na machanu atabala kale Nowa. Iye adabala wana azinji wachimuna na wachikazi. ³¹Lameke adakhala na moyo magole madzana manomwe na makumi manomwe na manomwe. Kinangoka iye adasaika.³²Nowa atakhala magole madzana machanu, adabala Semu, Hamu, na Yafeti.

6¹Bzidachitika kuti ndipo wanthu adadzayamba kuwanda padziko lapansi na wana wachikazi mkumbabadwa kuna iwo, ²zjai wana wachimuna wa Mulungu adadzaona kuti akaziwo akhali wakudeka. Adabwitengera okha akazi, aliyense wache ndiye angasankhuleyo. ³Yahova adati, "Mzimu wangu umdzakhala lini mwa amunawa ku nthawe zanthawe, nakuti akali watsapano. Iwo amdzakhala na moyo magole dzana libodzi na makumi mawiri."⁴A Nefilimu akhali padziko lapansi nsiku zozo, na kutsogolo kwache. Ibzi bzidachitika nthawe ndizo wana wachimuna wa Mulungu adaloola wana wachikazi wa wanthu, mkumbabala nawo wana. Awa akhali wanthu wamphamvu wachikalekale, wanthu wakubvekera.⁵Yahova adadzaona kuti kupanduka kwa wanthu kudakula padziko lapansi, na bzakukumbuka bza maganizo ya miyoyo yawo bzikhalemwerera kukhala bzaupandu bzokha bzokha. ⁶Yahova zjai adabuza kulenga munthu padziko lapansi, apo bzidamuipira mumtima mwache.⁷Ndiye Yahova adati, "Nimdzapfudza wanthu ndiwo ndidawalenga padziko lapansi---munthu na nyama, na bzinthu bzakukwawa na mbalame za mdzaulu, thangwe zjai ndikubuza pakubzilenga ibzo." ⁸Soma Nowa adagumana udidi pamaso pa Yahova.⁹Iyi ni mbiri ya Nowa. Nowa akhali munthu wakulungama, wakusaya chirema pamaso pa wanthu wa munthawe yache. Nowa adafamba na Mulungu. ¹⁰Nowa adabala wana atatu: Semu, Hamu, na Yafeti.¹¹Dziko lapansi likhadabvunda pamaso pa Mulungu, nakuti likhadadzala na upandu. ¹²Mulungu adaona dziko lapansi; onani, likhali lakubvunda, nakuti wanthu wensene akhadabvundisa njira zawo mdziko lapansi.¹³Mulungu adati kuna Nowa, "Ndikuona kuti nthawe yakwana kuti ndimalise wanthu wensene, thangwe dziko lapansi lalemwa ladzala la upandu thangwera iwo. Mchadidi, nimdzawadzonga pabodzi na dziko lapansi. ¹⁴Ubzitsemere wekha chimwadiya cha muti wa mnjale. Ugobe masubi mchimwadiyamo, apo upalange mtoto kunja na mkati mwache. ¹⁵Uchikonze terepayu: Kutalika kwa chimwadiyacho kukhale maboko madzana matatu; mulifupi mwache mukhale maboko makumi machanu, apo kutalika mdzaulu kukhale maboko makumi matatu.¹⁶Ukonze nsodzi ya chimwadiyacho, apo uyimalize na boko libodzi kuchoka padzaulu pa m'bali mwache. Konza msuwo m'bali mwa mwadiyayo nakukonza nyumba yamnyansi, yachiwiri, na yachitatu. ¹⁷Tetekera, ndasala pang'ono kubweresa chigumula cha madzi padziko lapansi, kudzonga bzamoyo bzensene bwakupuma mphuye yamoyo pansi pa thambo lakudzaulu. Chirichense chiri padziko lapansi chimdzafa.¹⁸Soma nimdzakhazikisa mpangano na iwe. Umdzabwera mchimwadiyamo, iwe, na wana wako wachimuna, na mkazako, na akazi wa wana wako wachimuna na iwepo. ¹⁹Pa chamoyo chirichense cha nyama zense, bziwiri bziwiri bza mtundu uliwense, ubzipise mchimwadiyamo, kuti bzikhale na moyo pabodzi na iwe, bzikazi na bzimuna kubodzi.²⁰Mbalame za mtundu wache, na nyama za mtundu wache, na chakukwawa chirichense cha pansi cha mtundu wache, bziwiri bziwiri bza mtundu uliwense bzimdzabwera kuna iwe bzamoyo. ²¹Bzigwezekere wekha bzakudya bzensene bzakudyewa ubzikoye, pala kuti bzidzakhale bzakudya bzako na bzawo." ²²Ndiye Nowa adachitadi bzobzi. Malingana na bzense ndibzo Mulungu adamutonga iye, adachita tenepo letu.

7¹Yahova adati kuna Nowa, "Bwera, iwe na banja lako lensene, mchimwadiya, thangwe ndaona kuti ndiwe wakulungama pamaso pangu mu m'bwado uno. ²Pa nyama iriyense yakuchenesiwa ubwerese zinomwe zimuna na zinomwe pomwe zikazi. Pa nyama zakusaya kuchenesiwa, bweresa ziwiri ziwiri, imuna na ikazi yache. ³Na kuna mbalame pomwe za mdzaulu, bweresa zinomwe zimuna na zinomwe zikazi, kukoya mbewu yawo ikhale na moyo padziko lensene la pansi.⁴Thangwe mu nsiku zinomwe zikubwerazi nimdzagwesa mvula padziko lapansi ate masikati makumi manayi na usiku makumi manayi. Nimdzadzonga chinthu chirichense cha moyo chapadziko ndicho ndachilenga." ⁵Nowa adachita bzensene ndibzo Yahova adamutonga.⁶Nowa akhana magole madzana matanthatu nthawe ndizo chigumula chidabwera padziko lapansi. ⁷Nowa, wana wache wachimuna, mkazache, na akazi wa wana wache adakapita pabodzi mchimwadiyamo thangwera chigumula cha madzi.⁸Nyama zakuchenesiwa na zakusaya kuchenesiwa, mbalame, na chirichense chakukwawa padzaulu pa mataka, ⁹bziwiri bziwiri, chimuna na chikazi, bzidabwera kuna Nowa bzichipita mchimwadiya, ninga ndimo Mulungu adamutongera Nowa. ¹⁰Bzidachitika kuti patapita nsiku zinomwe, madzi ya chigumula yadabwera padziko lapansi.¹¹Mgole la dzana la chitanthatu la moyo wa Nowa, mwezi wachiwiri, pansiku yakhumi na chinomwe ya mwezi, pansiku yokha yokhayo, mphuno za lowe zensene zikulu zikulu zapansi pamataka zidaphoka, na majanera yakudzaulu yadafunguka. ¹²Mvula idayamba apo idagwa padziko lapansi kwa masikati makumi manayi na usiku makumi manayi.¹³Pansiku ibodzinodziyo Nowa na wana wache wachimuna, Semu, Hamu, na Yafeti, na mkazi wa Nowa, na akazi atatu wa wana wa Nowa na iwo, adapita mchimwadiya. ¹⁴Adapita pabodzi na iriyense ya nyama zakuthengo ya mtundu wache, na chifuwo chirichense cha mtundu wache, na chakukwawa chirichense ndicho chimbakwawa padzaulu pa mataka cha mtundu wache, na mbalame iriyense ya mtundu wache, chakulengiwa chirichense chakukhala na maphapidwe.¹⁵Ziwiri ziwiri za nyama zakupuma mphuye yamoyo zidabwera kuna Nowa zichipita mchimwadiyamo. ¹⁶Nyama zakupita momo zikhali zimuna na zikazi zamoyo zensene; zidapita momo ninga ndimo Mulungu adamutongera iye. Kinangoka Yahova adawafungira na msuwo momo.¹⁷Kinangoka chigumula chidafika padziko lapansi kwa nsiku makumi manayi, apo madzi yadawanda yachidzusa chimwadiyacho mdzaulu mwa mataka yadziko lapansi. ¹⁸Madzi yadampsinkhiratu kumaliza padzaulu pense padziko lapansi, chimwadiya chichiberuka padzaulu pa madziyo.¹⁹Madzi yadakwira maninge padziko lapansi mwakuti mapiri yensene ya pansi pa thambo yadampsinkhika. ²⁰Madzi yadakwira maboko khumi na machanu kupitirira pakatolotolo pa mapiri.²¹Bzamoyo bzensene bzakufamba padziko lapansi bzidafa---mbalame, bzifuwo, nyama zakuthengo, bzamoyo bzensene ndibzo bzikhakhala mwakuwanda padziko lapansi, na wanthu wensene. ²²Bzalulengiwa bzense bzamoyo bzakukhala pamataka, ndibzo bzikhapuma mphuye ya moyo na mphuno zawo, bzidafa.²³Ndiye chamoyo chirichense chakukhala padzaulu pa mataka yadziko lapansi chidapfudzika, wanthu na nyama na bzinthu bzakukwawa na mbalame za mdzaulu. Bzidadzongewa bzensene kuchoka padziko lapansi. Nowa yekha na wale ndiwo akhanawo mchimwadiya ndiwo adasala. ²⁴Madzi yadakhala padziko lapansi kwa nsiku dzana libodzi na makumi machanu.

8¹Mulungu adakumbukira Nowa, na nyama zakuthengo, na bzifuwo bzensene ndibzo bzikhana iye mchimwadiyamo. Mulungu adachitisa chonzi kukuntha padziko lapansi, apo madzi yadayamba kuphwera. ²Mphuno zalowe zapansi na majanera yakudzaulu bzidafungiwa, apo mvula idalekeza kubvumba. ³Madzi yachigumula yadayenda pang'ono pang'ono kuchoka padziko lapansi, apo patamala nsiku dzana libodzi na makumi machanu madzi zjai yadatera pansi.⁴Chimwadiya chidakapuma mwezi wachinomwe, pansiku yakhumi na chinomwe ya mwezi, pa mapiri ya Ararati. ⁵Madzi yadapitirira kuphwera ate mwezi wachikhumi. Pansiku yakutoma ya mwezi, nsonga za mapiri zidaonekera.⁶Bzidachitika patapita nsiku makumi manayi kuti Nowa adafungula janera yachimwadiyacho ndiyo akhadaikonza. ⁷Iye adatuma mbalame ya psololo apo ikhambuluka kumbayenda ichibwera ate madzi kudzauma padziko lapansi.⁸Kinangoka adatuma nkhangaiwa kukaona penu madzi yaphwera padziko lapansi, ⁹soma nkhangaiwayo iribe kuona mbuto yakumbutha nzayo zache, apo idabwerera kuna iye mchimwadiyamo, nakuti madzi yakhadampsinkha basi padziko lensene lapansi. Iye adatanthawira na boko lache, achiiphata mkuibweresa mchimwadiyamo.¹⁰Iye adadikhira nsiku zinango pomwe zinomwe kinangoka adatuma pomwe nkhangaiwa kuchoka mchimwadiyamo. ¹¹Nkhangaiwa idabwerera kuna iye maulo. Nyang'anani! Kumulomo kwache kukhana tsamba la zitona liwisi lakuthotholewa bwino. Ndiye Nowa adadziwa kuti zjai madzi yaphwera padziko lapansi. ¹²Iye adadikhira pomwe nsiku zinomwe, achituma pomwe nkhangaiwayo. Iribe kubwerera pomwe kuna iye.¹³Bzidachitika kuti mugole la madzana matanthatu na libodzi, mwezi wakutoma, pansiku yakutoma yamwezi, madzi yadauma kuchoka padziko lapansi. Nowa adachosa chakumpsinkha cha mwadiya, mkunyang'ana kunja, mkuona kuti, onani, padzaulu pamataka pauma. ¹⁴Mu mwezi wachiwiri, pansiku ya makumi mawiri na zinomwe zamwezi, dziko lapansi lidauma.¹⁵Mulungu adati kuna Nowa, ¹⁶"Ndoko kunja kwa mwadiya, iwe, mkazako, wana wako, na akazi wa wana wako na iwepo. ¹⁷Bulisa chamoyo chirichense chakulengiwa ndicho china iwe---mbalame, nyama, na chakukwawa chirichense chapadziko lapansi---kuti bzipsane kwene kwene padziko lapansi, kuti bzibalane na kuwanda padziko lapansi."¹⁸Ndiye Nowa adabula na wana wache wachimuna. mkazache, na akazi wa wana wache na iye. ¹⁹Chakulengiwa chamoyo chirichensene, chinthu chirichense chakukwawa, na mbalame iriyense, chirichense chekufamba padziko lapansi, na mabanja yawo, bzidabula mchimwadiyamo.²⁰Nowa adamanga guwa lansembe la Yahova. Iye adatenga zinango mwa nyama zakuchenesiwa na zina mwa mbalame zakuchenesiwa, mkuthira nsembe yakupserereza paguwapo. ²¹Yahova adabva kununchira kwakudeka achiti mumtima mwache, "Nimdzatemberera lini pomwe mataka thangwera wanthu, napo kuti bzakukumbuka bza mitima yawo bziri bzaupandu kuchoka paubwana. Ayai kudzadzonga pomwe chirichense cha moyo, ninga ndachitabzi. ²²Pomwe dziko lasalira, nthawe yakubzala na yakukolola, kujejera na kupsa, chirimo na mainza, masikati na usiku bzimdzalekeza lini."

9¹Ndiye Mulungu adadalisa Nowa na wanache wachimuna, achiti kuna iwo, "Mubalane, muwande, mudzale dziko lapansi. ²Kugopsa kwanu na kuchitisa mantha kwanu kumdzakhala pa chinthu chirichense chamoyo padziko lapansi, pa mbalame zensene za mdzaulu, pa chirichense ndicho chimbafamba pamataka, na pansomba zensene za mnyanza. Bzaperekiwa mmanja mwanu.³Chakufamba chirichense cha moyo chimdzakhala chakudya chanu. Ninga ndimo ndidakupasirani therere liwisi, tsapano ndikukupani chirichense. ⁴Soma nampodi kudya nyama na moyo wache kubodzi---omwe ni mulopa wache---mwemo.⁵Soma pala mulopa wanu, moyo ndiwo uli mmulopa wanu, nimdzaufuna. Kuchoka pa boko la nyama iriyense nimdzaufuna. Kuchoka pa boko la munthu aliyense, ndiye kuti, kuchoka pa boko la ule wakupha m'bale wache, nimdzafuna kulewengera za moyo wa munthu umweyo. ⁶Aliyense wakujojeza mulopa wa munthu, na munthu mulopa umweyo umdzajojezewambo, thangwe ni mchindendemezo cha Mulungu kuti iye adalenga munthu. ⁷Mungakhala imwepo, balanani, muwande, mudzale padziko lensene lapansi na kuwanda mwemo."⁸Ndiye Mulungu adasewera na Nowa na kuna wanache na iye, kulewa kuti, ⁹"Ninga mwa ine, tetekerani! nimdzakhazikisa mpangano wangu na imwe na mbumba yanu pambuyo panu, ¹⁰na pa bzamoyo bzense na imwe, na mbalame, na bzifuwo, na bzakulengiwa bzensene bza padziko lapansi pabodzi na imwe, kuchoka kuna bzensene ndibzo bzidabula mchimwadiya, kuna bzinyama bzensene bza padziko lapansi.¹¹Nimdzakhazikisa mpangano wangu na imwe, kuti bzamoyo bzensene bzimdzadzongewa lini pomwe na madzi ya chigumula. Pamdzakhala lini pomwe chigumula kudzonga dziko lapansi." ¹²Mulungu adati, "Ichi ndicho chizindikiro cha mpangano wangu ndiwo nimchita pakati pa ine na imwe na pa bzamoyo bzensene ndibzo bzina imwe, pala mibwado ya mtsogolo: ¹³Ndaikha chitalaleza changu mu mtambo, apo chimdzakhala chizindikiro cha mpangano wangu pakati pa ine na dziko lapansi.¹⁴Bzimdzachitika bzakuti nimdzabweresa mtambo kumpsinkha dziko lapansi apo chitalaleza chimdzaoneka mu mtambo, ¹⁵ndiye nimdzakumbukira mpangano wangu, ndiwo uli pakati pa ine na imwe na bzamoyo bzensene bzakukhala na moyo. Madzi yamdzakhala lini pomwe chigumula chakudzonga bzamoyo bzensene.¹⁶Chitalaleza chimdzakhala mmitambo apo nimdzachiona, pakukumbukira mpangano wachikhalire wa pakati pa Mulungu na bzamoyo bzensene bzakukhala na moyo padziko lapansi." ¹⁷Ndiye Mulungu adati kuna Nowa, "Ichi mchizindikiro cha mpangano ndiwo ndaukhazikisa pakati pa ine na bzamoyo bzensene bza padziko lapansi."¹⁸Wana wachimuna wa Nowa omwe adabula mchimwadiya akhali Semu, Hamu, na Yafeti. Hamu akhali babache wa Kenani. ¹⁹Atatuwa akhali wana wachimuna wa Nowa, apo kuchokera mwa amwewa dziko lensene lapansi lidadzala.²⁰Nowa adayamba kukhala munthu wakulima pamataka, apo adalima munda wa mpesa. ²¹Iye adamwa wina mwa vinyu achiledzera. Adagona ali pezi pezi mkati mwa chihema chache.²²Ndiye Hamu, babache wa Kenani, adaona kukhala pezi kwa babache achikauza abale wache awiri panja. ²³Ndiye Semu na Yafeti adatenga chakufunika achichimanika pamapewa pa wensene awiriwo, achifamba cha mfadambuyo achimpsinkha upezi bwa babawoyo. Nkhope zawo adazinyang'snisa kumbali, seye nkuona upezi bwa babawo.²⁴Nthawe ndizo Nowa adalamuka kuchoka pa vinyu wache, adabva ndibzo mwanache wachimuna wachimalizira adachita kuna iye. ²⁵Ndiye adati, "Wakutembereriwa ni Kenani. Mbaadzakhale kapolo wa akapolo wa abale wache."²⁶Iye adati pomwe, "Yahova, Mulungu wa Semu, adalisike, apo Kenani akhale kapolo wache. ²⁷Mulungu mbaathimizire mbuto ya Yafeti, apo iye mbaamange muyi wache mmahema cha Semu. Kenani mbaakhale kapolo wache."²⁸Chitapita chigumula, Nowa adakhala magole madzana matatu na makumi machanu. ²⁹Nsiku zensene za Nowa zikhali magole madzana mapfemba na makumi machanu, kinangoka adasaika.

10¹Awa akhali wana wa wana wachimuna wa Nowa, omwe ni, Semu, Hamu, na Yafeti. Wana wachimuna adabadwa kuna amwewa chitapita chigumula.²Wana wachimuna wa Yafeti akhali, Gomeri, Magogi, Madai, Yavani, Tubala, Mesheki na Tirasi. ³Wana wachimuna wa Gomeri akhali Asekenazo, Rifata, na Togarma. ⁴Wana wachimuna wa Yavani akhali Elisa, Tarisisi, Kitimu na Dodanimu. ⁵Kuchoka mwa amwewa wanthu wa mmagombe adagawikana achikakhala ku mbuto za kunja kumataka, aliyense na chiseweredwe chache, malingana na mitupo yawo, na madzinza yawo.⁶Wana wachimuna na wa Hamu akhali, Kusi, Mizraimu, Puti, na Kanani. ⁷Wana wachimuna wa Kusi akhali Seba, Havila, Sabita, Raama, na Sabiteka. Wana wachimuna wa Raama akhali Sheba na Dedane.⁸Kusi adakhala babache wa Nimrode, omwe akhali wamphamvu meju padziko lapansi. ⁹Akhali kasadolo wamphamvu pamaso pa Yahova. Mnthangwerache bzimbalewedwa kuti, "Ninga Nimrode penu, kasadolo wamphamvu pamaso pa Yahova." ¹⁰Kutoma kwa ufumu bwache kukhali Babele, Ereke, Akadi na Kaline mdziko la Sinara.¹¹Atachoka mdziko limwero iye adayenda ku Ashuri achikamanga Nineve na muyi wa Rehoboti , Kala ¹²na Resene pakati nakati pa Nineve na Kala. Ukhali muyi ukulu. ¹³Mizraimu adabala Ludimu, Anamimu, Lehabimu, ¹⁴Nafituhimu, Patrusimu, Kasiluhimu (komwe kudachokera Afirisiti), na Kafitorimu.¹⁵Kanani adabala Sidonia, mwana wache wakutoma, na Heti, na wa Ajebusi ¹⁶na Amori pomwe, Agirigasi, ¹⁷a Hivi, a Aariki, a Asini, ¹⁸a Aaravadi, a Aazemari, na a Ahamati. Pambuyo pache mabanja ya a Kanani yadawanda.¹⁹Malire ya a Kanani yadayambira pa Sidoni, kuyendera ku Gerari, ate ku Gaza, na pakuyendera ku Sodomu, Gomora, Adima na Zeboimu, ate ku Lasa. ²⁰Awa akhali wana wachimuna wa Hamu, na mabanja yawo, na bziseweredwe bzawo, mmadziko yawo, na mmadzinza yawo.²¹Wana wachimuna adabadwa pomwe kwa Semu, mkulu wache wa Yafeti. Semu akhali pomwe kholo la wana wensene wa Ebere. ²²Wana wachimuna wa Semu akhali Elamu, Ashuri, Aripakasadi, Ludi, na Aramu. ²³Wana wa Aramu akhali Uzi, Huli, Getere, na Masi.²⁴Aripakasadi adabala Sela, apo Sela mkubala Ebere. ²⁵Ebere adabala wana wachimuna awiri. Dzina la m'bodzi likhali Pelege, thangwe munsiku zache dziko lapansi lidagawikana. Dzina la mng'ono wache likhali Yokitani.²⁶Yokitani adabala Alamodadi, Selefe, Hazaramaveti, Yera, ²⁷Hadorimu, Uzari, Dikila, ²⁸Obali, Abimaele, Sheva, ²⁹Ofiri, Havila, na Yobabi. Wensenewa akhali wana wa Yokitani.³⁰Kwawo kudayambira pa Mesa, pakuyenda ku Sefere, phiri la kumachibese. ³¹Awa akhali wana wachimuna wa Semu malingana na mabanja na bziseweredwe bzawo, mmadziko yawo, malingana na madzinza yawo.³²Aya yakhali mabanja ya wawa wachimuna wa Nowa, kutengera mibwado yawo, na mmadzinza yawo. Kuchoka kuna amwewa ndipo madzinza yadamwazikana tsapano yachiyenda padziko lapansi chitapita chigumula.

11¹Tsapano dziko lensene lapansi lidaphatisa chiseweredwe chibodzi na chibodzi apo chikhana mafala mabodzi. ²Pomwe adanyamuka kuyendera ku machibese, adagumana chigwa mphimba ya Sinara apo adakhala pamwepo.³Iwo adati kuna wina na mwayache, "Bwerani, mbatiye tiumbe njedwa tizitenthe bwino bwino." Iwo akhana njedwa achiziyesa minyala na katondo kumuyesa matope. ⁴Iwo adati, Bwerani, Mbatiye tibzimangire tekha muyi na nsaka yakuti pansodzi pache pagunse kudzaulu, apo mbatiye tibzikonzere tekha dzina. Tingasaya kutenepo, timdzamwazikana padziko lensene lapansi."⁵Ndiye Yahova adabuluka kudzaona muyiyo na nsaka ndiyo wana wa Adamu akhamanga. ⁶Yahova adati, "Nyang'anani, ni wanthu abodzi na chiseweredwe chakulingana, apo zjai akuyamba kuchita ibzi! Tsampanopali palibe ndibzo akufuna kuchita ndibzo bzimdzatazika kuna iwo. ⁷Bwerani, mbatiye tibuluke kukasongoneza chiseweredwe chawo kumweko, pala kuti nampodi ambabvane wina na mwayache."⁸Ndiye Yahova adawamwaza kuyambira popo ate padziko lensene lapansi apo iwo zjai adalekeza kumanga muyiyo. ⁹Tsono, dzina lache adauchemera Babele, thangwe Yahova pampwepo adasongonezera chiseweredwe cha dziko lensene lapansi nakuti pomwe mpamwepo ndipo Yahova adawamwazira pa dziko lensene lapansi.¹⁰Awa akhali wana wa Semu. Semu akhana magole dzana libodzi, apo adabala Aripakasadi magole mawiri chitapita chigumula. ¹¹Semu adakhala magole madzana machanu atabala kale Aripakasadi. Iye adabala pomwe wana winango wachimuna na wachikazi.¹²Pomwe Aripakasadi akhana magole makumi matatu, Adabala Sela. ¹³Aripakasadi adakhala magole madzana manayi na matatu atabala kale Sela. Iye adabala pomwe wana winango wachimuna na wachikazi.¹⁴Pomwe Sela akhana magole makumi matatu, adabala Ebere. ¹⁵Sela adakhala magole madzana manayi na matatu atabala kale Ebere. Adabala pomwe wana winango wachimuna na wachikazi.¹⁶Pomwe Ebere akhadakhala magole makumi matatu na manayi, adabala Pelege. ¹⁷Ebere adakhala magolemadzana manayi na makumi matatu atabala kale Pelege. Iye adabala pomwe wana winango wachimuna na wachikazi.¹⁸Nthawe ndizo Pelege akhana magole makumi matatu, adabala Reu. ¹⁹Pelege adakhala magole madzana mawiri na mapfemba atabala kale Reu. Iye adabala pomwe wana winango wachimuna na wachikazi.²⁰Nthawe ndizo Reu akhana magole makumi matatu na mawiri, adabala Serugi. ²¹Reu adakhala namoyo magole madzana mawiri na manomwe atabala kale Serugi. Iye adabala pomwe wana winango wachimuna na wachikazi.²²Nthawe ndizo Serugi akhana magole makumi matatu, adabala Nahori. ²³Serugi adakhala namoyo magole madzana mawiri atabala kale Nahori. Iye adabala pomwe wana winango wachimuna na wachikazi.²⁴Nthawe ndizo Nahori akhana magole makumi mawiri na mapfemba adabala Tera. ²⁵Nahori adakhala magole dzana libodzi na khumi na mapfemba atabala kale Tera. Iye adabala pomwe wana winango wachimuna na wachikazi. ²⁶Tera atakhala magole makumi manomwe, adabala Aburamu, Nahori, na Harana.²⁷Tsapano awa akhali wana wa Tera. Tera adabala Aburamu, Nahori, na Harani, apo Harani adabala Loti. ²⁸Harani adafera pamaso pa babache Tera mdziko ndilo adabaliwa iye, mu Uri wa ku Akaldayo.²⁹Aburamu na Nahori adatenga akazi. Dzina la mkazi wa Aburamu likhali Sarai apo dzina la mkazi wa Nahori likhali Milika, mwana wa Harani, omwe akhali babawo wa Milika na Yisika. ³⁰Tsapano Sarai akhali ngomwa; akhalibe mwana.³¹Tera adatenga mwanache wachimuna Aburamu, Loti mwana wachimuna wa mwanache wachimuna Harani, na Sarai kunyada wache, mwanache wachimuna Aburamu mkazi wache, apo pabodzi adachoka mu Uri waku Akaldayo, mkuyenda kukakhala kudziko la Kanani. Soma adabwera ku Harani achikhala koko. ³²Tera adakhala na moyo magole madzana mawiri na machanu apo kinangoka adasaika.

12¹Tsapano Yahova adati kuna Aburamu, "Ndoko choka mdziko lako, na pa abale wako, na pa banja la abereki wako, uyende kudziko ndilo nimdzakulatiza iwe. ²Nimdzakusandusa iwe dzinza likulu, ndichidzakudalisa, na kukulisa dzina lako, apo umdzakhala mdaliso. ³Nimdzadalisa wale ndiwo ambakudalisa, soma omwe ambakunyoza nimdzawatemberera. Mabanja yensene yadziko lapansi yamdzadalisika thangwera iwepo.⁴Ndiye Aburamu adayenda, ninga ndimo Yahova Adamuuzira kuchita, apo Loti adayendambo na iye. ⁵Aburamu akhana magole makumi manomwe na machanu pomwe adachoka mu Harana. Aburamu adatenga Sarai, mwana wa mng'ono wache, bzombo bzawo bzensene ndibzo akhadakontcheza, na wanthu ndiwo akhadabala mu Harana. Iwo adachoka achiyenda kudziko la Kanani, kubwera kudzakhala kudziko la Kanani.⁶Aburamu adapitirira kuyenderatu mdzikko la kutali ku Sekemu, kufika ate ku muti wa thundu waku More. Panthawe yoyo wanthu waku Kanani akhakhala mdzikomo. ⁷Yahova adaonekera kuna Aburamu, achiti, "Kuna wana wako nimdzawapa dziko limweli. Ndiye popo Aburamu adamanga guwa la nsembe la Yahova, omwe akhadaonekera kuna iye.⁸Kuchoka Popo adafulukira kudziko la mapiri kumachibede kwa Beteli, komwe adakamanga chihema chache, komwe Beteli akhali kumaulo apo Ai kumachibese kwache. Apo kumweko adakamanga guwa lansembe la Yahova achichemera dzina la Yahova. ⁹Kinangoka Aburamu adapitiriza ulendo, kumbayendera ku Negevu.¹⁰Kukhana njala kudziko limwero, ndiye Aburamu adapolika kuyenda ku Aigupto kukakhala, thangwe njalayo ikhadanyanya mdzikomo. ¹¹Atatsala pang'ono kufika mu Aigupto, adati kuna mkazache Sarai, "Ona tsapano, ndikudziwa kuti ndiwe mkazi wakudeka. ¹²Wanthu waku Aigupto angakakuona amdzati, 'Umweyu ni mkazache,' apo amdzandipha ine, soma iwepo amdzakuleka namoyo. ¹³Ukalewe kuti ndiwe nana wanngu, pala kuti bzikandikhalire bwino ine thangwera iwepo, na kuti pomwe moyo wangu upulumuke thangwera iwepo."¹⁴Bzidachitika kuti pomwe Aburamu adapita mu Aigupto, wanthu wa mu Aigupto adaona kuti Sarai akhali wakudeka kwene kwene. ¹⁵Akulu akulu wakuphata basa kwa Falawo adamuona iye achimuthembeza kuna Falawo, apo mkaziyo adatengiwa kukakhala kubanja la Falawo. ¹⁶Falawo adamukoya bwino Aburamu thangwera iye, apo Aburamu adatambira mabira na ng'ombe, abulu wachimuna, anyabasa wachimuna, anyabasa wachikazi, abulu wachikazi, na ngamira.¹⁷Ndiye Yahova adaboneresa Falawo na banja lache na muliri mikulu thangwera Sarai, mkazi wa Aburamu. ¹⁸Falawo adachemeresa Aburamu, achiti, "Mchani ndicho wachitachi kuna ine? Thangweranyi ulibe kundiuza kuti akhali mkazako? ¹⁹Thangweranyi udati, 'Ni nana wangu,' pala kuti ndidamtenga kukhala mkazi wangu? Ndiye tsapano, mkazako uyu. Mtenge, ndoko njira Zako," ²⁰Ndiye Falawo adapereka malangizo kuna anyabasa wache bzakuguma iye, apo iwo adamulekera, pabodzi na mkazache na bzense ndibzo iye akhanabzo.

13¹Aburamu adakwira kuchoka ku Aigupto kuyenda ku Negevu, iye, mkazache, na bzense ndibzo iye akhanabzo. Loti adayenda nawombo. ²Tsapano Aburamu akhadabala kwene kwene na ng'ombe, siriva na oro.³Iye adapitiriza ulendo bwache kuchoka ku Negevu kuyenda ku Beteli, kumbuto ndiko chihema chache chikhali pakutoma, pakati nakati pa Beteli na Ai. ⁴Iye adayenda kumbuto ndiko kukhana guwa la nsembe lomwe akhadalimanga pakutoma. Apa adachemera dzina la Yahova.⁵Tsapano Loti, omwe akhafamba na Aburamu, akhanambo mabira, ng'ombe na mahema. ⁶Mbuto ikhakwanisika lini kuwathandiza wensenewo kukhalira pabodzi pafupi na pafupi. ⁷Pakhana pomwe mkangano pakati pa amakabusa wang'ombe za Aburamu na a amakabusa wang'ombe za Loti. Akanani na Aperezi akhakhala mphimpha zimwezo panthaweyo.⁸Ndiye Aburamu adati kuna Loti, "Nampodi pakhale ndewo pakati pa ine na iwe, na pakati pa amakabusa wangu na amakabusa wako; chensecho pomwe ndife ubale. ⁹Dziko lenseli liri lini mmanja mwako kodi? Pitiriza tenepo timwazane iwe na ine. Ungayenda mphimpha za kumadzere, ndiye kuti nimdzayendera kumadidi. Ayai ungayendera kumadidi, ndiye kuti nimdzayendera kumadzere."¹⁰Ndiye Loti adamwaza maso, achiona kuti chigwa chensene cha Yorodano chikhana madzi mazinji palipense ate ku Zoare, ninga munda wa Yahova, ninga dziko la Aigupto. Apa ikhali nthawe ndiyo Yahova akanati kudzonga Sodomu na Gomora. ¹¹Ndiye Loti adabzisankhulira yekha chigwa chensene cha Yorodano achifamba kuyendera ku machibese, apo achibale adamwazana wina na mwayache.¹²Aburamu adakhala mdziko la Kanani, apo Loti adakhala mmiyi ya mchigwamo. Iye adakhazikisa bzihema bzache kutali ninga ku Sodomu. ¹³Tsapano wanthu waku Sodomu akhali wakuphonya kwakunyanya kuna Yahova.ml ki¹⁴Yahova adati kuna Aburamu Loti atachoka pana iye, "Nyang'ana mbuto ndiyo waimayo kunyang'ana kumpotoku, kumwera, kumachibese, na kumaulo. ¹⁵Mphimpha yensene ukuonayi, nimdzakupa iwe na mbeu yako kwa nthawe zensene.¹⁶Nimdzayesa mbeu yako ninga pfumbi lapansi, pala kuti wina angakwanisa kulewenga pfumbi lapansi, mbeu yakombo amdzailewenga. ¹⁷Lamuka, famba famba mdzikomu mulitali na mulifupi mwache, nakuti nimdzalipa kuna iwe limwelo." ¹⁸Ndiye Aburamu adafulusa chihema chache achibwera kudzakhala pa miti ya thundu ya pa Mamre, ndiyo iri mu Hebroni, achimanga guwa lansembe la Yahova popo.

14¹Bzidachitika nsiku za Amarafele, mfumu ya ku Sinara, Arioki, mfumu ya ku Elasara, Kedorelaomere, mfumu ya ku Elamu, na Tidala mfumu ya ku Goimu, ²kuti adachita nkhondo kulimbana na Bela, mfumu ya ku Sodomu, Birisa mfumu ya ku Gomora, Sinabi, mfumu ya ku, Adima, Semebere, mfumu yaku Ziboimu, na pa mfumu yaku Bela (yakubvekera pomwe na dzina lakuti Zoari).³Mafumu machanu yakumaliziraya yadaphatanidzana mchigwa cha Sidimu (chakudziwika pomwe na dzina la Nyanza ya Munyu). ⁴Magole khumi na mawiri akhadatumikira Kedorelaomere, soma mgole lachikhumi na chitatu zjai adagandukira. ⁵Kinangoka mgole lachikhumi na chinayi, Kedorelaomere na mafumu ndiyo akhanayo adabwera achidzamenya a Refai mu Aseteroti Karnaimu, na Azizi mu Hamu, a Semi mu Savekiriataimu, ⁶na Ahori mdziko lawo la mapiri la Seiri, kufika ate ku Eliparana, komwe mkufupi na chipululu.⁷Kinangoka adazungunuka achibwera ku Eni Misipati (Kwakuchemeriwa pomwe kuti Kadese), achigonjesa dziko lense la Aamaleki, na Aamori pomwe ndiwo akhakhala mu Hazezoni Tamara. ⁸Ndiye mfumu ya ku Sodomu, mfumu yaku Gomora, mfumu yaku Adima, mfumu ya ku Zedoimu, na mfumu ya ku Bela (yakuchemeriwa pomwe kuti Zoari) adayenda kunja achikakonzekera nkhondo mchigwa cha ⁹Sidimu kulimbana na a Kedorelaomere, mfumu ya Elamu, Tidala, mfumu ya Goimu, Àmarafele, mfumu ya Sinara, Arioki, mfumu ya Elasara; mafumu manayi kulimbana na machanu.¹⁰Tsapano chigwa cha Sidimu chikhadadzala na madindi, apo pomwe mafumu yaku Sodomu na Gomora yadathawa, yadagwera momo. Wale ndiwo adasala adathawira kumapiri. ¹¹Ndiye mafumu yadatuta bzinthu bzensene bza ku Sodomu na Gomora na vida yawo yensene, achiyenda njira zawo. ¹²Pomwe iwo adayenda, adatenga pomwe Loti, mwana wa mano wache wa Aburamu, omwe akhakhala mu Sodomu, pabodzi na bzombo bzache bzensene.¹³M'bodzi omwe akhadathawa adabwera kudzauza Aburamu m'Heberi. Iye akhakhala pafupi na miti ya thundu ya ku Mamre, M-Amori, omwe akhali m'bale wache wa Esakolo na Aneri, omwe wense akhali anzache wa Aburamu. ¹⁴Tsapano pomwe Aburamu adabva kuti awengi akhadaphata abale wache, adatsogolera akamuna wache madzana matatu na khumi na asere wakupfunzira omwe akhadabadwa mnyumba mwache, apo achiwapsaga ate ku Dani.¹⁵Iye adagawa wanthu wache usiku, iye na anyabasa wache, achiwathamangisa ate ku Hoba, ndiko ku boko lamadzere la Damasiko. ¹⁶Kinangoka adabweresa bzombo bzensene, achibweresa pomwe m'bale wache Loti na mitolo yache, pabodzi pomwe na azimayi na wanthu winango.¹⁷Nthawe ndizo Aburamu adabwerera kuchokera kwakukagonjesa Kedorelaomere na mafumu ndiyo yakhana iye, mfumu yaku Sodomu idabula kukamuchingamira pa chigwa cha Save (chakuchemeriwa pomwe kuti chigwa cha mfumu). ¹⁸Melekizedeke, mfumu ya ku Salemu, idabula nawo mkate na vinyu. Iye akhali wansembe wa Mulungu Mkulukulu.¹⁹Iye adamudalisa kulewa kuti, "Wakudalisika na Mulungu Mkulukukuluyo ni Aburamu, Wakulenga kudzaulu na dziko lapansi. ²⁰Wakudalisika mbaakhale Mulungu Mkulukukuluyo, omwe wapereka awengi wanu mmanja mwanu." Kinangoka Aburamu adamupa iye chibodzi cha magawo khumi ya chirichense.²¹Mfumu ya ku Sodomu idati kuna Aburamu, "Ndipenimbo wanthu, apo ubzitakulire vidayi wekha." ²²Aburamu adati kuna mfumu yaku Sodomu, "Boko langu ndalitukulira kuna Yahova, Mulungu Mkulukulu, Wakulenga kudzaulu na dziko lapansi, ²³kuti nimdzatenga lini usalu, chingwe cha nsapato, ayai chirichense chako, pala ungati, 'Ndamudaza Aburamu.' ²⁴Nimtakula lini chirichense kupambula ndibzo anyamata adya na gawo la wanthu omwe adayenda na ine. Lekani Aneri, Esikolo. na Mamre atenge gawo lawo."

15¹Bzitamala bzobzi mafala ya Yahova yadabwera kuna Aburamu mmasomphenya, kulewa kuti, Nampodi kugopa, Aburamu! Ndine mtetezi wako na mpfupo yako ikulutsa,' ²Aburamu adati, "Mbuya Yahova, mumdzandipa chani, nakuti ndikalibe mwana basi, apo wakudzapita manyumba yangu ni Eliezekere wa ku Damasiko?" ³Aburamu adati, "Nakuti mulibembo kundipa mbeu ine, onani, wakubadwa mnyumba mwangu ndiye amdzakhala wakudzapita manyumba yangu!"⁴Ndiye, onani, mafala ya Yahova yadabwera kuna iye, kulewa kuti, "Munthu uweyu amdzakhala lini wakudzapita m'buto mwako; soma iye wakudzachokera mchuno mwako chaimo ndiye amdzapita m'buto mwako. ⁵Kinangoka adamubulisa panja, achiti, "Jiguma kudzauluku, apo ulewenge nyenyezi, penu unikwanisa kuzilewenga." Ndiye adati kuna iye, "Umu ndimo mbeu yako imdzakhalira."⁶Iye adakhulupirira Yahova, apo iye adatenga kuti chikhali chilungamodi meju. ⁷Iye adati kuna iye, "Ndine Yahova, omwe ndidakupulumusa kuna Uri wa ku Akaldayo, kukupa iwe dziko ili likhale lako lako." ⁸Iye adati, "Mbuya Yahova, nimdzadziwa tani kuti limdzakhala langu ine?"⁹Ndiye adati kuna iye, "Kanditengere ng'ombe ikazi ya magole matatu, mbuzi ikazi ya magole matatu, nkhangaiwa, na kamwana ka njiwa." ¹⁰Iye adamubweresera bzensebzi, achibzigwata pakati, mkutula agwatabzo mwakunyang'anizana china na chinzache, soma mbalamezo alibe kuzigwata. ¹¹Nthawe ndizo mbalame za anyamg'omba zidabwera mkumbutha panyamazo, Aburamu adazithamangisa.¹²Tsono pomwe dzuwa likhamira, Aburamu adagona tulo apo, onani, m'dima ukulu wakugopsa udamugwera iye. ¹³Kinangoka Yahova adati kuna Aburamu, "Dziwa meju kuti mbeu zako zimdzakhala alendo mdziko lakuti ndawo lini, apo zimdzasandusiwa akapolo achiboneresewa kwa magole madzana manayi.¹⁴Nimdzayeruza dzinza ndilo amdzalitumikilalo, apo pambuyo pache amdzabula na vida izinjitsa. ¹⁵Soma umdzayenda kuna abereki wako mwamtendere, apo iwe udzafuchiriwa utakalamba bwino. ¹⁶Mu m'bwado wachinayi amdzabwera pomwe kuno, nakuti mphumbza za Amori zikamati kufika pamapeto."¹⁷Nthawe ndizo dzuwa lidamira m'dima utagwa, onani, ng'anjo yakufukutira utsi na mtsatso wamoto wakubvunika bzidapita pakati nakati pa nyama adagwata ire. ¹⁸Pansiku yoyo Yahova adapangana mpangano na Aburamu, kulewa kuti, "Kuna mbeu yako ndikukupa dziko ili, kuchokera mkulo waku Aigupto kukafika ku mkulo ukulu, Firate--- ¹⁹Akeni, Akenizi, Akadimoni, ²⁰Ahiti, Aperezi, Arefai, ²¹Aamori, Akanani, Agirigasi, na Ajebusi."

16¹Tsapano Sarai, mkazi wa Aburamu, akhalibe kumubalira mwana aliyense iye, soma akhana nyabasa wachikazi, waku Aigupto, omwe dzina lache akhali Hagara. ²Ndiye Sarai adati kuna Aburamu, "Onani tsapano, Yahova wandilambiza kukhalambo na wana ine. Ndiye chonde ndokoni kuna nyabasa wanguyu. Aburamu adatetekera mafala ya Sarai. ³Ikhali nthawe yakuti Aburamu atakhala magole khumi mdziko la Kanani pomwe Sarai, mkazi wa Aburamu adapereka Hagara nyabasa wache waku Aigupto, kuna bayache kukhala mkazi wache. ⁴Ndiye adayenda kuna Hagara, apo iye adatenga pathupi, iye akhabzokola mwa kupepusa Sarai.⁵Ndiye Sarai adati kuna Aburamu, "Kuboneraku inepano thangwera iwepo. Ndidapereka nyabasa wangu wachikazi pamtima wako, apo ataona kuti watenga pathupi, zjai ndidapepuka mmaso mwache. Yahova ayeruze pakati pa ine na iwe." ⁶Soma Aburamu adati kuna Sarai, "Ona pano, nyabasa wako mkaziyo zjai ali mmanja mwako, chita kuna iye chakuti chikudekere iwe." Ndiye Sarai adamuboneresa iye, achithawiratu pamaso pache.⁷Mnjero wa Yahova adamugumana iye pafupi na lowe wa madzi mchipululu, pa lowe ndiye akhali panjira yakuyendera ku Suri. ⁸Iye adati, "Hagara, nyabasa wa Sarai, wachokera kuponi apo ukuyenda kuponi?" Ndiye iye adati, "Ndikuthawa mbuyangu wachikazi Sarai.⁹Mnjero wa Yahova adati kuna iye, "Bwerera kuna mbuyako wachikazi, ukabzichepse wekha pamaso pache." ¹⁰Kinangoka mnjero wa Yahova adati kuna iye, "Nimdzawanza mbeu yako kwene kwene, mwakuti amdzakhala azinjitsa wakusaya kulewengeka.¹¹Mnjero wa Yahova adati pomwe kuna iye, "Ona, una pathupi apo umdzabala mwana wachimuna, apo umdzamuchemera dzina lache Ismayeli, thangwe Yahova wabva kubonera kwako. ¹²Iye amdzakhala nkhandwe yamunthu yamchipululu. Iye amdzakhala wakugazana na munthu aliyense, na munthu aliyense kumugaza iye, apo amdzakhala lini phathi na abale wache wensene."¹³Ndiye adapa dzinali kuna Yahova omwe adasewera naye, "Ndimwe Mulungu omwe mumbandikonda," nakuti iye adati, "Ndikupitiriza chadidi kuona, napo kuti iye wandiona kale ine?" ¹⁴Mthangwerache mcherayo udachemeriwa Beerelahai-roi; onani uli pakati nakati pa Kadese na Berede.¹⁵Hagara adabalira Aburamu mwana wachimuna, apo Aburamu adasandula dzina lache, omwe Hagara adabalayo, Ismayeli. ¹⁶Aburamu akhana magole makumi masere na matanthatu pomwe Hagara adam'balira Aburamu Ismayeli.

17¹Nthawe ndizo Aburamu akhana magole makumi mapfemba na mapfemba, Yahova adaonekera kuna Aburamu achiti kuna iye, "Ndine Mulungu Wamphamvu zense. Famba pamaso pangu, apo khala wakusaya chirema. ²Ndiye nimdzapangana mpangano pakati pa ine na iwe, apo nimdzakuwanza kwene kwene."³Aburamu adakotamisa nkhope yache pansi apo Mulungu adalewalewa na iye, kulewa kuti, ⁴"Ningakhala ine, onani. mpangano wangu una iwe. Umdzakhala baba wathimu la madzinza. ⁵Dzina lako umdzachemeriwa lini pomwe Aburamu, soma dzina lako umdzakhala Aburahamu---thangwe ndakuikha kukhala baba wa thimu lamadzinza. ⁶Nimkubalisa iwe maninge, apo nimdzakuyesa iwe madzinza, apo mafumu yamdzabula kuchokera mwa iwe.⁷Nimdzalimbisa mpangano wangu pakati pa ine na iwe na mbeu yako pambuyo pako, kupita mmibwadwo yawo yensene kuti ukhale mpangano wa nthawe zensene, kuti ndikhale Mulungu wako na wa mbeu zako za pambuyo pako. ⁸Apo kuna iwe na mbeu za pambuyo pako nimdzakupani dziko la maulendo yanu, dziko lensene la Kanani, likhale lako nthawe zensene, apo ine nimdzakhala Mulungu wawo."⁹Ndiye Mulungu adati kuna Aburahamu, "Ungakhala iwe, ukoye mpangano wangu, iwe na mbeu yako mmibwado yawo yensene pambuyo pako. ¹⁰Uyu ni mpangano wangu, ndiwo iwe umfunika kuukoya. pakati pa ine na iwe na mbeu yako pambuyo pako: Mwamuna aliyense waiwe agwatiwe. ¹¹Mugwatiwe Khandwa la kunsonga kwa kumaso kwanu, apo ichi chimdzakhala chizindikiro cha mpangano pakati pa ine na imwe.¹²Mwamuna aliyense waiwe wa magole masere agwatiwe, kupita mmibwado yawanthu wako wensene. Uku mkuphatanidza na iye wakubadwa mnyumba yako na iye wakuguliwa na kobiri kuchoka kuna wakunja aliyense omwe ngwako lini wa mbeu yako. ¹³Iye wakubadwa mnyumba yako na iye wakuguliwa na kobiri zako agwatiwe basi. Apo mpangano wangu umdzakhamthupi mwako mpangano wakusaya kumala. ¹⁴Mwamuna aliyense wakusaya kugwatiwa omwe alibe kugwatiwa khanda la kunsonga kwa kumaso kwache adzaphiwe pakati pa wanthu wache. Wapsa mpangano wangu."¹⁵Mulungu adati kuna Aburahamu, "Angakhala Sarai mkazi wakoyu, nampodi kumbamuchemera pomwe kuti Sarai. Soma, dzina lache amdzakhala Sara. ¹⁶Nimdzamudalisa iye, apo nimdzakupa mwana wachimuna na iye, apo iye amdzakhala Mayi wa madzinza. Mafumu ya wanthu yamdzachokera mwa iye."¹⁷Ndiye Aburahamu adakotamisa nkhope yache pansi, achiseka, achilewa mumtima mwache, "Mwana angabadwedi kuna mwamuna wamagole dzana libodzi? Sara, wamagole makumi mapfemba angakhale tani na mwana?" ¹⁸Aburahamu adati kuna Mulungu, "Oh mpsakuti Ismayeli akhale na moyo pamaso panu!"¹⁹Mulungu adati, "Neye, soma Sara mkazi wako amdzakubalira iwe mwana wachimuna, apo udzamupe dzina lakuti Isaki. Nimdzalimbisa mpangano wangu na iye ninga mpangano wakusaya kumala wa mbeu yache pambuyo pache. ²⁰Soma bza Ismayeli, ndakubvera iwe. Onani, ndamudalisa iye apo nimdzamuwanzisa iye kwene kwene. Amdzakhala kholo la atsogoleri khumi na awiri, apo nimdzamuchitisa kukhala dzinza likulu. ²¹Soma mpangano wangu nimdzalimbinimdzalimbikisakisa na Isaki, omwe Sara amdzakubalira iwe panthawe ninga ino gole lamangwana."²²Atamaliza kusewera naye, Mulungu adakwira kuchoka kuna Aburahamu. ²³Ndiye Aburahamu adatenga Ismayeli mwana wache, na wensene ndiwo adabadwa m'banja mwache, na wensene ndiwo adaguliwa na kobiri zache, mwamuna aliyense pakati pa amuna wabanja la Aburahamu, achigwata Khanda la kumaso kwawo nsiku yoyo letu, ninga ndimo Mulungu akhadamuuzira iye.²⁴Aburahamu akhana magole makumi mapfemba pomwe adagwatiwa khanda la kumaso kwache. ²⁵Ismayeli mwana wache akhana magole khumi na matatu pomwe adagwatiwa khanda la kumaso kwache. ²⁶Pansiku yokha yokhayo ndiyo Aburahamu adagwatiwa pabodzi na Ismayeli mwana wache. ²⁷Amuna wensene wa m'banja mwache adagwatiwa pabodzi naye, kuphatanidza na iwo wakubadwa m'banja na iwo wakuguliwa na kobiri kuchoka kwa alendo.

18¹Yahova adaonekera kuna Aburahamu pa miti ya thundu ya ku Mamre, pomwe akhadakhala pamsuwo wa chihema mkupsa kwa masikati. ²Iye adakwiza maso apo, onani, adaona amuna atatu ataima pafupi na iye. Pomwe adawaona, adathamanga kukagumana nawo kuchoka pamsuwo wa chihemacho achikotama kutsulima pansi.³Iye adati, "Mbuyangu, penu ndagumana udidi pamaso panu, nampodi kupitirira pa kapolo wanu." ⁴Mbaabwerese madzi pang'ono, usambise nzayo zakozi, apo upume wekha pamuti. ⁵Apo nimdzatenga chakudya pang'ono, pala mujejerese mitima yanu. Pambuyo pache muyende njira zanu, thangwe mwafika kuna kapolo wanu." Iwo adatawira, "Chita ndimo walewera."⁶Kinangoka Aburahamu adapita kamkulumize mchihema kwa Sara, achiti, "Kulumiza, Monza kamangu miyezo mitayu ya ufa bwa tirigu, umunye ukonze mikate." ⁷Kinangoka Aburahamu adathamangira kuna thimu la ng'ombe, achikatemga ksmkono katete kwabwino, achikapasa kuna kapolo, achikulumiza kukaphika. ⁸Adatenga mafuta na mkaka, na kamkono kadaphikiwako, achiwaikhira chakudya pamaso pawo, apo adaima pafupi na iwo patsinde pamuti pomwe iwo akhadya.⁹Iwo adati kuna iye, "Mkazako Sara ali kuponi?" Iye adatawira, "Umo mchihemamo." ¹⁰Iye adati, "Nimdzabwerera pomwe kuna iwepo pakufika nthawe yache, apo ona, Sara mkazi wako amdzakhala na mwana wachimuna." Sara akhatetekera pamsuwo wa chihemapo, omwe ukhali kumbuyo kwache.¹¹Tsapano Aburahamu na Sara akhadakalamba, adapitirira kwene kwene nsiku zawo, apo Sara akhadapitirira msinkhu ndiwo mkazi angadabalira wana. ¹²Ndiye Sara adaseka yekha yekha, kulewa yekha, "Ndasukwa sukwa na mbuyangu pomwe zjai wakalamba, ndiye nimdzadekedwa bwino tsapano?"¹³Yahova adati kuna Aburahamu, "Thangweranyi Sara adaseka achiti, 'Nimdzabaladi mwana ine, uko ndakalamba kalamba'? ¹⁴Chiripo chimtaza kukwanisa Yahova? Pakufika nthawe yakuikhika na ine, munthaweyo, nimdzabwerera kuna iwe. Panthawe ninga ino gole lamangwana Sara amdzakhala na mwana wachimuna." ¹⁵Ndiye Sara adagaza achiti, "Ndiribe kuseka ine," thangwe iye akhagopa. Iye adatawira, "Neye, udaseka iwe."¹⁶Kinangoka wanthuwo adalamuka achinyamuka kunyang'ana kuphompho ku Sodomu. Aburahamu adayenda nawo kuwaperekeza njira yawo. ¹⁷Soma Yahova adati, "Ndim'bisire Aburahamu ndibzo nimfuna kuchita, ¹⁸nakuti Aburahamu amdzakhala chadidi dzinza likulu lamphamvu, apo madzinza yensene yadziko lapansi yamdzadalisika thangwera iye? ¹⁹Thangwe ndamusankhula iye pala kuti atonge wana wache na banja lache pambuyo pache kukoya njira ya Yahova, kuchita chilungamo na chiyeruziro, pala kuti Yahova abwerese pa Aburahamu bzobwe walewa kuna iye."²⁰Kinangoka Yahova adati, "Thangwe kulira kwa Sodomu na Gomora kwakula, nakuti pomwe chakuphonya chawo chalemera meju, ²¹nimdzabuluka tsapano koko kukaona kulira kwawoko pala iwo ndiko kwandifikira ine, kuti penu achitadi chimwecho. Penu neye, nimdzadziwa."²²Ndiye wanthuwo adatembenuka kuchoka koko, achiyendera ku Sodomu, soma Aburahamu adasalira ataima pamaso pa Yahova. ²³Kinangoka Aburahamu adafendera achiti, "Kodi mumdzapsaira wakulungamawa pabodzi na wakuipa?²⁴Pinangopense alipo makumi machanu wakulungama mmuyimu. Mumdzapsaira basi neye kusiya m'buto thangwera wakulungama makumi machanu ndiwo ali momowo? ²⁵Nampodi kuchita tenepoyo neye, kupha wakulungama!a pabodzi na wakuipa, pala kuti wakulungama achitiwe mwakulinganira na wakuipa. Nampodi kutenepoyo! Kodi wakutonga wadziko lense lapansiyo amdzachita lini bzakuthemera? ²⁶Yahova adati, "Ningakagumana wakulungama makumi machanu mu mzimda wa Sodomu, ndiye nimdzaleka m'buto yensene thangwera iwo."²⁷Aburahamu adatawira achiti, " Onani tsapano, ndabziyesera kusewera kuna Mbuya wangu, napo kuti ndine pfumbi na dotha! ²⁸Tani angakagumanika kuti alipo wakusalira achanu kuti akhane makumi machanuwo? Mumdzadzonga mzimda wensene thangwera kuti akuperewera achanu?" Ndiye iye adati, "Nimdzaudzonga lini, penu ningakagumane momo makumi manayi na achanu."²⁹Adasewera naye pomwe, achiti, "Tani penu mungakagumane makumi manayi momo?" Iye adatawira, "Nimdzachita lini thangwera makumi manayiwo. ³⁰"Iye adati, "Chonde nampodi kukalipa, Mbuya, kuti ndilewelewe. Pinangopense makumi matatu angakagumanika momo." Iye adatawira, "Nimdzachita lini basi ndichikagumana makumi matatuwo momo." ³¹Iye adati, "Onani tsapano, ndabziyesela kulewa kuna Mbuya wangu! Pinangopense makumi mawiri angakagumanike momo." Iye adatawira, "Nimdzaudzonga lini thangwera makumi mawiriwo."³²Iye adati, "Chonde nampodi kukalipa, Mbuya, apo nimdzasewera ichi kwakumaliza. Pinangopense khumi amdzagumanika momo." Ndiye adati, "Nimdzaudzonga lini basi thangwera khumiwo." ³³Yahova adayenda njira zache atatondo kumaliza kusewera na Aburahamu, apo Aburahamu adabwerera kumuyi.

19¹Anjero awiri adabwera ku Sodomu maulo, nthawe ndizo Loti akhadakhala pamsuwo wa mu Sodomu. Loti adawaona iwo, mkulamuka kukagumana nawo, achitsulima nkhope yache pansi. ²Iye adati, "Onani tsapano, ambuyangu, tembenukirani kupita kunyumba kwa kapolo wanu, Khalani usikubu, apo musambise nzayo zanu. Kinangoka mumdzalamuka machibese bese mkuyenda njira zanu." Iwo adatawira, "Neye, timdzakhala usiku bwense mkhwalaamu." ³Soma adawakumbira mwakungingimira, ndiye adayenda naye, achikapita mnyumba mwache. Iye adakonza chakudya achiphika mkate wakusaya bzakufufumisa, iwo achidya.⁴Soma akanati kugona, wanthu wammuyimo, wanthu wamu Sodomu, adazungulira nyumbayo, ang'ono na wakukalamba kubodzi. Wanthu wensene wakuchokera mbali zensene za muyiyo. ⁵Iwo adachemera Loti, achiti kuna iye, "Alikuponi wanthu ndiwo abwera muno kuna iwe maulo yamweyano? Abulise kuna ife, kuti tiwadziwe."⁶Ndiye Loti adabula panja achifunga msuwo. ⁷Iye adati, "Ndikukukumbirani, abale .wangu, nampodi kuchita bzakuipa. ⁸Onani tsapano, ndina wana wachikazi awiri ndiwo akanati kudziwa mwamuna aliyense. Chonde dikhirani ndikubulisireni amwewo kuna imwe, apo muchite nawo ndicho mumchiona chabwino mmaso mwanu. Nampodi kuchita chakuipa wanthuwa, thangwe abwera mu mthunzi wa nsodzi yangu."⁹Iwo adati, "Bakaimani!" Iwo adati pomwe, Uyu adabwera Kuno kudzakhala ninga mlendo, apo tsapano zjai wasanduka wakutitonga! Tsapano timdzakuchitita kuipa iwepo kuposa iwo." Iwo adamungingimiza munthuyo , Loti meju! achifendeza kuti apse msuwo.¹⁰Soma wanthuwo adabulisa manja yawo achibweresa Loti mnyumbamo na iwo achifunga msuwo. ¹¹Tsapano alendo wa Loti adachitisa chidima wanthu omwe akhali panja pa msuwo wa nyumbayo, ang'ono na akuluwo, mwakuti adafika pakuneta pomwe akhayezera kupsaga kuti aphate msuwo.¹²Ndiye wanthuwo adati kuna Loti, "Una winango pomwe muno? Mkuwasa aliyense, wanako wachimuna na wachikazi, na wina ndiye unaye wa mmuyi muno, abulise panja pano. ¹³Thangwe tatsala pang'ono kudzonga mbuto ino, thangwe kulira kwawo kwakula pamaso pa Yahova apo Yahova watituma kuti tiudzonge."¹⁴Loti adabula panja achikasewera na mkuwasa wache, wanthu ndiwo adalonjeza kuloola wanache wachikazi, achiti, "Kulumizani, bulani pambuto pano, thangwe Yahova ali pafupi kudzonga muyi uno." Soma kuna mkuwasa wache akhaoneka ninga akutondo kulewa bwamsobwe. ¹⁵Pomwe manyika yadaoneka, anjero adakumbira Loti, kulewa kuti, "Lamuka uyende, takula mkazako na wanako awiri wachikazi omwe ali panowa, pala kuti nampodi mupsairiwe mchilango cha muyiyu."¹⁶Soma adachedwa. Ndiye wanthu adamuphata boko lache, na boko a mkazache, na manja ya wanache awiri wachikazi, thangwe Yahova akhamubvera nsisi. Iwo adamubulisa iye panja, achikawatula kunja kwa muyi. ¹⁷Atawabulisa panja m'bodzi wa wanthuwo adati. "Pulumusani miyoyo yanu! nampodi kucheuka mmambuyo, ayai kuima pachigwa palipense. Thawira kumapiri pala kuti ungadzongeke."¹⁸Loti adati kuna iwo, "Neye, chonde, azimbuyangu! ¹⁹Onani tsapano, kapolo wanu wangumana udidi pamaso panu, apo mwandionesera chikondi chikulu pakupulumusa moyo wangu, soma ningakwanise lini kuthawira kumapiri, thangwe chakuipacho chingandipinzule, apo ine nimdzafa. ²⁰Onani tsapano, muyi uyu apo ngung'ono. Chonde, ndilekeni ndithawire koko---Ngung'ono lini kodi? ---apo moyo wangu umdzapulumuka."²¹Iye adati kuna iye, "Chadidi, ndakutawiriza, nimdzadzonga lini muyi ndiwo wandiuzayu. ²²Kulumiza! Thawa popo, thangwe ningachite lini chinthu ate ukafike kumweko." Mnthangwerache muyiyo udachemeriwa Zoari.²³Dzuwa likhadabula padziko lapansi pomwe Loti adafika ku Zoari. ²⁴Kinangoka Yahova adabvumbisa pa Sodomu na Gomora minyala ya sufule na moto kubula kwa Yahova kuchoka kudzaulu. ²⁵Iye adadzonga miyiyo, na chigwa chensene, na bzense bzakukhala mmiyimo, na bzakumera bza pansi.²⁶Soma mkazi wa Loti, omwe akhafamba pambuyo pa iye, adanyang'anisa mmambuyo, apo adasandula chulu cha munyu. ²⁷Aburahamu adalamuka machibese bese kuyenda pambuto ndipo akhadaima pamaso pa Yahova. ²⁸Adanyang'anisa kuphompho ku Sodomu na Gomora na ku mbuto ya chigwa. Iye adanyang'ana apo onani, utsi mukhakwira kuchoka pansi ninga utsi bwa ng'anjo.²⁹Ndiye pomwe Mulungu adadzonga miyi ya mchigwa, Mulungu adakumbukira Aburahamu. Adamuchosa Loti pakati pa chidzongeko cha miyi ndiyo Loti akhadakhala.³⁰Soma Loti adakwira kuyenda ku Zoari kukakhala mmapiri na wanache wachikazi awiri, thangwe zjai akhana mantha kukhala mu Zoari. Ndiye adakakhala mu mphanga, iye na wanache wachikazi awiri.³¹Mwana wakutoma adati kuna mng'ono wache, "Banathuwa akalamba, apo palibe mwamuna kwinangombo ndiye amdzapita kuna ife ninga akhachitira padziko lensene lapansi. ³²Bwera, mbatiye tiwamwese vinyu babawa, apo timdzagona nawo, pala kuti tikoye mbeu ya banja lathu na moyo kudzera mwa babathuwa." ³³Ndiye babawoyo adamumwesa vinyu usikubo. Ndiye mwana wakutomayo adayenda momo achigona nawo babachewo; iwo alibe kudziwa pomwe iye adadzagona popo, ayai nthawe ndiyo iye adalamuka.³⁴Mangwana yache mwana wakutomayo adauza mng'ono wacheyo, "Tetekera, pano ndagona usikubu na babangu. Mbatiye tiwamwese pomwe vinyu usiku, apo uyendembo ukagone nawo, pala kuti mbeu ya banja lathuli tiikoye na moyo kudzera mwa babawa." ³⁵Ndiye adawamwesa pomwe vinyu babawowo usikubo, apo mng'onoyo adayendambo achikagona nawo. Iwo alibe kudziwa pomwe basi nthawe ndizo iye adadzagona ayai nthawe ndizo iye adalamuka.³⁶Ndiye wana wa Loti wachikazi awiriwo adatenga pathupi pa babawo. ³⁷Wakutomayo adabala mwana wachimuna, achimusandula dzina lakuti Moabu. Iye adakhala kholo la Amoabu ate lero. ³⁸Angakhala mwana wachikazi mng'onoyo, adabala pomwe mwana wachimuna, achimusandula dzina lakuti Ben-Ammi. Adakhala kholo la wanthu wa Aamoni ate lero.

20¹Aburahamu adayenda ulendo kuchoka popo kuyendera kudziko la Negev, achikakhala pakati nakati pa Kedesi na Suri. Akhali mlendo wakukhala m'Gerari. ²Aburahamu adati bza Sara mkazache, "Ni mpfumakazi yangu." Ndiye Abimeleke mfumu ya ku Gereri idatumiwa kukatenga Sara. ³Soma Mulungu adabwera kuna Abimeleke mmaloto usiku, achidzati kuna iye, "Ona, ndiwe munthu wakufa thangwera mkazi ndiye watengayu, thangwe ni mkazi wa mwenekachiro."⁴Tsapano Abimeleke akhanati kubwera pafupi na iye apo Abimeleke adati, "Mbuya, mumdzapha kubodzi na dzinza la kulungama? ⁵Alibe kulewa yekha kuna ine, 'Ni mpfumakazi yangu?" Neye iye mwenekachiro achitawira pomwe kuti, 'Ni mano wangu." Ndachita bzimwebzi na mtima wangu wangwiro na manja yangu ya lazau."⁶Ndiye Mulungu adati kuna iye mmaloto, "Inde, ndikudziwadi kuti wachita ichi na mtima wangwiro, soma ine ndidakulambiza kuti nampodi kundiphonyera. Mnthangwerache ndidakulambiza kumukhuya mkaziyo. ⁷Mnthangwerache bwezera mkaziyo kuna mwenekachiro, thangwe bayacheyo ni mneneri. Amdzakupempherera iwepo, uchikhala na moyo. Soma ungasaya kumubzezera, dziwa kuti iwe na wensene ndiwo uli nawo mumdzafa meju."⁸Abimeleke adalamuka na machibesebese achichemera akapolo wache. Iye adawauza bzensebzi, apo wanthuwa akhana mantha kwene kwene. ⁹Ndiye Abimeleke adachemera Aburahamu achiti kuna iye, "Wachita chani kuna ife iwepo? Ndakuphonyera tani iwepo, kuti wafikisa pa ine na pa ufumu bwangu chakuphonya chikulu? Wachita bzinthu ndibzo lini kuna ine."¹⁰Abimeleke adati kuna Aburahamu, "Chidakuchitisa mchani kuchita bzinthu bzobzi?" ¹¹Aburahamu adati, "Thangwe ndidakumbuka, 'Kuno wanthu ambagopa lini Mulungu, apo amdzandipha thangwera mkazanguyu.' ¹²Kupambula bzobzo, ni mpfumakazi yangudi, mwana wa babangu, soma sikuti mwana wa mayi wangu; soma adakhala mkazangu.¹³Pomwe Mulungu adachitisa kuti ndichoke mnyumba ya babangu mkumbafamba mbuto iyi na iyi, ndidati kuna mkaziyo, 'Undionesere kukhulupirika uku ninga mkazangu: Kumbuto kulikwense tiniyendako, lewa bza ine, "Ni mano wangu.""' ¹⁴Ndiye Abimeleke adatenga mabira na ng'ombe, na akapolo wachimuna na wachikazi achimupa Aburahamu. Kinangoka adabwezera Sara, mkazi wa Aburahamu, kuna iye.¹⁵Abimeleke adati, "Nyang'ana, dziko langu liri pamaso pako. Khala ndipo pamkudekerapo." ¹⁶Kuna Sara adati, "Nyang'ana, ndapa mano wakoyu chulu chibodzi cha kobiri za siriva. Mkumpsinkha mulandu uliwense pa iwe mmaso mwa wense ndiwo unawo, apo pamaso pa wensene zjai ndiwe wakulungama bwino bwino."¹⁷Ndiye Aburahamu adapemba kuna Mulungu, apo Mulungu adalimbisa Abimeleke, mkazache, na akapolo wache wachikazi kuti zjai akhakwanisambo kubala wana. ¹⁸Thangwe Yahova akhadafunga zjai bziberekero bza wapabanja la Abimeleke thangwera Sara, mkazi wa Aburahamu.

21¹Yahova adamunyang'anira Sara ninga ndimo adati, apo Yahova adamchitira Sara ninga ndimo adamlonjezera. ²Sara adatenga pathupi achibala mwana wachimuna kwa Aburahamu mumsinkhu wakukalamba, pa nthawe yakuikhika ninga ndimo Mulungu adamuuzira iye. ³Aburahamu adasandula mwanache wachimuna, omwe adabadwa kuna iye, omwe Sara adamubalira iye, Isaki. ⁴Abulahamu adagwata kumaso kwa mwanache Isaki pomwe iye akhana nsiku zisere zakubadwa, ninga ndimo Mulungu adamutongera iye.⁵Aburahamu akhana magole dzana libodzi pomwe adabala Isaki. ⁶Sara adati, "Mulungu wandisekeresa; aliyense wakubva amdzasekera nande pabodzi." ⁷Adati pomwe, "Mbani angadalewa kuna Aburahamu kuti Sara angamamise wana, apo tsono ndamubalira iye mwana wachimuna mu msinkhu wache wakukalamba!"Mwanayo adakula achiletsewa kumama, apo Aburahamu adakonza madyerero makulu nsiku ndiyo Isaki adaletsiwa kumama. Sara adaona mwana wachimuna wa Hagara waku Aigupto, omwe adabadwa kuna Aburahamu, ali mkuseka.¹⁰Ndiye iye adati kuna Aburahamu, "Thothani pano mkazi nyabadayu na mwanache wachimunayu, thangwe mwana wachimuna wa mkazi umweyu amdzakhala lini mpita nyumba na mwanangu, Isaki." ¹¹Mafalaya yadaipira kwene kwene Aburahamu thangwera mwanache wachimunayo.¹²Soma Mulungu adati kuna Aburahamu, "Nampodi kuipidwa thangwera mnyamatayu na thangwera kapolo wako wachikazi. Tetekera mafala ya Sara mu bzense anilewa kuna iwe pa nkhani yoyi, thagwe mbeu zako zimdzachemeriwa mdzina la Isaki. ¹³Nimdzaikha pomwe mwana wachimuna wa kapolo wakoyu mdzinza lako thangwe ni mbeu yako."¹⁴Aburahamu adalamuka na machibese bese, mkutenga mkate na chikasi cha madzi, achichipereka kuna Hagara, mkukupika paphewa. Adamupa iye mnyamata achimutuma. Iye adanyamuka achidzungaira mchipuluku cha Beereseba. ¹⁵Nthawe ndizo madzi yadamala mchikasimo, adataya mwanayo pansi pa chitsamba chibodzi. ¹⁶Kinangoka adayenda, kukakhala pansi pakatali pankiti kuchoka pakhana iyepo, ninga pakuti kuthusa msewe wauta kufika, nakuti mkaziyo adati, "Nampodi ine ndione rere imfa ya mwanayu." Pomwe iye adakhala popo kunyang'anizana naye, adakwiza mafala yache kumbalira.¹⁷Mulungu adabva mafala ya mnyamatayo, apo mnjero wa Mulungu adachemera Hagara kuchoka kudzaulu, achiti kuna iye, "Chikukunesa mchani iwe, Hagara? Nampodi kuchita matha, thangwe Mulungu wabva mafala ya mnyamatayo mbuto aliyo. ¹⁸Lamuka, mulamuse mnyamatayo, apo muphate boko; nakuti nimdzamusandusa iye dzinza likulu.¹⁹Kinangoka Mulungu adafungula maso yache, apo adaona mchera wa madzi. Adayenda kukadzaza chikasicho na madzi mkumupa mnyamatayo chakumwa. ²⁰Mulungu akhana mnyamatayo, apo adakula. Iye adakulira mchipuluku achisanduka kasadolo wa mauta. ²¹Iye adakhala mchipululu cha Parani, apo mayi wache adamuloolera mkazi wa mdziko la Aigupto.²²Idafika nthawe yakuti Abimeleke na Fikolo kapitawo wa anyankhondo wache adasewera na Aburahamu, kulewa kuti, "Mulungu ali nawe mu bzense ndibzo umbachita. ²³Tsapano undilumbirire ine pano pa Mulungu kuti umdzandinyengeza lini, ayai na mwanangu, ayai azukulu wangu. Udzandichitire ine na kudziko ndilo wakhala ninga mlendo udidi ndibo ndidakuonesera iwepo. ²⁴Aburahamu adati, "Ndikulumbirira ine."²⁵Aburahamu adadandaula kuna Abimeleke bza mchera wa madzi ndiwo akapolo wa Abimeleke adapsokonyola kuna iye. ²⁶Abimeleke adati, ""Nimmudziwa lini ndiye wachita bzobzi. Mulibe kundiuza kamangu tsapano; Ndikhanati kubva ate lero lino." ²⁷Ndiye Aburahamu adatenga mabira na ng'ombe achizipereka kuna Abimeleke, apo wanthu awiriwa adachita mpangano.²⁸Kinangoka Aburahamu adapambula patokha tuntchere twa mabira tukazi tunomwe. ²⁹Abimeleke adati kuna Aburahamu, "Thanthauzo lache mchiyani la kupambulira patokha tuntchere tunomwe tukazi twa mabiratu?" ³⁰Iye adatawira, "Ntchere zinomwe zikazizo umdzatambira pamanja pangu, pala kuti budzakhale umboni bwangu, kuti ndidachera mcherayu ndine."³¹Ndiye adachemera mbuto yoyo Beereseba, thangwe popo ndipo wense awiriwo adalumbira lumbiro. ³²Iwo adachita mpangano pa Beereseba, apo kinangoka Abimeleke na Fikolo, kapitawo wa anyankhondo, adabwerera kudziko la Afirisiti.³³Aburahamu adaokera muti wa usika mu Beereseba. Popo adachemera dzina la Yahova, Mulungu wa muyaya. ³⁴Aburahamu adasalira ninga mlendo mdziko la Afirisiti nsiku zizinjitsa.

22¹Bzidachitika kuti bzitamala bzinthu ibzi Mulungu adayezera Aburahamu. Iye adati kuna iye, "Aburahamu!" Aburahamu adati, "Ine ndiri pano." ²Ndiye Mulungu adati, "Tenga mwanako wachimuna, omwe umbamukondayo, Isaki, apo uyende kudziko la Moriya. Ukamuthire nsembe yakupserereza padzaulu pa libodzi la mapiri ya koko, lomwe ine nimdzakupanganiza." ³Ndiye Aburahamu adalamuka na machibese bese, mkutchobva bulu wache, mkutenga anyamata wache awiri pabodzi na iye, na mwanache wachimuna Isaki. Iye adagwata nkhuni za kuotchera nsembe yakupserereza, achinyamuka ulendo bwache kuyenda kumbuto ndiko Mulungu adamupanganiza.⁴Pansiku yachitatu ali mkufamba Aburahamu adakwiza maso achiona mbutoyo patali. ⁵Aburahamu adati kuna anyamata wache, " Khalani pano na buluyu, apo ine na mnyamatayu tiniyenda apo. Tikukanamata apo tinibwera pomwe kuna imwe." ⁶Ndiye Aburahamu adatenga nkhuni zansembe yakupserereza achiziikha pa mwanache wachimuna Isaki popo. Adatenga mmanja mwache moto na chisu; apo adayenda wense awiri pabodzi.⁷Isaki adasewera kuna Aburahamu babache achiti, "Babamwe," apo iye adati, "Ndiri pano, mwanangu," Iye adati, "Onani, moto na nkhuni ibzi, tsono birayo ali kuponi pala nsembe yakupsererezayo?" ⁸Aburahamu adati, "Mulungu mwenechiro anipereka bira wansembe yakupserereza, mwanangu." Ndiye adayenda, awiri wensene pabodzi.⁹Pomwe adafika pambuto ndipo Mulungu adamupanganiza, Aburahamu adamanga guwa la nsembe popo achitula nkhuni zache pampwepo. Kinangoka adamanga Isaki mwanache wachimunayo, achimuikha pa guwapo, padzaulu pa nkhuni. ¹⁰Aburahamu adafuthula boko lache achitenga chisu kuti aphe mwanacheyo.¹¹Kinangoka mnjero wa Yahova adamuchemera kuchoka kudzaulu achiti, "Aburahamu, Aburahamu!" ¹²apo iye adati, "Ine ndiri pano." Adati, "Nampodi kuikga boko lako pa mnyamatayo, ayai kuchita chirichense chakumudzonga iye, thangwe tsapano ndadziwa kuti umbagoopa Mulungu, kuoneka kuti ulibe kundilambiza ine mwanako, mwanako yekhayo basi.¹³Aburahamu adajiguma kudzaulu apo onani, kumbuyo kwache kukhala tonde wa bira atakoloweka upsa pa manyanga yache. Aburahamu adatenga tonde wa birayo achipeteka nsembe yakupserereza kupita mbuto ya mwanache wachimuna. ¹⁴Ndiye Aburahamu adasandula mbutoyo, "Yahova amdzampereka, " apo ikuchemerewa tenepo ate lero, ", Paphiri ka Yahova imdzaperekiwa."¹⁵Mnjero wa Yahova adachemera Aburahamu kachiwiri kuchoka kudzaulu ¹⁶achiti---uku mkulewa kwa Yahova---pa ine ndekha ndalumbira kuti popeza wachita chinthu ichi, apo ulibe kundilambiza mwana wakoyu. mwana yekhayo basi, ¹⁷nimdzakudalisa chadidi iwepo na kudzawanzisa mbeu yako ninga nyenyezi za kudzaulu, apo ninga pomwe mchenga wa mgombe mwa nyanza, apo mbeu yako imdzagonjesa bzipata bza awengi wawo.¹⁸Mu mbeu zako madzinza yensene yapadziko lapansi yamdzadalisika, thangwe watetekera mafala yangu." ¹⁹Ndiye Aburahamu adabwerera kuna anyamata wache, apo adanyamuka mkuyenda ku Beereseba, apo adakakhala ku Beereseba.²⁰Bzidachitika kuti bzitamala bzinthu ibzi Aburahamu adauziwa, "Milika wabala wana, pomwe, kwa mng'ono wako Nahori." ²¹Akhali Uzi mwanache wakutoma, Buzi mng'ono wache, Kemueli babache wa Aramu, ²²Kesede, Hazo, Pilidasi, Yidilafi, na Betuele.²³Betuele adabala Rebeka. Awa akhali wana asere ndiwo Milika adabala na Nahori, mng'ono wache wa Aburahamu. ²⁴Mkazi wache mng'ono dzina lache Reuma, adabalambo Teba, Hamu, Tahasi, na Maaka.

23¹Sara adakhala na moyo magole dzana libodzi na makumi mawiri na manomwe. Aya yakhali magole ya moyo waSara. ²Sara adasaikira ku Kiriyati Araba, kumweko mku Heburoni, mdziko la Kanani. Aburahamu adalira nkhawa ya Sara.³Ndiye Aburahamu adalamuka achiyenda kuchoka pakhana mkazache wakusaikapo, achikasewera na wana wachimuna wa Heti, achikati, ⁴"Ine ndine mlendo na wakutsakalira pakati panu. Chonde ndipasenimbo mbuto ya thenje, pala kuti ndifuchire nkhawa yanguyi."⁵Wana wachimuna wa Heti adamutawira Aburahamu, kulewa kuti, ⁶"Tetekerani ife, mbuyangu. Ndimwe mfumu ya Mulungu pakati pathu. Fuchirani nkhawa yanu mnthenje mwathu chaimo. Palibe m'bodzi wa ife angakulambizeni thenje lache, pala kuti mufuchire nkhawa yanui."⁷Aburahamu adalamuka achikotamira wanthu wa mdzikomo, kuna wana wachimuna wa Heti. ⁸Iye adalewalewa nawo, kulewa kuti, "Penu mwaphatizana nabzo kuti ndifuchire nkhawa yanguyi, ndiye ndibveni na kukandiuzirambo kuna Efuroni mwana wachimuna wa Zohari. ⁹Mundikumbirire andigulisirembo phanga la Makipela, lomwe liri mmanja mwache, pansonga pa munda wache. Na nsengwa yache yense andigulisire padecha ninga thenje langu langu."¹⁰Tsapano Efuroni akhadakhala pakati pa wana wachimuna wa Heti, apo Efuroni waku Hiti adamutawira Aburahamu wana wachimuna wa Heti akubva, na wensene ndiwo akhadabweran pa mpita wa muyiyo, kulewa kuti. ¹¹"Neye, mfumu, bvani ine. Ndakupani mundayu, na phanga ndilo liri momo. Ndakupani pamaso pa wana wa wanthu wangu. Ndakupasani fuchirani wakufa wanuyo."¹²Ndiye Aburahamu adakotama pamaso pa wanthu wa mdzikomo. ¹³Adasewera na Efuroni wana wachimuna wa wanthu wamdzikomo ali kubva, kulewa kuti, "Soma penu mulikufuna, chonde ndibveni. Nimpagali mundayo. Thoma tengani kobiri kuna ine, apo nimdzafuchira bwino wakufa wanguyu mwemo."¹⁴Efuroni adamutawira Aburahamu, kulewa kuti, ¹⁵"Chonde, mfumu yangu, ndibvereni. Kambuto ka munda kakukwana masekele madzana manayi ya siriva, mchiyani yoyo pakati pa ine na imwe? Fuchirani wakufa wanu." ¹⁶Aburahamu adatetekera Efuroni apo Aburahamu adapima kuna Efuroni kuwanda kwa siriva omwe adalewayo wana wa Heti ali mkubva, masekele madzana manayi ya siriva, malingana na kapimidwe kwabwino ka wamalonda.¹⁷Thangwe munda wa Efuroni, omwe Khali mmanja mwa Makipela, omwe ukhali patsogolo pa Mamre, ndiye, munda, phanga ndilo likhali momo, na miti yensene ndiyo ikhali mmundamo na yense ya mmalire mwache, idayenda ¹⁸kuna Aburahamu pa kugula pamaso pa wana wachimuna wa Heti, pamaso pa wensene ndiwo akhadabwera pampita wa muyi wacheyo.¹⁹Bzitamala ibzi, Aburahamu adafuchira Sara mkazi wache mu phanga la mmunda wa Makipela, omwe uli patsogolo pa Mamre, ndiye. Heburoni, mdziko la Kanani. ²⁰Ndiye munda na phanga likhali momolo bzidasanduka bza Aburahamu kukhala thenje kuchoka kuna wana wachimuna wa Heti.

24¹Tsapano Aburahamu akhali wakukalamba kwene kwene apo Yahova akhadamudalisa Aburahamu mu bzinthu bzensene. ²Aburahamu adati kuna kapolo wache, omwe akhali mkulu letu wa pabanja pache iye pomwe akhali mkulu wakukoya bzense ndibzo akhanabzo iye, "Ikha boko lako kutseri kwa ntchafu yangui ³apo nimdzakulumbirisa kuna Yahova, Mulungu wa kudzaulu na Mulungu wadziko lapansi, kuti nampodi udzatenge mkazi pala mwanangu kuchoka kuna akazi wa a Kanani, omwe ndikukhala pakati pawo. ⁴Soma udzayende kudziko langu, na kuna abale wangu, uchikatenga mkazi pala mwanangu Isaki."⁵Kapoloyo adati kuna iye, "Tani mkaziyo achidzakalamba kunditewera kubwera nande kundziko lino? Kodi ndidzatenge mwananuyu kuyenda naye kudziko ndilo mudachokera?" ⁶Aburahamu adati kuna iye, "Chenjera nampodi kudzamubwezera pomwe mwanangu koko! ⁷Yahova, Mulungu wakudzaulu, omwe adanditenga ine kunyumba ya babangu na kudziko la abale wangu, na omwe adandilumbirisa ine chilumbiro kulewa kuti, 'Kuna mbeu yako nimdzakupa dzikoli,' amdzatumiza mnjero pamaso pako, apo umdzatenga mkazi pala mwananguyu kuchokera koko.⁸oma penu mkaziyo amfuna lini kukutewera, zjai umdzakhala na lazau pa chilumbiro changuchi. Soma nampodi kutengera mwanangu kumweko." ⁹Ndiye kapoloyo Adaikha boko lache kutseri kwa ntchafu ya ,Aburahamu mbuyache, achilumbira kuna iye bza nkhani imweyi.¹⁰Kapoloyo adapambula ngamira khumi za mbuyacheyo achinyamuka. Adatenga pomwe bzombo bza mbuyache bza moda wense. Adanyamuka achiyenda ku mphimpha za ku Aramu Naharaimu, ku muyi wa Nahori. ¹¹Adagodamisa ngamira kunja kwa muyiyo pafupi na mchera wa madzi. Yakhali maulo, nthawe yakubula azimayi kukatunga madzi.¹²Ndiye adati, Yahova, Mulungu wa mbuyangu Aburahamu, ndifambiseni bwino lero na kumuonesera chikhulupiriro cha mpangano kuna mbuyangu Aburahamu. ¹³Nyang'anani, pano ndaima pafupi na lowe wa madzi, apo wana wachikazi wa wanthu wa mmuyimu amkubwera kudzatunga madzi. ¹⁴Mbabzichitike tenepoyo. Ningalewa kuna mtsikana, 'Chonde tula mtsuko wako kuti ndimwembo.' apo achilewa kuna ine, 'Mwani, apo nimdzamwesambo ngamira zanuzi,' ndiye umweyo mbaakhale letu ndiye mwamusankhula pala kapolo wanu Isaki. Pa ichi nimdzadziwa kuti mwaonesera chikhulupiriro cha mpangano wangu kuna mbuyangu."¹⁵Bzidachitika kuti napo akanati kumaliza kulewalewa, onani, Rebeka adatulukira na mtsuko wakutungira madzi paphewa pache. Rebeka adabadwa kuna Betuele mwana wachimuna wa Milika, mkazi wa Nahori, mng'ono wache wa Aburahamu. ¹⁶Mtsikanayo akhali namwali wakudeka. Pakhalibe mwamuna ndiye akhadamudziwa kale. Iye adapolikira ku mcherako, achikadzaza mtsuko wacheyo achikwira kubwera.¹⁷Ndiye kapolo adathamanga kukagumana naye achiti, "Chonde ndipasembo madzi pang'ono ndimwe kuchoka mumtsuko mwakomu." ¹⁸Iye adati, "Mwani, mbuyangu," apo iye kamkulumize adatula mtsuko wamadziyo kuchoka mmanja mwache, achimupa iye chakumwa.¹⁹Atamaliza kumupa chakumwacho, iye adati, "Nimkatunga pomwe madzi yangamira zanuzi, ate zimamalize kumwa." ²⁰Ndiye adathamanga kukakhuthula madzi ya mu mtsukoyo mu chakumwera, mkuthamanga pomwe ku mchera kukatunga madzi, achitunga madzi ya ngamira za iye zensene.²¹Mwamunayo adanyang'anisa chete kuona penu Yahova adamfambisa bwino ulendo bwache ayai neye. ²²Pomwe ngamirazo zidamala kumwa, munthuyo adasokolosa kamphete ka oro ka pamphuno kakulemera meya ya sekele, na bzibangiri bziwiri bza oro pala kumaboko yache bzakulemera masekele khumi, ²³achibvunza, "Ndiwe mwana mkazi wambani? Ndiuze chonde, subi iripo mnyumba mwa babako kuti ife tingakagone usiku?"²⁴e adati kuna iye, "Ndine mwana wa a Betuele wana wa a Milika, omwe adabala na a Nahori." ²⁵Iye adati pomwe kuna iye "Tina pomwe, upsa buzizinji na bzakudya kubodzi na subi pomwe yakuti mungakagone usiku."²⁶Kinangoka munthuyo adakotama achinamata Yahova. ²⁷Iye adati, "Athembeke Yahova, Mulungu wa mbuyangu Aburahamu, omwe alibe kutula mpangano wache wachifundo na kukhulupirika kwache pa mbuyangu. Ningakhala ine, Yahova wandilatiza kubzatika nyumba ya abale wawo wa mbuyangu.²⁸Kinangoka mtsikanayo adathamanga kukauza wwakubanja la mail wache bzinthu bzensebzi. ²⁹Tsapano Rebeka akhana mano wache, apo dzina lache akhali Labani. Labani adathamanga kuna munthu omwe akhali kunja pamsewu pafupi na loweyo. ³⁰Pomwe iye adaona kamphete kapamphuno na bzibangiri mmaboko mwa nana wache, na kubva mafala ya nana wache Rebeka kuti , "Ibzi ndibzo munthuyo adalewa kuna ine," Labani adayenda kuna munthuyo, apo, onani, akhadaima pafupi na ngamirazo pa lowe pale.³¹Ndiye Labani adati, "Bwera, iwe wakudalisika na Yahova. Thangweranyi ukuima panja? Ndakonza mnyumba, na mbuto ya ngamira." ³²Ndiye mwamunayo adabwera kunyumbako mkubulusa mitolo pa ngamirazo. Ngamirazo zidapasiwa upsa na bzakudya, apo adamupa madzi kutsuka nzayo zache na nzayo za wanthu ndiwo akhana iye.³³Adamuikhira chakudya kuti adye, soma iye adati, "Nimdya lini kamangu ate ndisewere ndibzo nimfuna kusewera." Ndiye Labani adati. "Sewerani." ³⁴Iye adati, "Ndine kapolo wa Aburahamu. ³⁵Yahova wamudalisa mbuyanguyo kwene kwene apo wasanduka mkulu. Amupa mabira na ng'ombe, siriva na oro, akapolo wachimuna na akapolo wachikazi, na ngamira na mabulu.³⁶Sara, mkazi wa mbuyangu, adabala mwana wachimuna na mbuyanguyo pomwe Sara akhali wakukalamba, apo Aburahamu amupa iye vida yense ndiyo akhanayo. ³⁷Mbuyangu adandilumbirisa, kulewa kuti, 'Nampodi kutenga mkazi pala mwanangu kuchoka mwa akazi wamu Kanani, mdziko mwawo ndimo ndikukhala ine. ³⁸Soma, uyende kubanja la babangu, na kuna abale wangu, apo ukatenge mkazi pala mwanangu.'³⁹Ndidati kuna mbuyangu, "Pinangopense mkaziyo amdzanditewera lini.' ⁴⁰Soma iye adati kuna ine, 'Yahova, omwe ndikufamba pamaso pache, amdzatuma mnjero wache na iwe achidzakufambisa bwino njira yako, pala kuti ukatenge mkazi pala mwanangu wachimuna kuchoka kuna abale na kuchoka ku chipande kwa banja la baba. ⁴¹Soma umdzakhala na lazau ku lumbiriro langu penu unibwera kuna abale wangu neye kukakupa iye. Ndiye umdzakhala na lazau ku lumbiriro langu.'⁴²Ndiye ndafika lero pa lowe pale, ndichiti, 'O Yahova, Mulungu wa mbuyangu Aburahamu, chonde, penu mumfunadi kundifambisa bwino njira yanguyi--- ⁴³ndiri pano ine, kuima pafupi na lowe wa madzi---chitani bzakuti mkazi ndiye anitulukira kudzatunga madziya, mkazi omwe nimmuuza kuti, "Chonde ndipasembo madzi pang'ono kuchoka mumtsuko mwako ndimwe," ⁴⁴mkazi ndiye anilewa kuna ine, "Mwaya, apo nimkatunga pomwe madzi pala ngamira zanuzi" ---chitani kuti umweyo akhale letu omwe imwe, Yahova, mwasankhula pala mwana wachimuna wa mbuyangu.'⁴⁵po ndikanati kumaliza kulewalewa mumtima mwangu, onani, Rebeka adatulukira letu na mtsuko wache wamadzi paphewa pache apo adapolika kuyenda ku loweko achikatunga madzi. Ndiye ndidati kuna iye, 'Chonde ndipasembo chakumwa.' ⁴⁶Iye adatula kamkulumize mtsuko wache kuchoka paphewa achiti, 'Mwani, apo nimdzapa pomwe ngamira zanuzi madzi.' Ndiye ndidamwa, apo iye achimwesa pomwe ngamirazi.⁴⁷Ndidamubvunza ndichiti, 'Ndiwe mwana mkazi wambani?' Iye adati, 'Mwana wa a Betuele, wana wachimuna wa a Nahori, omwe adabala na a Milika.' Ndiye ndidaikha mphete pamphuno pache na bzibangiri ku maboko yache. ⁴⁸Ndiye ndidakotama kunamata Yahova, ndichitenda Yahova, Mulungu wa mbuyangu Aburahamu, omwe wanditsogolera njira yabwino kudzagumana mkazi wa abale wawo wa mbuyangu pala mwana wawo wachimuna.⁴⁹Tsapano mnthangwerache, penu mwakonzeka kuonesa ufulu bwa chikondi na chikhulupiriro kuna mbuyanguyo, mundiuze. Soma penu neye, ndiuzeni, pala kuti ndipambukire kuboko lamadidi ayai lamadzere."⁵⁰Ndiye Lebani na Betuele adatawira achiti, "Chinthuchi chachokera kuna Yahova; tingasewere lini kuna imwe bzakuipa ayai bzabwino. ⁵¹Nyang'anani, Rebeka ali pamaso panu. Mtengeni mumbayende, kuti akakhale mkazi wa mwana wachimuna wa mbuyanu, ninga ndimo Yahova wasewerera."⁵²Pomwe kapolo wa Aburahamu adabva mafala yawoyo, iye adakotama pansi pamaso pa Yahova. ⁵³Kapoloyo adasokolosa bzinthu bza siriva na bzinthu bza oro, na bzakubvala, achipa Rebeka. Adapa pomwe mpaso za kuumira kuna mano wache na kuna mai wache.⁵⁴Ndiye iye na wanthu omwe akhanawo adadya achimwa. Iwo adaphuphudza popo usiku bwense, apo atalamuka machibese yache, iye adati, "Nditumizeni ine kuna mbuyangu." ⁵⁵Mano wache na mai wache adati, "Mulekeni mtsikanayu abakakhale na ife kwa nsiku zina zing'onong'ono, pafupifupi nsiku khumi. Kinangoka akhoza kudzayenda."⁵⁶Soma munthuyo adati kuna iwo, "Nampodi kundichedwesa ine, nakuti Yahova wandifambisa kale bwino njira yangu. Ndilekeni ndimbayende kuna mbuyangu." ⁵⁷Iwo adati, "Timuchemere mtsikanayo timubvunze." ⁵⁸Ndiye adamchemera Rebeka achimubvunza, "Uniyenda na munthuyu?" Iye adatawira, "Niyenda inde,"⁵⁹Ndiye adatumiza mpfumakazi yawoyo Rebeka, pabodzi na kapolo wachikazi pa ulendo bwache na kapolo wa Aburahamu na wanthu wache. ⁶⁰Adamudalisa Rebeka, achiti kuna iye, "Mpfumakazi yathuwe, ukakhale mayi wa bzulu na bzulu khumi, apo mbeu yako idzagonjese chipata cha wale wakuwawenga."⁶¹Ndiye Rebeka adalamuka, apo iye na kapolo wachikaziyo adapakira ngamirazo, achitewera munthuyo. Kapoloyo adatenga Rebeka, achiyenda naye njira yache. ⁶²Tsapano Isaki akhakhala ku Negevu, apo akhadabwerera kunene kuchoka ku Beere Lahai Roi.⁶³Isaki adayenda kunja kukazonda mmunda maulo. Pomwe iye adatukula maso mkuona, onani, pakhana ngamira ndizo zikhabwera! ⁶⁴Rebeka adanyang'ana, apo pomwe adaona Isaki, adamogera pansi kuchoka pa ngamirayo. ⁶⁵Iye adati kuna kapoloyo, "Mwamuna uyu mbani akufamba mmunda kudzagumana nafeyu? Kapoloyo adati, "Ni mbuyangu umweyu." Ndiye Rebeka adatenga chakumpsinkha chache, achibzigugudiza.⁶⁶Kapoloyo adasimbira Isaki bzinthu bzensene ndimo bzidachitikira. ⁶⁷Ndiye Isaki adabweresa Rebeka mchihema cha mayi wache Sara achitenga Rebeka, mkukhala mkazache, apo Isaki adamukonda iye. Ndiye Isaki adanyamalizika mtima kusaika mayi wache.

25¹Aburahamu adatenga mkazi winango; dzina lache akhali Ketura. ²Iye adamubalira Zimerani, Yokesani, Medani, Midyani, Yisebaki na Sua. ³Yokesani adabala Seba na Dedani. Wana wa Dedani ikhali wanthu wa Aasuri, wanthu wa Aletusi, na wanthu wa Aleumi. ⁴Wana wachimuna wa Midyani akhali Efa, Efere, Hanoki, Abida, na Elida. Wensenewa akhali wana wa Ketura.⁵Aburahamu adapereka bzense ndibzo akhanabzo kuna Isaki. ⁶Apo nthawe ndizo iye akana moyo, adapereka mphaso kuna wana wachimuna wa azikazache ang'ono achiwatumiza kudziko la kumachibese, kutali na Isaki, mwanache wachimuna.⁷Izi zikhali nsiku za magole ya moyo wa Aburahamu, magole dzana libodzi na makumi manomwe na machanu. ⁸Aburahamu adapuma kwakumaliza achisaika pa msinkhu wachikalamba wabwino, Munthu wakukalamba na moyo wache wakudzala, apo adatengiwa kukakhala na wanthu wache.⁹Isaki na Ismayeli, wana wache wachimuna, adamufuchira iye mu phanga la Makipela, mmunda wa Efroni mwana wachimuna wa Zohari wa ku Hiti, omwe uli pafupi na Mamre. ¹⁰Munda wa Aburahamu udaguliwa kuna wana wachimuna wa Heti. Aburahamu adafuchiriwa popo na Sara pomwe mkazache. ¹¹Aburahamu atasaika, Mulungu adadalisa Isaki mwanache wachimuna, apo Isaki adakhala pafupi na Beere Lahai Roi.¹²Tsapano awa akhali wana wa Ismayeli, mwana wachimuna wa Aburahamu, omwe Hagara wa ku Aigupto, kapolo wa Sara adamubalira Aburahamu.¹³Aya yakhali madzina ya wana wachimuna wa Ismayeli, kutengera ndondokeko ya kabadidwe: Nebayoti---wakutoma kubadwa wa Ismayeli, Kedara, Abideele, Mibisamu, ¹⁴Misima, Duma, Masa, ¹⁵Hadada, Tema, Yeturi, Nafisi, na Kedema. ¹⁶Awa akhali wana wachimuna wa Ismayeli, apo aya yakhali madzina yawo, kudziwika na miyi yawo, na matsasa yawo; akuluakulu khumi na awiri malingana na madzinza yawo.¹⁷Aya yakhali magole ya moyo wa Aburahamu, dzana libodzi na makumi matatu na machanu. Iye adapuma kwakumaliza achisaika, apo adakonkhobzewa na wanthu wache. ¹⁸Iwo adakhala kuyambira ku Havila ate ku Suri, komwe mkufupi na Aigupto, wina angakhala akuyenda ku Aasuri. Adakhala mwakumbapokana wina na mwayache.¹⁹Iyi ni mbiri ya Isaki, mwana wachimuna wa Aburahamu. Aburahamu adabala Isaki. ²⁰Isaki akhana magole makumi manayi nthawe ndizo adatenga Rebeka kukhala mkazache, mwana wachikazi wa Betuele waku Srameya wa ku Padanaramu, mfumakazi ya Labani wa ku Arameya.²¹Isaki adapemba kuna Yahova pala mkazache thangwe mkaziyo akhali ngomwa, apo Yahova adatawira pembo lache, apo Rebeka mkazache adatenga pathupi. ²²Wanawo adabonera pabodzi mkati mwache, apo Rebeka adati, "Msabwanyi ibzi bzikuchitika kuna ine?" Adayenda kukabvunza Yahova bzimwebzi.²³Yahova adati kuna iye, "Madzinza mawiri yali mmimba mwako, apo wanthu awiri amdzalekanisiwa kuchoka mkati mwako. Thimu libodzi limdzapambana mphamvu na linzache, apo likululo limdzatumikira ling'ono."²⁴Itakwana nthawe yakubala, onani, mukhana wana wapamphase mchiberekero mwache. ²⁵Mwana wakutoma adachoka mfwira thupi lensene ninga chakubvala chaukuse. Adamusandula dzina lache Esau. ²⁶Kumala popo, mano wache adabulambo. Boko lache likhadaphata katendene wa Esau. Adasanduliwa Yakobo. Isaki akhana magole makumi matanthatu pomwe mayi wawo adabala iwowa.²⁷Anyamatawo adakula, apo Esau adakhala kasadolo waluso, Munthu wa mthengo; soma Yakobo akhali Munthu wakupfatsa, omwe akhambakhala nthawe zezense mmahema. ²⁸Tsapano Isaki akhambakonda Esau thangwe akhambadya nyama ndizo iye akhambakapha, soma Rebeka akhakonda Yakobo.²⁹Yakobo adaphika nzama. Esau adabwera kuchoka kuthengo, apo akhadalenguka na njala. ³⁰Esau adati kuna Yakobo, "Ndipembo ndidye nzama zifwirazo. Chonde, ndalenguka!" Mnthangwerache dzina lache adamchemera Edomu.³¹Yakobo adati, "Utome kundigulisira ukulu bwakobu." ³²Esau adati, "Nyang'ana, ndasala pang'ono kusaika. Ukulu buna ubwino bwanyi kuna ine?" ³³Yakobo adati, "Utome kulumbirira kuna ine," ndiye Esau adalumbira lumbiro apo mu lumbiro limwero zjai adagulisa ukulu kuna Yakobo. ³⁴Yakobo adapa Esau mkate na kamphodza wakuphika. Adadya na kumwa, kinangoka achilamuka mkuyenda njira zache. Mukutenepayuku Esau adanyoza ukulu bwache.

26¹Tsapano mdziko mule mudachitika njala, kupambula njala ndiyo ikhalipo mu nsiku za Aburahamu. Isaki adayenda kuna Abimeleke, mfumu ya Afilisiti ku Gereri.²Tsapano Yahova adaonekera kuna iye achiti, "Nampodikupolika kuyenda ku Aigupto; khala mdziko ndilo nimkuuza ukakhale. ³Khala mdziko mommuno, apo nimdzakhala nawe ndichidzakudalisa iwe; thangwe kuna iwe na mbeu yako, nimdzakupani madziko yenseya, ndichidzakwanirisa malumbiriro ndiyo ndidalumbirira kuna Aburahamu babanu.⁴Nimdzawanzisa wana wako ninga nyenyezi zakudzaulu, ndichidzapa wana wako dziko lenseneli. Kudzera mwa wana wako madzinza yensene yadziko lapansi yamdzadalisiwa. ⁵Nimdzachita ibzi thangwe Aburahamu adabvera mafala yangu achikoya malangizo yangu, bzitongi bzangu, manemba yangu, na mitemo ya bzitongi bwangu."⁶Ndiye Isaki adakhala mu Gerari. ⁷Pomwe wanthu wambuto imweyo adamubvunza bza mkazache, iye adati, "Ni mpfumakazi yangu." Adagopa kulewa, "Ni mkazangu, "Wanthu wakuno amdzandipha mkutenga Rebeka, thangwe ngwakudeka." ⁸Isaki atakhala popo nthawe itali, Abimeleke mfumu ya Afilisiti adasuzumira pa janera. Iye adaona, onani, Isaki akhasisita Rebeka, mkazache.⁹Abimeleke adachemera Isaki kuna iye achiti, "Nyang'ana, uyu nimkazako meju. Thangweranyi udati, ni mfumakazi yangu?" Isaki adati kuna iye, "Thangwe ndikhakumbuka kuti wina angandiphe mkumutenga." ¹⁰Abimeleke adati, "Mchani wachitachi kuna ife? Munthu m'bodzi akhadasala pang'ono kugona na mkazakoyu, ndiye ungadatiphonyesa iwepo." ¹¹Ndiye Abimeleke adatonga wanthu wensene achiti, "Omwe aniphata munthu uyu ayai mkazache chadidi amdzaphiwa meju."¹²Isaki adabzala mbeu mdzikomo achikolola gole limwero kufunya dzana libodzi kuwanda kwache, thangwe Yahova adamudalisa iye. ¹³Munthuyo adadala, achikwirira kwirira ate kukhala mkuluwense. ¹⁴Akhana mabira mazinji na ng'ombe, na banja likulu. Afilisiti akhanunkhidwa naye.¹⁵Tsapano michera yensene ndiyo akapolo wa babache akhadafukula mu nsiku za Aburahamu babache, Afilisiti adaifunga ¹⁶pakuifuchira na mataka. Abimeleke adati kuna Isaki, "Bula pana ife pano, thangwe zjai ndiwe mkulu kuposa ¹⁷ifepano." Ndiye Isaki adanyamuka kuchoka popo achikakhala mwakudikhira Mchigwa cha Gerari, achikhala popo.¹⁸Isaki adafukula pomwe michera yamadziyo, yomwe akhadafukula munsiku za Aburahamu babache. Afilisiti akhadawafungisa atasaika Aburahamu. Isaki adaichemera pomwe madzina mabodzi bodziyo ndiyo babache akhayachemera.¹⁹Pomwe akapolo wa Isaki adafukula mchigwa, adagumana mchera wamadzi yakuyerera. ²⁰Amakabusa wa mu Gerari adapokana na amakabusa wa Isaki, achiti, "Madziya ngathu." Ndiye Isaki adauchemera mchera umweyo "Eseki," thangwe adapokana naye.²¹Ndiye adachera mchera winango, apo achipokana nawo, pomwe, ndiye adaupa dzina lakuti "Sitina." ²²Adachoka popo achikacheta mchera winango, soma alibe kupokana nawo umweyo. Ndiye adauchemera Rehoboti, apo adati, "Tsapano Yahova wakonza mbuto pala ife, apo timdzabalana mdziko muno.²³Kinangoka Isaki adakwira kuchoka popo kuyenda ku Beereseba. ²⁴Yahova adaonekera kuna iye usiku bokha bokhabo letu achiti, "Ndine Mulungu wa Aburahamu babako. Nampodi kugopa, thangwe ndiri nawe apo nimdzakudalisa na kuwanza mbeu yako, thangwera Aburahamu kapolo wangu." ²⁵Isaki adamanga guwa lansembe achichemera dzina la Yahova. Popo adamanga chihema chache, akapolo wache achifukula mchera.²⁶Ndiye Abimeleke adayenda kuna iye kuchoka ku Gerari, na Ahuzati, mwayache, na Fikoli, kapitawo wa achikunda wache. ²⁷Isaki adati kuna iwo, "Thangweranyi mukubwera kuna inepano, pomwe mumbandiwenga muchindithotha pamaso panu?"²⁸Ndiye iwo adati, "Taonesesa bwino kuti Yahova wakhala nawedi. Ndiye tidakumbuka kuti pakhale lumbiro pakati pa ife, inde, pakati pa ife na iwepo. Ndiye mbatiye tipangane mpangano na iwe, ²⁹kuti umdzatichita lini chakuipa, ninga ndimo ife tiribembo kuchita chakuipa kuna iwe, apo ninga ndimo takuchitira iwe bzabwino apo takubvuma uyende mumtendere. Mchadidi, wadalisika na Yahova."³⁰Ndiye Isaki adawakonzera iwo madyerero, apo adadya na kumwa. ³¹Adalamuka na machibese bese mkulumbirirana lumbiro wina na mwayache. Kinangoka Isaki adawabvumiza kuyenda, apo iwo adamusiya iye mumtendere.³²Nsiku yoyo letu akapolo wa Isaki adabwera mkudzamuuza iye bza mchera ndiwo akhadafukula. Iwo adati, "Tayagumana madzi." ³³Iye adauchemera mcherayo Seba, ndiye dzina la muyi umweyo ni Beereseba ate lero lino.³⁴Pomwe Esau akhana magole makumi manayi, adatenga mkazi, Yuditi mwana wa Beeri waku Hiti, na Basemati mwanamkazi wa Elone waku Hiti. ³⁵Iwo adawawisa mtima wa Isaki na Rebeka.

27¹Nthawe ndizo Isaki adakalamba apo maso yache yakhachita nkhungu mwakuti akhakwanisa lini kuona, adachemera Esau, mwanache wachimuna mkulu, achiti kuna iye, "Mwanangu." Esau adati kuna iye, "Ine ndiri pano, " ²apo Isaki adati, "Ona tsapano, ine ndakalamba. Ndikudziwa lini nsiku yangu ya kusaika kwangu.³Ndiye tenga bzida bzako, khanda lakuikhira misewe yako na uta bwako, uyende mthengo ukandisakire nyama. ⁴Undiphikire chakudya chakununchira, ndicho nimbachikonda, undibweresere kuno kuti ndidye na kukudakisa ndikanati kufapa."⁵Tsapano Rebeka adabva pomwe Isaki akhasewera na Esau mwanache. Esau adayenda mthengo kukasaka nyama achibweresa. ⁶Rebeka adasewera kuna Yakobo mwanache wachimuna achiti, "Ona pano. ndabva babako akulewalewa na mano wako Esau. ⁷'Undibweresere nyama apo kinangoka undikonzere chakudya chakununtchira, kuti ndidye ndikudalise pamaso pa Yahova ndikanati kufapa.'⁸Ndiye tsapano mwanangu, bvera mafala yangu ndiyo nimkutonga iwe. ⁹Ndoko kuna mabira, apo undibweresere ntchere ziwiri zabwino; apo nimdzaphika chakudya chakununtchira cha babako, ninga ndimo ambakondera iwo. ¹⁰Udzatakule kukawapa babako, kuti akadye, pala kuti akudalisiretu imfa yawo ikanati kufika."¹¹Yakobo adati kuna Rebeka mayi wache, "Onani, Esau mano wangu ni munthu waukuse thupi lache, apo ine ndine munthu wakunyalala. ¹²Pinangopense babangu amdzandiphata, apo nimdzaoneka ninga wakuwanyengeza. Nimdzabzibweresera themberero sikuti mdaliso neye."¹³Mai wache adati kuna iye, "Mwanangu, themberero lirilense mbaligwere pa ine pano. Utondo kubvera mafala yanguya basi, apo zijai, ukandibweretsere." ¹⁴Ndiye Yakobo adayendadi achikatenga ntchere zambuzizo achizibweretsa kuna mai wache apo mai wache adakonza chakudya chakukoma ninga babache akhakondera.¹⁵Rebeka adatenga bzakubvala bzabwino bza Esau, mwanache mkulu, ndibzo bzikhana iye mnyumba, achimubvazika Yakobo, mwanache mng'ono. ¹⁶Adabvazika khanda la ntchere zire kuboko kwache na mkhosi mwache. ¹⁷Adapa chakudya chakununtchira na mkate bzomwe akhadakonza mmanja mwa mwanache wachimuna Yakobo.¹⁸Yakobo adayenda kuna babache achikati, "Babamwe." Babache adati, "Ndau ndiri pabodzi; ndiwe mbani, mwanangu?" ¹⁹Yakobo adati kuna babache, "Ndine Esau mwananu mkulu. Ndachita ndibzo mudandiuza ine. Tsapano khalani tsonga mudye nyama yangu ina, kuti mundidalise ine."²⁰Isaki adati kuna mwanache, "Bzachitika tani kuti wakaigumana kamkulumize tenepayu, mwanangu?" Iye adati, "Thangwera Yahova Mulungu wanu adaibweresa kuna ine." ²¹Isaki adati kuna Yakobo, "Ngafendera kuno, kuti ndikuphate, mwanangu, ndidziwe penuri ndiwe mwanangu chaiye Esau ayai neye."²²Yakobo adafendera kuna babache; apo Isaki adamuphata achiti, "Mafalaya ni mafala ya Yakobo, soma manjaya ni manja ya Esau." ²³Isaki alibe kumuzindikira iye, thangwe manja yache yakhana ukuse, ninga manja ya mano wache Esau, ndiye Isaki adamudalisa iye.²⁴Iye adati, ""Ndiwe mwanangudi Esau chaiye iwepo?" Iye adatawira, "Ndinepano." ²⁵Isaki adati, "Ndibweresere chakudya, apo nimdzadya nyama yako, pala kuti ndikudalise bwino." Yakobo adabweresadi chakudya kuna iye. Isaki adadya, apo Yakobo adamubweresera, vinyu, achimwa.Ndiye ²⁶babache Yakobo adati kuna iye, "Bwera pafupi tsapano undimpsompsone, mwanangu." ²⁷Yakobo adabwera pafupi achimumpsompsona iye, apo adabva khwema la bzakubvala bzache achimudalisa. Iye adati, "Ona, khwema la mwanangu liri ninga khwema la munda ndiwo Yahova waudalisa.²⁸Mulungu akupe mbali ya mame yakudzaulu, mbali ya bzakunenepa bza dziko lapansi, na tirigu mzinji na vinyu mupsa.²⁹Wanthu mbaakutumikire iwe na madzinza yakukotamire iwe. Ukhale mkulu pakati pa abale wako, apo wana wachimuna wa mayi wako ambakukotamire iwe. Aliyense wakukutemberera iwe atembereriwe; aliyense wakukudalisa iwe adalisike."³⁰Isaki atatondo kumaliza kudalisa Yakobo, apo Yakobo mkutondo kubula pamaso pa Isaki babache, Esau mano wache adatulukira kuchoka kwakusaka kwache. ³¹Adaphikambo chakudya chakununtchira achichibweresa kuna babache. Iye adati kuna babache, "Babamwe, lamukani mudye ina mwa nyama ya mwananu, kuti mundidalise ine."³²Isaki babache adati kuna iye, "Ndiwe mbani iwepo?" Iye adati, "Ndine mwananu, mkulu, Esau." ³³Isaki adanjenjemera maninge achiti, "Mbani wakasaka nyama achibweresa kuna ine? Ndadya kale yensene ukanati kubwera, apo iye ndamudalisa kale zjai. Mchadidi, amdzadalisika iye."³⁴Pomwe Esau adabva mafala ya babache, adalira na mkuwe ukulu wakuwawa, achiti kuna babache, "Ndidaliseni, inembo, babangumwe." ³⁵Isaki adati, "Mano wako wabwera pano mwachinyengo apo wapsokonyola mdaliso wako."³⁶Esau adati, "Ndipopa lini adamuchemera kuti Yakobopa? Thangwe iye wandinyengeza kawiri kense. Adapsokonyola ukulu bwangu, apo, onani, tsapano wapsokonyola pomwe mdaliso wangu." Ndiye adati, "Mulibe kundikoyerambo mdaliso ine?" ³⁷Isaki adatawira achiti kuna Esau, "Nyang'ana, Ndamuikha kukhala mkulu wako zjai, apo ndamupa iye abale wache wensene kukhala akapolo wache, apo ndamupa iye tirigu na vinyu mupsa. Mchani pomwe chinango ndicho ningakuchitire, mwanangu?"Esau adati kuna babache, "Mulibiretu neyembo mdaliso ubodzi okha pala ine, babangu? Ndidaliseni, inembo pomwe, babangu," Esau adalira mwakukuwa.³⁹Isaki babache adatawira achiti kuna iye, "Nyang'ana, mbuto ndiyo ukukhalayi umdzakhala kutalitali na vida ya dziko lapansi, kutali na mame yamdzaulu. ⁴⁰Na lupanga lako umdzakhala na moyo uchimbadzatumikira mng'ono wakoyu. Soma ungagandukira, umdzachosa chigologolo chache mkhosi mwako."⁴¹Esau adachita njiru pa Yakobo thangwera mdaliso ndiwo babache adamupa iye. Esau adati mumtima mwache, "Nsiku zakulira nkhawa ya babangu zafendera; pambuyo pache nimdzapha mano wangu Yakobo." ⁴²Mafala ya Esau mwanache yadabveka kuna Rebeka. Ndiye adatuma mtumi kukachemera Yakobo mwanache mg'ono achiti kuna iye, "Ona, mano wako Esau akunyamaliza yekha mtima wache bzaiwe pakukonza chiwembu kufuna kupha iwe.⁴³Ndiye tsapano, mwanangu, ndibvere ine apo uthawire ku Labani, kuna mano wangu ku Harani. Kakhale naye kwa kanthawe, ⁴⁴ate ukhali bwa m'bale wakoyu budzaphwere, ⁴⁵ate ukhali bwa m'bale wako budzamale pa iwe, apo adzayebwe ndibzo wamuchitabzi. Kinangoka nimdzatuma mtumi kudzakutenga kuchoka koko. Thangweranyi kuti nditaye awiri mwensemwe nsiku ibodzi?⁴⁶Rebeka adati kuna Isaki, "Ndaneta moyo wangu thangwera wana wachikazi wa Heti. Yakobo achitenga m'bodzi wa wana wachikazi wa Heti kukhala mkazache, ninga bzimchita akazi awa, akazi winango wa mdziko muno, moyo zjai umdzandikomera ine?"

28¹Isaki adachemera Yakobo, mkumudalisa, achimutonga iye, "Nampodi kutenga mkazi kuchoka mwa akazi waku Kanani. ²Lamuka, ndoko ku Padani Aramu, kunyumba kwa Betuele babawo wa mayi wako, apo ukatenge mkazi koko, m'bodzi wa wana wachikazi wa Labani, mano wawo wa mayi wako.³Mulungu wamphamvu zense mbaakudalise iwe, akubalise na kukuwanzisa iwe, kuti ukhale thimu lawanthu. ⁴Iye mbaakupe mdaliso wa Aburahamu, kuna iwe, na kuna mbeu yako pambuyo pako, kuti upite mdziko ndilo ukukhala ndilo Mulungu adamupa Aburahamu.⁵Ndiye Isaki adamubvuma Yakobo kuyenda. Yakobo adayenda ku Padani Aramu, ku Labani mwana wachimuna wa Betuele waku Arameya, mano wache wa Rebeka mai wao wa Yakobo na Esau.⁶Tsapano Esau adaona kuti Isaki wadalisa Yakobo achimubvuma kuyenda ku Padani Aramu, kukatenga mkazi koko. Iye adaona pomwe kuti Isaki akhadadalisa iye achimupa pomwe chitongi, kulewa kuti. "Nampodi kutenga mkazi kuchoka mwa akazi waku Kanani." ⁷Esau adaona pomwe kuti Yakobo akhadabvera babache na mayi wache, apo akhadayenda ku Padani Aramu.⁸Esau adaona kuti akazi wa ku Kanani alibe kudekera babache Isaki. ⁹Ndiye adayenda kuna Ismayeli, achikatenga, pambali pa akazi ndiwo iye akhanawo, Mahalati mwana mkazi wa Ismayeli, mwana wachimuna wa Aburahamu, nana wache wa Nebayoti, kukhala mkazache.¹⁰Yakobo adachoka ku Beereseba achiyendera ku Harani. ¹¹Iye adabwera pambuto pinango achikhala popo usiku bwense, thangwe dzuwa zjai likhadamira. Adatenga ubodzi wa minyala ya popo, achiuikha kunsi kwa msolo wache, achitandika popo mkugona.¹²Iye adalota achiona matambiko yataimisiwa padziko lapansi. Kudzaulu kwache kutajima kudzaulu apo anjero wa Mulungu alimkumbakwira na kumbabuluka pamwepo. ¹³Onani, Yahova, adaima kuyapitirira achiti, "Ndine Yahova, Mulungu wa Aburahamu babako, na Mulungu wa Isaki. Dziko ndilo wagonalo, nimdzakupa iwe na mbeu yako.¹⁴Mbeu yako imdzakhala ninga pfumbi lapadziko lapansi, apo mumdzafalikira kutali kumaulo na kumachibese, kumpoto na kummwera. Kudzera mwa iwe na mbeu zako mabanja yensene yapadziko lapansi yamdzadalisika. ¹⁵Ona, ndiri nawe, apo nimdzakutchenkha kulikwense ndiko umdzayendako. Nimdzakubweresa pomwe mdziko lino; thangwe nimdzakulekerera lini. Nimdzachita bzense ndibzo ndakulonjeza iwe."¹⁶Yakobo adaphephuka pa tulo twache, apo adati, "Chadidi Yahova ali pambuto pano meju, apo ine ndiribe kudziwa bzobzi." ¹⁷Iye akhana mantha achiti, "Mbuto ino njakugopsadi! Iyi njinango lini soma nyumba ya Mulungu. Ichi mchipata chakudzaulu."¹⁸Yakobo adalamuka na machibese bese achitakula mwala ndiwo iye akhadatsamira kumsolo kwache. Adamuikha ninga chipilala achikhuthua mafuta padzaulu pache. ¹⁹Adachemera dzina la mbutoyo Beteli, soma dzina la muyiyo pakutoma likhali Luzi.²⁰Yakobo adalumbira lumbiro, kulewa kuti, "Penu Mulungu amdzakhala nande achidzanditchenkha mnjira iyi ndiyo ndikufambayi, mkudzandipa mkate mkumbadyadi, na bzakubvala mkumbabvala, ²¹mwakuti ine mkubwereradi bwino bwino kunyumba ya babangu, ndiye Yahova amdzakhala Mulungu wangu. ²²Ndiye mwala uyu ndiwo ndauimisa ninga chipilala umdzakhala mwala wakupambulika. Kuchoka kubzinthu bzense ndibzo mumdzandipa ine, nimdzapereka chibodzi cha magawo khumi kuna imwe."

29¹Ndiye Yakobo adayenda ulendo bwache achikafika kudziko la wanthu wakumachibese. ²Pomwe adanyang'ana, adaona mchera mmunda, apo, onani, mathimu matatu ya mabira yakhadagona gona pafupi na mundayo. Thangwe akhamwesera madzi yakuchokera mu mcheramo, apo mwala wakufungira pakamwa pa mcherayo ukhali ukulu. ³Pomwe mabira yensene yadagwezekana popo, amakabusa akhambagwinya chimwalacho mkumwesera mabirayo, kinangoka mkuikha pomwe chimwalacho kukamwa kwa mcherayo, m'buto mwache.⁴Yakobo adati kuna iwo, "Abale wangu, ndimwe wakuponi?" Iwo adatawira, "Ndife waku Harani." ⁵Iye adati kuna iwo, "Mumbamudziwa Labani mwana wachimuna wa a Nahori?" Iwo adati, "Timbamudziwa." ⁶Iye adati kuna iwo, "Tani ali bwino iye?" Iwo adati, "Ali bwino bwino, apo, nyang'anani pale, Rakelo mwanache wachikazi ali kubwera na mabira."⁷Yakobo adati, "Onani, ni masikati chaiyo yano. Ni nthawe lini yakuti mabira yangagwezekane pabodzi. Muyamwese madzi kinangoka mukayadyesere." ⁸Iwo adati, "Tingayamwese lini madzi ate yensene yagwezekane pabodzi. Wanthuwa kinangoka amdzagwinya chimwalachi kuchoka pakamwa pa mcherapa, apo tichiyamwesera mabiraya."⁹Pomwe Yakobo ali mkati kulewalewa nawo, Rakelo adabwera na mabira ya babache, nakuti akhayadyesera ndiye. ¹⁰Pomwe Yakobo adaona Rakelo, mwana wachikazi wa Labani, mano wawo wa mai wache, na mabira ya Labaniyo, mano wawo wa mayi wache, Yakobo adafendera, mkugubuduza chimwala kuchoka pakamwa pa mcherayo, achimwesera mabira ya Labaniyo, mano wawo wa mayi ache.¹¹Yakobo adampsompsona Rakelo achilira mwakukuwa. ¹²Yakobo adauza Rakelo kuti iye akhali m'bale wao wa babache, apo kuti iye akhali mwana wachimuna wa Rebeka. Ndiye Rakelo adathamanga kukauza babache.¹³Pomwe Labani adabva nkhani ya Yakobo mwana wa nana wache, adathamanga kukagumana naye, achimukumbatira mkumumpsompsona, achimubweresa kumuyi kwache. Yakobo adauza Labani bzinthu bzensebzi. ¹⁴Labani adati kuna iye, "Ndiwe chadidi pfupa na mnomfu wangu." Kinangoka Yakobo adakhala naye pafupifupi mwezi ubodzi.¹⁵Kinangoka Labani adati kuna Yakobo. "Unganditumikire fovolo thangwera kuti ndiwe m'bale wangu? Ndiuze, malipiro yako yamdzakhala chani?" ¹⁶Tsapano Labani akhana wana awiri wachikazi. Dzina la winangoyo likhali Leya, apo dzina la mng'ono likhali Rakelo. ¹⁷Maso ya Leya yakhali yakuwala, soma Rakelo akhali wakudeka mmaonekedwe. ¹⁸Yakobo adakonda Rakelo, ndiye adati, "Nimdzakutumikirani basa magole manomwe pala Rakelo, mwana mng'onoyu.¹⁹Labani adati, "Mpsabwino kuti ndimupereke iye kuna iwe, kusiyana zjai nakuti ndipase munthu winango. Khala na ine." ²⁰Ndiye Yakobo adatumikira magole manomwe pala Rakelo; apo kuna iye zidaooneka ninga nsiku zing'ono ng'ono, thangwera chikondi ndicho akhanacho pa iye.²¹Ndiye Yakobo adati kuna Labani, "Ndipeni mkazangu, thangwe nsiku zangu zamalizika---pala kuti ndiyende kuna iye!" ²²Ndiye Labani adakontcheza wanthu wensene wapambutopo mkukonza madyerero.²³Maulo yache, Labani adatenga Leya mwanache achimubweresa kuna Yakobo, omwe adayenda kuna iye. ²⁴Labani adapereka kapolo wache wachikazi Zilipa kuna mwanache wachikazi Leya, kukhala kapolo wache. ²⁵Machibese yache, Onani, akhali Leya! Yakobo adati kuna Labani, "Mchani mwachitachi kuna ine? Ndiribe kukutumikirani basa pala Rakelo? Thangweranyi tsono mukundinyengeza?"²⁶Labani adati, "Ni mtemo lini wanthu kupereka mng'ono uko mkulu akanati. ²⁷Maliza sumana yachinamwali cha mkaziyu, apo timdzakupa pomwe winangoyo mmalo akuti utumikire pomwe magole inango manomwe."²⁸Yakobo adachita tenepo, achimaliza sumana ya Leya. Kinangoka Labani adapereka Rakelo kukhala mkazache pomwe. ²⁹Labani adapereka pomwe Biliha kuna mwanache wachikazi Rakelo, kukakhala kapolo wache. ³⁰Ndiye Yakobo adayenda kuna Rakelo, pomwe, soma akhakonda Rakelo kwene kwene kuposa Leya. Ndiye Yakobo adamtumikira pomwe Labani magole ina manomwe.³¹Yahova adaona kuti Leya akhakondewa lini, ndiye adafungula chiberekero chache, soma Rakelo akhali ngomwa. ³²Leya adatenga pathupi achibala mwana wachimuna, apo adamuchemeta iye dzina lakuti Rubeni. Thangwe iye adati, "Thangwe Yahova waona matsautso yangu; chadidi tsapano bayangu amdzandikonda ine."³³Kinangoka adatenga pomwe pathupi achibala mwana wachimuna. Iye adati, "Thangwe Yahova wabva kuti ndikukondewa lini, iye wandipa pomwe mwana wachimuna uyu," apo adamuchemeta dzina lache Simeoni. ³⁴Ndiye adatenga pomwe pathupi achibala mwana winango wachimuna. Iye adati, "Tsapano nthawe zino zjaimbo bayangu amdzakhalisa kuna ine, thangwe ndamubalira wana atatu." Mnthangwerache dzina lache adamuchemeta Levi.³⁵Iye adatenga pomwe pathupi achibala mwana wachimuna. Iye adati, "Ulendo buno nimtenda Yahova." Mnthangwerache adamuchemeta dzina lache Yuda; kinangoka adalekeza kukhala na wana.

30¹Pomwe Rakelo adaona kuti alibe kum'balira wana Yakobo, Rakelo akhana njiru na nana wacheyo. Iye adati kuna Yakobo, "Undipe wana, ayai nimfa." ²Kukalipa kwa Yakobo kudamutentha mumtima Rakelo. Yakobo adati, "Ndiri pambuto ya Mulungu, omwe waletsa mphaso ya mwana mchinerekero chako?"³Iye adati, "Ona, kapolo wangu ali apo uyo Biliha. Ndoko kuna iye, kuti akabale wana pa mabondo yangu, apo nimdzakhala na wana thangwera iye." ⁴Ndiye iye adamupa iye kapolo wache Biliha kukhala mkazi, apo Yakobo adayenda kuna iye.⁵Biliha adatenga pathupi achim'balira Yakobo mwana wachimuna. ⁶Ndiye Rakelo adati, "Mulungu wandipulumusa ine, apo wabva mafala yangu achindipa mwana wachimuna." Na thangwe limweri iye adamusandula dzina lache Dani.⁷Biliha, kapolo wa Rakelo, adatenga pomwe pathupi achibala mwana wachiwiri wachimuna. ⁸Rakelo adati, "Na kuthatha kukulu ndathatha na nana wanthuwa tichipambana." Adauchemera dzina lache Nafitali.⁹Pomwe Leya adaona kuti waleka kukhala na wana, adatenga Zilipa, kapolo wache, achimpereka kuna Yakobo kukhala mkazi. ¹⁰Zilipa, kapolo wa Leya, adam'balira Yakobo mwana wachimuna. ¹¹Leya adati, "Uyu ni mwayi!" ndiye adamchemera dzina lache Gadi.¹²Ndiye Zilipa, kapolo wa Leya, adam'balira mwana wachiwiri wachimuna. ¹³Leya adati, "Ndasekera ine! Thangwe wana wachikazi amdzandichemera ine wakudekedwa." Ndiye adamchemera dzina lache Aseri.¹⁴Ruben adayenda nsiku zakumweta tirigu achigumana bzibalobalo bza mankhwaya ya chikondi mmundamo. Adawabweresa kuna mayi wache Leya. Ndiye Rakelo adati kuna Leya, "Ndipe bzina bza bzibalo balo bza mankhwaya ya chikondi bza wana wako." ¹⁵Leya adati kuna iye, "Ni nkhani ing'ono kuna iwe, kuti wandipsokonyola bayangu? Ndiye ukufuna pomwe kutenga bzibalo balo bza mankhwaya ya chikondi bza wana wangu?" Rakelo adati, "Ndiye amdzagona nawe usiku buno, pakusinthana na bzibalo balo bza mankhwaya ya chikondi bza wana wako wachimuna"¹⁶Yakobo adabwera kuchoka kumunda maulo. Leya adayenda kukagumana naye achiti. "Ubwere kuna ine, thangwe ndakulogali iwepo na bzibalo bzachikondi bza wa wana wangu" Ndiye Yakobo adagona na Leya usiku bobo. ¹⁷Mulungu adamtetekera Leya, apo adatenga pathupi achim'balira Yakobo mwana wachimuna wachichanu. ¹⁸Leya adati, "Mulungu wandipa malipiro yangu, thangwe ndidapereka kapolo wangu wachikazi kuna bayangu." Adamuchemera dzina lache Isakara.¹⁹Leya adatenga pomwe pathupi achim'balira yakobo mwana wachitanthatu wachimuna. ²⁰Leya adati, "Mulungu wandipa mpfupo yabwino. Tsapano bayangu amdzandilemekeza ine, thangwe ndamubalira wana atanthatu." Iye adamchemera dzina lache Zebuluni. ²¹Pambuyo pache adabala mwana wachikazi achichemera dzina lache Dina.²²Mulungu adamkumbukira Rakelo achimutetekera. Iye adamchitisa kutenga pathupi. ²³Adatenga pathupi achibala mwana wachimuna. Iye adati, "Mulungu wandichosa manyazi yangu." ²⁴Adamchemera dzina lache Yosefe, kulewa kuti, "Yahova wandithimizira mwana winango wachimuna."²⁵Rakelo atabala Yosefe, Yakobo adati kuna Labani, "Nditumizeni, pala kuti ndiyende kumuyi kwangu na kudziko langu. ²⁶Ndipeni azikazi wangu na wana wangu omwe ndakutumikirani imwe, apo ndilekeni ndiyende, thangwe mukudziwa basa ndilo ndakuphatirani imwepo."²⁷Labani adati kuna iye, "Penu tsapano ndagumana udidi pamaso pako, dikhira, thangwe ndazindikira pakuphatisa basa kubvimira kuti Yahova wandidalisa thangwera iwe." ²⁸Ndiye adati, "Lewa malipiro yakoyo, apo nimdzakupagali iwe."²⁹Yakobo adati kuna iye, "Mukudziwa ndimo ndakutumikirani, na ndimo ng'ombe zanu zachita kuna ine. ³⁰Thangwe ndikanati kubwera mukhana zing'ono ng'ono, apo zathimizirika kwene kwene. Yahova wakudalisani kulikwense ndaphata basako. Tsapano ni liti ndilo nimdzaphindulirambo banja langu?"³¹Ndiye Labani adati, Nimdzakupagali chani?" Yakobo adati, "Mumdzandipa lini chirichense. Mungadzachita bzobzi kuna ine, nimdzadyesera pomwe mabira yanu na kuyakoya. ³²Ndilekeni ndifambe fambe pathimu la mabira yanu yenseya lero, nakuchosa yamathotho na yamabanga, na mapsipa yense pakati pa mabira, na zamathotho na zamabanja pakati pa mbuzi. Zimwezo zimdzakhala malipiro yangu.³³Chilungamo changu chimdzandichitira umboni mtsogolo, pomwe mumdzabwera kudzazonda malipiro yangu. Iriyense yakusaya mathotho mathotho na yakusaya mabanga pakati pa mbuzi, na ipsipa pakati pa mabira, penu mumdzayagumana yana ine, mudzatenge kuti ngakuba." ³⁴Labani adati, "Bzabveka. Bzichitike ninga mafala yako."³⁵Nsiku yoyo Labani adapambula mbuzi zimuna ndizo zikhana mizere mizere na mathotho, na mbuzi zikazi za mathotho na mabanga, iriyense ya kuchena mwemo, na yakupsipa yense pakati pa mabira, mkuyapereka mmanja mwa wanache wachimuna. ³⁶Labani pomwe adatalikisana na Yakobo ulendo bwa nsiku zitatu. Ndiye Yakobo adasala achinyang'aniira mabira ya Labani.³⁷Yakobo adatenga mitawi miwisi ya muti walibune, katungulume na wa arimoni achikupula mizere michena mwemo achikonzera mizere michena ya mwakutcholamo. ³⁸Ndiye adaikha mitawi ndiyo adapululayo kutsogolo kwa mabirayo, kutsogolo kwa ngalawa zakumwesera madzi pambuto ndipo zikhabwera kudzamwa. Izo zidatenga madzamu pomwe zidabwera kudzamwa.³⁹Mabirayo yadatenga madzamu patsogolo pa nthotchozo; apo mabirayo yadachoka ya mizere mizere, mathotho, na mabanga mabanga. ⁴⁰Yakobo adapambula ntchere zimwezi, soma adachitisa zakusalazo kunyang'anizana na zamizerezo na yense mabira yakupsipa pathimu ya mabira ya Labani. Ndiye adapambula mabirayo mwa iye yekha apo alibe kuyasanganiza pabodzi na mabira ya Labani.⁴¹Pomwe mabira yamphamvu yakhatenga madzamu, ndiye Yakobo akhatandika ntchotchozo mungalawa zakumwera madzi patsogolo pa mabira, pala kuti zitenge madzamu pakati pa ntchotchozo. ⁴²Soma pomwe yakulefuka yakhabwera, akhaikha lini ntchotchozo kutsogolo kwa izo. Ndiye zakulefukazo zikhali za Labani, apo zamphamvuzo zikhali za Yakobo.⁴³Munthuyo adakhala wakudala maninge. Akhana mabira mazinjitsa, na akapolo wachimuna, na ngamira na mabulu.

31¹Tsapano Rakelo adabva mafala ya wana wachimuna wa Labani, kuti adati, "Yakobo watenga bzensene ndibzo bzikhali bza babathu, apo mkuchoka mwa vida ya baba kuti iye akhale na vida yenseneyi." ²Yakobo adaona kanyang'anidwe ka nkhope ya Labani. Adaona kuti makhalidwe yache kuna iye yakhadachinja. ³Ndiye Yahova adati kuna Yakobo, "Bwerera kudziko la abereki wako na la abale wako, apo ine nimdzakhala nawe."⁴Yakobo adatuma mtumi achichemeresa Rakelo na Leya kumunda kukhana mabira yache ⁵achiti kuna iwo, "Ndikuona kuti makhaliro ka babanu kuna ine zjai yachinja, soma Mulungu wa babangu wakhala nande. ⁶Mukudziwa kuti ni mphamvu zangu zense ndizo ndatumikirira babanuwa.⁷Babanu wandinyengeza ine achichinja malipiro yangu kakhumi, soma Mulungu alibe kumubvuma andichite ine chakuipa. ⁸Angalewa kuti 'Bzifuwo bzamathotho mathotho bzimdzakhala malipiro yako,' ndiye mabira yensene yakhapsa ntchere zamathotho. Angati, 'Yamizere mizere yamdzakhala malipiro yako,' ndiye mabira yensene yakhapsa ntchere zamizere mizere. ⁹Na tenepo Mulungu wapsokonyola bzifuwo bza babanu apo wapa ine.¹⁰Apo pa nthawe yakutenga madzamu, ndidaona mmaloto atonde wa mbuzi omwe akhamemesa mabira. Atondewo akhali wamizere mizere , wamathotho, na wamabanga. ¹¹Mnjero wa Mulungu adati kuna ine kumalotoko, 'Yakobo,' Ndidati, 'Ine ndiri pano,'¹²Iye adati, 'Tukula maso yako uwone atonde wa mbuzi akumemesa mabira. Mbamizere mizere, wamathotho, na wamabanga, thangwe ndaona bzense ndibzo Labani akuchita kuna iwe. ¹³Ndine Mulungu wa Beteli, mbuto ndiyo udadzoza chipilala, pambuto pomwe udalumbira kuna ine. Tsapano lamuka ubule mdziko lino ubwerere kudziko ndilo udabadwira iwe."'¹⁴Rakelo na Leya adatawira achiti kuna iye, " Kodi tinabzo mbali iriyense ayai chakupita chamasiye mnyumba ya babathu? ¹⁵Ambatitenga lini ninga alendo umweyu? Thangwe watigulisa na kumala pomwe kudzonga kobiri zathu. ¹⁶Thangwe vida yensene ndiyo Mulungu wapsokonyola kuna babathu njathu zjai na wana wanthu. Tsapano kinangoka, chirichense ndicho Mulungu wakuuzani chitani chimwecho."¹⁷Ndiye Yakobo adalamuka achipakiza wana wache wachimuna na akazache pa ngamira. ¹⁸Adakumba bzifuwo bzache bzensene patsogolo pache, pabodzi pomwe na bzombo bzache bzensene, kuphatanidza na bzifuwo ndibzo adabzigumana nthawe ndizo akhali ku Padani Aramu. Kinangoka adanyamuka mkuyenda kuna babache Isaki mdziko la Kanani.¹⁹Nthawe ndizo Labani akhadayenda kukasenga mabira yache, Rakelo adaba milungu ya babache mnyumba mwawo. ²⁰Yakobo adanyengeza pomwe Labani wa ku Arameya, pa kusaya kukuuza kuti akhathawa. ²¹Ndiye adathawa na bzense ndibzo akhanabzo achiyambuka mkulo kamkulumize, achiyendera ku dziko la mapiri la Gileadi.²²Mkucha wache Labani adauziwa kuti Yakobo adathawa. ²³Ndiye adatenga abale wache na iye achimupsaga iye kwa ulendo kwa nsiku zinomwe. Adakamugumana mdziko la mapiri la Gileadi.²⁴Tsapano Mulungu adabwera kuna Labani waku Arameya mmaloto usiku achiti kuna iye, "Ucheniere kuti nampodi usewere bzabwino ayai bzakuipa kuna Yakobo." ²⁵Labani adamugumana Yakobo. Tsapano Yakobo akhadakunga chihema chache m'phiri. Labani adakhala pomwe na abale wache mdziko la mapiri la Gileadi.²⁶Labani adati kuna Yakobo. "Wachita chani iwepo, kundinyengeza ine mkutakuliratu wana wangu wachikazi, ninga akapolo wa lupanga na? ²⁷Thangweranyi udathawa kanonono mkundipusisa ine apo seye kundiuza? Ningadakufusula na madyerero na nyimbo, na lingaka na zeze. ²⁸Ulibe kundibvumiza kumpsompsona azukulu wangu na kugonekana na wangu wachikaziwa. Tsapano wachita bzakupusa iwepo.²⁹Na mphamvu zangu ningakwanise kukuchita chakuipa iwepo, soma Mulungu wa babako wasewera nande usikubu achiti, 'Chenjera kuti Yakobo nampodi kukamusewra bzabwino ayai bzakuipa.' ³⁰Tsapano wathawa thangwe udakhumba kudzabwetera pomwe mnyumba ya babako. Soma thangweranyi udaba milungu yangu?"³¹Yakobo adatawira achiti kuna Labani, Thangwe ndikhana mantha na kukumbuka kuti mumdzayamba bzakunditengera wana wanguwa kuna ine mwakungingimiza ndidanyamukadi mwa kanonono. ³²Omwe waba milungu yanuyo amdzapitiriza lini kukhala na moyo. Pamaso pa abale wanthu, zindikirani chinthu chanu muchitenge." Thangwe Yakobo alibe kudziwa kuti Rakelo ndiye akhadaba bzobzo.³³Labani adayenda mchihema cha Yakobo, mchihema cha Leya, na mmahema ya akapolo awiri wachikazi, soma alibe kuigumana. Adabula mchihema cha Leya achikapita mchihema cha Rakelo.³⁴Tsapano Rakelo akhadatengadi milungu ya mnyumba, achiikha pa chakukhalira cha ngamira, achikhalira popo. Labani adapsaga mchihemaa mwensenemo, soma alibe kuigumana. ³⁵Iye adati kuna babache, "Nampodi kukalipa, mbuyangu, kuti ningakwanise lini kuima pamaso panu, thangwe bzakuchitika bza akazi bziri paine." Ndiye adapsaga pdaga soma alibe kuigumana milungu ya mnyumba mwache.³⁶Yakobo adakalipa achikekedzana na Labani. Adati kuna iye, "Ndaphonya chani kodi? Chakuphonya changu mchiponi, kuti munditewere tewere ine? ³⁷Thangwe mwapsaga mubzombo mwangu mwense. Mwagumana bzombo bzanyi pa bzensene bza mnyumba mwanu? Bziikheni padecha pamaso pa abale wathu, kuti ayeruzembo pakati pa awirife.³⁸Kwa magole makumi mawiri ndidakhala namwe. Mabira yanu makazi na mbuzi zanu zikazi ziribe kupoloza, ayai ndiribe kudya neye tonde wanu kuchoka pathimu la mabira. ³⁹Yomwe yakhambazomoliwa na bzilombo ndikhambayabweresa lini kuna imwe. Ndikhapagali chakutaika. Mudangingimira malipiro pa manja yangu, ayai pa chakubewa masikati ayai chakubewa usiku. ⁴⁰Ndikhali popo; kupsa kwa masikati kukhandiboneresa ine, na zawe wa usiku; apo ndikhagona lini tulo.⁴¹Magole makumi mawiriya ndakhala mnyumba mwanu. Ndidakuphatirani basa magole khumi na manayi pala wananu wachikazi awiriwa, na magole matanthatu pala mabira yanu. Mudachinja malipiro yangu kakhumi. ⁴²Mwayi kuti Mulungu wa babangu, Mulungu wa Aburahamu, na omwe Isaki ambamugopa, akhali nande, chachidi meju mukhafuna kundichosa neye kundipa chinthu. Mulungu waona kubonera kwangu na basa la manja yangu, apo wakutsimulani usikubu."⁴³Labani adatawira achiti kuna Yakobo, "Wana wachikaziwa mbanangu, azukuluwa mbaazukulu wangu, na mabiraya ngangu. Bzense ukuonabzi mpsangu. Soma ningachite chani lero kuna wanangu wachikaziwa, ayai kuna wana abalawa? ⁴⁴Ndiye tsapano, mbatiye tichite mpangano, iwe na ine, apo pakhale mboni pakati pa iwe na ine."⁴⁵Ndiye Yakobo adatenga mwala achiuikha ninga chipilala. ⁴⁶Yakobo adati kuna abale wache, "Gwezekani minyala." Ndiye adagwezeka minyala ichikhala mudwi. Ndiye adadyera pafupi na mudwiyo. ⁴⁷Labani adauchemera Yegara Sahaduta. soma Yakobo adauchemera Galeeda.⁴⁸Labani adati, "Mudwiyo ni mboni pakati pa ine na iwe lero." Mnthangwerache dzina lache adauchemera Galeeda. ⁴⁹Umbachemeriwa pomwe Mizipa, thangwe Labani adati, "Yahova mbaaone pakati pa iwe na ine, pomwe tasiyana wina na mwayache. ⁵⁰Ungaboneresa wanangu wachikaziwa, ayai ungatenga pomwe akazi winango pambali pa wananguwa, napo palibe munthu pano, ona, Mulungu ni mboni pakati pa iwe na ine."⁵¹Labani adati kuna Yakobo, "Nyang'anisa mudwiyu, apo nyang'anisa chipilalachi chomwe ndachiikha pakati pa iwe na ine. ⁵²Mudwiyu ni mboni, apo chipilalachi ni mboni, kuti nimdzapitirira lini mudwiyu kuna iwe, na kuti umdzapitirirambo lini mudwiyu na chipilalachi kuna ine, kudachitirana chakuipa. ⁵³Mulungu wa Aburahamu, na Mulungu wa Nahori, milungu ya kholo lawo, mbaayeruze pakati pa ife." Yakobo adalumbirira na Kugopsa kwa babache Isaki.⁵⁴Yakobo adapereka nsembe paphiri mkuchemera abale wache kudzadya chakudya. Adadya achikhala usiku bwense paphiripo. ⁵⁵Machibese bese Labani adalamuka, mkumpsompsona azukulu wache na wanache wachikazi achiwadalisa. Kinangoka Labani adachoka mkubwerera kumuyi.

32¹Yakobo adayenda pomwe njira zache, apo anjero wa Mulungu adagumana naye. ²Pomwe Yakobo adaona iwo, adati, "Iyi ni mbuto ya Mulungu," ndiye adachemera dzina la mbutoyo Mahanaimu.³Yakobo adatuma mitumi kutsogolo kwache kuna mano wache Esau mdziko la Seiri, mphimpha yaku Edomu. ⁴Iye adawatonga iwo, kulewa kuti, "Ibzi ndibzo muti mukalewe kuna mbuya wangu Esau: Ibzi ndibzo walewa kapolo wako Yakobo: Ndidakhala na Labani, apo wachedwesa kubwerera kwangu mpaka pano. ⁵Ndina ng'ombe na mabulu, na mabira, akapolo wachimuna, na akapolo wachikazi. Ndatuma mtumi uyu kuna mbuyangu, pala kuti ngigumane udidi pamaso pako"'⁶Mitumi ire idabwerera kuna Yakobo ichidzati, "Tikhadayenda kuna mano wanu Esau. Iye akubwera kudzagumana namwe, na amuna madzana manayi pabodzi naye." ⁷Ndiye Yakobo akhana mantha kwene kwene na ukhali. Ndiye adagawa wanthu ndiwo akhanawo mmathimu mawiri, na mabira pomwe, mathimu ya ng'ombe, na ngamira. ⁸Iye adati, "Penu Esau anibwera pa thimu libodzi achilithira nkhondo, ndiye kuti thimu lakusalalo limdzathawa."⁹Yakobo adati, "Mulungu wa babangu Aburahamu, na Mulungu wa babangu Isaki , Yahova, omwe adati kuna ine, 'Bwerera kudziko lako na kuna abale wako, apo nimdzakuchitira bwino iwe,' ¹⁰Ndikuthemera lini pa bzichito bzensene bzakukwanirisa mpangano na bzachadidi bzense ndibzo mwamchitira kapolo wanu. Thangwe na mpsimbo yangu yokha ndidayambuka Yolodanoyu, apo tsapano ndasanduka mathimu mawiri.¹¹Chonde ndipulumuseni mmanja mwa mano wangu, kuchoka mmanja mwa Esau, thangwe ndikubva naye mantha, kuti amdzabwera kudzandithira nkhondo na azimai na wana. ¹²Soma mudati, 'Nimdzakuchitira bwino iwe. Nimdzachitisa mbeu yako ninga mchenga wamu nyanza, omwe ungalewengeke lini thangwera kawandidwe kache.¹³Yakobo adakhala popo usiku bumwebo. Adatenga bzinango bzomwe akhanabzo ninga mphaso kukapa Esau, mkulu wache: ¹⁴mbuzi zikazi madzana mawiri nambuzi zimuna makumi mawiri, mabira makazi madzana mawiri na atonde wa mabira makumi mawiri, ¹⁵ngamira makumi matatu zakumamisa na tumphulu twache, ng'ombe zikazi makumi manayi na zimuna khumi, abulu akazi makumi mawiri na atonde wamabulu khumi. ¹⁶Ibzi adabzipereka mmanja mwa akapolo wache, thimu lirirense palokha. Iye adati kuna akapolo wache, "Ndokoni kutsogolo mukakonze mipata pakati pa thimu lirirense."¹⁷Adapanganiza kapolo wakutoma, kulewa kuti, "Esau mano wangu angagumana nawe mkukubvunza, kulewa kuti, 'Ndiwe wambani? Ukuyenda kuponi? Bzifuwo bziri patsogolo pakobzi mpsambani?' ¹⁸Ndiye udzati, 'Mpsa kapolo wako Yakobo. Ni mpaso yakutumiziwa kuna mbuyangu Esau. Ona, iye akubwera pomwe mmambuyo mwathumu."'¹⁹Yakobo adapanganiza pomwe thimu kachiwiri, lachitatu na wanthu wensene ndiwo akhali pambuyo pa thimu la bzifuwobzo, Iye adati, ²⁰"Mudzalewembo bzibodzibodzi kuna Esau mungadzagumana naye. Mudzalewembo kuti, 'Kapolo wanu Yakobo alikubwera mmambuyo mwathumu."' Thangwe iye adakumbuka, "Nimdzamunyengerera na mphaso ndizo ndikutumiza patsogolo panguzi. Ndiye kinangoka, pomwe nimdzamuona iye, pinangopense amdzanditambira ine." ²¹Ndiye mphasozo zidatsogoladi patsogolo pache. Iye mwenekachiro adakhala usiku bobo pambutopo.²²Yakobo adalamuka mkati mwa usiku, achitenga akazache awiri, akapolo wache wachikazi awiri, na wanache wachimuna khumi na m'bodzi. Adawatumiza kuyambuka pa gombe la Yaboki. ²³Munjira ninga yoyi adawatumiza kuyambuka kamkulo pabodzi na bzense ndibzo akhanabzo.²⁴Yakobo adasala yekha yekha, apo adalimbana na munthu kufika ate kuoneka manyika yamachibese. ²⁵Pomwe munthuyo adaona kuti angakwanise lini kumugonjesa iye, adamenya mchiuno mwa Yakobo, mafupa yamchiunomo yachilekanaka letu m'buto mwache pakulimbana naye. ²⁶Munthuyo adati, "Ndileke ndiyende, thangwe manyika yakuoneka." Yakobo adati, "Nimkulekera lini kuti uyende pokha pokha utome kundidalisa ine."²⁷Munthuyo adati kuna iye, "Dzina lako ndiwe mbani?" Yakobo adati, "Yakobo." ²⁸Munthuyo adati, "Dzina lako umdzachemeriwa lini pomwe Yakobo. Soma Isarayeli. Thangwe walimbana na Mulungu na wanthu apo wapambana."²⁹Yakobo adamubvunza iye, "Chonde undiuze dzina lako." Iye adati, "Thangweranyi ukubzunza dzina langu?" Ndiye adamudalisa iye popo. ³⁰Yakobo adasandula dzina la mbutoyo Penieli thangwe adati, "Ndaonana na Mulungu nkhope na nkhope, apo moyo wangu zjai wapulumuka."³¹Dzuwa lidamumilira Yakobo pomwe akhafamba kupita mu Penieli. Akhagwidoma thangwera chiuno chache. ³²Mnthangwerache ate pano wanthu wa mu Isarayeli ambadya lini mnomfu wakugumanidza mafupa ya mchiuno yomwe yali pakugumikidzira mchiuno, thangwe munthu adadzonga bzakugumikidzira pomwe adabzugudula chiuno cha Yakobo.

33¹Yakobo adakwiza maso, Onani, Esau akhabwera, na wanthu madzana manayi. Yakobo adagawa wana kuna Leya, Rakelo, na akapolo awiri wachikazi. ²Kinangoka Adaikha anyabasa wachikazi na wana wawo patsogolo, pambuyo pawo Leya na wanache, pambuyo pawo Rakelo na Yosefe pakumalizira pa wense. ³Iye mwenekachiro adatsogolera patsogolo pa wense. Adakotama kutsulima pansi kanomwe, ate kufendera pakhana mkulu wachepo.⁴Esau adathamanga kukagumana naye, mkumukumbatira, mkugwa pamaso pache, mkumumpsompsona. Kinangoka iwo adalira. ⁵Pomwe Esau adatukula maso, adaona akazi na wana. Iye adati, "Mbani wanthu unawowa?" Yakobo adati, "Wana ndiwo Mulungu adakomera mtima kumupa kapolo wanu."⁶Kinangoka akapolo wachikazi wale adabwera pafupi na wana wawo, apo adakotama pansi. ⁷Mkubwera pomwe Leya na wanache adabwera patsogolo achikotama pansi. Pakumalizira Yosefe na Rakelo adabwera patsogolo achikotama pansi. ⁸Esau adati, "Bzikulewa chani tenepa mathimu yense ndagumana nayoya?" Yakobo adati, " Kuti ngigumane udidi pamaso pa mbuyangu."⁹Esau adati, "Ndinabzo bzakukwana, mano wangu. Khala nabzo bzomwe unabzobzi pala iwe wekha." ¹⁰Yakobo adati, "Neye, chonde, penu ndagumana udidi pamaso panu, ndiye bvumani mphaso yangu kuchoka pa boko langu, thangwe chadidi, ndaona nkhope yanu, apo bziri ninga kuona nkhope ya Mulungu, apo mwanditawira ine. ¹¹Chonde bvumani mphaso ndiyo ndabweresa kuna imwe, thangwe Mulungu wachita mwakukoma mtima kuna ine, nakuti pomwe ndinabzo kale bzizinjitsa." Ndimo Yakobo adamungingimizira iye, apo Esau adabzibvuma.¹²Ndiye Esau adati, "Mbatiye tiyende. Nimfamba pambuyo pako." ¹³Yakobo adati kuna iye, "Mbuyangu akudziwa kuti wanawa akali ang'ono ang'ono, nakuti mabira na ng'ombezi zikumamisa ntchere zawo. Zingakumbiwa mwakuthamanga neye nsiku ibodzi yokha, zinimala kufa. ¹⁴Chonde mbuyangu mbaayende patsogolo pa akapolo wache. Ine nimdzafamba pamkiti pamkiti, kuteweza mathanya ya bzifuwo ndibzo bziri mmambuyo mwangu, na mathanya yawanawa, ate ndikafike kuna mbuyangu ku Seiri."¹⁵Esau adati, "Dikhira ndikusiire wanthu winango omwe ana ine." Soma Yakobo adati, "Thangweranyi kuchita tenepo? Ndileke ndigumane udidi pamaso pa mbuyangu." ¹⁶Ndiye Esau nsiku yoyo adabuyamba ulendo bwakubwerera ku Seiri. ¹⁷Yakobo adafamba kuyenda ku Sukoti, achimanga nyumba yache popo, achimanga mathanga pala bzifuwo bzache. Mnthangwerache dzina la mbutoyo imbachemeriwa Sukoti.¹⁸Pomwe Yakobo adabwera kuchoka ku Padani Aramu, adafika na mtendere ku muyi wa Sekemu, omwe uli mdziko la Kanani. Iye adamanga tsasa pafupi na muyipo. ¹⁹Ndiye adagula mbuto kuchoka kuna wana wa Hamori babache wa Sekemu pa nsengwa masiriva dzana libodzi. Popo adakunga chihema chache. ²⁰Pampwepo adaikha guwa la nsembe achipachemera Elelohe Isaraeri.

34¹Tsapano Dina, mwana wachikazi wa Leya omwe adabala na Yakobo, adabula kunja kukagumana na akazi wa mdzikomo. ²Sekemu mwana wachimuna wa Hamori m' Hivi, mkulu wa dzikolo, adamuona iye. Iye adamutenga achigona naye, apo adamuipisa iye. ³Iye zjai mtima wache udakhumba Dina, mwana wachikazi wa Yakobo. Adamkonda mtsikanayo achimusewera mwakunyodoka iye.⁴Sekemu adasewera na babache Hamori, kulewa kuti, "Tengani mtsikanayu pala ine akhale mkazangu." ⁵Tsapano Yakobo adabva kuti iye akhadaipisa Dina mwanache wachikazi. Wanache wachimuna akhali mthengo na bzifuwo bzache, ndiye Yakobo adaphata mtendere wache ate iwo kubwera.⁶Hamori babache wa Sekemu adabula kuyenda kuna Yakobo kukasewera naye. ⁷Wana wachimuna wa Yakobo adatulukira kuchokera mthengo pomwe adabva bza nkhaniyi. Wanthuwa adakalipa. Iwo akhali wakukalipa kwene kwene thangwe iye adanyazisa Isarayeli pa kugona na mwana wachikazi wa Yakobo, thangwe chinthu ninga chimwecho chikhafunika lini kuchitika.⁸Hamori adasewera nawo, kulewa kuti, "Mwanangu Sekemu akukhumba mwananu wachikazi. Chonde mupeni iye akhale mkazache. ⁹Mulowolerane na ife, perekani wananu wachikazi kuna ife, apo bzitengerenimbo wanthu wachikazi pala imwe. ¹⁰Mumdzakhala na ife, apo dziko limdzafunguka kuna imwe kukhala na kuchita malonda mwemo, na kukhala nabzo bzanu bzanu."¹¹Sekemu adati kuna babache na kuna abale wache, "Ndilekeni ndigumane udidi pamaso panu, apo chirichense mungandiuzecho nimpereka. ¹²Ndikumbireni nseulo ingakule maka na bzafovolo ndimo mumfunira, apo ine nimpereka ndicho mungalewecho, soma ndipeni namwaliyo akhale mkazangu." ¹³Wana wachimuna wa Yakobo adamutawira Sekemu na Hamori babache mwakunyengeza, thangwe Sekemu akhadaipisa Dina mfumakazi it yawo.¹⁴Iwo adati kuna iwo, "Tingakwanise lini kuchita chinthu ichi kupereka mfumakazi yathu kuna munthu wakusaya kugwatiwa; thangwe chimwecho chingadzakhale cha manyazi kuna ifepano. ¹⁵Pa ichi chokha ndicho tiniphatizana namwe: Ungadzakhala wakugwatiwa ninga tiriri ife, penu mwamuna aliyense wa imwe amgwatiwa. ¹⁶Ndiye ningadzapereke bwino mfumakazi yathuyi kuna imwe, apo tichidzatengambo wananu wachikazi kukhala wathu, apo timdzakhala namwe mkudzasanduka wanthu abodzi. ¹⁷Soma penu mumtitetekera lini na kukhala wakugwatiwa, timtenga mfumakazi yathuyi tichiyenda."¹⁸Mafala yawo yadadekera Hamori na mwanache Sekemu. ¹⁹Mwamunayo alibe kuchedwa kuchita ndibzo iwo adalewa, thangwe adadekedwa na mwana mkazi wa Yakobo, na kuti pomwe Sekemu akhali munthu wakulemekezeka kwakunyanya kuposa wa m'banja lense la babache.²⁰Hamori na Sekemu mwanache adayenda pa mpita wa muyi wawo achikasewera na wanthu wammuyi mwawomo, kulewa kuti, ²¹"Wanthu awa ali pa mtendere na ife, ndiye alekeni akhale mdziko muno na kuchita malonda mwemu thangwe, chadidi, dzikoli ndikulu bwino pala iwo. Mbatiye timbatenge wana wawo wachikazi kukhala akazathu, apo tiwapembo wanthu wachikazi.²²Pa ichi chokha ndicho wanthuwa amdzabvuma kukhala nafe tichikhala wanthu abodzi: Tichikhala amuna tensefe tagwatiwa, ninga iwo ndimo aliri wakugwatiwa. ²³Bzifuwo bzawo na bzombo bzawo--- nyama zawo zensene zingadzakhale linimbo zathu? Ndiye mbatiye tiphatizane nawo, apo amdzakhala pabodzi nafe."²⁴Wense ndiwo adabula kuyenda ku mipita ya muyi wache adatetekera Hamori na Sekemu, mwanache. Amuna wensene adagwatiwa, wense omwe adayenda ku mipita ya muyi wache. ²⁵Mkucha wache, pomwe iwo akadali mkuwawa, awiri wa wana wachimuna wa Yakobo (Simoni na Levi, nkhopse zache za Dina), aliyense adatakula dipa achikathira nkhondo muyi wakusaya chitetezo, apo adapha amuna wensene. ²⁶Iwo adapha Hamori na mwanache Sekemu na nsonga ya dipa. Adatenga Dina kuchoka kunyumba kwa Sekemu achiyenderatu.²⁷Wana wina wa Yakobo adabwera kuna matupi yakufayo achipfudza muyiyo, thangwe wanthu akhadaipisa mfumakazi yawo. ²⁸Iwo adatenga mabira yawo, bzifuwo bzawo, mabulu yawo, na chirichense mumzindamo na mminda yakuzungulira. ²⁹Adatenga vida yawo yense, wana wawo wense, na azikazawo. Adapfudza chirichense ndicho chikhali mnyumba zawo.³⁰Yakobo adati kuna Simoni na Levi, "Mwandibweresera ngwete inepano, kundinunkhiza kuna wenekachiro wa mdziko muno, a Kanani na a Perezi. Ndine wa wanthu wakulewengeka. Achidzagwezekana mkundikutira ine ndiye kuti nimdzadzongewa, Ine na banja langu." ³¹Soma Simeone na Levi adati, "Mukhafuna Sekemu ambatenge mfumakazi yathuyi ninga puta?"

35¹Mulungu adati kuna Yakobo,"Lamuka, kwira ndoko ku Beteli, ukakhale koko. Kamange guwa la nsembe koko la Mulungu, omwe adaonekera kuna iwe pomwe udathawa Esau m'bale wako." ²Ndiye Yakobo adati kuna banja lache na wense ndiwo akhana iye, 'Chosani milungu ya chilendo ndiyo ili pakati panu, bzicheneseni mwekha, na kuchinja bzakubvala bzanu. ³Ndiye mbatiye tinyamuke na kukwira kuyenda ku Beteli. Nimdzamangira Mulungu guwa la nsembe koko, omwe adanditawira ine mu nthawe ndikhali pa ngwete, apo wakhala nande kulikwense ndiko ndikhayendako."⁴Ndiye adamupa Yakobo milungu yensene yachilendo ndiyo ikhali mmanja mwawo, na mphete ndizo zikhali mmakutu mwawo. Yakobo adaifuchira pakuti wa thundu ndiwo ukhali kufupi na Sekemu. ⁵Pomwe iwo akhafamba, Mulungu adachitisa kugopsa kwache kugwera pa miyi yakuzungulira iwo, ndiye wanthu amwewo alibe kutewera wana wachimuna wa Yakobo.⁶Ndiye Yakobo adafika ku Luzi (ndiko ku, Beteli), omwe uli mdziko la Kanani, iye na wanthu wensene ndiwo akhanawo. ⁷Iye adamanga guwa la nsembe popo achisandula dzina mbutoyo Eli Beteli, thangwe popo Mulungu adabzizimbula yekha kuna iye, pomwe iye akhathawa mano wache. ⁸Debora, mlezi wa Rebeka, adasaika. Iye adafuchiriwa kunyansi kwa Beteli pansi pa muti wa thundu, ndiye adapachemera Aloni Bakuti.⁹Pomwe Yakobo adabwera kuchoka ku Padani Aramu, Mulungu adamuonekera pomwe iye achimudalisa. ¹⁰Mulungu adati kuna iye, "Dzina lako ndiwe Yakobo, soma dzina lako umdzachemeriwa lini pomwe Yakobo. Dzina lako umdzakhala Isaraeli." Ndiye Mulungu adamuchemera dzina lache Isaraeli.¹¹Mulungu adati kuna iye, "Ndine Mulungu Wamphamvu yense. Mubalane na kuwanda. Dzinza na thimu la madzinza yamdzabula mwa iwepo, na mafumu yamdzachokera mu mbeu yako. ¹²Dziko ndilo ndidapa Aburahamu na Isaki, nimdzalipa kuna iwe. Kuna mbeu yako pambuyo pako nimdzaipa pomwe dziko." ¹³Mulungu adakwira kuchoka kuna iye mu mbuto ndiyo iye adasewera naye.¹⁴Yakobo adaimisa chipilala pambuto ndipo Mulungu adasewera naye, chipilala cha mwala. Adathira nsembe ya chakumwa padzaulu pache. ¹⁵Yakobo adachemera dzina la mbutoyo ndipo Mulungu adasewera nayepo, Beteli.¹⁶Iwo adafamba ulendo kuchoka ku Beteli. Pomwe akhali pakatali na Efrati, Rakelo adamonyiwa kufuna kukabala. Iye akhana mimba yakunesa. ¹⁷Pomwe akhali pakumonyewa chaipo, mzamba adati kuna iye, "Nampodi kuchita mantha, thangwe tsapano umdzakhala na mwana winango wachimuna." ¹⁸Pomwe iye akhamalizika, na kupuma kwa kuthatha nako adamuchemera dzina lakuti Benoni, soma babache adamuchemera kuti Benjamini. ¹⁹Rakelo adasaika apo adafuchiriwa panjira yakuyendera ku Efrati ( ndiye kuti, Beterehemu) ²⁰Yakobo adaimisa chipilala panthutu pachepo. Mchizindikiro cha nthutu ya Rakelo ate lero.²¹Isaraeli adafamba achikakunga chihema chache kupitirira nsaka yakulindira mabira. ²²Pomwe Isaraeli akhakhala mdziko limwelo, Rubeni adagona na Biliha mkazi mng'ono wa babache, apo Isaraeli adaibva. Tsapano Yakobo akhana wana wachimuna khumi na awiri.²³Wanache wachimuna wakubala na Leya akhali Rubeni, mwana wakutoma wa Yakobo, na Simeoni, Levi, Yuda, Isakara, na Zebuluni. ²⁴Wanache wachimuna wakubala na Rakelo akhali Yosefe na Benjamini. ²⁵Wanache wachimuna wakubala na Biliha, kapolo wachikazi wa Rakelo, akhali Dani na Nafitali.²⁶Wana wachimuna we a Zilipa, kapolo wachikazi wa Leya, akhali Gadi na Aderi. Wensenewa akhali wana wa Yakobo omwe adabaliwa na iye ku Padani Aramu. ²⁷Yakobo adabwera kuna Isaki. babache, ku Mamre mu Kiriati Araba (ndendende na Heburoni), komwe Aburahamu na Isaki akhadakhala.²⁸Isaki adakhala namoyo magole dzana libodzi na makumi masere. ²⁹Isaki adapuma kwakumaliza achifa, achitsonkhanisiwa na wanthu wadzinza lache, munthu wakukalamba na nsiku zakukwana. Esau na Yakobo, wanache wachimuna, adamufuchira iye.

36¹Awa akhali wana wa Esau (wakuchemeriwa pomwe Edomu). ²Esau adatenga akazache kuchokera ku a Kanani. Awa akhali akazache: Ada mwana wachikazi wa Eloni m'Hiti; Oholibama mwana wa Ana, mzukulu wachikazi wa Zibeoni m'Hivi; ³na Basemati, mwana wachikazi wa Ismayeli, mpfumakazi yache ya Nabayoti.⁴Ada adabala Elifazi kwa Esau, apo Basemati adabala Reueli. ⁵Oholibama adabala Jeusi, Jalamu, na Kora. Awa akhali wana wwchimuna wa Esau omwe adabadwa kuna iye mdziko la Kanani.⁶Esau adatenga mkazache, wanache wachimuna, wanache wachikazi, na wensene wa pabanja pache, bzifuwo bzache---na nyama zache zinango, na bzombo bzache bzense, bzomwe akhadabzikontcheza mdziko la Kanani, mkuyenda mdziko lakutali kumwazana na mano wache Yakobo. ⁷Adachita bzobzi thangwe vida yawo ikhadawanda kwakunyanya pala kukhalira pabodzi. Dziko ndilo akhakhalalo lingadakwanisa lini kuwathandiza thangwera bzifuwo bzawo. ⁸Ndiye Esau wakudziwika pomwe na dzina la Edomu, adakakhala mdziko la mapiri la Seiri.⁹Awa akhali wana wa Esau, kholo la a Edomu mdziko la mapiri ya Seiri. ¹⁰Aya yakhali madzina ya wana wachimuna wa Esau: Elifazi mwana wachimuna wa Ada, mkazi wa Esau; Reueli mwana wachimuna wa Basemati, mkazache wa Esau. ¹¹Wana wachimuna wa Elifazi akhali Temani, Omari, Zefo, Gatamu, na Kenazi. ¹²Timna, mkazi mng'ono wa Elifazi, mwana wachimuna wa Esau, adabala Amaleki. Amwewa akhali azukulu wa Ada, mkazi wa Esau.¹³Awa akhali wana wachimuna wa Reueli: Nahati, Zeta, Sama, na Miza. Amwewa akhali azukulu wa Basemati, mkazache wa Esau. ¹⁴Awa akhali wana wachimuna wa Oholibama, mkazache wa Esau, omwe akhali mwana wachikazi wa Ana na mzukulu wachikazi wa Zibeoni. Iye adabala na Esau Jeusi, Jalamu, na Kora.¹⁵Aya yakhali mafumu ya wana wachimuna wa Esau: Wana wa Elifazi, mwana wakutoma wa Esau: mfumu Temani, mfumu Omari, mfumu Zefo, mfumu Kenazi, ¹⁶mfumu Kora, mfumu Gatamu, na mfumu Amaleki. Aya akhali mafuju yakubaliwa kuchoka kuna Elifazi mdziko la Edomu. Akhali azukulu wa Ada.¹⁷Aya yakhali mafumu kuchoka kuna Reueli, mwana wachimuna wa Esau: Nahati, Zera, Sama, Miza. Aya yakhali mafumu yakubuluka mkubaliwa kwa Reueli mdziko la Edomu. Akhali Azukulu wa Basemati, mkazache wa Esau. ¹⁸Aya yakhali mafumu ya Oholibama, mkazache wa Esau: Jeusi, Jalamu, Kora. Aya yakhali mafumu yakubuluka mkubaliwa kwa mkazi wa Esau Oholibama, ntchembere ya Ana. ¹⁹Awa akhali wana wachimuna wa Esau (wakudziwika na Edomu), apo yamweya yakhali mafumu yawo.²⁰Awa akhali wana wachimuna wa Seiri m'Hori, mbadwa za mdzikomo: Lotani, Sobala, Zibeoni, Ana, ²¹Disoni, Ezeri, na Disani. Awa akhali mafumu ya a Horiti, mbadwa za mu Seiri mdziko la Edomu. ²²Wana wachimuna wa Lotani. akhali Hori na Hemani, apo Timna akhali mpfumakazi yache ya Lotani.²³Awa akhali wana wachimuna wa Sobali: Alivani, Manahati, Ebali, Sefo, na Onamu. ²⁴Awa akhali wana wachimuna wa Zibeoni: Aia na Ana. Uyu ni Ana omwe adabulukira lowe wa madzi yakupsa mchipululu, pomwe akhadyedera mabulu ya babache Zibeoni.²⁵Awa akhali wana wa Ana: Disoni na Oholibama, mwana wachikazi wa Ana. ²⁶Awa akhali wana wachimuna wa Disoni: Hemadani, Esibani, Itirani, na Kerana. ²⁷Awa akhali wana wachimuna wa Ezeri: Biliha, Zavani, na Akani. ²⁸Awa akhali wana wachimuna wa Disoni: Uzi na Arana.²⁹Awa akhali mafumu ya a Hori: Lotani, Sobala, Zibeoni, na Ana, ³⁰Disoni, Ezeri, Disani: Awa akhali mafumu ya a Hori, kutengera mndandanda wa mafumu mdzko la a Seiri.³¹Aya ni mafumu ndiyo yadatonga mdziko la Edomu mfumu iriyense ikanati kuti itonge pa wana wa Isaraeli: ³²Bela mwana wachimuna wa Beori, adatonga mu Edomu, apo dzina la miyiyu likhali Dinaba. ³³Pomwe Bela adasaika, kinangoka Jobabi Mwana wachimuna wa Zeta wa ku Bozara, adatonga m'buto yache.³⁴mwe Jobabi adasaika, Husami omwe akhali wa mdziko la Atemani, adatonga m'buto yache. Pomwe ³⁵Husamu adasaika, Hadadi mwana wachimuna wa Bedadi omwe adagonesa a Midyani mdziko la Moabu, adatonga m'buto yache. Dzina la muyi wache likhali Avita. Pomwe ³⁶Hadadi adasaika, kinangoka Samila wa ku Masereka adatonga m'buto yache.³⁷Pomwe Samila adasaika, a Sauli wa ku Rehoboti pafupi na mkulo adatonga m'buto yache. ³⁸Pomwe Sauli adasaika, kinangoka Baal-Hanani Mwana wachimuna wa Akibori adatonga m'buto yache. ³⁹Pomwe Baal-Hanani mwana wachimuna wa Akibori, adasaika, kinangoka Hadari adatonga m'buto yache. Dzina la muyi wache likhali Pau. Dzina la mkazache likhali Mehetabeli, mwana wachikazi wa Matiredi, mzukulu wachikazi wa Me-Zahabi.⁴⁰Aya yakhali madzina ya mafumu makulu yakubadwa kuna wana wa Esau, kutengera ku mafumu yawo na mbuto zawo, na madzina yawo: Timna, Aliva, Jeteti, ⁴¹Oholibama, Ela, Pinoni, ⁴²Kenazi, Temani, Mibezari, ⁴³Magidieli, na Iramu. Aya yakhali mafumu makulu ya mu Edomu, malingana na kukhala kwawo mdziko lawo lawo. Uyu akhali Esau, baba wa a Edomu.

37¹Yakobo adakhala mdziko ndilo babache akhadakhala mdziko la Kanani. ²Iyi ni mbiri ya Yakobo. Yosefe, omwe akhali mnyamata wa magole khumi na manomwe, akhadyesera mabira na abale wache. Iye akhana wana wachimuna wa Biliha na wana wachimuna wa Zilipa, akazi wa babache. Yosefe adabweresa mafala yakuipa kuna babawo yakuguma iwo.³Tsapano Isaraeli akhamkonda Yosefe zedi kuposa wanache wensene wachimuna thangwe akhali mwana wakubadwa iye atakalamba. Adamukonzera chakubvala chakudekeseriwa na mamtikade. ⁴Abale wache adaona kuti babawo akhamkonda iye kwene kwene kuposa abale wache wensewo. Iwo adaipidwa naye mwakuti zjai akhasewera lini naye pomwe mwamtendere.⁵Yosefe adalota loto, apo adaliuza kuna abale wache. Iwo ndiye adanyanyiratu kumuwenga zjai. ⁶Iye adati kuna iwo, "Chonde tetekerani loto iri ndilo ndidalota.⁷Onani, tikhamanga mphuthu za tirigu mmunda apo onani, mphuthu yangu idalamuka ichiima dzololo, apo onani, mphuthu zanu zidabwera zichidzakotamira pansi kuna mphuthu yangu ire." ⁸Abale wache wale adati kuna iye, "Kodi umdzatitongadi ife iwepo na? Umdzatitonga chadidi iwepo?" Iwo adamuwenga maninge na loto lachelo na thangwera mafala yache.⁹Iye adalota loto linango achilewa pomwe kuna abale wache. Iye adati, "Nyang'anani, ndalota pomwe loto linango: Dzuwa na mwezi na nyenyezi khumi na ibodzi zidandikotamira ine." ¹⁰Iye adasimbira babache mwakulinganira na kuna abale wache, apo babache adamutsimula iye. Iwo adati kuna iye, "Loto lanyi loli walotali? Mayi wako na ine na abale wakowa meju tingadzabweredi kudzakotamira pansi pala iwepo?" ¹¹Abale wache akhanunkhidwa naye, soma babache adakoyera nkhaniyi mumtima.¹²Abale wache adayenda kukausa mabira ya babawo ku Sekemu. ¹³Isaraeli adati kuna Yosefe, "Abale wako akudyesera lini mabira ku Sekemu kodi? Bwera, apo ndikutume uyende kuna iwoko." Yosefe adati kuna iye, "Ndine wakukonzeka." ¹⁴Iye adati kuna iye, "Ndoko tsampanopali, ukaone penu ali bwino abale wako na mabira pomwe, apo adzandiuze," Ndiye Yakobo adamutuma kunja kwa Chigwa cha Heburoni, apo Yosefe adayenda ku Sekemu.¹⁵Munthu wina adagumana Yosefe. Onani, Yosefe akhafambafamba mthengo. Munthuyo adamubvunza iye, "Ukupsaga chani?" ¹⁶Yosefe adati, "Ngikupsaga abale wangu. Ndiuzeni, chonde, ndiko ali akudyesera mabira." ¹⁷Munthuyo adati, " Mbuto ino zjai adachoka, thangwe ndidabva akhati, 'Mbatiye ku Dotana."' Yosefe adatewera abale wache achikawagumana ku Dotana.¹⁸Iwo adamuona iye kuchokera patali, apo akanati kufendera kuna iwo, adapangana bza kumupha iye. ¹⁹Abale wachewo adati kuna wina na mwayache, "Nyang'anani, mbuya wa maloto ule akufendera. ²⁰Bwerani tsapano, ndiye mbatiye timuphe apo timuthuse mu libodzi la madindiya. Timkalewa kuti, 'Wadyewa na chilombo cha mnthengo.' Timdzaona ndicho chimdzachitika na maloto yacheyo."²¹Rubeni adabva bzobzi achimupulumusa iye mmanja mwawo. Iye adati, "Nampodi tichose moyo wache." ²²Rubeni adati kuna iwo, "Nampodi kujojeza mulopa. Muthuseni mdindi lomwe liri mchipulululi, soma nampodi kuikha boko pa iye"--- kuti adzamupulumuse kuchoka mmanja mwawo pakumubulisa kuyenda naye kuna babache.²³Bzidachitika kuti pomwe iye adafendera kuna abale wachewo, adamukhundula chakubvala chache chamamtikade chire. ²⁴Adamuphata mkumuthusa mdindi. Dindilo likhalibe bzinthu lakusaya madzi momo.²⁵Iwo adakhala pansi mkumbadya mikate. Adatukula maso yawo achiona, apo, onani, ulendo bwa a Ismayeli akhachokera ku Gileadi, na ngamira zawo zitanyamula bzakununtchira na mafuta ya mankhwala na libano. Akhafamba kubzitakula kupolika nabzo kunyansi ku Aigupto. ²⁶Yuda adati kuna abale wache, "Pana phindu lanyi tichipha m'bale wathu mkufuchira mulopa wache?²⁷Bwerani, apo timugulise kuna a Ismayeli apo nampodi timuphe iye. Thangwe ni m'bale wathu umweyu, thupi lathu." Abale wache adamutetekera iye. ²⁸Wamalonda waku Midyani adagwata pafupipo. Abale wache wale adamudzusa Yosefe mdzaulu achimubulisa kunja kwa dindi. Adamugulida Yosefe kuna a Ismayeli pa nsengwa ya kobiri masiriva makumi mawiri. A Ismayeli adayenda naye Yosefe ku Aigupto.²⁹Rubeni adabweresa ku dindi kule, apo, onani, Yosefe akhali lini mdindimo. Iye adaphadzula bvakubvala bzache. ³⁰Adabwerera kuna abale wache wale achikati, "Mwana ule mulibe! Apo ine, niyenda kuponi?"³¹Iwo adapha mbuzi apo kinangoka mkubvwika chakubvala chache mmulopa. ³²Kinangoka adabweresa chakubvala chakudekeseriwa na mamtikade chire kuna babawo achikati, "Tagumana ichi. Chonde nyang'anani penu mchakubvala cha mwananu ayai neye." ³³Yakobo adachizindikira achiti, "Mchakubvala cha mwanangu ichi. Chinyama cha mnthengo chamudya iye zjai. Yosefe wanyodzoliwa m'bzidupsa.³⁴Yakobo adaphadzula bzakubvala bzache achibvala chiguduli mchiuno mwache. Adalira mwanache kwa nsiku zizinji. ³⁵Wanache wense wachimuna na wachikazi adalamuka kumbamunyamaliza iye, soma iye adalamba kunyamaliziwa. Iye adati, "Mchadidi letu ate nimdzaguduka kuthenje la Siolo ndikulira nkhawa ya mwananguyo basi." Babache adamuriradi iye. ³⁶A Midyani wale adamugulisambo ku Aigupto kuna Potifala, nduna ya Falawo yakunyang'anira alindiri.

38¹Bzidachitika nthawe yoyo kuti Yuda adaphadzana na abale wache wale achikakhala na munthu wina wa ku Dulami dzina lache Hira. ²Yuda adagumana koko na mwana wachikazi wa munthu wa ku Kanani dzina lache Sua. Adamutenga achigona naye.³Iye adatenga pathupi achikhala na mwana wachimuna. ⁴Iye adachemeriwa dzina la Eri. Adapasiwa pomwe pathupi achikhala na mwana wachimuna. Adamuchemera dzina lache Onani. ⁵Adakhala pomwe na mwana wachimuna achimuchemera dzina lache Sela. Pakhali pa Kezibu pomwe adam'balira iye.⁶Yuda adanyang'ara mkazi pala Eri, mwanache wakutoma. Dzina lache akhali Tamara. ⁷Eri, mwana wakutoma wa Yuda, akhali wakuipa pamaso pa Yahova. Yahova adamupha iye.⁸Yuda adati kuna Onani, "Ndoko kuna mkazi wa mano wako. Chita basa la mkuwasa kuna iye, apo ukuze mwanayu pala mano wako." ⁹Onani adadziwa kuti mwanayo angadakhala lini wache. Nthawe zense angayenda kuna mkazi wa mano wacheyo, akhatayira pansi kuti nampodi akhale na mwana pala mano wache. ¹⁰Bzomwe adachitabzo bzikhali bzakuipa pamaso pa Yahova. Yahova adamupha pomwe iye.¹¹Ndiye Yuda adati kuna Tamara, muloola wache, "Bakakhala mbeta mnyumba mwa babako ate Sela mwanangu wachimuna, akule." Thangwe iye adagopa, "Iye angadafa pomwe. ninga abale wache." Tamara adachoka achikakhala mnyumba mwa babache.¹²Patapita nthawe itali, mwana wachikazi wa Sua mkazache wa Yuda adasaika. Yuda adanyamalizika achikwira kuyenda kuna eakusenga mabira yache ku Timna, iye na mwayache Hira waku Dulami. ¹³Tamara adauziwa, "Nyang'ana, mabzala wako wachimuna akukwira kuyenda ku Timna kukasenga mabira yawo." ¹⁴Iye adakhundula chakubvala chaumasiwa achibzigugudiza na chakubvala pa maloozi achibzitsengedera. Iye adakhala pa mpita wa Enaimu, omwe ukhali pafupi na Mary waku Timna. Thangwe adaona kuti Sela akhadakhala soma akhalibe kupasiwa kuna iye ninga mkazi.¹⁵Pomwe Yuda adamuona iye akhakumbuka kuti akhali puta thangwe akhadampsinkha nkhope yache. ¹⁶Iye adayenda kuna iye m'bali mwa mseu achiti, "Bwera, chonde ndileke ndibwere kuna iwe"---thangwe alibe kudziwa kuti akhali muloola wache---apo iye adati, "Um'dipasa chani kuti ubwere kuna ine?"¹⁷Iye adati, "Nimdzakutumizira ntchere ya mbuzi kuchoka pa thimu." Iye adati, "Umdzandipa luphato kufikira udzaitumize?" ¹⁸Iye adati. "Luphato lanyi ningakupe iwepo?" Iye adatawira, "Mphete yako na chingwe, na mpsimbo ndiyo iri mmanja mwakoyo." Adabzipereka kuna iye apo adayenda kuna iye, achipasiwa naye pathupi.¹⁹Iye adalamuka achiyenda. Adakhundula chakubvala chamaloozicho achibvala chaumasiwa. ²⁰Yuda adatumiza mwayache wa ku Adula ntchere ile pala kuti iye akatambire luphato kubwezera mmanja mwa mkaziyo, soma alibe kukamugumana mkaziyo.²¹Ndiye waku Dula ule adabvunza wanthu wapambutopo, "Alikuponi puta wakubvekera ule omwe akhali pa Enaimu m'bali mwa mseu?" Iwo adati, "Pakhalibe puta wakubvekera pano." ²²Iye adabwerera kuna Yuda achiti, "Ndiribe kukamugumana. Wanthu wapambutopo adati pomwe, 'Pakhalibe puta wakubvekera pano."' ²³Yuda adati, "Mulekeni akoye bzinthu, kuti nampodi tichite manyazi. Mchadidi, ndidatumiza ntchere yambuzi, soma ulibe kukamugumana."²⁴Bzidachitika kuti patapita pafupifupi miyezi mitatu kuti adauziwa Yuda, "Tamara muloola wako wachita uputa, apo chadidi, anabo pathupi." Yuda adati, Mubwereseni kuno apo adatenthiwe." ²⁵Pomwe iye adamubulisa panja, adatumiza kuna amabzaka wache wachimunawo mafala, "Ndina pathupi pa mwenekachiro ibzi." Iye adati, "Zindikirani chonde ibzi mpsambani, chibangiri na bzingwe na mpsimbo." ²⁶Yuda adabzizindikira achiti, "Iye ngwakulungama kuposa inepano zjai, thangwe ndiribe kumupa ninga mkazi kuna Sela, mwanangu wachimuna." Iye alibe kumudziwa pomwe.²⁷Bzidachitika pa nthawe yakuti abale mwana kuti, Onani, mamphase yakhali mchiberekero mwache. ²⁸Bzidachitika nthawe ndizo iye akhabala kuti m'bodzi adabulisa boko, apo mzamba adatenga usalu bufwira achibumanga pa boko lache achiti, "Uyu wabula panja pakutoma."²⁹Soma kinangoka adabwezera boko lache mkati, apo, Onani, mano wache adabula panja pakutoma. Mzamba adati, "Wapsa tani tenepa!" Ndiye adamusandula Pereze. ³⁰Ndiye mano wache adabula, omwe akhana usalu bufwira ku boko lache Ile, apo adamusandula Zera.

39¹Yosefe adabwera naye kunyansi ku Aigupto. Potifala, nduna ya Falawo omwe akhali kapitawo wa alindiri iye achikhala pomwe wa mu Aigupto, adamugula iye kuchoka kuna a Ismayeli, omwe adamubweresa iye kunyansiko. ²Yahova akhali naye Yosefe apo adasanduka munthu wakupambana. Iye adakhala mnyumba ya mbuyache wa chi Aigupto.³Mbuyache adaona kuti Yahova akhali naye iye na kuti pomwe Yahova adapambanisa chirichense ndicho iye adachita. ⁴Yosefe adagumana udidi pamaso pache. Iye adatumikira Potifala. Potifala adamuikha iye kukhala mkulu wakunyang'anira pamuyi pache, na chirichense ndicho akhanacho, adachiikha mmanja mwache.⁵Bzidachitika kuchoka pa nthawe ndiyo adamuikha mkulu wanyumba yache na chirichense ndicho akhanacho, kuti Yahova Mulungu adadalisa nyumba ya a Aiguptowo thangwera Yosefe. Madaliso ya Yahova yakhali pa chirichense ndicho Potifala akhanacho mnyumba na kumunda. ⁶Potifala Adaikha chirichense ndicho akhanacho mmanja mwa Yosefe. Akhabonera lini pomwe kumbakumbuka chirichense kupambula chakudya ndicho akhadya. Tsapano Yosefe akhali wamaonekedwe yakudeka na yakutenga mtima.⁷Bzidachitika bzitamala ibzi kuti mkazi wa mbuyache adadyerera maso yache pa Yosefe achiti, "Gona na ine." ⁸Soma iye adalamba achiti kuna mkazi wa mbuyacheyo, "Nyang'anani, mbuyangu ambadziwa lini chirichense ndicho nimbachita mnyumba muno, apo waikha chirichense ndicho anacho mmanja mwangu. ⁹Palibe winangombo mkulu mnyumba muno kuposa ndimo ine ndiriri. Ambandilambiza lini chinthu chirichense soma imwe basi, thangwe ndimwe mkazawo. Nimchitiranti chakuipa chikulu ichi tsono ndichiphonyera Mulungu?"¹⁰Iye adasewera kuna Yosefe nsiku na nsiku, soma adalamba basi kugona naye ayai kukhala naye. ¹¹Bzidachitika nsiku inango kuti iye adapita mnyumba kukaphata basa lache. Mukhalibe munthu aliyense wapamuyipo mnyumbamo. ¹²Adamupfekeza bzakubvala bvache achiti, "Gona nande." Iye adasiya bzakubvala bzache mmanja mwamkaziyo, achithawa, mkubula panja..¹³Bzidachitika, pomwe mkaziyo adaona kuti iye wamusiyira bzakubvala bzache mmanja mwache apo wathawira panja, ¹⁴kuti achemera wanthu wa pamuyi pachepo achiwauza iwo, "Onani, Potifala wabweresa m'Heberi muno kudzatiseka ife. Adabwera kuna ine kuti adzagone nande, apo ndidachita kudzidzimuka. ¹⁵Bzidachitika kuti atabva kuti ndadzidzimuka, kuti adasiya bzakubvala bzachebzi na ine, mkuthawa, achiyenda panja."¹⁶Mkaziyo adabziikhira bzakubvala bza Yosefe pafupi na iye ate mbuyache kubwera pamuyipo. ¹⁷Iye adafokotozera iye bzobzi, "Nyabasa wachi Heberi ndiye mwatibwereserayu, adabwera muno kudzandiseka. ¹⁸Bzidachitika kuti pa nthawe ndiyo idadzidzimuka, adasiya bzakubvala bzachebzi kuna ine mkuthawira panja."¹⁹Bzidachitika kuti, pomwe mbuyache adabva kufokotoza kwa mkazache adamuuzako, "Ibzi ndibzo nyabasa wanu wandichita," iye adakalipa kwene kwene. ²⁰Mbuya wa Yosefe adamutenga iye mkumuikha mkaoko, mbuto ndiyo wamkaoko wa mafumu akhaikhiwa. Iye akhali momo mkaokomo.²¹Soma Yahova akhanaye Yosefe achionesa chikwaniriso cha mpangano kuna iye. Adamupa iye udidi pamaso pa wakunyang'anira kaoko. ²²Wakunyang'anira kaoko adapa Yosefe wamkaoko wense omwe akhali mkaokomo mmanja mwache. Chirichense akhachita momo, Yosefe ndiye akhanyang'anira chocho. ²³Wakunyang'anira kaokoyo akhadandaula lini chinthu chirichense ndicho achisiya mmanja mwache, thangwe Yahova akhanaye. Chirichense akhachitacho, Yahova akhachipambanisa.

40¹Bzidachitika kuti bzitamala bzinthu bzobzi, wakupereka mkombo wa mfumu ya ku Aigupto na wakuphika mkate wa mfumu adaphonyera mbuyawo, mfumu ya Aigupto. ²Falawo adakalipa na nduna zache ziwiri, mkulu wa anyakupereka mkombo na mkulu wakuphika mkate. ³Adawaikha iwo mkaoko mnyumba ya kapitawo wa alindiri, mkaoko yokha yokhayo ndiyo Yosefe adaikhiwa.⁴Kapitawo wa alindiri adapereka Yosefe kuna iwo, apo iye adawatumikira iwo. Adakhala mkaoko basi kwa kanthawe. ⁵Awiri wensewo adalota loto---wakupereka mkombo na wakuphika mkate wa mfumu ya mu Aigupto omwe adatsekerewa mkaoko wale---munthu aliyense payekha pa awiriwa adalota loto lache lache usiku bubodzibodzibo, apo loto lirirense likhana kuthumbudzulira kwache.⁶Yosefe adabwera kuna iwo machibese achiwaona. Onani, iwo akhadapsoma. ⁷Iye adabvunza nduna za Falawo ndizo zikhana iye mkaoko mule mnyumba ya mbuyache, kulewa kuti, ""Thangweranyi mukuoneka wakupsoma lero?" ⁸Izo zidati kuna iye, "Awiri tensefe talota maloto ndiyo palibe wakutithumbudzulira. Yosefe adati kuna iwo, "Kuthumbudzulira mesa mkwa Mulungu? Nduizeni ine pano chonde."⁹Mkulu wa wakupereka mkombo adauza Yosefe loto lache. Iye adati kuna iye, "Mu loto langu, ona, mpesa ukhali pamaso pangu. ¹⁰Mumpesamo mukhana mitawi mitatu. Pomwe ukhaphuka, maluwa yache yadaphuka apo matsapfundu yache yachibala nkhunje zakufwira. ¹¹Mkombo wa Falawo, ukhali mmanja mwangumu, Ndidatenga mpesa ule ndichiupsinyira mu mkombo wa Falawo, apo ndidapereka mkombo ule mmanja mwa Falawo.¹²Yosefe adati kuna iye, "Uku mkuthumbudzula kwache. Mitawi mitatuyo ni nsiku zitatu. ¹³Mkati mwa nsiku zitatu Falawo amdzatukula msolo wako achidzakubwezeresa pa basa lako. Umdzapereka pomwe mkombo wa Falawo mmanja mwache, ninga kalekale pomwe ukhali wakumbapereka mkombo wache.¹⁴Soma undikumbukire ine bzingakufambira, apo chonde dzandioneserembo chifundo ine. Dzandigume kuna Falawo na kundibulisa panja pa kaoko ino. ¹⁵Thangwe chadidi ndidachita kubewa mdziko la a Heberi. Kuno pomwe ndiribe kuchita chinthu chakuti andiikhire m'dindi la mdima lino."¹⁶Pomwe mkulu wa wakuphika mkate ule adaona kuti. thumbudzulo lire likhali labwino iye adati kuna Yosefe, "Ndidalotambo loto, apo, ona, bzisero bzitatu bza mikate bzikhali pamsolo pangupa. ¹⁷Mchisero cha padzaululetucho mukhana mikate ya Falawo ya moda wense, soma mbalame zikhaijonkhona kuchoka mchiseromo pamsolo pangupa.Yosefe adatawira achiti, "Kuthumbudzula kwache mkulu. Bzisero bzitatubzo ni nsiku zitatu. ¹⁸Mkati mwa nsiku zitatu Falawo amdzachosa msolo wako kuchoka kuna iwepo achidzakumanika pa muti. Mbalame zimdzadya mnomfu wako kuchoka kuna iwe.²⁰Bzidachitika mkucha wache kuti ikhali nsiku yakubadwa Falawo. Iye adakonzera madyerero anyabasa wache wensene. Iye adadzusa msolo wa mkulu wa wakupereka mkombo na msolo wa mkulu wakuphika mikate, pakati pa anyabasa wache. ²¹Adabwezeresa mkulu wa wakupereka mkombo ule pa udindo bwache, apo adapereka pomwe mkombo mmanja mwa Falawo. ²²Soma adamanika mkulu wa wakuphika mkate, ninga ndimo Yosefe adawathumbudzulira iwo. ²³Chensecho mkulu wa wakupereka mkombo ule alibe kukumbuka Yosefe, soma adamuyebweratu iye.

41¹Bzidachitika pakumala magole mawiri yamtelo kuti Falawo adalota loto. Onani, adakhala pafupi na mkulo wa Nailo. ²Onani, ng'ombe zinomwe zikazi zidanuka kuchoka mu Nailomo, zakudeka zichikhala zakunenepa, apo zidadya mmitete. ³Onani, ng'ombe pomwe zinomwe zikazi zidanuka pomwe pambuyo paizo kubula mu Nailo, zakuipa zichikhala zakuonda. Zidaima pambali pa zinzachezo mgombe mwa mkuloyo.⁴Ndiye ng'ombe zakuipa zichikhala zakuonda zire zidadya ng'ombe zakudeka na kunenepa zire. Kinangoka Falawo adaphephuka. ⁵Kinangoka adagona achilota pomwe kachiwiri. Onani, ngalengale zinomwe za tirigu zidamera pa tsinde libodzi, zabulungire zichikhala zabwino. ⁶Onani, ngalengale zinomwe, zakuonda zichikhala zakubvuka na chonzi chakumachibese, zidamera pambuyo pa izo.⁷Ngalengale zakuonda zire zidakhudyula ngalengale zabulungire zichikhala za kunenepa zire. Falawo adaphephuka, apo, onani yakhali maloto. ⁸Bzidachitika machibese yache kuti mtima wache udabonera. Iye adatuma mitumi kukachemera wense wamatsenga na wanthu wanzeru wa mu Aigupto. Falawo adawauza iwo maloto yache, soma pakhalibe angadakwanisa kumuthumbudzulira Falawo.⁹Ndiye mkulu wa wa wakupereka mkombo ule adati kuna Falawo, "Ndakumbukira bzakuphonya bzangu lero. ¹⁰Falawo adakalipa nawo anyabasa wache, achindiikha ine muno mkaoko mnyumba ya kapitawo wa alindiri, mkulu wakuphika mikate na inepano. ¹¹Tidalota maloto usiku bubodzibodzibo, iye na inepano. Tidalota munthu aliyense malingana na kuthumbudzula kwa loto lache.¹²Akhana ife momo mnyamata winango wachi Heberi, nyabasa wa kapitawo wa alindiri. Tidamuuza iye achithumbudzula maloto yathuyo. Adathumbudzula kuna ife malingana na loto lache. ¹³Bzidachitika kuti pomwe iye adatithumbudzulira ife, tenepo bzidachitika Falawo mkundibwezeresa ine pa udindo bwangu, soma winangoyo adamumanika."¹⁴Kinangoka Falawo adatuma mtumi kukachemera Yosefe. Kamkulumize iwo adamubulisa panja kuchoka m'dindi la mdima. Adabzimeta, mkuchinja bvakubvala bzache, achibwera mkati muna Falawo. ¹⁵Falawo adati kuna Yosefe, "Ndidalota loto, soma palibe wakulithumbudzulira . Soma ndabva bza iwepo, kuti ungabva loto ukukwanisa kulithumbudzula." ¹⁶Yosefe adamutawira Falawo, kulewa kuti, "Chiri lini mwa ine. Mulungu amdzamutawira Falawo na udidi."¹⁷Falawo adasewera na Yosefe, "Mu loto langu, ona, ndidaima pagombe lamkulo wa Nailo. ¹⁸Ona, ng'ombe zinomwe zikazi zidanuka mu Nailo, zakunenepa zichikhala zakudeka, apo zidadya pakati pa mitete.¹⁹Ona. ng'ombe pomwe zinomwe zikazi zidanuka pambuyo paizo, zakulenguka, zakuipa kwene kwene zichikhala zakuonda. Ndikhanatimbo kuona kale mdziko la Aigupto zakuipa ninga zozo. ²⁰Ng'ombe zakuonda na kuipa zire zidakhudyula ng'ombe zinomwe zikazi zakunenepa zire. ²¹Zitazikhudyula, ziribe kudziwika kuti azikhudyula, thangwe zikhali zakuipa basi ninga pakutoma. Kinangoka ndidaphephuka.²²Ndidanyang'ana mu loto langu, apo, ona, ngalengale zinomwe za tirigu zidamera pa tsinde libodzi, zipulumira bwino zichikhala zabwino. ²³Ona, ngalengale pomwe zinomwe---zidafofoloka, zakuonda, zichibvuka na chonzi chakumachibese---zidamera pambuyo paizo. ²⁴Ngalengale zakuonda zire zidakhudyula ngalengale zinomwe zabwino zire. Ndidawauza malotoya wamatsenga, soma palibe adakwanisa kuyathumbudzula kuna ine."²⁵Yosefe adati kuna Falawo, "Maloto ya Falawoya ngabodzibodzi. Ndicho Mulungu amfuna kuchita, wachipereka kuna Falawo. ²⁶Ng'ombe zinomwe zabwinozo ni magole manomwe yamweyo, apo ngalengale zinomwezo ni magole manomwe. Malotoya ngakulingana.²⁷Ng'ombe zinomwe zakuonda zichikhala zakuipazo ndizo zidabwera pambuyo paizo ni magole manomwe, apo pomwe ngalengale zinomwe zakubvuka na chonzi chakumachibesezo yamdzakhala magole manomwe ya njala. ²⁸Ichi mchinthu ndidasewera kuna Falawo. Ndicho Mulungu amfuna kuchita wachizimbulratu kuna Falawo. ²⁹Nyang'anani, magole manomwe ya mpfumba yakunyanya yamdzabwera mdziko lensene la Aigupto.³⁰Magole manomwe ya njala yamdzabwera yangadzamala yoyo, apo bzense bzakuti mukhana mpfumba mu Aigupto bzimdzayebweka, apo njalayo imdzasukwisa dziko. ³¹Mpfumba imdzakumbukika lini pomwe padziko thangwera njala ndiyo imdzabwerayo, nakuti imdzakhala ikulutsa. ³²Bzakuti lotolo lidabwereziwa kuna Falawo ni thangwe lakuti nkhaniyi yakhazikisiwa na Mulungu, apo Mulungu tsampanopa amdzaichita.³³Tsapano Falawo apsage munthu wakuzindikira na wanzeru, apo amuikhe wakunyang'anira dziko la Aigupto. ³⁴Falawo anembe wakunyang'anira dziko, apo iwo atsonkhese gawo libodzi la machanu ya bzakukolola bza mu Aigupto mmagole manomwe yampfumba.³⁵Iwo mbaakontcheze bzakudya bzensene mmagole yabwino yamkubweraya na kukoyeratu tirigu pa mkutonga kwa Falawo, pala chakudya chakudzaphatisiwa basa mmiyi. Iwo mbaachikoye. ³⁶Chakudyacho chimdzakhala chakutsonkhera dziko kwa magole manomwe ya njala yomwe imdzakhala mdziko la Aigupto. Munjira yoyo dziko limdzasukwa lini na njala."³⁷Langizo limweri likhali labwino pa maso pa Falawo na pa maso pa anyabasa wache wensene. ³⁸Falawo adati kuna anyabasa wache, "Tingakwanise kumugumana munthu ninga umweyu, omwe mwa iye muna Mzimu wa Mulungu?"³⁹Ndiye Falawo adati kuna Yosefe, "Nakuti Mulungu wakuonesera iwe bzensebzi, palibe winango wakuzindikira na wanzeru ninga iwepo. ⁴⁰Umdzanyang'anira nyumba yangu, apo na mafala yakoya wanthu wangu wensene amdzatongewa. Pakadera yangu yokha yachifumu ndiye nimdzakhala mkulu kuposa iwe." ⁴¹Falawo adati kuna Yosefe, "Ona, ndakukhazika iwe wakunyang'anira dziko lensene la Aigupto."⁴²Falawo adakhundula mphete yakudindiwa kuboko lache achiibvazika kuboko la Yosefe. Adamubvazika iye bzakubvala bza bafuta, achiikha korenti ya oro mkhosi mwache. ⁴³Adampakiza galeta lache lachiwiri ndilo akhali nalo. Wanthu akhambakuwa patsogolo pache, "Funyani mabondo." Falawo adamuikha iye kukhala wakutonga dziko lensene la Aigupto.⁴⁴Falawo adati kuna Yosefe, "Ndine Falawo, apo kupambula iwe, palibe munthu amdzadzusa boko lache ayai nzayo yache mdziko lensene la Aigupto." ⁴⁵Falawo adachemera dzina la Yosefe "Zafenati-Panea." Adamupa iye Asenati, mwana wachikazi wa Potifera wanwembe wa ku Oni, kukhala mkazache. Yosefe adazunga zunga wakutonga mdziko la Aigupto.⁴⁶Yosefe akhana magole makumi matatu pomwe adaima pamaso pa Falawo, mfumu ya Aigupto. Yosefe adabula kuchoka pamaso pa Falawo, achizunga mdziko lensene la Aigupto. ⁴⁷Mgole lachinomwe la mpfumbalo mataka yadabala bzizinjitsa.⁴⁸Iye adagwezeka chakudya cha magole manomwe chomwe chikhali mdziko la Aigupto achiikha chakudyacho mmizinda. Adaikha mu mzinda uliwense chakudya cha mminda yakuzungulira mzindayo. ⁴⁹Yosefe adakoya chakudya ninga mchenga wa mnyanza, chizinji kuti adalekeza kulewenga, thangwe chikhadapitirira pa kulewengapo.⁵⁰Yosefe akhana wana wachimuna awiri njala ikanati kubwera, omwe Asenati mwana wachikazi wa Potifera wansembe wa ku Oni, adamubalira iye. ⁵¹Yosefe adasandula dzina la mwanache wakutomayo Manase, thangwe adati, "Mulungu wandiyebwesa matsautso yangu yensene na banja lense la babangu." ⁵²Iye adasandula dzina la mwanache wachiwiri Eferemu, thangwe adati, "Mulungu wandibalisa ine mdziko la kusaya kwangu."⁵³Magole manomwe ya mpfumba ndiyo ikhali mdziko la Aigupto yadafika ku mapeto. ⁵⁴Magole manomwe ya njala yadayanbika, ninga ndimo Yosefe akhadalewera. Mukhana njala mmadziko yensene, soma mdziko lensene la Aigupto mukhana chakudya.⁵⁵Pomwe dziko lensene la Aigupto likhana chakudya, wanthu adachemera mwakukuwa Falawo pala chakudya. Falawo adati kuna wanthu wensene wa mu Aigupto, "Ndokoni kuna Yosefe apo mukachite ndibzo iye amkalewa." ⁵⁶Njala ikhali pa nkhope pa dziko lensene. Yosefe adafungula nyumba zense zakukoyera achigulisira wanthu wa mu Aigupto. Njalayo ikhali ikulutsa mdziko la Aigupto. ⁵⁷Dziko lense lapansi likhabweta ku Aigupto kudzagula tirigu kuchoka kuna Yosefe, thangwe njala ikhali ikulutsa padziko lense lapansi.

42¹Tsapano Yakobo adabva kuti kukhana tirigu ku Aigupto. Iye adati kuna wanache wachimuna, "Thangweranyi mukunyang'anisana?" ²Iye adati, "Onani pano, ndabva kuti ku Aigupto ndiko kuna tirigu. Polikani muyende koko mukatigulire pala tikhale na moyo seye kufa." ³Abale wache khumi wa Yosefe adapolika kuyenda kukagula tirigu wakuchoka ku Aigupto. ⁴Soma Yakobo alibe kutumiza Benjami m'bale wache wa Yosefe, kuyenda na abale wache wale, thangwe adati, "Ndikugopa kuti chakuipa chingakamuchitikire."⁵Wana wachimuna wa Isarayeli adabwera kudzagula pabodzi na adabwerawo, thangwe njalayo ikhali mdziko la Kanani. ⁶Tsapano Yosefe akhali wakutonga dzikolo. Ndiye akhali wakumbagulisira wanthu wense wadziko. Abale wache wa Yosefe adabwera achikotama nkhope zawo pansi kuna iye.⁷Yosefe adaona abale wache wale achiwazindikira, soma adabzibisa yekha kuna iwo achisewera nawo kwene kwene. Iye adati kuna iwo, "Imwepo mwachokera kuponi?" Iwo adati, "Kudziko la Kanani kudzagula chakudya." ⁸Yosefe adawazindikira abale wache wale, soma iwo alibe kumuzindikira.⁹Ndiye Yosefe adakumbukira maloto ndiyo adalota yakuguma iwo, apo iye adati kuna iwo wale, "Ndimwe wakuzonda! Mwabwera kudzaona mbuto zakusaya kuteteziwa za dziko lino." ¹⁰Iwo adati kuna iye, "Neye, mbuyangu. Akapolo wanu abwera kudzagula chakudya. ¹¹Tense ndife wana wachimuna wa munthu m'bodzi. Ndife wanthu wachadidi. Akapolo wanu ndife lini wakudzazonda.¹²Iye adati kuna iwo, "Neye, mwabwera kudzazonda mbuto zakusaya kuteteziwa zadziko lino." ¹³Iwo adati, "Ife akapolo wanu tiripo khumi na awiri paubale bwathu, wana wachimuna wa munthu m'bodzi mdziko la Kanani. Onani, mng'ono letu pali pano ana babathu, apo mano wathu m'bodzi ali lini na moyo."¹⁴Yosefe adati kuna iwo, "Ndibzo ndakuuzani imwepo; ndimwe wakuzonda. ¹⁵Pa ichi muniyezeriwa. Na moyo wa Falawo, mumdzabula lini muno, pokha pokha mano wanu mng'onoletuyo abwere kuno. ¹⁶Tumani m'bodzi wa imwe akatenge m'bale wanuyo. Mum'bakakhala mkaoko, kuti mafala yanuya yaezeriwe, penudi muna chadidi mwa imwe. Seye apo, na moyo wa Falawo, meju ndimwe wakudzazonda." ¹⁷Iye adawaikha iwo mkaoko kwa nsiku zitatu.¹⁸Yosefe adati kuna iwo mkucha wacheyo, "Chitani ichi apo mukhale na moyo, thangwe ine nimbagopa Mulungu. ¹⁹Penudi ndimwe wanthu wachadidi, winango mbaabakakhale mkaokomu, soma imwe muyende, mutakule tirigu wa njala ya mmiyi mwanu. ²⁰Kabwereseni mng'ono wanu letuyo kuna ine kuti mafala yanuya yatsimikizike apo mumdzafa lini." Ndiye iwo adachitadi tenepo.²¹Iwo adati kuna wina na mwayache, "Ndife wakuphonyadi kwene kwene pa ndibzo tidachita kuna m'bale wathubzo munjira yakuti tidachita kuonadi kubonera kwa mtima wache pomwe iye adatidandaulira soma ifepano tidalamba basi kumutetekera. Mthangwerache kubonera uku mwabwera kuna ife." ²²Rubeni adawatawira iwo, "Ndiribe kukuuzani ine, 'Nampodi kumuphonyera mwanayu.' Tsapano, onani ndipo, mulopa wache ukufunika pa ife."²³Alibe kudziwa kuti Yosefe akhawabva, thangwe pakhana wakuthumbudzulira chiseweredwe pakati pawo. ²⁴Iye adawafokotozera iwo achilira. Adazungunuka kuna iwo achisewera nawo. Iye adaphata Simeone pakati pawo achimumanga pamaso pawo. ²⁵Kinangoka Yosefe adatonga abale wache wale kudzaza masakha yawo na tirigu, na munthu aliyense kuikha kobiri zache msakha wache wache, na kuwapa kaliboso wa pa ulendo. Bzidachitika kuna iwo.²⁶Abale wache wale adaidzaza mabulu yawo na tirigu wawo achinyamuka kuchoka popo. ²⁷Nthawe ndizo m'bodzi wa Iwo adatsudzula sakha wache kuti ape chakudya bulu wache pamtetete, adaona kobiri zache zire. Onani, zikhali kukamwa kwa sakha wache. ²⁸Iye adati kuna abale wache, "Kobiri zangu andibwezera. Nyang'anani izi; ziri mkakha mwangumu." Mitima yawo idapsipa apo zjai adabwerera akunjenjemera kuna wina na mwayache, kulewa kuti, "Mchani ndicho Mulungu wachita kuna ifepano?"²⁹Iwo adayenda kuna Yakobo, babawo mdziko la Kanani achikamuuza bzense ndibzo bzikhadachitika kuna iwo. Iwo adati, ³⁰"Munthu, mbuya wa dzikolo, adasewera mwakuipa kuna ife achiganiza ninga tikhali wakukazonda mdzikomo. ³¹Tidati kuna iye, 'Ndife wanthu wachadidi. Ndife lini wakudzazonda neye. ³²Tiripo khumi na awiri ubale bwathu, wana wachimuna wa babathu. M'bodzi zjai ali lini na moyo pomwe, apo mng'ono letu ana babathu mdziko la Kanani.'³³Munthuyo, mbuya wadzikolo, adati kuna ife, 'Na ichi nimdzadziwadi kuti ndimwe wanthu wachadidi. M'bale wanu m'bodzi musiyeni na ine, takulani tirigu pala njala mmiyi mwanu apo muphate njira yanu muyende. ³⁴Kabwereseni m'bale wanu mng'ono letuyo kuna ine. Apodi nimdzadziwa kuti ndimwe lini wakudzazonda, soma kutidi ndimwe wanthu wachadidi wale. Kinangoka nimdzakutsudzulirani m'bale wanuyo kuna imwe, apo mumdzachita malonda mdziko muno."'³⁵Bzidachitika nthawe ndizo iwo adakhuthula masakha yawoyo, kuti, onani, aliyense kobiri zache zakugulira sakha zikhali msakha mwache. Pomwe iwo na babawo adaona kobiri za siriva zakukagulira masakhayo, akhana mantha. ³⁶Yakobo babawo adati kuna iwo, "Mwanditengera wanangu imwe. Yosefe ali lini na moyo, Simoni adayenda, apo mumdzachosa pomwe Benjaminiyu basi. Bzinthu bzensebzi bzakugwera ine."³⁷Rubeni adalewa kuna babache, kulewa kuti, "Mumdzapha wanangu wachimuna awiri penu nimdzabwezera lini Benjamini kuna imwe. Muikheni mmanja mwangu, apo nimdzamubweresa pomwe kuna imwe." ³⁸Yakobo adati, "Mwanangu ampolika lini namwe. Thangwe mano wache adafa nabzo apo iye wasala yekha. Penu chakuipa chimmugwera iye panjira ndiyo mukuyenderayi, ndiye mudziwiretu mumdzachita kubwerera kunyansi imvi zanguzi na nsisi ku thenje la Siolo."

43¹Njala ikhali ikulutsa mdzikomo. ²Bzidachitika kuti pomwe adamala kudya tirigu ule adabweresa kuchoka ku Aigupto, babawo adati kuna iwo, "Ndokoni pomwe; mukatigulire chakudya."³Yuda adawauza iwo, "Munthuyotu adatichenjeza chaibzo, 'Mumdzaiona lini nkhope yangui pokha pokha mng'ono wanuyo mukabwere naye pabodzi.' ⁴Mungatituma pabodzi na mng'ono wathuyo, timpolika kukakugulirani chakudyacho. ⁵Soma penu munimtumiza lini, timpolika lini. Thangwe munthuyo adati kuna ife, 'Mumdzaiona lini nkhope yanguyi pokha pokha mng'ono wanuyo mukabwere naye pabodzi."'⁶Isaraeli adati, "Thangweranyi mundandichita kuipa tenepo ine kumuuza munthuyo kuti mukhana pomwe mng'ono wanu winango?" ⁷Iwo adati, "Munthuyo adabvunza kuti timuuzitsitse bwino bza banja lathu. Iye adati, 'Babanu akana moyo? Muna m'bale wanu pomwe winango?' Ife tidamutawira iye malingana na mabvunzo yoya. Tingadakwanisa tani kudziwa kuti amfuna kulewa kuti, 'Kapolike nayeni kuno?'"⁸Yuda adati kuna Isaraeli babache, "Mtumizeni mnyamatayo na ine. Tinilamuka tichiyenda kuti tikhale na moyo seye kufa, tense awirife, imwe na wanathu pomwe ang'ono. ⁹Nimdzakhala chiphatiro cha iye. Mumdzadziwa ine. Penu nimkabwerera lini naye kuna imwe ndichidzamuimisa pamaso panu, ndiye thangwe limweli mbalidzakhale pa ine ate mtsogolo. ¹⁰Thangwe tingadakhala tiribe kuchedwa, chadidi pakufika nthawe zino zjai tingadakhala tabwerera kale pomwe kachiwiri."¹¹Babawo Isaraeli adati kuna iwo, "Penu bziri tenepoyo, tsapano chitani terepayu. Takulani bzipatso bzinango bzabwino kwene kwene bza mdziko muno mbzakutakulira bzanu. Mumutengere mphatso munthuyo mupolike nazo---mafuta ya mankhwala pang'ono, uchi pang'ono, bzakununchira na mure, mpfula na katungulume. ¹²Takulani kobiri zakupita kawiri mmanja mwanu. Kobiri ndizo adakubwezerani kumilomo kwa masakha yanu zire, muzitakule pomwe mmanja mwanu. Pinangopense kukhali kuphonyesa.¹³Tengani pomwe m'bale wanuyu. Lamukani muyende pomwe kuna munthuyo. ¹⁴Mulungu Wamphamvu zense akakuchitireni chifundo imwe pamaso pamunthuyo, pala kuti akakuchosereni m'bale wanuyo pabodzi na Benjamini. Penu ine nimkhala wakusaya wana wanguwo, mbandikhake nyamalira." ¹⁵Wanthuwo adatakula mphaso ire, apo mmanja mwawo adatakula kobiri zakukwana kawiri, pabodzi na Benjamini. Adanyamuka achipolika ku Aigupto achikaima pamaso pa Yosefe.¹⁶Nthawe ndizo Yosefe adaona Benjamini ana iwo, adati kuna tsanyumba wache, "Abwerese wanthuwo mnyumba muno, phaya nyama uyikonzekonze, thangwe wanthuwa anidya na ine masikati Yano." ¹⁷Tsanyumbayo adachita ndimo Yosefe adalewera. Adabweresa wanthuwo kunyumba ya Yosefe.¹⁸Wanthuwo akhana mantha thangwe adapisiwa mnyumna ya Yosefe. Iwo adati, "Ni thangwera kobiri ndizo zidabwezeriwa mmasakha mwathu pakutoma pale pomwe tidatumiwa muno kuti ationere thangwe. Pala iye atimange Ife mkutitenga ninga akapolo, apo atitengere abulu wathuwa. ¹⁹Iwo adafenderera tsanyumba wa Yosefeyo, achilewalewa naye pamsuwo wanyumbayo, ²⁰kulewa kuti, "Mbuyangu, tidapolika pakutoma kudzagula chakudya.²¹Bzidachitika, nthawe ndizo tidafika pambuto yakugona, kuti tidatsudzula masakha yathu, apo, onani, kobiri za munthu aliyense zikhali kukamwa kwa sakha wache, kobiri zathu mkulemera kwache kwense. Tazibweresa mmanja mwathu. ²²Kobiri zathu zinango tapolikanazo pomwe mmanja mwathu kudzagulira chakudya. Tikudziwa lini ndiye adaikha kobirizo mmasakha mwathumo." ²³Tsanyumbayo adati, "Mtendere ukhale kuna imwe, nampodi kugopa. Mulungu wanu na Mulungu wa babanu angakhale iye adaikha kobiri zanu mmasakha mwanumo. Ndidatambira kobiri zanu." Tsanyumbayo kinangoka adawabweresera iwo Simeoni.²⁴Tsanyumba adatenga wanthuwo mkupita nawo mnyumba mwa Yosefe. Adawapa madzi, achitsuka nzayo zawo. Iye adapa bzakudya mabulu yawo. ²⁵Iwo adakonzesera mphaso pala kubwera kwa Yosefe masikati, thangwe akhadabva kuti iwo amdzadya pampwepo.²⁶Nthawe ndizo Yosefe adabwera pamuyipo, iwo adabweresa mphaso ndizo zikhali mmanja mwawo mnyumbamo achikotama pansi pamaso pache kuna iye. ²⁷Iye adawamusa iwo bza moyo wawo achiti, Babanu ali bwino, nkhalamba mukhalewayo? Iwo akana moyo?"²⁸Iwo adati, "Kapolo wanu babathu ali bwino bwino. Iwo akana moyo." Apo iwo adakotama achimupa iye ulemu. ²⁹Pomwe iye adadzusa maso yache adaona mano wache Benjamin, mwana wachimuna wa mayi wache, apo iye adati, "Umweyu ndiye m'bale wanu mng'ono letu mudandiuzayo?" Ndiye iye adati, "Mulungu mbaakhale wachifundo kuna iwe, mwanangu."³⁰Yosefe adafulumiza kubula msubimo, thangwe akhali wakukhudzika na mano wacheyo. Adapsaga mbuto inango kukalira. Iye adayenda kusubi kwache kukalira momo. ³¹Adasamba nkhope yache achibula panja. Adabzilimbisa yekha, kulewa kuti, "Dyani chakudya."³²Akapolowo adamupa Yosefe payekha apo abalewo paokha. Aiguptowo popo adadya naye paokhambo thangwe Aigupto angadadya lini mkate pabodzi na Aheberi, nakuti kutenepo Aigupto mkubzipsipiza. ³³Abalewo adakhala pamaso pache, wakutoma kubadwa malingana na ukulu bwache, apo wakumalizira kubadwa malinganambo na umwana bwache. Wanthuwo akhali wakudabwa pabodzi. ³⁴Yosefe adatumiza mitanda kuna iwo kuchoka mu chakudya pamaso pache. Soma mtanda wa Benjamini ukhali wakukula kachanu kuposa mtanda wa aliyense wa abale wachewo. Iwo adamwa bwino bwino achisekerera pabodzi na iye.

44¹Yosefe adatonga tsanyumba wache, kulewa kuti, "Dzaza masakha yawanthuya na chakudya, chakuwanda ndimo angakwanisire kutakula, na kuikha kobiri za munthu aliyense kukamwa kwa sakha wache. ²Ikha kaneka yangu, kaneka ya siriva, kukamwa kwa sakha wa mng'onoletuyo, na kobiri zache pomwe za tirigu." Tsanyumbayo adachita ndimo Yosefe adalewera.³Machibese yadaonesa manyika, apo wanthuwo adanyamuka, iwo na mabulu yawo. ⁴Nthawe ndizo adabula kunja kwa muyiyo soma akhali lini patali letu, Yosefe adati kuna tsanyumba wache, "Lamuka, uwatewere wanthu wale, apo ungakawapinzula, ukalewe kuna iwo, 'Thangweranyi mwabwezera chakuipa mmalo mwa chabwino? ⁵Iyi ni kaneka lini ndiyo mbuyangu ambamwera, na kaneka ndiyo ambaphatisa basa kuombezera ula? Mwachita chakuipa, ichi ndicho mwachitachi."'⁶Tsanyumbayo adawapinzula iwo achisewera mafalaya kuna iwo. ⁷Iwo adati kuna iye, "Thangweranyi mbuyangu ambasewera mafala ninga yoya? Bziri kutali kuti akapolo wanuwa angachite chinthu ninga chimwecho.⁸Nyang'anani, kobiri ndizo tidazigumana kukamwa kwa masakha yathu, tidakubwereserani pomwe kuchoka nazo ku dziko la Kanani. Tingabe tani pomwe siriva na oro ya mbuyanu? ⁹Penu wina wa akapolo wanuwa anigumanika nayo aferetu umweyo, apo pomwe ife timdzakhala akapolo wa mbuyangu." ¹⁰Tsanyumba ule adati, "Tsapano mbabzichitike ninga ndimo mafala yanu yalewera. Iye anigumanika na kanekayo anikhaliratu kapolo wangu umweyo, apo winango mwensemwe munikhala na lazau.¹¹Kinangoka munthu aliyense adakulumiza kubulusa sakha wache pansi, apo munthu aliyense adatsudzula sakha wache. ¹²Tsanyumba ule adafununkhula. Adayamba na mkulu letuyo kumalizira na mng'onoletuyo, apo kanekayo idagumanika msakha mwa Benjamini. ¹³Kinangoka iwo adaphadzula bzakubvala bzawo. Munthu aliyense adapakiza bulu wache achibwerera pomwe mmuyimo.¹⁴Yuda na m'bale wache adabwera kunyumba ya Yosefe. iye mkuti akali popo basi, apo iwo adakotama pansi pamaso pache. ¹⁵Yosefe adati kuna iwo, "Mchani ichi ndicho mwachita? Mukudziwa lini kuti munthu ninga ine nimbachita bzakubzimira?"¹⁶Yuda adati, "Tingalewe chani kuna mbuyangu? Timsewera chani? Ayayi tim'bzipidigula tani tekha? Mulungu wagumana mphumbza za akapolo wanu. Nyang'anani, ndife akapolo wa mbuyangu, ife pabodzi na iye ndiye wagumanika na kaneka mmanja mwache." ¹⁷Yosefe adati, "Bziri kutali na ine kuchita tenepoyo. Munthu ndiye kaneka yagumanika mmanja mwacheyo, munthu umweyo amdzakhala kapolo wangu letu, soma pala winangomwe, kwirani mumtendere kuna babanu."¹⁸Kinangoka Yuda adabwera pafupi na iye achidzati, "Mbuyangu, chonde bvumani kapolo wanuyu asewere mafala mmakutu mwa mbuyangu, apo nampodi ukali bwanu bukhale pa kapolo wanguyu, thangwe muli ninga Falawo chaiye. ¹⁹Mbuyangu adamubvunza kapolo wache, kulewa kuti, 'Una baba ayai mano?²⁰Ife tidati kuna mbuya, 'Baba tinawo , munthu wakukalamba, na mwana wa muukalamba bwawo, ni mwana mng'ono. Soma mano wache adasaika, apo iyeyu yekha basi ndiye wasala kuna mayi wache, apo babachewo umweyu ambamukonda.' ²¹Ndiye mudati kuna akapolo wanu, polika nayeni kuno kuti ndidzamuone.' ²²Kumala popo, tidati kuna mbuyanguyo, 'Mnyamatayu angasiyane lini na babache. Thangwe achitondo kusiyana na babache babachewo amferatu.'²³Ndiye mudati kuna akapolo wanu, "'Pokha pokha mng'ono wanu letuyo apolike na imwe, mumdzaona lini pomwe nkhope yanguyi. ²⁴Ndiye bzidachitika nthawe ndizo ife tidakwira kuna kapolo wanu babangu, tidamuuza iye mafala ya mbuyangu. ²⁵Babathu adati, "Ndokoni pomwe, mukatigulire chakudya.' ²⁶Ndiye tidati, 'Tingapolike lini. Angakhala mng'ono wathuyu tiri naye, ndiye kuti timdzapolika, thangwe timdzakwanisa lini kuona nkhope yamunthuyo pokha pokha mng'ono wathuyo tiri naye.'²⁷Kapolo wanu babangu adati kuna ife, 'Mukudziwa kuti mkazangu adandibalira ine wana awiri wachimuna. ²⁸M'bodzi waiwo adandichokera ine apo ndidati, "Mchadidi iye wakhadzuliwa mbzidupsa, apo kuyambira popo ndiribe kumuona pomwe." ²⁹Tsapano munganditengera pomwe uyu, apo chakuipa chimdzamuonekera iye, mumdzapolika na imvi zanguzi na nsisi ku thenje la Siolo.'³⁰Tsapano, mnthangwerache, ningabwera kuna kapolo wanu babangu, uko mnyamatayu palibe, nakuti moyo wache wamangika mmoyo wa mnyamatayu, ³¹bzimdzachitika, nthawe ndizo amdzatondo kuona mnyamatayu ali lini na ife, iwo amdzaferatu. Akapolo wanu amdzapolika na imvi za kapolo wanu babathu na nsisi ku thenje la ku Siolo. ³²Thangwe kapolo wanuyu adakhala chiphatiro cha mnyamatayu kuna babangu achiti, 'Ningadzasaya kumubweresa kuna imwe, ndiye kuti nimdzatenga pikado kuna baba ate mtsogolo.'³³Tsapano mnthangwerache, chonde kapolo wanuyu mbaasale mmalo mwa mnyamatayu ninga kapolo kuna mbuyangu, apo mulekeni mnyamatayu akwire na abale wachewa. ³⁴Thangwe ningayende tani kuna baba pomwe mwanayu ana lini ine? Ndina mantha kukaona chakuipa ndicho chimkabwera pa baba.

45¹Ndiye Yosefe alibe ukwanisa kubzilambiza pa akapolo wense ndiwo akhadaima pambali pache. Iye adati mwakukuwa, "Mwensene mundichokere pano." Ndiye pakhalibe kapolo wakuima pafupi na iye pomwe iye adabzidziwisa kuna abale wache wale. ²Iye adalira mwakukuwa, Aigupto adabva bzobzo, na nyumba ya Falawo idabva pomwe bzimwebzo. ³Yosefe adati kuna abale wache, " Ine ndine Yosefe. Kodi babangu akana moyo na?" Abale wache wale alibe kumutawira, thangwe akhadaphatiwa na mantha pakumuona iye.⁴Ndiye Yosefe adati kuna abale wache, "Bwerani pafupi na ine, chonde." Iwo adafendera pafupi. Iye adati, " Ine ndine Yosefe m'bale wanu ule, omwe mudandigulisa ku Aigupto. ⁵Nampodi kuwawidwa mtima ayai kubzikalipira mwekha kuti mudandigulisa ine kuno, thangwe Mulungu adanditsogoza patsogolo panu kufuna kukoya moyo. ⁶Pa magole mawiriya mwakhala njala mdziko muno, apo yasala magole machanu ndiyo pamkhala lini kulima ayai kutsenga.⁷Mulungu adanditumiza ine patsogolo panu ninga wakusalira padziko lapansi, na kukukoyani imwe namoyo na chipulumuso chikulu. ⁸Ndiye ndimwe lini omwe mudanditumiza kuno neye soma ni Mulungu, apo wandisandusa babache wa Falawo, wakutonga nyumba yache yensene, na mtongi wa dziko lensene la Aigupto.⁹Kulumizani muyende kuna babangu mukawauze kuti, 'Ibzi ndibzo mwananu Yosefe walewa, "Mulungu wandisandusa mtongi wa dziko lense la Aigupto. Bwerani polikani kuna ine, nampodi kuchedwa. ¹⁰Mumdzakhala mdziko la Goseni, apo mumdzakhala pafupi na inepano, imwe na wana wanu, na wana wa wana wanu, na mabira yanu na ng'ombe zanu, na bzense ndibzo munabzo. ¹¹Nim'badzakudyesani kumweko, thangwe pakana magole machanu ya njala, pala kuti nampodi musauke, imwe, mabanja yanu, na bzense ndibzo muli nabzo."'¹²Nyang'anani, maso yanu yakuona, na maso ya m'bale wangu Benjamini, kuti ni mulomo wangu ndiwo ukusewera kuuza imwe. ¹³Mumkawauza Babanguwo bza ulemu bwangu muno mu Aigupto na bzensene ndibzo imwe mwaona. Mukakulumize mukapolike nawo babanguwo kuno."¹⁴Iye adakumbatira mkhosi mwa m'bale wache Benjamini achilira, apo Benjamini adalira pakhosi pachepo. ¹⁵Iye adampsompsona abale wache wensewo achiwalirira iwo. Kumala popo abale wachewo adalewalewa naye.¹⁶Mbiri ya nkhaniyo adauziwa wa kunyumba la Falawo: "Abale wache wa Yosefe abwera." Ibzi bzidakomera kwene kwene Falawo na akapolo wache. ¹⁷Falawo adati kuna Yosefe, "Lewa kuna abale wako, 'Chitani ichi: Pakizani nyama zanu apo mumbayende mdziko la Kanani. ¹⁸Katengeni babanu na mabanja yanu mukabwere kuna ine. Nimdzakupani bzabwino bza mdziko la Aigupto, apo mumdzadya bzakunenepa bza dzikoli.'¹⁹Tsapano mukutongewa, 'Chitani ichi, muwatengere kalosa wana wanu na akazanu kuchoka nazo mu Aigupto. Katengeni babanu mukabwere. ²⁰Nampodi kuchita thupo na vida yanu, thangwe bzabwino bzensene bza mdziko la Aigupto mpsanu meju."'²¹Wana wachimuna wa Isaraeli adachita tenepoyo. Yosefe adawapa makalosa, malingana na chitongi cha Falawo, na kuwapa bzakuthemera paulendo. ²²Kuna wensewo adapa munthu aliyense bzakubvala bzakumbachinja, soma kuna Benjamini adamupa kobiri madzana matatu za siriva na bzakubvala bzichanu bzakumbachinja. ²³Pala babache adatumiza ibzi: mabulu khumi yakupakiziwa na bzinthu bzabwino bza mu Aigupto; na mabulu khumi makazi yakupakiziwa kudzala na tirigu, mikate, na bzinthu bzinango pala babache paulendobo.²⁴Ndiye adawayendesa abale wachewo iwo achinyamuka. Iye adati kuna iwo, "Onesesani kuti munjiramu nampodi kupokana." ²⁵Iwo adakwira kubula mu Aigupto achibwera mdziko la Kanani, kuna Yakobo babawo. ²⁶Iwo adawauza iwo kulewa kuti "Yosefe ule akana moyo, apo zjai ni mtongi wa dziko lensene la Aigupto." Mtima wawo udadabwisika, thangwe alibe kukhulupirira ndibzo akhawauzabzo.²⁷Iwo adawauza babawowo mafala yensene ya Yosefe yomwe adalewa kuna iwo. Nthawe ndizo Yakobo adaona makalosa ndiyo Yosefe adatumiza kudzawatakula, mtima wa Yakobo babawo udatsitsimuka. ²⁸Isaraeli adati, "Bzakwana. Yosefe mwanangu akana moyo. Nimdzayenda ndikamuone ndikanati kufapa."

46¹Isaraeli adalonga ulendo bwache na wense ndiwo akhanawo achiyenda ku Bereseba. Kumweko adakathira nsembe kuna Mulungu wa babache Isaki. ²Mulungu adasewera na lsaraeli mmasomphenya usiku, kulewa kuti, "Yakobo, Yakobo." Iye adati, "Ine ndiripano." ³Iye adati, "Ndine Mulungu, Mulungu wa babako. Nampodi kugopa kupolika ku Aigupto, thangwe kumweko nimkakusandusa kukhala dzinza likulu. ⁴Nimdzapolika nawe pabodzi ku Aigupto, apo chadidi nimdzakubweresa pomwe kudzaulu apo Yosefe amdzampsinkha maso yako na boko lache."'⁵Yakobo adalamuka kuchoka ku Bereseba. Wana wa Isaraeli adanyamuka Yakobo babawo, Wana wawo, na akazawo mmakalosa ndiyo Falawo adatumiza kukamunyamula iye. ⁶Iwo adatakula ng'ombe zawo na vida zawo ndizo akhadazigumana mdziko la Kanani. Iwo adabwera mu Aigupto, Yakobo na wanache wensene na iye. ⁷Iye adabweresa ku Aigupto wanache wachimuna na Wana wachimuna wa wana wawo, wanache wachikazi na wana wachikazi wa wana wawo wachimuna, na mbeu yache yensene.⁸Aya ni madzina ya wana wachimuna wa Isaraeli omwe adabwera ku Aigupto: Yakobo na mbeu yache, Rubeni, mwana wakutoma wachimuna wa Yakobo; ⁹wana wachimuna wa Rubeni, Hanoki, Palu, Hezroni, na Karmi; ¹⁰wana wachimuna wa Simoni, Yemueli, Yamini, Ohadi, Yakini, Zohari, na Sauli, mwana wachimuna wa mkazi wa ku Kanani; ¹¹na wana wachimuna wa Levi, Gerisoni, Kohati, na Merari.¹²Wana wachimuna wa Yuda akhali Eri, Onani, Sela, Perezi, na Zera (soma Eri na Onani akhadasaika kale mdziko la Kanani). Wana wachimuna wa Perezi akhali Hezroni na Hamuli. ¹³Wana wachimuna wa Isakara akhali Tola, Pua, Yasubi, na Simuroni. ¹⁴Wana wachimuna wa Zebuluni akhali, Seredi, Eloni, na Yaleeli. ¹⁵Awa akhalimbo wana wa Leya omwe adabala na Yakobo ku Padani Aramu, pabodzi na mwana wachikazi Dina. Wanache wachimuna na wachikazi akhakwana makumi matatu na atatu.¹⁶Wana wachimuna wa Gadi akhali Zifloni, Hagi, Suni, Ezboni, Eri, Arodi, na Areli. ¹⁷Wana wachimuna wa Aseri akhali Yimna, Yisiva, Yisivi, na Berita; apo Sera akhali mpfumakazi yawo. Wana wachimuna wa Beriya akhali Hebere na Malikieli. ¹⁸Awa akhali wana wachimuna wa Zilipa, omwe Labani akhadawapereka kuna Leya mwanache wachikazi. Wana wachimuna wa iye adabala na Yakobo---khumi na atanthatu wense pabodzi.¹⁹Wana wachimuna wa mkazi wa Yakobo Rakelo akhali Yosefe na Benjamin. ²⁰Mu Aigupto Manase na Eferemu adabadwa kuna Yosefe omwe Asenati, mwana wachikazi wa Potifera wansembe wa ku Oni adamubalira iye. ²¹Wana wachimuna wa Benjamin akhali Bela, Bekeri, Asiberi, Gera, Janani, Ehi, Rosi, Mupimu, Hupimu, na Aridi. ²²Awa akhali wana wachimuna wa Rakelo omwe adabadwa kuna Yakobo---khumi na anayi wense pabodzi.²³Mwana wachimuna wa Dani akhali Husimu. ²⁴Wana wachimuna wa Nafitali akhali Yazeeli, Guni, Yezera, na Silemu. ²⁵Amwewa ndiwo akhali wana wachimuna wakubaliwa kuna Yakobo kwa Biliha, omwe Labani adapa kuna Rakelo mwanache wachikazi---anomwe wense pabodzi.²⁶Wensene ndiwo adayenda ku Aigupto na Yakobo, omwe akhali wambeu yache chaiwo, seye kulewengera wana wachimuna wa mkazi wa Yakobo, akhali makumi matanthatu na atanthatu wense pabodzi. ²⁷Na wana chimuna awiri wa Yosefe ndiwo adabadwa kuna iye mu Aigupto, wanthu wa ku nyumba ya Yakobo omwe adayenda ku Aigupto akhali makumi manomwe wense pabodzi.²⁸Yakobo adatumiza Yuda patsogolo pache kuna Yosefe kukamulatiza njira iye akanati kuti ayende ku Goseni, apo adabwera kudziko la Goseni. ²⁹Yosefe adakonzekera galeta lache achiyenda kukagumana naye Isaraeli babache ku Goseni. Iye adamuona iye, mkumukumbatira khosi lache, achilira pakhosi lache nthawe itali. ³⁰Isaraeli adati kuna Yosefe, "Tsapano ndilekeni ndife zjai, thangwe ndaona nkhope yako, kuti ukana moyo."³¹Yosefe adati kuna abale wache wale na kuna nyumba ya babache, "Nimdzakwira kukamuuza Falawo , kulewa kuti, 'Nyumba ya abale wangu na nyumba ya babangu, ndiwo akhali mdziko la Kanani, abwera kuna ine. ³²Wanthuwa mbaamakabusa wamabira, thangwe akhala wakumbafuwa ng'ombe. Iwo abweresa mabira yawo, ng'ombe zawo, na bzense ndibzo anabzo.³³Bzimdzachitika, nthawe ndizo Falawo amdzakuchemerani na kudzabvunza, 'Baea lanu mchiyani?' ³⁴kuti mudzalewe, 'Akapolo wanufe timbafuwa ng'ombe kuchoka paubwana ate lero lino, ife, pabodzi na abereki wathu.' Chitani bzobzi pala kuti mukhale mdziko la Goseni, thangwe amakabusa wamabira wense Aigupto ambanyansidwa nawo."

47¹Kinangoka Yosefe adapita momo achiuza Falawo, "Babangu na abale wangu, mabira yawo, ng'ombe zawo, na bwense ndibzo anabzo, afika kuchoka ku dziko la Kanani. Onani, ali mdziko la Goseni." ²Iye adatenga achanu mwa abale wache achiwadziwisa kuna Falawo.³Falawo adati kuna abale wache wa Yosefe, "Basa lanu mchiyani?" Iwo adati kuna Falawo, "Akapolo wanu mbaamakabusa, ninga abereki wathu." ⁴Ndiye iwo adati kuna Falawo, "Tabwera ninga wakutondo kudzadikhira mdziko muno. Palibe upsa bwakudyesera bzifuwo bza akapolo wanu, thangwe njala yakula mdziko la Kanani. Ndiye tsapano, chonde bvumani akapolo wanu akhalembo mdziko la Goseni."⁵Kinangoka Falawo adalewa kuna Yosefe, kulewa kuti, "Babako na abale wakowa abwera kuna iwe. ⁶Dziko la Aigupto liri pamaso pako. Uwakhazike babako na abale wakowa pa mbuto yakudekesesa, mdziko la Goseni. Penu ukudziwa wanthu wanzeru pakati pa amwewa, uwaikhe anyang'anire ng'ombe zanguzi."⁷Kinangoka Yosefe adabweresa momo babache Yakobo achiwadziwisa kuna Falawo. Yakobo adadalisa Falawo. ⁸Falawo adati kuna Yakobo, "Mwakhala magole mangasi?" ⁹Yakobo adati kuna Falawo, "Magole ya ulendo bwangu ni dzana libodzi na makumi matatu. Magole ya moyo wangu yakhala yakuchepa na yakuwawa. Yalibe kukhala yakutalika ninga nsiku za abereki wangu' zaulendo." ¹⁰Kinangoka Yakobo adadalisa Falawo achichoka pamaso pache.¹¹Kinangoka Yosefe adakhazika babache na abale wache. Iye adawapa iwo pakukhala mdziko la Aigupto, pakukomesesa mdzikomo, mdziko la a Ramese, ninga ndimo Falawo adatongera. ¹²Yosefe adapereka chakudya kuna abale wachewo, na wabanja lensene la babache. malingana na kuwanda kwa wana wawo.¹³Tsapano mukhalibe chakudya mdzikomo; thangwe njala ikhadakula. Dziko la Aigupto na dziko la Kanani yakhadasukwa thangwera njala. ¹⁴Yosefe adakontcheza kobiri zensene ndizo zikhali mdziko la Aigupto na mdziko la Kanani, pakugulisa tirigu kuna wamzdikomo. Tsapano Yosefe adabweresa kobiri ku nyumba yachifumu ya Falawo.¹⁵Pomwe kobiri zense zamu Aigupto na Kanani zidasakazika, Aigupto wense adabwera kuna Yosefe kudzati, "Tipenimbo chakudya! Thangweranyi kuti tife na njala uko imwe mulipo thangwera kuti kobiri zathu zayenda?" ¹⁶Yosefe adati, "Penu kobiri zanu zayenda, bweresani bzifuwo bzanu nimkupani chakudya timbachite matsintha na bzifuwo bzanubzo." ¹⁷Ndiye iwo adabweresadi bzifuwo bzawo kuna Yosefe. Yosefe adawapa chakudya kuchita matsintha na akavalo, na mabira, na ng'ombe, na abulu. Iye adadyesa iwo chakudya chakusinthana na bzifuwo bwawo bzense gole limwelo.¹⁸Pomwe gole limwelo lidamala, adabwera kuna iye gole linzachelo kudzati kuna iye, "Tinibisila lini mbuyathu kuti kobiri zathu zayenda zense, na kuti ng'ombe mzambuyathu. Palibe chasala pamaso pa mbuyangu, kupambula matupi yathuya na dziko lathuli. ¹⁹Thangweranyi tife ife pamaso panu, ifepano na dziko lathu kubodzi? Mugule ifepano na dziko lathu kubodzili kuchita matsintha na chakudya, apo ife na dziko lathuli timdzakhala akapolo kuna Falawoyo. Tipenimbo mbeu pala kuti tikhale na moyo seye kufa, nakuti pomwe dzikoli nampodi lisanduke matere."²⁰Ndiye Yosefe adagulira Falawo dziko lensene la Aigupto. Thangwe munthu aliyense mu Aigupto adagulisa munda wache, thangwe njala ikhali ikulutsa maninge. Munjira yoyi, dziko lidasanduka la Falawo. ²¹Angakhala wanthu, iye adawasandusa akapolo wache kuchoka kumalire ya Aigupto kufika kumapeto kwinango. ²²Ni dziko lokha la ansembe ndilo Falawo alibe kugula, thangwe ansembe akhapasiwa gawo la kwa Falawo. Iwo akhambadya gawo ndilo Falawo akhawapasalo. Mnthangwerache iwo alibe kugulisa dziko lawo.²³Kinangoka Yosefe adati kuna wanthu, "Onani, ndakugulani imwepo na dziko lanu lero kukhala wa Falawo. Tsapano iyi ni mbeu yanu, apo mumdzakabzala mdziko. ²⁴Pakudzakolola, mudzapereke libodzi la magawo machanu kuna Falawo, apo magawo manayiyo yamdzakhala yanu, thangwe mbeu ya mmunda na ya chakudya cha mabanja yanu na ya wana wanu."²⁵Iwo adati, "Mwapulumusa miyoyo yathu. Mbatigumane udidi pamaso panu. Timdzakhala akapolo wa Falawo." ²⁶Ndiye Yosefe adakhazikisa kukhala chizerewezi ndicho chikuphata basa mdziko la Aigupto ate lero lino, kuti libodzi la magawo machanu yambakhala ya Falawo. Dziko lokha la ansembe ndilo liribe kusanduka la Falawo.²⁷Ndiye Isaraeli adakhala mdziko la Aigupto, mphimpha ya ku Goseni. Wanthu wache adagumana vida zawo mumwemo. Akhali wakubala achiwanda kwene kwene. ²⁸Yakobo adakhala mdziko la Aigupto magole khumi na manomwe, ndiye magole ya moyo wa Yakobo yakhali dzana libodzi na makumi manayi na manomwe.²⁹Pomwe nthawe idafendera kuti Isaraeli afe, adachemera mwanache wachimuna Yosefe achiti kuna iye, "Penu tsapano ndagumana udidi pamaso pako, bzatika boko lako kutseri kwa ntchafu yangu, apo undionese bzabwino na bzachadidi. Chonde nampodi kudzandifuchira mu Aigupto. ³⁰Ningadzagona na abereki wangu, mudzandichose mu Aigupto mkudzakandiikha mnthenje la aberekiwo." Yosefe adati, "Nimdzachita ndimo mwalewera." ³¹Isaraeli adati, "Lumbira kuna ine," apo Yosefe adalumbira kuna iye. Kinangoka Isaraeli adakotama pa msolo wa msolo wache.

48¹Bzidachitika bzitamala ibzi, kuti winango adalewa kuna Yosefe, "Nyang'anani, babanu akudwala." Ndiye adatengana na wanache awiri wachimuna, Manase na Eferemu. ²Pomwe Yakobo adauziwa, "Nyang'anani, mwananu wachimuna Yosefe wafika kudzakuonani," Isaraeli zidadzerera mphamvu achilamuka kukhala tsonga pa kugona pache.³Yakobo adati kuna Yosefe, "Mulungu wamphamvu zense adandionekera ine pa Luzi mdziko la Kanani. Iye adandidalisa ⁴achiti kuna ine, 'Ona, nimdzakuchitisa kukhala wakubala, na kukuwanzisani. Nimdzakusandusa iwe kukhala thimu la wamadzinza. Nimdzapereka dzikoli kuna mbeu yako ya pambuyo pako ninga lawo lawo chikhalire.'⁵Tsapano wanako wachimuna awiri, omwe adabadwa kuna iwe mdziko la Aigupto ndikanati kubwera ine mu Aigupto, mbangu. Eferemu na Manase amdzakhala wangu, ninga ndimo aliri wangu Rubeni na Simeone. ⁶Wana wakubaliwa pambuyo pawo amdzakhala wako; iwo amdzandandaliziwa pansi pa madzina ya abale wangu wa mmibadwo yawo. ⁷Soma ningakhala inepano, pomwe ndidabwera kuchoka ku Padani, kuna wamisozi wangu Rakelo adafera mdziko la Kanani panjira, tikadali patali kuti tifike ku Efrati. Ndidamuikha pampwepo panjira ya ku Efrati" (ndiye kuti, Beterehemu).⁸Pomwe Isaraeli adaona wana wachimuna wa Yosefe, adati, "Ngwayani amwewa?" ⁹Yosefe adati kuna babache, "Mbangu, omwe Mulungu wandipa kuno." Isaraeli adati, "Abwerese kuna ine, kuti ndiwadalise." ¹⁰Tsapano maso ya Isaraeli yakhatazira thangwera kukalamva kwache, ndiye zjai akhakwanisa lini kuona. Ndiye Yosefe adawabweresa iwo pafupi na iye, achiwampsompsona na kuwakumbatira.¹¹Isaraeli adati kuna Yosefe, "Ndikhadikhira lini kuona pomwe nkhope yako, soma Mulungu wandibvuma kuona wana wako." ¹²Yosefe adawabulisa kuchoka pa mabondo ya Isaraeli, achikotama nkhope yache pansi. ¹³Yosefe adawatenga awiri wensewo, Eferemu kuboko lache lamadidi kunyang'ana boko lamadidi la Isaraeli, achiwabweresa pafupi na iye.¹⁴Isaraeli adafuthula boko lache lamadidi achibzatika pa msolo pa Eferemu, omwe akhali mng'ono, na boko lache lamadzere pa msolo wa Manase. Adapingasa manja yache, thangwe Manase akhali mwana wakutoma. ¹⁵Isaraeli adadalisa Yosefe, achiti, "Mulungu omwe abereki wangu Aburahamu na Isaki adafamba pamaso pache, Mulungu omwe wanditchenkha ine kufika ate lero, ¹⁶mnjero ndiye wanditeteza inepano ku bzakuipa bzense, mbaadalise anyamatawa. Dzina langu mbaligumiwe mwa iwowa, na dzina la abereki wangu Aburahamu na Isaki. Mbaakule kukhala thimu padziko lapansi."¹⁷Pomwe Yosefe adaona babache kubzatika boko lawo lamadidi pa msolo pa Eferemu, bziribe kumukomera. Iye adatenga boko la babache mkuligwinya kuchoka pamsolo pa Eferemu kuyenda pamsolo pa Manase. ¹⁸Yosefe adati kuna babache, "Si tenepa, babangu; thangwe uyu ni mwana wakutoma. Boko lanu lamadidi ikhani pamsolo pache."¹⁹Babache adalamba achiti, "Ndikudziwa inepano, mwanangu, ndikudziwa. Iye pomwe amdzakhala wanthu, apo iye pomwe amdzakhala mkulu. Ndiye mng'ono wacheyo amdzakhala mkulu kuposa iye, apo mbeu yache imdzakhala thimu la madzinza." ²⁰Isaraeli adawadalisa iwo nsiku yoyo na mafala yoya, "Wanthu wa ku Isaraeli amdzaguma madaliso na madzina yanu kulewa kuti, 'Mulungu mbaakuikhe iwe kukhala ninga Eferemu na ninga Manase'." Munjira yoyi, Isaraeli adaikha Eferemu wakutoma pa Manase.²¹Isaraeli adati kuna Yosefe, "Onani, ndiri pafupi kufa, soma Mulungu amdzakhala nawe, achidzakubwezeresa kudziko la makolo yako. ²²Kuna iwe, ninga omwe uli padzaulu pa abale wako, nimkupasa phompho la phiri ndilo ndidatenga kuchoka kuna Amori kuphatisa basa dipa langu na uta bwangu."

49¹Kinangoka Yakobo adachemera wanache wachimuna, achiti: "Gwezekanani pabodzi, kuti ndikuuzeni bzomwe bzimdzakuchitikirani mtsogolo. ²Gwezekanani kuti mutetekere, imwe wana wachimuna wa Yakobo. Tetekerani kuna Isaraeli babanu.³Rubeni, ndiwe mwanangu wakutoma, mphamvu zangu na chiyambi cha mphamvu zangu, ulemu bwakupambana, na mphamvu yakupambana. ⁴Wakusaya kutetezeka ninga madzi yakuthamanga, umdzapambana lini, thangwe udayenda ate pa kama ya babako. Kinangoka udaipsipiza; udayenda ate ndipo nimbagonapo.⁵Simeoni na Levi mbubale bwawo. Bzida bza mphumbza ndibzo madipa yawo. ⁶O mtima wanguwe, nampodi kupita mmalangizo mwawo; Ulemerero bwanguwe, nampodi kubziphathika mmagumano mwawo, thangwe mtima wangu una ulemu bukulutsa pachimwecho. Thangwe mu ukali bwawo adapha wanthu. Mkufuna kwawo adapungula ng'ombe zapakalosa.Ukali bwawo mbabutembereriwe, thangwe kukhali kwakugopsa--apo ukali bwawo, nakuti bukhali bukulu. Nimdzawagawa mwa Yakobo na kuwabalalisa mwa Isaraeli.⁸Yuda m'bale wako amdzakutenda iwepo. Boko lanu limdzakhala pakhosi pa awengi wanu. Wana wachimuna wa babanu amdzakukotamirani imwepo.⁹Yuda ni mwana wa mphondolo. Mwananguwe, wayenda kukwira kuchoka kuna wakugwedwa wako. Iye adakotama pansi, adakhwathama ninga mphondolo, ninga mphondolo ikazi. Mbani angabzithembe kukamulamusa iye?¹⁰Mpsimbo yachifumu imdzachoka lini mwa Yuda, ayai mpsimbo ya mtongi kuchoka pakati pa nzayo zache, ate Silo kubwera. Madzinza yamdzamubvera iye.¹¹Adamangirira bulu wache pa mpesa, na mphulu ya bulu wache pa mpesa wakusankhuliwa, Wafula malaya yache mu vinyu, na chakufunika chache mmulopa wa mpesa. ¹²Maso yache yamdzakhala mapsipa ninga vinyu, na mano yache kuchena ninga mkaka.¹³Zebuluni amdzakhala m'phepete mwa nyanza. Amdzakhala gombe la mimwadiya, na malire yache yamdzafika ku Sidoni.¹⁴Isakara ni bulu wamphamvu, akugona pakati pa makhola yamabira. ¹⁵Iye waona mbuto yabwino yakupumira na mbuto yakudeka. Amdzakotamisa phewa lache pa kachitigu kutakula na kukhala kapolo wa kuphata basa lakungingimiza.¹⁶Dani amdzayeruza wanthu wache ninga m'bodzi wa dzinza la Isaraeli. ¹⁷Dani amdzakhala nyoka m'phepete mwa njira, nyoka ya ndulu munjira ndiyo imbaluma makatendene ya akavalo, pala kuti wakupakira wache agwere chakumbuyo. ¹⁸Ndikudikhira chipulumuso chanu, Yahova.¹⁹Gadi---akapondolo amdzamumpsinkha, soma amdzawampsinkha pa akadendene wawo. Chakudya cha ²⁰Aseri chimdzadala, achidzapereka bzakulongosoka bzachifumu. ²¹Nafitali nswala yakutsudzula; amdzakhala na mafala yabwino.²²Yosefe mtawi wakubala, mtawi wakubala pafupi na lowe, omwe mitawi yache yayanga pa litsito. ²³Wenekachiro uta amdzamubvutisa iye kwene kwene achimuthwika iye na chibonereso.²⁴Soma uta bwache bumdzakhala bwakuteya teya, na manja yache yamdzakhala yakuzerewera thangwera manja ya Wamphamvu zense wa Yakobo, thangwera dzina la makabusa, Thanthwe la Isaraeli.²⁵Mulungu wa babako amdzakuthandiza na Mulungu Wamphamvu zense amdzakudalisa na madaliso ya kudzaulu kupitirira, madaliso ya madzi yakuzika ndiyo yali kuseri, na madaliso ya masuku na chibaliro.²⁶Madaliso ya babako mmakulu kuposa madaliso ya mapiri ya kalekale ayai bzinthu bzakudeka bza mmapiri yachikalekale. Mbabzikhale pamsolo pa Yosefe, ayai pomwe pa korona wa pamsolo pa iye wakulekanisiwa na abale wache.²⁷Benjamin ni mphumphi ya njala. Machibese amdzadya chilombo chakuzomola, apo kumaulo amdzamwaza wakudzaphotolawo."²⁸Aya ni madzinza khumi na mawiri ya Isaraeli. Ibzi ndibzo babawo adawauza iwo nthawe ndizo adawadalisa. Aliyense adamudalisa na mdaliso wakuthemera. ²⁹Ndiye adawalangiza achiti kuna iwo, "Ndasala pang'ono kuyenda kuna wanthu wangu. Mundiikhe pabodzi na abereki wangu wakale mgwinza ndilo liri mmunda wa Efroni m'Hiti, ³⁰mgwinza la mmunda wa Makipela, ndilo liri patsogolo pa Mamre mdziko la Kanani, munda ndiwo Aburahamu adagula kusandusa thenje kuchoka kuna Efuroni m'Hiti.Popo adamuikha Aburahamu na Sara mkazache; Popo adamuikha Isaki na Rebeka mkazache; apo popo ndidaikha Leya. Mundayo na gwinza ndilo liri momo bzidaguliwa kuchoka kuna wanthu wa ku Heti." Pomwe Yakobo adamaliza malangizoya kuna wanache wachimunawo, adafunya nzayo zache pakama, achipuma kwakumaliza, achiyenda kuna wanthu wache.

50¹Kinangoka Yosefe adadandaula zedi mwakuti adagwa pa nkhope ya babache, achimlilira iye, achimumpdompsona. ²Yosefe adatonga akapolo wache anyabezi kuikha babache mankhwala yakuletsa thupi kubvunda. Ndiye anyabeziwo adathira Isaraeli mankhwalayo. ³Iwo adatenga nsiku makumi manayi, thangwe ndiyo ikhali nthawe yakukwana kuthira mankhwalayo. Wanthu wa mu Aigupto adamulira iye nkhawa nsiku makumi manomwe.⁴Nthawe ndizo nsiku zakulira nkhawayo zidamala, Yosefe adauza wakunyumba ya Falawo, kulewa kuti, "Penu ndagumana udidi pamaso panu, chonde sewerani kuna Falawo kulewa kuti, ⁵'Babangu adandilumbirisa, kulewa kuti, "Ona, ndasala pang'ono kufa ine. Undiikhe mgwinza langu ndilo ndidabzigobera mdziko la Kanani. Mwemo ndimo udzandiikhe inepano." Tsapano Ndilekeni ndikwire ndikaikhe babanguwo, apo kinangoka nimdzabwerera.'" ⁶Falawo adatawira, "Ndoko ukaikhe babakowo, ninga ndimo iwo adakulumbirisila."⁷Yosefe adakwira kukaikha babachewo. Akapolo wensene wa Falawo adayenda naye---akulu akulu wapabanjapo, nduna zense zikulu zikulu za mdziko la Aigupto, ⁸na wapabanja lense la Yosefe na abale wache, na wakubanja la babache kubodzi. Soma wana wawo, mabira yawo, na ng'ombe zawo zidasala mdziko la Goseni. ⁹Magaleta na wakupakira akavalo adayenda naye pomwe. Likhali thimu lizinjitsa la wanthu.¹⁰Pomwe iwo adafika pa mataka yachipfuku pfuku ya Atadi ng'ambu ya mkulo wa Yolodano, adalira nkhawa na nsisi zikulutsa. Popo Yosefe adachita nsiku zinomwe akulira babachewo. ¹¹Pomwe wanthu wa mdzikomo, a Kanani, adaona kulira kwa pamataka yakupfukuka ya Atadi, adati, "Ichi mchakuchitika chakuipira Aigupto chikulu." Mnthangwerache dzina la mbutoyo imbachemeriwa Abeli Mizraimu, ndiyo iri ng'ambu ya Yorodano.¹²Ndiye wana wache wachimunawo adachita kuna Yakobo ninga ndimo iye adawapanganizira. ¹³Wanache adamutakula iye kuyenda naye mdziko la Kanani achikamuikha mgwinza mmunda wa Makipela, patsogolo pa Mamre. Aburahamu akhadagula gwinzalo na mundayo kudzakhala mbuto ya thenje. Akhadagula kuchoka kuna Efroni m'Hiti. ¹⁴Atamala kuikha babachewo, Yosefe adabwerera ku Aigupto, iye, pabodzi na abale wache, na wensene ndiwo akhadamperekeza iye kukaikha babache.¹⁵Nthawe ndizo abale wa Yosefe adaona kuti babawo adasaika, adati, "Tani achikhala kuti Yosefeyu wapitiriza kutikalipira ifepano mkukhumba bzakutibwezera meju bzachadidi pa bzense bzakuipa ndibzo tidamuchitira?" ¹⁶Ndiye iwo adafuna pakhale Yosefe. kulewa kuti, "Babako adasiya malangizo akanati kufa, kulewa kuti, ¹⁷'Muuzeni Yosefe tere, "Chonde lekerera chakuipa cha abale wako na chakuipa chawo nthawe ndizo adakuchita chakuipa iwepo."' Tsapano chonde lekerera akapolo wa Mulungu wa babako." Yosefe adalira pomwe iwo akhasewera kuna iye.¹⁸Abale wache adayendambo achigwesa nkhope zawo pansi pamaso pache. Iwo adati, "Ona, ndife akapolo wako." ¹⁹Soma Yosefe adawatawira iwo, " Nampodi kubva mantha. Kodi ine ndiri m'buto ya Mulungu? ²⁰Mungakhala imwepo, mudafuna kundipha ine, soma Mulungu adasanduliza kukhala bzabwino, kupulumusa miyoyo ya wanthu azinji, ninga mukuoneka leroli. ²¹Ndiye tsapano nampodi kubva mantha. Nimdzakuchezesani imwe na wananu ang'ono." Adawanyamalizq tenepo achiwasewera mwakukoma mmitima yawo.²²Yosefe adakhala mu Aigupto, pabodzi na wabanja la babache. Iye adakhala magole dzana libodzi na khumi. ²³Yosefe adaona wana wa Eferemu ku m'bwado wachitatu. Iye adaona pomwe wana wa Makiri mwana wachimuna wa Manase, omwe adakhazikiwa pamabondo pa Yosefe.²⁴Yosefe adati kuna abale wache, "Ndiri pafupi kufa; soma Mulungu amdzabwera chadidi kuna imwe achidzakutsogolerani kubula mdziko muno kuyenda kudziko ndilo adakumbukira kudzapa Aburahamu, kuna Isaki, na kuna Yakobo." ²⁵Tsono Yosefe adachititsa wana Isarayeli kulumbirira lumbiro. Iye adati, "Mulungu adzabwera chadidi kuno imwepo. Nthawi zozo mudzatukule mafupa yangu kuchoka pano." ²⁶Ndiye Yosefe adasaika, ali na magole dzana limodzi na khumi.

Ekisodo

1¹Aya ni madzina ya wana wa Aisarayeri omwe adapita nawo mu Aiguputo na Yakobo, aliyense na banja lache: ²Rubeni, Simiyoni, Levi, na Yuda, ³Isakala, Zebuloni, na Benjemani, ⁴Dani, Nafutali, Gadi, na Aseri. ⁵Wanthu wense omwe akhali wakubaliwa na Yakobo akhali makumi manomwe. Yosefe akhali kale ku Iguputo.⁶Tsono Yosefe, abale wache wense, na m'badwo wense adafa. ⁷Soma wanthu wa Aisarayeri adabalana, achi thumizirika chilewengero, achikula, chikhala pomwe na mphamvu zizinji; dziko lense lidadzala na iwo.⁸Tsapano mfumu ipsa idapita kutonga Aiguputo, m'bodzi omwe iye akha dziwa lini bza Yosefe. ⁹Iye adalewa kuna wanthu wache, ''Nyanga'nani, wanthu wa Isarayeri ali kuwanda pa chilewengero ndipo anamphmvu kuposa ife. ¹⁰Bwerani, tiwachenjerere omwewa, thangwe iwowa aniyenda achithumizirika pa chilewengero, nakuti penu kunibwera nkhondo, omwewa adza phatanidzana na adani wathu, achi menyana nafe, achichoka mdziko muno.''¹¹Terepo iwo adawayikhira akulu kuti wanyang'anire iwo nakuwaphatisa basa lakuwawa. Aisarayeri adamumangira Farao miyi yakusungira bzinthu: Pitomu na Ramese. ¹²Soma ninga momwe Aiguputo akhawa zunzira, ni momwe Aisarayeri akhawandira wandira na kufalikira. Terepo Aiguputo adayamba kubonera na wanthu wa Aisarayeri.¹³Aiguputo adawa phatisa basa wanthu wa Aisarayeri la kuwazunza. ¹⁴Iwo adawabvesa kuwawa moyo wawo nakuwaphatisa lakuwawa la dongo na njedwa, na mtundu uliwense wa basa la panja. Basa lawo lense lomwe akhaphata likhali la kuzunza.¹⁵Tsono mfumu ya Aiguputo idalewa na wakubazika wa Ahaberi; dzina la m'bodzi likhali Sfura, na winango akhali Puwa. ¹⁶Iye adalewa, ''Panthawe yomwe imwe mukubazika akazi wachi Heberi, onesesani pamene ali kubala. Penu akhala ni mwana wachimuna, imwepo mumu pheretu; soma penu ni mwana wachikazi, mumuleke na moyo.'' ¹⁷Soma wakubazika wale adagopa Mulungu ndipo iwo alibe kuchita ninga momwe mfumu ya Aiguputo akhada wauzira iwo; m'malo mwache, iwo adawaleka wana wachimuna kukhala na moyo.¹⁸Mfumu ya Aiguputo idachemera wakubazika achilewa na iwo, ''Thangwe lanyi imwe mwachita bzobzi, kuwaleka na moyo wana wachimuna?'' ¹⁹Wakubazikawo adamutawira Farao, ''Akazi wachi Heberi ali lini ninga akazi wachi Iguputo. Iwo anamphamvu ambaliza kubala wabazika akanati kufika pa iwo.''²⁰Mulungu adawachengetera wakubazika omwewa. Wanthu adathumizilika achiwanda pa chilewengero achikhala nazo mphamvu zizinji. ²¹Thangwe wakubazika adagopa Mulungu, iye adawapasa mabanja yabwino. ²²Farao adatonga wamthu wache wense kuti, ''Mumba thuse m'nyanza wana wachimuna omwe atondo kubadwa kumene, soma wana wense wachikazin muwaleke na moyo.''

2¹Tsono munthu mtundu wache wa chi Levi adalowola mkazache mu Levi. ²Mkazache adakhala na mimba achibala mwana wamamuna. Pomwe iye adamuwona kuti akhali mwana wamphamvu, iye adanubisa kwa minyezi mitatu.³Soma pomwe iye alibe kukwanisa pomwe kubisa iye, iye adatenga kadengu ka nsungwi achi jeda dongo na phula. Tsono iye adayikha mwanayo momwemo achikamuyika pakati pa mitete mphepete mwa nyanza. ⁴Nana wache adayima patali kuti aone chiyani chomwe chinimu chitikira iye.⁵Mwana wachikazi wa Farao adabuluka kuti akasambe ku nyanza pomwe anyabasa wache akhafamba mphepete mwa nyanza. Iye adaona kadengu pakati pa mitete ndipo adatuma anyabasa wache kukatenga. ⁶Pomwe adafungula adaona mwana. Nyang'anani, mwanayo tchechelo likhalira. Iye adaphatiwa nsisi na iye achilewa, ''Uyu ni mwana wa Aheberi.⁷Tsono nana wache wa tchechelo adalewa kwa mwana wachikazi wa Farao, ''Ndinga yende kuka kunyang'anilani mkazi wachi Heberi kuti adzaku mamisireni mwanayu?'' ⁸Mwana wachikazi wa Farao adalewa na iye, ''Ndoko.'' Tsono dendelo lidayenda lichikatenga mayi wache wa mwanayo.⁹Mwana wachikazi wa Farao adalewa na mayi wache wa tchechelo, ''Umutenge mwanayu ukandi mamisire ine, ndipo ine nidzapasa malipiro.'' Ndipo mayiyo adamutenga mwanayo achikamu mamisira iye. ¹⁰Pamene mwanayo adakula, iye adakumu pereka iye kwa mwana wa mkazi wa Farao, ndipo iye adakhala mwana wache. Iye adamuchemera iye dzina lache Mose achilewa, ''Thangwe ine ndidachita kumunula kuchokera M'madzi.''¹¹Panthawe yomwe Mose adakula msinkhu, iye adabula kuna wanthu wache kuti akaone momwe akha bonerera. Iye adaona mu Aiguputo ali kumenya mu Heberi, m'bodzi wa wanthu wache. ¹²Iye adacheuka uku na uku, ndipo pamene iye adaona kuti kulibe wina aliyense, iye adamupha mu Aiguputoyo ndipo adafuchira thupi lache mumchenga.¹³Iye adabula mangwana yanzache, napo, nyang'anani, azimuna awiri wachi Heberi akha menyana. Iye adalewa kuna m'bodzi omwe akhali wakuphonya, ''Thangwe lanyi iwe uli kumu menya mwanzako?'' ¹⁴Soma munthu ule adalewa, ''Mbani omwe adakuikha kuti ukhale mkulu waku mbatiweruza ife? Apa ukukumbuka bzakuti undiphe ninga momwe udamuphera mu Aiguputo ule?'' Tsono Mose adabva mantha achilewa, ''Chomwe ine nidachita chile chidadziwika na winango.¹⁵Tsapano pamene Farao adabva bzobzi, iye akhafuna kumupha Mose. Soma Mose adathawa kwa Farao ndipo adakakhala kudzikom la Midiyani. Kumweko iye adakhala pansi pa mchera. ¹⁶Tsapano wansembe wachi Midiyani akhana wana wache wachikazi achanu na awiri. Iwo adabwera, kudzatunga madzi, ndipo adadzaza bzakumwera kuti amwesere thimu la babawo. ¹⁷Padabwera abusa achiyamba kuwa thamangisa iwo, soma Mose adyenda chikawa thandiza iwo. Kinangoka iye adamwesera thimu lao.¹⁸Pamene atsikana adafika kwa Rehueli babawo, iye adalewa, ''Thangwe lanyi lero mwakulumiza kubwera kumuyi?'' ¹⁹Iwo adalewa, ''Munthu mu Aiguputo watichilidza ife kwa abusa. Komanso iye watitha ndiza kutinga madzi naku mwesera thimuli. ²⁰Iye adalewa kuna wana wache wachikazi, ''Tsono iye ali kuponi? Thangwe lanyi imwe mwamusiya munthu umweyu? Kamuchemereni iye adzadye na kumwa nafe.''²¹Mose adatawira kuti akhale naye munthu umweyu, omwe iye pomwe adamupasa mwanache mkazi Zipora kuti alowore. ²²Iye adabala mwana wa mamuna, ndipo Mose adamuchemera iye dzina lache Geresoni; iye adalewa, ''Ndakhala mulendo mudziko la wene kechilo.''²³Pakumala nsiku zizinji, mfumu ya Aiguputo idafa. Wanthu wa Aisarayeri adabulusa moyo thangwe lakuphatisiewa basa lakuwawa. Iwo adalira kukumbira kuthandiziwa, na kulira kwao kudakwira kwa Mulungu thangwe la kubonera kwao. ²⁴Pamene Mulungu adabva kung'ung'udzika kwawo, Mulungu adakumbuka pangano lache lomwe adapangana na Abulahamu, na Isaki, na Yakobo. ²⁵Mulungu adaona wanthu wa Aisarayeri, ndipo iye adadziwa kubonenera kwao.

3¹Tsapano Moseakhali akudyesera thimu la mabzala wache Yetero, wansembe waku Midiyani. Mose adatsogoza thimulo kutali kwa chipululu achikafika ku phili la Mulungu, ku Horebu. ²Kumweko mngero wa Yahova adamuonekera iye mchitsamba chakugaka moto. Mose adanyang'ana, nyang'anani, chitsambacho chikhagaka, soma chitsambacho chikhapsa lini. ³Mose adalewa, ''Ine ndikuyenda ndikaone chinthu chakudabwisachi, thangwe chitsambachi chikupsa lini tani.''⁴Pamene Yahova adaona kuti iye wapambuka kuaona, Mulungu adamuchemera iye mchitsambamo adalewa, ''Mose, Mose,'' Mose adalewa, ''Ndili pano ine.'' ⁵Mulungu adalewa, ''Nampodi kufendera pafupi! Khundula nsapato zako kunzayo kwako, thangwe mbuto yomwe iwe wayimayo ni mbuto yangu yakupambiliwa.'' ⁶Iye adathumizira kulewa, ''Ine ndine Mulungu wa babako, Mulungu wa Abulahamu, Mulungu wa Isaki, na Mulungu wa Yakobo.'' Tsono Mose adafunikiza nkhope yache, thangwe iye adagopa kunyang'ana Mulungu.⁷Yahova adalewa, ''Ine ndaonesesa kubonera kwa wanthu wangu omwe lai ku Aiguputo. Ine ndabva kulira kwao thangwe laku fulumiza, nakuti ine ndikudziwa bza kubonera kwao. ⁸Ine ndabuluka kubwera kudzawa tsudzula iwo m'manja mwa Aiguputo na kuwatenga iwo kumweko kuyenda nawo ku dziko labwino, dziko likulu, dziko lakufamba mkaka na uchi; mbuto ya Akanani, Ahiti, Aamori, Aperezi, Ahivi, na Ayebusi.⁹Tsapano kulira kwa wanthu wa Aisarayeri kwafika kuna ine. Chikhalirecho, ine ndaona momwe Aiguputo ali kuwa zunzira iwo. ¹⁰Tsapano, ine ndikuku tuma iwepo kwa Farao kuti iwepo ukawatenge wanthu wangu, wanthu wa Aisarayeri, abule mu Aiguputo.''¹¹Soma Mose adalewa kwa Mulungu, ''Ndine yani ine pano kuti ndiyende kwa Falao kukatenga wanthu wanthu wa Aisarayeri kuchekera ku Aiguputo?'' ¹²Mulungu adatawira, ''Ine nidzakhala na iwepo. Ichi chidzakhala chizindikiro kwa iwe kuti ine ndakutuma iwe. Panthawe yomwe iwe udzawachosa wanthu ku Aiguputo, imwe mudzandi namatira ine pa phiri pano.''¹³Mose adalewa kwa Mulungu, ''Pamene ine ndiniyenda kwa wanthu wa Aisarayeri kukawauza iwo, 'Mulungu wa makolo yanu wandituma ine kwa imwe,' pomwe iwoamkalewa kwa ine, 'Iye dzina lache mbani?' Ine nimkawatawira tani omwewa?'' ¹⁴Mulungu adalewa kwa Mose, ''INE NDINE OMWE NDIRI INE.'' Mulungu adalewa, ''Iwepo ukalewe kuna wanthu wa Aisarayeri, 'INE NDINE wandi tuma ine kwa imwe.''' ¹⁵Mulungu adalewa pomwe na Mose, ''Ukawauze wanthu wa Aisarayeri, 'Yahova Mulungu wa makolo yanu, Mulungu wa Abulahamu, Mulungu wa Isaki, na Mulungu wa Yakobo, wandituma ine kwa imwe. Ili ni dzina langu la nthawe zense, ibzi ndibzo nimbachita pakukoya kukumbukira mibadwo yense.'¹⁶Lamuka ukagwezeke pabodzi akuluakulu wense wa Aisarayeri. Ukalewe na iwo, 'Yahova, Mulungu wa makolo yanu, Mulungu wa Abuluhamu, wa Isaki, na wa Yakobo, wandionekera ine ndipo walewa, ''Chadidi ine ndakuonani ndipo ndaona bzomwe bzakuchitikirani imwe mu Aiguputo. ¹⁷Ine ndikuku lonjezani kukukwizani imwe kuchoka m'mazunzo ya Aiguputo kukaku pitisani m'dziko la Akanani, Ahiti, Aamori, Aperezi, Ahivi, na Ayebusi, dziko laku yerera mkaka na uchi.''' ¹⁸Iwo amkakubvera iwepo. Iwe na akuluakulu wa Aisarayeri mukayende kwa mfumu ya Aiguputo, ndipo iwepo ukalewe nayo iyo, 'Yahova, Mulungu wa Aheberi, ife tagumana naye. Tilekeni tichoke ulendo bwa nsiku zitatu mchipululu, kuti ife tikamuphere nsembe Yahova, Mulungu wathu.'¹⁹Soma ine ndikudziwa kuti mfumu ya Aiguputo idzakubvuma lini iwepo kuti uyende kupambula na boko langu la mphamvu. ²⁰Ine nidzafika na boko langu na kumenya Aiguputo na bzakudabwisa bzense bzomwe ine nidzachita pakati pao. Pakumala kwa bzobzi, iye adzaku bvumani kuti muyende. ²¹Ine nidzawapasa ufulu wanthu omwewa pamaso pa Aiguputo, soma pamene imwe mudzabula, mudza bula lini wakusaya chinthu. ²²Mkazi aliyense adzabvunze bzakukomesera bza siliva na golide na bzakubvala kuchokera kwamkazi mwayache wachi Aiguputo mulendo wachikazi omwe akukhala naye nyumba ibodzi. Imwe mudzabvazike nabzo wana wanu wachimuna na wana wanu wachikazi. Na njira imweyi mudza kolola bza Aiguputo.''

4¹Mose adatawira, ''Soma penu iwo amkandi khulupira lini pinango kundibvera mafala yangu m'malo mwache mkulewa, 'Yahova alibe kukuonekera iwe?'' ²Yahova adalewa kwa iye, ''Nchiyani chomwe chili kuboko lako? Mose adatawira, ''Ni mpsimbo.'' ³Yahova adalewa, ''Uyithuse iyo pansi.'' Mose adayithusa pansi, ndipo iyo idasanduka nyoka. Mose adayi thawa.⁴Yahova adalewa na Mose, ''Futhula boko lako ndipo uyiphate nchira.'' Napo iye adafuthula boko lache achiyi phata nyokayo. Ndipo idakhala pomwe mpsimbo m'manja mwache. ⁵Ibzi ndibzo iwo akakhulupirire kuti Yahova, Mulungu wamakolo yawo, Mulungu wa Abulahamu, Mulungu wa Isaki, Mulungu wa Yakobo, wakuoneka kwa iwe.''⁶⁷Yahova adalewa pomwe na iye, ''Tsapano ikha boko mphwaphwa mwako.'' Napo Mose adayikha boko lache mphwaphwa mwache. Pamene iye adalichosa ilo, nyang'anani, boko lache likhana mapere, likhali lakumbuka ninga dotha lakutota. Yahova adalewa, ''Ikha pomwe boko lako mphwaphwa.'' Ndipo Mose adayikha pomwe boko lache mphwaphwa, ndipo pamene iye adalichosa, iye adaona kuti likhali lakuchiziwa pomwe, ninga momwe likhaliri thupi lache.⁸Yahova adalewa, ''Penu iwo amkakukhulupira lini iwepo__penu iwo amkakubvera lini na chizinindikiro champhamvu chakutoma pinango kukhulupira, kinangoka iwo adzakhulupira na chizindikiro cha chipiri. ⁹Penu iwo adzakhulupira lini bzizindikiro bza mphamvu bziwiri bzensebzi, pinango kukubvera iwe, kinangoka ukatenge madzi yakuchokera mu mkulo ukayathire pansi pakuuma. Madzi yomwe iwe wayatengayo yadzasanduka mulopa pansi pakuumapo.''¹⁰Kinangoka Mose adalewa kwa Yahova, ''Mbuya, ine ndikanati kale kusewera, pinango dzulo pinango pamene imwe mukusewra na nyabasa wanu. Ine nimbataza kusewera napo lilime langu ndakulemera.'' ¹¹Yahova adalewa na iye, ''Mbani omwe adakonza mkamwa mwa munthu? Mbani adakonza munthu wakusaya kusewera pinango wakusaya kubva pinango wakuona pinango zimola? Neye ine, Yahova? ¹²Tsono tsapano ndoko, ndipo ine nidzakhala na mulomo wako ndipo nidzaku pfunzisa chomwe iwe uka sewere.'' ¹³Soma Mose adalewa, ''Mbuya, ndikukumbira wina aliyense, aliyense omwe imwe mukumufuna kumutuma.''¹⁴pamwepo Yahova adabva ukali na Mose. Iye adalewa, ''Tsono tani bza Aroni, m'bale wako, mu Levi? Ndiku dziwa kuti angakwanise kusewera bwino. Chensecho, iye akubwera kuti ugumane naye, ndipo pamene iye amkuona iwe, iye anikomedwa mu mtima mwache. ¹⁵Iwe unisewera naye uchimiuuza mafala yakuti alewe mkamwa mwache. Ine nidzakhala mkamwa mwako mkamwa mwache, ndipo ine nidzaku pfunzisani mwense bzomwe mudzachite. ¹⁶Iye adzasewera kwa wanthu m'malo mwa iwepo. Iye adzakhala kwa iwe ninga mkamwa, na iwe udzakhala ninga Mulungu kwa iye. ¹⁷Iwe umdzatakula mpsimboyi m'manja mwako, na imweyi iwe udzachita bzizindikiro.''¹⁸Tsono Mose adabwerera mkhuyenda kwa Yetero mabzala wache achilewa kwa iye, ''Ndilekeni ine ndiyende ndi bwerere kuna abale wangu omwe ali ku Aiguputo ndikawa one penu iwo akana moyo.'' Yetero adalewa kwa Mose, ''Ndoko na mtendere.'' ¹⁹Yahova adalewa kwa Mose aliku Midiyani, ''Ndoko, bwerera ku Aiguputo, thangwe wanthu wense omwe akhafuna kuyezeza kutenga moyo wako adamala kufa.'' ²⁰Mose adatakula mkazache na wana wache amuna achiwa pakiza pa bulu. Iye adabwerera kuyenda kudziko la Aiguputo, ndipo iye adatakula mpsimbo ya Mulungu m'manja mwache.²¹Yahova adalewa kwa Mose, ''Panthawe yomwe iye ukubwerera kuyenda ku Aiguputo, uka onesese kuti ukachite bzakudabwisa bzense pamaso pa Farao bzomwe ndabziika m'manja mwako. Soma ine nidzaumisa mtima wache, iye adzabvuma lini kuleka wanthu kuti ayende. ²²Iwe udzalewe kwa Farao, ''Ibzi ni bzomwe Yahova walewa: Isarayeri nio mwana wangu, wakutoma kubala, ²³napo ndikulewa kwa iwe, ''Leka wana wangu ayende, kuti iye anditumikire ine.'' Soma iwe ukalamba kuwabvuma iwo kuyanda, ine nidzamupha mwanako, wakutoma kubala'''²⁴Tsapano ali munjira, panthawe yomwe iwo adayima kutadoka, Yahova adagumana na Mose achifuna kumupha iye. ²⁵Soma Zipora adatenga chisu cha mwala achigwata khanda la mwanache wamamuna, achiphata nalo nzyozache. Tsono iye adalewa, ''Chadidi iwe ndiwe bayangu wa mulopa.'' ²⁶Ndipo Yahova adamuleka iye yekha. Mkaziyo adalewa, ''Iwe ndiwe bayangu wa mulopa'' thangwe la mgwatiwe.²⁷Yahova adalewa kwa Aroni, ''Ndoko ku chipululu kuti ukagumane na Mose.'' Aroni adayenda, adagumana naye iye pa phiri la Mulungu, achimu psopsona iye. ²⁸Mose adamuuza mafala yense ya Yahova kuti iye wamutuma kuti alewe na bzizindikiro bzense bzamphabvu ya Yahova kuti iye wamulamula kuti abzichite.²⁹Pamwepo Mose na Aroni adayenda achiwagwezeka pabodzi akulu wense wa wanthu wa Aisarayeri. ³⁰Aroni adasewera mafala yense yomwe Yahova adasewera na Mose. Iye adawa onesera bzizindikiro bza mphamvu ya Yahova pamaso pa wanthu. ³¹Wanthu adakhulupira. Pamene iwo adabva kuti Yahova adawakumbuka wanthu wa Aisarayeri nakuti iye waona kubonera kwao, iwo adagodama pansi achipempherera iye.

5¹Bzitamala kuchitika bzinthu bzimwebzi, Mose na Aroni adayenda kwa Farao achilewa, ''Ibzi nibzomwe Yahova , Mulungu wa Aisarayeri, walewa: 'Leka wanthu wangu ayende, kuti iwo akandichitere bza madyerero m'chipululu.'' ²Farao adalewa, Yahova mbani? Thangwe lanyi kuti ine ndikamubvere fala lache na kubvuma Aisarayeri kuyenda? Ine nimbamudziwa lini Yahova; chensecho, ine ninga bvume lini Aisayeri kuyenda.''³Iwo adalewa, ''Mulungu wa Ahebriife tagumana naye. Bzumani ife tiyende ulendo bwa nsiku zitatu m'chipululu na kuthira nsembe kwa Yahova Mulungu wathu kuti iye nampodi atidzonge na Muliri pinango lupanga.'' ⁴Soma mfumu ya Aiguputo idalewa na iwo, ''Mose na Aroni , thangwe lanyi ukutenga wanthu ku basa lawo? Ndoko bwerera kubasa kwako.'' ⁵Farao adalewa pomwe, ''Tsapano alipo wanthu azinji mdziko mwathu, tsono iwe ukukonza kuwayimisa iwo basa lawo.''⁶Nsiku yokhayokhayo, Farao adapereka lamulo kwa wanthu wakufulumizisa basa na wakunyang'ananira. Iye adalewa, ⁷''Bzinthu bzisinthe, napodi kuwapasa pomwe wanthu upsa pakukonza njedwa. Muwaleke iwo ayende ambamwete okha upsa. ⁸Komanso, mupilize kuwa lewengera njedwa zomwe akhaumba patsiku ninga momwe akhaumbira kalekale. Napomdi kuwa chepesera, thangwe omwewa akuchita utofu. Nithangwe lache iwo akukuwa na kulewa, 'Tibvumeni ife kuti tiyende nakuchita nsembe kwa Mulungu wathu.' ⁹Muwathumizire basa lawo wanthuwo kuti iwo amba koye nakusaya kupereka ulemu ku mafala yakunama.''¹⁰Tsono wanthu waku phatisa basa na wakunyang'anira adayenda kunja kukawa dziwisa wanthu. Iwo adalewa, ''Ibzi nibzomwe Farao walewa: 'Ine nidzabvuma lini pomwe kukupasani imweupsa. ¹¹Imwepo mwekha mumbayende kunyang'anaupsa kuli kwense komwe imwe mukabuone, soma basa lanu liribe kuchepesewa.'''¹²Tsono wanthu adamwazikana m'dziko lense la Aiguputo kunyang'ana mphuthu za upsa. ¹³Wakuphatisa basa adapitiliza kuwa ngingimiza iwo achilewa, ''Mumalize basa lanu, ninga momwe imwe mukhapasiwa upsa.'' ¹⁴Anyabasa wa Farao adawamenya wakuyang'anira, omwe akhali wanthu wa Aisarayeri, wanthu okhaokhawo omwe iwo adawayika kukhala wakuyangánira anyabasa. Wakupatisa basa adapitiriza kuwabvunza iwo, ''Thangwe lanyi mulibe kuumba njedwa zense zomwe zikhafunika na imwe, pinango dzulo na lero, ninga momwe mukhachitira m'mbuyomu?''¹⁵Tsono wakunyang'anira, omwe akhali wanthu waAisarayeri, adyenda kwa Farao achilira kwa iye. Iwo adalewa, ''Thangwe lanyi imwepo mukuzunza anyabasa wanu terepayu? ¹⁶Palibe upsa bomwe bukuperekewa kuna anyabasa wanu, soma iwo akutiuza ife, 'Umbani njedwa!' Ife, anyabasa wanu, tikumenyiwa powe tsapano, soma uku ni kuphonya kwa wanthu wanu.'' ¹⁷Soma Farao adalewa, ''Ndimwe atofu! Ndimwe atofu! Imwe mukulewa, 'Tibvumeni ife tiyende tikaphere nsembe kwa Yahova.' ¹⁸Tsono tsapano ndokoni mukaphate basa. Palibe pomwe upsa kuti bumperekiwa kwa imwe, soma imwe mumba phate basa nakukwanisa chilewengero cha njedwa.''¹⁹Wakunyang'anira basa, omwe akhali wanthu wa Aisarayeri, adawona kuti iwo ali pachuzunzo pomwe iwo adauziwa, ''Imwe mukuchoserewa lini chilewengero cha njedwa nsiku na nsiku.'' ²⁰Iwo adagumana na Mose na Aroni, omwe akhadayima panja pa nyumba ya chifumu, pomwe iwo akhabula kuchokera kwa Farao. ²¹Iwo adalewa kwa Mose na Aroni, ''Yahova akunyang'aneni imwe na kukulangani imwe, thangwe imwe mwakonza kuti ife tibonere pamaso pa Farao na anyabasa wache. Imwe mwayikha lupanga m'manja mwao kuti atiphe ife.''²²Mose adabwerera kuyenda kwa Yahova achilewa, ''Mbuya, thangwe lanyi imwe mukuwachitira chakuipa wanthuwa? Thangwe lanyi imwe mwandituma ine pambuto yakutoma? ²³Kuyambira pomwe ine ndidafika kwa Farao kulewa naye iye m'dzina lanu, iye adayamba kuboneresa wanthu, imwe mukuwa tchinjiridza lini wanthu wanu kuti atsudzuke.''

6¹Tsono Yahova adalewa kwa Mose, ''Tsapano iwe udzaona chomwe ine nidzachita kwa Farao. Iwe udzachiona chimwechi, nakuti iye adzawabvuma iwo kuyenda thangwe la boko langu la mphamvu. Thangwe la boko langu la mphamvu, iye adzawa thangisira iwo kudziko lawo.''²Mulungu adasewera kwa Mose achirewa kwa iye, Ine ndine Yahova. ³Ndidawonekera kwa Abulahamu, kwa Isaki, na kwa Yakobo ninga Mulungu wa Mphamvuyense; soma bza dzina langu, Yahova, ndiribe kudziwika nalo kwa iwo. ⁴Ine ndidakhazikisana nawo pangano iwo, kuwapasa iwo dziko la Kanani, dziko lomwe iwo adzakhala alendo. ⁵Chensecho, ine ndabva kubuula kwa wanthu wa Aisarayeri omwe wanthu wa Aiguputo awayesa anyabasa, ine ndabwera kukumbuka chipangano changu.⁶Thanwe lache sewera na wanthu wa Aisarayeri, 'Ine ndine Yehova. Nidzakuchosani imwe kuchoka pansi pa ukapolo bwa Aiguputo, ndipo nidzaku tsudzulani imwe ku mphamvu yawo. Ine nidzaku pulumusani imwe na mphamvu yangu, na mayeruziwe yangu makulu. ⁷Ine nidzaku tengani imwe ndekha ninga wanthu wangu, ndipo ine nidzakhala Mulungu wanu. Imwe mudzadziwa kuti ine ndine Yehova Mulungu wanu, omwe ndakuchosani imwe kuchoka pansi pa ukapolo bwa Aiguputo.⁸Ine nidzakutengerani kudziko lomwe ine ndidalumbira kulipereka kwa Abulahamu; kwa Isaki, na kwa Yakobo. Ine nidzalipereka kuna imwe ninga lanulanu. Ine ndine Yahova.''' ⁹Pamene Mose adalewa bzob'zi kwa wanthu wa Aisarayeri, iwo alibe kumubvera iye thangwe la kuwawidwa mtima na bzaukapolo bzakunyanya.¹⁰Tsono Yahova adalewa kwa Mose, achilewa, ¹¹''Ndoko ukamuuze Farao, mfumu ya Aiguputo, kuti aleke wanthu wa Aisarayeri ayende kudziko lakwao.'' ¹²Mose adalewa kwa Yahova, ''Penu wana wa Aisarayeri akundibvera lini ine, Farao amkandibvera tani ine, nanji ine nimba kwanisa lini sewera?'' ¹³Yahova dasewera kwa Mose na kwa Aroni. Iye adawapasa iwo lamulo la wanthu wa Aisarayeri na la Farao mfumu ya Aiguputo, kuti achose wanthu wa Aisarayeri m'dziko la Aiguputo.¹⁴Awa ndiwo akhali akuluakulu wabanja yawo: Wana chimuna wa Rubeni, wakutoma kubadwa wa Aisarayeri, akhali Hanoki, Palu, Hezironi, na Karimu. Awa ndiwo akhali azukulu wache wa Rubeni. ¹⁵Wana wachimuna wa Simiyoni akhali Yemuyeri, Yamini, Ohadi, Yakini, Zohari, na Sauli__mwana wachimuna omwe mayi wache akhali Mkanani. Awa ndiwo akhali azukulu wache wa Simiyoni.¹⁶Aya ndiyo madzina ya wana wachimuna wa Levi, malingana na m'badwo wao. Iwo akhali Geresoni, Kohati, na Merari. Levi adakhala na moyo kufikizana iye akhana magole dzana libodzi na makumi matatu kudza bzinomwe (137) bzakubadwa. ¹⁷Wana wachimuna wa Geresoni akhali Libni na Simeyi, malingana na mabanja yawo. ¹⁸Wana wachimuna wa Kohati akhali Amramu, Izara, Hebroni, na Uziyeri. Kohati adakhala na moyo kufikizana iye akhana magole dzana libodzi na makumi matatu kudza bzitatu (133) bzakubadwa. ¹⁹Wana wachimuna wa Merari akhali Mahili, na Musi. Aya ndiyo yakhali mabanja na azukulu wa Levi, pabodzi na m'badwo wao.²⁰Amramu adalowola Yokobedi, Mfumakazi ya babache. Iye adamubalira iye Aroni na Mose. Amramu adakhala na moyo magole dzana libodzi makumi matatu na bzinomwe (137) kinangoka iye adafa. ²¹Wana wachimuna wa Izara akhali Kora, Nefegi, na Zikiri. ²²Wana wachimuna wa Uziyeri akhali Misayeli, Elisafani, na Sitiri.²³Aroni adalowola Eliseba, mwana wachimkazi wa Aminadabu, mfumakazi yache ya Nasoni. Iye adamubalira iye Nadabu na Abihu, Eleazara, na Itamara. ²⁴Wana wachimuna wa Kora akhali Asiri, Elikana, na Abiasafu. Omwewa ndiwo akhali banja na azukulu wa Kora. ²⁵Eleazara, mwana wa chimuna wa Aroni, adalowola mwana m'bodzi wachikazi wa Putieli. Iye adamubalira iye Finiyasi. omwewa ndiwo akhali akuluakulu wa misolo ya mabanja pakati pa Levi, kutengera na mabanja yawo.²⁶Wanthu awiri omwewa ni Aroni na Mose omwe Yahova adalewa, ''Chosani wanthu wa Aisarayeri mdziko la Aiguputo, mwa mtundu mwao.'' ²⁷Aroni na Mose adasewera kwa Farao, mfumu ya Aiguputo, kuti awatawire iwo kuchosa wanthu wa Aisarayeri kuachoka mu Aiguputo. Omwewa akhali okhaokhawa Mose na Aroni.²⁸Pamene Yahova adasewera kwa Mose mdziko la Aiguputo, ²⁹iye adalewa kwa iye, Ine ndine Yahova. Lewa kwa Farao, mfumu ya Aiguputo, chilichense chomwe ine nidzakuuza iwepo.'' ³⁰Soma Mose adalewa kwa Yahova, ''Ine nimbakwanisa lini kusewera bzadidi, tsono Farao adzandibvera tani inepano?''

7¹Yahova adalewa kwa Mose, ''Nyang'ana, ine ndakuika iwepo ninga mulungu kwa Farao, Aroni m'bale wako adzakhala ninga mneneri. ²Iwepo udzasewera chinthu chilichense chomwe ine ndakulamula kuti usewere. Aroni m'bale wako adzasewera kwa Farao tenepo iye adzabvuma wanthu wa Aisarayeri kuyenda kuchoka mdziko lache.³Soma ine nidzaumisa mitima yawo, ndipo ine nidzaonesa bzizindikilo bzizinji bza mphamvu yangu, bzakudabwisa bzizinji, mdiko la Aiguputo. ⁴Soma Farao adzakubvera lini iwepo, tsono ine nidzayika boko langu pa Aiguputo nakuchosa mtundu wangu, wanthu wangu, wanthun wa Aisarayeri, kuwachosa mdziko la ⁵Aiguputo na bzakuchita bza chiyeruzo changu chikulu. Aiguputo adzadziwa kuti ine ndine Yahova pamene ine nidzafika na boko langu mu Aiguputo naku chosa wanthu wa Aisarayeri kuchoka pakati pawo.⁶Mose na Aroni adchita bzobzo; iwo adachita ninga yahova adawalamulira iwo. ⁷Mose akhana magole makumi machanu na matatu kudza bzitanthatu (86) yaku badwa, na Aroni akhana magole makumi machanu namatatu kudza bzitatu (83)yaku badwa pamene iwo adalewa na Farao.⁸Yayova adalewa kwa Mose na kwa Aroni, ⁹''Pamene Farao akhalewa kwa imwe, 'Chitani chakudabwisa,' kinangokaiwepo ukhalewa kwa kwa Aroni, 'Tenga psimbo yako ndipo uthuse pansi pamaso pa Farao, tsono iyo idzasanduka nyoka.''' ¹⁰Kinangoka Mose na Aroni adayenda kwa Farao, ndipo iwo adachita ninga Yahova adawalamulira. Aroni adathusa psimbo yache pamaso pa Farao na anyabasa wache, ndipo iyo idasanduka nyoka.¹¹Kinangoka Farao adachemerambo wanthu wache wanzeru na wabzamatsenga. Iwo adachitambo bzinthu bzokhabzokhabzo na matsenga yawo. ¹²Munthu aliyense adathusa pansi mpsimbo yache, ndipo mpsimbozo zidasanduka nyoka. Soma mpsimbo ya Aroni idakhudyula nyoka zense. ¹³Mtima wa Farawo udaumisisa, ndipo iye alibe kuwabvera, ninga Yahova adawauzira.¹⁴Yahova adalewa kwa Mose, ''Mtima wa farao udauma, ndipo iye akulamba kubvuma wanthu kuyenda. ¹⁵Uyende kwa Farao machibese pamene iye akuyenda kumadzi. Ukayime mphepete mwa mkulo ukagumane naye, ndipo ukatakule m'manja mwako mpsimbo yomwe idasanduka nyokayi.¹⁶Ukalewe kwa iye, 'Yahova, Mulungu wa Ahebri, wandituma ine kwa iwe kuti ndidzalewe, ''Bvuma wanthu wangu ayende, kuti iwo akanditumikire m'chipululu. Ateye tsapano iwe ukubva lini.'' ¹⁷Yahova walewa ibzi: ''Naibzi iwepo udzadziwa kuti ine ndine Yahova. Ine nidzamenya madzi ya mumkulo wa Nile na mpsimbo yomwe ili kuboko langu, ndipo mkulo wense udzasanduka mulopa. ¹⁸Nsomba zense zomwe ziri mumkulo zidzafa, ndipo mkulo udzanunkha. Aiguputo adzakwanisa lini kumwa madzi yakuchoka mumkulomo.'''''¹⁹Kinangoka Yahova adalewa na Mose, ''Lewa na Aroni, 'Tekula mpsimbo yako ndipo uyiphate mwanja mwako ukhuye madzi ya Aiguputo, yamu nyanza mwawo, yamkulo, yam'mathawale, na yamichera yao yense, kuti madzi yawo yasanduke mulopa. Chita bzobzi kuti palipense pasanduke mulopa dziko lense la Aiguputo, neye penu mubzakutungira bza muti na mwala.''''²⁰Mose na Aroni adachita ninga Yahova adawalamulira. Aroni adadzusa mpsimbo ndipo adamenya madzi mumkulo, pamaso pa Farao na anyabasa wache. Madzi yense ya mumkulo yadasanduka mulopa. ²¹Nsomba za m'madzi zidafa, na mkulo wense udayamba kununkha. Aiguputo alibe kukwanisa kumwa madzi yakuchoka mumkulo, Ndipo mulopa ukhali palipense m'dziko la Aiguputo. ²²Soma anyamatsenga wa Aiguputo adachitambo bzinthu bzokhabzokhabzo na matsenga yawo. Tsono mtima wa Farao udaumisisa, ndipo iye adalamba kubvera Mose na Aroni, ninga momwe Yahova adasewerera bzidachitika.²³Kinangoka Farao adabwerera ndipo adayenda kumuyi kwache. Iye alibe na kukumbukako bzobzi. ²⁴Aiguputo wense adachera kuzungulira mkulo kunyangana madzi yakumwa, soma iwo alibe kukwanisa kumwa madzi yamumkulo okha. ²⁵Nsiku zinomwe(7) zidamala Yahova akadaphata madzi.

8¹Kinangoka Yahova dalewa kwa Mose, ''Ndoko kwa Farao ndipo ukamuuze iye, 'Yahova walewa ibzi: ''Leka wanthu wangu ayende kuti iwo akandi namatire ine. ²Penu iwe uniwalambiza iwo kuyenda, ine nidzanesa dziko lako lense na achule. ³Mikulo mudza dzala na achule. Iwo adzafika mpakana nyumba mwako, kusubi kwako, pakama pako. Iwo adzapita mnyumba za anyabasa wako. Iwo adzayenda kuna wanthu wako, mwakuphikira mwanu, nam'bzombo bzanu bzakuphikira. ⁴Achule adzakunesa iwe, wanthu wako, na anyabasa wako wense.'''''⁵Mulungu adasewera kwa Mose, ''Lewa kwa Aroni, 'Fika na boko lako na mpsimbo yako kumikulo, m'mathawale, na m'michera, na kubweresa achule dziko lense la Aiguputo.''''' ⁶Aroni adafika na boko lache kumadzi ya Aiguputo, ndipo achule adabwera achidzala bziko lense la Aiguputo. ⁷Soma wamatsenga adachitambo bzibodzibodzi na namatsenga yawo; iwo adabweresa achule dziko la Aiguputo.⁸Kinangoka Farao adachemera Mose na Aroni achilewa, '''Mundi pempherere kuna Yahova kuti andichosere achule kuna ine na wanthu wangu. Kinangoka ine nidza bvuma wanthu kuyenda, kuti iwo akaphere nsembe iye.'' ⁹Mose adalewa kwa Farao, ''Ulemu ni bwanu kwa ine. Niliti lomwe ndipemphere kwa imwe, kuna anyabasa wanu, na kuna wanthu wanu, kuti achule achoke kuna imwe na nyumbazanu ndipo asale mumkulo mokha?''¹⁰Farao adalewa, ''Mangwana.'' Mose adalewa, ''Lekani bzikhale ninga mwalewera, kuti imwe mudziwe kuti kulibe winango ninga Yahova, Mulingu wathu. ¹¹Achule adzachoka kuna imwe, nyumba zanu, kuna anyabasa wanu na kuna wanthu wanu. Iwo adzakakhala mumkulo mokha basi.'' ¹²Mose na Aroni adachoka kwa Farao. Kinangoka Mose adakuwa kwa Yahova kulewa bza achule omwe adawabweresa kwa Farao.¹³Yahova adachita ninga Mose adabvunzira: Achule adafa m'manyumba, panja na m'minda. ¹⁴Wanthu adawagwezeka iwo mudwimudwi, na dziko lidanunkha. ¹⁵Soma pomwe Farao adaona kuti wapuma, iye adaumisa mtima wache ndipo alibe kuwatetekera Mose na Aroni, ninga momwe Yahova adalewera kuti iye adzachita.¹⁶Yahova dalew kwa Mose, ''Lewa na Aroni, 'Fika na mpsimbo yako na kumenya pfumbi lapansi, kutiilo lisanduke nsawawa dziko lense la Aiguputo.''' ¹⁷Iwo adachita bzomwebzo, Pamene Aroni adafika na boko lache na mpsimbo yache achimenya pfumbi pansi, nsawawa zidabwera pa wanthu na bzifuwo. Pfumbi lense lapansi lidasanduka nsawawa pa dziko lense la Aiguputo.¹⁸Wamatsenga adayezeza na matsenga yawo kukonza nsawawa, soma iwo libe kukwanisa. Terepo pakhana nsawawa pa wanthu na bzifuwo. ¹⁹Kinangoka wamatsenga adalewa kwa Farao, ''Ichi ni chala cha Mulungu.'' Soma mtima wa Farao udauma, iye adalamba kuwatetekera iwo. Bzikhali ninga Yahova adalewera Farao adachita.²⁰Yahova adalewa kwa Mose, ''Umuke mwakubesera machibese ndipo ukayime patsogolo pa Farao ninga iye pakuyenda kumkulo. Ukalewe kwa iye, 'Yahova walewa ibzi: Bvuma wanthu wangu ayende kuti iwo akandi pempherere ine. ²¹Soma penu iwe unibvuma lini wanthu wangu kuyenda, ine nidzatumiza ntchentche za mizaza kuna iwe, kuna anyabasa wako, na wanthu wako, na mnyumba zako. M'manyumba mwa Aiguputo mudza dzala na ntchentche za mizaza, na pansi pomwe iwo aniyima padza dzala na ntchentche za mizaza.²²Soma nsiku imweyo ine nidza gwata malire panthaka ya Goseni, dziko lomwe wanthu akukhala, kuti kudzakhala kulibe ntchentche za mizaza kumweko. Ibzi bzidzachitika kuti iwepo udza dziwe kuti ine ndine Yahova pakati pa dzikili. ²³Ine nidzasiyanisa pakati pa wanthu wangu na wanthu wako. Chizindikiro chochi cha mphamvu yangu chidzachitika mangwana.'''''' ²⁴Yahova adachita terepo, ntchentche za mizaza zidabwera m'manyumba mwa Farao na m'manyumba mwa nyabasa wache. Mkufalikira dziko lense la Aguputo, dzikolidayipiratu thangwe la ntchentche za mizaza.²⁵Farao adachemera Mose na Aroni achilewa, ''Ndokoni, kaphereni nsembe Mulungu wanu ku dziko la kwanu'' ²⁶Mose adalewa, ''Bzabwino lini kuna ife kuchita kuterepo, thangwe nsembe yomwe ife timkonzera Yahova Mulungu wathu nichinthu chakuipa kuna Aiguputo. Penu ife tini phera nsembe yakuipa pamaso pa Aiguputo, iwo aleke kudzati thusira minyala ife? ²⁷Neye, niulendo bwa nsiku zitatu tili thengo kuti ife tikonze, malingana na nsembe ya Yahova Mulungu wathu, ninga iye adati lamulira ifde.''²⁸Farao adalewa, ''Ine nidzaku bvumani imwe kuyenda kukaphera nsembe kwa Yahova Mulungu wanu mchipululu. Imwepo nampodi kuyenderatu kutaritsa. Mundi pemphererembo ine.'' ²⁹Mose adalewa, ''Malinga ndikando kuchoka kuna iwe, nini pemphera kuna Yahova kuti achose mizaza kuna iwe, Farao, na anyabasa wako na wanthu mangwana. Soma iwepo nampodi kuchita bzachinyengo bzakunama neye kubvuma wanthu wathu kuyenda kukaphera nsembe Yahova.''³⁰Mose adachoka kwa Farao ndipo adapemphera kuna Yahova. ³¹Yahova adachita ninga Mose adakumbirira; ndipo iye adachosa mizaza kuna Farao, anyabasa wache, na wanthu wache. Palibe chomwe chidasala. ³²Soma nthawe yomwe Farao adaumisa pomwe mtima wache, ndipo iye alibe kubvuma wanthu kuyenda.

9¹Kinangoka Yahova adalewa kwa Mose, ''Ndoko kwa Farao ndipo ukamuuze iye, 'Yahova, Mulungu wa Aisarayeli wa Ahebri, walewa ibzi: ''Bvuma wanthu wangu ayende kuti akandi tumikire ine.'' ²Soma penu iwe uniwalambiza iwo kuyenda, penu iwe unipitiriza kuwakoya pomwe iwo, ³kinangoka boko la Yahova lidzakhazikika pa bzifuwo bzako bzomwe bziri kubusa, pa akavalo, pa mabulu, pa ngamira, pa ng'ombe, na thimu la bzifuwo bzing'ono bzing'ono. ⁴Soma Yahova adzasiyanisa pakati pa bzifuwo bza Aisarayeri na bzifuwo bza Aiguputo, kuti palibe nyama ya wanthu waAisarayeri ndiyo idzafa.⁵Yahova adakhazika nthawe; iye adalewa, ''Mangwana nipomwe ine ndidza chita bzinthu bzobzi padziko.'''' ⁶Yahova adachita ibzi nsiku inzachde: Ng'ombe zense za Aiguputo zidafa, soma palibe ibodzi ya wanthu wa Aisarayeri nyama ndiyo idafa, neye nyama ibodzi. ⁷Farao adapsaga psaga, ndipo, nyang'anani, pakhalibe neye ibodzi mwa bzifuwo bza wanthu wa Aisarayeri ndiyo idafa. Soma mtima wache udauma, soma iye alibe kubvuma wanthu kuti ayende.⁸Kinangoka Yahova dalewa kwa Mose na Aroni, ''Tenga dotha lutentha kwenekwene lakudzaza boko. Iwe, Mose, ulithuse dothalo mdzaulu pamaso pa Farao akuona. ⁹Ilo limdzasanduka pfumi lakunyodoka pa dziko lense la Aiguputo. Ilo lidzasandusa matuza na bzilonda bzaku thubuka pa wanthu na bzifuwo pa dziko lelense la Aiguputo.'' ¹⁰Tsono Mose na Aroni adatakula dotha lakutentha kwenekwene lire achiyima patsogolo pa Farao. Kinangoka Mose adathusa mdzaulu. Dotha lida chitisa matuza na bzilonda bzaku thubuka pa wanthu na bzifuwo.¹¹Wamatsenga adatazira kumuimisa Mose thangwe la bzilondabzo, thangwe bzilondabzo bzikhali pa iwo na Aiguputo wense. ¹²Yahova adaumisamtima wa Farao, tsono Farao alibe kubvera Mose na Aroni. Ibzi bzikhali ninga momwe Yahova adalewera kwa Mose kuti Farao adzachita.¹³Kinangoka Yahova adalewa kwa Mose, ''Umuke mwakubesera machibese, uyime pamaso pa Farao, ndipo ulewe kwa iye, 'Yahova, Mulungu wa Ahebri, walewa ibzi: ''Bvuma wanthu wangu kuyenda kuti akandi tumikire ine. ¹⁴Nakuti nthawe ino nidzatumiza miliri yangu pa iwepo wekha, pa anyabasa wako na wanthu wako. Ine nidzachita ibzi kuti kuti iwe ukadziwe kuti kulibe winango wakukhala ninga ine pa dzikolense la pansi.¹⁵Nakuti tsapano ine nidza musa boko langu ndipo nindzakumenya iwe na wanthu wako na muliri, ndipo iwe udzadzongekpa dziko la pansi. ¹⁶Soma na thangwe limweri ine nidzabvuma kuti iwe upulumuke: Kuti ndidzakuonese iwe mphamvu yangu, kuti dzina langu lidza lalikiwe padziko lense la pansi. ¹⁷Iwe uli kubzikuza wekha kugazana na wanthu wangu pakusaya kuwabvuma kuti iwo ayende.¹⁸Bvesera! Mangwana nthawe ninga ino ine nidzabweresa mbvunbi ukulu wa matalala, ninga ukanati kuoneka mu Aiguputo kuchokera nsiku udagumanika kufikira lero. ¹⁹Kinangoka tsapano, tumiza amuna ndipo ukontcheze bzifuwo bzako na bzinthu bzense bzomwe unabzo kunja pa mbuto ya bwino. Munthu aliyense na bzifuwo bzomwe bziri kunja nampodi kuti bzibwerere kumuyi__matalala yadza gwera ibzo, ndipo ibzo bzidzafa.'''''²⁰Kinangoka anyabasa wale wa Farao omwe akhagopa omwe akhagopa mafala ya Yahova adafulumiza kutenga anyabasa wao na bzifuwo bzawo mkufungira nyumba. ²¹Soma wale omwe akhabvera lini mafala ya Yahova bzachadidi adaleka anyabasa na bzifuwo bzawo kunja.²²Kinangoka Yahova adalewa na Mose, ''Fika na boko lako ulatize kudzaulu kutipakhale matalala pa dziko lense la Aiguputo, pa wanthu na pabzifuwo, na pachakumera chiri chense chakuthengo mdziko la Aiguputo.'' ²³Mose adafika na mpsimbo yache kulatiza kudzaulu, ndipo Yahova adatumiza bziphaliwali, matalala, na pansi padagaka moto. Iye adabvumbisa pomwe matalala dziko la Aiguputo. ²⁴Tsono pakhana matalala na moto wakugaka kusanganiza na matalala, bzikhali bzakugompsa, ninga bzobzi bzikanati kuoneka dziko la Aiguputo chikhalire mtundu wense.²⁵Palipense mdziko lense la Aiguputo, matalala yadamenya chinthu chiri chense chaku thengo, bzense wanthu na nyama. Adamenya chakumera chiri chense chakuthengo ndipo adathyola muti uliwense. ²⁶Dziko la Goseni lokha, komwe kukha khala wanthu wa Aisarayeri, komweko kukhalibe matalala.²⁷Kinangoka Farao adatumiza wanthu kuti akapepese Mose na Aroni. Iye adalewa kwa iwo, Inepano ndaphonya nthawe ino. Yahova niwa kulungama, ndipo ine na wanthu wangu ndife wakuipa. ²⁸Pembani kwa Yahova, thangwe mphamvu ya bziphaliwali na matalala njikulu kwenekwene. Ine nidzakubvumani imwe muyende, ndipo imwe mudza khala lini pomwe kuno.''²⁹Mose adalewa kwa iye, ''Ninga tsopanopa ine ninichoka m'muyi, ine nidza kutumula manja yangu kuna Yahova. Bziphaliwali bzidzaleka, ndipo kudzakhala kulibiretu matalala. Nanjira imweyi iwepo udzadziwa kuti dziko lapnsi nila Yahova. ³⁰Soma imwe na anyabasa wanu, ine ndikudziwa kuti imwe mudzatawiriza linki kugopa Yahova Mulungu.³¹Tsapano thonje na tirigu bzida mbwera, nakuti tirigu akhana mimba, na thonje likhana maluwa. ³²Soma tirigu na rai bziribe kuyoyoka thangwe ibzo bzikhada bzaliwa mwachedwa. ³³Panthawe yomwe Mose adalekana na Farao nam'muyi, iye adakutumala manja yache kwa Yahova; bziphaliwali na matalala bzidaleka, ndipo mvula iribe kungwa pomwe.³⁴Panthawe yomwe Faraoadaona kuti mvula, matalala, na bziphaliwali bzamala, iye adaphonya pomwe ndipo adaumisa mtima, pabodzi na anyabasa wache. ³⁵Mtima wa Farao umisisa, ndipo ioye alibe kubvuma wanthu wa Aisarayeri kuyenda, ninga momwe Yahova adasewerera m'manja mwa Mose.

10¹Yahova adalewa kwa Mose, ''Ndoko kwa Farao, thange ine ndaumisa mtima wache namitima ya anyabasa wache. ine ndachita ibzi kuti ine ndioenese bzilatizo bza mphamvu yangu pakati payiwo. ²Ine ndachita pomwe ibzi kuti imwe muwauze wana wanu na bzizukulu bzanu bzimthu bzomwe ine ndachita, ine ndawachanga tani Aiguputo, na ine ndawapasa tani bziratizo bzakusiyana siyana bza mphamvu yangu payiwo. Nanjira imweyi imwe mudzadziwa kuti ine ndine Yahova.''³Tsono Mose na Aroni adayenda kwa Farao ndipo adalewa kwa iye, ''Yahova, Mulungu wa Ahebri, walewa ibzi: 'Munitenga nthawe yaku tanimpha tani ukulamba kubzichepesa wekha pamaso pangu? Bvuma wanthu wangu ayende akandi tumikire. ⁴Soma penu ukufuna kulambiza kubvuma wanthu kuyenda, bvesera, mangwana ninzabwera na dzombe dziko lako.⁵Napo ilo linzamphsinkha pansi pense tenepo panzakhala lini munthu wakukwanisa kuona dziko. Ilo linzadya bzakusalira bzomwe bzidapulumuka kumatala. Ilo linzadya pomwe muti uliwense omwe udakuphukilani kuthengo. ⁶Linzadzaza m'manyumba mwanu, mwa anyabasa wanu, na mwa Aiguputo wense__chinthu chomwe babanu pinango ayavu wanu anati kuchiona, chinthu ndicho chinati kuoneka kuchokera nsiku yakutoma kulengiwa dziko ateye nsiku ya lero.'' Kinangoka Mose adachoka kubula kuna Farao.⁷Anyabasa wa Farao adalewa kuna iye, ''Ninthawe yakutalika tani ndiyo munthu umweyu anzaleka kutiteyera milapu? Abvumeni wanthu wa Aisraeri ayende kuti akanamatire Yahova Mulungu wao. Apa imwe mukudziwa lini kuti wanthu wa Aiguputo alikudzongeka?'' ⁸Mose na Aroni awabweresa pomwe kuna Farao, mbani alewa kuna iwo, ''Ndokoni mukanamatire Yahova Mulungu wanu. Soma wanthu anzayenda kuponi?''⁹Mose adalewa, ''Ife tinzayenda na wana wathu na nkhalambazathu, na wana wathu wacvhimuna na wana wathu wa chikazi. Tinzayenda na mabira na ng'ombe zathu, thangwe ife tinzachita madyo ya Yahova.'' ¹⁰Farao adalewa kuna iwo, ''Yahova akhale namwe, penu nimkubvumani kuyenda na wanawanu. Nyang'anani, muna chakuipa mumtima mwanu. ¹¹Nampodi! Kuyenda, na amuna akulu anaimwe, na kunamatira Yahova, thangwe bzobzi ndibzo mukufuna.'' Kinangoka Mose na Aroni adathangisiwa pankhope ya Farao.¹²Kinangoka Yahova adalewa kuna Mose, ''Futhula boko lako kudziko la Aiguputo kuna bziwala, bzomwe bzinzadzonga dziko lense la Aiguputo lichidzadya chakumera chilichense chili momwemo, nachilichense chomwe chidasala kumatala.'' ¹³Mose adafika na mphsimbo yache kudziko la Aiguputo, napo Yahova adabwera namkuthuntho wa kuchokera kumachibese tsiku lense na usiku bwense. Pomwe kukhafika kumachibese, mphepo yakumachibese idabweresa bziwala.¹⁴Bziwala bzidayenda bzichifala dziko lense la Aiguputo napo bzidambutha m'malire mwense mwa dzikolo. Bzikanati kuchitika kale nakale lense thimu la bziwala ninga bzomwebzi padziko, ndipo bzinzaoneka lini pomwe ninga bzimwebzi. ¹⁵Bzidamphsinkha pansi pense ndipo pakhana mdima. Bzidadya bzakumera bzapa dziko na bzipatso bzam'miti bzomwe bzidasala kumatalala. Kuzungulira dziko lense la Aiguputo, palibe chakumera chakubiriwira ndicho chidasala, pinango muti uliwense pinango bzitsamba bzamthengo.¹⁶Kinangoka Farao kamfulumize adachera Mose na Aroni achilewa, ''Ndaphonyera Yahova Mulungu wanu na imwepo. ¹⁷Napo tsapano, ndikhululukireni kuphonya kwangu nthawe yino, nakupemba kuna Yahova Mulungu wanu kuti iye atichosere chakupha chimwechi kuna ine.'' ¹⁸Tenepo Mose adabula kuchoka kunaFarao achikumbira kuna Yahova.¹⁹Yahova adabweresa chonzi chikulu chakumaulo chomwe chidatakula bziwala bzadzombe bzomwe bzidathusiwa Nyanza Yakufwira; palibe kusala neye chiwala chibodzi m'malire mwense mwa Aiguputo. ²⁰Soma Yahova adalimbisa mtima wa Farao, napo Farao alibe kubvuma wanthu wa Aisraeri kuyenda.²¹Kinangoka Yahova adalewa kuna Mose, ''Futhul;a boko lako kudzaulu, kuti kuchite mdima dziko lense la Aiguputo, mdima wakusaya kuleweka.'' ²²Mose adafuthula boko lache mdzaulu, napo pakhana mdima wamphsii dziko lense la Aguputo kwa nsiku zitatu. ²³Pakhalibe munthu adakwanisa kuona munthu mwanzache; pakhalibe munthu adachoka pambuto pache kwa nsiku zitatu. Chensecho, wanthu wense wa Aisraeri akhali pakuchena mbuto zomwe iwo akhakhala.²⁴Farao adachemera Mose achilewa, ''Ndoko ukapembe kuna Yahova. Kuti muchoke na wana wanu, soma mabira na ngómbe bzisale.'' ²⁵Soma Mose adalewa, ''Mutibvume kuti tikhale nansembe zakuphera na bzakupereka bzakugasa bzomwe ife tikapereke kuna kuna Yahova Mulungu wathu. ²⁶Ngómbe zathu tiyende nazo pomwe; nampodi kuti kusale neye njondoyondo ibodzi, thangwera ife tinitakula ibzo kuti tikanamatire Yahova Mulungu wathu. Thangwera ife tikudziwalini mnchiyani tinzanamatira nacho Yahova ateye kukafika kumweko.''²⁷Soma Yahova adaumisa mtima wa Farao, apo iye adaalibe kubvuma kuti iwo ayende. ²⁸Farao adalewa kuna Mose, ''Fundukira kuna ine! Uchenjere nachinthu chibodzi, nampodi kuti udzandione pomwe, thangwera nsiku yomwe unzaona nkhope yangu, iwepo unzafa.'' ²⁹Mose adalewa, ''Imwepo mwekha mudasewera. Nampodi kuti ndidzaone pomwe nkhope yanu.''

11¹Kinangoka Yahova adalewa kuna Mose, ''wasala muliri ubodzi omwe ninzaubweresa kuna Farao na Aiguputo. Pakumala pamwepo iye anzakubvumani muchoke kuno. Pomwe iye akukubvumani kubulakakumaliza, iye anzakuthamangisani. ²Usewere na wanthu kuti mamuna aliyense na mkazi aliyense kuti akumbire mwanzache bzinthu bza siriva na bzinthu bza golide.'' ³Tsapano Yahova adawakomedwesa Aiguputo kuwapasa Aisraeri. Chensecho, mamuna Mose akhali mkuluwense pamaso pa anyabasa wa Farao na pawanthu wa Aiguputo.⁴Mose adalewa, ''Yahova walewa ibzi: 'Ninga katinakati ya usiku Ine ninzabula kufamba pakati pa Aiguputo. ⁵Wana wense wakutoma kubaliwa padziko la Aguputo anzafa, kuchokera mwana wakutoma wa Farao, omwe alikukhala pakadera wachifumu wache, kufikizana mwana wakutoma kubaliwa wanyabsa wachikazi omwe amba peya pa mpheyo, na wana wense wakutoma wabzifuwo.⁶Tsono panzakhala kurira kukulu kwense kuzungulira dziko lense la Aiguputo, ninga kulibe kunzache pinango kunzakhala lini pomwe. ⁷Soma kulibe mbwaya ndiyo inzafunyizira lilime kuna munthu aliyense wa Aisraeri, pinango munthu pinango chifuwo. Nanjira imweyi munzadziwa kuti ine ndagwata malire pakati pa Aiguputo na wanthu wa Aisraeri.' ⁸Anyabasa wanu wensewa, Farao, anzabwera kuna ine, napo achidzagodama kuna ine. Iwo anzalewa, 'Ndokoni, imwe na wanthu wanu wense omwe ambakutewerani!'Pakumala popo Ine ninzabula.''Kinangoka iye adayenda kuna Farao na kukalipa kukulu.⁹Yahova adalewa kuna Mose, ''Farao anzakubvera lini. Ibzi ndibzo ninzachita bzinthu bzakudabwisa bzizinji mdziko la Aiguputo.'' ¹⁰Mose na Aroni adachita bzakudabwisa bzensebzi pamaso pa Farao. Soma Yahova adaumisa mtima wa Farao, na Farao alibe kubvuma wanthu wa Aisraeri kuti eyende kudziko lawo.

12¹Yahova dalewa kuna Mose na Aroni mudzikola Aiguputo. Iye adalewa, ²''Kuna imwe, mwezi uno unikhala mwezi wakutoma, Mwezi wakutoma wagole kuna imwe.³Sewera na tsonkhano wa Aisraeri, 'Pansiku ya khumi ya mwezi uno munthu aliyense atenge mwana wabira pinango mwana wambuzi kadamunthu, banja lirirense lichite bzobzi, mwana wabira banja lirirense. ⁴Penu banjalo laperewedwa mwana wabira, munthu mwanzache wakufukirana naye nyumba atenge mwana wabira pinango mwana wambuzi wakukwana chilewengero cha wanthuwo. Ninga aliyense akwane kudya, apo iwo akwanise kudyesa nyama wensewo.⁵Mwana wabira wanu pinango mwana wambuzi akhale wakusaya kupunduka, tonde wa gole libodzi. Mumbatenge bira pinango mbuzi. ⁶Mumbayi koye pabwino ateye nsiku ya mkumi na chinayi ya mwezi. Kinangoka mtsonkhano wense wa Aisraeri ambaphe bzifuwobzi kumaulo. ⁷Mumbatenge mulopa wache muukwalange pamphuthu ziwiri zapamsuwo na padzulu pamsuwo wanyumba ndiyo mukudyera nyamayo. ⁸Mumbadye nyamayo usiku, mumbachite kuyitcha pa moto. Mumbadye na mkate wakusaya bzakufufumisa, muidye na muliwo wakuwawa.⁹Nampodi kuyidya yiwisi pinanango yakutereka na madzi, soma yakuotcha pamoto na msolo wache, miyendo, na mautumbo. ¹⁰Nampodi kuyisiya ateye machibese. Mumbatenthe na moto chirichense chakusala machibese. ¹¹Umu ndimo mumbachitire pakuyidya: wakumanga mcheka mchiuno, chango zanu ziri kunzayo, na mphsimbo iri kuboko kwanu. Mumbayidya kamkulumize. Ni Pasaka wa Yahova.¹²Yahova adalewa ibzi: Ine nidzafamba kuzungulira dziko lense la Aiguputo usiku bumwebu ndichimenya wana wense wanthu wakutoma kubaliwa na bzifuwo bzakutoma kubaliwa mdziko la Aiguputo. Ine ninzachita mayeruzo pa milungu yense ya Aiguputo. Ine ndine Yahova. ¹³Mulopa ndiwo unzakhala chilatizo pa nyumba zanu pakubwera kwangu kuna imwe. Pomwe ninzaona mulopa, ine ninzakupitirirani pomwe ndikumenya Aiguputo. Muliri umweyu unzafika lini kuna imwe kukudzongani. ¹⁴Nsiku imweyi ikhale nsiku yakusaya kuyebweka kuna imwe, mumbayikoye ninga nsiku yamadyerero ya Yahova; kuna wana wanu wakubaliwa__ambakoye nsiku ya madyerero nthawe zense.¹⁵Mudzadya mkate wakusaya bzakufufumisa nsiku zakukwana zinomwe. Nsiku yakutoma mudzachosa bzakufufumisa m'manyumba mwanu. Aliyense omweanzadya mkate wakufufumisa kutomera nsiku yakutoma ateye nsiku yachinomwe, munthu umweyo anzapambuliwa kuna Aisraeri. ¹⁶Pansiku yakutoma kunzakhala namtsonkhano wa omwe unzakonzewera ine, pa nsiku yachinomwe kunzakhalapomwe kugwezekana kwinango, Kulibe basa ndiro linzaphatiwa nsiku zimwezi, kupambula kuphika kuti aliyense adye. Limweri nibasalokhali ndiro linzaphatiwa na imwepo.¹⁷Mumbakoye Madyerero ya Mkate Wakusaya chakufufumisa thanngwe nsiku yimweyi ndiyo ine ndidabulisa mathimu ya wanthu mdziko la Aiguputo. Napo imwe mumbakoye nsiku imweyi pabodzi na azukulu wanu ateye nthawe zense. ¹⁸Mumbadye mkate wakusaya chakufufumisa kumaulo kwa nsiku yachikhumi na chinayi ya mwezi wakutoma wa gole kufikizana kwa nsiku ya makumi mawiri na libodzi la mwezi.¹⁹Mkatikati mwa nsiku nomwe zimwezi, nampodi chakufufumisa chigumanike m'manyumba mwanu. Omwe iye anidya mkate wakukonzewa na chakufufumisa apambuliwe pa tsonkhano wa Aisraeri, munthu umweyo ni mulendo pinango adatondo kubaliwambo mdziko lanu. ²⁰Nampodi kumbadya chinthu chakukonzewa na chakufufumisa. Kuliwense komwe imwe munikhala, mumbadye mkata wakusaya konzewa na chakufufumisa.'''²¹Pamwepo Mose adachemera akuluakulu wensene wa Aisraeri achilewa nawo, ''Ndokoni mukasankhule mabira pinango wana wakuti munga kwanise kudyesa mabanja yanu, kuti Pasika muphere bira. ²²Apo mutenge m'phuthwa wa hisope apo aubviike mu mulopa omwe unzakhala m'basiya. Akwalange mulopa wa m'basiyayo padzaulu pa msuwo na mbali zense ziwiri za msuwo. Nampodi munthu adzaoneke kubula kunja kwa msuwo wa nyumba yache kufikizana machibese.²³Nakuti Yahova anzapita achikamenya Aiguputo. Pomwe iye anzaona mulopa padzaulu pamputhwa wa msuo na mbali zense ziwiri za msuo, iye anzapitirira msuwo wanu napo anzabvuma lini nyakudzonga kuti apite m'nyumba mwanu kuti akudzongeni.²⁴Mumbakoye chinthu chimwechi. Limweli likhale lamulo la nthawe zense la imwepo na azukulu wanu. ²⁵Pomwe mukukapita m'dziko lomwe Yahova alikukupani, ninga iye adakulonjezani kubzichita, mumbakoye kunamata kumweku.²⁶Pomwe wana wanu anzakubvunzani, 'Nimtundu wanyi wakunamata umweyu?' ²⁷tsono imwe mudzalewe, 'Imweyi ni nsembe ya Pasika wa Yahova, thangwera Yahova adapitirira manyumba ya wanthu wa Aisraeri mu Aiguputo pomwe iye akhadzonga wanthu wa Aiguputo. Iye adapulumusa manyumba yathu mwadidi.'' Wanthu adamugodamira achipemba kuna Yahova. ²⁸Wanthu wa Aisraeri adayenda achikachita mwakundendemeza ninga Yahova adawatongera Mose na Aroni.²⁹Ikhali katinakati ya usiku yomwe Yahova adadzonga wana wense wakutoma kubaliwa m'dziko la Aiguputo, kuchokera mwana wakutoma wa Farao, omwe akhali pakadera, kufikizana mwana wakutoma wamunthu akhali mkadeya na wana wense wakutoma kubaliwa wabzifuwo. ³⁰Farao adalamuka mkati mwausiku__iye, anyabasa wache wense, na Aiguputo wense. Pakhana kulira kukulu mu Aiguputo, thangwe pakhalibe nyumba ndiyo ikhalibe wakusaya kufedwa.³¹Farao adachemera Mose na Aroni mkati mwausiku achilewa, ''Lamukani, chokani pakati pa wanthu wangu, imwepo na wanthu wa Aisraeri. Ndokoni, mukanamatire Yahova, ninga imwe mudalewera mukufuna kuchitira. ³²Takulani mathimu ya mabira na ng'ombe zanu, ninga momwe mudalewera, napo muyende, nakundidaza ine.'' ³³Aiguputo adawangingimiza kuwachosa kamfulumize m'dzikomo, thangwera iwo adalewa, ''Ifepano tinifa tense.''³⁴Tsono wanthu adatakula mitanda yakusa kusanganiza chakufufumisa chilichense. Bzakuumbira bzawo bzikhali bzakumangamanga kale pa nguwo zawo napamapewa yawo. ³⁵Tsapano wanthu wa Aisraeri adachita ninga Mose adawauzira. Iwo adakumbira bzinthu bzasiliva, bzinthu bzagolide, na bzakubvala. ³⁶Yahova adachitisa Aiguputo kufewa mitima pamaso pa Aisraeri. Apo Aiguputo adawapasa chinthu chirichense ndicho iwo akhakumbira. Nanjira imweyi, Aisraeri adaphunga Aiguputo.³⁷Wanthu wa Aisraeri adafamba kuchokera ku Ramese ateye ku Sukoti. Chirewengero chawo chikhali ninga bzulu madzana matanthatu amuna wakufamba, neye kuphatanidza na wana. ³⁸Wanthu wakusanganizika adachokanawo iwo, pabodzi na mabira yawo na ng'ombe zawo, nathimu likulu labzifuwo. ³⁹Iwo adaphika mikate yakusaya bzakufufumisa na mitanda ndiyo iwo adatakula kuchoka ku Aiguputo. Ikhali yakusaya bzakufufumisa thangwera iwo adachita kuthamangisiwa kubula mu Aiguputo napo angada kwanisalini kuchedwa nakukonza bzakudya. ⁴⁰Wanthu wa Aisraeri adakhala mdziko la Aiguputo magole madzana manayi na makumi matatu.⁴¹Pakumala kwamagole madzna manayi namakumi matatu, pansiku imweyo, mathimu yense ya Yahova yadabula kuchoka mdziko la Aiguputo. ⁴²Ubu bukhali usiku bwakukhala udapenya, thangwera Yahova adawabulisa mdziko la Aiguputo. Usiku bomwebo bukhali bwakukoyera Yahova na wanthu wense wa Aisraeri kuphatanidza na azukulu wawo.⁴³Yahova adalewa kuna Mose na Aroni, ''Ili nilamulo la Pasika: Nampodi mulerndo kuti mudye naye bzobzi. ⁴⁴Soma, nyabasa aliyense wa Aisraeri, wakuguliwa na kobiri, angwakwanise kudya pokhapokha mumugwate iye.⁴⁵Mulendo na nyabasa wakunembewa nampodi adye bzakudya. ⁴⁶Bzakudya bzimbadyiwe nyumba ibodzi. Nampodi kumbatakula nyamayo mkubula nayo kunja kwa nyumba, napo nampodi kumbamphsa mfupa lache.⁴⁷Mtsonkhano wense wa Aisraeri umbachite bzobzi. ⁴⁸Penu pana mulendo mulikukhala naye amfuna kuchitambo Pasika wa Yahova, azibale wache wense wachimuna agwatiwe. Kinangoka iye afendere nakuchita. Iye anzakhala ninga munthu omwe wakubaliwa mdziko. Soma, munthu wakusaya kugwatiwa nampodi kuti adye bzakudya.⁴⁹Lamulo ninga loli limbafambe kuna wana wanu wense wakubaliwa na anyakudza omwe alikukhala na imwe.'' ⁵⁰Tenepo wanthu wense wa Aisraeri adachita mwakundendemera ningga Yahova adawatonera Mose na Aroni. ⁵¹Kudakhala nsiku imweyo pomwe Yahova adawaulisa Aisraeri mdziko la Aiguputo namathimu yawo.

13¹Apo Yahova adasewera kuna Mose, achiti, ²''Undipambulire inepano wana wakuyamba wachimuna, wakuyamba kufungura mimba ya mayi wache pakati pa wana wa Israyeli, pinango munthu ayayi chifuwo. Niwangu.''³Mose adalewa kuna wanthu waku Israyeli, ''Mumbakumbuke ntsiku ino, ntsiku ndioyo mudabura kuchoka ku Aiguputo, kunja kwa nyumba ya ukapolo, nakuti Yahova naboko lache la mphamvu adakuchosani imwe kumbuto imweyi. Lekani kumbadya mkate wakuikha bzakufufumisa. ⁴Lero munibula kuchoka ku Aigupoto, mu mwezi wa Abibu. ⁵Pomwe Yahova adzakubweresani imwepo ku dziko la Akanani, Ahiti, Aamori, Ahivi na Ayebusi, lomwe iye adalumbilira kuna makolo yanu kuti adzakupasani imwepo, dziko ndilo mkaka na uchi_ bzimbafamba ninga madzi_ umbakanamate ninga moda umweyu mu mwezi umweuno.⁶Kwa ntsiku zinomwe mumbadye mkate wakusaya bzakufufumisa; ntsiku yachinomweyo mumbachite phwando kupereka ulemu kuna Yahova. ⁷Mkate wakusaya bzakufufumisa umbadyewe ntsiku zentse zinomwe; nampodi pambaoneke mkate wabzakufufumisa pakati panu. Nampodi paoneke chakufufumisa kuna imwepo na m'malire yanu.⁸Pansiku imweyi ulewe kuna wana wako, 'Limweri nithangwera kuti Yahova adachita kuna ine pomwe ndikhabula mu Aiguputo.' ⁹Ichi chikhale chilatizo chaimwe m'manja mwanu, nachimbuso pakati maso yako. Loli ni lamulo la Yahova lakukhala mkanwa mwako, kuti na manja yanyongo Yahova adakubulisani ku Aiguputo. ¹⁰Tenepo mumbakoye lamulo limweri panthawe yache yakukhazikika gole na gole.¹¹Pomwe Yahova adakupitisani m'dziko la Kanani, ninga iye adakulumbirirani imwe na makolo yanu nkhuchita, na pomwe iye adakupani dziko, ¹²mumbaka pambulire Yahova wense wakutoma kubaliwa. Wense wakutoma kubaliwa wabzifuwo bzomwe bzachimuna, bzikhale bza Yahova. ¹³Chirichense chakutoma kubaliwa cha maburu mumbachisinthise na bira. Penu munigulira lini winango, mumbagwate khosi lache. Soma wana wense wachimuna mumbawasinthise.¹⁴Pomwe mwanako wachimuna anzakubvunza nsiku zibwerazi kuti, 'Bziri kulewa chiyani bzobzi?' Udzamutawire iye kuti, 'Likhali boko lanyonga la Yahova nilo lidati bulisa ife kuchokera ku Aiguputo, kuchokera m'nyumba ya ukapolo. ¹⁵Pomwe Farao adabziumisa kulamba kutibvuma kuti tibule. Yahova adapha mwana aliyense wakutoma kubaliwa mu Aiguputo, wense pabodzi wana kutoma kubaliwa wanthu na wana wakiutoma kubaliwa wabzifuwo. Limwe nithangwerache nimbaphera nsembe Yahova wana wense wachimuna wakutoma kubaliwa, soma wana wangu wachimuna wense wakutoma kubaliwa nimbawasinthisa.' ¹⁶Chimwechi kuti chikhale chikumbuso paboko lako, nachikumbuso pamaso pako, thangwe likhali boko lanyonga la Yahova ndilo lidatibulisa ife mu Aiguputo.''¹⁷Pomwe Farao adabvuma wanthu kuyenda, Mulungu alibe kuwalondorera njira yaku dziko la Afalisi, yomwe ikhali ifupi na dziko limweri. Thangwe Mulungu adalewa, ''Pinango wanthu anachinje makumbukiwe yawo pomwe anigumana na nkhondo achibwerera ku Aiguputo.'' ¹⁸Apo Mulungu adawazungulisa wanthuwo nanjira ya mchipululu yaku Nyanza Ifwira. Wanthu wa Aisraeri akwira kubula ku dziko la Aiguputo wakunzeka ndewo.¹⁹Mose adatakula mafupa ya Yosefe, Thangwera Yosefe adawalumbiririra wana wa Aisaraeri achilewa, ''Mulungu anzakupulumusani, mungadzatakula mafupa yangu.'' ²⁰Aisraeri adafamba kuchoka ku Sukoti achikagwezekana pa Etamu pama lekezero yachipululu. ²¹Yahova adafambanawo mwakutsogozewa masikati na mtambo. Nausiku iye akhawatsogoza moto wakugaka. Nausiku iye akhafamba na moto wakuima dzololo. Nnjira imweyi iwo adakwanisa akhafamba usiku namasikati. ²²Yahova alibe kuchosa mtambo pamaso pawanthu nthawe yamasikati mtambo wakuima dzololo pinango ninthawe yausiku na moto wakuima dzololo.

14¹Apo Yahova adasewera na Mose, achilewa, ²''Sewera na wanthu wa Aisraeri kuti abwerere m'mambuyo akagwezekane patsongolo pa Pihahiroti, pakati nakati ya Migidoli na nyanza, kunyang'anizana na Baala__Zefoni. Mukagwezekane pafupi na nyanza kunyang'anisa Pihahiroti. ³Farao anzalewa bzawanthu wa Aisraeri, 'Iwo abonera nakunzunzika mdziko. Chipululu chawatsekereza.'⁴Napo ninzaulimbisa mtima wa Farao, apo iye anzawatewera. Ine ninzalemekezewa thangwera Farao na anyankhondo wache.Aiguputo anzadziwa kuti Ine ndine Yahova.'' Apo Aisraeri adagwezekana ninga iwo adalangiziwira. ⁵Pomwe mfumu ya Aiguputo adauziwa kutiAisraeri athawa, malingaliriro na anyabasa wache yadandulika kugazana nawanthu. Iwo adalewa, ''Ifepano tachita chanyi? Tawabvuma Asraeri kubula aleke kutiphatira basa.''⁶Kinangoka Farao adkonzesa magareta yache achitakula anyankhondo wache. ⁷Iye adatakula madzanana matanthatu ya magareta yakusankhuliwa na magareta inango ya mu Aiguputo, pabodzi na akuluakulu wao wense. ⁸Yahova adaumisa mtima wa Farao, mfum,u ya Aguputo, Apo mfumu yidatewera wanthu wa Asraeri. Tsapano wanthu wa Aisraeri akhana boko lakukuzika. ⁹Soma Aiguputo adawatewera iwo, pabodzi na ngamira zawo na magareta, amuna wache wakupakira ngamira, na anyankhondo. iwo adawagumana Asraeri atagwezekana pafupi na nyanza Pihahiriti, kunyang'anisa Baala Zefoni.¹⁰Pomwe Farao adafika chifupi, wanthu wa Aisraeri adawaona apo adabva mantha. Aiguputo akhafamba m'mambuyo mwao, apo iwo adagopa. wanthu wa Aisraeri adalira kuna Yahova. ¹¹Iwo adalewa kuna Mose, ''Nithangwera kuti mu Aiguputo mukhalibe mathenje, kuti mukatitenge ife kuti tidzafe m'chipululu muno? Thangweranyi mukutiboneresa terepayi, kutichosa ife mu Aiguputo? ¹²Bzobzi ife tilibe kukuuzani mu Aiguputo? ife tidalewa naimwe, 'Tilekeni tekha, timbawa phatire Aiguputo.' Bzingadakhala bwino kuna ife kuwaphatirabasa kulekana na kufera m'chipululu muno.''¹³Mose adalewa kuna wanthu, ''Nampodi kugopa. Imani bzakulimba apo munyang'anise chipulumuso ndicho Yahova anichita nsiku yalero. Thangwe munzawaona lini pomwe Aiguputo mulikuwaona mulikuwaona nsiku ya lerowa. ¹⁴Yahova anzakumenyerani nkhondo, apo imwe mudatondo kukhala.¹⁵Kinangoka Yahova adasewera na Mose, ''Thangweranyi iwe, Mose, ulikundichemera ine? Auze wanthu wa Aisraeri ambzayende chitsogolo. ¹⁶Takula mphsimbo yako, ufike na boko lako kunyanza napo iugawe pawiri, kuti wanthu wa Aisraeri ayambuke pa nyanza pakuuma. ¹⁷Dziwa kuti Ine ninzaumisa mitima ya Aiguputo kuti iwo akutewereni m'mambuyo. Ine ninzalemekezewa thangwera Farao na wankhondo wache wense, magareta yache, nanyakupakira akavalo. ¹⁸Kinangoka Aiguputo anzadziwa kuti Ine ndine Yahova pomwe ine ninzaremekezewa thangwera Farao, magareta yache, naanyakupakira wache.''¹⁹Mgero wa Mulungu, omwe ukhafamba patsongolo paulendo bwa Aisraeri, adachoka achiyenda m'mambuyo mwao. Mtambo wakuima pulu udachoka uchiyenda m'mambuyo mwao. ²⁰Mtambo udabwera pakatinakati paulendo bwa Aiguputo na ulendo bwa Aisraeri. Pakhana mtambo wakupsipa kuna Aiguputo, soma ukhabvunika usiku kuna Aisraeri, ulendo bwinango bulibe kufendererana na ulundo bunzache usiku bwense.²¹Mose adatamulira boko lache kunyanza. Yahova adabweza nyanza na mkuntho wamphepo yakumachibese usiku bwense apo nyanzayo idauma. Natenepo nyanza idagwatikana. ²²Wanthu wa Aisraeri adapita pakatinakati pa nyanza pakuuma. Madzi yadakhala ninga chiphaphi kuna iwo kumadidi na kumadzere.²³Aiguputo adawa iwo. Adayenda kuna iwo ateye pakatinakati pa nyanza__ngamira za Farao zense, magaleta na wanthu wa wapangimirawo, ²⁴Soma pa nthwe yaku machibese, Yahova adawanyang'anira pansi wankhondo wa Aiguputo na tchinga la motona mtambo. Iye adawafambissa Aiguputo mwa kubonera. ²⁵Magudunumu ya magaleta yao yadaguluka, na wanthu wakufambisa ngamira adanesewa kufamba. Apo Aiguputo adalewa, ''Tiyendeni tithawe kuna Aisraeri, poti Yahova akuwamenyera nkhondo kumenyana na ife.²⁶Yahova adalewa kuna Mose, ''Futhulila boko lako ku ku nyanza kuti madziyo yabwelele yadzamizi ma Aiguputo, magaleta yawo, na pa kavalo.'' ²⁷Ndipo Mose adafuthula boko lako lakunyanza, ndipo Nyanza idabwelera mafambidwe yache kulichena, ndi Aiguputo pakuthawa adagumana mnyanzamo, ndipo Yahova adakutumula Aiguputo mkati mwanyanza. ²⁸Madzi yadabwelela pomwe yachimiza magaleta na wa pakavalo ndiwo anya nkhondo wense wa akavalo omwe akhatewela m'mbuyo adapita mnyanzamo. Palibe m' bodzi omwe adapulumuka.²⁹Soma, anthuwa wa isalayeli adafamba pa nthaka yakuwuma mkatikati mwa nyanza. madzi yakhali khoma ku na iwo kuboko la madidi na manzele kwawo. ³⁰Tsono Yehova adapulumusa Isalayeli nsiku yomweyo m' manja mwa Aiguputo, ndipo a Isalayeli adawona matupi yakufa ya a Iguputo mphepete mwa gombe. ³¹Pomwe ma Isalayeli adawona mphamvu ikuluya Yehova yomwe idaphatiwa kumenya Aiguputo,wanthu adagopa Yehova, ndipo adakhulupilila Yehova na mtumiki wache Mose

15¹Tsopano Mose na wanthu wa ku Isayeli adayimba chimbo ichi kuna Yahova. Ayimba, '''Ninzayimba kuna Yahova, poti Yehova wa pambanilatu , kavalo na nyakupakila wache adathusiwa na nyanza.²Yahova ndiyo mphamvu yangu na nyimbo yangu ndipo wakhala chipulumuso changu , uyu ni Mulungu wangu, ndipo ni nzamunyengelela Mulunguwa babangu ni nzamubvekesa iye. ³Yahova ni nyankhondo, ni dzina lache ni Yehova.⁴Magaleta ya farawo na anyankhondo wache adawathusa m'nyanza. na akazembe wache wa kusankhulidwawo adamila nyanza. ⁵Nyanza idawamiza adamila mwa kuzika ninga mwala⁶Boko lanu ladidi Yahova lalemekeziwa na mphamvu; Boko lanu ladidi Yehova lafudza awengi. ⁷Ndipo akulu wanu wa aku mwafudza wakuukila imwe; mwatumiza ukali bwanu mudawa pselelesa ninga chiputu. ⁸Ndipo nakupuma kwa mphuno mwanu madzi yadagwezekela; mafambidwe yache yadakhala gwee ninga mudwi bzakuzika bzidalimba mkati mwa nyanza.⁹Muwengi adalewa, 'Niwalonda, niwapinzula, ninzagawa bzakukolola; ninzakhuta nawo mtima; ninzasolola lupanlangu; boko langu linzadzonga.' ¹⁰Soma mudamenyesa mphepo yanu, ndipo nyanza idawamiza; iwo adamila mmadzi makulu ninga thobvu. ¹¹Manindendemela ninga imwe, Yahova mwa milungu? Mbali ali ninga imwe? Wakulemekezeka na wakuchena, wagopswa pa ku mutenda, nawakuchila bzakudadwisa?¹²Mudafuthula boko lanu ladidi, ndipo nthaka lidawakhudyula. ¹³Mwa lufoyi lanu mwatsolela mwanthu omwe mudawawombela. Mu mphavu yanu mudawalondolela njila ya kuya pakukhala panu pakuchena.¹⁴Wanthu anzabva, ndipo anza anzanjenjemela; kupswipa mtima kwaphata wanthu wakukhala ku Filisitiya. ¹⁵Tsapano mafumu ya ku Edom yanzagopa; Anyakhondo wa Moabu anzagwededzeka; wense wakukhala mu Kanani ansungunuka achithawa.¹⁶Kugopa kukulukulu na mantha bziniwagwela iwo. Thangwera boko lanu likulu, anikha duu ninga mwala ataye aniyenda, wanthu wanu omwe mudawaletsetsa Yehova.¹⁷Mudzawabwelesa iwo muchiwabzala iwo. pa phiri la chakupita chanu, mbuto, Yahova omwe mudakonza kukhala momo, mbuto ya kupambuliwa, Mbuya wanthu, omwe boko lanu lidayimanga. ¹⁸Yehova anzachita utongi nthawe na nthawe.¹⁹Poti akavalo wa falawo adapita mu nyanza, na magaleta yachena wa pa kavalo wache, ndipo Yehova adawabwezela m'madzi ya mu nyanza. Soma wana wa Aisraeri adafamba pakuuma pakati pa nyanza. ²⁰Miriam m'neneri, mfumukazi yache Aaroni, adaphata ng'oma, na akazi wense adabula kunja na ng'oma, achidzina naye. ²¹Miriam adawayimbiras iwo: ''Imbilani Yehova, thangwe iwe waganyali mwa ulemelero kavaro na wakupakira wache iye wawamiza m'madzi.²²Tsapano Mose adatsogolera aisaraeli kuchoka ku nyanza ifwira. ndipo adabula achipita mu chipululu cha Suri achifamba mu chipululu nsiku zitatu se kugumana na madzi. ²³Tsapano adafika ku Mara, soma alibe kumwa madzi kumweko thangwe yakhali yakuwawa. na thangwe limweli adayichera mbuto imweyi kuti Mara.²⁴Tsapano wanthu wale adadandaulira ku na mose achiti, '' Tinzamwa chiyani?" ²⁵Mose adalira ku na Yahova, ndipo Yehova adamuwonesa iye muti. Mose adauthusa m'madzi ndipo madzi yale yadasanduka yakukoma kumwa. mphwamwepo pommwe Yehova adawapasa lamulo lakukhuma, ndipo mphamwepo pomwe adawayeza iwo. Iye adalewa, ²⁶"Penu munitetekera mwakusamala ku na fala la Yehova Mulungu wanu, na chomwe chili cha kulungama pache, penu unipeleka khutu ku na malamula yache na kubvela malamulo yache yense. Ninzayinkhalini nthenda iliyense pa yemwe ndidayinkha pa Aiguputo, ndine Yehova omwe ndidakuchizani imwe."²⁷Tsapano wanthu adabwera ku Elamu, pomwe pakhana bzi nyenze khumi na bziwili bza madzi na miti ya nchewu makumi manomwe. Adakhala popo pa madzipo.

16¹Wanthu adanyamuka kuchoka ku Eaiamu, apo miyi yense ya wanthu ya wanthu wa ku Aisraeri adbwera kuchipululu cha Sini, chomwe chomwe chiri pakati pa Elimu na Sinai, pansiku yachikhumi na chichanu cha mwezi wachipiri kuchoka pomwe adanyamuka kuleka mataka ya Aiguputo. ²Miyi yense ya wanthu wa Aisraeri adadandaula kuna Mose na Aroni muchipululu. ³Wanthu wa Aisraeri adalewa kuna iwo, ''Bzingadakhala bwino Yahova angadatiphera mdziko la Aiguputo kumwekule tikhadya nyama apo tikhadya mkate tichikhuta. Nakuti imwepo mwabwera nafe kuchipululu kuno kudzapha thimu lenseri na njala.''⁴Kinangoka Yahova adalewa na Mose, ''Ine ninzangwesa mkate kuna imwe kuchokera kudzaulu ninga mvula. Wanthu ambabule nsiku iriyense kukalokota mkate wakukwana nsiku yokhayo. Ine ninzawayeza munjira yimweyi kuti ndiwone penu anzateweza malangizo yangu. ⁵Apo inzakhala ninga nsiku yachitanthatu, kuti iwo anzalokota bzizinji kuposana nabzomwe ambalokota nsiku zense, iwo adzaphike bzomwe atengabo.''⁶Tsapano Mose na Aroni adalewa kuna wanthu wense wa Aisraeri, ''Usiku bunomunidziwa kuti Yavova niomwe adakubulisani imwe kuchoka kudziko la Aiguputo. ⁷Kumachibese munzawona ulemerero bwa Yahova, thangwe iye wabva kudandaula kwanu. Ife ndife yani kuti mutidandaulire ife?'' ⁸Mose adalewa pomwe, ''Munzadziwa bzimwebzi pomwe Yahova anzakupasani nyama kumaulo na mkate kumachibese kutimukhute__thangwe iye wabva madandaulo yomwe mukhamusewerera. Aroni na Ine ndife yani? Madandaulo yanu mukhadandaulira lini ife; yakhali yakudandaulira Yahona.''⁹Mose adalewa kuna Aroni, ''Sewera na thimu lense lawanthu wa Aisraeri, 'Abwere chifupi pamaso pa Yahova, thangwera iye wabva kudandaula kwanu.''' ¹⁰Adabwera achifendeza, Aroni adasewera na thimu lense wanthu wa Aisraeri, iwo adanyang'anisa kuchipululu, napo, nyang'anani, ulemerero bwa Yahova budaonekera mumtambo. ¹¹Yahova adasewera na Mose, achilewa, ¹²''Ndabva kudandaula kwa wanthu wa Aisraeri. Sewera naiwo apo ulewe, 'Maulo munidya nyama, na machibese munidya munidya munikhuta na mkate. Apo munzadziwa kuti Ine ndine Yahova Mulungu wanu.''''¹³Bzidachitika kumaulo kuti mbombe zidabwera zichimpsikha patsasa. Kumachibese pakhana mame kuzungulira patsasapo. ¹⁴Pomwe mame yadamala, panthaka mchipululumo pakhana tubzinthu twakunyodoka tuli twakumbuka ninga nkhoko pansipo. ¹⁵Pomwe wanthu wa Aisraeri adaona bzobzi, iwo adasewera winango na mwanzache, Ntchiyanyi chochi?'' Iwo akhabzidziwa lini kuti ntchiyanyi. Mose adalewakuna iwo, ''Umweyu nimkate omwe Yahova wakupasani kuti mudye.¹⁶Iri nilamulo ndiro Yahova walipereka: ''Aliyense waimwe ambalokote, bzakukwana kudya, muyezo omwe mukufuna kudya, omeri m'bodzi kada munthu pachilewengero cha wanthu wanu. Mumbalokote terepayu: Mulokote bzakukwana kudya munthu aliyense omwe alikukhala mtsasa mwanu.'' ¹⁷Wanthu wa Aisraeri adachita bzimwebzo. Winango adalokota bzizinji winango adalokota bzing'ono_ ng'ono. ¹⁸Pomwe adayeza na muyezo wa omeri, wale omwe adalokota bzizinji bziribe kuwasarira, na wale omwe adalokota bzing'ono_ng'ono bziribe kuwaperewera. Aliyense adalokota bzakumukwana kudya.¹⁹Tsapano Mose adalewa kuna iwo, ''Nampodi munthu akoye ateye mangwana.'' ²⁰Soma , iwo alibe kumubvera Mose. Winango waiwo adakoya kufikizana machibese, soma bzense dzidangwa nkhonye apo bzikha nunkha. ²¹Tenepo Mose adakalipa nawo. Akhalokota machibese yaliyense. Munthu aliyense akhalokota bzakudya nsiku yimweyo. Pomwe dzuwa likhapsa, bzikhamba sungunuka.²²Idakwana nsiku nyachitanthatu iwo adalokota mikate kuthumizira kawiri, ma omeri mawiri kadamunthu. Akuluakulu wense wa thimulo adabwera achidzamuuza Mose. ²³Adalewa kuna iwo, ''Ibzi ndibzo Yahova walewa: 'Mangwana ninsiku yakupuma, Sabata lakuchena lakuchena lakupambuliwa la Yahova. Muotche bzomwe mumfuna kuotcha, na kuphika bzomwe kukufuna kuphika. Koyani bzense bzomwe bzasala ateye machibese.'''²⁴Tenepo iwoadakoya kufikizana machibese, ninga Mose adawalangizira. Bziribe kuwankhira, pinango kugwa pomwe nkhonye. ²⁵Mose adalewa, ''Mudye bzakudya bzobzi lero, thangwe lero ninsiku yakukoyera Sabata lakupambuliwa la Yahova. Lero munkabzigumana lini thengomu.²⁶Mumbalokote nsiku zitanthatu, soma nsiku yachinomwe ninsiku ya Sabata. Pansiku ya Sabata munkagumana lini chinthu.'' ²⁷Soma pansiku yachinomwe wanthu winango adayenda kuti akalokote, soma alibe kugumana chinthu.²⁸Apo Yahova adalewa kuna Mose, ''Ninthawe yakutanimpha tani mumkhala mukulamba kukoya malangizo ya utongi bwangu? ²⁹Nyang'ana, Yahova wakupasani Sabata. Ndipopa nsiku yachitanthatu akukupasani mkate wansiku ziwiri. Aliyense ambakhale pambuto yache; nampodi munthu awoneke akubula pambuto pache pansiku ya chinomwe.'' ³⁰Tenepo wanthu adapuma pansiku yachinomwe.³¹Wanthu wa Aisraeri adachemera chakudya chomwecho ''mana.'' Ibzo bzikhali bzichena ninga mpasa wakuchena, na kutapira kwache ninga madzi yakunzewa na uchi. ³²Mose adalewa, ''Ibzi nibzomwe Yahova adalamula: 'Dzazani omeri wa mana asungike kudzera mwa wanthu wa m'badwo wanu kuti azukulu wanu adzaone mkate omwe ine ndidakudyesani m'chipululu, nditamala kukuchosani dziko la Aiguputo.''''³³Mose adalewa kuna Aroni, ''Tenga chikalango ndipo uthire omeri ya mana momwemo. Uyikhe pamaso pa Yahova kuti bzikoyewere wanthu wa mibadwo.'' ³⁴Ninga Yahova adalamulira Mose, Aroni adayikha patsogolo pa likasa kuti bzikoyewe. ³⁵Wanthu wa Aisraeri adadya mana magole makumi manayi kufikizana iwo adakapita mmbuto ya dziko. Iwo adadya kufikizana kumalire ya dziko la Kanani. ³⁶Tsapano omeri ni chakhumi cha efa.

17¹Mathimu yense ya wanthu wa Aisraeri adafamba kuchoka muchipululu cha Sini, kuteweza bzomwe Yahova adalewa. Achikakhala pa Rafidimu, soma pakhalibe madzi yakuti wanthu angakwanise kumwa. ²Tenepo wanthu adamugaza Mose ahilewa, ''Tipase madzi timwe.'' Mose adalewa, ''Thangweranyi mukundikalipira? Thangweranyi mukumuyezeza Yahova?'' ³Wanthu akhana nyota kwene_kwene, apo iwo adadandaula kugazana na Mose. Iwo adalewa, ''Thangweranyi udatichosa ife ku Aiguputo? Kutipha ife nawana wathu na bzifuwo bzathu na nyota?''⁴Tsapano Mose adalira kuna Yahova, ''Ndichite nawo tani wanthuwa? Asala pang'ono kundiboma na minyala.'' ⁵Yahova adalewa kuna Mose, ''Ndoko pamaso panthu, apo utenge akuluakulu winango wa Aisraeri. Utakule mpsimbo yako ndiyo udamenyanayo nyanza, uyende. ⁶Ninzayima pamaso pako pathanthwe ku Horebu, apo iwepo ukamenye thanthwero. Madzi yamkachoka mthanthwero yakuti wanthu akamwe.'' Tsapono Mose adachita bzobzo pamaso pa akuluakulu wa Aisraeri. ⁷Iye adayichemera mbuto imweyi kuti Masa na Meriba thangwera wanthu wa Aisraeri akhagazana na thangwera iwo adeyezeza Mbuya nakulewa kuti, ''Apa Yahova anaife pinango neye?''⁸Pomwepo adabwela anya nkhondo wa Amaleki achiwamenya Aisraeri pa Refidimo. ⁹Pamwepo Mose adalewa na Yoswa, sankhula amuna apo uchoke nawo kunja. Umenyane nawo Amaleki. Mangwana nimdzaima padzaulu pa phiri na mpsimbo ya Mulungu''. ¹⁰Tsapano Yoswa adamenya Amaleki ninga mowe Mose adalewera, pomwe Mose, Aroni, na Huri akwila padzaulu pa phiri.¹¹Pomwe Mose adaphatila manja yache mdzaulu, Israeri ikhambaganyali; soma anga bulusa manja yache pansi Amaleki akhambaganyali. ¹²Pomwe manja ya Mose yadalemedwa, Aroni na Huri adatenga mwala achimutulila pansi pache kuti iye akhale. Pa nthawe yokhayokhayo Aroni na Huri adamusa manja yache mdzaulu, munthu winango mbali inango na munthu winango mbali inangoyi. Pamwepo manja ya Mose yadakhala yalipulu mpakana Dzuwa lidamila. ¹³Pamwepo Yoswa adatchola Amaleki na wanthu wache na lupanga.¹⁴Yahova adasewera kuna Mose, ''Nemba bzobzi m'mabukhu apo umulewengere Yoswa m'khutu mwache, thangwe munzafudziratu bzakukumbuka bza Amareki kuchokera pansi pathambo.'' ¹⁵Tsapano Mose adamanga guwa lansembe apo iye adalichemera kuti ''Yahova ndiye chikuganyali changu.'' ¹⁶Iye adalewa, ''Thangwe boko ladzusiwa pakadera wa Yah_ kuti Yahova adzachita nkhondo na Amaleki kuchokera mibadwo na mibadwo.

18¹Yetero, wansembe wa Midiyani, mabzala wache wa Mose, adabva bzense bzomwe Mulungu adamuchitira Mose na Israeri wanthu wache. Iye adabvakuti Yahova adabulisa Aisraeri kuwachosa mu Aiguputo. ²Yetero mabzala wache wa Mose, adatakula Zipora, mkazache wa Mose, pomwe iye akhadamulamba, ³nawana wache awiri wachimuna; dzina lamwana wachimuna m'bodzi likhali Geresomu, thangwe Mose adalewa, ''Ndikhali mulendo mdziko lachi lendo.'' ⁴Dzina lawinangoyo likhali Eliezere, thangwe Mose adalewa, ''Mulungu wa makolo wangu akhali thandizo langu. Iye adandipulumusa kulupanga la Farao.''⁵Yetero, mabzala wache wa Mose, adabwera na wana wache wachimuna waMose na mkazache wa Mose kuchipululu komwe iye akhadamanga tsasa pa phiri la Mulungu. ⁶Iye adalewa kuna Mose, ''Ine, mabzala wako Yetero, ndirikubwera kuna iwe na mkazako nawana wache awiri wachimuna.''⁷Mose adabula panja kukagumana na mabzala wache, adakotama, achimupsopsona iye. Adamusana winango na mwanzache mamuko yadidi apo kinangokoadapita mkumbi. ⁸Mose adawauza amabzala wache bzense bzomwe Yahova adawachita kuna Farao na Aiguputo thanwera Aisraeri., nakubonera kwense komwe adagumana nako munjira pomwe akhabwera, namomwe Yahova adawaletsetsera iwo.⁹Yetero adakomedwa pabzabwino bzomwe Yahova adachita kuna Aisraeri, kuti tenepo adawaletsetsa iwo m'manja mwa Aiguputo. ¹⁰Yetero adalewa, ''Yahova atendiwe, thangwe iye wakuletsetsani kuboko la Aiguputo na kubako la Farao, nakuchosa wanthu m'manja mwa Aiguputo. ¹¹Tsapano ndadziwa kuti Yahova nimkulu kuposa milungu yense, thangwe pomwe Aiguputo akhazunza Aisraeri mkumbabzikuza, Mulungu adaletsetsa wanthu wache.¹²Yetero, mabzala wache wa Mose, adabweresa nsembe yakupsereresa achiyipereka kuna Mulungu. Aroni na akuluakulu wa Aisraeri adabwera kudzadya bzakudya pamaso pa Mulungu na mabzala wache wa Mose.¹³Pansiku yakutsakizana Mose adakhala pansi achitonga wanthu. Wanthu adayima pafupi na iye kuchokera machibese ateye maulo. ¹⁴Pomwe mabzala wache wa Mose adawona bzense bzomwe iye adachitira wanthu, iye adalewa, ''Ntchiyanyi chochi ulikuwachitira wanthuchi? Thangweranyi umbakhala pawekha na wanthu wensewa mkumbakhala adayima pulu pamaso pako kuchokera machibese ateye mawulo?''¹⁵Mabzala wache wa Mose, ''Wanthu ambabwera kuna ine kudzabvunza bza Mulungu. ¹⁶Pomwe anamulandu, iwo ambabwera kuna ine. Ine nimbawatonga pakati pa munthu na mwanzache, apo nimbawa pfunzisa bzakunemba bza Mulungu na utongi bwache.''¹⁷Mabzala wache wa Mose adalewa kuna iye, ''Chomwe ukuchitachi ntchabwino lini. ¹⁸Chadidi unzaneta iwepo, iwepo na wanthu omwe unawowa. Basa loli ndakunetesa kwenekwene kuna iwepo. Unilikwanisa lini wekha kulibata. ¹⁹Tetekera kuna ine. Ninikupasa malango, napo Mulungu anikhala nawe, thangwe ndiwe nyakuyimirira wanthu kuna Mulungu, nakutakula mirandu yawo kuna iye. ²⁰Umbawa pfunzise iwo bzakunemba bzache na malamulo yache. Umbawaonese njira yathemera kufamba na basa lakuthemera kuphata.²¹Kuposa popo, ukuthemera kubzisankhulira amuna kuchokera pawanthu wako wense, amuna omwe ambagopa Mulungu, amuna wachilungamo omwe ambafuna lini bzamadyera. Uwayikhe iwo pa wanthu, kuti akhale wakuwa tsogorera pa bzulu, madzana, makumi machanu, na pa makhumi. ²²Iwo ambatonge mirandu ya wanthu nthawe zense, soma mirandu yakunesa ambayibwerese kuna iwe. Soma mirandu ming'ono_ming'ono, ambayitonge wokha. Naterepoyo bzinzakusira iwe, naiwo mudzasenza nawe bzakunesabzo. ²³Penu unichita bzobzi, napo penu Mulungu adazakuuza kuti uchite terepo, unzakwanisa kupirira, napo wanthu anzakwanisa kuyenda m'mamiyi na mtendere.²⁴Tsapano Mose adatetekera mafala ya amabzala wache ndipo adachita chirichense chomwe adalewa. ²⁵Mose adasankhula amuna wakukwanisa kuchokera mwa ma Israeri wense achiwauza iwowo kukhala wakutsogolera pa wanthu, atsogoleri wakutonga bzulu, madzana, makumi machanu, na makumi. ²⁶Ndipo adatonga wanthu nthawe zense. Mirandu yakunesa akhabwelanayo kuna Mose, soma mirandu ming`ono ming'ono akhatonga wokha. ²⁷Kinangoka Mose adabvuma mabzala wache kuchoka, ndipo Yetero adabwerera ku nthaka yakwawo.

19¹Mwezi wachitatu kuchokera pomwe ma Aisraeri yadabula kuchoka munthakela munthaka ya Aiguputo, pa nsiku yokhayokhayo, adabwera kuchipululu cha Sinai. ²Pomwe adachoka ku Refidimu ndipo adabwera kuchipululu cha Sinai, adakakhala mu chipululumo kutsogolo kwa phiri.³Mose adakwira kuna Mulungu. Yahova adamuchemerera kuna iye kuchoka pa phiri ndipo achiti, ''Umbawauze amyumba mwa Yakobo, wanthu waku Aisraeli: ⁴Mudawona bzomwe ndidawachitira ma Aiguputo, momwe ndidakunyamulirani imwe pa maphapidwe ya Mphungu kukubweresani imwe kuna ine. ⁵Ndipo tsapano, penu munibvera kuna mafala yangu na kukoya mpangano wangu, mumdzakhala wanthu wangu wakupambulika kuchokera mwa wanthu wense, poti dziko lense lapansi ndangu. ⁶Munzakhala ufumu bwa wansembe na dziko lakupambulika langu. ''Aya ni mafala yomwe ukalewe kuna wanthu waku Aisraeri.''⁷Tsapano Mose adabwela achichemela akulu akulu wa wanthu. Adawabweresera iwo mafala yense yomwe Yehova adamuwuza iye. ⁸Wanthu wense adatawira pabodzi achiti, ''Tinzachita bzense bzomwe Yehova walewa.''Tsapano mose adabwelela kukalewa mafala ya wanthu wale kuna Yehova. ⁹Yahova adalewa kuna Mose, Ninzabwela kuna iwe mu mtambo upswipa kuti wanthu abve pomwe ndiri kulewera na iwe ndipo akukhulupilrire nthawe zense. Tsapano Mose adalewa mafala ya wanthu kuna Yehova.¹⁰Yahova adalewa kuna Mose, ''Ndoko kuna wanthu. Lero na mangwana uwapambule iwo kuna ine, na iwo akhale wakufula bzakubvala bzawo. ¹¹Akonzekere nsiku yachitatu, thangwe nsiku yachitatu Yahova anzabuluka kuphiri la Sinai.¹²Uwakonzere malire kuzungulira phiri lense. ulewe kuna iwo, 'Khalani wakusamala kuti nampodi kukwira m'phiri pinango kuphata malire yache. Aliyense omwe aniphata phiri chadidi anzafa. ¹³Palibe boko la aliyense limuphate iye. Pinango, iye abomiwe naminyala owoneye abowoliwe. Neye penu ninyama penu nimunthu, nampodi kuti akhale na moyo. Pomwe lipenga linikuwa mkuwo wache, iwo akwire padzaulu pa phiri.''¹⁴'Tsapano Mose adabuluka m'phiri mule achiyenda kuna wanthu. Iye adawapambula wanthu kuna Yehova napo iwo adafula bzakubvala bzawo. ¹⁵Iye adalewa kuna wanthu, ''Khalani wakukonzekera nsiku yachitatu; lekani kufendera kuna azikazanu.''¹⁶Pansiku yachitatu, pomwe nthawe yikhali kumachibese, kukhana kugunda nabziphaliwali namtambo upswipa pa phiripo, namkuwo wa lipenga lakukuwa kwene_kwene.Wanthu wense m'matsasa mule adatetemera. ¹⁷Mose adabweresa wanthu wale kunja kwa tsasa kudzagumana na Muulungu, napo iwo adayima m'tsinde mwa phiri. ¹⁸Phiri la Sinai lidaphsinkhika na utsi thangwe Y ahova adabuluka momo mumoto nautsi. Utsi budakwira ningautsi bwa ng'anjo, napo phiri lidagwededzeka bzamphamvu.¹⁹Pomwe mkuwo wa lipenga ukhakuwira kuwira, Mose adasewera, napo Mulungu adamutawira iye m'mafala. ²⁰Yahova dabuluka pa m'piri la Sinai, padzaulu pa phiri, apo iye adachemera Mose akwire padzaulu pa phiri. Tenepo Mose adakwira padzaulu. ²¹Yahova adalewa kuna Mose, ''Ndoko ubuluke ukawacheuze wa wanthu; thangwe iwo angagwe kuna Yahova kuti awone, apo iwo azinji angadzongeke. ²²Ubvume wansembe abwere pomwe chifupi na ine abzipambule okha_ abzikonzesere okha pakubwera kwangu_ kuti ndisaye kuwadzonga iwo.²³Mose adalewa kuna Yahova, ''Wanthu angakwanise lini kukwira paphiri la Sinai, thangwera imwe mudatiwuza ife: 'Konzani malire kuzungulira phiri napo mubzipambule ilo kuna Yahova.''' ²⁴Yahova adalewa na iye, ''Ndoko buluka pansi apo ukakwire naye Aroni pabodzi na iwe, soma nampodi kulekerera wansembe na wanthu kupitirira kwira kufika kuna Yahova, owo iye anzawadzonga iwo.'' ²⁵Tenepo Mose adabuluka m'phompho kuna wanthu achisewera naiwo.

20¹Mulungu adasewera mafala yenseya achiti: ²Ine ndine Yahova Mulungu wako, omwe ndidakuchosani imwe kudziko la Aiguputo, kunyumba ya ukapolo. ³Lekani kukhala nayo milungu inango soma ine ndekha.⁴Lekani kubzikonzera mwekha bzindendemezo bzakusema ayayi chilichentse chakundendemezela ndicho chili kudzaulu, pinango chomwe chili pansi madzi. ⁵Lekani kudzipembedzera bzimwebzo, pinango kubzitumikira bzimwebzo, thangwe ine Mulungu wako, ndine Mulungu wantsanje. Wakulanga wana thangwe la babawo, kufika m'bwado wachitatu na wachinayi wa iwo ndiwo wakuwengana na ine. ⁶Soma nimbawonesa lufuyi kuna bzikwi bza wale omwe ambandifuna ine na kukoya malamulo yangu.⁷Nampodi kunguma dzina la Yahova Mulungu wako papezi, thangwe iye anzamuyesalini iye wakusaya omwe iye aniguma dzina lache papezi.⁸Umbakumbuke nsiku ya Sabata, kukhala yakupambulika kuna ine. ⁹Umbaphate nakumaliza mabasayako yense m'masiku matanthatu. ¹⁰Soma nsiku ya chinomwe ni Sabata la Yahova Mulungu wako. Pansiku imweyi nampodi kumbaphata basa lilirense, iwe, pinango mwanako wachimuna, pinango mwanako wachikazi, pinango nyabasa wako wachimuna, pinango nyabasa wako wachikazi, pinango chifoyo chako, pinango mulendo wakoomwe ali pa msuwo pako. ¹¹Thangwe nsiku zitanthatu Yahova adakonza kudzaulu na pansi, m'nyanza na bzense bzomwe bziri momo, achipuma nsiku yachinomwe. Tenepo Yahova adadalisa nsiku ya Sabata achilipambula.¹²Lemekeza babako na mamako, kuti nsiku zamoyo wako ziwande m'dziko lomwe Yahova ¹³Mulungu wa adakupasa. ¹⁴Nampodi kupha aliyense. Nampidi kuchita chigololo.¹⁵¹⁶¹⁷Nampodi kubera aliyense. Nampodi kulewa umboni bwakunama kuna mwanzako. Nampodi kusirira nyumba yamwanzako; nampodi kusirira mkazi wa mwanzako, nyabasa wache wachimuna, nyabasa wache wachikazi, ng'ombe yache, bulu wache, pinango chilichense chomwe nchache mwanzako.''¹⁸Wanthu wense adawona kugunda na bziphaliwari, nakubva mkuwo wa lipenga, napo adawona phiri likuchoka utsi. Pomwe wanthu zadaona bzobzi, adatetemera achiyima patali. ¹⁹Iwo adalewa kuna Mose, ''Leweni nafe, apo ife tanzabvera; soma Mulungu nampodi kuti alewe nafe, pinango ife tingafe.'' ²⁰Mose adalewa kuna wanthu, ''Nampodi kugopa, thangwe Mulungu wabwera kudzakuyezani kuti ulemerero bwache bukhale na imwe, nakuti imwe musaye kuphonya.'' ²¹Tsono wanthu adayima patali, apo Mose adawufenderera mtambo upsipa pomwe pakhana Mulungu.²²Mulungu adalewa kuna Mose, ''Ibzi ni bzomwe mukuthemela kuwawuza wanthu waku Aisraeri; 'Imwe pamwekha mwawona kuti ndalewalewa namwe kuchoka kudzaulu. ²³Munzabzikonzela lini pamwekkha milungu inango pambali pa ine, milungu ya siliva pinango milungu ya golide.²⁴Undiumbi guwa lansembe la dongo, napo upereke nsembe zako yakupseleresa, nsembe zako za mtendere, mabila yako na ng'ombe zako. Palipense pomwe ine nimkumbusa dzina langu kuti liremekeziwe, ine ninzabwera kukhala nawe ndichikudalisa. ²⁵Penu undimangira guwa la nsembe la minyala, leka kundimangira la minyala yakusema, thangwe penu uniphatisa basa bzakusemera bzako unilidzonga. ²⁶Nampodi kukwira na matambiko kuguwa langu la nsembe, kuti bzingaoneke bzakubisika bza thupi lako.'''

21¹Tsapano ayandiyo mayeruzo yomwe umbayayikhe pamaso pawo:²'Ukagula nyabasa wachi Hebri aphate basa magole matanthatu, apo gole lachinomwe anzayende fovolo neye kupasiwa chinthu. ³Penu adabwera yekha, ayende terepoyo yekha; penu akhali wakulowola, mkazacheyo ayende pomwe mfulu na iye. ⁴Penu mbuya wache adamupasa mkazi apo iye adamubalira wana wachimuna pinango wachikazi, mkaziyo na wanawo anikhala wa mbuya wacheyo, iye ayende yakha wakutsudzuka.⁵Soma penu nyabasayo akulewesesa kuti, ''Ndikufunisisa mbuya wangu, mkazangu,na wana wangu; niniyenda lini kuti nditsudzuke,'' ⁶tsapano mbuya wache abwere naye iyeyo kuna Mulungu. Mbuyayo aamubwerese pamsuo pinango pa mphuthu za msuwo, apo mbuya wacheyo amupsonde khutu lache na mkuluzo. Apo iyeanzakhala kapolo wache m'moyo wache wense.⁷Penu munthu anigulisa mwanawache wachikazi kukhala kapolo wachikazi, naleke kutsudzuliwa ningamule anichitira na na kapolo wachimuna. ⁸Penu alibe kumukomedwesa mbuya wache, omwe amusankhula ule, tsapano amubvume kuti alomboliwe. Iye alibe mphamvu yakumugulisa kuna wanthu wachilendo. Alibe ufulu bomwebo, thangwe iye waphonyesa mpangano wakumulowola iye.⁹Penu mbuyayo adanusankhula iye kuti akhale mkazi wamwanache, iye amukoye chibodzibodzi ninga akukoya mwache wachikazi. ¹⁰Penu anilowola mkazi winango, naleke kumuna phoso, bzakubvla, pinango kugona naye. ¹¹Soma penu animpasa lini bzinthu bzitatubzi, tsapano amuleke ayende sekumpasa kobili iliyense.¹²Munthu aliyense omwe animenya mwayache ateye kumupha, munthu umweyo aphiwembo. ¹³Penu alibe kuchita utowa, apo Mulungu watawira kuti bzichitike, apo ninzakulatirani mbuto yakuti athawire. ¹⁴Penu munthu anikonza ukambowa kuna mwayache achimupha iye mwautowa, apo mumtenge iye, neye penu ali kuguwa la Mulungu, mumuchose aphiwe.¹⁵Aliyense omwe animenya babache pinango mayiwache alikuthemera kufa chadidi. ¹⁶Aliyense omwe aniba munthu mwayache achikamugulisa, pinango munthuyo wagumanika lakumukoya _nyakuba mwayacheyo akuthemera kuphewa. ¹⁷Aliyense omwe anitemberera babache pinango mamawache akuthemera kuphewa chadidi.¹⁸Penu wanthu animenyana apo winango mkumuboma mwayache na mwala pinango nachibakera, apo munthuyo alibe kufa, soma wakumenyiwayo achiduwala; ¹⁹tsono penu iye anilimba mkukwanisa kufamba na psimbo, munthu nyakumumenyayo anzamupagari thangwera nthawe yomwe akuduwalayo; iye aonesese kuti wamalizika kulimba. Soma munthu umweyo akuthemera lini kuphewa.²⁰Penu munthu animeya nyabasa wache wachimuna pinango nyabasa wache wachikazi na mpsimbo, apo penu nyabasayo anifa thangwera kumenyiwako, munthu umweyo ambatambire chilango. ²¹Soma penu, nyabasa ule anikhala na moyo nsiku ibodzi pinango ziwiri, pamwepo palibe mulandu, thangwe iye anibonera kumufiliziri nyabasayo.²²Penu wanthu akumenyana achidzonga mkazi nyamimba mkaziyo mkutaya mimbayo, soma iye neye kudzongeka kulikwense, tsono munthu wakuphonyayoakungingimiziwa kupagali bzomwe mwenekachilo mkaziyo anilewa, kuchoka kuna iye, apo iye anipagali ninga anyakutonga anilewera. ²³Soma penu wakwetekeka kwene_kwene, kupagali kunzakhala tenepayi moyo kupagali moyo, ²⁴diso kupagali diso, dzino kupagali dzino, boko kupagali boko, nzayo kupagali nzayo, ²⁵kutentha na moto kupagali kutentha na moto, chilonda kupagali chilonda, pinango mtukumpswa kupagali mtukumpswa.²⁶Penu munthu animenya diso la nyabasa wache wachimuna pinango nyabasa wache wachikazi achilidzonga, apo amuleke nyabasayo ayende terepoyo ninga chipepeso cha diso lache. ²⁷Penu achosa dzino la nyabasa wache wachimuna pinango nyabasa wachikazi, ambamuleke ambayende tenepo nyabasayo ninga chipepeso chadzino lache.²⁸Penu ng'ombe inipha mamuna pinango mkazi, ng'ombeyo ibomiwe na minyala, nanyama yacheyo nampodi kuti idyewe; soma mwenekechilo ng'ombeyo atongiwe mulandu. ²⁹Soma penu ng'ombeyo yikhali yakusuntha nakale, apo mwenekechiloyo adachenjezewa soma iye alibe kuyifungira, apo ng'ombeyo yapha mamuna pinango mkazi, ng'ombe yimweyo yibomiwe naminyala, na mwenekechiloyo aphiwe pomwe. ³⁰Penu wauziwa kuti apagali thangwera moyo, iye apagali kuti apulumuse moyo wache penu bzifunika kuterepoyo.³¹Penu ng'ombe yasuntha mwana wachimuna pinango wachikazi, mwenekechilo ng'ombeyo achite bzomwe bzimfunikana kuchitabzo. ³²Penu ng'ombe yasuntha nyabasa wachimuna pinango nyabasa wachikazi, mwenekechilo ng'ombeyo apagali masekeri makumi matatu ya siliva, apo ng'ombeyo ibomiwe na minyala.³³Penu munthu wachera dindi, pinango wachera neye kumpsinkha, apo ng'ombe pinango bulu mkugwera momo, ³⁴mwenekechilo dindiyo ambapagali bzomwe bzadzongekabzo. Ambapagali kobili kuna mwenekechilo chifuwoyo, nang'ombe yakufayo imbakhale yache mwenekechilo dindiyo.³⁵Penu ng'ombe yanthu yamenya ng'ombe yamwanzache ng'ombeyo yafa, apo ambaguluse ngómbe yamoyoyo achigawana kobilizo, apo ambagawane pomwe ng'ombe yakufayo. ³⁶Soma penu bzikhadziwika kuti ng'ombe ikhali yakusuntha nakale, mwenekechiloyo akhayifungira lini, ambapagali chadidi ng'ombe yamoyo, apo chifuwo chakufacho chimbakhale chache mwenekechiloyo.

22¹Munthu akaba ng'ombe pinango Bila wa mwanzache achikapha ayayi kukagulisa, iye apagari Ng'ombe zichanu kuna Ng'ombe ibodziyo, na Mabila manayi kuna Bila m'bodziyo. ²Penu mbava yagumanika ikupsonda nyumba ya mwenekachiro, ndipo yamenyiwa ateye ichifa, palibe ndiye adzakhala pa mulandu thangwe la mulopa wacheyo. ³Soma penu dzuwa labula iye akanati kupsonda, adzakhala pa mulandu munthu ndiye animuphayo. Mbavayo ipagari. Soma penu alibe chilichense, amugulise malingana na umbava bwache. ⁴Penu chifuyo chabewacho chagumanika na iye chikana moyo, penu ni Ng'ombe, pinango Bulu, pinango Bila, iye apagari kawiri.⁵Munthu akadyesera bzifuyo bzache m'munda, pinango mmunda wa mpesa apo lekani chifuyo chachecho chitengiwe, ndipo iye apagari kawiri kuna mwenekachilo mundayo na mwenekachiro mpesayo.⁶Penu munthu wachontha thengo motoyo uchiyenda ateye kukachontha munda wa Tiligu, pinango Tiligu wakusaya kugwata, pinango munda wense uchipserera, munthu ndiye wachontha thengoyo apagari kawiri.⁷Penu munthu winango wakakoyesa kobili kwa mwanzache, zichibewa m'nyumba mwachemo, penu mbavayo yagumanika, mbavayo ipagari kawiri. ⁸Soma penu mbavayo ilibe kugumanika, amutenge mwenekachiro nyumbayo ayende naye kuna nyakutonga kuti akaone penu iye alibe kuikha boko lache pa vida yamwanzacheyo. ⁹Pakuti mulandu uliwense wakuphonyeka, penu ni wa ng'ombe, bulu, bila, chakubvala, ayayi chinthu chilichense ndicho winango anchilewa kuti, ''Ichi nchangu,'' mulandu wa wensenewo ayende nawo kuna anyakutonga. Munthu ndiye amkonwa na anyakutongawo iye apagari kawiri kuna mwanzacheyo.¹⁰Penu munthu winango wapasa mwanzache bulu, ng'ombe, bila pinango chifuyo chilichense kuti akoye, penu chinifa ayayi kutchoka pinango chatengiwa ndipo palibe m'bodzi ndiye waona, ¹¹lumbiro kuna Yahova likhale kuna wensenewo, ninga nim'bodzilini omwe adaikha boko lache pa vida ya mwanzacheyo. Mwenekachiroyo atawirize ibzi, ndipo winangoyo nampodi apagali. ¹²Soma penu chidabewapo chikhana iye, winangoyo amupagari kawiri mwenekachiloyo. ¹³Penu chifuyocho chidagwatikagwatika ateye nthindi_nthindi, lekani munthuyo abwelese nthindi_nthindi za chifuyocho ninga umboni. Ndipo iye adzapagarilini.¹⁴Munthu akakumbira chifuyo kuna mwanzache ndipo chifuyocho chapwetekeka pinango kufa mwenekachiroyo kulibe, munthu winangoyo apagali. ¹⁵Soma penu mwenekachiloyo akhali popo, nampodi winangoyo apagali, penu chifuyocho chikhadakumbizidwa na kobiri, chim'pagalidwi na kobiri yomwe akhadakumbizirayo.¹⁶Munthu anganyenga dende lomwe linati bvunziriwa, achigonana naye, mamunayo apagali kobiri za mtombwe ndipo amuloworeletu akkhale mkazache. ¹⁷Penu babache wa mkaziyo walamba kupeleka mwana wawoyo kuna iye, iye apagali kobiri zakundendemera na zamtombwe wa madende.¹⁸Lekani kubvuma nyakupanda kuti akhale na moyo. ¹⁹Munthu ndiye anigonana na chifuyo chadidi munthu omweyo aphewe.²⁰Munthu ndiye anipereka nsembe kuna mulungu winango kupambula kuna Yahova omweyo adzongiwe mwakumaliziratu. ²¹Lekani kupondereza mulendo pinango kumuboneresa, thangwe imwembo mukhali alendo kudziko la Aiguputo.²²Lekani kuboneresa mkazi wakufedwa bayache pinango wana wakufedwa babawo. ²³Penu muniwaboneresa iwo, na iwo achindipfuulira inepano, ine nidzabvadi kulira kwawo. ²⁴Kupsoma kwangu kum'nzagaka ndipo nidzakuphani na lupanga; Azikazanu achidzala anyakufedwa, na wana wanu achidzalakhala wamasiye.²⁵Penu wafiyalisi kobiri kuna m'bodzi wa wanthu wangu omwe ni nyakusauka, leka kukhala ninga nyakufiyalisi kuna iye pinango kumuuza kuti apagari na kobili yakuthimizira. ²⁶Penu watenga chakubvala chamwanzako ndipo waphatisa chinthu, ubwezere dzuwa likanati kumira, ²⁷thangwe nchimwecho chokha chakufunika chache; Na chakubvala cha pathupi lache. Adzafunika chiyani pakugona? Apo iye akandipfuulira, ine nidzamutetekera iye, pakuti ndine wachisomo.²⁸Nampodi kundipepuza inepano, Mulungu, neye kutembelera mtongi wa wanthu dzinza lako.²⁹Lekani kuchedwa kupereka bzakupereka bza bzakukolora bzanu pinango bzakutsira bzanu. Munmbandipase ine mwana wakuyamba wa mwanako wachimuna. ³⁰Umbachite bzibodzi_bodzibzo na ng'ombe zako na bila wako. Kwa nsiku zinomwe zimbakhale na mayi wawo, soma nsiku yachiusere mumbandipase inepano. ³¹Mum'dzakhala wanthu ndiwo mudayikhiwa mwa kupambulikira ine. Tsono lekani kumbadya nyama yomwe yadyewa na chirombo. M'malo mwache, mumbayi thusire mbuwaya.

23¹Nampodi kunamizira mwanzako. Nampodi kugumikidzana na wanthu wakuipa kuti umbalewe umboni bwakunama. ²Nampodi kutewera chithimu cha wanthu kuti muchite bzakuipa, ndipo nampodi kuchita umboni bwakunama pakhala mbali ya chigulu cha wanthu kuti mugonyolese chilungamo. ³Nampodi kuonesa kukomesa kuna munthu nyakusauka.⁴Ukaona ng'ombe pinango Bulu wa munthu nyakuwengana naye akusochera, um`bweze uchimpasira mwenekachiro. ⁵Penu uniona Bulu wamunthu ndiye ambakuwenga wagwa panjira na mitoro yache, nampodi kumuleka tenepoyo munthu umweyo. Chadidi umuthandize munthu umweyo pabodzi na bulu wacheyo.⁶Nampodi kukomesa mulandu wa nyakusauka mwanzako. ⁷Namodi kugumanikidzana na wanthu wakunama, ndipo nampodi kupha munthu wakusaya kuphonya pinango wakulungamira, nakuti ine nidzamuyesarini wakungamira munthu wakuipa. ⁸Nampodi kutenga bobobo, thangwe bobobo ambafunga maso ya wanthu ndiwo ambaona, achisanduliza mafala ya munthu nyakulungama. ⁹Nampodi kubonelesa mulendo, nakuti imwembo mukhali alendo ku dziko la Aiguputo.¹⁰Kwamagore matanthatu ubzale mbeu mmunda mwako uchimbakolora bzakukolorabzo. ¹¹Soma gore lachinomwe uuleke terepoyo, kuti anyakusauka wa dzinza lako adyembo. Uchite pomwe bzibodzibodzibzo na munda wako wa Azitona na Mpesa.¹²Nsiku zitanthatu umbaphate basa lako, soma nsiku yachinomwe umbapume. uchite bzimwebzi kuti ng'ombe yako na bulu wako bzipumembo, nakuti mwana wachimuna wa nyabasa wako wachikazi na mulendo wako apume. ¹³Utetekere chilichense ndicho ine ndalewa kuna iwe. Lekani kuguma madzina ya milungu inango neye pamulomo pako nampodi libveke dzina lawo.¹⁴Mumbayende kundichitira madyerero katatu pagore iliyense. ¹⁵Umbachite madyerero ya chakudya chakusaya bzakufufumisa. Ninga momwe ndidakuuzira, um'dzadya mkate wakusaya bzakufufumisa mnsiku zinomwe. Panthawe yabwino, umbabwere dzaonekera pamaso pangu mu mwezi wa Abibu, omwe udaikhiwa na thangwe limweri. Ukhali mwezi umweyu ndipo mudabula kuchoka ku Aiguputo. Soma nampodi kubwera pamaso pangu ulibe ccinthu.¹⁶Umbachite madyerero na bzakukolora bza mmunda mwako, bzisapo bzakuyamba bza m'munda mwako. Umbachite pomwe madyerero na bzakukolora bzako kumamaliziro kwa gore, ungamala kukolora bzam'munda mwako. ¹⁷Azimuna wense ambabwere kuna Mbuya Yahova katatu pagore lilirense.¹⁸Nampodi kupereka mulopa wakuchoka ku nsembe ndiyo mwandikonzela na mkate wakuikha bzakufufumisa. Namafuta ya nsembe ya madyerero yangu nampodi yamnagone usiku bwense ateye kufika machebese. ¹⁹Mumbabwerese bzipaso bzakusankhuliwa bzakutoma bzammunda mwako m'nyumba mwangu, nyumba ya Yahova Mulungu wako. Nampodi kuphika mwana wa mbuzi mu mkaka wa mayi wache.²⁰Ine nimkutumizirani mngelo kuna imwe kuti akutsogolereni munjiramu, achikufikisani ku mbuto ndiyo ine ndidakonza. ²¹Mum'khongobze na kumutetekera iye. Nampodi kumubvesa kuwawa mtima wache, thangwe iye adzakubwezeranilini kuphonya kwanu. Dzina langu lina iye. ²²Penu munitetekeradi mwachadidi fala lache nakuchita chilichense ndicho ine nimkuuzani, nidzakhala wakuwengana na iwo ndiwo mumbawengana nawo na kuboneresa omwe ambakuboneresani imwepo.²³Ngero wangu anzakutengani achikufisani kwa Aamori, Nahiti, Apelezi, Akapanani, Ahiti, na Ayebusi. Napo ninzawadzonga. ²⁴Lekani kugodamira milungu yawo, kuyinamatila, pinango kuchita bzomwe iyo ambachita, soma muwadzonge wense nakugumula nsanamila zikhale mvululu. ²⁵Ndipo munamatile Yehova Mulungu wanu, ndipo iye anzadalisa chakudya chanu na madzi yanu. Ninzachosa matenda pakati panu.²⁶M'dziko lanu mudzakhalalini munthu nyakusaya kubala pinango wakutaya mimba. Nidzakupasani moyo uzinji. ²⁷Nidzatumiza kugopswa kwangu kuna imwe, ndipo nidzathamangisa wanthu wense ndiwo adzabwera kuna imwe, ndipo nidzachitisa anyakukuwengani azungunuke achinyang'anisa misana yawo kuna imwe. ²⁸Nidzatumiza malume ndiyo yadzathamangisa Ahivi, Akanani, na Ahiti pamaso panu. ²⁹Nidzawachosalini pamaso panu kwa gore libodzi, kuchitira kuti dziko lanu lingasanduke matere, pinango nyma zakuthengo zingawane kuna imwe.³⁰M'malomwache, ninzawathamangisa pang'ono na pang'ono kuchoka pamaso pako kifikizana utawanda m'dziko ndiro ndidakupasa. ³¹Nidzanemba malire yanu kuyambira kunyanza ifwira ateye kufika kunyanza ya Afilisiti, nakuchoka kuchipululuateye kunyanza. Pakuti nimdzakupasa dzikolo m'manja mwako na wanthu ndiwo ambakhala momo. Iwe um'dzawathangisa pamaso pako. ³²Lekani kupangana nawo iwo neye na milungu yawo. ³³Nampodi akhale mu dziko lanu, pinango kuti angakuphonyeseni imwepo kuna ine. Penu muniigodamira milungu yawo, chadidi udzakhala murapu kuna imwe.''''

24¹Ndipo Yahova adalewa kuna Mose, '' Ubwere kuna ine_ iwepo, Aroni, Nadabu, Abihu, na atsogoleri wa wana wa Israyeli makumi manomwe, ndipo mundigodamire ine kutali na inepano. ²Mose yekha ndiye afendere kufupi na ine. Winangowo nampodi afendere, neye kubwera naye pabodzi Moseyo.''³Mose adayenda achikawauza wanthu mafala yense ya Yahova na pangano lache. Wanthu wentse adatawira na fala libodzi achiti, ''Tim'dzachita mafala yense yomwe Yahova walewa.'' ⁴Apo Mose adanemba mafala yentse ya Yahova. Machibese kwerekwene, Mose adamanga guwa panyansi pa phiri apo achilonza ntchanamira za minyala khumi na ziwiri, kuti minyalayo ikuimira madzinza khumi na mawiri ya Israyeri.⁵Iye adatuma wana wakusinkhikira wa dzinza la wana wa Aisraeri kuti akapereke nsembe yakuotcha na ntsembe ya mvululu za nyama ya ng'ombe kuna Yahova. ⁶Mose adatenga tsentse wa mulopa achiikha mpalato; adatenga tsentse linango la mulopa achiwaza paguwapo.⁷Iye adatenga bukhu la chipangano ndipo adarewenga mwakukwiza fala kuna wanthu. Apo wanthu adalewa, ''Tim'dzachita bzense ndibzo Yahova walewa. Tim'dzakhala wakutetekera.'' ⁸Apo mose adatenga mulopa achiwanza kunawanthu wale. Iye achilewa, ''Uyu nimulopa wachipangano chomwe Yehova adalewa kulewa namwe nakukupasani mafala yensene.⁹Apo Mose, Aaroni, Nadabu, Ahibu, na akuluakulu wana wa Aisaraeli khumi na manomwe wale adayenda kuphiri. ¹⁰Iwo adamuona Mulungu wa Aisaraeli. Pansi pa nzayo zache pakhadaoneka njira yakukonzewa namwala wa safali, ninga mtambo wakuchena. ¹¹Mulungu alibe kuyikha boko kuna atsogoleri wa Aisaraeli. Iwo adawona Mulungu, ndipo adadya nakumwa.¹²Yahova adalewa kuna Mose, ''Ubwere kunaine pano kuphiri ndipo udzakhale kumweko. Ine ninzakupasa iwepo minyala yamalamulo ndiyo ine pano ndanemba, kuti uwapfunzise iwo.'' ¹³Ndipo Mose adanyamuka pabodzi na kabutera wache Yoswa achiyenda kuphiri lamulungu.¹⁴Mose adalewa kuna watsogoleri wale achiti, ''Mukhare popano ndipo mutidikhire ife pano ateye tidzabwere. Aaroni na Huri mubakhala nawo pano. Penu winango anamulandu, ayende kuna yiwo,'' ¹⁵Apo Mose adakwira m'phiri ndipo mitambo adapswinkha m'phirimo.¹⁶Ulemelero wa Yahova budakhala pa phiri pa sinayi, ndipo mitambo idapswinkha m'phiri msiku zitanthatu. M'nsiku yachinomwe mulungu adachemera Mose kuchokera mkati mwamitambo. ¹⁷Mawonekedwe ya ulemelero bwa Yehova bukhale ninga moto wakupswelesa padzawulu pa phiri maso mwa wana wa isaraeli. ¹⁸Mose adapita mkati mwamitambo ndipo adakwira m'phiri. Iye adakhala kuphiri mnsiku makhumi manayi masikati na usiku.

25¹Yahova adasewera kuna Mose, ²''Uwauze wanthu wa Aisraeri kuti atenge chakupereka changu kuchokera kuna munthu omwe anamtima wakufuna kupereka.Utambire chakupereka chimwechi thangwera ine³Ibzi ndobzo bzakupereka bzomwe ukatambire kuchera kuna iwo: golide, siliva, mkuwa, ⁴kamadzi, lifwira, na bzinthu bzamafuta; usalu bwathonje, ukusebwa mbuzi, ⁵makhanda ya mabira yakuuma; makhanda yakusala ya katumbu; miti ya mkecha; ⁶mafuta yakununtchira; bzakununtchirisa mafuta yakudzola; ⁷minyala ya berulo, na minyala yakuyikha paefodi napachifuwa.⁸Ambandimangire mbuto yakupambulika kuti nimbakhale na iwo. ⁹Ukonze mwakundendemeza ninga momwe ndidakuonesera kakonzewe ka kachisi na bzipangizo bzense.¹⁰Iwo akonze likasa la muti wa mkecha. Mulitali mwache mukhale midida miwiri nameya; mulifupi mwache mukhale mdida ubodzi nameya; kutalimpha kwache kukhale mdida ubodzi nameya. ¹¹Ulipsinkhe na golide wachadidi apo ulikonze kunja namkati, ulizungulize na golide mphepete na padzaulu pache.¹²Ukonze mphete zinayi zagolide, nakuyika miyendo yache minayi, na mphete ziwiri mbali yache yibodzi, na mphete ziwiri mbali yinangoyi. ¹³Ukonze pomwe nsandamira za muti wa mkecha nakumpsinkha ibzo na golide. ¹⁴Uyikhe pomwe nsandamirazo mphete pambali pa likasalo, kuti zitakule likasalo¹⁵Nsandamira zikhale na mphete palikasapo; nampodi kuti zibule. ¹⁶Likasalo uliyikhe mboni zomwe nimnzakupasa. ¹⁷Apo uyikhe chitampa chakukhotcherera cha golide chaiye. Militali mwache mukhale midida miwiri nameya, namulifupi mwache mukhale mdida ubodzi nameya. ¹⁸Ukonze pomwe akerubi awiri wagolide uchite kusula matampa mawiriyo kuti yakoyewe bwino.¹⁹Ukonze kerubi m'bodzi kumphepete kwa chakukhtcherera tampa ibodzi, na kerubi winango kumphepete kwa chakukhotcherera tampa yinango. Achikonze ninga chinthu chibodzi na chitampa chakukhotchereracho. ²⁰Akerubiwo afuthure matenga yawo m'nzaulu nakumpsinkha chitampa chakukhotchereracho. Akerubiwo anyang'anisane kunyang'ana chaku khotcherera chitampacho. ²¹Umbakoye chaku khotcherera tampacho padzaulu pa likasalo, apo umbayikhe likikasalo pamboni zomwe ninzakupasazo.²²Pamwepo pa likasapo ninzagumana nawe. Ninzasewera nawe kuchokera pambuto yangu padzaulu pachitampa chakukhotcherera. Panzakhala kuchokera pakati pa akerubi awiri padzaulu pa likasa la mboni zomwe ine nimdzasewera kuna iwe bza malamulo yense yomwe ninzakupasa thangwera wanthu wa Aisraeri.²³Ukonze meza yamuti wa mkecha. Mulitali mwache midida miwiri; namulifupi mwache mdida ubodzi, na kutanimpha kwache kukhale mdida ubodzi nameya. ²⁴Uyimpsinkhe na golide chayiye nakuyikha golide mphepete mwache kuzunguliza padzaulu.²⁵Ulikonze kuzunguliza na mitanda kuyeyezeza chithatha chibodzi mulifupi mwace, nakuzunguliza golide mphepete mwa mitandamo. ²⁶Ukonzepomwe mphete zinayi zagolide uziyikhe makhona manayi, momwe nzayo zinayi ziniponda. ²⁷Mphetezo ziphate pafupi na mitanda kuti ziwone mbuto yakuphata nsandamira. kuti zikwanise kutakula mezayo.²⁸Ukonze nsandamira zamuti wa mkecha nakuzimpsinkha na golide kuti mezayo inyamuliwe nabzo. ²⁹Ukonze mapalato, malukho, mitsuko, nabzikho bzakuphatizira basa pakutungira bzakuperekewa nsembe. ³⁰Ubzikonze bzikhale bza golide chayiye. Apo umbayikhe mkate wakuonekera pamezapo pamaso pangu.³¹Ukonze pomwe chakuyimisira nyale chagolide chayiye. Chakuyimisira nyalecho chikonziwe tsinde na thupi lache, bzikho bzache, misolo yache, na maluwa yache bzikhale bzakuchokera pachinthu chibodzicho. ³²Mphanda zitanthatu zikhale zakuchokera mbali yibodzi__mphanda zitatu zikhale zakuchokera mbali ibodzi, namphanda zitatu za chakuyimisira nyalecho zikhale zakuchokera mbali inango.³³Mphanda yakutoma yikhale na bzikho bzitatu bzakukonzewa na katungulume, na misoloyamasamba na maluwa, nabzikho bzitatu bzakukonzewa ninga katungulume, bzikhale namisolo na maluwa. Bzikhale bzakundendemera zense ninga mphanda zitanthatu zakuchokera kuchuyimisira nyalecho. ³⁴Pa chakuyimisira nyalece pachokha, pakhale chinthupi thupi, pamwepo pakhale bzikho bzinayi bzakukonzewa ninga katungulume, misolo na maluwa yache.³⁵Pakhale msolo pansi pamphanda ziwiri zakutoma_ makonzewe yache yakhale ninga chinthu chibodzi, na msolo pansi pa mphanda zachiwiri_zikonziwe pomwe ninga chinthu chibodzi. Naterepo pakhale msolo pansi pa mphanda zachitatu, na makonzewe yache yakhale ninga ibodzi. Bzikhale pomwe chibodzi__bodzi na mphanda zitanthu zire zinichokera kuchakuyimisira nyalechire. ³⁶Misolo yache na mphanda zache bzense bzikhale chinthu chobodzi, chakunzewa na golide chayiye chili chibodzi.³⁷Umbakonze bzakuyikhira nyale na nyale zache zinomwe, umbazigase nyalezo kuti zimbagake kutsogolo kwache. ³⁸Mbano zache na bzakuolera bzache bzikonziwe na golide chayiye. ³⁹Uphatise basa talente m'bodzi wagolide chayiye kukonzera chakuyikhira nyalecho nabzakufunikira bzache. ⁴⁰Uwonesese kuti akukonza ninga momwe udawonera m'phiri mule.

26¹Umange kachisi na zakukonziwa na thonje lakusankhuliwa bwino lifwira, lakuyendera kwakufwira, na lamadzi na moda wa Akerubi. Ili limdzakhala basa la amisili wa luso. ²Kutalimpha kwache ikhale midida makhumi mawiri na sere, na kugwangwanyisa kwache midida minayi. Nguwo zense zapam'suwo zikhale na midida yakundendemera. ³Nguwo zichanu zigumikidzane iyi na inzache, apo zichanu zinangozo zigumikidzane pomwe iyi na inzache.⁴Ukunze mauna yakamadzi kumphepete kwa nguwo zichanu zakugumikidzana zakuyamba zire. uchite pomwe bzibodzibodzibzo na nguwo zichanu zinangozo. ⁵Uyikhe mauna makhumi machanu ku nguwo zapam'suwo zakutoma na kuikha pomwe mauna makhumi machanu ku nguwo zachiwirizo. Uchite tenepoyo kuti maunayo yanyang'anizane. ⁶Ukonze bzakupfuwira makhumi machanu bzagolide apo ugumanikidze bzimwebzo na nguwo zapam'suwozo kuti kachisi akhale wakuphatana.⁷Ukonze nguwo yakumphwinkhira pam'suwo na khanda la mbuzi kuti ikhare khumbi padzaulu pa kachisi. Ukonze nguwo zimwezi khumi na ibodzi. ⁸Kutalimpha kwa nguwo iliyentse ikhale midiuda makhumi matatu, na kugwangwanyisa kwache ikhale midida minayi. Nguwo zense khumi na ibodzi zikhale na midida yakundendemera. ⁹Uphatanidze nguwo zichanu iyi na inzache na zitanthatu zinangozo iyi na inzache. Ufunye nguwo yapam'suwo yachitanthatu kutsogolo kwa kachisi.¹⁰Ndipo uyikhe mauna makhumi machanu ku mamaliziro ya nguwo ibodzi, uyikhe pomwe mauna makhumi chanu ku mamaliziro ya nguwo ibodzi yomwe yaphatanidzana na nguwo yachiwiriyo. ¹¹ukonze bzakupfuwira bza mkuwa makhumi machanu uchibziyikha ku maunako. uphatanidze pabodzi na kachisiyo kuti akhale wakugumanikidzana.¹²Tsense la nguwo yapam'suwo yakusalayo, yomwe ni, yakusala pakumanikiwa pam'suwo wa khumi, imanikiwe kumbuyo kwa kachisi. ¹³Pakhale nguwo m'dida ubodzi iyikhiwe ku mbali yakuyamba na inango m'dida ubodzi pomwe iyikhiwe kumbali inangoyi---zomwe ninguwi ndizo zidasala pakumanika pam'suwo wakhumi zozo zimanikiwe m'mphepete mwa kachisi, inango mbali iyi inango mbali inangiyi ziphwinkhe kachisi. ¹⁴Ukonde chakumphwinkhira kachisi cha makhanda ya bzululume chifwira, na chakumphwinkhira chinango cha makhanda ya katumba padzaulu pache.¹⁵Ukonze mphanda zakuyimisira kachisi za matabwa ya mkecha. ¹⁶Kkutalika kwa mphanda iliyense ikhale midida khumi, na kugwangwanyisa kwache kukhale m'dida na meya. ¹⁷Uyikhe bzakuphatira bziwiri bzamatabwa pa mphanda iliyense kuti uphatanidzire mphandazo ibodzi na inzache. Ukonze mphanda zense zakachisi ninga tenepayi. ¹⁸Pomwe ukukonza mphanda zakachisizo, ukonze mphanda makhumi mawiri za kumbali ya kum'mwera kwa kachisiyo.¹⁹Ukonze milomo ya siliva makhumi manayi kuti uyikhe ku matabwa makhumi mawiri yale. Pakhale milomo miwiri ya thabwa lakuyamba kuti bzakuphatira bzache, na milomo miwiri pomwe pathabwa lililense kuti ikhale bzakuphatira bzache . ²⁰Na mbali inangoyio ya kachisi, mbali ya kumpoto, kukhale matabwa makumi mawiri. ²¹Na milomo yache ya siliva makhumi manayi. uyikhe milomoku thabwa lakuyamba, na milomo miwiri ku thabwa lachiwiri, ateye kumaliza matabwa yenseneyo.²²Kumbuyo kwa kachisi mbali ya kumawulo, kukhale matabwa matanthatu. ²³ukonze matabwa mawiri ya m'makhona za m'mambuyo za kachisi. ²⁴Matabwa yamweya yasagumanikidzane kunyansi kwacheku, soma yagumanikidzane kudzauluku mu chibangiri chibodzi. Bzikhale tenepoyo kuna matabwa yense yam'makhona za kumbuyo. ²⁵uyikhe matabwa masere, na misolo yache ya siliva. Uyikhe misolo khumi na matanthatu ku matabwa yense, misolo miwiri pansi pa thabwa, miwiri pomwe pansi pa thabwa linangolo, ateye kumaliza yense.²⁶Ukonze mitanda ya matabwa ya mkecha---ichanu ya mphanda ibodzi ya kachisi, ²⁷Mitanda ichanu pomwe ya mphanda za mbali inangoyi na mitanda ichanu ya mphanda za mbali ya kumawulo kwa kachisi. ²⁸Mtanda wapakati pa matabwa, omwe ni, umbagwata meya padzaulu, ufike mphepete na mphepete.²⁹Umphswinkhe matabwayo na golide. Ukonze bzibangiri bzache na golide, kuti bzikhale ninga bzakuphatisira mitandayo, umphswinkhe mitandayo na golide. ³⁰Umange kachisiyo malingana na momwe udaoneseledwa ku phiri.³¹Ukonze nguwo yakumpswinkhira pam'suwo yakamadzi, yakuyendera kwa kufwira, na thonje lakusankuliwa bwino, na lakunyalala, na moda ninga wa mkerubi, basa la amisiri waluso. ³²Uyimanike pa mphanda zinayi za matabwa ya mkecha zakumphswinkhiwa na golide. Mphanda zimwezi zikhale na ngoloweko ziwriziwiri ku misolo minayi ya siliva. ³³Uymanike nguwoyo panyansi pa bzakupfuwira, ndipo ubwerese likasa la chipangano. Nguwoyo isiyaanise mbuto yakuchena na mbuto yakuna kwenekwene.³⁴Uikhe chakukhotchelera pa likasa la chipangano, lomwe liri kumbuto kwakuchena kwerekwene. ³⁵Uyikhe meza kunja kwa nguwo yofunga pam'suwo. Uikhe chakuimisira kandiyero mwakunyanizana meza ire mbali ya kumachibese ya kachisi. Meza ikhale mbali yakumauro.³⁶Umbakonze chakufungira pamsuwo. Umbakonze na nguwo yakamadzi, yifwira, bzinthu bzamafuta na usalu bwakufewa, basa lakuchita kugula. ³⁷Thangwe nguwoyo ikhale na nsandamira zichanu zamuti mkecha nakuzimpsinkha na golide. Medzo zawo zikhale zagolide, apo umbasungunure mkuwa muchanu kuna iwo.

27¹Ukonze guwa lamuti wamkecha, kutalimpha kwache midida michanu na midida michanu mulifupi. Guwalo likhale lakundendemera na kutalika kwache midida mitatu. ²Ulikonze lakubula makhona yache manayi yakhale ninga nyanga za ng'ombe. Nyangazo zikonziwe ninga chinthu chibodzi na guwalo, apo ulimpsinkhe na mkuwa.³Ukonze bzakuphatizira basa bzapa guwa la nsembe ninga ibzi: mitsuko yakutayira dotha, mafocholo, mabasiya, mafoloko yakutengera nyama, nabzikalango. Ukonze bzombo bzense n zmkuwa. ⁴Ukonze kabathi ya guwa lansembe, bzikhale bza mkuwa. Ukonze mphete ya mkuwa ya kabathi zikhale pa makhona mayi.⁵Muyikhekabathiyo pansi pa chipande cha guwa la nsembe, ambalekezere pakati pa guwa lansembe. ⁶Ukonze nsandamira za guwa la nsembe, nsandamira za muti wa mkecha, apo uzimpsinkha izo na mkuwa⁷Nsandamilazo muziyike mumphete, apo nsandamilazo ziyikhiwe mbali zense ziwili zaguwa la nsembelo, kuti limbatakulike. ⁸Ukonze guwa lansembelo kuti likhale na mabuli, kuphatisila basa matabwa. Ulikonze ninga mule udawoneseriwa paphili.⁹Ukonze mbuto ya chihema. Mphimpha yakummwera kukhale litsito, malitsitoyo yakhale yaanguwo ziwiri zakufewa na yakunyalala kutalika kwache dzana libodzi. ¹⁰Malitsitoyo yakhale na nsandamila makhumi mawiri, na matsinde makumi mawiri ya mkuwa. Pakhale pomwe ngoloweko zakuphataniziwa na nsandamila, namphsimbo za siliva.¹¹Ntchibodzi_bodzi, mbali yakumpoto, kukhale litsito la midida dzana libodzi kutalika kwache na nsanamila makumi mawiri, makumi mawiri yamatsinde ya mkuwa, ngoloweko zakuphataniziwa kuna nsandamila, na mphsimbo za siliva. ¹²Mbali yakumawulo yambutoyo ikhale na chinguwo chakumphsinkhila chakutalika makumi mashanu.nsandamila zache khumi na mwakuphatila khumi. ¹³Mbutoyo ikhale pomwe yakutalimpha midida makumi machanu kumachibese kwache.¹⁴Mbali ibodzi ikhale ya msuwo ikhale mididida makuni nachanu kutalimpha. Ikhale na nsandamira zitatu na matsinde matatu. ¹⁵Mbali inangoyo ikhale pomwe na malitsito kutalimpha kwache midida makumi machanu. Yakhale na nsandamira zitatu na matsinde matatu. ¹⁶Pamsuwo wa mbutoyo pakhale nguwo yakumpsinkhira kutalimpha kwache midida makumi mawiri. Chinguwocho chikhale chamtundu wa kamadzi, chakufwilira, na mafuta yakufewa na usali bwakufewa, yakukonzewa na munthu wakudziwa. Yikhale na nsandamira zinayi na matsinde manayi.¹⁷Nsandamira zensene zikhale zakulumikidziwa na mpsimbo ya siliva, ngoloweko a siliva na matsinde ya mkuwa. ¹⁸Kutalimpha kwache kwa mbutoyo kukhale midida dzana libodzi, mulifupi mwache mukhale midida makhumi machanu, nakutalika kwache kukhale midida michanu ya chinguwo chakufewa chakumpsinkhira, na tsinde la mkuwa. ¹⁹Bzombo bzense bzakuphatizira basa muchihema, na nkhokho zense za khumbi na chihema zikhale za mkuwa.²⁰Uwauze wanthu wa Aisraeri kuti abwerese mafuta ya olive, yachadidi ayayikhe, ayaphatise basa kugasira nyale kapitiriza. ²¹Muchihema chakugumana, kunja kwachinguwo chakumpsinkhira chomwe chili kutsogolo kwa chihema komwe kumbakhala likasa lachipangano na mboni, Aroni na wanache wachimuna ambakoye nyale zakugaka pamaso pa Yahova, kuyambira maulo atye machibese. Umweyu nimtemo wakusaya kumala kuna Aisraeri na dzinza lawo lense.

28¹Ubzichemerere aroni m'bale wako na wana wache wachimuna_ Nadabu, Abihu, Eliezara na Itamala_ uwapambule pakati pa wanthu wa Aisraeri tenepo kuti andiphatire basa ninga wansembe. ²Umukonzere Aroni, m'bale wako , bzakubvala bzomwe bzidayikhiwa kuna ine. bzakubvala bzimwebzi bzinzakhala ninga ulemerero naukulu bwache. ³Ulewe na wanthu wense omwe mbanzeru mymtima mwawo, Wale omwe ndidawadzaza na mzimu wangu wakudziwa, Tenepo kuti iwo angakonze bzakubvala bza Aroni kuti amubzesese iye kuti akundiphatira basa ninga wansembe wangu.⁴Bzakubvala bzakuti iwo abzikonze nichakubvala chapakadedema, efodi, mkanjo, juzi lakupakasa, chapewu, na bande. Iwo akonze bzakubvalabzi bzomswe bomwe bzinzayikhiwa kuna inepano, Iwo anzakonzera m'bale wako Aroni na wana wache wachimuna tenepo iwo anzandiphatire basa ninga wansembe. ⁵Iwo aphatizire basa khanda la Katumbu lomwe nilagolide, kamadzi, lakufwirira, nabafuta wathonje.⁶Iwo akonze efidi wagolide, wakamadzi, wakufwirira, nanguwo yabafuta, na usalu bwakunyodoka. Ikhale yakkukonzewa na wanthu wakudziwa. ⁷Efodiyo ikhale natumicheka tuwiri paphewa twakusonerera kunsonga kwache tuwiri kumakhona kuti ambamangire. ⁸Mcheka wache wakungira efodi ukhale wakusoniwa mwakudziwa ninga efodi; ikonziwe na dupsa libodzi la efodi, achikonziwa na nguwo yakufewa yomwe inagolide, kamadzi, yakufwirira, yathonje lakufewa. ⁹Utenge minyala miwiri yaonikisi apo unembe madzina ya wana wachmuna wa Aisraeri.¹⁰Madzina yawo matanthatu yanembiwe pa mwala wakutoma, na madzina yinango matanthatu pa mwala winango, malingana na mabliwe yawo. ¹¹Basa lache mwalawo, akhale ninga akugoba, ugobe minyala miwiri na madzina ya wana wachimuna wa Aisraeri. Apo uyikhe minyalayo mubzakuyikhira bzache bza golide. ¹²Uyikhe minyala miwiri padupsa mawiri yamapewa ya efodi, kuti minyala ikhale ninga kumukumbusa Yahova bza wana wachimuna wa Aisraeri. Aroni anzatakula madzina yawo pamaso pa Yahova pamaphewa yache mawiri ninga kumukumbusa iye.¹³Ukonze bzakuyikhira bza golide ¹⁴na njema ziwiri za golide chayiye ninga bzingwe, apo ubziphatanidze kubzakuyikhira njemazo.¹⁵Ukonze chakubvala chapakadedema chaphatisa basa pakutonga milandu, chakukonzewa na munthu wakudziwa kwene_kwene, chakukonzewa ninga efodi. Chikonziwe na golide, kamadzi, naifwirira, bafita wakufewa, nanguwo yakunyodoka. Ikhale yandendemera mbali zensene. ¹⁶Umbayifunye kawiri. Ikhale chithatha chibodzi kulimpha na chithatha chibodzi mulifupi mwache.¹⁷Uyikhe mkatimo mizere minayi ya minyala yakudeka. Mzere wakutoma ukhale na minyala ya rubi, topazi, na yaberiri. ¹⁸Mzere wachiwiri ukhale na minyala ya emeradi, safiro, na ya dayimondi. ¹⁹Mzere wachitatu ukhala naminyala ya opera, agate, na yaametesiti. ²⁰Mzere wachinayi ukhala na minyala ya beriri, onekisi, na yasipi. Ikhale mubzakuyikhira bza golide.²¹Minyalayo yilonziwe ninga mwamadzina ya wana wachimuna waAisraeri. Iwo akhale ninga chithunzi_thunzi champhete yakuchala, mwala uliwense usokonyonziwe ninga chidindo cha dzina la m'bodzi lamadzina khumi na awiri mwakubaliwa. ²²Ukonze tumikufu twakukonzewa bwino, twakukonzewa na golide chayiye. ²³Ukonze mphete ziwiri zagolide zapa chakubvala chapakadedema uziphatise m'makhona mawiri ya chakubvala chapakadedema. ²⁴Uphatanidze tumikufu tuwiri twagolide kumakhona mawiri yapachakubvala chapakadedema.²⁵Nsonga zache ziwiri uphatise tumikufu tuwiri pa bzakuyikhira bzache bziwiri. Kinangoka uphatise ibzo m'mapewa mwaefodi kutsogolo kwache. ²⁶Ukonze mphete ziwiri za golide, apo uziykhe mbali zinango ziwiri za makhona ya chakubvala chapachufuwa, mphepete kuchokera mkati mwamaliri ya efodi.²⁷Ukonze pomwe mphete zinango zagolide, apo uziphatise izo kupansi kwa mapewa madupsa mawiri kutsogolo kwache kwa efodi, padzaulu pang'ono pa bande wa mchiuno wa efodiIwo. ²⁸Ambangirire pachakubvala chapakadedemacho na mphete zache na mphete za efodi na bzingwe bzakamadzi, kuti ambaphatise padzaulu pa efodi na bande wachiuno. Tenepo kuti chakubvala chapakadedema nampodi kuti chilekane na efodi.²⁹Pomwe Aroni anipita mbuto yakuchena, ambatakule madzina ya wana wachimuna wa Aisraeri pamtimza pache pachakubvala chapakadedema akuti asaye kuyebwa, ninga kupitiriza makumbuso pamaso pa Yahova. ³⁰Uyikhe Urimu na Tumimu chabvala chapakadedema ambatonge milandu, apo iwo akhale pamtima pa Aroni pomwe iye akuyenda pamaso pa Yahova. Nipomwe nthawe zense Aroni ambatakula mayeruzo yakutonga kuna wanthu wa Aisraeri pamtima pache pamaso pa Yahova.³¹Udzakonze mkanjo wa efodiyo omwe wense udzakhale moda wa kamadzi. ³²Mkanjoyo ukhale na buli bwakupinzila nsolo pakati pachepo. Pabulipo pakhale na chibande chakungulira chakusoniwa ninga chakupakasa tenepo kuti buli buleke kung'ambika. Iri ni basa la nyakupakasa.³³Pamphepete pa kufunyirira, ukonze mkanjo wa kamanzi na wakufwilira na bzingwe bzifwira. Mabero ya golideyakhale pakati kuzungulira pensenepo. ³⁴Pamwepo pakhale mabero na mkanjo, mabero ya golide na _bzinango_bzizungulire mwakufunyirira mwa mkanjoyo. ³⁵Aloni ambabvale mkanjoyo pomwe akuphata ninga wansembe, tenepo kuti fala lache limbamveke pomwe iye am'mbapita mu mbuto yakuchena pamaso pa Yahova napomwe iye am'mbachoka. Bziri tenepo kuti iye asaye kufa.³⁶Ukonze palato ya golide yekhayekha ugobe chidindo, chakugobiwa manemba yakuti, ''Kuchena kuna Yahova.'' ³⁷Uphatise palatoyo na chingwe chaguwo cha moda wa kamadzi kutsogolo kwa chipewu. ³⁸Chikhale pa mkuma pa Aroni; iye ambasenze chakuphonya chirichense pa bzakupereka bziri dzense bzomwe Aisraeli adabzipambulira Yahova. acahapewu chimbakhale pamkuma nthawe zense kuti Yahova ambatambire bzakupereka bzawo.³⁹Upakase mkanjo wa nguwo yakufewa yakunyalala, ukonze pomwe chipewu cha nguwo yakufewa nayakunyodoka. Bande wache, akhale wakupakasiwa bwino na munthu wakudziwa.⁴⁰Ukonzere wana wachimuna wa Aloni mkanjo, bzitambaya, nabzipewu kuti iwo ambawoneke mwawulemu nakulemekeziwa. ⁴¹Imubvazike Aroni m'bale wako, nawana wache wachimuna. Iwo uwadzoze, uwapase udindo, na kuwapambula kuti andiphatire basa inepano, tenepo kuti ambaphate ninga wansembe wangu.⁴²Uwakonzere makabudula ya nguwo yakufewa yakuyambira mchiwuno kulekezera m'ntchafu, kuti amphswinkhe upezi bwache. ⁴³Aroni nawana wache wachimuna ambabvale bzakubvalabzi pomwe iwo am'mbapita mukhumbi la mgumano pinango pomwe akupita kuguwa la nsembe kukaphata basa mumbuto yakuchena. Iwo achite bzobzi tenepo kuti iwo asaye kuphonya ayayi kufa. Umwewu nimtemo wakukhazikika wa Aroni nadzinza lache.

29¹Tsapano umundimo umbachitire ukafuna kuwapambula kuti iwo andiphatire basa ninga wansembe wangu. Utenge tonde wa mwana wang'ombe na mabira mawiri wakusaya kupunduka, ²mkate wakusaya chakufufumisa, makeke wakusaya chakufufumisa yakusanganiza mafuta. Utenge pomwe mkate wakusaya chakufufumisa yakusanganiziwa na mafuta. Ukonze mkate kuphatisa basa ufa bwakunyodoka bwa tirigu.³Ubziyikhe mdengu libodzi, ubzibwerese mdengumo, apo ubziwonese ibzo na ngo'ombe imunayo na mabira mawiriyo. ⁴Mumbabziwonese kuna Aroni na wana wache wachimuna pamsuwo wachihema chikhumbi chakugamana. Apo ubatize Aroni na wana wache wachimuna m'madzi.⁵Utenge bzakubvala umubvazike Aroni na juzi, mkanjo wa efodi, na chakubvala chapakadedema, umange mchiuno na bande wa efodi kupakasiwa bwino kuzunguliza mchiuno mwache. ⁶Umubvazike chapewu mumsolo mwache apo uyikhe chilatizo chakupambuliwa chire pa chapewupo. ⁷Kinangoka utenge mafuta yakudzozera umuthire pamsolo pache, apo tenepo wamudzoza iye.⁸Ubwerese wana wache wachimuna uwabvazike pomwe iwo mikanjo. ⁹Ubvazike Aroni na wana wache wachimuna maduku na bzipewu kumisolo kwawo. Basa la unsembe linzakhala nayiwo malingana na mtemo umweyu wakusaya kumala. Natenepo uchenese Aroni na wana wache wachimuna kuti iwo aphate basa langu.¹⁰Undibweresereng'ombe imuna pamaso pa chikhumbi chakugumana, na Aroni na wana wachewa chimuna uwabzatike manja yawo pamisolo yawo. ¹¹Umbaphe ng'ombeyo pamaso pa Yahova pa msuwo wachikhumbi chakugumana.¹²Utenge mulopa winango wa ngombe imuna uchiyikha pa manyanga yapaguwa lansembe na chala chako, apo uthire mulopa wakusalayo patsinde la guwa lansembelo. ¹³Utenge mafuta yense yakukutirira mautumbo, utenge pomwe mafuta yakukutirira chilopa na impso ziwiri na mafuta yakumweko; ubziwotche paguwa la nsembelo. ¹⁴Soma nyama ya ng'ombeyo, pabodzi na khanda na ndowe, bzowotchiwe panja pa khumbi. Yimweyi ninsembe yakupepesera bzakuphoya.¹⁵Utenge pomwe bira m'bodzi, Aroni na wana wache wachimuna abzatike manja yawo pa msolo wache. ¹⁶Umuphe birayo, apoutenge mulopa wache uwuwaze mbali zense za guwa la nsembelo. ¹⁷Ugwate birayo nthindi_nthindi apo utsuke mawutumbo na miyendo yache, apo uyikhe mautumbo, pabodzi na nthindi_nthindizo na msolo wache, ¹⁸paguwa lansembe. Kinangoka uwotche bira wenseneyo. Inzatenthewa ninga chakupereka kuna yahova, loli nimfungo ladidi, chakupereka chakunziwa kuna Yahova na moto.¹⁹Utenge tonde wa bira, Aroni na wana wache wachimuna ayikhe manja yawo pamsolo pache. ²⁰Kinangoka uphe tonde wa birayo apo utenge mulopa wache winango. Upake pa nsonga ya khutu lakumadidi la Aroni, na nsonga zamakutu yakumadidi kwa, wana wache wachimuna, nachala chikulu chaku maboko yawo yamadidi, na chala chikulu cha nzayo zawo zakumadidi. Kinangoka uwaze mulopa mbali zense za guwalo.²¹Utenge mulopa winango omwe uli pa guwa na mafuta yinango yakudzozera, uwaze wense Aroni na bzakubvala bzache, na wana wache wachimuna na bzakubvala bzawo. Aroni tsapano adzabzipambule thangwera ine, pabodzi na bzakubvala bzache, wana wache wachimuna pabodzi na bzakubvala bzawo.²²Utenge mafuta ya tonde wa bira , na mafuta yamchila, na mafuta yakupsinkha mautumbo, na mafuta yakupsinkha bzilopa, ipso ziwiri na mafuta yache, na mwendo wakudzaulu_ wa bira wakumadidi bzimwebzi bzakudzala manja kuna ine. ²³Utenge mkate ubodzi upulumira, na mkate ubodzi ung'ono wakusanganiza na mafuta, na kamkate kang'onong'ono kakuchokera m'dengu la mikate yakusaya bzakufufumisa bzakukhala pamaso pa Yahova.²⁴Uyikhe bzensenebzi m'manja mwa Aroni na m'manja mwa wana wache wachimuna apo ubziyepule thangwe la ine ubzipereke nsembe yakuyepula pamaso Yahova. ²⁵Kinangoka utenge bzakudya kuchokera m'manja mwawo nakubzigasa paguwa la nsembe nsembe yakupserera. Bzinzakhala namfungo lakununtchira kuna ine; imweyi ninsembe yakuperekewa kuna ine nsembeya moto.²⁶Utenge nkhombe yatonde wa bira wa Aroni apo uyepule ikhale nsembe yakuyepula pamaso pa Yahova, apo imweyi ikhale chiugo chako. ²⁷Upambule kuna ine nkhombe yansembe yakuyepula yomwe yida yepuliwa na mwendo wakudzaulu omwe udakonzewera wansembe_ pabodzi na nkhombe yomwe yidayepuliwa na mwendo wakudzaulu omwe udakonzewera Aroni na wana wache wachimuna_kuchokerakuna tonde wa bira kunzewa ule. ²⁸Bzimwebzi bzikhale chiugo cha Aroni na wana wache wachimuna. Bzikhale bzakukonzewa kuchokera kwa wanthu wa Aisraeri kuperekewa kuna Yahova kuchokera kunsembe zawo za mtendere.²⁹Bzakubvala bzakuchena Aroni bzikoyewere wana wache wachimuna iye angayenda. Iye awadzoze iwo na kuwapereka kuna ine. ³⁰Wansembe omwe anipita mbuto yache akhale wakuchokea ku wana wache wachimuna, omwe ambabwera achipita mkhumbi lakugumana kudzandi phatira basa pa mbuto yakuchena, ambabvale bzakubvala bzimwebzi kwansiku zinomwe.³¹Utenge nyama ya tonde wa bira wakuphayo uyiphike pa mbuto yakuchenayo. ³²Aroni na wana wache wachimuna adye nyamayo na mkate omwe ulidengu ule pamsuwo pa khumbi lakugomana. ³³Ambadye nyamayo na mkate omwe waperekewa kuti bziwakhotcherere nakudza manja nakupambuliwa kuna ine. Kulibe pomwe munthu winango omwe angadye bzakudya bzimwebzi; ambabziyese ninga bzakupambuliwa. ³⁴Penu inisala nyama yakuprekewayo, pinango mkate, kufikiza mangwana yache machibese, apo mumbabzitenthe. Nampodi kuti bzimbadyiwe thangwe bzidapambuliwira ine.³⁵Nanjira yimweyi, nakuweza bzense bzomwe ndakulamula kuti uchite, umuuze Aroni na wana wache. Nsiku zinomwe uwanzekerese. ³⁶Nsiku iliyense umbapereke mkono wang'ombe ninga nsembe yabzakuphonya. Umbachenese guwa lansembe pakuchita chikhotcherero pamwepo. ³⁷Kwansiku zinomwe umbakonze chakukhotcerera thangwera guwa la nsembe nakuli pambula ilo kuna Yahova. Kinangiko guwa la nsembelo limaliziwe na kundipambulira ine. Chilichense chomwe chiphate guwa la nsembe chipambuliwe kuna Yahova.³⁸Ibzi ndibzo umbakonze paguwa lansembelo wana awiri wabira wagole libodzi nsiku iliyense. ³⁹Bira m'bodzi umbapereke nsembe kumachibese, na bira winangoyo umbapereke kumaulo dzuwa likumira.⁴⁰Na bira wakutoma, upereke chachimkumi cha ufa bwakunyodoka bwakusanganiza nalibodzi la magawo manayi ya hini mafuta yakuchokera ku opera, na magawo manayi ya hini wabwadwa ninga nsembe ya bzakumwa.⁴¹Umbapereke nsembe bira wachiri kumaulo dzuwa likumira. Umbaperekensembe yabzakudya ninga kumachibese, napo pomwe nsembe ya bwabdwa yabzakumwa. Bzomwebzi bzakununtchira bwino kuna ine; imweyi ninsembe yangu, yakukonzewa na moto. ⁴²Zimwezi ninsembe zakupserera pabodzi nawana wanu, pamsuwo wachikhumbi chagumana pamaso pa yahova, pomwe ninzagumana namwe nakusewera kuna imwe kumweko.⁴³Pamwepa ninzagumana na wanthu wa Aisraeri; chikhumbi chinzapambuliwa na ulemerero bwangu. ⁴⁴Nimzapambula chikhumbi chakugumana na guwa lansembe bzimwebzi kutibzikhale bzangu ndekha. Ninzapambula pomwe Aroni na wana wache kuti andiphatire basa ninga wansembe.⁴⁵Ninzakhala pampikti pawanthu wa Aisraer apo ine ninzakhala Mulungu wao. ⁴⁶Iwo anzadziwa kuti ine Yahova, Mulungu wao, omwe ndidawabulisa mu Aiguputo tenepo kuti ine ndirikukhala pampikiti pawo. Ine ndine Yahova, Mulungu wao.

30¹Ukonze guwa lansembe ninga mbuto yakufukizira. Ukonze namuti wamkecha. ²kutalimpha kwache likhale m'dida ubodzi na kufupika kwache kukhale m'dida ubodzi. Lense likhale lakundendemera, kutanimpha kukhale midida miwiri. Manyanga yache yakhale yakukonzewa ninga chinthu chibodzi na chimwecho.³Ulimpsinkhe guwa lansembelo na gilide chayiye_padzaulu pache na mphepete, nanmanyanga yache. Ulikonzere malire yakuzungulira ya golide. ⁴Ukonze mphete ziwiri zagolide uziphatise kunyansi kwa malire mbali ziwiri mwakunyang'anisana. Mphetezo zikhale zakuphata nsandamira kuti zitakule guwalo.⁵Ukonze nsandamira zamiti wa mkecha, apo uyimpsinkhe na golide. ⁶Uliyikhe guwa lansembelo nguwo yomwe niya likasa lamboni. Linzakhala chakutchingira chapadzaulu chomwe chidzampsinkha likasa lamboni, pomwe ninzagumana nawo.⁷Aroni ambafukize bzakununtchira machibese yaliyense. Iye ambafukize pomwe alikunza kandiyero, ⁸apo Aroni ambagase pomwe kandiyero maulo tenepo ambfukize bzakufukibzo pamaso pa Yahova, kufikizana wana wao wense wakubaliwa. ⁹Soma nampodi kumbafukiza bzakufukiza bzakuti ndibzolini paguwapo, pinango nsembe yakupserera, pinango nsembe yabzakupereka. Nampodi kuthira nsembe yabzakumwa pamwepo.¹⁰Aroni ambachite chokukhotcherera pa manyanga kabodzi pa gole. Iye ambakhotcherere na nsembe ya mulopa wa bzakupereka bzakuphonya kabodzi pa gole ateye mibzdwao yawo yense. Tenepo ndibzo bzakupambuliwa kuna Yahova.''¹¹Kinangoko Yahova adasewera kuna Mose, achilewa, ¹²''Pomwe unilewenga wanthu wa Aisraeri, apo munthu aliyewense ambapereke chakulombolera moyo wache kuna Yahova. Umbachite bzobzi ukamala kuwalewenga, tenepo kuti pasaye kukhala chisi pakati pawo ukawalewenga. ¹³Aliyense omwe walewengewa pachilewengero ambaperke meya ya sekeli la siliva, malingana nakulemerera kwa sekeli la mbuto yakupambuliwa (sekeri lili ninga magaramu makumi mawiri). Meya ya sekeli imweyi ndiyo chakupereka kuna Yahova. ¹⁴Aliyense omwe walewengiwa, kutomera magole makumi mawiri yakubaliwa kuyenda kutsogolo, ambapereke chakupereka chimwechi kuna ine.¹⁵Pomwe wanthu alikupereka chakupereka chimwechi kuna ine akonze chakukhotcherera pamoyo wawo, nyakudala nampodi kuti apereke bzizinji kulekana na sekeli wa meya, nanyakusauka naleke kupereka bzing'ono_ ng'ono. ¹⁶Umbatambire chakukhotcherera chimwechi kobili kuchoka kuna wanthu wa Aisraeri apo uchilatize kubasa la chikhumbi chakugumana. Kuti chikhale chikumbuso kuna wanthu wa Aisraeri pamaso pangu, kuchita chakukhotcherera kumimoyo yathu.''¹⁷Kinangoko Yahova adasewerakuna Mose, achilewa, ¹⁸''Ukonze pomwe mphendekali yamkuwa na bzakuyisira bza mkuwa, mphendekali yakusambira. Uyiyikhe pakati nakati pa chikhumbi chakugumana na guwa lansembe, apo uthire madzi momwemo.¹⁹Aroni na wana wache ambasambiseri manjayawo na nzayo zawo m'madzimo. ²⁰Pomwe iwo alikupita mkumbi lakugumana pinango pomwe alikuyenda chifupi na guwa lansembe kundiphatira basa lakufukiza nsembe, ambasambe na madzi kuti iwo asaye kufa. ²¹Iwo ambasambe manja yawo na nzayo zawo tenepo kuti iwo asaye kufa Limweri likhale lamulo lakukhazikika kuna Aroni na azukulu wache na mbumba yakubaliwa kwao.''²²Yahova adasewera adasewersa na Mose, achilewa, ²³''Utange bzakununthchira bzabwino; mure wakulemerera madzana machanu, kinimani wakununtchira wakulemerera masekeli madzana mawiri na makumi kachanu, na kani wakununtchira_ bwino wakulemerera masekeli madzana mawiri na makumi machanu, ²⁴madzana machanu ya kida, wakulemerera ninga masekeli ya mbuto yakupambulika, namafuta ya azitona hini libodzi. ²⁵Umbakonze mafuta yakudzoza yakuchena na bzinthu bzimwebzi, basa la munthu wakusanganiza. Yanzakhala mafuta yakudzozera, yakukoyewa tahngwera ine.²⁶Udzoze chikhumbi chakugumana na mafuta yomweya, tenepo pomwe na likasa lamboni, ²⁷gome na bzipangizo bzache bzense, bzakuyikhira kandiyero na bzipangizo bzache, guwa lansembe lakufukizira, ²⁸guwa lansembe yakupsereresa na bzipangizo bzache bzense, na mphendekali pabodzi na chakuyimisira chache.²⁹Ubzipambule kuna ine tenepo kuti ibzo bzikhale bzakupambuliwa kuna ine. Chinthu chilichense chomwe chinikhuya bzobzi chinzakhala chakupambuliwa. ³⁰Udzoze Aroni na wana wache wachimuna nakuwa pambula iwo kuti andiphatire ninga wansembe. ³¹Ulewe kuna wanthu wa Aisraeri, 'Aya ni mafuta yakudzoza yomwe yakupambuliwa kuna Yahova na mibadwo yanu yense.³²Nampodi kuti ayadzore pa thupi, pinango kukonza mafuta yaliyense yakundendemera ninga yamweya., thangwe yamweya ngakupambuliwa kuna Yahova. Muyayese yakupambulika. ³³Munthu aliyense omwe anikonza mafuta ninga yomweya, pinango munthu aliyense aniyayikha kuna mulendo, munthu umweyo agwatiwe kuna wanthu wa mtundu wache.³⁴Yahova adalewa kuna Mose, '' Utenge bzakununtchira_natafi, sekereti, kelebuma_bzakununtchira bzabwino pabodzi na libano chayiye, aliyense pa muyezo wakulingana. ³⁵Ubzikonze bzobzi ninga bzakufukizira, bzakukonzewa mwakununtchira, bzakusanganiwa mwakudziwa, bzakupambuliwa chayibzo. ³⁶Ubzidere bzasanduke bzakunyodoka. Ubziyikhe pakupambula patsogolo pa likasa lamboni, lomwe lili mkhumbi lakugumana, komwe ine ninzagumana namwe. Ubzikoye ninga bzakupambuliwa kwene_kwene kuna ine.³⁷Pabzakufukiza bzimwebzi bzomwe iwe unikonzabzi, nampodi kubzikonzera wekha bzinango ninga bzobzi. Bzikhale bzakupambulika kwene_kwene kuna iwe. ³⁸Munthu aliyense omwe anikonza ninga bzobzo kuti aphatise basa bzakununtchirisabzo agwatiwe kuchoka kuwanthu wa mtundu wache.

31¹Kinangoka Yahova adasewera na Mose achilewa, ²''Nyang'ana, ndachemera nakumulewa dzina lache Bezaleli mwana wachimuna wa Uri mwana wachimuna wa Huri, kuchokera kumtundu wa Yuda.³Ndamudzaza Bazaleli na Mzimu wangu, kumupa iye nzeru, bzidziwiso, luso, namitundu yense yamabasa yakuphatiwa namunthu, ⁴kuti akumbuke mabasa yaluso yakukonza golide, siliva, mkuwa; ⁵kugwata nakukonza minyala nakukolong'onza miti_kuti ikhale mtundu wense wa bzakukonzewa na munthu.⁶Kuthumizira pa iyeyo, ndasankhula pomwe Oholiabu mwana wachimuna wa Ahisimaki, kuchokera kudzinza la Dani. Ndayikha luso m'mitima yawense omweananzeru tenepo kuti iwo akonze bzense ndibzo ndidakulamulira. Bzomwe kuphatanidza ⁷chikhumbi chagumana, likasa la mboni, chakukhotcherera padzaulu pa likasa, nabzipangizo bzense bzamchikhumbi_ ⁸gome na bzipangizo bzache, chakukhazikira kandiyero chayicho, na bzipangizo bzache bzense, guwa lansembe zakufukiza, ⁹guwa lansembe zakupserera na bzipangizo bzache bzense, na mphendekali yikulu nachakukhazikira chache.¹⁰Bzimwebzi kuphatanidza na bzakubvala bzakutumikira_ bzakubvala bzakupambulika bza Aroni wansembe nabzomwe nibzawana wache wachimuna, bzakukoyewa thangwera ine bzomwe iwo ambaphatisa basa ninga wansembe. ¹¹Kuphatanidza pomwe mafuta yakudzozera bzakununtchirisa bzakufukiza bzabwino bza mbuto yakupambalika. Wanthu waluso omwewa ambachite bzinthu bzensenebzi ninga ine ndakuuzira.''¹²Yahova adalewa kuna Mose achiti, ¹³''Uza wanthu wa Aisraeri kuti; 'Mumbakoye nsiku ya Sabata la Yahova, thangwe chimwechi nichilatizo chapakati pa iye na imwe ateye kungulira dzinza la wanthu wakubaliwa kwanu tenepo kuti imwe mudziwe kuti iye ni Yahova, omwe adakumbalani yekha. ¹⁴Tenepo mumbakoye nsiku ya Sabata, kunayimwe yikhale nsiku yakupambulika, likoyowe thangwera iye. Aliye omwe aninyozera chadidi aphiwe. Aliyense omwe aniphata basa nsiku ya Sabata, munthu umweyo bzachadidi agwatiwe kuchosewa kuna wanthu mtundu wache. ¹⁵Basa liphatiwe kwa nsiku zitanthatu, nsiku yachinomwe ninsiku ya Sabata yakumaliza kupuma, lakupambulika la Yahova. Munthu aliyense wakuphata basa nsiku ya Sabata chadidi aphiwe.¹⁶Tenepo wanthu wa Aisraeri ambakoye nsiku ya Sabata. Ambali kumbuke kuzungulira pa wanthu wakubaliwa kwawo ninga mpangano wakumalizira. ¹⁷Sabata nthawe zense linzakhala chilatizo chapakati pa Yahova na wanthu wa Aisraeri, thangwe nsiku zitanthatu Yahova adakonza kudzaulu na dziko lapansi, nsiku yachinomwe achipuma achiona mphamvu.''¹⁸Pomwe Mulungu adamala kusewera na Mose pa phiri la Sinai, adamupasa magome mawiri ya mboni, yakonzewa na minyala, yakuchita kunembiwa na chala cheche.

32¹Pomwe wanthu adawona kuti Mose alikuchedwa kubuluka m'phiri, iwo adagwezekana achimuzungulira Aroni apo achilewa kuna iye, ''Bwera utikonzere chifaniziro cha mulungu chomwe chikhale pamaso pathu. Ninga tenepa Mose, munthu omwe adatibulisa ife kuchokera kudziko la Aiguputo, tikudziwalini kuti chamuchitikira ntchiyani iye.'' ²Apo Aroni adalewa kuna iwo, ''Chosani mphete zagolide zam'makutu mwa azikazanu, zam'makutu mwa wana wanu wachimuna na wana wanu wachikazi, napo muzibwerese kuna ine.''³Wanthu wense adachosa mphete zomwe zikhali m'makutu mwawo achizibweresa kuna Aroni. ⁴Iye adatambira golide kuchera m'manja mwawo apo achidekesa na bzinthu, apo iye adakonza chinthu chachitsulo chakuoneka ninga kamphulu kang'ombe. Napo iye adalewa, ''Yimweyi ni mulungu, Aisraeri, yomwe yidakubulisani imwe kudziko la Aiguputo.''⁵Pomwe Aroni adawona bzobzi, iye adakonza guwa lansembe patsogolo pa kamphulu ka ng'ombeyo iyeachikonza kukuwa; achiti, ''Mangwana kunzakhala phwando lakulemekeza Yahova.'' ⁶Mangwana yache wanthu adalamuka machise achifukiza nsembe zakupserera apo achibwera nazo nsembe za mtendere. Kinangoko iwo adakhala pansi achidya na kumwa, apo achuka na nkhusenzeka.⁷Tenepo Yahova adasewera kuna Mose, ''Ndoko kamfulumize, thangwe wanthu wako, omwe udawabulisa kudziko la Aiguputo, abzinaniza okha. ⁸Iwo akulumiza kuleka njira yomwe ine ndidawauza. Iwo akonza chifaniziro chakamphulu kang'ombe apo alichigodamira nakuchiperekera nsembe. Iwo alikulewa kuti, 'Yimweyi ni milungu yanu, Aisraeri, yomwe yidakubulisani kuchokera ku dziko la Aiguputo.'''⁹Apo Yahova adasewera kuna Mose, ''Ndawaona wanthuwa. Nyang''ana, omwewa niwanthu wapezipezi. ¹⁰Tsapano apa, nampodi kuyezera kundiletsa. Ukali bwangu bulikuwawa kuna omwewa, terepo niniwadzonga. Apo ninzakonza mtundu ukulu kuchokera kuna iwe.'' ¹¹Soma Mose adayezera kumumbira Yahova Mulungu wache. Iye adalewa, ''Yahova, thangweranyi mulikuwawidwa mtima na wanthu wanu, omwe imwe mudawabulisa kuchoka kudziko la Aiguputo na mphamvu ya yikulu na boko lanu likulu?¹²Akuleweranyi kuti Aiguputo ndiwo, ''Adawabulisa iwo mubzakuipa, kuti aphiwe m'mapiri na kuwadzonga pankhope ya dziko lapansi?' Bwezani ukali bwakuwadwa mtima kwanu lekererani chakuipa cha wanthu wanu. ¹³Kumbukani Abrahamu, Isaki na Israeri, anyabasa wanu, omwe mudawalumbirira mwekha nakulewa kuna iwo, Ninzawandisa mbewu zawana wako ninga nyenyezi za kudzaulu, 'Ninzapasa mbewu zawana wako dziko lensene lomwe ine ndidasewera. Linzakhala chiugo chawo nthawe zense.''' ¹⁴Apo Yahova adaleka chakuipa chomwe iye adalewa kuti anichita kuna wanthu wache.¹⁵Kinangoko Mose adazunuka achibuluka m'phirimo, adatakula magome mawiri ya mboni m'manja mwache. Magome yakunembewa mbali zache zense, mbali zense kumbuyo na kutsogolo. ¹⁶Magomeyo likakhali basa lache la Mulungu, apo bzakunemba bzikhali bzakunemba yekha Mulungu, kukolong'onzeka pamagomeyo.¹⁷Pomwe Yoswa adabva kukuwa kwa wanthu ninga akhakuwilamo, iye adalewa kuna Mose, ''Kulikubvekeka kukuwa kwa nkhondo kutsasa.'' ¹⁸Soma Mose adalewa, ''Nkhukuwa lini kwakupambana, napo nkhukuwa lini kwakumwazikana, soma kukuwa kwakuyimba komwe ine ndikubva.''¹⁹Pomwe Mose adafendeza kufupi na tsasa, iye adaona kamphulu ka ng'ombe apo wanthu alikubzina. Iye adakalipa kwene_kwene. Iye adataya magomeyale m'manja mwache apo achiyapswa nyansi mwa phiri. ²⁰Iye adatenga kamphulu ka ng'ombe adakonzako, achipeya ateye kunyodoka, achithira m'madzi. Napo iye adakonza kuti wanthu wa Aisraeri amwe.²¹Kinangoka Mose adasewera na Aroni, ''Ntchiyani chomwe wanthu achita kuna iwe, kuti utakule bzakuipa bzikulu bzawo?'' ²²Aroni adalewa, ''Napodi kuti mukalipe, mbuya wangu, Mukuwadziwa wanthuwa, momwe iwo ambachitira bzakuipa bzawo. ²³Iwo adalewa kuna ine, Utikonzere mulungu wakuti ambatitsogolere. Thangwe ninga Moseyu, munthu omwe adatibulisa ife kutichosa dziko la Aiguputo, tikudziwa lini kuti chachitika ntchiyani kuna iye. ²⁴'Tenepo ine ndidalewa kuna iwo, 'Aliyense omwe anagolide. achose amubwerese.' Iwo adandipasa golideyo apo ndidamuthusa pamoto, apo ndidakwanisa kuchosa kamphulu ka mwana wang'ombe.''²⁵Mose adawona kuti wanthu njayi amasuka (thangwe Aroni adawalekerera, kuchitisa wanthu wapezi ayembe kuwanyoza iwo). ²⁶Apo Mose adayima pamsuwo wa tsasa achilewa, ''Munthu aliyense omwe ali mbali ya Yahova abwere kuna ine.'' Wana wa levi wense adabwera achigwezekana kuna iye. ²⁷Iye adalewa kuna iwo, ''Yahova , Mulungu wa Aisraeri, walewa ibzi: 'Munthu aliyense amangirire lupanga lache mnchiuno mwache apo ayende abwerere kuchekera pamsuwo kufikira pamsuwo kuzungulira tsasa, aphe m'dzinza wache, mwanzache, na mnansi wache.'''²⁸Wana wa Alevi adachita bzomwe Mose akhafuna. Nsiku yomweyo wanthu pafupi_fupi bzulu bzitatu adafa. ²⁹Mose adalewa kuna wana wa Alevi, ''Mwayikhiwa m'mbuto ya basa la yahova lero, thangwe aliyense wayimwe wakhala mdani wa mwana wache wachimuna na m'dziinza wache, tenepo Yahova amkupasani madalitso nsiku yalero.''³⁰Mangwana yache Mose adalewa kuna wanthu, ''Mwachita chakuyipa chikulu. Tsapano nimkwira kuna Yahova. Pinango ningaka khotcherere chjakuipa chanu.'' ³¹Mose adabwerera kuna Yahova achilewa, Ha! Wanthuwa achita bzakuphonya kwene_kwene abzikonzera wokha chifaniziro cha mulungu wa golide. ³²Soma tsapano, lekererani chakuipa chawo; soma penu imwe mulekerera lini, mundifudze kundichosa mubukhu lomwe mudandinemba.''³³Yahova adasewera kuna Mose, ''Aliyense omwe wandiphonyera, munthu umweyo niwomwe ninimufudza m'bukhu langu. ³⁴Apo tsapano ndoko ukawatsogolere wanthu kumbuto yomwe ndidasewera kuna imwe. Nyang'ana, mgero wangu amkutsogolera. Soma pansiku yakuti ndiwalange, ninzawa lananga iwo thangwera chakuipa chawo.'' ³⁵Yahova thusa chisi kuna wanthu thangwe iwo adakonza kamphulu ka mwana wa ng'ombe.

33¹Kinangoko Yahova adasewera kuna Mose, ''Uchoke kuno uyende, iwepo na wanthu omwe udabula nawo kuchokera kudziko la Aiguputo. Uyende kudziko lomwe ine ndidakonza na kulumbirira Abrahamu, Isaki, na Yakobo, pomwe ndidalewa, 'Ninzalipereka ilo kuna mbewu yako.' ²Ninzatuma mgero patsogolo pako, apo ninzathamangisa Akanani, Aamori, Ahiti, Aperezi, Ahivi, na Ayebusi. ³Uyende kudziko limwelo, lakufamba mkaka na uchi, soma ine ninzayenda lini namwe, thangwe ndimwe wanthu wapezipezi. Ningamale kukudzongani munjira.''⁴Pomwe wanthu adabva mafala yakuipa yomweya, adabzibvera nsisi, pakhalibe munthu omwe adabvala bzakubzidekesera. ⁵Yahova adalewa kuna Mose, ''Lewa kuna wanthu wa Aisraeri kuti, 'Ndimwe wanthu wapezipezi. 'Ndikayenda namwe pabodzi kanthawe komweka, ningakudzongeni. Tenepo tsapano, chosani bzakubzidekeza bzanu tenepo kuti ndikumbuke ntchiyani chomwe ningakuchitireni.''' ⁶Tenepo wanthu wa Aisraeri ambabvala lini bzakubzidekesa kuchokera pa Phiri la Horebu ateye lero.⁷Mose adatenga khumbi achilimanga kunja kwa tsasa, mtantho kuchoka patsasapo. Iye adalichemera khumbi lakugumana. Aliyense omwe akufuna kubvunza Yahova chinthu chilichense ambabule nkhuyenda ku khumbi lakugumana, kunja kwa tsasa. ⁸Pomwe Mose adayenda achibula mkhumbi, wanthu wense adayima pamsuwo wa khumbi lawo achimu nyang'anisisa Mose ateye iye adapita mkati. ⁹Pomwe Mose akhapita mkhumbi, mtambo wakuyima pulu udabuluka uchidzayima pamsuwo wakhumbi, apo Yahova adasewera na Mose.¹⁰Pmwe wanthu wense adawona mtambo wakuyima pulu udayima pamsuwo wakhumbi, iwo adalamuka chipemba, munthu aliyense pamsuwo wakhumbi lache. ¹¹Yahova adasewera na Mose maso na maso, ninga munthu akusewera na mwanzache wakukondewa. Kinangoko Mose adabwerera kutsasa, soma nyabasa wache Yoswa mwana wachimuna wa Nuni, mwana mng'ono, adasala mkhumbimo.¹²Mose adasewera kuna Yahova, ''Nyang'anani, imwe mudalewa kuna ine, 'Utenge wanthuwa paulendo bwawo,' soma mulibe kundidziwisa kuti ninzayenda nayani. Imwe mudalewa, 'Nimbakudziwa dzina lako, napo wagumana na ufulu pamaso pangu.' ¹³Tsapano penu ine ndagumana na ufulu pamaso panu, mundiwonese njira zanu tenepo kuti ine ndikudziweni nakuti ninipitiriza kugumana na ufulu paso panu. Kumbukani kuti wanthuwa ni mtundu wanu.''¹⁴Yahova adatawira, ''Mwakufuna kwangu niniyenda namwe, apo ninzakupusani.'' ¹⁵Mose adalewa na iye, ''Penu muniyenda lini nafe, nampodi kutitenga pomwe kutichosa kumbuto kuno. ¹⁶Pinango pense, bzinziwika tani kuti ndagumana ufulu pamaso panu, ine pabodzi na wanthu wanu? Bzinzakhala lini terepo penu muniyenda nafe kuti ine na wanthuwa tikhale wakulekana nawanthu wense omwe alipadziko lapansi?''¹⁷Yahova adalewa kuna Mose, ''Ine ninzachita chinthu chomwe iwe wakumbira, thangwe iwe wagumana ufulu pamaso pangu, napo ndikukudziwa dzina lako.'' ¹⁸Mose adalewa, ''Chonde ndiwoneseni ukulu bwanu.''¹⁹Yahova adalewa, ''Ninzakukonzera bzabwino bzense pamaso pako, ninzalalika dzina langu la 'Yahova' pamaso pako. Ninzachita ufulu kuna omwe ninzawachitira ufulu, apo ninzawonesa chifundo kuna omwe ninzawawonesa chifundo.'' ²⁰Soma Yahova adalewa, ''Unzawonalini nkhope yangu, thangwe kulibe munthu anzakwanisa kundiwona ine achikhala na moyo.''²¹Yahova adalewa, ''Nyang'ana, pomwe ndiripano panambuto; iwepo uyime pa thanthwepa. ²²Pomwe ine nimpita na ulemerero bwangu, ninzakuyikha pamkwangwaliwa wa thanthwe ndichiku mpsinkha na boko langu kufikizana ine nditapita. ²³Kinangoko ninzachosa boko langu, apo umnzauwona msana wangu, soma nkhope yangu imnzawoneka lini.

34¹Yahova adalewa kuna Mose, ''Gwata magome miwiri ya minyala ninga yakutomayire. Ninzanemba pa magomepo mafala yomwe yakhali pamagome yakutomayale, magomwe ndiyo udapswa. ²Ukhakale wakukonzeka kumachibese apo ukawire m'phiri la Sinai, apo ukabziwonesere wekha kumweko kuna ine padzaulu pa phiripo.³Nampodi kukwira na munthu. Nampodi kubvuma munthu aliyense kuti awoneke palipense m'phirimo. Neye bzifuwo pinango ng'ombe ziri kudyeseriwa kufupi na phirilo.'' ⁴Tenepo Mose adagwata magome mawiri ya minyala ninga yakutomayire, apo iye adalamuka mwakubesera machibese ahikakwira phiri la Sinai, ninga Yahova adamuuzira. Mose adatakula magome mawiri ya minyala m'manja mwache.⁵Yahova adabuluka namtambo achiyima pabodzi na Mose pamwepo, apo iye adakuwa dzina lache ''Yahova.'' ⁶Yahova adapita pamaso pache achikuwa ''Yahova, Yahova, wachifundo na Mulungu wa chisomo, wakulekerera, wakukoma mtima kwene_kwene na wakukhulupirika bzachadidi, ⁷wakukoyera wanthu azinji kokoma mtima, wakukhululukirabzinthu bzakuipa, wakuphonya, nabzakunyansa. Soma wakusayakutsudzula wakuchita kubziputa. Iye anzalanga wana nazukulu wawo thangwera bzakuphonya bza azibabawo, Kufikizana mmbewu yakubaliwa yachitatu na yachinayi.''⁸mwakamkulumize Mose adakotamila pansi adapembedza. ⁹Iyeyo adati, ''pilizi mbuya, ngati ndagumana mwayi pankhope panu, bvumani mbuya kuti muyende nafe pabodzi, napo kuti wanthuwa mba anyakusayakubva. Tikhululukileni bzakuyipa na machimo yathu, ndipo mutitenge ifepano kukhala wanthu wanu,''¹⁰Yehova adati, ''onani ine ndikuchita namwe pangano. Nim'dzachita bzakudabwisa pankhope pa wanthu wense bzomwe bzikanati kuchitika na dzinza lililense lawanthu wapadziko lapansi, wanthu omwe munikhala pakati pawo amdzawona kugopsa kwa basa lomwe ine Yehova ndimdzakuchitileni. ¹¹Bvelani bzomwe ndikutongeni lero. Ine nim'dzathotha pankhope panu Aamori,Akanaani, Ahiti, Aperezi, Ahivi, na Ayebusi.¹²Mutchenkhe kuti musachite mvelano na wanthu omwe akukhla mu dziko lomwe mkuyendalo, thangwe mukadzatelepo iwowo amdzakhala ninga mulapu pakati panu. ¹³Mukagumule maguwa yawo yansembe, mukapse minyala yawo yachipembedzo, ndipo mukagwate miti yawo ya Asera. ¹⁴Nampodi kupembedzela Mulungu winango poti Yehova omwe dzina lache ni nsanje ni Mulungu wa ntchanje.¹⁵Uchenjere leka kuchita pagano na wanthu wa dziko limwelo, poti iwo ambachita chigololo kuna milungu yawo na kupeleka nsembe kuna milungu yawo. Ndipo m'bodzi wa iwo an'dokuchemela imwepo muchikadya bzinango bza nsembe yache, ¹⁶ndipo muchitenga mwanache mwanache mkazi kuti alowodwe na mwananu wachimuna ndipo wana wawo wachikazi am'mbadzachita chigololo kuna milungu yawo, ndipo am'dzachitisa wana wanu wachimuna kuchita chigololo kuna milungu yawoyo. ¹⁷Nampodi kubzikonzera wekha milungu yakunyenga.¹⁸Umbachite madyerero na chakudya chakusaya kuikha bzakufufumisa. Ninga imo ndidakutongela iwe, umbadye chakudya chakusaya bzakufufumisa nsiku zinomwe pa nthawe yakuika mwezi wa Abibu omwe mudabula kuchoka ku Aiguputo.¹⁹Wensene wakutoma kubaliwa mbangu, neye mwana wakutoma wa chimuna wa chifuwo chako mngwangu, penu mngwa n'gombe pinango bira. ²⁰Soma mwana wakutoma wa bulu umbamupulumuse na mwana wa bira, soma penu unimpulumusalini, umbakhobole khosi lache. Umbapulumuse wana wense wakutoma wa wana wako wachimuna. Nampodi ambawoneke pamaso pangu alibe chinthu.²¹Umbaphate basa lako kwa nsiku zitanthatu, soma nsiku yachinomwe umbapume. Neye ichikhala nthawe yakulima na yakukolola umbapume. ²²Umbachite madyelero ya pa sumana na bzisapo bzakutoma bza bzakukolola bza tiligu, ndipo umbachite madyelero na bzakukolola kumamalizilo kwa gole.²³Azimuna wako wense ambabwele pamaso pa Mbuya Yahova, katatu pagole Mulungu wa Isalayeri. ²⁴Poti nimdzathamangisa madzinza ya wanthu pamaso pako ndichidzathimizila malire yako. Pelibe munthu ndiye amdzafuna kuti dziko lako likhale lache nthawe ndiyo mumdzayenda kaonekera pamaso pa Yahova katatu pa gole libodzi.²⁵Leka kupeleka nsembe ya mulopa wangu na bzkufufumisa, neye nsembe ya nyama pa madyelero ya pasika bzichisala ayeye kufika machibese. ²⁶Umbabwelese bzisapo bzakutoma bza m'munda mwako kunyumba yangu. Nampodi kumbaphika mwana wa mbuzi na mkaka wamayi wache.''²⁷Yahova adalewa kuna Mose, unembe mafala aya, poti ninga mwa mafala aya ndapangana na iwepo na Isalayeri.'' ²⁸Apo Mose adakhala popo naYahova nsiku makumi manayi usiku na masikati; neye kudya pinango kumwa madzi. Iye adanemba pa minyala mafala ya pangano,malamulo khumi,²⁹Pomwe Mose adabuluka kuchoka m'phiri na minyala miwiri ya mpangano m'manja mwache, iye alibe kudziwa kuti nkhope yache ikhayetimira nakuti adalewalewa na Mulungu. ³⁰Pomwe Aaroni na wana wa Israyeli adaona Mose, nakuona pomwe kuti nkhope ya Mose ikhayetimira, adagopa kumufendelera. ³¹Soma Mose adawachemera iwo, apo Aaroni na anyakutsogolera thimulo wentse adabwera kuna iye, apo Mose adasewezana nawo.³²Kinangoka, wanthu wentse wa israyeli adamufendelera Mose, ndipo adawauza wentsenewo malamulo ndiyo Yahova adamupasa pa phiri la Sinayi. ³³Pomwe Mose adamala kulewalewa nawo, adampswinkha nkhope yache.³⁴Nthawe zentse Mose akambayenda pamaso pa Yahova kukasewela naye, iye akhachosa chakumphswinkhira nkhopecho, ateye kubula. Apo akabula, akhawauza wana wa Israyeli bzomwe watongiwa kuti alewe. ³⁵Pomwe wanthu wa Israyeli akaona nkhope ya Mose ikuyetimira, iye akhamphswinkha pomwe ateye ayende pomwe mkati kukasewezana na Yahova

35¹Mose adachemelesa mathimu yense ya wanthu wa Israyeli ndipo achiwawuza kuti, '' Bzinthu bzomwe Yohova wakutongani kuti mumbachite mpsibzi. ²Mumbaphate mabasa yanu pa nsiku zitanthatu, soma nsiku yachinomwe ikhale ya sabata, nsiku yanu yakupuma, lakupambulika kuna Yahova. Aliyense omwe amdzaphata basa lililense pansikuyi akuthemela kuphewa. ³Pansiku ya sabata lekani kuphatiza moto palipense pomwe munikhala.''⁴Mose adalewalewa na thimu lense lawanthu wa Israeli, achiti, ''Ibzi nibzinthu bzomwe Yaahova wakutongani. ⁵Mutakule bzakupeleka bza Yehova, aliyense omwe ana mtima wakufuna kupeleka. Abwelese kuna Yehova__ bzakupeleka ibzi; golide, siliva, na mkuwa, ⁶nguwo zakupswipilira, zapepo, zifwila, nguwo zakufewa; ukuse bwa mbuzi; ⁷bzikhanda bza mabila yamuna bza mtundu ufwila na bzikhanda bza akatumbu; matabwa ya muti wa mkesha, ⁸mafuta ya nyale ya olivi, bzakununtchilisa mafuta yakudzolesela na bzakukonzela lubani wakununtchila, ⁹minyala yakudeka ya mtundu wa onikisi na minyala inango yabwino ya kuyima pa efodi na pachakubvala cha pachifuwa.¹⁰Wanthu wense waluso pakati panu abwele na kudzachita bzense bzomwe Yehova watonga__ ¹¹chihema na kaujige wache na chakumpsinkha chache, ngoloweko, mafelemu yache, matabwa yache, ntchanamila zache na matsinde yache, ¹²bokosi la chipangano na nsengwa zache, yakunyamulila na chakugwanankhilila chache bokosilo, na nguwo zakumpsinkhila bokosilo,¹³Adabweresa Gome na ntchanamira zache, pabodzi na bzakuphatizira basa bzache bzentse, na mkate wakukhala pamaso pa Yahova; ¹⁴chakuimisira nyale yakubvunikira, na bzakuphatizira bzache, nyale zache, na mafuta ya nyalezo; ¹⁵guwa lakufukizira bzakununtchira na ntchanamira zache, mafuta yakupsinisira na bzakukizira bzakununtchirisa; na nguwo yakumpsinkhira pamsuwo wakupitira mkachisi; ¹⁶guwa la ntsembe yakuotcha pabodzi na sefa wa mkuwa na ntchanamira zache na bzakuphasira basa bzache; na mtsuko ukulu na tsinde lache.¹⁷Adabweresa nguwo zakumphsinkhira kubwalo pbodzi na ntchanamira zache na matsinde yache, na nguwo yakumpsinkhira pamsuwo wakupitira kubwalo; ¹⁸nkhokho za kaujige wa chihema na za bwalo, pabodzi na bzingwe bzache. ¹⁹Bzakubvala bzakutumikira nabzo mbuto yakumbulika, bzakubvala bzakupambuka bza bza Aaroni wantsembe, na bzakubvala bza wana wache, bzakuphata nabzo basa la untsembe.²⁰Kinangoka thimu lentse la wanthu wa ku Israyeli lidachoka pamaso pa Mose. ²¹Aliwentse ndiye adabzibva mumtima mwache kufuna kupereka, adabwera kudzapereka chakupereka chache kuna Yahova chabasa la kukonza kaujige wa msonkhano, cha basa lentse la mkaujigemo cha bzakubvala bzakupambulika. ²²Iwo adabwera, wentse amuna na akazi, wentse ndiwo adabzibva mumtima mwawo. Adabweresa bzakubzidekesera, mphete zakukhutu, mphete za kuchala, na mphete za mphuno, bzentse bzakukonzewa na golide. Wentse adapereka bzagolide ninga bzakupereka kuna Yahova.²³Aliwentse womwe akhana nguwo ya kamadzi, yakuyena ninga kwakufwila, chikhanda chakufewa, nguwo yakunyodoka , ukuse bwa mbuzi, bzikhanda bza wana wa bila wachimuna bzakuikhiwa mtoto ofwila, pinango makanda yakufewa adabweresa. ²⁴Munthu aliwentse womwe anikonza chakupeleka cha siliva pinango mkuwa abwerese ninga chakupereka kuna Yahova, ndipo aliwentse ndiye ana thabwa la mkecha lakuphatisa basa alibwerese.²⁵Mkazi aliwense waluso adapakasa namanja yache achibwelesa chomwe wapakasacho chantundu wa madzi, cha pepo, na chifwila pinango chakufewa, chakunyalala. ²⁶Azikazi wense womwe akhana mtima wakufuna ndipo akhanaluso adapakasa ukuse bwa mbuzi.²⁷Anyakutsogolela adabwela na minyala ya anikisi na minyala yakudeka na yakuikha pa Efodi na chakubvala chapa nkhombe. ²⁸Adabwelesa pomwe bzakunutchilisa na mafuta yakunutchila ya Olivi yakupswingisila bzakufukizila bzakunutchila. ²⁹Wanthu waku Israeli adabwelesa chakupeleka chufulu kuna Yehova; wina aliwense mamuna na mkazi womwe akhana mtima wakufuma adabwelesa bzinthu kubasa lense la Yehova lomwe adalamula kudzela mwa Mose kuti achite.³⁰Mose adalewa kuna wanthu waku Israeli, ''nyang'anani, Yahova wasankhula Bezaleli mwana wa Uri, mwana wa Huri wa mtundu wa Yuda. ³¹Ndipo wamudzaza na mzimu wa Mulungu natelepo kuti analuso na nzeru zakubvesesa bzinthu, ³²ndipo alinkudzwa bwino mabasa yense ya manja ninga aya, kunemba m 'ndandanda wa mabasa yaluso na kuchita bzinthu bza golide, bza siliva, na bza mkuwa; ³³kutsema na kuika minyala yakudeka, kukonza bzinthu bza matabwa ndipo pomwe kuphata basa linango lililense la manja.³⁴Ndipo iye wapeleka kuna Bezaleli pabodzi Holiabu mwana wa Ahisaki, wa dzinza la Dani luso lakupfunzisa winango. ³⁵Mulungu adawapa maluso yakusiyanasiyana maluso yakunemba, yakugoba lonkholonkho wa wakudekesa nguwo za moda wa madzi, zapepo, na zifwila ndipo zakufewa, zakunyalala na zakuluka wensenewa mba amisili wa basa la manja na bzakukonza m'ndandanda.

36¹Tenepo Bazaleli, Ohaliabu pabodzi nawanthu waluso wense womwe Yehova adawapa luson na nzeru za kudziwila kukonza bzakufunikila bzense bzakumangila mbuto yakupambulika, anzakonza bzense iwowo, ninga momwe Yehova adalewera.''²Ndipo Mose adachemela Bazaleli, na Ohaliab, na munthu aliwense waluso omwe Yahova adamupa luso, ndipo pomwe akhana mtima wakufuna kuphata basa. ³Iwowo adatambira kuchokela kuna Mose bzakupeleka bzense aisraeli adawapa kuti aphatise basa ya kumanga mbuto yakupambulika. Apo wanthu adabweresa kupeleka bzakupeleka bza ufulu machibese yaliyense kuna Mose. ⁴Tenepo amisiri wense omwe akhaphata basa lense la mbuto yakupambulika adaleka basalo.⁵Ndipo adamuwuza Mos, ''Wanthu akubwelesa kupita bzomwe bzikhafunika basa lomwe Yehova adatonga kuti lichitike.'' ⁶Tenepo Mose adatonga ndipo adakuwilila mu tsasa mwense. ''mamuna pinango mkazi aliyense asabwelese pomwe chakupeleka chilichense cha kumbuto ya kupambulika.'' ⁷Tenepo wanthu adalambiziwa kupeleka bzizinji. Thangwe bzomwe akhanabzo bzikhali bzakupitilira bzomwe bzikhafunika kuphatila basa lense.⁸Wanthu wense waluso pakati pa wanthu wakuphata basa adakonza Chihema pakuphatisa basa nguwo khumi zakufewa, zakunyalala na zakupakasiwa bwino, zakubiliwila, zapepo na zakufwila. Ndipo wanthu waluso adadekesa pa nguwozo akelebu.Ili likhali basa la Bazalieli, munthu wealusa kwene_kwene. Nguwo zense zikhali zakundendemela. ⁹Mulitali mwache zikhali miyezo makumi mawiri namasere, mulifupi miyezo minayi yakundendemera. Nguwo zense zikhali zakundendemera. ¹⁰Bazalieli adaphatanidza nguwo zishanu kuti ikhale nguwo ibodzi na ibodzi, ndipo adachita pomwe bzibodzibodzi na nguwo zishanu zinangozo.¹¹Adakonza ngoloweko za nguwo yapswipilila mphepete mwa nguwo ibodzi yakumaliza ya mbali inango, ndipo adachita bzokhabzokhabzo na nguwo yakumaliza ya mbali inango. ¹²Iwo adasonelela ngoloweko makumi mashanu pa nguwo yakutoma na ngoloweko makumi mashanu zinango pa nguwo inangoyo. Adakonza kuti ngolowekozo zimbayang'anisane. ¹³Iye adakonza ngoloweko za golide makumi mashanu zakuphatanidzila nguwo ziwilizo natenepo kuti zidakonza chihema chibodzi.¹⁴Bazaleli adakonza nguwo za ukuse bwa mbuzi zakumpsinkha padzauiu pa chihemacho; nguwo zense pobodzi zikhalipo khumi na ibodzi. ¹⁵Nguwo zense zikhali makumi matatu zakundendemela, mulitali mwache miyezo khumi na minayi ndipo mulifupi mwache mukhali miyezo miwiri. ¹⁶Iwo adaphatanidza nguwo zichanu kukhala nguwo ibodzi ndipo nguwo zinangozo zitanthatu, adaphatanidza pomwe kukhala nguwo ibodzi. ¹⁷Adasonelela ngoloweko makumi mashanu mphepete mwa nguwo ibodzi yakumaliza ya nguwo yakutoma, apoadakonza pomwe ngoloweko makumi machanu mphepete mwa nguwo inango yomwe adaphatanidza ile.¹⁸Bazaleli adakonzangoloweko makumi machani za mkuwo zakupinza mule mwakukolowekamo ndipo adaphatanidza nguwo ziwili kukaujigeyo kuti kaujigeyo akhale m'bodzi. ¹⁹Ndipo adakonza chikhanda cha mabila yamuna mtundu ufwila chakumpsinkhila kaujigeyo ndipo padzaulu pache adakonza pomwe chakumpsinkhila chinango cha bzikhanda bza akatumbu.²⁰Bazaleli adakonza mafelemu ya matabwa ya muti wa mkesha wakuimisila chihemacho. ²¹Felemu iliyense ikhali yakutalika miyezo minayi ndipo mulifupi mwache mukhali masentimita makumi matanthatu na pfemba. ²²Thabwa lililense likhana bzakuphatanidzila bziwili. Iyeyo adakonza mafelemu yense yachihemacho. ²³Iye adakonza mafelemu na matabwa yakutelepai: makumi mawili ya mbali ya kunyansi kwa chihemacho.²⁴Bazaleli adakonza pomwe matsinde makumi manayi ya siliva ndipo adawayika pansi pa mafelemuyo. Pansi pa felemu iliyense adaikha matsinde mawiri yakuphatisila bziwiri bzile. ²⁵Thangwe mbali yinango ya chihemacho, kudzaulu kwache, adamanga pomwe mafelemu makumi mawiri, ²⁶napo pomwe matsinde makumi manayi ya siliva. Pakhana matsinde mawiri pansi pafelemu yakutoma, matsinde mawiri pansi pa feremu linango, ateye terepoyo.²⁷Thangwe kumbuyo kwa kachisi kumaulu, Bazalieli akhadakonza matabwa machanu na libodzi. ²⁸Iye adakonza mafelemu mawili pakhona la kumbuyo kwa kaujige.²⁹Mafelemu yamweya yakhali yakulekani kunyantsi kwacheko, soma yadakaphatana kudzaulu kwacheku mu mkombero ubodzi. Iye adakonza mawiri ninga yamweya kuti aikhe m'makhona. ³⁰Tenepo pakhana mafelemu masere, na matsinde khumi na matanthatu ya siliva. matsinde mawiri ku felemu yakuyamba, na matsinde inango mawiriyo yakhali kufelemu inangoyo, ateye kumaliza yentseneyo.³¹Tenepo iwo adakonza mitanda ya muti wa mkecha-michanu yamafelemu mbali ibodzi ya kachisi, ³²mitanda michanu inango ya mafelemu ya mbali inangoyi ya kachisi, apo adakonza pomwe mitanda michanu kuti aikhe ku mafelemu ya m'mambuyo mwa kachisi mbali ya kumaulo. ³³iye adakonza mtanda pakatikati pa mafelemu, ndiyo yakhali, pakati mdzaulu, kuti ufike mapeto na mapeto. ³⁴Adamphswinkha mafelemuyo na golide. adakonza mikombero yache yagolidi, kuti yakhale ninga bzakuphatisa mitaanda ire, ndipo adamphswinkha mitandayo na golidi.³⁵Apo adakonza nguwo ya kamadzi, yakuyenda ninga kwakufwira, na ifwira, yakunyodoka bwino, na mkonzedwe wa akerubi, basa la amisiri waluso. ³⁶Ndipo nguwoyo adaikonzera tchanamira zache zinayi za matabwa ya muti wa mkecha, ndipo adazimphswinkha na golide. Adakonza pomwe ngoloweko za golide kuti zikhale muntchanamira zinayi zire, ndipo ad akonza matsinde ya golide manayi.³⁷Adakonza nguwo ya pamsuwo wa kupitira. ikhali yakamadzi, yakuyenda kwakufwira, na yakufwira, kuphatisa basa thonje lakufewa bwino, basa la misiri waluso. ³⁸Adakonza pomwe ntchanamira zakumanikira na ngoloweko zache. adazimphswinkha padzaulu pa ntchanamirazo na bzakumangira bzache na golide. Matsinde yache machanu yadakonziwa na mkuwa.

37¹Bazaleli adakonza bokosi la mpangano na matabwa ya muti wa mkecha. Kutalimpha kwache midida miwiri na meya, na kugwangwanyisa kwache kukhali mdida ubodzi na meya, na mulitali mwache kukhali mdida ubodzi nameya. ²Adalimphswinkha mkati na kunja kwache na golide wabwino ndipo adakonza mkombero wa golide kuzuliza padzaulu pache. ³Adakonza mikombero minayi ya golide achiikha ku nzayo zache za bokosilo, mikombero miwiri ku mbali ibodzi, na inango miwiriyo kumbali inangoyo.⁴Adakonza ntchanamira na matabwa ya muti wa mkecha ndipo adazimphswinkha na golide. ⁵Adaikha nthchanamirazo mu mikombero yomwe ikhali kubokosi m'mphepete mwa bokosilo, kuti zitakure bokosi lire. ⁶Iye adakonza chakhotchelera na golide wabwino. Kutalimpha kwache kukhali midida miwiri na tsentse, ndipo kugwanyisa kwache kukhali mdida ubodzi na tsentse.⁷Bazaleli adakonza akerubi awiri wakusulidwa na golide achiikha mmphepete mwakumalizira mwa chakhotchelera, ⁸ndipo akerubi winangowo adawaikha kwakumalizira kwa mbali inangoyo. Ndipo bzidakonziwa ninga chinthu chibodzi na chakukhotchelera. ⁹Akerubi adafuthula maphapidwe yawo kuyafuthulira kudzaulu kuti amphswinkhe chakutchelera na maphapidweyo. Akerubiwo adakhala chakunyang'anizana ndipo adanyang'ana pakatikati pa chakukhotchelera.¹⁰Bezaleli adakonza gome na matabwa ya mkecha. Kutalimpha kwache kukhali midida miwiri, kugwanyisa kwache kukhali mdida ubodzi, ndipo msinkhu wache ukhali mdida ubodzi na tsentse. ¹¹Adalimphswinkha na golide wabwino ndipo adaikha mkokoto kuzungulira padzaulu pentsene. ¹²Iye adakonza felemu yakuzulira gomelo kukula kwache mulifupinu ikhali ninga chithatha cha boko, na mkokoto wa golide ku felemu ire. ¹³Adakonza mikomberonyache yagolide ndipo adaiikha mikomeroyo m'makhona manayi, momwe mukhana nzayo zinayi.¹⁴Mikomberoyo idaikhiwa ku felemuko kuti ipereke mbuto kuna ntchanamira zire, kuti zitakure gomelo. ¹⁵Adakonza ntchanamira zakunja na matabwa ya muti wa mkecha ndipo adazimphswinkha na golide, kuti zitakule gome. ¹⁶Ndipo adakonza bzombo bzakuti bzimbakhele pa gomepo-mabasiya, malukho, mitsuko, na mapalato kuti bzimbaphasiwe basa pa kupereka bzakupereka. Kunjaku adabzikonza na golide wabwino.¹⁷Adakondza chakuimisira nyale chakusulidwa bwino na golide. Adakonza chakuimisira nyale chakukhala na tsinde mbanda. mikombo yache mphukira za tsinde lache, na maluwa yache bzentse bzidakonziwa ninga chinthu chibodzi. ¹⁸M'mhepete mwache mukhana mphanda zitanthatu-mphanda zitatu zidachokera mbali yakuyambayi, ndipo mphanda zitatu zinzngozo zidachoka mbbali inangoyi. ¹⁹Mphanda yakuyamba ikhana mikombo mitatu yakukonziwa ninga maluwa ya mtowe, ndipo ikhana mphukira na dzuluwa, ndipomikombo mitatu yakukonziwa ninga maluwa ya mtowe, bzikhali ku mphanda inangoyo, bzakukhala na mphukira na dzuluwa. bzikhayenda tenepoyo kuna mphanda zentse zitanthatu zomwe zidachoka ku chakuimisira nyalecho.²⁰ku chakuimisira nyalecho pachokha, pamphanda yapakati, pakhana mikombo minayi yakukonziwa ninga maluwa ya mtowe, ikhana matsinde na maluwa yache. ²¹Pakhana tsinde kunyantsi kwa mphanda ziwiri zakuyamba-bzakuphatana ninga chinthu chibodzi, ndipo pakhana tsinde pomwe kunyantsi kwa mphanda ziwiri zachiwiri--zakuphatana pomwe ninga chinthu chibodzi. Bzikhali bzakulingana telepoyo kuna mphanda zentse zitanthatu zomwe zabula kuchoka kuna chakuimisira nyalecho. ²²Matsinde na mphanda zache zentse bzikhali bzakuphana na chakuimisira nyalecho, bzentse bzidasulidwa pabodzi na golide wabwino.²³Bezaleli adakonza chakumisira nyale na na nyale zache zinomwe, na mbaniro na bzakuolera dotha bzakukonziwa na golide. ²⁴Adakonza chakuimisira nyale na bzakuphatisira basa bzache na muyezo ubodzi wa golide.²⁵Apo iye adakonza guwa la ntsembe lakukizira. Adalikonza na matabwa ya muti wa mkecha. kutalimpha kwache kukhali mdida ubodzi, ndi kugwangwanyisa kwache kukhali mdida ubodzi. likhali lakulinganira, ndipo mnsinkhu wache ukhali midida miwiri. Nyanga zache zidakonziwa kubodzi na guwalo. ²⁶Adalimphswinkha guwalo na golide wabwino kwenekwene--padzawulu pache, m'mphetete mwache, na nyanga zache. Iye adakonza pomwe mkokoto wagolide kuzungulira guwalo.²⁷Adakonza mikombero miwiri yagolide kuti aphatanidze kunyantsi kwa mkokoto ku mbali ziwiri zakunyang'anizana. Mikomberoyo ikhali yakuphatisira ntchanamira kuti zitakure guwalo. ²⁸Adakonza ntchanamira za matabwa ya muti wa mkecha, ndipo adazimphswinkha na golide. ²⁹Iye adakonza mafuta yakupambulika yakupsingisira na bzakukizira bzakununtchira bwino, likhali basa la nyakukonza bzakununtchilisa.

38¹Bazaleli adakonza guwa la nsembe zakupselelesa lamatabwa ya muti wa mkesha. Iikhali lakundendemela mbali zense msinkhu wache masentimita 137, mulitali mwache masentimita 229, mulifupi masentimita 229. ²Adakonza nyanga ibodzi ibodzi pakona lache linangolo, natenepo kuti nyangazo naguwalo bzikhali chinthu chibodzi, ndipo adakulungiza guwalo na mkuwa. ³Adakonza pomwe bzombo bza mkuwa ibzi bzakuphatizila basa pa guwa; Bzikalango, Mafosholo, Mabasiya yakuwazila mulopa, Ngoloweko zakukolowekela nyama na bzakupalila moto. Adabzikonza na mkuwa⁴Adakonza safa wa paguwa la nsembe, wachitsulo cha mkuwa kuti akhale mnyansi mwa mbali mwa guwa lansembelo, kuchoka pansi ateye pakati pa msuwo wa guwalo. ⁵Adakonza mphete za mkuwa zinayi ndipo achiziphatanidza mbali zinayi za sefa ule kuti ziphate nsichi zakunyamulira.⁶Bazaleli adakonza nsichi za muti wa mkesha ndipo adazikulungiza na mkuwa. ⁷Iwo adaikha nsichizo mphepetemo mbali zense ziwili za guwalo kuti ambanyamulire.Guwalo likhale la matabwa na lakugoba mkati mwache.⁸Bazaleli adakonza basiya likulu la mkuwa lakukhala na miyendo ya mkuwa pomwe kuchokela ku magalasi yakunyang'anila nkhope akazi omwe akhatumikila pa msuwo wa kaujige wamgumano.⁹Adakonza pomwe mbuto. Pa mbali ya kumaulo ikhali yakutanimpha miyezo 46 ndipo kukhana nguwo yakumpsinkha yakufewa yakupakasiwa bwino. ¹⁰Adakonza nsandamila ziwili, matsinde makumi mawili ya mkuwa na ngoloweko za siliva na bzingwe bza nsandamilazo.¹¹Ndendende pomwe, mbali ya kumachibese ikhali yakutalimpha mamita 46 ndipo ikhana nsandamila makumi mawili, matsinde ya mkuwa makumi mawili, ngoloweko za siliva na bzingwe bza nsandamilazo. ¹²Mbali yakumawulo ikhali yakutalika miyezo 23 ndipo ikhana nguwo yakumpsinkha, nsandamila khumi na matsinde khumi, ikhana pomwe na ngoloweko za siliva na bzingwe bza nsandamilalazo.¹³Mbali ya kumachibese, kwakubulila dzuwa, ikhali pomwe yakutalika miyezo 23. ¹⁴Mbali ibodzi ya msuwo kukhana nguwo yakumpsinkha yakutalika miyezo minomwe, nsandamila zitatu na matsinde matatu, ¹⁵mbali inango yakupitila m'bwalo pakhana nguwo yakumpsinkha ya miyezo minomwe pabodzi na nsandamila zitatu na matsinde matatu. ¹⁶Nguwo yakumpsinkhila yense yakumpsinkha kuzungulila chihema ikhali yakufewa, yakunyalala na yakupakasiwa bwino.¹⁷Matsinde ya nsandamila yakhali ya mkuwa. Ngoloweko na bzingwe bza nsandamila bzikhali bza siliva, ndipo padzaulu pa nsandamilizo adakulunga siliva. Tenepo nsandamila zense za bwalo zidaphatanidziwa na bzingwe bza siliva. ¹⁸Nguwo yakumpsinkha yapamsuwo ikhali ya mtundu wa mtambo, yapepo, na yifwila, yakufewa yakunyalala na yakukonziwa na wanthu waluso. Nguwo ikhali yakutalika miyezo mipfemba, mwakundendemela na nguwo zakumpsinkhila kubwalo. Msinkhu wache ukhali masentimita 229, ¹⁹pabodzi na nsandamila zache zinayi na matsinde ya mkuwa manayi. Ngoloweko na bzingwe bzache bzikhali bza siliva, ndipo padzaulu pache pa nsandamilazo adakulungila siliva. ²⁰Nkhokhu za chihema na bzinango bzense bzakuzungulila chihemacho bzikhali bzakukonziwa na mkuwa.²¹Chilewengelo bzombo bzomwe adaphatisa basa pakukonza chihema, chihema cha umboni, bzomwe Mose adatonga Alevi kuti anembe mwakutsogoziwa na Itamara mwana wa Aaroni, wansembe, chikhali ichi; ²²Bazaleli mwana wa Uri, mwana wa Huzi wa dzinza la Yuda adachita chilichense chomwe Yehova adalewa lewa kuna mose. ²³Oholiabu mwana wa Ahisamaki, wa dzinza la Dani, waluso la bzakukonzakonza na kunemba kakonzewe, na wakukonza nguwo zakupakasiwa bwino za mtundu wa mtambo, yapepo na zifwila, zakufewa na zakunyalala.²⁴Golide wense wakuchokela nsembe yakupunguza womwe adaphatisiwa basa pa basa lense la kukonza mbuto yakupambulika akhali wakulemela miyezo 1000 pa kulonnda miyezo ya kumbuto yakupambulika. ²⁵Siliva wakuchokela kuna gulu lense la wanthu akhali wakulemela miyezo 3,430, pakuteweza miyezo ya kumbuto yakupambulika. ²⁶Munthu aliwense akhapeleka beka libodzi kundendemela ninga miyezo mitanthatu, pakutewezana muyezo wakumbuto yakupambulika. Kuchoka kuna aliyense omwe adalewengiwa kutomela magole 20 pinango kupita popo, amuna wense akhalipo 603,550.²⁷Adaphatisa basa siliva wakulemela muyezo 3,400 kukwanisa matsinde 100 yakumbuto yakupambulika na nguwo yakumpsinkhila, ndipo muyezo 34 kukwanisa tsinde libodzi. ²⁸Miyezo yakusalayo adaphatisa basa pakukonza ngoloweko za nsandamila kukulungila padzaulu pa nsandamila ndipo pomwe kukonza bzingwe bzache. ²⁹Mkuwa wakuchokela ku nsembe yakupunguza ukhali muyezo 2,425.³⁰Iwo adauphatisa basa pakukonza matsinde yapa msuwo wa kaujige wa m'gumano, guwa la mkuwa pabodzi na sefa wache ndipo pomwe na bzombo bzense, ³¹matsinde yakuzungulira bwalo ndipo pomwe na wapa m'suwo pache ,na nkhokho zense za kaujigeyo na matsinde ya mbuto yakuzungulira popo.

39¹Adakonza bzakubvala bza wansembe bzakubvalira pakutumikila kumbuto yakupambulika pakuphatisa basa nguwo ya mtundu wa mtambo, yapepo na yifwila. Adakonza pomwe bzakubvala bzakupambulika bza Aaroni ninga imo Yahova adatongela Mose.²Bazaleli adakonza efodi ya golide, na nguwo ya mtundu wa mtambo, yapepo, yifwila na yakunyalala yakufewa. ³Iwo adasula golide wakuveluka adamulenzalenza kuti aphatanidzike pabodzi na nguwo ya mtundu wa mtambo, yapepo na yakufwila yakunyalala yakufewa yakupakasiwa mwa luso.⁴Iwowo adakonza efodi yomwe ikhana tumabande tuwili twa pa mapewa, twakusonelela kunsonga zache ziwiri kuti ambakwanise kumanga. ⁵Bande wakumangila efodi akhali wakupakasiwa mwaluso ninga efodiyo; akhali nguwo ibodzi na efodiyo, wakukonziwa na golide, nguwo ya mtundu wa mtambo, yapepo, yifwila, yakufewa yakunyalala, ninga imo Yahova adatongela Mose⁶Iwo adakonza minyala ya onikisi, adaiyikha mu bzakuyikila bzache bza golide, apo adasokonyonza madzina ya wana wa Isarayeli. ⁷Bazaleli adaika pa tunguwo twa m'mapewa twa efoditule ninga minyala ya chikumbukilo cha wana wa Isalayeri, ninga imo Yahova adatongera Mose.⁸Iyeyo adakonza chakubvala chapankhombe, mwaluso kwenekwene, adachikonza ninga efodi. Adakonza pakuphatisa basa golide, nguwo ya mtundu wa mtambo,yapepo, yifwila yakufewa yakunyalala na yakupakasiwa bwino. ⁹Kutalika kwache kukhali kwakundendemela mbali zense. Mulitali masentimita 23 mulifupi masentimita 23 chikhali chakufunya pawiri.¹⁰Adaikha mizele ya minayi ya minyala yakudeka kwenekwene. mzere wakutoma ukhana minyala ya rubi, topazi na beleri. ¹¹Mzere wa wachiwiri adaikha minyala ya emeradi, safiro dayimondi. ¹²Mzere wachitatu ukhana minyala ya opera, agate na ametisiti. ¹³Mzere wachinayi adaikha minyala ya topazi, onikisi na yasipa. Minyalayi adaiikha mu bzakuikhira bza golide.¹⁴Minyalayo ikhalipo khumi na miwiri, uliwentse ukhaimira dzina libodzi mwa madzina ya wana wachimuna wa israyeli, mwala uliwentse udakonziwa ninga chidindo cha dzina mwa madzina ya mitundu khumi na miwiri. ¹⁵Patunguwo twa chakubvalacho adakonza tunjema, twakukukonziwa na golide wabwino kwenekwene. ¹⁶Adakonza pomwe bzakuikhira bzache bza golide na na mphete zache ziwiri za golide, ndipo adapatanidza mphete ziwirizo ku makhona ya mbali mwamasukumu.¹⁷Adamangilidza tunjema tuwiri twagolide tule pa mphete za pakhona la chakbvala chapamkombelocho. ¹⁸Ndipo mbali inango ya tunjemato adaimangilira pa bzakuikhira bzache bziwiri bzire. Adaphatanidza ku tunguwo twa mmapewa twa kutsogolo kwa efodi.¹⁹Adakonza pomwe mphete ziwiri za golide ndipo adaziphatanidza ku makhona inango mawiri ya chakubvala, m'mphepete mwanyang'anizana na malire ya mkati mwa efodi. ²⁰Adakonza pomwe mphete zinango ziwiri za golide achiziphataniza kunyantsi kwa nguwo ziwiri za mmapewa za kutsogolo kwa efodi, pafupi na msono padzaulu pang'ono pa bande wa chiuno wa efodi.²¹Adamangilira mphete zapa chakubvala cha pankhombe chile ku mphete za efodi na chingwe mtundu wa mtambo, kuphatanidza bande na chakubvala chapakadedemacho kuti chakubvalacho chisaye kulekana na efodi ule ninga Yahova adalewera kuna Mose.²²Adakonzera efodiyo mkanjo wa mtundu wa mtambo, wakupakasiwa na misiri wa luso. ²³Mkanjoyo ukhana mbuto yapinzisira msolo pakati pachepo. Pachibulupo pakhana chibandi chakusoniwa mwakuchita ninga kupakasa kuchitira kuti chisaye kung'ambika. ²⁴Kunyantsi kwakufunyilira kwa mkanjoyo, adaikha micheka ninga makangadza ya nguwo za mtundu wa mtambo, yakuyenda kwakufwira na yifwira yakufewa na yakunyalala yakupakasiwa bwino yomwe idazungulira mkanjoyo.²⁵Apo adkonza mabelu na golide wabwino, ndipo adayaikha mabeluyo pakatikati pa matangadza yentse kuzungulira m'nyantsi mwentse mwa mkanjoyo, ²⁶pakati pa matangadza belu libodzi na pa thangadza la m'mphepete mwa mkanjo wa Aaroni wakubvala pakutumikira. Ibzo ndibzo Yahova adalewa kuna Mose.²⁷Kuna Aroni na wana wache adawakonzera mikanjo ya nguwo yakufewa. ²⁸Adakonza chapewa na nguwo yakufewa na yakunyalala, chakumangira ku msolo chakufewa bwino, na makabudula ya mkati ya nguwo zakufewa zakunyalala, ²⁹ndipo adakonza bande wa nguwo yakunyalala wa mtundu wa mtambo, wakuyenda kwakufwira, na wakufwira, ili likhali basa la nyakupakasa. Ibzi ndibzo Yahova adalewa kuna Mose.³⁰Iwo adakonza palato ya golide wabwino; pamwepo adapadinda, ninga chidindo mafala yakuti, ''WAKUPAMBULIKA YAHOVA''. ³¹Kenangoko adaimanga na chingwe cha nguwo ya mtundu wa kamadzi padzaulu pa chapewu. Ninga Yahova adalewera kuna Mose.³²Tsapano basa lense la kkhumbi, la msonkhano, lidamala. Aisalayeri adachita bzense. Ninga imo Yahova adalewera kuna mose. ³³Kenangoka adabwelanacho chihema kuna Mose tenti na bzipangizo bzache, bzakukolowekela bzache, mafelemu yache, mitanda yache, ntchalamila zache na matsinde yache; ³⁴chakumpsinkhila cha khanda la bira limuna chakubvikiwa mu utoto bufwila, chakumpsinkha cha khanda la akatumbu na nguwo zakumpsinkha, ³⁵bokosi la umboni pabodzi na miti yache na chakugwanankhilila chache;³⁶Adabwelesa meza, na bzipangizo bzache, na mkate wakukhala pa nkhope ya Yahova; ³⁷chakuyikhila nyale chagolide wabwino kwenekwene pabodzi na nyale zache na bzipangizo bzache bzense na mafuta pomwe ya nyalezo; ³⁸guwa la golide, mafuta yakudzozela, lubani lakununtchila na nguwo yakubisila pa m'suwo wakupitila mu tenti; ³⁹guwa la mkuwa na sefa yamkuwa miti yache yakunyamulila na bzipangizo bzache bzense; basiya namiyendo yache;⁴⁰Adabwelesa nguwo yakukhotchera mbuto pabodzi na ntchalamila zache na matsinde yache, na nguwo pomwe yakubisila pamsuwo wakupititila kubwalo; bzingwe bzache na bzikhomo bza tenti; bzipangizo bzense bza chihema, tenti yamgumano. ⁴¹Adabwelesa pomwe bzakubvala bzakupakasiwa bzakubvala pakutumikila pa mbuto yakuchena, bza Aaroni wansembe na bza wana wache, na iwo wakuthandizila ninga wansembe.⁴²Niwanthu waku Isalayeri omwe adaphata basa lense ninga imo Yahova adatongela Mose. ⁴³Mose adafambila basalo, apo adawona kuti adaliphata ninga imo Yahova adatongela, na tenepo kinangoka Mose adawadalisa iwo.

40¹Kinangoka Yahova adalewalewa kuna Mose, achiti, ²''pa nsiku yakutoma kuna mwezi wakutoma kuna gole latsapano uyimise chihema, tenti ya mgumano.³Uyike momo bokosi la umboni, ndipo ulimpsinkhe bokosilo na katani. ⁴Uyikhe tebulo momo ndipo ulonze bzense bzomwe bzimbakhala popo. Uyikhe pomwe momo chakuyikila nyale ndipo uyike popo nyalezo.⁵Uyike guwa lakufukiza la golide patsogolo pa bokosi la umboni ndipo uyikhe katani pa m'suwo wa chihema. ⁶''Uyike guwa la nsembe yakupsereresa patsogolo pa m'suwo wa chihema, tenti ya mgumano. ⁷Uyike basiya likulu pakati pa tenti ya mgumano naguwa la nsembe ndipo uyike momo madzi.⁸Ukonze mbuto yakuzungulila chihemacho, ndipo uyike katani yapa m'suwo wa mbutoyo. ⁹Utenge mafuta yakudzozera ndipo udzoze chihema na chilichense chomwe chili momo. Ndipo bzimdzakhala bzakuchenesewa. ¹⁰Kenangoka udzolese guwa la nsembe lakupsereresa na bzombo bache bzense. Ulipambule guwalo ndipo limdzakhala lichena kwenekwene kuna ine. ¹¹Udzolese basiya la mkuwa na miyendo yache ndipo ubzipambule.¹²Umubwere naye Aroni na wana wache wachimuna pa msuwo wachikhumbi chakugumana apo uwasambise iwo na madzi. ¹³Umubvazike Aroni bzakubvala bzomwe bzidasankhulilwira ine, umudzoze iye apoumupamnbule iye kuti iye ambanditumukire ine ninga wansembe wangu.¹⁴Ubwere nawo wana wache wachimuna apo uwabzazike na bzipewu. ¹⁵Uwabzoze iwo ninga udadzozera babawo tenepo kuti iwo ambanditumikire ine ninga wansembe. Kudzozewa kwawo kunzachitisa iwo kukhala wansembe wakukhazikikapakati pa wanthu wam'badwo wawo wense.'' ¹⁶Bzobzi ndibzo Mose adachita; iye adateweza bzense ndibzo Yahonava adamutonga. Adachita bzinthu bsensebzi.¹⁷Teneopo adayimisa chihema nsiku yakutoma ya mwezi wakutoma m'gole lachiwiri. ¹⁸Mose adayimisa chihema, adayikha matsinde mbuto mwache, achiyikha maferemu, achiphatisa mitanda, achiyimisa nsandamira na nsichi. ¹⁹Iye adayikha bzakuphsinkhira padzaulu pa kachisi apo achiyikha chakuphsinkhira khumbi, ninga Yahova adamutongera. ²⁰Iye adatakula minyala mboniyo apo achiyiikha mu likasa. Iye adayikha pomwe mitanda pa likasa apo adayikha chakugwanankhirira padzaulu pache.²¹Adapitisa likasalo muchihema. Adayikha nguwo achiphsinkhira likasa la mbonilo, ninga Yahova adamutongera. ²²Adayikha gome m'mkumbi lakugumana, mphimpha yakudzaulu ya kachisiyo, kunja kwache kwa nguwo yakuphsinkhira. ²³Adayikha mkate pambuto pache pa gomero pamaso pa Yahova, ninga Yahova adamutongera iye.²⁴Iye adayikha chakuyimisira nyale mkati mwa khumbi lakugumanalo, kunyang'anizana na gome, mphimpha yakunyansi kwa kachisi. ²⁵Iye adagasa nyalezo pamaso pa Yahova, ninga Yahova adamutongera²⁶Iye adayikha guwa la nsembe lagolide kutsogolo kwache kwa nguwo yakuphsinkhirayo. ²⁷Iye adapsereresa bzakununcthirisa paguwapo, ninga Yahova adamutongera.²⁸Iye adamanika chakumpsinkhira pamsuwo wa kachisi. ²⁹Iye adayikha guwa lansembe yakupsereresa pamsuwo wa kachisi, wachikhumbi chakugumana. Iye adapereka nsembe yakupserera na nsembe yaufa, ninga Yahova adamutongdera. ³⁰Iye adayikha mkhate pakatinakati pachikhumbi chakugumana na guwa lansembe, apo iye adathira momwemo madzi yakusamba.³¹Mose, Aroni, nawana wache wachimuna akhasamba manja yawo na nzayo zawo mukhatemo ³²pomwe iwo akhapita mukhumbi lakugumana na pomwe iwo akhayenda kyuguwa lansembe. Iwo akhasamba wokha, ninga Yahova adamutongera Mose. ³³Mose adamanga mpanda kuzunguliza kachisi na guwa lansembe. iye adayikha nguwo yakuphsinkhira pzamsuswo. Naterepoyo, Moseadamaliza basalo.³⁴Kinangika mtambo udaphsinkha chikhumbi chakugumana, apo ulemerero bwa Yahova budadzala mkachisimo. ³⁵Mose alibe kukwanisa kupita m'khumbi lakugumana thangwe mtambo ukhali momwemo, nathangwera ulemerero bwa Yahova budadzala m'kachisimo.³⁶Pomwe mtambo ukhakwira padzaulu pakachisi, wanthu wa Aisraeri akhafamba ulendo bwawo. ³⁷Soma penu mtambo unichokalini padzaulu pa kachisi, wanthu akhafambalini. Iwo akhakhala kufikizana nsiku yomwe mtambo ukhakwira. ³⁸Thangwera mtambo wa Yahova ukhali padzaulu pa kachisi panthawe ya masikati, namoto waqche ukhali padzaulu panthawe ya usiku, ukhawonekera pamaso pa wanthu wense wa Aisraeri kuzungulira pa ulendo bwawo.

Numeri

1¹Yawe adasewera kuna Mose mchihema cha kugumanirana mchipululu cha Sinai. Ibzi bzidachitika nsiku yakutoma ya mwezi wachiwiri mkati mwa gole lachiwiri wana wa Isaraeri atabula mdziko la Aigupto. Yawe adati, ²''Chitisa chilewengero cha wanthu wensene wa mu Isaraeri mwa mabanja yawo, ya mabanja ya abereki wawo. Uwalewenge na madzina yawo. Ulewenge amuna paokha m'bodzi m'bodzi, ³omwe ana magole makumi mawiri ayai kupitirira paokha. Lewenga wense ndiwo angakwanise kumenya nkhondo ninga achikunda wa Isaraeri paokha. Iwepo na Aloni mulewenge mbogo yawo ya amuna mmathimu yawo yankhondo.⁴Pakhale munthu m'bodzi wakuchokera mdzinza lirirense, mkulu wa nyumba, atumikire na imwepo ninga mkulu wadzinza lache. Mkulu aliyense atsogolere wanthu omwe amdzamenya nkhondo ya banja la abereki wache. ⁵Aya ni madzina ya akulu ndiwo omwe ati amenye nawe nkhondo: ⁶Kuchoka kudzinza la Rubeni, Elizuri mwana wa Sedeuri; kuchoka ku dzinza la Simeoni, Selumiyeli mwana wa Zurisadai;⁷kuchoka kudzinza la Yuda, Nahesoni mwana wa Aminadabu; ⁸kuchoka kudzinza la Isakara, Nataneli mwana wa Zuwara; ⁹kuchoka kudzinza la Zebuloni, Eliyabu mwana wa Heloni;¹⁰Kuchoka kudzinza la Efraimu mwana wa Yosefe, ELisama mwana wa Amihudi; kuchoka kudzinza la Manase, Gamaliyeli mwana wa Pedazuri; ¹¹kuchoka kudzinza la Benjami, Abidana mwana wa Gideoni;¹²Kuchoka kudzinza la Dani, Ahiyezeri mwana wa Amisadai; ¹³kuchoka kudzinza la Aseri, Pagiyeli mwana wa Okirani; ¹⁴kuchoka kudzinza la Gadi, Eliyasafe mwana wa Deyueli; ¹⁵na kuchoka kudzinza la Nafitali, Ahira mwana wa Enani.¹⁶Awa akhali wanthu wakuchemeriwa kuchoka mwa wanthu. Adatsogolera madzinza ya abereki wawo. Akhali akulu wa miyi ya mu Isaraeri.¹⁷Mose na Aloni adatenga wanthu amwewa, omwe adagumiwa madzina yawo, ¹⁸achigwezeka wanthu wensene pabodzi nsiku yakutoma ya mwezi wachiwiri. Amuna wa magole makumi mawiri na kupitirira kuwalewenga na dzina la abereki wawo, na mitupo, na mabanja ya abereki wawo. Iwo adalewengewa dzina m'bodzi m'bodzi. ¹⁹Kinangoka Mose adawalewenga kuwanda kwawo mchipululu cha Sinai, ninga ndimo Yawe adawatongera kuchita.²⁰Kuchoka kwa wana wa Rubeni, mwana wakutoma wa Isaraeri, kuchoka ku chilewengero, cha mitupo yawo, na mabanja ya abereki wawo, madzina ya amuna wa magole mawiri ayai kupitirira, wakukwanisa kuyenda ku nkhondo, adalewengiwa m'bodzi na m'bodzi. ²¹Adakwana 46,500 wanthu wakuchoka mdzinza la Rubeni.²²Kuchoka kwa wana wa Simeoni, kuchoka ku bzakunemba, bza mitupo yawo, na mabanja ya abereki wawo, madzina ya wanthu wensene wa magole makumi mawiri ayai kupitirira, wakukwanisa kuyenda ku nkhondo, adalewengiwa m'bodzi m'bodzi. ²³Adakwana 59,300 wanthu wadzinza la Simeoni.²⁴Kuchoka kwa wana wa Gadi, kubzakunemba, bza mitupo yawo, na mabanja ya abereki wawo, madzina ya wanthu wamagole makumi mawiri ayai kupitirira, wakukwanisa kuyenda ku nkhondo, adalewengiwa. ²⁵Adakwana 45,650 wanthu wakuchoka mdzinza la Gadi.²⁶Kuchoka kwa wana wa Yuda, kubzakunemba, bza mitupo yawo, na mabanja ya abereki wawo, madzina ya wanthu wensene wa magole makumi mawiri ayai kupitirira, wakukwanisa kuyenda ku nkhondo, adalewengiwa. ²⁷Adakwana 74,600 wanthu wakuchoka mdzinza la Yuda.²⁸Kuchoka kwa wana wa Isakara, kubzakunemba, na mitupo yawo, na mabanja ya abereki wawo, madzina ya wanthu wensene wamagole makumi mawiri ayai kupitirira, wakukwanisa kuyenda, yadalewengiwa. ²⁹Adakwana 54,400 wanthu wakuchokera mdzinza la Isakara.³⁰Kuchoka kwa wana wa Zebuloni, ku bzakunemba, na mitupo yawo, ya mabanja ya abereki wawo, madzina ya wanthu wensene wamagole makumi mawiri ayai kupitirira, wakukwanisa kuyenda kunkhondo, adalewengiwa. ³¹Adakwana 57,400 wanthu wakuchoka mdzinza la Zebuloni.³²³³Kuchoka kwa wana wa Efraimu mwana wa Yosefe, kuchoka ku bzakunemba, na mitupo yawo, ya mabanja ya abereki wawo, madzina ya wanthu wensene wamagole makumi mawiri ayai kupitirira, wakukwanisa kuyenda kunkhondo, adalewengiwa. Adakwana 40,500 wanthu wakuchoka mdzinza la Efraimu.³⁴Kuchoka kwa wana wa Manase mwana wa Yosefe, kuchoka mu bzakunemba, na mitupo yawo, na mabanja ya abereki wawo, madzina ya wanthu wensene wamagole makumi mawiri ayai kupitirira, wakukwanisa kuyenda ku nkhondo, adalewengiwa. ³⁵Adakwana 32,200 wanthu wamdzinza la Manase.³⁶Kuchoka kwa wana wa Benjami, kuchoka mubzakunemba, na mitupo yawo, na mabanja ya abereki wawo, madzina ya wanthu wensene wamagole makumi mawiri ayai kupitirira, wakukwanisa kuyenda kunkhondo, adalewengiwa. ³⁷Adakwana 35,400 wanthu wamdzinza la Benjami.³⁸Kuchoka kwa wana wa Dani, kuchoka mubzakunemba, bza mitupo yawo, na mabanja ya abereki wawo, madzina yensene ya wanthu wamagole makumi mawiri ayai kupitirira, wakukwanisa kuyenda ku nkhondo, adalewengiwa. ³⁹Adakwana 62,700 kuchoka mdzinza la Dani.⁴⁰Kuchoka kwa wana wa Aseri, kuchoka mu bzakunemba, na mitupo yawo, na mabanja ya abereki wawo, madzina ya wanthu wensene wamagole makumi mawiri ayai kupitirira, wakukwanisa kuyenda ku nkhondo, adalewengiwa. ⁴¹Adakwana 41,500 wanthu wamdzinza la Aseri.⁴²Kuchoka kwa wana wa Nafitali, kuchoka mubzakunemba bzawo, na mitupo yawo, na mabanja ya abereki wawo, madzina ya wanthu wensene wamagole makumi mawiri ayai kupitirira, wakukwanisa kuyenda kunkhondo, adalewengiwa. ⁴³Adakwana 53,400 kuchoka mdzinza la Nafitali.⁴⁴Mose na Aloni adalewenga wanthu wensenewa, pabodzi na wanthu khumi na awiri ndiwo akhatsogolera Isaraeri, aliyense wakuchokera kubanja la abereki wache. ⁴⁵Ndiye wana wensene wa Isaraeri wakuyambira magole makumi mawiri na kupitirira, wensene omwe angadakwanisa kumenya nkhondo, adalewengiwa paokha paokha mmabanja ya abereki wawo. ⁴⁶Adakwana wanthu 603,550.⁴⁷Soma Alevi alibe kulewengiwa mwakuteweza madzinza ya abereki wawo ⁴⁸thangwe Yawe akhadati kuna Mose, ⁴⁹''Nampodi kulewenga wadzinza la Alevi ayai kuwaphatanidza mchilewngero cha wana wa Isaraeri.⁵⁰Soma, muwaikhe Alevi akoye kachisi wa ntchirimiko za mpangano, na kukoya madekesero ya mkachisi na chirichense ndicho chiri momo. Alevi atakule kachisi, na kutakula bzakudekesera bza mkachisi. Atchenkhe kachisi na kumanga tsasa lawo kuzungulira.⁵¹Pa nthawe ndiyo kachisi akufulusiwa kuyenda mbuto inango, Alevi augwese. Pomwe kachisi akukamangiwa, alevi akaumange. Mulendo wakufendera pafupi na kachisiyo aphiwe. ⁵²Wana wa Isaraeri angamanga ma tsasa yawo, munthu aliyense achitembo tenepoyo pafupi na chakulatiza phathi la achikunda wache wankhondo.⁵³Soma, Alevi amange matsasa yawo kuzungulira kachisi wa ntchirimiko za mpangano pala kuti kukalipa kwangu nampodi kufikire wana wa Isaraeri. Alevi achite bzakulinga bza kachisi wa ntchirimiko za mpangano.'' ⁵⁴Wana wa Isaraeri adachita bzinthu bzensenebzi. Iwo adachita bzensene ndibzo Yawe adatonga kudzera mwa Mose.

2¹Yawe adasewera pomwe kuna Mose na Aloni. Iye adati, ²''Aliyense mwana wa Isaraeri amange kuzungulira, na chilatizo cha nyumba za abereki wache. Amdzakhala mwakuzungulira tsasa la kugumanirana kumbali zensene.³Iwo wakudzamanga matsasa kumachibese kwa chihema chakugumanirana, ndiko dzuwa limbachokera, ni mgwezekano wa Yuda na thimu la wankhondo wawo wabzida, apo akukhala patsasapo mwadongosolo lawo. Nahesoni mwana wa Aminadabu ndiye mtsogoleri wa wana wa Yuda. ⁴Kuwanda kwa thimu la wana wa Yuda ni bzulu makumi manomwe na bzinayi na madzana matanthatu.⁵Dzinza la Isakara limange mwakunyang'anizana na Yuda. Netaneli mwana wa Zuwara atsogolere achikunda wa Isakara. ⁶Kuwanda kwa thimu la wanthu wa Isakara ni wanthu 54,400.⁷Dzinza la Zebuloni limangembo mwakunyang'anizana na Isakara. Eliyabu mwana wa Heloni atsogolere achikunda wa Zebuloni. ⁸Kuwanda kwa thimu la wanthu wa Zebuloni ni 57,400.⁹Kuwanda kwensene kwa thimu la pamanga Yudapo ni 186,400. Iwo amdzanyamuka pakutoma.¹⁰Kumbali ya kumwera kumdzamanga wa Rubeni mwadongosolo lawo. Mtsogoleri wa mbuto amangayo ni Elizuri mwana wa Sedeuri. ¹¹Kuwanda kwa thimu lawanthu wensene wa Rubeni ni bzulu makumi manayi na bzitanthatu na madzana machanu.¹²Simeoni wamanga pafupi na Rubeni. Mtsogoleri wa dzinza la Simeoni ni Selumiyeli mwana wa Surisadai. ¹³Kuwanda kwa wanthu wa Simeoni ni bzulu makumi machanu na bzipfemba na madzana matatu.¹⁴Dzinza la Gadi ndiye lakutewerana nalo. Mtsogoleri wa wanthu wa Gadi ni Eliyasafe mwana wa Deueli. ¹⁵Kuwanda kwa wanthu wa Gadi ni bzulu makumi manayi na bzichanu na madzana matanthatu na makumi machanu.¹⁶KUwanda kwa wanthu wensene wakuikhiwa kukakhala pambuto padamanga Rubeni, malinga na magawikano yawo, ni bzulu dzana libodzi na makumi machanu na chibodzi na madzana manayi na makumi machanu. Iwo amdzanyamuka kachiwiri.¹⁷Kinangoko, chihema chakugumanirana chichosiwe pa mbuto amangayo na Alevi pakati nakati ya mbuto zakumangiwa zensene. Iwo achoke pambutopo mwakundendemera ninga ndimo adabwerera pambutopo. Munthu aliyense akhale m'buto mwache, na chilatizo chache chakunembiwa.¹⁸Mbali ya kumaulo kumdzakhala magawaniko ya wakumanga wa Efraimu mwa dongososlo lawo. Mtsogoleri wa thimu la wanthu wa Efraimu ni Elisama mwana wa Amihudi. ¹⁹Kuwanda kwa wanthu wa Efraimu ni bzulu makumi manayi na madzana machanu.²⁰Kuchoka pa iwo ni dzinza la Manase. Mntogoleri wa Manase ni Gamaliyeli mwana wa Pedazuri. ²¹Kuwanda kwa wanthu wa Manase ni bzulu makumi matatu na bziwiri na madzana mawiri.²²Pafupi nawo pamdzakhala wadzinza la Benjami. Mtsogoleri wa Benjami ni Abidani mwana wa Gideoni. ²³Kuwanda kwa wanthu wa Benjami ni bzulu makumi matatu na bzichanu na madzana manayi.²⁴Wensene pabodzi pambuto pa Efraimu ni bzulu dzana libodzi na bzisere na dzana libodzi. Iwo amdzanyamuka kachitatu.²⁵Kumpoto kumdzamanga wathimu la Dani. Mtsogoleri wa wanthu wa Dani ni Ahiezeri mwana wa Amisadayi. ²⁶Kuwanda kwa wanthu wa Dani ni bzulu makumi matanthatu na bziwiri na madzana manomwe.²⁷Wanthu wa dzinza la Aseri amdzamanga mwakunyang'anizana na Dani. Mtsogoleri wa Aseri ni Pagiyeli mwana wa Okirani. ²⁸Kuwanda kwa wanthu wa Aseri ni bzulu makumi manayi na chibodzi na madzana machanu.²⁹Kinangoka ni wadzinza la Nafitali. Mtsogoleri wa Nafitali ni Ahira mwana wa Enani. ³⁰Kuwanda kwa wanthu wa Nafitali ni bzulu makumi machanu na bzitatu na madzana manayi.³¹Wensene wa padamanga iwopo na Dani kuwanda kwawo ni bzulu dzana libodzi na makumi machanu na bzinomwe na madzana matanthatu. Iwo ndiwo amdzamalizira kuchoka padamanga iwopo, atatakula bzilatizo bzawo bzakunemba.''³²Awa ni wana wa Isaraeri, wakulewengiwa na mabanja ya abereki wawo. Wensene kuwalewenga m'buto zidamanga iwo, na magulu yawo, ni bzulu madzana matanthatu na bzitatu na madzana machanu na makumi machanu . ³³Soma Alevi alibe kulewengiwa kubodzi na wana wa Isaraeri, ninga ndimo Yahova adatongera Mose.³⁴Wana wa Isaraeri adachita bzensene ndibzo Yahova adatonga Mose. Adamanga ndimo mukhana bzilatizo bzawo bzakunemba. Iwo adayenda kuchoka mbuto adamangazo na mitupo yawo, mwakuteweza mabanja ya abereki wawo.

3¹Tsapano iyi ni mbiri ya wana wa Aloni na Mose pomwe Yahova adasewera na Mose pa phiri la Sinai. ²Madzina ya wana wachimuna wa Aloni yakhali Nadabu wakutoma kubaliwa, na Abihu, Eleazara na Itamara.³Aya ndiyo madzina ya wana wachimuna wa Aloni, wansembe ndiwo adadzozewa na ndiwo adadzawiwa manja kutumikira ninga wansembe. ⁴Soma Nadabu na Abihu adafa pamaso pa Yahova mchipululu cha Sinai pomwe adabweresa moto wachilendo pamaso pache. Nadabu na Abihu akhalibe wana, ninga ndimo Eleazara na Itamara adatumikirira ninga wansembe na Aloni babawo.⁵Yahova adasewera kuna Mose, Iye adati, ⁶''Bweresa wadzinza la Levi udzawapereke kuna Aloni wansembe kuti iwo adzamuthandize.⁷Iwo achite mabasa yawo m'buto mwa Aloni na kuna wanthu wensene pamaso pa chihema chakugumanirana. Iwo atumikire mkachisi. ⁸Akoye bzipangizo bzensene bza mchihema chakugumanirana, na kuthandiza madzinza ya Isaraeri kuphata basa la mkachisi.⁹Uwapereke Alevi kuna Aloni na wana wache wachimuna. Iwo aperekiwa kupulumira kumuthandiza kutumikira wana wa Isaraeri. ¹⁰Uyikhe Aloni na wana wache wachimuna ninga wansembe, soma mlendo aliyense wakufendera popo aphiwe.''¹¹Yahova adasewera kuna Mose. Iye adati, ¹²''Nyang'anani, ndatenga Alevi kuwachosa pakati pa wana wa Isaraeri. Ndachita ibzi mwakuti ndikadatenga mwana aliyense wakutoma, omwe ambafungula chiberekero, kuchoka pa wana wa Isaraeri. Aleviwo mbangu, ¹³nakuti wana wensene wakutoma ngwangu. Pansiku ndiyo ndidapha wana wensene wakutoma mdziko la Aigupto, ndidabzipambulira wana wensene wakutoma wa Isaraeri, wanthu na bzifuwo kubodzi. Iwo mbangu. Ndine Yahova.''¹⁴Yahova adasewera na Mose mchipululu cha Sinai. Iye adati, ¹⁵''Lewenga wana wa Levi m'banja lirilense, mmitupo. Lewenga mwamuna aliyense wamwezi ubodzi na kupitirira.'' ¹⁶Mose adawalewenga iwo, kuteweza mafala ya Yahova, ninga ndimo adatongewera kuchita.¹⁷Madzina ya wana wachimuna wa Levi yakhali Gerisoni, Kohati, na Merari. ¹⁸Awa ni wana wachimuna wa Gerisoni, na mitupo yawo: Libini na Simei. ¹⁹Wana wachimuna wa Kohati, na mitupo yawo: Amiramu na Izara, Hebroni, na Uziyeli. ²⁰Wana wachimuna wa Merari, na mitupo yawo: Mali na Musi. Iyi ni mitupo ya Alevi, kundandaliziwa mtupo na mtupo.²¹Mbanja ya a Libini na mabanja ya a Asimei ngakuchoka kwa a Gerisoni. Yamweya ni mabanja ya a Agerisoni. ²²Amuna wensene wakuyambira mwana wa mwezi ubodzi na kupitirira adalewengiwa, pabodzi mkukwana bzulu bzinomwe na madzana machanu. ²³Mabanja ya a Gerisoni yamange mahema mbali ya kumaulo kwa kachisi.²⁴Eliyasafe mwana wachimuna wa Layeli atsogolere mabanja ya wana wa a Gerisoni. ²⁵Banja la Gerisoni limbatchenkhe chihema chakugumanirana kuphatanidza na kachisi. Ambatchenkhe chihemacho, chakufungira chache, na chinguwo cha pakupitira kuyenda ku chihema chakugumanirana. ²⁶Ambatchenkhe bzakumanikamanika bza pambutopo, chinguwo pa msuwo wa kumbutoko---mbuto ya pa kintalo ndiyo yazungulira kachisi na guwa la nsembe. Ambatchenkhe bzingwe bza chihema cha kugumanirana na chirichense ndicho chiri mwemo.²⁷Mabanja yoya ngakuchokera kuna Akohati: banja la Aamiramu, banja la a Izara, banja la Ahebroni, na banja la Auziyeli. Mabanja yoya nga Akohati. ²⁸Amuna wakukwana bzulu bzisere na madzana matanthatu alewengiwa wakuyambira mwezi ubodzi na kupitirira kuphata basa la la kukoya udikiriro bwa mbuto yakupambulika. ²⁹Mabanja ya Akohati yamange mbali yakumwera kwa kachisi.³⁰Elizafana mwana wachimuna wa Uziyeli ndiye atsogolere nyumba ya makolo ya a Kohati. ³¹Iwo adikhirire likasa, meza ya chakumanikira kandiyero, maguwa ya nsembe, bzinthu bzakupambulika ndibzo bzimbaphatisiwa basa pa mabasayo, na chinguwo, na basa lensene lakuzungulira popo. ³²Eleazara mwana wa chimuna wa Aroni wansembe atsogolere wanthu omwe ambatsogolera Alevi. Iye anyang'anire wanthu ndiwo ambaphata basa pambuto yakupambulika kwene kwene.³³Mabanja mawiri yachokera kuna a Merari: banja la Amali na banja la Amusi. Mabanja yamweya yachokera kuna a Merari. ³⁴Amuna wakukwana bzulu bzitanthatu na madzana mawiri alewengiwa wakuyambira mwezi ubodzi na kupitirira. ³⁵Zuriyeli mwana wachimuna wa Abiyaili atsogolere banja la makolo ya Amerari. Iwo amange kumpoto kwa mbuto ya kachisi.³⁶Wana wa a Merari adikhirire matabwa ya kachisi, mitanda yache yakupingasa, nsandamira, matsinde, makamwa yache, na chirichense chakufanana nacho, kuphatanidza ³⁷na bzinsandamira na bzipilala bza pambutopo ndibzo bzidazungulira, na bzakupfikira bzache, nkhokho, na bzingwe.³⁸Mose na Aroni na wanache wachimuna amange kumachibese kwa kachisi, kumsuwo kwa chihema chakugumanirana, kunyang'ana kwakuchokera dzuwa. Iwo ndiwo amfunika kuti ambakoye mabasa ya kumbuto kwakupambulika na udikiro bwa wana wa Isaraeri. Mlendo aliyense wakufendeza pafupi na mbuto yakupambulika kwene kweneyo aphiwe. ³⁹Mose na Aroni adalewenga amuna wensene wa banja la Alevi omwe akhali wakuyambira mwezi ubodzi na kupitirira, ninga ndimo Yahova adatongera. Iwo adalewenga amuna bzulu makumi mawiri.⁴⁰Yahova adati kuna Mose, ''Lewenga wana wachimuna wakutoma kubadwa wa wana wa isaraeri wakuyambira mwezi m'bodzi na kupitirira. Uwandandalize madzina yawo. ⁴¹Unditengere ine Alevi--- ndine Yahova ---mmalo mwa wana wensene wa Isaraeri, na ng'ombe za Alevi mmalo mwa wana wakutoma wa ng'ombe za mbeu ya a Isaraeli.''⁴²Mose adalewenga wana wense wakutoma wa wana wa Isaraeri ninga ndimo Yahova adamutongera kuchita. ⁴³Iye adalewenga wana wense wachimua wakutoma kubadwa na madzina yawo, wakuyambira mwezi m'bodzi na kupitirira. Adawalewenga amuna achikwana bzulu makumi mawiri na bziwiri na madzana mawiri na makumi manomwe na atatu.⁴⁴Yahova, adasewea pomwe kuna Mose. Iye adati, ⁴⁵''Tenga Alevi mmalo mwa wana wakutoma wensene pakati pa wana wa Isaraeli, apo utenge ng'ombe za alevi mmalo mwa ng'ombe zawanthu. Alevi mbangu wa ine--- ndine Yahova.⁴⁶Thangwe chipulumuso cha wana wa Isaraeri wachimuna wakutoma kubadwa wakukwana madzana mawiri na makumi manomwe na atatu omwe adapitirira kuwanda kwa Alevi ⁴⁷umfunika utsonkhese masekere machanu machanu pa munthu aliyense. Bzimfunika uphatise basa sekere la mbuto yakupambulika ninga chakupimira chachadidi. Sekere limbalingana na ma gera makumi mawiri. ⁴⁸Upereke kobiri zakulombolewa nazo ndizo udapereka kuna Aroni na wanache wachimuna.''⁴⁹Ndiye Mose adatsonkhesa kobiri zakulombolera kuchoka kuna wale omwe adapitirira kuwanda kwa Alevi. ⁵⁰Mose adatsonkhesa kobiri kuchoka kuna wana wakutoma wa wana wa Isaraeri. Iye adatsonkhesa masekere chulu chibodzi na madzana matatu na makumi matanthatu na machanu, kupimira na sekere la mbuto yakupambulika. ⁵¹Mose adapereka kobiri za kulombolera kuna Aroni na kuna wanache wachimuna. Mose adachita chirichense adauziwa kuchita na mafala ya Yahova, ninga ndimo Yahova akhadamuuzira iye.

4¹Yahova adasewera na Mose na Aroni. Iye adati, '' ²Chitisani chilewengero cha amuna wa mbeu ya Kohati kuchoka pakati pa Alevi, na mabanja yawo na mabanja ya abereki wawo. ³Lewengani amuna wa magole makumi matatu kufika makumi machanu yakubadwa. Amuna amwewa aphathike ku thimu la kutumikira mu chihema chakugumanirana. ⁴Wa mbeu ya Kohati akhale wakumbatchenkha bzinthu bzakufunika maninge bzakuikhiwa pambali pala ine mchihema cha kugumanirana.⁵Chihema chingakhala chimfuna kufulusiwa kuyenda kutsogolo, Aroni na wanache ambapite mchihemamo, kumbabulusa chinguwo chakumpsinkha chakulekanisa mbuto yakupambulikisisa na mbuto yakupambulika pang'ono mkumpsinkhira likasa la umboni. ⁶Iwo ambampsinkhe likasa na pidaso ya khanda lakufukutiwa. Iwo ambalitandikire chinguwo cha azuri. Iwo ambaliikhire mphiku pakulitakula.⁷Iwo ambatandike nguwo ya azuri pa meza ya mkate wa chakupereka. Padzaulupo aikhe bzakuikhira madzi, malukho, mapalato, mitsuko pala chakupereka chakumwa. Mkate umbapitirize kukhala basi pa mezapo. ⁸Iwo ambatandike popo nguwo ifwira mkumbampsinkha na khanda lakufukuta. Iwo ambaikhe mphiku pakumbatakula mezayo.⁹¹⁰¹¹Iwo ambatenge nguwo ya azuri mkumbampsinkha chakumanikira kandiyero, pabodzi na makandiyero yacheyo, mbano zache na bzakuolera bzache, na bzikasi bzikasi bza mafuta pala makandiyero. Iwo aikhe bzakukhazikira makandiyero na bzipangizo bzache bzense mchakumpsinkhira cha khanda lakufukutiwa bwino, apo aliikhe mchakutakulira chache. Iwo afuthule chinguwo cha azuri pa guwa la oro. Alimpsinkhe na chakumpsinkhira cha khanda lakufukuta, kinangoko mkupisa mphiku zakutakulira.¹²Iwo atakule bzipangizo bza utumiki, bzomwe ambatumikira nabzo m'buto yakupambulika, achibzikulunga pa nguwo ya azuri. Iwo ampsinkhe bzobzo na khanda mkuikha bzipangizobzo pa chakutakuliracho. ¹³Iwo apukuse dotha la mafuta kuchosa pa guwapo mkutandika nguwo ifwira pa guwapo. ¹⁴Ayikhe pa chakutakulirapo bzipangizo bzense bzakuphatizira pa basa la pa guwa. Bzipangizo bzobzi ni palato za pamoto, magarufu, mafocholo, palato zakuzika, na bzipangizo bzina bzense bza pa guwa. Iwo ampsinkhe guwa na khanda labwino kinangoko mkupisa miti yakutakulira.¹⁵Pomwe Aroni na wanache wachimuna amaliza kumpsinkha bwino mbuto yakupambulikayo na bzipangizo bzense, na pomwe msasayo unifendera kutsogolo, wa mbeu ya Kohati abwere kudzatakula mbuto yakupambulikayo. Penu aniphata bzipangizo bzakupambulikabzo, iwo aferetu meju. Ili ni basa la wa mbeu ya Kohati, kutakula bzakupambulika mchihema cha kugumanirana. ¹⁶Eleazara mwana wachimuna wa Aroni wansembe ambanyang'anire katchenkhedwe ka mafuta ya kugasira, pfungo labwino, chakupereka chapafupipafupi cha ufa, na mafuta yakupalanga. Iye ambanyang'anire katchenkhedwe ka mbuto yense ya kupambulika na bzense bza mwemo, mbuto yakupambulika na bzipangizo bzache.''¹⁷Yahova adasewera na Mose na Aroni. Iye adati, ¹⁸Nampodi kubvuma mabanja ya dzinza la wene Kohati kuphadzana na Alevi. ¹⁹Ndiye chita ichi kuna iwo kuti akhale na moyo neye kufa, angafenderera bzinthu bzakupambulika maningebzo: Aroni na wanache wachimuna ayende mkatimo, amuikhire munthu aliyense basa lache na udindo bwache. ²⁰Soma wene Kohati nampodi apite mkatimo kukaona mbuto yakupambulikayo, neye kanthawe pamkiti pokha, apo ayai anifa.''²¹Yahova adasewera pomwe na Mose. Iye adati, ²²''Chitisambo pomwe kanembera wa mbeu ya a Geresoni, na mabanja ya abereki wawo na mitupo yawo. ²³Lewenga ndiwo ana magole makumi matatu kufika magole makumi machanu. Lewenga wense omwe amdzapita mgulu la kutumikira mchihema cha kugumanirana.²⁴Ili ni basa la mabanja ya wene Gerisoni, angambatumikira na ndibzo ambatakula. ²⁵Ambatakule bzinguwo bza kachisi, chihema chakugumanirana, chakumpsinkhira chache, cha khanda lakufukutiwa ndilo liri padzaulupo, na bzinguwo bzakutchinga pakupitira kuyendera ku chihema chakugumanirana. ²⁶Amfunika ambatakule bzinguwo bzakutchinga ku nyumba yakutongera milandu, chinguwo cha panjira ya pamsuwo kuyendera ku chipata cha ku nyumba yakutongera milandu, yomwe iri pafupi na mbuto yakupambulika na pafupi na guwa la nsembe, bzingwe bzawo, na bzipangizo bzensene bza basa lawo. Chirichense chakuchitika na bzinthu bzobzi, iwo ambachite.²⁷Aroni na wanache wachimuna adikhilire basa lense la wa mbeu ya a Gerisoni, mchirichense ndicho ambatakula, na mmabasa yawo yense. Muwaikhe iwo mmabasa yawo yense. ²⁸Ili ni basa la mabanja ya wambeu ya a Gerisoni pala chihema chakugumanirana. Itamara mwana wachimuna wa Aroni wansembe atsogolre iwo mmabasa yawo.²⁹Ulewenge wa mbeu ya Meravi na mabanja yawo, mkuwalonza malingana na nyumba za abereki wawo, ³⁰wakuchokera magole makumi matatu na kupitirira kufikizana magole makumi machanu. Lewenga aliyense ndiye akuyenda kukakhala nawo mgulu na kutumikira mchihema chakugumanirana.³¹Ubu ni udindo bwawo na udikhiriro ndibo buli mmabasa yawo pala chihema chakugumanirana. Iwo ambasamalire mijimbikiro yakuphatisa kachisi, mitanda yache, nsandamira, na makamwa yache, ³²pabodzi na nsandamira za pambutopo kuzungulira kachisi, makamwa yache, nkhokho, na bzingwe bzache, na bzipangizo bzache bzense. Ndandalizani madzina bzinthu bzakuti iwo atakule.³³Ili ni basa la mabanja ya wambeu ya a Merari, ndilo ati ambachite pala chihema chakugumanirana, mwakuuziwa na Itamara mwana wachimuna wa Aroni wansembe.''³⁴Mose na Aroni na akulu wawanthu adalewenga wambeu ya a Kohati ninga mwa mabanja yawo na nyumba za abereki wawo. Iwo adawalewenga kuyambira wa magole makumi matatu kufika magole makumi machanu. ³⁵Iwo adalewenga aliyense wakuti angakwanise kukhala mgulu la kutumikira mchihema chakugumanirana. ³⁶Iwo adalewenga bzulu bziwiri na madzana manomwe na makumi machanu amuna wa mmabanja mwawo.³⁷Uyu ukhali mndandanda wa wene Kohati omwe adatumikira mchihema chakugumanirana. Mose na Aroni adawalewenga kuteweza kutonga kwa Yahova komwe kudaperekiwa kudzera mwa Mose.³⁸Wa mbeu ya a Gerisoni adalewengiwa mmabanja mwawo, mnyumba za abereki wawo, ³⁹kuchoka magole makumi matatu kufika makumi machanu, aliyense omwe angadakwanisa kupita mgulu la kutumikira mchihema chakugumanirana. ⁴⁰Amuna wense, kuwalewenga na mabanja yawo na nyumba za abereki wawo, adakwana bzulu bziwiri na madzana matanthatu na makumi matatu.⁴¹Mose na Aroni adalewenga mabanja ya wa mbeu ya wene Gerisoni omwe angadatumikira mchihema chakugumanirana. Pakuchita ichi, iwo adabvera ndibzo Yahova akhadawatonga kuchita kudzera mwa Mose.⁴²Wa mbeu ya a Merari adalewengiwa mmabanja mwawo na nyumba za abereki wawo, ⁴³kuchoka wa magole makumi matatu kufika makumi machanu, aliyense omwe angadakhala nawo mgulu lakutumikira mchihema chakutumikira. ⁴⁴Amuna wensene, kulewengiwa na mabanja yawo na nyumba za abereki wawo, adakwana bzulu bzitatu na madzana mawiri.⁴⁵Uyu ukhali mndandanda wa mabanja ya wa mbeu ya a Merari, ndiwo Mose na Aroni adawalewenga kuteweza ndimo Yahova adatongera ndiwo udabwera na boko la Mose.⁴⁶Ndiye Mose, Aroni, na mafumu ya Isaraeli adalewenga Alevi wense mmabanja mwawo mnyumba za abereki wawo ⁴⁷kuchoka wa magole makumi matatu kufika makumi machanu yakubadwa. Iwo adalewenga aliyense omwe angadakwanisa kuphata basa mkachisi, na omwe angadakwanisa kutchenkha bzombo bza mchihema chakugumanirana. ⁴⁸Iwo adalewenga amuna bzulu bzisere madzana machanu na makumi masere.⁴⁹Na chitongero cha Yahova, Mose adalewenga mwamuna aliense, kulewenga aliyense na moda wa basa ndilo adauziwa kuchita. Iye adalewenga mwamuna aliyense na udindo ndibo akhaphata. Pakuchita ichi, iwo adabvera ndibzo Yahova akhadawatonga iwo kuchita kudzera mwa Mose.

5¹Yahova adasewera na Mose. Iye adati, ²''Uza wana wa Isaraeli kuchosa kunja munthu aliyense wamapere kuchoka mu msasa, aliyense omwe ana matuza yakumema madzi, na aliyense wakupsipiziwa thangwera kuphata thupi lakufa. ³Mwamuna ayai mkazi, uwabulise kunja kwa msasa. Nampodi iwo apsipize msasa, thangwe ine nimbakhala momo. ⁴Wana wa Isaraeli adachita tenepo. Iwo adawabulisadi kunja kwa msasa, ninga ndimo Yahova adatongera Mose. Wana wa Isaraeli adabvera Yahova.⁵Yahova adasewera pomwe na Mose. Iye adati, ⁶''Sewera na wana wa Isaraeli. Penu mwamuna ayai mkazi anichita chakuphonya ninga ndicho wanthu ambachititirana wina na mwayache, achikhala wakusaya lukhulupirika kuna ine, munthu umweyo ngwakuphonya. ⁷Ndiye iye atawire ku chakuphonya ndicho wachitacho. Ndiye iye apagali chakuphonya chache achithimizira pomwe kubzatikira chakuti chingapite kachanu momo. Iye abwezere ichi kuna wakumuphonyerayo.⁸Soma penu munthu wakuphonyerewayo alibe m'bale wapafupi wakutambira chakuperekacho, apagali kuwanda kwa kuphonya kwache kuna ine kudzera mwa wansembe, pabodzi na tonde wa bira kumubwezera iye. ⁹Nsembe zensene, za bzinthu bzakupambulika ndizo wana wa Isaraeli adaikha pambali, ndizo adabweresa kuna wansembe, zimdzakhala zache. ¹⁰Bzakupereka bza munthu aliyense bzimdzakhala bza wansembe; penu aliyense anipereka chinthu chirichense kuna wansembe, chimdzakhala chache.''¹¹Yahova, adasewera pomwe na Mose. Iye adati, ¹²''Sewera na wana wa Isaraeli. Lewa kuna iwo, Mkazi wa munthu angaphinduka mkukachita chakusaya kukhulupirika kuna bayache.¹³Penu mwamuna anigona naye achibisika kuna bayache, apo kuipisiwa kwache neye kuzindikirika napo kuti wabzipsipiza yekha, apo neye kugumanika mboni ya kumugaza, nakuti alibe kuphatiwa mchakuchita chachecho, ¹⁴tsono, mzimu wa nsanje umbamudziwisa basi bayacheyo kuti mkazache wapsipiziwa. Tsono, bzingachitike kuti mzimu wansanje ungabwere mkatikati kuna mwamunayo pomwe mkazacheyo alibe kupsipiziwa.¹⁵Mu nkani ninga yoyo, mwamuna abwerese mkazache kuna wansembe. Mwamunayo abwere na chakupereka chakufunikiracho mmalo mwa mkaziyo, chibodzi cha magawo khumi cha efa cha ufa bwa balere. Mwamunayo nampodi atsanulire mafuta popo nampodi pomwe kuikha libano thangwe ndiyo nsembe ya ufa ya nsanje, nsembe ya ufa yachikumbuso yakukumbusa mphumbza.¹⁶Wansembe amubwerese iye pafupi mkumuikha pamaso pa Yahova. ¹⁷Wansembe atenge madzi yakupambulika mpalato ya dongo mkutapa pfumbi pansi pa kachisi. Wansembeyo aikhe pfumbilo mmadzimo.¹⁸Wansembeyo aikhe mkaziyo pamaso pa Yahova apo atsudzule tsisi la mkaziyo mumsolo mwache. Wansembeyo aikhe mmanja mwa mkaziyo nsembe ya ufa ya chikumbuso, yomwe iri nsembe ya ufa ya nsanje. Wansembe ambaphate mmanja mwache madzi yakuwawa yakubweresa themberero. ¹⁹Wansembe alumbirise mkaziyo kulewa kuna iye, 'Penu mwamuna wina alibe kugona nawe iwepo, apo penu ulibe kusochera mkuchita chakupsipiziwa, ndiye kuti ulibe thangwe na madzi yakuwawaya yomwe yambabweresa themberero.²⁰Spma penu iwepo wasochera, napo ukali mmanja na mwamunako uchibzipsipiza wekha, apo mwamuna winango wachita nawe chigololo, ²¹ndiye, (wansembeyo alumbirise mkaziyo lumbiriro lakubweresa nthemberero kuna iye, apo apitirize kusewera kuna mkaziyo) 'Yahova amkuikha mu themberero ndilo limdzaonekera kuna wanthu wa dzinza lako kuti ndimwelodi. Ichi chimdzachitika penu Yahova amdzachitisa ntchafu yako kuonda na mimba yako kufufuma. ²²Madzi yakubweresa thembereroya yamdzayenda mmimba mwako mkuchitisa mimba yako kufufuma na nthafu zako kuonda.' Mkaziyo amtawira, 'Amen. Amen.'²³Wansembeyo anembe mathembereroya pa bukhu, apo apfudze mathemberero wanembaya na madzi yakuwawayo.²⁴Wansembeyo amwese mkaziyo madzi yakuwawayo yomwe yambabweresa themberero. Madzi yakubweresa thembereroyo yampita mwaiye yachimuwawira. ²⁵Wansembeyo atenge nsembe ya ufa yansanjeyo kuchoka mmanja mwa mkaziyo. Wansembeyo atakule nsembe ya ufayo pamaso pa Yahova mkuyenda nayo ku guwa. ²⁶Wansembe atenge boko tolo la ufa bwa nsembe ninga chakupereka chakukatumikira nacho, mkubuotcha pa guwa. Kinangoko amupe madzi yakuwawayo mkaziyo amwe.²⁷Angamupa iye madzi yache mkumwa, penudi iye ngwakupsipiziwa thangwera kuti wachita chakuphonyeka kuna bayacheyo, ndiye kuti madzi yakubweresa thembereroyo yanipita mwa iye mkumuwawira. Mimba yache imdzafufuma na ntchafu yache imdzaonda. Mkaziyo amdzatembereriwa pakati pa wanthu wache. ²⁸Soma penu mkaziyo alibe kupsipiziwa apo penu ngwakuchena, ndiye akhale mwaufulu. Iye amdzakwanisa kubala wana.²⁹Ili ni lamulo la nsanje. Ni lamulo pala mkazi omwe ambasochera kuchoka kuna bayache achipsipiziwa. ³⁰Ni lamulo pala mwamuna wa mzimu wa nsanje angakhala na nsanje pa mkazache. Iye abwerese mkaziyo pamaso pa Yahova, apo wansembe achite chirichense ndicho lamuloli limbafokotoza.³¹Mwamunayo amdzakhala waufulu ku chakuipa pakubweresa mkazacheyo kuna wansembe. Mkaziyo atawire chakuipa chirichense ndicho anacho.''

6¹²³⁴Yahova adasewera na Mose. Iye adati, ''Sewera na wana wa Isaraeli. Lewa kuna iwo, 'Penu mwamuna ayai mkazi ambzipambulira yekha kuna Yahova kulonjeza chakutoma kukhuma cha Mnaziri, nampodi ambamwe vinyu na kachasu. Nampodi ambamwe vinyu wakusasa wakuchoka ku vinyu ayai kachasu. Nampodi amwe msuzu uliwense wa mpesa ayai kudya mphesa ziwisi ayai zakuuma. ⁴Mu nsiku zense za kulekeza kwache, iye nampodi adye chinthu chakukonzewa kuchoka ku vinyu wampesa, kuphatanidza na chirichense kuchoka ku njere ate ku mabade.⁵Mu nthawe zense za mpangano wa kubzipambula kwache, lezi nampodi idzaphatisiwe basa pa msolo wache ate nsiku za kubzipereka kwache kuna Yahova zidzakwanirisiwe. Iye abzipambulire kuna Yahova. Aleke tsisi likule pa msolo pache.⁶Mu nsiku zense ndizo wabzipambula kuna Yahova, iye damba kufendera pana thupi lakufa. ⁷Iye nampodi abzipsipize yekha neye babache, mai wache, mano wache, ayai nana wache, penu anifa. Ili ni thangwera kuti iye wabzipambulira kuna Mulungu, ninga aliyense animuoneratu na tsisi lache litalilo. ⁸Mu nthawe yense ya kubzipambula kwacheko iye ngwakupambulika kuna Yahova.⁹Penu wina mwachidzidzi anifa pambali pache achipsipiza msolo wache wakuikhiwa mmisinda ya mapembo, ndiye mbaasenge msolo wache pa nsiku yache ya kufusuliwa--- pa nsiku yachinomwe ausenge.¹⁰Pa nsiku yachisere abwerese nkhangaiwa ziwiri ayai tuwana twa njiwa tuwiri kuna wansembe pa msuwo wa chihema cha kugumanirana. ¹¹Wansembe apereke mbalame ibodzi kukhala msembe ya chakuphonya apo inango ninga nsembe ya kupserereza. Iwo adzamutchenkhe thangwe iye adaphonya pakukhala pafupi na thupi la kufa. Amfunika iye apambulire pomwe msolo wache pa nsiku yoyo.¹²Iye abzipambulire yekha kuna Yahova pa nsiku zakubzipambulira kwache. Iye abwerese ntchere imuna ya bira ya gole libodzi kukhala nsembe ya chakupalamula. Nsiku ndizo iye akhanati kubzipsipiza yekha nampodi ziikhiwe mumtiwa, thangwera kusala kwache kudapsipiziwa.¹³Ili ni lamulo la Mnazari thangwera nthawe ndiyo kusala kwache kwamala. Iye amubwerese pa msuwo wa chihema chakugumanirana. Iye aonesere nsembe yache kuna Yahova. ¹⁴Iye apereke nsembe yakupserereza ya ntchere imuna ya bira ya gole libodzi yakusaya mphitcha.

Iye apereke kukhala nsembe ntchere ya bira ikazi ya gole libodzi yakusaya mphitcha. Iye abwerese tonde wa bira kukhala nsembe ya kutenda.

¹⁵Iye abwerese pomwe chitundu cha mikate yakusaya chakufufumisa, na tulasau twa ufa bwakunyodoka twakusanganiza na mafuta, tulasau twa phwanthi phwanthi twakupalanga mafuta, pabodzi na nsembe yawo ya ufa na nsembe zakuthira.¹⁶Wansembe azionesere izo pamaso pa Yahova. Iye apereke nsembe yache ya chakuphonya kukhala nsembe yakupserereza. ¹⁷Na chitundu cha mikate yakusaya chakufufumisa, iye apereke tonde wa bira kukhala nsembe, nsembe yakutenda kuna Yahova. Wansembe apereke pomwe nsembe ya ufa na nsembe yakuthira.¹⁸Mnaziriyo asengere msolo wache adauperekayo pa msuwo wakuyendera ku chihema cha mgumano. Iye asenge tsisi mu msolo mwache mkulithusa pa moto ndiwo uli kunyansi kwa nsembe za kutenda.¹⁹Wansembe atenge phewa la bira wakuterekayo, mkate ubodzi wakusaya chakufufumisa, kuchoka mchitundu, na kalasau kakusaya chakufumisa. Aiikhe mmanja mwa Mnazariyo atamala kusengiwa tsisi lache lakuperekiwalo. ²⁰Wansenbe azivuzule atazidzusa izo ninga nsembe pamaso pa Yahova, gawo la ulemerero la wansembe, pabodzi na tsuku ndilo lidavuzuluwa na ntchafu yomwe ikhali mbali ya wansembe kuti aidye. Kumala popo, Mnaziri amwe vinyu.²¹Ili ni lamulo la Mnaziri omwe anilumbira chakupereka chache kuna Yahova thangwera kusala kwache. China chirichense ndicho iye angapereke, achite mwakukoya mtemo wa lumbiro ndilo watengalo, kukoya lonjezo lakulatiziwa na chilamulo cha kusala kwache.'''²²Yahova adasewera pomwe na Mose. Iye adati, ²⁴''Lewa na Aroni na wanache wachimuna. Lewa, 'Udalise wana wa Isaraeli tenepayu. Ulewe kuna iwo, ²³''Yahova akudaliseni imwe na kukukoyani.²⁵Yahova awalise nkhope yache pa iwe na kukuchitirani chisomo. ²⁶Yahova anyang'anise iwe na nsisi na kukupa mtendere.''' ²⁷Mtenepoyo iwo aikhe dzina langu pa wana wa Isaraeli. Kinangoko nimdzawadalisa.''

7¹Pa nsiku ndiyo Mose adamaliza kachisi, adaudzoza achiupambulira kuna Yahova, pabodzi na bzipangizo bzache bzensene. Adachita bzibodzibodzi na guwa la nsembe na bzombo bzache bzense. Iye adabzidalisa mkubzipambulira kuna Yahova. ²Pa nsiku yoyo, atsogoleri wa Isaraeli, akulu wa mabanja ya abereki wawo, adapereka nsembe. Amuna amwewa akhatsogolera madzinza. Iwo akhadanyang'anira kalewengedwe ka amuna mu mnembero. Iwo adabweresa bzakupereka bzawo pamaso pa Yahova. Adabweresa makalosa matanthatu yakugugudiza na ng'ombe za pakalosa khumi na ziwiri. ³Iwo adabweresera kalosa ibodzi kuna atsogoleri awiri aliwense, na mtsogoleri aliyense adamubweresera ng'ombe ya pakalosa ibodzi. Iwo adabzipereka bzinthu bzobzi pamsuwo pa kachisi⁴Ndiye Yahova adasewera na Mose. Iye adati, ⁵''Bvuma bzakupereka kuchoka kuna iwo apo ubziphatise basa la mchihema cha kugumanirana. Pereka chakupereka kuna Alevi, kuna aliyense ninga basa lache lim'bzifunira.''⁶Mose adatenga ma kalosa na ng'ombe, achibzipereka kuna Alevi. ⁷Iye adapereka makalosa mawiri na ng'ombe zinayi kuna wa mbeu ya a Gerisoni, thangwera ndibzo basa lawo likhafuna. ⁸Iye adapereka makalosa manayi na ng'ombe zisere kuna wa mbeu ya Merari, mwakutchenkhewa na Itamara mwana wachimuna wa Aroni wansembe. Iye adachita bzobzi thangwera ndibzo basa lawo likhakumbira.⁹Soma alibe kupereka bzinthubzo kuna wa mbeu ya a Kohati, thangwe iwo lawo likhali basa lakumbachita bzinthu kuna Yahova bzakuti angambanyamule pa mapewa yawo iwo okha.¹⁰Atsogoleri adapereka bzinthu bzawo bzakupereka ku guwa la nsembe pa nsiku ndiyo Mose adadzoza guwa lansembelo. Atsogoleri adapereka bzakupereka bzawo pamsuwo pa guwa la nsembe. ¹¹Yahova adati kuna Mose, '' Mtsogoleri aliyense apereke pa nsiku yache yache chakupereka chache cha kupereka ku guwa la nsembe.''¹²Pa nsiku yakutoma, Nahesoni mwana wachimuna wa Aminadabu, wa dzinza la Yuda, adapereka chakupereka chache. ¹³Chakupereka chache chikhali mkunza ubodzi wa masekere yakulemera dzana libodzi na makumi matatu na palato ibodzi ya siriva wakulemera masekere makumi manomwe, pa kulemera kwakutawirika na masekere ya mbuto yakupambulika. Bzinthu bziwiri bzensebzi bzikhali bzakudzala na ufa bwakunyodoka bzakusanganiza na mafuta kukhala nsembe yaufa. ¹⁴Iye adapereka mkebe ubodzi wa oro wakulemera masekere khumi apo likhali lakudzala na chakufukiza..¹⁵Iye adapereka kukhala nsembe yakupserereza kamkono kabodzi ka ng'ombe, tonde m'bodzi wa bira, na ntchere ibodzi ya bira ya gole libodzi. ¹⁶Adapereka tonde m'bodzi wa mbuzi kukhala chakupereka cha kuphonya. ¹⁷Iye adapereka ng'ombe ziwiri za pakalosa, atonde achanu wa mabira, atonde achanu wa mbuzi, na ntchere zichanu zamabira za gole libodzi lakubadwa, kukhala chakupereka cha nsembe yakutenda. Ichi chkhali chakupereka cha Nasoni mwana wachimuna wa Aminadabu.¹⁸Pa nsiku yachiwiri, Netaneli mwana wachimuna wa Zuwara, mtsogoleri wa Isakara, adapereka nsembe yache. ¹⁹Adapereka nsembe kukhala nsembe yache lukho libodzi la siriva wakulemera masekere dzana libodzi na makumi matatu na palato ibodzi ya siriva wakulemera masekere makumi manomwe, na kalemeredwe ka kutawirika na mbuto yakulemekezeka. Bziwiri bsensebzi bzikhali bzinthu bzakudzala na ufa bwakunyodoka bzakusanganiza na mafuta kukhala nsembe ya ufa.²⁰Iye adapereka pomwe nsomba ibodzi ya golide yakulemera masekere khumi, yakudzala na bzakufukiza. ²¹Iye adapereka pomwe kukhala nsembe yakupserereza kamkono kabodzi ka ng'ombe, tonde m'bodzi wa bira, na ntchere ibodzi ya bira ya gole libodzi. ²²Iye adapereka tonde m'bodzi wa mbuzi kukhala nsembe ya chakuphonya. ²³Adapereka ng'ombe ziwiri za pakalosa, atonde achanu wa mabira, atonde achanu wa mbuzi, na ntchere zichanu zimuna za mabira za gole libodzi, kukhala nsembe ya kutenda. Ichi chikhali chakupereka cha Nataneli mwana wachimuna wa Zuwara.²⁴Pa nsiku yachitatu, Eliabu mwana wachimuna wa Heloni, mtsogoleri wa mbeu ya Zebuloni, adapereka chakupereka chache. ²⁵Chakupereka chache chikhali lukho libodzi la siriva lakulemera masekere dzana libodzi na makumi matatu, na palato ibodzi ya siriva wakulemera masekere makumi manomwe na kapimidwe kakutawirika na masekere ya kumbuto yakulemekezeka. Bzinthu bziwiri bzensebzi bzikhali bzakudzala na ufa bwakunyodoka bzakusanganiza na mafuta kukhala chakupereka cha ufa. ²⁶Iye adapereka pomwe mkebe wa oro wakulemera masekere khumi, kudzala na bzakufukiza.²⁷Iye adapereka kukhala nsembe yakupserereza kamkono kabodzi ka n'gombe, tonde m'bodzi wa bira, na ntchere ibodzi ya bira ya gole libodzi. ²⁸Adapereka tonde m'bodzi wa mbuzi kukhala chakupereka chakuphonya. ²⁹Iye adapereka ng'ombe ziwiri za pakalosa, atonde achanu wa mabira, atonde achanu wa mbuzi, na ntchere zichanu zimuna za mabira za gole libodzi, kukhala chakupereka chakutenda. Ichi chikhali chakupereka cha Eliabu mwana wachimuna wa Heloni.³⁰Pa nsiku yachinayi, Elizuri mwana wachimuna wa Sedeuri, mtsogoleri wa mbeu ya wene Rubeni, adapereka chakupereka chache. ³¹Chakupereka chache chikhali lukho libodzi la siriva wakulemera masekere dzana libodzi na makumi matatu na palato ibodzi ya siriva wakulemera masekere makumi manomwe, na kalemeredwe ka kupima masekere ka kumbuto yakulemekezeka. Bzinthu bziwiri bzensebzi bzikhali bzakudzala na ufa bwakunyodoka bwakusanganiza na mafuta kukhala chakupereka cha ufa. ³²Iye adapereka pomwe mkebe ubodzi wa oro wakulemera masekere khumi, kudzala na bzakufukiza.³³Iye adapereka nsembe yakupserereza mkono ung'ono ubodzi wa ng'ombe, tonde m'bodzi wa bira, na ntchere imuna ibodzi ya bira ya gole libodzi. ³⁴Iye adapereka tonde m'bodzi wa mbuzi kukhala chakupereka chakuphonya. ³⁵Iye adapereka ng'ombe ziwiri za pa kalosa, atonde achanu wa mabira, atonde achanu wa mbuzi, na ntchere zimuna zichanu za mabira za gole libodzi, kukhala chakupereka chakutenda. Ichi chikhali chakupereka cha Elizuri mwana wachimuna wa Sedeuri.³⁶³⁷Pa nsiku yachichanu, Selumiyeli mwana wachimuna wa Zurisadai, mtsogoleri wa azukulu wa Simeoni, adapereka chakupereka chache. Chakupereka chache chikhali lukho libodzi la siriva wakulemera masekere dzana libodzi na makumi matatu na palato ibodzi ya siriva wakulemera masekere makumi manomwe, pa kalemeredwe kakutawirika na mmpimidwe wa masekere ya kumbuto yakulemekezeka. Bzinthu bziwiri bzensebzi bzikhali bzakudzala na ufa bwakunyodoka bzakusanganiza na mafuta kukhala chakupereka cha ufa. ³⁸Iye adapereka pomwe mkebe ubodzi wa oro wakulemera masekere khumi, kudzala na bzakufukiza.³⁹Iye adapereka chakupereka cha mkono ung'ono wa ng'ombe, tonde wa bira m'bodzi, ntchere imuna ibodzi ya bira ya gole libodzi. ⁴⁰Iye adapereka tonde m'bodzi wa mbuzi kukhala chakupereka cha kuphonya. ⁴¹Adapereka ng'obe ziwiri za pa kalosa, atonde achanu wa mabira, atonde achanu wa mbuzi, na ntchere zichanu za mabira za gole libodzi, kukhala chakupereka cha kutenda. Ichi chikhali chakupereka cha Selumieli mwana wachimuna wa Zurisadai.⁴²Pa nsiku yachitanthatu, Eliasafu mwana wachimuna wa Dueli, mkulu wa azukulu wa wene Gadi, adapereka chakupereka chache. ⁴³Chakupereka chache chikhali lukho libodzi la siriva wakulemera masekere dzana libodzi na makumi machanu na palato yakuzika ibodzi ya siriva wakulemera masekere makumi manomwe, na kalemeredwe kakutawirika na masekere ya kumbuto yakupambulika. Bzinthu bziwiri bzensenebzi bzikhali bzakudzala na ufa bwakunyodoka bwakusanganiza na mafuta kukhala chakupereka cha ufa. ⁴⁴Adapereka pomwe mkebe ubodzi wa oro wakulemera masekere khumi, kudzala na bzakufukiza.⁴⁵Iye adapereka kukhala nsembe yakupserereza mkono ung'ono ubodzi wa ng'ombe, tonde m'bodzi wa bira, na ntchere imuna ibodzi ya bira ya gole libodzi. ⁴⁶Iye adapereka tonde m'bodzi wa mbuzi kukhala chakupereka chakuphonya. ⁴⁷Adapereka ng'ombe ziwiri za pakalosa, atonde wa mabira achanu, atonde achanu wa mbuzi, na ntchere zichanu za mabira za gole libodzi, kukhala chakupereka chakutenda. Ichi chikhali chakupereka cha Eliasafu mwana wachimuna wa Dueli.⁴⁸Pa nsiku yachinomwe, Elisama mwana wachimuna wa Amihudi, mkulu wa azukulu wa Efraimu, adapereka chakupereka chache. ⁴⁹Chakupereka chache chikhali lukho libodzi la siriva wakulemera masekere dzana libodzi na makumi matatu na palato ibodzi yakuzika ya

siriva wakulemera masekere makumi manomwe. bzinthu bziwiri bzensebzi bzikhali bzakudzala na ufa bwakunyodoka bwakusanganiza na mafuta kukhala chakupereka cha ufa.

⁵⁰Adapereka pomwe mkebe ubodzi wakulemera masekere khumi, kudzala na bzakufukiza.⁵¹Iye adapereka chakupereka chakupserereza mkono ung'ono ubodzi wa ng'ombe, tonde m'bodzi wa bira na ntchere imuna ibodzi ya bira. ⁵²Adapereka tonde m'bodzi wa mbuzi kukhala chakupereka chakuphonya. ⁵³Iye adapoereka ng'ombe ziwiri za pakalosa, atonde achanu wa mabira, atonde achanu wa mbuzi, na ntchere za mabira zichanu zimuna za gole libodzi, kukhala chakupereka chakutenda. Ichi chikhali chakupereka cha Elisama mwana wachimuna wa Amihudi.⁵⁴⁵⁵Pa nsiku yachisere, Gamaliyeli mwana wachimuna wa Pedahuzi, mkulu wa azukulu wa Manase, adapereka chakupereka chache. Chakupereka chache ndicho lukho libodzi la siriva wakulemera masekere dzana libodzi na makumi matatu na palato ibodzi yakuzika yakulemera masekere makumi manomwe, na kalemeredwe kakutawirika na masekere ka kumbuto kwakulemezeka. bziwiri bzensebzi bzikhali tolo na ufa bwakunyodoka bzakusanganiza na mafuta kukhala chakupereka cha ufa. ⁵⁶Iye adapereka pomwe mkebe ubodzi wa oro wakulemera masekere khumi, kudzala na bzakufukiza.⁵⁷Iye adapereka kukhala nsembe yakupserereza mkono ung'ono ubodzi wa ng'ombe, tonde wa bira, na ntchere imuna ibodzi ya bira ya gole libodzi. ⁵⁸Adapereka tonde wa mbuzi m'bodzi kukhala chakupereka chakuphonya. ⁵⁹Adapereka ng'ombe ziwiri za pa kalosa, atonde achanu wa mabira, atonde achanu wa mbuzi, na ntchere zichanu zimuna za mabira za gole libodzi, kukhala chakupereka cha kutenda. Ichi chikhali chakupereka cha Gamaliyeli mwana wachimuna wa Pedazuri.⁶⁰Pa nsiku yachipfemba, Abidani mwana wachimuna wa Gidiyoni, mkulu wa azukulu wa Benjamini, adapereka chakupereka chache. ⁶¹Chakupereka chachecho chikhali lukho libodzi la siriva wakulemera masekere dzana libodzi na makumi matatu, pa kutawirika na kalemeredwe ka masekere ya kumbuto yakulemekezeka. Bziwiri bzensebzi bzikhali tolo na ufa bwakunyodoka bzakusanganiza na mafuta kukhala chakupereka cha ufa. ⁶²Adapereka pomwe mkebe ubodzi wa oro wakulemera masekere khumi, kudzala na bzakufukiza.⁶³Iye adapereka kukhala nsembe yakupserereza mkono wang'ombe ubodzi ung'ono, tonde m'bodzi wa bira, na ntchere imuna ibodzi ya bira. ⁶⁴Adapereka tonde m'bodzi wa mbuzi kukhala chakupereka chakuphonya. ⁶⁵Adapereka ng'ombe ziwiri za pa kalosa, atonde wa mabira achanu, atonde achanu wa mbuzi na ntchere zichanu zimuna za mabira za gole libodzi, kukhala chakupereka cha kutenda. Ichi chikhali chakupereka cha Abidani mwana wachimuna wa Gideoni.⁶⁶Pa nsiku yachikhumi, Ahiezeri mwana wachimuna wa Amisadayi, mkulu wa azukulu wa Dani, adapereka chakupereka chache. ⁶⁷Chakupereka chache chikhali lukho libodzi la siriva wakulemera masekere dzana libodzi na makumi matatu na palato ibodzi ya siriva wakulemera masekere makumi manomwe, na kalemeledwe ka masekere ya kunyumba ya kulemekezeka. Bzinthu bziwiri bzensebzi bzikhali tolo na ufa bwakunyodoka bwakusanganiza na mafuta kukhala chakupereka cha ufa. ⁶⁸Iye adapereka pomwe mkebe ubodzi wa oro wakulemera masekere khumi, kudzala na bzakufukiza.⁶⁹Iye adapereka nsembe yakupserereza mkono ung'ono ubodzi wa ng'ombe, tonde m'bodzi wa bira, na ntchere ibodzi imuna ya bira ya gole libodzi. ⁷⁰Iye adapereka tonde m'bodzi wa mbuzi kukhala chakupereka chakuphonya. ⁷¹Adapereka ng'ombe ziwiri za pa kalosa, atonde achanu wa mabira, mbuzi zichanu zimuna, na ntchere zichanu za mabira za gole libodzi, kukhala chakupereka chakutenda. Ichi chikhali chakupereka cha Ahiezeri mwana wachimuna wa Amisadai.⁷²Pa nsiku yakhumi na ibodzi, Pagiyeli mwana wachimuna wa Okirani, mkulu wa azukulu wa Aseri, adapereka chakupereka chache. ⁷³Chakupereka chache chikhali lukho libodzi la siriva wakulemera masekere dzana libodzi na makumi matau na palato ibodzi ya siriva wakulemera masekere makumi manomwe, pa kalemeredwe ka masekere ka kunyumba yakulemekezeka. Bziwiri bzensebzi bzikhali tolo na ufa bwakunyodoka bwakusanganiza na mafuta kukhala chakupereka cha ufa. ⁷⁴Iye adapereka pomwe mkebe wa oro wakulemera masekere khumi, kudzala na bzakufukiza.⁷⁵Iye adapereka chakupereka chakupserereza mkono ung'ono ubodzi wa ng'ombe, tonde m'bodzi wa bira, na ntchere ibodzi ya bira ya gole libodzi. ⁷⁶Adapereka mbuzi imuna ibodzi kukhala chakupereka chakuphonya. ⁷⁷Adapereka ng'ombe ziwiri za pakalosa, atonde achanu wa mabira, mbuzi zimuna zichanu, na ntchere zichanu zimuna za mabira za gole libodzi, kukhala chakupereka chakutenda. Ichi chikhali chakupereka cha Pagiyeli mwana wachimuna wa Okirani.⁷⁸Pa nsiku yachikhumi na chiwiri, Ahira mwana wachimuna wa Enani, mkulu wa azukulu wa Nafitali, adapereka chakupereka chache. ⁷⁹Chakupereka chache chikhali lukho libodzi la siriva wakulemera masekere dzana libodzi na makumi matatu na palato ibodzi ya siriva wakulemera masekere makumi manomwe, na kalemeredwe ka masekere ya kumbuto yakulemekezeka. Bzinthu bziwiri bzensebzi bzikhali tolo na ufa bwakusanganiza na mafuta kukhala chakupereka cha ufa. ⁸⁰Iye adapereka pomwe mkebe ubodzi wa oro wakulemera masekere khumi, wakudzala na bzakufukiza.⁸¹Iye adapereka nsembe yakupserereza mkono ubodzi ung'ono, tonde m'bodzi wa bira, na ntchere imuna ibodzi ya bira. ⁸²Adapereka mbuzi imuna ibodzi kukhala chakupereka chakuphonya. ⁸³Adapereka ng'ombe ziwiri za pa kalosa, atonde achanu wa mabira, mbuzi zimuna zichanu, na ntchere zimuna zichanu za mabira za gole libodzi, kukhala chakupereka chakutenda. Ichi chikhali chakupereka cha Ahira mwana wachimuna wa Enani.⁸⁴Iyi ikhali nsembe yakuperekiwa pa guwa la nsembe pa nsiku ndiyo lidadzoziwa: mafumu ya Isaraeli yadaikha pambali malukho khumi na mawiri , palato zakuzika khumi na ziwiri, na mikebe khumi na miwiri ya oro. ⁸⁵Lukho lirilense la siriva likhalemera masekere dzana libodzi na makumi matatu apo palato yakuzika iriyense ikhalemera masekere makumi manomwe. Mitsuko yense ya siriva ikhalemera masekere bzulu bziwiri na madzana manayi, na kelemeredwe kakutawirika na kunyumba ya kulemekezeka. ⁸⁶Mkebe uliwense wa oro, wakudzala na bzakufukiza, ukhalemera masekere khumi na kalemeredwe kakutawirika na kunyumba yakulemekezeka. Mikebe yense ya oro ikhalemera dzana libodzi na makumi mawiri.⁸⁷Iwo adaikha pambali nyama zensene za nsembe yakupserereza, ng'ombe zimuna khumi na ziwiri, atonde wa mabira khumi na awiri, na ntchere zamabira za magole khumi na mawiri. Iwo adapereka chakupereka chawo cha ufa. Iwo adapereka atonde khumi na awiri wa mbuzi kukhala chakupereka chawo chakuphonya. ⁸⁸Kuchoka ku ng'ombe zawo zense, adapereka mikono makumi mawiri na minayi, atonde wa mabira makumi matanthatu, mbuzi zimuna makumi matanthatu, na ntchere zimuna za mabira makumi matanthatu za gole libodzi, kukhala chakupereka chakutenda. Uku kukhali kupereka chiperekere litadzozewa guwa la nsembe.⁸⁹Pomwe Mose adapita mchihema chakugumanirana kukasewera na Yahova, iye adabva mafala yache yakulewalewa naye. Yahova adasewera na iye kuchokera padzaulu pa chakutetezera cha pa likasa la mboni, kuchokera pakati pa akerubi awiriwo. Iye adati kuna iye.

8¹Yahova adalewa na Mose. Iye adati, ²''Lewa na Aroni. Lewa kuna iye kuti, 'Kandiyero zinomwe zibvunike kutsogolo kwa bzakukhazikira kandiyero ungazigasa.'''³Aroni adachita ibzi. Adagasa makandiyero pa bzakukhazikira makandiyero kuti zipereke kutoya kutsogolo kwa izo, noinga ndimo Yahoda akhadatongera Mose. ⁴Chakukhazikira kandiyerocho chidakonziwa tenepo apo Yahova adamuonesa Mose makonzewe yache. Chikhadasuliwa na oro kuyambira patsinde lache kufika padzaulu, na makaneka yakusuliwa kuoneka ninga mafololi.⁵⁶Pomwe, Yahova adasewera na Mose. Iye adati, '' Tenga Alevi kuchoka pa wana wa Isaraeli uwachenese.⁷Chita ichi kuna iwo kuwachenesa: Uwawaze madzi ya kuchosa bzakuipa. Uwachitise amete thupi lawo lense, fula bzakubvala bzawo, apo uwachenese iwo okha. ⁸Ndiye iwo atenge mkono ung'ono wa ng'ombe apo na chakupereka cha ufa bwakusanganiza na mafuta. Leka atenge ng'ombe inango ing'ono kukhala chakupereka cha kuphonya.⁹Ubwerese Alevi mchihema chakugumanirana mkukontcheza thimu lense la wana wa Isaraeli. ¹⁰Ungabweresa Alevi pamaso pa Yahova, wana wa Isaraeli abzatike manja pa Alevi. ¹¹Aroni apereke Alevi

pa maso pa Yahova, kukhala nsembe yakuvuzula kuchoka kuna wana wa Isaraeli pala kuti akhale akuchita basi basa la yahova.

¹²Alevi abzatike manja pa misolo ya mikono ya ng'ombe. Upereke mkono ubodzi kukhala nsembe yakuphonya na mkono winango kukhala nsembe yakupserereza kuna ine, kuchita bzakutetezera Alevi. ¹³Uyimise Alevi pamaso pa Aroni na pamaso pa wanache wachimuna, apo uwadzuse iwo mdzaulu kukhala nsembe yakuvuzula kuna ine.¹⁴Munjira yoyi Ulekanise Alevi na wana wa Isaraeli. Alevi amdzakhala wangu wangu. ¹⁵Kumala popo. Alevi apite mkati kukatumikira mchihema chakugumanirana. Uwachenese iwo. Uwapereke nsembe yakuvuzula.¹⁶Chita ichi, thangwe iwo mbangu chaiwo kuchoka pakati pa wana wa Isaraeli. Iwo amdzapita nkhankha ya mwana wakutoma aliyense, kulewa bzakutoma bza mimba, ya wana wense wa Isaraeli. Ndabzitengera ndekha Alevi. ¹⁷Wana wense wakutoma kubaliwa pakati pa wana wa Isaraeli mbangu amwewo, munthu na nyama kubodzi. Pa nsiku ndiyo ndidatenga miyoyo ya wana wense wakutoma kubaliwa mdziko la Aigupto, ndidabziikhira ndekha iwo pambali.¹⁸Ndatenga ine Alevi kuchoka pakati pa wana wa Isaraeli mmalo mwa wana wense wakutoma kubaliwa. ¹⁹Ndapereka Alevi kukhala mpfupo kuna Aroni na wanache wachimuna. Ndawatenga iwo kuchoka pakati pa wana wa Isaraeli kukachita basa la wana wa Isaraeli mchihema chakugumanirana. Ndawapa iwo kukhala chakutetezera cha wana wa Isaraeli pala kuti muliri nampodi udzonge wanthu ungafendera ku mbuto yakupambulika.''²⁰Mose, Aroni, na thimu lense la wana wa Isaraeli adachita ichi pabodzi na Alevi. Iwo adachita bzense ndibzo Yahova adatonga Mose kulewa bza Alevi. Wana wa Isaraeli adachita ibzi pabodzi nawo. ²¹Alevi adabzichenesa oka achitsuka bzakubvala bzao, apo Aroni adawaonesera iwo kukhala nsembe yakuvuzula kuna Yahova apo achitetezera iwo mkuwachenesa.²²Kumala popo, Alevi adapita momo kukachita basa lawo mchihema chakugumanirana pamaso pa Aroni na pamaso pa wana wachimuna wa Aroni. Kutenepoko kukhali ninga ndimo Yahova adatongera Mose kulewa bza Alevi. Iwo adachita tenepoyo kuna Alevi wense.²³Yahova adasewera pomwe na Mose. Iye adati, ²⁴''Bzensebzi mpsa Alevi wa magole makumi mawiri na machanu na kupitirira. Iwo aphathikane na thimu kumbatumikira mchihema chakugumanirana.²⁵Aleke kutumikira tenepayu pa magole makumi machanu. Pa msinkhu umweyo nampodi ambatumikire pomwe. ²⁶Iwo ambathandize abale wawo omwe akuphata basa pa chihema chakugumanirana, kuchita udikhiro bwawo, soma nampodi ambatumikire pomwe. Umu ndimo umbachitire nawo Alevi mu udikhiro bwawo bwense.

9¹Yahova adalewa na Mose mchipululu cha Sinai, pa mwezi wakutoma wa gole lachiwiri pomwe iwo adabula mdziko la Aiguputo. Iye adalewa, ²''Ubvume wana wa Aisraeri kuti achite Madyerero panthawe yakukhazikika ya gole. ³Pa nsiku ya khumi na chinayi ya mwezi uno, maulo, muchite madyerero pa nthawe yakukhazikika ya gole. Mukoye ichi, nakuteweza mitemo yense, na kubvera mayeruzo yache yense yakulingana nayo.''⁴Tsono, Mose adauza wana wa Isaraeli kuti iwo achite Madyerero ya Pasaka. ⁵Tsono iwo adachita Pasaka pa mwezi wakutoma, pa nsiku ya khumi na chinayi ya mwezi, maulo, mchipuluu cha Sinai. Wana wa Isaraeri adabvera chinthu chilichense ndicho Mose adatonga kuti achite.⁶Pamwepo pakhana amuna winango akhada psipiziwa na thupi la munthu wakufa. Iwo alibe kukwanisa kuchita nao Pasaka nsiku yoyo. ⁷Iwo adayenda kuna Mose na Aloni nsiku ibodzibodziyo. Amunawo adati kuna Mose ''Ife ndife wakupsipiziwa thangwera thupi la mwamuna wakufa. Thangweranyi mukutilambiza kupereka bzakupereka bzahtu kuna Yahova pa nthawe yakukhazikika ya gole pakati pa wanthu wa Isaraeli?'' ⁸Mose adalewa kuna iwo, ''Dikhilani ndibvesere bzomwe Yahova amndiuza bza imwepo.''⁹Yahova adasewera na Mose. Iye adalewa, ¹⁰''Sewera kuna wana wa Isaraeli. Lewa, 'Penu winango wa imwepo ayai azukulu wanu wapsipiziwa na thupi la munthu wakufa, ayai ali pa ulendo butali, Iye ambachitire Pasaka Yahova.¹¹Pa mwezi wachiwiri pa nsiku yakhumi na chinayi maulo, iwo ambadye chakudya cha Pasaka. Iwo ambadye Pasaka mwana wabira na mkate wakusaya chakufufumisa na msuzi wa mizi yakuwawa. ¹²Iwo nampodi kuti ambasiye kufikizana machibese, ayai kupswa mafupa yache. Iwo ambateweze mitemo yense ya Pasaka.¹³Soma munthu aliyense omwe ngwakuchena apo ali lini pa ulendo, soma alibe kuwanisa kuchita Pasaka. Munthu umweyo ambachosiwe kuna wanthu thangwe iye alibe kukwanisa kubweresa bzakupereka bzomwe Yahova ambafuna pa nthawe yakukhazikika ya gole. munthu umweyu atakule chakuphonya chache. ¹⁴Penu mulendo wakukhala namwe pakati panu wachita Pasaka kuna Yahova, Iye achite na kulingana na utongi bwache bwa mtemo wa Pasaka kuteweza mtemo wache. Mukhale naye pabodzi mulendoyo na m'bodzi omwe ngwakubaliwa mdzikomo.''¹⁵Pa nsiku yakukhazikisa kachisi, mtambo udampsinkha kachisi, khumbi la mayeruzo ya mpangano. Maulo mtambo ukhali padzaulu pa kachisi. Ukhaoneka ninga moto kufikizana machibese. ¹⁶Bzidapitirira tenepo. Mtambo udampsinkha kachisi apo ukhaoneka ninga moto usiku. ¹⁷Pomwe mtambo udatengewa kukwira kuchoka padzaulu pa khumbilo, wana wa Isaraeli adanyamuka ulendo bwawo. Mbuto ndiyo ntambo ukhaima, wanthu wale akhambadikhira.¹⁸Pa kutonga kwa Yahova, wana wa Isaraeli akhafamba, na pa kutonga kwache, iwo akhambadikhira. Pomwe mtambo ukhayima padzaulu pa kachisi, iwo akhakhala pakugwezekana kwao. ¹⁹Pomwe mtambo ukhaima pa kachisi nsiku zizinji, wana wa Isaraeli akhabvera malangizo ya Yahova apo akhafamba lini.²⁰Nthawe zinango mtambo ukhakhala nsiku zizinji pakachisi. Bzingatenepo, iwo akhabvera kutonga kwa Yahova__iwo akhambakhala apo kinangoka akhafamba pomwe na utongi bwache. ²¹Nthawe zinango mtambo ukhaoneka pakukhala iwo kuchokera maulo ateye machibese. Pomwe mtambo ukhakwira machibese, iwo akhafamba. Penu ukhapitirira usiku na masikati, pokha pokha pomwe mtambo ukhakwira iwo akhapitiriza ulendo bwao.²²Pinango pense mtambo ukhaima pa kachisi kwa nsiku ziwiri, mwezi ayai gole, pokha pokha ninga unikhalira pamwepo, wana wa Isaraeli akhakhala m'misasa mwao neye kufamba. Soma pomwe mtambo unikwira m'dzaulu, iwo akhanyamuka ulendo bwawo. ²³Iwo akhagwezekana kuteweza kutonga kwa Yahova, apo iwo akhafamba na utongi bwache. Iwo adabvera utongi bwa Yahova bomwe adapasiwa kudzera kuna Mose.

10¹Yahova adalewalewa na Mose. Iye adati, ²"Konza malipenga mawiri ya siriva. Uyasule makonzedwe yache na siliva. Uphatizire basa pakuchemera wanthu pabodzi apo uchemere kuti azule misasa yawo.³Wansembe ambafulize malipengayo kuti achemere wanthu wense agwezekane pabodzi patsongolo pako pamsuwo wa khumbi lakugumanira. ⁴Penu wansembe anifuliza kabodzi lipenga, kinangoko atsogoleri, akulu wa mbumba ya Isaraeri, ambagwezekane kuna iwe. ⁵Pomwe munifuliza na chidziwiso cha kukuwa, mbumba zakukhala mmisasa kumachibese ziyambe ulendo bwawo.⁶Mungafuliza mwakukuwa kachiwiri chidziwisocho, mbumba yakukhala mphimpha ya kumwera iyambe kufamba ulendo bwawo. Iwo ambafulize chidziwiso chakukuwa pa ulendo bwawo. ⁷Pomwe wanthu agwezekekana pabodzi, mufulize lipenga, soma mwakusaya kukuwa. ⁸Wana wachimuna wa Aroni, wansembe, ambafulize lipenga. Bzimwebzi bzikhale bzakukhazikika kuna imwe na azukulu wanu.⁹Pomwe imwe muniyenda kunkhondo mdziko lanu nakumenyana na anyakukuwengani omwe akukuboneresani, kinangoka imwe mumbalize mkuwe na lipenga. Ine, Yahova Mulungu wanu, nimdzakukumbukirani na kukupulumusani kukuchosani mmanja mwa awengi wanu.¹⁰Komanso, pa nthawe yamasekerero, pabodzi na pa madyerero yanu ya pafupipafupi ya pakutoma pa mwezi, mumbafulize malipenga pa bzakupereka bzanu bza kupserereza na nsembe zanu zakutenda. Ibzi bzimdzakhala ninga chikumbukiro cha imwe na ine, Mulungu wanu. Ine ndine Yahoha Mulungu wanu.''¹¹Gole lachiwiri, mwezi wachiwiri, nsiku ya makumi mawiri ya mwezi, mtambo udakwira kuchokera pa kachisi wa mboni. ¹²Wana wa Isaraeli kinangoka adayenda ulendo bwawo kuchoka ku chipululu cha Sinai. Mtambo udakayima mchipululu cha Parani. ¹³Iwo adakonza ulendo bwawo bwakutoma, kutewezana na utongi bwa Yahova bwakuperekiwa kudzera mwa Mose.¹⁴Tsasa la chilatizo cha wene Yuda ndilo lidatoma kunyamuka, kubulisa magulu yawo ya nkhondo. Nehesoni mwana wachimuna wa Aminadabu adanyang'anira wankhondo wa Yuda. ¹⁵Natanieri mwana wachimuna wa Zuwara adatsogolera thimu la nkhondo la dzinza la wene Isakala. ¹⁶Eliyabu mwana wachimuna wa Heloni adatsogolera thimu la nkhondo la dzinza la wene Zebuloni.¹⁷Wene Gerisoni na wene Merari, omwe akhakonza mkachisi, adagwesa kachisiyo ateye adafamba naye paundo bwawo. ¹⁸Chachipiri thimu la chilatizo cha tsasa la Rubeni lidafamba ulendo bwawo. Elizuri mwana wachimuna wa Sedeuri adatsogolera thimu la Rubeni. ¹⁹Selumieli mwana wachimuna wa Zurisadayi adatsogolera dzinza la wene Simeyoni. ²⁰Eliyasafe mwana wachimuna wa Deyueri adatsogolera thimu la dzinza la wene Gadi.²¹Wene Kohati adanyamuka. Iwo adatakula bzakupambulika bza kuchena. Apo winango adamanga kachisi Akohati akanati kufika pa msasa winangopo. ²²Thimu la chilatizo cha wene Efraimu likhali lachiwiri kunyamuka. Elisama mwana wachimuina wa Amihudi adatsogolera thimu la wana wa Efraimu. ²³Gamaliyeli mwana wachimuna wa Pedazuri adatsogolera thimu la dzinza la wene Manase. ²⁴Abidani mwana wachimuna wa Gidiyoni adatsogolera thimu la dzinza la wene Benjemani.²⁵Thimu lomwe lidakhala pa chilatizo cha wene Dani lidanyamuka mwakumalizira. Ahiyezeri mwana wachimuna wa Amisadayi adatsogolera thimu la Dani. ²⁶Pagieli mwana wachimuna wa Okirani adatsogolera thimu la dzinza la wene Aseri. ²⁷Ahira mwana wachimuna wa Enani adatsogolera thimu la dzinza la wene Nafitali. ²⁸Umu ndimo mathimu ya wana wa Asraeri adanyamukira pa ulendo bwawo.²⁹Mose adasewera kuna Hobabu mwana wachimuna wa Reueli M'midyani. Reueli akhali babache wa mkazi wa Mose. Mose adasewera kuna Hobabu kuti, ''Ife tikuyenda kumbuto ndiyo Yahova adatiuza. Yahova adati, 'Nimdzayipereka iyo kuna imwe.' Bwerani kuna ife apo ife timdzakuchitirani bzabwino. Yahova walonjeza kuchita bzabwino kuna Isaraeli.'' ³⁰Soma Hobabu adalewa kuna Mose, ''Niyenda lini nawe. Niyenda kudziko langu na kuna adzinza wangu.''³¹Kinangoka Mose adatawira, ''Chonde nampodi kutisiya ife. Imwepo mumbadziwa kakhalidwe ka misasa mchipululu. Mutinyang'anire ife. ³²Penu muniyenda nafe, timdzachitirani bzabwino kuna imwe bzomwe Yahova ambatichitira ife.''³³Iwo adafamba ulendo bwawo kuchokera kuphiri la Yahova kwa nsiku zitatu. Likasa la mpangano wa Yahova lidawatsogolera iwo pa nsiku zitatu kunyang'ana mbuto yakuti iwo apume. ³⁴Mtambo wa Yahova ukhali padzaulu pawo masikati pomwe akhafamba ulendo bwawo.³⁵Nthawe ndizo likasa lidanyamuka, Mose adalewa, ''Lamukani, Yahova. Balalisani awengi wanu. Chitisani wale omwe ambakuwengani kukuthawani imwe.'' ³⁶Pomwe likasa likhaima, Mose akhalewa, ''Bwererani, Yahova, kuna makumi ya bzulu bza a Isaraeli.''

11¹Tsapano wanthu adadandaula bza kubonera kwao pomwe Yahova akhatetekera. Yahova adawabva wanthuwo achikalipa. Moto wakuchokera kuna Yahova udawagakira iwo uchitentha bzinthu bzina pa msasa kumphepete kwache. ²Kinangoka wanthu adachemera Mose, ndiye Mose adapemba kuna Yahova, apo moto udathima. ³Mbutoyo adayichemera dzina lache Tabera, thangwe moto wa Yahova udagakira pakati pawo.⁴Alendo winango adayamba kukhala na dzinza la Isaraeli. Iwo akhafuna chakudya chabwino kuti adye. Kinangoka wanthu wa Isaraeli adayamba kulira achilewa, ''Mbani adzatipasa nyama kuti tidye? ⁵Ife tikukumbukira nsomba ndizo tikhadya fovolo mu Aigupto, makaka, mabvembe, anyenzi, na adyo. ⁶Tsapano lino mudyo wathu wamala, thangwe bzense bzomwe tikuona ni manayu.''⁷Mana yankhali ninga mbeu yamapira. Bzikhaoneka ninga ulimbo. ⁸Wana wa Isaraeri akhafamba famba achimbayagwezeka. Iwo akhayapeya m'bzigayo , akhayadera mmabanda, mkuyatereka m'bzikalango, mkumbayakonza tumalasawu ninga twansima. Iyo yakhabveka ninga mkate wakuotchewa mmafuta.⁹Pomwe mame yakhadoda usiku pa tsasa, mana yakhagwambo. ¹⁰Mose adabva wanthu alikulira mmamiyi mwawo, apo munthu aliyense akhali pamsuwo pa khumbi lache. Yahova adakalipa kwenekwene, apo pamaso pa Mose kudandaula kwaoko kuhali kuphonya.¹¹Mose adalewa kuna Yahova, ''Thangweranyi nyabasa wanu mukumchitira bzakuipa? Thangweranyi mukudekedwa lini nande? Mukundichitisa inepano kutakula mtolo wa wanthu wensewa. ¹²Kodi ndidawatengera mimba wanthu wensewa ndine? Kodi kani ndidawabala wanthu wensewa kuti mulewe kuna ine, 'Uwatakule iwo pakadedema pako ninga baba ambatakulira mwana?' Kodi ndiwatakule iwo ateye kudziko ndilo mudalumbirira kupasa abereki wawo?¹³Kodi ningayiwone kuponi nyama yakuti ndiwapase wanthu wensewa? Ali kundiririra pamaso pangu na kulewa, 'Tipe nyama tidye.' ¹⁴Ine ningabale lini wanthu wensewa ndekha. Omwewa mbazinji kuna ine. ¹⁵Poti imwe mukundichita tenepayi, ndipheni tsapano__penu nimgumana udidi pamaso panu__nampodi kuti ndione ngwete yangu.''¹⁶Yahova adalewa na Mose, ''Bwera nawo kuna ine akuluakulu makuni manomwe wa Isaraeli. Uwonesese kuti iwo akhale akuluakuludi na wakunyang'anira wanthu. Ubwere nawo kuchikhumbi chakugumanirana adzayime pabobodzi na iwepo. ¹⁷Ine nimdzabuluka apo nimdzasewera na iwe pamwepo. Ine nimdzatenga Mzimu wako winango omwe una iwe ndichidzauyikha pa iwo. Iwo amdzasenza nawe pabodzi ngwete ya wanthuwo pabodzi na iwe. Umfunikana lini kuisenza wekha.¹⁸Lewa kuna wanthu, 'Mubzipambuliretu mwekha, thangwe mangwana mumdzadya nyama chadidi, nakuti mwalira apo Yahova wabva. Imwe mudalewa, ''Mbani amdzatipa ife nyama kuti tidye? Bzikhali bzabwino kuna ife mu Aigupto. ''Tenepo Yahova amkupani nyama, apo imwe mumdzadya. ¹⁹Munzadya lini nyama nsiku ibodzi yokha, nsiku ziwiri, nsiku zichanu, nsiku khumi, ayai nsiku makumi mawiri neye, ²⁰soma mumdzadya nyama mzezi wense ateye kuchita kubulira m'phuno mwanu. Imdzakunyansani thangwe mudamulamba Yahova, omwe ali pakati panu. Mwalira pamaso pache. Mudati, ''Tidabuliranyi mu Aigupto?''''²¹Kinangoka Mose adalewa, ''Wanthu omwe ndinawo ni bzulu madzana matanthatu wakufamba pansi, apo imwe mwati, 'Nimdzawapa iwo nyama kuti adye kwa mwezi wantero,' ²²Tsono tiphe mabira na ng'ombe kuti akwane? Kodi tikaphe nsomba zense za mnyanza kuti iwo akwane?'' ²³Yahova adalewa kuna Mose, ''Kodi boko langu ndifupi? Tsapano uti udzaone kuti mafala yangu ndachadidi ayai neye.''²⁴Mose adayenda achiwauza wanthu mafala ya Yahova. Iye adagwezeka akuluakulu wa wanthu makumi manomwe achiwaikha m'buto mwawo kuzungulira tsasalo. ²⁵Yahova adabuluka mumtambo achilewa kuna Mose. Yahova adatenga Mzimu winango omwe ukhali mwa Mose achiuyikha mwa akuluakulu makumi manomwe.Nthawe ndizo Mzimu udakhala pa iwo, iwo adabvimira, soma pa chinthu chokhacho basi neye kubwereza pomwe.²⁶Amuna awiri adasalira mu msasa, wakuchemerewa Elidadi na Medadi. Mzimu udambutha pa iwo. Madzina yawo yadanembewa pa mndandanda, soma alibe kuyenda panja pa khumbi. Soma, iwo adanenera mumsasamo. ²⁷Mnyamata adathamanga mkhumbimo achikauza Mose, ''Elidadi na Medadi akuchitira uneneri mkhumbi mule.''²⁸Yoswa mwana wachimuna wa Nuni, mthandizi wa Mose, m'bodzi wa wanthu wache wakusankhuliwa, adati kuna Mose, ''Mbuyangu Mose, aletseni kani.'' ²⁹Mose adalewa kuna iye, ''Kodi ukuchita nsanje thangwera ine? Ine ndikhafuna kuti wanthu wense wa Yahova angadakhala wakunenera kuti iye angadathira Mzimu pa iwo wense!'' ³⁰Kinangoka Mose na akuluakulu wa Isaraeli adabwerera ku msasa.³¹Kinangoka chonzi chidabwera kuchokera kuna Yahova apo chidabweresa mbombe kuchokera kunyanza. Izo zidagwa pafupi na tsasa, ulendo bwa nsiku ibodzi mbali inango na ulendo bwa nsiku ibodzi pomwe. Mbombe zidazungulira pa msasa pense. ³²Wanthu adadedema na kukonkhobza mbombe nsiku yamtero, usiku bwense, na mangwana yache yense. Palibe m'bodzi adagwezeka mbombe zakuchepera bziphwere khumi. Iwo adagawana mbombezo pa msasa pensepo.³³Nthawe ndizo nyama ikali m'mano mwawo, pomwe iwo akuyitamfuna, kukalipa kwa Yahova kudawagakira iwo. Iye adawalanga wanthuwo na matenda makulu. ³⁴Mbuto yomweyi adayichemera Kibiroti Hatava, thangwe pamwepo iwo adafuchira wanthu omwe akhana dzoka na nyama. ³⁵Kuchokera pa Kibiroti Hatava wanthu adafamba kuyenda ku Hazeroti, komwe iwo adakakhala.

12¹Kinangoka Miriyamu na Aroni adasewera kugazana na Mose thangwera mkazi waku Kusi omwe iye adalowora. ²Iwo adalewa, ''Kodi Yahova wasewera na Mose yekha? Kodi iye alibe kusewerambo na ife? Tsapano Yahova dabva bzomwe iwo adalewa. ³Tsapano mwamuna Mose akhali wakupfatsa kwene_kwene, kupfatsa kuposa wanthu wense padziko lense la pansi.⁴Pompale Yahova adasewera kuna Mose, Aroni, na Miriyamu: ''Bwerani kuno, pautatu bwanu, ku khumbi lakugumanira.'' Ndiye pautatu bwawo adayenda. ⁵Kinangoka Yahova adabwera kubuluka mu nsandamira ya mtambo. Iye adayima pa msuwo wa khumbi achichemera Aroni na Miriyamu. Awiriwo pabodzi adabwera kutsogolo.⁶Yahova adati, ''Tsapano tetekerani mafala yangu. Penu m'neneri wangu ana imwe, nimdzabzizimbula ndekha mmasomphenya kuna iye na kulewalewa kuna iye mmatulo. ⁷Mtumiki wangu Mose ali lini ninga tenepo. Iye ngwakukhulupirika mnyumba mwangu mwense. ⁸Nimbasewezana naye Mose pamulomo na pamulomo, neye kuti mmasomphenya ayayi mmacheza. Iye ambaona maonekedwe yangu. Thangweranyi mulibe mantha na kugazana naye mtumiki wangu, Mose?"⁹Ukali bwa Mulungu budagakira iwo, apo kinangoko iye adawachokera. ¹⁰Mtambo udakwira kuchokera pakhumbipo, apo Miriam adachita mapere mwadzidzidzi---iye adachena ninga matalala. Pomwe Aroni adatembenuka achimuona Miriam, iye adaona kuti Miriam akhana mapere.¹¹Aroni adalewa kuna Mose, "O, mbuya wangu pirizi nampodi kuikhira kumtima bzomwe taphonyabzi. Talewalewa bzakupusa, apo ife tidaphonya. ¹²Pirizi nampodi kubvuma kuti iye akhale ninga nyakufa, omwe m'nomfu wache wamala kubvunda kuchokera mmimba mwa mayi wache."¹³Apo Mose adachemera Mulungu, iye achiti, "Pirizi mulimbiseni iye, Mulungu, pirizi." ¹⁴Yahova adati kuna Mose, "Penu babache adamupsipira mata ku nkhope kwache, angadachitisiwa manyazi kwa nsiku zinomwe." Mufungileni kunja kwa tsasa kwa nsiku zinomwe. Mungamala mum'bwerese pomwe mkati." ¹⁵Ndiye Miriamu adamfungira kunja kwa tsasa kwa nsiku zinomwe. Wanthu alibe kufamba ulendo kufikizana iye adabwerera pomwe pa msasapo.¹⁶Kumala popo wanthu adafamba ulendo bwao kuchokera kwa Hezeroti ateye achikakhala mchipululu cha Parani.

13¹Ndiye Yahova adalewa na Mose. Iye adati, ²''Tuma amuna wina akazonde dziko la Kanani, ndilo ndawapa wana wa Isaraeli. Tuma mwamuna kuchoka mdzinza lirilense la abereki wawo. Mwamuna aliyense akhale mtsogoleri pakati pawo.''³Mose adawatuma iwo kuchokera mchipululu cha Parani, kuti abvere bzakutonga bza Yahova. Wensene akhali atsogoleri pakati pa wana wa Isaraeli. ⁴Aya yakhali madzina yawo: kuchokera mdzinza la Rubeni, Samua mwana wachimuna wa Zakuri;⁵Kuchokera mdzinza la Simeyoni, Safati mwana wachimuna wa Hori; ⁶kuchokera mdzinza la Yuda, Kalebe mwana wachimuna wa Yefune; ⁷kuchokera mdzinza Ia Isakara, Igali mwana wachimuna wa Yosefe; ⁸kuchokera mdzinza la Efraimu, Hoseya mwana wachimuna wa Nuni;⁹kuchokera ku dzinza la Benjamini, Paliti mwana wachimuna wa Rafu; ¹⁰kuchokera mdzinza la Zebuloni, Gadieli mwana wachimuna wa Sodi; ¹¹kuchokera mdzinza la Yosefe (ndiye kulewa kuti, kuchokera mdzinza la Manase), Gadi mwana wachimuna wa Susi; kuchokera mdzinza la Susi; ¹²kuchokera mdzinza la Dani, Amiyeli mwana wachimuna wa Gemali;¹³kuchokera mdzinza la Aseri, Setuli mwana wachimuna wa Mikayeli; ¹⁴kuchoka mdzinza la Nafitali, Nabi mwana wachimuna wa Vopisi; ¹⁵kuchoka ku dzinza la Gadi, Gueli mwana wachimuna wa Maki. ¹⁶Aya yakhali madzina ndiyo Mose adayayendesa kukapima dzikolo. Mose adachemera Hoseya mwana wachimuna wa Nuni na dzina la Yoswa.¹⁷Mose adatuma iwo kukapima dziko la Kanani. Iye adawauza iwo, ''Fenderani ku Negevi ndokoni kwirani mdziko la mapiri. ¹⁸Pimani dzikolo muwone kuti likundendemera na chani. Uwadziwe wanthu omwe akukhala kumweko, kuti mbampamvu ayayi mbakulefuka, na pinango mbang'onong'ono ayayi mbazinji. ¹⁹Uliwone dzikolo lilininga chiyani lomwe iwo akukhala. Ndabwino ayai ndakuipa? Mizinda yawo njanyi ili mwemo? Kodi ili ninga misasa, pinango pense nja malitsito? ²⁰Uwone dzikolo liri ninga chani, ponango lilibwino nakubzala mbewu ayayi neye, na pinango kuna miti momo ayai neye. Mukhale wakulimbika nakubwelesa bzilatizo bzomwe dzikolo linabzo.'' Tsapano ikhali nthawe yakuyamba kutokota mpesa.²¹Ndiye amunawo adakwira kukazonda dzikolo kuchoka mchipululu cha Zini kuyenda ku Rehobo, kufupi na Lebo Hamati. ²²Iwo adakwira kuchoka ku Negevi achikafika ku Hebroni. Ahimani, Sesai, na Talmai, wene Anaki, akhali popo. Tsapano Hebroni akhadamangiwa kale magole manomwe Zoani akanati kumangiwa mu Aigupto.²³Pomwe iwo adafika Mchigwa cha Esikolo, adagwata mtawi wa phabva la mpesa. Iwo adalitakula ilo kumuti pakati pa magulu yawo mawiriyo. Adabweresa pomwe makangaza na nkhuyu. ²⁴Mbuto imweyo adaichemera Chigwa cha Esikolo, thangwera tsamvu ndilo wana wa Isaraeli adalikhwaulalo.²⁵Patapita nsiku makumi manayi, iwo adabwerera kuchoka kwakukazonda dzikolo. ²⁶Iwo adabwera kuna Mose, Aroni, na thimu lensene la wana wa Isaraeli mchipululiu cha Parana, pa Kadesi. Iwo adabweresa mafala kuna iwo na kuna wanthu wense, achiwaonesa bzipaso bza dzikolo.²⁷Iwo adauza mose, ''Tidakafika ku dziko ndilo mudatituma lire. Ndakuyerera mkaka na uchi. Ibzi ni bzipaso bzakuchokera mwemo. ²⁸Soma, wanthu omwe ana miyi yawo mwemo mbamphamvu. Miyi yawo ina malitsito ichikhala mikulumikulu maninge. Tidaona pomwe wene ya Anaki mwemo. ²⁹Amaleki ambakhala mu Negevu. A Hiti, Ayebusi, na Amori ana miyi yawo mdziko la mapiri. A Kanani ambakhala m'bali mwa nyanza kutewera mkulo wa Yorodano.''³⁰Ndiye Kalebe adanyamaliza wanthu omwe akhali pamaso pa Mose achiti, ''Mbatiye tikwire koko tikatenge dzikolo kukhala lathu lathu, thangwe tingakwanise kuligonjesa limwelo.'' ³¹Soma wanthu wina omwe akhadayenda naye adati, ''Tingakwanise lini kuwagonjesa wanthu wale thangwe ana mphamvu kuposambo ife ndimo liliri.³²Ndiye iwo adafalisa uthenga bwakulefula kuna wana wa Isaraeli bza dziko ndilo adakalizondalo. Iwo adati, Dziko ndilo tidakazondalo ndilo dziko limbapha wanthu wache lokha. Wanthu wense ndiwo tidawaona mwemo mbanthu atali misinkhu. ³³Kumweko tidaona a Nefilimu, wene Anaki, wanthu wakuchoka kwa atali misinkhu. Maonekedwe yathu zjai tikhali ninga bziwala kundendemeza na iwo, apo umumbo ndimo ife tikhaliri mmaso mwawo angationa, iwo.''

14¹Usiku bobo thimu lense la wanthu lidalira mwakukuwa. ²Wana wense wa Isaraeli adanyoza kukutira Mose na Aroni. Thimu lensene lidati kuna iwo, ''Tikukhumba zjai tingadafera ku Aigupto kule, ayai muno mchipululu! ³Thangweranyi Yahova adatibweresa kudziko lino pala kudzafa na lupanga? Akazathu na wana ang'ono ndiwo ati abonere. Nkhasa lini zjai kuti tibwerere ku Aigupto?''⁴Iwo adati kuna wina na mwayache, ''Mbatiye tisankhule mtsogoleri winango, apo mbatibwerereni ku Aigupto.'' ⁵Ndiye Mose na Aroni adagwesa nkhope pansi pamaso pa thimu lense la wanthu la wana wa Isaraeli.⁶Yoswa nmwana wachimuna wa Nuni na Kalebe mwana wachimuna wa Yefune, omwe akhali wina mwa iwo omwe adakazonda dziko, adaphadzula bzakubvala bzao. ⁷Iwo adasewera kuna wana wense wa Isaraeli. Iwo adati, ''Dziko ndilo tidagwata kukalizondalo ni dziko labwino kwenekwene. ⁸Penu Yahova wadekedwa nafe, ndiye amdzatifikiza mdziko limweri achitipa ife. Dzikolo limbayerera mkaka na uchi.⁹Soma nampodi kupikisana na Yahova, apo nampodi kugopa wanthu mdzikomo, thangwe iwo ni mkate kuna ife. Chitetezo chawo chimdzawachokera, thangwe Yahova ana ife. Nampodi kuwagopa iwo.'' ¹⁰Ndiye gunyenye lense lidati liwabome na minyala. Soma ulemerero bwa Yahova budaoneka mchihema chakugumanira kuna wana wense wa Isaraeli.¹¹Yahova adati kuna Mose, ''Wanthu amwewa ni lini amdzaleka kundinyoza ine? Ni lini amdzandikhulupirira , pambali pa bzilatizo bzense bza mphamvu zangu ndibzo ndachita pakati pawo? ¹²Nimdzawamenya na muliri, kuwachosera chakusiiriwa chawo, na kusandusa kuchoka mdzinza lako dzinza likulu na la mphamvu kuposa iwowa.''¹³Mose adati kuna Yahova, ''Penu mumchita ichi, Ndiye wanthu wa ku Aigupto amdzabva bzobzi, thangwe mudapulumusa wanthu amwewa kuchoka kuna iwo na mphamvu yanu. ¹⁴Iwo amdzauza wenekachilo wa mdziko muno. Iwo abva kuti imwe, Yahova muli nawo wanthuwa, thangwe mwaonana maso na maso. Mtambo wanu waima pamsolo pathu. Mumbayenda pamaso pawo mu nsandamira ya moto usiku.¹⁵Tsapano mungapha wanthu amwewa ninga munthu m'bodzi, basi madzinza ndiyo yamdzabva nkhani yoi ya imwe yamdzati, ¹⁶'Thangwera kuti Yahova alibe kukwanisa kuwayendesa wanthuwa mdziko ndilo iye adalumbirira kuwapa ndiye zjai watondo kuwaphera mchipululu.'¹⁷Tsapano, ndikukukumbira, mphamvu za Mbuyangu mbazikhale zikulu. Thangwe mwati, ¹⁸'Yahova ambakalipa lini mangamanga apo ana chikondi chizinji kuna wanthu. Iye ambalekerera mphumbza na kuphonya. Wakulanga wana thangwera mphumbza za abereki wawo, kufika ku mbwado wachitatu na wachinayi. ¹⁹Lekererani, ndikukumbira imwe, lekererani mphumbza za wanthu awa thangwera kukhulupirika kukulu kwa mpangano wanu, ninga ndimo mwakhala kale mukulekerera wanthu awa kuchoka pa nthawe ndiyo iwo akhali mu Aigupto kufikira lero.²⁰Yahova adati, ''Ndawalekerera iwo pa kukoya kumbiro lako, ²¹soma bzachadidi, pana ine, dziko lense lapansi limdzadzaziwa na ulemerero bwangu, ²²wanthu wense ndiwo adaona ulemerero bwangu na bzilatizo bza mphamvu zangu ndizo ine ndidachita mu Aigupto na mchipululu--- andiyezera ine nthawe khumi zimwezi apo alibe kunditetekera mafala yangu.²³Ndiye ndikuti iwo amdzaona lini dziko ndilo ndidalumbira kuna abereki wawo. Neye m'bodzi wa iwo omwe adandinyoza achidzaliona, ²⁴kupambula kapolo wangu Kalebe, thangwe ana mzimu wakusiyana apo ambanditewera ine na mtimma wache wense. Nimdzamubweresa iye mdziko ndilo iye wayenda, apo wa mbeu yache amdzalitenga kukhala lawolawo. ²⁵(Tsapano Amaleki na Akanani ambakhala mchigwamo.) Mangwana ubwerere uyende kuchipululu kudzera njira ya Nyanza Ifwira.''²⁶Yahova adasewera na Mose na Aroni. Iye adati, ²⁷''Kufika liti ndikhale ndikuwalekerera basi wanthu ndiwo ambandinyozawa. Ndabva kudandaula kwa wana wa Isaraeli kugazana na ine.²⁸Lewa kuna iwo, 'Pakukhala ine--- uku mkulewa kwa Yahova--- Ninga ndimo mwalewa mkubva kwangu, nimdzachita terepoyo kuna imwe: ²⁹Matupi yanu yakufa yamdzagona mchipululuchi, mwense omwe mudadandaula kugazana nande, imwe omwe mudalewengewa pa chilewengero, kuwanda kwense kwa wanthu wakuyambira magole makumi mawiri kuyenda mtsogolo. ³⁰Mumdzayenda lini mdziko ndilo ndidalonjeza kudzakhala muyi wanu, kupambula Kalebe mwana wachimuna wa Yefune na Yoswa mwana wachimuna wa Nuni.³¹Soma wananu ang'ono omwe mudati ndiwo amdzabonera, nimdzawatengera ku dzikolo. Iwo amdzakhala mdziko ndilo imwepo mwalilamba! ³²Mungakhala imwe, matupi yanu yakufa yamdzagona mchipululu. ³³Wananu amdzakhala amakabusa mchipululu kwa magole makum manayi. Iwo amfunika atambire chilango pa kupulukira kwanu ate pamapeto pa matupi yanu mchipululu.³⁴Malingana na nsiku ndizo mudakazonda dzikolo, nsiku makumi manayi, mumdzasenza chilango cha bzakuphonya bzanu kwa magole makumi manayi, gole libodzi kulewengera nsiku iriyense, apo mumdzadziwa kuti ndaleka lonjezano langu. ³⁵Ine, Yahova, ndalewa. Nimdzachita ibzi kuna thimu lense lakuipali ndilo lagwezekana kugazana nande. Iwo amdzagwatiwa mchipululu muno, apo muno iwo ndimo amdzafera,'''³⁶Ndiye wanthu ndiwo Mose adawatuma kukazonda dzikolo, omwe adabwerera mkuchitisa wanthu wense kung'ung'udza kugazana na Mose pakufalisa uthenga bwakuipa bwa dzikolo-- ³⁷wanthu amwewa adabweresa uthenga bwakuipa bwa dzikowa adamenyiwa, achifa na muliri pamaso pa Yahova. ³⁸Mwa wanthu ndiwo akhadayenda kukazonda dzikolo, Yoswa yekha mwana wachimuna wa Nuni na Kalebe mwana wachimuna wa Yefune adasala na moyo.³⁹Pomwe Mose adawauza mafalaya wana wense wa isaraeli, iwo adabva nsisi kwene kwene. ⁴⁰Iwo adalamuka na machibesebese achiyenda padzaulu pa phiri achikati, ''Nyang'anani, tiri pano, apo tiniyenda basi ku dziko ndilo Yahova watilonjeza, thangwe taphona.''⁴¹Soma Mose adati, ''Thangweranyi mukupsa lamulo la Yahova? Mumdzapambana lini. ⁴²Nampodi kuyenda, thangwe Yahova ali lini namwe kukutetezani kuti mungagonjesewe na awengi wanu. ⁴³Amaleki na Akanani ali koko, apo mumdzafa na lupanga thangwe mudaphinduka kulamba kutewera Yahova. Ndiye iye amdzakhala lini namwe.''⁴⁴Soma mwakubzikuza iwo adakwira basi mdziko la mapiri; tsono, neye Mose ayai likasa la mpangano la Yahova lidachoka pa msasapo. ⁴⁵Ndiye Amaleki adabuluka, na Akanani pomwe omwe akhakhala pa mapiri yamweyo. Iwo adamenya a Isaraeli achiwapondedza pansi njira yense ate ku Horima.

15¹Pamwepo Yahova adasewera na Mose. Iye adati, ²''Sewera kuna wana wa Isaraeli ulewe kuna iwo, 'Mungayenda kumbuto ndiko imwe mumkakhalako, ndiko Yahova amdzakupani imwe, ³mukakonze nsembe na moto kuna Yahova, nsembe yakufukiza ayai nsembe yakupserereza ayai chakupereka kukwanirisa mpangano ayai nsembe yaufulu, ayai nsembe ya pa phwando lanu, kuchitisa pfungo lakununtchira pala Yahova kuchoka kuna ng'ombe ayai mabira.⁴Mupereke kuna Yahova nsembe yakupserereza na nsembe ya ufa ya chakhumi cha ufa bwakunyodoka bwakusanganiza na gawo libodzi la manayi ya hini ya mafuta. ⁵Ubzikonzere pomwe nsembe yakupserereza, ayai yakuphera, libodzi la magawo manayi ya hini ya vinyu kukhala nsembe yakuthira pala mwana wabira m'bodzi.⁶Ungapereka nsembe ya tonde wa bira, ukonze nsembe ya magawo mawiri ya khumi ya ufa bwakunyodoka bwakusanganiza na magawo matatu ya khumi ya hini ya mafuta. ⁷Pala nsembe ya kuthira, upereke magawo matatu ya khumi ya hini wa vinyu. Amdzakhala na pfungo lakununtchira pala Yahova.⁸Ungakonzesera ng'ombe imuna kukhala nsembe yakupserereza ayai kukhala nsembe yakukwanirisa mpangano, ayai kukhala nsembe ya kutenda kuna Yahova, ⁹ndiye uperekere kubodzi nang'ombeyo nsembe ya ufa ya magawo matatu ya khumi ya ufa bwakunyodoka kusanganiza na meya ya hini ya mafuta. ¹⁰Upereke kukhala nsembe yakuthira meya ya hini ya vinyu, kukhala chakupereka chakukonziwa na moto, kuyambisa pfungo lakununtchira kuna Yahova.¹¹Bzichitike tenepayu kuna ng'ombe imuna iriyense, kuna tonde wabira aliyense, na kuna zirizense za ntchere zimuna za bira ayai ntchere za mbuzi. ¹²Nsembe iriyense mumperekayo imbachitiwe ninga ndapanganizira apamu. ¹³Mbadwa zense za mdzikomo zimbachite bzinthu bzobzi terepayu, pomwe wina anibweresa nsembe yakuchita na moto, kuti iyambise pfungo lakununtchira kuna Yahova.¹⁴Penu mlendo akukhala namwe, ayai aliyense angakhale namwe pakati panuyo mmibwado yanu yense, achite nsembe yakukonza na moto, kuchitisa pfungo labwino kuna Yahova. Iye ambachite ninga mumchitira imwe. ¹⁵Pakhale lamulo libodzi la wanthu wanu na mlendo wakukhala namwe, lamulo lakukhazikika kuna wanthu wamibwado yense ya wanthu. Ninga imwe muliri, mpsibodzibodzi na mlendo wakukhala namwe. Iye ambachite ninga imwe mumbachitira kuna Yahova. ¹⁶Lamulo libodzibodzilo na chiyeruzo chikhala pomwe kuna imwe na kuna mlendo ndiye ali kukhala namwe.'''¹⁷Yahova adasewera pomwe kuna Mose. Iye adati, '' ¹⁸Sewera kuna wana wa Isaraeli apo ulewe kuna iwo, 'Mungakafika mdziko ndilo nimkakuikhanilo, ¹⁹mungakadya chakudya cha mdzikomo, mumbakachite mtsonkha mtsonkha kuna Yahova.²⁰Kuchoka ku bzakumunya bzakutoma mumbakapereke ka lasau kakhale nsembe yakukwiza, nsembe yakukwiza kuchoka pa mbuto yakupunthira tirigu. Mumbakadzuse tenepo. ²¹Mumbakandipase nsembe yakukwiza kudzera mmibwado yanu yense kuchoka ku lasau yakutoma ya bzakumunya bzanu.²²Nthawe zinango mumkaphonya mwakusaya kuchita utowa, mungasaya kukabvera malamulo yense ndiyo ndauza Mose--- ²³chirichense ndicho ndakutongani kudzera mwa Mose kuchoka pa nsiku ndiyo ndidatoma kukuuzani malamulo na kuyenda mtsogolo kupita mmibwado ya wanthu yense. ²⁴Pakuphonya mwakusaya kuchita utowa wanthu seye mkudziwa, wanthu wense apereke nsembe ya kamkono ka ng'ombe imuna kukhala nsembe yakupserereza kuchitisa pfungo lakununtchira pala Yahova. Kusangana na bzobzi pakonziwe nsembe ya ufa na yakuthira, ninga mwakutongewa na chiyeruzo, na mbuzi ibodzi imuna kukhala nsembe yakuphonya.²⁵Wansembe achite chakutetezera thimu lense la wana wa Isaraeli. Iwo amdzalekereriwa thangwe chakuphonyacho chikhali chakuphonyekera. Iwo abweresa chakupereka chawo, nsembe yakuchitiwa na moto kuna ine. Iwo abweresa chakupereka chawo pamaso pangu kukhala chakuphonyekera chawo. ²⁶Ndiye thimu lensene la wana wa Isaraeli limdzalekererewa, na alendo pomwe wakukhala nawo, thangwe wanthu wense adaphonya mwakusaya kuchita utowa.²⁷Penu munthu aniphonya mwakusaya kuchita utowa, apereke nsembe mbuzi ikazi ya gole libodzi kukhala nsembe yakuphonya. ²⁸Wansembe achite chakutetezera pamaso pa Yahova pala munthu ndiye wasochera mkuphonya mwakusaya kuchita utowa. Munthu umweyo amdzalekereriwa nthawe ndizo chakutetezera chachitika. ²⁹Mukhale na lamulo libodzibodzili kuna aliyense wakuchita chinthu mwakusaya kufuna, lamulo lokhalokhalo kuna mbadwa pakati pa wana wa Isaraeli na kuna alendo wakukhala namwe.³⁰Soma aliyense wakuchita chinthu chirichense utowa, penu ni mbadwa ya dzikolo ayai mlendo, wandichitira makiriyado. Munthu umweyo aphadzane pakati pa wadzinza wache. ³¹Thangwe wanyazisa mafala yangu na kupsa chakutonga changu, munthu umweyo aphadzane letu chaibzoibzo. Mphumbza yache ikhale pa iye.'''³²Nthawe ndizo wana wa Isaraeli akhali mchipululu, adagumana munthu akhapsaga nkhuni pa nsiku ya Sabudu. ³³Omwe adamuonawo adamubweresa kuna Mose, Aroni, na thimu lense. ³⁴Iwo adamukoya mkaoko thangwe bzikhanati kukonzewa bzakuchita naye.³⁵Ndiye Yahova adati kuna Mose, ''Munthuyu aphiwe meju. Thimu lense likamubome na minyala kunja kwa msasa.'' ³⁶Ndiye thimu lense lidamutengera kunja kwa msasa lichikamuboma na minyala mkufa ninga Yahova akhadatongera Mose.³⁷Yahova adasewera pomwe na Mose. Iye adati, ³⁸''Lewa lewa na wa mbeu a Isaraeli apo uwauze abzikonzere okha bzakupota bza usalu mkubusonerera m'phepete mwa bzakubvala bzawo, mkusonerera m'bali mmwense na nguwo ya azuri. Iwo ambachite bzobzi mu mibwado ya wanthu wawo wensene. ³⁹Chimdzakhala chikumbuso chapachokha kuna imwe, pakudzachinyang'anisa, pa bzakutonga bzangu bzense, kubzitengera pala kuti nampodi kumbanyang'anisa ku mtima wanu okha na maso yanu yokha ndibzo mumbapumpsika ku chigololo.⁴⁰⁴¹Chitani ibzi kuti mumbadzakumbukire na kubvera bzakutonga bzangu bzense, na kuti mudzakhale wakupambulika, kuna ine, Mulungu wanu. Ndine Yahova Mulungu wanu, omwe ndidakubulisani kunja kwa dziko la Aigupto, mkukhala Mulungu wanu. Ine ndine Yahova Mulungu wanu.

16¹Tsapano Kora mwana wachimuna wa Izara mwana wachimuna wa Kohati mwana wachimuna wa Levi, pabodzi na Datani na Abiramu wana wachimuna wa Eliabu, na Oni mwana wachimuna wa Peleti, mbeu ya Reubeni, adagwezeka amuna winango. ²Iwo adagandukira Mose, pabodzi na amuna winango kuchoka mwa wana wa Isaraeli, atsogoleri madzana mawiri na makumi machanu wa thimu lawanthu omwe akhali amuna wakubvekera mnthimu la wanthuwo. ³Iwo adagwezekana okha okha kulimbana na Mose na Aroni. Iwo adati kuna iwo, '' Mukukula mphamvu maninge! Thimu lense la wanthu zjai ndakupambulika, aliyense wa iwo, apo Yahova ali pakati pawo. Thangweranyi mukubzithusa mwekha kukulira wanthu wense wa Yahova?''⁴Pomwe Mose adabva tenepo, iye adagwesa nkhope yache pansi. ⁵Iye adasewera na Kora na wense akhanawo iye, ''Machibese Yahova amdzatizindikirisa omwe ali wache na omwe apambuka kuchoka kuna iye. Iye amdzabweresa munthu umweyo kufupi na iye. Omwe amdzamusankhula amdzamubweresa kufupi na iye.⁶Chita ichi Kora na thimu lako lense. Tenga palato ⁷mangwana apo uikhe moto na bzakufukiza mwemo pamaso pa Yahova. Iye omwe Yahova wamusankhula, munthu umweyo amdzaikhiwa pambali kuna Yahova. Mwakula mphamvu, imwe wana wa Levi.''⁸Mose, adati pomwe kuna Kora, ''Tsapano tetekerani, imwe wene Levi: ⁹kodi mchinthu ching'ono kuna imwe kuti Mulungu wa Isaraeli wapambula imwe kuchoka pa thimu la Isaraeli, kubweresa imwe kufupi na iye, kukaphata basa mkachisi wa Yahova, na kuima pamaso pa thimu kulitumikira ilo? ¹⁰Iye adakufendeza iwe pafupi, na abale wako, wene Levi, na iwe, chensecho ukupsaga unsembe pomwe! ¹¹Ndiye iwe na thimu lako mwagwezekana pabodzi kugazana na Yahova. Mbani Aroni kuti mung'ung'udze kugazana naye?''¹²Ndiye Mose adachemera Datani na Abiramu, wana wachimuna wa Eliabu, soma iwo adati, ''Timfika lini. ¹³Kodi mchinthu ching'ono kuti watibweresa ife kutichosa mdziko lakuyerera mkaka na uchi, kudzatipha mchipululu? Tsapano umfuna kutitonga ife! ¹⁴Kuphatanidza apo, ulibe kutibweresa mdziko lakuyertera mkaka na uchi, ayai kutipa minda na minda ya mpesa ninga chakusiiriwa. Tsapano umfuna kutimpsinkha mmaso na malonjezo yakusaya chinthu? Timfika lini.''¹⁵Mose adakalipa kwenekwene achiti kuna Yahova, ''Nampodi kubvuma nsembe zawo zjai. Ndiribe kutenga bulu m'bodzi kuchoka kuna iwo, apo ndiribe kudzonga neye m'bodzi wa iwo.'' ¹⁶Ndiye Mose adati kuna Kora, ''Mangwana iwe na omwe uli nawo uyende pamaso pa Yahova --- iwe na iwo na Aroni. ¹⁷Aliyense wa imwe atakule palato yache aikhe bzakufukiza mwemo. Ndiye munthu aliyense abwerese pamaso pa Yahova palato yache, palato madzana mawiri na makumi machanu. Iwe na Aroni, pomwe, aliyense abwerese palato yache.¹⁸Ndiye munthu aliyense adatakula palato yache, mkuikha moto mwemo, mkuikha bzakufukiza mwemo, achiima pamsuwo wa khumbi lakugumanirana na Mose na Aroni. ¹⁹Kora adagwezeka thimu lense lawanthu kupikisana na Mose na Aroni pamsuwo wa khumbi lakugumanirana, apo ulemerero bwa Yahova budaonekera ku thimu lense la wanthu.²⁰Ndiye Yahova adasewera kuna Mose na Aroni: ²¹''Bzipambuleni mwekha kuchoka pakati pa thimu la wanthuwa kuti ndiwamale mkanthawe kakuchepa.'' ²²Mose na Aroni adagwesa nkhope zawo pansi achiti, ''Mulungu, Mulungu wa mizimu ya umunthu bwense, penu munthu m'bodzi waphonya, kodi mumbakalipira letu thimu lensene?''²³Yahova adamtawira Mose. Iye adati, ²⁴''Sewera kuna thimu lawanthu.Lewa, 'Bulani mukhale kutali na makhumbi ya Kora, Datani, na Abiramu.'''²⁵Ndiye Mose adalamuka achiyenda kuna Datani na Abiramu; akuluakulu wa Isaraeli adamutewera iye. ²⁶Iye adasewera ku thimu lawanthu achiti, ''Tsapano bulani mmakhumbi ya wanthu wakuipawa apo nampodi kuphata chinthu chawo, ayai mumdzamalira kubodzi na bzakuphonya bzawo.'' ²⁷Ndiye thimu lire kumbali zense za makhumbi ya Kora, Datani, na Abiramu lidachoka mwemo. Datani na Abiramu adabula panja achiima pamsuwo pa makumbi yawo, na akazawo, wana wachimuna na wana wao ang'ono.²⁸Ndiye Mose adati, ''Na ichi mumdzadziwa kuti Yahova wachita kundituma ine kuchita mabasa yenseya, thangwe ndiribe kuyaphata mwakufuna kwangu ndekha. ²⁹Penu wanthu amwewa anifa imfa yachilengedwe ninga ndimo bzimbachitikira mwabwino bwino, ndiye Yahova alibe kuchita kundituma. ³⁰Soma penu Yahova wakonza chinthu chinango chipsa, apo dziko lapansi mkuyachamula pakamwa pache mkuwakhudyula iwo, na bzense ndibzo ali nabzo, achiyenda na moyo ku Thenje, ndiye mudzazindikire kuti wanthu amwewa anyoza Yahova.''³¹Mose atatondo kumaliza kusewera mafala yenseya, mataka yadafunguka pakhadaima wanthuwo. ³²Dziko lapansi lidayachamula kukamwa kwache mkuwakhudyula iwo, mabanja yawo, na wanthu wense omwe akhali wa Kora, na bzombo bzawo bzense.³³Ndiye iwo na bzense akhanabzo bzidamira pansi na moyo kuyenda ku Thenje. ³⁴Dziko lapansi lidafungika padzaulu pawo, apo adamaliratu pakati pa thimu lawanthu. A Isaraeli wense kuzungulira iwo adathawa na kulira kwawo. Iwo adakuwa, ''Dziko lapansi lingatikhudyulembo ifepano!'' ³⁵Ndiye moto udabula kuchoka kuna Yahova uchitentha amuna madzana mawiri na makumi machanu omwe adapereka nsembe ya kufukiza.³⁶Yahova adasewera pomwe kuna Mose achiti, ³⁷''Lewa na Eleazara mwana wachimuna wa Aroni wansembe apo umubvume aphule palato pakati pa moto, thangwe palatozo zapambuliwa pambali pa ine. Ndiye afumulire masimbe yakugakayo kutali. ³⁸Tenga palato za wale adataya miyoyo yawo yawo thangwera chakuphonya chawo. Zisuliwe kukhala za phwanthi phwanthi zisanduke bzakugwanankhirira pa guwa la nsembe. Wanthu amwewo adazipereka nsembezo pamaso pangu, ndiye zaikhiwa pambali pala ine. Zimdzakhala chilatizo cha kuonekera kwangu kuna wana wa Isaraeli.''³⁹Eleazara wansembe adatenga palato za mkuwa zomwe zikhaphatizira amuna omwe adatenthiwa, zichisuliwa kukhala bzakugwanankhirira bza pa guwa la nsembe, ⁴⁰kukhala chikumbukiro kuna wana wa Isaraeli, pala kuti palibe munthu wapezi omwe akhali lini ma mbeu ya Aroni angabwere kudzagasa bzakufukiza pamaso pa Yahova, ndiye nampodi adzakhale ninga Kora na thimu lache---ninga ndimo Yahova adatongera kudzera mwa Mose.⁴¹Soma machibese yache thimu lense la wana wa Isaraeli lidadandaula kugazana ana Mose na Aroni. Iwo adati, ''Mwapha wanthu wa Yahova.'' ⁴²Ndiye bzidachitika, pomwe thimu likhadagwezekana kugazana na Mose na Aroni, kuti akhadanyang'anisa ku khumbi lakugumanirana apo, onani, mtambo ukhadaligugudiza. Ulemerero bwa Yahova budaonekera, ⁴³apo Mose na Aroni adabwera kutsogolo kwa khumbi lakugumaniranalo.⁴⁴Ndiye Yahova adasewera na Mose. Iye adati, ⁴⁵''Funduka kuchoka kutsogolo kwa thimulo kuti ndilidzonge tsampanopali.'' Ndiye Mose na Aroni adazolika nkhope zawo pansi. ⁴⁶Mose adati kuna Aroni, ''Tenga palato, ikha moto momo wakupaliwa kutali na guwa la nsembe, ikha bzakufukiza momo, iyitengere kamkulumize kuna thimu lawanthu, apo likhale chakutetezera chawo, thangwe ukali bukubwera kuchoka kuna Yahova. Muliri wayambika.''⁴⁷Ndiye Aroni adachita ndimo Mose adapanganizira. Iye adathamanga pampikiti pa thimulo. Muliri ukhadayamba kufalikira kamkulumize pakati pa wanthu, ndiye iye adaikha momo bzakufukiza achikonza chakutetezera cha wanthuwo. ⁴⁸Aroni adaima pakatinakati ya wakufa na wamoyo; munjira yoyi muliri udaduma.⁴⁹Wale omwe adafa na muliriyo akhali bzulu khumi na bzinayi na madzana manomwe kuwanda kwawo, kupambula wale omwe adafa mu nkhani ya Kora. ⁵⁰Aroni adabwerera kuna Mose pa msuwo wa khumbi lakugumanirana, apo muliriyo udaduma.

17¹Yahova adasewera na Mose. Iye adati, ²''Sewera kuna wana wa Isaraeli apo utenge mpsimbo kuchoka kuna iwo, ibodzi kuchaka ku dzinda lirirense la abereki wawo, mpsimbo khumi na ziwiri. Nemba dzina la munthu aliyense pa mpsimbo yache.³Unembe dzina la Aroni pa mpsimbo ya Levi. Pakhale mpsimbo ibodzi ya mkulu aliyense wa kudzinza la abereki wache. ⁴Uyikhe mpsimbozo mchihema chakugumanirana kutsogolo kwa mayeruzo ya mpangano, ndiko nimbagumana namweko. ⁵Bzimchitika kuti mpsimbo ya munthu ndiye nimmusankhulayo iniphuka. Nimdzachitisa madandaulo ya wana wa Isaraeli kulekeza, ndiyo iwo akusewera kuna imwe.''⁶Ndiye Mose adasewera kuna wana wa Isaraeli. Akulu wense wa madzinza adamupa iye mpsimbozo, mpsimbo ibodzi kuchoka kuna mkulu aliyense, wakusankhuliwa kuchoka kuna aliyense wa madzinza ya abereki wache, mpsimbo khumi na ziwiri zense. Mpsimbo ya Aroni ikhali pampikiti pa izo. ⁷Ndiye Mose adaikha mpsimbozo pamaso pa Yahova mchihema cha mayeruzo ya mpangano.⁸Mangwana yache Mose adayenda mchihema cha mayeruzo ya mpangano apo, onani, mpsimbo ya Aroni wa dzinza la Alevi idaphuka. Idamera mphundu ichichisa maluwa mkukhuma akatungulume! ⁹Mose adabweresa panja mpsimbo zense kuchoka pa maso pa Yahova kuna wana wense wa Isaraeli, apo munthu aliyense adatenga mpsimbo yache.¹⁰Yahova adati kuna Mose, ''Ikha mpsimbo ya Aroni kutsogolo kwa mayeruzo ya mpangano. Ikoye kukhala chilatizo cha kuphonya kugazana na wanthu ndiwo adagandukira pala umalise madandaulo ya kugazana nande, seye bzimwebzo iwo amdzafa meju.'' ¹¹Mose adachita ninga ndimo Yahova adamutongera iye.¹²Wana wa Isaraeli adasewera na Mose achiti, ''Timdzafera pano. Timdzamala tense! ¹³Aliyense omwe anikwirayo, omwe anifenderera kachisi wa Yahova, amdzafa. Kodi tensenefe timale?''

18¹Yahova adati kuna Aroni, ''Iwepo, wanako wachimuna na banja la abereki wako mumdzatawira bza kuphonya kwense kwakugazana na mbuto yakulemekezeka. Soma iwe na wanako wachimuna unawowa mumdzatawira bza kuphonya kwense kwakuchitiwa na aliyense mu unsembe. ²Angakhala anzako wa dzinza la Alevi, dzinza la abereki wako, uwabwerese iwo na iwe kuti aphathikane na iwe kukuthandiza nthawe ndizo iwe na wanako wachimuna ukutumikira kutsogolo kwa chihema cha mayeruzo ya mpangano.³Iwo ambakoye udikhiro bwako na udikhiro bwa chihema chense. Tsono, iwo nampodi afendere pafupi na chirichense m'buto yakupambulika ayai yakukhudzana na guwa la nsembe, mungachita tenepo iwo na iwepo kubodzi mumdzafa. ⁴Iwo aphatizane nawe pa udikhiro bwa kukhudzana na chihema chakugumanirana, pa mabasa yense yakukhudzana na chihema. Mlendo nampodi afendere pafupi na imwe. ⁵Mukoye mbuto ya udikhiro bwa mbuto yakupambulika na pa guwa la nsembe pala kuti ukali bwangu nampodi bubwere pomwe kuna wana wa Isaraeli.⁶Nyang'anisa, Ine ndekha ndasankhula abale wako wachi Levi kuchoka pakati pa wa mbeu ya Isaraeli. Iwo ni mphaso kuna iwepo, wakundipa ine kuchita basa lakukhudzana na chihema chakugumanirana. ⁷Soma iwe wekha na wanako wachimuna ndiwo mungachite unsembe kukhudzana na chirichense cha guwa la nsembe na chirichense mkati mwa chinguwo chakutchinga. Imwe mwekha ndiwo muti mukwanirise mabasa yamweyo. Ndikukupani unsembe ninga mpfupo. Mlendo aliyense wakufendererayo aphiwe meju.''⁸Ndiye Yahova adati kuna Aroni, ''Nyang'ana, ndakupa udikhiro bwa nsembe zangu zakukwiza, na nsembe zensene zakulemekezeka ndizo wana wa Isaraeli ambandipa ine. Ndapereka nsembezi kuna iwe kukhala mbali ya chakudzozewa na kuna wanako wachimuna likhale nemba lakusaya kumala. ⁹Ibzi mpsako kuchoka pa bzinthu bzakupambulikisisa bzakusaya kufika ku moto. Kuchoka ku nsembe zawo zense---nsembe zense za ufa, na nsembe zense zakuphonya---zaikhiwa pambali kuna iwe na kuna wanako wachimuna.¹⁰Nsembe zozi mzakupambulika maninge; mwamuna aliyense azidye, thangwe mzakupambulika kuna iwe. ¹¹Izi mmzako za iwe, zakuikhiwa pambali pa mphaso zawo zense za nsembe za kuvuzuliwa kuna wana wa Isaraeli. Ndazipereka kuna iwe, wanako wachimuna, na wanako wachikazi, kukhala mbali yako kwa muyaya. Aliyense wakuchenesiwa pa msindayu wa m'banja mwako adye iriyense ya nsembe zozi.¹²Mafuta yense yabwino maningeyo, vinyu wense mupsa wabwino maningeyo na tirigu, bzipaso bzakutoma kukhuma ndibzo wanthu ambandipa ine---bzinthu bzensebzi ndakupa iwe. ¹³Bzakutoma kukhuma pa bzense bziri mdziko lawo, ndibzo iwo ambandibweresera, bzimdzakhala bzako. Aliyense wakuchenesiwa m'banja mwako adye bzinthu bzobzi.¹⁴Bziribzense bzakuperekiwa chiperekere mu Isaraeli bzimdzakhala bzako. ¹⁵Chirichense chakutoma kubaliwa, wana wense wakutoma kubaliwa ndiwo wanthu ambapereka kuna Yahova, wa wanthu na nyama kubodzi, amdzakhala wako. Soma, wanthu ambalombole wana wakutoma wachimuna wanyama zakupsipiziwa. ¹⁶Ibzo bzakulombolewa na wanthubzo abzilombole bzingakwanisa mwezi m'bodzi wakubadwa. Kinangoko wanthu ambabzilombole ibzo na nsengwa ya mmasekere machanu ya siriva, na kalemeredwe kakutawirika na mbuto yakulemekezeka, yomwe yambalingana na magera makumi mawiri¹⁷Soma mwana wakutoma wa ng'ombe ikazi, ayai mwana wakutoma wa bira mkazi, ayai mwana wakutoma wa mbuzi--- nampodi kulombola nyama zozi; zaikhiwa pambali pala ine. Upalamge mulowa wache pa guwa la nsembe mkufukiza mafuta yache kukhala nsembe yakukonza na moto, pfungo lakununtchira kuna Yahova. ¹⁸Nyama yache imdzakhala yako. Ninga tsuku na ntchafu yamadidi ndizo zavuzuliwa kukhala nsembe, nyama yache imdzakhala yako.¹⁹Nsembe zakukwiza zense za bzinthu bzakupambulika ndizo wana wa Isaraeli adazikwiza kuna Yahova, ndazipereka kuna iwe, na kuna wanako wachimuina na kuna wanako wa chikazi na iwe zikhale nemba lakusaya kumala. Ndilo pangano la munyu lakusaya kumala, pangano lakumangika lakusaya kumala, pamaso pa Yahova pala iwe kubodzi na wambeu yako na iwepo.'' ²⁰Yahova adati kuna Aroni, ''Umdzakhala ulibe chakusiiriwa mdziko la wanthu, ayai kukhala na gawo la bzombo pakati pa wanthu. Ndine gawo lako na chakusiiriwa chako pakati pa wana wa Isaraeli.²¹Kuna wambeu ya Levi, nyang'ana, ndawapa libodzi la magawo khumi mwa bzense mu Isaraeli kukhala chakusiiriwa chawo kubwezera pa basa ndilo alikuchita pa kuphata basa mu chihema chakugumanirana. ²²Kuchoka lero lino kuyenda mtsogolo wana wa Isaraeli nampodi ambafendere ku chihema chakugumanirana, seye apo angasenze bzakuphonya mkufa.

²³Alevi ambachite basa lakukhudzana na chihema chakugumanirana. Iwo ndiwo ambasenze mpumbza zawo zakukhudza chimwecho. Ili limdzakhala lamulo lachikhalire kupita mmibwado yense ya wanthu wako. Pakati pa wana wa isaraeli iwo nampodi akhale na chakusiiriwa. ²⁴Thangwe chakhumi cha wana wa Isaraeli, ndicho ambapereka ninga chakutsonkha kuna Yahova--- mpsimwebzo ndibzo ndapereka kuna Alevi kukhala chakusiiriwa chawo. Mthangwerache ndidalewa kuna iwo, 'Iwo nampodi akhale na chakusiiriwa pakati pa wana wa Isaraeli.'''²⁵Yahova adalewa kuna Mose na Aloni achiti, ²⁶''Mulewe kuna Alevi muchiti kuna iwo, 'Mungatambira kuchoka kuna wana wa Isaraeli chakhumi ndicho ndakupani kuchoka kuna iwo kukhala chakusiiriwa chanu, mudzayende nacho chakutsonkhewacho kuna Yahova, libodzi la magawo khumi la libodzi la magawo khumi. ²⁷Chakutsonkha chanu chitengewe pomwe na imwe ninga kuti chikhali chakhumi cha ufa kuchoka pa mbuto yakupunthira ayai kuchoka mwakupondera mpesa mwakudzala.²⁸Ndiye imwepo pomwe mutsonkhe kuna Yahova kuchoka ku bzakhumi bzense ndibzo mumbatambira kuchoka kuna wana wa Isaraeli. Kuchoka kuna iwo mupereke chakutsonkha chache kuna Aroni wansembe. ²⁹Kuchoka ku mpfupo zense mumbatambirazo, mupereke bzakutsonkha bzensene kuna Yahova. Muchite ichi kuchoka ku bzabwino maninge bzense na bzinthu bzakupambulikisisa bzense ndibzo bzaperekiwa kuna imwe.'³⁰³¹Mnthangwerache mulewe kuna iwo, 'Mungakayenda nabzo bzabwino maningebzo, bzimdzayesedwa pomwe kuna Alevi ninga bzipaso bza pakupunthira na pakupondera mpesa. Mumbadzadyere pambuto palipense mpfupo zinangozo, imwe na mabanja yanu, thangwe ni malipiro yanu yakubwezera basa lanu mchihema chakugumanirana. ³²Mumdzasenza lini chakuphonya chirichense thangwera kudya na kumwa bzimwecho, mungapereka kuna Yahova bzabwino ndibzo mwatambirabzo. Soma nampodi kuipisa nsembe zakupambulika za wana wa Isaraeli, seye apo mumdzafa.

19¹Yahova adasewera kuna Mose na Aloni. Iye adati, ²''Ili ni fala, chitongi ndicho Yahova akukutongani imwe: Uzani wana wa isaraeli kuti abwerese kuna imwe mphulu ya ng'ombe ifwira yakusaya mphitcha ayai chirema, na ndiyo ikanati kale kuphata basa lakunetesa.³Mupeleke mphuluyo kuna wansembe Eleazara. Iye abule nayo kunja kwa misasa, apo winango ayiphe pamaso pache. ⁴Eleazala wansembeyo akodobole mulopa waiyo na chala chache, apo apalange wina wa mulopayo kanomwe kunkhope kwa chihema cha kugumanirana. ⁵Mphuluyo ayitenthe iye akuona---khanda lache, nyama yache, na mulopa wache pabodzi na ndowe zache, abzitenthe. ⁶Wansembeyo atenge muti wa mkungudza, hisope, ukuse bufwira, mkuthusa bzensebzo pakati pa moto wa mphulu ikugakayo.⁷Kinangoka iye afule bzakubvala bzache na kusamba mmadzi. Pambuyo pache abwere pa msasa, pomwe iye amdzakhala wakupsipiziwa ate maulo. ⁸Omwe watentha mphuluyo afule bzakubvala bzache mmadzi na kusamba mmadzi. Iye amdzakhala wakupsipiziwa ate maulo.⁹Munthu omwe ali wakuchenesiwa awole dotha la mphuluyo achikaligwezeka kunja kwa msasa pa mbuto yakuchenesiwa. Dotha limweri likoyewe pala wanthu wa dzinza la wana wa Isaraeri. Iwo amdzasanganiza dothalo na madzi pala chicheneso cha ku bzakuphonya, thangwe dothalo likhali lakuchoka ku nsembe ya bzakuphonya. ¹⁰Ndiye adakonkhobza dotha la mphulu ule afule bzakubvala bzache. Iye amdzakhala wakupsipiziwa ate maulo. Ichi chimdzakhala chitongi cha chikhalire pala wana wa Isaraeri na alendo wakukhala na iwo.¹¹Omwe waphata thupi lakufa la munthu aliyense amdzakhala wakupsipiziwa kwa nsiku zinomwe. ¹²Munthu umweyo abzichenese yekha pa nsiku yachitatu yache na pa nsiku yachinomwe. Kinangoka amdzakhala wakuchenesiwa. Soma penu am'bzichenesa lini pa nsiku yachitatu yache, ndiye amdzakhala lini wakuchena pansiku yachinomweyo. ¹³Aliyense wakuphata munthu wakufa, thupi lamunthu wakufa, apo seye kubzichenesa yekha---munthu umweyo wapsipiza kachisi wa Yahova. Munthu umweyo agwatiwe kuchoka mu Isaraeli thangwe madzi yakuchenesa yalibe kupalangiwa pa iye. Amdzakhala basi wakupsipiziwa; kupsipiziwa kwache kumdzasalira pa iye.¹⁴Ili ni lamulo la pomwe munthu wafera mchihema. Munthu aliyense omwe ampita mchihemamo na aliyense omwe ali kale mchihema amdzakhala wakuyipisiwa kwa nsiku zinomwe.

¹⁵Chombo chilichense chakusaya kugwanankhila chimsanduka chakuyipisiwa. ¹⁶Munthu aliyense omwe wakhuya munthu wakuphiwa na lupanga panja, ayai thupi lina lakufa, ayai pfupa la munthu wakufa, ayai nthutu---munthu umweyo akhale wakuyipisiwa kwa nsiku zinomwe.¹⁷Chitani ichi kuna munthu wakupsipiziwa: Tengani dotha la nsembe yakupserereza mkulisanganiza mu mtsuko na madzi mawisi. ¹⁸Wina omwe ali wakuchena ndiye atenge hisope, mkubvwika mmadzi, mkuyapalanga pa chihema, pa bzakuikhira madzi bzense mkati mwa chihema, pa wanthu omwe akhali momo, na pa aliyense wakuphata pfupa, iye omwe adaphiwa, iye omwe adafa, ayai nthutu. Pa nsiku yachitatu na pansiku yachinomwe, munthu wakuchenesiwayo apalange munthu wakupsipiziwayo. ¹⁹Pa nsiku yachinomwe munthu wakupsipiziwayo abzichenese yekha. Iye afule bzakubvala bzache na kusamba mmadzi. Maulo yache amdzakhala wakuchena.²⁰Soma aliyense wakukhala basi adapsipiziwa, omwe anilamba kubzichenesa yekha---munthu umweyo asanthiwe pakati pa thimu lawanthu, thangwe zjai waipisa mbuto yakupambulika ya Yahova. Madzi yamcheneso yalibe kupalangiwa pa iye; iye amkhala basi wakusaya kuchena. ²¹Ili limdzakhala lamulo lakukhala lichiyenderera lakukhudza machitidwe yamweya. Iye omwe anipalanga madzi yamcheneso afule bzakubvala bzache. Iye wakuphata madzi ya mcheneso amdzakhala wakupsipiziwa ate maulo. ²²Chirichense ndicho wakupsipiziwayo aniphata chimdzakhala chakupsipa. Munthu wakuphata chimwecho amdzakhala wakupsipa. Munthu wakuphata chimwecho amdzakhala wakupsipiziwa ateye maulo.''

20¹Tenepo wanthu wa Isaraeli, thimu lensene, lidayenda ku chipululu cha Zini pa mwezi wakutoma; iwo adakhala ku Kadesi. Kumweko Miriyamu adafa achiyikhiwa kumweko.²Kumweko kukhalibe madzi ya wanthuwo, ndiye iwo adagwezekana pabodzi lugazana na Mose na Aroni. ³Wanthuwo adayamba kudandaula kugazana na Mose. Iwo adati, ''Kungadakhala nkhasa zjai tingadafa nthawe ndizo abale wathu wa Isaraeli adafa pamaso pa Yehova!⁴Thangweranyi mwabweresa thimu la wanthu wa Yehova kuchipululu kuno kuti ife tifele kuno, na bzifuwo bzathu? ⁵Thangwera chiyani mudatibulisa mdziko la Aigupto mkutifikisa kumbuto yakuyipa ino? Kuno kumbamela lini mbeu, nkhuyu, mpesa, ayai makangaza, apo madzi yakumwa kulibe.''⁶Apo Mose na Aroni adachoka kutsogolo kwa mstokhano ule. Adayenda kunsuwo wa chihema chakugumanirana achikatsulima nkhope zawo pansi. Pamwepo ulemelero bwakutoya bwa Yehova budawonekela pa iwo.⁷Yahova adasewela na Mose achiti,'' ⁸''Tenga mpsimbo apo ugwezeke thimu lawanthu, iwe, na Aroni m'bale wako. Sewera kuna thanthwe pamaso pawo, apo ulitonge liyerere madzi. Umdzachosa madzi pala iwo kuchoka mthanthwelo, apo uyapereke kuna thimu lawanthulo na bzifuwo bzawo amwe.'' ⁹Mose adatengadi mpsimbo kuchoka pamaso pa Yahova, ninga ndimo Yahova adamtongera iye kuchita.¹⁰Ndiye Mose na Aroni adagwezeka thimu lawanthu pabodzi pa thanthwe. Mose adati kina iwo, ''Tetekerani tsapano, imwe wakupikisana naye. Tikubulisireni madzi mthanthweri?'' ¹¹Ndiye Mose adatamula boko lache achimenya thanthwero kawiri na mpsimbo yache, apo madzi mazinji yadabula. Thimu lawanthulo lidamwa, na bzifuwo bwidamwa.¹²Ndiye Yahova adati kuna Mose na Aroni, Thangwera kuti mulibe kundikhulupirira ayai kundipambula kukhala wakulemezeka pamaso pa wana wa isaraeli, mumdzafikiza lini thimu lawanthuli mdziko ndilo ndidawapali iwo.'' ¹³Mbuto imweyi idachemeriwa madzi ya Meriba thangwe wana wa Isaraeli adapokana na Yahova pamwepo, apo iye adabzionesera kuna iwo kukhala wakulemekezeka.¹⁴Mose adatuma mitumi kuchoka ku Kadesi kuyenda kuna mfumu ya ku Edomu: M'bale wanu Isaraeli walewa terepayu: ''Mulikudziwa matsautso yensene ndiyo yatigumana ife. ¹⁵Mulikudziwa kuti abereki wathu adapolika kuyenda ku Aigupto achikakhala mu Aigtupto kwa nthawe itali. Wanthu wa ku Aigupto adatiboneresa na abereki wathu kubodzi. ¹⁶Nthawe ndizo tidakuwa kuna Yahova, iye adabva mafala yathu achitumiza mnjero mkutibulisa kunja kwa Aigupto. Nyang'anani, tiri mu Kadesi, muyi wa mmalire mwa dziko lanu.¹⁷Ndikukukumbirani mutibvumize kugwata na mdziko mwanu. Timdzapita lini na mmunda ayai mmunda wa mpesa, ayai kumwa madzi mmichera yanu. Timdzayenda kutewera mseu ukulu wa mfumu. Timdzachungunukira lini kuboko lamadidi ayai ku lamadzere ate titagwata mmalire yanu.''¹⁸Soma mfumu ya ku Edomu idawatawira iwo, ''Mungagwate lini na muno. Mungachita tenepo, nimdzabwera na lupanga kudzakumenyani imwepo.'' ¹⁹Ndiye wana wa Isaraeli adati kuna iye, ''Timdzatewera mseu ukulu. Penu ife ayai chifuwo chathu chimdzamwa madzi yanu, timdzapagali. Tondo kutibvumani kufamba na miyendo, seye kuchita chinthu chirichense.''²⁰Soma mfumu ya mu Edomu idatawira, ''Mungagwate lini.'' Ndiye mfumu ya Edomu idabwera na boko la mphamvu na achikunda azinji. ²¹Mfumu ya mu Edomu idalamba kubvumiza wana wa Isaraeli kugwata na mmalire mwawo. Thangwera ichi, Isaraeli adazungunuka kuchoka mdziko la Edomu.²²Ndiye wanthu adafamba ulendo kuchoka ku Kadesi. Wana wa Isaraeli, thimu lensene lawanthu, lidabwera pa Phiri la Hori. ²³Yahova adasewera na Mose na Aroni pa Phiri la Hori, mmalire na Edomu. Iye adati, ²⁴''Aroni agwezekane pana wanthu wache, thangwe iye amdzapita lini mdziko ndilo ndidapereka kuna wana wa Isaraeli. Ichi mthangwera kuti awiri mwensemwe mudapikisana na mafala yangu pa madzi ya Meriba.²⁵Tenga Aroni na Eleazara mwanache wachimuna, apo uwabwerese pa Phiri la Hori. ²⁶Khundula bzakubvala bzaunsembe bza Aroni mthupi mwache ubzibvazike Eleazara mwanache wachimuna. Aroni amfunika afe apo adzachemeriwe kuyenda kuna wanthu wache popo.''²⁷Mose adachita ninga ndimo Yahova adatongera. Iwo adayenda pa Phiri la Hori pamaso pa thimu lensene la wanthu. ²⁸Mose adakhundula bzakubvala bzaunsembe kuchoka kuna Aroni achibzibvazika Eleazara mwanache wachimuna wa Aroni. Aroni adafera popo padzaulu pa phiri. Ndiye Mose na Eleazara adabuluka. ²⁹Pomwe thimu lense lawanthu lidaona kuti Aroni wafa, nyumba yense ya Isaraeli idalira nkhawa ya Aroni kwa nsiku makumi matatu.

21¹Nthawe ndizo mfumu yachi Kanani ku Arabi, yakukhala ku Negevi, idabva kuti a Isaraeli akhabwera kudzera mseu wa ku Atarimu, iyo idamenyana nkhondo na Isaraeli achiwaphata wina mwa iwo ukapolo. ²A Isaraeli adalumbira kuna Yahova kulewa kuti, ''Mungatipa chipambano ife pa wanthu amwewa, ndiye ife timdzadzongeratu miyi yawo.'' ³Yahova adabvera mafala ya a Isaraeli achiwapa chipambano kuna a Kanani. Iwo adawadzongeratu iwo na miyi yawo. Mbuto yoyo idachemeriwa Horoma.⁴Iwo adafamba kuchokera ku phiri la Hori kutewera mseu kuyendera ku Nyanza Ifwira kuyenda kuzungulira dziko la Edomu. Wanthuwo adayamba kupopera panjira. ⁵Wanthu adasewera mwakugazana na Mulungu na Mose: ''Thangweranyi mwatibulisa kukwira kunja kwa Aigupto kudzafa mchipululu? Kulibe mkate, neye madzi, apo takodwa chakudya ichi chakusaya kukwana.''⁶Kinangoka Yahova adatumiza nyoka za ndulu pakati pa wanthu. Nyokazo zidaluma wanthu; wanthu azinji wa ku Isaraeli adafa. ⁷Wanthu adabwera kuna Mose achiti, ''Taphonya thangwe tasewera mwakugazana na Yahova na imwepo. Pembani kuna Yahova pala iye achose nyokazi kutali na ife.'' Ndiye Mose adapemberera wanthuwo.⁸Yahova adati kuna Mose, ''Konza nyoka uyimanike pa chitchichi. Bzimchitika kuti aliyense ndiye walumiwa amdzapulumuka, penu aninyang'anisa nyokayo.'' ⁹Ndiye Mose adakonza nyoka ya mkuwa achiimanika pa chitchichi. Nthawe ndizo nyoka yaluma munthu wina aliyense, mkunganyang'anisa nyoka ya mkuwayo, adapulumuka.¹⁰Wana wa Isaraeli adafamba basi kupitiriza achikamanga msasa pa Oboti. ¹¹Iwo adafamba kuchoka ku Oboti achikamanga msasa pa Iye Abarimu mchipululu chakunyang'anizana na Moabu kuyendera ku machibese.¹²Kuchoka popo iwo adafamba kupiririza achikamanga msasa mchigwa cha Zeredi. ¹³Kuchoka popo iwo adafamba kupititiza ng'ambu ina ya Mkulo wa Arinoni, omwe uli mchipulu chakuchokera mdziko la Aamori. Mkulo wa Arinoni udachita malire na Moabu, pakati pa Moabu na Aamori.¹⁴Mthangwerati bukhu la Nkhondo za Yahova limbati, '' ... Zahabu mu Sufa, na bzigwa bza Arinoni, ¹⁵phompho la bzigwa bzakubulukira ku muyi wa Ari na kukhuya malire na Moabu.''¹⁶Kuchoka popo iwo adafamba kuyenda ku Beeri, mchera ndiwo Yahova adati kuna Mose, ''Ndigwezekere wanthu pabodzi ndiwape madzi.¹⁷Pomwe aIsaraeli adaimba chimbo ichi: ''Fumphusa kunja madzi, mcherawe! Uyimbire chimbo cha mcherayo, ¹⁸bza mchera ndiwo mafumu yathu yadachera, mchera ndiwo wanthu wakubvekera adachera, na mpsimbo yachifumu na mpsimbo zawo.''¹⁹Kuchoka ku Matana iwo adafamba kuyenda ku Nahaliyele, apo kuchoka ku Nahaliyele kuyenda Bamoti, ²⁰apo kuchoka ku Bamoti kuyenda ku chigwa mdziko la moabu. Kumweko ndiko nsonga ya Phiri la Pisiga idanyang'ana kupolikira ku chipululu.²¹Kinangoko a Isaraeli adatuma mitumi kuyenda kuna Siho mfumu ya Aamori kukalewa,

²²''Tibvumenimbo kugwata na mdziko lanu. Timdzapambuka lini mmunda uliwense ayai mmunda wa mpesa. Timdzamwa lini madzi mmichera yanu. Timdzafamba kutewera mseu ukulu wa kwa mfumu ate kuyambuka malire yache. ²³Soma, Sihoni adagwezeka achikunda wache pabodzi achibula kuyenda mchipululu kukalimbana na Isaraeli. Iye adabwera pa Yahazi, pomwe adamenyana na Isaraeli.²⁴Isaraeli adamenya wankhondo wa Siho na nsonga ya lupanga achitenga dziko lawo kuchokera ku Arinoni kufika ku Mkulo wa Yaboki, ate kutali ku dziko la wanthu wa ku Amoni. Tsapano malire ya wanthu wa ku Amoni yakhana malitsito. ²⁵Isaraeli adatenga miyi yensene ya Aamori achikhala mwensenemo, kuphatanidza na Hesiboni na miyi yache yense. ²⁶Hesiboni ukhali mzinda wa Siho mfumu ya Aamori, omwe akhadamenyana na mfumu yakale ya ku Moabu. Siho akhadatenga dziko lache lensene kuchoka ku mphimpha yache kufika ku Mkulo wa Arinoni.²⁷Mthangwerache omwe ambasewera munthanthi ambati, ''Bwerani ku Hesiboni. Bvumani mzinda wa Siho umangiwe papsa na kukhazikika pomwe. ²⁸Moto udangunduka kuchoka ku Hesiboni, malambi kuchokera ku mzinda wa Siho omwe udadzonga Ari wa ku Moabu, na wenekachiro wa mbuto zakukwira wa ku Arinoni.²⁹Pikado kuna iwe, Moabu! wamala, wanthu wa Kemosi imwe. Wachitisa wanache wachimuna kupulumuka na wanache wachiakazi kukhala wa mkaoko wa Siho mfumu ya Aamori. ³⁰Soma tagonjesa Siho. Hesiboni wadzongeka njira yense ateye ku Diboni. Tawagonjesa iwo njra yensene kuyendera ku Nofa, yomwe imbafika ku Medeba.''³¹Ndiye a Isaraeli adayamba kukhala mdziko la Aamori. ³²Ndiye Mose adatuma wanthu kukaona pa Yazeri. Iwo adatenga miyi yawo achithotheratu Aamori omwe akhali popo.³³Ndiye iwo adabwerera achiyenda kukwira na mseu wa ku Basani. Ogi mfumu ya ku Basani idabula kulimbana nawo, iyo na wankhondo wache wensene , kuwamenya pa Edrei. ³⁴Ndiye Yahova adati kuna Mose, ''Nampodi kumugopa, thangwe ndamupereka iye mmanja mwako, wankhondo wache wense, na dziko lache. Umchite ninga ndimo udachitira na Siho mfumu ya Aamori, yomwe ikhakhala pa Hesiboni.'' ³⁵Ndiye iwo adaipha iyo, wanache wachimuna, na wankhondo wache wensene, kufikizana neye m'bodzi wawanthu wache adasala na moyo. Kinangoka iwo adatenga dziko lache.

22¹Wana wa Isaraeli adafamba basi ateye kukamanga msasa mu nsansa za Moabu kufupi na Yeriko, ng'ambu ya mkulo wa Yorodano kuchokera mumzinda.²Balaki mwana wachimuna wa Zipori adaona bzense ndibzo Isaraeli adachita kuna Aamori. ³Moabu akhanawo mantha maninge wanthuwo thangwe iwo akhadawanda, apo Moabu adapsipa mtima na wana wa Isaraeli. ⁴Mfumu ya Moabu idati kuna akukuakulu wa Midyani, ''Thimu lawanthuli limdzamala kudya bzense bzatizungulirabzi ninga ndimo ng'ombe yapakalosa imbadyera mauswa mthengo.'' Tsapano Balaki mwana wachimunawa Zipori akhali mfumu ya Moabu pa nthawe yoyo.⁵Iye adatuma mitumi kuna Balaamu mwana wachimuna wa Beori, pa Petori komwe kuli kufupi na Mkulo wa Firate, mdziko la wadzinza wache na wanthu wache. Iye adamchemera achiti, ''Nyang'ana, dzinza labwera kuno kuchoka ku Aigupto. Iwo ampsinkhiratu nkhope yadziko lapansi apo afika pafupi letu tsapano na inepano. ⁶Pirizi bwerani tsapano mudzanditembererere dzinza limweli, thangwe iwo mbamphamvu maninge kuna ine. Ndikudziwa kuti omwe mumbawadalisa ambadalisika apo omwe mumbawatemberera ambatemberereka.''⁷Ndiye akulu akulu wa mu Moabu na akuluakulu wa mu Midyani adanyamuka, kutakula na mpfupo za maula. Iwo adabwera kuna Balaamu achimuuza iye mafala ya Balaki. ⁸Balaamu adati kuna iwo, ''Mugone pano usiku buno. Nimdzakubwereserani ndibzo yahova walewa kuna ine.'' Ndiye akuluakulu wa mu Moabu adakhaladi na Balaamu usiku bumwebo.⁹Mulungu adabwera kuna Balaamu achiti, ''Mbani wanthu adabwera kuna iwepowa?'' ¹⁰Balaamu adatawira kuna Mulungu, ''Balaki mwana wachimuna wa Zipori, mfumu ya ku Moabu, wawatuma kubwera kuna ine. Iye adati, ¹¹'Nyang'anani wanthu omwe abwera kuchoka ku Aigupto ampsinkha nkhope ya dziko langu. Tsapano bwerani muwatemberere iwo nkhankha ya inepano. Pinangopense nimdzakwanisa kuwamenya iwo na kuwathotha.''¹²Mulungu adamtawira Balaamu, ''Nampodi kuyenda nawo wanthuwo. Nampodi kuwatemberera wana wa Isaraeli thangwera iwo adalisika.'' ¹³Balaamu adalamuka machibese yache achiwauza akuluakulu wa Balaki, ''Bwererani kudziko lanu thangwe Yahova wandilambiza kuyenda namwe.'' ¹⁴Ndiye akuluakulu wa ku Moabu adanyamuka achibwerera kuna Balaki. Iwo adati, ''Balaamu adalamba kubwera nafe pabodzi.''¹⁵Balaki adatuma pomwe akuluakulu azinji omwe akhali wakulemekezeka zjai kuposa thimu lakutoma lire. ¹⁶Iwo adabwera kuna Balaamu achiti kuna iye, ''Balaki mwana wachimuna wa Zipori wati tenepa, 'Pirizi nampodi chirichense chikutaziseni kubwera kuna ine, ¹⁷thangwe nimdzakupagalini bwino maninge na kukupani ulemu bukulu, apo nimdzachita chirichense mumdzandiuza kuchitacho. Ndiye pirizi bwerani mudzanditembererere wanthuwa.''¹⁸Balaamu adatawira achiti kuna akapolo wa Balaki, ''Neye Balaki achichita kundipa nyumba yache ya ufumu yakudzala na siriva na oro, ningapite lini patsogolo pa mafala ya Yahova, Mulungu wangu, mkuchita mwakuchepesa ayai mwakuwanza ndibzo iye wandiuza ine. ¹⁹Tsapano ndiye, pirizi dikhirani pomwe pano usiku buno, kuti ndipfunzire bzizinji ndibzo Yahova ati andiuze ine.'' ²⁰Mulungu adabwera kuna Balaamu usiku achiti kuna iye, ''Nakuti wanthuwa abwera kudzakuchemera iwepo, lamuka uyende nawo. Soma uchite bzokha ndibzo nimkuuza kuchita.''²¹Balaamu adalamuka machibese yacheyo, achitchobva bulu wache, achitsagana na akuluakulu wa ku Moabu, ²²Soma thangwera iye adayenda, ukali bwa Mulungu budagaka. Mnjero wa Yahova adabziikha yekha munjira ninga wina wakuipa kuna Balaamu, omwe akhatchobva bulu wache. Akapolo awiri wa Balaamu akhali naye pabodzi. ²³Buluyo adaona mnjero wa Yahova ataima mumseu ataphata lupanga lache mmanja. Buluyo adazungunuka kumbali mumseumo achiyenda kuthengo. Balaamu adamenya buluyo kumubwezera mumseu.²⁴Kinangoko mnjero wa Yahova adaima mkanjira kamkiti ka pakati pa minda ina ya mpesa, ali na litsito kumadidi kwache na litsito pomwe kumadzere kwache. Bulu adaona pomwe mnjero wa Yahova. ²⁵Bulu mkaziyo adayenda kukamenya litsitolo achipanangisa nzayo ya Balaamu pamwepo. Balaamu adammenya pomwe bulu mkaziyo.²⁶Mnjero wa Yahova adapitiriza basi achiima nkambuto kakupsindiza komwe kakhalibe kwakuchungunukira mbali zense. ²⁷Buluyo adaona mnjero wa Yahovayo, achigona pansi Balaamu ali pamsana pache. Ukali bwa Balaamu budagaka, achimenya buluyo na mpsimbo yache.²⁸Ndiye Yahova adayachamulisa mulomo wa buluyo kuti buluyo alewelewe. Bulu wachikaziyo adati kuna Balaamu, ''Ndachita chani kuna iwe kuti ate ndikunyose mkundimenya katatuka tenepa?'' ²⁹Balamu adatawira kuna buluyo, ''Thangwera kuti wandipepusa. Ndikukhumba zjai ningadakhala na lupanga mmanja mwangumu. Ningadakhala nalo ningadakupha iwepo.'' ³⁰Buluyo adati kuna Balaamu, ''Ine ndine lini bulu wako omwe watchobva moyo wako wense kufikira lero lino? Ndidachitambo kale msambo umweyu?'' Balaamu adati, ''Neye.''³¹Ndiye Yahova adafungula maso ya Balaamu, apo iye achiona mnjero wa Yahova ataima mu mseu na lupanga lache lakumolola mmanja mwache. Balaamu adagodama achizolika nkhope yache pansi. ³²Mnjero wa Yahova adati kuna iye, ''Thangweranyi wamenya bulu wako katatu kenseka? Nyang'ana, ndabwera ninga muwengi wako kuna iwe thangwe ndibzo iwe wachita pamaso pangu mpsakuipa. ³³Buluyu akhandiona pakuchungunuka katatu kensekale. Achikhala akhalibe kundichungunukira kumbali, ningadakupheratu iwepo ndichisiya moyo wache.''³⁴Balaamu adati kuna mnjero wa yahova, ''Ndaphonya. Ndiribe kudziwa kuti mudaima kundikhotcha mumseu mule. Ndiye tsapano, penu mpsakusaya kukukomerani kuna imwe, nim'bwerera mmambuyo.'' ³⁵Soma mnjero wa Yahova adati kuna Balaamu, ''Ndoko pitiriza na wanthuwa. Soma ukasewere mafala yokhayo ndiyo nimkuuza.'' Ndiye Balaamu adayenda nawo akuluakulu wa Balaki.³⁶Pomwe Balaki adabva kuti Balaamu wabwera, iye adabula panja kukagumana naye pa muyi mu Moabu pa Arinoni, yomwe ni malire. ³⁷Balaki adati kuna Balaamu, Ndiribe kukutumira wanthu kudzakuchemera iwe? Thangweranyi ulibe kubwera kuna ine? Ningakwanise lini kukuchitira ulemu ine?''³⁸Balaamu adatawira kuna Balaki, Ona, ndabwera kuna iwe. Kodi ndina mphamvu tsapano yakusewera chinthu chirichense? Nimkwanisa kusewera mafala yokha ndiyo Yahova wandiikhira mkamwa mwangu.'' ³⁹Balaamu adayenda na Balaki, achifika pa Kiriyati Huzoti. ⁴⁰Ndiye Balaki adapereka nsembe ng'ombe yapakalosa na bira achipereka nyama ina kuna Balaamu na akuluakulu omwe akhanawo iye.⁴¹Machibese yache, Balaki adatenga Balaamu kukwira naye mbuto ya ku Baala. Kuchoka popo Balaamu adakwanisa kuona mbali ya a Isaraeli mu msasa.

23¹Balaamu adati kuna Balaki, ''Undimangire maguwa yansembe manomwe pano mkukonzesera ng'ombe zinomwe zimuna na atonde wamabira anomwe.'' ²Ndiye Balaki adachita ninga ndimo Balaamu adakumbirira. Ndiye Balaki na Balaamu adapereka nsembe ng'ombe imuna na tonde wabira m'bodzi m'bodzi pa guwa lirilense. ³KInangoka Balaamu adati kuna Balaki, ''Ima pa nsembe yako yakupserereza apo ine ndiyende. Pinangopense Yahova anibwera kudzagumana nande. Chirichense amndionesacho nimkuuza.'' Ndiye iye adayenda padzaulu pa phiri pakusaya miti.⁴Ndiye Mulungu adagumana na Balaamu, apo Balaamu adati kuna iye, ''Ndamanga maguwa yansembe manomwe, apo ndapereka nsembe ya ng'ombe ibodzi imuna na tonde wa bira m'bodzi mb'odzi pa guwa lirilense.'' ⁵Yahova adaikha uthenga mkamwa mwa Balaamu achiti, ''Bwerera kuna Balaki ukasewere kuna iye.'' ⁶Ndiye Balaamu adabwerera kuna Balaki, omwe akhadaima pambali pa nsembe yache yakupserereza, apo akuluakulu wensene wa Moabu akhanaye pabodzi.⁷Ndiye Balaamu adayamba kusewera mu nthanthi achiti, ''Balaki wandibweresa ine kuchoka kuna Aramu, mfumu ya Moabu kuchoka ku mapiri yakumachibese. 'Bwera, unditembererere Yakobo,' iye adatenepo. 'Bwera, udzanyoze Isaraeli.' ⁸Ningatemberere tani iwo omwe Mulungu alibe kuwatemberera? Ninganyoze tani iwo omwe Yahova alibe kuwanyoza?⁹Thangwe kuchoka padzaulu pa mathanthwe ndikumuona iye; kuchokera pamapiri ndikumunyang'anisa iye. Ona, pana wanthu wakukhala paokha okha apo ambabzikontali lini pakati pa madzinza ina.¹⁰Mbani angalewenge pfumbi la Yakobo ayai kulewenga neye gawo libodzi la manayi yokha ya Isaraeli? Ndilekeni ndife imfa ya munthu wakulungama, apo ndilekeni mapeto ya moyo wangu yakhale ninga yache!''¹¹Balaki adati kuna Balaamu, ''Wachita chani kuna ine iwepo? Ndidakubweresa kudzatemberera awengi wangu, soma nyang;ana, wawadalisa zjai.'' ¹²Balaamu adatawira achiti, ''Umti nampodi ndikhale wakusamala kusewera bzokha ndibzo Yahova waikha mkamwa mwangumu?''¹³Ndiye Balaki adati kuna iye, ''Pirizi bwera pambuto pina ndipo uti udzawaone. Umdzawaona kusala pamkiti kukhala wense, sikuti wensene neye. Pamwepo udzanditembererere ine.'' ¹⁴Ndiye iye adatenga Balaamu kuyenda naye mmtengo la Zofimu, kuyenda padzaulu pa phiri la Pisiga, achikamanga maguwa ya nsembe pomwe manomwe. Iye adapereka nsembe ng'ombe ibodzi imuna na tonde wa bira pa guwa lirilense. ¹⁵Kinangoka Balaamu adati kuna Balaki, ''Ima pafupi na nsembe yako yakupsererezayi, pomwe ndikukagumana na Yahova pale.¹⁶Ndiye Yahova adagumana na Balaamu achiikha uthenga mkamwa mwache. Iye adati, ''Bwerera kuna Balaki ukamupe uthenga bwangubu.'' ¹⁷Balaamu adabwerera kuna iye, apo ona, iye akhadaipa pambali pa nsembe yache yakupserereza, apo akuluakulu wa Moabu akhana iye. Kinangoka Balaki adati kuna iye, ''Mulungu wati chani kodi?'' ¹⁸Balaamu adalewa uneneri bwache. Iye adati, ''Lamuka, Balaki, apo bvaya. Nditetekere ine, iwe mwana wachimuna wa Zipori.¹⁹Mulungu ndiye lini munthu, kuti aname, ayai mwana wa munthu, kuti achinje bzakukumbuka bzache. Kodi iye ambalonjeza chinthu chirichense seye kuchichita? Kodi iye ambalewa chinthu china seye kuchichita? ²⁰Nyang'ana, ine ndatongewa kudalisa. Mulungu wapereka mdaliso, apo ningakwanise lini kuubweza.²¹Iye alibe kunyang'ana mphumbza ziri mwa Yakobo, apo alibe kunyang'ana bvuto liri mwa Isaraeli. Yahova Mulungu wawo ali nawo, na kukuwa kwa mfumu kuli pakati pawo. ²²Mulungu adawabulisa kunja kwa Aigupto na mphamvu ninga zire za njati.²³Mulibe nyanga yakuphata basa mwa Yakobo, na ula bwakudzonga Isaraeli. Tsapano bzilewiwe bza Yakobo na Isaraeli, 'Nyang'anisani ndibzo Mulungu wachita!'²⁴Nyang'anani, wanthu alamuka ninga mphondolo ikazi, ninga mphondolo imuna imbamogera ichimbwandira. Iyo imbagona lini pansi ate itadya nyama yache na kumama mulopa wa ndicho iyo yapha.''²⁵Kinangoka Balaki adati kuna Balaamu, ''Nampodi kuwatemberera ayai kuwadalisa pomwe zjai.'' ²⁶Soma Balaamu adatawira achiti kuna Balaki, ''Ndiribe kukuuza ine kuti nilewa chiriense ndicho Yahova wandiuza kulewa?'' ²⁷Ndiye Balaki adatawira kuna Balaamu, ''Bwera tsapano, niyenda nawe ku mbuto ina. Pinangopense bzimdzamudekera Mulungu kuti iwe ukanditembererere koko iwo.''²⁸Ndiye Balaki adatenga Balaamu kuyenda naye padzaulu pa Phiri la Piori, lakunyang'ana kuchipululu. ²⁹Balaamu adati kuna Balaki, ''Undimangire ine maguwa ya nsembe manomwe pano mkukonzesera ng'ombe zimuna zinomwe na atonde wa mabira anomwe.'' ³⁰Ndiye Balaki adachitadi ninga Balaamu adalewera; iye adapereka nsembe ya ng'ombe na tonde wabira pa guwa lirilense.

24¹Nthawe ndizo Balaamu adaona kuti bzidakomera Yahova kudalisa Isaraeli, iye alibe kuyenda, ninga pa nthawe zina zire, kuphatisa basa nyanga zakulodzera. Mmalo mwache, iye adanyang'anisa kuchipululu.²Balaamu adajiguma maso yache achiona kuti Isaraeli akhali pa msasa, aliyense padzinza lache, apo Mzimu wa Mulungu udabwera pa iye. ³Iye adatambira uneneri bwache achiti, ''Uku mkulewesesa kwa Balaamu mwana wachimuna wa Beori, kulewa kwa munthu omwe maso yache yadafunguka zedi,⁴Kulewa kwa ule omwe wabva mafala ya Mulungu, omwe waona masomphenya kuchoka kuna Wamphamvu zense, omwe wagodama pansi na maso yache yakufunguka. ⁵Mahema yanu ngakudeka tani, Yakobo, mbuto ndiyo umbakhala, Isaraeli!⁶Kukhala ninga bzigwa iwo ambayenderera, kukhala ninga minda ya m'bali mmwa mkulo, kukhala ninga khonje wakuokeriwa na Yahova, kukhala ninga mikungudza m'phepete mwa madzi.⁷Madzi yamdzayerera kuchoka mu bzakutungira mwawo, apo mbeu zawo zimdzakhala na madzi mazinji. Mfumu yawo imdzakhala ikulumbo kuposa Agagi, na ufumu bwawo bumdzalemekezeka.⁸Mulungu amdzamubulisa iye kunja kwa Aigupto. Iye amdzakhala na mphamvu ninga njati. Iye amdzakhudyula madzinza yakulimbana naye. Iye amdzatchola mafupa yawo kukhala bzidupsa. Iye amdzawalasa iwo na mapsimo yache.⁹Iye amdzabwithama ninga mphondolo imuna, ninga mphondolo ikazi. Mbani angabzithembe kumuzunguza? Aliyense wakumudalisayo adalisike; aliyense wakumutembererayo atemberereke.''¹⁰Ukali bwa Balaki budagakira Balaamu achimenya manja yache pabodzi mwaukali. Balaki adati kuna Balaamu, ''Ndidakucherera kudzatemberera awengi wangu, soma nyang'ana, zjai waadalisa iwo katatu. ¹¹Ndiye thawira kumuyi kwako tsapano. Ndidati nimdzakupa mpfupo ikulu, soma Yahova wakukhotcha kuti nampodi utambire mpfupo iriyense.''¹²Ndiye Balaamu adamutawira Balaki, ''Ndidati kuna mitumi ndiyo udaituma kuna ine, ¹³'Neye Balaki achichita kundipa nyumba yache yaufumu yakudzala na siriva na oro, ningadzapinzule lini mafala ya Yahova na chirichense chakuipa ayai chabwino, ayai chirichense ndicho ningadzafune kuchichita. Ningakwanise kusewera chokhacho ndicho Yahova wandiuza kusewera.' Ndiribe kulewa bzobzi kuna iwo? ¹⁴Ndiye tsapano, nyang'ana, ndikubwerera kuna wanthu wangu. Soma chakutoma ndikulangize iwe ndibzo wanthuwa amdzachita kuna wanthu wako masiku yali mkudzaya.''¹⁵Balaamu adayamba uneneri bwache. Iye adati, ''Uku mkulewa kwa mwana wachimuna wa Balaamu mwana wachimuna wa Beori, kusewera kwa munthu omwe maso yache ngakufunguka zedi. ¹⁶Uku mkulewa kwa munthu wina omwe wabva mafala yakuchoka kuna Mulungu, omwe ana udziwi bwa Wamdzaulu Mkulutsayo, omwe ambaona masomphenya kuchoka kuna Wamphamvu zense, omwe wagodama pansi na maso yache yakufunguka.¹⁷Ndikumuona iye, soma ali lini pano tsapano. Ndikumuona iye, soma ali lini pafupi. Nyenyezi imdzabula mwa Yakobo, apo mpsimbo ya chifumu imdzabula kuchoka mwa Isaraeli. Iye amdzamenya akuluakulu wa Moabu na kudzonga wene Seti wensene.¹⁸Ndiye Edomu amdzakhala wache wache wa Isaraeli, apo Seiri amdzakhala pomwe wawo wawo, awengi wa Isaraeli, omwe Isaraeli amdzawagonjesa na mphamvu. ¹⁹Mwa Yakobo mumdzabula mfumu yomwe imdzatonga, ichidzadzonga wakupulumuka wa mzinda wawo.''²⁰Ndiye Balaamu adanyang'anisa pa Amaleki mkuyamba uneneri bwache. Iye adati, ''Amaleki pakutoma akhali dzinza likulutsa la yense, soma kuphampha kwache chimdzakhala chidzongeko.''²¹Ndiye Balaamu adanyang'anisa pa Akeni achiyamba uneneri bwache. iye adati, ''Mbuto ndiyo mukukhalayo njamphamvu, apo chitsa chanu chiri mmathanthwe. ²²Soma imwe Akeni mumdzakhudyuliwa na moto pomwe Asuri amdzakutengani ukapolo.''²³Ndiye Balaamu adayamba uneneri bwache bwakumalizira. Iye adati, ''Tsoka! Mbani amdzapulumuka Mulungu pakudzachita bzobzi? ²⁴Bzombo bza mmadzi bzimdzafika kuchoka ku gombe la Kitimu; iwo amdzaboneresa Asuri apo amdzaboneresa Ebere, soma iwo, amdzamalizira na chidzongeko.''²⁵Ndiye Balaamu adalamuka achichoka. Iye adabwerera kumuyi kwache, apo Balaki adachoka pomwe.

25¹A Isaraeli adakhala ku Sitimu, apo amuna adayamba kugona na akazi wa mu Moabu, ²Nakuti akaziwo akhachemera amuna ku nsembe za milungu yao. Ndiye amunawo akhadya nawo na kunamata milungu yawoyo. ³Tenepo amuna wa Isaraeli adanamata nawo Baala wa Peori, apo ukali bwa Yahova budagakira Isaraeli.⁴Yehova adauza Moses kuti, ''Uphe atsogoleri wense wawanthu apo uwamanike padecha pamaso pangu, kuti ukali bwangu bwakugops bumale pa Aisaraeli.'' ⁵Apo Mose adauza anyakutonga milandu wa a Isarael, ''Aliyense wa imwe aphe wanthu wache omwe aphathikana nawo kunamata Baala wa Peori.''⁶Ndiye m'bodzi wa amuna wa wana wa Isaraeli adabwera mkubweresa pakati pa wanthu wa pabanja lache mkazi wa chi Midyani. Ibzi bzidachitika padecha pomwe Moses na Aisarael wense akuwona, pomwe iwo akhalira pansuwo wa chihema cha mtsonkhano. ⁷Pomwe Finiyasi mwana wachimuna wa Eleazara mwana wachimuna wa Aroni wansembe, atawona bzimwebzo, adalamuka achisiya thimulo, achikatenga psimo mmanja mwache.⁸Iye adatewera munthu wa ku Isaraeli ule ate kukapita mchihema, achiphaya wense awiriwo wa ku Isaraeliyo pabodzi na mkaziyo. Natenepo mulili omwe Mulungu akhadautumiza pa wana wa Isarael udalekeza. ⁹Omwe adafa na muliriyo akhali wakukwana bzulu makumi mawiri na bzinayi.¹⁰Yehova adauza Mose kuti, ¹¹''Finiyasi mwana wachimuna wa Eleazara mzukulu wa Aroni wansembe, waletsa ukali bwangu pa wana wa Isaraeli thangwera kuti iye akhana nsisi na changu cha ine pakati pao. Ndiye ndiribe kuwamala wana wa Isaraeli mu nsanje yangu.¹²Tenepo lewa, 'Yehova akulewa, ''Nyang'anani, ndikupangana naye Finiyasi tsapano chipangano chamtendere. ¹³Ndikupangana naye umweyu na bzizukulu bzache bzense, chimdzakhala chipangano cha unsembe bwamuyaya thangwe iye akhali wakachangu kuna ine, Mulungu wache. Iye adachita basa lakupepesa bzakuphonya bza Aisrael.'''''¹⁴Dzina la munthu omwe adaphiwa pabodzi na mkazi wachi Midyani ule akhali Zimiri mwana wachimuna wa Salu, mtsogoleri wa banja la makolo ya wene Simeoni. ¹⁵Ndipo mkazi waku Midyani omwe adaphiwayo akhali Kozibi mwana wa Zuri, omwe akhali mtsogoleri wa dzinza na banja la abereki mu Midyani.¹⁶Ndiye Yehova adasewera na Mose achiti, ¹⁷''A Midyani uwatenge ninga awengi apo uwathire nkhondo, ¹⁸thangwera iwo adakutengani ninga awengi na chinyengo chawo. Iwo adakutsogolerani ku bzakuipa mu nkhani ya ku Peori, napomwe nkhani ya nana wao Kozibi, mwana wachikazi wa mfumu ya ku Midyani, omwe adaphiwa pa nthawe ya mulili thangwe la bzakuchitika bza ku Peori bzile.''

26¹Bzidachitika utapita muliri kuti Yahova adasewera na Mose na Eleazara mwana wachimuna wa Aroni wansembe. Iye adati, ²''Lewengani thimu lense la wana wa Isaraeli, kuyambira magole makumi mawiri kukwira, mwa mabanja ya abereki wawo, wense omwe angakwanise kuyenda ku nkhondo ya Isaraeli.''³Ndiye Mose na Eleazara wansembe adasewera nawo mu bzigwa bza Moabu kufupi na Yorodano pa Yeriko achiti, ⁴''Lewengani wanthuwo, kuyambira wa magole makumi mawiri na kukwira, ninga Yahova adatongera na wana wa Isaraeli, omwe adabula mu Aigupto.''⁵Rubeni akhali wakutoma kubadwa wa Isaraeli. Kuchoka kuna mwanache wachimuna Hanoki padabwera wa banja la wene Palute. ⁶Kuchoka Hezironi padabwera banja la wene Hezironi. Kuchoka Karimi padabwera banja la wene Karimite. ⁷Aya yakhali mabanja ya Rubeni, omwe adakwana bzulu makumi manayi na bzitatu na madzana manomwe na makumi matatu.⁸Eliyabu akhali mwana wachimuna wa Palu. ⁹Wana wachimuna wa Eliyabu akhali Nemueli, Datani, na Abiramu. Awa akhali okhaokhawo Datani na Abiramu omwe akhali mnthimu la Kora pomwe iwo adagandukira kugazana na Mose na Aroni achigandukira pomwe kugazana naYahova.¹⁰Dziko lapansi lidayachamula pakamwa pache lichiwakhudyula iwo pabodzi na Kora nthawe ndizo wakusangana nawo wense adafa. Panthawe yoyo, moto udadzonga amuna madzana mawiri na makumi machanu, omwe adakhala chilatizo cha chenjezo. ¹¹Soma wana wachimuna wa Kora alibe kufa.¹²Mabanja ya wene Simiyoni yakhali aya: Kudzera mwa Nemuyeri, ndiye banja la kholo la wene Nemueli, kudzera mwa Yamini, ndiye banja la kholo la wene Yamini, kudzera mwa Yakini, ndiye banja la kholo la wene Yakini, ¹³kudzera mwa Zera, ndiye kholo la banja la wene Zera, kudzera mwa Sauli, ndiye kholo la banja la wene Sauli. ¹⁴Yamweya yakhali makolo ya mabanja ya wambeu ya Simiyoni, omwe adakwana amuna bzulu makumi mawiri na bziwiri na madzana mawiri.¹⁵Mabanja ya wene Gadi yakhali aya: Kudzera mwa Zefironi, banja la kholo la wene Zefironi, kudzera mwa Hagi, banja la kholo la wene Hagi, kudzera mwa Suni, banja la kholo la wene Suni, ¹⁶kudzera mwa Ozini, banja la kholo la wene Ozini, kudzera mwa Eri, banja la kholo la wene Eri, ¹⁷kudzera mwa Arodi, banja la kholo la wene Arodi, kudzera mwa Areli, banja la kholo la wene Areli. ¹⁸Yamweya yakhali mabanja ya makolo ya wene Gadi, omwe adakwana amuna bzulu makumi manayi na madzana machanu.

¹⁹Wana wachimuna wa Yuda akhali Eri na Onani, soma amua amwewa adafera mdziko la Kanani. ²⁰Mabanja ina ya wene Yuda yakhali aya: kudzera mwa Sela, banja la kholo la wene Sela, kudzera mwa Perezi, banja la kholo la wene Perezi, na kudzera mwa Zera, banja la kholo la wene Zera. ²¹Wa mbeu ya a Pezrezi akhali awa: Kudzera mwa Hezeroni, banja la kholo la wene Hezeroni, kudzera mwa Hamuli, banja la kholo la wene Hamuli. ²²Yamweya yakhali makolo ya mabanja ya wene Yuda, omwe adakwana amuna bzulu makumi manomwe na madzana machanu.²³Mbanja ya wene Isakara yakhali aya: Kudzera mwa Tola, kholo la banja la weneTola, kudzera mwa Pua, kholo la banja la wene Pua, ²⁴kudzera mwa Yasubi, kholo la banja la wene Yasubi, kudzera mwa Simironi, kholo la banja la wene Simironi. ²⁵Yamweya yakhali mabanja ya Isakara, omwe adakwana bzulu makumi matanthatu na manayi na madzana matatu.²⁶Mabanja ya wene Zebuloni yakhali aya: Kudzera mwa Seredi, kholo la banja la wene Seredi, kudzera mwa Eloni, kholo la banja la wene Eloni, kudzera mwa Yaleli, kholo la banja la wene Yaleli. ²⁷Yamweya yakhali mabanja ya wene Zebuloni, omwe adakwana bzulu makumi matanthatu na madzana machanu.²⁸Mabanja ya wene Yosefe yakhali Manase na Efraimu. ²⁹Wa mbeu ya Manase akhali awa: kudzera mwa Makuri, kholo la banja la wene Makiri (Makiri akhali babache wa Gileadi), kudzera mwa Gileadi, kholo la banja la wene Gileadi.³⁰Wa mbeu ya Gileadi akhali awa: Kudzera mwa Lezeri, kholo la banja la wene Lezeri, kudzera mwa Heleki, kholo la banja la wene Heleki, ³¹kudzera mwa Asirieli, kholo la banja la wene Aserieli, kudzera mwa Sekemu, kholo la banja la wene Sekemu, ³²kudzera mwa Semida, kholo la banja la wene Semida, kudzera mwa Heferi, kholo la banja la wene Heferi.³³Zelofekadi mwana wachimuna wa Heferi akhalibe wana wachimuna, soma wana wachikazi okhaokha. Madzina ya wanache wachikaziwo yakhali Mala, Nowa, Hogila, Milika, na Tiriza. ³⁴Yamwewa yakhali mabanja ya Manase, omwe adakwana bzulu makumi machanu na bziwiri na madzana manomwe.³⁵Mabanja ya mbeu ya Efraimu yakhali: Kudzera mwa Sutera, kholo la banja la wene Sutela, kudzera mwa Bekeri, kholo la banja la wene Bekeri, kudzera mwa Tahani kholo la banja la wene Tahani. ³⁶Wa mbeu ya a Sutela akhali, mwa Erani, kholo la banja la wene Eranite. ³⁷Yamweya yakhali mabanja ya mbeu ya Efraimu, omwe akhadakwana amuna bzulu makumi matatu na bziwiri na madzana machanu. Amwewa akhali wa mbeu a Yosefe, kulewengewa wense pa mabanja yaoka yaokha.³⁸Mabanja ya wa mbeu ya a Benjamini yakhali aya: Kudzera mwa Bela, banja la wene Bela, kudzera mwa Asibeli, banja la wene Asibele, kudzera mwa Ahiramu, banja la wene Ahiramu, ³⁹kudzera mwa Sefufa, kholo la banja la wene Sufufa, kudzera mwa Hufami, kholo la banja la wene Hufami. ⁴⁰Wa mbeu ya Bela akhali Aridi na Naamani. Kuchoka Aridi padabwera banja la wene Aridi, na kuchoka kuna Naamani padabwera banja la wene Naamani. ⁴¹Yamweya yakhali mabanja ya wene Benjamini. Iwo adakwana amuna bzulu makumi manayi na bzichanu na madzana matanthatu.⁴²Mabanja ya wa mbeu ya Dani yakhali, kudzera mwa Suhamu, mabanja ya wene Suhamu. Aya yakhali mabanja ya wa mbeu ya Dani. ⁴³Mabanja yensene ya wene Suhamu yadakwana amuna bzulu makumi matanthatu na manayi na madzana manayi.⁴⁴Mabanja ya wambeu ya wene Aseri yakhali aya: Kudzera mwa Imina, mabanja ya kholo la wene Yimna, kudzera mwa Yisivi, mabanja ya wene Isivi, ,kudzera mwa Beriya, banja la wene Berite. ⁴⁵Wa mbeu ya Beriya akhali awa: Kudzera mwa Heberi, kholo la banja la wene Heberi, kudzera mwa Malikieli, banja la wene Malikieli. ⁴⁶Dzina la mwana wachikazi wa Aseri likhali Sera. ⁴⁷Yamweya yakhai mabanja ya wambeu ya Aseri, omwe adakwana amuna bzulu makumi machanu na bzitatu na madzana manayi.⁴⁸Mabanja ya wene Nafitali yakhali aya: Kudzera mwa Yazeli, ndiye kholo la banja la wene Yazeli, kudzera mwa Guni, ndiye kholo la banja la wene Guni, ⁴⁹kudzera mwa Yezeri, ndilo kholo la banja la wene Yezeri, kudzera mwa Silemi, ndilo kholo la banja la wene Silemi. ⁵⁰Yamweya yakhali mabanja ya wambeu ya Nafitali, omwe akhakwana bzulu makumi manayi na bzichanu na madzana manayi.⁵¹Uku kukhali kumaliza kulewenga kwa wana wa Isaraeli: Bzulu madzana matanthatu na chibodzi na madzana manomwe na makumi matatu.⁵³Yahova adasewera na Mose achiti, ⁵²''Dziko ligawiwe pakati pa wanthuwa kukhala chakusiiriwa chawo kutengera kuwanda kwa madzina yawo.⁵⁴Kuna mabanja makulu uyape chakusiiriwa chizinji, apo kuna mabanja mang'ono uyape chakusiiriwa chakuchepa. Kuna banja lirilense ulipe chakusiiriwa kutengera kawandidwe kawanthu omwe adalewengiwa. ⁵⁵Tsono, dziko ligawidwe pakuchita m'bvimiro. Iwo agawiriwe dziko kutengera madzina ya madzinza ya abereki wawo. ⁵⁶Chakusiiriwa chawo chigawidwe pakati pa mabanja makulu na mang'ono, kugawidwa kuna iwo pa kuchita m'bvimiro.''⁵⁷Mabanja ya Alevi, yakulewengiwa banja na banja, yakhali aya: Kudzera mwa Gerisoni, banja la kholo la wene Gerisoni, kudzera mwa Kohati, banja la kholo la wene Kohati, kudzera mwa Merari, banja la kholo la wene Merari. ⁵⁸Mabanja ya Alevi yakhali aya: banja la wene Libini, banja la wene Hebroni, na banja la wene Korahi. ⁵⁹Dzina la mkazi wa Amuramu likhali Yokebedi, wa mbeu ya Alevi, omwe adabadwa kuna alevi mu Aigupto. Iye adam'balira Amuramu wana wawo, omwe akhali Aroni, Mose, na Miriamu nana wawo.⁶⁰Kuna Aroni kudabadwa Nadabu na Abihu, Eleazara na Itamara. ⁶¹Nadabu na Abihu adafa nthawe ndizo iwo adabweresa pamaso pa Yahova moto wachilendo. ⁶²Amuna omwe adalewengiwa pakati pawo adakwana bzulu makumi mawiri na bzitatu, amuna wense wa mwezi m'bodzi na kukwira. Soma iwo alibe kulewengiwa pakati pa wambeu ya a Isaraeli thangwe palibe chakusiiriwa chidaperekiwa kuna iwo pakati pa wana wa Isaraeli.⁶³Awa akhali omwe adalewengiwa na Mose na Eleazara wansembe. Iwo adalewenga wana wa Isaraeli mchigwa cha Moabu kufupi na Yorodano na Yeriko. ⁶⁴Soma pakati pa iwowa pakhalibe mwamuna omwe akhadalewengiwa na Mose na Aroni wansembe nthawee ndizo wa mbeu ya Isaraeli adalewengiwa mchipululu cha Sinai.⁶⁵Thangwe Yahova akhadalewa kuti wanthu wense amwewo amdzafera mchipululu. Pakhalibe munthu waiwo wakusala, kupambula Kalebe mwana wachimuna wa Yefune na Yoswa mwana wachimuna wa Nuni.

27¹Ndiye kuna Mose adabwera wana wachikazi wa Zelofehadi mwana wachimuna wa Hefere mwana wachimuna wa Gileadi mwana wachimuna wa Makiri mwana wachimuna wa Manase, wa mabanja ya Manase mwana wachimuna wa Yosefe. Aya yakhali madzina ya wanache wachikazi: Mahila, Nowa, Hogila, Milika, na Tiriza.²Iwo adaima pamaso pa Mose, Eleazara wansembe, akuluakulu, na pamaso pa thimu lense lawanthu pa msuwo wachihema chakugumanirana. Iwo adati, ³''Babathu adafa mchipululu. Iye akhali lini phati la wanthu ndiwo adagwezekana pabodzi kugaza Yahova, mu thimu la Kora. Iye adafera chakuphonya chache chaicho, apo akhalibe wana wachimuna.⁴Thangweranyi dzina la babathu lipfudzike pakati pa mabanja yache thangwera kuti iye akhalibe mwana wachimuna? Tipaseni dziko lathu lathu pakati pa abale wa babathuyo.'' ⁵Ndiye Mose adabweresa mulandu wawo pamaso pa Yahova.⁶Yahova adasewera na Mose achiti, ⁷''Wana wachikazi wa Zelofehadi alikusewera mwakuteweza. Uwapase iwo chawo chawo chakusiiriwa pakati pa abale wa babawo, apo uwonesese kuti chakusiiriwa cha babawocho chifike kuna iwo. ⁸Usewere na wana wa Isaraeli mkulewa, 'Penu mwamuna anisaika seye mkusiya mwana wachimuna, ndiye uchtite bzakuti chakusiiriwa chache chiyende kuna mwanache wachikazi.⁹Penu iye alibe mwana wachikazi, ndiye upereke chakusiiriwacho kuna azimano wache. ¹⁰Penu iye alibe azimano wache, ndiye upereke chakusiiriwa chache kuna azimano wa babache. ¹¹Penu babachewo alibe azimano wawo, ndiye upereke chakusiiriwa chache kuna m'bale wache wapafupi wa m'banja mwache, apo achitenge kukhala chache. Ili ni lamulo lakukhazikisiwa na mayeruzo pala wana wa Isaraeli, ninga ndimo,Yahova wanditongera ine.''¹²Yahova adati kuna Mose, ''Ndoko kwira paphiri la Abarimu apo ukaone dziko ndilo ndalipereka kuna wana wa Isaraeli. ¹³Ungamala kuliona, iwepo, pomwe, umdzachemeriwa kuyenda kuna wanthu wako, ninga Aloni m'bale wako. ¹⁴Ichi chimdzachitika thangwera iwepo pomwe udapikisana na chitongi changu mchipululu cha Zini panthawe ya ndeu ya kugazana nande thimulo. Pompale, nthawe ndizo madzi yadayerera kuchoka kuthanthwe, mwaukali bwako udatazira kundilemekeza ine ninga wakupambulika pamaso pa thimu lensene la wanthu.'' Aya ni madzi ya Meriba Kadesi mchipululu cha Zini.¹⁵Ndiye Mose adasewera kuna Yahova achiti, ¹⁶''Imwe, Yahova, Mulungu wa mizimu ya wanthu wense, ikhani munthu pakati pa wanthu, ¹⁷mwamuna wakuti angabule kuyenda achibwera muno pamaso pawo achiwatsogolera kunja achiwabweresa muno, pala kuti thimu lawanthu wanu nampodi likhale ninga mabira yakusaya makabusa.''¹⁸Yahova adati kuna Mose, ''Tenga Yoswa mwana wachimuna wa Nuni, munthu omwe mwa iye Mzimu wangu umbakhala, apo ubzatike boko lako pa iye. ¹⁹Umuikhe iye pamaso pa Eleazara wansembe na pamaso pa wanthu wensene, mkumutonga iye pamaso pawo kuwatsogolera.²⁰Umuikhe bwina mwa ulemerero bwako mwa iye, pala kuti thimu lense la wana wa Isaraeli amubvere iye. ²¹Iye amdzayenda pamaso pa Eleazara wansembe kukapsaga bzakufuna bzangu na chiyeruzo cha Urimu. Chimdzakhala na kutonga kwache kuti wanthu amdzabula na kubwera muno, iye na wana wense wa Isaraeli na iye, thimu lense lawanthu.''²²Ndiye Mose adachita ninga ndimo Yahova adamtongera iye. Iye adatenga Yoswa achimuikha pamaso pa Eleazara wansembe na thimu lense lawanthu. ²³Mose adabzatika manja yache pa iye achimutonga iye kutsogolera, ninga Yahova akhadamutongera iye kuchita.

28¹Yahova adasewera na Mose achiti, ²''Tonga wana wa Isaraeli apo ulewe kuna iwo, 'Mumbapereke bzakupereka kuna ine pa nthawe zache zakuikhika, chakudya cha nsembe zangu zamoto zakuchosa pfungo lakununtchira pala ine.³Ulewe pomwe kuna iwo, 'Iyi ndiyo nsembe yamoto ndiyo mumbapereke kuna Yahova---mwana wa bira wa gole libodzi wakusaya mphitcha, kukhala chakupereka chakupserereza chakusaya kulekeza. ⁴Mwana m'bodzi wa bira mumbapereke machibese, apo mwana winango wabira mumbapereke kumaulo. ⁵Mumbapereke chakhumi cha efa wa ufa bzakunyodoka kukhala chakupereka cha ufa, kusanganiza na gawo libodzi la manayi ya hini wa mafuta yakusikinya.⁶Iyi ni nsembe yakusaya kulekeza ndiyo idatongewa pa Phiri la Sinai kuchosa pfungo lakununtchira, nsembe ya moto kuna Yahova. ⁷Nsembe yakuthira yomwe na iyo ikhale gawo libodzi la manayi ya hini ya m'bodzi wa wana wa bira. Ambatsanulire pa mbuto yakupambulika nsembe yakuthira ya chakumwa chakulimba kuna Yahova. ⁸Mwana winango wabirayo mumbampereke kumaulo pabodzi na nsembe ya ufa ninga mwapereka machibese ile. Mumbapereke pomwe nsembe inango pabodzi nayo, nsembe yamoto, kuchosa pfungo lakununtchira pala Yahova.⁹Pa nsiku ya Sabudu mumbapereke nsembe ya tuatonde tuwiri twa mabira twa gole libodzi twakusaya mphitcha, na magawo mawiri ya khumi ya efa wa ufa bwakunyodoka kukhala chakupereka cha ufa, chakusanganiza na mafuta, na nsembe yakuthira pabodzi nayo. ¹⁰Iyi ni nsembe yakupserereza ya nsiku iriyense ya Sabudu, kuphatanidza na nsembe yakupserereza yakusaya kulekeza na nsembe yakuthira pabodzi nayo.¹¹Pakutoma pa mwezi uliwense, mumbapereke nsembe yakupserereza kuna Yahova. Mumbapereke tumikono twa ng'ombe tuwiri, tonde m'bodzi wa bira, na wana watonde wa bira anomwe wa gole libodzi wakusaya mphitcha. ¹²Mumbapereke pomwe magawo matatu ya khumi ya efa wa ufa bwakunyodoka kukhala chakupereka cha ufa kusanganiza na mafuta pa mkono uliwense wa ng'ombe, na magawo mawiri ya khumi ya ufa bwakunyodoka kukhala nsembe ya ufa kusanganiza na mafuta pala tonde m'bodzi wa bira. ¹³Mumbapereke pomwe gawo libodzi ya khumi ya efa wa ufa bwakunyodoka kusanganiza na mafuta kukhala nsembe ya ufa ya ntchere iriyense ya bira. Iyi mkukhala nsembe yakupserereza, kuchosa pfungo lakununtchira, nsembe ya moto kuna Yahova.¹⁴Chakupereka chawanthu chakuchita kuthira chikhale meya ya hini wa vinyu cha mkono wa ng'ombe, gawo lachitatu la hini wa tonde wa bira, na gawo libodzi la manayi ya hini ya ntchere ya bira. Iyi mkukhala nsembe yakupserereza ya mwezi na mwezi ate miyezi yensene ya gole. ¹⁵Tonde wambuzi m'bodzi aperekiwe kukhala chakupereka chakuphonya kuna Yahova. Iyi imdzakhala kuphatanidza na nsembe yakupserereza yakusaya kulekeza na nsembe yache yakuthira nayo pabodzi.¹⁶Mkati mwa mwezi wakutoma, pa nsiku yakhumi na chinayi ya mwezi, pamdzakhala Pasaka ya Yahova. ¹⁷Pa nsiku ya khumi na chichanu ya mwezi umweyu pamchitika madyerero. Kwa nsiku zinomwe, ambadye mkate wakusaya chakufufumisa. ¹⁸Pa nsiku yakutoma, pakhale mtsonkhano wakupambulika kulemekeza Yahova. Nampodi kuphata basa la nsiku zense pa nsiku yoyi.¹⁹Tsono, mupereke nsembe ya moto, nsembe yakupserereza ya Yahova. Mupereke nsembe tumphulu tumuna tuwiri twa ng'ombe, tonde m'bodzi wa bira, na nchere zinomwe za mabira za gole libodzi, zakusaya mphitcha. ²⁰Pabodzi na ng'ombe imunayo, mupereke nsembe ya ufa ya magawo matatu ya khumi ya efa wa ufa bwakunyodoka kusanganiza na mafuta, na pabodzi na tonde wabira, magawo mawiri ya khumi. ²¹Pabodzi na iriyense ya ntchere zinomwe za mabirazo, mupereke libodzi la magawo khumi ya efa wa ufa bwakunyodoka kusanganiza na mafuta, ²²na tonde m'bodzi wa mbuzi kukhala chakupereka chakuphonya kukhala chakutetezera imwepo.²³Mupereke zozi kuphatanidza na nsembe yakupserereza yakusaya kulekeza yakufunikira machibese yaliyense. ²⁴Ninga alewera apamu, mumbapereke bzakupereka bzobzi nsiku iriyense, pala nsiku zinomwe za Pasaka, chakudya cha nsembe chakukonziwa pa moto, pfungo lakudekera Yahova. Iperekiwe kuphatanidza na nsembe yakupserereza na nsembe yakuthira pabodzi nayo. ²⁵Pa nsiku yachinomwe mudzakhale na mntsonkhano wakupambulika kulemekeza Yahova, apo nampodi kumbachita mabasa ya nsiku zense pa nsiku yoyo.²⁶Pa nsiku pomwe ya bzipaso bzakutoma kukhuma, mungapereka nsembe ipsa ya ufa kuna Yahova Msumana za Madyerero yanuyo, mumbakhale na mtsonkhano wakupambulika kulemekeza Yahova, apo nampodi kuphata mabasa ya nsiku zense pa nsiku yoyo. ²⁷Mumbapereke nsembe yakupserereza kuchosa pfungo lakununtchira kuna Yahova. Mupereke nsembe mphulu ziwiri zing'ono za ng'ombe, tonde wabira m'bodzi, na ntchere zamabira zinomwe zagole libodzi. ²⁸Perekani pomwe nsembe ya ufa kuyenda nazo: Ufa bwakunyodoka kusanganiza na mafuta, magawo matatu ya khumi ya efa wa ufa bwakunyodoka kusanganiza na mafuta pala mkono uliwense wa ng'ombe na magawo mawiri ya khumi pa tonde wabira aliyense.²⁹Perekani nsembe ya efa wa ufa bwakunyodoka kusanganiza na mafuta pa iriyense ya ntchere ya mabira, ³⁰na tonde m'bodzi wa mbuzi kukhala chakutetezera cha imwe mwekha. ³¹Mungapereka nyama zozo zakusaya mphitcha, pabodzi na nsembe yakuthira, iyi ikhale mwakuphatanidza na nsembe yakupserereza yakusaya kulekeza na nsembe ya ufa bwa iyo.

29¹Mkati mwa mwezi wachinomwe, pa nsiku yakutoma ya mwezi, mumbakhale na mtsonkhano wakupambulika kulemekeza Yahova. Nampodi kumbachita mabasa ya nsiku zensene nsiku yoyo. Imdzakhala nsiku ndiyo mumbadzafulize malipenga.²Mudzapereke nsembe yakupserereza kuchosa pfungo lakununtchira kuna Yahova. Mudzapereke nsembe mkono ung'ono ubodzi wa ng'ombe, tonde wabira m'bodzi, na ntchere zimuna zinomwe zamabira za gole libodzi, iriyense yakusaya mphitcha.³Mupereke nawo nsembe yawo yaufa, ufa bwakunyodoka bwakusanganiza na mafuta, magawo matatu ya khumi ya efa pala ng'ombeyo, magawo mawiri ya khumi ya tonde wabira, ⁴na gawo libodzi la khumi la ntchere yabira iriryense pa ntchere zinomwepo. ⁵Upereke nsembe tonde wa mbuzi m'bodzi kukhala nsembe ya kuphonya pala chakutetezera cha imwe mwekha.⁶Chitani nsembezi mu mwezi wachinomwe kuphatanidza na nsembe ndizo mumdzachita pakutoma pa mwezi uliwense: nsembe yapadera yakupserereza na nsembe ya ufa kusangana nayo. Ibzi bzikhale mwakuphatanidza na nsembe zakupserereza zakusaya kulekeza, nsembe yache ya ufa, na nsembe zache zakuthira. Pakuchita nsembe zozi, mumdzabvera mayeruzo ndiyo yaperekiwa kuchosa pfungo labwino, nsembe ya kukonza na moto kuna Yahova.⁷Pa nsiku yachikhumi ya mwezi wakutoma mumbakhale na mtsonkhano wakupambulika kulemekeza Yahova. Mumbabzichepese mwekha apo nampodi kuphata basa. ⁸Mumbapereke nsembe yakupserereza kuchosa pfungo lakukoma kuna Yahova. Mumbapereke mkono ubodzi ung'ono wa ng'ombe, tonde m'bodzi wa bira, na ntchere zinomwe za mabira za gole libodzi. Iriyense ikhale yakusaya mphitcha.⁹Mumbapereke nawo nsembe yaufa, ufa bwakunyodoka bwakusanganiza na mafuta, magawo matatu ya khumi ya efa pala ng'ombeyo, magawo mawiri ya khumi pala tonde wabirayo, ¹⁰na gawo libodzi la khumi la efa pala iriyense ya ntchere zinomwe za birazo. ¹¹Mumbapereke mbuzi ibodzi imuna ninga chakupereka chakuphonya. Iyi imdzakhala nsembe yakuphonya yakutetezera, nsembe yakupserereza yakusaya kulekeza, nsembe yache ya ufa, na nsembe zawo zakuthira.¹²Pa nsiku yachikhumi na chichanu ya mwezi wachinomwe mudzakhale na mtsonkhano wakupambulika kulemekeza Yahova. Nampodi kuphata basa la nsiku zense nsiku yoyo, apo mumbasekerere msinda wache wamadyerero nsiku zinomwezo. ¹³Mumbapereke nsembe yakupserereza, nsembe yakukonza na moto kuchosa pfungo lakukoma pala Yahova. Mupereke mikono ming'ono ming'ono khumi na mitatu ya ng'ombe, atonde awiri wamabira, na ntchere zimuna khumi na zinayi za mabira zagole libodzi. Iriyense ikhale yakusaya mphitcha.¹⁴Mumbapereke pabodzi nazo nsembe ya ufa, ufa bwakunyodoka kusanganiza na mafuta, magawo matatu ya khumi ya efa pa mkono uliwense pa mikono khumi na mitatuyo, magawo mawiri ya khumi ya bira aliyene pa mabira mawiriyo, ¹⁵na gawo libodzi la khumi la efa pala iriyense ya ntchere khumi na zinayi za mabirazo. ¹⁶Mupereke nsembe mbuzi ibodzi imuna kukhala chakupereka chakuphonya kusangana na nsembe yakupserereza yakusaya kulekeza, nsembe yache ya ufa, na nsembe yakuthira pabodzi nayo.¹⁷Pa nsiku yachiwiri ya mtsonkhano, mudzapereke mikono ming'ono khumi na miwiri ya ng'ombe, atonde awiri wa mabira, na ntchere zimuna khumi na zinayi za mabira za gole lobodzi zakusaya mphitcha. ¹⁸Muchite nazo nsembe za ufa na nsembe zakuthira pala ng'ombezo, pala atonde wa mabirawo, na pala ntchere zamabirazo, kukhala nsembe zizinjitsa ninga ndimo zidalewedwera. ¹⁹Mupereke mbuzi ibodzi imuna kukhala nsembe yakuphonya kuphatanidza na nsembe yakupserereza yakusaya kulekeza, nsembe yache ya ufa, na nsembe zawo zakuthira.²⁰Pa nsiku yachitatu ya mtsonkhano, mudzapereke nsembe mikono khumi na ubodzi ya ng'ombe, atonde awiri wa mabira, na ntchere zimuna khumi na zinayi zamabira za gole libodzi, iriyense yakusaya mphitcha. ²¹Mukonze nazo nsembe yaufa na nsembe zakuthira pala mikono ya ng'ombe, pala atonde wamabirawo, na pala ntchere zamabirazo, kukonza nsembe zizinji ninga zidatongedwera. ²²Mupereke mbuzi ibodzi imuna kukhala nsembe yakuphonya kusangana na nsembe yakupserereza yakusaya kulekeza, nsembe yache ya ufa, na nsembe zawo zakuthira.²³Pa nsiku yachinayi ya mtsonkhano, mupereke nsembe ng'ombe khumi zimuna, atonde awiri wa mabira, na ntchere khumi na zinayi za mabira za gole libodzi, iriyense yakusaya mphitcha. ²⁴Muchite nazo nsembe ya ufa na nsembe zakuthira pala ng'ombezo, pala mabirayo, na pala ntchere zamabirazo, kuchita nsembe zizinjitsa ninga ndizo zidalinganiziwa. ²⁵Mupereke mbuzi ibodzi imuna kukhala nsembe yakuphonya kuphatanidza na nsembe yakupserereza yakusaya kulekeza, nsembe yache ya ufa, na nsembe zawo zakuthira.²⁶Pa nsiku yachichanu ya mtsonkhano, mupereke nsembe ng'ombe zipfemba zimuna, atonde awiri wamabira, na ntchere khumi na zinayi za mabira za gole libodzi, iriyense yakusaya mphitcha. ²⁷Muchite nazo nsembe ya ufa na nsembe zakuthira pala ng'ombezo, pala mabirayo, na pala ntchere zamabirazo, kukhala nsembe zizinjitsa ninga zidatongewera. ²⁸Mupereke nsembe mbuzi ibodzi imuna kukhala nsembe yakuphonya kuphatanidza na nsembe yakupserereza yakusaya kulekeza, nsembe yache ya ufa, na nsembe zawo zakuthira.²⁹Pa nsiku yachitanthatu ya mtsonkhano, mupereke nsembe ng'ombe zimuna zisere atonde awiri wa mabira, na ntchere khumi na zinayi za mabira za gole libodzi, iriyense yakusaya mphitcha. ³⁰Muchitite nazo nsembe za ufa na nsembe zakuthira pala ng'ombezo, pala mabirayo, na pala ntchere zamabirazo, kukhala nsembe zizinjitsza ninga ndimo bzidatongedwera. ³¹Mupereke nsembe mbuzi ibodzi imuna kukhala nsembe yakuphonya kuphatanidza na nsembe yakupserereza yakusaya kulekeza, nsembe yache ya ufa, na nsembe zawo zakuthira.³²Pa nsiku yachinomwe ya mtsonkhano, mupereke nsembe ng'ombe zinomwe zimuna, atonde awiri wa mabira, na ntchere khumi na zinayi za mabira za gole libodzi, iriyense yakusaya mphitcha. ³³Muchite nazo nsembe ya ufa na nsembe zakuthira pala ng'ombe zimunazo, pala atonde wamabirawo, na pala ntchere zamabirazo, kukhala nsembe zizinjitsa ninga ndimo bzidatongewera. ³⁴Mupereke nsembe mbuzi ibodzi imuna kukhala nsembe yakuphonya kuphatanidza na nsembe yakupserereza yakusaya kulekeza, nsembe yache yaufa, na nsembe zawo zakuthira.³⁵Pa nsiku yachisere mumbakhale na mtsonkhano wina wakuletsa. Nampodi kumbaphata basa pa nsiku zense pa nsiku yoyo. ³⁶Mumbachite nsembe yakupserereza, nsembe yakukonza na moto kuchosa pfungo lakukomera Yahova. Mumbapereke nsembe ng'ombe ibodzi imuna, tonde m'bodzi wa bira, na ntchere zinomwe zimuna za mabira za gole libodzi, iriyense yakusaya mphitcha.³⁷Mumbapereke nsembe yawo ya ufa na nsembe zawo zakuthira pala ng'ombe imuna, pala tonde wa birayo, na pala ntchere zamabirazo, kukhala nsembe zizinjitsa ninga bzidatongewera. ³⁸Mumbapereke nsembe mbuzi ibodzi imuna kukhala nsembe yakuphonya kuphatanidza na nsembe yakupserereza yakusaya kulekeza, nsembe yache ya ufa, na nsembe zawo zakuthira.³⁹Ibzi ndibzo mumbapereke kuna Yahova pa misinda yanu yamadyerero yakukhazikika. Ibzi bzikhale na kuphatanidza na bzakutoma kukhuma na bzakupereka bzanu bzaufulu. Mumbapereke bzobzi kukhala nsembe zakupserereza, nsembe za ufa, nsembe zakuthira, na nsembe zakutenda. ⁴⁰Mose adauza wana wa Isaraeli chirichense ndicho Yahova akhadamutonga iye kusewera.

30¹Mose adasewera na akulu wa madzinza ya wana wa Isaraeli. Iye adati, ''Ibzi ndibzo Yahova watonga. ²Munthu angachita lumbiro kuna Yahova, ayai kulumbirira lumbiro lakulonjeza kubzimangirira iye yekha, nampodi ambapse mafala yache. Iye ambakoye pangano lache kuchita chirichense ndicho chabula mkamwa mwache.³Penu mkazi dende wakukhala mnyumba mwa babache amchita lumbiro kuna Yahova mkubzimangirira yekha na lumbirolo, pomwe ali papfuwa pa babache, ⁴penu babachewo anibva lumbiriro la mpangano ndilo iye wabzimanga nalo yekha, apo penu iwo anilewa lini chinthu chakumutawira iye, ndiye bzakulumbirira bzache bzensenebzo bziniyamba kuphata basa, apo chakubzilambiza chirichense wamanga nacho moyo wache chinikhazikika.⁵Soma penu babachewo animulambiza iye pomwe iwo anibva bzobzo, neye libodzi la lumbiriro lache ayai chakubzilambiza chache ndicho iye adabzimangirira nacho chimdzakhazikika; Yahova amdzamulekerera iye thangwe babache amulambiza.⁶Penu iye aniloodwa na mwamuna atachita lumbiriro ayai milomo yache kuterereka kusewera lumbiriro lapezi ndilo wabzimangirira nalo yekha, ⁷apo bayache mkulibva ilo soma neye kulewa chinthu kuna iye, ndiye malumbiriro yache yamdzakhazikika, na bzakubzilambiza adamanga nabzo moyo wache bzimdzakhazikika.⁸Soma penu bayache animulambiza nsiku yakubzibva ibzo, ndiye kuti zjai wadumulula lumbiriro ndilo iye adachitalo, kusewera mwapezi kwa milomo yache akhadabzimanga nako yekha moyo wacheko, apo zjai Yahova amdzamulekerera nako iye.⁹Soma lumbiriro lirilense la mkazi mmasiwa ayai mkazi wakuzimbuliwa limdzakhazikika kumugaza iye. ¹⁰Penu mkazi adalumbira lumbiro mnumba ya bayache ayai kubzimanga yekha na lonjezo la lumbiriro, ¹¹apo bayache mkulibva soma seye kulewa chinthu kuna iye apo iye mwamunayo neye kumgaza mkaziyo, ndiye bzakulumbirira bzache bzensene bzimdzakhazikika, na bzakubzilambiza bzense ndibzo iye adabzimanga nabzo moyo wache bzimdzakhazikika.¹²Soma penu bayache am'bzipfudza ibzo nsiku yakubzibva, ndiye chirichense chakubula pamilomo yache kuguma malumbiriro yacheyo ayai malonjezo bzimdzakhazikika lini. Bayache wabzipfudza ibzo, apo Yahova amdzamulekerera mkaziyo.¹³¹⁴Mpangano uliwense na lumbiriro lakumangirira moyo lakumutsautsa iye, bayache angalichitise kukhazikika ayai bayache kulipfudza. Soma penu bayache anilewa lini chinthu kuna iye kuchoka nsiku kukafika nsiku, ndiye kuti wabvumiza malumbiriro yache yensene na malonjezo yakumangirira moyo ndiyo iye wachita, apo iyo yamdzakhazikika, thangwe iye alibe kulewa chinthu kuna iye pa nsiku ndiyo adabzibva ibzo.¹⁵Penu bayache anipfudza malumbiriro ya mkazache atamala kuyabva, ndiye amdzasenza ndiye mphumbza zachezo.'' ¹⁶Aya ni manemba ndiyo Yahova adatonga Mose kulengeza--- manemba ndiyo yali pakati pa mwamuna na mkazache na pakati pa baba na mwanache wachikazi pomwe iye akali mchitsikana m'banja mwa babache.

31¹Yahova adasewera na Mose achiti, ²''Abwezereni a Midyani pa bzomwe adachita kuna wana wa Isaraeli. Kumala kuchita bzobzo, umdzafa uchikhongobzewa kuyenda kuna wanthu wako.³Ndiye Mose adasewera kuna wanthuwo. Iye adati, ''Apeni bzida bwa nkhondo amuna wanu wina pala kuti akamenyane na a Midyani mkukabwezera chilango cha Yahova. ⁴Dzinza lirilense mu Isaraeli mwensene litumize achikunda wa nkhondo wakukwana chulu chibodzi chibodzi kunkhondo.'' ⁵Ndiye kuchoka mwa achikunda bzulu na bzulu wa Isaraeli, chulu chibodzi chibodzi kuchoka mdzinza lirilense adaperekewa kuchoka mmabanja ya Isaraeli, amuna bzulu khumi na bziwiri wa bzida bza nkhondo.⁶Ndiye Mose adawatumiza iwo ku nkhondo, chulu chulu kuchokera mdzinza lirilense, pabodzi na Fineyasi mwana wachimuna wa Eleazara wansembe, na bzipangizo bzakuchoka kumbuto yakupambulika na malipenga mmanja mwache pala kulizira bzilatizo. ⁷Iwo adamenyana na a Midyani, ninga ndimo Yahova akhadamtongera Mose. ⁸Iwo adapha mwamuna aliyense. Iwo adapha mafumu ya a Midyani pabodzi na wakuphiwa wawo wina: Evi, Rekemu, Zuri, Huri, na Reba, mafumu machanu ya a Midyani. Iwo adapha pomwe na lupanga Balaamu mwana wachimuna wa Beori.⁹Wankhondo wa Isaraeli adaphata ukapolo azimayi wa a Midyani, wana wawo, ng'ombe zawo zensene, bzifuwo bzawo bzense, na vida yawo yensene. ¹⁰Iwo adatenga bzobzi ninga bzakupamba kunkhondo. Adatentha miyi yawo yensene yomwe iwo akhakhala na misasa yayo yensene.¹¹Iwo adatenga bzakupamba bzensebzo na wakuphatiwawo, wanthu na nyama kubodzi. ¹²Iwo adabweresa akaidi, bzakuba kunkhondo, na bzakudzonga kuna Mose, kuna Eleazara wansembe, na kuna thimu la wana wa Isaraeli. Iwo adabweresa ibzi ku msasa mbzidikha bza Moabu, bza kufupi na Yorodano kufupi na Yeriko.¹³Mose, Eleazara wansembe, na akulu akulu wense wa thimu la wanthu adayenda kukagumana nawo iwo kunja kwa msasa. ¹⁴Soma Mose adakalipa na bzakuchita bza anyamata wa nkhondo, akulu akul wa bzulu na bzulu na akapitawo wa madzana na madzana, omwe adabwerera kuchoka kukatumikira nkhondo. ¹⁵Mose adati kuna iwo, ''Mwakoya azimayi wensene na moyo?¹⁶Nyang'anani, azimayi amwewa adachitisa wana wa Isaraeli kudzera mwa kupanganiziwa na Balaamu, kuchita bzakusaya kukhulupirika kugazana na Yahova pa nkhani ya Peori, nthawe ndizo muliri udafalikira pakati pa thimu la Yahova. ¹⁷Tsapano ndiye, phani mwamuna aliyense pakati pa wana ang'ono, apo phani mzimayi aliyense omwe adadziwa kale mwamuna pakugona naye.¹⁸Soma koyani na moyo madende yensene yomwe yakanati kale kudziwa mwamuna pakugona naye yakhale yanu. ¹⁹Mwense wa imwe omwe mwapha munthu aliyense ayai kuphata aliyense wakufa mukhale kunja kwa msasa kwa nsiku zinomwe. Pa nsiku yachitatu na nsiku yachinomwe mubzichenese mwekha na wakuphatiwa wanuwo. ²⁰Muchenese chakubvala chirichense na chirichense chakukonzewa na khanda la nyama na ukuse bwa mbuzi, na chirichense chakukonzewa na muti.''²¹Eleazara wansembe adati kuna achikunda wense ndiwo akhadayenda kunkhondo. ''Nemba la chilamulo ndilo Yahova adatonga nalo Mose ndili: ²²Oro, siriva, mkuwa, fero, ndolo na mtobve, ²³na chirichense chakubvuma moto, mupitise mmoto, apo chimdzakhala chakuchenesiwa. kinangoko muchenese bzinthu bzobzo na madzi ya kuchenesera. Chirichense ndicho chingapite lini na pamoto muchichenese na madzi. ²⁴Mufule bzakubvala bzanu pa nsiku yachinomwe, apo mumdzakhala wakuchena. Kumala popo mukhoza tsapano kupita mu msasa wa Isaraeli.''²⁵Ndiye Yahova dasewera na Mose achiti, ²⁶''Iwepo na Eleazara wansembe na akulu wa thimu la wanthu mabanja ya abereki mulewenge bzinthu bzensene bzakubewa ku nkhondo ndibzo bzidatengiwa, wanthu na bzifuwo kubodzi. ²⁷Mugawe bzakubewabzo pawiri. Mugawire achikunda ndiwo akhadayenda ku nkhondo na thimu la wanthu lensene.²⁸Ndiye utsonkhese mtsonkho kupereka kuna ine kuchoka kuna achikunda omwe akhadayenda ku nkhondo. Mtsonkho umweyu ukhale wakuchokera mwa madzana machanu yaliyense, penu ni wanthu, ng'ombe, abulu, mabira, ayai mbuzi, ²⁹Tenga mtsonkho uyu kuchoka ku meya yawo mkupereka kuna Eleazara wansembe pala mtsonkho wa Yahova.³⁰Ku gawo la wana wa Isaraeli pomwe utenge munthu m'bodzi mwa wanthu makumi machanu---kuchoka kuna wanthu, ng'ombe, abulu, na mabira---kuchoka ku nyama zense. Upereke ibzi kuna Alevi wakukoya udikhiro bwa kachisi.'' ³¹Ndiye Mose na Eleazara wansembe adachita ndimo Yahova adatongera Mose.³²Tsapano bzakuba kunkhondo ndibzo bzidasalira kwa ndibzo wanthu wa ku nkhondowa akhadapondedza bzikhali mabira bzulu madzana matanthatu makumi manomwe na bzichanu, ³³ng'ombe bzulu makumi manomwe na bzichanu, ³⁴abulu bzulu makumi matanthatu na chibodzi, ³⁵na akazi bzulu makumi matatu na bziwiri omwe akhanati kale kudziwa mwamuna pakugona naye.³⁶Meya ndiyo idakoyewa pala achikunda idakwana mabira bzulu bzokha bzokha madzana matatu makumi matatu na bzinomwe, ³⁷apo mtsonkho wa Yahova wa mabira ukhali madzana matanthatu makumi manomwe na machanu. ³⁸Ng'ombe zikhali bzulu makumi matatu na bzitanthatu, yomwe mtsonkho wa Yahova ukhali makumi manomwe na mawiri.³⁹Mabulu yakhali bzulu makumi matatu na madzana machanu yomwe mtsonkho wa Yahova ukhali makumi matanthatu na m'bodzi. ⁴⁰Wanthu akhali akazi bzulu khumi na bzitanthatu, omwe mtsonkho wa Yahova ukhali makumi matatu na awiri, ⁴¹Mose adatenga mtsonkho omwe ukhali chakutsonkha kupereka kuna Yahova. Iye adaupereka kuna Eleazara wansembe, ninga Yahova adamtongera Mose.⁴²Angakhala wana wa Isaraeli meya ya omwe Mose adawatenga kuchoka kuna achikunda omwe akhadayenda kunkhondo--- ⁴³meya ya thimu la wanthu likhali mabira bzulu madzana matatu makumi matatu na bzinomwe, na madzana machanu, ⁴⁴ng'ombe bzulu makumi matatu na bzitanthatu, ⁴⁵mabulu bzulu makumi matatu na madzana machanu, ⁴⁶na akazi bzulu khumi na bzitanthatu.⁴⁷Kuchoka mwa gawo la wana wa Isaraeli, Mose adatenga munthu m'bodzi mwa makumi machanu, wanthu na bzifuwo kubodzi. Iye adawapereka kuna alevi omwe akhachita udikhiro bwa kachisi wa Yahova, ninga ndimo Yahova akhadamutongera iye kuchita.⁴⁸Ndiye anyamata wankhondo, akulu wa achikunda wa bzulu na bzulu na akapitawo wa madzana na madzana, adabwera kuna Mose. ⁴⁹Iwo adati kiuna Mose, ''Akapolo wanu alewenga achikunda omwe ali pa ulamuliro bwathu, apo palibe neye munthu m'bodzi ndiye palibe.⁵⁰Tabweresa nsembe ya Yahova, ndiyo munthu aliyense adayigumana, bzipangizo bza oro, njema, na bzibangiri, mphete, bzibangiri bzakudinda, mphete zakukhutu, na bzakubvala mkhosi, kukhala chakutetezera chathu pamaso pa Yahova.'' ⁵¹Mose na Eleazara wansembe adatambira kuchoka kuna iwo oro-- bzipangizo bzakudeka bzensene bzakusula pamanja,⁵²Oro wensene wakutsonkhezewa omwe adaperekiwa kuna Yahova---nsembe zakuchoka kuna akulu wankhondo wa bzulu na bzulu na kuchoka kuna akapitawo wa madzana na madzana---adalemera masekere bzulu khumi na bzitanthatu madzana manonwe na makumi machanu. ⁵³Mchikunda aliyense akhatenga bzakupondedzabzo, munthu aliyense bzache. ⁵⁴Mose na Eleazara wansembe adatenga oro kuchoka kuna akulu wa nkhondo wa bzulu na bzulu na akapitawo wa madzana na madzana. Iwo adabzitenga kuyenda nabzo mchihema chakugumanirana zjai kusanduka bzakusalira bza wana wa Isaraeli pala Yahova.

32¹Tsapano wa mbeu ya a Rubeni na a Gadi akhana bzifuwo bzizinji. Pomwe iwo adaona dziko la Yazeri na Gileadi, dzikolo likhali mbuto yakuthemera bzifuwo. ²Ndiye wa mbeu ya a Gadi na Rubeni adabwera kudzasewera na Mose, na Eleazara wansembe, na kuna thimu la wanthu. Iwo adati, ³''Uyu ni mndandanda wa mbuto ndizo ife tazizondera: Ataroti, Diboni, Yazeri, Nimra, Heseboni, Eleyali, Sebamu, Nebo, na Beoni.⁴Aya ni madziko ndiyo Yahova adayamenya pamaso pa thimu la Isaraeli, apo ni mbuto zabwino pala bzifuwo.'' Ife, akapolo wanu, tina bzifuwo bzizinji. Iwo adati, ⁵''Penu tagumana udidi mmaso mwanu, dzikoli mbaliperekiwe kuna ife, akapolo wanu, kukhala lathu lathu. Nampodi kutiyambusa ng'ambu ya Yorodano.''⁶Mose adatawira kuna wa mbeu ya a Gadi na Rubeni, ''Abale wanu ambayende kunkhondo pomwe imwepo muli tambalale pano? ⁷Thangweranyi kugwesa utofu mitima ya wana wa Isaraeli kuleka kuyenda mdziko ndilo Yahova wawapa iwo?⁸Abereki wanu adachita pomwe bzibodzibodzi nthawe ndizo ndidawatuma kuchoka ku Kadesi Barinea ukazondera kukazondera dziko. ⁹Iwo adakwira kuyenda ku Chigwa cha Esikolo. Adakaona dziko achigwesa utofu wana wa Isaraeli mwakuti adalamba kupita mdziko ndilo Yahova adawapa.¹⁰Ukali bwa Yahova budagaka pa nsiku yoyo, Iye adalumbirira achiti, ¹¹'Mchadidi palibe munthu ndiye adakwira kubula mu Aigupto, wakuyambira magole makumi mawiri na kupitirira, amdzaona dziko ndilo ndidalumbirira kuna Aburahamu, kuna Isaki, na kuna Yakobo, thangwe iwo alibe kunditewera na mtima wense, kupambula ¹²Kalebe mwana wachimuna wa Yefune Mkenizi, na Yoswa mwana wachimuna wa Nuni. Kalebe yekha na Yoswa ndiwo anditewera bwino bwino.'¹³Ndiye ukali bwa Yahova budagakira Isaraeli. Iye adachitisa iwo kudzungaira mchipululu kwa magole makumi manayi kufikira mbwado wensene omwe ukhadachita bzakuipa pamaso pache utadzongeka. ¹⁴Nyang'anani, mwalamuka nkhankha ya abereki wanu, kukhala wanthu wakuphonya kwakunyanya, kuthimizira ukali bwakugaka bwa Yahova pa Isaraeli. ¹⁵Mungaphinduka kulamba kumutewera iye, iye amdzamusiya Isaraeli mchipululu apo mumdadzonga wanthu wensenewa.''¹⁶Ndiye iwo adabwera pafupi na Mose achiti, ''Tibvumeni kumanga malitsito pano ya bzifuwo bzathu na miyi pala mabanja yathu. ¹⁷Tsono, ife patekha timdzakhala wakukonzeka na bzida kuyenda kunkhondo na wankhondo wa Isaraeli kufikira titawatsogolera kumbuto kwawo. Soma mabanja yathu yamdzakhala basi mmiyi ya malitsito thangwera wanthu winango omwe akukhala mdziko muno.¹⁸Timdzabwerera lini ku nyumba zathu kufikizana aliyense wa wana wa Isaraeli atatambira chakusiiriwa chache. ¹⁹Timdzatambira lini nawo pabodzi chakusiiriwa ku ng'ambu ina ya Yorodano, thangwe chakusiiriwa chathu chiri ng'ambu yakumachibese kwa Yorodano.''²⁰Ndiye Mose adawatawira iwo, ''Mungachita mukulewabzi, mungabvala bzida kuyenda pamaso pa Yahova kunkhondo, ²¹ndiye kuti aliyense munthu wabzida ayambuke Yorodano pamaso pa yahova, kufikira atathotha awengi wache kuchoka pamaso pache ²²apo dziko lagonjera Yahova pamaso pache. Ndiye kumala popo mukhoza kubwerera. Mumdzakhala wa lazau pamaso pa Yahova na pamaso pa Isaraeli. Dziko limweri limdzakhala lanu lanu pamaso pa Yahova.²³Soma penu muchita lini tenepo, nyang'anani mumdzakhala mwaphonyera Yahova. Khulupirirani kuti chakuphonya chanu chimdzakugumanani. ²⁴Mangani miyi ya mabanja yanu na makola ya mabira yanu; ndiye chitanidi mwalewabzi.'' ²⁵Wa mbeu ya a Gadi na Rubeni adalewa kuna Mose achiti, ''Akapolo wanu timdzachita ninga imwe, mbuyathu, mwatongera.²⁶Wanathu ang'ono, akazathu, ng'ombe zathu, na bzifuwo bzathu bzense bzimdzasala koko mmiyi ya Gileadi. ²⁷Tsono, ife, akapolo wanu, munthu aliyense ana bzidayo kukonzekera nkhondo, amdzayambuka pamaso pa Yahova kuyenda kunkhondo, ninga ndimo mbuyathu walewera.''²⁸Ndiye Mose adapereka malangizo kuguma iwo kuna Eleazara wansembe, kuna Yoswa mwana wachimuna wa Nuni, na kuna akulu wa mabanja ya abereki mdzinza la wana wa Isaraeli. ²⁹Mose adati kuna iwo, ''Penu wa mbeu ya Gadi na Rubeni aniyambuka namwe Yorodano, munthu aliyense wa bzida kukonzekera nkhondo pamaso pa Yahova, apo penu dziko linigonjera pamaso panu, ndiye mumdzawapa dziko la Gileadi kukhala lawo lawo. ³⁰Soma penu aniyambuka lini namwe ana bzida, akhale nayo madziko yawo yawo pakati panu mdziko la Kanani.''³¹Ndiye wa mbeu ya Gadi na Rubeni adatawira achiti, ''Ninga Yahova adalewera kuna ife, akapolo wanu, ibzi ndibzo titi tidzachite. ³²Timdzayambuka na bzida pamaso pa Yahova kuyenda mdziko la Kanani, soma chakusiiriwa chathuchathucho chimdzasala na ife ng'ambu ino ya Yorodano.''³³Ndiye kuna wa mbeu ya Gadi na Rubeni, na kuna pomwe meya ya dzinza la Manase mwana wachimuna wa Yosefe, Mose adapereka ufumu bwa Sihoni, mfumu ya Aamori, na Ogi, mfumu ya Basana. Iye adapereka kuna iwo dziko, mkugawira iwo miyi yache yensene na malire yawo, miyi ya dziko kuzungulira iwo.³⁴Wa mbeu ya Gadi adamanga papsa Diboni, Ataroti, Aroeri, ³⁵Atroti Sofani, Yazeri, Yogebeha, ³⁶Beti Nimira, na Beti Harani kukhala miyi yamalitsito na makola ya mabira.³⁷Wa mbeu ya Rubeni adamanga papsa Hesiboni, Eleale, Kiriataimu, ³⁸Nebo, Baal Meoni---madzina yawo kinangoka yadachinja, na Sibima. Iwo adapereka madzina inango ku miyi ndiyo adamanga papsayo. ³⁹Wa mbeu ya Makiri mwana wachimuna wa Manase adayenda ku Gileadi achikautenga kuchoka mmanja mwa Aamori omwe akhakhala momo.⁴⁰Ndiye Mose adapereka Gileadi kuna a Makiri, wene Manase, apo wanthu wache adakhala mwemo. ⁴¹Yairi, mwene Manase, adayenda achikatenga mizinda yache achikaisandula iyo Havoti Yairi. ⁴²Noba adayenda achikatenga Kenati na miyi yache kubodzi, apo adalichemera Noba, kuteweza dzina lache la iye.

33¹Aka kakhali kafambidwe ka wana wa Isaraeli atabula mdziko la Aigupto na magulu yawo yabzida pansi pa ulamuliro bwa Mose na Aroni. ²Mose adanemba mbuto kuchokera pomwe iwo adanyamukira kufika ndiko iwo adayenda, ninga adatongera Yahova. Uku kukhali kufamba kwawo, kanyamukidwe na kanyamukidwe.³Iwo adafamba kuchoka ku Remese muntha we ya mwezi wakutoma, kunyamuka pa nsiku yachichanu ya mwezi wakutoma. Machobese itamala Pasaka, wana wa Isaraeli adanyamuka padecha, pamaso pa Aigupto wensene. ⁴Ibzi bzidachitika nthawe ndizo Aigupto akhafuchira wana wawo wensene wakutoma, wale omwe Yahova adawapha pakati pawo, thangwe iye pomwe adachita mayeruzo pa milungu yawo.⁵Wana wa isaraeli adanyamuka kuchoka pa Remese achikamanga msasa pa Sukoti. ⁶Adanyamuka kuchoka pa Sukoti achikamanga msasa pa Etamu, kumphepete kwa chipululu. ⁷Adanyamuka kuchoka pa Etamu achibwerera mmambuyo ku Pi Hahiroti, komwe mkunyang'anizana na Baala Zefoni, komwe adakamanga msasa kunyang'anizana na Migido.⁸Kinangoka adanyamuka kuchoka pakunyang'anizana na Pi Hahiroti achigwata kudzera pakati pa nyanza kuyenda mchipululu. Iwo adafamba ulendo bwa nsiku zitatu mchipululu cha Etamu achikamanga msasa pa Mara. ⁹Adanyamuka kuchoka pa Mara achikafika pa Elimu. Pa Elimu pakhana mphuno za lowe khumi na ziwiri za madzi na miti ya kanjedza makumi manomwe. Pamwepo ndipo iwo adamanga msasa. ¹⁰Iwo adanyamuka kuchoka pa Elimu achikamanga msasa pafupi na Nyanza Ifwira.¹¹Iwo adanyamuka kuchoka ku Nyanza Ifwira achikamanga msasa mchipululiu cha Sini. ¹²Iwo adanyamuka kuchoka mchipululu cha Sini achikamanga msasa pa Dofika. ¹³Adanyamuka kuchoka pa Dofika achikamanga msasa pa Alusi. ¹⁴Adanyamuka kuchoka pa Alusi achikamanga msasa pa Refidimu, pomwe palibe kuoneka madzi pala kumwa wanthu.¹⁵Iwo adanyamuka kuchoka pa Refidimu achikamanga msasa mchipululu cha Sinai. ¹⁶Adanyamuka kuchoka mchipululu cha Sinai achikamanga msasa pa Kibroti Hataava. ¹⁷Adanyamuka kuchoka pa Kibroti Hatava achikamanga msasa pa Hazeroti. ¹⁸Adanyamuka kuchoka pa Hazeroti achikamanga msasa pa Ritima.¹⁹Adanyamuka kuchoka pa Ritima achikamanga msasa pa Rimoni Perezi. ²⁰Adanyamuka kuchoka pa Rimoni Perezi achiakmanga msasa pa Libina. ²¹Adanyamuka kuchoka pa Libina achikamanga msasa pa Risa. ²²Adanyamjuka kuchoka pa Risa achikamanga msasa pa Kehelata.²³Adanyamuka kuchola pa Kehelata achikamanga msasa pa Phiri la Seferi. ²⁴Adanyamuka kuchoka pa Phiri la Seferi achikamanga msasa pa Harada. ²⁵Adanyamuka kuchoka pa Harada achikamanga msasa pa Makeloti. ²⁶Adanyamuka kuchoka pa Makeloti achikamanga msasa pa Tahati.²⁷Adanyamuka kuchoka pa Tahati achikamanga msasa pa Tera. ²⁸Adanyamuka kuchoka pa Tera achikamanga msasa pa Mitika. ²⁹Adanyamuka kuchoka pa Mitika achikamanga msasa pa Hasimona. ³⁰Adanyamuka kuchoka pa Hasimona achikamanga msasa pa Moseroto.³¹Adanyamukakuchoka pa Moseroti achikamanga msasa pa Bene Yaakani. ³²Adanyamuka kuchoka pa Bene Yaakani achikamanga msasa pa Hori Hagigadi. ³³Adanyamuka kuchoka pa Hori Hagidadi achikamanga msasa pa Yotibata. ³⁴Adanyamuka kuchoka pa Yotibata achikamanga msasa pa Abirona.³⁵Adanyamuka kuchoka pa Abirona achikamanga msasa pa Ezironi Gebere. ³⁶Adanyamuka kuchoka pa Ezironi Gebere achikamanga msasa mchipululu cha Zini pa Kadesi. ³⁷Adanyamuka kuchoka pa Kadesi achikamanga msasa pa Phiri la Hori, kumphepete kwa dziko la Edomu.³⁸Aroni wansembe adayenda padzaulu pa Phiri la Hori pa kutongewa na Yahova achikafa popo mgole la makumi manayi wana wa Isaraeli atabula kale mdziko la Aigupto, mu mwezi wachichanu nsiku yakutoma ya mwezi. ³⁹Aroni akhana magole dzana libodzi makumi mawiri na matatu pomwe adafa pa Phiri la Hori.⁴⁰Akanani, mfumu ya Aradi, omwe akhakhala mchipululu cha kumachibese mdziko la Kanani, adabva bzakubwera kwa wana wa Isaraeli.⁴¹Adanyamuka kuchoka pa Phiri la Hori achikamanga msasa pa Zalimona. ⁴²Adanyamuka kuchoka pa Zalimona achikamanga msasa pa Punoni. ⁴³Adanyamuka kuchoka pa Punoni achikamanga msasa pa Oboti.⁴⁴Adanyamuka kuchoka pa Oboti achikamnaga msasa pa Iye Abarimu, kumalire na Moabu. ⁴⁵Adanyamuka kuchoka pa Iye Abarimu achikamanga msasa pa Diboni Gadi. ⁴⁶Adanyamuka kuchoka pa Diboni Gadi achikamanga msasa pa Alimoni Diblataimu.⁴⁷Adanyamuka kuchokla pa Alimoni Diblataimu achikamanga msasa mmapiri ya Abarimu, kunyang'anizana na Nebo. ⁴⁸Adanyamuka kuchoka mmapiri ya Abarimu achikamanga msasa m'bzidikha bza Moabu kufupi na Yorodano pa Yeriko. ⁴⁹Adamanga msasa pafupi na Yorodano, kuchoka ku Beti Yesimoti kuyenda ku Abeli Sitimu m'bzidikha bza Moabu.⁵⁰Yahova adasewera na Mose m'bzidikha bza Moabu kufupi na Yorodano achiti, ⁵¹''Sewera na wana wa Isaraeliulewe kuna iwo, 'Mungayambuka Yorodano kuyenda mdziko la Kanani, ⁵²ndiye mukathothe wenekachiro mdzikomo wense pamaso panu. Mukadzonge bzilinganizo bzensene bzaminyala. Mukadzonge bzilinganizo bzensene bza fero mkugumula nsaka zawo zensene.⁵³Mukatenge dzikolo mkukakhaliratu mwemo, thangwe ndakupani dziko kukhala lanu lanu. ⁵⁴Mutenge dziko kukhala chakusiiriwa chanu pakuchita mbvimiro, kutengera banja lirirense palokha. Ku mabanja makulu mukayape mbuto ikulu ya dziko, apo kuna mabanja mang'ono mukayape mbuto zing'ono za dziko. Nthawe ndizo mbvimiro wagwera kuna banja lirilense, dziko limwero liyende kubanja limwelo. Mumdzatambira dziko kukhala chakusiiriwa kutengera madzinza ya abereki wanu.⁵⁵Soma penu wenekachiro mdzikomo muniwathotha lini pamaso panu, ndiye wanthu mukuwabvuma kukhalawo amdzakhala bzitsotso mmaso mwanu na minga m'bali mwanu. Iwo amdzachitisa miyoyo yanu kukhala mwakubonera mdziko ndilo mukukakhalalo. ⁵⁶Ndiye bzimdzachitika kuti ndibzo tsapano nimfuna kudzachita kuna wanthu amwewo, nimdzachita pomwe kuna imwe.''

34¹Yahova adasewera na Mose achiti, ²''Tonga wana wa Isaraeli ulewe kuna iwo, 'Mungapita mdziko la Kanani, dziko ndilo limdzakhala lanu, dziko la Kanani na malire yache, ³malire yanu yakummwera yamdzatumuliwa kuchoka ku chipululu cha zini kutewera malire na Edomu. Kuphampha kumachibese kwa malire yakummwera yamdzakhala pa mzere ndiwo udamalizira kummwera kuphampha kwa Nyanza ya Munyu.⁴Malire yanu yamdzagonyolera kummwera kuchoka ku phiri la Akirabimu yachigwata kudzera na mchipululu cha Zini. ⁵Kuchoka popo, yamdzayendera kummwera kwa Kadesi Barinea yachipitirira ku Hazara Adara kuyenderatu kutali ku Azimoni. Kuchoka popo, malire yamdzagonyola kuchoka ku Azimoni kunyang'ana ku kamkulo ka ku Aigupto mkutewera kamweko kuyendera kunyanza.⁶Malire yakumaulo yamdzakhala m'phepete mwa Nyanza Ikulu. Yamweya yamdzakhala malire yanu yakumaulo.⁷Malire yanu ya kumpoto yamdzapitirira kutewera mzere ndiwo mumfunika muuikhe chizindikiro kuchoka ku Nyanza Ikulu kuyendera ku Phiri la Hori, ⁸kinangoka kuchoka ku Phiri la Hori kuyendera ku Lebo Hamati, kuyenderatu ku Zeladi. ⁹Kinangoka malire yamdzapitirira kuyendera ku Zifuroni mkukamalira ku Hazara Enani. Yamweya yamdzakhala malire yanu ya kumpoto.¹⁰Ndiye muyikhe chizindikiro cha malire yanu yakumachibese kuchoka ku Hazara Enani kuyenda ku Sefamu. ¹¹Kinangoka malire yakumachibese yamdzapolika kuchoka ku Sefamu kuyenda ku Ribila, mbali yakumachibese kwa Aini. Malire yamdzapitirira kutewera mbali yakumachibese kwa Nyanza ya Kinereti. ¹²Kinangoka malire yamdzapitirira kummwera kwache kutewerra Mkulo wa Yorodano kuyendera ku Nyanza ya Munyu. Limweri limdzakhala dziko lanu, kutewera malire yache kuzungulira lensene.''¹³Ndiye Mose adatonga wana wa Isaraeli achiti, ''Ili ni dziko ndilo muti mudzalitambire pakuchita mbvimiro ninga lanu lanu, lomwe Yahova watonga kulipereka ku madzinza mapfemba na ku meya ya dzinza. ¹⁴Dzinza la wene Rubeni, kuteweza katambiridwe ka vida ya dzinza la abereki wawo, na dzinza la wene Gadi, kuteweza katambiridwe ka vida ya abereki wawo, na meya ya dzinza la Manase atambira wensene dziko lawo. ¹⁵Madzinza mawiri na meya ya dzinzalo atambira vida yawo ng'ambu ya Yorodano pa Yeriko kumachibese kwache, kuyendera kwakubulira dzuwa.''¹⁶Yahova adasewera na Mose achiti, ¹⁷''Aya ni madzina ya amuna ndiwo amdzagawa dziko kukhala chakusiiriwa chanu: Eleazara wansembe na Yoswa mwana wachimuna wa Nuni. ¹⁸Usankhule mkulu m'bodzi m'bodzi kuchoka pa dzinza lirilense kugawa nawo dziko kukhala lawo lawo.¹⁹Aya ni madzina ya anumawo: Kuchoka ku dzinza la Yuda, Kalebe mwana wachiimuna wa Yefune. ²⁰Kuchoka ku dzinza la wene Simeoni, Samueli mwana wachimuna wa Amihudi.²¹Kuchoka ku dzinza la Benjamini, Elidadi mwana wachimuna wa Kisilini. ²²Kuchoka ku dzinza la wene Dani mtsogoleri, Buki mwana wachimuna wa Yogili. ²³Kuchoka kwa wene Yosefe, wa dzinza la wene Manase mtsogoleri, Hanieli mwana wachimuna wa Efodi.²⁴Kuchoka ku dzinza la wene Efraimu mtsogoleri, Kemueli mwana wachimuna wa Sifitana. ²⁵Kuchoka ku dzinza la wene Zebuloni mtsogoleri, Elisafana mwana wachimuna wa Paranaki. ²⁶Kuchoka ku dzinza la wene Isakara mtsogoleri, Palitiyeli mwana wachimuna wa Azana.²⁷Kuchoka ku dzinza la wene Aseri mtsogoleri, Ahihudi mwana wachimuna wa Selomi. ²⁸Kuchoka ku dzinza la wene Nafitali mtsogoleri, Pedaheli mwana wachimuna wa Amihudi.'' ²⁹Yahova adatonga amuna amwewa kugawa dziko la Kanani mkulipereka ku lirilense la madzinza ya Isaraeli kukhala chakusiiriwa chawo.

35¹Yahova adasewera na Mose mbzidikha bza Moabu kufupi na Yorodano pa Yeriko achiti, ²''Tonga wana wa Isaraeli apereke ina mwa magawo yawo kuna Alevi ya bzakusiiriwa ndibzo anabzo. Iwo awape miyi yakukhala momo na mathengo ya yakudyesera bzifuwo yakuzungulira miyi imweyo.³Alevi amdzakhala na miyi yoyi kumbakhala mwemo. Mathengo yakudyesera bzifuwoyo yamdzakhala ya ng'ombe zawo, na nyama zawo zina zense. ⁴Mathengo yakuzungulira miyi ndiyo mumdzapa Aleviwo yayambire kuchoka ku malitsito ya miyi ya maboko chulu chibodzi kumbali zense.⁵Mupime maboko bzulu bziwiri kuchoka kunja kwa mzinda kumbali yakumachibese, na bzulu bziwiri kumbali yakumaulo, na maboko bzulu bziwiri kumbali ya ku mpoto. Aya yamdzakhala mathengo yakudyesera bzifuwo ya miyi yawo. Miyiyo imdzakhala pakati nakati.⁶Miyi mitanthatu imweyo ndiyo mumdzapa Aleviyo idzasanduke kukhala miyi yakuthawira. Muipereke yoyi ninga mbuto ndiyo munthu omwe wapha munthu wina angakhoze kuthawira. Mupereke pomwe miyi ina makumi manayi na miwiri. ⁷Miyi ndiyo mumdzapa Aleviyo imdzakwana makumi manayi na misere. Mupereke kubodzi mathengo yawo yakudyesera bzifuwo pabodzi na iyo.⁸Ingakhala miyi ndiyo mumdzaipereka kuchoka kuna chakusiiriwa cha wana wa Isaraeli, kuchoka kuna madzinza ya azinji mumdzaperekambo mizinji, apo kuchoka kuna madzinza ya ang'onong'ono mumdzaperekambo ming'onong'ono. Dzinza lirilense kutengera chakusiiriwa chache limdzapereka miyi yache ina kuna Alevi.''⁹Kinangoka Yahova adasewera na Mose achiti, ¹⁰''Lewa na wana wa Isaraeli uti kuna iwo, 'Mungayambuka Yorodano kuyenda ku Kanani, ¹¹ndiye mukasankhule miyi kukhala yanu yakuthawira, mbuto ndiyo munthu ndiye wapha munthu mwakusaya kuchita utowa angathawire.¹²¹³Miyi imweyi ikhale yakuthawira yanu kuchoka kuna wakubwezera, pala kuti wakupha nampodi ambafe seye kuyamba kuima pakutongewa pamaso pa thimu la wanthu. Musankhule miyi mitanthatu kukhala miyi yakuthawira.¹⁴Mupereke miyi mitatu ng'ambu ya Yorodano na miyi mitatu mdziko la Kanani. Imdzakhala miyi yakuthawira. ¹⁵Pala wana wa Isaraeli, pala mlendo, na pala wakukhala namwe, miyi mitanthatu imweyi imdzakhala yakuthawira ndiyo aliyense wakupha munthu mwakusaya kuchita utowa angathawire.¹⁶Soma penu munthu wamenya mwayache na chinthu cha fero, apo penu wakumenyiwayo anifa, ndiye munthuyo chadidi ngwakupha. Iye aphiwe meju. ¹⁷Penu wakuputa mulandu wamenya mwayache na mwala wa mmanja mwache ndiwo ungamuphe mwayacheyo, apo wakumenyiwayo mkufadi, ndiye kuti wakumenyayo ngwakupha meju. Iye aphiwe chadidi. ¹⁸Penu munthu wamenya mwayache na chinthu cha muti ndicho chingamuphe munthu, apo penu animuphadi, ndiye munthuyo ngwakupha meju. Iye aphiwe chadidi.¹⁹Wakubwezera mulopayo aphe wakuphayo. Nthawe ndizo animugumana, wakubwezera mulopayo amuphe iye. ²⁰Penu animenya wina mwakukalipa ayai kumuthusira chinthu, pakuchita kumukhalirira iye, mwakuti wakumenyiwayo mkufa, ²¹ayai penu iye animenya mkumgwesa iye mwaukali na boko lache mwakuti wakumenyiwayo mkufa, ndiye wakuipa omwe adamenyayo aphiwe meju. Iye ngwakupha. Wakubwezera mulopayo aphe wakuphayo angagumana naye.²²Soma penu munthu animenya wina mwakusaya kumuwenga m'buyomu ayai kuthusa chinthu chinango ndicho chamenya munthu mwakusaya kudikhira ²³ayai angathusa mwala wakuti ungaphe munthu soma neye kuona kuti kuna munthu, ndiye kuti wakumenyayo akhali lini muwengi wa wakufayo; iye alibe kuchita utowa kudzonga munthuyo. Somma ichi mchakuchita penu wakumenyiwayo anifa.²⁴Penu mtenepoyo, wanthu atonge pakati pa wakumenyayo na wakubwezera mulopayo pakuteweza mitemo imweyi. ²⁵Wanthu apulumuse wakuphayo ku mphamvu za nyakubwezera mulopayo. Wanthu amubwezere nyakuphayo ku muyi wakuthawira ndiwo iye adachokera pakuthawa. Iye akakhale mwemo kufikizana mkulu wansembe wanthawe yoyo kudzafa, omwe adachita kudzozewa na mafuta yakupambulika.²⁶Soma nyakuphayo nthawe zina angayenda kumoga malire ya muyi wakuthawira ndiwo iye adathawira, ²⁷apo penu nyakubwezera mulopayo animugumana iye kunja kwa malire ya muyi wache wakuthawirayo, apo achimupha nyakupha ule, nyakubwezera mulopayo amdzalewedwa lini kuti ngwakupha. ²⁸Ili ni thangwera kuti nyakupha ule angadakhala mmuyi wakuthawirayo kufikizana imfa ya mkulu wansembe. Ingapita imfa ya mkulu wa nsembeyo, nyakuphayo akhoza kubwerera kudziko ndiko iye ana vida yache.²⁹Malamulo yoya yakhale manemba kuna imwe na kuna mibwado ya wanthu wanu m'buto zense zakukhala imwe. ³⁰Aliyense wakupha munthu, wakuphayo aphiwe, ninga mwakuchitira umboni na mafala ya mboni. Soma mafala ya mboni ibodzi yangachitise lini munthu aliyense kuphiwa.³¹Pomwe, nampodi kubvuma kobiri pala moyo wa munthu nyakupha omwe ngwakuphonya kuti wapha. Iye aphiwe basi. ³²Nampodi kumbabvuma kobiri pala wina omwe wathawira mmuyi wakuthawira. Nampodi munjira yoyi kumubvuma iye kukhala na vida yache kufikira mkulu wa nsembe kufa.³³Nampodi kuipisa munjira yoyi dziko ndilo imwe mukukhala, thangwera mulopa wa nyakupha ule umbaipisa dziko. Kulibe kutetezera ndiko ,kungachitike ku dziko nthawe ndizo mulopa wajojezewa pa ilo, kupambula na mulopa wa ule adaujojezayo. ³⁴Ndiye nampodi luipisa dziko ndilo imwe mukukhala thangwe ine ndikukhala mwemo. Ine, Yahova, nimbakhala pakati pa wana wa Isaraeli.'''

36¹Ndiye akulu wa mabanja ya abereki wa banja la Gileadi mwana wachimuna wa Makiri (omwe akhali mwana wachimuna wa Manase), omwe akhali wa mabanja ya wene Yosefe, adabwera achidzalewalewa pamaso pa Mose na pamaso pa akulu omwe akhali misolo misolo ya mabanja ya abereki wa wana wa Isaraeli. ²Iwo adati, ''Yahova adakutongani imwe, mbuyathu, kupereka gawo la dziko pakuchita mbvimiro kuna wana wa Isaraeli. Mudatongewa na Yahova kupereka chakusiiriwa cha Zelofehadi m'bale wathu kuna wanache wachikazi.³Soma penu wana wachikaziwo aniloodwa na amuna wa dzinza linango la wana wa Isaraeli, ndiye gawo lawo la dziko limdzachosewa kuchoka ku gawo la abereki wathu. Limdzaphatanidziwa ku gawo la madzinza ndiyo iwo aphathikako. Mu njra yoyo, limdzachosewa kuchoka ku gawo lakuperekewalo la chakusiiriwa chathu. ⁴Mwaterepo, gole Lakusekera la wana wa Isaraeli lingadzafika, ndiye kuti chakusiiriwa chawo chimdzaphatanidziwa kuna chakusiiriwa cha dzinza ndilo iwo aphathikalo. Munjira yoyi, chakusiiriwa chawo chimdzatengiwa kuchoka ku chakusiiriwa cha dzinza la abereki wathu.''⁵Ndiye Mose adapereka lamulo kuna wana wa Isaraeli, pa mafala ya Yahova. Iye adati, 'Ndibzo dzinza la wene Yosefe likulewa mchadidi. ⁶Ibzi ndibzo Yahova watonga kuguma wana wachikazi wa Zelofehadi. Iye wati, 'Alekeni iwo aloodwe kuna ndiwo akuwakumbuka mbabwino, soma iwo aloodwe na okhawo wa mkati mwa banja la dzinza la azibabawo.'⁷Palibe chakusiiriwa cha wana wa Isaraeli kuti chisinthe kuchoka ku dzinza lina kuyenda ku dzinza lina. Aliyense wa wana wa Isaraeli apitirize na chakusiiriwa cha dzinza la abereki wache.⁸Mkazi aliyense wa wana wa Isaraeli omwe ana chakusiiriwa mdzinza lache aloodwe na wina wakuchokera mmabanja ya ku dzinza la babache. Ibzi bziri tenepo kuti aliyense wa wana wa Isaraeli akhalembo na chakusiiriwa cha kwa abereki wache. ⁹Palibe gawo kuti lisinthe umwenekachiro kuchoka ku dzinza lina kuyenda ku dzinza lina. Aliyense wa madzinza ya wana wa Isaraeli akoye chakusiiriwa chache chache.¹⁰Ndiye mwana wachikazi wa Zelofehadi adachita ndimo Yahova akhadatongera Mose. ¹¹Mala, Tiriza, Hogila, Milika, na Nowa, wana wachikazi wa Zelofehadi, adaloodwa na wene Manase. ¹²Iwo adaloodwa mmabanja ya wene Manase mwana wachimuna wa Yosefe. Munjira yoyi, chakusiiriwa chidasalira mdzinza ndiko mabanja ya azibabawo yakhali.¹³Yamweya ni malamulo na mayeruzo ndiyo Yahova adapereka kudzera mwa Mose kuyenda kuna wana Isaraeli mbzigwa bza Moabu kufupi na Yorodano na Yeriko.

Deuteronomo

1¹Aya ni mafala ndiyo Mose adasewera kuna a Isaraeli wensene ng'ambu ya Yorodano mchipululu, mchigwa cha Mkulo wa Yorodano kunyang'anizana na ku Sufu, pakati pa Parani, Tofeli, Labani, Hazeroti, na Dizahabi. ²Ni ulendo bwa nsiku khumi na ibodzi kuchoka ku Horebe kudzera njira ya Phiri la Seiri kufika ku Kadesi Barineya.³Bzidachitika mu gole lachi makumi na manayi, mwezi wa khumi na ubodzi, pa nsikubyakutoma ya mweziyo, kuti Mose adasewera kuna wana wa Isaraeli, kuwauza ndibzo Yahova adawatonga kuchita bzakuguma iwo. ⁴Apa pakhali pomwe Yahova atamenya Sihoni mfumu ya Aamori, ndiyo ikhakhala ku m'Heziboni, na Ogi mfumu ya Basana, ndiyo ikhakhala mu Asitaroti ku Edreyi.⁵Ng'ambu ya Yorodano, mdziko la Moabu, Mose adayamba kufokotoza malangizoya, kulewa kuti, ⁶"Yahova Mulungu wathu adasewera kuna ife ku Horebe, kulewa kuti, 'Mwakhalisa mwakukwana maninge mdziko lino la mapiri.⁷Chungunukani phatani ulendo bwanu, muyende kudziko la mapiri la Aamori na kumbuto zensene zakufupiko mchigwa cha Mkulo wa Yorodano, mdziko la mapiri, kuchidikha, mu Negevi, na mgombe mwa nyanza---mdziko la a Kanani, na mu Lebanoni ate kutali ku mkulo ukulu, wa Firate. ⁸Nyang'anani, Ndakuikhirani dzikolo pakati panu; ndokoni momo mukakhale mdziko ndilo Yahova adalumbira kuna abereki wanu---kuna Aburahamu, kuna Isaki, na kuna Yakobo---kuwapa iwo na kuna wana wawo pambuyo pawo.'⁹Ndidasewera kuna imwepo nthawe yoyo, kulewa kuti, 'Ningakwanise lini kukutakulani ndekha pandekha. ¹⁰Yahova Mulungu wanu, wakuwanzisani imwe, apo nyang'anani, lero muli ninga thimu la nyenyezi za kudzaulu. ¹¹Yahova Mulungu wa abereki wanu, mbaakuthimizireni kuwanda ka chulu chibodzi kuposa mulirimu, achikudalisani, ninga ndimo wakulonjezerani imwepo!¹²Soma ningakwanise tani ndekhandekha kutakula mitolo yanu, kachitigu zanu, na kupokana kwanu? ¹³Tengani wanthu wanzeru, wanthu wakubvesesa, na wanthu wa mbiri yabwino kuchoka mdzinza lirirense, apo nimdzawaikha iwo kukhala misolo misolo pakati panu.' ¹⁴Mudanditawira muchiti, 'Chinthu ndicho mwaseweracho mchakudeka pala ife kuchichita.'¹⁵Ndiye Ndidatenga misolo misolo ya madzinza yanu, wanthu wanzeru, na wanthu wambiri yabwino, mkuwaikha misolo misolo pakati panu, akapitawo wa bzulu, akapitawo wa madzana, akapitawo wa makumi machanu, akapitawo wa makumi, na akapitawo wa dzinza na dzinza. ¹⁶Ndidatonga wakutonga milandu wanu nthawe zozo, kulewa kuti, 'Mbabvani mipokano pakati pa abale wanu, na kutonga mwachilungamo pakati pa munthu na m'bale wache, na mlendo ndiye akukhala naye.¹⁷Nampodi kudzaonesa mbali kuna aliyense pakutonga mulandu; mudzatetekere ang'ono na akulu mwakulingana. Nampodi kudzachita mantha na nkhope ya munthu, nakuti chiyeruzo mcha Mulungu. Mulandu wakukunesani kwakunyanya, mudzaubwerese kuna inepano, apo nimdzaubva.' ¹⁸Ndidakutongani nthawe zozire bzinthu bzensene bzakuti mumbachite.Tidayenda ulendo kuchoka mu Horebe tichipita na mchipululu chikulu na chakugopsa ndicho mudachiona chire, njira yathu ya kudziko la mapiri la Aamori, ninga ndimo Yahova Mulungu wathu adatitongera ife; apo tidabwera ku Kadesi Barinea.²⁰Ndidati kuna imwe, 'Mwabwera kudziko la mapiri la Aamori, ndilo Yahova Mulungu wathu akutipa ife. ²¹Nyang'anani, Yahova Mulungu wanu waikha dzikoli pamaso panu; kwirani, tambirani, ninga ndimo Yahova, Mulungu wa abereki wanu, wakuuzirani imwe; nampodi kugopa, ayai kuchita thupo.'²²Aliyense wa imwe adafendera kuna ine achiti, 'Mbatiye titume wanthu patsogolo pathu, pala kuti akatizondere dzikolo, mkudzatiuza mafala ndimo tingakalimenyere, na miyi ndiyo titi tidzakafike.' ²³Langizoli lidandikomera bwino; Ndidatenga amuna khumi na awiri wa imwe, munthu m'bodzi wa dzinza lirilense. ²⁴Amwewa adatembenuka achikwira kuyenda ku dziko la mapiri, mkubwera ku Chigwa cha Ekisolo, achikachizonda.²⁵Iwo adatakula bzakukolola bzinango bza mdzikomo mmanja mwawo achipolika nabzo kutibweresela ife. Adatibweresera pomwe mafala achiti, 'Ni dziko labwino ndilo Yahova Mulungu wathu akutipa ife.²⁶Chensecho mudalamba kukamenya, soma mudapikisana na chitongi cha Yahova Mulungu wanu. ²⁷Mudadandaula mmahema yanu muchiti, Nithangwera kuti Mulungu ambatiwenga ife ndipopa watigulisa mdziko la Aigupto, kutipereka mmanja mwa Aamori kuti atidzonge ife. ²⁸Tiniyenda kuponi tsapano? Abale wathu atinyukisa mitima, pakusimba kuti, 'Wanthu amwewo mbaakulu akulu na atati atali kuposa ndimo tiliri ifemu; miyi yawo mmikulu mmikulu yakukhaka na malitsito ate kudzaulu; ndiponso takaona wana wachimuna wa Anaki kumweko."'²⁹Ndiye ndidati kuna imwe, 'Nampodi kugopsiwa, ayai kubva nawo mantha. ³⁰Yahova Mulungu wanu, omwe ambayenda patsogolo panu, amdzakumenyerani nkhondo, ninga chirichense ndicho adachita mu Aigupto pamaso panu, ³¹na mchipululu pomwe, ndiko mwaona ndimo Yahova Mulungu wanu adakunyamulirani, ninga ndimo munthu ambanyamulira mwanache wachimuna, kulikwense ndiko mukhayenda ate kubwera pambuto ino.'Chensecho mmafalaya mulibe basi kukhulupirira Yahova Mulungu wanu, wakuti adayenda patsogolo kukakupsagirani mbuto pala imwe mukakhale mwakudikhira, mu moto nthawe ya usiku na mu mtambo kungachena.³⁴Mulungu adabva mafala ya kulewa kwanu apo adakalipa; iye adalumbira achiti, ³⁵'Chadidi neye m'bodzi wa wanthu awa wa m'bwado wakuipayu ndiye amdzaona dziko labwino ndilo ndidalumbirira kuna makolo yanu, ³⁶kupambula Kalebi basi mwana wachimuna wa Yefune. Iye amdzaliona ndichidzamupa iye na wana wache dziko ndilo wapondalo, thangwe adalimbika kutewera Yahova.'³⁷Mulungu adakalipa pomwe na ine thangwera imwepo, kulewa kuti, 'Iwepo pomwe umdzapita lini momo; ³⁸Yoswa mwana wachimuna wa Nuni, wakuima pamaso pako, ndiye ati adzapite momo; umulimbikise mtima, thangwe iye amdzatsogolera Isaraeli kumuletsetsa.³⁹Apo, wana wanu ang'ono, ndiwo mudalewa kuti amdzakhala wakuguliwa, ndiwo lero lino amdziwa lini chakuipa ayai chabwino---iwo amdzapita momo. Kuna iwo nimdzawapa ili, apo amdzalitambira. ⁴⁰Soma mungakhala imwepo, chungunukani apo phatani ulendo bwanu bwa ku chipululu kuyendera ku Nyanza Ifwira.'⁴¹Ndiye mudatawira muchiti kuna ine, 'Taphonyera Yahova; timdzakwira kukamenya nkhondo, apo timdzateweza bzensene ndibzo Yahova Mulungu wathu watitonga ife kuchita.' Munthu aliyense wa imwe adabzimangira mchiuno bzida bza nkhondo, apo mukhadakonzeka kumenya nkhondo mdziko la mapiri. ⁴²Yahova adati kuna ine, 'Uwauze iwo, Nampodi kuwatekenya apo nampodi kumenya, thangwe nimdzakhala lini namwe, apo mumdzagonjesiwa na awengi wanuwo.'⁴³Ndidasewera kuna imwe munjira iyi, soma mulibe kutetekera. Mulibe kubvera chitongi cha Yahova; mudagazana na mafala ya Yahova muchikwira basi kukathira nkhondo dziko la mapirilo. ⁴⁴Soma Aamori, wakukhala mdziko la mapiriro, adabula kunja achikuthothani ninga nyuchi, achikumenyani mu Seiri, ate ku Horima.⁴⁵Mudabwerera muchidzalira pamaso pa Yahova; soma Yahova alibe kukutetekerani mafala yanu, ayai kukutcherani khutu. ⁴⁶Ndiye mudakhala mu Kadesi nsiku zizinji, ninga mwa nsiku zense ndizo mudakhala momo.

2¹Ndiye tidabwerera mkuphata njira yathu kuyendera mchipululu kutewera njira ya ku Nyanza Ifwira, ninga ndimo Yahova adalewera kuna ine; tidayenda kuzungulira phiri la Seiri kwa nsiku zizinji. ²Yahova adasewera kuna ine, kulewa kuti, ³'Mwafamba kuzungulira philiri mwakukwana; tembenukirani kummpoto.⁴Uza wanthuwo, kulewa kuti, "Munipita na mmalire mwa abale wanu, mbeu ya Esau, ndiwo akukhala mu Seiri; iwo amdzabva namwe mantha. Ndiye chenjerani ⁵nampodi kuti mukalimbane nawotu, nakuti nimdzakupani lini lirirense la dziko lawo, neye, neye pakutondo kukwana nzayo kuponda popo; thangwe ndapa Phiri la Seiri kuna Esau kukhala lache lache.⁶Mumdzagula chakudya kuchoka kuna iwo na kobiri, pala kudya; mumdzagula pomwe madzi na kobiri, pala kumwa kuchoka kuna iwo. ⁷Thangwe Yahova Mulungu wanu wakudalisani imwe mmabasa yense ya manja yanu; iye wadziwa mafambidwe yanu kudzera mchipululu chikuluchi. Thangwe magole makumi manayiya Yahova Mulungu wanu wakhala namwe, apo mulibe kusaya chinthu."'⁸Ndiye tidagwata pafupi na abale wanthuwo, mbeu ya Esau wakukhala mu Seiri, kutali na mseu wa Araba, kuchoka ku Elati na kuchoka ku Ezioni Geberi. Ndiye tidatembenuka tichigwata na njira ya chipululu cha Moabu.⁹Yahova adati kuna ine, 'Nampodi kubvutisa Moabu, apo pomwe nampodi kumenyana naye nkhondo. Thangwe nimdzakupani lini dzikoli kukhala lanu lanu, thangwe ndapa dziko la Ari kuna wa mbeu ya Loti, kukhala lawo lawo.'¹⁰(A Emi akhakhala popo kale kale, wanthu akulu akulu, azinji, atali atali ninga a Aanaki; ¹¹amwewa pomwe akhambawatenga kuti mba a Refai, ninga a Aanaki; soma a Moabu ambachemera iwo a Emi.¹²A Hori adakhala pomwe mu Seiri kale kalelo, soma mbeu ya Esau adapisirana nayo. Iwo adawadzonga iwo kuchoka pa maso pawo iwo achikhaliratu m'buto mwawo, ninga ndimo Isaraeli adachitira kudziko lache lache ndilo Yahova adawapa iwo.)¹³"'Tsapano lamukani muyambuke kamkulo ka Zeredi.' Ndiye tidayenda ng'ambu ya kamkulo ka Zeredi. ¹⁴Tsapano nsiku zakuchoka nthawe ndizo tidabwera kuchoka ku Kadesi Barinea kufika ndipo tidayambuka kamkulo ka Zeredi, zikhali magole makumi matatu na masere. Zikhali nthawe zozo ndizo m'bwado wensene wa wanthu wakuthemera kumenya nkhondo ukhadamala kuchoka pa wanthu, ninga ndimo Yahova akhadalumbirira kuna iwo. ¹⁵Chensecho pomwe, boko la Yahova likhawengana na m'bwado umweyo pala kuti audzonge kuchoka pa wanthu kufikira ate adamala.¹⁶Ndiye bzidachitika, nthawe ndizo wanthu wense wakuthemera kumenya nkhondo adafa na kumala pakati pa wanthu, ¹⁷kuti Yahova adasewera kuna ine, kulewa kuti, ¹⁸'Lero mumgwatira mphimpha ya ku Ari, malire na Moabu. ¹⁹Mungakafika kufupi kunyang'anizana na wanthu wa ku Amoni, nampodi kukalimbana nawo ayai kukawamenya; thangwe nimdzakupani lini neye mbuto iriyense ya wanthu wa mdziko la Amoni kukhala yanu yanu; thangwe ndalipa kuna wa mbeu ya Loti kukhala lawo lawo."'²⁰(Limwero pomwe limbalewengiwa kuti ni dziko la a Arefai. A refai adakhala popo kale kale---soma a Amoni ambawachemera iwo a Zamzumi --- ²¹wanthu akulu akulu, azinji, atali atali ninga a Aanaki. Soma Yahova adawadzonga pamaso pa a Amoni, achiwatengera mkupita m'buto mwawo. ²²Ichi Yahova adachitira pomwe kuna wanthu wa Esau, wakukhala mu Seiri, nthawe ndizo iye adadzonga a Hori kuchoka pamaso pawo, apo wa mbeu ya Esau adawatengera iwo achikhala m'buto mwawo mpakana lero.Tingalewa bza Aavi omwe akhakhala mmiyi ate ku Gaza, Akafitori, wakuchokera ku Kafitori, adawadzonga iwo achikhaliratu m'buto mwawo.)²⁴"'Tsapano lamuka, ndoko ulendo bwako, apo uyambuke chigwa cha Arinoni; nyang'ana, ndakupa mmanja mwako Sihoni wa mu Amori, mfumu ya Hesiboni, na dziko lache. Yamba kulitambira kukhala lako lako, na kumenyana naye nkhondo. ²⁵Lero niyamba kuikha mantha na kunjenjemera pa iwe kuna wanthu ndiwo ali pansi pa thambo lensene; iwo amdzabva mbiri ya iwe achidzanjenjemera na kuwawidwa thangwera iwepo.'²⁶Ndidatuma mitumi kuchoka mchipululu cha Kedemoti kuyenda kuna Sihoni, mfumu ya Hesiboni, na mafala ya mtendere, kulewa kuti, ²⁷'Ndibvume ndigwatembo na mdziko mwako; nimdzatewera njira yokha yokha; nimdzapambuka lini kuboko la kumadidi ayai kumadzere.²⁸Umdzandigulisira chakudya na kobiri, pala kuti ndidzadye; ndipe madzi na kobiri, pala kuti ndimwe; tondo ndibvuma ndigwate kufamba pansi; ²⁹ninga wa mbeu ya Esau wakukhala mu Seiri, apo ninga ndimo a Moabu wakukhala mu Ari, adachita kuna ine; ate ndigwate kuyambuka Yorodano kupita mdziko ndilo Yahova Mulungu wathu akutipa ife.'³⁰Soma Sihoni, mfumu ya Hesiboni, imdzatibvumiza lini kugwata pafupi na iyo; thangwe Yahova Mulungu wako waumisa mzimu wache na kulimbisa mtima wache, kuti amupereke mmanja mwanu ninga lero lino. ³¹Yahova adati kuna ine, 'Nyang'ana, ndayamba kumpereka Sihoni na dziko lache pamaso pako; Yamba kulitambira, pala kuti likhale lako lako.'³²Kinangoka Sihoni adabula kulimbana na ife, iye na wanthu wache wense, kudzachita nkhondo pa Yahazi. ³³Yahova Mulungu wathu adamupereka kuna ife tichimugonjesa na wanache wachimuna na wanthu wache wensene.³⁴Tidatenga miyi yache yense nthawe zozo na kudzongeratu muyi uliwense---amuna na akazi na wana ang'ono; tiribe kusiya wakupulumuka. ³⁵Ni ng'ombe zokha ndizo tidabzitengera, ninga bzakupsokonyola pabodzi na kudzonga miyi ndiyo tikhadatengayo.³⁶Kuyambira ku Aroeri ndiko mkumphepete kwa Chigwa cha Arinoni, na kuchoka ku muyi ndiwo uli mchigwa, ate ku Gileadi, pakhalibe muyi wakutalikiratu litsito lache kuna ife. Yahova Mulungu wathu adawapa iwo mmanja mwathu. ³⁷Mkudziko la wana wa Amoni kokha ndiko mulibe kuyenda, na mbali zense pomwe za Mkulo wa Yaboki, na miyi ya mdziko la mapiri---kulikwense ndiko Yahova Mulungu wathu adatilambiza kuyenda.

3¹Kinangoka tidachungunuka tichikwira njira ya ku Basana. Ogi, mfumu ya Basana, adabwera kudzatithira nkhondo, iye na wanthu wache wense, kudzamenya pa Edrei. ²Yahova adati kuna ine, 'Nampodi kumugopa; thangwe ndakupa iwe chipambano pa iye apo ndaikha wanthu wache wense na dziko lache mmanja mwako. Umdzachita kuna iye ninga ndimo udachitira kuna Sihoni, mfumu ya Aamori, omwe adakhala mu Hesiboni.'³Ndiye Yahova Mulungu wathu adatipa chipambano pa Ogi mfumu ya Basana, na wanthu wache wense adaikhiwa mmanja mwathu. Tidawapha kufikira neye m'bodzi wakupulumuka kusala wa iye. ⁴Tidatenga miyi yache yense nthawe zozo. Pakhalibe neye m'bodzi wa miyi makumi matanthatu ndiye tiribe kumutenga kuchoka kuna iwo---mphimpha yense ya Arigobi, ufumu bwa Ogi mu Basana.⁵Yensei ikhani miyi yakuzunguliriwa na malitsito matali, bzipata, na mipiringidzo; apa pakhali pambali pa miyi mizinjitsa yakusaya malitsito. ⁶Tidawadzongeratu kwakumaliza, ninga ndimo tidachita kuna Sihoni mfumu ya Hesiboni, kumaliratu kudzonga muyiyo-- amuna na akazi na wana ang'ono. ⁷Soma ng'ombe zense na madzongedwe ya miyi tidaitenga ninga bzakukolola bzathu.⁸Panthawe zozo tidatenga dziko mmanja mwa mafumu mawiri ya Aamori, omwe akhali ng'ambu ya Yorodano, kuchoka mchigwa cha Arinoni kufika ku Phiri la Herimoni ⁹(Phiri la Herimoni a Sidoniya ambalichemera Sirihoni, apo a Aamori ambalichemera Seniri) ¹⁰na miyi yensene ya mchigwa, Gileadi wense, na Basana wense, njira yensene ya ku Saleka na Edrei, miyi ya ufumu bwa a Ogi mu Basana."¹¹(Thangwe wakusalira mu Arefai, Ogi yekha basi mfumu ya a Basani ndiyo idasala. Nyang'anani! Kama wache akhali kama wa fero. Mukhali lini mu Raba, ndimo wa mbeu ya Amoni ambakhala? Ikhali maboko mapfemba kutalika na maboko manayi mulifupi, ndimo wanthu ambapimira.)¹²"Dziko ili ndilo tidatenga kukhala lathu lathu nthawe zozo---kuchoka ku Aroeri, ndiye mumphepete mwa Chigwa cha Arinoni, na meya ya dziko la mapiri la Gileadi, na miyi yache---ndidaipa kuna wene Rubeni na kuna wene Gadi. ¹³Gileadi wense wakusalirayo na Basana wense, ufumu bwa Ogi, ndidapa kuna meya ya dzinza la Manase. (Mphimpha yense ya Arigobi mu Basana likhachemeriwa dziko la Arefai.¹⁴Yairi, wa mbeu ya Manase, adatenga mphimpha yensene ya Arigobi kumalire na a Gesuri na a Maakati. Iye adaichemera mphimphayo Basani, ninga mwa dzina lache, Havoti Yairi, mpaka lero.)¹⁵Ndidapa Gileadi kuna Makiri. ¹⁶Kuna wene Rubeni na kuna wene Agadi ndidawapa mphimpha yakuyambira ku Gileadi ku Chigwa cha Arinoni---pakati nakati pa chigwacho ni malire ya mphimphayo--- na ku Mkulo wa Yaboki, yomwe ni malire na wa mbeu ya Amoni.¹⁷Inango yamarire yache ni nsansa pomwe ya chigwa cha Mkulo wa Yorodano, kuyambira ku Kinerete ku nyanza ya a Araba (ndiyo, Nyanza ya Munyu) patsinde pa Phiri la Pisiga kumachibese kwache.¹⁸Ndidakuuzani imwe nthawe zozo, kulewa kuti, 'Yahova Mulungu wanu wakupani dziko ili kukhala lanu lanu; imwe, amuna wense wamphamvu zao, amdzabvala bzida bzao pamaso pa abale wanu, wana wanu wa Isaraeli.¹⁹Soma akazi wanu, wana wanu ang'ono, na ng'ombe zanu (Ndikudziwa kuti muna ng'ombe zizinji), bzimdzakhala mmiyi yanu ndiyo ndakupani imwe, mpakana Yahova apereke kupuma kuna abale wanu, ninga ndimo adapumisiraq imwe, ²⁰mpakana adzatambirembo dziko ndilo Yahova Mulungu wanu akuwapa iwo ng'ambu ya Yorodano; ndiye mumdzabwereradi, munthu aliyense wa imwe, ku chinthu chache chaicho ndicho ndakupani.'²¹Ndidauza Yoswa nthawe zozo, kulewa kuti, 'Maso yako yaona bzense ndibzo Yahova Mulungu wanu wachitira mafumu mawiriya; Yahova amdzachita bzibodzi bodzi kuna mafumu yensene ndiko muniyendako. ²²Mumdzawagopa lini iwo, thangwe Yahova Mulungu wanu ndiye amdzakumenyerani imwe nkhondo.'²³Ndidakumbira mwa nyong'o kuna Yahova nthawe zozo, kulewa kuti, ²⁴'O Mbuya Yahova, mwayamba kuonesera mtumiki wanu ukulu bwanu na boko lanu la mphamvu; thangwe ni mulungunyi kudzaulu ayai dziko lapansi ndiye angachite mabasa yakulingana ninga mwachitaya, na bzichito bzakulingana na bzikulubzi? ²⁵Ndilekeni ndiyende, ndikukukumbirani, apo ndikaone dziko labwino ndilo liri ng'ambu ya Yorodano, dziko labwino ilo la mapiri, na Lebanoni pomwe.'²⁶Soma Yahova adakalipa na ine thangwera imwepo; alibe kunditetekera. Yahova adati kuna ine, 'Ibzi bzikukwanire kuna iwe---nampodi kumanza manza kusewera pomwe kuna ine chinthu chochi: ²⁷ndoko kwira kudzaulu ku Pisiga ukakwize maso yako kunyang'ana kumaulo, kumpoto, kummwera, na kumabvadzuwa; Nyang'ana na maso yako, thangwe umdzayenda lini kuyambuka Yorodano.²⁸Mwakutenepo, langiza Yoswa na kumulimbisa mtima na kumkhumisa, thangwera amdzayambuka patsogolo pamaso pa wanthuwa, apo iye amdzawachitisa iwo kutambira dziko kukhala lawo lawo ndilo imwe mumdzaliona.' ²⁹Ndiye tidakhala mchigwa kunyang'anizana na Beti Peori.

4¹Tsapano, Isaraeli, tetekerani ku bzitongi na malangizo ndiyo nditi ndikupfunziseni, kuchita; pala kuti mukhale na moyo na kupita momo na kukatambira dziko ndilo Yahova, Mulungu wa abereki wanu, akukupani imwepo. ²nampodi kudzathimizira mafala ndiyo nimdzakutongani imwe, ayai kuyachepsa. pala kuti mukoye bzitongi bza Yahova Mulungu wanu ndibzo nditi ndikutongeni imwepo.³Maso yanu yadaona ndibzo Yahova adachita thangwera Bala Peori; nakuti amuna wense ndiwo adapumpsika kutewera Baala wa Peori, Yahova Mulungu wako waadzonga iwo kuchoka pa imwe. ⁴Soma imwe omwe mudaphathika kuna Yahova Mulungu wanu muna moyo lero lino, aliyense wa imwe.⁵Nyang'anani ndakupfunzisani mitemo ya utongi na manemba, ninga ndimo Yahova Mulungu wangu wandiuzira ine, kuti mumbachite tenepo mkati mwa dziko ndilo mukuyendalo kuti mukalitambire likhale lanu lanu. ⁶Mnthangwerache uyakoye na kuyachita; nakuti ichi ni nzeru zanu na chidziwiso chanu pamaso pa mitundu ya wanthu ndiwo amdzabva bza manemba na kulewa, 'Chadidi dzinza likululi nda wanthu wa nzeru na wakuzindikira.'⁷Nakuti dzinza la wanthu ndiponi lakukhala na Mulungu pafupi nalo, ninga ndimo Yahova Mulungu wathu aliri nthawe iriyense timimchekerayo? ⁸Mdzinza liponi la wanthu ndilo lina mitemo ya utongi na mayeruzo yakulungama ninga mtemo uyu ndiwo ndikuuikha pakati panu lero lino?⁹Chokhacho chenjerani mwekha na kubzilindira mwekha, pala kuti nampodi muyebwe bzinthu ndibzo maso yanu yaona, kuti nampodi bzichoke mumtima mwanu mu nsiku za moyo wanu wensene. Bzidziwiseni ibzo kuna wana wanu na kuna wana wa wana wanu. ¹⁰Pa nsiku ndiyo mudaima pamaso pa Yahova Mulungu wanu pa Horebu, nthawe ndizo Yahova adati kuna ine, 'Ndigwezekere wanthu, apo nimdzawachitisa kubva mafala yangu, kuti apfunzire kundigopa nsiku zense zakukhala iwo padziko lapansi, na kuti apfunzise wana wawo.'¹¹Mudafendera pafupi muchiima patsinde pa phiri. Phirilo lidagaka na moto kufika pakati pa thambo, na m'dima, mtambo, na m'dima wakuthonera. ¹²Yahova adasewera namwe kuchoka pakati nakati pa moto; mudabva mkuwe na mafala yache, soma mulibe kuona maonekedwe; mudatondo kubva mafala yokha basi.¹³Adakufokotozerani mpangano wache ndiwo adakutongani imwe kuuchita, Bzitongi Khumi. Iye adabzinemba pa magome mawiri ya minyala. ¹⁴Yahova adanditonga ine pa nthawe zozo kukupfunzisani manemba na bzitongi, pala kuti mubzichite ibzo mdziko ndilo mukuyambukiralo kukalitenga kukhala lanu lanu.¹⁵Ndiye bzinyang'anireni mwekha bwino bwino --- thangwe mulibe kuona moda wa maonekedwe pa nsiku ndiyo Yahova adasewera namwe pa Horebu kuchoka pakati nakati ya moto--- ¹⁶kuti mulibe kubzinyengeza mwekha pa kukonza fano lirirense mchilinganiro chirichense, chakulinganira na mwamuna ayai mkazi, ¹⁷mchilinganiro cha nyama iriyense ya padziko lapansi, mchilinganiro cha mbalame iriyense ya maphapidwe ndiyo imbambuluka mdzaulu, ¹⁸chilinganiro cha chirichense ndicho chimbakwawa pansi, ayai chilinganiro cha nsomba iriyense ndiyo iri mmadzi pansi pa dziko.¹⁹Nampodi kukwiza maso yanu kudzaulu mkunyanganisa dzuwa, mwezi, ayai nyenyezi---thimu lensene la bzakudzaulu---na kupumpsika kubzinamata ibzo na kubzisirira--- bzinthu ndibzo Yahova Mulungu wanu wabzigawira ibzo kuna wanthu wense wapansi pa thambo. ²⁰Soma Yahova wakutengani imwe na kukubulisani kunja kwa ng'anjo, kunja kwa Aigupto, kukhala kuna iye wanthu wa chakupita chache, ninga muliri lero lino.²¹Yahova adakalipa nande thangwera imwepo; adalumbira kuti nimdzayambuka lini Yorodano, na kuti nimdzatenga lini dziko labwino ndilo Yahova Mulungu wanu akukupani ninga chakupita. ²²Soma, ndifere mdziko lino; nampodi ndiyambuke Yorodano. Soma mumdzayambuka kukatenga dziko labwinolo kukhala lanu lanu.²³Chenjerani mwekha, kuti nampodi muyebwe mpangano wa Yahova Mulungu wanu, ndiwo adakuchita na imwe, nakuti mungabzikonzere mwekha chilinganiro chakutsema mchilinganiro cha chirichense ndicho Yahova Mulungu wanu wakulambizani imwe kukonza. ²⁴Thangwe Yahova Mulungu wanu ni moto wakupserereza, ni Mulungu wa nsanje.²⁵Muchikabala Wana na azukulu, apo mungakhala nthawe itali mdzikomo, apo mkukabzinjengeza mwekha mkukakonza chilinganiro chakutsema mchilinganiro cha chirichense, na kukachita chakuipa pamaso pa Yahova Mulungu wanu, kukaputa ukhali bwache --- ²⁶ndikuchemera kudzaulu na dziko lapansi kukhala mboni pa imwe lero kuti tsampanopali mumdzadzongeka kuchosewa mdziko ndilo mukuyendalo ng'ambu ya Yorodano kukakhala lanu lanu; mumdzatalikisa lini nsiku zanu mwemo, soma mumdzadzongeweratu kwene kwene.²⁷Yahova amdzakumwazani pakati pa wanthu, apo mumdzasala wakulewengeka pakati pa madzinza, komwe Yahova amdzakutsogolerani kwawo. ²⁸Kumweko mumdzatumikira milungu ina, basa la manja ya wanthu, miti na minyala, ndiyo imbaona lini, kubva, kudya, ayai kubva pfungo.Soma kuchokera koko mumdzapsaga Yahova Mulungu wanu, apo nimdzamuona iye, nthawe ndizo mumdzamupsaga iye na mtima wanu wense na moyo wanu wense.³⁰Mungakhala pa matsautso, na nthawe ndiyo bzinthu bzensebzi bzimdzabwera pa imwepo, nsiku zimwezo mumdzabwerera kuna Yahova Mulungu wanu na kudzatetekera mafala yache. ³¹Thangwe Yahova Mulungu wanu ni Mulungu wachifundo; amdzakutazirani lini ayai kukudzongani, ayai kuyebwa mpangano wa abereki wanu ndiwo iye adalumbira kuna iwo.³²unzani tsapano bza nsiku ndizo zapitazi, ndizo zikhalipo mukanati kukhala imwe, kutoma ndipo Mulungu adalenga munthu padziko lapansi, bvunzani kuchoka kumalekezero ya kudzaulu kufika kwinango, penu padakhalambo kale chinthu chikulu ninga ichi, ayai chirichense ninga chochi penu chidabvekambo kale? ³³Wanthu adabvambo kale mafala ya Mulungu kulewalewa kuchokera pakati pa moto, ninga mudabvera mule, mkukhala na moyo?³⁴Ayai Mulungu adayezerambo kale kukabzitengera yekha dzinza pakati pa dzinza linango, kuphatisa basa mayezero, na bzizindikiro, na bzakudabwisa, na kuphatisa basa nkhondo, na kuphatisa basa boko lache lamphamvu, na boko lache lakufuthuka, na kuphatisa basa bzakugopsa bzikulu, ninga chirichense ndicho Yahova Mulungu wanu adakuchitirani imwe mu Aigupto pamaso panu?³⁵Kuna imwe bzinthu ibzi bzidaonesiwa, pala mudziwe kuti Yahova ni Mulungu, nakuti palibe winango pomwe pachisaya iye. ³⁶Kuchoka kudzaulu iye adachitisa imwe kubva mafala yache pala kuti akupfunziseni; pa dziko lapansi adachitisa imwe kuona moto wache ukulu; mudabva mafala yache kubula pakati nakati ya moto.Thangwera adakonda abereki wanu, adasankhula wa mbeu yawo yakuwatewera pambuyo pawo, na kukubulisani kunja kwa Aigupto na kuoneka kwache, na mphamvu zache zikulu, pakufuna kuthamangisa pamaso panu madzinza makulu na yamphamvu kuposa imwepo, kukupitisani mkati, kukupani dziko lawo ninga chakupita chanu, ninga leroli.³⁹Dziwani tsono lero, na kuchikhazikisa mumtima mwanu, kuti Yahova ni Mulungu mdzaulu kupita na kutseri kwa dziko lapansi; palibe winango pomwe. ⁴⁰Mumdzakoya manembaya na bzitongi bzache ndibzo nimkuuzani lero lino, kuti bzikufambireni bwino na wana wanu pambuyo panu, na kuti mutalimphise nsiku zanu mdziko ndilo Yahova Mulungu wanu akukupani iwe kunthawe zense."⁴¹Ndiye Mose adasankhula miyi mitatu mbali yakumachibese kwa Yorodano, ⁴²pala kuti aliyense athawire ku ubodzi ya iyo angapha munthu mwangozi, wakuti akhali lini muwengi wache m'buyomu. Pakuthawira ku ubodzi mwa miyiyo, amdzapulumuka. ⁴³Ikhali: Bezeri mchipululu mwemo, dziko la nsansa, pala wene Rubeni; Romoti mu Gileadi, pala wene Gadi; na Golani mu Basani, pala wene Manase.⁴⁴Ichi mchitongi ndicho Mose Adaikha pamaso pa wana wa Isaraeli; ⁴⁵aya ni mafala ya mpangano, mitemo ya utongi, na chipfunziso ndicho iye adasewera kuna wana wa Isaraeli nthawe ndizo adabula mu Aigupto, ⁴⁶pomwe iwo akhali kumachibese kwa Yorodano, mchigwa kunyang'anizana na Beti Peori, mchigwa cha Sihoni, mfumu ya Aamori, ndiwo akhadakhala pa Hesiboni, omwe Mose na wana wa Isaraeli adawagonjesa iwo nthawe ndizo adabula mu Aigupto.⁴⁷Adatenga dziko lache ninga lawo lawo, na dziko la Ogi mfumu ya Basani---aya, mafumu mawiri ya Aamori, ndiyo yakhali ng'ambu ya Yorodano kuyendera kumachibese. ⁴⁸Mphimpha imweyi idayenderatu kuchokera ku Aroeri, kumapeto kwa chigwa cha Arinoni, kufika ku Phiri la Siyoni (ayai Phiri la Herimoni), na kuphatanidza ⁴⁹na nsansa yensene ya Mkulo wa Yorodano, kuyendera ku Nyanza ya Araba, mtsinde mwa Phiri la Pisiga.

5¹Mose adachemera a Isaraeli wensene achiti kuna iwo, "Tetekerani, Isaraeli, ku mafala na malangizo ndiyo nimsewera mmakutu mwanu lero, kuti muyapfunzire na kuyakoya. ²Yahova Mulungu wathu adachita nafe mpangano pa Horebu. ³Yahova alibe kuchita mpangano umweyu na abereki wathu, soma na ife, tensenepano wamoyo lero lino.⁴Yahova adasewera namwe maso na maso pa phiri kuchokera pakati pa moto ⁵(ndikhadaima pakati pa Yahova na imwepo nthawe zozire, kukuzimbulirani mafala yache; thangwe mukhana mantha na motoyo, apo mulibe kuyenda padzaulu paphiriro). Yahova adati, ⁶'Ndine Yahova Mulungu wanu, omwe ndidakubulisani kunja kwa dziko la Aigupto, kunja kwa nyumba ya ukapolo.⁷Nampodi kukhala nayo pomwe milungu inango kupambula inepano. ⁸Nampodi kubzikonzera mwekha chilinganiro chakutsema ayai chilinganiro chirichense chakuyezezera bzinthu bza kudzaulu, ayai pa dziko lapansi, ayi ndibzo bziri mmadzi ya padziko.⁹Nampodi kubzinamatira ibzo ayai kubzitumikira ibzo, thangwe ine, Yahova Mulungu wako, ndine Mulungu wansanje. Nimbalanga wana thangwera abereki wawo, ku m'bwado wachitatu na wachinayi wa iwo wakundiwenga ine, ¹⁰na kuonesa chifundo kuna wanthu bzulu na bzulu, kuna wale ndiwo ambakondana nande achikoya bzakutonga bzangu.¹¹Nampodi kuguma dzina la Yahova Mulungu wako papezi, thangwe Yahova amdzayesa lini wakusaya kuphonya ndiye aniguma papezi dzina lachero .¹²Tchenkha nsiku ya Sabudu ikhale yakupambulika, ninga ndimo Yahova Mulungu wako adakutongera iwepo. ¹³Pa nsiku zitanthatu umbaphate na kumaliza basa lako lensene; ¹⁴soma nsiku yachinomwe ni nsiku ya Sabata ya Yahova Mulungu wako. Pansiku yoyi nampodi kuphata basa lirilense---neye iwepo, ayai mwanako wachimuna, ayai mwanako wachikazi, ayai nyabasa wako wachimuna, ayai nyabasa wako wachikazi, ayai ng'ombe yako yapakalosa, ayai bulu wako, ayai chifuwo chako chirichense, ayai mulendo wako aliyense ndiye ali mmuyi mwako. Ibzi bziri tenepo pala kuti nyabasa wako wachimuna na nyabasa wako wachikazi apumembo ninga iwepo pomwe mwenekachiro.¹⁵Umbakumbukire mumtima mwako kuti ukhali kapolo mdziko la Aigupto, nakuti Yahova Mulungu wako adakubulisa kuchoka mwemo na boko la mphamvu na lakuthamuka. Ndipopa Yahova Mulungu wako wakutonga iwepo kukoya nsiku ya Sabudu.¹⁶Lemekeza babako na Mayi wako, ninga ndimo Yahova Mulungu wako wakutonga iwe kuchita, kuti moyo wako utalike mdziko ndilo Yahova Mulungu wako wakupa iwe, na kuti bzikufambire bwino.¹⁷Nampodi kupha. ¹⁸Nampodi kuchita chigololo. ¹⁹Nampodi kuba. ²⁰Nampodi kuchitira umboni bwakunama kunamizira mwayako.Nampodi kusirira mkazi wa mwayako, nampodi kusirira nyumba ya mwayako, munda wache, ayai nyabasa wache wachimuna, ayai nyabasa wache wachikazi, ng'ombe yache ya pa kalosa, ayai bulu wache, ayai chinthu chirichense cha mwayako.'Mafalaya Yahova adayasewera mwakukuwa kuna wanthu wense pa mtsonkhano paphiripo kuchoka pakati pa moto, pa mtambo, na pa m'dima wakuthonera; iye alibe kuthimizira pomwe mafala inango. Iye adayanemba pa magome mawiri ya minyala achiyapereka kuna ine.²³Bzidachitika, pomwe mudabva mafala kuchoka pakati pa mdima, nthawe ndizo phiri likhagaka, kuti mudafendera kuna ine--- mafumu yanu yensene na akulu akulu wa madzinza yanu. ²⁴Mudati, 'Nyang'anani, Yahova Mulungu wathu wationesera ulemerero bwache na ukulu bwache, apo tabva mafala yache kuchoka pakati pa moto; taona lero kuti pomwe Mulungu wasewera na wanthu, iwo angakwanise kukhala na moyo.²⁵Soma thangweranyi kuti tife ife? Nakuti moto wache ukuluyo umdzatimaliza ife; penu tinibva mafala ya Yahova Mulungu wathu kwakunyanya, timdzafa. ²⁶Nakuti mbanimbo wa bzamoyo bzense adabva kale mafala ya Mulungu wamoyo kumbalewalewa ali pakati pa moto ninga ifepano achikhala na moyo, ninga tachitiramu? ²⁷Mungakhala imwe, ndokoni mukatetekere bzense ndibzo Yahova Mulungu wathu walewa; tibwerezereni bzensene ndibzo Yahova Mulungu wathu wakuuzani; timdzatetekera na kudzabzibvera.'²⁸Yahova adabva mafala yanu pomwe mudasewera kuna ine. Iye adati kuna ine, 'Ndabva mafala ya wanthuwa, ndiyo adalewa kuna iwe. Bzomwe adalewabzo bzikhali bwino. ²⁹Oh, kuti angadakhala nawo mtima tenepa mwa iwo, wakundilemekeza ine na kumbakoya bzakutonga bzangu nthawe sense, kuti chiwakomere iwo na wanawo wense ate mpakana! ³⁰Ndoko kawauze, "Bwererani ku mahema yanu.Soma ungakhala iwe, ima kuno na ine, apo nimdzakuuza bzakutonga bwense, manemba, na mayeruzo ndiyo uti udzakawapfunzise, pala kuti akayakoye mdziko ndilo nimdzawapa kukhala lawo lawo.'³²Mudzakoye, tsono, ndibzo Yahova Mulungu wanu wakutongani imwe; mumdzapambuka lini kuboko lamadidi ayai kumadzere. ³³Mumdzafamba munjira zense ndizo Yahova Mulungu wanu wakutongani imwe, pala kuti mukhale na moyo, na kuti bzikufambireni bwino, na kuti mudzathimizire nsiku zanu mdziko ndilo limdzakhala lanu lanu.

6¹Tsapano ibzi ni bzitongi bzangu, mafala na mayeruzo ndiyo Yahova Mulungu wanu wanditonga ine kukupfunzisani, pala kuti mukayakoye mdziko ndilo mukuyendalo ng'ambu ya Yorodano kukhala lanu lanu; ²kuti mulemekeze Yahova Mulungu wanu, pala mukoye mafala yache yensene na bzakutonga ndibzo ndikukutongani---imwe, wananu wachimuna, azukulu wanu, nsiku zense za moyo wanu, pala kuti nsiku zanu ziwande.³Mnthangwerache atetekereni iwo, Isaraeli, apo muyakoye, kuti bzikufambireni bwino, pala muwande kwene kwene, mdziko lakuyerera mkaka na uchi, ninga Yahova Mulungu wa abereki wanu, wakulonjezerani kuchita.⁴Tetekerani, Isaraeli: Yahova Mulungu wathu, Yahova ni m'bodzi. ⁵Mumbakonde Yahova Mulungu wanu na mtima wanu wense, na moyo wanu wense, na mphamvu zanu zensene.⁶Mafala ndiyo ndikukuuzani lero yamdzakhala mumtima mwanu; ⁷apo mumdzayapfunzisambo mwakukwana kuna wana wanu; mum'badzayasewera mutakhala mnyumba mwanu, pakufamba pa mseu, pakugona, na pakulamuka.⁸Mumdzayamanga ninga chizindikiro paboko lanu, chimdzakhala ninga chapamkuma pakati pa maso yanu. ⁹Mumdzayanemba pa nsandamira za misuwo yanyumba zanu na pa bzipata bzanu.¹⁰Yahova Mulungu wanu angadzakubwetesani mdziko ndilo adalumbira kuna abereki wanu, kuna Aburahamu, kuna Isaki, na kuna Yakobo, kuti amdzakupani, na miyi mikulu na yabwino kwene kwene ndiyo mulibe kuyimanga ndimwe, ¹¹na nyumba zakudzala na bzinthu bzense bzabwino ndibzo mulibe kubzikonza ndimwe, na michera ndiyo mulibe kuichera ndimwe, na minda ya mpesa na miti ya azitona ndiyo mulibe kuibzala ndimwe, mumdzadya muchikhuta--- ¹²ndiye chenjerani kuti nampodi muyebwe Yahova, omwe adakubulisani kunja kwa dziko la Aigupto, kunja kwa nyumba ya akapolo.¹³Mumbagope Yahova Mulungu wanu; iye mumbamunamate, apo pakulumbira mumbalumbirire dzina lache. ¹⁴Nampodi kumbatewera milungu inango, milungu ya wanthu wina wense ndiwo akuzungulirani--- ¹⁵thangwe Yahova Mulungu wanu pakati panu ni Mulungu wa nsanje, penu mumchita, ukali bwa Yahova Mulungu wanu bumdzakhala pa imwe achidzakudzongani kukuchosani pa nkhope yadziko lapansi.¹⁶Nampodi kumbamuyezera Mulungu wanu ninga ndimo mudamuyezerera ule waku Masa. ¹⁷Mumbakoye kamkulumize bzakutonga bza Yahova Mulungu wanu, bzakutonga bzache chaibzo, na manemba yache, yomwe wakutongani imwe.¹⁸Mumbachite bzakulungama na bzakukoma pamaso pa Yahova, kuti bzikufambireni bwino, na kuti mupite na kutambira dziko lanu lanu labwino ndilo Yahova adalumbira kuna abereki wanu, ¹⁹kufulusa awengi wanu wensene kuchoka pamaso panu, ninga ndimo Yahova walewera.²⁰Mwananu angakubvunzani bza mtsogolo likubweralo, kulewa kuti, 'Mayeruzo ya mpanganoyo, manemba na mayeruzo inango ndiyo Yahova Mulungu wathu adakutongani imwepoyo ngaponi? ²¹ndiye mudzati kuna mwananuyo, 'Tikhali akapolo wa Falawo mu Aigupto; Yahova adatibulisa kunja kwa Aigupto na boko lamphavu, ²²apo iye adaonesera bzizindikiro na bzakudabwisa, bzikulu na bzakukwawa, pa Aigupto, kuna Falawo, na kuna nyumba yache yensene, pamaso pathu; ²³achitibulisa kuchoka momo, kuti atibwerese muno, kutipa dziko ndilo iye adalumbira kuna abereki wathu.²⁴Yahova adatitonga kukoya manemba aya yense, kugopa Yahova Mulungu wathu kuti tione ubwino, pala kuti atikoye ife na moyo, ninga tiliri leromu. ²⁵Penu tinikoya kuchita bzense bzakutonga iye pamaso pa Yahova Mulungu wathu, ninga ndimo watitongera ife, ichi chimdzakhala chilungamo chathu.'

7¹Yahova Mulungu wanu angakutengerani kudziko ndilo mukuyenda kuti likakhale lanu lanu, amdzafulusa madzinza mazinji pamaso panu--- Ahori, Agirigazi, a Aamori, a Kanani, Aperizi, Ahivi. na Ayebusi---madzinza manomwe makulu na yamphamvu kuposa imwepo.²Ni Yahova Mulungu wanu ndiye ambawapereka kuna imwe kuti mukawagonjese, apo kinangoka muwadzongeretu iwo. Nampodi kuchita nawo mpangano, ayai kuwaonesera chifundo. ³Nampodi kuloolerana nawo. Nampodi kupereka wananu wachikazi kuna wanawo wachimuna, nampodi pomwe kutenga wananu wachikazi kupereka kuna wananu wachimuna.⁴Thangwe amdzatembenuza wananu wachimunawo kuleka kutewera ine, pala kuti anamate milungu inango. Ndiye ukali bwa Yahova bumdzagaka pa imwe, achidzakudzongani kamkulumize. ⁵Umu ndimo muti mudzachitire nawo: Mudzapasule maguwa yawo yansembe, kubodola bodola mmbzidupsa bzakuimisira bzawo bzaminyalabzo, kugwata bzamiti bzawo bza Asela, na kutentha bzilinganiro bzao bzakutsema.⁶Thangwe ndimwe dzinza lakupambulika kuna Yahova Mulungu wanu. Wakusankhulani imwe kukhala wanthu wache wache wa iye, kuposa wanthu winango wensene ndiwo ali pa nkhope yadziko lapansi.⁷Yahova alibe kuikha chikondi chache pa imwe ayai kukusankhulani thangwera kuti mukhali azinji kuposa wanthu wina wense neye --- nakuti mukhali wakuchepetsetsa pa wanthu wense--- ⁸soma thangwera ambakukondani, apo akhafuna kukoya chilumbiro ndicho iye adalumbira kuna abereki wanu, Ili ni thangwerache Yahova wakubulisani kunja na boko lache la mphamvu na kukuombolani mnyumba ya akapolo, kuchoka mmanja mwa Falawo, mfumu ya Aigupto.⁹Mthangwerache dziwani kuti Yahova Mulungu wanu--- ni Mulungudi, Mulungu wakukhulupirika, omwe ambakoya mipangano na chifundo cha mibwado bzulu na bzulu bza iwo wakumukonda na kukoya bzakutonga bzache, ¹⁰soma ambabwezera kuna iwo wakumuwenga pamaso pawo, kuwadzonga iwo; iye amdzasasatisa lini kuna aliyense wakumuwenga iye; amdzamubwezera iye pankhope yache. ¹¹Ndiye mumbakoye bzakutonga, manemba, na mayeruzo ndiyo ndikukutongani imwepo lero lino, pala kuti muyachite.¹²Mungatetekera mayeruzoya, mkuyakoya na kuyachita, bzimdzachitika kuti Yahova Mulungu wanu amdzakoya namwe mpangano na chifundo ndicho iye adalumbira kuna abereki wanu. ¹³Amdzamukondani, kukudalisani, na kukuwanzisani. Amdzadalisa bzipaso bza mchibaliro chanu, bzipaso bza mataka---tirigu wanu, vinyu wanu mupsa, na mafuta yanu---mphulu za ng'ombe zanu na nthere za mabira yanu mdziko ndilo iye adalumbira kuna abereki wanu kudddzakupani.¹⁴Mumdzadalisika kwene kwene kuposa wanthu winango wense; pamdzakhala lini mwamuna wakusaya mwana ayayi mkazi ngomwa pa imwe ayai pakati pa bzifuwo bzanu. ¹⁵Yahova amdzachosa matenda yense pa imwe; palibe iriyense ya nthenda zakuipa za mu Aigupto ndizo mumzidziwa zire ndiyo imdzaikhiwa pa imwe, soma amdzaziikha pa iwo wense wakukuwengani.¹⁶Mumdzamala wanthu wensene ndiwo Yahova Mulungu wanu amdzapereka kuna imwe, apo diso lanu limdzawabvera lini nsisi. Nampodi kumbanamata milungu yawo, thangwe umweyo udzakhala mulapu kuna imwe.¹⁷Penu munilewa mumtima mwanu, 'Madzinza yoya mmazinjitsa kuposa ine; niyathotha tani?'--- ¹⁸nampodi kuchita nawo mantha; mukumbukire ndibzo Yahova Mulungu wanu adachita kuna Falawo na kuna Aigupto wensene; ¹⁹ngwete ikulu ndiyo maso yanu yadaona, bzizindikiro, bzakudabwisa, boko lamphamvu, na boko lakufuthula ndilo Yahova Mulungu wanu adakubulisirani imwe kunja. Yahova Mulungu wanu amdzachita bzibodzibodzi kuna wanthu wense ndiwo ambamugopa iye.²⁰Komanso, Yahova Mulungu wanu amdzatumiza malume pakati pawo, ate wensene wakusalawo na wakubisalika okha pamaso panu atadzongeka kuchoka pamaso panu. ²¹Nampodi kudzawagopa neye, thangwe Yahova Mulungu wanu ali pakati panu, Mulungu mkulu na wakugopsa. ²²Yahova Mulungu wanu amdzataya madzinza yoya pamaso panu pang'ono na pang'ono. Mukufunika lini kuwagonjesa wensewo kabodzi na kabodzi neye, kuti bzilombo bzakuthengo bzingadzakuwandireni.²³Soma Yahova Mulungu wanu amdzakupambanisani pa iwo mungadzagumana nawo ku nkhondo; amdzawazunguzisa maninge ate iwo atagonjesiwa. ²⁴Iye amdzapereka mafumu yawo mmanja mwanu, apo mumdzachitisa dzina lawo kupfudzika pansi pa thambo. Palibe ndiye amdzakwanisa kuima pamaso panu, ate mutawagonjesa.²⁵Mumdzatentha bzilinganiro bzakutsema bza milungu yawo---nampodi kusirira siriva ayai oro ndibzo bziri paiwo mkubzitengera mwekha, thangwe mungachita tenepoyo, mumdzakolowekedwa nabzo---thangwe ibzi bzimbanyansira Yahova Mulungu wanu. ²⁶Nampodi kubweresa chakunyansa chirichense mnyumba mwanu mkuyamba kuchinamatira chocho. Mumbanyansidwe nacho na kuipidwa nacho, thangwe mchinthu chakuthemera kudzongewa.

8¹Mukoye bzakutonga bwense ndibzo ndikukupani lero lino, pala kuti mukhale na moyo na kuwanda, apo ndokoni mwemo mukakhale mdziko lanu lanu ndilo Yahova adalumbirira kuna abereki wanu. ²Mukumbukire mumtima mwanu njira zense ndizo Yahova Mulungu wanu wakutsogolerani magole makumi manayiya mchipululu, pala kuti akuchepeseni, kuti akuyezereni kudziwa ndibzo bziri mumtima mwanu, penu mungakoyedi bzakutonga bzache ayai neye.³Adakuchepesani, achikubvesani njala, achikudyesani na mana, ndiyo mukhanati kuyadziwa kale na ndiyo abereki wanu akhanati kuyadziwa kale. Adachita bzobzo kukudziwisani kuti ni mkate lini okha ndiwo wanthu akhakhalire na moyo; soma, mchirichense ndicho chimbabula mkamwa mwa Yahova ndicho wanthu angakhale nacho na moyo.⁴Bzakubvala bzanu bziribe kusakala na kukutayikirani, apo nzayo zanu ziribe kugwera mmagole makumi manayi. ⁵Mumbakumbuke mumtima mwanu, ndimo, ninga munthu ambalangira mwanache, ndimombo Yahova Mulungu wanu ambalangira imwepo. ⁶Mumbakoye bzakutonga Yahova Mulungu wanu, kuti mufambe mnjira zache na kumugopa.⁷Thangwe Yahova Mulungu wanu akukubweresani mdziko labwino, dziko la tumikulo twa madzi, alowe na maiwe, wakuyerera mbzigwa na mmipata mwa mapiri; ⁸dziko la tirigu na barele, la mpesa, mikuyu, na makangaza; dziko la miti ya azitona na uchi.⁹Ni dziko lakuti mumdzadya lini mkate mwakupereweza na lakuti mumdzasaya lini chinthu chirichense; dziko ndilo minyala yache njakukonziwa na fero, na mmapiri mwache mum'badzachera mkuwa. ¹⁰Mumdzadya muchikhuta, muchidzatenda Yahova Mulungu wanu thangwera dziko labwino ndilo wakupani.¹¹Chenjerani kuti mungayebwe Yahova Mulungu wanu, pakutazira kukoya bzakutonga bzache na mayeruzo yache na manemba ndiyo ndikukutongani lero. ¹²Apo neye, mungadya muchikhuta, na nthawe ndizo mwamanga nyumba zabwino mkumbakhala momo, mumdzakula mtima.¹³Chenjerani nthawe ndizo ng'ombe zanu na mabira yanu zawanda na pomwe siriva na oro bziniwanda, na bzense ndibzo munabzo bzingawanda, ¹⁴ndiye mtima wanu umbadzakula zjai muchidzayebweratu Yahova Mulungu wanu, omwe adakubulisani mdziko la Aigupto, kunja kwa nyumba ya akapolo.¹⁵Nampodi kumuyebwa ndiye adakutsogolerani kudzera mchipululu chikulu na chakugopsa, na nyoka zache mwemo zakugopsa na mphiriri na mataka ya nyota pomwe pakhalibe madzi, omwe adakubulisirani madzi kuchoka Ku thanthwe la nsongolobwe. ¹⁶Adakudyesani mchipululu na mana yakuti abereki wanu akhanati kuyadziwa kale, pala kuti akuchepeseni na kukuyezerani, kukuchitirani bzabwino kumapeto kwache, ¹⁷soma mumbati mumtima mwanu, 'Mphamvu zangu na mphamvu za boko langu izi zidandipsagira vida yenseneyi.'¹⁸Soma kumbukirani Yahova Mulungu wanu, thangwe ndiye ambapereka mphamvu zakuphatira vida, kuti akhazikise mpangano wache ndiwo adalumbirira abereki wanu, ninga ndimo bziliri lero lino. ¹⁹Bzimdzachitika kuti, mungayebwa Yahova Mulungu wanu na kutewera milungu ina, na kuinamata, na kuitumukira, nimkuchitirani umboni lero lino kuti mumdzadzongeka meju. ²⁰Ninga madzinza ndiyo Yahova wayadzonga pamaso panu, mterepoyombo mumdzadzongeka, thangwera kusaya kubvera mafala ya Yahova Mulungu wanu.

9¹Bvani, Isaraeli; mwasala pang'ono kuyambuka Yorodano lero, kupita na kutambira madzinza makulu na ya mphamvu yakuposa imwe, na miyi mikula na yakukhala na malitsito yakuguya kudzaulu, ²wanthu akulu na atali, wana wachimuna wa Aanaki, omwe mukuwadziwa wale, na ndiwo mwakhala mukubva wanthu kumbati, 'Mbani angaime pamaso pa wana wachimuna wa Aanaki?'³Dziwani tsono lero kuti Yahova Mulungu wanu ndiye ambayambuka patsogolo panu imwe mukanati ninga moto walupsa; iye amdzawadzonga iwo, achidzawagwesa iwo pamaso panu; ndiye mumdzawathotha na kuwadzonga kamangu, ninga ndimo Yahova wakuuzirani imwe.⁴Nampodi kulewa mumtima mwanu, Yahova Mulungu wanu waathotha pamaso panu, 'Chikhali chilungamo changu ndipopa Yahova wandibweresera muno kudzatambira dziko kukhala langulangu.' thangwera bzakuipa bza madzinza yoya ndipopa Yahova akuwathothapa pamaso panu.⁵Nithangwera lini chilungamo chanu ayai kuthamuka kwa mtima wanu kuti mukuyenda kukatambira dziko lawopa, soma thangwera kuipa kwawo kwa madzinza yamweya ndiyo Mulungu wanu akuyathotha kuchoka pamaso panu, nakuti achitise mafala kukhala yachadidi ndiyo adalumbirira kuna abereki wanu, kuna Aburahamu, Isaki, na Yakobo.Dziwani tsono, kuti Yahova Mulungu wanu akukupani dziko labwinoli kukhala lanu lanu thangwera chilungamo chanu, thangwe ndimwe wanthu wakutayika.⁷Kumbukirani apo nampodi kuyebwa ndimo mudamputira Mulungu achikalipa mchipululu; kuchoka nsiku ndiyo mudabula mdziko la Aigupto ate kudzafika mbuto ino, mudapikisana na Yahova. ⁸Pa Horebu pomwe mudamputa Mulungu achikalipa, apo Yahova akhadakalipa mwakuthemera kukudzongani.⁹Nthawe ndizo ndidakwira paphiri kukatambira magome ya minyala, magome ya mpangano ndiwo Yahova adachita namwe, ndidakhala paphiripo masikati makumi manayi na usiku makumi manayi; ndiribe kudya mkate ayai kumwa madzi. ¹⁰Yahova adandipa magome mawiri ya minyala yakunemba na chala chache; pamwepo pakhadanembiwa chirichense ninga mafala yense ndiyo Yahova adapangana namwe paphiri kuchoka pakati pa moto pa nsiku ya mtsonkhano.¹¹Bzidachitika pamapeto pa masikati makumi manayi na usiku makumi manayi bule kuti Yahova adandipa magome mawiri ya minyala, magome ya mpangano. ¹²Yahova adati kuna ine, 'Lamuka, ndoko polika kamkulumize kuchoka pano, thangwe wanthu wako ndiwo waabulisa mu Aigupto wale, abzinyengeza okha. Kamkulumize zjai apambuka munjira yangu ndiyo ndidawatonga. Abzikonzera okha chilinganiro chakunyengeza.'¹³Kuthimizira apo, Yahova adasewera kuna ine achiti, 'Ndaona wanthuwa; mbanthu wakutayika. ¹⁴Ndilekeni, ndiwadzonge zjai na kupfudza dzina lawo pansi pa thambo, apo nimdzakuyesani dzinza lamphamvu na likulu kuposa iwo.'¹⁵Ndiye ndidazungunuka ndichibuluka paphiripo, apo phirilo likhagaka. Magome mawiri ya mpanganoyo yakhali mmanja mwache. ¹⁶Ndidanyang'ana, apo onani, mudaphonyera Yahova Mulungu wanu. Mwabzikonzera mwekha mwana wa ng'ombe. Mwakulumiziratu kupambuka munjira ndiyo Yahova adakutongani.¹⁷Ndidatakula magome mawiri ndichiyathusa kuchoka mmanja mwangu. Ndidayapsa iyo pamaso panu. ¹⁸Ndidagwesa pomwe nkhope yangu pamaso pa Yahova kwa masikati makumi manayi na usiku makumi manayi; ndiribe kudya mkate ayai kumwa madzi, thangwera bzakuphonya bzanu bzense ndibzo mudachita, pakuchita chimwecho chomwe chikhali chakuipa pamaso pa Yahova, kuputa ukali bwache.¹⁹Thangwe ndikhana mantha na ukali na kutentha mtima ndiko Yahova akhadakalipa namwe kwene kweneko kufuna kukudzongani. Soma Yahova adanditetekera ine nthawe zozo letu. ²⁰Yahova akhadakalipa maninge na Aloni kuti amudzonge; ndidampempherera pomwe Aloni pa nthawe yoyo.²¹Ndidatenga bzakuphonya bzanu, mwana wang'ombe ndiye mudakonza ule, mkumutentha, kummenya, mkumutswanya na kumpeya kukhala kang'ono ng'ono, ate kunyalala ninga pfumbi. Ndidathusa phumbi lache mu mkulo ndiwo udabuluka kuchoka m'phiri.²²Ku Tabera, ku Masa, na ku Kibiroti Hatava, mudaputa ukali bwa Yahova. ²³Pomwe Yahova adakutumizani kuchoka ku Kadesi Barinea achiti, 'Kwirani ndokoni mukatenge dziko ndilo ndakupani.' ndiye mudapikisana nayo mafala ya Yahova Mulungu wanu, neye kumukhulupirira ayai kumubvera mafala yache. ²⁴Mudapikisana na Yahova kuchoka pansiku ire ndiyo ndidakudziwani imwepo.²⁵Ndiye ndidagwesa nkhope pamaso pa Yahova masikati makumi manayi na usiku makumi manayi yamweyo, thangwe akhadalewa kuti amdzakudzongani imwepo. ²⁶Ndidapemba kuna Yahova ndichiti, 'O Mbuya Yahova, nampodi kudzonga wanthu wanu ayai chakupita ndicho achipulumusa kuchoka mu ukulu bwanu, ndicho mwachibulisa kuchoka mu Aigupto na boko la mphamvu.²⁷Kumbukirani akapolo wanu Aburahamu, Isaki, na Yakobo; nampodi kunyang'anira kutaika kwa wanthuwa, ayai kuipa kwao, ayai pa bzakuphonya bzao, ²⁸pala kuti dziko ndilo imwe mudatibulisa lilewe, "Thangwera Yahova adatazira kuwabweresa mdziko ndilo adawalonjeza iwo, na thangwera akhawawenga, wawabulisa kukawapha mchipululu." ²⁹Chensecho mbanthu wanu na chakupita chanu, ndiwo mudawabulisa na mphamvu zanu zikulutsa na kuonesera mphamvu zanu.'

10¹Nthawe zozo Yahova adati kuna ine, 'Tsema magole mawiri ya minyala ninga yakutoma Yale, ukwire mayo kuna ine paphiri pano, apo utseme likasa la muti. ²Nimdzanemba pa magomeyo mafala ndiyo yakhali pa udapsa yale, apo udzayaikhe mulikasamo.'³Ndiye ndidakonza likasa la muti wa sitimu, ndichitsema magome mawiri yaminyala ninga yakutoma yale, ndichikwira paphiripo, nditatakula magome mawiri mmanja mwangu. ⁴Adanemba pa magomepo, ninga kunemba kwakutoma kule, Bzakutonga Khumi ndibzo Yahova akhadasewera kuna imwe paphiri pale pakati pa miti nsiku ya mtsonkhsno; kinangoko Yahova adayapa kuna ine.⁵Ndidazungunuka ndichipolika kuchoka paphiripo, ndichiikha magomeyo ndiyo ndikhadakonzayo mu likasamo; yali pale, ninga Yahova adanditongera ine."⁶Wana wa aIsaraeli adafamba ulendo kuchoka ku Beroti Bene Yaakani kuyenda ku Mosera. Kumweko Aroni adasaika, achiikhiwa koko; Eliezara, mwanache wachimuna, adaphata basa la unsembe kupita m'buto mwache. ⁷Kuchoka popo adafamba ulendo bwa ku Gudigoda, apo kuchoka Ku Gudigoda kuyenda ku Yotibata, dziko la mikulo ya madzi.⁸Panthawe yoyo Yahova adasankhula wadzinza la Levi kumbatakula likasa la mpangano wa Yahova, kumbaima pamaso pa Yahova mkumbamutumikira, na kudalisa wanthu mdzina lache, ninga leroli. ⁹Mnthangwerache Levi alibe gawo ayai chakupita cha dziko na abale wache; Yahova ndiye chakupita chache, ninga Yahova Mulungu wanu adasewerera kuna iye.)¹⁰"Ndidakhala paphiripo ninga nthawe yakutoma ire, masikati makumi manayi na usiku makumi manayi. Yahova adanditetekera pomwe nthawe zozo; Yahova alibe kufuna kukudzongani imwepo. ¹¹Yahova adati kuna ine, 'Lamuka, ndoko pamaso pa wanthu ukawatsogolere pa ulendo bwawo; amdzakapita momo kukatambira dziko ndilo ndidalumbirira kuna abereki wawo kudzawapa.'¹²Tsapano, Isaraeli, Yahova Mulungu wanu amkufuna chani kuna imwe, kupambula kugopa Mulungu, kufamba mnjira zache zense, kumukonda iye, na kunamata Yahova Mulungu wanu na mtima wanu wense na moyo wanu wense, ¹³kukoya bzakutonga Yahova, na manemba yache, ndiyo ndikuuzani imwe lero pala bzikukomereni?¹⁴Onani, kuna Yahova Mulungu wanu mpsache kudzaulu na kudzaulu kwa kudzaulu, dziko lapansi na bzense bziri momo. ¹⁵Yahova yekha ndiye adakomedwa na abereki wanu na kuwakonda, apo adasankhula imwe, mbeu yawo, pambuyo pawo, kwene kwene kuposa wanthu wina wense, ninga ndimo ambachitira lero.¹⁶Ndiye gwatani khanda la mtima wanu, apo nampodi kutaika pomwe. ¹⁷Thangwe Yahova Mulungu wanu, iye ni Mulungu wa milungu na Mbuya wa azimbuya, Mulungu Mkulutsa, Wamphamvu Zense na Wakugopeka, omwe ambapondera lini aliyense na kutambira bzakukomesera milandu.¹⁸Ambayeruzira wana wamasiye na akazi wamasiye, apo ambakonda mlendo na kumupa chakudya na chakubvala. ¹⁹Ndiye kondani mlendo; thangwe mukhalimbo alendo mdziko la Aigupto.²⁰Mumbagope Yahova Mulungu wanu; iye mumunamate. Kuna iye muphatisise, apo mu dzina lache mumbalumbire. ²¹Ngwakumunamata wanu, apo ni Mulungu wanu, omwe wachita bzinthu bzakudabwisa na bzakugopsa bzikulubzi, bzomwe maso yanu yaona.²²Abereki wanu adapolika kuyenda ku Aigupto ninga wanthu makumi manomwe basi; tsapano Yahova Mulungu wanu wakuwanzisani ninga nyenyezi zakudzaulu.

11¹Ndiye tsono mukonde Yahova Mulungu wanu na kukoya malangizo yache nthawe zense, manemba yache, mayeruzo yache, na bzakutonga bzache.²Dziwani kuti ndikusewera lini kuna wana wanu, ndiwo akanati kuona kale chilango cha Yahova Mulungu wanu, ukulu bwache, boko lache la mphamgu, ayai boko lache lakufuthuka, ³bzizindikiro na bzichito ndibzo adabzichita pakati pa Aigupto kuna Falawo, mfumu ya mu Aigupto, na kudziko lache lensene.⁴Ayai iwo kuonambo okha ndibzo iye adachita kuna wankhondo wa ku Aigupto, akavalo wao, magaleta yao, ndimo adachitira kuna madzi ya Mnyanza Ifwira kuwamiza kule pomwe akhakutewerani pambuyo panu pale, na ndimo Yahova wawadzongera ate lero, ⁵ayai ndibzo adachita kuna imwe mchipululu ate kudzafika pambuto ino.⁶Akhanati kuona iwo ndibzo Yahova adachita kuna Datani na Abiramu, wana wachimuna wa Eliabu mwana wachimuna wa Rubeni, ndimo dziko lidafungulira kukamwa kwache lichiwakhudyula, mabanja yawo, mahema yawo, na chirichense cha moyo ndicho chidawatewera iwo, pakati pa Aisarseli wensene. ⁷Soma maso yanu yaona mabasa makulu yense ya Yahova ndiyo adayachita.⁸Ndiye koyani bzitongi ndibzo ndikukuuzani lero lino, kuti mukhale wa mphamvu, na kuyenda momo kukatambira dziko ndilo mukuyambuka kukalitambira, ⁹nakuti mukawanzise nsiku zanu ndizo Yahova adalumbirira kuna abereki wanu kudzawapa iwo na wa mbeu yawo, dziko lakuyerera mkaka na uchi.¹⁰Thangwera dziko, ndilo mukuyenda kukatambiralo, liri lini ninga dziko la Aigupto neye, ndilo mudachokera lire, ndilo mudafesaa mbeu zanu mkumbathirizira na nzayo yanu, ninga munda wa therere; ¹¹soma dziko, ndilo mukuyenda kukatambiralo, ni dziko lamapiri na bzigwa, na kumbakamwa madzi ya mvula yakudzaulu, ¹²dziko ndilo Yahova Mulungu wanu ambalitchenkha; maso ya Yahova Mulungu wanu yali pa ilo nthawe zensene, kuchoka kwakutoma kwa gole ate kumapeto kwa gole.¹³Bzimdzachitika, penu munitchenkha bwino bzakutonga bzangu ndibzo nimkuuzani lero lino, kukonda Yahova Mulungu wanu na kumtumikira iye na mtima wanu wense na moyo wanu wense, ¹⁴kuti nimdzapereka mvula mdziko lanu pa nthawe yache, Mvula yakutoma na yatsapanoyi, kuti mukolole tirigu wanu, vinyu wanu mupsa, na mafuta yanu. ¹⁵Nimdzapereka maupsa mthengo mwanu pala ng'ombe zanu, apo mumdzadya muchidzakhuta.¹⁶Chenjerani mwekha pala kuti mtima wanu nampodi unyengezeke, kuchungunuka kumbani mkumbanapata milungu ina nakumbaigodamira; ¹⁷pala kuti ukali bwa Yahova nampodi bufike pa imwe; kuti nampodi afunge mvula kudzaulu kuti kungadzakhale kwakusaya mvula, dziko lichidzataza kubala bzipaso, pala kuti mungadzamale kamangu kuchoka mdziko labwino ndilo Yahova akukupani imwe.¹⁸Ndiye koyani mafala yanguya mumtima na mmoyo mwanu, yamangeni ninga chizindikiro cha paboko panu, apo yakhale ninga bzapamkuma pakati pa maso yanu. ¹⁹Mumbadzayapfunzise kuna wana wanu na kuyasewera nthawe ndizo mumkhala mnyumba mwanu, pakufamba pamseu, pakugona, na pakulamuka.²⁰Mumbadzayanembe pa nsandamira za nyumba zanu na pa bzipata bza miyi yanu ²¹kuti nsiku zanu na nsiku za wana wanu zidzathimizirike mdziko ndilo Yahova adalumbirira kuna abereki wanu kudzawapa ninga ndimo kudzaulu kuliri kutali na pa dziko lapansi.²²Thangwe mungakoyesesa bzakutonga bzensebzi ndibzo nimkuuzani imwe, kuti mubzichite, kukonda Yahova Mulungu wanu, kufamba munjira zache zensene, na kuphathika kuna iye, ²³ndiye Yahova amdzathotha madzinza yenseneya kuchoka pamaso panu, apo mumdzapsokonyola madzinza makulu na ya mphamvu kuposa imwe.²⁴Mbuto iriyense ndiyo nzayo yanu imdzaponda imdzakhala yanu; kuchoka mchipululu kufika ku Lebanoni. kuchokera ku mkulo, Mkulo wa Firate, ate kunyanza ya kumachibese ndiyo yamdzakhala malire yanu. ²⁵Palibe munthu amdzakwanisa kuima pamaso panu. Yahova Mulungu wanu amdzaikha mantha pa imwe na mantha pa imwe kudziko lense ndilo mumdzapondalo, ninga ndimo wakuuzirani.²⁶Nyang'anani, ndikuikha paimwe lero mdaliso na themberero; ²⁷mdaliso, mungabvera bzakutonga bza Yahova Mulungu wanu ndibzo ndikukuuzanibzi lero, ²⁸na themberero, mungasaya kubvera bzakutonga bza Yahova Mulungu wanu, soma lekani njira nimkuuzani lero, kumbatewera milungu ina ndiyo muniidziwa lini.²⁹Bzimdzachitika, pomwe Yahova Mulungu wanu amdzakubweresani mdziko ndilo mukukatambiralo, kuti mumdzaikha mdaliso pa Phiri la Gerizimu, na themberero pa Phiri la Ebala. ³⁰Yali lini ng'ambu ya Yorodano yamweya, kumaulo kwa mseu wakumaulo, mdziko la a Kanani omwe ambakhala ku Araba, kuyambuka ku Giligala, pafupi na mathunda ya More?³¹Thangwe muniyambuka Yorodano kupita momo kukatambira dziko ndilo Yahova Mulungu wanu akukupani, apo mumdzalitambira muchikhala momo. ³²Mumbakoye manemba yense na mayeruzo ndiyo nimkuikhirani pamaso panu lero lino.

12¹Aya ni manemba na mayeruzo ndiyo muti mukayakoye mdziko ndilo Yahova, Mulungu wa abereki wanu, wakupani kukhala lanu lanu, nsiku zensene zakukhala padziko lapansi. ²Mumdzadzonga chadidi mbuto zense ndizo madzinza ndiyo mumdzayapsokonyola yakhanamatira milungu yawo, mmapiri matali matali, mtumapiri, na patsinde pamuti uliwense uwisi.³Mudzaphasule malikasa yawo, kupsa mmapidaso nthutu zawo, na kutentha miti yawo ya Asela. Mudzagwate bzilinganiro bzakutsema bza milungu yawo na kupfudza dzina lawo kuchoka pa mbuto yoyo. ⁴Nampodi kudzanamata Yahova Mulungu wanu ninga tenepoyo.⁵Soma kumbuto ndiyo Yahova Mulungu wanu wasankhulira mwa madzinza yanu yensene kuikha dzina lache, imweyo imdzakhala mbuto ndiyo iye ambakhala, apo mkumweko ndiko mumdzayenda. ⁶Na kubwera nazo nsembe zanu zakupserereza, na nsembe zanu zakuphera, bzachikhumi bzanu, na nsembe yakukwiza ya boko lanu, na bzakutoma kukhuma bzanu, nsembe zanu zaufulu, na bzakutoma kubadwa bza ng'ombe zanu na mabira na mbuzi.⁷Kumweko mumbadye pamaso pa Yahova Mulungu wanu na kusekera pa chirichense ndicho mudachiphata na boko lanu, imwe na wapabanja lanu, ndiko Yahova Mulungu wanu wakudalisani.⁸Nampodi kumbadzachita ninga bzense mukuchita kunobzi lero lino; tsapano aliyense akuchita ndicho akuona kuti mchakuthemera pamaso pache; ⁹nakuti mukanati kufikira mpumo, ku chakupita ndicho Yahova Mulungu wanu akukupani.¹⁰Soma mungayambuka Yorodano mkukakhala dziko ndilo Yahova Mulungu wanu akutambirisani amdzakupani mpumo kuna awengi wanu wense kuzungulira popo apo mumdzakhala mwakukhazikika. ¹¹Ndiye kumbuto ndiyo Yahova Mulungu wanu amdzakusankhulirani kuchitisa dzina lache kukhala momo---koko mumdzabweresa bzense nimkuuzanibzo: nsembe zanu zakupserereza, bzachikhumi bzanu, na bzakupereka bzakuphata na boko lanu, na bzakutoma kukhuma bzanu, bzakupereka bzaufulu ndibzo mum'bzisankhulira ndibzo mum'bzilonjezera kuna Yahova.¹²Mumdzasekera pamaso pa Yahova Mulungu wanu--imwe, wana wanu wachimuna, wana wanu wachikazi, anyabasa wanu wachimuna, anyabasa wanu wachikazi, na Alevi ndiwo ali mmiyi mwanu, popeza alibe gawo ayai chakupita pabodzi na imwe.¹³Chenjerani mwekha kuti nampodi mupereke nsembe zakupserereza mbuto iriyense ndiyo munionayo; ¹⁴soma pambuto ndipo Yahova amdzasankhula mwa libodzi la madzinza yanu kuti mudzapereke nsembe zanu zakupserereza, apo kumweko ndiko mumdzakachita chirichense ndicho nimdzakuuzani.¹⁵Ndiye, mumbaphe na kudya nyama za mmiyi mwanu, ninga ndimo mumfunira, kumbatambira madaliso ya Yahova Mulungu wanu pa bzense ndibzo wakupani; wanthu wakupsipiziwa na wakuchena wensewo ambadye, nyama ninga mphoyo, na ngondo. ¹⁶Soma mulopa nampodi kumbadya; mumbautsanulire pansi ninga madzi.¹⁷Nampodi kumbadya chachikhumi cha tirigu wanu mmiyi mwanu, vinyu wanu mupsa, mafuta yanu ayai yakutoma kubaliwa ya ng'ombe ayai mabira na mbuzi zanu; apo nampodi kudya nyama iriyense ndiyo mwaipereka nsembe pabodzi na bzakutoma kukhuma na bziribzense ndibzo mum'bzilonjeza ayai nsembe zanu za ufulu, ayai nsembe zakukwiza za boko lanu.¹⁸Soma, mumbadye pamaso pa Yahova Mulungu wanu pambuto ndipo Yahova Mulungu wanu wasankhula---imwe, wana wanu wachimuna, wana wanu wachikazi, akapolo wanu wachimuna, akapolo wanu wachikazi, na Alevi ndiwo ali mmiyi yanu; mudzasekera pamaso pa Yahova Mulungu wanu pa chirichense mumdzaphata na boko lanu. ¹⁹Chenjerani mwekha kuti nampodi muwaswaye Alevi nthawe ndizo mukukhala mdziko lanu.Nthawe ndizo Yahova Mulungu wanu amdzakuza malire yanu, ninga ndimo wakulonjezerani, apo mungadzati, 'Ndidye nyama,' thangwera chikhumbo chanu chakudya nyamacho, mudzadye nyamayo, ndimo moyo wanu umfunira.²¹Penu mbuto ndiyo Yahova Mulungu wanu amdzaisankhula kuikha dzina lache yangakutalimphirani , mumbadzaphe mwa ng'ombe zanu na mabira yanu ndiyo Yahova adakupanizo, ninga ndimo ndakuuzirani; mkuzidya mmuyi mwanu mokha mokhamo, ninga ndimo mtima wanu umdzafunira. ²²Ninga mphoyo na ngondo zimbadyedwera, ndendembo mumdzabzidya tenepo; wanthu wakusaya kuchenesiwa na wakuchena ambadzadye mwakundendemera.²³Soma onesesani nampodi kudya mulopa, thangwe mulopa ni moyo; nampodi kumbadyera kubodzi moyo na nyama. ²⁴Nampodi kudzaudya; mumbautsanulire pansi ninga madzi. ²⁵Nampodi kumbaudya, pala kuti bzikufambireni bwino, na wana wanu pambuyo panu, mungambachita bzakulungama pamaso pa Yahova.²⁶Soma bzinthu bza Yahova ndibzo munabzo na bzakupereka bzanu bzakutoma kukhuma---mubzitenge kuyenda nabzo kumbuto ndiyo Yahova wasankhula. ²⁷Kumweko mupereke nsembe zanu zakupserereza, nyama na mulopa, pa guwa lansembe la Yahova Mulungu wanu apo mudye nyamayo.²⁸Tchenkhani na kutetekera mafala yense nimkuuzaniya, pala bzikufambireni bwino na wana wanu pambuyo panu kwa muyaya, mungachita bzabwino na bzakulungama pa maso pa Yahova Mulungu wanu.²⁹Pamene Yahova Mulungu wanu akudzagwata wa madzinza kuchoka pa maso panu, pomwe munipita kukawatambira, apo mungawatambira na kukhala mdziko lawo, ³⁰chenjerani mwekha kuti nampodi mupite mmulapu wakuwatewera iwo, angadzamala kudzongeka kuchoka pamaso panu --- mungapite mmulapu wakupsaga milungu yawo, mkumbabvunza, 'Madzinza yoya yambanamata tani milungu ina? Nimchitambo bzibodzibodzi.'³¹Nampodi kunamata Yahova Mulungu wanu munjira yoyo, thangwe chirichense chakunyansira Yahova, bzinthu ndibzo ambawengana nabzo--- iwo ndiye kuti ambabzichita na milungu yawo; ambabvuma kutentha wana wawo wachimuna na wana wawo wachikazi pamoto thangwera milungu yawo. ³²Chirichense nimkuuzanicho, chioneseseni. Nampodi kuchithimizira ayai kuchipunguza.

13¹enu pakati panu pamdzaoneka mneneri ayai wakumbalota maloto, apo penu amkuonesani chizindikiro ayai chakudabwisa, ²apo penu chizindikiro ayai chakudabwisacho chimdzaonekadi, ndicho adachilewalewa kuna imwe na kuchisewela, 'Mbatiye titewere milungu ina, ndiyo mukanati kuidziwa kale apo mbatiye tiinamate,' ³nampodi kutetekera mafala ya mneneri umweyo ayai nyakulota imweyo; thangwe Yahova Mulungu wanu akukuyezerani penu mumbakondadi Yahova Mulungu wanu na mtima wanu wense apo na moyo wanu wense.⁴Mudzafambe pambuyo pa Yahova Mulungu wanu, mulemekezeni, koyani bzakutonga bzache, apo bverani mafala yache, so mudzamunamate na kumumamatira iye. ⁵Mneneri umweyo ayai nyakulota maloto umweyo mumuphe, thangwe wasewera bakugazana na Yahova Mulungu wanu, ndiye adakubulisani mdziko la Aigupto, na ndiye adakulombolani mnyumba ya akapolo. Mneneri umweyo amfuna kutondo kukusocheresani mnjira ndiyo Yahova Mulungu wanu adautongani imwe kumbafamba. Ndiye chosani letu kwakunyanya chakuipa pa imwe.⁶Achikhala m'bale wanu, mwana wachimuna wa m'bale wanu, ayai mwananu wachikazi, ayai mkazi wa kumtima kwanu, ayai mwayanu ndiye kuna imwe ali ninga moyo wanu chaiwo, akukungingimizani mtseri kuti, 'mbatiye tikanamate milungu ina' ndiyo mukanati kuidziwa, neye imwe ayai abereki wanu--- ⁷aliyense wa mulungu wa wanthu ndiye ali pafupi na imwe, pafupi namwe ayai kutali namwe, kuchoka kumalekezero kwa dziko kufika ku malekezero kwinango.'⁸Nampodi kumutawira ayai kumutetekera, apo nampodi kubvuma diso lako kumubvera nsisi, apo nampodi kumuleka, ayai kumubisa. ⁹Soma, umuphe meju; boko lako likhale lakutoma kumupha, kinangoka manja bwino yawanthu winango.¹⁰Mudzamuphe kuchita kumuboma minyala, thangwe wayezera kukusocheresani kuna Yahova Mulungu wanu, ndiye adakubulisani mdziko la Aigupto, kuchoka mnyumba ya akapolo. ¹¹Isaraeli wense amdzabva achigopa, apo amdzapitiriza lini kuchita bzakuipa bza mtunduyu paimwe.¹²Mungabva wina akulewa kuguma ubodzi wa miyi yanu, ndiyo Yahova Mulungu wanu wakupani kuti mukhale momo: ¹³Amuna wina wa pezipezi apambuka pakati panu mkupumpsa anzanu wina wakukhala namwe mmuyi kuti, 'Mbatiye tinamate milungu ina ndiyo mukanati kuidziwa kale.' ¹⁴Ndiye mukhale na umboni, fufudzani, apo unguzani bwino bwino. Mungabulukira kuti mpsachadidi na bzakutsimikizika kuti chakunyansachi chachitikadi pa imwe, ndiye muchite chinthu.¹⁵Mumbamenye wakukhala mmuyimo na lupanga lakuthwa, na kudzongeratu kubodzi na wanthu wense ndiwo ali momo, na ng'ombe zache kubodzi, na lupanga lakuthwa. ¹⁶Mudzagwezeke bzakudzongeka bzense bza momo pakati pa muyi mkutentha muyiyo, na bzakukolola bzache bzense, ninga nsembe yakupserereza ya Yahova Mulungu wanu. Muyiyo umdzakhala mudwi wa mauwo ate muyaya; nampodi udzamangiwe pomwe.¹⁷Neye kuti chibodzi cha bzinthu bzapambuliwa pala kudzongewabzo bzimamatire mmanja mwanutu. Ichi chikhale tenepo, kuti Yahova aleke kukalipa kwa ukhali bwache pa imwe, mkukuoneserani chifundo, kukubverani nsisi, na kukuchitisani kuwanda, ninga ndimo adalumbiririra kuna abereki wanu. ¹⁸Amdzachita bzobzi thangwe mukutetekera kuna mafala ya Yahova Mulungu wanu, kukoya bzakutonga bzache bzense ndibzo ndikukuuzani imwe lero, kuchita bzobzo ndibzo mpsabwino pamaso pa Yahova Mulungu wanu.

14¹Ndimwe wana wa Yahova Mulungu wanu. Nampodi kubzigwata mwekha, ayai kumeta mbuto iriyense ya kunkhope kwanu thangwera nyakufa. ²Thangwe ndimwe dzinza lakupambulika kuna Yahova Mulungu wanu, apo Yahova wakusankhulani kukhala wana wache wache, kuposa wanthu wense ndiwo ali padziko lapansi.³Nampodi kumbadya chinthu chakunyansa. ⁴Izi ni nyama ndizo mumbadye: ng'ombe, mabira, na mbuzi, ⁵mphoyo, ngondo, nswala, mphalapala, ngoma, nyumbu, na mbalale.⁶Mumbadye nyama zakugawanika bziboda, ndiye kuti, ndizo zidagawanika bziboda pawiri, na ndizo zimbabzukula zichitampfuna ndibzo zakhudyula kale. ⁷Soma, nampodi kumbadya nyama zinango ndizo zimbabzukula ayai ndizo zina bziboda bzakugawanika pawiri: ngamira, asulo, na mabira; thangwe zimbabzukula zichitampfuna ndibzo zadya kale soma ziribe kugawanika bziboda, mzakupsipiziwa kuna imwe.⁸Nkhumba njakupsipiziwa pomwe kuna imwe thangwe njakugawanika bziboda soma imbabzukula lini; njakupsipiziwa kuna imwe. Nampodi kumbadya nyama ya nkhumba, na kumbaphata thupi lache.⁹Bzinthu bzina ibzi ndibzo bziri mmadzi mumbadye: chirichense ndicho china minga na makakanamba; ¹⁰soma chirichense ndicho chiribe minga na makakanamba nampodi kudya; mpsakupsipiziwa kuna imwe.¹¹Mbalame zense zakuchenesiwa mumbadye. ¹²Soma izi ni mbalame zakuti nampodi mumbadye: mphungu, nkhwazi, chikambi, ¹³kamtande na khwangwala, chimbalame chirichense chakudya zinzache.¹⁴Nampodi kumbadya, psololo, khungubwe, ¹⁵na nthiwatiwa, na chipudo, kakowa, na kabawi aliyense, ¹⁶kaukutu, mantchichi, tsekwe, ¹⁷bvuwo, dembu, chipsa nkhono.¹⁸Nampodi kumbadya indwa, nyantchengwe aliyense, nsadzu na kalimpsimpsi. ¹⁹Bzense bzamatenga bzakumbuluka mathimu mpsakupsipiziwa kuna imwe; nampodi bzimbadyiwe. ²⁰Mumbadye bzakumbuluka bzakuchenesiwa basi.²¹Nampodi kumbadya chirichense chakufa chokha; mumbapase mlendo ndiye ali mmuyi mwanu, kuti abzidye; ayai mugulise kuna mlendo. Thangwe ndimwe dzinza lakupambulika kuna Yahova Mulungu wanu. Nampodi kuphika ntchere yambuzi ya mu mkaka wa mai wache.²²Mumbapereke chachikhumi cha mbeu zanu, ndizo zachoka kumunda gole na gole. ²³Mumbadye pamaso pa Yahova Mulungu wanu, kumbuto ndiko amdzasankhula kukhala kwakukhala dzina lache, chachikhumi cha mbeu zanu, cha vinyu wanu mupsa, na mafuta yanu, na zakutoma kubaliwa za ng'ombe zanu na mabira yanu na mbuzi zanu; kuti mupfunzire kulemekeza Yahova Mulungu wanu nthawe zense.²⁴Penu ulendo bwakutalikirani maninge kuti ningakwanise lini kuitakula, thangwera mbuto ndiyo Yahova Mulungu wanu amdzasankhula kuikha dzina lacheyo mkutalitsa na imwe, ndiye, pomwe Yahova wakudalisani, ²⁵mudzachinje chakuperekacho kukhala kobiri, mangani kobirizo zikhale mmanja mwanu, apo muyende kumbuto ndiko Yahova Mulungu wanu amdzasankhula.²⁶Kumweko mumkaphatisira basa kobirizo pa chirichense mumdzakakhumbacho: ng'ombe, mabira, vinyu, ayai chakumwa chakulimba, ayai chirichense mumfunacho. Ndiye mumbadzadye kumweko pamaso pa Yahova Mulungu wanu na kusekera, imwe na banja lanu. ²⁷Mlevi ndiye ali mmiyi mwanu --- nampodi kumuswaya, thangwe alibe namwe gawo ayai chakuipira.²⁸Pamapeto pa magole matatu yaliyense mumbadzaonese bzachikhumi bzanu mgole lolo, apo mumbadzagwezeke mmiyi mwanu; ²⁹na Mlevi, thangwe alibe namwe gawo ayai chakupita, apo mlendo, na wakusaya baba, na amasiwa ndiwo ali mmiyi mwanu, amdzabwera kumbadzadya achimbadzakhuta. Dzachiteni ibzi pala kuti Yahova Mulungu wanu adzakudaliseni pa basa lense la boko lanu ndilo mumbachita.

15¹Pamapeto pa magole manomwe yaliyense, mumbapfudze mangawa. ²Uyu ni mana wakutsudzulana: Wakufiyaliwi aliyenseyo ambalekerere ndicho adakumbiza kuna mwayache; amdzasunda lini pomwe kuchoka kuna mwayache ayai m'bale wache thangwe kupfudza mangawa kwa Yahova kwalalikiwa. ³Kuchoka kuna mlendo mbasundani; soma chanu chirichense ndicho china m'bale wanu boko lanu lichitsudzule.⁴Ndiye kuti, nampodi pambakhale nyakusaya pakati panu (thangwe Yahova amdzakudalisani chadidi mdziko ndilo wakupani kukhala chakupita chanu chanu), ⁵penu mudatetekera bwino mafala ya Yahova Mulungu wanu, kukoya bzakutonga bzache bzensebzi ndibzo ndikukuuzani lerobzi. ⁶Thangwe Yahova Mulungu wanu amdzakudalisani, ninga adakulonjezerani ; mumdzafiyalisi kuna madzinza mazinji, soma mumdzafiyali lini; mumdzatonga madzinza mazinji, soma iyo yamdzakutongani lini.⁷Penu Pana nyakusaya pakati panu, wina wa m'bale wanu, mkati mwa miyi yanu mdziko ndilo Yahova Mulungu wanu akukupani, nampodi kuumisa mtima wanu ayai kufunga boko lanu kuna m'bale wanu nyakusayayo; ⁸soma mufungule chadidi boko lanu kuna iye mkumufiyalisi bzakukwana meju ku bzakufuna bzache.⁹Chenjerani nampodi kukhala na bzakukumbuka bzakuipa mumtima mwanu, kulewa kuti, 'Gole lachinomwe, gole lakulekerera, lafendera,' pala kuti diso lanu lingaipire m'bale wanu wakusaya neye kumupa chinthu neye; angadzakulirireni kuna Yahova, apo chimdzakhala pikado kuna imwe. ¹⁰Mumupe bzachadidi iye, apo mtima wanu nampodi umbasale ukudandaula mungamupa iye, thangwe pakubwezera chochi Yahova Mulungu wanu amdzakudalisani imwe mmabasa yanu yense na mubzense ndibzo mwaikha boko lanu.¹¹Thangwe wakusaya amdzalekeza lini kukhala mdziko; mnthangwerache ndikukuuzani ndikuti, 'Mumbafuthule bzachadidi boko lanu kuna m'bale wanu, kuna wakusaya wanu, na kuna wakusaya mdziko lanu.'¹²Penu m'bale wanu, mwamuna m'Heberi, ayai mkazi m'Heberi, wagulisiwa kuna imwe mkukutumikirani kwa magole matanthatu, kinangoka mgole lachinomwe ¹³mumubvume ayende bzaufulu kuchoka kuna iwe. Mungamubvuma kuyenda bzaufulu, nampodi kumuyendesa seye chinthu. ¹⁴Mumupasembo bza mabira yanu, bzakuchoka pa kubagula pansi panu, bzakusala pakupsinya vinyu wanu. Ninga ndimo Yahova Mulungu wakudalisirani imwe, mumupasembo.¹⁵Mukumbukire kuti mukhali akapolo mdziko la Aigupto, na kuti Yahova Mulungu wanu adakulombolani; mnthangwerache ndikukuuzani lero kuchita ichi. ¹⁶Bzimdzachitika kuti angadzakuuzani kuti, 'Nimchoka lini pano,' thangwe ambakukondani na nyumba yanu, nakuti mwamudekera, ¹⁷ndiye mumbatenge mkuluzo mkupsondera chipapa cha khutu lache kuchitseko, apo amdzakhala kapolo wanu kwa moyo wache wense. Muchite bzibodzibodzi na kapolo wanu wachikazi.¹⁸Nampodi bzioneke bzakunesa kumubvuma kuyenda waufuluko kuchoka kuna imwe, thangwe wakuphatirani basa magole matanthatu mkukupani kale ninga kawiri kense achikhala munthu wakupagaliwi. Yahova Mulungu wanu amdzakudalisani mu bzense mumdzachitabzo.¹⁹Atonde wense wakutoma kubadwa mu ng'ombe zanu na mabira yanu na mbuzi apambuliwe pambali pala Yahova Mulungu wanu. Mulibe nawo basa atonde wang'ombewo, ayai kusenga ukuse bwa atonde wakutoma wa mabira. ²⁰Mumbadye atonde wakutomawa pamaso pa Yahova Mulungu wanu gole na gole pambuto ndipo Yahova amdzapasankhula. ²¹Penu ana chirema --- ninga, kupunduka ayai wakusaya maso, ayai chirema chirichense---nampodi kumpereka nsembe kuna Yahova Mulungu wanu.²²Mudzadye mmiyi mwanu; wanthu wakupsipiziwa na wakuchenesiwa mpsibodzibodzi ambadzaidye, ninga mumbadyera mphoyo ayai nswala. ²³Soma nampodi kudya mulopa wache; mutsanulire mulopa wache pansi ninga madzi.

16¹Zindikirani mwezi wa Abibu, apo koyani Pasaka kuna Yahova Mulungu wanu, thangwe mu mwezi wa Abibu Yahova Mulungu wanu adakubulisani mu Aigupto na usiku. ²Mumbapereke nsembe ya pasaka kuna Yahova Mulungu wanu na ina mwa mabira yanu na ng'ombe pambuto ndiyo Yahova amdzasankhula kukhala pakukhala dzina lache.³Nampodi kumbadyera mkate wachakufufumisa, nsiku zinomwe mudye mkate wakusaya chakufufumisa; thangwe mudabula mu Aigupto mwakamkulukize. Mbachitani bzobzi nsiku zensene za moyo wanu kuti mumbakumbukire nsiku ndiyo mudabula mdziko la Aigupto. ⁴Bzakufufumisa nambodi bzioneke pa imwe mkati ma malire yanu yense mkati mwa nsiku zinomwe; ayai damba nyama iriyense ndiyo mwaipereka nsembe maulo ya nsiku yakutoma mkusala ate machibese yache.⁵Nampodi kuphera nsembe ya pasaka mmuyi wanu uliwense ndiwo Yahova Mulungu wanu wakupani. ⁶Soma, pherani nsembe pambuto ndipo Yahova Mulungu wanu wasankhula kukhazikisa dzina lache. Pamwepo chitani mwambo wa nsembe ya Pasaka maulo pakumira dzuwa, nthawe yapagole ndiyo mudabula mdziko la Aigupto.⁷Muiphike na kuidya pambuto ndipo Yahova Mulungu wanu wasankhula; machibese yache mudzabwerere kuyenda ku mahema yanu. ⁸Kwa nsiku zitanthatu mudzadye mkate wakusaya bzakufufumisa; pa nsiku yachinomwe pamdzakhala mtsonkhano wa Yahova Mulungu wanu; nsiku yoyo nampodi kudzaphata basa.⁹Mudzabzilewenere mwekha sumana zinomwe; kuchoka nthawe yakutoma kumweta tirigu wakuima chiriri mulewenge sumana zinomwe. ¹⁰Muchitire Yahova Mulungu wanu Madyerero ya Masumana ndiwo mtsonkhano waufulu wa boko lanu ndiwo muti mupereke, malingana ninga Mulungu wakudalisirani.¹¹Musekere pamaso pa Yahova Mulungu wanu---imwe, wananu wachimuna, wananu wachikazi, akapolo wanu wachimuna, akapolo wanu wachikazi, Mlevi ndiye munaye mmuyi mwanu, na mlendo, na wakusaya baba, na akazi wamasiwa ndiwo ali pakati panu, pambuto ndipo Yahova Mulungu wanu wasankhula kukhazikisa dzina lache. ¹²Mukumbukire kuti mukhali akapolo mu Aigupto; muzindikire na kuchita manembaya.¹³Muchite Madyerero ya Misasa kwa nsiku zinomwe mutagwezeka bzakukolola bza pansi na bza mwakupsinyira mpesa. ¹⁴Musekere pamadyerero yanu---imwe, mwananu wachimuna, mwananu wachikazi, kapolo wako wachimuna, kapolo wanu wachikazi, Mlevi, na mlendo, na wakusaya baba na mkazi wamasiwa ndiye ali mmiyi mwanu.¹⁵Kwa nsiku zinomwe muchitire madyerero Yahova Mulungu wanu pambuto ndipo Yahova wapasankhula, thangwe Yahova Mulungu wanu amdzakudalisani imwe mu bzakukolola bzanu bzense na basa lensene la manja yanu, apo mukhale wakudekedwa kwakunyanya.¹⁶Katatu pa gole amuna wanu wense ambaonekere pamaso pa Yahova Mulungu wanu pambuto ndipo amdzapasankhula: pa Madyerero ya Mkate Wakusaya bzakufufumisa, pa Madyerero ya Masumana, na Madyerero ya Pamisasa. Palibe adzaonekere pamaso pa Yahova seye chinthu mmanja. ¹⁷Soma, mwamuna aliyense adzabwerese mphaso ninga ndimo angakwanisire, kuti mudziwe madaliso ndiyo Yahova Mulungu wanu wakupani.¹⁸Mubziikhire wakuyeruza na akapitawo mmiyi yanu yensene ndiyo Yahova Mulungu wanu wakupani; atengiwe kuchoka mdzinza lanu lirilense, apo ayeruze wanthu mwa chiyeruzo cha kulungama. ¹⁹Nampodi kumbagonyosa chilungamo mwakungingimiza; nampodi kumbanyang'ana munthu ayai kutambira chakukomesera mlandu, chimbapsipiza maso ya wanzeru na kumpsinkha mafala ya wakulungama. ²⁰Mutewere chilungamo, mutewere chilungamo chokha, pala kuti mukhale na kutambira dziko ndilo Yahova Mulungu wanu wakupani.²¹Nampodi kubziikhira mwekha Asela, muti wina uliwense, pambali pa guwa la nsembe la Yahova Mulungu wanu kuti mubzimangire mwekha. ²²Ayai kubziimisira chipilala chirichense cha mwala, ndicho Yahova Mulungu wanu akuwengana nacho.

17¹Nampodi kupereka kuna Yahova Mulungu wanu nsembe ya ng'ombe ayai bira ndiye ana chirema ayai chirichense chakuipa, thangwe chimdzakhala chakunyansira Yahova Mulungu wanu.²Angaoneka pa imwe, mkati mwa ubodzi wa miyi yanu ndiyo Yahova Mulungu wanu wakupani, mwamuna aliyense ayai mkazi wakuchita chakuipa pamaso pa Yahova Mulungu wanu na kuphonyesa mpangano wache, ³aliyense ndiye wayenda kukanamata milungu ina na kuigodamira, ayai dzuwa, mwezi, ayai thimu lirirense lakudzaulu --- ndicho ndiribe kulewa --- ⁴apo mungauziwa ichi, ayai mwachibva, apo fufudzani bwino bwino. Penu mchadidi na kutsikimizikadi kuti chakuipacho chachitikadi mu Isaraeli, muchite tenepayu.⁵Mum'bwerese mwamuna ayai mkazi umweyo, ndiye wachita chakuipachi, ku bzipata bza miyi yanu, mwamuna umweyo letu ayai mkaziyo, apo mumuphe kuchita kumuboma na minyala. ⁶Pakhale pakamwa pa mboni ziwiri, ayai mboni zitatu, iye wakufuna kuphiwayo aphiwe bwino tsapano; soma pakamwa pa mboni ibodzi nampodi aphiwe. ⁷Boko la mbonizo likhale lakutoma kumupha iye, kinangoko mkubwera bwino boko la wanthu wense; apo mumdzachosa wakuipa pakati panu.⁸Penu panioneka nkhani yakunesa kuitonga imwepo --- pinangopense yakujojesa mulopa ayai inangombo, yakuchitana makani ayai inangombo, ayai yakumenyana ayai inangombo---yakutengerana bzipata bza miyi yanu---ndiye mumbakakwire kumbuto ndiko Yahova Mulungu wanu wasankhula. ⁹Mumbayende kuna ansembe, wa mbeu ya Levi, na kuna mtonga nkhani wakutumikira nthawe yoyo; mukabvunze chiyeruzo chawo, apo amdzakupanganizani mayeruzidwe yache.¹⁰Ndiye mumbachite ndibzo amkuuzani kuchita, pambuto ndipo Yahova wasankhula. Chenjerani kuchita bzense amkupfunzisanibzo. ¹¹Tewezani bzakutonga amkupfunzisanibzo, apo chitani bzakukumbuka ndibzo amkupanibzo. Nampodi kupambusa ndibzo amkuuzanibzo, kuboko lamadidi ayai kulamadzere.¹²Aliyense wakuchita mwakubzithusa, kulamba kutetekera wansembe wakukhala chiriri kutumikira pamaso pa Yahova Mulungu wanu ayai kuna wakuyeruza---munthu umweyo afe; mumdzachoseratu chakuipa kuchoka mu Isaraeli. ¹³Wanthu wensene amdzabva achigopa, neye kubzikuza pomwe.¹⁴Mungadzabwera kudziko ndilo Yahova Mulungu wanu wakupani, apo mungadzalitenga kukhala lanu lanu mkuyamba kukhala momo, apo mumdzati, 'Nimdzabziikhira mfumu pakati pangu, ninga madzinza yense ndiyo yandizunguliraya,' ¹⁵ndiye mudzabzisankhulire mfumu pakati panu munthu ndiye Yahova Mulungu wanu wasankhula. Mudzabziikhire mfumu munthu ndiye ni m'bale wanu. Nampodi kuikha mlendo, ndiye ni m'bale wanu lini, pakati panu.¹⁶Nampodi abziwanzisire yekha akavalo, ayai kuchitisa wanthu kubwerera pomwe ku Aigupto kuti awanzise akavalo, thangwe Yahova adati kuna imwe, 'Mumdzabwetera lini pomwe njira yoyo.' ¹⁷Nampodi abzitengere yekha akazi azinji, pala kuti moyo wache ungazungunuke. Nampodi abzigwezekere siriva na oro mzinji.¹⁸Angakhala pa kadera yaufumu bwache. abzinembere yekha m'bukhu chitongi chakulingana na chochi, kuchoka mchitongi ndicho chiri pamaso pa ansembe, omwe mba Alevi. ¹⁹Bukhulo likhale na iye, apo ambalilewenge nsiku zensene za moyo wache, pala kuti apfunze kulemekeza Yahova Mulungu wache, pala kuti akoye mafala yensene ya chitongi ichi na manembaya, kuyachita.²⁰Achite ichi kuti mtima wache nampodi ukulire abale wache, na kuti nampodi apambukire kumbali kwa bzakutonga ibzi kuboko lamadidi ayai kulamadzere, kuti awanzise nsiku zache mu ufumu bwache, iye na wambeu yache pakati pa Isaraeli.

18¹Wansembe, omwe mba Alevi, na wadzinza la Alevi wense, alibe phathi ayai chakupita pabodzi na Isaraeli; ambadye bzakuperekiwa nsembe bza Yahova bzakukonziwa na moto ninga chakupita chawo. ²Akhale alibe chakupita pakati pa abale wawo; Yahova mwenekachiro mchakupita chawo, ninga iye adalewera kuna iwo.³Ili ni gawo lakupasa ansembe, lakupasiwa iwo kuchoka kuna wanthu wakupereka nsembe, penu ingakhala ng'ombe ayai bira: phewa, maputu mawiri, na bza mmimba. ⁴Bzipaso bzakutoma bza tirigu wanu, bza vinyu wanu mupsa, na bza mafuta yanu, na ukuse bwakutoma kusengiwa bwa mabira yanu, mumupase iye. ⁵Thangwe Yahova Mulungu wanu wamusankhula iye kuchoka pa wadzinza wanu wense kuima pulu kutumikira mdzina la Yahova, iye na wana wache wachimuna kwa muyaya.⁶Penu Mlevi anibwera kuchoka mu uliwense wa mzinda wanu pa Isaraeli wenseneyu ndiwo akukhala mkukhumba na moyo wache wense kubwera kumbuto ndiko Yahova wasankhulako, ⁷ndiye atumikire mdzina la Yahova Mulungu wache ninga abale wache wense wachi Levi ambachitira, ndiwo ambaima popo pamaso pa Yahova. ⁸Gawo la kudya kwawo lilingane, seye kulewengera ndibzo aphata atagulisa bzakupita bza banja lache.⁹Penu munibwera mdziko ndilo Yahova Mulungu wanu wakupani, nampodi kupfunzira kuchita bzakunyansa bza madzinza yoyo. ¹⁰Nampodi pagumanike wina wa imwe wakupereka nsembe mwanache wachimuna ayai mwanache wachikazi pamoto, ayai aliyense wakuphatisa basa matsenga kumbabvimira mwai ayai kumbathumbudzulira malodza, ¹¹ayai wanyanga ayai nyachiwindo ayai nyabezi ayai nyamizimu ayai nyakubvunza anyamuya.¹²Thangwe aliyense wakuchita bzinthu ibzi ngwakunyansa kuna Yahova; Ni thangwera bwakunyansabzi ndipopa Yahova Mulungu wanu amkuwathotha pamaso panu. ¹³Mukhale wakusaya chirema pamaso pa Yahova Mulungu wanu. ¹⁴Thangwe madzinza yoya ndiyo mumdzayatambiraya yambatetekera wakuchita bzakumbabvimira na madimonyo; soma imwepo, Yahova Mulungu wanu akukubvumizani lini kuchita tenepoyo.¹⁵Yahova Mulungu wanu amdzakumusirani mneneri kuchoka pakati panu, m'bodzi wa abale wanu, ninga inepano. ¹⁶Ichi ndicho mudakumbira kuna Yahova Mulungu wanu pa Horebe panjira ya ku mtsonkhano, kulewa kuti, 'Nampodi tibve pomwe mafala ya Yahova Mulungu wathu, ayai kuona pomwe moto ukuluyu, ayai timdzafa nabzo.'¹⁷Yahova adati kuna ine, 'Ndibzo alewabzo mpsabwino. ¹⁸Nimdzalamusa mneneri pala iwo kuchoka pa abale wawo, ninga iwepo. Nimdzaikha mafala yangu mkamwa mwache, apo amdzasewera kuna iwo bzense ndibzo nimdzamuuza iye. ¹⁹Bzimdzachitika kuti penu wina amdzatetekera lini ku mafala yangu ndiyo amdzasewera mdzina langu, nimdzamubvunza.²⁰Soma mneneri wakusewera mwakubzithusa mdzina langu, fala lakuti ndiribe kumutonga kuti asewere, ayai wakusewerera milungu ina, mneneri umweyo afe.' ²¹Ichi ndicho mumsewera mumtima mwanu: 'Timdzazindikira tani mafala ndiyo Yahova alibe kuyasewera ndiye?'²²Mumdzazindikira uthenga ndibo Yahova wasewera penu amkusewera mdzina la Yahova. Penu chinthu chocho chinioneka lini ayai kuchitika, ndiye kuti mchinthu chakuti Yahova alibe kuchisewera ndiye apo mneneriyo wasewera mwakubzikuza, apo nampodi kuchita naye mantha.

19¹Nthawe ndizo Yahova Mulungu wanu atadzonga madzinza, iwo omwe dziko lawo Yahova Mulungu wanu wakupani, mungabwera pambuyo pawo mkukhala mmiyi na mnyumba zawo, ²mubzisankhulire miyi mitatu pakati nakati pa dziko lanu ndilo Yahova Mulungu wanu wakupani kukhala lanu lanulo. ³Mumange mseu na kugawa malire ya dziko lanu mmagawo matatu, dziko ndilo Yahova Mulungu wanu akukuchitisani imwe kulitambira, pala kuti aliyense wakupha mwayache athawire momo.⁴Ili ni langizo lakuguka munthu wakupha mwayache achithawa kuchoka koko kufuna kupulumusa moyo wache---ule ndiye alibe kupha utowa mwayache neyembo kuwengana naye panthawe yanzoziyo neye. ⁵Ningati tere, achikhala kuti munthu wayenda mnkhalango na mwayache kukagwata miti, achitamula mbadzo pakugwata mutiyo, apo mbadzoyo mkugululuka kuchoka kumpiniko mkutenga mwayacheyo mkumupheratu---ndiye munthu umweyo athawire ku ubodzi mwa miyi Imweyi kupulumusa moyo wache.⁶Pinango pense wakukabwezera mulopayo amdzamutewera watenga moyo ule, apo na kutentheka mtima mkumuposa mphamvu, penu ulendobo m'butali kwene kwene, mkumumenya mkumupha, napo kuti munthuyo akhathemera lini kufa, thangwe akhalibe kuwengana naye mwayacheyo m'buyomu. ⁷Ndipopa ndikukutongani mubzisankhulire mwekha miyi mitatu.⁸Penu Yahova Mulungu wanu anikuza malire yanu, ninga adalumbirira mule kuna abereki wanu kudzachita tenepo, mkukupani dziko lense ndilo adalonkeza kudzapa abereki wanu; ⁹penu mumkoya bzakutonga bzensebzi kubzichita, ndikukutongani imwe lero--- bzitongi kukonda Yahova Mulungu wanu na kufamba munjira zache nsiku zense, ndiye muthimizire pomwe mwekha miyi mitatu, pambali pa mitatuyi. ¹⁰Chitani ichi kuti mulopa wakusaya kuphonya nambodi ujojezewe pakati pa dziko ndilo Yahova Mulungu wanu wakupani ninga chakupita chanu, pala nampodi pikado ya mulopayo ikhale pa imwe.¹¹Soma penu wina aniwenga mwayache, Mkumbakhala mwakudikhirira iye, kumugandukira iye, mkumudzonga ate kumupha, ndiye achithawira mu ubodzi wa miyi imwei--- ¹²ndiye akulu wa muyiyo atume mtumi kumubweresa iye m'buyo kuchoka koko, mkumupereka mmanja mwa wakubwezera mulopa, kuti iye afe. ¹³Diso lanu nampodi limubvere nsisi; soma, Chosani wakujojeza mulopa azao kuchoka mu Isaraeli kuti bzikufambireni bwino.¹⁴Nampodi kumbachosa bzizindiro bza malire ndiyo yadaikhiwa m'buto mwache kale kale, mu chakupita chanu ndicho munitambira, mdziko ndilo Yahova Mulungu wanu wakupani kukhala lanu lanu.¹⁵Mboni ibodzi nampodi igandukire munthu pa mphumbza iriyense, ayai pachakuphonya chirichense, munkhani iriyense aniphonyayo; pakamwa pa mboni ziwiri, ayai pakamwa pa mboni zitatu, nkhani iriyense itsimikizike. ¹⁶Bzichikhala kuti mboni yakusaya chilungamo yagandukira kuchita umboni kuukira munthu kuti wachita chakuipa.¹⁷Pamwepo wanthu awiri, ndiwo aimisana nkhaniwo, ayime pamaso pa Yahova, pamaso pa ansembe na amtonga nkhani wansiku zozo. ¹⁸Amtonga nkhaniwo achite kafukufuku wakukwana; onani, penu mboniyo ni mboni yakunama apo yachitira umboni bzakunama kwa m'bale wache, ¹⁹ndiye muchite kuna iye, ninga ndibzo iye akhakhumba kumchitira m'bale wacheyo; apo mumdzachosa wakuipa pamaso panu.²⁰Ndiye wakusala amdzabva achigopa. apo kuchoka Popo mpakana amdzachita lini chakuipa chocho pakati panu. ²¹Maso yanu nampodi yabve nsisi; moyo umdzapagali moyo, diso pala diso, dzino pala dzino, boko pala boko, nzayo pala nzayo.

20¹Mungayenda kunkhondo kukalimbana na awengi wanu, mkukaona akavalo, magaleta, na wanthu azinjitsa kuposa imwepo, nampodi kuchita nawo mantha; thangwe Yahova Mulungu wanu ali namwe, iye omwe qdakubulisani mdziko la Aigupto.²Mungatsala pang'ono kupita mu nkhondo, wanwembe afendere mkutewera kuna wanthu. ³Iye alewe kuna iwo, 'Tetekerani, Isaraeli, mukuyenda kunkhondo kukalimbana na awengi wanu. Nampodi mitima yanu ifumuke. Nampodi kugopa ayai kunjenjemera. Nampodi kuchita nawo mantha. ⁴Thangwe Yahova Mulungu wanu ndiye aniyenda namwe kukakumenyerani nkhondo kulimbana na awengi wanuwo na kukupulumusani.'⁵Akapitawo alewe kuna wanthu kuti, 'Mbani munthu alipo kale adamanga nyumba ipsa apo neye kuipita? Mbaayende abwerere kunyumba yacheyo, pala kuti nampodi afere kunkhondo apo mkudzaipita ni munthu wina.⁶Mbani ndiye adabzala munda wa mpesa soma neye kudya bzipatso bzache? Mbaayende kumuyi umweyo, pala kuti nampodi afere kunkhondo apo munthu wina mkudzadya ndiye bzipasobzo. ⁷Mbani munthu alipo ndiye adatomera kale mkazi soma neye kumuloola? Mbaayende kumuyi umweyo pala kuti nampodi afere ku nkhondo pala mkudzamuloola ni munthu wina.'⁸Akapitawo apitirize kusewera kuna wanthu kuti, Mbani munthu alipo ndiye akugopa ayai kufumuka mtima? Mbaayende abwerere kumuyi kwache, pala kuti mtima wa abale wache nampodi usungunuke ninga bzachita wacheyo.' ⁹Nthawe ndizo akapitawo amaliza kusewera kuna wanthu, asankhule akulu akulu wankhondoyo paiwowo.¹⁰Mungafamba kukathira nkhondo muyi, akuwizeni wantuwo bza mtendere. ¹¹Angatawira mwamtendere mkukufungulirahi bzipata bzawo, wanthu wense wakugumanika momo akhale akapolo wanu apo ambakutumikireni.¹²Soma angasaya kukutawirani bzakufuna namwe mtendere, soma mkuchita namwe nkhondo, ndiye muuzungulire, ¹³apo penu Yahova Mulungu wanu amkupani chipambano mkuwapereka mmanja mwanu, muphe mwamuna aliyense mmuyi umweyo na nsonga ya lupanga lakuthwa.¹⁴Soma akazi, wana ang'ono, ng'ombe, na chirichense ndicho chiri mmuyimo, na bzankhondo bzache, mubzitutire mwekha ninga mauwo yanu. Mudzadye mauwo ya awengi wanu, omwe Yahova Mulungu wanu wakupani. ¹⁵Muchite tenepo kuna miyi yense ndiyo muli nayo kutalitsa na imwe, miyi ndiyo ni miyi lini ya wadzinza amwewa.¹⁶iyi ya wanthu amwewa ndiyo Yahova Mulungu wanu wakupani kukhala chakupita chanu, nampodi kusiya chinthu ndicho chimbapuma. ¹⁷Mudzongeretu bzense: a Hiti, na a Aamori, a Kanani, a Perizi, a Hivi, na a Yebusi, ninga ndimo Yahova Mulungu wanu wakutongerani. ¹⁸Chitani ibzi pala kuti nampodi akupfunziseni kuchita njira zawo zakunyansa, ninga ndizo iwo achita kuna lungu yawo. Penu mumchita, muniphonyera Yahova Mulungu wanu.¹⁹Mungauzungulira muyi nthawe itali, nthawe ndizo muniuthira nkhondo mkuutenga, nampodi kuphata mbadzo kugwesa miti yache kulimbana nawo. Thangwe mungakhoze kudya bzakuchoka mwemo, ndiye nampodi kuigwata. Thangwe muyiyo ni munthu pomwe kuti ate muchite kuuzungulira? ²⁰Miti yokhayo ndiyo mukudziwa kuti njabzakudya lini, mukhoza kuidzonga kumbaigwata; muyi wakuchita namwe nkhondoyo muumangire matchemba ate, ugwe.

21¹Penu wina anigumanika atafa mdziko ndilo Yahova Mulungu wanu wakupani kukhala lanu lanulo, ali gone mmunda, apo seye kudziwika ndiye wamupha; ²apo akulu na amtonga nkhani wanu abule kunja, akayeze mmiyi ndiyo yamuzungulira iye nyakuphiwayo.³Ndiye akulu wa muyi wakufupi na munthu wakufayo atenge msoti wa ng'ombe kuchoka pathimu lache, ndiwo ukanati kale kuphatisiwa basa, ule ndiwo ukanati kupfuwa gejo. ⁴Ndiye awuse msotiyo kupolika nawo ku chigwa chakufamba madzi, chigwa ndicho chikanati kale kulimiwa ayai kubzaliwa, apo kuchigwako akagwate khosi la msotiyo.⁵Wanwembe, wambeu ya a Levi, abwere kutsogolo, thangwe Yahova Mulungu wanu adawasankhula iwo kumutumikira iye na kuwapa mdaliso mdzina la Yahova na kutonga mulandu uliwense wampokano na kumenyana kuphatisa basa lupanga lawo.⁶Akulu wense wa muyi ndiwo uli kufupi na munthu wakuphewayo asambire mmanja mwawo padzaulu pa msoti ndiwo wagwatiwa khosi mchigwa ule; ⁷apo atawire ku mulanduyo kuti, 'Manja yathu yalibe kujojeza mulopayu, neye maso yathuya kuona kokha.⁸Tambirani, Yahova, wanthu wanu Isaraeli, omwe mwawapulumusa, apo nampodi kuikha mulandu pa mulopa wakusaya kuphonya pakati pa wanthu wanu Isaraeli.' Ndiye kujojeza mulopako kumdzawalekerera iwo. ⁹Munjira yoyo mumdzachoseratu mulopa wakusaya kuphonya kuchoka pakati panu, mungachita bzakulungama pamaso pa Yahova.¹⁰Mungabula kunja kukachita nkhondo kulimbana na awengi wanu apo Yahova Mulungu wanu mkukupambanisani mkuwaikha iwo mmanja mwanu, mkuwatenga ukapolo, ¹¹penu muniona pakati pa akapolowo mkazi wakudeka, apo imwe mkudekedwa naye mkufuna kumutenga kukhala mkazi, ¹²ndiye mumubwerese pamuyi panu; iye adzasenge mumsolo mwache achigwata ntchala zache.¹³Ndiye akhundule bzakubvala akhadabvala pakutengewa ukapolobzo apo akhale mnyumba mwanu akulira nkhawa ya babache na mayi wache mwezi wamtero. Angamala popo ndokoni mukakhale bayache, apo iye amdzakhala mkazanu. ¹⁴Soma penu mulibe kudekedwa naye, ndiye mulekeni ambayende ndiko amfunako. Soma nampodi kumugulisa na kobiri, apo nampodi kumusandusa ninga kapolo, thangwe mwamuchepesa.¹⁵Penu munthu ana akazi awiri apo m'bodzi ambakondewa apo winangoyo ambawengiwa, apo wensewo amubalira iye wana---mkazi wakukondewayo na mkazi wakuwengiwayo wensewo--- penu mwana wachimuna wakutoma ngwa nyakuwengiwayo, ¹⁶ndiye pansiku ndiyo babamunthuyo amdzagawa vida yache ndiyo akhanayo kuna wanawo, nampodi asanduse mwana wakutoma wa nyakukondewayo pamaso pa mkazi nyakuwengiwayo, mwana wachimuna ndiye ngwakutomadi kubaliwayo. ¹⁷Mmalo mwache, atawirize mwana wakutoma, wa mkazi nyakuwengiwayo, pa kumupa kawiri ka bzinthu bzense ndibzo babamunthuyo akhanabzo, thangwe mwana umweyo mkutoma kwa mphamvu zache. Ufulu bwa nyakutoma kubadwa m'bwache.¹⁸Penu munthu ana mwana wachimuna maluku nyakuzunguza ndiye ambabvera lini mafala ya babache ayai mafala ya mayi wache, na ndiye, neye kumuyeruza, ambawabvera lini basi; ¹⁹ndiye babache na mayi wachewo amuphate mkumuyendesa kunja kuna akulu wa muyi wache na kuchipata cha muyi wache.²⁰Iwo akalewe kuna akulu wa muyi wache, 'Mwanathuyu ni maluku nyakuzunguza; ambabvera lini mafala yathu; ngwakudzonga kobiri na chigona m'bawa.' ²¹Ndiye wanthu wensene wa muyi wache amuphe na kuchita kumuboma na minyala; apo mumdzachosa chakuipa pakati panu. Isaraeli wense amdzabva bzobzi achidzagopa.²²Penu munthu wachita chakuipa chakuthemera kuphiwa, apo mkuphiwa, mkumumanika pamuti, ²³ndiye thupi lache nampodi liphuphudze pamutipo. Mumufuchire chadidi nsiku imweyo; thangwe aliyense wakumanikiwa ngwakutembereriwa na Mulungu. Nampodi kupsipiza dziko ndilo Yahova Mulungu wanu wakupani kukhala chakusiiriwa chanu.

22¹Nampodi kunyang'anisa ng'ombe ayai bira wa m'Isaraeri mwayanu akusochera apo imwe mkubisalika; mumfunika chadidi kuzibweresa kuna iye. ²Penu m'Isaraeli mwayanuyo ali lini pafupi namwe, ayai penu mukumdziwa lini, ndiye ikusireni kumuyi kwanu, ichibakakhala na imwe ate iye ayipsage, apo kinangoka muibwezere kuna iye.³Muchite bzibodzibodzi na bulu wache; muchite bzibodzibodzi na chakubvala chache; muchite bzibodzibodzi na chakutayika chirichense cha m'Isaraeli mwayanu, chirichense ndicho iye wataya apo imwe mkulokota; nampodi kubzibisa. ⁴Nampodi kuona kuti bulu ayai ng'ombe ya m'Isaraeli mwayanu yagwa mumseu apo imwe mkubzibisa kuna iwo; mumfunika chadidi mumuthandize kuilamusa pomwe.⁵Mkazi nampodi abvale chakundendemera na mwamuna, apo ayai mwamuna kubvaka chakubvala cha mkazi; thangwe aliyense wakuchita ibzi aninyansira Yahova Mulungu wanu.⁶Punu chitsa cha mbalame chiri kutsogolo kwanu munjira, mmuti uliwense ayai pansi, chichikhala na wana ayai mazai mwemo, apo mamunthu mkubwamira wanawo ayai mazayiyo, nampodi kutengera kubodzi mamunthuyo na wanawo. ⁷Muchite chadidi kuti mamunthuyo ayende, soma wanawo mukhoza kubzitengera mwekha. Bverani chakutongachi pala kuti bzikufambireni bwino, na kuti mutalimphise nsiku zanu.⁸Mungamanga nyumba ipsa, mumbamange litsito pansodzi yanu pala kuti nampodi kujojeza mulopa panyumba yanu wina angagwa kuchoka popo.⁹Nampodi kubzala munda wanu wampesa na mbeu zamitundu miwiri, pala kuti bzakukolola bzense nampodi bzitengiwe na mbuto yakulemekezeka, mbeu mwabzalazo na bzakukolola bza mmunda wa mpesayo. ¹⁰Nampodi kumbalimisa ng'ombe na bulu pabodzi. ¹¹Nampodi kubvala chakubvala chakukonziwa na ukuse na thonje kubodzi.¹²Mubzikonzere mwekha chakukolowekera mmaponta manayi ya chakufunika chanu ndicho mumbafunika.¹³Achikhala mwamuna watenga mkazi, apo achiyenda kuna iye, apo kinangoka mkumuwenga zjai, ¹⁴apo mkumulewera iye bzakuchita bzakupasa manyazi apo mkumupasisa mbiri yakuipa, apo mkuti, 'Ndidatenga mkaziyu, soma pomwe ndidafendera kuna iye, ndiribe kugumana bzizindikiro bza udende mwa iye.'¹⁵Ndiye baba na mayi wa mtsikanayo atengere bzizindikiro bza udende bwache kuna akulu pa chipata cha muyi.¹⁶Babache wamtsikanayo alewe kuna akukuwo, 'Ndidapa mwanangu wachikaziyu kuna mwamuna uyu kukhala mkazache, apo zjai akumuwenga. ¹⁷Onani, akumulewera bzinthu bzakuchitisa manyazi kuti, "Ndiribe kugumana bzizindikiro bza udende mwa mwananuyu." Soma ichi mchizindikiro cha udende bwa mwanangu.' Ndiye afuthule nguwo pamaso pa akulu wa muyiyo.¹⁸Akulu wa muyi umweyo atenge mwamuna umweyo amupe chilango; ¹⁹apo amungingimize kupereka chakupusa nacho cha masekele dzana libodzi ya siriva, kuyapereka kuna babache wa mtsikanayo, thangwe mwamunayo wapasisa mbiri yakuipa kuna dende la Isaraeli. Akhale basi mkazache; nampodi amuleke nsiku zache sense.²⁰Soma penu bzinthu bzobzo mchadidi, kuti chizindikiro cha udende chiribe kugumanika mwa mtsikanayo, ²¹ndiye abulise mtsikanayo panja pa nyumba ya babache, apo amuna wa mmuyimo amuphe kuchita kumuboma na minyala, thangwe wachita chakunyazisa mu Isaraeli, kuchita ninga puta mnyumba mwa babache; apo mumdzachosa chakuipa pamaso panu.²²Penu mwamuna anigumanika kugona na mkazi wakuloodwa na mwamuna winango, apo wensewo afe, mwamuna akhagona na mkaziyo na mkaziyo pomwe; apo mumdzachosa chakuipa mu Isaraeli.²³Penu pana mntsikana ndiye ali dende, wakubvunziriwa na mwamuna, apo mwamuna wina mkumugumana mmuyimo mkugona naye, ²⁴atengereni wensewo pachipata cha muyi, apo mukawaphe kuchita kuwaboma na minyala. Mubome mtsikanayo, thangwe alibe kukuwa, napo kuti akhali mmuyimo. Bomani mwamunayo, thangwe adadzonga mkazi wa mwayache; apo mumdzachosa chakuipa pamaso panu.²⁵Soma penu mwamunayo anigumana mkazi wakubvunziriwayo mnthengo, apo achimuphata mkugona naye, ndiye mwamuna yekha adagona nayeyo ndiye afe. ²⁶Soma kuna mntsikanayo nampodi kumuchita chinthu; palibe chakuipa chakuthemera kufa mwa mtsikanayo. Thangwe mulandu umweyu uli ninga pomwe mwamuna aniphata mwayache mkumupha. ²⁷Thangwe adamugumana mnthengo; mtsikana wakubvunziriwayo adakuwa, soma pakhalibe aliyense wakumupukumusa.²⁸Penu mwamuna anigumana mtsikana ndiye ni dende soma alibe kubvunziriwa, apo achimuphata mkugona naye, apo penu anigumanika, ²⁹ndiye mwamuna adagona nayeyo apereke masekele makumi machanu ya siriva kuna babache wa mkaziyo, apo iye akhaliretu mkazache, thangwe wamudzonga iye. Nampodi amuleke nsiku zache zense.³⁰Munthu nampodi atenge mkazi wa babache kukhala ninga wacheretu; nampodi apsokonyole ufulu bwa kuloola bwa babache.

23¹alibe munthu wakusunuliwa ayai wakugwatiwa ndiye angapite mu mtsonkhano wa Yahova. ²Mwana wachigololo angapite lini mu mtsonkhano wa Yahova; ate ku m'bwado wachikhumi wa mbeu yache, palibe m'bodzi wa iwo angakhale nawo mu mtsonkhano wa Yahova.³M' Amoni ayai m'Moabu angakhale lini pamtsonkhano wa Yahova; ate ku m'bwado wachikhumi wa mbeu yache, palibe m'bodzi wa iwo angakhale pa mtsonkhano wa Yahova. ⁴Ichi ni thangwera kuti alibe kukuchingamirani na mkate na madzi munjira ndipo mukhadabula mu Aigupto, na thangwera kuti adakugulirani Balamu mwana wa Beori kuchokera ku Petori mu Aramu Naharaimu, kukutembererani imwe.⁵Soma Yahova Mulungu wanu alibe kumutetekera Balamu; soma, Yahova Mulungu wanu adazungunusa themberero kukhala mdaliso kuna imwe, thangwe Mulungu wanu adakukondani. ⁶Nampodi kupsaga mtendere wawo ayai chakuwakomera, mu nsiku zanu sense.⁷Damba kunyansidwa naye munthu wa ku Edomu, thangwe ni m'bale wanu umweyo; nampodi kununkhidwa naye munthu wa ku Aigupto, thangwe mukhali mlendo mdziko lache. ⁸Wana wa m'bwado wachitatu ndiwo akubadwa kuna iwo amdzakhala nawo ku mtsonkhano wa Yahova.⁹Mungabula kunja ninga wankhondo kukalimbana na awengi wanu, ndiye mubzikoye ku chakuipa chirichense. ¹⁰Penu pana wina waimwe ndiye wabzipsipiza na bzakuchitika bza usiku, ndiye damba umweyo kupita mu msasa wa anyankhondo; nampodi kuti abwerere mu msasa. ¹¹Maulo yangafika abzisambise yekha mmadzi; dzuwa lingamira, abwerere mkati mwa msasa.¹²Mukhale pomwe na mbuto kunja kwa msasa ndiko mumbayende; ¹³apo mukhale na chinthu china pa bzida bzanu chakucherera; pomwe muninjunga kubzithandiza, muchere na chimwecho mkufuchira na mataka ndibzo bzabula mnthupi mwanu. ¹⁴Thangwe Yahova ambafamba pakati pa msasa wanu kukupulumusani na kupereka awengi wanu mmanja mwanu. Ndipopa msasa wanu ukhale wakupambulika, pala kuti nampodi ambaone chakunyansa pakati panu kuti angakutayeni.¹⁵Nampodi kumpereka kuna mbuyache kapolo ndiye wathawa kuchoka kuna mbuyacheyo. ¹⁶Mulekeni akhale namwe, mmuyi uliwense angasankhuleyo. Damba kumuboneresa.¹⁷Nampodi pakhale puta pakati pa wana wachikazi wa Isaraeli, ayai nyachigololo pakati pa wana wachimuna wa Isaraeli. ¹⁸Nampodi kubwera nayo mpfupo ya nyachigololo ayai mpfupo ya mbwaya mnyumba ya Yahova Mulungu wanu pala ninga chakutoma kukhuma; thangwe bziwiri bzensebzi mpsakunyansira Yahova Mulungu wanu.¹⁹Nampodi kufiyalisi pa mpangano wa banyira kuna m'Isaraeli mwayanu---banyira la kobiri, banyira la chakudya, ayai banyira la chirichense chakufiyaliwi pa banyira. ²⁰Kuna mlendo mukhoza kumufiyalisi pa banyira; soma kuna m'Isaraeli mwayanu nampodi kufiyalisi pa banyira, pala kuti Yahova Mulungu wanu akudaliseni mu bzense ndibzo muniphata na boko lanu, mdziko ndilo mukuyenda kukapasiwa kukhala lanu lanu.²¹Mungalonjeza kuna Yahova Mulungu wanu, nampodi kuchedwa kukwanirisa chimwecho, thangwe ²²Yahova Mulungu wanu chadidi letu amdzachifuna; chimdzakhala chakuphonya kuna imwe seye kuchikwanirisa. Soma penu munikhala nabzo kutali kumbalonjeza bzakutoma kukhuma, mkuphonya lini kuna Yahova. ²³Icho ndicho chabula pamilomo panu muchionesese na kuchichita; malingana na kulonjeza kwanu kuna Yahova Mulungu wanu, chirichense ndicho mwalonjeza mwaufulu na pakamwa panu.²⁴Mungayenda mmunda wa mpesa wa mwayanu, mudye mpesa uzinji ndimo mumfunira, soma damba kuikha wina mchakutakulira chanu. ²⁵Mungapita muna tirigu wakukhuma wa mwayanu, mutsidibule ngalengale za tirigu na boko lanu, soma nampodi kumweta na chikwakwa tirigu wakukhuma uli chiriri wa mwayanu.

24¹Mwamuna angatenga mkazi mkumuloola, penu aniona lini udidi mmaso mwache thangwera kuti wagumana chinthu china chakupasa manyazi mwa iye, ndiye anembe tsamba la chizimbu, aliikhe mmanja mwache, apo mkumubulisa panja pa nyumba yache. ²Angayenda kunja kwa nyumba yache, akhoza kuyenda kukakhala mkazi wa mwamuna winango.³Penu bayache wachiwiriyo animuwenga mkunemba tsamba lachizimbu, mkumufumbatisa mmanja mwache, mkumubulisa kunja kwa nyumba yache; ayai penu bayache wachiwiriyo wafa, mwamuna ndiye adamutenga kukhala mkazacheyu--- ⁴ndiye bayache wakutoma ule, ndiye adamubulisa kunja pakutoma ule, nampodi amutenge pomwe kukhala mkazache---, atapsiziwa iye; thangwe chimdzakhala chakumunyansira Yahova. Nampodi kuphonyesa, dziko ndilo Yahova Mulungu wanu wakupani kukhala chakutambira chanu.⁵Mwamuna angatenga mkazi mupsa, nampodi ayende kunkhondo na achikunda, ayai kutongewa kuyenda ku basa lakungingimiziwa, amdzakhala waufulu kukhala pamuyi kwa gole libodzi apo amdzabweresa nsangala kuna mkazache omwe amutengayo.⁶Munthu nampodi atenge mphero ayai mwana mphero ninga chikole, thangwe kutenepoyo kumdzakhala ninga kutenga moyo wamunthu kukhala chikole.Penu munthu aniba m'bale wache aliyense kuchoka pakati pa wana wa Isaraeli, apo mkumusandusa ninga kapolo apo mkumugulisa. mbava imweyo ife; apo mumdzachosa chakuipa pakati panu.⁸Chenjerani ku mliri uliwense wa mapere, pala kuti mumbatchenkhe bwino na kuteweza malangizo yensene yakuperekiwa kuna imwe na ansembe, Alevi, kukupfunzisani; ninga ndimo ndidawauzira iwo, mtenepo ndimo mumdzachitira. ⁹Kumbukirani ndimo Yahova adachitira kuna Miriamu pomwe mukhabula mu Aigupto.¹⁰Mungafiyalisi mwayanu ngongole iriyense, nampodi kuyenda kunyumba kwache kukaphatira chinthu. ¹¹Muyime panja, apo munthu mudamufiyalisiyo amdzabula nacho panja kukupani yekha chakuphatiracho kuna imwe panjapo.¹²Penu ni munthu wakusaya, nampodi kugona muli nacho mwaphatira iyecho. ¹³Mumubwezere chadidi mwaphatiracho pakumira kwa dzuwa, pala kuti akagone mchakufunika chache mkukudalisani; chimdzakhala chilungamo pamaso pa Yahova Mulungu wanu.¹⁴Damba kuboneresa wakuphata ganya omwe ngwakusaya na nyakubonera, penu ni m'Isaraeli mwayanu ayai wachilendo ndiye ali mdziko lanu mu bzipata bza miyi yanu. ¹⁵Nsiku zense mumupe malipiro yache; dzuwa nampodi likamire nkhaniyi ikanati kumala, thangwe iye ngwakusaya apo akulewengera imweyo. Chitani ichi pala kuti nampodi akulirireni imwe kuna Yahova, na kuti nampodi chikhale chakuphonya chanu ndicho mwachita.Abereki nampodi aphiwe thangwera wana wawo, ayayimbo wana kuphiwa thangwera abereki wawo. Aliyense aphiwe thangwera chakuphonya chache.¹⁷Damba kuponyongola chilungamo cha kwa mlendo ayai wamasiye, ayai kuphatira chakubvala cha mkazi mmasiwa. ¹⁸Kumbukira kuti ukhali kapolo mu Aigupto, na kuti Yahova Mulungu wako adakupulumusa iwe kuchoka momo. Ndipopa ndikukulangiza iwe kubvera chitongi ichi.¹⁹Mungakolola bzakukolola mmunda mwanu. apo mungayebwa mudwi wa tirigu mmundamo, nampodi kubweresa kukautenga; ukhale wa mlendo, na wamasiye, ayai mkazi mmasiwa, pala kuti Yahova Mulungu wanu udaliseni pa bzense bzakuphata bza manja yanu. ²⁰Mungakunkhumula azitona mmuti wanu wa azitona, nampodi kuyenda pomwe mmitawi; amdzakhala wa mlendo, wa wamasiye, ayai wa mkazi mmasiwa.²¹Mungagwezeka bzipatso bza mpesa wanu, nampodi kuphalasa pomwe khunkha. Ndibzo bzasalabzo bzimdzakhala bza mlendo, bza wamasiye, na bza mkazi mmasiwa. ²²Mumbakumbukire mumtima kuti mukhali kapolo mdziko la Aigupto; mnthangwerache ndikukuuzani kubvera chitongi ichi.

25¹Penu pana mpokano pakati pa amuna apo iwo mkuyenda kunyumba yakutongera milandu, apo wakutongayo mkuwatonga iwo, ndiye ambatsudzule walazauyo mkumanga nyakuphonyayo. ²Penu munthu nyakuphonyayo akuthemera kumenyiwa. nyakutonga mulanduyo amugonese pansi pamaso pache na mitchamu ndiyo yatongewa, malingana na kuipa kwache.³Wakutonga mulanduyo akhoza kumupa mitchamu makumi manayi, soma nampodi apitirize kawandidwe kamweko; thangwe angapitiriza kawandidwe kamweko mkumumenya mitchamu mizinjitsa, ndiye m'Isaraeli mwayanu anichepsewa pamaso panu.Nampodi kufunga kumulomo kwa ng'ombe yapakalosa ingambapuntha tirigu.⁵Penu umano bwawo anikhala pabodzi apo m'bodzi mkusaika, seye mkusiya mwana wachimuna aliyense, ndiye mkazi wa nyakusaikayo nampodi aloodwe mkutakuliwa na winango wakunja kwa banjalo. Soma, mano wache wa bayacheyo ayende kuna iye mkumutenga kukhala mkazi wache, mkukachita basa la mwamuna kuna iye. ⁶Ibzi bziri temepo kuti mwana wakutoma ndiye anibalayo apite m'buto yakutenga dzina la mano wache adasaikayo, kuti dzina lache nampodi lipfudzike kuchoka mu Isaraeli.⁷Soma penu mano wacheyo amfuna lini kubzitengera mkazi wamano wacheyo, ndiye mkazi wamano wacheyo akwire kuyenda pachipata cha akulu mkukati, 'Mano wache wa bayangu akulamba kukuza dzina la mano wache mu Isaraeli; amchita lini basa la mano wache kuna ine.' ⁸Ndiye akulu wa muyi amuchemerese mkusewera naye iye. Soma tiyezezere kuti achingingimira basi apo mkuti, 'Ndikufuna lini basi kumutenga.'⁹Kinangoka mkazi wa mano wacheyo abwere kuna iye pamaso pa akulu, mkumukhundula chango zache kuchoka nu nzayo yache, mkupsipira mata kunkhope kwache. Apo amutawire kulewa kuti, 'Ibzi ndibzo bzimbachitika kuna mwamuna ndiye amfuna lini kumanga nyumba ya m'bale wache.' ¹⁰Dzina lache limdzachemeriwa mu Isaraeli, 'Nyumba ya ule ndiye chango yache yakhunduliwa.'¹¹Penu amuna animenyana, apo mkazi wa m'bodzi mkubwera kudzalatsetsa bayache kuchoka mmanja mwa ule ndiye wamumenyayo, apo penu mkaziyo anifuthula boko lache mkuphata kumbuto kwakubisika, ¹²ndiye mugwate boko lachelo; diso lanu nampodi lichite nsisi.¹³Nampodi kukhala na minyala yakupimira yakusiyana mchola chanu, ukulu na ung'ono. ¹⁴Nampodi kukhala na mphino zakusiyana mnyumba mwanu, ikulu na ing'ono.¹⁵Mwala wamphimo wabwino ndiwo mukhale nawo; mphimo yabwino ndiyo mukhale nayo, pala kuti nsiku zanu ziwande mdziko ndilo Yahova Mulungu wanu wakupani. ¹⁶Thangwe wensene wakuchita bzinthu bzimwebzo, wensene wakuchita mwakusaya kulungama, mbakunyansa kuna Yahova Mulungu wanu.¹⁷Kumbukirani ndibzo Amaleki adachita kuna imwe panjira pakubula mu Aigupto, ¹⁸ndimo anagumanirana namwe panjira mkumenya wale wa imwe mmambuyo, wensene wakulobwa akhali mmambuyo mwanu, pomwe mukhali wakulefuka na kuneta; iye alibe kulemekeza Mulungu. ¹⁹Mnthangwerache, pomwe Yahova Mulungu wanu wakupani kupuma kuchoka kuna awengi wanu wakukuzungulirani, mdziko ndilo Yahova Mulungu wanu wakupani kukhala lanu lanu ninga chakusiiriwa chanu, nampodi kuyebwa kuti mumfunika mupfudze chikumbukiro cha Amaleki kuchoka pansi pa thambo.

26¹Nthawe ndizo mwabwera mdziko ndilo Yahova Mulungu wanu wakupani ninga chakusiiriwa chanu, apo pomwe munilitambira mkukhala momo, ²ndiye mutenge bzina mwa bzipaso bzensene bzakutoma bza mdziko ndibzo mwabweresa muno kuchoka mdziko ndilo Yahova Mulungu wakupani. Mubziikhe mchitundu mkuyendesa pambuto ndipo Yahova Mulungu wanu amdzasankhula kukhala pakukhala dzina lache.³Muyende kuna wansembe ndiye amdzakhala akutumikira nsiku zozo mkulewa kuna iye, 'Ndikutawiriza lero kuna Yahova Mulungu wako kuti ndabwera mdziko ndilo Yahova adalumbirira kuna abereki wathu kutipasa.' ⁴Wansembe atenge chitundu kuchoka mmanja mwanu mkutula pansi pa guwa la Yahova Mulungu wanu.⁵Mulewe pamaso pa Yahova Mulungu wanu, 'M'bereki wangu akhali m'Aramu wakukhala apa na apa. Iye adapolika kuyenda ku Aigupto mkukakhala koko, apo wanthu wache akhali wakuchepa kuwanda kwawo. Kumweko adakakhala dzinza likulu, lamphamvu, na lakubvekera.⁶Waku Aigupto adatichita bzakuipa na kutidzonga ife. Adaikha basa lakukhuma pa ife. ⁷Tidalirira kuna Yahova, Mulungu wa abereki wathu, apo adabva mafala yathu na kuona masada yathu, basa lathu, na kubonera kwathu.⁸Yahova adatibulisa kunja kwa Aigupto na boko la mphamvu, na boko lakuthamuka, lakukhala na chakugopsa chikulutsa, na bzilatizo, na bzakudabwisa; ⁹apo watibweresa ku mbuto ino apo watipa dziko lino, dziko lakuyerera mkaka na uchi.¹⁰Tsapano nyang'anani, ndabweresa bzipaso bzakutoma kukhuma bza dziko ndilo imwe, Yahova, mwandipa ine.' Mubziikhe pamaso pa Yahova Mulungu wanu na kunamata pamaso pache; ¹¹apo musekere mu bzabwino bzense ndibzo Yahova Mulungu wanu wakuchitirani imwe, pala nyumba yanu---imwe, na m'Levi, na mlendo ndiye ali pakati panu.Mungamaliza ¹²kupereka chachikhumi cha bzakukolola bzanu mgole lachitatu, lomwe ni, gole la chachikhumi, ndiye mupereke ibzo kuna Alevi, kuna mlendo, kuna wamasiye, na kuna akazi wamasiye. pala kuti adyere mkati mwa bzipata bza miyi yanu achikhuta. ¹³Mulewe pamaso pa Yahova Mulungu wanu, 'Ndamaliza kuchosa mnyumba mwangu bzinthu bza Yahova, apo ndapereka kuna Alevi, kuna mlendo, kuna wamasiye, na kuna akazi wamasiye, malingana na bzitongi bzanu bzense ndibzo mwandipa. Ndiribe kuphonyera china mwa bzitongi bzanu, ayai kubziyebwa ibzo.¹⁴Ndiribe kudya chibodzi mwa ibzo mkulira nkhawa kwangu, ayai kuikhambo mbuto inango pomwe ndikhali wakupsipiziwa, ayai kupasa china mwa ibzo kulemekeza anyamuya. Ndatetekera mafala ya Yahova Mulungu wangu; Ndabvera chirichense mudanditonga kuchita. ¹⁵Nyang'anani pansi kuchoka kumbuto yakupambulika ndiko mumbakhala, kuchoka kudzaulu, na kudalisa wana wanu Isaraeli, apo dziko ndilo mwatipa ife, ninga mudalumbirira kuna abereki wathu, dziko lakuyerera mkaka na uchi.'¹⁶Lero Yahova Mulungu wanu akukutongani imwe kubvera manemba na mayeruzo aya; ndiye tsono mumdzayakoya na kuyachita na mtima wanu wense na moyo wanu wense. ¹⁷Mwalonjezetsa lero kuti Yahova ni Mulungu wanu, na kuti mumdzafamba mnjira zache na kukoya manemba yache, bzakutonga bzache, na mayeruzo yache, na kuti mumdzatetekera mafala yache.¹⁸Lero Yahova walewesesa kuti ndimwe wanthu omwe muli wache wache, ninga adakulonjezerani imwe, na kuti mumdzakoya bzakutonga bzache bzense, ¹⁹apo amdzakukwizani padzaulu pa madzinza inango yense ndiyo wayakhazikisa, apo mumdzatambira mnamato, kubvekera, na kulemekezeka. Mumdzakhala wanthu wakuikhiwa pambali na Yahova Mulungu wanu, ninga iye adalewera."

27¹Mose na akulu wa mu Isaraeli adatonga wanthu achiti, "Mukoye bzitongi bzense ndibzo nimkuuzani lero. ²Pa nsiku ndiyo mumdzayambuka Yorodano kuyenda kudziko ndilo Yahova Mulungu wanu wakupani, muyimise minyala inango mikulu mikulu mkuipalanga na mtoto. ³Munembe popo mafala yensene ya chitongichi mungayambuka, pala kuti muyende mdziko ndilo Yahova Mulungu wakupani, dziko la kuyerera mkaka na uchi, ninga ndimo Yahova, Mulungu wa abereki wanu, adakulonjezerani.⁴Mungayambuka Yorodano, imisani minyala Imweyi ndiyo ndikukutongani lero, pa Phiri la Eba, apo mupalange na mtoto. ⁵Pamwepo mumange guwa kuna Yahova Mulungu wanu, guwa la minyala; soma nampodi kuimisa chipangizo cha chitsulo kuphatisira minyalayo.⁶Mumange guwa la nsembe la Yahova Mulungu wanu la minyala yakusaya kuphatisa kale basa; mumbapereke nsembe zakupserereza kuna Yahova Mulungu wanu, ⁷apo mudzapereke nsembe yaubale na kudya pamwepo; mumdzasekera pamaso pa Yahova Mulungu wanu. ⁸Mudzanembe pa minyala mafala yense ya chitongi ichi. Munembe mwakuoneka bwino."⁹Mose na ansembe, Alevi, adasewera kuna Isaraeli wensene achiti, "Nyamalani mutetekere, Isaraeli: Lero mwasanduka wanthu wa Yahova Mulungu wanu. ¹⁰Mumfunika tsono kumbabvera mafala ya Yahova Mulungu wanu na kuteweza bzitongi bzache na manemba ndiyo ndikukutongani imwepo lero lino.¹¹Mose adawatonga wanthu nsiku yokhayokhayo achiti, ¹²"Madzinza aya yaime pa Phiri la Gerizimu kudalisa wanthu angayambuka Yorodano: Simeoni, Levi, Yuda, Isakara, Yosefe, na Benjamini.¹³Aya ni madzinza ndiyo yaime pa Phiri la Ebala kulengeza matemberero: Rubeni, Gadi, Aseri, Zebuluni, Dani, na Nafitali. ¹⁴Alevi amdzatawira achiti kuna amuna wense wa Isaraeli mwakukuwa:¹⁵Mbaatembereriwe munthu wakukonza chiringanilo chakutsema ayai kusula chiringanilo cha chitsulo, chakunyansira Yahova, basa la manja ya misiri, na ndiye ambaikha mwakanonono.' Ndiye wanthu wense atawire kulewa, 'Amen.'¹⁶'Munthu umweyo mbaatembereriwe omwe ambanyoza babache ayai mai wache.' Ndiye wanthu wensene alewe kuti, 'Amen.' ¹⁷'Munthu umweyo mbaatembereriwe omwe ambachoka chizindikiro cha malire ya mwayache.' Ndiye wanthu wense alewe. 'Amen.'¹⁸Munthu mbaatembereriwe ndiye ambasocheresa zimola pa mseu.' Ndiye wanthu wense alewe, 'Amen.' ¹⁹Munthu mbaatembereriwe ndiye ambaphatisa basa mphamvu kulamba chilungamo kuna mlendo,wana wamasiye, ayai mkazi wamasiye.' Ndiye wanthu wense alewe, 'Amen.'²⁰'Munthu umweyo mbaatembereriwe omwe ambagona na mkazi wa babache, thangwera zjai watenga udindo bwa babachewo.' Ndiye wanthu wensene alewe, 'Amen.' ²¹Munthu umweyo mbaatembereriwe omwe ambagona na nyama iriyense,' Ndiye wanthu wensene alewe, 'Amen.'²²Munthu umweyo mbaatembereriwe omwe ambagona na nana wache, mwana wachikazi wa babache, ayai na mwana wachikazi wa mai wache.' Ndiye wanthu wense alewe kuti, 'Amen.' ²³'Munthuyo mbaatembereriwe omwe ambagona na amabzala wache wachikazi.' Ndiye wanthu wensene alewe kuti, 'Amen.'²⁴'Munthu mbaatembereriwe omwe ambapha mwayache mwakanonono.' Ndiye wanthu wensene alewe kuti, 'Amen.' ²⁵'Munthu umweyo mbaatembereriwe omwe ambatambira chiphuphu kukapha munthu wakusaya kuphonya.' Ndiye wanthu wense alewe kuti, 'Amen.'Munthu umweyo mbaatembereriwe omwe akutsimikiza lini mafala ya chitongichi, kuti amdzayakhulupirira.' Ndiye wanthu wense alewe, 'Amen.'

28¹Mungatetekera bwino mafala ya Yahova Mulungu wanu pala kuti mukoye bzitongi bzache bzense ndibzo ndikukuuzani imwe lero, Yahova Mulungu wanu amdzakukwizani padzaulu pa madzinza yense padziko lapansi. ²Madaliso yenseneya yamdzabwera pa imwe, mungatetekera mafala ya Mulungu.³Mumdzakhala wakudalisika mu mmuyi na wakudalisika mmunda. ⁴Chakudalisika chimdzakhala chipaso cha mmimba mwanu, chipaso cha mataka yanu, na chipaso cha bzifuwo bzanu, na kuthimizirika kwa ng'ombe zanu na ntchere za mabira yanu.⁵Chakudalisika chimdzakhala chitundu chanu na chamumunyira chanu. ⁶Mumdzakhala wakudalisika mungadzapita mkati, na kudalisika mungadzabula panja.⁷Yahova amdzachitisa awengi wanu wakukugandukirani kuphiwa pamaso panu; amdzabula panja kukugandukirani kuchokera njira ibodzi soma amdzathawa pamaso panu njira zinomwe. ⁸Yahova amdzatonga madaliso kubwera pa imwepo mmagwangwa mwanu na mwense ndimo mumbapisa boko lanu; iye amdzakudalisani mdziko ndilo wakupani.⁹Yahova amdzakukhazikisani imwe kukhala wanthu wakupambulika pala iye yekha, ninga ndimo walumbirira kuna imwe, mungakoya bzakutoma bza Yahova Mulungu wanu, na kufamba mnjira zache. ¹⁰Wanthu wense wa dziko lapansi amdzaona kuti mwachemeriwa na dzina la Yahova, achidzabva namwe mantha.¹¹Yahova amdzakupambanisani maninge mchipaso cha mmimba mwanu, mchipaso cha bzifuwo bzanu, na bzipaso bza mataka yanu mdziko ndilo iye adalumbira kukupani. ¹²Yahova amdzakufungulirani imwe nyumba yache yakukoyera yakudzaulu kupereka mvuna pala dziko lanu pa nthawe yache chaiyo, achidalisa basa lense la boko lanu; mumdzakumbiza kuna madzinza mazinji, soma imwepo mumdzakumbira lini.¹³Yahova amdzakusandusani msolo sikuti mchira neye; mumdzakhala padzaulu pokha basi, apo mumdzakhala lini panyansi, mungatetekera bzakutonga bza Yahova Mulungu wanu ndibzo ndikukuuzanibzi imwe lero, pala mubzitchenkhe na kubzichita, ¹⁴apo penu munipambusira lini kumbani mafala yense ndiyo ndikukuuzani leroya, kuboko lamadidi ayai lakumadzere, pala kutewera milungu inango mkutumikira imweyo.¹⁵Soma mungasaya kutetekera mafala ya Yahova Mulungu wanu, pala kuti mukoye bzakutonga bzanu bzensene na manemba yache ndiyo ndikukuuzani leroya, ndiye matemberero yenseya yamdzabwera pa imwe yachikupinzulani.¹⁶Mumdzakhala wakutembereriwa mmuyi mwanu, apo mumdzakhala wakutembereriwa mmunda mwanu. ¹⁷Chakutembereriwa chimdzakhala chitundu chanu na chombo chanu chakumunyira.¹⁸Chakutembereriwa chimdzakhala chipaso cha mmimba mwanu, chipaso cha mataka yanu, ntchere za ng'ombe zanu, na ntchere za mabira yanu. ¹⁹Mumdzakhala wakutembereriwa mungadzapita mkati, muchidzakhala wakutembereriwa pakubula panja.²⁰Yahova amdzakufungulirani matemberero, chisokonezo, na bzitsimulo mu bzense ndibzo mumbaikha boko lanu, ate mutadzongeka, na kufikizana mutamaliratu kamkulumize thangwera kuipa kwa bzakuchita bzanu ndibzo mwandilamwira ine. ²¹Yahova amdzachitisa muliri kuphathirira pa imwe kufikizana atakudzongani imwe kuchoka mdziko ndilo mukuyenda momo kukakhala lanu lanu.²²Yahova amdzakumenyani imwe na matenda yakupasirana, na manungo, na chibayo, na chilala, na lupanga, na chonzi chakupsa, na mame ibzi bzimdzakutewerani kufikizana mutamala .²³Mdzaulu pamsolo panu mumdzakhala mkhuwa, apo mataka mwapondayo yamdzakhala chitsulo. ²⁴Yahova amdzachitisa mvula ya mdziko lanu kukhala ufaufa na pfumbi; imdzachokera kudzaulu kugwa paimwe, kufikizana mutadzongeka.²⁵Yahova amdzachitisa imwepo kuphiwa na awengi wanu; mumdzawayendera kutewera njira ibodzi soma mumdzathawa pamaso pawo kutewera njira zinomwe. Mumdzathusiwa kutsogolo na mmambuyo pakati pa maufumu yensene ya dziko lapansi. ²⁶Matupi yanu yakufa yamdzakhala chakudya cha mbalame za mdzaulu na nyama zadziko lapansi; pamdzasaika munthu wakuzigopsa kuti zithawe.²⁷Yahova amdzakumenyani na mapute ya Aigupto na bzilonda bza mmimba, mphere, na kupfika, ndiko mumdzalimba lini nako. ²⁸Yahova amdzakumenyani na misala, na uzimola, na kuzungulira msolo. ²⁹Mumdzampsampsadzira mbzee masikatisikati ninga zimola ambampsampsadzirira mum'dima, apo mumdzapambana lini mnjira zanu; mumdzakhala wakumbaboneresiwa basi na kumbaberiwa, apo pamdzakhala lini aliyense wakukupulumusani.³⁰Mumdzabvunzira mkazi, soma mwamuna wina dzamupsokonyola achimuphatirira. Mumdzamanga nyumba soma neye kuikhala; mumdzabzala munda wa mpesa soma neye kudyerera bzipaso bzache. ³¹Ng'ombe yanu yapakalosa imdzaphiwa pamaso panu, soma nyama yache mumdzaidya lini; bulu wanu amdzatengiwa mwakungingimiza kuchoka pamaso panu apo amdzabwezeriwa lini kuna imwe. Mabira yanu yamdzaperekiwa kuna awengi wanu, apo pamdzasaika wina wakukubwezerani.³²Wananu wachimuna na wachikazi amdzaperekiwa kuna wanthu wina; maso yanu yamdzawapsaga nsiku yamtero, soma yamdzatazira na kudikhira iwo. Mumdzakhala mulibe mphamvu mmanja mwanu.³³Bzakukolola bza mdziko lanu na bza mabasa yanu yense---dzinza ndilo mukulidziwa lini ndilo limdzabzidya; mumdzakhala muchiboneresiwa basi na kumbaphiwa, ³⁴mwakuti mumdzakhala wamisala na bzakumbaona bziri mkumbachitika. ³⁵Yahova amdzakumenyani mmabondo na mmiyendo na mapute makulu ndiyo mumdzachira nayo lini, kuchokera kunyansi kwa nzayo zanu kufikira pamsolo.³⁶Yahova amdzakutengani imwepo pabodzi na mfumu ndiyo mwaisankhula pakati panu kuyenda namwe kudzinza ndilo mukanati kulidziwa kale, neye imwe ayai abereki wanu; kumweko mumdzakanamata milungu inango ya matabwa na minyala. ³⁷Mumdzakhala chiyambi cha bzakuipa, mwambi, na mafala, pakati pa wanthu wense ndiwo Yahova amdzakutsogolerani.³⁸Mumdzakabzala mbeu zizinji kumunda, soma mumdzakolola bzakuchepa, thangwe bziwala bzimdzalala kubzidya. ³⁹Mumdzabzala minda ya mpesa mkumbailima, soma mumdzamwa lini vinyo wache, ayai neyembo kugwezeka bzipaso, thangwe nkhonye zimdzabzidya.⁴⁰Mumdzakhala na miti ya azitona mphimpha yanu yense, soma mumdzabzidzoza lini na mafuta yache, thangwe miti yanu ya azitonayo imdzadodeza bzipaso bzache. ⁴¹Mumdzakhala na wana chimuna na wachikazi, soma amdzakhaliratu lini wanu wanu ate kalekale, thangwe amdzayenda kuukapolo.⁴²Miti yanu yense na bzakukolola bza mataka yanu---bziwala bzimdzalala kudya. ⁴³Mulendo ndiye ali pakati panu amdzalamuka kukhala achimbakulakula; imwepo mwekha mumdzakhala muchigwa pansi nthawe na nthawe. ⁴⁴Iye amdzakufiyalisini, soma imwe mumdzamufiyalisi lini; iye amdzakhala msolo, apo imwe mumdzakhala mchira.⁴⁵Matemberero yenseneya yamdzabwera pa imwe apo yamdzakutewerani yachikupinzulani ate mutadzongeka. Ibzi bzimdzachitika thangwe mulibe kutetekera Yahova Mulungu wanu, kuti mukoye bzakutonga bzache na malamulo ndiyo adakutongani imwepo. ⁴⁶Matemberero yoya yamdzakhala pa imwe ninga bziringaniro na bzakudabwisa, na pa wambeu yanu ate mpakana.⁴⁷Thangwera mulibe kunamata Yahova Mulungu wanu na chimwemwe na kusekera kwa mtima pomwe mukhana vida, ⁴⁸mnthangwerache mumdzatumikira awengi ndiwo Yahova amdzakutumizirani; mumdzawatumikira pa njala, nthawe ya nyota, mum'dima, na muumphawi. Amdzakhala chipsinjo cha chitsulo ayai pa Khosi panu kufikira atakudzongani imwepo.⁴⁹Yahova amdzabweresa dzinza pa imwe lakuchokera kutali, kuchokera ku malekezero ya dziko lapansi, ninga mphungu ndimo imbambulukira pa nyakuipha wache, dzinza ndilo chiseweredwe chache mumbachibva lini; ⁵⁰dzinza la nkhope yakugopsa ndilo limbalemekeza lini wakukalamba na kuchita nsisi wana. ⁵¹Iwo amdzadya wana wa bzifuwo bzanu na bzakukolola bza dziko lanu kufikira mutadzonongeka. Amdzakusiirani lini neye tirigu, vinyu mupsa, ayai, mafuta, neye wana wa ng'ombe zanu ayai ntchere za mabira yanu, kufikizana atakuchitisani kumaliratu.⁵²Amdzakuzungulirani imwe mbzipata bzanu bzense, kufikira malitsito yanu matali na yakutetezekayo yatagwesiwa palipense mdziko lanu, malitsito ndiyo mukhayakhulupirira. Iwo amdzakuzungulirani mbzipata bzense bza miyi yanu mdziko lense ndilo Yahova Mulungu wanu wakupani. ⁵³Mumdzadya bzipaso bza thupi lanu, nyama ya wana wanu wachimuna na wachikazi, omwe Yahova Mulungu wanu adakupani, mtsasa na mmatsautso ndiyo awengi wanu amdzakuboneresani nayo.⁵⁴Mwamuna wakulobwa mnkhongono na wakusaya mphamvu pakati panu---amdzakhala wa nsanje kuna m'bale wache na kuna mkazi wache wakukondeka, na kuna wana aliwense ndiwo wasiya. ⁵⁵Ndiye amdzampereka lini kuna aliyense wa iwo nyama ya wanache chaiwo ndiyo akufuna kudya, thangwe amdzakhala lini na chakusala nacho mtsasa na mmatsautso ndiyo muwengi wanu amdzakuboneresani mbzipata bzensene bza miyi yanu.⁵⁶Mkazi wakulobwa mnkhongono na wakulefuka pakati panu, ndiye amdzayezera lini kuikha kutseri kwa nzayo yache pamataka thangwera kulobwa na utete bwache---iye amdzakhala wansanje kuna bayache chaiye, kuna wanache wachimuna, ⁵⁷na kuna wanache wachikazi, na kuna tcheche lakubula pakati miyendo yache, na wa wanache ndiwo amdzabala. Iye amdzawadya iwo mwamtseri thangwera kusaya chirichense, nthawe ya matsasa na mtsautso ndiwo awengi wanu amdzaboneresa nawo imwe mbzipata bza miyi yanu.⁵⁸Penu munikoya lini mafala yense ya chitongi ichi ndiyo yanembiwa mmbukhu iri, pala kulemekeza dzina lache lakupambana na lakugopsa, Yahova Mulungu wanu, ⁵⁹ndiye Yahova amdzachitisa miliri yanu kukhala yakugopsa, na ire ya abereki wanu; imdzakhala miliri mikulu, ya nthawe itali, na matenda makulu, ya nthawe itali.⁶⁰Amdzakubwereserani pomwe pa imwe matenda yensene ya ku Aigupto ndiyo mukhayagopa; yamdzakukakamirani. ⁶¹Matenda yaliyense pomwe na muliri ndibzo bziribe kunembiwa m'bukhu la chitongi ichi, yamweyo pomwe Yahova amdzayabweresa pa imwe kufikira mutadzongeka. Mumdzasala wakuchepa kuwanda kwanu, ⁶²napo kuti mukhali ninga nyenyezi zakudzaulu kuwanda kwanu, thangwera mulibe kutetekera mafala ya Yahova Mulungu wanu.⁶³Ninga ndimo Yahova adasekerera pa imwe pakukuchitirani bzabwino, na kukuwanzisani, mtenepoyo amdzasekera pa imwe pa kukumalisani na kukudzongani. Mumdzathotholiwa mdziko ndilo mukuyenda kukalitambira. ⁶⁴Yahova amdzakumwazani imwe pakati pa wanthu wensene kuchoka kumalekezero kwa dziko kufika ku malekezero kwinango; kumweko mumdzanamata milungu ina ndiyo mukanati kuidziwa, neye imwe ayai abereki wanu, milungu ya matabwa na minyala.⁶⁵Pakati pa madzinza yoya mumdzagumana lini udidi, apo pamdzakhala lini kupuma kutseri kwa nzayo zanu; Yahova amdzakupani koko mtima wakunjenjemera, maso yakutazira, na moyo wakulira. ⁶⁶Moyo wanu umdzakhala mchikaiko pamaso panu; usiku na masikati mumdzachita mantha apo mumdzakhala lini na chikhulupiriro cha moyo wanu.⁶⁷Machibese mumdzati, 'Ndikufuna yatakhala maulo!' apo maulo mumdzati, 'Ndikukhumba yatakhala machibese!' thangwera mantha mmitima yanu na bzinthu ndibzo maso yanu yamdzaona. ⁶⁸Yahova amdzakubweresani pomwe ku Aigupto kupakira bzombo, kudzera njira ndiyo ndikhadati kuna imwe, 'Mumdzaona lini pomwe Aigupto.' Kumweko mumdzabziikha mwekha pamalonda kuna awengi wanu kukhala akapolo wachimuna na akapolo wachikazi, soma palibe ndiye amdzakugulani."

29¹Aya ni mafala ndiyo Mose adatonga wana wa Isaraeli mdziko la Moabu, mafala ndiyo yadaphatidziwa pa mpangano ndiwo iye adauchita pabodzi nawo pa Horebu.²Mose adachemera a Isaraeli wense achiti kuna iwo, "Mwaona bzense ndibzo Yahova adachita pamaso panu mdziko la Aigupto kuna Falawo, kuna akapolo wache wensene, na kuna dziko lache lense --- ³ngwete ikulu ndiyo maso yanu yadaona, bzilatizo, na bzakudabwisa bzizinji bzire. ⁴Soma ate lero Yahova akanati kukupani mtima wakudziwa, maso kuona, ayai makutu kubva.⁵Ndakutsogolerani kwa magole makumi manayi mchipululu; bzakubvala bzanu bziribe kusakala pathupi panu, na chango zanu ziribe kupereseka kunzayo kwanu. ⁶Mulibe kudya mkate uliwense, na kumwa vinyu aliyense ayai chakumwa chirichense chakuledzeresa, pala kuti mudziwe kuti ndinedi Yahova Mulungu wanu.⁷Pomwe mudabwera kumbuto ino, Siho, mfumu ya Hesiboni, na Og, mfumu ya ku Basani, idabula kudzamenyana nafe, apo ife tidawapha. ⁸Tidawatengera dziko lawo tichiripereka ninga chakusiiriwa kuna wadzinza la wene Rubeni, kuna Agadi, na kuna meya ya dzinza la Manase. ⁹Mnthangwerache koyani mafala ya mpangano uyu na kuyachita, pala kuti mupambane pa chirichense ndicho mumchita.¹⁰Mukuima lero, mwensemwe, pamaso pa Yahova Mulungu wanu; mafumu yanu, madzinza yanu, akukuakulu wanu, na anyamata wanu --- amuna wense wamu Isaraeli, ¹¹wana wanu ang'ono, akazi wanu, na mlendo omwe muli naye pakati panu mtsasa mwanu, kuchoka kuna iye wakukugwatirani muti wanu kuyenda kuna iye wakukutungirani madzi yanu.¹²Muli pano kuti mupite mu mpangano wa Yahova Mulungu wanu na mu chilumbiriro ndicho Yahova Mulungu wanu akuchita namwe lero, ¹³pala kuti akuchitiseni imwe lero kukhala wanthu wache, na kuti akhale Mulungu wanu, ninga adasewerera kuna imwe, na ninga ndimo iye adalumbirira kuna Abereki wanu, kuna Aburahamu, kuna Isaki, na kuna Yakobo.¹⁴Thangwe ndimwe lini mwekha kuti ndikuchita namwe mpangano uyu na chilumbirochi-- ¹⁵na aliyense waima pano na ife lero pamaso pa Yahova Mulungu wanu---soma na wale pomwe ndiwo ali lini pano na ife lero lino. ¹⁶Mukudziwa ndimo tidakhalira mule mdziko la Aigupto, na kabweredwe kache kudzera pampikiti pa madzinza ndiyo mudadzera.¹⁷na bzilinganilo bzao bzakutsema bzakunyansa bzakukonziwa na matabwa na mwala, siliva na golide, ndibzo bzikhali pakati pawo. ¹⁸Onesesani kuti pakati panu palibe mwamuna aliyense, mkazi, banja, ayai dzinza ndilo mtima wache ukusandulika kulamba Yahova Mulungu wathu, pala kunamata milungu ya madzinza yamweyo. Onesesani kuti pakati panu palibe muzi wakubala chipaso chakupha ayai mabade. ¹⁹Pomwe munthu umweyo wabva mafala ya themberero limweri, amdzabzidalisa yekha mumtima mwache mkuti, 'Nimdzakhala na mtendere, Napo ndikufamba mbzakusamwa bza mtima wangu.' Ichi chimdzadzonga kutota pabodzi na kuuma.²⁰hova amdzamu......lini iye. Soma, ukhali bwa Yahova na nsanje yache bzimdzafukiza munthu umweyo, apo matemberero yensene ndiyo yadanembiwa m'bukhuli yamdzagwera pa iye, apo Yahova amdzapfudza dzina lache kuchoka pansi pa thambo. ²¹Yahova amdzamuikha pambali pala ngozi pa wanthu wense wa mu Isaraeli, mkukoya kwa matemberero yensene ya mpangano ndiyo yanembiwa m'bukhuli la chitongi.²²M'bwado ukubwerayo, Wana wanu omwe amdzakugandukirani, na mulendo wakubwera kuchokera ku dziko lakutali, amdzalewalewa angadzaona miliri imweyi mdziko limweri na matenda ndiyo Yahova walidwalisa nayo --- ²³apo pomwe soma kuti dziko lensene lasanduka sufure na munyu wakugaka, ndiko chirichense chimbafesewa lini ayai kubala chipaso, ndiko kumbamera lini bzakumera, ninga kugwa kwa Sodomu na Gomora, Adima na Zeboimu, ndiwo Yahova adawadzonga mu ukali bwache na chilango--- ²⁴iwo amdzalewa ali pabodzi na madzinza yensene inango, 'Thangweranyi Yahova wachita ichi kudzikoli? Kupsa kwa ukali bukulu terepayuku nkhwanyi?²⁵Ndiye wanthu amdzati, 'Mnthangwera kuti iwo adalamba mpangano wa Yahova, Mulungu wa abereki wawo, ndiwo adauchita na iwo pomwe iye adabulisa iwo mdziko la Aigupto, ²⁶apo thangwera iwo adayenda achikatumikira milungu ina achiigodamira iyo, milungu ndiyo akhanati kuidziwa kale na ndiyo alibe kuchita kuwapa iwo.²⁷Mnthangwerache ukali bwa Yahova bwanyanduka kudziko ili, pala kulibweresela matemberero yensene ndiyo yadanembiwa m'bukhuli. ²⁸Yahova waazula iwo kuchoka mdziko lawo mwa ukali, na chilango, na mu ukali bukulu, apo waathusa iwo mdziko linango, ninga lero.'²⁹Nkhani zachinsinsi mza Yahova yekha Mulungu wathu; soma bzinthu ndibzo bzaonekera mpsathu ate kale kale na kuna abereki wathu, pala kuti tichite mafala yensene ya chitongicho.

30¹Pomwe bzinthu bzense bzabwera kuna imwe, madaliso na matemberero ndiyo ndakuikhirani pamaso panu, apo mungayaikha mumtima pakati pa madzinza yensene ndiko Yahova Mulungu wanu waku.....imwe, ²apo mungabwerera kuna Yahova Mulungu wanu mkubvera mafala yache, kuteweza bzense ndibzo ndikukutongani lero--- imwe na wana wanu ---na mtima wanu wense na moyo wanu wense, ³ndiye Yahova Mulungu wanu amdzabweza ukapolo bwanu achidzakuchitirani nsisi; amdzabwerera mkudzakugwezekani kuchoka kuna wanthu wensene ndiko Yahova Mulungu wanu wakumwazani.⁴Penu wina wa wanthu wanu waukapopo ali mbuto yakutalitsa pansi pa thambo, kuchoka popo Yahova Mulungu wanu amdzakugwezekani, apo kuchoka popo iye amdzakubweresani imwe. ⁵Yahova Mulungu wanu amdzakupitisani mdziko ndilo abereki wanu adatambira kukhala lawo lawo, muchidzakhala nalo pomwe; iye amdzakuchitirani bzabwino na kukuwanzisani kuposa ndimo adachitira na abereki wanu.⁶Yahova Mulungu wanu amdzauchita mgwatidwe mtima wanu na mtima wa wana wabubadwa pambuyo panu, ndiye mumdzamkonda Yahova Mulungu wanu na mtima wanu wense na moyo wanu wense, pala kuti mukhale na moyo. ⁷Yahova Mulungu wanu amdzaikha matemberero yenseneya pa awengi wanu na iwo wakudana namwe, iwo omwe ambakulondanilondani. ⁸Mumdzabwerera mkudzabvera mafala ya Yahova, apo mumdzachita bzakutonga bzache bzensene ndibzo ndikukuuzani lero.⁹Yahova Mulungu wanu amdzakupambanisani kwene kwene mmabasa yanu yense ya boko lanu, mchipaso cha mmimba mwanu, mchipaso cha bzifuwo bzanu, na mchipaso cha mmataka yanu, pala ............ Thangwe Yahova amdzakomedwa pa kukupambanisani. ninga ndimo adakomedwera na abereki wanu. ¹⁰Iye amdzachita bzobzi mungabvera mafala ya Yahova Mulungu wanu, pala kukoya bzakutonga bzache na manemba ndiyo yadanembiwa mmbukhu iri la malamulo, mungatembenukira kuna Yahova Mulungu wanu na mtima wanu wense na moyo wanu wense.¹¹Thangwe chitongi ndikukuuzani lerochi mchakunesa lini zedi pala imwe, ayai chakunesa kwene kwene kuchifikira. ¹²Chiri linimbo kudzaulu neye, kuti mungati, 'Mbani amdzatikwirira kudzauluko achikatibweresera pansi mkutichitisa kukwanisa kuchibva, pala tichichite?¹³Ayayi kuti yali ng'ambu ya nyanza kuti mungati, 'Mbani amdzatiyambukira nyanzayo kudzatibweresera mkudzatichitisa kuchibva, kuti tiyachite?' ¹⁴Soma mafalayo yali namwe pafupi zedi, mkamwa mwanu na mumtima mwanu, pala kuti muyachite.¹⁵Onani, lero ndakuikhirani pamaso panu moyo na chabwino, imfa na chakuipa. ¹⁶Mungabvera mayeruzo ya Yahova Mulungu wanu, ndiyo ndikukuuzani leroya kukonda Yahova Mulungu wanu, kufamba mnjira zache, na kukoya bzakutonga bzache, ........, na manemba yache, mumdzakhala na moyo na kuwanda, apo Yahova Mulungu wanu amdzakudalisani mdziko ndilo mukupta kukakhala lanu lanu.¹⁷Soma mtima wanu ungachungunuka, apo neye kubvera mkufumuka mkumbagodamira milungu inango mkumbainamata, ¹⁸ndiye ndikukuuzani lerolino kuti mumdzamala meju; mumdzatalimphisa lini nsiku zanu mdziko ndilo mukuyambukira Yorodanolo mkukapita momo kukakhala lanu lanu.¹⁹Ndachemera kudzaulu na dziko lapansi kuchitira umboni bwanu lero lino kuti ndakuikhirani pamaso panu moyo na imfa, madaliso na matemberero; mnthangwerache sankhulani moyo pala kuti mukhale na moyo, imwe na wana wa pambuyo panu. ²⁰Chitani ibzi kuti mukonde Yahova Mulungu wanu, kubvera mafala yache, na kuphathika kuna iye. Thangwe iye ni moyo wanu na kutalimpha kwa nsiku zanu; chitani ichi kuti mukakhale na moyo mdziko ndilo Yahova adalumbirira kuna abereki wanu, kuna Aburahamu, kuna Isaki, na kuna Yakobo, kuwapa iwo."

31¹Mose adayenda achikasewera mafala aya kuna a Isaraeli wensene. ²Tsapano ndina magole dzana libodzi; ningayende lini pomwe panja mkubwera pomwe muno; Yahova walewa kuna ine, 'Uniyambuka lini Yorodanoyo.' ³Yahova Mulungu wanu, iye amdzayenda patsogolo panu; amdzagonjesa madzinza yoya kuchoka pamaso panu, apo mum........ iwo. Yoswa, iye amdzatsogola patsogolo panu, ninga ndimo Yahova wasewerera.⁴Yahova amdzachita kuna iwo ninga ndimo adachitira kuna Siho na kuna Ogi, mafumu ya Aamori, na ku dziko lawo, lomwe adalidzonga. ⁵Yahova amdzawapereka iwo mmanja mwanu, apo mumdzachita kuna iwo malingana na bzense ndibzo ndidakutongani. ⁶Khalani wa mphamvu na wakulimbika mtima bwino bwino, nampodi kugopa, apo nampodi kuchita nawo mantha; thangwe Yahova Mulungu wanu, iye ndiye omwe ambayenda namwe; amdzakutazisani lini ayai kukulekererani imwe."⁷Mose adachemera Yoswa achiti kuna iye pamaso pa a Isaraeri wensene, "Khala wa mphamvu na wakulimbika mtima bwino, thangwe umdzayenda na wanthuwa mdziko ndilo Yahova adalumbira kuna abereki wawo kuwapa iwo; umdzawachitisa iwo kulitambira. ⁸Yahova, iye ndiye amdzayenda patsogolo panu; iye amdzakhala namwe; amdzakutazisani lini ayai kukulekerani; nampodi kuchita mantha, nampodi kubvesewa utofu."⁹Mose adanemba chitongi Ichi achichipereka kuna ansenbe, wana wa Levi, omwe adatakula likasa la mpangano la Yahova; adapereka pomwe bzakundendemera bzache bza iyo kuna akulu akulu wensene wa Isaraeli. ¹⁰Mose adawauza iwo kulewa kuti, "Pakumala kwa magole manomwe yaliyense, pa nthawe yakuikhika pala kupfudza mangawa, nthawe ya Madyerero ya Matsasa, ¹¹pomwe a Isaraeli mwensene mwabwera kudzaonekera kuna Yahova Mulungu wanu pa mbuto ndiyo iye amdzasankhula pala....... yache, umfzalewenga chitongichi pamaso pa Isaraeli wensene pakubva pawo.¹²Agwezeke wanthu, amuna, akazi, na wana ang'ono, na mlendo ali mbzipata bza muyi wanu, pala kuti abve na kupfunza, na kuti alemekeze Yahova Mulungu wanu na kukoya mafala yensene ya chitongi ichi. ¹³Chita ichi pala kuti wana wawo, ndiwo akanati kumudziwa, abve na kupfunza kulemekeza Mulungu, Panthawe ndiyo mukukhala mdziko ndilo mukuyambukira Yorodano kukakhala lanu lanu."¹⁴Yahova adati kuna Mose, "Nyang'ana nsiku ikubwera ndiyo umdzafa; chemera Yoswa ubzionesere wekha mchihema cha kugumanirana. pala kuti ndimupe lamulo, " Mose na Yoswa adayendadi achikabzionesera okha mchihema chakugumanirana. ¹⁵Yahova adaonekera mchilinganiro cha mtambo; mtamboyo udaima pamsuwo wa chihemacho.¹⁶Yahova adati kuna Mose, "Nyang'ana, umdzagona ndiko kudagona abereki wako; wanthuwa amdzasandulika achidzachita ninga maputa kutewera milungu inango yachilendo ndiyo iri mdziko ndilo akuyendalo. Amdzandisiya inepano mkupsa mpangano wangu ndiwo ndachita nawo.¹⁷nangoko, pa nsiku yoyo, ukhali bwangu bumdzanyanduka pa iwo ndichidzawalamwa amwewa. Nimdzawabisira nkhope yangu apo amdzaphwirira. Miliri mizinji na mabvuto yamdzawafikira iwo mwakuti amdzati nsiku yoyo, 'Khali miliri imweyi iribe kutigwera ife mthangwera kuti Mulungu wathu ali lini pakati pathu?' ¹⁸Nimdzampsinkha chadidi nkhope yangu kuna iwo pansiku yoyo thangwera bzakuipa ndibzo amdzakhala achita, thangwe zjai amdzakhala akutewera milungu inango.¹⁹Tsapano nemba nyimboyi ya iwe wekha uyipfunzise kuna wana wa Isaraeri. Uyiikhe mkamwa mwawo, pala kuti nyimbo yoyi ikhale mboni yangu kugazana na wana wa Isaraeli. ²⁰Thangwe pomwe nimdzakhala nditawabweresa mdziko ndilo ndidalumbirira kuwapa abereki wawo, dziko lakuyerera mkaka na uchi, apo angadzakhala adya achikhuta mkudala, amdzatewera milungu inango achidzaitumikira apo zjai amdzandinyoza inepano apo amdzapsa mpangano wanguyo.²¹Pomwe bzakuipa bzizinji na matsauto yabwera pakati pa wanthuwa, nyimboyi imdzawachitira umboni pamaso pawo ninga mboni (thangwe imdzayebweka lini kuchoka mkamwa mwa azukulu wawo). Thangwe ndikudziwa nzeru ndizo iwowa akukonza lero lino, napo ndikanati kuwabweresa iwo mdziko ndilo ndidawalumbiriraro."²²Ndiye Mose adanemba nyimboyi nsiku yoyo letu achiipfunzisa kuna wana wa Isaraeli. ²³Yahova adapa Yoswa mwana wachimuna wa Nuni lamulo achiti, "Khala wamphamvu na wakulimbika mtima bwino bwino: thangwe umdzabweresa wana wa Isaraeli mdziko ndilo ndidalumbirira kuna iwo, apo ine nimdzakhala nawe."²⁴Bzidachitika kuti pomwe Mose adamaliza kunemba mafala ya lamulo limweri m'bukhu, ²⁵lomwe iye adatonga Alevi omwe adatakula likasa la mpangano la Yahova, apo adati, ²⁶"Tenga bukhu la chilamuloli uliikhe pamphepete pa likasa la mpangano wa Yahova Mulungu wako, pala kuti likhale popo ninga mboni yakugazana nawe.²⁷Thangwe ndikudziwa kugandukira kwanu na khosi lanu la kuuma; nyang'ana, nthawe ine ndikana moyo na iwe neye lero, wakhala ukugandukira Yahova; kuna tani ningafa? ²⁸Ndigwezekere akulu wense wa madzinza yako, na anyamata wabasa lapano, pala kuti ndisewere mafalaya mmakutu mwawo na kuchemera kudzaulu na dziko lapansi kudzachitira umboni kugazana nawo. ²⁹Thangwe ndikudziwa kuti ningadzafa mumdzanyengezana kwene kwene mwekha mwekha mkudzaphinduka kuchoka mnjira ndiyo ndakutongani imwe; muliri umdzakugwerani mu nsiku zakutewera zache. Ichi chimdzachitika thangwe mumdzachita chakuipa pamaso pa Yahova, pala kumunyosa iye ukali bwache kudzera m'basa la manja yanu."Mose adasewera mmakutu mwa thimu lensene la Isaraeli mafala ya nyimboyi ate kuyamaliza.

32¹Kutchere khutu, mdzaulu, apo ndilekeni ndisewere. Dziko lapansi mbalitetekere mafala ya pakamwa pangu. ²Lekani chipfunziso changu chidode pansi ninga mvula, mafala yangu yadode ninga mame, ninga mvula yakuderekha pa mauswa matete, ninga mvula pa bzitsamba.³Thangwe nimdzalalika dzina la Yahova, na kulewa ukulu kuna Mulungu wathu. ⁴Thanthwe, basa lache ndangwiro; thangwe njira zache zensene mzakulungama. Iye ni Mulungu wakukhulupirika, wakusaya tsankulo. Iye ngwakulungama na wakuipa dzololo.⁵Achita mwachinyengo kugazana naye. Iwo ni wanache lini. Ichi mchakunyazisa chawo. Iwo ni m'bwado wakusochera na wakuponyongoka. ⁶Mumbamubwezera Yahovayo tenepayu, imwe wanthu wakupusa na wakusaya nzeru? Iye ni Babanu lini, omwe adakulengani? Adakulengani achikukhazikisani.⁷Kumbukirani nsiku zakalekale, kumbukirani bza magole ya m'bwado wapitayo. Bvunzani babanu apo amdzakuonesani, akulu akulu wanu apo amdzakuuzani. ⁸Pomwe Wa Mdzauluyo adapa madzinza chakusalira chawo--- nthawe ndizo iye adagawa wanthu wensene, Adaikha malire ya wanthu kutengera kuwanda kwa wana wa Isaraeli.⁹Nakuti gawo la Yahova ni wanthu wache; Yakobo ndiye muyezo wa chakusiiriwa chache. ¹⁰Adamugumana mchipululu, mchipulu cha kuuma na chakusaya chinthu; adamukhotcherera iye achimutchenkha iye, adamulindira ninga mwanadiso wache.¹¹Ninga mphungu ndiyo imbalindirira chitsa chache mkumbazungulira padzaulu pa wanache, Yahova adatambalalisa matenga yache achiwatenga iwo, mkuwatenga pa maphapidwe yache. ¹²Yahova yekha adawatsogolera iwo; palibe mulungu wachilendo omwe akhana iwo.¹³ Adamufanbisa pa mbuto zakumapiri ya dzikolo, achimudyesa bzipaso bza mmunda; iye adamudyesa iye uchi bwa pa thangwe, na mafuta kuchokera mmataka ya mminyala.¹⁴Iye adadya mkaka kuchoka Ku ng'ombe na kumwa mkaka kuchoka ku mabira, na mafuta ya ntchere zamabira, atonde wa mabira ya ku Basani na mbuzi, na tirigu wabwino---apo mudamwa vinyu wa thobvu wakukonzewa kuchoka ku mulopa wa mpesa.¹⁵Soma Yesuruni adanenepa achitazira---wasanduka wakunenepa, ukhali wanunenepa kwene kwene, apo ukhadadya mwakudzala kwako--- adasiya Mulungu omwe adamulenga iye, apo adalamba Thanthwe la chipulumuso. ¹⁶Adachitisa Yahova kukhala wa nsanje na milungu yawo yachilendoyo; na bzakunyansa bwawo iwo adamukalipisa iye.¹⁷Iwo adabziphera nsembe bziwanda, bzomwe ni Mulungu lini---milungu yakuti akhanati kuidziwa kale, milungu ndiyo yaonekera tsampanopa, milungu ndiyo abereki wanu alibe kuigopa. ¹⁸Mwalithawa Thanthwe ndilo, lidasanduka Babanu, apo mudayebwa Mulungu omwe adakulengani.¹⁹Yahova adaona ichi apo iye adawalamba iwo, thangwe wanache wachimuna na wanache wachikazi adamuputa iye tenepo. ²⁰"Nimdzawabisira nkhope yangu,"iye adati, "apo nimdzaona kuti chimaliziro chawo chimdzakhala moda wanyi; thangwe ni m'bwado wakutayika, wana omwe mwa iwo mulibe chikhulupiriro.²¹Iwo andichitisa nsanje na chinthu chakuti ni mulungu lini mkundikalipisa na bzinthu bzao bza pezi pezi. Nimdzawachitisa nsanje na iwo wakuti neye ni wanthu lini; na dzinza lakupusa nimdzawachitisa kukalipa.²²Thangwe moto wagasiwa na ukali bwangu apo ukugaka ate kunyansi kwa thenje la Siolo; ukukhudyula dziko lapansi na mbeu zache; ukugasa moto matsinde ya mapiri.²³Nimdzawagwezekera miliri iwo; nimdzathusa mapsimo yangu yensene pa iwo; ²⁴Amdzaonda nayo njala na kukhudyuliwa na moto wakugaka na chionongeko chakuwawa; Nimdzawatumizira iwo mano ya bzilombo bzakuthengo, na venenoya ya nyama zakukwawa mu pfumbi.²⁵Panja lupanga limdzapsokonyola, na mmasubi mantha yamdzachita tenepoyo. Yamdzadzonga anyamata na namwali kubodzi, tcheche lakumama, na munthu waimvi. ²⁶Ndidati nimdzawabalalisira kutali, kuti nimdzachitisa mphamvu yawo yakukumbuka kuchepa pakati pa wanthu.Ningadasaya kugopa ukali bwa muwengi, na kuti awengi wawo amdzakumbuka mwakuphonyeka, apo kuti angadzati, 'Boko lathu lakwiziwa,' Ningadachita bzensebzi.²⁸Thangwe Isaraeli mi dzinza lakusaya utsaphungu, apo mulibe kubvesesa mwa iwo. ²⁹O, iwo khali ali wanzeru, angadabvesesa bzobzi, kuti kubwera kwao iwo angadakulewa tsoka!³⁰M'bodzi angathamangise tani wakukwana chulu, apo awiri kuikha bzulu khumi kukamenya nkhondo, pokha pokha thanthwelo kuwagulisa iwo, apo Yahova akhadawalamba? ³¹Nakuti thanthwe la awengi wathu liri lini ninga thanthwe lathu, ninga ndimo awengi wathu aonerambo pakumaliza.³²Thangwe mpesa wawo umbachokera ku mpesa waku Sodomu, na kuchoka kuminda ya Gomora; mpesa wawo ni mpesa wa veneno; matsangwi yawo ngakuwawa.³³Vinyu wawo ni veneno ya bzinyoka na veneno yakuipa ya bvumbwe. ³⁴Kodi nzeruyi iribe kukoyewa mwakanonono na ine, yakuikhiwa pakati pa vida yangu chaiyoiyo?³⁵Kubwezera mkwangu kupasa, na kubwezera, pa nthawe yomwe nzayo zawo zaphuzunyuka nsiku ya ngozi pala iwo yafendera, na bzinthu ndibzo bzikubwera pa iwo bzimkulumiza kuchitika."Thangwe Yahova amdzapereka chilungamo kuna wanthu wache, apo amdzachitira nsisi akapolo wache. Iye amdzaona kuti mphamvu zawo zamala, nakuti palibe wakusala pomwe, ayai akapolo ayai wanthu afulu.³⁷Ndiye iye amdzati, "milungu yawo iri kuponi, thanthwe ndilo akhayesa kwakuthawira, ³⁸milungu yomwe ikhadya mkaka wa nsembe zawo na kumwa vinyu wa chakumwa chawo cha nsembe? Alekeni alamuke akuthandizeni imwepo; alekeni asanduke pakubisala panu.³⁹Nyang'anani tsapano kuti ine, apo ine, ndine Mulungu, na kuti palibe mulungu pambali pangu; nimbapha, na kukonza moyo; nimpapasa bzilonda, apo nimbachiza, apo palibe wina omwe angakupulumuseni kuchoka mu mphamvu yangu. ⁴⁰Thangwe ndadzusa boko langu kutosa kudzaulu mkulewa, 'Nakuti nimkhala kwa nthawe za nthawe, nimdzachita.⁴¹Pomwe nimnoza lupanga langu lakuyetima, na pomwe boko langu liniyamba kubweresa chilungamo, nimtsanulira chibwezero changu pa awengi wangu, ndichidzawabwezera chilango wakundiwenga ine.⁴²Nimdzamwesa mapsimo yangu na mulopa, apo lupanga langu limdzakhudyula thupi na mulopa wa anyakuphiwa na akapolo, na kuchoka kuna akulu wa atsogoleri wa awengi."'⁴³Sekerani, imwe madzinza na wanthu wa Mulungu, thangwe amdzabwezera mulopa wa akapolo wache; amdzapereka chibwezero kuna awengi wache, apo amdzapfudza bzakuipa pala dziko lache, pala wanthu wache.Mose adabwera achidzasewera mafala yensene ya nyimbo iyi mmakutu mwa wanthu, iye, na Yoswa mwana wachimuna wa Nuni. Ndiye Mose adamaliza kusewera mafala yenseneya kuna a Isaraeli wensene.⁴⁶Iye adati kuna iwo, "Ikhani mitima yanu pa mafala yensene ndiyo ndayachitira umboni kuna imwe lero, pala kuti mutonge wana wanu kuyakoya, mafala yensene ya chitongi chochi. ⁴⁷Thangwe iyi ni nkhani lini yakusaya basa kuna imwe, thangwe ni moyo wanu, apo kudzera mchinthu ichi mumdzatalimphisa nsiku zanu mdziko ndilo mukuyambukira Yorodano kukakhala lanu lanu."⁴⁸Yahova adasewera kuna Mose pa nsiku yoyo achiti, ⁴⁹"Ndoko kwira mu phiri la Abarimu, pa phiri la Nebo, lomwe liri mdziko la Moabu, kunyang'anizana na Yeriko. Mumdzanyang'ana dziko la Kanani, lomwe ndikupereka kuna wanthu wa Isaraeli ninga lawo lawo.⁵⁰Umdzakafera pa Phiri unikwiralo, apo umdzagwezekiwa kuna wanthu wako, ninga ndimo Aroni wa ku Isaraeli mwayako adafera pa Phiri la Hori achigwezekiwa kuna wanthu wache. ⁵¹Ichi chimdzachitika thangwera mukhali wakusaya kukhulupirika kuna ine pakati pa wana wa Isaraeli pa madzi ya Meriba mu Kadesi, mchipululu cha Zin; thangwe mulibe kundipa ulemu na kulemekeza pakati pa wanthu wa Isaraeli. ⁵²Thangwe umkaona dziko pamaso pako, soma umdzayenda lini mwemo, mdziko ndilo ndikupereka kuna wana wa Isaraeli."

33¹Ili ni daliso ndilo Mose munthu wa Mulungu adadalisa nalo wana wa Isaraeli akanati kufa. ²Iye adati: Yahova adachokera ku Sinai achilamuka kuchoka pa Seiri kubwera pa iwo. Iye adatoya kuchokera pa Phiri la Parana, apo adachokera kuna wakupambulika bzulu khumi bza wakupambulika. Kuboko lache la madidi kukhana kupenya kwa chiphaliwali.³Mchadidi, ambakonda wanthu; wanthu wache wensene wakupambulika ali mmanja mwako, apo adagodamira pa nzayo zako; iwo adatambira mafala yanu. ⁴Mose adatiuza lamulo ife, chakusiiriwa cha mtsonkhano wa Yakobo.⁵Ndiye mukhana mfumu mu Yeduruni pakutsonkhana mafumu ya wanthu, madzinza yensene ya mu Isaraeli pabodzi. ⁶Rubeni mbaakhale na moyo nampodi kufa, soma wanthu wache akhale wakulewengeka.⁷Uyu ni m'daliso wa Yuda. Mose adati: Tetekerani, Yahova, mafala ya Yuda, apo mubwereseni pomwe kuna wanthu. Mmenyereni nkhondo; khalani thandizo lache kuna iwo wakumuukira.⁸Bza Levi, Mose adati: Tumimu na Urimu wanu bzimkhala na wakukondeka wanu, omwe mudawaezera pa Masa, omwe mudalimbana naye pa madzi ya Meriba,⁹omwe adasewera bza babache na mai wache, "Ndiribe kuwaona iwo." Iye alibe kuzindikira abale wache, ayai kudziwa wana wache chaiwo, Thangwe adakoya mafala yanu achikoya mpangano wanu.Ambapfunzisa Yakobo mayeruzo yanu na Isaraeli chilamulo chanu. Iye amdzaikha chakufukiza pamaso panu na nsembe yakupserereza yamtero pa guwa lanu lansembe.¹¹Dalisani, Yahova, mphamvu yache, apo bvumani basa la manja yache. Menyani mchiuno mwa iwo wakugandukira iye, na bza wanthu omwe ambamuwenga iye, pala kuti iwo nampodi alamuke pomwe.¹²Bza Benjamini, Mose adati: Wakukondeka na Mbuya ambakhala mwachitetezo pambali pache; Yahova ambamukhotcherera iye nsiku yense yamtero, pomwe amkukhala pakati pa manja ya Yahova.¹³Bza Yosefe, Mose adati: Dziko lache mbalidalisike na Yahova na bzinthu bzakuumira bza kudzaulu, na mame, na madzi yakukhala pansipo.¹⁴Dziko lache mbalidalisike na bzinthu bzakuumira bza bzakukolola bza dzuwa, na bzinthu bza bzakukolola bza pamiyezi, ¹⁵na bzinthu bzakudeka maninge bza mapiri yakale, na bzinthu bzakuumira bza mapiri yachikhalire.¹⁶Dziko lache mbalidalisike na bzinthu bzakuumira bza dziko lapansi na kudzala kwache, na mafuno yabwino ya iye omwe akhali pachitsamba. Madaliso mbayakhale pamsolo pa Yosefe, na pamsolo pa iye wakukhala mkulu pakati pa abale wache.¹⁷Mwana wakutoma wa ng'ombe, ulemerero bukhale bwache, apo nyanga zache ni Nyanga za mkati. Na nyangazo amdzagwinya wanthu, wense wa iwo, kufika nawo kumalekezero kwa dziko. Awa ni bzulu khumi wa Eferemu; awa ni bzulu wa Manase.¹⁸Bza Zebuloni, Mose adati:. Sekera, Zebuloni, pa kubula panja kwako, na iwe, Isakara, mmahema yako. ¹⁹Iwo amdzachemerera wanthu kumapiri. Kumweko amdzakapereka nsembe za kuchita chilungamo. Thangwe amdzamama bzakuwanda bza mnyanza, na bzakuchoka mumchenga pa gombe.²⁰Bza Gadi, Mose adati: Wakudalisika ndiye omwe wakuza Gadi. Iye amdzakhala popo ninga mphondolo ikazi, achidzakhadzula boko ayai msolo.²¹Adabzisankhulira Mbali yabwino ya iye yekha, thangwe arakoya kambali ka mbuto ya myongi. Iye adabwera na atongi wawanthu. Iye adatakula chilungamo cha Yahova na mayeruzo yache na Isaraeli.²²Bza Dani, Mose adati: Dani ni mwana wa mphondolo wakumogamoga kuchoka ku Basani.²³Bza Nafitali, Mose adati: Nafitali, wakukhuta na bzakumudekera, na kudzala na mdaliso wa Yahova, tambira dziko la kumaulo na kummwera.²⁴Bza Aseri, Mose adati: Wakudala ni Aseri kuposa wana wachimuna winango; iye akhale wakutawirika kuna abale wache, apo iye abvwike nzayo yache mmafuta ya azitona. ²⁵Bzakutchinga bza muyi wanu bzikhale bza chitsulo na mkuwa; na nsiku zako pomwe, na mphamvu yako kubodzi.²⁶Palibe wina ninga Mulungu wa Yesuruni, wakufamba kukwira pathambo kukuthandiza, na ukulu bwache pa mitambo.²⁷Mulungu wamuyaya ndiye pakukhala, na pansipo pana manja yakusaya kumala. Iye anipsamira awengi pamaso pako, apo adati, "Dzonga!"²⁸Isaraeli adakhala mwakukhazikika, Lowe wa Yakobo akhali wakukhazikika mdziko la tirigu na vinyu mupsa; mchadidi, kudzaulu kujojeze mame pa iye.²⁹Madaliso yanu mmazinjitsa, Isaraeli! Wakukhala ninga iwe, wanthu wakupulumusiwa na Yahova, chishango cha chithandizo chanu, na lupanga la ukulu bwako? Awengi wako amdzabwera ali kunjenjemera kuna iwe; umdzapondedza pa mbuto zawo zakulemekezeka.

34¹Mose adakwira kuchoka mbzidikha bza Moabu kuyenda ku Phiri la Nebo, pakatolotolo pa Pisiga, lomwe liri kunyang'anizana na Yeriko. Popo Yahova adamulatiza dziko lense la Gileadi ate kutali ku Dani, ²na Nafitali wense, na dziko la Eferemu na Manase, na dziko lense la Yuda, ku nyanza yakumaulo, ³na Negevi, na nsansa ya chigwa cha Yeriko, Muyi wa Migwalangwa, ate ku Zoari.⁴Yahova adati kuna iye, "Ili ni dziko ndilo ndidalumbira kuna Aburahamu, kuna Isaki, na kuna Yakobo, kulewa kuti, 'Nimdzalipereka kuna wa mbeu yako.' Ndakubvuma kulinyang'ana na maso yako, soma umdzayambuka lini koko." ⁵ndiye Mose mtumiki wa Yahova, adasaika Popo mdziko la Moabu, ninga ndimo mafala ya Yahova yadalonjezera. ⁶Yahova adamufuchira mdziko la Moabu kunyang'anizana na Beti Peori, soma palibe ambadziwa pana thenje lachelo ate lero.⁷Mose akhana magole dzana libodzi na makumi mawiri pomwe adasaika; maso yache yakhalibe kuchita mdima, ayai mphamvu zache kutazira. ⁸Wanthu waku Isaraeli adamulira Mose mbzidikha bza Moabu kwa nsiku makumi matatu, kinangoko nsiku zakulira Mose zidamala.⁹Yoswa mwana wachimuna wa Nuni akhali wakudzaziwa na mzimu wanzeru, thangwe Mose akhadabzatika manja pa iye. Wanthu wa mu Isaraeli adamutetekera iye achichita ndibzo Yahova akhadatonga Mose.¹⁰Pakhanati kuoneka kale mneneri chikhalidwe ninga Mose, omwe Yahova adamdziwa maso na maso. ¹¹Pakhanati kale kuoneka mneneri aliyense mubzilatizo na bzakudabwisa ndibzo Yahova adamtuma iye kuchita mdziko la Aigupto, kuna Falawo, na kuna atumiki wache wense, na kudziko lache lense. ¹²Pakhanati kale kukhala mneneri ninga iye mu mphamvu, na mubzakuchitika wakugopsa ninga Mose nakachita pa maso pa Isalaeli bzonse.

Yoswa

1¹Tsapano bzidachitika pomwe Mose atasaika mtumiki wa Yahova, kuti Yahova adasewera kuna Yoswa mwana wa Nuni, mthanzizi mkulu wa Mose, kulewa kuti, ²"Mose, kapolo wangu, wasaika. Tsapano ndiye, lamuka, yambuka Yorodanoyu, iwepo na wanthu wensewa, kuyenda mdziko ndilo ndikuwapa iwowa--- kuna wana wa Isaraeli. ³Ndakupani mbuto iriyense ndiyo nzayo zanu zimdzafamba. Ndaipereka kuna imwe, ninga ndimo ndidalonjezera kuna Mose.⁴Kuchokera Ku chipululu cha Lebanoni, ate kutali ku mkulo ukulu, Firate, dziko lensene la Ahiti, na Ku Nyanza Ikulu, komwe dzuwa limbamirira, limdzakhala dziko lanu. ⁵Palibe ndiye amdzaimisana nawe pamaso pako nsiku zense za moyo wako. Nimdzakhala nawe ninga ndimo ndikhakhalira na Mose. Nimdzakulamwa lini ayai kukulekerera.⁶Khala wamphamvu na wakulimbika mtima. Umdzachitisa wanthuwa kutambira dziko ndilo ndidalumbirira kuna abereki wawo kuti nimdzawapa iwo. ⁷Khala wamphamvu na wakulimbika mtima maninge. Khala na kidado kubvera bzitongi bzense mtumiki wangu Mose adakutongani imwe. Nampodi kuzungunukira kumadidi ayai kumadzere, pala kuti udzakhale wakupambana kulikwense umdzayendako.⁸Bukhu la chitongi nampodi lichoke pakamwa pako. Umbalilingirire masikati na usiku pala kuti ukhale wakusamala kuchita bzense ndibzo bzidanembiwa mwemo. Kinangoka umdzakomesa njira zako uchidzapambana. ⁹Kodi ndiribe kukutonga iwepo kani? Khala wamphamvu na wakulimbika mtima! Nampodi kubva mantha. Nampodi kugwesewa utofu. Yahova Mulungu wako ali nawe kulikwense uniyendako."¹⁰Ndiye Yoswa adatonga akulu wa wanthu, ¹¹Ndokoni pakati pa tsasapo mukawauze wanthu, Bzikonzekereni chakudya cha paulendo. Nsiku zitatu zikubwerazi mumdzayambuka Yorodanoyu muchiyenda mdziko ndilo Yahova Mulungu wanu wakupani imwepo kukhala lanu lanu."'¹²Kuna wene Rubeni, a Gadi na dzinza la a Manase lakugawanika pakati, Yoswa adati, ¹³"Kumbukirani fala ndilo Mose mtumiki wa Yahova, adakutongani imwepo pomwe adati, 'Yahova Mulungu wanu akukupani kupuma, apo akukupani dziko ili.'¹⁴Azikazanu, wananu ang'ono, na bzifuwo bzanu bzimdzakhala mdziko ndilo Mose adakupani ng'ambu ya Yorodano. Soma wankhondo wanu wamphamvu amdzayenda na abale wanu kukawathandiza ¹⁵kufikira Yahova atapa kupuma kuna abale wanu ninga ndimo akupasirani imwepo. Kinangoko iwo amdzatambirambo dziko ndilo Yahova Mulungu wanu wawapa iwo. Ndiye mumdzabwerera ku dziko lanu mkulitambira kukhala lanu lanu, dziko ndilo Mose mtumiki wa Yahova adakupani ng'ambu ya Yorodano, komwe dzuwa limbabulira."¹⁶Ndiye iwo adamutawira Yoswa, kulewa kuti, "Bzensene ndibzo mwatitongabzo timdzachita, apo kulikwense mumtitumako timdzayenda. ¹⁷Timdzabvera mafala yanu ninga ndimo tidabverera Mose. Chokhacho Yahova Mulungu wanu mbaakhale namwe, ninga ndimo akhaliri na Mose. ¹⁸Aliyense wakupikisana na bzakutonga imwe na kunyozera mafala mwamutongayo adzaphiwe letu. Khalani wa mphamvu na kulimbika mtima basi."

2¹Ndiye Yoswa mwana wachimuna wa Nuni mwakanonono adatuma amuna awiri kubula mu Sitimu ninga azondi. Iye adati, "Ndokoni, mukazonde dzikolo makamaka Yeriko." Ndiye adayendadi achikafika panyumba pa mkazi puta omwe dzina lache akhali Rahabi, apo adagona popo. ²Ichi chidalewedwa kuna mfumu ya mu Yeriko, "Nyang'anani, amuna wa mu Isaraeli abwera muno kudzazonda dzikoli." ³Mfumu ya mu Yeriko idatuma mtumi kuna Rahabi ichiti , "Bweresa amuna omwe abwera kuna iwe achipita mnyumba mwakowo, thangwe abwera kudzazonda dziko lenseneri."⁴Soma mkaziyo akhadatenga amuna awiriwo mkuwabisa. Iye adatawira, "Inde, amuna adabweradi kuna ine, soma ndiribe kudziwa kuti akhali wakuponi. ⁵Adachoka kutadoka, pomwe ikhali nthawe yakufunga bzipata bza muyi. Ndikudziwa lini ndiko adayendera. Mungakhoze kukawaphata muchiwatewera kamkulumize."⁶Soma iye akhadawatengera padzaulu pa nsodzi mkuwabisa na mitanda ya miti yakutandalika pansodzipo. ⁷Ndiye amuna adawapsaga mumseu wakuyendera ku gombe la ku Yeriko. Chipata chidafungiwa pomwe wakukapsagawa adatondo kuti abula panja.⁸Amunawo akhanati kugona usiku, pomwe iye adawakwiza pa nsodzipo. ⁹Iye adati. "Ndikudziwa kuti Yahova wakupani dzikoli na kuti mantha ya imwepo yatigwera ife. Wensene wakukhala mdziko amdzasungunuka pamaso panu.¹⁰Tabva ndimo Yahova adaumisira madzi ya Nyanza Ifwira pala imwe pomwe mudabula mu Aigupto. Tabva pomwe ndicho mudachita kuna mafumu mawiri ya Aamori ng'ambu ya Yorodano--- Sihoni na Ogi---omwe mudawadzonga kwakunyanya. ¹¹Pomwe tidatondo kubva bzobzi, mitima yathu zjai idasungunukiratu apo pakhalibe kulimbika mtima ndko kudasala muna aliyense+-- thangwe Yahova Mulungu wanu, ni Mulungu kudzaulu kupitirira na padziko lapansi na kunyansi kwache.¹²Tsapano ndiye, chonde lumbirirani kuna ine mdzina la Yahova kuti, ninga ndimo ndakuchitirani chifundo terepayumu, mudzachitirembo chifundo terepayu nyumba ya babangu. Ndipeni chilatizo cha chikhulupiriro ¹³kutidi mumdzasiya miyoyo ya babangu, mayi wangu, azimano wangu, azinana na mabanja yawo yensene, na kuti mumdzapulumusa miyoyo yathuyi ku imfa."¹⁴Amunawo adati kuna iye, "Moyo wathu ndiwo moyo wanu, ate ku imfa! Ungasaya kuzimbula ndibzo tadzera, ndiye, pomwe Yahova amdzatipa dzikoli timdzachitira chifundo na chadidi kuna iwe."¹⁵Ndiye iye adawabulisira pajanera kuphatisa basa chingwe. Nyumba ikhakhala iyeyo ikhadamangiwa mkati mwa litsito la muyiyo. ¹⁶Iye adati kuna iwo, "Ndokoni m'phiri mukabisalike ayai wakukupsaganiwo angakugumaneni. Kabisaleni koko nsiku zitatu ate wakupsagawo abwerere. Kinangoko muyende njira zanu." ¹⁷Amunawo adati kuna iye, "Timdzakhala wakutsudzuliwa ku chilumbiriro ndicho udatilumbirisa ifepano penu umchita lini ichi.¹⁸Tingadzafika mdzikomo, iwepo udzamange chingwe chifwirachi pajanera ndipo udatibulisirapa, apo udzagwezeke mnyumba babako na mai wako, abale wako na wanyumba ya babako wensene. ¹⁹Aliyense wakudzabula mnyumba mwako mkuyenda kumseu, mulopa wawo okhaokhayo umdzakhala pamsolo pawo apo timdzakhala walazau. Soma penu boko linibzatika pamsolo pa wina ndiye muli naye mnyumbamo, mulopa wache umdzakhala pa msolo pathu.²⁰Soma penu unisewera bza ife, timdzatsudzuliwa ku lumbiro udatilumbirisa lire." ²¹Rahabi adatawira, "Bzomwe mwasewerabzi mbabzichitike." Iye adawatumiza achinyamuka. Kinangoka achimanga chingwe chifwira pa janerapo.²²Iwo adanyamuka achikwira kumapiri achikakhala nsiku zitatu ate wakupsagawo adabwerera. Wakupsagawo adanyang'ana mumseu mwensene apo neye kuona chinthu.²³Amuna awiriwo adabwerera achiyambuka kubwerera kuna Yoswa mwana wachimuna wa Nuni, achimuuza bzense ndibzo bzidawachitikira iwo. ²⁴Iwo adati kuna Yoswa, "Mchadidi Yahova wapereka dzikoli mmanja mwathu. Mbadwa zensene za mdzikomu zikusungunuka thangwera ifepano."

3¹Yoswa adalamuka na machibesebese, apo iwo adanyamuka kuchoka ku Sitimu. Iwo adafika pa Yorodano, iye na wanthu wensene wa mu Isaraeli, apo adagwezekana pa msasa popo akanati kuyambuka.²Patapita nsiku zitatu, akapitawo adayenda kudzera pakati pa msasayo; ³adatonga wanthu, "Mungaona likasa la mpangano wa Yahova Mulungu wanu, na ansembe wa chi Levi atalitakula, muchole mbuto ino mulitewere. ⁴Pakhale mpata pakati pa imwe na ilo wa pafupifupi maboko bzulu bziwiri. Nampodi kulifira pafupi, pala kuti mukwanise kuona njira yakuyendera, thangwe mukanati kuipita kale njira yoyi.⁵Yoswa adati kuna wanthuwo, "Mubzipambule mwekha mangwana, thangwe Yahova amdzachita bzakudabwisa pakati panu." ⁶Ndiye Yoswa adati kuna ansembe, "Takulani likasa la mpanganoli, mugwate nalo kutsogolo kwa wanthu." Ndiye adatakuladi likasa la mpanganolo achigwata nalodi kutsogolo kwa wanthu.⁷Yahova adati kuna Yoswa, "Lero nimkusandusa munthu mkulu pamaso pa Isaraeli wensene. Iwo amdzadziwa kuti ninga ndimo ndikhaliri na Mose, nimdzakhala na iwepo. ⁸Umdzatonga ansembe wakutakula likasa la mpanganolo, 'Mungafika kumphepete kwa madzi ya Yorodano, mumbaime pulu mu Mkulo wa Yorodano."'⁹Ndiye Yoswa adati kuna wana wa Isaraeli, "Bwerani kuno mudzabve mafala ya Yahova Mulungu wanu." ¹⁰Apo Yoswa adati, "Na ichi mumdzadziwadi kuti Mulungu wamoyo ali pakati panu apo amdzathotha kuchoka pakati panu a Kanani, a Hiti,a Perezi, a Girigasi, a Aamori, na a Yebusi. ¹¹Nyang'anani! likasa la mpangano wa Mbuya wa dziko lense lapansi linimoga na pamsolo panu kuyenda mu Yorodano¹²Tsapano sankhula amuna khumi na awiri malingana na madzinza ya Isaraeli, m'bodzi kuchoka mdzinza lirirense. ¹³Pomwe nzayo za ansembe omwe atakula likasa la Yahovawo, Mbuya wa dziko lensene lapansi, zinikhuya madzi ya Yorodano, madzi ya mu Yorodanoyo yamdzagwatikiratu, na madzi pomwe ndiyo yakuyerera kuchoka mmikulo yakuphiri yamdzalekeza kuyerera yachidzagwezekeka pa mudwi ubodzi.¹⁴Ndiye pomwe wanthu amdzabula kuchoka mmatsasa mwawo kuyambuka Yorodano, ansembe atakula likasa la mpangano wale amdzatsogola patsogolo pa wanthuwo. ¹⁵Wakutakula likasawo akadzatondo kufika pa Yorodano, apo nzayo za ansembe wakutakula likasawo zichithibzika m'phepete mwa madziyo ---basi zjai Yorodano amdzasefukira m'gombe mwache mwense ate kupita nthawe yense yamainza--- ¹⁶madzi ndiyo yakuyerera mmikulo yakuphiri kwache yamdzagwezekana mbuto ibodzi. Madzi yadalekeza kuyerera kuchoka patali zedi. Madzi yadalekeza kuyerera kuchoka ku Adamu, muyi ndiwo uli m'phepete mwa Zaretani, kupolikiratu ku nyanza ya Araba, Nyanza ya Munyu. Wanthu adayambukira kufupi na Yeriko.¹⁷Ansembe wakutakula kikasa la mpangano la Yahova wale adaima pamataka pakati pa Yorodano ate wanthu wense wa Isaraeli kuyambuka pamataka pakuuma.

4¹Pomwe wanthu wensene adayambuka Yorodano, Yahova adati kuna Yoswa, ²"Ubzisankhulire wekha amuna khumi na awiri kuchoka pakati wa wanthuwo, m'bodzi kuchoka pa dzinza lirirense. ³Uwape chitongi ichi: 'Tengani minyala khumi na miwiri kuchoka pakati pa Yorodano pambuto pakuuma ndipo ansembe apondapo, mubwere nayo muitule pambuto ndipo imwe munigona usiku lero."'⁴Ndiye Yoswa adachemeradi amuna khumi na awiri omwe adawasankhula kuchoka mmadzinza ya Isaraeli, m'bodzi kuchoka dzinza lirirense. ⁵Yoswa adati kuna iwo, "Ndokoni pamaso pa likasa la Yahova Mulungu wanu pakati pa Yorodano. Aliyense waimwe akatakule mwala paphewa pache, malingana na mbogo ya madzinza ya wanthu wa Isaraeli.⁶Ichi chimdzakhala chizindikiro mkati mwanu pala mwe wana wanu angadzabvunza mmasiku yali mkudza, 'Minyala imweyi ikulewa chani kuna imwe?' ⁷Ndiye mumdzati kuna iwo, 'Madzi ya mu Yorodano yakhadagwatiwa pamaso pa likasa la Yahova. Pomwe likhayambuka Yorodano, madzi ya Yorodano yakhadagwatiwa. Ndiye minyala imweyi imdzakhala chikumbuso kuna wanthu wa Isaraeli ate mtsogolo."'⁸Wana wa Isaraeli adachita ndimo Yoswa adatongera, apo adatengadi minyala khumi na miwiri kuchoka pakati nakati ya Yorodano, ninga ndimo Yahova adauzira Yoswa. Adazika minyalayo malingana na kuwanda kwa madzinza ya wana wa Isaraeli. Iwo adatakula minyalayo, kuyambuka nayo pambuto ndipo adamanga tsasa apo adaizika pansi popo. ⁹Ndiye Yoswa adaikha minyala khumi na miwiri pakati pa mkulo wa Yorodano, pambuto ndipo nzayo za ansembe omwe akhadatakula likasa la mpanganolo zikhadaponda. Chikumbusocho chikali popo ate lero.¹⁰Ansembe omwe adatakula likasalo adaima pakati pa Yorodano ate chirichense ndicho Yahova adatonga Yoswa kuuza wana wa Isaraeli chitamala, malingana na bzense ndibzo Mose akhadatonga Yoswa. Wanthuwo adakulumiza achiyambuka. ¹¹Pomwe wanthu wense adamala kuyambuka, likasa la Yahova na ansembe adayambuka pamaso pa wanthu.¹²Dzinza la wene Rubeni, dzinza la wene Gadi, na meya ya dzinza la Manase adagwata pamaso pa wana wa Isaraeli atasanduka ninga thimu la nkhondo, ninga ndimo Mose adawauzira iwo. ¹³Pafupifupi amuna bzulu makumi manayi atatakula bza nkhondo adagwata pamaso pa Yahova, pala nkhondo ya mchidikha cha Yeriko. ¹⁴Pa nsiku yoyo Yahova adakuza Yoswa kukhala mkulu pamaso pa a Isaraeli wensene. Iwo adamulemekeza iye---ninga ndimo adalemekezera Mose---nsiku zensene za moyo wache.¹⁵Ndiye Yahova adasewera na Yoswa, ¹⁶"Tonga ansembe omwe ambatakula likasa la umboni abule kunja kwa Yorodano."¹⁷Ndiye, Yoswa adatonga ansembe, "Bulani kunja kwa Yorodano." ¹⁸Pomwe ansembe wakutakula likasa la mpangano la Yahova adabula kunja kuchoka pakati pa Yorodano, kutseri kwa nzayo zawo kuchidzusika kufika kunja kwa mataka yakuuma, basi madzi ya Yorodano yadabwerera m'buto mwache yachikhaphwikira kunja kwa magombe yache, ninga ndimo yakhaliri nsiku zinayi zapitazo.¹⁹Wanthuwo adabula kunja kwa Yorodano nsiku yachikhumi ya mwezi wakutoma. Adagwezekana pa tsasa mu Giliga, kumachibese kwa Yeriko. ²⁰Minyala khumi na miwiri ndiyo adaitengera kunja kwa Yorodano, Yoswa adaizika mu Giliga. ²¹Adati kuna wana wa Isaraeli, "Nthawe ndizo azukulu wanu amdzabvunza abereki wawo kunthawe zirimkudzazo, 'Minyalayi njachani?'²²uzani wana wanu, 'Apa ndipo a Isaraeli adayambukira Yorodano pamataka pakuuma.' ²³Yahova Mulungu wanu adaumisa madzi ya Yorodano pala imwepo, ate mudayambuka, ninga ndimo Yahova Mulungu wanu adachita ku Nyanza Ifwira, yomwe iye adatiumisira ife ate kuyambuka, ²⁴pala kuti wanthu wense wadziko lapansi adziwe kuti boko la Yahova ndamphamvu, na kuti mudzalemekeze Yahova Mulungu wanu ate kale kale."

5¹Mafumu yense ya Aamori ya kumaulo kwa Yorodano, na mafumu yensene ya a Kanani, yomwe yakhakhala m'bali mwa gombe la Nyanza Ikulu, yatatondo kubva kuti Yahova adaumisa madzi ya mu Yorodano ate wana wa Isaraeli kumala kuyambuka, mitima yawo idasungunuka, apo mukhalibe pomwe mzimu mwa iwo thangwera wana wa Isaraeli.²Pa nthawe yoyo Yahova adati kuna Yoswa, "Konza pomwe bzisu bza minyala ya chikero apo ugwate pomwe wana wense wachimuna wa Isaraeli kachiwiri." ³Ndiye Yoswa adabzikonzera bzisu bza minyala ya chikero apo adagwata wana wense wachimuna wa Isaraeli pa Gibeya Naraloti.⁴Iri ni thangwe lache Yoswa adawagwata iwo: Amuna wense omwe adabula kuchokera mu Aigupto, kuphatanidza na amuna wense wankhondo, adafera mnjira mchipululu, atabula kale mu Aigupto. ⁵Napo kuti amuna wense adabula mu Aigupto adagwatiwa, soma, palibe mnyamata wakubadwira mchipululu munjira atabula mu Aigupto ndiye adagwatiwa.⁶Thangwe wana wa Isaraeli adafamba magole makumi manayi mchipululu ate wanthu wense, ndiye kuti, amuna wense wa nkhondo omwe akhadabula mu Aigupto, adamala kufa, thangwe alibe kubvera mafala ya Yahova. Yahova adawalumbirira kuti iye amdzabvuma lini kuti iwo adzaone dziko ndilo iye adalumbira kuna abereki wawo kuti amdzalipereka kuna ife, dziko lakuyerera mkaka na uchi. ⁷Akhali wana wawo ndiwo Yahova adawalamusa m'buto mwawo ndiwo Yoswa adawagwata, thangwe akhalibe kugwatiwa munjira.⁸Pomwe wense adamala kugwatiwa, adasalira basi mu tsasa ndilo akhali ate iwo kulimba. ⁹Ndiye Yahova adati kuna Yoswa, "Lero ndachosa manyazi ya Aigupto kuchoka kuna iwe." Ndiye, dzina la mbutoyo idachemeriwa Giliga ate lero lino.¹⁰Wana wa Isaraeli adamanga tsasa pa Giliga. Iwo adakoya Pasaka pa nsiku yachikhumi na chinayi ya mwezi, maulo, mchidikha cha Yeriko. ¹¹Mangwana yache Pasaka itapita, nsiku yoyo, iwo adadya bzipaso bza mdzikolo, mkate wakusaya chakufufumisa mkukazinga tirigu.¹²Mana yadalekeza pansiku ndiyo iwo adadya bzipaso bza mdzikomo. Pakhalibe pomwe mana pala wana wa Isaraeli, soma adadya bzipaso bza mdziko la Kanani basi gole limwero.¹³Pomwe Yoswa adafendera ku Yeriko, adatukula maso yache achinyang'anisa, apo onani, mwamuna akhadaima kutsogolo kwa iye; akhadasolola lupanga lache apo likhadaphata mmanja mwache. Yoswa adayenda kuna iye achikati, Ndiwe wathu ayai wa awengi wathu?"¹⁴Iye adati, "Bzensebzo neye, Thangwe ndine mkulu wa achikunda wa Yahova. Tsapano ndabwera." Ndiye Yoswa adazolima nkhope yache pansi kunamata achiti kuna iye, "Mbuyangu ambati chani kuna mtumiki wache?" ¹⁵Mkulu wa achikunda wa Yahovayo adati kuna Yoswa, "Khundula chango zako kunzayo zako, thangwe mbuto waimayo njakupambulika." Ichi ndicho Yoswa adachita.

6¹Tsapano bzipata bzensene bza Yeriko bzidafungiwa thangwera achikunda wankhondo wa Isaraeli. Palibe adabula panja palibe adapita mkati. ²Yahova adati kuna Yoswa , "Ona, ndaipereka Yeriko mmanja mwako, mfumu yache, na wankhondo wache wa mphamvu.³Mugube kuzumgulira mzindayo, amuna wense wankhondo kuzumgulira mzindayo nthawe ibodzi na ibodzi. Muchite ibzi nsiku zitanthatu. ⁴Ansembe anomwe atakule malipenga manomwe ya nyanga za atonde wa mabira pamaso pa likasa. Pa nsiku yachinomwe, mugube kuzungulira mzindayo kanomwe, apo ansembewo alize mwakukuwa malipengayo.⁵Ndiye iwo alize mwakukuwa na nyanga za atonde wamabirazo, apo mungabva kuliza kwa lipenga wanthu wense akuwe na mafala makulu, apo litsito la mzindayo limdzagwa pansi mbwee. Achikundawo amenye, aliyense kuyenda kutsogolo."⁶Ndiye Yoswa mwana wachimuna wa Nuni adachemera ansembe achiti kuna iwo, "Takulani likasa la mpangano, apo ansembe anomwe atakule malipenga manomwe ya nyanga za atonde wamabira kutsogolo kwa likasa la Yahova." ⁷Iye adati kuna wanthuwa, "Ndokoni mukagube kuzungulira mzindayo, apo amuna wa bzida amdzayenda patsogolo pa likasa la Yahova."⁸Ninga ndimo Yoswa adalewera kuna wanthuwa, ndiye ansembe anomwe adatakula malipenga manomwe ya nyanga za atonde wa mabira pamaso pa Yahova. Pomwe akhafendeza kutsogolo, adaliza malipengayo mwakukuwa. Likasa la mpangano la Yahova lidabwerq pambuyo pawo. ⁹Amuna wa bzida adafamba patsogolo pa ansembe, apo adaliza kukuwisa malipenga yawoyo, soma kinangoka mulindiri wa mmambuyo adafamba pambuyo pa likasa, apo ansembe adapitiriza kuliza malipenga yawo.¹⁰Soma Yoswa adatonga wanthuwo, kulewa kuti, "Nampodi kukuwa. Baludya nampodi libule pakamwa panu ate nsiku ndiyo nimdzakuuzani kudzakuwa. Nthawe yokhayo basi ndiyo muti mudzakuwe." ¹¹Ndiye iye adachitisa likasa la Yahova kuzungulira muyiyo kabodzi nsiku yoyo. Kinangoka iwo adapita mu msasa wawo, apo iwo adakhala usiku bwense mu msasayo.¹²iye Yoswa adalamuka na machibesebese, apo ansembe adadzusa likasa la Yahova. ¹³Ansembe anomwe, omwe akhadatakula malipenga manomwe ya nyanga za atonde wa mabira kutsogolo kwa likasa la Yahova, adafamba mwatcheru achiliza malipenga. Achikunda wakutakula bzida akhafamba kutsogolo kwawo. Soma pomwe mulindiri wa mmambuyo adafamba pambuyo pa likasa la Yahovayo, ndiye pomwe malipenga yadapitirira kukuwa. ¹⁴Iwo adafamba kuzungulira mzindayo pa nsiku yachiwiri achibwerera bwino ku msasa. Iwo adachita ibzi kwa nsiku zitanthatu.¹⁵Ikhali nsiku yachinomwe pomwe iwo adalamuka na machibesebese, pomwe manyika yakhayamba kuoneka, apo adafamba kuzungulira mzindayo ninga ndimo adachitira, apa kanomwe. ¹⁶Ikhali nsiku yoyi ndiyo adafamba kuzungulira mzindayo kanomwe. Ikhali nsiku yachinomwe, pomwe ansembe adaliza malipenga, ndiyo Yoswa adatonga wanthuwo, "Kuwani! Thangwe Yahova wakupani mzinda.¹⁷Mzindayo na bzense bziri momo bzimdzaperekiwa ku kuchidzongeko cha Yahova. Rahabi yekha putayo amdzakhala na moyo---iye na wense wa mnyumba mwache---thangwe adabisa wakukazonda tidawatuma wale. ¹⁸Soma mungakhala imwepo, chenjerani pa kutenga bzinthu bzakupambuliwa pala chidzongeko, nampodi kutenga chirichense cha bzimwebzo. Mungachita ibzi, mumdzachitisa msasa wa Isaraeli kukhala chinthu chakuthemera kudzongewa apo mumdzaubweresera kubonera. ¹⁹Siriva wense, oro, na bzinthu bzakukonzewa na mkuwa na fero bzaikhiwa pambali pala Yahova. Bziyende mu thungwa la Yahova."²⁰Ndiye wanthuwo adakuwa maninge, pomwe iwo adaliza malipengayo. Tsapano pomwe wanthu adabva kulira kwa malipengayo, adakuwa maninge, litsilo lidagwa lense pansi, apo munthu aliyense adapita mwemo achitenga mzindayo. ²¹Adamairatu kudzonga bzense bza mu mzindayo na nsonga ya lupanga---mkazi na mwamuna, mng'ono na mkulu, ng'ombe, mabira na mabulu.²²Ndiye Yoswa adati kuna amuna awiri adakazonda dziko wale, "Ndokoni mnyumba ya puta ule. Kabwereseni mkaziyo na wense ali nawo iye, ninga ndimo mudalumbiririra kuna iye."²³Ndiye anyamata omwe akhali azondi wale adakapita achikabulisa Rahabi panja. Iwo adabulisa babache, mayi, azimano, na abale wache wense omwe iye akhanawo. Adawabweresa pa mbuto kunja kwa msasa wa Isaraeli. ²⁴Iwo adatentha mzindayo na chirichense cha mwemo. Siriva yekha, oro, na mimtsuko ya mkuwa na fero bzidaikhiwa mthungwa mwa nyumba ya Yahova.²⁵Soma Yoswa adabvumiza puta Rahabi, wa banja la babache, na wense akhanawo iye kukhala na moyo. Iye ambakhala ku Isaraeli ate lero thangwe adabisa asupayi omwe Yoswa adawatuma kukazonda Yeriko.²⁶Ndiye Yoswa adatonga iwo nthawe zozo na lumbiro, apo iye adati, "Wakutembereriwa ni munthu mmaso mwa Yahova ndiye animanga pomwe mdzindayu, Yeriko. Pakutaya mwanache wakutoma, amdzamanga maziko, na pakutaya mwanache wakumalizira, iye amdzalamusa bzipata bzache." ²⁷Ndiye Yahova akhanaye Yoswa, apo kubvekera kwache kudafika mdziko lensene.

7¹Soma wana wa Isaraeli adachita mwakusaya kukhulupirika pa bzinthu bzakuikhiwa pambali pala kuti bzidzongiwe. Kani mwana wachimuna wa Karimi mwana wachimuna wa Zabidi mwana wachimuna wa Zera, wakuchoka kudzinza la Yuda, adatenga bzinthu bzinango bzakuikhiwa kuti bzidzongiwe, apo ukali bwa Yahova budapsa pa wana wa Isaraeli.²Yoswa adatuma amuna kuchoka ku Yeriko kuyenda ku Ai, komwe kukhali kufupi na Beti Aveni, kumachibese kwa Beteli. Iye adati kuna iwo, Kwirani muyende mukazonde dzikolo." Ndiye wanthuwo adayendadi kukazonda Ai. ³Pomwe iwo adabwerera kuna Yoswa, adati kuna iye, "Nampodi kutumiza wanthu wense kukwira kuyenda ku Ai. Mutondo kutumiza wanthu bzulu bziwiri ayai bzulu bzitatu kukamenya Ai. Nampodi kuphatisa basa wanthu wense ku nkhondo, thangwe ni wanthu ang'onong'ono⁴Ndiye wanthu bzulu bzitatu okha ndiye adakwira kuchoka mwa achikundawo, soma awa adakathawa pamaso pa amuna wa ku Ai. ⁵Wanthu wa mu Ai adapha wanthu makumi matatu na atanthatu pomwe akhawathotha kuchoka pa bzipata bza muyi ate kuminyala, achiwapha iwo pomwe akhabuluka pa phiri. Mitima ya wanthu idasungunuka ichikhala ninga madzi.⁶Ndiye Yoswa adang'amba bzakubvala bzache. Iye na akulu wa mu Isaraeli adabzithira phumbi mmisolo yawo achikotamisa nkhope pansi kutsogolo kwa likasa la Yahova, mkusalira popo ate maulo. ⁷Ndiye Yoswa adati, "Ha, Yahova Mbuya, mwabwereseranyi wanthuwa kuyambuka mkulo wa Yorodano? Kudzatipereka mmanja mwa Aamori mkutidzonga ife? Tichikhala zjai takumbuka moda wina tingadakhala ng'ambu ina ya Yorodano!⁸Mbuya, ningalewe chani, pomwe Isaraeli atabwerera mmambuyo pamaso pa awengi? ⁹Thangwe Akanani na wanthu wache wense wa mdzikomo amdzabva bza bzobzi. Iwo amdzatizungulira achichitisa wanthu wa dziko lapansi kudzayebwa dzina lathu. Mumdzachita chani na dzina lanu likuluri?"¹⁰Yahova adati kuna Yoswa, "Lamuka! Thangweranyi ukukhwathama popo? ¹¹Isaraeli waphonya. Iwo apsa mpangano wangu ndiwo ndidawatonga iwo. Iwo aba bzinthu bzinango ndibzo bzidaikhiwa pambali. Iwo aba bzinthu bzinango apo kinangoka mkubisa chakuphonya chawo pakuikha ndibzo atenga pakati pa bzombo bzawo. ¹²Mnthangwerache, wana wa Isaraeli, angaphule lini chinthu pamaso pa awengi wawo. Adathawa pa awengi wawo thangwera iwo pomwe ali pa mzere wakudzongiwa. Nimdzakhala lini namwe pomwe pokha pokha mudzonge bzinthu bzakuthemera kudzongewabzo, soma bzikali pakati panu.¹³Lamuka! Ndipambulire wanthu ulewe kuna iwo, 'Mubzipambulire mwekha mangwana. Thangwe Yahova, Mulungu wa Isaraeli wati, "Pana bzinthu bzakuikhiwa pambali kuti bzidzongiwe soma bzikana imwepo, Isaraeli. Mungaimisane lini na awengi wanu pokha pokha muchose pakati panu bzinthu bzense bzidaikhiwa pambali kuti bzidzongewebzo.¹⁴Machibese, mukaonekere mwekha na madzinza yanu. Dzinza ndilo Yahovayo anilisankhula limdzabwera pafupi na wachibale wawo. Dzinza ndilo Yahova aniliankhulalo lifendere pafupi na wachibale wache m'bodzi m'bodzi¹⁵Bzimchitika kuti omwe amsankhuliwayo na ndiye ana bzinthu bzakuti bzidzongeweyo, amdzatenthiwa, iye na bzense anabzo, thangwe wapsa mpangano wa Yahova thangwera pomwe kuti wachita chinthu chakupusa mu Isaraeli."¹⁶Ndiye, Yoswa adalamuka na machibesebese achibweresa Isaraeli pafupi, dzinza na dzinza, apo dzinza la Yuda ndilo lidaphatiwa. ¹⁷Yoswa adabweresa dzinza la Yuda pafupi, apo dzinza la Zerahi ndilo lidaphatiwa. Adabweresa pafupi dzinza la Zerahi munthu na munthu, apo Zabidi ndiye adasankhuliwa. ¹⁸Iye adabweresa banjalo pafupi, munthu na munthu, na Akani mwana wachimuna wa Karimu, mwana wachimuna wa Zabidi, mwana wachimuna wa Zera, kuchokera ku dzinza la Yuda, ndiye adaphatiwa.¹⁹Ndiye Yoswa adati kuna Akani, "Mwanangu, pereka ulemerero kuna Yahova, Mulungu wa Isaraeli, na kumupa iye ulemu. Meju ndiuze ndicho wachita. Nampodi kundibisira." ²⁰Akani adamtawira Yoswa, "Chadidi, ndaphonyera Yahova, Mulungu wa Isaraeli. Ndidachita tenepa: ²¹Pomwe ndidaona chakubvala chakudeka pakati pa wankhondo waku Babulo, masekeli madzana mawiri ya siriva, na oro wakulemera masekeli makumi machanu, ndidabzisirira mchibzitenga. Bzidabisa pansi pakati pa chihema changu, apo siriva ali pansi pachepo."²²Yoswa adatuma mitumi, yomwe idathamangira ku chihemacho komwe kukhana bzinthuko. Pomwe iwo adakapsaga, adabzionadi bzitabisa mchihema chache cha iye, na siriva pansi pache. ²³Iwo adatenga bzinthubzo kuchoka mkati mwa chihemacho achibzibweresa kuna Yoswa na kuna wanthu wense wa Isaraeli. Iwo adabzikhuthula ibzo pamaso pa Yahova.²⁴Ndiye Yoswa, na Isaraeli wense na iye, adatenga Akani mwana wachimuna wa Zera, na sirivayo, chakubvalacho, oroyo, wanache wachimuna na wachikazi, ng'ombe zache, abulu, mabira, na chihema chache na bzense ndibzo akhanabzo, achibzibweresa Mchigwa cha Akori.²⁵Ndiye Yoswa adati, "Msabwanyi watiboneresa tenepau? Yahova amdzakuboneresa iwe lero." Isaraeli wensene adamuboma iye na minyala. Kinangoka adaboma bwino wakusalawo na minyala achiwatentha na moto. ²⁶Iwo adamgwezekera mudwi wa minyala omwe ukalipo ate lero. Yahova adazungunusa ukali bwache bwakugakabo. Mthangwerache dzina la mbutoyo limbachemeriwa Chigwa cha Akori ate nsiku ya lero.

8¹Yahova adati kuna iye, "Nampodi kugopa; nampodi kugwesewa utofu. Tenga wanthu wense wankhondo na iwe. Kwira ndoko ku Ai. Ona, ndakupa mmanja mwako mfumu ya ku Ai, wanthu wache, muyi wache, na dziko lache. ²Umdzachita kuna Ai ninga ndimo udachitira na Yeriko na mfumu yache, kupambula kuti umdzaupondedza na bzifuwo kubodzi kukhala bwako. Khazikisa nkhondo kutseri kwa muyiyo."³Ndiye Yoswa adalamuka achitenga amuna wense wa nkhondo kukwira nawo ku Ai. Ndiye Yoswa adasankhula amuna bzulu makumi matstu---- wankhondo wamphamvu---achiwatumiza iwo usiku. ⁴Iye adawatonga iwo, "Nyang'anani, mumdzagona mwakunzekera nkhondo ya muyiyo, kutseri kwache. Nampodi kuyenderatu kutali na muyi, soma mwensemwe konzekani.⁵Ine na amuna wense ana inewa timdzafendera mmuyimo, apo iwo angabwera kudzatimenya, timdzawathawa pomwe ninga pakutoma. ⁶Iwo amdzatitewera pambuyo pathu ate titawathawa kuchoka mumzindamo. Iwo amdzati, 'Iwo akutithawa ninga ndimo adachitira pakutoma.' Ndiye timdzawathawa. ⁷Ndiye mumdzabula panja kuchoka pakubisalika panu, muchidzatenga mzindayo. Yahova Mulungu wanu amdzaupereka mmanja mwanu.⁸Mungatenga mzindayo, mumdzautentha moto. Mumdzachita bzobzi nthawe ndizo mumdzabvera lamulo lakuperekiwa mmafala ya Yahova. Ona, ndakulamulira iwe." ⁹Yoswa adawabulisa panja, achiyenda pambuto pakumenyera, achibisalika pakatinakati pa Beteli na Ai. Soma Yoswa adagona usiku bobo pakati pa wanthu.¹⁰Yoswa adalamuka na machibesebese achikonzekeresa achikunda wache wa nkhondo, Yoswa na akuluakulu wa Isaraeli, achikamenya wanthu wa ku Ai. ¹¹Amuna wense wakumenya nkhondo omwe akhanawo iye adakwira achifendera mu mzindamo. Iwo adafendera mumzindamo achimanga tsasa kumpoto kwa Ai. ¹²Iye adatenga pafupifupi amuna bzulu bzichanu achiwaikha mbuto yakumenyera kumaulo kwa mzindayo pakatinakati pa Beteli na Ai.¹³Iwo adaikha achikunda wense, achikunda akulu mbali ya kumpoto kwa mzindayo, na mulindiri wammambuyo mbali ya kumaulo kwa mzinda. Yoswa adagona usiku bobo mchigwacho. ¹⁴Bzidachitika nthawe ndizo mfumu ya ku Ai idaona chochi, iye na achikunda wache adalamuka na machibesebese achithamangira kunja kukamenya Isaraeli pambuto inango yomwe ikhali mwakunyang'anizana na chigwa cha Mkulo wa Yorodano. Iye alibe kudziwa kuti wakumenyawo akhadikhira kuchokera kutseri kwa mzindayo.¹⁵Yoswa na Isaraeli wense adabvuma kugonjesiwa pamaso pawo, iwo achithawira ku chipululu. ¹⁶Wanthu wense wakukhala mumzindamo adachemeriwa pabodzi kuwatewera iwo, apo iwo akhafunisisa Yoswa apo iwo adathawa kuchoka mumzindamo. ¹⁷Pakhalibe mwamuna wakusalira mu Ai na Beteli omwe akhalibe kubula kunja kukapsaga Isaraeli. Iwo adachoka mu mzindamo achiusiya udafungula pomwe iwo akhakapsaga Isaraeli.¹⁸Yahova Adati kuna Yoswa, "Bzatika dipalo mmanja mwako pa Ai, thangwe nimdzapereka Ai mmanja mwako." Yoswa adathusa dipa ndilo likhali mmanja mwache kuyendera ku mzindayo. ¹⁹Achikunda wakubisalika kudikhira kumenya adabula kamkulumize mbuto yawo pomwe iye adafuthula boko lache. Iwo adathamanga achipita mumzindamo achiutenga. Iwo kamkulumize adagasa mzindayo na moto.²⁰Amuna wa mu Ai adazungunuka achinyang'ana mmambuyo. Iwo adaona utsi bukuchoka mumzindamo bukukwira mdzaulu, apo iwo alibe kukwanisa kuthawira uku ayai uko. Thangwe achikunda wa Isaraeli omwe akhadathawira mchipululu tsapano adabwerera mmambuyo kunyang'anizana na omwe akhawapsaga wale. ²¹Pomwe Yoswa na Isaraeli wense adaona wankhondowo kutenga mzindayo na utsi kukwira mdzaulu, iwo adazungunuka achipha amuna wa mu Ai.²²Winango adabula kunja kuchoka mu mzindamo kulimbana nawo, mwakuti iwo akhali mkati mwa Isaraeli, wina mbali iyi na wina mbali iyo. Isaraeli adamenya amuna wa Ai; palibe ndiye adasala pa wakupulumukawo ayai wakuthawawo. ²³Iwo adakoya mfumu ya mu Ai yomwe iwo adaiphata ya moyo, achiibweresa iyo kuna Yoswa.²⁴Bzidachitika pomwe Isaraeli akhadamaliza. kupha wanthu wense wa mu Ai mmunda wa pafupi na chipululu ndicho adawapsagira iwo pale, apo nthawe ndizo wense wa iwo, ate wakumalizira, adagwa kunsonga kwa dipa, Isaraeli wense adabwerera ku Ai. Iwo adaumenya na nsonga ya dipalo. ²⁵Wense omwe adagwa nsiku yoyo, amuna na akazi kubodzi, akhali bzulu khumi na bziwiri, wanthu wense wa mu Ai. ²⁶Yoswa alibe kufunya boko lache ndilo akhadafuthula pakuphata dipa lache, ate iye atamaliratu kudzonga wanthu wense wa mu Ai.²⁷Isaraeli adatenga bzifuwo bzokha na bzakudzongewa bzakuchoka mu mzindamo pala iwo okha, ninga ndimo Yahova akhadatongera ²⁸Yoswa. Yoswa adaotcha Ai achimusandusa mudwi wa mauwo ate kalekale. Ni mbuto yakusukwa ate lero lino.²⁹Iye adamanika mfumu ya mu Ai pa muti ate maulo. Nthawe ndizo dzuwa likhamira, Yoswa adapereka lamulo achibulusa thupi la mfumuyo kuchoka pa mutipo achilithusa kutsogolo kwa chipata kwa mzindayo. Pamwepo iwo adagwezeka mudwi ukulu wa minyala padzaulu pache. Mudwiyo ukali popo ate lero.³⁰Ndiye Yoswa adamanga guwa la nsembe la Yahova, Mulungu wa Isaraeli, pa Phiri la Ebali, ³¹ninga ndimo Mose mtumiki wa Yahova akhadatongera wanthu wa mu Isaraeli, ninga ndimo bzinanembewera m'bukhu la chilamulo cha Mose: "Guwa la nsembe lakuchoka mminyala yakusaya kupseka, pambuto pakuti aliyense alibe kuphata chida cha fero." Iye adapereka pa guwa nsembe yakupserereza kuna Yahova, achipereka chakupereka cha mtendere. ³²Pamwepo, pamaso pa wanthu wa mu Isaraeli, iye adanemba pa minyala ndibzo adanemba bza lamulo la Mose.³³Isaraeli wense, akuluakulu wao, wakuphata basa wawo, na wakutonga milandu wawo adaima mbali zense ziwiri za likasa pamaso pa ansembe na Alevi omwe adatakula likasa la mpangano la Yahova--- mulendo na mbadwa wakubadwa---meya ya iwo adaima kutsogolo kwa Phiri la Gerizimu apo meya yinangoyo adaima kutsogolo kwa Phiri la Ebali. Iwo adadalisa wanthu wa mu Isaraeli, ninga ndimo Mose mtumiki wa Yahova akhadawatongera pakutoma.³⁴Pambuyo pache, Yoswa adalewenga mafala yense ya chilamulo, madaliso na matemberero, ninga ndimo iyo yakhadanembewera m'bukhu la chilamulo. ³⁵Pakhalibe neye fala libodzi kuchoka kuna yense ndiyo Mose adatonga ndilo Yoswa alibe kulilewenga pamaso pa mtsonkhano wa Isaraeli, kuphatanidza na akazi, wana ang'ono, na alendo wakukhala pakati pawo.

9¹Ndiye mafumu yense yakukhala ng'ambu ya Yorodano mdziko la mapiri, na mchigwa kutewera m'phepete mwa Nyanza Ikulu kuyendera ku Lebano-- a Hiti, Amori, Akanani, Aperizi, Ahivi, na Ayebusi--- ²awa adagwezekana okha pabodzi pakuteweza lamulo libodzi, kuyamba nkhondo kulimbana na Yoswa na Isaraeli.³Pomwe wakukhala mu Gibiyoni adabva ndibzo Yoswa adachitira wa ku Yeriko na ku Ai, adachita mwa manera yakuchenjera. ⁴Iwo adayenda ninga wakutumiwa. Iwo adatenga masakha yakusakala mkuyaikha pa mabulu yawo. Iwo adatakula pomwe mimtsuko ya vinyu yakumalamala, yakung'ambika, apo akhadaiikha miwiri miwiri. ⁵Iwo adabvala chango zakumalamala na za bzigamba ku nzayo zawo, achibvala bzakubvala bzakalekale bza mausakala. Mikate yense ya mchakudya chawo ikhali yakuuma na ya nkhufu.⁶Ndiye iwo adayenda kuna Yoswa mu msasa pa Giliga achiti kuna iye na amuna wa mu Isaraeli, "Tafamba kuchoka kudziko lakutali, ndiye tsapano chita nafeni mpangano." ⁷Amuna wa mu Isaraeli adati kuna a Hivi, "Pinangopense mumbakhala nafe pafupi pompano. Tingachite namwe tani mpangano tsono?" ⁸Iwo adati kuna Yoswa, "Ndife akapolo wako." Yoswa adati kuna iwo, "Ndimwe mbani kodi? Mwachokera kuponi?"⁹Iwo adati kuna iye, "Akapolo wanu tabwera kuno kuchoka kudziko lakutalitali, thangwera kubvekera kwa Yahova Mulungu wanu. Tabva bza iye na bzense ndibzo iye adachita ku Aigupto--- ¹⁰na bzense ndibzo adachita kuna mafumu ya Aamori ng'ambu ire ya Yorodano--- kuna Sihoni mfumu ya ku Hesiboni na kuna Ogi mfumu ya a Basana omwe akhakhala pa Asitorotu.¹¹Akuluakulu wathu na wanthu wense wakukhala mdziko lathu adati kuna ife, 'Takulani chakudya cha paulendo mmanja mwanu paulendo bwanu. Ndokoni mukagumane nawo apo mukawauze iwo, "Ndife akapolo wanu. Chita nafeni mpangano." ¹²Iyi mikate yathu, ikhali yakuthuma nsiku ndiyo tidanyamuka nayo kubwera kuna imwe. Soma tsapano, onani, zjai yauma na kuchita pomwe nkhufu. ¹³Mitsuko ya vinyui ikhani ipsa pomwe tidaidzala, apo nyang'anani, tsapano ikuchucha. Chango zathuzi zapereseka na kufamba ulendo butali kwenekwene.'"¹⁴Ndiye a Isaraeli adatakula bzakudya bzao bza paulendo, soma alibe kukumbira Yahova kuwatsogolera. ¹⁵Yoswa adachita nawo mtendere achichita nawo mpangano, kuwabvuma kukhala. Akulu wa wanthu adachita nawo pomwe mpangano.¹⁶Nsiku zitatu a Isaraeli wale atachita nawo mpanganoyu, adazindikira kuti iwo wale akhani anansi wao na kuti pomwe akhakhala nawo pafupi chaipo. ¹⁷Ndiye wanthu wa mu Isaraeli adanyamuka mkubwera mmuyi yawo nsiku yachitatuyo. Miyi yawoyo ikhali Gibiyoni, Kefira, Beerotu, na Kiriyatu Yearimu.¹⁸Wanthu wa mu Isaraeli alibe kuwathira nkhondo thangwe akulu wawo akhadachita nawo mpangano pamaso pa Yahova, Mulungu wa Isaraeli. Wanthu wensene akhang'ung'udza bza akuluakulu wawowo. ¹⁹Soma akulu wawo wense adati kuna wanthu wense, " Ife mpangano wawo tachita na Yahova, Mulungu wa Isaraeli, apo tsapano tingawadzonge lini iwo.²⁰Ichi ndicho timdzachita kuna iwo: Kumbwzenga chilango ndicho chingabwere kuna ife thangwera lumbiro tidalumbira kuna iwo lire, tiniwabvuma kukhala." ²¹Akuluwo adati kuna wanthu wawo, "Alekeni akhale." Ndiye, a Gibiyoni adakhala wakumbagwata nkhuni na wakumbatunga madzi pala a Isaraeli wense ninga ndimo akulu adalewera bza iwo.²²Yoswa adawachemeresa iwo achiti, "Thangweranyi ife mudatinyengeza pomwe mudati, 'Ndife wakutali zedi na imwe', pomwe imwe mumbakhala pafupipa pabodzi na ife? ²³Tsapano, thangwera bzobzi, mwatembereriwa apo wina mwa imwe mumdzakhala akapolo ate kalekale, omwe aambagwata nkhuni na kumbatunga madzi basi ya nyumba ya Mulungu."²⁴Iwo adamutawira Yoswa achiti, "Thangwera kuti akapolo wanuwa adauziwa kuti Yahova Mulungu wanu adauza mtumiki wache Mose kuti akupaseni dziko lenseneri, na kudzonga wanthu wense wamdzikomo pamaso panu---ndiye tikhana mantha kwene kwene na miyoyo yathu thangwera imwepo. Ndipopa tidachita chinthu chochi. ²⁵Tsapano, nyang'anani, mwatiphata ife mu mphamvu zanu. Ndicho muniona chakuthemera kutichitacho, chitani."²⁶Ndiye Yoswa adachita ichi kuna iwo: Iye adawaletsetsa mmanja mwa wana wa Isaraeli, pala kuti wana wa Isaraeli nampodi awaphe iwo. ²⁷Nsiku yoyo Yoswa adawaikha a Gibiyoni kumbagwata nkhuni na kumbatungira madzi wanthu, na kutumikira guwa la nsembe ya Yahova, ate lero, mu mbuto ndiyo Yahova adasankhula.

10¹Tsapano pomwe Adoni-Zedeki mfumu ya Yerusalemu adabva kuti Yoswa adatenga Ai achiudzongeratu wense (ninga ndimo adachitira na Yeriko na mfumu Yache), iye adabva pomwe ndimo wanthu wa a Gibiyoni akhadakonzera mtendere na Isaraeli mkukhala pakati pawo. ²Wanthu wa mu Yerusalemu akhana mantha kwene kwene thangwe Gibiyoni ukhali muyi ukulu, ninga ubodzi wa mizinda yachifumu. Ukhali ukulu kuposa Ai, apo amuna wache wense akhali wankhondo wa mphamvu.³Ndiye Adoni-Zedeki mfumu ya Yerusalemu idatuma mtumi kuna Hohamu mfumu ya Hebroni, kuna Piramu mfumu ya Yarimutu, kuna Yafiya mfumu ya Lakisi, na kuna Dibri mfumu ya Egiloni: ⁴"Kwirani kuno mudzandithandizembo. Mbatiye timenye Gibiyoni thangwe iwo achitirana mtendere na Yoswa na wana wa Isaraeli."⁵Mafumu machanu ya Aamori---mfumu ya Yerusalemu, mfumu ya Hebroni, mfumu ya Yarimuti, mfumu ya Lakisi, na mfumu ya Egiloni--adakwira, iwo na wankhondo wao wense. Iwo adagwezekana pafupi na Gibiyoni, apo iwo adaumenya.⁶Wanthu wa ku Gibiyoni adatuma mtumi kuna Yoswa na kuna wankhondo wa ku Giligala. Iwo adati, " Kulumizani! Nampodi kuwalekerera akapolo wanu. Kwirani kuno kamangumangu mudzatipulumuse. Tithandizenimbo ifepano, thangwe mafumu yense ya ku dziko la mapiri yagwezekane pabodzi kuti yatimenye." ⁷Yoswa adakwira kuchoka ku Giligala, iye na wanthu wache wense wa nkhondo pabodzi naye, na wankhondo wa mphamvu wense.⁸Yahova adati kuna Yoswa."Nampodi kubva nawo mantha. Ndawapereka m'boko lako. Palibe neye m'bodzi wa iwo amdzakwanisa kuletsa iwe kuwamenya.⁹Yoswa adabwera kuna iwo mwakudzidzimusa, atafamba usiku bwense kuchoka ku Giligala. ¹⁰Yahova adazunguzisa wankhondowo pamaso pa Isaraeli, apo Isaraeli adawapha iwo na kaphedwe kakulu pa Gibiyoni achiwathamangisa iwo mu mseu wakukwira kuyendera ku Beti Horoni, achiwapha iwo mu mseu wa ku Azeka na Makeda.¹¹Pomwe iwo adathawa kuchoka ku Isaraeli, kupolika phiri lakuchoka Ku Beti Horoni, Yahova adawathusira minyala mikulu pansi kuchoka kudzaulu njira yense ate ku Azeka, apo iwo adafa. Pakhana azinji ndiwo adafa thangwera minyala ya mmapiri ire ate zjai kuposa omwe adafa na dipa na wanthu wa ku Isaraeli.¹²Ndiye Yoswa adasewera na Yahova pa nsiku ndiyo Yahova adapereka chipambano kuna amuna wa mu Isaraeli kugonjesa Aamori. Ichi ndicho Yoswa adasewera kuna Yahova pamaso pa a Isaraeli, "Dzuwa ima Pulu pa Gibiyoni, na mwezi, mchigwa cha Aijakoni."¹³Dzuwa lidaima pulu, na mwezi udalekeza kufamba kufikizana ate dzinzalo litabwezera awengi wawo. Kodi ibzi bziribe kunembiwa m'bukhu la Yasari? Dzuwa lidakhala pakati pa thambo; liribe kudoka kwa nsiku yamtero. ¹⁴Pakhalibe kuoneka kale nsiku ninga yoyo ayai kuoneka pomwe iyi itapita, pomwe Yahova adabvera mafala ya munthu. Thangwe Yahova akhamenya nkhondo nkhankha ya Isaraeli.¹⁵Yoswa na Isaraeli wense na iye adabweresa ku msasa pa Giligala. ¹⁶Tsapano mfumu zichanu zikhadathawa mkukabzibisa zokha ku mphanga pa Makeda. ¹⁷Bzidaleweka kuna Yoswa, "Iyo yagumanika!---mafumu machanu yatabisalika ku mphanga pa Makeda!"¹⁸Yoswa adati, "Gunkhulizani minyala mikulu mikulu mufunge pamsuwo pa mphangapo apo muikhe achikunda popo awalindire iwo. ¹⁹Nampodi kukhala mwekha mwekha. Thothani awengi wanuwo apo muwamenye kuchokera mmambuyo mwao. Nampodi kuwabvuma apite mmiyi mwawo, thangwe Yahova Mulungu wanu waapereka iwo m'boko lanu."²⁰Yoswa na wana wachimuna wa Isaraeli akhadamala kuwapha iwo na kaphedwe kakulu, kufikizana kusala pamkiti kuwadzongeratu wense; wakuchepa okha omwe adakwanisa kuthawa ndiwo adakafika ku miyi yawo yamalitsitoyo. ²¹Ndiye wankhondo wense adabwerera mwa mtendere kuna Yoswa pa msasa pa Makeda. Palibe adalegeja kusewera fala libodzi lokha kunyoza aliyense wa wana wa Isaraeli.²²Kinangoka Yoswa adati, "Fungulani kukamwa kwa mphangako apo mundibweresere kuno mafumu machanuyo." Iwo adachita ndimo iye adalewera. ²³Iwo adamubweresera iye mafumu machanuya kuchoka ku mphangako--- mfumu ya ku Yerusalemu, mfumu ya ku Hebroni, mfumu ya ku Yamuti, mfumu ya ku Lakisi, na mfumu ya ku Egiloni.²⁴Pomwe iwo adabweresa mafumuyo kuna Yoswa, iye adakachaliri munthu aliyense wa ku Isaraeli. Iye adati kuna akulu wa achikunda omwe iye akhadayenda nawo ku nkhondo, "Bzatikani nzayo zanu pa makosi yawo." Ndiye iwo adakwira achiikha nzayo zawo pa makosi yawo. ²⁵Ndiye Yoswa adati kuna iwo, "Nampodi kuchita mantha apo nampodi kubva utofu. Khalani wa mphamvu na wakulimbika mtima. Ichi ndicho Yahova amdzachita kuna awengi wanu wense omwe mukukawamenyawo."²⁶Ndiye Yoswa adamenya mafumuyo. Iye adayamanika pa miti michanu ate maulo. ²⁷Dzuwa litamira, Yoswa adatonga, achiwabulusa iwo kuchoka pa mitipo achiwathusa ku mphanga ndiko iwo akhadabisalika okha kule. Iwo adaikha minyala mikulu pakamwa pa mphangayo. Minyalayo ikadali popo ate lero lino.²⁸Munjira yoyi, Yoswa adatenga Makeda nsiku yoyo achipha aliyense mwemo na lupanga, kuphatanidza na mfumu yache kubodzi. Iye adamaliziratu kudzonga aliyense mwemo. Alibe kusiya wakupulumuka mwemo. Iye adachita kuna mfumu ya Makeda ninga ndimo iye adachitira kuna mfumu ya Yeriko.²⁹Yoswa na Isaraeli wense adagwata kuchoka ku Makeda kuyenda ku Libina. Iye adayenda ku nkhondo kulimbana na Libina. ³⁰Yahova adaipereka pomwe iyo mmanja mwa Isaraeli--pabodzi na mfumu yawo. Yoswa adaimenya na nsonga ya lupanga na munthu aliyense mwemo. Iye alibe kusiya wakupulumuka mwemo. Iye adachita kuna mfumu yache ninga ndimo adachitira kuna mfumu ya ku Yeriko.³¹Kinangoka Yoswa na Isarayeli wense na iye adagwata kuchoka ku Libina kuyenda ku Lakisi. Iye adakhala pa msasa achiuthira nkhondo. ³²Yahova adapereka Lakisi mmanja mwa Isaraeli. Yoswa adautenga pa nsiku yachiwiri yache achiumenya na nsonga ya lupanga, na munthu aliyense mwemo, ninga ndimo adachitira na Libina.³³Ndiye Horamu, mfumu ya Gezeri, adakwira kukathandiza Lakisi. Yoswa adamumenya iye na wankhondo wache kufizana ate neye kusala wakupulumuka na m'bodziyo.³⁴Ndiye Yoswa na Isaraeli wense adagwata kuchoka ku Lakisi kuyenda ku Egiloni. Iwo adakhala pa msasa pafupi nawo achiyambisa nkhondo kulimbana na iwo, ³⁵achiutenga nsiku yoyo letu. Iwo adaumenya na nsonga ya lupanga achidzongeratu aliyense mwemo, ninga Yoswa akhadachitira kuna Lakisi.³⁶Ndiye Yoswa na Isaraeli wense adagwata kuchoka ku Egiloni kuyenda ku Hebroni. Iwo adanyosa nkhondo kulimbana nawo. ³⁷Iwo adautenga achiumenya na nsonga ya lupanga, pabodzi na mfumu yache na miyi yache, na wanthu wensene mwemo. Iwo alibe kusiya wakupulumuka. Ninga ndimo akhadachitira kuna Egiloni, adadzongeratu na munthu aliyense mwemo.³⁸Kinangoka Yoswa adazungunuka, na wa nkhondo wense wa Isaraeli pabodzi na iye, achigwata kuyenda ku Debiri achinyosa nkhondo kulimbana nawo. ³⁹Iwo adautenga, mfumu yache na miyi yache yense ya pafupipo. Iwo adawamenya na nsonga ya lupanga achidzongeratu munthu aliyense mwemo. Iwo alibe kusiya neye m'bodzi wakupulumuka. Iwo adachita kuna Debiri na mfumu yache ninga ndimo iwo akhadachitira kuna mfumu ya Hebroni.⁴⁰Yoswa adagonjesa dziko lense, dziko la mapiri, a Negevi, bzigwa, na mmatsinde mwa mapiri. Pa mafumu yawo yense iye alibe kusiya neye m'bodzi wakupulumuka. Iye adadzongeratu chirichense chakupuma, ninga ndimo Yahova, Mulungu wa Isaraeli, akhadatongera. ⁴¹Yoswa adawamenya iwo kuchokera pa Kadesi Barineya ate ku Gaza, na dziko lense la Goseni kuna Gibeoni.⁴²Yoswa adatenga mafumu yenseya na madziko yawo kubodzi pa nthawe ibodzi thangwe Yahova, Mulungu wa Isaraeli, adamenyera nkhondo Isaraeli. ⁴³Ndiye Yoswa, na Isaraeli wense na iye, adabwerera ku msasa pa Giligala.

11¹Pomwe Yabini, mfumu ya Hazoro, idabva bzobzi, idatuma mtumi kuna Yobabi, mfumu ya ku Madoni, kuna mfumu ya ku Simironi, na kuna mfumu ya Akasafu. ²Iye adatuma pomwe mtumi kuna mafumu yomwe yakhani kumpoto kwa dziko la mapiri, mchigwa cha Mkulo wa Yorodano kum'wera kwa Kineroto, mchidikha, na mu Nafoti Doro kumaulo. ³Iye adatuma pomwe mtumi kuna Akanani kumachibese na kumaulo, Aamori, Ahiti, Aperizi, Ayebusi--- mdziko la mapiri, na Ahivi kufupi na Phiri la Herimoni mdziko la Mizipa.⁴Wankhondo wao wense adabula pabodzi nawo, mbogo ikulu ya achikunda, kuwanda ninga mchenga m'phepete mwa nyanza. Iwo akhana akavalo na magaleta yakuwanda zedi. ⁵Mafumu yenseneya yadagumana pa nthawe yakupangana, yachimanga pa msasa wa madzi ya Meromu kuthira Isaraeli nkhondo.⁶Yahova adati kuna Yoswa, nampodi kubva nawo mantha, thangwe mangwana nthawe ninga ino ndikuwapereka wense ku Isaraeli ninga wanthu wakufa. Umbadzawagwate uzingo akavalo wawo, na kutentha moto magaleta yawo." ⁷Yoswa na amuna wense wa nkhondo adatulukira. Iwo adafika mwakudzidzimusa pa madzi ya pa Meromu, achimenya awengiwo.⁸Yahova adapereka awengiwo mmanja mwa Isaraeli, achiwamenya iwo mkuwathothera ku Sidoni, Miseripotu Maimu, na kuchigwa cha Mizipa. kumachibese. Iwo adawamenya ate neye kusiya m'bodzi wa iwo wakupulumuka. ⁹Yoswa adachita kuna iwo ninga ndimo Yahova adamuuzira iye. Iye adagwata uzingo akavalo achitentha magaleta.¹⁰Yoswa adabwerera mmambuyo pa nthawe yoyo achitenga Hazori. Iye adamenya mfumu yache na lupanga. (Hazori akhali mkulu wa maufumu yenseya.) ¹¹Iwo adamenya na lupanga bzamoyo bzense ndibzo bzikhali mwemo, achibzikoya pambali kuti bzidzongewe, ndiye pakhalibe chamoyo chirichense chakusala na moyo. Kinangoka iye adatentha Hazori.¹²Yoswa adatenga miyi yense ya mafumu yoya. Iye adatenga pomwe mafumu yawo yensene achiyamenya na nsonga ya lupanga. Iye adamala kuwadzonga na nsonga ya lupanga, ninga ndimo Mose mtumiki wa Yahova akhadatongera. ¹³Isaraeli alibe kutentha uliwense wa muyi wakumangiwa pa kugwezeka mataka, kupambula Hazoro. Okhayo Yoswa adautentha.¹⁴Wankhondo wa Isaraeli adabzitengera okha bzombo bzense bza mmiyi yoyi pabodzi na bzifuwo. Iwo adapha munthu aliyense na nsonga ya lupanga ate wense kufa. Alibe kusiya chinthu cha moyo chakupuma. ¹⁵Ninga ndimo Yahova akhadatongera mtumiki wache Mose, mtenepombo, Mose adatonga Yoswa, apo Yoswambo adachitadi. Iye alibe kusiya chinthu chakusaya kuchita pa bzense Yahova adatonga Mose kuchita.¹⁶Yoswa adatenga dziko lense: dziko la mapiri, a Negevi wense, dziko lense la Goseni, mtsinde mwa mapiri, chigwa cha Mkulo wa Yorodano, dziko la mapiri la Isaraeli na bzigwa bzache. ¹⁷Kuchokera ku Phiri la Halaki kufupi na Edomu, na kuyendera kumpoto ate kutali ku Baala Gadi mchigwa kufupi na Lebanoni mnyansi mwa Phiri la Herimoni, iye adatenga mafumu yensene achiyapha.¹⁸Yoswa adathira nkhondo kwa nthawe itali na mafumu yense. ¹⁹Palibe neye muyi ubodzi udachita mtendere na wankhondo wa Isaraeli kupambula a Ahivi wakukhala mu Gibeoni. Isaraeli idatenga miyi yense yakusalira ku nkhondoko. ²⁰Thangwe akhali Yahova omwe adalimbisa mitima yawo kuti iwo achite nkhondo kulimbana na Isaraeli, pala kuti aperekiwe ku chidzoneko mwakusaya nsisi, ninga ndimo iye akhadalangizira Mose.²¹Ndiye Yoswa adabwera nthawe yoyo achidzonga a Anakimu. Iye adachita bzobzi mdziko la mapiri, pa Hebroni, Debiri, Anabi, na mdziko lensene la Yuda, na mdziko lense la mapiri la Isaraeli. Yoswa adamala kudzongeratu wensewo na miyi yawo kubodzi. ²²Neye m'bodzi wa Anakimu adasala mdziko la Isaraeli kupambula pa Gaza, Gati, na Asidodo.²³Ndiye Yoswa adatenga dziko lense, ninga ndimo Yahova adalewera kuna Mose. Yoswa adalipereka ninga chakusiiriwa kuna Isaraeli, kulipereka ku madzinza yawo payokha payokha. Ndiye dzikolo likhadapuma pa nkhondo zizinji.

12¹Tsapano asya ni mafumu ya mdzikomo, yomwe wana wa Isaraeli adawagonjesa. Wana wa Isaraeli adatenga dziko ku mphimpha ya kumachibese kwa mkulo wa Yorodano komwe dzuwa limbachokera, kuchokera ku Chigwa cha Mkulo wa Arinoni kufika ku Phiri la Heremoni, na Araba wense kuyendera ku machibese. ²Sihoni, mfumu ya Aamori, ikhakhala mu Hesiboni. Iyo ikhatongambo kuchokera ku Aroeri, komwe kuli kumphepete kwa chigwa cha Arinoni Goje kuchoka pakati pa chigwa, na meya ya Gileadi kupolika ku Mkulo wa Yaboki kumalire kwa wana wa Amoni.³Sihoni adatonga pomwe ku Araba kuyendera kunyanza ya Kinereti, kumachibese, kuyendera ku Nyanza ya Araba (Nyanza ya Munyu) kumachibese kwache, kuyenderatu ku Beti Yesimoti na kummwera kwache, kunyang'ana kumapolikiro kwa Phiri la Pisiga. ⁴Ogi, Mfumu ya Basani, m'bodzi wakusala wa Arefai, akhakhala mu Asitaroti na Edrei. ⁵Iye adatonga Phiri la Heremoni, Saleka, na Basani wense, kumalire kwa a Maakati, na meya ya Gileadi, kumalire na Sihoni, mfumu ya Hesiboni.⁶Mose mtumiki wa Yahova, na wana wa Isaraeli akhadawagonjesa iwo, apo Mose mtumiki wa Yahovayo, adapereka dziko ninga lawo lawo kuna wene Rubeni, a Gadite, na meya ya dzinza la Manase.⁷Aya ni mafumu ya dziko ndiyo Yoswa na wana wa Isaraeli adayagonjesa mphimpha ya kumachibese kwa Yorodano, kuchokera ku Baala Gadi mchigwa kufupi na Lebano kuyendera ku Phiri la Halaki kufupi na Edomu. Yoswa adapereka dziko kuna madzinza ya Isaraeli kuti iwo likhale lawo lawo. ⁸Iye adawapa iwo dziko la mapiri, bzigwa, Araba, m'bali mwa mapiri, chipululu, na Negevi--- dziko la Ahiti, Aamori, Akanani, Aperezi, Ahivi. na Ayebusi.⁹Mafumuyo mkuphatanidza mfumu ya ku Yeriko ibodzi, mfumu ya ku Ai yomwe iri m'bali mwa Beteli, ¹⁰mfumu ya ku Yerusalemu ibodzi, mfumu ya ku Hebroni ibodzi, ¹¹mfumu ibodzi ya ku Yarimutu, mfumu ya ku Lakisi ibodzi, ¹²mfumu ya ku Egiloni ibodzi, mfumu ibodzi ya ku Gezere.¹³Mfumu ibodzi ya ku Dibiri, mfumu ibodzi ya ku Gederi, ¹⁴mfumu ibodzi ya ku Horima, mfumu ibodzi ya ku Aradi, ¹⁵mfumu ibodzi ya ku Libina, mfumu ibodzi ya ku Adulamu, ¹⁶mfumu ibodzi ya ku Makeda, mfumu ya ku Beteli ibodzi,¹⁷mfumu ibodzi ya ku Tapua, mfumu ibodzi ya ku Heferi, ¹⁸mfumu ibodzi ya ku Afeki, mfumu ibodzi ya ku Lasaroni, mfumu ibodzi ya ku ¹⁹Madoni, mfumu ibodzi ya ku Hazori, ²⁰mfumu ibodzi ya ku Simuroni Meroni, mfumu ibodzi ya ku Akasafu,²¹mfumu ya ku Taranaki ibodzi, mfumu ibodzi ya ku Megido, ²²mfumu ibodzi ya ku Kadesi, mfumu ibodzi ya ku Yokineamu mu Kalimeri, ²³mfumu ibodzi ya ku Doro mu Nafoti d'Oro, mfumu ibodzi ya ku Goimu mu Giligala, ²⁴na mfumu ibodzi ya ku Tiriza. Kulewenga mafumuyo yakhali makumi matatu na ibodzi yense.

13¹Tsapano Yoswa akhadakalamba kwenekwene pomwe Yahova adati kuna iye, "Wakalamba kwenekwene, soma pakana dziko likulutsa lakuti ulitenge.²Ili ni dziko ndilo likadasalira: Mphimpha yense ya kwa Afilisiti, na la a Gesuri lense, ³kuchokera ku Sihori, komwe mkumachibese kwache kwa Aigupto, na kumpoto kwache kumalire na Ekironi, komwe kumbatengiwa kuti mkwawo kwa Akanani; atongi achanu wa Afilisiti, wale wa ku Gaza, Asidodi, Asikeloni, Gati, na Ekironi; mphimpha ya Aviti⁴kummwera; madziko yense ya Akanani, kuchoka ku Ara komwe mkwa a Sidonia, ate kutali kwa Afeki komwe mkumalire na Aamori; ⁵dziko la a Baiblos, ku Lebano kwense kuyendera ku machibese, kuchoka ku Baala Gadi kunyansi kwa Phiri la Herimoni ku Lebo Hamati.⁶Wanthu wense pomwe wakukhala mdziko la mapiri kuchoka ku Lebano ate kutali ku Misirefoti Maimi, kuphatanidza na wanthu wense wa ku Sidoni---nimdzawathotha iwo pamaso pa wankhondo wa Isaraeli. Onesesani kupereka dziko kuna Isaraeli ninga chakusiiriwa, ninga ndidakutongerani imwe. ⁷Gawani dzikoli ninga chakusiiriwa kuna madzinza mapfemba na kuna meya ya dzinza la Manase."⁸Kuna meya ina ya dzinza la Manase, wene Rubeni na a Gadi akhadatambira chakusiiriwa chawo ndicho Mose, mtumiki wa Yahova, adawapa iwo mphimpha ya kumachibese kwa Yorodano, ⁹kuchoka ku Aroeri, komwe mkumapeto kwa Mkulo wa Arinoni goje (kuphatanidza na muyi wapakati nakati pa goje), ku chigwa cha Medeba ate kutali ku Diboni;¹⁰miyi yense ya mu Sihoni, mfumu ya Aamori, ndiyo idatonga mu Hesiboni, kumalire na wana wa Aamoni; ¹¹Gileadi, na mphimpha ya Agesuri na Amaakati, kwense ku Phiri la Herimoni, Basana wense kuyenderatu ku Saleka; ¹²ufumu bwense bwa Ogi mu Basana, omwe adatonga mu Asitarotu na Edrei--- awa ndiwo adasala pa wakusalira wa Arefai---Mose adawamenya iwo achiwathotha.¹³Soma wana wa Isaraeli alibe kuthotha wana wa a Agesuri ayai wana wa Amaakati, ndiye Agesuri na Amaakati akukhala pakati pa a Isaraeli ate lero lino.¹⁴Kuna dzinza la a Levi lokha Mose alibe kupereka chakusiiriwa. Nsembe ya Yahova, Mulungu wa Isaraeli, bzakuchitika na moto, ndiye chakusiiriwa chawo, ninga Mulungu adalewera kuna Mose.¹⁵Mose adapereka chakusiiriwa kuna dzinza la Rubeni, banja na banja. ¹⁶Mphimpha yawo ikhali ya kwa Aroeli, kumapeto kwa Mkulo wa Arinoni goje, na muyi ndiwo uli pakati pa chigwa, na chidikha chense na Medeba.¹⁷Rubeni adatambira pomwe Hesiboni na miyi yense ndiyo iri pachidikha, Diboni, na Bamoto Baala, na Beti Baala Meoni, ¹⁸na Yahaza, na Kedemotu, na Mefaata, ¹⁹na Kiriyataimu, na Sibima, na Zereti Sahara pa phiri la kuchigwa.²⁰Rubeni adatambira pomwe Beti Peori, kuphompho kwa Pisiga, Beti Yesimotu, ²¹miyi yense ya mchigwa, na ufumu bwense bwa Sihoni mfumu ya wana wa Amori, omwe iye akhadatonga mu Hesiboni, omwe Mose akhadagonjesa pabodzi na akulu akulu wa a Midyani, Evi, Rekemu, Zuri, Huri na Reba, mfumukazi ya ku Sihoni, ndiyo ikhadakhala mdzikomo.²²Wana wa Isaraeli adapha pomwe na lupanga Balaamu mwana wachimuna wa Beori, omwe akhachita bza kulaulaa, pakati pa wanthu wakusala wa ndiwo iye adawapha. ²³Malire na dzinza la Rubeni ni Mkulo wa Yorodano; aya ni malire yawo. Ichi chikhali chakusiiriwa cha dzinza la Rubeni, chakuperekiwa kuna lirirense la banja lawo, na mizinda yawo na miyi.²⁴Ichi ndicho Mose adapereka kuna dzinza la Gadi, banja na banja: ²⁵Mphimpha yawo ikhali Yazeri, miyi yense ya Gileadi na meya ya dziko la wana wa Amoni, ku Areoli, lomwe liri ku machibese kwa Raba, ²⁶kuchokera, ku Hesiboni kufika ku Ramati Mizipa na Betonimu, wakuchoka ku Mahanaimu kuyenda ku mphimpha ya Debiri.²⁷Mchigwamo, Mose adawapa iwo Beti Haramu, Beti Nomura, Sikotu, na Zafoni, ku ufumu kwense kwakusalako kwa Sihoni mfumu ya Hesiboni, na Yorodano ninga ku malire, kunyansi kumalekezero kwa Nyanza ya Kinereti, kumachibese kwache kuyambuka Yorodano. ²⁸Ichi mchakuperekiwa cha dzinza la Gadi, banja na banja, na mizinda yawo ma miyi.²⁹Mose adapereka chakusiiriwa kuna meya ya dzinza la Manase. Icho chikhadaperekiwa ku meya ya dzinza la wa mbeu ya Manase, banja na banja. ³⁰Mphimpha yawo ikhali ku Mahanaimu, Basani wensene, ufumu bwense bwa Ogi mfumu ya ku Basani, na mizinda yense ya Yairi, ndiyo iri mu Basani, miyi makumi matanthatu; ³¹meya ya Gileadi, na Asitarotu na Edrei--- ( miyi ya ufumu bwa Ogi mu Basani). Imweyi ikhadalewengewa kuna mbeu ya Makiri mwana wachimuna wa Manase---meya ya wanthu wa mu Makiri, banja na banja.³²Ichi mchakuperekiwa ndicho Mose adachilinganiza kuna iwo mchigwa cha Moabu, ng'ambu ya Yorodano--- kumachibese kwa Yeriko. ³³Mose alibe kupereka chakusiiriwa kuna dzinza la a Levi. Yahova, Mulungu wa Isaraeli, ndiye chakusiiriwa chawo, ninga ndimo iye adawauzira iwo.

14¹Izi ni mbuto za dziko ndizo wana wa Isarseli adatambira ninga chakusiiriwa chawo mdziko la Kanani, ndicho Eleazare wansembe, Yoswa mwana wa Nuni, na akulu wa madzinza ya mabanja ya Isaraeli adawagawira iwo.²Chakusiiriwa chawo chidasankhuliwa na atulo wa kubvimira kwa madzinza mapfemba na meya ya dzinza lina libodzi, ninga ndimo Yahova akhadatongera na boko la Mose. ³Nakuti Mose akhadapereka chakusiiriwa kuna madzinza mawiri na meya ya dzinza libodzi ng'ambu ya Yorodano, soma a Levi alibe kuwapa chakusiiriwa. ⁴Dzinza la Yosefe likhali makamaka madzinza mawiri, Manase na Eferemu. A Levi alibe kupasiwa mbali ya chakusiiriwa mdzikomo, soma miyi ina yakuti akhale basi, na mbuto zawo zakudyesera bzifuwo na vida yawo. ⁵Wana wa Isaraeli adachita ninga Yahova adatongera Mose, ndiye adagawana dzikolo.⁶Ndiye dzinza la Yuda lidabwera kuna Yoswa pa Giligala. Kalebe mwana wachimuna wa Yefune wa ku Kenizi, adati kuna iye, "Mukudziwa ndibzo Yahova adalewa kuna Mose munthu wa Mulungu bzakuguma imwepo na ine pa Kadesi Barineya. ⁷Ndikhana magole makumi manayi pomwe Mose mtumiki wa Yahova adandituma ine kuchoka ku Kadesi Barineya kukazonda dzikolo. Ndidabweresa mafala kuna iye ndiyo yakhali mumtima mwangu.⁸Soma anzangu ndiwo adakwira nande pabodzi adachitisa mitima ya wanthu kusungunuka na mantha. Soma ine ndidatewera Yahova Mulungu wangu kwakunyanya. ⁹Mose adalumbirira nsiku yoyo, kulewa kuti, 'Chadidi letu dziko ndilo nzayo zanu zafamba limdzakhala chakusiiriwa chanu na wananu ate kalekale, thangwe mwatewera Yahova Mulungu wangu kwakunyanya.'¹⁰Tsapano, nyang'anani! Yahova wandikoya na moyo magole makumi manaiya, ninga ndimo adalewera--- kuchoka pa nthawe ndiyo Yahova adasewera fala loli kuna Mose, nthawe ndizo Isaraeli akhafamba mchipululu. Tsapano, nyang'anani! lero ndina magole makumi masere na machanu. ¹¹Ndikana mphamvu basi ninga ndikhaliri pomwe iye adanditumapo. Mphamvu zangu zikali ninga mphamvu zangu zikhaliri nthawe yoyo, pala nkhondo na kumbayenda ndichibwera.¹²Tsapano mnthangwerache ndipeni dziko la mapiriri, ndilo Yahova adandilonjeza pa nsiku yoyo. Thangwe udabva pa nsiku yoire kuti Aanaki akhali kumweko na miyi yache mikulu ya malitsito. Bzingachitike kuti Yahova amdzakhala nande na kuti ningadzawathothe iwo, ninga ndimo Yahova adalewera."¹³Ndiye Yoswa adamudalisa iye mkupereka Hebroni ninga chakusiiriwa kuna Kalebe mwana wachimuna wa Yefune. ¹⁴Mnthangwerache Hebroni adasanduka chakusiiriwa cha Kalebe mwana wachimuna wa Yefune wa ku Kenizi ate lero, thangwe iye adatewera Yahova, Mulungu wa Isaraeli kwakunyanya. ¹⁵Tsapano dzina la Hebroni pakutoma likhali Kiriati Ariba. (Ariba akhali munthu mkulutsa pakati pa Aanakimu.) Tsapano dziko likhadapuma pa nkhondo.

15¹Mchitidwe wakupereka mbuto kuna dzinza la wanthu wachi Yuda, banja na banja , udayenderera mbali za kumachibese kumalire na Edomu, na chipululu cha Zini kumwera letu. ²Malire yawo kumwera yadachokera kumapeto kwa Nyanza ya Munyu, kuchokera pa gombe lakunyang'ana na kumwera.³Malire yawo inangoyo yadayendera kumwera kwa phiri la Akarabi yachigwata na ku Zini, yachikwira kumwera kwa Kadesi Barinea, kudzera na ku Hezironi, yachikwira ku Adara, mkugonyolera ku Karika. ⁴Yadagwata na ku Azimoni, kufupi na kamkulo ka Aigupto, mkubwera kumapeto kwache pa nyanza. Aya yakhali malire yache ya kumwera.⁵Malire ya ku machibese yakhali Nyanza ya Munyu, pakuthirizira pa Yorodano. Malire kumpoto kwache yadadzera ku gombe la nyanza pakuthirizira Yorodano. ⁶Yadakwira ku Beti Hogila yachigwata na kumpoto kwa Beti Araba. Kinangoko yadakwira ku Mwala wa Bohani mwana wachimuna wa Rubeni.⁷Ndiye malireyo yadakwira ku Dibiri kuchoka ku Chigwa cha Akori, kuyendera kumpoto, kubwerera ku Giligala, kunyang'anizana na phiri la Adumi, lomwe liri kumwera kwa chigwacho. Ndiye malire yadagwata na ku lowe wa Eni Semesi yachiyendera ku Eni Rogeli. ⁸Ndiye malireyo yadakwira na ku Chigwa cha Beni Hinomu kuyendera kumwera kwa muyi wa Yebusi (ndiye kuti, Yerusalemu). Ndiye yadakwira na padzaulu pa phiri la kuyendera ku Chigwa cha Hinomu, kumaulo, yomwe yali kumpoto kumapeto kwa Chigwa cha Refai.⁹Ndiye malire yadapitirira kuchoka padzaulu pa mapiri kuyendera ku lowe wa ku Nefitoa, yachichoka popo kuyendera ku miyi ya Phiri la Efroni. Ndiye malire yadagonyola kuzungulira ku Baala (ndendende na Kiriati Yearimu). ¹⁰Ndiye malire yadagonyola kuzungulira kumaulo kwa Baala kuyendera ku Phiri la Seiri, yachipita na mbali ya ku Phiri la Yearimu kumpoto (ndendende na Kesaloni), kupolika ku Beti Semesi, mkuyambuka ku Timina.¹¹Malire yadayendera kumphepete kwa phiri la Ekroni, ndiye yadagonyola kuzungulira ku Sikeroni yachizungulira ku Phiri la Baala, yatachoka popo yadayendera ku Yabineli. ¹²Malire yadamalira ku nyanza. Malire ya kumaulo yakhali Nyanza Ikulu na gombe. Aya ni malire ya kuzungulira wa dzinza la a Yuda, banja na banja.¹³Pa kukoya malamulo ya Yahova kwa Yoswa, Yoswa adapa Kalebe mwana wachimuna wa Yefune gawo la dziko pakati pa dzinza la Ayuda, Kiriyati Ariba, ndiye kuti, Hebroni ( Ariba akhali babache wa Anaki). ¹⁴Kalebe adathotha popo wana wachimuna atatu wa Anaki: Sesai, Ahimani na Talimai, wana wa Anaki. ¹⁵Iye adakwira kuchoka popo kukalimbana na nzika za Debiri (dzina la Debiri pakutoma likhali Kiriyati Seferi).¹⁶Kalebe Adati, "Munthu wakumenya Kiriyati Seferi mkuutenga, nimdzamupa Akisa mwanangu wachikazi kukhala mkazache." ¹⁷Pomwe Otinieli mwana wachimuna wa Kenazi, mano wache wa Kalebe, adautenga, Kalebe adamupa iye Akisa mwanache wachikazi kukhala mkazache.¹⁸Kanthawe pang'ono bzitapita, Akisa adabwera kuna Otinieli mkumuuza kuti auze babache amupe munda. Pomwe Akisa adabuluka pa bulu wache, Kalebe adati kuna iye, "Ukufuna chani?"¹⁹Akisa adatawira, "Mundichitire chifundo chapachokha, popeza mwandipa kale ine dziko la a Negevu: Mundipe pomwe michera ya madzi." Ndiye Kalebe adamupa iye michera ya madzi ya kudzaulu na kunyansi kwache.²⁰Ichi chikhali chakusiiriwa cha dzinza la Ayuda, banja na banja.²¹Miyi ya dzinza la Ayuda kumwera letu chaiko, kunyang'ana kumalire na Edomu, ikhali Kabizeeli, Ederi, Yaguri, ²²Kina, Dimona, Adada, ²³Kedesi, Hazori, Itinani, ²⁴Zifi, Telemu, Bealoti.Hazori Hadata, Kerioti Hezironi (uyu ukhadziwika pomwe na Hazori), Amamu, Sema, Molada, Hazara Gada, Hesimoni, Beti Peleti, Hazara Suala, Beereseba, Bizioti.²⁹Baala, Iyimu, Ezemu, ³⁰Elitoladi, Kesili, Horima, ³¹Zikilaga, Madimana, Sanasana, ³²Lebaoti, Silitimu, Aini, na Rimoni. Iyi ikhali miyi makumi mawiri na mipfemba yense pabodzi, kuphatanidza na mafuwa yawo³³Ku chigwa ikhali, Esitaoli, Zora, Asina, ³⁴Zanoa, Eni Ganimu, Tapia, Enamu, ³⁵Yarimutu, Adulmo, Solo, Azeka, ³⁶Saraaimu, Aditaimu, Gedera (ndiwo, Gederotaimu). Iyi ni miyi khumi na minai kuphatanidza na mafuwa yawo.³⁷Zenani, Hadasa, Migidala Gadi, ³⁸Dileani, Mizipa, Yokiteeli, ³⁹Lakisi, Bozikatu, Egiloni.⁴⁰Kaboni, Lamasi, Kitilisi, ⁴¹Gederoti, Beti Dagoni, Naama, Mekeda, Iyi ikhali miyi khumi na mitanthatu, kuphatanidza na mafuwa yawo.⁴²Libina, Eteri, Asana, ⁴³Ifita, Asina, Nezibi, ⁴⁴Kehila, Akisibu, Maresa, Iyi ikhali miyi mipfemba, kuphatanidza na mafuwa yawo.⁴⁵Ekironi na miyi yache yakuzungulira na mafuwa yache; ⁴⁶kuchoka ku Ekironi kufika ku Nyanza Ikulu, mbuto zakukhala zense ndizo zikhali pafupi na Asidodi, kuphatanidza na mafuwa yawo. ⁴⁷Asidodi, miyi yache yakuzungulira, na mafuwa yache kubodzi; Gaza, miyi yache yakuzungulira pabodzi na mafuwa yache; ku kamkulo ka ku Aigupto, na ku Nyanza Ikulu na malire yache.⁴⁸Mdziko la mapiri, Samiri, Yatiri, Soko, ⁴⁹Dana, Kiriati Dana (ndiye Debiri), ⁵⁰Anabi, Esitemo, Animu, ⁵¹Goseni, Holoni, na Gilo. Iyi ikhali miyi khumi na ubodzi, kuphatanidza na mafuwa yawo.⁵²Arabi, Duma, Esana, ⁵³Yanimu, Beti Tapua, Afeka, ⁵⁴Humuta, Kiriati, Ariba (ndiye Hebroni), na Ziori. Iyi ikhali miyi mipfemba, kuphatanidza na mafuwa yawo.⁵⁵Maoni, Karimeli, Zifu, Yuta, ⁵⁶Yezireeli, Yokideamu, Zanoa, ⁵⁷Kaini, Gibea, na Timuna. Iyi ikhali miyi khumi, kuphatanidza na mafuwa yawo.⁵⁸Haluli, Beti Zuru, Gedori, ⁵⁹Maaratu, Beti Anoti, na Elitekoni. Iyi ikhali miyi mitanthatu, kuphatanidza na mafuwa yawo.⁶⁰Kiriati Baala (ndiye, Kiriati Yearimu), na Raba. Iyi ikhali miyi miwiri, kuphatanidza na mafuwa yawo. ⁶¹Mchipululu, mukhana Beti Araba, Midini, Sekaka, ⁶²Nibisani, Muyi wa Munyu, na Eni Gedi. Iyi ikhali miyi mitanthatu, kuphatanidza na mafuwa yawo.⁶³Soma angakhala wana wa a Yebusi, nzika za mu Yerusalemu, dzinza la Ayuda lingadakwanisa lini kuwathotha, ndiye wana wa a Yebusiwo ambakhala mwemo na dzinza la Ayuda ate lero.

16¹Gawo la dziko la dzinza la Yosefe lidayenderatu kuchoka ku Yorodano pa Yeriko, kumachibese kwa lowe wa ku Yeriko, kufika ku chipululu, kukwira kuchoka ku Yeriko kudzera ku dziko la mapiri la Beteli. ²Kinangoka yadayenda kuchoka ku Beteli ku Luzi mkupita na ku Atarotu, mphimpha ya wana wa Aariki.³Kinangoka yadapolika kumaulo kwache Ku mphimpha ya wana wa a Ayafeleti, ate kutali ku mphimpha ya Loweri Beti Horoni, yachiyenderatu ku Gezeri; yadakamalira ku nyanza. ⁴Ikhali njira yoyi ndiyo madzinza ya Yosefe, Manase na Efraimu yadatambira chakusiiriwa chao.⁵Mphimpha ya dzinza la Eferaimu, banja na banja: Malire ya chakusiiriwa chawo kumachibese kwache yadayenda kuchoka ku Atarotu Adara ate kutali ku Beti Horoni wa Kudzaulu kwache, ⁶apo kuchoka popo yadapitirira ku nyanza. Kuchoka ku Mikametatu kumpoto yadabwerera ku machibese kuyendera ku Taanatu Silo yachigwata kupitirira koko kumachibese ku Yanoa. ⁷Ndiye yadapolika kuchoka ku Yanoa kuyenda ku Atarotu na ku Naara, apo kinangoko kukamalira ku Yeriko, kukamalira pa Yorodano.⁸Kuyambira ku Tapua malire yadayendera kumaulo kwache ku kamkulo ka Kana yachikamalira Ku nyanza. Ichi chikhali chakusiiriwa cha dzinza la Efraimu, banja na banja, ⁹pabodzi na miyi ndiyo idasankhuliwa pala wadzinza la Efraimu mkati mwa chakusiiriwa cha dzinza la Manase---miyi yense, kuphatanidza na mafuwa yawo.¹⁰Iwo alibe kuthotha Akanani wakukhala mu Gezeri, mwakuti Akanani ambakhala pakati pa a Efraimu kufika lero, soma wanthu amwewa adasandusiwa wakumbaphata basa lakungingimiza.

17¹Ili likhali gawo la dziko la dzinza la Manase (omwe akhali mwana wakutoma wa Yosefe) ---ndiye kuti, pala Makiri, omwe akhali mwana wakutoma wa Manase omwe iye mwene akhali babache wa Gileadi. Wana wa Makiri adapasiwa gawo la dziko la Gileadi na Basani, thangwe Makiri akhali mwamuna wa nkhondo. ²Dzikolo lidagawidwa kuna dzinza lense lakusala la Manase, kuperekiwa kuna mabanja yawo---Abiezere, Heleki, Asiriyeli, Sekemu, Hefere, na Semida. Awa akhali wana wachimuna wa mbeu ya Manase mwana wa Yosefe, ninga mwa mabanja yawo.³Tsapano Zelofehadi mwana wachimuna wa Heferi mwana wachimuna wa Gileadi mwana wachimuna wa Makiri mwana wachimuna wa Manase akhalibe wana wachimuna soma wachikazi okha okha. Madzina ya wanache wachikaziwo yakhali Mala, Nowa, Hogila, Milika, na Tiriza. ⁴Iwo adayenda kuna Eleazare wansembe, Yoswa mwana wachimuna wa Nuni, na atsogoleri, apo iwo adati, "Yahova adatonga Mose kutipa chakusiiriwa pabodzi na abale wathu." Ndiye, kuteweza chitongero cha Yahova, adapa akazi wale chakusiiriwa pakati pa abale wa babawo.⁵Magawo khumi ya dziko yadagawiwa kuna Manase mu Gileadi na Basani, yomwe iri ng'ambu ina ya Yorodano, ⁶thangwe wana wachikazi wa Manase atatambira chakusiiriwa pabodzi na wanache wachimuna. Dziko la Gileadi lidaperekiwa kuna wana wense wakusala wa Manase.⁷Mphimpha ya Manase idayambira ku Aseri kuyendera ku Mikametatu, yomwe iri kumachibese kwa Sekemu. Kinangoka malire yadayendera ku mwera kwache kuna wale wakukhala kufupi na mchera wa Tapua. ⁸(dziko la Tapua likhali la manase., soma muyi wa Tapua kumalire na Manase ukali wa wanthu wa ku Efuraimu.)⁹Malire yadapolika ku kamkulo ka Kana. Miyi imweyi kumachibese kwa kamkuloko pakati pa miyi ya Manase ikhali ya Efuraimu. Malire na Manase yakhali kumbali ya kumpoto kwa kamkuloko, yachikamalira pa nyanza. ¹⁰Dzikolo kumwera kwache likhali la Efuraimu, apo dzikolo kumpoto kwache likhali la wanthu wa ku Manase; nyanza ndiyo ikhali malire. Mbali ya kumpoto kwache Aseri akhoza kufikika, apo kumachibese, Isakara.¹¹Mu Isakara pomwe na mu Aseri, Manase akhadatenga Beti Sani na miyi yache. Ibleamu na miyi yache, wanthu wa mu Doro na miyi yache, wanthu wa mu Enidoro na miyi yache, wanthu wa Taanaki na miyi yache, na wanthu wa ku Megido na miyi yache (apo muyi wachitatu ni Nafeti). ¹²Chensecho dzinza la Manase lingadakwanisa lini kutenga miyi imweyo, thangwe Akanani adapitirira kumbakhala basi mdzikomo.¹³Pomwe wana wa Isaraeli adakula mphamvu, Adaikha Akanani m'basa lakungingimiza, soma alibe kuwathotheratu iwo.¹⁴Ndiye wa mbeu ya Yosefe adasewera na Yoswa, kulewa kuti, "Thangweranyi mwatondo kutipa ife gawo lokha la dziko na kambali kabodzi ka chakusiiriwa, pomwe ife tiri wanthu azinjitsa, pomwe Yahova adatidalisa na pano kubodzi?" ¹⁵Yoswa adati kuna iwo, "Penu ndimwe wanthu azinjitsa, kwirani mwekha ku nkhalango apo koko kalambuleni mwekha mbuto mdziko la Aperezi na la Arefa. Chitani ichi, thangwe dziko la mapiri la Efraimu lachepetsa pala imwe."¹⁶Wana wa Yosefe adati, "Dziko la mapiri limtikwana lini ifepano. Soma Akanani wense wakukhala mchigwacho ana magaleta ya fero, wakukhala mu Beti Sani na miyi yache, na ndiwo ali Mchigwa cha Yezereli." ¹⁷Ndiye Yoswa adati kuna nyumba ya Yosefe ----ku Efraimu na Manase, "Ndimwe wanthu azinjitsa imwepo, apo muna mphamvu maninge. Nampodi mukhale na kambuto kabodzi ka dziko kakukugawirani. ¹⁸Dziko la mapiri limkhala pomwe lanu. Napo liri nkhalango, mumdzalilima mkulitenga kukhala lanulanu ate kumalire yache yakutalitsayo. Mumdzathotha Akanani, napo kuti iwo ana magaleta ya mafero, napo pomwe kuti ana mphamvu."

18¹Ndiye mtsonkhano wense wa wana wa Isaraeli udagumana pabodzi pa Silo. Iwo adamanga chihema chakugumanirana popo apo iwo adagonjesa dzikolo pamaso pawo. ²Pakhana madzinza basi manomwe pakati wa wana wa Isaraeli yomwe chakusiiriwa chawo chikhalibe kugawiwa.³Yoswa adati kuna wana wa Isaraeli, "Kodi mumchedwa ate liti kupita na kutambira dziko ndilo, Yahova, Mulungu wa abereki wanu, wakupani imwe? ⁴Bziikhireni mwekha amuna atatu atatu kuchoka mdzinza lirilense, apo ndiwatume. Iwo anyamuke achikazonda dziko kudzaulu na kunyansi. Iwo amdzanemba bzakumweko na ndimo amdzakaonera ku bzakusiiriwa bza iwo, apo kinangoko akabwerere kuna ine.⁵Iwo amdzaligawa magawo manomwe. Yuda amdzasalira mphimpha ya kumwera, apo nyumba ya Yosefe imdzapitirira kukhala basi mphimpha ya kumpoto. ⁶Mudzalinembe dzikolo likhale magawo manomwe muchidzabwera nayo kuna ine manembo yache. Nimdzakuloterani m'bvimiro kuna imwe pompano pamaso pa Yahova Mulungu wathu.⁷Alevi alibe gawo pakati panu, thangwe unsembe bwa Yahova ndiye chakusiiriwa chawo, Gadi, Rubeni na meya ya dzinza la Manase atambira kale chakusiiriwa chawo ng'ambu ya Yorodano. Ichi mchakusiiriwa ndicho Mose mtumiki wa Yahova adawapa iwo."⁸Ndiye amunawo adalamuka achiyenda. Yoswa adatonga ndiwo adayenda kukanemba bza dziko wale, kulewa kuti, "Ndokoni kudzaulu na kunyansi mdzikomo apo mukalinembe mkukabwerera kuna ine. Nimdzakuchitirani m'bvimiro pompano pamaso pa Yahova pa Silo." ⁹Amunawo adanyamuka achikafamba kudzaulu na kunyansi mdzikomo achilinemba m'bukhu na miyi yache mmagawo manomwe, kundandaliza miyiyo mgawo lirilense palokha. Kinangoko iwo adabwerera kuna Yoswa mu msasa pa Silo.¹⁰Ndiye Yoswa adawalotera m'bvimiro pala iwo pa Silo pamaso pa Yahova. Pakhali popo ndipo Yoswa adagawa dziko kuna wana wa Isaraeli, na kuna aliyense kumupa mbali ya dziko.¹¹Kugawa malire ya dziko kuna dzinza la Benjamini kudachitika banja na banja. Mphimpha ya dziko la kugawiriwa iwo kukhali pakati pa wa mbeu ya Yuda na wa mbeu ya Yosefe. ¹²Mbali ya kumpoto, malire yadayambira pa Yorodano. Malire yadakwira ku kumpoto kwa Yeriko, kinangoko kukwira kudzera dziko la mapiri kumaulo kwache. Kumweko yadafika ku chipululu cha Beti Aveni.¹³Kuchokera koko malire yadagwata na kumwera kuyendera ku Luzi (mbuto ibodzibodzi na Beteli). Ndiye malire yadapolika ku Atarotu Adara, pafupi na phiri lakukhala kumwera kwa Beti Horoni. ¹⁴Malire kinangoko yadayendera mbali inango: Mali ya kumaulo kwache yadagonyolera kumwera, kuyendera kuphiri kuyambuka kuchoka ku Beti Horoni. Malireya yadakamalira pa Kiriati Yearimu), muyi ndiwo ukhali wa dzinza la Yuda. Uku kudachita malire mbali ya kumaulo kwache.¹⁵Mbali ya kumwera idayambira kunja kwa Kiriati Yearimu. Malire yadachokera koko kuyenda ku Efuroni, kulowe wa madzi ya Nefitoa. ¹⁶Malire kinangoko yadapolika kumalire ya phiri lomwe likhali mwakunyang'anizana na Chigwa cha Beni Hinomu, chomwe chikhali kumapeto kwa kumpoto kwa Chigwa cha Refai. Kinangoka yadapolika ku Chigwa cha Hinomu, kumwera kwa phompho la wana wa Yebusi, apo yachipitirira kupolika ku En Rogeli.¹⁷Yadagonyola kumpoto, kuyendera mbali ya ku Eni Semesi, apo kuchoka koko yadabula kuyendera ku Geliloti, omwe akhali mwakunyang'anizana na pakukwirira ku Adumimu. Kinangoko yadapolikira ku Mwala wa Bohani mwana wachimuna wa Rubeni. ¹⁸Yadagwata kuyenda kumpoto kwa phewa la Beti Araba yachipolikira ku Araba.¹⁹Malire yadagwata na phewa la kumpoto kwa Beti Hogila. Malire yadakamalira ku gombe la kumpoto kwa Nyanza ya Munyu, kumalekezero ya kumwera kwache kwa Yorodano. Aya yakhali malire kumwera. ²⁰Yorodano adachita malire yache mbali ya kumachibese. Ichi chikhali chakusiiriwa cha dzinza la Benjamini, apo chidaperekiwa banja na banja, malire kuchoka malire, kuzungulira kwense.²¹Tsapano miyi ya dzinza la Benjamini, banja na banja, ikhali Yeriko, Beti Hogila, Emeki Kezizi, ²²Beti Araba, Zemaraimu, Beteli, ²³Avimu, Para, Ofira, ²⁴Kefara Amoni, Ofini, na Geba. Pakhana miyi khumi na miwiri, kuphatanidza na mafuwa yawo.²⁵Pakhana pomwe miyi ya Gibeoni, Rama, Beeroti, ²⁶Mizipa, Kefira, Moza, ²⁷Rekemu, Iripeeli, Tarala, ²⁸Zela, Elefi, Yebusi (ndendende kuti Yerusalemu), Gibea, na Kiriati. Pakhana miyi khumi na minayi, kuphatanidza na mafuwa yawo. Ichi chikhali chakusiiriwa cha Benjamini pala mabanja yawo.

19¹M'bvimiro wacchiwiri udagwera Simeoni, banja na banja. Chakusiiriwa chawo chikhali pakati pa chakusiiriwa ndicho chikhali cha dzinza la Yuda.²Iwo akhana Beereseba, Seba, Molada, ³Hazara Suala, Bala, Ezemu, ⁴Elitoladi, Betuli, na Horimu ninga chakusiiriwa chawo.⁵Simeoni pomwe akhana Zikilaga, Beti Marikabotu, Hazari Susa, ⁶Beti Lebaotu, na Saruheni. Iyi khali miyi khumi na mitatu, kuphatanidza na mafuwa yawo. Simeoni pomwe akhana Zikilagi, Beti Marikaboti, Hazara Susa, Beti Lebaoti, na Saruheni, Iyi ikhali miyi khumi na mitatu kuphatanidza na mafuwa yawo. ⁷Simeoni akhana pomwe Aini, Rimoni, Eteri, na Asana. Iyi ikhali miyi minai, na mafuwa yawo kubodzi.⁸Iyi iikhali pabodzi, kuphatanidza na miyi yakuzungulira mizindai kufika kutali ku Baalati Beti (ndendende na Rama mu Negevi). Ichi chikhali chakusiiriwa cha dzinza la Simeoni, banja na banja. ⁹Chakusiiriwa cha dzinza la Simeoni chidatenga mbali ya mphimpha ya dzinza la Yuda. Thangwe mbali ya dziko la kugawira wa dzinza la Yuda likhali likulu pala iwo, dzinza la Simeoni lidatambira chakusiiriwa chawo kuchoka pakati pa mbali yawo.¹⁰M'bvimiro wachitatu udagwera dzinza la Zebuluni, banja na banja. Malire ya chakusiiriwa chawo yadayambira pa Saridi. ¹¹Malire yawo yadakwira kumaulo kwache kuyendera ku Marala yachikaphata Dabeseti; kinangoko yadapitirira ku kamkulo kakunyang'anizana na Yokineamu.¹²Kuchoka ku Saridi malire yadagonyola kumachibese kuyendera kwakuchokera dzuwa yachiyenda kumalire na Kisiloti Taboro. Kuchoka koko yadayendera ku Daberati apo kinangoko mkukwira ku Yafia. ¹³Kuchoka koko yadagwata na kumachibese kuyenda ku Gati Heferi, apo kinangoko mkuyenda ku Eti Kazini; kinangoko yadayenda ku Rimoni mkuzungulira kuyendera ku Nea.¹⁴Malire yadagonyola kuyendera kumpoto ku Hanatoni yachikamalira pa Chigwa cha Ifita Eli. ¹⁵Mphimpha iyi ikuphatanidza na miyi ya Kata, Nahalala, Simironi, Idala, na Beterehemu. Pakhana miyi khumi na miwiri, kuphatanidza na mafuwa yawo. ¹⁶Ichi chikhali chakusiiriwa cha dzinza la Zebuloni, banja na banja, kuphatanidza na miyi imwei na mafuwa yawo.¹⁷M'bvimiro wachinai udagwera Isakara, banja na banja. ¹⁸Mphimpha yawo mkuphatanidza Yezireeli, Kesulotu, Sunemu, ¹⁹Hafaraimu, Sioni, na Anaharati.²⁰Idaphatanidza pomwe na Rabiti, Kisioni, Ebezi, ²¹Remeti, En Ganaimu, En Hada, na Beti Pazezi. ²²Malire yawo yadakaguya pomwe Taboro, Sahazuma, na Beti Semesi, yachikamalira pa Yorodano. Pakhana miyi khumi na mitanthatu, kuphatanidza na mafuwa yawo.²³Ichi chikhali chakusiiriwa cha dzinza la Isakara, kutengera mabanja yawo ---miyi, kuphatanidza na mafuwa yawo.²⁴M'bvimiro wachichanu udagwera pa dzinza la Aseri, banja na banja. ²⁵Mphimpha yawo ikhaphatanidza na Helikati, Hali, Bateni, Akisafu, ²⁶Alameleki, Amadi, na Misali. Kumaulo kwa malire yadapitirira ku Karimeli na Siho Libinati.²⁷Kinangoka yadatembenukira ku Beti Dagoni yachiyenda kutali ku Zebuloni, kinangoko ku Chigwa cha Ifita Eli, kumpoto kwache ku Beti Emeki na Neieli. Kinangoka yadapitirira ku Kabulu kuyendera ku mpoto. ²⁸Kinangoka yadayendera ku Abudoni, Rehobo, Hamoni, na Kana, ate kutali ku Sidoni Mkulu.²⁹Malire yadabwerera mmambuyo ku Rama, kinangoko ku muyi walitsito wa Turo. Kinangoko malire yadagonyolera ku Hosa yachikamalira pa nyanza, mphimpha ya Akizibu, ³⁰Uma, Afeki, na Rehobo. Pakhana miyi makumi mawiri na miwiri, kuphatanidza na mafuwa yawo.Ichi chikhali chakusiiriwa cha dzinza la Aseri, banja na banja---miyi, kuphatanidza na mafuwa yawo.³²M'bvimiro wachitanthatu udagwera kuna dzinza la Nafitali, banja na banja. ³³Malire yawo yadachokera ku Helefi, kuchoka ku thundu wa ku Zaanani, ku Adami Nekebi na Yabineeli, ate ku Lakumu; yadakamalira pa Yorodano. ³⁴Malire yadatembenukira kumaulo kwache ku Azinotu Tabori yachitulukira ku Hukoku; yadakagunsa Zebuloni kumwera, yachikafika ku Aseri kumaulo na Yuda kumachibese pa Mkulo wa Yorodano.³⁵Miyi ya malitsito ikhali Zidimu, Zeri, Hamati, Rakati, Kinereti, ³⁶Adama, Rama, Hazori, ³⁷Kedesi, Edrei, na En Hazori.³⁸Pakhana pomwe Ironi, Migidala Eli, Horemu, Beti Anati, na Beti Semesi. Pakhana miyi yoyi khumi na mipfemba, kuphatanidza na mafuwa yawo. ³⁹Ichi chikhali chakusiiriwa cha dzinza la Nafitali, banja na banja--- miyi, kuphatanidza na mafuwa yawo.⁴⁰M'bvimiro wachinomwe udagwera pa dzinza la Dani, banja na banja. ⁴¹Mphimpha ya chakusiiriwa chawo mkuphatanidza Zora, Esitaoli, Iri Semesi, ⁴²Saalabini, Aijaloni, na Itila.⁴³Idaphatanidza pomwe na Eloni, Timuna, Ekroni, ⁴⁴Eliteke, Gibetoni, Baalati, ⁴⁵Yehudi, Bene Beraki, Gati Rimoni, ⁴⁶Me Jarikoni, na Rakoni na mphimpha ya kuyambuka Yopa.⁴⁷Pomwe mphimpha ya dzinza la Dani lidataika kuna iwo, Dani adamenya Lesemu achiutenga. Iwo adaumenya na lupanga, achiutenga, achikhaliratu momo. Iwo adauchemera Lesemu Dani, kutenga dzina la m'bereki wao Dani. ⁴⁸Ichi chikhali chakusiiriwa cha dzinza la Dani, banja na banja--- miyi, kuphatanidza na mafuwa yawo.⁴⁹Pomwe iwo adamaliza kuligawa dzikolo kukhala chakusiiriwa chawo, wana wa Isaraeli adapereka chakusiiriwacho pakati pawo kuna Yoswa mwana wa Nuni. ⁵⁰Na chitongero cha Yahova iwo adamupa muyi omwe iye adawakumbira, Timinati Sera mdziko la mapiri la Efraimu. Iye adamanga muyi achikhala momo.⁵¹Ibzi mpsakusiiriwa ndibzo Eleazara wansembe, Yoswa mwana wa Nuni, na atsogoleri wa mabanja ya madzinza ya Isaraeli adapereka pa kuchita kulota mibvimiro ku Silo, pamaso pa Yahova, pa mpita wa ku chihema cha mgumano. Ndiye iwo adamaliza kuligawa dzikolo.

20¹Ndiye Yahova adati kuna Yoswa, ²"Sewera kuna wana wa Isaraeli, kulewa kuti, 'Bziikhireni miyi yakuthawira ndiyo ndidakuuzani imwe mwa boko la Mose. ³Chitani ibzi pala kuti omwe anipha munthu mwa ngozi ayai mwakusaya kudziwa akwanise kuthawira koko. Miyi imweyi imdzakhala miyi yakuthawira kugopa kubwezeriwa kwa mulopa.⁴Iye amdzathawira ku ubodzi wa miyi yoyo achidzaima pa mpitiro wa chipata cha muyi, achifokotoza mulandu wache kuna akuluakulu wa muyiyo. Ndiye iwo amdzamutengera mmuyimo kukamupa iye mbuto kuti akhale nawo.⁵Penu wakufuna kubwezera mulopayo animutewera koko, ndiye wanthu wammuyimo nampodi amupereke iye adapha munthuyo mmanja mwa boma. Iwo nampodi achite tenepo thangwe iye adapha mwayacheyo mwa ngozi, pomwe iye akhalibe naye mathangwe m'buyomo. ⁶Iye akhale basi mmuyimo ate ayime pamaso pa mtsonkhano kutongiwa, kufikizana kufa kwa omwe akuphata basa la unsembe nsiku zozo. Salipo tsapano wakupha mwayache mwangoziyo akhoza kubwerera kumuyi wache na kumuyi kwache chaiko, ku muyi ndiko iye adathawako."'⁷Ndiye a Isaraeli adasankhula Kedesi mu Galileya mdziko la mapiri la Nafitali, Sekemu mdziko la Efraimu, na Kiriati Araba (ndendende kuti Hebroni) mdziko la mapiri la Yuda. ⁸Ng'ambu ya Yorodano kumachibese kwa Yeriko, iwo adasankhula Bezeri mchipululu pa chigwa kuchoka ku dzinza la Rubeni; Ramoti Gileadi, kuchoka ku dzinza la Gadi; na Golani mu Basani, kuchoka ku dzinza la Manase.⁹Imweyi ikhali miyi yakusankhuliwa pala wana wense wa Isaraeli na kuchoka kuna alendo wakukhala pakati pawo, kuti aliyense wakupha munthu mwakusaya kuchita utowa athawire momo bwino bwino. Munthu umweyu nampodi afere mmanja mwa wakubwezera mulopayo, pokha pokha wamulanduyo atome waima pamaso pa mtsonkhano.

21¹Ndiye akulu wa dzinza la Alevi adabwera kuna Eleazara wansembe, kuna Yoswa mwana wa Nuni, na kuna akulu wa mabanja ya abereki wawo mkati mwa wana wa Isaraeli. ²Iwo adati kuna iwo pa Silo mdziko la Kanani, "Yahova adakutongani imwepo na boko la Mose kutipa ife miyi yakuti tikhale mwemo, na mathengo yakudyesera bzifuwo na bzifuwo."³Ndiye na chitongero cha Yahova, wana wa Isaraeli adapereka chakusiiriwa chawo kuna miyi iyi kuphatanidza na mathengo yawo yakudyesera bzifuwo, kuna Alevi.⁴M'bvimiro wa maloto wa madzinza ya a Kohati udaonesa ibzi: Ansembe---wa mbeu ya Aroni omwe akhali wa kwa Alevi--- adatambira miyi khumi na mitatu kupasiwa kuchoka ku dzina la Yuda, kuchoka ku dzinza la Simeoni, na kuchoka ku dzinza la Benjamini. ⁵Winango wa mbeu ya Kohatiwo adatambira na m'bvimiro miyi khumi kuchoka ku dzinza la Efraimu, Dani, na kuchoka ku meya ya dzinza la Manase.⁶Ndiye wanthu ndiwo adapolika kuchoka ku Geresoni adapasiwa, na kuchita m'bvimiro, miyi khumi na mitatu kuchoka ku banja la dzinza la Isakara, Aseri, Nafitali, na meya ya dzinza la Manase mu Basani. ⁷Wanthu omwe akhali mbeu ya Marari, banja na banja, adatambira miyi khumi na miwiri kuchoka ku madzinza ya Rubeni, Gadi, na Zebuloni.⁸Ndiye wana wa Isaraeli adapereka, na kuchita m'bvimiro, miyi imwei (kuphatanidza na mathengo yawo yakudyesera bzifuwo) kuna Alevi, ninga ndimo Yahova akhadatongera na boko la Mose. ⁹Kuchoka ku madzinza ya Yuda na Simeoni, adagawa dziko kuna miyi iyi, pano kundandaliziwa madzina. ¹⁰Miyi imwei idaperekiwa kuna wa mbeu ya Aroni, omwe akhali pakati pa madzinza ya a Kohati, omwe pambuyo pache adadzachokera ku dzinza la Alevi. Thangwe kulota kwa m'bvimiro wakutoma kudagwera iwo.¹¹A Isaraeli adawapa iwo Kiriati Araba (Araba akhali babache wa Anaki), mbuto yakulingana na Hebroni, mdziko la mapiri la Yuda, na mathengo yakudyesera bzifuwo kuizungulira iyo. ¹²Soma minda ya mmuyimo, kuphatanidza miyi yawo, ikhadaperekiwa kale kuna Kalebe mwana wachimuna wa Yefune, kukhala yache yache.¹³Kuna wa mbeu ya Aroni wansembeyo iwo adapereka Hebroni na mathengo yakudyesera bzifuwo---omwe ikhali muyi wa kuthawira pala aliyense wakupha wina mwakusaya kuchita utowa--- na Libina na mathengo yache yakudyesera bzifuwo, ¹⁴Yatiri na mathengo yache yakudyesera bzifuwo, na Esitemoa na mathengo yache yakudyesera bzifuwo. ¹⁵Iwo adapereka pomwe Holoni na mathengo yache, Debiri na mathengo yache, ¹⁶Aini na mathengo yache, na Beti Semesi na mathengo yache. Pakhana miyi mipfemba ndiyo idaperekiwa kuchoka kuna madzinza mawiriya.¹⁷Kuchoka ku dzinza la Benjamini adapasiwa Gibeoni na mathengo yache, Geba na mathengo yache, ¹⁸Anatotu na mathengo yache, Alimoni na mathengo yache---miyi minayi. ¹⁹Miyi yakuperekiwa kuna ansembe, wa mbeu ya Aroni, ikhali khumi na mitatu yense, kuphatanidza na mathengo yawo.²⁰Angakhala a Kohati winango wensewo omwe akhali wa mabanja ya a Kohati ya kwa Alevi---akhana miyi yakupasiwa kuchoka kuna a Efraimu na kuchita m'bvimiro. ²¹Kuna iwo adapasiwa Sekemu na mathengo yache mdziko la mapiri la Efraimu---muyi wakuthawira pala aliyense wakupha munthu mwakusaya kuchita utowa. Gezeri na mathengo yache, ²²Kibizaimu na mathengo yache, na Bati Horoni na mathengo yache--- yensene miyi minayi.²³Kuchoka ku dzinza la Dani, banja la a Kohati adapasiwa Eliteke na mathengo yache, Gibetoni na mathengo yache, ²⁴Aijaloni na mathengo yache, na Gati Rimoni na mathengo yache---yense miyi minayi.²⁵Kuchoka ku meya ya dzinza la Manase banja la Kohati lidapadiwa Taanaki na mathengo yache na Gati Rimoni na mathengo yache--- miyi miwiri. ²⁶Yense pakhana miyi khumi ya mabanja yense yakusalayo ya a Kohati, kuphatanidza na mathengo yawo.²⁷Kuchoka ku meya ya dzinza la Manase, mabanja ya Geresoni, aya yakhali mabanja ina pomwe ya Alevi, apo adapereka Golani mu Basani na mathengo yache ---muyi wakuthawira pala aliyense wakupha wina mwakusaya kuchita utowa, pabodzi na Be Esitera na mathengo yache--- yense miyi miwiri.²⁸Kuna mabanja ya Geresoni iwo adapereka pomwe Kisioni kuchoka ku dzinza la Isakara, pabodzi na mathengo yache, Daberati na mathengo yache, ²⁹Yarimuti na mathengo yache, na Eni Ganimu na mathengo yache--- miyi minayi. ³⁰Kuchoka ku dzinza la Aseri, iwo adapereka Misali na mathengo yache, Abidoni na mathengo yache, ³¹Helikati na mathengo yache, na Rehobo na mathengo yache ---yense miyi minayi.³²Kuchoka ku dzinza la Nafitali. iwo adapa mabanja ya Geresoni Kedesi mu Galileya na mathengo yache---muyi wakuthawira pala aliyense wakupha wina mwakusaya kuchita utowa; Hamori Dori na mathengo yache, na Karatani na mathengo yache---yense miyi mitatu. ³³Pakhana miyi khumi na mitatu yense, kuchoka mmabanja ya Geresoni, kuphatanidza na mathengo yawo.³⁴Alevi wakusalawo--- mabanja ya Merari---yadapasiwa kuchoka mdzinza la Zebuloni: Yokineamu na mathengo yache, Karita na mathengo yache, ³⁵Dimna na mathengo yache, na Nahalala na mathengo yache---yense ninga miyi minayi.³⁶Mabanja ya Marari yadapasiwa kuchoka kuna dzinza la Rubeni: Bezeri na mathengo yache, Yahazi na mathengo yache, ³⁷Kedemoti na mathengo yache, na Mefaati na mathengo yache---miyi minayi. ³⁸Kuchoka mdzinza la Gadi iwo adapasiwa Ramoti mu Gileadi na mathengo yache---muyi wakuthawira pala aliyense wakupha mwayache mwakusaya kuchita utowa---na Mahanaimu na mathengo yache.³⁹Mabanja ya a Marari yadapasiwa pomwe Hesiboni na mathengo yache. Na Yazeri na mathengo yache. Iyi yense ikhali miyi minai. ⁴⁰Miyi yenseyi ikhali ya mabanja mazinjitsa ya Marari, omwe akhali wakuchoka ku dzinza la Alevi--- miyi khumi na miwiri yense idaperekiwa kuna iwo pakuchita kuloteza na m'bvimiro.⁴¹Miyi ya Alevi yakutengiwa kuchoka pakati pa dziko lakutengiwa na wana wa Isaraeli ikhali makumi manai na misere, kuphatanidza na mathengo yawo yakudyesera bzifuwo. ⁴²Miyi yoyi uliwense ukhana thengo lakudyesera bzifuwo kuzungulira. Bzikhali tenepo na miyi yenseyi.⁴³Ndiye Yahova adapereka Ku Isaraeli dziko lense ndilo iye adalumbira kuna abereki wawo. A Isaraeli adalitenga ilo kukhala lawo lawo achikhaliratu mwemo. ⁴⁴Ndiye Yahova adawapa iwo mbali inango yenseyo, ninga ndimo iye akhadalumbirira kuna abereki wawo. Neye m'bodzi yekha wa awengi wawo ndiye angadakwanisa kuwagonjesa iwo. Yahova adapereka awengi wao wense mmanja mwao. ⁴⁵Neye chinthu chibodzi chokha pa malonjezo yense yabwino ndiyo Yahova adasewera kuna wa nyumba ya Isaraeli ndicho chidatazira kukhala cha chadidi. Bzense bzidachitika.

22¹Pa nthawe yoyo Yoswa adachemera wene Rubeni, wene Gadi, na meya ya dzinza la Manase. ²Iye adati kuna iwo, "Mwachita bzense ndibzo Mose mtumiki wa Yahova adakutongani. Mwabvera mafala yangu mu bzense ndibzo ndidakutongani . ³Mulibe kusiya abale wanu mu nsiku zizinjizi, ate nsiku zense za lero lino, ate nsiku ya lero lino, apo mwakoya chikoyere mabasa yakuthemera mmalamulo ya Yahova Mulungu wanu.⁴Tsapano Yahova Mulungu wanu wakupani kupuma kuna abale wanu, ninga ndimo iye adawalonjezera iwo. Ndiye tsono tembenukani muyende ku mahema yanu mdziko lanu lanu, ndilo Mose mtumiki wa Yahova adakupani ng'ambu ya Yorodano. ⁵Mutondo kukhala wakuchenjera kukoya bzakutonga Mose na lamulo ndilo Mose mtumiki wa Yahova adakutongani, kukonda ⁶Yahova Mulungu wanu, kufamba mnjira zache, kukoya malamulo yache, na kuphathika kuna iye na kumunamatira iye na mtima wanu wense na moyo wanu wense." Ndiye Yoswa adawadalisa iwo achiwabalalisa, kubwerera mmahema yawo.⁷Tsapano kuna dzinza libodzi lakugawika pakati la Manase Mose akhadalipa chakusiiriwa mu Basani, soma kuna meya inangoyo Yoswa adapereka chakusiiriwa pambali pa abale wao mdziko la kumaulo kwa Yorodano. Yoswa adawabalalisa iwo kubwerera mmahema yawo; iye adawadalisa ⁸achiti kuna iwo, "Bwererani ku mahema yanu na kobiri zizinji, na bzifuwo bzizinjitsa, na siriva na oro, na mkuwa na bzitsulo, na bzakubvala bzizinjitsa. Gawanani bzakupsokonyola ku nkhondo kuchoka kuna awengi wanu mupase abale wanu."⁹Ndiye wa mbeu ya Rubeni, wa mbeu ya Gadi, na dzinza la Manase lakugawika pakati adabwerera mmiyi, kusiya wana wa Isaraeli pa Silo, lomwe liri mdziko la Kanani. Iwo adanyamuka kuyenda mphimpha ya Gileadi, kudziko lawo lawo, lomwe iwo wene adatambira, mwa kubvera ku malamulo ya Yahova, kudzera ku boko la Mose.¹⁰Pomwe iwo adafika mbali ya ku Yorodano omwe uli mdziko la Kanani, wa mbeu ya Rubeni na wa Gadi na wa dzinza la Manase lakugawika pakati adamanga guwa la nsembe m'phepete mwa Yorodano, guwa la nsembe likulu maninge na lakufunikira. ¹¹Wana wa Isaraeli adabva bzobzi wina akumbati, "Onani! Wambeu ya Rubeni, Gadi, na dzinza la Manase lakugawanika pakati amanga guwa la nsembe patsogolo pa dziko la Kanani, pa Gililoti, mphimpha ya kufupi na Yorodano, ku mbali ya wana wa Isaraeli."¹²Pomwe wana wa Isaraeli adabva bzobzi, mtsonkhano wense wa wana wa Isaraeli udagwezekana pambodzi pa Silo kuti awakwirire koko kukachita a nawo nkhondo.¹³Ndiye wana wa Isaraeli adatuma mitumi kuna wa mbeu ya Rubeni, wa Gadi, na dzinza la Manase lakugawika pakati, mdziko la Gileadi. Iwo adatuma pomwe Finiyasi mwana wa Eleazare, wansembe, ¹⁴na pabodzi naye akulu akulu khumi, m'bodzi m'bodzi kuchoka ku dzinza lirilense la mabanja ya Isaraeli, apo aliyense wa iwo akhali mkulu wa banja pakati pa banja la Isaraeli.¹⁵Iwo adafika kuna wanthu wa Rubeni, Gadi, na wa dzinza la Manase lakugawika pakati, mdziko la Gileadi, ndiye adasewera nawo: ¹⁶"Mtsonkhano wense wa Yahova walewa tere, 'Mchakusaya kukhulupirika chanyi ndicho imwe mwachitira Mulungu wa Isaraeli pa kutembenuka meju lero lino kulamba kutewera Yahova pa kubzimangira mwekha guwa la nsembe lero kupikisana na Yahova na?¹⁷Kodi mphumbza ya ku Peori ikutichepera na? Chensecho tikanati ate lero kubzichenesa ku iyoyo. Pakhana muliri pa mtsonkhano wa Yahova thangwera chakuphonya chomchire. ¹⁸Mukutembenuka pomwe basi kulamba Yahova nsiku ya lero lino? Mungagandukira pomwe Yahova lero, mangwana iye amdzakalipira mtsonkhano wense wa Isaraeli.¹⁹Dziko mwatambirali lingaipisiwa, ndiye yambukani kupita mdziko ndiko chihema cha Yahova chimbakhala mkubzitengera mwekha chakusiiriwa pakati pathu. Soma chokhacho damba kuphindukira Yahova, ayai kutiphindukira ife mkumanga guwa la nsembe bzamwekhamwekha mmalo mwa guwa la nsembe la Yahova Mulungu wathu. ²⁰Kodi Akani mwana wachimuna wa Zera, alibe kuphonya mchakuperekiwa chakukoyera Mulungu? Kodi chilango chiribe kugwera pa mtsonkhano wensene wa Isaraeli? Munthu umweule alibe kudzongeka yekha pa mphumbza yache."²¹Ndiye madzinza ya Rubeni, Gadi, na dzina la Manase lakugawika pakati adawatawira akulu akulu wa mabanja ya Isaraeli: ²²"Wamphamvu Zense, Mulungu, Yahova! Wamphamvu Zense, Mulungu, Yahova! ---Iye akudziwa, apo lekani Isaraeli idziwe! Penu kukhali kupikisana naye ayai kuphonyera Yahova, nampodi kutipereka ife nsiku ya lero ²³thangwera kumanga guwa la nsembe kuti mkuphinduka tekha kuleka kutewera Yahova. Tingamanga guwa limwero pala kufukizira nsembe zakupserereza, nsembe ya ufa, ayai nsembe za chakupereka chakutenda, ndiye mulekeni Yahova atibvunze.²⁴Neye! Tidachita ichi pala kugopesa kuti pa mangwana wananu angadzatombodzere wanathu, 'Ndimwembo yani imwe kuna Yahova, Mulungu wa Isaraeli?²⁵Thangwe Yahova waikha Yorodano kukhala malire pakati pa ife na imwe. Imwe wanthu wa Rubeni na wanthu wa Gadi, Mulibe naye basa Yahova.' Ndiye wananu angadzachitise wanathu kulekeza kunamata Yahova.²⁶Ndiye tidati, ''Mbatiye tsapano timange guwa la nsembe, sikuti pala nsembe zakupserereza ayai chakupereka chirichense neye, ²⁷soma lidzakhale mboni pakati pa ife na imwepo, na pakati pa mibwado yathu na ya pambuyo pathu, kuti timdzachita basa la Yahova pamaso pache, na nsembe zathu zakupserereza na bzakupereka bzathu na bzakupereka bzakutenda, pala kuti wananu nampodi mtsogolo muno kumbadzati kuna wanathu, "Mulibe gawo mwa Yahova imwe."²⁸Ndiye ife tidati, 'Penu ichi chinilewedwa tenepo kuna ife ayai kuna azukulu wathu mtsogolo muno, timdzati, "Onani! Ichi mchindendemezo cha guwa la nsembe la Yahova, ndicho abereki wathu adakonza, sikuti pala kufukizira nsembe zakupserereza, ayai pala bzakupereka neye, soma ninga umboni pakati pa ife na imwe. ²⁹Mbabzikhale kutali nafe kuti timfuna kuphindukira Yahova, apo lero mkulekeza kumutewera iye thangwera kumanga guwa la nsembe pala nsembe zakupserereza, pala chakupereka cha ufa, ayai pala nsembe, mmalo mwa guwa la nsembe la Yahova Mulungu wathu lomwe liri pamaso pa chihema chache.'"³⁰Pomwe Finiyasi wansembe na akulu akulu wawanthu, ndiye kuti, misolo ya mabanja ya Isaraeli omwe akhana iye, adabva mafala ndiyo wa mbeu ya Rubeni, Gadi, na Manase adalewa, kuti chikhali chakuwakomera mmaso mwawo. ³¹Finiyasi mwana wachimuna wa Eleazare wansembe adati kuna wanthu wa Rubeni, Gadi, na Manase, "Lero tikudziwa kuti Yahova ali pakati ife, thangwe mulibe kuchita chakuphonyeka chakusaya kukhulupirikachi kuna iye. Tsapano mwapulumusa wana wa Isaraeli mmanja mwa Yahova."³²Ndiye Finiyasi mwana wachimuna wa Eleazare wansembe, na akulu akulu adabwerera kuchoka pana wene Rubeni na a Gadi, kuchoka mdziko la Gileadi, kubwerera ku dziko la Kanani, kuna wana wa Isaraeli, achiwabweresera iwo mafala. ³³Mafala yawo yakhali yabwino pamaso pa wana wa Isaraeli. Wana wa Isaraeli adalemekeza Mulungu achilekezeratu kusewera pomwe bzakuguma kuchita nkhondo na wene Rubeni na a Gadi, pala kuti adzonge dziko ndilo iwo akhadakhala.³⁴Wene Rubeni na wene Gadi adasandula guwa la nsembelo "Mboni," thangwe iwo adati, ""Ni umboni pakati pa ifepano kuti Yahova ndiye Mulungu."

23¹Patapita nsiku zizinji, Yahova adapereka kupuma ku Isaraeli kuna awengi wache wense omwe akhadawazungulira, apo Yoswa akhadakalamba, achikhala wa magole mazinji, ²Yoswa adachemeriwa a Isaraeli wense---akuluakulu wense, atongi wa mirandu, na wakuthandiza basa wawo---achiti kuna iwo, "Ine ndakalamba apo ndine wa magole mazinji. ³Mwaona bzense ndibzo Yahova Mulungu wanu wachititira madzinza yense ya wanthu thangwera imwe, thangwe ni Yahova Mulungu wanu omwe wakumenyerani nkhondo.⁴Onani! ndakugawirani imwe madzinza yakusaliraya kuti yagonjesewe mkukhala chakusiiriwa chanu cha madzinza yense, apo madzinza yense ndayapasula kale, kuyambira ku Yorodano ku Nyanza ikulu kumaulo. ⁵Yahova Mulungu wanu amdzawathamangisa. Amdzawagwinya iwo kuchoka pakati panu. Iye amdzapsokonyola dziko lawo, apo mumdzatenga dziko lawo kukhala lanu lanu, ninga ndimo Yahova Mulungu wanu adakulonjezerani imwepo.⁶Ndiye khalani wakulimbika mtima maninge, kuti mukoye bzense ndibzo bzidanembiwa m'bukhu la chitongero cha Mose, kupambukira neye kumadidi ayai kumadzere, ⁷kuti nampodi musanganizikane na madzinza ndiyo yasalira pakati panuya ayai kuguma madzina ya milungu yawo, kuilumbirira, kuinamata, ayai kuigodamira. ⁸Soma, muphathike kuna Yahova Mulungu wanu ninga ndimo mwachitira ate lero lino.⁹Thangwe Yahova wathotha pamaso panu madzinza mazinji na yamphamvu. Mungakhala imwepo, palibe adakwanisa kuimisana namwe ate nsiku ya lero lino. ¹⁰Munthu m'bodzi aliyense wa imwe amdzachitisa wakukwana chulu kuthawa, thangwe Yahova Mulungu wanu, ndiye ambakumenyerani nkhondo, ninga ndimo adakulonjezerani. ¹¹Bzitchenkheni meju, kuti mukonde Yahova Mulungu wanu.¹²Soma mungabwerera mmambuyo mkuphathikana na wa madzinza asala pakati panuwa, ayai kuloololana nawo, ayai penu munibwera nawo pabodzi apombo iwo na imwe, ¹³ndiye dziwani letu kuti Yahova Mulungu wanu amdzathotha lini pomwe madzinza yoya pakati panu. Soma, amdzakhala magango na milapu kuuna imwe, mitchamu pa misana panu na minga mmaso mwanu, ate mudzamale mdziko labwino lino ndilo Yahova Mulungu wanu wakupani.¹⁴Tsapano ndikuyenda njira ya dziko lense lapansi, apo mukudziwa na mitima yanu yense na miyoyo yanu kuti palibe neye fala libodzi lokha ndilo latazira kukhala la chadidi pa bzinthu bzense bzabwino ndibzo Yahova Mulungu wanu adalonjeza bza imwe. Bzinthu bzensebzi bzachitikira imwe. Palibe neye libodzi la iyo ndilo latazira. ¹⁵Soma nakuti fala lirilense Yahova Mulungu wanu wakulonjezani lakwanirisiwa, mtenepombo Yahova amdzakubwereserani bzinthu bzakuipa ate atakudzongani imwe kuchoka mdziko labwinoli ndilo Yahova Mulungu wanu wakupani.¹⁶Iye amdzachita ichi mungaswa mpangano wa Yahova Mulungu wanu, ndiwo iye adakutongani imwe kukoya. Penu muniyenda muchikanamata milungu ina na kuigodamira iyo, ndiye ukali bwa Yahova bumdzagakira pa imwe, muchidzamala kamkulumize kuchoka mdziko labwino ndilo iye wakupani imwe.

24¹Kinangoka Yoswa adagwezeka madzinza yense ya mu Isaraeli mu Sekemu achichemera akulu akulu wa Isaraeli, atongi wa milandu, na anyamata wao wakutumikira, achibzionesera okha pamaso pa Mulungu. ²Yoswa adati kuna wanthu wense, "Ichi ndicho Yahova, Mulungu wa Isaraeli, walewa, 'Abereki wanu kalekalero adakhala ng'ambu ya Mkulo wa Firate---Tera, babache wa Aburahamu na babache wa Nahori---achimbanamata milungu ina.³Soma ndidatenga babanu Aburahamu kuchoka ng'ambu ya Firate ndichimutsogelera kupita mdziko la Kanani ndichimupa azukulu azinji kudzera mwa mwanache wachimuna Isaki. ⁴Ndiye kuna Isaki ndidamupa Yakobo na Esau. Ndidapa Esau dziko la mapiri la Seiri kukhala lache lache, soma Yakobo na wanache adapolika kuyenda ku Aigupto.⁵Ndidatuma Mose na Aroni, ndichiboneresa wanthu wa ku Aigupto na miliri. Kumala Popo, ndidakubulisani kunja. ⁶Ndidabulisa abereki wanu kunja kwa Aigupto, apo imwe kudabwera ku nyanza. Wanthu wa ku Aigupto adawatewera iwo na magaleta na wa akavalo ate ku Nyanza Ifwira.⁷Pomwe abereki wanu adakuwa kuna Yahova, iye adaikha m'dima pakati pa imwepo na wa ku Aigupto. Iye adabweresa nyanza pa iwo ichiwampsinkha. Imwe mudaona nzibzo ndidachita mu Aigupto. Kinangoka mudakhala mchipululu nthawe itali.⁸Ndidakubweresani ku dziko la wa mbeu ya Amori, wakukhala ng'ambu ina ya Yorodano. Iwo adamenyana namwe nkhondo, ndichiwapereka iwo mmanja mwanu. Mudatenga dziko lawo, muchiwadzonga pamaso panu.⁹Kinangoka Balaki mwana wachimuna wa Zipori, mfumu ya Moabu, idalamuka ichimenyana na Isaraeli. Iye adatuma achichemera Balaamu mwana wa Beori, kukutembererani imwe. ¹⁰Soma ine ndiribe kutetekera Balaam. Mchadidi, iye adakudalisani imwe. Ndiye ndidakuletsetsani mmanja mwache.¹¹Mudayambuka Yorodano muchibwera ku Yeriko. Wenekachiro wa mu Yeriko adamenyana namwe nkhondo, pabodzi na wa ku Amori, Aperizi, Akanani, Ahiti, Agirigasi, Ahivi na Ayebusi. Ndidakupambanisani imwe kuna iwo ndichiwaikha iwo kukhala pansi panu. ¹²Ndidatumiza malume kukutsogolerani yomwe yadawathotha iwo na mafumu mawiri ya Aamori kuchoka pamaso panu. Chiribe kuchitika na lupanga lako ayai na uta bwako.¹³Ndidakupani dziko ndilo mulibe kuphata basa na miyi ndiyo mulibe kuimanga, apo tsapano mukukhala mwemo. Mumbadya bzipaso bza mmunda wa mpesa na minda ya Azitona ndiyo mulibe kuiokera.¹⁴Tsapano gopani Yahova apo mumunamate na mtiwa wachadidi na wachikhulupiriro; Khalani kutali na milungu ndiyo abereki wanu akhanamata ng'ambu ya Firate na mu Aigupto, apo munamate Yahova. ¹⁵Penu bzinioneka bzakuphonyeka mmaso mwanu pala imwe kunamata Yahova, sankhulani mwekha ndipo lero omwe munimutumikira, pakati pa milungu ndiyo abereki wanu akhanamata ng'ambu ya Firate, ayai milungu ya Aamori, mdziko lawo ndilo mukukhalali. Soma ningakhala inepano na nyumba yangu, timdzanamata Yahova."¹⁶Wanthuwo adatawira achiti, "Ifepano timdzasiyambo lini Yahova mkutumikira milungu inango, ¹⁷thangwe ni Yahova Mulungu wathu ndiye adatibulisa ife na abereki wathu kukwira kuchoka mdziko la Aigupto, kubula mnyumba ya ukapolo, apo ndiye adachita bzinthu bzikulu bzire ife tikuona na maso, na omwe adatikoya ife mnjira yense ndiyo tidayenda, na pakati pa madzinza yense ndiyo ife tidapita. ¹⁸Ndiye Yahova adatithothera wanthu wense pa maso pathu, kuphatanidza na Aamori wakukhala mdzikomo. Ndiye ifembo tininamatira Yahova, thangwe iye ni Mulungu wathu."¹⁹Soma Yoswa adati kuna wanthuwo, "Mingatumikire lini Yahova imwe, thangwe iye ni Mulungu wakuchena; iye ni Mulungu wa nsanje; amdzakulekererani lini ku mphumbza zanu na bzakuphonya bzanu. ²⁰Penu muniphindukira Yahova mkumbanamata milungu yachilendo, ndiye kuti amdzatembenuka achikuchitani chakuipa. Iye amdzakumalizani, napo atamala kukuchitirani imwe bzabwino."²¹Soma wanthuwo adati kuna Yoswa, "Neye, tininamata Yahova ife." ²²Ndiye Yoswa adati kuna wanthuwo. "Mwabzichitira umboni bwa mwekha mwekha kuti mwabzisankhulira Yahova, kumunamata iye." Iwo adati, "Ndife mboni." " ²³Tsapano chosani milungu yachilendo ndiyo muli nayoyi, apo munyang'anise mtima wanu kuna Yahova, Mulungu wa Isaraeli."²⁴Wanthuwo adati kuna Yoswa, "Timdzanamata Yahova Mulungu wathu. Timdzatetekera mafala yache." ²⁵Yoswa adachita mpangano na wanthuwo nsiku yoyo. Iye adaikha manemba na malamulo pa Sekemu. ²⁶Yoswa adanemba mafalaya M'bukhu la chilamulo cha Mulungu. Iye adatenga mwala ukulu achiuzika popo patsinde pa muti wa thundu omwe ukhali pambali pa mbuto yakupambulika ya Yahova.²⁷Yoswa adati kuna wanthu wense, "Onani, mwala uyu umdzakhala mboni yakutigaza. Umweyu wabva mafala yensene ndiyo Yahova walewa kuna ife. Ndiye umdzakhala mboni yakukugazani imwepo, mungadzalamba Mulungu wanu." ²⁸Ndiye Yoswa adawabalalisa wanthuwo, aliyense kuyenda ku chakusiiriwa chache.²⁹Kumala popo Yoswa mwana wachimuna wa Nuni, mtumiki wa Yahova, adafa, wakukhala na magole dzana na khumi. ³⁰Iwo adamuikha iye mmalire na chakusiiriwa chache, pa Timinati Sera, chomwe chiri mdziko la mapiri la Efraimu, kumpoto kwa Phiri la Gaasi.³¹Isaraeli adanamata Yahova nsiku zense za Yoswa, na nsiku zense za akulu akulu omwe adasala Yoswa atafa, omwe akhadadziwa bzichito ndibzo Yahova akhadachitira Isaraeli.³²Mafupa ya Yosefe, yomwe wana wa Isaraeli adabweresa kukwira nayo kuchoka ku Aigupto--- adayafuchira pa Sekemu, mkambuto ndiko Yakobo akhadagula kuchoka kuna wana wachimuna wa Hamori, babache wa Sekemu. Iye adayagula na kobiri za siriva zakukwana dzana libodzi, apo yadakhala chakusiiriwa cha wa mbeu ya Yosefe. ³³Eleazare mwana wachimuna wa Aroni adafa pomwe. Iwo adamufuchira pa Gibea, muyi wa Finiyasi mwanache,

Wakuyeruza

1¹Atafa Yoswa, wanthu wa mu Isaraeli adabvunza Yahova, kulewa kuti, "Mbani angatome kutimenyera a Kanani, kumenyana nawo nkhondo? ²Yahova adati, "Yuda ndiye amdzawamenya. Onani, ndawapa iwo kunyang'anira dziko lino." ³Amuna wa mu Yuda adati kuna amuna wa Simeoni, abale wao, "Bwerani kwirani kuno na ife mphimpha yathu ndiyo idagawidwa kuna ife kuti pabodzi tidzamenye a Kanani. Ife pakubwezera timdzayenda namwe ku mphimpha yanu." Ndiye dzinza la Simeoni lidayenda nawo.⁴Amuna wa Yuda adakamenyadi, apo Yahova adawapa chipambano pa a Kanani na Aperizi. Iwo adapha bzulu khumi bwa iwo pa Bezeki. ⁵Iwo adagumana Adoni-Bezeki pa Bezeki, apo iwo adamenyana naye achigonjesa a Kanani na Aperizi.⁶Soma Adoni-Bezeki adathawa, iwo adamuthotha achimuphata iye, apo adamugwata Bzala bzache bzimuna bzakumanja na bzala bzache bzimuna bzakunzayo. ⁷Adoni Bezeki adati, "Mafumu makumi manomwe, yomwe yakhana Bzala bzao bzimuna bzakumanja na bzala bzimuna bzakunzayo bzakugwatiwa, kulokota chakudya kuchoka pansi pa meza yangu. Ninga ndimo ine ndachitira, mtenepombo ndimo Mulungu wachitira kuna ine." Iwo adamubweresa iye ku Yerusalemu, apo iye adafera popo.⁸Amuna wa Yuda adamenyana na mzinda wa Yerusalemu achiutenga. Iwo adaumenya na nsonga ya lupanga apo adagasa mzindayo na moto. ⁹Kumala popo, amuna wa Yuda adapolika kukamenyana na Akanani omwe akhakhala mdziko la mapiri, mu Negevi, na m'bzigwa. ¹⁰Yuda adafendera kulimbana na Akanani omwe akhakhala m'Hebroni (dzina la Hebroni pakutoma likhali Kiriati Ariba), apo iwo adagonjesa Sesai, Ahimani, na Talimai.¹¹choka popo amuna wa mu Yuda adafendera kulimbana na nzika za Dibiri (dzina la Dibiri pakutoma likhali Kiriyatu Seferi). ¹²Kalebe adati, "Aliyense omwe anithira nkhondo Kiriyatu Seferi achiutenga, nimdzamupa Akisa, mwanangu wachikazi, kukhala mkazache." ¹³Otinieli, mwana wachimuna wa Kenazi (mng'ono wache wa Kalebe) adatenga Debiri, ndiye Kalebe adamupa iye Akisa, mwanache wachikazi, kukhala mkazache.¹⁴Kamkulumize Akisa adabwera kuna Otinieli, apo adamungingimiza kuti auze babache kumupa iye munda. Pomwe iye Akisa akhabuluka pa bulu wache, Kalebe adamubvunza iye, "Ndikuchitire chani?" ¹⁵Iye adati kuna iye, "Mundipe mdaliso. Thangwe mwandipa dziko la a Negevi, ndiye ndipeni pomwe michera ya madzi." Ndiye Kalebe adamupa iye michera ya kudzaulu na kunyansi kwache.¹⁶Azukulu wa mabzala wache wa Mose wene Kenite adayenda kukwira kuchoka mmuyi wa Palimosi na wanthu wa mu Yuda, kuyenda mchipululu cha Yuda chomwe chiri mu Negevi, kukakhala na wanthu wa ku Yuda pafupi na Aradi. ¹⁷Amuna wa mu Yuda adayenda na amuna wa Simeoni abale wawo apo adamenya a Kanani omwe akhakhala mu Zefati achiudzongeratu iwo. Dzina la muyiyo likhali Hiroma.¹⁸Wanthu wa mu Yuda adatenga pomwe Gaza na mbuto ya kuzungulira, Asikeloni na mbuto ya kuzungulira, na Ekironi na mbuto ya kuzungulira. ¹⁹Yahova akhana wanthu wa mu Yuda apo iwo adatenga dziko la mapiri kukhala lawo lawo, soma alibe kukwanisa kuthotha nzika za mbzigwamo thangwe zikhana magaleta ya fero.²⁰Hebroni adaperekiwa kuna Kalebe (ninga Mose adalewera), apo iye adathotha kuchoka popo wana wachimuna atatu wa Anaki. ²¹Soma wanthu wa Benjamini alibe kuthotha Ayebusi omwe adakhala mu Yerusalemu. Ndiye Ayebusi akhala na wanthu wa Benjamini mu Yerusalemu ate lero lino.²²Nyumba ya Yosefe idakonzeka kumenya Beteli, apo Yahova akhali nawo. ²³Iwo adatuma amuna kukazonda Beteli (muyi ndiwo pakutoma ukhachemeriwa Luzi). ²⁴Wakukazondawo adaona mwamuna akubula mmuyimo, iwo achiti kuna iye, "Tionese ife, chonde, mapitidwe ya mmuyimu, apo ife timdzakuchitira chifundo."²⁵Iye adawaonesa njira yakupitira mmuyimo, apo iwo adamenya muyiyo na nsonga ya lupanga, soma iwo adaleka munthuyo na banja lache lense kuyenda. ²⁶Ndiye munthuyo adayenda ku dziko la Ahiti achikamanga muyi achiuchemera, Luzi, omwe ndiwo dzina lache kufikira nsiku ya lero.²⁷Wanthu wa Manase alibe kuthotha wanthu wakukhala mmizinda ya Beti Sani na miyi yache, ayai Taanaki na miyi yache, ayai omwe akhakhala mu Dori na miyi yache, ayai iwo wakukhala mu Ibleamu na miyi yache, ayai iwo wakukhala mu Megido na mmuyi yache, thangwe a Kanani adakhumba kukhala mdziko limwero. ²⁸Pomwe Isaaeli adakula mphamvu, adangingimiza a Kanani kuwatumkira iwo na mabasa ya kungingimiza, soma alibe kuwathotheratu.²⁹Efraimu alibe kuthotha a Kanani omwe akhakhala mu Gezeri, ndiye a Kanani adapitiriza kukhala basi mu Gezeri pakati pawo.³⁰Zebuloni alibe kuthotha wanthu wakukhala mu Kitironi, ayai wanthu wakukhala mu Nahaloli, nyiye a Kanani adapitiriza basi kukhala pakati pawo, soma Zebuloni adangingimiza a Kanani kumbatumikira iwo na mabasa ya mphamvu.³¹Aseri alibe kuthotha wanthu wakukhala mu Ako, ayai wanthu wakukhala mu Sidoni, ayai iwo wakukhala mu Akalabu, Akisibu, Heliba, a Afiki, ayai a Rehobu. ³²Ndiye dzinza la Aseri lidakhala pakati pa a Kanani (wale wakukhala mdzikomo), thangwe iwo alibe kuwathotha.³³Dzinza la Nafitali liribe kuthotha nzika za mu Beti Semesi, ayai za mu Beti Anati. Ndiye dzinza la Nafitali lidakhala pakati pa a Kanani (wanthu omwe akhakhala mdzikomo). Soma kuti, nzika za mu Beti Semesi na Beti Anati zikhangingimiziwa kuphatira basa a Nafitali.³⁴Amori adathotha dzinza la Dani kuchoka mdziko la mapiri, neye kuwabvumiza kubuluka mchigwa. ³⁵Ndiye Amori adakhala basi pa Phiri la Heresi, mu Ajaloni, na mu Saalibimu, soma boko la anyankhondo wa nyumba ya Yosefe lidawagonjesa iwo, achingingimiziwa kuwatumikira iwo na mabasa ya mphamvu. ³⁶Malire ya Aamori yakhadachokera ku phiri la Akrabimu pa Sela kukwira mdziko la mapiri.

2¹Mnjero wa Yahova adakwira kuchoka ku Giligala kuyenda ku Bokimu, achikati, "Ndidakubulisani kukwira kuchoka ku Aigupto, ndichikubweresani ku dziko ndilo ndidalumbira kupa abereki wanu. Ndidati, 'Nimdzapsa lini mpangano wangu na imwe. ²Nampodi kuchita mpangano na nzika zakukhala mdziko lino. Soma mulibe kutetekera mafala yangu. Mchani ndicho mwachitachi?³Ndiye tsapano ndikuti, 'Nimdzathotha lini zjai a Kanani pamaso panu, soma iwo amdzasanduka minga mu mbabvu zanu, apo milungu yawo imdzasanduka milapu yanu."' ⁴Pomwe mnjero wa Yahova adasewera mafalaya kuna wana wense wa Isaraeli, wanthu adakuwa achilira misozi. ⁵Iwo adasandula dzina na mbutoyo Bokimu. Popo iwo adapereka nsembe kuna Yahova.⁶Tsapano pomwe Yoswa atabalalisa wanthu kuyenda njira zawo, wana wa Isaraeli adayenda, aliyense ku chakusiiriwa chache, kukatenga mbuto yawo yawo. ⁷Wanthu adatumikira Yahova mu nthawe ya moyo wa Yoswa na wa akulu akulu omwe adasala iye atafa, wale omwe akhadaona bzichito bwense bzikulu bza Yahova adachitira Isaraeli. ⁸Yoswa mwana wachimuna wa Nuni mtumiki wa Yahova, adafa na magole dzana na khumi.⁹Iwo adamufuchira iye mmalire na chakusiiriwa chache mu Timunati Heresi, mdziko la mapiri la Afraimu, kumpoto kwa Phiri la Gaasi. ¹⁰M'bwado wenseyo udagwezekana kuikhidwa pomwe kuna abereki wawo. M'bwado winango udakula iwo atapita omwe ulibe kudziwa Yahova, ayai bzichito bzache kuna Isaraeli.¹¹Wana wa Isaraeli adachita bzakuipa pamaso pa Yahova achitumkira Abaala. ¹²Iwo adapanduka kuchoka kuna Yahova, Mulungu wa abereki wawo, omwe adawabulisa kunja kwa Aigupto. Iwo adatewera milungu ina, milungu yokhayokhayo ya wanthu wakuzungulira iwo, achiigodamira iyo. Iwo adanyosa ukali bwa Yahova thangwe ¹³iwo adapanduka kuchoka kuna Yahova achinamata Baala na Asitaroti.¹⁴Ukali bwa Yahova budatentha Isaraeli, iye achiwapereka iwo kuna wakukolola omwe adaba bzinthu bzawo kuchoka kuna iwo. Iye adawagulisa iwo ninga akapolo omwe adaphatiwa na mphamvu ya awengi wawo kuwazungulira, ndiye alibe kubziteteza pomwe kuna awengi wawo. ¹⁵Kulikwense ndiko Isaraeli akhayenda kukamenya nkhondo, boko la Yahova likhamuwenga iye kumugonjesa, ninga ndimo iye adalumbirira kuna iye apo akhali mmatsautso yakugopsa.¹⁶Ndiye aYahova adalamusa wakuyeruza, omwe adawapulumusa kuchoka mmanja mwa iwo omwe akhawabera bzinthu bzawo. ¹⁷Chensecho iwo akhatetekera lini wakuwayeruza wawowo. Iwo akhali wakusaya kukhulupirika kuna Yahova achibzipereka okha ninga ma puta kuna milungu ina mkumbainamata iyo. Iwo kamkulumize adaphinduka kuchoka mnjira ndiyo abereki wawo akhakhalira --- iwo omwe akhadabvera bzakutonga bza Yahova--- soma iwowa okha alibe kuchita tenepo.¹⁸Pomwe Yahova adawapasira wakuyeruza, Yahova adakhala nawo wakuyeruzawo achiwapulumusa iwo mmanja mwa awengi wawo nsiku zense ndizo wakuyeruzayo adakhala na moyo. Yahova akhabva nawo nsisi pomwe iwo akhang'ung'udza thangwera iwo omwe akhawaboneresa na kuwapondereza. ¹⁹Soma pomwe wakuyeruza adafa, iwo adabwerera mmambuyo mkumbachita bzinthu ndibzo bzikhali bzachinyengo kwene kwene kuposa ndibzo abereki wawo akhadachita. iwo akhatewera milungu ina kuitumikira na kuinamata. Iwo adalamba kutaya chirichense cha bzakuipa bzawo ayai njira zawo zakusamwa.²⁰Ukali bwa Yahova budagaka kulimbana na Isaraeli; iye adati, "Thangwera dzinza ili lapsa njira za mpangano ndiwo ine ndikhadaikha m'buto mwache pala abereki wawo--- thangwe alibe kutetekera mafala yangu--- ²¹Nimdzachita lini, kuyambira tsapano lino ate kale kale, kuthotha pamaso pawo lirilense la madzinza ndilo Yoswa adalisiya pakufa iye. ²²Nimdzachita ichi pala kuyezera Isaraeli, kuti angakwanise ayai neye kukoya njira ya Yahova na kufamba mnjirayo, ninga ndimo abereki wawo adaikoyera." ²³Mnthangwerache Yahova adasiya madzinzayo apo alibe kuyathotha kamangu na kuyapereka mmanja mwa Yoswa.

3¹Tsapano Yahova adasiya madzinzaya kuyezera nayo Isaraeli, ndiwo wense mu Isaraeli omwe akhanati kale kudziwa nkhondo zensensene zidamenyeka mu Kanani. ²(Iye adachita ichi kufuna kupfunzisa mibwado ipsa ya wana wa Isaraeli omwe akhanati kale kuidziwa nkhondo.) ³Aya ni madzinza: Mafumu machanu ya Afilisti, a Kanani wense, a Sidoni, na a Hivi omwe akhakhala mmapiri ya mu Lebano, kuchoka ku Phiri la Baala Herimoni kufika ku Lebo Hamati.⁴Madzinzaya yadasiiwa noinga njira ndiyo Yahova adayezerera Isaraeli, kuti adziwe penu iwo angadzabvere malamulo ndiyo iye adapa abereki wawo kudzera mwa Mose. ⁵Ndiye wana wa Isaraeli adakhala pakati pa a Kanani, Ahiti, Aamori, Aperizi,. Hivi, na Ayebusi. ⁶Wanawo wachikazi ndiwo akhatenga kukhala akazawo, na wana wa iwo wachikazi akhapereka kuna wanawo wachimuna, achimbatumikira milungu yawo.⁷Wana wa Ii saraeli adachita bzakuipa pamaso pa Yahova Mulungu wawo. Adanamata Abaala na Aserahi. ⁸Mnthangwerache, ukali bwa Yahova mudagaka kukalipira a Isaraeli, achiwagulisa mmanja mwa Kusani- Risataimu mfumu ya Aramu Naharaimu. Wana wa Isaraeli adatumikira Kusani-Risataimu kwa magole masere.⁹Pomwe wana wa Isaraeli adakuwa kuchemera Yahova, Yahova adalamusa winango omwe angadabwera kudzathandiza wana wa Isaraeli, na omwe angadawapulumusa iwo: Otinieli mwana wachimuna wa Kenazi (mng'ono wache wa Kalebe). ¹⁰Mzimu wa Yahova udamupa mphamvu iye, achiyeruza Isaraeli achiyenda ku nkhondo. Yahova adamupambanisa iye kwa Kusani-Risataimu mfumu ya Aramu. Boko la Otinieli lidagonjesa Kusani-Risataimu. ¹¹Dzikolo likhali pa mtendere kwa magole makumi manayi. Kinangoko Otinieli mwana wachimuna wa Kenazi adafa.¹²Kumala popo, wana wa Isaraeli adachita pomwe bzakuipa pamaso pa Yahova, apo Yahova adapa mphamvu kuna Egiloni mfumu ya Moabu kugonjesa Isaraeli. ¹³Egiloni adaphatikidzana na Aamoni na Amaleki achiyenda kukagonjesa Isaraeli, achikatuta bzinthu bza mu Mzinda wa Palamusi. ¹⁴Wana wa Isaraeli adatumikira Egiloni mfumu ya Moabu kwa magole khumi na masere.¹⁵Pomwe wana wa Isaraeli adaliririra kuna Yahova, Yahova adawalamusira mpulumusi, Ehudi Mwana wachimuna wa Gera, m'Benjamini, munthu wamadzere. Wana wa Isaraeli adamutuma iye, na chakupereka chawo chakutenda, kuna Egiloni mfumu ya ku Moabu.¹⁶Ehudi adabzikonzera lupanga lomwe likhana nsonga ziwiri, kutalika kwache boko libodzi; iye aralimangirira pa ntchafu yache ya kumadidi mkati mwa chakubvala chache. ¹⁷Iye adapereka chakupereka chakunyengerera kuna Mfumu Egiloni ya ku Moabu. (Tsapano Egiloni akhali munthu wakunenepa kwene kwene.) ¹⁸Ehudi atamala kuonesera chakupereka chakunyengerera adanyamuka na wale ndiwo akhadachitakula.¹⁹Angakhala Ehudi mwene, pomwe adafika pa mbuto ndipo bzilinganiro bzakutsema bzikhadakonziwa pafupi na Giligala, adabwerera achiyenda mmambuyo, iye achiti, "Ndina mafala ya chinsinsi kuna imwe, mfumu yangu." Egiloni adati, "Nyamala!" Ndiye wense wakumutumikira iye adabula msubimo. ²⁰Ehudi adabwera kuna iyo. Mfumuyo ikhadakhala yokha msubi ya mdzaulu yakupitiwa mphepo. Ehudi adati, "Ndina mafala yanu yakuchoka kuna Mulungu." Mfumuyo idalamuka kuchoka pa kadera yache.²¹Ehudi adapalawiza boko lache la madzere mkumolola lupanga kuchoka pa ntchafu yache yamadidi, achiphaya mthupi mwa mfumuyo. ²²Chidunda cha lupanga chidapitira kubodzi kutewera chisucho. Nsonga ya lupanga lidabula kumsana kwache na mafuta yatalibvazika, thangwe Ehudi alibe kumolola lupangalo pa mimwa pache. ²³Ndiye Ehudi adabula pa khonde achifunga msuwo wa subi ya mdzaulu kumbuyo kwache achiwafungira iwo.²⁴Ehudi atayenda, akapolo wa mfumu adabwera; iwo adaona kuti misuwo ya subi ya mdzaulu ikhadakhiya, ndiye adakumbuka, "Ndiye kuti atondo kupfatsa okha na kupita mphepo kwa msubi ya mdzaulu." ²⁵Iwo adapitiriza kulingirira ate kuona kuti zjai akutaya nthawe yakubasa pomwe mfumuyo ikhafungula lini basi misuwo ya subi ya mdzauluyo. Ndiye adatenga bzavi mkuifungula, apo popo mbuya waoyo akhali khwatha, kugwa pansi, atafa.²⁶Atumiki ali mkati mwakudikhira, kukumbuka chakuchita, Ehudi adathawa achigwata kupita na pambuto ndipo pakhana bzilinganizo bzakutsema, achithawira ku Seira. ²⁷Pomwe iye adafika, adaliza lipenga la nyanga ya bira wachimuna mdziko la mapiri la Efraimu. Kinangoko wana wa Isaraeli adapolika naye kuchoka mmapiri, apo iye akhawatsogolera iwo.²⁸Iye adati kuna iwo, "Nditewereni inepano, thangwe Yahova ali pafupi kugonjesa awengi wanu, a Moabu." Iwo adamutewera iye achitenga magonyo ya Yorodano kuyambuka kuchoka kuna a Moabu, apo alibe kubvumiza munthu aliyense kuyambuka mkuloyo. ²⁹Pa nthawe yoyo iwo adapha bzulu khumi bza amuna wa Moabu, apo wense akhali amuna wa mphamvu na wakukwanisa. Palibe ndiye adathawa. ³⁰Ndiye nsiku yoyo Moabu adagonjesewa na mphamvu za Isaraeli, apo dziko lidapuma kwa magole makumi masere.³¹Atachoka Ehudi wakuyeruza adapita ni Samagara Mwana wachimuna wa Anati omwe adapha amuna madzana matanthatu wa chi Filisiti na mtoso wakumenyera ng'ombe za pa kalosa. Iye adapulumusa pomwe Isaraeli ku chakugopsa.

4¹Ehudi atafa, wana wa Isaraeli adabwereza pomwe kuchita chakuipa pamaso pa Yahova. ²Yahova adawagulisa iwo mmanja mwa Yabini mfumu ya ku Kanani yomwe ikhatonga mu Hazori. Mkulu wa achikunda wache akhachemeriwa Sisera, apo akhakhala mu Haroseti Haggoyimu. ³Wana wa Isaraeli adalirira kuna Yahova kufuna chithandizo, thangwe Sisera akhana magaleta ya fero madzana mapfemba apo akhaboneresa wana wa Isaraeli na mphamvu kwa magole makumi mawiri.⁴Tsapano Debora, mneneri wachikazi (mkazi wa Lapidoti), akhali wakuyeruza mkulu mu Isaraeli pa nthawe yoyo. ⁵Iye akhambakonda kukhala pa muti wa mgwalangwa wa Debora pakati pa Rama na Beteli mdziko la mapiri la Efraimu, apo wana wa Isaraeli adabwera kuna iye kudzayeruziwa mipokano yawo.⁶Iye adatuma mtumi kukachemera Balaki mwana wachimuna wa Abinoamu wa Ku Kedesi mu Nafitali. Iye adati kuna iye, "Yahova, Mulungu wa Isaraeli, akukukutongani imwepo, 'Ndokoni ku Phiri la Tabori, apo uyende na amuna bzulu khumi wakuchoka ku Nafitali na Zebuloni. ⁷Nimdzapfuwa Sisera mkulu wa achikunda wa Yabini, kukagumana nawe pafupi na Mkulo wa Kisoni, na magaleta yache na achikunda wache, apo nimdzakupa chipambano pa iye.'"⁸Baraki adati kuna iye, "Penu uniyenda nande, niyenda, soma penu uniyenda lini nande, niyenda lini." ⁹Iye adati, "Kuyenda niyenda nawe. Soma, ulendo ukuyendabu bumdzakupasa lini ulemu, thangwe Yahova amdzagulisa Sisera mmanja mwa mkazi." Ndiye Debora adalamuka achiyenda na Baraki ku Kedesi.¹⁰Baraki adachemera amuna wa mu Zebuloni na Nafitali kubwera pabodzi pa Kedesi. Amuna bzulu khumi adamutewera iye, apo Debora adayenda naye pabodzi.¹¹Tsapano Heberi ( wa ku Keni) akhadabzipambula yekha kuchoka kuna a Keni ---iwo akhali wa azukulu wa Hobabu (mabzala wache wa Mose)--- achikunga chihema chache pafupi na muti wa thundu mu Zaananimu pafupi na Kedesi.¹²Pomwe iwo adauza Sisera kuti Baraki mwana wachimuna wa Abinoamu adayenda kukwira ku Phiri la Tabori, ¹³Sisera adachemeresa magaleta yache yensene, madzana mapfemba ya magaleta ya fero, na achikunga wache wense ndiwo akhanawo , kuchokera ku Hagoyimu. kufika ku Mkulo wa Kisoni.¹⁴Debora adati kuna Baraki, "Ndoko! thangwe ino ni nsiku ndiyo Yahova wakupa chipambano pa Sisera. Kodi Yahova akukutsogolera lini iwepo?" Ndiye Baraki adayenda kupolika kuchoka ku Phiri la Tabori na amuna bzulu khumi wakumutewera iye.¹⁵Yahova adadzonga Sisera na magaleta yache yense na wankhondo wache wense kuphatisa basa nsonga ya lupanga. Apo Sisera adabuluka kuchoka pa galeta lache achithawa na miyendo. ¹⁶Soma Baraki adathotha magaletayo na wankhondo ku Haroseti Hagoyimu, apo wankhondo wense wa Sisera adaphiwa na nsonga ya lupanga, apo palibe munthu adapulumuka.¹⁷Soma Sisera adathawa basi na miyendo kuyendera ku hema ya Yaeli, mkazi wa Heberi wa ku Keni, thangwe pakhana mtendere pakati pa Yabini mfumu ya ku Hazori na banja la Heberi wa ku Keni. ¹⁸Yaeli adayenda kukagumana na Sisera achikati kuna iye, "Gonyola kuno, mbuyangu; gonyola kuno kuna ine apo nampodi kuchita mantha." Ndiye adapambukadi kuna iye achibwera mchihemamo achimufunikiza na manta.¹⁹Iye adati kuna iye, "Chonde ndipasembo madzi pamkiti ndimwe, thangwe ndina nyota." Iye adafungula chola cha khanda cha mkaka achimupa chakumwa, achimufunikiza pomwe. ²⁰Iye adati kuna iye, "Ima pa msuwo wa chihema. Penu wina anibwera kukubvunza, 'Pana aliyense pano?', ulewe 'Neye'."²¹Ndiye Yaeli (mkazi wa Heberi) adatenga nkhokho ya chihema na sando mmanja mwache achiyenda kanonono kuna iye, thangwe akhali mtulo twakufa nato, achikhomera nkhokhoyo m'bali mwa msolo wache ate idatulukira kukaphaya pansi, iye achiferatu. ²²Pomwe Baraki akhapsaga Sisera, Yaeli adayenda kukagumana naye achikati kuna iye, "Bwera, ndidzakuonese munthu ukumupsagayo." Ndiye iye adapita naye momo, apo Sisera akhali gone kufa, na nkhokho ya chihema iri m'bali mwa msolo wache.²³Ndiye pa nsiku yoyo Mulungu adagonjesa Yabini, mfumu ya Kanani, pamaso pa wana wa Isaraeli. ²⁴Mphamvu za wana wa Isaraeli zidafamba zichikula basi kulimbana na Yabini mfumu ya Kanani, ate iwo kuyidzonga iyo.

5¹Pa nsiku yoyo Debora na Baraki mwana wachimuna wa Abinoamu adayimba chimbo ichi: ²"Pomwe atsogoleri anitsogolera mu Isaraeli, pomwe wanthu wakubzipereka mwa ufulu---anitenda Yahova!³Tetekerani, mafumumwe! Tcherani makutu, imwe atongi! Ine, nimdzaimbira Yahova; nimdzaimba bzakutenda kuna Yahova, Mulungu wa Isaraeli. ⁴Yahova, pomwe mudayenda kubula kuchoka mu Seiri, pomwe mudafamba kuchoka mu Edomu, dziko lapansi lidatekenyeka, na kudzaulu pomwe kudatetemera; mitambo pomwe idatsanula madzi.⁵Mapiri yadatekenyeka pamaso pa Yahova; neye Phiri la Sinai chailo lidatekenyeka pamaso pa Yahova Mulungu wa Isaraeli. ⁶Mu nsiku za Samagara (mwana wachimuna wa Anati), mu nsiku za Yaeli, miseu mikulu mikulu idalekiwa, apo wale wakufamba momo akhaphatisa basa tunjira twamagonyo.⁷Mukhana wanthu wakuchepa kunja kwa miyi ya Isaraeli, ate ine, Debora, ndidalamuka--- kulamuka ninga mamunthu wa Isaraeli! ⁸Pomwe iwo adasankhula milungu ipsa, padakhala kumenyana pa bzipata bza miyi chensecho palibe kuoneka bzakukhotcherera ayai madipa pakati pa wanthu bzulu makumi manayi mu Isaraeli.⁹Mtima wangu ukutawizana nawo wakutonga mu Isaraeli, pabodzi na wanthu ndiwo adadekedwa kubzipereka mwa ufulu--- lemekezani Yahova! ¹⁰Kumbukani ichi---imwe wakumbapakira mabulu machena kumbakhala pa mansanza kuyesa bzakukhalira, na imwe wakufamba mmiseu.¹¹Bvani baludya la wale wakuimba pa mbuto zakutunga madzi. Popo akusimba pomwe bzichito bzakulungama bza Yahova, na bzichito bzakulungama bza wankhondo wache mu Isaraeli. Ndiye wanthu wa Yahova adapolika kuyenda ku bzipata bza miyi.¹²Lakuka, lamuka, Debora! Lamuka, lamuka, imba chimbo! Lamuka, Baraki, utenge wakumangiwa wako, iwe Mwana wachimuna wa Abinoamu. ¹³Ndiye wakupulumukawo adabuluka kuna akamuna; wanthu wa Yahova adabuluka kuna ine na wankhondowo.Iwo adabwera kuchoka kuna Efraimu, omwe muzi wawo uli mu Amaleki; wanthu wa Benjamini adakutewera iwe. Kuchoka ku Makiri atongi adabuluka basi, na kuchoka ku Zebuloni wale wakutakula mpsimbo ya mtsogoleri.¹⁵Mafumu yangu mu Isakara yakhana Debora; na Isakara akhana Baraki kumuthamagira pansi mchigwa kuchita kutumiwa na iye. Pakati pa mabanja ya Rubeni pakhana kutsimikiza mtima kukulu.¹⁶Thangweranyi mudakhala pakati nakati pa mbuto zakugasa moto, kutetekera amakabusa kuliza bzitoliro bza mabira yawo? Yangakhala mabanja ya Rubeni pakhana kutsimikiza mtima kukulu.¹⁷Gileadi adakhala basi ng'ambu ya Yorodano; na Dani, thangweranyi akhakhala apa na apa mu bzombo bza pamadzi? Aseri adakhala m'phepete achikhala pafupi na madoko yache. ¹⁸Azebuloni akhali wanthu adataya miyoyo yawo kufikira imfa, na Nafitali, kubodzi, kuthengo kunkhondo.¹⁹Mafumu yadabwera, yadamenya nkhondo; mafumu ya Kanani yadamenya nkhondo pa Taanaki pafupi na madzi ya pa Megido. Soma alibe kutakula siriva ninga bzakuba ku nkhondo. ²⁰Kuchoka kudzaulu nyenyezi zidamenya nkhondo, kuchoka mmipita mwawo kudzaulu zidamenyana na Sisera.²¹Mkulo wa Kisoni udawakokonola iwo, mkulo wakalekaleyo, Mkulo wa Kisoni. Famba pa moyo wangu, khala wa mphamvu! ²²Ndiye padabwera kugugudza kwa bziboda bza akavalo---kumogamoga, kumogamoga kwa wanthu wache wa mphamvu.²³Tembererani Merozi!' akulewa mnjero wa Yahova. 'Chadidi tembererani wanthu wakukhala momo!---thangwe iwo alibe kubwera kuthandiza Yahova--- kuthandiza Yahova pa nkhondo kulimbana na akamuna wa mphamvu.'²⁴Yaeli wadalisika kuposambo akazi wina wensene, Yaeli (mkazi wa Heberi wa ku Keni), iye ngwakudalisika kuposambo akazi wensene wakukhala mmahema. ²⁵Mwamunayo adakumbira madzi yakumwa, apo iye adamupasa mkaka; adamubweresera mafuta ya mkaka mchakutakulira chakuthemera wanthu waufulu.²⁶Iye adaphata boko lache nkhokho ya chihema, na boko lache lamadidi sando ikulu ya wanthu wa basa; na sandoyo iye adamenya Sisera, iye adatsotola msolo wache. Iye adatsotola chigoba cha msolo wache pomwe adamukhomera kuboola m'phepete mwa msolo wache. ²⁷Iye adagwa pakati nakati ya nzayo zache, iye adagwa gone popo. Pakati nakati ya nzayo zache adagwa mwakugwidoma. Mbuto ndiyo adagwerayo mpomwe iye adaphewera mwa nkhanza.²⁸Panja pa zenera iye adanyang'anisa---mayi wache wa Sisera adanyang'anisa na pa mphotcho apo iye adakuwa na mantha, 'Thangweranyi patenga nthawe itali kuti galeta lache libwere? Thangweranyi mijintchi ya nzayo za akavalo yakupfuwa magaleta yache idachedwesiwa?²⁹Akazi anzache wa nzeru adamutawira, apo iye yekha adatawirambo bzibodzibodzi: ³⁰Kodi iwo alibe kubzigumana achigawana bzakuba ku nkhondobzo--- chibaliro, bzibaliro bziwiri pala mwamuna aliyense; bzakuba bza nguwo za mathotho mathotho pala Sisera, bzakuba bza nguwo za mathotho mathotho za maluwa kwense kwense pala makosi ya iwo adabawo?'³¹Ndiye awengi wanu wense mbaamaliretu, Yahova! Soma iwo wakukonda imwe akhale ninga dzuwa lakubula mu mphamvu yache." Ndiye dzikolo lidakhana pa mtendere kwa magole makumi manayi.

6¹Wana wa Isaraeli adachita bzakuipa pamaso pa Yahova, apo iye adawapereka mmanja mwa Midyani kwa magole manomwe. ²Mphamvu za Midyani zidaboneresa Isaraeli. Thangwera Midyani, wana wa Isaraeli adabzikonzera okha bzakuthawira bza ming'alu mmapiri, mapanga, na malitsito.³Bzidachitika kuti nthawe iriyense a Isaraeli akambabzala mbeu, a Midyani na Amaleki na wanthu waku machibese akhambamenya Isaraeli. ⁴Iwo akhakhazikisa misasa yawo padziko mkudzonga mbeu, njira yensene ya ku Gaza. Alibe kusiya chakudya mu Isaraeli, neye mabira ayai ng'ombe ayai mabulu.⁵Pomwe iwo na bzifuwo bzawo na mahema adakwira nabzo, akhabwera ninga thimu la bziwala, apo bzikhali bzakutazika kulewenga wanthu ayai ngamira zawo. Iwo adathira nkhondo dzikolo kufuna kulidzonga. ⁶Midyani adalefukisa wana wa Isaraeli maninge mwakuti wana wa Isaraeli adalirira kuna Yahova.⁷Pomwe wana wa Isaraeli adalirira Yahova thangwera Midyani, ⁸Yahova adatumiza mneneri kuna wana wa Isaraeli. Mneneriyo adati kuna iwo, "Ichi ndicho Yohova Mulungu wa Isaraeli, walewa: 'Ndidakukwizani kuchoka ku Aigupto; Ndidakubulisani kuchoka mnyumba ya ukapolo.⁹Ndidakupulumusani kuchoka mmanja mwa wa ku Aigupto, na kuchoka mmanja mwa wensene ndiwo akhakuboneresani, ndidawathotha pamaso panu, ndichikupani dziko lawo. ¹⁰Ndidati kuna imwe, "Ndine Yahova Mulungu wanu; ndidakutongani nampodi kunamata milungu ya Aamori, omwe mulikukhala mdziko lawo." Soma mulibe kubvera mafala yangu.'"¹¹Tsapano mnjero wa Yahova adabwera achikhala patsinde pa mtungwi mu Ofira, omwe ukhali wa Yoasi (a Abiyezirite), pomwe Gibeoni, mwana wachimuna wa Yoasi, akhapuntha tirigu mchakupsinyira vinyu---kubisira a Midyani. ¹²Mnjero wa Yahova adaonekera kuna iye achiti naye, "Yahova ali nawe,iwe wankhondo wamphamvu!"¹³Gibeoni adati kuna iye, "Oh, mbuyangu, penu Yahova ali nafedi, Thangweranyi tsono bzensebzi bzatichitikira ife? Bziri kuponi bzichito bzakudabwisa bzense ndibzo abereki wathu adatiuza. Pomwe iwo adati, 'Kodi Yahova alibe kutibweresa kutikwiza kuchoka ku Aigupto?' Soma tsapano lino Yahova watilekerera ife mkutipereka mmanja mwa Midyani."¹⁴Yahova adamunyang'anisa iye achiti, "Ndoko mu mphamvu ndizo unazo kalezo. Pulumusa Isaraeli kuchoka mmanja mwa Midyani. Ndiribe kukutuma Ndine kodi?" ¹⁵Gidiyoni adati kuna iye, "Chonde, Mbuya, ningapulumuse Tani Isaraeli? Onani, dzinza langu ndakulefuka maninge mu Manase, apo Ndine mng'ono letu mnyumba ya babangu."¹⁶Yahova adati kuna iye, "Nimdzakhala nawe, apo umdzagonjesa wankhondo wense wa a Midyani ninga kuti ni munthu m'bodzi." ¹⁷Gidiyoni adati kuna iye, "Penu mwadekedwa nande, ndiye ndipeni chilatizo kuti ndimwedi mukusewera na ine. ¹⁸Chonde, nampodi muchoke pano, ate ndibwere kuna imwe ndichidzasokolosa mpfupo yangu mkuiikha pamaso panu." Yahova adati, "Nimdzadikhira ate iwe kubwerera."¹⁹Gidiyoni adayenda achikakonzekera ntchere ya mbuzi na ufa bwa mikate yakusaya chakufufumisa. Iye adaikha nyamayo mchisero, Achiikha msuzu mu m'phika achibzibweresa kuna iye patsinde pa muti wa thundu, mkubzipereka ibzo. ²⁰Mnjero wa Mulungu adati kuna iye, "Tenga nyama na mikate yakusaya chakufufumisayo uyiikhe pa mwala uyu, apo utsanulire msuziyo popo." Ichi ndicho Gidiyoni adachita.²¹Mnjero wa Yahova adafuthula nsonga ya mpsimbo mmanja mwache. Na iyo adakhuya nyamayi na mikate yakusaya chakufufumisa; moto udabula kukwira kuchoka mu mwalayo uchipserereza nyamayo na mikate wakusaya chakufufumisa. Ndiye mnjero wa Yahova udachoka apo Gidiyoni alibe kumuona pomwe iye.²²Gidiyoni adaona kuti uyu akhali mnjero wa Yahova. Gidiyoni adati, "Ah tsoka ine, Mbuya Yahova! Thangwe ndaona mnjero wa Yahova maso na maso!" ²³Yahova adati kuna iye, "Mtendere kuna iwe! Nampodi kubva mantha, unifa lini." ²⁴Ndiye Gidiyoni adamangira Yehova guwa la nsembe popo. Iye adalichemera, "Yahova ndiye mtendere." Ate lero likadalipo chiimire pa Ofira wa dzinza la a Abieziri.²⁵Usiku bumwebo Yahova adati kuna iye, "Tenga ng'ombe imuna ya babako, ndiyo ng'ombe yachiwiri ya magole manomwe, apo ugwese guwa la nsembe la Baala la babako, na kugwesa Asera omwe ali pambali pache. ²⁶Mangira Yahova Mulungu wako guwa la nsembe padzaulu pa mbuto ino ya kuthawira, apo ulimange mwakuteweza bwino. Pereka ng'ombe yachiwiriyo kukhala nsembe yakupserereza, kuphatisa basa nkhuni za Asera wagwesayo,"²⁷Ndiye Gidiyoni adatenga akapolo wache khumi wa iwo achichita ninga ndimo Yahova adamuuzira. Soma popeza akhana mantha makulutsa na banja la babache na amuna wa mmuyimo kuchita ichi masikatisikati, adachichita usiku.²⁸Machibese yache pomwe amuna wa mmuyimo adalamuka, guwa la Baala likhadagwesiwa, na Asera omwe akhali pambali pache akhadagwesiwa, apo ng'ombe imuna yachiwiri ikhadaperekiwa nsembe pa guwa ndilo likhadamangiwalo. ²⁹Amuna wa mmuyimo adati kuna wina na mwayache, "Mbani wachita bzobzi?" Pomwe iwo akhasewera kuna wina na mwayache kupsaga matawiro, iwo adati, "Gidiyoni mwana wachimuna wa Yoasi wachita bzinthu bzobzi."³⁰Amuna wa mmuyimo adati kuna Yoasi, "Bweresani kuno mwananu kuti aphiwe, thangwe iye wagwesa guwa la nsembe la Baala, na kuti wagwesa Asera pambali pache."³¹Yoasi adati kuna wense wakugazana naye iye, "Kodi mukumsewerera mulandu Baala? Mumdzamupulumusa iye? Omwe animukwerera mlandu, aphiwe letu yakadaki machibese Yano. Penu Baala ni Mulungu, Mulekeni abzisewerere yekha munthu angapsa guwa lache." ³²Mnthangwerache pa nsiku yoyo adamuchemera Gidiyoni "Yerub-Baala," thangwe iye adati, "Mulekeni Baala abzisewerere yekha kugazana na iye," thangwe Gidiyoni adagwesa guwa la nsembe lache la Baala.³³Tsapano a Midyani wensene, Aamakeki wensene, na wanthu wakumachibese adagwezekana pabodzi. Iwo adayambuka Yorodano achikamanga msasa Mchigwa cha Yezireeli.³⁴Soma Mzimu wa Yahova udabvazika Gidiyoni. Gidiyoni adaliza lipenga, kuchemera banja la Abieziri, kuti amutewere iye. ³⁵Iye adatuma mitumi mu Manase mwense, na iwo pomwe, adachemeriwa kumutewera iye. Iye adatuma pomwe mitumi kuna Aseri, Zebuloni, na Nafitali, achikwira kuyenda kukagumana naye.³⁶Gidiyoni adati kuna Mulungu, "Penu mumfuna kundiphatisa basa ine kupulumusa Isaraeli, ninga ndimo mwalewera-- ³⁷Onani, ndikuikha khanda la ukuse pa mbuto yakupunthira tirigu. Penu pakhanda pokhapo pamkhala mame, apo pamataka pense mkukhala padauma, ndiye nimdzadziwa kuti mumndiphatisadi basa kupulumusa Isaraeli, ninga mudalewera."³⁸Ibzi ndibzodi bzidachitika---Gidiyoni adalamuka kamkulumize machibese yache, iye adapsinya khandalo pabodzi, mkuponyongola mameyo kuchoka mkhandamo, madzi yache kukwana kudzala palato.³⁹Ndiye Gidiyoni adati kuna Mulungu," Nampodi kukalipa nande, nimsewera pomwe kachiwiri. Chonde ndibvumeni pomwe yezero libodzi la khanda. Ulendo buno umisani khanda, apo pakhale mame pa mataka yense ya kulizungulira." ⁴⁰Mulungu adachita ndibzo iye adakumbira usiku bumwebo. Khanda likhali lakuuma, pachikhala mame pa mataka yense kulizungulira.

7¹Kinangoka Yerubi-Baala (ndiye kuti, Gidiyoni) adalamuka machibesebese, na wanthu wense ndiwo iye akhanawo, achimanga msasa m'bali mwa mchera wa Harodi. Msasa wa Midyani ukhali kumaulo kwawo mchigwa kufupi na na phiri la More.²Yahova adati kuna Gidiyoni, "Pana achikunda azinjitsa pala ine ndikupe chipambano pa a Midyani, pala kuti Isaraeli nampodi andisamwire, kulewa kuti, 'Mphamvu zatekha zatipulumusa.' ³Tsapano mnthangwerache, lalikira mmakutu mwa wanthu ulewe, 'Ndiye ana manthayo, ndiye akunjenjemerayo, mulekeni abwerere apo anyamuke kuchoka pa Phiri la Gileadi.'" Ndiye wanthu bzulu makumi mawiri na bziwiri adayenda, apo bzulu khumi adasalira.⁴Yahova adati kuna Gidiyoni, "Wanthuwa akali azinjitsa basi. Atenge apolike kumadzi, apo nimdzakuchepesera iwo kuna iwe kumweko. Ningalewa kuna iwe, 'Uyu aniyenda nawe,' iye amdzayenda nawe; soma ningati, 'Uyu aniyenda lini nawe,' iye amdzayendadi lini."⁵Ndiye Gidiyoni adapolika nawo wanthuwo kumadzi, apo Yahova adati kuna iye, "Pambula aliyense omwe animwa madzi, mwakunyanguta ninga mbwaya, kusiyanisa na ndiwo anigodama pansi mkumbamwa." ⁶Amuna madzana matatu adamwa mwakunyanguta. Amuna wense winangoyo adachita kugodama pansi kumwa madzi.⁷Yahova adati kuna Gidiyoni, "Na amuna madzana matatu adanyangutawo, nimdzakupulumusa nawo iwe mkukupa chipambano pa a Midyani. Mulekeni munthu wina aliyenseyo abwerere ku mbuto kwache." ⁸Ndiye omwe adasankhuliwawo adatakula bzipangizo bzawo na malipenga yawo. Gidiyoni adabweza amuna wense wa Isaraeli, munthu aliyense kuchihema kwache, soma iye adakoya amuna madzana matatu. Tsapano msasa wa a Midyani ukhali kunyansi kwache mchigwa.⁹Usiku bokhabokhabo Yahova adati kuna iye, "Lamuka! Menya msasa, thangwe nimkupasa chipambano pa iwo. ¹⁰Soma penu una mantha kupolika kunyansi, polika na Pura nyabasa wako, ¹¹ukatetekere ndibzo iwo akulewa, apo kulimbika mtima kwako kumdzakhala kwa mphamvu kumenya msasayo." Ndiye Gidiyoni adayenda na Pura nyabasa wache, kupolika kuna tumakhumbi twa alindiri wa msasayo.¹²A Midyani, Aamaleki, na wanthu wense wakumachibese adakhala mwa kutewera chigwa, mwa ntchinya ninga mtambo wa bziwala. Ngamira zawo zikhali zakusaya kulewengeka; zikhali zizinjitsa kuwanda kwache kuposa mchenga m'bali mwa nyanza.¹³Pomwe Gidiyoni adafika popo, munthu akhasimba maloto kuna mwayache. Munthuyo adati, "Ona! ndikhana maloto, apo ndaona mkate wabulungire wa balere ukugunkhulika mumsasa mwa a Midyani. Udafika pa chihema, uchichisuntha mwamphamvu mwakuti udachigweseratu kuchigunkhuliza kudzaulu kukhala kunyansi, mwakuti chidagwa kunyalazika." ¹⁴Munthu winangoyo adati, "Ichi mchinangolini neye kupambula lupanga la Gidiyoni mwana wa Yoasi, mwamuna wa ku Isaraeli. Mulungu wapereka mmanja mwache a Midyani na achikunda wawo wense."¹⁵Pomwe Gidiyoni adabva kusimba pomwe kwa atulo wale na kuthumbudzulira kwache, adagodama kupemba. Iye adabwerera ku msasa wa Isaraeli achikati, "Lamukani! Yahova wapereka achikunda wa a Midyani mmanja mwanu." ¹⁶lye adagawa achikunda madzana matatu wale mmagulu matatu, achiwapa wense nyanga za atonde wa mabira na mitsuko yakusaya bzinthu na bzakubvunikira mu mtsuko uliwense.¹⁷Iye adati kuna iwo, "Ndinyang'aneni ine apo muchite bzomwe ndikuchita. Nyang'anisani! Ningafika kumapeto kwa msasa, muchite ndibzo ine nimchita. ¹⁸Ningaliza nyanga ya bira, ine na wense ndiwo ndinawo, kinangoko lizanimbo nyanga zamabira zanuzo mbali zense ndizo muli za msasa wenseyu apo mukuwe, 'Pala Yahova na pala Gidiyoni!'"¹⁹Ndiye Gidiyoni na amuna dzana omwe akhalinawo adafika kumalekezero kwa msasa, chaipo pa kuyambira ulindiri bwa pakati. Nthawe ndizo a Midyani atatondo kuchinja kumene alindiri, iwo adaliza nyanga za mabirazo achipsa mitsuko ndiyo ikhali mmanja mwawoyo.²⁰Mathimu matatu yale yadaliza nyanga za mabirazo mkupsa mitsukoyo. Iwo adaphata bzakubvunikira mmanja yawo yamadzere na nyanga zawo za atonde wa mabira mmanja yawo yakumadidi mkuziliza. Iwo adakuwa, "Lupanga la Yahova na la Gidiyoni." ²¹Munthu aliyense adaima pa mbuto yache kuzungulira misasayo apo wankhondo wense wa a Midyani adathamanga. Iwo adakuwa achithawiratu.²²Pomwe iwo adaliza nyanga za mabira madzana matatuzo, Yahova adatchera lupanga lirilense la m'Midyani kutosa mwayache na kutosana wankhondo wao okhaokha. Wankhondo adathawa kukafika kutali ku Bete Sita kunyang'ana ku Zerera, ate kutali kumalire ya Abele Mehola, kufupi na Tabati. ²³Wanthu wa Isaraeli wa ku Nafitali, Aseri, na Manase wense adachemeriwa, achikatewera a Midyani.²⁴Gidiyoni adatuma mitumi mdziko lense la mapiri la Efraimu, kulewa kuti, "Polikani kukalimbana na a Midyani apo mukatenge Mkulo wense wa Yorodano, ate kutali ku Beti Bara, kukawaimisa." Ndiye wanthu wense wa Efraimu adakontchezana achitenga madziyo, ate kutali ku Beti Bara na Mkulo wa Yorodano. ²⁵Iwo adaphata mafumu mawiri ya a Midyani, Orebi na Zeebi. Adapheratu Orebi pa thanthwe la Orebi, achipha Zeebi pambuto pa kupsinyira vinyu pa Zeebi. Iwo adatewera a Midyani, achibweresa misolo ya Orebi na Zeebi kuna Gidiyoni, omwe akhali ng'ambu ina ya Yorodano.

8¹Amuna wa mu Efraimu adati kuna Gidiyoni, "Mchani mwachitachi kuna ife? Mulibe kutichemera pomwe mudayenda kukamenya nkhondo kulimbana na a Midyani." Ndiye padakhala mkekedzano wa mphamvu.²Iye adati kuna iwo, "Mchani ndicho ndachita tsapano kulinganiza na imwepo? Kodi kukolola mpesa kwa Efraimu kukuposa lini kuchera mpesa kwa Abiezeri? ³Mulungu wapereka mafumu ya a Midyani mmanja mwanu--Orebi na Zeebi! Mchani ndakwanisa ine kuchita kundendemeza na imwe?" Ukali bwawo pa iye budaphwera pomwe iye adalewa ibzi.⁴Gidiyoni adafika pa Yorodano achiyambuka, iye na amuna madzana matatu omwe iye akhanawo. Iwo akhadalefuka, chensecho adapitiriza basi kutewera. ⁵Iye adati kuna amuna wa mu Sukoti, "Chonde perekani mikate kuna wanthu ndinaowa, thangwe alefuka, apo ine ndikutewera Zeba na Zalimuna, mafumu ya a Midyani."⁶Ndiye akapitawo wa ku Sukoti adati, "Kodi manja ya Zeba na Tsalimuna tsapano yali mmamnja mwako? Msabwanyi kuti tipereke mikate kuna wankhondo wako? ⁷Gidiyoni adati, Pomwe Yahova watipa Zeba na Tsalimuna mmanja mwathu, nimdzapuntha thupi lanu na minga ya mchipululu na tsongoza."⁸Iye adayenda kukwira kuchoka popo kuyenda ku Panueli achikalewa kuna wanthu kumweko terepoyo pomwe, soma amuna wa ku Panueli adatawira ndendende ninga ndimo amuna wa ku Sukoti akhadatawirira. ⁹Iye adasewera pomwe kuna amuna wa ku Panueli achiti, "Ningabwera pomwe na mtendere, nimdzagumula nsaka iyi."¹⁰Tsapano Zeha na Tsalimuna akhali ku Karikori na wankhondo wawo, pafupifupi amuna bzulu khumi na bzichanu, wense omwe adasala kunja kwa wankhondo wensene wa wanthu wa Kumachibese, thangwe akhadagwa amuna bzulu dzana libodzi na makumi mawiri wakumolola lupanga.¹¹Gidiyoni adayenda kukwira na mseu atatengiwa na wanthu wakukhala koko khumi, kupita mu Noba na Yogibea. Iye adagonjesa wankhondo wakumenyana nawo, thangwe iwo akhadikhirira lini kuti angamenyiwe. ¹²Zeba na Tsalimuna adathawa, apo pomwe Gidiyoni adawathotha basi iwo, adayaphata mafumu mawiriya ya a Midyani---Zeba na Tsalimuna---achiikha wankhondo wawo wense pa mpanipani.¹³Gidiyoni, mwana wachimuna wa Yoasi, adabwerera kuchoka ku nkhondo kuyenda kupita na mu mpita wa Heresi. ¹⁴Iye adaphata mnyamata wa ku Sukoti mkumubvunza iye. Mnyamatayo adanemba madzina ya akapitawo makumi manomwe na manomwe na akulu akulu wa mu Sukoti.¹⁵Gidiyoni adabwera kuna amuna wa Sukoti achiti, "Nyang'anani Zeba na Tsalimuna, omwe mudanditombodzeraa nawo ine mkuti, "Kodi mwagonjesa kale Zeba na Tsalimuna? Tikudziwa lini bzobzo kuti tipasiletu mikate wankhondo wako.'" ¹⁶Gidiyoni adatenga akulu wa muyi, achilanga amuna wa mu Sukoti na minga za mchipululu na mtungwi. ¹⁷Ndiye adagwesa pansi nsaka ya Penueli achipheratu amuna wa mu mzinda umweyo.¹⁸Ndiye Gidiyoni adati kuna Zeba na Tsalimuna, "Mbaamuna wakutani ndiwo imwe mudapha pa Tabori?" Iwo adatawira, "Ninga ulirimu, ndimombo iwo akhaliri. Aliyense wa iwo akhaoneka ninga mwana wa mfumu." ¹⁹Gidiyoni adati,"Amwewo akhali abale wangu, wana wachimuna wa mayi wangu. Ninga ndimo Yahova ali na moyo, muchikhala mudawapulumusa iwo wamoyo, ine ningadakuphani lini."²⁰Iye adati kuna Yeteri (mwanache wachimuna wakutoma)' "Lamuka uwaphe iwo!" Soma mnyamatayo alibe kumolola lupanga lache nakuti iye akhana mantha, thangwe akhali mnyamata. ²¹Ndiye Zeba na Tsalimuna adati, "Lamuka wekha utiphe ife! thangwe ninga munthu aliri mtenepombo na mphamvu zache." Gidiyoni adalamuka achipha Zeba na Tsalimuna. Iye adakhundula pomwe mphande zomwe zikhadabvazika mmakosi mwa ngamira zawo.²²Ndiye wanthu wa Isaraeli adati kuna Gidiyoni, "Titongeni ife--imwepo, mwananu wachimuna, na mzukulu wanu wachimuna---thangwera mwatipulumusa ife mmanja mwa a Midyani. ²³Gidiyoni adati kuna iwo, "Nimkutongani lini, ayai mwananguyu kukutongani. Yahova ndiye amdzakutongani imwe."²⁴Gidiyoni adati kuna iwo, "Lekani ndikumbire kuna imwe, kuti aliyense wa imwe andipase bzache bzakuba kunkhondo." (A Midyani akhanabzo bzakuba bza golide thangwe bzikhali bza Ismayeli.) ²⁵Iwo adatawira, "Ndife wakusekera kupereka bzobzi kuna imwe." Iwo adatandika chakubvala apo munthu aliyense adathusa popo bzakuba kunkhondobzo.²⁶Kulemera kwa bzakuba bza oro ndibzo iye adakumbira bzikhali masekere chulu chibodzi na madzana masere ya oro. Bzakuba kunkhondo ibzi bzikhali bzakuphatanidza na bzakuoneka ninga mwezi wakukhwedzuka ndimo umbakhalira, bzitunga, bzakubvala bza chibakuwa bzakubvaliwa na mfumu ya Midyani, na kuphatanidza na njema za kuzungulira mmakosi ya ngamira zawo.²⁷Gidiyoni adawakonzera fano lakukonza na bzakuba kunkhondo bzire mkuliikha mmuyi mwache, mu Ofira, apo a Isaraeli wense adaligodamira kulinamata ilo mwemo. Lidasanduka mlapu. kuna Gidiyoni na kuna iwo wa mnyumba yache. ²⁸Ndiye Midyani adagonjesewa pamaso pa wana wa Isaraeli apo alibe kulamusa pomwe misolo yawo. Ndiye dzikolo lidakhala pa mtendere kwa magole makumi manayi mu nsiku za Gidiyoni.²⁹Yerubi-Baala, mwana wachimuna wa Yoasi, adayenda achikakhala mnyumba mwache mwa iye yekha. ³⁰Gidiyoni akhana wana wachimuna makumi manomwe omwe akhali wa mbeu yache, thangwe iye akhana akazi azinji. ³¹Mkazache mng'ono, omwe akhali wa ku Sekemu, adamubalira pomwe iye mwana wachimuna, apo Gidiyoni adamupa iye dzina lakuti Abimeleki.³²Gidiyoni, mwana wachimuna wa Yoasi, adafa pa msinkhu wakukalamba wabwino achifuchiriwa mnthenje la Yoasi babache, mu Ofira wa banja la Aabiezeri. ³³Bzidachitika nthawe ndizo, Gidiyoni atatondo kufa, wana wa Isaraeli adaphinduka pomwe achichita chigololo okha pa kunamata a Baala. Iwo adasandusa Baala-Beriti mulungu wawo.³⁴Wana wa Isaraeli alibe kukumbuka kulemekeza Yahova, Mulungu wawo, omwe akhadawapulumusa iwo mmanja mwa awengi wao wense kuchoka mbali iriyense. ³⁵Iwo alibe kukoya malonjezo yawo kuna nyumba ya Yerubi-Baala (ndiye kuti, Gidiyoni), matsintha na bzakuoma bzense iye akhadachita mu Isaraeli.

9¹Abimeleke mwana wachimuna wa Yerubi-Baala adayenda kuna abale wa mayi wache pa Sekemu achilewa kuna iwo na banja lense la mayi wache, ²"Pirizi lewa tere, pala kuti atsogoleri wense wa mu Sekemu abve, 'Nkhasa mchani kuna imwe, kuti wana wachimuna wense makumi manomwe wa Yerubi-Baala akutongeni imwe, ayai kuti m'bodzi yekha akutongeni?' Kumbukirani kuti ndine pfupa lanu na mnomfu wanu."³Abale wa mai wache adamusewerera iye kuna atsogoleri wa Sekemu, apo iwo adabvuma kutewera Abimeleke, thangwe iwo adati, "Iye ni m'bale wathu." ⁴Iwo adamupa mapidaso makumi manomwe ya siriva kunja kwa nyumba ya Baala-Beriti, apo Abimeleke adaphatiwa basa siriva kunemba basa wanthu wapezipezi na wakusaya kusamala, omwe adafamba naye.⁵Abimeleki adayenda kunyumba ya babache ku Ofira, apo pa thanthwe libodzi iye adapha abale wache makumi manomwe, Wana wachimuna wa Yerubi-Baala. Yotamu yekha ndiye adasala, mwana wachimuna wakumalizira wa Yerubi-Baala, thangwe iye adabisalika yekha. ⁶Akulu wense wa mu Sekemu na Beti Milo adabwera pabodzi achiyenda kukamuikha ufumu Abimeleke, pamphepete pa thundu pafupi na chipilala ndicho chili mu Sekemu.⁷Nthawe ndizo Yotamu adauziwa bzobzi, adayenda achikaima pa Phiri la Gerizimu. Iye adakuwa achiti kuna iwo. "Nditerekereni, imwe akulu wa mu Sekemu, pala kuti Mulungu akubvereni. ⁸Miti nthawe zina idayenda kukadzoza mfumu yawo. Thangwe iyo idati ku muti wa azitona, 'Utitonge ife.'⁹Soma muti wa azitona udati kuna iyo, 'Kodi ndikupeni bzizinji bzangu, ndibzo milungu na wanthu ambalemekezeka nabzo, mkukalenga pa miti inango?' ¹⁰Mitiyo idati ku muti wa mkuyu, 'Bwera ikhale mtongi wathu.' ¹¹Soma muti wa mkuyu udati kuna iyo, 'Ndileke kutapira mwangu na chipaso chabwino, tenepo ndibwerere mkukalenga pa miti inango?'¹²Miti idati ku muti wa mpesa, 'Bwera ukhale mtongi wathu, ' ¹³Mpesa idati kuna iyo, 'Ndisiye vinyu wangu mupsayu, omwe umbachitisa milungu na wanthu kudekedwa, apo mkubwerera kukalenga pa miti?' ¹⁴Kinangoka miti yensene idati kuna muti wa minga, 'Bwera umatitonge iwepo.'¹⁵ti waminga udati kuna miti, 'Penu mumfuna chadidi kundiikha mfumu yanu, ndiye bwerani mudzaose pa mthunzi wangu. Penu neye, ndiye bvumani moto ubule mmuti waminga apo ulekeni utenthe mikungudza ya Lebano.' ¹⁶Tsapano mnthangwerache, penu mudachitachi mchadidi na mwa ngwiro, nthawe mudaikha Abimeleke kukhala mfumu, apo panu mudachita bwino bzakukhudzana na Yeru-Baala na nyumba yache, apo penu mudamulanga ninga ndimo iye akhafujikiradi--¹⁷na kukumbuka kuti babangu adakumenyerani nkhondo, adaikha moyo wao pakugopsa, mkukulombolani mmanja mwa a Midyani-- ¹⁸soma lero imwe mwagandukira kugazana na nyumba ya babangu mkupha wanawo wachimuna, wanthu makumi manomwe, pa thanthwe libodzi. Ndiye mwaikha Abimeleke, mwana wachimuna wa kapolo wawo wachikazi, kukhala mfumu ya akulu akulu wa mu Sekemu. thangwera kuti iye ni m'bale wanu.¹⁹Penu mudachitadi na chikhulupiriro na mwangwiro pa Yerubi-Baala ule na nyumba yache, ndiye musekere mwa Abimeleki, apo iye pomwe mulekeni asekere namwe. ²⁰Soma penu neye, ulekeni moto ubule mwa Abimeleki mkutentha wanthu wa mu Sekemu na Beti Milo. Ulekeni moto ubule mwa amuna wa mu Sekemu na Beti Milo, kutentha Abimeleki." ²¹Yotamu adathawa achithamanga, achiyenda ku Beeri. Iye adakakhala koko thangwe kukhali kutali maninge na ndiko kukhana Abimeleki, mano wache.²²Abimeleki adatonga Isaraeli kwa magole matatu. ²³Mulungu adatuma mzimu wakuipa pakati pa Abimeleke na akuluakulu wa mu Sekemu. Akuluakulu wa mu Sekemu adataya chikhulupiriro ndicho iwo akhanacho mwa Abimeleki. ²⁴Mulungu adachita ichi kuti chiwawa chidachitikira wana wachimuna makumi manomwe wa Yerubi-Baala kubwezeriwe apo mulopa wawo ukhale pa Abimeleki mano wawo, na amuna wa mu Sekemu amdzakhala wakutawira mulandu thangwe iwo adamuthandiza iye kupha azimano wachewo.²⁵Ndiye akuluakulu wa mu Sekemu adaikha wathu kugona akudikhirira pa katolotolo pa mapiri kuti amuchitire iye chiwembu, apo iwo adabera wense omwe akhagwata pafupi na iwo kutewera niira. Ibzi adauziwa Abimeleki.²⁶Gaala mwana wachimuna wa Ebedi adabwera na abale wache achipitirira kuyenda ku Sekemu. Akuluakulu wa mu Sekemu akhana chikhulupiriro mwa iye. ²⁷Iwo adabula kuyenda kumunda kukatcha bzipaso kuchoka mminda ya mpesa, achiipondedza iyo. Iwo adachita msinda mnyumba mwa kamulungu kawo, komwe adadya na kumwa, achitemberera Abimeleki.²⁸Gaala mwana wachimuna wa Ebedi, adati, ''Abimeleki mbani, apo Sekemu mbani, kuti timbamutumikire? Kodi ni mwana lini wachimuna wa Yerub-Baala? Kodi Zebuli ni kazembe lini wache? Tumikirani amuna wa Hamori, babache wa Sekemu! Thangweranyi kuti titumikire Abimeleki? ²⁹Ndikutondo kukhumba kuti wanthu amwewa achikhala mmanja mwangu inepano! Ndiye ningadamchosa Abimeleki.. Ningadati kuna Abimeleki, ''Chemeresa thimu lako lensene muchoke.''''³⁰Pomwe Zebuli, wakunyang'anira muyi, adabva mafala ya Gaala mwana wachimuna wa Ebedi ukali bwache budagaka. ³¹Iye adatuma mitumi kuyenda kuna Abimeleki kukamunyengeza, kulewa kuti, ''Ona, Gaala mwana wachimuna wa Ebedi na abale wache akubwera ku Sekemu, apo apandukisa muyiyu kugazana nawe.³²Tsapano, lamuka usiku, iwe na achikunda pabodzi nawe, apo mukonzekere nkhondo mthengo. ³³Ndiye machibese yache, dzuwa lingatondo kubula, lamukani kamkulumize mukamenye mzindayo. Pomwe iye na wanthu pabodzi naye angakabula kulimbana namwe, mukachite ndibzo mungakakwanise kuna iwo.''³⁴Ndiye Abimeleki adalamuka usiku, iye na amuna wense ndiwo akhanawo, apo adakonzekera nkhondo kulimbana na Sekemu--- kugawana mathimu manayi. ³⁵Gaala mwana wachimuna wa Ebedi adabula panja achikaima pa mpita wa muyi. Abimeleki na amuna omwe iye akhanawo adabula padecha kuchoka pakubisalika pawo.³⁶Pomwe Gaala adaona amunawo, adati kuna Zebuli, ''Ona, amuna akubuluka kuchoka padzaulu pa mapiri!'' Zebuli adati kuna iye, ''Ukuona bzibvulubvuli bza mapiri kukhala ninga ni wanthu.'' ³⁷Gaala adasewera pomwe achiti, ''Nyang'anisa, amuna akubuluka pakati nakati pa dziko, apo thimu libodzi likubwera na njira ya ku thundu wa anyakubvima.''³⁸Ndiye Zebuli adati kuna iye, ''Mafala yako umbasamwanayoyo yali kuponi tsapano, iwe omwe udati, ''Abimeleke mbani kuti timutumikire iye? Awa ndiwo lini amuna ukhawanyoza wale? Bula tsapano umenyane nawo.'' ³⁹Gaala adabula achitsogolera amuna wa ku Sekemu, apo adamenyana na Abimeleki. ⁴⁰Abimeleki adathamangisa iye, apo Gaala adathawa pamaso pache. Azinji adafa na bzilonda pamaso pa mpita wa muyiyo.⁴¹Abimeleki adakhala mu Aruma. Zebuli adangingimiza Gaala na abale wache kuchoka mu Sekemu. ⁴²Mangwana yache wanthu wa mu Sekemu adabula kuyenda mminda, achiuza Abimeleki. ⁴³Iye adatenga wanthu wache, mkuwagawa mathimu matatu, achiwaikha mwakukonzekera nkhondo mminda. Iye adanyang'anisa achiona wanthu akubula kuchoka mmuyi apo iye adawamenya achiwapha iwo.⁴⁴Abimeleki na mathimu ndiyo iye akhanayo adamenya achifunga mseu wakuyendera pa mpita wa muyiyo. Mathimu ina mawiriyo yadamenya wense ndiwo akhali mminda achiwapha. ⁴⁵Abimeleki adamenyana na muyiyo nsiku yamteroyo. Iye adatenga muyiyo, achipha wanthu ndiwo akhali momo. Iye adagwesa malitsito ya muyiyo achiuwaza munyu.⁴⁶Nthawe ndizo akulu wa nsaka ya mu Sekemu adabva bzobzi, adayenda chaiko kumbathemba Eli-Beriti. ⁴⁷Abimeleki adauziwa kuti akulu wensene adagwezekana pabodzi pa nsaka ya Sekemu.⁴⁸Abimeleki adayenda kukwira Phiri la Zalimoni, iye na amuna wache wensene omwe akhanawo. Abimeleki adatenga mbadzo achigwata mitawi. Adaitakula paphewa pache achiuza amuna akhanawowo, ''Ndibzo mwaona ine kuchita, kulumizani muchite ninga ndachitiramu.'' ⁴⁹Ndiye aliyense adagwata mitawi achitewera Abimeleki. Iwo adaigwezeka iyo kuyadzamirisa litsito la nsaka, achigasa pambathemba iyepo na moto, mwakuti wanthu wensene wa nsaka ya Sekemu adafa, pafupifupi wakukwana chulu amuna na akazi.⁵⁰Ndiye Abimeleki adayenda ku Tebezi, achiumangira Tebezi misasa achiutenga iwo. ⁵¹Soma mukhana nsaka yakulimba mmuyimo, apo amuna wense na akazi na akulu wa muyiyo adathawira kumweko achibzifungira okha mwemo. Ndiye iwo adakwira pansodzi pa nsakayo.⁵²Abimeleki adabwera ku nsakayo achimenya kulimbana nayo, apo adakwira kufendera pamsuwo pa nsakayo achiitentha. ⁵³Soma mkazi adadodezera mwala wa mpheyo pa msolo pa Abimeleki uchipsa msolo wache. ⁵⁴Ndiye iye adachemera kamkulumize mnyamata omwe akhali wakusenza bzida bzache, achiti kuna iye, ''Molola lupanga lako undiphe ine, ndiye palibe amdzati bza ine, 'Mkazi ndiye adamupha.''' Ndiye mnyamata wache adamupsonda iye, achifa.⁵⁵Pomwe wanthu wa mu Isaraeli adaona kuti Abimeleki wafa, adayenda kumuyi. ⁵⁶Ndiye Mulungu adabwezera kuipa kwa Abimeleki ndiko adachita kuna babache na kupha azimano wache makumi manomwe. ⁵⁷Mulungu adachita kuipa kwa amuna wa mu Sekemu kubwerera pa misolo yawo apo pa iwo padabwera themberero la Yotamu mwana wachimuna wa Yerubi-Baala.

10¹Atapita Abimeleki, Tola mwana wachimuna wa Pua mwana wachimuna wa Dodo, mwamuna wakuchoka kuna Isakara wakukhala mu Samiri, mdziko lamapiri la Efraimu, adalamuka kudzapulumusa Isaraeli. ²Iye adatonga Isaraeli magole makumi mawiri na matatu. Iye adafa achiikhiwa mu Samiri.³Iye adatewerewa na Yairi waku Gileadi. Iye adatonga Isaraeli magole makumi mawiri na mawiri. ⁴Iye akhana wana wachimuna makumi matatu omwe akhafamba pa mabulu makumi matatu, apo akhana miyi makumi matatu, yakuchemerewa Havoti ⁵Yairi ate lero lino, yomwe iri mdziko la Gileadi. Yairi adafa achiikhiwa mu Kamoni.⁶Wana wa isaraeli adathimizira pa bzakuipa ndibzo iwo adachita pamaso pa YAhova achinamata a Baala, Asitoreti, milungu ya Aramu, milungu ya Sidoni, milungu ya Moabu, milungu ya wanthu wa ku Amoni, ma milungu ya Afirisiti. Iwo adataya Yahova achilekeza kumunamata iye. ⁷Yahova atatentheka na ukali pa Isaraeli, achiwagulisa iwo mmanja mwa Afirisiti na mmanja mwa Amoni.⁸Iwo adaphotola achiboneresa wana wa Isaraeli gole limwelo, apo pa magole khumi na masere adakhala achiboneresa wana wensene wa Isaraeli omwe akhali ng'ambu ya Yorodano mdziko la Aamori, lomwe liri mu Gileadi. ⁹Ndiye wanthu wa mu Aamori adayambuka Yorodano kukamenyana na Yuda, kukalimbana na Benjamini, na kulimbana na nyumba ya Efraimu, mwakuti Isaraeli adabonera kwene kwene.¹⁰Wana wa Isaraeli adakuwa kuna Yahova, kulewa kuti, ''Takuphonyerani ife, thangwe tidaphindukira Mulungu wathu mkumbanamata a Baala.'' ¹¹Yahova adati kuna wana wa Isaraeli, ''Ndiribe kukupulumusani imwe mmanja mwa Aigupto, Aamori, Amoni, Afirisiti, ¹²na kuchoka kuna a Sidoni? Amaleki na Amaoni adakuboneresani imwe; mudakuwa kuna ine, ndichikupulumusani ine kuchoka mmanja mwawo.¹³Chensecho mudandiphindukura pomwe ine mkumbanamata milungu inango. Mthangwerache, nimpitiriza lini kuthimizira nthawe yakukupulumusani imwepo. ¹⁴Ndokoni mukachemere milungu ndiyo mwainamatayo. Ilekeni ikupulumuseni imwe mungagumana mabvuto.''¹⁵Wana wa Isaraeli adati kuna Yahova, ''Taphonya. Chitani kuna ife ndicho chinioneka chabwino kuna imwe. Pirizi, tipulumuseni lero lokha.'' ¹⁶Iwo adachosa milungu yachilendo pakati pawo achinamata Yahova. Ndiye Yahova adaphatiwa nsisi thangwera kubonera kwa wana wa Isaraeli.¹⁷Ndiye Amoni adalalikiriwa achimanga msasa mu Gileadi. Wana wa Isaraeli adabwera pabodzi achimanga msasa wawo pa Mizipa. ¹⁸Akuluakulu wa wanthu wa mu Gileadi adati kuna wina na mwayache, ''Ni munthunyi ndiye amdzayamba kulimbana na Amoni? Iye amdzakhala mkulu wa wense wakukhala mu Gileadi.''

11²¹Tsapano Yefita wa ku Gileadi akhali wankhondo wamphamvu, soma akhali mwana wa puta. Akhali mwana wa Gileadi. ²Mkazi wa Gileadi adam'balira pomwe iye wana wina wachimuna. Pomwe wana wachimuna wa mkazachewo adakula, adangingimiza Yefita kuchoka mnumbamo achiti kuna iye, ''Unikhala lini na chakusiiriwa chirichense cha m'banja la babathu. Ndiwe mwana wa mayi wina.'' ³Ndiye Yefita adathawa kuchoka pa azimano wache achikakhala mdziko la Tobu, apo amuna wapezipezi adagwezekana kuzungulira Yefita achifamba naye.⁴Patapita nsiku zinango, wanthu wa mu Amoni adachita nkhondo kulimbana na Isaraeli. ⁵Wanthu wa Amoni atachita nkhondo kulimbana na Isaraeli, akulu wa mu Gileadi adayenda kukatenga Yefita kubwera naye kudziko la Tobu. ⁶Iwo adati kina Yefita, ''Bwera udzakhale mtsogoleri wathu pala kuti timenyane na wanthu wa Amoni.''⁷Yefita adati kuna akulu wa ku Gileadi, ''Mundandiwenga imwepo muchindingingimiza kuchoka mnyumba mwa babangu. Thangweranyi mulikubwera kuna ine tsapano nthawe ndizo mwabonera?'' ⁸Akulu wa ku Gileadi adati kuna Yefita, ''Mthangwerache tikutembenukira kuna iwe tsapano; bwera nafe udzamenye wanthu wa ku Amoni, apo umdzakhala mkulu wa wensene wakukhala mu Gileadi.''⁹Yefita adati kuna akulu wa mu Gileadi, ''Penu mum'diyendesa pomwe kumuyi kukamenyana na wanthu wa Amoni, apo penu Yahova amkatipa chipambano pa iwo, nimdzakhala mtsogoleri wanu.'' ¹⁰Akulu wa mu Gileadi adati kuna Yefita, ''Yahova mbaakhale mboni pakati pathu penu timdzachita lini ndibzo talewabzi!'' ¹¹Ndiye Yefita adayenda na akulu wa mu Gileadi, apo wanthu adamuikha iye kukhala mkulu na mtongi wawo. Pomwe iye akhali pamaso pa Yahova mu Mizipa, Yefita adabwerezera malonjezo yense ndiyo iye adachita.¹²Ndiye Yefita adatuma mitumi kuna mfumu ya wanthu wa Amoni, kulewa kuti, ''Mpokanoyu ngwanyi pakati pathu? Thangweranyi mwabwera na mavuvu kudzatenga dziko lathu?'' ¹³Mfumu ya Amoni idatawira mitumi ya Yefita, ''Thangwe pomwe a Isaraeli adakwira kuchoka ku Aigupto, iwo adapsokonyola dziko langu kuchoka mmanja mwa Amoni kuyenda kuna Yaboki, kuyambuka ku Yorodano. Tsapano bwezerani madziko yoyo mwamtendere.''¹⁴Yefita adatuma pomwe mitumi kuyenda kuna mfumu ya Amoni, ¹⁵apo iye adati, ''Ibzi ndibzo Yefita walewa: A Isaraeli alibe kutenga dziko la Moabu na dziko la Amoni, ¹⁶soma iwo adabwera kukwira kuchoka ku Aigupto, apo Isaraeli adayenda kupita na mchipululu kuyenda ku Nyanza Ifwira na pa Kadesi.¹⁷Pomwe a Isaraeli adatuma mitumi kuna mfumu ya ku Edomu, kulewa kuti, 'Pirizi tibvumenimbo tigwate na mdziko mwanumu,' mfumu ya mu Edomu iribe kutetekera. Iwo adatuma pomwe mitumi kuna mfumu ya ku Moabu, soma iyo idalamba. Ndiye Isaraeli adakhala pa Kadesi. ¹⁸Ndiye iwo adayenda kudzera na mchipululu achichungunuka kuchoka kudziko la Edomu na dziko la Moabu, achiyenda kutewera mbali ya kumachibese kwa dziko la Moabu achimanga msasa ku mbali ina ya Arimoni. Soma iwo alibe kuyendera mphimpha ya ku Moabu, thangwe Arinoni akhali malire na Moabu.¹⁹Isaraeli adatuma mitumi kuyenda kuna Sihoni, mfumu ya Amori, yomwe ikhatonga mu Hesiboni; Isaraeli adati kuna iye, 'Pirizi, tibvumeni tigwate na mdziko mwanumu kuyenda ku dziko lathu.' ²⁰Soma Sihoni alibe kumukhulupirira Isaraeli kugwata na mdziko mwache. Ndiye Sihoni adagwezeka wankhondo wache pabodzi achimanga msasa pa Yahazi, apo popo iye adamenyana na Isaraeli.²¹KInangoka Yahova, Mulungu wa Isaraeli, adapereka Sihoni na wanthu wache wensene mmanja mwa Isaraeli achiwagonjesa iwo. Ndiye Isaraeli adatenga dziko lensene la wanthu wa Amori omwe akhakhala mdzikomo. ²²Iwo adatenga chirichense mdziko la Amori, kuchokera ku Arinoni kufika ku Yaboki, na kuchokera ku chipululu kufika ku Yorodano.²³Ndiye Yahova, Mulungu wa Isaraeli, wathamangisa Amori pamaso pa wantu wache a Isaraeli, apo tsapano si imwe mumtenga dziko lawo? ²⁴Munitenga lini dziko la Kemosi, ndilo mulungu wanu, wakupani? Ndiye dziko lirilense ndilo Yahova Mulungu wathu watipa, tinilitenga. ²⁵Tsapano ulimbo nkhasa kusiyana na Balaki mwana wachimuna wa Zipori, mfumu ya Moabu? Kodi iye adayezera kuchita makani na Isaraeli? Iye adachita kale nkhondo kulimbana nawo?²⁶Pomwe a Isaraeli adakhala magole madzana matatu mu Hesiboni na miyi yache, na mu Aroeli na miyi yache, na mmiyi yensene ndiyo ili m'bali mwa Arinoni--thangweranyi tsono mulibe kuwabwezera mmambuyo nthawe zozo? ²⁷Ndiribe kukuphonyera, soma iwepo ukundiphonyera pakundimenya ine. Yahova, wakuyeruzayo, amdzakumbuka lero pakati pa wana wa Isaraeli na wanthu wa ku Amoni.'' ²⁸Soma mfumu ya wanthu wa ku Amoni idalamba chenjezo ndilo Yefita adaitumizira.²⁹Ndiye Mzimu wa Yahova udam'bwerera Yefita, apo adagwata na mu Gileadi na Manase, achigwata na mu Mizipa wa ku Gileadi, apo kuchoka mu Mizipa wa ku Gileadi iye adagwata na mwa wanthu wa mu Amoni. ³¹Yefita adachita lumbiro kuna Yahova achiti, ''Mungandipambanisa kuna wanthu wa Amoni, ³⁰ndiye chirichense chakubula panja kuchoka mmisuwo ya nyumba yangu kudzagumana nande ningadzabwerera mwamtendere kuchoka kuna wanthu wa Amoni chimdzakhala cha Yahova, apo nimdzachipereka icho kukhala nsembe yakupserereza.''³²Ndiye Yefita adagwata na mwa wantu wa mu Amoni kumenyana nawo, apo Yahova adamupa iye chipambano. ³³Iye adawamenya iwo achichita maphedwe makulu kuchoka ku Aroeri kufika ku Miniti_miyi makumi mawiri-- na kufika ku Abeli Keramimu. Ndiye wanthu wa Amoni adagonjesewa pamaso pa wana wa Isaraeli.³⁴Yefita adabwerera kumuyi kwache ku Mizipa, apo kumweko mwanache wachikazi adabula kudzagumana naye na nthungululu na kubzina. Iye akhali mwanache yekhayo, apo pambali pache akhalibe pomwe mwana wachimuna ayai wachikazi. ³⁵Pomwe iye adatondo kumuona iye, adaphadzula bzakubvala bzache achiti, ''Oh! Mwanangu! Wandidzonga ine na nsisi, apo wakhala m'bodzi wakundiboneresa ine! Thangwe ndafungula pamwa pangu kuna Yahova, apo ningabweze lini lonjezo langu.''³⁶Iye adati kuna iye, ''Babangu, mwachita lumbiro kuna Yahova, chitani kuna ine chirichense mudalonjezacho, thangwe Yahova wakubwezererani imwe awengi wanu, wanthu wa ku Amori.'' ³⁷Iye adati kuna babache, ''Bvumani lonjezo limweri likoyewe pa ine. Ndilekeni ndekha kwa miyezi miwiri, kuti ndinyamuke kupolika ku mapiri kukalirira udende bwangu, ine na anzangu.''³⁸Iye adati, ''Ndoko.'' Iye adamutumiza iye kwa miyezi miwiri. Iye adamusiya iye, iye na anzache, apo iwo adakalirira udende bwache mmapiri. ³⁹Pa kumala kwa miyezi miwiri iye adabwerera kuna babache, omwe adachita kuna iye malingana na lumbiro ndilo iwo akhadachita. Tsapano iye akhanati kumdziwa mwamuna, apo udasanduka mtemo mu Isaraeli ⁴⁰kuti wana wachikazi wa Isaraeli gole lirilense, kwa nsiku zinayi, ambabwerezera kusimba nkhani ya mwana wachikazi wa Yefita wa ku Gileadi.

12¹Mchemero udafikira amuna wa mu Efraimu; iwo adagwata na mu Zafoni achiti kuna Yefita, ''Thangweranyi udapitirira kukachita nkhondo na wanthu wa mu Amoni ife neye kitiuza kuti tiyende nawe? Timdzatentha nyumba yako pa msolo pako.'' ²Yefita adati kuna iwo, ''Ine na wanthu wangu tidakekedzana maninge na wanthu wa Amoni. Pomwe ndidakuchemerani imwepo, mulibe kubwera kudzandipulumusa mmanja mwawo.³Pomwe ndidaona kuti mulibe kundipulumusa, ndidaikha moyo wangu mmanja mwangu ndichigwata mwakugazana na wanthu wa Amoni, apo Yahova adandipa ine chipambano. Thangweranyi mwabwera kudzamenyana nande lero lino?'' ⁴Yefita adagwezeka pabodzi amuna wensene wa mu Gileadi achimenyana na Efraimu. Amuna wa mu Gileadi adamenya amuna wa mu Efraimu thangwera adati, ''Imwe a Gileadi ndimwe wakuthawa kudzabisalika mu Efraimu-- mu Efraimu na mu Manase.''⁵A Gileadi adatenga madoko ya Yorodano yakufikiza ku Efraimu. Pomwe aliyense wakupulumuka wa mu Efraimu adati, ''Lekani ndiyambuke ng'ambu ya mkulo,'' amuna wa mu Gileadi amdzati kuna iye, ''Kodi ndiwe wa ku Efraimu iwepo?'' Penu iye amdzalewa, ''Neye,'' ⁶ndiye iwo amdzati kuna iye, ''Lewa: Shiboleti, ''apo iye achiti ''Siboleti''( nakuti alibe kukwanisa kutchula mwakuteweza falalo), A gileadi adamuphata mkumupha pa doko la Yorodano. A Efraimu bzulu makumi manayi na bziwiri adaphiwa panthawe yoyo.⁷Yefita adatumikira ninga wakuyeruza pa Isaraeli kwa magole matanthatu. Ndiye Yefita wa ku Gileadi adafa achifuchiriwa mu ubodzi wa miyi ya mu Gileadi.⁸Atamala iye, Ibzani wa ku Beterehemu adatumikira ninga wakuyeruza wa Isaraeli. ⁹Iye akhana wana wachimuna makumi matatu. Iye adalooza kutali wana wachikazi makumi matatu achibweresa kuchoka kunja wana wachikazi wa amuna wina pala wanache wachimuna. Iye adayeruza Isaraeli kwa magole manomwe.¹⁰Ibzani adafa achiikhiwa pa Beterehemu. ¹¹Atapita iye Eloni wa ku Zebuloni adatumikira ninga wakuyeruza wa Isaraeli. Iye adatumikira Isaraeli kwa Magole khumi. ¹²Eloni wa ku Zebuloni adafa achiikhiwa mu Aijaloni mdziko la Zebuloni.¹³Atapita iye, Abidoni mwana wachimuna wa Hilele wa ku Piratoni adatumikira ninga wakuyeruza wa Isaraeli. ¹⁴Iye akhana wana wachimuna makumi manayi na azukulu makumi matatu. Iwo adafamba pa abulu makumi manomwe, pomwe akhatumikira Isaraeli kwa magole masere. ¹⁵Abidoni mwana wachimuna wa Hilele wa ku Piratoni adafa achiikhiwa mu Piratoni mdziko la Efraimu mdziko lamapiri la Amaleki.

13¹Wana wa Isaraeli adachita pomwe bzakuipa pamaso pa Yahova, apo iye adawapereka iwo mmanja mwa Afilisiti kwa magole makumi manayi. ²Pakhana mwamuna wina wa ku Zora, wakubanja la a Dani, omwe dzina lache likhali Manowa. Mkazache akhali ngomwa apo iye alibe kubala mwana.³Mnjero wa Yahova adaonekera kuna mkaziyo achiti kuna iye, ''Ona tsapano, wakhala wakusaya mwana, apo ulibe kubala mwana, soma umdzatenga pathupi uchidzabala mwana wachimuna. ⁴Tsapano khala wakuchenjera nampodi kumwa vinyu ayai chakumwa cha ukali, apo nampodi kudya chirichense chakupsipiziwa. ⁵Nyang'ana, umdzakhala na pathupi uchidzabala mwana wachimuna. Palibe lezi kudzaphata basa pa msolo pache, thangwe mnyamatayo amdzakhala Mnaziri kuna Mulungu kuchoka mchibaliro, apo amdzayamba kupulumusa Isaraeli kuchoka mmanja mwa Afilisiti.''⁶Ndiye mkaziyo adabwera kudzauza bayache, ''Munthu wa Mulungu adabwera kuna ine, apo kuonekera kwache kukhali ninga kwa mnjero wa Mulungu, kwakugopsa maninge. Ndiribe kumubvunza ndiko adachokera, apo alibe kundiuza dzina lache. ⁷Iye adati kuna ine, 'Nyang'ana! Umdzakhala na pathupi, uchidzabala mwana wachimuna. Ndiye nampodi kumwa vinyu ayai chakumwa chaukali, apo nampodi kudya chakudya chirichense chomwe lamulo limbati mchakupsipa, thangwe mnyamatayo amdzakhala Mnaziri kuna Mulungu kuchoka nthawe ndiyo iye ali mmimba mwako kufikira nsiku ya kufa kwache.'''⁸Ndiye Manowa adapemba kuna Yahova achiti, ''Oh, Mbuya, pirizi bvumani kuti munthu wa Mulungu ule abwere pomwe kuna ife pala kuti adzatipfunzise ifepano chakuchita kuna mwana ndiye tsampanopa ati abadwe.'' ⁹Mulungu adatetekera mafala ya Manowa, apo mnjero wa Mulungu adabwera pomwe kuna mkaziyo pomwe iye akhadakhala mmunda. Soma Manowa bayache akhali lini naye pabodzi.¹⁰Ndiye mkaziyo adathamanga kamkulumize achikauza bayache, ''Nyang'anani! Munthu ule waonekera pomwe kuna ine--omwe adabwera kuna ine nsiku inango!'' ¹¹Manowa adalamuka achitewera mkazache. Pomwe iye adabwera pana munthuyo, iye adati, ''Kodi ndimwe mwasewera na mkazanguyu?'' Munthuyo adati, ''Ndinepano.''¹²Ndiye Manowa adati, ''Mafala yanu mbayakhale yachadidi. Malamulo ya mwanayo yamdzakhala yaponi, apo basa lache limdzakhala lakutani?'' ¹³Mnjero wa Yahova adati kuna Manowa, ''Iye asamale kuchita chirichense ndicho ndidalewa kuna iye. ¹⁴Iye nampodi kudya chirichense chakuchokera ku mpesa, apo nampodi kumubvumiza kumwa vinyu ayai chakumwa chirichense chaukali ayai kudya chakupsipiziwa. Iye abvere chirichense ndatonga kuchichita.''¹⁵Manowa adati kuna mnjero wa Yahova, ''Pirizi khalani kwa kanthawe, kutipasa ife nthawe yakukonzekera mwana wa mbuzi pala imwe.'' ¹⁶Mnjero wa Yahova adati kuna Manowa, ''Neye ndichiti ndikhale, ningadye lini chakudya chanu. Soma muchikonza nsembe yakupserereza, iperekeni kuna Yahova.'' Manowa alibe kudziwa kuti iye akhali mnjero wa Yahova.)¹⁷Manowa adati kuna mnjero wa Yahova, ''Dzina lanu ndimwe mbani, pala kuti tidzakulemezeni pomwe mafala yanu yamdzasanduka chadidi?'' ¹⁸Mnjero wa Yahova adati kuna iye, ''Thangweranyi ukubvunza dzina langu? Mpsakudabwisa!''¹⁹Ndiye Manowa adatenga kambuzi kang'ono na nsembe ya ufa achibzipereka ibzo pa thanthwe kuna Yahova. Iye adachita chinthu chakudabwisa pomwe Manowa na mkazache akhaona. ²⁰Pomwe malambi yamoto yadakwira kuchoka pa guwa la nsembe kuyendera kudzaulu, mjero wa Yahova adakwira kudzaulu mmalambi ya paguwapo. Manowa na mkazache adaona ibzi achitsulimisa nkhope zawo pansi.²¹Ndiye mnjero wa Yahova alibe kuoneka pomwe kuna Manowa ayai mkazache. Ndiye Manowa adadziwa kuti iye akhali mnjero wa Yahova. ²²Manowa adati kuna mkazache, ''Timdzafa meju, thangwe taonambo Mulungu!''²³Soma mkazacheyo adati kuna iye, ''Penu Yahova akhafuna kutipha ifepano, angadatambira lini nsembe yakupserereza ile na nsembe yaufa tidamupa ile. Iye angadationesa lini bzinthu bzensebzi, ayai pa nthawe ino iye kutibvuma ife kubva bzinthu bzimwebzo.''²⁴Salipo mkaziyo adabala mwana wachimuna, achimuchemera dzina lache Samisoni. Mnyamata adakula apo Yahova adamudalisa iye. Mzimu wa ²⁵Yahova udayamba kumunyang'anira mu Manase Dani, pakati pa Zora na Esitaoli.

14¹Samisoni adapolika kuyenda ku Timuna, apo kumweko adakaona mkazi, m'bodzi wa wana wa a Filisiti. Pomwe iye adabwerera, adauza babache na mai wache, ''Ndaona mkazi ku Timuna, m'bodzi wa akazi wa a Filisiti. ²Tsapano kanditengereni akhale mkazangu.''³Babache na mai wache adati kuna iye, ''Palibembo mkazi pakati pa akazi wa abale wako, ayai pakati pa wanthu wathu? Umkatenga mkazi kuchoka kuna Afilisiti wakusaya kugwatiwa?'' Samisoni adati kuna babache, ''Kanditengereni ine, thangwe ningamunyang'ana akundidekera.'' ⁴Soma babache na mai wachewo alibe kudziwa kuti nkhani yoyi ikuchokera kuna Yahova, thangwe iye akhafuna kuchitisa mpokano na Afilisiti thangwe pa nthawe yoyo Afilisiti akhatonga Isaraeli).⁵Ndiye Samisoni adapolika kuyenda ku Timuna na babache na mai wache, achifika mminda ya mpesa ya mu Timuna. Apo, onani, popo ibodzi ya mphulu za mphondolo idabwera kudzamukhumbza iye. ⁶Mzimu wa Yahova kamkulumize udabwera pa iye, apo iye adakhadzula mphondoloyo pakati mwakusaya kunesedwa ninga alikukhadzula ntchere ya mbuzi, apo akhalibe chinthu mmanja mwache. Soma iye alibe kuuza babache ayai mai wache ndibzo iye adachitabzi.⁷Iye adayenda achikasewera na mkaziyo, apo pomwe iye adamunyang'anisa mkaziyo, mkaziyo adadekedwa naye Samisoni. ⁸Patapita nsiku zakuchepa pomwe iye adabwerera kudzamuloola, adacheuka achiona mphondolo yakufa ire. Apo, onani, pakhana chidembedza cha nyuchi pathupi pa mphondolo ire. ⁹Iye adamola uchi na manja yache achipitiriza ulendo, mkumbadya pakuyenda. Pomwe iye adafika kuna babache na mai wache, adawapa bwina bwa uchibo, iwo adadya. Soma iye alibe kuwauza kuti uchibo adamumola pa thupi la mphondolo yakufa ire.¹⁰Babache wa Samisoni adapolika kuyenda ndiko mkaziyo akhali, apo samisoni adachita madyerero popo, thangwe uyu ukhali mtemo wa achinyamata. ¹¹Abale wa mkaziyo atatondo kukuona Samisoni, adabweresa anzawo makumi matatu kudzakhala naye.¹²Samisoni adati kuna iwo, ''Tsapano dikhirani ndikuuzeni mwambi. Wina wa imwe angaubulukira mkundiuza kuthumbudzula kwache mu nsiku zinomwe za madyereroya, nimdzamupa malaya makumi matatu ya nguwo ya bafuta na bzakubvala makumi matatu. ¹³Soma penu mungakwanise lini kundiuza kuthumbudzula kwache, ndiye imwepo mumdzandipa malaya makumi matatu ya nguwo ya bafuta na bzakubvala makumi matatu.'' Iwo adati kuna iye, ''Tiuze mwambiyo, tiubve.''¹⁴Iye adati kuna iwo, ''Kuchoka mchinthu chakudya mukhana chinthu chakudyewa; kuchoka mwa wamphamvu mukhana chinthu chakutapira.'' Soma alendo wache alibe kukwanisa kugumana thumbudzulo mu nsiku zitatu.¹⁵Pa nsiku yachinayi iwo adati kuna mkazi wa Samisoni, ''Mukope bayako kuti atiuze thumbudzulo la mwambiyo, ayai tiniotcha iwepo na nyumba ya babako. Udatichemeresa kuno kuti udzatisaukise?''¹⁶Mkazi wa Samisoni adayamba kulira pamaso pache; iye adati, ''Ukumbandiwenga bzakuchita bzako! Umbandikonda lini ine. Walewa mwambi kuna wanthu wangu, soma ulibe kundiuza kuthumbudzula kwache.'' Samisoni adati kuna iye, ''Ona pano, ninga ndiribe kuuza baba na mai wangu, ndiye ndiuze iwepo?'' ¹⁷Iye adalira mu nsiku zinomwe ndizo madyerero yawo yadamala. Pa nsiku yachinomwe iye adamuuza thumbudzulo thangwe adamungingimiza maninge. Iye adauza thumbudzulo lire kuna abale wa wanthu wache.¹⁸Dzuwa likanati kumira pa nsiku yachinomwe amuna wa mmuyimo adati kuna iye, ''Mchani chakutapira kuposa uchi? Mchani cha mphamvu kuposa mphondolo?'' Samisoni adati kuna iwo, ''Mungadasaya kulima na mphulu yangu, mungadagumana lini thumbudzulo la mwambi wanguyu.''¹⁹Ndiye Mzimu wa Yahova mwachidzidzi udabwera pa Samisoni na mphamvu. Samisoni adapolika ku Asikeloni achikapha amuna wawo makumi matatu. Iye adatenga bzakubvala bzao, achibzipereka kuna wale wakuthumbudzula mwambi. Kutentheka na ukali, iye adayenda kukwira ku nyumba ya babache. ²⁰Mkazi wa Samisoni adaperekiwa kuna mwayache wa Samisoni.

15¹Patapita nsiku zina, pa nthawe yakugwata tirigu, Samisoni adatenga kamwana ka mbuzi achiyenda kukazonda mkazache. Iye adati bzayekha, ''Niyenda ku subi kwa mkazangu.'' Soma babache wa mkaziyo alibe kumubvumiza Samisoni kupita momo. ²Babache wa mkaziyo adati, ''Ndikhakumbuka kuti umbamuwenga iye, ndiye zjai ndidamupereka kuna mwayako. Mng'ono wache ngakudeka maninge kuposa iye, mtenepo lini? Tenga iye tsono.''³Samisoni adati kuna iwo, ''Pa nthawe ino nimkhala na lazau pa Afirisiti ningawachitira chakuipa iwo.'' ⁴Samisoni adayenda achikaphata mbwaya za mthengo madzana matatu achizimanga pabodzi ziwiri ziwiri, mchira kwa mchira. Ndiye adatenga mitsatso achiimanga pabodzi pakati nakati pa michira miwiri miwiriyo.⁵Atagasa mitsatsoyo, adagwinyizira mbwaya za mtengozo mu mbeu ya tirigu wa Afilisiti, zichiphatiza moto midwi ya tirigu na tirigu wakuima kubodzi mmundamo, pabodzi na minda ya mpesa na minda ya azitona. ⁶Afilisiti adabvunza, ''Mbani wachita bzimwebzi?'' Iwo adauziwa, ''Samisoni, waku Timuna mkuwasa, wachita ibzi thangwe a Timuna adatenga mkazi wa Samisoni mkupasa mwayache.'' Ndiye Afilisiti adayenda achikatentha moto mkaziyo na babache.⁷Samisoni adati kuna iwo, ''Penu ibzi ndibzo mumbachita, nimkubwezerani imwepo, apo kumala kuchita bzobzo, ndiye nimdzalekeza'' ⁸Ndiye iye adawagwata mmapidaso, chiuno na ntchafu, na kupha kukulu. Kinangoka iye adapolika achikakhala kumphanga ku chiphompho cha ku Etamu.⁹Afilisiti adabwera achidzamanga msasa mu Yuda achifalikira ateye ku Lehi. ¹⁰Amuna wa mu Yuda adati, ''Thangweranyi mwakwira kutibwerera tere?'' Iwo adati, ''Takwira kuti tidzaphate Samisoni, na kuchita kuna iye ninga ndibzo iye watichita.''¹¹Ndiye amuna madzana matatu wa ku Yuda adapolika kuyenda kumphanga kuchiphompho cha ku Etamu, apo adati kuna Samisoni, ''Ukudziwa lini luti Afilisiti ndiwo ambatitonga? Mchani wachitachi kuna ife?'' Samisoni adati kuna iwo, ''Iwo adachita kuna ine, apo ndawachitambo tenepo.''¹²Iwo adati kuna Samisoni, ''Tabwera kudzakumanga na kukakupereka mmanja mwa Afilisiti.'' Samisoni adati kuna iwo, ''Lumbirani kuna ine kuti mum'ndipha lini ndimwepo.'' ¹³Iwo adati kuna iye, ''Neye, timtondo kukumanga na bzingwe tichikakupereka kuna iwo. Tikulonjeza timkupha lini neye.'' Kinangoka iwo adamumanga iye na bzingwe bziwiri bzipsa mkumubulisa kunja kwa thanthwelo.¹⁴Pomwe iye adabwera ku Leki, Afilisiti adabwera achikuwa pakudzagumana naye. Ndiye Mzimu wa Yahova udabwera pa iye na mphamvu. Bzingwe kumanja kwache bzidakhala ninga bwazi bzakupserera na moto, apo bzidadoda kuchoka kumanja kwache.¹⁵Samisoni adagumana pfupa liwisi la nsagwada ya bulu, apo adalilokota achiphera nalo amuna chulu chibodzi. ¹⁶Samisoni adati, ''Na pfupa la nsagwada ya bulu, midwi na midwi, na pfupa la nsagwada ya bulu ndapha amuna chulu.''¹⁷Pomwe Samisoni adamaliza kusewera, adathusa uko nsagwadayo, apo adachemera mbutoyo Ramati Leki. ¹⁸Samisoni akhana nyota kwene kwene achilirira kuna Yahova achiti, ''Mwapereka chipambano chikuluchi kuna kapolo wanu. Soma tsapano ndife na nyota mkugwa mmanja mwa iwo wakusaya kugwatiwa?''¹⁹Mulungu adang'amba pakuchereka pale pa Leki apo madzi yadabula. Pomwe iye adamwa, mphamvu zache zidabwerera uchibwera moyo wache. Ndiye iye adachemera dzina la mbutoyo Eni Hakore, apo ikali pa Leki kufikira lero lino. ²⁰Samisoni adayeruza Isaraeli mu nsiku za Afilisiti kwa magole makumi mawiri.

16¹Samisoni adayenda ku Gaza achikaona puta kumweko, achimuyendera iye. ²Wanthu wa ku Gaza adauziwa, ''Samisoni wabwera kuno.'' Wanthu waku Gazawo adazungulira mbutoyo mwakanonono, iwo adamudikhirira iye pa mpita wa muyiyo usiku bwensene. Iwo adakhala chete usiku bwensene. Iwo akhadati, ''Mbatiye tidikhirire ateye kuchena, apo mbatiye timuphe iye.''³Samisoni adagona kufikira kati ya usiku. Pakati pa usiku iye adalamuka achikaphata msuwo wa mpitayo na bzipilala bzache bziwiri. Iye adabzizula ibzo kuchokera pansi pache, mpiringidzo na bzensene, mkubzikupika pa mapewa yache, achibzitakula kuyenda nabzo padzaulu pa phiri, patsogolo pa Hebroni.⁴Kumala popo, Samisoni adakonda mkazi omwe akhakhala Mchigwa cha Soreki. Dzina lache akhali Delila. ⁵Akukuakulu wa Afilisiti adakwira kubwera kuna iye, achidzati kuna iye, ''Nyengerera Samisoni uone pomwe mphamvu zache zagona, apo na manera yanyi ndiyo tingamugonjesere iye, kuti timumange mkumuboneresa. Chita bzobzi, apo aliyense wa ife amdzakupa kobiri za siriva chulu chibodzi na dzana libodzi.''⁶Ndiye Delila adati kuna Samisoni, ''Pirizi, ndiuze bzachitika tani kuti iwe una mphamvu maninge tenepa, apo wina angakumange tani iwepo, kuti ukhotcheke?'' ⁷Samisoni adati kuna iye, ''Achindimanga na bzingwe bzinomwe bzakusaya kuyanikiwa, ndiye nimdzalefuka, mkukhala ninga munthu aliyense.''⁸Ndiye akuluakulu wa Afilisiti adam'bweresera Delila bzingwe bzinomwe bzomwe bzikhanati kuyanikiwa, achimanga nabzo Samisoni. ⁹Tsapano iye akhana wanthu wakubisalika mwakanonono, wakukhala msubi yache yamkati. Iye adati kuna iye, ''Afilisiti ali pa iwe, Samisoni!'' Soma iye adabwedza bzingwebzo ninga nzoyi ya bwazi ingakhuya moto. Ndiye chinsinsi cha mphvamvu zache chiribe kubulukiriwa.¹⁰Ndiye Delila adati kuna Samisoni, ''Umu ndimo wandinyengezera mkundiuza bzakunama. Pirizi, ndiuze ine ndimo ungamalisiwe mphamvu zakozi.'' ¹¹Iye adati kuna iye, ''Achindimanga na bzingwe bzipsa ndibzo bzikanati kale kuphatisiwa basa, nimdzalefuka apo ninga munthu wina aliyense.'' ¹²Ndiye Delila adatenga bzingwe bzipsa achimanga nabzo iye, apo adati kuna iye, ''Afilisiti ali pa iwe, Samisoni!'' Wanthu wakudikhirawo akhali msubi ya mkatimo. Soma Samisoni adaphwedza bzingwebzo kuchoka kumanja yache kukhala ninga bzikhali pidaso ya usalu.¹³Delila adati kuna Samisoni, ''Ate pano ukundiuza ine bzakunama basi. Ndiuze ine ndimo ungamalisiwire mphamvu zakozi.'' Samisoni adati kuna iye, ''Uchipakasa mipukutu minomwe ya tsisi languli kukhala ninga usalu bwakuyala, apo kinangoko ulikhomere na perego ku chakupakasira, nimdzakhala ninga munthu wina aliyense.'' ¹⁴Pomwe iye ali mkugona, Delila adapakasa mipukutu minomwe ya tsisi lache kukhala ninga usalu bwa chakupakasira achilikhomera ku chakupakasiracho, apo iye adalewra kuna iye, ''Afilisiti ali pa iwe, Samisoni!'' Iye adalamuka kuchoka pakugona pache achipfuwa usalubo na chakukhomera kuchoka ku chakupakasiracho.¹⁵Iye adati kuna iye, ''Ungalewe tani, 'Nimbakukonda,' pomwe ukugawana lini na ine bzinsinsi bzako? Wandinamiza katatuka apo ulibe kundiuza ndimo uliri na mphamvu zizinji tere.'' ¹⁶Nsiku iriyense iye akhamungingimiza basi maninge na mafala yache, apo adamungingimiza basi maninge ateye kukhumba kufa.¹⁷Ndiye Samisoni adamuuza iye chirichense achiti kuna iye, ''Ndikanati kupitisa kale lezi kusenga nsisi languli pamsolopa, thangwe ndakhala Mnaziri kuna Mulungu kuchoka mmimba mwa mayi wangu. Msolo wanguyu uchisengiwa, ndiye mphamvu zangu zimdzandichokera ine, apo nimdzakhala wakulefuka ndichikhala ninga munthu wina aliyense.''¹⁸Pomwe Delila adaona kuti iye wamuuza bzachadidi bza chirichense, adatuma mtumi achichemeresa akuluakulu wa Afilisiti, mkulewa, ''Bwerani kwirani pomwe, thangwe wandiuza chirichense.'' Ndiye akuluakulu wa Afilisiti adayenda kukwira kuna iye, mkum'bweresera iye siriva mmanja mwawo. ¹⁹Iye adamugonesa tulo pamiyendo pache. Iye adachemeresa munthu kudzamusenga tsisi lakupotana mipukutu minomweyo pa msolo pache, apo adayamba kumuboneresa iye, thangwe mphamvu zjai zikhadamuchokera.²⁰Iye adati, ''Afilisiti ali pa iwe, Samisoni!'' Iye adalamuka patulo pache achiti, ''Nim'bula ninga nsiku zina zense ndichibzikunkhumula ndekha ndichikhala waufulu.'' Soma iye alibe kudziwa kuti Yahova akhadamuchokera. ²¹Afilisiti adamuphata achimukoloola maso yache. Iwo adamubweresa kupolika naye ku Gaza achimumanga na njema za mkuwa. Iye adagunkhulizira mwala wa mpheyo pa nyumba ya kaoko. ²²Soma tsisi pa msolo pache lidayamba kukula pomwe litamala kusengiwa.²³Akuluakulu wa Afilisiti adagwezekana pabodzi kupereka nsembe ikulu kuna Dagoni mulungu wawo, na kusekera. Iwo adati, ''mulungu wathu wagonjesa Samisoni, muwengi wathu, mkumupereka mmanja mwathu.'' ²⁴Pomwe wanthu adamuona iye, adanamata mulungu wawo, nakuti iwo adati, ''mulungu wathu wagonjesa muwengi wathu achimupereka iye kuna ife--nyakudzonga dziko lathu, omwe adapha azinji wa ife.''²⁵Pomwe iwo ali mkati mwa kusekerera, adati, Chemerani Samisoni, kuti adzatisekese.'' Iwo adachemera Samisoni kuchoka mkaoko achidzawasekesa. Iwo adamuimisa pakati pa bzipilala. ²⁶Samisoni adati kuna mnyamata omwe akhadaphata manja yache, ''Ndibvumeni ndiphate bzipilala ndibzo nyumbayi yaima nabzo, kuti ndibziyadzamire.''²⁷Tsapano nyumbayo ikhali yakudzala na amuna na akazi. Akuluakulu wensene wa Afilisiti akhali momo. Pa nsodzi pakhana pafupifupi amuna na akazi bzulu bzitatu, omwe akhanyang'anisa pomwe Samisoni akhatsangalaza.²⁸Samisoni adalirira kuna Yahova achiti, ''Mbuya Yahova, ndikumbukireni! Pirizi ndipeni mphamvu kabodzi kokha kano, Mulungu, pala kuti ndiwabwezere kabodzika Afilisiti thangwera kukoloola maso yangu mawiri.'' ²⁹Samisoni adaphatirira ku bzipilala bziwiri ndibzo nyumbayo ikhadayadzamira, achibziyadzanira, chipilala chibodzi na boko lache la madidi, apo chinango na boko lache la madzere.³⁰Samisoni adati, ''Ndilekeni ndife pabodzi na Afilisiti!'' Iye adabzithamula na mphamvu zache apo nyumbayo idagwera pa atsogoleri na pa wanthu wensene omwe akhali momo. Ndiye wakufa omwe iye adapha pakufa akhali wakuposa omwe iye adapha panthawe ya moyo wache. ³¹Ndiye azimano wache na wense wa nyumba ya babache adabwera mkupolika. Iwo adamtakula iye, mkumubweresa iye achimufuchira iye pakati nakati pa Zora na Esitaoli mu mbuto ya Manowa, babache. Samisoni akhadayeruza Isaraeli kwa magole makumi mawiri.

17¹Mukhana munthu mdziko la mapiri la Efraimu, apo dzina lache akhali Mika. ²Iye adati kuna mai wache, ''Mapidaso chulu chibodzi na dzana libodzi ya siriva ndiyo yadatengiwa kuchoka kuna imwe, ndiyo mudasewera mwa kutemberera, na ndiyo ndidabva--- onani pano! Siriva umweule ana inepano. Ndidamuba.'' Mai wache adati, ''Yahova mbaadalise iwe, mwanangu!''³Iye adabwezeresa siriva chulu chibodzi na dzana libodzi kuna mai wache apo mai wache adati, ''Ndikhadaikhira Yahova pambali siriva umweyu, pala mwanangu akakonzere chilinganizo chakutsema na chilinganilo chachitsulo, Ndiye tsapano, ndikukubwezerani imwe.'' ⁴Pomwe adabwezeresa kobirizo kuna mai wachewo, mai wache adatenga siriva madzana mawiri achimpereka kuna wakusula bzitsulo omwe adasula chilinganilo chakutsema na chilinganilo chachitsulo, apo sirivayo adaikhiwa mnyumba ya Mika.⁵Munthuyo Mika akhana nyumba ya bzilinganilo bzakutsema apo iye adasona efodi chakubvala cha wansembe na milungu ya mabanja, achinemba basa m'bodzi wa wanache wachimuna kukhala wansembe. ⁶Mu nsiku zozo mukhalibe mfumu mu Isaraeli, apo aliyense akhachita ndibzo bzikhali bzamkomera mmaso mwache.⁷Tsapano mukhana mnyamata wa ku Beterehemu mu Yuda, wa banja la Yuda, omwe akhali m'Levi. Iye adakhala momo kukwanirisa mabasa yache. ⁸Munthuyo adachoka mu Beterehemu mu Yuda kuyenda kukapsaga mbuto yakukhala. Pomwe iye ali pa ulendo, adafika pa nyumba ya Mika mdziko la mapiri la Efraimu. ⁹Mika adati kuna iye, ''Ukuchokera kuponi?'' Munthuyo adati kuna iye, ''Ndine m'Levi wa ku Beterehemu mu Yuda, apo ndikufamba kupsaga mbuto yakuti ndikhale.''¹⁰Mika adati kuna iye, ''Khala na ine, apo ukhale babangu na wansembe. Nimdzakupa masiriva khumi pagole, bzakubvala bza pabasa, na chakudya chako.'' Ndiye m'Levi adayenda mnyumba mwache. ¹¹M'Leviyo akhali wakukhutira kukhala na munthuyo, apo mnyamatayo adasanduka kuna Mika ninga m'bodzi wa wana wache.¹²Mika adaikhira pambali m'Leviyo mabasa yakupambulika, apo mnyamatayo adakhala wansembe, apo akhali mnyumba mwa Mika. ¹³Ndiye Mika adati, ''Tsapano ndadziwa kuti Yahova amdzandichita bzabwino, thangwe m'Leviyu wakhala wansembe wangu.''

18¹Mu nsiku zozo mukhana mfumu mu Isaraeli. Dzinza la wene Dani likhapsaga mbuto yakukhala, thangwe kufikira nsiku yoyo akhanati kutambira chakusiiriwa chirichense kuchoka ku madzinza ya Isaraeli. ²Wanthu wa Dani adatuma amuna achanu kuchoka mdzinza lawo lensene, amuna wa luso la nkhondo wakuchokera ku Zora na kuchoka ku Esitaoli, kukafamba mdzikomo pansi achikalizondera. Iwo adati kuna iwo, ''Ndokoni mukazondere dzikolo.'' Iwo adabwera ku dziko lamapiri la Efraimu, pa nyumba ya Mika, achigona popo.³Pomwe iwo akhali pafupi na nyumba ya Mika, adazindikira kusewera kwa mnyamata m'Levi. Ndiye adaima achimubvunza iye. ''Mbani adakubweresa kuno iwepo? Ukuchita chani ku mbuto ino? Thangweranyi uli kuno?'' ⁴Iye adati kuna iwo, ''Ibzi ndibzo Mika wandichitira ine: Wandinemba basa kukhala wansembe wache.''⁵Iwo adati kuna iye, ''Pirizi psaga malangizo kuna Mulungu, pala kuti tidziwe penu ulendo tirikuyendabu bumkhala bwaphindu.'' ⁶Wansembeyo adati kuna iwo, ''Ndokoni mu mtendere. Yahova amkutsogolerani mu njira ndiyo mukuyendayo.''⁷Ndiye amuna achanuwo adanyamuka achifika ku Laisi, apo adaona kuti wanthu akhakhala mwakuderekha mtima, ndendende ninga a Sidoniya akhakhalira, mwakusaya kutekenyeka na mwakutetezeka. Pakhalibe wina wakuwathira nkhondo iwo ayai kuwaboneresa munjira inangombo mdzikomo. Iwo akhadakhala kutali maninge na Asidoniya apo akhalibe kufambirana na munthu aliyense. ⁸Iwo adabwerera ku dzinza lawo ku Zora na Esitaoli. Abale wawo adawabvunza iwo, ''Mwabwera na mafala yanyi?''⁹Iwo adati, ''Bwerani! Mbatiye tikawamenye! Takaona dzikolo apo ndabwino kwene kwene. Mukuchita lini chinthu? Nampodi kumbanonoka kumenya muchitenga dziko. ¹⁰Mungayenda, mumdzakafikira wanthu wakutondo kubzikhalira, apo dzikolo nda mphande ikulu! Mulungu walipereka ilo kuna imwe--mbuto ndiyo imsaya lini chirichense cha padziko.''¹¹Amuna madzana matanthatu wa dzinza la Dani, wakukhala na bzida bza nkhondo, adanyamuka kuchoka mdziko la Zora na Esitaoli. ¹²Iwo adakwira achikamanga msasa pa Kiriati Yearimu, mu Yuda. Ili mthangwerache wanthu adachemera mbuto yoyo Mahane Dani ate lero; mkumaulo kwa Kiriati Yearimu.¹³Adayenda kutali na mbuto yoyo ku dziko lamapiri la Efraimu achibwera pa nyumba pa Mika. ¹⁴Ndiye amuna achanu omwe akhadayenda kukazonda dziko la Laisi wale adati kuna abale wawo, ''Mukudziwa kuti mnyumba zino muna chakubvala cha wansembe, milungu ya mmabanja, chilinganiro chakutsema, na chilinganiro cha chitsulo? Kumbukani chakuchita tsapano.''¹⁵Ndiye iwo adapambuka popo achifika pa nyumba ya mnyamata m'Leviyo, pa nyumba ya Mika, achipereka kulimba kuna iye. ¹⁶Tsapano wene Dani madzana matanthatu wale, wakukhala na bzida bza nkhondo, adaimapa pamsuwo pa mpita.¹⁷Amuna achanu omwe akhadayenda kukazonda dziko wale adayenda momo achikasokolosa chilinganilo chakutsema, chakubvala cha wansembe, milungu ya mmabanja, na chilinganilo cha chitsulo, nthawe zozo wansembe ataima pafupi na msuwo wa mpita na amuna madzana matanthatu wakukhala na bzida bza nkhondo. ¹⁸Pomwe awa adayenda mnyumba mwa Mika mkukasokolosa chilinganilo chakutsema, chakubvala cha wansembe, milungu ya mmabanja, na chilinganilo cha chitsulo, wansembe adati kuna iwo, ''Mukuchita chani kodi?''¹⁹Iwo adati kuna iye, ''Nyamala! Bzatika boko lako pakamwa ubwere na ife, apo khala babathu na wansembe. Chimkukomera mchiponi kukhala wansembe wa nyumba ya munthu m'bodzi, ayai kukhala wansembe wa dzinza la banja la Isaraeli?'' ²⁰Mtima wa wansembe udasekera. Iye adatenga chakubvala cha wansembe, milungu ya mmabanja, na chilinganilo chakutsema, achitsagana kuyenda nawo wanthuwo.²¹Ndiye iwo adabwerera achiyenda, mkutsogoza wana ang'ono, bzifuwo bzawo na vida zawo zakudalilika. ²²Pomwe akhali pamtantho wabwino kuchoka pa nyumba ya Mika, amuna omwe akhali mnyumba mwa Mika wale adachemeriwa pabodzi, achiphatana na wene Dani. ²³Iwo adakuwa kuna wene Dani, achicheuka achiti kuna Mika, ''Thangweranyi akuchemerani kukhala pabodzi?''²⁴Iye adti, ''Mudandibera milungu ndiyo ndidakonza, mwatenga wansembe wangu, apo mukunyamuka. Mchani china ndicho ndasala nacho? Mumndibvunza tani, 'Mchani chakuwawa?''' ²⁵Wene Dani adati kuna iye, ''Nampodi tikubve ukulewa chirichense, ungatenepo amuna wina wakukalipa amkumenya, apo iwepo na banja lako muniphiwa.'' ²⁶Ndiye wene Dani adayenda njira zawo. Pomwe Mika adaona kuti iwo akhali wamphamvu maninge kuna iye, adabwerera achiyenda mmambuyo kunyumba kwache.²⁷Wene Dani adatenga bzomwe Mika akhadakonza, na wansembe wache kubodzi, achibwera ku Laisi, kuna wanthu wakusaya kutekenyeka na wakutondo kubzikhalira achiwamenya iwo na nsonga ya lupanga achitentha moto muyi wawo. ²⁸Pakhalibe wina wakuwapulumusa thangwe kukhali kutali na ku Sidoni, apo akhalibe kufambirana na munthu aliyense. Ukhali mchigwa chakufupi na Beti Rehobi. Wene Dani adamanga pomwe muyiyo achikhala momo. ²⁹Iwo adauchemera muyiyo Dani, dzina la Dani m'bereki wawo, omwe akhali m'bodzi wa wana wachimuna wa Isaraeli. Soma dzina la muyiyo likhali Laisi.³⁰Wene Dani adaimisa chilinganilo chakutsema cha iwo okha. Yonatani mwana wachimuna wa Gerisomu, mwana wachimuna wa Mose, iye na wanache wachimuna akhali wansembe wa dzinza la wene Dani kufikizana nsiku ya kuphatiwa ukapolo bwa dzikolo. ³¹Ndiye iwo adanamata chilinganilo chakutsema cha Mika ndicho iye akhadachikonza kalekale pakukhala nyumba ya Mulungu pa Silo.

19¹Nsiku zozo, pomwe mukhalibe mfumu mu Isaraeli, mukhana munthu, m'Levi, wakukhala kutali na miyi mdziko lamapiri la Efraimu. Iye adabzitengera yekha mkazi, mng'ono waku Beterehemu mu Yuda. ²Soma mkazi mng'onoyo akhachita uputa akali naye; mkaziyo adachoka achibwerera ku nyumba ya babache mu Beterehemu wa Yuda. Iye adakakhala kwa babacheko kwa miyezi minayi.³Ndiye bayache adalamuka achimtewera iye kuti akamunyengerere kuti abwerere mmambuyo. Kapolo wache adatsagana naye pakutewerapo, na abulu awiri. Mkaziyo adabweresa iye mnyumba mwa babachemo. Pomwe babache wa mtsikanayo adamuona iye, akhali wakusekera kugumana naye. ⁴Amabzala wache amunawo, babache wa mkaziwo adamunyengerera iye kukhala kwa nsiku zitatu. Iwo adadya na kumwa, achigona popo.⁵Pa nsiku yachinayi iwo adalamuka mwakubesera iye achikonzeka kuyenda, soma babache wa mtsikanawo adati kuna mkuwasa wawo, ''Limbisa mtima wako na mkate pamkiti, kinangoko ukhoza kuyenda.'' ⁶Ndiye awiriwo adakhala pansi kudya na kumwa pabodzi. Ndiye babache wa mkaziwo adati, ''Pirizi utawire kugona na kukhala na nthawe yabwino.''⁷Pomwe m'Leviyo adalamuka kuti anyamuke, babache wa mtsikanayo adamukumbira iye kusalira, ndiye iye adasintha mtima wache achigona pomwe popo. ⁸Pa nsiku yachichanu iye adabesera kulamuka kuti anyamuke, soma babache wa mtsikanayo adati, ''Bzilimbiseni mwekha, mkudikhira ateye masikati.'' Ndiye awiriwo adadya chakudya.⁹Nthawe ndizo m'Levi na mkazache mg'onoyo na kapolo wache adalamuka kuti anyamuke, amabzala wache amuna, babache wa mtsikanayo adati kuna iye, ''Ona tsapano, dzuwa likudoka. Pirizi gona ukiku bwinango, usekere mtima wako. Ubesere mangwana kubwerera kumuyi.''¹⁰Soma m'Leviyo akhafuna lini kugona. Adalamuka achinyamuka. Iye adayendera ku Yebusi (ndiye Yerusalemu). Iye akhana mabulu mawiri yakupakira--na mkazache mng'onoyo akhanaye. ¹¹Ali pafupi kufika ku Yebusi, kukhadoka, apo kapoloyo adati kuna mbuyache, ''Bwerani, tipambuke mmuyi wa a Yebusi apo tikagone momo.''¹²Mbuyache adati kuna iye, ''Timpambuka lini mmuyi wa alendo ndiwo ngwa a Isaraeli lini. Tiniyenda ku Gibeya.'' ¹³M'Leviyo adati kuna mbuyache, ''Bwerani, tiyende ku mbuto zinazi, apo tikagone mu Gibeya ayai Rama.''¹⁴Ndiye adapitirira basi, apo dzuwa lidamira pomwe akhafendera ku Gibeya, mpimpha ya ku Benjamini. ¹⁵Iwo adapambuka popo achigona mu Gibeya. Adayenda achikhala pansi pakati pa muyi, soma palibe adawatengera kunyumba kwache kukagona.¹⁶Soma kinangoka mwamuna wina wakukalamba akhachokera kubasa kwache kumunda mauloyo. Iye akhali wa mdziko lamapiri la Efraimu, apo akhakhala mu Gibeya. Soma amuna wakukhala mbuto imweyo akhali wene Benjamini. ¹⁷Iye adatukula maso yache achiona wapaulendowo pakati pa muyi. Mwamuna wakukalambayo adati, ''Mukuyenda kuponi?'' Mukuchokera kuponi?''¹⁸M'Leviyo adati kuna iye, ''Tiri paulendo bwathu kuyenda ku Betelehemu mu Yuda kutali maninge na miyi kwa dziko lamapiri la Efraimu, komwe ndiko nimbachokera. Ndidayenda ku Betelehemu mu Yuda, apo ndikuyenda kunyumba ya Yahova, soma palibe wakunditengera kunyumba kwache. ¹⁹Tina upsa na chakudya cha mabulu yathuya, apo pana mkate na vinyu pala ine na kapolo wanu wachikaziyu, na pala mnyamatayu na kapolo wanu. Tikusaya lini chinthu.''²⁰Mwamuna wakukalambayo adawamusa iwo, ''Mtendere ukhale namwe! Nimkutchenkhani bzense mumsayabzo. Soma nampodi kugona pakati pa muyipa.'' ²¹Ndiye munthuyo adabweresa m'Leviyo mnyuba mwache achipereka bzakudya kuna mabuluyo. Iwo adasambisa nzayo zawo achidya achimwa.²²Pomwe iwo akhatsangalaza mitima yawo, wanthu wina wa mmuyimo, amuna wapezipezi, adazungulira nyumbayo, kumenya pa msuwo. Iwo adasewera kuna nkhalambayo, mbuya wa nyumbayo, kulewa, 'Bulisa munthu omwe wabwera mnyumba mwakoyo, kuti timudziwe.'' ²³Mwamunayo, mbuya wa nyumbayo, adabula panja kuna iwo achikati kuna iwo, ''Neye, abale wangu, pirizi nampodi kuchita chinthu chakuipachi! Thangwe munthuyu ni mlendo mnyumba mwangu, nampodi kuchita mchitidwe wakupusa wakupasa manyazi!²⁴Onani, dende languli na mkazace mng'onoyu ali muno. Dikhirani ndiwabulise panja tsapano. Muwabonerese iwo apo muwachitire chirichense mumkondacho. ²⁵Soma nampodi kuchita chakupusa chakupasa manyazicho kuna mwamunayu!'' Soma amunawo alibe kumutetekera iye, ndiye mbuya wa nyumbayo adaphata mkazi mng'ono wa mlendoyo achimubweresa panja kuna iwo. Iwo adamugona achimuboneresa usiku bwense, apo machibesebese adamulekera mkuyenda. ²⁶Machibesebese mkaziyo adabwera achigwa pamsuwo pa mbuya wa nyumbayo pomwe mbuyache akhali, apo adagona popo kufikizana kuchena.²⁷Mbuyache adalamuka machibese achifungula misuwo ya nyumbayo achibula panja mkuyenda njira zache. Iye akhaona mkazache mng'ono atagona popo pamsuwo, na manja yache pa chiguwa. ²⁸M'Levi adati kuna iye, ''Lamuka. Mbatiye.'' Soma pakhalibe kutawira. Iye adamuikha iye pa bulu, apo mwamunayo adanyamuka bwakumuyi.²⁹Pomwe m'Levi adafika pamuyi pache, adatenga chisu, achiphata mkazache mng'onoyo, achimugwata gwata, chiwalo na chiwalo, mmapidaso khumi na mawiri, achitumiza mapidasoyo palipense mu Isaraeli. ³⁰Wense wakuona ibzi adati, ''Chinthu ichi chikanati kale kuchitika ayai kuoneka kuchoka ndipo wana wa Isaraeli adabula kukwira kuchoka mdziko la Aigupto kufikira nsiku ya lero. Kumbukirani bzobzi! Tipeni malangizo! Tiuzeni chakuchita!''

20¹Ndiye wana wense wa Isaraeli---kuchoka ku Dani kuyenda ku Beereseba, kuphatanidza na dziko la Gileadi pomwe--adabula panja, apo thimu lensenelo lidagwezekana pabodzi ninga munthu m'bodzi pamaso pa Yahova pa Mizipa. ²Akulu wa wanthu wense, wa madzinza yensene ya Isaraeli, adakhala nawo pa mtsonkhanoyo wa wanthu wa Mulungu---amuna wakufamba pansi bzulu madzana manayi wakukonzeka kumenya nkhondo na malupanga.³Tsapano wene Benjamini adabva kuti wana wa Isaraeli ayenda ku Mizipa. Wana wa Isaraeli adati, ''Tiuzeni chinthu chakuipachi chidachitika tani.'' ⁴M'Levi, bayache wa mkazi omwe adaphiwayo, adatawira, ''Ndidabwera ku Gibeya mphimpha ya wene Benjamini, inepano na mkazangu mng'ono, kukagona.⁵Kati ya usiku, akulu wa mu Gibeya adandigandukira ine, kuzungulira nyumba, kufuna kundipha. Iwo adagona na mkazangu mng'ono, iye achifa. ⁶Ndidatenga mkazangu mng'onoyo mkumugwatagwata thupi lache mmapidaso, mkuyatumiza mphimpha iriyense ya chakusiiriwa ya Isaraeli, thangwe iwo achita chakuipa na chinthu chakupasa manyazi chakupusa mu Isaraeli. ⁷Tsapano, imwe wana mwense wa Isaraeli, perekani malangizo yanu na uphungu pano.''⁸Wanthu wensene adalamuka pabodzi ninga munthu m'bodzi, achiti, ''Palibe wa ife ndiye aniyenda ku chihema kwache, apo palibe m'bodzi wa ife aniyenda kumuyi kwache! ⁹Soma tsapano ichi ndicho timchita kuna Gibeya: Tinimenya iwo ninga ndimo ubvimi bwa atulo bumtiuzira.¹⁰Timdzatapa amuna khumi pa dzana libodzi kuchoka ku madzinza yense ya Isaraeli, na dzana libodzi la chulu chibodzi, na chulu chibodzi cha bzulu khumi, kutakulira wanthu awa kaliboso wa pa ulendo, pala kuti pakukafika ku Gibeya mu Benjamini, akawapase chilango pa chakupasa manyazi chakupusa adachita iwo mu Isaraeli.'' ¹¹Ndiye wana wense wa Isaraeli adagwezekana kugazana na muyiyo, kuphatana ninga m'bodzi.¹²Madzinza ya Isaraeli yadatumiza amuna kudzera mdzinza lense ya Benjamini, kulewa, ''Mchani chakuipa ichi ndicho chidachitika pakati panu? ¹³Mthangwerache, tipeni wanthu wakuipawo wa mu Gibeya, pala kuti tiwaphe, natenepo timdzachoseratu chakuipachi mu Isaraeli.'' Soma wene Benjamini alibe kutetekera mafala ya abale wawo, wana wa Isaraeli. ¹⁴Ndiye wana wachimuna wa Benjamini adabwera pabodzi kuchoka mmiyi ku Gibeya kukonzeka kumenyana na wana wachimuna wa Isaraeli.¹⁵Wanthu wa mu Benjamini adabwera pabodzi kuchoka mmiyi yawo kudzamenya nkhondo nsiku yoyo achikunda bzulu makumi mawiri na bzitanthatu omwe akhadapfunzisiwa kumenya nkhondo na lupanga. Kuphatanidza, pakhana amuna madzana manomwe ya amuna wawo wakusankhuliwa kuchokera mwa mbadwa za mu Gibeya. ¹⁶Pakati pa achikunda wensenewa pakhana achikunda madzana manomwe wakusankhuliwa omwe akali wakumenya na boko lamadzere. Aliyense wa iwo akhakwanisa kuthusa mwala pa tsisi neye kuphonya.¹⁷Wana wa Isaraeli, seye mkulewenga kuwanda kwa wakuchokera ku Benjamini, adakwana amuna bzulu madzana manayi, omwe akhadapfunzisiwa kumenya nkhondo na lupanga. Wensenewa akhali amuna wa nkhondo. ¹⁸Wana wa Isaraeli adalamuka, kukwira kuyenda ku Beteli, achikabvunza malangizo kuchoka kuna Mulungu. Iwo adabvunza, ''Mbani amdzayambisa kutimenyera wanthu wa Benjamini?'' Yahova adati, ''Yuda amdzamenya pakutoma.''¹⁹Wana wachimuna wa Isaraeli adalamuka machibese achifendeza msasa wawo kufupi na Gibeya. ²⁰Amuna wa Isaraeli adabula kukamenyana na wanthu wa Benjamini. Iwo adakhala mwakuteya mbuto zawo za nkhondo kumenyana nawo pa Gibeya. ²¹Wanthu wa Benjamini adabula mu Gibeya, achipha amuna bzulu makumi mawiri na bziwiri kuchoka pakati pa Isaraeli pa nsiku yoyo.²²Soma amuna wa Isaraeli adabzilimbisa okha achikonza mzere wankhondo mbuto yokhayokhayo ndiyo adakhala mwakuteya pa nsiku yakutoma. ²³Ndiye wana wa Isaraeli adayenda kukwira achikalirira pamaso pa Yahova kufikizana Maulo, achibvunza mbali kuchoka kuna Yahova. Iwo adati, ''Kodi tiyende pomwe kukamenyana na abale wathu wale, wanthu wa Benjamini?'' Yahova adati, ''Amenyeni!''²⁴Ndiye wana wa Isaraeli adayendera achikunda wa Benjamini nsiku yachiwiri. ²⁵Pa nsiku yachiwiriyo, Benjamini adabula kukalimbana nawo kuchoka ku Gibeya achipha amuna bzulu khumi na bzisere kuchoka pa wana wa Isaraeli. Wensewa akhali amuna omwe akhadapfunza kumenya nkhondo na lupanga.²⁶Ndiye wana wensene wa Isaraeli, wanthu wense, adakwira kuyenda ku Beteli achikalira, apo popo adakakhala pansi pamaso pa Yahova achisala kudya nsiku yoyo ateye maulo achipereka nsembe yakupserereza na nsembe yaufulu pamaso pa Yahova.²⁷Wana wa Isaraeli adabvunza Yahova--nakuti likasa la mpamngano wa Mulungu likhali mwemo nsiku zozo, ²⁸apo Fineyasi, mwana wachimuna wa Eleazara mwana wachimuna wa Aroni, akhatumikira pamaso pa likasa nsiku zozo-- ''Kodi tiyende pomwe kukamenyana nkhondo kulimbana na wanthu wa Benjamini, abale wathu, ayai tiime?'' Yahova adati, ''Menyani, thangwe mangwana timkuthandizani kuwagonjesa iwo.²⁹Ndiye a Isaraeli adateya m'buto zachinsinsi kuzungulira Gibeya. ³⁰Wana wa Isaraeli adamenyana na wanthu wa Benjamini kachitatu, achikonza mizere ya nkhondo yawo kulimbana na Gibeya ninga adachitira pakutoma.³¹Wanthu wa Benjamini adayenda achikamenyana na wanthuwo, achikusana kuchoka mmuyi. Iwo adayamba kupha wanthu winango. Pakhana wanthu makumi matatu wa Isaraeli omwe adafa mthengo na mmisewu. Mseu wina ubodzi udayenda kukwira ku Beteli, apo winango udayendera ku Gibeya.³²Ndiye wanthu wa Benjamini adati, ''Agonjesewa apo akutithawa, ninga pakutoma pale.'' Soma wana wa Isaraeli adati, ''Mbatiye tithamangire mmamuyo tikawakuse kuchoka mmuyi kuyenda mmisewu.'' ³³Amuna wensene wa Isaraeli adalamuka kuchoka m'buto zawo achibzilonza okha mmizere ya nkhondo pa Baala Tamara. Kinangoka wana wa Isaraeli omwe akhadabisalika m'buto zachinsinsi adasokoloka achithamanga kuchoka m'buto zawo kuchoka pa Maare Gibeya.³⁴Amuna bzulu khumi wakusankhuliwa wakuchoka mu Isaraeli wense adabula kulimbana na Gibeya, apo nkhondoyo ikhali yakugopsa, soma wene Benjamini alibe kudziwa kuti ngwete ikhali pafupi na iwo. ³⁵Yahova adagonjesa Benjamini pamaso pa Isaraeli. Pa nsiku yoyo, wana wa Isaraeli adapha amuna bzulu makumi mawiri na bzichanu na dzana libodzi wa Benjamini. Wensene adafawa akhali wale omwe akhadapfunzisiwa kumenya nkhondo na lupanga.³⁶Ndiye wanthu wa Benjamini adaona agonjesewa. Amuna wa Isaraeli akhadapa mbuto kuna a Benjamini, thangwe akhakhulupirira wanthu ndiwo akhadawaikha m'buto zakubisalika kunja kwa Gibeya. ³⁷Ndiye amuna omwe akhadabisalikawo adasokoloka mkufulumiza, achithamangira ku Gibeya, achimenya muyi wensene na nsonga ya lupanga. ³⁸Chilatizo chakupangana pakati pa amuna wa Isaraeli na amuna wakubisalika mwachinsinsi chikhali chakuti mtambo ukulu wa utsi umdzakwira mdzaulu kuchoka mmuyimo.³⁹Nthawe ndizo chilatizo chidatumiziwa amuna wa Isaraeli adabwerera kuchoka ku nkhondo. Tsapano a Benjamini adayamba kumenya nkhondo achipha pafupifupi amuna makumi matatu wa Isaraeli, achiti, ''Mchadidi kuti agonjesiwa pamaso pathu, ninga mu nkhondo yakutoma.''⁴⁰Soma pomwe mtambo wa utsi udayamba kukwira mdzaulu kuchoka mmuyimo, wene Benjamini adacheuka achiona utsi kukwira mdzaulu kuchokera mmuyi mwensemo. ⁴¹Ndiye amuna wa Isaraeli adawaukira iwo. Amuna wa Benjamini adachitisiwa mantha, thangwe adaona kuti ngete yawagwera iwo.⁴²Ndiye iwo adawathawa amuna wa Isaraeli, kuthawa kuyendera kuchipululu. Soma nkhondoyo idawatewera iwo. Amuna wa Isaraeli adabula mmiyi achiwadzonga iwo pomwe akhadaimapo.⁴³Iwo adazungulira wene Benjamini, kuwathotha achiwapondedza pansi pa Noha, njira yense kuyendera mbali yakumachibese kwa Gibeya. ⁴⁴Kuchoka mdzinza la Benjamini, amuna bzulu khumi na bzisere adafa, wensenewo amuna omwe akhali wakugopsa.⁴⁵Iwo adabwerera achithawa kuyendera kuchipululu kuchithanthwe cha Rimoni. A isaraeli adapha wakuthimizira bzulu bzichanu wa iwo m'phepete mwa miseu. Iwo adapitirira kuwatewera iwo, kutewera iwo pafupi na pafupi njira yense ya ku Gidomu, apo koko adapha wina bzulu bziwiri. ⁴⁶Achikunda wensene wa Benjamini omwe adagwa nsiku yoyo akhali bzulu makumi mawiri na bzichanu--amuna omwe akhadapfunzisiwa kumenya nkhondo na lupanga; wensenewo wakugopsa kunkhondo.⁴⁷Soma amuna madzana matanthatu adabwerera achithawira kuchipululu, kuyendera kuchithanthwe cha Rimoni. Kwa miyezi minayi iwo adakhala mthanthwe la Rimoni. ⁴⁸Apo amuna wa Isaraeli adabwerera pomwe kulimbana na wene Benjamini achipha na nsonga ya lupanga muyi wense, bzifuwo na chirichense ndicho iwo adachigumana. Iwo adagasa pomwe moto muyi uliwense mnjira yawo.

21¹Tsapano amuna wa Isaaeli akhadalumbirira pa Mizipa, ''Palibe wa ife amdzapereka mwanache wachikazi kudzaloodwa na wene Benjamini.'' ²Ndiye wanthu adayenda ku Beteli achikhala pansi popo pamaso pa Yahova kufikira maulo, apo na mafala yakukuwa iwo adalira maninge. ³Iwo adachemera, ''Thangweranyi, Yahova, Mulungu wa Isaraeli, kuchitikira ibzi kuna Isaraeli, kuti libodzi loa madzinza yathu likhale seye kuoneka lero lino?''⁴Mangwana yache wanthu adalamuka mwakubesera achimanga guwa la nsembe popo achipereka nsembe yakupserereza na nsembe yaufulu. ⁵Wana wa Isaraeli adati, ''Ndiponi mwa madzinza yensene ya Isaraeli ndilo liribe kukwira kubwera kumtsonkhano kuna Yahova?'' Thangwe akhadachita lumbiriro lakufunika la aliyense omwe alibe kukwira kubwera kuna Yahova pa Mizipa. Iwo adati, ''Iye aphiwe meju.''⁶Wana wa Isaraeli akhana nsisi na m'bale wawo Benjamini. Iwo adati, Lero dzinza libodzi lagwatika kuchoka kuna Isaraeli. ⁷Mbani amdzapereka akazi kuna iwo wakusala, nakuti talumbira kuna Yahova kuti timdzabvuma lini aliyense wa iwo kuloola wanathu wachikazi?''⁸Iwo adati'' Ni dzinzanyi la Isaraeli ndilo liribe kubwera kuna Yahova pa Mizipa?'' Bzidaoneka kuti palibe adabwera kumtsonkhano kuchoka ku Yabeti Gileadi. ⁹Thangwe pomwe wanthu adabulisiwa mwadongosolo, onani, palibe mbadwa za Yabeti Gileadi ndizo zikhalipo. ¹⁰Mtsonkhanoyo udatuma amuna bzulu khumi na bziwiri wa kulimbisisa mtima na malangizo kuyenda kukamenya mbadwa za Yabeti Gileadi na nsonga ya lupanga lakuthwa, kuphatanidza na azimayi na wana ang'ono.¹¹Chitani ichi: Mwamuna aliyense na mkazi aliyense omwe wadziwa kale mwamuna pakugona naye mumdzathemera kumudzonga.'' ¹²Anunawo adagumana pakati pa iwo wakukhala mu Yabeti Gileadi madende mang'ono mang'ono madzana manayi omwe akhanati kudziwa mwamuna pakugona naye, achiwatenga iwo kuyenda nawo ku msasa pa Silo mu Kanani.¹³Mtsonkhano wensene udatuma mtumi uchikauza wanthu wa Benjamini omwe akhali pa thanthwe la Rimoni kuti iwo akhawafunira mtendere. ¹⁴Wene Benjamini adabwerera pa nthawe yoyo achipadsiwa akazi wa ku Yabesi Gileadi omwe akhadakoyewa na moyo, soma pakhalibe akazi wakukwana pala wensenewo. ¹⁵Wanthu akhana nsisi na Benjamini, thangwe Yahova adakonza mgawaniko pakati pa madzinza ya Isaraeli.¹⁶Ndiye akulu akulu wa mtsonkhanoyo adati, ''Tsapano timdzakonza bwino bwino bza akazi pala wene Benjamini omwe asalawa, thangwe akazi wa benjamini aphiwa? ¹⁷Iwo adati, ''Pamfunika pakhale chakusiiriwa cha wakuthawa asalawa wa Benjamini, pala kuti dzinzali nampodi lipfudzike mu Isaraeli.¹⁸Tingawape lini iwo akazi kuchoka mwa wanathu wachikazi, thangwe wana wa Isaraeli adalumbirira, kulewa, 'Wakutembererewa ndiye omwe amdzapereka mkazi kuna wene Benjamini.''' ¹⁹Ndiye iwo adati, ''Mukudziwa pambakhala madyerero ya Yahova gole lirilense pa Silo (komwe mkumpoto kwa Beteli, kumachibese kwa mseu omwe ukukwira kuchoka ku Beteli kuyenda ku Sekemu, na kumwera kwa Lebona).''²⁰Iwo adalangiza amuna wa mu Benjamini, kulewa kuti, ''Ndokoni mukabisalike mwachinsinsi mkukadikhirira mminda ya mpesa. ²¹Katchereni nthawe ndiyo atsikana wakuchoka ku Silo amkabula kudzabzina, ndiye mukasokoloke mkukathamanga kuchoka mmindamo apo aliyense wa imwe akaphate mkazi kuchoka pa atsikana wa ku Silo, ndiye kabwerereni nawo kudziko la Benjamini.²²Azibabawo ayai azimano wawo angabwera kudzakalipa kuna ife, timdzati kuna iwo, 'Tichitireni nsisi! alekeni akhale thangwe tiribe kutenga mkazi wache wache nthawe ya nkhondo. Muna lazau meju, thangwe mulibe kuchita kuwapa amwewa wananu wachikaziwa.'''²³Wanthu wa Benjamini adachita tenepo. Iwo adatenga akazi omwe akhafuna kuchoka kuna atsikana omwe akhambabzina achimbawatengeratu mkukhala azikazawo. Adayenda achibwerera kumbuto kwa chakusiiriwa chawo. Iwo adamanga miyi achikhala momo. ²⁴Kinangoko wana wa Isaraeli adachoka mbuto yoyo achiyenda kumuyi, aliyense kudzinza lache na banja, na aliyense ku chakusiiriwa chache.²⁵Mu nsiku zozo mukhalibe mfumu mu Isaraeli. Aliyense akhachita chakumuthemera mmaso mwache.

1 Samueli

1¹Pakhana munthu winango wa ku Ramataimu wa dzinza la Zufite, wa kudziko lamapiri la Efraimu; dzina lache likhali Elikana mwana wachimuna wa Yerohamu mwana wachimuna wa Elihu mwana wachimuna wa Tohu mwana wachimuna wa Zufi, wa ku Efraimu. ²Iye akhana akazi awiri; dzina la wakutoma likhali Hana, apo dzina la wachiwiriyo likhali Penina. Penina akhana wana, soma Hana akhalibe.³Munthu umweyu akhayenda kuchokera mu mzinda wache gole na gole kukanamata na kukathira nsembe kuna Yahova wa wense mu Silo. Wana wachimuna awiri wa Eli, Hofeni na Fineyasi, ansembe kuna Yahova, akhali popo. ⁴Pomwe nsiku idakwana kuti Elikana apereke nsembe gole lirilense, iye akhambapereka nyama yakugwatagwata kuna Penina mkazache, na kuna wanache wensene wachimuna na wachikazi.⁵Soma kuna Hana akhamupa yakuwanda kupita kawiri, thangwe iye akhakonda Hanayo, napo Yahova akhadafunga chibaliro chache. ⁶Mkhaziba wacheyo akhambamuputa iye kwene kwene kuti akalipe, thangwe Yahova akhadafunga chibaliro chache.⁷Ndiye gole na gole, pomwe iye akhambayenda kukwira kunyumba ya Yahova na banja lache, mwayacheyo akhambamuputa basi. Ndiye iye akhakhalira kulira na kukhala neye kudya chinthu. ⁸Elikana bayache akhambati kuna iye nthawe zense, ''Hana, thangweranyi ukulira? Thangweranyi ukumbadya lini? Thangweranyi mtima wako ukupsoma? Kodi ndiri lini nkhasa kuna iwe kuposa wana wachimuna khumi?''⁹Pa chakuchitika chinango cha ibzi, Hana adalamuka iwo atamala kudya na kumwa ku Silo. Tsapano Eli wansembe akhadakhala pa kadera yache pamsuwo wakuyendera ku kachisi wa Yahova. ¹⁰Iye akhali wakubonera mu mtima mwache; adapemba kuna Yahova achilira kwene kwene.¹¹Iye adachita mpangano achiti, ''Yahova wa wensene, penu mukuona kubonera kwa kapolo wanune na kundikumbuka, apo nampodi kuyebwa kapolo wanune, soma pndipenimbo ine mwana wachimuna kapolo wanune, ndiye nimdzamupereka iye kuna Yahova nsiku zensene za moyo wache, apo palibe chakusengera chimdzakhuya msolo wache.''¹²Pomwe iye akhapemba pamaso pa Yahova, Eli akhaona pakamwa pache. ¹³Hana akhasewera mu mtima mwache. Milomo yache ikhatekenyeka, soma mafala yache yakhabveka lini. Ndiye Eli akhakumbuka kuti iye waledzera. ¹⁴Eli adati kuna iye, ''Kodi umdzakhala wakuledzera kufikizana liti? Leka vinyu wako.¹⁵Hana adatawira, ''Neye, mbuyangu, ndine mkazi wa mzimu wansisi. Ndiribe kumwa neye vinyu ayai chakumwa cha ukali, soma ndikhakhuthulira moyo wangu pamaso pa Yahova. ¹⁶Nampodi kutenga kapolo wanu kukhala mkazi wakusaya basa; ndikhasewera bza kulemwa kwa kukhudzika na kuputiwaputiwaku.''¹⁷Ndiye Eli adatawira achiti, ''Ndoko mu mtendere; Mulungu wa Isaraeli mbaakupe kumbiro ndilo wamkumbira iye.'' ¹⁸Iye adati, ''Lekani kapolo wanu agumane udidi pa maso panu.'' Ndiye mkaziyo adayenda njira yache achikadya; nkhope yache ikhali lini pomwe yakupsoma.¹⁹Iwo adalamuka na machibesebese achinamata pa maso pa Yahova, apo kinangoko iwo adabwerera kumuyi kwawo ku Rama. Elikana adadziwa Hana mkazache, apo Yahova adamkumbukira iye. ²⁰Pomwe nthawe idakwana, Hana adatenga pathupi achibala mwana mwamuna. Iye adamuchemera dzina lache Samueli, kulewa kuti, ''Thangwe ndamukumbira kuchoka kuna Yahova.''²¹Kinangoko, Elikana na nyumba yache yensene adayenda kukwira kukapereka nsembe ya gole na gole kuna Yahova na kukapereka lumbiriro lache. ²²Soma Hana alibe kuyenda; iye adati kuna bayache, ''Niyenda lini kifikizana mwana atalekeza kumama; ndiye ndidzamubwerese bwino iye, pala kuti adzaonekere pamaso pa Yahova na kudzakhala kumweko nthawe zense.'' ²³Elikana bayache adati kuna iye, ''Chita bzomwe mpsabwino kuna iwe. Dikhira kifikizana iye alekeze kumama. soma, Yahova mbaakwanirise fala lache.'' Ndiye mkaziyo adakhala kumbalera mwanacheyo kufikizana atalekeza kumama.²⁴Atalekeza kumama, iye adamutenga pabodzi naye, pabodzi na ng'ombe imuna ya magole matatu, efa ibodzi ya chakudya, na galafa la vinyu, achimubweresa iye ku nyumba ya Yahova ku Silo. Tsapano mwanayo akhali mng'ono basi. ²⁵Iwo adapha ng'ombeyo, achimubweresa mwanayo kuna Eli.²⁶Iye adati, ''Oh, mbuyangu! Pakukhala imwe mbuyangu, ndine mkazi omwe ndaima pafupi namwe kupemba kuna Yahova. ²⁷Nakuti mwanayu ndidamupemba apo Yahova wandipa ine kumbiro langu ndilo ine ndidamukumbira iye. ²⁸Ndampereka iye kuna Yahova, pomwe iye amkhala wakumbiziwa kuna Yahova.'' Ndiye iye adanamata Yahova popo.

2¹Hana adapemba achiti, ''Mtima wangu ukukomedwa mwa Yahova. Nyanga yangu ikwizike mwa Yahova. Mulomo wangu ukubzithemba pa awengi wangu, thangwe nimbakukomedwa mchipulumuso chanu.²Palibe wina wakuchena ninga Yahova, thangwe palibe wina pambali pa imwe; palibe thanthwe ninga Mulungu wathu.³Nampodi kubzithembeza pomwe mwakusamwirira; nampodi kuti kubzithusa kubule pakamwa panu. Thangwe Yahova ni Mulungu wanzeru; na iye bzichito bzimbapimiwa. ⁴Mauta ya amuna wamphamvu yakhoboliwa, soma iwo wakukhukhumudwa amangiririka mchiuno na mphamvu.⁵Iwo omwe akhadakhuta achita ganya okha kugumana mkate; wale omwe akhana njala alekeza kukhala na njala. Neye wakusaya kubala wabala wana anomwe, somamkazi omwe ana wana aazinji sa⁶yahova ambapha achibweresa moyo. Iye ambapolikisa ku Thenje achilamusa. ⁷Yahova ambachitisa wanthu wina kusaya apo wina kudala. Iye ambachepsa, soma iye ambakuza mdzaulu.⁸Iye ambalamusa wakusaya ku pfumbi. Iye ambakwiza wakusaya kuchoka pa thukuta la dotha achiwakhazika na mafumu achisiiriway kadera ya ulemerero. Thangwe nsandamira za dziko lapansi mza Yahova apo iye wakhazika dziko lapansi pa izo.⁹Iye amdzakoya nzayo za wakukondeka wache, soma wakuipawo amdzawakhazika chete mu m'dima, thangwe palibe amdzapambana na mphamvu.¹⁰Wakugazana na Yahova amdzapseka, iye amdzagunda pa iwo kuchoka kudzaulu. Yahova amdzayeruza kuphampha kwa dziko lapansi; iye amdzapa mphamvu mfumu yache achikwiza nyanga ya wakudzozewa wache.''¹¹Ndiye Elikana adayenda ku Rama, kwawo. Mwanayo adatumikira Yahova pamaso pa Eli wansembeyo.¹²Tsapano wana wachimuna wa Eli akhali wanthu wapezipezi. Akhadziwa lini Yahova. ¹³Mtemo wa ansembe na wanthu ukhali wakuti pomwe munthu ampereka nsembe, wakutumikira wansembe abwere na garufu la bzala bzitatu mmanja mwache, pomwe nyama ikuwira pa moto. ¹⁴Iye akhaiphathika mchiweye, ayai mu m'pkika, ayai mphendekeli, ayai mpoto. Magalufu yensene yadabweresewa na wansembeyo akhabzitengera mwene. Iwo adachita ichi mu Silo na a Isararaeli wensene omwe adabwera popo.¹⁵Kuipa kwache, akanati iwo kupserereza mafuta, mtumiki wa wansembe adabwera, achiti kuna munthu wakupereka nsembeyo, ''Pereka nyama yakuti aotche wansembe; thangwe iye amdzabvuma lini nyama yakutereka kuchoka kuna iwe, soma iwisi basi.'' ¹⁶Penu munthuyo adati kuna iye, ''Iwo atome kuotcha mafutayo, apo kinangoko tenga mazinji umfunayo.'' Ndiye iye adati, ''Neye, ndipe ine tsapano; apo neye, niyitenga mwa mphamvu.'' ¹⁷Chakuphonya cha anyamatawa chikhali chikulutsa pamaso pa Yahova, thangwe iwo akhanyoza nsembe ya Yahova.¹⁸Soma Samueli adatumikira Yahova akali mwana atabvala efodi wa bafuta. ¹⁹Mayi wache adamsonera mkanjo ung'ono mkumubweresera iye kuchoka gole na gole, pomwe iwo akhambabwera kukwira na abayawo kukapereka nsembe ya pa gole.²⁰Eli adadalisa Elikana na mkazache achiti, ''Yahova mbaakupe iwe wana azinji na mkazi umweyu thangwera kumbiro iye adachita kuna Yahova.'' Kinangoko iwo adabwerera kumuyi kwawo. ²¹Yahova adathandiza pomwe Hana, apo iye adatenga pomwe pathupi. Iye adabala wana wachimuna atatu na wana wachikazi awiri. Apo, mwana Samueli adakula pamaso pa Yahova.²²Tsapano Eli adakalamba kwenekwene; iye adabva bzense ndibzo wanache wachimuna akhachita mu Isaraeli, na ndimo iwo akhagonera na akazi omwe akhatumikira pa msuwo wakuyendera ku chihema cha kugumanirana. ²³Iye adati kuna iwo, ''Kodi thangweranyi imwepo mumbachita bzinthu bzobzi? Thangwe inepano nimbabva bzichito bzakuipa kuchoka kuna wanthu wensenewa.'' ²⁴Neye, wanangu; thangwe mpsabwino lini ndibzo nimbabvabzo. Mukuchitisa wanthu wa Yahova kusaya kukhulupirira.²⁵Penu wina aniphonyera mwayache, Mulungu amdzamuyeruza umweyo; soma penu munthu aniphonyera Yahova, mbani amdzamusewerera iye?'' Soma iwo alibe kutetekera mafala ya babawoyo, thangwe Yahova akhafuna kuwapha iwo. ²⁶Mwanayo Samueli adakula, achithimizirika mu udidi na Yahova na wanthu pomwe.²⁷Tsapano munthu wa Mulungu adabwera kuna Eli achiti naye, ''Yahova wati, 'Kodi ndiribe kubzionesera ndekha ku nyumba ya babako pomwe iwo akhali mu Aigupto mmatsautso mnyumba ya Falawo? ²⁸Ndidamusankhula iye pakati pa madzinza yensene ya Isaraeli kukhala wansembe wangu, kukwira kuyenda ku guwa langu la nsembe, na kuotcha bzakufukiza bzakununtchira, kubvala efodi pamaso pangu. Ndidapa ku nyumba ya babako nsembe zensene za wana wa Isaraeli za kumoto.²⁹Thangweranyi, tsono, umbapondereza nsembe zangu na bzakupereka bzangu, ndibzo ine ndidatonga m'buto ndimo nimbakhalamo? Thangweranyi ukulemekeza wanako wachimuna kuposa ine pa kubzinenepesa wekha na nsembe zense zabwino za wanangu wa Isaraeli?' ³⁰Mthangwerache, Yahova, Mulungu wa Isaraeli, walewa, 'Ndidalonjeza kuti nyumba yako na nyumba ya babako zifambe pamaso pangu kwa muyaya.' Soma tsapano Yahova walewa, 'Chikhale kutali nande ine kuchita ichi, thangwe nimdzalemekeza iwo wakundilemekeza, soma iwo wakundinyoza ine amdzapepusiwa.³¹Ona, nsiku zirimkubwera ndizo nimdzagwata mphamvu zako na mphamvu za nyumba ya babako, mwakuti pamdzakhala lini pomwe nkhalamba mnyumba mwako. ³²Umdzaona matsautso m'buto ndiyo ine nimdzakhala. Napo bzabwino bzimdzaperekiwa kuna Isaraeli, pamdzakhala lini pomwe nkhalamba mnyumba mwako. ³³Munthu wako ndiye nimdzamuleka kumugwata pa guwa langu la nsembe, amdzambondirisa maso yako, achidzachitisa nsisi mtima wako, ndiye wakubadwa wense wa m'banja lako amdzafa pomwe akadali biriwiri.³⁴Ichi chimdzakhala chilatizo chako ndicho chimdzabwera pa wanako awiri wachimuna, pa Hofini na Fineyasi: Wensenewo amdzafa nsiku ibodzi. ³⁵Nimdzabzilamusira ndekha wansembe wakukhulupirika omwe amdzachita ndibzo bziri mumtima mwangu na mchifuniro changu. Nimdzammangira iye nyumba yabwino; apo amdzafamba pamaso pa mfumu yangu yakudzozewa nthawe zense.³⁶Aliyense wakusiyidwa m'banja lako amdzabwera achidzakotamira iye, kukumbira kobiri na chakudya, achidzati, ''Pirizi ndipenimbo ine basa libodzi la wa ansembe pala kuti ndionembo chakudya.'''''

3¹Ndiye mwanayo Samueli adatumikira Yahova pamaso pa Eli. Mafala ya Yahova yakhali patali patali nsiku zozo; masomphenya ya uneneri yakhali lini pafupi pafupi. ²Pa nthawe yoyo, pomwe Eli, omwe kuona kwache kukhalemweratu chizirezire mwakuti zjai akhaona lini pomwe bwino, akhadagona pa kama wache. ³Kandiyero ya Yahova ikhanati kuthima, apo Samueli akhadagona mkachisi wa Yahova, momwe mukhana likasa la Mulungu. ⁴Yahova adachemera Samueli, omwe adati, ''Ndiri pano.''⁵Samueli adathamangira kuna Eli achiti, ''Ndiri pano, thangwe mwandichemera,'' Eli adati, ''Ndiribe kukuchemera ine; kagone pomwe.'' Ndiye Samueli adakagona pomwe. ⁶Yahova adachemera pomwe, ''Samueli.'' Samueli adalamuka pomwe kuyenda kuna Eli achiti, ''Ndiri pano, thangwe mwandichemera.'' Eli adatawira, ''Ndiribe kukuchemera ine, mwanangu; kagone pomwe.''⁷Tsapano Samueli akhadziwa lini Yahova, ayai kukhala na uthenga bulibwense bwa Yahova neye kuzimbulika kokha kuna iye. ⁸Yahova dachemera pomwe Samueli kachitatu. Samueli adalamuka pomwe achiyenda kuna Eli achiti, ''Ndiri pano, thangwe mwandichemera.'' Ndiye Eli adazindikira kuti Yahova ndiye wachemera mnyamatayo.⁹Kinangoko Eli adati kuna Samueli, ''Ndoko kagone pomwe; angakuchemera pomwe, ukhale, 'Sewera, Yahova, nakuti kapolo wanu ndikutetekera.''' Ndiye Samueli adayenda kukagona pomwe m'buto yache.¹⁰Yahova adabwera kudzaima; iye adachemera pomwe ninga kuinangokale, ''Samueli, Samueli.'' Ndiye Samueli adati, Sewerani, nakuti kapolo wanu ndikutetekera.'' ¹¹Yahova adati kuna Samueli, ''Ona, ndasala pang'ono kuchita chinthu china kuna Isaraeli chakuti makutu ya aliyense wakuchibva yamdzalira nacho.¹²Pa nsiku yoyo nimdzachita pa Eli chirinsene ndicho ndidasewereratu bza banja lache, kuchoka pakutoma kufikizana kuphampha. ¹³Ndamuuza kuti nimfuna kuyeruza banja lache pa bzakuipa bzense iye adabzidziwa, thangwe wanache adabzibweresera themberero apo iye alibe kuwaletsa. ¹⁴Thangwera ichi ndalumbira ku banja la Eli kuti chakuipa cha banja lache chimdzapfudzika lini na nsembe ayai chakupereka ku nthawe zense.''¹⁵Samueli adagona pansi kufikizana machibese; kinangoko adafungula misuwo ya nyumba ya Yahova. Soma Samueli akhana mantha kuuza Eli bza masomphenyayo. ¹⁶Ndiye Eli adachemera Samueli achiti, ''Samueli, mwanangu.'' Samueli adati, ''Ndiri pano.''¹⁷Iye adati, ''Iye wakuuza mafala yanyi? Pirizi nampodi kundibisira inepano. Mulungu akuchitembo terepoyo, na kuthimizira, ungabisira ine chirichense pa mafala yense ndiyo iye wasewera kuna iwe.'' ¹⁸Samueli adamuuza iye chirichense; alibe kumubisira chinthu. Eli adati, ''Ni Yahova. Mulekeni achite bzakumudekera iye.''¹⁹Samueli adakula, apo Yahova akhanaye, apo alibe kubvuma kuti mafala ya uneneri bwache yagwe pansi. ²⁰Aisaraeli wensene kuchokera ku Dani kufika ku Beereseba adadziwa kuti Samueli adaikhiwa kukhala mneneri wa Yahova. ²¹Yahova adaonekera pomwe mu Silo, thangwe adabzizimbula yekha kuna Samueli mu Silo na mafala yache.

4¹Mafala ya Samueli yadabwera kuna a Isaraerli wensene. Tsapano Isaraeli adayenda ku nkhondo kukalimbana na Afirisiti. Iwo adamanga msasa pa Ebenezara, apo Afirisiti adamanga msasa pa Afeki. ²Afirisiti adalonzana mzere kuti amenyane na wana wa Isaraeli. Pomwe nkhondo idayenderera, Isaraeli adagonjesewa na Afirisiti, omwe adapha pafupifupi wanthu bzulu bzinayi ku thengo la nkhondo.³Nthawe ndiyo wanthu adabwera pa msasa pale, akuluakulu wa Isaraeli adati, ''''Thangweranyi Yahova watigonjesa lero pamaso pa Afirisiti? Mbatiye tibwerese likasa la mpangano la Yahova pano kuchokera ku Silo, kuti timbakhale nalo pano, kuti limbatikhotcherere kuchoka mmanja mwa awengi wathu.'' ⁴Ndiye wanthu adatuma amuna ku Silo; pakuchoka kopo adatakula likasa la mpangano la Yahova wa wense, omwe ambakhala padzaulu pa akerubi. Wana wachimuna awiri wa Eli, Hofeni na Fineasi, akhali popo na likasa la mpangano la Mulungu.⁵Pomwe likasa la mpangano la Yahova lidabwera pa msasapo, wana wensene wa Isaraeli adakuwa pa kusekerera kukulu, apo mataka yadatekenyeka. Pomwe ⁶Afirisiti adabva baludya la kusekererako, iwo adati, ''Baludya lakusekerera tenepali ndachani mu msasa mwa Aheberimu?'' Kinangoka iwo adazindikira kuti likasa la Yahova labwera mu msasamo.⁷Afirisiti akhana mantha; iwo adati, ''Ka mulungu kabwera mu msasamo.'' Iwo adati, ''Tsoka kuna ife! Bzikanati kuchitika kale ibzi! ⁸Tsoka kuna ife! Mbani amdzatikhotcherera ku mphamvu zizinji za milungu imweyi? Imweyi ni milungu ndiyo idakamenya Aigupto na miliri mizinji ya moda na moda mchipululu. ⁹Limbani mtima, na kukhala amuna, imwe Afirisiti, ayai mumdzakhala akapolo wa Aheberi, ninga iwo adakhalira akapolo kuna imwe. Khalani amuna, na kumenya nkhondo.''¹⁰Afarisi adamenya nkhondo, apo Isaraeli adagonjesewa. Munthu aliyense adathawira ku hema wache, apo kuphako kukhali kukulu kwenekwene; nakuti wanthu wakufamba pansi bzulu makumi matatu wakuchoka ku Isaraeli adafa. ¹¹Likasa la Mulungu lidatengiwa, apo wana wachimuna awiri wa Eli, Hofeni na Fineasi, adafa.¹²Munthu waku Benjamini adathawa kuchoka ku mzere wa nkhondo achibwera ku Silo nsiku imweyo, kufika na bzakubvala bzache bzakuphadzuka na mataka pa msolo pache. ¹³Pomwe iye adafika, Eli akhadakhala pa kadera yache m'bali mwa njira kunyang'anisa thangwe mtima wache ukhatetemera na kukhudzika na likasa la Mulungu. Pomwe munthuyo adapita mu mzindamo mkukasimba nkhaniyo, mzinda wensene udakuwa kulira.¹⁴Pomwe Eli adabva baludya la kulirako, iye adati, ''Kodi baludya limweri ndachani? Munthuyo adabwera kamkulumize kukauza Eli. ¹⁵Tsapno Eli akhana magole makumi mapfemba na masere; maso yache yakhatondo kutong'oka, apo iye akhaona lini.¹⁶Munthuyo adati kuna Eli, ''Ndine omwe ndabwera kuchoka ku mzere wa nkhondo. Ndathawa kunkhondo lero.'' Eli adati, ''Yafamba tani, mwanangu?'' ¹⁷Munthu adabweresa nkhaniyo adati, ''A Isaraeli athawa kuchoka kuna Afirisiti. Pomwe, pakhala kuphana kukulu pakati pa wanthu. Pomwe, wananu wachimuna awiri wale, Hofeni na Fineasi, afa, apo likasa la Mulungu latengiwa.''¹⁸Pomwe iye adaguma likasa la Mulungu, Eli adagwa cha gada kuchoka pa kadera yache pafupi na chipata. Khosi lache lidatchoka, achifa, thangwe iye akhali wakukalamba na wa pezo. Iye akhadayeruza Isaraeli kwa magole makumi manayi.¹⁹Tsapano muloola wache, mkazi wa Fineyasi, akhana pathupi ali pafupi kubala. Pomwe iye adabva nkhani kuti likasa la Mulungu lapsokonyoliwa na kuti amabzala wache wachimuna na bayache afa, iye adagodama pansi achibala mwana, soma ululu bwakubala budamuboneresa iye. ²⁰Nthawe yakufa iye itafendera azimayi wakumuthandiza adati, '' Nampodi kuchita mantha, thangwe wabala mwana wachimuna,'' Soma iye alibe kutawira ayai kutengera kumtima ndibzo iwo adamuuza.²¹Iye adachemera mwanache Ikabodi, kulewa kuti, ''Ulemerero bwachoka mu Isaraeli!'' thangwe likasa la Mulungu lapsokonyoliwa, na thangwera amabzala wache wachimuna na bayache. ²²Iye adati, ''Ulemerero bwayenda kuchoka mu Isaraeli, thangwe likasa la Mulungu lapsokonyoliwa.''

5¹Tsapano Afirisiti adapsokonyola likasa la Mulungu, achilibweresa kuchoka ku Ebeneza kuyenda ku Asidodi. ²Afirisiti adatenga likasa la Mulungu, kulibweresa mnyumba ya Dagoni, achiliimisa pambali pa Dagoni. ³Nthawe ndiyo wanthu wa ku Asidodi adalamuka machibesebese mangwana yache, onani, Dagoni akhadafa nkhope kunyang'anisa pansi pamaso pa likasa la Yahova. Ndiye iwo adatakula Dagoni achimutumiza kukwira pomwe ku mbuto yache.⁴Soma pomwe iwo adalamuka machibesebese mangwana yache, onani, Dagoni akhadafa atagwa nkhope kukhuya pansi pa mbutoyo pamaso pa Yahova. Msolo wa Dagoni na manja yache yensene yakhali yakugwatika pamsuwo. Chithupi chokha cha Dagoni chidasalira. ⁵Ili mthangwerache, neye lero, ansembe wa ku dagoni na aliyense wakubwera mnyumb mwa dagoni ambaponda lini pamsuwo wa Dagoni mu Asidodi.⁶Boko la Yahova likhadalemedwa na wanthu wa ku Asidodi. Iye adawadzononga iwo na mapute, Asidodi na mphimpha yache kubodzi. ⁷Pomwe wanthu wa ku Asidodi adazindikira chomwe chikhachitika, adati, ''Likasa la Mulungu wa Isaraeli nampodi likhale na ife, thangwe boko lache likulimbana nafe na kulimbana na Dagoni mulungu wathu.''⁸Ndiye adatuma mitumi achigwezekana pabodzi akuluakulu wensene wa Afirisiti; iwo adati kuna iwo, ''Kodi tichite chani na likasa la Mulungu wa Isaraeli?'' Iwo adatawira, ''Lekani likasa la Mulungu wa Isaraeli libwere pafupi pa Gati.'' Ndiye adatakula likasa la Mulungu wa Isaraeli popo. ⁹Soma atalibweresa pafupi, boko la Yahova lidagazana na mzindayo, kuyambisa mapute makulu. Iye adaboneresa wanthu wa mu mzindamo, ang'ono na akulu; apo mapute yadayambika pa iwo.¹⁰Ndiye iwo adatumiza likasa la Mulungu ku Ekironi. Soma likasa la Mulungu litatondo kubwera mu Ekironi, a Ekironi, adalira, kulewa kuti, ''Iwo abweresa kuna ife likasa la Mulungu wa Isaraeli kuti atiphe na wanthu wathu.''¹¹Ndiye iwo adatuma mtumi achigwezekana pabodzi akulu akulu wensene wa Afirisiti; iwo adati kuna iwo, ''Tumizani kutali likasa la Mulungu wa Isaraeli, apo lilekeni libwerere kumbuto yache chaiyo, pala kuti nampodi litiphe ife na wanthu wathu.'' Thangwe pakhana mapute yakupha mmuyi mwensenemo; boko la Mulungu likhali lakulemedwa pamwepo. ¹²Wanthu omwe alibe kufa adaphatiwa na mapute, apo kulira kwa mzindayo kudakwira kudzaulu.

6¹Tsapano likasa la Yahova likhali mdziko la Afirisiti kwa miyezi minomwe. ²Ndiye Afirisiti adachemeresa ansembe na wakuombeza; iwo adati kuna iwo, ''Tichite tani na likasa la Yahova? Tiuzeni tilibwezere tani ku dziko lache chailo.''³Wansembe na wakuombeza adati, ''Mungabweza likasa la Mulungu wa Isaraeli, nampodi kulibwezera seye mphaso; na njira iriyense mutumizireni nsembe yakuphonya. Kinangoko mumdzalimba, apo mumdzadziwa thangweranyi boko lache liribe kuchoka pa imwe kufikizana lero.'' ⁴Ndiye iwo adati, ''Nsembe ya kuphonya ingakhale chani kuti tibwezerese kuna iye?'' Iwo adatawira, ''Mapute machanu ya golide na makoso machanu ya golide, machanu mkukhala kuwanda kwache kwakulingana na kuwanda kwa akuluakulu wa Afirisiti. Thangwe muliri ubodzibodziyo udaboneresa imwe na akuluakulu wanu.⁵Ndiye mukonze bzilinganilo bza mapute yanu, na bzilinganilo bza mbewa zanu ndizo zikutsautsa dziko, na kupasa ulemerero kuna Mulungu wa Isaraeli. Pinangopense iye amdzachosa boko lache pa imwe, pa milungu yanu, na kuchosa mdziko lanu. ⁶Thangweranyi kuti mulimbise mitima yanu, ninga Aigupto na Falawo adalimbisira mitima yawo? Imweyo ikhali nthawe ndiyo Mulungu wa Isaraeli adachita nawo kwenekwene; kodi Aigupto alibe kubalalisa wanthu, apo achichoka?⁷Tsapano ndiye, konzekani ngolo ipsa na ng'ombe ziwiri zakumamisa ndizo zikanati kuphatisiwa basa. Mangirirani ng'ombezo ku ngolo, soma tengerani wana wachewo kumuyi, kutali na izo. ⁸Tengani likasa la Yahova mulipakize pa ngolo, mkuikha bzilinganilo bza golide, ndibzo mukubzibwezeresa kuna iye ninga chakupereka cha kuphonya, mchakuikhira pambali pache. Litumizeni apo liyende njira yache, ⁹soma khalani tcheru. Iingakwira na msewu kuyenda kudziko lache chailo kuyendera ku Beti Semesi, ndiye ni Yahova omwe wachitisa ife kubonera kukuluku. Soma penu neye, ndiye timdziwa kuti ni boko lini lache ndilo lidatiboneresa ife; bzidachitika bzokha kuna ife.''¹⁰¹¹¹²Wanthuwo adachita ndimo iwo adauzidwira; iwo adatenga ng'ombe ziwiri zakumamisa, mkuzimangirira ku ngolo, mkukatsekera ntchere zache kumuyi. ¹¹Iwo adaikha likasa la Yahova pa ngolo, pabodzi na chakuikhira chakukhala na makoso ya golide na moda wa mapute yawo. Ng'ombe zidayenda kulungama mbali ya ku Beti Semesi. Izo zidayenda kutewera mseu, kumbalira pomwe zikhayenda, pakuti ziribe kupambuka m'bali pinango kumadidi ayai kumadzere. Akuluakulu wa Afirisiti adatewera pambuyo pa izo kuyenda ku malire ya Beti Semesi.¹³Tsapano wanthu wa Beti Semesi akhakolola tirigu wawo mchigwa. Pomwe iwo adakwiza maso yawo mkuona likasa, adasekera.¹⁴Ngolo idafika mmunda wa Yoswa kuchoka mu mzinda wa Beti Senesi ichiima mwemo. Mwala ukulu ukhali mwemo, apo udalekanisa mtanda kuchoka ku ngolo, mkupereka ng'ombezo nsembe yakupserereza kuna yahova. ¹⁵Alevi adabulisa likasa la Yahova na chakuikhira ndicho chikhali mwemo, momwe bzilinganiro bza golide bzire bzikhali, mkubziikha pa mwala ukulu ule. Wanthu wa mu Beti Semesi adapereka nsembe yakupserereza achikonza nsembe nsiku yoyo kuna yahova.¹⁶Pomwe akukuakulu achanu wa Afarisi adaona ibzi, adabwerera nsiku yoyo ku Ekironi.¹⁷Aya ni mapute ya golide ndiyo Afirisit adabwezera pa nsembe yakuphonya kuna yahova--libodzi pala Asidodi, libodzi pala Gaza, libodzi pala Asikeroni, libodzi pala Gati, apo libodzi pala Ekironi. ¹⁸Mbewa za golide zikhali ndendende kuwanda kwache na kuwanda kwa miyi ya Afirisiti ya atongi achanu, mizinda ya malitsito na miyi ya mdziko. Mwala ukulu, pambali pache ndiwo iwo adaikha pansi likasa la Yahova, uli mboni kufikizana lero mmunda wa Yoswa wa ku Betisemi.¹⁹Yahova adapha amuna wina wa ku Beti Semesi thangwe iwo akhadasuzumira mu likasa la Yahova. Iye adapha amuna bzulu makumi machanu na makumi manomwe. Wanthu adalira nkhawa thangwe Yahova akhadapa wanthuwo chilango chikulu. ²⁰Amuna wa mu Beti Semesi adati, '' Mbani angaime pamaso pa Yahova, Mulungu wakuchenayu? Likasa limdzakwira kuyenda kuna mbani lingachoka kuna ife?²¹Iwo adatuma mitumi kuna mbadwa za mu Kiriati Yearimu, kulewa kuti, ''Afirisiti abwerera na likasa la Yahova; bwerani polikani mulitenge mubwerere nalo.''

7¹Amuna wa mu Kiriati Yearimu adabwera, mkutenga likasa la Yahova, mkulibweresa mnyumba ya Abinanabu pa phiri. Iwo adaikha pambali mwanache wachimuna Eleazara kukoya likasa la Yahova. ²Kuchoka nsiku ndiyo likasa lidasalira mu Kiriati Yearimu, nthawe izinji idapita, magole makumi mawiri. Nyumba yensene ya Isaraeli idalira ichikhumba kubwerera kuna Yahova.³Samueli adati kuna nyumba yensene ya Isaraeli, ''Penu munibwerera kuna Yahova na mtima wanu wensene, chosani milungu na Asitoreti kuchoka pakati panu, tembenukirani mitima yanu kuna Yahova, apo munamate yekhayo, ndiye amdzakupulumusani mmanja mwa Afirisiti,'' ⁴Ndiye wana wa Isaraeli adachosa Baala na Asitoreti, achinamata Yahova yekha.⁵Ndiye Samueli adati, ''Bweresa a Isaeraeli wensene pa Mizipa, apo nimdzakupemberera kuna Yahova.'' ⁶Iwo adagwezekana pa Mizipa, mkutunga madzi mkuyakhuthula pamaso pa Yahova. Iwo adatsotsa kudya nsiku yoyo achiti, ''Taphonyera Yahova.'' Mpamwepo ndipo Samueli adalinganiza milandu ya wana wa Isaraeli achiwatsogolera wanthu.⁷Tsapano pomwe Afirisiti adabva kuti wana wa Isaraeli akhadagwezekana pa Mizipa, akuluakulu wa Afirisiti adamenya Isaraeli. Pomwe wana wa Isaraeli adabva bzobzi, akhana mantha na Afirisiti. ⁸Ndiye wana wa Isaraeli adati kuna Samueli, ''Nampodi kulekeza kutilirira ife kuna Yahova Mulungu wathu, pala kuti atipulumuse mmanja mwa Afirisiti.''⁹Samueli adatenga mwana wabira wakumama wenseneyo achimpereka kukhala nsembe yakupserereza kuna Yahova. Kinangoko Samueli adalirira kuna Yahova wa Isaraeli, apo Yahova adamutawira iye.¹⁰Pomwe Samueli akhapereka nsembe yakupsererezayo, Afilisiti adafendera kuti amenyane na Isaraeli. Soma Yahova adagunda na kugunda kukulu nsiku yoyo pa Afirisiti achiwasokoneza, achidzonongeka pamaso pa isaraeli. ¹¹AIsaraeli adabula ku Mizipa, achithotha Afilisiti achiwapha iwo kuyenderatu kunyansi ku Beti Kara.¹²Ndiye Samueli adatenga mwala achiuyimisa pakati pa Mizipa na Seni. Iye adauchemera Ebenezari, achiti, ''Kufikizana pano Yahova watithandiza.''¹³Ndiye Afilisiti adagonjesewa apo adatazira kupita mmalire ya Isaraeli. Boko la Yahova likhali pakugazana na Afilisiti nsiku zensene za Samueli. ¹⁴Mizinda ndiyo Afilisiti akhadatenga kuchoka kuna Aisaraeli idabwezeresewa ku Isaraeli, kuchoka ku Ekironi kufika ku Gati; Isaraeli idatenga pomwe mbuto yache kuchoka kuna Afilisiti. Kinangoka pakhana mtendere pakati pa Isaraeli na Aamori.¹⁵Samueli adayeruza Isaraeli nsiku zensene za moyo wache. ¹⁶Gole lirilense iye akhayenda mwakumbazungulira ku Beteli, ku Giligala, na ku Mizipa. Iye akhatonga mipokano ya Isaraeli m'buto zensenezi. ¹⁷Kinangoka adabwerera ku Rama, thangwe nyumba yache ikhali koko; apo kumweko pomwe iye adatonga mipokano ya Isaraeli. Iye adamangira pomwe Yahova guwa la nsembe koko.

8¹Pomwe Samueli adakalamba, adaikha wanache wachimuna kutonga Isaraeli. ²Dzina la mwanache wakutoma likhali Yoeli, apo dzina la mwanache wachiwiri likhali Abiya. Iwo akhali atongi wa ku Beereseba. ³Wanachewa alibe kufamba mnjira zache, soma adapambukira ku chisiriro pala phindu. Akhatambira bobobo kutaya chilungamo.⁴Ndiye akukuakulu wensene wa Isaraeli adagwezekana pabodzi achibwera kuna Samueli ku Rama. Iwo adati kuna iye, ⁵''Nyang'ana, iwepo wakalamba, apo wanakowa akufamba lini mnjira zako. Tiyikhire mfumu ifepano yakutitonga ninga madzinza yenseneya.''⁶Soma bzidaipira Samueli pomwe iwo adati, ''Tipe mfumu yakutitonga ifepano.'' Ndiye Samueli adapemba kuna Yahova. ⁷Yahova adati kuna Samueli, ''Bvera mafala ya wanthuwa mchirichense amkuuzacho; thangwe alibe kulamba iwepo, soma alamba ine kukhala mfumu yawo.⁸Bzichito bzibodzibodzi achitabzi kuyambira nsiku ndidawabulisa kuchoka mu Aigupto--kundilamba ine mkumbatumikira milungu inango--akuchitira pomwe iwepo. ⁹Tsapano atetekere; soma uwachenjeze bzakulimba na kuwauza makhaliro yache ya mfumu ndiyo imdzawatongayo.¹⁰Ndiye Samueli adalewa mafala yensene ya Yahova kuna wanthu omwe akhakumbira mfumuwo. Iye adati, ''Aya yamdzakhala makhaliro ya mfumu ndiyo imdzakutongani imwe. ¹¹Iyo imdzatenga wananu wachimuna ichidzawaikha ku magareta yache na kukhala wa pakavalo wache, achimbadzathamanga kutsogolera ma magareta yache. Iyo imdzabziyikhira akulu wa bzulu na bzulu wa makumi machanu machanu. ¹²Imdzaikha wina wakumbalima pansi pache, wina wakumbakolola bzakukolola bzache, na wina kumbakonza bzipfudzo bzache bza nkhondo na bzipangizo bza magareta yache.¹³Iyo imdzatenga wananu wachikazi kudzakhala wakukonza bzakununtchira, wakuphika, na wakuphika mikate. ¹⁴Iyo imdzatenga minda yanu yensene yabwino, na minda yanu yampesa, na minda yanu ya bzipaso bza azitona, mkumbadzapa wakutumikira wache. ¹⁵Iyo im'badzatenga chakhumi cha mbewu zanu na bza minda yanu ya mpesa mkumbadzapa akapitawo wache na wakutumikira wache.¹⁶Iyo imdzatenga akapolo wanu wachimuna na akapolo wanu wachikazi na ng'ombe zanu zabwino zabwino na abulu wanu; imdzaikha bzensenebzo kumbaphatira iyo basa. ¹⁷Imdzatenga chakhumi cha bzifuwo bzanu, apo imwe mumdzakhala akapolo wache. ¹⁸Ndiye pa nsiku yoyo mumdzakuwa thangwera mfumu yanu ndiyo imwe mwabzisankhulira mwekhayo; soma Mulungu amdzakutawirani lini nsiku yoyo.''¹⁹Soma wanthu adalamba kutetekera Samueli; iwo adati, ''Neye! pakhale mfumu yathu ²⁰kuti tikhale ninga madzinza inango yenseneya, na kuti mfumu yathuyo imbatiyeruze na kumbabula kunja kutitsogolera na kukamenya nkhondo zathu.''²¹Pomwe Samueli adabva mafala yensene ya wanthuwo adawabwerezera iwo mmakutu mwa Yahova. ²²Yahova adati kuna Samueli, ''Bvera mafala yawoyo na kuwaikhira mfumu yakuwatonga iwo.'' Ndiye Samueli adati kuna amuna wa Isaraeli, ''Munthu aliyense ayende ku muyi kwache.''

9¹Pakhana munthu wa ku Benjamini, munthu wa vida izinji. Dzina lache akhali Kisi mwana wachimuna wa Abieli mwana wachimuna wa Zerora mwana wachimuna wa Bekorati mwana wachimuna wa Afiya, mwana wachimuna wa ku Benjamini. ²Iye akhana mwana wachimuna wakuchemeriwa Sauli, mnyamata wa maonekedwe yakudeka. Pakhalibe mwamuna pakati pa a Isaraeli omwe akhali wakudeka kuposa iye. Kuchokera mmapewa mwache iye akhali mtali kuposa wanthu wensene.³Tsapano mabulu ya Kisi, babache wa Sauli, yadatayika. Ndiye Kisi adati kuna Sauli mwanache, ''Tengana na kapolo m'bodzi; ulamuke kuyenda kukapsaga mabulu.'' ⁴Ndiye Sauli adagwata na mdziko la mapiri la Efraimu achigwata na mdziko la Salisa, soma alibe kuyagumana. Kinangoko iwo adagwata na mdziko la Saalimu, soma yakhali lini koko. Kinangoko iye adagwata na mdziko la Benjamini, soma alibe kuyagumana.⁵Pomwe iwo adabwera ku dziko la Zufi, Sauli adati kuna kapolo wache omwe akhanaye, ''Ngabwera, mbatiye tibwerere mmambuyo, ayai babangu angalekeze kusamala mabulu achikalipa nafe.'' ⁶Soma kapoloyo adati kuna iye, ''Nyang'anani tsapano, pana munthu wa Mulungu mu mzinda muno. Iye ni munthu wakulemekezeka: chirichense ndicho iye ambasewera chimbakhala cha chadidi. Mbatiye tiyende koko; pinangopense angakwanise kukatiuza njira iponi tingatewere pa ulendo bwathu.⁷Kinangoko Sauli adati kuna kapolo wache, ''Soma penu tiniyenda, mchani tingamubweresere munthuyo? Thangwe mikate msakha mwathu yamala, apo palibe mpfupo yakumubweresera munthu wa Mulungu. Tina chani ife?'' ⁸Kapoloyo adatawira Sauli achiti, ''Pano, ndina gawo libodzi la sekere la siriva ndilo nimdzampa munthu wa Mulunguyo, kuti atiuze njira iponi titewere.''⁹(Kalekale mu Isaraeli, pomwe munthu akhayenda kukapsaga nzeru ya chifuniro cha Mulungu, iye akhambati, ''Bwera, mbatiye tiyende kuna wakuona.'' Thangwe mneneri wa lero kalekale akhachemeriwa wakuona.) ¹⁰Ndiye Sauli adati kuna kapolo wache, ''Walewa bwino. Bwera, mbatiye.'' Ndiye iwo adayenda ku mzinda ndiko munthu wa Mulungu akhali. ¹¹Pomwe iwo akhakwira phiri kuyenda ku mzindako, adagumana atsikana akubwera kudzatunga madzi; Sauli na kapolo wache adati kuna iwo, ''Kodi wakuona ule ali muno?''¹²Iwo adatawira, achiti, ''Alipo; onani, ali patsogpolo panupo. Kulumizani, thangwe iye akubwera ku mzinda lero, thangwe wanthu akuthira nsembe lero pa mbuto yakupambulika. ¹³Mungatondo kupita mu mzindamu munimugumana, akati kuti akwire kuyenda ku mbuto yakupambulika kukadya. Wanthu anidya lini kufikizana iye abwere, thangwe iye adzadalise nsembeyo; pambuyo pache wale wakuchemeriwa adzadye bwino. Tsapano ndokoni mukwire, nakuti mumdzamugumana kamkulumize.''¹⁴Ndiye iwo adayenda kukwira mu mzinda. Pomwe iwo akhapita mummzindayo, adaona Samueli akubwera kutsogolo kwawo, kuyenda ku mbuto yakupambulika.¹⁵Tsapano dzulo lache Sauli akanati kubwera, Yahova akhadazimbula kuna Samueli: ¹⁶''Mangwana nthawe ninga ino nimdzakutumizira munthu wakuchokera mdziko la Benjamini, apo umdzamudzoza iye kukhala mfumu pakati pa wana wa Isaraeli. Iye amdzapulumusa wanthu wangu kuchokera mmanja mwa Afirisiti. Thangwe ndanyang'ana wanthu wangu na nsisi thangwe kulira kwawo kwandifika.''¹⁷Pomwe Samueli adaona Sauli, Yahova adamuuza iye, ''Pano pana munthu ndiye ine ndikhakuuza! Iye ni munthu ndiye amdzatsogolera wanthu wangu.'' ¹⁸Ndiye Sauli adafendera pafupi na Samueli mchipata achiti, ''Ndiuzeni nyumba ya wakuona iri kuponi?'' ¹⁹Samueli adamtawira Sauli achiti, ''Ndinepano wakuona. Kakwireni pamaso pangu pa mbuto yakupambulika, thangwe lero munidya nande. Machibese nimkulekani muyende, apo nimdzakuuzani chirichense ndicho chiri mumtima mwanu.²⁰Yangakhala mabulu yanu ndiyo yadatayika nsiku zitatu zapitazo, nampodi kuyadandaula, thangwe zjai yagumanika. Ndiye bzilakolako bza Isaraeli bzaikhiwa pambani? Kodi mpaimwe lini na nyumba zense za abereki wanu?'' ²¹Sauli adatawira achiti, ''Kodi ine ndine lini wa ku Benjamini, kuchoka ku kadzinza kamkiti kwenekwene ka Isaraeli? Kodi banja langu ni banja lini ling'ono letu la mabanja yensene ya a Benjamini? Mthangweranyi tsono mwasewera kuna ine mwatenepayu?''²²Ndiye Samueli adatenga Sauli na kapolo wache, mkuwabweresa mchinyumba, mkuwakhazika pakati pa wanthu wensene ndiwo akhadachemeriwa, omwe akhakwana pafupifupi makumi matatu.²³Samueli adati kuna wakuphika chakudya, ''Bweresa chakudya ndicho ndakupa chire, ndicho ndakuuza kuti, ikha pambali.'' ²⁴Ndiye wakuphika adatenga ntchafu na ndibzo bzikhali popo mkuikha pamaso pa Sauli. Kinangoko Samueli adati, ''Ona ndicho chakoyewa kukuikhira pamaso pako. Dyaya, thangwe chaikhiwira iwepo kufikizana nthawe yakuikhika, kuchoka nthawe ndiyo ndidati, 'Ndachemeresa wanthu,''' Ndiye Sauli adadya na Samueli nsiku yoyo.²⁵Pomwe iwo adabuluka kuchoka pa mbuto yakupambulikayo mkuyenda mumzinda, Samueli adasewera na Sauli padzaulu pa nsodzi. ²⁶Ndiye pakuoneka pa manyika, Samueli adachemera Sauli padzaulu pa nsodzipo achiti, ''Lamuka, kuti ndikuuze uyende njira yako.'' Ndiye Sauli adalamuka, apo iye na Samueli kubodzi adabula panja kuyenda kumseu.²⁷Pomwe iwo akhayenda kunja kwa mzindayo, Samueli adati kuna Sauli, ''Uza kapolo atsogole patsogolo pathu''--apo iye adatsogoladi---''soma khala pano kwa kanthawe, kuti ndilengeze uthenga bwa Mulungu kuna iwe.''

10¹Ndiye Samueli adatenga galafa la mafuta, mkulitsanulira pamsolo pa Sauli, achimumpsompsona. Iye adati, ''Si Yahova ndiye wakuikha iwepo kukhala mfumu ya chakusiiriwa chache? ²Ungandisiya ine lero, umdzaumana amuna awiri pafupi na nthutu ya Rakelo mphimpha ya Benjamini pa Zeleza. Iwo amdzati ,kina iwe, 'Mabulu ndiyo ukhayapsaga yagumanika. Tsapano babako alekeza kusamalira bza mabulu apo ali kudandaula bza iwe, kulewa kuti, ''Ndichite naye chani mwanangu?''³Ndiye umdzayenda kutsogolo kuchoka popo, apo umdzabwera pa muti wa thundu wa ku Tabori. Amuna atatu wakuyenda kuna Mulungu pa Beteli amdzagumana nawe popo, m'bodzi wakutakula ntchere zitatu za mbuzi, wina wakutakula mikate mitatu, apo winango galafa la vinyu. ⁴Iwo amdzakupasa moni achidzakupa mikate miwiri, yomwe umdzaitenga kuchoka mmanja mwawo.⁵Kumala popo, umdzabwera ku phiri la Mulungu, komwe tsasa la Afirisiti liri. Ungadzafika pa muyipo, umdzagumana thimu la aneneri likubuluka kuchoka kuphiri lina chisakasa, tamborina, fuluti, na zeze patsogolo pawo; iwo amdzakhala achisewera mwakubvimira. ⁶Mzimu wa Yahova umdzakuthamangira, apo umdzalewera nawo pabodzi, apo umdzamodali kukhala munthu winangombo.⁷Tsapano, bzilatizobzi bzingakuonekera, chita ndicho boko lako lingakwanise kuchita, nakuti Mulumgu ali nawe. ⁸Ndoko polika patsogolo pangu ku Giligala. Kinangoko ine nimdzabwera kudzapereka nsembe zakupserereza na kudzapereka nsembe zaufulu. Dikhira nsiku zinomwe kufikizana ine kubwera kuna iwe kudzakuonesa ndibzo uti udzachite.''⁹Pomwe Sauli adazungunuka mmambuyo kusiyana na Samueli, Mulungu adamupa iye mtima winango. Ndiye bzilatizo bzensenebzi bzidabwera mkuchitika nsiku yoyo. ¹⁰Pomwe iwo adafika ku phiri, thimu la aneneri lidagumana naye, apo Mzimu wa Mulungu udamuthamangira iye mwakuti adanenera nawo pabodzi.¹¹Pomwe aliyense omwe adamdziwa iye pakutoma adamuona akunenera pabodzi na aneneri, wanthu adati kun awina na mwayache, ''Chachitika mchani kuna mwana wa Kisi? Kodi Sauli ni m'bodzi wa aneneri tsapano?'' ¹²Munthu omwe akhali wakuchokera naye kubodzi adatawira, ''Ndiye babawo mbani?'' Thangwera bzobzi, chidakhala chakusewera, ''Kodi Sauli ni m'bodzi pomwe wa aneneri?'' ¹³Pomwe iye adamaliza kunenera, iye adabwera ku mbuto yakupambulika.¹⁴Ndiye mano wawo wa mai wache adati kuna iye na kapolo wache, ''Mukhadayenda kuponi?'' Iye adatawira, ''Kukapsaga mabulu. Pomwe iye adaona kuti tiribe kuyagumana, tidayenda kuna Samueli.'' ¹⁵Mano wa mai wache wa Sauli adati, ''Pirizi ndiuze ndibzo Samueli wakuuza.'' ¹⁶Sauli adatawira mano wa mai wache, ''Iye adatiuza padecha kuti mabulu yagumanika.'' Soma iye alibe kumuuza iye bza nkhani ya ufumu, ndibo Samueli akhadasewera.¹⁷Tsapano Samueli adachemeresa wanthu pabodzi pamaso pa Yahova pa Mizipa. ¹⁸Iye adati kuna wana wa Isaraeli, ''Ibzi ndibzo Yahova, Mulungu wa Isaraeli walewa: Ndidabulisa a Isaraeli kunja kwa Aigupto, apo ndidakuletsetsani mmanja mwa Aigupto, na mmanja mwa maufumu yensene ndiyo yakhakuboneresani.' ¹⁹Soma lero lino mwalamba Mulungu wanu, omwe ambakupulumusani imwe kuchoka ku mphiringanizo na matsautso yanu; apo mwalewa kuna iye, 'Tiikhireni mfumu yathu.' Tsapano bzionesereni mwekha pamaso pa Yahova mwa madzinza yanu na mwa mabanja yanu.''²⁰Ndiye Samueli adabweresa madzinza yensene ya Isaraeli pafupi, apo dzinza la Benjamini lidasankhuliwa. ²¹Ndiye iye adabweresa dzinza la Benjamini pafupi na mabanja yawo; apo banja la Amatirite lidasankhuliwa; apo Sauli mwana wachimuna wa Kisi adasankhuliwa. Soma pomwe iwo adayenda kukamupsaga, iye alibe kugumanika.²²Kinangoka wanthu adafuna kubvunza Mulungu mibvunzo mizinji, ''Kodi pakana munthu wina kuti abwere pomwe?'' Yahova adatawira, ''Iye wabzibisa yekha ansi pa bzombo.'' ²³Ndiye iwo adathamanga kukasokolosa Sauli kuchoka popo. Pomwe iye adaima pakati pa wanthu, akhali mtali kuposa munthu aliyense kuchokera mmapewa mwache kuyenda kudzaulu.²⁴Ndiye Sauli adati kuna wanthu, ''Mukumuona munthu ndiye wanthu anusankhula? Palibe winango ninga iye pakati pa wanthu wensene!'' Wanthu wensene adakuwa, ''Ikhale na moyo utali mfumu!''²⁵Ndiye Sauli adauza wanthu mitemo na malamulo ya ufumu, achinemba m'bukhu, achiyaikha pamaso pa Yahova. Samueli kinangoko adabalalisa wanthuwo aliyense mkuyenda kunyumba kwache.²⁶Sauli adayenda pomwe kumuyi kwache pa Gibeya, apo pabodzi naye adayenda amuna wa mphamvu omwe mitima yawo Mulungu akhadaiphata. ²⁷Soma amuna winango wa pezipezi adati, ''Munthu umweyu angatipulumuse tani ife?'' Wanthu amwewa adanyoza Sauli apo alibe kumubweresera mphaso iriyense. Soma Sauli adanyamala.

11¹Pamwepo Nahasi waku Amoni adayenda achikazungulira Yabesi Gileadi. Wanthu wensene wa ku Yabesi adati kuna Nahasi, ''Muchite nafe mpangano, apo timdzakutumikirani.'' ²Nahasi wa ku Amoni adatawira, ''Pa chinthu chochi ine nimdzapangana namwe, kuti ndikoloole maso yanu yensene yakumadidi, apo mu njira yoyi mkupereka manyazi kuna a Isaraeli wensene.''³Ndiye pamwepo akuluakulu wa Yabesi adalewa kuna iye, ''Tilekeni tibakakhale kwa nsiku zinomwe, pala kuti titumize mitumi kuna mphimpha zensene za Isaraeli. Ndiye, penu palibe neye m'bodzi wakutipulumusa ife, timdzabzipereka kuna imwe.''⁴Mitumi idabwera ku Gileadi, ndiko Sauli akhakhala, achiuza wanthu ndibzo bzidachitikabzo. Wanthu wensene adalira mwakukuwa. ⁵Tsapano Sauli akhatewera ng'ombe za pakalosa ziri kubula mmunda. Sauli adfati, ''Chanesa mchani kuna wanthu kuti akulira?'' Iwo adauza Yabesi ndibzo wanthu wa ku Yabesi adalewa.⁶Pomwe Sauli adabva ndibzo iwo adasewera, Mzimu wa Mulungu udathamangira pa iye, apo iye akhali wakukalipa kwene kwene. ⁷Iye adakhundula chigologolo cha ng'ombe zakalosa, achichigwatagwata, mkuchitumiza mphimpha zensene za Isaraeli na mitumi. Iye adati, Aliyense ndiye anibula lini kutewera mmambuyo mwa Sauli na mmbambuyo mwa Samueli, ichi ndicho chimdzachitika kuna ng'ombe zache.'' Ndiye kugopsa kwa Yahova kudagwera wanthu, apo iwo adabwera pabodzi ninga muntu m'bodzi. ⁸Pomwe iye adawagwezeka pa Bezeki, wana wa Iaraeli akhali bzulu madzana matatu, apo wanthu wa mu Yuda bzulu makumi matatu.⁹Iwo adati kuna mitumi idabwerayo, ''Mukawauze wanthu wa ku Yabesi Gileadi, 'Mangwana, dzuwa lingadzathuma, chipambano chmdzakhala chanu.'' Ndiye mitumi idayenda kukauza wanthu wa ku Yabesi, apo iwo adakhala wakudekedwa. ¹⁰Ndiye wanthu wa ku Yabesi adati kuna Nahasi, ''Mangwana timdzabzipereka kuna imwe, apo mumdzakwanisa kuchita chirichense ndicho chimdzaoneka chabwino kuna imwe.''¹¹Mangwana yache Sauli adagwezeka wanthu mmagwere matatu. Iwo adabwera mkati mwa msasa machibese, achimenya na kugonjesa a Amoni kufikizana dzuwa kupsa masikati. Wale ndiwo adapulumuka adabalalikana, mwakuti palibe neye airi mwa iwo adasala pabodzi.¹²Ndiye wanthu adalewa kuna Samueli, ''Mbani ndiye wati, 'Sauli amdzatitonga ifepano?' Bweresani wanthuwo, pala kuti tiwaphe,'' ¹³Soma Sauli adati, ''Nampodi wina aphiwe lero, thangwe lero Yahova wabweresa chipambano mu Isaraeli.''¹⁴Ndiye Samueli adati kuna wanthu, ''Bwerani, mbatiye tiyende ku Giligala kukabwezeresa ufumu kumweko.'' ¹⁵Ndiye wanthu wensene adayendadi ku Giligala achikaikha Sauli mfumu pamaso pa Yahova mu Giligala. Kumweko adapereka nsembe ya ufulu pamaso pa Yahova, apo Sauli na wanthu wense wa Isaraeli adasekera maninge.

12¹Samueli adati kuna a Isaraeli wensene, ''Ndatetekera mafala yensene mudandiuza ine, apo ndakuikhirani mfumu ikutongeni. ²Tsapano, iyi ni mfumu ikufamba pamaso panuyi; apo ine ndina imvi na kukalamba; apo, wanangu wachimuna ana imwe. Ndafamba kukutsogolerani kuchoka ubwana bwangu kufikizana lero.³Ine ndiri pano; chitirani umboni bwakundigaza pamaso pa Yahova na pamaso pa wakudzozewa wache. Mbani ndidamtengera ng'ombe yache? Mbani ndamtengera bulu wache? Mbani ndidamunyengeza? Mbani ndamuboneresa? Kuchoka kuna mbani ndiko ndidatambira bobobo kufungira maso yangu? Chitirani umboni bwakundigaza, apo nimdzakubwezerani.''⁴Iwo adati, ''Mulibe kutinyengeza kale, kutiboneresa, ayai kuba chirichense kuchoka mmanja mwa munthu.'' ⁵Iye adati kuna iwo, ''Yahova ni mboni yakugazana namwe, na wakudzozewa wache ni mboni lero lino, kuti mulibe kugumana chinthu mmanja mwangu.'' Iwo adatawira, ''Yahova ni mboni.''⁶Samueli adati kuna wanthu, ''Ni Yahova ndiye adaikha Mose na Aroni, na ndiye adabulisa abereki wanu kukwira kuchoka mdziko la Aigupto. ⁷Ndiye tsapano bzionesereni mwekha, pala kuti ndikukumbirireni pamaso pa Yahova pa chilungamo chensene cha Yahova, ndicho iye adachitira imwe na abereki wanu.⁸Pomwe Yakobo adabwera ku Aigupto, apo abereki wanu mkulirira kuna yahova, ndipo Yahova adatuma Mose na Aroni, omwe adatsogolera abereki wanu kubula mu Aigupto achikhala mbuto ino. ⁹Soma iwo adayebwa Yahova Mulungu wawo; iye adawagulisa iwo mmanja mwa Sisera, mtsogoleri wa nkhondo wa Hazori, mmanja mwa Afirisiti, na mmanja mwa mfumu ya Moabu; wensenewa adamenya nkhondo kulimbana na abereki wanu.¹⁰Iwo adalirira kuna Yahova achiti, 'Taphonya, thangwera tataya Yahova mkutumikira Baala na Asitoreti. Soma tsapano tipulumuseni mmanja mwa awengi wathu, apo ife timdzakutumikirani.' ¹¹Ndiye Yahova adatuma Yerubi-Baala, Bedani, Yefata, na Samuyeri, achikupani chipambano pa awengi wanu kuzungulira mwensenemwe, pala kuti mukhale mwakutchenkheka.¹²¹³Pomwe imwe mudaona kuti Nahasi mfumu ya wanthu wa ku Amoni yabwera kulimbana namwe, mudati kuna ine, 'Neye, mfumu mbaititonge ife'-napo kuti Yahova Mulungu wanu akhali mfumu yanu. ¹³Tsapano pano pana mfumu ndiyo imwe mwayisankhula, ndiyo imwe mwayikumbira na ndiyo Yahova tsapano wayiikha ninga mfumu yanu.¹⁴Penu mumbagopa Yahova, mtumikireni iye, bverani mafala yache, apo nampodi kugaza kulimbana na bzakutonga bza Yahova, ndiye imwe na mfumu kubodzi ndiyo ikukutonganiyo mumdzakhala wakutewera wa Yahova Mulungu wanu. ¹⁵Penu munibvera lini mafala ya Yahova, ndiye boko la Yahova limdzagazana namwe, ninga likhaliri kugazana na abereki wanu.¹⁶Neye lero lino bzionesereni mwekha na kuona chinthu chikulu ichi ndicho Yahova amdzachita pamaso panu. ¹⁷Kodi lero ni nsiku lini yakukolola tirigu? Nimdzachemera Yahova, kuti atumize mpheni na mvula. Ndiye mumdzadziwa kuti kuipa kwanu mkukulu, ndiko mwachita pamaso pa Yahova, pa kubzikumbirira mwekha mfumu.'' ¹⁸Ndiye Samueli adachemera Yahova; apo pa nsiku imweyo letu Yahova adatumiza mpheni na mvula. Ndiye wanthu wensene adagopa Yahova na Samueli kwene kwene.¹⁹Ndiye wanthu wensene adati kuna Samueli, ''Tipembereni akapolo wanufe kuna Yahova Mulungu wanu, pala kuti nampodi tife. Thangwe tathimizira kuna wensene bzakuphonya bzathu chakuipa ichi pa kubzikumbirira tekha mfumu.'' ²⁰Samueli adatawira, ''Nampodi kuchita mantha. Mwachita bzakuipa bzensenebzi, soma nampodi kutaya Yahova, soma mtumikireni Yahova na mtima wanu wensene. ²¹Nampodi kutewera bzinthu bza pezi ndibzo bziribe phindu kukupulumusani, thangwe mpsapezipezi.²²Thangwera ubwino bwa dzina lache likulu, Yahova amdzalamba lini wanthu wache, thangwe bzakomera Yahova imwe kukhala wanthu wache. ²³Ningakhala inepano, bzikhale kutali kuti ndiphonyere Yahova pa kulekeza kukupembererani. Nimdzakupfunzisani njira yabwino na yachadidi.²⁴Gopani Mulungu yekha na kumutumikira iye mwa chadidi na mtima wanu wensene. Kumbukirani bzinthu bzikulu ndibzo iye wakuchitirani. ²⁵Soma penu mumpitiriza kuchita bzakuipa, imwepo na mfumu yanu kubodzi mumdzadzonongeka.''

13¹Sauli akhana magole makumi matatu pomwe adayamba kutonga; iye atatonga Isaraeli magole makumi manayi, ²adasankhula amuna bzulu bzitatu wa Isaraeli. Bzulu bziwiri akhana iye mu Mikimasi na mdziko lamapiri la Beteli, ukumbo chulu chibodzi akhana Yonatani mu Gibeya wa ku Benjamini. Anyankhondo wakusalawo iye adawatumiza kumuyi, munthu aliyense ku chihema chache.³Yonatani adagonjesa kaboma ka Afilisiti komwe kakhali pa Gibeya apo Afilisiti adabva ichi. Kinangoka Sauli adaliza nyanga ya bira kuzungulira mdziko lensenelo, kulewa, '' Abve Aheberi'' ⁴Aisaraeli wensene adabva kuti Sauli wagonjesa kaboma kensene ka Afilisiti, na kuti pomwe Isaraeli wasanduka khwema lakubvunda kuna Afilisiti. Ndiye anyankhondo dagwezekana pabodzi kuphatanidzana na Sauli ku Giligala.⁵Afilisiti adagwezekana pabodzi kumenyana na Isaraeli, na magareta chulu chibodzi, wanthu bzulu bzitanthatu kufambisa magaretayo, na anyankhondo azinjitsa ninga mchenga wa m'bali mwa nyanza. Iwo adafika achimanga msasa pa Mikimasi, kumachibese kwache kwa Beta Aveni.⁶Pomwe amuna wa Isaraeli adaona kuti akhali mmatsautso---thangwe wanthu akhabonera, wanthu adabisalika mmapanga, mnkhalango, mminyala, mmichera, na mmadindi. ⁷Aheberi winango adayenda kuyambuka Yorodano kudziko la Gadi na Gileadi. Soma Sauli akhali pa Giligala basi, apo wanthu wensene adamutewera iye ali mkutetemera.⁸Iye adafamba nsiku zinomwe, nthawe ndiyo Samueli akhadailinganiza. Soma Samueli alibe kubwera ku Giligala, apo wanthu akhamwazikana kuchoka kuna Sauli. ⁹Sauli adati, ''Ndibweresereni nsembe yakupserereza na nsembe yaufulu.'' Ndiye iwo adapereka nsembe yakupsererezayo. ¹⁰Iye atatondo kumala kupereka nsembe yakupsererezayo Samueli adafikiratu. Sauli adabula kukagumana naye na kukampa mamuko.¹¹Ndiye Samueli adati, ''Wachita chani?'' Sauli adatawira, ''Nditaona kuti wanthu akhandichokera, apo iwe ulibe kufika mu nthawe yakulinganizika, na kuti Afilisiti akhadagwezekana kale pa Mikimasi, ¹²ndidati, 'Tsapano Afilisiti amdzabwera kubuluka kulimbana nande pa Giligala, apo ndiribe kupsaga udidi bwa Yahova.' Ndiye ndidabzingingimiza ndekha kupereka nsembe yakupserereza.''¹³Ndiye Samueli adati kuna Sauli, ''Mwachita mwakupusa imwepo. Mulibe kukoya chitongi cha Yahova Mulungu wanu ndicho iye adakutongani. Thangwe tsono Yahova angadakhazikiza ufumu bwanu pa Isaraeli nthawe yakusaya kumala. ¹⁴Soma tsapano ufumu bwanu bumpitirira lini. Yahova zjai wapsaga munthu wa pamtima pache, apo Yahova wamuikha iye kukhala mtsogoleri wa wanthu wache, thangwe mulibe kubvera ndibzo iye adakutongani.''¹⁵Ndiye Samueli adalamuka kukwira kuchoka ku Giligala mkuyenda ku Gibeya waku Benjamini. Ndiye Sauli adalewenga wanthu omwe akhana iye, wanthu madzana matanthatu. ¹⁶Sauli, mwanache wachimuna Yonatani, na wanthu omwe iwo akhanawo adakhala ku Geba waku Benjamini. Soma Afilisiti adagwezekana ku Mikimasi.¹⁷Wakumenya nkhondo adabwera kubula kuchoka ku msasa wa Afilisiti mmatimu matatu. Thimu libodzi lidayendera ku Ofira, mdziko la Suali. ¹⁸Thimu lina lidayendera ku Beti Horoni, apo thimu lina lidayendera kumalire yakunyang'ananizana na Chigwa cha Zeboyimu kuyendera kuchipululu.¹⁹Palibe wakusula ndiye adaoneka mdziko lensene la Isaraeli, thangwe Afilisiti adati, ''Pinangopense Aheberi angabzisulire okha malupanga ayai mimomba.'' ²⁰Soma amuna wensene wa Isaraeli akhadazerewera kupolika kuna Afilisiti, aliyense kukanoza mapaza, mbadzo zikulu, mbadzo yache, na chikwakwa chache. ²¹Kupagali kwache kukhali magawo mawiri mwa matatu ya sekere kunoza mbadzo na kusongola bzakuthwikira.²²Ndiye nsiku ya nkhondo, pakhalibe malupanga ayai mimomba kuoneka mmanja mwa nyankhondo aliyense omwe akhana Sauli na Yonatani; Sauli yekha na mwanache Yonatani akhanabzo. ²³Kaboma ka Afilisiti kadachoka kadayenda ku Mikimasi.

14¹Nsiku ina, Yonatani mwana wachimuna wa Sauli adati kuna mnyamata wakutakula bzipfudzo bzache bza nkhondo, ''Bwera, mbatiye tiyambuke kuyenda ku kaboma ka Afilisiti ng'ambu ire.'' Soma iye alibe kuuza babache.²Sauli akhakhala kunja kwa Gibeya patsinde pa muti wankhangaza wa ku Migroni. Pafupifupi amuna madzana matanthatu akhanaye, ³kuphatanidza Ahiya mwana wachimuna wa Ahitubi (mano wache wa Ikabodi) mwana wachimuna wa Fineyasi mwana wachimuna wa Eli, wansembe wa Yahova mu Silo, omwe adabvala efodi. Wanthu alibe kudziwa kuti Yonatani wachoka.⁴Pakati pa mipata ndiyo Yonatani adafuna kupita kuti akafike ku kaboma ka Afilisiti, pakhana phiri la chimwala mbali ina na phiri la chimwala mbali ina. Phiri libodzi cha chimwala likhachemerewa Bozezi apo phiri lina la mwala likhachemerewa Sene. ⁵Phiri libodzi la mwalalo likhadaima kumpoto kutsogolo kwa Mikimasi, na chinango kumwera kutsogolo kwa Geba.-⁶Yonatani adati kuna mnyamata wache wakutakula bzipfudzo bza nkhondo, ''Bwera, mbatiye tiyambuke ku kaboma ka anzathu wakusaya kugwatiwawa. Pinangopense Yahova amdzaphatira basa, nakuti palibe chakumuletsa Yahova kupulumusa wanthu azinji ayai ang'onong'ono.'' ⁷Wakutakula bzipfudzo bzacheyo adatawira, ''Chitani chirichense chiri mu mtima mwanu. Chitani tenepo, onani, ndiri namwe, kubvera bzakutonga bzanu bzensene.''⁸Ndiye Yonatani adati, ''Tiniyambuka kuna wanthuwo, tichikabzionesera tekha kuna iwo. ⁹Iwo angatiuza kuti, 'Dikhirani tiyambuke ndife koko'---ndiye tim'bakakhala pompano apo tiniyambuka lini kuna iwo kule. ¹⁰Soma iwo angatawira, 'Yambukani kuna ife kuno,' ndiye kuti tiniyambuka; thangwe Yahova wawapereka mmanja mwathu. Ichi chimkhala chilatizo kuna ife,''¹¹Ndiye awiri wensewo adabzizimbula okha ku kaboma ka Afilisiti. Afilisiti adati, ''Nyang'anani, Aheberi akubula mmauna momwe akhadabisalika.'' ¹²Ndiye amuna wa mkabomawo adachemera Yonatani na wakutakula bzipfudzo bzacheyo, achiti, ''Bwerani kuna ife kuno, apo timkuonesani chinthu china.'' Yonatani adati kuna wakutakula bzipfudzo bzacheyo, ''Tewera mmambuyo mwangumu, thangwe Yahova wawapereka iwo mmnanja mwa Isaraeli.''¹³Yonatani adakwira pamanja yache na nzayo zache, apo wakutakula bzipfudzo bzacheyo adatewera mmambuyo mwache. Afilisiti adaphiwa pamaso pa Yonatani, apo wakutakula bzipfudzo bzacheyo adaphambo wina mmambuyo mwa iye. ¹⁴Kumenyana kwakutomako ndiko Yonatani na wakutakula bzipfudzoyo adachita, kudapha amuna makumi mawiri mkambuto kakuti ng'ombe ziwiri zingalime nsiku imodzi.¹⁵Pakhana mpanipani mu msasamo, mthengo, na pakati pa wanthu. Neye mkaboma chaimomo na wakumenya nkhondowo adapanikizika pomwe. Dziko lapansi lidatekenyeka, apo pakhana mpanipani ukulu kwenekwene.¹⁶Ndiye wakuzonda wa Sauli mu Gibeya ku Benjamini adanyan'gana; thimu la anyankhondo wa Afilisiti likhamwazikana, achimbayendera uku na uku. ¹⁷Kinangoko Sauli adati kuna wanthu omwe akhanawo, ''Lewengani muone mbani akuoneka lini pa ife.'' Iwo atalewenga, Yonatani na wakutakula bzipfudzo bzache alibe kuoneka.¹⁸Sauli adati kuna Ahiya, ''Bwera nalo likasa la Mulungu kuno,'' thangwe pa nthawe yoyo likhana wana wa Isaraeli. ¹⁹Pomwe Sauli akhalewalewa na wansembe, baludya mu msasa wa Afilisiti likhapitirira na kuthimizirika. Kinangoko Sauli adati kuna wansembe, ''Bweza boko lako.''²⁰Sauli na wanthu wensene omwe akhanaye adagwezekana achiyenda ku nkhondo. Lupanga lirilense la Mfilisiti likhalimbana na wanthu wa dziko lache, apo pakhana kusokonezeka kukulu. ²¹Tsapano Aheberiwo omwe pakutoma akhali pabodzi na Aflisiti, na omwe akhadayenda nawo mu msasamo, zjai adaphinduka mkuphatanidzana na Sauli na Yonatani.²²Pomwe amuna wensene wa Isaraeli omwe akhadabisalika okha mmapiri kufupi na Efraimu atabva kuti Afilisiti akhathawa, iwo adawathamangisa bzakulimba kunkhondoko. ²³Ndiye Yahova adapulumusa Isaraeli nsiku yoyo, apo nkhondoyo idapitirira pa Beta Aveni.²⁴Nsiku yoyo amuna wa Isaraeli adabonera thangwera kuti Sauli akhadaikha wanthuwo pa lumbiro achiti, ''Atembereredwe iye wakudya chakudya chirichense kufikizana maulo apo ine ndikabwezere chilango awengi wangu.'' Ndiye palibe nyankhondo adalawidza chakudya. ²⁵Ndiye wanthu wensene adapita mkhalango apo pakhana uchi pansi. ²⁶Pomwe wanthu adapita mkhalangomo, uchibo budayerera, soma palibe adaikha boko pakamwa pache thangwe wanthuwo akhagopa themberero.²⁷Soma Yonatani akhalibe kubva kuti babachewo akhadamanga wanthuwo na lumbiriro. Iye adatosa nsonga ya mpsimbo ndiyo ikhali mmanja mwache achibvwika mchipe cha uchi. Iye adabzatika boko lache pakamwa, apo mmaso mwache mudachena. ²⁸Ndiye m'bodzi wa wanthuwo, adatawira, ''Babako adalangiza wanthu bzakulimba na lumbiriro, pa kulewa, 'Atembereriwe munthu ndiye anidya chakudya pa nsiku ya lero lino,' napo kuti wanthu akhadalefuka na njala.''²⁹Kinangoko Yonatani adati, ''Babangu abweresa mabvuto ku dzikoli. Onanai ndimo maso yanguya yachenera thangwe ndalawidza uchibu pamkiti. ³⁰Kuna tani angadakhala wanthuwa akhadadya mkukhuta lero ku bzakupondedza bzakuchoka kuna awengi wawo ndibzo iwo abzigumana? Thangwe tsapano kupha kudachepa pakati pa Afilisiti.''³¹Iwo adamenya Afilisiti nsiku yoyo kuchokera ku Mikimasi kukafika ku Ajaloni. Wanthu akhali wakulefuka kwene kwene. ³²Wanthuwo adathamangira mwadyera ku bzakupondedza achikatenga mabira, ng'ombe na wana wa ng'ombe, achibziphera pansi. Wanthu adadya bzikana mulopa wache.³³Ndiye iwo adati kuna Sauli, ''Onani, wanthu akuphonyera Yahova pakudya na mulopa wache.'' Sauli adati, ''Mwachita mwakusaya kukhulupirika. Tsapano, ndigunkhulizireni mwala ukulu ine.'' ³⁴Sauli adati, ''Balalikani pakati pa wanthu, mukawauze, 'Munthu aliyense mbaabwerese ng'ombe yache na bira wache, mkupha pano achidya. Nampodi kuphonyera Yahova pakudya nyama na mulopa wache.''' Ndiye aliyense wa wanthuwo adabweresa ng'ombe yache usiku bumwebo achiziphera popo.³⁵Sauli adamangira Yahova guwa la nsembe, lomwe likhali guwa lakutoma ndilo iye adamangira Yahova.³⁶Kinangoko Sauli adati, ''Mbatiye tithothe Afilisiti usiku tichiwapondedza iwo kufikizana kuchena kwa machibese; mbatiye nampodi tisiye neye m'bodzi namoyo.'' Iwo adatawira, ''Chitani chinioneka chabwino kuna imwe.'' Soma wansembe adati, ''Mbatiye tifenderere Mulungu pano.'' ³⁷Sauli adabvunza Mulungu, ''Kodi ndithothe Afilisiti? Kodi muniwapereka mmanja mwa Isaraeli?'' Soma Mulungu alibe kumtawira nsiku yoyo.³⁸Ndiye Sauli adati, ''Fenderani kuno, imwe akulu mwense wawanthu; zindikirani na kuona ndimo chakuipachi chachitikira lero lino. ³⁹Thangwe, pana Yahova, omwe ambapulumusa Isaraeli, napo penu chiri mwa Yonatani mwanangu, iye amfa meju.'' Soma palibe munthu pa wanthu wensenewo adamtawira iye.⁴⁰Ndiye iye adati kuna Aisaraeli wensene, ''Imani mbali ibodzi, apo ine na mwanangu Yonatani tiniyimambo inango.'' Wanthu adati kuna Sauli, ''Chitani bzinioneka bzabwino kuna imwe.'' ⁴¹Sauli adati, ''Yahova, Mulungu wa Isaraeli! Penu chakuipachi chachitika na ine ayai na mwanangu Yonatani, ndiye, Yahova, Mulungu wa Isaraeli, perekani M'bvimiro. Soma penu chakuipachi chachitka na wana wanu wa Isaraeli, perekani chilatizo.'' Ndiye Yonatani na Sauli adaphatiwa na m'bvimiro, soma thimu lawanthulo lidapulumuka. ⁴²Ndiye Sauli adati, ''Chitani m'bvimiro pakati pa ine na Yonatani mwanangu.'' Ndiye Yonatani adaphatiwa na mb'vimiroyo.⁴³Ndiye Sauli adati kuna Yonatani, ''Ndiuze ndicho wachita.'' Yonatani adati kuna iye, ''Ndidalawidza uchi pamkiti na nsonga ya mpsimbo ndiyo ikhali mmanja mwangu. Inepano; nimfa.'' ⁴⁴Sauli adati, ''Mulungu achite tenepo na kuthimizira pomwe kuna ine, penu iwepo umfa lini, Yonatani.''⁴⁵Ndiye wanthu adati kuna Sauli, ''Kodi Yonatani afe, omwe adakwanirisa chipulumuso chikuluchi kuna Isaraeli? Kutalitali! Pana Yahova, neye tsisi libodzi la mumsolo mwache linigwa lini pansi, thangwe iye waphata basa na Mulungu lero lino.'' Ndiye wanthu adapasa lazawu Yonatani mwakuti iye alibe kufa. ⁴⁶Ndiye Sauli adalekezeza kuthotha Afilisiti, apo Afilisiti adayenda kumbuto kwawo wene.⁴⁷Pomwe Sauli akhadatenga ufumu bwa Isaraeli, adamenyana na awengi wache wensene kuchoka mbali zensene. Iye adamenyana na Amoabu, Amoni, Adomu, mafumu ya Zoba, na Afilisiti. Kulikwense akhayenderako, iye akhawalango iwo. ⁴⁸Iye adakula mphamvu achigonjesa Aamaleki. Iye adapulumusa Aisaraeli mmanja mwa wakuwapondedza.⁴⁹Wana wachimuna wa Sauli akhali Yonatani, Isivi, na Maliki-Suwa. Madzina ya wanache awiri wachikazi yakhali Merabu, mwana wakutoma, na Mikala, mng'ono. ⁵⁰Dzina la mkazi wa Sauli likhali Ahinamu; iye akhali mwana wachikazi wa Ahimazi. Dzina la kapitawo wa wankhondo wache akhali Abineri mwana wachimuna wa Neri, mano wawo wa mayi wache. ⁵¹Kisi akhali babache wa Sauli; na Neri, babache wa Abineri, akhali mwana wachimuna wa Abiyeli.⁵²Pakhana nkhondo yakuwawa kulimbana na Afilisiti nsiku zense za Sauli. Sauli angaona munthu aliyense wa mphamvu, ayai munthu aliyense wakulimba mtima, akhamtenga kukhala wache.

15¹Samueli adati kuna Sauli, ''Yahova wanditumiza ine kukudzoza iwepo kukhala mfumu ya wana wache wa Isaraeli. Tsapano tetekera mafala ya Yahova. ²Ichi ndicho Yahova wa wense walewa, 'Ndadziwa ndibzo Amaleki adachita kuna Aisaraeli kugazana nawo mnjira, pomwe iwo akhabwera kukwira kubula mdziko la Aigupto. ³Tsapano ndokoni mukamenye Amaleki na kukadzonongeratu bzensene ndibzo iwo anabzo. Nampodi kuwasiya namoyo, soma kapheni amuna na akazi kubodzi, mwana na tcheche, ng'ombe na mabira, ngamira na abulu.'''⁴Sauli adagwezeka wanthu achiwalewenga pa muyi wa Telaimu---amuna bzulu madzana mawiri wakufamba pansi, na bzulu khumi amuna wa mu Yuda. ⁵Ndiye Sauli adabwera ku muyi wa Amaleki achikadikhira mchigwa.⁶Ndiye Sauli adati kuna waku Keni, ''Ndokoni, nyamukani, bulani pa Amaleki, kuti nampodi ndikudzonongereni kubodzi na iwo. Thangwe mudaonesa chifundo kuna wana wensene wa Isaraeli, pomwe iwo adabula mu Aigupto.'' Ndiye Akeni adachoka pa Amaleki. ⁷Kinangoko Sauli adamenya Amaleki, kuchoka pa Haviya kuyenderatu kutali ku Sura komwe mkumachibese kwa Aigupto.⁸Ndiye iye adatenga Agagi mfumu ya Amaleki yamoyo; Iye adamaliziratu kudzononga wanthu wensene na nsonga ya lupanga. ⁹Soma Sauli na wanthuwo adasiya Agagi, na mabira inango yabwino na ng'ombe, wana wa ng'ombe wakunenepa na wana wamabira. Chirichense chabwino, alibe kuchidzononga. Soma iwo adadzonongeratu kwakumaliza chirichense chakuchitisa manyazi na chapezipezi.¹⁰Mafala ya Yahova yadabwera kuna Samueli, kuti, ¹¹''Ndikubuza kuti ndaikha Sauli kutonga ninga mfumu, thangwe adaphinduka kuleka kutewera ine apo alibe kuchita bzakutonga bzangu.'' Samueli adakalipa; iye adakuwa kuna Yahova usiku bwensene.¹²Samueli adalamuka machibesebese kukagumana na Sauli. Samueli adauziwa, ''Sauli wabwera pa Karimeli apo wabziikhira yekha chikumbuso, kinangoko achizungunuka mkupitirira kupolika ku Giligala.'' ¹³Ndiye Samueli adabwera kuna Sauli, apo Sauli adati naye, ''Ndiwe wakudalisika na Yahova! Ndakwanirisa chitongi cha Yahova.''¹⁴Samueli adati, ''Mchiyani tsono kulira kwa mabira mmakutu mwangu, na kulira kwa ng'ombe ndiko ndiri mkubvaku?'' ¹⁵Sauli adatawira, ''Iwo azibweresa kuchoka kuna Amaleki. Thangwe wanthuwo adasiya namoyo mabira yabwino na ng'ombe, kudzathira nsembe kuna Yahova Mulungu wanu. Zakusalazo tamaliza kuzidzononga.'' ¹⁶Ndiye Samueli adati kuna Sauli, ''Dikhira, apo nimkuuza ndibzo Yahova walewa usiku buno.'' Sauli adati kuna iye, ''Lewani!''¹⁷Samueli adati, ''Napo ndimwe wakuchepa mmaso mwa imwe wene, kodi mulibe kuikhiwa kukhala msolo wa madzinza ya Isaraeli? Kinangoko Yahova adakudzozani imwepo kukhala mfumu ya Isaraeli, ¹⁸apo Mulungu adakutumizani mnjira yanu achiti, 'Ndokoni apo mukamaliziretu kudzononga wakuphonya, Aamaleki, na kumenyana nawo kufikizana iwo amale.' ¹⁹Thangweranyi mulibe kubvera mafala ya Yahova? Thangweranyi mudathamangira kukapondedza na kukachita bzakuipa pamaso pa Yahova?''²⁰Kinangoko Sauli adati kuna Samueli, ''Ndabveradi mafala ya Yahova, ndichiyendadi mnjira ndiyo Yahova adandituma. Ndaphata Agagi, mfumu ya Aamaleki, na kumaliza kudzononga Aamalekiwo. ²¹Soma wanthu adatenga bzakupondedza bzina mwa-- mabira na ng'ombe, bzinthu bzakuthemera kubzidzononga, mkukachitira nsembe ya Yahova Mulungu wanu ku Giligala.''²²Samueli adatawira, ''Kodi Yahova ambadekedwa kwenekwene na nsembe zakupserereza na zakuphera, ninga kubvera mafala ya Yahova? Kubvera kuli nkhasa kusiyana na nsembe, apo kutchera khutu kuli nkhasa kusiyana na mafuta ya atonde wa mabira. ²³Thangwe kupanduka kuli ninga chakuipa cha kuchita nyanga, apo mtima wa liuma uli ninga kunamata milungu yakusaya basa na maula. Thangwera mwalamba mafala ya Yahova, iye wakulambanimbo imwe kukhala mfumu.''²⁴Ndiye Sauli adati kuna Samueli, ''Ndaphonya; thangwe ndapsa chitongi cha Yahova na mafala yanu, thangwe ndikhana mantha na wanthu na kubvera mafala yawo. ²⁵Tsapano, pirizi ndilekerereni chakuipa changu, na kubwerera nande pabodzi kuti ndinamate Yahova.''²⁶Samueli adati kuna Sauli, ''Nim'bwerera lini namwe; thangwe mwalamba mafala ya Yahova, apo Yahova wakulambanimbo kukhala mfumu ya Isaraeli.'' ²⁷Pomwe Samueli akhazungunuka kunyamuka, Sauli adaphata manzemvule ya mkanjo wache, apo udabaluka.²⁸Samueli adati naye, ''Yahova wang'amba ufumu bwa Isaraeli kuchoka lero lino apo wabupereka kuna mnansi wanu, omwe ali nkhasa kuposa imwe. ²⁹Ndiponso, Wamphamvu wa Isaraeli amdzanama lini ayai kulapa; thangwe iye ni munthu lini, kuti akalape.''³⁰Ndiye Sauli adati, ''Ndaphonya. Soma pirizi ndilemekezenimbo tsapano lino pamaso pa akulu wa wanthu wangu na pamaso pa Isaraeli. Tembenukani pomwe nande, kuti ndinamate yahova Mulungu wanu.'' ³¹Ndiye Samueli adatembenuka pomwe kuna Sauli, apo Sauli adanamata Yahova.³²Ndiye Samueli adati, ''Bweresani Agagi mfumu ya Amaleki kuno kuna ine.'' Agagi adabwera kuna iye atamangiwa na njema achiti, ''Chadidi imfa njakuwawa''. ³³Samueli adatawira, ''Ndimo lupanga lanu lachitisa akazi kukhala wakusaya wana, ndendende mayi wanumbo akhale wakusaya wana pakati pa azimayi.'' Ndiye Samueli adagwata Agagi nthindi nthindi pamaso pa Yahova ku Giligala.³⁴Samueli adayenda ku Rama, apo Sauli adakwira kuyenda ku nyumba yache ku Gibeya wa kwa Sauli. ³⁵Samueli alibe kumuona Sauli kufikizana nsiku ya imfa yache, thangwe iye akhalira nkhawa Sauli. Yahova adabuza kuti iye adaikha Sauli kukhala mfumu ya Isaraeli.

16¹Yahova adati kuna Samueli, ''Unilira Sauli kufikizana liti, thangwera kuti ndamulamba iye kukhala mfumu ya Isaraeli? Dzaza nyanga yako na mafuta uyende. Nimkutumizira Jese wa ku Beterehemu, thangwe ndabzisankhulira ndekha mfumu pakati pa wanache wachimuna.''²Samueli adati, ''Ningayende tani? Sauli angabva bzimwebzo, amdzandipha ine.'' Yahova adati, ''Takula mwana wa ng'ombe wakunenepa ukalewe, 'Ndabwera kudzapereka nsembe kuna Yahova.' ³Chemera Jese ku nsembeyo, apo nimdzakuonesa iwe ndicho udzachite. Umdzandidzozera omwe nimdzakuuzayo.''⁴Samueli adachita ninga Yahova adalewera achiyendadi ku Beterehemu. Akuluakulu wa muyiyo akhatetemera pomwe iwo akhabwera kudzagumana naye achiti, ''Kodi mukubwerera mtendere?'' ⁵Iye adati, ''Mu mtendere; ndabwera kudzapereka nsembe kuna Yahova. Konzekerani kubzipambula mkubwera nande kudzapereka nsembe.'' Ndiye iye adaikha pambali Jese na wanache wachimuna mkuwachemera ku nsembeyo.⁶Pomwe iwo adabwera, iye adanyang'anisa Eliabu achiti bzayekhayekha kuti wakudzozewa wa Yahova waima pamaso pache. ⁷Soma Yahova adati kuna Samueli, ''Nampodi kunyang'ana maonekedwe yakunja kwache, ayai tsonga la msinkhu wache; thangwe iye ndamulamba. Thangwe Yahova ambaona lini munthu ninga munthu ambaonera; munthu ambanyang'ana maonekedwe ya kunja, soma Yahova ambanyang'ana mtima.''⁸Ndiye Jese adachemera Abinadabu achimchitisa kugwata na pamaso pa Samueli. Ndiye Samueli adati, ''Neye Yahova alibe kusankhula pomwe umweyu.'' ⁹Jese kinangoko adachita kuti Sama agwate pafupipo, soma Samueli adati, ''Neye Yahova alibe kusankhula umweyu.'' ¹⁰Jese adachita kuti wanache anomwe agwate pamaso pa Samueli. Ndiye Samueli adati kuna Jese, ''Yahova alibe kusankhula neye m'bodzi wa amwewa.¹¹Kinangoko Samueli adati kuna Jese, ''Kodi anyamata wensene mbamwewa?'' Iye adatawira, ''Wasala mng'ono letu, soma akuusa mabira.'' Samueli adati kuna Jese, ''Tuma mtumi akamtenge; thangwe timkhala lini pansi kufikizana iye abwere pano.'' ¹²Jese adatuma mtumi achimubweresa mwemo. Tsapano mwanache wachimunayo akhali wamphamvu apo akhana maso yakudeka na maonekedwe yakudeka. Yahova adati, ''Lamuka, mdzoze umweyo; thangwe ndiye.''¹³Ndiye Samueli adatenga nyanga ya mafuta mkumudzoza iye pakati pa abale wache. Mzimu wa Yahova udathamanga pa Davide kuchoka nsiku yoyo kuyenda mtsogolo. Ndiye Samueli adalamuka achiyenda ku Rama.¹⁴Tsapano Mzimu wa Yahova udamchokera Sauli, apo mzimu wakuwawa wa Yahova udam'boneresa iye. ¹⁵Wakutumikira wa Sauli adati kuna iye, ''Onani tsapano, mzimu wakuwawa wa Mulungu ukukuboneresani imwepo. ¹⁶Lekani mbuyathu tsapano atonge wakutumikira wanu omwe ali pamaso panu kupsaga munthu wa madu yakuyimba zeze. Ndiye pomwe mzimu wakuwawa wa Mulungu ungafika pa imwe, iye amdzayimba apo iwe mumdzakhala bwino.''¹⁷Sauli adati kuna wakutumikira wache, ''Ndipsagireni munthu kuti angayimbe bwino apo mum'bwerese kuno.'' ¹⁸Ndiye m'bodzi wa anyamata adatawira, achiti, ''Ndaona mwana wachimuna wa Jese wa ku Beterehemu, omwe ana madu nakuyimba, wamphamvu, mwamuna wakulimba mtima, mwamuna wa nkhondo, wakusewera mwa nzeru, mwamuna wakudeka; apo Yahova ali mwa iye.'' ¹⁹Ndiye Sauli adatuma mitumi kuna Jese, achiti, ''Nditumizireni mwananu wachimuna Davide, omwe ana mabira.''²⁰Jese adatenga bulu wakudzala na mkate, chakutengera cha vinyu, na mwana wa mbuzi, achibzitumiza kubodzi na mwanacheyo Davide kuna Sauli. ²¹Ndiye Davide adabwera kuna Sauli achipita basa lache. Sauli adamkonda iye kukulu, apo adakhaliratu wakutakula bzipfudzo bzache bza nkhondo.²²Sauli adatuma Jese, kulewa, ''Lekani Davide ayime pamaso pangu, thangwe wagumana udidi mmaso mwangu.'' ²³Mzimu wakuwawa wa Mulungu ungamubwerera Sauli, Davide akhambatenga zeze mkuyimba. Ndiye Sauli akhatsangalaziwa na kukhala bwino, apo mzimu wakuwawayo ukhamchokera iye.

17¹Tsapano Afilisiti adagwezeka wankhondo wawo kuti achite nkhondo. Iwo adagwezekana pa Sokoti, wa ku Yuda. Iwo akhadamanga msasa pakati pa Sokoti na Azeka, mu Efesi Damimu.²Sauli na amuna wa Isaraeli adagwezekana achimanga msasa Mchigwa cha Ela, achifola mzere wawo wa nkhondo kukagumana na Afilisiti. ³Afilisiti adaima pa phiri mbali ibodzi, apo Aisaraeli adaimambo pa phiri mbali inango uko pakati pawo pana chigwa.⁴Munthu wa mphamvu adabula kuchoka mu msasa wa Afilisiti, mwamuna wakuchemerewa Goliyati wa ku Gati, omwe tsonga lache likhali maboko matanthatu na chithatha. ⁵Iye akhana chipewu chamkuwa pa msolo pache, apo akhadabvala chakubvala cha mkuwa chakulemera masekere madzana machanu.⁶Akhana chakubvala cha mkuwa mmiyendo mwache na psimo la mkuwa pamapewa pache. ⁷Mpsimbo ya momba wache ikhali ikulu, yakukhala na gango lakuthusira ninga mtanda wakupakasira nguwo. Msolo wa momba wache ukhalemera masekere madzana matanthatu ya chitsulo. Wakutakula chakukhotchera chache akhafamba patsogolo pache.⁸Iye adaima achichemera mathimu ya wankhondo wa Isaraeli, ''Thangweranyi mwabula kubwera kudzafolana pala nkhondo? Kodi ine ndine lini Mfilisiti, apo imwe ndimwe lini anyamata wa Sauli? Bzisankhulireni munthu apolike kubwera kuna ine. ⁹Penu iye angakwanise kumenyana nande mkundipha, ndiye ife timdzakhala akapolo wanu. Soma penu nimmugonjesa iye, ndiye imwepo mumdzakhala akapolo wathu na kutitumikira ife.''¹⁰Thimize Mfilisitiyo adati, ''Ine ndikunyoza mathimu ya wankhondo wa Isaraeli lero lino. Ndipeni munthu kuti timenye pabodzi.'' ¹¹Pomwe Sauli na Aisaraeli wensene adabva ndibzo Mfilisitiyo adalewa, iwo adagwa utofu na kuchita mantha makulu.¹²Tsapano Davide akhali mwana wachimuna wa ku Efrate wa ku Beterehemu mu Yuda, omwe dzina lache likhali Jese. Iye akhana wana wachimuna asere. Jese akhali munthu wakukalamba mu nsiku za Sauli,wakukalamba kwenekwene pakati pa amuna. ¹³Wana wachimuna atatu akuluakulu akhadatewera Sauli ku nkhondo. Madzina ya wanache wachimuna atatuwo omwe adatewera ku nkhondo yakhali Eliabu wakutoma kubadwa, wakupondana naye Abinadabu, na wachitatu Sama.¹⁴Davide akhali mng'ono letu. Atatu akuluakuluwo adatewera Sauli. ¹⁵Tsapano Davide akhambayenda kuna Sauli na kuna mabira ya babache ku Betelehemu, kumbakayadyesera. ¹⁶Kwa nsiku makumi manayi Mfilisiti wa mphamvuyo akhambabwera pafupi machibese na maulo kudzabzionesera mwene pala nkhondo.¹⁷Ndiye Jese adati kuna mwanache Davide, ''Atengere abale wako kani efa wa tirigu wakukazinga na mikate khumi, na kuthamanga nayo kamkulumize ku msasa wa abale wako. ¹⁸Utakule pomwe ntchintchi khumizi ukapase kapitawo wa thimu lawo lakukwana chulu chibodzi. Ukazonde makhaliro ya abale wakowo, na kubweresa umboni kuti ali bwino.¹⁹Abale wako ana Sauli na amuna wensene wa Isaraeli Mchigwa cha Ela, kumenyana na Afilisiti.'' ²⁰Davide adalamuka mwakubesera achisiya mabira mmanja mwa makabusa. Iye adatakula bzakukaperekabzo achinyamuka, ninga Jese adamtongera iye. Iye adafika pa msasa nthawe ndizo wankhondo akhanyamuka kuyenda kunja ku nkhondo ali mkukuwa nyimbo ya ku nkhondo. ²¹Ndiye Aisaraeli na Afilisiti adafolana pala nkhondo, thimu kulimbana na thimu.²²Davide adasiyira mitolo yache munthu wakukoya bzombo, achithamangira kuna thimulo, achipa mamuko abale wachewo. ²³Pomwe iye akhamusana nawo, munthu wamphamvuyo, Mfilisiti wa ku Gati, Goliyati dzina lache, adatulukira kuchoka mmathimu ya Afilisiti, achilewa mafala yamweyale ninga pakutoma, apo Davide adayabva. ²⁴Pomwe amuna wensene wa Isaraeli adaona munthuyo, adamthawa achikhala na mantha kwenekwene.²⁵Amuna wa Isaraeli adati, ''Kodi wamuona munthu watulukirayu? Umweyu wabwera kuti adzanyoze Isaraeli. Mfumu imdzapereka vida kuna munthu wakupha umweyu, ichidzapereka mwanache wachikazi kuna iye mmaloozi, ichidzapa ufulu nyumba ya babache kulekeza kupereka mtsonkho mu Isaraeli.''²⁶Davide adati kuna amuna wakuima pafupi naye, ''Mchani chimdzachitika kuna munthu wakupha Mfilisitiyu na kuchosa chitonzo pa Isaraeli? Mfirisiti umweyu mbani nyakusaya kugwatiwa kuti ambanyoze mathimu ya Mulungu wa moyo?'' ²⁷Ndiye wanthu adabwerezera bzomwe akhambalewalewa kuna iye, ''Bzimdzachitika tenepoyo kuna munthu wakupha iye.''²⁸Eliabu mano wache mkulu letu adabva pomwe iye adasewera kuna wanthuwo. Ukali bza Eliabu budagakira Davide, iye achiti, ''Kodi iwepo wapolikiranyi kuno? Mabira wasiyira mbani mchipululu mule? Ndikudziwa kubzikuza kwako, na kuipa mtima kwako; thangwe wapolika kuno kutondo kuti udzaonerere nkhondo.'' ²⁹Davide adati, ''Ndachita chani tsapano? Mesa ukhali m'bvunzo basi?'' ³⁰Iye adachoka pa iye mkuyenda pana wina, achikasewera bzibodzibodzi. Wanthu adatawira chinthu chibodzibodzi ninga pakutoma.³¹Pomwe mafala ndiyo Davide adasewerayo yadabveka, anyankhondo adayabwerezera kuna Sauli, apo adamtumira mtumi Davide. ³²Ndiye Davide adati kuna Sauli, ''Nampodi kubvuma mtima wa wina uchite thupo na Mfilisiti ule; kapolo wanune niyenda kukamenyana naye Mfilisitiyo.'' ³³Sauli adati kuna Davide, ''Ungakwanise lini iwepo kulimbana na Mfilisitiyu mkumenyana naye, thangwe ndiwe mwana mng'ono, uko iye ni munthu wankhondo kuyambira paubwana bwache.''³⁴Soma Davide adati kuna Sauli, ''Kapolo wanu adazerewera kuusa mabira ya babache. Mphondolo ayai chimbalangondo chingabwera mkutenga ntchere ya bira pakati pa thimulo, ³⁵nimbathotha mkuuphata, mkuyipulumusa mkamwa mwache. Ungandigandukira ine, nimbauphata mandebvu yache, mkuumenya, mkuupheratu.³⁶Kapolo wanune ndidapha kale mphondolo na chimbalangondo kubodzi. Mfilisiti wakusaya kugwatiwayu amkhala ninga chibodzi mwa ibzo, thangwe wanyoza mathimu ya Mulungu wa moyo.''³⁷Davide adati, ''Yahova adandipulumusa inepano kuchoka ku mphamvu ya mphondolo na mphamvu ya chimbalangondo. Iye amdzandipulumusa ine mmanja mwa Mfilisitiyu.'' Ndiye Sauli adati kuna Davide, ''Ndoko, apo Yahova mbaakhale nawe.'' ³⁸Sauli adabvazika Davide chakubvala cha nkhondo. Adaikha chipewu cha mkuwa ku msolo kwache, achimubvazika chakubvala cha chitsulo.³⁹Davide adamangirira lupanga lache padzaulu pa chakubvala chache cha nkhondo. Soma alibe kukwanisa kufamba, thangwe akhanati kubzizerewera. Ndiye Davide adati kuna Sauli, ''Ningakwanise lini kubula kuyenda kunkhondo na bzimwebzi, thangwe ndikanati kubzizerewera.'' Ndiye Davide adabzikhundula. ⁴⁰Adatakula mpsimbo yache mmanja achisankhula minyala michanu yakunyalala mkamkulo; iye adayiikha mkachola ka umakabusa. Sipoko yache ikhali mmanja mwache pomwe iye akhafendera kuna Mfilisitiyo.⁴¹Mfilisitiyo adabwera achifenderera Davide, apo wakutakula chakukhotcherera chache ali patsogolo pache. ⁴²Pomwe Mfilisitiyo adanyang'ana kuzungulira adaona Davide, iye adamnyoza iye, thangwe akhali mwana mng'ono, na mfwira, wa maonekedwe yakudeka. ⁴³Ndiye Mfilisitiyo adati kuna Davide, ''Kodi ndine mbwaya, kuti iwe ubwere kuna ine na miti?'' apo Mfilisitiyo adatemberera Davide na milungu yache.⁴⁴Mfilisitiyo adati kuna Davide, ''Bwera kuna ine, apo nimdzapereka mnomfu wako kuna mbalame za mdzaulu na kuna bzilombo bzakuthengo.'' ⁴⁵Davide adatawira kuna Mfilisitiyo, ''Ukubwera kuna ine na lupanga, momba, na psimo. Soma ine ndikubwera kuna iwe mdzina la Yahova wa wense, Mulungu wa anyankhondo wa Isaraeli, omwe iwe udawanyoza.⁴⁶Lero lino Yahova amndipasa chigonjeso pa iwe, apo nimkupha na kuchosa msolo wako kuthupi lako. Lero lino nimpereka matupi yakufa ya anyankhondo wa Afilisiti kuna mbalame za mdzaulu na kuna bzilombo bza dziko lapansi, pala kuti dziko lensene lapansi lizindikire kuti kuna Mulungu wa Isaraeli, ⁴⁷na kuti mtsonkhano wenseneyu uzindikire kuti Yahova ambapulumusa lini na lupanga ayai momba. Thangwe Yahova ndiye mwenekachiro nkhondoyi, apo iye amkuperekani imwe mmanja mwathu.''⁴⁸Pomwe Mfilisitiyo adabzikonzesera mkufenderera Davide, ndiye Davide adathamanga kamkulumize kuna thimu la awengi wa anyankhondowo kukagumana naye. ⁴⁹Davide adapisa boko lache mka chola kache, mkutenga mwala kuchoka mwemo, mkupangira ku sipoko, mkuboma pamkuma pa Mfilisitiyo. Mwalayo udamira mumkuma mwa Mfilisitiyo, apo iye adagwa pansi chafufumimba.⁵⁰Davide adagonjesa Mfilisitiyo na sipoko na mwala. Iye adaboma Mfilisitiyo achimupha. Mukhalibe lupanga mmanja mwa Davide. ⁵¹Kinangoko Davide adathamanga achikaima pa Mfilisitiyo mkutenga lupanga lache, achilimolola mchikhomfa mwache, mkumupha iye, achigwatira msolo wache. Pomwe Afilisiti adaona kuti munthu wamphamvu wafa, adathawa.⁵²Ndiye amuna wa Isaraeli na wa ku Yuda adanyamuka ali kukuwa, achithotha Afilisiti kufikizana kutali ku chigwa na pa mipitiro ya Ekironi. Afilisiti wakufawo adagwa pa njira ya ku Saraimu, kuyenderatu ku Gati na ku Ekironi. ⁵³Wana wa Isaraeli adabwerera kuchoka pakuthotha Afilisiti, achipondedza msasa wawo. ⁵⁴Davide adatenga msolo wa Mfilisitiyo mkuubweresa ku Yerusalemu, soma adaikha bzakubvala bzache mchihema chache.⁵⁵Pomwe Sauli adaona Davide kubula kuyenda kuna Mfilisitiyo, adati kuna Abineri, kapitawo wa anyankhondo, ''Abineri, mnyamatayu ni mwana wambani?'' Abineri adati, ''Pana imwe, mfumu, nimdziwa lini.'' ⁵⁶Mfumuyo idati, ''Bvunza omwe angadziwe, ni mwana wambani mnyamatayu.''⁵⁷Pomwe Davide adabwerera kuchoka kwakupha Mfilisitiyo, Abineri adamtenga iye, achimubweresa pamaso pa Sauli ana msolo wa Mfilisitiyo mmanja mwache. ⁵⁸Sauli adati kuna iye, ''Ndiwe mwana wa mbani, mnyamatawe?'' Davide adatawira, ''Ndine mwana wa kapolo wanu Jese wa ku Beterehemu.''

18¹Pommwe iye adamala kulewalewa na Sauli, mtima wa Yonatani udabverana na mtima wa Davide, apo Yonatani adamkonda iye ninga mtima wache chaiwo. ²Sauli adatenga Davide kumuikha m'basa lache nsiku yoyo; alibe kumubvuma pomwe kubwerera kumuyi kwa babache.³Ndiye Yonatani na Davide adachita mpangano wa uchamwali thangwe Yonatani adamkonda iye ninga mtima wache chaiwo. ⁴Yonatani adakhundula mkanjo omwe akhadabvala achiupereka kuna Davide na chakubvala chache cha nkhondo, na lupanga lache pomwe, uta, na bande.⁵Davide adabula kuyenda kulikwense ndiko Sauli adamtuma, achipambana. Sauli adamuikha iye kunyang'anira wanthu wa nkhondo. Ichi chidadekera wanthu wensene na anyamata wa Sauli pomwe.⁶Pomwe iwo adabwerera kumuyi kuchokera kwakugonjesa Afilisitiwo, azimayi adabula kuchokera mmiyi yensene ya Isaraeli, ali kuyimba na kubzina, kukagumana na mfumu Sauli, na ng'oma zing'ono zing'ono, na kusekera, na bzakuyimbira. ⁷Azimayi adayimbirana kuna wina na mwayache pomwe akhayimba. Iwo adayimba: ''Sauli wapha bzulu bzache, apo Davide makumi ya bzulu bzache''⁸Sauli akhali waukali kwenekwene, apo chimbocho chidamuipira iye. Iye adati, ''Alewengera kuna Davide bzulu na bzulu, soma alewengera bzulu bzokha kuna ine. Chinimperewera pomwe mchani soma ufumu bokha zjai?'' ⁹Sauli adanyang'anisa Davide na chikaikiro kuchoka nsiku yoyo mpakana.¹⁰Mangwana yache mzimu wakuipa wa Mulungu udathamangira pa Sauli apo iye achibvimira ali mnyumbamo. Ndiye Davide adaimba chakuimbira chache, ninga akhachitira nsiku iriyense. Sauli akhana psimo mmanja mwache. ¹¹Sauli adathusa psimolo, thangwe iye adakumbuka, ''Ninimkhomera Davide kunyumbaku.'' Soma Davide adathawa kuchoka pa ¹²Sauli kawiri mnjira yoyi. Sauli akhana mantha na Davide, thangwe Yahova akhanaye, soma akhali lini pomwe na Sauli.¹³Ndiye Sauli adamchosa iye pafupi naye achimuikha mkulu wa chulu chibodzi cha anyankhondo. Mnjira yoyi Davide adabula kuyenda kunkhondo achibwerera kutsogolera wanthu. ¹⁴Davide akhapambana mnjira zache zensene, thangwe Yahova akhali naye.¹⁵Pomwe Sauli adaona kuti iye wapambana, adamgopa iye. ¹⁶Soma Aisaraeli wensene na Yuda adamkonda Davide, thangwe iye akhabula nawo achibwerera nawo mwemo kuwatsogolera.¹⁷Kinangoko Sauli adati kuna Davide, ''Mwanangu mkulu wachikazi uyu Merabi. Ndikumpereka kuna iwe kukhala mkazako. Malingana ukhale wakulimbika mtima kuna ine na kumbamenya nkhondo za Yahova.'' Thangwe Sauli adakumbuka, ''Nampodi ndimuphe iye, soma lekani Afilisiti ndiwo ati amuphe.'' ¹⁸Davide adati kuna Sauli, ''Ndine mbani ine, apo abale wangumbo mbani, ayai banja la babangu mu Isaraeli, kuti ndikakhale mkuwasa wa mfumu?''¹⁹Soma pa nthawe ndiyo Merabi, mwana wachikazi wa Sauli, akhati kuti aperekiwe kuna Davide, adaperekiwa kuna Adirieli wa ku Mehola.²⁰Soma Mikaela, mwana wachikazi wa Sauli, akhakonda Davide. Iwo adauza Sauli, apo ichi chidamkomera iye. ²¹Ndiye Sauli adakumbuka, ''Ndimpereke kuna iye, kuti akhale nyambo yache, na kuti Afilisiti l adzamuphe iye.'' Ndiye Sauli adati kuna Davide kachiwiri, ''Umkhala mkuwasa wangu iwepo.''²²Sauli adatonga anyamata wache, ''Sewerani na Davide pamphepete, apo mulewe, 'Ona, mfumu ikudekedwa nawe iwepo, apo anyamata wache wensene ambakukonda. Tsapano ndiye, ukhale mkuwasa wa mfumu.'''²³Ndiye anyamata wa Sauli adasewera mafalaya kuna Davide. Ndiye Davide adati, ''Kodi ni nkhani ing'ono kuna imwe kukhala mkuwasa wa mfumu na, nakuti ine ndine munthu wakusaya, na wakupepusiwa.'' ²⁴Anyamata wa Sauli adamuuza iye mafala ndiyo Davide adasewerayo.²⁵Ndiye Sauli adati, ''Kamuuzeni tere Davide, 'Mfumu imfuna lini kobiri iriyense ya maloozi kupambula makanda dzana libodzi ya kugwata kumaso kwa Afilisiti, kubwezera kuna awengi wa mfumu.''' Tsapano Sauli adakumbuka kumuphesa Davide kuna Afilisiti. ²⁶Anyamata wache atamuuza Davide mafalaya, bzidamdekera Davide kukhala mkuwasa wa mfumu.²⁷Nsiku zozo zikanati kumala, Davide adayenda na amuna wache achikapha Afilisiti madzana mawiri. Davide adabweresa makanda yakugwata kumaso kwa Afilisiti, achiyapereka yensene yakukwana kuna mfumu, kuti iye akhale mkuwasa wa mfumuyo. Ndiye Sauli adapereka Mikala mwanache wachikazi kukhala mkazache. ²⁸Pomwe Sauli adaona, apo adazindikiradi kuti Yahova akhanaye Davide, na kuti Mikala, mwana wa Sauli, akhamkondadi iye, ²⁹Sauli adakhaliratu na mantha kwenekwene na Davide. Sauli adapitiriza basi kukhala muwengi wa Davide.³⁰Ndiye wankhondo wa Afilisiti adabula kunja ku nkhondo, apo mwa chizerewezi iwo angabula, Davide akhali wakupambana basi kuposa anyamata wina wense wa nkondo wa Sauli, mwakuti dzina lache lidapitirira basi kukhala lakuthembezeka.

19¹Sauli adasewera na Yonatani mwanache wachimuna na kuna anyamata wache wensene kuti amuphe Davide. Soma Yonatani, mwana wachimuna wa Sauli, akhadekedwa naye kwene kwene Davide. ²Ndiye Yonatani adamuuza Davide, ''Sauli babangu akupsaga manera yakukupha iwepo. Ndiye uchenjere machibese apo ubisalike mbuto yakulimba. ³Niyenda kunja kukaima pambali na baba mmunda komwe iwepo uli, apo nimkalewalewa na baba bza iwepo. Ningakabva chinthu chirichense, nimdzakudziwisa.''⁴Yonatani adasewera bzabwino bza Davide kuna Sauli babache achiti kuna iye, ''Nampodi kubvuma mfumu iphonyere mnyamata wache Davide. Thangwe iye alibe kukuphonyerani, apo bzakuchita bzache bzakubwereserani bzabwino. ⁵Thangwe iye adatenga moyo wache mmanja mwache achipha Mfilisiti. Yahova adabweresa chipulumuso chikulu kuna Isaraeli. Imwe mudaona muchisekera. Thangweranyi mukufuna kuphonyera mulopa wakusaya kuphonya pakupha Davide seye thangwe?''⁶Sauli adatetekera Yonatani. Sauli dalumbirira, ''Pana Yahova, iye aniphiwa lini.'' ⁷Ndiye Yonatani adachemera Davide, apo Yonatani adamuuza Davide bzobzi. Yonatani adabweresa Davide kuna Sauli, apo iye akhali pamaso pache ninga pakutoma.⁸Pakhana nkhondo pomwe, apo Davide adabula kunja achikamenyana na Afilisiti achiwagonjesa na kupha kukulu. Iwo adathawa pamaso pache. ⁹Mzimu wakuipa wa Yahova udabwera pa Sauli apo iye adakhala mnyumba na psimo lache mmanja mwache, apo Davide akhaimba chakuimbira chache.¹⁰Sauli adayezera kuthwikira Davide kunyumba na psimolo, soma iye adaphuzunyuka pamaso pa Sauli, mwakuti Sauli adathusira psimolo kunjumba. Davide adathawa achichokeratum usiku bumwebo. ¹¹Sauli adatuma mitumi ku nyumba ya Davide kumudikhirira kuti amuphe basi machibese. Mikala, mkazi wa Davide, adamuuza iye, ''Penu umpulumusa lini moyo wako usiku buno, mangwana uniphewa.''¹²Ndiye Mikala adachosera Davide na pajanera. Iye adayenda achichoka, mkuthawa. ¹³Mikala adatenga chifano chakutsema cha mnyumbamo achichigonesa pakama. Ndiye iye adaikha nsago ya ukuse bwa mbuzi kumisolo kwache, mkuchifunikiza na bzakubvala.¹⁴Pomwe Sauli adatuma mitumi kukatenga Davide, iye adati, ''Akudwala.'' ¹⁵Ndiye Sauli adatuma mitumi kukamuona Davide: iye adati, ''Mubwereseni mukwire naye kuno ali pakamapo, kuti ndidzamuphe.''¹⁶Pomwe mitumi idapita mwemo, onani, pakama pakhana chifano chakutsema na nsago ya ukuse bwa mbuzi kumisolo kwache. ¹⁷Sauli adati kuna Mikala, ''Thangweranyi wandinyengeza tere mkulekerera muwengi wangu kuyenda, mwakuti ateye wathawa?'' Mikala adamtawira Sauli, ''Iye adati kuna ine, 'Ndileke ndiyende. Thangweranyi kuti ndikuphe?''¹⁸Tsapano Davide adayenda achithawa, mkuyenda kuna Samueli ku Rama mkukamuuza bzense ndibzo Sauli adamchitira iye. Ndiye iye na Samueli adayenda achikakhala mu Nayoti ku Rama.'' ¹⁹Wina adauza Sauli, kuti, ''Onani, Davide ali ku Nayoti mu Rama.'' ²⁰Ndiye Sauli adatuma mitumi kukaphata Davide. Pomwe iwo adaona thimu la aneneri likunenera, na Samueli ataima ninga mkulu wawo, Mzimu wa Mulungu udagwera pa mitumi ya Sauliyo, apo iyo idanenerambo.²¹Pomwe Sauli adauziwa ibzi, adatuma mitumi inango, apo iyo idakanenerambo pomwe. Ndiye Sauli adatuma mitumi inango kachitatu, apo iyo idakanenera pomwe. ²²Kinangoko iye adayenda yekha ku Rama kumweko achikafika pa mchera wakuzika ndiwo uli mu Seku. Iye adabvunza, ''Kodi Samueli na Davide ali kuponi?'' Wina adati, ''Onani, iwo ali ku Nayoti mu Rama.''²³Sauli adayenda ku Nayoti mu Rama. Ndiye Mzimu wa Mulungu udamubwerera iye, apo pomwe akhayenda adanenera kufikizana adafika ku Nayoti mu Rama. ²⁴Iye adakhundula bzakubvala bzache pezi pezi achinenerambo pamaso pa Samueli. Iye adakhala pezi nsiku yensene ya mtero na usiku bwense bza mtero. Mthangwerache iwo adabvunza, ''Kani Sauli pomwe ni mneneri?''

20¹Ndiye Davide adathawa kuchoka ku Nayoti mu Rama achibwera kudzati kuna Yonatani, ''Kodi ndachitanyi ine? Chakuipa changu mchiponi? Mchakuphonya chanyi ndachitira babako, kuti ateye apsage kundipha inepano?'' ²Yonatani adati kuna Davide, ''Kutatitali; unifa lini iwe. Babangu ambachita lini chinthu ching'ono ayai chikulu seye mkundiuza ine. Thangweranyi baba akundibisira bzimwebzi? Mtenepoyo lin.''³Chensecho Davide adalumbirira pomwe achiti, ''Babako akudziwa bwino kuti ndagumana udidi pamaso pako. Iwo adati, 'Nampodi kubvuma Yonatani adziwe bzobzi, ayai amdzakalipa.' Soma mchadidi pana Yahova, na pana iwepo, pana ninga thanya libodzi pakati pa ine na imfa.''⁴Ndiye Yonatani adati kuna Davide, ''Chirichense unilewacho, nimkuchitira.'' ⁵Davide adati kuna Yonatani, ''Mangwana ukukhwedzuka mwezi upsa, apo nimfunika ndikakhale pansi kudya na mfumu. Soma ndileke ndiyende, kuti ndikabisalike mthengo kufikizana nsiku yachitatu maulo yache.⁶Babako angandifuna pang'ono pense, ndiye ukati, 'Davide wandingingimiza kuti ndimubvume athamange ku Betelehemu muyi wache; thangwe kuna nsembe yapagole koko ya banja lense.' ⁷Iwo angakati, 'Chabwino,' kapolo wanu nimdzakhala pa mtendere. Soma angakakalipa kwenekwene, ndiye dziwa kuti akumbuka chakuipa.⁸Mthangwerache chitira kapolo wako chakukoma mtima. Thangwe wamchitira kapolo wako kupangana nawe mpangano wa Yahova. Soma penu mwa ine muna chakuipa chirichense, undiphe wekha; nakuti thangweranyi tsono kuti undibwerese kuna babako?'' ⁹Yonatani adati, ''Ukhale nabzo kutali bzimwebzo iwe! Ndipo ndidadziwa babangu akukumbuka chakuipa kuna iwepo, ndiribe kuuza kodi?''¹⁰Ndiye Davide adati kuna Yonatani, ''Mbani amdzandiuza ine babakowo achikutawira mwakukalipa?'' ¹¹Yonatani adati kunaDavide, ''Bwera, mbatiye tiyende kuthengo.'' Ndiye wensenewo adabula mkuyenda kuthengo.¹²Yonatani adati kuna Davide, Yahova Mulungu wa Isaraeli, mbaakhale mboni. Ningadzabvunza baba mangwana nthawe ninga ino, ayai mkucha, ona, penu pana chabwino chakuchitira Davide, kodi nimdzakutumira lini mtumi na kukudziwisa iwepo? ¹³Penu bzinidekera baba kukuchita chakuipa, Yahova mbaachitire Yonatani na kuthimizira pomwe penu nimkudziwisa lini na kukuthawisa, pala kuti uyende mumtendere. Yahova mbaakhale nawe, ninga akhalira na baba.¹⁴Penu ndikana moyo, kodi umdzandionesambo lini chikhulupiriro cha mpangano wa Yahova, kuti ningafe lini? ¹⁵Nampodi kudumiza chikhulupiriro cha mpangano wako kuchoka ku banja langu kwa nsiku zense---neye achichita kuti Yahova wagwata aliyense wa awengi wa Davide kuchoka pa nkhope ya dziko lapansi.'' ¹⁶Ndiye Yonatani adachita mpangano na wanyumba ya Davide achiti, ''Yahova mbaakwanirise ibzi pakulanga awengi wa Davide.''¹⁷Yonatani adalumbirisa pomwe Davide kachiwiri thangwera chikondi ndicho iye akhanacho pa iye, thangwe akhamkonda iye ninga akhabzikondera moyo wache mwene. ¹⁸Ndiye Yonatani adati kuna iye, ''Mangwana unikhwedzuka mwezi. Iwepo umdzaoneka lini thangwe pa kadera yako pamdzakhala terepoyo. ¹⁹Ungakhala wakhala nsiku zitatu, udzapolike kamkulumize mkubwera pambuto ndipo iwe udabisalika wekha pmwe nkhaniyi idayamba, apo kakhale pafupi na mwala wa Ezeli.²⁰Nimdzathusa misewe mitatu kumbali imweyo, ninga kuti ndikhabzatika. ²¹Kinangoko nimdzatuma mnayamata wangu ndichidzati kuna iye, 'Ndoko ukalokote misewe ire.' Ningadzati kuna mnyamatayo, 'Nyang'ana, misewe iri mbali iyi ya iweyo; udzailokote,'' ndiye udzabwere; thangwe pamdzakhala chitetezo chako sikuti kudzononga, pana Yahova.²²''Soma ningadzati kuna mnyamatayo, 'Nyang'ana misewe iri kupitirira pamwepo,' ndiye dzayende njira zako, thangwe Yahova wakuuza uyende. ²³Ungakhala mpangano omwe iwe na ine tidakambirana, ona, Yahova ali pakati pa ife kufikizana muyaya.'''²⁴Ndiye Davide adabisalika mthengo. Mwezi upsa utakhwedzuka, mfumu idakhala pansi kudya chakudya. ²⁵Mfumuyo idakhala pansi pa kadera yache, ninga mwa chizerewezi, pakadera m'phepete mwa nyumba. Yonatani adaima pulu, apo Abineri adakhala pafupi na mbali kukhana mfumuko. Soma mbuto ya Davide ikhalibe munthu.²⁶Soma Sauli alibe kusewera chinthu nsiku yoyo, thangwe iye adakumbuka, ''Chinthu chamchitikira iye. Iye ali lini wakuchena; chadidi iye ali lini wakuchena.'' ²⁷Soma nsiku yachiwiri, mangwana yache ya kukhwedzuka mwezi, mbuto ya Davide pakhalibe basi munthu. Sauli adati kuna Yonatani mwanache wachimuna, ''Thangweranyi mwana wa Jese alibe kubwera kudzadya dzulo ayai lero lino?''²⁸Yonatani adamtawira Sauli, ''Davide adandikumbira mwakungingimira kuti ayende ku Betelehemu. ²⁹Iye adati, 'Pirizi ndibvumeni ndiyende. Thangwe banja lathu lina nsembe mmuyi, apo m'bale wangu wandiuza kuti ndikagumanike koko. Tsapano, penu ndagumana udidi pamaso panu, pirizi ndilekeni ndiyende kukaonana na abale wanguwo.' Thangwera icho iye alibe kubwera ku meza ya mfumu.''³⁰Ndiye ukali bwa Sauli budagakira Yonatani, achiti kuna iye, ''Iwe mwana wa mkazi wakupulukira na wakugandukira! Kodi ndikudziwa lini kuti wasankhula mwana wa Jese ku manyazi ya iwe wekha, na kumanyazi ya upezi bwa mayi wako? ³¹Thangwe nthawe zense mwana wa Jese wakhala na moyo padziko lapansi, neye iwepo ayai ufumu bwako bumdzakhazikika lini. tsapano ndiye, tuma mtumi amubwerese iye kuno kuna ine, thangwe amfunika afe meju.''³²Yonatami adatawira Sauli babache. ''Thangweranyi kuti iye aphiwe? Wachita chani?'' ³³Ndiye Sauli adamthusira psimo kuti amuphe. Ndiye Yonatani adadziwa kuti babachewo atsimikiza mtima basi bzakupha Davide. ³⁴Yonatani adalamuka kuchoka pa meza na ukali bwakugopsa apo neye kudya pomwe chakudya nsiku yachiwiri ya mweziyo, thangwe akhabvera nsisi Davide, thangwe babachewo adamchitisa manyazi.³⁵Machibese yache, Yonatani adabula kuyenda mthengo kuna mpangano na Davide, apo mnyamata akhali naye. ³⁶Iye adati kuna mnyamata wache, ''Thamanga ukapsage misewe ndiyo ndidathusa ire.'' Pomwe mnyamatayo adathamanga, iye adathusa msewe kutsogolo kwache. ³⁷Pomwe mnyamatayo adakafika pomwe msewe omwe Yonatani adathusa udagwera, Yonatani adachemera mnyamatayo, achiti, ''Kodi mseweyu ulibe kupitirira popo?''³⁸Ndiye Yonatani adachemera mnyamatayo, ''Kulumiza, kamangu, nampodi kukhala!'' Ndiye mnyamata wa Yonatani adagwezeka miseweyo achibwera kuna mbuyache. ³⁹Soma mnyamatayo alibe kudziwa chinthu. Yonatani yekha na Davide akhadziwa nkhaniyo. ⁴⁰Yonatani adapereka bzipfudzobzo kuna mnyamatayo achiti kuna iye, ''Ndoko, ndoko nayo kumuyi.''⁴¹Mnyamatayo atatondo kuyenda, Davide adaima kuchoka kutseri kwa minyala, atagona pansi chafufumimba, achikotama yekha yekha katatu. Iwo adampsompsonana achilira pabodzi, na Davide kulira kwenekwene. ⁴²Yonatani adati kuna Davide, ''Ndoko mumtendere, thangwe tidalumbira tense mdzina la Yahova kuti, Yahova mbaakhale pakati pa iwe na ine, na pakati pa abereki wangu na abereki wako, kwamuyaya.'' Ndiye Davide adaima achichoka, apo Yonatani adabwerera kumuyi.

21¹Ndiye Davide adabwera ku Nobu kudzaona Abimeleke wansembeyo. Abimeleke adabwera ali kutetemera achiti kuna iye, ''Thangweranyi uli wekha apo neye munthu wina?'' ²Davide adati kuna Abimeleke wansembeyo, ''Mfumu yandituma basa ichiti kuna ine, 'Nampodi wina adziwe basa ndilo ndikukutumira iwepo, na ndibzo ndakutonga.' Ndapanganiza anyamata winango kumbuto ina.³Tsapano ndiye mmanja mwakomo una chakudya chanyi? Ndipe mitanda michanu ya mikate, ayai chirichense chiri panocho.'' ⁴Wansembeyo adamtawira Davide achiti, ''Ndiribe mikate ya nsiku zense mmanjamu, soma muna mkate wakuchena---penu anyamatawa abzikoya okha ku akazi.''⁵Davide adamtawira wansembeyo, ''Chadidi azimayi akhala kutali nafe kwa nsiku zitatu zapitazi, ninga mwachizerewezi pomwe ndikhanyamuka. Bzombo bza anyamatawa bzaikhiwa pambali napo bukhali ulendo bwapezipezi. Mkwakuposa tani tsono bzakutengera bzawo bzimkhala bzakuchena lero!'' ⁶Ndiye wansembeyo adamupa iye mkate omwe ukhadaikhiwa pambali. Thangwe pakhalibe mkate popo kupambula mkate wa chakupereka, omwe udachosewa kuchoka pamaso pa Yahova, kuti ayikhe mkate wakuthuma m'buto mwache pa nsiku ndiyo udachosewa.⁷Tsdapano m'bodzi wa anyamata wa Sauli akhali popo nsiku yoyo, adachedwesewa pamaso pa Yahova. Dzina lache akhali Doegi wa ku Edomu, mkulu wa amakabusa wa Sauli.⁸Davide adati kuna Abimeleke, ''Tsono pakali panopa mmanja mwanu mulibe msewe ayai lupanga kodi? Thangwe ndiribe kubweresa lupanga langu ayai bzipfudzo bzangu, thangwe basa la mfumu likhali la kamangumangu.'' ⁹Wansembeyo adati, ''Lupanga la Goliyati Mfilisitiyo, lomwe udamuphera Mchigwa cha Ela, liri pano lidakukutidziwa na nguwo kutseri wa efodi. Ungafuna kulitenga ilo, litenge, thangwe palibe pomwe chipfudzo china pano.'' Davide adati, ''Palibe pomwe lupanga lina ninga limwelo; ndipe kuno.''¹⁰Davide adanyamuka achithawa Sauli nsiku yoyo mkuyenda kuna Achisi, mfumu ya Gati. ¹¹Akapolo wa Achisi adati kuna iye, ''Kodi si Davide uyu, mfumu ya dziko? Kodi iwo alibe kuyimba bza iye mkubzina, 'Sauli wapha bzulu bzache, apo Davide bzulu bzache bza makumi?''¹²Davide adatengera mafalaya mumtima apo akhana mantha kwene kwene na Achisi, mfumu ya Gati. ¹³Iye adachinja makhaliro yache pamaso pawo achinamizira kukhala na msala mmanja mwawo; iye adaikha bzilatizo pa misuwo ya mipitiro achimbalekerera mata yache kuyerera pa ndebvu zache.¹⁴Ndiye Akisi adati kuna akapolo wache, ''Nyang'anani, mukuona munthuyu ni nyamsala. Mwamubwereseranyi kuna ine? ¹⁵Nsikusaya anyamsala ine, kuti mubwerese umweyu kuchita tere pana ine? Kodi umweyu wabweradi mnyumba mwangu?''

22¹Ndiye Davide adachoka popp achithawira ku phanga la Adulamu. Abale wache na wakubanja la babache wensene atabva bzobzi, adapolika kumeyendera koko. ²Aliyense omwe akhali na nsisi, aloiyense omwe akhali mmangawa, na aliyense wakuwawidwa mtima--adagwezekana pomwe kuna iyeko. Davide adakhala kapitawo wawo. Pakhana amuna wakukwana ninga madzana manayi pabodzi naye.³Ndiye Dacide adayenda kuchoka popo kuyenda ku Mizipa mu Moabu. Iye adati luna mfumu ya Moabu, ''Pirizi lekani babangu na mayi wangu abule akhale namwe kufikizana ndidziwe ndibzo Mulungu amfuna kundichitira.'' ⁴Iye adawatenga kuyenda nawo pamaso pa mfumu ya ku Moabu. Babache na mayi wache adasalira naye nthawe yensene ndiyo Davide adakhala pambutopo. ⁵Kinangoko mneneri Gadi adati kuna Davide, ''Nampodi kukhala mbuto yako ino. Chokani muyende mdziko la Yuda. '' Ndiye Davide adachoka popo achiyenda ku nkhalandgo ya Hereti.⁶Sauli adabva kuti Davide waoneka, pabodzi na amuna omwe iye akhanawo. Tsapano Sauli akhadakhala mu Gibeya pansi pa muti wa kumsanje pakamthunthu, na dipa mmanja mwache, apo akapolo wache wensene ataima kumzungulira iye.⁷Sauli adati kuna akapolo wache omwe akhadaima kumzungulira iye, ''Tetekerani tsapano, wanthu wa ku Benjamini! Kodi Davide mdzakupani aliyense wa imwe minda na minda ya mpesa? Kodi iye amdzakuikhani kukhala akapitawo wa bzulu na akapitawo wa madzana imwe, ⁸matsintha na chiwembu chense mukuchitira inechi? Palibe wa imwe ambandidziwisa mwanangu ule angambachita mpangano na mwana wa Jese. Palibe wa imwe akundichitambo chifundo. Palibe wa imwe ambandidziwisa kuti mwanangu akukolezera kapolo wangu Davide chiwembu pa ine. Lero lino iye akubisalika kudikhira ine kuti andiphe.''⁹¹⁰Kinangoko Doegi wa ku Edomu, omwe akhadaima pafupi na anyamata wa Sauli, adatawira, ''Ndidaonandi mwana wa Jese kubwera ku Nobu, kuna mwana wachimuna wa Abimeleke mwana wachimuna wa Ahitubi. Iye adapemba kuna Yahova kuti amuthandize, apo adamupa bzinthu na lupanga la Goliyati Mfilisiti.''¹¹Kinangoko mfumu idatuma wina kukachemera wansembe Ahimeleke mwana wachimuna wa Ahitubi na wa banja lense la babache, wansembe omwe akhali mu Nobu.Wensenewo adabwera kuna mfumu. ¹²Sauli adati, ''Tetekera tsapano, mwana wa Ahitubi.'' Iye adatawira, ''Ine ndiri pano, mbuyangu.'' ¹³Sauli adati kuna iye, ''Thangweranyi ukundikonzera chiwembu, iwepo na mwana wa Jese, pa kumupa iye mkate, na lupanga, apo wapemba kuna Mulungu kuti amuthandize iye, kuti iye alamuke kupha ine, kubisalika mwachinsinsi, ninga akuchitira lero lino?''¹⁴Ndiye Abimeleke adatawira mfumuyo achiti, ''Mbani pakati pa anyamata wanu wensewa wakukhulupirika ninga Davide, omwe ni mkuwasa wa mfumu na wakunyang'anira wakulindira imweyu, na wakulemekezeka mnyumba mwanu? ¹⁵Kodi ine mkuyamba lero kumupembera kuna Yahova kuti amuthandizemiye? Nampodi kutenepoyo! Mfumu nampodi kulewera chirichense kuna kapolo wache ayai nyumba yensene ya babangu. Thangwe kapolo wanune ndikudziwa lini chinthu pa nkhani yenseneyi.''¹⁶Mfumu idatawira, ''Iwepo umfa meju, Ahimeleki, iwepo na banja lense la babako.'' ¹⁷Mfumu idati kuna alindiri omwe akhadaima kumzungulira iye, ''Zungunukani muphe aneneri wa Yahova. Thangwe ali pabodzi na Davide, na kuti adadziwa kuti iye akuthawa, soma alibe kundizimbulira.'' Soma anyamata wa mfumu alibe kufuthula manja yawo kupha aneneri wa Yahova.¹⁸Ndiye mfumu idati kuna Doegi, ''Zungunuka uphe wansembewa.'' Ndiye Doegi wa ku Edomu adazungunuka mkupha wansembewo; iye adapha wanthu makumi masere na achanu wakubvala chibafuta cha efodi nsiku yoyo. ¹⁹Iye adathira pomwe lupanga Nobu, muyi wa ansembe, amuna na akazi kubodzi, wana na matcheche, na ng'ombe zache, mabulu na mabira, adazithira lupanga.²⁰Soma m'bodzi wa wana wa Ahimeleki mwana wa Ahitubu, wakuchemerewa Abyatara, adapulumuka achithawira kuna Davide. ²¹Abyatara adauza Davide kuti Sauli wapha aneneri wa Yahova.²²Davide adati kuna Abyatara, ''Ndidadziwa nsiku yoyo, pomwe Doegi wa ku Edomu akhali popo, kuti iye aniuza chadidi Sauli. Ndine ndachitisa imfa yensene m'banja la babako! ²³Khala nande apo nampodi kuchita mantha. Thangwe omwe akupsaga moyo wako akupsaga pomwe wanguyu. Umkhala wakutetezeka na ine.''

23¹Iwo adauza Davide, ''Nyang'ana, Afilisiti akumenyana na a Keila apo akuba mbuto zakupunthira.'' ²Ndiye Davide adapemba kuna Yahova kuti athandize mkumukumbira, ''Kodi ndiyende kukamenya Afilisiti?'' Yahova adati kuna Davide, ''Ndoko ukamenye Afilisitiwo na kukapulumusa Keila.''³Amuna wa Davide adati kuna iye, ''Onani, tina mantha muno mu Yuda. Kuna tani tsono tichiyenda ku Keila kukalimbana na anyankhondo wa Afilisiti?'' ⁴Ndiye Davide adapemba kuna Yahova kuti athandize pomwe. Yahova adamtawira iye, ''Lamuka, ndoko polika ku Keila. Thangwe nimkupasa chipambano pa Afilisiti.''⁵Davide na amuna wache adayenda ku Keila achikamenyana na Afilisiti. Adatenga ng'ombe zawo achiwamenya na kuwapulula kukulu. Ndiye Davide adapulumusa wa m'Keila. ⁶Pomwe Abyatara mwana wa Ahimeleki adathawira kuna Davide ku Keila, adabwera kupolika na efodi mmanja mwache.⁷Sauli adauziwa kuti Davide wayenda ku Keila. Sauli adati, ''Mulungu wampereka iye mmanja mwangu. Thangwe watsekereziwa mkati nakuti wapita mmuyi ndiwo una mipitiro na bzitsulo bzakutchinga.'' ⁸Sauli adachemeresa wankhondo wache wensene kunkhondo, kupolika kuyenda ku Keila, kukazungulira Davide na amuna omwe akhanawo. ⁹Davide adadziwa kuti Sauli akhakonza bzakumudzononga. Iye adati kuna Abyatara wansembeyo, ''Bweresa efodi kuno.''¹⁰ndiye Davide adati, ''Yahova, Mulungu wa Isaraeli, kapolo wabva chadidi kuti Sauli akupsaga kubwera ku Keila, kukadzononga muyiyo thangwera ine. Kodi wanthu wa mu Keila amdzandipereka mmanja mwache? ¹¹Kodi Sauli amdzapolikadi, ninga ndimo kapolo wanune ndabvera? Yahova, Mulungu wa Isaraeli, ndikukukumbirani, pirizi uzani kapolo wanu.'' Yahova adati, ''Amdzapolika.''¹²Ndiye Davide adati, ''Kodi amuna wa mu Keila amdzandipereka ine na anyamata wangu mmanja mwa Sauli?'' Yahova adati, ''Amdzakupereka.''¹³Ndiye Davide na anyamata wache, omwe akhali ninga madzana matanthatu, adalamuka mkuyenda kuchoka ku Keila, achifamba apa na apa. Bzidabveka kuna Sauli kuti Davide wathawa kuchoka ku Keila, apo adaleka kumupsaga. ¹⁴Davide adakhala pa mbuto pache mchipululu, mdziko la mapiri mchipululu cha Zifi. Sauli adamupsaga nsiku iriyense, soma Mulungu alibe kumpereka iye mmanja mwache.¹⁵Davide adaona kuti Sauli wabwera kudzapsaga moyo wache; tsapano Davide akhali mchipululu cha Zifi mu Horesi. ¹⁶Ndiye Yonatani, mwana wa Sauli adalamuka mkuyenda kuna Davide mu Horesi, achikalimbisa boko lache mwa Mulungu.¹⁷Iye adati kuna iye, ''Nampodi kuchita mantha. Thangwe boko la Sauli babangu limdzakugumana lini. Umdzakhala mfumu ya Isaraeli, apo ine nimdzakhala wachiwiri wako. Sauli babangu akudziwa pomwe bzobzi.'' ¹⁸Iwo adachita mpangano pamaso pa Yahova. Davide adasalira mu Horesi, apo Yonatani adayenda kumuyi.¹⁹Ndiye wa ku Zifi adabwera kuna Sauli pa Gibeya achiti, ''Kodi Davide akubisalika lini pakati pathu mu mbuto yache pa Horesi, pa phiri la Hakila, lomwe liri kumwera kwa Yesimoni? ²⁰Tsapano bwerani kunyansi, mfumu! Malingana na kufuna mtima kwanu, bwerani kunyansi! Gawo lathu limdzakhala kumpereka iye mmanja mwa mfumu.''²¹Sauli adati, ''Mudalisike na Yahova. Thangwe mukhanande nsisi. ²²Ndokoni, mukatsimikize. Kudziwa na kukaona mbuto yakubisala iye iliri na ndiye amuona iye popo. Ndauziwa kuti iye akuchita mwakuchenjera meju. ²³Tsono nyang'anani, na kudziwa mbuto zensene ndizo ambabisalika yekha. Mubwerere kuna ine na kudziwa kwadidi, apo kinangoko nimdzabwerera namwe. Penu iye ali mdzikomu, nimdzamupsaga pakati pa bzulu na bzulu bza mabanja ya wa ku Yuda.''²⁴Ndiye iwo adanyamuka achiyenda ku Zifi akanati kuyenda Sauli. Tsapano Davide na anyamata wache akhali mchipululu cha Maoni, mu Araba kumwera kwa Yesimoni. ²⁵Sauli na anyamata wache adayenda kukapsaga iye. Soma Davide adauziwa bzobzo, ndiye adayenda ku phiri la mathanthwe mkukakhala mchipululu cha Maoni. Pomwe Sauli adabva bzobzi, adamutewera Davide mchipulului cha Maoni.²⁶Sauli adayenda mbali ibodzi ya phiri, apo Davide na anyamata wache adayendambo mbali ina ya phiriro. Davide adakulumiza kuthawira kutali na Sauli. Pomwe Sauli na anyamata wache akhamzungulira Davide na anyamata wache kuti awatenge, ²⁷mtumi udabwera kuna Sauli uchiti, ''Kulumizani mubwere, thangwe Afilisiti akhazikisa nkhondo kulimbana na dzikoli.''²⁸Tsono Sauli adabwerera kuchoka pakutewera Davide achiyenda kukalimbana na Afilisiti. Mthangwerache mbuto yoyo idachemeriwa Sela Hamahilekoti. ²⁹Davide adayenda kukwira kuchoka popo achikakhala m'buto za En Gedi.

24¹Pomwe Sauli adabwerera kuchoka kwakuthamangisa Afilisiti, adauziwa, ''Davide ali mchipululu cha En Gedi.'' ²Ndiye Sauli adatengana na amuna bzulu bzitatu wakusankhuliwa kuchoka mu Isaraeli achiyenda kukapsaga Davide na anyamata wache pa Mapanga ya Mbuzi za Mthengo.³Iye adafika pa makola ya mabira panjira, pomwe pakhana phanga. Sauli adapita mkatimo kukamphinkha nzayo zache. Tsapano Davide na anyamata wache akhadakhala kutsogolo mkati mwa phangalo. ⁴Anyamata wa Davide adati kuna iye, ''Lero ni nsiku ndiyo Yahova adasewera pomwe adaiti kuna imwe, 'Nimdzapereka muwengi wako mmanja mwako, kuti uchite naye ndimo umfunira.''' Ndiye Davide adanyamuka achikwawira kutsogolo kanonono mkukagwata kansonga ka mkanjo wa Sauli.⁵Kumala popo mtima wa Davide udamuboneresa thangwe akhadagwata nsonga ya mkanjo wa Sauli. ⁶Iye adati kuna anyamata wache, ''Yahova mbaaletse kuti ine ndichitire ichi mbuyangu, wakudzozewa wa Yahova, kumutamulira boko langu iye, pakuona kuti ngwakudzozewa wa Yahova.'' ⁷Ndiye Davide adatsimula anyamata wache na mafalaya, apo alibe kuwabvuma kumenya Sauli. Sauli adaima pulu, achibula m'phangamo, achiyenda njira zache.⁸Kumala popo, Davide adaima pomwe, achibula m'phangamo, mkuchemera Sauli: ''Mbuyangu mfumu.'' Pomwe Sauli adanyang'ana mmambuyo mwache, Davide adagodama na kutsulima nkhope yache pansi achionesa ulemu bwache. ⁹Davide adati kuna Sauli, ''Thangweranyi mukubvera wanthu omwe akuti, 'Onani, Davide akufuna kukuchitirani chakuipa ?''¹⁰Lero lino maso yanu yaona ndimo Yahova wakuikhirani mmanja mwangu pome tikhali m'phanga mule. Wina akhadandiuza ndikupheni, soma ndakupulumusani. Ndati, 'Ningaikhe lini boko langu pa mbuyangu; thangwe iye ngwakudzozewa wa Yahova.' ¹¹Onani, babangu, onani nsonga ya mkanjo wanu mmanja mwangu. Pomwe ine ndagwata nsonga ya mkanjo wanuyu soma neye kukuphani, mudziwe na kuona kuti palibe chakuipa ayai kuphonya mmanja mwangu, apo ndiribe kukuphonyerani imwe, napo imwe mukupsaga moyo wangu kuti muuphate.¹²Yahova mbaayeruze pakati pa imw na inepano, apo Yahova abwezere ndiye chilango pa imwe, soma boko langu nampodi likhale pa imwe. ¹³Ninga mwambi wa abereki umbati, 'Mwa wakuipa mumbabula chakuipa.' Soma boko langu limdzakhala lini pa imwe.¹⁴Mfumu ya Isaraeli yabulira mbani panja? Mukuthotha mbani imwepo? Mbwaya yakufa! Nsawawa! ¹⁵Yahova wangukhalani wakuyeruza pakati pa imwe na ine, na kunyang'anira, na kundiphatira moyo na kundibvuma kuthawa mmanja mwanu.''¹⁶Pomwe Davide atamaliza kusewera mafalaya kuna Sauli, Sauli adati, ''Nim mafala yako, mwanangu Davide?'' Sauli adakwiza mafala yache achilira.¹⁷Iye adati kuna Davide, ''Ndiwe wakulungama kuposa ine. Thangwe wandibwezera chabwino, pomwe ndakubwezera chakuipa. ¹⁸Lero watsimikiza ndimo wachitira bzabwino kuna ine, thangwe ulibe kundipha ine pomwe Yahova akhadandipereka pa chifundo chako.¹⁹Thangwe munthu angamgumana muwengi wache, kodi amdzamuleka kuyenda bwino? Yahova akubwezere bzabwino wandichitira ine lero lino. ²⁰Tsapano, ndadziwadi kuti umdzakhala mfumu chadidi na kuti ufumu bwa Isaraeli bumdzakhazikika mmanja mwako.²¹Lumbirira kuna ine na Yahova kuti iwe umdzapha lini wambeu yangu ningadzayenda, na kuti umdzadzononga lini dzina langu kuchoka mnyumba ya babangu.'' ²²Ndiye Davide adalumbira kuna Sauli. Kinangoko Sauli adayenda kumuyi, soma Davide na anyamata wache adakwira kuyenda kumbuto kwawo.

25¹Tsapano Samueli adafa. Aisaraeli wensene adagwezekana pabodzi achimulira nkhawa, achimuchira iye mnyumba mwache pa Rama. Ndiye Davide adalamuka achiyenda kunyansi kuchipululu cha Parani.²Pakhana munthu mu Maoni, omwe vida zache zikhali mu Karimeli. Munthuyo akhali wakudala kwenekwene. Akhana mabira bzulu bzitatu na mbuzi chulu chibodzi. Iye akhasenga mabira yache mu Karimeli. ³Dzina la munthuyo likhali Nabala, apo dzina la mkazache likhali Abigayeli. Mkaziyo akhali wanzeru na wakudeka mmaonekedwe. Soma mwamunayo akhali wa mphumbza na wakuipa bzakuchita bzache. Iye akhali wa mbewu ya banja la Kalebi.⁴Davide adabva mchipululumo kuti Nabala akhasenga mabira yache. ⁵Ndiye Davide adatuma anyamata khumi. Davide adati kuna anyamatawo, ''Ndokoni mukwire ku Karimeli, ndokoni kuna Nabala, apo kampeni mamuko mdzina langu. ⁶Mukati kuna iye, ''Mukhale mu mtendere. Mtendere ukhale pa imwe pa nyumba yanu, na mtendere ukhale pa bzense muli nabzo.⁷Ndikubva kuti muna wakusenga. Amakabusa wanuwa adakhala nafe, apo tiribe kuwachita chakuipa, apo alibe kusaya chinthu pa nthawe ndiyo iwo akhali m'Karimeli. ⁸Bvunzani anyamata wanuwa, amkuuzani. Tsapano bvumanimbo anyamata wanguwa agumane udidi pamaso panu, thangwe tabwera nsiku yamadyerero. Pirizi perekani chirichense ndicho munachocho pamanja kuna anyamata wanu na kuna mwananu Davide.''⁹Pomwe anyamata wa Davide adafika, adalewa bzensebzi kuna Nabala mdzina la Davide achidikhirira. ¹⁰Nabala adawatawira anyamata wa Davide, ''Kodi Davide mbani, apo mwana wa Jese mbani? Pana anyabasa azinji nthawe zino omwe akuphadzana na ambuyawo. ¹¹Kodi nditenge mkate wangu na madzi yangu na nyama ndiyo ndaphera wakusenga wanguwa, mkuipereka kuna wanthu omwe abwera kuchokera ndiko ndikukudziwa lini?''¹²Ndiye anyamata wa Davide adazungunuka kubwerera mmambuyo, mkukamuuza iye bzensene ndibzo bzidalewiwa. ¹³Davide adati kuna anyamata wache, ''Munthu aliyense amangirire lupanga lache.'' Ndiye munthu aliyense adamangirira lupanga lache. Davide adamangirirambo lupanga lache. Pafupifupi amuna madzana manayi adatewera Davide, apo madzana mawiri adasalira kudikhirira mitolo.¹⁴Soma m'bodzi wa anyamatawo adauza Abigayeli, mkazi wa Nabala; iye adati, ''Davide adatuma mitumi kunja kwa chipululu kudzapa mamuko mbuyathu, apo adawadzidzimukira iwo. ¹⁵Chensecho wanthuwo akhali wabwinobwino kuna ife. Tiribe kuchitiwa chakuipa na kusaya chinthu chirichense pomwe tikhafambirana nawo pomwe tikhali mthengo.¹⁶Iwo akhali chakukhotcherera chathu masikati na usiku kubodzi, pa nthawe zense tikhadyesera nawo mabira. ¹⁷Mthangwerache dziwani ichi na kulingalira ndicho mudzachite, thangwe chakuipa chikukonzewa pa mbuyathuwa, na banja lawo lensene. Iwo ni munthu wakuipa kuti wina angasewere lini nawo chinthu.''¹⁸Kinangoko Abigayeli adakulumiza achitenga mikate madzana mawiri, magalafa mawiri ya vinyu, mabira machanu yakukonzakonza kale, mphimo zichanu za tirigu wakukazinga, na dzana libodzi la ntchichi zakuuma za mpesa, ntchichi za nkhuyu madzana mawiri, achiziikha pa abulu. ¹⁹Iye adati kuna anyamata wache. ''Ndokoni patsogolo pangu, apo nimkutewerani mmambuyo.'' Soma iye alibe kumuuza bayache Nabala.²⁰Pomwe iye ali mkutchobva bulu wache mkufika pakubisalika pa phiri, Davide na wanthu wache adabwera kupolika kuna iyeko, achigumana nawo.²¹Tsapano Davide akhadati, ''Chadidi papezi ndalindira bzense ndibzo munthu umweyu anabzo mchipululu, mwakuti palibe chirichense chidasaika pa bzense bzache, apo wandibwezera chakuipa ku chabwino. ²²Mulungu mbaachitire tenepoyo awengi wa Davide, na kuthimiza pomwe kuna ine, penu kuchena kwa machibese nimsiya kachinthu kalikense kache neye kamwana kamuna pa wense.''²³Pomwe Abigayeli adaona Davide, adakulumiza achibuluka kuchoka pa bulu wache achitsulima pamaso pa Davide nkhope yache achigodama pansi mwene. ²⁴Iye adagodama pa nzayo zache achiti, ''Pa ine ndekha, mbuyangu, chikhale chakuipa, Pirizi bvumani kapolo wanu asewere namwe, na kutetekera mafala ya kapolo wanu.²⁵Mbuyangu nampodi kuti mutengere kumtima munthu wakuipayu, Nabala, thangwe ndimo dzina lache liriri, likhale terepo. Nabala ndilo dzina lache, apo uchitsiru anabo. Soma ine kapolo wanu ndiribe kuona anyamata wa mbyangu, omwe mudawatuma. ²⁶Tsapano ndiye, mbuyangu, pana Yahova, na pana imwepo, pakuti Yahova adakuletsani imwe kujojeza mulopa, na kubwezera mwekha na boko lanu, tsapano awengi wanu, na wensene wakufuna kuchitira chakuipa mbuyangumwe, akhale ninga Nabala.²⁷Tsapano bvumani mphaso iyi ndiyo kapolo wanu ndabweresera mbuyangu iperekiwe kuna anyamata wakutewera mbuyangumwe. ²⁸Pirizi lekererani mphumbza za kapolo wanu, thangwe Yahova amdzakonzera mbuyangu nyumba yabwino, thangwe mbuyangu mukumenya nkhondo za Yahova; apo chakuipa chimdzagumanika lini mwa imwe mu nsiku zanu zensene.²⁹Napo wanthu adalamuka kukutewerani kuti atenge moyo wanu, soma moyo wa mbuyangu umdzamangika m'phukusi la moyo na Yahova Mulungu wanu; apo iye amdzathusa miyoyo ya awengi wanu, ninga kuchokera m'vichika.³⁰Yahova angadachitira mbuyangu chirichense adalonjeza imwe, apo waikha imwe mtsogoleri wa Isaraeli. ³¹Ichi chimdzachitisa lini nsisi ayai moyo wakubonera kuna mbuyangu--kuti mwatsanula mulopa wakusaya kuphonya, ayai thangwera mbuyangu mudatsanda kubzipulumusa mwekha wene. Thangwe pomwe Yahova amdzachitira bzabwino mbuyangumwe, dzakumbukeni kapolo wanune.³²Davide adati kuna Abigayeli, ''Yahova, Mulungu wa Isaraeli, alemekezeke, iye wakutuma iwe kudzagumana nande lero lino. ³³Kudalisike kuchenjera kwako apo ndiwe wakudalisika, thangwe wandiletsa ine lero kujojeza mulopa na kubwezera ndekha na boko langu!³⁴Thangwe mchadidi, pana Yahova, Mulungu wa Isaraeli, iye omwe wandiletsa kukudzononga iwe, ungadasaya kukulumiza kubwera kudzagumana nande, pangadasala lini kuna Nabala neye mwana wachimuna pakufika kuchena kwa machibese.'' ³⁵Ndiye Davide adatambira kuchoka mmanja mwache bzomwe iye akhadabweresera iye; iye adati kuna iye, ''Ndoko kwira mumtendere kumuyi kwako; ona, ndatetekera mafala yako apo ndakutawira.''³⁶Abigayeli adabwerera kuna Nabala; onani, iye akhachitisa madyerero mnyumba mwache, ninga madyerero ya mfumu; apo mtima wa Nabala ukhali wakusekera kwenekwene mwa iye, thangwe akhadaledzera kwenekwene. Ndiye alibe kumuuza chinthu kufikizana kuchena kwa machibese yache.³⁷Bzidacitika machibese yache, pomwe vinyu adabanganuka mwa Nabala, kuti mkazi wache adamuuza bzobzi; mtima wache udafa mwa iye, apo iye adakhala ninga mwala. ³⁸Bzidachitika patapita nsiku khumi kuti Yahova adamenya Nabala mwakuti adaferatu.³⁹Pomwe Davide adabva kuti Nabala wafa, adati, ''Yahova alemekezeke, omwe wabwezera chitonzo ndidatambira ine kuchoka mmanja mwa Nabala apo waletsa kapolo wache kuchita chakuipa. Watembenuzira chakuipa cha Nabala pamsolo pache mwene.'' Ndiye Davide adatuma mtumi achisewera na Abigayeli, kumtenga iye kukhala mkazache. ⁴⁰Pomwe anyamata wa Davide adabwera kuna Abigayeli m'Karimeli, adasewera naye achiti, ''Davide watituma kuna imwe kudzakutengani kuyenda kukakhala mkazawo.''⁴¹Iye adanyamuka, achitsulima nkhope yache pansi, achiti, ''Onani, kapolo wanu wachikazine ndine kapolo wakusambisa nzayo za akapolo wa mbuyangu.'' ⁴²Abigayeli adakulumiza mkunyamuka, achitchobva pa bulu na akapolo achanu wachitsikana kuna iye omwe adamtewera; achitewera mitumi ya Davide mkukakhala mkazache.⁴³Tsapano Davide watenga pomwe Ahinoamu wa ku Yezreeli kukhala mkazi; wensenewo adakhala akazache. ⁴⁴Bwereze, Sauli akhadapereka Mikala mwanache wachikazi, mkazi wa Davide, kuna Paliti mwana wachimuna wa Loisi, omwe akhali wa ku Galimu.

26¹Wa ku Zifi adabwera kuna Sauli pa Gibeya achiti, ''Kodi Davide akubisalika lini m'phiri la Hakila, lomwe liri kunyang'anizana na Yesimoni?'' ²Ndiye Sauli adalamuka achiyenda kupolika ku chipululu cha Zifi, ana amuna bzulu bzitatu wakusankhuliwa wa Isaraeli pabodzi naye, kukapsaga Davide mchipululu cha Zifi.³Sauli adamanga msasa pa phiri la Hakila, lakunyang'anizana na Yesimoni, m'bali mwa msewu. Soma Davide akhakhala mchipululu, apo adaona kuti Sauli akhabwerera iye mchipululumo. ⁴Ndiye Davide adatuma wakukazonda achikaona kuti Sauli wabweradi.⁵Davide adalamuka achiyenda ku mbuto ndiko Sauli akhadamanga msasako; iye adaona mbuto ndiyo Sauli akhadagona, na Abineri mwana wachimuna wa Neri, mkulu wa anyankhondo wache; Sauli adagona mu msasamo, apo wanthu akhadagwezekana kumzungulira iye, wensene ali mtulo.⁶Kinangoko Davide adati kuna Ahimeleki wa ku Hiti, na kuna Abisai mwana wachimuna wa Zeruya, m'bale wache wa Yoabu, ''Mbani anipolika nande kuna Sauli mu msasa?'' Abisai adati, ''Ine! nimpolika namwe.'' ⁷Ndiye Davide na Abisai adayenda kuna wankhondowo usiku. Sauli akhali popo ali mtulo mkati mwa msasa na psimo lache litazika pansi pambali kumisolo kwache. Abineri na anyankhondo wache akhadagona kumzungulira iye. ⁸Ndiye Abisai adati kuna Davide, ''Lero Mulungu wapereka muwengi wanu mmanja mwanu. Tsapano pirizi lekani ine ndimukhomere pansi na psimo kukhona kabodzi kokha. Nimkhoma lini kawiri neye.''⁹Davide adati kuna Abisai, ''Nampodi kumudzononga; thangwe mbani angafuthule boko lache pa munthu wakudzozewa wa Yahova mkukhala wakusaya kuphonya?'' ¹⁰Davide adati, ''Pana Yahova, Yahova animupha, ayai nsiku yache imdzabwera yakufa, pinango amdzayenda kunkhondo mkukafa.¹¹Yahova mbaaletse kuti ine ndifuthule boko langu pa wakudzozewa wache; soma tsapano, tenga psimo liri kumisolo kwacheli na chikasi cha madzichi, apo mbatiye.'' ¹²Ndiye Davide adatengadi psimo na chikasi cha madzi kuchoka kumisolo kwa Sauli, mkuyenda. Palibe wina adawaona iwo ayai kudziwa bzimwebzo, pinango wina kulamuka, thangwe wensene akhali mtulo, thangwera tulo twakufa nato twakuchoka kuna Yahova tukhadagwera pa iwo.¹³Ndiye Davide adayambuka ng'ambu ina achikaima padzaulu pa phiri patali; mtantho utali ukhali pakati pawo. ¹⁴Davide adakuwira wanthuwo na Abineri mwana wa Neri; iye adati, ''Umtawira lini kani, Abineri?'' Kinangoko Abineri adatawira achiti, ''Ndiwe mbani ukukuwira kuna mfumu?''¹⁵Davide adati kuna Abineri, ''Kani ndiwe lini munthu wakulimba mtima? Mbani ali ninga iwe mu Isaraeli? Thangweranyi tsono ulibe kudikhirira mbuyako mfumuyo? Thangwe winango akhadabwera mwemo kudzadzononga mfumu mbuyakoyo. ¹⁶Chinthu wachitacho mchabwini lini. Pana Yahova, ukuthemera kufa iwepo thangwe watazira kudikhirira mbuyakoyo, wakudzozewa wa Yahova. Tsapano ona ndiko kuna psimo la mfumu na chikasi cha madzi bzomwe bzikhali kumisolo kwache!''¹⁷Sauli adazindikira mafala ya Davide achiti, ''Kodi yamweyo ni mafala yako, mwanangu Davide?'' Davide adati, ''Ni mafala yangu inde, mbuyangu mfumu.'' ¹⁸Iye adati, ''Msabwanyi mbuyangu akupsaga mnyamata wache? Ndachitanyi ine? Mchakuipa chanyi chiri mmanja mwangu?¹⁹Tsapano mthangwerache, ndikukukumbirani, bvumani mbuyangu mfumu itetekere mafala ya kapolo wache. Penu ni Yahova wakubvundulani kulimbana nande, mbaadekedwe na chakupereka; soma penu ni wanthu, mbaatembereredwe pamaso pa Yahova, thangwe lero andithotha kunja, kuti nampodi ndiphatirire ku chakusiiriwa cha Yahova; iwo atenepo kuna ine, 'Ndoko kanamate milungu ina.' ²⁰Tsapano mthangwerache, nampodi kubvuma mulopa wangu ugwere pamataka kutali na Yahova; thanngwe mfumu ya Isaraeli yabula kudzapsaga nsawawa ibodzi ninga ndimo wina ambasakira nkhwale pa mapiri.''²¹Ndiye Sauli adati, ''Ndaphonya. Bwerera, Davide, mwanangu; thangwe nimkudzononga lini pomwe, thangwe moyo wangu ukhali wamuti wapatali mmaso mwako lero lino. Ona, ndachita kupusa na kuphonyeka kukulu.''²²Davide adatawira achiti, ''Onani, psimo lanu liri kuno, mfumu! Bvumani m'bodzi wa anyamatawo abwere kudzalitenga akubweresereni. ²³Yahova mbaape munthu aliyense pa chilungamo chache na chikhulupiriro chache; thangwe Yahova adakuikhani mmanja mwangu lero lino, soma ndiribe kufuna kumenya wakudzozewa wache.²⁴Onani, pakuti moyo wanu ukhali wa muti wapatali mmaso mwangu lero lino, ndiye moyo wangu ukhalembo ukhale wakutchenkheka kwakunyanya pamaso pa Yahova, apo iye andipulumuse mmatsautso yensene.'' ²⁵Ndiye Sauli adati kuna Davide, ''Ukhale wakudalisika, Davide mwanangu! Umdzachita bzinthu bzamphamvu uchidzapambana pa bzimwebzo.'' Ndiye Davide adayenda njira zache, apo Sauli adabwererambo kumbuto kwache.

27¹Davide adati mumtima mwache, ''Nsiku ina nimdzafa na boko la Sauli; palibe chabwino kuna ine kusiyana zjai na kuthawira mdziko la Afilisiti; Sauli amdzalakeza kundipsaga mmalire yensene ya Isaraeli; mnjira yoyi nimdzathawa mmanja mwache.''²Davide adalamuka achigwata kupitirira, iye na amuna madzana matanthatu omwe akhanawo, kuyenda kuna Akisi mwana wachimuna wa Maoki, mfumu ya ku Gati. ³Davide adakhala na Akisi pa Gati, iye na wanthu wache, munthu aliyense na banja lache, apo Davide na akazache awiri, Ahinoamu mkazi wa ku Yezreeli, na Abigayeli mkazi wa ku Karimeli, mkazi wa Nabala. ⁴Sauli adauziwa kuti Davide wathawira ku Gati, ndiye alibe kumupsaga pomwe.⁵Davide adati kuna Akisi, ''Penu ndagumana udidi pamaso panu, lekani andipe mbuto mu ubodzi wa miyi mdzikomu, kuti ndikhale mwemo. Thangweranyi kopolo wanu kuti ndikhale mu mzinda wachifumu na imwe? ⁶Ndiye Akisi nsuku yoyo adampa iye Zikilaga; mthangwerache Zikilaga ali wa mafumu ya Yuda kufikizana lero lino. ⁷Kuwanda kwa nsiku ndizo Davide adakhala mdziko la Afilisiti zikhali gole lamtero na miyezi minayi.⁸Davide na wanthu wache adamenya mbuto zizinji, kuchita nkhondo pa Agesuri, Agirezi na Aamaleki; thangwe madziko yoya yakhali ya nzika za mdzikomo, mungambayendera ku Suri, kufikiratu kutali mdziko la Aigupto. Iwo akhakhala mwemo mdziko la chikalekale. ⁹Davide adamenya dzikolo neye kusiya mwamuna ayai mkazi namoyo. Iye adatenga mabira na ng'ombe, abulu, ngamira, na bzakubvala. Kinangoko iye adabwerera achiyenda kuna Akisi.¹⁰Akisi adati, ''Mwamenyana nkhondo na mbani lero?'' Davide adatawira, '' Na kumwera kwa Yuda,'' ayai ''Na kumwera kwa Ayerameli,'' pinango ''Na kumwera kwa Akeni.''¹¹Davide alibe kusiya mwamuna ayai mkazi na moyo kuwabweresa ku Gati, kulewa, ''Kuti angaulule bza ife, 'Davide adachita ibzi na ibzi.''' Ichi ndicho iye adachita pa nthawe yense ndiyo iye akhakhala mdziko la Afilisiti. ¹²Akisi adakhulupirira Davide, kulewa, ''Adabziipisa pakati pa wanthu wa Isaraeli; iye amdzakhala mnyamata wangu kufikizana kalekale.''

28¹Bzidachitika nsiku zozo kuti Afilisiti adagwezeka mathimu ya anyankhondo wawo pabodzi pala nkhndo kumenyana na Isaraeli. Akisi adati kuna Davide, ''Dziwa kuti unibula kuyenda nande mthimu la anyankhondo, iwepo na wanthu wako.'' ²Davide adati kuna Akisi, ''Pakuti mtenepoyo, mudziwe ndicho kapolo wanune nimkwanisa kuchita.'' Akisi adati kuna Davide, ''Ndiye nimkusandusa wakukoya thupi langu nsiku zako zensene.''³Tsapano Samueli akhadafa, apo Aisaraeli wensene akhadamulira kale nkhawa achimufuchira mu Rama, mmuyi mwache. Bwereze, Sauli akhadaletsa wakubwebweta na wa maula mdzikomo. ⁴Ndiye Afilisiti adagwezekana wene pabodzi achibwera mkumanga msasa pa Sunemu; apo Sauli adagwezeka Aisaraeli wensene pabodzi, achigwezekana paa Giliboa.⁵Pomwe Sauli adaona mathimu ya anyankondo ya Afilisiti, akhana mantha, apo mtima wache udatetemera kwenekwene. ⁶Sauli adapemba kuna Yahova kuti amuthandize, soma Yahova alibe kumutawira---neye na atulo, ayai na Urimu, pinango aneneri. ⁷Ndiye Sauli adati kuna anyamata wache, ''Ndipsagireni mkazi wakubweweta, kuti ndiyende kuna iye kukapsaga malangizo yache.'' Anyamata wache adati kuna iye, ''Onani, muna mkazi mu Endori wakubwebweta.''⁸Ndiye Sauli adabzibisa mwene, kubvala bzakubvala bzinango achiyenda, iye na amuna awiri pabodzi naye. Iwo adayendera mkaziyo usiku. Iye adati, ''Ndiombezere ine na mzimu mkundilamusira omwe nimmugumayo.'' ⁹Mkaziyo adati kuna iye, ''Onani, mukudziwa ndibzo Sauli adachita, ndimo waletsera wakubwebweta na wamaula mdziko muno. Ndiye thangweranyi mukunditchera mulapu pa moyo wangu, kuti ndife na?'' ¹⁰Sauli adalumbirira pa Yahova achiti, ''Pana Yahova, palibe chilango chimdzakugwera iwe pa chinthuchi.''¹¹Ndiye mkaziyo adati, ''Ndikulamusireni mbani?'' Sauli adati, ''Ndilamusire Samueli.'' ¹²Pomwe mkaziyo adaona Samueli, adalira na kukuwa kukulu achisewera kuna Sauli, kulewa, ''Thangweranyi mwandinyengeza? Thangwe ndimwe Sauli imwepo.''¹³Mfumuyo idati kuna iye, ''Nampodi kuchita mantha. Ukuona chani?'' Mkaziyo adati kuna Sauli, Ndikuona ka mulungu kakulamuka kuchoka mkati mwa mdziko lapansi.'' ¹⁴Iye adati kuna iye, ''Akuoneka ninga mbani?'' Iye adati, ''Munthu wakukalamba akulamuka; wabvala mkanjo.'' Ndiye Sauli adadziwa akhali Samueli, apo adakotamisa nkhope yache pansi achimgodamira iye kumuonesera ulemu.¹⁵Samueli adati kuna Sauli, ''Msabwanyi wandiboneresa kundilamusa?'' Sauli adatawira, ''Ndabonera kwenekwene, thangwe Afilisiti akukonza nkhondo kugandukira ine, apo Mulungu wandichokera ine apo akunditawira lini pomwe, neye na aneneri, ayai na atulo. Mthangwerache ndakuchemerani, kuti mundidziwisembo bzakuchita.''¹⁶Samueli adati, ''Ukundikumbira chani tsono, nakuti Yahova wakuchokera, apo wasanduka muwengi wako zjai? ¹⁷Yahova wakuchitira ndibzo adalewa kuti amdzachita. Yahova wagwesa ufumu kuchoka manja mwako apo wabupereka kuna winango---kuna Davide.¹⁸Thangwe ulibe kubvera mafala ya Yahova apo ulibe kukwanirisa chilango chache chakugopsa pa Amaleke, iye wachita ichi tsono kuna iwe. ¹⁹Yahova amdzapereka Isaraeli pabodzi nawe mnanja mwa Afilisiti, apo mangwana iwe na wanako wachimuna mumdzakhala nande pabodzi. Yahova amdzapereka pomwe mathimu ya anyankhondo wa Isaraeli mmanja mwa Afilisiti.''²⁰Ndiye Sauli kamkulumize adagwa kwankhwa pansi apo akhana mantha kwenekwene thangwera mafala ya Samueli. Mukhalibe pomwe mphamvu mwa iye, thangwe akhalibe kudya chakuda nsiku yoyo yamtero. ²¹Mkaziyo adabwera achiona kuti akhali wakubonera kwenekwene. Iye adati kuna iye, ''Onani, kapolo mkazanu watetekera mafala yanu; ndaikha moyo wangu mmanja mwangu apo ndatetekera mafala ndiyo mudalewa kuna ine.²²Tsapano mthangwerache, ndikukukumbirani, mutetekerembo ku mafala ya mkazanu kapolo, apo ndilekeni ndikuikhireni chakudya pamkiti. Dyani kuti mukhale na mphamvu nakuti muniyenda njira yanu.'' ²³Soma Sauli adalamba achiti, ''Nimdya lini.'' Soma anyamata wache, pabodzi na mkaziyo, adamungingimiza, apo adatetekera mafala yawoyo. Ndiye iye adalamuka kuchoka pansi achikhala pakama.²⁴Mkaziyo akhana mwana wang'ombe wakunenepa mnyumbamo; adakulumiza mkukamupha; adatenga ufa, achibukanyanga, mkuphikira mkate wakusaya chakufufumisa. ²⁵Iye adabubweresa pamaso pa Sauli na anyamata wache, apo iwo adadya. Kinangoko iwo adalamuka achiyenda usiku bumwebo.

29¹Tsapano Afilisiti adagwezeka pabodzi mathimu yensene ya anyankhondo wawo pa Afeki, apo Aisaraeli adamanga msasa pafupi na mchera wa ku Yezreeli. ²Akuluakulu wa Afilisiti adagwata pafupi mmadzana na m'bzulu; Davide na anyamata wache adanyamuka na mulindiri wa mmambuyo pabodzi na Akisi.³Ndiye akuluakulu wa Afilisiti adati, ''Aheberiwa akuchita chani pano?'' Akisi adati kuna akuluakulu winango wa Afilisiti, ''Kodi si Davide uyu, kapolo wa Sauli, mfumu ya Isaraeli, omwe wakhala nande nsiku zimwezi, ayai magole yamweya, apo ndiribe kugumana chakuipa mwa iye chibwerere kuna ine kufikizana lero lino?''⁴Soma akuluakulu wa Afilisiti akhali wakukalipa naye achiti, ''M'bwezeni, kuti abwerere kumbuto mudamuikha iye. Iye ampolika lini nafe kunkhondo, thangwe angasanduke muwengi wathu mkati mwa nkhondo. Thangwe amdzabzisandusa tani wakufunikira kuna mbuyache angasaya kugwata misolo ya wanthu wathuwa?⁵Kodi si Davide uyu omwe wanthu adamuyimbirana wina na mwayache pakubzina, kulewa, 'Sauli wapha bzulu bzache, apo Davide makumi ya bzulu bzache'?''⁶Ndiye Akisi adachemera Davide achiti kuna iye, ''Pana Yahova, iwe wakhala wabwino, apo kupita kwako mkati na kubula kwako muno na ine mthimu la anyankhondowa mkwabwino pakuona kwangu; thangwe ndiribe kugumana chakuipa mwa iwepo kuyambira pakubwera kwako kuna ine kufikizana lero lino. Soma, akuluakuluwa akukufuna lini iwepo. ⁷Ndiye tsapano bwerera apo uyende mumtendere, kuti nampodi akuluakuluwa ayipidwe nawe''⁸Davide adati kuna Akisi, ''Soma ndachita chani? Mwagumana chani mwa kapolo wanune chikhalire ndimo ndidakhalira pamaso panu kufikizana lero lino, kuti ndileke kuyenda namwe kukamenya nkhondo kulimbana na awengi wa mbuyangu mfumu?'' ⁹Akisi adatawira achiti kuna Davide, ''Ndikudziwa kuti ulibe mphitcha iriyense mmaso mwangu ninga mnjero wa Mulungu; soma, akuluakulu wa Afilisitiwa ati, 'Nampodi akwire kuyenda nafe kunkhondo.¹⁰Ndiye tsapano lamukani machibesebese na anyamata wa mbuyanuwa omwe abwera namwe; mungatondo kulamuka machibesebese mkuonakuchena, ndokoni kutali.'' ¹¹Ndiye Davide adalamukadi mwakubesera, iye na amuna wache, kunyamuka machibese, kubwerera mdziko la Afilisiti. Soma Afilisiti adayenda kukwira ku Yezreeli.

30¹Bzidachitika, pomwe Davide na wanthu wache adafika ku Zikilaga pa nsiku yachitatu, kuti Aamaleke akhadathira nkhondo a Negevu na Zikilaga. Iwo adamenya Zikilaga, mkuutentha, ²achiphata azimayi na aliyense omwe akhali mwemo, mng'ono na mkulu kubodzi. Iwo alibe kupha munthu, soma adatenga iwo pomwe akhayenda njira yawo.³Pomwe Davide na wanthu wache adabwera mmuyimo, ukhadagasiwa, apo akazi wawo, wana wachimuna, na wana wachikazi akhadatengiwa ukapolo. ⁴Ndiye Davide na wanthu ndiwo akhanawo adakuwa mafala yawo achilira kufikizana adamala mphamvu zakulira.⁵Akazi awiri wa Davide akhadatengiwa ukapolo, Ahinoamu mkazi wa ku Yezreeli, na Abigayeli mkazi wa Nabala wa ku Karimeli. ⁶Davide adabonera kwenekwene, thangwe wanthu akhaguma bza kumuboma na minyala, nakuti wanthu wensene akhali wakuwawidwa mu mzimu, munthu aliyense pa wanache wachimuna na wana wachikazi; soma Davide adabzilimbisa yekha mwa Yahova, Mulungu wache.⁷Davide adati kuna Abyatara mwana wachimuna wa Ahimeleki, wansembe, ''Ndikukukumbira, bweresa efodi kuno kuna ine.'' Abyatara adabweresadi efodi kuna Davide. ⁸Davide adapemba kuna Yahova kumulatira kwakuyenda, kulewa, ''Penu ndikutewera thimulo, kodi nimdzaligumana?'' Yahova adamtawira, ''Tewera, thangwe umdzaligumana chadidi, uchidzaletsetsa chirichense.''⁹Ndiye Davide adayenda, iye na wanthu wache madzana matanthatu omwe akhanawo; iwo adafika pa kamkulo ka Besori, komwe iwo wakusiyiwa mmambuyo adakhala. ¹⁰Soma Davide adapitiriza basi kutewera, iye na wanthu madzana manayi; thangwe madzana mawiri adasalira mmambuyo, omwe akhali wakulefuka mwakuti angadayambuka lini kamkulo ka Besori.¹¹Iwo adagumana munthu wa ku Aigupto mthengo achimubweresa kuna Davide; adamupa iye mkate, achidya; iwo adampa madzi yakumwa; ¹²achimpa chigamphu cha ntchichi ya nkhuyu na ntchichi ziwiri za mpesa. Iye atadya, adabva pomwe mphamvu, thangwe akhalibe kudya chinthu ayai kumwa madzi yaliyense kwa nsiku zitatu na usiku butatu.¹³Davide adati iuna iye, ''Ndiwe wa mbani? Umbachokera kuponi?'' Iye adti, ''Ndine mnyamata wa ku Aigupto, kapolo wa Aamaleki; mbuyangu adandisiya thangwe nsiku zitatu zapitazi ndikhadwala. ¹⁴Tidathira nkhondo pa Negevi wa kwa a Kereti, na waku Yuda, na a Negevi wa ku Kalebi, tichitentha Zikilaga na moto.''¹⁵Davide adati kuna iye, Kodi unganditsogolerembo ine ku thimu lankhondoli?''Wa ku Aiguptoyo adati, ''Ndilumbirireni kuna Mulungu kuti mumdzandipha lini ayai kundipereka mmanja mwa mbuyanguyo, apo nimdzakutsogolerani ku thimu la nkhondoli.''¹⁶Pomwe wa ku Aiguptoyo akhadabweresa Davide kupolika naye, wankhondowo akhadamwazana pensepense, kudya na kumwa na kusekera thangwera bzense bzakuba kunkhondo ndibzo akhadatenga kubula mdziko la Afilisiti na kuchoka mdziko la Yuda. ¹⁷Davide adawamenya kuchoka mkudoka kwa maulo ya mangwana yache. Neye munthu kuthawa kupambula anyamata madzana manayi, adatchobva ngamira mkuthawa.¹⁸Davide adabwezeresa bwensene ndibzo Aamaleki akhadatenga; apo Davide adapulumusa akazache awiri. ¹⁹Palibe chidaperewera, neye ching'ono ayai chikulu, neye wana wachimuna ayai wachikazi, neye chakubedwa, pinango chirichense ndicho wankhondowo akhadabzitengera okha. ²⁰Davide adatenga mabira yensene na ng'ombe, ndibzo wanthu adakumba pa bzifuwo bzawo. iwo adati, ''Ibzi mpsakubewa bza Davide.''²¹Davide adabwera kuna wanthu madzana mawiri kule omwe akhadalefuka pakumutewera wale, wale omwe anzawo adawauza asalire pa kamkulo ka Besori. Wanthu amwewa adayenda kutsogolo kukagumana na Davide na wanthu omwe iye akhanawo. Pomwe Davide adafika kuna wanthu amwewa, adawapa mamuko. ²²Ndiye wanthu wensene wakuipa na wa pezipezi pakati pa omwe akhadayenda kutewera Davide adati, ''Thangwera wanthu amwewa alibe kuyenda nafe tiniwapa lini chinthu chirichense chakupondedza kunkhondo ndicho tachibwezeresa. Soma, munthu aliyense atsogozere akazache na wanache ambayende.²³Ndiye Davide adati, ''Nampodi kuchita tenepoyo, abale wangu, pa bzomwe Yahova watipa ife. iye watikoya ife na kupereka mmanja mwathu thimu lakupondedza ndilo lidabwera kumenyana nafe. ²⁴Mbani amdzakutawirani imwepo mulandu umweyu? Thangwe na kugawana kuliri pa aliyense wakuyenda kunkhondo, ndiyembo bzimdzakhalira bzakugawana kuna aliyense wakudikhirira pa bzombo; amdzgawana bzakugawanabzo mwakulingana.'' ²⁵Bzakhala tenepoyo kuchokera nsiku yoyo kufikizana lero lino, thangwe Davide adakonzera nemba na chiyeruzo pa Aisaraeli.²⁶Pomwe Davide adabwera ku Zikilaga, adatumiza bzakupondedza bzinango kuna akuluakulu wa Yuda, kuna anzache, kulewa, ''Onani, pano pana mphaso yanu kuchoka ku bzakupondedza bza awengi wa Yahova.'' ²⁷Iye pomwe adatuma akuluakulu wina omwe akhali mu Beteli, na kuna wale omwe akhali mu Ramoti wa kumwera, ²⁸na kuna wale wa ku Yatiri, na luna wale wa ku Aroeri, na kuna wale wa ku Sifimoti, na kuna wale wa ku Estimoa.²⁹Iye adatumizira pomwe akuluakulu waku Rakali, na kuna wale wa mmiyi ya Yerameli, na kuna wale wa mmiyi ya Keni, ³⁰na kuna wale wa ku Horima, na kuna wale wa mu Bori Asani, na kuna wale wa ku Atika, na kuna wale wa ku Hebroni, ³¹na kuma wa ku mbuto zensene ndizo Davide mwene na wanthu wache akhambamanzamanza kuyenda.

31¹Tsapano Afilisit adamenyana na Isaraeli. Wanthu wa Isaraeli adathawa pamaso pa Afilisiti achigwa kufa pa Phiri la Giliboa. ²Afilisiti adatewera pafupi na pafupi Sauli na wanache wachimuna. Afilisiti adapha Yonatani, Abinadabu, na Maliki-Sua, wanache wachimuna. ³Nkhondoyo idathimba kuyendera kukhana Sauli, apo wakuthusa ma psimo adamgumana iye. Iye akhali mkuwawa kukulu thangwera iwo.⁴Kinangokp Sauli adati kuna wakutakula bzipfudzo bzache, ''Molola lupanga lako undipsonde nalo. Pinangopense, wakusaya kugwatiwawa amdzabwera kudzandiseka.'' Soma wakutakula bzipfudzo bzacheyo alibe, thangwe akhana mantha kwene kwene. Ndiye Sauli adatenga lupanga la iye mwene achiligwera. ⁵Pomwe wakutakula bzipfudzo wacheyo adaona kuti Sauli wafa, adagwera pa lupanga lache mnjira ninga yoyo mkufa naye pabodzi. ⁶Ndiye Sauli adafa, wanache atatu wachimuna, na wakutakula bzipfudzo wache--- wanthu amwewa wense adafa pabodzi nsiku yakulingana.⁷Pomwe amuna wa Isaraeli omwe akhali ng'ambu ina ya chigwacho, na iwo wa ng'ambu ya Yorodano, adaona kuti amuna wa Isaraeli akhadathawa, na kuti Sauli na wanache wachimuna afa, adachoka mmiyi yawo mkuthawa, apo Afilisiti adabwera achidzakhala mwemo. ⁸Bzidachitika mangwana yache, pomwe Afilisiti adabwera kudzakhundula wakufawo, kuti adaona Sauli na wanache wachimuna atatu atagwa pa Phiri la Giliboa.⁹Iwo adagwata msolo wache mkukhundula chakubvala chache cha nkhondo, achitimiza mitumi mdziko la Afilisiti kuzungulira kulalikira nkhaniyi kuna nyumba za mafano yawo na kuna wanthu. ¹⁰Iwo adaikha chakubvala chache mnyumba ya Asitoreti, achimanika thupi lache pa litsito la muyi wa Beti Sani.¹¹Pomwe nzika za mu Yabesi Gileadi zidabva ndibzo Afilisiti adachitira Sauli, ¹²wanthu wensene wakumenya nkhondo adalamuka mkufamba usiku bwense achitenga thupi la Sauli na matupi ya wanachewo kuchoka pa litsito la Beti Sani. Iwo adayenda ku Yabesi achikayatentha moto iyo koko. ¹³Kinangoko iwo adatenga mafupa yawo mkuyafuchira patsinde pa muti wa kumsanje mu Yabesi, achitsotsa kudya nsiku zinomwe.

1 Mafumu

1¹Pomwe mfumu Davide idakalamba na kuwanda magole, iwo adaifunikiza manta zizinji, soma ilibe kubva kuthuma. ²Ndiye akapolo wache adati kuna iyo, ''Mbatiye timupsagire dende mbuyathu mfumu. Lekani iye adzatumikire mfumu na kuitchenkha iyo. Lekani iye ambadzagone mmanja mwache pala kuti mbuyathu mfumu adzabve kuthuma.''³Ndiye iwo adapsagapsaga mtsikana wakudeka mkati mwa malire yensene ya Isaraeli. Iwo adagumana Abisagi wa ku Sunami achimubweresa kuna mfumu. ⁴Mtsikanayo akhali wakudeka maninge. Iye adatumikira mfumu achiitchenkha, soma mfumuyo iribe kumdziwa iye.⁵Pa nthawe yoyo, Adoniya mwana wachimuna wa Hagiti adabzikwiza yekha, kulewa kuti, ''Nimkhala mfumu ndine.'' Ndiye iye adabzikonzekeresa yekha magareta na wanthu wa pakavalo na wanthu makumi machanu kuthamanga patsogolo pache. ⁶Babache akhanati kumubvutisa kale iye, kulewa, ''Thangweranyi wachita ibzi ayai ibzo? '' Adoniya akhali pomwe mwamuna wakudeka maninge, wakubadwa kutewerana na Abisalomu.⁷Iye adapangana na Yoabu mwana wachimuna wa Zeruya na Abyata wansembe. Iwo adatewera Adoniya achimuthandiza. ⁸Soma Zadoki wansembe, Benaya mwana wachimuna wa Yehoyada, Natani mneneri, Simeyi, Reyi, na wanthu wa mphamvu wa Davide alibe kutewera Adoniya.⁹Adoniya adapereka nsembe mabira, ng'ombe, na wana wa ng'omwe wakunenepa pafupi na mwala wa Zoheleti, omwe uli m'bali mwa Eni Rogeli. Iye adachemeresa azimano wache wensene, wana wachimuna wa mfumu, na amuna wensene wa mu Yuda, akapolo wa mfumu. ¹⁰Soma iye alibe kuchemeresa Natani mneneri, Benaya, amuna wa mphamvu, ayai mano wache Solomoni.¹¹Ndiye Natani adasewera na Batiseba mayi wache wa Solomoni, kulewa kuti, ''Mulibe kubva kani kuti Adoniya mwana wa Hagiti wakhala mfumu, apo Davide mbuyathu akudziwa lini? ¹²Tsapano mthangwerache dikhirani ndikulangizeni, pala kuti mupulumuse moyo wanu na moyo wa mwananu Solomoni.¹³Ndoko kuna mfumu Davide ukayiuze, 'Mbuyangu mfumu, kodi mulibe kulumbirira kuna kapolo wanu, kulewa kuti, ''Meju Solomoni mwananu ndiye amdzatonga nkhankha yangu, achidzakhala ndiye pa kadera yangu yachifumu? Thangweranyi tsono Adoniya akutoga ndiye? ¹⁴Mungakakhala popo kusewera na mfumu, nimdzapita mwemo pambuyo panu ndichidzatsimikiza mafala yanuyo.''¹⁵Ndiye Batiseba adakapita msubi ya mfumu. Mfumu ikhadakalamba maninge, apo Abisagi wa ku Sunami akhatumikira mfumuyo. ¹⁶Batiseba adagodama pansi achionesa ulemu pamaso pa mfumu. Ndiye mfumu idati, ''Ukufuna chani?'' ¹⁷Iye adati kuna iye. ''Mbuyangu, mudalumbirira kuna kapolo wanu kudzera mwa Yahova Mulungu wanu, kulewa kuti, 'Meju Solomoni mwananu wachimuna ndiye amdzatonga nkhankha yangu, achidzakhala pa kadera yangu yachifumu.'¹⁸Tsapano, onani, Adoniya zjai ni mfumu, mbuyangu mfumu, akudziwa lini. ¹⁹Iye wapereka nsembe ng'ombe zizinji, wana wa ng'ombe wakunenepa, na mabira, achichemeresa wana wachimuna wensene wa mfumu, Abyatara wansembe, na Yoabu kazembe wa anyankhondo,²⁰Mungakhala imwe, mbuyangu mfumu, maso ya a Isaraeli wensene yali pa imwe, kudikhirira muwauze mbani amdzakhala pa kadera yanu yachifumu nkhankha yanu, mbuyangu. ²¹Mungasaya kutenepo bzimdzachitika kuti, pomwe mbuyangu mfumu imdzagona pansi na abereki wache, kuti ine na mwanangu wachimuna Solomoni timdzatengiwa ninga wakuphonya.''²²Pomwe iye ali mkati mwakusewera na mfumuyo, Natani mneneri adabwera. ²³Kapolo adauza mfumu, ''Natani mneneri ali pano.'' Pomwe iye adapita momo pamaso pa mfumu, adagodama pansi pamaso pa mfumu na nkhope yache kuzolima pansi.²⁴Natani adati, ''Mbuyangu mfumu, ndimwe mwalewa kuti Adoniya ndiye amdzatonga nkhankha yangu, achidzakhala pa kadera yangu yachifummu?' ²⁵Thangwe wayenda kupolika lero kukathira nsembe ya ng'ombe zizinji, wana wang'ombe wakunenepa, na mabira. Wachemeresa wana wachimuna wensene wa mfumu, kazembe wa achikunda, na Abyatara wansembe. Iwo akudya na kumwa pamaso pache, na kulewa, 'Akhale na moyo utali Mfumu Adoniya!'²⁶Soma ningakhala ine, kapolo wanune, Zadoki wansembe, Benaya mwana wachimuna wa Yehoyada, na mnyamata wanu Solomoni, iye alibe kutichemeresa. ²⁷Kodi mbuyangu mfumu wachita seye mkutiuza ife, anyamata wanu, mbani amfunika kukhala mfumu nkha nkha yache?''²⁸Ndiye mfumu Davide adatawira achiti, ''Ndichemerereni Batiseba kuno.'' Iye adabwera mkupita pamaso pa mfumu achiima pamaso pa mfumu. ²⁹Mfumu idalumbirira ichiti, ''Pana Yahova, omwe adapulumusa moyo wangu kuchoka mmatsautso yensene, ³⁰ninga ndidalumbirira iwe pa Yahova, Mulungu wa Isaraeli, kulewa, 'Solomoni mwananu wachimuna ndiye amdzatonga nkhankha yangu, achidzakhala pa kadera yangu yachifumu nkhankha ya ine,' nimchita terepayu lero.'' ³¹Ndiye Batiseba adagodama pansi achibzatika nkhope yache pansi achionesera ulemu kuna mfumu achiti, ''Mbuyangu Mfumu Davide mbaakhale na moyo kwa muyaya!''³²Mfumu Davide idati, ''Ndichemerereni kuno Zadoki wansembe, Natani mneneri, na Benaya mwana wachimuna wa Yehoyada.'' Ndiye iwo adabwera pamaso pa mfumu. ³³Mfumu idati kuna iwo, ''Tenganani na akapolo wa mbuyanu, mutenge Solomoni mwanangu mumpakize pa mphulu yangu ya kavalo mupolike naye kuyenda ku Giboni. ³⁴Lekani Zadoki wansembe na Natani mneneri akamudzoze ufumu pa a Isaraeli na kuyimba lipenga la nyanga ya tonde wa bira mkulewa, 'Moyo utali Mfumu Solomoni!'³⁵Ndiye mudzamtewere iye, apo iye amdzabwera achidzakhala pa kadera yangu yachifumu; thangwe amdzakhala mfumu nkhankha yangu. Ndamuikha iye kukhala mtongi wa Isaraeli na Yuda.'' ³⁶Benaya mwana wachimuna wa Yehoyada adatawira mfumu achiti, ''Mbabzikhale tenepoyodi! Yahova , Mulungu wa mbuyangu, mbaatsimikize bzimwebzi. ³⁷Nakuti Yahova wakhala naye mbuyangu mfumu, mbaakhale pomwe na Solomoni, na kukuza kadera yache yachifumu kuposa kadera yachifumu ya mbuyangu Mfumu Davide.''³⁸Ndiye Zadoki wansembe, Natani mneneri, Benaya mwana wa Yehoyada, na Akereti na Apeleti adayenda kupolika achikapakiza Solomoni pa mphulu ya kavalo ya Mfumu Davide; iwo adabwera naye ku Gihoni. ³⁹Zadoki wansembe adatenga nyanga ya mafuta kuchoka nayo mchihema achidzoza nayo Solomoni. Kinangoka adaliza nyanga ya birayo, apo wanthu wensene adati, ''Moyo utali Mfumu Solomoni!'' ⁴⁰Ndiye wanthu wensene adakwira kumutewera iye, apo wanthu adaliza bzitoliro achisekerera na chisekerero chikulu, mwakuti mataka yadatekenyeka na baludya lawo.⁴¹Adoniya na wakuchemeriwa wense omwe akhanaye adabva bzobzi iwo atamaliza kudya. Pomwe Yoabu adabva baludya la kulira kwa nyangayo, adati, ''Thangweranyi muna baludya mmuyimu?'' ⁴²Pomwe iye ali mkati kulewalewa, Yonatani mwana wachimuna wa Abyatara wansembe adabwera. Adoniya adati, ''Bwera muno, thangwe ndiwe munthu wakuthemera apo bweresa uthenga bwabwino.''⁴³Yonatani adatawira achiti kuna Adoniya, ''Mbuyathu Mfumu Davide wadzoza Solomoni ufumu, ⁴⁴apo mfumu yamutumizira Zadoki wansembe, Natani mneneri, Benaya mwana wachimuna wa Yehoyada, na Akereti na Apeleti. Iwo apakiza Solomoni mkufamba pa mphulu ya kavalo ya mfumu. ⁴⁵Zadoki wansembe na Natani mneneri amudzoza iye ku Giboni, apo abwera kukwira kuchoka koko kusekera, mwakuti muyi uli mchipiringu. Ili ni baludya ndilo imwe mwabva.⁴⁶Pomwe, Solomoni wakhala pa kadera ya ufumu. ⁴⁷Ndiponso , akapolo wa mfumu adabwera kudzadalisa mbuyathu Mfumu Davide, kulewa kuti, 'Mulungu wanu mbaadekese dzina la Solomoni nkhasa kuposa dzina lanu, na kukuza kadera yache yachifumu kuposa kadera yanu yachifumu.' Ndiye mfumu idazolima pansi pa kama. ⁴⁸Mfumuyo idatimbo, 'Wakudalisika ni Yahova, Mulungu wa Isaraeli, omwe wapereka munthuyu kukhala pa kadera yangu yachifumu lero lino, na kuti maso yangu yali chionere.'''⁴⁹Pamwepo wakuchemeriwa wense wa Adoniya adachita mantha. Iwo adaima apo mumthu aliyense adayendera njira yache yache. ⁵⁰Adoniya akhana mantha na Solomoni achilamuka, mkuyenda, kukaphata nyanga za guwa la nsembe. ⁵¹Kinangoko adauziwa Solomoni, ''Onani, Adoniya akuchita mantha na Mfumu Solomoni, thangwe waphata nyanga za guwa la nsembe, kulewa kuti, ''Lekani Mfumu Solomoni alumbirire kuna ine chakutoma kuti amdzandipha lini kapolo wache na lupanga,''⁵²Solomoni adati, ''Iye penu ni munthu wakuthemera, neye tsisi lache limdzagwa lini pansi, soma penu munigumanika kuipa mwa iye, amdzafadi.'' ⁵³Ndiye Mfumu Solomoni idatuma wanthu, omwe adatsitsa pansi Adoniya kuchoka pa guwa la nsembe. Iye adabwera achidzakotama pansi kuna Mfumu Solomoni, apo Solomoni adati kuna iye, ''Ndoko kwanu.''

2¹Pomwe nsiku yakufa Davide idafendera, iye adauza Solomoni mwanache, kulewa kuti. ²''Ndikuguduka njira ya dziko lense lapansi. Khala wakulimbika mtima, mthangwerache, apo bzionese wekha umunthu. ³Koya bzakutonga bza Yahova Mulugnu wako pakufamba mnjira zache, kubvera manemba yache, malamulo yache, umboni bwache, na mayeruzo ya mpangano wache, kukhala wakusamala kuchita ndibzo bzidanembiwa mchilamulo cha Mose, kuti upambane mu bzakuchita bzako bzense, kulikwense uniyendako, ⁴pala kuti yahova akwanirise mafala yache ndiyo adasewera kuguma ine, kulewa kuti, 'Penu wambeu yako anisamala khalidwe lawo, kufamba pamaso pangu mwakukhulupirika na mtima wawo wensene na moyo wawo wense, umdzalekeza lini kukhala na mwamuna m'bodzi pa kadera ya ufumu ya Isaraeli.'⁵Uli kudziwa pomwe ndibzo Yoabu mwana wachimuna wa Zeruya adachita kuna ine, na ndibzo iye adachita kuna akazembe wankhondo awiri wa Isaraeli, kuna Abineri mwana wachimuna wa Neri, na kuna Amasa mwana wachimuna wa Yeteri, omwe iye adamupha. Iye adajojeza mulopa wa nkhondo mu mtendere achipalanga mulpopa wa nkhondo pa bande wakubvala `mnchiuno mwache na pa chango ku nzayo zache. ⁶Chita naye Yoabu mwa nzeru ndizo wapfunza, soma nampodi kubvuma imvi zache ziyende kupolika ku Thenje mu mtendere.⁷Tsono, onesera chifundo kuna wana wachimuna wa Birizilai wa ku Gileadi, apo bvuma iwo akhale pakati pa wale wakudyera pa meza yako, thangwe iwo adandifenderera pomwe ndidathawa Abisalomu mano wako.⁸Ona, unaye Simeyi mwana wachimuna wa Gera, wa dzinza la Benjamini wa ku Bahurimu, omwe adatemberera ine na themberero likulu pa nsiku ndiyo ndidayenda ku Mahanaimu. Simeyi adapolika kubwera kudzagumana nande pa Yorodano, apo ndidalumbirira kuna iye pa Yahova, kulewa, 'Nimdzakupha lini na lupanga.' ⁹Tsapano mthangwerache nampodi kumubvuma athawe kulangiwa. Ndiwe munthu wa nzeru, apo umdzadziwa bzakuthemera kuchita kuna iye. Umdzabweresa msolo wache wa imvi kupolika ku Thenje na mulopa.¹⁰Ndiye Davide adagona na abereki wache achifuchiriwa mu mzinda wa Davide. ¹¹Nsiku ndizo Davide adatonga Isaraeli zikhali magole makumi manayi. Akhadatonga magole manomwe mu Hebroni na magole makumi matatu na matatu mu Yerusalemu. ¹²Kinangoka Solomoni adakhala pa kadera yachifumu ya babache Davide, apo ufumu bwache bukhali bwakukhazikika bwino¹³Ndiye Adoniya mwana wachimuna wa Hagiti adabwera kuna Batiseba mayi wache wa Solomoni. Iye adati, ''Kodi ukubwera mu mtendere?'' Iye adatawira, ''Mu mtendere.'' ¹⁴Ndiye iye adati, ''Ndina chinango chakuti ndikuuzeni.'' Ndiye iye adatawira, ''Sewera.'' ¹⁵Adoniya adati, ''Mukudziwa kuti ufumu bukhali bwangu, na kuti a Isaraeli wensene akhadikhirira ine kukhala mfumu. Soma bzinthu bzidamodali, apo ufumu budaperekiwa kuna mano wangu, thangwe bukhali bwache kuchoka kuna Yahova.¹⁶Tsapano ndikukumbira chibodzi kuna imwe, apo nampodi kundilambiza.'' Batiseba adati kuna iye, ''Lewa.'' ¹⁷Iye adati, ''Pirizi sewerani na Solomoni mfumu, thangwe angakulambizeni lini, pala kuti andipe Abisagi wa ku Sunami akhale mkazangu.'' ¹⁸Batiseba adati, ''Ndabva, nimkakuuzira mfumu.''¹⁹Batiseba tsono adayendadi kuna Mfumu Solomoni kukalewa naye bza Adoniya. Mfumu idalamuka kukagumana naye ichizolima pansi kuna iye. Kinangoka iyo idakhala pansi pa kadera yache yachifumu na kubweresa kadera yachifumu ya mayi wache wa mfumu. Iye adakhala ku boko lache la madidi. ²⁰Ndiye iye adati, ''Ndikufuna ndikukumbire iwe kumbiro libodzi ling'ono, thangwe ungandilambize lini.'' Mfumu idamutawira iye, ''Kumbirani, mayi wangu, thangwe ningakulambizeni lini.'' ²¹Iye adati, ''Bvuma Abisagi wa ku Sunami aperekiwe kuna Abisagi mano wako kukhala mkazache.''²²Mfumu Solomoni idatawira ichiti kuna mayi wache, ''Thangweranyi mukukumbira Abisagi wa ku Sunami pala Adoniya? Thangweranyi mumsaya kumukumbirira pomwe na ufumu kubodzibu, thangwe iye ni mano wangu mkulu---pala iye, pala Abyatara wansembe, na pala Yoabu mwana wachimuna wa Zeruya?'' ²³Ndiye Mfumu Solomoni idalumbirira pa Yahova, ichiti, ''Mulungu mbaachite tenepoyo kuna ine, na azinji pomwe, penu Adoniya alibe kusewera mafala yoya kubziphesa moyo wache.²⁴Tsapano mthangwerache pana Yahova, omwe wandikhazikisa ine achindiikha ine pa kadera yachifumu ya Davide babangu, na ndiye wandiikha ine nyumba ninga ndimo iye adalonjezera, meju Adoniya aniphiwa lero.'' ²⁵Ndiye Mfumu Solomoni idatuma Benaya mwana wachimuna wa Yehoyada, apo Benaya adakamgumana Adoniya achimupha.²⁶Ndiye kuna Abyatara wansembe mfumu idati, ''Ndoko ku Anatoti, ku minda yako. Ukuthemera imfa, soma pa nthawe ino nimkupha lini, thangwe udatakula likasa la Mbuya Yahova pamaso pa Davide babangu na kubonera njira iriyense ndiyo babangu adabonera.'' ²⁷Ndiye Solomoni adachosa Abyatara pa kukhala wa nsembe wa Yahova, kuti apherezere mafala ya Yahova, ndiyo iye akhadasewera kuguma bza nyumba ya Eli ku Silo.²⁸Nkhani idafika kuna Yoabu, thangwe Yoabu akhathandiza Adoniya, napo akhalibe kuthandiza Abisalomu. Ndiye Yoabu adathawira ku chihema cha Yahova achikaphata nyanga za guwa la nsembe. ²⁹Bzidalewiwa kuna Mfumu Solomoni kuti Yoabu wathawira ku chihema cha Yahova apo tsapano akhali pa mbali pa guwa la nsembe. Ndiye Solomoni adatuma Benaya mwana wachimuna wa Yehoyada, kulewa kuti, ''Ndoko, ukamuphe.''³⁰Ndiye Benaya adabwera ku chihema cha Yahova achidzati kuna iye, ''Mfumu yati, 'Bula panja.'' Yoabu adatawira, ''Nyonyo nimfera muno.'' Ndiye Benaya adabwerera kuna mfumu, kukalewa, ''Yoabu wati amfuna kufera pa guwa la nsembe.'' ³¹Mfumu idati kuna iye, ''Chita ndimo waleweramo. Umuphe mkumufuchira pala kuti undichosere ine na nyumba ya babangu mulopa ndiwo Yoabu adajojeza seye thangwe.³²Yahova mbaabwezere mulopa wache pa msolo pa iye, thangwe babangu Davide seye mkudziwa iye adamenya wanthu awiri wakulungama kuposa iye mkuwapheratu na lupanga, Abineri mwana wachimuna wa Neri, kazembe wa thimu la nkhondo la Isaraeli, na Amasa mwana wachimuna wa Yeteri, kazembe wa thimu la nkhondo la Yuda. ³³Ndiye mulopa wawo mbaubwerere pa msolo pa Yoabu na pa msolo pa wa mbeu yache kwa muyaya. Soma kuna Davide na mbeu yache, na kuna nyumba yache, na ku kadera yache yachifumu, mbaukhale mtendere kwa muyaya kuchoka kuna Yahova,''³⁴Ndiye Benaya mwana wachimuna wa Yehoyada adayenda kukwira kukamenya Yoabu achimupha. Iye adafuchiriwa mnyumba yache ya iye mwene mchipululu. ³⁵Mfumu idaikha Benaya mwana wa Yehoyada kunyang'anira wankhondo nkhankha ya iye, achiikha Zadoki wansembe nkhankha ya Abyatara.³⁶Mfumu idatuma ichichemeresa Simeyi, ichiti kuna iye, ''Bzimangire wekha nyumba mu Yerusalemu ukhale mwemo, apo nampodi kubula kunja kuyenda ku mbuto ina iriyense. ³⁷Thangwe pa nsiku ndiyo uti udzabule kunja mkugwata na Mchigwa cha Kidroni, dziwa chadidi kuti umdzafa meju. Mulopa wako umdzakhala pa msolo pako.'' ³⁸Ndiye Simeyi adati kuna mfumu, ''Mwalewabzi mpsabwino. Ninga ndimo mbuyangu mfumu walewera, mterepo kapolo wanu ndimo amdzachitira.'' Ndiye Simeyi adakhaladi mu Yerusalemu kwa nsiku zizinji.³⁹Soma yatapita magole matatu, awiri mwa akapolo wa Simeyi adathawira kuna Akisi mwana wachimuna wa Maaka, mfumu ya ku Gati. Ndiye iwo adauza Simeyi, kulewa kuti, ''Onani, akapolo wanu ali mu Gati.'' ⁴⁰Ndiye Simeyi adalamuka, achitchobva bulu wache mkuyenda kuna Asiki mu Gati kukaona akapolo wache. Iye adayenda achikabweresa akapolo wache kuchoka ku Gati.⁴¹Pomwe Solomoni adauziwa kuti Simeyi akhadachoka mu Yerusalemu kuyenda ku Gati apo zjai wabwerera, ⁴²mfumu idatuma mtumi kuchemeresa Simeyi ichiti kuna iye, ''Kodi ndiribe kukulumbirisa pa Yahova na kuchitira umboni kuna iwe, kulewa kuti, 'Dziwa meju kuti pa nsiku ndiyo uti udzabule mkuyenda ku mbuto inango iriyense, umdzafa meju'? Ndiye iwe udanditi, 'Bzomwe ndabvabzi mpsabwino.'⁴³Thangweranyi tsono ulibe kukoya lumbiriro lako pa Yahova na lamulo ndilo ndidakupa iwepo?'' ⁴⁴Mfumu idati pomwe kuna Simeyi, ''Ukudziwa mumtima mwako bzakuipa bzensene ndibzo udachitira babangu Davide. Mthangwerache Yahova amdzabwezera chakuipa chako pamsolo pako.⁴⁵Soma mfumu Solomoni imdzadalisika apo kadera yachifumu ya Davide imdzakhazikika pamaso pa Yahova kwa muyaya.'' ⁴⁶Ndiye mfumu idapereka lamulo kuna Benaya mwana wachimuna wa Yehoyada. Iye adabula panja achikapha Simeyi. Ndiye ufumu budakhala bwakukhazikika bwino mmanja mwa Solomoni.

3¹Solomoni adaphatizana mmaloozi na Falawo mfumu ya Aigupto. Iye adatenga mwana wachikazi wa Falawo achimubweresa mu mzinda wa Davide kufikizana kumaliza kumanga nyumba yache, nyumba ya Yahova, na litsito kuzungulira Yerusalemu. ²Wanthu akhaphera nsembe pa mbuto zakupambulika, thangwe pakhalibe nyumba ndiyo ikhadamangiwa mdzina la Yahova. ³Solomoni adaonesa chikondi chache kuna Yahova pa kufamba mmanemba ya babache Davide, kupambula kuti iye akhaphera nsembe na kufukiza bzakununtchira pa mbuto zakupambulika.⁴Mfumu idayenda ku Gibeoni kukaphera nsembe koko, thangwe imweyo ikhali mbuto ikulu yakupambulika. Solomoni adapereka nsembe zakupserereza chulu chibodzi pa guwa limwero. ⁵Yahova adaonekera pa Gibeoni kuna Solomoni mmatulo usiku; iye adati, ''Kumbira! Ndikupe chani?''⁶Ndiye Solomoni adati, ''Mwaonesa kukhulupirika kukulu kwa mpangano kuna mtumiki wanu, Davide babangu, thangwe iye adafamba pamaso panu mwakukhulupirika, mchilungamo, na mkuthamuka mtika. Mwamukoyera iye mpangano wache ukulu wakukhulupirika na kumupa iye mwana pa kadera yache yachifumu lero lino.⁷Ndiye Yahova Mulungu wangu, mwaikha kapolo wanu mfumu nkhankha ya Davide babangu, napo ndine kamwana kang'ono. Ndikudziwa lini mabulidwe ayai mapitidwe mkati. ⁸Kapolo wanu ali pa mpikiti pa wanthu ndiwo imwe mwawasankhula, wanthu azinji, wakusaya kulewengeka kuwanda kwawo ayai kunembeka. ⁹Ndiye perekani kuna kapolo wanu kubvesera mtima kuyeruza wanthu wanu, pala kuti ndizindikire pakati pa chabwino na chakuipa. Thangwe mbani angakwanise kuyeruza wanthu wanu azinjiwa?''¹⁰Kumbiloli la Solomoni lidadekera Mbuya. ¹¹Ndiye Mulungu adati kuna iye, ''Thangwera wakumbira chinthu ichi apo ulibe kubzikumbirira moyo utali ayai vida ayai moyo wa awengi wako, soma wabzikumbirira kubvesera kuzindikira chilungamo, ¹²ona, tsapano nimkuchitira bzense udakumbira iwe kuna ine pomwe udapereka kumbiro lako. Ndikukupa iwe mtima wanzeru na kubvesera, pala kuti nampodi pakhale wina ninga iwe omwe akhali kale ukanati kukhala, apo palibe ninga iwe ndiye amdzaphukira pambuyo pako.¹³Ndakupa pomwe ndibzo ulibe kukumbira, vida na ulemu kubodzi pala kuti nampodi padzakhale wina pakati pa mafumu ninga iwe mu nsiku zako zensene. ¹⁴Penu umdzafamba mnjira zangu kukoya manemba yangu na bzakutonga bzangu, ninga babako Davide adafambira, kinangoka nimdzatalimphisa nsiku zako.''¹⁵Ndiye Solomoni adalamuka, apo onani, akhali atulo. Iye adabwera ku Yerusalemu achiima pakati pa likasa la mpangano wa Yahova. Iye adapereka nsembe zakupserereza na nsembe za mtendere, achikonza madyerero kuna akapolo wache wensene.¹⁶Kinangoka azimayi awiri omwe akhali maputa adabwera kuna mfumu achidzaima pamaso pache. ¹⁷Mkazi m'bodzi adati, ''Oh, mbuyangu, mkazi uyu na ine timbakhala mnyumba ibodzi, apo ine ndidabala mwana pabodzi na iye mnyumbamo.¹⁸Bzidachitika pa nsiku yachitatu nditabala mwanayo kuti mkazi umweyu adabalambo mwana. Tikhali pabodzi. Pakhalibe winango akhanafe mnyumbamo, soma awiri tekhafe basi mnyumbamo. ¹⁹Ndiye mwana wa mkazi umweyu adafa usiku, thangwe iye adamugonera. ²⁰Ndiye iyeyu adalamuka kati ya usiku mkutenga mwanangu wachimuna kuchoka pambali pangu, pomwe kapolo wanu ndiri mtulo, achikamugonesa iye kumimba kwache, mkugonesa mwanache wachimuna wakufayo pa masuku pangu.²¹Pomwe ndidalamuka machibese kuti ndimamise mwanangu, iye akhali wakufa. Soma pomwe ndidamunyang'anisisa bwino bwino machibese, iye akhali lini mwanangu, omwe ndidabala ine.'' ²²Ndiye mkazi winangoyo adati, ''Nada, wamoyoyu ndiye mwanangu, apo wakufayu ndiye mwanako.'' Mkazi wakutomayo adati, ''Nada, wakufayu ndiye mwanako, apo wamoyoyu ndiye mwanangu.'' Umu ndimo iwo adasewerera pamaso pa mfumu.²³Ndiye mfumu idati, ''Uyu ali kuti, 'Uyu ndiye mwanangu ana moyoyu, apo mwanako ngwakufayu,' apo wina akuti, 'Nada, mwanako ngwakufayu, apo mwanangu ngwamoyoyu.''' ²⁴Mfumu idati, ''Ndipasireni kuno lupanga.'' Ndiye iwo adabweresa lupanga pamaso pa mfumu. ²⁵Ndiye mfumu idati, ''Gawa mwana wamoyoyu pawiri, apo upereke meya kuna mkazi uyu na meya kuna winangoyu.''²⁶Ndiye mkazi omwe mwanache akhana moyo ule adati kuna mfumu, thangwe moyo wache ukhana nsisi na mwanacheyo, apo iye adati, ''Oh, mbuyangu, mupeni iye mwana wamoyoyu, apo nampodi kumupha.'' Soma mkazi winangoyo adati, ''Amkhala lini wangu ayai wako. Mgaweni.'' ²⁷Kinangoka mfumu idatawira ichiti, ''Pereka mwana wamoyo kuna mkazi wakutomayu, Umweyu ndiye mayi wache.'' ²⁸Pomwe a Isaraeli wensene adabva chiyeruzo ndicho mfumu idapereka, adayigopa mfumuyo, thangwe iwo adaona kuti nzeru za Mulungu zikhali mwa iyo za kupereka mayeruzo.

4¹Mfumu Solomoni ikhali mfumu ya Isaraeli wense. ²Awa akhali wakuphata basa wache: Azariya mwana wachimuna wa Zadoki akhali wansembe. ³Elihorepa na Ahiya wana wachimuna wa Sisa, akhali akanembera. Yehosafati mwana wachimuna wa Ahiludi akhali wakukoya mbiri. ⁴Benaya mwana wachimuna wa Yehoiyada akhali mkulu wa anyankhondo. Zadoki na Abyatara akhali ansembe.⁵Azariya mwana wachimuna wa Natani akhali wakunyang'anira anyabasa. Zebudi mwana wachimuna wa Natani akhali wansembe na mwayache wa mfumu. ⁶Ahisara akhanyang'anira pamuyi. Adoniramu mwana wachimuna wa Abida akhali wakunyang'anira wanthu wakuphata basa mwakungingimiziwa.⁷Solomoni akhana wakuphata basa khumi na awiri kunyang'anira Isaraeli, omwe akhaperekera chakudya cha mfumu na pamuyi. Munthu aliyense akhaperekera mwezi ubodzi pa gole. ⁸Aya yakhali madzina yawo: Beni-Huri, mdziko lamapiri la Efraimu; ⁹Beni-Dekeri mu Makazi, Saalabimu, Beti Semesi, na Eloni Betihanani; ¹⁰Beni-Hesede, mu Aruboti (kuna iye kukhana Soko na dziko lensene la Hefere);¹¹Beni-Abinadabu, mu Nafoti Dori (iye adatenga Tafati mwana wachikazi wa Solomoni ninga mkazache); ¹²Baana mwana wachimuna wa Ahiludi, mu Taanaki na Megido, na Beti Sani wense omwe ali pambali pa Zaretani kunyansi kwa Yezereli, kuchoka ku Beti Sani kufika ku Abeli Mehola kufika kutali ku mbali ina ya Yokimeyamu; ¹³Beni-Gebere, mu Ramoti Gileadi ( kuna iye kukhana miyi ya Yairi mwana wachimuna wa Manase, yomwe ili mu Gileadi, na mphimpha ya Arigobu ikhali yache, yomwe ili mu Basani, miyi mikulu makumi matanthatu yakukhala na malitsito na misuwo ya nsimbi za mkuwa); ¹⁴Ahinadabu mwana wachimuna wa Ido, mu Mahanayimu;¹⁵Ahimaazi, mu Nafitali (iye adaloola pomwe Basemati mwana wachikazi wa Solomoni kukhala mkazache); ¹⁶Baana mwana wachimuna wa Husai, mu Aseri na Bealoti; ¹⁷Yehosafati mwana wachimuna wa Parua, mu Isakara;¹⁸Simeyi mwana wachimuna wa Ela, mu Benjamini; ¹⁹na Gebere mwana wachimuna wa Uri, mdziko la Gileadi, dziko la Sihoni mfumu ya Aamori na la Ogi mfumu ya ku Basani, apo iye akhali wakumbuyo yekhayo omwe akhali mdzikomo.²⁰Wa ku Yuda na a Isaraeli akhali aznjitsa ninga mchenga m'phepete mwa mnyanza. Iwo akhadaya na kumwa na kusekerera. ²¹Solomoni adatonga ma ufumu yensene kuchoka ku Mkulo kuyenda ku dziko la Afirisiti na kumalire na Aigupto. Iwo adabweresa bzakutsonkha achitumikira Solomoni nsiku zensene za moyo wache. Bzakupereka kuna ²²Solomoni pa nsiku ibodzi bzikhali mitolo makumi matatu ya pa bulu ya ufa bzakunyodoka na mitolo makumi matanthatu ya pa bulu ya bzakudya, ²³ng'ombe khumi zakunenepera mkhola, ng'ombe makumi mawiri zakudyera mthengo, na mabira dzana libodzi, na abawala, anyasa, .........................., na nkhanga zakunenepa.²⁴Nakuti iye akhatonga mphimpha yensene ya ng'ambu imweyi ya Mkulo, kuchoka ku Tipisa kuyenda kutali ku Gaza, kutonga mafumu yensene mbali imweyi ya Mkulo, apo akhana mtendere ku mbali zensene kumuzungulira iye. ²⁵Wa mu Yuda na a Isaraeli akhakhala mu mtendere, munthu aliyense patsinde pa mpesa wache na pamuti wache wa mkuyu, kuchoka ku Dani kuyendera ku Beereseba, nsiku zensene za Solomoni.²⁶Solomoni akhana akavalo bzulu makumi manayi wa magareta yache, na wanthu wakutchobva akavalo bzulu makumi manayi. ²⁷Wakuphata basa amwewa akhaperekera chakudya cha Mfumu Solomoni na wensene omwe akhabwera pa meza ya Mfumu Solomoni, munthu aliyense pa mwezi wache. Iwo akhabvuma lini pasayike chinthu. ²⁸Iwo adabweresa pomwe ku mbuto ya mkhomeko balere na uswa pala akavalo wa magareta na bwa akavalo wakupakira, aliyense kubweresa mwemo bzomwe angakwanise.²⁹Mulungu adapa Solomoni nzeru zikulu na kubvesera, na kubvesera kwakuwanda ninga mchenga wa m'bali mwa nyanza. ³⁰Nzeru za Solomoni zidaposa nzeru za wanthu wensene wakumachibese na wanzeru wensene wa ku Aigupto. ³¹Iye akhali wanzeru kuposa wanthu wensene---kuposa Etani wa ku Ezrahite, Hemani, Kalikoli, na Darida, wana wachimuna wa Maholi--apo kubvekera kwache kudafikira madzinza yensene yakuzungulira.³²³³Iye adasewera miyambi bzulu bzitatu apo bzimbo bzache bzikhali chulu chibodzi na bzichanu. Iye akhalewa bza miti, kuyambira mkungudza ndiwo uli ku Lebano kufikira hisope wakuphuka pa litsito. Iye akhafokotoza pomwe bza nyama, mbalame, bzinthu bzakukwawa, na nsomba. ³⁴Wanthu akhabwera kuchoka ku madzinza yensene kudzabva nzeru za Solomoni. Iwo akhabwera kuchoka ku mafumu yensene ya padziko lapansi omwe akhadabva bza nzeru zache.

5¹Hiramu mfumu ya ku Tiro idatuma akapolo wache kuyenda kuna Solomoni thangwe iye akhadabva kuti akhadamudzoza ufumu nkhankha ya babache; thangwe Hiramu akhakondana na Davide. ²Solomoni adatumiza mafala kuna Hiramu kulewa kuti, ³''Ukudziwa kuti Davide babangu angadamanga lini nyumba pala Yahova Mulungu wache thangwera nkhondo ndizo zikhadamuzungulira iye, thangwe mu nthawe ya moyo wache Yahova akhamuikhira awengi wache pansi pa nzayo zache.⁴Soma tsapano, Yahova Mulungu wangu wandipa kupuma ku mbali zensene. Kulibe chisokonezo ayai tsoka. ⁵Ndiye ndikukhumba bzakumanga nyumba pala dzina la Yahova Mulungu wangu, ninga Yahova adauzira Davide babangu, kulewa kuti, 'mwanako, omwe nimdzamuikha pa kadera yako yachifumu nkhankha ya iwe, amdzamanga nyumba pala dzina langu.'⁶Tsapano mthangwerache tonga kuti andichekere mikungudza kuchoka ku Lebano. Akapolo wangu amdzaphatikidzana na akapolo wako, apo nimdzakupagaliri akapolo wakowo pala kuti utambire mwabwino pa chirichense mudapangana kuchita. Thangwe ukudziwa palibe aliyense pakati pathu omwe akudziwa kachekedwe ya matabwa ninga wanthu wa ku Sido.''⁷Pomwe Hiramu adabva mafala ya Solomoni, iye adasekera maninge achiti, ''Yahova mbaalemekezeke lero lino, omwe wapereka kuna Davide mwana wa nzeru pa wanthu azinjitsawa.'' ⁸Hiramu adatumiza mafala kuna Solomoni, kulewa kuti, ''Ndabva uthenga ndibo wanditumizira. Nimdzapereka matabwa yensene ya mkungudza na mulombwa ndiyo ukuyafuna.⁹Akapolo wangu amdzabweresa miti kupolika nayo kuchoka ku Lebano kuyenda ku nyanza, ndichidzaikonsera phaka kuyerera na nyanza kuyenda kumbuto ndiyo mummdzandiuzako. Nimdzawauza ayiswe kumweko, apo mumdzaitakula. Mumdzachita ndibzo ine nimdzafuna pa kupereka chakudya kuna banja langu.''¹⁰Ndiye Hiramu adapa Solomoni matabwa yensene ya mkungudza na mulombwa ndiyo iye akhafuna. ¹¹Solomoni adapa Hiramu mitolo yapabulu bzulu makumi mawiri ya bzakudya ku banja lache na mabasiya bzulu makumi mawiri ya mafuta yabwino . Solomoni adapa ibzi kuna Hiramu gole na gole. ¹²Yahova adapa Solomoni nzeru, pomwe iye adamulonjeza. Pakhana mtendere pakati pa Hiramu na Solomoni, apo awiri wa iwo adachita mpangano.¹³Mfumu Solomoni adangingimiza anyabasa kunja kwa Isaraeli wensene. Anyabasa wakungingimiza akhakwana wanthu bzulu makumi matatu. ¹⁴Iye adawatumiza iwo ku Lebanoni, bzulu khumi pa mwezi pamuyi. Adoniya akhanyang'anira wanthu omwe akhaphata basa lakungingimiza.¹⁵Solomoni akhanawo bzulu makumi manomwe omwe akhaphata basa lakachitigu na bzulu makumi masere omwe akhatsetekeza minyala mmapiri, ¹⁶pambali pa wakunyang'anira anyabasa bzulu bzitatu na madzana matatu omwe akhanyan'anira basa na omwe akhanyang'anira anyabasa.¹⁷Kuteweza kutonga kwa mfumu iwo akhaswa minyala mikulu ya nsengwa yapatali yakukamangira maziko ya kachisi. ¹⁸Ndiye wakumanga nyumba wa Solomoni na wakumanga nyumba wa Hiramu na amuna wakuchoka ku Baibulosi akhaphata lakucheka na kukonza matabwa na minyala yakumangira kachisi.

6¹Ndiye Solomoni adayamba kumanga kachisi wa Yahova. Ibzi bzidachitika mgole la madzana manayi na makumi masere wana wa Isaraeli atabula mdziko la Aigupto, mgole lachinayi la kutonga kwa Solomoni mu Isaraeli, mu mwezi wa Zivi, omwe ni mwezi wachiwiri. ²Kachisi omwe mfumu Solomoni idamangira Yahova ukhali maboko makumi matanthatu kutalika, maboko makumi mawiri kupingasa, na maboko makumi matatu mdzaulu.³Kanyumba kakuphathikira kunkhope kwa kachisiyo kakhali maboko makumi mawiri kutalika, kulingana na kupingasa kwa kachisiyo, na maboko khumi kuyenda mdzaulu kutsogolo kwa kachisiyo. ⁴Thangwe nyumbayo adayikonza majanera na aro zache ndizo zikhayachitisa kupsindiza kunja kwache kusiyana na mkati.⁵Kukhuyana na nyumba ya mbuto ikulu iye adamanga masubi kuizungulira, kuzungulira masubi ya kunja na masubi ya mkati kubodzi. Iye adamanga masubi yokha yokha kuzungulira m'bali mwache mwensene. ⁶Nyumba ya mnyansi chaimo ikhali maboko machanu kupingasa kwache, yapakati ikhali maboko matanthatu kupingasa, apo yachitatu ikhali maboko manomwe kupingasa. Nakuti kunja kwache adachepsa nyumba pakuizungulira kwense mwakuti maviga yalibe kupinzisiwa na mkati mwa nyumbayo.⁷Nyumbayo idamangiwa na minyala ya mvululu yakuchita kupsa. Palibe sando, mbadzo, ayai chipangizo chirichense cha fero ndicho chikhabveka mnyumbamo pomwe akhaimanga. ⁸Mbali ya kumwera kwache kwa kachisiyo kukhana msuwo wakukhuya pansi, ndiye ubodzi ukhakwira na nsikada kuyenda mmasubi yapakati, na kuchoka pakatipo kukwira mbuto yachitatu.⁹Ndiye Solomoni adamanga kachisiyo achiumaliza; iye adapsumphira nyumbayo na mitanda na matabwa ya mikungudza. ¹⁰Iye adamanga masubi ya m'bali mwache kukhuyana na masubi ya mkati ya kachisiyo, mbali iliyense maboko machanu machanu kukwira mdzaulu; iyo yadagunsisiwa ku nyumbako na matabwa ya mkungudza.¹¹Mafala ya Yahova yadabwera kuna Solomoni, kulewa kuti, ¹²''Kulewa bza kachisi ndiye ukumangayu, penu umfamba mmanemba yangu na kuchita chilungamo, kukoya bzakutonga bzangu bzensene mkufamba mu ibzo, ndiye nditi ndidzatsimikizire bwino pangano langu na iwe ndilo ndikhadachita kuna Davide babako. ¹³Nimdzakhala pakati pa wana wa Isaraeli apo nimdzawataya lini.''¹⁴Ndiye Solomoni adamanga nyumbayo achiimaliza. Kinangoko adamanga mkati mwache na matabwa yakumata ya debu debu ya mkungudza. ¹⁵Kuchoka pansi pa nyumba kufika ku nsodzi, iye adagugudiza mkatimo na matabwa, achimpsinkha pansi pa nyumbayo na matabwa ya debu debu yakumata ya mulombwa.¹⁶Iye adamanga maboko makumi mawiri m'buyo mwache mwa nyumbayo na matabwa ya debu debu ya mkungudza kuchoka pansi kufika ku nsodzi. Iye adamanga subi yoyi kukhala subi ya mkati, mbuto yakupambulikisisa. ¹⁷Mbuto ikulu, ndiyo ni, mbuto yakupambulika ndiyo ikhali ku nkhope kwa mbuto yakupambulikisisa, ikhali maboko makumi manayi kutalika kwache. ¹⁸Mukhana mikungudza mkati mwa nyumbayo, yakukhala na mantikade ya chikasi na maforoli yakuphoka. Mukhana mikungudza mkati mwache mwensene. Minyala yakumangira ikhaonekera lini mkatimo.¹⁹Solomoni adakonzesera subi ya mkati mwa nyumba kuti ayikhe likasa la mpangano la Yahova mwemo. ²⁰Subi ya mkati ikhali maboko makumi mawiri kutalika kwache, maboko makumi mawiri kupingasa, na maboko makumi mawiri kuyendera mdzaulu. Solomoni adaphathika kunyumbako na oro wabwino achigugudiza guwa la nsembe na matabwa ya mkungudza.²¹Solomoni adaphathika mkati mwa kachisiyo na oro wabwino, achiikha makorenti ya oro kuyanga kutsogolo kwa subi ya mkati, achiphathika kutsogolo na oro. ²²Iye adaphathika mkati mwensene na oro kufikizana kumaliza mkati mwensene. Iye adaphathika pomwe na oro guwa lensene la nsembe la msubi ya mkati.²³Solomoni adakonza akerubi awiri wa muti wa azitona, aliyense wakutalika maboko khumi tsonga lache, pala subi ya mkati. ²⁴Phapidwe libodzi la kerubi wakutoma likhali maboko machanu kutalika na phapidwe linango lache likhali pomwe maboko machanu kutalika. Ndiye kuchoka kunsonga kwa phapidwe libodzi kufika kunsonga kwa phapidwe linango pakhana mthantho wa maboko khumi. ²⁵Kerubi winango akhana pomwe maphapidwe matali maboko khumi khumi. Akerubi wensenewo akhali wa mkonzedwe wakulingana na kukula kwache. ²⁶Tsonga la kerubi m'bodzi likhali maboko khumi apo kerubi winangoyo akhali ndendende.²⁷Solomoni adaikha akerubiwo msubi ya mkati letu chaimo. Maphapidwe ya akerubi yakhadafuthuliwa mwakuti phapidwe la m'bodziyo lidakhuya kunyumba apo phapidwe la kerubi wina kukhuya kunyumba. Maphapidwe yadakhuyana pakati nakati ya mbuto yakuchena maninge. ²⁸Solomoni adanyatika akerubiwo na oro.²⁹Iye adanemba kunyumba yensene kuzungulira na bzibvulibvuli bza akerubi, miti ya mgwalangwa, na mafolori yakuphoka, mmasubi ya mkati na ya kunja. ³⁰Solomon adaphathika pansi pa nyumbayo na oro, mmasubi ya mkati na yakunja kubodzi.³¹Solomoni adakonzesa misuwo ya matabwa ya azitona pala msuwo wakupitira subi ya mkati. Ntchinya na aro za misuwo zikhana magawo machanu. ³²Ndiye iye adakonzesa misuwo miwiri ya matabwa ya azitona, apo pa iyo padanemba bzibvulibvuli bza akerubi, miti ya mgwalangwa, na mafolori yakuphoka. Iye adaphathika na oro mkupalanga oroyo pa akerubi na miti ya mgwalangwayo.³³Mu njira yoyi, Solomoni adakonza pomwe pakupitira mkachisi aro za muti wa azitona zakukhala na magawo manayi ³⁴na misuwo miwiri ya muti wa mulombwa. Msuwo ubodzi ukhali wakumbafunyika kugumana pakati apo msuwo winangoyo ukhali wakumbafunyika pomwe kugumana pakati. ³⁵Iye adanemba popo akerubi, miti ya migwalangwa, na mafolori yakuphoka, achinyatika pomwe oro wa debudebu pa bzakunembabzo.³⁶Iye adamanga mbuto ya mkati na mizere mitatu ya minyala yakutsematsema na mzere wa mitanda ya mkungudza.³⁷Maziko ya nyumba ya Yahova yadazikiwa mgole lachinayi, mwezi wa Zivi. ³⁸Mgole lachikhumi na posi, mwezi wa Buli, omwe ni mwezi wachisere, nyumba idamaliziwa mbali zache zensene kuteweza mmangidwe wache. Solomoni adatenga magole manomwe kumanga kachisiyo.

7¹Solomoni adatenga magole khumi na matatu kumanga nyumba yache yachifumu. ²Iye adamanga Nyumba yakuchemeriwa Nkhalango ya mu Lebano. Kutalika kwache kukhali maboko dzana libodzi, kupingasa kwache maboko makumi machanu, apo kutalika kuyenda mdzaulu ikhali maboko makumi matatu. Nyumbayo idasanjiwa pa mizere minayi ya mphanda za mitanda ya mkungudza yakutandalika pa mphandazo.³Nyumbayo idapsumphiriwa na mikungudza ndiyo idatsamira pa mitanda. Mitanda imweyo idajirikiriwa na mphanda. ⁴Pakhana mitanda makumi manayi na michanu, michanu mzere ubodzi. Pakhana mitanda mizere mitatu, apo janera iriyense ikhali mwakunyang'anizana na janera inzache mmizere mitatu. ⁵Misuwo yensene na aro zache zikhali zakulingana kukula mbali zache zinayi na mitanda, apo janera ikhali kunyang'anizana na janera mmizere mitatu.⁶Pakhana khumbi la maboko makumi machanu kutalika na maboko makumi matatu kupingasa, na khumbi lina patsogolo pache na nsandamira na nsodzi.⁷Solomoni adamanga m'dadada wa kadera yachifumu omwe iye akhayeruzira milandu, m'dadada wa chilungamo. Ukhadapsumphiriwa na mkungudza kuchoka pansi pakuponda kufika ku nsodzi.⁸Nyumba ya Solomoni yomwe iye akhakhala, mu mbuto ina mkati mwa mbuto ya mokhamokhamo, mukhadakonzewa moda wakulinganira. Iye adamangira pomwe mwana wachikazi wa Falawo nyumba ninga yoyi, omwe iye akhadamutenga kukhala mkazache.⁹Nyumba zozi zikhana mantikade ya minyala yakuumira yakutsematsema, ya midida midida na kutsetekeziwa na saroti na kunyalaziwa m'bali zache zensene. Minyala imweyi ikhaphatisiwa basa kuchoka mmaziko kufika minyala ya padzaulu, na kuchoka panja kuyenda ku mbuto ikulu. ¹⁰Maziko yadamangiwa na minyala mikulu maninge, ya nsengwa yapatali ya kutalika maboko masere na maboko khumi.¹¹Padzaulu pache pakhana minyala ya nsengwa yapatali yakutsema bwino bwino mwa kuteweza midida, na mitanda ya mkungudza. ¹²Mbuto ikulu yakuzungulira kumbutoko ikhana mizere mitatu ya minyala yakutsema na mzere wa mitanda ya mkungudza ninga kumbuto kwa kachisi wa Yahova na kanyumba kakuphathika ku kachisi.¹³Mfumu Solomoni idatuma mtumi kuna Huramu achimubweresa ku Tiro. ¹⁴Huramu akhali mwana wachimuna wa mmasiwa wa dzinza la Nafitali; babache akhali munthu wa ku Tiro, wakusula mkuwa. Huramu akhali wakudzaliwa na nzeru na kubvesera na luso lakuchita kuchita mabasa makulu na mkuwa. Iye adabwera kuna Mfumu Solomoni kudzaphata basa na mkuwa kuna mfumu.¹⁵Huramu adakonza nsandamira ziwiri za mkuwa, iliyense kutalika maboko khumi na masere tsonga lache na maboko khumi na mawiri kuzungulira. ¹⁶Iye adakonza misolo miwiri ya mkuwa wakusungunula mkuiikha padzaulu pa nsandamirazo. Tsonga lache la msolo uliwense likhali maboko machanu. ¹⁷Pakhana maukonde yakulukaluka na nkhata za kuyangayanga pa misolopo kudekesera padzaulu pa nsandamirazo, zinomwe pa msolo uliwense.¹⁸Ndiye Huramu adakonza mizere miwiri ya bzipaso bza makangaza kuzungulira padzaulu pa nsandamira iriyense kudekesera pa misolo pache. ¹⁹Misoloyo padzaulu pa kanyumba kakuphathikira ikhadadekeseriwa na akakombo, kutalika maboko manayi tsonga lache.²⁰Misolo ya nsandamira ziwirizo zikhana pomwe, pafupi na padzaulu pache, mizere ya bzipaso bza makangaza bzakukwana madzana mawiri kuzungulira yensene. ²¹Iye adaimisa pomwe nsandamira pa kanyumba kakuphathikira ku kachisi. Nsandamira yakumadidi ikhachemerewa Yakini, apo nsandamira yakumadzere ikhachemerewa Boazi. ²²Pamsolo pa nsandamirazo pakhadadekeseriwa ninga akakombo. Mamalizidwe ya nsandamirazo yakhali tenepoyo.²³Huramu adakonza thawale labulungire la chitsulo chakumala basa, maboko khumi kuzika kuchoka pamulomo na pamulomo. Tsonga lache likhali maboko machanu, apo thawalero likhali maboko makumi matatu kuzungulira. ²⁴Mnyansi mwa mulomo wa kuzungulira thawalelo mukhana bzikalango, khumi mu boko lirilense, kukonzewa mu mzerebodzi na ''Thawale,'' pomwe thawale limwero lidakonziwa.²⁵Thawale'' lidasanjikika pa ng'ombe khumi na ziwiri, zitatu kunyang'ana kumpoto, zitatu kunyang'ana kumaulo, zitatu kunyang'ana kumwera, na zitatu kunyang'ana kumachibese. ''Thawalelo'' lidakhazikika padzaulu paizo, apo miyendo yache ya mmambuyo idanyang'anisana mkati. ²⁶Thawale likhali lantchinya ninga kutalimpha kwa chithatha cha manya, apo mumkokoto mwache mudakhatchama ninga mumkokoto mwa kaneka, ninga mafololi ya kakombo. Thawalelo lidapita mitsuko bzulu na bzulu ya madzi.²⁷Huramu adakonza maphaka khumi ya mkuwa. Pkaka lirilense likhali maboko manayi kutalimpha kwache na maboko manayi kupingasa, apo tsonga lache likhali maboko matatu. ²⁸Basa la maphaka likhali ili. Yakhana matsekerezo apo matsekerezoyo yakhali pakati pa mbano, ²⁹apo pa matsekerezoyo na pa mbano pakhana mphondolo, ng'ombe, na akerubi. Padzaulu na pansi pa mphondolozo na pa ng'ombezo padaphatikidzika bzakutsetseremba bzakuyangayanga bzakukoloweka.³⁰Phaka lirilense likhana magudumu manayi ya mkuwa na mitanda, apo makona yache manayi yakhana nsanamira kunsi kwache pala thawalelo. Nsanamira zidaikhiwa na bzinkhata m'bali mwa iriyense. ³¹Buli likhali lazungulire ninga munsi, boko na meya kupingasa kwache, apo likhali mkati mwa korona ndilo lidatulukira kudzaulu kwa bokolo. Pa unapo pakhana bzibvulibvuli bzakunembanemba, apo matsekerezo yache yakhali yakulingana mbali zensene, sikuti yakuzungulira.³²Magudumu manayiyo yakhali kunsi kwa matsekerezo, apo mitanda ya magudumu na bzinyumba bzache bzikhali mmaphaka. Tsonga la gudumu likhali boko na meya. ³³Magudumu yakhadakonzewa ninga magudumu ya magaleta. Bzinyumba bzache, bzigaleta, masipokosi, na habu bzikhali bza chitsulo bzense.³⁴Pakhana bzakuphatira bzinayi mmaponta manayi ya phaka lirilense, bzakuikhiwa mmaphaka mwache. ³⁵Padzaulu pa maphaka pakhana mzere wakuzungulira kuzika kwache meya ya boko, apo padzaulu pa phaka nsanamira zache na matsekerezo yache bzikhadaphathikira.³⁶Padzaulu pache pa nsanamira na pa maphaka Huramu adanemba bzibvulibvuli bza akerubi, mphondolo, na miti ya migwalangwa ndiyo idampsinkha mbuto ndiyo ikhalipo, apo idazunguliriwa na bzakuyangayanga. ³⁷Iye adakonza maphaka khumi mwakulingana. Bzensebzo bzidakonziwa mwakulingana, apo bzikhana m'dida ubodzi, na maonekedwe yabodzibodzi.³⁸Huramu adakonza mitsukoe khumi ya mkuwa. Thawale libodzi likhapita mitsuko makumi manayi ya madzi. Mtsuko uliwense ukhali maboko manayi kuyambuka apo pakhana mtsuko ubodzi ku maphaka yaliyense khumi. ³⁹Iye adakonza maphaka machanu ku mbali ya kumwera kwache kwa kachisi na machanu kumpoto kunyang'ana kumbali yaku kachisi. Iye adakhazikisa ''Thawale'' pa ponta ya kumachibese, kunyang'anizana na kumwera kwa kachisi.⁴⁰Huramu adakonza mitsuko na bzakutengera na palato zakupalangira. Ndiye iye adamaliza basa lensene ndilo iye adachitira Mfumu Solomoni mkachisi wa Yahova: ⁴¹nsanamira ziwirizo, na palato ndizo zikhali padzaulu pa nsanamira ziwiri, na madekesero mawiri ya basa la maukonde kumpsinkha palato ziwiri ndizo zikhali padzaulu pa nsanamira.⁴²Iye adalonga bzipaso bza makangaza madzana manayi mmadekesero ya maukonde mawiriyo na (mizere miwiri ya makangaza ya ukonde bubodzi kumpsinkira palato ziwiri za misolo minayi pa nsandamirapo); ⁴³bzakukhazikira khumi, na mitsuko khumi pa bzakukhazikirapo.⁴⁴Iye adakonza chipalato chikulu chakuchemerewa ''Nyanza'' na ng'ombe zache khumi pansi pache; ⁴⁵na miphika pomwe, bzakuolera, mapalato, na bzakutakulira bzensene. Huramu bzimwebzi adabzikonza na mkuwa wakuyetima, bza Mfumu Solomoni, pala kachisi wa Yahova.⁴⁶Mfumu idabziumbira mchigwa cha Yorodano, mmataka ya dongo pakati nakati pa Sukoti na Zaretani. ⁴⁷Solomoni alibe kupima kulemera kwa bzakuphatizirabzi thangwe pakhana bzizinji bzakuti abzipime, thangwe kulemera kwa mkuwa kungadakwanisika lini kupimika.⁴⁸Solomoni bzipanzizo bzensene bza mkachisi wa Yahova akhadabzikonza na oro: guwa la oro na meza ndiyo mkate wa chakupereka ukhaikhiwa; ⁴⁹bzakumanikira makandiyero, bzichanu mbali ya kumadidi na bzichanu mbali ya kumadzere, kutsogolo kwa subi ya mkati, pakhana oro wabwino, na maforoli, makandiyero, na mbano zikhali za oro.⁵⁰Solomoni akhadakonza pomwe makaneka, bzakuthimisira kandiyero, mapalato, malukho, na bzakupalira moto bza oro wakudeka, iye akhana bzakumangira misuwo bza oro pala subi ya mkati (yomwe ikhali mbuto yakupambulikisisa maninge), na bza misuwo ya mchimbuto chikulu cha mkachisi.⁵¹Mwakutenepo, basa lense ndilo Mfumu Solomoni adachitira nyumba ya Yahova lidamaliziwa. Ndiye mfumu solomoni adabweresa mkatimo bzinthu ndibzo bzidaikhiwa pambali pala Davide, babache, na siriva, oro, na bzipangizo, achibziikha mmasubi yakukoyera ya mnyumba ya Yahova.

8¹Ndiye Solomoni adakontcheza akukuakulu wa Isaraeli, misolomisolo yensene ya madzinza, na atsogoleri wa mabanja ya wana wa Isaraeli, pamaso pache pa iye mu Yerusalemu, kubweresa likasa la mpangano la Yahova kuchokera mu mzinda wa Davide, ndiwo, Ziyoni. ²Amuna wensene wa Isaraeli adakontchezana pamaso pa Mfumu Solomoni pa madyerero, mu mwezi wa Etanimu, omwe ni mwezi wachinomwe.³Akuluakulu wensene wa Isaraeli adabwera, apo ansembe adatakula kukwira na likasalo. ⁴Iwo adabweresa likasa la Yahova, chihema chakugumanirana, na bzinthu bzensene bzakupambulika ndibzo bzikhali mchihemamo. Ansembe na Alevi adabweresa bzinthu bzobzi kukwira nabzo. ⁵Mfumu Solomoni na mtsonkhano wense wa wana Isaraeli adabwera pabodzi pamaso pa likasa, achiphera nsembe mabira na ng'ombe zakusaya kulewengeka.⁶Ansembe adalonga likasa la chipangano cha Yahova ku mbuto kwache, kuikha msubi ya mkati mwa nyumba, ku mbuto yakupambulikisisa maninge, mfufunsi mwa maphapidwe ya akerubi. ⁷Thangwe akerubi adafuthulira maphapidwe yawo padzaulu pa mbuto ya likasa, achimpsinkha likasalo na mphiko ndizo adalitakulira. ⁸Mphikozo zikhali zitali mwakuti nsonga zache zikhaonekera na ku mbuto yakupambulika kutsogolo kwa subi ya mkati, soma ikhaonekera lini na panja. Ikadali popo kufikizana lero lino.⁹Mukhalibe chinthu mu likasamo kupambula tumeza tuwiri twa minyala ndito Mose akhadatuikha mwemo pa Horebu, nthawe ndizo Yahova adachita chipangano na wana wa Isaraeli pomwe iwo adabula mdziko la Aigupto. ¹⁰Bzidachitika kuti pomwe ansembe adabula panja pa mbuto yakupambulika, mtambo udadzala mkachisi wa Yahova. ¹¹Ansebe alibe kuima kutumikira thangwera mtamboyo, nakuti ulemerero bwa yahova budadzala nyumba yache.¹²Ndiye Solomoni adati, ''Yahova wati amkhala mu mdima wakuthonera, ¹³Soma ine ndakumangirani imwe mbuto yakukhala, mbuto yakukhala mwemo kwa muyaya.''¹⁴Ndiye mfumu idazungunuka ichidalisa mtsonkhano wense wa Isaraeli, pomwe mktsonkhano wensene wa Isaraeli utaima. ¹⁵Iye adati, ''Yahova, Mulungu wa Isaraeli, mbaalemekezeke, omwe adasewera na davide babangu, apo walikwanirisa ilo na manja yache, kulewa, ¹⁶Chiyambire nsiku ndiyo ndidabulisa wana wa Isaraeli kubula mu Aigupto, ndiribe kusankhula muyi kuchoka pa madzinza yensene ya Isaraeli kuti ndimange nyumba, pala kuti dzina langu likhale mwemo. Soma, ndidasankhula Davide kutonga wanthu wangu Aisaraeli.'¹⁷Tsapano chikhali mu mtima wa Davide babangu kumangira nyumba dzina la Yahova, Mulungu wa Isaraeli. ¹⁸Soma Yahova adati kuna Davide babangu, 'Popeza udafuna mu mtima mwako kumangira nyumba dzina langu, udachita bwino ichi kukhala mu mtima mwako. ¹⁹Soma nampodi kumanga ndiwe nyumbayo, soma, mwanako wachimuna, omwe amdzabadwa kuchoka mchiuno mwako, ndiye amdzamangira nyumba dzina langu.''²⁰Yahova wakhazikisa mafala yache adasewerayo, thangwe ndalamuka ndine nkhankha ya Davide babangu, apo ndakhala pa kadera yachifumu ya Isaraeli, ninga Yahova adalonjezera. Ndamangira nyumba dzina la Yahova, Mulungu wa Isaraeli. ²¹Ndakonzera mbuto likasa mwemo, momwe muna chipangano cha Yahova, ndicho iye adachita na abereki wathu pomwe iye adabulisa iwo mdziko la Aigupto.''²²Solomoni adakhala pamaso pa guwa la nsembe la Yahova, pamaso pa mtsonkhano wensene wa wana wa Isaraeli, achifuthulira manja yache kudzaulu. ²³Iye adati, ''Yahova, Mulungu wa Isaraeli, palibe Mulungu wakuliningana namwe kupitirira mdzaulu ayai kunsi kwa dziko lapansi, omwe wakoya chipangano na chikhulupiriro na akapolo wanu wakufamba pamaso panu na mtima wawo wense; ²⁴imwe omwe mwakoyera mtumiki wanu Davide babangu, bzombe mudamulonjeza iye. Inde, mudasewera na pakamwa panu apo mwachikwanirisadi na manja yanu, ninga bziliri lero lino.²⁵Ndipo tsapano, Yahova, Mulungu wa Isaraeli, chitani ndibzo mudalonjeza kuna mtumiki wanu Davide babangu, pomwe mudati, 'Umdzamsaya lini munthu pamaso pangu wakudzakhala pa kadera ya

chifumu ya Isaraeli, penu wa mbeu yanu amsamala kufamba pamaso pangu, ninga imwe mwafambira pamaso pangu.'

²⁶Ndipo tsapano, Mulungu wa Isaraeli, mafala yanu mbayapherezere, ndiyo mudasewera kuna mtumiki wanu Davide babangu.²⁷Soma kodi Mulungu amdzakhaladi meju pa dziko lapansi? Onani, thambo lense na kudzaulu chaiko bzachepa kukutambirani--mkuchepa kwanyi ndiko kachisi wache ndiye ine ndamanga! ²⁸Soma pirizi cheukirani pembo ili la kapolo wanu na kumbiro lakubzichepsa, Yahova Mulungu wangu; tetekerani kulira kwangu na pembo ndilo kapolo wanu akupemba pamaso panu lero lino.²⁹Msso yanu yafungukire ku kachisi uno usiku na masikati, kumbuto ndiko imwe mudati, 'Dzina langu na ine timdzakhala komweko'--- pala kudzatetekera mapembo ndiyo kapolo wanu amdzapembera ya kumbuto kuno. ³⁰Ndiye tetekerani kumbiro lakubzichepsa la kapolo wanu na wana wanu Aisaraeli tingapembera ku mbuto ino. Inde, tetekerani kuchokera kumbuto ndiko imwe mumbakhalako, kuchoka kudzaulu; apo pakutetekera, lekererani.³¹Penu munthu aniphonyera mwayache apo amfunikira kulumbira lumbiro, apo penu anibwera kudzalumbita lumbiroro pamaso pa guwa lanu lansembe mnyumba ino, ³²tetekerani kuchoka kudzauluko apo chitani chinthu. Yeruzani akapolo wanu, kutsimula wakuipayo na kumubwezera ndicho iye wachita pamsolo pache.

Lungamisani wakulungamayo na kumubwezera ninga mwa chilungamo chache.

³³Wanthu wana wanu Aisaraeli angagonjesewa na awengi thangwera kuti iwo aphonyera imwe, iwo angabwerera kuna imwe, mkutawiriza dzina lanu, mkupemba, na kupsaga udidi bwanu mkachisi uno--- ³⁴ndiye pirizi tetekerani mdzaulumo na kulekerera chakuphonya cha wana wanu Aisaraeli; abwezeni mmambuyo ku dziko ndilo mudapa abereki wawo.³⁵Kudzaulu kungafungiwa mkukhala kwakusaya mvula thangwera wanthu aphonyera imwe--- iwo angapemba pa mbuto ino, mkutawiriza dzina lanu, na kutembenuka ku bzakuphonya bzawo mutawatsautsa iwo-- ³⁶ndiye tetekerani mdzaulumo na kulekerera bzakuphonya bza akapolo wanu na wana wanu wa Isaraeli, mungawapfunzisa njira yabwino yakuti afambe. Tumizani mvula pa dziko lanu, lomwe mudapa kuna wanthu wanu ninga chakusiiriwa.³⁷Muchikhala mdziko muna njala, ayai muchikhala kuti mwagwa nthenda, kusaya mvula ayai kuwanda mvula, bziwala ayai kapuchi; ayai muchikhala kuti awengi amenya bzipata bza muyi mdziko lawo, ayai pana muliri uliwense ayai nthenda--- ³⁸apo achikhala tsono kuti mapembo na makumbiro yakubzichepsa yachitika na munthu ayai wana wense wa Isaraeli--aliyense mkuuzindikira muliririyo mumtima mwache apo iye mkufuthulira manja yache pa kachisi uno.³⁹Tsono tetekerani kuchoka kudzauluko, mbuto ndiyo imwe mumbakhala, lekererani na kuchita chinthu, na kupa mphaso kuna aliyense pa bzense ndibzo iye wabzichita; mukudziwa mtima wache, thangwe imwe apo ndimwe mwekha mumbadziwa mitima ya wanthu wensene. ⁴⁰Chitani ichi kuti iwo akugopeni nsiku zense anikhala padziko lapansi ndilo imwe mudalipa kuna abereki wathu.⁴¹Kuphatananidza, kukhudzana na mlendo omwe ni mu Isaraeli lini: Angabwera kuchoka kudziko lakutani thangwera dzina lanu-- ⁴²thangwe iwo amdzabva bza dzina lanu likululi, boko lanu la mphamvu, na boko lanu lakufuthuka--iye angabwera mkudzapemba kunyang'anisa kachisi uno, ⁴³ndiye pirizi tetekerani kuchoka kudzauluko, mbuto ndiyo imwe mumbakhala, apo chitani chirichense ndicho mlendoyo amkukumbirani. Chitani ibzi pala kuti wanthu padziko lapansi adziwe dzina lanu na kukugopani, ninga ambachitira wanthu wanu wa Isaraeli. Chitani ibzi kuti adziwe kuti nyumba ino ndamangayi yachemeriwa dzina lanu.⁴⁴Kuchikhala kuti wanthu wanu abula kuyenda kunkhondo kukalimbana na awengi, na kulikwense mumdzawatumizako, apo kuchikhala kuti iwo apemba kuna imwe, Yahova, kunyang'anisa muyi ndiwo imwe mwausankhula, na kunyan'ganisa nyumba ndiyo ndamangira dzina lanu. ⁴⁵Ndiye tetekerani kudzauluko ku pembo lawo na kumbiro lawo, na kulimbisa mlandu wawo .⁴⁶Kuchikhala kuti iwo akuphonyerani imwepo, nakuti palibe omwe ambaphonya lini, apo muchikhala kuti imwe mwakalipa nawo mkuwapereka kuna awengi, awengi wale mkuwaphata ukapolo kuyenda nawo kudziko lawo, kutali ayai pafupi. ⁴⁷Ndiye kuchikhala kuti iwo azindikira kuti ali mdziko la ukapolo, apo kuchikhala kuti iwo alapa apo mkupsaga udidi kuchoka kuna imwe kuchokera mdziko limwelo lakuwaphatalo. Kuchikhala kuti iwo ati, 'Tachita mphumbza apo taphonya. Tachita khalidwe lakuyipa.'⁴⁸Kuchikhala kuti iwo abwerera kuna imwe na mtima wawo wense na moyo wawo wense mdziko la awengi wawo omwe adawaphata iwolo, apo kuchikhala kuti iwo apemba kuna imwe kunyang'anisa dziko lawo, ndilo mudalipereka kuna abereki wawo, na kunyang'anisa muyi ndiwo imwe mudausankhula, na kunyang'anisa nyumba ndiyo ine ndamangira dzina lanu.⁴⁹Ndiye kuchokera kudzauluko, mbuto ndiyo imwe mumbakhala, tetekerani pembo lawo na kumbiro lawo la kuwathandiza iwo, na kulimbisa mulandu wawo. ⁵⁰Lekererani wanthu wanu omwe akuphonyerani, na mphumbza zense ndizo iwo akuchitirani, na kuwachitisa iwo kukhala wakubvesa nsisi pamaso pa iwo wakuwaphata ukapolowo, na kuchitisa wakuwaphatawo kuwachitira chifundo.⁵¹Iwo ni wanthu wanu na chakusiiriwa chanu, omwe mudawapulumusa kubula mu Aigupto ninga kuchoka pakati pa ng'anjo ya moto ndiyo chitsulo chimbasuliwa. ⁵²Maso yanu mbayakhale yakufunguka ku kumbiro lakubzichepsa la akapolo wanu na kuna kumbiro la wana wanu wa Isaraeli, kuwatetekera iwo angalirira imwe. ⁵³Thangwe mudawalekanisa iwo kuchoka pakati pa wanthu wensene wa dziko lapansi kukhala wanu na kutambira malonjezo yanu, ninga mudafokotozera kudzera mwa Mose mtumiki wanu, pomwe mudabulisa abereki wathu kunja kwa Aigupto, Mbuya Yahova.''⁵⁴Ndiye ikhali nthawe ndiyo Solomoni atamaliza kupemba pembo lenseneli na kumbiro la udidi kuna Yahova, iye adalamuka kuchoka pamaso pa guwa la nsembe la Yahova, kuchoka pa kugodama pa mabondo yache na manja yache kufuthula kutchatcha kudzaulu. ⁵⁵Iye adaima achidalisa mtsonkhano wensene wa Isaraeli mmafala makulu, kulewa, ⁵⁶''Yahova alemekezeke, omwe wapereka kupuma kuna wana wache wa Isaraeli, kukoya malonjezano yache yensene. Palibe neye fala libodzi latazika pa malonjezo yensene yabwino ya Yahova ndiyo iye adachita na Mose mtumiki wache.⁵⁷Yahova Mulungu wathu akhale nafe, ninga akhaliri na abereki wathu. Mbaaleke kutisiya tekha ayai kutilamwa, ⁵⁸kuti atitembenuzire mitima yathu kuna iye, kukhala mnjira zache zense na kukoya bzakutonga bzache na malangizo yache na manemba yache, ndiyo iye adatonga abereki wathu.⁵⁹Lekani mafala ndaseweraya, ndiyo ndapsaga nayo udidi bwa Yavova, yakhale pafupi na Yahova Mulungu wathu masikati na usiku, kuti alimbise mlandu wa kapolo wache na mulandu wa wana wache wa Isaraeli, ninga bzimfunikira nsiku iriyense; ⁶⁰kuti wanthu wensene wa dziko lapansi adziwe kuti Yahova, ni Mulungu, apo palibe Mulungu wina! ⁶¹Mthangwerache lekani mtima wanu ukhale wachadidi kuna yahova Mulungu watu, kufamba mmanemba yache na kukoya bzakutonga bzache, ninga pa nsiku ya lero lino.''⁶²Ndiye mfumu na a Isaraeli wensene na iyo adapereka nsembezo kuna Yahova. ⁶³Solomoni adapereka nsembe ya ufulu kuna Yahova: ng'ombe bzulu makumi mawiri na bziwiri na bzulu dzana libodzi na makumi mawiri bza mabira. Ndiye mfumu na wana wense wa Isaraeli adapereka nyumbayo ya Yahova.⁶⁴Nsiku ibodzibodziyo mfumu idapambulira pa kati nakati ya mbuto yakumweko kutsogolo kwa kachisi wa Yahova, thangwe koko iyo ikhaperekera nsembe zakupserereza, nsembe za ufa, na mafuta ya nsembe zaufulu, thangwe guwa la nsembe la mkuwa ndilo likhali pamaso pa Yahova likhali ling'ono kwene kwene kutambirira nsembe yakupserereza, nsembe za ufa, na za mafuta ya nsembe zakupserereza.⁶⁵Ndiye Solomoni adachita madyerero pa nthawe yoyo, na Aisaraeli wense pabodzi naye, mtsonkhano ukulu, kuchokera ku Lebo Hamati kufika ku mkulo wa Aigupto, pamaso pa Yahova Mulungu wathu kwa nsiku zinomwe na kwa nsiku pomwe zina zinomwe, pabodzi nsiku khumi na zinayi. ⁶⁶Pa nsiku yachisere iye adatumiza wanthu, achikadalisa mfumuyo iwo achibwerera ku mahema yawo na mitima ya chisekerero pa bzabwino bzense ndibzo Yahova adaonesera Davide, mtumiki wache, na kuna Aisaraeli, wanthu wache.

9¹Solomoni atamaliza kumanga nyumba ya Yahova na nyumba ya mfumu, apo atakwanirisa bzense ndibzo iye akhakhumba kuchita, ²Yahova adaonekera kuna Solomoni kachiwiri, ninga adamuonekerera pa Gibeoni.³Ndiye yahova adati naye, ''Ndabva pembo lako na kumbiro lako la udidi ndilo wachita pamaso pangu. Ndaikha pambali nyumba iyi, ndiyo wamangayi, kukhala yanguyangu, kuikha dzina langu mwemo kufikizana nthawe zakusaya kumala. Maso yangu na mtima wangu bzimdzakhala kumweko nthawe zense.⁴Ungakhala iwepo, ungafamba pamaso pangu ninga Davide babako adafambira mwa mtima wakulungama na wachadidi, kubvera bzense ndibzo ndakutonga iwe na kukoya manemba yangu na mayeruzo yangu, ⁵ndiye nimdzakhazikisa kadera yachifumu ya ufumu bwako pa Isaraeli ku nthawe zakusaya kumala, ninga ndidamulonjezera Davide babako, kulewa, 'Wa mbewu yako amdzatazira lini kukhala pakadera yachifumu ya Isaraeli.⁶Soma penu umtembenuka, iwepo ayai wana wako, apo neye kukoya bzakutonga bzangu na manemba yangu ndiyo ine ndaikha pamaso pako, apo ungayenda kukanamata milungu inango na kuigodamira iyo, ⁷ndiye nimdzagwesa Aisaraeli kuchoka mdziko ndilo ndawapa iwo; apo nyumba ino ndiyo ndaipambulira dzina languyi, nimdzaichosa pamaso pangu, apo Isaraeli amdzakhala chitewezo chakunyozera na chinthu chakulimulira pakati pa wanthu wense.⁸Nyumba ino imdzakahala mudwi wa mulundo, apo aliyense wakugwata pafupi amdzadabwa achidzadzuma. Iwo amdzabvunza, 'Thangweranyi Yahova wachita ibzi ku dziko lino na ku nyumba ino? ⁹Winango amdzatawira, 'Thangwe iwo adanyoza Yahova, Mulungu wawo, omwe akhadabulisa abereki wawo mdziko la Aigupto, apo iwo adaphathika ku milungu ina mkumbaigodamira pansi achimbainamata. Mthangwerache Yahova waagwesera chakuipa chensechi.'''¹⁰Bzidachitika kuphampha kwa magole makumi mawiri kuti Solomoni akhadamaliza kumanga nyumba ziwiri, nyumba ya Yahova na nyumba ya mfumu. ¹¹Tsapano Hiramu, mfumu ya ku Tiro, ikhadamuthandiza Solomoni na miti ya mikungudza na milombwa, na oro---bzense ndibzo Solomoni adakhumba--ndiye Mfumu Solomoni idapa Hiramu miyi makumi mawiri mdziko la Galileya.¹²Hiramu adabula kuchoka ku Tiro kukaona miyi ndiyo Solomoni adamupa iye, soma iribe kumudekera iye. ¹³Ndiye Hiramu adati, ''Miyi imweyi njachani ndiyo wandipa ine m'bale wangu?'' Hiramu adaichemera Dziko Lapezipezi, yomwe ikuchemerewa basi kufikizana lero lino. ¹⁴Hiramu akhadatumizira mfumu matalente dzana libodzi na makumi mawiri ya oro.¹⁵Ni thangwera basa lakungingimiza ndilo Mfumu Solomoni idakhazikisa kumanga nyumba ya Yahova na nyumba yache ya iyo, Milo, litsito la Yerusalemu, na Hazori, na Megido, na Gezeri. ¹⁶Falawo mfumu ya Aigupto ikhadayenda kukwira kukatenga Gezeri. Iyo idauotcha mkupha Akanani mmuyimo. Ndiye Falawo adapa muyiyo kuna mwanache wachikazi, mkazi wa Solomoni, ninga mpaso ya pa maloozi.¹⁷Ndiye Solomoni adamanga pomwe Gezeri na Beti Horoni Wakunyansi, ¹⁸Baalati na Tamara mchipululu mdziko la Yuda, ¹⁹na miyi yense yakukoyera ndiyo iye akhanayo, na miyi ya magareta yache na miyi ya wapakavalo wache, na chirichense ndicho iye akhakhumba kumanga cha kudekedwa kwache mu Yerusalemu, mu Lebanoni, na madziko yensene akhatonga iye.²⁰Angakhala wanthu wense ndiwo adasala wa Aamori, Ahiti, Aperezi, Ahivi, na Ayebusi, omwe akhali lini wa ku Isaraeli, ²¹wa mbeu yawo omwe adasalira mmambuyo mwawo mdzikomo, omwe wana wa Isaraeli alibe kukwanisa kumala kuwadzononga---Solomoni adawasandusa wakuphata basa lakungingimiza, omwe akalipo kufikizana lero lino.²²Soma, Solomoni alibe kusandusa wana wa Isaraeli wakuphata basa lakungingimiza. Iwo akhali anyankhondo wache, atumiki wache, anyamata wache, na akulu wache wa nkhondo wa magareta na wapakavalo wache.²³Iwo akhali pomwe akuluakulu akapitawo wakunyang'anira omwe akhali pa mabasa ya Solomoni, madzana machanu na makumi machanu wa iwo, omwe akhanyang'anira wanthu wakuphata basa.²⁴Mwana wachikazi wa Falawo adachoka ku mzinda wa Davide kuyenda kunyumba ndiyo Solomoni akhadammangira. Kinangoka, Solomoni adamanga Milo.²⁵Katatu pa gole lirilense Solomoni adapereka nsembe zakupserereza na nsembe za ufulu pa guwa la nsembe ndilo iye adamangira Yahova, kugasa bzakufukiza na iwo pa guwa la nsembe ndilo likhali pamaso pa Yahova. Ndiye iye adamaliza kachisiyo apo tsapano akhamuphatisa basa.²⁶Mfumu Solomoni adamanga bzombo bzapamadzi bzizinji ku Ezironi Geberi, omwe uli kufupi na Elati pa gombe la Nyanza Ifwira, mdziko la Edomu. ²⁷Hiramu adatumiza anyabasa ku bzombo bza pamadzi bza Solomoni, wakupakira omwe akhadazerewera nyanza, na anyabasa wache wa Solomoni. ²⁸Iwo adayenda ku Ofiri na anyabasa wa Solomoni. Kuchoka koko adabweresera Mfumu Solomoni matalente madzana manayi na makumi mawiri ya oro.

10¹Pomwe mfumukazi ya ku Seba idabva nkhani ya Solomoni kukhudzana na dzina la Yahova, idabwera kudzamuyezera iye na mabvunzo yakubvuta. ²Iyo idabwera ku Yerusalemu na m'dongolo ukulu, na ngamira zakudzala na bzakununtchira, oro mzinjitsa, na minyala mizinji yakuumira. Pomwe iyo idafika, idauza Solomoni bzense ndibzo bzikhali mumtima mwache.³Solomooni adatawira mabvunzo yache yensene. Palibe ndicho iyo idabvunza ndicho mfumuyo iribe kutawira. ⁴Pomwe mfumukazi yaku Seba idaona nzeru zense za Solomoni, mbuto ndiyo akhadamanga, ⁵chakudya pameza pache, makhalidwe ya anyabasa wache, basa la atumiki wache na kabvalidwe kawo, na wakuperekera bzinthu wache, na machitiro ndiyo iye akhaperekera nsembe zakupserereza mnyumba ya Yahova, mukhalibe pomwe mphuye mwa iye.⁶Iye adati kuna mfumu, ''Mchadidi, mbiri ndiyo ndidabva mdziko langu ya mbiri yanu na nzeru zanu. ⁷Ndiribe kukhulupirira mafalayo kufikizana kubwera kuno, apa tsapano maso yangu yaona. Neye meya yokha ikhalibe kufika kundisimbira kwawo! Mu nzeru na vida mwaposa mbiri ndiyo ndidabva.⁸Azikazanu mbakudalisisa, na wakudalisika mbaanyabasa wanu omwe ambaima nthawe zense pamaso panu, thangwe iwo ambabva nzeru zanu. ⁹Yahova Mulungu wanu alemekezeke, omwe wadekedwa namwe, omwe adakuikhani imwe pakadera yachifumu ya Isaraeli. Thangwe Yahova adakonda Isaraeli ku nthawe zamuyaya, iye waikha imwe kukhala mfumu, kuti muchite udidi na chilungamo!''¹⁰Iye adapa mfumuyo matalente dzana libodzi na makumi mawiri ya oro na bzakununtchira bzizinji na minyala yakuumira. Palibe kuwanda kwa bzinthu bzakununtchira ninga ibzi ndibzo mfumukazi ya ku Seba idapa Mfumu Solomoni ndibzo bzidaperekewa pomwe kuna iye.¹¹Bzombo bza mmadzi bza Hiramu, bzombe bzidabweresa oro kuchokera ku Ofiri, bzidabweresa pomwe kuchoka ku Ofiri miti mizinji ya m'bawa na tuminyala twakuumira. ¹²Mfumu idatsema miti ya m'bawa kukhala nsandamira za nyumba ya Yahova na za nyumba ya mfumu, na azeze na bzisakasa bza wakuyimbawo. Palibe kudeka kwa miti ya m'bawa ndiyo idabwera kale ayai kuoneka pomwe kufikizana lero lino.¹³Mfumu Solomoni idapa mfumu ya ku Seba chirichense ndicho iyo ikhafuna, chirichense idakumbiracho, kuphatanidza na ndibzo Solomoni adaipa mwa ufulu bwache. Ndiye iyo idabwerera ku dziko lache na wakutumikira wache.¹⁴Tsapano kulemera kwa oro ndiye adafika kuna Solomoni pa gole libodzilo akhali matalente madzana matanthatu na makumi matanthatu na matanthatu, ¹⁵pambali pa oro ndiye wamalonda wakufambafamba na wamalonda winango akhabweresa. Mafumu yensene ya ku Araba na akazembe mdzikomo akhabweresa pomwe oro na siriva kuna Solomoni.¹⁶Mfumu Solomoni idakonza bzakukhotchera bzikulu bzakukwana madzana mawiri bza oro wakunsansantha. Masekeri madzana matanthatu ya oro yadapita mchakukhotchera chirichense. ¹⁷Iye adakonza pomwe bzakukhotchera madzana matatu bza oro wakusansantha. Mphimo zitatu za oro zidapita kukonzera chakukhotchera chirichense; mfumu idabziikha ibzo Mnyumba ya mfumu mu nkhalango ya Lebano.¹⁸Ndiye mfumu idakonza kadera ikulu yachifumu ya nyanga za nzowu mkuinyatika na oro wakusungunula. ¹⁹Pakhana nsikada zitanthatu kufika pakadera yachifumuyo, apo kumbuyo kwache ikhali yabulungire padzaulu. Pakhana pakuyadzamirisa manja mbali zense za kaderayo, na mphondolo ziwiri zitaima kuzungulira pakuyadzamirisa manjapo. ²⁰Mphondolo khumi na ziwiri zitaima pa nsikadapo, ibodzi uku ina uku pa iriyense ya nsikada zitanthatuzo. Pakhanati kukhala kale kadera yachifumu ninga imweyi mu ufumu bwinango.²¹Makaneka yensene yakumwera Mfumu Solomoni yakhali ya oro, na makaneka yensene yakumwera Mnyumba yachifumu ya Mnkhalango ya Lebano yakhali ya oro wakudeka chaiye. Pakhalibe ya siriva, thangwe siriva akhalewengewa lini wakuumira mu nsiku za Solomoni. ²²Mfumu ikhana bzombo bzakufamba pa nyanza bza Tarsisi, pabodzi na bzombo bza Hiramu. Kabodzi pa magole matatu yaliyense bzombobzo bzikhabweresa oro, siriva, manyanga ya nzowu, na mbalame za bzitsukwa zitalizitali za mabangamabanga na apusi.²³Ndiye Mfumu Solomoni idaposa mafumu yensene ya dziko lapansi mu vida na mu nzeru. ²⁴Dziko lense lapansi likhapsaga kuonekera kwa Solomoni pala kubva nzeru zache, zomwe Mulungu akhadaziikha mu mtima mwache. ²⁵Iwo wakumuchezesa akhabweresa mpfupo, bzakutengera bza siriva na bza oro, na bzakubvala, bzakubvala bzachitsulo, na bzakununtchira, na akavalo na nguru, gole na gole.²⁶Solomoni adagwezeka pabodzi magareta na wapakavalo. Iye akhana magareta chulu chibodzi na madzana manayi na wapakavalo bzulu khumi na bziwiri omwe adawaikha mmiyi ya magareta na iye yekha mu Yerusalemu. ²⁷Mfumu ikhana siriva mu Yerusalemu, kuwanda kwache ninga minyala ya pansi. Iye adachita kuti miti ya mikungudza ikhale yakuwanda ninga miti yamkuyu ya mmaphompho.²⁸Akavalo wa Solomoni akhachokera ku Aigupto, na ku Kue apo wamalonda wa mfumu akhambayagula kuchokera ku Kue. ²⁹Magareta yakhabwera kukwira kuchoka ku Aigupto lirirense masekere madzana matanthatu ya siriva, na akavalo m'bodzi masekere dzana libodzi na makumi machanu. Mazinji ya iyoya kinangoko yakhagulisiwa kuna mafumu yensene ya Ahiti na Aramu.

11¹Tsapano Mfumu Solomoni idakonda akazi azinji wachilendo kuphatanidza mwana wachikazi wa Falawo--akazi wa Amoabu, Amoni, Aedomu, Azidoni, na Ahiti. ²Iwo akhali wakuchokera mmadzinza ndiyo Yahova adati kuna wana wa Isaraeli, 'Mumdzayenda lini kuna iwo kukawaloola, ayai iwo kubwera pakati panu, thangwe iwo meju amdzatembenuzira mitima yanu ku milungu yawo.'' Napo chitongichi chikhalipo, Solomoni adangingimira basi akaziwa kuwakonda.³Solomoni akhana akazi madzana manomwe, wana wachikazi wa mafumu, na amakhadzi madzana matatu. Akazachewo adatembenuza mtima wache. ⁴Thangwe pomwe Solomoni adakalamba akazachewo adatembenuzira mtima wache kutewera milungu ina; mtima wache ulibe kubzipereka pomwe kwamtero kuna Yahova Mulungu wache, ninga ukhaliri mtima wa Davide babache.⁵Nakuti Solomoni adatewera Asitoreti, mulungu wachikazi wa Azidoni, apo iye adatewera Moleki, chilinganiro chakutsema chakunyansisisa cha Aamoni. ⁶Solomoni adachita bzakuipa pamaso pa Yahova; iye alibe kutewera kwamtero Yahova ninga Davide babache akhadachitira.⁷Ndiye Solomoni adamanga mbuto yakupambulika ya Kemosi, chilinganiro chakutsema chakunyansisisa cha Amoabu, pa phiri kumachibese kwa Yerusalemu, na ya Moleki, chilinganiro chakunyansisisa cha wanthu wa Amoni. ⁸Iye adamanga pomwe mbuto yakupambulika ya akazi wensene wachilendo, omwe akhafukizira achiphera nsembe milungu yawo pa iwo.⁹Yahova adakalipa naye Solomoni thangwe mtima wache udatembenuka kulamba iye, Mulungu wa Isaraeli, napo adaonekera kuna iye kawiri ¹⁰achimtonga pa chinthu chochi, kuti iye nampodi adzatewere milungu ina. Soma Solomoni alibe kubvera ndibzo Yahova adatonga.¹¹Ndiye Yahova adati kuna Solomoni, ''Thangwera wachita ichi apo ulibe kukoya mpangano na manemba ndiyo ndakutonga iwe, nimdzagwesa chadidi ufumu kuchoka kuna iwe mkubupereka kuna mtumiki wako. ¹²Tsono, thangwera Davide babako, nimdzachita lini mu nthawe ya moyo wako, soma nimdzaugwesa kuchoka mmanja mwa mwanako. ¹³Soma nimdzagwesa lini ufumu bwense; nimdzapereka dzinza libodzi kuna mwanako thangwera Davide mtumiki wangu, na thangwera Yerusalemu, omwe ine ndamusankhula.''¹⁴Ndiye Yahova adalamusira Solomoni muwengi, Hadadi wa ku Edomu. Iye akhali wakubanja lachifumu la ku Edomu. ¹⁵Pomwe Davide akhali mu Edomu, Yoabu kapitawo wa anyankhondo akhadakwira kuyenda kukafuchira wakufa, munthu aliyense omwe akhadaphiwa mu Edomu. ¹⁶Yoabu na Aisaraeli wensene adasalira koko miyezi mitanthatu kufikizana atapha mwamuna aliyense mu Edomu. ¹⁷Soma Hadadi adathawira ku Aigupto na wanthu wina wa ku Edomu, akapolo wa babache, pomwe Hadadi akali mwana.¹⁸Iwo adachoka ku Midyani achibwera ku Parani, komwe iwo adatenga amuna pabodzi nawo kuyenda ku Aigupto, kuyenda kuna Falawo mfumu ya Aigupto, omwe adampa iye nyumba na dziko na chakudya. ¹⁹Hadadi adagumana udidi pamaso pa Falawo, mwakuti Falawo adampa iye mkazi, nana wache wa mkazache, nana wache wa Takipenesi mfumukaziyo.²⁰Nana wache wa Takipenesi adam'balira Hadadi mwana wachimuna. Iwo adampa dzina Genubati. Takipenesi adamkuza iye mnyumba yachifumu ya Falawo. Ndiye Genubati adakhala mnyumba yachifumu ya Falawo pakati pa wana wa Falawo. ²¹Pomwe iye akhali mu Aigupto, Hadadi adabva kuti Davide adagona pansi na abereki wache na kuti Yoabu kapitawo wa anyankhondo adafa, Hadadi adati kuna Falawo, ''Ndilekeni ndinyamuke, kuti ndiyende ku dziko la kwathu.'' ²²Ndiye Falawo adati kuna iye, ''Soma ukhasaya chani na ine, kuti iwe tsapano ufune bzakuyenda ku dziko la kwanu?'' Hadadi adatawira, ''Palibe chinthu. Pirizi ndilekeni nimbayende.''²³Mulungu adalamusira Solomoni muwengi wina, Rezoni mwana wachimuna wa Eliyada, omwe akhadathawa mbuyache Hadadezere mfumu ya Zoba. ²⁴Rezoni adabzigwezekera yekha wanthu achikhala kapitawo wa thimu la nkhondo pomwe Davide adapha wanthu wa mu Zoba. Amuna wa Rezoni adayenda ku Damasiko achikakhala koko, apo Rezoni adatonga Damasiko. ²⁵Iye akhali muwengi wa Isaraeli nsiku zensene za Solomoni, kuthimizira pa matsautso ndiyo Hadadi adachita. Rezoni adaipira Aisaraeli achitonga a Aramu.²⁶Ndiye Yeroboamu mwana wachimuna wa Nebati, wa ku Efrati wa Zereda, kapolo wa Solomoni, omwe dzina la mayi wache akhali Zeruwa, mkazi wamasiye, adalamusira pomwe boko lache pa mfumuyo. ²⁷Iye adalamusira boko lache pa mfumu thangwe Solomoni akhadamanga mbuto pa Milo achikonzesa pakugumuka pa litsito la muyi wa Davide babache.²⁸Yerobiamu akhali munthu wa machitachita ya mphamvu. Solomoni adaona kuti mnyamatayo akhali wakachangu, ndiye adamuikha iye kunyang'anira basa lensene mnyumba ya Yosefe. ²⁹Pa nthawe yoyo, pomwe Yerobiamu adayenda kunja kwa Yerusalemu, mneneri Ahija wa ku Siloni adamgumana iye pa msewu. Tsapano Ahiya akhadabvala bzakubvala bzipsa apo amuna awiriwo akhali okhaokha kuthengo. ³⁰Ndiye Ahiya adaphata chakubvala chipsacho pa thupi pache achichiphadzula mmapidaso khumi na mawiri.³¹Iye adati kuna Yerobiamu, ''Tenga mapidaso khumi, pala Yahova, Mulungu wa Isaraeli, wati, 'Ona, nimdzang'amba ufumu kuchoka mmanja mwa Solomoni ndichidzapa madzinza khumi kuna iwe ³²(soma Solomoni amdzakhala na dzinza libodzi, pala mtumiki wangu Davide na pala Yerusalemu--- mzinda ndiwo ine ndausankhula pa madzinza yensene ya Isaraeli), ³³thangwe iwo andilamba ine achinamata Asitoreti mulungu wachikazi wa Asidoniya, Kemosi mulungu wa a Moabu, na Moleki mulungu wa wanthu wa Amoni. Iwo alibe kufamba mnjira zangu, kuchita bzakulungama pamaso pangu, na kukoya manemba yangu na mayeruzo yangu, ninga adachitira Davide babache.³⁴Nimtenga lini ufumu bwensene kuchoka mmanja mwa Solomoni. Ndamuikha iye kukhala mtongi nsiku zense za moyo wache, pala Davide mtumiki wangu omwe ndidamusankhula, omwe adakoya bzakutonga bzangu na manemba yangu. ³⁵Soma nimdzatenga ufumu kuchoka mmanja mwa mwanache ndichidzabupereka kuna iwe, madzinza khumi. ³⁶Nimdzapa dzinza libodzi kuna mwana wachimuna wa Solomoni, pala kuti Davide mtumiki wangu akhale basi na kandiyero pamaso pangu mu Yerusalemu, mzinda ndiwo ndausankhula kuikha dzina langu.³⁷Nimdzakutenga iwe, uchidzatonga kukwanirisa bzense ndibzo ukufuna, apo umdzakhala mfumu ya Isaraeli. ³⁸Penu umtetekera bzense ndibzo nimkuuza iwe, na penu umfamba mnjira zangu na kuchita bzakulungama pamaso pangu, kukoya manemba yangu na bzakutonga bzangu, ninga Davide mtumiki wangu adachitira, ndiye nimdzakhala nawe ndichidzakumangira iwe nyumba ya chadidi, ninga ndidamangira Davide, na kukupa iwe Isaraeli. ³⁹Nimdzalanga wambewu ya Davide, soma sikuti kwamuyaya.'''⁴⁰Ndiye Solomoni adayezera kupha Yerobiamu. Soma Yerobiamu adalamuka achithawira ku Aigupto, kuyenda kuna Sisaki mfumu ya Aigupto, apo iye adakhala mu Aigupto kufikizana imfa ya Solomoni.⁴¹Zingakhala nkhani zina zakuguma Solomoni, bzense ndibzo iye adachita na nzeru zache, kodi bziribe kunembiwa m'bukhu la mbiri ya Solomoni? ⁴²Solomoni adatonga mu Yerusalemu Isaraeli wense kwa magole makumi manayi. ⁴³Iye adagona na abereki wache achifuchiriwa mu mzinda wa Davide babache. Rehoboamu mwanache wachimuna adakhala mfumu nkhankha ya iye.

12¹Rehobiamu adayenda ku Sekemu, nakuti Aisaraeli wensene akhabwera ku Sekemuko kudzamuikha iye mfumu. ²Bzidachitika kuti Yerobiamu mwana wachimuna wa Nebati adabva bzobzi (nakuti iye akhali mu Aigupto basi, momwe akhadathawira kuchoka pamaso pa Mfumu Solomoni), thangwe Yerobiamu akhadakhazikika mwemo mu Aigupto.³Ndiye iwo adamuchemeresa iye, apo Yerobiamu na mtsonkhano wensene wa Aisaraeli adabwera kudzati kuna Rehobiamu, ⁴''Babako adatiikhira chigologolo chakulemera. Tsapano upepuse basa lakuwawa la babako na kupepusa chigologolo chakulemera ndicho iwo akhadatiikhira ife, apo timdzakutumikira.'' ⁵Rehobiamu adati kuna iwo, ''Ndokoni mukamale nsiku zitatu kinangoko mukabwerere kuna ine.'' Ndiye wanthuwo adayendadi.⁶Mfumu Rehobiamu idachemeresa amuna akulu omwe akhadaima pamaso pa Solomoni babache pomwe iwo akhana moyo, apo iyo idati, ''Mumndilangiza tani kuwatawira kwache wanthuwa?'' ⁷Iwo adalewa kuna iyo achiti, ''Mungakhala kapolo lero lino wa wanthuwa mkuwatumikira, ndiye kuti iwo amdzakhala akapolo wanu nthawe zense.⁸Soma Rehobiamu adalamba langizo ndilo amuna akuluwo adamuuza iye apo adachemeresa maswaka yomwe yadakula naye pabodzi achiima pamaso pache. ⁹Iye adati kuna iwo, ''Mungandipe langizo lanyi kuti ndiwatawire wanthu omwe adalewa kuna ine kuti, 'Pepusa chigologolo ndicho babako adatiikhira ife'?''¹⁰Maswaka yomwe yadakula na Rehobiamu yadamuuza iye, kuti, ''Lewani na wanthu omwe adakuuzani kuti babanu Solomoni adalemeresa chigologolo chawo soma imwe muchipepuse. Mulewe kuna iwo, 'Chala changu cha kanintche mchikulu kuposa mchiuno mwa babangu. ¹¹Ndiye tsapano, napo babangu adakuikhani imwe pa ngwete na chigologolo chakulemera, ine nimdzathimizira pa chigologolo chanu. Babangu adakulangani na mitchamu, soma ine nimdzakulangani na mphiriri.''¹²Ndiye Yerobiamu na wanthu wensene adabwera kuna Rehobiamu pa nsiku yachitatu, ninga mfumu idawalangizira pomwe idati. ''Kabwereni kuna ine nsiku yachitatu.'' ¹³Mfumu idawatawira wanthuwo mwakukalipa ichilamba langizo la amuna akulu ndilo iwo akhadaipa iyo. ¹⁴Iyo idalewa kuna iwo kuteweza langizo la maswaka; iyo idati, ''Babangu adakuikhani pa ngwete na chigologolo chakulemera, soma ine nimdzathimizira chigologolo chanucho. Babangu akhakulangani na mitchamu, soma ine nimdzakulangani na mphiriri.''¹⁵Ndiye mfumu iribe kubvera wanthuwo, thangwe kuchinja uku kukhachokera kuna Yahova, kuti iye atakule mafala yache ndiyo iye akhadasewera kudzera mwa Ahiya wa ku Silo kuna Yerobiamu mwana wachimuna wa Nebati.¹⁶Pomwe Aisaraeli wensene adaona kuti mfumu iribe kuwabvera, wanthuwo adaitawira kuti, ''Tiri naye chani Davide? Tiribe chakusiyiriwa mwa mwana wachimuna wa Jese! Ndokoni kumuyi kwanu, Aisaraeli. Tsapano nyang'anira nyumba yako wekha, Davide.'' Ndiye Aisaraeli adabwerera mmiyi mwawo. ¹⁷Soma angakhala wana wa Isaraeli omwe akhakhala mmiyi ya Yuda, Rehobiamu adakhala mfumu yawo.¹⁸Ndiye mfumu Rehobiamu adatuma Adoramu, omwe akhanyang'anira anyabasa wakungingimiza, soma AIsaraeli wensene adamuboma iye na minyala mkumupha. Mfumu Rehobiamu idathawa kamkulumize mgareta lache kuyenda ku Yerusalemu. ¹⁹Ndiye Aisareli adakhala mwakupokana na nyumba ya Davide kufikizana lero lino.²⁰Bzidachitika kuti pomwe Aisaraeli wensene adabva kuti Yerobiamu wabwerera, adatuma mtumi kumuchemeresa iye ku mtsonkhano wawo achimuikha iye mfumu ya Isaraeli. Palibe omwe adatewera banja la Davide, kupambula dzinza la Yuda lokha.²¹Pomwe Rehobiamu adafika ku Yerusalemu, adagwezeka nyumba yense ya Yuda na dzinza la Benjamini; pakhana bzulu dzana na makumi masere, amuna wakusankhuliwa omwe akhali anyankhondo, kumenyana na nyumba ya Isaraeli, kubwezeresa ufumu kuna Rehobiamu mwana wachimuna wa Solomoni.²²Soma mafala ya Mulungu yadabwera kuna Semaya, mneneri wa Mulugnu; iyo yadati, ²³''Lewa kuna Yehobiamu mwana wa Solomoni, mfumu ya Yuda, kuna nyumba yensene ya Yuda na Benjamini, na kuna wanthu wensene wakusalira; lewa, ²⁴'Yahova wati tere: Nampodi kumenya ayai kumenyana na abale wako wana wa Isaraeli. Munthu aliyense abwerere kumuyi kwache, thangwe chinthuchi chakonzewa kuchitika na ine.''' Ndiye iwo adatetekera mafala ya Yahova achibwerera mmambuyo kuyenda njira zawo, apo iwo adabvera mafala yache.²⁵Ndiye Yerobiamu adamanga Sekemu mdziko la mapiri la Efraimu, achikhala mwemo. Iye adabula kuchoka mwemo achikamanga Penueli. ²⁶Yerobiamu adakumbuka mu mtima mwache, ''Tsapano ufumu bumdzabwerera ku nyumba ya Davide. ²⁷Wanthuwa angadzakwira kukapereka nsembe mkachisi wa Yahova mu Yerusalemu, ndiye mtima wa wanthuwa umdzatembenukira pomwe kuna mbuyawo, kuna Rehobiamu mfumu ya Yuda. Amdzandipha amwewa achibwerera kuna Rehobiamu mfumu ya Yuda.''²⁸Ndiye mfumu Yerobiamu idapsaga langizo ichikonza wana wa ng'ombe awiri wa oro; iye adati kuna wanthu, ''Bzalemwa kuti iwe ukwire kuyenda ku Yerusalemu. Ona, milungu yako iyi, Isaraeli, omwe adakubulisa kukwira kuchoka mdziko la Aigupto.'' ²⁹Iye adaikha m'bodzi mu Beteli na winango mu Dani. ³⁰Ndiye mchitidwe uyu udasanduka chakuphonya. Wanthu akhayenda kuna winayo ayai kuna winangoyo, kuyenderatu ku Dani.³¹Yerobiamu adakonza nyumba ya mbuto yakulemekezeka achiyikha pomwe ansembe pakati pa wanthu wensene, omwe akhali lini pakati pa wana wa Levi. ³²Yerobiamu adaikha madyerero mwezi wachisere, pa nsiku yachikhumi na chichanu ya mweziyo, ninga madyerero ndiyo yali mu Yuda, achikwira kuyenda pa guwa la nsembe. Iye adachita tenepo pa Beteli, kupereka nsembe wana wa ng'ombe ndiwo iye akhadawakonza, achiyikha mu Beteri ansembe wa mbuto zakupambulika akhadamangazo.³³Yerobiamu adakwira kuyenda pa guwa la nsembe ndilo iye akhadakonza mu Beteri pa nsiku yachikhumi na chichanu ya mwezi wachisere, mwezi omwe iye akhadakonza mu mtima mwache; iye adakonzera madyerero wana wa Isaraeli achikwira kuyenda pa guwa la nsembe kukafukiza bzakununtchira.

13¹Mneneri wa Mulungu adabula mu Yuda na mafala ya Yahova kuyenda ku Beteli. Yerobiamu akhadaima pambali pa guwa la nsembe kufukiza bzakununtchira. ²Iye adatemberera guwa lansembe na mafala ya Yahova: ''Guwa, guwa! Ibzi ndibzo Yahova wati, 'Ona, mwana wakuchemeriwa Yosiya amdzabadwa ku banja la Davide, apo pa iwe iye amdzapereka ansembe wa mbuto zakupambulika omwe lero lino akufukiza bzakununtchira pa iwe. Pa iwe amdzaotcha mafupa ya munthu.''' ³Ndiye mneneri wa Mulungu adapereka chilatizo nsiku yoyo, kulewa, ''Ichi mchilatizo kuti Yahova waseweradi: 'Onani, guwa la nsembe limdzagawanika pakati, apo dotha popo limdzakhuthuka.'''⁴Pomwe mfumu idabva ndibzo mneneri wa Mulungu adalewa, kuti iye adatemberera guwa la nsembe pa Beteri, Yerobiamu adapalawiza boko lache kuchoka pa guwapo, kulewa, ''Muphateni umweyo,'' Ndiye boko lache lomwe adapalawizira munthulo lidauma, mwakuti alibe kukwanisa kulifunyira mmambuyo kuna iye. ⁵(Guwa la nsembelo lidagawanika pomwe pakati apo dotha lidakhuthuka kuchoka pa guwapo, ninga bzidalewedwera na chilatizo ndicho mneneri wa Mulungu akhadapereka na mafala ya Yahova.)⁶Mfumu Yerobiamu idatawira ichiti kuna munthu wa Mulungu, ''Kumbirani udidi bwa Yahova Mulungu wanu na kundipembera ine, kuti boko languli libwezeresiwe pomwe kuna ine.'' ndiye munthu wa Mulunguyo adapemba kuna Yahova, apo boko la mfumuyo lidabwerera pomwe m'buto mwache, lichikhala ninga likhaliri pakutoma. ⁷Mfumu idati kuna munthu wa Mulungu, ''Bwera kumuyi kwangu udzapume, apo nimdzakupa mpfupo.''⁸Munthu wa Mulunguyo adati kuna mfumu, ''Napo muchichita kundipa meya ya vida yanu, niniyenda lini namwe, ayai kudya namwe chakudya pinango kumwa madzi pa mbuto ino, ⁹thangwe Yahova ndiye adanditonga na mafala yache, 'Umdzadya lini mkate ayai kumwa madzi, pinango kubwerera na njira ndiyo udabwera nayo.'' ¹⁰Ndiye munthu wa Mulungu adachoka na njira ina apo alibe kubwerera kumuyi kwache na njira ndiyo iye adafikira nayo ku Beteli.¹¹Tsapano pakhana mneneri wakukalamba m'Beteli, apo m'bodzi wa wanache wachimuna adabwera kudzamuuza iye bzinthu bzensene ndibzo munthu wa Mulungu akhadachita nsiku yoyo mu Beteli. Wanache wachimunawo adamuuza pomwe iye mafala ndiyo munthu wa Muluguyo adauza mfumuyo. ¹²Babawoyo adati kuna iwo, ''Iye wayendera njira iponi?'' Tsapano wanachewo akhadaona njira ndiyo munthu wa Mulungu ule wa ku Yuda akhadayendera. ¹³Ndiye iye adati kuna wanachewo, ''Ndiyikhireni chakukhalira pa bulu.'' Ndiye iwo adaikha chakukhalira pa bulu apo iye adapakira popo.¹⁴Mneneri wakukalambayo adatewera Munthu wa Mulunguyo achikamugumana atakhala patsinde pa muti wa thundu; apo iye adati kuna iye, ''Kodi ndiwe munthu wa Mulungu omwe ukhadabwera ku Yuda?'' Iye adatawira, ''Ndine inde.'' ¹⁵Ndiye mneneri wakukalambayo adati kuna iye, ''Tiye kumuyi kwangu ukadye chakudya.'' ¹⁶Munthu wa Mulunguyo adatawira, '' Ningabwerere lini namwe ayai kuyenda namwe pinango kudya chakudya, neye kumwa namwe madzi mbuto ino, ¹⁷thangwe ndidatongewa na mafala ya Yahova, 'Umdzadya lini chakudya, ayai kumwa madzi koko, neye kubwerera na njira udafikira nayoyo.'''¹⁸Ndiye mneneri wakukalambayo adati kuna iye, ''Ndinembo mneneri ninga ulirimu, apo mnjero wasewera nande na mafala ya Yahova, kulewa, 'M'bweze mnyumba mwako, kuti akadye chakudya na kumwa madzi.''' Soma iye akhanamiza munthu wa Mulunguyo. ¹⁹Ndiye munthu wa Mulunguyo adabwereradi na mneneri wakukalambayo achikadya chakudya mnyumba mwache na kumwa madzi.²⁰Pomwe iwo atakhala pa meza, mafala ya Yahova yadabwera kuna mneneri omwe adakamubwezayo, ²¹apo iye adakuwira munthu wa Mulungu wa ku Yudayo, kulewa, ''Yahova wati, ''Thangwe ulibe kubvera mafala ya Yahova apo ulibe kukoya chitongi ndicho Yahova Mulungu wako adakupa, ²²soma wabwerera mkukadya chakudya na kumwa madzi m'buto ndiyo Yahova adakuuza nampodi kudzadya chakudya na kumwa madzi, zjai thupi lako limdzafuchiriwa lini mthenje la abereki wako.'''²³Iye atamala kudya chakudya na kumala kumwa, mneneriyo adatchobva bulu wa munthu wa Mulunguyo, munthu omwe akhadabwerera nayeyo. ²⁴Munthu wa Mulunguyo atayenda, adagumana na mphondolo panjira ichimupha, apo thupi lache lidagona panjira. Ndiye bulu ule adaima pambali pache, na mphondolo idaimambo pambali pa thupilo. ²⁵Pomwe wanthu adagwata pafupi achiona thupi litagona pa msewu, na mphondolo kuima pambali pa thupilo, adabwera kudzauza wanthu mmuyi ndiwo mneneri wakukalambayo akhakhala.²⁶Pomwe mneneri omwe adakamubweza kunjira ule atabva, adati, ''Ni munthu wa Mulungu umweyo omwe alibe kubvera mafala ya Yahova, Mthangwerache Yahova adampereka iye kuna mphondolo, yomwe idamukhadzula ichimupha, ninga ndimo mafala ya Yahova yakhadamchenjezera.'' ²⁷Ndiye mneneri wakukalambayo adalewa kuna wanache wachimuna, kuti, ''Tchobvani bulu wanguyu,'' apo iwo adamutchobva. ²⁸Iye adayenda achikagumana thupi mu msewu, na bulu na mphondolo bzitaima pambali pa thupilo. Mphondoloyo ikhalibe kudya thupilo, ayai kuzomola buluyo.²⁹Mneneriyo adadzusa thupi la munthu wa Mulunguyo, mkulimanika pa bulu, achibwerera nalo mmambuyo. Iye adabwera mmuyi mwache kudzalira nkhawa na kumuikha iye. ³⁰Iye adaikha thupilo mthenje lache la iye, apo iwo achimulira iye, kuti, ''Tsoka, m'bale wangu!''³¹Ndiye iye atamuikha, mneneri wakukukalambayo adauza wanache wachimuna, kuti, ''Ningadzafa, mudzandiyikhe mnthenje ndilo munthu wa Mulunguyu wayikhiwa. Dzaikheni mafupa yangu pafupi na mafupa yache. ³²Thangwe mafala ndiyo iye adalewa kuteweza mafala ya Yahova, kutemberera guwa la nsembe mu Beteli na kutemberera nyumba zensene pa mbuto zakupambulika mmiyi ya Samariya, mejubzimdzachitika''³³Pambuyo pa ichi Yerobiamu alibe kulekeza njira yache yakuipa, soma kupitiriza basi kumbaikha aneneri wa pezipezi pa mbuto zakupambulika kuchoka pakati pa wanthu wakusiyanasiyana. Aliyense wakutumikira akhamuikha kukhala wansembe. ³⁴Nkhani imweyi idasanduka chakuphonya ku banja la Yerobiamu ichisandusa banja lache kudzonongeka na kugwatika pamaso pa dziko lapansi.

14¹Pa nthawe yoyo Abiya mwana wachimuna wa Yerobiamu adadwala kwene kwene. ²Yerobiamu adati kuna mkazache, ''Pirizi lamuka mwakunamizira iwe wekha, pala luti nampodi uzindikirike ninga mkazangu, apo uyende ku Silo, thangwe Ahiya mneneri ali koko; iye ndiye adalewa bza ine, kulewa kuti nimdzakhala mfumu ya wanthuwa. ³Takula pabodzi nawe mitanda khumi ya mkate, na keke, na chikasi cha uchi, apo uyende kuna Ahiya. Iye amkakuuza ndicho chimchitika kuna mwanayu.''⁴Mkazi wa Yerobiamu adachita tenepoyo; iye adanyamukadi achiyenda ku Silo mkukafika pa nyumba ya Ahiya. Tsapano Ahiya akhaona lini; adaleka kuona kwache thangwera kukalamba. ⁵Yahova adati kuna Ahiya, ''Ona, mkazi wa Yerobiamu akubwera kudzapsaga langizo kuchoka kuna iwepo bza mwanache wachimuna, nakuti iye akudwala. Lewa mwakuti mwakuti kuna iye, thangwe iye angabwera, amdzanamizira ninga ni mkazi winangombo.''⁶Pomwe Ahiya adabva mjintchi wa nzayo zache pomwe iye akhabwera pamsuwo, iye adati, ''Pita muno, mkazi wa Yerobiamu. Thangweranyi ukunamizira ninga winango omwe ndiye lini? Ndatumiziwa kuna iwe na mafala yakulasa. ⁷Ndoko, ukauze Yerobiamu kuti Yahova, Mulungu wa Isaraeli, wati, 'Ndidakulamusa iwepo kuchoka pampikiti pa wanthu kukuikha iwe mfumu ya wana wangu wa Isaraeli. ⁸Ndidagwesa ufumu kuchoka ku banja la Davide mkukupa iwe, soma iwe ulibe kukhala ninga mtumiki wangu Davide, omwe adakoya bzakutonga bzangu na kubzitewera na mtima wache wensene, kuchita bzakudeka bzokha bzokha mmaso mwangu.⁹Soma, wachita chakuipa, kuposa wensene omwe akhalipo kalekale. Wakonza milungu ina, uchikonza mafano yakusula kundikalipisa ine, na kunditaya ine kumbuyo kwako. ¹⁰Tsono, ona, nimdzabweresa tsoka pa nyumba ya Yerobiamu; nimdzatsenga mwana wachimuna aliyense mu Isaraeli, kapolo ayai mfulu, na kudzapfudziratu nyumba ya Yerobiamu ninga wina omwe ambatentha ndowe kufikizana kunyefuka.¹¹Aliyense wa Yerobiamu omwe anifa mmuyimu amdzadyewa na mbwaya, na aliyense wakufera mthengo amdzadyewa na mbalame za mdzaulu, thangwe ine, Yahova, ndatenepo.' ¹²Ndiye lamuka, mkazi wa Yerobiamu, apo ubwerere kumuyi kwako; pomwe nzayo zako zimkapita mmuyimo, mwana wachimuna wa Ahiya amkafa. ¹³AIsaraeli wensene amdzamulira iye nkhawa mkumufuchira. Iye ni m'bodzi yekhayo wakuchoka ku banja la Yerobiamu omwe amdzayenda kuthenje, thangwe ndiye yekha, pa wakunyumba yense ya Yerobiamu, akhali wabwino kugumanika mmaso mwa Yahova, Mulungu wa isaraeli.¹⁴Bwereze Yahova amdzalamusa mfumu ya Isaraeli yomwe imdzagwesa banja la Yerobiamu pa nsiku yoyo. Lero lino ni nsiku yoyo, tsapanopa lino. ¹⁵Thangwe Yahoha amdzamenya Isaraeli ninga mtete umbatekenyekera mmadzi, achidzazula Israeli kuchoka mdziko labwinoli ndilo iye adapa kuna abereki wawo. Iye amdzabalalisa iwo kuyambuka Mkulo wa Firate, thangwe akonza miti yawo ya Asera kukalipisa Yahova. ¹⁶Iye amdzataya Isaraeli thangwera bzakuphonya bza Yerobiamu, bzakuphonya ndibzo iye wachita, na ndibzo iye watsogolera nabzo Isaraeli kukaphonya.''¹⁷Ndiye mkazi wa Yerobiamu adanyamuka, achibwera ku Tiriza. Pomwe iye adapita pa chiguwa cha nyumba yache, mwanayo adamalizika. ¹⁸Aisaraeli wensene adamufuchira iye achimulira nkhawa, ninga adauziwira na mafala ya Yahova ndiyo iye adasewera mwa mtumiki wache Ahiya mneneri.¹⁹Zingakhala nkani zinango zakuguma Yerobiamu, ndimo iye adachitira nkhondo na ndimo adatongera, onani, bzidanembiwa m'bukhu la mbiri ya mafumu ya Isaraeli. ²⁰Yerobiamu adatonga magole makumi mawiri na mawiri apo kinangoko adagona na abereki wache, apo Nadabu mwanache wachimuna adakhala mfumu nkhankha ya iye.²¹Tsapano Rehobiamu mwana wachimuna wa Solomoni akhatonga mu Yuda. Rehobiamu akhana magole makumi manayi na libodzi pomwe adakhala mfumu, apo adatonga magole khumi na manomwe mu Yerusalemu, mzinda ndiwo Yahova akhadausankhula kuchoka pakati pa wana wa Isaraeli kuikha dzina lache. Dzina la mayi wache likhali Naama mkazi wa ku Amoni. ²²Yuda adachita bzakuipa mmaso mwa Yahova; iwo adanyosa iye ku njiru na bzakuphonya ndibzo iwo adachita, kuposa chilichense ndicho abereki wawo akhadachita.²³Nakuti akhadabzimangira pomwe okha mbuto zakupambulika, nsandamira za minyala, na miti ya Asera pa phiri lirilense litali na patsinde pa muti uliwense uwisi. ²⁴Pakhana pomwe maputa yakunyansa mdzikomo. Iyo yakhachita msambo wakuipa ubodzibodziyo ninga madzinza ndiyo Yahova akhadayathothera kunja kuchoka pamaso pa wana wa Isaraeli.²⁵Bzidachitika mgole lachichanu la Mfumu Rehobiamu kuti Sisaki mfumu ya Aigupto idabwera kudzalimbana na Yerusalemu. ²⁶Iyo idatenga mathungwa ya kobiri mnyumba ya Yahova, na mathungwa ya kobiri mnyumba ya mfumu. Iyo idatenga chirichense; ichitakula pomwe bzakukhotchera bzensene bza oro ndibzo Solomoni akhadakonza.²⁷Mfumu Rehobiamu idakonza bzakukhothera bza mkuwa m'buto zawo achibzipereka mmanja mwa akapitawo wa alindiri, omwe akhalindira misuwo ya ku nyumba ya mfumu. ²⁸Bzikhachitika kuti mfumu ingambapita mnyumba ya Yahova, alindiri akhambabzitenga; kinangoko iwo akhambabzibwezeresa mkanyumba ka alindiriko.²⁹Zingakhala nkani zinango zakuguma Yerobiamu, na bzensene ndibzo iye adachita, kodi bziribe kunembiwa m'bukhu la mbiri ya mafumu ya Yuda? ³⁰Pakhana nkhondo zachikhalire pakati pa Rehobiamu na Yerobiamu. ³¹Ndiye Rehobiamu adagona pansi na abereki wache achifuchiriwa nawo mu mzinda wa Davide, Dzina la mayi wache likhali Naama mkazi wa ku Amoni. Abiya mwanache wachimuna adakhala mfumu nkhankha ya iye.

15¹Mgole la khumi na chisere la Mfumu Yerobiamu mwana wachimuna wa Nebati, Abiya adayamba kutonga Yuda. ²Iye adatonga kwa magole matatu mu Yerusalemu. Dzina la mayi wache likhali Maaka. Iye akhali mwana wachikazi wa Abisalomu. ³Iye adafamba mu bzakuphonya bzensene bwomwe babache akhadachita iye akanati kupita; mtima wache ukhakhulupirira lini Yahova ninga mtima wa Davide, mbereki wache, ukhaliri.⁴Soma, na thangwera Davideyo, Yahova Mulungu wache adamupa iye kandiyero mu Yerusalemu pa kulamusa mwanache wachimuna pambuyo pache pala kuti alimbise Yerusalemu. ⁵Mulungu adachita ibzi thangwera kuti Davide akhachita bzakulungama pamaso pache; thangwe nsiku zense za moyo wache, iye alibe kutaya chirichense ndicho iye adamtonga kupambula nkhani ya Uriya wa ku Hiti yokha basi. ⁶Tsapano pakhana nkhondo pakati pa Rehobiamu na Yerobiamu nsiku zensene za moyo wa Abiya.⁷Zingakhala nkani zinango za Abiya, bzense ndibzo iye adachita, kodi bziribe kunembiwa m'bukhu la mbiri ya mafumu ya Yuda? Pakhana nkhondo pakati pa Abiya na Yerobiamu. ⁸Abiya adagona pansi na abereki wache, iwo achimufuchira iye mu mzinda wa Davide. Asa mwanache wachimuna adakhala mfumu nkhankha ya iye.⁹Mgole la makumi mawiri la Yerobiamu mfumu ya Isaraerli, Asa adayamba kutonga Yuda. ¹⁰Iye adatonga magole makumi manayi na libodzi mu Yerusalemu. Dzina la yavu wache wachikazi likhali Maaka, mwana wachikazi wa Abisalomu. ¹¹Asa adachita bzakulungama pamaso pa Yahova, ninga Davide , m'bereki wache, akhadachitira.¹²Iye adathamangisa wachigololo wakunyansa mdzikomo na kuchosa mafano yensene ndiyo abereki wache akhadayakonza. ¹³Iye adachosa pomwe Maaka, yavu wache wachikazi, pa ufumukazi, thangwera iwo akhadakonza fano lakunyansa la muti wa Asera. Asa adagwesa fano lakunyansa mkuliotcha pa Chigwa cha Kidroni.¹⁴Soma mbuto zakupambulika ziribe kuchosiwa. Soma, mtima wa Asa ukhali wakukonda Yahova kwamtero nsiku zensene za moyo wache. ¹⁵Iye adabweresa mnyumba ya Yahova bzinthu ndibzo bzikhadaikhiwa pambali na babache, na bzinthu bzache bza iye mwene ndibzo bzikhadaikhiwa pambali bzakukonziwa na siriva na oro, na bzakutakulira.¹⁶Pakhana nkhondo pakati pa Asa na Basa mfumu ya Isaraeli, nsiku zawo zensene. ¹⁷Basa mfumu ya Isaraeli, idakwira na nkhondo kulimabana na Yuda ichimanga ku Rama, kuti nampodi abvume aliyense kubula ayai kupita mdziko la Asa mfumu ya Yuda.¹⁸Ndiye Asa adatenga siriva na oro wakusala mnyumba zakukoyera mnyumba ya Yahova, na mnyumba zakukoyera za mnyumba ya mfumu. Iye adamuikha mmanja mwa atumiki wache achimtumiza kuna Ben-Hadadi mwana wachimuna wa Tabirimoni mwana wachimuna wa Hezironi, mfumu ya Aramu, yakukhala ku Damasiko. Iye adati, ¹⁹''Pakhale mpangano pakati pa ine na iwe, ninga ukhaliri pakati pa babangu na babako. Ona, ndakutumizira mphaso ya siriva na oro. Pfudza mpangano wako na Basa mfumu ya Isaraeli, pala kuti iye andisiye ndekha.''²⁰Beni Hadadi adatetekera Mfumu Asa achitumiza akulu wa anyankhondo wache, achikamenya miyi ya Isaraeli. Iwo adamenya Ijoni, Dani, Abele Beti Maaka, na Kinereti wensene, pabodzi na dziko lensene la Nafitali. ²¹Bzidachitka kuti pomwe Basa adabva bzobzi, adalekeza kumanga Rama achibwerera ku Tiriza. ²²Ndiye Mfumu Asa idachemeresa wanthu wense wa ku Yuda. Palibe neye m'bodzi adasala. Iwo adatakula minyala na matabwa ya Rama ndiyo Basa akhadamangira muyiyo. Mfumu Asa idaphatisa basa bzipangizo bzakumangirabzo kumangira Geba wa Benjamini na Mizipa.²³Zingakhala nkhani zinango za Asa, mphamvu zache zensene, bzense adachita, na miyi ndiyo iye adamanga, kodi bziribe kunembiwa m'bukhu la mbiri ya mafumu ya Yuda? Soma nthawe ya ukalamba bwache iye adaphatiwa nthenda ya nzayo. ²⁴Ndiye Asa adagona pansi na abereki wache achimufuchira mu mzinda wa Davide babache. Yehosafati mwanache wachimuna adakhala mfumu nkhankha ya iye.²⁵Nadabu mwana wachimuna wa Yerobiamu adayamba kutonga Isaraeli mgole lachiwiri la Asa mfumu ya Yuda; iye adatonga Isaraeli magole mawiri. ²⁶Iye adachita bzakuipa pamaso pa Yahova achifamba mnjira ya babache, na mu bzakuipa bza iye mwene, ndibzo adatsogolera nabzo Isaraeli ku chakuipa.²⁷Basa mwana wachimuna wa Ahiya, wakubanja la Isakara, adachitira chiwembu Nadabu; Basa adapha iye pa Gibetoni, wa Afilisiti, thangwe Nadabu na Aisaraeli wensene adamangira misasa Gibetoni. ²⁸Mgole lachitatu la Asa mfumu ya Yuda, Basa adapha Nadabu achikhala mfumu nkhankha ya iye.²⁹Iye atatondo kukhala mfumu, Basa adapha wense wa banja la Yerobiamu. Iye alibe kusiya wa mbewu wa Yerobiamu akupuma; mnjira yoyi iye adadzononga wa banja lachifumu, ninga Yahova akhadasewerera mwa mtumiki wache Ahiya wa ku Siloni, ³⁰thangwera bzakuphonya bza Yerobiamu ndibzo iye adachita na ndibzo iye adatsogolera nabzo Isaraeli ku chakuphonya, mu ukali bwache ndibo iye adaputa nabo Yahova, Mulungu wa Isaraeli.³¹Zingakhala nkhani zinango zakuguma Nadabu, na bzensene ndibzo iye adachita, kodi bziribe kunembiwa m'bukhu la mbiri ya mafumu ya Isaraeli? ³²Pakhana nkhondo pakati pa Asa na Basa mfumu ya Isaraeli nsiku zawo zensene.³³Mgole lachitatu la Asa mfumu ya Yuda, Basa mwana wachimuna wa Ahiya adayamba kutonga Aisaraeli wensene mu Tiriza achitonga magole makumi mawiri na manayi. ³⁴Iye adachita bzakuipa pamaso pa Yahova achifamba mnjira ya Yerobiamu na mchakuphonya chache ndicho iye adatsogolera nacho Isaraeli ku chakuphonya.

16¹Mafala ya Yahova yadabwera kuna Yehu mwana wachimuna wa Hanani kugazana na Basa, kulewa, ²''Napo ndidakukwiza iwe kuchoka ku pfumbi na kukuikha iwe mfumu ya Aisaraeli wanangu, iwe wafamba mnjira ya Yerobiamu na kuchitisa wanangu Aisaraeli kuphonya, na tenepo kuputa ukali bwangu na bzakuphonya bzawo.³Ona, nimdzachosa psiti Basa na banja lache apo nimdzachitisa banja lako kukhala ninga banja la Yerobiamu mwana wachimuna wa Nebati. ⁴Mbwaya zimdzadya aliyense wa banja la Basa wakufera mmuyimo, apo mbalame za mdzaulu zimdzadya aliyense wakufera mthengo.''⁵Zingakhala nkhani zinango zakuguma Basa, ndibzo iye adachita, na mphamvu zache, kodi bziribe kunembiwa m'bukhu la mbiri ya mafumu ya Isaraeli? ⁶Basa adagona pansi na abereki wache achifuchiriwa mu Tiriza, apo Ela mwanache wachimuna adakhala mfumu nkhankha ya iye.⁷Ndiye na mneneri Yehu mwana wachimuna wa Hanani mafala ya Yahova yadabwera kugazana na Basa na banja lache, wense pabodzi thangwera bzakuipa bzense ndibzo iye adachita pamaso pa Yahova, mkuputa ukali bwache na basa la manja yache, kukhala ninga banja la Yerobiamu, na thangwera pomwe kuti iye adapha wense wa banja la Yerobiamu.⁸Mgole la makumi mawiri na chitanthatu la Asa mfumu ya Yuda, Ela mwana wachimuna wa Basa adayamba kutonga Isaraeli mu Tiriza; iye adatonga magole mawiri. ⁹Mtumiki wache Zimri, kapitawo wa meya ya magareta yache, adachitira iye chiwembu. Tsapano Ela akhali mu Tiriza, kumwerera iye mwene kuledzera mnyumba ya Ariza, omwe akhali wakunyang'anira nyumba mu Tiriza. ¹⁰Zimri adapita momo, achimmenya iye, mkumupha mgole la makumi mawiri na chinomwe la Asa mfumu ya Yuda achikhala iye mfumu nkhankha ya iye.¹¹Pomwe Zimri adayamba kutonga achikhala pa kadera yache yachifumu, adapha banja lense la Basa. Iye alibe kusiya na moyo mwamuna neye m'bodzi yekha m'bale ayai mwayawo wakubanja la Basa. ¹²Ndiye Zimri adadzononga banja lensene la Basa, malingana na mafala ya Yahova ndiyo iye adasewera kugazana na Yehu mneneri, ¹³thangwera bzakuphonya bzense bza Basa na bzakuphonya bza Ela mwanache wachimuna ndibzo iwo adachita, na ndibzo adatsogolera nabzo Isaraeli ku chakuphonya, mwakuti iwo adaputa Yahova, Mulungu wa Isaraeli, kukalipa na bzilinganiro bzawo bzakutsema.¹⁴Zingakhala nkhani zinango zakuguma Ela, bzense ndibzo iye adachita, kodi bziribe kunembiwa m'bukhu la mbiri ya mafumu ya Isaraeli?¹⁵Mgole la makumi mawiri na chinomwe la Asa mfumu ya Yuda, Zimri adatonga kwa magole manomwe yokha mu Tiriza. Tsapano wankhondo adagwezekana pafupi na Gibetoni, omwe akhali wachi Firisiti. ¹⁶Wankhondo wakugwezekana popowo adabva bzikulewedwa kuti, ''Zimri wakonza chiwembu apo zjai wapha mfumu.'' Ndiye nsiku yoyo mu msasamo, Aisaraeli wensene adaikha Omri, mkulu wa anyankhondo kukhala mfumu ya Isaraeli. ¹⁷Omri adakwira kuchoka ku Gibetoni na Aisaraeli wensene pabodzi naye, achikazungulira Tiriza.¹⁸Ndiye pomwe Zimri adaona kuti muyi watengiwa, adakwira pa nsaka achikamenya nyumba ya mfumu achitentha moto nyumba padzaulu pa iye; na tenepoyo iye adafa na malambi ya moto. ¹⁹Uku kukhali thangwera bzakuipa ndibzo iye akhadachita pakuchita ndibzo bzikhali bzakuipa pamaso pa Yahova, pakufamba mnjira ya Yerobiamu na mchakuphonya ndicho iye akhadachita, pa kutsogolera Isaraeli ku chakuphonya. ²⁰Zingakhala nkhani zinango zakuguma Zimri, na mulandu wachiwembu adachitayo, kodi bziribe kunembiwa m'bukhu la mbiri ya mafumu ya Iaraeli?²¹Ndiye wana wa Isaraeli adagawanikana mbali ziwiri. Meya ya wanthu adatewera Tibini mwana wachimuna wa Ginati, mkumuikha iye mfumu, apo meya adatewera Omri. ²²Soma wanthu ndiwo adatewera Omri akhali wamphamvu kuposa wanthu ndiwo adatewera Tibini mwana wachimuna wa Ginati. Ndiye Tibini adafa, apo Omri adakhala mfumu.²³Omri adayamba kutonga Isaraeli mgole la makumi matatu na libodzi la Asa mfumu ya Yuda, achitonga magole khumi na mawiri. Iye adatonga kuchokera kuna Tiriza kwa magole matanthatu. ²⁴Iye adagula kaphiri ka Samaria kuchokera kuna Semeri na matalente mawiri ya siriva. Iye adamanga muyi pa kaphiripo achichemera dzina la muyiyo Samaria, kuteweza dzina la Semeri, mwenekachiro wakale wa kaphiriko.²⁵Omri adachita bzakuipa pamaso pa Yahova achichita mwakuipiratu kulemwa kuposa wense omwe adakhala mmambuyo iye akanati. ²⁶Thangwe iye adafamba mnjira zensene za Yerobiamu mwana wachimuna wa Nebati na mu bzakuphonya bzache ndibzo iye adatsogolera nabzo Isaraeli ku chakuphonya, kuputa Yahova, Mulungu wa Isaraeli, kumkalipisa na bzilinganiro bza pezipezi.²⁷Zingakhala nkhani zinango zakuguma Omri ndizo iye adachita, na mphamvu ndizo iye adaonesa, kodi bziribe kunembiwa m'bukhu la mbiri ya mafumu ya Isaraeli? ²⁸Ndiye Omri adagona pansi na abereki wache achifuchiriwa m'Samaria apo Ahabu mwanache wachimuna adakhala mfumu nkhankha ya iye.²⁹Mgole la makumi matatu na chisere la Asa mfumu ya Yuda, Ahabu mwana wachimuna wa Omri adayamba kutonga Isaraeli. Ahabu mwana wa Omri adatonga Isaraeli m'Samaria magole makumi mawiri na mawiri. ³⁰Ahabu mwana wa Omri adachita bzakuipa pamaso pa Yahova, kulemwa zjai kuposeratu wensene ndiwo akhalipo mmambuyo mache.³¹Kuna Ahabu kukhali ninga kudamchepera kufamba mu bzakuphonya bza Yerobiamu mwana wachimuna wa Nebati, ndiye iye adatenga kukhala mkazache Yezeberi mwana wachikazi wa Etibaala, mfumu ya Azidoni; iye adayenda achikanamata Baala achimgodamira iye. ³²Iye adamanga guwa la nsembe la Baala mnyumba ya Baala, ndiyo iye akhadamanga m'Samaria. Ahabu adakonza muti wa Asera. ³³Ahabu adachita bzakulemwa kuputa Yahova, Mulungu wa Isaraeli, kukalipa zjai kuposeratu mafumu yensene ya Isaraeli ndiyo yadakhala mmambuyo mwa iye.³⁴Mu nthawe ya utongi bwa Ahabu, Hiyeli wa ku Beteli adamanga pomwe Yeriko. Hiyeli adakhazika maziko ya muyiyo pa magopsero ya moyo wa Abiramu, mwanache wachimuna wakutoma; apo Zegubi, mwanache wakumalizira wachimuna, adataya moyo wache pomwe iye akhamanga mipitiro ya muyiyo, pa kukoya mafala ya Yahova ndiyo iye adasewera kudzera mwa Yoswa mwana wachimuna wa Nuni.

17¹Eliya wa ku Tisibe, wakukhala ku Tisibe ku Gileadi, adati kuna Ahabu, ''Pana Yahova Mulungu wa Isaraeli, omwe niyima pamaso pache, pamdzakhala lini mame ayai mvula pa magole aya pokha pokha ine nditalewa tenepo.''²Mafala ya yahova yadabwera kuna Eliya, kulewa, ³''Choka kuno uyende ku machibese, kabisalike wekha m'bali mwa kamkulo ka Kerite, kumachibese kwa Yorodano. ⁴Bzimdzachitika kuti umdzamwa madzi ya mkamkulomo, apo ndatonga mbalame za psololo kumbadzakudyesa iwe koko.''⁵Ndiye Eliya adayenda achikachita ninga mafala ya Yahova yadatongera. Iye adayenda kukakhala m'bali mwa kamkulo ka Kerite, kumachibese kwa Yorodano. ⁶Apsololo akhamubwerera iye mikate na nyama machibese na mikate na nyama kumaulo, apo iye akhamwa mkamkulomo. ⁷Soma patapita kanthawe kamkuloko kadauma thangwe kukhalibe mvula mdzikomo.⁸Mafala ya Yahova yadabwera kuna iye, kulewa, ⁹''Lamuka, ndoko ku Zarefati, wa ku Sido, apo ukakhale koko. Ona, ndatonga mkazi wamasiye koko kumbakakupa bzakufuna bzako.'' ¹⁰Ndiye iye adalamuka achiyenda ku Zarefati, apo pomwe iye adafika pa mpitiro wa muyiyo mkazi wamasiye akhali popo kunyang'ana nkhuni. Ndiye iye adamchemera iye achiti, ''Pirizi ndibweresere ine madzi pan'gono mchikasi pala kuti ndimwe.''¹¹Pomwe iye akhayenda kukatunga madziyo iye adamchemera pomwe, achiti, ''Pirizi ndibweresere msuwa wa mkate mmanja mwako.'' ¹²Iye adatawira, ''Pana Yahova Mulungu wanu, ndiribe mkate uliwense, soma ufa bwakudzala boko mkamtsuko na tumafuta pamkiti mgalafa. Onani, ndikunyang'ana nkhunizi pala kuti ndiyende kukaphika pala ine na mwanangu wachimuna, kuti tikadye, mkufa.'' ¹³Eliya adati kuna iye, ''Nampodi kugopa. Ndoko ukachite ndimo waleweramo, soma ukatome kundikonzera ka mkate pang'ono mkundibweresera kuno. Ndiye kumala popo ukaphike bwino wako na mwanakoyo.¹⁴Thangwe Yahova, Mulungu wa Isaraeli, wati, 'Mtsuko wa ufa umdzamala lini, neye pomwe galafa la mafuta kulekeza kujoja, kufikizana nsiku ndiyo Yahova adzabwerese mvula padziko lapansi.'' ¹⁵Ndiye iye adachitadi ndimo Eliya adamuuzira. Iye na Eliya, pabodzi na banja lache, adadya kwa nsiku zizinjitsa. ¹⁶Mtsuko wa ufa ulibe kumala, ayai galafa la mafutalo kulekeza kujoja, ninga ndimo mafala ya Yahova yadalewera, ninga iye adalewera na Eliya.¹⁷Bzitamala bzinthu ibzi mwana wachimuna wa mkaziyo, mkazi mwenekachiro nyumbayo, adadwala. Matenda yache yakhali makulu mwakuti iye adalekeza kupuma. ¹⁸Ndiye mayi wache adati kuna Eliya, ''Munande chani ine, munthu wa Mulungu? Kodi mwabwerera kudzandikumbusa ine chakuphonya changu na kundiphera mwanangu?''¹⁹Ndiye Eliya adamtawira iye, ''Ndipe mwanakoyo.'' Iye adatenga mnyamatayo kuchoka mmanja mwache achimutengera msubi ndimo iye akhakhala, apo adagonesa mnyamatayo pa kama wache wa iye mwene. ²⁰Iye adakuwira Yahova achiti, ''Yahova Mulungu wangu kodi mwabweresa chakuipa pa mkazi wamasiyeyu omwe ine ndikukhala naye, pa kupha mwanacheyu?'' ²¹Ndiye Eliya adabzithamula mwene padzaulu pa mwanayo katatu; iye adakuwira Yahova achiti, ''Yahova Mulungu wangu, ndikukukumbirani, pirizi chitani kuti moyo wa mwanayu ubwerere mwa iye.''²²Yahova adatetekera mafala ya Eliya; moyo wa mwanayo udabwereradi mwa iye, apo adatsitsimuka. ²³Eliya adatenga mwanayo achimubulisa panja pa subi yache mkubuluka naye kuyenda mnyumbamo; iye adapereka mwanayo kuna mayi wache achiti, ''Ona, mwanako ana moyo.'' ²⁴Mkaziyo adati kuna Eliya, ''Tsapano ndadziwadi kuti ndimwe munthu wa Mulungu, na kuti mafala ya Yahova mkamwa mwanumu ngachadidi.''

18¹Ndiye patapita nsiku zizinji mafala ya Yahova yadabwera kuna Eliya, mgole lachitatu la chilala, kulewa kuti, ''Ndoko, ukabzionesere mwene kuna Ahabu apo nimdzatumiza mvula padziko lapansi.'' ²Eliya adayendadi kukabzionesera mwene kuna Ahabu; njala ikhadakula m'Samaria.³Ahabu adachemera Obadiya, omwe akhanyang'anira nyumba ya mfumu. Tsapano Obadiya adagopa Yahova kwenekwene, ⁴thangwe pomwe Yezebeli akhambapha aneneri wa Yahova, Obadiya adatenga aneneri dzana libodzi achiwabisa mmathimu ya makumi machanu machanu ku phanga achiwadyesa mkate na madzi.⁵Ahabu adati kuna Obadiya, ''Ndoko mdzikomu kukafika kuna alowe wensene wa madzi na tumikulo. Pinangopense tingagumane uswa tichipulumusa akavalowa na nyuru, pala kuti nampodi titaye nyama zensenezi.'' ⁶Ndiye iwo adagawana dzikolo kulipita mkati mwache mkukapsaga madzi. Ahabu adayenda njira ina yaekha apo Obadiya adayenerambo njira inango.⁷Pomwe Obadiya akhali mnjira, Eliya mwa magwedze adagumana naye. Obadiya adamzindikira iye achigwesa nkhope yache pansi. Iye adati, ''Kodi ndimwe mbuya Eliya?'' ⁸Eliya adamtawira iye, ''Ndine inde. Ndoko ukauze mbuyako, 'Ona, Eliya ali pano.'''⁹Obadiya adatawira, ''Ndaphonya tani ine, kuti mundipereke mmanja mwa Ahabu, kuti iye andiphe na? ¹⁰Pana Yahova Mulungu wanu, palibe dziko ayai ufumu ndibo mbuyangu akanati kale kutuma wanthu mkudzakupsanani. Dzinza ayai ufumu bungati, Eliya ali lini kuno,' Ahabu ambawachitisa iwo kulumbira lumbiro kuti iwo alibe kukugumanani. ¹¹Ndiye tsapano mukuti, 'Ndoko, kauze mbuyako kuti Eliya wabwera.'¹²Ningatondo kuchoka pana imwepa, Mzimu wa Yahova amdzakutengerani imwepo ku mbuto ndiyo ine ndikuidziwa lini. Ndiye ningayenda kukauza Ahabu, apo iye neye kudzakugumanani, iye amdzandipha ine. Soma ine, kapolo wanu, ndanamata Yahova kuchoka paubwana pangu. ¹³Mulibe kuuziwa bzobzi, mbuyangu, ndibzo ine ndidachita pomwe Yezebeli adapha aneneri wa Yahova, ndimo ndidabisira aneneri dzana libodzi mmathimu ya makumi machanu machanu ku phanga ndichiwadyesa mkate na madzi?¹⁴Tsapano mukunditi, 'Ndoko ukauze mbuyako kuti Eliya wabwera,' pala kuti iye adzandiphe.'' ¹⁵Ndiye Eliya adatawira, ''Pana Yahova wa mathimu, omwe ndaima pamaso pache, lero nim'bzionesera chadidi kuna Ahabu.''¹⁶Ndiye Obadiya adayenda kukagumana na Ahabu, achikamuuza ndibzo Eliya adalewa. Ndiye mfumu idayenda kukagumana na Eliya. ¹⁷Pomwe Ahabu adaona Eliya, adati kuna iye, ''Kani ndiwe? Ndiwe ukubweresa mabvuto mu Isaraeli!''¹⁸Eliya adatawira, ''Ndiribe kubweresa mabvuto mu Isaraeli ine, soma imwepo na banja la abereki wanu ndiye mwabweresa mabvuto pa kulamba bzakutonga bza Yahova na kutewera a Baala. ¹⁹Tsapano ndiye, tumizani mafala mundikontchezere Aisaraeli wensene pa Phiri la Karimeli, pabodzi na aneneri madzana manayi na makumi machanu wa Baala na aneneri madzana manayi wa Asera omwe ambadyera pa meza ya Yezebeli.''²⁰Ndiye Ahabu adatuma mitumi kuna wana wense wa Isaraeli achiwagwezeka pabodzi pa Phiri la Karimeli. ²¹Eliya adafendera pafupi na wanthu wensene achiti, ''Kufikizana liti mumdzakhala muchichinja mitima yanu basi? Penu Yahova ni Mulungu, mtewereni iye. Soma penu Baala ndiye Mulungu, ndiye tewerani iye.'' Soma wanthu alibe kumutawira iye neye fala.²²Ndiye Eliya adati kuna wanthuwo, ''Ine, inepano ndekha, ndiye ndasala ninga mneneri wa Yahova, soma aneneri wa Baala alipo wanthu madzana manayi na makumi machanu. ²³Ndiye alekeni atipe ng'ombe ziwiri. Alekeni asankhule ng'ombe ibodzi ya iwo okha ayigwate gwate, mkuitandika pa nkhuni, soma neye kuyesera nkhuni pansi pache. Kinangoko ine nimdzakonzambo ng'ombe inango neye kuyesera nkhuni, pansi pache. ²⁴Kinangoko muchemere dzina la mulungu wanu, apo ine ndichemere dzina la Yahova, apo Mulungu wakutawira na moto, ndiye Mulungu.'' Ndiye wanthu wensene adatawira achiti, ''Mpsabwino inde.''`²⁵Ndiye Eliya adati kuna aneneri wa Baala, ''Sankhulani ng'ombe ibodzi mwekha muyipfende kwakutoma, thangwe mulipo wanthu azinji. Kinangoko muchemere dzina la mulungu wanu, soma nampodi kukombeza moto pansi pa ng'ombeyo.'' ²⁶Iwo adatenga ng'ombe ndiyo adapasiwayo achiipfenda, mkuchemera dzina la Baala kuchokera machibese kufikizana masikati, kulewa, ''Baala, tibve ife.'' Soma pakhalibe mafala, ayai aliyense wakutawira. Iwo adabzina kuzungulira guwa la nsembe ndilo akhadakonza.²⁷Masikati Eliya adawaseka achiti, ''Kuwani maninge! Mesa iye ni mulungu inde! Pinangopense akukumbuka, ayai akusamba, pinango akufamba paulendo, apo neye pinango pense iye ali mtulo apo amfunika alamusiwe.'' ²⁸Ndiye iwo adakuwadi maninge, achibzichekacheka okha, ninga ndimo mwa chizerewezi akhachitira, na malupanga na madipa, kufikizana mulopa wawo kuyerera mmatupi yawo. ²⁹Midiya idapitirira, apo iwo akhambachemera basi kufikizana nthawe yakupereka nsembe yamaulo idakwana, soma pakhalibe basi mafala ayai aliyense kutawira; pakhalibe aliyense wakuwabvera bzakukumbira bzawo.³⁰Ndiye Eliya adati kuna wanthuwo, ''Ngawerani pafupi nande,'' apo wanthu wensene adabwera pafupi naye. Kinangoko iye adakonzesa guwa la nsembe la Yahova lomwe likhadagumuka. ³¹Eliya adatenga minyala khumi na miwiri, mwala uliwense kulatiza libodzi la madzinza ya wana wachimuna wa Yakobo---kukhali kuna Yakobo ndiko kudabwera mafala ya Yahova, kulewa, ''Isaraeli ndilo limdzakhala dzina lako.'' ³²Na minyala ndiyo iye adamangira guwa la nsembelo mdzina la Yahova apo iye adachera mkulekule kuzungulira guwa la nsembelo ikulu yakukwana kuikha mphimo ziwiri za njere.³³Iye adalonga nkhuni pala moto, mkugwatagwata ng'ombeyo, mkuikha nthindi za ng'ombeyo pa nkhunipo. Iye adati, ''Dzazani madzi mimonzo minayi mutsanulire pa nsembe yakupsererezayi na pankhunipa.'' ³⁴Kinangoko iye adati, ''Chitani pomwe kachiwiri,'' apo iwo adachitadi kachiwiri. Thimize iye adalewa pomwe, ''Chitani pomwe kachitatu,'' apo iwo adachita pomwe kachitatu. ³⁵Madzi yadayerera paguwa la nsembepo mkudzala mkulekuleyo.³⁶Bzidachitika pa nthawe yakupereka nsembe yakumaulo, kuti Eliya mneneri adabwera pafupi achiti, ''Yahova, Mulungu wa Aburahamu, wa Isaki, na wa Yakobo, lekani bzidziwike lero kuti ndimwe Mulungu wa Isaraeli, na kuti ine ndine mtumiki wanu, na kuti ine ndachita bzinthu bzensebzi na mafala yanu. ³⁷Ndibveni, Yahova, ndibveni, kuti wanthuwa azindikiredi kuti imwe, Yahova, ndimwe Mulungu, na kuti imwe mwabweza pomwe mitima yawo kuna imwe.''³⁸Ndiye moto wa Yahova udagwa uchikhudyula nsembe yakupsererezayo, na nkhunizo, minyala, na pfumbi, uchinyanguta madzi ndiyo yakhali mu mkulekulemo. ³⁹Pomwe wanthu wensene adaona bzobzi, adatsulimisa nkhope zawo pansi achiti, ''Yahova, nndiye Mulungu! Yahova, ndiye Mulungu!'' ⁴⁰Ndiye Eliya adati kuna iwo, ''Phatani aneneri wa Baala. Nampodi kulekerera m'bodzi wa iwo kuphuzunyuka.'' Kinangoko iwo adawaphatadi, apo Eliya adabweresa aneneri wa Baala kupolika nawo ku Mkulo wa Kisoni achiwaphera koko.⁴¹Eliya adati kuna Ahabu, ''Lamukani, dyani na kumwa, thangwe kuna muungiro wa mvula izinji.'' Ndiye Ahabu adakwira kuyenda kukadya na kumwa. ⁴²Ndiye Eliya adakwira padzaulu pa Karimeli, mkugodama yekha pansi pamataka mkuikha nkhope yache pakati pa mabondo yache.⁴³Iye adati kuna atumiki wache, ''Ndokoni kwirani tsapano, mukang'anise ku nyanza.'' Atumiki wache adakwiradi kukanyang'anisa achiti, ''Kulibe chinthu uku.'' Ndiye kanomwe Eliya adati, ''Ndokoni pomwe.'' ⁴⁴Kachinomweko atumikiwo adati, ''Onani, pana ka mtambo kakukwira kuchoka mnyanza, kamkitikiti ninga chithatha cha boko la munthu.'' Eliya adatawira, ''Ndokoni kwirani mukati kuna Ahabu, 'Konzekerani gareta lanu apo mupolikiretu mvula ikanati kukutsekerezani.'''⁴⁵Bzidachitika kuti mkanthawe kakuchepa kudzaulu kukhapsipa na mitambo na chonzi, apo pakhana mvula ikulu. Ahabu adatchobva mkuyenda ku Yezreeli, ⁴⁶soma boko la Yahova likhali pa Eliya. Iye adamanga bza mchiuno mwache mkuthamanga patsogolo pa Ahabu ku mpitiro wa Yezreeli.

19¹Ahabu adauza Yezebeli bzense ndibzo Eliya adachita na ndimo adaphera aneneri wensene na lupanga. ²Ndiye Yezebeli adatuma mtumi kuna Eliya, wakuti,'' Ndiye mulunguyo mbayichitire ine, na azinji pomwe, penu nimchita lini moyo ako kukhala ninga moyo wa m'bodzi wa aneneri wakufawo pakufika mangwana ninga nthawe ino.'' ³Pomwe Eliya adabva tenepo, adalamuka mkuthawisa moyo wache achibwera ku Beereseba, omwe uli ku Yuda, achisiya kapolo wache koko.⁴Soma iye mwene adayenda ulendo nsiku yamtero mchipululu, achoibwera mkukhala pansi patsinde pa muti wa mtsanya. Iye adakumbira kuti afe, achiti, ''Bzakwana, tsapano, Yahova; tengani moyo wangu, thangwe ndiri lini wabwino kuposa abereki wangu wakufawo.'' ⁵Ndiye iye adagona pansi patsinde pa muti wa mtsanya. Mwachidzidzi mnjero adamukhuya achiti kuna iye, ''Lamuka udye.'' ⁶Eliya adanyang'anisa, apo pafupi na msolo wache pakhana mkate omwe ukhadaotchiwa pa masimbe na mtsuko wa madzi. Ndiye iye adadya na kumwa achigona pomwe.⁷Mnjero wa Yahova adabwera pomwe kachiwiri achimukhuya pomwe achiti, ''Lamuka udye, thangwe ulendo bwako m'butali maninge.'' ⁸Ndiye iye adalamuka mkudya na kumwa, apo adafamba na mphamvu ya chakudya chimwecho nsiku makumi manayi na usiku makumi manayi kuyenda ku Horebu, phiri la Mulungu.⁹Iye adayenda ku phanga koko achikonzekera kugona mwemo usiku. Mafala ya Yahova yadabwera kuna iye achiti kuna iye, ''Ukuchita chani muno, Eliya?'' ¹⁰Eliya adatawira, ''Ndakhala wakachangu kwene kwene kuna Yahova, Mulungu wamathimu, thangwe wana wa Isaraeli alamba mpangano wanu, adadzononga maguwa yanu ya nsembe, na kupha aneneri wanu na lupanga. Tsapano ine, ndekha ine, ndiye ndasala apo akuyezera pomwe kutenga moyo wangu.''¹¹Yahova adatawira, ''Ndoko panja ukaime pa phiri pamaso pangu.'' Ndiye Yahova adagwata pafupi, apo chonzi chikulu chidamenya phiriro mkuswa mathanthwe pamaso pa Yahova, soma Yahova akhali lini mchonzimo. Ndiye chitamala chonzicho, chiteketeke chidabwera, soma Yahova akhali lini mchiteketekemo. ¹²Ndiye kumala chiteketekecho moto udabwera, soma Yahova akhali lini mmotomo. Ndiye kula motoyo, padabveka mafala mang'ono.¹³Pomwe Eliya adabva mafalayo, iye adampsinkha nkhope yache mchakufunika chache, mkubula panja, mkukaima pa una bwa mphangalo. Ndiye mafala yadabwera kuna iye ndiyo yadati, '' Ukuchita chani pano, Eliya?'' ¹⁴Eliya adatawira, ''Ndakhala wakachangu maninge kuna Yahova, Mulungu wa mathimu, thangwe wana wa Isaraeli alamba mpangano wanu, adadzononga maguwa yanu ya nsembe, na kupha aneneri wanu na lupanga. Tsapano ine, ndekha ine, ndiye ndasala apo iwo akuyezera pomwe kutenga moyo wangu.''¹⁵Ndiye Yahova adati naye, ''Ndoko, bwerera njira yako kuchipululu cha Damasiko, apo ungakafika ukadzoze Hazaeli kukhala mfumu ya Aramu, ¹⁶na kukadzoza Yehu mwana wachimuna wa Nimsi kukhala mfumu ya Isaraeli, na kukadzoza Elisa mwana wachimuna wa Safati wa Abele Mehola kukhala mneneri nkhankha ya iwepo.¹⁷Bzimdzachitika kuti Yehu amdzapha aliyense omwe amdzathawa lupanga la Hazaeli, na kuti Elisa amdzapha aliyense wakudzathawa lupanga la Yehu. ¹⁸Soma nimdzabzisiyira ndekha wanthu bzulu bzinomwe mu Isaraeli, omwe mabondo yawo yalibe kugodamira Baala, na omwe milomo yawo iribe kumphomphona iye.''¹⁹Ndiye Eliya adanyamuka popo achikagumana Elisa mwana wa Safati, omwe akhalima na bzigologolo khumi na bziwiri bza ng'ombe patsogolo pache, apo iye yekha akhalima pa chigologolo cha chikhumi na chiwiri. Eliya adafamba kuyenda kuna Elisa achikamthusira chakufunika chache pa iye. ²⁰Ndiye Elisa adasiya ng'ombezo mkuthamangira Eliya; iye adati, ''Pirizi ndilekeni ndikatome ndampsompsona babangu na mayi wangu, apo kinangoko ndikutewereni bwino.'' Ndiye Eliya adati kuna iye, ''Ndoko bwerera, soma kumbuka ndibzo ndakuchitira.''²¹Ndiye Eliya adabwerera kuchoka kuna Eliya achikolopola chigologolo cha ng'ombezo, mkupha nyamazo, mkutereka nyamayo na nkhuni za chigologolo cha ng'ombezo. Ndiye iye adapereka kuna wanthu apo adayidya. Ndiye iye adalamuka, mkutewera Eliya achikamutumikira iye.

20¹Beni-Hadadi mfumu ya Aramu idagwezeka wankhondo wache wensene pabodzi. Pakhana mafumu mang'ono makumi matatu na mawiri pabodzi naye, na akavalo na magareta. ²Iye adayenda kukwira, kukazungulira Samaria achimenyana nawo. Iye adatuma mitumi mmuyimo kuna Ahabu mfumu ya Isaraeli, achiti kuna iye, ''Beni-Hadadi wati tere: ³Siriva wanu na oro wanu mpsangu. Na akazanu kubodzi na wana, wabwinowo, mbangu tsapano.'''⁴Mfumu ya Isaraeli idatawira ichiti, ''Bziridi tenepoyo ninga mwaleweramo mbuyangu, mfumu. Ine na bzense ndinabzobzi mpsanu.'' ⁵Mitumiyo idabwera pomwe kudzati, ''Beni-Hadadi wati tere, 'Ndidakutumirani mafala kulewa kuti mundipe siriva wanu, oro wanu, azikazanu, na wananu. ⁶Soma nimkutumizirani anyamata wangu mangwana nthawe ninga ino, apo adzapsagepsage mnyumba mwanumo na mnyumba za anyamata wanu. Iwo adzaphate na manja yawo mkutenga chirichense chakudeka mmaso mwanu.''⁷Ndiye mfumu ya Isaraeli idachemeresa akulu wense wa mdzikomp pabodzi ichiti, ''Pirizi onani ndimo munthuyu akupsagira mabvuto. Iye wanditumizira mafala. Wanditumizira mafala ine kuti atenge azikazangu, wana, na siriva na oro, apo ine ndiribe kumulamiza.'' ⁸Akuluakulu wensene na wanthu wensene adati kuna Ahabu, ''Nampodi kumubvera ayai kuchita walewa iyebzo.⁹Ndiye Ahabu adati kuna mitumi ya Beni-Hadadi, ''Kamuuze mbuyangu mfumuyo, 'Ndatawira chirichense ndicho watuma mitumi yako kuchita pa nthawe yakutoma, soma bzachiwiribzi nim'bvuma lini.''' Ndiye mitumiyo idanyamuka ichikatenga kutawira kwache kukalewa kuna Beni-Hadadi. ¹⁰Ndiye Beni-Hadadi adatumiza kutawira kwacheko kuna Ahabu, achiti, ''Milunguyo mbaichitire ine tenepoyo na kuthimizira pomwe, penu dotha la Samaria limdzafikira kudzala manja ya wanthu wensene wakutewera nzayo zangu.''¹¹Mfumu ya Isaraeli idatawira ichiti, ''Kamuuzeni Beni-Hadadi, 'Palibe wakumanga bzipfudzo abzithembeze ninga wakukhundula.'' Beni-Hadadi adabva mafalaya pomwe iye akhamwa, iye na mafumu ya pansi pache omwe akhali mmahema yawo. ¹²Beni-Hadadi adatonga anyamata wache, ''Lonzanani mwekha mzere m'buto za kukonzekera nkhondo.'' Ndiye iwo adakonzekeradi okha m'buto za nkhondo kumenya muyiyo.¹³Ndiye onani, mneneri adabwera kuna Ahabu mfumu ya Isaraeli achiti, ''Yahova wati, 'Kodi mwaaona wankhondo azinjiwa? Onani, nimdzawapereka mmanja mwanu lero, apo imwe mumdzadziwa kuti ine ndine Yahova.''' ¹⁴Ahabu adatawira, ''Na mbani?'' Yahova adatawira achiti, ''Na anyamata wakutumikira akazembe wa mphimphazi.'' Ndiye Ahabu adati, ''Mbani amdzayambisa nkhondoyo?'' Yahova adatawira, ''Imwepo.'' ¹⁵Ndiye Ahabu adalewenga anyamata wa mphimphazo omwe adatumikira akazembe wa mphimpha zire. Iwo adakwana madzana mawiri na makui matatu na awiri. Atamala iwo adalewenga wensene anyankhondo, wankhondo wensene wa Isaraeli; bzulu bzinomwe kuwanda kwawo.¹⁶Iwo adabula kuyenda kunja masikati. Beni-Hadadi akhadamwa mkubziledzerera mchihema chache, iye pabodzi na mafumu makumi matatu na mawiri mang'ono mang'ono yale yomwe yakhali pambuyo pa iye. ¹⁷Anyamata omwe akhatumikira akazembe wa mphimpha zire wale ndiwo adatoma kuyenda kutsogolo. Ndiye Beni-Hadadi adadziwisiwa na wanthu kuti iye watuma wanthu abula kunja, ''Wanthu akubwera kuchoka ku Samaria.''¹⁸Beni-Hadadi adati, 'Penu iwo abuladi kunja pala mtendere ayai nkhondo, atengeni wamoyo.'' ¹⁹Ndiye anyamatawo omwe akhatumikira akazembe wa mphimpha wale adabula kunja kwa muyi apo wankhondo adawatewera iwo.²⁰Munthu aliyense adapha muwengi wache. A Arameya adathawa apo Aisaraeli adawathotha. Beni-Hadadi mfumu ya Aramu adathawa pa kavalo pabodzi na wina wapa kavalo. ²¹Ndiye mfumu ya Isaraeli idayenda kunja ichikamenya akavalowo na magareta,²²Ndiye mneneriyo adabwera kuna mfumu ya Isaraeli achiti nayo, '' Ndokoni, bzirimbiseni mwekha, na kuzindikira apo muchenjere pa ndibzo mukuchita, thangwe gole likubwerali mfumu ya Aramu imdzalamuka kulimbana namwe pomwe.'' ²³Anyamata wa mfumu ya Aramu adati kuna iye, ''mulungu wawo ni mulungu wa mapiri. Mthangwerache iwo ana mphamvu kuposa ife. Soma tsapano lekani timenyane nawo mchidikhamu, apo tsapano timdzakhala na mphamvu kuposa iwo.²⁴Ndiye umfunika uchite ibzi: Uchose mafumu yensene m'buto mwawo mkuikha nkhankha yawo akulu wa nkhondo. ²⁵Yambisa thimu la wankhondo kuwanda ninga wankhondo omwe adadzonongeka--akavalo ninga akavalo wale na magareta ninga magareta yoyale---ndiye tikamenyane nawo pachidikha.'' Ndiye Beni-Hadadi adatetekera mafala yawo achichita ndibzo iwo adauziwabzo.²⁶Gole lipsa litayamba, Beni-Hadadi adamemeza a Arameya achikwira kuyenda ku Afeki kukamenyana na Isaraeli. Wana wa Isaraeli adamemezanambo achimwazana kukamenyana nawo. ²⁷Wana wa Isaraeli adamanga msasa pafupi nawo ninga tumathimu tuwiri twa ntchere za mbuzi, soma a Arameya adadzala dziko lensene.²⁸Munthu wa Mulungu adafendera achisewera na mfumu ya Isaraeli achiti, ''Yahova wati: 'Thangwera a Arameya ati Yahova ni mulungu wa mapiri, soma ni mulungu lini wa bzigwa, nimdzapereka thimu lizinjitsa la nkhondoli mmanja mwako, apo umdzazindikira kuti ndine Yahova.'''²⁹Ndiye wankhondowo adamanga msasa kunyang'anizana wina na mwayache kwa nsiku zinomwe. Kinangoko nsiku yachinomwe nkhondo idayambika. Wana wa Isaraeli adapha a Arameya bzulu dzana libodzi wakufamba pansi nsiku ibodzi. ³⁰Wakusala adathawira ku Afeki, mmuyi, apo litsito lidagwera wanthu makumi mawiri na manomwe wakusalirawo. Beni-Hadadi adathawira mmuyi, mkasubi ka mkati.³¹Anyamata wa Beni-Hadadi adati kuna iye, ''Onani tsapano, tabva kuti mafumu ya nyumba ya Isaraeli ni mafumu ya chifundo. Pirizi mbatiye tibvale bziguduli mchiuno mwathu na bzingwe kumisolo kwathu, mkubula kuyenda kuna mafumu ya Isaraeli. Pinango pense iye angakusiyeni na moyo.'' ³²Ndiye iwo adabzibvaliradi mchiuno bziguduli na bzingwe kumisolo yawo apo kinangoko mkuyenda kuna mfumu ya Isaraeli achikati, ''Kapolo wanu Beni-Hadadi wati, 'Pirizi ndisiyenimbo na moyo.''' Ahabu adati, ''Kani iye akana moyo? Iye ni m'bale wangu penu.''³³Tsapano wanthuwo akhatetekera chilatizo chirichense kuchokera kuna Ahabu, ndiye iwo kamkulumize adamtawira iye, ''Inde, m'bale wanu Beni-Hadadi akana moyo.'' Ndiye Ahabu adati, ''Ngokoni mukamubwerese.'' Ndiye Beni-Hadadi adabwera kuna iye, apo Ahabu adampakiza iye mgareta lache. ³⁴Beni-Hadadi adati kuna Ahabu, ''Nimdzabwezeresa miyi ndiyo babangu adapsokonyola kuchoka kuna babako, apo ungakhoze kusandusa mbuto zamalonda m'Damasiko, ninga babangu adachitira m'Samaria.'' Ahabu adatawira, ''Nimkubvuma kuyenda na mpanganoyu.'' Ndiye Ahabu adapangana naye mkumuleka ayende.³⁵Munthu wina, m'bodzi wa wana wachimuna wa mneneri, adati kuna m'bodzi wa anzache na mafala ya Yahova, ''Pirizi ndimenye ine.'' Soma munthuyo adalamba kummenya iye. ³⁶Kinangoka mneneri adati kuna mneneri mwayache, ''Thangwera ulibe kubvera mafala ya Yahova, ungatondo kusiyana nande, mphondolo imdzakupha.'' Munthuyo atatondo kusiyana naye, mphondolo idabweradi mkumupha iye.³⁷Kinangoko mneneriyo adagumana munthu winango achiti, ''Pirizi ndimenye.'' Ndiye munthuyo adammenyadi mkumudzononga iye. ³⁸Kinangoko mneneriyo adachoka achikadikhirira mfumu m'bali mwa msewu; iye akhadanamizira kumanga galagadula mu mkuma mwache.³⁹Pomwe mfumu ikhagwata, mneneriyo adakuwa kuna mfumuyo achiti, ''Kapolo wanu adapita mkupsa kwa nkhondo, apo nyankhondo adaima achindibweresera munthu achiti, 'Nyang'ana munthuyu. Umweyu angasaya kuoneka, moyo wako umperekiwa kupagali moyo wache, ayai upereke talente ya siriva.' ⁴⁰Soma thangwera kapolo wako akhali wakutanganika kuyenda apa na apa, munthuyo adathawa.'' Ndiye mfumu ya Isaraeli idati kuna iye, ''Ichi ndicho chimdzakhala chilango chako---iwe wachikumbuka wekha.''⁴¹Ndiye mneneriyo kamkulumize adatsudzula galagadulayo kuchosa mmaso mwache, apo mfumu ya Isaraeli idazindikira kuti iye akhali m'bodzi wa aneneri. ⁴²Mneneriyo adati kuna mfumuyo, ''Yahova wati, Thangwe wathawisa mmanja mwako munthu ndiye ndikhadamuikha kuchidzonongeko, moyo wako umpita nkhankha ya moyo wache, apo wanthu wako pala wanthu wache.''' ⁴³Ndiye mfumu ya Isaraeli idayenda kunyumba kwache mwakundunduma na kupsoma, ichikafika m'Samaria.

21¹Tsapano patapita kanthawe, Naboti wa ku Yezireeli akhana munda wa mpesa mu Yezireeli, pafupi na nyumba ya mfumu Ahabu, mfumu ya mu Samaria. ²Ahabu adasewera na Naboti, kuti, ''Ndipe ine munda wako wa mpesayu, kuti ndisanduse dimba la muliwo, thangwe uli pafupi na nyumba yangu, pa matsintha nimkupa munda wabwino wa mpesa, ayai, ungafuna, nimkupa kobiri.³Naboti adamtawira Ahabu, ''Yahova mbaalambize kuti ndikupe iwe chakusiiriwa cha abereki wangu.'' ⁴Ndiye Ahabu adabwerera kunyumba yache yachifumu wakundunduma na kupsoma thangwera mtawiro ndiwo Naboti wa ku Yezireeli adampa iye pomwe adati, ''Ningakupe lini chakusiiriwa cha abereki wangu.'' Iye adagona pa kama wache, kuzungunuka nkhope yache, achilamba kudya chakudya chirichense.⁵Yezebeli mkazi wache adabwera kuna iye achiti naye, ''Thangweranyi mtima wanu wapsoma kodi, kuti ateye mukudya linipa?'' ⁶Iye adamtawira iye, ''Ndidasewera na Naboti wa ku Yezireeli ndichiti naye, ''Ndipe ine munda wako wa mpesayu ndigule na kobiri, ayai penu umfuna, ndikupe munda winango wa mpesa ukhale wako.' Ndiye iye adanditawira, 'Ningakupe lini munda wanguyu.''' ⁷Ndiye Yezebeli mkazi wache adamtawira iye, ''Kodi si mukutonga basi ufumu bwa Isaraeli? Lamukani mudye; mtima wanu mbausekere. Nimkupani ndine munda wa mpesa wa Naboti wa ku Yezireeliyo.⁸Ndiye Yezebeli adanemba masamba mdzina la Ahabu, mkuikha bzilatizo, mkuyatumiza kuna akulu na kuna wanthu wa vida omwe akhakhala naye mmigumano, na omwe akhakhala pafupi na Naboti. ⁹Iye adanemba mmasambayo, kuti, ''Kuwirirani kutsotsa kudya na kukhazika Naboti pakuonekera pa wanthu. ¹⁰Ikhani pomwe wanthu awiri wakuipa pamaso pache apo lekani iwo achitire umboni kugazana naye, kulewa kuti, 'Udatemberera Mulungu na mfumu iwepo.''' Ndiye mtengeni mukam'bome minyala akafe.¹¹Ndiye wanthu wa mmuyi mwache, akulu na wa vida wakukhala mmuyi wa Naboti, adachita ndibzo Yezebeli adawauzira, ninga bzidanembewera mmasamba ndiyo iye adawatumizira. ¹²Iwo adakuwirira kutsotsa kudya na kukhazika Naboti pakuonekera pa wanthu. ¹³Wanthu awiri wakuipa adabwera mwemo mkukhala pamaso pa Naboti; iwo adachitira umboni kugazana na Naboti pakati pa wanthu, kulewa, ''Naboti adatemberera Mulungu na mfumu kubodzi.'' ¹⁴Ndiye iwo adamtengera iye kunja kwa muyi mkukam'boma na minyala mkumupha. Ndiye akulu adatumiza mafala kuna Yezebeli, kulewa, ''Naboti wafa na kubomewa na minyala.''¹⁵Ndiye pomwe Yezebeli adabva kuti Naboti wabomewa minyala wafa, adati kuna Ahabu, ''Lamukani mukatenge munda wa mpesa wa Naboti wa ku Yezireeli, omwe iye adalamba kukupani na kobiri, thangwe naboti ali lini moyo, soma wafa.'' ¹⁶Pomwe Ahabu adabva kuti Naboti wafa, adalamuka kupolika kumunda wa mpesa wa Naboti wa ku Yezireeli mkukautenga kukhala wache wache.¹⁷Ndiye mafala ya Yahova yadabwera kuna Eliya wa ku Tisibe, kulewa, ¹⁸''Lamuka ukagumane na Ahabu mfumu ya Isaraeli, omwe ambakhala m'Samaria. Iye ali mmunda wa mpesa wa Naboti, omwe wayenda kukautenga kukhala wache wache.¹⁹Ukasewere naye ukalewe kuti Yahova wati, 'Kodi wamupha iye mkumutengera pomwe?' Ndiye ukamuuze kuti Yahova wati, 'M'buto ndiyo mbwaya zidanyanguta mulopa wa Naboti, mbwayazo zimdzanyanguta mulopa wako, inde, mulopa wako.'''' ²⁰Ahabu adati kuna Eliya, ''Kodi wandigumana ine, muwengi wanguwe?'' Eliya adatawira, ''Ndakugumana iwepo, thangwe wabzigulisa wekha kuchita chakuipacho pamaso pa Yahova.²¹Yahova wati tere kuna iwe: 'Ona, nimdzakufikisira chakuipa iwe ndichidzamala psiti na kutsenga kuchoka kuna Ahabu mwana aliyense wachimuna na kapolo na mfulu mu Isaraeli. ²²Nimdzachitisa banja lako kukhala ninga banja la Yerobiamu mwana wachimuna wa Nebati, na ninga banja la Basa mwana wachimuna wa Ahiya, thangwe iwe waputa ukali bwangu na kutsogolera Isaraeli ku chakuipa.'²³Yahova wasewera pomwe kuguma Yezebeli, kulewa, 'Mbwaya zimdzadya Yezebeli pambali pa litsito la Yezireeli.' ²⁴Aliyense wakubanja la Ahabu na wakufera mmuyi, mbwaya zimdzadya; apo mbalame za mdzaulu zimdzadya aliyense wakufera mthengo.''²⁵Pakhalibe wina ninga Ahabu, omwe adabzigulisa yekha kuchita chakuipa pamaso pa Yahova, omwe Yezebeli mkazache adakolezera chakuipa. ²⁶Ahabu adachita mwakuipisisa pa kutewera mafano, ninga ndimo Aamori wensene akhadachitira, iwo omwe Yahova akhadawachosa pamaso pa wana wa Isaraeli.²⁷Pomwe Ahabu adabva mafala yamweya, adaphadzula bzakubvala bzache mkubvala chiguduli pa thupi pache achitsotsa kudya, achikhala basi mchakubvala cha chiguduli na kukhala wakupsoma kwene kwene. ²⁸Kinangoka mafala ya Yahova yadabwera kuna Eliya wa ku Tisibe, kulewa, ²⁹''Kodi ukuona ndimo Ahabu wabzichepesera pamaso pangu? Thangwera kuti iye wabzichepesa yekha pamaso pangu, nimdzamfikisira lini zjai chakuipa chire iye akana moyopa; ni mu nsiku za mwanache wachimuna ndizo nditi ndidzabwerese chakuipachi pa nyumba yache.''

22¹Magole matayu yadapita seye nkhondo pakati pa Aramu na Isaraeli. ²Kinangoka bzidachitika kuti mgole lachitatu, Yehosafati mfumu ya Yuda idapolika kuna mfumu ya Isaraeli.³Tsapano mfumu ya Isaraeli idati kuna anyamata wache, ''Kodi mukukdziwa kuti Ramoti Gileadi ngwathu, soma kuti tikuchita lini chinthu kuti timtenge kuchoka mmanja mwa mfumu ya Aramu? ⁴Ndiye iye adati kuna Yehosafati, ''Muniyenda nandembo ku nkhondo pa Ramoti Gileadi?'' Yehosafati adatawira kuna mfumu ya Isaraeli, ''Ndiri ninga imwe, wanthu wangu ali ninga wanthu wanu, apo akavalo wangu ali ninga akavalo wanu.''⁵Yehosafati adati kuna mfumu ya Isaraeli, ''Pirizi psagani malangizo kuchoka ku mafala ya Yahova kuti mutome kuchita chani.'' ⁶Ndiye mfumu ya Isaraeli idagwezeka aneneri pabodzi, wanthu madzana manayi, ichiti nawo, ''Kodi ndiyende ku nkhondo ku Ramoti Gileadi, ayai nampodi ndiyende?'' Iwo adati, ''Menyani, thangwe Mbuya amdzaupereka mmanja mwa mfumu.''⁷Soma Yehosafati adati, ''Kodi pano palibe pomwe mneneri wina wa Yahova omwe tingabvunzire langizo kuchoka kuna iye?'' ⁸Mfumu ya Isaraeli idati kuna Yehosafati, ''Pakana pomwe munthu m'bodzi omwe tingabvunzire langizo mwa iye kuchoka kuna Yahova kuti atithandize, Mikaya mwana wachimuna wa Yimla, soma nimbamuwenga thangwe iye ambalewera lini chinthu changu chirichense chabwino, soma bzakuipa bzokhabzokha.'' Soma Yehosafati adati, ''Mfumu mbaileke kulewa tenepo.'' ⁹Ndiye mfumu ya Isaraeli idachemera mnyamata ichitonga, ''Bweresani Mikaya mwana wachimuna wa Yimla, thampanopali.''¹⁰Tsapano Ahabu mfumu ya Isaraeli na Yehosafati mfumu ya Yuda akhali khale khale aliyense pakadera yachifumu, atabvala mikanjo yawo, pa mbuto yakupunthira pa mpitiro wa msuwo wa mu Samaria, apo aneneri wensene akhanenera pamaso pawo. ¹¹Zedekiya mwana wachimuna wa Kenana adabzisulira yekha nyanga za chitsulo achiti, ''Yahova wati tere: 'Na izi mumdzasuntha nazo a Arameya kufikizana iwo atamala psiti.''' ¹²Ndiye aneneri wensene adabvimira bzibodzibodzi, kulewa, ''Menyani Ramoti Gileadi mkuganyali, thangwe Yahova waupereka iwo mmanja mwa mfumu.''¹³Mtumi omwe udayenda kukachemera Mikaya udasewera naye, mkulewa, ''Onani tsapano, mafala ya aneneri yalewa bzinthu bzabwino kuna mfumu na mulomo ubodzi. Pirizi lekani mafala yanu yakhale ninga m'bodzi wa iwo mkulewa bzinthu bzabwino.'' ¹⁴Mikaya adatawira, ''Pana Yahova, ichi ndicho Yahova walewa kuna ine kuti ndilewe.'' ¹⁵Pomwe iye adabwera kuna mfumu, mfumuyo idati kuna iye, ''Mikaya, kodi tiyende ku Ramoti Gileadi kunkhondo, ayai neye?'' Mikaya adamtawira iye, ''Menyani muganyali. Yahova amdzaupereka iwo mmanja mwa mfumu.''¹⁶Kinangoka mfumu idati kuna iye, ''Kodi ine ndikulumbirise kangasi iwepo kuti undiuze chadidi chokha chokha mdzina la Yahova?'' ¹⁷Ndiye Mikaya adati, ''Ndidaona Aisaraeli wensene kumwazikana mmapiri, ninga mabira yakusaya makabusa, apo Yahova adati, 'Amwewa alibe mbuyawo. Lekani munthu aliyense abwerere kunyumba kwache mu mtendere.'''¹⁸Ndiye mfumu ya Isaraeli idatik kuna Yehosafati, ''Kodi ndiribe kukuuza ine kuti iye anganenere lini chinthu chabwino kuguma ine, soma chakuipa chokha chokha?'' ¹⁹Ndiye Mikaya adati, ''Tsono bvani mafala ya Yahova: Ndidaona Yahova atakhala pakadera yache yachifumu, na mathimu yensene yakudzaulu yakhadaima pafupi naye ku boko lache lamadidi na kumadzere kwache. ²⁰Yahova adati, 'Mbani anganyengeze Ahabu, kuti iye akwire na kugwa pa Ramoti Gileadi?' M'bodzi wa iwo adati mwakuti na wina mwakuti.²¹Ndiye mzimu wina udabwera kutsogolo, mkuima pamaso pa Yahova, uchiti, 'Nimdzamunyengeza ndine.' Yahova adati kuna iye, 'Mwakutani?' ²²Mzimu udati, 'Nim'bula kunja mkukasanduka mzimu wakunama mkamwa mwa aneneri wache wense.' Yahova adatawira, 'Umdzamnamiza iye, uchidzapambana pomwe. Ndoko tsapano ukachite tenepoyo.' ²³Tsapano onani, Yahova waikha mzimu wakunama mkamwa mwa aneneri wanu wensenewa, apo Yahova wasewera chakuipa cha imwe.''²⁴Ndiye Zedekiya mwana wachimuna wa Kenana, adafendeza, mkumenya Mikaya bofutada pa phutu, achiti, ''Mzimu wa Yahova wadzera njira iponi kuchoka kuna ine mkukasewera na iwepo?'' ²⁵Mikaya adati, ''Ona, umdzaona nsiku yoyo pomwe iwe umdzayenda kukabisalika mkasubi ka mkati.''²⁶Mfumu ya Isaraeli idati kuna mnyamata wache, ''Muphateni Mikaya mum'bwezere kuna Amoni, kazembe wa muyi, na kuna Yoasi, mwanangu wachimuna. ²⁷Lewani kuna iye, 'Mfumu yati, Ikhani munthuyu mkaoko, na kumdyesa mkate wamatsautso na madzi yamatsautso kufikizana ndibwerere mwamtendere.''' ²⁸Ndiye Mikaya adati, ''Penu unibwerera mwamtendere, ndiye Yahova alibe kesewera kudzera mwa ine.'' Ndiye iye adathimizira, ''Tetekerani ichi, wanthu mwensemwe.''²⁹Ndiye Ahabu, mfumu ya Isaraeli, na Yehosafati, mfumu ya Yuda, adakwira ku Ramoti Gileadi. ³⁰Mfumu ya Isaraeli idati kuna Yehosafati, ''Nimdzabzibisa ndekha mkuyenda ku nkhondo, soma bvala bzakubvala bzako bza ufumu.'' Ndiye mfumu ya Isaraeli idabzibisa yokha mkuyendadi ku nkhondo.³¹Tsapano mfumu ya Aramu ikhadatonga akapitawo makumi katatu na awiri wa magareta yache, kulewa, ''Nampodi kumenyana na anyankhondo ang'ono ayai akulu. Menyanani na mfumu ya Isaraeli yokha basi.'' ³²Bzidachitika kuti pomwe akapitawo wa magareta adaona Yehosafati iwo adati, ''Chadidi imweyo ni mfumu ya Isaraeli.'' Iwo adabwerera kudzamenyana naye, ndiye Yehosafati adakuwa. ³³Bzidachitika kuti pomwe akulu wankhondo wa magareta adaona kuti ikhali lini mfumu ya Isaraeli, adabwerera kulekeza kumuthotha.³⁴Soma munthu wina adapfuwa uta bwachithusethuse mkulasa mfumu ya Isaraeli pakati pa malumikidziro ya malaya yachitsulo. Ndiye Ahabu adati kuna wakufambisa wa gareta lache, ''Zungunuka unditakule ine kuchoka kunkhondo kuno, thangwe ndadzonongeka kwenekwene.''³⁵Nkhondo idakula kwenekwene nsiku yoyo apo mfumu idaphatiririwa mgareta lache kunyang'anizana na a Arameya. Iyo idafa kumaulo kwache. Mulopa udabula pachilonda pache kujoja na kunyansi kwa gareta lache. ³⁶Ndiye pa nthawe yoyo dzuwa likhapendeka, mkuwe udafikira thimu lensene la anyankhondo, kulewa, ''Munthu aliyense abwerere kumuyi wache; na munthu aliyense kubwerera ku mphimpha yache!''³⁷Ndiye Mfumu Ahabu idafa ichibweresewa ku Samaria, achifuchira m'Samaria. ³⁸Iwo adatsuka gareta pa thawale la Samaria, apo mbwaya zidanyanguta mulopa wache (pale pomwe akazi wachigololo akhasambira), ninga ndimo mafala ya Yahova yadalewera.³⁹Zingakhala nkhani zinango zakuguma Ahabu, bzensene ndibzo iye adachita, nyumba ya njanga za nzowu ndiyo iye adamanga, na miyi yensene ndiyo iye adamanga, kodi bziribe kunembiwa m'bukhu la mbiri ya mafumu ya Isaraeli? ⁴⁰Ndiye Ahabu adagona pansi na abereki wache, apo Ahaziya mwanache wachimuna adakhala mfumu nkhankha ya iye.⁴¹Kinangoko Yehosafati mwana wachimuna wa Asa adayamba kutonga Yuda mgole lachinayi la Ahabu mfumu ya Isaraeli. ⁴²Yehosafati akhana magole makumi matatu na machanu yakubadwa pomwe adayamba kutonga, apo iye adatonga mu Yerusalemu magole makumi mawiri na machanu. Mayi wache dzina lawo akhali Azuba, mwana wachikazi wa Sili.⁴³Iye adafamba mnjira ya Asa, babache; iye alibe kutayana nawo iwo; iye adachita bzakulungama pamaso pa Yahova. Soma mbuto zakupambulika ziribe kutengiwa. Wanthu akhambathira basi nsembe na kumbafukiza bzakununtchira pa mbuto zakupambulikazo. ⁴⁴Yehosafati adachita mtendere na mfumu ya Isaraeli.⁴⁵Zingakhala nkhani zinango zakuguma Yehosafati, na mphamvu ndizo iye adaonesa, na ndimo adachitira nkhondo, kodi bziribe kunembiwa m'bukhu la mbiri ya mafumu ya Yuda? ⁴⁶iye adachoseratu mdzikomo wa nkhwido ya chigololo ndiwo akhadasalira mu nsiku za babache Asa. ⁴⁷Mukhalibe mfumu mu Edomu, soma wakumbuyo kwa mfumu ndiye akhatonga mwemo.⁴⁸Yehosafati adakonza bzombo bza ku Tarsisi; iwo akhafuna kuyenda ku Ofiri pala oro, soma iwo alibe kuyenda thangwe bzombobzo bzikhadaphwanyika pa Ezioni Geberi. ⁴⁹Ndiye Ahaziya mwana wachimuna wa Ahabu adati kuna Yehosafati, ''Lekani anyamata wanguwa afambembo na anyamata wanu mu bzombomu.'' Soma Yehosafati alibe kubvuma. ⁵⁰Yehosafati adagona pansi na abereki wache achifuchiriwa nawo mu mzinda wa Davide, m'bereki wache; Yoramu mwanache wachimuna adakhala mfumu nkhankha ya iye.⁵¹Ahaziya mwana wachimuna wa Ahabu adayamba kutonga Isaraeli m'Samaria mgole la khumi na chinomwe la Yehosafati mfumu ya Yuda, achitonga magole mawiri mu Isaraeli. ⁵²Iye adachita bzakuipa pamaso pa Yahova achifamba mnjira ya babache, mnjira ya mayi wache, na mnjira ya Yerobiamu mwana wachimuna wa Nebati, omwe adatsogolera naye Isaraeli ku chakuipa. ⁵³Iye adatumikira Baala achimunamata iye apo pakutenepoyo iye adanyosa ukali bwa Yahova, Mulungu wa Isaraeli, ninga ndimo babache akhadachitira.

Mafumu wachiwiri

1¹Moabu adagandukira Isaraeli atafa Ahabu. ²Kinangoka Ahaziya adagwera pansi kudzera pa matabwa yakutandika pansi msubi yache ya mdzaulu mu Samariya, achidzonongeka. Ndiye adatuma mitumi achiiuza kuti, ''Ndokoni, mukabvunze Baala Zebubi, mulungu wa Ekironi, penu nilimba kudzonongeka ndachitaku.''⁴Soma mnjero wa Yahova adati kuna Eliya wa ku Tisibite, ''Lamuka. ndoko ukwire kukagumana na mitumi ya mfumu ya ku Samariya, apo ukayibvunze, 'Kodi thangwera kuti mulibe Mulungu mu Isaraeli kuti ate mukuyenda kukagumana na Baala Zebuli, mulungu wa Ekironi? ³Tsono Yahova wati, ''Umdzabuluka lini kuchoka pa kama ndiyo wakwirayo; mmalo mwache, umdzafa meju.'''''' Kinangoka Eliya adachoka.⁵Pomwe mitumiyo idabwerera kuna Ahaziya, iye adati kuna iyo, ''Thangweranyi mwabwererapa?'' ⁶Iwo adati kuna iye, ''Munthu adabwera kudzagumana nafe omwe adati kuna ife, ''Bwererani kuna mfumu ndiyo yakutumaniyo, mukaiuze kuti, ''Yahova wati tere: 'Mthangwera kuti mulibe Mulungu mu Isaraeli ndipopa mwatuma wanthu kukagumana na Baala Zebubi, mulungu wa Ekironi? Tsono mumdzabuluka lini pa kama ndiyo mwakwirayo; mmalo mwache mumdzafa meju.''''''⁷Ahaziya adati kuna mitumiyo, ''Iye akhali munthu moda wanyi, omwe adabwera kudzagumana namweyo?'' ⁸Iwo adamtawira iye, ''Iye akhadabvala chakubvala chakukonza na tsisi apo akhana bande wa khanda kuzungulira mchuno mwache.''Ndiye mfumuyo idatawira, ''Ni Eliya wa ku Tisibite umweyo.''⁹Ndiye mfumuyo idatuma kapitawo na achikunda makumi machanu kuna Eliya. Kapitawoyo adakwira kuyenda pomwe iye akhakhala padzulu pa phiri. Kapitawoyo adakasewera naye, Imwe, munthu wa Mulungu, mfumu yati, 'Bulukani mmphompho.'' ¹⁰Eliya adatawira achiti kuna kapitawoyo, ''Penu ndine munthu wa Mulungu, moto mbautsomoke kuchoka kudzaulu mkukukhudyula iwepo na amuna wako makumi machanuwa,'' Ndiye moto udatsomokadi kuchoka kudzaulu uchikhudyula iye na amuna wache makumi machanuwo.¹¹Bwereze Mfumu Ahaziya idatuma pomwe kuna Eliya kapitawo winango na amuna makumi machanu. Kapitawoyo adati pomwe kuna Eliya, ''Imwe, munthu wa Mulungu, mfumu yati bulukani mmphompho kamkulumize.''' ¹²Eliya adatawira achiti kuna iwo, ''Penu ndine munthu wa Mulungu moto mbautsomoke kuchoka kudzaulu ukhudyule iwepo na amuna wako makumi machanuwa.'' Bwereze moto wa Mulungu udatsomokadi kuchoka kudzaulu uchikhudyula iye na amuna wache makumi machanuwo.¹³Chensecho pomwe mfumu idatuma thimu lachitatu la wankhondo eakugopsa makumi machanu. Kapitawo uyu adakwira padzaulu, mkukagodama mabondo yache pamaso pa Eliya, achipsaga udidi bwache achiti kuna iye, ''Imwe, munthu wa Mulungu, ndikukukumbirani, bvumani moyo wangu na moyo wa akapolo wanu makumi machanuwa ukhale wakufunika pamaso panu. ¹⁴Mchadidi, moto udatsomoka kuchoka kudzaulu uchikhudyuladi makapitawo yakutoma mawiri yale na amuna wawo, soma tsapano bvumani moyo wanguyu ukhale wakufunika pamaso panu.''¹⁵Mnjero wa Yahova adati kuna Eliya, ''Ndoko polika naye, Nampodi kuchita naye mantha.'' Ndiye Eliya adalamuka achiyenda kupolika naye kuna mfumuyo. ¹⁶Salipo Eliya adati kuna Ahaziya, ''Ibzi ndibzo Yahova walewa, 'Watuma mitumi kukagumana na Baala Zebubi, mulumgu wa Ekironi. Kodi mthangwera kuti mu Isaraeli mulibe Mulungu na wakuti imwe mungamukumbire mafala? Ndiye tsapano, umdzabuluka lini pa kama pako ndipo wakwirapo; umdzafa meju.''¹⁷Ndiye Mfumu Ahaziya idafa malingana na mafala ya Yahova ndiyo Eliya akhadasewera.Yoramu adayamba kutonga nkhankha yache, mgole lachiwiri la Yehoramu mwana wachimuna wa Yehosafati mfumu ya Yuda, thangwe Ahaziya akhalibe mwana wachimuna. ¹⁸Zingakhala nkhani zina zakuguma Ahaziya, kodi ziribe kunembiwa mmbukhu la mbiri ya mafumu ya Isaraeli?

2¹Ndiye bzidachitika, pomwe Yahova akhayenda kukatenga Eliya na kabvulimvuli kuyenda kudzaulu, kuti Eliya adaphadzana na Elisa pa Giligala. ²Eliya adati kuna Elisa, ''Khala pano, pirizi, thangwe Yahova wandituma ku Beteli.'' Elisa adatawira, ''Pomwe Yahova mumkhala, na pomwe iwe unikhala, ine nimdzakusiyani lini.'' Ndiye iwo adayenda kupolika ku Beteli.³Wana wachimuna wa mneneri omwe akhali pa Beteli adabwera kuna Elisa achidzati kuna iye, ''Kodi ukudziwa kuti Yahova amkutengera mbyakoyu lero lino?'' Elisa adatawira, ''Inde, ndikudziwa bzobzo, soma nampodi kubzilewa.'' ⁴Eliya adati kuna iye, ''Elisa, dikhira pano, pirizi, thangwe Yahova wandituma ku Yeriko.'' Ndiye Elisa adatawira, ''Pomwe Yahova mumkhalapo, na pomwe unikhalapo, nimdzakusiyani lini.'' Ndiye iwo adayenda ku Yeriko.⁵Ndiye wana wachimuna wa mneneriyo omwe akhali pa Yeriko adabwera kuna Elisa achidzati kuna iye, ''Kodi ukudziwa kuti Yahova animtenga mbuyakoyu kuchoka kuna iwe lero lino?'' Elisa adatawira, ''Inde ndikudziwa bzobzo, soma nampodi kubzilewa.'' ⁶Ndiye Eliya adati kuna iye, ''Khala pano, pirizi, thangwe Yahova wandituma ku Yorodano.'' Elisa adatawira, ''Pomwe mumkhalapo Yahova, na pomwe unikhalapo nimdzakusiyani lini.''m Ndiye awiriwo adayenda.⁷Salipo, wana wina makumi machanu wa mneneriyo adaima kunyang'anizana nawo pa mtantho pomwe awiriwo adaima pafupi na Yorodano. ⁸Eliya adatenga manta yache achiifuthula, mkumenya nayo madzi. Mkuloyo udagawikana mbali ziwiri mwakuti awiriwo adafamba pamataka yakuuma.⁹Bzidachitika, atayambuka, kuti Eliya adati kuna Elisa, ''Ndikumbire ine bzakuti ndikuchitire iwepo ndikanati kuti nditengewe kuchoka pana iwe.'' Elisa adatawira, ''Pirizi chitani bzakuti magawo mawiri ya mzimu wanu yakhale pa ine.'' ¹⁰Eliya adatawira, ''Wakumbira chinthu chakunesa. Soma, ungandiona ndikutengiwa kuchoka pa iwe, ichi chimdzakuchitikira iwe, soma penu neye, chimdzachitika lini.''¹¹Pomwe iwo akhafamba achimbasewera basi, onani, galeta la moto na akavalo wa moto adaonekera, omwe adalekanisa wanthu awiriwa wina na mwayache, apo Eliya adakwira na kabvulimvuli kuyenda kudzaulu. ¹²Elisa adauona achikuwa, ''Babangu, babangu, magaleta ya Isaraeli na wapakavalo!'' Iye alibe kumuona pomwe Eliya, apo adaphatirira bzakubvala bzache bza iye mwene achibziphadzula mmapidaso.¹³Iye adalokota manta ya Eliya ndiyo idadoda kuchoka kuna iye, achiyenda kukaima m'bali mwa gombe la Yorodano. ¹⁴Iye adamenya madzi na manta ya Eliyayo ndiyo idadoda ile achiti, ''Yahova ali kuponi, Mulungu wa Eliya?'' Pomwe adamenya madziyo, yadagawikana mbali ziwiri apo Elisa adayambuka.¹⁵Pomwe wana wachimuna wa mneneri omwe akhali wa ku Yeriko adaona iye kuyambuka kuchoka kuna iwo, iwo adati, ''Mzimu wa Eliya wasala pa Elisa!'' Ndiye iwo adabwera kudzagumana naye, achigodama iwo okha pansi pamaso pa iye. ¹⁶Iwo adati kuna iye, ''Onani tsapano, pakati pa akapolo wanuwa pana amuna wamphamvu makumi machanu. Abvumeni ambayende, tikukumbira, na kukapsaga mbuyanu, mwina Mzimu wa Yahova wamutakula kukwira naye mkukamuthusa pa phiri lina ayai mmchigwa chinangombo.'' Elisa adatawira, ''Neye, nampodi kuwatuma.''¹⁷Soma pomwe iwo adamkumbira basi kufikizana Elisa kuchita manyazi, iye adati, ''Atumeni.'' Ndiye iwo adatumadi amuna makumi machanuwo, achikamupsaga nsiku zitatu, soma alibe kumugumana. ¹⁸Iwo adabwerera kuna Elisa, pomwe iye akhali pa Yeriko, achiti kuna iwo, ''Ndiribe kukuuzani, 'Nampodi kuyenda'?''¹⁹Amuna wa mmuyimo adati kuna Elisa, ''Ona tsapano, makhaliro ya muyi uno yadeka, ninga mbuyangu akuona, soma madzi ngakuipa na mataka ngakubala lini bzipaso.'' ²⁰Elisa adatawira, ''Ndibweresereni palato ipsa apo muikhe munyu momo.'' ndiye iwo adaibweresa kuna iye.²¹Elisa adabula panja mkuyenda ku lowe wa madzi achikathusa munyu momo; kinangoka iye adati, ''Yahova wati tere, 'Ndalimbisa madziya. Kuchoka nthawe ino kufika mtsogolo, pamdzakhala lini pomwe imfa ayai mataka yakusaya kubala bzipaso.'' ²²Ndiye madziyo yadachira ate lero, na mafala ndiyo Elisa adasewerayo.²³Ndiye Elisa adakwira kuchoka popo kuyenda ku Beteli. Pomwe iye akhayenda kukwira na mseu, anyamata ang;ono ang;ono adabula mmuyimo achidzamunyoza; iwo adati kuna iye, ''Ndoko kwira, iwe nyadazi! Ndoko kwira, iwe nyadazi!'' ²⁴Elisa adanyang'anisa mmambuyo mwache achiwaona iwo; iye adawatemberera iwo mdzina la Yahova. Kinangoka bzimbalangondo bziwiri zikazi zidabula pa miti yakuuma bzichipwetedza anyamata makumi manayi na awiri wa iwo. ²⁵Kinangoka Elisa adayenda kuchoka popo ku Phiri la Kalimeli, apo kuchoka koko iye adabwerera ku Samariya.

3¹Tsapano mgole lachikhumi na chisere la Yehosafati mfumu ya Yuda, Yoramu mwana wachimuna wa Ahabu adayamba kutonga pa a Isaraeli mu Samariya; iye adatonga magole khumi na mawiri. ²Iye adachita bzakunyansa pa maso pa Yahova, soma sikuti ninga letu babache na mai wache; nakuti iye adachosa mwala wa chakuimisa cha mulungu Baala ndiwo babache akhadakonza. ³Soma, adakhalabe pa bzakuipa bzaYeroboamu mwana wachimuna wa Nebati, omwe adachitisa Isaraeli kuphonya; iye alibe kutembenuka kuchoka kuna iwo.⁴Tsapano Mesa mfumu ya Moabu idafuwa mabira. Iyo idapa mfumu ya Isaraeli ntchere bzulu bzakukwana dzana libodzi na ukuse bwa atonde bzulu bzakukwana dzana libodzi wa mabira. ⁵Soma atafa Ahabu, mfumu ya Moabu idagandukira mfumu ya Isaraeli. ⁶Ndiye Mfumu Yoramu idachoka mu Samariya pa nthawe yoyo kukakokosa a Isaraeli wense pala nkhondo.⁷Iye adatuma mtumi kuna Yehosafati mfumu ya Yuda, kulewa kuti, '' Mfumu ya Moabu yandigandukira ine. Kodi mumdzayenda nandembo kunkhondo kukalimbana na Moabu?'' Yehosafati adatawira, ''Nimdzayenda. Ndiri ninga imwe muliri, wanthu wangu ninga wanthu wanu, akavalo wangu ninga akavalo wanu.'' ⁸Ndiye iye adti, ''Tikamenye kudzera njira iponi?'' Yehosafati adatawira, ''Na njira ya ku chipululu cha Edomu.''⁹Ndiye mfumu ya Isaraeli idayenda na mfumu ya Yuda na mfumu ya Edomu. Iwo adazungulira kwa nsiku zinomwe, apo pakhalibe madzi yakumwa achikunda ayai ya nyama ndizo adayenda nazo. ¹⁰Ndiye mfumu ya Isaraeli idati, ''Mchani chochi? Kodi Yahova wachemera mafumu matatu pala kudzayapereka mmanja mwa Moabu?''¹¹Soma Yehosafati adati, ''Kodi palibe mneneri wa Yahova pano, kuti tibvunze Yahova kudzera mwa iye?'' M'bodzi wa akapolo wa mfumu ya Isaraeli adatawira achiti, ''Elisa mwana wachimuna wa Safati ali pano, omwe adathira madzi pa manja ya Eliya.'' ¹²Yehosafati adati, ''Mafala ya Yahova yana iye.'' Ndiye mfumu ya Isaraeli, Yehosafati, na mfumu ya Edomu adapolika kuyenda kuna iye.¹³Elisa adati kuna mfumu ya Isaraeli, ''Ndatani namwe ine? Ndokoni kuna aneneri wa babanu na mai wanu.'' Ndiye mfumu ya Isaraeli idati kuna iye, ''Neye, thangwe Yahova wachemera mafumu matatuya pabodzi kuyapereka mmanja mwa Moabu.'' ¹⁴Elisa adatawira, ''Ninga Yahova wamakamu anikhala, pamaso pache ndipo niima, ndichikhala ndiribe kulemekeza kuoneka kwa Yehosafati mfumu ya Yuda, ningadakutetekerani lini, ayai kukunyang'anisani.¹⁵Soma tsapano ndibweresereni wakuimba.'' Ndiye lidagwata nthawe ndizo wakuimbayo akhaimba, boko la Yahova lidabwera pa Elisa. ¹⁶Iye adati, 'Yahova walewa tere, 'Konzani chigwa chakuuma cha mkuloyu chidzale na madindi.' ¹⁷Thangwe Yahova walewa tere, 'Mumdzaona lini chonzi, ayai kuona mvula, soma chigwa cha mkuloyu chimdzadzala madzi, apo mumdzamwa, imwe na bzifuwo bzanu na nyama zanu zense.'¹⁸Ichi mchinthu chakusaya kunesa pa maso pa Yahova. Iye amdzakupani pomwe chipambano pa a Moabu. ¹⁹Mumdzamenya muyi uliwense wa litsito na muyi uliwense wabwino, kugwata muti uliwense wabwino, kudumisa alowe wense wa madzi, na kusukwisa mbuto iliyense ya mataka na mathanthwe.''²⁰Ndiye machibese itasala pang'ono nthawe yakupereka nsembe, madzi yadabwera kuchokera mbali ya ku Edomu, apo dziko lidadzala na madzi.²¹Tsapano pomwe a Moabu wense adabva kuti mafumu yadabwera kudzamenya nkhondo kulimbana nawo, adamemeza aliyense mkulu bwino kumanga bande mchiuno, apo iwo adaima pa malire. ²²Iwo adalamuka machibesebese apo dzuwa lidatoya pa madzi. Pomwe a Moabu adaona madzi mbali yakunyang'anizana nawo, yadaoneka kufwira ninga mulopa. ²³Iwo adakuwa, ''Uyu ni mulopa! Mafumu yadzongewa meju, apo iwo adaphana okhaokha! Ndiye tsapano, Moabu, mbatiye tikawapondedze!''²⁴Pomwe iwo adabwera pa msasa wa Isaraeli, Isaraeli adalamuka achimenya a Moabu, omwe adathawa pamaso pawo. Wankhondo wa Isaraeli adathotha a Moabu kuyambuka dzikolo, achiwapha. ²⁵Adadzonga miyi, apo pambuto iriyense yabwino munthu aliyense adathusa mwala kufikira idampsinkhika. Iwo adadumisa lowe aliyense wamadzi achigwesa miti yense yabwino. Kiri Hareseti yekha ndiye adasala na minyala m'buto mwache. Soma achikunda wakukhala na mavishika adazungulira achiumenya.²⁶Pomwe mfumu Mesa ya ku Moabu idaona kuti idagonja nkhondo, idatenga amuna madzana manomwe wa malupanga mkuphotchola kuyenda kuna mfumu ya Edomu, soma adatazira. ²⁷Kinangoka idatenga mwanache wakutoma wachimuna, omwe angadatonga nkhankha ya iye, achimupereka nsembe yakupserereza pa litsito; Ndiye pakhana kukalipa kukulu kugazana na Isaraeli, apo wankhondo wa Isaraeli adachoka pa Mfumu Mesa mkubwerera ku dziko lawo chailo.

4¹Tsapano mkazi wa mwana m'bodzi wachimuna wa wansembe adabwera achilira kuna Elisa kulewa kuti, ''Kapolo wanu bayangu wasaika, apo mukudziwa kuti kapolo wanu akhagopa Yahova. Tsapano wamangawa wabwera kudzatenga wanangu awiri kukakhala akapolo wache.'' ²Ndiye Elisa adati kuna iye, ''Ndikuthandize chani? Ndiuze una chani mnyumba? Iye adati, ''Kapolo wanu alibe chinthu mnyumba, kupambula poto wa mafuta.''³Ndiye Elisa adati, ''Ndoko ukakumbire mitsuko kuna anansi wako, mitsuko yakusaya bzinthu. Kakumbire mizinji. ⁴Ndiye uyende mkati ukabzifungire msuwo na wanako wachimuna, apo ukatsanulire mafutayo mmitsuko yenseneyo; ukaikhe pambali mitsuko ndiyo yadzala.''⁵Ndiye iye adasiyana na Elisa achikafunga msuwo na wanache wachimuna. Iwo adabweresa mitsukoyo kuna iye, achiidzala na mafuta. ⁶Mitsukoyo itadzala, iye adati kuna mwanache wachimuna, ''Ndipasile mtsuko winango.'' Soma iye adati kuna iye, ''Palibe mitsuko inango.'' Kinangoka mafuta yadalekeza kutsanuka.⁷Ndiye iye adabwera kudzauza munthu wa Mulungu. Iye adati, ''Ndoko, kagulise mafutayo; ukapagali mangawa yakoyo, apo phatisa basa na wanako yakusalayo.''⁸Nsiku inango Elisa adafamba kuyenda ku Sunemu komwe mkazi wakufunikira akhakhala; iye adamukumbira kudya naye chakudya, Ndiye kazinji Elisa angambagwata na pafupipo, akhambaima popo mkumbadya. ⁹Mkaziyo adati kuna bayache, ''Onani tsapano, ndazindikira kuti uyu ni munthu wakuchena wa Mulungu omwe ambagwatagwata pafupiyu.¹⁰Mbatiye tikonze kasubi kamkiti pa nsodzi pa Elisapa, apo mbatiye tiikhe kama mwemo, meza, kadera, na kandiyero. Ndiye iye angabwera kuna ife, adzakhale mwemo.'' ¹¹Ndiye nthawe ndizo nsiku idakwana pomwe kuti Elisa adaima popo, adakhala msubimo achipuma mwemo.¹²Elisa adati kuna Gehazi kapolo wache, ''Chemera wa ku Sunamiyu.'' Atamuchemera, adaima pamaso pache. ¹³Elisa adati kuna iye, ''Muuze, 'Wayenda ku mabvuto yenseya kutisamala ife. Tikuchitire chani? Tikusewerere iwe kuna mfumu ayai kuna mkulu wa nkhondo? Mkaziyo adatawira, ''Ndikukhala pakati pa wanthu wangu.''¹⁴Ndiye Elisa adati, ''Timuchitire chani iye, tsono?'' Gehazi adatawira, Mchadidi, iye alibe mwana apo bayache ngwakukalamba.'' ¹⁵Ndiye Elisa adati, ;;Mchemere.'' Iye atamchemera, adaima pamsuwo. ¹⁶Elisa adati, ''Pa nthawe ino ya gole, pangapita gole, umdzaphata mwana wachimuna,'' Iye adati, ''Neye, mbuyangu na munthu wa Mulungu, nampodi kunamiza kapolo wanu.''¹⁷Soma mkaziyo adatenga pathupi achibala mwana wachimuna pa nthawe ninga yoyo gole lamangwana lache, ninga ndimo Elisa adamuuzira iye. ¹⁸Mwanayo atakula, adabula kunja nsiku ina kuyenda kuna babache, omwe akhana wanthu wakukolola. ¹⁹Iye adati kuna babache, ''Msolo wangu, msolo wangu.'' Babachewo adati kuna kapolo wawo, ''Mtengere kuna mayi wache uyu.'' ²⁰Kapolo atamudzusa achibweresa mnyamatayo kuna mai wache, mwanayo adakhala pa mabondo ya mai wache ate masikati apo kinangoko adafa.²¹Ndiye mkaziyo adalamuka mkugonesa mwanayo pa kama ya munthu wa Mulungu, mkufunga msuwo, mkubula panja. ²²Iye adachemera bayache, achiti, ''Pirizi nditumirenimbo kapolo m'bodzi na bulu m'bodzi kuti ndikulumize kuyenda kuna munthu wa Mulungu mkubwerera.''²³Bayache adati, ''Thangweranyi ukufuna kuyenda kuna iye lero lino? Mwezi upsa ulibe kukhwedzuka ayai nsiku ya Sabudu.'' Iye adatawira, ''Bzimkhala bwino.'' ²⁴Ndiye adatchobva bulu achiti kuna kapolo wache, ''Fambisa kamkulumize; nampodi kundidembera pokha pokha ndichite kulewa tenepoyo.''²⁵Ndiye iye adayenda kuna munthu wa Mulungu pa Phiri la Karimeli. Ndiye pomwe munthu wa Mulungu adamuona iye patali, adati kuna Gehazi kapolo wache, ''Nyang'ana, kukubwerra mkazi wa ku Sunami. ²⁶Pirizi mthamangire ukati kuna iye, 'Bzense bziri bwino iwe na bayako na mwana?''' Iye adatawira, ''Bziri bwino.''²⁷Pomwe iye adabwera kuna munthu wa Mulungu pa phiripo, adaphata nzayo za Elisa. Gehazi adabwera pafupi kudzamugwinya, soma munthu wa Mulungu adati, ''Muleke, thangwe wapsoma maninge, apo Yahova wandibisira bvutolo ine, apo alibe kundiuza chinthu.''²⁸Ndiye iye adati, ''Kodi ndidakukumbirani mwana ine, mbuyangu? Ndiribe kulewa, 'Nampodi kundinamiza'?'' ²⁹Ndiye Elisa adati kuna Gehazi, ''Phata mchiuno mwako utenge mpsimbo yangu mmanja mwako. Ndoko kumuyi kwache. Ungagumana na munthu aliyense, nampodi kummusa, apo wina angakumusa, nampodi kumutawira. Kabzatike mpsimboyi pa nkhope ya mwanayo.''³⁰Soma mai wa mnyamatayo adati, ''Pamkhala Yahova, apo pamkhala imwe nimdzakusiyani lini.'' Ndiye Elisa adalamuka achimutewera iye. ³¹Gehazi adakulumiza kuyenda patsogolo pawo achikabzatika mpsimbo pa nkhope pa mnyamatayo, soma mnyamatayo alibe kulewalewa ayai kubva. Ndiye tsapano Gehazi adabwerera kudzagumana na Elisa achimuuza kuti, ''Mnyamata alibe kulamuka.''³²Elisa atafika panyumbapo, mnyamatayo akhali chifere atagonesa pa kama. ³³Ndiye Elisa adapita momo achifunga msuwo pa awiri wa iwo achipemba kuna Yahova. ³⁴Iye adakwira achikakhwathama padzaulu pa mwanayo; adaikha mulomo wache pa mulomo pache, maso yache pa maso yache, na manja yache pa manja yache. Adabzithamula padzaulu pa mnyamatayo, apo thupi la mnyamatayo lidathuma.³⁵Ndiye Elisa adalamuka achifambafamba kuzungulira msubimo achiyenda pomwe kukwira mkubzithamula padzaulu pa mnyamatayo. Mnyamatayo adayetsemula kanomwe mkupenya maso yache! ³⁶Ndiye Elisa adachemera Gehazi achiti, Chemera wa ku Sunami ule!'' Ndiye adamchemera, apo pomwe iye adapita msubimo, Elisa adati, ''Dzusa mwanako.'' ³⁷Kinangoka mkaziyo adatsulima pansi pa nzayo za Elisa achigodama pansi, achidzusa mwanache mkubula panja.³⁸Ndiye Elisa adabwera pomwe ku Giligala. Mukhana njala mdzikomo, apo wana wa aneneri akhadakhala pamaso pache. Iye adati kuna kapolo wache, ''Ikha poto mkulu pamoto apo uphikire wana wa aneneri.'' ³⁹M'bodzi wa iwo adayenda kuthengo kukatcha muliwo wamasamba. Iye adaona mpesa wa mthengo achitcha bzipuzi achidzala mkunza wa mkanjo wache. Iwo adabzigwatagwata achibziikha mpoto, soma alibe kudziwa kuti bzikhali bza moda wanyi⁴⁰Ndiye iwo adatsanula kuti wanthuwo adye. Kinangoka, pomwe iwo akhadya, adakuwa achiti, ''Munthu wa Mulungu, muna imfa mpotomo!'' ndiye alibe kubzidya pomwe. ⁴¹Soma Elisa adati, ''Ndipasireni ufa.'' Iye adabuponyera mpotomo achiti, ''Pakulirani wanthu, kuti adye.'' Mukhalibe pomwe chirichense chakuipa mpotomo.⁴²Munthu adachokera ku Baala Salisa kubwera kuna munthu wa Mulungu achibweresa mikate makumi mawiri ya barere msakha mwache kuchoka ku bzipaso bzakutoma na ngale ziwisi za tirigu. Iye adati, ''Apeni ibzi wanthu kuti adye.'' ⁴³Kapolo wache adati, ''Chani, ndigawire ibzi wanthu chulu kodi?'' Soma Elisa adati, ''Bzipereke kuna wanthu, kuti adye, thangwe Yahova wati, 'Iwo amdzadya achikhala na bzinango bzakusala.'' ⁴⁴Ndiye kapolo wache adawaikhira iwo bzimwebzo; iwo adadya, achisiya bzinango bzakusala, ninga ndimo mafala ya Yahova yadalonjezera.

5¹Tsapano Naamani, mkulu wa nkhondo wa mfumu Aramu, akhali munthu mkulu na wakulemekezeka mkuona kwa mbuyache, thangwe mwa iye Yahova akhadapulumusa Aaramu. Iye akhali pomwe wankhondo wa mphamvu, soma akhali wamapere. ²Wanthu wa ku Arameya akhadayenda mathimu mathimu ku nkhondo achikaphata kamtsikana kang'ono kuchoka mdziko la Isaraeli. Iye adatumikira mkazi wa Naamani.³Mtsikanayo adati kuna mbuyache wachikazi, ''Ndikukhumba kuti mbuyanguwa achikhala na mneneri omwe ali mu Samariya! Ndiye iye angadalimbisa mbuyanguwa ku mapereya.'' ⁴Ndiye Naamani adapita achikauza mfumu ndibzo mtsikana wa ku Isaraeliyo adalewa.⁵Ndiye mfumu ya Aramu idati, ''Ndoko tsapano, apo nimdzatumiza tsamba kuna mfumu ya Isaraeli.'' Naamani adanyamuka achitakula matalente khumi ya siriva, mapidaso ya oro bzulu bzitanthatu, na bzakubvala khumi bzakumbakachinja. ⁶Iye adatakula pomwe tsamba kuyenda nalo kuna mfumu ya Isaraeli ndilo lidati, ''Tsapano tsambali lingakufikani, muniona kuti ndatuma Naamani kapolo wangu kuna imwe, pala kuti mumulimbise ku mapere yache.''⁷Mfumu ya Isaraeli italewenga tsambalo, idaphadzula bzakubvala bzache ichiti, ''Ine kodi ndine Mulungu, kupha na kupereka moyo, kuti munthu uyu angafune ine ndilimbise munthu ku mapere yache? Bzikuoneka kuti akupsaga kupokana nande.''⁸Ndiye pomwe Elisa munthu wa Mulungu adabva kuti mfumu yaphadzula bzakubvala bzache, adatumiza mafala kuna mfumuyo kulewa kuti, ''Thangweranyi mwaphadzula bzakubvala bzanu? Mulekeni tsapano abwere kuna ine, apo iye amdzadziwa kuti muna mneneri mu Isaraeli.'' ⁹Ndiye Naamani adabwera na akavalo wache na magaleta yache achiima pamsuwo wa nyumba ya Elisa. ¹⁰Elisa adatuma mtumi kuna iye, kulewa kuti, ''Ndoko kabzibvwike wekha kanomwe mu Yorodano, apo thupi lako limdzabwerera; umdzalimba.''¹¹Soma Naamani akhadakalipa achiyenda ali mkuti, ''Nyang'anani, ndikhakumbuka anionekera chadidi kuna ine mkuima achichemera pa dzina la Yahova Mulungu wache, mkuvuzula boko lache pambutopo mkulimbisa mapere yanguya. ¹²Kodi Abana na Faripa, mikulo ya mu Damasiko, njabwino lini kuposa madzi yensene ya mu Isaraeli? Ningakwanise lini kusamba mwemo ndichilimba?'' Ndiye iye adabwerera achiyenda uko na ukali.¹³Ndiye akapolo wa Naamani adabwera pafupi achisewera naye, ''Mbuyangu, angadakhala mneneri wakuuza kuchita chinthu china cha kunesa, ungadachichita lini? Ndiye mtani, tsono, pomwe wati kuna iwe, 'Bzibvwike wekha ulimbe'?'' ¹⁴Ndiye iye adayenda achikabzibvwika yekha kanomwe mu Yorodano, kubvera malangizo ya munthu wa Mulungu, Thupi lache lidabwerera pomwe ninga thupi la mwana mng'ono, achilimba.¹⁵Naamani adabwerera kuna munthu wa Mulungu, iye na wanthu wache wensene, achibwera kudzaima pamaso pache. Iye adati, ''Onani tsapano, ndadziwa kuti palibe Mulungu pa dziko lense lapansi kupambula mu Isaraeli. Ndiye mnthangwerache, pirizi tambirani mpfupo kuchoka kuna kapolo wanu.'' ¹⁶Soma Elisa adatawira, ''Pana Yahova, pamaso pache niima, nimtambira lini chinthu.'' Naamani adakumbira Elisa kutambira mpfupo, soma iye adalamba.¹⁷Ndiye Naamani adati, ''Penu neye, ndiye ndikukukumbirani ndipereke kuna kapolo wanu mathuta mawiri ya mataka, thangwe kuchoka pano ate mtsogolo, kapolo wanu amdzapereka lini neye nsembe yakupserereza ayai nsembe kuna mulungu aliyense soma Yahova. ¹⁸Mchinthu ichi Yahova lekererani mnyamata wanu, ndiye kuti, pomwe mfumu yangu iniyenda mnyumba mwa Rimoni kukanamata momo, mkuyadzamira pa boko langu ndichigodamambo ndekha mnyumba ya Rimoni, Yahova lekererani kapolo wanu pa nkhani imweyi.'' ¹⁹Elisa adati kuna iye, ''Ndoko mu mtendere.'' Ndiye Naamani adachoka.²⁰Iye akhadafamba kamtantho kafupi kokha, pomwe Gehazi kapolo wa Elisa munthu wa Mulungu adati, 'Nyang'anani, mbuyangu adalekerera Naamaniyu wa ku Arameya pakusaya kutambira kuchoka mmanja mwache mpfupo ndizo iye adabweresa. Pana Yahova, nimdzamuthamangira na kutambira chinthu kuchoka kuna iye.'' ²¹Ndiye Gehazi adatewera Naamani. Pomwe Naamani adaona wina kumuthamangira, adamogera pansi kuchoka pa galeta wache kukagumana naye achikati, ''Mkwabwino?'' ²²Gehazi adati, ''Mkwabwino inde. Mbuyangu wandituma, kulewa kuti, 'Onani, tsapano anyamata awiri wa wana wa aneneri abwera kuna ine kuchoka kudziko lamapiri la Efraimu. Pirizi apeni talente ya siriva ibodzi na bzakubvala bziwiri bzakukachinja.''²³Naamani adatawira, ''Ndasekera zedi kukupani matalente mawiri.'' Naamani adakumbira Gehazi achimangira matalente mawiri ya siriva mmasakha mawiri, na bzakubvala bziwiri bzakukachinja, achikasenzesa pa awiri mwa akapolo wache, omwe adatakula masakha ya sirivayo pamaso pa Gehazi. ²⁴Pomwe Gehazi adabwera kuphiriko, adatenga masakha ya sirivayo kuchoka mmanja mwawo mkuyabisa mnyumba; adawaleka achiyenda, apo adanyamuka. ²⁵Pomwe Gehazi adapita momo achiima pamaso pa mbuyache, Elisa adati kuna iye, ''Wachokeka kuponi, Gehazi?'' Iye adatawira, ''Kapolo wanu alibe kuyenda kuchinthu.''²⁶Elisa adati kuna Gehazi, Mesa mzimu wangu ukhana iwe pomwe munthu adazungunusa galeta lache kudzagumana nawe? Kodi ino ni nthawe yakubvuma kobiri ayai bzakubvala, minda ya azitona na minda ya mpesa, mabira na ng'ombe, na akapolo wachimuna na akapolo wachikazi? ²⁷Ndiye mapere ya Naamani yamdzakhala pa iwe na wa mbeu yako ate kale kale,'' Ndiye Gehazi adachoka pa iye, wamapereyo ali wakuchena ninga matalala.

6¹Wana wachimuna wa aneneriwo adati kuna Elisa, ''Onani tsapano, mbuto ndiyo timbakhala na imwe ire yatichepera pala ife tensene. ²Pirizi tilekeni tiyende ku Yorodano, apo munthu aliyense mulekeni akagwate muti koko, apo tilekeni tibzimangire mbuto koko yakuti timbakhale.'' Elisa adatawira, ''Mukhoza kuchita tenepo.'' ³M'bodzi wa iwo adati, ''Pirizi ndokoni na akapolo wanu.'' Elisa adatawira, ''Niyenda.''⁴Ndiye iye adayenda nawo, apo pomwe iwo adafika pa Yorodano, adayamba kugwata miti. ⁵Soma pomwe wina akhagwata, mbadzo idagwera mmadzi; iye adakuwa achiti, ''Oh neye letu, mbuyangu, njakukumbira!''⁶Ndiye munthu wa Mulungu adati ''Yagwera paponi?'' Munthuyo adaonesa Elisa mbutoyo. Iye adakhobola kamuti mkukathusa mmadzimo, achiberukisa feroyo. ⁷Elisa adati, ''Ilokote.'' Ndiye munthuyo adapalawiza boko lache mkuiphata.⁸Tsapano mfumu ya Aramu ikhakonzekera nkhondo kulimbana ana Isaraeli, Iyo idapangana na akapolo wache, kulewa kuti, ''Msasa wangu umdzakhala tenepo na pambuto popo.'' ⁹Ndiye munthu wa Mulungu adatuma mtumi kuna mfumu ya Isaraeli, kulewa kuti, ''Chenjera nampodi kugwata na mbuto imweyo, thangwe wa ku Arameya akupolikira koko.''¹⁰Mfumu ya Isaraeli idatuma mtumi ku mbuto ndiyo munthu wa Mulungu akhadasewera na kumuchenjeza iye. Kuposa kabodzi ayai kawiri, pomwe mfumu idayenda koko, ikhali mwakukhotcherewa na iye. ¹¹Mfumu ya ku Aramu ikhali yakukalipa na machenjezo yoya, apo idachemera akapolo wache ichiti kuna iwo, ''Mumndiuza lini kuti mbani pakati pathu ali wa mfumu ya Isaraeli?''¹²Ndiye m'bodzi wa akapolo wache adati, ''Neye, mbuyangu, mfumu, nakuti Elisa mneneri mu Isaraeli wauza mfumu ya Isaraeli mafala ndiyo mumbasewera mwekha msubi mwanu!'' ¹³Mfumu idatawira, ''Ndoko ukaone ndiko Elisa ali kuti nditume wanthu akamuphate,'' Iye adauziwa, ''Onani, ali mu Dotani.''¹⁴Ndiye mfumu idatumiza ku Dotani akavalo, magaleta, na wankhondo azinji. Iwo adabwera na usiku achizungulira muyiyo. ¹⁵Nthawe ndizo kapolo wa munthu wa Mulungu adalamuka na machibesebese kubula panja, onani, thimu likulu la wankhondo na akavalo na magaleta bzikhadazungulira muyiyo. Kapolo wacheyo adati kuna iye, ''Oh, mbuyangu! Timchita tani?'' ¹⁶Elisa adatawira, ''Nampodi kugopa, nakuti iwo omwe ana ife mbazinji, kuposa omwe ana iwo.''¹⁷Elisa adapemba achiti, ''Yahova, ndikukumbira kuti mufungule maso yache kuti awone.'' Ndiye Yahova adafungula maso ya kapoloyo, apo adaona. Onani, phiri likhadadzala na akavalo na magaleta ya moto kuzungulira Elisa! ¹⁸Pomwe wanthu wa ku Arameya adapolika kubwera kuna iye, Elisa dapemba kuna Yahova achiti, ''Menyani wanthuwa apodere maso, ndikukukumbirani.'' Ndiye Yahova adawapoderesa maso, ninga ndimo Elisa akhadakumbirira. ¹⁹Kinangoka Elisa adauza a Arameya, ''Iyi ni njira lini, ayai kuti ni muyi. Nditewereni, apo nimkubweresani kuna munthu ndiye imwe mukumupsaga.'' Ndiye iye adatsogolera iwo ku Samariya.²⁰Bzidachitika kuti pomwe iwo atafika Msamariya, Elisa adati, ''Yahova, fungulani maso ya wanthuwa kuti awone.'' Yahova adafungula maso yawo achiona, apo onani, akhali pakati pa mzinda wa Samariya. ²¹Mfumu ya Isaraeli idati kuna Elisa, pomwe idawaona iwo, ''Babangu, kodi ndiwaphe? Kodi ndiwaphe?''²²Elisa adatawira, ''Nampodi kuwapha. Ungaphe wakuti wachita kuwatenga ukapolo na lupanga lako na uta? Aikhire mkate na madzi, kuti adye na kumwa, apo, ndoko kuna mbuyawo.'' ²³Ndiye mfumu idawakonzera iwo chakudya chizinji, apo atamala kudya na kumwa, adawaleka kuyenda, achibwerera kuna mbuyawo. Yale ma thimu ya achikunda wa a Arameya yalibe kubwerera kwa nthawe itali mdziko la Isaraeli.²⁴Bzitamala ibzi Beni_Hadadi mfumu ya Aramu idagwezeka wankhondo wache wensene achimenya Samariya mkuuzungulira. ²⁵Ndiye mukhana njala ikulu mu Samariya. Onani, iwo adauzungulira kufikizana msolo wa bulu udafika pakugulisiwa kobiri makumi masere za siriva, na libodzi na magawo manayi la kaneka ya mphimo ya bzitosi bza nkhangaiwa pa kobiri zichanu za siriva. ²⁶Pomwe mfumu ya Isaraeli ikhagwata pafupi na litsito, mkazi adamkuwira, kulewa kuti, ''Ndithandizeni mbuye wangu, mfumu.''²⁷Iye adati, ''Penu Yahova amkuthandiza lini iwepo, ine ningakuthandize tani? Kodi chiripo china chakubwera kuchoka kuna mbuto yakupunthira ayai yakupsinyira mpesa?'' ²⁸Mfumu idapitiriza, ''Mchani chikukunesa?'' Iye adatawira, ''Mkaziyo adati kuna ine, ''Pereka mwanako wachimuna pala kuti timudye lero, apo mwanangu wachimuna timdzadyambo mangwana.''' ²⁹Ndiye tidatereka mwanangu tichimudya, apo ndidati kuna iye mangwana yache, ''Pereka mwanako wachimuna kuti timudyembo, soma iye akhadam'bisa mwanacheyo.''³⁰Ndiye pomwe mfumu idabva mafala ya mkaziyo, idaphadzula bzakubvala bzache (tsapano iyo ikhagwata pa litsito), apo wanthu adanyang'anisa achiona kuti ikhana chakubvala cha chiguduli kunyansi, pa thupi lache. ³¹Ndiye iyo idati, ''Mulungu mbaachitembo tenepo kuna ine, na kuna azinji pomwe, penu msolo wa Elisa mwana wachimuna wa Sefati uti ukhale pa iye lero.''³²Soma Elisa akhadakhala mnyumba mwache, apo akulu akhadakhala naye. Mfumu idatuma munthu kuchoka pamaso pache, soma pomwe mtumi udabwera kuna Elisa, iye adati kuna akulu, ''Ona ndimo mwana wa nyakuphayu watumira kuchosa msolo wangu? Nyang'ana, mtumi angabwera, funga msuwo, apo phatirirani msuwoyo utafungira iye. Kodi mgugu wa nzayo za mbuya uli lini pambuyo pache?'' ³³Pomwe iye ali mkati kusewera nawo, onani, mtumi adapolika kubwera kuna iye. Mfumu ikhadalewa, "Onani, mphingapingayi ikuchoka kuna Yahova. Thangweranyi kuti ndidikhire Yahova pomwe?''

7¹Elisa adati, ''Bvaya mafala ya Yahova. Ibzi ndibzo Yahova walewa: 'Mangwana nthawe ninga ino mphimo ya ufa bwakunyodoka imdzagulisiwa sekere libodzi, apo mphimo ziwiri za balere pa sekere libodzi, mchipata cha Samariya.'''' ²Ndiye kazembe omwe paboko lache mfumu idayadzamira adatamwira munthu wa Mulungu, achiti, ''Onani, neye Yahova achichita kukonza mazenera mdzaulu, chinthu chochi chingachitike?'' Elisa adatawira, ''Onani, mumdzaona na maso yanu bzobzi bziri mkuchitika, soma mumdzadya lini chirichense cha ibzo.³Tsapano pakhana wanthu anayi wa mapere kunja kwa chipata cha mzinda. Iwo adati kuna wina na mwayache, ''Thangweranyi kuti tikhale pano ateye kufa? ⁴Penu tinti tiyende mu mzinda, njala iri mu mzindamo, apo timkafera momo. Soma tingakhala basi pano, timdzafa basi, Tsapano ndiye, bwerani, mbatiye kuna wankhondo wa a Arameya. Angakatikoya na moyo, timkakhala na moyo, apo angakatipha, timkatondo kufa.''⁵⁶Ndiye iwo adanyamuka kukali sinsiru kuyenda mu msasa wa a Arameya; pomwe iwo adafika kunja letu kwa mbali ya msasayo, pakhalibe aliyense popo. ⁶Popeza Mbuya adakhadachitisa wankhondo wa a Arameya kubva baludya la magaleta, na baludya la akavalo--baludya la wankhondo winango azinji, apo iwo adati kuna wina na mewayache, ''Mfumu ya Isaraeli yalogali mafumu ya a Hiti na a Aigupto kubwera kudzalimbana nafe.''⁷Ndiye achikunda adalamuka achithawa kukali sinsiru; iwo adasiya mahema yawo, akavalo wawo, abulu wawo, na msasa ninga ukhaliri, achithawisa miyoyo yawo. ⁸Pomwe wanthu wamaperewo adafika kunja letu kwa msasa, adapita mchihema chibodzi achidya na kumwa, achitakula siriva na oro na bzakubvala, mkuyenda kukabzibisa. Iwo adabwerera achipita mchihema chinango mkutakula kuchoka pomwe momo, mkuyenda kukabzibisa.⁹Ndiye iwo adati una wina na mwayache, ''Tikuchita lini bwino. Lero ni nsiku ya uthenga bwa bwino, soma tikubukhalira chete. Tingadikhira ateye kutoya kwa machibese, chilango chimdzatigwera. Tsapano ndiye, bwerani, mbatiye tiyende kukauza banja la mfumu.'' ¹⁰Ndiye adayenda kukachemera wakulindira pa chipata cha muyi. Iwo adawauza, kulewa kuti, ''Tidayenda kummsasa wa a Arameya, soma pakhalibe aliyense popo, neye baludya la aliyensembo, soma pakhana akavalo wakumangirira, na mabulu yakumangirira, na mahema ninga yakhaliri.'' ¹¹Ndiye wakulindira pachipatao adafalisa nkhaniyo, apo adauza wa mnyumba ya mfumu.¹²Ndiye mfumu idalamuka usiku ichiti kuna akapolo wache, ''Nimkuuzani tsapano ndibzo a Arameya achita kuna ife. Iwo akudziwa kuti tina njala, ndiye ayenda kunja kwa msasa kukabisalika mminda. Iwo akulewa kuti. 'Angabwera kuchoka mu mzindamu, timdzawatenga wa moyo, mkupita mu mzindamo.''' ¹³M'bodzi wa akapolo wa mfumu adatawira achiti, ''Ndikukukumbirani, bvumani amuna wina atenge akavalo achanu wa omwe asalawa, omwe asalira mu mzindamu. Iwo ali ninga chilewengero chense cha wanthu wa mu Isaraeli chomwe chasala--azinji tsapano afa; mbatiye tiwatumize tione.''¹⁴Ndiye adatenga magaleta mawiri na akavalo, apo mfumu idawatumiza pambuyo pa wankhondo wa a Arameya, kulewa kuti, ''Ndikoni mukaone.'' ¹⁵Iwo adawatewera ku Yorodano, apo mseu wensene ukhadadzala na bzakubvala na bzida ndibzo a Arameya adabzitaya mkufulumiza kwawo. Ndiye mitumiyo idabwerera ichidzauza mfumu.¹⁶Wanthu adayenda kukapondedza msasa wa a Arameya. Ndiye mphimo ya ufa bwakunyodoka idagulisiwa pa sekere libodzi, na mphimo ziwiri za balere pa sekere libodzi, ninga ndimo mafala ya Yahova yakhadalewera. ¹⁷Mfumu ikhadauza kazembe omwe boko lache ikhadayadzamira kukhala wakunyang'anira chipatacho, apo wanthu adampondedza iye mu njira ya chipatacho. Iye adafa ninga ndimo munthu wa Mulungu akhadalewera, omwe adasewera nthawe ndizo mfumu ikhadapolika kubwera kuna iye.¹⁸Ndiye bzidachitika nthawe ndizo munthu wa Mulungu akhadalewa kuna mfumu, kulewa kuti, ''Nthawe ninga ino mchipata cha Samariya, mphimo za balere zimdzagumanika pa sekere libodzi, na mphimo ya ufa bwakunyodoka pa sekere libodzi.'' ¹⁹Kazembe umweyo akhadamtawira munthu wa Mulungu achiti, ''Onani, neye Yahova achichita kuboola mazenera kudzaulu, chinthu chochi chingachitike?'' Elisa akhadati, ''Onani mumdzaona na maso yanu ibzi bziri kuchitika, soma mumdzadya lini iriyense ya ibzo.'' ²⁰Umo ndimo bzidachitikira ndendende kuna iye, nakuti wanthu adampondedzadi iye mchipata, achiferatu.

8¹Tsapano Elisa akhadasewera na mkazi ndiye mwanache wachimuna iye adamubwezeresa moyo. Iye adati kuna iye, ''Lamuka, uyende na banja lako, apo ukakhale ndiko ungakwanise mdziko linango, thangwe Yahova wachemeresa njala ndiyo imdzagwa mdziko lino kwa magole manomwe.'' ²Ndiye mkaziyo adalamuka achibvera mafala ya munthu wa Mulunguyo. Iye adayendadi na banja lache achikakhala mdziko la Afirisiti magole manomwe.³Bzidachitika ku phampha kwa magole manomwe kuti mkaziyo adabwerera kuchoka mdziko la Afirisiti, apo adayenda kuna mfumu kukailira bza nyumba yache na mbuto yache. ⁴Tsapano mfumu ikhalewalewa na Gehazi kapolo wa munthu wa Mulungu, kulewa kuti, ''Pirizi ndiuze ine bzinthu bzense bzikulu ndibzo Elisa wachita.''⁵Tsapano ali mkati mwakufokotozera mfumuyo ndimo Elisa adabwezeresera moyo wa mwana ndiye akhadafa, mkazi yekhayekhayo ndiye mwanache wachimuna iye adamubwezeresa moyo adabwera kudzalirira mfumu bza nyumba yache na bza mbuto yache. Gehazi adati, ''Mbuyangu, mfumu, uyu ni mkazi ule, apo uyu ni mwanache wachimuna, omwe Elisa adam'bwezeresa moyo wache.'' ⁶Pomwe mfumu idabvunza mkaziyo bza mwanacheyo, iye adafokotozera iye. Ndiye mfumu idzatonga kazembe wina bza iye, kulewa kuti, ''Mubwezere bzense ndibzo bzikhali bzache na bzakukolola bzense bza minda yache kuyambira nsiku ndiyo iye adachoka mdziko lino kufikizana tsapano lino.''⁷⁸⁹Elisa adabwera ku Damasiko komwe Beni-Hadadi mfumu ya Aramu ikhadwala. Mfumu idauziwa, ''Munthu wa Mulungu wabwera pano.'' ⁸Mfumu idati kuna Hazaeli, ''Tenga mpfupo mmanja mwako apo uyende kukagumana na munthu wa Mulungu, na kukauza Yahova kudzera mwa iye, kulewa kuti, "Kodi nilimba ku nthendayi?'' Ndiye Hazaeli adayenda kukagumana naye achitakula mpfupo za moda uliwense za bzinthu bzabwino mu Damasiko, bzakutakuliwa na akavalo makumi manayi. Ndiye Hazaeli adabwera achiima pamaso pa Elisa achiti, ''Mwananu Beni Hadadi mfumu ya Aramu wandituma kuna imwe, kulewa kuti, 'Kodi nilimba ku nthendayi?''¹⁰Elisa adati kuna iye, ''Ndoko, kauze Beni-Hadadi, 'Umdzalimba meju,' soma Yahova wandionesera kuti iye amdzafa meju.'' ¹¹Ndiye Elisa adabzokola Hazaeli ateye iye kuchita manyazi, apo munthu wa Mulunguyo adalira. ¹²Hazaeli adabvunza, ''Thangwewranyi mukulira mbuyangu?'' Iye adatawira, ''Thangwe ndikudziwa bzakuipa ndibzo imwe mumdzachitira wanthu wa Isaraeli. Mumdzachontha miyi yawo na moto, mkudzapha anyamata wawo na lupanga, kunyedza wanawo ang'ono, na kutumbula azimayi wawo wapathupi.''¹³Hazaeli adatawira, ''Kapolo wanu mbani, kuti iye achite chinthu chikuluchi? Iye ni mbwaya basi.'' Elisa datawira, ''Yahova wandionesera kuti iwepo umdzakhala mfumu ya Aramu.'' ¹⁴Ndiye Hazaeli adasiyana na Elisa achibwera kuna mbuyache, omwe adati kuna iye, ''Elisa adati chani kuna iwe?'' Iye adatawira, ''Adandiuza kuti munilimba meju.'' ¹⁵Ndiye mangwana yache Hazaeli adatenga manta achiibvwika mmadzi, mkuifuthulira pa nkhope ya Beni-Hadadi mwakuti iye adaferatu meju. Ndiye Hazaeli adakhala mfumu nkhankha ya iye.¹⁶Mgole la chichanu la Yoramu mwana wa Ahabu, mfumu ya Isaraeli, Yehoramu adayamba kutonga. Iye akhali mwana wachimuna a Yehosafati mfumu ya Yuda. ¹⁷Yehoramu akhana magole makiumi matatu pomwe adayamba kutonga, apo adatonga magole masere mu Yerusalemu.¹⁸Yehoramu adafamba mnjira za mfumu ya Isaraeli, ninga nyumba ya Ahabu ikhachitira; nakuti akhana mwana wachikazi wa Ahabu ninga mkazache, apo adachita ndibzo bzikhali bzakuipa pamaso pa Yahova. ¹⁹Tsono, thangwera mtumiki wache Davide, Yahova alibe kufuna kudzonga Yuda, nakuti iye akhadauza Davide kuti amdzamupa kwakusaya kulekeza kandiyero ya wa mbeu yache.²⁰Mu nsiku za Yehoramu, Edomu adagandukira kulimbana na boko la Yuda, apo iwo achibziikhira okha mfumu. ²¹Ndiye Yehoramu adayambuka kuyenda ku Zairi na magaleta yache yensene. Nthawe ndizo a Edomu adazungulira Yehoramu, wankhondo wakutonga galeta lache adalamuka achiwamenya iwo kati ya usiku; soma wankhondo wa Yehoramu adathawa achibwerera mmahema mwawo.²²Ndiye Edomu wakhala ali mkugandukira kulimbana na utongi bwa Yuda kufikizana nsiku ya lero lino. Libina adapanduka pomwe nthawe imweyo. ²³Zingakhala nkhani zina za Yoramu, bzense ndibzo iye adachita, kodi bziribe kunembiwa m'bukhu la bzichito bza mafumu ya Yuda? ²⁴Yehoramu adagona na abereki wache achifuchiriwa kubodzi na iwo mmuyi wa Davide. Ndiye Ahaziya mwanache wachimuna adakhala mfumu nkhankha ya iye.²⁵Mgole la makumi mawiri la Yoramu mwana wachimuna wa Ahabu, mfumu ya Isaraeli, Ahaziya mwana wachimuna wa Yehoramu, mfumu ya Yuda, adayamba kutonga. ²⁶Ahaziya akhana magole makumi mawiri na mawiri pomwe iye adayamba kutonga; iye adatonga kwa gole libodzi mu Yerusalemu. Dzina la mayi wache likhali Ataliya, iye akhali mwana wachikazi wa Omuri, mfumu ya isaraeli. ²⁷Ahaziya adafamba mnjira za nyumba ya Ahabu; iye adachita ndibzo bzikhali bzakuipira pamaso pa Yahova, ninga ndimo nyumba ya Ahabu ikhachitira, nakuti Ahaziya akhali mkuwasa wa nyumba ya Ahabu.²⁸Ahaziya adayenda na Yoramu mwana wachimuna wa Ahabu, kukamenyana na Hazaeli, mfumu ya Aramu, pa Ramoti Gileadi. A Arameya adadzonga Yoramu. ²⁹Mfumu Yoramu idabwerera kukalimbisiwa mu Yezereli ku bzilonda ndibzo a Arameya adamupa iye pa Rama, pomwe iye adamenyana na Hazaeli mfumu ya Aramu. Ndiye Ahaziya mwana wachimuna wa Yehoramu, mfumu ya Yuda, idayenda kupolika ku Yezereli kukaona Yoramu mwana wachimuna wa Ahabu, nakuti Yoramu akhadadzongeka.

9¹Elisa mneneri adachemera m'bodzi wa wana wachimuna wa aneneri achiti kuna iye, ''Bzimange mchiuno mwako, ndiye utakule kagalafa kang'ono ka mafuta mmanja mwako uyende ku Ramoti Gileadi. ²Ungakafika, ukapsage Yehu mwana wachimuna wa Yehosafati mwana wa Nimisi, apo ukapite mkatimo ukamulamuse kuchoka pampikiti pa anzache, mkukampitisa mkasubi ka mkati. ³Ndiye ukatenge kagalafa ka mafutako mkukamutsanulira pa msolo pache mkukati, 'Yahowa walewa tere: ''Ndakudzoza iwe kukhala mfumu ya Isaraeli.'' Ndiye fungula msuwo, apo uthawe, nampodi kuchedwa."⁴Ndiye mnyamatayo, mneneri wachichepere, adayenda ku Ramoti Gileadi. ⁵Pomwe iye adafika, onani, akapitawo wa wankhondo akhadakhala. Ndiye mneneri wachichepereyo adati, ''Ndabwera mwakutumiwa kuna imwe, kapitawo. Yehu adatawira, '' Kuna mbani wa ife?'' Mneneriyo adatawira, "Kuna imwepo, kapitawo.'' ⁶Ndiye Yehu adalamuka achiyenda mnyumba, apo mneneriyo adatsanulira mafuta pa msolo pache achiti kuna Yehu, ''Yahova, Mulungu wa Isaraeli, walewa tere: 'Ndakudzoza kukhala mfumu ya wanthu wa Yahova, ndiwo Isaraeli.⁷Uphe banja la Ahabu mbuya wako pala kuti ndibwezere mulopa wa akapolo wangu aneneri na mulopa wa akapolo wensene wa Yahova omwe adaphiwa na boko la Yezebeli. ⁸Nakuti banja lensene la Ahabu limdzamala, apo nimdzapha kuchoka kuna Ahabu mwana wachimuna aliyense mu Isaraeli, penu ni kapolo ayai munthu mfulu.⁹Nimdzachitisa nyumba ya Ahabu kulingana na nyumba ya Yeroboamu mwana wachimuna wa Nebati na ninga nyumba ya Baasa mwana wa Ahiya. ¹⁰Mbwaya zimdzadya Yezebeli mu Yezereli, apo pamdzakhala lini aliyense wakumufuchira iye.'' Ndiye mneneriyo adafungula msuwo mkuthawa.¹¹Ndiye Yehu adabula kuna akapolo wa mbuyache, apo wina adati kuna iye, ''Mkwabwino? Thangweranyi nyamsala ule adabwera kuna iwe?'' Yehu adawatawira, ''Mukumdziwa munthu ule na ndibzo ambasewera.'' ¹²Iwo adati, ''Mkunamiratu kumweku. Tiuze.'' Yehu adatawira, ''Adalewa ibzi na ibzo kuna ine, apo adati pomwe, 'Ichi ndicho Yahova walewa: Ndakudzoza iwe kukhala mfumu ya Isaraeli.''' ¹³Ndiye aliyense wa iwo kamkulumize adakhundula chakubvala chache chakunja mkutandika pakupondera Yehu padzaulu pa nsikada. Iwo adaliza nganga za atonde wa mabira achiti, "Yehu ni mfumu.''¹⁴Mu njira yoyi Yehu mwana wa Yehosafati mwana wachimuna wa Nimisi adagandukira Yoramu. Tsapano Yoramu akhakhotcherera Ramoti Gileadi, iye na Isaraeli wensene, thangwera Hazaeli mfumu ya Aramu, ¹⁵soma mfumu Yoramu ikhadabwerera ku Yezreeli kukapolesewa bzilonda ndibzo a Arameya akhadaipasa iyo, pomwe iyo idamenyana na Hazaeli mfumu ya Aramu. Yehu adati kuna akapolo wa Yoramu, ''Penu yamweya ni maganizo yanu, ndiye nampodi kubvuma wina athawe kubula kuyenda mmuyi, kuti angakalewe nkhaniyi mu Yezreeli.'' ¹⁶Ndiye Yehu adafambisa galeta lache kuyenda ku Yezreeli; nakuti Yoramu akhapuma kumweko. Tsapano Ahaziya mfumu ya Yuda ikhadapolika kudzaona Yoramu.¹⁷Mulindiri akhadaima pa nsaka mu Yezreeli, apo adaona thimu la Yehu pomwe iye akhabwera pa ka mtantho; iye adati, ''Ndiri kuona thimu la wanthu likubwera.'' Yoramu adati, ''Tenga wakavalo ayende, apo umutume kukagumana nawo; muuze akalewe kuti, 'Kodi mukubwera mu mtendere?'' ¹⁸Ndiye munthu adatumiwa pa kavalo kukagumana naye; iye adati, ''Mfumu yati tere: ''Kodi mukubwera mu mtendere?'' Ndiye Yehu adati, ''Kodi mtendere munawo basa lanyi? Bwerera ufambe mmambuyo mwangu.'' Ndiye mulindiriyo adauza mfumu, ''Mtumi wagumana nawo, soma iye akubwerera lini.''¹⁹Ndiye adatuma munthu wachiwiri pa kavalo, omwe adabwera kuna iwo kudzati, '' Mfumu yati tere: Kodi mukubwera mu mtendere?''' Yehu adatawira, ''Kodi mtendere munawo basa lanyi? Bwerera ufambe mmambuyo mwangu.'' ²⁰Mulindiriyo adakalewa pomwe, ''Wagumna nawo, soma iye akubwerera lini. Thangwe ndimo galetalo likufambisiwira ndendende ndimo Yehu mwana wa Nimisi ambafambisira; akufambisa mwa mavuvu.''²¹Ndiye Yoramu adati, ''Konzekera galeta langu.'' Iwo adakonzekera galeta lache, apo Yoramu mfumu ya Isaraeli na Ahaziya mfumu ya Yuda adafambisa mkuchoka, aliyense pa galeta lache, kukagumana na Yehu. iwo adakagumana naye pa vida ya Naboti wa ku Yezreeli. ²²Pomwe Yoramu adaona Yehu, adati, ''Kodi ukubwera mu mtendere Yehu?'' Iye adatawira, ''Kodi mtendereyo uli kuponi, pomwe bzichito bza mafano na bza chigololo na ufiti bza mayi wako Yezebeli bziri tolo?''²³Ndiye Yoramu adazungunusa galeta lache mkuthawa achiti kuna Ahaziya, ''Pana chiwembu, Ahaziya.'' ²⁴Ndiye Yehu adamolola uta bwache na mphamvu yache yensene achiphwika Yoramu pakati pa mapewa yache; mseweyo udapsonda mtima wache, iye achimira mu galeta lache.²⁵Ndiye Yehu adati kuna Bidikara kazembe wache, ''Mudzuse umuthuse mmunda wa Naboti wa ku Yezereeli. Kumbukira ndimo ine na iwe tidatchobvera pabodzi kutewera Ahabu babache, Yahova adaikha uneneri ubu kugazana naye: ²⁶Dzulo ndidaona mulopa wa Naboti na mulopa wa wanache wachimuna---uku mkulewa kwa yahova--apo nimdzakuchitisa iwepo kupagali pa munda uyu-- uku mkulewa kwa Yahova. Tsapano ndiye, mtakule umuthuse pa munda uyu, malingana na mafala ya Yahova.''²⁷Pomwe Ahaziya mfumu ya Yuda idaona ibzi, idathawa kukwira na mseu kuyenda ku Beti Hagani. Soma Yehu adamutewera iye, achiti, ''Muphere pomwe mgaletamo,'' achimuthwika iye pa chikwiza cha Guri, ndicho chiri kufupi na Ibleamu. Ahaziya adathawira ku Megido achikafera koko. ²⁸Akapolo wache adatakula thupi lache mu galeta kuyenda nalo ku Yerusalemu achikamufuchira mgwinza lache na abereki wache mu mzinda wa Davide.²⁹Tsapano mukhali mgole lachikhumi na libodzi la Yoramu mwana wachimuna wa Ahabu kuti Ahaziya adayamba kutonga Yuda.³⁰Pomwe Yehu adabwera ku Yezereeli, Yezebeli adabva bzobzo, achidekesa maso yache, mkuluka tsisi lache, mkunyang'ana pa zenera. ³¹Pomwe Yehu akhapita pa chipata, adati kuna iye, ''Kodi ukubwera mwa mtendere, iwe Zimuri, iwe nyakupha mbuyako?'' ³²Yehu adajiguma pa zenera achiti, ''Mbani ali pa mbali panguyu? Mbani?'' Ndiye waudindo awiri ayai atatu adaona.³³Ndiye Yehu adati, ''Mponyere pansi.'' Ndiye adaponyera Yezeberi pansi, apo mulopa wache wina udawazikira pa litsito apo akavalo, na Yehu adamponda na kuseri kwa nzayo. ³⁴Pomwe Yehu adapita ku nyumba yachifumu, adadya na kumwa. Ndiye iye adati, ''Mperekeze tsapano mkazi wakutembererewayu apo ukamufuchire, thangwe iye ni mwana wa mfumu.''³⁵Iwo adayenda kukamufuchira, soma alibe kukaona bzinango bza iye kupambula chigoba cha msolo, nzayo na bzithatha bza manja. ³⁶Ndiye iwo adabwerera kudzauza Yehu. Iye adati, ''Aya ni mafala ya Yahova ndiyo iye adasewera na kapolo wache Eliya wa ku Tisibite, kulewa kuti, 'Mdzikomo pa Yezereeli mbwaya zimdzadya nyama ya Yezebeli, ³⁷apo thupi la Yezebeli limdzakhala ninga ndowe padzaulu pa minda ya mdziko la Yazereeli, mwakuti palibe amdzakwanisa kulewa, ''Uyu ni Yezebeli.''''''

10¹Tsapano Ahabu akhana azukulu makumi manomwe mu Samariya. Yehu adanemba masamba achiyatumiza ku Samariya, kuna atsogoleri wa Yezreeli, kuphatanidza na akulu na amakayaya wa azukulu wa Ahabu, kulewa kuti, ²''Azukulu wa mbuyanu ana imwe, apo imwe pomwe muna magaleta na akavalo na muyi wa litsito na bzida. Ndiye tsono, tsambali lingatondo kufika kuna imwe, ³sankhulani mzukulu wabwino wa mbuyanu na wakuthemera maninge apo mumuikhe pakadera yachifumu, na kumenyera nkhondo ya nyumba ya chifumu.''⁴Soma pomwe iwo adachita mantha achilewa mwa okha okha, ''Ona, mafumu mawiri yangaime lini pamaso pa Yehu. Ndiye ife tingaime tani?'' ⁵Ndiye munthu omwe akhali wakunyang'anira nyumba yachifumu, na munthu omwe akhali wakunyang'anira muyi, na akulu pomwe, na wale adakuza wana, tumizani mafala kuna Yehu, kulewa kuti, ''Ndife akapolo wanu. Timdzachita chirichense ndicho mumdzatitonga. Timdzaikha lini munthu aliyense mfumu. Chitani bzabwino mmaso mwanu.''⁶Ndiye Yehu adanemba tsamba kachiwiri kuna iwo, kulewa kuti, ''Penu muli kumbali yangu, apo penu mumdzatetekera mafala yangu, mutenge misolo misolo ya amuna wa akapolo wa mbuyanu, mkubwera kuna ine mu Yezreeli pakufika mangwana nthawe ino.'' Tsapano azukulu wa mfumu, makumi manomwe kuwanda kwawo, akhana amuna wakufunikira wa muyi, omwe akhawabweresa. ⁷Ndiye pomwe tsamba lidabwera kuna iwo, adatenga wana wachimuna wa mfumu achiwapha, wanthu makumi manomwe, kuikha misolo yawo mu bzitundu, mkuwatumiza kuna Yehu mu Yezreeli.⁸Mtumi udabwera kna Yehu, kulewa kuti, ''Abweresa misolo ya wana wachimuna wa mfumu.'' Ndiye iye adati, ''Igwezekeni midwi miwiri pamsuwo wachipata ateye machibese.'' ⁹Machibeseyo Yehu adayenda panja kukaima, achikati kuna wanthu wensene, ''Muna lazawu. Onani, ndidakonza bzakupha mbuyangu ndichimuphadi, soma mbani adapha wensenewa?¹⁰Tsapano muzindikire meju kuti palibe mbali ya mafala ya Yahova, mafala ndiyo iye adasewera kuguma banja la Ahabu, yomwe yamdzagwera pansi, nakuti Yahova wachita ndibzo adasewera kudzera mwa mtumiki wache Eliya.'' ¹¹Ndiye Yehu adamala kupha wensene wakusalira m'banja la Ahabu mu Yezreeli, na amuna wache wensene wakufunikira, anzache wapamtima, na wansembe wache, kufikizana palibe wakupulumuka ndiye adasala kuna iye.¹²Ndiye Yehu adalamuka mkuchoka; adayenda ku Samariya. Pomwe iye akhafika pa Beti Ekedi wa amakabusa, ¹³adagumana na azimano wache wa Ahaziya mfumu ya Yuda. Yehu adati kuna iwo, ''Ndimwe mbani?'' Iwo adatawira, ''Ndife azimano wache wa Ahaziya, apo tikuyenda kupolika kukamusa wana wa mfumu na wana wa mfumukazi Yezebeli.'' ¹⁴Yehu adati kuna wanthu wache, ''Atengeni wamoyo.'' Ndiye adawatenga wamoyo achikawaphera pa mchera wa Beti Ekedi, wense amuna makumi manayi na awiri. Iye alibe kusiya neye m'bodzi wamoyo.¹⁵Nthawe ndizo Yehu adachoka popo, adagumana na Yehonadabu mwana wachimuna wa Rekabu akubwera kudzagumana naye. Yehu adammusa achiti kuna iye, ''Mtima wako uli pa ine, ninga mtima wangu uliri pa wako?'' Yehonadabu adatawira, ''Inde uli.'' ¹⁶Yehu adati, ''Penu uli, ndipe boko lako.'' Ndiye adampa Yehu boko lache, apo Yehu adaphata mkulamusa Yehonadabu na iye kuyenda mu galeta. Yehu adati, ''Bwera nande apo uwone kachangu kangu kuna Yahova.'' Ndiye iye adatchobva pabodzi na iye mu galeta lache. ¹⁷Pomwe iye adafika ku Samariya, Yehu adapha wambewu wensene wakusalira wa Ahabu mu Samariya, kufikizana atadzonga wa banja la nyumba yachifumu ya Ahabu, ninga adawauzira pamaso pa mafala ya Yahova, yomwe iye akhadasewera kuna Eliya.¹⁸Ndiye Yehu adagwezeka wanthu wensene pabodzi achiti kuna iwo, ''Ahabu adatumikira Baala pang'ono, soma Yehu amdzamutumikira maninge. ¹⁹Tsapano ndichemerereni kuno aneneri wensene wa Baala, wakunamata wache wensene, na wansembe wache wensene. Nampodi kubvuma wina asalire kunja, thangwe ndina nsembe ikulutsa yakupereka kuna Baala. Aliyende ndiye anibwera lini amkhala lini na moyo.'' Soma Yehu adachita ichi mwachinyengo, na thangwe lafuna kupha wakunamata Baala. ²⁰Yehu adati, ''Lengezani kuti pamdzakhala mtsonkhano wa Baala. Ndiye iwo adalengezadi.²¹Ndiye Yehu adatuma mitumi mu Isaraeli wensene apo wakunamata wensene wa Baala adabwera, mwakuti palibe munthu wakusala ndiye alibe kubwera. Iwo adabwera mkachisi wa Baala, apo adadzala kuphampha na kuphampha. ²²Yehu adati kuna munthu wakukoya bzipangizo bza wansembe, ''Sokolosa mikanjo pala wakunamata Baala wensenewa.'' Ndiye munthuyo adawasokolosera mikanjoyo.²³Ndiye Yehu adayenda na Yehonadabu mwana wachimuna wa Rekabu mnyumba ya Baala, apo adalewa kuna wakunamata Baala, ''Fufudzani apo muonesese kuti mulibe aliyense muno pakati panu kapolo wa Yahova, soma wakunamata Baala yekha.'' ²⁴Ndiye iwo adayenda kukapereka chakupereka na nsembe yakupserereza. Tsapano Yehu akhadasankhula amuna makumi masere omwe akhadaima panja, apo iye adawauza iwo, ''Penu munthu aliyense omwe ndamubweresa mmanja mwanu anithawa, omwe anibvuma munthu umweyo kuthawa, moyo wache umdzapagali moyo wa nyakuthawayo.''²⁵Ndiye tsono Yehu atatondo kumala kupereka nsembe yakupserereza, adati kuna wakukhotcherera thupi lache na kuna akazembe, ''Pitani mkatimu mukawaphe. Nampodi kubvuma wina abule panja.'' Ndiye iwo adawapha na nsonga ya lupanga, apo wakukhotcherera thupi lache na akazembe adawathusira iwo panja achiyenda msubi ya mkati mwa nyumba ya Baala. ²⁶Iwo adadunyira panja bzipilala bza minyala ndibzo bzikhali mnyumba ya Baala, mkubzitentha moto. ²⁷Ndiye adaswa chilinganilo cha Baala, achidzonga nyumba ya Baala achiisandusa chimbudzu, chomwe chilipo ateye nsiku ya lero. ²⁸Umu ndimo Yehu adadzongera kunamata Baala mu Isaraeli.²⁹Soma Yehu alibe kuleka bzakuphonya bza Yeroboamu mwana wachimuna wa Nebati, bzomwe bzikhachitisa Isaraeli kuphonya--ndiye kuti, kunamata kwa mwana wa ng'ombe wa golide mu Beteli na Dani. ³⁰Ndiye Yahova adati kua Yehu, ''Thangwera wachita bwino pakuchita chakudekera pamaso pangu, na kuchitira nyumba ya Ahabu kuteweza bzense bzikhali mu mtima mwangu, wa mbeu yako amdzakhala pa kadera yachifumu ya Isaraeli kufikizana m'bwado wachinayi.'' ³¹Soma Yehu alibe kuteweza kufamba mchitongi cha Yahova, Mulungu wa Isaraeli, na mtima wache wense. Iye alibe kutembenuka ku bzakuphonya bza Yeroboamu, bzomwe bzikhachitisa Isaraeli kuphonya.³²Mu nsiku zozo Yahova adayamba kugwata mphimpha kuchoka mu Isaraeli, apo Hazaeli adagonjesa a Isaraeli pa malire ya Isaraeli, ³³kuchoka ku Yorodano kuyendera kumachibese, dziko lensene la Gileadi, wene Gadi, na wene Rubeni, na wene Manase, kuchoka ku Aroeri, komwe mkufupi na Chigwa cha Arinoni, kudzera mu Gileadi kuyenda ku Basani.³⁴Zingakhala nkhani zinango zakuguma Yehu, na bzense ndibzo iye adachita, na mphamvu yache yense, kodi bziribe kunembiwa m'bukhu la mbiri ya Isaraeli? ³⁵Yehu adagona na abereki wache, achimufuchira mu Samariya. Ndiye Yehoahazi mwanache wachimuna adakhala mfumu nkhankha ya iye. ³⁶Nthawe ndiyo Yehu adatonga mu Isaraeli mu Samariya ikhali magole makumi mawiri na masere.

11¹Tsapano pomwe Ataliya, mayi wache wa Ahaziya, adaona kuti mwanache wafa, adalamuka achipha wana wense wa kubanja la chifumu. ²Soma Yehoseba, mwana wachikazi wa Mfumu Yehoramu omwe akhali nana wache wa Ahaziya, adatenga Yoasi mwana wachimuna wa Ahaziya, achimubisa kutali na wana wachimuna wa mfumu omwe adaphiwa, pabodzi na makayaya wache; iye adawaikha msubi yakugona. Iwo adamubisa iye kutali na Ataliya mwakuti iye alibe kuphiwa. ³Iye adakhala naye magole matanthatu, atabisiwa mnyumba ya Yahova, pomwe Ataliya akhatonga mdzikomo.⁴Mgole lachinomwe, Yehoyada adatuma mitumi achichemeresa akulu wankhondo wa madzana ya a Karite na wa alindiri, achiwabweresa kuna iye, mkupita nawo mkachisi wa Yahova. Iye adachita nawo mpangano, achiwalumbirisa lumbiriro mnyumba ya Yahova. Ndiye iye adawaonesa mwana wachimuna wa mfumu. ⁵Iye adawatonga iwo, achiti, ''Ibzi ndibzo muti muchite. Gawo libodzi la matatu ya imwe omwe mumbabwera pa Sabudu mumbalindire nyumba ya mfumuyi, apo gawo libodzi la matau mumdzakhala pa Mpita wa Suri, ⁶apo gawo libodzi la matatu pa mpita kutseti kwa nyumba ya alindiri. Mumdzalindira nyumba ya alindiri ya kachisi.''⁷⁸Mathimu mawiri winangomwe omwe mukutumikira lini pa Sabudu, mulindire nyumba ya Yahova pala mfumu. Mumfunika muizungulire mfumu, munthu aliyense na bzida bzache mmanja mwache. Aliyense wakupita mbuto ndiyo mwaima, aphiwe. Mumbakhale pabodzi na mfumu ingabula panja, na ndipo impita mkati.⁹Ndiye akulu wa nkhondo wa madzana wale adabveradi chirichense ndicho Yehoyada wansembe adatonga. Aliyense adatenga wanthu wache, wale omwe adabwera kudzaphata basa pa Sabudu, na wale omwe akhadakotoka kuphata basa pa Sabudu limwelo; apo iwo adabwera kuna Yehoiyada wansembe. ¹⁰Kinangoko Yehoyada wansembe adapa akulu wa nkhondo wa madzana wale madipa na bzakukhotchera ndibzo bzikhali bza Mfumu Davide na ndibzo bzikhali mnyumba mwa Yahova.¹¹Ndiye alindiri wale adaima, aliyense na chida chache mmanja mwache, kuchokera mbali ya kumadidi kwa kachisi kufika mbali ya ku madzere, pafupi na guwa la nsembe na kachisi, kuzungulira mfumu. ¹²Ndiye Yehoiyada adabulisa mwana wachimuna wa mfumu ule Yoasi, mkumuikha korona, achimupa bukhu la mayeruzo ya mpangano. Kinangoko adamuikha iye mfumu achimudzoza. Iwo adaimba mmanja mwawo achiti, ''Mfumu ikhale na moyo utali!''¹³¹⁴Ataliya atabva baludya la alindiri na wanthu, iye adabwera kuna wanthu mnyumba ya Yahova. Iye adanyang'anisa, apo, onani, mfumu ikhadaima pambali pa chipilala, ninga mtemo ukhaliri, apo makapitawo na malipenga yakhali pafupi na mfumu. Wanthu wense wa mdzikomo akhasekera na kuliza malipenga. Ndiye Ataliya adaphadzula bzakubvala bzache achikuwa, ''Chiwembu! Chiwembu!''¹⁵Kinangoka Yehoyada wansembe adatonga akulu wankhondo wa madzana omwe akhali pa achikunda, kulewa kuti, ''M'bwereseni panja pampikiti pa mathimupa. Aliyense wakumutewera, mupheni na lupanga.'' Thangwe wansembe wati, ''Nampodi kuti mumuphere mnyumba mwa Yahova.'' ¹⁶Ndiye iwo adamuphata pomwe iye adafika pakupitira akavalo kuyendera kunyumba ya mfumu, achimuphera pamwepo.¹⁷Kinangoka Yehoyada adachita mpangano pakati pa Yahova na mfumu na wanthu, kuti iwo akhale wanthu wa Yahova, na pakati pomwe pa mfumu na wanthu. ¹⁸Ndiye wanthu wensene wa mdziko adayenda kunyumba kwa Baala achikaigwesa. Iwo adapsa mmapidaso maguwa ya nsembe ya Baala na bziringaniro bzache bzakutsema, achipha Matani, wansembe wa Baala, kutsogolo kwa maguwa ya nsembe. Kinangoka Yehoyada wansembe adaikha alindiri wa kachisi wa Yahova.¹⁹Yehoyada adatenga akulu wankhondo wa madzana, a Karite, alindiri, na wanthu wensene wa mdziko, apo pabodzi adabulusa pansi mfumu kuchoka mnyumba ya Yahova achiyenda mnyumba ya mfumu, kupita na njiya ya ku mpita wa alindiri. Yoasi adapita nkhankha yache pa kadera yachifumu. ²⁰Ndiye wanthu wensene wa mdziko adasekera, apo mzindayo ukhali zii ataphiwa Ataliya na lupanga pa nyumba ya mfumu.²¹Yoasi akhana magole manomwe pomwe adayamba kutonga.

12¹Mgole lachinomwe la Yehu, kutonga kwa Yoasi kudayambika; iye adatonga magole makumi manayi mu Yerusalemu. Dzina la mayi wache likhali Zibida, wa ku Bereseba. ²Yoasi adachita bzabwino pamaso pa Yahova nthawe zense, thangwe Yehoyada wansembe akhamulangiza iye. ³Soma mbuto zakukwira ziribe kutengiwa. Wanthu akhathira basi nsembe achimbaotcha bzakufukiza pa mbuto zakukwirazo.⁴Yoasi adati kuna ansembe, ''Kobiri zense ndizo zimbabweresewa muno ninga nsembe zakupambulika mnyumba ya Yahova, kobiri ndizo munthu aliyense payekha akuzikumbuka mu mtima mwache---penu ni kobiri zakukonkhobzewa ku chilewengero, ayai kobiri zakutambiriwa kuchoka ku bzilumbiro bza munthu, ayai kobiri zakubweresewa na wanthu wakuuziwa na Yahova mmitima kupereka-- ⁵ansembe atambire kobiri kuchoka kuna m'bodzi wa wakukoya thungwa lawo achikonzesa chakudzonongeka chirichense chakugumanika mkachisi.''⁶Soma mgole la makumi mawiri na chitatu ya mfumu Yoasi, ansembe akhanati basi kukonzesa chinthu chiriche cha mkachisi. ⁷Ndiye mfumu Yoasi idachemera Yehoyada wansembe na ansembe winango; iye adati kuna iwo, ''Thangweranyi mulibe kukonzesa chinthu chirichense mkachisimu? Tsapano basi zjai nampodi kutenga pomwe kobiri kuchoka kuna wakukhomesa mitsonkho wanu, soma tengani ndibzo bzatsonkheziwa pala kukonzesera kachisi mkubzipereka kuna wale wakukonzawo.'' ⁸Ndiye ansembe adabvuma kulekeza kutenga pomwe kobiri kuchoka kuna wanthu na kulekeza kukonsesa kachisiyo okha.⁹Ndiye, Yehoyada wansembe adatenga bokosi, achiboola buli pakugwanankhirira pache, mkuliikha pambali pa guwa la nsembe, mbali ya kumadidi wina angambapita mnyumba ya Yahova. Ansembe omwe akhalindira pa msuwo wa kachisi adaikha mwemo kobiri zense ndizo zidabweresewa mnyumba ya Yahoha. ¹⁰Iwo angaona kuti muna kobiri zizinji m'bokosimo mnembi wa mfumu na mkulu wa ansembe akhabwera mkumbaikha kobirizo mmabudu mkumbazilewenga, kobiri zakugumanika mkachisi wa Yahova.¹¹iwo adapereka kobiri ndizo zidapimiwa mmanja mwa amuna omwe akhasamala kachisi wa Yahova. Iwo adazipereka kuna amisiri wa matabwa na wakumanga nyumba wakuphata basa pa kachisi wa Yahova, ¹²na kuna wakumanga minyala na kuna wakutsema minyala, pala kugulira matabwa na kutsema minyala kukonzesera kachisi wa Yahova, na bzense ndibzo bzikhafunika kuperekiwa pa kuukonza.¹³Soma kobiri ndizo zidabweresewa mnyumba ya Yahova ziribe kuperekiwa kugulira kaneka zirizense za siriva, bzakuchepesera kutoya kwa kandiyero, mabasiya, malipenga, ayai bzakutakulira bziribzense bza oro na siriva. ¹⁴Iwo adapereka kobirizi kuna wale omwe alibe kuphata basa la kukonzesa nyumba ya Yahova.¹⁵Kuphatanidza apo, iwo alibe kufuna kuti kobiri zakuperekiwa zilewengewe na wanthu omwe akhazitambira wale mkuzipereka kuna wanthu wakuphata basa, thangwe wanthu amwewa akhachita bzakusaya kukhulupirika. ¹⁶Soma kobiri za nsembe za chakuipa na kobiri za nsembe ya bzakuphonya ziribe kumbabweresewa mkachisi wa Yahova, thangwe zikhali za ansembe.¹⁷Ndiye Hazaeli mfumu ya Aramu idamenya Gati, mkuutenga. Hazaeli kinangoka adachungunuka mkukamenya Yerusalemu. ¹⁸Yoasi mfumu ya Yuda idatenga bzinthu bzensene ndibzo Yehosafati na Yehoramu na Ahaziya, abereki wache, mafumu ya Yuda, yakhadaikha pambali, na ndibzo iye akhadaikha, na oro wense ndiye adagumanika mmasubi yakukoyera ya nyumba ya Yahova na ya mfumu apo iye adatuma iwo kuenda kuna Hazaeli mfumu ya Aramu. Kinangoko Hazaeli adayenda kutali kuchoka ku Yerusalemu.¹⁹Zingakhala nkhani zinango zakuguma Yoasi, bzense ndibzo iye adachita, kodi bziribe kunembiwa m'bukhu la mbiri ya mafumu ya mu Yuda? ²⁰Akapolo wache adalamuka achipangana pabodzi, iwo adamenya Yoasi mu Beti Milo, pa njira yakupolika kuyendera ku Sila. ²¹Yozabadi mwana wachimuna wa Simeyati, na Yehozabadi mwana wachimuna wa Someri, akapolo wache, adammenya iye, achiferatu. Iwo adafuchira Yoasi na abereki wache mmuyi wa Davide apo Amaziya, mwanache wachimuna, adakhala mfumu nkhankha ya iye.

13¹Mgole la makumi mawiri na matatu ya Yoasi mwana wachimuna wa Ahaziya mfumu ya Yuda, Yehoahazi mwana wachimuna wa Yehu adayamba kutonga Isaraeli mu Samariya; Adatonga magole khumi na manowe. ²Iye adachita bzakuipa pamaso pa Yahova achitewera bzakuphonya bza Yeroboamu mwana wachimuna wa Nebati, omwe adachitisa Isaraeli kuphonya; apo Yehoahazi alibe kulekeza kuchita bzobzo.³Ukali bwa Yahova budagakira Isaraeli, achiwapereka iwo kazinjitsa mmanja mwa Hazaeli mfumu ya Aramu na mmanja mwa Beni-- Hadadi mwana wachimuna wa Hazaeli. ⁴Ndiye Yehoahazi adapemba kuna Yahova, apo Yahova adamutetekera iye thangwe adaona matsautso ya Isaraeli, ndimo mfumu ya Aramu ikhawaboneresera. ⁵Ndiye Yahova adapa Isaraeli mpulumusi, apo iwo adathawa mmanja mwa a Arameya, apo wana wa Isaraeli adayamba zjai kukhala mmahema ninga akhaliri pakutoma.⁶Tsono, iwo alibe kuchoka mu bzakuphonya bza nyumba ya Yeroboamu, omwe adachitisa Isaraeli kuphonya, achipitiriza kukhala basi mwemo; apo chilinganilo cha Asera chidakhala basi mu Samariya. ⁷A Arameya adachoka kwa Yehoahazi na wanthu wa pakavalo makumi machanu okha, magaleta khumi, na wanthu wakufamba pansi bzulu khumi, thangwe mfumu ya Aramu ikhadawadzononga ichiwayesa zjai ninga mankhunyete ya panthawe yakupuntha.⁸Zingakhala nkhani zinango zakukhudza Yehoahazi, na bzense ndibzo iye adachita na mphamvu zache, kodi bziribe kunembiwa m'bukhu la mbiri ya mafumu ya Isaraeli? ⁹Ndiye Yehoahazi adagona na abereki wache, achimufuchira iye mu Samariya. Yehoahazi mwanache wachimuna adakhala mfumu nkhankha ya iye.¹⁰Mgole la makumi mawiri na chinomwe la Yoasi mfumu ya Yuda, kutonga kwa Yehoasi mwana wachimuna wa Yehoahazi kudayambika mu Isaraeli mu Samariya; iye adatonga magole khumi na matanthatu. ¹¹Iye adachita bzakuipa pamaso pa Yahova. Iye alibe kulekeza chirirense cha bzakuphonya bza Yeroboamu mwana wachimuna wa Nebati, ndibzo adachitisa nabzo Isaraeli kuphonya, soma iye adafamba basi mwa ibzo.¹²Zingakhala nkhani zina zakuguma Yoasi, na bzensene ndibzo iye adachita, na mphamvu zache ndizo iye adamenya nazo kulimbana na Amaziya mfumu ya Yuda, kodi bziribe kunembiwa m'bukhu la mbiri ya mafumu ya Isaraeli? ¹³Yehoasi adagona na abereki wache, apo Yeroboamu adakhala pa kadera yache yachifumu. Yehoasi adafuchiriwa mu Samariya na mafumu ya Isaraeli.¹⁴Tsapano Elisa adadwala nthenda yomwe pambuyo pache adafa nayo, ndiye Yehoasi mfumu ya Isaraeli idabuluka kuyenda kuna iye ichikamulirira. Iyo idati, ''Mbuya wangu, babangu, magareta ya Isaraeli na wanthu wa akavalo amkutakulani!'' ¹⁵Elisa adati kuna iye, ''Dzusani uta na mapsimo,'' ndiye Yoasi adadzusa uta na mapsimo. ¹⁶Elisa adati kuna mfumu ya Isaraeli, ''Bzatikani boko lanu pa utabu,'' ndiye adaikha boko lache pa utabo. Ndiye Elisa adabzatika manja yache pa manja ya mfumu.`¹⁷Elisa adati, ''Fungulani janera ya kumachibese,'' Ndiye iye adafungula. Kinangoka Elisa adati, ''Thusani!'' ,achithusa. Elisa adati, ''Ili ni psimo la chipulumuso kuna Aramu kuchoka kuna Yahova, thangwe mumdzamenya a Aaram mu Afeki kufika ate kuwamala.'' ¹⁸Ndiye Elisa adati, ''Tengani mapsimo,'' ndiye Yoasi adayatenga. Iye adati kuna mfumu ya Isaraeli, ''Yatchangireni pansi,'' apo iye adatchangira pansi katatu, kinangoka mkulekeza. ¹⁹Soma munthu wa Mulungu adakalipa naye achiti, ''Mungadatchangira pansi kachanu ayai katanthatu. Kinangoka mungadakamenya a Aramu kufikizana kuwamaliza, soma tsapano mumdzamenya a Aramu katatu kokha.''²⁰Ndiye Elisa adafa, achimufuchira. Tsapano mathimu ya a Moabu yadapita mdzikomo mwaupandu pakutoma pa gole. ²¹Nthawe ndizo iwo akhafuchira nkhawa ya munthu winango, iwo adaona thimu la a Moabu, ndiye adathusa thupilo m'dindi la Elisa. Munthu adamuthusayo atatondo kukhuya mafupa ya Elisa, adatsitsimuka achiima dzololo na nzayo zache.²²Hazaeli mfumu ya Aramu idaboneresa Isaraeli nsiku zense za Yehoahazi. ²³Soma Yahova akhana chifundo pa Isaraeli, apo akhanawo nsisi achikhudzika nawo, thangwera mpangano wache na Aburahamu, Isaki, na Yakobo. Ndiye Yahova alibe kuwadzononga, apo akhanati kuti awathothe kuchoka pamaso pache.²⁴Hazaeli mfumu ya Aramu idafa, apo Beni--Hadadi mwanache wachimuna adakhala mfumu nkhankha ya iye. ²⁵Yehoasi mwana wachimuna wa Yehoahazi adatenga pomwe kuchoka kuna Beni--Hadadi mwana wachimuna wa Hazaeli miyi ndiyo ikhadatengiwa kuchoka kuna Yehoahazi babache na nkhondo. Yehoasi adamenya iye katatu, achitenga pomwe miyi ya Isaraeliyo.

14¹Mgole lachiwiri la Yehoasi mwana wachimuna wa Yehoahazi, mfumu ya Isaraeli, Amaziya mwana wachimuna wa Yoasi, mfumu ya Yuda, adayamba kutonga. ²Iye akhana magole makumi mawiri na machanu pomwe adayamba kutonga; iye adatonga magole makumi mawiri na mapfemba mu Yerusalemu. Dzina la mayi wache likhali Yehoyadani, wa ku Yerusalemu. ³Iye adachita bzakukoma pamaso pa Yahova, sikuti ninga Davide babache, Iye adachita chirichense ndicho Yoasi, babache, akhadachita.⁴Soma mbuto zakulemekezeka ziribe kutengiwa. Wanthu akhathira basi nsembe na kumbagasa bzakufukiza pa mbuto zakupambulikazo. ⁵Bzidachitika kuti utongi bwache butatondo kukhazikika bwino bwino, adapha anyamata ndiwo adapha babache, mfumu.⁶Soma iye alibe kupha wana wachimuna wa anyakuphawo, kutengera ndibzo bzidanembiwa mmukhu la chilamulo cha Mose, ninga Yahova akhadatongera, kulewa kuti, ''Abereki nampodi kuphewa thangwera wana wawo, ayai wana kuphewa thangwera abereki wawo. Soma aliyense afere chakuphonya chache.'' ⁷Iye adapha achikunda bzulu khumi wa ku Edomu Mchigwa cha Munyu; iye adatenga pomwe Sela ku nkhondo achiuchemera Yokoteli ndiwo uli ndimo ukuchemeriwira kufikizana lero lino.⁸Ndiye Amaziya adatuma mitumi kuna Yehoasi mwana wachimuna wa Yehoahazi mwana wachimuna wa Yehu mfumu ya Isaraeli, kulewa kuti, ''Bwerani, mbatiye tigumane maso na maso ku nkhondo.'' ⁹Soma Yehoasi mfumu ya Isaraeli idatuma mitumi kubwezera kuna mfumu Amaziya ya Yuda, kulewa kuti, ''Tsongoza la minga la mu Lebanoni lidatumiza mafala kuna mkungudza wa ku Lebanoni, kulewa kuti, 'Pereka mwanako wachikazi kuna mwanangu wachimuna kukhala mkazache,' soma chilombo cha mu Lebanoni chidafamba pafupi chichipondedza pansi tsongozalo. ¹⁰Mwamenya chadidi Edomu, apo mtima wanu wakudzusani mdzaulu. Nyadirani mchipambano chanu, soma khalani pamuyi, nakuti thangweranyi kuti mubzipase mabvuto mwekha mkugwa, imwe na Yuda kubodzi namwe?''¹¹Soma Amaziya alibe kutetekera. Ndiye Yehoasi mfumu ya Isaraeli idamenya basi apo iyo na Amaziya mfumu ya Yuda adagumana maso na maso pa Beti Semesi, wa Yuda. ¹²Yuda adagonjesewa na Isaraeli, apo munthu aliyense adathawira ku hema kwache.¹³Yohoasi mfumu ya Isaraeli, idaphata Amaziya, mfumu ya Yuda mwana wachimuna wa Yohoasi mwana wachimuna wa Ahaziya, pa Beti Semesi. Iye adabwera ku Yerusalemu achigwesa litsito la Yerusalemu kuchoka ku Chipata cha Efraimu kufika ku Chipata cha ku Ponta, maboko madzana manayi kutalimpha. ¹⁴Iye adatenga oro wensene na siriva, bzinthu bzense ndibzo bzidaoneka mnyumba ya Yahova, na bzinthu bza nsengwa ya patali ku nyumba ya mfumu, na anyakuphatiwa pomwe, mkubwerera ku Samariya.¹⁵Zingakhala nkhani zinango zakuguma Yehoasi, bzense ndibzo iye adachita, mphamvu zache, na ndimo adamenyanirana nkhondo na Amaziya mfumu ya Yuda, kodi bziribe kunembiwa mmbukhu la mbiri ya mafumu ya Isaraeli? ¹⁶Ndiye Yoasi adagona na abereki wache achifuchiriwa mu Samariya na mfumu ya Isaraeli, apo Yeroboamu, mwanache wachimuna, adakhala mfumu nkhankha ya iye.¹⁷Amaziya mwana wachimuna wa Yoasi, mfumu ya Yuda, idakhala na moyo magole khumi na machanu atafa Yoasi mwana wachimuna wa Yehoahazi, mfumu ya Isaraeli. ¹⁸Zingakhala nkhani zinango zakuguma Amaziya, kodi ziribe kunembiwa m'bukhu la mbiri ya mafumu ya Yuda? ¹⁹Iwo adachitira chiwembu Amaziya mu Yerusalemu, apo iye achithawira ku Lakisi. Iye adathawira ku Lakisi, soma adatumiza wanthu kumutewera ku Lakisi achikamuphera koko.²⁰Iye adamubweresa pa akavalo, achifuchiriwa na abereki wache mu Yerusalemu mmuyi wa Davide. ²¹Wanthu wensene wa Yuda adatenga Azariya, omwe akhana magole khumi na matanthatu yakubadwa, achimuikha mfumu nkhankha ya babache Amaziya. ²²Akhali Azariya omwe adamanga pomwe Elati achiubweza kuna Yuda, Mfumu Amaziya zjai atagona na abereki wache.²³Mgole la khumi na chichanu la Amaziya mwana wachimuna wa Yoasi mfumu ya Yuda, Yeroboamu mwana wachimuna wa Yehoasi mfumu ya Isaraeli adayamba kutonga Samariya; iye adatonga magole makumi manayi. ²⁴Iye adachita bzakuipa pamaso pa Yahova. Iye alibe kuchoka pa bzakuphonya bzense bza Yeroboamu mwana wachimuna wa Nebati, omwe akhadachitisa Isaraeli kuphonya. ²⁵Iye adabwezeresa malire ya Isaraeli kuchokera ku Lebo Hamati kufika ku Nyanza ya Araba, kuteweza kutonga kwa mafala ya Yahova, Mulungu wa Isaraeli, ndiyo iye akhadasewera kudzera mwa mtumiki wache Yona mwana wachimuna wa Amitai, mneneri, wakuchokera ku Gati Heferi.²⁶Thangwe Yahova adaona kutsautsika kwa Isaraeli, kuti kukhali kwakuwawa kuna munthu aliyense, kapolo na mfulu kubodzi, na kuti pakhana mpulumusi wa Isaraeli. ²⁷Soma Yahova akhalibe kulewa kuti amdzapfudza dzina la Isaraeli kuchoka pansi pa thambo, ndiye adawapulumusa iwo na boko la Yeroboamu mwana wachimuna wa Yehoasi.²⁸Zingakhala nkhani zinango zakuguma Yeroboamu, bzensene ndibzo iye adachita, mphamvu zache, ndimo adachitira nkhondo achitenga pomwe Damasiko na Hamati, yomwe ikhali mmanja mwa Yuda, pala Isaraeli, kodi bziribe kunembiwa m'bukhu la mbiri ya mafumu ya Isaraeli? ²⁹Yeroboamu adagona pansi na abereki wache, na mafumu ya Isaraeli, apo Zakariya mwanache wachimuna adakhala mfumu nkhankha ya iye.

15¹Mgole la makumi mawiri na chinomwe la Yeroboamu mfumu ya Isaraeli, Azariya mwana wachimuna wa Amaziya mfumu ya Yuda idayamba kutonga. ²Azariya akhana magole khumi na matanthatu yakubadwa pomwe iye adayamba kutonga, apo adatonga kwa magole makumi machanu na mawiri mu Yerusalemu. Dzina la mayi wache likhali Yekoliya, apo akhali wa ku Yerusalemu. ³Iye adachita bzabwino pamaso pa Yahova, ninga ndimo babache Amaziya akhadachitira.⁴Tsono, mbuto zakupambulika ziribe kutengiwa. Wanthu akhapitiriza basi kuthira nsembe na kugasa bzakufukiza pa mbuto zakupambulika. ⁵Yahova adadwalisa mfumuyo mwakuti idakhala yamapere kufikizana nsiku ya imfa yache ichikhala mnyumba ya payokha. Yotamu, mwana wachimuna wa mfumuyo, adanyang'anira banjalo achimbatonga wanthu wa mdzikomo.⁶Zingakhala nkhani zinango zakuguma Azariya, bzensene ndibzo iye adachita, kodi bziribe kunembiwa m'bukhu la mbiri ya mafumu ya Yuda? ⁷Ndiye Azariya adagona pansi na abereki wache; iwo adamufuchira iye na abereki wache mmuyi wa Davide. Yotamu, mwanache wachimuna, adakhala mfumu nkhankha ya iye.⁸Mgole la makumi matatu na chisere la Azariya mfumu ya Yuda, Zakariya mwana wachimuna wa Yeroboamu adatonga Isaraeli mu Samariya kwa miyezi mitanthatu. ⁹Iye adachita bzakuipa pamaso pa Yahova, ninga ndimo babache akhadachitira. Iye alibe kuchoka mu bzakuphoya bza Yeroboamu mwana wachimuna wa Nebati, omwe akhadachitisa Isaraeli kuphonya.¹⁰Salumu mwana wachimuna wa Yabesi adachitira chiwembu Zakariya, kumumenya mu Ibleamu, mkumupha. Kinangoko iye adakhala mfumu nkhankha ya iye. ¹¹Zingakhala nkhani zinango zakuguma Zakariya, zidanembiwa m'bukhu la mbiri ya mafumu ya Isaraeli. ¹²Aya yakhali mafala ya Yahova ndiyo iye adasewera kuna Yehu, kulewa kuti, ''Mbeu yako imdzakhala pa kadera yachifumu ya Isaraeli kufikizana m'bwado wachinayi.'' Ibzi ndibzo bzidachitika.¹³Salumu mwana wachimuna wa Yabesi adayamba kutonga mgole la makumi matatu na chipfemba la Uziya mfumu ya Yuda, achitonga mwezi ubodzi okha mu Samaria. ¹⁴Menahemu mwana wachimuna wa Gadi adakwira kuchoka ku Tiriza kuyenda ku Samaria. Kumweko adamenya Salumu mwana wachimuna wa Yabesi, mu Samariya. Iye adamupha achikhala mfumu nkhankha ya iye.¹⁵Zingakhala nkhani zinango zakuguma Salumu na chiwembu ndicho iye adakonza, bzinanembiwa m'bukhu la mbiri ya mafumu ya Isaraeli. ¹⁶Kinangoka Menahemu adamenya Tipisa na wense omwe akhali mwemo, na malire yakuzungulira Tiriza, thangwe alibe kumufungulira muyiyo. Ndiye iye adaumenya, achitumbula azimayi wensene wapathupi mmuyi umweyo.¹⁷Mgole la makumi matatu na chipfemba la Azariya mfumu ya Yuda, Menahemu mwana wachimuna wa Gadi adayamba kutonga Isaraeli; iye adatonga magole khumi mu Samaria. ¹⁸Iye adachita bzakuipa pamaso pa Yahova. Pa moyo wache wensene, alibe kuchoka mu bzakuphonya bza Yeroboamu mwana wachimuna wa Nebati, omwe akhadachitisa Isaraeli kuphonya.¹⁹Ndiye Puli mfumu ya Asuri idabwera kulimbana na dzikolo, apo Menahemu adapa Puli matalente chulu chibodzi ya siriva, pala kuti Puli amuthandize kulimbikisa ufumu bwa Isaraeli mmanja mwache. ²⁰Menahemu adatsonkhesa kobiri zozi kuchoka ku Isaraeli pakungingimiza munthu aliense wa vida, wa mphamvu kutsonkha masekere makumi machanu machanu ya siriva kupasa iye mkukapereka kuna mfumu ya Asuri. Ndiye mfumu ya Asuri idabwerera apo iribe kukhala mwemo mdzikomo.²¹Zingakhala nkhani zinango zakuguma Menahemu, na bzensene ndibzo iye adachita, kodi bziribe kunembiwa m'bukhu la mbiri ya mafumu ya Isaraeli? ²²Ndiye Menahemu adagona pansi na abereki wache, apo Pekahia mwanache wachimuna adakhala mfumu nkhankha ya iye.²³Mgole la makumi machanu la Azariya mfumu ya Yuda, Pekahia mwana wachimuna wa Menahemu adayamba kutonga Isaraeli mu Samariya; iye adatonga magole mawiri. ²⁴Iye adachita bzakuipa pamaso pa Yahova. Alibe kulekeza bzakuphonya bza Yeroboamu mwana wachimuna wa Nebati, bzomwe bzidachitisa Isaraeli kuphonya.²⁵Pekahia akhana mnyamata wakubasa dzina lache Peka mwana wachimuna wa Remalia, omwe adamuchitira iye chiwembu. Pabodzi na wanthu makumi machanu wa ku Gileadi, Peka adapha Pekahia na Arigobu na Arie mu Samaria, mkati mwa litsito la nyumba ya mfumu. Peka adapha Pekahia achikhala mfumu nkhankha ya iye. ²⁶Zingakhala nkhani zinango zakuguma Pekahia, bzense ndibzo iye adachita, bzidanembiwa m'bukhu la mbiri ya mafumu ya Isaraeli.²⁷Mgole la makumi machanu na chiwiri la Azariya mfumu ya Yuda, Peka mwana wachimuna wa Remalia adayamba kutonga Isaraeli mu Samaria; iye adatonga magole makumi mawiri. ²⁸Iye adachita bzakuipa pamaso pa Yahova. Iye alibe kuchoka mu bzakuphonya bza Yeroboamu mwana wachimuna wa Nebati, omwe akhadachitisa Isaraeli kuphonya.²⁹Mu nsiku za Peka mfumu ya Isaraeli, Tigilati--Pilesere mfumu ya Asuri idabwera mkudzatenga Ijoni, Abeli Beti Maaka, Yanoa, Kedesi, Hazori, Gileadi, Galileya, na dziko lensene la Nafitali. Iye adatuta wanthu wa mu Asuri. ³⁰Ndiye Hoseya mwana wachimuna wa Ela adakonza chiwembu kugandukira Peka mwana wa Remaliya. Adamenya iye achimupha. Ndiye iye adakhala mfumu nkhankha ya iye, mgole la makumi mawiri la Yotamu mwana wachimuna wa Uziya. ³¹Zingakhala nkhani zinango zakuguma Peka, bzensene ndibzo iye adachita, bzidanembiwa m'bukhu la mbiri ya mafumu ya Isaraeli.³²Mgole lachiwiri la Peka mwana wachimuna wa Remaliya, mfumu ya Isaraeli, Yotamu mwana wachimuna wa Uziya, mfumu ya Yuda adayamba kutonga. ³³Iye akhana magole makumi mawiri na machanu yakubadwa pomwe adayamba kutonga; iye adatonga magole khumi na matanthatu mu Yerusalemu. Dzina la mayi wache likhali Yerusa; iye akhali mwana wachikazi wa Zadoki.³⁴Yotamu adachita bzakukoma pamaso pa Yahova, ninga ndimo babache Uziya akhadachitira. ³⁵Tsono, mbuto zakupambulika zikhalibe kutengiwa. Wanthu akhathira basi nsembe na kumbagasa bzakufukiza pa mbuto zakupambulikazo. Yotamu adamanga chipata cha kuphiri kwache kwa nyumba ya Yahova. ³⁶Zingakhala nkhani zinango zakuguma Yotamu, na bzense ndibzo iye adachita, kodi bziribe kunembiwa m'bukhu la mbiri ya mafumu ya Yuda?³⁷Mu nsiku zozo Yahova adayamba kutumiza kukalimbana na Yuda Rezini mfumu ya Aramu, na Peka mwana wachimuna wa Remaliya. ³⁸Yotamu adagona pansi na abereki wache achifuchiriwa na abereki wache mmuyi wa Davide, m'bereki wache. Ndiye Ahazi, mwanache wachimuna, adakhala mfumu nkhankha ya iye.

16¹Mgole la khumi na chinomwe la Peka mwana wachimuna wa Remaliya, Ahazi mwana wachimuna wa Yotamu mfumu ya Yuda, adayamba kutonga. ²Ahazi akhana magole makumi mawiri yakubadwa pomwe iye adayamba kutonga, apo adatonga magole khumi na matanthatu mu Yerusalemu. Iye alibe kuchita bzakukoma pamaso pa Yahova Mulungu wache, ninga ndimo Davide m'bereki wache akhadachitira.³Soma, iye adafamba mnjira ya mafumu ya Isaraeli. Iye akhabvuma kuchitisa mwanache kugwata na pamoto wakugaka, kutewezera bzichito bzakunyansa bza madzinza ndiyo Yahova akhadayathotha pamaso pa wana wa Isaraeli. ⁴Iye adapereka nsembe na bzakugasa bzakufukiza m'buto zakupambulika, pa katolotolo pa mapiri na pansi pa muti uliwense wakubiriwira.⁵Ndiye Rezini, mfumu ya Aramu na Peka mwana wachimuna wa Remaliya, mfumu ya Isaraeli, adakwira ku Yerusalemu kukamenya nkhondo. Iwo adazungulira Ahazi, soma alibe kumugonjesa. ⁶Pa nthawe yoyo, Rezini mfumu ya Aramu idatenga pomwe Elati pala Aramu ichithotha Ayuda kuchoka mu Elati. Ndiye a Arameya adabwera ku Elati, ndiko akhala ateye lero lino.⁷Ndiye Ahazi adatuma mitumi kuna Tigilati-Pilesere mfumu ya Asuri, kulewa kuti, ''Ndine kapolo wanu na mwananu. Kwirani mudzandipulumuse kuchoka mmanja mwa mfumu ya Aramu na kuchoka mmanja mwa mfumu ya Isaraeli, omwe akundimenya nkhondo.'' ⁸Ndiye Ahazi adatenga siriva na oro ndibzo bzidagumanika mnyumba mwa Yahova na pakati pa mathungwa ya kunyumba ya mfumu apo adabzitumiza ninga mphaso kuna mfumu ya Asuri. ⁹Ndiye mfumu ya Asuri idamutetekera iye, apo mfumu ya Asuri idakwira kukalimbana na Damasiko, kukaugonjesa achikatuta wanthu wache ninga akapolo kuyenda nawo ku Kiri. Iye adapha pomwe Rezini mfumu ya Aramu.¹⁰Mfumu Ahazi idayenda ku Damasiko kukagumana na Tigilati-Pilesere mfumu ya Asuri. Pa Damasiko iye adaona guwa la nsembe. Iye adatumizira kuna Uriya wansembe moda wache wa guwa la nsembelo na chilinganilo chache na mamangidwe thangwe wanthu wakumanga akhabzifuna. ¹¹Ndiye Uriya wansembe adamanga guwa la nsembe kukhala ninga mmangidwe ndiwo Mfumu Ahazi akhadatumiza kuchoka ku Damasiko. Iye adalimaliza Mfumu Ahazi ikanati kuti ibwerere kuchoka ku Damasiko. ¹²Pomwe mfumu idabwerera kuchoka ku Damasiko idaona guwa la nsembelo; mfumuyo idafenderera guwa la nsembelo ichithira nsembe popo.¹³Iye adachita nsembe yache yakupserereza na nsembe yache ya ufa, kuthululira nsembe yache yakuthira, na kupalanga mulopa wa nsembe yache ya mtendere pa guwapo. ¹⁴Guwa la mkuwa ndilo likhali pamaso pa Yahova-- iye adalibweresa kuchoka kutsogolo kwa kachisi, kuchoka pakati nakati pa guwa lache na kachisi wa Yahova mkuliikha mbali ya kumpoto kwa guwa lache.¹⁵Ndiye mfumu Ahazi adatonga Uriya wansembe, kulewa kuti, ''Pa guwa likulu la nsembe tenthani machibese nsembe yakupserereza maulo nsembe ya ufa, na nsembe yakupserereza ya mfumu na nsembe yache ya ufa, na nsembe yakupserereza ya wanthu wensene wa mdziko, na nsembe yawo ya ufa na nsembe yawo yakuthira. Palangani popo mulopa wensene wa nsembe yakupserereza, na mulopa wensene wa nsembe, Soma guwa la nsembe la mkuwa limdzakhala langu lakumbadzabvunzira nalo.'' ¹⁶Uriya wansembe adachita ninga ndimo Mfumu Ahazi idatongera.¹⁷Ndiye Mfumu Ahazi idachosa matsekerezo ya maphaka na mabasiya kuchoka pa bzakuimisira bzakutakulika; iye adabulusa pomwe thawale kuchoka pa ng'ombe za mkuwa ndizo zikhali pansi pache mkuyiikha pa njira yakuzira na minyala. ¹⁸Iye adachosa njira yakumpsinkhika pala Sabata ndiyo iwo akhadaimanga pa kachisi, pabodzi na pakupitira mfumu panja pa kachisi wa Yahova, thangwera mfumu ya Asuri.¹⁹Zingakhala nkhani zinango zakuguma Ahazi na ndibzo iye adachita, kodi bziribe kunembiwa m'bukhu la mbiri ya mafumu ya Yuda? ²⁰Ahazi adagona pansi na abereki wache achifuchiriwa na abereki wache mmuyi wa Davide. Hezekiya mwanache wachimuna adakhala mfumu nkhankha ya iye.

17¹Mgole la khumi la chiwiri la Ahazi mfumu ya Yuda, kutonga kwa Hoseya mwana wachimuna wa Ela kudayambika. iye adatonga mu Samariya mu Isaraeli kwa magole mapfemba. ²Iye adachita bzakuipa pamaso pa Yahova, soma sikuti ninga mafumu ya mu Isaraeli ndiyo yakhalipo mmambuyo mwache. ³Salimanezere mfumu ya Asuri idamuthira nkhondo iye, apo Hoseya adakhala kapolo wache achimubweresera mitulo.⁴Ndiye mfumu ya Asuri idazindikira kuti Hoseya akhamukonzera chiwembu, thangwe Hoseya akhadatuma mitumi kuna So mfumu ya Aigupto; thimize, iye alibe kupereka mitulo kuna mfumu ya Asuri, ninga akhachitira gole na gole. ⁵Ndiye mfumu ya Asuri idamufungira achimmanga iye mkaoko. Ndiye mfumu ya Asuri idathira nkhondo mdziko lensenelo, achimenya pomwe Samariya achiuzungulira kwa magole matatu. ⁶Mgole lachipfemba la Hoseya, mfumu ya Asuri idatenga Samariya ichiphata a Isaraeli kuyenda nawo ku Asuri. Iye adawaikha iwo mu Hala, pa Mkulo wa Habori wa Gozani, na mmiyi ya Amedi.⁷Kuphatiwa ukapolo kudachitika thangwe wana wa Isaraeli akhadaphonyera Yahova Mulungu wawo, omwe akhadawabweresa kukwira kuchoka mdziko la Aigupto, kuchoka mmanja mwa Falao mfumu ya Aigupto. Wanthu akhanamata milungu ina ⁸na kufamba mmitemo ya madzinza ndiyo Yahova akhadayathotha pamaso pa wana wa Isaraeli, na mmitemo ya mafumu ya Isaraeli ndiyo iwo akhadachita.⁹Wana wa Isaraeli adachita mwachinsinsi---kulimbana na Yahova Mulungu wawo--bzinthu ndibzo bzikhali lini bzabwino. Iwo adabzimangira okha mbuto zakupambulika mmiyi yawo yensene, kuchokera ku nsaka yakulindira kufikizana ku malitsito. ¹⁰Iwo adazika pomwe bzipilala na chimuti chakutsema cha Asera pa phiri lirilense litali na patsinde pa muti uliwense wakubiriwira.¹¹Popo iwo akhambatentha bzakufukiza mu mbuto zensene zakupambulikazo, ninga madzinza yakhadachitira, wale ndiwo Yahova akhadawatenga kuwachosa pamaso pawo. A Isaraeli adachita bzinthu bzakuipa kunyosa ukali bwa Yahova; ¹²Iwo adanamata bzilinganilo bzakutsema, ndibzo Yahova akhadati nabzo kuna iwo, ''Mumdzachita lini chinthu chochi.''¹³Soma Yahova akhadachitira umboni kuna Isaraeli na kuna Yuda kudzera mwa mneneri aliyense na wakuona aliyense, kulewa kuti, ''Tembenukani muleke njira zanu zakuipa apo koyani bzakutonga bzangu na manemba yangu, apo khalani wakusamala kukoya malamulo yensene ndidalamulira abereki wanu, na kuti ndidakutumizirani kudzera mwa akapolo wangu aneneri.''¹⁴Soma iwo alibe kutetekera, soma adaumisa makosi yawo ninga abereki wawo, omwe alibe kukhulupirira Yahova Mulungu wawo. ¹⁵Iwo adalamba manemba yache na mpangano ndiwo iye akhadachita na abereki wawo, na mayeruzo ya mpangano ndiwo iye akhadawapa iwo. Iwo adatewera bzipfunziso bza pezipezi apo iwombo okha adasanduka wa pezipezi. Iwo adatewera madzinza yakusaya kudziwa Mulungu ndiyo yakhadawazungulira, yale ndiyo Yahova akhawadatonga iwo nampodi kuyaterezera.¹⁶Iwo adalamba malamulo yensene ya Yahova Mulungu wawo. Adasula bzilinganiro bza fero bza ng'ombe ziwiri zikazi kumbazinamata. Iwo adatsema chilinganiro cha muti cha Asela, achinamata bzilinganiro bzensene bza kudzaulu na Baala. ¹⁷Iwo adachitisa wana wawo wachimuna na wachikazi kumbagwata na pamoto, adaphatisa basa maula na matsenga, adabzigulisa okha kuchita bzobzo ndibzo bzikhali bzakuipa pamaso pa Yahova, apo adaputa ukali bwache. ¹⁸Mthangwerache Yahova akhali wakukalipa maninge na a Isaraeli achiwachosa iwo pamaso pache. Pakhalibe aliyense wakusala soma dzinza la Yuda lokha.¹⁹Neye Yuda chaiye alibe kukoya malamulo ya Yahova Mulungu wawo, achitewera mitemo ndiyo a Isaraeli akhachita. ²⁰Ndiye Yahova adalamba wa mbeu wense wa Isaraeli; iye adawalanga iwo achiwapereka mmanja mwa wale ndiwo angadatenga vida ninga chakudzonga, ateye iye adawachoseratu mmaso mwache.²¹Iye adan'gamba Isaraeli kuchoka pa mndando wa banja lachifumu la Davide, apo adaikha mfumu Yeroboamu mwana wachimuna wa Nebati. Yerobiamu adachosesa Isaraeli kulekeza kutewera Yahova achiwachitisa iwo kuchita chakuphonya chikulutsa. ²²Wana wa Isaraeli adatewera bzakuipa bzense bza Yerobiamu apo alibe kuchoka mwa iwo. ²³ndiye Yahova adapfudza Isaraeli mmaso mwache, ninga ndimo adalewera kudzera mwa atumiki wache aneneri ndiwo adachita. Ndiye Isaraeli adachosewa mdziko lawo la iwo kuyenda ku Asuri, apo bzikali tenepo kufikizana lero lino.²⁴Mfumu ya Asuri idabweresa wanthu kuchoka ku Babulo na kuchoka ku Kuta, na kuchoka ku Ava, na kuchoka ku Hamati na Sefaravaimu, achiwaikha mmiyi ya Samariya mu mbuto ya wana wa Isaraeli. Iwo adatenga Samaria achikhala mmiyi yache.

²⁵Bzidachitika pakutoma pa kukhala kwawo koko kuti alibe kulemekeza Yahova. Ndiye Yahova adatumiza mphondolo pakati pawo zomwe zidapha wina wa iwo. ²⁶Ndiye iwo adauza mfumu ya Asuri, kulewa, ''Madzinza ndiyo mwayatenga mkukayaikha mmiyi ya Samariya yamdziwa lini bzichito bzakufunika na Mulungu wa dzikoli. Ndiye iye watumiza mphondolo pakati pawo, apo, onani, mphondolo zikupha wanthu koko thangwe akudziwa lini bzichito bzakufunikira na Mulungu wa dzikoli.''²⁷Ndiye mfumu ya Asuri idatonga, kulewa kuti, ''Tengani m'bodzi wa ansembe koko omwe mudamutenga kuchoka koko, apo mulekeni ayende kukakhala koko, apo akapfunzise iwo bzichito bzakufunikira na Mulungu wa dzikoli.'' ²⁸Ndiye m'bodzi wa ansembe omwe adamutenga kuchoka ku Samariya adabwera achikakhala mu Beteli; iye adapfunzisa iwo ndimo angalemekezere Yahova.²⁹Dzinza lirilense lidakhala na milungu yache yache, achiikha mu mbuto zakupambulika ndizo a Samariya akhadakonza---dzinza lirilense mmiyi ndiyo akhakhala. ³⁰Wanthu wa ku Babulo adakonza Sukoti Benoti; wanthu wa ku Kuta adakonza Nerigali; wanthu wa ku Hamati adakonza Asima; ³¹a Avite adakonza Nibazi na Tarataka. A Sefaravaimu adaotcha wana wawo pamoto kuna Adrameleki na Anameleki, milungu ya a Sefaravaimu.³²Iwo adalemekeza pomwe Yahova, achisankhula kuchoka pakati pawo ansembe wa mbuto zakupambulika. ³³Iwo adalemekeza Yahova achinamata pomwe milungu yawo yawo, mmitemo ya madzinza kuchoka pa iwo omwe akhadatengiwa.³⁴Kufikizana lero lino iwo ambakhala basi mmitemo yawo yachikale. Ambalemekeza lini Yahova, ayai kutewera manemba yache, mitemo, malamulo, ayai malamulo ndiyo Yahova adapereka kuna wa mbeu ya Yakobo, omwe adawachemera Isaraeli. ³⁵Pomwe Yahova adachita nawo mpangano, adawatonga iwo, ''Mumdzagopa lini milungu inango, ayai kuigodamira iyo, ayai kuinamata, ayai kuithirira nsembe.³⁶Soma Yahova, omwe adakubweresani kukwira kuchoka mdziko la Aigupto na mphamvu ikulu na boko lakuthamuka, ndiye omwe mumdzamulemekeza, mkwa iye ndiko mumdzagodama pansi, apo mkwa iye ndiko mumdzapereka nsembe. ³⁷Manemba na mayeruzo, lamulo na malamulo ndiyo iye adakunemberani, mumdzayakoya kwamuyaya. Ndiye nampodi kugopa milungu inango, ³⁸na mpangano ndiwo ndachita namweyu, mumdzayebwa lini; ayai kudzanamata milungu inango.³⁹Soma Yahova Mulungu wanu ndiye omwe mudzamulemekeze. Iye amdzakupulumusani imwe kuchoka ku mphamvu za awengi wanu. ⁴⁰Iwo alibe kutetekera, thangwe adapitiriza basi kuchita ndibzo akhadachita mmambuyo. ⁴¹Ndiye madzinza yoya yadagopa Yahova yachinamata pomwe bzilinganiro bzawo bzakutsema, apo wana wawo adachita pomwe bzibodzibodzi---ninga adachitira wana wa wana wawo. Iwo ambapitiriza kuchita ndibzo abereki wawo adachita, kufikizana nsiku ya lero lino.

18¹Tsapano ,gole lachitatu la Hoseya mwana wachimuna wa Ela, mfumu ya Isareli, Hezekiya mwana wachimuna wa Ahazi, mfumu ya Yuda adayamba kutonga. ²Akhana magole makumi mawiri na machanu yakubadwa pomwe iye adayamba kutonga; adatonga magole makumi mawiri na mapfemba mu Yerusalemu. Dzina la mayi wache likhali Abija; iye akhali mwana wachikazi wa Zakaliya. ³Iye adachita bzakukoma pamaso pa Yahova, ninga ndimo Davide, m'bereki wache, akhadachitira.⁴Iye adachosa mbuto zakupambulika, kudzononga bzipilala bza minyala, achigwata kugwesa bzimiti bzakutsema bza Asera. Iye adapsa mmapidaso nyoka ya mkuwa ndiyo Mose akhadaikonza, thangwe nsiku zozo wana wa Isaraeli akhambagasa bzakufukiza popo, ikhachemeriwa ''Nehusitani.'' ⁵Hezekiya akhakhulupirira mwa Yahova, Mulungu wa Isaraeli, mwakuti atapita iye pakhalibe pomwe wina ninga iye pakati pa mafumu yensene ya Yuda, ayai pakati pa mafumu yomwe yakhali mmambuyo mwache.⁶Thangwe iye adaphatisisa Yahova. Iye alibe kulekeza kutewera iye soma adakoya basi malamulo yache, ndiyo Yahova adatonga Mose. ⁷Ndiye Yahova akhanaye Hezekiya, apo kulikwense akhayendako iye akhapambana. Iye adagandukira mfumu ya Asuri apo alibe kuitumikira. ⁸Iye adamenya Afirisiti kuyendera ku Gaza na malire yakuzungulira, kuchoka ku nsaka ya kulindira kufikizana ku muyi wa litsito.⁹Mgole lachinayi la Mfumu Hezekiya, lomwe likhali gole lachinomwe la Hoseya mwana wachimuna wa Ela mfumu ya Isaraeli, Salimanesere mfumu ya Asuri idabwera kukwira kukalimbana na Samariya achiuzungulira. ¹⁰Pa kumala kwa magole matatu adautenga, mgole lachitanthatu la Hezekiya, lomwe likhali gole lachipfemba la Hoseya mfumu ya Isaraeli; mnjira yoyi Samariya adatengiwa.¹¹Ndiye mfumu ya ku Asuri idatenga a Isaraeli kuyenda nawo ku Asuri mkukawaikha mu Hala, na pa Mkulo wa Habori mu Gozani, na mmiyi hya Amedi. ¹²Iyo idachita ibzi thangwe iwo alibe kubvera mafala ya Yahova Mulungu wawo, soma adaphonyera malamulo ya mpangano, bzense ndibzo Mose mtumiki wa Yahova adatonga. Iwo adalamba kutetekera ayai kuchita.¹³Ndiye mgole la khumi na chinayi la Mfumu Hezekiya, Senakeribu mfumu ya Asuri idamenya miyi yensene ya malitsito ya Yuda mkuitengeratu. ¹⁴Ndiye Hezekiya mfumu ya Yuda idatumiza mafala kuna mfumu ya Asuri, yomwe ikhali pa Lakisi, kulewa, ''Ndakuphonyerani imwe. Mundichokere. Ndicho mumndisenzesacho nimsenza.'' Mfumu ya Asuri idaikhira Hezekiya mfumu ya Yuda kupereka matalente madzana matatu ya siriva na matalente makumi matatu ya oro. ¹⁵Ndiye Hezekiya adamupa iye siriva wensene ndiye adagumanika mnyumba ya Yahova na mmathungwa ya mnyumba ya mfumu.¹⁶Ndiye Hezekiya adakwatula oro kuchoka pa misuwo ya kachisi wa Yahova na kuchoka pa nsandamira ndizo iye adazikukutidza; iye adapa oro kuna mfumu ya Asuri. ¹⁷Soma mfumu ya Asuri idabalalisa wankhondo wache azinji, mkutuma Taratani na Rabasarisi na mkulu wa nkhondo kuchoka ku Lakisi kuyenda kuna Mfumu Hezekiya ku Yerusalemu. Iwo adafamba kukwira na miseu achikafika kunja kwa Yerusalemu. Iwo adafendera pa mathiriro ya thawale la mchera wakudzaulu kwache, pa mseu ukulu wa munda wakufulira, achikaima pafupi na popo. ¹⁸Iwo atachemera Mfumu Hezekiya, Eliyakimu mwana wachimuna wa Hilikiya, omwe akhali pa muyi, na Sebina mnembi, na Yoa mwana wachimuna wa Asafu, wakunemba mbiri, adabula kunja kukagumana nawo.¹⁹Ndiye mkulu wa nkhondo adati kna iwo kukauza Hezekiya ndibzo mfumu ikulu, mfumu ya Asuri, idalewa: Kodi chikhulupiriro chanu chikuchoka paponi? ²⁰Mumbasewera mafala ya pezipezi yokhayokha, kulewa kuti muna uphungu na mphamvu za nkhondo. Ukudalira mwa mbani, kuti undigandukire tere? ²¹Onani, mumbakhulupirira mwa Aigupto, mpsimbo yakufambirayi ya mtete wakupseka; penu munthu aniiyadzamira, imdzaphathirira mmanja mwache mkumupsonda. Umu ndimo Falao mfumu ya Aigupto aliri kuna aliyense ndiye animukhulupirira iye.²²Soma mungandiuza, 'Timbakhulupirira Yahova Mulungu wathu,' kodi ndiye lini omwe mbuto zache zakupambulika na maguwa ya nsembe Hezekiya wayatenga, achilewa kuna Yuda na kuna Yerusalemu, 'Mumbanamate pamaso pa guwa la nsembe ili mu Yerusalemu'? ²³Tsapano mthangwerache, ndikufuna kukusandusani chakupereka chabwino kuchoka kuna mbuyangu mfumu ya Asuri. Nimdzakupani akavalo bzulu bziwiri, penu mungakwanise kugumana wakudzayafambisa.²⁴Mumdzabweza tani neye nduna ibodzi ing'ono ya kapitawo wa mbuyangu? Mwaikha chikhulupiriro chanu mwa Aigupto akupeni magaleta na wanthu wa pa akanalo! ²⁵Kodi ndafamba kukwira kuno seye Yahova kudzamenya kulimbana na mbuto ino mkuidzononga? Yahova adati kuna ine, 'Menya dziko ili ulidzononge.'''²⁶Ndiye Eliyakimu mwana wachimuna wa Hilikiya, na Sebina, na Yoa adati kuna mkulu wa nkhondo, ''Pirizi sewerani na anyamata wanuwa mchiseweredwe cha chi Aramu, thangwe timbachibva. Nampodi kutisewera mchiseweredwe cha chi Yuda chakubveka mmakutu mwa wanthu omwe ali pa litsito.'' ²⁷Soma mkulu wa nkhondoyo adati kuna iwo, ''Kani mbuyangu wandituma kuna mbuyako na kuna imwepo kusewera mafalaya? Iye alibe kundituma kuna wanthu omwe akhala pansi pa litsito, omwe amdzadya bzakunyansa bzawo na kumwa mitundo yawo ya iwo pabodzi namwe?''²⁸Ndiye mkulu wa nkhondo adaima achikuwa na mkuwe ukulu mchiseweredwe cha chi Yuda, kulewa, ''Tetekerani mafala ya mfumu ikulu, mfumu ya Asuri. ²⁹Mfumu yati, 'Nampodi kubvuma Hezekiya akunyengezeni, thangwe amdzakwanisa lini kukupulumusani kuchoka mu mphamvu zangu. ³⁰Nampodi kubvuma Hezekiya kukuchitisani kukhulupirira Yahova, kulewa, ''Yahova amdzatipulumusa chadidi, apo muyi uno umdzaperekiwa lini mmanja mwa mfumu ya Asuri.'''³¹Nampodi kutetekera Hezekiya, thangwe ibzi ndibzo mfumu ya Asuri yalewa: 'Mupangane nande mtendere apo mubule kubwera kuna ine. Ndiye aliyense wa imwe amdzadya kuchokera mu mpesa wache na kuchoka mmuti wache wa mkuyu, na kumwa madzi ya mu mchera wache. ³²Mumdzachita ichi kufikizana nditabwera kudzakutengani kuyenda namwe ku dziko ninga dziko lanu chailo, dziko la tirigu na vinyu mupsa, dziko la mkate na minda ya mpesa, dziko la miti ya azitona na uchi, pala kuti mudzakhale na moyo neye kufa.' Nampodi kutetekera Hezekiya angayezera kukupumpsani, kulewa, 'Yahova amdzatipulumusa.'³³Kodi wina wa milungu ya wanthu adawapulumusa kale iwo kuchoka mmanja mwa mfumu ya Asuri? ³⁴Iri kuponi milungu ya Hamati na Aripadi? Iri kuponi milungu ya Sefaravaimu, Hena, na Iva? Kodi yapulumusa Samariya kuchoka mmanja mwangu? ³⁵Pa milungu yense ya mmadziko, pana mulungu aliyensembo ndiye wapulumusa dziko lache kuchoka mu mphamvu zangu? Yahova angapulumuse tani Yerusalemu kuchoka mu mphamvu zangu?³⁶Soma wanthu adanyamala apo alibe kutawira, thangwe mfumu ikhadatonga, ''Nampodi kumutawira.'' ³⁷Ndiye Eliyakimu mwana wachimuna wa Hilikiya, omwe akhali wakunyang'anira nyumba; Sebina mnembi, na Yoa mwana wachimuna wa Asafu, wakunemba mbiri, adabwera kuna Hezekiya ana bzakubvala bzawo bzitang'ambika, achimuuza iye mafala ya mkulu wa nkhondo.

19¹Bzidachitika kuti pomwe Mfumu Hezekiya idabva uthenga bwawo, idaphadzula bzakubvala bzache, ichigugudira chiguduli, ichiyenda mnyumba mwa Yahova. ²Iyo idatuma Eliyakimu, wakunyan'ganira nyumbayo, na Sebina mnembi, na akulu wa ansembe, wense adagugudira bziguduli, mkuyenda kuna Yesaya mwana wachimuna wa Amozi, mneneri.³Iwo adati kuna iye, ''Hezekiya wati, 'Lero ni nsiku ya matsautso, kutsimula, na manyazi, thangwe wana yakwana nthawe yakubadwa, soma palibe mphamvu yakubala. ⁴Bzimdzachitika kuti Yahova Mulungu wanu amdzabva mafala yense ya mkulu wa nkhondo, omwe mfumu ya Asuri yamtuma kudzatonza Mulungu wa moyo, apo amdzatsimula mafala ndiyo Yahova Mulungu wanu wayabva. Tsapano uwakuwisire pembo wakusalawo omwe akali popo.''⁵Ndiye akapolo wa Mfumu Hezekiya adabwera kuna Yesaya, ⁶apo Yesaya adati kuna iwo, ''Uzani mbuyanu: 'Yahova wati, ''Nampodi kubva mantha na mafala ndiyo mwabvayo, yomwe akapolo wa mfumu ya Asuri anditukwana nayo. ⁷Ona, nimdzaikha mzimu mwa iye, achidzabva mafala inango achibwerera ku dziko lache. Nimdzamchitisa iye kugwa na lupanga mdziko lachelo.'''''⁸Ndiye mkulu wa nkhondo adabwerera achidzagumana mfumu ya Asuri ikumenyana pa Libina, thangwe iye akhadabva kuti mfumu ikhadayenda kuchoka ku Lakisi. ⁹Ndiye Senakeribu adabva kuti Tirihaka mfumu ya Kusi na Aigupto ikhadabalalisa achikunda kukamenyana naye, ndiye idatuma pomwe mitumi kuna Hezekiya na mafala:¹⁰Lewani kuna Hezekiya mfumu ya Yuda, 'Nampodi kubvuma kuti Mulungu wanu omwe mumbamkhulupirira akunyengezeni, kulewa kuti, ''Yerusalemu amdzaperekiwa lini mmanja mwa mfumu ya Asuri.'' ¹¹Onani, mwabva ndibzo mafumu ya Asuri yachita kuna madziko yensene pa kuyadzononga kwakumaliza. Ndiye imwe mumdzapulumusiwa?¹²Kodi milungu ya madzinza yawapulumusa, madzinza ndiyo abereki wangu adayadzononga: Gozani, Harani, Rezefi, na wanthu wa mu Edeni mu Tela Asara? ¹³Yali kuponi mafum,u ya Hamati, mfumu ya Aripadi, mfumu ya miyi ya Sefaravaimu, ya Hena, na Iva?¹⁴Hezekiya adatambira tsamba kuchokera kuna mitumi achililewenga. Kinangoka iye adakwira kuyenda kunyumba ya Yahova achikalifuthula pamaso pache. ¹⁵Ndiye Hezekiya adapemba pamaso pa Yahova achiti, Mulungu wa Isaraeli, imwe wakukhala padzaulu pa akerubi, ndimwe Mulungu yekhayo kuposa maufumu yensene ya dziko lapansi. Mudalenga kudzaulu na dziko lapansi.¹⁶Tcherani khutu lanu, Yahova, apo mubve. Fungulani maso yanu, Yahova, apo muone, na kubva mafala ya Senakeribu, ndiyo watumiza kutonza nayo Mulungu wa moyo. ¹⁷Chadidi, Yahova, mafumu ya Asuri yadzononga madzinza na madziko yawo. ¹⁸Iwo ayikha milungu yawo pamoto, thangwe ikhali lini milungu soma basa la manja ya wanthu, miti ya pezi na minyala. Ndiye Asuri akadzononga amwewo.¹⁹Tsapano ndiye, Yahova Mulungu wathu, tipulumuseni, ndikukukumbirani, kuchoka ku mphamvu zache, pala kuti maufumu yensene ya dziko lapansi yadziwe kuti imwe, Yahova, ndimwedi Mulungu pamwekha.²⁰Ndiye Yesaya mwana wachimuna wa Amozi adatuma mafala kuna Hezekiya, kulewa, ''Yahova, Mulungu wa Isaraeli wati, 'Thangwera mwapemba kuna ine kuguma Senakeribu mfumu ya Asuri, ndakubvani. ²¹Aya ndiyo mafala ndiyo Yahova wasewera bza iye: Dende mwana wachikazi wa mu Ziyoni likukunyozani na kukutonzani. Mwana wachikazi wa Yerusalemu wakwetesa msolo wache pa imwe. ²²Mbani ule wamutonza na kumusasatira? Kulimbana na mbani wakwiza mafala yako na kuyadamisa maso yako mwakusamwirira? Kulimbana na Wakuchenayo Wa Isaraeli!²³Na mitumi yanu mwatonza Mbuya, mkulewa, 'Na thimu la magareta yangu ndayenda padzaulu pa mapiri, ku mbali zache za Lebano. Nimdzagwesa mikungudza yache mitali na miti yache yakusankhuka ya mulombwa koko. Nimdzapita mkati mwache maninge, mkhalango yache ya madimba chaiyoiyo. ²⁴Ndafukula michera na kumwa madzi yakunja. Ndidaumisa mikulo yensene ya Aigupto kunsi kwa nzayo zangu.''²⁵Mulibe kubva ndimo ndidachitira kalekalero, ndichibzikonzeratu mu nsiku za kale kale? Tsapano ndikubzibweresa kuti bzimale. Muli pano kuchepesa miyi ya malitsito kukhala midwi ya milundo. ²⁶Wanthu wawo wakukhala momo, wa mphamvu zakuchepa, amwazikana na kuchita manyazi. Ni mbewu mmunda, uswa bwakubiriwira, uswa pa nsodzi ayai mmunda, kutenthiwa bukanati kukula.²⁷Soma ndikudziwa kukhala pansi kwako, kubula panja kwako, kupita mkati kwanu, na kundikalipira kwako. ²⁸Thangwera kundikalipira kwako, na thangwera kubzikuza kwako kwafika mmakutu mwangu, nimdzaikha medzo yangu m'phuno mwako, na cha mkamwa changu mmilomo mwako; nimdzakubwezera pa njira udabwera nayoyi.''²⁹Ichi chimdzakhala chilatizo chako: Gole lino mumdzadya bzakumera mthengo, apo mgole lachiwiri bzakumera kuchoka mwemo. Soma gole lachitatu mumdzabzala mkukolola, kubzala minda ya mpesa muchidya bzipaso bzache. ³⁰Wakusala wa nyumba ya Yuda wakupulumukawo amdzaphuka pomwe mizi achidzabala bzipaso. ³¹Thangwe kuchoka ku Yerusalemu wakusala amdzabula kunja, kuchoka ku Phiri la Ziyoni wakupulumuka wakuthawawo amdzabwera. Kachangu ka Yahova wa wenekachiro dziko kamdzachita ichi.³²Mthangwerache Yahova walewa ichi kuguma mfumu ya Asuri: ''Iye amdzapita lini mmuyi muno ayai kuthusa msewe wache muno. Ayai kuti amdzabwera pamaso pa muyiyu na chakukhotchera ayai kukonza nthumbira yakulimbana na muyiyu. ³³Ndimo iye amdzabwerera ndimo pomwe iye amdzabulira; iye amdzapita lini mmuyi muno--uku mkulewa kwa Yahova.'' ³⁴Thangwe nimdzakhotcherera muyi uno na kuupulumusa, pala ubwino kuna ine na ubwino kuna mtumiki wangu Davide.'''³⁵Bzidachitika usiku bumwebo kuti mnjero wa Yahova adabula mkukamenya msasa wa Asuri, kupha achikunda bzulu dzana libodzi na makumi masere na bzichanu. Pomwe wanthu adalamuka machibesebese, matupi yakufa yakhali pense pense. ³⁶Ndiye Senakeribu mfumu ya Asuri idachoka mu Isaraeli ichiyenda kumuyi ichikakhala mu Nineve. ³⁷Pambuyo pache, pomwe iyo ikhanamata mnyumba ya Nisiroki mulungu wache, wanache wachimuna Adrameleki na Sarezere adamupha iye na lupanga. Kinangoka iwo adathawira mdziko la Ararati. Ndiye Esarahadoni mwanache wachimuna adakhala mfumu nkhankha ya iye.

20¹Mu nsiku zozo Hezekiya akhadwala mwa penu penu. Ndiye Yesaya mwana wachimuna wa Amozi, mneneri adabwera kuna iye, achidzati kuna, ''Yahova wati, 'Konzekerani nyumba yanu, thangwe munifa, sikuti mumkhala na moyo neye.''' ²Ndiye Hezekiya adazungunusira nkhope yache kunyumba achipemba kuna Yahova, kulewa kuti, ³''Pirizi, Yahova, ndikukukumbiranimbo, kumbukirani ndimo ndafambira mwakukhulupirika pamaso panu na mtima wangu wense, ndichichita bzakukukomerani pamaso panu.'' Ndiye Hezekiya adalira mwakukuwa.⁴Yesaya akanati kuti abule mbuto ya panja, mafala ya Yahova yadabwera kuna iye, kulewa kuti, ⁵''Zungunuka, umuuze Hezekiya, mtsogoleri wa wanthu wangu, 'Ibzi ndibzo Yahova, Mulungu wa Davide m'bereki wako, walewa: Ndabva pembo lako, na kuona misozi yako. Ndasala pang'ono kukulimbisa iwepo pa nsiku yachitatu, apo umdzayenda kukwira ku nyumba ya Yahova.⁶Nimdzathimizira magole khumi na machanu ya moyo wako, ndichidzakupulumusa iwepo na muyi uno kuchoka mmanja mwa mfumu ya Asuri, ndichidzateteza muyi uno thangwera ine na thangwera mtumiki wangu Davide.'''' ⁷Ndiye Yesaya adati, ''Tenga madzi ya nkhuyu.'' Iwo adachita tenepo achithira pa phute lache, achilimba.⁸Hezekiya adati kuna Yesaya, ''Chilatizo chimdzakhala chani kuti Yahova amdzandilimbisadi, na kuti nimdzakwira kuyenda ku kachisi wa Yahova pa nsiku yachitatu?'' ⁹Yesaya adatawira, ''Ichi chimdzakhala chilatizo chako kuchokera kuna Yahova, kuti Yahova amdzachita chinthu ichi ndicho iye wasewera. Kodi mthunzi umdzayenda kutsogolo nsikada khumi, ayai kubwerera mmambuyo nsikada khumi?''¹⁰Hezekiya adatawira, ''Mpsakusaya kunesa kuti mthunzi kuyenda kutsogolo nsikada khumi. Neye, bvumani kuti mthunzi ubwerere mmambuyo nsikada khumi.'' ¹¹Ndiye Yesaya mneneri adalirira Yahova, apo iye adabweza mthunzi nsikada khumi mmambuyo, kuchoka ndipo ukhadafamba pa kukwirira pa Ahazi.¹²Pa nthawe imweyo Mariduki-Baladani mwana wachimuna wa Baladani mfumu ya ku Babulo idatumiza masamba na mphaso kuna Hezekiya, thangwe ikhadabva kuti Hezekiya akhadwala. ¹³Hezekiya adatetekera masamba yamweyo, apo kinangoko achilatiza mitumi ire nyumba yense yachifumu na bzinthu bzache bza nsengwa yapatali, siriva, oro, bzakununtchira na mafuta yakuumira, na nyumba yakukoyera bzida bzache, na bzense bza mnyumba zakukoyera. Pakhalibe chinthu mnyumba mwache, ayai mu ufumu bwache, ndicho Hezekiya alibe kuwalatiza iwo.¹⁴Kinangoko Hezekiya mneneri adabwera kuna Mfumu Hezekiya achiibvunza, ''Wanthuwa alewa chani kuna imwe? Iwowa achokera kuponi?'' Hezekiya adati, ''Achokera kudziko lakutali la Babulo.'' ¹⁵Yesaya adabvunza, ''Awona chani mnyumba mwanu?'' Hezekiya adatawira, ''Awona chirichense mnyumba mwangu. Palibe chinthu pa bzinthu bza nsengwa yapatali ndicho ndiribe kuwaonesa iwo.''¹⁶Ndiye Yesaya adati kuna Hezekiya, ''Tetekera mafala ya Yahova: ¹⁷Ona, nsiku zafendera ndizo bzinthu bzensene mnyumba yako yachifumu, bzinthu ndibzo abereki wako adakontcheza kufikizana lero lino, bzimdzatengiwa kuyenda ku Babulo. Palibe chinthu chimdzasala, watenepo Yahova. ¹⁸Wina wa mbeu yako omwe umdzabala amdzatengiwa kuchoka kuna iwe, achidzakhala wakumbakhala neye kubala wana mnyumba ya mfumu ya ku Babulo.'''¹⁹Ndiye Hezekiya adati kuna Yesaya, ''Mafala ya Yahova ndiyo mwaseweraya ngabwino.'' Thangwe iye akhakumbuka, ''Kodi mtendere na kukhazikika bzimdzakhala lini mu nsiku zangu kani?'' ²⁰Zingakhala nkhani zinango zakuguma Hezekiya, na mphamvu zache zensene, na ndimo iye adamangira dziwe na mchera, na ndimo adabweresera madzi mmuyi--bziribe kunembiwa m'bukhu la mbiri ya mafumu ya Yuda? ²¹Hezekiya adagona pansi na abereki wache, apo Manase mwanache wachimuna ndiye adakhala mfumu nkhankha ya iye.

21¹Manase akhana magole khumi na mawiri pomwe adayamba kutonga; iye adatonga magole makumi machanu na machanu mu Yerusalemu. Dzina la mayi wache likhali Hefisiba. ²Manase akhali wakuipa pamaso pa Yahova, ninga bzinthu bzakuipa bza madzinza ndiyo Yahova akhadayathotha kuchoka pa maso pa wana wa Isaraeli. ³Thangwe iye adamanga pomwe mbuto zakupambulika ndizo Hezekiya babache akhadadzononga, achimanga maguwa ya nsembe ya Baala, achitsema chimuti cha Asera, ninga Ahabu mfumu ya Isaraeli ikhadachitira, achigodamira kuna bzense bza kudzaulu achibzinamatira.⁴Manase adamanga maguwa ya nsembe mnyumba ya Yahova, napo Yahova akhadatonga, ''Mmu Yerusalemu ndimo dzina langu liti lidzakhale kwa muyaya.'' ⁵Iye adamanga maguwa ya nsembe ya bzinthu bzense bzakudzaulu mu mbuto ziwiri zense za nyumba ya Yahova. ⁶Iye adachitisa mwanache wachimuna kugwata na pamoto, iye adaombeza maula na kuchita madimonyo na wakumbabvimira achifikira wa nyanga na wa mizimu. Iye adachita bzakuipa bzikulu pamaso pa Yahova, kunyosa ukali bwache.⁷Chilinganiro cha Asera ndicho iye akhadachitsema, adachiikha mnyumba ya Yahova. Ni mnyumba yoyi ndimo Yahova akhadasewera kuna Davide na Solomoni mwanache wachimuna, iye akhadati: ''Ni mnyumba muno na mu Yerusalemu, ndimo ndasankhula kuchoka pa madzinza yensene ya Isaraeli, kuti nimdzaikha dzina langu kwa nthawe za nthawe. ⁸Nimdachitisa lini nzayo za a Isaraeli kufamba pomwe apa na apa kunja kwa dziko ndilo ndidalipereka kuna abereki wawo, achikhala kuti amdzasamala kubvera bzense ndibzo ndawatonga iwo, na kuteweza malamulo yensene ndiyo mtumiki wangu Mose adawatonga iwo.'' ⁹Soma wanthu alibe basi kutetekera, apo Manase adawatsogolera kuchita bzakuipa zjai kuposa madzinza ndiyo Yahova akhadayadzononga pamaso pa wana wa Isaraeli.¹⁰Ndiye Yahova adasewera kudzera mwa atumiki na aneneri, kulewa kuti, ¹¹''Thangwe Manase mfumu ya Yuda wachita bzinthu bzakutsamwisa, na kuchita bzakunyansa zjai kuposa a Amori wensene ndiwo akhalipo iye akanati kubwera ndimo adachitira, na kuchitisa pomwe Yuda kuphonya na bziringaniro bzakutsema, ¹²mthangwerache Yahova, Mulungu wa Isaraeli, walewa ichi: Onani, ndasala pang'ono kubweresa chakuipa chimwecho kuna Yerusalemu na Yuda mwakuti aliyense wakudzachibva, makutu yache yensene yamdzamulirisa.¹³Nimdzafuthulira Yerusalemu chingwe chakupimira chidaphatisiwa basa kuna Samariya, na chimngwe chakulungamisira dzololo chidaphatisiwa basa pa nyumba ya Ahabu; nimdzapukusa Yerusalemu, ninga ndimo munthu ambapukusira palato, kuipukusa mkuigwanankhira. ¹⁴Nimdzataya chakusala cha chakusiiriwa changu mkubzipereke ibzo mmanja mwa awengi wawo. Iwo amdzakhala chakudya na chakukolola cha awengi wawo wensene, ¹⁵thangwe achita bzakuipa pamaso pangu, apo andinyosera ukali bwangu, kuchokera nsiku abereki wawo adabula mu Aigupto, kufikizana lero lino.¹⁶Chensecho pomwe, Manase adajojeza mulopa uzinji wakusaya kuphonya, kufikizana adadzala Yerusalemu kuchoka kuphampha kufikizana kuphampha kwina na imfa. Uku kukhali kuphatanidza ku chakuphonya ndicho adachitisa Yuda kuphonya, pomwe iwo adachita bzakuipa pamaso pa Yahova. ¹⁷Zingakhala nkhani zinango zakuguma Manase, bsense ndibzo iye adachita, na kuphonya ndiko iye adachita, kodi bziribe kunembiwa m'bukhu la mbiri ya mafumu ya Yuda? ¹⁸Manase adagona pansi na abereki wache achiikhiwa mmunda mwa nyumba yache, mmunda mwa Uza. Amoni mwanache wachimuna adakhala mfumu nkhankha ya iye.¹⁹Amoni akhana magole makumi mawiri na mawiri pomwe iye adayamba kutonga; iye adatonga magole mawiri mu Yerusalemu. Dzina la mayi wache likhali Mesulemeti; akhali mwana wachikazi wa Haruzi wa ku Yotiba. ²⁰Iye adachita bzakuipa pamaso pa Yahova, ninga Manase babache akhadachitira.²¹Amoni adatewera mnjira yense ndiyo babache akhadafamba na kunamata bziringaniro bzakutsema ndibzo babache akhanamata, achibzigodamira. ²²Iye adataya Yahova, Mulungu wa abereki wache, apo alibe kufamba ,mnjira ya Yahova. ²³Akapolo wa Amoni adamuchitira iye chiwembu achipha mfumuyo mnyumba mwache.²⁴Soma wanthu wa mdzikomo adapha wensene ndiwo adachitira chiwembu Mfumu Amoni, achiikha Yosiya mwanache wachimuna nkhankha ya iye. ²⁵Zingakhala nkhani zinango zakuguma Amoni ndibzo iye adachita, kodi bziribe kunembiwa m'bukhu la mbiri ya mafumu ya Yuda? ²⁶Wanthu adamuikha iye mgwinza lache mmunda mwa Uza, apo Yosiya mwanache wachimuna adakhala mfumu nkhankha ya iye.

22¹Yosiya akhana magole masere pomwe iye adayamba kutonga; iye adatonga magole makumi matatu na libodzi mu Yerusalemu. Dzina la mayi wache likhali Yedida (akhali mwana wachikazi wa Adaya wa ku Bozikati). ²Iye adachita bzakukoma pamaso pa Yahova. Iye adafamba mnjira yensene ya Davide m'bereki wache, apo alibe kupambukira ayai kumadidi ayai kumadzere.³Bzidachitika kuti mgole lachikhumi na sere la mfumu Yosiya, iyo idatuma Safani mwana wachimuna wa Azaliya mwana wachimuna wa Mesulamu, mnembi, kuyenda ku nyumba ya Yahova, kukalewa kuti, ⁴''Ndoko kwira kuna Hilikiya mkulu wa ansembe ukamuuze kukalewenga kobiri ndizo zafika mnyumba ya Yahova, ndizo alindiri wa kachisi alokotera kuchoka kuna wanthu. ⁵Lekani ziperekiwe mmanja mwa wanthu wakuphata basa omwe akunyang'anira nyumba ya Yahova, apo zilekeni azipereke kuna wakuphata basa omwe ali mnyumba ya Yahova, pala iwo akonzesere nazo mwakudzonongeka mwa kachisi.⁶Alekeni apereke kobiri kuna wakupala matabwa, wakumanga nyumba, na wakumanga litsito, na kugulira pomwe matabwa na kugwata minyala kukonzesera kachisi.'' ⁷Soma pakhafunika lini kulewengera pa kobiri adawapazo, thangwe iwo akhaziphatisira mwakukhulupirika.⁸Hilikiya mkulu wansembe adati kuna Safani mnembi, ''Ndabulukira bukhu la malamulo mnyumba ya Yahova.'' Ndiye Hilikiya adapereka bukhulo kuna Safani, iye achililewenga. ⁹Safani adayenda achikatenga bukhulo kukapasa mfumu, achikalewa pomwe kuna iye, kulewa kuti, ''Akapolo wanu aphatisira basa kobiri ndizo zidagumanika mkachisi apo azipereka mmanja mwa wanthu wakuphata basa omwe akhanyang'anira kusamalira kwa nyumba ya Yahova.'' ¹⁰Ndiye Safani mnembi adati kuna mfumu, ''Hilikiya wansembe wandipa bukhu ine.'' Ndiye Safani adalilewenga kuna mfumu.¹¹Bzidachitika kuti pomwe mfumu idabva mafala ya m'bukhu la chilamulo, idaphadzula bzakubvala bzache. ¹²Mfumu idatonga Hilikiya wansembe, Ahikamu mwana wachimuna wa Safani, Akibori mwana wachimuna wa Mikaya, Safani mnembi, na Asaya, mnyamata wache, kulewa kuti, ¹³''Ndokoni mukandikumbirire Yahova, na pala wanthu na pala Yuda wense, thangwera mafala ya bukhuli ndilo labulukiriwa. Thangwe bukulu ni ukali bwa Yahova ndibo bwagakira ife thangwe abereki wathu alibe kutetekera mafala ya bukhuli pala kubvera ndibzo bzidanembiwa bzakuguma ife.''¹⁴Ndiye Hilikiya wansembe, Ahikamu, Akibori, Safani, na Asaya adayenda kuna Hulida mneneri wachikazi, mkazi wa Salumu mwana wachimuna wa Tikiva mwana wachimuna wa Harasi, wakukoya bzakubvala bza mfumu(akhakhala mu Yerusalemu mu mbuto yachiwiri), iwo achisewera naye. ¹⁵Iye adati kuna iwo, ''Ibzi ndibzo Yahova, Mulungu wa Isaraeli, walewa: 'Uza munthu adakutuma kuna ineyo, ¹⁶''Ibzi ndibzo Yahova wati: 'Onani, nimdzabweresa chakuipa mbuto ino na kuna wanthu wakukhala mwemo, kutengera chirichense chidanembiwa m'bukhu ndilo mfumu ya ku Yuda yalewenga.¹⁷Thangwe iwo andilamba ine achitentha bzakufukiza kuna milungu ina, pala kuti andinyosere ukali bwangu na bzakuchita bzensene ndibzo iwo achita--mthangwerache ukali bwangu bwagakira mbuto ino, apo bumdzathimisika lini.''' ¹⁸Soma kuna mfumu ya Yuda, yomwe idakutuma kudzakumbira chifuniro cha Yahova, ibzi ndibzo uti udzalewe kuna iyo: ''Yahova, Mulungu wa Isaraeli wati tere: 'Bza mafala ndiyo wabvayo, ¹⁹thangwera mtima wako ngutete, na thangwera wabzichepesa wekha pamaso pa Yahova, pomwe udabva ndibzo ndidalewa kuguma mbuto ino na wanthu wache, kuti amdzakhala matere na themberero, na kuti waphadzula bzakubvala bzako uchilira pamaso pangu, inembo ndakutetekera--uku mkulewa kwa Yahova.²⁰Onani, nimdzakugwezekani kuna abereki wanu, apo mumdzagwezekiwa mthenje mwanu mu mtendere. Maso yanu yamdzaona lini tsoka ndilo nimdzalibweresa pa mbuto ino.'''''' Ndiye wanthu adaphata mafala yoya mkubwerera kuna mfumu.

23¹Ndiye mfumu idatuma mitumi yomwe idawagwezekera akulu akulu wensene wa Yuda na wa mu Yerusalemu. ²Ndiye mfumu idakwira kuyenda ku nyumba ya Yahova, na amuna wense wa Yuda na wanthu wense wakukhala mu Yerusalemu pabodzi naye, na ansembe, aneneri, na wanthu wensene, kuyambira ang'ono na akulu. Ndiye iye adalewenga iwo ali kubva mafala yensene ya m'bukhu la Mpangano ndilo lidabulukiriwa mnyumba ya Yahova.³Mfumu idaima pafupi na chiunda ichichita mpangano pamaso pa Yahova, kufamba pambuyo pa Yahova na kukoya malamulo yache, mboni zache, na manemba yache, na mtima wache wense na moyo wache wensene, kukhazikisa mafala ya mpangano ndiyo yadanembiwa m'bukhu ili. Ndiye wanthu wensene adapangana bzakuimiririra mpanganoyo.⁴Mfumu idatonga Hilikiya mkulu wa a nsembe, ansembe wache ang'ono, na wakulindira pa msuwo kubulisa mkachisi wa Yahova bzipangizo bzense adakonzera Baala na Asera, na thimu lensene lakudzaulu. Iye adabzitentha bzensene kunja kwa Yerusalemu mminda Mchigwa cha Kidroni achitakula dotha lache kuyenda nalo ku Beteli. ⁵Iye adaletsa ansembe wakunamata mafano omwe mafumu ya yuda yakhadawasankhula kufukiza bzakununtchira pa mbuto zakupambulika mmiyi ya Yuda na mu mbuto zakuzungulira Yerusalemu-- wale akhafukizira bzakununtchirira Baala, ku dzuwa na kuna mwezi, na kuna nthanda na ku thimu lensene lakudzaulu.⁶Iye adasokolosa panja chimuti chakutsema cha Asera kuchoka mkachisi wa Yahova, kunja kwa Yerusalemu kuyenda nacho Mchigwa cha Kidroni achichitentha popo. Iye adapeya kusandusa dotha achithusa dothalo pa thenje la wanthu wapezi. ⁷Iye adagumula nyumba za anyamata wachigololo wakukhala mkachisi wa Yahova, komwe akazi akhapakasa bzakubvala bza Asera.⁸Yosiya adasokolosa ansembe wense kuyenda nawo kunja kwa miyi ya Yuda achiipisa mnuto zense zakupambulikazo komwe ansembe akhafukiza bzakununtchira, kuchoka ku Geba kuyenda ku Beereseba. Iye adadzononga mbuto zakupambulika pa bzipata ndibzo bzikhali pa msuwo wa mpita wa Yoswa (kazembe wa muyi), mbali yakumadzere kwa mpita wa muyiyo. ⁹Napo ansembe wa mbuto zakupambulikazo akhabvumiziwa lini kutumikira pa guwa lansembe la Yahova mu Yerusalemu, iwo adadya mkate wakusaya chakufufumisa pakati pa abale wawo.¹⁰Yosiya adaipisa Tofeti, wakukhala Mchigwa cha Beni Hinomu, pala kuti palibe angachitise mwanache wachimuna ayai mwanache wachikazi kugwata na pamoto kuti ikhale nsembe kuna Moleki. ¹¹Iye adatenga akavalo ndiwo mafumu ya Yuda yakhadapereka kudzuwa. Iwo akhali mphimpa imweyo pa msuwo wa kachisi wa Yahova, pafupi na subi ya Natani-Meleki, waudindiyo. Yosiya adatentha na moto magareta ya dzuwa.¹²Yosiya mfumu adadzononga maguwa ya nsembe ndiyo yakhali pa nsodzi pa subi yamdzaulu ya Ahazi, yomwe mafumu ya Yuda yakhadakonza, na maguwa yansembe ndiyo Manase akhadakonza mu mbuto ziwiri zakutongera nkhani za kachisi wa Yahova. Yosiya adaswa mmapidaso bzimwebzo achibzithusa Mchigwa cha Kidroni. ¹³Mfumu idaipisa mbuto zakupambulika kumachibese kwa Yerusalemu, kumwera kwa phiri la chidzonongeko ndilo Solomoni mfumu ya Isaraeli ikhadamangira Asitoreti, fano lakunyansa la a Sidoniya; la Kemosi, fano lakunyansa la Moabu; na la Moleki, fano lakunyansa la wana wa Amoni. ¹⁴Iye adapsa chipilala cha mwala mmapidso achigwesa chimuti chakutsema cha Asera mkudzaza mbuto zozo na mafupa ya wanthu.¹⁵Yosiya pomwe adagumuliratu kumaliza guwa la nsembe ndilo likhali pa Beteli na mbuto yakupambulika ndiyo Yerobiyamu mwana wachimuna wa Nebati (omwe adachitisa Isaraeli kuphonya) akhadamanga. Iye adatentha pomwe guwa la nsembelo na mbuto yakupambulikayo achiipeya kukhala dotha. Iye adaotcha pomwe chifanizo cha Asela. ¹⁶Pomwe Yosiya adazungunuka, adaona nthutu ndizo zikhali m'bali mwa phiri. Iye adatuma wanthu kukafukula mafupa kuchoka mu nthutuzo; kinangoko iye adayatentha pa guwa la nsembe, yomwe yadaliipisa. Ibzi bzikhali malingana na mafala ya Yahova ndiyo munthu wa Mulungu akhadasewera, munthu omwe adaseweratu bzinthu bzobzi pakutoma.¹⁷Ndiye iye adati, ''Chilatizo chire mchani ndikuchiona chire?'' Wanthu wa mmuyimo adamuuza, ''Imweire ni nthutu ya munthu wa Mulungu omwe adabwera kuchokera ku Yuda achilalika kuguma bzinthu bzobzi bzomwe bzobzi mwachitira guwa la nsembe la ku Beteli.'' ¹⁸Ndiye Yosiya adati, ''Lilekeni. Nampodi wina akhuye mafupa yache.'' Ndiye iwo adayaleka mafupa yacheyo, pabodzi na mafupa ya mneneri omwe akhadabwera kuchoka ku Samariya.¹⁹Ndiye Yosiya adachosa nyumba zensene za mbuto zakupambulika ndizo zikhali mmiyi ya mu Samariya, ndizo mafumu ya Isaraeli yakhadazimanga, na ndizo zidanyosa ukali bwa Yahova. Iye adachita kuna iwo ninga ndibzo bzikhadachitika pa Beteli. ²⁰Iye adapha aneneri wensene wa mbuto zakupambulika pa maguwa ya nsembe achitentha mafupa ya wanthu pamwepo. Kinangoko iye adabwerera ku Yerusalemu.²¹Ndiye mfumu idatonga wanthu wensene, kulewa kuti, ''Mchitireni Pasaka Yahova Mulungu wanu, ninga bzidanembewera m'bukhu la mpangano.'' ²²Madyerero ya Pasaka yamweyo yakhanati kuchitika kale kuchoka mu nsiku za ayeruzi omwe adatonga Isaraeli, ayai mu nsiku zense za mafumu ya Isaraeli ayai Yuda. ²³Soma mgole la khumi na chisere la Mfumu Yosiya Pasaka ya Yahova imweyi idasekereriwira mu Yerusalemu.²⁴Yosiya adachoseratu pomwe wa matsenga wensene na wa mizimu. Iye adachoseratu pomwe nyumba za kuombezera, bzilinganilo bzakutsema, na bzinthu bzensene bzakupambulika ndibzo bzikhaoneka mdziko la Yuda na mu Yerusalemu, pala kutsimikiza mafala ya chilamulo ndiyo yadanembiwa m'bukhu ndilo Hilikiya wansembe adalibulukira mnyumba ya Yahova. ²⁵Akanati kukhala Yosiya, pakhanati kukhala kale mfumu ninga iye, omwe adatembenukira kuna Yahova na mtima wache wensene, moyo wache wense, na mphamvu zache zense, omwe adatewera bzakutonga bzensene bza Mose. Ayai mfumu inango kuphuka atapita iye.²⁶Soma, Yahova alibe kulekeza kubvunduka ukali bwache, bomwe budagakira Yuda thangwera bsense ndibzo Manase adachita kunyosa ukali bwache. ²⁷Ndiye Yahova adati, ''Nimdzachosa pomwe Yuda mmaso mwangu, ninga ndachosera Isaraeli, ndichidzataya kunja muyi uno ndiwo ndausankhula, Yerusalemu, na nyumba ya ndiye ndidamuti, 'Dzina langu limdzakhala mwemo.'''²⁸Zingakhala nkhani zinango zakuguma Yosiya, chirichense ndicho iye adachita, kodi bziribe kunembiwa m'bukhu la mbiri la mafumu ya Yuda? ²⁹Mu nsiku zache, Farawo Neko, mfumu ya Aigupto, idayenda kukamenya nkhondo kulimbana na mfumu ya Asuri pa Mkulo wa Firate. Mfumu Yosiya idayenda kukagumana na Neko ku nkhondoko, apo Neko adapha iye pa Megido. ³⁰Akapolo wa Yosiya adamutakula iye wakufa mu gareta kuchoka pa Megido, mkumubweresa ku Yerusalemu, mkumuikha mu thenje lache la iye. Ndiye wanthu wa mdzikomo adatenga Yehoahazi mwana wachimuna wa Yosiya, mkumudzoza iye, achimuikha mfumu nkhankha ya babache.³¹Yehoahazi akhana magole makumi mawiri na matatu pomwe iye adayamba kutonga, apo iye adatonga miyezi mitatu mu Yerusalemu. Dzina la mayi wache likhali Hamutali; iye adaona mwana wachikazi wa Yeremiya wa ku Libina. ³²Yehoahazi adachita bzakuipa pamaso pa Yahova, ninga chirichense ndicho abereki wache akhadachita. ³³Falawo Neko adamuikha iye mu njema pa Ribila mdziko la Hamati, pala kuti nampodi iye atonge mu Yerusalemu. Ndiye Neko adakhazikisa dipo pa Yuda la matalente dzana libodzi ya siriva na talente ibodzi ya oro.³⁴Falawo Neko adaikha Eliyakimu mwana wachimuna wa Yosiya kukhala mfumu nkhankha ya Yosiya babache, achimodali dzina lache kukhala Yoyakimu. Soma iye adatenga Yehoahazi kuyenda naye kutali ku Aigupto, apo Yehoahazi adafera koko. ³⁵Yoyakimu adapereka siriva na oro kuna Falawo. Kufuna kuchita bzakufuna bza Falawo, Yoyakimu adatsonkhesa dzikolo achingingimiza munthu aliyense pakati pa wanthu wa dzikolo kupereka kuna iye siriva na oro malingana na kuyezeriwa kwawo.³⁶Yeyakimu akhana magole makumi mawiri na machanu pomwe iye adayamba kutonga, apo adatonga magole khumi na libodzi mu Yerusalemu. Dzina la mayi wache likhali Zebida; akhali mwana wachikazi wa Pedaya wa ku Ruma. ³⁷Yoyakimu adachita bzakupia pamaso pa Yahova, ninga ndimo abereki wache akhadachitira.

24¹Mu nsiku za Yoyakimu, Nebukadinezara mfumu ya Babulo idathira nkhondo Yuda; Yoyakimu adakhala kapolo wache kwa magole matatu. Kinangoka Yoyakimu adazungunuka achigandukira Nebukadinezara. ²Yahova adamtumizira Yoyakimu mathimu ya Akasidi, Aaramu, Amoabu, na Aamoni; iye adawatumiza iwo kukadzononga Yuda. Uku kukhali ninga mafala ya Yahova ndimo yakhadalewedwera kudzera mwa atumiki wache na aneneri.³Chikhali chadidi pakamwa pa Yahova kuti ichi chidabwerera Yuda, kuwachosa iwo pamaso pache, thangwera bzakuphonya bza Manase, bzense ndibzo iye adachita, ⁴na pomwe thangwera mulopa wakusaya kuphonya ndiwo iye adajojeza, thangwe iye adadzala Yerusalemu na mulopa wakusaya kuphonya. Yahova akhafuna lini kulekerera bzimwebzo.⁵Zingakhala nkhani zinango zakuguma Yoyakimu, na bzense ndibzo iye adachita, kodi bziribe kunembiwa m'bukhu la mbiri ya mafumu ya Yuda? ⁶Yoyakimu adagona pansi na abereki wache, apo Yoyakini mwanache wachimuna adakhala mfumu nkhankha ya iye.⁷Mfumu ya Aigupto iribe kumenya pomwe nkhondo kunja kwa dziko lache, thangwe mfumu ya ku Babulo ikhadatenga mbuto yensene ndiyo ikhali mmanja mwa mfumu ya Aigupto, kuchoka ku kamkulo ka Aigupto kufikizana ku Mkulo wa Firate.⁸Yoyachini akhana magole khumi na masere pomwe adayamba kutonga; iye adatonga mu Yerusalemu miyezi mitatu. Dzina la mayi wache likhali Nehusita; iye akhali mwana wachikazi wa Elinatani wa ku Yerusalemu. ⁹Iye adachita bzakuipa pamaso pa Yahova; iye adachita bzense ndibzo babache akhadachita.¹⁰Pa nthawe yoyo akapolo wa Nebukadinezara mfumu ya Babulo adamenya Yerusalemu achizungulira mzindayo. ¹¹Nebukadinezara mfumu ya Babulo idabwera ku mzindayo pomwe akapolo wache akhadauzungulira, ¹²apo Yohachini mfumu ya Yuda adabula kuyenda kuna mfumu ya Babulo, iye, mayi wache, akapolo wache, akulu akulu wache, na anyamata wache wakubasa. Mfumu ya Babulo idamuphata iye mgole lachisere la kutonga kwache.¹³Nebukadinezara adatenga kuchoka momo bzinthu bzensene bza nsengwa yapatali bza mnyumba ya Yahova, na bza mnyumba ya mfumu. Iye adagwata mmapidaso bzinthu bzensene bza oro ndibzo Solomoni mfumu ya Isaraeli ikhadakonza mkachisi wa Yahova, ninga ndimo Yahova akhadalewera kuti bzimdzachitika. ¹⁴Iye adaphata ukapolo a Yerusalemu wensene, atsogoleri wensene, na wankhondo wense wa mphamvu, wanthu bzulu khumi, na amisiri wensene na wakusula. Palibe adasala kupambula wanthu wakusaya chaiwo letu mdzikomo.¹⁵Nebukadinezara adaphata Yohachini ku ukapolo pa Babulo, na mayi wache pomwe wa mfumuyo, akazi, anyamata wakuphata basa, na wakubvekera wa mdziko. Iye adawaphata iwo kuyenda nawo ku ukapolo kuchokera ku Yerusalemu kuyenda ku Babulo. ¹⁶Wanthu wensene wakumenya nkhondo, bzulu bzinomwe kuwanda kwawo, na amisiri, na wakusula, wensenewo wa mphamvu zakuthemera kumenya nkhondo--- mfumu ya ku Babulo idabweresa wanthu amwewa ku ukapolo ku Babulo. ¹⁷Mfumu ya ku Babulo idaikha Mataniya, mano wawo wa babache wa Yohachini, mfumu nkhankha ya iye, achimodali dzina lache kukhala Zedekiya.¹⁸Zedekiya akhana magole makumi mawiri na libodzi pomwe adayamba kutonga; iye adatonga magole khumi na libodzi mu Yerusalemu. Dzina la mayi wache likhali Hamutali; iye akhali mwana wachikazi wa Yeremiya wa ku Libina. ¹⁹Iye adachita bzakuipa pamaso pa Yahova; iye adachita bzensene ndibzo Yohachini akhadachita. ²⁰Mwa ukali bwa Yahova, bzense bzidachitika mu Yerusalemu na mu Yuda, kufikizana adawataya pamaso pache. Ndiye Zedekiya adagandukira mfumu ya ku Babulo.

25¹Bzidachitka kuti mgole lachipfemba la kutonga kwa Mfumu Zedekiya, mu mwezi wachikhumi, pa pansiku yachikhumi ya mwezi, Nebukadinezara mfumu ya ku Babulo idabwera na wankhondo wache kudzalimbana na Yerusalemu. Iyo idamanga msasa pafupi na Yerusalemu, achimanga litsito kuuzungulira. ²Ndiye mzindayo udazunguliriwa kufikizana mgole lakhumi na libodzi la kutonga kwa Mfumu Zedekiya. ³Pa nsiku yachipfemba ya mwezi wachinayi wa gole limwelo, njala idakula mu mzindamo mwakuti mukhalibe chakudya pala wanthu wa mdzikomo.⁴Mzindayo udapsewa, apo wanthu wensene wakumenya nkhondo adathawa usiku na njira ya ku chipata pakati pa malitsito mawiri, pafupi na munda wa mfumu, napo Akasidi akhadazungulira mzinda wenseyo. Mfumu idayendera mbali ya ku Araba. ⁵Soma wankhondo wa Akasidi adathotha Mfumu Zedekiya achikaiphatira mchidikha cha chigwa cha Mkulo wa Yorodano pafupi na Yeriko.Wankhondo wache wensene adamubalalikira.⁶Iwo adaphata mfumuyo achiibweresa kukwira nayo kuna mfumu ya ku Babulo pa Ribila, komwe adakatonga nkhani yache. ⁷Angakhala wana wachimuna wa Zedekiya, iwo adawapha pamaso pache. Kinangoko iye adakoloolewa maso, achimmanga na njema za mkuwa, achimubweresa ku Babulo.⁸Tsapano mu mwezi wachichanu, pa nsiku yachinomwe ya mwezi, lomwe likhali gole lachipfemba la ufumu bwa Nebukadinezara mfumu ya ku Babulo, Nebuzaradani, kapolo wa mfumu ya ku Babulo na mkulu wankhondo wa alindiri wathupi lache, adabwera ku Yerusalemu. ⁹Iye adaotcha moto nyumba ya Yahova, nyumba yachifumu, na nyumba zensene za mu Yerusalemu; na nyumba pomwe iriyense yakufunikira mu mzindamo iye adatentha moto. ¹⁰Yangakhala malitsito yensene yakuzungulira Yerusalemu, wankhondo wensene wa Akasidi omwe akhali pansi pa mkulu wa alindiri wa thupi adayagumula.¹¹Angakhala wanthu wensene wakusala mu mzindayo, wale akhadathawira kuna mfumu ya ku Babulo, na wanthu wakusalira--Nebuzaradani, mkulu wa alindiri wa thupi, adawaphata iwo kuyenda nawo ku ukapolo. ¹²Soma mkulu wa alindiri adasiya wina wa wanthu wakusaya maninge wa dzikolo kuphata basa mminda ya mpesa na mminda.¹³Bzingakhal nsandamira za mkuwa ndizo zikhali mnyumba mwa Yahova, na bzakukhazikira na thawale la mkuwa ndilo likhali mnyumba ya Yahova, Akasidi adapsa mmapidaso achitakula mkuwayo kubwerera naye ku Babulo. ¹⁴Miphika, bzakuolera licho, bzakuchepesera kutoya kwa kandiyero, malukho, na bzipangizo bzensene bza mkuwa ndibzo ansembe akaphatizira mkachisi-- Akasidi adatakula bzensene. ¹⁵Bzakupalira moto na palato zakuwazira zakukonziwa na oro na bzire bzakukonzewa na siriva-- kapitawo wa alindiri wa mfumu adabzitengambo.¹⁶Nsandamira ziwiri, thawale, na bzakukhazikira ndibzo Solomoni akhadakonzera nyumba ya Yahova bzikhana mkuwa uzinji kuposa ndiwo ungadapimiwa. ¹⁷Msinkhu wa nsandamira yakutoma ikhali maboko khumi na masere, apo padzaulu pache msolo wa mkuwa. Msinkhu wache ukhali maboko matatu, wakukhala na ukonde na makangaza kuzungulira pamsolo pense, bzensene bzakukonza na mkuwa. Nsandamira inango na ukonde bwache ikhali ninga yakutoma ire.¹⁸Mkulu wa alindiri adatenga Seraya mkulu wa ansembe, pabodzi na Zefaniya, wansembe wachiwiri, na wakunyang'anira pa msuwo atatu. ¹⁹Kuchoka mu mzinda adatenga mkaidi mnyamata wakubasa omwe akhali wakunyang'anira wa achikunda, na amuna achanu wa wale wakulangiza mfumu, omwe akhali mumzindamo. Iye adaphata pomwe ukaidi mnyamata wa wankhondo wa mfumu wakunyang'anira kunemba amuna kukhala wankhondo, pabodzi na amuna atanthatu wakuthembeka kuchokera mdzikomo omwe akhali mmuyimo.²⁰Ndiye Nebuzaradani, mkulu wa alindiri, adawatenga achiwabweresa kuna mfumu ya ku Babulo pa Ribila. ²¹Mfumu ya ku Babulo idawaphera pa Ribila mdziko la Hamati. Mnjira yoyi, Yuda adayenda kunja kwa dziko lache.²²Angakhala wanthu wakusalira mdziko la Yuda, wale ndiwo Nebukadinezara mfumu ya ku Babulo ikhadawasiya, iye adaikha Gedaliya mwana wachimuna wa Ahikamu, mwana wachimuna wa Safani, wakuwatonga wawo. ²³Tsapano pomwe akulu wense wa achikunda, iwo na wanthu wawo, adabva kuti mfumu ya ku Babulo ikhadaikha Gedaliya kazembe, adayenda kuna Gedaliya pa Mizipa. Wanthu amwewa akhali Ismayeli mwana wachimuna wa Netaniya, Yohanana mwana wachimuna wa Kareya, Seraya mwana wachimuna wa Tanumeti wa ku Netofa, na Yazaniya mwana wachimuna wa Makati-- iwo na wanthu wawo. ²⁴Gedaliya adachita lumbiriro kuna iwo na kuna wanthu wawo, achiti kuna iwo, ''Nampodi kuchita mantha na mnyamata m'Kasidi. Khalani mdziko mutumikire mfumu ya ku Babulo, apo bzimdzakukomerani.''²⁵Soma bzidachitika kuti mu mwezi wachinomwe Ismayeli mwana wachimuna wa Netaniya mwana wachimuna wa Elisama, wa kubanja lachifumu, adabwera na wanthu khumi achidzamenya Gedaliya. Gedaliya adafa, pabodzi na Ayuda na Akasidi omwe akhana iye ku Mizipa. ²⁶Ndiye wanthu wensene, kuyambira ang'ono na akulu letu, na akulu wa anyankhondo, adalamuka mkuyenda ku Aigupto, thangwe iwo akhana mantha na Akasidi.²⁷Bzidachitika pambuyo pache mgole la makumi matatu na chinomwe la kuthawa kwa Yoyakini mfumu ya Yuda, mu mwezi wa khumi na chiwiri, pa nsiku ya makumi mawiri na chinomwe ya mwezi, kuti Aweli-Mariduki mfumu ya ku Babulo idatsudzula Yoyachini mfumu ya Yuda kuchoka mkaoko. Ibzi bzidachitika mgole ndilo Aweli-Mariduki adayamba kutonga.²⁸Iye adasewera mwakukoma kuna iye achimupa kadera yakulemekezeka kupoya ya mafumu inango yomwe yakhana iye m'Babulo. ²⁹Aweli Mariduki adamodali bzakubvala bza mkaoko bza Yoyachini, apo Yoyachini adadya mwakusaya kulekeza pa meza pa mfumu ateye moyo wache wense. ³⁰Chakudya chakusaya kulekeza chidaperekiwa kuna iye kuchoka kuna mfumu nsiku zensene za moyo wache.

Masalimo

1¹Wakudala ni munthu ndiye ambafamba lini mu uphungu bwa wakuipa, ayai kuima mnjira ya wakuphonya, ayai kukhala pa mtsonkhano wa wakunyoza. ²Soma kudekedwa kwache kuli mwa chitongi cha Yahova, apo mchitongi chache iye ambalingirira masikati na usiku.³Iye amdzakhala ninga muti wakuokerewa pafupi na mikulo ya madzi ndiwo umbabala chipaso chache mu nyengo yache, omwe masamba yache yambafota lini, chirichense amchitacho chimdzapindula.⁴⁵Wakuipa ali lini tenepoyo, soma ali ninga mungu wakumbuluka na mphepo. Ndiye wakuipa amdzaima lini mchiyeruzo, ayai wakuipa mu mtsonkhano wa wakulungama.⁶Thangwe Yahova ambatawiriza mafambidwe ya wakulungama, soma mafambidwe ya wakuipa yamdzamala.

2¹Thangweranyi wamadzinza ali pa mpokano, apo thangweranyi wanthu amkukonza malingaliro yapezi? ²Mafumu ya dziko lapansi yaima pabodzi na akulu akulu amchita uphungu pabodzi kugazana na Yahova na kugazana na Mesiya wache, kulewa kuti, ³''Mbatiye tibwedze njema zakumiyendo aikha paifezi tichitaya uko njema zawozi.''⁴Iye wakukhala mdzaulu amdzawaseka iwo, Mbuya aniwanyoza. ⁵Ndiye iye amdzasewera nawo mu ukali bwache na kuwagopsa mu ukali bwache, kulewa kuti,⁶Ine ndaikha mfumu yangu m'buto pa Ziyoni, phiri langu lichena.'' ⁷Nimdzalengeza chiyeruzo cha Yahova. iye adati kuna ine, ''Ndiwe mwanangu iwepo! Lero ndasanduka Babako.⁸Ndikumbire, apo nimdzakupa madzinza kukhala chakusiiriwa chako apo kuphampha kwa dziko lapansi kukhale kwako kwako. ⁹Umdzawapsa na mpsimbo ya fero; ninga mtsuko wa nyakuumba, umdzawapsa mmapidaso.''¹⁰Ndiye tsapano, mafumu imwe, khalani wanzeru, langizikani, ayeruzi imwe wa dziko lapansi. ¹¹Namatani Yahova mwamantha muchisekera kuchita kunjenjemera nako.¹²Mumpsompsoneni mwanayo ayai amdzakalipa namwe, apo mumdzafera mnjira ukali bwache bungadzagaka kwa pang'ono pokha. Mbakudalisika wense wakupsaga kuthawira mwa iye.

3¹Yahova, awengi wangu mbangasi? Azinji andigandukira. ²Azinji ambati kuguma ine, ''Mulibe chipulumuso mwa iye kuchoka kuna Mulungu.'' Sela³Soma imwe, Yahova, ndimwe chikhotcherero kuzungulira ine, ulemerero bwangu, na ndiye ambalamusa msolo wangu. ⁴Ndakuwira mafala yangu kuna Yahova, apo wanditawira ine kuchokera ku phiri lache lakuchena. Sela⁵Ndidagona pansi ndichigona tulo; ndichilamuka, thangwe Yahova adandikhotcherera. ⁶Nimdzagopa lini kuwanda kwa wanthu omwe andizungulira kugazana nande mbali zense.⁷Lamukani, Yahova! Ndipulumuseni ine, Mulungu wangu! Nakuti mumdzamenya awengi wangu wensene pa nsagwada; mwakhobola mano ya wakuipa. ⁸Chipulumuso chimchokera kuna Yahova. Madaliso yanu mbayakhale pa wanthu wanu. Sela

4¹Nditawireni ningachemera, Mulungu wa chilungamo changu; ndipeni mbuto ingandichepera momo. Ndichitireni chifundo na kutetekera pembo langu.²Imwe wanthu, kufikizana liti mumdzakhala mukutembenuza ulemu bwangu kukhala manyazi? Mumdzakonda bzapezipezi na kupsaga bzakunama kufikizana liti? Sela ³Soma dziwani luti Yahova waikha pambali wakukhulupirika pala iye yekha. Yahova amdzabva ningadzamuchemera.⁴Tetemerani na mantha; soma nampodi kuphonya! Lingirirani mumtima mwanu pa kama wanu na kukhala chete. Sela ⁵Perekani nsembe zachilungamo na kuikha chikhulupiriro chanu mwa Yahova.⁶Azinji ambati, ''Mbani amdzatinoesa chinthu chabwino? Yahova, lamusirani kutoya kwa nkhope yanu pa ife. ⁷Mwapa mtima wangu chisekerero chikulu kuposa winango ndimo achitira nthawe ndizo tirigu wawo na vinyu mupsa watokota. ⁸Ni mumtendere kuti ine nimdzagona pansi na kugona tulo, thangwe imwe mwekha, Yahova mumbandisamala na kunditchenkha.

5¹Tetekerani mafala yangu, Yahova; kumbukani bza kung'ung'udza kwangu. ²Tetekerani ku mafala ya mchemero wangu, mfumu yangu na Mulungu wangu, thangwe mkwa imwe ndiko nimbapemba. ³Yahova, machibese mumbabva kulira kwangu; machibese nimdzabweresa kumbiro langu kuna imwe na kudikhirira mwachidikhiriro.⁴Nakuti ndimwe lini Mulungu wakusekera na chakuipa; wanthu wakuipa amdzakhala lini alendo wanu. ⁵Wakupusa amdzaima lini pamaso panu; mumbawengana na wense wakuchita mwapezipezi. ⁶Mumdzadzonga wakunama; Yahova ambanyansiwa na munthu wakujojea mulopa na wachinyengo.⁷soma ninga mwa ine, thangwera kuwanda kwa mpangano wanu, nimdzapita mnyumba mwanu; kukulu nimdzagodama pansi ku kachisi wanu wakuchena. ⁸Oh Mbuya, nditsogolereni mchilungamo chanu thangwera awengi wangu; thamulani njira yanu pamaso pangu.⁹Nakuti mulibe chadidi mkamwa mwawo; mkati mwawo mudaipa; ngololo yawo ni nthutu yakugwanuka; ambasasata na lirime lawo. ¹⁰Muniwayesa wakuphonya, Mulungu; uphungu bwawo mbaagwe nabo! Athotheni thangwera mphumbza zawo zakuwandazo, nakuti akugandukirani imwepo.¹¹Soma azinji wa iwo wakuthawira mchisekerero chanu; abvumeni akhale wakusekera mwa imwe, wale wakukonda dzina lanu. ¹²Thangwe mumdzadalisa wakulungama, Yahova; mumdzawazungulira na udidi ninga chakukhotcherera.

6¹Yahova, nampodi kunditsimula ine mu ukali bwanu ayai kundilanga mu ukali bwanu. ²Ndichitireni chifundo, Yahova, nakuti ndine dzuluwa; ndichizeni, Yahova, thangwe mafupa yangu yakutetemera.³Moyo wangu pomwe wabonera maninge. Soma imwe, Yahova---ibzi bzimdzapitirira tani? ⁴Bwererani, Yahova ! ndipulumuseni. Ndipulumuseni ine thangwera kukhulupirika kwa mpangano wanu! ⁵Nakuti mu imfa mulibe chikumbukiro chanu. Mu Thenje mbani amdzakupani kutenda?⁶Ndaneta na kung'ung'udzika kwangu. Usiku bwensene nimbatotesa kama wangu na misozi; ndataya kuona kwangu thangwera misozi yangu. ⁷Maso yangu yapunduka thangwera nsisi; yalefuka thangwera wense wakundiboneresa.⁸Fundukirani kuna ine, mwense wakuchita bzapezipezi; thangwe Yahova wabva mafala ya kulira kwangu. ⁹Yahova wabva kukumbira chifundo kwangu; Yahova watambira pembo langu. ¹⁰Awengi wangu wense amdzachita manyazi achibonera mumtima. Iwo amdzabwerera mmambuy achidzachepesiwa mwakudzidzimuka.

7¹Yahova Mulungu wangu, nimthawira mwa imwe! Ndipulumuseni kuna wensene wakundithotha, na kundipulumusa. ²Apo neye, amdzandimwedza pakati ninga mphondolo, kunding'amba mmapidaso kusaika wina wakundiletsetsa.³Yahova Mulungu wangu, penu ndachita ichi, apo pana kusaya chilungamo pa manja yangu-- ⁴penu ndamuchitira chakuipa iye omwe akhali nande pa mtendere, ayai ndadzonga muwengi wangu seye thangwe--⁵ndiye lekani muwengi wangu atewere moyo wangu augumane; mulekeni apondedze pansi moyo wangu aikhe ulemu bwangu mu pfumbi. Sela⁶Lamukani Yahova, mu ukali bwanu; imani kugazana na ukali bwa awengi wangu; lamukirani ine mutakule mayeruzo yachilungamo ndiyo mwatonga pala iwo. ⁷Wanthu agwezekana kukuzungulirani; tengani pomwe mbuto yanu yakulungama kudzaulu pala iwo.⁸Yahova, ambayeruza wanthu, ndiyeruzeni ine, Yahova, thangwe ndine wakulungama na wakusaya kuphonya, Wamdzaulu. ⁹Bzichito bzakuipa bza wanthu mbabzimale, soma khazikisani wanthu wakulungama, Mulungu wakulungama, imwe omwe mumbapima mitima na bzakukumbuka.¹⁰Chikhotcherero changu chimbachoka kuna Mulungu, wakupulumusa wakuthamuka mu mtima. ¹¹Mulungu ni muyeruzi wakulungama, Mulungu wakukalipa nsiku na nsiku.¹²Munthu angasaya kulapa, Mulungu amdzanoza lupanga lache na kukonzesera uta bwache pala nkhondo. ¹³Wakonzeka kuphatisa basa bzida bzakupha pa iye; wachita misewe yache kukhala misakali yakugaka.¹⁴Kumbukani bza omwe ana pathupi na kuchita bzakuipa, wakutenga pathupi pa malingaliro yakudzonga, wakubala bzakunama bzakuipa. ¹⁵Ambachera dindi achikonza una achigwera mdindi wakonzalo. ¹⁶Malingiriro yache yakudzongayo yamdzam'bwerera kumsolo kwa iye mwene, nakuti chiwawa chache chimdzamugwera pamsolo pache.¹⁷Nimdzapereka kutenda kun Yahova thangwwra chilungamo chache; nimdzaimbira dzina la Yahova Wamdzaulu.

8¹Yahova Mbuya wathu, dzina lanu liposerenyi tsono pa dziko lense lapansi, imwe wakuonesera ulemerero bwanu mdzaulu. ²Mkamwa mwa wana na matcheche mwakhazikisa mphamvu thangwera awengi wanu, kuti munyamalize awengi na wakubwezera chilango kubodzi.³Pakujiguma ine thambo lakudzaulu kwanu, basa la bzala bzanu, mzezi na nyenyezi, ndibzo mwaikha m'buto mwache, ⁴Kufunikira kwa munthu mkwanyi kuti mumkumbukire, ayai wanthu kuti mumbawatetekere? ⁵Chensecho mwawachepsa pang'ono kusiyana na wanthu wamdzaulu na kuwabvazika korona wa ulemerero na ulemu.⁶Mudamuikhaiye kutonga pa mabasa ya manja yanu; mwaikha bzinthu bzense kunsi kwa nzayo zache: ⁷mabira yense na ng'ombe, na nyama zakuthengo pomwe, ⁸mbalame za mdzaulu, na nsomba za mnyanza, chirichense chakupita na njira za mnyanza.⁹Yahova Mbuya wathu, dzina lanu limposadi tsono padziko lensene lapansi!

9¹Nimpereka kutenda kuna Yahova na mtima wangu wense; nimdzasimba bza bzichito bzanu bzense bzakudabwisa. ²Nimdzakhala wakudekedwa na kusekera mwa imwe; nimdzaimba kutenda ku dzina lanu, Wamdzaulu imwe!³Awengi wangu pakubwerera mmambuyo, amdzakhukhumudwa na kudzongeka pamaso panu. ⁴Nakuti mwandiyeruzira mulandu wangu; mwakhala pakadera yachifumu, wakuyeruza wakulungama!⁵Mudatsimula madzinza mwadzonga wakuipayo; mwapfudza dzina lawo kwamuyaya. ⁶Adaniwo apululuka psiti mungapasula miyi yawo. Chikumbukiro chawo chensene chamala.⁷Soma Yahova anikhala chikahlire; iye wakhazikisa kadera yache yachifumu pala chilungamo. ⁸Amdzayeruza dziko lapansi mwa chilungamo, achidzayeruza madzinza mwakundendemeza.⁹Yahova pomwe amdzakhala kuchimache kwa wakuboneresiwa, kuchimache pa nthawe yamasada. ¹⁰Iwo wakudziwa dzina lanu anikhulupirira mwa imwe, nakuti imwe, Yahova, mumbataya lini iwo wakukupsagani.¹¹Imbani bzakutenda Yahova, wakutonga mu Ziyoni; uzani madzinza bza bzichito bzache. ¹²Nakuti Mulungu wakubwezera cha mulopa anikumbukira; ambayebwa lini kulira kwa wakubonera.¹³Ndichitireni chifundo, Yahova; onani kubonera kwangu na iwo wakundiwenga, imwe wakundipsokonyola kundichosa m'bzipata bwa imfa. ¹⁴Oh, kuti ndilalike lemekezo lanu lensene. Mu bzipata bza mwana wachikazi wa Ziyoni nimdzasekera nacho chipulumuso chanu!¹⁵Madzinza yagwera pansi mdindi ndilo yadakonza; nzayo zawo zakoloweka mu ukonde ndibo iwo adabubisa. ¹⁶Yahova wabzidziwisa yekha; iye wachita chiyeruzo; wakuipa wabzimanga na gango yekha na bzakuchita bzache.¹⁷Wakuipa abweziwa mmambuyo achitumiziwa ku Thenje, madzinza yensene ndiyo yaebwa Mulungu. ¹⁸Nakuti wakusaya nthawi zense amdzayebwiwa lini, ayai chidikhiriro cha wakubonera chimdzadzongeka lini kwakusaya kumala..¹⁹Lamukani, Yahova, nampodi munthu alimbike kulimbana name; wamadzinza ayeruziwe imwe mukuona. ²⁰Muwachitise mantha, Yahova; adziwe wa madzinza kuti ni wanthu tenepo basi.

10¹Thangweranyi, Yahova, mukuima patali? Thangweranyi mumbabzibisa mwekha pa nthawe yamasada. ²Thangwera kuipa kwaoko, wanthu wakuipao ambathotha wakubonera; soma pirizi chitisani wakuipa agwe mchiwembu adachitacho ndicho iwo alangiziwa. ³Nakuti munthu wakuipa ambabzithemba na bzikhumbo bzache; iye ambadalisa wadyera mkumbanyoza Yahova.⁴Wakuipa ninga mwakubzikuza kwa nkhope yache ambapsaga lini Mulungu. Bzakukumbuka bzache bzense mpsakuti kulibe Mulungu. ⁵Ali pfatse nthawe zense, soma mayeruzo yanu yakulungama yali patali kuyaona iye; ambanyodola awengi wache wensene.⁶Iye ambati mumtima mwache, ''Nimdzatazira lini; kupita mmibwado yensene nimdzagumana lini mtsoka.'' ⁷Mulomo wache ngakudzala na matemberero na kunyengeza na kupenyerera; pansi pa lirime lache pana chibonerero na kuipa.⁸Ambadikhirira mwakubisalika pafupi na miyi; m'buto zachinsinsi ambapha wakusaya kuphonya; maso yache yambayang'ana pa wanthu wakusaya chithandizo. ⁹Ambadikhirira mwachinsinsi ninga mphondolo yakumbwandira; ambakhwathama kudikhira kuphata wakubonera. Ambaphata wakubonera pakunula mu ukonde bwache. ¹⁰Wakuphatiwao ambawapha na kuwamenyera pansi; iwo ambagwera mu ukonde bwache bwamphamvu.¹¹Iye ambati mumtima mwache, ''Mulungu wayebwa; wabisa nkhope yache; amdzaiona lini pomwe.'' ¹²Lamukani, Yahova! Dzusani boko lanu, Mulungu! Nampodi kuwayebwa wakubonera.¹³Thangweranyi wakuipa ambalamba Mulungu achimbati mumtima mwache, ''Mumdzaona lini mulandu mwa ine''? ¹⁴Mwadziwa, mumbamuona kale nthawe zense omwe ambabweresa mabvuto na misozi. Wakusaya ambabzipereka kuna imwe; mumbathandiza wamasiye.¹⁵Tcholani boko la wakuipa na munthu wakuphonya. Iye mchitiseni bzakuipa bzache bzimutewere, bzomwe akhakumbuka kuti mungabzibulukire lini. ¹⁶Yahova ni mfumu ku nthwe zamuyaya na muyaya; madzinza yambathothiwa kuchoka mdziko lache.¹⁷Yahova, mwabva bvakufuna bza wakubonera; mumbalimbikisa mtima wawo, mumbatetekera pembo lawo; ¹⁸Mumbakhotcherera wamasiye na wakubonera pala kuti munthu padziko lapansi nampodi achitise pomwe mantha.

100¹Kuwani mwakusekerera kuna Yahova, dziko lensene lapansi. ²Tumikirani Yahova mwa nsangala; bwerani pamaso pache na kuyimba kwakusekerera.³Dziwani kuti Yahova ni Mulungu; adatilenga ife, apo ndife wache. Ndife wanthu wache na mabira ya uswa bwache.⁴Pitani mmipita yache mwa kupereka kutenda na m'buto zache zakutongera mwa kulemekeza. Perekani kutenda kuna iye na kulemekeza dzina lache. ⁵Thangwe Yahova ngwabwino, chikhulupiriro cha mpangano wache chimpirira kwamuyaya na chilungamo chache kupita mmibwado yensene.

101¹Nimdzayimba chikhulupiriro cha mpangano na chilungamo; kuna imwe, Yahova nimdzayimba bzakulemekeza.²Nimdzachita mwa nzeru mnjira yangwiro. Oo, mumdzabwera liti kuna ine? Nimdzafamba na mtima wangwiro mnyumba mwangu. ³Nimdzayikha lini chinthu chakuipa pamaso pangu; nimbawengana na bzakuipa bzapezipezi; chimdzaphatirira lini pa ine.⁴Mtima wakupulukira umdzandichokera; nimdzadziwana lin naye wakuyipa. ⁵Nimdzamgwata aliyense wakusewera bzakuipa mtseri kuna mwayache. Nimdzabvuma lini wa maso yakubzikuza na mtima wakubzithusa. ⁶Nimdzanyan'ganisa kuna wakukhulupirika mdziko kukhala ku mbali yangu. Wale wakufamba mnjira yangwiro amdzanditumikira ine.⁷Wanthu wachinyengo amdzakhala lini mnyumba mwangu; wakunama amdzatambiriwa lini pamaso pangu. ⁸Machibese na machibese nimdzadzononga wense wakuipa kuchoka mdziko langu; nimdzachosa wense wakuchita msambo wakuipa mumzinda wa Yahova.

102¹Bvani pembo langu, Yahova; bvani lulira kwangu kuna imwe. ²Nampodi kundibisira nkhope yanu mthawe ya mtsautso. Nditetekereni. Ningakukuwirani, nditawireni kamangu.³Thangwe nsiku zangu zikupita ninga utsi, na mafupa yangu yakugaka ninga moto. ⁴Mtima wangu wasweka, apo ndirir ninga uswa bwakufota. Nimbayebwa kudya chakudya chirichense.⁵Na kupitiriza kung'ung'udza kwangu, ndaonda kwenekwene. ⁶Ndiri ninga bvuwo mchipululu; ndakhala ninga kadzidzi mmatere.⁷Nimgona ndidapenya ninga mbalame yakusala yokha, ndekha pansodzi ya nyumba. ⁸Awengi wangu akunditonza nsiku yense; wale wakundiyarukira akuphatisa basa dzina langu mmatemberero.⁹Nimbadya dotha ninga mkate na kusanganiza chakumwa changu na misozi. ¹⁰Thangwera ukali bwanu bzakugopsa, mwandidzusa mdzaulu mkundiponya pansi.¹¹Nsiku zangu ziri ninga mthunzi wakuyenda kutali, apo ndafota ninga uswa. ¹²Soma imwe, Yahova, mumkhala basi ku nthawe yense, apo kubvekera kwanu mkwa mibwado yensene.¹³Mumdzalamuka muchidzachitira chifundo Ziyoni. Tsapano ni nthawe yakukhala na chifundo pa iye; nthawe yakuyikhika yafika. ¹⁴Thangwe atumiki wanu adekedwa nayo minyala yache achichitira chifundo pfumbi la matere yache. ¹⁵Madzinza yamdzalemekeza dzina lanu, Yahova, apo mafumu yensene ya dziko lapansi yamdzalemekeza ulemerero bwanu. ¹⁶Yahova amdzamanga pomwe Ziyoni achidzaonekera mu ulemerero bwache.¹⁷Pa nthawe imweyo, iye amdzatawira pembo la wakusaya pakukhala; amdzalamba lini pembo lawo. ¹⁸Ichi chimdzanembiwira mibwado ya mtsogolo, na wanthu omwe akanati kulengiwa amdzalemekeza Yahova.¹⁹Thangwe iye wanyang'anisa pansi ali kudzaulu mbuto yakuchena; kuchokera kudzaulu Yahova waona dziko lapansi, ²⁰kubva kubuula kwa wakumangiwa, kutsudzula wale wakutongewa kukaphiwa.²¹Wanthu amdzalalaikira dzina la Yahova mu Ziyoni na chilemekezo chache mu Yerusalemu ²²pomwe wanthu na maufumu yagwezekana pabodzi kutumikira Yahova.²³Iwo adapsokonyola mphamvu yangu pakati pa moyo. Wafupikisa nsiku zangu. ²⁴Ndidati, 'Mulungu wangu, nampodi kundipsokonyola pankati pa moyo; muli pano kupita mmibwado yensene.²⁵Nthawe za kalekale mudakhazikisa dziko lapansi; kudzaulu ni basa la manja yanu. ²⁶Iwo amdzamala, soma imwe mumdzasalira; amdzasakala ninga chakubvala; ninga chakubvala, mumdzwachosa iwo, apo amdzaoneka lini. ²⁷Soma imwe muli tenepo basi, apo magole yanu yamdzakhala yalibe malekezero.²⁸Wana wa atumiki wanu amdzakhala basi, apo wambeu yawo amdzakhazikika pamaso panu.

103¹Nilemekeza Yahova na mtima wangu wense, na bwense bziri mkati mwangu, nimpereka chilemekezo ku dzina lache lakuchena. ²Nimpereka chilemekezo kuna Yahova na mtima wangu wense, apo nimkumbukira bzichito bzache bzense bzabwino.³Iye ambalekerera bzakuphonya bzako bzense; ambalimbisa matenda yako yensene. ⁴Ambalombola moyo wako ku dindi; ambakubvazika korona na chikhulupiriro cha mpangano na bzichito bza chifundo chakudeka. ⁵Omwe ambakhutisa moyo wako na bzinthu bzabwino pala kuti ubwana bwako bubwerere bupsa ninga mphungu.⁶Yahova ambachita bzabwino achichitira chilungamo wense wakutsautsika. ⁷Adadziwisa njira zache kuna Mose, bzichito bzache kuna wa mbewu ya Isaraeli. ⁸Yahova ngwa nsisi na chifundo; wakusaya kukalipa kamangu na wakumangika mchikondi.⁹Amdzakhala lini achitsimula basi; amdzakalipa lini kwa muyaya. ¹⁰Alibe kuchitisa ninga mwa bzakuphonya bzathu bzimthemera.¹¹Pakuti kudzaulu kumtalimphira na dziko lapansi, mtenepoyombo na chikhulupiriro cha mpangano kuna iwo wakulemekeza iye. ¹²Ninga kumachibese kumtalimphilana na kumaulo, mtenepoyombo amtichosera kuipa kwa bzakuphonya bzathu. ¹³Ndimo baba aliri wa nsisi na wana wache, ndimombo Yahova aliri na nsisi kuna wale wakulemekeza iye.¹⁴Thangwe iye amdziwa ndimo tidalengedwera; amdziwa kuti ndife pfumbi. ¹⁵Angakhala munthu, nsiku zache ziri ninga uswa; ambaphuka ninga dzuluwa kuthengo. ¹⁶Chonzi chingalikuntha, apo limbaoneka lini, apo palibe angalewe pomwe likhadamera.¹⁷Soma chikhulupiriro cha mpangano cha Yahova mchakuchokera ku nthawe zakusaya kumala kuna iwo wakulemekeza iye. Chilungamo chache chimbapitirira kuna wa mbewu yache. ¹⁸Iwo mbakoya mpangano wache achikumbuka kubvera malangizo yache. ¹⁹Yahova wakhazikisa kadera yache yachifumu mdzaulu, apo ufumu bwache bumbatonga pa aliyense.²⁰Lemekezani Yahova, imwe anjero wache, imwe wamphamvu omwe muna mphamvu na kuchita mafala yache, na kubvera kubveka kwa mfala yache. ²¹Lemekezani Yahova, mathimu yache mwense, atumiki wache wakuchita chifuniro chache. ²²Lemekezani Yahova, wakulengewa wache mwense, m'buto zache zense zomwe iye ambatonga. Nimdzapereka chilemekezo kuna Yahova na mtima wangu wense.

104¹Nimbapereka chilemekezo kuna Yahova na mtima wangu wense, Yahova Mulungu wangu, ndimwe mkulukulu; mwabvazikiwa na ulemu na chifumu. ²Mwabzigugudiza na kutoya kukhala ninga chakubvala; mwafuthula kudzaulu ninga chinguwo cha chihema. ³Mwatandika mitanda ya masubi yanu pa mitambo; mitambo mwayiyesa magareta yanu; mumbafamba pa maphapidwe ya chonzi.⁴Ambasandusa chonzi mitumi yache, malambi ya moto atumiki wache. ⁵Adakhazika maziko ya dziko lapansi, pala kuti nampodi litekenyeke ku nthawe zense.⁶Mudampsinkha dziko lapansi na madzi ninga chakubvala; madziyo yadamiza mapiri. ⁷Kutewera chitsimulo chanu madzi yadathawa; pa kugunda kwa mpheni yanu yadathawa.⁸Padasanduka mapiri na bzigwa bzidapolika kuyenda kumbuto ndizo mukhadawakhazikisira. ⁹Mwawaikhira malire yakuti amdzayayambuka lini; kuti iwo nampodi abwerere kumpsinkha pomwe diko lapansi.¹⁰Adayambisa lowe kuyerera m'bzigwa; tumikulo kuyerera pakati pa mapiri. ¹¹Tumbaperekera madzi kuna nyama zense za mthengo; mbidzi zimbaphera nyota zawo. ¹²Mb'ali mwa mikulo mbalame zimbamanga bzitsa bzawo; zimbalira mmitawi.¹³Ambathirizira mapiri kuchoka mmasubi mdzaulu. dziko alpansi ladzala na bzipaso bza basa lache. ¹⁴Ambachitisa uswa kukula pala ng'ombe na mbewu pala munthu abzale, pala kuti azinji akolole chakudya kuchoka mdziko mmataka. ¹⁵Ambachitisa vinyu kuti munthu adekedwe naye, mafuta kuchitisa nkhope yache kuyetima, na chakudya chakulimbisa moyo wache.¹⁶Miti ya Yahova imbatambira mvula izinji; mikungudza ya ku Lebano ndiyo iye adayibzala. ¹⁷Mwemo mbalame zimbamanga bzitsa bzawo. Mbalame za chumba zimbasandusa muyi wawo muti wa mkungudza. ¹⁸Mbuzi za mthengo zimbakhala mmapiri makulu makulu; mnsonga mwa mapiri ndiye mwakukhala mbira.¹⁹Adakhazikisa mwezi kuti umbalatize nthawe; dzuwa limbadziwa nthawe yakumira. ²⁰Mudakonza m'dima wa usiku nthawe ndiyo bzilombo bzensene bza mthengo bzimbabula panja.²¹Wana wa mphondolo ambalirira chakudya chawo achipsaga chakudya kuchoka kuna Mulungu. ²²Dzuwa lingachoka, ambabwerera achikagona mnyumba zawo.²³Pamwepo, wanthu ambabula kuyenda mmabasa yawo achiphata kufikizana maulo. ²⁴Yahova, mabasa yanu yawandirenyi! Na nzeru mudayaphata yense; dziko lapansi likukhaphwikira na mabasa yanu.²⁵Pale pana nyanza, yakuzika na ya khwankhwa, yakudzala na bzamoyo bzakusaya kulewengeka, bzing'ono na bzikulu kubodzi. ²⁶Bzombo bza mmadzi bzimbafamba mwemo, apo Leviyatani ali mwemo pomwe, omwe mudamulenga kumbasenzekera mmadzi.²⁷Bsensenebzi bzikukudikhirirani kuti mubzipe chakudya chawo pa nthawe yache. ²⁸Mungabzipa, bzimbagwezekana; mungafuthula boko lanu, bzimbakhutisiwa.²⁹Mungabisa nkhope yanu, bzimbabonera; mungatenga mphuye yabzene, bzimbzfa bzichibwerera ku pfumbi. ³⁰Mungatumiza Mzimu wanu, bzimbalengiwa, muchibwezeresa papsa nkhope ya dziko lapansi.³¹Ulemerero bwa yahova mbabukhale kwa muyaya; Yahova asekere na chilengedwe chache. ³²Ambanyang'anisa pa dziko lapansi, lichitekenyeka; ambakhuya mapiri, yachifukutira.³³Nimdzayimbira Yahova moyo wangu wense; nimdzayimbira malemekezo Mulungu wangu nthawe zense pomwe nimkhala. ³⁴Bzakukumbuka bzangu mbabzikome kuna iye; nimdzasekera mwa Yahova.³⁵Wakuphonya amale pa dziko lapansi, na wakuipa nampodi awoneke pomwe. Nimpereka malemekezo kuna Yahova na moyo wangu wense. Lemekezani Yahova.

105¹Perekani kutenda kuna Yahova, chemerani pa dzina lache; dziwisani bzichito bzache pakati pa madzinza. ²Muyimbireni, muyimbireni malemekezo, lalikirani bza bzakudabwisa bzache bzense. ³Bzithembezeni mdzina lache lakuchena; mtima wa wale wakupsaga Yahova mbausekere.⁴Psagani Yahova na mphamvu zache; psagani kuoneka kwache mwakupitiriza. ⁵Kumbukirani bzinthu bzakudabwisa iye wachita, bzakudabwisa bzache na mayeruzo ya pakamwa pache, ⁶imwe wa mbewu ya Aburahamu mtumiki wache, imwe wanthu wa Yakobo, wakusankhulika wache.⁷Iye ni Yahova, Mulungu wathu. Mayeruzo yache yali pa dziko lapansi. ⁸Ambakoya mumtima mpangano wache kufikizana muyaya, fala ndilo adatonga kuna mibwado chulu.⁹Iye ambakumbukira mpangano ndiwo adachita na Aburahamu na lumbiro lache kuna Isaki. ¹⁰Ichi ndicho iye adatsimikizira Yakobo ninga nemba na kuna Isaki ninga mpangano wakusaya kumala. ¹¹Iye adati, ''Nimdzakupa dziko la Kanani ninga mbali ya chakutambira chako.''¹²Iye adalewa ichi pomwe iwo akhali ang'onong'ono, wakuchepa zedi, apo akhali alendo mdzikomo. ¹³Iwo adayenda dziko na dziko na ufumu na ufumu.¹⁴Iye alibe kubvuma wina kuwaboneresa; iye adatsimula mafumu thangwera iwo. ¹⁵Adati, ''Nampodi kukhuya wakusankhuka wanguwa, apo nampodi kuchitira chakuipa aneneri wangu.''¹⁶Adachemeresa njala pa dziko lapansi; adalekeza kupereka chakudya chense. ¹⁷Adatumiza munthu patsogolo pawo; Josefe adagulisiwa ukapolo.¹⁸Nzayo zache zidamangiwa matandadza; pakhosi pache padabvazikiwa kolala yachitsulo, ¹⁹kufikizana bzomwe akhadalewa kumala. Fala la Yahova lidamuyezera iye.²⁰Mfumu idatumiza wanthu kukamutsudzula; nyakutonga wanthu adamtsudzula iye. ²¹Adamuikha iye mkulu wakunyang'anira nyumba yache kukhala wakutonga vida yache yense ²²kumbalangiza akuluakulu wache ndimo iye akhafunira na kupfunzisa akuluakulu wache nzeru. ²³Kinangoko Isaraeli adabwera mu Aigupto, apo Yakobo adakhala kwa kanthawe mdziko la Hamu.²⁴Yahova adawanzisa wanthu wache, achiwapa mphamvu kuposa awengi wawo. ²⁵Iye adachitisa awengi wawo kuwenga wanthu wache, kuboneresa atumiki wache. ²⁶Iye adatuma Mose, mtumiki wache, na Aroni, omwe iye akhadamsankhula. ²⁷Iwo adachita bzilatizo bzache pakati pa wanthu wa Aigupto, bzakudabwisa bzache mdziko la Hamu.²⁸Iye adatumiza mdima achichitisa dziko kudoka, apo iwo alibe kupikisana na bzakutonga bzache. ²⁹Iye adasandusa madzi yawo kukhala mulopa achipha nsomba zawo. ³⁰Dziko lawo lidawanda achule, na mmasubi kubodzi ya atongi wawo.³¹Iye adalewalewa, apo mitambo ya ntchenthe na nsawawa bzidabwera kudzala dziko lawo. ³²Iye adasandusa mvula yawo kukhala matalala, na moto lambilambi mdziko lawo. ³³Iye adadzononga mipesa yawo na miti ya mikuyu; iye adakhobola miti ya dziko lawo.³⁴Iye adasewera, apo bziwala bzidabwera, bziwala bzizinji. ³⁵Bziwala bzidadya bzakumera bzense mdziko lawo; Bzidadya mbewu zensene za pansi. ³⁶Iye aadapha mwana aliyense wakutoma kubadwa mdziko lawo, bzipaso bzakutoma bza mphamvu zawo.³⁷Iye adabulisa kunja a Isaraeli na siriva na golide; palibe m'bodzi wa dzinza lache adakhukhumudwa panjira. ³⁸Aigupto akhali wakusekera pomwe iwo adayenda, thangwe wanthu wa mu Aigupto akhachita nawo mantha. ³⁹Iye adafuthula mtambo kukhala chakumpsinkhira achikonza moto kubvunikira usiku.⁴⁰A isaraeli adakumbira chakudya, achiwabweresera mbombe achiwakhutisa na mkate kuchoka kudzaulu. ⁴¹Iye adagawa thanthwe, apo madzi yadafunthuka kuchoka mwemo; yadayerera mchipululu ninga mkulo. ⁴²Thangwe iye adakumbukira mumtima lonjezo lache lakuchena ndilo adachita na Abulahamu mtumiki wache.⁴³Iye adatsogolera wanthu wache kubula na chisekerero, wakusankhuka wache na kukuwa kwa kusekera. ⁴⁴Iye adawapa madziko ya madzinza; iwo adapsokonyola bzipaso bza mabasa ya wanthu ⁴⁵pala kuti iwo akoye manemba yache achibvera bzitongi bzache. Lemekezani Yahova.

106¹Lemekezani Yahova. Perekani kutenda kuna Yahova, thangwe iye ngwabwino, thangwe chikhulupiriro cha mpangano wache mchamuyaya. ²Mbani angafokotoze mabasa ya mphamvu ya Yahova ayai kulalikira mwakudzala bzichito bzache bzense bzachilemekezo.³Wakudala mbale wakuchita bzakulungama, na ndiwo bzichito bzawo mpsachilungamo nthawe zense. ⁴Ndikumbukireni ine, Yahova, pomwe munionesera udidi kuna wanthu wanu; ndithandizeni pomwe muniwapulumusa. ⁵Ndiye nimdzaona chipambano cha wakusankhuka wanu, kusekera mkudekedwa kwa dzinza lanu, na ulemerero na chakusiiriwa chanu.⁶Taphonya ningambo abereki wathu; tachita udyo, apo tachita chakuipa. ⁷Abereki wathu alibe kutetekera ku bzichito bzanu bzakudabwisa mu Aigupto; adagaza bzichito bzanu bzizinji bza chikhulupiriro cha mpangano; akhali wakupikisana pa nyanza, Nyanza Ifwira⁸Soma, iye adawapulumusa iwo thangwera dzina lache kuti azimbulise chimphamvu chache. ⁹Adatsimula Nyanza Ifwira, ichiuma. Kinangoka adawatsogolera iwo kudzera mkuzika kwache, niga kudzera mchipululu.¹⁰Iye adawapulumusa iwo mmanja mwa wale wakuwawenga, achiwapulumusa kuchoka mmanja mwa muwengi. ¹¹Soma madzi yadakhudyula wakuwatsautsa wawo: neye m'bodzi kupulumuka. ¹²Kinangoka iwo adakhulupirira mafala yache, achiyimba bzakulemekeza iye.¹³Soma kamkulumize iwo adayebwa bzichito bza iye; iwo alibe kudikhirira malangizo yache. ¹⁴Iwo akhana bzakutsema bzakusaya kukwanisiwa nabzo mchipululu mwawo, achipikisana na Mulungu mchipululumo. ¹⁵Ndiye adawapa iwo ndibzo adakumbirabzo, soma iye adawatumizira nthenda yakugopsa.¹⁶Mu msasa iwo adachitira njiru Mose na Aroni, wansembe wakuchena wa Yahova. ¹⁷Mataka yadayachamula yachikhudyula Datani yachifuchira thimu la Abiramu. ¹⁸Moto udanyanduka mchithimu chawocho; motoyo udakhudyula wakuipawo.¹⁹Iwo adatsema mwana wa ng'ombe pa Horebu achinamata chitsulo chakusula. ²⁰Iwo adagulisa ulemerero bwa Mulungu na chakutsema cha ng'ombe ndiyo imbadya uswa. ²¹Iwo adayebweratu Mulungu Mpulumusi wawo, omwe adachita bzichito bzikulutsa mu Aigupto.²²Iye adachita bzinthu bzakudabwisa mdziko la Hamu na bzichito bzakugopsa pa Nyanza Ifwira. ²³Ndiye iye adati amdzawadzononga--- kodi alibe Mose, wakusankhuka wacheyo, kuima pakugamukapo pamaso pache, kubweza ukali bwache bwakuwadzononga iwo.²⁴Kinangoko iwo adanyoza dziko lakufunikiraro; iwo alibe kukhulupirira lonjezo lache, ²⁵soma adang'ung'udza mmahema mwawo, achilamba kubvera Yahova.²⁶Mthangwerache iye adadzusa boko lache achiwalumbirira kuti amdzawalekerera kufa mchipululu, ²⁷mkubalalisa wa mbeu yawo pakati pa madzinza, achiwabalalisira mmadziko yachilendo.²⁸Iwo adanamata Baala wa Peori achidya bzakuperekiwa sembe kuna wakufa. ²⁹Iwo adaputa ukali bwache na bzakuchita bzawo, apo muliri udanyanduka pakati pawo.³⁰Kinangoko Fineyasi adayima achikhala mkala pakati, apo muliriyo udaduma. ³¹Chidalewengewa kuna iye ninga chichito chakulungama ku mibwado yensene kufikizana muyaya.³²Iwo adakalipisa pomwe Yahova pa madzi ya pa Meriba, Mose achibonera thangwera iwo. ³³Iwo adawawisa mzimu wache, apo iye adasewera mwakusaya kukumbuka na milomo yache. ³⁴Iwo alibe kudzononga madzinza ninga Yahova akhadawatongera, ³⁵soma adasanganizikana na madzinza, mkupfunza bzichito bzawo, ³⁶achinamata mafano yawo, bzomwe bzidasanduka ukhulira kuna iwo.³⁷Iwo adapereka nsembe wana wawo wachimuna na wachikazi kuna bziwanda. ³⁸Iwo adajojeza mulopa wakusaya kuphonya, mulopa wa wana wawo wachimuna na wanawo wachikazi, omwe adawapereka nsembe kuna mafano ya ku Kanani, kupsipiza dziko na mulopa. ³⁹Iwo adapsipiziwa na bzichito bzawo; mu bzichito bzawo zjai akhali ninga maputa.⁴⁰Ndiye Yahova adakalipa na wanthu wache, achinyansiwa na chakusiiriwa chache. ⁴¹Iye adawapereka iwo mmanja mwa madzinza, apo wakuwenga iwowa ndiwo adasanduka wakuwatongewa nawo.⁴²Awengi wawo adaboneresa iwo, achiwagonjesa kuphata mwendo wawo. ⁴³Kazinjitsa iye adawathandiza iwo, soma iwo akhali wakupikisana naye basi mu bzichito bzawo achisandusiwa wapanyansi na kuboneresiwa kwawo wene.⁴⁴Soma, iye afatetekera kubonera kwawo pomwe iye adabva kulira kwawo kufuna chithandizo. ⁴⁵Iye adakumbukira mpangano wache na iwo achileza mtima ninga mwa chikondi chache. ⁴⁶Iye adachitisa wakuwaphata ukapolo wache wensene kuwabvera nsisi.⁴⁷Tipulumuseni ife, Yahova, Mulungu wathu. Tigwezekeni ife kutichosa pakati a madzinzaya kuti tipereke kutenda ku dzina lanu lakuchena na ulemerero mmalemekezo yanu. ⁴⁸Yahova, Mulungu wa Isaraeli, mbaalemekezeke ku nthawe za muyaya na muyaya. Wanthu wensene adati, ''Ameni.'' Lemekezani Yahova.

107¹Perekani kutenda kuna Yahova, thangwe ngwabwino, apo mpangano wache wachikhulupiriro ngwamuyaya. ²Lekani wakulombolewa wa Yahova asewere mwakuzalula, omwe iye waapulumusa mmanja mwa awengi. ³Iye wagwezeka iwo kuchoka pampikiti pa madziko yachilendo, kuchoka kumachibese na kuchoka ku maulo, kuchoka kumpoto na kuchoka kumwera.⁴Iwo adadzungaira mchipululu pa msewu wa ku chipululu apo neye kugumana muyi kuti akhale. ⁵Thangwera iwo akhana njala na nyota, adakomoka na kuneta. ⁶Ndiye iwo adakuwira Yahova mmatsautso yawoyo, iye achiwapulumusa ku matsautso yawoyo. ⁷Iye adawatsogolera iwo na njira yachaiyo kuti ayende ku muyi kukakhala mwemo.⁸Owo kuti wanthu alemekeze Yahova thangwera mpangano wache wachikhulupiriro na bzinthu bzakudabwisa iye akhadachita kuna wana wa wanthu! ⁹Nakuti iye ambakhutisa bzakufuna bza wale wa nyota, na bzakukhumba bza iwo omwe ana njala ambabzidzala na bzinthu bzabwino. ¹⁰Wina adakhala mu m'dima na mu mthunzi wa imfa, wakumangiwa ali mkubonera na bzingwe.¹¹Uku kukhali thangwera kuti iwo akhadapepusa mafala ya Mulungu achilamba malangizo yache ya Mkulukulu wa Mdzauluyo. ¹²Iye adachepsa mitima yawo kudzera mmasada; iwo adakhukhumudwa apo pakhalibe neye m'bodzi wakuwathandiza. ¹³Ndiye iwo adakuwira kuna Yahova mmatsautso mwaomo, apo iye adawapulumusa ku masada yawo.¹⁴Iye adawabulisa iwo mu m'dima na mu mthunzi wa imfa achibwedza bzakumangiwira bzawo. ¹⁵Oh kuti wanthu alemekeze Yahova thangwera chikhulupiriro cha mpangano wache na thangwera bzinthu bzakudabwisa iye adachita kuna wana wa wanthu! ¹⁶Nakuti iye adaswa misuwo ya mkuwa achitchola kugwata na mmapiringidzo ya bzitsulo.¹⁷Iwo akhali wakupusa mapepusidwe yawoyo achibonera thangwera bzakuipa bzawo. ¹⁸Moyo wawo udanyansiwa nacho chakudya chirichense, iwo achibwera pafupi na misuwo ya imfa. ¹⁹Ndiye iwo adakuwira kuna Yahova mkutsautsika kwawo, achiwapulumusa kuchoka mmatsautso yawoyo.²⁰Iye adatumiza mafala yache achiwalimbisa iwo, achiwapulumusa kuchoka mmadindi ndiyo iwo akhadagwera. ²¹Oho kuti wanthuwo alemekeze Yahova thangwera chipulumuso cha mpangano wache na thangwera bzinthu bzakudabwisa iye adachita kuna wana wa wanthu! ²²Alekeni apereke nsembe za kupereka kutenda achilalikira bzakuchita bzache na kukuwa kwa chisekerero.²³Wina ambafamba pa nyanza mu bzombo na kuchita malonda ng'ambu ya nyanza. ²⁴Amwewa ambaona bzakuchita bza Yahova na bzakudabwisa bzache pa nyanza.²⁵Thangwe iye adatonga achinyosa chonzi ndicho chidabvundula nyanza. ²⁶Iwo adafika kudzaulu; iwo adapolika mkuzika kwa pansi. Miyoyo yawo idasungunuka mmatsautso. ²⁷Iwo adapeperuka achidzedzereka ninga wakuledzera achimala nzeru zawo.²⁸Ndiye iwo adakuwira kuna Yahova mkubonera kwao, apo iye adawachosa mmatsautso mwaomo. ²⁹Iye adanyamaliza nyanza, apo magwede yadadumisiwa. ³⁰Kinangoko iwo adasekera thangwera nyanza idanyamala, apo iye adawabweresa iwo ku gombe lawo akhafunalo.³¹Oho kuti wanthu alemekeze Yahova thangwera chikhulupiriro cha mpangano wache na bzinthu bzakudabwisa iye adachitira wana wa wanthu! ³²Alekeni akwize iye mmitsonkhano ya wanthu na kulemekeza iye m'buto zakutongera milandu ya akulu.³³Iye ambasandusa mikulo kukhala bzipululu, alowe wa madzi kusanduka mbuto zakuuma, ³⁴na dziko la bzipaso kukhala mbuto ya mtetete thangwera kuipa kwa wanthu wache. ³⁵Iye ambasandusa chipululu kukhala mchera wa madzi na dziko la kuuma kukhala alowe wa madzi.³⁶Iye ambakhazika wa njala mwemo, iwo achimanga muyi wakukhala mwemo. ³⁷Iwo adafesa minda achioka minda ya mpesa ndiyo idabala bzipaso bzakulemeza. ³⁸Iye ambadalisa iwo kuti akhale wakuwanda kwenekwene. Iye ambabvuma lini bzifuwo bzawo kuchepa kuwanda kwawo.³⁹Iwo adachepsewa achitsitsiwa pansi na masada, kutsautsika, na kubonera. ⁴⁰Iye ambatsanula chipepulo pa akulu achichitisa iwo kudzungaira mchipululu, momwe mulibe njira.⁴¹Soma iye ambatchenkha wakusaya ku matsautso na kutchenkha banja lache ninga mabira. ⁴²Wakulungama amdzaona bzobzi achisekera, apo kuipa kwense kumbafunga mulomo wache. ⁴³Omwe ana nzeru adziwe bzinthu bzobzi achikhala mkhala pakati wa bzichito bza chikhulupiriro cha mpangano wa Yahova.

108¹Mtima wangu wakhazikika, Mulungu! Nimdzayimba, inde, nimdzayimba malemekezo na ulemerero bwangu bwense. ²Lamukani, chisakasa na zeze; nimdzalamuka machibesebese.³Nimdzapereka kutenda kuna imwe, Yahova, pampikiti pa wanthu; nimdzakuyimbirani malemekezo pampikiti pa madzinza. ⁴Thangwe chikhulupirirro cha mpangano wanu mchikulutsa kuposa mdzaulu; apo chadidi chanu chimbafika kudzaulu.⁵Kwizikani, Mulungu, kuposa mdzaulu, apo ulemerero bwanu mbabukwizike padzaulu pa dziko lense lapansi. ⁶Pala kuti wale wakukonda apulumuke, tipulumuseni ifepano na boko lanu lamadidi na kunditawira ine.⁷Mulungu wasewera mkuchena kwache; ''Nimdzasekera; nimdzagawa Sekemu na kupima mphimo Chigwa cha Sukoti. ⁸Gileadi ngwangu, na Manase ngwangu; Efraimu pomwe mchigoba changu chakumsolo; Yuda ndiye nyakutonga wangu.⁹Moabu ni mphendekali yangu yakusambira; ng'ambu ya Edomu nimdzathusa chango yangu; nimdzakuwa mchigonjeso thangwera Filisitiya. ¹⁰Mbani amdzandifikisa mmuyi wa litsitoyo? Mbani amdzanditsogolera ku Edomu.¹¹Mulungu, kodi mulibe kutitaya imwepo? Mumbayenda lini ku nkhondo na thimu lathu la wankhondo. ¹²Tipeni chithandizo chakulimbana na muwengi, thangwe chithandizo cha munthu mchapezipezi. ¹³Timdzagonjesa na chithandizo cha Mulungu; iye amdzapondedza pansi awengi wathu.

109¹Mulungu omwe nimbamulemekeza, nampodi kunyamala. ²Thangwe wakuipa na wachinyengo akundiphata ine; iwo ambandisemerera magunkha. ³Iwo andizungulira mkumbasewera bzinthu bzakundidzononga, achimbandimenya mwakusaya thangwe.⁴Pakubwezera chikondi changu iwo ambandibwezera chakuipa, soma nimbawapembera. ⁵Ambandibwezera chakuipa ku chabwino, na udani mmalo mwa chikondi changu.⁶Ikhani munthu wakuipa pa muwengi wakutenepoyoyo ninga wanthuwa; ikhani wakutsimula ayime ku boko lache lamadidi. Iye angayeruziwa, mbaagumanike wakuphonya; ⁷pembo lache mbalitengewe kukhala chakuipa.⁸Nsiku zache mbazichepe; wina mbatenge nkhankha yache. ⁹Wana wache mbaakhale wakusaya baba, apo mkazi wache mbaakhale mmasiwa. ¹⁰Wana wache mbaadzungaire achimbakumbirakumbira, kupsaga chakudya kutali na matere yawo.¹¹Wamangawa aphatire bzombo bzache bzensene; alendo apondedze bza basa lache. ¹²Nampodi awoneke wina wakumpa chifundo; nampodi wina achitire nsisi wana wache wakusaya babawo. ¹³Wa mbewu yache asanthiwe; dzina lawo mbalipfudziwe mu mbwado uli mkudza.¹⁴Kuphonya kwa abereki wache mbakukumbukike pamaso pa Yahova; na chakuphonya cha mayi wache nampodi chiyebweke. ¹⁵Bzakuponya bzawo bzikhale pamaso pa Yahova ku nthawe zense; mbaapfudze chikumbukiro chawo kuchoka mdziko lapansi. ¹⁶Yahova achite bzobzi, thangwe munthu umweyo alibe kukumbukira kuonesa chikhulupiriro chirichense cha mpangano, soma kuboneresa wakutsautsika kale, wakusaya, na wakupseka mtima ku imfa.¹⁷Iye adakonda kutemberera; mbakubwerere kuna iye. Iye adawengana na m'daliso; mbaukhale kutali naye. ¹⁸Adabzibvazika yekha na themberero kukhala chakubvala chache, apo themberero lache lidabwera mthupi lache ninga madzi, ninga mafuta kupita mmafupa mwache.¹⁹Matemberero yache mbayakhale pa iye ninga bzakubvala ambabvala iye kubzimpsinkha yekha, ninga bande ambabvala nthawe zense. ²⁰Ichi mbachikhale chakupagali kuna wakundiwenga kuchoka kuna Yahova, bza wale wakundilewera bzinthu bzakuipa.²¹Yahova Mbuyangu, chita nandeni mwachifundo thangwera dzina lanu. Thangwe chikhulupiriro cha mpangano wanu mchabwino, ndipulumuseni. ²²Thangwe ndine wakubonera na wakusaya, apo mtima wangu walasiwa mkati mwangu. ²³Ndikuzilala ninga mthunzi wamaulo; ndikumbulusiwa ninga chiwala.²⁴Mabondo yangu yagoboka na kutsotsa kudya; thupi langu lawonda apo liribe mafuta. ²⁵Ndasanduka chinthu chakutonzera kuna wakundigaza wangu, iwo angandiona, ambakupudza misolo yawo.²⁶Ndithandizeni, Yahova Mulungu wangu; ndipulumuseni na chikhulupiriro cha mpangano wanu. ²⁷Alekeni adziwe kuti iri ni boko lanu, kuti imwe, Yahova, mwachita ichi.²⁸Iwo ambatemberera, soma imwe mumbadalisa; angandiphata, mbaaphatiwe manyazi, soma kapolo wanu asekere. ²⁹Wakundiwenga wangu abvale manyazi; iwo mbaabvale manyazi yawoyo ninga mkanjo.³⁰Na pakamwa pangu nimpereka kutenda kukulu kuna Yahova; nimdzamulemekeza iye pampikiti pa thimu. ³¹Thangwe iye amdzaima ku boko lamadidi la ule omwe ngwakusaya, kumpulumusa iye ku wanthu wakumuyeruza udyo.

11¹Nimbathawira mwa Yahova; mumdzalewa tani kuna ine, ''Thawira ku phiri ninga mbalame''? ²Nakuti onani! Wakuipa ambakonzeka mauta yawo. Ambapiringidza misewe yawo pa bzingwe kuponya mumdima kuna wakuongoka mtima.³Nakuti yangapasuka maziko, wakulungama angachite chani? ⁴Yahova ali mkachisi wache wakuchena; maso yache yampaona, maso yache yambapima wana wa wanthu.⁵Yahova ambapima wakulungama na wakuipa kubodzi, soma ambawenga wale wakukonda kuchita phiringu. ⁶Iye amdzagwesa minyala yakupsa na sufule pa wakuipa; na chonzi chakupsa chimdzawagawikira mkaneka mwawo! ⁷Nakuti Yahova ngwakulungama, apo ambakonda chilungamo; wakulungama amdzaona nkhope yache.

110¹Kulewa kwa Yahova Mbuya wangu: ''Khalani ku boko langu lamadidi kufikizana ndiyikhe awengi wanu ku chakupondera nzayo zanu.''²Yahova amdzatumiza mpsimbo ya mphamvu yanu kuchokera ku Ziyoni; kutonga pakati pa awengi wanu. ³Wanthu wanu amdzakutewerani imwe ali m'bzakubvala bzakuchena bza ufulu bwawo wene pa nsiku ya mphamvu yanu; kuchoka mmimba mwa ubwana bwanu amdzakhala namwe ninga mame.⁴Yahova walumbirira apo amdzachinja lini mtima wache; ''Ndimwe wansembe wamuyaya, chitamala chilongosoko cha Melizedeke.''⁵Mbuya ali ku boko lanu lamadidi. Iye amdzapha mafumu pa nsiku ya ukali bwache. ⁶Amdzayeruza madzinza; amdzadzala mbuto zakumenyanirana nkhondo na matupi yakufa; amdzapha atongi mmadziko mazinji.⁷Iye amdzamwa mkamkulo ka mnjira, apo kinangoko amdzadzusa msolo wache chitamala chipambano.

111¹Lemekezani Yahova. Nimdzapereka kutenda kuna Yahova na mtima wangu wense pa mtsonkhano wa wakulungama mtima, pa mgwezekano wawo. ²Mabasa ya Yahova mmakulu, yakufunika kuna wense wakuyafuna. ³Mabasa yache ngaulemu na yakuchena, na chilungamo chache mchakukhalisa ku nthawe zense.⁴Iye ambachita bzinthu bzakudabwisa ndibzo bzimdzakumbukika; Yahova ngwachisomo na nsisi. Ambapa chakudya knau wakumtewera iye wakukhulupirika. ⁵Iye amdzakumbukira nthawe zense mpangano wache. ⁶Iye adaonesa mabasa yache ya mphamvu kuna wanthu wache pakuwapa iwo chakusiiriwa cha madzinza.⁷Mabasa ya manja yache ngakukhulupirika na yakulungama; malangizo yache yensene ngakudalirika. ⁸Iyo ngakukhazikika kwamuyaya, yakuchitika mchadidi na mchilungamo. ⁹Iye adatumiza chipulumuso kuna wanthu wache; adatonga chipangano chache kwamuyaya; lakuchena na lakugopeka ndilo dzina lache.¹⁰Kugopa Yahova ndicho chiyambi cha nzeru; Iwo wakuchita malangizo yache ali nako kubvesesa kwabwino. Chilemekezo chache mchamuyaya.

112¹Lemekezani Yahova. Wakudalisika ni munthu wakugopa Yahova, omwe ambadekedwa kwenekwene na bzakutonga bzache. ²Wa mbewu yache amdzakhala wa mphamvu pa dziko lapansi; m'bwado wa munthu wakulungama umdzadalisika.³Bzombo na vida bziri mnyumba mwache; chilungamo chache chimkhala muyaya. ⁴Kutoya kum'bvunika mu m'dima pala munthu wa umulungu; iye ngwachifundo, wa nsisi, na kulungama. ⁵Bzinimfambira bwino munthu wakuchita chifundo na kufiyalisi kobiri, omwe ambachita mabasa yache na chilungamo.⁶Thangwe iye amdzagwinyika lini; munthu wachilungamo amdzakumbukika kwamuyaya. ⁷Iye ambagopa lini nkhani zakuyipa; ngwakukhazikika, kukhulupirira Yahova.⁸Mtima wache umbapfatsa, neye kugopa, kufikizana ambanyang'anisa mwamderekho pa iwo wakumuwenga. ⁹Ambapa fovolo kuna wakusaya; chilungamo chache chimbapirira kwamuyaya; nyanga yache imdzakwizika na ulemerero.¹⁰Munthu wakuyipa amdzaona bzobzi achidzapsoma; amdzabubuda mano yache na ukali achidzasungunuka; chakukhumba wakuyipa chimdzamala.

113¹Lemekezani Yahova. Mulemekezeni iye, imwe akapolo wa Yahova; lemekezani dzina la Yahova. ²Lakudala ni dzina la Yahova, kuchoka tsapano lino kufikizana na muyaya kubodzi.³Kuyambira pa machokero ya dzuwa kufikizana kumira kwache, dzina la Yahova, lilemekezeke. ⁴Yahova ngakukwizika padzaulu pa madzinza yensene, apo ulemerero bwache bumbafika kupitirira mdzaulu.⁵Mbali angalingane na Yahova Mulungu wathu, omwe ana kadera yache padzaulu, ⁶omwe ambabzichepsa yekha kutsulima pansi kunyang'anisa bza mdzaulu na pa dziko lapansi?⁷Iye ambalamusa wakusaya kuchoka mu tsuzu achilamusa wakusaya kuchoka pa thukuta la dotha, ⁸kuti amkhazike pabodzi na akulu, na akulu wa wanthu wache.⁹Ambapa muyi kuna mkazi wakusaya mwana wa mnyumba; ambamchitisa iye kukhala mkazi wakusekera na wana. Lemekezani Yahova!

114¹Pomwe a Isaraeli adabula mu Aigupto, nyumba ya Yakobo kuchopa pa wanthu wakusewera chiseweredwe cha chilendo, ²Yuda adasanduka mbuto yache yakuchena, Isaraeli ufumu bwache.³Nyanza idaona ichithawa; Yorodano adabwerera mmambuyo. ⁴Mapiri yadamogamoga ninga atonde wa mabira, tumapiri tudamogamoga ninga ntchere za mabira.⁵Thangweranyi udathawa, nyanzawe, thangweranyi udabwerera mmambuyo? ⁶Mapirimwe, thangweranyi mudamogamoga ninga atonde wa mabira? Imwe tumapiri tumkiti tumkiti, thangweranyi mudamogamoga ninga tuntchere twa mabira? ⁷Tetemera, dziko lapansi, pamaso pa Mbuya, pamaso pa Mulungu wa Yakobo.⁸Iye adasandusa thanthwe kukhala thawale la madzi, thanthwe lakulimba kukhala lowe wa madzi.

115¹Sikuti kuna ifepano, Yahova, sikuti kuna ife neye, soma ku dzina lanu bweresani ulemu, thangwera chikhulupriro cha mpangano wanu na kukhulupirika kwanu. ²Thangweranyi madzidza yalewe kuti, ''Mulungu wawoyo ali kuponi?''³Mulungu wathu ali kudzaulu; iye ambachita chiricheche ambadekedwa nachocho. ⁴Bzifanizo bza madzinza ni siriva na golide, basa la manja ya wanthu.⁵Bzifanizo bzimwebzo bzina pakamwa, soma bzimbalewalewa lini; bzina maso, soma bzimbaona lini; ⁶bzina makutu, soma bzimbabva lini; bzina mphuno, soma bvimbafwenkheza lini.⁷Bzifanizo bzobzo bzina manja, soma bzimbampsampsadzira lini; bzina nzayo, soma bzimbakwanisa lini kufamba; ayai kusewera na pakamwa pawopo. ⁸Omwe ambabzikonzawo ali ninga bzimwebzo, ninga aliri aliyense wakukhulupirira ibzo.⁹Isaraeli, khulupirira Yahova; iye ni mthandizi wako na chikhotcherero. ¹⁰Nyumba ya Aroni, khulupirira Yahova; iye ni mthandizi wako na chikhotcherero chako. ¹¹Imwe wakugopa Yahova, khulupirirani iye; ni mthandizi wanu na chikhotcherero chanu.¹²Yahova ambatidziwa ife apo amdzatidalisa; amdzadalisa banja la Isaraeli; Iye amdzadalisa banja la Aroni. ¹³Amdzadalisa iwo wakugopa iye, ang'ono na akulu kubodzi. ¹⁴Yahova mbaathumizire kuwanda kwanu kazinjizinji.¹⁵Mudalisiwe na Yahova, omwe adalenga kudzaulu na dziko lapansi. ¹⁶Kudzaulu mkwa Yahova; soma dziko lapansi walipereka kuna wana wa wanthu.¹⁷Wakufa ambalemekeza lini Yahova. ayai aliyense wakupolikira kuli chete; ¹⁸Soma timdzalemekeza yahova, tsapano lino na ku nthawe zense. Lemekezani Yahova!

116¹Nimbakonda Yahova thangwe iye ambabva mafala yangu na makumbiro yangu ya chifundo. ²Thangwe iye adanditetekera ine, nimdzamuchemera iye pense nimkhala ine.³Bzingwe bza imfa bzidandizungulira ine, na bzakuwawa bza Kuthenje bzikundinesa ine; ndidabva ukali na nsisi. ⁴Ndiye ndidachemera pa dzina la Yahova: ''Ndikukukumbirani, Yahova, pulumusani moyo wangu.''⁵Yahova ngwa chifundo na wachilungamo; Mulungu wathu ngwansisi. ⁶Yahova ambakoya wakupusa; ndidalefuka, achindipulumusa ine.⁷Moyo wangu ungakwanise kubwerera kumbuto yache yakukapuma, thangwe Yahova wakhala wabwino kuna ine. ⁸Thangwe mudapulumusa moyo wangu ku imfa, maso yangu ku msozi, na nzayo zangu kwakukhukhumudwa.⁹Nimdzatumikira Yahova mdziko la wa moyo. ¹⁰Ndidamkhulupirira iye, neye pomwe ndidalewa, ''Ndatsautsika maninge. ¹¹''Mu mtsautso mwangu ndidati, ''Wanthu wense mbamagunkha.''¹²Ningampagali tani Yahova pa kukoma mtima kwache kwense kuna ine? ¹³Nimdzadzusa kaneka ya chipulumuso, na kuchemera pa dzina la Yahova. ¹⁴Nimdzakwanirisa bzakupereka bwangu kuna Yahova pamaso pa wanthu wache wense. ¹⁵Ya nsengwa yapatali pamaso pa Yahova ni imfa ya wanthu wakukhulupirira.¹⁶Yahova, chadidi, ndine kapolo wanu; ndine kapolo wanu, mwana wa kapolo wanu mkazi; mwanditsudzula bzakumangira bwangu. ¹⁷Nimdzapereka kuna imwe nsembe yakutenda ndichidzachemera pa dzina la Yahova.¹⁸Nimdzakwanirisa bzakupereka bwangu kuna Yahova pamaso pa wanthu wensene, ¹⁹m'buto zakutongera milandu za nyumba ya Yahova, pakati panu, Yerusalemu. Perekani kutenda kuna Yahova!

117¹Lemekezani Yahova, imwe madzinza mwense; mkwizeni, imwe wanthu mwense. ²Thangwe chikhulupiriro cha mpangano wache mchikulutsa pa ife, apo chikhulupiriro cha Yahova chimkhalisa kwa muyaya. Lemekezani Yahova!

118¹Perekani kutenda kuna Yahova, thangwe ngwabwino, chikhulupiriro cha mpangano wache mchamuyaya. ²Lekani Isaraeli alewe, ''Chikhulupiriro cha mpangano wache mchamuyaya.''³Lekani banja la Aroni lilewe, Chikhulupiriro cha mpangano wache mchamuyaya.'' ⁴Lekani wakutewera wakukhulupirira wa Yahova alewe, ''Chikhulupiriro cha mpangano wache mchamuyaya.⁵Mu mtsautso wangu ndidachemera Yahova; Yahova adanditawira achindiikha m'buto yakupfalaza. ⁶Yahova ali nande; nimdzachita lini mantha; munthu angandichite chani? ⁷Yahova ali ku mabali yangu ninga wakuthandiza wangu; nimdzanyang'ana chakufuna ine pa iwo wakundida.⁸Zjai ndiponi kubisala mwa Yehova kisiyana na kuikha chikhulupiriro mwa munthu. ⁹Nkhasa kubisala mwa Yahova kusiyana na kuyikha chikhulupiriro mwa akulu.¹⁰Madzinza yensene yadandizungulira ine; mdzina la Yahova nimdzawagwatagwata. ¹¹Iwo adandizungulira ine; inde, iwo adandizungulira ine; mdzina la Yahova nimdzawagwatagwata. ¹²Iwo adandizungulira ine ninga nyuchi; iwo kamkulumize alibe kuoneka pomwe ninga moto pakati pa minga; mdzina la Yahova nimdzawagwatagwata.¹³Mudandimenya kundigwesa pansi, soma Yahova adandithandiza. ¹⁴Yahova ndiye mphamvu zangu na chisekerero, apo iye ndiye ambandipulumusa.''¹⁵Kukuwa kwakusekera kwa chipambano kukubveka mmahema ya anyakulungama; boko la madidi la Yahova limbagonjesa. ¹⁶Boko lamadidi l;a Yahova limkwiziwa; boko la madidi la Yahova limbagonjesa.¹⁷Nimdzafa lini ine, soma kukhala na moyo ndichisewera ndibzo Yahova wachita. ¹⁸Yahova wandilanga maninge, soma alibe kundipereka ku imfa.¹⁹Ndifungulireni ine mpitiro wa chilungamo; Nimdzaupita ndichidzapereka kutenda kuna Yahova. ²⁰Uyu ni mpitiro wa Yahova; wakulungama ndiwo ambapita nawo. ²¹Nimdzapereka kutenda kuna imwe, thangwe mudanditawira, apo mwasanduka mpulumusi wangu.²²Mwala ndiwo amisiri wakumanga nyumba adaulamba wasanduka wakufukira maninge. ²³Uku mkuchita kwa Yahova; mchakudabwisa pamaso pathu.²⁴Nsiku iyi ndiyo Yahova adaiyikha; timdzasekera na kudekedwa mwemo. ²⁵Tikukukumbirani, Yahova, pirizi tipeni chipambano! Tikukukumbiranimbo, Yahova, pirizi tipinduliseni!²⁶Wakudala ndiye wakubwera mdzina la Yahova; tikukudalisani kuchokera mnyumba ya Yahova. ²⁷Yahova ndiye Mulungu, apo watipa ife kubvunika; mangani nsembe na bzingwe ku nyanga za guwa la nsembe. ²⁸Ndimwe Mulungu wangu, apo nimdzapereka kutenda kuna imwe; ndimwe Mulungu wangu; nimdzakukwizani.²⁹Oho, perekani kutenda kuna Yahova, thangwe iye ngwabwino, thangwe chikhulupiriro cha mpangano wache mchamuyaya.

119¹Wakudalisika ni wale omwe njira zawo ziribe mphitcha, wakufamba mchitongero cha Yahova. ²Wakudalisika ni wale wakukoya bzakutonga bzache chaibzo, wakupsaga iye na mtima wawo wense.³Iwo ambachita lini chakuphonya; ambafamba mnjira zache. ⁴Mwatitonga ife kukoya malangizo yanu pala kuti tiyatchenkhe mwadidi.⁵Ha, kuti ndikhale wakukhazikika bwino mu mkutchenkha kwa manemba yanu! ⁶Kuti nampodi ndinyazisike pakukumbuka bzakutonga bzanu bzense.⁷Nimdzakupani kutenda na mtima wangu wakuthamuka pomwe nimzindikira mayeruzo yanu yakulungama. ⁸Nimdzateweza manemba yanu; nampodi kundisiya ndekha.⁹Kodi mnyamata angachenese tani mafambidwe yache? Pakubvera mafala yanu. ¹⁰Na mtima wangu wense nimbakupsagani; Nampodi kundileka kutayika ku bzakutonga bzanu.¹⁰¹Ndabweza nzayo zangu mmambuyo ku njira iriyense yakuipa pala kuti ndizindikire mafala yanu. ¹⁰²Ndiribe kutayika ku mayeruzo yanu yakulungama, thangwe mwandipanganiza ine.¹⁰³Ngakukoma tani mafala yanu kuyalawidza, indedi, kutapira kuposa uchi mkamwa mwangu! ¹⁰⁴Kudzera mmalangizo yanu nimbagumana kuzindikira; mthangwerache nimbawengana na njira iriyense yakunama.¹⁰⁵Mafala yanu ni kandiyero ku nzayo zangu na kutoya ku njira yangu. ¹⁰⁶Ndayalumbirira na kuyatsimikiza, kuti nimdzazindikira mayeruzo yanu yakulungama.¹⁰⁷Ndabonera kwene kwene; ndikoyeni na moyo, Yahova, ninga mudalonjezera mmafala yanu. ¹⁰⁸Yahova, pirizi bvumani chakupereka cha ufulu cha pakamwa pangu, na kundipfunzisa mayeruzo yanu yakulungama.¹⁰⁹Moyo wangu uli mmanja mwangu nthawe zensene, soma nimbayebwa lini bzakutonga bzanu. ¹¹⁰Wakuipa anditeyera mulapu, soma ndiribe kutayika ku malangizo yanu.¹¹Ndidayabisa mafala yanu mu mtima mwangu kuti nampodi ndikuphonyereni. ¹²Wakudalisika ndimwe, Yahova; ndipfunziseni manemba yanu.¹¹¹Ndidatambira mayeruzo yanu ya mpangano ninga chakusiiriwa changu cha muyaya, thangwe ndicho chakudekedwa nacho cha moyo wangu. ¹¹²Moyo wangu wayikhiwa pa kubvera manemba yanu ku nthawe zense kufika kuphampha chaiko.¹¹³Nimbawengana na wale wakukhala na mtiwa uwiri, soma nimbakonda chakutonga chanu. ¹¹⁴Ndimwe mbuto yangu yakubisalira na chikhotcherero changu; nimbadikhirira mmafala yanu.¹¹⁵Chokani kuna ine, imwe wakuchita bzakuipa, pala kuti ndizindikire bzakutonga bza Mulungu wangu. ¹¹⁶Mundijirikire na mafala yanu kuti ndikhale na moyo neye kunyazisika mchidikhiiriro changu.¹¹⁷Ndithandizeni ine, apo nimdzakhala wakutetezeka; nimdzakhala ndikudikhirira mmanemba yanu. ¹¹⁸Mumbalamba wense wakutayika mmanemba yanu, thangwe chinyengo chawo mchapezi.¹¹⁹Mumbachosa wanthu wense pa dziko lapansi ninga nkhono; mthangwerache nimbakonda bzakutonga bzangu. ¹²⁰Thupi langu limbatetemera na mantha ya imwe, apo ndina mantha na mayeruzo yanu yakulungama.¹²¹Nimbachita bzomwe mpsadidi na kulungama; nampodi kundisiya ine ku matsautso yangu. ¹²²Mukhale chakuphatira chakudekera mtumiki wanu; nampodi kubvuma wakusamwa kundiboneresa ine.¹²³Maso yangu yaneta pomwe ndiri mkudikhirira chipulumuso chanu na mafala yanu ya chilungamo. ¹²⁴Muonesereni mtumiki wanu chikhulupiriro cha mpangano wanu, na kundipfunzisa ine manemba yanu.¹²⁵Ndine mtumiki wanu; ndipeni ine kubvesesa pala kuti ndidziwe bzakutonga bzanu. ¹²⁶Ni nthawe ya Yahova kuchita chinthu, thangwe wanthu apsa bzakutonga bzanu.¹²⁷Chadidi nimbakonda bzakutonga bzanu kwene kwene kuposa oro, kuposa oro wakusikinya. ¹²⁸Mthangwerache nimbatewera mwakusamala malangizo yanu yensene, ndichiwengana na njira iriyense yakunama.¹²⁹Malamulo yanu ngakudabwisa, mthangwerache nimbayabvera. ¹³⁰Kuthumbudzuka kwa mafala yanu kumbapereka kutoya; kumbapereka kubveseseka kuna wakupusa.¹³Na pakamwa pangu ndafokotozera mayeruzo yanu yense ndiyo mwayazimbula. ¹⁴Nimbasekera mnjira ya mayeruzo ya mpangano wanu kuposa mu vida yense.¹³¹Nimbayachamula pakamwa pangu ndichipuma pepefu pepefu, thangwe nimbapsaga bzakutonga bzanu. ¹³²Ndichungunukireni na kundichitira chifundo, ninga mumbachitira kuna wale omwe ambakonda dzina lanu.¹³³Ndiyendesereni nzayo zangu na mafala yanu; nampodi kubvuma bzakuipa bziribzense kunditonga ine. ¹³⁴Ndilomboleni ine ku mtsautso wa munthu pala kuti ndizindikire malangizo yanu.¹³⁵Lekani nkhope yanu itoye pa mtumiki wanu, na kundipfunzisa ine manemba yanu. ¹³⁶Mikulo ya misozi ikuyerera kuchoka mmaso mwangu thangwe wanthu ambazindikira lini bzitongi bzanu.¹³⁷Ndimwe wachilungamo, Yahova, apo manemba yanu ngabwino. ¹³⁸Mwapereka bzakutonga bzanu mwachilungamo na mwachikhulupiriro.¹³⁹Changu chandidzononga ine thangwe awengi wangu ambayebwa mafala yanu. ¹⁴⁰Mafala yanu yalawidziwa kwene kwene, apo mtumiki wanune nimbayakonda.¹⁴¹Mng'ono ine na wakululisiwa, soma nimbayebwa lini malangizo yanu. ¹⁴²Chilungamo chanu mchakukhalisa ku nthawe zense, na chilamulo chanu mchakukhulupirika.¹⁴³Napo mtsautso na ukali bzandigumana ine, bzakutonga bzanu bzikali bzakundidekera basi ine. ¹⁴⁴Mayeruzo yanu ya mpangano nga chilungamo ku nthawe za nthawe; ndipeni ine kubvesesa kuti ndikhale na moyo.¹⁴⁵Ndidakuwa kulira na mtima wangu wensene, ''Nditawireni ine, Yahova, nimdzakoya manemba yanu. ¹⁴⁶Nimbachemerera kuna imwe; ndipulumuseni ine, apo nimdzazindikira bzakutonga bzanu.''¹⁴⁷Nimbalamuka manyika ya machibese yakanati kuoneka ndichilirira chithandizo. Nimbadikhirira mafala yanu. ¹⁴⁸Maso yangu ngakupenya usiku bukanati kuti buoneke kuchinja pala kuti ndilingirire ku mafala yanu.¹⁴⁹Bvani mafala yangu mchikhulupiriro chanu cha mpangano; ndikoyeni ine na moyo, Yahova, ninga mudalonjezera mmanemba yanu yakulungama. ¹⁵⁰Wale wakundiboneresa ine akufendera kafupi nande, soma ali kutali na bzakutonga bzanu.¹⁵Nimdzalingirira pa malangizo yanu na kukhala tcheru ku njira zanu. ¹⁶Nimbadekedwa na manemba yanu; nimdzayebwa lini mafala yanu.¹⁵¹Muli pafupi, Yahova, apo bzakutonga bzanu bzensene mpsakukhulupirika. ¹⁵²Kalekale ndidapfunza kuchoka mu bzakutonga bzanu kuti mukhadabziikha kale m'buto mwache ku nthawe za nthawe.¹⁵³Nyang'anisani matsautso yangu na kundithandiza, thangwe nimbayebwa lini bzakutonga bzanu. ¹⁵⁴Mundisewerere mulandu wangu na kundilombola; mundikoye na moyo malingana na mafala yanu.¹⁵⁵Chipulumuso chiri kutali na wakuipa, thangwe ambakonda lini manemba yanu. ¹⁵⁶Bzikulu mpsakuchita bzanu bzachifundo, Yahova; mundikoye na moyo, ninga mumbachitira nthawe zense.¹⁵⁷Wakunditsautsa na awengi wangu mbazinji, soma ndiribe kutaya mayeruzo yanu ya mpangano. ¹⁵⁸Nimbaona wakuchita mwakunyengeza ndichinyansidwa nawo thangwe ambakoya lini mafala yanu.¹⁵⁹Onani ndimo nimbakondera malangizo yanu; ndikoyeni na moyo, Yahova, ninga mudalonjezera na chikhulupiriro chanu cha mpangano. ¹⁶⁰Chilewengero cha mafala yanu mchachadidi; yaliyense ya mayeruzo yanu ya mpangano ngakukhalisa ku nthawe za nthawe.¹⁶¹Nduna zidanditeweratewera mwakusaya thangwe, soma mtima wangu wayima mwa mantha kugopa mafala yanu. ¹⁶²Nimbadekedwa na mafala yanu ninga m'bodzi wakugumana bzakupondedzewa bzizinji.¹⁶³Nimbawengana na kunyansidwa na bzakunama, soma nimbakonda bzakutonga bzanu. ¹⁶⁴Kanomwe pa nsiku nimbanamata imwe thangwera mayeruzo yanu yachilungamo.¹⁶⁵Mtendere ukulu iwo anawo, wale wakukonda bzakukonda bzanu; palibe ambakhukhumudwa nacho. ¹⁶⁶Nimbadikhirira chipulumuso chanu, Yahova, ndichibvera bzakutonga bzanu.¹⁶⁷Nimbazindikira bzzakutonga bzanu, ndichibzikonda ibzo kwenekwene. ¹⁶⁸Nimbakoya malangizo yanu na bzakutonga bzanu, thangwe mukudziwa chirichense ndicho nimbachita.¹⁶⁹Tetekerani kulirira chithandizo kwangu, Yahova; ndipeni kubvesesa ku mafala yanu. ¹⁷⁰Kukumbira kwangu mbakukhale pamaso panu; ndithandizeni malingana na mafala yanu.¹⁷Chitirani chifundo kapolo wanune pala kuti ndikhale na moyo ndichikoya mafala yanu. ¹⁸Fungulani maso yangu kuti ndione bzinthu bzakudabwisa mchitongi chanu.¹⁷¹Milomo yangu imbatsanula kutenda, thangwe mumbandipfunzisa manemba yanu. ¹⁷²Lekani lirime langu liyimbe bza mafala yanu, thangwe bzakutonga bzanu bzensene mpsachadidi.¹⁷³Boko lanu lindithandize ine, nakuti ndasankhula malangizo yanu. ¹⁷⁴Nimbapsaga kupulumusiwa namwe, Yahova, apo nimbadekedwa na bzakutonga bzanu.¹⁷⁵Mbandikhale na moyo ndinamate imwe, apo mayeruzo yanu ya chilungamo yandithandize. ¹⁷⁶Ndadzungaira kusochera ninga bira wakutayika; psagani mtumiki wanu, thangwe ndiribe kuyebwa bzakutonga bzanu.¹⁹Ndine mlendo pa dziko lapansi; nampodi kundibisira bzakutonga bzangu. ²⁰Bzakukhumba bzangu bzadzonongeka na kukhumba kudziwa mayeruzo yanu yakulungama nthawe zense.²¹Mumbatsimula wa madumwa, wakutembereriwa, wakudzungaira mu bzakutonga bwanu. ²²Ndichosereni chitonzo na chipepulo, thangwe ndabvera bzakutonga bzanu.²³Napo atongi ambandipangana na kundisasatira, kapolo wanune nimbalingirira basi pa manemba yanu. ²⁴Bzakutonga bzanu ndiye bzakudekedwa nabzo ine, apo ndibzo bzakundipa nzeru.²⁵Moyo wangu ukungingimira ku pfumbi! Ndipeni moyo na mafala yanu. ²⁶Ndidakuuzani ine njira zangu, apo mudanditawira; ndipfunziseni ine manemba yanu.²⁷Ndichitiseni ine kubvesesa njira za malangizo yanu, kuti ndilingirire pa mapfunziso yanu yakudabwisa. ²⁸Ndadzaliwa na nsisi! Ndilimbikiseni ine na mafala yanu.²⁹Mundichosere njira za chinyengo; mwachifundo ndipfunziseni bzakutonga bzanu. ³⁰Ndasankhula njira ya chikhulupiriro; ndakoya mayeruzo yanu yakulungama nthawe zense pamaso pangu.³¹Ndaphatamira ku mayeruzo yanu ya mpangano; Yahova, nampodi kundileka ndichite manyazi. ³²Nimdzatembenukira mnjira ya bzakutonga bzanu, thangwe mumbakuza mtima wangu kuchita tenepoyoko.³³Ndipfunziseni ine, Yahova, njira ya manemba yanu, apo nimdzayakoya kufikizana kuphampha. ³⁴Ndipeni kubvesesa, apo nimdzakoya bzakutonga bzanu; ndichidzabziteweza ibzo na mtima wangu wense.³⁵Nditsogolereni mnjira ya bzakutonga bzanu, thangwe nimbadekedwa kufamba mwemo. ³⁶Gonyoleserani mtima wangu ku mayeruzo yanu ya mpangano na kutali kwa kuphindula kwakusaya nako kulungama.³⁷Bwezani maso yangu kwa kunyang;anisa bzinthu bza pezi pezi; ndibwezereseni ku njira zanu. ³⁸Limbisirani mtumiki wanu mafala ndiyo mudapa iwo wakubzipereka kuna imwe.³⁹Mu ndipambusire manyazi niyagopayo, thangwe mayeruzo yanu ngabwino. ⁴⁰Onani, ndapsaga malangizo yanu; ndibwezereseni ine mchilungamo chanu.⁴¹Yahova, ndipeni ine chikondi chanu chakusaya kutaziracho-- chipulumuso chanu, malingana na mafala yanu; ⁴²ndiye nimdzakhala na chakumtawira wakunditonzayo, thangwe nimbakhulupirira mafala yanu.⁴³Nampodi kutenga mafala ya chadidi kuchoka mkamwa mwangu, thangwe chikhulupiriro changu chiri mmayeruzo yanu. ⁴⁴Nimdzateweza bzakutonga bzanu mwakupitirira, ku nthawe za nthawe.⁴⁵Nimdzafamwa mwaufulu, thangwe nimbapsaga malangizo yanu. ⁴⁶Nimdzasewera bza bzitongi bzanu pamaso pa mafumu apo nimdzachita lini manyazi.⁴⁷Nimbadekedwa na bzakutonga bzanu, ndibzo nimbabzikonda. ⁴⁸Nimdzadzusa manja yangu ku bzakutonga bzanu, ndibzo nimbabzikonda; nimdzalingirira pa manemba yanu.⁴⁹Kumbukirani mafala yanu kuna mtumiki wanune thangwe mwandipa chidikhiriro. ⁵⁰Uku mkundinyamaliza ku matsautso yangu: kuti mafala yanu yandikhazika ine wa moyo.⁵¹Wakusamwa andinyogodola ine, soma ndiribe kutaya bzakutonga bzanu. ⁵²Ndakumbuka bza mayeruzo yanu yachilungamo kuchoka kalekaletsa, Yahova, apo nimbabzinyamaliza ndekha.⁵³Ukali bzakupsa bwandiphata ine thangwera wakuipa omwe ambalamba bzakutonga bzanu. ⁵⁴Manemba yanu yakhala bzimbo bzangu mnyumba mwa ulendo bwangu.⁵⁵Nimbakumbuka bza dzina lanu mkati mwa usiku, Yahova, apo nimbakoya bzakutonga bzanu. ⁵⁶Ichi chasanduka msambo wangu thangwe ndazindikira malangizo yanu.⁵⁷Yahova ni mbali yangu; ndidati nmdzakoya mafala yanu. ⁵⁸Nimbakumbira mwa nyongo udidi banu na mtima wangu wense; khalani wa chifundo kuna ine malingana na mafala yanu.⁵⁹Ndidayeza njira zangu ndichichungunusira nzayo zangu kuna bzakutonga bza imwe. ⁶⁰Nimbakulumiza neye kuchedwa kukoya bzakutonga bzanu.⁶¹Bzingwe bza wakuipa bzandimanga ine; ndiribe kuyebwa bzakutonga bzanu. ⁶²Pakati pa usiku nimbalamuka kupereka kutenda kuna imwe thangwera mayeruzo yanu yakulungama.⁶³Ndine mwayawo wa wense wakulemekeza imwe, kuna wense wakuzindikira malangizo yanu. ⁶⁴Dziko lapansi, Yahova, ndakudzala na chikhulupiriro chanu cha mpangano; ndipfunziseni ine manemba yanu.⁶⁵Mwachitira bzabwino mtumiki wanu, Yahova, na mafala yanu. ⁶⁶Ndipfunziseni ine kuzindikira kwabwino kwa kubvesesa, thangwe ndakhulupirira bzakutonga bzanu.⁶⁷Pomwe ndikhanati kuboneresiwa ndidasochera, soma tsapano lino ndazindikira mafala yanu. ⁶⁸Ndimwe wabwino, apo ndimwe omwe mumbachita bzabwino; ndipfunziseni ine manemba yanu.⁶⁹Wakununkhidwa andipalanga ine magunkha, soma nimbakoya malangizo yanu na mtima wangu wense. ⁷⁰Mitima yawo yauma, soma nimbadekedwa mu bzitongi bzanu.⁷¹Mpsabwino kuna ine kuti ndatsautsika kuti ndipfunzire manemba yanu. ⁷²Malangizo kuchoka pakamwa panu nga nsengwa yapatali kuna ine kuposa bzulu na bzulu bza oro na siriva.⁷³Manja yanu yadandiumba yachindilenga; ndipeni kubvesesa pala kuti ndipfunzire bzakutonga bzanu. ⁷⁴Wale wakulemekeza imwe amdzadekedwa angadzandiona ine thangwe nimbagumana chidikhiriro mmafala yanu.⁷⁵Ndikudziwa, Yahova, kuti manemba yanu ngadidi, na kuti mchikhulupiriro mudanditsautsa ine. ⁷⁶Lekani chikhulupiriro cha mpangano wanu chindinyamalize ine, malingana na mafala yanu kuna mtumiki wanu.⁷⁷Ndionesereni nsisi pala kuti ndikhale na moyo, thangwe bzakutonga bzanu ndiye chakudekedwa nacho ine. ⁷⁸Lekani wakusamwa achite manyazi, thangwe andisasatira ine; soma nimdzalingirira pa malangizo yanu.⁷⁹Iwo wakulemekeza imwe achungunukire kuna ine, iwo wakudziwa bzakutonga bzanu. ⁸⁰Mtima wangu mbaukhale wakusaya mathangwe na wakulemekeza manemba yanu pala kuti nampodi ndinyazisike..⁸¹Nimbakomoka na kukhumba kuti mundipulumuse! Nimbadikhirira mmafala yanu. ⁸²Maso yangu yamala mphamvu na kukhumba mafala yanu; kodi mumdzandinyamaliza liti?⁸³Thangwe ndakhala ninga chikasi cha vinyu mu utsi; nimbayebwa lini manemba yanu. ⁸⁴Kufikizana liti mtumiki wanu apirire bzobzi; mumdzayeruza liti wale wakunditeweratewera?⁸⁵Wamadumwa andicherera dindi, kunyozera bzakutonga bzanu. ⁸⁶Bzakutonga bzanu bzense mpsakudalirika; wanthu amwewo ambanditeweratewera mwakuphonyeka; nditahndizeni ine.⁸⁷Iwo asala pang'ono kundimaliza pa dziko lapansi, soma nimbataya lini malangizo yanu. ⁸⁸Na chikondi chanu, ndikoyeni ine na moyo, pala kuti ndibvere bzakutonga bzanu bzomwe bzimbachoka pakamwa panu.⁸⁹Yahova, mafala yanu yali yachikhalire; mafala yanu ngakukhazikika mdzaulu. ⁹⁰Chikhulupiriro chanu mchakukhalisa mmibwado yensene; mwakhazikisa dziko lapansi, lichikhalisa.⁹¹Bzinthu bzensene bzikupitirira basi kufikizana lero lino, ninga mudalewera mmayeruzo yanu yakulungama, ⁹²thangwe bzinthu bzensene mpsakutumikira bzanu. Chingadakhala chitongi chanu chiribe kundidekera, ningadanyembereka mmatsautso yangu.⁹³Nimbayebwa lini malangizo yanu, thangwe kudzera mwa yamweyo mwandikoya ine na moyo. ⁹⁴Ndine wanu; ndipulumuseni, thangwe nimbapsaga malangizo yanu.⁹⁵Wakuipa akonzeka kundidzononga ine, soma nimdzapsaga kubvesesa bzakutonga bzanu. ⁹⁶Ubwino bwense ndabuona buna malekezero; soma bzakutonga bzanu mbwakupitirira kupamphazika.⁹⁷Ha nimbakondadi chitongi chanu! Mchakulingirir acha ngu cha nsiku yense yamtero. ⁹⁸Bzakutonga bzanu bzimbandipa nzeru kuposana na awengi wangu, thangwe bzakutonga bzanu bziri na ine nthawe zense.⁹⁹Ndina kubvesesa kukulu kuposa apfunzisi wangu wensene, thangwe nimbalingirira pa mayeruzo ya mpangano wanu. ¹⁰⁰Nimbabvesesa kukulu kuposa akulu akulu wakuposa ine; ibzi mthangwera kuti ndakoya malangizo yanu.

12¹Pulumusani, Yahova, nakuti wakukhulupirika akuoneka lini; wakukhulupirika akuoneka lini mmaso mwa wana wa wanthu.²Aliyense akusewera mafala yapezipezi kuna mwayache; aliyense akusewera na milomo yakusasata na mitima miwiri. ³Yahova, gwatani milomo yense yakusasata, lirime lirilense lakuthemba bzinthu bzikulutsa. ⁴Awa ni wale omwe adati, ''Na malirime yathu timdzapambana. Milomo yathu ingasewera, mbani angakhale mbuyathu?''⁵Thangwera phirinyu kulimbana na wakusaya, thangwera kung'ung'udza kwa wakusaya, nimdzalamuka,'' watenepo Yahova. ''Nimdzapereka chikhotcherero ndicho iwo ambakhumba.''⁶Mafala ya Yahova ngachadidi, ninga siriva wakusungunuliwa mu ng'anjo pa dziko lapansi, wakukonziwa kanomwe. ⁷Ndimwe Yahova! Mumbawakoya. Mumbakhotcherera m'bwado uno nthawe zensene. ⁸Wakuipa ambafamba mbali iriyense pomwe chakuipa chakwiziwa pakati pa wana wa wanthu.

120¹Mmatsautso yangu ndidachemera Yahova, achinditawira. ²Pulumusani moyo wangu, Yahova, kuna wale wakunama na milomo yawo achinyengeza na malirime yawo.³Iye amdzakulangani tani, apo amdzachita chiyani pomwe kuna imwe, imwe omwe muna lirime lakunamira? ⁴Iye amdzakulangani imwepo na mapsimo ya nyankhondo yakunozewa pa masimbe yakugaka ya muti wa mtsanya.⁵Tsoka ndine thangwe nimbakhala mwakutondo kudikhirira mu Meseke; Ndidakhala pakutoma pakati pa mahema ya Kedara. ⁶Kwa nthawe itali ndakhala na wale wakuwengana na mtendere. ⁷Ndine wa mtendere, soma ningasewera, iwo mba nkhondo.

121¹Nimdzakwiza maso yangu ku mapiri. Chithandizo changu chimdzachokera kuponi? ²Chithandizo changu chimbachokera kuna Yahova, omwe adalenga kudzaulu na dziko lapansi.³Iye amdzabvuma lini nzayo zanu kuphuzunyuka; iye wakuteteza imwe ammdzaodzira lini. ⁴Onani, mulindiri wa Isaraeli ambaodzira lini ayai kugona.⁵Yahova ndiye mulindiri wanu; Yahova ni mthunzi ku boko lanu lamadidi. ⁶Dzuwa limdzakubvulani lini masikati, ayai mwezi usiku.⁷Yahova amdzakutchenkhani ku bzakuipa bzense, apo iye amdzateteza moyo wanu. ⁸Yahova amdzakutetezani mu bzense mukuchita tsapano lino na ku nthawe zense.

122¹Ndikhali wakudekedwa pomwe iwo adati kuna ine, ''Mbatiye ku nyumba ya Yahova.'' ²Yerusalemu, nzayo zathu zaima mmisuwo yanu! ³Yerusalemu, adamanga mzinda wakukonzedwa bwino!⁴Madzinza yambayenda kukwira ku Yerusalemu--madzinza ya Yahova-- ninga mboni za Isaraeli, kukapereka kutenda ku dzina la Yahova. ⁵Kumweko makadera yachifumu yadatsitikiziwa, makadera yachifumu ya nyumba ya Davide.⁶Pembani mtendere wa Yerusalemu! ''Wakukonda imwe mbaakhale pam'derekho. ⁷Mbamukhale mtendere m'bzinyumba kukukhotchererani, apo mbapakhale mtendere na malitsito yanu.''⁸Pala ubwino bwa abale wangu na anzangu nimdzati, ''Mbapakhale mtendere namwe.'' ⁹Pala ubwino bwa nyumba ya Yahova Mulungu wathu, nimdzakupsagirani udidi.

123¹Kuna imwe nimkwiza maso yangu, imwe wakukhala na kadera yachifumu mdzaulu. ²Onani, ninga ndimo maso ya akapolo yambanyang'anira ku boko la mbuyawo, ninga maso ya kapolo wachitsikana yambanyang'anira ku boko la mbuyache wachikazi, mtenepeyombo ndimo maso yathu yambanyang'anira Mulungu wathu kufikizana iye kuchita nafe nsisi.³Tichitireni chifundo ife, Yahova, tichitireni chifundo, thangwe tadzaziwa na chipepuko. ⁴Tiri wakukhuta maninge na kunyoza kwa wakusaya kusaya chinthu na mnyozo wa wakusamwa.

124¹''Achikhala Yahova akhali lini ku mbali yathu,'' Isaraeli alewe tsapano, ²''achikhala ni Yahova lini akhali ku mbali yathuyo pomwe wanthu adatigandukirapo, ³ndiye iwo angadatikhudyula wamoyo pomwe ukali bwawo budatigakira.⁴Madzi yangadatikokonola; nkhwenkhwe ingadatimiza ife. ⁵Ndiye madzi yakubzikuza yangadatimiza.''⁶Wakudala ni Yahova, omwe alibe kutibvuma kukhadzuliwa na mano yawo. ⁷Tathawa ninga mbalame kuchoka mu ukhulira bwa akasadolo; ukhulira bwa bwedzeka, apo tathawa.⁸Chithandizo chathu chiri mdzina la Yahova, omwe adalenga kudzaulu na dziko lapansi.

125¹Iwo wakukhulupirira Yahova ali ninga Phiri la Ziyoni, wakusaya kutekenyeka, wakupirira ku nthawe za nthawe. ²Ninga ndimo mapiri yadazungulirira Yerusalemu, ndimombo Yahova wazungulirira wanthu wache tsapano lino na ku nthawe zense. ³Mpsimbo yachifumu ya chakuipa nampodi itonge mgawo la wakulungama. Kusaya apo wakulungama angachite chakuipa.⁴Chitani bzabwino, Yahova, kuna wale wabwino na kuna iwo wakulungama mmitima yawo. ⁵Soma angakhala iwo wakupambuka m'bali ku njira zawo zakugonyokagonyoka, Yahova amdzawabulisa pabodzi na wale wakuchita chakuipa. Mtendere mbaukhale pa Isaraeli.

126¹Pomwe Yahova adabweza ukapolo bwa Ziyoni, tikhali ninga wanthu wakulota.²Ndiye milomo yathu idadzala na msobwe na malirime yathu na kukuwa kwa kusekera. Ndiye iwo adati pakati pa madzinza, ''Yahova waachitira iwo bzinthu bzikulutsa.'' ³Yahova adatichitira bzinthu bzikulu; tikhali wakusekera tani!⁴Bzezani ukapolo bwathu, Yahova, ninga mikulo mu Negevi. ⁵Iwo wakubvikiwa misozi amdzamoga na kukuwa kwa kusekera. ⁶Iye wakubula panja akulira, atatakula mbewu yakukabzala, amdzabwerera pomwe na kukuwa kwa kusekera, kubweresa mphuthu zache za tirigu.

127¹Angasaya kumanga nyumba Yahova, wakuimanga aniiphatisa basa pa pezi. Angasaya kukoya muyi Yahova, mulindiri aniima kulindira papezi. ²Mpsakusaya basa imwe kulamuka mwakubesera, mkubwerera pamuyi mwakuchedwa, ayai kudya mkate wakuphatira basa lakubonera nalo, thangwe Yahova ambapa kuna wakukondeka wache iwo angambagona.³Onani, wana ni chakutambira cha kwa Yahova, apo chipaso cha mmimba ni mfupo yakuchoka kuna iye. ⁴Ninga mapsimo mmanja mwa nyankhondo, mtenepoyombo wana wachinyamata. ⁵Ngwakudalisika tani munthu omwe ana chikhomfa chakudzala na iyo. Iye amdzanyazisika lini pakudzanyamaliza awengi wache mmisuwo.

128¹Wakudala ni aliyense wakulemekeza Yahova, wakufamba mnjira zache. ²Basa la manja yanu mumdzadekedwa; mumdzadalisika muchipambana.³Mkazanu amdzakhala ninga mpesa wakubala chipaso mnyumba mwanu; wananu amdzakhala ninga bzakumera bza azitona angakhala kuzungulira meza yanu. ⁴Inde, chadidi, munthu amdzadalisika wakulemekeza Yahova. ⁵Yahova mbaakudaleseni kuchoka ku Ziyoni; muone vida ya Yerusalemu nsiku zensene za moyo wanu. ⁶Mukhale na moyo kudzaona wana wa wana wanu. Mtendere mbaukhale pa Isaraeli.

129¹''Kuyambira ubwana bwangu iwo akhala akumbandimenya,'' Isaraeli mbaalewe. ²''Kuyambira pa ubwana bwangu iwo akhala akumbandimenya, soma alibe kundigonjesa. ³Wakugaula adagaula pa msana pangu; iwo adatalimphisa ngalande zawo.⁴Yahova ngwachilungamo; wabwedza bzingwe bza wakuipa.'' ⁵Wense mbaachite manyazi achibwerera, iwo wakuwengana na Ziyoni.⁶Iwo mbaakhale ninga uswa padzaulu pa nyumba bomwe bumbafota bukanati kukula, ⁷bomwe bungadzale lini mmanja mwa wakumweta ayai kadedema wa iye wakumanga mphuthu za tirigu pabodzi. ⁸Wakugwata na njira nampodi alewe kuti, ''Madaliso ya Yahova yakhale pa iwe; tikukudalisa mdzina la Yahova.''

13¹Ate liti, Yahova, mumdzakhala muchindiyebwa basi? Ate kalekale? Mumdzandimpsinkhira nkhope yanu kufikira liti? ²Kufikira liti kuti ndikale na thupo na kuwawidwa mtima wangu nsiku zense? Muwengi wangu amdzandiukira kufikira liti?³Nyang'anani ine munditawire, Yahova Mulungu wangu! Ndipeni kuwala mmaso mwangu, ayai ningagone mu imfa. ⁴Nampodi kubvuma muwengi wangu alewe, '' ndamgonjesa,'' pala kuti muwengi wangu nampodi ati, ''Ndapambana pa bzakuchita bzangu''; apo neye, mdani wangu amdzasekera ningadzagwesiwa pansi.⁵Soma ndakhulupirira mu chikhulupiriro cha mpangano wanu; mtima wangu ukusekera mu chipulumuso chanu. ⁶Nimdzayimbira Yahova thangwe wandichitira bzakudeka.

130¹Kuchoka mmadindi nilirira imwe, Yahova. ²Mbuya, bverani kulira kwangu; lekani makutu yanu yakhale tcheru ku kulira kwangu pala chifundo.³Penu imwe, Yahova, muninemba bzakuphonya, Mbuya, mbani amdzaima? ⁴Soma pana chilekerero na imwe, kuti mulemekeziwe.⁵Nimbadikhira Yahova, moyo wangu ukudikhirira, apo mmafala yache nimbadikhirira. ⁶Moyo wangu umbadikhirira Yahova kuposa ndimo mulindiri ambadikhiririra kuchena.⁷Isaraeli, dikhirirani mwa Yahova. Yahova ngwachifundo, apo na iye mchipulumuso chikulu. ⁸Ndiye omwe amdzalombola Isaraeli ku bzakuipa bzache bzense.

131¹Yahova, mtima wangu ukunyadira lini ayai maso yangu (kuthemera.....). Ndiribe chidikhiriro chikulu cha ine ndekha ayai kuthemesa ndekha na bzinthu bzakuposa ine.²Chadidi ndadekhesa na kunyamaliza moyo wangu; ninga mwana wakuleredwa. ³Isaraeli, khala na chidikhiriro mwa Yahova tsapano na ku nthawe zense.

132¹Yahova, thangwera Davide kumbukirani matsautso yache yense. ²Kumbukirani ndimo iye adalumbirira kuna Yahova, ndimo iye adalonjezera kuna Mkulukulu wa Yakobo.³Iye adati, ''Nimdzapita mchihema cha nyumba yangu ayai pakama pangu. ⁴Nimdzapereka lini kugona kuna maso yangu ayai kupumisa bzikope bzangu ⁵kufikizana nditagumana mbuto ya Yahova, mbuto yakupambulika ya Mkulukulu wa Yakobo.⁸Onani, tidabva bza icho mu Efarata; tidachigumana mmunda wa Yara. ⁶Timdzayenda m'buto yakupambuli9ka ya Yahova; timdzanamata pakuponda nzayo zache. ⁷Lamukani, Yahova, kumbuto yakuponda nzayo zanu, imwe na likasa la mphamvu yanu!⁹Wansembe wanu abvazikiwa na ulemerero; wakukhulupirika wanu akuwekuwe na kusekerera. ¹⁰Thangwera mtumiki wanu Davide, nampodi kuchoka pana mfumu yanu yakudzozewa.¹¹Yahova adalumbirira lumbiriro la chadidi kuna Davide, lumbiriro la chadidi ndilo limdzapseka lini: ''Nimdzaikha m'bodzi wambeu yako pa kadera yako ya ufumu. ¹²Penu wana wako anikoya mpangano wangu na bzakutonga ndibzo nimdzawapfunzisa, wana wawo pomwe amdzakhala pa kadera yako ya ufumu ku nthawe za nthawe.''¹³Mchadidi Yahova wasankhula Ziyoni, iye waukonda iwo pala kadera yache. ¹⁴''Iyi ni mbuto yangu yakupumira ku nthawe za nthawe. Nimdzakhala muno, thangwe ndimbamukonda.¹⁵Nimdzaudalisa maninge na bzakuupa. Nimdzakhutisa wakusaya wache na mkate. ¹⁶Nimdzabvazika wansembe wache na chipulumuso, wakukhulupirika wache amdzakuwakuwa na chisekerero.¹⁷Mwemo nimdzaphukisa nyanga ya Davide na kuikha kandiyero pala wakudzozewa wangu. ¹⁸Nimdzabvazika awengi wache na manyazi, soma pa iye korona wache amdzabvunika.''

133¹Onani, ndimo bziriri bwino na kudeka abale kukhalira pabodzi!²Chiri ninga mafuta yabwino pa msolo kuyererera ku ndebvu-- ndebvu za Aroni, kinangoko yachiyererera pa kolala ya mikanjo yache. ³Yali ninga mame ya Heremoni yomwe yambajoja pa mapiri ya Ziyoni. Thangwe kumweko Yahova adatonga mdaliso-- moyo ku nthawe za nthawe.

134¹Bwerani, dalisani Yahova, akapolo wanu wensene wa Yahova, imwe omwe mumbatumikira nthawe ya usiku mnyumba ya Yahova. ²Dzusirani manja yanu ku mbuto yakuchena mudalise Yahova.³Yahova mbaakudaliseni kuchoka ku Ziyoni, iye omwe adalenga kudzaulu na dziko lapansi.

135¹Lemekezani Yahova! Lemekezani dzina la Yahova. Mulemekezeni iye, ²imwe atumiki wa Yahova, imwe wakuima mnyumba ya Yahova, m'buto ya kunyumba ya Mulungu wathu.³Lemekezani Yahova, thangwe iye ngwabwino; imbani malemekezo ku dzina lache, thangwe mpsabwino kuchita tenepo. Thangwe Yahova wasankhula Yakobo pala iye mwene, ⁴Isaraeli ninga chakutambira chache chache.⁵Ndikudziwa kuti Yahova ni mkulu, kuti Mbuyathu ali padzaulu kuposa milungu yense. ⁶Chirichense Yahova amfunacho, ambachita mdzaulu, pa dziko lapansi, mnyanza na pansi pa nyanza.⁷Iye ambabweresa mitambo kuchokera kutali, mkuchitisa kupenya kusangana na mvula achibweresa chonzi kuchokera mnyumba yache yakukoyera.⁸Iye adapha wakutoma kubadwa mu Aigupto, kuyambira wanthu na bzifuwo kubodzi. ⁹Adatumiza bzilatizo na bzakudabwisa pakati pako, Aigupto, kugazana na Falawo na wakumtumikira wache wensene.¹⁰Adamenya madzinza mazinji achipha mafumu ya mphamvu, ¹¹Sihoni mfumu ya Amori na Ogi mfumu ya Basana na maufumu yense ya mu Kanani.¹²Adatipa ife dziko lache kukhala chakutambira, chakutambira kuna a Isaraeli wanthu wache. ¹³Dzina lanu, Yahova, ndakukhalisa ku nthawe za nthawe; chikumbukiro chanu, Yahova, chimfikira mibwado na mibwado. ¹⁴Nakuti Yahova ambateteza wanthu wache apo ana nsisi pa wakumtumikira wache.¹⁵Mafano ya madzinza ni siriva na golide, basa la manja ya wanthu. ¹⁶Mafano yamweyo yana pakamwa, soma yambasewera lini; yana maso, soma yambaona lini; ¹⁷yana makutu, soma yambabva lini, ayai muna mphuye mkamwa mwa iyo. ¹⁸Iwo wakuyakonza ayo ali ninga iyo, ninga alirimbo aliyense wakuyakhulupirira.¹⁹Wa mbewu ya Isaraeli, lemekezani Yahova; wa mbewu ya Aroni, lemekezani Yahova. ²⁰Wa mbewu ya Levi, lemekezani Yahova; imwe wakugopa Yahova, lemekezani Yahova. ²¹Alemekezeke Yahova mu Ziyoni, iye wakukhala mu Yerusalemu. Lemekezani Yahova.

136¹Perekani kutenda kuna Yahova, thangwe iye ngwabwino. (Mpangano wache wachikhulupiriro ngwakukhalisa kwa muyaya.) ²Perekani kutenda kuna Mulungu wa milungu. (Mpangano wa chikhulupiriro chache ngwakukhalisa kwa muyaya.) ³Perekani kutenda kuna Mbuya wa ambuya; (Mpangano wa chikhulupiriro chache mchakukhalisa kwa muyaya.)⁴kuna iye omwe ni yekhayo amabchita bakudabwisa bzikulu; (Mpangano wache wachilkhulupiriro ngwakukhalisa muyaya.) ⁵kuna iye omwe na nzeru adalenga kudzaulu; ( Mpanganao wa chikhulupiriro chache ngwakukhalisa kwa muyaya.)⁶kuna iye omwe adatandika dziko lapansi padzaulu pa madzi; (Mpangano wa chikhulupiriro chache ngwakukhalis kwa muyaya.) ⁷kuna iye omwe adakonza bzakutoya bzikulu; (Mpangano wa chikhulupiriro chache ngwakukhalisa muyaya.)⁸kuna iye omwe adapereka dzuwa kutonga masikati, (Chikhulupiriro cha mpangano wache mchakukhalisa kwa muyaya.) ⁹mwezi na nyenyezi kutonga usiku; (Chikhulupiriro cha mpangano wache mchakukhalisa kwa muyaya.)¹⁰kuna iye omwe adapha bzakutoma kubaliwa mu Aigupto (Mpangano wa chikhulupiriro chache ukhalise kwa muyaya.) ¹¹na kubulisa kunja a Isaraeli pakati pawo (Mpangano wa chikhulupiriro chache umkhalisa kwa muyaya.) ¹²na manja ya mphamvu na boko lakudzusa; (Mpangano wa chikhulupiriro chache umkhalisa kwa muyaya.)¹³kuna iye omwe adagawa Nyanza Ifwira (Mpangano wa chikhulupiriro chache umkalisa kwa muyaya.) ¹⁴achichita a Isaraeli kugwata na pakatipo, (Mpangano wa chikhulupiriro chache umkhalisa kwa muyaya.) ¹⁵soma adakhuthula Falawo na thimu lache Mnyanza Ifwira; (Mpangano wa chikhulupiriro chache ukhalise kwa muyaya.)¹⁶kuna iye omwe adatsogolera wanthu kudzera mchipululu; (Mpangano wa chikhulupiriro chache umkhalisa kwa muyaya.) ¹⁷kuna iye omwe adapha mafumu makulu; (Mpangano wa chikhulupiriro chache umkhalisa kwa muyaya.)¹⁸kuna iye omwe adapha mafumu yakubvekera, (Mpangano wa chikhulupiriro chache umkhalisa kwa muyaya.) ¹⁹Sihoni mfumu ya Amori (Mpangano wa chikhulupiriro chache umkhalisa kwa muyaya.) ²⁰na Ogi mfumu ya Basana; (Mpangano wa chkhulupiriro chache umkhalisa kwa muyaya.)²¹kuna iye omwe adapa dziko lawo kukhala chakutambira, (Mpangano wa chikhulupiriro chache umkhalisa kwa muyaya.) ²²chakutambira kuna Isaraeli kapolo wache.) ²³kuna iye omwe adatikumbukira achitithandiza mkupepusiwa kwathu; (Mpangano wa chikhulupiriro chache umkhalisa kwa muyaya.)²⁴kuna iye omwe watipulumusa ife kuna awengi wathu, (Mpangano wa chikhulupiriro chache umkhalisa kwa muyaya.) ²⁵omwe ambapa chakudya kuna bzinthu bzense bza moyo. (Mpangano wa chikhulupiriro chacheumkhalisa kwa muyaya.) ²⁶Perekani kutenda kuna Mulungu wa kudzaulu. (Mpangano wa chikhulupiriro chache umkhalisa kwa muyaya.)

137¹M'bali mwa mikulo ya ku Babulo tidakhala pansi tichilira pomwe tidakumbukira bza Ziyoni. ²Pamwepo pa miti ya msondozi pakati ya iwo tidamanika azeze wathu.³Pamwepo wakutiphatawo adafuna bzimbo kuchoka kuna ife, na iwo omwe adatiboneresa adafuna chisekerero kuchoka kuna ife, kulewa, ''Tiyimbireni chimbo chibodzi cha mu Ziyoni.'' ⁴Tingadayimba tani chimbo cha Yahova mdziko lachilendo?⁵Ningalamba chikumbukiro chnu, Yerusalemu, leka boko langu lamadidi liyebwe luso lache. ⁶Lekani lirime langu liphathirire kudzaulu kwa mkamwa mwangu penu tikumbukira lini pomwe bwa imwe, penu nimkonda lini Yerusalemu kuposa bzakudekedwa nabzo ine bzikulu.⁷Kumbukirani, Yahova, bzomwe a Edomu adachita pa nsiku Yerusalemu adagwa. Iwo adati, ''Ugweseni ugwe, ugweseni kufika mmaziko yache.''⁸Azimayi wa ku Babulo, tsampanopa kudzonongewa-- munthu adalisiwe, omwe amkubwezerani bzomwe mwatichitira ife. ⁹Munthu adalisike, omwe amtenga achimenyesera wana wanu ang'ono kuminyala.

138¹Nimdzapereka kutenda kwangu na mtima wangu wense; pamaso pa milungu nimdzayimba malemekezo kuna imwe. ²Nimdzakotamira ku kachisi wanu wakuchena ndichipereka kutenda ku dzina lanu thangwe mpangano wa chikhulupiriro chanu na makhulupiriridwe yanu. Mwachita mafala yanu na dzina lanu kukhala lakufunikira maninge kuposa chirichense.³Pa nsiku ndiyo ndidakuchemerani, mudanditawira; mudandilimbisa na mphamvu mmoyo mwangu. ⁴Mfumu yensene ya dziko lapansi yambapereka kutenda kuna imwe, Yahova, thangwe yamdzabva mafala yakuchoka pakamwa panu.⁵Chadidi, iwo amdzayimba bzichito bza Yahova, thangwe bukulu ni ulemerero bwa Yahova. ⁶Nakuti napo Yahova ngwakukwizika, soma ambatchenkha wakuchepseka, soma wakusamwa ambamdziwira na patali.⁷Napo nimbafamba pakati pa matsautso, mumdzakoya moyo wangu; mumdzapalawiza na boko lanu lamadidi kugazana na ukali bwa awengi wangu, apo boko lanu lamadidi limdzandilombola ine. ⁸Yahova ali nande kufikizana kuphampha; mpangano wa chikhulupiriro chanu, Yahova, yamkhalisa kwa muyaya. Nampodi kuleka mabasa ya manja yanu.

139¹Yahova, mwandipima ine, apo mumndidziwa. ²Mukundidziwa pakukhala pansi na pakulamuka; mumbabvesesa bzakukumbuka bzangu kuchoka patali.³Mumbazindikira njira yangu na pakugona pangu; mumbadziwa njira zangu zense. ⁴Thangwe pakanati kukhala mafala pa lirime langu, mukudziwa kale bwino bwino, Yahova. ⁵Kumbuyo kwangu na kutsogolo kwangu mwandizungulira na kuyikha boko lanu pa ine. ⁶Kudziwa kumweko mkwakunesa kuna ine, mkukulutsa, apo ningakufikire lini.⁷Ningayende kuponi kuchoka pa Mzimu wanu? Ningathawire kuponi kuchoka pamaso panu? ⁸Ndichikwira kudzaulu, muli koko; ndichiyikha kama wangu ku Thenje, onani, muli koko.⁹Ndichimbuluka na maphapidwe na machibesebese mkuyenda kukambutha pakati pa nyanza, ¹⁰neye koko boko lanu limdzanditsogolera basi, boko lanu lamadidi limdzandiphatirira.¹¹Ndichiti, ''Chadidi m'dima umdzandigugudiza, apo kubvunika kumdzasanduka usiku kuna ine,'' ¹²neye m'dima umdzakhala lini upsipa kuna imwe. Usiku bumdzatoya ninga masikati, thangwe m'dima na kubvunika bzense mpsakulingana kuna imwe.¹³Mudakonza bziwalo bzangu bza mkati, mudandikonza mmimba mwa mayi wangu. ¹⁴Nimdzakulemekezani thangwe ndidakonziwa wamantha na wakudabwisika. Mabasa yanu ngakudabwisa. Moyo wangu ukudziwa bzobzi bwino bwino.¹⁵Mafupa yangu yalibe kubisika kuna imwe pomwe mudandilenga mwakubisika, pomwe ndidaumbidwa ine mnyansi mwache mwa dziko lapansi. ¹⁶Mudandiona ine mmimba; nsiku zense zakuikhiwa kuna ine yadanembiwa m'bukhu lanu ngakhale lakutoma likanati kuchitika.¹⁷Bzakukumbuka bzanu bziri bzakudeka tani kuna ine, Mulungu! malewengedwe yache ngambirimbiri mwakutani! ¹⁸Ningayezera kuyalewenga, yamdzakhala mazinji kuyalewenga kwache kuposa mchenga. Pomwe ndidalamuka, ndikali namwe.¹⁹Mungadati muphe wakuipa, Mulungu; chokani pa ine, imwe wanthu wakujojeza mulopa. ²⁰Iwo ambapikisana namwe achichita mwachinyengo; awengi wanu ambalewa bzakunama.²¹Kodi nimbawakonda lini iwo, Yahova, omwe ambawenga imwe? Kodi nimbanyoza lini iwo wakukugandukirani? ²²Nimbawengana nawo kwenekwene; asanduka awengi wangu.²³Ndipimeni ine, Mulungu, mudziwe mtima wangu; ndiyezereni ine mudziwe bzakukumbuka bzangu. ²⁴Onani penu pana njira iriyense yakuipa mwa ine, apo munditsogolere mnjira yakusaya kumala.

14¹Chitsiru chimbati mumtima mwache, ''Kulibe Mulungu'' Iwo ambachita chinyengo achimbachita bzakunyansa; palibe ndiye ali wabwino.²Yahova ambanyang'anisa pansi kuchokera kudzaulu pa wana wa wanthu kuona penu pana wina wakubvesesa, omwe ambapsaga iye. ³Iwo wensene atembenuka. Pabodzi asanduka wachinyengo. Palibe ndiye ambachita bzabwino, neye, neye m'bodzi.⁴Mkuti wensenewo ambadziwa lini chinthu, iwo wakumbachita bzakuipa, iwo wakumbadya wanthu wangu ninga alikudya mkate, soma mbani ambachemera lini Yahova?⁵Iwo ambatetemera na mantha, thangwe Mulungu ana mbwado wa wanthu wakulungama! ⁶Mumfuna kunyoza munthu wakusaya chensecho Yahova ali wakuthawira wache.⁷Oh, khali chipulumuso cha Isaraeli chitachokera ku Ziyoni! Pomwe Yahova anibweresa wanthu wache kuchokera ku ukapolo, ndiye Yakobo amdzakomedwa na Isaraeli kudzasekera!

140¹Yahova, ndipulumuseni ine kuna wakuipa, nditetezeni kuna wanthu waupandu. ²Ambapangana bzakuipa mmitima mwawo; ambayambisa ndewu nsiku zense. ³Malirime yawo yambayambisa bzilonda ninga nyoka; ndulu ya mbadza iri pa malirime yawo.⁴Ndilindirireni mmanja mwa wakuipa, Yahova; ndikoyeni ku wanthu waupandu wakupangana kugwesa nsikada zangu. ⁵Wakusamwa andiikhira mulapu; iwo afuthula ukonde; iwo anditeyera ukhulira ine.⁶Ndidati kuna Yahova, ''Ndimwe Mulungu wangu; tcherani khutu ku mafala ya kukumbira kwangu.'' ⁷Yahova, Mbuyangu, muna mphamvu zakundipulumusa ine; mumbakhotcherera msolo wangu pa nsiku ya nkhondo. ⁸Yahova, nampodi kumpa wakuipa bzakukhumba iye; nampodi kulekerera nzeru zawo zakuipazo kupambana.⁹Iwo wakundizungulira ambadzusa misolo yawo; lekani chakuipa cha milomo yawo chiwampsinkhe. ¹⁰Lekani masimbe yakugaka yawagwere; athuseni pamoto, mmadindi yakusaya malekezero, neye kudzalamuka pomwe. ¹¹Wanthu wa maliririme amdzakhazikika lini pa dziko lapansi; chakuipa chimdzamsaka munthu wachiwawa kuti chimgwere.¹²Ndikudziwa kuti Yahova amdzayeruza kudekera wakutsautsika, na kuti iye amdzapereka chilungamo kuna wakuchifuna. ¹³Chadidi wanthu wakulungama amdzapereka kutenda ku dzina lanu; wanthu wakuthamuka mtima amdzakhala pamaso panu.

141¹Yahova, ndikulirira kuna imwe; bwerani kamkulumize kuna ine. Tcherani khutu kumafala yangu pomwe ndiri mkuliririra imwe. ²Pembo langu likhale ninga chakufukiza pamaso panu; manja yangu yakudzusika yakhale ninga nsembe ya maulo.³Yahova, ikhani mulindiri wa pakamwa pangu; lindirani msuwo wa milomo yangu. ⁴Nampodi kubvuma mtima wangu ukhumbe chinthu chirichense chakuipa ayai kuphathikana nawo mu bzinthu bziribzense bzakuipa na wanthu wa msambo wakuipa. Nampodi ndidye bza nkhuli bzawo bziribzense.⁵Munthu wakulungama andimenye, kumdzakhala kukoma mtima kuna ine; Iye mbaandikonzesere; kumdzakhala ninga mafuta pa msolo pangu; msolo wangu nampodi ulambe. Soma pembo langu nthawe zense limgazana na bzakuchita bzakuipa. ⁶Wakuyeruza wawo amdzathusiwa kumaphompho kuchoka mmakatolotolo; iwo amdzabva kuti mafala yangu ngakudeka. ⁷Iwo amdzati, ''Ninga ndimo wina anitimbira achiswa mabuluma ya mataka, ndimombo mafupa yathu yamdzamwazikirana pakamwa pa manda.⁸Chadidi maso yangu yali pa imwe, Yahova, Mbuya; mwa imwe nimthawira; nampodi kusiya moyo wangu wakusaya kukhotchererewa. ⁹Nditchenkheni ku maukhulira ndiyo anditcherera, ku milapu ya iwo wakuchita chakuipa. ¹⁰Lekani wakuipa agwere mmaukonde yawo ya iwo wene ningambathawa.

142¹Na mafala yangu nimbaliririra chithandizo kuna Yahova; na mafala yangu nimbakumbira udidi bwa Yahova. ²Nimbatsanulira kulira kwangu pamaso pache; nimbamuuza iye mabvuto yangu.³Mzimu wangu ungalefuka mwa ine, mumbadziwa njira yangu. Mnjira ndiyo nimbafamba iwo andibisira mulapu. ⁴Ndikunyang'ana kumadidi kwangu ndichiona kuti palibe anande basa. Palibe kuthawa kwa ine; palibe ana basa na moyo wangu. ⁵Ndidalirira imwe, Yahova; ndidati, ''Ndimwe pakuthawira pangu, gawo langu mdziko la wamoyo.⁶Tetekerani kulira kwangu, thangwe ndasauka kwenekwene; ndipulumuseni kuna wakuboneresa, thangwe ana mphamvu kuposa ine. ⁷Bulisani moyo wangu kunja kwa kaidi pala kuti ndipereke kutenda ku dzina lanu. Wakulungama amdzagwezekana kundizungulira thangwe mwakhala wabwino kuna ine.''

143¹Bverani pembo langu, Yahova; tcherani khutu ku bzakukumbira bzangu. Thangwera chikhulupiriro chanu na chilungamo chanu, nditawireni! ²Nampodi kupita mmayeruzo yanu na mtumiki wanu, thangwe mkuona kwanu palibe wakulungama.³Muwengi wapsaga moyo wangu; iye wandipeyera pansi; wandichitisa ine kukhala mu m'dima ninga omwe akhala wakufa kwa nthawe itali. ⁴Mzimu wangu walemedwa mwa ine; mtima wangu una thupo.⁵Ndikukumbukira nsiku zakale; ndidakhala pakati pa bzakuchita bzanu bzense; ndikukumbuka pandekha bza basa la manja yanu. ⁶Ndikufuthulira manja yangu kuna imwe; mtima wangu una nyota ya imwe mdziko lakulira mvula.⁷Nditawireni ine kamangu, Yahova, thangwe mzimu wangu wakomoka. Nampodi kundibisira nkhope yanu, ayai nimdzakhala ninga wale wakupolika ku dindi. ⁸Lekani ndibve chikhulupiriro cha mpangano wanu machibese, thangwe nimbakhulupirira mwa imwe. Ndioneseni njira yomwe ndifambe, thangwe ndatukulira mzimu wangu kuna imwe.⁹Ndipulumuseni ine ku awengi wangu, Yahova; ndathawira kuna imwe kudzabisala. ¹⁰Ndipfunziseni kuchita chifuniro chanu, thangwe ndimwe Mulungu wangu. Mzimu wanu wabwino unditsogolere mdziko la chilungamo.¹¹Yahova, thangwera dzina lanu, ndikoyeni na moyo; mchilungamo chanu bulisani moyo wangu kunja kwa mabvuto. ¹²Mchipangano cha chikhulupiriro chanu agwateni awengi wangu na kuwadzononga awengi wense wa moyo wangu, thangwe ndine mtumiki wanu.

144¹Wakudala ni Yahova, thanthwe langu, wakupfunzisa manja yangu nkhondo na bzala bzangu ku nkhondo. ²Ndimwe chikhulupriro cha mpangano wangu na litsito langu, nsaya yangu itali na omwe ambandipulumusa, chikhotcherero changu na omwe mwa iye nim'bisalika, omwe ambagonjesa madzinza pansi pangu.³Yahova, munthu mbani kuti munimdziwa ayai mwana wa munthu kuti mukumbuke bza iye? ⁴Munthu ali ninga mphuye; nsiku zache ninga mthunzi wakupita.⁵Mizani kudzaulu kugwe pansi, Yahova; phatani mapiri yafuke utsi. ⁶Tumizani kupenya kwa mpheni mubalalise awengi wangu; thusani misewe yanu na kuwathothera mmambuyo adzungaire.⁷Palawizani boko lanu kuchoka mdzaulu; ndipulumuseni ine ku madzi mazinji, kuchoka mmanja mwa alendo. ⁸Pakamwa pawo pambasewera bzakunama, na boko lawo lamadidi ndakunama.⁹Nimdzakuyimbirani chimbo chipsa, Mulungu; pa chisakasa cha bzingwe khumi nimdzakuyimbirani malemekezo, ¹⁰wakupa chipulumuso kuna mafumu, omwe mudapulumusa Davide mtumiki wanu ku lupanga lakuipa. ¹¹Ndipulumuseni na kunditsudzula mmanja mwa alendo. Pakamwa pawo pambasewera bzakunama, apo boko lawo lamadidi ndachinyengo.¹²Wana wathu wachimuna akhale ninga mbewu zakumera ku msinkhu wache wense mu ubwana bwawo na wanathu wachikazi ninga nsandamira zakufunikira, zakukonzewa ninga za nyumba ya mfumu. ¹³Nyumba zathu zakukoyera zidzale na mbewu za mitundu yense, apo mabira yathu yabale bzulu na makumi ya bzulu kuthengo kwathu.¹⁴Kinangoko ng'ombe zathu zimdzakhala na wana azinji. Palibe amdzagwesa malitsito yathu; pamdzakhala lini ukapolo apo palibe kulira mmisewu yathu. ¹⁵Wakudala ni wanthu wa madaliso yakuterepayu; wakudala ni wanthu omwe Mulungu wawo ni Yahova.

145¹Nimdzakukwizani, Mulungu wangu, Mfumu; nimdzalemekeza dzina lanu nu nkhawe za nthawe. ²Nsiku zense nimdzakulemekezani; nimdzanamata dzina lanu ku nthawe za nthawe. ³Mkulu ndiye Yahova na mkulu kunamatiwa; ukulu bwache m'bwakusaya kusankhulika.⁴M'bwado ubodzi umdzathembeza bzakuchita bzanu ku unzache uchidzalalikira bzichito bzanu bzikulu. ⁵Nimdzalingirira pa ukulu bwa ulemu bwanu na bzichito bzanu bzakudabwisa.⁶Iwo amdzasewera bza mphamvu za mabasa yanu yakugopsa, ine ndichidzafokotozera bza ukulu bwanu. ⁷Iwo amdzafokotoza bza chikumbukiro cha ubwino bwanu, achidzakuwa na kusekera bza chilungamo chanu.⁸Yahova ngwachifundo na wachisomo, wakusaya kukulumiza kukalipa apo chikulu ndicho chikondi chache. ⁹Yahova ngwabwino kuna wense; nsisi zache zimgwera pa mabasa yache yensene.¹⁰Mabasa yanu yensene yamdzapereka kutenda kuna imwe, Yahova; wakukhulupirika wanu amdzakulemekezani. ¹¹Iwo amdzasewera bza ulemerero bwa ufumu bwanu, achidzalewa bza mphamvu yanu. ¹²Iwo amdzadziwisa kuna mtundu wa wanthu bzichito bza mphamvu bza Mulungu na ulemerero bukulu bwa ufumu bwache.¹³Ufumu bwanu m'bwakusaya kumala, na kuyeruza kwanu kumfikira mibwado yensene.¹⁴Yahova ambathandiza wense omwe ali mkugwa achithamula wense wakukotama. ¹⁵Maso ya wense yakudikhirira imwe; mumbawapa chakudya chawo pa nthawe yache. ¹⁶Mumbafuthula boko lanu muchikwanirisa bzakukhumba bza chirichense cha moyo.¹⁷Yahova ngwachilungamo mnjira zache zense na wakukhulupirika mu bzakuchita bzache bzense. ¹⁸Yahova ali pafupi kuna wense wakumchemera iye, kuna wense wakumchemera mchikhulupiriro. ¹⁹Iye ambakwanirisa bzakukhumba bza iwo wakumulemekeza iye; ambabva kulira kwawo achiwapulumusa.²⁰Yahova ambaona wense wakumkonda iye, soma amdzadzononga wakuipa wense. ²¹Pakamwa pangu pamdzasewera malemekezo ya Yahova; lekani mtundu wense wa wanthu ulemekeze dzina lache lakuchena ku nthawe za nthawe.

146¹Lemekezani Yahova. Lemekezani Yahova, mtima wangu. ²Nimdzalemekeza Yahova na mtima wangu wense; nimdzayimbira malemekezo kuna Mulungu wangu pakukhala na moyo.³Nampodi kuyikha chikhulupiriro chanu ku nduna ayai mwa munthu, omwe mwa iye mulibe chipulumuso. ⁴Kupuma kwa moyo wa munthu kungalekeza, ambabwerera ku mataka; pa nsiku yoyo bzakutsimikiza mtima wache bzimbamala.⁵Wakudala ndiye omwe ana Mulungu wa Yakobo kuchithandizo chache, omwe chidikhiriro chache chiri mwa Yahova Mulungu wache. ⁶Yahova adalenga kudzaulu na dziko lapansi, nyanza, na bzense briri mwemo; ambakoya chadidi ku nthawe za nthawe.⁷Ndiye wakuchitira chiyeruzo wakutsautsika achipa chakudya wa njala. Yahova ambatsudzula wakumangiwa; ⁸Yahova ambafungula maso ya azimola; Yahova ambathamula wakukotama; Yahova ambakonda wanthu wachilungamo.⁹Yahova ambakhotcherera alendo mdziko; ambathandiza wamasiye na azimayi wamasiye, soma ambaboneresa wakuipa. ¹⁰Yahova amdzatonga kwa muyaya, Mulungu wanu, Ziyoni, ku mibwado yensene. Lemekezani Yahova.

147¹Lemekezani Yahova, thangwe mpsabwino kuyimbira malemekezo kuna Mulungu; mpsakudeka, apo kulemekezako mkwakuthemera.²Yahova ambamanga pomwe Yerusalemu; ambagwezeka pabodzi wanthu wakumwazikana wa Isaraeli. ³Iye ambalimbisa mitima yakupseka achimanga bzilonda bzache.⁴Ambalewenga nyenyezi; ambazipa madzina zensene. ⁵Mkulu ni Mbuyathu apo yakugopsa ni mphamvu yache; kubvesesa kwache kungapimike lini.⁶Yahova ambathandiza wakusaya; ambabweresa wakuipa pansi pa mataka. ⁷Imbirani Yahova na kupereka kutenda; imbirani kuna Mulungu wathu na zeze.⁸Iye ambampsinkha kudzaulu na mitambo achokonza mvula ya dziko lapansi, kumeresa uswa pa mapiri. ⁹Ambapa chakudya kuna nyama na kuna wana wa apsololo angalira.¹⁰Ambagumana lini chakudeka mu mphamvu za akavalo; ambadekedwa lini mmiyendo ya mphamvu za munthu. ¹¹Yahova ambadekedwa na wale wakumlemekeza iye, omwe ambadikhirira mu mpangano wa chikhulupiriro chache.¹²Lemekezani Yahova, Yerusalemu; lemekezani Mulungu wanu, Ziyoni. ¹³Thangwe iye ambapa mphamvu bzakutchinga bza misuwo yanu; ambadalisa wana wanu pakati panu. ¹⁴Iye ambabweresa vida mkati mwa malire yanu; ambakukhutisani na tirigu wakukhuma bwino.¹⁵Iye ambatumiza bzakutonga bzache ku dziko lapansi; bzakutonga bzache bzimbathamanga kamangumangu. ¹⁶Ambakonza madzi yakuuma ninga ukuse; ambakhunguula zawe ninga dotha.¹⁷Ambaponya matalala ninga nyenyekwa; mbani angayime pa kujejera kwakutumiza iye? ¹⁸Ambatumiza bzakutonga bzache achibzisungunula; ambakunthisa chonzi na madzi kuyerera.¹⁹Iye adalalikira mafala yache kuna Yakobo, manemba yache na mayeruzo yache yakulungama kuna Isaraeli. ²⁰Alibe kuchita tenepo kuna dzinza linangombo, apo na mayeruzo yache, iwo ambayadziwa lini. Lemekezani Yahova. thangwe mpsabwino kuyimbira malemekezo kuna Mulungu wathu.

148¹Lemekezani Yahova. Lemekezani Yahova, imwe mdzaulu, mulemekezeni iye, imwe mdzaulu. ²Lemekezani iye, anjero wache wense; mulumekezeni iye, mwense mathimu yache.³Lemekezani iye, dzuwa na mwezi; lemekezani iye, imwe nyenyezi zense zakugaka. ⁴Mulemekezeni, mdzaulu kwenekwene na imwe madzi kupitirira mdzaulu.⁵Alekeni alemekeze dzina la Yahova, thangwe iye adapereka chilamulo, apo bzidalengiwa. ⁶Iye wabzikhazikisa pomwe ku nthawe za nthawe; adapereka mayeruzo ndiyo yamdzachinja lini.⁷Lemekezani iye kuchoka mdziko lapansi, imwe bzinsomba bza mmadzi na kuzika kwense kwa nyanza, ⁸moto na matalala, madzi yakuuma na mitambo, chonzi cha mvula kukwanirisa mafala yache.⁹Lemekezani iye, mapiri na tumapiri twense, miti ya bzipaso na mikungudza yense, ¹⁰Nyama za kuthengo na bzifuwo bzense, bzachilengedwe bzakukwawa na mbalame za maphapidwe.¹¹Lemekezani Yahova, imwe mafumu ya dziko lapansi na madzinza yensene, imwe nduna, na imwe wense wakuyeruza wa dziko lapansi, ¹²anyamata na atsikana kubodzi, wachikulire na wana.¹³Alekeni wense alemekeze dzina la Yahova, thangwe dzina lache lokha ndakukwizika na ulemerero bwache bwatambalala pa dziko lapansi na mdzaulu. ¹⁴Iye wadzusa nyanga ya wanthu wache yakulemekezera kuchoka kuna wakukhulupirika wache wense, wana wa Isaraeli, wanthu wapafupi naye. Lemekezani Yahova.

149¹Lemekezani Yahova! Imbirani Yahova chimbo chipsa; imbani malemekezo yache mmitsonkhano ya wakukhulupirika wache.²Isaraeli mbaasekere mwa iye adawalenga; lekani wanthu wa Ziyoni asekere mwa mfumu yawo. ³Alekeni iwo alemekeze dzina lache na kubzina; lekani iwo ayimbire iye malemekezo na lingaka na zeze.⁴Thangwe Yahova ambadekedwa na wanthu wache; ambakomesa wakupfatsa na chipulumuso. ⁵Alekeni wakukhulupirika asekere mu ulemubu; lekani iwo ayimbe na chisekerero pa makama yawo.⁶Malemekezo ya Mulungu yakhale pakamwa pawo na lupanga lakuthwa kwense kwense mmanja mwawo ⁷kubwezera chilango madzinza na bzakuchita bza chilango pa wanthu.⁸Iwo amdzamanga mafumu na njema na wakubvekera wawo na majerejede yachitsulo. ⁹Amdzawachitira chiyeruzo chakunembedwacho. Ubu bumdzakhala ulemu kuna wense wakukhulupirika wache. Lemekezani Yahova.

15¹Yahova, mbani amdzakhala mchihema chanu? Mbani amdzakhala pa phiri lanu lakuchena? ²Aliyense wakufamba mwakusaya mathangwe, ambachita bzakulungama achisewera bzachadidi kuchoka mumtima mwache.³Ambasasata lini na lirime lache, ambachitira lini winango chakuipa, apo ambanyoza lini mnansi wache.⁴Wakunyansa ambanyozeka mmaso mwache, soma ambalemekeza iwo wakugopa Yahova. Ambalumbirira ku tsoka lache apo ambabweza lini mmambuyo malonjezo yache. ⁵Iye ambafuna lini banyira angafiyalisi kobiri. Ambatambira lini bobobo mkuchitira umboni bwakunama kugaza walazawu. Iye wakuchita bzinthu ibzi amdzatekenyeka lini ku nthawe zense.

150¹Lemekezani Yahova! Lemekezani Mulungu m'buto yache yakuchena; mulemekezeni iye mdzaulu mwa mphamvu. ²Mulemekezeni thangwera bzichito bzache bza mphamvu; mulemekezeni iye thangwera ukulu bwache bwakuposa.³Mulemekezeni iye na kukuwa kwa nyanga; mulemekezeni iye na chisakasa na zeze. ⁴Mulemekezeni na bzingwinjiri na kubzina; mulemekezeni iye na bzakuimbira bza bzingwe na mululi. ⁵Mulemekezeni iye na bzakuyimbira bza msanje zakubveka.⁶Lekani chirichense cha mphuye chilemekeze Yahova! Lemekezani Yahova!

16¹Ndikhotcherereni ine, Mulungu, nakuti ndathawira mwa imwe. ²Nimbati kuna Yahova, ''ndimwe mbuyangu; ndiribe chabwino china kuposa imwe. ³Angakhala wanthu wakuchena mtima omwe ali padziko lapansi, mbanthu wakubveka mbiri; chisekerero changu chense chiri mwa iwo.⁴Mabvuto yawo yamdzathimizirika, iwo wakupsaga milungu ina. Nimdzathira lini nsembe zawo za mulopa pa milungu yawo ayai kuguma madzina yawo pakamwa pangu.⁵Yahova, ndimwe gawo la chakusankhuliwa changu na kaneka yangu. Ndimwe wakundiphata wa chakutambira changu. ⁶Bwingwe bzakupimira bzandigwera ine mu mbuto zakundidekera; inde chakusiiriwa chakudeka mchangu ine.⁷Nimdzadalisa Yahova, wakundilangiza ine; neye usiku chaibo maganizo yangu yambandilanziza. ⁸Ndaikha Yahova pamaso pangu nthawe zense, ndiye nimdzatekenyeka lini kuchoka m'boko lache lamadidi!⁹Mthangwerache mtima wangu ngwakudekedwa; ulemu bwangu bukusekera. Mchadidi nimdzakhala mwakukhazikika. ¹⁰Thangwe mumdzalekerera lini moyo wangu kuyenda kuthenje. Mumdzabvuma lini wakukhulupirika wanu kuona dindi.¹¹Mumbandipfunzisa njira ya moyo; chisekerero chakuwanda chiri mu kuoneka kwanu; bzakudeka bziri m'boko lanu lamadidi kwamuyaya!''

17¹Tetekerai kumbiro langu la chilungamo, Yahova; tetekerani kulira kwangu kwa chithandizo! Tcherani khutu ku pembo langu lakuchoka pamilomo yakusaya chinyengo. ²Bvumani chiyeruzo changu chichokere mkuonekera kwanu; maso yanu yaone bzomwe mpsachadidi!³Mungayezera mtima wanguyu, mungabwera kuna ine usiku, mumdzandichenesa apo mumdzagumana lini malingaliro yaliyense yakuipa; mkwamwa mwangu mumdzaphonya lini.⁴Bzingakhala bzichito bza munthu, bziri pa mafala ya milomo yanu ndiyo ndayikoya ndekha kuchoka mu njira za kusaya chilamulo. ⁵Mathanya yangu yaphathirira bwino bwino ku mabande yanu; nzayo zangu zilibe kutserereka.⁶Ndikukuchemerani, nakuti mumbanditawira ine, Mulungu; chungunusani khutu lanu kuna ine apo mutetekere ningasewera. ⁷Onesani chikhulupiriro cha mpangano wanu mu njira yakudabwisa, imwe omwe mumbapulumusa na boko lanu lamadidi iwo wakuthawira mwa imwe kuchoka kuna awengi wawo!⁸Nditchenkheni ine ninga kamwana ka mdiso lanu; ndibiseni mu mthunzi wa maphapidwe yanu ⁹kuchoka pamaso pa wakuipa omwe ambachita mwakuipa na ine, awengi wangu omwe andizungulira ine. ¹⁰Iwo alibe nsisi na aliyense; milomo yawo imbasewera mwa kusamwirira.¹¹Iwo azungulira mathanya yangu. Adateya maso yawo kuti atimenyesere pansi. ¹²Iwo ali ninga mphondolo kufuna kuphata chakudya, niga mwana wa mphondolo kubwathama mu mbuto zakubisalika.¹³Lamukani, Yahova! Amenyeni! Athuseni pansi cha nkhope zawo! Pulumusani moyo wangu kuchoka kuna wakuipa na lupanga lanu! ¹⁴Ndipulumuseni kuna wanthu na boko lanu, Yahova, kuchoka kuna wanthu wadziko lino omwe vida zawo ziri mmoyo uno okha! Mumdzakhutisa mimba za wakukondeka wanu na vida; amdzakhala na wana azinji achidzasiyira vida yawo kuna wana wawo.¹⁵Ningakhala inepano, nimdzaona nkhope yanu mchilungamo; nimdzakwanisiwa, ningadzalamuka, pa kuona imwe.

18¹Nimbakukondani, Yahova, mphamvu yangu.²Yahova ni thanthwe langu, ni litsito langu, wakundibweresa kuchipulumuso; iye ni Mulungu wangu, thanthwe langu; nimbabisala mwa iye. Ni mkotchereri wangu, nyanga ya chipulumuso changu, na chakuthemba changu. ³Nimdzachemera Yahova wakuthemera kumunanamata, apo nimdzapulumusiwa kuchoka kuna awengi wangu.⁴Bzingwe bza imfa bzandizungulira, na mikulo ya bzapezipezi yandigopsa. ⁵Bzingwe bza Thenje bzandizungulira; milapu ya imfa yandimanga.⁶Mkutsautsika kwangu ndidachemera Yahova; ndidakuwira chithandizo kuna Mulungu. Iye adabva mafala yangu kuchoka ku kachisi wache; kulira kwangu kufuna chithandizo kudayenda pankhope pache; kudayenda mmakutu mwache.⁷Ndiye dziko lapansi lidagwedera lichitetemera; maziko ya mapiri yadagwedera pomwe yachitetemera thangwe Mulungu akhadakalipa. ⁸Utsi budakwira kuchoka mu mphuno zache, na moto wakugaka udabula mkamwa mwache. Masimbe yadaphatira nawo moto.⁹Adafungula kudzaulu achibwera pansi, apo mdima wakuthonera ukhali kunsi kwa nzayo zache. ¹⁰Iye adapakira pa kerubi achimbuluka; achipeperuka pa maphapidwe ya chonzi.¹¹Adasandusa mdima chihema chakuzungulira iye, mitambo yamvula yakuthonera mdzaulu. ¹²Matalala na masimbe ya moto yadagwa kuchoka mkupenya pamaso pache.¹³Yahova adagunda mdzaulu! Mafala ya Wamdzauluyo yadakuwa. ¹⁴Iye adathusa misewe yache achibalalisa awengi wache; mpeni zizinji zidawabalalisa iwo.¹⁵Ndiye njira zakufamba madzi zidaoneka; maziko ya dziko lapansi yadaonekera padecha na kutsimula kwanu, Yahova, na kupuma kwa mphuno zanu.¹⁶Iye adafikira pansi kuchoka mdzaulu; adandiphata ine! Iye adandinula kunja kwa madzi yakuunga. ¹⁷Adandipulumusa kwa muwengi wamphamvu, kuchoka kuna iwo wakundiwenga ine, thangwe iwo akhali wamphamvu zakuwanda kuna ine.¹⁸Iwo adabwera kulimbana na ine pa nsiku yakubonera kwangu soma Yahova akhali mthandizi wangu! ¹⁹Iye adanditsudzula pa mbuto ya padecha; adandipulumusa inethangwe akhadekedwa nande.²⁰Yahova wandipa mpfupo thangwera chilungamo changu; wandibwezeresa ine thangwera manja yangu yakhali yakuchena. ²¹Nakuti ndakoya njira za Yahova apo ndiribe kuchita chakuipa kumusiya Mulungu wangu.²²Nakuti mayeruzo yache yense yachilungamo yakhala pamaso pangu; ninga mwa manemba yache, ndiribe kuwasiya iwo. ²³Ndakhala pomwe wakusaya kuphonya pa iye, ndichibzikoya seye mkuchita chakuipa changu. ²⁴Mthangwerachen Yahova wandibwezeresa thangwera chilungamo changu, thangwera manja yangu yakhali yakuchena pamaso pache.²⁵Kuna wachifundo, mumbabzionesera wachifundo; kuna munthu wakusaya chirema, mumbabzionesea wakusaya chirema. ²⁶Kuna wakuchena mtima, mumbabzionesera kuchena mtima; soma kuna wakugazagaza mumbagazana naye.²⁷Nakuti mumbapulumusa wanthu wakusaya, soma mumbatsitsa iwo wa maso yakusamwa, yakukwira! ²⁸Thangwe ndimwe kutoya kwa kandiyero yangu; Yahova Mulungu wangu ambabvunika mdima wangu. ²⁹Nakuti thangwera imwe nimbamoga tchinga; na Mulungu wangu ningakwanise kumoga litsito.³⁰Ninga mwa Mulungu--njira yache njakuchena! Mafala ya Yahova ngakuchena! Iye mchikhotcherero cha munthu aliyense wakuthawira kuna iye. ³¹Nakuti Mulungu mbani seye Yahova? Thanthwe mbani seye Mulungu wathu? ³²Ni Mulungu ndiye ambaikha mphamvu pa ine ninga bande, omwe ambaikha munthu wakusaya chirema mu njira yache.³³Iye ambalinganiza nzayo zangu ninga nswala achindiikha padzaulu! ³⁴Iye ambapfunzisa manja yangu pala nkhondo na manja yangu kukunga uta bwa mkuwa.³⁵Mwandipa chikhotcherero cha chipulumuso chanu. Boko lanu lamadidi landithandiza ine, na udidi bwanu bwandikuza. ³⁶Mwakuza mbuto yakuponda nzayo zangu kunyansi kwangu mwakuti nzayo zangu ziribe kutserereka.³⁷Ndidawatewera awengi wangu ndichiwaphata; ndiribe kubwerera mmambuyo kufikizana iwo atadzongeka. ³⁸Ndidawabodola mwakuti alibe kukwanisa kulamuka, iwo agwa kunsi kwa nzayo zangu. ³⁹Nakuti imwe mwanditsengedera na mphamvu mchiuno mwangu kunkhondoko; mwangigonjesera iwo wakundigandukira.⁴⁰Mudandilatiza ine kumbuyo kwa makosi ya awengi wangu; ndidapasula iwo wakundiwenga. ⁴¹Adakuwira chithandizo, soma palibe adawapulumusa; adakuwira kuna Yahova, soma alibe kuwatawira. ⁴²Ndidawapeya mmapidaso ninga pfumbi pamaso pa chonzi; ndidawathusa kunja ninga matope mmisewu.⁴³Mudandipulumusa ine ku bzakulimbana nabzo bza wanthu; mwandiikha msolo wa madzinza; wanthu ndiwo niwadziwa lini amdzanditumikira ine. ⁴⁴Atatondo kubva bza ine, adandibvera letu; alendo adangingimiziwa kundigodamira ine. ⁴⁵Alendo adabula achitetemera kuchoka mmiyi mwawo.⁴⁶Yahova ana moyo; thanthwe langu mbalinamatiwe. Mulungu wa chipulumuso changu akwizike. ⁴⁷Iye ni Mulungu wakundibwezera chilango, omwe ambandigonjesera madzinza ya wanthu.⁴⁸Ndatsudzuliwa chadidi kuna awengi wangu! Chadidi, mudandidzusa mdzaulu mwa iwo wakundigandukira ine! Mudandipulumusa ine kuchoka kuna wanthu wandewu. ⁴⁹Mthangwerache nimdzapereka kutenda kuna imwe, Yahova, pakati pa madzinza; nimdzaimba bzimbo bzakutenda dzina lanu!⁵⁰Mulungu ambapereka chipambano chikulu kuna mfumu yache, achionesera kubvera kwa mpangano wache kuna wakudzozewa wache, kuna Davide na kuna wambeu yache ateye kalekale.

19¹Bzakudzaulu bzimbalatiza bza ulemerero bwa Mulungu, na thambo limbadziwisa basa la manja yache! ²Nsiku na nsiku bumbawanzisa mafala; usiku na usiku bumbazimbulira nzeru. ³Palibe maseweredwe ayai mafala yakusewerewa; mafala yawo yambabveka lini.⁴Chensecho mafala yawo yambayenda kuna wensene padziko lapansi, na mafala yawo kuphampha kwa dziko lapansi. Iye adaikha hema pala dzuwa pakati pawo. ⁵Dzuwa liri ninga wakuloola kubula ku subi yache na ninga chiphona chibasekerera chingathamanga mnjira mwache. ⁶Dzuwa limbabula kuchokera kwakulekezera thambo kwina lichigwata mdzaulu kuyenda kwina; palibe chikhathawe kupsa kwache.⁷Lamulo la Yahova ndangwiro, l`akubwezera moyo; umboni bwa Yahova m'bwakudalirika, bwakupasa wakupusa nzeru. ⁸Malangizo ya Yahova ngakulungama, yakusangalasa mtima; malamulo ya Yahova ngangwiro, yakupenyesa maso.⁹Kugopa Yehova kuli mbee, kwakukhalabe nthawe zensene; mayeruzo yachilungamo ya Yahova ngachadidi apo yense pabodzi ngangwiro. ¹⁰Iyo nga muti wapatali kuposa oro, kuposa oro wabwino kwenekweneyo; ngakutapira kuposa uchi na kununa kuchoka mu bzipe.¹¹Indee, na iyo kapolo wanu anichenjeziwa nayo; pa kuyabvera iyo pana mpfupo ikulutsa. ¹²Mbani angakwanise kudziwa bzakuphonyeka bzache bsense? Nditsudzuleni ku bzakuphonyeka bzakubisalika.¹³Lambizani pomwe kapolo wanu pa machimo ya kubzithusa; nampodi kubvuma iyo yalamulire pa ine. Ndiye tsono nimdzakhala wangwiro, apo nimdzakhala wakusaya kuphonya pa mphiringanizo zizinji. ¹⁴Mafala ya pakamwa pangu na bzakukumbuka bza mtima wangu mbabzikhale bzakubvumika mmaso mwanu, Yahova, thanthwe langu na mpulumusi wangu.

20¹Yahova akuthandize mu nsiku yamasada; dzina la Mulungu wa Yakobo likutetezere iwe ²na kutumiza chithandizo kuchoka kumbuto yakuchena kukuthandizira kuchoka ku Ziyoni.³Iye mbaakumbukire bzakupereka bzako bzense na kubvuma nsembe yako yakupserereza. ⁴Mbaakupe iwe bzakukhumba bza moyo wako na kukwanirisa bzikonzero bzako bzense.⁵Ndiye timdzasekerera mu chipulumuso chanu, na, mdzina la Mulungu wathu, timdzadzusa bzilatizo. Yahova mbaapereke bzikumbiro bzanu bzense. ⁶Tsapano nimdziwa Yahova amdzapulumusa wakudzozewa wache; amdzamutawira iye kuchoka kudzaulu kwache kwakuchena na mphamvu yachipulumuso cha boko lache lamadidi.⁷Wina ambathemba magaleta apo wina akavalo, soma ife timbakhulupirira mdzina la Yahova Mulumgu wathu. ⁸Iwo amdzabweresedwa pansi achigwa, soma ife timdzalamuka tichiima dzololo.⁹Yahova, pulumusani mfumu; tithandizeni tingachemera.

21¹Mfumu ikusekera mu mphamvu zanu, Yahova! Si kusekera kwache maninge mchipulumuso ndicho mumbapereka! ²Mwaipa bzakukhumba bza mtima wache apo mulibe kulamba bzakukumbira bza milomo yache.³Nakuti mumbaibweresera madaliso yakukoma; mudaikha pamsolo pache korona wa oro wakukonziwa bwino. ⁴Iyo idakukumbirani moyo; mudaipa iyo; mudaipa kutalika kwa nsiku zache ateye mpakana mpakana.⁵Ulemerero bwache m'bukulu thangwera chipulumuso chanu; muchimuchitira iye ulemu na ukulu. ⁶Nakuti mumbaipa iyo madaliso yakusaya kumala; mumbaisangalasa na chimwemwe cha kuoneka kwanu.⁷Nakuti mfumu imbakhulupirira mwa Yahova; kudzera mchikhulupiriro cha mpangano wa Wamdzaulu Mkuluyo amdzatekenyeka lini. ⁸Boko lanu limdzagumana awengi wanu wensene; boko lanu lamadidi limdzagumana iwo wakukuwengani.⁹Pa nthawe ya ukali bwanu, mumdzawaotcha ninga mu ng'anjo ya moto. Yahova amdzawamala iwo mu ukali bwache, apo moto uchidzawapserereza. ¹⁰Mumdzadzonga wana wawo kuchoka padziko lapansi na wambeu yawo kuchoka pa wana wa wanthu.¹¹Nakuti iwo adakukhumbirani bzakuipa; adakonza chiwembu ndicho iwo amdzachichita lini! ¹²Nakuti imwe mumdzawabweza mmambuyo; mumdzamolola uta bwanu pa nkhope pawo.¹³Kwizikani, Yahova, mu mphamvu zanu; timdzaimba na kunamata mphamvu zanu.

22¹Mulungu wangu, Mulungu wangu, thangweranyi mwandisiya ine? Thangweranyi muli kutali na chipulumuso changu na kutali na mafala ya kubuula kwangu? ²Mulungu wangu, nimbakuwa kuchemera nthawe ya masikati, soma mumbanditawira lini, apo usiku nimbakhala lini chete!³Ndimwe wakuchena; mumbakhala ninga mfumu na malemekezo ya Isaraeli. ⁴Abereki wathu adakhulupira imwe; iwo adakhulupira imwe, apo mudawapulumusa. ⁵Adalirira imwe achipulumusiwa. Iwo adakhulupira mwa imwe apo alibe kupsoma.⁶Soma ine ndine nyongolotsi apo sikuti munthu neye, chakutonza cha wanthu na wakunyozeka na wanthu. ⁷Wense wakundiona ine ambandiseka; ambandinyoza ine; ambagwededza misolo yawo pa ine . ⁸Iwo ambati, ''Iye anbakhulupira Yahova; mulekeni Yahovayo amupulumuse. Mulekeni iye amupulumuse, thangwe iye ambakomedwa naye.''⁹Nakuti mudandibweresa kuchoka mchibaliro; mudandichitisa ine kukukhulupirani nthawe ndizo ndikhali pamasuku pa mayi wangu. ¹⁰Ndathusiwa kuna imwe kuchoka mchibaliro; ndimwe Mulungu wangu chiyambire mchibaliro cha mayi wangu!¹¹Nampodi kukhala kutali nande, nakuti bvuto lafika; palibe aliyense wakundithandiza. ¹²Ng'ombe zimuna zizinji zandizungulira; ng'ombe zamphamvu za m'Basani zandizungulira ine. ¹³Zafungula milomo yawo kufuna ine ninga mpondolo yakukhumbza kuzomola nyama yache.¹⁴Ndikutsanuliwa ninga madzi, apo mafupa yangu yensene yabzuguduliwa. Mtima wangu uli ninga phula; ukusungunukira mkati mwa bziwalo bzangu. ¹⁵Mphamvu zangu zauma ninga pidaso ya mphendekali; lirime langu laphatamira kudzaulu kwa nsodzi ya mkamwa mwangu. Mwandigonesa ine mu pfumbi la imfa.¹⁶Nakuti mbwaya zandizungulira ine; thimu la wanthu wakuipa landizungulira; apsonda manja na nzayo zangu. ¹⁷Ndikukwanisa kulewenga mafupa yamgu yense. Iwo akundinyang'anisa na kundibzokola.¹⁸Agawana bzakubvala bzangu, achitira njuga bzakubvala bzangu. ¹⁹Nampodi kukhala kutali, Yahova; kulumizani mundithandize, mphamvu yangumwe!²⁰Pulumusani moyo wangu ku lupanga, moyo wangu okhayo kuchoka ku ntchala za nkhandwe. ²¹Ndipulumuseni ku mulomo wa mphondolo; ndipulumuseni ku nyanga za njati.²²Nimdzalalika dzina lanu kuna abale wangu; pampikiti pa mtsonkhano nimdzakunamatani. ²³Imwe wakugopa Yahova, munamateni! Imwe wene Yakobo mwensene, mulemekezeni! Muchite naye mantha iye, imwe mwense mbumba ya Isaraeli!²⁴Nakuti iye akanati kale kunyoza ayai kunyozera kubonera kwa wakusaya; Yahova akanati kale kumpsinkha nkhope yache kuna iye, pomwe wakusaya walirira iye, iye adabva. ²⁵Chinamato changu chimdzakhala thangwera imwe mu mtsonkhano ukulu; nimdzakwanirisa malumbiriro yangu pamaso pa iwo wakugopa iye.²⁶Wakubonera amdzadya achikhuta; iwo wakupsaga Yahova amdzamunamata iye. Mitima yanu mbaikhale muyaya. ²⁷Wanthu wensene wa dziko lapansi amdzakumbukira achitembenukira kuna Yahova; mabanja yense ya madzinza yamdzagodama pamaso panu.²⁸Nakuti ufumubu m'bwa Yahova; iye ndiye mtongi wa madzinza. ²⁹Wanthu wensene wakubvekera wadziko lapansi amdzachita madyerero na kunamata; wense wakupolikira kupfumbi amdzagodama pamaso pache, iwo omwe angakwanise lini kukoya miyoyo yawo na moyo.³⁰Mbwado ukubwerayo umdzamutumikira iye; iwo umdzauza mbwado winayo bza Mbuya. ³¹Iwo amdzabwera achidzalewa bza chilungamo; iwo amdzauza wanthu wakuti akanati kubadwa kale ndibzo iye wachita!

23¹Yahova ni makabusa wangu; nimsaya lini chinthu. ²Ambandigonesa pamauswa yakubiriwira; ambanditsogolera ku madzi yakudemba.³Ambabweresa pomwe moyo wangu; ambanditsogolera ine mnjira zachilungamo thangwera dzina lache.⁴Napo kuti nimbafamba kudzera mbzigwa bzamdima, nimdzagopa lini chakuipa, thangwe muli nande; chibonga chanu na mpsimbo yanu bzimbandidekera.⁵Mumbakonzeka meza pamaso pangu mkuona kwa awengi wangu; mwadzoza msolo wangu na mafuta; kaneka yangu yataikira.⁶Chadidi ubwino na chifundo bzimdzanditewera nsiku zensene za moyo wangu; apo nimdzakhala mnyumba ya Yahova nsiku zense za moyo wangu!

24¹Dziko lapansi nda Yahova, na kudzala kwache, dziko lapansi, na wense wakukhala momo. ²Thangwe iye wamanga maziko pa nyanza na kulikhazikisa pa mikulo.³Mbani amdzakwira phiri la Yahova? Mbani amdzaima mu mbuto yache yakuchena? ⁴Iye wamanja yakuchena na mtima wadidi; omwe alibe kutakula bzakunama, na ndiye alibe kulumbira lumbiriro kuti anyengeze.⁵Iye amdzambila mdaliso kuna Yahova na chilungamo kuchoka kuna Mulungu wa chipulumuso. ⁶Umweyo ni m`bwado omwe ambaupsaga Iye, khope Ya Mulungu wa Yakobo.⁷Dzusani misolo yanu, imwe mipitiro; dzusikani, misuwo yakusaya kumala, kuti mfumu ya ulemerero ipite! Mfumu ya ulemerero Mbani? ⁸Yahova, wakulimba na wa mphamvu; Yahova, wa mphamvu kunkhondo.⁹Dzusani misolo yanu, imwe mipitiro; dzusikani, misuwo yakusaya kumala, kuti Mfumu ya ulemerero ipite! ¹⁰Mfumu ya ulemerero mbani? Yahova wa mathimu, ndiye Mfumu ya ulemerero.

25¹Kuna imwe, Yahova, nimkwiza moyo wangu! ²Mulungu wangu, nimbakhulupirira imwe. Nampodi kubvuma ndichepseke; nampodi awengi wangu andiseke ine. ³Aliyense wakukhulupirira imwe mbaaleke kuchita manyazi; iwo wakuchita mwakunyengeza seye thangwe mbaachite manyazi!⁴Ndidziwiseni ine njira zanu, Yahova; ndiphunziseni mafambidwe yanu. ⁵Munditsogolere mchadidi chanu na kundipfunzisa ine, thangwe ndimwe Mulungu wa chipulumuso changu; nimkudikhirani imwe kuchoma nsiku yensene.⁶Kumbukirani, Yahova, bzichito bzanu bza nsisi na chifundo cha mpangano; nakuti ibzi mpsa kale na kale. ⁷Nampodi kukumbukira bzakuphonya bza ubwana bwangu ayai bzakupikisana namwe; Mundikumbukire ninga mwa chifundo chanu cha mpangano thangwera ubwino bwanu, Yahova!⁸Yahova ngwabwino na wa mkhomeko; mthangwerache ambapfunzisa wakuphonya njira. ⁹Iye ambatsogolera wakupfatsa mchinthu chachadidi achiwapfunzisa iwo njira yache.¹⁰Njira zensene za Yahova mzachikondi nthawe zense na chikhulupiriro kuna iwo wakukoya mpangano wache na bzakutonga bzadidi. ¹¹Thangwera dzina lanu, Yahova, ndilekerereni kusakaza kwangu, nakuti mkukulu.¹²Mbani munthu wakugopa Yahova? Mbuya amdzamulangiza iye njira amdasankhulayo. ¹³Moyo wache umdzakhala mwakudeka; apo wa mbewu yache amdzatambira dziko.¹⁴Yahova ni mwayawo wa wale wakulemekeza iye, apo ambadziwisa iwo pangano lache. ¹⁵Maso yangu yali pa Yahova nthawe zensene, thangwe amdzaonjola nzayo zangu mu ukonde. ¹⁶Cheukirani ine apo ndichireni chifundo; thangwe ndiri ndekha na wakubonera.¹⁷Matsauto ya mtima wangu yakula; ndinuleni mmatsautso yangu! ¹⁸Onani matsautso yangu na bzakunditsautsa bzangu; lekererani bzakuphonya bzangu bzensene. ¹⁹Onani awengi wangu, nakuti mbazinji; ambandiwenga ine na uwengi bwa chiwawa.²⁰Khotchererani moyo wangu na kundipulumusa ine; nampodi kubvuma ndichepsewe, thangwe ndathawira mwa imwe! ²¹Udidi na kuthamuka mtima bzindikoye, thangwe nimbakhulupirira imwe²²Pulumusani Isaraeli, Mulungu ku matsautso yache yensene!

26¹Mundiyeruze, Yahova, thangwe ndafamba mu udidi; ndakhulupirira Yahova seye kuterereka. ²Ndipimeni, Yahova, na kundiyezera; yezerani kuchena kwa bza mkati mwangu na mtima wangu! ³Thangwe chikhulupiriro cha pangano lanu chiri pamaso pangu, apo nimbafamba mchikhulupiriro chanu.⁴Ndimbasangana lini na wanthu wachinyengo, ayai kusanganizikana na wanthu wakubzithusa. ⁵Nimbawengana na mtsonkhano wa wanthu wakuipa, apo nimbakhala lini na wakuipa.⁶Nimdzasamba mmanja mwangu mwakusaya kuphonya, apo nimbafamba kuzungulira guwa lanu la nsembe, Yahova, ⁷kuyimba chimbo chakuzalula cha mnamato na kulewa bza bzichito bzanu bzakudabwisa. ⁸Yahova, nimbakonda nyumba ndiyo mumkhalayo, mbuto ndiyo ulemerero bwanu bumbakhala!⁹Nampodi kundipsairira kubodzi na wakuphonya, ayai moyo wangu na wanthu wakujojesa mulopa, ¹⁰omwe mmanja mwawo muna mphumbza, na omwe m'boko lawo la madidi mwadzala na bzakukomesera mulandu.¹¹Soma ningakhala inepano, nimdzafamba mu udidi; ndilomboleni ine na kundichitira nsisi. ¹²Nzayo yangu yaponda pa mthapsa; mmitsonkhano nimdzalemekeza Yahova!

27¹Yahova ndiye kubvunika kwangu na chipulumuso changu; kodi ndigope mbani? Yahova ndiye kum'bisala moyo wangu; nimdzachita mantha na mbani?²Pomwe wakuipa adandifenderera kudzadya mnomfu wangu, wakunditsautsa na awengi wangu adakhukhumudwa mkugwa. ³Napo thimu la anyankhondo limmanga msasa kulimbana nande, mtima wangu umdzagopa lini; napo nkhondo imndinyandukira, inde tsono nimdzakhala mwa m'derekho.⁴Chinthu chibodzi ndidachikumbira kuna Yahova, apo nimdzachipsaga chimwecho: kuti ndikakhale mnyumba ya Yahova nsiku zensene za moyo wangu, kukaona kudeka kwa Yahova na kubvunzisisa mkachisi mwache.⁵Thangwe mnsiku za matsautso iye amdzabisalika mwa ine mu mthunzi wache; mu mthunzi wa chihema chache amdzandimpsinkha ine. Amdzandidzusa padzaulu pa thanthwe! ⁶Kinangoko msolo wangu umdzadzusika kupitirira awengi wangu wense wakundizungulira ine, ndichidzapereka nsembe ya chisekerero mchihema chache! Nimdzaimba na kukonzera bzimbo Yahova!⁷Bvani, Yahova, mafala yangu ningakuwa! Ndichitireni nsisi, na kunditawira! ⁸Mtima wangu umbati bza imwe, ''Psaga nkhope yache!'' Ndikupsaga nkhope yanu, Yahova!⁹Nampodi kundibisira nkhope yanu; nampodi kuchosa kapolo wanu mu ukali! Mwakhala mthandizi wangu; nampodi kundisiya ayai kundilamba, Mulungu wa chipulumuso changu! ¹⁰Napo babangu na mayi wangu andisiye, Yahova amdzandilokota.¹¹Ndipfunziseni ine njira yanu, Yahova! Nditsogolereni njira yamthapsa thangwera awengi wangu. ¹²Nampodi kugonjera bzakufuna bza awengi wangu, nakuti mboni zakunama zaphuka kugazana nande, apo ambapumira chiwawa!¹³Chingadandichitikira mchani ningadasaya kukhulupirira kuti ndikaone ubwino bwa Yahova mdziko la anyamoyo? ¹⁴Dikhira Yahova; khala wa mphamvu, na mtima wako ukhale wakulimbika! Dikhira Yahova!.

28¹Kuna imwe Yahova, nimbalirira; thanthwe langu, nampodi kunditaya ine. Mungasaya kunditawira, nimdzaphatanidzana na wale wakuyenda ku dindi. ²Bverani mafala ya kukumbira kwangu ningakuchemerani kuti mundithandize, ningadzusira manja yangu ku mbuto yanu yakupambulikisisa!³Nampodi kundikwekwetera kubodzi na wakuipa, wale wamakhalidwe yakuipa, wakusewera mtendere na anzawo soma ana chakuipa mmitima yawo. ⁴Apeni ndibzo bzakuchita bzawo bzikukhumba apo abwezereni iwo ndibzo kuipa kwawo kumkumbira; apagalini iwo pa basa la manja yawo na kuwabwezera bzakuthemera iwo. ⁵Thangwe ambabvesesa lini bzichito bza Yahova ayai basa la manja yache, amdzawaswa apo neye kuwamanga pomwe.⁶Wakudalisika Yahova thangwe wabva mafala ya kukumbira kwangu! ⁷Yahova ni mphamvu zangu na chakukhotcherera changu; mtima wangu umbakhulupirira iye, ndichithandiziwa. Mthangwerache mtima wangu umsekera kukulu, apo nimdzamthembeza iye na kuyimba. ⁸Yahova ni mphamvu za wanthu wache, na mphamvu ya chipulumuso cha wakudzozewa wache.⁹Pulumusani wanthu wanu na kudalisa chakutambira chanu. Khalani makabusa na kuwanyamula nthawe zensene.

29¹Perekani kuna Yahova, imwe wana wa Mulungu, perekani kuna Yahova ulemerero na mphamvu! ²Perekani kuna Yahova ulemerero bwa dzina lache. Gogamirani Yahova mwakuchena na mwakukomesesa.³Fala la Yahova labveka pa madzi; Mulungu wa ulemerero wugunda, Yahova wagunda pamadzi mazinji. ⁴Fala la Yahova nda mphamvu; fala la Yahova ndikulukulu. ⁵Fala la Yahova limtchola mikungudza; Yahova amswa m'bzidupsa mikungudza ya ku Lebano.⁶Amchitisa Lebano kumoga ninga mkono wa ng'ombe na Sirio ninga mkono wa njati. ⁷Fala la Yahova limtuma malambi ya moto. ⁸Fala la Yahova limtekenyesa bzipululu; Yahova amtekenyesa bzipululu bza Kadesi.⁹Fala la Yahova limchitisa miti mikulu kupokonyoka na kukhundula padecha nkhalango. Aliyense mkachisi wache anilewa, ''Ulemerero!'' Yahova amkhala ninga mfumu pa madzi yachigumula; ¹⁰Yahova amkhala ninga mfumu nthawe yakuyenda muyaya.¹¹Yahova ambapereka mphamvu kuna wanthu wache; Yahova ambadalisa wanthu wache na mtendere.

30¹Nimdzakukwizani, Yahova, thangwe mwandinyamula apo mulibe kudekedwesa awengi wangu. ²Yahova Mulungu wangu, ndidalirira imwe chithandizo, muchindithandiza. ³Yahova, mudabweza moyo wangu ku Thenje; mwandikoya wa moyo kuti ningapolike ku dindi.⁴Yimbirani manamato Yahova, imwe wakukhulupirika wache! Perekani kutenda mungakumbukira ulemerero bwache. Nakuti ukali bwache m'bwa kanthawe pamkiti basi; soma udidi bwache moyo wense. ⁵Kulira kuniphuphudza, soma kusekera kunidza machibese.⁶Pomwe ndiri pfatse ndidati, ''Nimdzatekenyeka lini nthawe zense,'' ⁷Yahova, na udidi bwanu mudandikhazikisa ine ninga phiri la mphamvu; soma pomwe mudabisa nkhope yanu, ndidabonera. ⁸Ndidalirira imwe, Yahova, na kupsaga udidi kuchoka kuna Mbuyangu!⁹Muna phindu lanyi mmulopa wangu, ningayenda ine ku dindi? Kodi pfumbi limdzakuthembezani imwe? Kodi limdzalalika bza chadidi chanu? ¹⁰Bvani, Yahova, na kukhala na chifundo pa ine! Yahova, khalani mthandizi wangu.¹¹Mwatembenuza kulira nkhawa kwangu kukhala kubzina; mwakhundula chiguduli changu mkundibvazika chisekero. ¹²Ndiye tsapano ulemerero bwangu bumdzakuyimbirani chithembezo apo sikuti kukhala chete; Yahova Mulungu wangu, nimdzapereka kutenda kuna imwe ku nthawe zense!

31¹Mwa imwe, Yahova, nimthawira; nampodi kundileka kuti andichepse. Ndipulumuseni ine mwa chilungamo chanu. ²Nditetekereni; ndipulumuseni kamkulumize; khalani thanthwe langu la kuthawira, nyumba ya malitsito yakundikoya.³Thangwe ndimwe thanthwe langu na litsito langu; mthangwerache thangwera dzina lanulo, nditsogolereni na kundifambisa bwino. ⁴Mundionjole mu ukonde ndibo andibisira, thangwe ndimwe kwakuthawira kwangu.⁵Mmanja mwanu niyikha mzimu wangu; mumdzandipulumusa ine, Yahova, Mulungu wachikhulupiriro. ⁶Nimbawengana na wale wakutumikira mafano yapezipezi, soma nimbakhulupirira mwa Yahova. ⁷Nimdzakhala wakudekedwa na kusekera mchikhulupiriro cha mpangano wanu, nakuti mudaona matsautso yangu; mudadziwa kubonera kwa moyo wangu.⁸Mulibe kundipereka ine mmanja mwa muwengi wangu. Mwapondesa nzayo zangu m'buto yapadecha. ⁹Ndichireni nsisi, Yahova, nakuti ndiri mmatsautso; maso yangu yaneta na kubonera na mzimu na thupi langu.¹⁰Nakuti moyo wangu waneta na nsisi apo magole yangu na kubuula. Mphamvu zangu zatazira thangwera kusakaza kwangu, na mafupa yangu yakumala. ¹¹Thangwera awengi wangu wensene, ndakhala chakusekesa; anansi wangu akunyansidwa na ndimo ndiriri, apo iwo wakundidziwa ine akubva nande mantha. Wakundiona ine mmisewumu akundithawa.¹²Ndayebweka ninga munthu wakufa omwe palibe ambamkumbuka. Ndiri niga mphendekali wakupseka. ¹³Nakuti ndabva kung'ung'udza kwa azinji, nkhani zakugopsa zandizungulira pomwe akundipangana pabodzi kulimbana nande. Akupangana bzakutenga moyo wangu.¹⁴Soma nimbakhulupirira imwe, Yahova; ndikuti, ''Ndimwe Mulungu wangu.'' ¹⁵Nthawe zangu ziri mmanja mwanu. Ndipulumuseni mmanja mwa awengi wangu na kuchoka kuna wakunditewera. ¹⁶Nkhope yanu mbaitoye pa kapolo wanu; ndipulumuseni mchikhulupiriro cha mpangano wanu.¹⁷Nampodi kubvuma ndichite manyazi. Yahova; nakuti ndakuwira kuna imwe! Wakuipa mbaachite manyazi! Iwo mbaakhale chete Mthenje. ¹⁸Milomo yakunama inyamaliziwe ndiyo imbasewera kugazana na wakulungama mtima mwa makiriyado na kubzithusa na kunyoza.¹⁹Ubwino bwanu m'bukulu tani kuti mwakoyera wale wakulemekezani kwadidi, kuti mumbachitira wale wakuthawira mwa imwe pamaso pa wana wensene wa wanthu! ²⁰Mu mthunzi wa kuonekera kwanu, mumbawabisa iwo kuchoka mchiwembu cha wanthu. Mumbawabisa iwo mu mthunzi kuchoka pa ndewu ya malirime.²¹Wakulemekezeka Yahova, thangwe adandionesa ine mpangano wakudabwisa wa chikhulupiriro pomwe ndikhali mmuyi wakuzunguliriwa. ²²Napo ndidati mu thupo langu, ''Ndagwatiwa kuchoka pamaso panu,'' chensecho mudabva kumbiro langu lachithandizo pomwe ndidalirira imwe.²³Kondani Yahova, imwe wense wakukhulupirika. Yahova ambateteza wakukhulupirika, soma ambabwezera mwakuwanda wakubzithusa. ²⁴Limbikani apo bvumani mtima wanu ulimbisiwe, imwe mwensene wakukhulupirira Yahova ku chithandizo.

32¹Wakudala ni munthu omwe mphumbza zache zalekereriwa, omwe chakuphonya chache champsinkhiwa. ²Wakudala ni munthu omwe Yahova ambamulewengera lini mphumbza zache na omwe mu mzimu wache mulibe chinyengo.³Pomwe ine ndidakhala chete, mafupa yangu yakhamala pomwe ndidabuula nsiku yamtero. ⁴Thangwe masikati na usiku boko lanu likhadaneta nande. Mphamvu zangu zidafota ninga mchilala cha chirimo.⁵Ndiye ndidazindikira chakuphonya changu kuna imwe, apo ndiribe kubisa pomwe mphumbza yangu. Ndidati, ''Nimtawiriza mphumza zangu kuna Yahova,'' apo mudalekerera kuipa kwa chakuphonya changu. ⁶Na thangwe limweri aliyense wakukhulupirika wakutewera imwe apembe kuna imwe pa nthawe ya matsautso makulu. Pomwe madzi yakubvunduka yanikhaphwikira, madziyo yamdzawafika lini.⁷Ndimwe mbuto yangu yakubisalikira; mumdzandinyang'anira ku mabvuto. Mumdzandizungulira ine na bzimbo bza chipulumuso. ⁸Nimdzakulangiza na kukupfunzisa iwe mnjira yakuti udzayende. Nimdzapanganiza na diso langu pa iwe.⁹Nampodi kuhala ninga kavalo ayai ninga bulu, bzomwe bziribe nzeru; bzakumangira bzawo na bzakukamwa ndiye bzakubzilatizira ibzo kuti bziyende ndiko umfuna ibzo kuyenda. ¹⁰Wakuipa am'gwedwa na nsisi zizinji, soma mpangano wa chikhulupiriro cha Yahova umdzazungulira wakukhulupirira iye.¹¹Khalani wakudekedwa mwa Yahova, na kusekera, imwe wakulungama; kuwirani chisekerero, imwe mwense wakulungama mtima.

33¹Sekererani mwa Yahova, imwe wakulungama; kulemekeza mkwakufunika kuna wakuthamuka. ²Perekani kutenda kuna Yahova na zeze; imbirani iye kulemekeza na chisakasa cha bzingwe khumi. ³Imbirani iye chimbo chipsa; imbani mwa madu na kubvekesa mafala.⁴Nakuti mafala ya Yahova yali yakulungama, na basa lache lensene limkhulupirika. ⁵Iye ambakonda chilungamo na chiyeruzo. Dziko lapansi ndakudzala na chikhulupiriro cha mpangano wa Yahova. ⁶Na fala la Yahova kudzaulu kudzakonzeka, na nyenyezi zensene zidakonzeka na kupuma kwa mulomo wache.⁷Iye ambagwezeka madzi ya mnyanza pabodzi ninga mudwi; ambaikha nyanza zikulu mnyumba zakukoyera. ⁸Lekani dziko lapansi lensene ligope Yahova; lekani wakukhala mdziko lapansi agope iye. ⁹Thangwe iye adasewera, apo bzidachitika; adatonga, apo bzidaima m'buto.¹⁰Yahova ambadzononga chiphatizano cha madzinza; iye ambasandusa bza pezi bzakulingirira bza wanthu. ¹¹Chiyeruzo cha Yahova chimkhala chikhazikikire, chiyeruzo cha mtima wache pala mibwado yensene. ¹²Lakudala ni dzinza lomwe Mulungu wache ni Yahova, wanthu omwe iye wawasankhula kukhala chakutambira cha iye yekha.¹³Yahova ambanyang'nisa kuchoka kudzaulu; iye ambaona wanthu wensene. ¹⁴Kuchoka kumbuto ndiyo iye ambakhala, ambanyang'anisa pansi pa wensene wakukhala dziko lapansi. ¹⁵Iye wakukonza mitima ya iwo wensene ambanyang'ana bzichito bzawo bzensene.¹⁶Palibe mfumu imbapulumuka na kuwanda kwa anyankhondo; nyankhondo ambapulumuka lini na kuwanda kwa mphamvu zache. ¹⁷Kavalo mchidikhiriro chakunama cha chipulumuso; napo na mphamvu zache zikulu, angapulumuse lini.¹⁸Onani, diso la Yahova liri pa iwo wakumgopa iye, pa iwo wakukhulupirira mpangano wa chipulumuso chache ¹⁹kupereka miyoyo yawo kuchoka ku imfa na kuwakoya iwo wamoyo mnthawe ya njala.²⁰Tikudikhira Yahova; iye ndiye chithandizo chathu na chikhotcherero chathu. ²¹Mitima yathu imsekera mwa iye, nakuti timbakhulupirira mdzina lache lakuchena.²²Lekani chikhulupiriro cha mpangano wanu, Yahova, chikhale nafe pomwe tiniyikha chidikhiriro chathu mwa imwe.

34¹Nimdzalemekeza Yahova nthawe zensene, kulemekeza iye kumdzakhala mkamwa mwangu nthawe zensene.²Nimdzalemekeza Yahova! Wakutsautsika mbaabve na kusekera. ³Lemekezani Yahova kudzera mwa ine, mbatiye tikwize dzina lache pabodzi.⁴Ndidapsaga Yahova apo adanditawira ine, achindiletsetsa mmantha yangu yensene. ⁵Iwo wakunyang'ana iye akusekera, apo nkhope zawo ziribe manyazi. ⁶Munthu wakutsautsikayu adalira apo Yahova adamubva achimpulumusa iye ku matsautso yache yensene.⁷Mnjero wa Yahova wamanga msasa kuzungulira iwo wakugopa iye achiwapulumusa. ⁸Lawidzani muone kuti Yahova ngwabwino. Wakudala ni munthu wakubisala mwa iye. ⁹Gopani Yahova, imwe wanthu wache wakuchena. Palibe chakusaya kuna iwo wakugopa iye.¹⁰Misona ya mphondolo nthawe zina imbasaya chakudya ichibonera nayo njala, soma wale wakupsaga Yahova amdzasaya lini chinthu chirichense chabwino. ¹¹Bwerani, wanamwe, nditetekereni. Nimdzakupfunzisani bza kugopa Yahova.¹²Ni munthunyi wakusekera mmoyo na kukonda nsiku zizinji, kuti angaone bzabwino? ¹³Ndiye letsani lirime lanu ku chakuipa na kuletsa milomo yanu kusewera bzakunama. ¹⁴Fundukirani pa chakuipa apo chitani bzabwino. Psagani mtendere na kuutewera.¹⁵Maso ya Yahova yali pa wakulungama na makutu yache yanibzatika pa kulira kwawo. ¹⁶Nkhope ya Yahova imgazana na wale wakuchita chakuipa, kudedza chikumbuko chawo ku dziko lapansi. ¹⁷Wakulungama ambachemera apo Yahova ambabva achiwapulumusa ku matsautso yawo yensene.¹⁸Yahova ali pafupi na mitima yawo yakupsekayo, apo ambapulumusa wale wakupseka mu mzimu. ¹⁹Mazinji yali matsauso ya wakulungama, soma Yahova ambaletsetsa kwa iwo wensene. ²⁰Iye ambakoya mafupa yache yensene, neye libodzi ndilo limdzatchoka.²¹Chakuipa chimdzapha wakuipa. Wale wakuwengana na wakulungama amdzagaziwa. ²²Yahova ambapulumusa miyoyo ya anyamata wache. Palibe neye wa iwo wakuthawira mwa iye amdzagaziwa.

35¹Yahova , gazanani na wale wakugazana nande; limbanani nawo iwo wakulimbana nande. ²Phatani chakukhotchrera chanu ching'ono na chakukhotcherera chikulu; lamukani mundithandize. ³Phatisani basa dipa lanu na mbadzo yankhondo kulimbana na iwo wakuthotha ine; lewani ku mzimu wangu, ''Ndine chipulumuso chanu.''⁴Wakupsaga moyo wangu mbaachite manayzi na kumala nzeru. Iwo wakupangana kundidzononga ine abwerere mmambuyo na kuchita manyazi. ⁵Mbaakhale ninga mankhunyete pamaso pa chonzi, pomwe mnjero akuwathamangisa. ⁶Njira yawo mbaipsipe na kuterera, pomwe mnjero wa Yahova aniwathotha iwo.⁷Seye thangwe akunditeyera ukonde bwawo; seye thangwe adachera dindi la moyo wangu. ⁸Chiwagwere mwakudzidzimusa chidzonongeko. Ukonde ndibo iwo ateya buwamange iwo. Lekani iwo agwere mwemo, adzonongeke okha.⁹Soma nimdzakhala wakusekera mwa Yahova na kusekera mchipulumuso chache. ¹⁰Mafupa yangu yensene yamdzati, ''Yahova, mbani ali ninga imwe, omwe ambapulumusa wakutsautsika kuchoka kuna wale wakuwaposa mphamvu na wakusaya na wakubonera kuchoka kuna wale wakuyezera kuwabera iwo?¹¹Mboni zakusaya kulungama zalamuka; zakundibvunza bzakusaya kudziwa ine. ¹²Iwo akundibwezera chakuipa ku chabwino, Ndine wa nsisi.¹³Ningakhala inepano, pomwe iwo akhadwala, chakubvala changu chikhali chiguduli; ndidawatsotsera kudya, apo pembo langu lidabwerera ku chifuwa changu. ¹⁴Ndakhala ine ninga iye akhaliri mwayangu, m'bale wangu; ndidakotamira pansi pakulira ninga kulira mayi wangu.¹⁵Soma pomwe ine ndidakhukhumudwa, iwo adasekera achigwezekana pabodzi; adagwezekana pabodzi kulimbana nande, apo ndikhali wakudabwa nawo. Iwo adanding'amba seye kulekeza. ¹⁶Mwakusaya ulemu iwo adandinyoza ine; adandikukutira mano yawo na ukali.¹⁷Mbuya, mumdzangang'anira kufikizana liti? Pulumusani moyo wangu ku nkhondo zawo zakudzononga, moyo wangu okhayo kuchoka ku mphondolo. ¹⁸Ndiye nimdzakutendani mu mtsonkhano ukulu;¹⁹Awengi wangu wachinyengo nampodi andisekerere ine; nampodi kuwaleka achite manera yawo yakuipayo. ²⁰Thangwe ambasewera lini mtendere, soma ambapsaga mafala yachinyengo kulimbana na wa mdziko lathu wakukhala mu mtendere.²¹Ambayachamula mkamwa mwawo kulimbana nande; iwo adati, ''Hede, Aha, maso yathu yachiona.'' ²²Mwachiona, Yahova, nampodi kukhala chete; Mbuya, nampodi kukhala nande kutali. ²³Galamukani mwekha apo mulamukire kundiyeruzira mulandu wangu; Mulungu wangu na Mbuyangu, tetezani mulandu wangu.²⁴Nditetezeni ine, Yahova Mulungu wangu, thangwera chilungamo chanu; nampodi kuwaleka andisekerere ine. ²⁵Nampodi kuwaleka alewe mu mtima mwawo, ''Hede, tagumana ndicho tikhafuna.'' Nampodi kuwaleka alewe, ''Tammeza iye.'' ²⁶Mbaachitisiwe manyazi apo mbaachepseke wakundisekerera kubonera kwangu. Iwo wakubzikuza okha pa ine abvale manyazi na kunyozeka.²⁷Akuwe mwa kusekera achidekedwa iwo wakudekedwa nacho chilungamo changu na kusekera; mbaalewe kamphindiza, ''Yahova athembezeke, iye wakudekedwa mmachitachita yabwino ya kapolo wache.'' ²⁸Ndiye nimdzalewa bza chilungamo chanu na kunamata imwe kuchoma nsiku yensene.

36¹Munthu wakuipa ambasewera bza chakuipa chache kuchoka mkati mwa mtim wache, palibe kugopa Mulungu mmaso mwache. ²Thangwe iye ambabzinyamaliza yekha, kukumbuka kuti chakuipa chache chimdzadziwika lini na kuwengana nacho.³Mafala ya mkamwa mwache ngakuipa yokhayokha na yachinyengo; ambafuna lini kukhalambo wakuzindikira achichita bwino. ⁴Angambanama pakama wache, ambakonza njira zakuphonya; iye ambabziikha pa njira ya chakuipa; ambaipidwa lini na chakuipa.⁵Mpangano wa chikhulupiriro chanu, Yahova, umbafika kudzaulu; chikhulupiriro chanu chimbafika kumitambo. ⁶Chilungamo chanu chiri ninga mapiri ya Mulungu; mayeruzo yanu yali ninga kuzika kukulu. Yahova, mumbakoya munthu na nyama.⁷Mpangano wa chikhulupiriro chanu ngwakupambana, Mulungu! Wanthu amthawira mu mthunzi wa maphapidwe yanu. ⁸Amdzakhuta na bzakuwanda bza mnyumba mwanu; mumdzawamwesa mu mkulo wa bzakudeka bzanu. ⁹Pakuti mchera wa moyo uli mwa imwe; mkutoya kwanu timdzaona kutoya.¹⁰Talimphisani mpangano wa chikhulupiriro chanu kwakudzala kuna iwo wakudziwa imwe, chitetezo chanu kuna wakuthamuka mtima. ¹¹Nampodi kubvuma nzayo ya munthu wakuipa kufendera kuna ine. Nampodi kubvuma boko la wakuipa lindichose. ¹²Pamwepo wakuchita bzakuipa agwa; agwesedwera pansi apo amkwanisa lini kulamuka.

37¹Nampodi kubonera na wakuchita bzakuipa; nampodi kukhala na nsanje na wale wakuchita mwakusaya kulungama. ²Thangwe amdzauma tsapanopa ninga uswa achifota ninga uswa buwisi.³Khulupirira mwa Yahova na kuchita bzabwino; khala mdziko na kuteweza chikhulupiriro. ⁴Ndiye bzidekese wekha mwa Yahova, apo amdzakupa iwe bzakukhumba bza mtima wako.⁵Perekani njira zako kuna Yahova; khulupirira mwa iye, apo amdzachita chinthu mmalo mwa iwe. ⁶Iye amdzaonesera chilungamo chako ninga kutoya kwa masikati na kuyeruza kwako ninga kutoya kwa masikati.⁷Khala basi pamaso pa Yahova na kudikhirira iye mwa mderekho. Nampodi kukhala na ukali wina angapambana mu bzakuchita bzache, ayai angakonza chiwembu⁸Nampodi kukalipa na kukhala na thupo. Nampodi kudandaula. Ichi chimbabweresa chakuipa. ⁹Wakuchita chakuipa amdzagwatiwa, soma wale wakudikhirira Yahova amdzatambira dziko. ¹⁰Mkanthawe kakuchepa munthu wakuipa amdzaoneka lini; umdzanyang'anisa lini mbuto yache, soma amdzayenda.¹¹Soma wakupfatsa amdzatambira dziko lapansi achidzakomedwa nawo mtendere wakuwanda.

¹²Munthu wakuipa ambakonzera chiwembu wakulungama achibubuda mano yache na ukali kulimbana naye. ¹³Mbuya ambamuseka iye, thangwe iye ambaona kuti nsiku yache ikubwera.¹⁴Wakuipa amolola malupanga yawo apo akonyola mauta yawo kugwesa wakutsautsika na wakusaya, kupha iwo wakuthamuka mnjira. ¹⁵Amdzabzipsonda okha mitima yawo na malupanga yawoyo, na mauta yawo yamdzakhoboka.¹⁶Bzakuchepa bzache bza wakulungama bzimkoma kuposa kuwanda kwa wanthu azinji wakuipa. ¹⁷Thangwe manja ya wanthu wakuipa yamdzakhobolewa, soma Yahova ambathandiza wanthu wakulungama.¹⁸Yahova ambadziwa wakulungama nsiku na nsiku, apo chakusiyira chawo chimdzakhala chakusaya kumala. ¹⁹Amdzachita lini manyazi pomwe nthawe zaipa. Pomwe njala yagwa, amdzakhala na bzakukwana kudya.²⁰Soma wanthu wakuipa amdzamala. Awengi wa Yahova amdzakhala ninga kutoya kwa mafololi; amdzakhudyuliwa na kubisala mu utsi. ²¹Munthu wakuipa ambafiyali soma ambabweza lini, soma munthu wakulungama ambachitira chifundo achipereka.²²Iwo wakudalisiwa na Yahova amdzatambira dziko; iwo wakutembererewa naye amdzagwatiwa. ²³Ni thangwera Yahova kuti nsikada za munthu zikhazikisiwe, munthu omwe njira yache imthembezewa mmaso mwa Mulungu. ²⁴Napo akhukhumudwe, amdzagwa lini pansi, nakuti Yahova animuwakha iye na boko lache.²⁵Ndikhali mwana tsapano ndakula; ndikanati kuona munthu wakulungama kutayiwa ayai wanache kukumbira mkate. ²⁶Nsiku yensene ngwachifundo na wakukumbiza, apo wanache ambakhala mdaliso. ²⁷Lekana nacho chakuipa apo chita chakulungama; ndiye umdzakhala pabwino nthawe zense.²⁸Nakuti Yahova ambakonda chilungamo apo ambataya lini wakukhulupirika wache. Ambakoyewa nthawe zense, soma mbewu ya anyakuipa imdzagwatiwa. ²⁹Wakulungama amdzatambira dziko achikhala momo kwamuyaya. ³⁰Mulomo wa munthu wakulungama umbasewera nzeru uchithimizira chilungamo.³¹Chitongi cha Mulungu wache chiri mu mtima mwache; nzayo zache zimdzamoga lini. ³²Munthu wakuipa ambawenderera munthu wakulungama achipsaga kumupha. ³³Yahova amdzamtaya lini iye mmanja mwa munthu wakuipa ayai kumtsimula iye angayeruziwa.³⁴Dikhirira Yahova na kukoya njira yache, apo amdzakulamusa kutambira dziko kukhala lakolako. Umdzaona wakuipa angadzagwatiwa.³⁵Ndaona munthu wakuipa na wakugopsa kutasa ninga muti uwisi mmataka yache ya unzika. ³⁶Soma pomwe ndidagwata pomwe pafupipo, iye akhali lini popo. Ndidamupsaga, soma alibe kugumanika.³⁷Ona munthu wabwino bwino, apo ona wakulungama; muna tsogolo labwino mwa munthu wa mtendere. ³⁸Wakupanduka amdzadzonongekeratu; tsogolo la wakuipa lagwatika.³⁹Chipulumuso cha wakulungama chimbachokera kuna Yahova; iye ni mbuto yawo yamderekho mu nthawe ya matsautso. ⁴⁰Yahova ambawathandiza achiwapulumusa iwo. Iye ambawapulumusa kuna wanthu wakuipa achiwapulumusa iwo thangwera athawira mwa iye.

38¹Yahova, nampodi kunditsimula ine mu ukali bwanu; nampodi kundilanga ine mchilango chanu. ²Thangwe mapsimo yanu yamndipsonda, apo boko lanu limndibzinyizira pansi.³Mthupi mwangu mulibe cha moyo thangwera ukali bwangu; mulibe kujejera mmafupa yangu thangwera chakuphonya changu. ⁴Nakuti bzakuphonya bzangu bzapitirira ine; iwo ni ngwete yakulemera kwakunyanya kuna ine.⁵Bzilonda bzangu bzabvunda apo bzikununkha thangwera bzakuphonya bzangu bzakupusabzo. ⁶Ndakotamisiwa na kuchepsewa nsiku zense; ndikufambafamba kulira nsiku yensene.⁷Nakuti mwa ine, ndadzana na kugaka; mulibe moyo mu mnomfu mwangu. ⁸Ndakhala bewewe na kudzonongewa kukulu; ndikubuula thangwera ukali bwa mtima wangu.⁹Mbuya, mukudziwa bzakukhumba bza pansi pa mtima wangu, na bzakubuula kwangu bziribe kubisala kwa imwe. ¹⁰Mtima wangu ukudera, mphamvu zangu zachoka, na kubvunika kwa maso yangu, napo kuti kuli lini nande.¹¹Anzangu na wakundikonda akundithawa ine thangwera ndimo ndiriri; anansi wangu ayima patali. ¹²Iwo wakuona moyo wangu akunditeyera ukhulira. Iwo wakupsaga kudzononga ine akusewera mafala yakudzononga na kulewa mafala ya chinyengo nsiku zense.¹³Soma ine, ndiri ninga munthu gonthi wakusaya kubva chinthu; ndiri ninga munthu bewewe omwe ambasewera lini chinthu. ¹⁴Ndiri ninga munthu omwe ambabva lini na omwe alibe chakutawira..¹⁵Chadidi ndikudikhirira imwe, Yahova; mumdzatawira, Mbuya Mulungu wangu. ¹⁶Ndikulewa ichi pala kuti awengi wangu amdzasekera lini pa ine. Nzayo yangu ingamoga, iwo amdzachita bzinthu bzakuipa kuna ine¹⁷Nakuti ndasala pamkiti kugwidoma, apo ndiri mkuwawa kukulu. ¹⁸Ndatawiriza kuphonya kwangu; ndina thupo thangwera chakuphonya changu.¹⁹Soma awengi wangu awanda; wale wakundiwenga ine mwakuipa mbazinjitsa. ²⁰Ambandibwezera chakuipa ku chabwino; ambathusa bzakugaza pa ine napo ndatewera chabwino.²¹Nampodi kunditaya ine, Yahova; Mulungu wangu, nampodi kuhala nande kutali. ²²Bwerani kamkulumize kudzandithandiza, Mbuya, chipulumuso changu.

39¹Ndidaganiza, ''Nimdzakoya bzakusewera bzangu pala kuti nampodi ndiphonye na lirime langu. Nimdzampsinkha kukamwa kwangu pomwe ndiri pamaso pa munthu wakuyipayo.''²Ndidanyamala; ndidabweza mafala yangu neye pakusewera chinthu chirichense chabwino, apo kuwawa kwangu kudakula. ³Mtima wangu udatentha; pomwe ndidakumbuka bza bzinthu bzobzi, udatentha ninga moto. Ndiye pambuyo pache ndidasewera.⁴Yahova, ndidziwiseni liti ndilo moyo wangu umdzamala na kutalimpha kwa nsiku zangu. Ndioneseni malekezero yangu. ⁵Onani, mwaikha nsiku zangu zikhale ninga kuyeza boko langu, na kulalika kwa moyo wangu kuli lini ninga chinthu pamaso panu. Chadidi munthu aliyense kupuma kwache mkabodzi.⁶Chadidi munthu aliyense ambafamba ninga mthunzi. Chadidi aliyense ambakulumiza kugwezeka vida napo iwo amdziwa lini mbani amdzachitambira. ⁷Tsapano, Mbuya, ndikudikhirira chani? Ndimwe mwekha wangu.⁸Ndipulumuseni ine ku bzakuphonya bzangu; nampodi kundiikha kukhala chakutonza cha wakupusa. ⁹Ndiri chete apo ningafungule lini pakamwa pangu, thangwe ndimwe omwe mwachichita.¹⁰Mundichosere ine chakubvutisa, ndaneta na kulanga kwa boko lanu. ¹¹Pomwe munilanga wanthu pa bzakuipa, mumbakhudyula bzinthu ambakhumbabzo ninga njetiyeti; chadidi wanthu wensene ali wa pezi ninga nthunzi.¹²Bvani pembo langu. Yahova, apo tcherani khutu pa kulira kwangu mundithandize; nampodi kukhala gonthi ku misozi yangu! nakuti ndiri ninga mlendo na imwe, wakufambafamba ninga abereki wangu wensene akhaliri. ¹³Chungunukani kunyang'ananisa kwanu kuchoka pa ine pala kuti ndisekerere pomwe ndikanati kufapa.''

40¹Ndidadikhilira Yahova mwakuderekha; Adatetekera kuna ine achibva kulira kwangu. ²Napo adandikwiza kuchoka mudindi la chitayiko, kuchoka mmatope, nakuikha nzayo zangu pathanthwe na kukhazikisa mafambidwe yangu.³Wayikha chimbo chipsa pakamwa pangu, chakulemekeza Mulungu wathu. Azinzi amdzachiona achidzalemekeza iye na kukhulupilira mwa Yahova. ⁴Wakudala ni munthu omwe amtenga Yahova kukhala chikhulupiliro chache na kulamba kulemekeza wakubzikuza ayai wakulamba iye achitewera bzakunama.⁵Bzizinji, Yahova Mulungu wangu, mpsakudabwisa ndibzo mwachita, na bzakukumbuka bzanu bzina ife bzingalewengeke lini; penu nibzionesera lini nakubzisewera, bzimdzakhala bzizinji kuposa bzakulewengewa. ⁶Mulibe kudekedwa na nsembe pinango bzakupereka, soma mwafungula makutu yangu; Mulibe kufuna bzakupereka bzakupserereza pinango bzakupereka bzakuphonya.⁷Apo ndidati ine, "Onani, ndabwera; bzidanembiwa bza ine mchitsamba cha bukhu. ⁸Nimbadekedwa kuchita bzakufuna bzanu, Mulungu wangu; bzakutonga bzanu bziri mu mtima mwangu .'' ⁹Ndalalikira uthenga bwabwino bwa chipulumuso chanu kuna mtsonkhano ukulu; Yahova, mumdziwa kuti milomo yangu imdzaleka lini kuchita bzimwebzi.¹⁰Ndiribe kubisa chilungamo chanu mu mtima mwangu; ndadekedwa na chikhulupiliko chanu na chipulumuso chanu; ndilibe kubisa chifundo cha phangano lanu pinango kukhulupirika kwanu kuna mtsonkhano ukulu wa wanthu. ¹¹Nampodi muchose bzakuchita bzanu bzachifundo kuna ine, Yahova; lekani bzifundo bza malamulo Yanu na kukhulupilika kwanu nthawe zense kundikoye ine nthawe zense.¹²Matsautso yakusaya kulewengewa yandizungulira ine bzakuphonya bzangu bzandiphata mwakuti ndikukwanisa lini pomwer kuona chilichense; mpsizinji kuposa tsisi la mumsolo mwangu apo mtima wangu wandichokera ine. ¹³Komedwani, Yahova, mundipulumuse ine; fulumizani kundithandiza ine, Yahova.¹⁴Alekeni achite manyazi na kupsoma kwakulemwa wakutewera moyo wangu kuti awupsaire. Alekeni akhale wakubwerera mmambuyo na kunyozeka, wense wakudekedwa na kudzonongeka kwangu. ¹⁵Alekeni apululuke thangwera manyazi yawo, wense wakulewa kuna ine, ''Hede, hede!''¹⁶Soma asekere achidekedwa mwa imwe wense wakufuna imwe; lekani aliyense wakukonda chipulumuso chanu alewe mwakupitiriza, ''Mukwizike Yahova.'' ¹⁷Ndine nyakubonera na nyakusaya; soma Mbuya ndiganizirenimbo. Ndimwe thandizo langu apo bwerani mundipulumuse; nampodi kuchedwa, Mulungu wangu.

41¹Wakudala ndiye anikhudzika na wakulefuka; mu nsiku za mtsautso, Yahova amdzamupulumusa iye. ²Yahova amdzamutchenkha iye achimkoya na moyo, achidzadalisiwa pa dziko lapansi; Yahova amdzampereka lini kuna bzakufuna bza awengi wache. ³Yahova amdzamuthandiza iye pa kama wakubonera; mumdzasandusa kama wache wakudwala akhale kama wakulimbisiwa naye.⁴Ndidati, ''Yahova, ndichitireni chifundo! Ndilimbiseni ine, thangwe ndakuphonyerani.'' ⁵Awengi wangu akusewera bzakuipa kuna ine, achiti, 'Amdzafa liti na dzina lache kupfudzika?' ⁶Penu awengi wangu abwera kudzandiona ine, achilewa bzinthu bzakusaya basa; mtima wache umdzamgwezekera bzinthu bzakusaya basa iye mwene; pomwe amdzayenda kutali na ine, amdzauza anzache bzimwebzi.⁷Wensene wakuwengana nande akusewera kanonono pabodzi kugazana na ine; kuwengana nande achidikhirira chakuipa kuna ine. ⁸Iwo ati, ''Nthenda yakuipa yamuphata kwenekwene iye; tsapano kuti wagona pansi, amdzalamuka lini pomwe.'' ⁹Inde, neye mwayangu chaiye, omwe ndikhamkhulupilira, omwe adadya mkate wangu, wandidzusira katendene kulimbana nande.¹⁰Soma imwe, Yahova, chitani chifundo kuna ine na kundikwiza ine pala kuti ndiwabwezere. ¹¹Pa ibzi nimdziwa kuti mum'dekedwa nande, thangwe awengi wangu amndiseka lini ine. ¹²Ninga mwa ine, mumbandithandiza ine mkuchita bzakuona achidzandikoya pamaso yanu ku nthawe zense.¹³Yahova, Mulungu wa israyeli athembezeke kuchoka ku nthawe zense ate nthawe zense. Ameni na Ameni.

42¹Ninga nswala impuma wefuwefu kumogera ku mikulo ya madzi, ndimo ndiriri na nyota kuna imwe, Mulungu. ²Ndina nyota ya imwe Mulungu, imwe Mulungu wa moyo, kodi nimdzabwera liti ndichioneka pamaso panu Mulungu?³Misozi yangu yasanduka chakudya changu masikati na usiku, pomwe awengi wangu nthawe zense akulewa kuna ine, ''Mulungu wakoyo ali kuponi?'' ⁴Bzwinthu ibzi nim'bzwikumbuka pomwe nimtsanulira mzimu wangu: Nimdzayenda na thimu la wanthu ndichiwatsogolera iwo ku nyumba ya Mulungu na mafala ya chisekelero na kutenda, thimu la kusekerera madyerero ya msinda.⁵Thangweranyi umdzabonera, mzimu wangu? Thangweranyi umkalipa mwa ine? Chidikhiriro ni Mulungu, nakuti nimdzamunamata pomwe ine omwe ni mpulumusi wangu. ⁶Mulungu wangu, moyo wangu wabonera mwa ine, mthangwerache ndikukukumbukirani kuchokera mdziko la Yorodano, kuchoka pa makatolotolo matatu ya Phiri la a Hermone, na kuchoka pa phiri la Mizara.⁷Machemerewe ya madzi yakuzika pa kubveka kwa kuunga kwa madzi ya mathithi; matsoka yanu yensene na ukali bwanu bzandipitirira ine. ⁸Soma Yahova amdzatonga chikhulupiliro cha mpangano wache padecha; usiku chimbo chache chimdzakhala na ine, pembo kuna Mulungu wa moyo wangu.⁹Nimdzati kuna Mulungu, thanthwe langu, ''Thangweranyi mwandiyebwa ine? Thangweranyi kufamba mchilira nkhawa thangwera chitsautso cha muwengi?'' ¹⁰Ninga nalupanga mmafupa yangu, awengi wangu akundinyoza ine, pomwe nthawe zense ambati kuna ine, ''Mulungu wako alikuponi?''¹¹Thangweranyi umdzabonera, mzimu wangu? Thangweranyi mwakalipa nande? Chidikhiliro mwa Mulungu, thangwe nimdzamuthembeza pomwe omwe ni mpulumusi wangu na Mulungu wangu.

43¹Ndibweresereni chilungamo, Mulungu, apo mundilewere mulandu wangu kuna wanthu wakusaya chifundo. Ndipulumuseni ku wachinyengo na wakusaya kulungama. ²Thangwe ndimwe Mulungu wa mphamvu zangu. Thangweranyi mwanditaya? Nimbafambiranyi wakuliralira thangwera kundiboneresa kwa muwengi?³Oh, tumizani kutoya kwanu na chadidi chanu, bzinditsogolere ine. Bzindibwerese ku phiri lanu lakuchena na kwakukhala imweko. ⁴Ndiye nimdzayenda ku guwa la nsembe la Mulungu, kuna Mulungu chisekerero changu chakutalika. Nimdzakuthembezani na zeze, Mulungu, Mulungu wangu.⁵Thangweranyi umbakotama, moyo wanguwe? Thangweranyi umkalipa mkati mwangu? Chidikhiriro chiri mwa Mulungu, thangwe nimdzathembeza pomwe iye omwe ni chipulumuso changu na Mulungu wangu.

44¹Tabva na makutu yathu, Mulungu, abeleki wathu adatuza basa ndilo mudachita mu nsiku zawo, munsiku zawo zakale. ²Mudathamangisa madzinza na boko lanu, soma mudawokera wanthu wathu; mudatsautsa wanthuwo, soma mudawamwaza wanthu wathu m'dziko.³Thangwe alibe kutenga dziko kukhala lawo lawo na lupanga lawo, ayai manja yawo kuwapulumusa, soma boko lanu lamadidi, boko lanu, na kutoya kwa nkhope yanu, thangwe mudawachitira udidi. ⁴Mulungu, ndimwe Mfumu yangu; tongani chipulumuso cha Yakobo.⁵Mwa imwe timdzatinyirira pansi awengi wathu; mwa imwe dzina lanu timdzawapondedza kunsi, iwo wakutigandukira ife. ⁶Thangwe nimdzakhulupirira lini uta bwangu, ayai lupanga langu kundipulumusa ine.⁷Soma mwatipulumusa ku awengi wathu, na kuwachitisa manyazi wale wakutiwenga ife. ⁸Mwa Mulungu tachita kubzithemba kwathu nsiku yensene, apo timdzapereka kutenda ku dzina lanu ku nthawe zensene.⁹Soma tsapano mwatitaya ife na kutinyazisa, apo mumbabula lini kuyenda na wankhondo wathu. ¹⁰Mutichtise kuthawa kuchoka kuna wakutitsautsa; na iwo wakutiwenga adzonongeke okha . ¹¹Mwatiyikha ninga mabira kukaphiwa na kutimwaza ife pakati pa madzinza.¹²Mumbagulisa wanthu wanu fovolo; mulibe kuthimizira vida yanu pakuchita bzimwebzo. ¹³Mukutisandusa chitonzo kuna anzathu, chakusekesa na chakulalatisa kuna wakutizungulira. ¹⁴Mwatiyikha tikhale wakunyozeka pakati pa wamadzinza, chakukwetedzesa misolo pakati pa wanthu.¹⁵Nsiku yensene chipepuso chili pamaso pangu, na manyazi ya nkhope yangu yandimpsinkha ine ¹⁶thangwera mafala ya iye wakunditonza na kuchita makiriyado, thangwera muwengi na wakubwezera. ¹⁷Bzensenebzi bzabwera pa ife; soma tiribe kukuyebwani ayai kuchita mwakunama na phangano lanu.¹⁸Mtima wathu ulibe kubwerera mmambuyo; mafambidwe yathu yalibe kupambuka mnjira yanu. ¹⁹Soma mwatikhobola m'buto ya bzilombo na kutimpsinkha na mthunzi wa imfa. ²⁰Penu tayebwa dzina la Mulungu wathu ayai kufuthulira manja yathu mulungu wachilendo, ²¹kodi Mulungu amdzazimbula lini ichi? Nakuti iye ambadziwa bzinsinsi bza mtima. ²²Mchadidi, thangwera imwe tikuphiwa nsiku yensene; tatengiwa ninga mabira yakukaphiwa.²³Lamukani, thangweranyi mukugona, Mbuya? nampodi kutilamba ife kwa muyaya. ²⁴Thangweranyi mwampsinkha nkhope yanu na kuyebwa matsauto na kubonera kwathu?²⁵Thangwe tamira m'pfumbi; matupi yathu yangingimira ku dziko lapansi. ²⁶Lamukani mutithandize na kutipulumusa ife thangwera chikhulupiriro cha mpangno wanu.

45¹Mtima wangu wakhaphwikira pa chinthu chakudeka; nimdzalewenga mwakukuwa mafala yakupeka ya mfumu; lirime langu mchakunembera chakukonzeka kunemba. ²Ndimwe wakudeka kuposa wana wa wanthu; chisomo chidatsanulidwira pa milomo yanu; ndiye timdziwa kuti Mulungu adakudalisani kwakusaya kumala.³Bzimangirireni lupanga lanu mchiuno mwanu, wamphamvumwe, mu ulemerero bwanu na ukulu bwanu. ⁴Mu ukulu bwanu phindulani thangwera kukhulupirika, kupfatsa, na chilungamo; boko lanu lamadidi limdzakupfunzisani bzinthu bzakugopsa.⁵Mapsimo yanu yadathwa; wanthu agwa pansi pa imwe; mapsimo yanu yali mumtima mwa awengi wa mfumu. ⁶Kadera yanu ya chifumu, Mulungu njakunthawe za nthawe; matongedwe ya chilungamo ni matongedwe ya ufumu bwanu. ⁷Mumbakonda chilungamo muchidana na chakuipa; m'thangwerache Mulungu, Mulungu wanu, wakudzozani imwe na mafuta ya chisekelero kuposa anzanu.⁸Bvakubvala bzanu bwense bzikununtchira mure, khonje, na kasya kuchoka m'bzinyumba bza mfumu bzakumanga na minyanga ya njowubzakuyimbira bza bzingwe mwakomedwa nabzo . ⁹Wana wachikazi wa mfumu ali pakati pa azimayi wakulemekezeka; pa boko lanu lamadidi payima mfumukazi yakubvala golide waku Ofiri¹⁰Tetekera, mwana mkaziwe, ona tchera khutu lako na kuyebwa wanthu wako na nyumba ya babako. ¹¹Mnjira yoyi mfumu imdzakhumba kudeka kwako; iyo ni mbuyako, uyibvere iyo.¹²Mwana wachikazi wa ku Turo amdzakhala popo na mphaso; wa vida pakati pa wanthu amdzakumbira udidi bwako. ¹³Mwana wachikazi wa kubanja la chifumu ngwachifundo chense; bzakubvala bzache mpsakukonziwa na golide.¹⁴Iye amdzatsogolerewa kuna mfumu ali mu bzakubvala bza mabangamabanga; madende, anzache wakumtewera iye, amdzafika nawo kuna iwe. ¹⁵Iwo amdzatsogozewa na chimwemwe na chisekerero; iwo amdzapita mnyumba yachifumu.¹⁶Mu nkhankha ya abereki wanu mumdzakhala wananu, omwe mumdzawasandusa mafumu mdziko lensene lapansi. ¹⁷Nimdzachitisa dzina lanu kukumbukika mmibwado yensene; natenepoyo wanthu amdzakupani kutenda ku nthawe za nthawe.

46¹Mulungu ndiye pakuthawira pathu na mphamvu yathu, chithandizo chakugumanika letu mu mtsautso. ²Mthangwerache timdzagopa lini, napo dziko lapansi likusandulika, napo mapiri yagwinyikire pakati pa njanza, ³napo madzi yache yachite kuunga na kukalipa, na napo kuti mapiri yatekenyeke na kudzala kwache.⁴Pana mkulo ndiwo nthambi zache zimkomesa mzinda wa Mulugnu, mbuto yakupambulika ndiyo Wakulemekezekayo ambakhala. ⁵Mulungu ali pakati pache; iye amdzagwinyika lini; Mulungu amdzamuthandiza iye, apo amdzachita tenepoyo pakuoneka manyika ya machibese.⁶Madzinza yadakalipa apo ma ufumu yadatekenyeka; iye adakwiza mafala yache, dziko lapansi lichisungunuka. ⁷Yahova wa mathimu ali nafe; Mulungu wa Yakobo ndiye pakuthawira pathu.⁸Bwerani, onani bzakuchita bza Yahova, omwe waikha bzinthu bzakupasa mantha pa dziko lapansi. ⁹Iye ambaletsa nkhondo ku malekezero ya dziko lapansi; ambakhobola uta achideza madipa mmapidaso; ambaotcha pa moto bzakukhotcherera.¹⁰Khalani chene mudziwe kuti ndine Mulungu; nimdzakwizika pakati pa madzinza; nimdzakwizika pa dziko lapansi. ¹¹Yahova wa mathimu ali nafe; Mulungu wa Yakobo ndiye pakuthawira pathu.

47¹Ombani mmanja mwanu, imwe wanthu mwensene; kuwirani Mulungu na mkuwe wakusekera. ²Nakuti Yahova Wamdzauluyo ngwakugopsa; ni Mfumu ikulu ya dziko lense lapansi.³Iye ambatigonjesera wanthu na madzinza kunzayo kwathu. ⁴Iye ambatisankhulira chakusiiriwa chathu, chakukomesesa cha Yakobo omwe iye adamkonda. ⁵Mulungu wakwira na mkuwe, Yahova na lipenga la nyanga ya tonde wa bira.⁶Imbirani Mulungu kutenda, imbirani kutenda, imbirani kutenda Mfumu yathu, imbirani kutenda. ⁷Nakuti Mulungu ni Mfumu ya dziko lensene lapansi, imbani kutenda na chilangizo..⁸Mulungu ambatonga madzinza yensene; Mulungu ambakhala pa kadera yache yakuchena ya ufumu. ⁹Akulu wa wanthu agwezekana pabodzi kuna wanthu wa Mulungu wa Abulahamu; nakuti bzakukhotchera bza dziko lapansi mpsa Mulungu; iye ngwakukwizika kwenekwene.

48¹Mkulu ni Yahova na mkulu pala kuthembezeka, mmuyi wa Mulungu wathu pa phiri lache lakuchena. ²Kudeka mkukwiziwa kwache, chisekerero cha dziko lensene lapansi, ni Phiri la Ziyoni, ku mbali ya ku mpoto, muyi wa Mfumu ikulu. ³Mulungu wabzidziwisa yekha mnyumba zache zachifumu ninga wakuthawira.⁴Nakuti, onani, Mafumu yadagwezekana yokhayokha; yadayenda pabodzi. ⁵Yadauwona iwo, kinangoka yadadabwa; yadatetemera, yachithawa. ⁶Kutetemera kunawaphata iwo kumweko, kuwawa ninga mkazi ali kufuna kubala.⁷Na chonzi cha kumachibese mudapsa bzombo bzapa ku madzi bza Tarisi. ⁸Ninga tidabvera, ndimo tidaonera mmuyi wa Yahova wa mathimu, mmuyi wa Mulugnu wathu; Mulungu amdzaukhazikisa kufikizana muyaya.⁹Tidakumbuka bza chikhulupiriro cha mpangano wanu, Mulungu, pakati nakati pa kachisi wanu. ¹⁰Ninga dzina lanu liriri, Mulungu, ndimo kukuthembani kulirimbo kufikizana kuphampha kwa dziko lapansi; boko lanu la madidi ndakudzala na chilungamo.¹¹Lekani Phiri la Ziyoni lisekere, lekani wana wachikazi wa Yuda asekere thangwera mayeruzo yanu yakulungama.¹²Fambani kuzungulira Phiri la Ziyoni, ndokoni mulizungulire ilo; lewengani nsaka zache, ¹³nyang'anani bwino malitsito yache, na kunyang'anisa nyumba zache zachifumu kuti mudzasimbire mbwado uli mkudza.¹⁴Thangwe Mulungu umweyu ni Mulungu wathu ateye muyaya; iye amdzakhala wakutitsogolera wathu ku imfa.

49¹Bvani ichi, wanthu mwensene; tcherani khutu, imwe wakukhala mdziko lapansi mwense, ²ang'ono na akulu kubodzi, wakudala na wakusaya kubodzi.³Pakamwa pangu pamdzasewera bza nzeru na bzakukumbuka bza mtima wangu bzimdzakhala bzachidziwiso. ⁴Nimdzatchera khutu langu ku chifanizo; nimdzayamba fanizo langu na chakuyimbira. ⁵Nimgoperanyi nsiku zakuipa, pomwe wampumbza andizungulira ine ku katendene wangu?⁶Nimgoperanyi wakukhulupirira mvida zawo na kubzithembeza bza kuwanda kwa vida yawo? ⁷Mpakudziwika kuti palibe angalombole m'bale wache ayai kumperekera kobiri iye kuna Mulungu, ⁸Thangwe kulombola kwa moyo wa munthu mkwa nsengwa yapatali, apo palibe angapagali ndibzo timbafiyali.⁹Palibe angakhale kwa muyaya pala kuti nampodi adzaone dindi. ¹⁰Thangwe iye amdzaona chibvundi. Wanthu wa nzeru ambafa; wakupusa na wakudyerera kubodzi ambafa achisiyira vida yawo kuna anzawo.¹¹Bzakukumbuka bzawo bza mumtima mpsakuti mabanja yawo yamdzapitirira ku nthawe za nthawe, na mbuto ndizo iwo ambakhala, ku mibwado yensene; ambachemera madziko yawo madzina yawo ya iwo.¹²Soma munthu, pakukhala na vida, ambasalira lini basi na moyo; ambalingana na nyama zakuthengo ndizo zombafa. ¹³Ino njira yawo, ndiyo kupusa kwawo; soma wakubwera pambuyo amtawiriza bzakusewera bzawo.¹⁴Ninga mabira iwo ambayikhiwa Mthenje, apo makabusa wawo ni imfa. Wakuthamuka amdzawatonga machibese, apo matupi yawo yamdzakhudyuliwa Mthenje, kusaya mbuto iwo yakukhala. ¹⁵Soma Mulungu amdzapulumusa moyo wangu ku mphamvu za Thenje; iye amdzanditambira ine.¹⁶Nampodi kuchita mantha wina angadala, na ulemerero bza nyumba yache bungathumizirika. ¹⁷Thangwe iye angafa amdzatenga lini chinthu; ulemerero bwache bumdzatsogola lini kumtewera.¹⁸Iye adadaza moyo wache pomwe akhana moyo-- apo wanthu ambakuthembeza iwe ukhakhala na moyo wekha mwene--- ¹⁹iye amdzayenda ku m'bwado wa abereki wache apo iwo amdzaona lini pomwe kubvunika. ²⁰Omwe ana vida soma neye kudziwa ali ninga nyama ndiyo imbafa.

50¹Wa mphamvuyo, Mulungu, Yahova, wasewera na kuchemera dziko lapansi kuchokera pa kubula kwa dzuwa kufikizana kumira. ²Mulungu anitoyera mZiyoni, mwakudeka mwa bwino.³Mulungu wathu wafika apo amdzakahala lini chete; moto umbakhudyula pamaso pache, na pakuzungulira pache pamdzaunga kwenekwene. ⁴Amdzachemera kudzaulu na ku dziko lapansi pala kuti ayeruze wanthu wache: ⁵Ndigwezekereni ine wakukhulupirira wangu pabodzi, iwo wakuchita nande mpangano mwa nsembe.''⁶Bzakudzaulu bzimdzaonesera chilungamo chache, nakuti Mulungu mwene ndiye muyeruzi.⁷Bvani, wanthu wangu, apo nimdzalewa, Isaraeli, apo nimdachitira umboni pa kugazana nawe. Ndine Mulungu, Mulungu wako. ⁸Nimdzatsimula lini iwe thangwera nsembe zako; popeza nsembe zako zakupserereza ziri pamaso pangu mwachikhalire.⁹Nimdzatenga lini ng'ombe mnyumba mwako, ayai mbuzi zimuna kuchoka mmakhola mwako. ¹⁰Nakuti nyama iriyense ya mthengo njangu, na ng'ombe pa mapiri madzana madzana. ¹¹Ndirikudziwa mbalame zensene za mmapiri, apo bzilombo bzakuthengo mpsangu.¹²Ndichikhala ndikhana njala, ningadakuuzani lini; thangwe dzikoli ndangu, na chirichense cha mwemo. ¹³Kodi nimdzadya mnomfu wa ng'ombe ayai kumwa mulopa wa mbuzi?¹⁴Pereka kuna Mulungu nsembe yakutenda, apo pereka chakutoma kukhuma chako kuna Wamdzauluyo. ¹⁵Chemera ine mnsiku ya mtsautso; nimdzakupulumusa iwe, uchidzandilemekeza.''¹⁶Soma kuna wakuipa Mulungu wati, ''Ulinayonyi manemba yangu kulalikira, kuti watenga phangano langu mmamwa mwako, ¹⁷nakuti umbawengana nacho chilangizo uchitaya uko mafala yangu?¹⁸Ungaona mbava, umbaphatizana nayo; umbaphathikana na wale wakuchita chgololo. ¹⁹Umbapereka pakamwa pako kuna wakuipa, apo lirime lako limbakonza chinyengo. ²⁰Umbakhala uchilewera m'bale wako; umbasinjirira mwana wa mayi wako.²¹Wachita bzinthubzi, soma ine ndakhala chete, ndiye ukhakumbuka kuti niringana nawe. Soma nimdzakutsimula iwepo na kubweresa, chadidi pamaso pako, bzinthu bzensene ndibzo wachita. ²²Dziwisani ichi mwabwino, imwe wakuyebwa Mulungu, seye apo nimdzakuphadzulani mmapidaso, apo pamdzakhala lini wina wakudzakupulumusani!²³Iye wakupereka nsenbe yakutenda ambandilemekeza ine, apo kuna iye wakukoya mafambidwe yache nimdzamuonesa chipulumuso cha Mulungu.''

51¹Mundichitire ine chifundo, Mulungu, thangwera chikhulupiriro cha mpangano wanu; thangwera kuwanda kwa bzichito bzanu bzachifundo, pfudzani mphumbza zangu. ²Tsukani bwino bwino bzakuipa bzangu na kundichenesa ku chakuphonya changu.³Nakuti ndikudziwa mphumb za zangu, apo chakuphonya changu chiri pamaso pangu nthawe zense. ⁴Pa imwe, imwe mwekha, ndakuphonyerani na kuchita chakuipa mmaso mwanu; ndimwe wakulungama mungasewera; ndimwe wakuchena pa kuyeruza kwanu.⁵Onani, ndidabadwira mu mphumbza; mayi wangu atatondo kutenga pathupi pangu, ndikhali mchakuphonya. ⁶Onani, mumbakomedwa na chadidi m'buto ya mkatimo; apo mumdzandipfunzisa ine nzeru m'buto ya mtseri.⁷Ndicheneseni ine na hisope, apo nimdzakhala wakuchena; nditsukeni ine, nimdzakhala wakuchena kuposa matalala. ⁸Mundibvese chisekerero na kudekedwa pala kuti mafupa ndiyo mwayatchola yasekere. ⁹Mpsinkhani nkhope yanu ku bzakuphonya bzangu na kupfudza mphumbza zangu zensene.¹⁰Mundilengere mkati mwangu mtima uchena, Mulugnu, na kukonza mzimu wadidi wakukhazikika mwa ine. ¹¹Nampodi kundithotha pamaso panu, apo nampodi kundichosera Mzimu wakuchena.¹²Mundibwezere chisekerero cha chipulumuso chanu, na kuphatisira ine mzimu wakubvuma. ¹³Ndiye nimdzalangiza wakuphonya njira zanu, apo wakuphonya amdzatembenukira kuna imwe.¹⁴Ndilekerereni ine thangwera kujojeza mulopa, Mulungu wa chipulumuso changu, apo nimdzakuwira chisekerero cha chilungamo chanu. ¹⁵Mbuya, fungulani milomo yangu, apo pakamwa pangu pamdzalalikira bza ulemerero bwanu. ¹⁶Thangwe mumbadekedwa lini na nsembe, ayai khali ndaipereka; mumbakonda lini nsembe zakupserereza.¹⁷Nsembe za Mulungu ndiwo mzimu wakupseka. Imwe, Mulungu, mumdzapepusa lini mtima wakupseka na wakulapa. ¹⁸Chitirani bwino kuna Ziyoni; mangani pomwe malitsito ya Yerusalemu. ¹⁹Ndiye muti mudzakomedwe na nsembe zachilungamo, mu nsembe zakupserereza na nsembe zensene zakupserereza; ndiye wanthu wathu ati adzapereke ng'ombe pa guwa lanu la nsembe.

52¹Thangweranyi um'bzithembeza na chakuipa, chiphona iwe? Mpangano wachikhulupiriro wa Mulungu umbabwera nsiku zense. ²Lirime lako limbakonza chidzonongeko ninga lezi yakuthwa, kuphata basa mwachinyengo.³Umbakonda chakuipa kuposa chakudeka na kunama kuposana na kusewera chilungamo.⁴Umbakonda mafala yensene yakudzononga wina, iwe lirime lachinyengo. ⁵Mulungu amdzakupasula chadidi iwe kwa muyaya; amdzakuchosa achidzakukwatula mchihema mwako na kukuzula kuchoka mdziko la wa moyo.⁶Wakulungama amdzachiona achidzagopa; iwo amdzamseka iye achiti, ⁷''Onani, uyu ni munthu omwe alibe kusandusa Mulungu kwakuthawira, soma iye adakhulupirira mkuwanda kwa vida yache, apo akhali wa mphamvu pomwe akhadzononga wina.''⁸Soma ningakhala ine, nilingana na muti muwisi wa azitona mnyumba ya Mulungu; nimdzakhulupirira mu mpangano wa chikhulupiriro cha Mulungu ku nthawe za nthawe. ⁹Nimdzakupani kutenda kwa muyaya pa ndibzo mwachita. Nimdzadikhirira dzina lanu, thangwe ndabwino, pa maso pa wakukhulupirika wanu.

53¹Chitsiru chimbati mu mtima mwache, ''Kulibe Mulungu.'' Iwo ambachita bzakubvunda na kuchita bzakusaya kulungama bzakunyansa; palibe nyakuchita bzabwino. ²Mulungu ambanyang'anisa pansi kuchoka kudzaulu pa wana wa wanthu kuona penu pana wina wanzeru, wakumupsaga iye. ³Wensene aphinduka. Pabodzi asanduka wakubvunda. Palibe neye m'bodzi wakuchita bzabwino, neye m'bodzi yekha.⁴Kodi wale wakuchita bza pezipezi ambadziwa lini--wale wakumbadya wanthu wangu ninga kuti akudya mkate apo ambachemera lini Mulungu? ⁵Pamwepo ali, mmantha makulu, pomwe pakhalibe chinthu chakuwachitisa kukhala na mantha; nakuti Mulungu amdzabalalisa mafupa ya wale wakuzungulira iwe; udawachitisa manyazi, nakuti Mulungu wawalambaiza.⁶Ha, kuti chipulumuso cha Isaraeli chimdzachokera ku Ziyoni! Pomwe Mulungu amdzabweza wanthu wache ku ukapolo, ndiye Yakobo amdzasekera na Isaraeli amdzadekedwa!

54¹Ndipulumuseni, Mulungu, mwa dzina lanu, na kundiyeruza ine na mphamvu yanu. ²Bvani pembo langu, Mulungu; tcherani khutu ku mafala ya pakamwa pangu. ³Nakuti alendo andigandukira ine, na wanthu wakugopsa akupsaga moyo wangu; ambabziikhira lini Mulungu pamaso pawo.⁴Onani, Mulungu ni mthandizi wangu; Mbuya ndiye wakunditchenkha ine. ⁵Iye amdzabwezera awengi wangu na chakuipa; mwa imwe mchadidi chanu, agwateni!⁶Nimdzakutendani imwe na nsembe ya ufulu; nimdzapereka kutenda ku dzina lanu, Yahova, thangwe ndabwino. ⁷Nakuti iye wandilombola ine ku mtsautso uliwense; diso langu laona kuti awengi wangu agonjesewa.

55¹Tcherani khutu ku pembo langu, Mulungu; apo nampodi kubzibisa mwekha pa kukumbira kwangu. ²Nditekereni apo munditawire; ndikupuma lini mmatsautso yangu thangwera mafala ya awengi wangu, ³thangwera kundiboneresa kwa wakuipawo; nakuti iwo ambandibweresera matsautso, ali waukali kuna ine na kuipa na ukali.⁴Mtima wangu ukutetemera mkati mwangu, na kugopsa kwa imfa kwandigwera ine. ⁵Mantha na kutetemera kwandibwerera, apo bzakugopsa bzandizungulira.⁶Ndidati, ''Ha, ningadakhala na matenga ninga nkhangaiwa! Ndiye ningadambuluka mkukapuma. ⁷Onani, ningadathawira kutali; ningadakakhala mchipululu.⁸Ningadakulumiza kuyenda kukapulumuka ku chonzi na kubvunduka kwa madzi.'' ⁹Adzonongeni, Mbuya, na kugawa lirime lawo; nakuti ndikuona chiwawa na ndeu mmuyimo.¹⁰Masikati na usiku ambayenda ku malitsito yache; bzakuipa na matsautso bziri pakati pache. ¹¹Kuipa kuli pakati pache; kuboneresa na chinyengo bzimbachoka lini mmisewu yache.¹²Nakuti akhali lini muwengi omwe adanditonzayo, angadatenepo ningadachibvuma; ayai omwe adabzikuza pa ine ndiye lini munthu wakundida, angadatenepo ningadam'bisalira. ¹³Soma ukhali iwe, munthu wakulingana nande, chamwali wangu na mwayangu chaiye. ¹⁴Tidachitira pabodzi ubale; tidafamba mnyumba ya Mulungu na thimu.¹⁵Lekani imfa ibwere mwachinyengo pa iwo; lekani iwo apolike na moyo ku Thenje, thangwe chakuipa chiri komwe ambakhalako, pakati pawo.¹⁶Ningakhala ine, nimdzachemera Mulungu, apo Yahova amdzandipulumusa. ¹⁷Maulo, machibese, na masikati nimbadandaula na kulira; iye amdzabva mafala yangu. ¹⁸Iye amdzapulumusa moyo wangu ku nkhondo ndiyo ikhali pa ine, nakuti omwe akhalimbana nandewo akhali azinji.¹⁹Mulungu, omwe ambatonga kuchokera muyaya, amdzawabva achiwachepsa iwo. Iwo ambachinja lini, apo ambagopa lini Mulungu.²⁰Mwayangu wadzusa manja yache pa wale omwe akhali naye pa mtendere; iye alibe kulemekeza mpangano omwe iye akhanawo. ²¹Pakamwa pache pakhali pakunyodoka ninga mafuta ya mkaka, soma mumtima mwache mukhana nkhondo; mafala yache yakhali yakufewa kuposa mafuta, soma yakhali malupanga yakumololamolola.²²Msenzese Yahova thupo lako, apo iye amdzakuphatizisa; iye amdzabvuma lini munthu wakulungama atekenyeke. ²³Soma imwe, Mulungu, mumdzabweresa wakuipa ku dindi la chidzonongeko; wanthu wakujojeza mulopa na wachinyengo amdzakhala lini na moyo neye meya ya winawo, soma nimdzakhulupirira mwa imwe.

56¹Ndichitireni chifundo, Mulungu, nakuti wanthu akhundimenya! Nsiku yensene wakundithira nkhondo akundiboneresa. ²Awengi wangu amfuna kundikhudyula nsiku yensene; nakuti pana azinji wakundimenya mwakubzikuza.³Ningakhala na mantha, nimdzaikha chikhulupiriro changu mwa imwe. ⁴Mwa Mulungu, omwe mafala yache nimbayalemekeza--- mwa Mulungu ndaikha chikhulupiriro changu; nimdzagopa lini; wanthu amdzandichitanyi?⁵Nsiku yensene ambaponyongola mafala yangu; bzakukumbuka bzawo bzensene mpsakugazana nande pa chakuipa. ⁶Iwo ambagwezekana okhaokha pabodzi, ambabisalika wene, achitewera nzayo zangu, ninga ndimo adikhiririra moyo wangu.⁷Nampodi kuwaleka athawe kuchita chakuipa. Bulusani pansi wanthu mu ukali bwanu, Mulungu. ⁸Mumbalewenga kuthawathawa kwangu na kuikha misozi yangu mgalafa lanu; kodi bziri lini m'bukhu lanu?⁹Ndiye awengi wangu amdzabwerera pa nsiku ndiyo nimdzakuchemerani; ichi ndikudziwa, kuti Mulungu akutawizana nande. ¹⁰Mwa Mulungu--omwe mafala yache niyalemekeza, mwa Yahova---omwe mafala yache niyalemekeza, ¹¹mwa Mulungu nimbakhulupirira, nimdzagopa lini. Wina angandichitenyi?¹²Udindo bzakukwanirisa mpangano wangu kuna imwe buli pa ine, Mulungu; nimdzapereka nsembe yakutenda kuna imwe. ¹³Thangwe mwandipulumusa ku imfa; mwakoya nzayo zangu kusaya kukhukhumudwa, pala kuti ndifambe pamaso pa Mulungu mkutoya kwa wamoyo.

57¹Khalani wachifundo kuna ine, Mulungu, khalani wachifundo kuna ine, thangwe ndathawira mwa imwe kufikizana matsautsoya kumala. Ndakhala mmaphapidwe mwanu pala chitetezo kufikizana chidzonongekochi kumala.²Nimdzalirira Mulungu Mkuluyo, kuna Mulungu, omwe ambandichitira bzinthu bzensene. ³Amdzatumiza chithandizo kuchoka kudzaulu mkundipulumusa, iye amdzatsimula wale wakunditewera ine. Mulungu amdzanditumizira chikondi chache na chikhulupiriro chache.⁴Mkazangu ali pakati pa mphondolo; ndiri pakati pa iwo wakukonzeka kundikhudyula. Ndiri pakati pa wanthu omwe mano yawo ni madipa na mapsimo, na omwe malirime yawo ni malupanga yakuthwa. ⁵Kwizikani, Mulungu, kupitirira mdzaulu; lekani ulemerero bwanu bukhale padzaulu pa dziko lensene lapansi.⁶Adanditeyera ukonde pala nzayo zangu; andikotamirisa pansi. Iwo adandicherera dindi kutsogolo kwangu. Iwo wene agwera okha mkati mwache!⁷Moyo wakhu wakhazikika, Mulungu, moyo wangu wakhazikika; nimdzayimba, inde, nimdzayimba bzakulemekeza. ⁸Lamukani, ulemerero bwangu! Lamukani, chisakasa na zeze! Nimdzalamuka ndekha machibesebese!⁹Nimdzakupani kutenda, Mbuya, pakati pa wanthu; nimdzayimba bzakulemekeza kuna imwe pakati pa madzinza. ¹⁰Nakuti chikulu mchikondi chanu chakusaya kutazira, kufikira kudzaulu; na chikhulupiriro chanu ku mitambo. ¹¹Kwizikani, Mulungu kupitirira kudzaulu; ulemerero bwanu bukwizike padzaulu pa dziko lensene lapansi.

58¹Kodi atongimwe mumbasewera chilungamo? Kodi mumbayeruza mwadidi, wanthumwe? ²Neye, mumbachita bzakuipa mu mtima mwanu; mumbagawa chiwawa mdziko lensene na manja yanu.³Wakuipa ambasochera napo akali mchibaliro chaimo; ambasochera kuyambira pakubadwa, kusewera bzakunama. ⁴Ululu bwawo buli ninga ndulu ya nyoka; iwo ali ninga bvumbwe gonthi omwe ambafunga makutu yache, ⁵omwe ambafuna lini kubva mafala ya wakuchemera, napo iwo ali wakuchenjera tani.⁶Gululani mano yawo mkamwa mwawo, Mulungu; gululani mano makulu ya wana wa mphondolo, Yahova. ⁷Alekeni asungunuke ninga madzi yakufamba; angathusa mapsimo yawo, lekani iwo akhale ninga iyo yakhalibe nsonga zakuthwa. ⁸Lekani akhale ninga nkhono ndiyo imbasungunuka ichimala, ninga mtayo wa mkazi omwe alibe kuona kutoya kwa dzuwa.⁹Miphika yanu ikanati kutambira moto wa minga, iye amdzaitakula na kabvulimvuli, minga ziwisi na zakugaka kubodzi. ¹⁰Wakulungama amdzasekera pakudzaona kubwera chilango cha Mulungu; iye amdzasamba nzayo zache mmulopa wa wakuipa, ¹¹mwakuti wanthu amdzati, ''Chadidi, pana mpfupo ya munthu wakulungama; chadidi alipo Mulungu wakuyeruza dziko lapansi.''

59¹Ndipulumuseni ine ku awengi wangu, Mulungu wangu, ndikwizeni padzaulu kutali na wale wakundigangukira. ²Ndithawiseni ku wale wamakhalidwe yakuipa, na kundipulumusa ku wanthu wakujojeza mulopa.³Nakuti, onani, akundidikhirira kuti achose moyo wangu. Wanthu wa mphamvu agwezekana wene pabodzi kulimbana nande, soma sikuti thangwera mphumbza zangu ayai chakuphonya changu, Yahova. ⁴Thangwe neye chakuipa changu iwo akonzeka basi kundithamangira; lamukani mundithandize ine na kuona.⁵Imwe, Yahova Mulungu wa mathimu, Mulungu wa Isaraeli, lamukani mulange madzinza yensene; nampodi kuchitira nsisi wakuipa wense wa mphumbza.⁶Iwo anibwerera maulo, ambakuwa ninga mbwaya achizungulira muyiyu. ⁷Onani, ambabwetuka pakama pawo; malupanga yali mmilomo yawo, nakuti ambati, ''Mbani akutibvayo?''⁸Soma imwe, Yahova, asekeni; mumbasasatira madzinza yensene. ⁹Mulungu, mphamvu zangu, nimdzakubverani; ndimwe nsaka yangu itali.¹⁰Mulungu wangu amdzagumana nande na chikhulupirirro cha mpangano wache; Mulungu amdzandionesa khumbo langu pa awengi wangu. ¹¹Nampodi kuwapha, apo neye wanthu wangu amdzayebwa. Abalaliseni na mphamvu yanu na kuwagwesa, Mbuya chikhotcherero chathu.¹²Nakuti bzakuponya bza pakamwa pawo na mafala ya milomo yawo, lekani akolowekedwe mkubzithembeza kwawo, na matemberero na kunama ndiko ambasewera. ¹³Akhudyuleni mu ukali bwanu, akhudyuleni iwo kuti amdzakhala lini pomwe; lekani adziwe kuti Mulungu ambatonga mwa Yakobo na kufika kuphampha kwa dziko lapansi.¹⁴Maulo ambabwerera, kukuwa ninga mbwaya kuzungulira muyiyu. ¹⁵Iwo ambazunga kupsaga chakudya achikhumbza ninga mbwaya angasaya kukhuta.¹⁶Soma nimdzayimba bza mphamvu yanu, apo machibese nimdzalemekeza chikondi chanu! Nakuti mwakhala nsaka yangu itali na pakuthawira nsiku ya matsautso. ¹⁷Kuna imwe, mphamvu yangu, nimdzayimba bzakulemekeza; nakuti Mulungu ni nsaka yangu itali, Mulungu wa chikhulupiriro cha mpangano.

60¹Mulungu, mwatitaya ife; mwaswa bzikhotcherero bzathu; mwakhala wa ukali; tibwezereseni pomwe.²Mwatekenyesa dzikoli; mwaling'amba; limbisani ming'alu yache, nakuti likutekenyeka. ³Mwaonesa wanthu wanu bzinthu bzakubvuta; mwatimwesa vinyu wakutitetemeresa.⁴Nakuti iwo wakukulemekezani, mwawapa bandera ya kuonesera kugazana na wakuipa. ⁵Pala kuti iwo wakuwakonda imwe apulumuke, tipulumuseni ife na boko lanu lamadidi na kunditawira.⁶Mulungu wasewera mkuchena kwache, ''Nimdzasekera; nimdzagawanisa Sekemu na mbuto ya Chigwa cha Sukoti. ⁷Gileadi ngwangu, na Manase ngwangu; Efraimu pomwe ni mphamvu ya msolo wangu; Yuda ndiye wakutonga wangu.⁸Moabu mchakusambira changu; ng'ambu ya Edomu nimdzathusa nsapato zangu; nimdzakuwa mwakusekera thangwera Filisitiya.'' ⁹Mbani amdzandibweresa mmuyi wa mphamvu? Mbani amdzanditsogolera ku Edomu?¹⁰Soma imwe, Mulungu, kodi mulibe kutitaya? Mumbayenda lini ku nkhondo na wankhondo wathu. ¹¹Tithandizeni ku muwengi, thangwe chithandizo cha munthu mcha pezi. ¹²Timdzasekera na chitahndizo cha Mulungu; iye amdzapondedza awengi wathu.

61¹Bvani kulira kwangu, Mulungu; bvani pembo langu. ²Kuchoka kuphampha kwa dziko lapansi nimdzakuchemerani mtima wangu ungamizika; nditsogolereni ku thanthwe litali kuposa ine. ³Nakuti mwakhala pakuthawira pangu, nsaka ya mphamvu ku muwengi.⁴Lekani ndikhale mchihema mwanu kwa nsiku zense! Lekani ndibisalike mmaphapidwe yanu. ⁵Nakuti imwe, Mulungu, mwabva malumbiro yangu, mwandipa chakusiyiriwa cha wale wakugopa dzina lanu.⁶Mumdzatalimphisa moyo wa mfumu; magole yache yamdzalinganira na mibwado mizinji. ⁷Iyo imdzatonga pamaso pa Mulungu kwa chikhalire; ikhani chikondi chanu na chadidi kuyiteteza.⁸Nimdzayimba malemekezo ya dzina lanu kwa muyaya pala kuti ndichite malonjezo ya nsiku zense.

62¹Ndikudikhirira Mulungu yekha mwakunyamala; chipulumuso changu chimbachokera kuna iye. ²Iye yekha ndiye thanthwe langu na chipulumuso changu; iye ni nsaka yangu itali; nimdzagwinyika lini kukulu.³Kufikizana liti, mwensenemwe, muti mudzamenye munthu, omwe mungamuphe, ninga litsito lakuyadzamira ayai ninga litsito lakuweyeseka? ⁴Iwo animpanganirana pala amgwinyire pansi kuchoka pa mbuto yache yakulemekezeka; iwo ambakonda bzakunama; ambam'dalisa na pakamwa pawo, soma mmitima mwawo ambamtemberera.⁵Ndikudikhirira Mulungu yekha mwa kunyamala; thangwe chidikhiriro changu chiri mwa iye. ⁶Iye yekha ndiye thanthwe langu na chipulumuso changu; iye ni nsaka yangu itali; nimdzagwinyika lini.⁷Pa Mulungu ndiye pana chipulumuso changu na ulemerero; thanthwe la mphamvu zangu apo kwakuthawira kwangu ni Mulungu. ⁸Khulupirirani mwa iye nthawe zense, imwe wanthu; khuthulani mtima wanu pamaso pace; Mulungu ngwakuthawira wathu.⁹Chadidi wanthu wa pezipezi ni mphepo, apo wanthu akulu ndiye kunama; amdzapimiwa wakupepuka mmasikero; pimani pabodzi, mbakupepuka kuposa mphuye. ¹⁰Nampodi kukhulupirira kuboneress ayai kuba; apo nampodi kukhulupirira vida, thangwe bzimdzabala lini bzipaso; nampodi kuyikha mtima wanu pa bzobzi.¹¹Mulungu wasewera kabodzi, kawiri ndabva bzobzi: mphamvu mza Mulungu. ¹²Kuna imwe pomwe, Muya, ndimwe wa chkhulupiriro cha mpangano, thangwe mumbapagali munthu aliyense pa ndibzo iye wachita.

63¹Mulungu, ndimwe Mulungu wangu! Nimbakupsagani mwa mkhomeko, moyo wangu unamwe nyota, na thupi langu limbadikhira imwe, mdziko lakuuma na lakunetesa lakusaya madzi. ²Ndiye ndakuonani m'buto yakuchena, kuona mphamvu yanu na ulemerero bwanu.³Thangwe chikhulupiriro cha mpangano wanu mchabwino kuposa moyo, milomo yangu imdzakulemekezani. ⁴Ndiye nimdzakutendani pakukhala mmoyo wangu; nimdzadzusa manja yangu mdzina lanu.⁵Bzimdzakhala ninga ndadya chakudya cha mafuta na bzakunona; na milomo ya chisekerero pakamwa pangu pamdzakulemekezani, ⁶ningakumbuka bza imwe pa kama pangu na kulingirira bza imwe mmalindiro ya usiku.⁷Thangwe mwakhala thandizo langu, apo mu mthunzi wa maphapidwe yanu nimsekera, ⁸Nim'phatisisa imwe; boko lanu lamadidi limbanditesa ine.⁹Soma wale wakupsaga kudzononga moyo wangu amdzapita mnyansi mwache mwa dziko lapansi; ¹⁰amdzawapereka kuna iwo omwe manja yawo yambaphatisa basa lupanga, achidzasanduka chakudya cha mbwaya za mthengo.¹¹Soma mfumu imdzasekera mwa Mulungu; aliyense wakulumbirira iye amdzanyadira mwa iye, soma pakamwa pa wale wakusewera bzakunama pamdzafungiwa.

64¹Bvani mafala yanguya, Mulungu, tetekerani dandaulo langu; ²Koyani moyo wangu ku mantha ya awengi wangu. Ndibiseni pa mpangano wachinsinsi wa wakuipa, ku baludya la wakuchita bzakuipa.³Anoza maliririme yawo ninga malupanga; apangira mapsimo yawo, mafala yakuwawa, ⁴pala kuti athuse kuchoka ku mbuto zakubisalika pa munthu wa lazawu; mwakudzidzimusa amuthusiradi neye kugopa chinthu.⁵Iwo ambabzilimbikisa okha wene pa mpangano wakuipa; ambaguana pabodzi mwakabisira kuti ateye milapu; ambati, ''Mbani amdzatinayo?'' ⁶Ambapsaga bzakusaya kulungama; ''Tamaliza,'' ambati, ''mpangano wabwino.'' Bzakukumbuka bza mmitima mwa munthu mpsakuzika.⁷Soma Mulungu amdzawathusira; mwakudzidzimuka amdzadzonongeka na misewe yache. ⁸Amdzakhukhumudwisiwa, nakuti malirime yawo yakugazana nawo; wense wakuwaona amdzakwetedza misolo yawo. ⁹Wanthu wensene amdzagopa achidzafalisa bzichito bza Mulungu.¹⁰Wakulungama amdzadekedwa na Yahova achibisala mwa iye; walungalunga mu mitima amdzalemekeza iye.

65¹Nakuti imwe, Mulungu mu Ziyoni, kulemekeza kwathu kwadikhira; malonjezano yathu yamdzakhala pa imwe. ²Imwe wakubva pembo, kuna imwe bzamoyo bzensene bzimdzabwera. ³Bzakuipa bzimpambana pa ife; zingakhala mphumbza zathu, mumdzazilekerera.⁴Wakudala ni munthu wakusankhula kubwera pafufi namwe kuti akhale m'buto zanu zakutongera milandu. Timdzakhutisiwa na ubwino bwa nyumba yanu, kachisi wanu wakuchena.⁵Mchilungamo mumdzatitawira pakuchita bzakugopsa, Mulungu wa chipulumuso chathu; imwe omwe ni chikhulupiriro cha kuphampha kwa dziko lapansi na kuna wale wakukhala kutali ku nyanza.⁶Thangwe ndimwe mudakhazika mapiri, imwe wakumangika na mphamvu. ⁷Ndimwe mumbanyamaliza nyanza zakukalipa, na kukalipa kwa magwede ya madzi, na baludya la wanthu.⁸Iwo wakukhala kuphampha kwa dziko lapansi ana mantha na umboni bwa bzichito bzanu; mumbachitisa kumachibese na kumaulo kusekera. ⁹Mumbabwera kudzathandiza dziko lapansi; mumbalithirizira madzi; mumbalidaza kwene kwene; mkulo wa Mulungu ngwakudzala na madzi; mumbawameresera wanthu tirigu mungakonzesera dziko lapansi.¹⁰Mumbathirizira ngalande zache kwene kwene; mumbakhazika mizere ya ngalandezo; mumbazitotesa na mvula; mumbadalisa bzakuphuka pakati pa izo. ¹¹Mumbabvazika gole na ubwino bwanu, na kalosa zanu zikutayikira na kuwanda kwache. ¹²Uswa bwakubiriwira mchipululu bumbatota na mame, apo mapiri yamangika na kusekera.¹³Mauswa yagugudiziwa na mathimu ya mabira; bzigwa pomwe bzagugudiziwa na tirigu, bzimbakuwa na kusekerera, bzichiyimba.

66¹Kuwirani kuna Mulungu, dziko lense lapansi; ²Imbirani ulemerero bwa dzina lache; pakumulemekeza mu mchitire ulemerero.³Lewani kuna Mulungu, ''Bzakuchita bzanu mpsakugopsa! Na ukulu bwa mphamvu yanu awengi wanu amdzagonjera imwe. ⁴Dziko lense lapansi limdzakunamatani lichidzayimbira imwe; amdzayimbira malemekezo dzina lanu.''⁵Bwerani kudzaona mabasa yanu Mulungu; iye ngwakugopsa mmachitiro kuna wana wawanthu. ⁶Iye adasandusa nyanza kukhala mbuto yakuuma; iwo adagwata na mu mkulo kufamba pansi; pamwepo tidasekera mwa iye. ⁷Iye ambatonga kwa nthawe zense na mphamvu yache; maso yache yambaona madzinza; nampodi wakupikisana naye abzikwize.⁸Lemekezani Mulungu, imwe wanthu, lekani mafala ya kulemekeza iye yabveke. ⁹Iye ambatikoya ife pakati pa wa moyo, apo ambabvuma lini nzayo zathu kutserereka.¹⁰Thangwe imwe, Mulungu, mwatiyezera; mwatiyezera ife ninga kuyeza siriva. ¹¹Mudatibweresa mu ukonde; mudatakuza mtolo wakulemera pa msana pathu. ¹²Mudapitisa wanthu wakuberekeka padzaulu pa misolo yathu; tidafamba mmoto na madzi, soma mudatifikisa m'buto yakupfalaza.¹³Nimdzabwera mnyumba mwanu na nsembe zakupserereza; nimdzakupani malonjezo yangu ¹⁴yomwe milomo yangu idalonjeza na pakamwa pangu kusewera pomwe ndikhali mmatsautso. ¹⁵Nimdzapereka nsembe yakupserereza ya mafuta ya nyama na pfungo lakununtchira la atonde wa mabira; nimdzapereka ng'ombe na mbuzi.¹⁶Bwerani mutetekere, imwe mwense wakugopa Mulungu, apo nimdzafokotozera bsense adachitira moyo wangu. ¹⁷Ndidalirira iye na pakamwa pangu, achilemekezewa na lirime langu. ¹⁸Ningadakhala ndidaona chakuipa mu mtima mwangu, Mbuya angadanditetekera lini ine.¹⁹Soma Mulungu wabva chadidi; watetekera mafala ya pembo langu. ²⁰Wakudala ni Mulungu, omwe alibe kulamba pembo langu ayai chikhulupiriro cha phangano lache kuchoka kuna ine.

67¹Mulungu atichitire chifundo na kutidalisa na kutiwalisira nkhope yache ²kuti njira zanu zidziwike ku dziko lapansi, chipulumuso chanu pakati mwa madzinza yense.³Lekani wanthu akulemekezeni, Mulungu, wanthu wense alemekeze imwe. ⁴Ha, madzinza mbayasekere na kuyimba na chisekerero, thangwe mumdzayeruza wanthu na chilungamo na kutonga madzinza pa dziko lapansi.⁵Wanthu akulemekezeni, Mulungu, wanthu akulemekezeni. ⁶Dziko lapansi lapereka bzipaso bzache apo Mulungu, Mulungu wathu, watidalisa.⁷Mulungu watidalisa, apo malekezero yense ya dziko lapansi yamdzamgopa iye.

68¹Mulungu alamuke; awengi wache mbaabalalike; wakumuwenga iye athawe pamaso pache. ²Ninga utsi bumbachosekera, ndendende athotheni; ninga phula limbasungunukira pamoto, ndendendembo wakuipa amale pamaso pa Mulungu. ³Soma wakulungama asekere; asekere pamaso pa Mulungu; asekerere nacho chisekerero..⁴Imbirani Mulungu! Imbani malemekezo ku dzina lache! Lemekezani omwe ambatchobva kudzera mbzidikha bza chigwa cha Mkulo wa Yorodano! Yahova ndiye dzina lache! Sekerani mwa iye! ⁵Baba wa wana wamasiye, wakuyeruza wa azimayi wamasiye, ni Mulungu mu mbuto yakuchena komwe ambakhala. ⁶Mulungu ambaikha wanthu wakuungulumwa mmabanja; ambachosesa wakumangiwa na kuyimba; soma wakupikisana naye amkala mdziko lakusaya madzi.⁷Mulungu pakubula panja kuyenda pamaso pa wanthu wanu, pakufamba mchipululu, ⁸dziko lapansi lidatekenyeka; kudzaulu kudagwesa pomwe mvula pamaso pa Mulungu, pamaso pa Mulungu pakufika iye ku Sinai, pamaso pa Mulungu, Mulungu wa Isaraeli.⁹Imwe, Mulungu, mudabvumbisa chimvula; mudatsitsimusa chakusiiriwa chanu chitaneta. ¹⁰Wanthu wanu adakhala mwemo; Imwe, Mulungu, mudalipereka kuchoka mu ukoma bwanu kuna wakusaya.¹¹Mbuya adapa mafala, apo iwo wakuyalalikira akhali thimu lizinji. ¹²Mafumu ya mathimuyo ya wankhondowo yadathawa, yadathawa, apo akazi akudikhirira pa muyi adagawa bzakupondedza kunkhondo: ¹³maphapidwe ya njiiwa yakugugudiza na siriva, matenga yache na golide wakuyetima. Soma wina wa wanthumwe mudagona pansi pakati pa makhola ya mabira.¹⁴Wamphamvu yense atabalalisa mafumu mwemo, mudachena ninga matalala M'phiri la Zalimoni. ¹⁵Phiri litali ni dziko lamapiri la Basani; Phiri litali ni dziko la maphiri la Basani. ¹⁶Thangweranji mumbanyang'anisa mwa nsanje, iwe phiri litali la dziko, pa phiri ndilo Mulungu adakhumba kukhala mbuto yakukhala iye? Indedi, Yahova amdzakhala mwemo kwamuyaya.¹⁷Magareta ya Mulungu yali bzulu makumi mawiri, bzulu na bzulu; Mbuya ali pakati pa iyo m'buto yakuchena, pa Sinai. ¹⁸Mudakwira kudzaulu; mudatsogolera akapolo; mwatambira mphaso kuchoka pakati pa wanthu, na kuchoka kuna wakupikisana naye, pala kuti Yahova, Mulungu, akhale mwemo.¹⁹Wakulemekezeka ni Mbuya, omwe nsiku zense ambatisenzera mitolo, Mulungu wa chipulumuso chathu. ²⁰Mulungu wathu ni Mulungu wakupulumusa; Yahova Mbuya ndiye omwe amkwanisa kutipulumusa ku imfa. ²¹Soma Mulungu amdzamenya kudzera m'boko la awengi wache, kudzera mwa msolo wa tsisi wa iwo wakufamba mkugazika kwache.²²Mbuya adati, ''Nimdzabweza awengi wangu kuchoka ku Basani; nimdzawabweza kuchoka mkuzika kwa nyanza ²³pala kuti udzononge awengi wako, kubvwika nzayo yako mmulopa, na kuti malirime ya mbwaya zako yalawidzembo awengi wako.''²⁴Iwo adaona mafambidwe yanu, Mulungu, mafambidwe ya Mulungu wangu, Mfumu yangu, kuyenda m'buto yakuchena. ²⁵Wakuyimba adatoma kutsogola, wakuyimba bzakuimba adatewera mmambuyo, apo pakati pakhana madende yakusaya kuloodwa kuyimba mangaka.²⁶Lemekezani Mulungu mmitsonkhano, lemekezani Yahova, imwe wakuchoka ku gwero la Isaraeli. ²⁷Pana Benjamini, dzinza ling'ono letu, kutonga iwo, ndiye akulu wa Yuda na wanthu wawo, akulu wa Zebuluni na akulu wa Naftali.²⁸Mulungu wako, Isaraeli, watonga mphamvu yako; kutizimbulira ife mphamvu yanu, Mulungu, ninga mudaizimbulira mthawe ya mm'buyo. ²⁹Tizimbulireni mphamvu yanu kuchoka ku kachisi wanu pa Yerusalemu, komwe mafumu yambabweresa chaufulu kukupani.³⁰Tsimulani bzilombo bza mthengo mmitete, kulimbana na wanthu, thimu lire la ng'ombe na wana wa ng'ombe. Achepseni iwo akubweresereni siriva, balalisani wanthu wakukonda kuyambisa nkhondo. Akulu amdzabula mu Aigupto: ³¹Kusi amdzakulumiza kupalawizira manja yache kuna Mulungu.³²Imbirani Mulungu, imwe maufumu ya dziko lapansi. Imbirani chilemekezo kuna Mbuya, ³³kuna iye wakuberekeka pa dzauludzaulu, wakuyambira kale lense; onani, wakwiza mafala yache na mphamvu.³⁴Tawirizani mphamvu kuna Mulungu; ukulu bwache buli pa Isaraeli, apo mpamvu zache ziri mdzaulu. ³⁵Mulungu, ndimwe wakugopsa m'buto yanu yakuchena; Mulungu wa Isaraeli--ambapa mphamvu na chilimbikiso kuna wanthu wache. Alemekezeke Mulungu.

69¹Ndipulumuseni, Mulungu, thangwe madzi yaikha moyo wangu pa chigopsero. ²Ndamira mmatope yakuzika yakusaya pakupondera; ndamira mmadzi yakuzika, komwe madzi yakukhaphwikira yandimiza.³Ndaneta na kulira kwangu; ngololo yangu yauma; mmaso mwangu mwapsipa pomwe ndikudikhirira Mulungu wangu. ⁴Wale wakundiwenga seye thangwe mbazinji kuposa tsisi la pamsolo pangu; wakufuna kundimaliza, achikhala awengi wangu wakusaya thangwe lakuipisana nawo, ana mphamvu; chomwe ndiribe kuba, ndibweze.⁵Mulungu, mukudziwa kupusa kwangu, apo bzakuphonya bzangu mpsakubisika lini kuna imwe. ⁶Nampodi kuti wakulemekeza imwe achite manyazi thangwera ine, Mbuya Yahova wa mathimu; nampodi kuti iwo wakupsaga imwe apepusiwe thangwera ine, Mulungu wa Isaraeli.⁷Thangwera imwe ndabvuma kutonzewa; manyazi yampsinkha nkhope yangu. ⁸Ndasanduka mlendo kuna abale wangu, wakunja kuna wana wa mayi wangu. ⁹Thangwerra changu cha nyumba yanu chandikhudyula, na bzitonzo bza iwo wakutonza imwe bzagwera ine.¹⁰Ndikulira na kutsotsa kudya, ndipirire chitonzo. ¹¹Ningabvala chiguduli, ndidasanduka mwambi kuna iwo. ¹²Iwo wakukhala m'bzipata bza muyi akusewera bza ine; ndine chimbo cha anyakuledzera.¹³Soma ningakhala inepano, pembo langu liri kuna imwe, Yahova, pa nthawe ndiyo muti mudzabvume; nditawireni mchikhulupiriro cha chipuumuso chanu. ¹⁴Ndinuleni mmatope, apo nampodi kubvuma ndimire; ndichoseni pa wanthu wakundiwenga na kundipulumusa ku madzi yakuzika. ¹⁵Nampodi kukhaphwikira kwa madzi kundimize ine, ayai kuzika kundikhudyule. Nampodi dindi lindifungire mulomo wache .¹⁶Nditawireni, Yahova, thangwera mpangano wa chikhulupiriro chanu ngwabwino; thangwera bzifundo bzanu kuna ine mpsizinji, chungunukirani kuna ine. ¹⁷Nampodi kubisira nkhope yanu kapolo wanu, nakuti ndiri mmatsautso; nditawireni kamkulumize.¹⁸Bwerani kuna ine mundipulumuse. Thangwera awengi wangu, akundibetchera kobiri. ¹⁹Mukudziwa chitonzo changu, manyazi yangu, na kupepusiwa kwangu; awengi wangu wense ali pamaso panu.²⁰Chitonzo chandipsera mtima wangu, ndadzaziwa na kulemera; ndidapsaga wina wakundichira chifundo, soma pakhalibe; ndidapsaga wakundinyamaliza, soma pakhalibe. ²¹Iwo adandipa ndulu kukhala chakudya changu; pakubva nyota ine adandipa vinyo wakusasa kuti ndimwe.²²Meza yawo pamaso pawo isanduke ukhulira; akukumbuka ali mwakutetezeka, lekani usanduke mulapu. ²³Maso yawo yapsipe kuti nampodi awone; na kutetemeresa mchiuno mwawo kwakusaya kulekeza.²⁴Tsanulirani ukali bwanu pa iwo, apo lekani ukali bwanu buwagonjese ²⁵Lekani matsasa yawo yasanduke matere; nampodi aliyense akhale mmahema yawo.²⁶Nakuti iwo akuteweratewera omwe mudammenya. Iwo adabwerezera kukambirana bza kuwawa kwa iwo omwe mudawadzononga. ²⁷Kuwazenga mulandu wakuthimizira mphumbza pa mphumbza; nampodi kuwabvuma kubwera mchipambano chanu cha chilungamo.²⁸Lekani apfudziwe M'bukhu la Moyo apo neye kunembiwa pabodzi na wakulungama. ²⁹Soma ndine wakusaya na wakubva kuwawa; lekani chipulumuso chanu, Mulungu, ndiyikheni ine padzaulu.³⁰Nimdzalemekeza dzina la Mulungu na chimbo apo nimdzakwiza iye na mphaso zakutenda. ³¹Chimwecho chimdzakomera Yahova bwino kuposa ng'ombe ayai ng'ombe imuna ya nyanga na bziboda.³²Wakupfatsa achiona apo ali wakusekera; imwe wakupsaga Mulungu, mitima yanu ikale na moyo. ³³Nakuti Yahova ambabvera wakusaya apo ambapepusa lini wakumangiwa wache.³⁴Lekani kudzaulu na dziko lapansi bzilemekeze iye, nyanza na chirichense chakupamba mwemo. ³⁵Nakuti Mulungu amdzapulumusa Ziyoni achidzamanga miyi ya Yuda; wanthu amdzakhala mwemo achidzaienga kukhala yawoyawo. ³⁶Wa mbewu ya akapolo wache amdzaitambira; apo iwo wakukonda dzina lache amdzakhala mwemo.

70¹Ndipulumuseni, Mulungu! Yahova, bwerani kulumizani mundithandize. ²Wakuyezera kutenga moyo wangu achite manyazi na kudodoma; abwezedwe mmambuyo achipepesiwa, wakukonda kutengera mwayi kubva kuwawa kwangu. ³Abwerere mmambuyo thangwera manyazi yawo, wale omwe ambati, ''Hede, hede.''⁴Wakupsaga imwe wense asekerere na kudekedwa; wakukonda chipulumuso chanu alewe kwakusaya kulekeza, ''Alemekezeke Mulungu.'' ⁵Soma ndine wakusaya na wakubonera; mundikulumizire, Mulungu; ndimwe thandizo langu apo mumbandipulumusa. Yahova, chitani nampodi kuchedwa.

71¹Mwa imwe, Yahova, nimthawira, nampodi ine ndichitisiwe manyazi. ²Ndipulumuseni na kundikhotcherera mchilungamo chanu; tcherani khutu lanu kuna ine na kundipulumusa. ³Khalani kuna ine thanthwe lakuthawira komwe ningayende nthawe zense; mwatonga kundipulumusa ine, thangwe ndimwe thanthwe langu na litsito langu.⁴Ndipulumuseni, Mulungu wangu, kuchoka mmanja mwa wakuipa, kuchoka mmanja mwa munthu wakusaya kulungama na wachiwawa. ⁵Thangwe ndimwe chidikhiriro changu, Mbuya Yahova. Ndakhulupirira imwe kuyambira ndikali mwana.⁶Soma ndakhala wakuthandiziwa kuchoka mmimba; ndimwe omwe mudandichosa mmimba mwa mayi wangu; chilemekezo changu chimdzakhala pa imwe nthawe zense. ⁷Ndine chakudabwisa kuna wanthu azinji, ndimwe chakuthawira changu cha mphamvu.⁸Pakamwa pangu pamdzadzala na kulemekeza, nsiku yense na ulemu bwanu. ⁹Nampodi kunditaya mu nthawe ya ukalamba bwangu; nampodi kundilekerera mphamvu zangu zingamala.¹⁰Thangwe awengi wangu akusewera bza ine; iwo wakunyang'anisa moyo wangu akupangana pabodzi. ¹¹Iwo ambati, ''Mulungu wamutaya; mtewereni mumtenge, thangwe palibe munthu wakumpulumusa.''¹²Mulungu, nampodi kukhala kutali nande; Mulungu wangu, kulumizani kundithandiza. ¹³Alekeni akhale na manjazi na kudzonongeka, iwo wakundifunira chakuipa; alekeni abvazikiwe na chitonzo na kupepuka, iwo wakundifunira chakuipa.¹⁴Soma nimdzadikhirira mwa imwe nthawe zense ndichidzakulemekezani kwene kwene. ¹⁵Pakamwa pangu pamdzalewa bza chilungamo na chipulumuso chanu nsiku yense, napo ndikuchidziwa lini. ¹⁶Nimdzabwera mu bzichito bzikulu bza Mbuya Yahova; nimdzaguma chilungamo chanu, chanu mwekha.¹⁷Mulungu, mwandipfunzisa ine kuchoka ubwana bwangu; neye tsapano ndikulalika bzichito bzakudabwisa. ¹⁸Indedi, napo ndiri wakukalamba na msolo wa imvi, Mulungu, nampodi kundilekerera, ninga ndakhala ndikulewa bza mphamvu ku m'bwado uli mkudza, mphamvu zanu kuna munthu aliyense omwe ali mkubwera.¹⁹Chilungamo chanu pomwe, Mulungu, mchikulu zedi; imwe omwe mwachita bzinthu bzikulu, Mulungu, mbani ali ninga imwe? ²⁰Imwe omwe mudandionesa mtsautso mazinji mumdzatitsitsimusa pomwe ife na kutibweresa pomwe ife kuchoka mkuzika kwa dziko lapansi.²¹Thimizirani ukulu bwangu; tembenukani pomwe mundinyamalize. ²²Nimdzapereka pomwe kutenda kuna imwe na zeze pa kukhulupirika kwanu, Mulungu wangu; nimdzakuimbirani bzakulemekeza na zeze, Wakuchena wa Isaraeli.²³Milomo yangu imdzalewa bza chisekerero ningadzakuyimbirani malemekezo--neye moyo wangu, omwe mwaulombola. ²⁴Lirime langu limdzasewera pomwe bza chilungamo chanu nsiku yense; thangwe iwo achitisiwa manyazi na kudodoma, iwo wakufuna kundichita chakuipa.

72¹³Ipeni mfumu mayeruzo yanu yachilungamo, Mulungu, chilungamo chanu kuna mwana wachimuna wa mfumu. ²Iye mbaayeruze wanthu wanu mchilungamo na wakusaya wanu mchilungamo. Mapiri yamdzatengera mtendere wa wanthu; tumapiri mbatutengere chilungamo.⁴Iye ayeruze wakusaya wa mwa wanthu; apulumuse wana wa wakusaya na kupsa mmapidaso wakuboneresa. ⁵Iwo akugopeni imwe ndimo dzuwa limbakhalira, na pomwe mwezi ummalira mmibwado yense.⁶Iye abvumbe pansi ninga mvula pa uswa bwakumwetiwa, ninga mvula yakuthirizira dziko lapansi. ⁷Wakulungama amdzakhazikika mu nsiku zache, apo mbapakhale mtenere wakuwanda kufikizana mwezi umdzakhala lini pomwe.⁸Amdzachita ufumu kuchoka ku nyanza kufikizana ku nyanza, na kuchoka ku Mkulo kufikizana kuphampha kwa dziko lapansi. ⁹Iwo wakukhala mchipululu amdzagodama pamaso pache; awengi wache amdzanyanguta pfumbi. ¹⁰Mafumu ya ku Tarisi na mnsuwa yabwere nacho chakupereka; mafumu ya ku Sheba na Seba yamdzapereka mphaso.¹¹Chadidi, mafumu yensene yamdzagodamira iye; madzinza yensene yamdzamtumikira iye. ¹²Nakuti iye ambathandiza munthu wakusaya omwe ambalira na munthu wakusaya omwe alibe mthandizi.¹³Iye ana nsisi na wakusaya na wakubonera, apo ambapulumusa miyoyo ya wanthu wakusaya. ¹⁴Iye amdzalombola miyoyo yawo ku chitsautso na chiwawa, apo mulopa wawo ngwa nsengwa yapatali pamaso pache.¹⁵Iye akhale na moyo! Oro wa ku Sheba aperekiwe kuna iye. Wanthu mbaamupembere kwakusaya kulekeza; Mulungu amudalise iye nsiku yensene. ¹⁶Mdzikomo mudzakhale tirigu wakuwanda; pakatolotolo pa mapiri bzipaso bzawo bzidzakhala kotsa kotsa. Bzipaso bzache bzikhale ninga Lebano; wanthu amdzaphuka mmiyi ninga uswa bwa mthengo.¹⁷Dzina lache mbalikhale ku nthawe zensene; dzina lache lipitirize kukhala ninga dzuwa; wanthu adalisike mwa iye; madzinza yensene yamchemere wakudala.¹⁸Yahova Mulungu, Mulungu wa isaraeli, alemekezeke, omwe yekhayo ambachita bzinthu bzakudabwisa. ¹⁹Dzina lache la ulemerero lilemekezeke nthawe zense, apo dziko lapansi mbalidzale na ulemerero bwache. Amen na Amen. ²⁰Mapembo ya Davide mwana wachimuna wa Jese yamala.

73¹Chadidi Mulungu ngwabwino kuna Isaraeli, kuna wale wa mtima wakuchena. ²Soma ningakhala ine, nzayo zangu zingadatserereka, nzayo zangu zingadatserereka kunyansi kwangu ³thangwe ndidachitira nsanje wamadumwa pomwe ndidaona mtendere wa wakuipa.⁴Thangwe alibe chakuwawa kufikizana imfa yawo, soma ali wa mphamvu na wakudya bwino. ⁵Iwo akubonera lini ninga wanthu winango; akutsautsika lini ninga wanthu winango.⁶Kubzithusa kumkhala ninga njema pakhosi pawo; chiwawa chawabvazika ninga mkanjo. ⁷Mu uzimola bwawo mumbabula chakuipa; bzakukumbuka bzakuipa bzimbagwata na mmitima mwawo.⁸Ambachita msobwe na kusewera mwakuipa; mkutsautsa kwawo ambagopsera chitsautso. ⁹Ambaikha pakamwa pawo mkugazana na kudzaulu, apo malirime yawo yamfambafamba mdziko lapansi.¹⁰Mthangwrache wanthu wache ambabwera kuna iwo apo madzi yakuwanda yamtayiwa kunja. ¹¹Iwo ambati, ''Mulunguyo ambadziwa tani? Kodi Mkulu wa kudzauluyo ambadziwa?'' ¹²Onani: wanthuwa mbakuipa; nthawe zense ali wakukhazikika, kufamba achidala na basi.¹³Chadidi mpsapezipezi kuti ndanyang'anira moyo wangu na kusamba mmanja mwangu kuonesa kusaya kuphonya. ¹⁴Thangwe nsiku yense ndaboneresewa na kundilanga machibese yaliyense. ¹⁵Ningadati, ''Nimdzalewa bzinthu bzobzi,'' ndiye ningadaupereka mbwado wa wana wanuyu.¹⁶Napo ndidayezera kubvesesa bzinthu bzobzi, bzikhali bzakundinesa maninge. ¹⁷Kinangoko ndidayenda m'buto yakupambulika ya Mulungu ndichibwera kudzabvesesa chimaliziro chawo.¹⁸Chadidi mukuwaikha m'buto zakuterera; mukuwayesa matere. ¹⁹Asayirenyi kusanduka chipululu mkanthawe kakuchepa! Abwera kuphampha apo amaliziwa na kugopsa kukulu. ²⁰Ali ninga atulo wina angaphephuka; Mbuya, mungalamuka, mumdzapepusa chibvulibvuli chawo.²¹Nakuti mtima wangu udawawa, ndichikhala wakudzonongeka zedi. ²²Ndikhali wakusaya kudziwa na kutaza kuona; ndikhali ninga nyama yakusaya nzeru pamaso panu.²³Chensecho ndiri namwe nthawe zense; mwaphata boko langu lamadidi. ²⁴Mumdzanditsogolera ine mmalangizo yanu apo kinangoko mkunditambira ine ku ulemerero bwanu.²⁵Mbani ndinaye mdzaulu soma ndimwe? Palibe wina padziko lapansi wakumkonda soma ndimwe. ²⁶Thupi langu na mtima wangu bzingamala, soma Mulungu ndiye mphamvu za mtima wangu na chakutambira changu chakusaya kumala.²⁷Omwe anamwe kutali amdzamala; mumdzadzononga wensene wakusaya kukhulupirika kuna imwe. ²⁸Soma ningakhala ine, bzense ndibzo nimfuna mkufendeza kuna Mulungu. Ndasandusa Mbuya Yahova kwakuthawira kwangu. Nimdzafokotozera bzichito bzanu bzense.

74¹Mulungu, thangweranyi mwatitaya ife kwamuyaya? Thangweranyi ukali bwanu bwagakira mabira ya uswa bwanu? ²Kumbukirani wanthu wanu, omwe mudawagula kale kale, dzinza ndilo mudalilombola kukhala chakutambira chanu, na Phiri la Ziyoni, lomwe mumbakhala.³Bwerani muone matere yakusaya kumala, kudzononga kwense ndiko muwengi wachitira m'buto yakuchena. ⁴Wakugazana namwe alira mwakukuwa pakati pa mbuto ya wakusankhuka wanu; iwo azika bandera zawo za nkhondo. ⁵Adatamuka na mbadzo zawo ninga adachitira na mkhalango yakuthonera. ⁶Adabodola na kuswa bzakusemeka bzense; adabziswa na mbadzo na masando.⁷Adagasa moto mbuto yanu yakupambulika, kuyigwesa pansi; adapepusa mbuto yakukhala dzina lanu. ⁸Iwo adati mmitima mwawo, ''Tiwadzononge wense.'' Adatentha moto mbuto zense zakugumanirana za Mulungu mdzikomo.⁹Tikuona lini pomwe bzailatizo; palibe pomwe mneneri, apo palibe wina pakati pathu akudziwa kuti bzimdzamala liti. ¹⁰Kufikizana liti, Mulungu, muwengi adzakhale achikutonzani basi? Kodi muwengiyu amdzakhala achichitira makiriyado dzina lanu mpakana kalekale? ¹¹Thangweranyi mukufunya boko lanu, boko lanu lamadidi? Chosani boko lanu lamadidi mchakubvala chanu muwadzononge.¹²Soma Mulungu wakhala mfumu yangu kuchokera kalekale, kubweresa chipulumuso pa dziko,lapansi. ¹³Mudagawa nyanza na mphamvu zanu; mudaswa misolo ya bzilombo bza mnyanza.¹⁴Mudatswanya misolo ya livyatanu; mudamdyesa kuna wakukhala mchipululu. ¹⁵Mudabuvula mphuno za lowe na tumikulo; mudaumisa mikulo yakuyerera.¹⁶Masikati nganu, na usiku m'bwanu pomwe; mudaikha kutoya na dzuwa m'buto mwache. ¹⁷Mudaikha malire yensene ya dziko lapansi; mudalenga mainza na chirimo.¹⁸Kumbukirani ndimo muwengi adathusira makiriyado kuna imwe, Yahova, na kuti wanthu wakupusa achitira makiriyado dzina lanu. ¹⁹Nampodi kupereka moyo wa njiwa yanu kuna chirombo chamthengo. Nampodi kuyebweratu kwa muyaya moyo wa wanthu wanu wakubonera.²⁰Kumbukirani mpangano wanu, thangwe mphimpha za m'dima za dzikoli zadzala na mbuto zachiwawa. ²¹Nampodi kulekerera wakubonera kubwezewa mmambuyo ku manyazi; lekani wakusaya na wakutsautsika alemekeze dzina lanu.²²Lamukani, Mulungu; mubzisewerere mulandu mwekha; kumbukirani ndimo bzitsiru bzimbakunyozerani nsiku yense. ²³Nampodi kuyebwa mafala ya wakugazana namwe ayai baludya la wale omwe nthawe zense ambakugandukirani imwe.

75¹Tikupereka kutenda kuna imwe, Mulungu, tukupereka kutenda, thangwe dzina lanu liri pafupi; wanthu ambasimba bza mabasa yanu yakudabwisa. ²Pa nthawe ya kuikhika nimdzayeruza mwadidi. ³Napo dziko lapansi na wanthu wense akutetemera na mantha, ndidajirikira nsandamira za dziko lapansi.⁴Ndidati kuna wakubzithusayo, Nampodi kubzithusa.'' na kuna wakuipayo, ''Nampodi kukwiza nyanga. ⁵Nampodi kukwiza nyanga yanu mdzaulu; nampodi kumbasewera na khosi lanu lakuuma.'' ⁶Mkwakuchokera lini kumabvadzuwa ayai kumadokero, apo mkwakuchokera lini mchipululu kwakuchokera kudzusako.⁷Soma Mulungu ndiye wakuyeruza; ambabulusa pansi achikwiza mdzaulu. ⁸Nakuti Yahova waphata mmanja mwache kaneka ya vinyu wa phobvu, wakusanganiza na bzakununtchira, uchifunthukira. Chadidi wakuipa wense wa dziko lapansi amdzaumwa kufikizana jojo lakumaliza.⁹Soma nimdzapitiriza kulewa ndibzo mwachita; nimdzayimba malemekezo kuna Mulungu wa Yakobo. ¹⁰Iye wati, ''Nimdzagwata nyanga zense za wakuyipa, soma nyanga za wakulungama zimdzakwiziwa.''

76¹Mulungu wadziwika ku Yuda; dzina lache ndikulu mu Isaraeli. ²Msasa wache uli mu Salemu; mbuto yache yakukhala iri mu Ziyoni. ³Kumweko iye adakhobola mapsimo ya uta, chakukhotcherera, lupanga, na bzipfudzo bzinango bza nkhondo.⁴Mumbabvunika mwakutoya apo ndimwe wakubveka pomwe munibuluka ku mapiri, komwe mudapha awengi wanu. ⁵Wakulimba mtima adapondedzewa; adagona tulo. Wa mphamvu wense alibe kuthandiza.⁶Pa kutsimula kwanu, Mulungu wa Yakobo, wagareta na wa kavalo kubodzi adagona tulo. ⁷Imwe, inde imwe, ndimwe wakugopeka; mbani angaimisane namwe mungakalipa?⁸Kuchoka kudzaulu mudabvekesa chiyeruzo chanu; dziko lapansi likhana mantha lichinyamala ⁹pomwe imwe, Mulungu, mudalamuka kuyeruza na kupulumusa wakubonera wense wa dziko lapansi.¹⁰Chadidi chiyeruzo chanu cha ukali pa munthu chimdzakulemekezesani; mum'bzimangirira mwekha na chakusalira cha ukali bwanu.¹¹Chitani malumbiro kuna Yahova Mulungu wanu na kuyakoya. Wense wakumzungulira iye am'bweresera iye chakupereka omwe ali wakugopeka. ¹²Iye ambagwata mzimu wa akulu; ambagopeka na mafumu ya dziko lapansi.

77¹Nimdzachemera na mafala yangu kuna Mulungu; nimdzakuwa na mafala yanguya kuna Mulungu, apo Mulungu wangu amdzanditchera khutu.²Mu nsiku ya matsautso yangu ndidapsaga Mbuya; usiku ndidafuthula manja yangu, apo alibe kuneta. Mtiwa wangu udalamba kunyamaliziwa. ³Ndidakumbuka bza Mulungu pomwe ndidang'ung'udza; ndidakumbuka bza iye pomwe ndidakomoka.⁴Mudakhazika maso yangu yakupenya; ndidabonerera zedi kutazira kusewera. ⁵Ndidakumbuka bza nsiku za kale, bza magole yadapita kalekale.⁶Usiku ndidakumbuka mtima wangu chimbo ndocho kale ndikhayimba. Ndidakumbuka bwino bwino ndichiyezera kuzindikira ndicho chikhachitika. ⁷Kodi Mbuya amdzandilamba kwa nthawe zense? Kodi iye amdzandionesera lini pomwe udidi?⁸Kodi mpangano wachikhulupiriro chache walekekeratu? Kodi chipangano chache chatazira ku nthawe zense? ⁹Kodi Mulungu wayebwa kuchita chifundo? Kodi ukali bwache mudagodesa nsisi zache?¹⁰Ndidati, ''Izi ni nsisi zangu; kumodali kwa boko lamadidi la Mkuluyo pa ife.''¹¹Soma nimdzakumbuka bzichito bza Yahova; nimdzakumbuka bzakudabwisa bzanu bzakalekale. ¹²Nimdzakumbuka bzichito bzanu bzense ndichidzabzilingirira ibzo.¹³Njira yanu, Mulungu, njakuchena; ni mulungunyi wakuyezezera na Mulungu wathu mkulu? ¹⁴Ndimwe Mulungu wakuchita bzakudabwisa; mwazimbula mphamvu yanu pakati pa wanthu. ¹⁵Mudapa wanthu wanu chipambano na mphamvu yanu ikulu---wa mbewu wa Yakobo na Yosefe.¹⁶Madzi yadakuonani, Mulungu, madzi yadakuonani, apo iwo achichita mantha; kuzika kudatetemera. ¹⁷Mitambo idatsanula madzi; kudzaulu kwa mitambo kudabveka mafala; mapsimo yanu yadambuluka.¹⁸Fala la kugunda kwanu lidabveka mchonzi; kupenya kudatoya dziko lapansi; dziko lapansi lidatetemera na kutekenyeka. ¹⁹Njira yanu idayenda kudzera mnyanza na njira yanu kudzera mmadzi yakukalipa, soma midindo ya nzayo zanu iribe kuoneka. ²⁰Mudatsogolera wanthu wanu ninga thimu la mabira kuphatisa basa boko la Mose na Aroni.

78¹Bverani chipfunziso changu, wanthu wangu, tetekerani mafala ya pakamwa pangu. ²Nimfungula pakamwa pangu m'bzifaniziro; nimdzayimba bza bzinthu bzakubisika bza kale.³Bzinthu ibzi ndibzo mwakahala mukubzibva na kubzidziwa, bzinthu ndibzo abereki wathu akhatiuza. ⁴Timdzabzibisira lini wa mbewu yathu. Timdzauza m'bwado winayo bza bzichito bza kalemekezedwe ka Yahova, mphamvu yache, na bzakudabwisa ndibzo iye wachita.⁵Thangwe adakhazikisa mayeruzo ya mpangano mwa Yakobo na kuikha chitongi mu Isaraeli. Adatonga abereki wathu ndibzo iwo akhafuna kuwapfunzisira wana wao. ⁶Iye adatonga bzobzi pala kuti m'bwado uli mkudzayo udzadziwe mayeruzo yache, wana wakuti akanati kubadwa, omwe amdzafokotozerambo wana wawo⁷Ndiye iwo amdzayikha chidikhiriro chawo mwa Mulungu apo neye kuyebwa bzichito bzache soma kukoya bzakutonga bzache. ⁸Ndiye angadakhala lini ninga abereki wawo, omwe akhali m'bwado wakuukira na wakupikisana naye, m'bwado ndiwo mitima yawo ikhali lini mwakulungama, na omwe mizimu wawo ikhali lini yakubzipereka na yakukhulupirika kuna Mulungu.⁹Wanthu wa ku Efraimu akhana mauta, soma nsiku ya nkhondo adabwerera mmambuyo. ¹⁰Alibe kukoya mpangano na Mulungu, achilamba kubvera chitongi chache. ¹¹Iwo adayebwa bzichito bzache, bzinthu bzakudabwisa ndibzo iye adawaonesera iwo.¹²Adayebwa bzinthu bzakudabwisa iye adawachitira pamaso pa abereki wawo mdziko la Aigupto, mdziko la Zoani. ¹³Iye adagawa nyanza achiwatsogolera kuiyambuka; adaimisa madzi ninga nyumba. ¹⁴Nthawe ya masikati adawatsogolera na mtambo apo usiku bwense na kubvunika kwa moto.¹⁵Adang'alula mathanthwe mchipululu, achiwapa iwo madzi yakuwanda, yakukwana kudzala kuzika kwa nyanza. ¹⁶Iye adayereresa tumikulo kuchoka ku mathanthwe na kuchitisa madzi kuyerera ninga mikulo.¹⁷Soma iwo adapitirira basi kumuphonyera iye, kupikisana na Mkulu wa Mdzauluyo mchipululu. ¹⁸Adayezera Mulungu mmitima mwawo pa kumbakumbira chakudya kukhutisa mudyo wawo.¹⁹Adasewera mwakugazana na Mulungu; iwo adati, ''Kodi Mulungu angatikonzeredi pakudyera mchipululu? ²⁰Onani, pomwe iye adamenya thanthwe, madzi yadafunthuka apo mikulo idakhaphwikira. Soma kodi angatipe pomwe mkate? Kodi amdzapereka nyama kuna wanthu wache?''²¹Pomwe Yahova adabva ibzi, adakalipa; ndiye moto wache udagakira Yakobo, na ukali bwache budamenya Isaraeli, ²²thangwe alibe kukhulupirira mwa Mulungu apo alibe kukhulupirira mchipulumuso chache.²³Soma adatonga kudzaulu na kufungula misuwo ya kudzaulu. ²⁴Adawabvumbisira mana kuti adye, achiwapa tirigu kuchoka kudzaulu. ²⁵Wanthu adadya mkate wa anjero. Iye adawatumizira chakudya chakuwanda.²⁶Adakunthisa chonzi mdzaulu, apo na mphamvu yache adatsogolera chonzi cha kumwera. ²⁷Iye adawabvumbisira nyama ninga pfumbi, mbalame zizinji ninga mchenga wa mnyanza. ²⁸Zidagwa pakati pa msasa wawo, kuzungulira mahema yawo yensene.²⁹Ndiye adadya achikhuta. Iye adawapa chakukhumba iwo. ³⁰Soma akhanati basi kukhuta; chakudya chawo chikhali chikali mkamwa mwawo.³¹Ukali bwa Mulungu budawaphata buchipha wamphamvu kwenekwenewo. Adagwesa anyamata wa Isaraeli. ³²Napo bzikhali tenepoyo, iwo adapitiriza kuphonya apo alibe basi kukhulupirira bzichito bzache bzakudabwisa.³³Mthangwerache Mulungu adafupikisa nsiku zawo; magole yawo yadadzala na mantha. ³⁴Pomwe Mulungu adawapha, adayamba kumupsaga, achibwerera kumunyang'ana iye mwa nyongo.³⁵Iwo adakumbukira kuti Mulungu akhali thanthwe lawo na kuti Mulungu Mkulu wa mdzauluyo akhali mpulumusi wawo. ³⁶Soma adamsasata iye na pakamwa pawo achimnamiza na mafala yawo. ³⁷Nakuti mitima yawo ikhali lini yakukhazikika pa iye, apo akhali lini wakukhulupirika mu mpangano wawo.³⁸Soma iye, pakukhala wachifundo, adawalekerera chakuipa chawo apo alibe kuwadzononga. Inde, kazinjitsa adabweza ukali bwache apo alibe kuchosa ukali bwache bwensene.³⁹Iye adakumbukira kuti adakonzewa ku thupi, chonzi chakugwata apo chimbabwerera lini. ⁴⁰Kawiri kawiri iwo adapikisana naye mchipululu achimubvesa nsisi m'buto za mtetete! ⁴¹Kawiri kawiri iwo adapikisana na Mulungu achikalipisa Wakuchenayo wa Isaraeli.⁴²Iwo alibe kukumbuka bza mphamvu yoyi, ndimo iye adawalombolera ku muwengi ⁴³pomwe iye adachita bzilatizo bzakugopsa mu Aigupto na bzakudabwisa bzache mu mphimpha ya Zoani.⁴⁴Iye adasandusa mulopa mikulo ya mu Aigupto mwakuti iwo adatazira kumwera mmikulo yawoyo. ⁴⁵Iye adawatumizira mitambo ya ntchentche zakuwamala na achule wa kuwadzononga. ⁴⁶Adapa mbeu zawo ku bziwala na basa lawo ku bziwala.⁴⁷Adadzononga mpesa wawo na matalala na mikuyu yawo na zawe. ⁴⁸Adabvumbisa matalala pa ng'ombe zawo na kuthusa mpheni pa bzifuwo bzawo. ⁴⁹Kugopsa kwa ukali bwache kudawafikira. Adatumiza chilango, ukali, na mtsautso ninga anjero wakubweresa chakuipa.⁵⁰Adanyalizira njira ukali bwache; alibe kuwaleka na moyo soma kuwapereka ku muliri. ⁵¹Adapha wana wense wakutoma kubadwa mu Aigupto, wakutoma kubadwa wa mphamvu yawo mmahema ya Hamu.⁵²Adatsogolera wanthu wache kubula ninga mabira achiwatsogolera kudzera mchipululu ninga thimu la bzifuwo. ⁵³Adatsool;era mwakukhulupirika na mwakuti iwo alibe kugopa, soma nyanza idamiza awengi wawo.⁵⁴Kinangoko adawafikiza kumalire ya mbuto yache yakuchena, ku phiri lache lomwe boko lache lamadidi lidaligula. ⁵⁵Adathotha madzinza pamaso pawo achiwagawira chakusiiriwa chawo. Adakhalisa madzinza ya Isaraeli mmahema mwawo.⁵⁶Soma adapikisana achigandukita Mulungu Mkulu wa mdzauluyo apo alibe kukoya bzakutonga bzache. ⁵⁷Akhali wakusaya kukhulupirika achibwerera mmambuyo ninga abereki wawo; iwo akhali wakusaya kudalirika ninga uta bzakudamba.⁵⁸Thangwe adamkalipisa na mbuto zawo zakupambulika achimnyosa iye ku ukali bwa nsanje na mafano yawo yakutsema. ⁵⁹Pomwe Mulungu adabva ibzi, adakalipa achiswaya Isaraeli kwakunyanya.⁶⁰Iye adalamwa mbuto yakupambulika ya ku Silo, chihema ndicho iye akhakhala pakati pa wanthu. ⁶¹Adapereka mphavu yache achipereka ulemerero bwache mmanja mwa mtsautsi.⁶²Adapereka wanthu wache ku lupanga, achikalipa na wanthu ndiwo akhadati mbache mpakana mpakana. ⁶³Moto udakhudyula anyamata wawo, apo madende yawo yadalekeza kukhala na bzimbo bza maloozi.⁶⁴Ansembe wawo adagwa na lupanga, apo azimayi wawo wamasiye adalekeza kumbalira nkhawa. ⁶⁵Ndiye Mbuya adalamuka ninga wakuchoka pa tulo, ninga nyankhondo wakukuwa thangwera vinyu. ⁶⁶Adathotha wakugazana naye kuwabweza mmambuyo; achiwaikha pa manyazi yakusaya kumala.⁶⁷Iye adalamwa chihema cha Yosefe, apo alibe kusankhula dzinza la Efraimu. ⁶⁸Adasankhula dzinza la Yuda na Phiri la Ziyon lomwe akhalikonda. ⁶⁹Adamanga mbuto yache yakupambulika ninga kudzaulu, ninga dziko lapansi lomwe adalikhazikisa kwa muyaya.⁷⁰Adasanlhuila Davide, mtumiki wache, achimtenga kuchoka ku makola ya mabira. ⁷¹Adamtenga kuchoka kwakutewera mabira makazi ya ntchere zawo. achimubweresa kukhala makabusa wa Yakobo, wanthu wache, na waIsaraeli, wakusankhuliwa wache wamuyaya. ⁷²Davide adawausa na mtima wache wachadidi, achiwatsogolera iwo na luso la manja yache.

79¹Mulungu, madzinza yakunja yabwera mchakutambira chanu; yaipisa kachisi wanu wakuchena; yatembenuza Yerusalemu kukhala mudwi wa matere. ²Apereka matupi yakufa ya akapolo wanu kukhala chakudya cha mbalame za mdzaulu, matupi ya wakukhulupirika wanu ku bzilombo bza dziko lapansi. ³Ajojeza mulopa wawo ninga madzi kuzungulira Yerusalemu, apo pakhalibe wina wakuwafuchira.⁴Takhala chakutonza cha anansi wathu, chakusekesa na chakulalatisa kuna iwo wakutizungulira. ⁵Ateye liti, Yahova? Mumdzakhala mudakalipa mpakana muyaya? Ateye liti nsanje yanu yaukali imdzakhala ichigaka ninga moto?⁶Tsanulirani chilango chanu pa madzinza ndiyo yamkudziwani lini na pa maufumu ndiyo yambachemera lini pa dzina lanu. ⁷Thangwe adammalira Yakobo achipasula miyi yache.⁸Nampodi kutikoyera bzakuipa bza abereki wathu; bzichito bzanu bzachifundo bzitifikire ife, thangwe talefuka kwene kwene. ⁹Tithandizeni, Mulungu wa chipulumuso chathu, thangwera ulemerero bwa dzina lanu; tipulumuseni na kutilekerera bzakuipa bzathu thangwera dzina lanu.¹⁰Thangweranyi madzinza yalewe, ''Mulungu wawoyo ali kuponi?'' Mulopa wa akapolo wanu omwe udajojezewa ubwezeriwe pa madzinza pamaso pathu. ¹¹Mang'ung'udzo ya wakumangiwa yabwere pamaso panu; na ukulu bwa mphamvu yanu koyani na moyo wana wa imfa.¹²Muwabwezere kanomwe chakutonza chawo anansi wathu na kutonza ndiko iwo achita pa imwe, Mbuya. ¹³Ndiye ife wanthu wanu na mabira ya uswa bwanu timdzakutendani kwa muyaya. Timdzafokotoza malemekezo yanu ku mibwado yensene.

80¹Tcherani khutu; Makabusa wa Isaraeli, imwe omwe mudatsogolera Yosefe ninga mabira; imwe wakukhala padzaulu pa akerubi, mkutoya pa ife! ²Pamaso pa Efraimu na Benjamini na Manase, lamusirani mphamvu yanu; bwerani mutipulumuse. ³Mulungu, mutibwezerese; toyesani nkhope yanu pa ife, apo timdzapulumuka.⁴Yahova Mulungu wa mathimu, kufikizana liti mumdzakhala muchikalipa na wanthu wanu angambapemba? ⁵Mwawadyesa na mkate wa misozi muchiwamwesa misozi mizinji. ⁶Mwatiikha kuti anzathu atimenyanirane, apo anzathuwo akutiseka mwakutinyoza mwa iwo okha.⁷Mulungu wa mathimu, mutibwezerese; toyesani nkhope yanu pa ife apo timdzapulumuka. ⁸Mudabulisa mpesa mu Aigupto; mudathotha madzinza muchiuokera.⁹Mudaufenjerera mataka; Udaphuka mizi uchidzala dziko. ¹⁰Mapiri yadampsinkhika na mthunzi wache, mikungudza ya Mulungu na mitawi yache. ¹¹Udafuthula mitawi yache kufika ku nyanza na mizi yache ku Mkulo wa Firate.¹²Thangweranyi mwagumula malitsito yache mwakuti wanthu wensene wakugwata mu njira akumbatcha chipaso chache? ¹³Njiri za mkhalango zikuudzononga, na bzilombo bza mthengo bzikuudya.¹⁴Bwererani, Mulungu wa mathimu; nyang'aniani kuchoka kudzauluko na kutchenkha mpesayu. ¹⁵Uyu ni muzi ndiwo boko lanu lamadidi lidabzala, mwana wachimuna omwe mwampa mwekha mphamvu. ¹⁶Udaotchiwa moto mkuugwesa; iwo amala thangwera kutsimula kwanu.¹⁷Boko lanu mbalikhale pa munthu wa kuboko lanu lamadidi, pa mwana wa munthu omwe mudampa mwekha mphamvu. ¹⁸Ndiye timdzakuthawani lini; titsisimuseni, apo timdzachemera dzina lanu.¹⁹Yahova Mulungu wa mathimu, tibwezereseni; toyesani nkhope yanu pa ife, apo timdzapulumuka.

81¹Kuwirani mwakusekera kuna Mulungu mphamvu yathu; kuwirani mwakusekera kuna Mulungu wa Yakobo. ²Imbani chimbo na kuyimba na lingaka, zeze wakudeka na chisakasa. ³Fulizani nyanga ya bira pa nsiku ya kukhwedzuka mwezi, pa nsiku ya chibvulibvuli cha mwezi upulumira, pomwe madyerero yathu yali kuyambika.⁴Thangwe mchakunemba cha kwa Isaraeli, mayeruzo yakuperekiwa na Mulungu wa Yakobo. ⁵Adalipereka kukhala lamulo mwa Yosefe pomwe iye adayenda kukalimbana na dziko la Aigupto, komwe ndidabva mafala ndiyo ndiribe kuyazindikira:⁶Ndidachosa mtolo pa phewa pache; manja yache yadatsudzuliwa kulekeza kuphata basa lakusaya malipiro. ⁷Pa kutsautsika kwako udakuwa, apo ndidakuthandiza iwepo; ndidakutawira iwe kuchoka mu mtambo upsipa wa kugunda. Ndidakuyezera pa madzi ya Meriba.⁸Tetekerani, wanthu wangu, thangwe nimdzakuchenjezani, a Isaraeli mungandibvera! ⁹Nampodi pakhale mulungu wachilendo pakati panu; nampodi kunamata mulungu aliyense wachilendo. ¹⁰Ndine Yahova Mulungu wako, omwe ndidakubulisa mu Aigupto. Yachamula pakamwa pako kwene kwene, apo nimdzaudzaza.¹¹Soma wanthu wangu alibe kubvera mafala yangu; a Isaraeli alibe kundibvera. ¹²Ndiye ndiwaperekera kuuma mtima kwawo pala kuti atewere utsaphungu bwawo bwawo.¹³Ha, kuti wanthu wangu andibverembo ine; kuti wanthu wangu afambe mnjira zangu. ¹⁴Ndiye ndidajonjesa kamkulumize awengi wawo na kubwezera boko langu pa wakuwatsautsa.¹⁵Iwo wakuwenga Yahova agwe na mantha pamaso pache! Mbaachepsiwe kwamuyaya. ¹⁶Nimdzadyesa Isaraeli na tirigu wabwino; nimdzakukhutisa na uchi bwa mthanthwe.''

82¹Mulungu waima mu mtsonkhano wakupambulika; pakati pa milungu iye akupereka chiyeruzo. ²Kufikizana liti mumdzakhala mukuyeruza mwakusaya kulungama na kuonesa udidi kuna wakuipa?³Perekani chilungamo kuna wakusaya na wamasiye; tchenkhani ufulu bwa wakutsautsika na wakusaya. ⁴Pulumusani wakusaya na wakutsautsika; apulumuseni mmanja mwa wakuipa.⁵Amdziwa lini ayai kubvesesa; ambadzungaira mum'dima; maziko yensene ya dziko lapansi yatekenyeka.⁶Ndidati, ndimwe milungu, apo imwe mwensene wana wa Mkulukulu Wamdzauluyo. ⁷Soma mumdzafa ninga wanthu na kugwa ninga wina wa akuluakulu.''⁸Lamukani, Mulungu, ambayeruza dziko lapansi, nakuti muna chakutambira mmadzinza yensene.

83¹Mulungu nampodi kukhala chete! Nampodi kutilekerera apo khalani wakukhazikika, Mulungu. ²Nyang'anani, awengi wanu akuchita baludya, na iwo wakukuwengani adzusa misolo yawo.³Akukonzera nzeru zakuchenjera kuna wanthu wanu achipangana pabodzi kulimbamna na wakubisika wanu. ⁴Alewa kuti, ''Bwerani, apo tilekeni tiwadzononge ninga dzinza. Ndiye kuti dzina la Isaraeli limdzakumbukika lini pomwe.'' ⁵Iwo adapangana pabodzi na mtima ubodzi; adachita chiphatano kulimbana namwe--⁶Mahema ya ku Edomu na ya a Isimayeli, ya a Moabu na a Hagara, Byblosi, ⁷Amoni, Amaleki; na Filisitiya pomwe na wakukhala mu Turo.⁸Asuri pomwe aphatanidzana nawo, asanduka boko la wambewu ya Loti.⁹Achitireni ninga mudachitira a Midyani, ninga mudachitira na a Sisera na kuna Jabini pa Mkulo wa Kisoni. ¹⁰Adamala pa Endoro achisanduka ninga ndovolo ya dziko lapansi.¹¹Muwaikhe akulu wawo ninga a Orebu na Zeebu, na mafumu yawo nunga Zeba na Zalimuna. ¹²Iwo adati, ''Mbatiye tibzitengere tekha mbuto yakukhala Mulungu.''¹³Mulungu, mbaawachite ninga pfumbi la kabvulimvuli, ninga mankhunyete pakati pa chonzi, ¹⁴ninga moto wakutentha nkhalango, na ninga malambi yakugasa moto mapiri. ¹⁵Athotheni na chonzi chanu cha mphamvu, na kuwachitisa mantha na kabvulumbuli wanu.¹⁶Dzazani nkhope zawo na manyazi pala kuti apsage dzina lanu, Yahova. ¹⁷Mbaachitisiwe manyazi na kugopsewa ku nthawe zense; mbaamale psiti na manyazi yawo.¹⁸Ndiye ati adzadziwe kuti imwe mwekha, omwe dzina lanu ni Yahova, ndimwe Mkulu Wamdzaulu wa padziko lense lapansi.

84¹Ikome tani mbuto mumkhala imwe, Yahova wa mathimu! ²Ndikufunisisa mbuto zakutongera milandu za Yahova; chakukhumba changu chandikomola. Mtima wangu na thupi langu bzimkuwira kuna Mulungu wa moyo.³Neyembo nserenga yabzigumana yokha nyumba na nyamzeze chitsa chache cha iye yekha momwe aniswa wana wache pafupi na maguwa yanu ya nsembe, Yahova wa mathimu, Mfumu yangu, na Mulungu wangu. ⁴Wakudala ndiwo wakukhala mnyumba mwanu; ambakulemekezani mwakupitirira.⁵Wakudala ni munthu omwe mphamvu zache ziri mwa imwe, omwe mu mtima mwache muna njira zakukwirira ku Ziyoni. ⁶Angambagwata na Mchigwa cha Teara amchitisa kukhala mbuto ya mphuno za lowe. Mvula yakutoma imbachidzala na madalitso.⁷Ambayenda kuchoka mphamvu na mphamvu; aliyense wa iwo akuonekera pamaso pa Mulungu mu Ziyoni. ⁸Yahova Mulungu wa mathimu, bvani pembo langu; tcherani khutu, Mulungu wa Yakobo! ⁹Mulungu, onani ndimwe chakukhotchera chathu; onesani kukhudzika na wakudzozewa wanu. ¹⁰Thangwe nsiku ibodzi m'buto zanu zakutongera milandu njabwino kuposa dzana kwina kulikwense. Zjai kukhala ine wa pa msuwo mnyumba ya Mulungu wangu, ni bwino kuposana na kugona mmahema ya wakuipa.¹¹Nakuti Yahova Mulungu ni dzuwa lathu na chakukhotcherera; Yahova amdzapereka chifundo na ulemerero; ambalambiza lini chabwino chirichense kuna iwo wakufamba mu ungwiro. ¹²Yahova wa mathimu, wakudala ndiye amkukhulupirira imwe.

85¹Yahova, mwaonesa udidi ku dziko lanu; mwabwezeresa ukapolo bwa Yakobo. ²Mwalekerera chakuipa cha wanthu wanu; mwampsinkha bzakuphonya bzawo bzensene.³Mudabweza kukalipa kwanu kwense; mwabwerera ku uali bwanu bwakupsa. ⁴Tibwezereseni ife, Mulungu wa chipulumuso chathu, apo muletse kutiwenga kwanu pa ife. ⁵Kodi mumkalipa nafe basi kufikizana kalekale? Kodi mumdzakhala wakukalipa basi kupita mmibwado ya mtsogolo?⁶Kodi mumdzatipa lini pomwe moyo? Ndiye wanthu wanu adzasekere namwe. ⁷Tioneseni ife chikhulupiriro cha mpangano wanu, Yahova; tipeni chipulumuso chanu.⁸Nimdzatetekera ndibzo Yahova Mulungu anilewa, thangwe amdzachita mtendere na wanthu wache, wakukhulupirika wache. Soma nampodi abwerere pomwe ku njira zawo zakupusazo. ⁹Chadidi chipulumuso chache chiri pafupi kuna wale wakugopa iye; ndiye ulemerero bumdzakhala mdziko lathu.¹⁰Chifundo na chadidi bzagumanizana pabodzi; chilungamo na mtendere bzampsompsonana. ¹¹Chadidi chaphukira kuchoka pansi, apo chilungamo chasuzumira kuchoka kudzaulu.¹²Inde, Yahova amdzapereka madaliso yache yabwino, apo dziko lathu limdzapereka bzipaso bzache. ¹³Chilungamo chimdzayenda pamaso pache chichikonzera njira nzayo zache.

86¹Tetekerani, Yahova, na kunditawira, thangwe ndine wakusaya na wakubonera. ²Nditchenkheni ine, thangwe ndine wakukhulupirika; Mulungu wangu, pulumusani kapolo wanu wakukhulupirira imwe.³Mndichitire chifundo, Mbuya, thangwe ndikulirira imwe nsiku yensene. ⁴Dekedwesani kapolo wanu, thangwe kuna imwe, Mbuya, nimkwizira moyo wangu.⁵Imwe, Mbuya, ndimwe wabwino, na wakukonzeka kulekerera, wakumangika mchifundo kuna wensene wakulirira imwe, ⁶Tcherani khutu, Yahova, ku pembo langu; bvani mafala ya makumbiro yangu. ⁷Mu nsiku ya mtsautso wangu nimbalirira imwe, thangwe mumdzanditawira.⁸Palibe wina wakuyezezera na imwe pakati pa milungu, Mbuya. Palibe bzichito ninga bzichito bzanu. ⁹Madzinza yensene ndiyo mudayalenga yamdzabwera yachidzagodama pamaso panu, Mbuya. Yamdzalemekeza dzina lanu.¹⁰Thangwe ndimwe mkulu na wakuchita bzinthu bzakudabwisa; ndimwe Mulungu mwekhamwe. ¹¹Ndipfunziseni njira zanu, Yahova. Ndiye nimdzafamba mchadidi chanu. Umbani mtima wangu ukhale ubodzi kuti ugope dzina lanu. ¹²Mbuya Mulungu wangu, nimdzakulemekezani na mtima wangu wense; nimdzalemekeza dzina lanu kwachikhalire.¹³Thangwe chikulu mchikhulupiriro cha mpangano wanu pa ine; mwapulumusa moyo wangu mkuzika kwa Thenje. Mulungu, wakubzikuza andigandukira ine. ¹⁴Thimu la wanthu likupsaga moyo wangu. Alibe namwe basa.¹⁵Soma imwe, ndimwe Mulungu wa chifundo na nsisi, wakuchedwa kukalipa, na wakumangika mchikondi na chikhulupiriro. ¹⁶Ndicheukireni na kundichitira chifundo; perekani mphamvu kuna kapolo wanu; pulumusani mwana wa kapolo wanu wachikazi. ¹⁷Ndioneseni chilatizo cha udidi bwanu. Ndiye wale wakundiwenga amdzachiona achichita manyazi thangwera imwe, Yahova, wandithandiza na kundinyamaliza.

87¹Pa phiri lakuchena paima muyi adaukhazikisa; ²Yahova ambakonda mipitiro ya mu Ziyoni kwene kwene kusiyana na mahema yensene ya Yakobo. ³Bzinthu bzaulerero bzimbalewedwa bza imwe, muyi wa Mulungu.⁴Nimbaguma Rahabu na Babulo kuna wakunditewera wangu. Onani, pana Filistiya na Turo, pabodzi na Kusi--apo ndikuti, 'Uyu adabadwira mwemo.''⁵Bza Ziyoni bzimdzalewedwa, 'Aliyense wa iwowa adabadwira mwa iye; apo Mkulu wa Mdzaulu chaiyeyo amdzamukhazikisa.'' ⁶Yahova akunemba m'bukhu la chilewengero cha madzinza, ''Uyu adabadwira mwemo.''⁷Ndiye wakuyimba pomwe na wakubzina ambati pabodzi, ''Alowe wangu wensene ali mwa imwe.''

88¹Yahova, Mulungu wa chipulumuso changu, ndikukuwa masikati na usiku pamaso panu. ²Tetekerani pembo langu; tcherani khutu kulira kwangu.³Thangwe ndadzaziwa na matsautso, apo moyo wangu wafika ku Thenje. ⁴Wanthu akundichitira ninga wale wakuyenga ku dindi; ndiri munthu wakusaya mphamvu.⁵Wakutayika pakati pa wakufa; ndiri ninga wakufa wakugona mthenje, omwe imwe mumbawakumbukira lini pomwe thangwe agwatika ku mphamvu zanu. ⁶Mwandiyikha ine ku mbuto yapansi kwene kwene ya dindi, m'buto za mdima na zakuzika.⁷Ukali bwanu bwayadzamira pa ine, apo magwede yanu yense yagwera ine.⁸Thangwera imwe, wakudziwana nande akundiswaya. Mwandisandusa wakunyansa kuna iwo. Ndatsekereziwa kutazira kubula ine.⁹Diso langu lapunduka na kutsautsika; Nsiku yense ndikukuwira imwe, Yahova; ndikufuthulira imwe manja yangu. ¹⁰Kodi mumdzachitira wakufa bzakudabwisa? Kodi wakufa amdzalamuka achikulemekezani?¹¹Kodi chikhulupiriro cha mpangano wanu chimdzalalikiwa mthenjemo, chikhulupiriro chanu m'buto ya wakufa? ¹²Kodi bzichito bzanu bzakudabwisa bzimdzadziwika mu m'dima, ayai chilungamo chanu m'buto za chiyebweko?¹³Soma ndikulirira imwe, Yahova; machibese pembo langu limbabwera pamaso panu. ¹⁴Yahova, thanweranyi mukundilamba? Thangweranyi mukundibisira nkhope yanu?¹⁵Ndakhala wakubonera nthawe zense na wakufuna kufa kuyambira ubwana bwangu. Ndatsautsika na bzakugopsa bzanu; ndamala nzeru. ¹⁶Ukali bwanu bwakugaka bwapita na pa ine, na bzichito bzanu bzakugopsa bzandidzononga.¹⁷Bzandizungulira ninga madzi nsiku yense; bzandizungulira bzense. ¹⁸Mwandichosera mwayangu aliyense na wakudziwana nande. Wakudziwana nande wasala ni m'dima okha.

89¹Nimdzayimba bza bzichito bza chikhulupiriro cha mpangano wa Yahova ku nthawe zense. Nimdzalalika chikhulupiriro chanu ku mibwado ya mtsogolo. ²Nakuti ndati, ''Chikhulupiriro cha mpanagano chakhazikisiwa ku nthawe zense; uchadidi bwanu ndibo mwakakhazikisa mdzaulu.''³Mudati, ''Ndachita mpangano na wakusankhukayo, ndachita lumbiro kuna Davide kapolo wangu: ⁴'Nimdzakhazikisa wa mbewu yako kwamuyaya, apo nimdzakhazikisa kadera yako yachifumu kudzera mmibwado yensene.'''⁵Kudzaulu kukulemekeza bzakudabwisa bzanu, Yahova; uchadidi bwanu bukulemekeziwa mu mtsonkhano wa wakuchena mtima. ⁶Thangwe mbani kudzaulu angalinganiziwe na Yahova? Mbani pakati pa wana wachimuna wa wamphamvu ali ninga Yahova?⁷Iye ni Mulungu wakulemekezeka maninge mu mtsonkhano wa wakuchena mtima apo ngwakuchitisa mantha kuposa wensene wakumzungulira iye. ⁸Yahova Mulungu wa mathimu, mbani ana mphamvu ninga Yahova? Uchadidi bwanu bwakuzungulirani.⁹Mumbatonga nyanza yaukali; magwede yanganyanduka, muchiyaderekhesa. ¹⁰Mudatchola Rahabu ninga wakuphedwa. Mudabalalisa wakukuwengani na boko lanu la mphamvu.¹¹Kudzaulu mkwanu, na dziko lapansi pomwe. Mudakhazikisa dziko lapansi na bzense liri nabzo. ¹²Mudalenga kumpoto na kumwera.Tabori na Herimoni ambasekera mdzina lanu.¹³Muna boko la mphamvu na manja ya mphamvu, apo boko lanu lamadidi ndakukwizika. ¹⁴Chilungamo na chiyeruzo ni maziko ya kadera yanu yachifumu. Chikondi chanu na chikhulupiriro chimbatsogolera pamaso panu.¹⁵Wakudala ni wanthu omwe mbadziwa mafala ya lipenga! Yahova, iwo ambafamba mkubvunika kwa nkhope yanu. ¹⁶Ambasekera mdzina lanu nsiku yense, apo mchilungamo chanu ambakukwizani.¹⁷Ndimwe mphamvu yawo yakulemekezeka, apo na udidi bwanu nyanga yathu imkwizika. ¹⁸Thangwe chikhotcherero chathu chiri mwa Yahova; mfumu yathu kwa Wakuchena wa Isaraeli.¹⁹Kalekale mudasewera mmasomphenya kuna wakukhulupirika wanu; mudati, ''Ndabvazika korona pa wamphamvuyo.'' ²⁰Ndalamusa wina wakusankhuliwa pakati pa wanthu. ²¹Ndasankhula Davide kapolo wangu; na mafuta yangu yakuchena ndamupsingisira. ²²Boko langu limdzamuthandiza; boko langu limdzamulimbikisa. Palibre muwengi wakudzanyengeza iye; palibe mwana wachakuipa amdzam'boneresa iye. ²³Nimdzapeya awengi wache pamaso pache; nimdzapha wale wakuwenga iye.²⁴Chadidi changu na chikhulupiriro cha mpangano wangu bzimdzakhala naye; na dzina langu nyanga yache imdzakwizika. ²⁵Nimdzabzatika boko lache pa nyanza apo boko lamadidi pa mikulo. ²⁶Iye amdzakuwira kuna ine, ''Ndimwe babangu, Mulungu wangu, na thanthwe la chipulumuso changu.²⁷Nimdzamuikha pomwe ninga mwana wachimuna wakutoma, wakukwizika kwenekwene pa mafumu yensene ya dziko lapansi. ²⁸Nimdzapitiriza mpangano wangu wachikhulupiriro kuna iye kwamuyaya; apo mpangano wangu na iye umdzakhala wakutetezeka. ²⁹Nimdzaikha wa mbewu yache kupirira kwa muyaya na kadera yache kukhala yakupirira ninga kupitirira kudzaulu.³⁰Penu wana wache anilamba lamulo langu achisaya kufamba mmayeruzo yangu, ³¹angaswa malamulo yangu neye kukoya bzakutonga bzangu, ³²ndiye nimdzalanga kuphonya kwawo na mpsimbo na kuphonya kwawo na mikwingwirima.³³Soma nimdzachosa lini chikondi changu kuna iye ayai kusaya kukhulupirika ku mpangano wangu. ³⁴Nimdzaswa lini mpangano wangu ayai kuchinja mafala ya milomo yangu.³⁵Kabodzi ndalumbira mchicheneso changu-- nimdzanama lini kuna Davide: ³⁶wa mbeu yache amdzapitirira kwa muyaya na kadera yache ya ufumu ninga dzuwa pamaso pangu. ³⁷Chimdzakhazikisiwa kwa muyaya ninga mwezi, mboni yakukhulupirika mdzaulu.''³⁸Soma mwalamba na kumtaya; mwachitira ukali mfumu yanu yakudzozewa. ³⁹Mudalambiza chipangano cha mtumiki wanu. Mudanyoza korona wache muchimthusa pansi. ⁴⁰Mudagumula malitsito yache yensene. Mwasukwisa mbuto zakukhala iye.⁴¹Wense wakugwata pafupi amubera iye. Wasanduka chakutonza cha anansi wache. ⁴²Mwadzusa boko lamadidi la awengi wache; mwachitisa awengi wache wensene kusekera. ⁴³Mudabunthisa nsonga ya lupanga lache na kusaya kumuimisa ku nkhondo.⁴⁴Mudalekesa kutoya kwache; mwabulusa kadera yache yachifumu pansi, ⁴⁵Mwachepsa nsiku za ubwana bwache. Mwamugugudiza iye na manyazi.⁴⁶Kufikizana liti, Yahova? Kodi mum'bzibisa kufikizana muyaya? Ukali bwanu kodi bumdzagaka ninga moto kufikizana liti? ⁴⁷Ha, kumbukani ndimo kufupika kwa nthawe yangu kuliri, na kuti mkufupika kwanyi kwa moyo mwalengera wana wense wa wanthu! ⁴⁸Mbani angakhale apo neye kufa, ayai kupulumusa moyo wache yekha mmanja mwa Thenje?⁴⁹Mbuya, bzichito bzanu bzakale bza chikhulupiriro cha mpangano bziri kuponi ndibzo mudalumbirira kuna Davide mchadidi chanu. ⁵⁰Kumbukirani, Mbuya, chakutonza kuna atumiki wanu na ndimo nimchisenzera mu mtima mwangu makiriyado mazinji kuchokera ku madzinza. ⁵¹Awengi wanu ambathusa makiriyado, Yahova; ambanyoza mathanya ya wakudzozewa wanu.⁵²Wakudalisika ni Yahova ku nthawe zense. Amen na Amen.

90¹Mbuya, mwakhakala kwakuthawira kwathu mmibwado yenseneyi. ²Mapiri yakanati kulengiwa, ayai imwe kukonza dziko lapansi na dziko lakukhala wanthu, kuyambira nthawe yakusaya kuyamba kufikizana nthawe yakusaya kumala, ndimwe Mulungu.³Mumbabwezeresa munthu ku pfumbi, muchiti, ''Bwerera, iwe wambewu ya wanthu.'' ⁴Thangwe magole chulu mmaso mwanu yali ninga dzulo litapita, na ninga ulindiri bwa usiku.⁵Mumbawapsaira ninga na madzi yakukhaphwikira apo ambagona; machibese ali ninga uswa ndibo bumbaphuka. ⁶Machibese bumbaphuka buchikula; maulo bumbafota mkuuma.⁷Chadidi, tadzonongeka mu ukali bwanu, apo mu chilango chanu tinigopsewa. ⁸Mwaikha bzakuipa bzathu pamaso panu, bzakuphonya bzathu bzakubisika mkubvunika kwa nkhope yanu.⁹Moyo wathu wapitirira mu ukali bwanu; magole yathu kamkulumize yapita ninga lingiliro. ¹⁰Magole yathu ni makumi manomwe, ayai neye makumi masere tingakhala nayo mphamvu; soma magole yathu yabwinoyo yalatiziwa na matsautso na nsisi. Soma, yambamala kamangu, apo timbambuluka.¹¹Mbani amdziwa mphamvu ya ukali bwanu, na chilango chanu ndicho chinilingana na kukugopani? ¹²Ndiye tipfunziseni kulingirira moyo wathu pala kuti tikhale nawo mtima wa nzeru. ¹³Bwererani, Yahova! Umdzakhala utali tani? Chitirani nsisi akapolo wanu.¹⁴Mutikhutise ife machibese na chikhulupiriro cha mpangano wanu pala kuti tisekerere na kukhala wakudekedwa nsiku zanu zensene. ¹⁵Tidekedweseni ninga mwa nsiku mudatiboneresazi na magole tidaona chakuipa. ¹⁶Atumiki wanu awone basa lanu, na wana awone ulemerero bwanu.Udidi bwa Mbuya Mulungu wathu bukhale bwathu; mutikhazikisire ife basa la manja yathu; chadidi, khazikisani

91¹Iye wakupsinga mu mthunzi wa Mkulukulu wa Mdzauluyo amdzakhala mu mthunzi wa Wamphamvu zense. Nimdzati kuna Yahova, ²''Iye ndiye pakuthawira pangu na litsito langu, Mulungu wangu, omwe mwa iye nimkhulupirira.''³Thangwe iye amdzakulombola iwe ku ukhulira bwa kasadolo na ku muliri wakudzononga. ⁴Amdzakumpsinkha na maphapidwe yache, apo mmaphapidwe mwachemo umdzagumana kwakuthawira. Chikhulupiriro chache mchakukhotchera na chitetezo.⁵Umdzabva lini mantha na chakugopsa cha usiku, ayai na msewe wakumbuluka masikati, ⁶ayai na muliri wakubisalika mu m'dima, pinango na chidzonongeko chakukhala masikatikati. ⁷Chulu angagwe ku mbali yako apo bzulu khumi ku boko la madidi, soma yamdzakufika lini.⁸Umdzaona na maso yako uchidzaona kubwezera chilango wakuipa. ⁹Popeza udati imwe Yahova ndimwe pakuthawira pangu! Sandusambo Wamdzauluyo chakukhala mwemo chako,¹⁰Palibe chakuipa chiti chidzakugwere iwe; palibe chakulanga chiti chidzafendere ku chihema chako. ¹¹Nakuti iye amdzaikha anjero kutonga pa iwe, akakoye iwe mnjira zako zensene.¹²Amdzakudzusa iwe mdzaulu na manja yawo kuti umdzagunsa lini nzayo yako pa mwala. ¹³Umdzapondedza mphondolo ku nzayo zako; umdzapondedza wana wa mphondolo na nyoka.¹⁴Thangwe ambadekedwa nande, nimdzampulumusa. Nimdzamutchenkha thangwe amdziwa dzina langu. ¹⁵Angandikuwira ine, nimdzamtawira. Nimdzakhala naye mmatsautso; nimdzampa chipambano na kumchitira ulemu. ¹⁶Nimdzamukhutisa na kutalika kwa nsiku, na kumuonesa chipulumuso changu.

92¹Mchinthu chabwino kupereka kutenda kuna Yahova na kuyimba malemekezo ku dzina lanu, Wamdzaulu Mkhuluyo, ²kulalikira chikhulupiriro cha mpangano wanu machibese na chadidi chanu usiku bulibwense, ³pa chisakasa na pa bzingwe khumi na kulira nyimbo kwa zeze.⁴Thangwe imwe, Yahova, mwandidekedwesa kudzera na bzakuchita bzanu. Nimdzayimba na chisekerero thangwera bzakuchita bza manja yanu. ⁵Bzakuchita bzanu bzikulirenyi, Yahova! Bzakukumbuka bzanu mpsakuzika maninge.⁶Munthu bulutu ambadziwa lini, ayai munthu wakupusa kuchizindikira ichi: ⁷Wakuipa angaphuka ninga uswa, na wense wakuchita msambo wakuipa angapitirira kukhala basi, amzadzonongeka kwakusaya kumala.⁸Soma imwe,Yahova, mumdzatonga kwamuyaya. ⁹Mchadidi, onani awengi wanu, Yahova! Indedi, nyang'anisani awengi wanu. Amdzatayika! Wensene wakuchita msambo wakuipa amdzabalalikana.¹⁰Mwadzusa nyanga yanu ninga nyanga ya njati; ndadzozewqa na mafuta mapsa. ¹¹Maso yangu yaona kugwa kwa awengi wangu; makutu yangu yabva chakukhumba cha awengi wangu wakuipawo.¹²Wakulungama amdzaphuka ninga muti wa mgwalangwa; amdzakula ninga mkungudza wa ku Lebano. ¹³Iwo awokedwa mnyumba ya Yahova; amdzaphuka m'buto zakutongera milangu za Mulungu.¹⁴Iwo ambabala bzipaso napo akalamba; amkhala basi awisi na wakubiriwira, ¹⁵kulalikira kuti Yahova ngwadidi. Iye ni thanthwe langu, apo mulibe chakusaya kulungama mwa iye.

93¹Yahova akutonga; wakubzibvazika na ukulu; Yahova wabzibvazika na kubzimangirira mphamvu mchiuno. Dzoko lakukhala wanthu lakhazikika bwino; lingagwinyike lini. ²Kadera yanu ya ufumu yakhazikika kuchokera nthawe za kalekaletsa; ndimwe wakuchokera ku nthawe za nthawe.³Mikulo imkwiza, Yahova; yakwiza mafala yawo; mathithi ya mikulo yambakuwa na kugunda. ⁴Kuposa kukuwa kwa madzii mazinji, na magwede yakulimba ya nyanza, Yahova wa mdzauluyo ngwa mphamvu.⁵Bzakutonga bzanu mpsakukhulupirika maninge; chicheneso chimthemera nyumba yanu, Yahova, thangwera kutalimpha kwa nsiku zanu.

94¹Yahova, Mulungu wakubwezera, Mulungu wakubwezera, toyani pa ife. ²Lamukani, muyeruzi wa dziko lapansi, perekani malipiro kuna wakubzikuza.³Kufikizana liti wakuipa, Yahova, kufikizana liti wakuipa akhale achisekera basi? ⁴Ambatsanula mafala yawo yakuwawa; wale wense wakuchita bzakuipa ambabzithembeza.⁵Iwo ambatswanya wanthu wanu, Yahova; ambatsautsa chakutambira chanu. ⁶Ambapha akazi wamasiye na mlendo wakukhala mdziko lawo, achipha wana wamasiye. ⁷Ambati, ''Yahova ambaona lini; Mulungu wa Yakobo alibe nabzo basa.''⁸Tcherani khutu, imwe wanthu wakupusa! Imwe bzitsiru, kodi mumdzabvesesa liti? ⁹Iye adalenga khutu, kodi ambabva lini? Iye adalenga diso, kodi ambaona lini?¹⁰Iye wakulangiza madzinza, kodi ambatsimula lini? Iye ndiye wakupa munthu nzeru. ¹¹Yahova ambadziwa bzakulingirira bwa wanthu, kuti mpsapezi.¹²Wakudala ndiye omwe Yahova munimulangiza, omwe munimupfunzisa kuchoka ku lamulo lanu. ¹³Mumbampa kupuma mu nthawe ya matsautso kufikizana dindi la wakuipa titacheriwa.¹⁴Thangwe Yahova amdzataya lini wanthu wache ayai kutaya chakutambira chache. ¹⁵Thangwe chiyeruzo chimdzakhala pomwe chakulungama; apo wense wakuthamuka mtima amdzachitewera. ¹⁶Mbani amdzalamuka kundikhotcha ine ku wakuchita bzakuipa? Mbani amdzandilimbikira kulimbana nawo wakuchita bzakuipa?¹⁷Angadakhala Yahova mchithandizo changu lini, tsampanopa ningadagona ku mbuto ya chete. ¹⁸Pomwe ndidati, ''Nzayo yangu ikuterereka,'' Chikhulupiriro cha mpangano wanu, Yahova, chidandijirikira. ¹⁹Pakundiwandira bzakukhumba mkati mwangu, bzakunyamaliza bzanu bzim'dekera moyo wangu.²⁰Kodi kadera yachifumu yakusakaza imthemera kuphatizana namwe, wakuchitisa chakubvuta chikhale chitongi? ²¹Ambapangana pabodzi kutenga moyo wa wakulungama achimgaza wa mulopa walazawu.²²Soma Yahova wakhala nsaka yangu itali, apo Mulungu wangu wasanduka thanthwe langu lakuthawira. ²³Iye amdzawabweresera chakuipa chawo achidzawadzononga mchakuipa chawo. Yahova Mulungu wathu amdzawadzononga amwewo.

95¹Oo bwerani, mbatiye tiyimbire Yahova; mbatiye tikuwe mwakusekera ku thanthwe la chipulumuso chathu. ²Mbatiye tibwere nacho chakutenda pamaso pache; timkuwire iye mwakusekera na masalimo yakulemekeza. ³Thangwe Yahova ndiye Mulungu mkulu na Mfumu ikulu kuposa milungu yensene.⁴Mmanja mwache muna mbuto zakuzika za dziko lapansi; mbuto za mmapiri mzache. ⁵Nyanza njache, thangwe adailenga, apo boko lache lidaumba dziko lakuuma.⁶Oo bwerani, mbatiye tinamate na kukotama; mbatiye tigodame pamaso pa Yahova, Wakutilenga. ⁷Thangwe iye ni Mulungu wathu, apo ife ndife wanthu wa uswa bwache na mabira ya boko lache. Lero lino--oo, mungabva mafala yache!⁸Nampodi kulimbisa mtima wanu, ninga pa Meriba, ayai pa nsiku ya Masa mchipululu, ⁹komwe abereki wanu adandiyezera ine; adandiyikha pa mayezero, napo akhadaona bzichito bzangu.¹⁰Kwa magole makumi manayi ndidakalipa nawo m'bwado umweyo ndichiti, 'Awa ndiwo wanthu wakusochera mtima; alibe kudziwa njira zangu.' ¹¹Mthangwerache ndidalumbirira mu ukali bwangubo kuti amdzapita lini m'buto yangu yakukapuma.''

96¹Oo, imbirani Yahova chimbo chipsa; imbirani Yahova, dziko lense lapansi. ²Imbirani Yahova, lemekezani dzina lache; lalikirani chipulumuso chache nsiku na nsiku.³Fokotozani ulemerero bwache kuna madzinza, bzichito bzache bzakudabwisa pakati pa wanthu wa madzinza yensene. ⁴Thangwe Yahova ni mkulu apo akuthemera kulemekezewa kukulu. Amfunika kugopewa kuposa milungu ina yense.⁵Thangwe milungu yensene ya madzinza ni mafano, soma ni Yahova omwe adalenga kudzaulu. ⁶Ulemu na ukulu buli pamaso pache. Mphamvu na bzakudeka bziri m'buto yache yakupambulika.⁷Mupeni Yahova, imwe madzinza ya wanthu, mupeni ulemerero Yahova thangwera ulemerero na mphamvu zache. ⁸Mupeni Yahova ulemerero bomwe dzina lache limbathemera. Bweresani chakupereka na kubwera ku mbuto zache zakutongera.⁹Mgodamireni Yahova mwakukomesesa na mwakuchena; tetemerani pamaso pache, dziko lensene lapansi. ¹⁰Lewani pakati pa madzinza, ''Yahova ambatonga.'' Dziko lakukhala wanthu lakhazikika pomwe; lingatekenyeke lini. Iye ambayeruza wanthu mwabwino.¹¹Kudzaulu kusekere, na dziko lapansi lisekere; nyanza ilire na ndicho chimbaidzaza na chisekerero. ¹²Minda isekere na bzense bziri mwemo. Miti yensene mkhalango ikuwe na kusekera ¹³pamaso pa Yahova, thangwe iye akubwera. Akubwera kudzayeruza dziko lapansi. Amdzayeruza dziko lakukhala wanthu mwa chilungamo apo wanthu na chilungamo.

97¹Yahova wachita ufumu; dziko lapansi lisekerere; nsuwa zensene zisekerere. ²Mitambo na m'dima bzamuzungulira. Chilungamo na chiyeruzo ni maziko ya kadera yache ya ufumu.³Moto umbamtsogolera uchikhudyula wakugazana naye ku mbali zensene. ⁴Mpheni yache imtoya dziko lakukhala wanthu; dziko lapansi liniona na kutetemera. ⁵Mapiri yasungunuka ninga phula pamaso pa Yahova, Mbuya wa dziko lense lapansi.⁶Kudzaulu kunilalikira chilungamo chache, na madzinza yense yakuona ulemerero bwache. ⁷Wense wakunamata bzilinganiro bzakutsema amdzachita manyazi, wale wakuthembeza mafano ya pezipezi-- adamgodamira iye, imwe milungu yensene! ⁸Ziyoni adabva achidekedwa, na mizinda ya Yuda yasekera thangwera mayeruzo yanu yakulungama, Yahova.⁹Thangwe imwe, Yahova, muli padzaulu pa dziko lensene lapansi. Mwakwiziwa kutali na milungu yensene. ¹⁰Imwe wakukonda Yahova, muniwengana na chakuipa! Iye ambakhotcherera miyoyo ya wakukhulupirika wache, achiwachosa mmanja mwa wakuipa. ¹¹Kubvunika kwafesewa kuna wakulungama na kusekerera kuna wale wa mitima yakuthamuka.¹²Sekerani mwa Yahova, imwe wakulungama; na kupereka kutenda mungakumbuka kuchena kwache.

98¹Oo, imbirani Yahova chimbo chipsa, thangwe wachita bzinthu bzakudabwisa; boko lache lamadidi na boko lache lakuchena lamupa iye chipambano. ²Yahova wadziwisa chipulumuso chache; waonesa padecha chilungamo chache kuna madzinza yensene.³Iye ambakumbukira chikondi chache na chikhulupiriro ku nyumba ya Isaraeli; kuphampha kwense kwa dziko lapansi kumdzaona chipambano cha Mulungu wathu. ⁴Kuwani mwa kusekera kuna Yahova, dziko lense lapansi; imbani chimbo, imbirani chisekerero, na kuyimba malemekezo.⁵Imbani malemekezo kuna Yahova na zeze, na zeze na chimbo cha masalimo. ⁶Na fuluti na mafala ya nyanga, kuwani mwakusekerera pamaso pa Mfumu, Yahova.⁷⁸Nyanza ikuwe na chirichense chiri mwemo, dziko lakukhala wanthu na bzakukhala mwemo! Mikulo iwombe mmanja mwayo, na mapiri yakuwire chisekerero. ⁹Yahova akubwera kudzayeruza dziko lapansi; amdzayeruza dziko lakukhala wanthu na chilungamo na madzinza mwabwino.

99¹Yahova wachita ufumu; madzinza yatetemere. Iye wakhala pa kadera yache yachifumu padzaulu pa akerubi; dziko lapansi litetemere. ²Yahova ni mkulu mu Ziyoni; wakwizika padzaulu pa madzinza yensene. ³Alekeni iwo alemekeze dzina lanu likulu na lakugopsa; iye ngwakuchena.⁴Mfumu nja mphamvu, apo iyo imabakonda chilungamo. Mwakhazikisa ubwino; mwachita chilungamo na chiyeruzo mwa Yakobo. ⁵Lemekezani Yahova Mulungu wathu na kunamata pakupondera nzayo zache. Iye ngwakuchena.⁶Mose na Aroni akhali wina wa ansembe wache, apo Samueli akhali wina wa iwo wakuchemera pa dzina lache. Iwo adachemera kuna Yahova, achiwatawira. ⁷Adasewera nawo kuchokera mu mtambo wakuti njoo. Iwo adakoya bzakutonga bzache na manemba ndiyo iye adawapa.⁸Mudawatawira iwo, Yahova Mulungu wathu. Mudawakhalira Mulungu wakuwalekerera, soma pomwe wakuwabwezera bzakuchita bzawo bzakuphonya. ⁹Lemekezani Yahova Mulungu wathu, na kunamata pa phiri lache lakuchena, thangwe Yahova Mulungu wathu ngwakuchena.

Miyambo

1¹Miyambo ya Solomoni mwana wachimuna wa Davide, mfumu ya Isaraeli. ²Miyamboyi njakupfunzisa nzeru na mwambo, kupfunzisa mafala yakuzindikirisa, ³kuti mutambire mwambo mchikhalidwe chabwino, chilungamo, chiyeruzo, na chitewezi.⁴Miyamboyi njakupa pomwe nzeru kuna wachibwana, na kupa chidziwiso na kuzindikira kuna maswaka. ⁵Lekani wanthu wa nzeru atetekere na kuthimizira kupfunza, apo lekani wanthu wakuzindikira atenge utsaphungu, ⁶kubvesesa miyambo, bziyezezero, na mafala ya wanthu wa nzeru na nthanthi zakupa msobwe.⁷Kugopa Yahova ndicho chiyambi cha kudziwa

--wakupusa ambanyoza nzeru na mwambo.

⁸Mwanangu, bvaya mwambo wa babako apo nampodi kuleka chilangizo cha mayi wako; ⁹bzimdzakhala nkhata ikulu ya msolo wako na usanga kuderuka mkhosi mwako.¹⁰Mwanangu, wakuphonya angayezera kukupumpsa ku bzakuphonya bzawo, nampodi kuyenda nawo. ¹¹Iwo angati, ''Ngabwera nafe, mbatiye tibisalire kudikhirira mulopa, mbatiye tibisalike timenye wanthu wakusaya kuphonya neye thangwe;¹²Mbatiye tiwakhudyule namoyo, ninga Thenje limbatengera wale wakulimba, na kuwachita ninga wale wakuguduka ku dindi; ¹³timdzagumana bzinthu bzabwino bza moda wense; timdzadzala nyumba zathu na bzakupondedza; ¹⁴thusa nafe njuga, apo timdzakhala na thungwa la kobiri lathu pabodzi''--¹⁵Mwanangu, nampodi kufamba kupolika nawo njira imweyo; nampodi kuti nzayo zako zikhuye pamfamba iwo; ¹⁶nzayo zawo zimbathamangira chakuipa apo ambakulumizira kukajojeza mulopa. ¹⁷Thangwe mpsakusaya basa kuteya ukhulira uko mbalame iriyense iri mkuona.¹⁸Wanthu amwewa ambabisalikira mulopa wawo wene-- ambachitira chiwembu miyoyo yawo wene. ¹⁹Mtenepombo ziliri njira za aliyense omwe ambagumana phindu na chiwawa; vida yakuigumana mwapezipezi imbatenga miyoyo ya iwo wakuiphatirira.²⁰Nzeru zimbalira mwakukuwa mmisewu, zimbakwiza mafala yache padecha; pa msolo ²¹pa misewu ya baludya zimbakuwa, pakupitira pa muyi zimbasewera bzakulewa bzache, ''Kufikizana liti, imwe wanthu wabzibwana, mumdzakhala wakukonda bzibwana basi? ²²Kufikizana liti, wakunyozamwe, mumdzadekedwa basi na kunyoza, apo kufikizana liti, imwe wakupusa, mumdzawengana na nzeru?²³Chungunukirani kutsimula kwangu; nimdzatsanulira mzimu wangu pa imwe; nimdzakudziwisani mafala yangu. ²⁴Ndachemera, apo mwalamba kutetekera; ndidapalawiza na boko langu, soma palibe adakhala nabzo basa. ²⁵Soma mwalamba utsaphungu bwangu bwense apo neye kukhala na basa na kutsimula kwangu.²⁶Nimdzachitira msobwe tsoka lanu, nimdzanyoza pakubwera mantha yanu-- ²⁷pakubwera mantha yanu ninga chonzi na tsoka kukupsairani ninga kabvulimvuli, pomwe mtsautso na ukali bzinibwera pa imwe.²⁸Ndiye iwo amdzandichemera ine, apo nimdzatawira lini; amdzandipsaga mwa nyongo, soma amdzandigumana lini. ²⁹Thangwe nzeru ambaziwenga apo alibe kusankhula kugopa Yahova, ³⁰iwo alibe kutewera utsaphungu bwangu, achinyoza kutsimula kwangu kwense.³¹Iwo amdzadya chipaso cha njira zawo, apo na chipaso cha bzakukumbuka ³²bzawo iwo amdzakhuta. ³³Nakuti wachibwana ambaphiwa na kubwerera mmambuyo kwawo, apo mphwayi za wakupusa zimdzawadzononga. Soma aliyense wakutetekera ine amdzakhala mwakutetezeka achikhala mwakusaya kutekenyeka neye kugopa bzakuipa,''

2¹Mwanangu, ungatambira mafala yangu na kukoya bzakutonga bzangu, ²tchera makutu yako ku nzeru na kuikha mtima wako pa kuzindikira.³Ungalirira kuti uzindikire mkukwiza mafala yako pala nzeru, ⁴ungaipsaga ninga umbapsagira siriva na kupsagapsaga kubvesesa ninga umbapsagira vida yakubisika, ⁵ndiye umdzabvesesa kugopa Yahova apo umdzakugumana kudziwa Mulungu.⁶Nakuti Yahova ambapa nzeru; mkamwa mwache mumbabula chidziwiso na nzeru. ⁷Iye ambakoya nzeru zabwino kuna wanthu wakuzindikira; iye mchikhotcherero cha wale wakufamba mwakundendemera; ⁸ambakhotcherera njira zachilungamo achidzakoya njira za wakukhulupirika wache.⁹Ndiye mumdzazindikira chilungamo, na chiyeruzo, na kulingana, na njira iriyense yabwino. ¹⁰Thangwe nzeru zimdzabwera mumtima mwanu, na kudziwa kumdzakhala kwakudeka mmoyo mwanu.¹¹Kulingirira kumdzakudikhirani, kulingirira kumdzakukhotchererani. ¹²Iwo amdzakupulumusani ku njira ya chakuipa, kuna wale wakusewera bzinthu bzakugonyoka, ¹³wale wakulamba njira zakulungama na kufamba mnjira zam'dima.¹⁴Iwo ambasekera angachita chakuipa na kudekedwa mu bzakugonyoka bzakuipa. ¹⁵Iwo ambatewera njira zakupotoka, na kuti pakuphatisa basa chinyengo ambabisa njira zawo.¹⁶Nzeru na kuzindikira kumdzakupulumusa kuna chigololo, kuna mkazi wachilendo na mafala yache yakunyodoka. ¹⁷Iye ambasiya kusangana na ubwana bwache achiyebwa chipangano cha Mulungu wache.¹⁸Nakuti nyumba yache inimira pansi ku imfa, na mafambidwe yache kuna wakufa. ¹⁹Wense wakuyenda kuna iye amdzabwerera lini pomwe apo amdzafika lini ku njira za moyo.²⁰Ndiye mumdzafamba mnjira za wanthu wabwino muchitewera njira za wanthu wakulungama. ²¹Thangwe wakulungama amdzakhala mdziko, apo wale wadidi amdzasalira mwemo. ²²Soma wakuipa amdzasanthiwa kuchoka mwemo.

3¹Mwanangu, nampodi kuyebwa chipfunziso changu, na kukoya bzakutonga bzangu mu mtima mwako, ²thangwe kutalimpha kwa nsiku zako na magole ya moyo wako, bzimdzakuthimizira mtendere.³Nampodi kuti chikondi na chikhulupiriro bzikuthawe; bzimangirire pabodzi mkhosi mwako; ubzinembe pa mtima wako. ⁴Ndiye umdzagumana udidi na mbiri yabwino pamaso pa Mulungu na wanthu.⁵Khulupirira Yahova na mtima wako wense apo nampodi kuyadzamira pa bzawekhawekha; ⁶mnjira zako zense mzindikire iye apo amdzathamula njira zako.⁷Nampodi kukhala wa nzeru mmaso mwako wekha mwene; ⁸Chimdzakhala chilimbiso ku uzingo bwako na uwisi ku mafupa yako.⁹Lemekeza Yahova na vida yako na bzipaso bzakutoma kukhuma bza mbewu zako, ¹⁰na magwangwa yako yamdzadzala na mitsuko yako kupseka, kudzala na vinyu mupsa.¹¹Mwanangu, nampodi kunyoza mwambo wa Yahova apo nampodi kuwenga chitsimulo chache, ¹²thangwe Yahova ambatsimula iwo wakuwakonda, ninga babamunthu ambachitira na mwanache wakudekedwa naye.¹³Wakugumana nzeru ngwakudala; ambagumana pomwe luntha. ¹⁴Bzomwe umbagumana mu nzeru ndiponi kuposa ndibzo siriva angakupe apo phindu lache limposa golide.¹⁵Nzeru mza nsengwa yapatali kuposa ngalengale apo palibe ndicho umfuna chingandendemeziwe nazo. ¹⁶Zina nsiku zitali m'boko lache lamadidi; m'boko lache lamadzere muna vida na ulemu.¹⁷Njira zache mzakudekedwesa apo njira zache zensene ni mtendere. ¹⁸Izo ni muti wa moyo kuna iwo wakuziphata; iwo wakuziphatisa ali wakudekedwa.¹⁹Na nzeru Yahova adalenga dziko lapansi; na luntha iye adakhazikisa kudzaulu. ²⁰Na kudziwa kwache bzakuzika bzidang'ambika mitambo ichijojeza mame yache.²¹Mwanangu, nampodi kubvuma ibzi bzichoke pamaso pako: koya nzeru chaiyo na kukumbuka bwino. ²²Zimdzakhala moyo kuna mtima wako na madekesero ya udidi yakubvala mkhosi mwako.²³Ndiye umdzafamba mnjira yako mwaufulu apo nzayo zako zimdzakhukhumudwa lini; ²⁴ungadzagona pansi, umdzakhala lini na mantha, kugona kwako kumdzakhala kwakukoma.²⁵Nampodi kugopa bzakugopsa bzakudzidzimusa ayai bzakupasula bzakudza na wakuipa, bzingafika, ²⁶nakuti Yahova amdzakhala kumbali yako achidzakhotcha nzayo yako nampodi imangiwe na mulapu.²⁷Nampodi kuwamana bwabwino wakuthemera kubzitambira, bzingakhala mu mphamvu zako kuchita nabzo. ²⁸Nampodi kulewa kunammwayako, ''Ndoko, ukabwere pomwe, apo mangwana nimdzakupa, uko kobirizo uli nazo.²⁹Nampodi kuchita nzeru yakudzononga mwayako-- omwe ambakhala nawe mwa ufulu. ³⁰Nampodi kukangana na munthu neye thangwe, uko iye alibe kukuchitira chinthu chakuipa.³¹Nampodi kuchitira nsanje munthu wachiwawa ayai kusankhula iriyense ya njira zache. ³²Thangwe munthu wausatana ngwakunyansa kuna Yahova, soma iye ambabweresa munthu wakulungama mchikhulupiriro chache.³³Themberero la Yahova liri pa nyumba ya munthu wakuipa, soma iye ambadalisa nyumba ya munthu wakulungama. ³⁴Iye ambanyoza wakunyoza, soma ambapa udidi bwache kuna wanthu wakupfasa.³⁵Wanthu wa nzeru amdzatambira ulemu, soma wakupusa amdzakwiziwa mmanyazi yawo.

4¹Tetekerani, wanangu, mwambo wa baba, na kukhala tcheru kuti mudziwe luntha mchiyani. ²Ndikukupani mwambo wabwino, nampodi kulamba chipfunziso changu.³Pomwe ndikhali mwana wa babangu, wakukondewa na mwana yekhayo wa mayi wangu, ⁴babangu adandipfunzisa achiti kuna ine, ''Leka mtima wako uphatisise mafala yanguya; koya bzakutonga bzangu ukhale na moyo.⁵Tenga nzeru na luntha; nampodi kuyebwa apo nampodi kulamba mafala ya pakamwa pangu; ⁶nampodi kupambuka ku nzeru apo iyo imdzakunyang'anira iwe; uyikonde apo iyo imdzakukoya wa ufulu.⁷Nzeru mchinthu chakufunikisisa maninge, ndiye tenga nzeru na kumwaza bzense unabzo kuti utenge luntha. ⁸Lemekeza nzeru apo imdzakukwiza iwe; imdzakulemekeza iwe nthawe ndizo uniyikwapatira. ⁹Iyo imdzayikha nkhata ya ulemu pa msolo pako; imdzakupa korona wakudeka.''¹⁰Tetekera, mwanangu, na kutambira mafala yanguya, apo umdzakhla na magole mazinji mmoyo mwako. ¹¹Ndikukupfunzisa iwe mnjira ya nzeru; ndikukutsogolera iwe mnjira zakuthamuka. ¹²Ungafamba, palibe amdzayima mnjira yako apo ungadzathamanga, umdzakhukhumudwa lini.¹³Phatisa mwamboyu, nampodi kuuleka uyende; uunyang'anire, thangwe ndiwo moyo wako. ¹⁴Nampodi kutewera njira ya wakuipa apo nampodi kufamba mnjira ya wale wakuchita bzakuipa. ¹⁵Bzilambe nampodi kubzitewera, pambuka ku ibzo uyende njira ina.¹⁶Thangwe iwo angakwanise lini kugona pokhapokha achite chakuipa apo tulo twawo tumbawachokera angakhukhumudwisa wina. ¹⁷Thangwe iwo ambadya chakudya cha kuphonya na kumwa vinyu wa chiwawa.¹⁸Soma njira ya wanthu wakulungama ili ninga kutoya kwa machibese ndiko kumbafamba kuchikulakula; kumbafamba kuchitoya basi kufikizana masikati yakuti mbe. ¹⁹Njira ya wakuipa ili ninga m'dima-- iwo ambadziwa lini ndicho chimbawakhukhumudwisa.²⁰Mwanangu, tchera khutu ku mafala yangu; tchera khutu ku bzakulewa bzangu. ²¹Nampodi kuyaleka yachoke ku maso yako; yakoye mu mtima mwako.²²Thangwe mafala yangu ni moyo kuna iwo wakuyagumana na umoyo ku thupi lawo lense. ²³Koya mtima wako waufulu na kuutchenkha na mkhomeko wense, thangwe mwa iwo mumbayerera lowe wa moyo.²⁴Khala kutali na kaseweredwe ka umaluku na kutaya mseweredwe wachinyengo kutali nawe. ²⁵Leka maso yako yanyang'anise kubzatika kutsogolo na kubzokola ndendende kutsogolo kwako.²⁶Nyalaza njira ya nzayo zako; ndiye njira zako zensene zimdzakonewa. ²⁷Nampodi kupambuka kumadidi ayai kumadzere; bweza nzayo zako ku chakuipa.

5¹Mwanangu, tchera khutu ku nzeru zangu; tchera makutu yako ku mwambo wangu, ²kuti upfunze kuzindikira apo milomo yako ilabadire bzomwe ukudziwa.³Thangwe milomo ya mkazi wachigololo imbajoja uchi apo pakamwa pache mpakunyodoka kuposa mafuta, ⁴soma kuphampha kwache njakuwawa ninga chibvumulo, kucheka ninga lupanga lakuthwa.⁵Nzayo zache zimbaguduka kuyenda ku imfa; mathanya yache yambayenda njira yense ku Thenje. ⁶Iye ambakumbuka lini njira ya moyo. Mathanya yache yambadzungaira; ambadziwa lini ndiko ali kuyenda.⁷Tsapano, mwananguwe, nditetekere ine; nampodi kupapambuka kuleka kutetekera mafala ya pakamwa pangu. ⁸Khala naye kutali apo nampodi kufendera pafupi na msuwo wa nyumba yache.⁹Mnjira yoyo umdzataya lini ulemu bwako kuna wanthu wina ayai magole ya moyo wako kuna wanthu wakuipa mtima; ¹⁰alendo amdzakhuta lini mphamvu zako; basa lako limdzayenda lini mnyumba ya alendo.¹¹Kuphampha kwa moyo wako umdzabuula nyama na thupi lako bzingadzamala. ¹²Umdzati, ''Ndikhawengana na mwambo ine mtima wangu uchinyoza chitsimulo!¹³Ndikhatetekera lini mafala ya apfunzisi ayai kutchera khutu langu kuna wakundilanga mwambo. ¹⁴Ndikhali pafupifupi wakusukwa mkati mwa mtsonkhano, pakati pa mgwezekano wa wanthu.''¹⁵Mwaya madzi yakuchoka mu nsonyo yako mwene na kumwa madzi yakufamba ya mumchera wako mwene. ¹⁶Kodi mayambiro yako yamwazike pensepense apo mikulo yako yamadzi iyerere padechadecha? ¹⁷Ileke ikhale yakoyako wekha apo sikuti na alendo pabodzi nawe.¹⁸Maziko yako yadalisike apo usekere mu ukazi bwa ubwana bwako, ¹⁹thangwe iyo ni mbawala yakukonda na mbawala ikazi yachifundo. Leka ukwanisiwe na masuku yache nthawe zense; ukodwe na chikondi chache mwakuyenderera.²⁰Nakuti thangweranyi, mwanangu, usanduke kapolo na mkazi wachigololo? Thangweranyi ukumbatire kadedema wa mkazi wachilendo? ²¹Yahova ambaona chirichense munthu ambachita na kuona njira zense zimbatenga iye.²²Munthu wakuipa amdzaphatiwa na kuipa kwacheko; bzingwe bza kuphonya kwache mwene bzimdzammanga mwakuthimba. ²³Amdzafa thangwera kusaya mwambo; ambasocheresewa na kupusa kwache kukuluko.

6¹Mwanangu, penu waikha kobiri zako pambali kukhala chiphatiro kuna mangawa ya mwayako, penu udalonjeza bza mangawa ya wina wakuti ukumdziwa lini, ²ndiye wabziteyera wekha mulapu na lonjezo lakolo apo waphatiwa na mafala ya mkamwa mwako.³Ungaphatiwa na mafala yako, mwanangu, chita ichi ubzipulumuse wekha, thangwe wagwa mmnanja mwa mwayako; ndoko ukabzichepse wekha na kukonza mulandu wakoyo pamaso pa mwayako.⁴Nampodi kupa maso yako tulo apo bzikope bzako nampodi kuodzira. ⁵Bzipulumuse wekha ninga mphoyo mmanja mwa kasadolo, ninga mbalame mmanja mwa nyakusaka.⁶Nyang'ana nyerere, iwe munthu mtofu lingirira njira zache na kukhala wa nzeru. ⁷Ziribe mfumu, ayai kapitawo, ayai mkulu, ⁸soma zimbakonza chakudya chache chirimo apo nthawe yakukolola zimbakoya bzomwe zimdzadya.⁹Umdzagona kufikizana liti, iwe munthu mtofu? Umdzalamuka liti patulo twako? ¹⁰''Kugona pamkiti, kuodzira pamkiti, kufunya manja pamkiti kupuma''-- ¹¹apo kusaya kwako kumdzabwera ninga mbava na kusaya kwako ninga nyankhondo wabzipfudzo.¹²Munthu wapezipezi--mwamuna wakuipa--ambakhala thangwera umaluku bwa kaseweredwe kache, ¹³kuphophomera maso yache, kuchita bzilatizo na nzayo zache na kutosatosa na bzala bzache.¹⁴Ambakonza bzakuipa na bzakupotoka bziri mu mtima mwache; iye ambakhalira kunyosa ndewu. ¹⁵Mthangwerache tsoka lache limdzabwera mwakumdzidzimusa; mkanthawe kakuchepa iye amdzapseka kutazika kulimba.¹⁶Pana bzinthu bzitanthatu ndibzo Yahova ambawengana nabzo, bzinomwe ndibzo bziri bzakumnyansa.¹⁷maso ya munthu wakusamwa, lirime lakunama, manja yakujojeza mulopa wa wanthu wakusaya kuphonya, ¹⁸mtima wakukumbuka bziwembu bzakuipa, nzayo zakuthamangira kamangumangu kuchita chakuipa, ¹⁹mboni yakunama yakusewera kawerewere magunkha na wakupikisanisa abale.²⁰Mwanangu, koya malangizo ya babako apo nampodi kutaya chipfunziso cha mayi wako. ²¹Nthawe zense yamange pa mtima pako; yamangire pakhosi pako.²²Ungambafamba, yamdzakutsogolera, ungagona tulo, yamdzakudikhirira; apo ungalamuka, yamdzakupfunzisa. ²³Thangwe malangizo ni kandiyero, apo chipfunziso mkubvunika; bzitsimulo bzakudza na mwambo ndibzo njira ya moyo.²⁴Yambakukhotcherera kuna mkazi wakuipa, ku lirime lakunyodoka la mkazi wachigololo. ²⁵Nampodi kuchita kaso mu mtima mwako na kudeka kwacheko apo nampodi kuti iye akupumpse na nsiye zache.²⁶Mpfupo ya puta ni nyenyekwa za pawu, soma mkazi wa mwenekachiro ambapsagapsaga moyo wa muti wapatali. ²⁷Kodi mwamuna angatakule moto pa kadedema pache neye kuotentha bzakubvala bzache?²⁸Kodi mwamuna angafambe pa masimbe yakupsa neye kupsa nzayo zache? ²⁹Ndendende na mwamuna omwe ambayenda kuna mkazi wa mwayache; omwe aniphata iye amdzapulumuka lini ku chilango.³⁰Wanthu ambanyoza lini mbavaingaba kukhutisa mtima wache ingabva njala. ³¹Soma ingaphatiwa, imdzapagali kanomwe bzomwe idababzo; ipagali vida yensene ya mnyumba mwache.³²Omwe ambachita chigololo alibe nzeru; wakuchita ibzi am'bzidzononga yekha. ³³Amdzalasiwa apo iye akuthemera manyazi apo manyazi yache yamdzapfudzika lini.³⁴Thangwe nsanje zimbakalipisa munthu; amdzaonesa lini nsisi pa nsiku yakubwezera. ³⁵Iye amdzabvuma lini kobiri apo angaguliwe lini, napo muchimpagali bzizinji.

7¹Mwanangu, koya mafala yangu na kugwezeka bzakutonga bzangu mwa iwe. ²Koya bzakutonga bzangu ukhale na moyo, apo koya mwambo wangu ninga mwana wa diso lako. ³Uyamangire pa bzala bzako; uyanembe pa bade la pamtima pako.⁴Lewa kuna nzeru, ''Ndiwe mfumakazi yangu,'' apo kuchemera luntha m'bale wako, ⁵kuti ubzikhotcherere kuna mkazi wa chigololo, ku mkazi wachigololo omwe ambanyodola mafala yache.⁶Pa zenera ya nyumba yangu ndikhanyang'anisa kudzera pa kabuli. ⁷Ndidanyang'ana pa wanthu wachibwana, apo ndidaona pakati pa ang'ono mnyamata wakusaya nzeru.⁸Mwamuna mng'onoyo akhagwata kupolika mu msewu pafupi na mphambano ya mkaziyo, api iye adayendera ku nyumba yacheko. ⁹Yakhali maulo kuli sinsiru, maulo ya nsikuyo, pa nthawe ya usiku na m'dima.¹⁰Pamwepo mkaziyo adagumana naye, wakubvala ninga puta, na mtima wakunama. ¹¹Iye ali wakusewerasewera na kusaya kuyeruzika; nzayo zache ziribe kukhala pamuyi. ¹²Tsapano lino mmiseumo, kinangoko mu msika, na mphambano iripense akhabisalika mwakudikhirira.¹³Ndiye mkaziyo adaphata mwamunayo achimumpsompsona, na nkhope ya ukali adati kuna mwamunayo, ¹⁴''Ndachita nsembe ya mtendere lero, ndakwanirisa malonjezo yangu, ¹⁵ndiye ndabula kudzagumana nawe, na nyongo kudzapsaga nkhope yako, apo ndakugumana.¹⁶Ndatandika bzakufunika pa kama pangu, nguwo za mabangamabanga za ku Aigupto. ¹⁷Ndapsingisira kama wangu na mure, mvunja, na chisiyo. ¹⁸Bwera, mbatiye tisekere na chikondi chathu kufikizana machibese; mbatiye tibzikomedwese na machitachita ya chikondi.¹⁹Thangwe bayangu ali lini pamuyi pache; wayenda ku ulendo butali. ²⁰Adatakula chola cha kobiri; amdzabwerera pa nsiku ya mwezi upulumira. ²¹''Na manyengerero makulu mkaziyo adamtembenuza; na milolo yache yakunyalala adamngingimiza.²²Mwachidzidzi iye adamuyendera ninga n'gombe kuyenda kukaphiwa, na ninga wakupusa ambalangidwira na matandadza, ²³mpakana psimo litapsonda masapi yache. Iye akhali ninga mbalame kuthamangira mu ukhulira. Alibe kudziwa kuti chimdzamtengera moyo ache.²⁴Tsapano, wanangu, nditetekereni; tcherani khutu ku mafala ya pakamwa pangu. ²⁵Mtima wanu mbauleke kupambuka ku njira za mkaziyo, nampodi kusocheresiwa ku njira zache.²⁶Wachitisa wanthu azinji kugwa wakupsondewa; omwe iye wapha mbazinji. ²⁷Nyumba yache iri pa njira za ku Thenje; zimbayendera ku masubi yakugona ya m'dima wa imfa.

8¹Kodi Nzeru zimbachemera lini? Kodi Luntha limbakuwa lini? ²Padzaulu pa mapiri m'bali mwa msewu, pa mphambano pa misewu, Nzeru zaima popo. ³Pambali pa misuwo yakupitira mmuyi, pakupitira mmuyi, zikulira.⁴''Kuna imwe, wanthu, ndiko nimchemera; mafala yangu nga wana wa wanthu. ⁵Imwe wachibwana, pfunzirani nzeru; na imwe wakupusa, mutenge mtima wa luntha.⁶Tetekerani, thangwe nimsewera bzinthu bzakudeka, apo milomo yangu ingafunguka nimsewera bzinthu bzakulungama. ⁷Thangwe pakamwa pangu pambasewera bzakudalirika, apo bzakuipa mpsakunyansa pa milomo yangu.⁸Mafala yense ya pakamwa pangu ngakulungama; mwa iyo mulibe chakugonyoka ayai chakupotoka. ⁹Bzense mpsakulungama kuna munthu waluntha; mafala yangu ngakulungama kuna wale wakugumana nzeru.¹⁰Tambirani mwambo wangu kusiyana na siriva; tambirani nzeru kusiyana na golide wakusankhuka. ¹¹Thangwe nzeru ziri bwino kuposana na ngalale; palibe chakusiririka chimposa izo.¹²Ine, Nzeru, nimbakhala na kuchenjera, apo ndiri nako kudziwa na kuzindikira. ¹³Kugopa Yahova mkuwengana na chakuipa. Nimbawengana na kusamwa na madumwa, njira yakuipa, na kusewera mwakugonyokagonyoka, nimbawengana nabzo.¹⁴Ndina malangizo yabwino na nzeru zabwino; ndine kuzindikira; mphamvu zagona mwa ine. ¹⁵Na ine mafumu yambatonga, na atongi ambakonza malamulo yakulungama. ¹⁶Na ine akuluakulu ambatonga, wakubvekera, na wense wakuyeruza mwa chilungamo.¹⁷Ndimbakonda wakundikonda ine, apo wale wakundipsaga ine mwa nyongo, ambandigumana. ¹⁸Bzina ine ni vida na ulemu, vida yakusaya kumala na chilungamo.¹⁹Chipaso changu mcha golide, golide wabwino, bzakukolola bzangu mpsabwino kuposa siriva wabwinoyo. ²⁰Nimbafamba mnjira ya chilungamo, pakatikati pa njira zachilungamo. ²¹Mthangwerache, nimbachitisa wakundikonda ine kutambira vida; nimbadzala mathungwa yawo.²²Yahova adandilenga pakutoma, chakutoma kuchita iye kalekalelo. ²³Mmagole ya kalekalelo ndidakhazikisiwa-- kuchoka pakutoma, kuchoka pachiyambi dziko lapansi likanati kulengiwa..²⁴Pakati kukhala nyanza, ndidabadwa ine--pakanati kukahala lowe wakudzala madzi. ²⁵Pakanati kukhazikisiwa mapiri na tumapiri, ndidabadwa.²⁶Ndidabadwa Yahova akanati kulenga dziko lapansi ayai mathengo, ayai neye pfumbi lakutoma mdziko lapansi. ²⁷Ndikhali popo pomwe iye adakhazikisa kudzaulu, pomwe iye adanemba mkulekule kuzungulira padzauliu pa kuzika.²⁸Ndikhali popo pomwe iye adakhazikisa mitambo mdzaulu na pomwe alowe pansi pakuzikapo adakhazikisiwa. ²⁹Ndikhali popo pomwe iye adaikha malire yache ya nyanza, kuti madzi nampodi yakhaphwikire kupitirira lamulo lache, na pomwe padakhazikisiwa malire ya maziko ya dziko lakuuma.³⁰Ndikhali pambali pache, ninga nyakusema wamadu; ndikhali chakudeka chache nsiku na nsiku, nthawe zense kusekera pamaso pache. ³¹Ndikhali wakusekera mdziko lache lensene, apo kusekera kwanguko kukhali mwa wana wa wanthu.³²Tsapano, mwanangu, nditetekere, thangwe wakukoya njira zangu amdzadalisika. ³³Tetekera malangizo yangu ukhale wa nzeru; nampodi kuyanyalanyaza. Wakutetekera ine amdzadalisika. ³⁴Iye amdzakhala akudikhirira pa bzitseko bzangu nsiku na nsiku, kudikhirira pambali pa nsandamira za misuwo yangu.³⁵Thangwe wakugumana ine, wagumana moyo, apo amdzagumana udidi bwa Yahova. ³⁶Soma iye wakutazira, wadzononga moyo wache; wense wakuwenga ine akonda imfa.''

9¹Nzeru yamanga nyumba yache yache; yatsema nsandamira zinomwe za mwala. ²Yapha nyama zache, yasanganiza vinyu wache, na kukhazikisa meza yache.³Yatuma madende yache; yakuchemera kuchoka pa makatolotolo ya miyi, ⁴''Mbani ana chibwana? Mulekeni apambukire kunono!'' Kuna wakusaya nzeru zabwino ikuti.⁵Bwerani, mudye chakudya changu, na kumwa vinyu ndasanganizayu. ⁶Lekani bzakuchita bzanu bzachibwana mukhale na moyo; fambani mnjira ya nzeru.⁷Wakuyeruza munthu wakunyoza am'bzichitisa yekha manyazi, na aliyense wakutsimula munthu wakuipa ambatambira makiriyado. ⁸Nampodi kutsimula wakunyoza, kuti angakuwenge; tsimula munthu wa nzeru, apo amdzakukonda. ⁹Pereka kuna munthu wa nzeru, apo iye amdzalemweratu kukhala wa nzeru; pfunzisa munthu wakulungama. apo iye amdzathimizira kupfunza kwache.¹⁰Kugopa Yahova mchiyambi cha nzeru, apo kudziwa Wakuchenayo ni luntha. ¹¹Nakuti mwa ine nsiku zako zimdzawanda, apo magole ya moyo yamdzathimizirika kuna iwe. ¹²Penu una nzeru, una nzeru zawekha wekha, apo penu umbanyoza, umdzasauka nabzo wekha.''¹³Mkazi wauchitsiru amdziwa lini chinthu; ampfunzisika lini apo amdziwa lini chinthu. ¹⁴Ambakhala pamsuwo pa nyumba yache, pa kadera ya mbuto zakupambulika za mmuyi. ¹⁵Iye akuchemera wakugwata na njira, kuna wanthu wakufamba njira zawo.¹⁶Lekani aliyense wachibwana apambuke kuno,'' mkaziyo ambati kuna wakusaya nzeru. ¹⁷''Madzi yakuba yambatapira, apo chakudya cha kubisika chimbakoma.'' ¹⁸Soma iye amdziwa lini kuti wakufa ali koko, kuti wanthu wache wakuchemeriwa ali mkuzika kwa Thenje.

10¹Miyambo ya Solomo. Mwana wa nzeru amkomedwesa babache soma mwana wakupusa ambabvesa mamache nsisi. ²Vida yakudza na kuchita chakuipa iribe phindu, soma kuchita chakulungama kumbapulumusa ku imfa. ³Yahova ambabvuma lini mtima wa munthu wakulungama kubva njala, soma ambakhotcha bzakukumbuka bza wakuipa.⁴Boko litofu limbasaukisa munthu, soma boko la munthu wa nyongo limbagumana vida. ⁵Mwana wa nzeru ambakolola chirimo, soma mpsamanyazi kuna iye kugona pakukolola.⁶Madaliso ya Mulungu yali pa msolo pa munthu wakulungama, soma mkamwa mwa nyakuipa mumbabisa chiwawa. ⁷Munthu wakulungama ambachitisa wakumkumbuka kukomedwa, soma dzina la nyakuipa limdzabvunda.⁸Mtima wa nzeru umbatambira malamulo, soma chitsiru chakusokosa chimdzasukwa. ⁹Iye wakufamba mwakuthamuka ambafamba mwaufulu, soma iye wakugonyosa njira zache, amdzadziwika.¹⁰Iye wakutinya maso yache ambachitisa ukali, soma chitsiru chakusokosa chimdzasukwa. ¹¹Pakamwa pa munthu wakulungama ni lowe wa madzi ya moyo, soma pakamwa pa wakuipa pambabisa chiwawa.¹²Udani bumbanyosa mipokano, soma chikondi chimbampsinkha bzakuphonyeka bzense. ¹³Nzeru imbagumanika mmilomo ya munthu wakuzindikira, soma mpsimbo nja pamsana pa nyakusaya nzeru.¹⁴Wanthu wa nzeru ambagwezeka bzomwe adziwa, soma pakamwa pa munthu wakupusa pambafendeza chidzonongeko. ¹⁵Vida ya munthu wakudala ni muyi wache wa litsito; umphawi bwa nyakusaya mchidzonongeko chawo.¹⁶Basa la munthu wakulungama limbatsogolera ku moyo; phindu la wakuipa limbaipisa. ¹⁷Pana njira ya kumoyo kuna iye wakutewera mwambo, soma iye wakulamba kuyeruziwa ambasocheresewa.¹⁸Wakubisa udani ana milomo yakunyansa, apo aliyense wakufalisa kusasata mchitsiru. ¹⁹Pangawanda mafala, bzakuphonyeka bzimbasayika lini, soma iye wakusamala bzakusewera bzache ngwa nzeru.²⁰Lirime la munthu wakulungama ni siriva wabwino, muna phindu lakuchepa mu mtima mwa nyakuipa. ²¹Milomo ya munthu wakuipa imbadyesa azinji, soma bzitsiru bzimbafa thangwera kusaya nzeru.²²Madaliso ya yahova yambabweresa vida apo iye ambathimizira lini nzeru pa icho. ²³Kuipa ndiyo masenzeka yakusenzeka nayo chitsiru, soma nzeru ni masenzeka ya wakuzindikira.²⁴Chakugopa munthu wakuipa chimdzamfikira, soma chakukhumba munthu wakulungama chimdzaperekiwa. ²⁵Wakuipa ali ninga kabvulumvuli wakugwata na njira, achimala, soma munthu wakulungama ni maziko yakusaya kumala.²⁶Ninga vinyu wakuwawa mmano na utsi mmaso, ndimo aliri munthu mtofu kuna iwo wakumtuma. ²⁷Kugopa Yahova kumbatalimphisa moyo, soma magole ya wakuipa yamdzafupika.²⁸Chidikhiriro cha wanthu wakulungama mchisekerero chawo, soma chidikhiriro cha wanthu wakuipa chimdzanyembereka. ²⁹Njira ya Yahova ni litsito kuna wakudeka mtima, soma mchidzonongeko kuna wale wakuchita bzakuipa. ³⁰Munthu wakulungama amdzachosewa lini, soma wakuipa amdzasalira lini mdziko.³¹Mkamwa mwa munthu wakulungama mumbabula chipaso cha nzeru, soma lirime lakugonyoka limdzagwatiwa. ³²Milomo ya munthu wakuipa imbadziwa ndibzo bzimbagumana udidi, soma pakamwa pa wakuipa, pambadziwa bzakugonyoka.

11¹Mphimo zakunama zimbamnyansira Yahova, soma ambadekedwa na mphimo zamtero. ²Kusamwa kungabwera, kinako yambabwera mmanyazi, soma kubzichepsa kumbadza na nzeru.³Kuthamuka mtima kwa wakulungama kumbawatsogolera, soma njira zakugonyoka za wachiwembu zimbawadzononga. ⁴Vida iribe basa pa nsiku ya chilango, soma kuchita chakulungama kumdzakupulumusani ku imfa.⁵Chilungamo cha munthu wabwino chimbathamula njira yache, soma wakuipa amdzagwa thangwera kuipa kwawo wene. ⁶Kuchita ubwino kwa wakulungama kumzawapulumusa, soma wachiwembu amdzaphatiwa na mphumbza zawo.⁷Munthu wakuipa angafa, chidikhiriro chache chimbamala na chidikhiriro ndicho chikhali mu mphamvu zache chimbadzonongeka. ⁸Munthu wakulungama ambapulumuka ku bvuto apo yachipita kuna wakuipa nkhankha yache.⁹Na pakamwa pache munthu wakusaya umulungu ambadzononga mwayache, soma kudzera mkudziwa wanthu wakulungama ambapulumuka. ¹⁰Wanthu wakulungama angadala, muyi umbasekera. wakuipa angamala, pambakhala kukuwa kwa kusekera. ¹¹Kudzera mmadaliso ya wakulungama muyi umbakwiziwa; na pakamwa pa wakuipa muyi umbapasuka.¹²Munthu wakupepusa mwayache alibe nzeru, soma munthu wakuzindikira ambanyamala. ¹³Wakufamba achizungulira kumbabwekabweka ambazimbula chinsinsi, soma wakukhulupirika mu mzimu ambabisa mafala.¹⁴Pomwe palibe utsaphungu, wanthu ambagwa, soma paniwanda utsaphungu pana chipulumuso.¹⁵Wakuimikira mlendo chiphatiro cha mangawa amdzabonera chadidi, soma wakuwengana na kupereka chiphatiro cha tenepo ana mtendere. ¹⁶Mkazi wachifundo ambatambira ulemu, soma wanthu waukali ambaphatamira vida.¹⁷Munthu wachifundo ambaphindula yekha, soma wakuipa mtima ambabzidzononga yekha mwene. ¹⁸Munthu wakuipa ambanama kuti agumane malipiro yache, soma wakufesa chilungamo ambakolola malipiro yachadidi.¹⁹Munthu wabwino wakuchita chilungamo amdzakhala na moyo, soma wakupsaga chakuipa amdzafa. ²⁰Wakugonyoka mtima amnyansira Yahova, soma ambakomedwa na omwe njira zawo mzakusaya mathangwe.²¹Mchadidi, munthu wakuipa amdzakhala lini neye kulangiwa, soma mbewu ya wanthu wakulungama imdzaletsetsewa. ²²Ninga chibangiri cha golide pa mphuno pa nkhumba ndendende na mkazi wakudeka wakusaya kuzindikira.²³Chifuniro cha wanthu wakulunga chimbabweresa bzabwino, soma wanthu wakuipa ambadikhirira chilango basi. ²⁴Pana wina wakugawira-- iye amdzagwezeka bzizinji; wina wakumana bzakuti angadapereka--ambakhaliratu wakusaya.²⁵Wanthu wabwino mtima amdzadala apo wakupa madzi kuna wina amdzakhala na madzi ya iye mwene. ²⁶Wanthu ambatemberera nyakulamba kugulisa tirigu, soma mphaso zabwino zimdzadzoza pa msolo pa iye nyakugulisa.²⁷Wakulimbika kupsaga chabwino akupsaga pomwe udidi, soma wakupsaga chakuipa amdzachigumana. ²⁸Wakukhulupirira vida zawo amdzagwa, soma wakulungama amdzaphuka ninga tsamba.²⁹Wakubvutisa nyumba yache amdzatambira mtsautso apo wakupusa amdzatumikira nya nzeru.³⁰Chipaso cha wakulungama ni muti wa moyo, soma chiwawa chimbatenga miyoyo. ³¹Onani! munthu wakulungama ambatambira mpfupo pa dziko lapansi; kuna tani tsono wakuipa na wakuphonya!

12¹Wakukonda mwambo wakonda kudziwa, soma wakuwengana na chitsimulo ngwakupusa. ²Yahova ambapa udidi kuna munthu wabwino, soma ambatsimula munthu wakuchita nzeru zakuipa.³Munthu angakhazikike lini na kuipa, soma wanthu wakulungama angakwanisike lini kuzuliwa. ⁴Mkazi wakuderekha ni korona wa bayache, soma iye wakubweresa manyazi ali ninga nthenda yakubvundisa mafupa yache.⁵Bzakukumbuka bza wakulungama mpsabwino, soma uphungu bwa wakuipa ndicho chinyengo. ⁶Mafala ya wanthu wakuipa mchiwembu kudikhirira kujojeza mulopa, soma mafala ya wakulungama yambawaletsetsa.⁷Wanthu wakuipa ambagwa achimala, soma banja la nyakulungama limdzayima basi. ⁸Munthu ambathembeziwa na milomo ya nzeru soma mtima wakugonyoka imdzanyozedwa.⁹Nkhasa munthu wakunyozeka omwe ana kapolo kusiyana na wakubzilemekeza yekha uko alibe chakudya. ¹⁰Munthu wakulungama ambasamala bzakufuna bza nyama yache, soma nsisi za wakuipa ni nkhanza.¹¹Wakuphatisa basa manja yache amdzakhala na chakudya chizinji, soma wakuterezera mabasa yakuipa alibe nzeru. ¹²Munthu wakuipa ambakhumba kupondedza bza wakuipa, soma mizi wakulungama umbapirira.¹³Wakuipa ambaphatiwa na milomo yache yakuipa, soma munthu wakulungama ambathawa ku mabvuto. ¹⁴Mchipaso cha mafala yache munthu amdzakhuta na bzinthu bzabwino, ninga basa la manja yache limbam'bwezerera iye.¹⁵Njira ya wakupusa njabwino mmaso mwache mwa iye, soma munthu wa nzeru ambatetekera malangizo. ¹⁶Chitsiru chimbaonesa ukali bwache kabodzi na kabodzi, soma wakulamba kunyozewa ngwanzeru.¹⁷Wakusewera chadidi ambalewa chilungamo, soma mboni yakunama, imbangengeza. ¹⁸Mafala ya nyakusewera mwakuthamanga yali ninga kuthamanga kwa lupanga, soma lirime la nya nzeru limbabweresa kupola.¹⁹Milomo ya kukhulupirika imbamala lini, soma lirime lakunama nda kanthawe pamkiti. ²⁰Muna chinyengo mu mtima mwa iwo wakukonza kuchita chakuipa, soma chisekerero chimbabwera kuna wakuyeruza wa mtendere.²¹Palibe bvuto limdzagwera wakulungama, soma wakuipa adzaliwa na bzakuipa. ²²Milomo yakunama njakunyansira Yahova, soma iwo wakukhala mwakukhulupirika ambasekera nawo.²³Munthu wanzeru ambabisa bzomwe amdziwa, soma mtima wa bzitsiru umbakuwakuwa mwauchitsiru. ²⁴Boko la wanyongo limdzatonga, soma wanthu atofu amdzasandusiwa akapolo.²⁵Thupo mu mtima mwa munthu limbamkotamisa, soma fala labwino limbamkomedwesa. ²⁶Munthu wakulungama ambatsogolera mwayache, soma njira ya wakuipa imbawasocheresa.²⁷Wanthu atofu ambaotcha lini nyama yawo ndiyo adayiphata, soma munthu wa nzeru amdzakhala na vida ya muti wapatali. ²⁸Wakufamba mnjira yakulungama ambagumana moyo apo mnjira yache mulibe imfa.

13¹Mwana wa nzeru ambabvera malangizo ya babache, soma wakunyoza amdzabvera lini chitsimulo. ²Kuchoka mchipaso cha pakamwa pache munthu amdzasekera na bzinthu bzabwino, soma moyo wa wachiwembu ngwachiwawa.³Wakuphata pakamwa pache ambateteza moyo wache, soma wakufungula milomo yache amdzabzisukwisa yekha. ⁴Chakukhumba munthu mtofu chimbaneta soma neye kugumana chinthu, soma chakukhumba munthu wa nzeru chimdzamkhutisa.⁵Munthu wakulungama ambawengana na mafala yachinyengo, soma munthu wakuipa ambabzichitisa yekha mdyokoli, achichita chakunyazisa. ⁶Chilungamo chimbateteza iwo wakusaya mathangwe mnjira yawo, soma kuipa kumbalulisa iwo wakuphonya.⁷Alipo wakubziyesa wakudala, soma alibe chinthu, apo pana wina wakubziyesa wakusaya, soma ana vida izinji. ⁸Chakuombola moyo wa munthu wakudala ni vida yache, soma munthu nyakusaya ambabva lini chakugopsewa nacho.⁹Kubvunika kwa wanthu wakulungama kumbasekeresa, soma kandiyero ya wakuipa imdzathimisiwa. ¹⁰Kubzikuza kumbabala mpokano, soma mwa iwo wakutetekera malangizo yabwino muna nzeru.¹¹Vida imbamala pangakhala kubzibva kwenekwene, soma wakukonza kobiri na kuphata basa na manja yache amdzawanza kobiri zache. ¹²Chidikhiriro chingamogesewa, chimbaswa mtima, soma chikhumbo chakukwanirisiwa ni muti wa moyo.¹³Wakunyoza malangizo ambabzibweresera chidzonongeko, soma iye wakulemekeza bzakutongewa amdzatambira mpfupo. ¹⁴Chipfunziso cha munthu wa nzeru ni lowe wa moyo, kukubwezani ku milapu ya imfa.¹⁵Nzeru yabwino impa udidi, soma njira ya wachiwembu ni tsoka. ¹⁶Wanthu wanzeru ambachita bza kudziwa mkukumbuka kwense, soma chitsiru chimbaonesa utsiru bwache.¹⁷Mtumiki wakuipa ambagwa mmabvuto, soma wakukhulupirika ambapolesa. ¹⁸Wakulamba malangizo amdzakhala na usiwa na manyazi, soma ulemu bumdzabwera kuna iye wakupfunza kuchoka mchitsimulo.¹⁹Chifuniro chimkomedwesa moyo chitachitidwa, soma kulekeza chakuipa mkwakunyansira bzitsiru. ²⁰Famba na wanthu wanzeru apo umdzakhala wanzeru, soma chiphatizano cha bzitsiru chimdzapwetekesa.²¹Bzakuipa bzimbalonda wakuphonya, soma wanthu wakulungama ambatambira bzabwino. ²²Munthu wabwino ambasiyira chakutambira kuna azukulu wache, soma vida ya nyakuphonya abagwezekera munthu wakulungama.²³Munda wakusaya kutimbiwa wa nyakusaya ungachose chakudya chizinji, soma chimbamala na kusaya chiyeruzo. ²⁴Wakusaya kuphatisa basa mpsimbo yache ambawenga mwanache, soma wakukonda mwanache ambasamala kumulangiza.²⁵Munthu wakulungama ambadya kufikizana kukhutisa mudyo wache, soma mimba ya wakuipa nthawe zense njanjala.

14¹Mkazi wanzeru ambamanga banja lache, soma mkazi wakupusa ambalipasula na manja yache. ²Wakufamba mwakuthamuka ambagopa Yahova, soma wakugonyoka mnjira zache ambamnyoza.³Mkamwa mwa chitsiru muna mpsimbo ya pa msana pache, soma milomo ya nyanzeru imdzawakoya. ⁴Pomwe palibe ng'ombe,mwakudyera mwache muli mbee, soma mbeu zizinji zimbachoka mu mphamvu za ng'ombe.⁵Mboni yakukhulupirika imbanama lini, soma mboni yakunama imbapuma magunkha. ⁶Wakunyoza ambapsaga nzeru neye kuziona, soma kudziwa kumbadza kuna munthu wakuzindikira.⁷Choka pana munthu wakupusa, thangwe umdzagumana lini kudziwa pa milimo yache. ⁸Nzeru ya munthu wakuchenjera mkuzindikira njira yache, soma utsiru bwa wakupusa ndicho chinyengo.⁹Bzitsiru bzimbanyoza nsembe yakuphonya ingaperekiwa, soma mwa wakulungama udidi buna chiphatano. ¹⁰Mtima umbadziwa kuwawa kwache kwache apo palibe mlendo wakukhala nawo mchisekerero chache.¹¹Nyumba ya wanthu wakuipa imdzapasuka, soma hema ya wakulungama imdzakhalisa. ¹²Pana njira yakuoneka yakulungama kuna munthu, soma kuphampha kwache kumbapherezera ku imfa.¹³Mtima ungaseke soma uko ukali mwakuwawa basi apo chisekerero chingamalizire nsisi. ¹⁴Mtima wakusaya chikhulupiriro umdzagumana bzomwe njira zache zimfuna, soma munthu wabwino amdzakhuta bwa mwa iye yekha.¹⁵Wachibwana ambakhulupirira chirichense, soma munthu wakuchenjera ambakumbuka bza njira zache. ¹⁶Munthu wanzeru ambagopa achileka chakuipa, soma wakupusa ambalamba chenjezo.¹⁷Wakukulumiza kukalipa ambachita bzinthu bza uchitsiru, apo munthu wakuchita bziwembu ambawengiwa. ¹⁸Wachibwana ambatambira uchitsiru, soma wanthu wakuchenjera ambabvala korona wa nzeru.¹⁹Wanthu wakuipa amdzakotama pamaso pa wabwino apo wakuphonya pa misuwo ya wanthu wakulungama. ²⁰Munthu wakusaya ambawengiwa na anzache chaiwoiwo, soma wanthu wakudala ambakhala na achamwali azinji.²¹Wakuonesa kunyoza mwayache waphonya, soma wakuonesa udidi kuna wakusaya ngwakudalisika. ²²Kodi wakupangana bzakuipa ambasochera lini? Soma wakupangana kuchita bzabwino amdzatambira chikondi na chikhulupiriro.²³M'basa lensene la mphamvu muna phindu, soma pomwe pamkhala kutondo kusewerasewera kokha, pambabweresa umphawi. ²⁴Korona wa wanthu wa nzeru ni vida yawo, soma uchitsiru bwa wakupusa bumbawabweresera uchitsiru bwakuwanda.²⁵Mboni yachadidi imbapulumusa miyoyo, soma iye wakupuma magunkha ambabweresa kuperekana.²⁶Wakugopa Yahova ambakhulupirira mwa mphamvu; kumdzakhala kwakuthawira wana wache. ²⁷Kugopa Yahova ni maziko ya moyo, mwakuti munthu angapambuke ku maukhulira ya imfa.²⁸Ulemerero bwa mfumu bumbaonekera na kuwanda kwa wanthu wache, soma seye wanthu mfumu imbadzonongeka. ²⁹Munthu wakusaya kukalipa kamangu ana kubvesesa kukulu, soma munthu wakukulumiza kukalipa ambakuza utsiru.³⁰Mtima wabwino ni moyo wa thupi, soma nsanje imbabvundisa mafupa. ³¹Wakuboneresa wakusaya watonza Mlengi wache, soma wakuonesa udidi kuna wakusaya walemekeza iye.³²Munthu wakuipa ambatsitsiwa na bzakuchita bzakuipa, soma munthu wakulungama ana kwakuthawira napo ku imfa chaiko. ³³Nzeru imbakhala mu mtima mwa nyanzeru, soma neye pakati pa wanthu imbabzidziwisa yokha.³⁴Kuchita chilungamo kumbakwiza dzinza la wanthu, soma chakuipa mchakupasa manyazi kuna wanthu wense. ³⁵Udidi bwa mfumu bumbakomera kapolo wakuphata basa mwa nzeru, soma ukali bwache bumbayenda kuna wanthu wakuchita bzamanyazi.

15¹Katawiridwe kabwino kambamalisa ukali, soma mafala yaukali yambaputa msunamo. ²Lirime la wanthu wa nzeru limbasewera bzakudziwa bzabwino, soma pakamwa pa bzitsiru pambatsanulira utsiru.³Maso ya Yahova yali palipense, kunyang'anisisa chakuipa na chabwino. ⁴Lirime lakupolesa ni muti wa moyo, soma lirime lachinyengo limbagonyosa moyo.⁵Chitsiru chimbapepusa mwambo wa babache, soma iye wakupfunza kuchoka ku bzitsimulo ngwakuchenjera. ⁶Mnyumba mwa wanthu wakulungama muna vida izinji, soma m'phindu la wakuipa muna bvuto.⁷Milomo ya wanthu wa nzeru imbamwaza nzeru, soma sikuti tenepombo mitima ya wakupusa. ⁸Nsembe ya wakuipa imbanyansa Yahova, soma pembo la wakulungama mchisekerero chache.⁹Njira ya wanthu wakuipa imbanyansira Yahova, soma iye ambakonda iye wakupsagapsaga chilungamo. ¹⁰Wakusiya njira amdzalangiwa mwakuwawa apo wakuwenga chitsimulo amdzafa.¹¹Kuthenje na kuchidzonongeko mkwakufunguka pamaso pa Yahova; kuna tani mitima ya wana wa wanthu? ¹²Wakunyoza ambakonda lini wakumuyeruza; amdzayenda lin kuna wanzeru.¹³Mtima wakusekerera umbasekeresa nkhope, soma na mtima wakupseka moyo umbapseka. ¹⁴Mtima wa munthu wakuzindikira umbapsaga kudziwa, soma pakamwa pa bzitsiru pambadya utsiru.¹⁵Nsiku zensene za nyakusaya mzakuipa, soma mtima wakusekera una madyerero yakusaya kumala. ¹⁶Bza pang'ono uli mkugopa Yahova bzimposana na vida izinji pakukhala baludya.¹⁷Nkhasa kudya masamba uko pana chikondano kusiyana na ng'ombe yakunenepa pana chiwengano. ¹⁸Munthu waukali ambanyosa makani, soma munthu wakusaya kukalipa kamangu ambanyamaliza mpokano.¹⁹Njira ya munthu mtofu iri ninga mbuto ya litsito la minga, soma njira ya wakulungama ni msewu wakumangika bwino. ²⁰Mwana wa nzeru ambabweresa chisekerero kuna babache, soma munthu wakupusa ambanyoza mayi wache.²¹Utsiru bumbakomera munthu wakusaya nzeru, soma omwe ana kubvesesa ambafamba njira yakuthamuka. ²²Bzakulingirira bzimbafamba kuipa pomwe palibe utsaphungu, soma na atsaphungu azinji bzimbakhazikika..²³Munthu ambasekera angapereka chitawiro chakuderekha; ni bwino tani ku mafala ya pa nthawe yache! ²⁴Njira ya moyo njakukwirakwira kuna wanthu wa nzeru, kugopa kuyenda pansi pa Thenje.²⁵Yahova ambapasula nyumba ya wakusamwa, soma ambateteza bzombo bza mkazi wa masiye. ²⁶Bzakukumbuka bza wakuipa mpsakunyansira Yahova, soma mafala yakudeka ngabwino.²⁷Wakupindula mwachinyengo ambabvutisa nyumba yache, soma wakuwengana na bobobo amdzakhala na moyo. ²⁸Mtiwa wa nyakulungama umbakumbuka ukanati kutawira, soma pakamwa pa wanthu wakuipa pambatsanula bzakuipa bwense.²⁹2.3

Yahova ali kutali na wanthu wakuipa, soma ambabva pembo la wakulungama.

³⁰Kubvunika kwa maso kumbadekedwesa mtima apo nkhani yabwino imbapa kulimba ku thupi.³¹Khutu lakutetekera ku chitsimulo chakupasa moyo limdzakhala basi mwa wanthu wa nzeru. ³²Wakulamba mwambo am'bzinyoza yekha, soma iye wakutetekera ku chitsimulo ambatenga nzeru.³³Kugopa Yahova ndiko mwambo wa nzeru, apo chipfatso chimbatsogolera ulemu.

16¹Bzakukonza bza mtima bziri mwa munthu, soma kutawira kwa lirime lache kumbachoka kuna Yahova. ²Njira zense za munthu mzakuthemere pamaso pa iye mwene, soma Yahova ambapima mizimu.³Pereka bzakuchita bzako kuna Yahova apo nzeru zako zimdzapambana. ⁴Yahova wachita chirichense na thangwe lache, neye wakuipa pa nsiku ya bvuto.⁵Mtima uliwense wakubzikuza ngwakunyansira Yahova, soma khalani muchidziwa ichi, iwo amdzapulumuka lini chilango. ⁶Na chikondi na chikhulupiriro chakuipa chimbabwezeriwa apo na kugopa Yahova wanthu ambathawa chakuipa.⁷Njira za munthu zingakhala zakukomera Yahova, iye ambachitisa neye awengi wache chaiwo kukhala naye pa mtendere. ⁸Bzapang'ono kukhala chilungamo, kusiyana na phindu lizinji lakusaya chilungamo.⁹Mu mtima mwache munthu ambalingalira njira yache, soma Yahova ambafambisa mathanya yache. ¹⁰Bzakukumbuka bzakuzindikira bziri mmilomo ya mfumu; pakamwa pache nampodi papondereze chilungamo.¹¹Mphimo zakulungama zimbachokera kuna Yahova; mphimo zense mmasakha ndilo basa lache. ¹²Kuchita chakuipa mkwakunyansira mafumu, thangwe kadera ya ufumu imbakhazikika na kuchita chilungamo.¹³Milomo yakulungama imdekera mfumu, apo imbakonda munthu wakusewera mafala yachilungamo. ¹⁴Chilango cha mfumu ni mtumi wa imfa soma munthu wa nzeru amdzayezera kunyamaliza ukali bwache.¹⁵Mkubvunika kwa nkhope ya mfumu muna moyo apo udidi bwache buli ninga mtambo wakubweresa mvula ya lowe. ¹⁶Nkhasa tani tsono kugumana nzeru kuposa golide. Kugumana kubvesesa kusankhuliwe zedi kuposa siriva.¹⁷Msewu wa chilungamo umbasiyisa chakuipa; wakunyang'anira njira yache ambakoya moyo wache. ¹⁸Kusamwa kumbatsogolera chidzonongeko na mtima wakubzikuza kutsogolera kukhukhumudwa.¹⁹Nkasa kukhala wakupfatsa mtima pakati pa wakusaya kuposa kugawana bzakupondedza na wanthu wakusamwa. ²⁰Wakuteweza mafala ndiyo ambapfunzisiwa amdzagumana bzabwino, apo iwo wakukhulupirira mwa Yahova amdzadalisika.²¹Wanzeru mumtima ambachemeriwa wakuzindikira apo kukoma kwa kusewera kumbathimizira kupfunzisa. ²²Nzeru ni lowe wa moyo kuna iye omwe anako, soma mwambo wa bzitsiru ni utsiru bwawo.²³Mtima wa munthu wa nzeru umbachenjeza pakamwa pache uchithimizira kuphunzisa milomo yache. ²⁴Mafala yakudeka ni chipe cha uchi-- kutapirisa moyo na kupolesa mafupa.²⁵Pana njira yakuoneka yabwino kuna munthu, soma kumalizira kwache ni njira ya ku imfa. ²⁶Nyakuphata basa ambabziphatira yekha basa; njala yache inimfulumizisa.²⁷Munthu wapezipezi ambafukula bzakuipa apo bzakuwera bzache bzimkhala ninga moto wakupserereza. ²⁸Munthu wakugonyoka ambanyosa makani apo gunkha limbatayanisa wanthu wakubverana.²⁹Munthu wachiwawa ambanamiza mwayache achimtsogolera kugwa njira ndiyo njabwino lini. ³⁰Nyakukwiza nsiye akukonza bzinthu bzakupotoka; wakuchita msunamo amdzapambanisa chakuipa.³¹Imvi ni korona wa ulemerero; zimbagumanika thangwera kukhala njira yakulungama. ³²Nkhasa kukhala wakuchedwa kukalipa kusiyana na kukhala wa mphamvu apo wakutonga mzimu wache ngwa mphamvu kuposa wakutenga muyi.³³Njuga imbathusiwa pa khanza, soma chakukumbuka chimchokera kwa Yahova.

17¹Kukhala na msuwa wakuuma pachikhala mtendere zjai ndiponi kusiyana na nyumba yakudzala na nsembe uko pana mpokano. ²Kapolo wanzeru amdzatonga mwana wakuchita bzinthu bzakupasa manyazi achidzagawana nawo chakusiyiriwa abale.³Chakusungunulira mcha siriva apo ng'anjo nja golide, soma Yahova ambayezera mitima. ⁴Wakuchita chakuipa ambatetekera kuna wa milomo yakuipa; wakunama ambatchera khutu kuna lirime lakudzononga.⁵Wakunyoza wakusauka watonza Mlengi apo wakusekera pa tsoka amdzapulumuka lini chilango. ⁶Azukulu ni korona wa nkhalamba apo abereki ambabweresa ulemerero kuna wana wawo.⁷Kusewera kwa bwino kumthemera lini wakupusa; neye milomo yakunama imthemera lini mtongi neye pamkiti pokha. ⁸Bobobo ali ninga mwala wa matsenga kuna wakuperekayo; palipense pakupita iye, amchenjera.⁹Aliyense wakubisa chakuphonya akufuna chikondano, soma wakubwerezabwereza mafala ambaphesa uchamwali. ¹⁰Chitsimulo chimbapita mkati mwa wakuzindikira kusiyana na mitchamu dzana libodzi kuna wakupusa.¹¹Munthu wakuipa ambapsaga kupanduka kokha, ndendende mtumi wankhanza amdzatumiziwa kuna iye. ¹²Nkhasa kugumana na chilombo chakuti wanache abedwa kusiyana na kugumana na chitsiru chikuchita uchitsiru bwache.¹³Wina angabwezera chakuipa ku chabwino, kuipa kumdzamchokera lini pa nyumba pache. ¹⁴Chiyambi cha mpokano kuli ninga wakufungula madzi palipense, ndiye choka pa makani yomwe yanyanduka.¹⁵Munthu wakukomesa mlandu wa munthu wa mphumbza na wakugaza munthu wakulungama-- wense aninyansira Yahova. ¹⁶Thangweranyi wakupusa ampereka kobiri kupfunza nzeru pomwe iye alibe mtima?¹⁷Chamwali ngwakukonda nthawe zense apo m'bale adabadwira kukuthandiza nthawe ya tsoka. ¹⁸Munthu wakusaya nzeru ambachita malonjezo yakupagaliri wina achiyimirira ndiye mangawa ya mwayache.¹⁹Aliyense wakukonda mpokano wakonda kuphonya; wakutalimphisa msuwo wache wapsaga chidzonongeko. ²⁰Munthu wa mtima wakuipa ambagumana lini chabwino; iye wa lirime lakugonyoka amdzagwa mmabvuto.²¹Omwe adabereka chitsiru wabzibweresera nsisi yekha; apo baba wa chitsiru alibe chisekerero. ²²Mtima wakusekera ni mankhwala yabwino, soma mzimu wakupseka umbaumisa mafupa.²³Munthu wakuipa ambabvuma bobobo wakabisira kupondereza njira ya chilungamo. ²⁴Wakuzindikira ambaikha nkhope yache pana nzeru, soma maso ya chitsiru yali mmalekezero ya dziko lapansi.²⁵Mwana wakupusa amchitisa babache nsisi na kuwawa kuna mayi wache wakum'bala. ²⁶Pomwe, mpsabwino lini kulanga wakulungama; neye mpsabwino lini basi kumenya akulu thangwera mtima wawo wabwino.²⁷Wakukhala na nzeru ambasewera mafala pamkiti apo iye wakupfatsa mtima ana nzeru. ²⁸Neye chitsiru chimbatengewa kuti mchanzeru chinganyamala; chingafunga pakamwa pache, chimbatengewa ninga mchakuchenjera.

18¹Wakubzipambula yekha akupsaga chifuniro chache apo ambakangana na nzeru yense chaiyoiyo. ²Wakupusa ambadekedwa lini na kizindikira, soma kutondo kuzimbula bza mumtima mwache.³Munthu wakuipa angabwera, kunyoza kumbasangana naye-- pabodzi na manyazi na chitonzo. ⁴Mafala ya mkamwa mwa munthu ni madzi yakuzika; maziko ya nzeru ni mkulo wakuyerera.⁵Mpsabwino lini kukomesa mlandu wa munthu wa mphumbza, ayai kulamba chilungamo cha munthu wakulungama. ⁶Milomo ya wakupusa imbamubweresera makangano apo pakamwa pache pambachemera kutchangiwa.⁷Pakamwa pa wakupusa mkusukwa kwache kwa iye na milomo yache. ⁸Mafala ya kazitape yali ninga chakudya chakulongosoka apo iyo imbayenda mkati mwa thupi.⁹Pomwe, wakuphata basa mwautofu ni m'bale wache wa nyakusakaza. ¹⁰Dzina la Yahova ni nsaka ya mphamvu; munthu wakulungama ambathamangira mwemo achipulumuka.¹¹Vida ya nyakudala ni muyi wache wa litsito apo mmalingaliro mwache iri ninga litsito litali. ¹²Ukanati kudzonongeka mtima wa munthu umbasamwa, soma chipfatso chimbatsogolera ulemu.¹³Wakubwezera mafala akanati kubvesera-- ni uchitsiru na achibzichitisa manyazi. ¹⁴Mtima wa munthu umbapirira ku matenda, soma mbani angapirire ku mtima wakupseka?¹⁵Mtima wa nyakuzindikira umbapfunza apo kubva kwa nya nzeru kumbafunisisa kudziwa. ¹⁶Mpfupo ya munthu ingafungule njira ichim'bweresa pamaso pa amuna akulu.¹⁷Wakutoma kubzisewerera mulandu ambaoneka wakulungama kufikizana wakugazana naye kubwera achidzampima. ¹⁸Ula bumbaletsa makangano buchilekanisa wakupokana wa mphamvu.¹⁹M'bale mkobvuta kumpembedza ungamuphonyera kuposana na kutenga muyi wa mphamvu, apo mipokano iri ninga mipiringidzo yaminga. ²⁰Kuchoka mchipaso cha pakamwa pache mimba ya munthu imdzakhuta; achidzakhuta phindu la milomo yache.²¹Imfa na moyo bzimbakhotchererewa na lirime, apo iwo wakukonda lirime amdzadya chipaso chache. ²²Wagumana mkazi wagumana chinthu chabwino apo amdzatambira udidi bwa Yahova.²³Munthu wakusaya ambadandaulira chifundo, soma munthu wakudala ambatawira mwaukali. ²⁴Wakuphatizana na achamwali azinji amsauka nawo, soma pana chamwali wakufendera pafupi kuposa m'bale

19¹Nkhasa munthu wakusaya omwe ambafamba mwabwino kusiyana na wakusakala mkamwa achikhala chitsiru. ²Pomwe, mpsabwino lini kukhumba neye kudziwa apo wakuthamanga kamfulumize ambaphonya njira.³Uchitsiru bwa munthu bumbasukwisa moyo wache apo mtima wache umbakalipira Yahova. ⁴Vida imbathimuzira achamwali azinji, soma munthu wakusaya ambaphadzana na achamwali wache.⁵Mboni yakunama imdzalangiwa apo iye wakupuma magunkha amdzathawa lini. ⁶Azinji amdzakumbira udidi kuna munthu waufulu apo aliyense ni mwayache wa nyakupereka mpfupo.⁷Abale wense wa munthu wakusaya ambamuwenga; mtani tsono kuna anzache omwe ambamthawa! Ambawatewera na mafala soma kuli zii. ⁸Iye wakukonda nzeru wakonda moyo wache; iye wakukoya kubvesesa amdzagumana bzabwino.⁹Mboni yakunama imdzalangiwa, soma wakupuma magunkha amdzamala psiti. ¹⁰Mpsakuthemera lini chitsiru kukhala na bzinthu bzakulongosoka- mtani tsono kapolo angambatonga akuluakulu.¹¹Kuzindikira kumbachedwesa ukali apo ulemerero bwache m'bwakuti achepese milandu. ¹²Chilango cha mfumu chili ninga kulira kwa mwana wa mphondolo, soma udidi bwache buli ninga mame pa uswa.¹³Munthu wakupusa ni tsoka kuna babache apo mkazi wakupoka mkujojajoja kwa madzi. ¹⁴Nyumba na vida bzimbasiyiriwa na abereki, soma mkazi wa nzeru ambachokera kuna Yahova.¹⁵Utofu bumbagonesa munthu tulo twakufa nato, soma wakusaya kufuna kuphata basa amdzabonera na njala. ¹⁶Wakukoya malamulo wakoya moyo wache, soma wakunyoza njira zache amdzafa.¹⁷Wakuchitira wakusaya chifundo wakumbiza Yavova apo amdzamubwezera ndibzo wachita. ¹⁸Tsimula mwanako chidikhiriro pomwe chikadalipo apo nampodi kukhumba bzakumupha.¹⁹Munthu waukali kwenekwene atambire chilango; mungampulumusa, mumdzachita pomwe kachiwiri. ²⁰Bvera uphungu na kutambira mwambo, kuti ukhale na nzeru kumamaliziro kwa moyo wako.²¹Bzakulingalira mpsizinji mu mtima mwa munthu, soma chakulinga cha Yahova ndicho chimdzakhalisa. ²²Kukhulupirika ndiko munthu ambakhumba apo munthu wakusaya ngwabwino kuposa nyakunama.²³Kugopa Yahova kumbapa moyo; wakukhala nako amdzakhala wakukhuta apo neye bzakuipa bzimdzamgwera lini. ²⁴Munthu mtofu ambafuchira boko lache mpalato; amdzalibweresa lini pa mulomo pache.²⁵Menya wakunyoza, apo wachibwana amdzachenjera; tsimula nyakuzindikira, apo amdzazindikira.²⁶Wakubera babache na kuthotha mayi wache ni mwana wakuchitisa manyazi na wakugwesesa nkhope. ²⁷Ungalekeza kubvera malangizo, mwanangu, umdzasochera ku mafala ya kudziwisa.²⁸Mboni yachinyengo imbanyoza chilungamo apo pakamwa pa wakuipa pambakhudyula bzakuipa. ²⁹Bziyeruzo bzakonzeka kuna wakunyoza na kubuta misana ya bzitsiru.

20¹Vinyu ambachita msobwe apo chakumwa chaukali chimbasokosa; wakusochera na chakumwa alibe nzeru. ²Kugopa mfumu kuli ninga kugopa mwana wa mphondolo angambalira; wakuiputa waphonyera moyo wache.³Kuna ulemu kuna mwamuna kulamba ndewu, soma bzitsiru bzensene bzimbatondo kupokana. ⁴Munthu mtofu ambalima nthawe yakujejera; iye ambakapsaga bzakukolola nthawe yakukolola soma amdzabzigumana lini.⁵Chakulinga cha mtima wa munthu chiri ninga madzi yakuzika, soma wina wakuzindikira amdzayatunga. ⁶Wanthu azinji ambabziti mbakukoma mtima, soma mbani angagumane wina wakukhulupirika?⁷Munthu wakulungama ambafamba mu ulemu bwache, apo wanache wakuterezera iye amdzadalisika. ⁸Mfumu yakukhala pakadera yakuyeruzira imbapepeta na maso yache bzakuipa bzense bzomwe bziri pamaso pache.⁹Mbani angati, ''Ndasambisa moyo wangu; ndachena ku chakuphonya changu''? ¹⁰Mphimo zakusiyana na bzisero bzakusiyana bzense bziwiri mpsakunyansira Yahova.¹¹Neye mwana ambadziwika na basa lache, pina na basa lakuchena na lakulungama. ¹²Makutu yakubva na maso yakuona-- Yahova adayalenga mawiri yenseyo.¹³Nampodi kukonda tulo ungasauke; fungula maso yako apo umdzakhala na chakudya chizinji. ¹⁴''Bzapezi! bzapezi!'' wakugula ambatenepoyo, soma angachoka popo ambabzithembeza.¹⁵Alipo golide na minyala mizinji yakuumira, soma milomo ya kudziwa ndicho chakudekesera cha nsengwa yapatali. ¹⁶Tenga malaya ya nyakuimikira mangawa mlendo, apo uyaphatire angaphatira pala mkazi wachilendo.¹⁷Bzakudya bzachinyengo bzimbakoma, soma kumalizira kwache mkamwa mwache mumdzadzala na tuminyala. ¹⁸Uphungu bumbakhazikika na malangizo apo na nzeru yokha yakupanganiziwa menya nkhondo.¹⁹Nyakusasata ambazimbula bzinsinsi, apo tsono nampodi kuphathikana na wanthu wakusewera kwenekwene. ²⁰Munthu angatemberera babache ayai mayi wache, kandiyero yache imdzathimisiwa mkati mwa m'dima.²¹Chakusiiriwa chakuchipata kamkulumize pakutomatoma chimdzadalisiwa lini kuphampha. ²²Nampodi kulewa, ''Nimdzakubwezera chakuipachi!'' Dikhirira Yahova apo iye amdzakupulumusa.²³Mphimo zakusiyana mzakunyansira Yahova, apo mphimo zachinyengo mzabwino lini. ²⁴Mafambidwe ya munthu yambatsogolerewa na Yahova; angakwanise tani iye kuzindikira njira yache?²⁵Ni mlapu kuna munthu kulewa mwakukhadzula, ''Chinthu ichi mchakupambulika.'' apo yambani kukumbuka ndibzo bzimbalewa mungatondo kumala kuchita lonjezo lache. ²⁶Mfumu ya nzeru imbapepeta wakuipa ichifambisa chigaleta chakupunthira pa iwo.²⁷Mzimu wa munthu ni kandiyero ya Yahova, kupsaga bzense bza mkati mwache. ²⁸Chikondi na chikhulupiriro chimbakoya mfumu; imbalimbisa kadera yache na chikondi.²⁹Ulemerero bwa maswaka ni mphamvu yawo apo kudeka kwa nkhalamba ni imvi. ³⁰Mitchamu yakuchosa bzilonda imbachosa chakuipa apo kumenya kumbatsuka bziwalo bza mkati chaimo.

21¹Mtima wa mfumu ni mkulo wa madzi mmanja mwa Yahova; ambautosesa komwe amfuna. ²Njira ya munthu aliyense njakulungama pamaso pa mwenekachiro, soma ni Yahova omwe ambapima mitima.³Kuchita chakulungama na chachadidi mkwakubvumiziwa kwenekwene kuna Yahova kuposa nsembe. ⁴Maso yakusamwa na mtima wakubzikuza-- kandiyero ya wakuipa-- mpsakuphonya.⁵Bzakukumbuka bza munthu wa nyongo bzimbatsogolera kwakudala, soma aliyense wakuchta kamkulumize ambatondo kusauka. ⁶Kupata vida na lirime lakunama ni nkhungu yakufambafamba na mlapu wa imfa.⁷Chiwawa cha wanthu wauipa chimdzawakokonola, thangwe ambalamba kuchita chakulungama. ⁸Njira ya munthu wakuphonya njakugonyoka, soma wakuchena ambachita basa lakulungama.⁹Kukhala pa ponta ya nsodzi nkhasa kuposana na kukhala na mkazi wakukonda kupoka. ¹⁰Chakukhumba wakuipa chimbabala chakuipa; mwayache ambagumana lini udidi mmaso mwache.¹¹Wakunyoza angalangiwa, wachibwana ambasanduka wa nzeru, apo munthu wanzeru angalangiziwa, ambaphatisisa kudziwa. ¹²Munthu wakulungama ambaganizira bza nyumba ya munthu wa mphumbza; ambagwesesa wakuipayo mmatsautso.¹³Wakufunga makutu yache kuna kulira kwa wakusaya, iye amdzalirambo, soma amdzatawiriwa lini. ¹⁴Mphaso ya mtseri imbanyamaliza ukali apo mpaso ya mkabisira imbajejeresa chilango chikulu.¹⁵Chilungamo chingachitika, chimbabweresa chisekerero kuna munthu wakulungama, soma chimbabweresa mantha kuna wakuphata basa lakuipa. ¹⁶Omwe ambapanduka mnjira ya nzeru, amdzagona mu mtsonkhano wa anyakufa.¹⁷Wakukonda masenzeka amdzasauka; wakukonda vinyu na mafuta amdzadala lini. ¹⁸Munthu wakuipa ni chakulombolera cha wakulungama, apo munthu wachiwembu amdzapita nkhankha ya wakuchena mtima.¹⁹Nkhasa kukhala mchipululu kuposana na kukhala na mkazi wakupoka na kung'ung'udza. ²⁰Vida na mafuta yakufunikira bzimbakoyewa mwakukhala anyanzeru, soma munthu wakupusa ambatondo kubzikhudyula.²¹Wakuteweza chilungamo na kukoma mtima-- munthu umweyu ambagumana moyo, chilungamo, na ulemu. ²²Munthu wa nzeru ambakwira pa muyi wa anyamphamvu, achigwesa mphamvu ndiyo iwo akhathemba.²³Wakukoya pakamwa pache na lirime lache wakoya moyo wache ku mabvuto. ²⁴Wakusamwa wakubzithusa-- ''Wakunyoza'' ndilo dzina lache-- ambachita mwa ukali mwakubzithusa.²⁵Bzakukhumba munthu mtofu bzimbamuphesa, thangwe manja yache yambalamba kuphata basa. ²⁶Nsiku yense yamtero ambakhalira kusirira sirira mwa kaduka, soma munthu wakulungama ambapereka apo ambamana lini.²⁷Nsembe ya wakuipa njakunyansa; njakunyansiratu iye angaibweresa na msambo wakuipa. ²⁸Mboni yakunama imdzamala, soma iye wakutetekera amdzasewera mwakusaya kukaikira.²⁹Munthu wakuopa ambaumisa nkhope yache, soma wakulungama ambakonza njira zache.³⁰Palibe nzeru, palibe luntha, apo palibe uphungu bungaimisane na Yahova. ³¹Kavalo ambakonzekereseweratu pala nsiku ya nkhondo, soma wakupulumusa ni Yahova.

22¹Dzina labwino limbasankhuliwa pakati pa vida apo udidi m'bwabwino kuposa siriva na golide. ²Wakudala na wakusaya wense anacho ichi-- Yahova ndiye wakuwalenga wensewa.³Wakuchenjera ambaona mabvuto achibisala yekha, soma wachibwana ambapitirira kubonera nabzo. ⁴Mpfupo ya chipfatso na kugopa Yahova ni vida, ulemu, na moyo.⁵Minga na maukhulira bziri mnjira ya wakugonyoka; wakukoya moyo wache amdzakhala nabzo kutali. ⁶Pfunzisani mwana njira yakuti ayende apo napo achikalamba amdzachoka lini mu bzimwebzo.⁷Wanthu wakudala ambatonga wanthu wakusaya apo nyakufiyali ni kapolo kuna nyakufiyalisi. ⁸Wakufesa bzakusaya kulungamo amdzakolola tsoka apo mpsimbo ya ukali bwache imdzatazira.⁹Wadiso la matayataya amdzadalisika, thangwe ambagawana chakudya chache na wakusaya. ¹⁰Thothani wakunyoza, makangano yamdzalekeza; makani na manyazi bzimdzambombowa.¹¹Wakukonda mtima wa kudeka na omwe bzakusewera bzache mpsachifundo, mfumu imdzakhala mwayache. ¹²Maso ya Yahova yambakhotcherera wakudziwa, soma iye ambagwesa mafala ya wachiwembu.¹³Mtufu ambati, ''Pana mphondolo panjapo! Ningaphiwe padechadecha.'' ¹⁴Pakamwa pa mkazi wachigololo ni dindi lakuzika; Ukali bwa Yahova bumbanyandukira aliyense wakugwera mwemo.¹⁵Uchitsiru mwamangika mu mtima mwa mwana, soma mpsimbo ya kumulangira imbabuthothera kutali. ¹⁶Wakoboneresa wakusaya kuti athimizire vida yache, ayai kuwapasa chinthu wanthu wakudala, amdzasauka nabzo.¹⁷Tchera khutu lako utetekere mafala ya wanzeru na kuikha mtima wako ku nzeru zakukadziwa bzangu, ¹⁸thangwe bzimdzakhala bzakukudekera ungabzikoya bzimwebzi, penu wensenewo akonzeka pa milomo yako. ¹⁹Ndiye chikhulupiriro chako chikhale mwa Yahova, ndikuwapfunzisabzo-- na kuna iwepo pomwe.²⁰Kodi ndiribe kukunembera bzkusewera makumi matatu bza malangizo na nzeru, ²¹kukupfunzisa chikhulupiriro mmafala yadidiya, kuti upereke matawiro yadidi kuna iwo wakukutuma iwe?²²Nampodi kubera nyakusaya thangwera kuti iye ngwakusaya, ayai kupondedza wakusaya pamsuwo, ²³thangwe Yahova amdzasewerera milandu yawo, achidzakwatula moyo wa iwo wakuwabera.²⁴Nampodi kuchita chichamwali na munthu wakutongewa na ukali apo nampodi kupita na mwamuna wakukalipakalipa, ²⁵ungadzapfunze njira zache uchibzikoloweka mgango.²⁶Nampodi kukhala wakumbaomba mmanja pakupangana kuphatira chinthu cha mangawa, ayai wakumperekera chakuphatira mangawa. ²⁷Ungadzasaya njira yakuperekera, mchani chingadzamuletse kuchosa kama wako pansi pako?²⁸Nampodi kuchosa malire yakalekale ndiyo abereki wako adaikha. ²⁹Kodi ukuona munthu wakufulumiza pa basa lache? Amdzaima pamaso pa mafumu; amdzaima lini pamaso pa wanthu wapezi.

23¹Ungakhala mkumbadya na mkulu, nyang'anisisa bwino chiri pa maso pako, ²apo ubzatike chisu pakhosi pako penu ndiwe wadyera. ³Nampodi kukhumba bzakulongosoka bzache, thangwe mchakudya chakunama.⁴Nampodi kuphata basa maninge kuti udale; khala na nzeru yakukwana kudziwa nthawe yakukotoka. ⁵Kodi uninyang'anisisa chomwe palibe? Chimdzamala, thangwe chimdzambuluka ninga chiomba nkhanga chichimbulukira kudzaulu.⁶Nampodi kudya chakudya cha munthu wa diso lakuipidwa-- apo nampodi kukhumba bzakulongosoka bzache, ⁷thangwe iye ni munthu wakulewengera nsengwa ya chakudya. ''Dyaya na kumwa!'' iye ambatenepoyo kuna iwe, soma mtima wache uli lini pa iwe. ⁸Umdzasanza bzakuchepa wadyabzo uchidzataya mafala yako yakudekedwayo.⁹Nampodi kusewera chitsiru chikubva, thangwe chimdzanyoza nzeru za mafala yako. ¹⁰Nampodi kugwinya mwala wa malire yakalekale ayai kupita mminda ya wana wamasiye, ¹¹thangwe Mpulumusi wawo ngwa mphamvu apo amdzawasewerera mlandu wawo pa iwe.¹²Ikha mtima wako ku mwambo na makutu yako ku mafala ya nzeru.¹³Nampodi kumana mwana malango, thangwe ungammenya na mpsimbo, amdzafa lini. ¹⁴Ndiwe wakummenya na mpsimbo na kupulumusa moyo wache ku Thenje.¹⁵Mwanangu, penu mtima wako una nzeru, ndiye kuti mtima wangumbo umdzasekera; ¹⁶impso zangu zimdzasekera milomo yako ingasewera chilungamo.¹⁷Nampodi kuleka kuti mtima wako uchitire nsanje wakuphonya, soma pitiriza kugopa Yahova nsiku yense. ¹⁸Chadidi pana tsogolo apo chidikhiriro chako chimdzatazika lini.¹⁹Bvaya---iwe!--mwanangu, na kukhala wanzeru na kuyendesa mtima wako mnjira. ²⁰Nampodi kusangana na wakumwamwa vinyu, ayai wadzoka la nyama, ²¹thangwe nyakumwa na nyadzoka ambasauka apo kuodzira kumdzawabvazika nsanza.²²Tetekera babako adabala iwe apo nampodi kunyoza mayi wako angakalamba. ²³Gula chadidi, soma nampodi kuchigulisa; gula nzeru, mwambo, na luntha.²⁴Babache wa munthu wakulungama amdzasekera kwenekwene, na wakubala mwana wa nzeru amdzasekera naye. ²⁵Leka babako na mayi wako asekere apo leka mkazi wakubala iwe asekere.²⁶Mwanangu, ndipe mtima wako apo njira zako zidziwe njira zangu. ²⁷Thangwe mkazi puta ni dindi lakuzika, apo mkazi wachigololo ni mbuna yakupapatiza. ²⁸Iye ambabisalira ninga mbava na kuwanza wanthu wachiwembu pakati pa wanthu.²⁹Mbani ana nsisi? Mbani ana kusauka? Mbani ana makangano? Mbani ana kudandaula? Mbani ana bzilonda neye thangwe? Mbani wafwiira maso? ³⁰Ndiwo amkhala pana vinyu, iwo wakupsagapsaga vinyu wakusanganiza.³¹Nampodi kunyang'anisa vinyu angafwiira, angayetima mkaneka achiphwera mwakunyalala. ³²Pachimaliziro ambaluma ninga nyoka achijonkhona ninga bvumbwe. ³³Maso yako yamdzaona bzinthu bzachilendo na mtima wako kubweka bzinthu bzachilendo.³⁴Umdzakhala ninga wina wakugona pakati pa nyanza ayai kugona padzaulu pa nsonga ya mwadiya. ³⁵''Iwo adandimenya,'' umdzatenepoyo, ''soma ndiribe kudzonongeka. Iwo adandimenya, soma ndiribe kubva. Kodi nimdzalamuka liti? Nimdzapsaga pomwe vinyu winango.''

24¹Nampodi kuchitira nsanje wanthu wakuipa, ayai kufuna kukhala nawo, ²thangwe mitima yawo imbakhumba chidzonongeko na milomo yawo kumbasewera bza mphumbza.³Kudzera mu nzeru nyumba imbamangiwa apo na luntha imbakhazikika. ⁴Na kudziwa masubi yambadzala na vida yense ya nsengwa yapatali na yakudeka.⁵Mwamuna wa nzeru ngwa mphamvu, apo munthu wakudziwa ambathimizira mphamvu zache; ⁶thangwe na kupanganiziwa ungakwanise kumenya nkhondo yako apo na atsaphungu azinji pana kupulumuka.⁷Nzeru iri mdzaulu kwenekwene mwa chitsiru; mkati mwa msuwo chimbafungula lini pakamwa pache.⁸Pana munthu wina wakukonza bzakuchita chakuipa-- wanthu ambamchemera mkulu wa akapondolo. ⁹Nzeru yakupusa imweyo mchakuphonya apo wakunyoza ngwakunyansa kuna wanthu.¹⁰Ungalefuka na mantha nsiku ya kubonera basi mphamvu zako zimbachepa.¹¹Pulumusa wakuphatiwa kukaphiwa na kuletsetsa wakudzedzereka kukaphiwa. ¹²Mungati, ''Onani, tikudziwa lini bzobzi,'' kodi wakupima mtima akubva lini mukulewabzi? Wakukoya moyo wako, kodi akudziwa lini bzobzi? Kodi Mulungu amdzapereka lini kuna aliyense bzakuthemera iye?¹³Mwanangu, dyaya uchi thangwe m'bwabwino, thangwe chipe chache chimbatapira ungalawidza. ¹⁴Mtenepoyo iliri nzeru ya moyo wako-- ungadzaigumana, pamdakhala tsogolo apo chidikhiriro chako chimdzatazika lini.¹⁵Nampodi kubisalika kudikhirira ninga wakuipa omwe ambatchola nyumba ya munthu wakulungama. Nampodi kupasula muyi wache! ¹⁶Thangwe munthu wakulungama ambagwa pansi kanomwe achilamuka pomwe, soma wanthu wakuipa ambakhumudwa pakugwa tsoka.¹⁷Nampodi kusekera muwengi wako angagwa apo nampodi mtima wako usekere angakhukhumudwa, ¹⁸Yahova angaone kukomedwa kwako achitembenuzira iwe chilango chache mkumuleka iye.¹⁹Nampodi kukalipa thangwera wanthu wakuchita bzakuipa, apo nampodi kuchitira nsanje wanthu wakuipa, ²⁰nakuti munthu wakuipa alibe tsogolo apo kandiyero ya wakuipa imdzathima.²¹Gopa Yahova, na kugopa mfumu, mwanangu; nampodi kuphathikana na wakugandukira iwo, ²²nakuti mwachidzidzi tsoka lawo limdzabwera, apo mbani amdziwa kuwanda kwa chidzonongeko ndicho chimdzawafikira awiriwo?²³Uku mkulewa pomwe kwa wa nzeru. Kupondera pakuyeruza mlandu wa chilamulo mkwabwino lini.²⁴Wakulewa kuna munthu wakuipa, ''Ndiwe munthu wakulungama,'' amdzatembereriwa na wanthu achikalipiriwa na madzinza. ²⁵Soma wakutsimula wakuipa amdzakhala na chisekerero apo mpfupo za ubwino zimdzawabwerera.²⁶Wakupereka mtawiro wakundendemera ambampsompsona milomo. ²⁷Longosola basa lako panjapo, na kukonzekeresa chirichense cha iwe wekha kumunda; kumala popo, manga nyumba yako.²⁸Nampodi kuchitira mwayako umboni bwakunama neye thangwe apo nampodi kunyengeza na milomo yako. ²⁹Nampodi kulewa, ''Nimdzamchitira ndibzo iye wandichitira; nimdzabwezera ndibzo wachitabzi.''³⁰Ndidagwata pafupi na munda wa mtofu, kupitirira munda wa mpesa wa munthu wakusaya nzeru. ³¹Minga zikhadamera palipense, pansi pakhadagugudiziwa na ntcheso, apo litsito lache la minyala likhadagwa.³²Kinangoko ndidaona na kukumbukira; ndidanyang'anisisa mkutambira mwambo. ³³Kugona pamkiti, kuodzira pamkiti, kufunya manja pamkiti kupuma-- ³⁴apo kusaya kwako kumdzafika pa iwe, apo bzakuchita bzako ninga nyankhondo wakutakula bzipfudzo.

25¹Iyi pomwe ni miyambo ya Solomoni, ndiyo wanthu wa Hezekiya, mfumu ya Yuda adainemba. ²Ni ulemerero bwa Mulungu kubisa chinthu, soma ulemerero bwa mafumu mkufununkhula. ³Ninga kudzaulu kuli kutali apo pansi mpakuzika, ndiye mtima wa mafumu ungafununkhulike lini.⁴Taya chakusaya kufunika mu siriva apo nyakusula akwanise kuphatisa basa siriva mchipala mwache. ⁵Mtenepombo, chosa wakuipa pamaso pa mfumu apo kadera yache imdzakhazikika pakuchita bzakulungama.⁶Nampodi kubzilemekeza wekha pamaso pa mfumu apo nampodi kuima pambuto pakukonzerewa wanthu akuluakulu.⁷Mpsabwino kuna iye kuchita kukuuza, ''Bwera kwira pano,'' kusiyana na iye kukutsitsa iwepo pamaso pa munthu wakulemekezeka. Bzomwe wachitira umboni, ⁸nampodi kubzibweresa kamangu pabwalo. Nakuti umdzachita tani kumamaliziro mwayako angadzakuchitisa manyazi?⁹Lewa mlandu wako pakati pa iwe na mwayako apo nampodi kuzimbula chinsinsi cha mwayako, ¹⁰wakukubva angadzakuchitise manyazi na mafala yakukuipira ndiyo yangapfudzike lini.¹¹Bzipaso bza golide mnsengwa ya siriva ni mafala yakusewerewa pa nthawe yache. ¹²Mphete ya golide ayai chipini cha golide wabwino ni chitsimulo cha nzeru ku khutu lakutetekera.¹³Ninga zawe pa nthawe yakukolola ndiwo mtumi wa chikhulupiriro kuna iwo wakumtuma iye; ambatsitsimusa moyo wa mbuyache. ¹⁴Mitambo na chonzi yakusaya mvula ndiye wakuthembeza mphaso ndiyo ambaipereka lini.¹⁵Na chipiriro mkulu anganyengerereke apo lirime lakunyodoka lingaswe pfupa.¹⁶Ungagumana uchi, udye bwakukwana--- apo neye, ungabudyesa umdzabusanza. ¹⁷Nampodi kuponda nzayo yako mnyumba ya mwayako pafupi pafupi; anganete nawe achikuwenga.¹⁸Munthu wakuchitira mwayache umboni bwakunama ali ninga bonga la kunkhondo, ayai lupanga, pinango msewe wakuthwa. ¹⁹Munthu wakusaya kukhulupirika omwe ukhamkhulupirira mthawe ya tsoka ali ninga dzino lakuipa ayai nzayo yakugululuka.²⁰Ninga munthu wakukhundula malaya nthawe yakujejera, ayai ninga vinyu wakusasa wakuthiriwa msoda, mtenepombo wakuimbira bzimbo munthu wansisi.²¹Penu muwengi wako ana njala, mupe chakudya adye, apo penu ana nyota, mupe madzi amwe, ²²thangwe umdzamkalasulira masimbe ya moto pamsolo pache apo Yahova amdzakupa mpfupo.²³Ninga chonzi cha kumpoto chimbabweresa mvula, ndimomombo lirime lakusinjirira limkalipisa nkhope. ²⁴Nkhasa kukhala pa ponta pa nsodzi ya nyumba kuposa kukhala mnyumba na mkazi wakukonda bzakuponakapokana.²⁵Ninga madzi yakujejera kuna munthu wa nyota, ndimombo nkhani yabwino yakuchokera dziko lakutali. ²⁶Ninga lowe wakupondewa ayai mchera wakubvodolewa mtenepombo munthu wakulungama wakugonjera wanthu wakuipa.²⁷Mpsabwino lini kudyesa uchi kwenekwene; kumweko kuli ninga kupsaga ulemu bwako bwako. ²⁸Munthu wakusaya kubzikhotcha yekha ali ninga muyi wakupasuka wakusaya litsito.

26¹Ninga matalala chirimo ayai mvula pakukolola, mtenepoyo ulemu bumfunika lini chitsiru. ²Ndimo nserenga iri mkuzungulira na nyamzeze kupeyukapeyuka pakumbuluka, ndimombo themberero lakusaya kuthemera limbatazirira kufika.³Mchamu pala kavalo, chamkamwa chimthemera bulu na mpsimbo pamsana pa bzitsiru. ⁴Nampodi kutawira chitsiru ninga mwa uchitsiru bwachebo, ungadzakhale ninga icho.⁵Tawira chitsiru na uchitsiru bwache, kuti nampodi chikhale na nzeru mmaso mwache. ⁶Wakutuma mtumi na manja ya chitsiru wagwata nzayo zache mkumwa bzakumudzononga.⁷Ninga miyendo ya nyakupunduka yakugoboka ni mwambi mkamwa mwa bzitsiru. ⁸Ninga kuyezera mwala mu vichika mkupereka ulemu kuna chitsiru.⁹Ninga minga yakulasa mmanja mwa nyakuledzera ni mwambi mkamwa mwa bzitsiru. ¹⁰Ninga nyakuthusa uta mkulasa wense wakumzungulira ni omwe wanemba ganya chitsiru ayai wakugwata na njira.¹¹Ninga mbwaya kudya masanzi yache, ndimo chitsiru chimbabwerezera uchitsiru bwache. ¹²Kodi mumbaona munthu wakubziyesa wanzeru pamaso pache? Muna chidikhiriro chikulu mwa chitsiru kuposa iye.¹³Munthu mtofu ambati, ''Pana mphondolo panjirapa!'' pana mphondolo panjapa!'' ¹⁴Ninga msuwo umbaderukira ku bzakuphatisa bzache, ndimo munthu mtofu aliri pa kama wache.¹⁵Munthu mtofuambabvika manja yache mpalato soma alibe mphamvu zakulidzusa kulifikiza pakamwa pache. ¹⁶Munthu mtofu ambabziona wa nzeru kuposa wanthu anomwe wakutawira mwakuzindikira.¹⁷Ninga wakuphata makutu ya mbwaya ndimo aliri munthu wakugwata na njira kukalipa na ndewu yakuti njache lini.¹⁸Ninga munthu nyamsala wakuthusa nkhuni za moto, misewe, na imfa ¹⁹ni omwe ambanyengeza mwayache achiti, ''Kodi ndikhalewa lini bzakuseka?''²⁰Thangwera kusaya nkhuni, moto umbathima; apo pomwe palibe nyagunkha, kupokana kumbachepa. ²¹Ninga masimbe yakujejera pa masimbe ya moto na nkhuni pamoto, mtenepo munthu wakupokapoka kunyosa ndewu.²²Mafala ya gunkha yambakoma ninga chakudyaa chakulongosoka; yambapita mmimba. ²³Ninga kuyetima kwa palato ya dongo, ndimo iliri milomo yakufunisisa na mtima wakuipa.²⁴Wakuwenga anzache ambanamiza na milomo yache achigwezeka chinyengo mkati mwache. ²⁵Amdzasewera mwachifundo, soma nampodi kumkhulupirira, thangwe muna bzakunyansa bzinomwe mu mtima mwache. ²⁶Napo kununkhidwa kwache kumbampsinkhika na chinyengo, kuipa kwacheko kumdzazimbulika pagulu.²⁷Wakuchera dindi amdzagwera mwemo apo mwala umdzagunkhulikira iye wakuugwinya. ²⁸Lirime lakunama limbawenga wanthu omwe lidawatsautsa apo mkamwa mwakusasata mumbasukwisa.

27¹Nampodi kuthemba bza mangwana, thangwe umdziwa lini ndibzo mangwana yamdzabweresa. ²Leka wina ndiye akuthembeze sikuti wekha pakamwa pako; mlendo sikuti milomo yako wekha.³Kumbukira kulemera kwa mwala na kulemera kwa mchenga-- kuputiwa kwa chitsiru kumposa kulemera kwa bziwiri bzensebzi. ⁴Kuwawa mtima kwa nkhanza mtima umbakhaphwikira, soma mbani agakwanise kuima pamaso pa nsanje?⁵Chitsimulo chakuoneka chimposa chikondi chakubisalika. ⁶Bzakukhulupirika mpsilonda bzakukudzononga mwayako, soma muwengi ambakumpsompsona kazinji.⁷Munthu wakudya achikhuta ambalamba neye chipe cha uchi chokha, soma kuna munthu wa njala, chakuwawa chirichense chimbatapira. ⁸Ninga mbalame yakudzungaira ku chitsa chache ni munthu wakusochera pomwe ambakhala.⁹Mafuta yakununtchira na bzakununtchira bzimbadekesa mtima, soma ubwino bwa mwayako kumbatenepo pakuchitira uphungu bwabwino. ¹⁰Nampodi kutaya mwayako na babache wa mwayako, apo nampodi kuyenda ku muyi kwa m'bale wako pa nsiku ya tsoka lako. Mnansi wa pafupi amposa m'bale wa kutali.¹¹Khala wa nzeru, mwanangu, na kuchitisa mtima wangu kusekera; ndiye nimdzatawira wakundinyoza ine. ¹²Wakuchenjera ambaona bvuto achibzibisa yekha, soma wachibwana ambapitiriza kubonera nalo.¹³¹⁴Tenga malaya ya wakuimikira mlendo mangawa, apo uyaphatire angayaimikira mangawa kuna mkazi wachigololo. ¹⁴Wakupa mwayache m'daliso mwakukuwa machibesebese, m'daliso umweyo umdzasanduka themberero!¹⁵Mkazi wakusokosasokosa ali ninga kujojajoja nsiku ya mvula; ¹⁶kumuletsa kuli ninga kuletsa chonzi, ayai kuyezera kuphata mafuta m'boko lako lamadidi.¹⁷Chitsulo chimbanoza chitsulo; mtenepombo, munthu kunoza mwayache. ¹⁸Wakutchenkha muti wa mkuyu amdzadya chipaso chache, apo wakuteteza mbuyache amdzatambira ulemu.¹⁹Ninga madzi yambaonesa nkhope ya munthu, mtenepombo mtima kuonesa munthu. ²⁰Ninga Thenje na Kuchidzonongeko kumbakuta lini, ndimo yaliri maso ya munthu yambakhuta lini.²¹Mtsuko ngwa siriva apo ng'anjo nja golide; apo munthu ambayezeriwa angathembeziwa. ²²Neye kuchita kudera chitsiru na munsi-- kubodzi na njera-- soma uchitsiru bwache bumdzamchokera lini.²³Tsimikiza kuti ukudziwa bzifuwo bzako apo ukhudzike na bzifuwo bzako, ²⁴thangwe vida njamuyaya lini. Kodi korona ambapirira mmibwado yense? ²⁵Udziwe uswa bwakuuma bunimala liti na uswa buwisi buniphuka liti, na nthawe ndiyo uswa bwa mmapiri bumbagudira.²⁶Ntchere za mabira zimdzakubvazika apo mbuzi zimdzkugulira munda. ²⁷Pamdzakhala mkaka wa mbuzi kuti udye-- chakudya cha nyumba yako---

28¹Wanthu wakuipa ambathawa uko palibe ali kuwathotha, soma wanthu wakulungama ali wakulimba ninga mwana wa mphondolo. ²Thangwera kuphonya kwa dziko, akuluakulu wache ambawanda, soma na munthu wakuzindikira na kudziwa, limdzatenga nthawe kumala.³Munthu wakusaya wakuboneresa wanthu wakusaya ali ninga mvula yakukokonola bzinthu. ⁴Iwo wakusiya chilamulo ambathemba wanthu wakuipa, soma iwo wakukoya chilamulo ambalimbana nawo.⁵Wanthu wakuipa ambabvesesa lini chilungamo, soma wakupsaga Yahova ambabvesesa chirichense. ⁶Nkhasa munthu wakusaya omwe ambafamba mwadidi kuposana na munthu wakudala wakugonyoka mnjira zache.⁷Iye wakukoya lamulo ni mwana wakuzindikira, soma iye wakusangana na wadyera ambanyazisa babache. ⁸Iye Wakuwanzisa vida yache thangwera kufiyalisi kudzabweza na banyira akugwezekera wakuchitira chifundo wakusaya.⁹Wina angachungunusa khutu lache kulamba kubva chilamulo, neye pembo lache ndakunyansa. ¹⁰Wakusocheresa wakulungama kuchita njira yakuipa amdzagwa m'dindi lache yekha, soma wakusaya thangwe amdzatambira chakusiiriwa chabwino.¹¹Munthu wakudala akhoza kukhala wa nzeru pamaso pache yekha, soma munthu wakusaya wakuzindikira ambazimbulisa iye. ¹²Wakulungama angasekera, pana ulemerero buzinji; soma wakuipa angalamuka wanthu ambabisalika.¹³Wakubisa bzakuphonya bzache amdzaona lini mwayi, soma wakubzitawiriza achibzileka amdzachitiriwa nsisi. ¹⁴Wakukhala mwakugopa kwakusaya kulekeza ngwakudala, soma wakuumisa mtima wache amdzagwa mmatsautso.¹⁵Ninga kulira kwa mphondolo ayai chilombo chakufambafamba ni mtongi wakuipa pa wanthu wakusaya. ¹⁶Mtongi wakusaya nzeru ambalemwa kutsautsa, soma wakuwengana na kalisirira amdzatalimphisa nsiku zache.¹⁷Penu munthu waputa ngwete ya mulopa wa munthu, amdzakhala wakuthawathawa kufikizana imfa apo palibe amdzamthandiza. ¹⁸Wakufamba mwadidi amdzapulumuka, soma omwe njira yache njakugonyoka amdzagwa kamangu.¹⁹Wakulima munda wache amdzakhala na chakudya chizinji, soma wakutewera wanthu wapezipezi amdzakhala na usiwa bukulu. ²⁰Munthu wakukhulupirika amdzakhala na madaliso makulu, soma wakudala kamangu amdzalangiwa.²¹Mpsabwino lini kuonesa kupondera, mkuphonya basi neye kudya mbali yakuchepa ya chakudya. ²²Munthu wa diso la kununkhidwa ambabzidaza yekha kamangu, soma ambadziwa lini kuti kusaya kumdzamfikira.²³Wakutsimula wina, khalise amdzagumana udidi kuchoka kuna iye kuposana na wakumsasatira iye na lirime lache. ²⁴Wakubera babache na mayi wache ambati, ''Mkuphonya lini kumweko,'' iye myayache ngwakudzononga.²⁵Munthu wa mingululi ambanyosa makangano, soma wakukhulupirira Yahova amdzapulumuka. ²⁶Wakubzikhulupirira yekha mu mtima mwache mchitsiru, soma wakufamba mu nzeru amdzapulumuka.²⁷Wakupasa wakusaya amdzasaya lini chinthu, soma wakuphophomera iwo maso yache amdzatambira matemberero mazinji. ²⁸Wakuipa angalamuka, wanthu ambabisalika okha; soma iwo angamala, wakulungama ambawanda.

29¹Munthu wakutsimuliwa kazinjitsa soma mkuumisa khosi lache amdzapseka neye kukwanisika kulimbisiwa. ²Wanthu wakulungama angathimizirika, wanthu ambasekera, soma wanthu wakuipa angakhala akutonga, wanthu ambadzuma.³Wakukonda nzeru ambachitisa babache kusekera, soma wakusangana na maputa ambadzononga vida yache. ⁴Mfumu imbakhazikisa dziko pakuchita chilungamo, soma wakutsonkhesa bobobo ambaligwesa.⁵Wakusasatira mwayache akufuthulira ukonde nzayo zache. ⁶Mkuphonya kwa munthu wakuipa muna mulapu, soma munthu wakulungama ambayimba na kusekera.⁷Munthu wakulungama ambadziwa ufulu bwa wakusaya; munthu wakuipa ambabvesesa lini nzeru imweyo. ⁸Wakunyoza waikha muyi pamoto, soma iwo wa nzeru ambaletsa ukali.⁹Munthu wa nzeru angagazana na munthu wakuipa, ambakalipa na kuseka, apo pamdzakhala palibe kupuma. ¹⁰Wanthu wakujojeza mulopa ambawengana na munthu wakusaya thangwe achipsagapsaga moyo wa nyakulungama.¹¹Chitsiru chimbazimbula ukali bwache bwense, soma munthu wa nzeru ambauletsa. ¹²Nyakutonga angabvera magunkha, atumiki wache wense amdzakhala wakuipa.¹³Munthu wakusaya na nyakutsautsa wanthu mbakulinganira, nakuti Yahova ampenyesa maso ya wense awiriwo. ¹⁴Mfumu ingayeruza wakusaya na chadidi, kadera yache imdzakhazikika ku nthawe zamuyaya.¹⁵Mpsimbo na chitsimulo bzimpasa nzeru, soma mwana wakumulekerera amchitisa mayi wache manyazi. ¹⁶Wanthu wakuipa angambatonga, bzakuphonyeka bzimbawanda, soma wanthu wakulungama amdzaona kugwa kwa wanthu wakuipawo.¹⁷Langiza mwana wako apo amdzakupumisa; amdzabweresa bzakudeka mmoyo mwako. ¹⁸Pomwe palibe chibvimiro cha aneneri wanthu amdzasauka, soma wakukoya chilamulo amdzadalisika.¹⁹Kapolo amdzalangiziwa lini na mafala, thangwe napo azindikire, amdzatawira lini. ²⁰Kodi ukuona munthu wakukulumiza kusewera? Muna chidikhiriro chikulu mwa chitsiru kuposa mwa iye.²¹Wakulera kapolo wache mwa ufulu kuyambira ubwana bwache, pa mamaliziro kwache pamdzakhala mabvuto. ²²Munthu waukali ambanyosa mpokano apo wakukonda ukali ambawanza bzakuphonya.²³Kubzithusa kwa munthu kumbamtsitsa, soma wakukhala na mtima wakugwa amdzatambita ulemu. ²⁴Wakufamba na mbava wawengana na moyo wache; ambabva themerero neye kulewa chinthu.²⁵Kugopa wanthu kumbateyesa gango, soma wakukhulupirira mwa Yahova amdzapulumuka. ²⁶Azinji ndiwo wakupsaga chibverano na mtongi, soma chiyeruzo cha munthu chimchokera kuna Yahova.²⁷Munthu wakusaya chilungamo ngwakunyansira wanthu wakulungama, soma iye wa njira zache zakulungama ngwakunyansira wanthu wakuipa.

30¹Mafala ya Aguri mwana wachimuna wa Yake--nya ngweteyo. Munthuyu wati kuna Itieli, kuna Itieli na Uka: ²Chadidi kukulu ndiri ninga nyama kusiyana na munthu apo ndiribe kubvesesa kwa umunthu. ³Ndiribe kupfunza nzeru, ayai kudziwa bza Wakuchenayo.⁴Mbani wayenda kudzaulu achibuluka pansi? Mbani wagwezeka mphepo achiifumbata mmanja mwache? Mbani waputira madzi mmalaya? Mbani wakhazikisa kuphampha kwa dziko lapansi? Dzina lache mbani, apo dzina la mwanache mbani? Chadidi ukudziwa!⁵Fala lirilense la Mulungu layezeriwa; iye mchikhotcherero cha iwo wakuthawira mwa iye. ⁶Nampodi kuthimizira mafala yache, angadzakutsimule, uchidzaphatika kuti ndiwe nyakunama.⁷Bzinthu bziwiri ndikukukumbirani; nampodi kundimana ndikanati kufapa; ⁸Mundichosere kutali bzapezipezi na magunkha. Nampodi kundipa usiwa ayai vida, mutondo kundibvuma kudya chakudya cha gawo langu. ⁹Thangwe ndinacho chizinjitsa, ningakulambeni ndichiti, ''Yahova mbanimbo?'' Ayai ningakhala wakusaya, ningadzabe ndichidzapsipiza dzina la Mulungu wangu.¹⁰Nampodi kusasatira kapolo pamaso pa mbuyache, iye angadakutemberere uchidzasanduka wakuphonya.¹¹Pana m'bwado wakutemberera babawo na wakusaya kudalisa mayi wawo. ¹²Pana m'bwado wakubziyesa wadidi mmaso mwawo, uko iwo ulibe kusamba tsuzu lache.¹³Pana m'bwado omwe maso yache yambakwiziwa, apo nzikope bwawo bziri mkutuzuka! ¹⁴Pana m'bwado omwe mano yawo ni malupanga na omwe bzitsakano bzawo ni bzisu, ndiye ambakhudyula wakusaya kuchosa mziko lapansi na wakusaya pakati pa wanthu.¹⁵Nyamingululi ana wana awiri wachikazi: ''Pereka pereka'' ambalira. Pana bzinthu bzitatu ndibzo bzimbakhutisiwa lini, bzinayi bzombwe bzimbalewa lini, ''Ndimo'': ¹⁶Thenje; mimba yakusaya kubala; dziko lakusaya kukhutisiwa kukoya madzi; na moto ndiwo umbati lini, ''Ndimo!'' ¹⁷Diso lakunyoza baba na kunyozera kubvera mayi limdzajonkhoniwa na makhungubwe ya mchigwa lichidzadyiwa na nkhonye.¹⁸Pana bzinthu bzitatu bzakundidabwisa, bzinayi ndibzo nimbabzibvesesa lini: ¹⁹njira ya mphungu mdzaulu, njira ya nyoka pa thanthwe; njira ya chombo pakati pa nyanza; na njira ya mwamuna na dende.²⁰Iyi ni njra ya mkazi wachigololo: ambadya achipukusa pakamwa pache mkuti, ''Ndiribe kuchita bzakuipa.''²¹Thangwera bzinthu bzitatu dziko lapansi limbatetemera, apo na bzinthu bzinayi lingapirire lini nabzo: ²²kapolo angakhala mfumu; chitsiru chingakhuta chakudya; ²³mkazi wakuwengiwa angaloodwa; na kapolo wachikazi angapita nkhankha ya mbuyache wachikazi²⁴Bzinthu bzinayi pa dziko lapansi bzing'ono bzing'ono soma bza nzeru maninge: ²⁵nyerere mpsachilengedwe bzakusaya mphamvu, soma bzimbakontcheza bzakudya bzawo chirimo; ²⁶mbira mpsachilengedwe lini bzikulu, soma soma bzimbakonza miyi yawo mmathanthwe.²⁷Bziwala bziribe mfumu, soma bzense bzimbabula magwere magwere. ²⁸Angakhala bunyu, ungamufumbate na manja yako mawiri, soma ambagumanika mnyumba za mafumu.²⁹Pana bzinthu bzitatu bzimbafamba pinyapinya na bzinayi bzakufamba mwa ufulu: ³⁰mphondolo, ya mphamvu kuposa nyama zense zamthengo-- imbapambukira lini chinthu chirichense; ³¹kavalo wakulimba mchiuno; tonde wa mbuzi; na mfumu yomwe anyankhondo wache ali pambali pache.³²Ungakhala wapusa, kubzikwiza wekha, ayai kukumbuka bzakuipa-- phata pakamwa. ³³Nakuti kubvundula mkaka kumbasikinyisa mafuta apo mphuno ya wina imdzajoja mulopa ingapongonyolewa, ndimombo bzakuchita na ukali bzimbanyosera ndewu.

31¹Mafala ya Mfumu Lemueli--ngwete ndiyo mayi wache adampfunzisa. ²Chani, mwanangu? Chani, mwana wa mimba yangu? Ukufunanyi, mwana wa bzakulonjeza bzangu? ³Nampodi kupa mphamvu zako kuna akazi, ayai njira zako kuna wakudzononga mafumu.⁴Bzimfunika lini mafumu, Lemueli, bzimfunika lini mafumu kumwa Vinyu, ayai atongi kumwa chakumwa chaukali, ⁵thangwe angamwa ambayebwa malamulo, achiyeruza mwakupondera ufulu bwa wensene wakutsautsika.⁶Pereka chakumwa chaukali kuna munthu wakumalamala na vinyu kuna wakutsautsika maninge. ⁷Amdzamwa achidzayebwa kusaya kwache apo amdzakumbukira lini mabvuto yache.⁸Sewerera wanthu wakutaza kukwanisa kusewera, pala mulandu wa wense omwe akutsautsika. ⁹Tsegula pakamwa pako uyeruze na mphimo ya chadidi na kusewerera wakusaya na wakubonera..¹⁰Mbani angagumane mkazi wabwinobwino? Nsengwa yache imposa ngalengale. ¹¹Mtima wa bayache umbamkhulupirira iye, apo mwamunayo amdzasaya lini phindu. ¹²Ambachitira bzinthu bzabwino kuna bayache apo sikuti bzakuipa nsiku zense za moyo wache mkaziyo.¹³Ambapsaga ukuse na thonje achiphata basa na kudekedwa kwa manja yache. ¹⁴Iye ali ninga chombo chamalonda cha pamadzi; ambabweresa chakudya chache kuchoka kutalitsa. ¹⁵Ambalamuka kungachena achipa chakudya banja lache, achigawira payekha payekha basa kuna anyabasa wache wachikazi.¹⁶Ambalingirira bza munda achiugula; na chipaso cha manja yache ambaokera munda wa mpesa. ¹⁷Ambabzimangira mchiuno yekha na mphamvu achilimbisa maboko yache.¹⁸Ambadziwa mchani chimdzampindulira labwino; usiku bwense kandiyero yache imbathimisiwa lini. ¹⁹Ambabzatika manja yache pa njinga ya thonje, na manja yache mkufumbata usalu bwakuphonyongoka.²⁰Ambapalawiza boko lache kuna wanthu wakusaya; ambapalawiza manja yache kuna wanthu wakutsautsika. ²¹Alibe mantha na zawe pala banja lache, thangwe banja lache lense labvala mlangali.²²Ambafunikiza kama wache, achibvala iye bzakubvala bza bafuta na guta wa biriwiri. ²³Bayache ambadziwika pamisuwo, angakhala pakatii pa akuluakulu wa dziko.²⁴Ambasona malaya ya bafuta achiyagulisa, achiperekera mipango kuna wakugulisa malonda. ²⁵Ambabvala mphamvu na ulemu, achiyiseka nthawe ya mtsogolo.²⁶Ambayachamula pakamwa pache na nzeru apo chilangizo cha chifundo chiri pa lirime lache. ²⁷Ambanyang'anira njira za banja lache apo ambadya lini bzakudya bza utofu.²⁸Wanache ambalamuka achimchemera wakudalisika, apo bayache ambamthembeza, kuti, ²⁹''Akazi azinji achita bwino, soma waaposa wensenewo.''³⁰Kudeka kumbatondo kunyengeza, maonekedwe yabwino ngapezipezi, soma mkazi wakugopa Yahova, amdzathembezewa. ³¹Mupeni bzipaso bza manja yache apo lekani mabasa yache yamuthembeze kunjako.

Daniele

1¹Mgole lachitatu la ufumu bwa Yehoiakimu mfumu ya Yuda, Nebukadinezara mfumu ya Babulo idabwera ku Yerusalemu ichizungulira muyiyo mkugwata njira zense zakupitira mwemo. ²Mbuya adapa Nebukadinezara chipambano pa Yehoiakimu mfumu ya Yuda, achimpa iye bzinthu bzinango bzakupambulika bza mnyumba ya Mulungu. Iye adabzibweresa mdziko la Babulo, ku nyumba ya mulungu wache, achiikha bzinthu bzakupambulikabzo mthungwa la mulungu wache.³Mfumu idasewera na Asipenazi, mkulu wa anyabasa wache, kubweresa mwemo wanthu wina wa Isaraeli, banja lachifumu na la akulu akulu-- ⁴anyamata wakusaya mathangwe, wakudeka mmaonekedwe, wakuchenjera mu nzeru zense, wakudzala na kudziwa na kubvesesa, wakuthemera kutumikira ku nyumba ya mfumu. Kuti awapfunzise mabukhu na chiseweredwe cha Akasidi. ⁵Mfumu idawalewengera kubodzi gawo la chakudya chache cha nsiku na nsiku na wina wa vinyu ndiyo ikhamwa. Anyamatawo kuti apfunzisiwe kwa magole matatu, apo kumala popo, adzatumikire bwino mfumu.⁶Pabodzi nawo pakhana Daniele, Hananiya, Misaeli, na Azariya, wina wa wanthu waku Yuda. ⁷Mkulu wa anyabasayo adawasandula madzina: Daniele adamsandula Belitsazara, Hananiya adamsandula Shadreki, Misaeli adamsandula Misheki, na Azariya adamsandula Abidinego.⁸Soma Daniele adakhumba mu mtima mwache kuti nampodi abziipise yekha na bzakudya bza mfumuyo ayai na vinyu ndiyo ikhamwa. Ndiye adakumbira chibvumizo kuchoka kuna mkulu wa anyabasayo kuti iye nampodi abziipise yekha. ⁹Tsapano Mulungi adapa Daniele udidi na nsisi kudzera mu ulemu ndibo mkulu wa anyabasa akhanabo kuna iye. ¹⁰Mkulu wa anyabasa adati kuna Daniele, ''Ndina mantha na mbuyangu mfumu. Iye watonga chakudya na bzakumwa kuti mumbadye. Thangweranyi kuti iye akuoneni imwe kuoneka wakuipa kuposa anyamata wakulingana namwe? Mfumu ingandigwate msolo thangwera imwe.¹¹Ndiye Daniele adasewera na kapitawo omwe mkulu wa anyabasayo adamuikha kunyang'anira Daniele, Hananiya, Misaeli, na Azariya. ¹²Iye adati, ''Pirizi tiyezereni, anyabasa wanufe, kwa nsiku khumi. Tipeni bzakumera mmataka bzokhabzokha kuti tidye na madzi yakumwa. ¹³Ndiye mundendemeze maonekedwe yathu na maonekedwe ya anyamata wakudya chakudya cha mfumu, apo mutichitire, akapolo wanufe, kutengera ndimo mwaonera.''¹⁴Ndiye kapitawoyo adaphatizana naye kuchita ichi, achiwayezera iwo kwa nsiku khumi. ¹⁵Pa kumala kwa nsiku khumi maonekedwe yawo yakhali yakunenepa kwene kwene, achikhala wa thanzi, kuposa anyamata omwe akhadya chakudya cha mfumu. ¹⁶Ndiye kapitawo ule adachosa bzakudya bza mfumu bzire na vinyu wawo ule mkumbawapa bzakumera mmataka bzokhabzokha.¹⁷Angakhala anyamata anayiwa, Mulungu adawapa kudziwa na luntha la mmabukhu yaliyense na nzeru, apo Daniele akhakwanisa kubvesesa masomphenya yensene na atulo. ¹⁸Pa mamaliziro kwa nthawe yakuikhiwa na mfumu yakuwapinza mkati, mkulu wa anyabasa ule adawapinza mwemo pamaso pa Nebukadinezara.¹⁹Mfumu idasewera nawo, apo pakati pa thimu lenselo pakhalibe wakuyezezera na Daniele. Hananiya, Misaeli, na Azariya. Iwo adayima pamaso pa mfumu, kukonzeka kuitumikira. ²⁰Mu bvunzo lirilense la nzeru na kubvesesa ndilo mfumu idabvunza iwo, adagumana iye kupita kakhumi kuposa wamatsenga wense na wale omwe akhati ambasewera na wakufa, omwe akhali mu ufumu mwache mwensemo. ²¹Daniele akhali mwemo kufikizana gole lakutoma la Mfumu Koresi.

2¹Mgole lachiwiri la kutonga kwa Nebukadinezara, iye akhana atulo. Mtimwa wache udabonera, apo akhagona lini. ²Ndiye mfumuyo idachemeresa wamatsenga na wale akhambabziti akhasewera na wakufa. Iye adachemeresa pomwe wa nyanga na wanthu wakupfunza. Iye akhafuna kuwauza atulo wachewo. Ndiye iwo adapita mwemo achiima pamaso pa mfumu.³Mfumuyo idati kuna iwo, ''Ndalota atulo, apo mtima wanguyu ukufunisisa kudziwa ndibzo atulowa akulewa.'' ⁴Kinangoko wanthu wakupfunza adasewera kuna mfumuyo mchi Aramu, ''Mfumu, mukhale na moyo chikhalire! Tiuzeni atulo wanuwo, akapolo wanufe, apo timdzazimbula kuthumbudzula kwache.''⁵Mfumu idawatawira wanthu wakupfunzawo, ''Nkhani imweyi yamala. Mungasaya kundizimbulira atulowa na kuthumbudzula kwache, matupi yanu yanikhadzuliwa pakati na nyumba zanu zimsandusiwa midwi ya ku mtaya. ⁶Soma mungandiuza atulowa na kuthumbudzula kwache, mumtambira mpfupo kuchoka kuna ine, mpfupo, na ulemu bukulu. Ndiye mundiuze atulowa na kuthumbudzula kwache.⁷Iwo adatawira pomwe achiti, ''Mfumu tiuzeni, akapolo wanufe, atulowo apo timdzakuuzani kuthumbudzula kwache.'' ⁸Mfumu idatawira, ''Ndikudziwa chadidi kuti imwepo mukufuna nthawe ikulu thangwe mukudziwa kuima njii kwangu pa chochi. ⁹Soma mungasaya kundiuza atulowa, pana chilango chibodzi basi kuna imwepo. Mwakumbuka kundiuza bzakunama na mafala yachinyengo ndiyo mwapangana pabodzi kundiuza kufikizana ndichinje kukumbuka kwangu. Ndiye tsono, ndiuzeni atulowo, apo ndiye nimdziwa kuti mumkwanisa kundiuza kuthumbudzula kwache.''¹⁰Wanthu wakupfunza wale adatawira mfumuyo, ''Palibe munthu pa dziko lapansi wakufikira chakufuna mfumu. Palibe mfumu ikulu ayai mtongi ndiye adafuna kale chinthu chocho kuna wamatsenga, ayai kuchoka kuna wina aliyense omwe ambabziti ambasewera na anyamuya, ayai kuna munthu wakupfunza. ¹¹Ndibzo mfumu yafuna mpsakunesa, apo palibe aliyense omwe angalewe kuna mfumu kupambula milungu, apo iyo imbakhala lini pakati pa wanthu.''¹²Ibzi bzidakalipisa mfumu ichipsoma maninge, apo idapa lamulo kudzononga wanthu wense wa nzeru mu Banulo. ¹³Ndiye gunyenye lidayenda kunja kukapha wanthu wa nzeru, iwo achituma kukapsaga Daniele na anzache kukawapha.¹⁴Ndiye Daniele adatawira na uphungu bwa nzeru kuna Arioki mkulu wa alindiri wa mfumu, omwe akhadabwera kudzapha wanthu wense wa nzeru mu Babulo. ¹⁵Daniele adabvunza mkulu wa nkhondo wa mfumu, ''Thangweranyi chitongi cha mfumu chikukulumiza? Ndiye Arioki adauza Daniele ndicho chikhadachitika. ¹⁶Ndiye Daniele adapita mkati achikumbira kugumana na mfumu kuti akapereke chithumbudzulo kuna mfumu.¹⁷Ndiye Daniele adayenda ku nyumba yache achikafokotoza kuna anzache Hananiya, Misaeli, na Azariya chomwe chidachitikacho. ¹⁸Iye adawakumbira iwo kuchitiwa chifundo kuchoka kuna Mulungu wakudzaulu bza chinsinsichi pala kuti Daniele na anzache nampodi adzonongewe kubodzi na wina wa nzeru wa m'Babulo.¹⁹Usikubo chinsinsi chidazimbulika kuna Daniele mmasomphenya. Ndiye Daniele adalemekeza Mulungu wakudzaulu ²⁰apo Daniele adati, ''Lemekezani dzina la Mulungu ku nthawe za nthawe, thangwe nzeru na mphamvu mzache.²¹Ambachinja nthawe na nyengo; ambabulisa mafumu achiikha mafumu pa makadera yawo. Ambapa nzeru kuna wanthu wa nzeru na kudziwa kuna iwo omwe ana kubvesesa. ²²Ambazimbula bzinthu bzakuzika na kubisika thangwe iye ambadziwa ndicho chiri mu m'dima, apo kutoya kuli mwa iye.²³Mulungu wa abereki wangu, ndikukutendani na kukulemekezani thangwera nzeru na mphamvu mudandipa. Tsapano mwandidziwisa ndibzo tidakumbira kuna imwe; mwatidziwisa ife mlandu wa mfumu.''²⁴Ndiye Daniele adayenda kukaona Arioki (omwe mfumu adamsankhula kupha aliyense wa nzeru m'Babulo). Iye adayenda achikati kuna iye, ''Nampodi kudzononga wanthu wa nzeru m'Babulo. Nditendereni kuna mfumu apo nimkaonesa mfumu kuthumbudzula kwa atulo wache.²⁵Ndiye Arioki kamkulumize adabweresa Daniele pamaso pa mfumu achiti. ''Ndagumana pakati pa akaidi wa Yuda munthu omwe amdzazimbula kuthumbudzulira atulo wa mfumu.'' ²⁶Mfumu idati kuna Daniele (omwe dzina lache likhali Belitsazara), ''Ungakwanise kundiuza atulo ndiwo ndidaona na kuthumbudzula kwache?''²⁷Daniele adatawira mfumuyo achiti, ''Chinsinsi ndicho mfumu yakumbira chingazimbuliwe lini na wanthu wa nzeru, ayai na omwe ambati ambasewera na anyamuya, pinango na wamatsenga, neye na alauli. ²⁸Soma, pana Mulungu wakukhala kudzaulu, omwe ambazimbula bzinsinsi, apo iye wakudziwisani imwe, Mfumu Nebukadinezara, ndibzo bzimdzachitika nsiku ziri mkudza. Awa ndiwo akhali atolo wanu na masomphenya ya mu mtima mwanu pa kama panu.²⁹Mungakhala imwe, mfumu, bzakukumbuka bzanu pakama panu bzikhali bza bzinthu bzakubwera mtsogolo, apo wakuzimbula bzinsinsi wakudziwisani imwepo ndibzo bzimfuna kuchtika. ³⁰Ningakhala ine, chinsinsi chochi chiribe kuzimbulika kuna ine thangwera nzeru ndizo ndinazo kuposa munthu wina aliyense wa moyo. Chinsinsichi chidazimbulika kuna ine pala kuti imwe, mfumu, mubvesese kuthumbudzula, na kuti mudziwe bzakukumbuka bza mumtima mwanu.³¹Mfumu, mudanyang'ana mdzaulu muchiona fano likulu, ndilo likhali likulu na kuyetima kukulu, litayima kunyang'anizana namwe. Kuyetima kwache kukhali kwakupasa mantha. ³²Msolo wa fanolo ukhali wakukonzewa na oro wabwino. Pakadedema na manja yache ya siriva. Mimba yache na ntchafu zikhali za mkuwa, ³³apo miyendo yache ikhali ya chitsulo. Nzayo zache zikhali za mwinango chitsulo mwinango dongo.³⁴Mudajiguma, apo mwala udabeduka, napo sikuti na manja ya munthu, uchigunsa fanolo ku nzayo zache za chitsulo na dongo, uchibzipeya. ³⁵Ndiye chitsulo, dongo, mkuwa, siriva, na oroyo kabodzi na kabodzi bzidapseka mmapidaso bzichikhala ninga mankhunyete pa mbuto yakupunthira chirimo. Chonzi chidabzimbulusa apo pakhalibe chilatizo chakusala. Soma mwala ndiwo udamenya chifanoyo udasanduka phiri likulu lichidzala dziko lense lapansi.³⁶Awa akhali atulo. Tsapano timdzayiuza mfumu kuthumbudzula. ³⁷Imwe, mfumu, ndimwe mfumu ya mafumu omwe Mulungu wakudzaulu wakupani ufumu, mphamvu, na ulemu. Wapereka mmanja mwanu mbuto yakukhala wanthu. ³⁸Wapereka nyama zakuthengo na mbalame za mdzaulu mmanja mwanu, mkukupani utongi bzakubzinyang'anira. Ndimwe msolo wa fano la oro.³⁹Kuchoka imwe, mfumu ina imdzaphuka yakuchepa kuna imwe, apo ufumu bzachitatu bwa mkuwa bumdzatonga dziko lense lapansi.⁴⁰Pamdzakhala ufumu bzachinayi, bwa mphamvu ninga chitsulo, thangwe chitsulo chimbapsa bzinthu bzinzache mmapidaso mkupeya chirichense. Bumdzapeya bzinthu bzensebzi buchibzipwetedza.⁴¹Ninga ndimo mudaoneramo, nzayo na bzala bzikhali bzakukonzewa na dongo lakutenthiwa na kwina chitsulo, mtenepombo budzagawikire ufumu; bwina bwa mphamvu ya chitsulo bumdzakhala mwemo, ninga mudaonera chitsulo kusanganizika na dongo lakunyodoka. ⁴²Ninga bzala bza nzayo bzikhaliri bza chitsulo na kwina dongo, ndimo ufumu bumdzakhalira kwina kwa mphamvu ⁴³kwina kwakugamphuka. Ninga mudaonera chitsulo chakusanganiza na dongo lakunyodoka, ndimombo wanthu amdzasanganizikira; amdzakhala lini pabodzi, ninga ndimo chitsulo chimbasanganizikirambo lini na dongo.⁴⁴Mu nsiku za mafumu yamweyo, Mulungu wakudzaulu amdzakhazikisa ufumu bomwe bumdzadzonongeka lini, ayai kugonjesewa na wanthu wina. Bumdzaswa maufumu inayo mmapidaso buchiyamalisa yenseyo, buchidzakhala ku nthawe za nthawe. ⁴⁵Ninga mudaonera, mwala wakugemphuka kuchoka m'phiri, soma sikuti na manja ya munthu. Budaswa chitsulocho, mkuwa, dongo, siriva, na oro mmapidaso. Mulungu mkuluyo wakudziwisani imwepo, mfumu, ndicho chimdzachitika bzitamala bzobzi. Atulowa ngwa chadidi apo kuthumbudzula kwache mkwakukhazikika.''⁴⁶Mfumu Nebukadinezara idagwesa nkhope yache pansi pamaso pa Daniele ichimpasa ulemu; iye adatonga kuti amthirire nsembe ya ufa na nsembe yakununtchira. ⁴⁷Mfumu idati kuna Daniele, ''Chadidi Mulungu wako ni Mulungu wa milungu, Mbuya wa mafumu, na omwe ambazimbuladi bzinsinsi, thangwe wakwanisa kuzimbula chinsinsichi.''⁴⁸Ndiye mfumu idasandusa Daniele mkulu kwene kwene achimpa iye mpfupo zikulu zizinji. Adamuyikha iye mkulu wa mphimpha yense ya Babulo. Daniele adasanduka mkulu wa akazembe wa wanthu wense wa nzeru m'Babulo. ⁴⁹Daniele adakumbira mfumu, apo mfumu idayikha Shadreki, Misheki, na Abedenego kukhala wakunyang'anira mabasa ya mphimpha ya Babulo. Soma Daniele adasalira pa mbuto yakutongera milandu ya mfumu.

3¹Mfumu Nebukadinezara idakonza chilinganilo cha golide chomwe tsonga lache likhali maboko makumi matanthatu na kupingasa kwache maboko khumi. Iyo idachiyimisa Mchigwa cha Dula mphimpha ya Babulo. ²Ndiye Nebukadinezara adatuma mitumi kunja kukakontcheza pabodzi akazeme wa mphimpha zikulu, mphimpha zing'ono, na mphimpha zing'ono letu, pabodzi na atsaphungu, akulu wakukoya mathungwa ya kobiri, ayeruzi wa milandu, na akulu wa bwalo, na wense wakuphata basa likulu likulu la mphimphazo kubwera kudzanamata chilinganilo ndicho mfumu Nebukadinezara idachiyikhazikisa.³Ndiye akazembe wa mphimpha zikuluzo, wa mphimpha zin'gono na mphimpha zing'ono letu, pabodzi na atsaphungu, akulu wakukoya mathungwa ya kobiri, ayeruzi, akulu wa bwalo, na wense wakuphata basa lukulu likulu adagwezekana pabodzi kukanamata chilinganilochi ndicho Mfumu Nebukadinezara adachikhazikisa. Iwo adaima pamaso pa chimwecho. ⁴Ndiye wakukuwirira adakuwa, ''Mukutongewa, wanthumwe, madzinza, na bziseweredwe, ⁵kuti nthawe zense mungabva kulira kwa nyanga, bzitoliro, ma fuluti, nkhotcho, a sansi, azeze, na miluli, na bzimbo bza moda wense, mumbagwe pansi mkunamata chilinganilo cha oro ndicho mfumu Nebukadinezara wakhazikisa.⁶Aliyense omwe am'bagwa lini pansi mkunamata, nthawe imweyo letu, amdzathusiwa pakati pa ng'anjo ya moto wakugaka.'' ⁷Ndiye pomwe wanthu wense adabva kulira kwa nyanga, mafuluti, a sansi, nkhotcho, azeze, na miluli, na bzimbo bza moda wense, wanthu wense, madzinza, na bziseweredwe adagwa pansi achinamata chilinganilo cha oro ndicho Nebukadinezara mfumu adachikhazikisa.⁸Tsapano pa nthawr yoyi Akasidi winango adabwera achibweresa chitsimulo kuna Ayuda. ⁹Iwo adati kuna Nebukadinezara mfumu, ''Mfumu, khalani na moyo wa muyaya! ¹⁰Imwe mfumu, mwatonga kuti munthu aliyense angabva kulira kwa nyanga, mafuluti, nkhotcho, asansi, azeze na miluli, na bzimbo bza moda wense, agwe pansi kunamata chilinganilo cha oro.¹¹Omwe anigwa lini pansi kunamata athusiwe pakati pa ng'anjo ya moto wakugaka. ¹²Tsapano pana Ayuda winango omwe mwawaikha kunyang'anira mphimpha zina za Babulo; madzina yawo ni Shadreki, Misheki, na Abidinego. Wanthu amwewa, mfumu, ambakubverani lini. Iwowa amdzatumikira lini milungu yanu ayai kunamata chilinganilo cha oro mwakhazikisa chire.''¹³Ndiye Nebukadinezara, pakudzaziwa na ukali na chiya, adatonga kuti Shadreki, Misheki, na Abidinego awabwerese kuna iye. Ndiye iwo adabweresa wanthu amwewa pamaso pa mfumu. ¹⁴Nebukadinezara adati kuna iwo, ''Kodi mukuchita utowa terepa, Shadreki, Misheki na Abidinego, kuti mumdzatumikira lini milungu yangu ayai kunamata chilinganiro cha oro ndicho ine ndachikhazikisachi?¹⁵Tsapano penu mwakonzekera--mungabva kulira kwa nyanga, mafuluti, nkhotcho, asansi, azeze, na miluli, na bzimbo bza moda wense--kugwa pansi mkunamata chilinganiro ndicho ndaikha, bzense bzimdzakhala bwino. Soma penu muninamata lini, kamkulumize mumdzathusiwa pakati pa ng'anjo ya moto wakugaka. Mbani mulungu angakwanise kukupulumusani imwepo mmanja mwangu.¹⁶Shadreki, Misheki, na Abidinego adatawira mfumuyo, ''Nebukadinezara, timfunika lini kuti tikutawireni pa nkhani yoyi. ¹⁷Punu pana mtawiro, ni Mulungu omwe ife timbamtumikira omwe angakwanise kutikhotcherera ku ng'anjo ya moto wakugaka, achidzatipulumusa ifepano mmanja mwanu, mfumu. ¹⁸Soma angasaya kutenepo, lekani mudziwe, mfumu, kuti ife timdzatumikira lini milungu yanu, apo timdzatumikira lini chilinganiro cha oro mwakhazikisacho.'¹⁹Ndiye Nebukadinezara adadzaziwa na ukali; maonekedwe ya pa nkhope pache yadachinja pa Shadreki, Misheki, na Abidinego. Adatonga kuti ng'anjo iyeseriwe kupsa kanomwe kuposa ndimo ikhapsera nsiku zense. ²⁰Kinangoko iye adatonga wanthu wina wa mphamvu maninge mu thimu lache kumanga Shadreki, Misheki, na Abidinego mkuwathusa mng'anjo ya moto wakugaka.²¹Iwo adamangiwa ali chibvalire mikanjo yawo, nsapato, nguwo zakumpsinkha kumsolo, na bzakubvala bzinango, achitusiwa pakati nakati pa ng'anjo ya moto wakugaka. ²²Thangwe chitongi cha mfumu chidateweziwa kwene kwene apo ng'anjo idalemwerera kupsa kwakunyanya, malambi ya moto yadapha wanthu ndiwo adaphata Shadreki, Misheki, na Abidinego. ²³Amuna atatuwa, Shadreki, Misheki, na Abidenego, adagwera pakati nakati pa ng'anjo ya moto wakugaka ali wakumangiwa.²⁴Ndiye Nebukadinezara mfumyo akhali wakudabwisika achiima kamkulumize. Iye adabvunza wakumuyeruza wache, ''Kodi tiribe kuwathusa wakumangiwa wanthuwa?'' Iwo adatawira mfumuyo, ''Chadidi, mfumu.'' ²⁵Iyo idati, ''Soma ndikuona wanthu anayi omwe alibe kumangiwa akufambafamba kuzungulira zungulira mkati mwa moto, apo alibe kudzonongeka. Kayetimidwe ka wachinayiyo kukulingana na mwana wa milungu.''²⁶Ndiye Nebukadinezara adafendera pafupi na msuwo wa ng'anjo ya moto wakugakayo achikuwa, ''Shadreki, Misheki, na Abidinego, atumiki wa Mulungu Mkulu wa Mdzauluyo, bulani panja! Bwerani kuno!'' Ndiye Shadreki, Misheki, na Abidinego adabula panja kuchoka pakati nakati ya moto. ²⁷Wakunyan'ganira mphimpha zikulu, mphimpha zing'ono, na wakunyang'anira winango, na wakuyeruza mfumu omwe akhadagwezekana pabodzi adaona amunawa. Moto ulibe kudzononga matupi yawo; tsisi la mu msolo mwawo liribe kubvuka; mikanjo yawo iribe kudzonongeka; apo pakhalibe neye nkhwema la moto pa iwo.²⁸Nebukadinezara adati, ''Mbatiye tilemekeze Mulungu wa Shadreki, Misheki na Abidinego, omwe watumiza mtumi wache kudzapulumusa atumiki wache wakumkhulupirira iye, achilamba chakutonga mfumu, mkupereka matupi yawo kusiyana na kutumikira ayai kunamata mulungu wina kupambula Mulungu wawo.²⁹Mthangwerache ndikuikha lamulo kuti munthu aliyense, dzinza, ayai chiseweredwe wakusewera chakuipa kuna Mulungu wa Shadreki, Misheki, na Abidinego agwatiwe nthindi nthindi, na kuti nyumba zawo zisandusiwe mathukuta yakutayira licho thangwe palibe mulungu wina omwe angapulumuse ninga tenepayu.'' ³⁰Ndiye mfumuyo idachitisa Shadreki, Misheki, na Abidinego kukula mphimpha ya Babulo.

4¹Mfumu Nebukadinezara adatumiza mtumi umweyu kuna wanthu wensene, madzinza, bziseweredwe bzakukhala pa dziko lapansi: Mtendere wanu mbauthimizirike. ²Bzandikomera kukuuzani bza bzilatizo na bzakudabwisa ndibzo Mkulukulu wa Mdzauluyo Mulungu wandichitira. ³Bzilatizo bzache bzikulirenyi, na bzakudabwisa bzache mpsa mphamvu! Ufumu bwache m'bwakusaya kumala, na kutonga kwache ku mibwado na mibwado.''⁴Nebuakdinezara, akhakhala mwakudekedwa mnyumba mwache, apo inembo ndikhajombwera na vida myumba yangu yachifumu. ⁵Soma atulo ndiwo ndikhanawo adandichitisa mantha. Pomwe ndidagona mwemo, bzibvulibvuli ndibzo ndidaona na masomphenya mu mtima mwangu bzidandiboneresa. ⁶Ndiye ndidatuma mtumi kundibweresera wanthu wense wa nzeru wa mu Babulo pala kuti akwanise kundithumbudzulira atulo pamaso pangu.⁷Ndiye adabwera wamatsenga, wale akhambati ambasewera na wanthu wakufa, wanthu wakupfunza, na wakubvimira nyengo. Ndidawauza atulowo, soma alibe kukwanisa kundidziwisa kuthumbudzula kwache. ⁸Soma pakumaliza pache Daniele adabwera---omwe ambamchemera Belitsazara kuteweza dzina la mulungu wangu, na omwe mwa iye muna mzimu wa milungu yakuchena--apo ndidamuuza atulowo. ⁹Belitsazara, mfumu ya wamatsenga, ndikudziwa kuti mzimu wa milungu yakuchena uli mwa iwe na kuti palibe chinsinsi chimkunesa iwepo. Ndiuze maonekedwe ya atulo wangu na kuthumbudzula kwache.¹⁰Ibzi ndibzo ndidaona mu mtima mwangu pomwe ndikhagona pakama wangu: ndidanyang'anisa, apo pakhana muti pakati pa dziko lapansi, apo kutalika kwache kukhali kukulutsa. ¹¹Mutiyo udakula uchikhala wa mphamvu. Nsonga yache idakhuya kudzaulu, apo ukhaonekera kumalekezero ya dziko lense lapansi. ¹²Masamba yache yakhali yakudeka, bzipaso bzache bzikhali bzakuwanda, apo mwemo mukhana chakudya cha wense. Nyama zakuthengo zikhapsinga mthunzi pansi pache, na mbalame zakudzaulu zikhakhala mmitawi yache. Bzinthu bzense bza moyo bzikhadya mwemo.¹³Ndidaona mu mmaso mphenya mwangu pomwe ndidagona pakama wanguyo, apo mtumi, wakuchena udabuluka kuchoka kudzaulu. ¹⁴Iye adakuwa achiti, 'Gwesa mutiyo usadze mitawi yache, upulule masamba yache, na kumwaza bzipaso bzache. Leka nyama zithawe patsinde pachepo na mabalame zimbuluke mmitawi yache.¹⁵Siya chitchichi cha mizi yache mmataka, manga na mkombero wachitsulo na mkuwa, pakati nakati ya uswa butete bwa mthengo. Buleke butote na mame yakuchoka kudzaulu. Uleke ukhale na nyama pakati pa bzakumera bza mmataka. ¹⁶Leka mtima wa iye uchinje nampodi ukhale mtima wa munthu, apo leka iye apasiwe mtima wa nyama kufikizana magole manomwe yapite.¹⁷Chigazanochi adachitonga wamitumi, chiganizo chakukonzewa na wakuchena, pala kuti wale wa moyo adziwe kuti Mkulu wa Mdzauluyo atonge maufumu ya wanthu achiyapa aliyense amfunayo kuyaikha pa iwo, neye kuna wanthu wakubzichepsa chaiwowo.' ¹⁸Ine, Mfumu Nebukadinezara, ndikhala atulo amwewa. Tsapano iwe, Belitsazara, ndiuze kuthumbudzula kwache, thangwe palibe wanthu wanzeruwa mu ufumu bwangubu angakwanise kundithumbudzulira. Soma iwe umkwanisa kuchita tenepo, thangwe mzimu wa milungu yakuchena uli mwa iwe.''¹⁹Ndiye Daniele, omwe akhachemerewa pomwe Belitsazara, adadabwa kwenekwene pa nthawe yakumuuzayi, apo kukumbuka kwache kudamtsautsa. Mfumuyo idati, ''Belitsazara, nampodi kubvuma atulo ayai kuthumbudzulakwache kukukalipse.'' Belitsazara adatawira, ''Mbuyangu, atulowa angadakhala wa wanthu wakukuwengani; kuthumbudzula kwache kukhale kuna iwo wakukuwengani.²⁰Muti mudaonayo--omwe udakula uchikhala wa mphamvu, apo nsonga yache mkukhuya kudzaulu, yomwe ikhaonekera dziko lense lapansi-- ²¹omwe masamba yache yakhali yakudeka, na bzipaso bzache bzakuwanda, mwakuti bzikhali chakudya cha wense, apo patsinde pache nyama zamthengo mkuona mthunzi wakupsinga, na omwe mbalame za mdzaulu zikhakhala--- ²²mutiyu ndimwepo, mfumu, imwe omwe mwakula mphamvu. Kukula kwanu kwakuladi mkufika kudzaulu, na kutonga kwanu kwafika kumalekezero kwa dziko lense lapansi.²³Imwe, mfumu, mudaona mtumi, wakuchena kubuluka pansi kuchoka kudzaulu mkulewa, 'Gwesani mutiyo muudzononge, soma siyani chitchichi na mizi yache mmataka, mangani na mkombero wachitsulo na mkuwa, pakati nakati ya uswa butete bwakuthengo. Ulekeni utote na mame yakudzaulu. Ulekeni ukhale na nyama zakuthengo kufikizana magole manomwe yapite.²⁴Uku mkuthumbudzula kwache, mfumu. Mchilamulo cha Mkulu wa Mdzauluyo ndicho chakufikirani imwe, mbuyangu mfumu. ²⁵Mumdzathothewa pakati pa wanthu, muchidzakhala na nyama mthengo. Mumdzadya uswa ninga ng'ombe, muchidzatota na mame yakuchoka kudzaulu, apo magole manomwe yamdzapita kufikizana mutazindikira kuti Mkulu wa Mdzauluyo akutongadi maufumu ya wanthu nakuti ambayapa kuna aliyense amfunayo.²⁶Ninga kudatongewa kusiya chitchichi cha mizi ya mutiyo, mu njira yoyi ufumu bwanu bumdzabwezeresiwa kuna imwe kuchoka pa nthawe ndiyo muti mudzazindikire kuti kudzaulu kukutonga. ²⁷Mthangwerache, mfumu, lekani langizo languli likudekereni. Lekani kuphonya mkuchita bzakulungama. Bwererani ku bzakuipa bzanu pakuonesa chifundo kuna wakutsautsika, apo nthawe ya mtendere wanu imdzatalimpha.''²⁸Bzinthu bzensebzi bzidachitika kuna Mfumu Nebukadinezara. ²⁹Miyezi khumi na miwiri itapita iyo ikhafamba pansodzi pa nyumba ya banja lachifumu m'Babulo, ³⁰apo idati, ''Kodi uyu ni Babulo lini mkulu, ndiye ndammanga pala kukhala banja lachifumu, na mphamvu yangu na ulemerero bwa ufumu bwangu?''³¹Mafala yakali pa milomo ya mfumuyo, mafala yadabwera kuchoka kudzaulu: ''Mfumu Nebukadinezara, bzalengeziwa kuna imwe kuti ufumubu bzachosewa kuna imwe. ³²Mumdzathothewa pakati pa wanthu, apo muyi wanu umdzakhala na nyama mthengo. Mumdzadya uswa ninga ng'ombe. Magole manomwe yamdzapita kufikizana mudzazindikire kuti Mkulu wa Mdzauluyo akutongadi maufumu yense ya wanthu apo ambayapa kuna aliyense amfunayo.''³³Lamuloli lakugazana na Nebukadinezara lidachitika kamkulumize. Iye adathothewa pakati pa wanthu. Adadya uswa ninga ng'ombe, apo thupi lache lidatota na mame yakudzaulu. Tsisi lache lidatalika ninga matenga ya chiomba nkhanga, na ntchala zache zidakhala inga ntchala za mbalame.³⁴Mkumala kwa masiku Ine, Nebukadinezara, ndidakwiza maso yangu kudzaulu, apo nzeru zangu zidandibwerera. ''Ndidalemekeza Mkulu wa Mdzauluyo, apo ndidalemekeza na kumchitira ulemu iye wakukhala kwa muyaya. Thangwe kutonga kwache mkutonga kwakusaya kumala, apo ufumu bwache m'bwakukhalisa ku mibwado na mibwado yense.³⁵Wanthu wense wakukhala pa dziko lapansi ambatengewa kuti mchinthu lini kuna iye; iye ambachita pakati pa mathimu yakudzaulu na yakukhala wa dziko lapansi mwakuthemera chifuniro chache. Palibe angalewe kuna iye, 'Thangweranyi mwachita ichi?'''³⁶Pa nthawe ibodzibodziyo nzeru zangu zidabwerera kuna ine, ufumu bwangu na kuyetima kwangu kudandibwerera thangwera ulemerero bwa ufumu bwangu. Wakundiyeruza wangu na akuluakulu adapsaga udidi bwangu. Ndidabweresewa ku kadera yangu yachifumu, apo neyembo ukulu bwakuwanda chaibo budaperekewa kuna ine. ³⁷Tsapano lino ine, Nebukadinezara, nimbalemekeza, kukwiza, na kulemekeza Mfumu yakudzaulu, thangwera bzakufuna bzache bzense mpsachadidi, na njira zache mzakulungama. Iye angachepse iwo wakufamba mkunyadira kwawo.

5¹Belitsazara mfumu adachita madyerero makulu ya chulu cha akuluakuliu wache, apo iye adamwa vinyu pamaso pa wanthu wense chuluwo. ²Pomwe Belisazarayo adalawidza vinyuyo, adalamula kuti abwerese bzakuikhira bzakukonzewa na oro ayai siriva ndibzo Nebukadinezara babache akhadabzichosa mkachisi wa ku Yerusalemu, kuti mfumu, akulu akulu wache, na akazache na akazache ang'ono amwere.³Akapolo adabweresa bzakuikhira bza oro ndibzo bzikhadachosewa kuchoka mkachisi, nyumba ya Mulungu, mu Yerusalemu. Mfumu, akuluakulu wache, na akazache na akazache ang'ono adamwera bzimwebzo. ⁴Iwo adamwa vinyu achilemekeza mafano yawo yakukonnzewa na oro na siriva, mkuwa, chitsulo, miti, na minyala.⁵Pa nthawe imweyo bzala bza boko la munthu bzidaonekera kutsogolo kwa bzakumanikira kandiyero bzichinemba pa nyumba ya mtoto mnyumba ya mfumu. Mfumu idakwanisa kuona mbali ya bokolo pomwe likhanemba. ⁶Ndiye nkhope ya mfumu idachinja apo bzakukumbuka bzache bzidampasa mantha; nkhongono zache zidagoboka, na mabondo yache yakhamenyana pabodzi.⁷Mfumu idakuwa kupereka chitongi kuna wale omwe akhabziti ambasewera na wanthu wakufa, wanthu wakupfunza, na wakubvimira nyengo. Mfumu idati kuna wanthu wa nzeru wa m'Babulo, ''Omwe angalewenge bzakunembabzi achikwanisa kundithumbudzulira amdzabvazikiwa nguwo ya chibakuwa na chibangiri cha oro mkhosi mwache. Iye amdzakhala na mphamvu za mkulu wachitatu mu ufumu.''⁸Ndiye wanthu wa nzeru wensene wa mfumu adapita mwemo, soma alibe kukwanisa kulewenga bzakunembabzo ayai kudziwisa mfumu kuthumbudzulira kwache. ⁹Ndiye Mfumu Belisazara idakalipa kwenekwene apo maonekedwe ya nkhope yache yadachinja. Akuluakulu wache adamala nzeru.¹⁰Tsapano mfumukazi idabwera mnyumba ya madyereromo thangwera ndibzo mfumu na akuluakulu wache adalewa. Mfumukaziyo idati, ''Mfumu, khalani moyo wamuyaya! Nampodi kubvuma kukumbuka kwanu kukubvuteni. Nampodi kuti nkhope yanu ichinje.¹¹Muna munthu mu ufumu bwanu omwe ana mzimu wa milungu yakuchena. Mnsiku za babanu, kutoya na kubvesesa na nzeru ninga nzeru za milungu bzikhagumanika mwa iye. Mfumu Nebukadinezara, babanu mfumu, adamuikah iye mkulu wa wamatsenga , kukhala pomwe mkulu wa wale ambabziti ambasewera na wanthu wakufa, wa wanthu wakupfunza, na wakubvimira nyengo. ¹²Mzimu wabwino, nzeru, kubvesesa, kuthumbudzula kwa atulo, kufokotoza nthanthi na kumalisa mabvuto-- bzakuthemera bzobzi bzikhagumanika mwa munthu umweyu Daniele, omwe mfumu Nebukadinezara adamchemera Belitsazara. Tsapano chemerani Daniele apo amdzakuuzani kuthumbudzulira.''¹³Ndiye Daniele adam'bweresa pamaso pa mfumu. Mfumu idati, ''Daniele ndiwepo, m'bodzi wakuphatiwa ukapolo wa Yuda, omwe babangu mfumu adamubulisa mu Yuda. ¹⁴Ndabva bza iwepo, kuti mzimu wa milungu uli mwa iwe, na kutoya na kubvesesa na nzeru zabwino ziri mwa iwepo.¹⁵Tsapano wanthu wa nzeru na wale akhambati ambasewera na wanthu wakufa akhadabweresewa mkatimo pamaso pangu kuti alewenge bzakunembewabzi na kundidziwisa kuthumbudzula kwache, soma alibe kukwanisa kundidziwisa kuthumbudzula kwa uthengabo. ¹⁶Ndabva kuti iwepo ungakwanise kuthumbudzula na kumalisa milandu. Tsapano penu ungakwanise kulewenga mkundidziwisa kuthumbudzula kwache, umdzabvazikiwa nguwo ya chibakuwa na kukhala na chibangiri cha oro mkosi mwako, uchidzakhala na mphamvu ya wachitatu wakutonga mu ufumu.''¹⁷Ndiye Daniele adatawira pamaso pa mfumu, ''Lekani mpfupo zanuzo zikhale zanu mwekha, na kupa mpfupo zanuzo kuna munthu wina. Soma, nimdzakulewengerani bzakunembabzi, mfumu, ndichikuuzani kuthumbudzula kwache. ¹⁸Mungakhala imwepo, mfumu, Mkulukulu wa Mdzauluyo adapa Nebukadinezara babanu ufumu, ukulu, ulemerero, na chifumu. ¹⁹Thangwera ukulu ndibo Mulungu adampasabo, wanthu wensene, madzinza, na bziseweredwe bzidatetemera bzichimgopa. Iye adapha omwe akhafuna kufa, achikoya na moyo omwe akhafuna kukhala na moyo. Iye adalamusa omwe iye akhawafuna, achichepsa wale omwe iye adafuna.²⁰Soma pomwe moyo wache udasanduka wakubzithusa na mzimu wache udauma mwakuti iye mkumbachita madumwa, adam'bulusa pa kadera yache yachifumu, iwo achimchosera ulemerero bwache. ²¹Iye adachosewa pa umunthu, akhana moyo wa nyama, achikhala na mbidzi. Iye akhadya uswa ninga ng'ombe. Thupi lache lidatota na mame yakudzaulu kufikizana iye adazindikira kuti Mkulukulu wa Mdzauluyo ambatonga maufumu ya wanthu na kuwayikhira aliyense iye amfunayo.²²Imwepo mwanachemwe, Belisazara, mulibe kuchepsa mtima wanu, napo kuti mudadziwa bzensebzi. ²³Mudabzikuza mwekha kugazana na Mbuya wakudzaulu. Kuchoka mnyumba yache iwo adakubwereserani bzakutengera ndibzo imwe, akuluakulu wanu, akazanu na akazanu ang'ono adamwera mwemo vinyu, apo imwe mudalemekeza mafano yakukonzewa na siriva na oro, mkuwa, bzitsulo, miti, na minyala--mafano ndiyo yambaona lini, kubva, ayai kudziwa chinthu chirichense. Mulibe kulemekeza Mulungu omwe ambaphata mphuye yanu mmanja mwache na omwe ambadziwa njira zanu zensene. ²⁴Ndiye Mulungu adatuma nsonga ya boko lache kuchoka pamaso pache apo kunemba uku kudanembiwa.²⁵Uku mkunemba ndiko kudachitika; 'MENE, MENE, TEKEL, UFARSIN.' ²⁶Uku ndiko kuthumbudzula kwa uthengabo: 'MENE,' 'Mulungu walewenga ufumu bwanu mkubumalisa.' ²⁷'TEKEL,' 'mwapimiwa pa mphimo yakulemera muchigumanika wakuperewera.' ²⁸PERES,' ufumu bwanu bwagawanika buchiperekiwa kuna Amedi na Aperisi.'''²⁹Ndiye Bilisazara adapereka lamulo, apo iwo adabvazika Daniele nguwo yachibakuwa. Chibangiri cha oro chidaikhiwa mkhosi mwache, apo mfumu idalalikira bza iye kuti iye amdzakhala na mphamvu za mtongi wachitatu mu ufumubo. ³⁰Usiku bumwebo Belisazara, mfumu ya ku Babulo, idaphiwa, ³¹apo Dariyo Mmedi adatambira ufumu pomwe akhana magole pafupifupi makumi matanthatu na mawiri yakubadwa.

6¹Bzidamkomera Dariyo kuikha mu ufumubo dzana na makumi mawiri akazembe wa mphimpha kuti atonge ufumu bwensebo. ²Kukulambo kuposa iwo akhali akuluakulu atatu wakunyang'anira mabasa, apo Daniele akhali m'bodzi wa iwo. Akuluakulu wakunyang'anirawa adaikhiwa kuti ambazondere mabasa ya akazembe wa mphimphazo, kuti bza mfumu nampodi bzisayike. ³Daniele akhali wakupambuka kuposa wakunyang'anira anzachewo na akazembe wa mphimphazo thangwera iye akhana mzimu wakupambana.⁴Ndiye akulu wakunyang'anira mabasawo na akazembe wa mphimphazo akhanyang'anisisa bzakuphonyesa m'basa ndilo Daniele akhachita ku ufumubo, soma alibe kuona chinyengo ayai bzakutazira m'basa lache thangwera iye akhali wakukhulupirika. Palibe bzakuphonyesa ayai kutazira basa kudagumanika mwa iye. ⁵Ndiye amuna amwewa adati, ''Tikugumana lini thangwe lirilense lakudandaulisa kugazana na Daniele pokhapokha tichite kugumana chinthu chakugazana naye kukhudzana na chilamulo cha Mulungu wache.''⁶Wakunyang'anira mabasa na akazembewa adabweresa nzeru pamaso pa mfumu. Iwo adati kuna iyo, ''Mfumu Dariyo, mukhale na moyo chikhalire! ⁷Wakunyang'anira mabasa wense wa mu ufumubo, akazembe wa mphimpha, na akazembe wa mphimpha zikulu, alangizi, na akazembe adagumana pabodzi apo akumbuka kuti, mfumu, mupereke lamulo la chilambizo chakukhuma, kuti aliyense omwe amkumbira kuna mulungu wina aliyense ayai kuna munthu kwa nsiku makumi matatu, kupambula imwepo, mfumu, munthu umweyo athusiwe m'dindi la mphondolo.⁸Tsapano, mfumu, ikhani chilambizo na kunemba lamulo lakuti nampodi lichinje, kuteweza malamulo ya Amedi na Aperesi, yomwe yambachinja lini.'' ⁹Ndiye mfumu idakhazikisadi lamulo, chilambizo.¹⁰Pomwe Daniele adabva kuti chitsamba chasinariwi kukhala lamulo, adayenda mnyuba mwache (tsapano mazenera yache yakhadafungula msubi yache ya mdzaulu kunyang'anisa ku Yerusalemu), achigodama na mabondo yache, ninga akhachitira katatu pa nsiku, achipemba na kupereka kutenda pamaso pa Mulungu, ninga akhadachitira pakutoma. ¹¹Ndiye amuna atatuwa omwe akhadakhazikisa nzeru pabodzi adamuona Daniele akukumbira na kupsaga udidi kuchoka kuna Mulungu.¹²Ndiye iwo adafenderera mfumu achisewera nayo bza chilambizocho: ''Kodi mulibe kukhazikisa chilambizo kuna aliyense kuti wakukumbira kuna mulungu wina zliyense ayai munthu mu nsiku makumi matatu, kupambula imwepo, mfumu, athusiwe m'dindi la mphondolo?'' Mfumu idatawira, ''Nkhaniyi yakhazikisiwa, kuteweza lamulo la Amedi na Aperesi; ingachinje lini.''¹³Ndiye iwo adaitawira mfumuyo, ''Munthu ule Daniele, omwe ni m'bodzi wa akaidi wa kuchoka ku Yuda, akubvera lini imwepo, mfumu, ayai ku chilambizo ndicho imwe mwaikha. Akupemba kuna Mulungu wache katatu pa nsiku.'' ¹⁴Pomwe mfumu idabva ibzi, idaipidwa maninge, ichikumbuka mu mtima mwache kuletsetsa Daniele ku chilamulochi. Iyo idaphata basa kufikizana kumira dzuwa kuyezerayezera kupulumusa Daniele.¹⁵Ndiye wanthu omwe adakonza chiwembuwa adagwezekana pabodzi na mfumu achiti kuna iyo, ''Dziwani, mfumu, kuti ni lamulo la Amedi na Aperesi, kuti palibe chilambizo ayai nemba ndilo mfumu yakhazikisa ndilo lingachinje.''¹⁶Ndiye mfumu idapereka lamulo, achibweresa iwo Daniele mwemo, achimuthusa m'dindi la mphondolo. Mfumu idati kuna Daniele, ''Mulungu wakoyo, omwe umbamtumikira kwakusaya kulekeza, mbaakupulumuse.''¹⁷Mwala udabweresewa pa msuwo pa dindi la mphondololo, apo mfumuyo idauyikha chilatizo cha iyo yokha na chilatizo cha akuluakulu wache kuti nampodi chinthu chichinje chakukhudza Daniele. ¹⁸Kinangoko mfumu idayenda ku nyumba yache yachifumu ichiyenda kukatsotsa kudya usiku. Palibe chitsangalazo ndicho chidabweresewa pamaso pa iyo, apo tulo tudaichokera.¹⁹Ndiye kutachena mfumu idalamuka apo kamkulumize idayenda ku dindi la mphondolo lire. ²⁰Pomwe idafendera ku dindilo, mfumu idachemera Daniere na mafala yaukali, kulewa kuna Daniele, ''Daniele, mtumiki wa Mulungu wa moyo, kodi Mulungu wako omwe umbamtumikira mwakusaya kulekezayo, wakwanisa kukupulumusa ku mphondolozo?''²¹Ndiye adati Daniele kuna mfumu, ''Mfumu, khalani na moyo chikhalire! ²²Mulungu wangu watumiza mtumi wache apo zjai wafunga milomo ya mphondolozi, apo ziribe neye kundidzononga. Thangwe ndagumanika wakusaya thangwe pamaso pache na pamaso panu kubodzi, mfumu, apo ndiribe kukuchitirani chakuipa ine.''²³Ndiye mfumu ikali yakusekera maninge. Idapereka lamulo kuti iwo amtenge Daniele kumchosa kunja kwa dindilo. Ndiye Daniele adadzusiwa mdzaulu kumchosa m'dindi. Palibe kudzonongeka kudagumanika pa iye, thangwe akhadakhulupirira Mulungu wache.²⁴Mfumu idapereka lamulo, apo iwo adabweresa wanthu omwe akhadazenga mulandu Daniele achiwathusa m'dindi la mphondololo--iwo, wana wawo, na akazawo. Iwo akanati kufika pansi pa dindilo, mphondolozo zidawaposa mphamvu zichibodola mafupa yawo mmapidaso. ²⁵Ndiye Mfumu Dariyo idanembera wanthu wense, madzinza, na bziseweredwe bzakukhala mdziko lense lapansi: ''Mtendere uthimizirike pa imwe.²⁶Ndikutonga kuti madziko yensene ya mu ufumu bwangu wanthu atetemere na kugopa pamaso pa Mulungu wa Daniele, thangwe iye ni Mulungu wa moyo na wakukhalisa chikhalire, apo ufumu bwache mumdzadzonongeka lini, utongi bwache bumdzafika kuphampha. ²⁷Iye ambatitchenkha na kutipulumusa, apo ambachita bzilatizo na bzakudabwisa kudzaulu na mdziko lapansi; wapulumusa Daniele ku mphamvu za mphondolo.''²⁸Ndiye Daniele adapambana mnthawe yakutonga kwa Dariyo na nthawe yakutonga kwa Koresi wa ku Perisiya.

7¹Mgole lakutoma la mfumu Nebukadinezara mfumu ya ku Babulo, Daniele akhana atulo na masomphenya mu mtima mwache atagona pa kama wache. Ndiye adanemba ndibzo adaona kutulobzo. Iye adanemba bzakufunikira kwenekwene bzokhabzokha: ²Daniele adafokotoza, ''Mmaso mphenya yangu ndidaona kuti mphepo zinayi zakudzaulu zikhabvundula nyanza ikulu. ³Bzilombo bzinayi bzikulu bzikulu, chirichense chakusiyana na chinzache, bzidabula kuchoka mnyanzamo.⁴Chakutoma chikhali ninga mphondolo soma chikhana maphapidwe ya chiomba nkhanga. Pomwe ndikhanyang'anisa, maphapidwe yache yadang'ambika chichidzusika kuchoka pamataka mkuima na nzayo ziwiri. ninga munthu. Mtima wa munthu udapasiwa kuna icho. ⁵Kinangoko pakhana chilombo chachiwiri, ninga chimbalangondo, chitakotama; chikhana mbabvu zitatu pakati pa mano yache kukamwa. Chidauziwa, 'Lamuka upwetedze wanthu azinji.'⁶Bzitamanla ibzi ndidanyang'ana pomwe. Pakhana chilombo chinango, chomwe chikhaoneka ninga kambuku. Pamsana pache pakhana maphapidwe manayi ninga maphapidwe ya mbalame, apo chikhala misolo minayi. Chidapasiwa mphamvu yakutonga. ⁷Bzitamala ibzi ndidaona masomphenya ya usiku chilombo chachinayi, chakupasa mantha, chakugopsa, na cha mphamvu maninge. Chikhana mano makulu yachitsulo; chidapwetedza, kuswa mmapidaso, chichipondedza kunzayo chakusaliracho. Chikhali chakusiyana na bzilombo bzinzachebzo, apo chikhana nyanga khumi.⁸Pomwe ndikhalingirira nyangazo,ndidanyang'anisa ndichiona nyanga ina ikuphuka pakati pa izo, nyanga ing'ono. Zitatu mwa nyanga zakutoma zire zidazuliwa na mizi kubodzi. Ndidaona pa nyangayi maso ninga maso ya munthu na pakamwa pomwe pakhalewa mwakuthembeza bzinthu bzikulu.⁹Pomwe ndidanyang'anisa, makadera yachifumu yadaikhiwa m'buto, apo Nkhalamba ya Nsiku zakale idakhala pakaderapo. Bzakubvala bzache bzikhali bzichena ninga matalala, apo tsisi pa msolo pache likhali ninga ukuse buchena. Kadera yachifumu yacheyo ikhagaka malambi ya moto, apo magudumu yache moto wakugaka.¹⁰Mkulo wa moto udayerera kubula pamaso pache; wanthu wakusaya kulewengeka adamtumikira oye, apo chulu cha wanthu wakusaya kulewengeka chikhadaima pamaso pache. Wakutonga milandu akhali pakatipo, apo mabukhu yadafunguliwa.¹¹Ndidapitiriza kunyang'anisa thangwera kubveka kwa mafala yakubzithembeza yakusewerewa na nyanga. Ndidaonerera pomwe chilombo chidaphiwa, apo thupi lache lidadzonongeka, chichiperekiwa kukatenthiwa. ¹²Zingakhala nyama zina zinayi zakusalazo, mphamvu yakutonga idapsokonyoliwa, soma miyoyo yawo idatalikisiwa kwa kanthawe.¹³Mmasomphenya yanguyo usikubo, ndidaona wina ali ,mkubwera mmitambo yakudzaulu ninga mwana wa munthu; iye adabwera pana Nkhalamba ya Nsiku zakale pale ichionekera pamaso pa iyo. ¹⁴Mphamvu yakutonga na ulemerero na mphamvu za ufumu zidaperekiwa kuna iye kuti wanthu wensene, madzinza, na bziseweredwe bzimtumikire iye. Mphamvu yache yakutonga ni mphamvu yakusaya kumala yomwe imdzamala lini, apo ufumu bwache m'bomwe bumdzadzonongeka lini.¹⁵Ningakhala ine, Daniele, mzimu wangu udalasiwa mkati mwangu, apo masomphemya ndidaonayo mu mtima mwangu yadandiboneresa. ¹⁶Ndidafenderera m'bodzi wa iwo wakuima popo mkumubvunza kundionesere kuthumbudzulira kwa bzinthu bzobzi.¹⁷Bzilombo bzikulu bzikulubzi, bzinayi, ni mafumu manayi ndiyo yamdzayambika pa dziko lapansi. ¹⁸Soma wanthu wakuchena wa Mkulukulu wa Mdzauluyo amdzatambira ufumu, achidzakhala nabo ku nthawe za nthawe.''¹⁹Ndiye ndidafuna kudziwa bzizinji bza chilombo chachinayicho--chikhali chakusiyana na bzinangobzo na chakupasa mantha maninge na mano yache yachitsulo na ntchala za mkuwa; chidapwetedza, kuswa mmapidaso, chichipondedza chakusala na nzayo zache. ²⁰Ndidafuna kudziwa bza nyanga khumi pa msolo pache, na kanyanga kina ndiko kadaphuka, komwe nyanga zitatu zidagwa pansi patsogolo pache. Ndidafuna kudziwa bza nyanga ndiyo ikhana maso na bza pakamwa ndipo pakhasewera bzakuthembeza bzinthu bzikulu na ndicho chikhaoneka chikulu kuposa bzinzachebzo.²¹Pomwe ndidanyang'anisa, nyangayi idayambisa nkhondo kulimbana na wanthu wakuchena apo ikhawagonjesa iwo ²²kufikizana Nkhalamba ya Nsiku zakale ire idabwera, apo chilungamo chidaperekiwa kuna wanthu wakuchenawo wa Mkulukulu wa Mdzaulu. Kinangoko nthawe idakwana pomwe wanthu wakuchena adatenga ufumu kukhala bwawo bwawo.²³Ibzi ndibzo munthuyo adalewa, 'Chingakhala chilombo chachinayi, bumdzakhala ufumu bwachinayi pa dziko lapansi ndibo bumdzakhala bwakusiyana na maufumu yense. Bumdzapasula dziko lense lapansi, buchidzalipondedza buchidzalipsa mmapidaso. ²⁴Zingakhala nyanga khumi, mu ufumu bumwebu mafumu khumi yamdzaphuka, apo bwina bumdzagandukira iyo. Bumdzakhala bwakusiyana na maufumu ya mmambuyomo, buchidzaposa mphamvu mafumu matatuyo.²⁵Iye amdzasewera mafala yakugazana na Mkulukulu wa Mdzauluyo achidzaboneresa wanthu wakuchena mtima wa Mulungu Mkulukulu wa Mdzauluyo. Amdzayezera kuchinja misinda ya madyerero na bzakutonga. Bzinthu bzimwebzi bzimdzaperekiwa mmanja mwache kwa gole libodzi, magole mawiri, na meya ya gole. ²⁶Soma wakuzenga milandu amdzakhala ali mkati na basa lawo, achidzatenga mphamvu zache zaufumu mkuzimalisa na kuzikhudyula achizidzononga kuphampha kwache.²⁷Ufumu na utongi, na ukulu bwa maufumu ya pansi pa thambo lense, bzimdzaperekiwa kuna wanthu wakuchena mtima wa Mkulukulu wa Mdzauluyo. Ufumu bwache ni ufumu bwakusaya kumala, apo maufumu yina yensene yamdzatumikira na kumubvera iye.' ²⁸Apa ndiye pakumalira nkhani. Ningakhala ine, Daniele, kukumbuka kwangu kudandikalipisa apo nkhope yangu idachinja maonekedwe. Soma ndidakoya bzinthu bzobzi mwa ine ndekha mwene.''

8¹Mgole lachitatu la kutonga kwa Mfumu Bilisazara, ine, Daniele, masomphenya yadandionekera (yatamala ndiyo yadandionekera pakutoma). ²Ndidaona mmasomphenya, pomwe ndikhanyang'anisa, kuti ndikhali mu litsito la Susa mphimpha ya Elamu. Ndidaona mmasomphenya kuti ndikhali m'bali mwa Mkulo wakuchita kuchera wa Ulayi.³Ndidajiguma ndichiona pamaso pangu tonde wa bira wa nyanga ziwiri, ataima pambali pa mkuloyo. Nyanga ibodzi ikhali itali kuposa inzache, soma italiyo ikhafula mwakuchedwa kusiyana na ifupiyo ichiposiwa kutalimpha na inayo. ⁴Ndidaona tonde wa bira akusunthira kumaulo, kinangoko kumpoto, na kumwera; palibe nyama ina idakwanisa kuima pamaso pache. Palibe ina ya izo idakwanisa kupulumusa aliyense mmanja mwache. Idachita ndicho ikhafuna, ichisanduka ikulu.⁵Pomwe ndikhakumbuka bzobzi, ndidaona tonde wa mbuzi ali mkubwera kuchoka kumaulo, omwe adagwata na pamataka pa dziko lense lapansi, kuthamanga kamkulumize, neye kuoneka kukhuya pamataka. Mbuziyo ikhana nyanga ikulu pakati pa maso yache. ⁶Iyo idabwera pana tonde wa bira pale omwe akhana nyanga ziwiri--- ndidaona birayo ataima m'bali mwa mkulo ule--apo mbuziyo idathamangira birayo na ukali bwa mphamvu.⁷Ndidaona mbuziyo ikufendera pafupi na birayo. Ikhali yaukali kwenekwene na birayo, ichisuntha birayo ichikhobola nyanga zache ziwirizo. Bira akhalibe mphamvu kuimisana nayo. Mbuzi idamgwesera pansi ichimpondedza. Pakhalibe wina wakupulumsa birayo ku mphamvu zache. ⁸Kinangoka mbuziyo idakula maninge. Soma pomwe idakhala na mphamvu, nyanga ikuluyo idakhoboka, nkhankha ya iyo nyanga zina zinayi zikulu zikulu zidaphuka zomwe zidatosa ku mphepo zinayi zakudzaulu.⁹Kuchoka mwa izo mudaphuka nyanga ina, ing'ono pakutomapa, soma idakula mwakulemwa msinkhu kunyang'anisa kumwera, kunyang'anisa kumachibese, na kunyang'anisa Mdziko Lakudeka. ¹⁰Idasanduka ikulu ninga kufuna kuchita nkhondo na wankhondo wakudzaulu. Wina wa anyankhondowo na nyenyezi zinango zidathuziwa pa dziko lapansi, ichizipondedza.¹¹Idabzikuza yokha kukhala ikulu ninga mkulu wa anyankhondo. Idapsokonyola kuchoka kuna iye nsembe yakupserereza ya nsiku zense, apo mbuto yache yakupambulika idadzonongeka. ¹²Thangwera kupikisana, wankhondo amdzaperekiwa ku nyanga ya mbuzi, apo nsembe yakupsererezayo amdzailekeza. Nyanga imdzagwesa chikhulupiriro pansi, ichidzapambana mu bzakuchita bzache.¹³Ndiye ndidabva wakuchena mtima akusewera apo wakuchena mtima mwayacheyo akumtawira, ''Bzinthu bzobzi bzimdzamala nthawe itali tani, masomphenya ya nsembe yakupsererezayo, chakuphonya chakubweresa chidzonongeko, kuperekiwa kwa mbuto yakupambulika, na thimu la anyankhondo wakudzaulu kupondedzewa?'' ¹⁴Iye adati kuna ine, ''Bzimdzamala maulo na machibese bzulu bziwiri na madzana matatu. Salipo mbuto yakupambulika imdzabwezeresiwa.''¹⁵Pomwe ine, Daniele, ndidaona masomphenyayo, ndidayezera kuyabvesesa. Ndiye kudaima kutsogolo kwangu wina wakuoneka ninga munthu. ¹⁶Ndidabva mafala ya munthu kuchemera pakati pa m'bali mwa Mkulo wa Ulai. Iye adati, ''Gabirieli, mthandize munthuyu kubvesesa masomphenyaya.'' ¹⁷Ndiye iye adafendera pafupi ndikhadaimapo. Pomwe iye adabwera, ndidabva mantha ndichigwesa nkhope yangu. Soma iye adati kuna ine, ''Bvesesa, mwana wa munthuwe, kuti masomphenyaya nga kunthawe yakumaliza.''¹⁸Pomwe iye adasewera nande, ndidagona tulo twakufa nato chafufumimba. kinangoko adandiphata achindiimisa. ¹⁹Iye adati, ''Ona, nimkudziwisa ndibzo bzimdzachitika pachimaliziro mthawe ya chilango, thangwe masomphenyaya yakukhudza nthawe yakuikhika yakuphampha.²⁰Angakhala tonde wa bira udaonayo, omwe akhana nyanga ziwiri--- ni mafumu ya Amedi na Aperesi. ²¹Mbuzi imuna ni mfumu ya Helene. Nyanga ikulu pakati pa maso yache ni mfumu yakutoma.²²Ingakhala nyanga ndiyo idakhoboka, ndiyo nkhankha yache zinayi zidaphuka---maufumu manayi yamdzaphuka kuchoka mdzinza lache, soma sikuti na mphamvu yache ikulu. ²³Ndiye pakumaliza pache pa maufumu yamweyo, pomwe wakutsautsa afika pa chimache, mfumu ya nkhope yaukali, ya nzeru maninge, imdzaphuka.²⁴Mphamvu zache zimdzakhala zikulu---soma sikuti mphamvu zache zache. Imdzakhala yakudabwisa madzonongedwe yache; imdzachita ichidzakuzika. Imdzadzononga mphamvu za inangoyo na wanthu wakuchena mtima. ²⁵Mwa kuchenjera kwache imdzachitita chinjengo chakupindulisa mmanja mwache. Imdzakhala ikulu mu mtima mwache mwa iyo yokha. Imdzadzononga wanthu azinji mwakusaya kudikhirira. Imdzagandukira pomwe Mfumu ya mafumu, ichidzakhobolewa , soma sikuti na manja ya munthu.²⁶Masomphenya ya maulo na machibese ndiyo yalewedwayo mchadidi. Soma ubise masomphenyayo, thangwe yamdzachitika patapita nsiku zizinji mtsogolo.''²⁷Ndiye ine, Daniele, ndidakomoka ndichilefuka kwa nsiku zizinji. Kinangoko ndidalamuka, ndichichita basa la mfumu. Soma ndidadabwa nayo masomphenyayo, apo pakhalibe wina wakuyazindikirisa.

9¹Mgole lakutoma la Dariyo mwana wachimuna wa Ahaswero ---wa mbewu ya Amedi, omwe adamulonga ufumu bwa Akasidi-- ²mgole lekutoma la kutonga kwa Dariyo, ine, Daniele, ndikhalewenga mabukhu ya mafala ya Mulungu, mafala ndiyo yakhadabwera kuna Yeremiya mneneri. Ndidaona kuti pamdzakhala magole makumi manomwe kuti mapasuko ya Yerusalemu yadzamale.³Ndidacheuka nkhope yangu kuna Mbuya Mulungu, kumupsaga na pembo na makumbiro ya kubzichepsa, na kutsotsa kudya, kubvala chiguduli, na kukhala padotha. ⁴Ndidapemba kuna Yahova Mulungu wangu, ndichitawiriza bzakuphonya bzathu. ndidati, ''Ndikukumbira imwe, Mbuya--ndimwe Mulungu mkulu na wakugopsa--ndimwe omwe mumbakoya mapangano apo ndimwe wakukhulupirika kukonda omwe ambakukondani na wakukoya bzakutonga bzanu.⁵Taphonya na kuchita bzakuipa. Tachita mwakuipa na kupikisana, kuphinduka ku bzakutonga bzanu na mayeruzo. ⁶Tiribe kutetekera kuna atumiki wanu aneneri omwe adasewera mdzina lanu kuna mafumu yathu, akuluakulu wathu, abereki wathu, na kuna wanthu wensene wa mdziko.⁷Kuna imwe, Mbuya, kwagona chilungamo. kuna ife lero, soma, ni manyazi pa nkhope zathu-- kuna wanthu wa Yuda na wakukhala mu Yerusalemu, na kuna Aisaraeli wense. Uku mkuphatanidza iwo wapafupi na wakutali mmadziko yensene komwe mudawabalalisira. Ili ni thangwera bzakuchita bzakusaya kulungama ndibzo ife tidakuchitirani. ⁸Kuna ife, Yahova, mmanyazi tinayo pa nkhope zathu--kuna mafumu yathu, akuluakulu wathu, na abereki wathu--thangwe takuphonyerani.⁹Kuna Mbuya Mulungu wathu kwagona nsisi na kulekerera, thangwe ife tapikisana naye. ¹⁰Tiribe kubvera mafala ya Yahova Mulungu wathu pa kufamba mu bzakutonga bzache ndibzo iye adatipa kudzera mwa atumiki wache aneneri. ¹¹Aisaraeli wense aphonyera chilamulo chanu achipambuka kumbali, kulamba kubvera mafala yanu. Themberero na chilumbiriro bzakunembiwa mchitongi cha Mose, mtumiki wa Mulungu, bzatsanuliwa pa ife, thangwe tamuphonyera.¹²Yahova watsimikiza mafala ndiyo adasewera kugazana nafe na atongi wathu, pakutibweresera muliri ukulu. Thangwe pansi pa thambo lensene pakhanati kuchitika kale chinthu chirichense chakuyezezera na nzibzo bzidachitika mu Yerusalemu. ¹³Ninga bzidanembiwa mchitongi cha Mose, muliri wenseneyu wabwera pa ife, chensecho tiribe kukumbira nsisi kuchoka kuna Yahova Mulungu wathu pa kulekeza bzakuipa bzathu tichitetekera ku chadidi chanu. ¹⁴Mthangwerache Yahova wakoya muliri wakukonzekera kuubweresa pa ife, thangwe Yahova Mulungu wathu ngwachilungamo mu bzakuchita bzensene iye ambabzichita, soma tiribe kubvera mafala yache.¹⁵Tsapano, Mbuya Mulungu wathu, mudabulisa wanthu wanu mu Aigupto na boko lamphamvu, muchibvekesa dzina lanu mwekha, ninga kwa lero lino. Soma tidaphonya basi; tachita bzinthu bzakuipa. ¹⁶Mbuya, thangwera bzichito bzanu bzakulungama, lekani ukali bwanu na chilango bzichungunukire kumbali kwa mzinda wanu Yerusalemu, phiri lanu lakuchena. Thangwera bzakuphonya bzathu, na thangwera bzakuipa bza abereki wathu, Yerusalemu na wanthu wanu asanduka chinthu chakutonzera kuna wense omwe atizungulira.¹⁷Tsapano, Mulungu wathu, tetekerani pembo la kapolo wanu na bzakukumbira bzache bzakubzichepsa; thangwera imwe, Mbuya, walisani nkhope yanu pa mbuto yanu yakupambulika yomwe yapasuka. ¹⁸Mulungu wangu, tcherani makutu yanu mutetekere; fungulani maso yanu muone. Tapasuka; nyang'anisani mzinda wathu omwe udasanduliwa dzina lanu. Tikubweresa lini makumbiro yathu yakubzichepsa kuna imwe thangwera chilungamo chathu neye, soma thangwera chifundo chanu chikulu. ¹⁹Mbuya, tetekerani! Mbuya, lekererani! Mbuya, tetekerani na kuchita chinthu chinango! Thangwera imwe, nampodi kuchedwa, Mulungu wangu, thangwe mzinda wanu na wanthu ambachemeriwa dzina lanu.''²⁰Pomwe ine ndikhasewera---kupemba na kutawiriza chakuphonya changu na chakuphonya cha wanthu wangu Aisaraeli, na kupereka chikumbiro changu chakubzichepsa pamaso pa Yahova Mulungu wangu mmalo mwa phiri lakuchena la Mulungu-- ²¹pomwe ndikhali mkati mwakupemba, mwamuna Gabrieli, omwe ndikhadamuona mmasomphenya pakutoma, adambutha pa ine mkumbutha kwa kamangumangu, pa nthawe ya nsembe ya maulo.²²Iye adandipa ine kubvesesa achiti kuna ine, ''Daniele, ndabwera tsapano kudzakupa kuzindikira na kubvesesa. ²³Pomwe udayamba kupereka makumbiro yako yakubzichepesayo, lamulo lidaperekiwa apo ndabwera kudzakuuza kutawira kwache, thangwe ndiwe wa muti wapatali. Mthangwerache tenga mafalaya na kubvesesa kuzimbulira.²⁴Sumana makumi manomwe zaikhiwira wanthu wako na mzinda wako wakuchena kumalisa bzakuphonya, kubwezera kuipa, kubweresa chilungamo chakusaya kumala, kuchita masomphenya na uneneri, na kudzoza mbuto yakupambulikisisa. ²⁵Dziwa na kubvesesa kuti kuchoka pakupereka lamulo pale kubwezeresa na kumanga pomwe Yerusalemu kufika pakubwera kwa wakudzozewayo (omwe amdzakhala mtsogoleri), pamdzakhala sumana zinomwe na sumana makumi matanthatu na ziwiri. Yerusalemu amdzamangiwa pomwe na misewu na chemba, napo mpa nthawe yamatsautso.²⁶Sumana makumi matanthatu na ziwiri, wakudzozewayo amdzadzonongewa apo amdzakhala lini chinthu. Wankhondo wa mtsogoleri wakubwerayo amdzadzononga mzindayo na mbuto yakuchena. Kumala kwache kumdzabwera na kukhaphwikira kwa madzi, pachidzakhala nkhondo ichifika kuphampha chaiko. Chipasuko chanembedweratu..²⁷Iye amdzatsimikizira mpangano na azinji kwa sumana ibodzi. Pakatikati pa sumana iye amdzamalisa chakupereka chakuphera na nsembe yaufa. Pa nthawe ya bzakuipayo pamdzabwera wina wakudzachita chipasuko kufikizana chidzonongeko

10¹Gole lachitau la Koresi mfumu ya Perisiya, uthenga budazimbulikira Daniele, omwe dzina lache akhachemerewa Belitsazara. Uthengabu bukhali bwachadidi. Bukhali bwa mpokano ukulu. Daniele adabvesesa uthengabo pomwe iye adaona achizindikira masomphenyayo.²Mu nsiku zimwezo ine, Daniele, ndikhali mkulira kwa sumana zitatu. ³Ndilibe kudya chakudya chakufunikira, ndiribe kudya nyama, neye kumwa vinyu, apo ndiribe kubzipsingisira ndekha na mafuta kufikizana kumaliza sumana zitatu zamterozo.⁴Pa nsiku yachimakumi mawiri na chinayi ya mwezi wakutoma, pomwe ndikhali m'bali mwa mkulo ukulu (ndiwo, Hidikeli), ⁵ndidajiguma ndichiona mwamuna wakubvala nguwo za bafuta, na bande kuzungulira mchiuno mwache wakukonzewa na golide chaiye waku Ufazi. ⁶Thupi lache likhali ninga berulo, apo nkhope yache ikhali ninga mpheni. Maso yache yakhali ninga kandiyero zakugaka, apo manja yache na nzayo zache zikhali ninga mkuwa wakuyetima. Kubveka kwa mafala yache kukhali ninga mafala ya thimu lizinji.⁷Ine, Daniele, ndekhane ndiye ndidaona masomphenyayo, thangwe wanthu ndiwo ndikhanawo alibe kuona nawo masomphenyayo. Soma, mantha makulu yadawaphata, apo adathawa kukabisalika okha. ⁸Ndiye ndidasala ndekhandekha ndichiona masomphenya makuluyo. Palibe mphamvu zidasala mwa ine; maonekedwe yangu yakuyetima yadasanduka maonekedwe yakusukwa, apo palibe mphamvu zidasala mwa ine. ⁹Ndiye ndidabva mafala yache-- apo pomwe ndikhayabva, ndidagwa chafufumimba mtulo twakufa nato na nkhope yangu kukhuya pansi.¹⁰Boko lidandiphata, lichinditetemeresa mmabondo mwangu na bzithatha bza manja yangu. ¹¹Mnjeroyo adati kuna ine, ''Daniele, munthu wa muti wapati, bvesesa mafala ndiyo ndikusewera kuna iwe. Ima dzololo, thangwe ndatumiwa kuna iwepo.'' Iye atasewera uthengabu kuna ine, ndidayima mwakutetemera.¹²Ndiye iye adti kuna ine, ''Leka mantha, Daniele. Kuchoka pa nsiku yakutoma udayikha mtima wako pakubvesesa na kubzichepsa wekha pamaso pa wanthu, mafala yako yadabveka, ndiye ndabwera thangwera mafala yako. ¹³Mkulu wa ufumu bwa Perisiya adanditsekerezera njira, apo ndidakoyewa popo na mfumu ya ku Perisiya kwa nsiku makumi mawiri na ibodzi. Soma Mikaeli m'bodzi wa akulu wakubvekera, adabwera kudzandithandiza.¹⁴Tsapano ndabwera kudzakuthandiza iwepo kubvesesa ndibzo bzimdzachitika kuna wanthu wako mu nsiku zakumaliza. Thangwe masomphenyaya nga nsiku ziri mkudza.'' ¹⁵Pomwe iye akhasewera kuna ine kuphatisa basa mafalaya, ndidacheuka nkhope yangu kumbali apo ndikhakwanisa lini kusewera.¹⁶M'bodzi omwe akhali ninga wana wachimuna wa munthu adandiphata milomo yangu, apo ndidayachamula pakamwa pangu mkusewera naye omwe akhadaima pamaso panguyo: ''Mbuyangu, ndiri mu ululu thangwera masomphenyaya; ndiribe kusala na mphamvu. ¹⁷Ndine kapolo wanu. Ningasewere tani na mbuyangu? Nakuti pano zjai ndiribe mphamvu, apo palibe mphuye yasalira mwa ine.''¹⁸Bwereze iye wamaonekedwe ya munthuyo adandiphata achindilimbikisa ine. ¹⁹Adati, ''Leka mantha, munthu wa muti wapatali. Mtendere mbaukhale pa iwe! Khala wa mphamvu tsapano, khala na mphamvu!'' Pomwe iye akhasewerapo kuna ine, ndidalimbikisika. Ndidati, ''Lekani, mbuyangu musewere, thangwe zjai mwandilimbikisa.²⁰Iye adati, ''Kodi ukudziwa thangweranyi ndabwera kuna iwe? Tsampanopa nim'bwerera kukamenyana na mfumu ya ku Perisiya. Ningayenda, mfumu ya ku Helene inibwera. ²¹Soma nimdakuuza ndibzo bzidanembiwa M'bukhu la Chadidi. Palibe wina wakubzionesera yekha kukhala wamphamvu pa ine kulimbana nawo, kupambula Mikaeli mfumu yanu.

11¹Mgole lakutoma la Dariyo wa ku Medi, ine ndidabwera ndekha kudzathandiza na kudzateteza Mikaeli. ²Tsapano nimkuuzani chadidi. Mafumu matatu yamdzaphuka mu Perisiya, apo yachinayiyo imdzakhala yakudala kwenekwene kuposa ina yensenewo. Ingadzabzilimbisa yokha na vida yacheyo, imdzanyosa aliyense kugazana na ufumu bwa ku Helene.³Mfumu ya mphamvu imdzaphuka yomwe imdzatonga ufumu bukulu kwenekwene, ichidzachita malingana na bzakukhumba bzache. ⁴Ingadzaphuka, ufumu bwachebo bumdzapseka buchigawanika ku mphepo zinayi zakudzaulu., soma sikuti kupasa wa mbeu wache chaiwo, apo sikuti na utongi bwache akhanabo pomwe ikhatonga neye. Thangwe ufumu bwachebo bumdzazuliwa buchidzayenda kuna wanthu wa pezi sikuti wa mbeu yache.⁵Mfumu ya Kumwera imdzakhala ya mphamvu, soma m'bodzi wa akuluakulu wa nkhondo wache amdzakhala na mphamvu kuposa iyo achidzakhala na ulamuliro. Ulamuliro bwache bumdzakhala ulamuliro bukulu. ⁶Patamala magole yakuchepa, nthawe ingadzakwana, iwo amdzachita chiphatano. Mwana wachikazi wa mfumu ya Kumwera amdzabwera kuna mfumu ya Kumpoto kutsimikizira chibverano. Soma mkaziyo amdzaikoya lini mphamvu ya boko lache, ayai mwamunayo kudzaima, pinango boko lache. Mkaziyo amdzaperekiwa--iye na wale adamubweresawo, na babache wa mkaziyo, na omwe adamuthandiza iye nthawe imweyo.⁷Soma mtawi wakuchoka ku mizi ya mkaziyo umdzphuka nkhankha yache. Iye amdzamenya wankhondo achipita mu litsito la mfumu ya Kumpoto. Iye amdzawamenya iwo, achidzawagonjesa. ⁸Amdzapsokonyola milungu yawo, pabodzi na bzilinganiro bzachitsulu na matenthe yawo ya nsengwa yapatali ya siriva na golide, mkuyenda nayo ku Aigupto. Kwa magole iye amdzakhala kutali na mfumu ya Kumpoto. ⁹Ndiye mfumu ya Kumpoto imdzamenya ufumu bwa mfumu ya Kumwera, soma iyo imdzachoka mkuyenda ku dziko lache chailo.¹⁰Wanache wachimuna wa imunayo amdzakonzeka achikontcheza thimu likulu la nkhondo. Limdzapitiriza kubwera basi lichidzakhaphwikira pa chirichense; limdzagwata kudzera njira yense kufika ku litsito lache.¹¹Ndiye mfumu ya Kumwera imdzakalipa maninge; imdzayenda ichikamenyana nayo, mfumu ya Kumpoto. Mfumu ya Kumpoto imdzakhala na thimu lizinji la nkhondo, soma wankhondowo amdzaperekiwa mmanja mwache. ¹²Wankhondowo amdzakusiwa, apo mtima wa mfumu ya Kumwera umdzadzusika, uchidzachitisa makumi ya bzulu kugwa, soma imdzapambana lini.¹³Mfumu ya Kumpoto imdzayambisa thimu lina la anyankhondo, likulu kuposa lakutoma lire. Patapita magole, mfumu ya Kumpoto imdzabwera chadidi na anyankhondo azinji wakukhala na bzipfudzo bzizinji.¹⁴Nthawe zozo azinji amdzagandukira mfumu ya Kumwera. Wana wachimuna wa wanthu wachiwawa pakati pa wanthu wanu amdzabziikha okha kuti akwanirise masomphenya, soma amdzagwa.¹⁵Mfumu ya Kumpoto imdzabwera, ichidzagwezeka mataka pala nthumbira za kubisalikira, mkutenga muyi wa malitsito. Wankhondo wa Kumwera amdzakwanisa lini kuima, neye anyankhondo wawo wabwino chaiwowo. Pamdzakhala lini mphamvu zakuima. ¹⁶Wakubwera kudzamenyana nayeyo amdzachita ndimo iye amfunira, apo palibe wakudzaima njira yache. Iye amdzaima Mdziko Lakudeka, apo chidzonongeko chimdzakhala mmanja mwache.¹⁷Mfumu ya Kumpoto imdzalimbisa nkhope yache kubwera na mphamvu za ufumu bwache bwense, apo na iye pamdzakhala chiphatizano ndicho iye amdzachita na mfumu ya Kumwera. Iye amdzampa mwana wachikazi wa akazi mmaloozi kupasula ufumu bwa Kumwera. Soma nzeruyo imdzatheka lini ayai kumuthandiza iye. ¹⁸Bzitamala ibzi, mfumu ya Kumpoto imdzatembenuzira nkhope yache ku magombe ichidzatenga mazinji mwa iyo. Soma mkulu wa nkhondo amdzalekeza kunyoza kwache achidzachitisa kunyoza kwacheko kubwerera kuna iye mwene. ¹⁹Kinangoko iye amdzatembenukira ku malitsito ya mdziko lache, soma amdzakhukhumudwa achigwa; iye amdzaoneka lini pomwe.²⁰Ndiye wina amdzaphuka nkhankha ya iye omwe amdzapitisa wa mtsonkho pa ulemerero bwa ufumubo thangwera kupata kwa ufumubo. Soma nsiku zakudzazo iye amdzonongeka, soma sikuti mu ukali ayai mu nkhondo, ²¹Nkhankha ya iye amdzaphuka munthu wakunyozereka omwe wanthu angadampa lini ulemu bwa mphamvu ya banja lachifumu; iye amdzabwera mwakusaya kudikhirira achidzatenga ufumubo mwa ukhulukhu. ²²Thimu la nkhondo limzapsayiriwa ninga kukhaphwikira kwa madzi kuchoka pa iye. Thimu limwero na mtsogoleri wa mpangano amdzadzonongewa.²³Kuchoka pa nthawe ndiyo chiphatizano chakonzewa na iye, amdzachita mwachinyengo; na wanthu wakuchepa okha iye amdzakula mphamvu. ²⁴Mwa kanonono iye amdzafika ku mbuto yakudala kwenekwene ya mphimphayo, achidzachita ndibzo neye babache ayai babawo wa babache alibe kuchita.Iye amdzamwaza pakati pa wakumtewera wache bzakukolola, bzakupondedza, na vida. Amdzachita nzeru yakupsokonyola malitsito, soma kwa kanthawe pamkiti.²⁵Iye amdzalamusa mphamvu zache na mtima wache kugazana na mfumu ya Kumwera na thimu lizinji la nkhondo. Mfumu ya Kumwera imdzachita nkhondo na thimu lizinjitsa la mphamvu, soma iye amdzaima lini thangwera winango amdzakonza manera yakugazana naye. ²⁶Neye iwo wakudya chakudya chache chabwinowo amdzayezera kumudzononga. Thimu lache limdzakokonolewa ninga madzi yakukhaphwikira, apo azinji wa iwo amdzagwa kuphiwa. ²⁷Mafumu mawiri yenseya, na mitima yawo yakugandukirana, yamdzakhala pa meza ibodzibodziyo achidzanamizana, soma bzimdzakhala bzakusaya basa. Thangwe chimaliziro chimdzafika pa nthawe ndiyo chaikhiwa.²⁸Kinangoko mfumu ya Kumpoto imdzabwerera mmanja mwache na vida izinji, na mtima wache wakugazana na mpangano wakuchena. Iyo imdzachita chinthu china apo kinangoko imdzabwerera ku dziko lache la iye.²⁹Pa nthawe yakuikhika iyo imdzabwerera mkubwera kulimbana pomwe na Kumwera. Soma nthawe iyi imdzakhala lini ninga pakutoma. ³⁰Thangwe bzombo bza pamadzi bza ku Kitimu bzimdzabwera kulimbana nayo, apo iyo imdzabva mantha. Iyo imdzabwerera ichikalipa kugazana na mpangano wakuchena, apo iyo imdzachita chinthu. Iyo imdzabwerera mkuonesa udidi kuna wale wakulamba mpangano wakuchena.³¹Wankhondo wache amdzanyanduka achidzapsipiza mbuto yakupambulika na malitsito yache. Amdzamalisa nsembe yakupserereza yakusaya kulekezayo achidzayambisa chakunyansa chakuyambisa mpasuko. ³²Angakhala iwo wakuchita bzakuipawo kugazana na mpangano, iye amdzawanyengeza achiwachita chinyengo. Soma wanthu wakudziwa Mulungu wawo amdzakhala wa mphamvu achidzachita chinthu.³³Wale pakati pa wanthu omwe ana kuzindikira amdzachitisa azinji kubvesesa. Soma amdzagwa na lupanga na malambi ya moto; amdzagwera mu ukapolo na mkuberedwa kwa nsiku zizinji. ³⁴Mkugwa kwawoko, amdzathandiziwa na thandizo ling'ono. Mkubzikuza kwawoko azinji amdzaphathikana nawo mwa iwo okha. ³⁵Wina wakuzindikirawo amdzagwa mwakuti mchokocho umdzachitika pa iwo, na chicheneso, na kusambisiwa, kufikizana nthawe ya chimaliziro. Thangwe nthawe yakuikhika ikalipo iri mkubwera.³⁶Mfumu imdzachita malingana na bzakukhumba bzache. Imdzabzikwiza yokha ichidzabzikulisa yokha padzaulu kuposa mulungu aliyense. Kugazana na Mulungu wa milungu imdzasewera bzinthu bzakudabwisa, thangwe iyo imdzapindula kufikizana chilango chitamala. Thangwe ndibzo bzakhazikisiwa bzimdzachitika. ³⁷Iye amdzaonesa lini kukhala nayo basa milungu ya makolo, neye mulungu wakukondewa na azimayiyo, pinango kukhala na basa na mulungu wina aliyense, soma amdzabzikwiza yekha padzaulu pa iyo yense.³⁸Iyo imdzachitira ulemu mulungu wa malitsito mmalo mwa imweyi. Ni mulungu omwe abereki wache alibe kudziwa kuti iye amdzamuchitira ulemu na oro na siriva, na minyala ya nsengwa yapatali na bzinthu bzinango bza kuumira. ³⁹Iyo imdzamenya nkhondo malitsito yakulimba kwene kwene kuthandiziwa na mulungu wachilendo. Kuna aliyense wakuyizindikira iyo, imdzamchitira ulemu bukulu. Imdzawasandusa mafumu ya wanthu azinji, ichidzagawa mbuto zakukhala ninga mpfupo yawo.⁴⁰Pa nthawe yachimaliziro, mfumu ya Kumwera imdzachita nkhondo. Mfumu ya Kumpoto imdzam'bwerera ninga kabvulimvuli na magareta na wapakavalo na bzombo bzapamadzi bzizinji. Iyo imdzagandukira madziko, kudzabalalisa wanthu, mkugwata na mwemo. ⁴¹Iyo imdzapita Mdziko Lakudeka, apo madzana makumi ya Aisaraeli yamdzafa. Soma amwewa amdzathawa mdziko lache: Edomu, Moabu, na wanthu wakusala mu Amoni.⁴²Iyo imdzapalawiza boko lache mmadziko; dziko la Aigupto limdzapulumusiwa lini. ⁴³Imdzatenga mathungwa ya oro na ya siriva, na bzinthu bzense bzakuumira bza mu Aigupto; wanthu wa ku Libya na Kusi amdzatewera nzayo zache.⁴⁴Soma mbiri yakuchoka ku machibese na kumpoto imdzayigopsa, ichidzabula na ukali bukulu kukadzonongeratu na kukabalalisa azinji mkukawapha. ⁴⁵Iyo imdzakhazikisa chihema cha nyumba yache yachifumu pakati pa nyanza na phiri lakupambulika. Chimaliziro cha iyo chimdzafika, pachidzasayika wakudzayithandiza.

12¹Pa nthawe yoyo Mikaeli, mfumu ikulu yakutumikira wanthu wanu, amdzalamuka. Pamdzakhala nthawe ya matsatso yakuti ikhanati kukhala kale chiyambire kutoma kwa dzinza lirilense nthawe yoyo. Pa nthawe yoyo wanthu wanu amdzapulumusiwa, aliyense omwe dzina lache linigumanika litanembiwa m'bukhu. ²Azinji wa iwo wakugona mu pfumbi la dziko lapansi amdzalamuka, wina ku moyo wakusaya kumala apo wina ku manyazi na mnyozo wakusaya kumala.³Wale omwe ali wakuzindikira amdzatoya ninga kuyetima kwa thambo, na wale wakutembenuza azinji kutewera chilungamo ali ninga nyenyezi ku nthawe za nthawe. ⁴Soma iwe, Daniele, tsekera mafalaya; khomera chilatizo bukhu lako kufikizana kuphampha. Azinji amdzathamanga uku na uku, apo chidziwiso chimdzawanda.''⁵Ndiye, daniele, adanyang'anisa, apo pakhana wina awiri ataima. M'bodzi akhadaima m'bali mwa mbali iyi ya mkulo, apo wina kuima m'bali ina ya mkulo. ⁶Mb'dzi wa iwo adati kuna mwamuna wakubvala nguwo ya bafuta, omwe akhali pamadzi kuphiri kwa mkuloyo, ''Chimaliziro cha bzakudabwisabzi chimdzafika liti?''⁷Ndidabva mwamuna wakubvala bafutayo, omwe akhali kuphiri kwa mkuloyo---adadzusa boko lache lamadidi na boko lache lamadzere kudzaulu achilumbirira wakukhala ku nthawe zamuyaya kuti bzimdzakhala kwa kanthawe, nthawe, na meya ya nthawe. Iwo angadzamaliza kumwaza mphamvu za wanthu wakuchena, bzinthu bzensebzi bzimdzamaliziwa.⁸Ndidabva, soma ndiribe kubvesesa. Ndiye ndidabvunza, ''Mbuyangu, bzakudza na bzinthu bzensebzi bzimdzakhala chiyani?'' ⁹Iye adati, ''Ndoko njira yako, Daniele, thangwe mafala yafungika na kuikhiwa chialtizo kufikizana nthawe yakuphampha.¹⁰Azinji amdzabzitsuka, kubzichenesa, na kubzitsuka, soma wakuipa amdzachita mwakuipa basi. Neye wakuipa m'bodzi ndiye amdzabvesesa, soma wale wakuzindikira ndiwo amdzabvesesa. ¹¹Kuchoka pa nthawe ndiyo nsembe yachikhalire imdzachosewa chichidzasukwisa chakunyansa, pamdzakhala nsiku chulu chibodzi, na madzana mawiri na makumi mapfemba.¹²Wakudala ni omwe akudikhirira kufikizana kumala kwa nsiku chulu chibodzi madzana matatu na makumi matatu na zitatu. ¹³Uyende njira yako kufikizana chimaliziro, apo umdzapuma. Iwe umdzalamuka m'buto mwako yakuikhiwa, pakumala pa nsiku.''

Mateu

1¹Bukhu lakufotokoza za m'bado wa Yesu Khilisitu, mwana wa Davite, mwana wa Abulahamu. ²Abulahamu adabala Isaki, na Isaki adabala Yakobo, Yakobo adabala Yuda na bale wache. ³Yuda adabala Perezi na Zera omwe mayi wao akhali tamala, Perezi adabala Hezironi, Hezironi adabala Ramu.⁴Rama adabala Aminadabu, Aminadabu adabala Nason, Nasoni adabala Salimoni. ⁵Salimoni adabala Bowazi ndipo mayi wache akhali Rahabu, Bowazi adabala Obedi omwe mayi wache akhali Rute, Obedi adabala Yese. ⁶Yese adabala Davite pfumu. Davite adabala Solomoni omwe mayi wache akhali mkazi wa Uriya.⁷Solomoni adabala Rehobuwamu, Rehobuwamu adabala Abiya, Abiya adabala Asa . ⁸Asa adabala Yehosafati, Yehosafati adabala Yolamu, Yolamu adabala Uziya.⁹Uziya adabala Yotamu, Yotmu adabala Ahazi, Ahazi adabala Hezekiya. ¹⁰Hezekiya adabala Manase, Manase adabala Amoni, Amoni adabala Yosiya. ¹¹Yosiya akhali atabala Yekoniya na abale wache pomwe Yuda adatengi ukapolo ku Babulo.¹²Pomwe akhali kuukapolo ku Babeloni, Yekoniya adabala Selatiyeli, Selatiyeli akhali babache wa Zeubabele. ¹³Zelubabele adabala Abiudi, Abiudi adabala Eliyakimu, Eliyakimu adala Azolo. ¹⁴Azolo adabala Zadoki, Zadoki adabala Akimu, Akimu adabala Eliudi.¹⁵Eliudi adabala Eliezala, Eliezala adabala Matani, na Matani adabala Yakobo. ¹⁶Yakobo adabala Yosefe bayache wa Mariya, omwe iye adabala Yesu, wakuchemeliwa Khilisitu. ¹⁷Mibadwo yensene kuyambila pa Abulahamu kufikila Davite pana mibadwo khumi na manayi, napo kuchoka pa Davite kufika kutengiwa ukapolo ku Babulo panami badwo khumi na manayi, nakuti kuchoka kuukapolo kufikilana kubadwa kwa Yesu pana mibadwo khumi na manayi¹⁸Kubadwa kwache kwaYesu bzida chitika terepayi. Mayi wache, Mariya, akhada bvunziliwa na Yosefe, koma akhanati gona pabodzi, iye adagumanika anamimba yamphamvu za Mzimu Oyera. ¹⁹Tsono Yosefe, bayache akhali munthu wachilungamo alibe kufuna kumchitisa manyazi kumulamba padecha, adakumbuka kumuleka mwamderekho.²⁰pomwe iye adakumbuka bzinthu bzomwebzi, mngelo wamulungu adamuonekera iye mkulota, nkumuuza, ''Yosefe mwana Davite, nampodi kugopa kumutenga maliya ninga mkazako , thangwe mwana omwe akudikilayo ngwamphamvu yaMzimu Wakuchenna. ²¹Ndpo amzabala mwana wa mwamuna ,udzamutchula dzina lache Yesu , iye adzapulumusa wanthu ku bzakuyipa bzawo."²²Bzensenebzi bzdachitika pakukwanilisa bzomwe mulungu adalewa kudzela mwa mneneri, kuti, ²³''Onani , namwali adzakhala na mimba ndipo adzabala mwana wamwamuna adzamupasa dzina lache Manuwere'' ndibzo kuthumbudzula kuliti, ''Mulungu alinafe.''²⁴Yosefe adalamuka kutulo kwache achichita bzomwe angelo wa Mulungu adamutongela iye, tsono iye adamutenga mkazache. ²⁵Tsono iye alibe kugona naye mkazacheyo ateye adabala mwana mwana. Iye adamuchemera dzina la che Yesu.

2¹Atabadwa Yesu ku Betelehemu waku Yudeya mu nthawi ya mfumu Herodi, adafika ku Yelusalemu amuna wa nzeru kuchokera ku machibese mkulewa, ²''Iri kuponi Mfumu ya Ayuda yomwe ya badwayo? Tawona nthanda yache yakumachibese yabwera kudzamunamatira iye.'' ³Pomwe mfumu Helodi adabva bzimwebzi, adabonela mumtima, pabodzi na wanthu wense mu Yerusalemu.⁴Herodi adachemelesa wanthu wense akulu wa nsembe na apfunzisi wa malamulo, apo adawabvunza iwo, ''Kodi Mkhirisitu anzabadwila kuponi?'' ⁵Iwo adamutawira iye, ''Betelehemu wa Yudeya, thangwe ibzi mbzomwe adanemba aneneri, ⁶'Tsono iwe, Betelehemu, mbali ya Yuda, ndiwe lini wakumalizira pa atongi wachi Yuda, pakuti anyakutsogolera amdzachoka mwa iwe, omwe anzatsogolera wanthu wangu Aizalaeri.'''⁷Tsapano Herodi adachemera amuna wanzeluwo zawo mkuwabvunza nthawi chayiyo ndiyo adawona nthandayo. ⁸Iye adawatumiza ku Betelehemu, achiti, ''Ndokoni mukapsage mwanayo palipense. Mungakamugumana, mudzandiuzembo pala kuti inembo ndikamunamatire iye.''⁹Atamala kubvera mafala ya mfumu, adanyamuka ulendo bwawo, ndipo nyenyezi yomwe adayiwona kumachibese ile idawatsogolera ate ichikayima pulu mdzaulu pomwe mwana ule akhali. ¹⁰Pomwe adawona nyenyeziyo, adasekera kwenekwene.¹¹Adapita mnyumbamo mkuwona mwanayo pabodzi na mayi wache Mariya. Adagodama mkumpembedza iye. Adatsudzula pamwepo mitolo yawo mkupeleka mpfupo zawo za kobiri za golide, lubani, na mure. ¹²Mulungu ku atulo adawapasa basopo kuti nampodi kudzela kuna Herodi, mwakuti pakubwereradi kudziko lakwawo adadzela njira inango.¹³Pambuyo atachoka, mnjelo wa mbuya adawonekera kuna Yosefe kutulo achiti, ''Muka, thawa naye mwanayu na mayi wache, thawira ku ku Aiguputo. Kakhaleni koko ate ndidzakuuzeni, thangwe Herodi amdzamupsaga mwanako pala adzakuphele.'' ¹⁴Usiku bumwebo Yosefe adamuka mkunyamula mwanayo pabodzi na mayi wache ulendo bwa ku Aiguputo. ¹⁵Adakhaladi kuoko ate Herodi kusaika. Ibzi bzidakwanirisa mafala ndiyo Mbuya adasewera kudzela kwa mneneli kuti, ''Kubula mu Aiguputo ndadachemela mwanangu.''¹⁶Tsapano Herodi, pomwe adabulukila kuti wanzeruwo adampusisa adabva chiya kwenekwene. Iye adatonga kuti wana wense wachimuna mu Betelehemu na miyi yense yakuzungulira wakuyambila magole mawiri kubwerera m'buyo aphiwe, malingana na nthawi yomwe iye adaganizira ndendende kuchoka kuna wanzeru wacheo.¹⁷Apo bzidakwanirisiwa bzomwe bzidalewedwa na mneneli Yelemiya, kuti, ¹⁸''Kulila kukubveka ku Rama, kubula na kulira, Rakelo kulilira wana wache, apo iye akulamba kunyamaliziwa, thangwe wana wache palibe.''¹⁹Pomwe Herodi adasaika, onani, mnjelo wa Mbuya adamuwonekela Yosefe kutulo ku Aiguputo kulewa kuti, ²⁰''Muka tenga mwanayo na mayi wache ndoko kudziko la Izalayeli, pakuti omwe akhafuna kuchosa moyo wa mwanayo adasaika.'' ²¹Yosefe adalamuka, achitenga mwanayo na mayi wache, kuyenda kudziko la Izalayeli.²²Soma atabva kuti Alekiyesi akutonga mu Yudeya kupita nthaka ya babache Herodi, adagopa kuyenda kumweko. Atachenjeziwa na Mulungu kutulo, adayenda ku Galileya ²³adayenda mkukakhazikika ku Nazaleti. Ibzi bzidakwanirisa bzomwe adalewa aneneri, kuti anzachemeliwa Mnazareni.

3¹Msiku zimwezo Yohani m'batizi adabwera mkumbalalikira mchipululu mwa Yudeya kuti, ²''Lapani, thangwe ufumu bwa kudzaulu bwafendera.'' ³Ibzi bzomwe mneneli Yesaya akhafotokoza, kulewa kuti, ''Mafala yawinango kukuwa m'chipululu, 'Konzani njira ya Mbuya, thamulani njira zache.'''⁴Tsono Yohani akhabvala bzakubvala bzakukonziwa na ukuse bwa ngamira na mcheka wakhanda m'chuno mwache. Bzakudya bzache bzikhali uchi na bziwala. ⁵Tsapano Yerusalemu, Yudeya wense , na mbali yensene ya mkulo wa Yolodani akhayenda kuna iye. ⁶Iwo akhabatiziwa na iye mu mkulo wa Yolodani, akatawiriza nakulapa bzakuphonya bzao.⁷Soma pomwe adawona Afarisi na Asaduki azinji kubwera kuna iye kudzabatiziwa, adalewa kuna iwo, wana wa nyoka imwe, mbani wakuchenjezani kuthawa ukali bomwe bukubwela? ⁸Balani chipatso chakutembenuka mtima. ⁹Nampodi kumwa nakulewa mwekha, 'Tinaye Abrahamu pala babathu.' Thangwe nilewa na imwe kuti Mulungu angakwanise kulamusa wana pala Abrahamu ayayi kuwasandusa kuchoka ku minyalayi.¹⁰Mbadzo njakukonzakonza kugwatira mizi ya miti. Tsono muti uliwense omwe um'bala lini bzipatso bzabwino umdzagwatiwa uchithusiwa pa moto. ¹¹Ine ndikukubatizani na madzi pala mutembenuke mtima. Soma iye akubwera pambuyo pangu ngwakuposa ine, apo ndikuthemera lini kunyamula shango zache. soma iye amdzakubatizani imwe na Mzimu Wakuchena na moto. ¹²M'manja mwamwe muna chiselo amdzapepeta bwinobwino achidzakonza pambuto nakudzagwezeka tirigu mu nyumba ya kukoyera. Apo amdzatentha gaga wensene na moto wakusaya kuthima.''¹³Tsono Yesu adabwera kumkulo wa Yolodani kuchokera ku Galileya kuti adzabatiziwe na Yohani. ¹⁴Soma Yohani adayezeza kumulamba, kuti, ''Ndikuthemera ndine kubatiziwa na imwe, apo zjai mukubwera kuna ine?'' ¹⁵Yesu adamutawira kuti, ''Bvuma tsapano, nakuti m'bzakuthemera kuti tikwanilise chilungamo chense.'' Apo Yohani adamubvuma.¹⁶Atabatiziwa, Yesu adabula kamkulumize m'madzi mule , apo onani, kudzaulu kudafungukira iye. Adawona Mzimu wa Mulungu ukubuluka ninga nkhangayiwa mkudzambutha pa iye. ¹⁷Onani, kudabveka mafala kuchoka kudzaulu kulewa kuti, ''Uyu ni Mwanangu wakukondeka. Nimbadekedwa naye maninge.''

4¹Pambuyo pache Yesu adatsogoziwa na Mzimu kuyenda kuchipululu kukayeziwa na satana. ²Adasala kudya masiku makumi manayi usiku na masikati, iye akhabva njala. ³Nyakumuyezerayo adabwera mkumuuza iye kuti, ''Penu ndiwedi mwana wa Mulungu uza minyalayi kuti isanduke mkate.'' ⁴Soma Yesu adatawira achiti kuna iye, ''Kudanembidwa, 'Munthu ambakhala lini na moyo thangwe la mkate okha, soma thangwera fala lirilense lakuchokera pakamwa pa Mulungu.'''⁵Pambuyo pache Satana adamutengera munzinda wakuchena mkukamuyimisa pakatolotolo pa tchalitchi, ⁶apo adati kuna iye , ''Penu ndiwe mwana wa mulungu bzithuse wekha pansi, nakuti, kudanembiwa, 'amdzauza anjelo wache kuti akukonkhobze, apo anzakunyamula mdzaulu m'manja mwawo, pala kuti nzayo zako nampodi zidzadzongeke na minyala.'''⁷Yesu adalewa kuna iye, ''Kudanembiwa pomwe, 'Nampodi kumuyezera bza utowa Mbuya Mulungu wako.''' ⁸Thimize, satana adamutengera pomwe pa phiri litali mkumuwonesa mafumu yense yadziko lapansi na ulemelero bwawo. ⁹Adalewa kuna iye, ''Nimkupa bzensenebzi, ungandigodamira na kundi pemba.''¹⁰Kinangoka Yesu adalewa kuna iye, ''Bula pano, Satana! Nakuti kudanembiwa, 'Umdzapemba Mbuya Mulumgu wako, nakumupemba iye yekha.''' ¹¹Pambuyo pache satana adachoka, achiyenda, apo anjelo adabwera kudzamutumikira iye.¹²Tsapano pomwe Yesu adabva kuti Yohani alikukayidi, iye adabwerera ku Galileya. ¹³Iye adachoka ku Nazaleti mkuyenda kukakhala ku Caperenawo, mphepete mwa Nyanza ya Galileya ku mbuto za Zebuloni na Nafutali.¹⁴Ibzi bzidachitika kuti akwanirise bzomwe bzidalewiwa na Yesaya mneneri, ¹⁵''Dziko la Zebuloni na dziko la Nafutali, njira yakunyanza, ng'ambu ya Yolodani, Galileya wa wanthu wachikunja! ¹⁶Wanthu wakukhala mu mdima awona kutoya kukulu, na iwo omwe ambakhala mumthunzi wa nkhwawa, kubvunika kwafikira pa iwo.''¹⁷Kuchokera nthawi yoyo Yesu adayamba kupfunzisa achiti, ''Lapani, pakuti ufumu bwa kudzaulu bwafendela.''¹⁸Pomwe akhafamba mphepete mwa Nyanza ya Galileya, adawona wanthu awiri ubale bwao, Simoni wakuchemeriwa Petulo, na m'bale wache Andireya, akhathusa bwazi munyanza, thangwe akhali akhombwe wa nsomba. ¹⁹Yesu adalewa kuna iwo, ''Bwerani, munditewele ine, ninzakusandusani kukhala asodzi wa wanthu.'' ²⁰Kamfulumize adasiya bwazi bwawo mkumtewera iye.²¹Pomwe Yesu akhayenda patsogolo kuchoka popo adawona pomwe amuna awiri ubale bwao, Yakobo mwana wa Zebedayo na m'bale wache Yohani. Iwo akhali m'wadiya pabodzi na babawo Zebedayo kuteya ma bwazi yawo. Iye adawachemera iwo, ²²Kamfulumize adasiya ngalawayo na babawoyo mkumutewera iye.²³Yesu adafamba kuzungulira mu Galileya mwense, kumbapfunzisa m'ma sunagogue, kulalikira mafala yabwino ya ufumu na kumbalimbisa matenda yaliyense na ma dwale yense pakati pa wanthu. ²⁴Mbiri ya iye idabvekera ku Siriya kwense, apo wanthu adamubwelesera iye wense omwe akhadwala matenda na bzakuwawa, iwo omwe akhadaphatiwa na bziwanda, wa mpfayi na anyakupunduka. Yesu adawalimbisa iwo. ²⁵Chithimu chawanthu chidamutewera kuchokera ku Galileya, Dekapoli, Yerusalemu, na Yudeya, na ng'ambu ya Yolodani.

5¹Pomwe yesu adawona thimu lawanthu, adayenda padzaulu pa phiri. Adakhala pansi, wakupfunza wache adabwera kwa iye. ²Iye adafungula pakamwa pache ndipo adawapfunzisa iwo, achiti, ³''Wakudala ni wale wakusauka muuzimu, pakuti ufumu bwa kudzaulu m'bawo. ⁴Wakudala ni wale omwe ambalira, thangwe amdzanyamaliziwa.⁵Wakudala ni ale waku pfatsa, thangwe adzatambira dziko lapansi. ⁶Wakudala ni wale akubva njala na nyota ya chilungamo, thangwe amdzakhuta. ⁷Wakudala ni wale wakuchita chifundo, thangwea amdzachitiriwambo chifundo. ⁸Wakudala ni wale wakuchena mtima, thangwe amdzaona Mulungu.⁹Wakudala ni wale wakubweresa mtendere, thangwe amdzachemeriwa wana wa Mulungu. ¹⁰Wakudala ni wale omwe amdzabonera' thangwera chilungamo, thangwe ufumu bwa kudzaulu m'bwao.¹¹''Wakudala ndimwe wanthu omwe winango amdzadana namwe achikuboneresani achikusemerani milandu mizinji yakunama thangwera dzina langu. ¹²Sekerani nakusangalala thangwe mpfupo yanu ikulu iri kudzaulu. Thangwe munjira ninga imweyi wanthu adaboneresa aneneri omwe akhalipo imwe mukanati kubadwa.¹³''Ndimwe munyu wa dziko. Soma munyu ukamala kunyung'unya kwache, bzingachitike tani pomwe kuti ukhale munyu? Umdzaphatisiwa lini pomwe basa pa chilichense soma kutaya basi pala kuti wanthu akauponde na nzayo zawo. ¹⁴Ndimwe kubvunika kwa dziko lapansi. Mzinda wakumangiwa pa dzaulu pa phiri umbabisiwa lini.¹⁵Palibe wanthu omwe ambagasa nyale achiyigwanankhira pa dengu, soma ambayiikha pakumanikira nyale, apo imbabvunike kuna aliyense mnyumba. ¹⁶Bvumani kuwala kwanu kuunike kuna wanthu kuti ambaone bzichito bzanu kuti bzilemekeze Baba wanu wakukhala kudzaulu.¹⁷''Nampodi kuganiza kuti ndabwera kudzaononga lamulo ayayi aneneri. Ndilibe kubwera kudzayaononga, soma kudzayakwanirisa. ¹⁸Thangwe chadidi ndikukuuzani kuti pokha pokha kudzaulu na pansi kudzamale, palibe ne nemba libodzi ne kankitikiti komwe kamdzamala mbzitongi bzache munjira iriyense, mpakana bzense bzitakwanirisiwa.¹⁹Thangwe lache omwe anipsa libodzi la bzitonji bzache mkupfunzisa winango kuchitambo terepoyo amdzachemeriwa wakumalizira letu mu ufumu bwa kudzaulu. Soma iye wakuyakoya achiwapfunzisa iwo amdachemeriwa mkulu mu ufumu bwa ku dzaulu ²⁰Terepoyo ndikukuzani kuti pokha pokha chilungamo chanu chipose chilungamo cha alembi na afalisi, mumdzapita mu ufumu bwa kudzaulu.²¹''Mwabva kuti kudalewedwa kwa iwo kalekalelo, 'Nampodi kupha.' ndipo, 'Aliyense wa kupha anzakhala pa mpholemphole ya chiweruzo.' ²²Soma ndikulewa kuna imwe kuti aliyense wakukalipira m'bale wache ali pa mpholemphole yakutambira chilango; ndipo omwe anilimula m'bale wache kuti, 'Ndiwe wa pezipezi!' amdzalakhala pa chigopsero cha kutongiwa; ndipo ule wakulewa kuti, 'Iwe chilema!' anzakhala pa chigopsero cha kudzayenda ku ng'anjo ya moto.²³Thangwe lache mukambapereka chakupereka cha mphatso pa guwa pamwepo mukumbukire kuti m'bale wanu wakusungirani mathangwe. ²⁴Tulani mphatso yanu kutsogolo kwa guwa, muchiyenda njira yanu. Chakuyambilira utome kuyanjanisana na m'bale wako, kinangoko bwera udzapereke mphatso yako.²⁵Bveranani na ule omwe mwaputana naye kamfulumize pomwe mulinaye pabodzi mukadali mjira kuyena ku nyumba ya utongi, mukasaya kuterepoyo mwamuputayo anzakakuperekani kuna mtongi, apo mtongiyo angakakuperekeni kuna mphabvu za umangi, apo mungadzathusiwe mkaoko. ²⁶Chadidi ndikukuzani, mumdzabula lini mwemo pokha pokha mutapagali ate kumaliza kobiri zense zomwe munazo.²⁷''Mwabva kuti kudanembiwa, 'Nampodi kuyenda kumalume yaku mphasa.' ²⁸Soma ndikulewa kuna imwe kuti aliyense wakuyang'ana mkazi achimu khumba kugons naye wachita naye kale chigololo mumtima mwache.²⁹Penu diso lako lakumadidi likukuphonyesa, lichose ulitaye kutali na iwe. Thangwe nkhasa kuti mwayanu m'bodzi akapse na moto kulekana na kuti thupi lako lense likathusiwe kumoto. ³⁰Penu boko lako lakumadidi likukuphonyesa, ligwate ulitaye kutali na iwe. Thangwe nkhasa kuti mwayanu m'bodzi akapse, kusiyana nakuti thupi lako lense likayende ku moto.³¹Bzidalewiwa pomwe kuti, 'Omwe anileka mkazache, amupase tsamba la chizimbu.' ³²Soma ndikulewa kuna imwe kuti aliyense wakuzimbula mkazache, kupambula mathangwe ya chigololo, akumuchitisa uputa. Omwe anilowolambo omwe wazimbuliwayo neye chitsamba wachitambo chigololo.³³''Pomwe, mudabva kuti bzidalewiwa kale kuna iwo kalekalero, 'Nampodi kulumbira malonjezano yakunama, soma tengani malonjezano yanu kwa Mbuya.' ³⁴Soma nilewa kuna imwe, nampodi pomwe kumbalumbirira, ne kuguma kudzaulu, thangwe nku mpando wa Mulungu; ³⁵Ne kulumbira dziko kuguma dziko lapansi, thangwe ndiye pakuponda nzayo zache; pinango kulumbira kuguma Yerusalemu, thangwe ni mzinda wa Mpfumu ikulutsa.³⁶Nampodi pomwe kulumbirira msolo wanu, thangwe mungathelini kusandusa tsisi lanu kukhala lichena pinango lipsipa. ³⁷So kusewera kwanu mumbaondo kuti 'Inde, inde,' pinango 'Ne, ne.' Chilichense chakuthimizira apa nchakuchokera kwa wakuipayo.³⁸''Mwabva kuti bzidalewiwa, 'Diso pa diso, na dzino kuli pa dzino.' ³⁹Soma ndikuti kuna imwe, nampodi kupirira kwa wakuipayo. Mmalo mwache, ule omwe amkumenya phutu lako lamadidi, Zungunuka amenye pomwe linangolo.⁴⁰Penu winango amkakusumira mlandu achitenga mabota yako, mpase pomwe bulande lako. ⁴¹Omwe amkungingimiza kuyenda naye mayadi dzana libodzi, ndoko naye madzana mawiri. ⁴²Aliyense ndiye ankukumbirayo mpase, apo nampodi kulambiza omwe amfuna kukumbira chinthu chako.⁴³''Mwabva kuti bzidalembiwa kale, 'Konda mnansi wako ndipo dana na mdani wako. ⁴⁴Koma ndikuti kwa imwe, kondani adani wanu apo pemphererani wale omwe ambakuboneresani imwe, Bzakunemba bza kalekale bzikhalibe mafalaya yakuti Dalisani wale ndiwo ambakutembererani, chitani bzabwino kwa omwe ambakuwengani. ⁴⁵Apo kuti mukhale wana wa Baba wakudzaulu. Thangwe ambawalisa dzuwa pa wanthu wakuipa nawabwino kubodzi, apo ambagwesa bvula pa wabwino na pa wakuipa.⁴⁶Thangwe ukakonda wale omwe ambakukonda, ni mphfupo yanyi yomwe mumdzatambira? Wakukhomesa mitsonkho ambachitambolini pomwe bzokha bzokhabzi? ⁴⁷Mukapa moni abale wanu okha, mumtchita pomwe chani chakuposa winango? Ne wachikunja mbachita lini pomwe bzomwebzi? ⁴⁸Thangwe lache bzimfunikana mukhale wakuchena bzachaibzo, ninga ndimo Baba wakudzaulu alirimbo wakuchena.

6¹Chenjerani kuti nampodi kumbachita chilungamo pala kuti mubzionesere kuna wanthu, penu mtenepo mumdzatambira lini mpfupo kucoka kuna Baba wa kudzaulu. ²Tsapano mungapa wina chinthu, nampodi kumbachita kuimba lipenga ninga ndibzo wachinyengo ambachita mma sunagogue na mmizinda, pala kuti wanthu awatende. Chadidi ndikulewa kuna imwe, amwewo atambiriratu, mpfupo yao yensene.³Soma mungapereka chinthu, nampodi kubvuma kuti boko lanu lamadzere lidziwe bzomwe boko la madidi likuchita ⁴pala kuti chakupereka chanucho chikhale mwa kavindivindi. Kuti Babanu omwe ambaona mwa mchibisira akupeni mpfupo.⁵Pakupemphera, nampodi kukhala ninga wachinyengo,thangwe ambakonda kuima nkumba pemphera mma sunagogue na mmaponta mwa mizinda pala kuti abzionesere kuna wanthu. Chadidi ndikulewa kuna imwe, atambira kale mpfupo yao. ⁶Soma imwe, pakupemphera, pitani mka subi ka mkati. Fungani msuwo apo pempherani kuna Baba wanu, omwe ali mwa kubisa. Tsapano Babanu ndiye ali mwa kubisayo amdzakupani mpfupo. ⁷Pakupemphera, nampodi kumbabwerezera bwerezera bza pezi ninga ndibzo wakusaya kudziwa Mulungu ambachita, thangwe ambakumbuka kuti amdzawabvera thangera kuwanza mafalako.⁸Mthangwe lache, nampodi kukhala ninga iwo, nakuti Babanu ambadziwa kale bzomwe munkufuna mukanati kumukumbira. ⁹Natenepo pempherani tenepayu: Mulungu wathu wakudzaulu, dzina lanu lichenesiwe. ¹⁰Ufumu bwanu mbabubwere. Kufuna kwanu kuchitiwe pa dziko lapansi bzibodzibodzi pomwe na kudzaulu.¹¹Tipeni ife lero chakudya chathu ca lero. ¹²Tilekerereni mathangwe yathu, ninga ndimo ifembo timbalekererera ndiwo tinaombo mathangwe. ¹³Nampodi kutitengera ife kwa kukatiyezera, soma tiletsetseni kuna wakuipayo.'¹⁴Thangwe mungawalekerera wanthu mphumbza zao, Babanu wa kudzaulu amdzakulekereranimbo. ¹⁵Soma penu munilekerera lini mphumbza zao, neye Babanumbo amdzakulekererani lini mphumbza zanu.¹⁶Mungambasala kudya, nampodi kumbagwesa nkhope ninga ndimo wa chinyengo ambacitira, nakuti ambachinja nkhope zao pala kuti ambabzionesere kuna wanthu kuti akusaladi kudya. Chadidi ndikulewa kuna imwe, atambira kale mfupo yao yensene. ¹⁷Soma imwe, pakusala kudya, dzolani mumsolo mwanu na kusamba nkhope yanu ¹⁸pala kuti nampodi kuoneka kuna wanthu kuti mukusala kudya, soma Babanu yekha omwe ali mwa kubisala ndiye adziwe; apo Babanu wakuona mwakabisira ndiye ati adzakupeni mpfupo.¹⁹Nampodi kubzigwezekera vida ya pa dziko lapansi, pomwe ingakhoze kudzongeka na mabethe na furuju, na pomwe mbava zingatchole zichiiiba. ²⁰Soma, bzisungireni vida yanu kudzaulu, ndiko neye mabethe ayayi furuju ingadzonge lini, na ndiko neye mbava ingatchole lini achaiiba. ²¹Nakuti ndipo pana vida yanu, mtima wanumbo umbakhala popo.²²Diso ni nyale ya thupi. Mthangwe lache, penu diso lanu ndabwino, thupi lensene limbadzala na kutoya. ²⁴Soma penu diso lanu ndakuipa,thupi lanu lensene limbadzala na kupsipa. Mthangwe lache, penu kutoya ndiko kuli mthupi lanulo ni mdima,ndiye kuti mdima umweyo ngukulu tani! ²³Palibe ndiye angatumikire ambuya awiri, thangwe ayayi amdzawenga m'bodzi achikonda winangoyo, apo ayayi amdzakhazikika kuna m'bodziyo achinyoza winangoyo. Ungatumikire lini Mulungu na vida.²⁵²⁶Tsono ndikulewa kuna imwe, nampodi kuchita thupo na moyo wanu, kuti mumdzadya cani ayayi mumdzamwa cani; ayayi bza thupi lanu, kuti mumdzabvala cani. Nakuti mesa moyo umbaposa chakudya apo thupi lichiposa bzakubvala? Nyang'anani mbalame za mdzaulu. Zimbabzala lini ayayi kukolola ayayi kugwezeka mgwangwa, soma Babanu wa kudzaulu ambazidyesa. Ndimwe lini wakufunika maninge kuposa mbalame?²⁷Mbani m'bodzi wa imwepa na kuchita thupo angakwanise kuthimizira kutalika kwa moyo wache ninga boko libodzi lokha? ²⁸Thangweranyi mumchita thupo na kubvala? Ganizirani bza mafolori ya mthengo, ndimo yambakulira. Yambaphata lini basa, apo neye yambasona lini bzakubvala. ²⁹Ndiye ndikulewa kuna imwe, neye mfumu Solomoni chaiyoyo mu ulemerero bwace ilibe kubvala neye chakubvala chibodzi chakudeka ninga libodzi mwa mafololiya.³⁰Ninga Mulungu ambabvazika upsa bwa mthengo, bomwe bumbakhala lero mangwana buchithusiwa pamoto, ndiye kuna tani imwepo kukubvazikani kwache, imwe wa chikhulupiriro chakuchepa? ³¹Mthangwerace nampodi thupo kulewa kuti, 'Timdzadya cani?' ayayi 'Timdzamwa chani?' ayayi 'Timdzabvala bzakubvala bzanyi?'³²Thangwe wachikunja ambapsaga bzinthu bzobzi, apo Babanu wa kudzaulu ambadziwa kuti mumbawafuna. ³³Soma chakutoma psagani ufumu bwache na chilungamo chache, apo mumdzapasiwa bzensebzi. ³⁴Mthangwe lache, nampodi kuchita thupo na mangwana, thangwe mangwanayo yamdzakhalambo na thupo lache. Nsiku iriyense ina bzakuipa bwache bzakukwana.

7¹''Nampodi kutonga, thangwe mudzatongiwambo lini. ²Nakuti nautongi bomwe imwe muntonga, imwembo mudzatongewa, nakuti muyezo omwe muniyeza nawo, omweyo mumdzayeziwa nawo.³Thangwe lanyi iwe ulikuona kachitsotso kali m'diso la m'bale wako, pomwe iwe ulikuona lini mtanda omwe uli m'diso lako? ⁴Iwe ungalewe tani kwa m'bale wako, 'Bwera ndikuchose kachitsotso komwe kali m'diso lako,' pomwe mtanda uli m'diso lako? ⁵Iwe nyakunama! Chakutoma chosa mtanda m'diso lako, kinangoko umkwanisa kuona bwinobwino chitsotso chili mudiso la m'bale wako.⁶Nampodi kupereka chuku pambuliwa chako kuna mbwaya, pomwe nampodi kuthusa ngalengale zako kutsogolo kwa nkhumba. Nakuti izo zidzadzonga zichipondedza, kinangoko zidza zungunuka zichikukhadzula iwe.⁷''Bvunzani, ndipo chidzaperekiwa kuna imwe, Nyang'anani, ndipo mudzabziona. Gogodzani, ndipo chidzafunguliwa kuna imwe. ⁸Nakuti aliyense omwe am'bvunza, anitambila; aliyense omwe anyang'ana, adza bziwona; na munthu omwe agogodza, adzafunguliiwa. ⁹Pinango mbani wa imwepo, penu mwanache angakumbile mkate, iye achimpasa mwala? ¹⁰Pinango iye mkukumbira nsomba, achimpasa iye nyoka?¹¹Pamwepa, ninga imwepo anyakuphonya mubadziwa kupasa wana wanu mphatso zakudeka, kuna bzakuwanda tani kuna Baba wakudzaulu angapase bzinthu bzabwino kwa omwe animkumbila iye? ¹²Pamwepa, chinthu chili chense chomwe mufuna wanthu akuchitileni, muchitembo bzomwebzo kuna iwo, nakuti ili nilamulo na aneneli.¹³''Pitani pa msuwo wakupsindiza. Nakuti msuwo ngukulu njira njikulu pomwe yakuyenda nayo kudzonongeko, ndipo alipo wanthu azinjialikupita njira imweyi, ¹⁴Tsono msuwo waku psindiza nikanjira kamng'ono nkhakunesa kakuyenda nako kumoyo, ndipo mbang'ong ng'ono amwe aniyiwona.¹⁵Khalani wakungwala naaneneri wakunama, iwo ambabwera kuna imwe ninga mabila komabzachadidi bzache nimphumphi. ¹⁶Nabzakubala bzawo mudzawa dziwa iwo. Nandi wanthu ambatcha mphesa pa minnga pinango nkhuyu kuchoka pa nthula? ¹⁷Tenepoyo, muti uliwense wabwino umbala bzibalo bza bwino, na muti wakuipa umbabala bzibalo bzakuipa.¹⁸Muti wabwino umbabala lini bzibalo bzakuipa, neye penu muti wakuipa kubala bzibalo bzabwino. ¹⁹Muti uliwense wakusaya kubala bzibalo bza bwino adzaugwata achiuthusa pamoto. ²⁰Tsono pamwepo, mudzaudziwa iwo na bzibalo bzache.²¹Neye wensene omwe anilewa kuna ine, 'Mbuya, Mbuya,' adzayenda kuufumu bwakudaulu, koma iwo wense omwe achita bzakufuna bza Baba omwe ali kudzaulu. ²²Wanthu azinji adzalewa kuna ine nsiku zozo, 'Mbuya, Mbuya, ife tilibe kunenera mudzina lanu, tichibulisa bziwanda mudzina lanu, ndipo mudzina lanu tida chita bzinthu bzakudabwisa?' ²³Pomwepo nidzalewa kwa iwo, ndikukudziwani lini imwe! chokani kuna ine, ndimwe anyakuchita bza kusaya kutongeka!'²⁴Pomwe pale, aliyense omwe adzabva mafala yangu achiyabvera adzakhala ninga munthu nya nzeru omwe am'manga nyumba yache pa pfefe. ²⁵Pomwe mvula idabvumba, madzi yadabwera, nachonzi chidabwera ndipo chidamenya nyumba ile, koma ilibe kugwa, nakuti iyo idamangiwa pa pfefe.²⁶Koma munthu aliyense amwe nibva mafala yangu achisaya kubvera iye adzakha ninga munthu chilema nyakumanga nyumba yache pa m'chenga. ²⁷Mvula idabvumba, madzi yadawera, napo chonzi chidamenya chichigumula nyumba, iyo ichigwa, ateye ichidzongekelatu yensene.''²⁸Ndipo bzitamala ibzi Yesu adamaliza kulewalewa mafala yomweya, thimu lidadabwisika na mapfunzisidwe yache, ²⁹nakuti iye adapfunzisa iwo ninga m'bodzi wamphamvu zautongi, neye ninga anyakunemba wawo.

8¹Pomwe Yesu adabwera kuchokera kuphiri, thimu la wanthu lidamutewera iye. ²Nyang'anani ,Nyamapere adabwera kunaiye achimu godamira iye, achilewa, ''Mbuya, penu muliku funa, munga kwanise kundilimbisa.'' ³Yesu adafuthula boko lache achimuphata iye , mkulewa, ''Ine ndikufuna. limba.'' Pomwepo mapere yache yadamala pa iye.⁴Yesu adalewa kuna iye, ''Nyang'ana iwepo nampodi kulewa kuna munthu aliyense. Ndoko njira yako, ukabzionesere wekha kuna wa nsembe, ukapereke chakupereka ninga Mose adatongera, ninga umboni kuna iwo.''⁵Pomwe iye akhapita m'Kapelenawo, kentuliyo adabwera kuna iye, mkumukumbila iye ⁶achilewa, ''Mbuya, nyabasa wangu aligone kumuyi akudwala manthenthe wabonera kwenekwene.'' ⁷Tsono Yesu adalewa kuna iye, ''Nibwera nidzamulimbisa iye.''⁸Kentuliyo adatawira achilewa, ''Mbuya, Ndikuthemera lini kuti mupite pa nsodzi ya nyumba yangu. Mukando kulewa mafala nyabasa wangu anilimba. ⁹Poti inembo ndine munthu wakutetekera ulamuliro, ndili nawo achikunda ambandibvera. Ndikalewa kuna m'bodzi, 'Ndoko,' iye ambayenda, kuna winango, 'Bwera,' iye ambabwera, kuna nyabasa wangu, 'Chita ibzi,' iye achichita.'' ¹⁰Pomwe Yesu adabva ibzi, adadabwa achilewa kuna wale omwe akhamutewera iye, ''Chadidi ndikulewa kuna imwe, ndilibe kuona m'bodzi wachikhulupiliro ninga ichi mu Isarayeli.¹¹Ine ndikukuuzani imwe, azinji adzabwera kuchokera kumachibese na kumaulo, iwo adzabwera adzakhala pa meza pabodzi na Abulahamu, Isaki, na Yakobo, muufumu bwa kudzaulu.komweko kuddzakhala ¹²Tsono wana waufumu adzataiwa kunja kwa m'dima,komweko kudzakhala kulila na kukuta mano.'' ¹³Yesu adalewa na kentuliyo, ''Ndoko! Nam'mene iwe wakhulupira, ibzo bzinkachitika kuna iwe.'' Na nyabasa ule adalimbisiwa nthawe yibodzi bodziyo.¹⁴Pomwe Yesu adafika kumuyi kwa Petulo, adaona amabzala wache wa Petulo aligone kudwala manungo. ¹⁵Yesu adaphata boko lache, napo manungo yachimalilatu pa iye. Pamwepo iye adalamuka achiyamba kumuphatira basa.¹⁶Pomwe maulo yadakwana, Adabwera nawo kuna Yesu wanthu azainji wakuphatiwa na bwiwanda.Iye adabulisa bziwanda bzakuipa na mafala anyakudwala wense adalimbisiwa. ¹⁷Na telepoyo bzidakwanisiwa bzomwe bzidalewidwa na Yesaya m'neneri, kuti, ''Iye adatakulabzakutazila bzathu nthenda zathu.''¹⁸Tsono pomwe Yesu adaona thimu lamuzulira iye, iye dawatonga kuti alamuke ayende ng'ambu inango ya nyanza ya Galileya. ¹⁹Tsono mlembi adabwera kuna iye achilewa, ''Mpfunzisi, Ine ni,baku tewerani imwe kulikwense komwe imwe muniyenda.'' ²⁰Yesu adalewa na iye, ''Mphumphi zina mphako zawo, na mbalame za m'dzaulu zina bzitsa bzawo, soma Mwana wa Munthu alibe pakutsimira msolo wache.''²¹Wakupfunzira winango adalewa kuna iye, ''Mbuya, ndibvumeni ndiyambe kayikha babangu.'' ²²Tsono Yesu adalewa kuna iye, ''Nditewere ine, aleke wakufa ayikhane wakufa okhaokha.''²³Pomwe Yesu adapita m'mwadiya, anyakupfunzira wache adamutewera iye momo. ²⁴Nyang'anani, chonzi chikulu chida nyanduka pa nyanza, tsono mwadiya udatchingiwa na mabimbi. Tsono Yesu akhagona. ²⁵Wakupfunza adayenda kuna iye achikam'musa, achilewa, ''Ttipulumuseni ife, Mbuya; tili kutayika!''²⁶Yesu adalewa na iwo, ''Thangwe lanyi mukuchita mantha, ndimwe wa chikhulupiliro chakuchepa?'' Tsono iye adamuka achitsimula chonzi na nyanza. ²⁷Tsono kunja kudakhala zii. Wanthu wale adadabwitsika achilewa, ''Ni munthu wa mtundu wanyi umweyu, mphepo na nyanza kubodzi kumubvera iye?''²⁸Pomwe Yesu adabwera ng'ambu inango ya dziko la Gadala, wanthu awiri omwe adaphatiwa na bziwanda adagumana naye iye. Iwo akhabula m'thenje ali kukalipa kwenekwene, nakuti pakhalibe munthu akhadzera njira yomweyo. ²⁹Nyang'anani, adakuwa achilewa, ''Tinamwe chiyani naimwe, Mwana wa Mulungu? Mwabwera kuno kudzati ife nthawe ikanati kukwana?''³⁰Patsoglo pawo pakhana gunyenye la nkhumba zizinji zomwe zikhadya, neye patali letu na iwo. ³¹Bziwanda bzile bzidakumbira Yesu mkulewa, '' Penu mumtibulisa ife, mutiyendese kuna gunyenye la nkhumba kule. ³²Yesu adalewa kwa iwo, ''Ndokoni!'' Bwiwanda bzile bzidabula bzichiyenda mwa nkhumba; nyang'anani, gunyenye lense la nkhumba zile zidabuluka m'phili zichikamila m'nyanza izo zichifera m'madzi.³³Iwo omwe akhadyesera nkhumba zire ada thamanga achiyenda mum'mzinda kukalewa bzense, bzokha bzokhabzo bzomwe bzidachitika na wanthu wa wakuphatiwa na bziwanda wale. ³⁴Nyang'anani, wense wamu mzinda adabwera kudzagumana na Yesu. Pomwe adamuona iye, iwo adamukumbila iye kuti achoke mbali yawoyo.

9¹Yesu adapita mmwadiya, nkuyambuka, achipita mu mzinda wache. ²Onani, adabweresa kuna iye mwamuna wakupunduka atamugonesa pa makha ya mphasa. Nakuona chikhulupiriro chawo, Yesu adati kuna nyakupundukayo, '' Mwana iwe, limba mtima. Bzakuipa bzako bzalekereriwa.''³Onani, anembi winango adasewera okha okha, ''Munthu umweyu akuchita makiriyado.'' ⁴Yesu adabvima bzakukumbuka bzao achiti, ''Sabwanyi munkukumbuka bzakuipa mmitima mwanu? ⁵Nakuti kodi chapafupi mchiyani, kulewa, 'Bzakuipa bzako bzalekereriwa,' ayayi kulewa, 'Muka ufambe'? ⁶Soma ndicho mudziwe mchakuti Mwana wa Munthu ana mphamvu padziko lapansi pano yakulekerera bzakuipa,... '' adati kuna nyakupunduka ule , ''Muka, takula mphasa yako, uyende kumui kwako.''⁷Apo munthu ule adanyamuka achiyenda kumui kwache. ⁸Pomwe thimu la wanthu lidaona bzobzi, lidachita mantha lichitenda Mulungu, omwe adapereka mphamvu imwei kuna wanthu. ⁹Pomwe Yesu adapitirira kucoka pamwepo, adaona munthu dzina lache Mateu atakhala pa kanyumba ka munthu nyakukhomesa mitsonkho. Adati kuna iye, ''Nditewere ine.'' Adamuka achimutewera iye.¹⁰Pomwe yesu adakhala pansi kudya mnyumba, onani, wakukhomesa mitsonkho na anyakuphonya azinji adabwerambo nkumbadzadya na Yesu na anyakupfunzira wache. ¹¹Pomwe Afarisi adaona bzobzi, adati kuna wakupfunzira wache, ''Sabwanyi mpfunzisi wanuyu ankudya na anyakukhomesa mitsonkho na anyakuphonya?''¹²Pomwe Yesu adabva bzobzi, adati, ''Wanthu wakulimba ambafuna lini nyabezi, soma okhawo ndiwo ankutsautsika. ¹³Ndokoni mukapfunzire bzobzi kuti bzinkulewanyi: 'Nimbafuna chifundo sikuti nsembe.' Thangwe ndiribe kubwera kudzachemera wakulungama kuti alape, soma wakuphonya.''¹⁴Tsapano wakupfunzira wa Yohani adabwera kuna iye achiti, ''Thangwelanyi ife na Afarisi timbasala kudya nthawe zizinji, soma wakupfunzira wanu ambasala lini?'' ¹⁵Yesu adati kuna iwo, '' Wanthu wa pa ma loozo angalire pomwe mulooli akadali popo na iwo? Soma nsiku zinkubwera ndizo mulooliyo amdzatengiwa kuna iwo, apo tsapano amdzasala kudya.¹⁶Palibe ambasonerera chigamba chipsa pa chakubvala chakusakala,thangwe chigambacho chimdzalekera ku cakubvala chakalecho ,apo kung'ambika kukulu kumdzachitika.¹⁷Neye wanthu ambatsanulira lini vinyo wakusasa mu mitsuko ipsa. Achitenepo, mitsukoyo imdzaphoka, vinyo wense achitaika, apo mitsukoyo ichipseka. Soma, ambaikha vinyo mupsa mmitsuko ipsa, apo bwensene bzimdzakoyeka.''¹⁸Pomwe Yesu ali mkati kusewera bzobzi kuna iwo, onani, mkulu winango waboma adabwera achidzagodama kuna iye, Achiti, ''Mwanangu mkazi wasaika tsampanopali, soma bwerani mudzamubzatikembo manja, apo anilimba.'' ¹⁹Apo Yesu adalamukadi achimutewera, na wakupfunzira wache pabodzi.²⁰Onani, mkazi winango ndiye akhatsautsika na matenda ya kuchoka mulopa ate magole khumi na mawiri adabwera nkuwenda mmuyo mwa Yesu achikhuya pa ponta pa chakubvala chace. ²¹Thangwe adati mumtima mwace, ''Ndichitondo kukwanisa kukhuya bzakubvala bzache bzire, nilimbiratu.'' ²²Soma Yesu adachungunuka achimuona iye, achiti, Mkaziwe, limba mtima; chikhulupiriro chako chakulimbisa.'' Apo mkaziyo adalimbadi nthawe imweyo letu.²³Pomwe Yesu adabwera mnyumba mwa munthu ule, adaona wakuimba bzitolilo na thimu lawanthu wakulila, ²⁴Adati, ''Ndoko uko, thangwe mwanayo alibe kusaika, soma watondo kugona.'' Soma wanthu adamuseka mwakumunyongodola.²⁵Pomwe thimu lire lidabulisiwa panja, adapita momo achimuphata boko lache, apo mtsikanayo adalamuka. ²⁶Nkhani imwei idabveka kudziko kwenseneko.²⁸Pomwe Yesu adapitirira kuchoka popo, azimola awiri adamutewera. Akhakuwa kumbati, ''Tichitirenimbo chifundo, Mwana wa Davide!'' ²⁷Pomwe Yesu adapita mnyumbamo, azimola wale adabwera kuna iye. Yesu adati kuna iwo, ''Mukukhulupirira kuti ningachite bzobzi?'' Adati kuna iye, ''Inde, Mbuya.''²⁹Kinangoka Yesu adaphata maso yawo achiti, ''Lekani bzichitike kuna imwe malingana na chikhulupiriro chanu,'' ³⁰apo maso yawo yadapenya. Tsapano yesu adawatsinda bzachadidi bzire achiti, ''Chitani bzakuti munthu wina nampodi adziwe bzobzi,'' ³¹Soma amuna awiriwo adayenda achimbasimba bzobzi kuna aliyense kwenseneko.³²Pomwe amuna awiriwo akhayenda, onani, bewewe wakuphatiwa pomwe na chiwanda adamubweresa kuna Yesu. ³³Pomwe chiwandacho chidabulisiwa, beweweyo adasewera. Wanthu azinji popo adadabwa achiti, ''Ibzi bzikanati kuoneka kale muno mu Isaraeli!'' ³⁴Soma Afarisi popo akhalewa kuti, ''Akuchosa bziwandabzi, na mphamvu ya mkulu wa bziwanda.''³⁵Yesu adamala kuzunga mmizinda na mmiyi yensene. Adapitiriza kupfunzisa mma sunagoge yao,kulalika mafala ya ufumu na kulimbisa matenda ya mitundu yense na madwale mazinji. ³⁶Pomwe adaona thimu lawanthu, adachita nawo nsisi, thangwe akhadabonera achifika pa kuphwiriziwa . Akhali ninga mabira ya kusaya nyakabusa.³⁷Adati kuna wakupfunzira wache, ''Bzakukolola bzawandisa, soma anyabasa achepa. ³⁸Mthangwe lache kamkulumize pempherani kuna Mbuya wa bzakukololayo, pala kuti atumize anyabasa muna bzakukololamo.''

10¹Yesu adachemera wakupfunzira wache wensene khumi na awiri wale achiwapa mphamvu pa bziwanda, kubzibulisa, na kulimbisa matenda ya mtundu uliwense na kudwala kwamoda wense.²Tsapano madzina ya wakupfunzira wale yakhali aya. Wakutoma, Simoni (ndiye akhamuti pomwe Petulo), na Andreya mano wache, Yakobo mwana wa Zabedayo, Na Yohani mano wache,' ³Filipi, na Batumeyo; Yakobo mwana wa Afiyasi, na Tadeyo; ⁴Simoni Mkanani , na Yudasi Isikariyoti, wakudzampereka Yesu.⁵Awa ndiwo khumi na awiri ndiwo Yesu adawatumiza. Adawapanganiza kuti, ''Nampodi kuyenda kulikwense ndiko kumbakhala wa chikunja, apo nampodi pomwe kukapita mu mzinda wa a Samariya. ⁶So ndokoni kuna mabira yakutayika ya ku Isarayeri ; ⁷apo pakuyenda, kalalikeni kuti, 'Ufumu bwa kudzaulu buli pafupi.'⁸Kalimbiseni atenda, kalamuseni wakusaika, kalimbiseni wa mapere, apo pomwe kabuliseni bziwanda. Mwatambira fovolo, kapeni fovolo. ⁹Nampodi kutakula oro, siliva, ayayi kopa mu mchuno mwanu. ¹⁰Nampodi kutakula chola cha pa ulendo pa ulendo bwanu, ayayi nsapato inango, ayayi shango, ayayi mpsimbo, thangwe nyabasa ambathemera na chakudya chace.¹¹Mzinda ayayi muyi uliwense munkapitayo, kaoneni wakuthemera mbani mwemo, apo kakhaleni momo ate kudzabula. ¹²Pakupita mnyumbamo, ipaseni moni. ¹³Penu nyumbayo njakuthemera, mtendere wanu ukakhale pa iyo. Soma penu njakuthemera lini, mtendere wanu ukabwerere kuna imwe.¹⁴Kuna iwo ndiwo ankakutambirani lini ayayi kukubverani mafala yanu, pakubula mnyumba yoyo ayayi mzinda umweyo, kakunkhumuleni pfumbi lanu ku nzayo zanu. ¹⁵Chadidi ndikulewa kuna imwe, zjai bzimdzapusa kudzalekerera chakuipa kuna Sodomu na Gomorra pa nsiku ya kumaliza kusiyana na mzinda umweyo.¹⁶''Nyang'anani, ndikukutumani ninga mabira pakati pa mphumphi, na tenepo khalani wa kuchenjera ninga nyoka na wakusaya kuphonya ninga nkhangaiwa. ¹⁷Khalani tcheru na wanthu! Amdzakutengerani ku mbuto za kutongera milandu, apo achidzakutchangani mma sunagogue mwao. ¹⁸Kinangoka amdzakupfuwirani kuna atongi na mafumu thangwera ine, pakukhala umboni kuna iwo na wakunja.¹⁹Angadzakuperekani, lekani kudzakhala na thupo kuti mumdzasewera tani,thangwe bzomwe mudzalewelewe mumdzapasiwa letu nthawe imweyo. ²⁰Thangwe ndimwepo lini omwe mumdzakalewalewa, soma ni Mzimu wa Babanu ndiwo umdzasewera mwa imwepo.²¹Mano na mano kumdzakhala kuperekana kukaphiwa, na baba kuna mwanace. Wana amdzapandukira abereki wao achiwaphesa. ²²Mumdzazondiwa na aliyense thangwera dzina langu. Soma ndiye amdzapirira ate kumamaliziro, umweyo amdzapulumuka. ²³Angadzakuboneresani mu mzinda, dzathawireni ku mzinda winango, nakuti chadidi ndikulewa kuna imwe, mungadamaliza lini kufamba mu mzinda wa Isaraeri Mwana wa Munthu akanati kubwera.²⁴Wakupfunzira amposa lini mpfunzisi wace, ayayi nyabasa kuposa mbuyace. ²⁵So bzingakwanisike kuti nyakupfunzira akhale ninga mpfunzisi wace, na nyabasa ninga mbuyace. Ningati mbuya wa pa muyi pawo akumuchemera kuti Berezebule, kuna tani kuipa kwa madzina ndiyo amdzachemera wanthu wa pa muyi pace!²⁶Mthangwe lace nampodi kuwagopa, nakuti palibe chinthu cakubisala ndico cimdzazimbulika lini, na cinthu ca kumpsinkhika ndico cimdzadziwika lini. ²⁷Ndico ninkuuzani mu mdima, mukacilewe pa decha, na comwe mumchibva nung'u nung'u mmakutu mwanu, mukachikuwe pa nsodzi pa nyumba.²⁸Nampodi kugopa wale ndiwo ankwanisa kupha thupi lokha soma nkutazira kupha kubodzi na mzimu, so gopani ule ndiye amkwanisa kudzonga thupi na mzimu kubodzi ku jahena. ²⁹Nserenga ziwiri zimbagulisiwa lini kakobiri ka mkitikiti? Pamene palibe neye nserenga ibodzi ndiyo ingambuthe pansi Babanu seye nkuidziwa. ³⁰Soma neye tsisi la munsolo mwanu lokha ambalidziwa basi kuwanda kwace. ³¹Nampodi kugopa. Ndimwe wakufunikira maninge kusiyana na nserenga zizinjizo.³²Mthangweracembo aliyense ndiye amdzanditambira padeca pana wanthu, nimdzamutambirambo pa maso pa Babangu ndiye ali kudzaulu. ³³Soma ndiye am'dilamba pana wanthu, nimdzamulambambo pamaso pa Babangu ndiye ali ku dzaulu.³⁴Nampodi kukumbuka kuti ndidabwera kudzathusa mtendere pa dziko la pansi, soma lupanga. ³⁵Thangwe ndidabwera kudzasiyanisa mwana mamuna na babace, na mwana mkazi na mamace, na muloola na mabzala wace wa chikazi. ³⁶Anyakumuwenga munthu amdzakhala wa pa muyi pache chaiwo.³⁷Iye wakukonda babace ayayi mamace kuposa ine umweyo akuthemera lini ine; iye wakukonda mwanace wachimuna ayayi wachikazi kuposa ine ankuthemera lini ine. ³⁸Iye omwe amtakula lini mtanda wace nkunditewera akuthemera lini ine umweyo. ³⁹Iye wakupsaga moyo wache amdzautaya. Soma iye wakutaya moyo wache thangwera dzina langu amdzaugumana.⁴⁰Iye wakutambira iwe watambira ine, apo iye wakutambira ine watambira iye ndiye adandituma. ⁴¹Iye wakutambira mneneri mudzina la mneneri amdzatambira mpfupo ya mneneri, apo iye wakutambira munthu wakulungama mu dzina la munthu wakulungama amdzatambirambo mpfupo ya munthu wa kulungama.⁴²Aliyense wakupereka kuna ang'ono ang'ono awa neye mkombo wa madzi yakujejera okha mu dzina la mneneri, chadidi ndikulewa kuna imwe, bzingadzakwanisike lini kuluza mpfupo yace.''

11¹Bzidachtika kuti pomwe Yesu adamaliza kulangiza wakupfunza wache khimi na awili wale, adalamuka pomwepo kukapfunzisa na kulalika m'mizinda yawo. ²Tsopano Yohani adabva mkawoko bzichito mkhilisitu, iye adatumiza mtumi kwa wakupfunza wache ³ndipo adalewa kuna iwo, ''Kodi ndimwe mbodzi waomwe mukubwera, pinango tidikilire winango?''⁴Yesu adawatawira achilewa kuna iwo, ''Ndokoni mukafotokoze kwa Yohani bzomwe mwaona na kubva. ⁵Azimola ali kutambila kuona, anyakupunduka miyendo ali kufamba, wamapele ali kukonzewa, agonthi akuyamba pomwe kubva, wakufa ali kumusiwa achikhala pomwe na moyo, ndipo mafala ya Mulungu yakulikiwa kuna anyakusauka. ⁶Wakudala ngule alibe kupitiwa thangwe la ine.''⁷Amuna wense wale adapita njira zawo, Yesu adayamba kulewa na thimu lile bza Yohani, ''Kuchipululu mudayenda kaona chiyani_ mitete kutetemera na chonzi? ⁸Tsono mudayenda kunja mudakaona chiyani_ munthu wakubvala chakubvala chakufewa? Chadidi, iwo omwe ambabvala bzaku bvala bzakufewa ambakhala m'nyumba za mafumu.⁹Tsono mudaona chiyani_ mneneri? Inde, ndikulewa na imwepo, ndipo kuposa mneneri. ¹⁰Uyu ndiye omwe kudanembiwa, 'Nyang'anani, ndikutumiza mthenga wangu maso panu, omwe amdzakonza njira yanu.'¹¹Chadidi ndikulewa kwa imwe kukanati kuoneka kale m'mbodzi wakubaliwa na azimayi, mkulu kuposa Yohani M'batizi. Chensecho munthu nyafuniwa mu ufumu bwa kudzaulu nimkulumbo kuposa iye. ¹²Kuchokela nsiku za Yohani M'batizi ateye pano, ufumu bwa kudzaulu buku bonera na chiwawa, ndipo wanthu wa chiwawa ambabzitengera nsimba.¹³Mwa aneneri wensene na wachilamulo wense adalewera kufikila Yohan; ¹⁴neye penu mukufuna kubvuma, iye ni Eliya omwe akubwera. ¹⁵Iye omwe anamakutu yakufuna kubva, mulekeni iye abve.¹⁶Ni chiyani chomwe ninga ndendemezere na m'badwo uno? Uli ngati wana wakusenzeka msika achimba chemerezana, ¹⁷achilewa, 'Tidasenzeka na fuluti pala imwe, tsono imwe mulibe kubzina. Tidalira, tsono imwe mulibe kubveka mkuwe.'¹⁸Nakuti Yohani adabwera se kudya mkate neye kunwa badwa, ndipo iwo adalewa, 'Iye ana chiwanda; ¹⁹Mwana wa Munthu wabwera akudya nakumwa tsono iwo akulewa, 'Nyang'anani, iye ngwadyera ndipo mchiledzelere, mwanzawo ni anyakukhomesa msonkho na anyakuphonya!' Tsono nzeru imba dziwika na bzakuchitika bzache.''²⁰Kinangoko Yesu adayamba kutsimula mizinda yomwe adaichitira bzakudabwisa bzache thangwe wanthu akhalibe kulapa. ²¹''Tsoka kuna iwe, Cholazini! tsoka kuna iwe, Betania! bzikadakhala kuti bzakudabwisa bzidachitikila ku Tiro na Sido bzomwe bzida chitikila imwebzi, akada lapa kalekle akadabvala bzi guduli na kudzola dotha. ²²Tsono, ndikukuzani imwe kudzakhala bzizinji bza kunesa ku Tiro na Sido pa nsiku ya chiweruzo kusiyana na imwepo²³Iwe, Kaperenawo, ukukumbuka kuti ndiwe wakusankhika kudzaulu? ukukumbuka kuti udzakwiziwa ateye kudzaulu? Neye, udzabuluka kufika ateye kwa kufa. Thangwe bza mphamvu bzomwe bzida chitika na iwe bzingadakhala bzidachitila Sodomu, angadakhala wa kusungiwa ateye lero. ²⁴Tsono ndikulewa kuna imwe nsiku yatonga mulandu wa Sodomu udzachepa na iwe.''²⁵Panthawe yomweyo Yesu adalewa, ''Ndikukutendani imwe, Baba, Mbuya wakudzaulu na dziko la pansi, thangwe imwe mudabisa bzinthubzi kuna wanthu wa nzeru na wakudziwa bwino, achi bziuzambo wana wao. ²⁶Inde, Baba, ichi chikhali chakudeka pamaso panu. ²⁷Bzinthu bzense bzaperekiwa kuna ine kuchokera kwa Baba, palibe m'bodzi akudziwa Mwana kupambula Baba, napo palibe m'bodzi akudziwa Baba kupambula Mwana na aliyense omwe Mwana wasankhula kuti adziwe chinsinsi chache.²⁸Bwerani kuna ine, mwense waku bonera na kuneta, nakuti nidzaku pumisani. ²⁹Bzitengereni goli lanu pa ine napo mupfunze kuchoka kuna ine, nakuti ndine waku bzichepsa naku pfatsa mtima, pomwe mudzaugumana mpumulo wa mzimu wanu. ³⁰Poti goli langu ndakusaya kunesa napo chilango changu nchakupepuka.''

12¹Pa nthawi imweyo Yesu adayenda nsiku ya Sabata pakati paminda ya tiligu. wakupfunzira wache akhana njala apo adayamba kutsudubula ngalale achidya. ²Soma pomwe Afarisi adawona bzobzire, adamuuza Yesu, ''Onani, wakupfunzira wanu akuchita bzomwe mpsakutayana na mtemo kuchita nsiku ya Sabata.''³Soma Yesu adalewa kuna iwo ,'' Kodi mulibe kulewenga bzomwe Davide adachita pomwe akhana njala, na amuna omwe akhanao? ⁴Adayenda mu nyumba ya Mulungu apo adadya mikate ya chioneso, yomwe ikhali yakuletsiwa kuna iye kudya ayayi pomwe omwe akhanawo, soma pa mtemo wace akhabvumiziwa kudya akhali wansembe okha basi.⁵Kodi imwe mulibe kulewenga mtemo wa utongi omwe unkuti pa Sabata wansembe mtchalitchi ambaipisa nsiku ya Sabata soma ambakhala se pikado? ⁶Soma nilewa kuna imwe kuti m'bodzi nyakuposa kachisiyo ali pampano.⁸Mucikhala mukhadziwa kuti bzobzi bzikulewa chani, 'Ine nimfuna chifundo se kuti nsembe neye ,' imwepo mungadatsimula lini anyakusaya kuphonya. ⁷Nakuti Mwana wa Munthu ni Mbuya wa Sabata,''⁹Apo yesu adachoka pamwepo , achikapita mu sunagogue mwao. ¹⁰Onani, pakhana munthu omwe akhana boko la ku mpsimpsinika. Afarisi adabvunza yesu, achiti , ''Mpalamulo lace kulimbisa nsiku ya Sabata?'' pala kuti amulewe iye kuti ngwakuphonya.¹¹Yesu adalewa kuna iwo , ''Munthu mbani kuna imwe ,omwe , achikhala naye bira m'bodzi , apo achigwera mdindi nsiku ya Sabata, angaleke kumuphata achimucosa kunja? ¹²Tsono kupita kwanyi kwa nsimba, komwe , kuna bila! Natenepoyo mpalamulo lace kucita bwabwino pa Sabata.''¹³Apo Yesu adalewa kuna munthuyo, '' Futhula boko lako '' Iye adalifuthula, napo lidabwerera mwache, ninga linango lire. ¹⁴Soma Afarisi adabula achikhala gwere kumpangana iye. Iwo akhanyang'ana mule mwakuti am'phere iye.¹⁵Yesu, pakubvimira bzobzi, adachoka pompale. Wanthu azinji adamutewera iye, achiwalimbisa wensene. ¹⁶Iye adawatsinda iwo kuti nampodi winango adziwe bza iye, ¹⁷kuti bzikwanirisiwe, ndibzo bziidalewiwa na Yesaya mneneri, kuti,¹⁸''Nyang'anani, kapolo wangu omwe ndidamusankhula; nyakukondewayo, mwa iye mzimu wangu unidekedwa naye. Nimdzaikha Mzimu wangu pana iye, apo iye amdzalalikira chilungamo kuna Wachikunja.¹⁹Amdzalimbana lini ayayi neye kukuwa; pinango m'bodzi yekhambo kumubva mafala yace mmakwalala. ²⁰Iye neye mtete wakupseka amdzaukhobola lini neye kuthimisa chikoloboyi cha ku fukutira mpakana atatsogolera chilungamo ku chipambano, ²¹apo mudzina lache Wachikunja amdzakhala na chikhulupiriro.''²²Pamwepo adabwera naye kuna yesu munthu zimola akhali pomwe bewewe akhana pomwe bziwanda. Iye adamulimbisa, ate achiyamba kusewera achiona pomwe. ²³Apo thimu lense la wanthu lidadabwa lichilewa, '' Kodi munthu umweyu angakhale mwana wa Davide ule na?''²⁴Soma Afarisi pakubva bzakudabwisa ibzi adati. ''Munthu umweyu ambachosa lini bziwanda soma ni mphamvu ya Belezebule, mkulu wa bziwanda.'' ²⁵Soma Yesu adabvimira bzakukumbuka bzawo, achiti kuna iwo, ''Ufumu bulibwense bwakugawanika bumdzachedwa lini kupasuka, namzinda ayai muyi wakugawanika umdzafudzika.²⁶Penu Satana ambachosa Satana, iye ndiye kuti wagawanika kale yekha. Ndiye kuti ufumu bobo bumdzakhala tani? ²⁷Apo penu ine nimbachosa bziwanda na mphamvu ya Berezebule, tsono wana wanu ambachosa na mphamvu yayani? Na thangwe ili amdzakhala wakutonga imwe.²⁸Soma penu nimbachosa bziwanda na Mzimu wa Mulungu, ndiye kuti ufumu bwa Mulungu bwafika kuna imwe. ²⁹Bzingakwanisike tani munthu kukapita mnyumba mwa munthu wa mphamvu kukamubera bzinthu bzensene se kutoma kukamupima? Salipo iye nkudzabwera bwino kudzaba bzinthubzo mnyumba mule. ³⁰Iye omwe analini ine ni muwengi wangu apo pomwe ndiye ambatsonkhana lini pabodzi na ine ambabalalikana.³¹Mthangwe lace ndikulewa kuna imwe, bzakuphonya na makiriyado yensene bzimdzalekeleriwa kuna imwe soma wakuchitira makiriyado Mzimu wakuchena amdzalekereriwa lini. ³²Iye wakusewera makiriyado yaliyense kuna Mwana wa Munthu amdzalekeleriwa chakuipa cace. Soma iye wakuchitira makiriyado Mzimu Wakuchena amdzalekereriwa lini chakuipa chache, neye mudziko lapansi lero lino neye mtsogolo.³³Chitani bzakuti muti udeke bzibalo bzache pomwe bzideke , chitani kuti muti uyipe bzibalo bzache bwiyipe pomwe, thangwe muti umbadziwika na bzakubala bzache. ³⁴Imwe wana wa nyoka , nakuti ndimwe wakuphonya, mungalewe tani bzinthu bzabwino? Thangwe mulomo umbasewera bzomwe bzadzala mumtima. ³⁵Munthu wabwino wakuchokera mu vida ya mtima wache wabwino ambachosambo bzabwino, napo munthu wakuipa wa kuchokera mu vida yakuipa ya mtima wache ambachosambo bzakuipa.³⁶Ndikukuuzani kuti pa nsiku ya ku dzatongewa wanthu amdzatawira mulandu wa fala lirilense ndilo adalewalewa. ³⁷Thangwe mumzayezeriwa wakulungama na mafala napo mumdzagaziwa na mafala yanu pomwe.''³⁸Tsapano anembi na Afarisi winango adamutawira Yesu achiti, '' Mpfunzisi , tikufuna bzizindikiro kuchokera kuna imwe.'' ³⁹Soma Yesu adawatawira achiti, ''M'bwado wa wanthu wakuipa na wa chigololo umbafuna bzizindikiro. Soma palibe chizindikiro ndicho chimdzaperekiwa kupambula cha mneneri Yona. ⁴⁰Pakuti Yona adakhala mmimba mwa chinsomba chikulu nsiku zitatu na usiku pomwe butatu, ndendende pomwe na Mwana wa Munthu amdzamala nsiku zitatu na usiku butatu pomwe pa mtima wa dziko lapansi.⁴¹Tsapano amuna wa ku Nineveh amdzaima pa chitongero pabodzi na wanthu wa mbadwo uno apo amdzautsimula. Thangwe adalapa na ulaliki bwa Yona, napo onani, winango mkulu kuposa Yona ali pano.⁴²Mfumukazi ya ku m'wera imdzalamuka pa nsiku ya chitongero na wanthu wa mbwado uno napo imdzagaza bzobzi. Imdzabwera kuchokera kumalekezero ya dziko lapansi kudzabva nzeru za Sololmoni, apo onani winango mkulu wakuposa Solomoni ali pampano.⁴³Pomwe mzimu wakuipa wachoka mwa munthu umbapitirira mbuto zakusaya madzi kukanyang'ana mbuto kuti ukapume soma umbaisaya. ⁴⁴Apo umbati, 'Zjai nim'bwerera ku nyumba yangu ndiko ndidachokera,' Ungabwerera, umbakagumana nyumbayo idapsaira bwino apo iri mu mchikonzero chabwino. ⁴⁵Ndiye umbabwerera kukatengana na inzache minomwe yakuipa kuposa iwo, apo imbakabwera kudzakhala pomwe mwa munthu ule. Tsapano khalidwe lakumaliza la munthu ule limbadzalemweratu kunyanya kuposa pakutoma pale. Bzimdzaterepoyombo na mbadwo wakuipa uno.''⁴⁶Pomwe Yesu akhali mkati kulewalewa kuna mathimu ya wanthu yale, onani, mayi wache na abale wache adaima panja, kufuna kuti alewelewe naye. ⁴⁷Winango adati kuna iye, '' Nyang'anani , mai wanu na abale wanu aima panjapa, akufuna kusewera namwe.''⁴⁸Soma Yesu adamutawira achiti kuna adamuuzayo, ''Mayi wangu mbani na abale wangu mbani?'' ⁴⁹Kinangoka adafuthula boko lache kuna anyakupfunzira wache achiti, ''Onani, mayi wangu na abale wangu mbawa! ⁵⁰Thangwe munthu aliyense omwe ambachita bzakufuna bza Baba wangu ndiye ali kudzaulu, umweyo ndiye mano wangu, mfumakazi, na mayi wangu.''

13¹Pa nsiku imweyo Yesu adayenda kunja kwa nyumba achikakhala m'gombe mwa nyanza. ²Thimu lizinji kwene kwene la wanthu lidagwezekana kumuzungulila iye, apo adapita m'wadiya achikhala mwemo apo thimu lensene lire lidakhala pansi m'gombe mule.³Ndiye Yesu adawauza bzinthu bzizinji mbwifanizo. Adati, ''Onani, mulimi adayenda kukafesa mbeu, ⁴Pomwe akhafesa, mbewu zinango zidagwera m'bali mwa njira, apo mbalame zidabwerra kudzazijonkhona. ⁵Zinango zidagwera pa minyala, pomwe pakhalibe mataka mazinji. Kamfulumize zidamera thangwe pakhalibe mataka mazinji . ⁶Soma ndipo dzuwa lidachoka, zidabvuka thangwe zikhalibe mizi, apo zidafota.⁷Njere zinango zidagwera pa uzuzu bwa minga. Mingazo zidakula zichikoloweka mbeu zire. ⁸Njere zinango zidagwera pa mataka ya ndovolo zichibala bzipatso, zinango njere dzana libodzi kupitirira , zinango makumi matanthatu, zinango makumi matatu. ⁹Iye ndiye ana makutu abve.''¹⁰Wakupfunzira adabwera kuna Yesu achiti, ''Sabwanyi mumbasewera kuna thimu lawanthu mbzifanizo?'' ¹¹Yesu adawatawira kuti, ''Mwapasiwa mwai wa kubvesesa bzakubisika bza bzakudabwisa bza ufumu bwa kudzaulu, soma kuna iwo alibe kupasiwa. ¹²Nakuti ule ndiye anabzo amdzapasiwa bzizinji, achidzakhala nabzo mtaye mtaye, Somandiye alibe, neye ndibzo anabzobzo bzimdzatengiwa kuna iye.¹³Nithangwe lace nimbasewerra mwakuphiphirisa kuna iwo : Pala kuti neye akuona, nampodi aone; napo neye akubva, nampodi abve, ayayi kubvesesa. ¹⁴Kuna iwo kubvimira kwa Yesaya kwakwanisiwa, kule ndiko kumbati, 'Pakutetekera , mumdzabva,soma mumdzabvesesa lini; kuona, mumdzaona, soma mumdzadziwa lini.¹⁵Thangwe mtima wa wanthu awa wasanduka wakufa, na makutu yambabva mwakubonerera, aphophoma maso yao, Pala kuti angaone na maso yao, achibva na makutu yao,napo achibvesesa na mitima yao nkutembenuka pomwe, nakuti ningawalimbise.'''¹⁶Soma yakudala maso yanu,thangwe yambaona; na makutu yanu thangwe, yambabva. ¹⁷Inde chadidi nilewa kuna imwe kuti aneneri azinji na wanthu wakulungama adakhumba kuona bzinthu bzomwe mukuonabzi, apo alibe kubziona. Adakhumba kubva bzinthu ndibzo mukubvabzi apo alibe kubzibva.¹⁸Tetekerani tsono chifanizo cha mulimi ndiye adakafesa njere zace. ¹⁹Pomwe wina anibva mafala ya ufumu soma neye kuyabvesesa, wakuipayo ambabwera kudzapsokonyola chomwe cha fesewa mumtima mwace. Iyi ni njere ndiyo idagwera m'phepete mwa mseu.²⁰Yomwe idafesiwa pathantwe ire ni munthu ndiye ambabva mafala apo nthawe ya kuchepa ambayatambira mwa kudekedwa , ²¹chensecho yalibe mizi muna iye apo ambapirira mka nthawe kakuchepa. Masada ayayi mzunzo ungabwera thangwera mafalayo, kamkulumize ambagwa.²²Ndiyo idafesiwa pa ,minga ,uyu ni munthu ndiye ambabva mafala, soma bzakuchitika bza m'dziko lapansi na chinyengo cha vida chidathawisa mafala yache, opo ambabala lini bzipatso. ²³Njere ndiyo idagwera pa mataka ya ndovolo, uyu ni munthu ndiye ambabva mafala achiyaphatisa basa. Ambabala bzipatso bzichikololewa, apo chigoba chibodzi chichichosa njere makumi khumi, chigoba chinango makumi matanthatu,apo chigoba chinango kukwana makumi matatu kuposa zomwe adabzala zire.''²⁴Yesu adawauza pomwe chakuyezezera chinango. Adati, ''Ufumu bwa kudzaulu buli ninga munthu ndiye wabzala mbeu mmunda ,mwache. ²⁵Soma pomwe wanthu adagona, nyakumuwenga adabwera achiwazambo upsa bwa nyamsongole mmapando mwa tirigumo achiyenda. ²⁶Pomwe misonjo idamera nkukula nkubala bzipatso, upsa bule budaonekerambo.²⁷Anyabasa wa mwenekachiro munda adabwera achiti kuna iye, 'Mbuya, mulibe kubzala mbeu zabwino mmunda mwanu mule? Bzachita tani tsapano kuoneka nyamsongole?' ²⁸Adati kuna iwo, ''Mnyakundiwenga wachita bzimwebzoyo.' ''Anyabasa wale adati kuna iye, 'Tsono mumfuna tiyende tikabuzule?'²⁹''Mwenekachiro munda adati, 'Nada. Thangwe pakukazula nyamsongoleyo, mungakazule kubodzi na tiriguyo. ³⁰Bwilekeni bzikulire pabodzi mpakana pa kudzakolola.Pa kudzakololapo nimdzauza anyakukulolawo, ''Chakutoma zulani upsa bwensene mubumange mphuthu mukatenthe, soma tiriguyo konkhobzani muikhe mgwangwa mwangu.'''''³²Kinangoka Yesu adawauza pomwe chifaniziro chinango. Adati, ''Ufumu bwa kudzaulu buli ninga kanjere ka muti wa mpiru komwe munthu adakatenga nkukafesa, mmunda mwace. ³¹Njere imweyi njing'ono maninge kuposa njere zensene. Soma ingakula, imbaposa mbeu za mmunda. Imbasanduka muti, kuti ate mbalame za mdzaulu zimbabwera kudzamanga bzitsa mmitawi yache.''³³Yesu adawauza pomwe chifaniziro chinango. ''Ufumu bwa kudzaulu buli ninga chakufufumisa mkate chomwe mkazi adatenga achisanganiza na magaba matatu ya ufa bwa tirigu ate bzakumunyabzo bzidafufuma,''³⁴Bwensebzi yesu akhabziphiphirisa mu bza kuyezezera; apo akhalewalewa lini kuna iwo se bza kuyezezera. ³⁵Uku kukhali pala kuti bzire bzomwe adalewa aneneri bzikwanirisiwe, pomwe adati, ''Nimdzafungula pakamwa pangu mu bzakuyezezera. Nimdzalewa bzinthu ndibzo bzikhadafuchirika pansi pa dziko.''³⁸Kinangoka Yesu adachoka pa thimu la wanthu pale achikapita mnyumba.Wakupfunzira wache adabwera kuna iye achiti, ''Tifokotozereni bwino chifanizo cha uswa bwa nyamsongole mmunda.'' ³⁷Yesu adatawira achiti, ''Iye omwe akhabzala njere zabwino ule ni Mwana wa Munthu. ³⁶Mundayo ni dziko lapansi; apo njere zabwinozo,awa ni wana wa mu ufumu. Uswabo ni wana wa satana. ³⁹Apo nyakundiwenga adakawazayo ni satana.Kukololako ni chimaliziro cha dzik,apo anyakututawo ni anjero.⁴⁰Mthangwe lache, uswa bule budagwezekiwa achibugasa moto, mtenepoyo letu ndimo bzimdzachitikira pa nsiku ya chimaliziro. ⁴¹Mwana wa munthu amdzatuma anjero wache, apo iwo amdzagwezeka pabodzi bzinthu bzense mu ufumu bwace bzense bzakuipa bzakuyambisa machimo na wense wakusaya kuweruzika. ⁴²Amdzawathusa mu ng'anjo ya moto, ndiko amdzalira achikukuta mano. ⁴³Kinangoka wanthu wakulungama amdzatoya ninga dzuwa mu ufumu bwa Babawo. Iye omwe ana makutu, abve.⁴⁴Ufumu bwa kudzaulu buli ninga vida yakubisika mmunda. Munthu adaigumana achiibisa. Mwakudekedwa achiyenda kukagulisa bzensene ndibzo akhanabzo, nkukagula mundayo. ⁴⁵Pomwe, ufumu bwa kudzaulu buli ninga munthu wa malonda wakunyang'ana ngalale yakuumira. ⁴⁶Pomwe adaigumana ngalale ibodzi ya kuumira maningeyo, adaenda kukagulisa bzensene ndibzo akhanabzo nkukaigula.⁴⁷Pomwe ufumu bwa kudzaulu buli ninga khoka ndilo lidathusiwa mnyanza, lichikusa mtundu wensene wa nsomba. ⁴⁸Pomwe litadzala, akhombwe wale adalinula khoka lawo kunja kwa gombe. Apo adakhala pansi achigwezeka zabwino kuziikha mu bzombo, soma zakuipa achizitaya.⁴⁹Bzimdzatenepoyombo pa nsiku ya kumaliza. Anjero amdzabwera kudzakhetha wakuipa pakati pa wakulungama. ⁵⁰Amdzawathusa mu ng'anjo ya moto ndiko amdzalira achibubuda mano.⁵¹Kodi mwabvesesa bzinthu bzensebzi?'' Wakupfunzira wace adati kuna iye, ''Inde.'' ⁵²Apo Yesu adati kuna iwo, '' Mthangwe lache mnembi aliyense ndiye wasanduka mneneri ku ufumu bwa kudzaulu ali ninga munthu mwenekachiro nyumba,omwe ankucosa bzakale achiikha bzipsa mu thungwa lace. ⁵³Ndiye idafika nthawe yakuti Yesu atamaliza bzifanizo bzire, adacoka pa mbutopo.⁵⁴Kinangoka Yesu adapita mdziko la kwao achipfunzisa wanthu mu sunagoge mwao. Mapeto yache wanthu wensene adadabwa achiti, ''Munthu umweyu nzeru zozi ambazitenga kuponi na msumba za kuchitira bza kudabwisabzi? ⁵⁵Ngumweyu lini mwana wa mpala matabwa ule? Mayi wache uyu si Mariya? Ngumweyu lini m'bale wao wa wene Yakobo,Yosefe,Simoni na Yudasi? ⁵⁶Mfumakazi zache zense si zozi tinazo pabodzizi? Bzinthu bzensebzi adabzitenga kuponi?⁵⁷Iwo adaipidwa naye. SomaYesu adawauza kuti, ''Mneneri ambalemekeziwa lini kwao ayayi ku banja lace chailo.'' ⁵⁸Iye alibe kuchita bzakudabwisa bzizinji thangwera kusaya kukhulupirira kwao.

14¹Pa nthawe yomweyo, Herodi Mfumu adabva bza mbiri ya Yesu. ²Iye adalewa kuna anyabasa wache. ''umweyu ni Yohani m'batizi; iye wamuka kuna wakufa. Nithangwe lache mphamvu zikuphata basa mwa imweyu.''³Nakuti Herodi akhada m'manga Yohani, adamuphata iye, achumukoya iye mu kadeya thangwe la Herodiya, mkazi wa m'dzinza wache Filipi. ⁴Tsono Yohani adalewa kuna iye, ''Bzakuthemera lini kuna iwe kuti engamutenge iye ninga mkazako.'' ⁵Herodi akadamupha iye, soma iye adagopa wanthu, thangwe iwo akhamuyesa ninga m'neneri.⁶Soma pakufika nsiku yakubaliwa kwa Herodi, mwana wachikazi wa Herodiya adabvina pa mpikiti pawo achikomedwa naye Herodi. ⁷Mwakulumbira, iye adamulonjeza achilumbilra kuti animpasa iye cilichense chomwe iye angakumbire.⁸Pomwe iye adapanganiziwa na mayi wache, iye adalewa, ''Mundipase ine popano, mpalato, msolo wa Yohani m'batizi. ⁹''Mfumuyo idaphatiwa nsisi na kukumbira kwacheko, soma thangwe la kulumbira kwache na thangwe la wanthu wense omwe akhanawo pa bzakudyapo, iye adalamula kui bzichitike tenepoyo.¹⁰Iye adawatuma achikagwata msolo wa Yohani mkadeya. ¹¹Kinangoko adaunyamula msolo wache m'palato achimupasa tsikanayo iye adautenga achiupereka kuna mayi wache. ¹²Kinangoko wakupfunza wache adabwera, achidzatenga mtembo wache achikaufuchila m'thenje. Bzitamala bzobzi, iwo adayenda achikamuuza yesu.¹³Tsapano pomwe Yesu adabva bzobzi, iye adachoka kumweko mumwadiya achiyenda kumbuto yachipululu. Pomwe thimu lidabva bza ibzi, iwo adamutewera iye pakatali kuchokera mumzinda. ¹⁴Pomwe Yesu adabwera kuna iwo adaona thimu likulu. Iye adadzaliwa chifundo na iwo adawachiza nthenda zawo.¹⁵Pomwe kunja kudadoka, anyakupfunza adabwera kuna iye achirewa, ''Kuno mkumbuto yachipululu, nthawe yayenda kale. Limwazeni thimuli, kuti ayende m'mamiyi kuti akague bzakudya bzawo.''¹⁶Soma Yesu adalewa kuna iwo, '' Bzimfunikana lini kuti iwo ayende. Imwepo muni wapasa bzinthu kuti adye.'' ¹⁷Iwo adalewa kuna iye, ''Ife tinanayo pano ni mikate michanu na nsomba ziwiri basi.'' ¹⁸Yesu adalewa, ''Ibwereseni kuna ine.''¹⁹Kinangoka Yesu adalilamula thimulo kuti likakhale pansi pamauswa. Iye adatenga mikate michanu na nsomba ziwiri. Adanyang'ana kudzaulu, iye adanamata achibedula mikate achiyi pereka iyo kuna wapfunza, anyakupfunza achiipereka kuthimu. ²⁰Iwo wense adadya achikwana nayo. Kinangoko iwo adalokota bzakudya__bzomwe bzidasala madengu khumi na mawiri yakudzaza. ²¹Wense omwe adadya akhali ninga amuna bzulu bzichanu, kupambula akazi na wana.²²Kankulumize iye adawauza wapfunza kuti akapite m'mwadiya atsogole ng'ambu inango, pomwe iye akhauza thimu lire kuti liyende. ²³Pomwe iye adamaliza kulimwaza thimu lire, iye adayenda kukakwira m'phiri yekha kukapemphera. Pomwe kunja kudadoka, iye akhali yekha. ²⁴Soma mwadiya akhali patali pakati pa nyanza, akhazunzika na mafunde, thangwe mphepo ikhavunga mwakugumana nayo.²⁵Chaku machibese munthawe ya chinayi usiku Yesu adayenda kuna iwo,akufamba pa nyanza. ²⁶Pomwe anyakupfunza adamuwona iye akufamba pa nyanza, iwo ada njenjemera achilewa, ''Umweule ni mzukwa,'' iwo adakuwa namantha. ²⁷Soma yesu adalewa na iwo alikutali achilewa, ''Limbani mtima! Ndine! nampodi kuchita mantha.''²⁸Petulo adamutawira iye achilewa, ''Mbuya, penu ndimwepo, ndiuzeni ine ndibwerembo kuna imwepo pamadzipa.'' ²⁹Yesu adalewa, ''Bwera.'' Tsono Petulo adabula kuchoka m'mwadiya mule achifamba pamadzi kuyenda kuna Yesu. ³⁰Soma powe petulo adaona mphepo ikunyanya kuwanda, iye adayamba kuchita mantha. Iye adayamba kumira, iye adakuwa achilewa, ''Mbuya, ndipulumuseni ine!''³¹Yesu kamkulumize adafuthula boko lache, achimuphata Petulo, achilewa kuna iye, ''Ndiwe wachikhulupilo chakuchepa, thangwe lanyi wakaiyikira?'' ³²Kinangoka Yesu na Petulo adakapita mwadiya, mphepo idaleka kuvunga. ³³Kinangoka anyakupfunza omwe akhali mumwadiya wale adamugodamira achimulemekeza Yesu eachilewa, ''Chadidi ndimwedi Mwana wa Mulungu.''³⁴Pomwe iwo adayambuka, adayenda kumtunda ku Genesareti. ³⁵Pomwe wanthu waku mbuto imweyo adazindikira Yesu, iwo adamwaza mithenga palipense kuzungulira mbuto imweyo, iwo adabwera nawo kuna iye aliyense omwe akhaduwala. ³⁶Iwo adamukumbila iye kuti iwo atondo kuphata chakubvala chache, ndipo wense omwe adakwanisa kuphata adachiziwa.

15¹Pomwepo Afalisi winango pabodzi na apfunzisi wa malamulo adabwela kunayesu kuchokela ku yelusalemu. Adalewa, ²''Thangwe lanyi anyakupfunzila wanu adaphonya mtemo wakulu wakulu? Iwo ambasamba lini m'manja pakudya m'kate. ³''Iye adawatawila kulewa kuna iwo,''Thangwe lanyi mumbaphonya malamulo ya Mulungu pakufuna kuteweza mtemo wa makolo yanu?⁴Nakuti mulungu adalewa, 'Lemekeza baba na mayi wako; na Iye omwe anyoza babache na mayi wache afe basi.' ⁵Tsono imwe mukulewa, 'Omwe anilewa kuna babache na mamache, ''Thandizo lense lomwe muntambila kuna ine nithandizo lakuchokela kuna Mulungu,'' ⁶munthu omweyo afuna lini kulemekeza babache.'' Khalidwe lomweli limbapepusa mafala ya Mulungu. Mubzakunembiwa bzinango bzina mafala yamulungu pomwe bzinanango bzina malamulo. Psakunesa kufuna kusankhula bzakuwelenga. Bzabwino pakufuna kuteweza chikhalidwe chanu.⁷Imwe anyakunama! m'neneri Yesaya adalewa kale bwino bzayimwe kuti. ⁸'Wanthu aw ambandilekeza ine na milomo yawo ,tsono na mitima yawo ali kutali na ine. ⁹Iwo ambandi pembedza ine papezi thangwe ambaphunzisa malangizo yawo na na malamulo ya wanthu.''¹⁰Kinangoko iye adachemera thimu lire kuna iye achilewa kuna iwo, ''Tetekerani ndipo mundibvesese_ ¹¹Palibe bzomwe bzimbapita na pa mulomo pamunthu bzichimu ipisa. soma, bzomwe bzinichoka pa mulomo, ibzi ndibzo bzini muipisa.''¹²Kinangoka wakupfunza adabwera achilewa kuna Yesu. ''Mukudziwa kuti Afalisi wale bzawayipila pomwe abva bzomwebzi?'' ¹³Yesu adawatawira iwo, ''M'mela uliwense omwe Baba wakudzaulu alibe kuubzala udzazuliwa. ¹⁴Alekene iwo okha, iwo mbakusaya kuona. Penu munthu zimola ambatsogolera mwanzache nyakusaya kuona, wense amkagwera m'chidindi.''¹⁵Petulo adatawira achilewa kuna Yesu, ''Tithumbudzulileni fanizoli ife.'' ¹⁶Yesu adalewa, ''Kani na imwepo kubodzi mukubvesesa lini? ¹⁷Imwepo mukubvesesa lini kuti bzense bzakupita na pamulomo bzichipita m'mimba kinangoko bzimba tayiwa kuthengo?¹⁸Tsono bzinthu bzomwe bzimba choka pa mulomo bzimba chokera mumtima. Ibzi ndibzo bzimbamuyipisa munthu. ¹⁹Nakuti mumtima ndimo mumba chokera malingalilo yakuipa, kupha, bzauputa, bzachigololo bzaumbava kulewera umboni bwakunama, na makiliyado. ²⁰Ibzi ni bzinthu bzomwe bzimba muipisa munthu.''²¹Kinangoka Yesu adachoka pomwepo nkuyenda kumbali inango ya mzinda wa Tiro na Sidoni. ²²Nyang'anani, mkazi wa Kukanani adabwera mumzindamo. Iye adakuwa achilewa, ''Ndichitilenimbo chifundo ine, Mbuya, Mwana wa Davide! Mwanangu mkazi waphatiwa na chiwanda.'' ²³Tsono Yesu alibe kumutawila chinthu. Anyakuphunzila wache adabwera achimukumbila iye, achilewa, ''Muthamangiseni ayende, thangwe umweyu akukuwa kwenekwene.''²⁴Tsono Yesu adatawira achilewa, ''Ine ndilibe kutumiwa kuna aliyense kupambula mabila yokhayo yakutayika ya nyumba ya Isarayeli. ²⁵''Tsono mayiyo adabwera achigodama kuna iye, achilewa, Mbuya, ndithanizenimbo ine.'' ²⁶Iye adatawila achilewa, ''Psabwino lini kutenga bzakudya bzawana nkhuthusira tunsinza twa bwaya.''²⁷Mayiyo adalewa, ''Inde, Mbuya, neye tumbwaya tumbadyambo nyenyeswa zakugwa pameza ya mbuya wao.'' ²⁸Kinangoko Yesu adatawira achilewa kuna m'mayiyo, ''Mkaziwe, chikhulupiliro chako nchikulu kwenekwene; leka bzense bvichitike ninga momwe iwe ufunila.'' Mwana wache wamkazi adachilisiwa nthawe yomweyo.²⁹Yesu adachoka mbuto yomweyo adayenda kufupi na nyanza ya Galileya.Tsono iye adayenda kukakwira pa phiri mkukhala pansi. ³⁰Chithimu cha wanthu chidabwera kuna iye. Adabwera nawo kuna iye wanthu wakupunduka, azimola, abewewe. wakupunduka miyendo, na winango azinji wakudwala Iwo adawakhazika pansi pa nzayo za Yesu, napo iye adawachiza iwo. ³¹Tsono thimu la wanthu lire lida dabwisika pomwe adaona abewewe akusewera, awakupunduka akulimba, wakupunduka miyendo akufamba, na azimola ali kuona. Iwo alikutenda Mulungu wa isarayeli.³²Yesu adachemera wakupfunza wache kuna iye achilewa, ''Ndikubva nsisi na thimuli thangwe akhala kale na ine nsiku zitatu alibe kudya chinthu. Ndikufuna lini kuti iwo ayende neye kudya, thangwe angakomoke munjira.'' ³³Wakupfunzira adalewa kuna iye, ''Tingaone kuponi mchipululu muno mikate yakukwanisa kudyesa thimu lenseli?'' ³⁴Yesu adalewa kuna iwo, ''Muna mikate mingasi?'' Iwo adalewa, ''Minomwe, na nsomba zing'ono ng'ono.'' ³⁵Tsono Yesu adalamula thimu lire kuti likhale pansi.³⁶Iye adatenga mikate minomwe na nsomba, tsono adatenda Mulungu, iye adabudula mikate achiyi pereka kuna wakupfunzira wache. Wakupfunzira achiyipereka kuna thimu lire. ³⁷Wanhu wense adadya achikuta. Kinangoka iwo adalokota nyenyeswa zakusala madengu manomwe yakudzaza. ³⁸Wense omwe adadya akhali bzulu bzinayi azimuna, kupambula azikazi na wana. ³⁹Kinangoka Yesu adaliuza thimu lire kuti liyende tsono iye adapita mwadiya achiyenda mbali ya Magadani.

16¹Pomwe Afarisi na a Saduki adabwera kudzamuyezera iye adamubvunza iyekuti awaonese chilatizo chakudzaulu. ²Tsono iye adawatawira iwo, ''Maulo yakafika, munilewa, 'kudzakhala kwaku chena, pomwe thambo lidzakhala likugaka.'³Pomwe ni kumachibese, mukulewa, lero kukujejera, pomwe kudzaulu kuna cheza chakudoka.' Mumbadziwa bzizindikiro na mawonekedwe ya kudzaulu, koma bzizindikiro bza nthawe yino mukubzitaza. ⁴M'badwo wakuipa na wauputa mumfuna chizindikiro, tsono palibe chizindikilo icho mudzapasiwa kupambula chizindikiro cha Yona.'' Pomwepo Yesu adawaleka iwo iye achichoka.⁵Pomwe anyakupfunzira adafika ng'ambu inangoyo iwo adayebwa kutakula mikate. ⁶Yesu adalewakuna iwo, ''Nyang'anani mugope bzakufufumisa mikate bza Afarisi na Asaduki.'' ⁷Anyakupfunza ada bvunzana wokhaokha ndipo achilewa , ''Thangwe tilibe kunyamula mikate.'' ⁸Yesu adadziwa bzobzi adalewa, Ndimwe anya chikhulupiliro chakuchepa, thangweranyi mukubvunzana mwekhamwekha, mukulewa kuti thangwe mulibe kutenga mikate?⁹Kodi imwe mukudziwa lini? kodi imwe mukukumbuka lini mikate michanu na wanthu dzulu bzichanu, nimadengu mangasi mudalokotesa yensene? ¹⁰Pinango mikate minomwe pa bzulu bzinayi, nimadengu mangasi ndiyo mudatenga?¹¹Mukubvesesa lini tani mukati ndiribe kukuuzani imwepo bza mikate? Nyang'anani gopani bzakufufumisa bza Afarisi na Asaduki.'' ¹²Apo iwo adadziwa kuti akulewa lini kuti agope bzakufufumisa mikate, koma kutiagope bzakupfunzisa Afarisi na Asaduki.¹³Tsono pomwe Yesu adawera ku mzinda wa Kaisaleya Filipi, iye adawabvunza anyakupfunzira wache, achilewa, ''Wanthu winango akumbati Mwana wa Munthu mbani?'' ¹⁴Iwo adalewa, ''Winango akulewa Yohani Mbatizi; winango, Eliya; na winango, Yeremiya, pinango m'bodzi wa aneneri.'' ¹⁵Iye adalewa kuna iwo, Tsono imwepo mumbati ndine yani?'' ¹⁶Adatawira, Sinoni Petulo mkulewa, ''Ndimwe Khilisitu, Mwana wa Mulungu.''¹⁷Yesu adatawira achilewa kuna iye. ''Ndiwe nyakudala, Simoni mwana wa Yona, poti thipi na mulopa bziribe kukuzimbulira iwe koma Baba wangu wakudzaulu. ¹⁸Ine ndikulewa kuna iwe kuti ndiwe Petulo, tsono pa thathwe limweri nidzamanga tchalitchi yangu. Misuwo ya wanthu wa kufa idzawutaza.¹⁹Nidzakupasa bzavi bza ufumu bwa kudzaulu. Chilichense chomwe udzamanga pansi pano chidza mangiwa kudzaulu, na chilichense chomwe udzatsudzula pansi pano chidzakhala chakutsudzuliwa kudzaulu.'' ²⁰Kinangoko yesu adawatonga akupfunzira wache nampodi kuti awuze munthu aliyense kuti iye akhali khilisitu.²¹Kuchokera pa nthawe yomweyo Yesu adatoma kuwauza anyakupfunza kuti iye aniyenda ku Yelusalemu, kuka bobeneresewa na bzinthu bzizinji m'manja mwa akulu wa nsembe na alembi, naku phewa koma nsiku ya chitatu adzamuka. ²²Tsono Petulo adamutenga iye pambali achimugaza iye, ''Ibzi bzikhale kutali na imwe, Mbuya! Ibzi bzidza chitika lini kwa imwe!'' ²³Tsono Yesu adazungunuka achilewa kuna Petulo, ''Ndoko kumbuyo kwangu, Satana! Ndiwe wakuika chakuipa kuna ine, poti iwe umbakumbuka lini bzinthu bza Mulungu, koma bza wanthu.''²⁴Kinangoka Yesu adalewa na anyakupfunzira wache, Penu munthu akufuna kutewera ine, iye abzilambize yekha, atakule mtanda wache, mkunditewera ine. ²⁵Soma aliyense amfuna kupulumusa moyo wache adza utaya, na aliyense adzaluza moyo thangwe la ine adzaugumana. ²⁶Tsono munthu adzapindulanyi kutambira dziko lense la pansi achiluza moyo wache? Munthu adzapereka chiyani cha kuchinjana na moyo?²⁷Tsono Mwana wa Munthu adzabwera na ulemelero bwa Babache pabodzina angelo. Iye adzapereka kwa munthu aliyense malingana nabzichito bzache. ²⁸Chadidi ndikulewa kuna imwe, alipo winango wa imwe adzalawidza lini imfa kufikana adzaona Mwana wa Munthu akubwera na ufumu bwache.''

17¹Tsono zitagwata nsiku zitanthatu Yesu adatenga Petulo, yakobo, na Yohani m'bale wache achiwatenga adawatenga kuyenda nawo paphiri litali wense. ²Iye adasandukapamaso pawo. Nkhope yache adagaka ninga dzuwa na bzakubva bzache bzidakhala ninga kuchena.³Nyang'anani, Mose na Eliya adawoneka akulewalewa na iye. ⁴Petulo Petulo adatawira Yesu achilewa kuna Yesu, Mbuya, nkhwabwino kuti ife tikhale pano. Penu mukufuna, nidzamanga matsasa matatu ubodzi wa imwe naubodzi wa Mose, na ubodzi wa Eliya.''⁵Pomwe iye akhalewalewa, nyang'anani, mtambo waku ngwerewera udawapsinkha iwo. Nyang'anani, mafala yadabveka mumtambomo, yakulewa, ''Uyu ndiye Mwanangu wakumukoewa, mwaumweyu nimbakomedwa. Mubvereni umweyu.'' ⁶Pomwe anyakupfunzira adabva ibzi, iwo adatsulia nkhope za pansi iwo adagopa kwenekwene.'' ⁷Tsono Yesu adabwera nkuwaphata iwo nkuwauza , ''Mukani nampodi kugopa.'' ⁸Pomwe iwoadayang'ana maso yawo alibe kuona winango koaYesu yekha basi.⁹Pomwe iwo akhapolika kuchoka m'phiri, Yesu adawatonga iwo, achilewa, ''Nampodi kulewalewa masomphenya kuna winango kufira mwana wa munthu kulamuka kwa kufa.'' ¹⁰Anyakupfunza adamubvunza iye, kuti,'' Thangweranyi anembi ambalewakuti Eliya adzatoma kubwera?''¹¹Yesu adatawira achilewa, ''Nchadidi Eliuya adzabwera kudzabweza bzinthu bzense. ¹²Tsono ndikukuuzani kuti, Eliya adabwera kale, soma iwo alibe kumudziwa iye. M'malo mwache adamuchita bzomwe iwo akhafuna kuna iye. Mchibodzi bodzi na Mwana waMunthu adzaboneresiwa m'manja mwawo.'' ¹³Apo anyakupfunza adadziwa kuti akulewa bza Yohani M'batizi.¹⁴Pomwe iwo adabwera kuna thimulire, munthu adabwera kuna iye, kudza mugodamira iye, achilewa, ¹⁵''Mbuya, muchitileni chifundo mwanangu, poti iyeakudwala pfayi ,Nthawe zizinji ambagwera pamoto pinango m'madzi. ¹⁶Ndikhadabwera naye kwa anyakuphunmza wanuwa atazila kumuchiza.''¹⁷Yesu adatawira achilewa, ''Wakubaliwa seye chikhulupiriro na dzunguzo, nidzakhala namwe mpakana liti? Nidza kulekani mwekha liti? Bweranayeni kuna ine.'' ¹⁸Yesu adachilamula chiwandacho, icho chidachoka kuna iye, pomwepo mulumbwanayo adachira pomwepo.¹⁹Kkinangoko anyakupfunzira adabwera kuna Yesu payekha achilewa, ''Thangweranyi ifepano tatazira?'' ²⁰Yesu adawatawira iwo,''Thangwe chikhulupiriro chanu ntching'ono. Mchadidi ndikukuuzani, penu mukhala nacho chikhulupilo ninga cha kambewu kalobo , mudzalewa kuna phiri, 'Muka choka bwerakuno,' ilo lidzabwera, palibe chinthu chidzalambika naimwe.'' ²¹Mabukhu inango mulibe vesi imweyi, Bziwanda bzobzi bzimba choka pokhapkha mukanamata na kusala kudya.²²Pomwe iwo adakhala kuGalileya, Yesu adalewa na anyukuphunzisa, ''Mwana wa Munthu adzaperekiwa m'manja mwa wanthu, ²³ndipo adza mupha iye, koma nsiku yachitatu iye adzalamuka,'' Anyakuphunzira adadabwa nabzo kwenekwene.²⁴Pomwe iwoadabwera ku Kaperenawo, wanthu anyakukhomesa mtsonkho adayenda kuna Petulo achilewa, ''Mpfunzisi wanu ambakhoma lini mtsonkho?'' ²⁵Iye adalewa, ''Inde'' Pomwe Petulo adabwera mnyumba, Yesu adasewera kuna iwo chakutoma achilewa, ukukumbuka tani Simoni. Mawufumu ya dziko lapansi yadzatambira kwambani mtsonkho? Kwawana wawo pinango kwa anzawo?²⁶Petulo adatawira, ''Kuna nzawo.'' Kinangoka, Yesu adalewa, ²⁷''Thagwe lache wana aona ufulu.'' Nampodi kuti ife tiwakalipise na bzilatizo bza kukhomesa tsonkho, ndoko kunyanza ukathuse mbedza, nkhukayilokota nsomba yakuyambirira kumedza. Pomwe umkayigabadula pakamwa pache umkawona lupiya. Katenge limweri ukawapase la tsonkho wako na wangu.''

18¹Pa nthawe imweyo anyakupfunzira wache adabwela kuna Yesu achiti, ''Mbani mkulu mu ufumu bwa kudzaulu ?'' ²Yesu adachemela kamwana kang'ono kunayiye, achikaimisa pakati pawo, ³achilewa kuti, ''Chadidi ndikukuzani imwe, penu mum'chinjalini kumkhala ninga tuwana tung'ono, mumdzapita lini mu ufumu bwa kudzaulu.⁴Telepoyo, aliyense ndiye ambzichepese ninga kamwana kamweka ndiye mkulu maninge mu ufumu bwa kudzaulu. ⁵Aliyense omwe amtambila kamwana kang'ono ninga aka mudzina langu watambila ine pomwe. ⁶Tsono ninga winango aliyense amchitisa m'bodzi mwa wanawa omwe amkhulupilira ine kuti aphonye, bzingadakhala bwino achimangiliriwa chimwala m'khosi mwache, apo achikamuthusa pansi pa nyanza.⁷''Tsoka ku dziko lapansi thangwe la bzakundundumisa ! Thangwe mbzakuthema kuti bwakundundumisabzo bwibwere , Soma pikado kuna munthu omwe ambzibweresa bzimwebzi! ⁸Penu ni boko lako pinango mwendo wako umkuphonyesa, ungwate utaye. Bzili bwino kupita mmoyo ule wakupunduka ayayi wakusaya mwendo kusiyana nakudzapita ku moto wakusaya kumala na manja mawiri ayayi nzayo ziwiri.⁹Penu diso lako limkuphonyesa, ulichose mkulitaya kutali na iwe . Bzili bwino kuna iwe kudzapita ku moyo wakusaya kumala na diso libodzi kusiyana nakudzathusiwa kumoto wa jahena na maso yensene mawiri.¹⁰¹¹Onesesani kuti nampodi kupepusa m'bodzi wa ang'ono ang'ono awa. Nakuti nilewa kuna imwe kuti kudzaulu anjero wawo nthawi zense ambanyang'ana pankhope pa Babangu ndiye ali ku dzaulu.¹²Mukukumbuka tani? Penu munthu ana mabila dzana libodzi, apo m'bodzi mkutayika, ambasiyalini makumi mapfemba na mapfemba yale kuphiri nkuyenda kukapsaga m'bodzi wakutayikayo? ¹³Angamuona, m'chadidi ndikukuzani, ambasekera kwene kwene kuposa mabila makumi mapfemba na mapfemba yomwe yalibe kutayikayo. ¹⁴M'chibodzi bodzi pomwe na Baba wangu wakudzaulu ambafuna lini kuti m'bodzi mwa wana wache akapse.¹⁵''Penu m'bale wako wakuphonyela iwe, ndoko kamutsimule bzakuphonya bzache, mwekha pa awiri. Penu akubvela, ungadamubweza m'bale wakoyo. ¹⁶Soma penu alibe kukubvela, tenga m'bodzi pinango awiri na iwepo pala kuti milomo ya awiri ayayi atatu imdzakhala mboni ya fala lililense ndilo linzatsikimizila.¹⁷Apo akalamba basi kuwabvera, tengerani nkhaniyo ku mpingo. Akalamba pomwe kubvera wa mpingo,mleke akhale kuna iwe ninga wachikunja na ninga wakukhomesa mitsonkho.¹⁸Ndikukuuzani chadidi kuti,chirichense ndicho chamangiwa padziko lapansi pano chamangiwa pomwe kudzaulu, apo ndicho chatsudzuliwa pansi pano chimdzatsudzuliwambo kudzaulu. ¹⁹Ninkuuzani pomwe chadidi, penu awiri apangana pa dziko lapansi pachirichense amkumbiracho, chimdzachitiwa pala iwo na Baba wangu ndiwo ali kudzaulu. ²⁰Nakuti pomwe awiri ayayi atatu agwezekana mu dzina langu, popo ndiri pakati pawo.''²¹Tsapano Petulo adabwera kuna Yesu achibvunza kuti, ''Mbuya,penu m'bale wangu wandiphonyera ningamulekerere kangasi? Mpakana kanomwe?'' ²²Yesu adati kuna iye, Ndikukuuza lini kuti kanomwe, soma makumi manomwe kukhala pomwe manomwe.²³Apo ufumu bwa kudzaulu buli ninga mfumu inango ndiyo ikhafuna kuwerengera kobiri na anyabasa wache. ²⁴Ndipo adatoma kukontali, adachemera nyabasa m'bodzi ndiye akhana ma talente madzana khumi. ²⁵Soma nakuti akhalibe manera yakubwezera kobirizo, mbuyacheyo adatonga kuti iye agulisiwe, pabodzi na mkazi na wana wache na chirichense ndicho akhanacho, na kobirizo achipagali pomwe basi.²⁶Apo nyabasayo adagwa pansi, achigodama kuna iye, achiti, ''Mbuya, ndicitireni nsisi, apo ninkubwezerani bzensene.' ²⁷Apo mbuya wa nyabasayo, nakuti zjai adabva nsisi, adamutsudzula achimulekerera mangawayo.²⁸Soma nyabasa ule adayenda achikagumana m'bodzi wa anyabasa anzache, omwe akhadafiyali dzana libodzi la denari. Adamuphata, achiyamba kumushipa, achiti, 'Ndipase bzomwe udandifiyali.' ²⁹Soma nyabasayo adagodama achimukumbira, kuti, ''Ndichitireni nsisi, apo nimkupani.'³⁰Soma nyabasa wakutoma ule adalamba. Mmalo mwache, adayenda kukamuthusa mkaliboso ate adzabweze ndibzo adafiyalibzo. ³¹Pomwe anyabasa anzache adaona ndibzo bzidachitikabzi, adabva nsisi maninge. Adabwera kudzauza mbuya wao bzense ndibzo bzidachitika.³²Apo mbuya wa nyabasa ule adamuchemera achiti kuna iye, Iwe nyabasa wakuipa, ndidakulekerera mangawa yako yensene thangwe udandikumbira. ³³Ungachitembo lini nsisi kuna nyabasa mwayakoyu, ninga ndimo ndidakuchitirambo mule?'³⁴Mbuya wache adakalipa achimupereka kuna anyakutchanga ate adzabweze bzense ndibzo akhadafiyali. ³⁵Mtenepoyo pomwe ninga Baba wangu wa kudzaulu ndibzo amdzakuchitani penu munilekerera lini chakuipa kuna m'bale wanu kucoka pansi pa mtima.''

19¹Bzidachitika kuti pomwe Yesu adamaliza mafala yomweya, iye adachokela ku Galileya ndipo adabwera kumbuto ya Yudeya yomwe ni ng'ambu ya mkulo wa Yolodani. ²Thimu la wanthu azinji lidamutewera iye, ndipo iye adawachiza iwo kumweko.³Afalisi adabwera kuna iye, kumuyezera iye, adalewa kuna iye, ''Loli ni lamulo kuti mamuna aleke mkazache na thangwe lililense? ⁴Yesu adawatawira achilewa, ''Imwepo mulibe mulibe kulewennga kuti omwe adalenga kuchokera pa kutoma adalenga iwo mamuna na mkazi?⁵Iye omwe adalenga iwo adalewa pomwe, 'Nathangwe limweli mamuna adzaleka babache na mayi wache achidza phatana na mkazache, ndipo adzakhala thupi libodzi.' ⁶Tsono iwo adzakhala lini pomwe awiri,soma thupi libodzi. Pomwepo chomwe Mulungu wachi phatanidza pabodzi munthu nampodi kuti agwatanise.''⁷Iwo adalewa kuna iye, ''Thangwe lanyi tsono Mose adatilamulira ife kupeleka mzimbu napo pomwe mukumuyendesa kwawo iye?'' ⁸Iye adalewa kuna iwo, 'Thangwe la kuwuma moyo kwanu Mose adakubvumani imwepo kuleka akazanu, soma kuchokela pakutoma bzikhali lini ninga tenepoyo. ⁹Nini lewa kuna imwe, aliyense anileka mkazache , napo achikalowola winango, wachita uputa,' napo mamuna ndiye animulowola umweule walekewaule, wachita uputa.''¹⁰Anyakupfunza adalewa kuna Yesu, ''Ningati mpsimwebzo kuna mamuna pala nimulandu kuna mkazache, mpsabwinolini kulowola,'' ¹¹Soma Yesu adalewa kuna iwo, ''Naye winango aliyense angati bvume kulewa kumweku, soma kuna wokha wokha ndiye chidapasiwa kuna iwo. ¹²Nakuti pana ngomwa zomwe zidatondo kubaliwambo tenepoyo kuchokela m'mimba mwa mayi wawo, napo pana ngomwa zakuti zidachita kusunuliwa, napo pinango mwa zinango zomwe zidabzichitisa zokha ungomwa thangwe la ufumu bwa kudzaulu. Iye ule amkwanisa kubvuma chipfunziso chimwechi mulekeni iye achibvume''.¹³Tsono wana winango ang'ono ang'ono adabwera nawo kuna iye pala iye awayike maboko na kuwa pempherera, soma anyakupfunza adawaletsa iwo. ¹⁴Tsono Yesu adalewa, ''Bvumana wana ang'ono, nampodi kuwaletsa iwo kubwera kuna ine, nakuti ufumu bwa kudzaulu buli mwakuterepayu.'' ¹⁵Iye adyika maboko yache pa wana wale,tsono kinangoka iye adachoka pomwe¹⁶Nyan'ganani, munthu adabwela kuna yesu ndipo achiti , ''Mpfunzisi, ningachite ine pinango ningakhale na moyo wakusaya kumala?'' ¹⁷Yesu adalewa kuna iwo, ''Thangwe lanyi mukundibvunza ine bzachinthu chabwino? M'bodzi yekha ndiye wabwino, soma penu unfuna kupita mu moyo, koya malamulo.''¹⁸Munthu ule adalewa kuna iye, ''Malamulo yache yapano?'' Yesu adalewa, ''Nampodi kupha, nampodi kuchita uputa, nampodi kuba, leka kuchita umboni bwakunama, ¹⁹lemekeza babako na mayi wako, ndipo konda mwanzako ninga ndimo umbabzikondela mwenekachilowe.''²⁰Mulumbwana adalewa kuna iye, ''Bzinthu bzensebzi nimbabzibvera. Nchiyani pomwe chasala ninfuna? ²¹Yesu adalewa kuna iye, ''Penu unfuna kukhala nyakulungama, ndoko, kagulise bzinthu bzomwe unabzo, ndipo ukawapase anyakusaya, ndipo udzakhala navida kudzaulu; ndipo ubwere, unditewere.'' ²²Soma pomwe mulumbwana ule adabva bzomwe bzidalewa Yesu bzire, iye adachoka achiyenda wansisi, nakuti iye akhana vida izinji.²³Yesu adalewa kuna anyakupfunza wache, ''Chadidi ninilewa kuna imwe, mpsakunesa nyakudala apite mu ufumu bwa kudzaulu. ²⁴Ninilewa pomwe kuna imwe, kuti mpsakupusa kuti ngamila ipite pakadiso nsingano na munthu nyakudala kuti akapite ufumu bwa Mulungu.''²⁵²⁶²⁷Pomwe anyakupfunzira adabva ibzi, adakalipa kwenekwene ndipo adalewa, ''Mbani tsono angapulumuke? Yesu adawanyang'ana iwo ndipo achiti, ''Nawanthu ibzi bzingakwanisikelini,'' soma na Mulungu bzense bzakukwanisika.'' Ndipo Petulo adatawira kuna iye, ''Nyang'anani, ife tidachoka tichisiya bzinthu bzense ndipo tidakutewelani imwepo. Nchiyani tsono ndicho ife tidzakhala nacho?''²⁸Yesu adalewa kuna iwo, ''chadidi ninilewa kuna imwe, imwe omwe mudanditewera ku bwado pomwe mwana wa munthu adzakhala pa ulemelero bwache, terepoyo kuna imwe omwe mudanditewera ine, mudzakhala pa mipando khumi na mawiri, kutonga mitundu khumi na iwiri ya izalayeri.²⁹Aliwense omwe adasiya nyumba zawo, mano, nana, mayi, wana,pinango mbuto thangwe la dzina langu, adzatambira bzakubwezeriwa madzana mazinji ndipo adzapita m'moyo wakusaya kumala. ³⁰Soma azinji anyatoma adzakhala kwakumalizira, na wa kwakumalizira wadzakhala wakutoma.

20¹Pakuti ufumu bwakudzaulu buli ngati mwenekachilo munda omwe adayenda kumachibese kukanemba wakuphata basa kumunda wa mpesa. ²Pomwe adapangana malipilo ya dinali libodzi nsiku ibodzi, adawatumiza kumunda kwache.³Iye adayenda pomwe nthawi ya 9 machibese adawona wanthu winango atayima pansika. ⁴Adawawuza iwo, 'imwe pomwe, ndokoni kumunda wangu wa mpesa, mukaphate basa ndipo ninzakupasani mwabwino.' Ndipo iwo adayenda kaphata basa.⁵Adayenda pomwe nthawi ya 12 masikati na 3 mawulo pomwe achikachita chibodzi bodzi. ⁶Pa nthawi ya 5 maulo adayenda pomwe achikawona winango adawondo yima. Adati kwa iwo, 'Thangwe lanyi mwaondo yima tsiku lense?' ''Iwo adati kwa iye, 'Thangwe palibe watinemba basa.' ⁷''Iye adati kwa iwo, '

Imwepo ndokoni mukaphate basa kumunda wangu wa mpesa.'

⁸Ndipo pakufika maulo, mwenekachilo munda adauza kapitawo wache, Chemela anyabasa nakuwapasa malipilo yao, kuyambila anyakumalizila kudzamaliza wakuyamba.' ⁹''Pomwe anyabasa omwe adamalizila atafika, adapasiwa kobili ibodzi(dinaliyasi). ¹⁰Pomwe wakuyambilira adabwela, akhakumbukila kuti amtambila zizinji. iwo pomwe adatambila kobili ibodzi(dinaliyasi) aliyense.¹¹Pomwe adatambila malipilo yao, adadandaulila mwenikachilo munda. ¹²Iwo adalewa, Anyabasa wakumalizilawa aphata basa ola libodzi, mwatindendemeza na ife, pomwe ife taphata basa tsiku lense ndipo dzuwa latimalira pansana.¹³''Ndipo mwanikachilo adatawila mkulewa kwa m'bodzi wa anyabasawo, 'Mwadzangu, Ndilibe kukuphonyera. Tilibe kugwirizana kupeleka kobili ibodzi? ¹⁴Tenga malipilo yako umbayende. Mkufuna kwangu kupeleka ndendende kwa wakumalizila pabodzi na imwepo wakuyamba.¹⁵Kodi ndilibe ufulu bwakuchita bzomwe nimfuna na bzomwe ndinabzo? Kapena ukuipidwa thangwe ndine wabwino?' ¹⁶Telepoyo wakumalizila anzakhala wakuyamba, ndipo wakuyamba anzakhala wakumalizila.''¹⁷Ndipo pomwe Yesu akhayenda ku Yelusalemu, adatenga anyakupfunzila wache khumi na awiri pamphepete, ndipo munjira adalewa na iwo, ¹⁸''Onani, tikuyenda ku Yelusalemu, ndipo mwana wa munthu anzapelekiwa kwa akulu wa nsembe na apfunzisi wamitemo. anzamutonga kuti aphedwe ¹⁹ndipo anzamupeleka kwa wanthu wamitundu inango kuti amunyoze, kumutchanga, na kumkhomela pa mtanda. Ndipo pa nsiku yachitatu anzamuka.''²⁰Pambuyo pache mayi wache wa Zabedayo adabwera pabodzi na wana wao kwa Yesu.Iye adamugodamira mkukumbira chinthu kwa iye. ²¹Yesu adabvunza iye, ''Ukufuna chiyani?'' mayiyo adalewa kuna iye, ''Bvumani kuti wana wangu awiriwa akhale, mmbodzi kuboko la didi winango kuboko la dzere, mu ufumu bwanu.''²²Ndipo yesu adatawira achilewa, ''mukudziwa lini chomwe mukukumbira. Imwepo mungakwanise kumwera mkombo omwe nimdzamwera?'' Iwo adamutawira, Tingakwanise.''

²³Iye adalewa kwa iwo, ''Mchadidi mumdzamwera mkombo wangu. Tsono kukhala kumbali yangu yadidi kapena boko ladzere neye ine kupereka, koma bziri kwa iwo omwe adakonzekeriwa kale na Baba.'' ²⁴Pomwe wakupfunzira khumi adabva ibzi, adakalipira abale awiriwo.²⁵Tsono yesu adawachemera kuna iye achiti, ''Mukudziwa kuti anyakutonga wamitundu inango ana mphamvu pa iwo, ndipo wanthu wakufunikira ambawatonga. ²⁶Tsono nampodi bzikhale tenepoyo kuna imwe. Mmalo mwache, ule omwe amfuna kukhala mkulu pakati panu akhale kapolo wanu, ²⁷ndipo aliyense omwe amfuna kukhala wakuyamba akhale kapolo wanu, ²⁸Natenepo mwana wamunthu alibe kubwera kudzatumikiriwa koma kudzatumikira, na kupereka moyo wache dipo la wazinji.''²⁹Pomwe iwo akhachoka ku Yeriko, chithimu cha wanthu chidamutewera iye. ³⁰Pakhana azimuna awiri azimola akhakhala pansewu. Pomwe iwo adabva kuti Yesu akupita, adakuwa, ''Mbuya, mwana wa Davite, tichitileni chifundo ife.'' ³¹Chithimu chidawaletsa iwo, kuwauza iwo kuti akhale zii, tsono iwo adalira kwakukwiza mafala, ''Mbuya, mwana wa Davite, tichitileni chifundo ife.''³²Ndipo Yesu adayima chilili ndipo adachemera iwo mkulewa, ''Mukufuna ndikuchitileni chani?'' ³³Iwo adalewa kwa iye, ;;Mbuya, tikufuna kuwona.'' ³⁴Ndipo Yesu, adabva nawo nsisi, mkuphata maso yawo. Nthawe yomweyo adawona mkuyamba kumutewera iye.

21¹Pomwe Yesu na wakupfunzira wache adafendera mu Yerusalemu achifika ku Betefage, ku phiri la Azitona, apo Yesu adatuma wakupfunzira wace awiri, ²achiwauza kuti, ''Ndokoni mmuyi winangoyo, apo kamfulumize munkagumana bulu mkazi adamangirira ana mwanache pamwepo. Kamutsudzuleni mukamubwerese na mwanacheyo kuno. ³Penu winango ankasewera chirichense kuna imwe bza mabuluyo, mukalewe kuti, 'Mbuya akuyafuna,' apo munthu umweyo ankakutsudzulirani nkukupani.''⁴Tsapano bzensebzi bzidachitikadi pala kukwanirisa ndibzo bzidaseweriwa na mneneri, kulewa kuti, ⁵''Uzani mkazi wa ku ziyoni, 'Onani, mfumu yanu ikubwera kuna imwe, yakubzichepesa itapakira bulu_pa mwana wa bulu,mwana wa bulu -wakutakula mitolo.'''⁶Apo wakupfunzira wale adayendadi achikachita ndimo Yesu adawapanganizira. ⁷Adabweresa bulu na mwanache achitandika bzakubvala bzawo pamsana pa mabuluyo. ⁸Wanthu pomwe azinzi adatandika bzakubvala bzawo mu msewu, apo winango achigwata bzitsamba achitandika pomwe mu msewu.⁹Tsapano wanthu ndiwo akhafamba patsogolo na mmambuyo mwa Yesu akhakuwa, ''Hosanna kuna mwana wa Davide! Wakudalisika ndiye ule ankubwera mu dzina la Mbuya! Hosanna kuna wa mdzauluyo!'' ¹⁰Pomwe Yesu adafika mu Yerusalemu, mzinda wense udasokonezeka achimbati, ''Mbani umweyu?'' ¹¹Thimu lire lidatawira, ''Uyu ni Yesu mneneri wa ku Nazarene ku Galileya.''¹²Kinangoka Yesu adapita mtchalitchi. Adabulisa wensene omwe akhambagula na kugulisira mtchalithimo, achimala kugwinya meza za akasinthesinthe na makadera ya anyakugulisa nkhangaiwa. ¹³Iye adalewa kuna iwo, ''Kudanembiwa, 'Nyumba yangu imdzachemeriwa nyumba ya kunamatira,' soma mwaisandusa nyumba ya mbava.'' ¹⁴Tsapano azimola na anyakupunduka adabwera kuna iye mtchalitchimo, apo adawalimbisa.¹⁵Soma pomwre akulu wa ansembe na anembi adaona bzakudabwisa bzomwe adachitabzo, napo kubva pomwe wana akukuwa mtchalitchimo kuti, ''Hosanna mwana wa Davide,'' adapsoma kwene kwene. ¹⁶Adati kuna iye, ''Mukubza ndibzo akulewabzi?'' Yesu adati kuna iwo, ''Inde! Soma mukanati kulewenga, kuti mkamwa mwa matcheche na anyakumama mudafokotoza bza kulemekeza'?'' ¹⁷Kinangoka Yesu adachoka nkuyenda ku mzinda wa Betaniya achikagoneratu koko.¹⁸Tsapano machibese pakubwerera pomwe mu mzinda ule, akhabva njala. ¹⁹Pakuona muti wa mkuyu m'bali mwa msewu, adayenda popo nkukagumana mulibe chinthu kupambula masamba yokha. Adati kuna mutiyo, ''Zjai umdzabala lini pomwe bzipatso iwepo,'' apo kamkulumize muti wamkuyuyo udatutumuka.²⁰Pomwe wakupfunzira wache adaona bzobzi, adasusumwa achiti, ''Kodi muti wa mkuyuyu watutumuka tani kamangu tenepayu?'' ²¹Yesu adatawira achiti kuna iwo, ''Chadidi ndikulewa kuna imwe, penu muna chikhulupiriro se kupenekera, mumdzachita lini ninga bzomwe bzachitika na mkuyuyu, soma mumdzalewa kuna phiri, 'Bzichose popa ukabzithuse mu nyanza,' apo bzimdzachitika. ²²Chirichense ndicho munkumbira na pemphero, khulupirirani, mumdzatambira.''²³Pomwe Yesu adabwera mtchalitchi, akulu wa ansembe na akulu wa wanthu adabwera kuna iye pomwe akhapfunzisa achiti, ''Bzinthu bzobzi umbachita na mphamvu yayani, apo mbani adakupa mphamvu zozi?'' ²⁴Yesu adawatawira achiti, ''Ninkubvunzanimbo bvunzo libodzi. Mungandiuza, ninkuuzanimbo kuti nimbachita na mphamvu yayani bzobzi.²⁵Ubatizo bwa Yohani_ budachokera kuponi? Kuchokera kudzaulu ayayi kuna wanthu?'' Adasewera okha okha, kulewa kuti, Tingatawira kuti, 'Kuchokera kudzaulu,' anilewa kuna ife, "Sabwanyi tsono mumbamukhulupirira lini?' ²⁶Soma tingatawira pomwe kuti, kuna wanthu,' tikugopa thimu lawanthuli, thangwe wensenewa ambakhulupirira kuti Yohani akhali mneneri.'' ²⁷Kinangoka adamutawira Yesuyo kuti, ''Timdziwa lini.'' Iye adati pomwe kuna iwo, ''Basimbo nimkuuzani lini tsono ndiko nimbatenga mphamvu zanguzi.²⁸Soma mukukumbuka tani? Munthu winango akhana wana awiri wachimuna. Adayenda kuna mwana wakutoma achiti, 'Mwanawe, ndoko lero ukalime kumunda wa mpesa.' ²⁹Mwana ule adatawira kuti, 'Ndanyonyo,' soma kinangoka adachinja maganizo achiyenda. ³⁰Apo babamunthuyo adayenda pomwe kuna mwana wachiwiriyo nkukamuuza bzibodzibodzi. Adatawira kuti, 'Niyenda,baba,' soma alibe kuyenda.³¹Mbani mwa wana awiriwa ndiye adachita bzakufuna babache?'' Adati, ''Wakutomayo.'' Yesu adati kuna iwo, ''Chadidi ndikulewa kuna imwe, ate anyakukhomesa mitsonkho na maputa amdzakapita ufumu bwa Mulungu imwepo mukanati basi. ³²Thangwe Yohani adabwera kuna imwe munjira pomwe ya chilungamo ninga yoyi soma mulibe kumubvera. Soma anyakukhomesa mitsonkho na maputa adamubvera. Soma imwe, pomwe mudaona bzobzi, mulibe kulapa pambuyo pache muchimukhulupirira.³³''Bveserani chifanizo chinango. Pakhana mamuna winango, na mwenekachiro mbuto. Adabzala mpesa, achimanga litsito la maluwa kuzungulira, achikonza chakupsinyira mpesa momo, nkumanga nsaka ya mdzaulu, nkuulogalisi kuna wakulima mpesa, Kinangoka adayenda ku dziko lina. ³⁴Pomwe nthawe yakukolola mpesa itafendera, adatuma anyabasa winango kuyenda kuna wakulogali munda wale kuti akatambire kobiri.³⁵Soma wakulima mpesa wale adawaphata anyabasa wale, m'bodzi mkummenya, winango mkumupheratu, winango nkumuboma na minyala. ³⁶Bwereze, mwenekachiro munda ule adatuma pomwe anyabasa winango, azinji kuposa wakutoma wale,soma wakulima wale adachita bzibodzibodzi. ³⁷Atamala popo, mwenekachiro ule adatuma mwanache chaiye mamuna kuna iwo, nkuti, 'Amkamulemekeza mwananguyu.'³⁸Soma pomwe wakulima mpesa wale adaona mwana ule, adati okhaokha, ' Uyu ni mwanache letu chaiye. Bwerani, mbatiye timuphe zjai vidayi ikhaliretu yathu.' ³⁹Apo adamuphata, nkumuthusira kunja kwa munda ule achimupha.⁴⁰Tsapano pomwe mwenekachiro munda wa mpesa ule atabwera, amdzachita tani kuna wakulima mpesa wale?'' ⁴¹Adati kuna iye, ''Amdzadzonga anyabasa wakuipawa, nkudzalogalisi kuna winango, wanthu omwe angadzamupasembo bzakukololabzo pa nthawe ya kukolola.''⁴²Yesu adati kuna iwo, ''Mulibe kulewenga mafala ya Mulungu, 'Mwala ndiwo amisiri wakumanga nyumba adaulamba udasandulika nkukhana wakufunika maninge. Uyu adachokera kwa Mbuya, apo ngwakudabwisa zedi mmaso mwathu'?⁴³Mthangwe lache ndikulewa kuna imwe, ufumu bwa Mulungu bumdzatengiwa kuna imwe buchidzaperekiwa kudziko ndilo limdzabala bzipatso. ⁴⁴Ndiye amdzagwera pa mwala umweyu umdzamtsotola. Na ndiye pomwe umdzamugwera umdzamupeya.''⁴⁵Pomwe akulu wa ansembe na Afarisi adabva bzobzi, adabvesesa kuti akhalewa iwo. ⁴⁶Kupsaga manera kuti amumange, akhana mantha na thimu la wanthu, thangwe wanthu akhamutenga kuti ni mneneri.

22¹Yesu adasewera pomwe kuna iwo mu bzifanizo, kuti, ²''Ufumu bwa kudzaulu buli ninga mfumu inango ndiyo idakonza phwando la maloolo kuna mwanache wachimuna. ³Adatuma anyabasa wache kukauza wanthu ndiwo adawachemera kuti abwere ku phwando limweri, soma ndiwo alibe kubwera.⁴Mfumu ire idatuma pomwe anyabasa winango, ichiti, Kauzeni ndiwo tawachemerawo, Onani, ndakonza phwando languli. Ndapha ng'ombe yangu yapa kalosa na inango yakunenepa, apo bzinthu bzense bzakonzeka. Bwerani kuphwando la maloololi.⁵Soma alibe kubziphatisa basa achiyenda ku bwakufuna bzawo, winango kumunda kwache, winango ku malonda. ⁶Winango adaphata anyabasa wa mfumu wale achiwaboneresa mwa kubvesa manyazi, nkuwapha. ⁷Mfumu ire idakalipa, ichituma anyankhondo wache achikadzonga anyakuphawo achitentha mzinda wawo.⁸Apo adalewa kuna anyabasa wache, 'Maloozo yakonzeka, soma ndiwo achemeriwawo akhali lini wakuthemera. ⁹Tsono ndokoni mu mphambano ya mmisewu mukachemere wanthu azinji ku phwando la maloololi ndiwo mungakawagumane.' ¹⁰Anyabasawo adayendadi mmisewuyo achikagumana wanthu azinji nkuwagwezeka pabodzi. wabwino na wakuipa kubodzi. Mwakuti nyumba ya mwambo wa maloolo ire idadzala na anyakuchemeriwa.¹¹Soma pomwe mfumu ire idabwera kudzaona wakuchemeriwao, idaona mamuna winango akhalibe kubvala bzakubvala bza maloozi. ¹²Mfumu ire idati kuna iye, 'Mwayangu wapita tani muno se nkubvala bza ma loozi?' Soma mamuna ule alibe kuuona mulomo.¹³Kinangoka mfumu ire idalewa kuna anyabasa wache, 'Mmangeni uyu miyendo na manja, mukamuthuse panja pamdima, komwe ankalira na kukukuta mano.' ¹⁴Thangwe wanthu azinji achemeriwa inde , soma wakusankhuliwa mbang'ono ng'ono.''¹⁵Tsapano Afarisi adayenda achikapsaga manera kuti angakamutape tani mkamwa na mafala yache. ¹⁶Apo adamutumizira wakupfunzira wache pabodzi na a Herodiya. Adati kuna yesu, ''Mpfunzisi, tikudziwa kuti ndimwe wa chadidi, nakuti mumbapfunzisadi njira ya Mulungu bzachadidi bzire meju. Mumbasamala lini bzakufuna bza munthu, apo pomwe mumbapondera lini munthu. ¹⁷Tsono tiuzeni, mukukumbuka tani? Mbzakuthemera kupereka mtsonkho kuna Caesara ayayi neye?''¹⁸Soma Yesu adadziwa kuipa kwao achiti, Mukundiyezera sabwanyi, imwe wachinyengo? ¹⁹Ndioneseni kobiri mukumbapereka mtsonkhoyo.'' Kinangoka adabweresa ka dinari kuna iye.²⁰Yesu adati kuna iwo, ''Chibvulibvuli na dzina bziri popabzi mbzayani?'' ²¹Adati kuna iye, ''Mbza Caesara.'' Tsapano adati kunaiwo, ''Tsapano perekani kuna Caesara bzache bza Caesara, napo kuna Mulungu bzachembo bza Mulungu,'' ²²Pomwe atabva tenepo, adadabwa achichoka popo nkumusiya.²³Pa nsiku imweyo Asaduki winango, ndiwo akhambati kulibe mmukiro wa anyamuya, adabwera kuna iye. Adamubvunza, ²⁴kulewa kuti, ''Mpfunzisi, Mose adati, 'Munthu angafa, se nkusiya wana,mano wache wa nyamuyayo apite manyumba mkazacheyo kuti akuze wana wa mano wachewo.'²⁵Pakhana wanthu anomwe pa ubale pawo. Wakutomayo adaloola achisaika. Nakuti alibe nkusiya wana, adasiya mkazache kuna mano wache. ²⁶Tsapano wachiwiri pomwe adachita bzibodzibodzi, wachitatu, tenepoyo basi ate mano wao wachinomwe ule. ²⁷Atamala wensene, mkaziyo adasaika pomwe. ²⁸Tsapano pa nsiku ya mmukiro, mkaziyo amdzakhala wambani pa anomwe wensene wale? Nakuti wensene wale adamuloolambo.''²⁹Soma Yesu adawatawira achiti kuna iwo, ''Mukuphonyesa thangwe mukudziwa lini manemba ya Mulungu na mphamvu yache. ³⁰Thangwe mu mmukiro ambaloola lini ayayi pomwe kuloodwa. Soma, ali ninga anjero wakudzaulu.³¹Soma kulewa bza mmukiro wa anyamuya, mulibe kulewenga ndibzo bzidalewiwa na Mulungu kuna imwe, kulewa kuti, ³²Ndine Mulungu wa Abrahamu, Mulungu wa Isaki, na Mulungu wa Yakobo'? Mulungu ni Mulungu lini wa anyamuya, soma wa anyamoyo.'' ³³Pomwe wanthu adabva bzobzi, adadabwa na mapfunzisidwe yache.³⁴Soma pomwe Afarisi adabva kuti Yesu wachitisa Asaduki kukhala chete, adagwezekana pabodzi. ³⁵Mbodzi wa iwo, mdziwi mkulu wa mitemo ya utongi, adamubvunza bvunzo, kumuyezera bzautowa_ ³⁶''Mmpfunzisi, mtongero ukulu kuposa yensene nguponi pa mitemo yensene ya utongi?''³⁷Yesu adati kuna iye, '''Konda Mbuya Mulungu wako na mtima wako wensene, na mzimu wako wensene, na maganizo yako yensene.' ³⁸Ichi ni chitongi chikulu na chakutoma.³⁹Apo chitongi cha chiwiri nchichi_'Konda mwayako ninga iwe mwenekachiro.' ⁴⁰Pa bzitongi bziwiribzi ndipo pamangirira bzitongi bzense na aneneri kubodzi.''⁴¹Tsapano ndipo Afarisi wale akadagwezekana basi pompale, Yesu adawabvunza bvunzo. ⁴²Adati, ''Mukukumbuka tani bza Mkhirisitu? Mwanache mbani?'' Adati kuna iye, ''Mwana wa Davide.''⁴³Yesu adati kuna iwo, ''Tani tsono Davide mu Mzimu ambachemera iye Mbuya, kulewa kuti, ⁴⁴'Mbuya adati kuna Mbuya wangu, ''Khala ku boko langu la madidi, ate ndichitise anyakukuwenga wako kukhala pakuponda nzayo zako'''?⁴⁵Penu tsono Davide ambachemera Mkhirisitu 'Mbuya,' ni mwanache tani pomwe wa Davide?'' ⁴⁶Palibe adakwanisa kumutawira neye fala libodzi, apo palibe adayezera kumubvunza pomwe bvunzo kuchokera nsiku yoyo ate mpakana.

23¹Tsono Yesu adasewera kuna thimu la wanthu na wakupfunza wache. ²Iye adalewa, ''Anembi na Afalisi ambakhala pa mpando wa Mose. ³Ndipopa chili chense iwo akuuzani imwe muchite, chitani bzinthu bzense muchiwa dziwa iwo. Soma nampodi kuwatewezera bza kuchita bzawo, anyaya iwo ambalewa bzinthu bzomwe iwo ambachita lini.⁴Inde, iwo ambasenzesa mitolo yakunesa kutakula, iwo ambayika bzithu pamapewa ya wanthu. Tsono iwo okha ambakwanisa lini kudzusa na chala chawo. ⁵Iwo ambachita bzinthu bzawo bzense bzakuti awoniwe na wanthu. Nakuti iwo ambabziyika mipukutu yamafala mikulu, achikuza pomwe bzakubvala bzawo.⁶Iwo ambakonda mbuto za ulemelero m'maphwando mwa mafumu nakukhala m'matchalitchi, ⁷nakumba musiwa bza ulemu m'misika, achimbacemeriwa 'Rabbi' na wanthu.⁸Soma nampodi kumba chemeredwa 'Rabi' thangwe muna mpfunzisi m'bodzi basi, ndipo mwense ndimwe paudzinza panu. ⁹Ndipo nampodi kuchemera munthu wa dziko la pansi kuti Baba, thangwe muna Baba m'bodzi basi, ndipo ali kudzulu. ¹⁰Nampodi kumba chemelewa kuti 'mpfunzisi,' thangwe muna mpfunzisi m'bodzi, khilisitu.¹¹Soma omwe ali mkulu wa imwe adzakhala nyabasa wanu. ¹²Iye ndiye amba bzikuza adzamuchepsa, na iye waku bzichepsa adzamukuza.¹³Koma tsoka kwa imwe anembi na Afalisi, waku bzikuza! Mukutsekereza wanthu ufumu bwa kudzulu. Tangwe munkabupitalini mwekha, ndipo na iwo adzapiwo mukuwalambiza pomwe. Mabukhu ya kalekale mukhalibe mafala ya ndime ¹⁴(Mabukhu inango yamba phatikidza ndime na ndime.) Tsoka kwa imwe, anembi na afalisi, wakubzikuza! Thangwe mumba dzonga nyumba, za azimayi wafedwa. pomwe mukumbabzionesela na mapemphero yanu matali matali. Thangwe lache mu'mdzatambira chitsimulo chikulu. ¹⁵Tsoka kuna imwe Anembi na Afalisi, wa kubzithusa! Mumba yenda kunyanza na kunja kukayezera munthu m'bodzi kuti akhale wakusandulika, ndipo akasandulika terepoyo, mumbamusandusa mwana wa gehena kawiri kuposa imwepo.¹⁶''Tsoka kuna imwe, imwe anyakulondolela azimora, ''omwe mumbalewa kuti, iye ndiye anilumbila achithula tchalitchi, palibe bvuto. so iye ndiye anilumbila mkumbatchula golide wa m'tchalitchi, wabzimanga goli na kulumbira kwache.' ¹⁷Imwe bzilema bzi azimora! Chikulu m'chiponi, golide ayayi tchalitchi yomwe imbachitisa golide kuchena?¹⁸Ndipo, 'Omwe anilumbira kuguma guwa la nsembe, palibe bvuto. Koma iye ndiye anilumbila kuguma golide wa m'tchalitchi, ali pa goli na lumbiliro lache.' ¹⁹Imwe azimora! Chikulu m'chiponi, mpfupo pinango guwa la nsembe lomwe limbachenesa mpfupo?²⁰Mthangwe lache, iye wakulimbila kuguma gula la nsembe na chilichense cha pamwepo. ²¹Wakulumbira kuguma tchalitchi walumira kubodzi na bzense bza momo. ²²Na iye wakulumbira kuguma kudzulu akulumbira ku mpando wa cifumu pabodzi na iye ndye ambakhala pa mpando umweyo.²³''Tsoka kuna imwe, anembi na Afalisi, wakubzikuza! Thangwe mumbapereka tumphilipiri, tumbewu twa kununtchira na chitowe, koma mumbaleka bza kulemelera kwa chilamulo kuchita chifundo na kukhulupirika. Koma mukachita bzobzi nampodi kuleka bzinangobzi. ²⁴Imwe wakutsogolera azimora wakukuntha mbulu soma ngamira mkumbaikhudyula!²⁵''Tsoka kuna imwe, anembi na Afalisi, wakubzithusa! Thangwe mumbatsuka kwa mkombo na ma palato, soma mu mtima mwanu mudadzara na dyera na kusaya kubzilambiza. ²⁶Imwe Afalisi azimora! Chatoma tsukani mkati mwa mkombo na palato, kuti kunjaku kukhale kwa kuchena pomwe.²⁷²⁸''Tsoka kuna imwe anembina Afalisi, wakubzithusa! Thangwe muli ninga ntumbira wakupalangiwa ntoto ,omwe kunja umbaoneka wakudeka kwene kwene, soma mkati mwache mudadzala mafupa nachilichense chakunyansa cha munthu wakufa. Mchibodzibodzi,kunja kwanu mumbaoneka ninga wanthu wakulungama ,soma mkati mwanu mudadzala na chinyengo nakusaya kuweruzika.²⁹''Tsoka kuna imwe, anembi na Afalisi, wachinyengo! Thangwe mumbamanga mitumbira ya aneneri na kuikha bzidekesero mitumbira ya wakulungama. ³⁰Imwe mumbati , 'Tikadakhala tikhalipo nsiku za makolo yathu, tikadachosalini mulopa wa aneneri,' ³¹Thangwe lache mwekhambo mukuchitira umboni kuti ndimwe wana wa wale omwe adapha aneneri.³²Mumbadzazikira mphimo za azibaba wanu. ³³Bzinyoka imwe, wana wa abvumbwe, mudzathawa tani chilango cha ku moto?³⁴Thangwe lache, nyang'nani, ndikakutumizirani aneneri, anyanzeru na anembi. Winangowo mumbawapha nkumbawakhomera pa thanda, winango mumbawatchanga ma tchalitchi nkumbafamba pembera m'mizinda kukawa nyang'ana. ³⁵Mamaliziro yache ngakuti mulopa wense wa wanthu mwapha wale pa dziko la pansi, udzakhala pa imwe. Kuyambira mulopa wakulungama ule wa Abele ate wa mulopa wa Zakariya mwana wa Belekiya, omwe mumdaphera pakati kuti uku guwa la nsembe uku tchalitchi. ³⁶Chadidi ndikukuuzani kuti, pikado yense idzagwera wanthu wa m'bwado uno.³⁷''Yerusalemu, Yerusalemu, omwe mumbapha aneneri na kumba boma minyala wale omwe akutumizirani! Koma kuti ndiwa kontcheze pabodzi wana wanu, bzidatengera nthawe ikulu, ninga ndimo nkhuku imbachitira kwa mwanapiye m'maphapidwe mwache, soma mukhafuna lini! ³⁸Nyang'anani, nyumba yanu yapfudzika. ³⁹Thangwe ndikulewa kuna imwe, mum'dzandiona lini ate mudzalewe kuti, ''Nyakudala iye wakubwera mu dzina la Mbuya.'''

24¹Yesu adabula ku chokera m'tchalitchi achifamba njira yache. Anyakupfunzira wache adabwera kuna iye nkumba muonesa mamangidwe ya tchalitchi. ²Tsono iye adawatawira achilewa kuna iwo, ''Mudza bziona lini bzinthu bzensenebzi? Mchadidi ndikulewa kuna imwe, palibe mwala ubodzi udzasala padzaulu pa unzache omwe udzagwesiwa lini.''³Pomwe iye adakhala pansi pa phiri ra Azitona, wakupfunzira wache adabwera kuna iye payekha achilewa, ''Tiuzeni ife, niliti bzinthu bzimwebzi bzinzachitika? Tsono bzizindikilo bzaku bwera kwanu na chimalizilo kumala kwa nthawe mtchiyani?'' ⁴Yesu adatawira achilewa kuna iwo, Chenjerani nampodi kuti winango akunamizeni. ⁵Nakuti azinji anzabwera mudzina langu. Iwo adzalewa, 'Ndine khilisitu,' adzanyengeza azinji.⁶Imwe munzabva bza nkhondo na mbiri za nkhondo. Onesesani kuti nampodi kudzidzimuka, poti bzinthu bzobzi bzakuthema kuchitika; soma chimalizilo chinati kufika. ⁷Nakuti mtundu ubodzi udzapokana na mtundu unzache, na ufumu kupokana na ufumu bunzache. Napo kudza khala njala na bziteketeke mbuto zinango. ⁸Tsono bzinhtu bzensenebzi m'kuyamba kwache kwa mazunzo.⁹Pomwepo adzakuperekani imwe kumazunzo achikuphani. Imwe mudzawengiwa na wannthu wense thangwe la dzina langu. ¹⁰Pomwepo azinji adzakuwengana, adzataya chikhulupiliro chawo mkuyamba kuperekana winango na mwanzache. ¹¹Aneneri azinji wa kunama anzaoneka nakupupsa wanthu azinji.¹²Thangwe la kuwanda kwa bzakuipa, lifoyi lawanthu azinji lidzamala. ¹³Tsono ule omwe adzapilira ateye chimalizilo adzapulumuka. ¹⁴Aya mafala ya uthenga bwabwino bwa ufumu yadza falisiwa dziko lense ninga umboni kuna wanthu wamitundu yense. pamwepo chimalizilo chidzafika.¹⁵Naterepoyo, pomwe mudzaona chinthu chakuipa chakudzonga, chomwe chidalewiwa na m'neneri Danieri, chitayima pa mbuto ya kuchena'' (Iye nya kuwerenga adziwe), ¹⁶''iye omwe ali kuYudeya athawire kumaphiri, ¹⁷iye omwe ali pa nsodzi nampodi kubuluka kukachosa chilichense cha nyumba mwache, ¹⁸apo uyo alikumunda nampodi kubwelera kukatenga bzakubvala bzavhe .¹⁹Tsono kunzakhala kwakugoswa kuna mayi wamimba na iwo ndiwo akumamisa pa nsiku zimwezi! ²⁰Pembani pala chimaliziro chanu nampodi chidzachitike pa nthawe yakujejela pinango pa nsiku ya sabudu (sabata). ²¹Pakuti bzimwebzi bzinzakhala bzakuwawisa bzikulu bzomwe bzikanati kuwoneka kale chiyambile kufikila lero, ndipo bzinzaoneka lini pomwe. ²²Zingadakhala nsiku zimwezo zilibe kuchepesiwa pakhalibe na mbodzi angadadza pulumuka. Soma thangwera wakusankhulidwawo nsikuzo zimdzafupikisiwa.²³Tsono penu winango anzalewa kuna imwe, 'Nyang'anani, khristu ali kuno!' ayayi, 'Khilisitu ali uko!' nampodi kudzakhulupilira bzomwebzo. ²⁴Thangwe akhirisitu anyakunama na aneneli adzawoneka na kuchita bzizindikiro bzikulu na bzakudabwisa kuti akapusise anyakusankhuliwawo. ²⁵Nyang'anani, ndakuuzani letu nthawe ikanati kufika.²⁶Ndipo, penu winango anilewa kuna imwe, 'Nnyang'anani, uyo ali kuchipululu, imwe nampodi kudzayenda; Pinango, 'Nyang'anani, iye ali musubi yamkati,' nampodi kudzakhulupilira ibzo. ²⁷Ninga pomwe kupenya kwa chiphaliwari chimbapenya kuchokera kumachibese ate kumaulo, tenepo kudzakhala kubwera kwa Mwana wa Munthu. ²⁸Kulikwense komwe kuna chinthu chakufa, makhwangwala yadza gwezekana kumweko.²⁹''Tsono yakadzandomala masautso ya nsiku zomwezo dzuwa lidzapsipa, na mwezi udzaleka kubvunika, nyenyezi zidzagwa kuchoka kudzulu, ndipo mphamvu za kudzulu zidzatekenyeka.³⁰Ndipo chizindikiro cha Mwana wa Munthu chidzawoneka kudzauluku, ndipo mitundu yense dzko la pansi idzalira. Adzaona Mwana wa Munthu akubwera m'mitambo na mphamvu ulemelero bukulu. ³¹Iye adzatumiza angero wache na kulira kukulu kwa lipenga, ndipo adzawagwezeka pabodzi anyakusankhuliwa wache kuchokera ku mphepo zense zinayi, kuchoka kumphepete inango yathambo kufikira mbali inango.³²Pfunzirani pfunziro kuna muti wa mkuyu. Pomwe mtawi wayamba kumbweza zitete zichiyamba kuphuka masamba, dziwani kuti mayinza yafendera. ³³Naterepoyo, pomwemuniona bzinthu bzensenebzi, imwepo mudziwe kuti iye ali pafupi, pamsuwo chayipo.³⁴Chadidi ndikukuuzami imwe, m'badwo uno udzamala lini wense bzimwebzi bzinati kuchitika. ³⁵Kudzaulu na dziko bzimdzamala, soma mafala yangu yamdzamala lini.³⁶Soma kulewa bza nsiku na nthawe palibe ndiye adziwa, neye penu angero waku dzauulu, neye Mwana, soma Baba yekha.³⁷Ninga nthawe ya Nowa ikhalili, kudza terepoyo kubwera kwache kwa Mwana wa Munthu. ³⁸Ninga terepoyo nsiku zomwezo chigumula chikhanati kubwera iwo akhadya achimbamwa, achilowola na kulowodwa ateye nsiku yomwe Nowa adapita m'chombo, ³⁹iwo adakhala neye kudziwa chinthu kufikana chigumula chidabwera chichi wamiza wense_terepoyo ndibzo bzidzakhalira pakubwera kwache kwa Mwana wa Munthu.⁴⁰Kudzaterepo amuna awiri adzakhala ali m'munda_m'bodzi adzatengiwa winango adzasala. ⁴¹Azikazi awiri adzakhala akupeya pa mpheyo_m'bodzi adzatengiwa, winango adzasala. ⁴²Terepoyo imwepo nyang'anani, poti imwepo mukudziwa lini nsiku yakubwera Mbuya wanu.⁴³Tsono dziwani ibzi, kuti mwene kechilo nyumba angadadziwa nthawe yakubwera mbava penu ni siku; iye angada dikila angada bvuma lini nyumba yache ichitcholewa. ⁴⁴Terepo imwembo khalani wakukonzeka, thangwe Mwana wa Munthu adzabwera nthawe yomwe imwe mukudikila lini.⁴⁵Ni nyabasa uponi wa nzeru wakukhulupilika omwe mbuya wache adamuika m'nyumba kuti apereke bzakudya kuna wanthu wache panthawe yache? ⁴⁶Ngwaku dalisika nyabasa umweyo omwe mbuya wache adzamuguna ali kuchita pamene iye am'bwera. ⁴⁷Chadidi ndikulewa kuna imwe kuti mbuya adzamuyika kukhala wakunyang'anila bzinthu bzache bzense.⁴⁸Tsono penu nyabasa wakuipa adzalewa mumtima mwache, 'Mbuya wangu akuchedwa kubwera,' ⁴⁹napo mkuyamba kumenya anyabasa anzache, kumbadya kumbamwa na bziledzelere, ⁵⁰kinangoko mbuya wa anyabasa ule mkudzabwera nsiku yomwe anyabasa akhadikila lini na nthawe yomwe akuidziwa lini. ⁵¹Mbuya wache adzamugwata iye nthindinthindi adzamuika iye mbuto na wanthu wa chipha maso ,komwe kudzakhala kulira na kuku kuta mano.

25¹Apo ufumu bwa kudzaulu bumdzakhala ninga anamwali khumi omwe adatenga nyale zawo kukagumana na nyakuloola. ²Ashanu wa iwo akhali wakupusa apo ashanu akhali wakuchenjera. ³Nakuti pomwe anamwali wakupusa wale adatenga nyale zawo, alibe kutakula pomwe mafuta ya pambali. ⁴Soma anamwali wakuchenjera wale adatakula pomwe mafuta inanango mbzakutakulira bwawo pabodzi na nyale zawo.⁵Tsapano ndipo nyakuloola ule adachedwa, wensene adaodzira achigona. ⁶Soma pakati pa tsiku padabveka kukuwa, 'Nyang'anani nyakuloola! Ndokoni panja mukagumane naye.⁷Apo anamwali wensene wale adamuka achikonza nyale zawo. ⁸Wakupusa wale adati kuna wakuchenjera wale,' Tipasenimbo pang'ono mafuta yanu inangoyo thangwe nyale zathuzi zikuthima zjai.' ⁹Soma wakuchenjera wale adatawira achiti, ' Pinango pense yamkwanambo lini kuna ife na imwe, so ndokoni basi kuna ndio ambagulisa mukagule.'¹⁰Pomwe iwo adayenda kukagula, nyakuloola ulembo zjai adafika, apo ndiwo akhadakonzeka wale adayenda naye ku madyerero ya malowoloyo, apo msuo zjai udafungiwa. ¹¹Pambuyo pache anamwali winango walembo adabwera achiti, Mbuya, Mbuya, tifungulireni.' ¹²Soma adawatawira achiti, Chadidi ninilewa kuna imwe, nimkudziwani lini imwepo.' ¹³Khalani tcheru tsono thangwera kuti mumdziwa lini nsiku na nthawe.¹⁴Nakuti bziri ninga munthu adafuna kucoka kuenda dziko linango. Adacemera anyabasa wace apo adawapasa mbali ya cuma cace. ¹⁵Kuna m'bodzi wa iwo adampasa kobiri za ma talente mashanu, apo winango ziwiri na winango ibodzi. Aliyense adatambira kuwanda kwa kobiri na kukwanisa kwace, apo munthu ule adanyamuka ulendo bwace. ¹⁶Mbodzi omwe adatambira kobiri za ma talente mashanu ule adenda kukaziphatisa basa achikaphindula zinango zishanu pomwe.¹⁷Ndendende pomwe na ule adatambira talente ziwiri ule adaphindula zinzace ziwiri pomwe. ¹⁸Soma nyabasa omwer adatambira talente ibodzi ule adayenda, kukachera dindi achikaifuchira pansi.¹⁹Tsapano patapita nthawe itali mbuya wao ule adabwera achidzakontcheza nawo pabodzi kobiri zense zire. ²⁰Nyabasa ndiye adatambira talente zishanu ule atabwera adabweresa zinango pomwe zishanu. ²¹Mbuya onani ine ndaphindula pomwe ma talente mashanu. Mbuya wace adati kuna iye, ' Wacita bwino ndiwe nyabasa wabwino wakukhulupirika! Wakhulupirika pa bzinthu bzing'ono. Ninkuikha umbanyang'anire bzinthu bzizinji. Pita mchisekerero cha mbuya wako.²²Nyabasa adatambira talente ziwiri ule adabwera achiti, 'Mbuya mudandipasa talente ziwiri. Onani ndaphindula pomwe talente ziwiri.' ²³Mbuya wace adalewa kuna iye, 'Wacita bwino, ndiwe nyabasa wabwino wakukhulupirika! wakhulupirika pa bzinthu bzing'ono. Ninkuikha umbanyang'anire bzinthu bzizinji. Pita mchisekerero ca mbuya wako.²⁴Apo nyabasa ndiye adatambira talente ibodzi ule adabwera achilewa, 'Mbuya, ndikudziwa kuti ndimwe munthu wa kuuma moyo. Mumbakolola ndipo mulibe kubzala, opo muchikolola ndipo mulibe kufesa. ²⁵Ine ndidagopa, opo ndidayenda kukaifuchira talente yanu irepansi. Onani, yanu yensene ire iyi.'²⁶Soma mbuya wace adamutawira achiti, 'Iwe nyabasa wakuipa ntofu udadziwa kuti nimbakolola ndipo ndiribe kubzala nakukolola ndipo ndiribe kufesa. ²⁷Penu ntenepo ungadakakoyesasa kobiri yanguyo kuna anyakukoya ku bank, apo pakubwerapa ningadadza gumana zawanda na yakubzatikira yache.²⁸Tsapano tengani talentezo kuna iye apo mumpase nyabasa ule ana ma talente khumi ule. ²⁹Apo aliyense omwe anabzo amdzapasiwa, bzizinji apo amdzakhala nabzo bzakuwanda. Soma aliyense omwe alibe chinthu, neye bzakuchepa bzomwe anabzo bzimdzatengiwa kuna iye. ³⁰Apo thusani nyabasa wakusaya phinduyo kunja kwa mdima,komwe kumdzakhala kulira nakukukuta mano. '³¹Pomwe Mwana wa Munthu akubwera mu ulemerwro bwache apo na anjero wense pabodzi na iye, amdzakhala pa mpando wache wa ulemerero. ³²Pomwe pana iye pamdzakontcheziwa madziko yensene.apo iye amdzamwazisa mb'odzi na mwayache, ninga ndimo nyakabusa ambapambulira mabira na mbuzi. ³³Iye amdzaikha mabira kuboko lache la madidi, apo mbuzi kuboko lache la madzere.³⁴Apo mfumu imdzalewa lewa nawo iwo wensene waku boko lace la madidi, ' Bwerani imwe omwe mwadalisiwa na Baba wangu, pitani mu ufumu bwa kukonzerewa kuna imwepo kuchokera pakutoma pa dzikoli. ³⁵Thangwe ndikhana njala mudandipa chakudya;Ine ndikhana nyota apo imwe mudandipa cakumwa; Ine ndikhali mulendo apo imwe mudanditambira; ³⁶Ine ndikhali pezi apo imwe mudandibvazika ine; Ine ndikhadwala imwe mudandikhongobza ine;Ndikhali mkaoko apo mudabwera kudzandimusa.³⁷Tsapano wakulungama amdzatawira kuti, Mbuya, ni lini tidakuonani nanjala tichikudyesani? Ayayi na nyota tichikupani madzi? ³⁸Ni lini tidakuonani mulendo tichikutengerani mnyumba? Ayayi pezi tichikubvazikani? ³⁹Ni lini tidakuonani mukudwala ayayi muli mkaoko tichibwera kuna imwe? ⁴⁰Apo mfumu imdzatawira ichiti kuna iwo, ' Chadidi ndikulewa kuna imwe, bzomwe mudachita kuna m'bodzi wa abale wangu wale, mudachitira pomwe ine;⁴¹Apo iye amdzauza wa ku boko la dzere wale, ' Chokani kuna ine, imwe anyakutembereriwa, nkumoto wa muyaya ndiwo wakonzerewa pala satana na anjero wace, ⁴²thangwe ndikhana njala soma mulibe kundipa chakudya; ndikhana nyota, soma mulibe kundipa chakumwa; ⁴³Ndikhali mulendo, soma mulibe kunditengera mnyumba; pezi, soma mulibe kundibvazika; kudwala na mkaoko, soma mulibe kundikhongobza.'⁴⁴Apo amdzatawirambo achiti,Mbuya, lini tidakuonani imwe muna njala, pinango nyota, pinango mulendo, pinango pezi, pinango kudwala, pinango mkaoko, pomwe tiribe kukutumikirani?' ⁴⁵Apo amzawatawira iwo achiti, Chadidi ndikulewa kuna imwe, bzomwe mulibe kuchitira kuna m'bodzi wa omwewa, mulibe kuchitirambo ine,' ⁴⁶Awa amdzaenda ku chilango cha muyaya, soma wakulungama ku moyo wamuyaya.'

26¹Bwidachitika kuti pomwe Yesu adamaliza mafala yenseneya, adati kuna wakupfunzira wache, ²''Mukudziwa kuti pakapita nsiku ziwiri pasika zjai ikubwera, apo Mwana wa Munthu anzaperekiwa kukakhomeriwa pa mtanda,''³Ndiye akulu wa ansembe na akulu akulu adagwezekana pabodzi kunyumba kwa mkulu wa ansembe, wakuchemeriwa Kayafa . ⁴Adapangana pabodzi kumanga Yesu mkavindivindi pala amuphe . ⁵Thangwe akhalewa kuti, ''Nampodi idzakhale nthawi ya chisangalalo cha mapemphero, kugopesa kuti wanthu angadzachite phiringu.''⁶Tsapano ndipo Yesu akhali mu Betaniya mnyumba mwa Simoni wamapere, ⁷pomwe akhadatsalira pa meza, mkazi adabwera kuna iye na chikasi cha alabastero cha mafuta ya kuumira kwene kwene ,achiya tsanulira pamsolo pa Yesu. ⁸Soma pomwe wa kupfunzira wache adaona ibzi, adakalipa achiti, ''Mthangwe lanyi akudzonga tenepayu? ⁹Akadayagulisa mwa kuumira maninge achipasa kobilizo anyakusaya.''¹⁰Soma Yesu pakudziwa ibzi , adati kuna iwo, '' Thangwe lanyi mukumuboneresa mkaziyu? Pomwe wachita chinthu chabwino kuna ine. ¹¹Wakusaya mumbakhala nawo nsiku zensene, soma ine mumdzakhala nande lini nthawi zense.¹³Pakuti pomwe adakhuthulira mafuta ya ku nuntchira yale mthupi mwangu, wachita ibzi pakukonzekera kuikiwa kwa ine ku thenje. ¹²Chadidi ndikulewa kuna imwe, kwensene ndiko mafala yabwinoya, yakulalikiwa mdziko lensene la pansi, bzomwe mkazi umweyu wachitabzi bzimdzakhala bzi kusimbiwa kumkumbukira umweyu,''¹⁴Apo m'bodzi wa wakupfunza khumi na awiri wale, wakuchemeriwa Yudasi Isikariyoti, adayenda kuna wkulu wa ansembe ¹⁵achikalewa kuti, ''Mukufuna mundipase chiyani pala kuti ndikupasireni iye? Apo iye adamupa kobiri za ngwi ngwi ngwi makumi matatu. ¹⁶kuchokera kanthawi kamweko iye adapsaga manera yaku mperekera Yesu kuna iwo.¹⁷Tsapano pa nsiku ya kutoma ya mkate wakusaya bza kufufumisa wakupfunzira adabwera kuna Yesu achiti, ''Mumfuna phwando la pasaka tikachitire mbuto iponi? ¹⁸Iye adati, Ndokoni mu mzinda ule kuna munthu winango mukamuuze kuti mpfunzisi wati, '' Nthawi yangu yafendera. Nimdzakoya chakudya changu cha pasaka pamuyi panu na wakupfunzira wangu.''''' ¹⁹Wakupfunzira adachita ninga ndimo Yesu adawauzira, apo adakonza chakudya cha pasaka.²⁰Maulo yatakwana, iye adakhala pansi kudya na wakupfunzira wache. ²¹Pomwe akhadya, adati, '' Chadidi ndikulewa kuna imwe kuti m'bodzi wa imwepa amdzandipereka.'' ²²Adaphatiwa na nsisi, apo aliyense adatoma kubvunza, '' Bzacadidiletu ndine lini, Mbuya?''²⁴Iye adawatawira,'' Omwe anibvwika boko lache pabodzi na ine mpalato mwangumu umweyo ndiye amdzandipereka. ²³Mwana wa Munthu amdzaenda, ninga ndimo bzidanembewera pala iye. Soma pikado kuna iye wakudzapereka Mwana wa Munthuyo! Bzikadakhala nkhasa munthu umweyo zjai angadasaya kubadwa.'' ²⁵Yudasi, omwe akhafuna kumpereka Yesu adati, '' Kodi ndine Rabbi?'' Adati kuna iye, ''Wanenepoyo ndiwe.''²⁶Pomwe akhadya, Yesu adatenga mkate, achiudalisa, adaubedula. Achipereka kuna wakupfunzira wache achiti, '' Tengani, dyani. Ili ni thupi langu.²⁷Adatenga mkombo achitenga achiwapasa iwo achilewa kuti, '' Mwani ichi mwensene . ²⁸Nakuti uyu ni mulopa wangu wa mpangano omwe wathiriwa thangwera wanthu azinji pala kukuchosani mu bzakuphonya bwanu. ²⁹Soma ndikulewa kuna imwe, nimdzamwa lini pomwe chipatso ichi cha mpesa ate nsiku ndiyo ndidzamwe chatsampanopa pabodzi na imwe mu ufumu bwa Baba wangu.³⁰Pomwe adaimba nyimbo adachoka kuenda kuphiri la Azitona. ³¹Pamwepo Yesu afalewa kuna iwo, '' Mwensene mumdzapsoma usiku buno thanwera ine, nakuti kwanembiwa, 'Nimdzamenya nyakabusa napo thimu la mabira yache limdza mwazikana.' ³²Soma nimdzalamuka, ndichidzakutsogolerani imwe ku Galileya.''³³Soma petulo adalewa kuna iye, '' Neye wensene achidzakulambani imwe, ine nimdzakulambani lini nthawe zense.'' ³⁴Yesu adati kuna iye, ' Chadidi ndikulewa kuna iwe, usiku bombuno, chongwe akanati kulira, umdandilamba ine katatu. ³⁵Petulo adalewa kuna iye, Neye ine nimfa pabodzi na imwe nimdakulambani lini,'' Wakupfunza wensene adaterepoyo pomwe kusewera bza kufanana.³⁶Pamwepo Yesu adayenda nawo kumbuto yakuchemeriwa Getsemane achilewa kuna wakupfunzira wache. '' Bakakhalani pano pomwe ndikuenda uko kukapemphera.'' ³⁷Apo adatenga Petulo na wana awiri wa Zabedayo pabodzi na iye achitoma kuphatiwa na nsisi zakubonera nazo. ³⁸Apo adalewa kuna iwo, '' mzimu wangu waphatiwa na nsisi zakunyanya zakufika nazo ku imfa. Khalani pano tione pabodzi.''³⁹Adayenda pakatsogolo pang'ono, achigwesa nkhope yache pansi achipemphera. Kuti, ''Penu mpsakukwanisika, mkombo uyu undipitirire. Sikuti ndimo nimfunira soma ndimo imwe mumfunira .'' ⁴⁰Adabwera kuna wakupfunzira wache achiwagumana akugona, apo adalewa kuna Petulo, ''Mchiyani, mungatazembo kundidikhira nthawi ibodziyi? ⁴¹Khalani tcheru na kupemphera thangwe mungapite mmayezero ya sathani. Mzimu chadidi ukufuna, soma thupi ndakugoboka.''⁴²Adayenda pomwe kachiwiri kukapemphera. Adati, ''Baba wangu, penu ichi chimdipitirira lini pokha _pokha nditamwa basi, kufuna kwanu kuchitiwe.'' ⁴³Adabwerera nkudzawagumana atagona pomwe. Nakuti maso yawo yakhadalemera. ⁴⁴Tsono adawasiya pomwe, achiyenda pakatali kukapemphera kachitatu, acikalewa pomwe mafala mabodzi bodziyo.⁴⁵Kinangoka Yesu adabwera kuna wakupfunzira wace achiti kuna iwo, "Mukugona basi meju nkumbapuma? Onani nthawi yatsala pankiti, apo Mwana wa Munthu ankuperekiwa mmanja mwa anyakuphonya. ⁴⁶Mukani, timbayende, Onani nyakundipereka ine wafendera.''⁴⁷Pomwe akhali mkati kulewalewa, Yudasi, m'bodzi wa khumi na awiri wale, adabwera. Thimu lizinji lidabwera naye kuchokera kuna mkulu wa ansembe na akulu wawanthu. Adabwera na madipa na bzibonga. ⁴⁸Tsapano munthu wakufuna kupereka Yesu ule adawapasa chizindikiro, kulewa kuti, 'Ndiye ninkamu mpsompsonayo ngumweyo letu. Kam'pateni.''⁴⁹Kamfulumize adafika pafupi na Yesupo achiti, ''Moni Rabbi! apo adamumpsompsona iye. ⁵⁰Yesu adalewa kuna iye, ''Mwayangu cita bzomwe wabwerera kudzacita.Kinangoka. Kinangoka iwo adabwera, nkuikha manja pa Yesu achimuphata mkumumanga.⁵¹Apo onani, munthu m'bodzi omwe akhana Yesu adafuthula boko lace, achisolola lupanga, achimenya nalo kapolo wa mkulu wa ansembe, achigwatiratu khutu lace. ⁵²Apo Yesu adati kuna iye,Bwezeresa lupanga lako m'buto mwace, thangwe wense wakufamba na lupanga amdzafa na lupanga. ⁵³Ayayi ukukumbuka kuti ningataze kupemphera kukumbira Baba wangu,apo angakwanise kunditumizira mathimu ya anjelo yakuposa khumi na mawiri. ⁵⁴Soma tsono manemba yamdzakwanisiwa tani bzomwe yadalewa kuti bzimdzacitika?''⁵⁵Panthawi imweyo Yesu adalewa kuna thimu lire ''Mwacita kubwera na malupanga na bzibonga kudzandiphata ninga ndine mbava? Nsiku zensene ndikhakhala mtchalitchi, apo neye kundimanga. ⁵⁶Soma bzensenebzi bzacitika kuti bzakunemba bza aneneri bzipherezere .'' Kinangoka wakupfunzira wace wensene adabalalika kumuthawa.⁵⁷Wale omwe adaphata Yesu adayenda naye kuna Kayafa mkulu wa ansembe, kumene anembi na akulu akhadagwezekana pabodzi. ⁵⁸Soma Petulo adamutewera pambuyo pakatali na kumuyi kwa mkulu wa ansembe ule. Iye adapitambo mkatimo acikhala pansi na ndiwo akhalondera Yesu pala kuti awonembo ndibzo bzimchitika.⁵⁹Tsapano mkulu wa ansembe na akulu wa kutonga milandu adanya

ng'ana umboni bwa kunama kuti anamizire Yesu pala kuti amuphe.

⁶⁰Adabusaya umboni, ngakhale kuti mboni zizinji zakunama zikhadabwera pompale. Soma kinangoka mboni ziwiri zidabwera, ⁶¹''Zichiti ''Munthu umweyu adati, ''Ningakwanise kugwesa tchalitchi ya Mulunguyi ndichiimanga pomwe nsiku zitatu basi,'''⁶²Mkulu wa ansembe adamuka achiti kuna iye,''Ulibe cakutawira? Nimulandu wanyi ndiwo akukuzenga iwepo?'' ⁶³Soma Yesu adakhala chete. Mkulu wa ansembe adati kuna iye, ''Ndikukutonga iwe kuna Mulungu wa moyo, tiuze penu ndiwedi mkirisitu, Mwana wa Mulungu.'' ⁶⁴Yesu adati kuna iye, ''Mwatenepoyo ndimwe. Soma ndikukuuzani kuti,kucoka lero ate mtsogolo mumdzaona mwana wa Mulungu kukhala ku boko lamadidi la mphamvu, na kubwera mmitambo ya ku dzaulu.''⁶⁵Kinangoka mkulu wa ansembe adang'amba bzakubvala bzace achilewa kuti, ''Wasewera makiriyado! Nimfuniranyi pomwe mboni zinango? Onani, mwabvambo mwekha makiriyadoya. ⁶⁶Mukukumbukambo tani?'' Iwo adatawira achiti, ''Akuthemera kuphiwa.''⁶⁷Kinangoka iwo adampsipira mata ku nkhope kwace achimmenya mabakera, pomwe winango ma bofutada ⁶⁸achilewa kuti,Bvima kuna ife Mkhirisituwe.Mbani wakumenya iwepo?''⁶⁹Tsapano Petulo akhadakhala panja pa mbuto ile, apo nyabasa wachikazi adabwera kuna iye achiti, Ukhana Yesu wa ku Galileya iwepo.'' ⁷⁰Soma adagaza pamaso pa wense kulewa kuti, ''Ndikudziwa lini bzomwe mukulewabzi.''⁷¹Atabula pa msuwo wa litsito, nyabasa winango pomwe wa chikazi adamuona iye achiuza wanthu popo, ''Munthu uyu pomwe akhali pabodzi na Yesu wa ku ⁷²Nazareti.''Adagaza pomwe achilumbira, '' Nimbamdziwa lini ine umweyu!''⁷³Patapita kanthawi pang'ono ndiwo akhadaima pakambali adati kuna Petulo, ''Mchadidi ndiwe pomwe m'bodzi wa wanthu amwewo, thangwe maseweredwe yakoya ukubvekeratu. ⁷⁴Kinangoka adayamba kutemberera na kulumbirira,'' Ndikumdziwa lini Munthuyu,'' apo kamkulumize chongwe adalira. ⁷⁵Petulo adakumbukira mafala ndiyo Yesu adalewa yale, ''Chongwe akanati kulira umdzandilamba ine katatu.'' Apo adayenda panja achikalira maninge.

27¹Tsapano pomwe kudachena machibese, akulu wensene wa ansembe na akulu wawanthu adapangana bzakuti Yesu amuphe. ²Adamumanga, nkumutsogoza nkukamupereka kuna mtongi Pilato.³Tsapano pomwe Yudasi, omwe adamupereka iye, adaona kuti Yesu watongiwa kuti akaphiwe, adalapa achikabweza kobiri makumi matatu zire kuna akulu wa ansembe na akulu wawanthu, ⁴achiti, '' Ndaphonya kupereka munthu wakusaya kuphonya.'' Soma adati.''Mchiani chochi kuna ife? Umbzionambo wekha.'' ⁵Apo adathusa tukobiri twa siriva tule pansi mtchalitchi, achinyamuka, nkuyenda panja nkukabzimangirira yekha.⁶Akulu wa ansembe wale adalokota tukobiri tule achiti, ''Mpsakubvumiziwa lini kukoya tukobiritu mthungwa mwakukoyera kobirimu thangwe mza mulopa.'' ⁷Atakambirana adaphata mfundo yakuti akagulire munda kuna nyakuumba mitsuko kuti likhale thenje la anyakubwera. ⁸Mthangwe lace mundayo umbachemeriwa , ''Munda wa mulopa'' ate lero.⁹Tenepo ndibzo bzidasewera mneneri Yeremiya

bzidakwanisiwa, kuti, ''Adatenga tukobiri makumi matatu twa ngwi ngwi ngwi, nsengwa ndiyo wana wa Isaraeri adatchaja pala iye,

¹⁰apo achikapagali munda kuna nyakuumba mitsuko. ninga ndimo Mbuya adandipanganizira.''¹¹Tsapano Yesu adaima pa maso pa mtongi, apo mtongiyo adati kuna iye, ''Ndiwe Mfumu ya Ayuda?'' Yesu adamutawira, ''Mwalewa tenepo ndimwe.'' ¹²Soma pomwe adazengiwa na akulu wa ansembe na akulu wawanthu, alibe kutawira chinthu. ¹³Apo Pilato adati kuna iye, ''Unkubva lini ni milandu mingasi akukuzenga kodi?'' ¹⁴Soma alibe kutawira neye fala libodzi, mwakuti mtongiyo adadabwa maninge.¹⁵Tsapano pa phwando la pasaka ukhali mtemo wa mtongi kutsudzula nyakumangiwa m'bodzi ndiye wanthu angamusankhule. ¹⁶Pa nthawe imweyo pakhana mkaidi kapondo mkulu wakuchemeriwa Barabba.¹⁷Apo pomwe adagwezekana pabodzi, Pilato adalewa kuna iwo, ''Mumfuna ndiku tsudzulireni yani? Barabba, ayayi Yesu omwe ankuchemeriwa Mkhirisitu?'' ¹⁸Adadziwa kuti Yesu adamupereka utowa kuna iye thangwera nsanje. ¹⁹Pomwe akhada khala pa mpando wa kuzengera milandu, mkazache adatumiza mafala kuna bayacheyo achiti, ''Nampodi kumuchita chinthu munthu nyakusaya kuphonyayo.Thangwe lero ndabonera maninge na atulo kulota bza munthu umweyo.''²⁰Tsapano akulu wa ansembe na akulu wawanthu adanyengerera thimu lire kuti litawire kuti atsudzule Barabba nkupha Yesu. ²¹Mtongi ule adawabvunza, ''Mbani mwa awiriwa ndiye mumfuna kuti ndikutsudzulireni? Adati, ''Barabba.'' ²²Pilato adati kuna iwo, ''Ndichite chani na Yesuyu ndiye ankuchemeriwa Mkhirisitu?'' Wensene adatawira, ''Mmanikeni.''²³Apo iye adati, ''Thangweranyi, wachita chakuipa chanyi?'' Soma adanyanyiratu kukuwa zjai, ''Mmanikeni.'' ²⁴Tsapano pomwe Pilato adaona kuti akhamubvera lini, soma zjai pakhayambika phiringu, adatenga madzi achisamba mmanja pamaso pa wanthu, achiti, ''Ndikukhudziwa lini na mulopa wa munthuyu, Mukuonambo mwekha.''²⁵Wanthu wensene adati, ''Mulopa wacheyo mbaukhale pa ife na wanathu kubodzi.'' ²⁶Tsapano adawatsudzulira Barabba ule, soma adamtchanga Yesu achimpereka kuti akammanike.²⁷Kinangoka anyankhondo wa mtongi adamtenga Yesu achiyenda naye kuna likulu la boma komwe adakagwezekana thimu lensene pabodzi. ²⁸Adamutchanga achimubvazika chimkanjo chifwira. ²⁹Adakonza kankhata kaminga achimubvazika kumsolo, achimuphatisa mtete m'boko lache lamadidi. Adagodama pafupi na iye achimuchita makiriyado, kuti, ''Tikuoneni mfumu ya Ayuda!''³⁰Adamupsipira mata, achitenga mpsimbo nkumutchanga kazinji. ³¹Atamala kumuchita makiriyadoya, adamukhundula mkanjo ule nkumubvazika bzakubvala bzache chaibzo, nkumutsogoza kukamumanika pa mtanda.³²Atabula mommule, adagumana na munthu winango wakuchokera ku Kerene wakuchemeriwa Simoni, omwe adamungingimiza kuti awatewere pala kuti atakule mtandayo. ³³Adafika naye pambuto yakuchemeriwa Gologota, ndiye kulewa kuti ''Mbuto ya Bade.'' ³⁴Adamumwesa vinyo wakusanganiza na ndulu. Soma pomwe adalawidza, alibe kumwa.³⁵Atamukhomera pa mtanda , adamenya njuga achigawana bzakubvala bzache, ³⁶adakhala pansi achimukhalirira pamwepo. ³⁷Padzaulu pache adanemba mulandu wache, kuti, ''Uyu ni Yesu, mfumu ya Ayuda.''³⁸Adamukhomera pabodzi na mbava ziwiri, kumadidi ibodzi na kumadzere kwache pomwe ibodzi . ³⁹Omwe akhapita na njira akhamunyoza, kumbagwedeza misolo yao ⁴⁰achimbati, ''Iwe ndiwe ukhayenda kukadzonga tchalitchi uchimanga pomwe nsiku zitatu, bzipulumuse wekha! Penu ndiwedi mwana wa Mulungu, buluka pa mtandapo tione!''⁴¹Ndendende pomwe akulu wa ansembe akhamuchita makiriyado, pabodzi na anembi na akulu wa wanthu, kumbati, ⁴²Akhambapulumusa winango umweyu, soma apa angabzipulumuse lini yekha. Ni mfumu ya a Isaraeri. Mulekeni abzibuluse pa mtandapo, apo ndiye tingamukhulupirire tsapano.⁴³Ambakhulupirira Mulungu umweyu, mulekeni Mulunguyo amupulumuse tsapano. Nakuti akhalewa pomwe kuti, 'Ndine mwana wa Mulungu.''' ⁴⁴Ndendende na mbava ziwiri zire zidamusewera pomwe makiriyado.⁴⁵Tsapano kutomera pa nthawe zitanthatu mdima udagwa pa dziko lensene la pansi ate nthawe zipfemba. ⁴⁶Itatsala pankiti nthawe ya chipfemba, Yesu adalira mwa kukuwa, achiti, ''Eli,Eli, lamasabachthani?'' ndiye kulewa kuti, '' Mulungu wangu, Mulungu wangu, sabwanyi mwandilekerera?'' ⁴⁷Pomwe winango wakuima popo adabva bzobzi, adati, '' Akuchemera Eliya.''⁴⁸Kamkulumize m'bodzi wa iwo adatenga chibvenje, achichibvwika mu vinyo wakusasa, nkuchiikha ku mtete, mkumupasa iye kuti amwe. ⁴⁹Winango wensewo adati, ''Muleke. Mbatiye tione penu Eliya anibwera kudzapulumusa.'' ⁵⁰Kinangoka Yesu adalira pomwe mwakukuwa achipereka mzimu wache.⁵¹Onani, chinguwo cha mtchalitchi chidang'ambika pawiri kuchokera padzaulu ate panyansi, apo dziko lapansi lidatekenyeka, apo mathanthwe yaching'ambika pakati. ⁵²Nthutu zidafukuka padecha, apo mathupi ya anyamuya wakulemekezeka yadalamusiwa. ⁵³Adabula kuchoka mu nthutu zire iye atalamusiwa, nkupita mu mzinda wakulemekezeka, achionekera kuna azinji.⁵⁴Tsapano pomwe kenturiyo na ndiwo akhali popo akhanyan'ganira Yesu ataona chiteketeke na bzinthu ndibzo bzidachitikabzo adacita mantha achiti, ''Mchadidi uyudi akhali mwana wa Mulungu.'' ⁵⁵Akazi azinji ndiwo akhadatewera Yesu kuchokera ku Galileya kudzakhala nawo pa bzakuchitika bzache akhali pakatali kumbanyang'anisa. ⁵⁶Wina mwa iwo akhali Mariya Magadalena, Mariya mayi wao wa Yakobo na Yosefe, na mayi wao wa wana wa Zebedayo.⁵⁷Pomwe yadakwana maulo, kudabwera munthu wa vida zache kuchoka ku Arimateya, wakuchemeriwa Yosefe, omwe akhali pomwe wakupfunzira wa Yesu. ⁵⁸Adafenderera kuna Pilato achikumbira thupi la Yesu. Kinangoka Pilato adatonga kuti amupase thupilo.⁵⁹Yosefe adatenga thupilo achilitsedengera mu nguwo yabwino, ⁶⁰achikaliikha mu gwinza lache lache ndilo akhadaligoba ku thanthwe. ⁶¹Kinangoka adagudubuza chimwala achifunga mkuyenda. Mariya Magadalene na Mariya winango ule adatsalira popo basi ali khale pa mphepete nkumbanyang'anisa thenjero.⁶²Mangwana yache, yomwe ikhali nsiku ya kukonzekera, akulu wa ansembe na Afarisi adakagwezekana kwa Pilato. ⁶³Adati, ''Mfumu, takumbukira kuti ndipo wakunyengeza ule akhana moyo, adati, Pangadzapita nsiku zitatu nimdzalamuka pomwe.' ⁶⁴Tsono tongani kuti pa nthutu pache pale pakakhaliririwe ate nsiku ya chitatu, pinango pense wakupfunzira wache angabwere kudzamuba nkudzalewa kuna wanthu, 'Walamuka kuna anyamuya,' apo chinyengo chakumalizachi chingadzapose chakutoma chire.''⁶⁵Pilato adati kuna iwo, ''Tengani mulonda. Ndokoni mukakhalirire ninga ndimo mumbadziwira.'' ⁶⁶Apo adayendadi kukakhalirira nthutuyo mwakuteteza, achiikha chizindikiro pa mwalapo achiikha mulonda.

28¹Tsono nsiku ya sabata, machibese kukuyamba manyika kuti kuchene nsiku yakutoma ya sumana, Mariya Magadala na Mariya winango adabwera kudzawona kuthenje. ²Tsono nyang'anani, pakhana chiteketeke chikulu, thangwe mngelo wa Mulungu ada mbuluka kuchoka kudzaulu, achibwera kudzagwiinya chimwala,chomwe chikhali popo.³Maonekedwe yache yakhali ninga chiphaliwali na bzakubvala bzache bzichena ninga matalala. ⁴Wakulondera popo adatemera namantha ndipo adakhala ninga wanthu wakufa.⁵M'ngeloyo adatawira azimayi wale kuti, ''Nampodi kugopa, thangwe ndikudziwa kuti mukupsaga Yesu, omwe wa khomeriwa pa mtanda. ⁶Iye mulibe muno, soma wamuka, ninga bzomwe adalewa. Bwerani mudzaone mbuto yomwe Iye akhada gona. ⁷Ndokoni kamangu mukawauze wapfunza wache kuti, 'Iye wamuka kwa wakufa. Nyang'anani, iye amkutsogolerani ku Galileya. Kumweko mumkamuona iye; Nyang'anani, ndakuuzani imwe.''⁸Azimayi wale adachoka kamfulumize mthenje mule na mantha na kudekedwa kwenekwene, achithamanga kukauza wapfunza wache. ⁹Nyanganani, Yesu adagumana nawo achilewa, ''Moni!'' Azimyi wale adabwera, achimphata nzayo zache achimugodamira iye. ¹⁰Tsono Yesu adalewa kuna iwo, ''Nampodi kugopa. Ndokoni mukawauze abale wangu ayende ku Galileya. Ine amkandiona kumweko.''¹¹Tsono pomwe azimayi wale akhayenda, Nyang'anani,alonda winango adafika mumzinda mule achikawauza wa nsembe bzense bzomwe bzidachitika bzire. ¹²Pomwe wa nsembe adagumana na akuluakulu adawauza nkhani imweyi, adawapasa achikunda kobiri zizinji ¹³achiwauza iwo, ''Muwauze, 'Wakupfunza waYesu adabwera usiku kudzaba thupi la Yesu ife tikhali mtulo.'¹⁴Nkhani imweyi ikabveka kwa anyakutonga, tidzamunyengerera kuti imwepo muchoke thupo.'' ¹⁵Naterepoyo achikunda wale adatmbira kobiri zire achichita bzense bzomwe iwo adauziwa. Nkhani imweyi idabveka basi kwense ku khana Yuda ndipo ikupitilira kubveka ateye na relo.¹⁶Tsono wakupfunza khumi na m'bodzi wale adayenda ku Galileya, kuphiri lomwe yesu adawalangiza iwo. ¹⁷Pomwe adamuona iye , adamupembedza koma wina adakayikira.¹⁸Yesu adabwera kuna iwo achilewa nawo iwo achiti, ''Mphamvu zense zapasiwa kuna ine kudzauulu na dziko pansi. ¹⁹Thangwe lache ndokoni mukapfunzise wanthu wa mitundu yense. Abatizeni mu dzina la Baba, na Mwana, na Mzimu wakuchena.²⁰Apfunziseni kubvera bzinthu bzense bzomwe ndidalewa namwe. Onani, ine ndiri namwe nthawe zense, kufikira kumapeto ya nthawe.''

Maliko

1¹Ichi chikhali chakutoma chamafala yadidi ya yesu nkhilisitu, mwana wa Mulungu. ²Ninga kudanembiwa na Yesaya mneneli, ''Nyang'anani, Ine ndikutumiza mtumiki wangu patsogolo pa nkhope zanu, Iye ndiye ankonza njira yanu. ³Fala la m'bodzi ndiye ankuwa ntchipululu , 'Konzani njira yache ya Mbuya; konzani njira yache yakulungamira.''⁴Yohani adabwera, achibatiziwa ntchengo, na achilalikira ubatizo bwa kutembenuka mtima na bwa kulata ku chikhululukiro cha machimo. ⁵Dziko lense la Yudeya na wanthu wense waku Yerusalemu kwa iye. Adabatizidwa na iye mu Mkulo wa Jorodani, pakuwulula machimo yawo. ⁶Yohani adamvala chakumvala cha ukuse bwa Ngamira na mtcheka wa khanda mtchiuno mwache, ndipo akhadya bziwala na uchi bwa mthengo.⁷Iye achilalika, achiti, ''m'bodzi alikubwera wa mphamvu kuposa ine; nsapato zache ningakwanise lini kutsudzula ne kumanga. ⁸Ine ninkubatizani na madzi, tsono iye adzakubatizani na Nzimu wakuchena.''⁹Bzidachitika nsiku zomwezo Yesu adabwera kuchokera ku Nazaleti waku Galileya, ndipo iye adabatiziwa na Yohani mu mkulo wa Yorodani. ¹⁰Pomwe Yesu adanuka m'madzi, adaona kudzaulu kudafunguka na nzimu wakuchena ndipo ukubwera kuna iye ninga Nkhangayiwa. ¹¹Mafala yadamveka kuchokera ku dzaulu, ''Uyu ni mwanangu womwe nimbamkonda.Ndakomedwa nawe kwenekwene,''¹²Tsono nzimu wakuchena udamungingimiza kuyenda kuthengo. Iye adakhala mtchipululu nsiku makumi manayi, akuyesedwa na satana. ¹³Iye akhakhala na bzilombo bza mthengo, tsono angelo akha mtchinjilidza.¹⁴Tsono atamangiwa Yohani, Yesu adabwera ku Galileya achilalika mafala ya Mulungu. ¹⁵Iye achiti, ''Nthawe ya mala, ndipo ufumu bwa Mulungu bwafika. Chinjani mukhulupire mafala ya bwino.''¹⁶Pomwe akhafamba mphepete mwa nyanza ya Galileya, adawona Simoni na Andileya M'bale wache wa Simoni akhathusa bwazi nyanza, thangwe iwo akhali asodzi. ¹⁷Yesu adalewa nawo , ''Bwerani, nditewereni ine, ninzakusandusani asodzi wa wanthu,'' ¹⁸Pamwepo adatula bwazi achimutewera iye.¹⁹Tsono Yesu adafamba pang'ono, adawona Yakobe mwana wa Zebedayo na Yohani abale wache; akhali mwadiya kokonza bwazi. ²⁰Iye adawachemera popo adaleka babawo Zebedayo ali mwadiya na anyabasa, achimutewera iye.²¹Tsono iwo adabwera ku Kaperenawo, nsiku ya sabudu , Yesu adapita ntchalitchi achi pfunzisa. ²²Tsono iwo adadabwisiwa nachi pfunziso chache, iye adapfunzisa ninga mwenekachiro mphamvu neninga alembi.²³Tsono pomwepo pakhana munthu ntchalitchimo wa nzimu wakuyipa adakuwa, ²⁴achiti, ''Tilinamwe chani ife, Yesu wa kunazaleti? Wabwera kudzati dzonga ife? Ine ndikukudziwani. Ndimwe m'bodzi wakuchena wa Mulungu!'' ²⁵Yesu adatsimula chiwanda achiti, ''Nyamala ndipo uchoke mwa uyu!'' ²⁶Tsono nzimu wakuyipa udachoka mwa iye uchiyenda kutali pomwe adakuwa namafala makulu.²⁷Wanthu wense adadabwa , iwo adamvunzana wina na mwanzache, ''Nchiyani chochi? Bzakutoma kupfunzisa na ulamuliro! Iye akukwanisa kutonga mizimu yakuyipa iyo ichimumvera iye!'' ²⁸Nkhani iyi ya iye idabveka palipense mu nzinda wa Garileya .²⁹Pomwe adachoka mtchalitchi, iye adayenda mnyumba mwa Simoni na Andireya, pabodzi Yakobo na Yohani. ³⁰Tsono amabzala wache wa simoni akhali gone kudwala manungo, iwo adamuza Yesu ibzi. ³¹Tsono iye adabwera, adam'phata boko, achimmusa, manungo yadamala, achiyamba kuphata basa pabodzi.³²Maulo ya nsiku imweyo, adabwera nawo atenda wensene na anyakuphatiwa na bziwanda. ³³Tsono muyi wense adagwezekana pabodzi pa msuwo. ³⁴Iye adachirisa azinji omwe akhadwala nthenda achifulusa bziwanda bzizinji, koma alibe kubvuma bziwanda kusewera thangwe bzidamdziwa iye.³⁵Iye adabesera kumuka, kukana mdima, adawaleka achiyenda kumbuto ya chete kukapemba. ³⁶Simoni na anzache adamuyang'ana yang'ana iye. ³⁷Adakamugumana achimuuza iye, ''Wanthu wense akukuyang'anani.''³⁸Iye adalewa, ''Tiyendeni kulikwense , kumizinda yakuzungulira, kuti ndikalalikire pomwe kumweko. Nithangwe lache ndabwera kuno. ³⁹''Iye adazunga mu Galileya mwense, achilalika mmatchalitchi achifulusa bziwanda.⁴⁰Wamapere adabwera kuna iye. .Adamukumbira iye; adagodama achilewa kuna iye, ''Penu mukufuna, mungakhoze kundichenesa.'' ⁴¹Adaphatiwa na nsisi, Yesu adatamula boko lache achim'pata iye,adalewa naye, ''Ine nimfuna. Chena.'' ⁴²Pamwepo mapere yadachoka, ndipo adachenesiwa.⁴³Yesu popo adamutsinda achimuchosa popo. ⁴⁴Iye adalewa naye, ''Bvesesa nampodi kulewa kwa munthu aliyense , tsono ndoko, ukabwionesere wekha kuna wa nsembe, ukapereke chakupereke chako chomwe Mose adakulamulirani, ngati umboni kwa iwo.''⁴⁵Tsono iye adayenda achiyamba kufalisa achizimbula mafala , naterepo Yesu alibe kukwanisa kupita mu mzindamo padecha tsono adakhala mbuto za mderekho. Chensenecho wanthu akhabwera kwa iye kuchokera kuli kwense.

2¹Pomwe iye adabwerera ku kaperenao patapita nsiku zing`onong`ono, bzidabveka kuti akhali pamuyi. ²Azinji adagwezekana pamwepo ndipo pakhalibe mbuto, ndipo Yesu adalalikira mafala kwa iwo.³Kinangoka amuna winango adabwera kwa iye atatakula payi wakupunduka; adanyamuliwa na azipayi anayi. ⁴Pomwe adatazira kufika naye pafupi na iye thangwe la chithimu, adapasula nsodzi yomwe mukhana Yesu, adabola una kupisa na pompale makha adagonesela payi ule.⁵Pakuona chikhulupiriro chao, Yesu adalewa kwa nyakupunduka ule, ''payi iwe, bzakuphonya bzako bzakhululukiwa. ⁶Kenangoka alembi akhabzimvunza m`mitima mwawo, ⁷''Payiwa akuseweleranyi mafala yamweya? anamakiriyado! mbani angakhululukire bzakuphonya ni mulungu yekha?''⁸Kakulumize Yesu adadziwa na mphamvu ya nzimu wache bzomwe wanthu wale akhakumbuka. Iye adalewa kwa iwo, ''Thangwe lanyi mukukumbuka bzobzi m`mitima mwanu? ⁹Chapafupi nchani, kuwuza payi wakupunduka, 'bzakuphonya bzako bzakhululukiwa; kulewa kuti, 'Muka, nyamula mphasa yako ufambe`?¹⁰Tsono kuti mudziwe kuti mwana wamunthu ana mphamvu padziko lapansi yakukhululukira bzakuphonya,'' adalewa kwa nyakupundukayo, ¹¹''Ndikulewa kwa iwe, muka, takula mphasa yako, umbayende kumuyi kwako.'' ¹²Adamuka kankulumize nkunyamula mphasa, nkubula panja aliyense akuona, ndipo wense adadabwa nkuyamba kuthemba mulungu, achilewa kuti, ''Tikanati kuona kale bzobzi.''¹³Iye adayenda pomwe mphepete mwa nyanza, ndipo thimu lense lidabwera kwa iye, achiwa pfunzisa. ¹⁴Pakuyenda, adawona Levi mwana wa Alufeyo atakhala pakakhumbu ka anyakukhomesa misonkho iye achiti kwa iye, ''Tewera ine. ''Adamuka nkumutewera.¹⁵Yesu akhadya mnyumba mwa Levi ndipo azinji wakukhomesa misonkho na nyaphonya akhadya naye pabodzi na wakupfunza wache, thangwe popo pakhana azinji ndipo adamutewera. ¹⁶Pomwe alembi wale akhali wa kwa afalisi, adaona Yesu akudya pabodzi na anyakuphonya na wakukhomesa misonkho, adati wa wakupfunza wache, ''Thangwe lanyi akudya pabodzi na anyakuphonya?''¹⁷pomwe Yesu adamva ibzi adati kwa iwo, ''Wanthu wakulimba ambafunalini nyabezi; okhawo omwe akudwala ndiwo ambafuna. Ndilibe kubwerera wanthu wakulungama, so wakuphonya.''¹⁸Tsapano wakupfunza wa Yohani na afalisi akhasala kudya. Wanthu winango adabwera achiti kwa iye, ''Thangwe lanyi wakupfunza wa Yohani na wa afalisi ambasala kudya, koma wanu ambasala lini?'' ¹⁹Yesu adati kwa iwo, ''bzingakwanisike wanthu wapa chikwati kusala kudya nkwati akali naye popo? Nkwati angakhala alipopo angasele lini kudya.²⁰Tsono nsiku zilikubwera nkwati anzatengiwa pakati pawo, ndipo nsiku zimwezo, adzasala kudya tsapano. Palibe munthu ambasonera chigamba chipsa pa chakumvala chakusakala. ²¹Thangwe chigambacho chinganyothoke, chipsa kuchoka pa chakale, ndipo pambakhala kung`ambika kwakulemwa.²²palibe amene angatsanulire bwadwa bwa tsapanopa mmitsuko ya bwadwa bwa kalekale. Achiterepoyo bwadwabo bungapse mitsukoyo.Mmalo mwache bwabwa bupsa bumbayikiwa mmitsuko yipsa.²³Nsiku yasabudu Yesu akhafamba mminda ya tiligu, tsono wakupfunza wache adayamba kupulula njere zache. Afalisi achiti kwa iye, ²⁴''Nyang`anani, thangwe lanyi akuchita chinthu chakulambiziwa nsiku ya sabata?''²⁵Iye achiti kwa iwo, ''Mukanati kuwerenga bzomwe Davite adachita pomwe akhana njala-iye na wanthu wache omwe akhanawo- ²⁶Momwe adayendera mnyumba ya Mulung pomwe Abiatala akhali mkulu wa ansembe, achidya mikate yomwe ikhadaperekedwa kuguwa, bzomwe mbzakuletsiwa kwa aliyense kudya kupambula wansembe okha, ndipo iye adapasa pomwe wanthu omwe akhanawo?''²⁷Yesu achiti, ''Sabudu adayikira wanthu, neye munthu pala sabudu. ²⁸Kinangoko, mwana wa munthu ni mbuya, pomwe wa sabudu.''

3¹Nthawe inango Yesu adapita mtchalitchi, mukhana munthu wakupunduka boko. ²Wanthu akhadayima pafupi kuti awone penu angamuchize nsiku ya sabudu kuti atonge mlandu.³Yesu adalewa namunthu wakupunduka bokoyo, "muka udzaime pakati pa wanthuwa. ⁴''Tsono adalewa kuna wanthu, "chabwino mchiyani kuchita bzinthu bwino kapena bzakuipa nsiku yasabudu; kupulumusa moyo kapena kupha?'' Tsono iwo adakhala zii.⁵Yesu adawa nyang'ana na ukali, tsono adawawidwa namitima yawo yakuma,tsono adamuuza munthu ule, "Futhula boko lako." Iye adafuthula, pomwepo boko lache lidachila. ⁶Pomwepo Afarisi adabula mkuyamba kukonza chwembu na Herodi kuti anga muphe tani iye.⁷Tsono Yesu, na anyakupfunsira wache, adayenda ku nyanza ,chithimu cha wanthu ku Ggalileya na ku Yudeya ⁸na waku Yerusalemu na Idumeya na wense waku Yorodano na anyaku zungulira Turo na Sidoni. Pomwe iwo adabva bzinthu bzizinji bzomwe iye adachita, thimu la wanthu lidabwera kuna iye⁹Iye adawauza anyaku pfunzira wache kuti akonzekere ka ngalawa ka iye thangwe la thimu, kuti na mpodi ku manikiza. ¹⁰Tsono iye adachiza azinji, aliyense yemwe akhali ku mpaknikiza kuti amu khuyemmalo mwa ku mphatai ye.¹¹Pommwe bzimizimu bzakuyipa bzidaona iye, bzidagwa pafupi na iye ichikuwa, ''Ndimwe Mwana wa Mulungu.'' ¹²Iye adabzitonga ibzo kuti bzisamu dziwe iye.¹³Iye adayenda paphiri, mkuchera omwe akhawafuna, tsono iwo adabwera kuna iye. ¹⁴Iye adasankhula khumi na (ad

awachemera apositoli) kuti akhale na iye na kumbawatuma kukafalisa mafala,

¹⁵nakukhala mphamvu zakuchosera mizimu yakuipa. ¹⁶Iye adasankhula khumi na awiri Simoni omwe adapasiwa dzina lakuti petulo;¹⁷Yakobo mwana wa zebededeyo,na Yohan mbale wa Yakobe, ndiko kuti ,mwana wa mphezi, ¹⁸na Andireya,Filipi,Batumeyo, na mateyu, na Tomasi,Yakobe mwana wa Alufeyo, Tadeyo, na Simoni wa Ziloti, ¹⁹na Yudasi Sikaliyoti, omwe adadza mpereka iye.²⁰Tsono iye adayenda kumuyi, tsonothimu lidagwezekana pomwe,tsono akhabe nthawe yakuti angadye chakudya. ²¹Pomwe azibale wache adabva bzimwebzi, adayenda kuti akamutenge iye, iwo akhalewa, ''Iye ali kukumbuka lini bwino.'' ²²Tsono anembi omwe adachokera ku Yerusalemu adlewa, ''Iye waphatiwa na Berezebule" na "Mphamvu ya bziwanda iye ali kufulusa bziwanda."²³Yesu adwachemera yekha na kulewa nawo bzifanizo , "bzinga kwanisike Satana mkuthamangisa Satana? ²⁴Penu ufumu bukugawikana bokha, ufumu bomwebo bunilimba lini. ²⁵Penu ninyumba ikugawikana yokha, nyumba imweyo imkwanisa lini kulimba.²⁶Penu Satana amuka achibzi gaza yekha tsono wagawanika iye aniyima lini, apa wabwera kudzamala. ²⁷Tsono palibe munthu angapite nyumba wa mphamvu achimbera bzinthu bzache akanati kummanga munthu wa mphamvuyo chatoma, kinangoko mnkhubera bwino nyumbamo.²⁸Mchadidi ndikulewa kuna imwe , bzakuphonya bzense bza munthu bzidzalekeleriwa, neye penu khuphonya kuli kwense, ²⁹soma iye aphonyenyera Mzimu wa Chena adzalekeeleriwa lini lini, ni tchimo ate muyaya .'' ³⁰Yesu adalewa bzimwebzi thangwe iwo akhalewa, "Iye ana bzimizimu bzakuipa.''³¹Tsonomayi wache na azibale wache ada bwera mkuyima kunja. Iwo adatuma winango kuna iye kukamuchemera ³². Thimu likhada khala kumuzulira iye, "mayi wanu na bale wanu ali panjapa akukunyang'ananani.''³³Iye adawatawira iwo, ''Nimbani mayi na abale wangu?'' ³⁴Adanyang'ana wanthu omwe akhala mkuzungulira iye achilewa, ³⁵"Nyang'anani, pano mayi wangu na abale wangu! Mwachifuniro chache Mulungu ambapereka mchimene, nana, namayi''

4¹Pomwe adayamba kupfunzisa m'phepete mwa nyanza, thimu lizinji la wanthu lidagwezekana kuzungulira iye. Iye adapita m'mwadiya, achikhala pansi m'mwadiyamo. Thimu lense la wanthu lidakhala mphepete mwa nyanza. ²Iye adapfunzisa bzizinji m'dzifanizilo, ndipo mubzakupfunzisa bzache, ichi ndicho adalewa.³''Bverani! Mulimi adayenda kukafesa mbewu zache. ⁴Pomwe iye adafesa, mbewu zinango zidagwera munjira, ndipo mbalame zidabwera zichijonkhona. ⁵Mbewu zinango zidagwera pathanthwe, pomwe pakhalibe mataka mazinji. Zidakulumiza kuwuma thangwe mbewuzo zikhalibe kuzika mizu.⁶Pomwe dzuwa lidagaka, mbewuzo zidafota thangwe zikhalibe mizu. Mbewu zinango zidagwera paminga. ⁷Pomwe mingazo zidakula zidatazisa kukula, ndipo zilibe kubala bzipatso⁸Mbewu zinango zidagwera pa nthaka yabwino zidamera, zidakula zichibeleka bzipatso, zinango bzakuwanda makhumi matatu, zinango makhumi matanthatu ndipo dzana libodzi.'' ⁹Iye adalewa, ''Omwe anamakutu yakubva, abve.''¹⁰Pomwe Yesu akhali yekha, iwo omwe akhali pafupi na iye pabodzi na anyakupfunzira wache khumi na awiri adabvunza iye bza chifaniziro chile. ¹¹Iye adalewa kuna iwo, ''Kuti, chinsinsi chamulungu chaperekedwa kunayimwe. Koma kwa omwe alikunja bzinthu bzense bzidalewiwa m'bzifanizilo, ¹²Natelepoyo pomwe kuwomwe anzawona koma neye kuwona chinthu ndipo kubva anzabva koma neye kubvesesa kuti pinango angachungunike mulungu achiwakhululukira iwo.''¹³Pamwepo Yesu adawauza kuti, ''Kodi mukubvesabe lini fanizoli? Tsono munzazindikira tani fanizo linango lililense?'' ¹⁴Nyakufesa ambafesa mafala. ¹⁵Wanthu winango alingati mbewu zakugwera munjira, ndipo mafala yakafesedwa. Akatondo kuyabva satana ambabwera mkuchosa mafala yomwe yafesedwayo mwa iwo.¹⁶Ndipo mbeu zakufesiwa paminyala ndio omwe ambabva mafala ndipo panthawi yomweyo ambayatambira nakukondwa. ¹⁷Ndipo yambamera lini mizu pa iwo, naterepoyo yambakhala lini kanthawi. Mabvuto kapena masautso yakafika thangwe la mafala yamulungu, ambagwa kamkulumize.¹⁸Ndipo winango alininga mbewu zakufesedwa pakati pa minga. ¹⁹Koma bzakusamalira bza dziko lino chinyengo chachuma na bzakubinga bza bzinthu bzinango bzimbabwera m'kukhotcha mafala, ndipo bzimbachitisa kuti asaye kubala bzipatso. ²⁰Ndipo iwo wakufesiwa pa ndovolo ndiwo wale omwe ambabva mafala ya mulungu, achiyatambira ndipo ambabala bzipatso makumi matatu winango makumi matanthatu winango dzana libodzi kuthumizira popo.²¹Yesu adati kwa iwo, ''Kodi mumbatenga nyale kuyenda nayo mnyumba mkuyika m'dengu kapena pansi pa kama? Mumbabwera nayo muchitula pa chakuyikira chache. ²²Pakuti chilichense chakubisika chinzachosiwa padecha, ndipo chilichense chachinsinsi chinzachosiwa padecha. ²³Penu winango anamakutu yakubva wabva!''²⁴Iye adalewa kwa iwo, '' kumbukirani bzomwe mudabvunza, pakuti muyezo omwe mumphatisa basa ngomweyo unzaphatisiliwa basa kuyezela imwe ndipo anzathumiziliwa kwa imwe. ²⁵Thangwe omwe iye alinabzo anzapasiwa bzinango, ndipo uyo alibe ne chomwe aniyesa kuti alinacho chinzatengiwa.''²⁶Iye adalewa pomwe , ''Ufumu bwa mulungu buli ngati munthu womwe adafesa mbewu zache pansi. ²⁷Iye akhagona na kumuka usiku na masikati, ndipo mbewu zingamera zikhakula, iye anidziwa lini momwe zinichitira. ²⁸Mataka yanibala bzibalo bzache bzokha: Chakutoma ni mmera, chachiwiri ni ngalengale, pamwepo maso yakukhuma mungalengale. ²⁹Pomwe mbewu zile zakhuma, iye mwakamangu anitumiza chikwakwa thangwe kukolola kwafika.''³⁰Pomwe adalewa, ''Tinidza ndendemeza na chani ufumu bwa Mulungu, pinango tinzandendemeza na chani pabzifanizo bzache? ³¹Ili ningati mbewu ya lobo, yomwe, pomwe yafesiwa, njing'ono kwa mbewu zense padziko la pansi lino. ³²Koma, pomwe inibzaliwa, imbakula ndipo ichibala kuposa mbewu zense za m'minda, ndipo imbakonza mitawi ikulu ikulu yakuti mbalame za m'dzawulu zimbakonza bzitsa bzawo m'mithunzi mwache.''³³Na mandendemezo ningati limweli iye adalewa mafala kuna iwo, ningati momwe iwo adakwanisa kubvesesa, ³⁴ndipo iye alibe kusewera nawo pakusaya m'dendemezo. Soma pomwe iye akhali yekha, iye adafotokoza chilichense kuna anyakupfunzira wache.³⁵Pansiku imweyo, maulo yatakwana, adati kwa iwo, ''Mbatiye ng'ambu inango ire.'' ³⁶Naterepoyo adasiya thimu lire, achitenga Yesu momwe akhaliri mu mwadiya. Pakhana pomwe mi mwadiya inango ikhaendambo ng'ambu imweyo. ³⁷Pomwe akhali pakati pa nyanzapo padayambika chonzi chakunyanya, ndipo madzi yakhakhaphwikira kupita mu mwadiyamo mwakuti kusala pankiti kudzala.³⁸Koma Yesu akhali mtulo, atatsamira nsago wache. Adamumusa, achiti, ''m'phunzisi, mulibe nabzo basa kuti timfuna kufa ife? ³⁹Iye adalamuka, achitsimula chonzicho achiti kwa nyanzayo, ''Mtendere! Khala chete!'' Ndipo chonzicho chidalekeza, zyai pakhana bata la mphabvu⁴⁰Ndipo adati kwa iwo, ''Thangweranyi muna mantha? mukalibe chikhulupiliro basi?'' ⁴¹Adadzalidwa na mantha makulu achilewa kwa wina na mwayache, ''Uyu tsono m'bani, thangwe onani neye chonzi pomwe chikumbamubvera?''

5¹Iwo adabwera mbali inango ya nyanza, mphimpha za Geresa. ²Pomwepo Yesu adabuluka mu mwadiya, payi wa mzimu wakunyansa adabwera kuchokera kuthenje.³Munthuyo akhakhala kuthenge. Ndipo pakhalibe ne m'bodzi akadakwanisa kumumanga, ne na njema. ⁴Pakuti akhambamangiwa kawiri kawiri na matandadza na njema. Ndipo adaphwedza njema na kugwatagwata matandadza.Ndipo pakhalibe munthu womwe akadakwanisa kumufuwa.⁵Nsiku zense akhakhala kuthenje nakumapiri, iye akhambalira nakumbabzichekacheka naminyala. ⁶Pomwe iye adawona Yesu napatali, adamuthangira na kumugodamira iye.⁷Iye adalira mwakukuwa, ''Tsono ndinachiyani ine kwayimwepo, Yesu, mwana wa Mulungu.mkuluwense? Ndikukukumbilani kuna Mulungu wanu, nampodi kundibonelesa ine. ⁸''Pomwe iye adalewanaye, ''Bulakunja chimzimu chakuyipa kwa payiwa.'' Iwe chi mzimu chakuyipa.''⁹Adamubvunza iye, ''Dzina lako ndiwe mbani?'' Iye adamutawira, ''Dzina langu ndine Legio, thangwe tilipo azinji.'' ¹⁰Adamukumbila pomwe iye kuti nampodi kuwabulisa kunja kwa Legio.¹¹Ndipo pakhana thimu la nkhumba zikhadya ku phiri, ¹²ndipo adakumbira iye, achiti, "Titumizeni ife munkhumba; kuti tipite momule.'' ¹³Ndipo iye adawabvuma; mizimu yakuyipa idabula nkukapita mwa nkhumbazire, ndipo zidathamanga nkhupolika nkhukapita mnyanja, ndipo pafupifupi nkhumba bzikwi bziwiri zidapita mnyanja.¹⁴Ndipo omwe akha dyesa nkhumbazire adathamanga kukalewa bzomwe bzidachitika mumphimpha na chipande cha dzikolire, ndipo wanthu adayenda kuti akawone bzomwe bzidachitika bzire. ¹⁵Ndipo adabwera kwa Yesu adawona payi ule akhadaphatiwa nabziwanda bza Legio, akukhalapansi, akhadabvala mwakulongosoka mwa nzeruzache ndipo iwo adagopa.¹⁶Iwo omwe adaona bzobzile adafotokozera anzawo bzomwe bzikhachitika bzile,ate adafotokozera pomwe bzankhumba bzile. ¹⁷Ndipo adamukumbila iye kuti achoke kumbuto kwawo kule.¹⁸Pomwe iye adapakila mu mwadiya, payi wa bziwanda adakumbiriwa kuti akhale naye. ¹⁹Koma Yesu alibe kumubvuma iye, Tsono adalewa na iye, ''Ndoko kumuyi kwanu na kwawanthu wako ukawauze iwo bzomwe mbuya wakuchitira iwepo, na momwe iye wakuchitira chifundo.'' ²⁰Ndipo adamuka nkhuyamba kulalikira ku Dekapoli bzinthu bzikulubzikulu bzomwe Yesu adamuchitira iye, ndipo wanthu wense adadabwa.²¹Pomwe yesu adayambukapomwe ng'ambu inango pa mwadiya,Thimu la wanthu lida gwezekana kumuzungulila iye, pomwe iye akhali mphepete mwa nyanza. ²²Pamwepo mkulu mbodzi wa sunagoge dzina lace Jairo adabwera, ndipo pomwe adamuona iye.adagwa pansi panzayo zace. ²³Adakumbira kwenekwene ,achiti, ''Mwanangu mkazi wasalapankiti kufa. ''Ndikukumbirani, bwerani mudzabzatike maboko pana iye kuti angakhalebwino komanso namoyo.'' ²⁴Tsono iye adamutewera, ndipo thimu la wanthu lidamutewera nakupsindiza iye.²⁵Tsapano pakhana mayi omwe akhana nthenda yakutaya mulopa kwa magole khumi na mawiri. ²⁶Adabonera kwenekwene kufamba mwa anyabezi ate adamala kudzonga bzithu bzizinji bzomwe iye akhanabzo, koma mmalo mwakuti alimbe bzikhayipiratu khenekwene. ²⁷Pomwe adabva mbiri ya Yesu, adabwera kumambuyo kwa thimu la wanthu ate adakhuya nkanjo wa Yesu.²⁸Ndipo iye adalewa kuti, ''Ndikatondo kuphata chakubvala chache iye, ine ninzachira. ²⁹''Pomwe atandomuphata iye, mulopa adaleka kuchoka, ndipo adabva mthupi mwache kuti walimba kumatenda yache ya nsundi.³⁰Yesu mwakamangu mangu adadziwa kuti mphabvu mthupi mwache zabula. Iye adatembenuka nkhubvunza thimu la wanthu achiti, ''Nimbani waphata bzakubvala bzangu?'' ³¹Ndipo wakupfunzira wache adalewa naye, mukuwona thimu likukunyederaniri, koma mukulewa kuti, Mbani wandiphata?'' ³²Koma Yesu adanyang'ana nyang'ana kuti awone iye wachita bzobzi.³³Mayiyo, pakudziwa chomwe chidamuchitikira, adagopa nakunjenjemera. Adabwera nkugwa pafupi na iye achimuwuza bzachadidi bzense. ³⁴Iye adalewa naye, ''Dende iwe, chikhulupiliro chako chakupsuzunyusa. Ndoko mwamtendere ukhale mwakuchira kuchibonereko chako.''³⁵Uko iye akusewera, wathu winango adabwera kuchokera kwa anyakutsogolera wa sunagoge, achiti, ''Dende lako lafa. Ukumubonereseranyi pomwe mpfunzisiyi?''³⁶Ndipo Yesu alibe kubziphatizira basa bzomwe bzikhaseweriwa bzire, tsono adawuza nyakutsogolera sunagoge, ''Nampodi kugopa. Undokhulupilira.'' ³⁷Alibe kubvuma kuperekeziwa na wina aliyense kupambula Petulo, Yakobo, na Yohani nchimwene wache wa Yakobo. ³⁸Iwo adabwera kumuyi kwa nyakutsogolera sunagoge ndipo adawona wanthu akuchita baludya; iwo akhakuwa nakulira kwenekwene.³⁹Pomwe iye adapita mnyumba, iye adalewa nawo, ''Thangwe lanyi mukukuwa nakumbalira? Mwana alibe kufa koma wandogona.'' ⁴⁰Ndipo adamuseka iye. Koma iye adawabulisa panja wanthuwense adatenga babache na mayi wache na omwe akhanaye pabodzi. Adayenda nawo pomwe pakhana mwana ule.⁴¹Iye adatenga boko la mwana nkhulewa naye kuti, ''Talitha, Koum!'' Komwe kuthumbudzulira kwache ni, ''Kadende iwe, Ndikulewalewa na iwe, muka,'' ⁴²Mwaka nkulumize dendelire lidamuka nkhufamba (iye akhana magole khumi na mawiri yakubadwa). Iwo mwakamangu mangu adadabwa kwenekwene . ⁴³Iye adawatsindika nakuwauza kuti wina aliyense nampodi adziwe bzobzi. Kinangoka adawauza kuti amupase chinthu kuti adye.

6¹Pomwe iye adabulukira kudziko kwawo, waku pfunzira wache adamutewera iye. ²Tsiku la sabudu litafika, iye adapfunzisa mma sunagoge. Wanthu azinji adamubva iye ndipo adazimbwa. Adalewa, ''Umweyi wabzitenga kuponi bzobzi?'' Nzeru yakupasiwa na munthuyu njakutani?'' ''Na bzamphabvu bzomwe iye alikuchita na manja yache?'' ³''M'neye misiri wamiti uyu, mwana wa Maliya na adzinza wache wa Yakobo na Yose na Yuda na Simoni? azinana wache tilinawo lini pabodzi pomwepano?'' Kinangoka adanyansidwa naye.⁴Yesu adalewa na iwo, ''Mlaliki ambakhala alibe ulemu, kupambula kumuyi kwao na pakati pa adzinza wache na mnyumba mwache.'' ⁵m'mpomwe komkule alibe kuchita bza mpfabvu, bzense soma adaika manja yache pa wanthu atenda ang'onong'ono adalimba. ⁶Iye kinangoka adazimbwa nakusaya chikhulupiliro chawo. Kinangoka adafambafamba miyi yense achipfunzisa.⁷Iye adawachemera khumi na awiriwo achiyamba kuwatumiza awiri awiri, adawapasira nyonga ya bzimizimu bzakuyipa, ⁸adawauza nampodi kutenga kachinthu kalikense kapaulendo, soma m'psimbo yokha- ne mkate, ne sakha, pinango kobiri bolosa mwawo- ⁹soma mubvale nsapato nampodi kubvala makamiza mawiri.¹⁰Iye adalewa na iwo, ''Kulikwense komwe mumpita mnyumba, mukakhale kumweko kufikira na kubwerera. ¹¹Kulikwense kumbuto yomwe amkutambilani lini, amkumvelani lini imwepo, pakuchoka kumweko, bzikhupheni pfumbi lili kunzayo zanu bukhale bumboni kuna iwo.''¹²Pomwe adabula kukalalikira wanthu adatembenuka mitima. ¹³Adachosa bziwanda, nakupaka chomada wanthu azinji atenda adalimba.¹⁴Mfumu Helodi idabva ibzi, telepa dzina lache la Yesu likubvekera. Pomwe adalewa terepayi, ''Yohani wamuka kwa wakufa, thangwe lache alikuchita bza mphanvu iye'' ¹⁵Ndipo winango adalewa, ''Telepa ni Yeriya. ''Iye ni mlaliki, Winango adalewa, pinango m'bodzi mwa alaliki wale.''¹⁶Pomwe Helodi adabva ibzi adalewa achiti, ''Yohani, Womwe ndam'ngata msolo, wamuka iyeyo.'' ¹⁷Kinangoka Helodi mwanikachiro adatuma wanthu kukaphata Yohani nkhum'manga mnyumba ya akaidi thangwe la Helodiya (mkazi wa filipo), thangwe adalola iye.¹⁸Pomwe Yohani adalewa kwa Helodi, ''mpsakusaya kubvumiwa iwepo kukhala naye mkazi wa dzinza wanu,'' ¹⁹Pompale Helodiya adadana naye kufuna kumupha, soma iye alibe kukwanisa, Pompale ²⁰Helodi adagopa Yohani; pakudziwa ni munthu wakulungamira na wakuchena moyo, mpomwe adamukoya iye pabwino. pomwe adabva iye adamala nzeru, nakusekerera na kubvera iye.²¹Pompale padafika nsiku chaiyo nsiku ya kubaliwa kwache kwa Helodi iye adawakonzera madyerero ya malinge yache na akazembe wache na wanthu wakubveka mu Galileya. ²²Pompale mwanache wa Helodiya mkazi adapita yekha kudzabvina, adamukomedwesa Helodi mkukhala naye pa bzakudya. Pfumu ile idalewa kuna mkazi ule, ''Kumbira chirichense ukufuna kwa ine ninzakuchitira iwepo.''²³Pompale adamulumbirira telepayi, ''Chilichense chomwe undikumbira ninzakupas aneye upfumu bwangu. ²⁴Iye adabula kuna mayi wache, ''Ninzakumbira chani?'' Iye achiti, ''Msolo wache wa Yohani m'batizi.'' ²⁵Iye mwakamkulumize adayenda kwa pfumu, kukakumbira terepayi, achiti, ''Ine ndikufuna mundipase, tsampanopali, Msolo wache wa Yohani M'batizi mumbidzi.²⁶Kinangoka pfumu idabva nsisi maningi, soma thangwe la malumbiro yache na womwewale akhakhala pa chakudya alibe kufuna kumulambiza. ²⁷Pompale pfumu idatuma msilikali mkumutonga akatenge msolo wache iye adayenda kukagwata msolo mnyumba ya pelezo. ²⁸Adatenga msolo wache mumbidzi nkhumupeleka kwa mkazi ule pompale mkazi ule, adaupereka kwa mayi wache. ²⁹Pomwe anyakupfinzira adabva ibzi, adabwera kudzatakula chitanda chache mkuchika muthenje.³⁰pamwepo anyakupfunzira adagumana kuna yesu mkumuuza cilichense adacita na bzense bzomwe ³¹adapfunzisa.Iye adalewa nawo; ''Bwerani imwepo mwekha kumbuto ya chipululu mupume kanthawi pang'ono.'' Kinangokoka wakubwera na wakuchoka akhali nyalunyalu, akhalibe nthawichaiyo yakudya . ³²Pamwepo adachokera mwadiya kuyenda kumbuto inango okha.³³Pamwepo adawaona akumuka pompale azinji adawabulukira, adawathamangira pabodzi kumwekule kuchokera mmiyi mwense, nakuwapinzula. ³⁴Iye adabula mkuona, thimu lizinji la wanthu, adaphatiwa na nsisi nayiwo, thangwe akhali ngati mabila yakusaya nyakabusa. Popale adayamba kuwapfunzisa bzinthu bzizinji.³⁵Popale dzuwa lidapendeka, anyakupfunzira wache adabwera kuna iye achilewa, ''Mbuto ya wanangu ni chipulu, dzuwa lapendeka chadidi. ³⁶Mumuze alamuke kumilaga na kumiyi yakufupikirana akabzigulire okha chinthu chakudya.''³⁷Soma iye adatawira kuna iwo, ''Apaseni chakudya ndimwepo.'' Adalewa kuna iwo, ''Ndokoni mukagule buledi madzana mawiri iwo adye?'' ³⁸Iye adalewa kuna iwo, ''Munamikate mingasi? Ndokoni mukawone.'' Pomwe adakaona , achiti, ''Mikate michanu na nsomba ziwi.''³⁹Adawatonga wense kuti akhale pansi magwere magwere pamawupswa yakubiliwira. ⁴⁰Iwo adakhala magwere magwere bzulu khumi na bzichanu. ⁴¹Iye adatenga mikate michanu na nsomba ziwiri, nakunyang'ana ku dzaulu, nakudalisa, nakugawa mikate nakugawira nakupeleka kwa anyakupfunzira wache kulonza wanthu. Iye adawapasa nsomba ziwiri wensenewo.⁴²⁴³⁴⁴Wense adadya adakhuta. Popale adalokota makombo bzutundu khumi na bziwiri na msomba. Popale omwe adadya mikate akhali amuna bzulu bzichanu.⁴⁵Mwakamangumangu iye adakakamiza wakupfunzira apita mwadiya mphepete, ku Betasaida, pomwe iye yekha akhauza thimu lire kuti lilamuke. ⁴⁶Pomwe adalamuka iye kuyenda, kuphiri kukapemba. ⁴⁷Pakukwana mawulo mwadiya akhali pa kati pa nyanza. Na iye akhali yekha pa dzaulu.⁴⁸Pakuwona akubonelesiwa, nakutchobva, mphepo idabwera mkugumana nawo. Mkati mwa usiku bwa chinayi adabwera kuna iwo. ⁴⁹Pomwe adamuona akufamba pa dzaulu pa nyanza, kiti awapinzule iwo. akhayesa ninga chipoko ndipo adalira, ⁵⁰pomwe adamuwona iye wense adatetemera. Popale adalewa nawo, Limbani moyo! Ndine pano! nampodi kugopa!''⁵¹Pamwepo iye adapakira pabodzi mwadiya, napo mphepo idaleka. Adadabwa kwelekwene mwa iwo okha. ⁵²Pomwe akhalibe kubulukila mikateyo. Miyoyo yao ikhadauwa.⁵³Pomwe adayambuka, adafika pa dzaulu pa Genesarete nakuwa kotcheza padoko. ⁵⁴Pomwe adabuluka mwadiya wanthu adamuzindikira pamwepo, ⁵⁵adathamangira miyi yense mkuyamba kutakula wanthu anyakudwala pa mphasa zao kukafika komwe adabva akhali iye.⁵⁶Kuli kwense iye adapita mmiyi, pinango mmilaga, pinango dziko, kinangoka wanthu adagonesa anyakudwala kusika. Mkukumbira iye aphate mphonje yachakubvala yokha, wense womwe adaphata adalimbisiwa.

7¹Tsono Farisi na anyakunemba winango adabwera kuchokera ku Yerusalemu mkugwezekana mwaku mzungulira iye.²Tsono adawona akupfunzira wache winango akhadya na kusaya kusamba mmanja, mukhali mwakupswipa. ³(Nakuti Afarisi na yuda wense ambadya lini neye kusamba mmanja, mwa mwambo wamakolo yawo. ⁴Tsono Afarisi pakucholera kumsika, ambadya lini neye kusamba mmanja, nakuti akaphata nkutamira bzinthu, ninga mikombo, bzikakalango,bzisero, na bzinango bzakunyamulira bza kudya.)⁵Tsono Afarisi na anyakunemba amdabvunza Yesu, "Thangweranyi anyakunzira wanu akueweza lini mitemo yamakolo, iwo aili kudya neye kusamba mmanja?⁶Tsono adalewa kuna iwo, ''Yesaya adaleweratu bwino bza mtsogolo kwa imwe. Ninga kudambiwa, 'Wanthu awa ambanditenda ine namilomo yawo, soma namitima yawo aliktali na ine. ⁷Mmwa iwo ambanditumikira ine ,nakupfunzisa malangizo kwa wanthu.'⁸Imwe mwaleka malamulo ya mulungu mukoya miyambo ya makolo wanu.'' ⁹Iye adalewa nawo iwo, ''Mukulamba kukoya ya Mulungu soma mukukoya miyambo ya chikiunja! ¹⁰Tsono Mose adalewa, 'Lemekeza babako na mamako ;nakuti, 'Iye wakuwa chakuipa babache neye mamache afe basi.'¹¹Tsono imwe mukulewa, 'Penu munthu anilewa babache pinango mamache, ''Chilichonse chomwe chimbaku thandizani Corban''' (iyi timbalewa kuti 'Chakupasa cha Mulungu',), ¹²tsono anibvumiziwa lini pomwe kuchita kuchita chili chense kuna babache neye mamache. ¹³Imwe mukuipisa mafala ya Mulungu na miyambo yomwe mwaphata. Na bzinthu bzinango bzizinji ibzo mwachita,''¹⁴Iye adachemera pomwe thimulire achiliuza kuti, ''Nditetekerani ine, mwensene, ndipo mubvesese. ¹⁵Palibe chinthu chakuchoka kunja chomwe chingamuipise chikapita mthupi mwache, soma chomwe chimba choka mthupi ndicho chinga muipise.'' ¹⁶Mubzakunembera bzakale mulibe ndime imweyi. Penu munthu anamakutu, abve.¹⁷Tsono pamene Yesu pa thimupo adapita nyumba, ankupfunziraadabvunza mwakumuyesa. ¹⁸Yesu adalewa, ''Imwepo mukubvesesa lini basi? Mukuona lini kuti chilichense chakupiita mwa munthu kuchokera kunja chingamuipise lini, ¹⁹thangwe chimbapita lini mumtima, soma chimbapita m'mimba nkhukachoka kuthengo?'' Nakulewa terepoyo Yesu adachenesa bzakudya bvensene.²⁰Iye adalewa. ''Chomwe chimba choka mthupi mwa munthu ndicho chimbamuipisa. ²¹Nakuti mkati mwa mtima munthu, ndimo mumba chokera nzeru zakuipa,chilakolako cha chigololo,umbava na kupha, ²²chigololo, kuphakuba masiliro, bvakuipa,chinyengo, chinyanso, makiliyado, kubzikuza, kupusa. ²³Bzakuipa bzensebzi bzimbachokera nkati mwache,ndibzo bzimba muipisa munthu.''²⁴Iye adamuka achichoka komweko achiyenda kumzinda Turo naku Sidoni. Kumweko adatita nyumba, kuti wanthu nampodi adziwe komwe iye ali, koma alibe kukwanisa kubisala. ²⁵Pomwepo mkazi winango akhana mwana wa mkazi ankhagwa bziwanda adabva bza iye adabwera kudza godamapa nzayo zache. ²⁶Tsono mkaziyo akhali Muherene ntundu wache Msurofonika. Tsono adamukumbira iye kuti afuluse bziwanda mwa mwanayo.²⁷Iye adalewa naye, ''Mudikireni mwana ayambe kudya. Poti m'bzabwino lini kutenga mkate wa mwana kupasa mbwaya.'' ²⁸Tsono iye adatawira achilewa kuna iye, ''Inde, Mbuya, neye mbwaya zimbadya bzakusala pa meza ya kudyera wana.''²⁹Iye adalewa kuna iye, ''Thangwe la bzomwe walewa, podi kuyenda. Chiwanda mwa mwanako chachoka.'' ³⁰Iye adabwerera kuyenda kumuyi kwache achikagumana mwanayo atagona pa talima, na chiwandacho chita choka.³¹Kinangoka adayendapomwe ku mzinda wa Turo, achidzera ku Sido mpakana ku nyanza ya Galileya mpakana kumbuto Dekapoli. ³²Adabwera naye kwa iye munthu winango akhali nkhuthwi na chikukumira, iwo adamukumbira kuti amubzatike manja.³³Kinangoka achiyenda naye patali na thimu payekha, iye adapisa bzala mkhutu mwache ,ndipo ampsipira achiphata lilime lache. ³⁴Kinagoka adajiguma kudzaulu, achipuma mwakuwusa moyo achilewa kuna iye, ''Ephphatha,'' ndiko kulewa kuti, ''Fungula!'' ³⁵kabodzi nakabodzi makutu yache yada funguka, chaku manga lilime lache chidatsudzuka,pomwepo adayamba kulewalewa bzakubzeka bwino.³⁶Yesu adawatsinda kuti nampodi awuze munthu aliyense, kuwatsinda adachita kule ndiye lemwe kufamba achilewa bzobzi. ³⁷Iwo adabwa kwenekwene, achilewa, ''Wachita bzinthu bzensene bzabwino. Iye akuchitisa akhuthwi kuyamba kubva na abewewe kulewalewa.''

8¹Nsiku zomwezo, kukhana pomwe thimu, tsono pakhalibe bzakudya. Yesu adachemera anyaku pfunzira

wache adalewa nawo,

²''Ndikubva nsisi na wanthuwa thangwe ndakhala nawo nsiku zitatu tsono alibe bzakudya. ³Ndikawauza kuti neye kudya, angayambe kukomokera panjira . Winangowa achokera kutali.'' ⁴Anyaku pfunzra wache adamutawira iye, ''Nkhuponi tingamane na bzakudya mchipululu muno kuti wanthu akwane?''⁵Tsono adawabzunza, ''Muna mikate mingasi? iwo adalewa, ''Minomwe.'' ⁶Iye adalilamula thimulo kuti likhale pansi. Iye adatenga mikate minomweyo,achiyi pempherera,achii bedula iyo. Iye adayipereka kwa anyakupfunzira wache akanati kuwapasa, pambuyo pache adalipasa thimulo.⁷Tsono akhana pomwe tunsomba tung'onong'ono, tsono atamaliza kupemphera, iye adalamula anpfunza kuti awapase. ⁸Iwo adadya achikhuta, adalokotesa bzakusala bzisero bzinomwe bzakudzaza. ⁹Pakhana wanthu pafupifupi bzulu bzinai. Kinangoka adawauza kuti ayende. ¹⁰Pomwepo iye adakapita mwadiya na anyakupfunira wache, tsono iwo adyenda ku mzinda wa Dalmanuta.¹¹Tsono Afarisi adachoka nkhuyamba kubvana na iye. Iwo adafuna iye awaonese chidziwiso cha kudzaulu, kukhali mmuyezera utowa. ¹²Iye adabulusa moyo na mzimu wache achilewa, ''Thangwe m'badwo uwu ukufuna chidziwiso? Mchadidi ndikulewa kuna imwe, kulibe chidza perekiwa na m'badwo uno.'' ¹³Tsono iye adawasiya iwo, achipita pomwe m'mwadiya, achiyenda ng'ambu inango.¹⁴Tsono anyakupfunza akhada yebwa kutenga mikate , Iwo akhalibe kutakula mizinjikoma koma m'bodzi m'mwadiyamo. ¹⁵Iye achiwalangiza iwo, achilewa, '' Nyang'anani ndipo nyang'anisisani bzakudya bza Afarisi na bza bzakudya bza Herodi.''¹⁶Anyapfunzira adang'aniza winango na mwanzache pankhani mkate. ¹⁷Pamene iye dadziwa ibzi, iye adawabvunza iwo, ''Thangwe lanyi muku yang'anizana kuti mulibe mkate? mpakana lero munat kuona neye kuddziwa? kani muna mitima yakuuma?¹⁸Maso munayo, soma imwe mukuona lini? Makutu munayo soma imwe mukubva lini? ¹⁹Imwe mukukumbukani? Pamene ndidabedula mikate michanu pampikiti wa wanthu bzulu bzichanu ,nimadengu mangasi yadasala yakudzaza yamikate yomwe muda lokota?'' Iwo adatawira, ''Khumi na miwiri.''²⁰''Pamene ndidabedula mikate minomwe pampikiti pa wanthu bzulu bzinai, nimadengu mangasi yadasala ya mikate kakudzaza?''Iwo adamutawira, ''Minomwe.'' ²¹Iye adalewa, ''Imwepo mukudziwa lini?''²²Iwo adayenda ku Betisaida.Wanthu adabwera naye munthu zimola kuna iye achikumbira Yesu kuti am'phate iye. ²³Yesu adam'phata boko munthu zimolayo achi choka naye kunja kwa muyi. Pamene adapsipirara mata m'maso mwaso mwache achi sanjika manja pa iye , iyeadabvunza iye, ''Ukuona chinthu chili chense?''²⁴Iye adajiguma, achilewa ,''Ndikuona wanthu ngati miti iku fambafamba.'' ²⁵Kinangoko adaika manja pa im'maso mwache ,tsono maso yache yada funguka, iye maso yache yadabwerera, iye achiona bzinthu bzense bzakuchena. ²⁶Yesu adamuuza iye ayende kumuyi kwache a chimuuza, ''Nampodi kuyenda pomwe m'muyi.''²⁷Yesu adabula na anyakupfunzira achiyenda ku miyi ya Kaisala wa Filipi. Ali m'njira iye adawabvunza anyakupfunzira, ''Wanthu akambandiona ambati ndine mbani?'' ²⁸Iwo adamutawira iye achilewa, ''Yohani M'batizi. Winango ambalewa, Eliya; na winango, 'M'bodzi wa aneneri,''²⁹Iye adawabvunza, ''Apa imwepo mumbati ndine yani?'' Petulo adamutawira iye, ''Ndimwe khilisitu.''

³⁰Yesu adawacheuza nampodi kuti alewe kwa munthu aliyense.³¹Iye adayamba kuwapfunzisa kuti Mwana wa Munthu adzabva kuwawa bzinthu bzizinji, adza lambiwa na akulu na akulu wa nsembe na anyakunemba, achidzaphewa, pakumala kwa nsiku zitatu adzamuka. ³²Iye adasewera mafalaya padecha.Tsono Petulo adamutenga pambali achiyambna kumgaza iye.³³Tsono Yesu adacheuka achinyang'ana anyakupfunzira wache adamugaza Petulo achilewa, ''Choka ndoko kumbuyo kwangu, Satana! '''Iwepo ukuyang'ana lini bzinthu bzinthu bza Mulungu, koma bza wanthu.'' ³⁴Tsono iye adacchemera thimu pabodzi na anyakupfunzira wache, iye adalewa na iwo, ''Penu munthu akufuna kundtewera ine, iye ayambe kubzilambiza yekha, anyamule mtanda wache, achindi tewera ine.³⁵Tsono wense afuna kusunga moyo iwo adzauluza, na iye aniluza moyo na chifunilo cha ine na mafala adzaugumana. ³⁶Munthu adzapindula chiyani kutambila dziko lense lapansi achitaya moyo ³⁷wache?Munthu ankapereka chiyani chaku chinjana na moyo wache?³⁸Tsono wense wakuchita manyazii thangwe la ine na mafala yangu mu m'badwo uno wauputa na wakuphonya, Mwana waMunthu adza nchitirambo manyazi pamene iye adzabwera muulemero wa Babache na agelo wakuchena.''

9¹Ndipo adalewa nawo, ''Chadidi ndikulewa na imwe, alipo winango pano adayimirira pano omwe anzalawidza lini imfa ate anzawona ufumu bwa Mulungu butabwera na ng'onga.'' ²Nsiku zi tanthatu zitamala, yesu adatenga Petulo na Yohani adakwira nawo pa phiri litali pambali pawokha, ndipo adasandulika pamaso pawo. ³Bzakubvala bzache bzidaoneka bzakuyetimira, bzakuchena mbu ninga muwomba wakutsukira nguwo padziko lapansi angabzichenese lini okha.⁴Kinangoka Yeriya na Mose adawonekera kwa iwo, ndipo akhasewera na Yesu. ⁵Petulo adatawira achilewalewa na Yesu, ''Rabbi, bzatidekera ife kukhala pano, tsono bwerani timange tumakhumbi tutatu, kabodzi kanu, kabodzi ka Mose, na kabodzi ka Yeriya.'' ⁶(Pakuti iye akhadziwa lini chomwe amnzalewa.)⁷Mtambo udabwera ndipo udampsinkha iwo. Mumtambomo mudachoka mafala, ''Uyu ndiye mwana wangu nimbamfuna. Mtetekereni iye.'' ⁸Mwadzidzidzi, pomwe adatembenuka, alibe kuwona munthu aliyense na iwo, adaona Yesu yekha.⁹Pomwe iwo akhabuluka m'phiri, iye adawalamula iwo kuti nampodi kawuza wanthu pabzomwe adabziwona kufikira pomwe mwana wa Payi akadzamuka kwa kufa. ¹⁰Ndipo adakoya mafala mwa okha, ndipo adabvunzana bvunzana iwo okha, kuti, ''Kuti kumuka kwa kufa'' kukuthanthawuza chani.¹¹Iwo adamubvunza, ''Anyakunemba adalewa kuti chani anzayamba kubwera ni Yeriya?'' ¹²Ndipo iye adalewa nawo, ''Yeriya wayamba kubwera kudzakonza bzithu bzense. Tsono kwanembiwa chiyani kuti mwana wa payi akuthemera kubva bzakuwawa bzizinji na kuyeziwa bzautowa? ¹³Koma ndakuwuzani kuti Yeriya wa bwera, ndipo adawachitira chilichense chomwe iye akhafuna, pakuti bzidanembewa bza iye.''¹⁴Pomwe adabwera anyakupfunza, adawona chithimu chawanthu wakuzungulira iwo, ndipo anyakunemba akhabvunzana nawo. ¹⁵Pomwe iwo adamuwona Yesu, thimu lense lidadabwa na kumuthamangira iye ndipo adamseweza. ¹⁶Iye adawabvunza anyakupfunza, ''Mukubvunzana chiyani?''¹⁷Ndipo winango wapa thimulo adamutawira, ''m'pfunzisi, ndabwera naye kwa imwe mwanangu,. Anamzimu wakusaya kusewera. ¹⁸Ndipo pensene pomwe um'phata umugwesa, ndipo adachita thobvu pakamwa, achikukuta mano, na ofoka. Ndidawawuza anyakupfunzira wanu kuti amuchose iye, ndipo alibe.'' ¹⁹Iye adawatawira iwo achilewa, mtundu wakusaya kukhulupilira, ninzakhala namwe kufikira ate liti? ninzakulekelerani nthawi yanyi? mubwere naye kwa ine. ''²⁰Ndipo adabwera nalo tswaka kwa iye. Ndipo pomwe chimzimu chire chidamuwona Yesu, popo udangwamba kwenekwene. Ndipo iye adagwa pansi achibvubvunyika nakuchita phobvu kukamwa. ²¹Yesu adabvunza babache, kuti bzimwebzi bzidayamba liti kumuphata?'' Babache adalewa kuti, ''Bzidamuyamba alimwana. ²²Ndipo kawiri kawiri akhamtaya kumoto na mmadzi na kumudzomga. Penu munkwanisa chitani chilichense, tichitireni chifundo na kutithandiza.''²³Yesu adalewa naye, ''Penu mungakwanise'? Bzinthu bzensene bzinkwanisika kwa iye amkhulupilira.'' ²⁴Popale babache wa mwana ule adalira achiti, ''Ndakhulupilira! Thandiza kusaya kukhulupilira kwangu!'' ²⁵Pomwe Yesu adawona thimu lawanthu likuthamangira iwo, adamugaza mzimu wa kuyipayo achiti, ''mzimu wakutazisa kulewalewa na kutazira kubva, Ine ndikutonga iwe, choka mwa umweyu, ndipo nampodi kupita pomwe mwa umweyi.²⁶Ndipo pomwe adakuwa adachita ngati wakomoka ndipo udachoka. Tswakayo adakhala ngati wakufa, terepo wanthu azinji adalewa kuti, ''Iye wafa.'' ²⁷Ndipo Yesu adamuphata boko lache achimudzusa, tsono tswakalo lidamuka.²⁸Pomwe Yesu adapita mnyumba, wakupfunzira wache adamubvunza mbvunzo, ''Thangwe ranyi tatazira kuchosa mzimuyo?'' ²⁹Iye adalewa nawo, ''Mtundu umweyu unkwanisika lini kuchoka na chinthu chilichense koma nakupemphwera.''³⁰Ndipo adachoka kumweko, adayenda ku Galileya. Ndipo iye alibe kufuna kuti aliyense adziwe komwe iwo akhali. ³¹Pomwe iye akhapfunzisa wakupfunzira wache. Iye achiti kunaiwo, ''Mwana wa munthu anzaperekiwa kwa wanthu, ndipo anzamupha. Ndipo angadzamupha pakumala nsiku zitatu anzamuka pomwe kukhala na moyo,'' ³²Ndipo iwo alibe kumubvesesa mafala yamweyo, ndipo adachita mantha kumubvunza.³³Kenangoko adayenda ku kaperenao. Pomwe adapita mnyumba mule adawabvunza, "Mukhauzana chani munjira mule?'' ³⁴Koma iwo alibe kumutawira. Iwo akhagazana munjira kuti mkulu mbani. ³⁵Khalani pansi, iye adachemera wakupfunzira wache khumi na awiri achiwauza, ''Omwe iye akufuna kukhala wakuyamba akhale wakumalizira na wakutumikira wense.''³⁶Adatenga kamwana kang'ono achikayikha pakati pawo. Adamutakula mmanja mwache adalewa nawo, ³⁷''Ule omwe amtambira mwanangu mudzina langu watambira ine; iye wakutambira ine sikuti akutambira ine koma akutambira omwe adandituma.''³⁸Yohani adalewa kuna iye, ''mpfunzisi, tidawona winango akhachosa bziwanda mudzina lanu tsono tidamuletsa, thange akhalilini mwanzathu. ³⁹Koma Yesu adalewa tere, ''Nampodi kuletsa, thangwe palibe omwe anzaphata basa langu mudzina langu omwe tsampanopa lache achindisewera kuna wanthu bzakuyipa kuna ine.⁴⁰Omwe akuipidwalini nafe ngwathu umweyo. ⁴¹omwe ankupasani kaneka ya madzi yakumwa mudzina langu ndimwe wangu wa khilisitu, chadidi ndikukuzani imwe, anzaluzalini mpfupo.⁴²Omwe amchitisa m'bodzi wa maswakaya omwe ambandi khulupilira mkuwakhumudwisa, nibwino munthu wakuterepo kumumangirira chimwala chikulu mkosi mwache achithusiwa mu nyanza. ⁴³Penu boko lako limkuchoseresa, ligwate. Nibwino iwe kudzatambira moyo wa muyaya utapunduka thangwera ine kusiyana nakukhala na manja yense mawiri koma mkudzayenda kumoto, kumoto wakusaya kumala. ⁴⁴Bzakunemba bzakalekale bzilibe kunemba bzobzi, komwe nyongolotsi zao zinzafa lini, ndipo moto wache unzathima lini. Mafala aya yambawoneka mu ndime 48.⁴⁵Penu nzayo yako ikambakuphonyesa, igwate. Ndiponi kudzatambira moyo wakusaya kumala utapunduka kusiyana nakukhala na nzayo zako ziwiri koma mkukathusiwa ku ng'anjo ya moto. ⁴⁶Bzakunemba bza kalekale bzilibe mafala aya. Komwe nyongolotsi zao zinzafa lini, na moto wao unzathima lini .⁴⁷Penu diso lako likukusocheresa, lichosa. Ndiponi kukapita mu ufumu bwa Mulungu na diso libodzi kusiyana nakukhala na maso yense uchikathusiwa ku ng'anjo ya moto, ⁴⁸Komwe nyongolosi zawo zinzafa lini na moto wao unzathima lini.⁴⁹Pakuti aliyense anzayenda kumoto. ⁵⁰Munyu ngwabwino, koma mphabvu yache ikamala, mungayibwezerese pomwe tani? Mukhale na munyu pa mwekha, nakuti pomwe mukhale na mtendere na anzanu wense

10¹Yesu adanyamuka kuyenda kudziko la Yudeya ndipo adayenda ng'ambu ya nkulo wa Yolodano, tsono chithimu cha wanthu chidamutewera pomwe. Iye akhawapfunzisa pomwe, pakuti iwo akhadazerewera kale. ²Ndipo Afalisi adabwera kwa iye kudzamuyeza na kumubvunza, ''Kodi bzakubvumika kuti mamuna aleke mkazi wache?'' ³Iye adawatawira, ''Mose adakulamulani chani?'' ⁴Iwo achiyi, ''Mose adabvuma payi kunemba tsamba lakulekana na kulekana naye.''⁵''Thangwe kuyipa mitima yanu adakunemberani mtemo ,'' Yesu achiti kwa iwo, ⁶Koma kuyambira pa kutoma, 'Mulungu adalenga mamuna na mkazi.'⁷Na thangwe limweli payi anzalekana na babache na mamache ndipo anzaphatinidzana na mkazi wache. ⁸Ndipo awiriwa anzakhala thupi libodzi.' ⁹Thangwe lache chomwe mulungu adamanga, palibe munthu omwe anzachigawanisa.''¹⁰Pomwe iwo akhali mnyumba, anyakupfunza wache adamubvunza pomwe chinthu ichi, ¹¹Iye adati kwa iwo, ''Aliyense wakulekana na mkazache achikalora mkazi winango wachita upombo. ¹²Ndipo mkazi angalekana na bayache achikalodwa na mamuna winango, iye wachita uputa,''¹³Ndipo adachemeresa wana kwa iye kuti awaphate, koma wakupfunzira wache adawaletsa. ¹⁴Koma pomwe Yesu adadziwa, iye adakalipa achiwauza, ''Lekani tuwana tubwere kwa ine, thangwe ufumu bwaku dzaulu buli kwa wana ang'ono.¹⁵Inde ndikulewa namwe, ngati munthu amtambira lini ufumu bwaku dzaulu ngati kamwana kang'ono anzapita lini,'' ¹⁶Adatenga tuwana adatudalitsa pakutusanjizira maboko pa ito.¹⁷Pomwe adayamba ulendo bwache, mamuna m'bodzi adamuthamangila nakumugodamila ndipo adamubvunza iye, ''apfunsisi wabwino, ndichite chani kuti ndidzatambile moyo wakusaya kumala? ¹⁸Yesu adalewa,thangwe lanyi ukundichemela ine wabwino? Palibe wabwino kupambula mbuya basi. ¹⁹Umbadziwa M'temo; Nampodi kupha,nampodi kuchita uputa,nampodi kuba,nampodi kuchita umboni bwakunama,nampodi kunama,lemekeza Babako na mamako.''²⁰Payi achiti, ''Bzensene nimbabzidziwa kuyambila ndili mwana.'' ²¹Tsono Yesu adamunyang'ana ndipo adamufuna. Iye achiti kwa naye, ''Chinthu chibodzi chikusayika. Ugulise bzako bzense upase anyakusauka, ndipo kudala unzakhala nako kudzaulu. Ndipo bwera undilonde ine,'' ²²Namafala yamweya nkhope yache idatsulima pansi ndipo adachoka wakupasa nsisi, thangwe akhali wakudala kwenekwene.²³Yesu adayang'ana ndipo adawuza anyakupfunzira wache, ''Kodi nkwakunesa iwo anyakudala kudzapita ufumu bwa Mulungu!'' ²⁴Anyakupfunzira adadabwa na mafala yache. Ndipo Yesu adawauza pomwe iwo, ''Wanamwe, Psakunesa kwenekwene kwa iwo omwe adadala kukapita mu ufumu bwa Mulungu! ²⁵Psapafupi kuti ngamira iwone una bwansingano kuti nyakudala akapite mu ufumu bwa Mulungu.''²⁶Ndipo iwo adadabwa kwenekwene adabvunzana; Tsono mbani omwe anzapulumuka?'' ²⁷Yesu adawayang'ana achiti, ''Tsono psakukwanisika lini na wanthu koma psakukwanisika na Mulungu,'' ²⁸Petulo adayamba kusewera naye, ''Onani, tidasiya bzense ndipo tidakulondani imwe.''²⁹Yesu adati, ''Chadidi ndikulewa na imwe, palibe munthu adasiya nyumba, ne m'bale wache ne mlongo wache ne mayi ne baba ne mwana ne munda thangwe la ine koma ni mafala yabwino. ³⁰Ndipo iwo omwe amtambira lini bzikwi bzitanthatu padziko; manyumba na azibale na alongo na mayi na baba na wana na minda, pabodzi na masautso, ndipo m'dziko ukubwera moyo wakusaya kumala. ³¹Ndipo iwo wakuyamba anzamalizira, wakumalizira anzayambilira.³²Iwo pomwe akhali munjira kuyenda ku Yerusalemu, koma Yesu akhayenda patsogolo pawo. Wakupfunzira wache adadabwisika, ndipo wense omwe akhamutewera pambuyo adachita mantha. Ndipo Yesu adatenga wakupfunzira wache khumi na awiri adayamba kuwauza ndicho chiniwachitikira pa nthaweyo. ³³''Onani, tikuyenda ku Yerusalemu, ndipo mwana wa payi ankaperekiwa kwa akulu wa nsembe na anyakunemba. Iwo anzalewa kuti iye akufuna aphewe ndipo adamupereka kwa wamitundu winango. ³⁴Ndipo adamunyoza iye, achimupsipira mata, adamutchanga, ndipo adakamupha koma nsiku yachitatu adamuka. ''³⁵Yakobo na Yohani, wana wa Zabedeyo, adafika pa iye achiti, ''Pfunzisi tikufuna mutichitilile chilichense chomwe tinkubvunzani.'' ³⁶Iye adawauza iwo, ''mukufuna ine ndikuchitileni chani?'' ³⁷Adat, ''Tibvumeni ife kuti tikhale namwe mu ulemelero wanu, m'bodzi ku boko lanu la madidi ndipo winango ku manzere kwanu.''³⁸Ndipo Yesu adawatawira, ''Mukudziwa lini chanu mukukumbira. Kodi imwepo mungakwanise kumwera mkombo ubodzi na ine kapena kubatiziwa na ubatizo omwe nim'batiziwa ine?'' ³⁹Ndipo iwo adamutawira iye kuti, ''Inde tinkwanisa.'' Yesu adawauza kuti, ''Mkombo womwe ninzamwera ine munzaumwerambo, na ubatizo bomwe ine ndidabatiziwa nabo imwepombo munzabatiziwambo nabo. ⁴⁰Koma iwo ndiwo an'khala kuboko langu la madidi na ine an'khala ku la manzere ne wangu wa kupa, koma iwo ndiwo adawakonzera.''⁴¹Ndipo pomwe anyakupfunzira wache khumi adabva bzobzi, adayamba kukalipa kwa Yakobo na Yohani. ⁴²Yesu adawachemera kwa iye achiti, ''Kodi mukudziwa kuti iwo aniyesedwa na mbuya anzachita na iwo, ndipo ukulu wawo ambachita pa iwo.⁴³Koma kwa imwepo bzinzatelepoyo lini. Omwe amfuna kukhala nkulu pa gulu panupa akhale kapolo wanu, ⁴⁴omwe amfuna kukhala wakutoma pa mwensemwe akhale kapolo wa mwense. ⁴⁵Pakuti mwana wa payi alibe kubwera kudzatumikiriwa, koma kudzatumikira, nakupasa moyo wache ngati chuma kwa azinji.''⁴⁶Adafika ku Yeriko. Pakuchoka ku Yeriko na wakupfunzira wache na chithimu cha wanthu, mwana wa Tomeyo, Batumeyo, zimola wakukumbira, adakhala pa nsewu. ⁴⁷Pomwe adabva kuti akhali Yesu waku Nazareno, adayamba kukuwa achiti, ''Yesu, mwana wa Davite, ndichitirenimbo nsisi!'' ⁴⁸Azinji ada mtsimula zimola ule, kumuwuza kuti anyamale. Ndopo adalemwa kukuwa basi, ''Mwana wa Davite, ndimverenimbo nsisi!''⁴⁹Yesu adayima achitonga kuti amuchemere iye. Adamuchemera zimolayo, achiti, ''Limba mtima! Muka! Akukuchemera.'' ⁵⁰Adathusa uko chakubvala chache, achidzudzundika, achiyenda kwa Yesu.⁵¹Yesu adamutawira achiti, ''Umfuna ndikuchitire chani iwepo?'' zimola ule adalewa, ''Rabbi, ndikufuna nditambire kuwona kwangu.'' ⁵²Naterepo Yesu adalewa kwa iye, ''Ndoko. Chikhulupiriro chako chakuchiza.'' Kankulumize adayamba kuwona pomwe, ndipo adamutowera mu njira iye.

11¹Tsapano atafika ku Yerusalemu, kufupi na Betifaje na Betania pa phili la Azitona, tsono Yesu adatuma wakupfunza wache awiri ²achiwauza kuti, ''Ndokoni mmuyi ng'ambu ile. Mukakatondo kapita mwemo,munkaona kamphulu ka bulu komwe kakanati kupakiriwa. Kadamanga kakatsudzuleni mubwere nako kwa ine. ³Winango akakati, Thangwe lanyi mukuchita bzobzi?' Mukamuze kuti Mbuya Yesu akukafuna ndipo tsampanopa ankabweresa kuno.''⁴Adayendadi achikakagumana katamangirira panja pa mu mzinda, tsono adakatsudzula. ⁵Wanthu winango womwe akhadayima pomwepo adawamvunza, ''Mukuchita chiyani, kutsudzula ka mphulu tere?'' ⁶Adawatawira bzomwe Yesu adawawuza, ndipo wanthuwo adawaleka achiyenda.⁷Adayenda nako ka mphulu kale kwa Yesu ndipo adamanika bzakumvala bzawo pakansana pache,ndipo iye adakakhalira. ⁸Wanthu azinji adatandika bzakumvala bzawo munsewumo, ndipo winango adatandika bwitsamba bzomwe adakhwaula mminda. ⁹Iwo omwe akhafamba patsogolo na iwo omwe adatewera baludya, ''Ulemerero! Wakudalisika ndiye wakubwera mudzina la Mbuya. ¹⁰Kudalitsike kubwera kwa ufumu wa Baba Davite! Ulemerero ku dzawulu!''¹¹Kinangoko Yesu adayenda ku Yelusalemu achikapita mtchalitchi achicheuka chilichense. Tsapano kwadoka, adayenda ku Betaniya na wale khumi na awiri. ¹²Mangwana yache pakubula mu Betaniya, akhabva njala.¹³Pakuwona napatali muti Wankuyu omwe akhana masamba, adafendera kukaona penu akhadabala bzipatso, ndipo pomwe adafika , Iye alibe kuona chinthu koma masamba yokhayokha, poti ikhalilini nthawe yakubala Nkhuyu. ¹⁴Iye adawuza mutiyo, ''Palibe anzadyapomwe bzakubala bzako. ''Ndipo wakupfunza wache adamva bzobzo.¹⁵Adafika ku Yerusalemu, ndipo adapita Mtchalitchi achiyamba kuthamangisa wakugulisa na wakugula malonda Mtchalitchimo. Iye adazungunuka achigwinya Meza za kobili na anyachinga na makadera ya wale wakugulisa Nkhangaiwa. ¹⁶Akhamvumizalini aliyense kutakula chirichense chakugulisiwa kuyenda nacho Mtchalitchi.¹⁷Iye adawapfunzisa achiti, ''Bzilibe kunembiwa, ' Nyumba yangu idzachemeriwe nyumba yakupemba wanthu wensene'? ¹⁸Akulu wa nsembe na anyakunemba adamva bzomwe iye adalewa, Ndipo adanyang'ana manera kuti amuphe. Thangwe akhagopa kuti chigulu chensene chikhachita mantha na bzomwe akhapfunzisa. ¹⁹Maulo yatakwana, adabula mzindamo.²⁰Atayenda kukazunga machibese, adagumana muti wa nkuyu ule utauma namizi kubodzi. ²¹Petulo adakumbukira achiti, ''apfunzisi, onani! mkuyu mudautemberera ule wauma.''²²Yesu adawatawira iwo, ''Khalani na chikhulupiliro kwa Mulungu. ²³Bzachadidi ndikukuzani kuti penu winango anzalewa kwa phiri iri, 'Choka ukabzithuse mnyanza; ndipo iye achileka kukayikira mumtima mwache bzomwe walewabzo nkukhulupiriradi ndipo bzinzachitika, ndibzo mulungu anzachita.²⁴Thangwe lache ine ndikulewa kwa imwe: Chirichense mumkhumbira na kupemba,khulupirirani kuti munzapasiwa, ndipo chinzakhala chanu. ²⁵Mukayima mkumpemba, mukhululuke mathangwe yense yomwe munayo kwa wanthu wense,ndipo Mbuya wathu wakudzaulu adzakhululukirambo bzakuphonya bzanu. ²⁶Mabukhu ya Maliko yakalekale yakhalibe mafala yamweya: Koma penu munkhululuka lini, Baba wathumbo wakudzulu anzati khululukirambo lini bzakuphoka bzathu.²⁷Adabwelera pomwe ku Yelusamu. Pomwe Yesu akhafamba mtchalitchi, akulu wa nsembe, anyakunemba, na akulu akulu adabwera kwa iye. Adalewa kwa iye, ²⁸''Nimphamvu zayani ukuchitira bzinthu bzimwebwi, ndipo mbani wakupasani mphamvu zakuchita?''²⁹Yesu adalewa kwa iwo, ''Ndikumvunzeni mvunzo ubodzi. Mundiwuze inembo ninzakuzani komwe ndidatenga mphamvu zangu zakuchitira bzimwebzi. ³⁰Ubatizo bwa Yohani budachoka ku dzaulu kapena kwa wanthu? Nditawireni.''³¹Adakambirana okhaokha achigazana achilewa kuti, ''Tikalewa kuti, 'Budachokera ku dzaulu; iye anilewa kuti, 'Thangwe lanyi tsono mukasaya kukhulupirira?' ³²Tsono tikati, 'Budachoka kwa wanthu; ....''Akhana mantha na wanthu, thangwe aliyense akhadziwa kuti Yohani akhali mneneri. ³³Kinangoka adamutawira Yesu achiti, ''Tinziwa lini. ''Kinangoka Yesu adawauza kuti, ''Tsono ninkuzani lini komwe ndimbatenga mphamvu zakuchitira bzinthu bzimwebzi.''

12¹Tsono Yesu adatoma kupfunzisa iwo bzifanizo. Iye adalewa, ''Munthu adalima munda wa bzipaso,achizunguliza tchinga, achichera pakukonzera bwabwa. Iye adamanga matambiko adaudekesa achiupereka mundayo kwa anyakulima .Tsono iye adayenda ulendo bwache. ²Munthawe yache iye adatuma nyabasa kuti akatambire bzipaso kwa nyakulima. ³Tsono adamutenga iye, achimmenya, achimochosa neye chilichense.⁴Adabwereza pomwe kutuma nyabasa winango, iwo adamudzonga msolo achimuchitisa manyazi. ⁵Iye adtumiza pomwe winango, tsono uyu adamupha. Adachita bzibodzi bodziwi na winangowo, achiwamenya, winango achiwapha.⁶Iye adsala munthu m'bodzi wakumtuma, mwanache wa kubverana naye. Akhali wa kumaliza kumtua kwa iwo. Iye adalewa, 'Iwo adzamu nthenthemerera mwana wangu.' ⁷''Tsono anyakulima wale adalewa , 'Uyu ndiye adzakhala mwenekechilo muyi. Bwerani , tiendeni timuphe uyu, mundayu udzakhala wathu;⁸Adamutenga iye, achimupha, achimutaya kunjakwa munda. ⁹Pomwepa mwenekechilo munda achite tani? Iye adzabwera achidza dzonga anyakulima wense tsono adzapereka mundayo kwa winango.¹⁰Imwepo mulibe kuwerenga malemba? Kuti mwala omwe amisiri anyakumanga nyuma ad adulammba udadzakhala pakhona. ¹¹Ibzi bzakuchukera kwa Mulungu, ateye bzakusaya kuoneka m'maso mwathu.'' ¹²Bzitamala ibzyi akuluakulu wa Yuda adayezera kufuna ku m'manga Yesu thangwe akhasewera bzifanizo bza kuwagaza iwo. Tsono adagopa thangwe la thimu la wanthu. Tsono adamuleka iye mkuyenda.¹³Tsono adtuma Afarisi na a Herodi kuti kuna iye kuti akaphate na mafala. ¹⁴Pomwe iwo adafika, adalewa ibzi kwa iye, ''Pfunzisi, tikudziwa kale kuti ndimwe wa kulungama mumba werenga lini bza munthu , thangwe mumba gopa lini aiyense. Imwe mumba pfunzisa bza chadidi bza Mululngu. Bzaku themera kugwata mtsonkho kwa Kayisala owo neye?Timba gwate owo neye?'' ¹⁵Tsono Yesu akhada dziwa kale kunama kwawo, ''Thangweranyi mukundiyesa? Ndipaseni kobilyo ndiyi yang'ane iyo.''¹⁶Iwo adatenga achimpasa Yesu. Adalewa kwa iwo, ''mchibvulibvuli chayani chili apachi ?''Iwo adalewa, ''Kaisala,'' ¹⁷Yesu adalewa, '' Pelekani bzinthu bza Kaisala bzache bza Kaisala, na bzinthu bza Mulungu kwa mulungu.'' Iwo adabwa naye iye.¹⁸Tsono Asaduki, omwe akhalewa kuti kulibe kumuka, adafika kuna iye. Iwo adambvunza iye, achilewa kuti, ¹⁹''Pfunzisi, Mose adatilera, ' Penu munthu m'bale wache wafa tsono wasiya mkazi ,alibe naye mwana, munthu atenge mkaziyo, kuti abale naye iye m'malo ,mwa m'bale wache.'²⁰Iwo akhalipo anomwe pachibale; wakuyamba adatenga iye mkufa, alibe naye mwana. ²¹Tsono wachiwiri mkutenga iyekufa, neye mwana, wachitatu mkuchita pomwe bzokhabzokhabzo. ²²Anomwe wense neye kusiya mwana. Kumaliza kwache, mkaziyo mkufambo. ²³Tsono pachiukiso mkazi adzakhala wayani? Poti abale wense anomwe adakhala naye mkaziyo.''²⁴Yesu adlewa, ''Nithangwe lini lomwelo mukuphonyesa , thangwe neye mafala ya Mulungu neye mphamvu ya Mulungu? ²⁵Pakuti kumuka kwa wafa,ambalowola lini neye kupasiwa banja, koma alingati angelo wa kudzaulu.²⁶Koma bza kukhudzana na wakufa omwe adzamusiwa, mulibe kulewenga mabukhu ya Mose, kulewa bza thengo lire, momwe Mulungu adamuuzira achiti; 'Ndine Mulungu wa Abulahamu na Mulungu wa Isaki na Mulungu wa Yakobo'? ²⁷Iye ni Mulungu lini wa wanthu wa kufa, koma wa wanthu wa moyo. muli kuphenyesa kwene kwene.''²⁸M'bodzi wa anembi adbvanawo mkambilanoyo; adaona kuti Yesu adawatawila bwino. Adamubvunza iye , ''Ni chitongi chiponi chafunika kuposa chense?'' ²⁹Yesu adtawira , ' Lakufunika kwenekwene ndiri, 'Bvaya, Isaraeri,Mbuya wa Mulungu, Mbuya ni m'bodzi. ³⁰Umukonde Mulungu na mtima wako wense, na mzimu wako wense, na nzeru zako zense na mphamvu zako zanse; ³¹Chitongi chachiwiri nchichi, 'Umukonde mwanzako ninga umbabzikonda wekha.' Palibe chitongi chikulu chiniposa ibzi.''³²Mnembi ule adalewa, ''Pfunzisi Wabwino! Mwalewadi bzachadidi kuti Mulungu ni m'bodzi nakuti palibe winango. ³³Kumukonda iye na mtima wense na kumubvesa bzense na mphamvu zense, na kukonda mwanzako ninga kubzikonda wekha kukuposa nsembe za kuika pa pamoto.'' ³⁴Pomwe Yesu adawona kuti watawira mwanzeru , adamuuza kuti , ''Uli lini kutali na ufumu bwa Mulungu.'' Bzitamala ibzi, palibe adakhumba kum'bvunza pomwe Yesu mibvunzo inango.³⁵Pomwe yesu akha pfunzisa mbuto za tchalitchi,iye adalewa , ''Thangweranyi Afarisi ambalewa kut Khilisitu ni mwana wa Davite? ³⁶Davite yekha, na mphamvu za Mzimu Wachena, adalewa, Mbuya adalewa kwa Mbya wangu, ''Khalani kuboko langu lamadidi ateye ndidzayike adani wanu pansi pa nzayo zanu.'' ³⁷Davite makayo adamuchemera iye 'Mbuya.' tsono khilisitu angakhale tani pomwe mwana wa Davite?'' Chithimu cha wanthu chida mutetekera iye.³⁸Mwa bzaku pfunzisa bzache Yesu adalewa , ''Chenjeran na anembi, amba konda kufamba adabvala mikanjo mitali nakumusiwa bzaulemu mumsika, ³⁹ambafuna kukhala m'makadera yaulemu mtchalitchi na mbuto zaulemu m'madyerero. ⁴⁰Iwo amba pondereza nyuba za akazi wamasiye, ambapemphera mapephero matali kuti wanthu awatende. Wanthu omwewa adzatambira chilango chikulu.''⁴¹Kinangoko Yesuadakhala pambali pa bokosi la chakupereka mtchalitchi; iye akhyang'ana wanthu omwe akhathusa kobiri zawo mbokosi. Wanthu azinji anyaku dala akhathusa kobiri ziinji. ⁴²Tsono kudadwera nkusauka mkazi wamasiye adathusa kobiri ziwiri zangwinjiri, adasala alibe chinthu.⁴³Iye adachemera anyakupfunzira wache achilewa kuna iwo, ''Chadidi ndikukuuzani imwe, uyu nyakusauka wamasiyeyu wathusa zizinji kuposa wense omwe athusa chakupereka m'bokosimu. ⁴⁴Kwa wense apereka malingana na bzomwe anabzo. Tsono mkazi wasiyeyu, mwakusauka kwache, waperka kobiri zense zomwe akhanazo.''

13¹Pomwe Yesu adabula kuchokera mtchalitchi, m'bodzi wa anyakupfunzira wache adalewa kuna iye, ''Apfunzinzisi, onani minyala ya kudeka na nyumba zakudeka!,' ²Yesu adalewa kuna iye, ''Ukuona nyumba zamangiwa zikuluzikuluzi?Palibe mwala ubodzi omwe udzakhala paunzache neye kugwesewa.''³Pomwe iye adakhala pa phiri la Azitona kunyang'anizana tchalitchi, Petulo, Yakobe, Yohani, na Andileya adbvunza iye payekha, ⁴''Tiuuzeni ife, bzimwebzi bzidzachitika liti? Tidzaonela bzizindikilo bziponi kuti nthawie yafendera?''⁵Yesu adayamba kuwauza iwokuti, ''Chenjelani nampodi winango kuti akusocheresen. ⁶Azinji adzabwera mudzina langu achilewa kuti, 'ndine ule; adzasocheresa azinji.⁷Pomwe mudzabva nkhondo na mphekesera za nkhondo, nampodi kudza dzidzimukana chimwechi ,chimalizilo chinati kufika. ⁸Pakuti dziko na dziko lidza nyandukirana ufumu na ufumu nyandukirana. Kudzakhalabzibvomelezi na njala mbuto zinji. Ichi mchiyambi cha bwakuwa.⁹''Mukhale cheru. Iwoadza kuperekani ku mphala, ndipo mudza menyiwa tchalichi, Mudzaima pamaso pa anyaku tonga namafumu thangwe la dzina langu. ¹⁰Koma mafala ya yabwino yayambe kulalikiwa kwa mitundu yense.¹¹Pamene iwo adzakumanga achikuperekani, nampodi kudza dandaula kuti munkalewa chiyani. Panthawe yomweyo, chakuti musewere chidzapasiwa kwa imwe; mudza khala lini imwe wa sewera, koma Mzimu waWakuchena. ¹²Mbale adzapereka m'mbale wache kuti aphedwe , na baba mwana wache. Wana adza pereka abereki wao kukapereka kuti akaphedwe. ¹³Mudza wengiwa thangwe la dzina langu,Koma ndiye adza pilira ateye chimalizilo ndiye adzapulumuka .¹⁴Pomwe mudzaona chinthu chakuipa chakudzonga chitaima pa mbuto ndipo mphache lini ;(anyakuwerenga adzadziwe) ''pomwepo amene ali ku Yudeya athawire kumapiri, ¹⁵Iye ali pa nsodzi ya nyumba nampodi kuti abuluke kuti apite nyumba kukatenga chinthu kubula nacho panja, ¹⁶munthu ali yense ndiye ali kumunda nampodi kubwera kudzatenga chakubvala.¹⁷Koma tsoka kwa azikazi omwe adzakhala na mimba na azikazi wakumamisa nsiku zimwezo! ¹⁸Pembani kutibzimwebzi nampdi kuti bzibza chitike nthawe ya jejera. thangwe nsiku zimwezi zidzakhala za kuwawa, zakusaya kundendemera na zakupita kuyambira pachiyambi,pomwe. ¹⁹Mulungu adalenga dzikoli kufikila lero, ndipo bzidza ndendemera lini na yinango. ²⁰Mbuya angadasaya kuchepesa nsikuzo palibe nam'bodzi angada pulumuka. Tsono thangwe la anyakusankhulika,na omwe iye adawasankhula adazifupikisa nsikuzo.²¹Tsono penu winango anilewa kwa imwe , 'Nyang'anani, 'Khilisitu ali kuno!' pinango 'Nyang'anani, iye ali kuno nampodi kukhulupira. ²²Thangwe a Khilisitu wakunama na aneneri wakunama adzaoneka achidzachita bzizindikilo na bzaku dabwisa kufuna kusocheresa, penu nkhuknisika, nawakusankhulika kubodzi. ²³Khalni tcheru! Ndakuuzani bzensebzi nthawe ikanati kufika.²⁴''Tsono pambuyo pakumala pa masautso nsiku zomwezo, 'dzuwa lidzaleka kugaka, mwezi udzaleka udzaleka kugaka, ²⁵nyenyezi zidzagwa kuchokera kudzaulu na mphamvu zomwe ziri kudzaulu zidza gwededzeka; ²⁶Pomwe adzaona Mwana waMuthu alikubwera m'mitambo na mphamvu zakuwanda na ulemerelo. ²⁷Tsono iye adzatutumiza achidza gwezeka pabodzi wakusankhuliwa kuchokera ku mphepo zinayi, kuchokera kumalezero ya dziko kukafika mapeto inango.²⁸Pfunzilani pfunzilo la muti wa mkuyu.Pomwe songa za nthambi zikhala ziikupuka masamba, mumbadziwa kuti mayinza yayambika. ²⁹Pomwepo, pomwe mudzaona bzizindikiro ibzi bzikuchitika, dziwani kuti ine ndiripa pafupi, ndafendera pamsuwo.³⁰Mchadidi ndikuuzani, m'badwo uyu udzamala lini mpakana bzinthu bzensebzi bzibzaoneke. ³¹Kudzaulu na dziko lapansili bzidzamala koma mafala yanguya yadzamala lini. ³²Tsono bza kulewa bza nsiku kapena nthawe, palibe ndiye adziwa neye penu mba angero wa kudzaulu, neye penu Mwana, koma Baba yekha.³³Khalani tchearu nyang'anani, thangwe mukudziwa lini nthawe. ³⁴Mabukhu yinanango yakale ya chi Herene yadambiiwa kuti; Dikhirani! Nyang'anani pemperani.Bzili ngati munthu wakufamba paulendo -adasiya nyumba yache naksiya anyabasa pamuyipo aliyennse nabasa lache ,achilamula alonda akhale natceru nakupenya.³⁵Terepoyo khalani na kupenya mukudziwa lini nsiku yaku bwera mwenekechilo wanyumba adzafika pamuyi; pinango yadzakhala maulo, pakati pa usiku, penu achonwe alikulira, o pinango machibese. ³⁶Pinango iye adzafika mwakudzidzimusa, nampodi adzaku gumaneni mukugona. ³⁷Bzomwe ndikukuuzanibzi ndikuuza aliyense; Dikhilani.''

14¹Tsopano pakanati kupita nsiku ziwiri pannzakhala Pwando la Pasaka na mikate yakusaya bzakufufukisa. Ndipo akulu wa nsembena anyakunemba adamunyang'ana nyang'ana mwakumcchitira ukambowa bwa kummanga nakumupha. ²Ndipo adalewa kuti, ''Mmapwando neye, kuti panga khale kusokosa kwa wanthu.''³Pomwe yesu akhali kubetaniya mnyumba mwa simoni nyamapere ,pomwe adakhala nkumbadya pa meza ,mkazi adabwera kuna iye na nsupa ya alabasitelo ya mafuta yakunutchira, ya nalido wacadidi ya nsengwa ikulu. Adatsotola nsupa nkhuya khuthulira pamnsolo pache. ⁴Ateye pakhana winango omwe akhadakalipa .Iwo adalewalewa kuti,''Thangwelanyi ukudzonga bzobzi? ⁵Pakuti mafutaya yakadagulisiwa ma denarii ,yakupitilira madzana matatu, nakupasa pomwe anyakusauka.''Tsono adamudandaulira mkaziyo.⁶Tsono yesu adalewa , "Mulekeni yekha.Thangwelanyi mukuboneresa? Wandichitira chinthu chabwino kwenekwene. ⁷Pakuti munawo anyakusauka nsiku zense, ndipo palipense pomwe mungafune kuwachira bza bwino mungachite, koma ine mulilini nande nsiku zense. ⁸Iye wachita bzomwe angakwanise. Walikathupi langu mthenje. ⁹Bzachadidi ninilewa na imwepo, palipense pomwe uthenga bwangu buli kulalikiwa padziko lense, bzomwe mayiyu wachitabzi m'bzalewedwa ningabzakumba kumbukira iye.''¹⁰Tsono Yudasi Isikaliyoti, m;bodzi mwa khumi na awiri, adachoka nkhuyenda kwa akuluakulu wa nsembe kuti akamupereke iye kuna iwo. ¹¹Pomwe mkulu wa nsembe atabva ichi , adakhala wakusangalala ndipo abvana naye kuzampasa iye kobiri. tsono iye adapsagapsaga kuti animuperekatani kuna iwo.¹²Pansiku yakuyamba ya mkate wakusaya chakuwandisa ,pomwe akhakonza pasaka apfunzi wache adalewa kuna iye . ''Kodi mufuna kuti tiyende kuponi kukakonza pasaka, kuti mukadyere pasakayo?'' ¹³Iye adtuma apfunzi awiri ndipo achiwauza kuti, Ndokoni mumzinda, mukagumana na munthu wakusenza tsuko wa madzi . Kamutewereni iye. ¹⁴Pomwe iye amkapita nyumba kamutewereni nkukamuuza mwenekechilo nyumbayo, 'Mpfunzisi alewa, ''Ili kuponi subi yangu ya alendo yakuti ndikadyere Pasaka na apfunzi wangu?''¹⁵Iye adzakuonesani subi ikulu yomwe njakukonza kale. ''Momo mutikonzere ife.'' ¹⁶Tsono apfunzi adachoka nkuyenda kumzinda kule. Adaona bzense ninga aduzidwira mule kokule, ndipo adakonza bzakudya bza pwando la Pasaka.¹⁷Ndipo budafika usiku , adabwera iye pabodzi na khumi na awiriwo. ¹⁸Pomwe adakhala pameza kumbadya, Yesu adalewa, ''Mchadidi ndi ndikukuuzani, m'bodzi omwe tili kudya naye pabodzi adzandipereka ine.'' ¹⁹Iwo wense adaphatiwa na nsisi, ndipo m'bodzi na m'bodzi adatoma kulewa naye, ''Bzachadidi ndine lini?''²⁰Yesu adawatawira kulewa kua iwo, ''Ni m'bodzi wa khumi nawiiri, m'bodzi omwe ndi kunchocha naye mpalato ibodzi. ²¹Poti Mwana wa Munthu ampita mowe bzida nembiwa kale bza iye. Koma ni tsoka kwa munthu omwe wa pereka Mwana wa Muthu! Kungada khala bwino kwa munthuyo angadaleka kubadwa.''²²Pomwe iwo akhali kudya, Yesu adatenga mkate, mkhuudalisa, nkhuu bedula. Adamutenga nkhuwapasa iwo nkulewa, ''Tengani. Ili ni thupi langu.'' ²³Iye adtenga chikho ,adatenda, achiwapasira iwo, ndipo wense adamwa. ²⁴Iye adawauza, ''Uyu ni mulopa wangu wa pangano, mulopa omwe utsanuliwa pa azinji. ²⁵Bzachadidi ndikukuuzani, nidzamwa lini pomwe chakubala cha mpesayu ateye nmsiku yomwe nidzamwa chamwa ufumu bwa mulungu.''²⁶Pomwe iwo adayimba nyimbo, adyenda kuphiri la Azitona. ²⁷Jesu adawauza iwo, ''Mwense mudzawawidwa nakuti bzakunembiwa, 'nidza kuntha nyakabusa ndipo mabira ya dza mwazika.''²⁸²⁹Koma ndikadzamuka, nidzaku tsogolerani imwe ku Galileya.'' Petulo adalewa naiye, ''Neye penu wense adzathawa, koma ine neye.''³⁰Yesu adalewa kuna iwo, ''Nchadidi ndikulewa kuna imwe, lero inde usiku buno chongwe akanati kulira kawiri udzandi lamba katatu.'' ³¹Koma Petulo adalewesesa, penu ine nidzafa namwe, nidzakulambani lini.'' Wensene adauzana tenepoyo.³²Iwo adabwera kumbuto yaku chemeriwa Getsemani, ndipo Yesu na anyakupfunzira wache. ''Khalani pano ndikapemphere.'' ³³Iye adatenga Petulo, Yakobe, na Yohani adayenda nawo pabodzi koma adatoma kubonera nakubva nsisi. ³⁴Iye adalewakuna iwo, ''Mzimu wangu unansisi kwenekwene ateye kusala pang'ono kufa . Dikirani pano nakungwala,''³⁵Adayenda patsogolo pang'ono , Yesu adagwa pansi nkupemphera kuti penu bzingada kwanisika nthawe yimweyi imupte. ³⁶Iye adalewa , ''Aba, baba.bzinthu bzense mpsakukwanika naimwe. Mundi chosere chikho chimwechi.''³⁷Iye atabwerera adawona iwo akugona, ndipo adalewa na Petulo, ''Simoni, kani muku gona? Mwatazira kupenya kwa nthawe ibodzi? ³⁸penyani mupemphere thangwe mungapite mkuyezeriwa Mzimu wangu ulikufuna, koma thupi likulamba.'' ³⁹Kinangokaiye adayenda pomwe nkukapemphera, adaphatisa mafala mabodzibodzi.⁴⁰Pomwe iye adabwera, adawa gugumana atagona, thagwe maso yawo yakhada lemera. Adatazira kudziwa chaku wauza iwo. ⁴¹Iye adabwerera pomwe kachitatu adailewa na iwo, ''Mukugona basi kupuma? Bzakwana! Tnthawe yafika. Nyang'anani! Mwana wa Munthu akuperekiwa m'manja mwa anyaphonya. ⁴²Mukani; tiyendeni. Nyang'anani, m'bodzi wakundipereka ine wafendera.''⁴³Alimkati mwa kusewera ,Yudasi, m'bodzi wa khumi na awiri wale, adafika, na kwimbi la wanthu litanyamula mapsimo na mabonga, kuchokera kwa akulu akulu wa ansembe, na anembi, na wachikulire. ⁴⁴Tsopano nyakumuperka ule adwapasa chizindikilo, kuti, ''Iye nimkamu psopsonayo ngumweyo letu. Kududuluza nkumtengedzana na akulu waboma mphepete mwache.'' ⁴⁵Pomwe Yudasi adafika, kamkulumize iye adafika kuna yesu achilwa, ''Rabbi,'' achimu psopsona iye. ⁴⁶Tsono adamubzatiika manja achimutenga.⁴⁷Koma m'bodzi wa iwo omwe akhadaima pamphepete adasolola chipsimo achimenya nacho nyabasa m'bodzi wa mkulu wa ansembe achigwata khutu lache. ⁴⁸Yesu adalewa kwa iwo, ''Mukuchita kubwera terepayu ninga mukudzaphata mbava, namadipa, namabonga, kudzamanga ine? ⁴⁹Pomwe ndikhanamwe ndichimba pfunzisa tchalitchi, mukhandimanga lini.'' ⁵⁰Wense omwe akhana Yesu adamwazikana kumuthawa.⁵¹Wachinyamata winango, omwe akhadabvala chiguwo chokha mkukhuphira mthupi mwache, adamutewera yesu. Pomwe amuna adam'phata, ⁵²iye adakhundula bzakubvala nkuthamanga pezipezi.⁵³Adayenda naye Yesu kwa akulu wa nsembe. Kumweko akhada gwezekana akulu wa nsembe, akuluakulu, na anembi. ⁵⁴Tsono petulo akhatewera patali, pakhali ngati kumuyi kwa wa mkulu wa nsembe. Iye adakhala pagulu pa wakulondera iye omwe akhaotha moto.⁵⁵Tsono akulu wa nsembe na thimu lense la Yuda adayang'ana umboni bwa mulandu wa Yesu kuti amuphe. Koma alibe kuuona mulandu chaiwo. ⁵⁶Pakuti azinji adbweresa umboni bwakunama kwa iye, tsono umboni bomwebo bulibe kuphata basa.⁵⁷Winango adayima achipereka umboni bwa kunama kwa iye; achilewa, ⁵⁸''Tidamubva iye akulewa, 'Ninga gumule tchalitchi yakumangiwa na manja, pansiku zitatu ndimanga pomwe inango se kumanga namanja.'' ⁵⁹Tsono umboni bumwebu bulibe kuphata .⁶⁰Mkuluwa nsemba adayima pagulu pale achimbvunza Yesu, ''Unitawila lini? Wanthuwa akuchita umboni pa mulandu wanyi paiwe?'' ⁶¹Tsono iye adakhala zii neye kutawila. Mkulu wa nsembe adambza pomwe yesu kuti, ''Ndiwe Mkhilisitu, Mwana Wakudalisika Ule?'' ⁶²Yesu adalewa ,''Ine ndine; ndipo mudzaona Mwana wa Munthu adakhala boko maladidi la mphamvu ndi[po akubwera na mitambo ya kudzaulu.''⁶³Tsono mkulu wa nsembe adang'amba chaku bvala chache mkulewa, ''Tikufunilanyi umboni bwinango? ⁶⁴Mwabva mwano wache. mukukumbuka tani?''Ndipo wense adamugaza iye kuti akuthemera kufa. ⁶⁵Tsono winango adayamba kumupsipira mata akumbamupsinka m'maso nkhumba muuza, ''Vimira!''Ndipo alumbwana adamutenga achi m'menyaiye.⁶⁶Tsono Petulo akhali panyansi pa bwalo, m'bodzi wa anyabasa wa mfumu dende adabwera pana iye. ⁶⁷Adamuona Petulo akubziwamiza tsono iye adumu yang'anisisa achilewa, ''Uyu akhanaye Yesu ku Nazaleti. ⁶⁸''Soma iye adalamba ibzi, achilewa,Ndimudziwa lini neye ndikukubvesesa lini bzomwe ukusewera .''Kinangoko adabula nkhuyenda pamsuwo. Pomwepo chonwe adalira.⁶⁹Koma nyabasa nkazi ul;e adamuona pomwe apo adalewa kwamunthu akhadaima naye, ''Uyu ni m'bodzi wa iwowa!'' ⁷⁰Koma iye adalamba pomwe. Patayenda nthawe pang'ono wanthu wale adalewa kwa Petulo, ''Mchadidi m'bodzi wa iwo, poti ndiwembo waku Galileya.''⁷¹Koma adagundika kubzitemberera yekha nakulumbila , ''Nini mudziwa lini munthuyu mukulewayo.'' ⁷²Pomwepo chongwe adalira kachiwi .Pomwepo Petulo adakumbuka mafala yomwe Yesu adamuuza; ''Chongwe akanati kulira kawiri udzanilamba ine katatu,'' ndipo adtsulima nkhuyamba kulira.

15¹Nthawe yaku machibese, akulu wa nsembe , pabodzi na akuluakulu na anyakunemba na anyakulamula milandu wense apangana pfundo. Adam'phata Yesu achiyenda naye. Kampeleka kwa Pirato. ²Pirato adabvunza iye, ''Iwepo ndiwe pfumu ya yuda?'' Iye adamtawira, ''Mwaterepoyo ndimwepo.'' ³Akulu wa nsembe adamulewera iye bzinthu bzizinji.⁴Pirato adamubvunza pomwe, ''Umnditawira lini? Ona bzizinji bzomwe akukulewela iwebzi!'' ⁵Tsono Yesu alibe kumutawira Pirato, pamwepo adadabwisika na iye.⁶Tsono nthawe yachikondwerero, Pirato adawatsudzulira wakayidi, wakayidi omwe iwo akhamfuna. ⁷Pakhana baba winango dzina lache Balaba mu kayidi pabodzi na wakupanduka omwe adapha wanthu panthawe ya chipolowe. ⁸Ndipo chithimu chawanthu chidabwera kwa Pirato kuti awachitire bzomwe ambawachitira nthawe zense.⁹Pirato adawatawira achiti, ''Mukufuna ndikutsudzulireni mpfumu ya Yuda?'' ¹⁰Pakuti iye adadziwa kuti akulu wa nsembe adamupereka Yesu mwadima kwa iye. ¹¹Tsono akulu wa nsembe adatsudzulira kwa wanthu kuti atsudzule Balala mmalo mwa Yesu.¹²Pirato adawatawira pomwe achiti, ''ndichite naye chiyani mpfumu ya Yudayi?'' ¹³Adakuwa pomwe, ''Mmanikeni iye.¹⁴Pirato adawabvunza iwo, ''Waphonya chani iye?'' Tsono adakuwa kwenekwene, ''Mmanikeni,'' ¹⁵Pirato adafuna kukomedwesa thimulo, tsono adatsudzulira Balaba iwo. Iye adatenga Yesu achimpereka kwa iwo kuti aka mmanike.¹⁶Tsono asilikali adamutengera ku mbuto ya chiyeruzo(komwe kuli ku likulu la boma), adachemerezana wense pabodzi asilikali wa boma. ¹⁷Adabzazika chaku bzala chifwira Yesu, achisona chipewu chaminga achibzazika iye. ¹⁸Achiyamba kusenzeka naye achiti, ''Tikuoneni, mpfumu ya Yuda!''¹⁹Adammenya mu msolo na mphsimbo achipsipira mata iye. Adayenda kamugodamira iye. ²⁰Pomwe adamala kumuchita makiriyado iye, adamukhundula iye chakubvala chifwira achimubvazika chakubvala chache iye, achiyenda naye kammanika iye. ²¹Baba winango, Simoni waku keleni, akhabwela kuchokera kudziko la kwawo(akhali babache wa Alekizanda na Lufasi), adangingimiziwa kunyamula mtanda.²²Asilikali adayenda naye Yesu kumbuto ya kuchemeriwa Gologota(kumasulira kwache ''Ndiye kuti mbuto yachibade''). ²³Adampasa vinyu wakusakaniza na ndilu, koma iye alibe kumwa. ²⁴Adammanika iye ndipo achigawana bzakubzala bzache adagawana bzakubzala bzache pakuchita njunga kuti awone asilikali amtenga chani.²⁵Ikhali nthawi yachitatu pomwe iwo adamumanika iye. ²⁶Pachithabwa adayika chidziwiso chakunembedwa bza mulandu wache , ''Mpfumu ya Yuda.'' ²⁷Pambali pache adamanika mbava ziwiri, ibodzi kuboko la didi inangoyi boko la dzele. ²⁸Tsono bzakunemba bzinango bzimbafotokoza kuti, ''Iye adayikidwa mgulu la wanthu wakuyipa.²⁹Iwo omwe akhapita pafupi na iye, adagunduza misolo yawo achiti, ''Aaa! Iwe omwe ukhalewa kuti unzagwesa tchalitchi m'kudzayimanga nsiku zitatu, ³⁰bzipulumuse wekha buluka kuchoka pamtandapo!''³¹Chibodzi bodzi pomwe akulu wa nsembe adamunyoza iye, pabodzi na afalisi wa nsembe, ndipo achiti, ''Iye adapulumusa anzache, koma angabzi pulumuse lini yekha. ³²Mulekeni kristu , mpfumu ya Isalayeli, abuluke pansi pano kuchoka pa mtanda, kuti tiwone na kukhulukilira.'' Iwo omwe adamanikiwa pabodzi na iye adamu sasatira.³³Panthawi ya chitanthatu, mndima udagwa pa dziko lense lapansi kufikira lachipfemba. ³⁴Panthawi yachi pfemba Yesu adalira namafala makulu, ''Eloi,Eloi, lamasabakata?'' Bzomwe bzikhalewa kuti, ''Mulungu wangu, mulungu wangu, thangwe lanyi mwandisiya ndekha?'' ³⁵Iwo omwe akhali pafipi adabza kukuwa kwache achiti, ''Onani, iye akuchemera Yeliya.''³⁶Winango adathamanga, ikani chibvenje adachiyika icho ku psimbo, adampasa iye kuti amwe. Payi achiti, ''Dikirani tiwone ngati Yeliyayo abwera kudzam'bulusa pansi.'' ³⁷Ndipo Yesu adalira namafala makulu mkufa. ³⁸Chiguwo chatchalitchi chidang'ambika kuchokera pa dzawulu kukafika pansi.³⁹Pomwe Kenturio adabva achiwona Yesu adawona wafa terepoyo, iye achiti, ''Mchadidi munthuyi ni mwana wa mulungu.'' ⁴⁰Pakhana azimayi omwe akhanyang'ana ali patali. mwa omwewo pakhana Maliya wa Magadalena, Maliya(mamache wa Yakobo omwe ni ng'ono wa Yose), payi akuchemeriwa Yose pano ndiye akuchemeriwa Yosefe pa Maliko 6:3.Tsono dzina la Yosefe likuyimira ninga momwe akhali chemerera mchi Hebiri, tsono dzina la Yose limbayimira ninga momwe akhali chemerera muchi Giriki na Salome. ⁴¹Pomwe iye akhali ku Galileya adamutewera iye. Azimayi azinji naye iye ku Yerusalemu⁴²Pomwe usiku mudafika, thangwe ikhali nsiku yakukonzekera, iyi ikhali, nsiku ya chichanu, ⁴³Yosefe waku Arumatiya adafika pamwepo. Iye akhali munthu nkulu wakugopiwa omwe akhadikira ufumu bwa Mulungu. Iye mwa unthu bwache adayenda kuna Pirato achikabvunza thupi la Yesu. ⁴⁴Pirato adadabwisiwa kuti Yesu akhadafa kale; iye adachemera Kenturiyo kuti akabvunze iye penu Yesu adafa.⁴⁵Pomwe pirato adadziwa kuchokera kwa Kenturiyo kuti Yesu adafa, adamupasa thupi yosefe. ⁴⁶Yosefe adagula nguwo yakununtchira. Iye adamubulusa kumuchosa pa mtanda , achimukulungiza iye na nguwo yakununtchira, tsono adamugonesa iye mthenje la mphako yakusemiwa . Iye adagwinyira mwala kufunga pansuwo. ⁴⁷Maliya Magadalena na Maliya mayi wache wa Yose adawona mbuto iyo Yesu adayikiwa.

16¹Pomwe idapita nsiku ya sabudu, Maliya Magadala, Mariya mayi wache wa Yakobe na Salome adagula bzakununkhira nkyenda nabzo kukamu dzoza thupi la Yesu. ²Machibese nsiku yakuyamba ya sumana, adayenda kuthenje dzuwa likuchoka kumene.³Iwo akhasewezana wingo namwanzache, ''Mbani amkati gwinyira mwala ule pa msuwo wa thenje?'' ⁴Pomwe adadza kwiza maso, adawona kuti mwala ule ngwakugwinya kale, poti ukhali ukulu kwenekwene.⁵Pomwe adapita mthenje mwana mng'ono adabvala mkanjo uchena , adakhala pambali kuboko ladidi, ndipo iwo adadabwa naye. ⁶Iye adalewa kunaiwo, '' Nampodi kudabwa. Mukufuna Yesu, waku Nazaleti, amene adapanikiwa. Iye wamuka! Iye kulibe kokuno .Nyang'anani mbuto yomwe mukhadamuika iye. ⁷Tsono ndokoni, kawauzeni anyakupfunzira wache na Petulo, ''Iye amkutsogolerani imwe ku Galilereya. Kumweko mumkamuona iye, ninga momwe adakuuzini imwe.''⁸Iwo adachoka akuthanga mthenjemo ; iwo akhatemera nakudabwa. Iwo alibe kulewa chinthu chili chense thangwe iwo akhana mantha.⁹Machibese ya nsiku yakuyamba yasumana, iye atamuka kale, adawoneka kakuyamba kwa Mariya magadala, omwe iye adamu chosera bziwanda bzinomwe. ¹⁰Iye adayenda kukauuza wale omwe akhanawo , wale omwe akhalira mwansisi. ¹¹Pomwe iwo adabva kuti iye anamoyo nakuti iye amuona, alibe kumukhulupira.¹²Bzitamala bzobzi adawoneka pomwe moda winango kwa awiri wa iwo omwe akhafamba mdzikomo. ¹³Iwo adabwerera achikawauza anzache, tsono iwo alibe kuwa khulupirira.¹⁴Pambuyo pache Yesu adaonekera pomwe khumi na m'bodzi pomwe iwo akhadya pa meza, iye adawatsimula thangwe lakusaya chikhulupiriro, nakulambisisa kwao kukhulupirira iwo pomwe adamuona pakumuka iye. ¹⁵Iye adawauza, ''Ndokoni kudziko mukalalikire mafala ya Mulungu kwa wense. ¹⁶Iye omwe adzakhulupirira nakubatiziwa omwewo adzapulumuka, na wale omwe amkakhulupirira lini adzabonera.¹⁷Bzizindikilo ibzi bzidza watewera iwo wakukhulupirira; Mudzina langu adzachosa bziwanda. Iwo adzasewera malilime. ¹⁸Iwo adzaphata nyoka na manja, adzamwa bzinhtu bzakupha, koma adzafa lini nabzo. Adzasanjika boko nyakudwala, ndipo adzachila''¹⁹Pomwe Mbuya Yesu adamaliza kusewera nawo, adatengiwa kuyenda kudzaulu achikakhala ku boko lamadidi la Mulungu. ²⁰Anyakupfunzira wache adayenda achilalikila palipense, pomwe Mbuya akhaphata nawo pabodzi basa akhatsimikizira mafala na bzizindikiro bzomwe iwo akhachita.

Luka

1¹Azinji akuphata basa la kugwezeka bzinthu bzomwe bzakwanisiwa na manemba pakati pathu, ²ninga ndimo bzidafikirambo kuna ife kuchoka kuna omwe kuyambira pakutoma akhali mboni za chadidi zakuona na maso yawo na akapolo wa mafala. ³Naterepoyo bzidaoneka bzabwino kuna ine pomwe, thangwe ndapsaga bwino bwino letu kucoka pa kutoma, kunemba mwa kandondondo bza imwe, Theofilo wa bwino kwerne kweneyo, ⁴pala kuti mudziwe bzinthu bzomwe mukhapfunzisiwa m'buyomu.⁵Mu nsiku za Mfumu ikulu Herodi ya ku Yudeya pakhana wansembe winango wakuchemeriwa Zakaliya wakuchoka mu mgawaniko wa Abija; mkazi wace Elizabeti akhali pomwe wa dzina la Aaron. ⁶Wense awiriwa akhali wakulungama pamaso pa Mulungu, wakumbafamba seye thangwe m'bzitongi bzense na bzicito pamaso pa Mbuya. ⁷Soma akhalibe mwana thangwe Elizabeti akhali ngomwa, apo wensewa akhadakalamba.⁸Tsapano bzidachitika kuti Zakaliya akhali pamaso pa Mulungu nsiku inango, ali mkati mwa kuphata basa lace la unsembe pa kuteweza mitemo ya mabasa yace. ⁹Malingana na chitewrezo cha mtemo wace wakasankhulidwe ka kuti ni wa nsembenyi wakuti apite m'basa, iye adasankhuliwa na Loti kupita mkachisi wa Mulungu kukathira nsembe. ¹⁰Thimu lense la wanthu likhanamata panja pa nthaqwe yomwe nsembe ire ikhathiriwa.¹¹Tsapano mjero wa Mulungu adaonekewra kuna iye achiima ku boko la madidi la guwa la nsembe lire. ¹²Pomwe Zakaliya adaona iye, adabonera mumtima , apo adagwedwa na mantha. ¹³Soma mjero ule adati kuna iye, ''Nampodi kubva msantha, Zakaliya, thangwe pemphero lako labveka. Mkazi wako Elizabeti amdzakubalira mwana. Umdzamuchemera dzina lache Yohani.¹⁴Umdzakhala uchisekera na kudekedwa, apo azinji pomwe amdzasekera na kubadwa kwache. ¹⁵Thangwe amdzakhala mkulu pa maso pa Mulungu. Nampodi adzamwe vinyo ayai bzakuledzeresa, apo amdzadzaliwa na Mzimu Wakuchena kuchokera mu chiberekero cha mai wace.¹⁶Azinji wa dzina la Isaraeri amdzatembenuziwa kukhala kwa Mbuya Mulungu wao. ¹⁷Amdzafamba pa maso pa Mbuya mu mzimu na mphamvu ya Eriya, kukatembenuza mitima ya abereki wa wana wa kusaya kubvera nzeru za wakulungama___kukonzekera pala kuti Mbuya wa wanthu akonzesere bza iye.''¹⁸Zakaliya adati kuna mjero, ''Bzimebzi nimdzabzidziwa tani? Thangwe ndine nkhalamba na mkazangu pomwre nsiku zace zayenda.'' ¹⁹Mjero ule adamutawira kuti, ''Ndine Gabirieri omwer ndaima kutumiwa na Mulungu. Ndidatumiwa kuti ndilewelewe nawe, kukubweresera nkhani ya bwinoyi. ²⁰Ona! umdzakhala chete kutazira kusewera ate bzobzi bzidzachitike. Thangwera kuti ulibe kukhulupirira mafala yanguya, yomwe yamdzakwanisiwa pa nthawe yache.''²¹Tsapano wanthu panja pale akhadikira basi Zakaliya ule. Adadabwa kuona kuti Zakaliya adakhala nthawe maninge seye nkubula. ²²Soma pomwe iye adabula panja akhakwanisa lini kusewera kuna iwo. Wanthu wale adadziwa kuti iye adaona masomphenya panthawe yomwe akhali zii zii mkati mule. Adapitiriza kumbalewalewa na manja seye nkubveka mafala na pakamwa. ²³Idafika nsiku yakuti wamaliza nsiku za pfoti lache, apo adayenda kumuyi kwache.²⁴Patapita nsiku zozi, mkazi wace Elizabeti adatenga pathupi apo kwa miyezi mishanu adakhala mwa kubisala. Iye adati, '' ²⁵Ibzi ndibzo Mulungu wachita kuna ine pomwe adandinyang'ana na nsisi kuchosa manyazi yangu kuna wanthu.''²⁷Mu mwezi wa chitanthatu, mjero Gabirieri adatumiziwa na Mulungu kuyenda mu mzinda wa dziko la Galileya wakuchemeriwa Nazareti, ²⁶kuna dende ndili likhadatomeriwa na mamuna dzina lace Yosefe, omwe akhali wa dzinza la Davide, apo dzina la dendero likhali Mariya. ²⁸Adabwera kuna iye achiti, ''Mamukom iwe omwe wakonderiwa kwene nkwene! Mbuya ali nawe.'' ²⁹Soma akhali wa kuzunguzika kwene kwene na mafala yache apo adadabwisika na mamuko yale na moda wace omwe yakhaliri.³⁰Mnjero adalewa kuna iye, ''Nampodi kubva mantha, Mariya, thangwe wagumana na nsisi za Mulungu. ³¹Ona, umdzatenga pathupi mu chiberekero chako uchidzabala mwana wachimuna. Umdzamuchemera dzina lache 'Yesu.' ³²Iye amdzakhala mkulu maninge apo amdzachemeriwa mwana wa wakudzaulu mkulu maningeyo. Mbuya Mulungu amdzamupa Ulemerero bwa m'bereki wa ku dzinza lache la Davide. ³³Amdzatonga wa kunyumba ya Yakobo kwa muyaya, apo ufumu bwace bumdzakhala seye malekezero.''³⁴Mariya adati kuna mnjero, ''Bzobzi bzimdzachitika tani, pakuti ndikanati kudziwa mamuna aliyense?'' ³⁵Mnjero adatawira achiti kuna iye, ''Mzimu Wakuchena umdzabwera pa iwepo, apo mphamvu ya mkulu maninge ule imdzagwera pa iwe. Mwakuti wakulemekezekayo amdzacemeriwa Mwana wa Mulungu.³⁶Ona, m'bale wako Elizabeti watenga pomwe pathupi pa mwana wa mamuna pa msinkhu wakukalamba anawo ule. Uno ni mwerzi wachitanthatu ana pathupipo, iye omwe akhacemeriwa ngomwa. ³⁷Pakuti palibe chomwe chimdzasaya kukwanisika na Mulungu.'' ³⁸Mariya adati, ''Onani, ndine kapolo wa chikazi wa Mbuya. Bzimwebzi bzichitike kuna ine ninga momwe mafala yanu yakulewera.'' Kinangoka mnjero ule adamuchokera.³⁹Ndipo Mariya adanyamuka nsiku zimwezo achiyenda kamfulumize ku dziko la, mapiri mu mzinda wa Yudeya. ⁴⁰Iye adayenda mu nyumba ya Zakariya achikapasa mamuko Elizabeti. ⁴¹Tsapano bzidachitika kuti pomwe Elizabeti adabva kupasiwa mamuko na Mariya, mwana wa mmimba mwa Elizabeti adabveka kumoga mchibaliro mwace, apo Elizabeti adadzaziwa na Mzimu Wakuchena.⁴²Adakwiza mafala yace achisewera mwakukuwa,'' Wakudalisiwa ndiwe pakati pa azimayi apo chakudalisiwa ni chipatso ca mchibaliro chako. ⁴³Bzachitikiranyi kuna ine kuti mai wache wa mbuya kubwera terepayu kuna ine? ⁴⁴Thangwe ona, pomwe muungiro wa makuwo yako wapita mmakutu mwangu, mwana wa mchibaliro changu wamoga na kusekera. ⁴⁵Wakudalisiwa ndiye omwe wakhulupirira kuti pamdzakhala chikwaniriso ca bzinthu bzomwe iye adauziwa na Mbuya.''⁴⁶Mariya adati, ''Mzimu wangu ukutenda Mbuya.'' ⁴⁷apo mzimu wangu wadekedwa mwa Mulungu mpulumusi wangu.⁴⁸Pakuti waona kubonera kwa kapolo wace wa chikazi. Thangwe nyang'anani, kuchokera tsapano ate ku mibwado yensene imdzandichemera wakudalisiwa. ⁴⁹Pakuti iye omwe ngwa kudala wachita bzinthu bzikulu kuna ine apo dzina lace ndakuthembiwa.⁵⁰Nsisi zace mzakusaya kumala kuna mibwado na mibwado kuna iwo omwe ambamugopa. ⁵¹Waonesa padecha mphamvu na boko lache; wabalalisa wense omwe akhasamwa na maganizo ya mitima yao.⁵²Wagwesa pansi wana wa mafumu mmipando yao apo wakwiza mipando omwe akhali wakunyozereka. ⁵³Wakhutisa wanjala na bzinthu bzabwino, soma wakudala achiwaleka nkuyenda chimanja manja.⁵⁴Wapereka chithandizo kuna Isaraeri kapolo wace,pala kuti akumbuke kuonesa chifundo ⁵⁵(ninga ndimo adalewera kuna abereki wathu) kuna Abrahamu nawadzinza wache kwa muyaya.''⁵⁶Mariya adakhala na Elizabeti pafupifupi miyezi mitatu kinangoka adabwerera kumuyi kwace. ⁵⁷Tsapano nthawe idakwana kuti Elizabeti abale mwana apo adabala mwana mamuna. ⁵⁸Wapafupi na nyumba yace na adzinza wace adabva kuti Mbuya waonesa chifundo chikulu kuna iye, apo adasekera naye pabodzi.⁵⁹Tsapano bzidachitika kuti nsiku yachisere adabwera kudzamugwata ku maso mwanayo. Akadakhoza kumusandula kuti ''Zakariya,'' dzina la babache. ⁶⁰Soma mai wache adatawira achiti, ''Nada amchemeriwa Yohani.'' ⁶¹Iwo adati kuna iye, ''Kulibe aliyense kudzinza kwathu wakuchemeriwa dzina ninga loli.''⁶²Iwo adachita bzizindikiro bzakusewera na manja kuna babache bzakubvunza dzina la mwanayo kuti limkhala mbani. ⁶³Babache adakumbira kuti awape chakunembera apo adanemba, "Dzina lache ni Yohani.'' Wensene adadabwisika na bzimwebzi.⁶⁴Kamfulumize mulomo wa Zakariya udafunguka apo lirime lache pomwe lidatsudzuka. Adasewera achitenda Mulungu. ⁶⁵Mantha yadaphata wensene wale akhakhala pafupi na iye. Bzakuchitika bzensenebzi bzidabvekera pense pense mdziko la mapiri lire la Yudeya. ⁶⁶Wense omwe adabva adabzikoya mmitima yao, nkumbasimba kuti ''Ndiye kuti mwana umweyo tsono amdzakhala wa moda wanyi?'' Thangwe boko la Mbuya likhali pa iye.⁶⁷Babache Zakaliya akhadadzaliwa na Mzimu Wakuchena achisewera mwa kubvimira, achiti, ⁶⁸''Wakuthembewa ni Mbuya, Mulungu wa Isaraeri, thangwe wabwera kudzathandiza na kukwanirisa chipulumuso kuna wanthu wache.⁶⁹Walamusa nyanga ya chipulumuso kuna ife mu nyumba ya kapolo wache Davide. ⁷⁰(ninga ndimo adasewerera na pakamwa pa aneneri wace wa kulemekezeka kuchokera kalekalelo), ⁷¹chipulumuso kuchoka kuna awengi wathu na mmanja mwa wensene omwe ambatiwenga.⁷²Amdzachita bzobzi kuonesa nsisi kuna azibabathu na kukumbukira mpangano wakunyanya, ⁷³lumbiriro lomwe adalewa kuna Abrahamu babathu. ⁷⁴Adalumbirira kudzatipa kuti ife, pakukhala wakulombolewa kuchoka mmanja mwa wakutiwenga, timdzamutumikira mwa kusaya mantha ⁷⁵mwakulemekeza na kulungama pa maso pache mu nsiku zathu zensene.⁷⁶Inde, apo imwe, mwana, amdzachemeriwa msewe wa wakulemekezekayo, pakuti mumdzayenda pamaso pa Mbuya kukakonzesera njira zace, kukakonzekeresa wanthu bza kubwera kwache, ⁷⁷kudzapereka nzeru za chipulumuso kuna wanthu wace na chilekerero ca bzakuipa bzao.⁷⁸Ibzi bzimdzachitika thangwera nsisi zipsa za Mulungu wathu, thangwe kuti kubula kwa dzuwa pa dzaulu kumdzabwera kudzatithandiza ife, ⁷⁹kutoyera wale wakukhala mu m'dima na mu m'thunzi wa imfa. Amdzachita ibzi kudzatsogolera nzayo zathu munjira ya mtendere.''⁸⁰Tsapano mwana adakula achikhala wa mphamvu mu mzimu, apo adakhala mu chipululu ate nsiku yomwe adaonekera padecha ku Izaraeri.

2¹Tsapano nsiku zire bzidachitika kuti Caesara Augusto adatonga kuti wanthu wense wakukhala mdziko lapansi awerengiwe. ²Ichi cikhali chiwerengero ca kutoma kuchitika pomwe Quiriniasi akhali mtongi wa Siriya. ³Apo aliyense adayenda kumzinda wa kwao kuti akawerengiwe.⁴Yosefe adayendambo kuchoka ku Galileya, mu mzinda wa Nazareti, kuyenda ku Yudea, mzinda wa Davide, wakucemeriwa Beterehemu, thangwe akhali wa dzinza la banja la Davide. ⁵Adaenda kumweko kukanembesa na Mariya omwe akhadamutomera apo akhana pathupi.⁶Tsapano bzidachitika kuti pomwe akhali kumweko, nthawi idakwana kuti abale mwana. ⁷Adabala mwana mamuna, mwana wakutoma, apo adamukulungira mu nguo zitali zakulenza lenza achimuikha mu kangalawa kakudyera ng'ombe, thangwe mu nyumba zakugona alendo mmasubi yache yensene mukhalibe mbuto.⁸Mmathengo ya mbali imweyo mukhakhala amakabusa kumbadyesera mabira kumbagoneratu koko. ⁹Mjero wa Mbuya adaonekera kuna iwo, apo ulemerero bwa Mbuya budatoya kuwazungulira, apo adaphatiwa na mantha makulu.¹⁰Apo mjero adalewa kuna iwo, ''Nampodi kubva mantha, thangwe ndakubwereserani nkhani yabwino yomwe imdzabweresa kudekedwa kuna wanthu wense. ¹¹Lero mpulumusi wabadwa pala imwe mu mzinda wa Davide! Iye ni Mkhirisitu Mbuya. ¹²Ichi ni chizindikiro chomwe cimdzaperekiwa kuna imwe: Mumkaona kamwana kakulungiwa na nguwo za kulenza lenza kagonesiwa mu kangalawa kakudyera ng'ombe.''¹³Mwachidzidzi padafika thimu lizinji la anjero kuchoka kudzaulu kudzayangazana na mwayaoyu achiimbira Mulungu achiti, ¹⁴''Ulemerero kuna Mulungu wa kudzaulu, apo pa dziko lapansi pakhale mtendere pakati pa wanthu omwe akudekedwa naye.''¹⁵Bzidachitika kuti pomwe anjero wale adawachokera kubwerera kudzaulu,, amakabusa wale adasewera kuna wina na mwayache, ''Mbatiye tsapano ku Beterehemu tikaone bzomwe bwachitikabzo, ndibzo m,buya watidziwisa,'' ¹⁶Adanyamuka kamfulumize achikaonadi Mariya, Yosefe na mwanayo adagonesadi mu chakudyera ng'ombe.¹⁷Atamuona, adafokotoza bzomwe adabva bza mwanayu. ¹⁸Wense omwe adabva akhali wakudabwisika na bzomwe amakabusa wale adalewa. ¹⁹Soma Mariya adapitirirabe kumbalingirira bzense bzomwe akhabva, achimbakumbukira mumtima mwache. ²⁰Amakabusa wale adabwerera ali kumbatenda na kumbaimbira Mulungu thangwera bzense bzomwe adabva na kuona, ndendendedi ninga ndimo akhauziwira.²¹Pomwe kukhali kumaliza kwa nsiku ya chisere, pomwe adagwatiwa ku maso, adasanduliwa dzina kuti Yesu, dzina ndilo adapasiwiratu na mjero iye akanati kubzaliwa mchiberekero cha mai wache.²²Pomwe nsiku za kuchenesiwa zitamala, malingana na chitongero cha Mose, adamubweresa kutchalitchi ku Yerusalemu kudzamuonesa kuna Mbuya. ²³Ninga ndimo bzidanembedwera mchitongi ca Mbuya, ''Mwana aliyense wakutoma wachimuna kufungulira chibaliro amdzapambuliwa pala Mbuya.'' ²⁴Natenepo adathira nsembe ninga ndimo bzidalewedwera mchitongi ca Mbuya, ''nkhangaiwa ziwiri ayai tuwana tuwiri twa njiwa.''²⁵Onani pakhana munthu winango mu Yerusalemu dzina lace Simiyoni, apo munthu uyu akhali wakubvera na wakuchena kwa kunyanya. Iye akhadikira cakunyamalizira Izaraeri, apo Mzimu Wakuchena ukhali pa iye. ²⁶Bzidazimbuliwa kuna iye na Mzimiu Wakuchena kuti amdzafa lini akanati kuona Mkhirisitu wa Mbuya.²⁷Mwakutsogoziwa na Mzimu, Simiyoni adabwera kutchalitchi. Pomwe abereki wale adabweresa ka tcheche kale kakuchemeriwa Yesu, kuti adzakachitire bzomwe mtemo wa citongi ukhalewa, ²⁸adakadzusambo mmanja mwace achitenda Mulungu, achiti, ²⁹''Tsapano lekani kapolo wanu anyamuke mu mtendere, Mbuya kuteweza ndimo mudalewera mafala yanu.³⁰Pakuti maso yangu yaona chipulumuso, ³¹chomwe mudakonza pa maso pa wanthu wense. ³²Kutoya kwa cipulumuso kuna wacikunja na ulemerero kuna wanthu wanu wa ku Izaraeri.''³³Babache na mai wace adadabwisiwa na bzomwe bzidaseweriwa bza kuguma iye. ³⁴Simiyoni adawadalisa achiti kuna mai wace, ''Onani, mwana uyu waperekiwa pala kuti wanthu azinji agwe na kumuka mu Izaraeri na chizindikiro ca kulambiwa__apo dipa limdzapsonda mzimu wanu__ ³⁵mwakuti maganizo ya mmitima mizinji yamdzazimbulika.''³⁶Mneneri wachikazi dzina lace Anna akhali popo. Akhali mwana wa Fanuwero wakuchoka ku dzinza la Asha. ³⁷Iye akhali wakukalamba. Iye akhadakhala magole manomwe na bayache atakula kale chinamwali. Apo adakhala mmasiwa kwa magole makumi masere na manai. Akhalova lini kutchalitchi soma kumbakhalira kusala kudya na kunamata, usikun na masikati. ³⁸Pa nthawe imweyo adabwera pafupi na iwo achiyamba kutenda Mulungu kuna aliyense ndiye akhadikhirira cipulumuso ca Yerusalemu.³⁹Pomwe adamaliza bzense ndibzo akhafunika kucita malingana na chitingi ca Mbuya, adabwerera ku Galileya, kumzinda wao wa Nazareti. ⁴⁰Mwana adakula achikhala na mphamvu, kuthimizirika mu nzeru na cifuniro ca Mulungu chikhali pa iye.⁴¹Abereki wace gole lirirense akhayenda ku Yerusalemu pala mwambo wa pasaka. ⁴²Pomwe akhana magole khumi na mawiri, adayenda naye pomwe ku mwambo ule. ⁴³Atakhala ate nsiku zensene za kumaliza mwamboyo, adayamba kubwerera kumuyi: Soma mwana ule Yesu adatsalira mmambuyo mu Yerusalemu abereki wache wale seye nkudziwa bzobzo. ⁴⁴Akhatondo kuganiza kuti akhali mchithimu comwe chikhjafamba nawo, mwakuti adafamba ulendo bwa nsiku yamtero. Kinangoka adayamba kumupsagapsaga mwa abale na ashamwali wao.⁴⁵Pomwe adamusaya, adabwerera pomwe ku Yerusalemu achikayamba kumupsaga ppomwe kumweko. ⁴⁶Bzidachitika kuti patapita nsiku zitatu adamugumana mu tchalitchi, atambinga pampirikiti pa apfunzisi, kumbawatetekera na kumbawabvunza mabvunzo. ⁴⁷Wense omwe akhamubva adadabwisika thangwera kubvesesa kwace na matawiridwe yace.⁴⁸Pomwe adamuona iye, adadabwa. Mai wace adati kuna iye, '' Mwanawe, msabwanyi kucita tenepayu? Ona, babakowa na ine takupsaga kwene kwene.'' ⁴⁹Iye adati kuna iwo, '' Msabwanyi mukhandipsaga? Mulibe kudziwa kuti ndikufunusisa kuphata basa la Baba wakudzaulu? ⁵⁰Soma alibe kubvesesa ndibzo mafala yace yakhalewa.⁵¹Kinangoka adabwerera nawo ku Nazareti apo akhawabvera bwino. Mai wace adakumbukira bzinthu bzense mumtima mwao. ⁵²Soma Yesu adapitirira kukula mu nzeru na msinkhu, apo adapitirira pomwe kutumikira Mulungu na wanthu.

3¹Mugole la khumi na chishanu la utongi bwa mfumu Tiberiyo Caesara ___ pomwe Pontiyo Pilato akhali kazembe wa Yudea, Herodi akhali wachinai mu Galileya, m'bale wace Firipi akhali chiwanga cha mbali ya Itureya apo Traconitisi na Lysania akhalimbo chiwanga ca Abirene, ²pomwe ukulu bwa unsembe bukhali mwa Annasi na Caiaphasi___mafala ya Mulungu yadafikira Yohani mwana wa Zakariya mchipululu.³Adazunga mu mbuto zense za kuzungulira mu Yorodano kukalalikira ubatizo bwa kutoma kulapa kuti bzakuipa bzilekereriwe.⁴Ninga ndimo bzidanembidwira m'bukhu la mafala ya Yesaya mneneri, '' Mkuwe wa m'bodzi kuchemera mchipululu, ' Konzesrrani njira ya Mbuya, thamulani njira zace.⁵Khwawa lirirense limdzanyalaziwa, apo phiri lirirense limdzanyalaziwa, apo miseu yakugonyoka ichidzathamuliwa, ⁶apo minomfu yensene imdzaona chipulumuso cha Mulungu.''⁷Tsapano Yohani adasewera kuna thimu lawanthu lomwe likhadabwera pompale kuti iye alibatize, ''Imwe wana wa nyoka! Mbani adakuchenjezani kuthawa chilango chikulu chomwe chinkubwera?⁸Mthangwe lace, balani bzipatso bzomwe bzingakwanise kudzalapa, apo nampodi kutomeratu kubzithemba mwekha, 'Tina Abrahamu penu babathu, 'thangwe ninkuuzani kuti Mulungu angakwanise kusandusa minyalai ichikhala wana wa Abrahamu.⁹Neye tsapsano mbadzo ayibzatika pa muzu wa miti. Ndiye muti uliwense ndiwo umbabala lini chakubala chabwino unilibuliwa achiuthusa pamoto.''¹⁰Kinangoka mathimu ya wanthu yadapitiriza na kumbamubvunza basi, kuti, ''Tsapano tichite tani?'' ¹¹Adawatawira aciti kuna iwo, '' Omwe ana mikanjo miwiri, ubodziyo ape omwe alibiretu, apo ndiye ana chakudya achitembo tenepo.''¹²Wakukhomesa mitsonkho adabwerambo kudzabatiziwa, apo adati kuna iye, ''Mpfunzisi, ifembo tichite chani?'' ¹³Iye adati kuna iwo, ''Nampodi kumbakhomesa kobiri ndizo zimposa zomwe mwauziwa na boma.¹⁴Achikunda wankhondo adamubzunzambo, kuti, '' Tsapanombo ife? Tichite chani?'' Iye adati kuna iwo, ''Nampodi kumbapsokonyola wanthu bzinthu thangwera mphamvu, apo pomwe nambodi kumbanamizira bzautowa wanthu milandu. Mumbakwanisiwe na kupagaliwi kwanu.''¹⁵Tsapano nakuti wanthu akhali dyoko dyoko kudikhira kubwera kwa Mkhirisitu, wensene akhadabwa zjai mmitima mwao bza Yohani, kuti pinango pense Mkhirisituyo akhali iye letu. ¹⁶Yohani adawatawira wensenewo, ''Ninga mwa ine, nimkubatizani na madzi, soma winango alinkubwera ndiye ana mphamvu za kuposa ine, kuti neye ine ndikuthemera lini neye kutsudzula milau ya shango zace zokha. Iye amdzakubatizani na Mzimu Wakuchena na moto.¹⁷Galufu lache lakukokonolera, liri mmanja mwache kukokonola bzitsotso bzensene bza pansi na kugwezekera tirigu mnyumba mwakukoyera. Soma amdzatentha bzingalale bzakusaya njere pa moto omwe ungadzathimisiwe lini.¹⁸Na malangizo mazinji ya mphamvu, Yohani akhazimbula uthenga bwa bwino kuna wanthu. ¹⁹Pomwe Mfumu Herodi adatsimuliwa thangera kuloola mkazi wa m'bale wace Herodia, na bzakuipa bzense ndibzo Herodi akhadabzichita, ²⁰adathimizira mathangweya kubwezera kuna iwo wense, mwakuti adatsekera Yohani mkaoko.²¹Tsapano bzidachitika kuti pomwe wanthu wensene adamala kiubatiziwa, Yesu adabatiziwambo, apo ndipo akhapemphera, kudzaulu kudafunguka ²²apo mzimu wakuchena udabuluka ninga nkhangaiwa kudzamumbutha, apo mafala yadabvera kucoka kudzaulu, ''Ndiwe mwanangu wapamtima. Nimbadekedwa nawe.''²³Pomwe Yesu adayamba utumiki bwace akhana magole kuthamangira makumi matatu. Akhali mwana mamuna (ninga ndimo bzidalewedwera) wa Yosefe, mwana wa Heli, ²⁴mwana wa Matati, mwana wa Levi, mwana wa Meliki, mwana wa Yanai, mwana wa Yosefe.²⁵Yosefe akhali mwana wa Matatio, mwana wa Amosi, mwana wa Nahumu, mwana wa Esli, mwana wa Naggai, ²⁶mwana wa Maati, mwana wa Matatio, mwana wa Semeini, mwana wa Yosechi, mwana wa Yoda.²⁷Yoda akhali mwana wa Yoanani, mwana wa Resa, mwana wa Zerubaberi, mwana wa Salatieti, mwana wa Neri, ²⁸mwana wa Melki, mwana wa Adi, mwana wa Kosamu, mwana wa Elmadama, mwana wa Ere, ²⁹mwana wa Yoswa, mwana wa Eliezere, mwana wa Yorimu, mwana wa Matati, mwana wa Levi.³⁰Levi akhali mwana wa Simioni, mwama wa Yuda, mwana wa Yosefe, mwana wa Yonama, mwana wa Eliakimu, ³¹mwana wa Meleya, mwana wa Mena, mwana wa Matata, mwana wa Netanu, mwana wa Davide, ³²mwana wa Jese, mwana wa Obode, mwana wa Boazi, mwana wa Salimoni, mwana wa Naasoni.³³Naasoni akhali mwana wa Abinadabu, mwana wa Adimini, mwana wa Arni, mwana wa Hezironi, mwana wa Perezi, mwana wa Yuda, ³⁴mwana wa Yakobo, mwana wa Isaki, mwana wa Abrahamu, mwana wa Tera, mwana wa Nahor, ³⁵mwana wa Serugi, mwana wa Reu, mwana wa Perege, mwana wa Ebere, mwana wa Shera.³⁶Shela akhali mwana wa Kainane, mwana wa Arfaksadi, mwana wa Semu, mwana wa Nowa, ³⁷mwana wa Metusela, mwana wa Enoki, mwana wa Yaredi, mwana wa Malaleeli, mwana wa Kainane, ³⁸mwana wa Enosi, mwana wa Seti, mwana wa Adamu, mwana wa Mulungu.

4¹Kinangaoka Yesu, pakukhala wakudzaziwa na Mzimu Wakuchena, adabwera kuchoka ku Mkulo wa Yorodano atasogoziwa na mzimu wakucena kuyenda mchipululu, ²kumene kwa masiku makumi manai akhaezeriwa na satana. Alibe kudya chinthu nsiku zensenezo, apo pakumala nthaweyo akhabva njala.³Satana adati kuna iye, ''Penu ndiwedi mwana wa Mulungu, tonga kuti mwalayu usanduke mkate.'' ⁴Yesu adamutawira, '' Kudanembiwa, munthu amdzakhalira lini kumbadya mikate yokha.''⁵Kinangoka satana adam,utenga Yesu nkuyenda naye pa katolotolo pa phiri kukamuonesa maufumu yensene ya dziko lapansi mu kanthawe kakucepa. ⁶Satana adati kuna iye, ''Nimdzakupa mphamvu na ulemerero bwense, thangwe bzidapasiwa kuna ine, apo ndikhozambo kupasa aliyense nimfunayo. ⁷Apo tsapano, ukandigodamira na kundinamatira, bzimdzakhala bzako.⁸Soma Yesu adatawira achiti k,una iye, ''Kudanembiwa, 'Udzanamatire Mbuya Mulungu wako, na kudzatumikira yekhayo basi.'''⁹Kinangoka satana adatsogolera Yesu ku Yerusalemu achikamukwiza pa katolotol;o pa nyumba ya Mapemphero, achiti kuna iye, ''Penu ndiwedi ,mwana wa Mulungu, bzithuse pansi kuchokera pano. ¹⁰Thangwe kudanembiwa, 'amdzatumiza anjero wace kuna iwe kudzakukhotcherera,' apo, ' ¹¹'ati amdzakudzusa mmanja mwao, pala kuti nzayo zako nampodi zidzakakwecheke pa minyala.'''¹²Pakumutawira iye, Yesu adati, ''Kudanembiwa, 'Nampodi kuikha mbuya Mulungu wako pa mayezero.''' ¹³Pomwe satana dadamaliza kumuyezera Yesu, adachoka popo nkuyenda ate nthawe zinango.¹⁴Kinangoka Yesu adabwerera ku Galileya mu mphamvu ya Mzimu, apo nkhani yace idabvekera mbali yenseneyo kuzungulira koko. ¹⁵Kinangoka adayamba kupfunzisa mmatchalitci achinamatiwa na wensene.¹⁶Adabwera ku Nazareti, komwe adakulira, apo, ninga bzikhaliri pa mtemo wace, adapita msunagoge nsiku ya sabudu achiima, nkulewalewa mwa kukuwa. ¹⁷Chitsamba chikulu ca mneneri Yesaya chidaperekiwa kuna iye. Adachifuthula achigumana pomwe pakhadanemba,¹⁸''Mzimu wa Mbuya uli pa ine, thangwe adandidzoza pala kuti ndilewelewe mafala yabwino kuna anyakusaya. Wandituma kudzalengeza mtendere kuna akaidi na kubwezeresa kuona kuna azimola, na kudzatsudzula wale ndiwo ali nkutsautsika, ¹⁹kudzalengeza bza gole la chifundo cha Mbuya.''²⁰Kinangoka adafunya chitsamba chire, achichipereka kuna omwe adamupa wale, achikhala pansi. Maso ya wensene mu sunagoge mule yadamunyang'anisisa. ²¹Iye adayamba kulewalewa kuna iwo, ''Lero mafala ya Mulunguya yakwanisiwa na kubva kwanu ndiko mwachitaku.'' ²²Aliyense popo adasewera bzabwino bza iye apo adadabwa na mafala ya chifundo yomwe yakhachoka pakamwa pache, apo adabvunza, ''kodi umweyu ni mwana lini wa Yosefe uyu?''²³Adati kuna iwo, ''Mchadidi mumdzalewa mwambiyu kuna ine, 'Nyabeziwe, bzilimbise wekha. Bzense ndibzo tidabva mudachita mu Caperenao, bzichitenimbo mu mzinda uno wa kwanu.''' ²⁴Soma iye

adati, '' Mchaidi ndikulewa kuna imwe, palibe mneneri amdzatambiriwa mu mzinda wa kwao.

²⁵Soma mu chadidi ndikukuuzani kuti mukhana anyamfedwa azinji wa chikazi mu mzinda wa Izaraeri mu nthawe ya Eliya, pomwe kudzaulu kukhadatsekiwa ate magole matatu na miyezi mitanthatu seye nkugwa mvula kuchigwa kambzombzo mkulu kunyanya ku dziko lensene lire. ²⁶Soma Eliya alibe kutumiwa kuna winango soma ku Zarefati ku Sidoni kokha basi, kuna nyamfedwa wachikazi wakukhala kumweko. ²⁷Mukhana anyamapere azinji mu Izaraeri mu nthawe ya Elisa mneneri, soma palibe omwe adachirisiwa soma Naamani yekha wa ku Siriya.''²⁸Wanthu wense mu sunagoge mule adaphatiwa na ukali pomwe adabva bzinthu bzobzi. ²⁹Iwo adalamuka, achimuthotha mu mzinda mule, achimtengera pa katolotolo pa phiri pomwe pakhana mzinda wao, pala kuti akamponyere kuchiphompho kucokera pa katolotolo pale. ³⁰Soma adawapita pachithimupo achiyenda ku mbuto inango.³¹Kinangoka adabuluka achiyenda ku Caperenao, mzinda wa mu Galileya, achikayamba kuwapfunzisa wanthu nsiku ya Sabubu. ³²Adadabwisika na kapfunzisidwe kache, thangwe akhambasewera na mphamvu.³³Tsapano mu sunagoge mule mukhana munthu omwe akhana mzimu wakuipa wa chiwanda, apo adalira mwa kukuwa achiti, ³⁴''Ah! timchita nawe chiani iwe, Yesu wa ku Nazareti! Kodi wabwera kudzatidzonga? Ndikudziwa kuti ndiwe mbani___Wakulemekezeka wa Mulungu!''³⁶Yesu adatsimula chiwandaco, achiti, Nampodi kusewera! Bula mwa umweyu!'' mmene chiwandaco cidamumenyesera pansi pakati pa iwo, chidabula muna iye, apo seye kumudzonga munjira iriyense. ³⁵Wanthu wensene akhali wakudabwisika zedi apo achiyamba kusewera wina na mwayache kumbaguma bzobzi. Adati, ''Ni mafala moda wanyi yoya? Akutonga mizimu yakunyansa na mphamvu ichibuladi.'' ³⁷Apo nkhani yoyi idayamba kumbabvekera pense pense kuzungulira mphimpha zimwezo.³⁸Kinangoks Yesu adabula msunagoge mule achikapita mnyumba mwa Simoni. Tsapano amabzala wace wa chikazi wa Simoni akhadwala manungo makulu, apo adamukumbira kukadziwisa Yesu mmalo mwa iwo. ³⁹Tsapano adabwera achiima pambali nkutsimula manungo yale, apo yadabula. Kamfulumize adalamuka achiyamba kuwatumikira iwo.⁴⁰Pomwe dzuwa likhamira, wanthu adabweresa kuna Yesu aliyense ndiye akhatsautsika na matenda yaku siyanasiyana. Iye adabzatika boko pa aliyense achiwalimbisa. ⁴¹Bziwanda bzidachoka pomwe mwa wanthu azinjisa popp, kumbalira kuti, '' Ndiwe Mwana wa Mulungu!'' Yesu adabzitsimula bziwandabzo apo alibe kubzibvuma kusewera thangwe bzikhadziwa kale kuti iye akhali mkhirisitu.⁴²Mangwana yace kutachena, iye adayenda pa mbuto ya mderekho. Mathimu ya wanthu yakhamupsaga pa mbuto pomwe iye akhali. Akhadayezeza kuti iye nampodi achoke pakhana iwopo. ⁴³Soma iye adati kuna iwo, ''Nimfuna ndikalalikire pomwe mafala ya Mulungu ku mizinda inango, thangwe nibzomwe ndidatumiziriwa kuno. ⁴⁴Kinangoka adapitiriza kukalalikira mma sunagoge kuzungulira Yudea.

5¹Tsapano bzidachitika pomwe thimu la wanthu likhadamuzungulira Yesu kumbatetekera mafala ya Mulungu, pomwe iye akhadaima mu gombe la nyanza ya Genezareti. ²Adaona mi mwadiya miwiri ikhanuka kunja kuchoka m'bali mwa ,nyanza ire. Akhombwe akhadabula mwemo apo akhatsuka ma khoka yao. ³Yesu adapakira mu mwadiya m'bodzi, wa Simoni, achimukumbira kuti amugwinyire pakatali pang'ono kuchoka mu gombemo.Kinangoka adakhala pansi mu mwadiyamo achipfunzisa wanthu wa kunja kwa mwadiyayo.⁴Pomwe adamaliza kusewera, adati kuna Simoni, ''Tenga mwadiya wako uyende nawo kwakuzika kule ukathuse khoka lako uphe nsomba..'' ⁵Simoni adatawira achiti, ''Mbuya, taphuphudza kuphata basa seye kupha chinthu, soma na mafala yanu, ninkathusa khokali.'' ⁶Atachita bzobzi, adakokonola nsomba zizinji maninge, kuti ate makoka yao kufuna kung'ambika. ⁷Apo adavuzula manja kuna anzao mu mwadia winango kuti adzawathandize. Adabwera achidzadzaza pomwe mwadiya winangoyo, kuti zjai mimwadia ire ikhayamba kumira na kulemera.⁸Soma Simoni Petulo. ataona bzobzi, adagodama pa nzayo za Yesu, nkulewa kuti, ''Nyamukani pana ine pano, thangwe ndine munthu wakuphonya, Mbuya.'' ⁹Thangwe iye na wense ndiwo akhali popo adadabwa nabzo maninge bza kaphedwe kansomba kadachita iwo. ¹⁰Ntenepo pomwe na Yakobo na Yohani, wana wa Zabedayo, omwe akhali pabodzi na Simoni mmadiya winango ule. Yesu adati kuna Simoni, ''Nampodi kugopa, thanwe kuchoka lero ate mtsogolo umdzamba kokonola wanthu.'' ¹¹Atanuna mimwadiya ire kunja, adatula bzense achimtewera iye.¹²Bzidachitika kuti pomwe akhali mu mzinda winango, munthu wina wamapere thupi lense akhali mwemo. Pomwe adaona Yesu, adagodama pa Yesu nkumukumbira, kulewa kuti. ''Mbuya penu mumfuna, mundilimbisembo.'' ¹³Kinangoka Yesu adafuthula boko nkumuphata, nkulewa, '' ndikufuna. Limba.'' Kamfulumize mapere yale yadachokeratu.¹⁴Adamupanganiza kuti nampobi auze munthu soma adamuuza, ''Ndoko uko, ukabzionesere kuna wansembe na kukapereka nsembe ya kulimba kwako, kuteweza ndimo Mose adatongera, pala umboni kuna iwo.''¹⁵Soma bzobzi bzidabvekera basi kutalitsa, apo anthu azinji akhambabwera kuna iye kudzabvesera kupfunzisa kwace na kudzalimbisiwa matsautso yao. ¹⁶Soma akhambachoka kuyenda pa mderekho kukapemphera nkumbabwera pomwe.¹⁷Bzidachitika nsiku ibodzi kuti akhapfunzisa, pomwe Afarisi na apfunzisi wa mitemo ya utongi azinji akhadakhala popo kuchoka mmiyi ya mphimpha za Galileya, Yudea na ku Yerisalemu. Mphamvu ya Mbuya ya kulimbisa ikhali mwa iye.¹⁸Tsapano amuna winango adabwera atatakula mamuna wakufa bziwalo pa makha ya mphasa, apo adayang'ana manera yakumupisira mkati kuti amufikize pakhana Yesupo momo. ¹⁹Adatazira kuona mpata thangwera kuwanda wanthu, tsono adakwira nkupasula pa nsodzi ya kupsumphira na ma tailosi, nkumutsitsira mkatimo pa mpikiti pa wanthu, kutsogolo caiko kwa Yesu.²⁰Pakuona chikhulupiro chao, Yesu adati, ''mamunawre, bzakuphonya bzako bza lekereriwa.'' ²¹Anembi na Afarisi wale adaysamba kubvunmza bzobzi, kuti, ''Mbani umweyu ankusewera makiriyadoyu? Mbani winango angalekerere bzakuipa si Mulungu yekha basi?''²²Soma yesu, pakubvimira bzakukumbuka bzao adati kuna iwo, Msabwanji munkubvunza bzobzi mmitima mwanu? ²³Chapafupi mchani kutondo kulewa, 'Bzakuipa bzako bzalekereriwa' ayai kulewa 'Muka ufambe'? ²⁴Soma chakuti mudziwe mchici Mwana wa Munthu wapasiwa mphamvu yakulekerera bzakuipa pa dziko la pansi pano,''__adati kuna nyakufa bziwalo ule__''Ndikukuuza kuti, lamuka, nyamula mphasa yako ndoko kumui keako.''²⁵Kamkulumize iye adalamuka wanthu akuona nkutakula mphasa akhadagonerayo. Kinangoka adayenda achitenda Mulungu kumui kwao. ²⁶Aliyense adadabwa achitenda Mulungu. Iwo adaphatiwa na mantha, kumbati, ''Taona bzakudabwisa lero.''²⁷Bzitachitika ibzi, Yesu adachoka popo achiona nyakukhomesa mitsonkho dzina lace Levi atakhala pa kanyumba kakukhomesera mitsonkho. Adati kuna iye, ''Nditewere ine.'' ²⁸Apo Levi adalamuka nkumutewera, nkusiya bzensene akhababzo.²⁹Kinangoka Levi adakonza phwando likulu kumui kwache pala Yesu. Padabwera wakukhomesa mitsonkho na wanthu pomwe azinji pampale nkutsamira meza ire iye nkumbadya nao pabodzi. ³⁰Soma Afarisi na anembi adadandaulira wakupfunzira wace, kuti, ''Thangweranyi mukudya pabodzi na anyakukhomesa mitsonkho na anyakuphonya?'' ³¹Yesu adawatawira kuti, Wanthu omwe adalimba ambafuna lini nyabezi; soma okhao omwe akudwala. ³²Ndiribe kubwera kudzachemera wakulungama kale, soma wakuphonya pala kuti akalape bzakuphonya bzao.''³³Iwo adati kuna iye, ''Wakupfunzira wa Yohani ambasala kudya na kupemphera pafupi pafupi, wakupfunzira wa Afarisi ntenepo pomwe. Soma wakupfunzira wanuwa ambatondo kudya na kumbamwerera.'' ³⁴Yesu adati kuna iwo, '' Kodi wina achiloola wanthu ana iye popowo angasale kudya nyakuloolayo akadali naye popo? ³⁵Soma nsiku zinkubwera pomwe nyakuloolayo amdzatengiwa kuchoka pa iwo, nsiku zozo iwo ndipo ati adzasale kudya tsapano.''³⁶Kinangoka Yesu adalewa chifanizo kuna iwo. ''Palibe ambang'amba chakubvala chipsa achiphathika kanguwo koko kukhala chigamba pa chakubvala ca kusakala. Achicita tenepoyo, zjai wang'amba nguo ipsayo, apo chigamba cha nguwo ipsa ire chimdzathemera lini pa chakubzala ca kusakala chire.³⁷Palibe ambatsanulira vinyo mupsa mmitsuko ya kale. Achicita terepoyo, vinyo mupsayo amzaphokesa mitsuko ire, vinyoyo ate angafunthukire, mitsukoyo ichipsekeratu. ³⁸Soma vinyo mupsa kutsanulirambo mmitsuko ipsa. ³⁹Palibe ndiye achimwa vinyo wakale angafune pomwe mupsa, nakuti ambati, 'Zjai wakaleyu nkhasa.''

6¹Tsapano bzidachitika kuti ikhali nsiku ya Sabudu pomwe Yesu akhafamba mminda ya tirigu, apo wakupfunzira wace akhatsudubula ngalale za tirigu, nkumbapsikisa mmanja mao mkumbabwira. ²Soma Afarisi winango adati, ''Thangwe lanyi munkuchita bzinthu bzakulambiziwa kuchita nsiku ya Sabudu?''³Kuwatawira kwace, Yesu adati, ''Mukanatimbo kulewenga bzomwe Davide adachita pomwe iye na wanthu omwe akhanawo akhabva njala? ⁴Iye adayenda mnyumba ya Mulungu achikatenga mikate ya chakupereka achidya inango achipambo wale ndiwo akhanawo kuti adyembo, yomwe pa pamtemo wache akhabvumiziwa kudya akhali wansembe okha basi.'' ⁵Kinangoka adati kuna iwo, ''Mwana wa Munthu ni Mbuya wa Sabata.''⁶Bzidachitika pomwe nsiku ina ya Sabata kuti adayenda mu sunagoge kukapfunzisa wanthu mwemo. Mwamuna winango akhali momo omwe boko lache la madidi likhali la kumpsimpsinika. ⁷Anembi na Afarisi akhamunyang'anisa kuti aone bwino penu angalimbise munthu nsiku ya Sabatayo, pala kuti aone thangwe la kumuzengera mulandu. ⁸Soma adabvimira bzakukumbuka bzao achiti kuna nyakupunduka bokoyo, ''Lamuka uyime pampikiti pa wanthupa.'' Apo munthu ule adalamukadi achiima popo.⁹Yesu adati kuna iwo, ''Nkikubvunzeni, nsiku ya Sabudu mpsakubvumuziwa kuchita bzabwino ayai kudzonga, kupulumusa moyo ayai kuudzonga?'' ¹⁰Kinangoka adachungunuka kuna iwo achiti kuna munthuyo, ''Futhula boko lako.'' Adafuthuladi. apo boko lire lidalimba lichilinganira ninga pa kutoma. ¹¹Soma iwo adadzaliwa na ukali bwakusaya nabo lazau, achisewezana wina na mwayace kupangana bzomwe angachite kuna Yesu.¹²Bzidachitika kuti adayenda kuphiri kukapemphera. Adaphuphudza usiku bwense koko kupemphera kuna Mulungu. ¹³Kutachena, adachemera wakupfunzira wache, achisankhula khumi na awiri, omwe akhambawati atumwi.¹⁴Madzina ya atumwiwo yakhali Simoni (omwe akhamuti pomwer Petulo) na m'bale wace Andreya, Yakobo, Yohani, Filipi, Batumeyo, ¹⁵Mateu, Tomasi, Yakobo mwana wa Alufasi, Simoni omwe akhamuti pomwe zeloti, ¹⁶Yudasi mwana wa Yakobo, na Yudasi Isikariyoti, omwe adasanduka kapirikoni.¹⁷Kinangoka Yesu adabuluka nao pabodzi ku phiri lire achiima pa chithiphwa na thimu lense la wakupfunzira wace na thimu la wanthu azinji wakuchoka mphimpha za ku Yudea, Yerusalemu na ku magombe ya nyanza ya ku Tiro na Sido. ¹⁸Akhadabwera ,kudzabvesera na kudzalimbisiwa matenda. Wanthu wakutsautsika na mizimu ya kuipa adalimbisiwa pomwe. ¹⁹Aliyense popo adayezerayezera kuti atondombo kumukhuya thangwe mphamvu ya kulimbisa zjai ikhammalira, apo adalimbisa wenseo.²⁰Kinangoka adacheukira wakupfunzira wace achiti, ''Wakudalisika ndimwe wakusaya, thangwe ufumu bwa kudzaulu m'bwanu. ²¹Wakudala ndimwe wakubva njala panopa, thangwe mumdzakhuta. Wakudala ndimwe wakulira pano, thangwe mumdzaseka.²²Wakudala ndimwe omwe wina ankuwengani, na kukusankhulani achikulimulani nkulilamba dzina lanu kuti ndakuipa, thangwera Mwana wa Munthu. ²³Sekerani nsiku nyoyo aop mogani na kusekera, thangwe mumdzakhala na mpfupo ikulitsa kudzaulu, thangwe abereki wao adachitambo tenepo kuna ananeri kalekalero.²⁴Soma tsoka kuna imwe wa vida, thangwe mwatambira kale chinyamalizo chanu. ²⁵Tsoka kuna imwe omwe mudakhuta lero, thangwe mumdzabva njala mtsogolo. Tsoka kuna imwe omwe mukuseka lero, thangwe mtsogolo mumdzalira maliro na kubonera.²⁶Tsoka kuna imwe omwe wanthu ambasewera bzabwino bza imwe, thangwe ntenepoyombo ndimo abereki wao wakalekale akhachita kuna aneneri wakunama.²⁷''Soma ndikulewa kuna imwe omwe mukundibva, kondani anyakukuzondani. ²⁸Dalisani iwo wakukutembererani apo pemphererani wakukuboneresani.²⁹Kuna iye wakukumenya phutu libodzi, perekera pomwe amenye linangolo. Penu winango amtenga chakubzala chako, nampodi kusunda kuti akubwezere. ³⁰Pasani aliyense ankukumbiraniyo. Penu winango amtenga chinthu chanu, nampodi kusunda kuti akubwezereni.³¹Ndimo mumfunira kuti wina akuchitireni, chitanimbo tenepoyo kuna iwo. ³²Penu mumbakonda okha omwe ambakukondani , kuna mpfupo yanyi kwa imwe? Thangwe neye anyakuphonya ambakonda omwe ambawakonda. ³³Mukambachita bzabwino kuna okhawo wakukuchitiranimbo bzabwino, kuna mpfupo yanyi kwa imwe? ³⁴Neye wakuphonya ambakumbizambo wakuphonya, kuti atambire pomwe ninga bzomwe adakumbizabzo.³⁵Soma kondani anyakukuwengani apo achitireni bzabwino. Kumbizani, ndipo nampodi kudikhira kuti adzakupenimbo, apo mpfupo yanu imdzakhala ikulu, ndipo mumzakhala Wana wa Mulungu, thangwe iye ngwa chifundo kuna wanthu wakusaya kutenda na wakuipa. ³⁶Khalani wa chifundo, ninga ndimo Baba wanu aliri.³⁷Nampodi kuzenga, apo mumdzazengiwambo lini. Nampodi kutsimula, apo mumdzatsimuliwambo lini. Lekererani chakuipa cha winango, apo mumdzalekereriwambo.³⁸Pasani, ndipo chimdzapasiwa kuna imwe. Mphimo yabwino-yakupondereza, wakugwedezeka pabodzi na wakukhaphwikira-umdzapunguzidwira mmanja mwanu. Thangwe mphimo yomwe mukuyezera, imdzapimidwambo tenepoyo pala imwe.³⁹Kinangoka iye adawauza pomwe chifaniziro. ''Kodi zimola anga tsogolere zimola mwayache? Penu achichita tenepo, adzagwera wense m'dindi, iwo amdzatelepoyo lini ? ⁴⁰Wakupfunzira angakule lini kuposa mpfunzisi, soma aliyense akapfunza kwenekwene ndipo iye ambakhala ninga mpfunzisi wace.⁴¹Thangwe lanyi mukuona kachitsotso kamkiti mdiso la mwayanu, soma neye kuona chitsotso chikulu chili mdiso mwanu? ⁴²Ungauze tani mwayako, 'Mwayangu, bwera ndikuchose chitsotso mdiso mwako; pomwe iwe ukuona lini chitsotso chikulu ndicho chili mdiso lako? Wakubzithusa iwe! Chakutoma yamba kuchosa chitsotso mdiso mwako, kinangoko umdzaona bwino kuti uchose ching'ono chili mdiso la mwayako.⁴³Thangwe palibe muti wabwino ndiwo umbabala bzibalo bzakubvunda, ayai muti wakubvunda kubala bzabwino. ⁴⁴Thangwe muti uliwense umbadziwika na bzibalo bzache. Thangwe wanthu ambatchola lini nkhuyu mmuti wa minja, ayai kutchola mpesa pa mtungwi.⁴⁵Munthu wabwino wakuchokera muchuma chabwino cha mumtima wache ambachosa bzabwino, apo munthu wakuyipa wakuchokera pa chuma chakuyipa cha mtima wache ambachosa bzakuyipa. Thangwe bzomwe bzadzala mumtima mwache ndibzo mulomo wache umbasewera.⁴⁶''Thangweranyi mumbandichemera, 'Mbuya, Mbuya,' pomwe mumbabvera lini bzinthu bzomwe nimbalewa? ⁴⁷Aliyense wakubwera kwa ine achibva mafala yangu achiyaphatisa basa, ninkuuzani ali ninga chiyani. ⁴⁸Ali ninga munthu wakumanga nyumba, omwe adachera kwene kwene pansi achiimanga pa thanthwe lakulimba.Pomwe madzi yakudzala munkulo yadakhaphwikira, yakukhaphwikirayo yadakamenya nyumbayo soma neye kugwedeza, thangwe ikhadamangiwa bwakulimba bwino.⁴⁹Soma munthu wakubva mafala yangu soma neye kuyaphatisa basa, ali ninga munthu wakumanga nyumba padzaulu pamataka seye kuchera. Pomwe madzi yakukhaphwikira kumenya nyumbayo, kankulumize idangwa, ndipo mulundo wache udamaliratu.''

7¹Pomwe Yesu atamala kusewera bzense wanthu akubva adapita mu Caperenawo.²Tsapano kenturiyo akhana kapolo wace wakumukonda zedi ndiye akhadwala mwa penupenu. ³Pomwe kenturiyo adabva bza Yesu, adatuma akulu wa Ayuda, kukamukumbira kuti adzalimbise kapoloyo. ⁴Pomwe adakafika kwa Yesu, adakamukumbira mwakungingimira, kuti, ''Akuthemera kuti imwepo mumuchitire bzobzi, ⁵thangwe ambakonda dziko lathu, apo pomwe ndiye omwe adatimangira sunagoge yathu.''⁶Yesu adapitiriza ulendo kuyenda nao. Soma pomwe adafendera pafupi na nyumba ire, kenturiyo adaatuma anzace kukamuuza kuti, ''Mbuya, nampodi kubziboneresa, thangwe ndikuthemera lini kuti imwe mungabwere mnyumba mwangu. ⁷Na thangwe limweri ndikuthemera lini kubwera kuna imwe, soma tondosewerani na mafala yokha apo nyabasa wanguyo anilimba basi. ⁸Nakuti ine ndina mpandombo wakutonga, ndina achikunda wa nkhondo wakuwanyang'anira. Ningati kwa wina, 'Ndoko,' apo ambayenda, na kuna winango, 'Bwera,' achibwera, na kuna kapolo wangu, Chita ichi,' ambachita.''⁹Pomwe Yesu adabva bzobzi, adadabwa naye, achichungunuka kuna thimu likhana iye lire achiti, ''Ndikulewa kuna imwe, kuti ndazunga mu Isarayeri neye kugumana chikhulupiriro ninga chochi,'' ¹⁰Pomwe akhadatumiwa wale adabwerera kunyumba kukhana mtenda kule, adakagumana zjai mtenda ule walimba.¹¹Kutondo kuchoka popo, Yesu adayenda ku Naini, ndipo wakupfunzira wace na thimu lizinji lidayenda naye. ¹²Atafendera pafupi na msuwo wa mzinda ule, onani wanthu akhadatakula mwamuna wakufa kumbabula naye, mwana yekhayo kwa mai wace (omwe akhali a masiwa), napo thimu lizinji la wanthu wamumzindamo akhamuperekeza maiyo kuthenje. ¹³Pomwe Mbuya adamuona maiyo, adabva naye nsisi maninge achiti kuna iye, ''Nampodi kulira.'' ¹⁴Kinangoka adafendera achiphata baulu la matabwa ndilo akhadaikha thupiro, apo omwe akhadatakula wale adaima pulu. Adati, ''Mwanawe, ndikulewa kuna iwe, lamuka.'' ¹⁵Wakufa ule adalamuka nkukhala thonga nkuyamba kulewalewa, apo Yesu adampereka kwa mai wace.¹⁶Mantha yadawaphata wense, achipitiriza kutenda Mulungu, kuti, ''Mneneri mkulu walamusiwa pakati pathu'' na Mulungu pomwe waona wanthu wace.'' ¹⁷Nkhani ya Yesuyi idabvekera mu Yudeya mwensene na mphimpha za kuzungulira koko.¹⁸Wakupfunzira wa Yohani adamusimbira bzensebzi. Kinangoka Yohani adachemera wakupfunzira wace awiri ¹⁹nkuwatuma kwa Mbuya kukati, ''Kodi ndimwe omwe muli ,mkubwera, ayai tinyang'anire winango?'' ²⁰Pomwer adakafendera pakhana Yesu, amuna wale adati, ''Yohani M'batizi watituma kudzabvunza kuti, ''Kodi ndimwe omwe muli mkubwera, ayai tinyang'anire winango?''²¹Nkanthawe kamwekoletu adalimbisa wanthu azinjitsa ku matenda yao yakusiyana siyana na wa mizimu ya bziwanda, ndipo na kwa azimola azinji pomwe achiwapa kupenya. ²²Yesu adatawira achiti kuna iwo, ''Mungabwerera njira yanu, kuna Yohaniyo mukamuuze bzomwe mwaona na kubva. Azimola akutambira kuona, wakupunduka miyendo akufamba, wamapere akulimba, agonthi akubva, wanthu wakufa akulamuka pomwe achikhala na moyo, wakusaya achiuziwa mafala yabwino. ²³Munthu ndiye anilekeza lini kukhulupirira ine thangwera bzomwe ndinkuchitabzi umweyo ngwakudalisika.''²⁴Atumiki wa Yohani wale atayenda, Yesu adayamba kuuza thimu la wanthu bza Yohani, ''Mudaenda mchipululu mudakaona cani? Mtete kugwedezeka na mphepo? ²⁵Soma mutaenda mudakaona cani? Munthu atabvala chakubvala chakungwerewera? Onani omwe ambabvala bzakuumira achikhala moyo wakusangalala ni omwe ali mu nyumba ya mpfumu. ²⁶Soma mudaenda kukaona cani? Mneneri? Inde,ndikulewa kuna imwe, ndipo kuposa mneneri.²⁷Uyu ni ule omwe kwaiye kudanembiwa, 'Onani, ndikukutumizirani mtumi wangu pa maso panu omwe amdzakonza njira yanu kutsogolo kwanu. ²⁸Ndikulewa kuna imwe, mwa omwe abadwa mwa mkazi palibe ankula kuposa Yohani. Chensecho omwe ali pambuyo mu ufumu bwa Mulungu ni mkulu kuposa iye momwe aliri.''²⁹(Pomwe wanthu wense adabva bzobzi, kuphatikidza na anyakukhomesa mitsonkho, adazindikira kuti Mulungu ngwa kulungama, thangwe adabatiziwa na ubatizo bwa Yohani. ³⁰Soma Afarisi na adziwi wa bza mitemo ya utongi adagaza bzakulinga bza Mulungu pa iwo okha, thangwe akhalibe kubatiziwa na Yohani.)³²''Na cani, tsono, ningandendemezere na wanthu wa mbwado uno? Ali ninga cani? ³¹Ali ninga wana wakusenzeka mu msika, omwe ambatambalala achimbachemerezana kumbati, 'Tidayimba bzitoliro pala imwe soma mulibe kubzina. Tidaimba nyimbo za pa nkhawa soma mulibe kulira.'³³Nakuti Yohani m'batizi pakubwerabwera pache akhadya lini mkate neye kumwa vinyo, apo mukuti, 'Ana chiwanda.' ³⁴Mwana wa munthu adabweta kudzadya achimwa, ndipo mukuti, Onani, ngwadyera ndipo mchiledzerere, mwayao wa anyakukhomesa mitsonkho na anyakuphonya!' ³⁵Soma nzeru zimbaonekera na wana wace wensene.''³⁶Tsapano m'bodzi wa Afarisi adachemera Yesu kukadya naye. Pomwe Yesu adapita mnyumba mwa Mfarisiyo, adatsamira pa meza mkumbadya. ³⁷Onani, mukhana mkazi wa kuphonya mu mzindamo. Atazindikira kuti Yesu ali mnyumba mwa Mfarisiyo tsamire pa tebulo, adabweresa kamtsuko ka mafuta ya alabastero yakununtchira. ³⁸Pomwe adaima kumbuyo pafupi na nzayo zace, nkumbalira, ada jojezera pa nzayo zace na misozi, nkumbapukusa na tsisi lache litali nkumbampsompsona nzayozo nkumbazipalanga mafuta ya kununtchirayo.³⁹Pomwe Mfarisi adachemera Yesu ule adaona bzobzi, adaganiza mwa iye yekha, kulewa kuti, "Penu mamuna umweyu ni mneneri, ndiye kuti amdziwa yekha kuti mkaziyu nimbani na kubvimira pomwe kuti akumuphatayu mbani, kuti pomwe ana bzakuphonya.'' ⁴⁰Yesu adamutawira achiti, ''Simoni, ndina chakuti ndikuuze.'' Adati, Chileweni, Mpfunzisi!''⁴¹Yesu adati, ''Nyakufiyalisi kobiri nwinango akhana wa mangawa awiri. M'bodziyu akhadafiyali ma denani madzana mashanu, winango makumi mashanu. ⁴²Pomwe akhatazira kumubwezera, adawalekerera wensenewo. Tsapano mbani mwa awiriwa omwe amdzamukonda kwene kwene?'' ⁴³Simoni adamutawira achiti, ''Ndikuona kuti ndiye adamulekerera zizinjiyo.'' Yesu afati kuna iye, ''Walewa bwino.''⁴⁴Yesu adacheuka kuna mkaziyo achiti kwa Simoni, ''Ukuona mkaziyu. Ndapita mnyumba mwako. Ulibe kundipa madzi ya kutotesera nzayo zangu, soma iye watotesa nzayo zangu na misozi yace nkupukusa na tsisi lace. ⁴⁵Ulibe kundimpsompsona, soma chipitire muno akanati kulekeza kumpsompsona nzayo zanguzi.⁴⁶Ulibe kudzoza mumsolo mwangu na mafuta, soma iye wadzoza nzayo zangu na mafuta ya ,kununtchira. ⁴⁷Na thangwe lori ndikulewa kuna iwe, bzakuphonya bzace, bzomwe bzikhali bzizinjitsa, bzalekereriwa----thangwe wandikonda maninge. Soma omwe walekereriwa pamkiti ambakondambo pamkiti.''⁴⁸Kinangoka adati kuna mkaziyo, ''Bzakuphonya bzako bzalekereriwa.'' ⁴⁹Omwe akhadatsamira naye pabodzi pa meza pale adayamba kusewezana wina na mwayace, ''Mbani umweyu ate mpakana kambalekerera bzakuipa?'' ⁵⁰Kinangoka Yesu adati kuna mkaziyo, ''Chikhulupiriro chako chakupulumusa. Ndoko njira zako na mtenderer.''

8¹Bzidachitika kuti patapita kanthawe pankiti Yesu adayamba kuzunga mmizinda na mmiyi mizinji, kupfunzisa na kulalikira mafala yabwino ya ufumu bwa Mulungu. Khumi na awiri wale akhali naye, ²na azimai pomwe winango omwe akhadalimbisiwa matenda na mizimu yakuipa: Mariya omwe akhamuti pomwe Magadalene, omwe mwa iye mudabulisiwa bwiwanda bzinomwe; ³Joanna, mkazi wa Chuza, kapitao wa Herodi; Susanna; na azinjisa pomwe winango, omwe, ndibzo bzikhali mwa iwo, bzikhawagumanisa bzakusaya bza moyo wao wa nsikku na nsiku.⁴Pomwe thimu lizinji lidagwezekana, na wanthu winango kumbabwera kuchokera mmizinda ya uku na uku, adawauza chifanizo: ⁵''Mulimi winango adayenda kukafesa mbeu zace. Pomwe akhafesa, zinango zidagwera mmphepetere mwa mseu wina pakupita mkumbaziponda na nzayo, na mbalame pomwe za mdzaulu mkumbazijonkhona. ⁶Zina zidagwera pa thanthwe, apo pomwe zidatondo kukula pankiti, basi zjai zidaunyala thangwe pakhalibe mnyontho.⁷Zinango zidadodera pa uzuzu bwa minga, pomwe minga zire zidakurira pabodzi zidakoloweka mbeu zire. ⁸Soma zinango zidagwera pa mataka ya ndovolo bwino zichibala bzipatso dzana libodzi kuposa zidabzaliwa zire.'' Yesu atamala kusewera bzobzi, adlewa kuti. ''Omwe ana makutu yakubva, abve.''⁹Wakupfunzira wace adabvunza kuthumbudzula kwa chifanizochi. ¹⁰Iye adati, ''Chinsinsi cha kudziwa bza ufumu bwa Mulungu chaperekiwa kuna imwe, soma kuna winango nimbasewera m'bzifanizo basi, pala kuti podi 'kupenya soma nampodi aone, napo podi kubva soma nampodi abvesese.'¹¹Tsapano uku ndiko kuthumbudzula kwache: Njerezo ni mafala ya Mulungu. ¹²Zomwe zidagwera mumseuzo ni wale omwe abva mafala, soma satana ambabwera kudzatenga mafalayo kuchoka mmitima mwao pala kuti nampodi akakhulupirire na kukapulumuka. ¹³Zomwe zidagwera pa thanthwe ni wale omwe, pomwe abva mafala, ambayatambira na nsangala. Mazi yalibe mizi, ambakhulupirira mkamphindi basi, soma munthawe ya mayezero ya satana ambafulumiza kugwa.¹⁴Njere zomwe zidagwera pa minga ni wale omwe ambabva mafala, mazi akatondo kuchoka popo kuyenda, ambakatanganika na bzakusamalira moyo, vida na bzakusangalasa moyo uno, ndipo bzakubala bza mafalayo bzimbakhwima lini. ¹⁵Soma mbeu ndizo zidagwera pa mataka ya ndovolo, awa ni wale, pakubva mafala bza chadidi bzire na mtima wabwino, ambayakoya pa bwino ndipo yambabala bzibalo na kupirira mwa kuderekha.¹⁶Palibe ndiye ambagasa nyale achiigwanankhira pa mtsuko ayai kuiikha kunyansi kwa kama.So, ambaiikha padecha pala kuti aliyense wakupita ambaone kutoya kwache. ¹⁷Nakuti palibe chakumpsinkhika chirichense ndicho chimdzakhala chakubisika basi neye kuonekera padecha. ¹⁸Ndiye tetekerani bwino bwino, thangwe kuna iye ndiye anabzo, amdzapasiwa bzakuthimizira popo, soma iye omwe alibe kale, neye bzomwe akuthemba kuti anabzobzo amdzatengeriwa.''¹⁹Kinangoka mai wache na abale wache adabwera kuna iye, soma adatazira kumufenderera pafupi thangwera thimu la wanthu. ²⁰Iye adauziwa, '' Mai wanu na abale wanu abwera panjapa akudikhira kuti akuoneni.'' ²¹Soma yesu adawatawira, ''Mai wangu na abale wangu ni wale ndiwo akubva mafala ya Mulungu achiyachita.²²Tsapano nsiku ina adapakira mwadiya na wakupfunzira wache, apo adawauza kuti, ''Tiyendeni ng'ambu ire ya nyanza.'' Adanyamuka. ²³Soma pomwe iwo akhachapa mwadiya ule iye adagona tulo. Chonzi cha mphamvu maninge chidapuntha pa nyanza pale, apo mwadiya waoyo zjai udayamba kudzala madzi yakukhaphwikira, mwakuti aklhali pa mphole mphole.²⁴Ndiye wakupfunzira wa Yesu wale adayenda pa iye achimutekenya nkummusa, kulewa kuti, ''Mbuya! Mbuya! Tiri mphole mphole kufa!'' Iye adalamuka achitsimula chonzicho na madzi yakukhaphwikirayo, zjai bzibvekeni nkunyamaliratu nkukhala zii. ²⁵Apo adati kuna iwo, ''Chikhulupiriro chanu chiri paponi?'' Soma akhana mantha na kudabwa, ndipo adabvunzana, ''Munthu umweyu ngwa moda wanyi, wakuti kutondo kutsimula chonzi na madziya bzensene nkumubvera?''²⁶Adayambuka na mwadiya ate ku mphimpha za wanthu wa ku Gerasa, komwe ni ng'ambu ya nyanza kuchoka ku Galileya. ²⁷Pomwe Yesu adaponda ng'ambu ya gombe, adagumana mwamuna winango wakuchoka mu mzindamo omwe akhana bziwanda. Kwa nthawe itali akhambakhala pezi pezi seye kubvala chinthu, apo akhakhala lini mnyumba soma mu nthutu za mnthenje.²⁸Pomwre adaona Yesu, adalira achigwa pafupi na iye achilewa mwakukuwa, ''Mumfuna kundichita chani, Yesu, Mwana wa Mulungu Wakulemekezekayo? Ndikukumbira kuti nampodi kundidzonga. ²⁹Thangwe Yesu akhadatonga kuti chiwandaco chibule mwa munthuyo. Kazinji chikhambati chingagwa mmaso, neye kuchita kumumanga na waya na bzitsulo mmiyendo mwace nkumudikhirira popo, akhabwedza bzensebzo achithamangira mthengo.³⁰Kinangoka Yesu adamubvunza iye, Dzina lako ndiwe yani?'' Iye adati, ''Legiyo,''thangwe bziwanda bzizinji bzikhadapita mwa iye. ³¹Bzidapitiriza kumukumbira kuti nampodi atonge kuti abziyendese kuchiphompho kwakuzika.³²Tsapano thimu la nkhumba zizinji likhadyeseriwa m'phepete mwa phiri. Apo bziwandabzo bzidakumbira kuti abziyendese mwemo apo adabzibvuma. ³³Natenepoyo bziwandabzo bzidabula mwa iye bzichikapita mwa nkhumbazo, apo nkhumba zensenezo zidathamangira kuchiphompho zichikamira mnyanza.³⁴Pomwe amakabusa wa nkhumbazo adaona bzomwe bzachitikabzo, adathamanga kukasimba mmizinda na mmiyi. ³⁵Kinangoko wanhtu adayenda kukatsimikiza bzidachitikabzo achikafika pomwe pakhana Yesupo achikaonadi mwamuna adabulisiwa bziwandayo. Akhali khale pa nzayo za Yesu, atabvala bzakubvala bzali phee; ndipo wanthuwo adachita mantha.³⁶Tsapano omwe akhali popo kumbaona adawasimbira ndimo munthu wabziwandayo adalinmbisidwira. ³⁷Kinangoka wanthu wensene wa mphimpha za ku Gerasako adauza Yesu kuti achoke kumweko, thangwe akhadaphatiwa na mantha makulu. Apodi iye adapakira mwadiya ule achibwerera mmambuyo.³⁸Kinangoka mwamuna omwe adamuchosa bziwandayo adakumbira Yesu kuti ayende naye, soma Yesu adamubweza, nkumuuza kuti, ³⁹''Bwerera kwanu ukalewe bwino ndibzo Mulungu wakuchitira.'' Munthu ule adabwereradi achimbasimba mu mzinda mwense ndibzo Yesu adamuchitira.⁴⁰Tsapano pomwe Yesu adabwerera, thimu la wanthu lidamutambira iye, thangwe likhamudikhirira. ⁴¹Onani, mwamuna winango dzina lache Jairo, omwe akhali m'bodzi wakutsogolera sunagoge, adabwera kudzagodama pa nzayo za Yesu, nkumukumbira kuti afike kumui kwace ⁴²thangwe mwanace mkazi wa magole khumi na mawiri omwe akhali yekhayo basi akhadwala mwa penu penu. Pomwe Yesu akhayenda kumui koko thimu lensero la wanthu lidatsomoka nyomi kumutewera.⁴³Tsapano ,mkazi pomwe winango akhali popo omwe adamala magole khumi na mawi akudwala matenda ya kuchoka mulopa mwakuti aliyense adatazira kumulimbisa . ⁴⁴Adaphathika mmambuyo mwa Yesu achiwenda nkukwanisa kukhuya pa ponta pa chakubvala chache, apo kamkulumize mulopayo udadumiratu kubulako.⁴⁵Yesu adati, ''Mbani wandiphatayu?'' Pomwe wensene adagaza, Petulo adati, ''Mbuya, thimu la wanthu lakuzungulirani kuchita kutinyana terepayu pafupiletu na imwepo.'' ⁴⁶Soma Yesu adati, ''Winango wandiphata utowa, ndadziwa thangwe ndabva mphamvu zangu zabula mwa ine.''⁴⁷Pomwe mkaziyo adadziwa kuti bzafika pakuti angabisike lini seye kumuzindikira, adabwera ali kunjenjemera achigwa pansi patsogolo pa Yesu. Pamaso pa wanthu wense mkaziyo adazimbula zjai thangwe ndiro adaphatira iye na ndimo adalimbira kamkulumize. ⁴⁸Kinangoka adati kuna iye, Mkaziwe, chikhulupiriro chako chakulimbisa. Ndoko mu mtendere.⁴⁹Pomwe akali mkati kulewalewa, winango adafika kuchoka mnyumba ya mkulu wa sunagoge, achiti, ''Mwananu mkazi ule wamalizika. Nampodi kuboneresa pomwe mpfunzisiyu,'' ⁵⁰Soma pomwe Yesu adabva bzobzi, adamutawira Jairo, Nampodi kubva mantha; khulupirirani basi, anilimbisiwa.''⁵¹Pomwe adafika panyumbayo, adalambiza aliyense kupitambo mkatimo, so kupambula Petulo, Yohani, Yakobo na mai wache na babache wa mwanayo basi. ⁵²Tsapano wanthu wensene popo akhalira na kumbadandaula bza mwanayo, soma iye adati, ''Nampodi kulira; alibe kusaika uyu soma watondo kugona.'' ⁵³Soma adayamba kumunyongodola, pakudziwa kuti akhadasaika meju.⁵⁴Kinangoka adamuphata boko lache achimuchemera mwakukuwa, kuti, ''Mwanawe, lamuka!'' ⁵⁵Mzimu wache adabwerera, achilamuka kamkulumize. Adawauza kuti mwanayo amupe chinthu kuti adye. ⁵⁶Abereki wache akhali wakudabwa, soma iye adawatsinda kuti nampodi auze munthu bzomwe bzachitikabzi.

9¹Iye adachemera khumi na awiri wale pabodzi achiwapa mphamvu na ulamuliro kubulisa bziwanda bzense na kulimbisa matenda. ²Adawatuma kukalalikira bza ufumu bwa Mulungu na kulimbisa atenda.³Iye adati kuna iwo, ''Nampodi kutakula chirichense pa ulendo bwanubu----neye mpswimbo, neye chakuikhira kobiri, neye mkate, neye kobiri, neye pomwe nsapato zakumbakachinja. ⁴Nyumba iriyense ndiyo munkapitayo, kakhaleni momo mpakana kudzanyamuka.⁵Mbuto ndiyo ankakutambirani lini, pakukachoka mumzinda umweyo, kakunkhumuleni pfumbi kunzayo zanu ninga umboni kuna iwo pa mangwana. ⁶Kinangoka adanyamukadi kuyenda nkumbapita na mmiyi, kufamba achimbalalika bza mafala ya Mulungu na kumbalimbisa atenda palipense.⁷Tsapano Herodi wachiwanga adabva bzense bzomwe bzikhachitika, ndipo adawawidwa mtima thangwe bzikhabveka kuti nyamuya Yohani walamuka, ⁸apo winango nkumbati Eliya waonekera, apo winango pomwe akhambati nyamuya mneneri winango wa kale maninge walamuka. ⁹Herodi adati, ''Yohani ndidamugwata msolo. Mazi mbani pomwe umweyo ndiri mkubva kuchita bzobzi?'' Apo adayezera yezera kuti mpaka amuone.¹⁰Pomwe atumi wale adabwerera adamusimbira bzensene ndibzo adachita. Kinangoka iye adawatenga iwo nkuyenda nawo mwa kachete chete ku mzinda wa Bitisaida. ¹¹Soma pomwe thimu la wanthu liadabva bzobzi, lidamutewera basi. Iye adawatambira achiwauza mafala ya ufumu bwa Mulungu, achilimbisa wale ndiwo akhafunika kulimbisiwa.¹²Tsapano kukhafamba kuchidoka, apo khumi na awiri wale adabwera kuna iye achidzati, "Balalisani wanthuwa pala kuti ayende mmiyi ya pafupi pano na mdzikomu kukanyang'ana mbuto za kugona na bzakudya, thangwe tiri pano mpa mtetete patekha.'' ¹³Soma adati kuna iwo, ''Apeni ndimwe bzakuti adye.'' Iwo adati, ''Tina mikate minayi yokha na nsomba ziwiri basi---pokha pokha tichite kuyenda kukawagulira bzakudya wensenewa.'' ¹⁴(Pakhana amuna pafupifupi madzana mashanu.) Iye adati kuna wakupfunzira wace, ''Akhazikeni mmagulu ya wanthu makumi mashanu mashanu.''¹⁵Adachitadi bzobzo achiwauza kuti akhale pansi. ¹⁶Nkutenga mikate mishanuyo na nsomba ziwiri zire, achijiguma kudzaulu, achibzidalisa nkubzinyema nyema bzidupsa, achibzipasa kuna wakupfunzira wale mkubzigawa kuna wanthu mmathimu mule. ¹⁷Wensene adadya achikhuta, bzakusala bzichikhongobzewa---ate kudzala bzitundu khumi na bziwiri bza mvululu.¹⁸Bzidachitika pomwe ndipo Yesu akhapemphera payekha, wakuphunzira wache akhali nawo pabodzi. Adawabvunza, kuti, ''Wanthuwa akumbati ndine yani inepano?'' ¹⁹Iwo adatawira achiti, ''Yohani M'batizi. Soma winango akumbati ndimwe Eliya, apo winango pomwe akumbati ndimwe nyamuya mneneri winango wakalekale mwalamuka.''²⁰Kinangoka iye adati kuna iwo, ''Tsono imwepombo mukumbati ndine yani?'' Petulo adatawira, ''Mkhirisitu wa Mulungu.'' ²¹Soma adawachenjeza na kuwapanganiza kuti nampodi ambazimbuliretu kuna wanthu bzimwebzo, ²²kulewa kuti, ''Mwana wa Munthu akufunika kumbabonera kumene na bzinthu bzizinji apo pomwe kuti amdzalambiwa na akulu wa wanthu na akulu wa ansembe na anembi, apo achidzaphiwa ndipo nsiku yachitatu achidzalamusiwa.''²³Kinangoka adati kuna iwo wense, ''Penu winango amfuna kutewera inepano, abzilambe yekha achitakula mtanda wache nsiku zense anditewere bwino. ²⁴Aliyense wakupulumusa moyo wache amdzautaya, soma wakubvuma kutaya moyo wache thangwera ine amdzaupulumusa. ²⁵Kodi phindulo liri paponi munthu kubzitengera bza mdziko mwense, chensecho mkudzataya ayai kupagali moyo wache.²⁶Wakuchita manyazi na inepano na mafala yangu kubodziya, kuna iye Mwana wa Munthu amdzachita nayembo manyazi pakudzabwera mu ulemerero bwa Baba na anjero. ²⁷Soma ndikulewa chadidi kuna imwe, kuti pana winango ndiye aima pano omwe amdzalawidza lini imfa akanati kuona ufumu bwa Mulungu.²⁸Tsapano patapita nsiku zisere Yesu atasewera mafala yoya, adatenga Petulo, Yohani na Yakobo kuyenda nawo kuphiri kukapemphera. ²⁹Pomwe akhapemphera, nkhope yache idachinja maonekedwe, apo bzakubvala bzace pomwe bzidachinja kukhala bzichena mwakutoya.³⁰Onani, amuna awiri akhalewalewa naye,Mose na Eliya ³¹omwe adaonekera mu ulemerero, kumbasewera naye bzakunyamuka kwace, komwe ati adzakamalizire mu Yerusalemu.³²Tsapano Petulo na wale akhanawo akhali mtulo, soma pomwe akhanati kugona adaonadi ulemerero bwache na wanthu awiri omwe akhadaima naye. ³³Pomwe akhayenda kuchoka pakhana Yesupo, Petulo adati kuna iye, ''Mbuya, mbzabwino ife kuoneka mbuto ino. Mbatiye tiomange bzikhuthi bzitatu, chibodzi chanu, chinango cha Mose na chinango cha Eliya.'' ( Akhadziwa lini bzomwe akhalewalewa.)³⁴Pomwe akhalewalewa bzobzi, mtambo udabwera kudzawampsinkha, apo akhabva mantha kupita mumtambomo. ³⁵Mafala yadabveka kuchoka mumtambomo, kulewa kuti , ''Uyu ni, mwanangu omwe adasankhukambo; mutetekereni.'' ³⁶Mafalaya yataseweriwa, Yesu zjai adaoneka ali yekha. Iwo adakhala chete nsiku zimwezo neye kuuza munthu ndibzo adaonabzo.³⁷Tsapano mangwana yache pakubuluka m'phiri mule, thimu la wanthu lidakagumana naye. ³⁸Onani, mamuna wina pa chithimu pale, adakuwa kulewa kuti, ''Mpfunzisi, ndikukumbirambo mukaone mwanangu wachimuna, thangwe ndina mwana m'bodziyo basi. ³⁹Mukuona, ana chiwanda ndipo ambadzidzimuka dzidzimuka nacho; chimbamuchitisa kugwa pansi nkumbachoka thobvu kukamwa. Chimbanesa kunyaula apo chimbamusiya na mpsukuda zakugopsa. ⁴⁰Ndidakumbira wakupsunzira wanu kuti achibulise nsiku zinango atabwera soma adachitazira.⁴¹Yesu adatawira achiti, ''Imwe mbwado wakusaya chikhulupiriro na wa mphumbza, nimdzakhala namwe mpakana lini kumbakulekererani basi? Bweresani mwananuyo kuno.'' ⁴²Pomwe mnyamatayo akhabwera naye, chidamumenyesera pansi na kumng'ambisa. Soma Yesu adatsimula chiwandacho achilimbisa mwanayo, nkumubwezera kuna babache.⁴³Apo wensene adadabwa na ukulu bwa Mulungu. Pomwe wense akhali mkati kudabwa bzomwe bzidachitikabzo, iye adati kuna wakupfunzira wace, ⁴⁴''Bvumani mafalaya yakhazikike mmakutu mwanu: Mwana wa Munthu amdzaperekiwa mmanja mwa wanthu.'' ⁴⁵Soma alibe kubvesesa mafala yoya. Yadabisiwa kuna iwo, pala kuti nampodi adziwe kuthumbudzula kwache, chensecho pomwe adachita mantha kubvunza kuthumbudzula kwacheko.⁴⁶Kinangoka okha okha tsapano adayamba kumbabvunzana kuti mkulu pa wensewo mnbani. ⁴⁷Soma Yesu, pakubvimira bzomwe akhakumbuka mmitima mwaobzo, adatenga kamwana kang'ono achikapfuwira pakhadaima iyepo ⁴⁸achiti kuna iwo, ''Omwe amtambira mwanayu mu dzina langu, watambira ine; apo wakutambira ine, watambirambo iye ndiye adandituma. Thangwe omwe ali mng'ono maninge pa mwensemwe ndiye mkulu umweyo.''⁴⁹Yohani adatawira, ''Mbuya, ife pomwe tidaona winango akhabulisa bziwanda mu dzina lanu tidamuletsa, thangwe tikhalibe kutsagana naye pabodzi pa ulendo bwathubo.'' Yesu adati, ⁵⁰''Nampodi kumbamuletsa,'' ''Thangwe aliyense ndiye akukuwengani lini ngwanu umweyo.''⁵¹Pomwe nsiku zidafendera kuti iye atakuliwe, adafuna kuti nkhope yace ikaonekere ku Yerusalemu. ⁵²Iye adatuma mitumi kutsogoloko, apo idayenda ichikapita mmuyi wa ku Samariya kukakonzesera bzense pala iye. ⁵³Soma wanthu koko alibe kukamutambira thangwe akhadakonza kale bzakukaonekera nkhope yache ku Yerusalemu.⁵⁴Pomwe wakupfunzira wache Yakobo na Yohani adaona tenepoyo, adati, ''Mbuya, mukufuna tichemerese moto kudzaulu udzawadzonge awa?'' ⁵⁵Soma adazungunuka achiwatsimula, ⁵⁶apo basi zjai adaenda muyi winango.⁵⁷⁵⁸Pomwe akhafamba mu mseu, winango adati kuna iye, ''Nimkutewerani kulikwense muniyendako.'' Yesu adati kuna iye, ''Nkhandwe zina mauna yakukhala, apo mbalame za mdzaulu pomwe zina bzitsa, soma Mwana wa Munthu alibe neye pakutsamira msolo wache pokha.⁵⁹Apo adati kuna winango, ''Nditewere,'' Soma adati, ''Mbuya, nditome kuyenda ndikafuchire babangu.'' ⁶⁰Soma adati kuna iye, ''Leka wakusaika afuchirane wakusaika okha okha. Soma pala iwe, ndoko ukalalikire kutali bza ufumu bwa Mulungu.''⁶¹Ndiye winango pomwe adati, ''Nimdzakutewerani, Mbuya, soma nditome kukagoneka wa kumuyi kwangu.'' ⁶²Yesu adamutawira, ''Palibe munthu ambaphata gejo achinyang'ana mmambuyo omwe angathemere mu ufumu bwa Mulungu.''

10¹Tsapano bzitamala ibzi, Mbuya adasankhula winango makumi manomwe (bzakunemba bwinango bzakale bzimbati pomwe makumi manomwe soma bzinango bzimbati makumi manomwe na mawiri) achiwatuma kunja awiri awiri kutsogola mmizinda na mmiyi yentsene komwe iye akhadasala pang'ono kuyenda. ²Iye adati kuna iwo, "Bzakukolola bzawandisa,soma anyabasa achepa. Tsono kumbilani Mbuya wa bzakukololabzo atume anyabasa akakolole.³Ndokoni njira zanu. Onani, ndikukutumani ninga ntchere za mabira pampikiti pa mphumphi. ⁴Nampodi kutakula chola chakuikhira kobiri, ayai chola chapaulendo, ayai shango, apo nampodi kupasa moni munthu munjiramu.⁵Nyumba iriyense munkapitayo, katomeni kulewa kuti, 'Myendere ukhale pa nyuma iyi!' ⁶Penu mwana wa mtendere ali popo, mtendere wanu umdzakhala pa iye, soma penu neye, umdzabwerera kuna imwe. ⁷Kakhaleni mu nyumba yoyo kudya na kumwa bzomwe amkakupanibzo, thangwe nyabasa ambathemera na malipiro yache. Nampodi kumbakachita kubula nyumba iyi mkumbakapita inango.⁸Mzinda uliwense mumkapitayo angakakutambirani, kadyeni ndicho ankakupanicho ⁹apo kalimbiseni atenda omwe mumkawagumana momo. Kaleweni kuna iwo. 'Ufumu bwa Mulungu bwafendera kuna imwe.'¹⁰Mungakapita mumzinda wanthu seye kukutambirani, kayendeni mmiseu yache mukakuwe kuti, ¹¹Neye pfumbi lokha ndiro laphatirira kunzayo kwathuku tikulikunkhumula kuna imwe! Soma dziwani ichi: Ufumu bwa Mulungu bwafendera.' ¹²Ndikulewa kuna imwe kuti pa nsiku imweyo zjai mzinda wa Sodomu ungadzabveriwe nsisi kusiya na mzinda umweyo.¹³Tsoka kuna iwe,Chorazini! Tsoka kuna iwe, Betisaida! Lichikhala basa likulu ndilo lidaphatika kuna imwe lidaphatika ku Tiro na ku Sido, khali zjai wanthu koko atalapa kale, khali akhala kubvala bziguduli na kudzola dotha. ¹⁴Soma Tiro na Sido bzingadzapuse kuwalekerera bzakuipa bzao pa nsiku ya kutonga kusiyana na imwe. ¹⁵Iwe, Caperenao, ukukumbuka umdzakwiziwa kudzaulu? Nada, umdzagwesiwa mu Hade.¹⁶Omwe ambabvera imwe wabvera ine apo omwe ankulambani walamba pomwe ine, apo ndiye anilamba inepano walamba pomwe ndiye adanditumayo.''¹⁷Makumi manomwe wale adabwerera achisekera, kulewa kuti, ''Neye bwiwanda bzikhabula basi mu dzina lanu.'' ¹⁸Yesu adati kuna iwo, '' Ndikhaona Satana akugwa kuchoka kudzaulu ninga mpheni. ¹⁹Onani, ndakupani mphamvu zakufamba pomwe pana nyoka na mphiriri, na pense pomwe pana nyakukuwengani, apo palibe chinthu ndicho chimdzakudzongani munjira iriyense. ²⁰Soma nampodi kusekera na bzokhabzi basi nada, kuti mizimu ikhakubverani, soma sekerani kuti madzina yanu yanembiwa kudzaulu.''²¹Panthawe yokha yokhayo adasekera mu mzimu wakuchena achiti, ''Ndikukuthembani, Baba, Mbuya wakudzaulu na pansi, thangwe mudampsinkha bzinthubzi kuna adziwi na anyakubvesesa muchib zizimbula kuna wale omwe ambapfunzisika lini, ninga wana ang'ono. Inde, Baba, nakuti tenepoyo bzidakudekerani pakubziona.²²Bzinthu bzense bzaperekiwa kuna ine kuchoka kuna Babangu, apo palibe ndiye amdziwa kuti Mwanayu mbani kupambula Baba, apo pomwe palibe ndiye amdziwa kuti Babayu mbani kupambula Mwana na wale omwe Mwanayu wawasankhula pala kuti azimbule bza iye.''²³Apo iye adachungunuka kuna wakupfunzira wache achiwauza mwa kanonono. ''Wakudalisika ndiwo omwe akuona bzomwe mukuonabzi. ²⁴Ndikulewa kuna imwe kuti aneneri azinnjitsa na mafumu makulu yadakhumba kuonambo bzinthu mukuonabzi soma alibe kubziona, na kukhumba kubva bzomwe mukubvabzi, soma alibe kubzibva.''²⁵Onani, mdziwi mkulu wa mitemo ya utongi adaima kuti amuyezere iye, nkulewa kuti, ''Mpfunzisi, ndichite tani kuti ndikapite mmoyo wa muyaya?'' ²⁶Yesu adati kuna iye, ''Mumtemo wautongi mudanemba tani? Mumbalilewenga tani?'' ²⁷Iye adatawira achiti, ''Ukonde Mbuya Mulungu wako na mtima wako wensene, na mzimu wako wensene, na mphamvu zako zensene, na bzakukumbuka bzako bzensene, na mnansi wako na iwepo pomwe mwenekachiro.'' ²⁸Yesu adati kuna iye, ''Watawira bwino.Chita bzobzi tsono, apo umdzakhala na moyo.''.''²⁹Suma iye, pakufuna kubzikomesera yekha adati kuna Yesu, ''Kodi mnansi wangu mbani?'' ³⁰Yesu adamutawira achiti, ''Munthu winango akhafamba kuchokera ku Yerusalemu kuyenda ku Yeriko. Panjira adaphatiwa na akapondolo, omwe adamupsokonyola bzinthu bzache achimmenya, mkumusiya atatsala pang'ono kufa.³¹Mwamwayi wansembe akhafambambo njira imweyo, apo pomwe adamuona, adapandulira kumphepete achipitirira. ³²Ndendende pomwe adafikambo mu Levi, atafika pambutopo mkumuona, adapandulira kumphepete achipitirira pomwe basi.³³Soma Msamariya winango, pakupitambo na njira zache pomwe ninga wale, adafika pomwe ule akhali. Atamuona, adabva naye nsisi. ³⁴Adamufenderera achimumanga ma galagadula bzilonda bzachebzo, atabzithira mafuta na vinyo. Adamupakiza pa nyama yomwe akhadapakira iye yekha achikamutula mmanja mwa wakutchenkha alendo, achimusamala. ³⁵Mangwana yache kutachena adachosa kobiri ziwiri za denarii, nkupagali kuna wenekachiro wa pambutopo, achiti, ' Mutchenkheni uyu, apo chirichense munimudzongeracho, pakubwerera nimdzapagali ine.'³⁶Nguponi pa atatuwa omwe ukukumbuka kuti akhali mnansi wache wa omwe adamenyiwa na akapondolo ule? ³⁷Iye adati, ''Omwe adaonesa nsisi kuna iyeyo.''Yesu adati kuna iye, '' Tsono ndoko umbakachitembo tenepoyo.''³⁸Tsapano pomwe akhafamba, adapita mmuyi winango, apo mkazi winango dzina lache Malita adamutambira mnyumba mwache. ³⁹Akhana nana wache dzina lache Mariya, omwe akhakhala pa nzayo za Mbuya nkumbabva mafala yache.⁴⁰Soma Malita akhadatanganika maninge kukonzesera chakudya. Adabwera kuna Yesu achiti, ''Mbuya, mulibe nabzo basa kani kuti nana wangu ule wandisiyira ndekha basa lense lakuphikali? Muuzeni tsono andithandizembo.'' ⁴¹Soma Yesu adamutawira achiti, ''Malita, ukubziboneresa na bzinthu bzizinji, ⁴²soma chakufunika mchinthu chibodzi. Mariya ule wasankhula chomwe mchabwino maninge, chomwe chimdzatengiwa lini kuna iye.''

11¹Bzidachitika nsiku inango kuti Yesu akhanamata mbuto inango. Atamaliza, m'bodzi wa wakupfunzira wache adati kuna iye, ''Mbuya, tipfunzisenimbo kapempheredwe ninga ndimo Yohani akhapfunzisira wakupfunzira wache.²Yesu adati kuna iwo, ''Pakupemphera lewani kuti, 'Baba, mbalithembeke dzina lanu thangwedi ndakulemekezeka. Ufumu bwanu mbabubwere.³Tipeni ife lero chakudya chathu cha lero. ⁴Tilekerereni bzakuipa bzathu, ningambo ndimo timbalakererera ndiwo tinawo mathangwe. Nampodi kutitengera kwa kukatiyezera.'''⁵Yesu adati kuna iwo, ''Mbani waimwe achikhala na mwayache, nkumuyendera pakati pa tsiku, kukamuuza kuti, 'Mwayangu, ndikumbizembo pau zitatu zamtero, ⁶thangwe mwayangu wabwera kuchoka kumseu, apo ndiribiretu neye kalikense kakumupa'? ⁷Kinangoka ali myumba ule mkumutawira kuti, 'Nampodi kundinesa. Ndafunga kale msuwo, ndipo wana wangu, na ine, tensene zjai tagona kale. Ningakwanise lini kumuka pomwe nkukupa pauzo. ⁸Ndikulewa kuna imwe, neye achikhala kuti iye walamba basi kumuka soma nakuti iye ni mwayanu, muchisaya manyazi nkukumbira pomwe basi, anilamuka achikupani pau zizinji ate zjai kuposa zomwe mukhadafunazo.⁹Ndikulewa pomwe kuna imwe, kumbirani, ndipo mumdzapasiwa; psagani, ndipo mumdzabzigumana; gogodani, ndipo chimdzafunguliwa kuna imwe. ¹⁰Thangwe aliyense wakukumbira amdzapasiwa, ndipo wakupsaga psaga amdzabzigumana; ndipo kuna iye wakugogoda, chimdzafunguliwa.¹¹Mbani baba pa imwepa, mwananu achikukumbirani nsomba, mungamupase nyoka mmalo mwa nsombayo? ¹²Ayai achikumbira dzayi, angampase mphiriri? ¹³Mthangwe lache, penu mudaipa dziwani kupasa mphatso zabwino kuna wana wanu, mtenepo pomwe Baba wanu wakudzaulu amdzapasa Mzimu Wakuchena kuna iwo wakumukumbira?''¹⁴Tsapano Yesu adabulisa chiwanda chakusaya kulewalewa. Pomwe chiwandacho chidabula, mwamuna omwe akhali bewewe ule adayamba kulewalewa, apo thimu lawantu lidadabwa. ¹⁵Soma wanthu winango adati, ''Mthangwera mphamvu ya Berezebule, mtongi wa bziwanda, ndipopa akukwanisa kubulisa bziwanzabzi.''¹⁶Winango adamuyezera achifuna kutoma kuona chizindikiro chakuchokera kudzaulu. ¹⁷Soma Yesu adabvimira bzakukumbuka bzao achiti kuna iwo, ''Ufumu bulibwense bwakugawanika bumdzapasuka, apo muyi wakugawanika okha umdzamala.¹⁸Penu Satana ngwakugawanika yekha, ufumu bwache tsono bumdzalimba tani? Pakuti mwati nimbabulisa bziwanda thangwera mphamvu ya Berezebule. ¹⁹Penu nimbabulisa bziwanda thangweradi Berezebule, tsono wanuwambo ambabulisa na mphamvu yayani? Thangwera ibzi, iwo amdzakhala atongi wanu. ²⁰Soma penu nimbabulisa bziwanda na chala cha Mulungu, ndiye kuti zjai ufumu bwa Mulungu bwafika kuna imwe.²¹Pomwe munthu wamphamvu omwe ana bzida bzakukwana anilindira nyumba yache, bzombo bzache bzimdzakhotchererewa, ²²soma penu panionekambo nyamphamvu kuposa iye achimugonjesa, wamphamvuyo amdzapsokonyola bzensene bzomwe akhathemba achituta bzombo bzace bzensenebzo. ²³Omwe ana lini ine akundiwenga umweyo, apo ndiye ambagwezekana lini na ine amdzamwazikana.²⁴Pomwe mzimu wakuipa wabula mwa munthu, umbakafamba kupita mbuto zakusaya madzi kupsaga kuti ukapume. Ungakasaya mbuto, umbati, 'Zjai ndibwerere kumuyi kwangu ndiko ndikhakhala pakutoma.' ²⁵Ungabwerera, umbakagumana mnyumba mule zjai mudapsairiwa ndipo mudalongosoka. ²⁶Kinangoka umbabwerera kukatengana na inzache minomwe yakuipa maninge kuposa iwo ndipo yensene imbabwera kudzakhala momo. Tsapano mumdzaona kuti khalidwe la munthu ule limbakhala lakuipa kunyanya zjai kuposeratu ndimo akhaliri pakutoma pale.²⁷Bzidachitika kuti pomwe akhasewera bzobzi, mkazi winango adakuwa pa thimu lire achiti kuna iye, ''Chakudalisika chiberekero chidabala imwe na tsuku ndiro mudamama imwe. ²⁸''Soma iye adati, Pomwembo, mbakudalisika ndiwo ambabva mafala ya Mulungu achiyakoya.''²⁹Pomwe thimu likhafamba lichiwanda, Yesu adayamba kulewalewa kuti, ''Mbwado uno ni mbwado wakuipa. Umbapsaga bzizindikiro, seye kudziwa kuti palibe chizindikiro ndicho chimdzaperekiwa kupambula chizindikiro cha Yona. ³⁰Pakuti ninga ndimo Yona adakhalira chizindikiro kuna wanthu wa ku Nineve, mtenepoyombo ndimo Mwana wa Munthu amdzakhalira chizindikiro kuna mbwado uno.³¹Mfumukazi ya ku m'wera imdzalamuka pa nsiku ya kudzatongiwa na wanthu wa mbwado uno ichidzawatsimula, thangwe imdzabwera kuchokera ku malekezero ya dziko lapansi kudzabva nzeru za Solomoni, ndipo onani, winango mkulu kuposa Solomoniyo ali pompano.³²Amuna wa ku Nineve amdzaima pa chitongero na wanthu wa mbwado uno achidzatsimula, thangwe adalapa na kulalika kwa Yona, ndipo onani, winango mkulu kuposa Yona ali pompano.³³Palibe, ndiye angagase nyale, achiyiikha pakumpsinkha ayai pa dengu, soma padecha, pala kuti aliyense wakupita mwemo ambaone kutoya kwache. ³⁴Diso lanu ni nyale ya thupi. Pomwe diso lanu liri bwino, thupimbo lensene limbadzala na kutoya. Soma pomwe diso lanu laipa, thupi lanu lensene limbadzala kupsipa na mdima. ³⁵Tsono, chenjerani kuti kuwala kuli mwa imwe nampodi kusanduke mdima. ³⁶Tsapano thupi lanu lensene lingadzala na kutoya seye nkukhala na mbalawande ya mdima, ndiye kuti thupi lanu lensene limdzakhala ninga ndimo nyale imbangwerewerera kutoya pa imwe.''³⁷Pomwe adamaliza kulewalewa, Mfarisi adamukumbira kuti akadye naye kumuyi kwace, natenepo Yesu adayendadi achikakhala nkutsamira pa meza. ³⁸Mfarisi ule adadabwa kuona kuti Yesu alibe kutoma kusamba mmanja pakulalira pale.³⁹Soma Mbuya adati kuna iye, ''Tsapano, imwe a Farisi mumbatsuka kunja kwa kaneka na palato pamene mkati mwanu mudadzala na umbava na upandu. ⁴⁰Imwe wanthu wakunyansa! Nim'bodzibodziyo lini omwe adalenga kunja ndiye adalenga pomwe mkati? ⁴¹Perekani bzomwe bziri mkati ninga chithandizo, apo bzinthu bzense bzimdzakhala bwino kuna imwe.⁴²''Soma pikado kuna imwe Afarisi, thangwe mumbapereka tumbeu twakununtchira, chitowe na bzense bzakumela bza mmunda, soma mumbadana na chilungamo na chikondi cha Mulungu. Mbzakufunika kuchita bzachilungamo na kukonda Mulungu, seye kutazila kuchita pomwe bzinthu bzinango.⁴³Pikado kuna imwe Afarisi, thangwe mumbakonda bzakukhalira bza kutsogolo mma sunagoge na kumbamusiwa mwa ulemu mmisika. ⁴⁴Tsoka kuna imwe thangwe muli ninga nthutu zakusaya bzizindikiro zomwe wanthu ambaponda nkumbafamba popo seye nkudziwa.''⁴⁵M'bodzi mdziwi mkulu wa mitemo ya utongi adati kuna iye, ''Mpfunzisi, bzomwe mukusewerabzi mukulimula pomwe na ife kubodzi.'' ⁴⁶Yesu adati, ''Pikado kuna imwe, apfunzisi wa bzamitemo ya utongi! Thangwe mumbasenzesa wanthu kachitigu zakunesa kutakula, soma imwe neye kudzusambo chala chibodzi chokhambo kuwathukula kuti apepukidwe kachitiguzo.⁴⁷Pikado kuna imwe thangwe mumbawaka nthutu za anenerri, pomwe mba abereki wanu omwe adawapha. ⁴⁸Tsono ndimwe mboni apo mukutawiriza ku mabasa ya abereki wanuwo, thangwe mchadidi kuti adawapha ndiwo apo mukuwakadi nthutu zaozo.⁴⁹Na thangwe iri pomwe nzeru ya Mulungu idati, ''Nimdzawatumizira ananeri na atumwi, apo amdzawaboneresa ate na kumbadzapha winango.' ⁵⁰Mbwado uno tsono, ndiwo umdzatawira mulandu wa mulopa wensene wa ananeri omwe udajoja kuyambira pa kutoma pa kulenga dzikoli, ⁵¹kuchokera pa mulopa wa Aberi mpakana mulopa wa Zakaliya, ndiye adaphiwa pakati pa guwa la nsembe na nyumba ya kachisi. Inde, ndikuti kuna imwe, mbwado uno umdzatawira milandu imweyi.⁵²Pikado kuna imwe adziwi wa mitemo ya utongi, thangwe mwathawisa chavi cha nzeru; mumbapitambo lini mwemo mwekha, apo mkumbakhotcha pomwe wale wakufuna kupita mwemo.''⁵³Pomwe Yesu adachoka popale, anembi na Afarisi adamugaza achigegedzana naye pa bzinthu bzizinji. ⁵⁴Kukhala kudikhila iye kuti amubve mafala ya pakamwa pache yomwe angasewere.

12¹Panthawe yoyo , pomwe wanthu bzulu bzizinji adagwezekana pabodzi mwakuti kumbachita kupondana, iye afayamba kusewera kuna wakupfunzira wache chakutoma, ''Chenjeani na Afarisi wamtima wa kufufuma kuli kubzithusa.²Soma palibe ndicho chimdzabisika seye nkuzimbulika padecha, apo palibe ndicho chimdzabisala seye kudzadziwika. ³Tsono chirichense chomwe mukusewera mu m'dima chimdzabvekera padecha, napo bzomwe mumsewera pakhutu mmasubi yakumata bzimdzabvekera pansodzi pa nyumba.⁴Ndikulewa kuna imwe, abale wangu, lekani kugopa wale ndiwo amdzapha thupi lanu, apo akamala alibe chakuchita nalo. ⁵Soma ndikukuchenjezani bza ndiye mumbamugope. Gopani ule ndiye, angapha, ana mphamvu yakukuthusani mu ng'anjo ya moto. Inde, ndikulewa kuna imwe, gopani umweyo letu.⁶Nserenga ziwiri kodi zimbagulisiwa lini tungwingwingwi tuwiri tumkiti tumkiti? Chensecho neye ibodzi yokha imdzayebwiwa .lini pa maso pa Mulungu. ⁷Soma neye tsisi lokha la mumsolo mwanu limbadziwika basi kuwanda kwache. Nampodi kugopa. Ndimwe wakufunikira kuposa nserenga zizinjizo.⁸Ndikulewa kuna imwe, aliyense ndiye ambandibvuma pamaso pa wanthu, Mwana wa Munthu amzamubvumambo pamaso pa anjero wa Mulungu, ⁹soma ndiye amndilamba pamaso pa wanthu amndzalambiwambo pamaso, pa anjero wa Mulungu. ¹⁰Aliyense wakusewera makiriyado kuna mwana wa Munthu, amdzalekereriwa, soma iye wakuchitira makiriyado Mzimu Wakuchena amdzalekereriwa lini.¹¹Angadzakupfuwirani mma sunagoge, kuna atongi, na kuboma, nampodi kuchita thupo kuti mumdzakasewera tani pa kubzikhotcherera kwache, ayai kuti mumdzakasewera chiyani, ¹²thangwe Mzimu Wakuchena umdzakupfunzisani pa nthawe yoyo bzakuti mulewelewe.''¹³Apo winango pa thimu pale adati kuna iye, ''Apfunzisi, muuzeni mano wanguyu tigawane vida ya masiyei. ¹⁴Yesu adati kuna iye, ''Munthu iwe, mbani adandiikha mtongi ayai mkhala pakati wanu?'' ¹⁵Iye adati kuna iwo, ''Bzitchenkhe wekha pala kuti ukhale kutali na chilakolako cha dyera, thangwe moyo wa munthu sikuti umbatengera kawandidwe ka vida ndiyo anayo.''¹⁶Tsapano Yesu adawauza chifaniziro, kuti, ''Munda wa munthu winango udabala bzinthu kwenekwene, ¹⁷ndiye adakumbuka mwaiye yekha kulewa kuti, 'Ndichite tani, thangwe ndiribe mbuto ya kukwana kukoyera bzakukololabzi?' ¹⁸Iye adati, 'Nimchita tene, nimpasula magwangwaya ndipakase makulu yache, apo mwemo tsapano ndimo nimdzakoyera mbeu na bzinthu bzinango. ¹⁹Nilewa kuna mzimu wangu, 'Mzimu, unikoya bzombo bzizinji ate magole mazinji. Puma bwino, dyaya, mwaya, khala wa kusekera.'''²⁰Soma Mulungu adati kuna iye, 'Munthu wakupusa iwe, maulo yano mzimu wako wakukwanira, apo tsono bzinthu wakonzekerabzi, bzimdzakhala bza yani?' ²¹Umo ndimo munthu ambakhalira mkumbakhala na vida mwa iye yekha soma mkukhala seye wakusauka pa maso pa Mulungu.'²²Yesu adati kuna wakupfunzira wache, ''Natenepo ndikukuuzani, nampodi kukhala na thupo na moyo wanu, kuti mumdzadya chani, ayai bza thupi lanu, kuti mumdzabvala chani. ²³Thangwe moyo umbaposa chakudya apo thupimbo limbaposa bzakubvala.²⁴Ganizirani mbalame za apsololo, zimbabzala lini ayai kukulola. Ziribe ma gwangwa ayai nkhuti, soma Mulungu ambazidyesa. Ndimwe wakufunikira maninge kuposa mbalame! ²⁵Mbani wa imwe na kudandaula angakwanise kuthimizira kutalika pankiti pokha kwa moyo wache? ²⁶Penu tsono mukukwanisa lini kuchita kachinthu kamkiti kokha, msabwanji tsono mumkukhala na thupo na ndiko kwatsalaku?²⁷Ganizirani maluwa---ndimo yambakulira. Yambaphata lini basa, yambangwereka lini. Tsono nimkuuzani kuti, neye mfumu Solomoni chaiyo muulemerero bwache bwensene iribe kubvala neye ninga dzuluwa libodzi la yamweya. ²⁸Ningati Mulungu ambabvazika upsa bwa mthengo, ndibo bulipo lero lokha, apo mangwana zjai bukutenthiwa, ndiye tani kuna imwe amdzakubvazikani moda wanyi, O wanthu wakuchepa chikhulupiriro imwe!²⁹Nampodi kubonera kupsaga bzakuti mudzadye na bzakuti mudzamwe, apo lekani thupo. ³⁰Pakuti wanthu wensene padziko pano ambapsaga bzinthu bzobzi, neye apo Babanu ambadziwa pomwe kuti imwe mumbabzifunambo.³¹Soma psagani ufumu bwache, apo bxinthu bzobzi bzimdzathimiziriwa kuna imwe. ³²Nampodi kugopa, tumabira imwe, thangwe Babanu akufuna maninge kukupani ufumu.³³Gulisani bzomwe munabzo mupase wakusaya. Bzikonzereni phukusi la kusaya kumala--- vida ya kudzaulu yomwe imdzamala lini. Yomwe neye mbava ingafikire lini, ayai pomwe mchenje kuidzonga. ³⁴Pakuti pomwe pana vida yanu mtima wanumbo umdzakhakla popo.³⁵Khalani wakubzimangira mchiuno apo nyale zanu zikhale zakugaka, ³⁶apo khalani ninga wanthu wakudikhira mbuya wao pomwe akubwera kuchoka ku phwando la maloozi, kuti pomwe wafika achigogoda kamkulumize adzamufungulire.³⁷Wakudala mba anyabasa omwe mbuya wao amdzawagumana adapenya pa kubwera kwa iye. Indetu ndikulewa kuna imwe, iye amdzabzimangira mchiuno achidzawakhazika pansi pa meza bwino, apo amdzabwera kudzawatumikira. ³⁸Apo mbuyayo achibwera pomwe kudzazonda kachiwiri ayai kachitatu, mkudzawagumana adapenya pomwe basi, zjai mbakudalisika anyabasa amweo.³⁹Soma dziwani ichi, achikhala mwenekachiro nyumba akhadziwa nthawe ya kubwera mbava, angadabvumalini nyumba yache kutcholiwa. ⁴⁰Khalanimbo wakukonzeka, thangwe Mwana wa Munthu ankubwera pa nthawe ndiyo mukuidikhira lini.''⁴¹Petulo adati, ''Mbuya, chifanizochi mukuchilewa pala ife tekha ayai kuna aliyense?'' ⁴²Mbuya adati, ''Mbani tsono bwana wakukhulupirika na wanzeru ndiye mbuyache amdzampasa anyabasa wace kuti awapase mbali yao ya chakudya pa nthawe yache. ⁴³Wakudala ni kapolo ndiye mbuya wache amdzamugumana akuchita bzobzi pakudzabwera iye. ⁴⁴Indetu ndikulewa kuna imwe iye amdzamusiira kuti anyang'anire bzinthu bzache bzense.⁴⁵Soma penu kapoloyo anilewa mumtima mwace, 'Mbuyayu akuchedwa kubwera,' achiyamba kumbamenya anyabasa wachimuna na wachikazi nkumbadyerera na kumwa na kumbaledzera, ⁴⁶mbuya wa kapolo umweyo amdzafika nsiku ndiyo iye akhakhulupirira lini na pa nthawe yakuti iye akudziwa lini apo amdzamugwata ma pidaso achidzaikha winango wakusaya kulungama mmalo mwa iye.⁴⁷Kapolo umweyo, pakuchita kudziwa bzikufuna mbuyache soma neye kukonzekera kuchita bzimfuna mbuyachebzo, amdzamenyiwa na mabakera mazinji. ⁴⁸Soma ndiye alibe kudziwa achichita bzakuthemera kumenyiwa nabzo, amdzamenyiwa na mabakera yakuchepa. Soma wense ndiwo apasiwa bzizinji, kuchokerambo kwa iwo bzizinjibzo bzimdzafunika, napo ule ndiye walongesiwa bzizinji, bzizinjimbo amdzakumbiriwa kuchoka kuna iye..⁴⁹''Ndidabwera kudzagasa moto dziko lapansi, apo zjai nimbafuna terepayu litagasiwa kale. ⁵⁰Soma ndina ubatizo bwa kubatiziwa nabo, napo ndimo ndachitisiwira manyazi mpakana bzitamala!⁵¹Mukukumbuka ninga ndidabwerera kudzapereka mtendere pa dziko lapansi? Nada, ndikukuuzani soma kugawanisa pang'ono. ⁵²Pakuti kuchokera tsapano mpakana mtsogolo muno amdzakhala ashanu mnyumba ali wakugawikana---atatu kugandukira awiri, apo awiri kugandukira atatu. ⁵³Amdzagawikana, babamunthu kugandukira mwana napo mwana kugandukira babache, mamunthu kugandukira mwanache wachikazi napo pomwe mwana kugandukira mamache, mabzala wachikazi kugandukira muloola wache napo muloola kugandukira mabzala wache wachikazi.''⁵⁴Yesu adalewa pomwe kuna thimu la wanthu, ''Mungaona mtambo ukuchokera kumadokero, kamfulumize mumbati, mvula ikubwera,' apo bzimbachitikadi. ⁵⁵Chonzi chingambachokera kum'wera, mwati, kunipsa maninge,' apo bzimbachitikadi. ⁵⁶Wachinyengo imwe, mumbadziwa kuzindikira bza nyengo ya dziko lapansi na kudzaulu, soma mumbataza tani kubvimira bza nthawe za tsapanopa lino?⁵⁷Thangweranyi mumbataza kudziwa bzabwino bza imwe wenekachiro. ⁵⁸Pakuti mungatsagana na nyakuphonyerana naye pakuyenda kuna nyakutonga mirandu, panjira chitani bzakuti mukhale naye pansi mwayanuyo pala kuti nampodi akakufikizeni kuna nyakutongayo, na tenepo nyakutonga ule amdzakuperekani lini kuna apolisi, ndipo mpolisiyo amdzakuthusani lini mkaoko. ⁵⁹Ndikulewa kuna imwe, mungadzabule lini pomwe panja mpakana mutapagali kobiri zensene ndizo mumdzatchajiwa.

13¹Panthawe imweyo, wanthu winango popo adamuuza iye bza wanthu waku Galileya winango omwe Pilato adatenga mulopa wao mkusanganiza na nsembe zao. ²Yesu adawatawira kuti, ''Mukukumbuka kuti a Galileya amwewo akhali wakuphonya maninge kuposa a Galileya winango wense thangwera kuti adabonera terepoyo? ³Nada, ndikukuuzani. Soma penu munilapa lini, mwensenemwe mumdzamalambo psiti moda umweyo.⁴Ayai wanthu khumi na asere waku Siloamu wale omwe nsanza idawagwera achiferatu, mukukumbuka kuti akhali wakuphonya maninge kuposa wanthu wense wa mu Yerusalemu? ⁵Nada, ndikukuuzani pano. Soma penu munilapa lini, mwense mumdzamala psiti.''⁶Yesu adalewa fanizo iri, ''Munthu winango akhana muti wa mkuyu ataubwala mmunda mwache mwa mpesa ndiye adayenda pamutiyo kukanyang'ana nkhuyu mwemo soma alibe kukagumana neye ibodzi. ⁷Munthu ule adati kuna nyabasa wache, 'Ona, ate magole matatu tsapano ndikumbabwera kuyezera kuti ndidzatchembo nkhuyu mmutimu soma nimbagumana mulibe basi. Ugwate zjai. Mazi phindu lache ndiponi pala kutondo kusukwisa mataka?'⁸Nyabasa wa mmunda ule adatawira achiti, 'Mbuya , ulekeni gole libodzi lino lokha ndiukonzere mkulekule kuzungulira komanso ndiuthire ndovolo. ⁹Gole la mangwana ungabala nkhuyu, ni bwino; soma ungatazira pomwe, mudzaugwate tsapano!'''¹⁰Tsapano Yesu akhapfunzisa mu sunagoge inango nsiku ya sabudu. ¹¹Onani, mkazi winango akhali popo omwe adamala magole khumi na masere akutsautsika na chiwanda cha kulefula thupi. Akhadagongonyekeratu msana apo zjai akhatha lini pomwe kumbaima bwino bwino dzololo.¹²Pomwe Yesu adamuona, adamchemera achiti, ''Mkaziwe kulefuka kwako kwatsudzuliwa. ¹³''Adamubzatika manja yache, apo zjai kamkulumize udathamuka achitenda Mulungu. ¹⁴Soma mkulu wa sunagoge ire bziribe kumukomera pakuona kuti Yesu adalimbisa munthu nsiku ya sabudu. Apo mkulu ule adatawira achiti kuna thimu lire, ''Pana nsiku zitanthatu zakuthemera kuphata basa. Penu mumfuna kulimbisa wanthu mumbabwere nsiku zozo, neye kuti nsiku ya sabudu nada.¹⁵Mbuya Yesu adamutawira achiti, ''Wanthu wachinyengo imwe! Kodi imwepo mumbatsudzulira lini ng'ombe za pa kalosa ayai mabulu yanu pachingwe muchikazimwesera kumadzi nsiku ya Sabata? ¹⁶Mbzibodzibodzimbo na uyu mwana wa Abrahamu, omwe Satana akhadamumanga ate magole khumi na mawiri yamtero, tsapano mumfuna kuti mfundo zachezo nampodi zitsudzuliwe nsiku ya Sabata''¹⁷Pomwe adasewera bzobzi, wensene omwe akhamugaza wale zjai adachita manyazi, soma thimu lizinji likhasekera na chifundo ndicho adamuchitiracho.¹⁸Ndiye yesu adati, ''Ufumu bwa Mulungu buli ninga chani, apo ningabundendemezere na chani? ¹⁹Buli ninga kanjere ka muti wa mastade ndiko munthu adakatenga achikathusa mmunda mwace, apo kadakula mkusanduka chimuti chikulu, mwakuti mbalame za mdzaulu zidamanga bzitsa mmitawi yace.''²⁰Iye adalewa pomwe, Ningabundendemezere na chani ufumu bwa Mulungu? ²¹Buli ninga bzakufufumisa mkate bzomwe mkazi adatenga achisanganiza na magaba matatu ya ufa bwa tirigu mpakana bwense budafufuma.''²²Kinangoka Yesu adafamba kumbapita mmizinda na mmiyi, kupfunzisa kumbayendera ku Yerusalemu. ²³Munthu winango adati kuna iye, ''Ati amdzapulumuka ni wanthu wakuchepa basi?'' Iye adati kuna iwo, ²⁴''Bonerani pala mudzapite pa kamsuwo kakupsindiza, thangwe, ndikulewa kuna imwe, azinji amdzayezera kuti apitembo, soma amdzatazira kupita.²⁵Mwenekachiro nyumba akadzatondo kumuka mkufunga msuwo, basi mumdzaima panja mkumbadzamenya msuwoyo mkumbadzati, Mbuya, Mbuya, tifungulirenimbo kani.' Iye amdzakutawirani kuti, ' Nimkudziwani lini imwepo neye kuti mwachoka kuponi.' ²⁶Ndiye mumdzati, 'Tikhambadya nkumbamwa namwe ife pale ate muchimbapfunzisa mmiseu yathu mwayebwa zjai.' ²⁷''Soma amdzatawira, 'Ndati, nimkudziwani lini ndiko mwachokera. Bulani popa, imwe mwense wakusaya kulungama!'²⁸Ndiye kumdzakhala kulira na kububuda mano mungadzaona Abrahamu, Isaki, na Yakobo, na aneneri wensene mu ufumu bwa Mulungu, imwe mkudzaponyiwa kunja. ²⁹Amdzabwera kuchoka ku machibese, kumadokero, kumpoto na ku mmwera, achikhala pa meza mu ufumu bwa Mulungu. ³⁰Dziwani ichi, wakunyozekeratu amdzakhala wakutoma, apo ndiye mumbamtenga kuti ngwakufunikira maninge amdzakhala wakumaliziraletu umweyo.''³¹Pa nthawe ibodzibodziyo, Afarisi winango adabwera achiti kuna iye, ''Ndokoni chokani pano thangwe Herodi amfuna kukuphani.'' ³²Yesu adati, ''Ndokoni mukaiuze nkhandweyo, 'Onani, ndikubulisa bziwanda na kulimbisa matenda lero na mangwana, apo nsiku ya chitatu nimdzakwanisa bzomwe nimfuna.' ³³Natenepo, mbzabwino kupitiriza lero, mangwana na mkucha, thangwe mbzakubvumiziwa lini pala mneneri kuphedwera kunja kwa Yerusalemu.³⁴Yerusalemu, Yerusalemu omwe umbapha aneneri na kumbaboma ndiwo atumiziwa kuna iwe. Kazinji nimbafuna kukhongobza wana wako ninga ndimo nkhuku imbakulubzira mtumba wace mmaphapidwe mwace, soma ulibe kufuna bzobzi. ³⁵Ona, nyumba yako yalamwiwa. Ndikulewa kuna iwe, umdzandiona lini pomwe mpakana udzalewe kuti, 'Wakudala ndiye omwe wabwela mdzina la Mulungu.''

14¹Bzidachitika pa nsiku inango ya Sabudu, pomwe adakapita mnyumba mwa mkulu m'bodzi wa Afarisi kukadya mkate, kuti akhamunyang'anisisa maninge. ²Onani, pamwepo pakhana mwamuna wina wakudwala matenda ya edema. ³Yesu adabvunza adziwi wa mitemo ya Ayuda na Afarisi, ''Mbzakubvumiziwa kulimbisa nsiku ya Sabudu, ayai neye?''⁴Soma iwo adakhala chete. Tsono Yesu adamuphata iye boko, achimuuza kuti ambayende. ⁵Iye adati kuna iwo, ''Mbani wa imwe ndiye achikhala na mwana mamuna ayai ng'ombe ya pakalosa yomwe ichikhala yagwera mumchera nsiku ya sabudu angakaichose lini kunja?'' ⁶Iwo adatazira kutawira bzinthu bzobzi.⁷Pomwe yesu adaona omwe akhadachemeriwa atasankhula bzakukhalira bzabwino, adaasewera chifanizo kuna iwo achiti, ⁸''Mungachemeriwa kumadyerero ya maloozi, nampodi kumbafikira kukhalira pakulemekezeka neye, thangwe pinango pense winango amdzakhala wachemeriwambo wakulemekezeka kuposa imwepo. ⁹Munthu ndiye wachemera awiri mwensenemwe ule angadzafika, amdzati kuna imwe, pasani awa mbuto yanu mwakhalayi,' apo zjai na manyazi mumdzapitirira muchikakhala pa pezipezi chaipo.¹⁰Soma mungachemeriwa, ndokoni mukakhale pa pezi pezi, pala kuti ndiye wakuchemeraniyo angabwera, adzachite kukuuzani kuti, 'Mwayangu, ndoko kakhale pabwino pale.' apo tsapano mumdzapasiwa ulemu na wense omwe akhalambo pa mezapo na imwe. ¹¹Thangwe nyakubzikuza yekha napamdzachepesiwa apo wakubzichepesa amdzakwiziwa.''¹²Yesu adati pomwe kuna ule nyakuchemera wanthuyo, ''Mungambapereka chakudya chakulalira ayai phwando, nampodi kumbatondo kuchemera anzanu, azimano wanu, ayai adzinza okhaokha ayai anansi wanu wa vida, thangwe amweo angadzakuchemereranimbo bzao, zjai mumdzakhala ninga mukupagaliwi.¹³Soma mungakonza phwando, chemerani wale wakusaya, wakupunduka, wakudzedzemwa, na azimola, ¹⁴apo mumdzadalisiwa , thangwe amwewo angathe lini kukubwezerani. Na tenepo mumdzapagaliwi pa nsiku ya mmukiro wa anyakulungama.''¹⁵Pomwe mwam'bodzi omwe akhadakhala pa meza pale na Yesu adabva bzobzi, adati kuna iye, ''Wakudalisika omwe amdzadya mkate mu ufumu bwa Muliungu!'' ¹⁶Soma Yesu adati kuna iye, ''Munthu winango adakonza phwando achichemera wanthu azinjitsa. ¹⁷Pa nthawe ya phwandolo adatuma nyabasa wache kukauza omwe akhadawauza kale wale kuti, 'Bwerani, thangwe bzense tsapano bzamala kukonziwa.'¹⁸Wensene adayamba kupereka mathangwe yakutazira kubwera komkule. Wakutoma adati kuna iye, Ndagula kumene munda, ndiye ndikufuna kuyenda kukauona. Pirizi ndikupepesa.' ¹⁹Winango pomwe adati, 'Ndagula kumene ng'ombe khumi za pa kalosa, apo zjai ndikuyenda kukaziyezera. pirizi ndikupepesa.' ²⁰Apo winango adati, 'Ndaloola kumene mkazi, natenepo ningakwaniselini kubwera.'²¹''Nyabasa ule adabwera kudzauza mbuya wache bzobzi. Apo mwenekachiro wa nyumbayo adakalipa achiti kuna nyabasa wache. ''Zjai ndoko kamfulumize mmiseu na mmizinda ukachemere anyakusaya, wakupunduka, azimola na anyakudzedzemwa. ²²''Nyabasa ule adati, 'Bzanu mwatonga bzachitika apo pomwe mbuto ikalipodi.'²³Mwenekachiro ule adati kuna nyabasa wache, 'Ndoko zjai mmiseu na mmaluwa apo ukakuse wanthu abwere muno, pala kuti nyumba yangui idzale. ²⁴Nakuti ndikulewa kuna imwe, wale wense omwe ndikhadawachemera, amdzalawidza lini phwando languli.'''²⁵Apo thimu lizinji likhamutewera, ndiye adazungunuka achiti, ²⁶''Penu alipo wakubwera kuna ine ndiye ambawenga lini, babace, mamace, mkazache, wana wache, azimano wache chaiwo, angathe lini kukhala wakupfunzira wangu umweyo. ²⁷Omwe angakwanise lini kutakula mtanda wache mkunditewera angakwanise lini kukhala wakupfunzira wangu umweyo.²⁸Pakuti mbani wa imwe ndiye angakhumbe kumanga nsaka seye kutoma kukhala pansi kuwerengera kuti wakontcheza bzipangizo bzakukwana kumalizira basa lache lense? ²⁹Seye apo, angachera kuti aimange mkutazira kuimaliza, wensene wakumuona amdzayamba kumunyogodola, ³⁰kuti, 'Munthu uyu akhadayamba kumanga soma adatazira kumalia.'³¹Apo ayi nimfumunyi ingayende kukachita nkhondo na inzache, seye nkutoma kukhala pansi kubvunza nzeru kuti penu ingakwanise na wanthu wache bzulu khumi kukamenyana na mfumu inango ndiyo inambo wache bzulu makumi mawiri? ³²Penu neye yaona kuti ingakwanisanenao lini, nthawe ndiyo thimu lankhondolo likadali kutali, imdzatumiratu mtumi wakukumbira chibverano cha mtendere. ³³Apo tsono, omwe akhathe lini kutula bzense bzomwe anabzo angakwanise lini kukhala wakupfunzira wangu umweyo.³⁴Munyu ngwabwino, Soma penu wamala mphamvu ya kukoma kwace, ungasanduke tani pomwe munyu? ³⁵Bziribe phindu kuti mataka ayai mudwi wa ndovolo. Umbataiwa,. Ndiye ana makutu yakubvera abve bzobzi.''

15¹Tsapano wense wakukhomesa mitsonkho na anyakuphonya adabwera kuna Yesu kudzabvesera. ²Afarisi na anembi adang'ung'dza kuna wina na mwayache, kumbalewa kuti, ''Munthu uyu ambatambira anyakuphonya, ate kufikzana kumbadya nawo pabodzi.''³Yesu adasewera nawo mchifanizo, achiti, ⁴''Mbani wa imwe, achikhala nayo mabira yache dzana libodzi ndiye bira m'bodzi achitayika , angasiye lini makumi mapfemba na mapfemba yale mthengo, mkuyenda kukapsaga m'bodziyo ate mpakana kumugumana? ⁵Ndiye angakamugumana ambamukupika pa phewa achisekera.⁶Akafika pamuyi, ambachemera anzache na anansi, achiwauza, 'Sekera nandeni pabodzi thangwe ndagumana bira wangu ndiye akhadatayika.' ⁷Ndikulewa kuna imwe kuti mdendendembo, kumdzakhala kusekera kudzaulu thangwera nyakuphonya m'bodzi ndiye walapa, kusiyana na makumi mapfemba na apfemba omwe amfuna lini kulapa.⁸Ayai mbani mkazi achikhal na tukobiri khumi twa ngwingwingwi, omwe achitaya kabodzi, angagase lini nyale, achipsaira mnyumbamo, mkupsaga palipense ate kukabulukira. ⁹Angakagumana ambachemera anzache na anansi, kuti, 'Sekera nandenimbo pabodzi, thangwe ndagumana kobiri ndiyo ikhadataika.' ¹⁰Mdendendembo, ndikulewa kuna imwe, kumdzakhala kusekera pamaso pa anjero wa Mulungu pala m'bodzi ndiye watembenuka.'¹¹Apo Yesu adati mwamuna winango akhana wana wachimuna awiri. ¹²Apo mg'onoyo adati kuna babache, 'Baba, ndipasenimbo mbali ya vida yanui ine.' Apo adamugawira vidayo.¹³Tsapano patapita nsiku zakuchepa mg'ono ule adalongedza bzache bzensene achichoka mkuyenda dziko la kutali, apo kumweko adakadzonga vida yache yensenene ire mwa kalabvadza. ¹⁴Tsapano atamala kusakaza bzensene bzire mdiko mule mudagwa kambzombzo mkulu maninge, apo zjai adayamba kubonera.¹⁵Adayenda kukaphata basa kuna munthu winango mdzikomo, omwe adamutumiza kumunda wache kumbakadyesera nkhumba. ¹⁶Akhambaumirizika kudya bzakudya bza nkhumbabzo thangwe pakhaliube munthu wakumupasa chakudya chirichense.¹⁷Soma pomwe adakhala pansi kukumbuka, adati, 'Anyabasa wa baba mbangasi ndiwo ana chakudya chakukwana, soma ndiri kuno kufanayo njala terepayu? ¹⁸Nimnyamuka zjai ndimbabwerere kuna babangu, apo nimkalewa kuti, ''Baba, ndaphonyera kudzaulu na imwe kubodzi. ¹⁹Ndikuthemera lini pomwe kuchemeriwa mwana wanu; mundisanduse ningati m'bodzi wa anyabasa wanu.'''²⁰Apo mnyamata ule adanyamuka kubwerera kumui kuna babache. Pomwe akadali patali, babache wale adamouna achibva naye nsisi, achithamanga kukamukumbatira achimumpsompsona. ²¹Mwana ule adati kuna iwo, 'Baba, ndaphonyera kudzaulu na imwepo kubodzi. Ndikuthemera lini kuchemriwa mwana wanu.'²²''Babache wale adati kuna anyabasa wache, 'Bweresani kamfulumize chakubvala chabwino maninge chire, mumubvazike, mumubvazike pomwe chibangiri ku boko lache na shango kunzayo zache. ²³Kinangoka bweresani kamkono ka ng'ombe kakunenepa kale muphe tichite phwando na kusekera! ²⁴Thangwe mwanayu akhadafa, apo tsapano zjai ana moyo. Akhadatayika, apo tsapano waoneka.' Kinangoka adayamba kusekera.²⁵Tsapano mkulu wace akhali kumunda. Pomwe akhabwera achifendera pa muyi pale, adabva nyimbo na kubzina. ²⁶Adachemera nyabasa m'bodzi achimubvunza chomwe chikhachitika. ²⁷Nyabasa ule adati kuna iye, 'Mano wako wabwera apo babanu apha kamkono kakunenepa kale thangwe wabwera ali bwino bwino.'²⁸''Mkulu wacheyo adakalipa apo alibe kupita momo, apo babache adabula achimuuza kuti apite. ²⁹Soma mkuluyo adatawira babachewo achiti, 'Onani, magole yenseya ndakuphatirani basa pano, apo ndiribe kulamba bzomwe mukhanditonga kuti ndichite, soma mulibe kundipa neyembo kantchere kambuzi kamkiti pala kuti ndisekererembo na anzangu. ³⁰Soma pomwe mwananuyu wabwera, omwe adadzonga vida yanu kukamalira maputa uko, mubveke zjai mkumuphera letu kamkono kakunnepa bwino.'³¹Baba ule adati kuna iye, 'Mwanawe, ukhana ine pano nthawe zensenezi, apo bzangu bzensene mbzako pomwe. ³²Soma mbzabwino kuti ife tisekere thangwe mano wakoyu akhafa, tsono zjai tsapano ana moyo,' akhadatayika, apo tsapano waoneka.'''

16¹Yesu adauza wakupfunzira wache, ''Pakhana munthu winango wakudala omwe akhana nyabasa mkulu wakumbanyang'anirambo anyabasa anzache, apo mwenekachiro ule adauziwa kuti nyabasa mkuluyo akhadzonga vidayo. ²Apo mwenekachiro vida ule adachemera nyabasa mkuluyo achimuuza kuti, 'Mchiyani ndicho ndikubva kuna iwe? Ndipase bzakunemba bzense bza mawerengero ya vida yangu, thangwe zjai ukuthemera lini pomwe kukhala nyabasa wangu iwepo.'³''Nyabasa ule adakumbuka, 'Ndichite tani popa, nakuti zjai mbuya wangu akundichosa basa? Ndiribe mphamvu zakulima, apo pomwe ndina manyazi na kukumbira. ⁴Ndadziwa zjai ndibzo nimchita, pala kuti angandichosa basali, wanthu adzanditambire basi mmiyi mwao.'⁵Kinangoka nyabasa ule adachemera wensene omwe akhana mangawa yache, apo adabvunza wakutoma ule, 'Paja una mangawa zingasi kuna mbuya wangu?' ⁶Adati, 'Dzana libodzi la magaloni ya mafuta ya kudya.' ''Adati kuna iye, 'Tenga nsengwa imweyi, khala pansi kamfulumize, nemba kuti makumi mashanu.' ⁷Kinangoka nyabasa mkulu ule adati pomwe kuna winango, 'Paja iwe unande mangawa zingasi?' ''Adati, 'Malata dzana libodzi ya tirigu.' Adati kuna iye, 'Tenga nsengwa yakoi nemba kuti makumi masere.'⁸Mbuya ule zjai adamutenda nyabasa wakusaya chilungamo ule thangwe adachita bzakudeka. Thangwe wanthu wanthawe zino ambachita bzabwino pa wanthu wawo wakuwadziwa basi kusiyana na wana wachilungamo. ⁹Ndikulewa kuna imwe kuti bzikonzereni mwekha ashamwali thangwera kuchita chilungamo pakobiri, pala kuti zikadzamala adzakutambireni mmiyi mwao.¹⁰Omwe ambakhulupirika pa bzing'ono, ambakhulupirika pomwe pa bzikulu. ¹¹Penu mulibe kukhulupirika pa kobiri zakusaya chilungamo, mbani amdzakukhulupirirani pa kobiri chaizo? ¹²Penu mulibe kukhulupirika pa kuphatisa basa bzinthu bza mwenekachiro, mbani amdzakupani kobiri zanu chaizoizo?¹³Nyabasa angakhale lini na ambuya awiri, thangwe pinango pense amdzakonda m'bodzi pa awiriwo achiwenga winangoyo, ayai amdzatumikira m'bodzi achinyozera bza winangoyo. Mungatumikire lini Mulungu na vida.''¹⁴Tsapano Afarisi omwe akhakonda kobiri, adabva bzensebzi, apo adamulimula iye. ¹⁵Iye adati kuna iwo, ''Mumbabzisandusa wachilungamo pa maso pa wanthu, soma Mulungu ambadziwa mitima yanu. Iybze wakubzithusa pa maso pa wanthu , amdzachepesiwa pa maso pa Mulungu.¹⁶Mitemo ya utongi na aneneri bzikhaphata basa nthawe ndiyo Yohani adabwera. Kuchokera nthawe imweyo ate pano mafala ya ufumu bwa Mulungu yakulalikiwa basi, apo aliyense akuyezera kuterezera. ¹⁷Soma mbzakupusa kuti kudzaulu na dziko lapansi bzimale kusiyana na fala neye libodzi lokha la mtemo kumala basa.¹⁸Aliyense wakuzimbula mkazache mkukaloola winango, wachita chigololo, apo pomwe mamuna nyakukaloola mkazi wakuimbuliwayo wachita pomwe chigololo.¹⁹''Tsapano pakhana mkulu wina wakudala omwe akhambabvala bzakuumira achimbasangalala na vida zace. ²⁰Wakusauka winango wakumbakhalira kukumbira dzina lace Lazaro akhambadzatuliwa pa mpita wa litsito lace, uku thupi lense liri nsungu zokha zokha ²¹achimbadya mvululu zomwe zikhambagwa pa meza ya nyakudala ule. Mbwayambo zikhambabwera kudzanyanguta bzionda bzachebzo.²²Bzidachitika kuti nyakusauka ule adasaika achitakuliwa na anjero mkuyenda naye kuna Abrahamu. Nyakudala ule adasaikambo achikafuchiriwa, ²³apo mu Hade, pakubva kupsa, adajiguma maso yache achiona Abrahamu patali na Lazaro pamphepete pache.²⁴Apo adakuwa kulira kuti, 'Baba Abrahamu, ndichitirenimbo nsisi ine mtumeni Lazaroyo, pala kuti adzabvwike nsonga ya chala chache mmadzi adzajejeresembo lirime languli, thangwe ndikubva kupsa maninge mu moto muno.'²⁵''Soma Abrahamu adati, 'Mwanawe kumbukira mmoyo wako udatambira bzabwino bzensene, apo Lazaro umo akhali ninga wakuchita bzakuipa. Soma tsapano akunyamaliziwa muno, apo iwe uli mu bzakuwawa. ²⁶Pambali pa bzensebzi, chiphompho chakuzika chiri pakatipa, pala kuti wakufuna kuchoka kuno kufika koko atazire, ayai pomwe kuchoka koko pala kufika kuna ife kuno.'²⁷''Nyakudala ule adati, 'Ndikukukumbirani Baba Abrahamu, kuti mumutume kumuyi kwa babangu------- ²⁸thangwe ndinambo abale wangu ashanu-------pala kuti akawachenjeze, kuti nampodi ayezere kudzafikambo mbuto ya matsautso ninga ino.'²⁹''Soma Abrahamu adati, 'Iwo ana maso na aneneri; alekeni abvere amweo.' ³⁰''Nyakudala ule adati, Neye, Baba Abrahamu, soma kuchiyenda nyakuchoka kuna anyamuya kukuwauza, amkalapa.' ³¹Tsapano Abrahanu adati kuna iye, "Penu anibvera lini Mose na aneneriwo, amdzatheka lini kuwanyengerera neye achichita kuyenda ni wakumuka kuna anyamuuayo.'''

17¹Yesu adati kuna wakupfunzira wace, 'Mbzakukwanisika kuti kumdzakhala matsautso soma pikado kuna iye wakudzayabweresa! ²Zjai nkhasa kuna iye kumukolombecha mwala wa mpheyo mkhosi mwache achikathusiwa mu nyanza kusiyana kuti akhumudwise m'bodzi wa ang'ono ang'ono awa.³Chenjerani mwekha. M'bale wanu angaphonya mutsimuleni, apo iye angapepesa mulekerereni. ⁴Penu ankuphonyerani kanomwe pansiku, achimbabwera kanomwe kenseneko kuna imwe, kudzati, 'Ndalapa,' mulekerereni basi!''⁵Wakupfunzira wache adati kuna Mbuya, ''Thimizirani chikhulupiriro chathu.'' ⁶Mbuya adati, ''Mungadakhala na chikhulupiriro ninga kanjere ka muti wa mpiru, mungadalewa kuna muti uyu wa ,mkuyu, 'Uzuleni mukaubzale mnyanza,' ndiye ungadakubverani.⁷Soma mbani wa imwe, ndiye ana nyabasa wakulima ayai wakudyesera mabira, angalewe kuna iye achikhala wabwera kumunda , 'Bwera kamkulumize ukhale pansi udye'? ⁸Amdzachita lini kulewa kuna iye kuti ndikonzerenimbo chakudya ndidye., apo manga bande mchiuno mwako unditumukire mpakana ndimalize kudya na kumwaku. Pakumaliza adzadye bwino na kumwa?⁹Akuthokoza lini nyabasayu thangwera kuti adachita bzomwe adamuuza neye, mtenpoyo? ¹⁰Neye na imwe pomwe mungamaliza kucita bzomwe mukhadatongewa mulewe kuti, 'Ndife akapolo wa pezi pezi. Takwanisa kucita ndibzo tikhathemera kuchita.'''¹¹Bzidacitika kuti pomwe akhayenda ku Yerusalemu, akhafamba mmalire ya Samariya na Galileya. ¹²Atapita mmuyi winango adagumana na amuna khumi wakudwala mapere. Iwo adaima pakatali ¹³na iye achikuwa, kuti, ''Yesu, mbuya, tichitirenimbo ife chifundo.¹⁴Iye ataona iwo adati, ''Ndokoni mukabzionesere kuna wansembe.'' Atazungunuka zjai adaona alimba. ¹⁵Pomwe m'bodzi wa iwo ataona kuti walimbisiwa, adabwerera, achikuwa kutenda Mulungu. ¹⁶Adagwesa nkhope yache achigogama pa nzayo za Yesu kumutenda. Tsapano uyu akhali Msamariya.¹⁷Kinangoka Yesu adati, ''Mwalimbisiwa lini khumi kodi? Apfemba wale ali kuponi? ¹⁸Winangowale neye kubwererambo kudzatenda Mulungu neye. Kupambula mulendo nyakutaliyu basi?'' ¹⁹Iye adati kuna iye, ''Muka ndoko. Chikhulupiriro chako chakulimbisa.''²⁰Pakubvunziwa na Afarisi kuti ufumu bwa Mulungu bumdzabwera liti, Yesu adatawira achiti, ''Ufumu bwa Mulungu bumdzabwera lini kuchita kuonekeratu bwino bwino. ²¹Ayai kuti mwina amdzachita kulewa kuti, 'Onani, ubu!' ayai, Ubo uko!' Nakuti onani, ufumu bwa Mulungu buli mwa imwepo.''²²Iye adati kuna wakuppfunzira, ''Nsiku zikubwera zomwe mumdzakhumba pomwe kuona masiku ya Mwana wa Munthu soma gidu mumdzayaona lini. ²³Apo amdzalewa kuna imwe, 'Onani, apo! Onani, pano!' Soma nampodi kudzabula panja ayai kudzawathamangira, ²⁴thangwe momwe mpheni imbapenyera mwakutoya kuchokera mbali iyi kuyenda mbali inango, mtenepoyombo na Mwana wa Munthu pansikuyo.²⁵Soma pakutoma amfunika abonere na bzinthu bzizinji achilambiwa na mbwado uno. ²⁶Ninga ndimo bzidachitikira nsiku za Nowa, mtenepoyo pomwe nsiku za Mwana wa Munthu. ²⁷Iwo adadya, achimwa, achiloola na kuloodwa., apo adapasiwa mmabanja ate nsiku ndiyo Nowa adapita mu chombo apo chigumula chidafika chichiwadzonga wensenewo.²⁸Ndendembo ninga bzikhachitikira nthawe ya Loti---akhadya na kumwa, kugula na kugulisa, kubzala na kumanga nyumba. ²⁹Soma nsiku ndiyo Loti adayenda kubula mu Sodomu, kudagwa moto na sufuli kuchokera kudzaulu bzichiwadzonga wensenewo.³⁰Bzitamala ninga bzobzi, ndiyo nsiku tsapano Mwana wa Munthu amdzazimbulika. ³¹Nsiku yoyo ule ali padzaulu pa nyumba nampodi adzabuluke pansi kuti akatenge bzombo mnyumba mwace, apo ule amdzakhala ali kumunda nampodi adzabwerere.³²Kumbukirani mkazi wa Loti. ³³Wakupsaga moyo wache amdzautaya, soma ule wakutaya moyo wache amdzaupulumusa.³⁴Ndukulewa kuti, usiku bobo pamdzakhala wanthyu awiri pa kama ibodzi. M'bodzi amdzatakuliwa, apo winango amdzasiiwa.'' ³⁵Pamdzakhala akazi awiri akukonola njera pabodzi. Wina amdzatakuliwa, wina amdzasiiwa.'' ³⁶Pamdzakhala wanthu awiri mmunda; m'bodzi amdzatengiwa apo winangoyo mkusiiwa.³⁷Iwo adamubvunza iye, '' Kuponi Mbuya?'' Iye adati kuna iwo, ''Pomwe pana thupi, pamdzakhala pomwe nkhonye zitagwezekana pabodzi.

18¹Tsapano adawauza chifanizo ca ndimo angambapempherere pala kuti nampodi ambagwesiwe mphwayi, ²kulewa kuti, ''Mumzinda winango mukhana nyakutonga milandu winango omwe akhagopa lini Mulungu ayi kulemekeza wanthu.³Tsapano mukhana mmasiwa mkazi momo, omwe akhambabwera kuna iye, kumbadzati, 'Ndithandizeni kuti ndione chillungamo na ndiye ndaputana naye.' ⁴Kwa nthawe itali akhafuna lini kumuthandiza, soma patapita kanthawe adati, 'Neye apo nimbagopa lini Mulungupo ayai kulemekeza wanthu, ⁵soma thangwera kuti mmasiwayu akundinesa, nimdzamuthandiza kuona chilungamocho, pala kuti nampodi andiondese na kumbabwera bwera kwacheku.'''⁶Kinangoka Mbuya adati, ''Bveserani bzomwe nyakutonga wakusaya chilungamo ule adalewa. ⁷Tsapano kodi Mulunguyo amdzabweresambo lini chilungamo kuna wakusankhuka wace ndiwo ambamulirira masikati na usiku? ⁸Ndikulewa kuna imwe kuti amdzawabweresera chilungamo kamfulumize. Neye kuti apo, pomwe Mwana wa Munthu angadzabwera, amdzaonadi chikhulupiriro pa dziko la pansi?''⁹Kinangoka adasewera pomwe chifanizo kuna winango ndiwo akhambabzithembeza okha kuti akhali wakulungama kale achimbanyoza anzawo, ¹⁰''Amuna awiri adayenda kutchalitchi kukapemphera----wina akhali Mfarisi apo winangoyo akhali nyakukhomesa mitsonkho.¹¹Mfarisi ule adaima achibzipempherera yekha tene, 'Mulungu, ndikukutendani kuti ndiri lini ningati wanthu winangowa ine---wakuba, wanthu wakusaya chilungamo, wakukonda kuchita chigololo----ayai pomwe ninga nyakukhomesa mitsonkhoyu. ¹²Nimbatsotsa kudya kawiri pa sumana. Nimbapereka ca khumi cha bzense ndibzo nimbaphata.'¹³Soma nyakukhomesa mitsonkho ule, adaima patali, alibe neye kujiguma kudzaulu, soma kuguguda pamtima pace, kulewa, 'Mulungu, ndibverenimbo nsisi ine, nyakuphonya.' ¹⁴Ndikulewa kuna imwe, munthu uyu adayenda kumuyi kwace atalekereriwa bzakuphonya bzace kusiyana na winangoyo, thangwe aliyense wakubzikuza yekha amdzachepesiwa, soma ule wakubzichepes amdzakuziwa.''¹⁵Wanthu akhambabweresa wana wamatcheche kuna iye pala kuti awaphate, soma pomwe wakupfunzira adaona adawatsimula. ¹⁶Soma Yesu adawachemera kuna iye, achilewa, ''Abvumizeni wana abwere kuna ine, nampodi kuwaletsa. Thangwe ufumu bwa Mulungu m'bwao. ¹⁷Chadidi ndikulewa kuna imwe, aliyense ndiye amdzatambira lini ufumu bwa Mulungu ninga mwana gidu amdzakabupita lini.''¹⁸Mtongi winango adamubvunza, kuti, ''Mpfunzisi wabwino, ndichite tani pala kuti ndikapitembo moyo wamuyaya?'' ¹⁹Yesu adati kuna iye, ''Msabwanyi ukunditi wabwino? Palibe wabwino, kupambula Mulungu Yekha. ²⁰Umbadziwa bzitongero bwa Mulungu iwepo-----nampodi kuchita chigololo, nampodi kupha, nampodi kuba, nampodi kupereka umboni bwa kunama, lemekeza babako na mai wako.'' ²¹Mtongi ule adati, ''Bzensenebzi nimbabziteweza kale kutoma ndikali mwana mng'ono.²²Pomwe Yesu adabva terepoyo, adati kuna iye, ''Chibodzi ndicho cha sala. Ukagulise bzense ndibzo unabzo ukapase anyakusaya, apo umdzaona umdzakhala na vida kudzaulu---apo bwera, nditewere. ²³Soma pomwe mtongi ule adabva ibzi, adakalipa maninge, thangwe akhali wakudala kwene kwene.²⁴Pomwe Yesu adaona kuti iye wakalipa adati, ''Mbzakunesa kuna nyavida kukapita ufumu bwa Mulungu! ²⁵Thangwe zjai bzidapusa pala ngamira kupi p kadiso ka nsingano, kusiyana na nya vida kukapita mu ufumu bwa Mulungu.''²⁶Omwe akhabva ibzi adati, ''Tsono mbani ndiye amdzakapulumuka?'' ²⁷Yesu adatawira, ''Bzinthu bzakutazika na wanthu mbzakukwanisika na Mulungu.''²⁸Petulo adati, ''Chabwino, tatula bzathu tikhanabzo mkukutewerani.'' ²⁹Yesu kunangoka adati kuna iwo, ''Chadidi, ndikulewa kuna imwe kuti palibe apa ndiye wasiya nyumba, mkazi, ayai abale, ayai abereki, ayai wana, pala ufumu bwa Mulungu, ³⁰wakuti amdzatambira lini bzinthu bzizinji munthawe ino na magole ya mtsogolo, moyo wakusayakumala.''³¹Atagwezeka khumi na awiri wale pakhana iyepo, adati kuna iwo, ''Onani tikuyenda ku Yerusalemu, apo bzense ndibzo aneneri adanemba bza Mwana wa Munthu bzimdzakwanirisiwa. ³²Thangwe amdzaperekiwa kuna wachikunja, apo achidzaboneresiwa, achidzachitisiwa manyazi, achidzapsipiriwa mata. ³³Atamala kumutchanga, amdzamupha, apo pa nsiku yachitatu amdzalamusiwa pomwe.''³⁴Alibe kubvesesa ibzi neye chibodzi, apo fala iri lidabisiwa kuna iwo, apo alibe kubvesesa ndibzo bzikhalewiwa.³⁵Idafika nthawe yakuti, pomwe Yesu adafendera ku Yeriko, zimola winango akhadakhala mkumbakumbira mmphepete mwa mseu, ³⁶apo pakubva chiwowo cha thimu a wanthlu chikugwata, adabvunza chomwe chikhachitika. ³⁷Adamuuza kuti ni Yesu wa ku Nazareni akhagwata.³⁸Apo zimola ule adalira kukuwa, kulewa, ''Yesu, Mwana wa Davide, ndichitirenimbo ine nsisi.'' ³⁹Omwe akhafamba patsogolo adamutsimula zimolayo, kumuuza kuti anyamale. Soma iye adalemweratu kukuwa maninge, ''Mwana wa Davide, ndichitirenimbo chifundo ine.''⁴⁰Yesu adaima pulu achiwauza kuti munthuyo amubwerese kuna iye. Apo zimolayo atafendera, Yesu adamubvunza, ⁴¹Ukufuna ndikuchitire chiyani?'' Iye adati, ''Mbuya, ndikufuna nditambire kupenya kwangu.''⁴²Yesu adati kuna iye, ''Tambira kupenya kwako. Chikhulupiriro chako chakulimbisa.'' ⁴³Kamfulumize adatambira kupenya kwace achimutewera, kumbatenda Mulungu. Wanthu wensene, pomwe adaona bzobzi, adatenda Mulungu.

19¹Yesu adapita apo pomwe akhafamba mu Y,erico. ²Onani, mukhana munthu winango dzina lache Zakeyo. Iye akhali mkulu wa anyakukhomesa misonkho ndipo akhali wakudala.³Iye akhayezera kuti aone kuti Yesu akhali mbani, soma akhatazira thangwera thimu la wanthu, thangwe iye akhali mfupi. ⁴Tsono adathamangira kutsogolo achikakwira mmuti wa mkuyu pala kuti amuone basi, thangwe Yesu akhadasala pang'ono kugwata na njira imweyo.⁵Pomwe yesu adafika pamwepo, adajiguma achiti kuna iye, Zakeyo, buluka kamfulumize, thangwe lero nimkakhala mulendo kumui kwako.'' ⁶Apo adabuluka kamfulumize achimutambira mwakusekera. ⁷Pomwe aliyense adaona ibzi, adadandaula, kulewa kuti, 'Wayenda kukacheza na munthu wakuphonya.''⁸Zakeyo adaima achiti kuna Mbuya, ''Nyang'anani, Mbuya, meya ya bzinthu bzangu ninipasa anyakusaya, napo pomwe penu winango ndidamunyengeza, pa chirichensene, nimdzapagali kanai bzimwebzo.'' ⁹Yesu adati kuna iye, ''Chipulumuso chafika lero mu nyumba ino., thangwe iye pomwe nimwana wa Abrahamu. ¹⁰Thangwe Mwana wa Munthu asabwerera kudzapsaga na kudzapulumusa wanthu wakutayika.''¹¹Pomwe adabva bzobzi, iye adapitiriza kusewera achilewa chifanizo, nakuti akhadafendera zjai ku Yerusalemu, apo wanhu wale akhakumbuka kuti ufumu bwa Mulungu bwafendera. ¹²Mthangwerache adati, ''Munthu wa mtundu wakubvekera adayenda kudziko la kutali kukatambira ufumu pala kuti akamala adzabwerere pomwe.¹³Iye adachemera anyabasa wache winango khumi achiwapa kobiri zakuchemeriwa mina mkuwauza kuti, 'Chitirazi bizi kobirizi ateye ndidzabwerere. ¹⁴Soma wanthu wa mwemo akhamuzonda ndiye adatuma mtumi kuna iye, kukalewa kuti, ' Timfuna lini umweyu kuti adzatitonge ife muno. ¹⁵Bzidachitika kuti pomwe adabwerera Atakatambira ufumu bule, adachemeresa anyabasa adawapa kobiri wale kuna iye, kuti amfuna adziwe phindu ndilo achita nazo pa bizi akhachitalo.¹⁶''Wakutoma adabwera kuna iye, achilewa kuti, 'Mbuya, mina yanu ibodzi ire ndaphindula nayo izi khumi.' ¹⁷Mwenekachiro ule adati kuna iye, 'Wachita bwino nyabasa wabwino. Thangwe wakhulupirika pa bzing'ono, zjaimbo um'batonga mizinda khumi.'¹⁸''Wachiwiri adabwera, mkudzati, 'Mina yanu ibodzi ire, mbuya, yabala zinzache zishanu.' ¹⁹Mwenekachio ule adati kuna iye, 'Um'banyang'anira mizindambo mishanu.'²⁰Winango adabwera, mkudzati, 'Mbuya, mina yanu ire iyi, ndikhadaikoya bwino pa pfundo la nguwo, ²¹thangwe ndikhagopa imwepo, thangwe paja mumbanesa. Mumbatenga ndibzo mulibe kuikha, apo muchikolola ndibzo mulibe kufesa.'²²Ule adati, 'Na mafala yakoya nimkuuuza tere, nyabasa wakuipa moyo iwe. Udadziwa kuti ndidaipa kuti nimbatenga ndibzo ndiribe kuikha, nakukolola ndibzo ndiribe kufesa. ²³Tsono thangweranyi ulibe kukakoyesa kobiri yangui kuna thenthe lakukoyesa kobiri, pala kuti ndingabwera terepayu ndidzazitenge na banyira?'²⁴Mwenekachiro ule adati kuna iwo omwe akhadaima ninga apo, 'Mtengereni mina yanguyo, mupase ule anazo khumi ule.' ²⁵Iwo adati kuna iye, 'Mbuya, ana kale mina khumi umweyu.'²⁶Ndikulewa kuna imwe, ule anabzo amzapasiwa bzizinji, soma kuna iye alibe, neye bzakuchepa anabzobzo bzimdzatengiwa kuna iye. ²⁷Soma anyakundiwengawa omwe adalamba kuti nimbawatonge, abwereseni muwaphe ndikuona.'''²⁸Pomwe adasewera bzobzi, adapitiriza ulendo, kuyenda mpakana ku Yerusalemu.²⁹Bzidachitika kuti pomwe adafendera ku Betipaje na Betaniya, kuphiri la Azitona, adatuma wakupfunzira awiri, ³⁰kuwauza kuti, Ndokoni mmuyi mule. Mungakapita momo, mumkagumana kamphulu ka bulu ndiko kakanati kupakiriwa kale na munthu. Kakatsudzuleni mukabwere nako kuna ine. ³¹Penu winango amkakubvunzani, 'Msabwanji mukutsudzula kamphuluka?' kamutawireni kuti, 'Mbuya akukafuna.''³²Omwe adatumiwao adakagumanadi kamphuluko ndendende ninga momwe Yesu adawapanganizira. ³³Pomwe akhakatsudzula, wenekachiro adati kuna iwo, ''Thangweranyi mukutsudzula kamphuluka?'' ³⁴Iwo adati, ''Mbuya akukafuna.'' ³⁵Adakabweresa kuna Yesu, iwo achitandika bzakubvala bzao pakamsana pachepo achimupakiza Yesu popo. ³⁶Pomwe akhayenda, iwo adatandika bzakubvala bzao mumseumo.³⁷Pomwe adafendera kumbuto kule komwe phiri la Azitona lidapolikira, thimu lensene la wakupfunzira wale lidayamba kumbasekera na kuyimba kutenda Mulungu pa mabasa yensene ndiyo iye adaphata na ndibzo akhabziona, ³⁸kulewa kuti, Yakudalisika ni mfumu ndiyo ikubwera mudzina la Mbuya! Mtendere kudzaulu na ulemerero kuna wakudzauluyo!''³⁹Afarisi winango mchithimu mule adati kuna iye, ''Mpfunzisi, tsimulani wakupfunzira wanuwa kani.'' ⁴⁰Yesu adawatawira achiti, ''Ndikukuuzani kuti, amwewa achitondo kukhala chete, zjai ingasewere ni minyalayi.⁴¹Pomwe Yesu adafendera mu mzinda, adaulirira, ⁴²kuti, ''Mungadatondo kudziwa lero lino, neyembo imwe, bzinthu ndibzo bzimbabweresa mtendere! Soma tsapano bzabisiwa pamaso panu.⁴³Thangwe nsiku zikubwera kuna imwe zomwe wakukuzondani amdzamanga bzakutchinga kukuzungulirani achikukupsindizani kuchokera mbali zensene. ⁴⁴Amdzakumangani mkukugwesani pansi, na wana wanu ndiwo munawo. Amdzasiya lini mwala neye ubodzi okha pa unzache thangwe mulibe kuzindikira nthawe ya kufika kwanu.''⁴⁵Yesu adapita mu tchalitchi achiyamba kufulusa omwe akhagulisa malonda, ⁴⁶kuwauza kuti, ''Kudanembiwa, 'Nyumba yangu imdzakhala nyumba ya kunamatira,' soma mwaisandusa numba ya mbava.''⁴⁷Tsono Yesu akhapfunzisa nsiku zensene mu tchalitchi. Mkulu wa ansembe na anembi akhapsaga kuti amudzonge, ningati pomwe atsogoleri wa wanthu, ⁴⁸soma adasaya njira yakuchitira ibzi thangwe wanthu wensene akhamubvesera mwa chidwi.

20¹Bzidachitika nsiku inango pomwe Yesu akhaphunzisa mu tchalitchi na kupfunzisa mafala ya Mulungu pomwe akulu wa ansembe na anembi adabwera kuna iye na akulu wa wanthu. ²Adalewalewa, kumuuza kuti, "Tiuze bzobzi umbachita na mphamvu yambani, ayai mbani adakupa mphamvu yoyi.''³Adatawira achiti kuna iwo, ''Nimkubvunzanimbo bvunzo, apo mundiuze. ⁴Ubatizo bwa Yohani: Budachokera kudzaulu ayai kuna wanthu?''⁵Iwo adalingirira, kuti, ''Tingati, 'Budachokera kudzaulu,' iye amdzati, 'Tsapano thangweranyi mulibe kumukhulupirira?' ⁶Soma tingati, 'Kuchokera kuna wanthu,' wanthu wensenewa amdzatiboma, thangwe ambadziwa kuti Yohani akhali mneneri.''⁷Tsono adatawira kuti akhadziwa lini komwe budachokera. ⁸Yesu adati kuna iwo, ''Nimkuuzanimbo lini kuti nimbachita na mphamvu yayani bzobzi.''⁹Iye adauza wanthu chifanizo ichi, ''Munthu adabzala munda wa mpesa, achiulogalisi kuna wanthu wakulogali wakufuna kubzala mpesa, achichoka mkuyenda mdziko linango kukakhala nthawe itali. ¹⁰Panthawe yomwe adabverana iye adatuma nyabasa kuna wakulima mpesa wale, kuti akamupase bzipatso bza mpesa wa mmundamo. Soma wakulima mpesa wale adamumenya, achimuthamangisa chimanjamanja.¹¹Kinangoka adatuma pomwe nyabasa winango apo adamumenya pomwe, achimuchitisa manyazi, acimuthotha pomwe seye kumupa chinthu. ¹²Adatuma pomwe wachitatu apo adamupweteka pomwe, achimuthusa kunja.¹³Ndiye mwenekachiro munda ule adati, Ndichite tani? Nimtuma mwanangu wakukondeka. Pinangopense amkamulemekeza.' ¹⁴''Soma pomwe wakulima mpesa wale adamuona, adakambirana, kuti, 'Uyu ni mwanache chaiye. Mbatiye timuphe, pala kuti vidayi ikhale yathu.'¹⁵Adamuthusa kunja kwa munda achimupha. Mwenekachiro munda ule amdzachita tani kuna iwo? ¹⁶Amdzabwera kudzadzonga wakulima mundawa, achidzapereka mundayo kuna winango.'' Pomwe adabva ibzi, adati, ''Nampodi bzidzachitike tsono!''¹⁷Soma yesu adawacheukira, achiti, ''Thumbudzulo la bzomwe bzidanembiwabzi mchiyani: ''mwala omwe wakumanga nyumba adaulamba udasanduka wakufunika maninge'? ¹⁸Aliyense wakudzagwera pa mwala umweyo amdzanyedzeka apo pomwe iye omwe umdzamugwera amdzapeyeka.''¹⁹Tsapano anembi na akulu wa ansembe adapsaga kuti amumange iye pa nthawe yoyo, thangwe adadziwa kuti adasewera chifanizochi kulewa iwo. Soma akhagopa wanthu. ²⁰Kumunyang'anisisa, mwakusamala, adatuma akapirikoni omwe adakanamizira ninga wanthu wachilungamo, kuti anyang'ane mathangwe mubzakusewera bzache, pala kuti amupfuwire kuna wamphamvu za atongi akamutonge.²¹Adamubvunza, kulewa kuti, ''Mpfunsisi tikudziwa kuti mumbasewera na kupfunzisa bzakulungama, apo mumbakondera lini aliyense, soma mumbapfunzisa bzachadidi bza njira ya Mulungu. ²²Mbzakuthemera ifepano kumbapereka mtsonkho kuna Caesara, ayai neye?''²³soma Yesu adabvesesa kunamizira kwaoko, achiti kuna iwo, ²⁴''Ndioneseni kobiri ya dinariyo. Pana dzina na nkhope yayani pamwepo?'' Iwo adati, 'Ya Caesara.''²⁵Iye adati kuna iwo, ''Tsono perekani kuna Caesara bzache bza Caesara, na kuna Mulungu bzache bza Mulungu.'' ²⁶Alibe kugumana bvuto pa bzomwe adalewabzi pa maso pawanthupo, soma pakudabwa na kutawira kwacheko, adakhala chete.²⁷Pomwe asaduki winango adabwera kuna iye, omwe akhambati kulibe mmukiro wa anyamuya, ²⁸adamubvunza, kulewa kuti, ''Mpfunzisi, Mose adatinembera kuti mwamuna angasaika, omwe akhana mkazi, apo seye kusiya mwana, mwamuna podi kuloola mkazi wa mano wacheyo, pala kuti akuze wana wa mano wachewo.²⁹Pakhana wanthu anomwe paubale pawo apo wakutomayo adaloola mkusaika seye mkusiya mwana ³⁰wachiwiri pomwe. ³¹Wachitatu adamutengambo, apo ndendende pomwe wensenewo kusaika seye mkusiya wana. ³²Kinangoka mkaziyo adasaikambo. ³³Pa nsiku ya mmukiro tsono, amdzakhala mkazi wambani? Nakuti anomwe wensene wale adamuloola kukhala mkazao.''³⁴Yesu adati kuna iwo, ''Wanthu wa nsiku zino amaloola apo ambapasiwa mabanja. ³⁵Soma omwe ambayesiwa wakudala mmasiku yoya ambatambira mmukiro kucoka kuna anyamuya amdzaloola ini ayai kutuliwa mmaukwati. ³⁶Ndipo amdzasaika lini pomwe thangwe ali ninga anjero ndipo ni wana wa Mulugu, pakukhala wana wa mmukiro.³⁷Soma kuti wakusaika amdzalamusiwa, neye Mose chaiyeyo adaonesa, kumbuto kwa kuguma bza thengo, komwe adachemera Mbuya Mulungu wa Abrahamu na Mulungu wa Isaki na Mulungu wa Yakobo. ³⁸Tsapano ni Mulungu lini wa anyamuya, soma wa wale wamoyo, thangwe wense ambakhala kuna iye.''³⁹Anembi winango adatawira, 'Mpfunzisi mwatawira bwino.'' ⁴⁰Thangwe alibe kuezera kumubvunza mabvunzo pomwe inango.⁴¹Yesu adati kuna iwo, ''Ambalewa tani kuti Mkhirisitu ni Mwana wa Davide? ⁴²Nakuti Davide mmbukhu la Masalimo adalewa akuti, Mbuya adati kuna Mbuya wangu, 'Khalani kuboko langu lamadidi, ⁴³mpakana ndisanduse wakukuwengani kukhala pakuponda nzayo zanu.' ⁴⁴Davide mthangwerache akhachemera Mkhirisitu 'Mbuya.' tsapano nimwana tani pomwe wa Davide?''⁴⁵Mwakubvekera kuna wanthu wensene adati kuna wakupfunzira wache, ⁴⁶"Chenjerani na anembi, omwe ambakonda kufamba atabvala mikanjo mitali, na kumbakonda kupasiwa moni mmisika na mipando yabwino mma sunagoge na mbuto za kulemekezeka mmaphwando. ⁴⁷Ambatukulira pomwe nyumba za amasiwa, ndipo mwakubzionesera ambapemphera mapemphero matali matali. Wanthu ninga owa amdzatambira chitsimulo chikulu.''

21¹Yesu adakwiza maso achiona wantyu wa vida omwe akhathusa mphatso zao mthungwa. ²Adaona mkazi mmasiwa winango wakusaya akhathusambo tukobiri twace tuwiri twa mite. ³Ndiye adati, ''Indetu ndikulewa kuna imwe, mkazi wakusayayu sapereka zizinji ate kuposa wensene. ⁴Wensenewa apereka mphatso zao mkusala nazo zizinji. Soma mmasiwa uyu, neye apo ali wa kusaya, wathusa zensene ndizo akhadalira.''⁵Pomwe winango akhasewera bza tchalitchi, momwe idadekeseriiwa na minyala ya kudeka na bzakupereka bzire, adati, '' ⁶Bzikakhala ibzi mukuonabzi, nsiku zikubwera ndizo neye mwala ubodzi umdzasiiwa lini padzaulu pa unzache seye mkuchosiwa.''⁷Ndiye adamubvunza, kulewa kuti, ''Mpfunzisi, bzinthu bzobzi bzimdzachitika liti?'' ⁸Yesu adatawira, ''Khalani wa kuchenjera pala kuti nampodi kunamiziwa. Nakuti azinji amdzabwera mdzina langu, kumbadzati, 'Ndine iye,' apo, 'Nthawe yafendera.' Nampodi kudzawatewera. ⁹Mungambadzabva bza nkhondo na maphiringu, nampodi kudzanjenjemera, thangwe ibzi m'bzakuthemera kudzachitika kwa kutoma, soma chimaliziro chimdzachitika lini kamfulumize.''¹⁰Kinangoka adati kuna iwo, ""Dziko na dziko limdzagandukirana, na ufumu na ufumu kugandukirana. ¹¹Kumdzakhala bziteketeke bzikulu, na mbuto zakusiysnasiyana njala na miriri. Kumdzakhala bzakuchitika bzakupasa mantha na bzizindikizo bzakugopsa kuchokera kudzaulu.¹²Soma bzikanati bzensebzi, amdzakumangani achiuboneresani, kukupfuwirani kuma sunagoge yao na kumakaoko, mkukupfuwirani kuna mafumu na atongi thangwera dzina langu. ¹³Bzimdzakulatizani kuchitira umboni kuna imwe.¹⁴Na tenepo tsapano dziwani letu mmitima mwanu kuti nampodi kubonera kudzakonzekera kukabzikhotcherera, ¹⁵thangwe nimdzakupani mafala na nzeru kuti wensene wakudzakuzengani milanduwo amdzakwanisa lini kubzikhotcherera ayai kuchita namwe makani.¹⁶Soma mumdzaperekiwa pomwe na abereki, azimano, abale, na ashamwali, apo winangomwe amdzakuphani. ¹⁷Mumdzawengiwa na aliyense thangwera dzina langu. ¹⁸Soma neye tsisi la mumsolo mwanu limdzamala lini. ¹⁹Mukupirira kwanu mumdzapulumusa miyoyo yanu.²⁰Mungadzaona Yerusalemu kuzunguliriwa na asirikari, ndiye dzadziweni kuti chionongeko chache chafendera. ²¹Ndiye omwe amdzakhala ali mu Yudeya adzathawire kumapiri, omwe ali mmizinda adzabule mwemo, omwe ali kunja kwa mizindayo nampodi adzapite mmizindamo. ²²Thangwe aya ni masiku ya matsautso, pala kuti bzire bzensene bzidanembiwa bzikwanirisiwe.²³Tsoka kuna iwo wamimba, nawale wakumamisa mmasiku yoyo! Thangwe pamdzakhala mazunzo makulutsa padziko, na chilango kuna wanthu awa. ²⁴Amdzagwera kunsonga kwa mapsimo, achiphatiwa ukapolo kuyenda mmadziko yensene, na Yerusalemu amdzapondewa na wachikunja kufikirana nthawe za Wachikunjawa zitakwanirisiwa.²⁵Kumdzakhala bzizindikiro kudzuwa, kumwezi, na kunyenezi, na padziko lapansi. Madziko yamdzakhala pa matsautso, kumala nzeru thangwera kugunda kwa njanja na mafunde. ²⁶Kumdzakhala amuna kukomoka na mantha na bzakudikira bzomwe bzimdzafuna kubwera kutsogolo padziko lapansi. Nakuti mphamvu za kudzaulu zimdzatekenyeka.²⁷Kinangoka amdzaona Mwana wa Munthu akubwera mmitambo na mphamvu na ulemerero bukulu. ²⁸Soma bzinthu ibzi bzingadzayamba kuchitika, dzaimeni na kudzalamusa misolo yanu, thangwe chipulumuso chanu chafendera.''²⁹Yesu adawauza chifanizo, ''Nyang'anani muti wa mkuyu, na miti yensene. ³⁰Ingayamba kuphukira, mumbaona mwekha na kudziwiratu kuti mainza yafendera. ³¹Mtenepoyombo, pomwe mumdzaona bzinthu ibzi kuchitika, zindikirani kuti ufumu bwa Mulungu bwafendera.³²Indetu ndikulewa kuna imwe, mbwado uno umdzamala lini mpakana ibzi bzitachitika. ³³Kudzaulu na pansi bzimdzamala, soma mafala yanguya yamdzamala lini.³⁴Soma khalani tcheru pa imwe mwekha, pala kuti mitima yanu nampodi ilemesewe na kumwa mwakunyanya na kuledzera na ngwete za moyo, apo nsiku iyo nampodi idzakufikireni mwa kudzidzimusa ³⁵ninga mulapu. nakuti imdzafikira kuna aliyense wakukhala pano padziko lensene lapansi.³⁶Soma khalani wakusamala nthawe zensene, pempherani kuti mudzakhale na mphamvu zakukwana kudzathawa bzinthu bzensene bzakudzachitikabzi, na kudzaima pa maso pa Mwana wa Munthu.''³⁷Soma mmasiku ndiyo akhapfunzisa mmatchalitchi, apo usiku adayenda achikakhala pa phiri lakuchemeriwa Azitona. ³⁸Wanthu wensene adabwera machibesebese kudzamubvesera mtchalitchimo.

22¹Tsapano phwando lamkate wakusaya ca kufufumisa likhafendera ndilo likhachemeriwa pasaka. ²Akulu wa ansembe na anembi adapsaga manera ya kuphera yesu, nakuti akhana mantha na wanthu.³Kinangoka Satana adpita mwa Yudasi, wakucheriwa Isikariyoti, omwe akhali m'bodzi wa khumi na awiri wale. ⁴Yudasi adayenda kuna akulu wa ansembe na akapitawo kukapangana nawo ndimo angamperekere yesu kuna iwo.⁵Iwo adadekedwa achipangana bza kumupa kobiri. ⁶Iye adabzuma achipsaga manera yakumperekera kuna iwo kuchokera pa thimu lire.⁷Tsapano nsiku ya mkate wakusaya bzakufufumisa ire idakwana, pomwe ntchere ya bira idaperekiwa nsembe pala pasaka. ⁸Tsapano Yesu adatuma Petulo na Yohani, achiti, ''Ndokoni mukatikonzere chakudya cha pasaka, pala kuti tidye. ⁹Iwo adalewa kuna iye, ''Mumfuna tikakonzere kuponi?''¹⁰Iye adawatawira, ''Nyang'anani, mukapita mumzinda mule, mwamuna wina wakutamula mtsuko wamadzi mumkagumana naye. Kamutewereni mpakana mnyumba ndimo amkapitamo. ¹¹Tsapano kauzeni mwenekachiro nyumbayo, 'Mpfunzisi akubvunza kuna imwe, ''Subi ya alendo njiponi, ndiyo nimdzadyera pasaka na wakupfunzira wangu?''¹²Amkakulaani subi ya mdzaulu yakupfalaza bwino yamadekesero. Mukakonzekere mwemo. ¹³Apo adayendadi achikagumana bzensene ninga ndimo adapanganiziwira. Apo adakakonzeseradi chakudya cha pasaka mwemo.¹⁴Nthawe idakwana, adakhala pansi na wakupfunzira mwemo. ¹⁵Kinangoka adalewa kuna iwo, ''Ndafunisisa kudya pasakai na imwe ndikanati kubonera. ¹⁶Nakuti nilewa kuna imwe, nimdzaidya lini pomwe mpakana itakwanisiwa mu ufumu bwa Mulungu.''¹⁷Kinangoka yesu adatenga kaneka, apo atapereka kutenda, adati, ''Itengeni, muigawane mwensene. ¹⁸Nakuti ndikulewa kuna imwe, nimdzamwa lini pomwe chipatso ichi champesa mpakana ufumu bwa Mulungu kubwera.¹⁹Kinangoka adatenga mkate, apo atapereka kutenda adaubedula, achiwapasa, nakulewa, ''Ili ni thupi langu, ndilo ndikupereka kuna imwe.Chitani tenepa na kudzandikumbukira.'' ²⁰Atamala kudya adatenga kaneka terepoyo pomwe mkulewa, ''Kaneka iyi ni mulopa upsa mu mpangano wangu, ndiwo ukutsanuliwa pa imwe.²¹Soma chenjerani. Boko la omwe amdipereka ine ali naine pa meza pompano. ²²Nakuti Mwana wa Munthu aniyenda ninga ndimo bwidanembiwira. Soma pikado kuna iye omwe pakundipereka anidzera mwa iye!'' ²³Iwo adayamba kusewera wina na mwayache bzakuti nimbani waiwo ndiye amdzachita bzobzi.²⁴Kinangoka padayambika pomwe mkangsno okhaokha kuti mbani wa iwo ndiye nimkulu kuposa wensene. ²⁵Iye adalewa kuna iwo, ''Wachikunja akaona mafumu yao mba azimbuya wao, na wale ndiwo ana mphamvu zakuwatonga ambawachemera wakuchita bzinthu bzabwino.²⁶Soma nampodi bzikhalembo tenepo kuna imwe. Mmalo mwache, ule omwe nimkulu kwene kwene kuna imwe, akhale mng'ono zedi, apo ule wakufunikira zedi akhale ninga wakukutumikirani. ²⁷Kodi mkulu mbani, ule ambakhala pa meza ayai wakutumikira? Tsono ndiri pakati panu ninga wakutumikira.²⁸Soma ndimwe mwapitirira kukhala nande mu mayezero yangu. ²⁹Ndikukuikhani pa ufumu ninga ndimo Baba wangu adandiikhira pa ufumu, ³⁰kuti mudye na kumwa pa meza pangu mu ufumu bwangu, apo mumdzaima pa kadera ya ulemereroa bwangu kutonga mitundu khumi na miwiri ya mu Isaraeri.³¹Simoni,Simoni, chenjera, Satana wakumbira kukhala nawe, pala akutsetsete ninga tirigu. ³²Soma ndakupempherera, kuti chikhulupiriro chako nampodi chitazire. Ukabwerera pomwe, ukalimbikise abale wako.''³³Petulo adalewa kuna iye, ''Mbuya, ndakonzeka kuyenda namwe kwense mkaoko na kuimfa kubodzi.'' ³⁴Yesu adamutawira, ''Ndikukuuza, Petulo, chongwe anilira lini lero, ukanati kundilamba katatu kuti umbandidziwa lini.''³⁵Kinangoka Yesu adalewa kuna iwo, ''Pomwe ndidakutumani kunja seye chakuikhira kobiri, chola cha bzakuikha bzinango, ayai shango, mudakasaya chirichense?'' Adatawira, ''Palibe.'' ³⁶Apo adalewa kuna iwo, ''Soma tsapano ndiye ana chola chakuikha kobiri, atakule, na chola pomwe chakuikha bzinango. Ule ndiye alibe dipa agulise chakubvala chache agule.³⁷Nakuti ndikulewa kuna imwe, bzomwre bzidanembiwa bza ine bzimfunika bzikwanirisiwe, ' Adawerengiwa kubodzi na wakusaya mitemo wale.' Nakuti ndibzo bzidabvimiriwa pala ine bzikukwanirisiwa.'' ³⁸Kinangoka iwo adati, ''Mbuya, onani! Pano pana madipa mawiri.'' Iye adati kuna iwo, ''Bzakwana.''³⁹Yesu adayenda, ninga ndimo akhachitira, kuphiri la Azitona, apo wakupfunzira wache adamutewera. ⁴⁰Pomwe aadakafika, adati kuna iwo, ''Pempherani pala kuti mungapite mmayezero.''⁴¹Iye adayenda pakatali na iwo kuti kuthusa mwala ungafike, achikagodama mkupemphera, ⁴²kuti, ''Mbuya, penu mukufuna, chosani mkombo uyu kuna ine. Sikuti kufuna kwangu, soma kufuna kwanu kuchitike.''⁴³Kinangoka mjero wakudzaulu adamuonekera, kumulimbikisa. ⁴⁴Nakukhala mmatsautso, adapemphera mwakhama, apo misozi yache idakhala ninga mjojo makulu ya mulopa kujojera pansi.⁴⁵Pomwe adalamuka pakupemphera pace pale, adabwera kuna wakupfunzira wace achiwagumana akhagona thanwera nsisi zao ⁴⁶apo adawabvunza, ''Thangweranyi mukugonapa? Mukani mupemphere, kuti mungapite mkuyezeriwa.''⁴⁷Pomwe akhali mkati kulewalewa, onani, thimu lidatulukira, lina Yudasi, m'bodzi wa khumi na awiri wale, kuwatsogolera. Adafendera pafupi na Yesu kudzamumpsompsona, ⁴⁸soma Yesu adati kuna iye, ''Yudasi, ukupereka Mwana wa Munthu na kuchita kumpsompsona?''⁴⁹Pomwe omwe akhali pafupi na Yesu adaona bzomwe bzikhachitikabzi, adati, ''Mbuya, tiwamenye na psimoli? ⁵⁰Kinamgoka M'bodzi adamenya kapolo wa mkulu wa ansembe, mkugwata khutu lache lakumadidi. ⁵¹Yesu adati, ''Bzakwana!'' Adaphata khutulachero, achilibwezeresa.⁵²Yesu adati kuna mkulu wa ansembe, kuna akapitawo watchalitchi, na akulu wa wanthu omwe adabwera kudzathana naye, ''Mukuchita kubwera ninga mukdzalimbana na mbava, na madipa na bzibonga? ⁵³Pomwe ndikhali namwe pabodzi nsiku zensene mtchalitvhi, mulibe kundithira manja. Soma ino ni nthawe yanu, na ulamuliro bwa mdima.''⁵⁴Kumuphata, adamutsogoza achimuyendesa kunyumba ya mkulu wa ansembe. Sonma Petulo adatewera pakatali. ⁵⁵Atamala kuphatiza choto pakati nakati ya kumbutoko apo adakhala pansi pabodzi, Petulo adakhalambo pampikitipo.⁵⁶Nyabasa winango wachikazi adamuona atakhala pakutoyewa na motoyo achimunyang'anisisa mkuti, '' Mwamuna uyu pomwe akhana iye.'' ⁵⁷Soma Petulo adagaza, kuti, ''Mkaziwe, ndikumudziwa lini.'' ⁵⁸Patapita kanthawe pang'ono winango pomwe adamuona, achiti, '' Ndiwe poomwe m'bodzi wa iwo, ''Soma Petulo adati, ''Mamunawe, ndinelini..''⁵⁹Patapita pafupifupi nthawe ibodzi, mwamuna wina adangingimira achiti, ''Chadidiretu mwamuna uyu akhana iye, thangwe ngwaku Galileya umweyu.'' ⁶⁰Soma Petulo adati, ''Mwamunawe, ndikudziwalini bzomwe ukusewera.'' Kamfulumize, ali mkati mwakusewera bzobzi, dzongwe adalira.⁶¹Kuchungunuka, Mbuya, adanyang'anisa Petulo, apo Petulo adakumbukira mafala ya Mbuya, pomwe adati kuna iye, ''Dzongwe akanati kulira lero umdzandilamba katatu.'' ⁶²Petulo adabula panja achikalira kwene kwene.⁶³Kinangoka wanthu omwe akhakoya Yesu mkaoko adamunyongodola achimumenya. ⁶⁴Adamumpsinkha kumsolo achimubvunza, kuti, ''Bvimira! Mbani wakumenya? ⁶⁵Adasewera bzizinjitsa bzakumuipira yesu, bzamakiriyado.⁶⁶Kutatondo kuchena, akulu wa wanthu adagwezekana pabodzi, akulu wansembe na anembi. Adamutsogoza kuyenda naye kwakutongera Milandu ⁶⁷achikati, ''Penu ndiwe Mkhirisitu, tiuze.'' Soma adati kuna iwo,''Ndichikuuzani, mungakhulupirire lini, ⁶⁸apo ndichikubvunzani, munganditawire lini.⁶⁹Soma kuchokera tsapano mpakana mtsogolo, Mwana wa Munthu amdzakhala kuboko la madidi la mphamvu ya Mulungu.'' ⁷⁰Wensene adati, ''Ndiye kuti ndiwedi Mwana wa Mulungu?'' Yesu adati kuna iwo, ''Mwaterepoyo ndimwe.'' ⁷¹Iwo adati, ''Thangweranyi tikufuna pomwe mboni? Pamene tabva kale tekha kuchokera pakamwa pache.''

23¹Thimu lensene la wanthuwo lidalamuka lichibweresa Yesu kuna Pilato. ²Adayamba kumuzenga milandu, kuti, ''Tidamuona akhasocheresa dziko lathu umweyu, kuletsa kukhoma mtsonkho kuna Caesara, na kumbalewa kuti iye ni Mkhirisitu, mfumu.³Pilato adamubzunza, ''Ndiwe Mfumu ya Ayuda?'' Yesu adamutawira kuti, ''Mwatenepo ndimwe.'' ⁴Pilato adati kuna wansembe na wanthuo, ''Ndikuona lini kuphonya kwa munthuyu.'' ⁵Soma akhangingimira, kuti, ''Akhaputa wanthu umweyu, kumbapfunzisa kuzunga mu Yudeya mwensene, kuyambira ku Galileya mpakana kumbuto ino.''⁶Tsapano pomwe Pilto adabva bzobzi, adabzunza penu munthuyo akhali wa mu Galileyadi. ⁷Pomwe adabva kuti akhali wa mbali yakutongewa na Herodi, adamtumiza Yesu kuna Herodi, omwe akhali ku Yerusalemu nsiku zozo.⁸Pomwe Herodi adaona Yesu, adasekera zedi, thangwe akhakhumba kumuona kwa nthawe itali. Akhadabva bza iye apo adadikhira kuona bzizindikiro bzinango bzakuchitika na iye. ⁹Herodi adamubvunza Yesu mmafala mazizinji, soma Yesu alibe kutawira chinthu. ¹⁰Akulu wa ansembe na anembi adaima, mwakunyansidwa kumuzenga mulandu.¹¹Herodi na asirikali wace adaonesa kuipidwa achimunyoza. Kinangoka adamubvazika bzakubvala bzabwino achimutumiza kuna Pilato. ¹²Nakuti Herodi na Pilato adakhala chishamwali pa nsiku imweyo, nakuti nsikui ikanati kufika akhawengana.¹³Pilato kinangoka adachemera akulu wa ansembe na akulu wa wanthu na thimu la wanthu lire ¹⁴achiti kuna iwo, ''Mwabweresa munthuyu kuna ine ningati munthu wakusocheresa wanthu, apo onani, ine, nditamubvunza pamaso panu, ndikuona lini mulandu kuna munthuyu wakukhudza bzomwe mukumuzengabzi.¹⁵¹⁷Neye, Herodi pomwe, nakuti adamutumiza kuna ife, apo onani, palibe chakuthemera kufa chomwe wachita. ¹⁶Tsono nimtondo kumutchanga basi ndimutsudzule.''¹⁸Soma adakuwa pabodzi wensene, kuti, ''Aphiwe munthu umweyu, apo mutitsudzulire Barabba!'' ¹⁹Barabba akhali munthu omwe akhadathusiwa mkaoko thangwera phiringu linango mumzindamo na kupha.²⁰Pilato adawauza pomwe, kukhumba kumutsudzula basi Yesu. ²¹Soma adakuwa, kuti, ''Mmanikeni, mmanikeni.'' ²²Iye adati kuna iwo kachitatu, ''Thangwe, nimulandu wanyi ndio munthuyu wachita? Ndiribe kuona mulandu wakuthemera imfa kuna iye. Tsono ningamala kumulanga, nimmutsudzula.''²³Soma adangingimira mwa kukuwa, kuti amukhomere pa mtanda. Mafala yao yadamulimbikisa Pilto. ²⁴Apo Pilato adabvuma bzakungingimira bzaobzo. ²⁵Adatsudzuladi omwe adakumbira ule omwe akhathemera kukhala mkaoko thangwera phiringu na kupha. Soma adawapasira Yesu kuti achite bzomwe akhafunabzo.²⁶Pomwe adamutsogoza, adaphata Simoni waku Kerene,akhachokera mdziko, apo adamubzatika mtanda kuti atakule, kumbatewera mpambuyo mwa Yesu.²⁷Thimu lizinji la wanthu, na la azimai omwe akhambamulirira, akhamutewera. ²⁸Soma pakuwacheukira, Yesu adati, ''Azimai wa mu Yerusalemu, nampodi kulirira ine, soma bzilireni mwekha na ana wanu.²⁹Nakuti onani, nsiku zikubwera zomwe amdzalewa kuti, 'Wakudalisika ni ngomwa na bzibaliro bzomwe bziribe kubala, na masuku ndiyo yalibe kumamisa.' ³⁰Kinangoka amdzayamba kulewa kuna mapiri, Tigwereni.'' na kuna tumpiri tung'ono, 'Timpsinkheni.' ³¹Ningati ambachita ibzi pomwe muti uli uwisi, chimdzachitika mchiyani ungadzauma?''³²Amuna winango, bzipandu bziwiri, bidatsogoziwa pabodzi na iye kukaphiwambo.³³Pomwe adafika pa mbuto yakuchemeriwa ''Bade,'' pamwepo adamumanika pabodzi na bzipandu bzire---mmbodzi kuumadidi kwace na winango kumadzere. ³⁴Yesu adati, ''Baba, alekerereni, nakuti akudziwalini bzomwe akuchita.'' Kinangoka adatchobva njuga kugawana bzakubvala bzace.³⁵Wanthu adatondo kuima kumbanyang'anisa pomwe atongi akhamunyongodola, kumbati, ''Akhapulumusa winango. Mulekeni abzipulumuse yekha, penudi ni Mkirisitu wa Mulungu, wakusankhuliwayo.''³⁶Achikunda wa nkhondo adamunyoza iye, kumufenderera, mkumumwesa vinyo wakusasa, ³⁷na kumbati, ''Penudi ndiwe Mfumu ya Ayuda, bzipulumuse.'' ³⁸Pakhana pomwe chizindikiro padzaulu pa msolo wace, ''Uyu ni Mfumu ya Ayuda.''³⁹M'bodzi wa bzipandu bzire atakhomewa popo adamunyoza pa kulewa kuti, ''Ndiwe lini Mkhirisitu iwe? Bzipulumuse kani na ife kubodzi. ⁴⁰Soma winangoyo adamutsimula , kuti, ''Umbagopa lini Mulungu iwe eti, pala kuti uli pa chilango chakufana? ⁴¹Ifedi tikuthemera kukhala pano, thangwe ikutambira bzakuthemera mabasa ndiyo tikhachita. Soma munthu uyu alibe kuchita chakuphonya.''⁴²Kinangoka adati, ''Yesu, dzandikumbukireni ine pakudzabwera mu ufumu bwanu.'' ⁴³Yesu adati kuna iye, ''Indetu ndikulewa kuna iwe, lero umdzakhala na ine mu paradaizo.''⁴⁴Ikhali nthawe pafupifupi ya chitanthatu, apo m'dima udagwa pa dziko lense mpakana nthawe yachipfemba ⁴⁵pomwe dzuwa lidapsipa. Kinangoka chinguwo cha mu tchalitchi chidang'ambika pakati nakati.⁴⁶Kukuwa na mafala makulu, Yesu adati, Baba, mmanja mwanu ndikupereka mzimu wangu.'' Atalewa ibzi, adasaika. ⁴⁷Pomwe kenturiyo adaona bzachitikabzi, adatenda Mulungu, kulewa kuti, ''Chadidi meju uyu akhali munthu wakulungama.''⁴⁸Pomwe thimu la wanthu lomwe lidabwera kudzachitira umboni bzakuchita kuonabzi adaonadi bzachitika, adabwerera ali kuguguda bzifuwa bwao. ⁴⁹Soma wensene omwe akhamdziwa iye, na azimai omwe akhamutewera kuchokera ku Galileya, adaima pakatali, kumbang'anisa bzobzi.⁵⁰Onani, pakhana munthu dzina lache Yosefe, omwe akhali m'bodzi wagulu lire. Akhali munthu wabwino wakulungama. ⁵¹Munthu umweyu alibe kugwirizana na mpangano wao na ndibzo adachitabzo. Akhali waku Arimateya, mzinda wa Ayuda, apo akhanyang'anira kubwera kwa ufumu bwa Mulungu.⁵²Munthu uyu, adafenderera Pilato, adakakumbira thupi la Yesu. ⁵³Adalibulusa, mkulikulunga mu nguwo zakuchena, mkuliikha muthenje lagwinza lachimwala, lomwe munthu winango akhanati kuikhiwa kale.⁵⁴Ikhali nsiku yakukonzekera, apo Sabudu likhadasala pang'ono kuyamba. ⁵⁵Azimai omwe adabwera na Yesu kuchokera ku Galileya adatewera achikaona gwinzalo na momwe thupilo adaligonesera. ⁵⁶Iwo adabwerera kukakonzeka bzakununtchira na mafuta yabwino. Kinangoka nsiku ya Sabudu adapuma malingana na chitongero.

24¹Machibesebese ya nsiku ya kutoma ya sumana, adabwera pa thenje pale, kubweresa bzakununtchira bzire bzomwe akhadakonza. ²Adagumana mwala wagudubuziwa kucoka pa gwinzapo. ³Adapita momo, soma alibe kukagumana thupi la Mbuya Yesu.⁴Bzidachitika kuti, pomwe alimkati mwa kudzungaira na bzobzi, mwachidzidzi, amuna awiri adaima pambati pao ali mu bzakubvala bzakuchena makutoya. ⁵Pomwe akazi wale akhachita mantha na kutsulima nkhope zao pansi, adati kuna akaziwo, ''Thangweranyi mukupsaga wamoyo pakati pa anyakusaika?⁶Palibe pano, Soma walamusiwa! Kumbukirani ndimo adalewera pomwe akhali mu Galileya ⁷kulewa kuti Mwana wa Munthu amdzaperekiwa mmnja mwa anyakuphonya achidzakhomeriwa pa mtanda, apo pa nsiku ya chitatu achidzalamuka pomwe.''⁸Akaziwo adakumbuka mafala yace ⁹apo adabwerera kuchoka pa nthutu ire achikasimba bzensebzi kuna khumi na m'bodzi wale na kuna winango wensene. ¹⁰Tsapano Mariya wa Magadalene , Joana, Maria mai ace wa Yakobo, na akazi winango omwe akhanao adakasimba bzobzi kuna atumwi.¹¹Soma mafalaya yakhabveka ninga bzakunama kuna atumwi, mwakuti alibe kukhulupirira akhasewera akazibzo. ¹²Kinangoka Petulo adadzambatuka achithamangira kuthenjeko, apo, kukotama mkusuzumira , adaona nguwo zokha. Petulo kinangoka adanyamuka kubwerera kumui, alikudabwa bzomwe bzidachitikabzo.¹³Onani, awiri waiwo nsiku yoyo akhayenda kumuyi winango wakuchemeriwa Emau, omwe ukhali ma sitadiya matanthatu kuchokera ku Yerusalemu. ¹⁴Akhasimbirana ndibzo bzidachitikabzo.¹⁵Bzidachitika kuti ali mkati mwa kusimbirana na kumbabvunzana pabodzi, Yesu adafendera mkumbayenda nawo. ¹⁶Soma maso yao yadakhotchiwa pala kuti nampodi amuzindikire.¹⁷Yesu adati kuna iwo, ''Mukusimbirana chiyani mukufambapa?'' Iwo adaima popo alikuoneka waukali. ¹⁸M'bodzi waiwo, dzina lache Cleopa, adamutawira, ''Kodi ndiwe wekha mu Yerusalemu omwe ukudziwalini bzomwe bzachitika momo nsiku izi?''¹⁹Yesu adati kuna iwo, ''Bzinthu bzanyi?'' Adamutawira, ''Bza Yesu waku Nazarene, omwe akhali mneneri, wa mphamvu meju mmafala yace kuna Mulungu na kuna wanthu wensene, ²⁰na ndimo akulu wa ansembe na atongi wathu adamperekera kukazengiwa milandu mpaka kufa na kukhomeriwa pamtanda.²¹Soma ndiye tikhakhulupirira kuti angadadzalombola Izaraeri, Inde, apo lero ni nsiku ya chita chichitikireni bzobzi.²²Soma pomwe, akazi winango ndiwo tikhambakhala nawo pabodzi atidabwisa, ²⁴atayenda pa thenjepo machibese. Pomwe akasaya tupi lache, abwera, kudzasimba kuti akona pomwe masomphenya ya anjero omwe awauza kuti iye ana moyo. ²³Amuna winango omwe tikhali nao akhadayendambo pa thanjepo, akaonadi ninga ndimo akaziwo akhadasimbira. Soma alibedi kukamuona.''²⁵Yesu adati kuna iwo, ''O amuna wakupusa imwe na wamtima wakuchedwa kukhulupirira mu bzensene ndibzo aneneri akhasewera! ²⁶Bzikhali lini bzakufunika kuti mkhirisitu abonere na bzobzi, apo mkukapita mu ulemerero bwache. ²⁷Kinangoka kuyambira nthawe ya Mose mpakana ya aneneri wensene, Yesu adazimbula kuna iwo bzinthu bzensene bza iye mmafala yensene ya Mulungu.²⁸Atafendera mmuyi ndiwo akhayendawo, Yesu adachita ninga akhayenda kutali. ²⁹Soma adamukumbira kuti, ''Khalani na ife, thangwe maulo zjai yatsala pang'ono apo pomwe nsiku yatsalla pang'ono kumala.'' Apo Yesu adapita momo achikhala nawo.³⁰Bzidachitika kuti, pomwe adakhala nao pansi kudya, adatenga mkate, achiudalisa, achiubedula, adawapa iwo. ³¹Tsapano maso yadafunguka, adamuzindikira, apo iye adachoka pamaso pawo. ³²Iwo adati kuna wina na mwayache, ''Mtima wathu ukhatitentha lini, apo adatiuza panjira pale, pomwe adatifungulira mafala ya Mulungu?''³³Iwo adalamuka nthawe imweyo letu achiyenda ku Yerusalemu. Adakagumana khumi na awiri wale atagwezekana pabodzi na omwe akhanaombo, ³⁴mkumbati, ''Mbuya walamukadi meju, mwakuti waonekera kuna Simoni.'' ³⁵Tsapano adasimba ndibzo adaona panjira pale, na ndimo Yesu adamuzindikirira pakugebula mkate pale.³⁶Pomwe akhasewera ibzi, Yesu mwenekachiro akhadaima pakati pawo, achiti kuna iwo, ''Mtendere ukhale kuna imwe,'' ³⁷Soma akhanjenjemera achidzaliwa na mantha apo akhakumbuka kuti akhaona mzimu.³⁸Yesu adati kuna iwo, ''Thangweranyi mukubziboneresa? Mabvunzo mumtima mwanu yakubwereranyi? ³⁹Dingani mmanja mwangumu na nzayozi kuti ndinedi. Ndiphateni muone. Thangwe mzimu umbakhala lini na minomfu na mafupa, ninga mukuonera inemu.'' ⁴⁰Atalewa ibzi, adawalatiza mmanja mwache na nzayo zache.⁴¹Alibe kukhulupirira basi thangwera kudekedwa, apo pomwe akhadabwa. Yesu adati kuna iwo, ''Muna chakudya chirichense?'' ⁴²Adamupa chidupsa cha nsomba ya kukazinga ⁴³apo adatenga achidyeratu popo iwo akuona.⁴⁴Iye adati kuna iwo, ''Aya ni mafala yangu ndiyo ndidasewera pomwe ndikhanamwe, kuti bzense ndibzo bzidanembiwa mchitongero cha Mose na aneneri na masalimo bzimfunika bzidzakwanirisiwe.''⁴⁵Kinangoka iye adafungula mitima yao, pala kuti abvesese mafala ya Mulungu. ⁴⁶IYe Adati kuna iwo, ''Paja kudanembiwa kuti Mkhirisitu bzimfunika adzabonere achidzalamuka pomwe kwa anyamuya nsiku ya chitatu. ⁴⁷Kalapidwe na kulekerera kwa bzakuipa kumfunika kulalikiwe mudzina lace kuna madziko yensene, kuyambira mu Yerusalemu.⁴⁸Ndimwe mboni za bzensenebzi. ⁴⁹Onani, ndikukutumizirani ndibzo Babangu adalonjeza. Soma khalani mu mzinda mpakana mutabvazikiwa na mphamvu zakuchokera kuna iye mdzaulu.''⁵⁰Tsapano Yesu adawatsogolera ate kufupi na Betaniya.Adadzusa manja yache achiwadalisa. ⁵¹Bzidachitika kuti, ali mkati kuwadalisa, iye adawachokera achitengiwa kuyenda kudzaulu.⁵²Tsono adamunamata achibwerera ku Yerusalemu na chisekerero chikulu. ⁵³Iwo adapitiriza kukhala mtchalitchi, kudalisa Mulungu.

Yohani

1¹Pakutoma pakhana Mafala, apo Mafalayo yakhana Mulungu, apo Mafalayo yakhali Mulungu. ²Uyu akhali pakutoma na Mulungu. ³Bzinthu bzensene bzidakonziwa kudzera mwa iye, apo pangadasaya iye pakhalibe neye chibodzi chakulengiwa ndicho chingadalengiwa.⁴Mwa iye mukhana moyo, apo moyoyo ukhali kubvunika kwa wanthu. ⁵Kubvunikako kukhatoya mumdima, apo mdimayo ulibe kuugonjesa.⁶Pakhana munthu ndiye adatumiwa kuchoka kuna Mulungu, omwe dzina lache akhali Yohani. ⁷Iye adabwera ninga mboni kudzachitira umboni bza kubvunika, kuti wensene akakhulupirire kudzera mwa iye. ⁸Yohani akhali lini kubvunikako, soma adabwera kuti adzachitire umboni bza kubvunika.⁹Kubvunika kwachadidi, ndiko kumpereka kutoya kuna wanthu wensene, kukhabwera mdziko lapansi.¹⁰Iye akhali padziko lapansi, apo dziko lapansi lidalengiwa na iye, apo dziko liribe kumudziwa iye. ¹¹Iye adabwera kwa iye yekha, apo wache wa chaiwowo alibe kumutambira iye.¹²Soma kuna wensene wakumutambira iye, omwe adakhulupira dzina lache, iye adawapa ufulu bwakukhala wana wa Mulungu. ¹³Awa alibe kubadwa na mulopa, ayai kufuna kwa thupi, ayai na kufuna kwa munthu, soma kwa Mulungu.¹⁴Mafala yadasanduka thupi yachikhazikika pakati pathu. Taona ulemerero bwache, ulemerero ningadi bwa wakubadwa yekha mwa Baba, bwakudzala na chisomo na chadidi. ¹⁵Yohani adachitira umboni bza iye achikuwa, kulewa kuti, "Uyu ngule ndiye ndikhati, 'Iye wakudzabwera pambuyo panguyo nimkulu kuposa ndimo ndiriri, thangwe akhali patsogolo pangu."'¹⁶Nakuti nakudzala kwache tatambira chifundo kuchoka chifundo. ¹⁷Nakuti chitongi chidaperekiwa na Mose. Chifundo na chadidi bzidabwera na Yesu Mkhirisitu. ¹⁸Palibe adaona kale Mulungu; Mulungu yekhayo, omwe ali kumbali ya Baba, iye wachitisa Mulungu pala adziwike.¹⁹Ubu ni umboni bwa Yohani pomwe Ayuda adatumiza ansembe na Alevi kuna iye kuchoka ku Yerusalemu kukamubvunza, "Ndiwe mbani kodi?" ²⁰Iye adatawira---alibe kugaza, soma kutawira---"Ndine lini Mkhirisitu." ²¹Apo iwo adamubvunza, "Ndiwe mbani tsono? Ndiwe Eliya kodi?" Iye adati, "Ndine lini." Iwo adati, "Kodi ndiwe mneneri?" Iye adatawira, "Neye."²²Kinangoka adati kuna iye, "Ndiwe mbani, pala kuti tikwanise kuwatawira ndiwo atituma? Iwepo pawekha umbabziti ndiwe mbani?" ²³Iye adati, "Ndine mafala yakukuwa mchipululu: "Thamulani njira ya Mbuya,' ninga ndimo Yesaya mneneri adalewera."²⁴Tsapano winango wakuchokera kuna Afarisi adatumiwa, ²⁵apo adamubvunza achiti kuna iye, "Thangweranyi tsono ukubatiza penu ndiwe lini Mkhirisitu ayai Eliya ayai mneneri?"²⁶Yohani adawatawira, kulewa kuti, "Nimbabatiza na madzi. Soma pakati panu pana wina mukumudziwa lini. ²⁷Ni omwe akubwera mmambuyo mwangu, neye milawu ya shango zache ndikuthemera lini kuitsudzula." ²⁸Ibzi bzidachitika ku Betaniya ng'ambu ya Yolodano ndiko Yohani akhabatizira.²⁹Mangwana yache Yohani adaona Yesu akubwera kuna iye achiti, "Nyang'anani, pana Mwana wabira wa Mulungu ndiye ambabulisa bzakuipa bza padziko! ³⁰Uyu ngule ndidati, 'Omwe akubwera pambuyo panguyo ngwakuposa ine.' ³¹Ndiribe kumudziwa iye, soma bzikhali kuti adziwike ku Isaraeri kuti ine ndidabwera kudzabatiza na madzi."³²Yohani adaikhira umboni kulewa kuti, "Ndidaona Mzimu ukubuluka ninga nkhangaiwa kuchoka kudzaulu, apo udambutha pa iye. ³³Ndiribe kumuzindikira iye, soma ule adandituma kudzabatiza na madzi adati kuna ine, 'Omwe ndiye mudamuona Mzimu ukubuluka kudzamumbutha ule, ndiye amdzabatiza na Mzimu Wakuchena.' ³⁴Ndaona na kuikhira umboni kubodzi kulewa kuti uyu ni Mwana wa Mulungu."³⁵Mangwana yache, pomwe, pomwe Yohani akhadaima na wakupfunza wache awiri, ³⁶adaona Yesu akhafamba pafupi na iwo, apo Yohani adati, "Nyang'anani, Mwana wabira wa Mulungu!"³⁷Wakupfunza wache awiri adabva iye akulewa terepoyo apo adatewera Yesu. ³⁸Kinangoka Yesu adacheuka achiona iwo akumutewera achiti kuna iwo, "Mukupsaga chani?" Iwo adatawira, *Rabbi" (ndiye kuti "M'pfunzisi"), "Mukumbakhala kuponi?" ³⁹Iye adati kuna iwo, "Bwerani mudzaone." Kinangoka iwo adabwera achiona pomwe iwo akhakhala; iwo adakhala na iye nsiku yoyo, nakuti ikhathamangira nthawe yachikhumi.⁴⁰M'bodzi was awiri ndiwo adabva Yohani akusewera kinangoka mkutewera Yesu akhali Andreya, m'bale wache wa Simoni Petulo. ⁴¹Iye adatoma kugumana na m'bale wache chaiye Simoni achiti kuna iye, "Tagumana Mesiya" (ndiye kuti Mkhirisitu"). ⁴²Adamubweresa kuna Yesu, apo Yesu adamunyang'anisa achiti, "Ndiwe Simoni mwana wa Yohani. Umdzachemeriwa Kefasi" (ndiye kuti "Petulo").⁴³Mangwana yache pomwe Yesu akhafuna kuchoka kuyenda ku Galileya, adagumana Filipi achiti kuna iye, "Nditewere ine." ⁴⁴Tsapano Filipi akhali wa ku Betisaida, muyi wa Andireya na Petulo. ⁴⁵Filipi adagumana Natanieli achiti kuna iye, "Iye omwe Mose adanemba mu mtemo wa utongi, na aneneri, tamugumana iye: Yesu mwana wa Yosefe wa ku Nazareti."⁴⁶Natanieli adati kuna iye,"Chinthu chabwino chingachokerembo mu Nazareti?" Filipi adati kuna iye, "Bwera udzaone." ⁴⁷Yesu adaona Natanieli akubwera kuna iye achiti kuguma iye, "Ona, waku Isaraeri chaiyeiye uyu, omwe mwa iye mulibe chinyengo!" ⁴⁸Natanieli adati kuna iye,"Ukundidziwa tani?" Yesu adatawira achiti kuna iye, "Pomwe Filipi akanati kukuchemera, nthawe ndiyo ukhali patsinde pamuti wamkuyu, ndidakuona."⁴⁹Natanieli adatawira, "Rabbi, ndimwe Mwana wa Mulungu! Ndimwe Mfumu ya Isaraeli!" ⁵⁰Yesu adatawira achiti kuna iye, "Thangwera ndakuuza, 'Ndidakuona patsinde pamuti wamkuyu,' wakhulupiriratu? Uniona bzikulu kuposa ichi." ⁵¹Kinangoka iye adati, "Indetu, indetu, ndikulewa kuna iwe, umdzaona kudzaulu kutafunguka, apo anjero wa Mulungu akubuluka pa Mwana wa Munthu."

2¹Patapita nsiku zitatu, kukhana msinda wa maloozi ku Cana na ku Galileya, apo mai wache wa Yesu akhali nawo popo. ²Yesu na wakupfunza wache adachemeriwa nawo ku malooziko.³Pomwe vinyu akhagawidwa, mayi wa Yesu adati kuna iye, "Alibe vinyu awa." ⁴Yesu adati kuna iye, "Mkaziwe, msabwanyi ukubwera kuna ine? Nthawe yangu ikanati kukhana." ⁵Mayi wache adati kuna wakutumikira, "Chirichense amkuuzanicho, mbachitani."⁶Tsapano pakhana mathenthe matanthatu yakuikhira madzi yakukonzewa na minyala yakuphatizira Ayuda pamisinda ya kufula, lirirense lakutalika maboko mawiri ayai matatu. ⁷Yesu adati kuna iwo, "Dzazani mathentheya na madzi." Apo adayadzaza ate pamulomo. ⁸Tsapano iye adauza wakutumikira, "Bulisani inangoya panja mukapase mkulu wakugawa bzinthu." Apo adachitadi tenepoyo.⁹Mkulu wakugawa ule adalawidza madziyo yomwe yakhadasanduka vinyu, soma alibe kudziwa komwe adachokera (soma wakutumikira omwe adakatunga madzi wale adadziwa). Kinangoka adachemera nyakuloolayo ¹⁰achiti kuna iye, "Munthu aliyense ambatoma kupereka vinyu wakukoma kinangoka wakusaya kukoma wanthu angamala kuledzera. Soma iwe wakoya vinyu wakutapira ate nthawe zino."¹¹Chizindikiro chakutoma Yesu adachitira ku Cana waku Galileya, apo adazimbula ulemerero bwache, apo wakupfunza wache adamukhulupirira iye.¹²Bzitamala ibzi, mayi wache, abale wache na wakupfunza wache adayenda kunyansi ku Caperenawo achikakhala koko nsiku zakuchepa.¹³Tsapano pasaka ya Ayuda idafendera, apo Yesu adayenda ate ku Yerusalemu. ¹⁴Adakagumana wakugulisa ng'ombe zapakalosa na mabira na nkhangaiwa mkachisi, na akasinthesinthe atakhala momo.¹⁵Apo adawatchanga na mnchamu wabzingwe achiwafulusira panja wense kubula mkachisimo, kuphatanidza na mabira na ng'ombe kubodzi. Adambweza kobiri zangwingwingwi za akasinthesinthe achigunkhuliza meza zawo. ¹⁶Kuna wakugulisa nkhangaiwa iye adati, " Chosani ibzi muno. Lekani kusandusa nyumba ya Baba wangu kukhala mbuto ya msika."¹⁷Wakupfunza wache adakumbukira bzomwe bzidanembiwa, "Kamfulumize kanu kamdzandidya ine." ¹⁸Kinangoka Ayuda adatawira achiti kuna iye, "Mumtionesa chizindikiro chanyi, nakuti mukuchita ibzi?" ¹⁹Yesu adatawira, Gwesani kachisiyu, apo nsiku zitatu ndiuyimise."²⁰Kinangoka Ayuda adati, "Kachisi umweyu adamangiwa magole makumi manayi na matanthatu, apo mungauyimise nsiku zitatu?" ²¹Soma, akhalewa bza kachisi wathupi lache. ²²Atalamusiwa kuna wakusaika, wakupfunza wache adakumbukira kuti iye adasewera bzobzi, apo adakhulupirira manemba na mafalaya ndiyo Yesu akhadasewera.²³Tsapano pomwe iye akhali mu Yerusalemu pamsinda wa pasaka, azinji adakhulupirira mdzina lache pomwe adaona chizindikiro ndicho iye adachita. ²⁴Soma Yesu alibe kuwakhulupirira iwo thangwe akhawadziwa wensene, ²⁵thangwe alibe kufuna wina kuti achitire umboni kuna iye bza munthu, thangwe akhadziwa ndibzo bzikhali mwa munthu.

3¹Tsapano pakhana Mfarisi dzina lache Nicodemo, mkulu wa Ayuda. ²Munthu uyu adabwera kuna Yesu usiku achidzati kuna iye, "Rabbi, tikudziwa kuti ndimwe m'pfunzisi wakuchoka kuna Mulungu, thangwe palibe angachite bzizindikiro ndibzo mumbachitabzi pokha pokha Mulungu achikhala ali naye."³Yesu adamutawira, "lndetu, indetu, pokha pokha wina achibadwa pomwe ndiye angaone ufumu bwa Mulungu." ⁴Nicodemo adati kuna iye, "Munthu angabadwe tani pomwe uko iye wakula kale? Angakapite lini pomwe kachiwiri mchiberekero cha mayi wache mkubadwa, angathe?"⁵Yesu adamutawira, "Indetu, Indetu, pokha pokha wina achibadwa pomwe na madzi na Mzimu, ndiye angakapite mu ufumu bwa Mulungu, ⁶Iye wakubadwa kuthupi ni thupi, apo iye wakubadwa mwa Mzimu ni mzimu.⁷Nampodi kudabwa kuti ndakuuza kuti, 'Ukabadwe pomwe.' ⁸Chonzi chimbayenda ndiko chimfuna, mumbachibva kuunga kwache, soma mumbadziwa lini ndiko chikuchokera ayai ndiko chikuyenda. Mtenepoyombo na munthu wakubadwa mwa Mzimu."⁹Nicodemo adatawira achiti kuna iye, "Bzobzi bzingakhale tani?" ¹⁰Yesu adatawira achiti kuna iye, "Mesa ndiwe m'pfunzisi wa Isaraeri iwepo, tsono ukubvesesa lini tani bzobzi? ¹¹Indetu, indetu, ndikulewa kuna iwe, timbasewera ndibzo tim'bzidziwa, tichimbachitira umboni ndibzo tabziona. Soma umbalamba kubvuma umboni bwathu.¹²Ningati ndikukuuza bzinthu bza padziko lapansi pano ukukhulupirira lini, unikhulupirira tani ndichikuuza bzinthu bza kudzaulu? ¹³Palibe ndiye adakwira kale kudzaulu kupambula iye omwe adabuluka kuchoka kudzauluko---Mwana wa Munthu.¹⁴Ninga ndimo Mose adadzusira mdzaulu nyoka mchipululu mule, mchibodzibodzi ndimo Mwana wa Munthu amdzadzusiwira mdzaulu, ¹⁵pala kuti wensene wakukhulupirira iye akhale nawo Moyo wakusaya kumala.¹⁶Nakuti Mulungu adakonda dziko lapansi, natenepo adapereka Mwanache wakubadwa yekha, kuti aliyense wakukhulupirira iye nampodi atayike soma akhale nawo moyo wakusaya kumala. ¹⁷Nakuti Mulungu alibe kutuma Mwanache kuti adzayeruze dziko lapansi, soma kudzapulumusa dziko lapansi kudzera mwa iye. ¹⁸Wakukhulupirira mwa iye amdzayeruziwa lini, soma iye wakusaya kukhulupirira wayeruziwa kale thangwe alibe kukhulupirira mdzina la Mwana yekhayo wa Mulungu.¹⁹Iri ni thangwe la kudzayeruzira: kubvunika kwafika padziko lapansi, apo wanthu adakonda mdima kusiyana na kubvunika thangwe bzakuchita bzawo bzikhali bzakuipa. ²⁰Thangwe aliyense wakuchita chakuipa ambawengana na kubvunika, apo ambabwera lini padecha, palakuti bzakuchita bzache nampodi bzionekere. ²¹Soma, iye wakuchita bzachadidi ambabwera padecha pala kuti bzionekere kuna wense kuti bzakuchita bzache bzachitika mwa Mulungu."²²Bzitapita ibzi, Yesu na wakupfunzira wache adayenda kudziko la Yudeya. Kumweko adakhala kwa kanthawe achibatiza. ²³Tsapano Yohani akhabatizambo ku Anoni kufupi na Salimu thangwe kukhana madzi mazinji kumweko. Wanthu akhabwera kuna iye apo akhadzabatiziwa, ²⁴nakuti Yohani akhanati kuthusiwa kale mkaoko.²⁵Tsapano padayambika mkangano pakati pa wakupfunzira wa Yohani na m'Yuda thangwera msinda wakufula. ²⁶Iwo adayenda kuna Yohani achikati kuna iye, "Rabbi, omwe akhana imwe ng'ambu ya Mkulo wa Yolodano, omwe mudamuchitira umboni ule zjai, nyang'anani, akumbabatiza, apo wensene zjai akumbayenda kuna iye."²⁷Yohani adatawira, "Munthu angatambire lini chirichense pokha pokha chitapasiwa kuna iye kuchoka kudzaulu. ²⁸Imwe mwekha mungachitire umboni kuti ndidalewa kuti, 'Ndine lini Mkhirisitu,' soma mmalo mwache, 'Ndatondo kutumiziwa mwakutsogola.'²⁹Muloodwi ambakhala wache was mulooli. Tsapano mwayache wa mulooli, omwe ambayima achimubva iye, ambasekera kwene kwene thangwera mafala ya mulooli. Ichi, tsono, mchisekerero changu chakukwana. ³⁰Iye akakule, soma ine ndikachepe.³¹Iye wakuchoka kudzaulu ngwakuposa wense. Iye wakuchoka padziko lapansi ngwa dziko lapansi basi apo ambasewerambo bza padziko lapansi. Iye wakuchokera kudzaulu ngwakuposa wense. ³²Ambachitira umboni ndibzo waona na kubva, soma palibe ambabvuma umboni bwache. ³³Iye omwe watambira umboni bwache adaikha chizindikiro chache kuti Mulungu ngwa chadidi.³⁴Nakuti wakutumiwa na Mulungu ambasewera mafala ya Mulungu. Nakuti ambapasa lini Mzimu na mphimo. ³⁵Baba ambakonda Mwana apo wapereka bzinthu bzense mmanja mwache. ³⁶Iye wakukhulupirira Mwana ana moyo wakusaya kumala, soma wakusaya kubvera Mwanayo amdzaona lini moyo, soma ukali bwa Mulungu bumkhala pa iye."

4¹Tsapano pomwe Yesu adadziwa kuti Afarisi akhadabva kuti iye akhatenga na kubatiza wakupfunza azinji kuposa Yohani ²(napo kuti iye Yesu akhabatiza lini, soma wakupfunza wache ndiwo), ³adachoka mu Yudeya mkubwerera pomwe mmambuyo ku Galileya.⁴Soma bzikhali bzakufunika kuna iye kudzera ku Samariya. ⁵Ndiye adabwera mu mzinda wa Samariya, wakuchemeriwa Sika, pafupi na mbuto ndiyo Yakobo akhadapasa mwanache Yosefe.⁶Mchera wa Yakobo ukhali kumweko. Yesu akhadaneta na ulendo bwache ndiye adakhala pafupi na mcherayo. Zikhathamangira nyhawe zitanthatu. ⁷Mkazi wa ku Samariya adabwera kudzatunga madzi, apo Yesu adati kuna iye, "Ndipasembo madzi ndimwe." ⁸Nakuti wakupfunza wache akhadayenda mumzinda kukagula chakudya.⁹Ndiye mkazi wa ku Samariya ule adati kuna iye, "Bzakhala tani kuti imwe, pakukhala mu Yuda, mkukumbira ine, mkazi waku Samariya, chinthu kuti mumwe?" Nakuti Ayuda alibe basa na Asamariya. ¹⁰Yesu adatawira achiti kuna iye, "Ungadadziwa mphatso ya Mulungu, nakuti mbani akusewera, nawe, 'Ndipase chakumwa,' ungadamubvunza, apo angadakupasa madzi ya Moyo."¹¹Mkaziyo adati kuna iye,"Mbuya, mulibe m'golo apo mcherayu pomwe ngwakuzika. Madzi ya moyoyo tsono yali ku? ¹²Ndimwe lini mkulu, neye tenepo,kuposa baba wathu Yakobo, omwe adatipa mcherayu iye achimwambo mwemu, ninga akhachitira wanache na bzifuwo bzache?"¹³Yesu adatawira achiti kuna iye, "Aliyense wakumwa mumchera uyu amdzabva pomwe nyota, ¹⁴soma ndiye animwa madzi ndiyo nimmupa ine amdzabva lini pomwe nyota. Mmalo mwache, madzi ndiyo nimdzamupa yamdzakhala lowe wa madzi kuna iye, kufumphukira ku moyo wakusaya kumala."¹⁵Mkaziyo adati kuna iye, "Mbuya, ndipeni madzi yamweyo kuti nampodi ndidzakhale na nyota na kuti nampodi nimbadzabwere pomwe pano kudzatunga madzi." ¹⁶Yesu adati kuna iye, "Ndoko, ukachemere bayako, apo mukabwere pomwe kuno."¹⁷Mkaziyo adatawira achiti kuna iye, "Ndiribe mwamuna." Yesu adatawira, "Walewa bwino,' ¹⁸thangwe wakhala nawo kale amuna ashanu, apo ndiye uli naye panoyo ni bayako lini. Bzomwe walewabzi mchadidi."¹⁹Mkaziyo adati kuna iye, "Mbuya, ndikuona kuti ndimwe mneneri. ²⁰Azibabathu akhanamatira pa phiri iri, soma mumbati Yerusalemu ndiyo mbuto yakukanamatira."²¹Yesu adati kuna iye,"Khulupirira ine, mkaziwe, kuti nthawe ikubwera ndiyo mumdzanamata Baba sikuti paphiripa ayai mu Yerusalemu. ²²Mumbanamata ndibzo mum'bzidziwa lini. Timbanamata ndiye tikumudziwa, nakuti chipulumuso chimchokera kuna Ayuda.²³Soma, nthawe ikubwera, mwakuti tsapano yafika, pomwe wakunamata bzachadidi amdzanamata Baba mu mzimu na mchadidi, nakuti Baba akupsaga wanthu ninga amwewo kukhala wakunamata wache. ²⁴Mulungu ni Mzimu, apo wanthu wakunamata iye amunamate mu mzimu na mchadidi."²⁵Mkaziyo adati kuna iye, "Ndikudziwa kuti Mesiya akubwera (ule wakuchemeriwa Mkhirisitu) Angabwera, amdzatifokotozera bzensene." ²⁶Yesu adati kuna iye, Ndine letu umweyo, ndikusewera nawe panone."²⁷Pakamphindi kamweko wakupfunza wache adabwerera. Tsapano akhadabwa thangweranyi iye akhalewalewa na mkazi, soma palibe adati, "Mukuchita chani?" ayai "Thangweranyi mukulewalewa naye?"²⁸Tsapano mkaziyo adamusiira mtsuko wamadzi, achibwerera mumzinda, Achikati kuna wanthu, ²⁹"Bwerani, mudzaone mwamuna omwe wandifokotozera bzense bzomwe ndakhala ndikuchita. Umweyu angakhale lini Mkhirisitu ule, si tenepo?" ³⁰Iwo adachoka mumzindamo achibweradi kuna iye.³¹Panthawe yoyo, wakupfunza wache akhamukumbira iye, kulewa kuti, "Rabbi, dyani." ³²Soma iye adati kuna iwo, "Ndina chakudya kuti ndidye chakuti mumchidziwa lini." ³³Ndiye wakupfunza wale adati kuna wina na mwayache, "Palibe ndiye wawabweresera chakudya kuti adye, alipo?"³⁴Yesu adati kuna iwo, "Chakudya changu mkuchita chifuniro cha iye ndiye adandituma na kumaliza basa lache. ³⁵Kodi mumbati lini, 'Pakana miyezi minayi kinangoka bzakukolola bzifike'? Ndikulewa kuna imwe, nyang'anani muone mminda, thangwe bzakhuma kale pala kukolola! ³⁶Iye omwe akukolola ambatambira malipiro achigwezeka bzipatso pala moyo wakusaya kumala, kuti iye. wakufesa na iye wakukolola asekerere pabobdzi.Nakuti adati, 'Wina ngwakufesa, wina ngwakukolola,' mchadidi. Ndakutumani kukamweta chomwe mulibe kuphatira basa. Wina waphata basa, apo mwapita m'basa lawo."³⁹Asamariya azinji mumzindamo adamukhulupirira thangwera kulewa kwa mkaziyo omwe adachitira umboni, "Adandiuza chirichense chomwe ndachita." ⁴⁰Tsapano pomwe Asamariya adabwera kuna iye, adamukumbira kuti akhale nawo, apo adakhala popo nsiku ziwiri.⁴¹Azinji adakhulupirira thangwera mafala ya iye. ⁴²Iwo adati kuna mkaziyo, "Tikukhululupirira lini pomwe thangwera kuti udalewa bzire, soma thangwera kuti ife tabva tekha, apo tikudziwa kuti uyudi ni Mpulumusi wadziko lapansi."⁴³Patapita nsiku ziwirizo, adanyamuka kuchoka pamwepo kuyenda ku Galileya. ⁴⁴Nakuti Yesu mwenekachiro adalewa kuti mneneri ambalemekeziwa lini mphimpha zakwawo. ⁴⁵Pomwe adabwera mu Galileya, wanthu waku Galileya adamutambira. Akhadaona kale bzomwe iye adachita mu Yerusalemu pa madyerero, nakuti iwo akhadayendambo ku madyereroyo.⁴⁶Tsapano adabwera pomwe ku Kana mu Galileya, kule ndiko adasandusa madzi vinyu. Pakhana mkulu waboma omwe mwanache mamuna akhadwala ku Kaperenawo. ⁴⁷Pomwe adabva kuti Yesu wachoka ku Yudeya wabwera ku Galileya, adayenda kuna Yesuko kukamukumbira kuti apolike kunyansi akalimbise mwanache, omwe akhadasala pang'ono kusaika.⁴⁸Kinangoka Yesu adati kuna iye, "Pokha pokha utome waona bzizindikiro na bzakudabwisa, ndiye kuti ungakhulupirire. ⁴⁹"Mkulu ule adati kuna iye, "Mbuya, polikani letu mwanangu akanati kusaikapa." ⁵⁰Yesu adati kuna iye, "Ndoko. Mwanako zjai walimba." Munthuyo adakhulupirira mafala ndiyo Yesu adamuuza, apo adayenda.⁵¹mwe akhayenda kupolika, akapolo wache adagumana naye, mkumuuza kuti mwanacheyo walimba. ⁵²Tsono iye adabvunza nthawe ndiyo adayamba kulimba. Iwo adamutawira kuti, "Dzulo pa nthawe zinomwe manungo yadamuchoka."⁵³Kinangoka babachewa adazindikira kuti ikhalidi nthawe yoyo ndiyo Yesu adati kuna iye, "Mwanako walimba." Tsapano iye na banja lache lensene adakhulupirira. ⁵⁴Ichi chikhali chizindikiro chachiwiri ndicho Yesu adachita atabula mu Yudeya kuyenda ku Galileya.

5¹Bzitamala ibzi pakhana madyerero ya Ayuda, apo Yesu adayenda ku Yerusalemu. ²Tsapano mu Yerusalemu pafupi na mpita wa litsito la mabira pana mchera, ndiwo mu chiseweredwe chachi mchi Heberi ambati Betesda, apo una nsodzi zishanu zakupsumphira bwino. ³Wanthu azinji wakudwala, azimola, wakupunduka, ayai wakujejera bziwalo akhadagonesewa popo. Bzakunemba bzakale bziribe ndime 4 iyi yakumbati, ⁴Nakuti mnjero wa Mbuya adayenda kukabvundula madzi nthawe zina apo aliyense wakupita momo madziyo yakanati kudemba adalimba nthenda iriyense ndiyo akhadwala.⁵Munthu wina akhali popo omwe akhadadwala kwa magole makumi matatu na masere. ⁶Pomwe Yesu adamuona atagonesewa popo, nakuzindikira kuti akhadakhalisa popo, adati kuna iye, "Kodi ukufuna kulimba?"⁷Wakudwalayo adatawira, "Mbuya, ndiribe aliyense wakundipisa mnthawalemu madzi yangabvunduliwa. Ningabwera, wina atsogole kutchithima na nsikadazi." ⁸Yesu adati kuna iye, "Lamuka, takula mphasa yako, ufambe."⁹Kamfulumize munthuyo adalimbisiwa, achitakula mphasa yache mkufamba. Tsapano nsiku yoyo ikhali ya Sabudu.¹⁰Tsapano Ayuda adati kuna ndiye adalimbisiwayo, "Ni Sabudu apo ukubvumiziwa lini kutakula mphasa yakoyi." ¹¹Iye adatawira, "Omwe wandilimbisayo wanditi, 'Takula mphasa yako ufambe.'"¹²Iwo adamubvunza iye, "Ni munthunyi umweyo adakuuza kuti, 'Itakule ufambe'?" ¹³Tsono, munthu adalimbisiwayo alibe kudziwa kuti akhali mbani thangwe Yesu zjai akhadayenda kale kachete chete, thangwe pakhana thimu pambutopo.¹⁴Kinangoka, Yesu adagumana naye iye mkachisi achiti kuna iye,"Ona, zjai walimba! Nampodi kuphonya pomwe, pala kuti chinango chakuposa popa chingadzakuchitikire." ¹⁵Munthuyo adayenda kukawauza Ayuda wale kuti akhali Yesu adamulimbisa ule.¹⁶Tsapano thangwera bzinthu bzobzi Ayuda adaboneresa Yesu, thangwe adachita bzobzi pa Sabudu. ¹⁷Yesu adawatawira, "Baba wangu akuphata basa pakali pano, na ine, pomwe, ndikuphata basa." ¹⁸Thangwera bzobzi, Ayuda zjai adakumbuka bzakumupha iye thangwe alibe kupsa Sabata yokha, soma pomwe adaguma Mulungu kuti ni Babache, zjai kubzindendemeza yekha na Mulungu.¹⁹Yesu adawatawira, "Indetu, indetu, Mwana angachite lini chinthu chayekha, kupambula bzokhabzo achiona Baba akuchita, nakuti chirichense akuchita Baba, Mwanambo ambachita ndendende. ²⁰Nakuti Baba ambakonda Mwana apo ambamuonesa chirichense ndicho iwo ambachita, apo amdzamuonesa mabasa makulu kuposa yoya kuti ate mumdzadabwa.²¹Thangwe ninga ndimo Baba ambalamusira anyamuya achiwapa moyo, m'bzibodzi bodzimbo Mwana ambapa moyo kuna aliyense animfunayo. ²²Nakuti Baba ambayeruza lini aliyense soma adapa chiyeruzo chense kuna Mwana ²³pala kuti aliyense akamulemekeze Mwanayo ninga ndimo ambalemekezera Baba. Omwe ambalemekeza lini Mwanayo ambalemekeza linimbo Baba omwe adamutuma.²⁴Indetu, indetu, iye wakubva mafala yangu na kukhulupirira iye omwe adandituma ana moyo wakusaya kumala apo amdzatongewa lini mulandu, soma wapambana kuchoka kuimfa kuyenda ku moyo.²⁵Idetu, indetu, ndikulewa kuna imwe nthawe ikubwera, apo iripo ndiyo wakufa amdzabva mafala ya Mwana wa Mulungu, apo omwe amdzabvayo amdzakhala na moyo.²⁶Nakuti ninga ba ana moyo mwa iye kha, ndendendembo adapa kuna Mwana moyo kukhala mwa iye yekha, ²⁷apo Baba amupa mphamvu zakutonga thangwe ni Mwana wa Munthu.²⁸Nampodi kudabwa na bzobzi, nakuti iripo nthawe ikubwera yakuti aliyense ndiye ali mu nthutu amdzabva mafala yache ²⁹achidzabula: omwe wachita bwino ku mmukiro wakumoyo, apo wakuchita bzakuipa ku mmukiro wa kukatongiwa.³⁰Ningachite lini chinthu pa ine ndekha. Pomwe ninibva, nimtonga, apo matongedwe yangu ngakulungama thangwe ndikupsaga lini bzakufuna bzangu bzandekha soma bzakufuna bza iye omwe adandituma. ³¹Penu nimchita umboni bwa ine ndekha, umboni bwangubo bumdzakhala lini bwa chadidi. ³²Pana winango omwe ambachitira ine umboni, apo nimdziwa kuti umboni ambachitira inebo m'bwa chadidi.³³Mudatumiza kuna Yohani, apo wachitira umboni chadidi. ³⁴Soma umboni ndibo ndatambira m'bwakuchoka lini kuna munthu. Ndikusewera ibzi kuti mukapulumusiwe. ³⁵Yohani akhali kandiyero yakugaka na kubvunika, apo mukufuna kusekera na kubvunika kwache mkanthawe kakuchepa.³⁶Chensenecho umboni ndibo ndinabo m'bukulu kuposa bwa Yohani, nakuti mabasa ndiyo Baba andipa kuyakwanirisa, ni mabasa yokha yokhayo ndiyo nimbachita, uchitire umboni bza ine kuti ³⁷Baba ndiye andituma. Baba omwe adanditumayo wachitira pomwe yekha umboni bza ine. Mukanati kubva kale mafala yache ayai kumuona maonekedwe yache neye nthawe inangombo. ³⁸Imwe mulibe mafala yache yakutsalira mwa imwe, nakuti mukukhulupirira lini mwa iye omwe adatumiwa.Mumbapsaga mafala ya Mulungu thangwe mumbakumbuka kuti mwemo imwe mumkagumana moyo wakusaya kumala, ³⁹apo mafala mabodzi bodziyo yambachitira umboni bza ine, apo mukufuna lini kubwera kuna ine kuti mukhale na moyo.⁴¹Nimbatambira lini ulemerero kuchoka kuna wanthu, ⁴²soma ndikudziwa kuti mulibe chikondi cha kwa Mulungu mwa imwe mwekha.⁴³Ndabwera mu dzina la Baba, apo mukunditambira lini. Winango angadati abwere mudzina lache chailo, apa mungadamutambira. ⁴⁴Mungakhulupirire tani, imwe omwe mumbabvuma ulemerero bwakuchoka kuna wina na mwayache soma mukupsaga lini ulemerero bwakuchoka kuna Mulungu yekhayo?⁴⁵Nampodi kukumbuka kuti nimdzakulewerani kuna Baba. Wakudzakulewerani ni Mose, omwe mwaiye mwamuthemba. ⁴⁶Penudi mudamkhulupirira Mose, mungadakhulupirira pomwe ine, thangwe iye adanemba bza ine. ⁴⁷Penu mungakhulupirire lini bzakunemba bzache, mungakhulupirire tani mafala yangu?"

6¹Bzitamala ibzi Yesu adayambuka ng'ambu ina ya Nyanza ya Galileya, yakuchemeriwa pomwe kuti Nyanza ya Tiberiyo. ²Thimu lizinji likhamutewera thangwe adaona bzakudabwisa ndibzo iye akhachita kuna atenda. ³Yesu adakwira paphiri achikakhala pansi na wakupfunza wache popo.⁴(Tsapano Pasaka, madyerero ya Ayuda, yakhali pafupi.) ⁵Pomwe Yesu adajiguma achiona thimu lizinji likubwera kuna iye, adati kuna Filipi, "Umkagula kuponi mikate kuti amwewa adye?" ⁶(Soma Yesu adasewera bzobzi kufuna kumuyezera Filipi, thangwe akhadziwa kuti iye ndiye amchita.)⁷Filipi adamutawira iye, "Dinari madzana mawiri kugula mikate ingakwane lini kuti aliyense atambire neye pankiti pankiti pokha." ⁸M'bodzi wa wakupfunza, Andireya, m'bale wache wa Simoni Petulo, adati kuna Yesu, ⁹"Pana mnyamata m'bodzi pano omwe ana mikate zishanu ya tirigu wa barere na nsomba ziwiri, soma zozi mchiyani kuna azinjiwa tere?"¹⁰Yesu adati, "Akhazikeni pansi wanthuwa." Tsapano pakhana upsa buzinji pambutopo. Apo amunawo adakhala pansi, pafupi fupi bzulu bzishanu kuwanda kwao. ¹¹Kinangoka Yesu adatenga pawu zire apo atapereka kutenda, adazigawanisa kuna akhadakhala pansi wale. Adachita bzibodzi bodzi na nsomba zire, mwakuwanda ndimo adafunira. ¹²Pomwe wanthu adakhuta, iye adati kuna wakupfunzira wache, "Khongobzani mvululu zakusalazi, kuti nampodi patayike chinthu."¹³Ndiye adazikhongobza zichidzala bzitundu khumi na bziwri bza mvululu zakuchoka mu mikate mishanu ya barere zakusiiwa na omwe akhadadya. ¹⁴Kinangoka, pomwe wanthu adaona chakudabwisa ichi ndicho iye adachita, adati, "Mchadidi uyu ni mneneri omwe amkubwera mdziko lapansi. ¹⁵Pomwe Yesu adazindikira kuti iwo akhadasala pang'ono kudzamuphata mwa kungingimiza kuti amuikhe ufumu, adathawira pomwe kuphiri yekha.¹⁶Pomwe maulo yadakwana, wakupfunza wache adapolika kuyenda ku nyanza. ¹⁷Adapakira mwadiya, achiyenda napanyanza ku Kaperenawo. Kukhadadoka nthawe yoyi, apo Yesu akhanati kubwerera kuna iwo. ¹⁸Chonzi cha mphamvu chikhakuntha apo nyanzayo ikhagwedezeka.¹⁹Atachapa ma sitadiya makumi mawiri na mashanu ayai makumi matatu, adaona Yesu akufamba pa nyanzapo kumbabwera kufupi na mwadiyayo, apo iwo adabva mantha. ²⁰Soma iye adati kuna iwo, "Ndine! Nampodi kubva mantha." ²¹Kinangoka adabvuma kumutambira mmwadiyamo, apo kamkulumize mwadiyayo udafika ng'ambu ndiyo iwo akhayenda.²²Mangwana yache, thimu ndilo likhadaima ng'ambu ire lidaona kuti pakhalibe mwadiya wina kupambula umweyo, nakudziwa pomwe kuti Yesu akhalibe kupakiriratu na wakupfunza wachewo soma kuti wakupfunzira wachewo akhadatoma kupakira okha. ²³Tsapano, pakhana mimwadiya inango yakuchoka ku Tiberiyo kufupi na kumbuto ndiko akhadadya mikate ire Mbuya atapereka kutenda.²⁴Pomwe thimu lidazindikira kuti neye Yesu ayai wakupfunza wache wense pakhalibe, lidapakira mwadiya lokha mkuyenda ku Kaperenawo kukapsaga Yesu. ²⁵Atakamugumana ng'ambu inango ya nyanzayo, adati kuna iye, "Rabbi, mudabwera liti kuno?"²⁶Yesu adawatawira, kulewa kuti, "Indetu, indetu mukundipsagapa ine, sikuti thangwera mudaona bzakudabwisa, soma mudadya nawo mikate ire muchikhuta. ²⁷Nampodi kubonera na chakudya chakumala, soma bonerani na chakudya chakukhalisa kukufikizani ku moyo wakusaya kumala omwe Mwana wa Munthu amdzakupani, nakuti Mulungu Baba waikha chizindikiro pa iye."²⁸Kinangoka iwo adati kuna iye, "Tichite chani, pala kuti tiphate basa la Mulungu?" ²⁹Yesu adatawira achiti kuna iwo, "Iri ni basa la Mulungu: Kuti mukhulupirire iye omwe wamutuma."³⁰Ndiye adati kuna iye, "Mchizindikiro chanyi tsono ndicho munichita, pala kuti tione na kukukhulupirirani? Munichita chani? ³¹Makolo yathu yadadya mana mchipululu, ninga ndimo bzidanembewera, 'Iye akhawapa mikate kuchoka kudzaulu kuti adye.'"³²Kinangoka Yesu adawatawira, "Indetu, indetu, ni Mose lini ndiye akhakupani mikate kuchokera kudzaulu, soma ni Babangu ndiye akukupani mikate chaiyo kuchoka kudzaulu. ³³Thangwe mkate wa Mulungu ngule umbagwa kuchoka kudzaulu uchipereka moyo kudziko lapansi." ³⁴Ndiye adati kuna iye, "Mbuya, mbatipani mkate umweyu nthawe zense."³⁵Yesu adati kuna iwo, "Ndine mkate wamoyo; iye wakubwera kuna ine amdzabva lini njala, na wakukhulupirira ine amdzabva lini nyota. ³⁶Soma ndidakuuzani kuti chadidi mwandiona ine, apo mukukhulupirira lini. ³⁷Aliyense ndiye Baba amndipasira kubwera kuna ine nimdzamutaya lini kunja.³⁸Nakuti ndabuluka kuchoka kudzaulu, sikuti kudzachita bzakufuna bzandekha, soma bzakufuna bza iye omwe adandituma. ³⁹Uku mkufuna kwa iye omwe adandituma, kuti nampodi nditaye neye m'bodzi omwe wandipasira, soma amdzawalamusa pansiku ya chimaliziro. ⁴⁰Nakuti uku mukufuna kwa Babangu, kuti aliyense wakuona Mwana mkumukhulupirira adzakhale na moyo wakusaya kumala apo nimdzamulamusa pansiku yachimaliziro."⁴¹Kinangoka Ayuda adang'ung'udza bza iye thangwera adati, "Ndine mkate omwe wabuluka kudzaulu." ⁴²Iwo adati, "Ngumweyu lini Yesu Mwana wa Yosefe, omwe Babache na mayi wache tikuwadziwawa? Bzikukhala tani tsono kulewa, 'Ndabuluka kudzaulu'?"⁴³Yesu adatawira achiti kuna iwo "Lekani kung'ung'udza mwekha. ⁴⁴Palibe angabwere kuna ine pokha pokha Baba omwe adandituma kumufendeza, apo nimdzamumukisa pansiku ya chimaliziro. ⁴⁵Bzidanembiwa mwa aneneri, 'Aliyense amdzapfunzisiwa na Mulungu.' Aliyense ndiye wabva na kupfunza kuchoka kuna Baba ambabwera kuna ine.⁴⁶Sikuti kuti aliyense waona Baba, kupambula iye omwe ngwakuchokera kuna Mulungu---ndiye waona Baba. ⁴⁷Indetu, indetu, iye omwe ambakhulupirira ana moyo wakusaya kumala.⁴⁸Ndine mkate wamoyo. ⁴⁹Abereki wanu adadya mana mchipululu, apo adafa.⁵⁰Uyu ni mkate wakubuluka kuchokera kudzaulu, pala kuti munthu adye wina wa iwo kuti nampodi afe. ⁵¹Ndine mkate wamoyo omwe udabuluka kuchoka kudzaulu. Penu wina anidya wina wa mkateyu, amdzakhala kunthawe za nthawe. Mkate ndiwo nimdzaperekayo ni thupi langu kuti ukhale moyo wapadziko lapansi."⁵²Pamwepo Ayuda zjai adakalipa achiyambiratu kung'ung'udza, kulewa kuti, "Munthu umweyu angatipe tani thupi lache kuti tidye?" ⁵³Ndiye Yesu adati kuna iwo, "Indetu, indetu, penu munidya lini thupi la Mwana wa Munthu na kumwa mulopa wache, mumdzakhala lini na moyo mwaimwe mwekha.⁵⁴Omwe anidya thupi langu na kumwa mulopa wangu ana moyo wakusaya kumala, apo nimdzamulamusa pansiku yakumalizira. ⁵⁵Thangwe thupi langu mchakudya chachadidi, apo mulopa wangu ni chakumwa chachadidi. ⁵⁶Iye wakudya thupi langu na kumwa mulopa wangu am'khaliratu mwaine, na ine mwa iye.⁵⁷Ninga Baba wamoyo adandituma ine, apo inembo ndina moyo thangwera Baba, ndendende wakundidya ine, amdzakhalambo thangwera ine. ⁵⁸Uyu ni mkate ndiwo wabuluka kuchoka kudzaulu, sikuti ninga udadya makolo achifawo neye. Iye wakudya mkate uyu amdzakhala ku nthawe za nthawe." ⁵⁹Soma Yesu bzobzi adasewerera mu sunagoge pomwe akhapfunzisa mu Caperenawo.⁶⁰Kinangoka wakupfunza wache azinji omwe adabva ibzi adati, "Mafalaya ngakunesa; Mbani angayabvese?" ⁶¹Yesu, thangwe adadziwa mwa iye yekha kuti wakupfunza wache akhang'ung'udza nayo, adati kuna iwo, "Yakuipirani kani?⁶²Tsono tani muchiona Mwana wa Munthu akuyenda pomwe kudzaulu ndiko akhali pakutoma? ⁶³Ni Mzimu ndiwo umbapasa moyo; thupi limbathandiza lini chinthu. Mafala ndiyo ndasewera kuna imwe ndiyo Mzimu, apo ndiyo moyo.⁶⁴Ndiye pana wina wa imwe omwe mumbakhulupirira lini." Thangwe Yesu adazindikira kuyambira pakutoma kuti akhali aponi omwe amdzakhulupirira lini na ndiye amdzamupereka iye. Iye adati, ⁶⁵"Nithangwera chochi ndidakuuzani kuti palibe angathe kubwera kuna ine pokha pokha chitapasiwa kuna iye na Babangu."⁶⁶Thangwera ichi, wakupfunza wache azinji adabwerera mmambuyo apo alibe kufamba naye pomwe. ⁶⁷Ndiye Yesu adati kuna khumi na awiri wale, "Imwe mukufunambo lini kuchoka, mumfuna?" ⁶⁸Simoni Petulo adamutawira iye, "Mbuya, mkwambani ndiko tingayende? Muna mafala ya kumoyo wakusaya kumala, apo takhulupirira mpaka kufika pakudziwa kuti ndimwe Wakuchena wa ⁶⁹Mulungu."⁷⁰Yesu adati kuna iwo, "Ndiribe kuchita kukusankhulani, khumi na awirimwe, apo zjai m'bodzi wa imwe ni mdyerekezi?" ⁷¹Tsapano iye adasewera bza Yudasi mwana wa Simoni Isikariyoti, thangwe akhali iye, m'bodzi wa khumi na awiri wale, wakumpereka Yesu.

7¹Bzitamala inzi, Yesu adazunga mu Galileya, thangwe akhafuna lini kuyenda ku Yudeya nakuti Ayuda akhamupsaga kuti amuphe. ²Tsapano madyerero ya misasa ya Ayuda yakhali pafupi.³Abale wache tsono adati kuna iye, "Chokani pano ndokoni ku Yudeya, pala kuti wakupfunza wanu akaonembo mabasa mumbachitaya. ⁴Palibe ambachita chinthu mwakubisa angakhala akupsaga kuti adziwike padecha. Penu mumbachita bzobzi, bzionesereni kudziko lapansi."⁵Nakuti neye abale wache alibe kumukhulupirira iye. ⁶Yesu mnthangwerache adati kuna iwo, "Nthawe yangu ikanati kufika, soma nthawe yanu njakufikafika kale nthawe zense. ⁷Dziko lapansi lingakuwengeni lini, soma limbawenga ine thangwe nimbalichitira umboni kuti mabasa yache ngakuipa.⁸Mumbakwira kuyenda ku madyerero; Ine ndikumbayenda lini kumadyerero thangwe nthawe yangu ikanati kukwanirisiwa." ⁹Atamala kulewa bzobzi kuna iwo, iye adakhala mu Galileya.¹⁰Soma pomwe abale wache akhadakwira kuyenda ku madyerero, kinangoka iye adakwirambo, sikuti mwakuonekera soma mwakubisala. ¹¹Ayuda akhamupsaga pa madyereropo achiti, "Iye ali kuponi?"¹²Pakhana bzakuuzana bzizinji pathimupo kumbaguna bza iye. Winango adati, "Ni munthu wabwino." Winango adati, "Neye, ambasocheresa wanthu azinji." ¹³Chensenecho palibe adasewera padecha kuguma iye thangwera kugopa Ayuda.¹⁴Pomwe madyerero yadafika pakati, Yesu adakwira kuyenda mkachisi mkukayamba kupfunzisa. ¹⁵Kinangoka Ayuda adadabwa, mkulewa kuti. "Munthu umweyu ambadziwa tani bzizinji tenepayu? Kupfunza akanati," ¹⁶Yesu adawatawira achiti, "Bzakupfunzisa bzangubzi m'bzaine lini, soma m'bza iye omwe adandituma.¹⁷Penu wina anikhumba kuchita bzakufuna bzache, amdzazindikira bza chipfunzisochi, kuti mchakuchokera kuna Mulungu, ayai nimbatondo kusewera bzangu bzandekha. ¹⁸Omwe ambasewwera bzache bzayekha ambapsaga ulemerero bwache bzayekha, soma ndiye akupsaga ulemerero bwa omwe adamutuma, munthu umweyo ngwachadidi, apo mwaiye mulibe chakusaya kulungama.¹⁹Kodi Mose alibe kukupani chitongi? Soma palibe neye. m'bodzi waimwe ndiye ambachikoya. Mthangweranyi mukupsaga kufuna kundipha?" ²⁰Thimu lire lidatawira, "Muna chiwanda imwe. Mbani akupsaga a kukuphaniyo?"²¹Yesu adatawira achiti kuna iwo, "Ndidachita basa libodzi, apo mwensene mudadabwa nalo. ²²Mose adakupani mgwatidwe (sikuti udachoka kuna Mose, soma kuna makolo), nsiku ya Sabudu mumbagwata munthu.²³Penu munthu anitambira mngwatidwe pa Sabudu mkuti chitongi cha Mose chiribe kupsewa, thangweranyi mukukalipa na ine thangwe ndidalimbisiratu bwino bwino munthuyo pa Sabudu? ²⁴Nampodi kutonga kutengera maonekedwe, soma tongani mwachilungamo."²⁵Wanthu winango wa iwo wakuchokera ku Yerusalemu adati, "Ngumweyu lini akumupsaga kuti amuphe ule? ²⁶Onani, akusewera padecha, apo akumuuza lini chinthu. Bzingakhale lini kuti akulu akuluwa akudziwadi kuti umweyu ni Mkhirisitu, mtenepo lini? ²⁷Soma tikudziwa ndiko iyeyu akuchokera. Soma Mkhirisitu pakudzabwera, palibe ndiye amdzadziwa ndiko amdzachokera."²⁸Kinangoka Yesu adakuwa mkachisi, "Ine mumbandidziwa na ndiko nimbachokera kubodzi. Ndiribe kubwera bzandekha, soma iye omwe adandituma ngwachadidi, apo mumbandidziwa lini. ²⁹Ine nimbamudziwa thangwe nimbachokera mwa iye apo adachita kundituma."³⁰Iwo akhayezera yezera kuti amumange, soma palibe adaikha manja pa iye thangwe nthawe yache ikhanati kufika. ³¹Soma azinji pathimu lire akhamukhulupirira, apo adati, "Mkhirisituyo angabwera, amdzachita bzizindikiro bzizinji kuposa ndibzo wachita uyubzi?" ³²Afarisi adabva thimu lire likusewera kawerewere bzakuguma Yesu, ndiye akulu wa ansembe na Afarisi adatuma anyamata kukamumanga iye.³³Tsapano Yesu adati, "Ndikali namwe kwa kanthawe kakuchepa, kinangoka ndiyende kuna iye omwe adandituma. ³⁴Mum'dzandipsaga soma mum'dzandigumana lini; komwe niyendako, mum'dzakwanisa lini kubwera."³⁵Ayuda tsono adati okha okha, "Munthu umweyu am'dzayenda kuponi ndiko tingadzakwanise lini kumugumana? Kodi am'dzayenda kuna Ahelene wakubalalika wale kukapfunzisa Ahelene? ³⁶Mafala waseweraya nga chani, 'Mum'dzandipsaga soma mum'dzandigumana lini ine; Ndiko nim'dzayendako, mum'dzakwanisa lini kubwera'?"³⁷Tsapano pakumaliza, nsiku ikulu ya madyerero, Yesu adaima achikuwa, kulewa kuti, "Penu wina akubva nyota, abwere kuna ine adzamwe. ³⁸Iye wakukhulupirira ine, ninga ndimo mafala ya Mulungu yambalewera, mikulo ya madzi ya moyo im'dzayerera kubula mmimba mwache."³⁹Soma adalewa ibzi bza Mzimu, wa iwo ndiwo akhakhulupirira iye kuti ati adzatambire; Mzimu ukhanati kuperekiwa thangwe Yesu akhanati kulemekeziwa panthawe yoyo.⁴⁰Wanthu winango wa thimulo, pakubva mafalaya, adati, "Uyu ni mneneri." ⁴¹Winango adati, "Umweyu ni mkhirisitu." Soma winango adati, "Kodi Mkhirisitu ambachokera ku Galileya? ⁴²Manemba yalibe kulewa kuti Mkhirisitu amdzachokera ku dzinza la Davide na ku Beterehemu, muyi ndiwo Davide akhali?"⁴³Ndiye padayambika m'gawaniko pa thimulo thangwera iye. ⁴⁴Winango wa iwo ate angadamumanga iye, soma palibe adaikha manja pa iye.⁴⁵Kinangoka anyamata wale adabwerera kuna akulu wa ansembe na Afarisi, omwe adati kuna iwo, "Thangweranyi mulibe kumubweresa?" ⁴⁶Anyamatawo adatawira, "Palibe adasewera kale tenepayu."⁴⁷Ndiye Afarisi adawatawira iwo, "Kani mwanyengezewambo? ⁴⁸Alipo m'bodzimbo wa akulu ayai Afarisi ndiye adamukhulupirira kale iye? ⁴⁹Soma thimu ili lomwe likudziwa lini chitongi, ndakutembereriwa."⁵⁰Nicodemo (m'bodzi wa Afarisi, omwe adabwera kuna iye mwakuyambirira) adati kuna iwo, ⁵¹"Kodi chitongi chathu chimbatonga munthu tikanati kubva kuchoka kuna iye na kudziwa bzomwe ambachita?" ⁵²Iwo adatawira achiti kuna iye, "Kani ndiwe m'Galileya pomwe iwepo? Saka sakani muone kuti palibe mneneri ambachoka ku Galileya."⁵³[ Kinangoka aliyense adayenda kumuyi kwache.

8¹Yesu adayenda ku phiri la Azitona. ²Machibesebese adabwera pomwe ku kachisi, apo wanthu wensene adabwerambo; iye adakhala pansi achiwapfunzisa. ³Anembi na Afarisi adabweresa mkazi wakuphatiwa akuchita chigololo. Iwo adamuikha pakati.⁴Kinangoka iwo adati kuna iye, "Mpfunzisi, mkazi uyu waphatiwa akuchita chigololo. ⁵Tsapano pachitongi, Mose adatitonga kumbaboma minyala wanthu wakutenepayu; munilewa tani bza iye?" ⁶Adasewera bzobzi pala kunyang'ana thangwe lakumuzengera mulandu, soma Yesu adakotama mkunemba pansi na chala chache.⁷Pomwe iwo adapitiriza kumbamubvunza mabvunzo, iye adaima achiti kuna iwo, "Omwe mwa imwepa alibe chakuphonya, akhale wakutoma kumuboma na mwala." ⁸Adakotama pomwe, mkunemba pansi na chala chache.⁹Pomwe adabva bzobzi, adachoka m'bodzi m'bodzi, wakutoma akhali akulu letu. Pakumaliza Yesu adasala yekha, na mkazi omwe akhali pakati ule. ¹⁰Yesu adaima achiti kuna iye, "Mkaziwe, wakukutonga milandu wako wale ali kuponi?" ¹¹Iye adati, "Palibe, Mbuya." Yesu adati, "Ine ndikukuzengambo lini mulandu. Ndoko nampodi kukaphonya pomwe."]¹²Yesu adasewera pomwe kuna iwo, kulewa kuti, "Ndine kubvunika kwa dziko lapansi; iye wakutewera ine amdzafamba lini mum'dima soma amdzakhala na kibvunika kwa moyo." ¹³Afarisi adati kuna iye, "Mumbabzichitira umboni mwekha; umboni bwanubu m'bwachadidi lini."¹⁴Yesu adatawira achiti kuna iwo, "Napo ndichibzichitira ndekha umboni, umboni bwangubo m'bwachadidi. Ndikudziwa ndiko. ndidachokera na ndiko ndikuyenda, soma imwepo mukudziwa lini ndiko ndidachokera ayai ndiko ndikuyenda. ¹⁵Mumbatonga kutengera kuthupi; ine nimbatonga lini munthu. ¹⁶Chensecho ndichiti nditonge, kutonga kwangu mkwachadidi thangwe ndiri lini ndekha, soma ndina Baba omwe adandituma.¹⁷Inde, apo muchitongi chanu. mudanemba kuti umboni bwa wanthu awiri m'bwachadidi. ¹⁸Ndine iye omwe nimbabzichitira ndekha umboni, app Baba omwe adandituma ambachitirambo umboni bza ine."¹⁹Iwo adati kuna iye, "Babanuwo ali kuponi?" Yesu adatawira, "Mukundidziwa lini ine ayai Babangu; mungadandidziwa ine, mungadadziwa pomwe Babanguwo," ²⁰Adasewera mafala yoya mnyumba ya thenthe la kobiri pomwe akhapfunzisa mkachisi, apo palibe adamumanga thangwe nthawe yache ikhanati kukwana.²¹Tsono iye adalewa pomwe kuna iwo, "Ndikuyenda; Mumdzandipsaga ine apo nimdzafera mu bzakuphonya bzanu. Ndiko ndikuyenda ineko mungakubwere lini." ²²Ayuda adati, "Kodi amdzabzipha yekha kani? Nithangwerache ambati, 'Ndiko ndikuyenda ine mungakubwere lini'?"²³Yesu adati kuna iwo, Ndine wakuchokera kudzaulu. Imwe ndimwe wadziko lapansi lino; ine ndine lini wadziko lapansi lino. ²⁴Nithangwerache, ndikulewa kuna imwe kuti mumdzafera mubzakuphonya bwanu. Nakuti penu munikhulupirira lini kuti NDINEDI, mumdzafa mu bzakuphonya bzanu."²⁵Iwo tsono adati kuna iye. "Imwepo ndimwe mbani?" Yesu adati kuna iwo, "Ndibzo ndakhala ndikulewa kuna imwe kuyambira pakutoma. ²⁶Ndina bzizinji bzakusewera na kutonga bza imwe. Tsono, omwe adandituma ineyo ngwachadidi; apo bzinthu ndibzo ndidabva kuchoka kuna iye, bzinthu bzobzo nimbabzilewa kudziko lapansi. ²⁷Iwo alibe kubvesesa kuti iye akhalewa bza Baba kuna iwo.²⁸Yesu adati, "Mungadzakwiza Mwana wa Munthu, ndiye mumdzadziwa kuti INE NDINE, nakuti nimbachita lini bzandekha. Ninga ndimo Baba adandipfunzisira, nimbasewerabzi. ²⁹Iye omwe adandituma ine alinande, apo alibe kundisiya ndekha, thangwe nthawe zense nimbachita bzakumudekera iye." ³⁰Pomwe Yesu akhalewalewa bzobzi, azinji adamukhulupirira iye.³¹Yesu adati kuna Ayuda omwe adakhulupirira iye, "Mungakhazikika mu mafala yanguya, kinangoka munikhala wakupfunza wangu wachadidi wale; ³²apo chadidi chimdzakutsudzulani." ³³Iwo adamutawira iye, "Ndife dzinza la Abulahamu apo tikanati kale kukhala akapolo wa wina aliyense; mungalewe tani kuti, 'Mumdzatsudzuliwa'?"³⁴Yesu adawatawira iwo, "Indetu, indetu, ndikulewa kuna imwe, aliyense wakuchita. chakuphonya ni kapolo wa chakuphonyacho. ³⁵Kapolo ambakhala lini mnyumba ate muyaya; mwana ambakhala ate muyaya. ³⁶Nithangwerache, penu Mwana amkutsudzulani, mum'dzakhala wakutsudzuliwa bzachadidi bzire.³⁷Ndikudziwa kuti ndimwe wadzinza la Abulahamu; mukupsaga kundiphapa thangwe mafala yangu yalibe mbuto mwa imwe. ³⁸Ndikulewa ndibzo ndaona na Babangu, apo mumbachitambo ndibzo mudabva kuna babanu."³⁹Iwo adatawira achiti kuna iye, "Babathu ni Abulahamu." Yesu adati kuna iwo, "Mungadakhala ndimwe wanache wa Abulahamu, mungadambachita mabasa ya Abulahamu. ⁴⁰Chensenecho, mukupsaga kupha ine, munthu wakuti ndidakuuzani chadidi ndicho ndidabva kuchokera kuna Mulungu. Abulahamu alibe kuchita bzobzi. ⁴¹Mumbachita mabasa ya babanu." Iwo adati kuna iye, "Tiribe kubadwira mchigololo; Tina Babathu m'bodzi: Mulungu."⁴²Yesu adati kuna iwo, "Angadakhala Mulungu ni Babanudi, mungadandikonda ine, thangwe ndidachokera kuna Mulungu apo ndiri pano; nakuti ndiribe kubwera bzandekha, soma adachita kundituma. ⁴³Thangweranyi mumbabvesesa lini mafala yangu? Thangwera kuti mumbayabva lini mafala yanguya. ⁴⁴Ndimwe wa Babanu, mdyerekezi, apo mumbafuna kumbachita bza babanuyo. Akhali wakupha kuyambira pakutoma apo ambaima lini pa chadidi thangwe mwaiye mulibe chadidi. Angasewera chakunama, ambasewwera chakuchoka mchilengedwe chache thangwe ngwakunama na babawo wa bzakunama.⁴⁵Chensecho, thangwera kuti nimbasewera bzachadidi, mumbandikhulupirira lini. ⁴⁶Mbani waimwe ambandigaza pa bzakuphonya? Nimbasewera bzachadidi, thangweranyi tsono mumbandikhulupirira lini? ⁴⁷Iye omwe ngwa Mulungu ambabva mafala ya Mulungu; kusaya kumbayabvaku thangwe ndimwe lini wa Mulungu."⁴⁸Ayuda adatawira achiti kuna iye, "Timbalewa lini chadidi ife kuti ndimwe waku Samariya apo muna chiwanda?" ⁴⁹Yesu adatawira, "Ndiribe chiwanda, soma nimbalemekeza Babangu, apo imwe mkumbandipepusa.⁵⁰Mumbapsaga lini ulemerero; alipo m'bodzi nyakubutewera na kubutonga. ⁵¹Indetu, indetu, ndikulewa kuna imwe, penu wina anikoya mafala yangu, amdzaona lini imfa."⁵²Ayuda adati kuna iye, "Tsapano tikudziwa kuti muna chiwanda. Abulahamu na aneneri adasaika, soma mumbati, 'Penu wina anikoya mafala yangu, amdzalawidza lini imfa.' ⁵³Kodi ndimwe lini mkulu kuposa Abulahamu adasaika ule? Aneneri adasaika pomwe. Imwepo mumbabzitenga kuti ndimwe mbani?"⁵⁴Yesu adatawira, "Penu ine nim'bzilemekeza ndekha ulemerero bwangu m'bwapezi; ni Babangu ndiye ambandilemekeza---omwe mumbalewa bza iye kuti ni Mulungu wanu. ⁵⁵Imwe mumbamudziwa lini iye, soma ine nimbamudziwa. Ningadati, 'Nimbamudziwa lini,' ningadandendemera namwe, nyakunama. Tsono, nimbamudziwa nakukoya mafala yache. ⁵⁶Babanu Abulahamu adadekedwa kuona ntsiku yangu; iye adayiona apo akhali wakudekedwa."⁵⁷Ayuda adati kuna iye, "Mukanati kufikiza magole makumi machanu, ndiye mudamuona Abulahamu imwepo?" ⁵⁸Yesu adati kuna iwo, " Indetu, indetu, ndikulewa kuna imwe, akanati kukhala Abulahamu mkuti, INE NDIRIPO." ⁵⁹Kinangoka iwo adalokota minyala kuti amubome iye, soma Yesu adabzibisa yekha achibula mkachisimo.

9¹Tsapano pomwe Yesu akhapita, adaona munthu zimola kuchokera pachibadwire chache. ²Wakupfunza wache adamubvunza iye, "Rabbi, mbani adaphonya, ngumweyu ayai abereki wache, pala kuti abadwe zimola?"³Yesu adatawira, "Alibe kuphonya ngumweyu, ayai abereki wache, soma pala kuti mabasa ya Mulungu yazimbulike mwa iye. ⁴Bzimfunika tiphatiretu mabasa ya iye omwe adandituma kukadachenapa. Usiku bukubwera bomwe palibe angakwanise kuphata basa. ⁵Pomwe ndiri padziko lapansi pano, ndine kubvunika kwa dziko lapansiri."⁶Yesu atasewera bzobzi, adapswipira pansi, mkumunya tumatope na matayo, achipalanga matopeyo pamaso yache. ⁷Iye adati kuna iye, "Ndoko ukasambe muthawale la Siloamu" (lomwe ndiye kuti "Kutumiwa"). Ndiye munthuyo adayendadi kukasamba, achibwerera zjai akuona.⁸Kinangoka anansi wache wa munthuyo na omwe akhambamuona kale ninga nyakukumbira akhambati, "Ngumweyu lini munthu akhambakhala pansi mkumbakumbira ule?" ⁹Winango adati, "Ndiye inde." Winango adati, "Neye, soma ali ninga iye." Soma iye adati, "Ndine."¹⁰Iwo adati kuna iye, "Tsono maso yakoya yadapenya tani?" ¹¹Iye adatawira, "Munthu wakuchemeriwa Yesu adamumya tumatope achipalanga pa maso yanguya achiti kuna ine, 'Ndoko ku Siloamu ukasambe.' Ndiye ndidayendadi kukasamba, apo ndidatambira kupenya kwangu." ¹²Iwo adati kuna iye, "Iye ali kuponi?" Adatawira, "Ndikudziwa lini."¹³Iwo adabweresa munthu akhali zimolayo kuna Afarisi. ¹⁴Tsapano ikhali nsiku ya Sabudu pomwe Yesu adamumya tumatope achifungula maso yacheyo. ¹⁵Tsono Afarisi adamubvunza pomwe ndimo adatambirira kuona kwacheko. Iye adati kuna iwo, "Adaikha tumatope pamaso yanguya, ndidakasamba, apo zjai tsapano ndikuona."¹⁶Afarisi winango adati, "Munthu umweyu alibe kuchoka kuna Mulungu thangwe ambakoya lini Sabata." Winango adati, "Bzikutheka tani munthu wakuti ngwakuphonya kuchita bzizindikiro bzobzi?" Ndiye pakhana mgawikano paiwo okha okha. ¹⁷Tsono adamubvunza pomwe zimolayo, "Ulikuti tani bza iye, nakuti adafungula maso yako?" Zimolayo adati, "Ni mneneri." ¹⁸Tsapano Ayuda alibe kukhulupirira basi bzaiye kuti akhali zimola apo watambira kuona kwache ate kuchita kuchemeresa abereki waiye adatambira kuona kwacheyo.¹⁹Iwo adabvunza aberekiwo, "Nimwananu uyu omwe mulikuti akhadabadwa zimolayu? Bzakhala tani tsono kuti tsapano zjai akuona?" ²⁰Ndiye abereki wache wale adawatawira, "Tikudziwa kuti uyu ni mwanathu apo akhadabadwadi zimola. ²¹Pala kuti bzakhala tani kuti tsapano awone, tikudziwa lini, na ndiye adamufungula maso yacheyo, tikumudziwa lini pomwe. Mubvunzeni, nimkuluwense umweyu. Angalewelewe yekha."²²Abereki wachewo adasewera bzobzi, thangwe akhana mantha na Ayuda. Nakuti Ayuda akhadapangana kale kuti penu winango anitawiriza kuti umweyu ni Mkhirisitu, animuthusa kunja kwa sunagoge. ²³Thangwera bzobzi, abereki wache adati, "Nimkuluwense umweyu, mubvunzeni."²⁴Tsapano kachiwiri adamuchemera pomwe munthu akhali zimola ule achiti kuna iye, "Pereka ulemerero kuna Mulungu. Tikudziwa kuti munthu umweyu ana bzakuphonya." ²⁵Ndiye munthu ule adatawira, "Ndikudziwa lini kuti ana bzakuphonya. Chinthu chibodzi ndicho ndikudziwa: Ndikhali zimola, apo tsapano zjai ndikuona."²⁶Ndiye iwo adati kuna iye, "Adachita chani kuna iwe? Maso yakoya adayafungula tani?" ²⁷Iye adatawira, "Ndakuuzani kale, apo mulibe kutetekera! Thangweranyi mukufuna kubva pomwe? Mukufunambo lini kukhala wakupfunzira wache, mumfuna?"²⁸Iwo adamulalatira achiti, "Ndiwe wakupfunza wache, soma ife ndife wakupfunza wa Mose. ²⁹Tikudziwa kuti Mulungu walewalewa kuna Mose, soma tikudziwa lini kuti munthu uyu wachokera kuponi."³⁰Munthuyo adatawira achiti kuna iwo, "Ichi mchakudabwisa, kuti mulikudziwa lini kuti ngwakuponi, chensecho adafungula maso yangu. ³¹Tikudziwa kuti Mulungu ambatetekera lini wanthu wakuphonya, soma penu wina aninamata Mulungu mkuchita bzakufuna bzache, ambamutetekera umweyo.³²Chiyambireni cha dziko lapansi bzikanatimbo kubveka kuti wina adafungula kale maso ya munthu wakubadwa zimola. ³³Angadakhala munthu umweyu ngwakuchokera lini kuna Mulungu, angadachita lini chinthu." ³⁴Iwo adatawira achiti kuna iye, "Udabadwira mu bzakuphonya chaimo, ndiye ukutipfunzisa?" Kinangoka adamuthusa panja.³⁵Yesu adabva kuti iwo adamuthusa iye panja pa sunagoge. Adakamugumana iye achiti, "Umbakhulupirira Mwana wa Munthu?" ³⁶Adatawira a chiti, "Iye mbani, Mbuya, kuti ndimukhulupirire?" ³⁷Yesu adati kuna iye, "Si wamuona, apo ndiye letu akusewera kuna iweyu." ³⁸Munthuyo adati, "Mbuya, nimbakhulupirira," apo adamunamata iye.³⁹Yesu adati, "Padziko lapansi ndidabwerera kudzayeruza kuti wakutaza kuona awone nakuti wakuona akhale azimola." ⁴⁰Afarisi winango omwe akhana iye adabva bzobzi achimubvunza iye, "Apa ife ndifembo azimola?" ⁴¹Yesu adati kuna iwo, "Mungadakhala azimola, mungadakhala mulibe chakuphonya, soma tsapano mumbati, 'Timbaona,' soma bzakuphonya bzanu bzikalipo."

10¹Indetu, indetu, ndikulewa kuna imwe, iye omwe anipita lini na pamsuwo kuyenda mkhola la mabira, soma anichita kukwira na kwinango, munthu umweyo ni mbava,na gandanga. ²Omwe anipita na pamsuwo ni makabusa wa mabira.³Wakukhala pamsuwoyo animufungulira. Bira anibva mafala yache, achichemera mabira yacheyo na madzina achiyatsogolera kunja. ⁴Angayabulisa kunja yacheyo, aniyatsogolera, apo mabirayo. yanimutewera, nakuti yambazindikira mafala yache.⁵Yamdzatewera lini mulendo soma mmalo mwache yamdzamuthawa, thangwe yamdziwa lini mafala ya alendo. ⁶Yesu adasewera fanizoli kuna iwo, soma alibe kuzindikira kuti bzikhali chani bzomwe akhasewerabzi kuna iwo.⁷Ndiye Yesu adati pomwe kuna iwo, "Indetu, indetu, ndikulewa kuna imwe, ndine msuwo wa mabira. ⁸Wense wakubwera patsogolo panguwo ni mbava na magandanga, soma mabira yalibe kuwatetekera.⁹Ndine msuwo. Penu aliyense anipita na inepano, amdzapulumusiwa; amdzayenda kunja na mkati kukagumana upsa bwakupsipirira. ¹⁰Mbava imbabwerera lini bzinango kupambula kuba na kupha na kudzonga. Ine ndabwera kuti adzakhale na moyo na kukhala nawo wakuwanda.¹¹Ndine makabusa wabwino. Makabusa wabwino ambataya moyo wache thangwera mabira. ¹²Nyabasa wakupagaliwi ni makabusa lini apo mabirayo ngache lini. Waona mphumphi zikubwera ambasiya mabira mkuthawa, apo mphumphizo zimbazipsokonyola mkuzibalalisa. ¹³Iye ambathawa thangwe ngwakupagaliwi apo ambatchenkha lini mabira.¹⁴Ndine makabusa wabwino, apo nimbazindikira zangu chaizo, apo zangu zimbandizindikira ine. ¹⁵Baba ambandidziwa, apo inembo nimbawadziwa Babawo, apo nimbapereka moyo wangu thangwera mabira. ¹⁶Ndina mabira inango ndiyo ngakuchokera lini mkholamu. Nimfunika ndiyabwerese pomwe, ndiye yamdzabva mafala yangu apo pamdzakhala thimu libodzi na makabusa m'bodzi.¹⁷Ili ni thangwerache Baba ambandikonda: Nimbapereka moyo wangu pambuto pakuti ningakautenge pomwe. ¹⁸Palibe ndiye amnditengera, soma nimbapereka ndekha. Ndina mphamvu yakuutaya, na mphamvu yakuutenga pomwe. Ndatambira chitongi ichi kuchoka kuna Babangu."¹⁹M'gawaniko udaoneka pomwe pakati pa Ayuda thangwera mafala yoya. ²⁰Azinji waiwo adati, "Ana chiwanda uyu apo pomwe ni nyamsala. Thangweranyi mumbamutetekera?" ²¹Winango adati, "Aya ni mafala lini ya munthu wakuphatiwa na chiwanda. Chiwanda chingakwanise kufungula maso ya zimola?"²²Ndiye ikhali nthawe ya Madyerero ya Kukonza pomwe mu Yerusalemu. Yakhali mainza, ²³apo Yesu akhafamba famba mkachisi mkhumbi la Solomoni. ²⁴Ndiye Ayuda adamuzungulira achiti kuna iye, "Ate lini mumdzatiikha ife mwakupenekera basi? Penu ndimwe Mkhirisitudi, tiuzeni padecha."²⁵Yesu adatawira kuna iwo, "Ndidakuuzani, soma mukukhulupirira lini. Mabasa ndiyo nimbachita mudzina la Babangu, aya yambachitira umboni bza ine. ²⁶Chensenecho mumbakhulupirira lini basi thangwe ndimwe lini mabira yangu.Mabira yangu yambabva mafala yangu; ine nimbayadziwa, apo yambanditewera ine. Nimbayapa moyo wamuyaya; yamdzafa lini, apo palibe ndiye amdzayapsokonyola kuyapsomphola mmanja mwangu.²⁹Baba wangu, omwe wandipasa iyo kuna ine, nimkulu kuposa winango wensene, apo palibe ndiye angakwanise kuyapsokonyola mmanja mwa Baba. ³⁰Ine na Baba ndife abodzi." ³¹Kinangoka Ayuda adalokota pomwe minyala kuti amubome.³²Yesu adawatawira iwo, "Ndakulatizani mabasa mazinji yabwino kuchoka kuna Baba. Ndiponi mwa mabasa yoya mukufuna kundibomera nalo?" ³³Ayuda adamutawira iye, "Tikukubomerani lini thangwera basa labwino, soma thangwera makiriyado, thangwe imwe, munthu, zjai mukubziyeseratu Mulungu."³⁴Yesu adawatawira, "Bziribe kunembiwa mchitongi chanu, 'Ndidati, "Ndimwe milungu"'? ³⁵Ningati adawachemera milungu, kuna ndiwo mafala ya Mulungu yadawafikira (apo mafalaya yangapseke lini), ³⁶mukulewa kuna iye omwe Baba adamupambula achimtumiza mdziko lapansi, 'ukuchita makiriyado zjai,' thangwera ndidasewera kuti, 'ndine Mwana wa Mulungu'?³⁷Penu ndikuchita lini mabasa ya Babangu, nampodi kundikhulupirira. ³⁸Soma penu ndikuyachita, neye muchisaya kundikhulupirira, khulupirirani mabasaya kuti muzindikire na kubvesesa kuti Baba ali mwa ine nakutimbo ine ndiri mwa Baba." ³⁹Iwo adayezera kumuphata pomwe, soma adaphuzunyuka mmanja mwao.⁴⁰Adayenderatu pomwe kuyambuka Yolodano kumbuto ndiko Yohani akhabatizira pakutoma, apo adakhala kumweko. ⁴¹Wanthu azinji adabwera kuna iye apo iwo adati, "Yohani indedi alibe kuchita bzizindikiro, soma bzensene ndibzo Yohani akhadalewa bza munthu umweyu m'bzachadidi." ⁴²Wanthu azinji zjai adamukhulupirira iye popo.

11¹Tsapano munthu winango dzina lache Lazalo akhadwala. Akhali wa ku Betania, muyi wa Mariya na nana wache Malita. ²Akhali Mariya omwe adadzoza Mbuya na mafuta yakununchira bwino achipukusa nzayo zache na tsisi lache, omwe mano wache Lazaro akhadwala.³Azinanawa kinangoka adatumiwa kuna Yesu, kukalewa, "Mbuya, onani, mumbamkonda ule akudwala." ⁴Pomwe Yesu adabva bzobzi, adati, "Matendayo ngakuimfa lini soma nga ulemerero bwa Mulungu kuti Mwana wa Mulungu akatambire nayo ulemerero."⁵Tsapano Yesu akhakonda Malita na nana wacheyo na Lazaro. ⁶Tsapano pomwe iye adabva kuti Lazaro akudwala, Yesu adayamba kubakakhala nsiku pomwe ziwiri pambuto akhalipo. ⁷Kinangoka bzitamala ibzi, adati kuna wakupfunzira, "Mbatiye pomwe ku Yudeya."⁸Wakupfunza wale adati kuna iye, "Rabbi, pakalipano Ayuda akuyezera yezera kufuna kukubomani na minyala, ndiye mukubwerera pomwe mmambuyo kumweko?" ⁹Yesu adatawira, "Kodi si pana nthawe khumi na ziwiri zakutoya kwa masikati? Penu wina anifamba masikati, amdzakhukhumudwa lini, thangwe ambaona na kutoya kwa dziko lino lapansi.¹⁰Tsono, penu anifamba usiku, amdzakhukhumudwa thangwe kutoya kuli lini mwaiye." ¹¹Iye adasewera bzobzi, apo atamala bzimwebzi, adati kuna iwo, "Mwayathu Lazaro wagona, soma ndikuyenda pala kuti ndikamulamuse pa kugona pachepo."¹²Wakupfunzawo tsono adati kuna iye, "Mbuya, penu wagona, amkalimba." ¹³Tsapano Yesu akhadasewera bza imfa yache, soma iwo akhakumbuka kuti akhalewa bza kugona kwa kupuma. ¹⁴Kinangoka Yesu adalewa kuna iwo padecha, "Lazaro wasaika.¹⁵Ndine wakudekedwa thangwera imwe, nakuti ndikhali lini koko pala mukhulupirire. Mbatiye kuna iye." ¹⁶Tomaji, wakuchemeriwa Didimo, adati kuna wakupfunzira anzache, Mbatiyembo pala kuti tikafe naye pabodzi Yesu."¹⁷Pomwe Yesu adabwera, adagumana kuti Lazaro zjai akhadafuchiriwa kale mnthenje patapita kale nsiku zinayi. ¹⁸Tsapano Betania akhali kufupi na kufupi na Yerusalemu, pafupifupi mastadiya khumi na machanu. ¹⁹Ayuda azinji akhadabwera kuna Malita na Mariya, kudzaponda masamba bza mano wawoyo. ²⁰Kinangoka Malita pomwe adabva kuti Yesu akhabwera, adayenda kukamuchingamira, soma Mariya akhadakhala mnyumba.²¹Malita kinangoka adati kuna Yesu, "Mbuya, Mungadakhala mukhali pano, mano wangu angadasaika lini. ²²Napo tsapano lino, ndikudziwa kuti chirichense muchikumbira kuna Mulungu, amdzakupani." ²³Yesu adati kuna iye, "Mano wako anilamuka pomwe."²⁴Malita adati kuna iye, "Ndikudziwa kuti amdzalamuka pomwe mu mmukiro pansiku yakumaliza." ²⁵Yesu adati kuna iye, "Ndine mmukiro na moyo; iye wakukhulupirira ine, napo achisaika, amdzakhala pomwe na moyo; ²⁶apo aliyense wakukhala na moyo achikhulupirira mwa ine amdzasaika lini. Kodi ukukhulupirira ichi?"²⁷Iye adati kuna iye, "Inde, Mbuya, ndikukhulupirira kuti ndimwe Mkhirisitu, Mwana wa Mulungu, omwe akubwera kudziko lapansi." ²⁸Pomwe adalewa ibzi, iye adayenda achikachemerera nana wacheyo Mariya pamphepete. Iye adati, "Mpfunzisi ali muno apo akukuchemera." ²⁹Pomwe iye adabva bzobzi, adalamuka kamkulumize achiyenda kuna iye.³⁰Tsapano Yesuyo akhanati kufikiratu mmuyimo soma akhali pambuto pomwe adagumana na Malita pale. ³¹Tsono pomwe Ayuda, omwe akhana iye mnyumbamo kumuponda masamba, adaona Mariya kulamuka kamkulumize kubula panja, adamutewera, kukumbuka kuti akhayenda kuthenje kukalira koko. ³²Pomwe Mariya adabwera pambuto ndipo pakhana Yesupo mkumuona, adagwa pansi panzayo zache achiti kuna iye, "Mbuya, Mungadakhala mukhali pano, mano wangu angadasaika lini."³³Pomwe Yesu adamuona iye kulira, na Ayuda adabwera nayewo kumbalira pomwe, adakhudzika maninge mumtima mwache achibonera; ³⁴iye adati, "Mwamuikha kuponi?" Iwo adati kuna iye, "Mbuya, bwerani mudzaone." ³⁵Yesu adalira.³⁶Kinangoka Ayuda adati, "Onani ndimo akhamukondera Lazaro!" ³⁷Soma wina waiwo adati, "Bzingatheke lini kuti munthu umweyu, omwe adafungula maso ya zimola ule, kuchitisa pomwe kuti munthuyu nampodi asaike?"³⁸Kinangoka pomwe Yesu, pa kukhudzika mwayekha, adayenda kuthenjeko. Tsapano likhali phanga, apo akhadayedzeka chimwala popo. ³⁹Yesu adati, "Gwinyani mwalayu." Malita, nana wache wa Lazaro, omwe adasaikayo, adati kuna Yesu, "Mbuya, nthawe zino thupiro zjai likubvunda penu, thangwe wakhala nsiku zinayi atasaika kale." ⁴⁰Yesu adati kuna iye, "Kodi ndiribe kukuuza kuti, ungakhulupirira, umdzaona ulemerero bwa Mulungu?"⁴¹Ndiye adagwinya mwalayo. Yesu adajiguma maso yache achiti, "Baba, ndikukutendani kuti mudandibvera. ⁴²Ndidadziwa kuti mukhandibvera nthawe zense, soma nithangwera thimu lawanthu lomwe laima kundizungulirali ndipopa ndalewa bzobzipa, pala kuti akhulupirire kuti mudachita kundituma."⁴³Atamala kusewera bzobzi, adalira na mafala makulu, "Lazaro, bula panja!" ⁴⁴Munthu wakusaikayo adabula panja; nzayo na maboko yache yakhadamangiwa na nguwo, apo nkhope yache ikhadampsinkhiwa na nguwo. Yesu adati kuna iwo, "Mutsudzuleni ambayende."⁴⁵Kinangoka azinji mwa Ayuda omwe adabwera kuna Mariya mkuona bzomwe Yesu adachitabzo, adakhulupirira mwa iye. ⁴⁶Soma wina wa iwo adayenda kuna Afarisi kukawauza bzinthu ndibzo Yesu adachitabzo.⁴⁷Kinangoka akulu wa ansembe na Afarisi adakontcheza wakutonga milandu pabodzi achiti, "Timchita chani popa? Munthu umweyu ambachita bzizindikiro bzizinjitsa. ⁴⁸Tingamulekerera yekha tenepayu, wensene amdzakhulupirira mwa iye; Aroma amdzabwera kudzatenga mbuto yathuyi na dziko lathuli kubodzi."⁴⁹Tsono, munthu wina waiwo, Kayafa, omwe akhali mkulu wa ansembe gole limwero, adati kuna iwo, ⁵⁰"Mukudziwa lini chinthu imwepo. Mukulewengera lini kuti zjai nkhasa munthu m'bodzi kufera wanthu kusiyana nakuti mtundu wensene udzadzongeke."⁵¹Tsapano ibzi sikuti adalewa mwayekha. Soma, pakukhala iye mkulu wansembe gole limero, adabvimira kuti Yesu amfunika kudzafera mtundu wa wanthu; ⁵²apo sikuti pala mtundu okha, soma pala kuti wana wa Mulungu ndiwo amwazikana agwezekiwe pabodzi kukhala m'bodzi. ⁵³Ndiye kuchokera nsiku yoyo kuyenda mtsogolo adapangana ndimo angaphere Yesu.⁵⁴Yesu alibe kufamba pomwe padecha pakati pa Ayuda, soma adanyamuka kuchoka popo kuyenda mdziko lakufupi na chipululu mumzinda wakuchemeriwa Eferemu. Kumweko iye adakakhala na wakupfunzira. ⁵⁵Tsapano Pasaka ya Ayuda ikhali pafupi, apo azinji adakwira kuyenda ku Yerusalemu kuchoka mdzikomo Pasaka ikanati kuyamba kuti akabzichenese.⁵⁶Iwo akhapsaga Yesu, achimbasewera wina na mwayache ataima mkachisi, "Mukukumbukambo tani? Mkuti iye amdzanwera lini ku madyerero?" ⁵⁷Tsapano mkulu wa ansembe na Afarisi akhadapereka chitongi chakuti penu wina anidziwa ndiko Yesu ali, alewe pala kuti iwo akamuphate.

12¹Kutasala nsiku zitanthatu kufika Pasaka, Yesu adabwera ku Betania, ndiko Lazaro akhali, omwe Yesu adamulamusa kuna anyamuya. ²Ndiye iwo adamukonzera chakudya pala kulalira koko, apo Malita ndiye akhachikonza, soma Lazaro akhali m'bodzi wawanthu wakuyadzamira pamezapo na Yesu. ³Kinangoka Mariya adatenga javero ya mafuta yakuumira na kununchira kwene kwene, mkuyapalanga nzayo za Yesu, mkupukusa nzayo zachezo na tsisi lache. Nyumbayo idadzala na kununchira kwa mafutayo.⁴Yudasi Isikariyoti, m'bodzi wa wakupfunzira wache, wakudzampereka iye, adati, ⁵Thangweranyi mafutaya yalibe kugulisiwa dinari madzana matatu mkugawira wakusaya?" ⁶Tsapano iye adasewera tenepopo, sikuti akhabvera nsisi wakusayawo, soma thangwera akhali mbava. Akhana chola chakuikhira kobiri ndiye angadaba chakuikhiwa momocho.⁷Yesu adati, "Mulekeni akoye ndibzo anabzobzo pala nsiku yangu yakudzafuchiriwa. ⁸Mumdzakhala nawo basi wakusayawo. Soma ine mumdzakhala lini nande pomwe."⁹Tsapano thimu lizinji la Ayuda lidadziwa kuti Yesu akhali koko, ndiye iwo adabwera, sikuti pala Yesu yekha, soma kudzaona pomwe Lazaro, omwe Yesu adamulamusa kuna anyamuya. ¹⁰Akulu wa ansembe adapangana kuti zjai aphere kubodzi na Lazaro; ¹¹nakuti ni thangwera iye kuti Ayuda azinji atembenuke mkukhulupirira Yesu.¹²Mangwana yacheyo wanthu azinji adabwera ku madyereroyo. Pomwe iwo adabva kuti Yesu akhabwera ku Yerusalemu, ¹³adakhwaula mitawi ya kanjedza achiyenda kakamuchingamira alikukuwa "Hosanna! Wakudalisika ndiye wakubwera mdzina la Mbuya, Mfumu ya Isaraeri."¹⁴Yesu adagumana kamphulu kabulu achikapakira popo; ninga kudanembewira, ¹⁵"Nampodi kugopa, mkazi waku Ziyoni; ona, Mfumu yako ikubwera, itakhala pa kamphulu ka bulu."¹⁶Wakupfunza wache alibe kubvesesa ibzi pakutoma; soma pomwe Yesu adatambira ulemerero, adakumbukira kuti ibzi bzikhadanembiwa bza iye pomwe nakuti iwo akhadachita ibzi kuna iye.¹⁷Tsapano thimulo lidachitira umboni kuti likhadakhala naye nthawe ndizo iye adachemera Lazaro kubula kunja kwa nthutu achimulamusa kuna anyamuya. ¹⁸Ndipopa pomwe kuti thimu liyende kukamuchingamira, thangwe adabva kuti iye akhadachita chizindikirochi. ¹⁹Afarisi tsono adati okhaokha, "Nyang'anani, mungachite lini chinthu chabwino; onani, dziko lapansi lamutewera zjai."²⁰Tsapano Aherene winango akhali wina mwaiwo kukwira kuyenda kukanamata pa madyereroyo. ²¹Awa adayenda kuna Filipi, omwe akhali waku Betisaida mu Galileya, achimukumbira iye, kulewa kuti, "Mbuya, tikufuna kuonambo Yesu." ²²Filipi adayenda kukauza Andireya; Andireya adayenda na Filipi, achikamuuza Yesu.²³Yesu adawatawira iwo achiti, "Nthawe yakwana kuti Mwana wa Munthu atambire ulemerero. ²⁴Indetu, indetu, ndikulewa kuna imwe, penu mbeu ya tirigu inigwa padziko lapansi neye kufa, imbakhala basi yokha; soma penu inifa, imdzabala chipatso chambiri.²⁵Wakukonda moyo wache amdzautaya; soma iye wakuwenga moyo wache mdziko lino lapansi amdzaukoyera kumoyo wakusaya kumala. ²⁶Penu wina anitumikira ine, mulekeni anditewere; apo ndiko ndiri ine, kumwekombo kapolo wanguyo amdzakukhala. Penu wina amnditumikira ine, Baba amdzamuchitira ulemu.²⁷Tsapano moyo wangu wabonera apo ndilewe chani? 'Baba, ndipulumuseni ine nthawe iyi'? Soma na thangwe loli ndafika kunthawe ino. ²⁸Baba, lemekezani dzina lanu." Kinangoka mafala yadabwera kuchoka kudzaulu yachiti, "Ndalilemekeza apo nimdzalilemekeza pomwe." ²⁹Kinangoka thimu ndilo likhadaima pafupi lidabva achiti kudagunda mpheni. Winango adati, "Mnjero adalewalewa naye."³⁰Yesu adatawira achiti, "Mafalaya yalibe kubwerera ine, soma pala imwe. ³¹Tsapano ni chitongero cha dziko lino lapansi: Tsapano mtongi wadziko lino lapansi amdzathusiwa kunja.³²Ningadzatakuliwa kuchoka padziko lapansi, nimdzapfuwa aliyense kuna ine ndekha. ³³Iye adalewalewa ichi kulatiza ni imfa moda wanyi ndiyo iye amdzafa nayo.³⁴Thimulo lidamutawira iye, "Tabva kuchokera mchitongi kuti Mkhirisitu amdzakhala muyaya. Munilewa tani, 'Mwana wa Munthu akufunika kudzusiwa'? Mwana wa Munthu umweyu mbani?" ³⁵Yesu kinangoka adati kuna iwo, "Kubvunika kumdzakhala namwe kwa kanthawe pamkiti. Fambani letu pomwe mukana kubvunikaku, pala kuti m'dima nampodi ukupinzuleni. Iye wakufamba mum'dima ambadziwa lini ndiko akuyenda. ³⁶Pomwe muna kubvunika, khulupirirani kubvunikako pala kuti mukhale wana wa kubvunika." Yesu adalewa ibzi apo kinangoka zjai mkunyamuka apo mkubzibisa kuna iwo.³⁷Napo kuti Yesu akhadachita bzizindikiro bzizinji pamaso pawo, soma alibe kumukhulupirira basi ³⁸pala kuti mafala ya Yesaya mneneri yakwanirisiwe, yomwe adati: "Mbuya, mbani wakhulupirira kulalikira kwathu, apo mkwambani ndiko boko la Mulungu lazimbuliwa?"³⁹Nathangwe iri angadakhulupirira lini, thangwe Yesaya akhadalewa pomwe, ⁴⁰"Iye wapsipiza maso yao, na kulimbisa mitima yao, pala kuti na maso yao awone achibvesa na mitima yao, na kutembenuka, apo ine ningadawalimbisa iwo."⁴¹Yesaya adalewa ibzi thangwe adaona ulemerero bwa Yesu achilewalewa naye. ⁴²Soma kupambula bzobzo, azinji mwa atongi adakhulupirira basi Yesu; soma thangwera Afarisi, iwo alibe kutawira kugopa kuwalambiza msunagoge. ⁴³Iwo kazinji akhakonda ulemerero bwakuchoka kuna wanthu kusiyana na bwa kwa Mulungu.⁴⁴Yesu adakuwa achiti, "Iye wakukhulupirira ine, sikuti wakhulupirira ine ndekha soma wakhulupirira pomwe ndiye adandituma, ⁴⁵apo iye wakuona ine waona iye omwe adandituma.⁴⁶Ndabwera ninga kubvunika pa dziko lapansi, pala kuti omwe anikhulupirira ine nampodi atsalire mum'dima. ⁴⁷Penu wina anibva mafala yangu soma neye kuyakoya, nimmutonga lini; nakuti ndiribe kubwera kudzatonga dziko lapansi, soma kudzalipulumusa.⁴⁸Iye wakulamba ine na omwe anisaya kutambira mafala yangu, ana m'bodzi wakumutonga. Dziko lapansi ndalewali limdzamutonga pansiku yakumaliza. ⁴⁹Nakuti ndiribe kusewera bzandekha, soma ni Baba ndiwo adandituma, omwe adandipa chitongi chakuti ndisewere chani. ⁵⁰Ndikudziwa kuti chitongi chache ni moyo wamuyaya, pala kuti bzomwe nilewa---ningambo ndibzo Baba asewera kuna ine, nimsewera ndendende tenepoyo letu."

13¹Tsapano yakhanati kuyamba Madyerero ya Pasaka. Yesu adadziwa kuti nthawe yache yafika yakuchoka padziko lino lapansi kuyenfa kuna Baba. Atakonda wache omwe akhali padziko lapansi, adawakonda kufikiza kumapeto. ²Tsapano Mdyerekezi akhadachikhazikisa kale mumtima mwa Yudasi Isikariyoti mwana wa Simoni, kupereka Yesu. Ndiye pakulalira,Yesu--- omwe adadziwa kuti Baba ³akhadamutulira chirichense mmanja mwache nakuti adachoka kuna Mulungu apo akhabwerera pomwe kuna Mulungu---- ⁴adalamuka pakularirapo achikhundula chakubvala chache chakunja. Kinangoka adatenga mpango achiutsimpha. ⁵Kinangoka adathira madzi m'basiya achiyamba kutsuka nzayo za wakupfunza wache achimbaumisa na mpango ndiwo akhadautsimpha ule.⁶Iye adabwera kuna Simoni Petulo, apo Petulo adati kuna iye, "Mbuya, munisambisa nzayo zanguzi?" ⁷Yesu adatawira achiti kuna iye, "Bzomwe ndikuchita mukuzindikira lini pakali pano, soma mumdzazindikira bwino patsogolo." ⁸Petulo adati kuna iye, "Nzayo zanguzi munisambisa lini ndipo." Yesu adamutawira iye, "Penu nimkusambisa lini zjai ulibe pomwe mbali na ine." ⁹Simoni Petulo adati kuna iye, "Mbuya, nampodi kundisambisa nzayo zokha, soma manja yanguya na msolo wanguyu kubodzi."¹⁰Yesu adati kuna iye, "Iye omwe wasamba kale amfunika lini kusamba pomwe, kupambula kutondo kusamba nzayo zache, soma ngwakuchena kwene kwene; mudachena soma sikuti aliyense." ¹¹(Nakuti Yesu adadziwa mbani ndiye amdzampereka; Iri ni thangwe lache iye adati, " Sikuti mwensene mudachena neye.")¹²Tsapano pomwe Yesu adasambisa nzayo zawo achitenga bzakubvala bzache mkubvala pomwe, adati kuna iwo, "Kodi mukuzindikira bzomwe ndachitabzi kuna imwe? ¹³Mukumbandichemera 'mpfunzisi' apo mukumbalewa bwino, thangwe ndinedi. ¹⁴Penu tsono, Mbuya na M'pfunzisi wasambisa nzayo zanu, musambisanembo nzayo za wina na mwayache. ¹⁵Nakuti ndakupasani chitewezo pala kuti muchitembo ninga ndimo ndachitiramu kuna imwe.¹⁶Indetu, indetu, ndikulewa kuna imwe, kapolo ambakula lini kuposa mbuyache, ayai nyakutumiwa kukula kuposa ndiye adamutumayo. ¹⁷Penu mukudziwa bzobzi, ndimwe wakudala penu mumbabzichita. ¹⁸Ndikulewa lini bza mwensemwe; ndikudziwa iwo omwe ndawasankhula---soma ibzi bziri tenepa pala kuti manemba yakwanirisiwe: 'Iye omwe anidya mkate wangu adadzusa katendene wache kutsamiza ine.'¹⁹Tsapano ndikukuuzaniletu ichi chikanati kuchitika pala kuti chingachitika, mukhulupirire kuti NDINEDI. ²⁰Indetu, indetu, ndikulewa kuna imwe, iye ndiye anitambira omwe nimmutuma watambira ine, na iye wakutambira ine watambira ndiye adandituma."²¹Pomwe Yesu adasewera ibzi, akhadabonera mumzimu. Iye adachitira umboni achiti, "Indetu, indetu, ndikulewa kuna imwe kuti m'bodzi wa imwe amdzandipereka ine. ²²"Wakupfunzawo adacheukirana, kudabwa bza ndiye akhamulewayo.²³M'bodzi wa wakupfunza wachewo omwe Yesu akhamukonda, akhadayadzamira pamezapo kumbali ndiko Yesu akhali. ²⁴Simoni Petulo adakodola wakupfunza m'bodzi achiti kuna iye, "Abvunzeni mbani akumulewayo." ²⁵Ndiye iye adayadzamira kumbali kukhana Yesuko achiti kuna iye, "Mbuya, mbani umweyo?"²⁶Ndiye Yesu adatawira, "Ni omwe ine nimdzamusaizira msuwa wa mkate ndichimupasa." Ndiye atasaiza msuwa wa mkateyo, adaupereka kuna Yudasi mwana wa Simoni Isikariyoti. ²⁷Kinangoka pambuyo pache pa msuwayo, Satana adapita mwa iye, ndiye Yesu adati kuna iye, "Bzomwe ukuchitabzi, chita kamkulumize."²⁸Tsapano palibe ndiye akhadayadzamira pamezapo omwe adazindikira thangwe ndilo adalewera ibzi kuna iye. ²⁹Winango adakumbuka kuti, nakuti Yudasi akhana chola cha kobiri, Yesu adati kuna iye, "Gula bwomwe tikufuna pala madyereroya," ayai kuti akapase chinthu kuna wakusaya. ³⁰Yudasi atatambira mkateyo, adabula panja kamkulumize. Bukhali usiku.³¹Yudasi atabula, Yesu adati, "Tsapano Mwana wa Munthu walemekezeka, na Mulungumbo walemekezeka mwa iye. ³²Penu Mulungu walemekezeka mwa iye, Mulungu amdzalemekezambo Mwanayo mwa iye yekha, apo amdzamulemekeza iye tsampanopa. ³³Wana ang'ono, ndikanamwe kwa kanthawe kakuchepa basi. Mumdzandipsaga, apo ninga ndidalewera kuna Ayuda, 'Ndiko ndikuyendako, mungakubwere lini.' Tsapano ndikulewa pomwe ichi kuna imwe.³⁴Ndikukupani chitongi chipsa, kuti mukondane wina na mwayache; ninga ndakukonderani inemu, ndendendembo mukondane wina na mwayache. ³⁵Thangwera ichi aliyense amdzazindikira kuti ndimwe wakupfunzira wangu, penu munacho chikondano wina na mwayache."³⁶Simoni Petulo adati kuna iye, "Mbuya, mukuyenda kuponi?" Yesu adatawira, "Ndiko ndikuyendako, unganditewere lini tsampanopa, soma umdzanditewera bwino. ³⁷Petulo adati kuna iye, "Mbuya, thangweranyi ningakwanise lini kukutewerani tsampanopa? Nimdzataya moyo wangu thangwera imwepo." ³⁸Yesu adatawira, "Umdzataya moyo wako thangwera ine? Indetu, indetu, ndikulewa kuna iwe, jongwe anilira lini ukanati kundilamba katatu."

14¹"Mtima wanu nampodi ubonere. Mumbakhulupirira Mulungu; khulupirirani pomwe ine. ²Mnyumba ya Babangu muna masubi mazinji. Bzingadakhala mtenepoyo lini, ningadakuuzani, nakuti ndikuyenda kukakukonzerani imwe mbuto. ³Ningayenda kukakukonzerani mbuto, nimdzabwera pomwe apo nimdzakutambirani imwe kwa ine ndekha, pala kuti ndiko ndiri ineko mukakhalembo.⁴Mukudziwa njira ya ndiko ndikuyenda." ⁵Tomaji adati kuna Yesu, "Mbuya, tikudziwa lini ndiko mukuyenda; tingaidziwe tani njira?" ⁶Yesu adati kuna iye, "Ndine njira, chadidi, na moyo; palibe ambabwera kuna Baba seye kudzera mwa ine. ⁷Mungadandidziwa ine, mungadadziwa pomwe Babangu. Kuyambira lero ate mtsogolo mwamuzindikira iye apo mwamuona iye."⁸Filipi adati kuna Yesu, "Mbuya, tioneseni Babayo, apo bzimtikwana ife." ⁹Yesu adati kuna iye, "Ndakhala nawe kwanthawe itali tenepayu apo ukundidziwa lini basi, Filipi? Omwe waona ine waona Baba. Ungalewe tani kuti, 'Tioneseni Baba'?¹⁰Umbakhulupirira lini kuti ndiri mwa Baba apo Baba ali mwa ine? Mafala ndiyo nimbalewa kuna imwe nimbalewa lini kuchoka mu mphamvu yangu yokha, soma Baba wakukhala mwa ine akuphata basa lache. ¹¹Ndikhulupirireni kuti ndiri mwa Baba, na Baba ali mwa ine, ayai neye khulupirirani thangwera mabasa yokhaya.¹²Indetu, indetu, ndikulewa kuna imwe, iye wakukhulupirira mwa ine amdzachita mabasa ndiyo nimbachita, apo amdzachita mabasa makulu kuposa yoya thangwe ine zjai ndikuyenda kuna Baba. ¹³Chirichense ndicho mumkumbira mdzina langu, nimdzachichita pala kuti Baba atambire ulemerero mwa Mwana. ¹⁴Penu mumndikumbira chirichense mdzina langu, nimdzachichita.¹⁵Penu mumbandikonda koyani bzitongi bzangu, ¹⁶apo nimdzapemphera kuna Baba, apo amdzakupani Wakukunyamalizani winango wakuti mumdzakhala naye kunthawe zense--- ¹⁷Mzimu wa chadidi. Dziko lapansi lingamutambire lini thangwe limbamuona lini ayai kumudziwa, nakuti ambakhala namwe apo amdzakhala namwe.¹⁸Nimdzakusiyani lini ninga wamasiye; nimdzabwerera pomwe kuna imwe. ¹⁹Katsala kanthawe pang'ono apo dziko lapansi limdzandiona lini pomwe. Thangwe ndina moyo, mumdzakhalambo na moyo. ²⁰Pansiku yoyo mumdzadziwa kuti ndiri mwa Baba, nakuti muli mwa ine, nakuti ine ndiri mwa imwe.²¹Iye omwe ana bzitongi bzangu achibzikoya ndiye omwe ambandikonda, apo iye omwe ambandikonda amdzakondewa na Babangu, apo nimdzamukonda ndichidzabzionesera ndekha kuna iye." ²²Yudasi (sikuti Isikariyoti) adati kuna Yesu, "Mbuya, thangweranyi bziri tenepo kuti mumdzabzionesera mwekha kuna ife sikuti kudziko?"²³Yesu adatawira achiti kuna iye, "Penu wina amndikonda ine, amdzakoya mafala yangu. Babangu amdzamukonda, apo timdzabwera kuna iye tichidzamanga muyi wanthu na iye. ²⁴Iye omwe ambandikonda lini ambakoya lini mafala yangu. Mafala ndiyo mumbabvaya yambachokera lini kuna ine soma kuna Baba omwe adandituma ine.²⁵Ndalewa ibzi kuna imwe, pomwe ndikukhala namwe. ²⁶Tsono, Wakunyamalizayo---Mzimu Wakuchena omwe Baba amdzautuma mdzina langu---umdzakupfunzisani chirichense uchidzakukumbusani chirichense ndicho ndidalewa kuna imwe. ²⁷Ndikukusiirani mtendere; ndikukupani mtendere wangu. Ndikukupani lini ninga ndimo dziko lapansi limbaperekera. Mtima wanu nampodi ubonere, apo nampodi kugopa.²⁸Mudabva kuti ndidakuuzani, 'ndikuyenda, apo nimdzabwera pomwe kuna imwe.' Penu mukhandikonda, mungadasekera thangwe ndikuyenda kuna Baba, nakuti Baba mbaakulumbo kuposa ndimo ndiriri ine. ²⁹Tsapano ndakuuzani letu bzikanati kuchitika pala kuti, bzingachitika, mudzakhulupirire.³⁰Nimdzasewera lini namwe pomwe bzizinji, nakuti mtongi wadziko lapansi lino akubwera. Iye alibe mphamvu pa ine, ³¹soma kuti dziko lapansi lidziwe kuti nimbakonda Baba, nimbachita ninga ndimo Baba adanditongera ine. Mbatiye lilamuke tiyende kuchoka pano."

15¹"Ndine mpesa wachadidi, apo Babangu ni mwenekachiro munda. ²Ambakhwaula mtawi uliwense mwa ine ndiwo umbabala lini bzipatso, apo ambatengula mtawi uliwense omwe umbabala bzipatso bzizinji.³Ndimwe wakuchena kale thangwera mafala ndiyo ndasewera kuna imwe. ⁴Khalani mwa ine, na ine mwa imwe. Ninga mtawi ungabale lini chipatso paokha pokha pokha utakhala mumpesa, ndiye mungathe lini, pokha pokha mungakhala mwa ine.⁵Ndine mpesa, imwe ndimwe mitawi. Iye wakukhala mwa ine na inembo mwa iye, ambabala bzipatso bzizinji, nakuti seye ine mungachite lini chinthu. ⁶Penu wina anikhala lini mwa ine, ambatayiwa ninga mitawi achiuma, apo iwo ambakusa mitawiyo mkuyithusa pamoto, apo imbatenthiwa. ⁷Penu munikhala mwa ine, apo mafala yangu mkukhala mwa imwe, kumbirani ndicho mumfunacho, apo chimdzachitiwa pala imwe.⁸Babangu ambatambira ulemu tenepayu, kuti mumbabala bzipatso bzizinji na kuzindikirika kuti ndimwe wakupfunzira wangudi. ⁹Nakuti Baba andikonda, ine ndakukondanimbo. Khalani mchikondi changu.¹⁰Mungakoya bzitongi bzangu, mumdzakhala mchikondi changu, ninga ndimo ndakoyera bzitongi bza Babangu ndichikhaliratu mchikondi chache. ¹¹Ndalewalewa ibzi kuna imwe kuti kusekera kwangu kukhale mwa imwe nakuti kusekerera kwanu pomwe kukhale kwakudzala.¹²Ichi mchitongi changu, kuti mukondane wina na mwayache ninga ndimo ndakukonderani. ¹³Palibe ana chikondi chikulu kuposa ichi---kuti wina kutaya moyo wache pala anzache.¹⁴Ndimwe anzangu penu munichita bzinthu ibzi ndibzo nimkutongani. ¹⁵Nimbakuchemerani lini pomwe akapolo wangu, thangwe kapolo ambadziwa lini ndibzo mbuyache akuchita. Ndakuchemerani kuti anzangu, thangwe chirichense ndicho ndidabva kuna Babangu ndakuzindikirisani.¹⁶Mulibe kundisankhula ine, soma ndidakusankhulani na kukuikhani pala kuti muyende mukabale chipatso, nakuti chipatso chanucho chisalire. lbzi bziri tenepo pala kuti chirichense munikumbira Babacho mdzina langu, adzakupeni. ¹⁷Bzinthu ibzi ndikukutongani, pala kuti mukondane wina na mwayache.¹⁸Penu dziko lapansi limbakuwengani, dziwani kuti lidatoma kuwenga ine likanati kuwenga imwepo. ¹⁹Muchikhala mukhali wadziko lapansi, dziko lapansi lingadakuwengani lini imwe pakukhala wache wailo. Soma thangwe ndimwe lini wadziko lapansi pomwe nakuti ndidakusankhulani kubula mdziko lapansi, nithangwerache dziko lapansi limbakuwenganipa.²⁰Kumbukirani mafala ndiyo ndidakuuzani, 'Kapolo ambakula lini kuposa mbuyache.' Penu adaboneresa ine, imwe amdzakuboneresanimbo; penu adakoya mafala yangu, yanu amdzayakoyambo. ²¹Iwo amdzachita bzensenebzi kuna imwe thangwera dzina langu, nakuti ambamudziwa lini iye ndiye adandituma. ²²Ningadakhala ndiribe kubwera kudzalewalewa nawo, angadakhala alibe chakuphonya, soma tsapano alibe chakuwiningula na chakuphonya chawo.²³Iye wakundiwenga wawenga pomwe Baba. ²⁴Ningadakhala ndiribe kuchita basa lakuti palibe adalichita pakati pawo, akhadakhala alibe chakuphonya, soma tsapano awona ine na kundiwengeratu na Babangu kubodzi. ²⁵Soma uku mkukwanirisa mafala ndiyo yadanembiwa mchitongi, 'Adandiwenga ine seye thangwe.'²⁶Nyakunyamaliza angabwera---omwe nimdzamutumiza kuchoka kuna Baba, ndiwo, Mzimu wachadidi, omwe umbabula kuchoka mwa Baba---Iye amdzachitita umboni bza ine. ²⁷Imwe pomwe bzimfunika muchitire umboni, thangwe mwakhala nande kuyambira pakutoma.

16¹Ndasewera bzinthu ibzi kuna imwe pala kuti nampodi mubwerere mmambuyo. ²Amdzakuthusani kunja kwa ma sunagoge. Soma nthawe ikubwera yakuti aliyense wakudzakuphaniyo amdzaona ninga akuphatira Mulungu basa.³Amdzachita bzinthu bzobzi thangwe akanati kudziwa Baba ayai ine. ⁴Ndaseweratu ibzi pala kuti nthawe yawo ingafika, mudzakumbukire kuti ndidakuuzani bza bzimwebzi. Ndiribe kukuuzani bzobzi pakutoma, thangwe ndikhalinamwe.⁵Soma tsapano ndikuyenda kuna iye omwe adandituma, ⁶soma palibe waimwe wandibvunza, 'Mukuyenda kuponi?' Soma thangwe ndalewa ibzi kuna imwe, nsisi zadzala mumtima mwanu. ⁷Soma chadidi ndikukuuzani, zjai bziri nkhasa kuna imwe kuti ndiyende. Thangwe ningasaya kuyenda, Wakukunyamalizani amdzabwera lini kuna imwe, soma ningayenda, nimdzamutumiza kuna imwe.⁸Angabwera, Wakunyamaliza amdzabulukira kuti dziko lapansi laipa na bzakuphonya, bza chilungamo, na bza chitongero--- ⁹bza kuphonya, thangwe iwo ambandikhulupirira lini; ¹⁰bza chilungamo, thangwe ndikuyenda kuna Baba, apo mumdzandiona lini pomwe; ¹¹na bza chitongero, thangwe mtongi wadziko lapansi zjai watongewa.¹²Ndina bzizinji bzakulewa kuna imwe, soma mungabziphatise lini basa pakali pano. ¹³Soma pomwe Mzimu wa Chadidi, wabwera, umdzakutsogolerani ku bzachadidi bzense, nakuti umdzalewalewa lini bzaokha. Soma umdzasewera chirichense ndicho umdzabva, apo umdzakuuzani bzinthu ndibzo bziri mkubwera. ¹⁴Umdzandilemekeza ine, thangwe umdzatenga bzangu mkudzakuuzani.¹⁵Chirichense ndicho Baba alinacho mcha ine. Nithangwerache, ndidalewa kuti Mzimu umdzatenga bzangu mkudzakuuzani. ¹⁶Mkanthawe kakuchepa mumdzandiona lini pomwe, apo pangadzapita kanthawe pomwe kakuchepa mumdzandiona."¹⁷Kinangoka wakupfunzira wache winango adati kuna wina na mwayache, "Mchiyani akumbalewabzi kuna ife, 'Mkanthawe kakuchepa mumdzandiona lini mkanthawe kakuchepa mumdzandiona,' na, 'Thangwe niyenda kuna Baba'?" ¹⁸Ndiye iwo adati, "Mchani akumbalewabzi, 'Mkanthawe kakuchepa'? Ife tikudziwa lini bzomwe akulewalewa."¹⁹Yesu adaona kuti akhafuna kumubvunza, apo iye adati kuna iwo, "M'bzimwebzi mukubzunzanabzo, chomwe ndikhalewa pakulewa kuti, 'Mkanthawe kakuchepa' apo mumdzandiona lini pomwe, na mkanthawe kakuchepa pomwe apo mumdzandiona'? ²⁰Indetu, indetu, ndikulewa kuna imwe, mumdzalira na kudandaula, soma dziko lapansi limdzadekedwa. Mumdzabva nsisi, soma nsisi zanuzo zimdzasandulika kusekera. ²¹Pomwe mkazi akubala ambabva nsisi thangwe nthawe yache yafika, soma angabala mwana, ambakumbukira lini pomwe kubonera kwache kule thangwera kusekera kuti munthu wabadwa mdziko lapansi.²²Ndiye muna nsisi tsapano, soma nimdzakuonani pomwe, apo mtima wanu umdzasekera, apo palibe amdzatenga chisekerero chanu kuna imwe. ²³Pansiku yoyo mumdzandibvunza lini chirichense. Indetu, indetu, ndikulewa kuna imwe, ²⁴ate pano mukanati kukumbira kale chinthu mdzina langu. Kumbirani apo mumdzatambira, pala kuti chisekerero chanu chikwanirisiwe.²⁵"Ndalewa bzinthu ibzi kuna imwe mmaphiphiriso, soma nthawe ikubwera kuti nimdzasewera lini pomwe kuna imwe mmaphiphiriso, soma nimdzakuuzani bzakubveka bza Baba.²⁶Pansiku yoyo mumdzakumbira mdzina langu apo ndikulewa lini kuna imwe kuti nimdzakupemphererani kuna Baba, ²⁷nakuti Baba paokha ambakukondani thangwe mwandikonda na thangwe mwakhulupirira kuti ndidachokeradi kuna Mulungu. ²⁸Ndidachokera kuna Baba, apo ndabwera kudziko lapansi. Ndikuchoka pomwe padziko lapansi apo ndikuyenda kuna Baba."²⁹Wakupfunza wache adati, "Onani, tsapano mukusewera letu bzakubveka apo mukuphatisa lini basa kaseweredwe ka maphiphiriso. ³⁰Tsapano tikudziwa kuti mukudziwa bzinthu bzensene, apo mumfuna lini wina akubvunzeni pomwe mabvunzo. Thangwera bzobzi, tikukhulupiriradi kuti mwachokera kuna Mulungu," ³¹Yesu adawatawira, "Mukukhulupirira tsapano na?³²Onani, nthawe ikubwera, inde, apo chadidi yafika, yomwe mumdzabalalikana, aliyense kumuyi kwache, muchidzandisiya ndekha. Soma ndiri lini ndekha thangwe Baba ali nande. ³³Ndasewera bzinthu ibzi kuna imwe pala kuti mudzakhale na mtendere mwaine. Mdziko lapansi muna masada, soma limbikani mtima, ndagonjesa dziko lapansi."

17¹Yesu atalewa bzobzi, adajiguma maso yache kudzaulu mkulewa kuti, "Baba, nthawe yakwana, lemekezani Mwana wanu kuti Mwanayo adzakulemekezeni--- ²ninga ndimo mudamupasira utongi bwathupi pala kuti apereke moyo wakusaya kumala kuna aliyense omwe mwamupa iye.³Uyu ni moyo wakusaya kumala: Mulungu yekhayo wachadidi, na iye ndiye mudamutuma Yesu Mkhirisitu. ⁴Ine ndidalemekeza imwe padziko lapansi. Ndamaliza basa ndilo mwandipa kuti ndiphate. ⁵Tsapano, Baba, lemekezani ine na imwe mwekha na ulemerero ndibo ndikhali nabo na imwe likanati kukhala dziko lapansi.⁶Ndidalionesera dzina lanu kuna wanthu omwe mudandipa kudziko lapansi. Iwo akhali wanu, apo mudawapa kuna ine, apo akoya mafala yanu. ⁷Tsapano akudziwa kuti chirich ense mudandipa ine mchakuchokera kuna imwe, ⁸thangwe ndawapa mafala yensene ndiyo mudandipa ine. Ayatambira achizindikira chadidi kuti ndidachokera kuna imwe, apo akhulupirira kuti imwe mudanditumadi ine.⁹Nimbawapempherera iwo. Nimbapempherera lini dziko lapansi soma iwo omwe mwandipa, nakuti mbanu. ¹⁰Bzaine bziribzense m'bzanu, apo bzanu m'bzangu, apo ndadalisika mwa iwo. ¹¹Ndiri lini pomwe mdziko lapansi, soma wanthuwa ali mdziko lapansi, apo ndikubwera kuna imwe. Baba Wakuchena, akoyeni mdzina lanu lomwe mwandipa kuti akakhale abodzi, ninga tiririmbo abodzi.¹²Pomwe ndikhali nawo, ndidawatchenkha mdzina lanu, ndicho mwandipa. Ndidawalindira, apo palibe neye m'bodzi ndiye adadzongeka, kupambula mwana wa chionongeko, kuti manemba yakwanirisiwe. ¹³Tsapano ndikubwera kuna imwe, soma ndikulewa bzinthu ibzi kudziko lapansi kuti akhale na chisekerero changu chakukwanirisiwa mwa iwo. ¹⁴Ndawapa iwo mafala yanu, apo dziko lawawenga thangwe iwo mbadziko lini lapansi, ninga ine ndiririmbo lini wadziko lapansi.¹⁵Ndikukukumbirani lini kuti muwachose padziko lapansi, soma kuti imwe muwatchenkhe iwo kuna wakuipayo. ¹⁶Iwo ali lini wadziko lapansi, ninga inembo ndiriri lini wadziko lapansi. ¹⁷Pambulani iwo muchadidi. Mafala yanuya ndiyo chadidi.¹⁸Ninga ndimo mudanditumira kudziko lapansi, ndendendembo ndawatuma kudziko lapansi. ¹⁹Thangwera iwo ine ndabzipambula ndekha, kuti iwombo abzipambule okha mchadidi.²⁰Ndikupempherera lini pala okhawa neye, soma pomwe na ndiwo amdzandikhulupirira ine kudzera mmafala ²¹kuti wensene akhale abodzi, ninga ndimo imwe, Baba, muliri mwa ine, apo ine ndiriri mwa imwe. Mbaakhalembo mwa ife iwo kuti dziko lapansi likhulupirire kuti mwachita kundituma.²²Ulemerero ndibo mudandipa, ndawapa iwo, pala kuti akhale abodzi, ninga ndimo tiririmbo abodzi: ²³Ine mwa iwo, na imwe mwa ine---kuti akabweresewe ku ubodzi bwachaiboibo, pala kuti dziko lapansi lidziwe kuti mudachita kundituma, na kuti mwawakonda ninga ndimo mudakondera ine.²⁴Baba, ndikufuna omwe imwe mwandipa ambakhale na inepano pomwe ine ndiri, na kuona ulemerero bwangu, ulemerero mudandipabu thangwe mudandikonda yakanati kukhazikiwa maziko yadziko lapansi.²⁵Baba wachilungamo, dziko lapansi liribe kukudziwani, so ine ndikukudziwani; soma amwewa akudziwa kuti mudachita kundituma. ²⁶Ndidachitisa dzina lanu kudziwika kuna amwewa, apo nimdzachitisa kuti alidziwe basi pala kuti chikondi mudakonda nacho ine chikhale mwa iwo, apo ine nimdzakhala mwa iwo."

18¹Yesu atamala kusewera mafalaya, adayenda na wakupfunza wache ku ng'ambu ya Kamkulo ka Kedroni, komwe kukhana munda ndiwo iye na wakupfunza wache adakapita. ²Tsapano Yudasi, omwe akhayenda kukampereka iye, adadziwambo mbutoyo, thangwe Yesu akhamanzamanza kumbakagumana popo na wakupfunza wache. ³Kinangoka Yudasi atatsogolera thimu la achikunda na anyamata winango wakuchokera kuna akulu wa ansembe na Afarisi, mkuyenda kumweko na makandiyero, bzakubvunikira, na bzida.⁴Kinangoka Yesu, omwe adadziwa bzinthu bzense ndibzo bzikhachitika kuna iye, adafendera kutsogolo mkuwabvunza, "Kodi mukupsaga mbani imwepo?" ⁵Iwo adamutawira, "Yesu waku Nazareti." Yesu adati kuna iwo, "Ndinepano." Yudasi, omwe adampereka iye, akhadaimambo na achikundawo.⁶Tsono pomwe adalewa kuna iwo, "Ndinepano," Iwo adafundukira mmambuyo achigwa pansi. ⁷Kinangoka iye adawabvunza pomwe, "Kodi Mukupsaga mbani imwepo?" Iwo adalewa pomwe, "Yesu waku Nazareti."⁸Yesu adatawira, "Ndakuuzani kuti ndine. Ndiye penu mukupsagadi ine, awa ambayende." ⁹Uku kukhali kukwanirisa bzomwe adalewa: "Pala iwo omwe mwandipasira, ndiribe kutaya neye m'bodzi yekha."¹⁰Kinangoka Simoni Petulo ndiye akhana dipa, adalimolola achimenya nalo kapolo wa mkulu wansembe achitsengeratu khutu lache lakumadidi. ¹¹Tsapano dzina la kapoloyo likhali Malko. Yesu adati kuna Petulo, "Bwezeresa dipa mchakuikhira mwache. Kodi ine nim'wera lini mkombo ndiwo Baba wandipa?"¹²Ndiye thimu la achikunda na msupayi, na anyamata wa Ayuda, adaphata Yesu achimumanga. Pakutoma ¹³Adamutsogolera kuna Anasi thangwe akhali mabzala wache wa Kayafa, omwe akhali mkulu wansembe gole limwero. ¹⁴Tsapano Kayafa ndiye akhadalewa kulangiza Ayuda kuti zjai nkhasa munthu m'bodzi afere wanthu wensene.¹⁵Simoni Petulo adatewera Yesu, na wakupfunza pomwe m'bodzi. Tsapano poti wakupfunzayu akhadziwika kuna mkulu wansembeyo, adapita mkati mu mbuto ya mkulu wansembeyo; ¹⁶soma Petulo akhadaima panja pamsuwo. Ndiye wakupfunza winangoyo omwe akhadziwika kuna mkulu wansembeyo, adabula panja mkukasewera na wakufungula pamsuwo, apo iye adabweresa Petulo momo.¹⁷Kinangoka nyabasa wachikazi, wakumbafungula pamsuwo, adati kuna Petulo, "Ndiwe lini m'bodzi pomwe wa wakupfunza wa munthuyu?" Iye adati, "Ndinepano lini." ¹⁸Tsapano anyabasa na anyamata akhadaima popo, apo akhadakombeza choto cha masimbe, nakuti kukhajejera, apo zjai mkumbaotha. Petulo akhali nawombo popo, ataima popo mkumbaothambo.¹⁹Mkulu wa ansembe kinangoka adabvunza Yesu bza wakupfunza wache na chipfunziso chache. ²⁰Yesu adamutawira, "Ndasewera bzakubveka kudziko lapansi. Ndikhapfunzisa nthawe zensene mmasunagoge nammakachisi ndimo Ayuda akhambabwera pabodzi. Ndiribe kusewera chinthu mwakubisa. ²¹Mwandibvunziranyi? Bzunzani omwe abva ndibzo ndidalewa. Nyang'anani, wanthuwa akudziwa ndibzo ndidalewa."²²Pomwe Yesu adalewa ibzi, m'bodzi wa anyamata wakuima popo adamenya Yesu achiti, "Mkulu wansembe ungamutawire terepoyo?" ²³Yesu adamutawira, 'Penu ndamutawira kuipa, chitira umboni bzakuipako, soma penu mmwabwino, thangweranyi ukundimenya?" ²⁴Kinangoka Anasi adamutumiza iye ali wakumanga kuna Kayafa mkulu wa ansembe.²⁵Tsapano Simoni Petulo akhadaima kumbaotha moto. Wanthu kinangoka adati kuna iye, ²⁶"Kodi ndiwe lini pomwe m'bodzi wa wakupfunza wache iwepo?" Adagaza achiti, "Ndinepano lini." M'bodzi wa anyabasa wa mkulu wansembe omwe akhali m'bale wache wa ndiye adagwatiwa khutu na Petulo ule, adati, "Ndiribe kukuona mmunda mule naiye iwepo?" ²⁷Kinangoka Petulo adagaza pomwe; apo kamkulumize chongwe adalira.²⁸Kinangoka iwo adatsogolera Yesu kuchoka kuna Kayafa kuyenda kulikulu la boma. Yakhali machibesebese, apo alibe kupita mulikulu la bomalo kuti nampodi apsipiziwe soma kuti akwanise kudya Pasaka. ²⁹Ndiye Pilato adabula kunja kuna iwo achikati, "Ni thangwe liponi ndilo mukumuzengera mulandu munthuyu?" ³⁰Iwo adatawira achiti kuna iye, "Angadakhala munthuyu ngwakuphonya lini, tingadamupereka lini kuna imwe."³¹Pilato tsono adati kuna iwo, "Mutengeni mwekha, mukamutonge malingana na chitongi chanu." Ayuda adati kuna iye, "Mbzakubvumiziwa lini kupha munthu aliyense ife." ³²Iwo adasewera ibzi pala kuti mafala ya Yesu yakwanirisiwe ndiyo akhadasewera kulatiza ni imfa yanyi ndiyo iye amdzafa nayo.³³Kinangoka Pilato adapita pomwe mu likulu labomamo achichemera Yesu apo iye adati kuna iye,"Kodi ndiwe Mfumu ya Ayuda?" ³⁴Yesu adatawira, "Kodi mukusewereratu mwekha, ayai winango achita kukuuzani bza ine?" ³⁵Pilato adatawira, "Ndine lini m'Yuda, ndine? Wanthu wanu chaiwo na akulu wa ansembe ndiwo adakuperekani kuna ine. Mudachita chani?"³⁶Yesu adatawira, "Ufumu bwangu sikuti m'bwadziko lapansi lino. Bungadakhala ufumu bwangu m'bwadziko lapansi lino, anyamata wangu angadalimbika nkhondo mwakuti ningadaperekiwa lini mmanja mwa Ayuda. Soma ufumu bwangu m'bwapano lini." ³⁷Pilato kinangoka adati kuna iye, "Ndimwe mfumu tsono?" Yesu adatawira, "Mwalewa ndimwe kuti ndine mfumu. Nithangwe loli ndilo ndikhadabadwira, ni thangwe loli ndilo ndidabwerera padziko lapansi, kudzachitira umboni chadidi. Aliyense wakukhala mwachadidi ambabvesera mafala yangu."³⁸Pilato adati kuna iye, "Chadidi ndiye kuti chani?" Pomwe atalewa ibzi, adabula pomwe kunja kuna Ayuda achikati kuna iwo, "Ndikuona lini chakuphonya mwa munthuyu. ³⁹Soma muna mtemo kuti ndikutsudzulireni munthu m'bodzi pa pasaka. Ndiye mukufuna ndikutsudzulireni Mfumu ya Ayuda?" ⁴⁰Kinangoka adakuwa pomwe achiti, "Munthu umweyu neye, soma Barabba." Tsapano Barabba akhali gandanga.

19¹Kinangoka Pilato adatenga Yesu achimutchanga. ²Achikunda adapakasa kankhata kaminga. Adakabvazika pamsolo pa Yesu achimubvazika chakubvala chifwira. ³Iwo adabwera kuna iye achiti, "Tikuoneni, Mfumu ya Ayuda!" apo adamumenya.⁴Kinangoka Pilato adayenda pomwe panja achikati kuna iwo, "Onani, ndikumubweresa panja pano kuna imwe pala mudziwe kuti ndiribe kugumana thangwe mwa iye. ⁵Ndiye Yesu adabula panja, atabvala nkhata yaminga na chakubvala chifwira. Pilato adati kuna iwo, "Nyang'anani, munthuyu!" ⁶Nthawe ndizo akulu wa ansembe na anyamata wao adaona Yesu, adakuwa achiti, "Mmanikeni, mmanikeni!" Pilato adati kuna iwo, "Mtengeni mwekha mukammanike, thangwe ine ndikugumana lini thangwe mwa iye."⁷Ayuda adamutawira iye, "Tina chitongi, ndiye malingana na chitongicho afe thangwe akhabziyezezera kuti ni Mwana wa Mulungu." ⁸Pomwe Pilato adabva mafalaya, adaphatiwa na mantha, ⁹achipita pomwe mu likulu la bomalo achiti kuna Yesu, "Mumbachokera kuponi?" Soma Yesu alibe kumutawira?"¹⁰Kinangoka Pilato adati kuna iye, "Munilewalewa lini na ine kodi? Mukudziwa lini kuti ndina mphamvu yakukutsudzulani, na mphamvu ya kukumanikani?" ¹¹Yesu adamutawira, "Mungadakhala mulibe mphamvu pa ine imwe mungadakhala mulibe kuchita kupasiwa kuchoka kudzaulu. Nithangwerache, iye omwe adandipereka kuna imwe ana pikado ikulu,"¹²Nakutawira koku, Pilato adayezera kumutsudzula, soma Ayuda adakuwa kulewa kuti, "Penu munimutsudzula umweyu, ndimwe lini mwayache wa Kaesara. Aliyense wakubziikha yekha mfumu ambasewera bzakugazana na Kaesara." ¹³Pomwe Pilato adabva mafalaya, adabulisa Yesu panja achikhala pakadera yakutongera milandu pambuto pakuchemeriwa "Mbuto yaminyala," soma mchiseweredwe chachi Heberi "Gabata."¹⁴Tsapano ikhali nsiku yakukonzekera Pasaka, pafupifupi nthawe zitanthatu. Pilato adati kuna Ayuda, "Onani, Mfumu yanu!" ¹⁵Iwo adakuwa, "Mbaachoke, Mbaachoke; mmanikeni!" Pilato adati kuna iwo, "Ndimanike Mfumu yanuyi?" Akulu wa ansembe adatawira, "Tiribe mfumu ife soma Kaesara." ¹⁶Kinangoka Pilato adapereka Yesu kuna iwo kuti amumanike.¹⁷Kinangoka iwo adamtenga Yesu, achibula naye panja, atabzitakulira yekha mtanda kuyenda kumbuto yakuchemeriwa, "Mbuto yabade," yomwe mchi Heberi imbachemeriwa" Gologota." ¹⁸Adamumanika Yesu popo, apo pabodzi na iye wanthu pomwe awiri, wina uku wina uku, Yesu pakati.¹⁹Pilato adanemba pomwe chizindikiro mkuchiikha pamtandapo. Pamwepo chikhadanembiwa: YESU WA KU NAZARETI, MFUMU YA AYUDA. ²⁰Azinji mwa Ayuda adalewenga chizindikirochi thangwe mbuto ndiyo Yesu adamanikiwayi ikhali pafupi na muyi. Chizindikirochi chidanembiwa mchi Heberi, mchi Roma na mchi Herene.²¹Kinangoka akulu wa ansembe wa Ayuda adati kuna Pilato, "Nampodi kunemba, 'Mfumu ya Ayuda,' soma, 'Umweyu adati, "Ndine Mfumu ya Ayuda,"'" ²²Pilato adatawira, "Bzomwe ndanembabzi ndanemba basi."²³Pomwe achikunda adamumanika Yesu, adatenga bzakubvala bzache achibzidedza mbuto zinayi, chibodzi aliyense; na malaya pomwe. Tsapano malayayo yakhalibe msono, mabodzi na mabodzi kuchokera padzaulu. ²⁴Ndiye adati okha okha, "Nampodi tiyang'ambe, soma mbatiye timenye njuga tione yamkhala yambani," Ibzi bzidachitika kuti manemba yakwanirisiwe ndiyo yadati, "Amdzagawana bzakubvala bzangu okha okha achidzamenya njuga pala chakubvala changu."Ibzi ndibzodi achikunda adachita.²⁵Tsapano wakuima pambali pa mtanda wa Yesu akhali mayi wache, nana wao wa mayi wache, Mariya mai wache wa Kleopa, na Mariya Magadalene. ²⁶Pomwe Yesu adaona mayi wache na wakupfunza ndiye akhamukonda ataima pafupi, adati kuna mayi wache, "Mkaziwe, ona, mwanako!" ²⁷Kinangoka adati kuna wakupfunzayo, "Ona, mayi wako!" Kuchokera nthawe yoyo wakupfunzayo adatakula mayiyo kuyenda naye letu kumuyi kwache.²⁸Bzitamala ibzi, pakudziwa kuti chirichense chamala nakuti manemba yakwanirisiwa, Yesu adati, "Ndikubva nyota." ²⁹Chakutengera chakudzala na vinyu wakusasa chidaikhiwa popo, ndiye adabvwika chibvenje chakudzala na vinyu wakusasa pa phesi la hisope achidzusa mkumubzatika pakamwa pache. ³⁰Pomwe Yesu adamwa vinyu wakusasayo, iye adati, "Bzamala." Iye adatsulimisa msolo wache achipereka mzimu wache.³¹Kinangoka Ayuda, thangwe ikhali nsiku yakukonzekera, kuti matupiyo yangadakhala lini popo nsiku ya Sabata (thangwe Sabata ikhali makamaka yakufunikira), adakumbira Pilato kutchola miyendo yawo mkuyabulusa. ³²Kinangoka achikunda adabwera kudzatchola miyendo ya munthu wakutoma na ya wachiwiri omwe akhadamanikwa pabodzi na Yesu. ³³Pomwe adafika pa Yesu, adaona kuti iye khadafa kale, ndiye alibe kutchola miyendo yache.³⁴Tsono, m'bodzi wa achikunda adapsonda mbali yache na psimo, apo kamkulumize mulopa na madzi bzidabula. ³⁵Omwe adaona ibzi wachitira umboni, apo umboni bwachebo m'bwachadidi. Akudziwa kuti bzidalewa iye m'bwachadidi Pala kuti imwe mukhulupirirembo.³⁶Thangwera bzinthu ibzi bzidachitika kufuna kukwanirisa manemba, "Neye libodzi la mafupa yache limdzatcholewa lini," ³⁷Pomwe, mafala inango yambati, "Iwo amdzamubzokola iye omwe wapsondewayo."³⁸Bzitamala bzinthu ibzi, Yosefe wa ku Arimateya, nakuti akhali wakupfunza wa Yesu (soma mwakanonono kugopa Ayuda)' adakumbira Pilato penu angatengembo thupi la Yesu. Pilato adamubvumiza. Ndiye Yosefe adabwera achitakula thupi la Yesu. ³⁹Nicodemo adabwerambo, ule ndiye pakutoma adabwera kuna Yesu usiku. Adabweresa chisanganizo cha mure na aloe, pafupi fupi miyezo dzana libodzi.⁴⁰Ndiye iwo adatenga thupi la Yesu achilitsedengera na nguwo zabafuta na bzakununtchira, kuteweza ukhaliri mtemo wa Ayuda pakufuchira matupi. ⁴¹Tsapano pambuto ndipo adakhomewera pale pakhana munda; apo mmundamo mukhana gwinza la tsampanopa lakuti palibe munthu akhadaikhiwa kale. ⁴²Thangwe ikhali nsiku yakukonzekera ya Ayuda apo nakuti gwinzalo likhali pafupi, iwo adamugonesa Yesu momo.

20¹Tsapano machibese ya nsiku yakutoma ya Sumana, kukana mdima, Mariya Magadalene adabwera pagwinzapo mkuona chimwala chitagwinyiwa kuchoka pagzinzapo. ²Ndiye adathamanga kubwera kuna Simoni Petulo na kuna wakupfunza winango ndiwo Yesu akhawakonda, apo adati kuna iwo, "Adamuchosa Mbuya pagwinza pale, apo tikudziwa lini ndiko akamuikha."³Kinangoka Petulo na wakupfunza winango adabula, apo akhayenda pa gwinzapo. ⁴Wense awiri adathamangira pabodzi, apo wakupfunza winangoyo adathamanga kamkulumize patsogolo pa Petulo mkutoma kukafika ndiye pagwinzapo. ⁵Kinangoka kukotama adaona nguwo zabafuta, zitatandika momo, soma iye alibe kupita mkatimo.⁶Simoni Petulo adakafika pambuyo pa iye achipita mkati mwa gwinzalo. Adaona nguwo zabafuta zitatandika momo ⁷na nguwo ndiyo ikhali kumsolo kwache. Ikhalibe kutandika pabodzi na nguwo za bafutazo soma ikhadafunya pambuto payokhambo.⁸Kinangoka wakupfunza winangoyo, omwe adatoma kukafika pagwinza ule, adapitambo mkatimo, apo adaona achikhulupirira. ⁹Thangwe ate kufika nthawe zozo akhanati basi kudziwa manemba kuti iye amdzalamuka kuna anyamuya. ¹⁰Ndiye wakupfunza wale adabwerera pomwe kumuyi.¹¹Soma Mariya akhadaima panja pa gwinzalo kumbalira. Pomwe akhalira, akhadakotamira mgwinzamo. ¹²Iye adaona anjero awiri atabvala bzichena atakhala pansi, winango kumisolo, na winango kunzayo kwa pale ndipo akhadagonesa thupi la Yesu. ¹³Iwo adati kuna iye, "Mkaziwe, msabwanyi ukulira?" Iye adati kuna iwo, "Thangwe adachosa Mbuyangu, apo ndikudziwa lini ndiko akamuikha."¹⁴Pomwe iye adalewa ibzi, adazungunuka achiona Yesu ataima popo, soma alibe kudziwa kuti akhali Yesu. ¹⁵Yesu adati kuna iye, "Mkaziwe, msabwanyi ukulira? Ukupsaga mbani?" Iye akhakumbuka kuti akhali wammunda, apo adati kuna iye, "Mbuya, penu mwamutenga ndimwe, ndiuzeni ndiko mwamuikha, apo ndikamutenge."¹⁶Yesu adati kuna iye, "Mariya." Mariya adazungunuka achiti kuna iye mchi Heberi, "Rabboni" (ndiye kulewa kuti "M'pfunzisi"). ¹⁷Yesu adati kuna iye, "Nampodi kundiphata, thangwe ndikanati kuyenda kudzaulu kuna Baba, soma ndoko kuna abale wangu ukawauze kuti niyenda kudzaulu kuna Babangu na Babanu, na Mulungu wangu na Mulungu wanu." ¹⁸Mariya Magadalene adabwera kudzauza wakupfunzira, "Ndamuona Mbuya," nakuti iye akhadalewa ibzi kuna mkaziyo.¹⁹Maulo ya nsiku yoyo, nsiku yakutoma ya Sumana, misuwo ikhali chitsekere ndiko kukhakhala wakupfunzirako thangwera kugopa Ayuda, Yesu adabwera achidzaima pakati pawo achiti kuna iwo, "Mtendere kuna mwe." ²⁰Atamala kulewa ibzi, adawaonesa manja yache na mbabvu zache. Wakupfunza adasekera pomwe adaona Mbuya.²¹Yesu adalewa pomwe kuna iwo, "Mtendere kuna imwe. Ninga ndimo Baba wanditumira, ndendende ndikukutumanimbo." ²²Pomwe Yesu akhadalewa ichi, adawapumira achiti kuna iwo, "Tambirani Mzimu Wakuchena. ²³Bzakuphonya bza aliyense mum'bzilekererabzo, bzinilekereriwa; bzakuipa bza aliyense mum'bzikoyabzo, bzinikoyeka."²⁴Tomaji, m'bodzi wa khumi na awiri wale, wakuchemeriwa Didimo, akhali lini nawo ndipo Yesu adabwera. ²⁵Wakupfunza winango pambuyo pache adati kuna iye, "Ife tamuona Mbuya." Iye adati kuna iwo, "Pokha pokha nditaona mmanja mwache mbonje za perego, nakubzatika boko langu mu mbabvu zache, ndiye nimkhulupirira bwino."²⁶Patapita nsiku zisere wakupfunza wache akhali mkati pomwe, apo Tomaji akhali nawo. Yesu adabwera nthawe ndizo misuwo ikhadafunga, achiima pampikiti pawo, achiti, "Mtendere kuna imwe." ²⁷Kinangoka iye adati kuna Tomaji, "Fika pano na boko lakolo ubzatike mumbabvu zanguzi. Nampodi kumbakhala wakusaya kukhulupirira,soma mbakhulupirira."²⁸Tomaji adatawira achiti kuna iye, "Mbuyangu na Mulungu wangu." ²⁹Yesu adati kuna iye, "Zjai thangwera kuti wandiona ine, ndiye wakhulupirira. Wakudalisika ni wale akhanati kuona, na kukhulupirira."³⁰Tsapano Yesu adachita bzizindikiro bzina bzizinji pamaso pa wakupfunza, bzizindikiro bzakuti bzikhanati kunembiwa kale m'bukhuli, ³¹soma ibzi bzanembiwa pala mukhulupirire kuti Yesudi ni Mkhirisitu, Mwana wa Mulungu, apo kuti kukhulupirira, mungadakhala na moyo mudzina lache.

21¹Bzitamala bzinthu ibzi Yesu adabzidziwisa pomwe yekha kuna wakupfunza wache panyanza ya Tiberiyo. Umu ndimo iye adabzidziwisira yekha: ²Simoni Petulo akhali pabodzi na Tomaji wakuchemeriwa Didimo, Natanieri waku Kana mu Galileya, wana wa Zebedayo, na wakupfunzira winango wa Yesu. ³Simoni Petulo adati kuna iwo, "Ndikuyenda kukapha nsomba." Iwo adati kuna iye, "Ife, tinibwera namwembo." Adayenda achikapita mumwadiya, soma alibe kupha chinthu usiku bwense.⁴Tsapano, pomwe machibesebese yakhadakwana kale, Yesu adaima pagombe, soma wakupfunza alibe kudziwa kuti akhali Yesu. ⁵Ndiye Yesu adati kuna iwo, "Wanamwe, kodi muna chinthu kuti mkudya?" Iwo adamutawira iye, "Neye." ⁶Iye adati kuna iwo, "Thusani makoka yanu mbali yakumadidi kwa mwadiya wanu, apo mumdzazigumana." Ndiye adathusadi makoka yawo apo alibe kukwanisa kuyapfuwa thangwera kuwanda kwa nsomba.⁷Tsapano wakupfunza ndiwo akhamkonda Yesu adati kuna Petulo, "Ni Mbuya." Pomwe Simoni Petulo adabva kuti akhali Yesu, adabzibvazika malaya mnthupi thangwe (nakuti akhali wakusaya kubvala), achibzithusa mnyanza. ⁸Wakupfunza winangowo adabwera mumwadiya (thangwe akhali lini kutali na gombe, pafupi fupi ma cubiti madzana mawiri kunja), apo akhapfuwa makoka yakudzala na nsomba. ⁹Pomwe adabula kunja kumataka. adaona moto wa masimbe popo na kansomba katabzatikiwa popo na mkate.¹⁰Yesu adati kuna iwo, "Bweresani zina mwansomba mwapha tsampanopazo." ¹¹Simoni Petulo kinangoka adayenda kukanula khokalo kunja, lakudzala na nsomba zikulu zikulu, 153 za izo, soma na zizinji pomwe, khokalo liribe kuphadzuka.¹²Yesu adati kuna iwo. "Bwerani mudzadye matabitchu." Palibe neye wakupfunza m'bodzi adayezera kubvunza, "Ndimwe mbani?" Adadziwa akhali Mbuya. ¹³Yesu adabwera, kutenga mkate, achiwapa iwo, na nsomba pomwe. ¹⁴Aka kakhali kachitatu Yesu kubzidziwisa yekha kuna wakupfunza atalamuka kuna anyamuya.¹⁵Iwo atamala kudya matabitchu, Yesu adati kuna Simoni Petulo, "Simoni mwana wa Yohani, umbandikonda kuposa awa?" Petulo adati kuna iye, "Inde Mbuya, mukudziwa nimbakukondani ine." Yesu adati kuna iye, "Dyesa wana wangu wamabirawa." ¹⁶Adati pomwe kuna iye kachiwiri, "Simoni mwana wa Yohani, umbandikonda?" Petulo adati kuna iye, "Inde Mbuya, mukudziwa kuti nimbakukondani." Yesu adati kuna iye, "Usa mabira yanguya."¹⁷Adati kuna iye kachitatu, "Simoni mwana wa Yohani ine umbandikonda ?" Simoni adaphatiwa na nsisi thangwe Yesu adalewa kachitatu, "Umbandikonda kodi?" Adati kuna iye, "Mbuya, mukudziwa bzense, ¹⁸mukudziwa nimbakukondani." Yesu adati kuna iye, "Dyesa mabira yangu. Indetu, indetu, ndikulewa kuna iwe, pomwe ukhali mnyamata, ukhabzimangira wekha mchiuno mkumbafamba kulikwense ukhafunako, soma pomwe wakulapa, umdzafuthula manja yako, apo munthu winango amdzakumangira mchiuno achimbadzayenda nawe ndiko umfuna lini kuyenda."¹⁹Tsapano Yesu adasewera ibzi kufuna kulatiza ni moda wanyi wakafedwe ndiwo Petulo angadzalemekeze nawo Mulungu. Atamala kulewa ibzi, adati kuna Petulo, "Nditewere ine."²⁰Petulo adazungunuka achiona wakupfunza ndiye Yesu akhamukonda akuwatewera,ule ndiye akhadayadzamira kumbali kukhadakhala Yesu pakulalira ndiye akhadalewa kuti, "Mbuya, mbani amdzakuperekaniyo?" ²¹Petulo adamuona iye kinangoka achiti kuna Yesu, "Mbuya, munthu umweyu amdzachita chani?"²²Yesu adati kuna iye, "Penu nimfuna kuti iye akhale ate ine kubwera, iwepo unabzo basa lanyi?" Nditewere ine." ²³Ndiye mafalaya yadabveka pakati pa abalewo, kuti wakupfunza umweyo amdzafa lini. Chensecho Yesu alibe kulewa kuna Petulo kuti wakupfunza winango amdzafa lini, soma, "Penu nimfuna kuti iye akhale ate ine kubwera, iwepo unabzo basa lanyi?"²⁴Uyu ngwakupfunza ndiye ambachitira umboni bwa bzinthu ibzi, na ndiye adanemba bzobzi, apo tikudziwa kuti umboni bwachebu m'bachadidi. ²⁵Pana bzinthu pomwe bzinango bzizinjitsa ndibzo Yesu adachita. Chingadakhala chirichense chidanembiwa, nimganiza kuti neye dziko lapansi palokha lingadakwanisa lini kukhala na mbuto ya mabukhu ndiyo yangadanembiwayo.

Mabasa ya atumwi

1¹Mafala ya kutoma ndidanemba, Teofilo, adalewa bzense ndibzo Yesu adatoma kuchita na kupfunzisa, ²ate nsiku ndiyo iye adatakuliwa kuyenda kudzaulu, atapereka bzitongi kudzera mwa Mzimu Wakuchena kuna wakupfunzira ndiwo akhadawasankhula. ³Kutamala kubonera kwache, adabzionesera yekha wamoyo kuna iwo na bzitsimikizo bzizinji bzakuphata moyo. Kwa nsiku makumi manayi iye adaonekera kuna iwo, achisewera bza ufumu bwa Mulungu.⁴Pomwe iye adagwezekana nawo pabodzi, adawatonga iwo kuti nampodi abule mu Yerusalemu, soma kudikhira lonjezo la Baba, bza ndiye adamuti, ''Mudabva kuna ine ⁵kuti Yohani akhabatizadi na madzi, soma imwe mumdzabatiziwa na Mzimu Wakuchena nsiku zakuchepa zikudzazi.''⁶Pomwe iwo adagumana pabodzi adamubvudza iye, "Mbuya, kodi nthawe ino mumdzabwezeresa ufumu ku Isaraeri?'' ⁷Iye adati kuna iwo, ''Mbzakuti lini pala imwe mudziwe nthawe na nyengo ndizo Baba adaziikha mu utongi bwa iye yekha. ⁸Soma mumdzatambira mphamvu nthawe ndizo Mzimu Wakuchena umdzagwera pa imwe, apo mumdzakhala mboni zangu mu Yerusalemu na mu Yudeya mwense kubodzi na mu Samariya, na kumalekezero ya dziko lapansi.''⁹Pomwe Mbuya Yesu adalewa bzimwebzi, pomwe iwo akhanyang'anisa kudzaulu, iye adatakuliwa, apo mtambo udamumpsinkha iye mmaso mwawo. ¹⁰Pomwe iwo akhanyang'anisisa kudzaulu pomwe iye akhayendapo, mwachidzidzi, amuna awiri adaima pambali pawo atabvala bzichena. ¹¹Iwo adalewa, ''Imwe amuna wa mu Galileya, thangweranyi mukuima apa kunyang'anisa kudzaulu? Yesu uyu ndiye watakuliwa kuyenda kudzaulu, amdzabwerera pomwe kulingana ninga tenepayu mwamuona akuyendera kudzaulupa.''¹²Kinangoka iwo adabwerera ku Yerusalemu kuchoka kuphiri lakuchemeriwa Azitona, ndilo liri kufupi na Yerusalemu, ulendo bwa nsiku ya Sabudu. ¹³Pomwe iwo adafika, adakwira msubi ya mdzaulu, komwe akhakhala. Akhali Petulo, Yohani, Yakobo, Andireya, Filipi, Tomaji, Batumeyo, Mateu, Yakobo mwana wa Alifeyu, Simoni wa Zelote, na Yuda mwana wa Yakobo. ¹⁴Iwo wensene akhakangalika na chakulinga chibodzi cha pemphero, pabodzi na akazi, na Mariya mai wache wa Yesu, na abale wache.¹⁵Nsiku zimwezo Petulo adaima pampikiti pa abale, pafupifupi madzina dzana na makumi mawiri 120, achilewa, ¹⁶''Abale, bzikhalibwino kuti manemba yakwanisiwe, kuti Mzimu Wakuchena udaseweratu pakutoma na pakamwa pa Davide bzakuguma Yudasi, omwe adsatsogolera omwe adakamanga Yesu.¹⁷Pakuti iye akhali m'bodzi wa ife, achitambira nawo mbali ya utumiki ubu.'' ¹⁸(Tsapano munthu uyu adagula munda na bzomwe adatambira pa kuipa kwache, apo popo adagwa chamsolo, thupi lache lichitumbuka, apo matumbo yache yensene yadafwantchuka panja. ¹⁹Wense wakukhala mu Yerusalemu adabva bzimwebzi, ndiye mundayo mchiseweredwe chawo adauchemera ''Akeldama,'' ndiko kuti, ''Munda wa Mulopa.'')²⁰"Nakuti bzidanembiwa mu Bukhu la Masalimo, 'Munda wache mbaukhale matere, apo nampodi kubvuma neye munthu m'bodzi yekha kukhala momo'; 'Winango mba apite nkhankha yache ya unyang'aniro.'²¹Mpsakufunika, tsono, kuti m'bodzi wa amuna ndiwo adaperekeza nafe panthawe yense ndiyo Mbuya Yesu akhapita achibula pakati pathu ife, ²²kutoma pa ubatizo bwa Yohani kufikizana nsiku ndiyo iye adatakuliwa kuyenda kudzaulu kuchoka pakati pathu, akhale mboni na ife ya mmukiro wache.'' ²³Iwo adaikha patsogolo amuna awiri, Yosefe wakuchemeriwa Barsaba, omwe akhachemeriwa pomwe Yusto, na Matiya.²⁴Iwo adapemba achiti, ''Imwe, Mbuya, mumbazindikira mitima ya wanthu wensene, ndiye zimbulani nguponi mwa awiriwa ndiye imwe mwamusankhula ²⁵kupita nkhankha ya utumiki na utumwi ndipo Yudasi adapanduka achiyenda kumbuto yakudziwa yekha.'' ²⁶Iwo adatchita m'bvimo, apo udalatiza Matiya, achimulewengera na wakupfunza khumi na m'bodzi wale.

2¹Pomwe nsiku ya Pentekositi idakwana, wense akhali pabodzi pambuto ibodzi. ²Mwachidzidzi, mafala ninga kuvunga kwa chonzi champhamvu yadabveka kuchoka kudzaulu, yachidzala mnyumba yense ndiyo iwo akhadakhala. ³Yadaoneka kuna iwo ninga malirime ya moto ndiyo yadagawikana, yachikhala pa munthu aliyense payekha payekha. ⁴Wensene adadzaziwa na Mzimu Wakuchena apo adayamba kulewalewa malirime inango, nakuti Mzimu udawapa kukwanisa.⁵Tsapano mukhana Ayuda wakukhala mu Yerusalemu, amuna wakunamata, kuchokera dziko lirilense lapansi. ⁶Pomwe mafalaya yadabveka, thimu lawanthu lidabwera pabodzi lichidzungaira thangwe aliyense adabva iwo zjai akusewera chiseweredwe chache chache. ⁷Iwo adadabwa achisewera; achiti, ''Chadidi, wensene akusewerawa mba a Galileya lini amwewa?⁸Thangweranyi tikuwabva iwo, aliyense ali mchisewerredwe chathu ndicho tidabaliwa nacho? ⁹Aparti na Amedi na Aelami, na wale wakukhala mu Mesopotamia, m'Yudeya, na m'Kapadokiya, mu Ponto na mu Asiya, ¹⁰Frugiya na Pamfuliya, mu Aigupto na mphimpha ya Libya kufupi na Kurene, na alendo wakuchokera ku Roma, ¹¹Ayuda na wakupanduka, Akrete, na Aarabu, tikuwabva akusewera bziseweredwe bzathu kuguma mabasa makulu ya Mulungu.''¹²Wense adadabwisika achimalidwa nzeru; achiti kuna wina na mwayache, "Kodi bzimwebzi bzikuthanthauza chani?'' ¹³Soma winango akhawaseka, achilewa, "Akhuta vinyu walero."¹⁴Soma Petulo adaima pabodzi na khumi na m'bodzi wale, iye adalewa mwa kukwiza mafala, achilewa kunaiwo, "Amuna wa m'Yudeya na imwe mwense wakukhala ku Yerusalemu, ibzi mbabzidziwike kuna imwe; bveserani mafala yanguya. ¹⁵Thangwe wanthuwa alibe kuledzera ninga ndimo imwepo mukuganizira, pakuti ikadali nthawe yachitatu yansiku.¹⁶Soma ibzi ndibzo bzidaseweriwa kudzera mwa mneneri Yoeli: ¹⁷'Zimdzakhala nsiku zakumaliza,' Mulungu wati, 'Nimdzatsanulira Mzimu wangu pa thupi lirilense. Wana wanu wachimuna na wachikazi amdzabvimira, anyamata wanu amdzaona masomphenya, na akulu amdzalota matulo.¹⁸Chadidi pa akapolo wangu na akapolo wachikazi mu nsiku zozo nimdzatsanulira Mzimu wangu, apo amdzabvimira. ¹⁹Nimdzaonesa bzakudabwisa mu thambo la kudzaulu na bzizindikiro padziko lapansi, mulopa, moto, na mphepo ya utsi.²⁰Dzuwa limdzasandulika mdima na mwezi kukhala mulopa ikanati kufika nsiku ikulu na yakuonekera ya Mbuya. ²¹Bzimdzakhala kuti aliyense wakudzachemera padzina la Mbuya amdzapulumusiwa.'²²Amuna wa mu Isaraeri, bveserani mafalaya: Yesu waku Nazareti akhali munthu wakuchokera kwa Mulungu na bzakuchita bzamphamvu na bzakudabwisa na bzizindikiro bzomwe Mulungu adabzichita kudzera mwa iye pakati panu, ninga ndimo imwe mwekha mukudziwira. ²³Munthu umweyu adaperekiwa na uphungu bwakuikhiwa na kudziwikiratu na Mulungu; apo imwe, na boko la wanthu wakusaya kuyeruzika, mudamupha pakumukhomera pa mtanda. ²⁴Soma Mulungu adamulamusa, kumutsudzula ku bzakuwawa bza imfa, thangwe bzikhali bzakusaya kukwanisika kuna iye kuphatiwa nayo.²⁵Nakuti Davide akulewa bza iye, 'Ndidaona Mbuya nthawe zense pamaso pangu, thangwe ali ku boko langu la madidi kuti ningasinthike. ²⁶Mwa ichi mtima wangu udadekedwa na lirime langu kusekera. Thupi langu pomwe limdzakhala mchidikiriro.²⁷Thangwe mumdzasiya lini moyo wangu ku Hade, ayai kubvuma Wakuchena Wanu kukaona kubvunda. ²⁸Mwandidziwisa ine njira za moyo; mumdzandidzala na chisekerero pa maso panu.'²⁹Abale, mpsabwino kuna ine kusewera kuna imwe padecha bza m'bereki ule Davide, kuti iye adafa na kufuchiriwa kubodzi, apo nthutu yache ikana ife mpakana nsiku ya lero lino. ³⁰Ndiye iye akhali mneneri apo adadziwa kuti Mulungu akhadalumbirira na lumbiro kuti amdzaikha m'bodzi wachipaso cha mchiuno mwache pa kadera yache ya ufumu. ³¹Iye adaoneratu bzakudzachitika kutsogolo na kulewalewa bza mmukiro wa Mkhrisitu, kuti alibe kumulekerera ku Hade, ayai thupi lache kuona kubvunda.³²Yesu umweyu---Mulungu adamulamusa, omwe ife tensene ni mboni. ³³Ndiye, pakukwiziwa kuboko lamadidi la Mulungu na pakutambira lonjezo la Mzimu Wakuchena kuchoka kuna Baba, watsanulira bzomwe mukuona na kubva.³⁴Nakuti Davide alibe kukwira kudzaulu, soma adati yekha, 'Mbuya adati kuna Mbuyangu, ''Khalani kuboko langu la madidi ³⁵ate ndiikhe awengi wako kukhala kadera yakupondera nzayo zako.'' ³⁶Tsono, alekeni wa nyumba ya Isaraeri akadziwe kuti Mulungu wamuikha iye kukhala Mbuya na Mkhirisitu kubodzi, yesu uyu ndiye imwe mudamukhomera pomtanda.''³⁷Tsapano pomwe iwo adabva bzobzi, adalasiwa mmitima yawo, achiti kuna Petulo na atumwi wensene, ''Abale, tichite chani?'' ³⁸Ndiye Petulo adati kuna iwo, ''Lapani mubatiziwe, aliyense wa imwe, mudzina la Yesu Mkhirisitu pala chikhululukiro cha bzakuphonya bzanu, apo mumdzatambira mphaso ya Mzimu Wakuchena. ³⁹Nakuti lonjezo liri kwa imwe na wana wanu na kwa wense ndiwo ali kutali, wense ndiwo Mbuya Mulungu wathu amdzawachemera.''⁴⁰Na mafala mazinji adawachitira umboni achiwadandaulira iwo, kuti, ''Mubzipulumuse kuna mbwado uyu wakugonyoka gonyoka.'' ⁴¹Ndiye iwo adatambira mafalayo achibatiziwa, apo kuwaphatanidza nsiku yoyo pafupifupi wanthu madzana matatu. ⁴²Iwo adabzipereka kuna atumwi mchipfunziso na mchiyanjano, mu kunyema kwa mkate na mmapembo.⁴³Mantha yadagwera munthu aliyense apo bzakudabwisa na bzizindikiro bzizinjitsa bzidachitika kudzera mwa atumwi. ⁴⁴Wense omwe adakhulupirira akhali pabodzi achimbakhala nabzo bzense bzakudyerana, ⁴⁵achimbagulisa bzombo na bzinthu bzao mkumbabzigawa kuna wense, malingana na kusaya ndiko aliyense akhanako.⁴⁶Tenepo nsiku na nsiku akhali chikhalire na chakulinga chibodzi mkachisi. Iwo adabedula pomwe mkate mnyumba zawo, achigawana chakudya pabodzi mwa nsangala na mitima yakukomedwa, ⁴⁷kutenda Mulungu na kuchitira bzabwino wanthu wense, apo nsiku zense Mbuya akhawathimizira kuwanda kwawo wale wakuti apulumusiwe.

3¹Tsapano Petulo na Yohani akhakwira kuyenda kukachisi pa nthawe yampembo, nthawe zipfemba. ²Tsapano munthu wakupunduka kuchokera mchiberekero cha mayi wache akhadamutakula kuyenda pa msuwo wa kachisi wakuchemeriwa Wakudeka. Akhamutula popo nsiku zense kuti ambakumbire wale wakugwata kuyenda mkachisimo. ³Pomwe iye adaona Petulo na Yohani atasala pang'ono kupita mkachisimo, adatchatcha kuwakumbira.⁴Petulo, pakumunyang'anisisa maso yache, na Yohani, adati, ''Tinyang'anise ife.'' ⁵Wakupundukayo adawanyang'anisa, kudikhirira kutambira chinthu kuchoka kuna iwo. ⁶Soma Petulo adati, ''Ndiribe siriva na golide, soma chomwe ndinacho, nimkupa. Mudzina la Yesu Mkhirisitu waku Nazareti, famba.''⁷Kumuphata boko lamadidi, Petulo adamulamusa, apo kamkulumize nzayo na mpfundo zamunthuyo zidalimba. ⁸Kunzandamuka, munthu wakupundukayo adalamuka achiyamba kufamba; achipita pabodzi na Petulo na Yohani mkachisimo, kufamba, kumogamoga, na kumbatenda Mulungu.⁹Wanthu wense adamuona akufamba zjai na kutenda Mulungu, ¹⁰Iwo adamuzindikira kuti ngumweule akhakumbira wanthu pa Msuo Wakudeka wakachisiyo; apo adadzaziwa na kudabwa na kudabwisika thangwera ndibzo bzidachitika kuna iye.¹¹Pomwe akhadaphatamira kwa Petulo na Yohani, wanthu wense adathamanga pabodzi kuna iwo mkhumbi lakuchemeiwa la Solomoni, uku akudabwa maninge. ¹²Pomwe Petulo adaona ibzi, adawatawira wanthuwo, ''Imwe amuna waku Isaraeri, thangweranyi mukudabwa? Thangweranyi mukunyang'anisa maso yanu paife, ninga kuti tamuchitisa kufamba na mphamvu yathu yatekha ayai chinamato chathu?¹³Mulungu wa Abraham, na Isaki, na Yakobo, Mulungu wa makolo yathu, walemekezeka mtumiki wache Yesu. Ngule omwe mudampereka na kumulamba pamaso pa Pilato, pomwe iye akhadakumbuka bza kumtsudzula. ¹⁴Mudalamba Wakuchena na Wakulungama, muchikumbila kuti akupasireni munthu wakupha.¹⁵Imwe mudapha Mwenekachiro moyo, omwe Mulungu adamulamusa kuna wakufa apo ife ndife mboni ya bzimwebzi. ¹⁶Mukhulupiriro la mudzina lache, dzina lache lidakonza munthuyu, omwe mumbamuona na kumudziwa, wamphamvu zache. Chikhulupiriro ndicho mkudzera mwa Yesu chamupasa chikhulupiro ichi chabwino pamaso pa imwe mwense.¹⁷Tsapano, abale, ine ndikudziwa kuti imwe mudachita mwakusaya kudziwa, ninga ndimo adachitira atongi wanu. ¹⁸Soma bzinthu ndibzo Mulungu adasewereratu na milomo ya aneneri wense, kuti Mkhirisitu wache anzabonera, tsapano wakwanirisa.¹⁹Lapani, tsono, bwererani, kuti bzakuipa bzanu bzipfudziwe, ²⁰nakuti nthawe yakutsitsimuka ibwere kuchoka kuna mbuya; nakuti angatumize Mkhirisitu omwe adasankhuliwa pala imwe.²¹Iye ni M'bodzi ndiye kudzaulu kumutambire ate nthawe ya kubwezeresa bzinthu bzense, ndibzo Mulungu adasewera kuchoka kunthawe zakale na pakamwa pa aneneri wache wakuchena. ²²Mose chadidi adati, 'Mbuya Mulungu anzalamusa mneneri ninga mine pakati pa abale wanu. Mudzamutetekere bzense ndibzo amdzakuuzani. ²³Bzinzachitika kuti munthu aliyense ndiye amdzabvera lini mneneri umweyo amdzadzongeka kwenekwene kuchoka pampikiti pa wanthu.'²⁴Inde, aneneri wense kuyambira Samueri na omwe adabwera pambuyo pa iye, adasewera na kulengeza bza nsiku zimwezi. ²⁵Imwe ndimwe wana wa aneneri na wampangano ndiwo Mulungu adachita na abereki wanu, Ninga ndimo adati kuna Abulahamu, 'Mumbeu yako mabanja yense ya padziko lapansi yamdzadalisiwa.' ²⁶Mulungu atalamusa wakutumikira wache, adamutumiza iye kwakutoma kuna imwe, kuti akudaliseni pakubweza aliyense wa imwe ku bzakuphonya bzanu."

4¹Pomwe Petulo na Yohani akhalewalewa kuna wanthu, wansembe na mdindo wa mkachisi na Asaduki adabwera pa iwo. ²Iwo adaipidwa kwenekwene thangwe Petulo na Yohani akhalalikira wanthu na kupfunzisa mwa Yesu bza kulamuka kwa anyamuya. ³Iwo adawaikha manja achiwathusa mkaoko ateye machibese yache, nakuti zjai yakhali maulo. ⁴Soma wanthu azinji omwe akhadabva mafalayo adakhulupirira; apo kuwanda kwa amuna omwe adakhulupirirawo akhali pafupifupi madzana machanu.⁵Bzidachitika kuti machibeseyo atongi wao, akulu, na anembi adagwezekana pabodzi mu Yerusalemu. ⁶Anasi mkulu wa ansembe akhali popo, na Kayafa, na Yohani, na Alesandro, na wensene omwe akhali abale wa mkulu wansembe. ⁷Pomwe adakhazika Petulo na Yohani pakati pawo, adawabvunza, ''Na mphamvu zayani, ayai mmudzina la mbani, mwachitira ibzi?''⁸Kinangoka Petulo, pakudzaliwa na Mzimu Wakuchena, adati kuna iwo, ''Imwe atongi wawanthu, na akulu, ⁹penu tirikutongewa lero thangwera mabasa yabwino ndiyo tidachita kuna wakudwala ule, na manera yanyi ndiyo yadalimbisa munthuyu, ¹⁰chidziwike kuna imwe na kuna wanthu wense wa mu Israeri kuti munthuyu waima apayu walimba mudzina la Yesu Mkhirisitu waku Nazareti, omwe mudamumanika ule, soma omwe Mulungu adamulamusa kwa anyamuya.¹¹Yesu Mkhirisitu ni mwala ndiwo amisiri adaulamba soma udasanduka wakufunikira. ¹²Mulibe chipulumuso mwa winango aliyense, nakuti palibe dzina linango pansi pa thambo lakudzaulu lakupasiwa pa wanthu ndilo tikuthemera kupulumuka nalo.''¹³Tsapano ataona kulimbika mtima kwa Petulo na Yohani nakuzindikira kuti akhali wakusaya kupfunza na wakupulukira, adadabwa, pakuzindikira kuti Petulo na Yohani adakhala na Yesu. ¹⁴Thangwe adaona munthu omwe adalimbisiwayo ataima na iwo, iwo alibe kuuona mulomo wakugaza.¹⁵Soma atawatonga kuti abule pa mbuto ya kutongerayo, adasewera okhaokha. ¹⁶Adati, "Tichite nawo tani wamthu amwewa? Thangwe chizindikiro chakuzindikirika chachitiwa na iwo, apo ni umboni kuna wanthu wensene wakukhala mu Yerusalemu, mwakuti tingagazembo lini. ¹⁷Soma pakufuna kuti nampodi yafike kutali kuna wanthu, mbatiye tiwachenjeze kuti nsampodi asewere pomwe kuna munthu aliyense mdzina loli.'' ¹⁸Kinangoka adawachemera achiwatonga kuti nampodi kulewalewa ayai kupfunzisa pomwe mdzina la Yesu.¹⁹Soma Petulo na Yohani adatawira achiti kuna iwo, ''Tongani, penu pamaso pa Mulungu mbzakuthemera kubvera imwepo ayai iyeyo. ²⁰Tingakwanise lini kulekeza kusewera bzomwe taona na kubzibva.''²¹Atapitiriza kuchenjeza Petulo na Yohani, adawaleka ayende. Iwo alibe kukwanisa kugumana thangwe lirilense la kuwalangira, thangwe wanthju wensene akhalemekeza Mulungu pa bzense bzidachitika. ²²Munthu ndiye adatambira chizindikiro cha kulimbisiwayu akhali wakuposa magole makumi manayi.²³Atsatsudzuliwa, Petulo na Yohani adabwera kuna wanthu wawo achidzasimba ndibzo akulu wa ansembe wensene na akulu adalewa kuna iwo. ²⁴Pomwe adabva, adakwiza mafala yawo na mtima ubodzi kuna Mulungu achiti, ''Mbuya, mudalenga kudzaulu na dziko lapansi na nyanza, na bzense bziri momo. ²⁵Mudasewera na Mzimu Wakuchena na pakamwa pa mtumiki wanu, babathu Davide, 'Thangweranyi madziko ya Wamitundu yadakalipa, na wanthu kulingirira bzakusaya basa?'²⁶Mudati, 'Mafumu yadziko lapansi yadakontchezana pabodzi, na atongi kugwezekana pabodzi kulimbana na Mbuya, na kulimbana na Mkhirisitu wache.'²⁷Mchadidi, Herodi na Pontiyo Pilato, pabodzi na Wachikunmja na wanthu wa Isaraeri, adagwezekana pabodzi mumzinda uyu kulimbana na mtumiki wanu Yesu, omwe mudamudzoza. ²⁸Iwo adagwezekana pabodzi kuchita bzense ndibzo manja yamu na nzeru zanu zidakumbukiratu bzimdzachitika.²⁹Tsapano, Mbuya, adaona machenjezo yawo achiyapereka kuna atumiki wanu kuyasewera mafala yanu na mtima. ³⁰Futhula boko lako kuti ulimbise na kupereka bzizindikiro na bzakudabwisa kudzera mwa mtumiki wanu wakuchena mtima Yesu.'' ³¹Atamala kupemphera, pambuto ndipo akhadagwezekanapo padatekenyeka, apo adadzaziwa na Mzimu Wakuchena achisewera mafala ya Mulungu mwakulimbika mtima³²Azinji wa wanthu wakukhulupirirawo akhali wa mtima ubodzi na moyo ubodzi. Palibe ndiye adalewa kuti chomwe akhanacho mchache cha iye yekha, soma akhanabzo bzense bzachidyerano. ³³Na mphamvu zizinji atumwi akhalalika bza umboni bwawo bwa mmukiro wa Mbuya Yesu, apo chisomo chikulu chikhali pa iwo wense.³⁴Pakhalibe munthu pakati pawo wakusaya chinthu, nakuti wense akhana minda neye ming'ono tani ayai nyumba akhagulisa achibweresa kobiri zache zomwe adagulisazo ³⁵achidzazitula panzayo pa atumwi, apo zikhagawidwa kuna aliyense malingana na kusaya kwawo.³⁶Yosefe, omwe atumwi akhamuchemera Banaba (omwe kuthumbusula kwache ni Mwana wa chilimbikiso), mu Levi, mwamuna waku Kupro, ³⁷adagulisa munda wache achibweresa kobiri mkudzazitula panzayo za atumwi.

5¹Tsapano munthu winango dzina lache Hananiya, na Safira mkazi wache, adagulisa mbali ya bziinthu bzawo, ²achipambula zinango mwa kobiri zomwe adagulisazo (mkazi wache adadziwambo bzimwebzi), achibweresa zinango zakusalazo achidzazitula panzayo za atumwi.³Soma Petulo adati, Hananiya, thangweranyi Satana wadzala mumtima mwako mkunyengeza Mzimu Wakuchena kubisa nsengwa yamunda? ⁴Pomwe ukhanati kuugulisa, ukhali lini wako kodi, apo utagulisa ukhali lini mmanja mwako? Thangweranyi chidapita ichi mumtima mwako kuchita terepayu? Ulibe kunyengeza wanthu, soma Mulungu.'' ⁵Pakubva mafalaya, Hananiya adagwa pansi achipuma kakumaliza, apo mantha makulu yadagwera wensene ndiwo adabva ibzi. ⁶Alumbwana adalamuka achimutsedengera tsedengera, ndipo iwo adamutakulira panja achikamufuchira iye.⁷Patamala pafupifupi nthawe zitatu, mkazache adabwera momo, neye kudziwa ndicho chidachitika. ⁸Petulo adati kuna iye, ''Ndiuze ndimo mudagulisira munda kuti njakuti.'' Iye adati, "Inde, njakuti.''⁹Ndiye Petulo adati kuna iye, ''Thangweranyi kuti mudaphatizana pabodzi kuyezera Mzimu na Mbuya? Nyang'ana, nzayo za amuna ndiwo afuchira bayako ziri pamsuwo, apo amdzakutakulira panja iwepo. ¹⁰''Iye kamkulumize adagwa pansi panzayo zache achipuma kakumaliza. Pomwe alumbwana adabwera momo, adagumana iye zjai wasaika, achimutakulira panja mkumufuchira pamphepete pa bayache. ¹¹Mantha makulu yadaphata mpingo wense na kuna wensene wakubva bzinthu bzobzo.¹²Bzilatizo bzizinjitsa na bzakudabwisa bzidachitika pakati pa wanthu kudzera mmanja mwa atumwi. Iwo akhali wensene na mtima ubodzi Mkhumbi la Solomoni. ¹³Soma palibe wakusalawo adalimba mtima kuphatizana nawo; soma, wanthu adawakuza.¹⁴Wakukhulupirira azinji adathimizirika basi kuna Mbuya, mathimu ya amuna na akazi, ¹⁵mwakuti akhambanyamula wanthu kuyenda nawo mmisewu mkuwagonesa pa makama na mphasa, pala kuti Petulo angambagwata, chibvulubvuli chache chikhuye pa wina waiwo. ¹⁶Padagwezekana pomwe wanthu azinji kuchoka mmizinda yakuzungulira Yerusalemu, kubweresa atenda na wakutsautsika na mizimu yakunyansa, apo wensene adalimbisiwa.¹⁷Soma mkulu wansembe adaima pabodzi na wensene ndiwo akhali nawo (omwe akhali wachipambuko cha Asaduki); ¹⁸achidzaziwa na kuipidwa mkuikha manja pa atumwi, achiwathusa mkadeya ya wanthu wapezi.¹⁹Ndiye nthawe ya usiku mngero wa Mbuya adafungula misuwo ya kadeyayo achiwabulisa panja, achiti, ²⁰''Ndokoni, mukaime mkachisi mukalewelewe kuna wanthu mafala yensene ya moyo uno.'' ²¹Pomwe iwo adabva bzobzi, adakapitadi mkachisi machibese kukapfunzisa. Soma mkulu wa ansembe adabwera, na iwo akhanawo omwe na wakutonga milandu pabodzi, akulu wensene wa wanthu wa Isaraeri, achiwatuma kukadeya kukabweresa atumwi.²²Soma anyamata omwe adayendawo alibe kukawagumana iwo mkaokomo, apo adabwerera kudzalewa, ²³''Takagumana kaoko iri chifungire na alindiri ataima pamsuwo, soma pomwe taifungula, tiribe kugumana munthu mkatimo.''²⁴Tsapano pomwe kapitawo wa kachisi na mkulu wa ansembe adabva mafala yoya, nzeru zidawamalira kuti bzachitika tani. ²⁵Kinangoka winango adabwera kudzawauza, ''Wanthu mudawafungira mkaoko wale adaima mkachisi akupfunzisa wanthu.''²⁶Tenepo kapitawo adayenda na alumbwana kukawabweresa, soma mwakusaya chiwawa, thangwe akhagopa wanthu, kuti angawabome na minyala. ²⁷Pomwe adawabweresa iwo, adawakhazika pambuto yakutongera milandu. Mkulu wa ansembe adawabvunza iwo, ²⁸kulewa kuti, ''Tidakutongani na chitongi nampodi kupfunzisa mdzina iri, soma nyang'anani mwadzala Yerusalemu na chipfunziso chanu na kufuna kutibweresera mulopa wa munthu ule kuna ife.''²⁹Soma Petulo na atumwi adatawira, ''Timfunika kubvera Mulungu kuposa wanthu. ³⁰Mulungu wa abereki wathu adalamusa Yesu, omwe mudamupha pakumumanika pamuti. ³¹Mulungu adamukwiza kuboko lache la madidi kukhala mtsogoleri na mpulumusi, kuti apereke kulapa ku Isaraeri, na kulekerera bzakuipa. ³²Ndife mboni ya bzinthu bzobzi, mtenepo pomwe na Mzimu Wakuchena, omwe mulungu wapa omwe ambamubvera iye.''³³Pomwe atongi wakutonga milandu adabva bzobzi, adakalipa mwakuti akhafuna kuwapheratu atumwiwo. ³⁴Soma Mfarisi wakuchemeriwa Gamarieri, mpfunzisi wa mitemo ya utongi omwe akhalemekeziwa na wanthu wensene, adaima pamaso pa wakutonga milanduwo achitonga kutenga wanthuwo kuwabulisa panja kwa kanthawe kakuchepa.³⁵Kinangoka adalewa kuna iwo, ''Amuna waku Isaraeri, chanjerani bwino na ndibzo mumkufuna kuchita na wanthu amwewa. ³⁶Nakuti zikanati kufika nsiku zino adabvekera Teuda adaima achilewa kuti iye akhale winango, ndiye wanthu wina adaphathikana naye, pafupi fupi madzana manayi, yadaphathikana naye. Iye adaphiwa, apo wense ndiwo akhamubvera adamwazikana achimala. ³⁷Atamala munthu iweyu, Yuda waku Galileya adabvekera munsiku za kanembera achikusa wanthu kumutewera iye. Iye adadzongewa, na wensene akhamubverawo adabalalikana.³⁸Tsapano ndikulewa kuna imwe, khalani kutali na wanthu awa alekeni, thangwe penu uphungu ayai basali ndakuchoka kuna wanthu, muniligonjesa. ³⁹Soma penu nda Mulungu, munikwanisa lini kuwagonjesa; zjai munioneka kuti mukulimbana na Mulungu.'' Ndye iwo adanyengerereka.⁴⁰Kinangoka adachemera atumwi wale mkutondo kuwatchanga mkuwatonga kuti nampodi alewelewe pomwe mdzina la Yesu, achiwaleka kuyenda. Iwo ⁴¹adabula pamaso pa wakutonga milanduwo alikusekera kuti adayesiwa wakuthemera kubonera thangwera Dzina lache. ⁴²Atamala popo adapitiriza basi mkachisi na nyumba na nyumba kupfunzisa na kulalikira mafala yabwino kuti Mkhirisitu ni Yesu.

6¹Tsapano nsiku zozo pomwe wakupfunza akhafamba achiwanda, dandaulo la Ayuda wa chi Heleniste lidayambika pa Aheberi, thangwe wamasiye wawo adayebweka pa chithandizo cha bzakugawa gawa bza nsiku na nsiku.²Khumi na awiriwo adachemera thimu la wakupfunzira kuna iwo achiti, ''Mpsabwino lini kuti ife titule pansi mafala ya Mulungu kutumikira pakudyera. ³Ndiye musankhule, abale, amuna khumi kuchoka mwa imwepo, amuna wa mbiri yabwino, wakudzala na Mzimu na nzeru, omwe tiwaikhe kukoya basa iri. ⁴Tingakhala ife, timdzalimbika mmapembo na kutumikira mabasa ya Mbuya.''⁵Kusewera uku kudakomera thimu lensene. Ndiye padasankhula Sitifano, munthu wakudzala na chikhulupiriro na Mzimu Wakuchena, na Filipi, Prokoro, Nikanora, Timo, Parmena na Nikolao ndiye wakupanduka waku Antiokea. ⁶Wakukhulupirirawa adawabweresa wanthu amwewa pamaso pa atumwi, omwe adapemba achiwabzatika manja.⁷Ndiye mafala ya Mulungu yadalemwa kumwazika, apo mbogo ya wakupfunza mu Yerusalemu idanyanyiratu kuwanda chaibzo, apo mbogo izinji ya wansembe adasanduka wakubvera ku chikhulupiriro.⁸Tsapano Sitifano, wakudzala na chisomo na mphamvu, akhachita bzakudabwisa na bzizindikiro bzizinji pakati pa wanthu. ⁹Soma padayambika wanthu winango wakusunagoge yakuchemeriwa sunagoge ya Wanthu wakutsudzuliwa, wa Akurenayo na Aalesandreyo, na wina wakuchoka ku Kilikiya na Asiya. Wanthu amwewa akhambagazana na Sitifano.¹⁰Soma alibe kukwanisa kulimbana na nzeru na Mzimu omwe Sitifano akhasewerera. ¹¹Kinangoka adadicha amuna winango kuti alewe, ''Tabva Sitifano akusewera makiriyado kuguma Mose na Mulungu.''¹²Iwo adanyosa wanthu, akulu, na anembi, apo adafenderera Sitifano achimuphata mkumubweresa pakati wa mbuto ya wakutonga milandu, ¹³Iwo adabweresa mboni zakunama, zomwe zidati, ''Munthu umweyu akulekeza lini kusewera mafala yakunyoza mbuto yakupambulika na chitongi. ¹⁴Thangwe tamubva akusewera kuti Yesu waku Nazareti amdzadzonga mbuto ino na kuchinja mitemo ndiyo Mose adatisiira ife.'' ¹⁵Aliyense ndiye akhadakhala pa mbuto yakutongera milandupo adanyang'anisisa maso yawo pa iye achiona nkhope yache zjai ninga ya mnjero.

7¹Mkulu wansembe adati, ''Kodi bzimwebzi mpsachadidi?'' ²Sitifano adati, ''Abale na azibaba bveserani: Mulungu wa ulemerero adaonekera kuna m'bereki wathu Abulahamu pomwe akhali ku Mesopotamiya, akanati kukhala mu Harani; ³adati kuna iye, 'Siya dziko lako na abale wako, uyende kudziko ndilo nimkulatiza ine.'⁴Kinangoka adachoka mu dziko la Akaldayo achikakhala ku Harani; kuchoka koko, babache atasaika, Mulungu adamubweresa mdziko iri, ndilo mukukhala pakali pano. ⁵Alibe kumupa cholowa chache momo, neye, neye pakukwana kuponda nzayo zache zokha. Soma adalonjeza---napo kuti Abulahamu akhanati kukhala na mwana---kuti angadamupa dziko ngati chache cha iye na kuna mbeu yache atapita iye.⁶Mulungu akhasewera kuna iye ninga tenepayuletu, kuti mbeu yache imdzakhala kwa kanthawe mdziko lachilendo, nakuti wakukhala momo amdzawatenga ukapolo na kumbawaboneresa kwa magole madzana manayi. ⁷Soma nimdzayeruza dziko ndilo akutumikiralo,' adatenepo Mulungu, 'apo pambuyo pache amdzabula mkubwera kuna ine kudzandinamata mbuto ino.' ⁸Kinangoka Mulungu adapa Abulahamu mpangano wa mgwatidwe, ndiye Abulahamu adakhala babache wa Isaki achimugwata pansiku ya chisere; Isaki adakhala babache wa Yakobo, na Yakobo baba wa abereki khumi na awiri wale.⁹Thangwera kuti abereki khumi na awiriwa akhaipidwa naye Yosefe, adamugulisa ku Aigupto; soma Mulungu akhali naye basi ¹⁰achimupulumusa ku matsautso yache yensene. Iye adapa Yosefe chisomo na nzeru pamaso pa Falao, mfumu yaku Aigupto, omwe adamuikha iye kazembe wa Aigupto na wa nyumba yache yense.¹¹"Tsapano kambzombzo na matsautso makulu yadagwa mu Aigupto mwense na ku Kenani, mwakuti abereki wathu alibe kuona chakudya. ¹²Soma pomwe Yakobo adabva kuti kukhana tirigu ku Aigupto, adatuma abereki wathu pa ulendo bwao bwakutoma. ¹³Pa ulendo bwao bwachiwiri Yosefe adabzizindikirisa yekha kuna abale wache, apo banja la Yosefe lidadziwika kuna Falao.¹⁴Yosefe adatuma abale wache kukachemera Yakobo babache kubwera ku Aigupto, pabodzi na abale wache wensene, wanthu makumi manomwe na achanu wense pabodzi. ¹⁵Ndiye Yakobo adapolika kuyenda ku Aigupto, achikafa, iye na abereki wathu. ¹⁶Adatakuliwa kiuyenda ku Sukemu achiwaikha muthenje ndilo Abulahamu akhadagula na kakobiri kuchoka kuna wana wa Emori mu Sekemu.¹⁷Pomwe nthawe yalonjezo idafendera, lonjezo ndilo Mulungu adalichita kuna Abulahamu, wanthu adakula achiwanda mu Aigupto, ¹⁸mpakana padayambika mfumu inango mu Aigupto, mfumu ndiyo iribe kudziwa bza Yosefe. ¹⁹Iyo idanyengeza wanthu wathu na kuboneresa abereki wathu, kuwangingimiza kuonesa padecha wana wao wamatcheche kuti nampodi akoyewe na moyo.²⁰Panthawe yoyo Mose adabadwa; akhali wakudeka kwenekwene pamaso pa Mulungu apo adalerewa miyezi mitatu mnyumba mwa babache. ²¹Pomwe adakaikhiwa kunja, ntchembere ya Falao idamutenga kukamukuza ninga mwanache chaiye.²²Mose adapfunzira munzeru zense za Aigupto, apo akhali wakupambana mu mafala yache na mabasa. ²³Soma pomwe akhali pafupi kukwana magole makumi manayi yakubadwa, chidabwera mumtima mwache kukazonda abale wache, mbeu ya Aisaraeri. ²⁴Pakuona munthu waku Isaraeri akuboneresewa, Mose adamuteteza achibwezera pakumenya waku Aigupto akhaboneresa mwayacheyo: ²⁵iye akhakumbuka kuti abale wache anibvesesa kuti Mulungu, na boko lache, akhawapa chipulumuso, soma iwo alibe kumubvesesa.²⁶Mangwana yache iye adaonekera kuna iwo nthawe ndizo iwo akhamenyana achiyezera kuwaletsetsa, kulewa kuti, 'Amunamwe, ndimwe ubale bwanu; thangweranyi mukuchitirana bzakuipa ?' ²⁷''Soma omwe adaputa mwacheyo adamugwinyira uko, achiti, ²⁸'Mbani adakuikha kukhala mtongi na mkulu waife? Kodi ukufuna kundipha ine , ninga ndimo udaphera waku Aigupto ule dzulo?'²⁹Mose adathawiratu atabva mafala yoya, adakakhala mulendo mdziko la Midyani, komwe adakakhala baba wa wana awiri wachimuna. ³⁰Magole makumi manayi yatapita, mnjero adaonekera kuna iye mchipululu pa Phiri la Sina, mchilambi cha moto mchitsamba.³¹Pomwe Mose adaona motoyo, adadabwa nawo pakuuona; apo pomwe iye adafendera kukaona, mafala ya Mbuya yadabwera, kulewa kuti, ³²'Ndine Mulungu wa abereki wako, Mulungu wa Abulahamu, na wa Isaki na wa Yakobo.' Mose adanjenjemera apo alibe kulimba mtima kunyang'anisisa.³³Mbuya adati kuna iye, 'khundula chango kunzayo kwako, nakuti mbuto waimayo ni mbuto yakulemekezeka. ³⁴Ndaona kubonera kwa wanthu wangu wamu Aigupto; ndabva kung'ung'udza kwawo, ndabuluka kudzawapulumusa; tsapano bwera, nimdzakutumiza ku Aigupto.'³⁵''Mose omwe adamulambayu, pomwe adati, 'Mbani adakuikha mtongi na mkulu waife?'---iye akhali omwe adamutuma kudzakhala mtongi na wakudzaombola. Mulungu adamutumiza na boko la mnjero omwe adaonekera kuna Mose mchitsamba. ³⁶Mose adawatsogolera kubula mu Aigupto, atamala kuchita masalamusi na bzizindikiro mu Aigupto na pa Nyanza ya Mitete, na mchipululu mkati mwa magole makumi manayi. ³⁷''Mpsibodzibodzi Mose adalewa kuna wanthu wamu Isaraeri, 'Mulungu amdzalamusa mneneri pala imwe kuchoka pakati pa abale wanu, mneneri ninga ine.'³⁸Uyu ni ,munthu ndiye akhali mumpingo mchipululu na mnjero omwe akhadalewalewa kuna iye pa phiri la Sina, omwe akhana abereki wathu, na omwe adatambira mafala ya moyo yakudzatipa ife. ³⁹Soma abereki wathu adalamba kumubvera iye; adamugwinyira uko kuchoka pakhana iwo, apo mmitima mwao mudabwerera pomwe mmambuyo ku Aigupto. ⁴⁰Panthawe yoyo iwo adati kuna Aroni, 'Tikonzereni milungu yakuti ititsogolere. Nakuti bzingakhala bza Moseyu, omwe adatitsogolera kubula mdziko la Aigupto, zjai tikudziwa lini ndicho chamchtikira iye.'`⁴¹Ndiye adakonza mwana wa ng'ombe nsiku zozo achibweresa nsembe kuna fanolo, achisekrera thangwera basa la manja yawo. ⁴²Soma Mulungu adatembenuka achiwapereka kunamata nyenyezi za kudzaulu, ninga bzidanembedwera m'bukhu la aneneri, 'Kodi mudandibweresera imwe nyama zakuphewa na nsembe mkati mwa magole makumi manayi mchipululu, nyumba ya Isaraeri?⁴³Mudabvuma chihema cha Moleki na nyenyezi ya mulungu Refani, na bzibvuluibvuli bzomwe mudabzibvuma kubzinamata: apo nimdzakutengani kukupitiirizani kutsogolo kwa Babulo.'⁴⁴Abereki wathu akhana chihema cha umboni mchipululu, ninga ndimo Mulungu adatongera atasewera na Mose, kuti achikonze icho mwakulingana na chibvulibvuli ndicho akhadachiona. ⁴⁵Pambuyo pache, abereki wathu, na Yoswa, adatambira chihema achichibweresa pabodzi na iwo pomwe adatenga mbuto yakukhala. Mulungu adatenga mbuto kuchoka kuna wamitundu achiwafulusa iwo pamaso pa abereki wathu. Chihema chidakhala basi pambutopo mpakana nthawe ya Davide, ⁴⁶omwe adagumana chisomo pamaso pa Mulungu, achikumbira penu angagumanembo mbuto yakukhala nyumba ya Yakobo.⁴⁷Soma akhali Solomoni ndiye adamanga nyumba ya Mulungu. ⁴⁸''Soma, Wamdzauluyo ambakhala lini nyumba zakumangiwa na manja, ninga ndimo mneneri adalewera, ' ⁴⁹Kudzaulu mkwa kadera yangu ya chifumu, apo padziko lapansi mpakuponda nzayo zangu. Ninyumba moda wanyi mungandimangire inepano? watenepo Mbuya, ayai nimbuto yanyi yakupumira ine? ⁵⁰Kodi niboko lini langu lidakonza bzinthu bzensebzi?'⁵¹''Wanthu wakuuma khosi, wakusaya kugwatiwa mumtima na makutu imwe, mumbalamba Mzimu Wakuchena nthawe zense; mumbachita ndimo adachitira abereki wanu. ⁵²Mba aneneri aponi ndiwo abereki wanu alibe kuwaboneresa? Adapha aneneri ndiwo adaoneseratu bza kubwera kwa Wakulungamayo; apo tsapano mwakhala wakumpereka na kumupha pomwe iye, ⁵³imwe wanthu omwe mudatambira chitongi ndicho chidaikhiwa na angero, soma mulibe kuchikoya.''⁵⁴Tsapano pomwe wakutonga milandu wale adabva bzinthu bzobzi, adakalipa mmtitima mwao achimkukutira mano Stefano. ⁵⁵Soma iye, pakukhala wakudzaziwa na Mzimu Wakuchena, adajiguma mwakunyang'anisisa kudzaulu achiona ulemerero bwa Mulungu; apo adaona Yesu ataima kuboko la madidi la Mulungu. ⁵⁶Stefano adati, ''Nyang'anani, ndikuona kudzaulu kwafunguka, apo Mwana wa Munthu waima kuboko lamadidi la Mulungu.''⁵⁷Paichi wakutonga milandu wale adaziwa makutu yawo, achikuwa na mafala makulu, achitsomokera kuna iye na mtima ubodzi. ⁵⁸Adamuthusa kunja kwa muyi achimuboma na minyala. Mboni zidatula bzakubvala bwawo bzakubvala kunja panzayo pa mnyamata winango wakuchemeriwa Saulo.⁵⁹Pomwe akhamuboma Stefano, iye akhakuwa kuchemera Mbuya kumbati, ''Mbuya Yesu, tambirani mzimu wangu.'' ⁶⁰Iye adagodama achikuwa na mafala makulu, ''Mbuya, nampodi kuwaikhira chakuipa ichi kuna iwo.'' Pomwe adalewa ichi, adagona tulo.

8¹Saulo adatawizana nawo pa imfa yacheyo. Ndiye nsiku yoyo padayambika matsautso makulu kuna wampingo wa mu Yerusalemu; apo wense wakukhulupirira adamwazikana mphimpha zense za Yudeya na Samariya, kupambula atumwi basi. ²Wanthu wakunamata adamufuchira Stefano achimulira nkhawa kwenekwene. ³Soma Saulo adayezera kupasula mpingo. Akhapita nyumba na nyumba, kududuluza amuna na akazi, kumbawathusa mkaoko.⁴Chensecho wakukhulupirira omwe adamwazikanawo akhafamba achilalikira basi mafala. ⁵Filipi adapolika kuyenda kumuyi wa Samariya achiwalalikira iwo Mkhirisitu.⁶Mathimu mazinji ya wanthu yakhatetekera bwino bzomwe Filipi akhasewera; iwo adamubva iye na mtima ubodzi, achiona bzizindikiro ndibzo adachita. ⁷Mizimu yakunyansa idabula mwa azinji ndiwo adanayo, kumbakuwa na mafala makulu, apo azinjitsa wakupuwala na kupunduka adalimbisiwa. ⁸Ndiye mukhana chisekerero chikulutsa mmuyimo.⁹Soma mukhana munthu winango mmuyimo wakuchemeriwa Simoni, omwe kale kale akhambachita bzamasalamusi; akhambadabwisa wanthu wamu Samariya pomwe akhambabziti ni munthu wakufunikira. ¹⁰Msamariya aliyense , kuyambira mwanaletu na mkululetu, akhambamutetekera iye; kumbati, ''Munthu uyu ni mphamvu za Mulungu zakuchemeriwa Zikulu,'' ¹¹Iwo akhamutetekeradi iye thangwe adakhala nthawe itali ali mkumbawadabwisa na masalamusi yache.¹²Soma pomwe adamukhulupirira Filipi nthawe ndizo adalalikira bza ufumu bwa Mulungu na dzina la Yesu Mkhirisitu, adabatiziwa, amuna na akazi kubodzi. ¹³Neye Simoni chaiyeyo adakhulupirira, apo atabatiziwa adakhala na Filipi mwakuphathikana naye. Pomwe adaona bzizindikiro na mabasa makulu yalimkuchitika, adadabwa.¹⁴Tsapano pomwe atumwi mu Yerusalemu adabva kuti Samariya adatambira mafala ya Mulungu, adawatumizira Petulo na Yohani. ¹⁵Pomwe iwo adapolika, adakawapempherera, kuti atambire Mzimu Wakuchena. ¹⁶Thangwe ate nthawe yoyo, Mzimu Wakuchena ukhanati kugwa pa wina waiwo; akhadatondo kubatiziwa mdzina la Mbuya Yesu. ¹⁷Kinangoka Petulo na Yohani adabzatika manja pa iwo, achitambira Mzimu Wakuchena.¹⁸Tsapano pomwe Simoni adaona kuti Mzimu Wakuchena Udaperekiwa na kubzatika manja kwa atumwi, adapereka kobiri. ¹⁹Iye adati, ''Mundipasembo mphamvu yoyi, pala kuti omwe nimmubzatika manjayo ambatambirembo Mzimu Wakuchena.''²⁰Soma Petulo adati kuna iye, ''Kobiri yakoyo mbaidzongeke kubodzi na iwepo, thangwe udakumbuka kukhalambo na mphaso ya Mulungu kuperekera kobiri. ²¹Ulibe phathi ayai mbali na nkhani yoyi, thangwe mtima wako uli lini wakulungama kuna Mulungu. ²²Mthangwerache lapa chakuipa chako ichi, na kupemba kuna Mbuya, pala kuti pinango pense angakulekerere iwe pa malingiriro ya mumtima mwako. ²³Thangwe ndaona kuti waphatiwa na chakuwawa na nsinga za wakusaya kulungamayo.''²⁴Simoni adatawira achiti, ''Ndipemberenimbo kuna Mbuyayo, kuti ndibzo mwasewerabzi nampodi bzindichitikire ine.''²⁵Pomwe iwo atachitira umboni achisewera mafala ya Mbuya, Petulo na Yohani adabwerera ku Yerusalemu, kulalikira mafala ya Mulungu mmiyi mizinji ya aSamariya.²⁶Tsapano mnjero wa Mbuya adasewera na Filipi achiti, ''Lamuka uyendere mphimha zaku mwera kumseu wakuyendera kunyansi kuchoka ku Yerusalemu kuyenda ku Gaza.'' (mseu umweyu uli mchipululu) ²⁷Iye adalamuka achiyenda. Onani, mukhana mamuna waku Etiopia, mdindo wamphamvu wa Kandake, mfumukazi ya ma Etiopia. Iye akhali wakukoya mathungwa yache yense. Akhadabwera ku Yerusalemu kudzanamata. ²⁸Iye akhabwerera atakhala pa galeta yache, achimbalewenga mneneri Yesaya.²⁹Mzimu udati kuna Filipi, ''Ndoko ukakhale pafupi na galetali,'' ³⁰Ndiye Filipi adathamanga kuna iye, achimubva akulewenga Yesaya mneneri, achiti, ''Kodi ukubvesesa ndibzo ukulewengabzi?'' ³¹Ndiye iye adati, ''Ningakwanise tani, pokhapokha winango anditsogolere?'' Iye adachemera Filipi kubwera kudzapakira mgaletamo mkukhala naye.³²Tsapano ndime ya mafafa ya Mulungu ndiyo waku Etiopiyayu akhalewenga ikhali iyi, ''Iye adatsogoleriwa ninga bira kwakukaphiwa, apo ninga mwana wabira ali du pamaso pa nyakumusenga, mwakuti alibe kufungula pakamwa pache. ³³Mwakubzichepesa kwache chiyeruziro chache chidachosiwa. Mbani angapereke ndondomeko yensene ya mbwado wache. Nakuti moyo wache udachosiwa padziko lapansi.''³⁴Ndiye waku waudindoyo adabvunza Filipi, ''Ndikukukumbirani, mbani mneneri amkulewedwayo, ndiyeletu, ayai winangombo?'' ³⁵Filipi adayamba kusewera, nakuyamba na mafala ya Mulungu adalalikira mafala ya Yesu kuna iye.³⁶Pomwe akhayenda mumseu, adafika pa madzi inango apo waudindoyo adati, ''Nyang'anani pana madzi pano. Chingatazise mchani kuti ine ndibatiziwe?'' ³⁷Bzakunemba bzakale bziribe ndime imweyi, Filipi adalewa, ''Penu unikhulupirira na mtima wako wense, ungabatiziwe.'' Waku Etiopiayo adatawira, ''Ndikukhulupirira kuti Yesu Mkhirisitu ni Mwana wa Mulungu.'' ³⁸Ndiye waku Etiopiayo adatonga kuti galeta liime. Iwo adayenda mmadzimo, Filipi na mdindoyo kubodzi, apo Filipi adamubatiza iye.³⁹Pomwe adabula kunja mmadzimo, Mzimu wa Mbuya udamtakula Filipi kuyenda naye, apo waudindoyo alibe kumuona pomwe iye, soma adayenda njira zache alikusekera. ⁴⁰Soma Filipi zjai adakaoneka ku Azotu achizunga mphimpha yoyo, kulalikira mafala ya Mulungu kumiyi yensene mpakana adabwera ku Kaisareya.

9¹Soma Saulo, alikusewera basi bzakugopsa ate kupha wakupfunza wa Mbuya, adayenda kuna mkulu wansembe ²achikakumbira chitsamba pala ma sunagoge mu Damasiko, pala kuti angakagumana aliyense wakutewera Njira, mwamuna ayai mkazi, akamubwerese wakumanga ku Yerusalemu.³Pomwe akhafamba, bzidachitika kuti atafendera ku Damasiko, mwachidzidzi padatoya kumuzungulira iye kubvunika kwakuchoka kudzaulu; ⁴apo iye adagwa pansi achibva mafala kulewa kuna iye, ''Saulo, Saulo, thangweranyi ukunditeweratewera ine?''⁵Saulo adatawira, ''Ndimwe mbani, Mbuya?'' Mbuya adati, ''Ndine Yesu, omwe ukunditeweratewera; ⁶soma lamuka, pita mumzindamo, apo chimdzauziwa chakuchita kuna iwe.'' ⁷Amuna omwe akhafamba naye Saulo adaima du kuusaya mulomo, kubva mafala, soma neye kuona aliyense.⁸Saulo adalamuka pansi pale, apo pomwe adafungula maso yache, alibe kuona chinthu; apo adamuphata

boko mkumutsogolera kumubweresa mu Damasiko.

⁹Kwansiku zitatu akhali wakusaya kuona, apo alibe kudya ayai kumwa.¹⁰Tsapano mukhana wakupfunza mu Damasiko wakuchemeriwa Hananiya. Mbuya adati kuna iye mmasomphenya, ''Hananiya!'' Iye adati, ''Ona, ndiri pano, Mbuya.'' ¹¹Mbuya adati kuna iye, ''Lamuka, apo ndoko kumseu omwe umbachemeriwa Kubzatika, apo pamuyi pa Yuda ukabvunze munthu waku Tariso wakuchemeriwa Saulo, thangwe akupemba. ¹²Iye waona masomphenya munthu wakuchemeriwa Hananiya alikubwera momo achidzamubzatika manja pala kuti akwanise kuona pomwe.''¹³Soma Hananiya adatawira, ''Mbuya, ndabva kuna wanthu azinji bza munthu umweyu, ndimo wachitira bzakuipa kuna wanthu wanu wakuchena mtima mu Yerusalemu. ¹⁴Ana utongi bwakuchoka kuna akulu wansembe kumanga aliyense pano omwe anichemerera padzina lanu.'' ¹⁵Soma Mbuya adati kuna iye, ''Ndoko, thangwe zjai ni chipangizo changu chakusankhuliwa, kutengera dzina langu pamaso pa Wachikunja na mafumu na wana wa Isaraeri; ¹⁶nakuti nimdzamuonesa ndimo ati abonerere thangwera dzina langu.''¹⁷Hananiya adanyamuka, achikapita mnyumba. Mkubzatika manja yache pa iye, iye adati, ''M'bale Saulo, Mbuya Yesu, omwe adakuonekera panjira pomwe ukhabwera, wandituma kuti utambire kuona kwako nakuti udzaziwe na Mzimu Wakuchena.'' ¹⁸Kamfulumize bzinango bzakukhala ninga makakanamba bzidadoda kuchoka mmaso mwa Saulo, apo adatambira kuona kwache; adalamuka achibatiziwa; ¹⁹achidya achikhala na mphamvu. Iye adakhala na wakupfunza mu Damasiko kwa nsiku zizinji.²⁰Kuchoka popo adalalikira bza Yesu mmasunagoge, kulewa kuti ni Mwana wa Mulungu. ²¹Wensene omwe adamubva iye adadabwa achimbati, ''Ngumweyu lini munthu ule ndiye akhadzonga wale mu Yerusalemu omwe akhachemera dzina iri? Wabwera kuno kudzatenga wakumanga iwo kuyenda nawo kuna akulu wansembe.'' ²²Soma Saulo adafamba achikula kula mu mphamvu, apo akhambakalipisa Ayuda wakukhala mu Damasiko pakuwatchimikizira kuti Yesu ni Mkhirisitu.²³Patapita nsiku zizinji, Ayuda adapangana pabodzi kumupha iye. ²⁴Soma chiwembu chawo chidadziwika kuna Saulo. Adadikhirira mmisuwo ya litsito masikati na usiku kuti amuphe basi. ²⁵Soma wakupfunza wache adamutenga usiku achimutsitsira na kulitsito, mkumutsetseresera na mchitundu.²⁶Pomwe adabwera ku Yerusalemu, Saulo adayezera kuphathikana na wakupfunza, soma wensene akhachita naye mantha, neye kukhulupirira kuti akhalidi wakupfunza. ²⁷Soma Banaba adamutenga iye kuyenda naye kuna atumwi, achiwauza ndimo Saulo adaonera Mbuya panjira pale nakuti Mbuya akhadasewera naye, na ndimo ku Damasiko Saulo adasewerera mwakulimbika mtima mdzina la Yesu.²⁸Iye akhali nawo, kumbayenda kunja na mkati mwa Yerusalemu. Adasewera mwakulimbika mtima mdzina la Mbuya Yesu ²⁹achigazana na Ayuda waku Heleniste; soma adayezera basi kumupha iye. ³⁰Pomwe abale adadziwa bzobzi, adamubweresa kunyansi ku Kaisareya achimutumiza kutali ku Tariso.³¹Ndiye tsono, mpingo mu Yudeya mwense, Galileya, na Samariya ukhana mtendere uchikhazikika; na, kufamba mwakugopa Mulungu na mchinyamalizo cha Mzimu Wakuchena, uchikula mwakuwanda. ³²Tsapano bzidachitika kuti, pomwe Petulo akhafamba kuzunga mphimpha yenseneyo, adafika pomwe kunyansi kukhana wanthu wakuchena mtima wa Mulungu wakukhala ku Luda.³³Kumweko adagumana munthu wina wakuchemeriwa Eneya, omwe akhali pakama pache kudwala kwa magole masere, nakuti akhali wamanjenje. ³⁴Petulo adati kuna iye, ''Eneya, Yesu Mkhirisitu wakulimbisa iwe. Lamuka tandukula mphasa yako.'' apo pamwepo letu iye adalamuka. ³⁵Ndiye aliyense wakukhala mu Luda na mu Sarona adaona munthuyo iwo achitemnbenukira kuna Mbuya.³⁶Ndiye kukhana ku Yopa wakupfunza wina wakuchemeriwa Tabita (ndiye kuti ''Dolika''). Mkazi umweyu akhali wakudzaziwa na mabasa yabwino na bzichito bzachifundo ndibzo akhachitira wakusaya. ³⁷Bzidachitika nsiku zozo kuti adadwala achisaika; pomwe atamusambika, adakamugonesa msubi ya mdzaulu.³⁸Nakuti Luda akhali kufupi na Yopa, apo wakupfunza akhadabva kuti Petulo akhali koko, adamutumizira wanthu awiri, kukamukumbira iye, ''Bwerani kuna ifeku mwakusaya kuchedwa.'' ³⁹Petulo adalamuka achiyenda nawo. Pomwe adafika, adamubweresa msubi ya mdzaulu, apo wamasiye wensene akhadaima pamphepete kumbalira, kumbamuonesa malaya na bzakubvala ndibzo Dolika akhasona nthawe ndizo iwo akhali naye.⁴⁰Petulo adawabulisa wensene panja pasubiyo, mkugodama pansi, mkupemba; kinangoka, kuchungunukira kuna thupiro, adati, ''Tabita, lamuka.'' Kinangoka adafungula maso yache, apo pakuona ⁴¹Petulo iye adakhala tsonga. Petulo kinangoka adamupa boko lache achimulamusa; apo pomwe adachemera wanthu wakuchena mtima wa Mulungu na wamasiye, adamupereka iye wamoyo kuna iwo. ⁴²Nkhani imweyi idadziwika mu Yopa mwensene, apo wanthu azinji adakhulupirira pa Mbuya. ⁴³Bzidachitika kuti Petulo adakhala kwa nsiku zizinji mu Yopa na munthu wakuchemeriwa Simoni, wakufukuta makhanda.

10¹Tsapano mukhana munthu wina mumzinda wa Kaisareya, Korneliyo dzina lache, kenturiyo wakuchemeriwa wa Thimu la Achikunda wa Italia. ²Iye akhali munthu wakunamata, omwe akhagopa Mulungu na banja lache lensene, adapereka kuna wanthu bzachifundo bzizinji achimbapemba kuna Mulungu mwakusaya kulekeza.³Iri pafupi kukwana nthawe yachipfemba yamasikati, iye adaona padecha mmasomphenya mnjero wa Mulungu alikubwera kuna iye. Mnjeroyo adati kunma iye, ''Korneliyo!'' ⁴Korneliyo adanyang'anisa mnjeroyo apo akhana mantha maninge achiti, ''Mchiyani, mbuya?'' Mnjero adati kuna iye, ''Mapembo yako na bzachifundo bzako bzakwira kudzaulu ninga chakupereka chachikumbuso pamaso pa Mulungu. ⁵Tsapano tuma amuna ku mzinda wa Yopa kukabweresa munthu wakuchemeriwa Simoni omwe ambamuti pomwe Petulo. ⁶Akukhala na wakufukuta makhanda wakuchemeriwa Simoni, omwe nyumba yache iri m'bali mwa nyanza.''⁷Pomwe mnjero adalewalewa na iye ule adachoka, Korneliyo adachemera awiri mwa anyabasa wache, na mchikunda wakunamata bzachadidi kuchokera mwa omwe akhamutumikira iye. ⁸Korneliyo adawauza bzense ndibzo bzidachitika achiwatuma ku Yopa.⁹Tsapano mangwana yache papufifupi nthawe zitanthatu, pomwe akhali paulendo bwawo achifendera kumzindayo, Petulo adayenda padzaulu panyumba kukapemba. ¹⁰Ndiye kinangoka iye adabva njala achifuna chinthu kuti adye, soma pomwe wanthu akhaphika chakudya, iye adagwa chikomo, ¹¹apo adaona kudzaulu kutafunguka apo chakutakulira chinango chikubuluka, chinthu china ninga chinguwo chikulu chikubuluka kugwa pamataka, chikubulusiwa na maponta yache manai. ¹²Mwemo mukhana nyama zaminyendo minayi zamitundu yense na bzense bzakukwawa bzapadziko lapansi, na mbalame za mdzaulu.¹³Kinangoka mafala yadasewera kuna iye: ''Lamuka, Petulo, phaya udye.'' ¹⁴Soma Petulo adati, ''Neye mtenepo lini, Mbuya; nakuti ndikanati nakale lense kudya chirichense chapezi na chakusaya kuchena.'' ¹⁵Soma mafala yadabwera pomwe kuna iye kachiwiri: ''Ndicho Mulungu wachichenesa, nampodi kuchichemera chapezi.'' ¹⁶Ibzi bzidachitika katatu; kinangoka chakutakulira chire chidatakuliwa kamkulumize kubwerera kudzaulu.¹⁷Tsapano petulo akadali mkati mwa kudzungaira na ndibzo masomphenya adaonayo yakhalewa, onani, amuna ndiwo adatumiwa na Korneliyo adaima pamsuwo wa litsito, atabvunza njira yakuyenda kunyumbako. ¹⁸Adachemera kuti pinango Simoni, omwe akhamti pomwe Petulo, akhali momo.¹⁹Pomwe Petulo akali mkati mwa kukumbuka basi bza masomphenyayo, Mzimu udati kuna iye, ''Ona, amuna atatu akukupsaga iwepo. ²⁰Lamuka upolike uyende nawo. Nampodi kiuchedwa kuyenda nawoko, thangwe ndachita kuwatuma.'' Ndiye Petulo adapolikadi kuna amunawo achiti, ²¹''Ndine iye omwe mukumupsagayo. Thangweranyi mwabwerapa?''²²Iwo adati, ''Kenturiyo wakuchemeriwa Korneriyo, munthu wakulungama na wakugopa Mulungu, apo ambasimbiwa bzabwino na wadzinza lensene la Ayuda, adachenjeziwa na mnjero wakuchena kutuma iwepo kubwera kumuyi kwache, pala kuti iye abve uthenga bwakuchoka kuna iwepo.'' ²³Ndiye Petulo adawachemera kubwera mwemo kudzakhala nawo, apo abale winango wakuchoka ku Yopa adamuperekeza iye.²⁴Mangwana yache iwo adapita mu Kaisareya. Korneliyo akhawadikhira iwo; akhadachemera pabodzi abale wache na anzache chaiwoiwo.²⁵Bzidachitika kuti pomwe Petulo adapita, Korneliyo adagumana naye achigwa panzayo zache kumunamata iye. ²⁶Soma Petulo adamulamusa, kulewa kuti, ''Lamuka! Inembo ndine munthu pomwe.''²⁷Nthawe ndizo Petulo akhalewalewa naye, adapita momo achikagumana wanthu azinji atagwezekana. ²⁸Iye adalewa kuna iwo, ''Imwe mwekha mumdziwa kale kuti mpsakulambiziwa kuti m'Yuda ambaphathikane ayai kuzungirana na wadzinza lina. Soma Mulungu wandionesera kuti nampodi ndichemere munthu aliyense wapezi ayai wakunyansa. ²⁹Nithangwerache ndabwera seye kulamba, pomwe ndidatumiziwa, kuna imwe. Tenepo ndikukubvunzani kuti mwandi chemereranyi.''³⁰Korneliyo adati, ''Nsiku zinayi zapitazi nthawe pomwe ninga ino, ndikhapemba mnyumba mwangu pa nthawe zipfemba, ndiye onani, munthu adaima pamaso pangu ali mubzakubvala bzakuyetima. ³¹Iye adati, 'Korneliyo, pembo lako labveka na Mulungu, na bvachifundo bzako bzamkumbusa Mulungu bza iwepo. ³²Ndiye tuma winango ku Yopa, akachemere munthu wakuchemeriwa Simoni omwe ambamti pomwe Petulo. Iye akukhala mnyumba mwa wakufukuta makhanda wakuchemeriwa Simoni, m'bali mwa nyanza.' ³³Ndiye kamkulumize ndikukutumizirani. Mwachita bwino kubweraku. Tsapano ndiye, tiri tense pano kuonekera pamaso pa Mulungu kubva chirichense ndicho Mbuya adakutongani kusewera.''³⁴Kinangoka Petulo adafungula mulomo wache achiti, ''Chadidi ndikuzindikira kuti Mulungu alibe tsankhulo. ³⁵Soma, mmadzidza mwensene aliyense ndiye ambamugopa achichita bzakulungama ngwakutambiriwa naye.³⁶Mukudziwa mafala ndiyo adatumiza kuna wana wa Isaraeri, pomwe atalalikira uthenga bwabwino bwa mtendere kudzera mwa Yesu Mkhirisitu, omwe ni Mbuya wa wensene--- ³⁷imwe mwekhambo ate mukudziwa bzinthu ndibzo bzidachitika, bzomwe bzidachitika mu Yudeya mwensene, pakutoma ku Galileya, utamala ubatizo ndibo Yohani adalalikira; ³⁸bzakuchitika bza Yesu waku Nazareti, ndimo Mulungu adamudzozera na Mzimu Wakuchena na mphamvu. Iye adafamba achizunga kumbachita bzabwino na kumbalimbisa wensene ndiwo akhatsautsika na mdyerekezi, nakuti Mulungu akhali naye.³⁹Ndimwe mboni za bzense ndibzo Yesu adachita, mzdiko la Ayuda na mu Yerusalemu kubodzi. Iwo adamupha iye pakumumanika pa muti, ⁴⁰soma mulungu adamulamusa pansiku yachitatu achichita bzakuti aonekere, ⁴¹sikuti na wanthu wensene, soma kwa mboni ndizo zidasankhuliwiratu na Mulungu---na ife omwe tidadya na kumwa naye pomwe adalamuka kuna anyamuya.⁴²Iye adatitonga kulalikira kuna wanthu na kuchitira umboni kuti uyu ndiye wasankhuliwa na Mulungu kukhala wakuyeruza wamoyo na wakusaika. ⁴³Bza iye aneneri wense achitira umboni, kuti aliyense wakukhulupirira mwa iye ambatambira chilekerero cha bzakuipa kudzera mdzina lache.''⁴⁴Nthawe ndiyo Petulo ali chisewerere bzobzi, Mzimu Wakuchena udagwa pa wensene ndiwo akhabvesera mafala yacheyo. ⁴⁵Wanthu ndiwo akhali wa gulu lakugwatiwa la wakukhulupirira---wensene waiwo omwe adabwera na Petulo---adadabwisika, thangwe mphaso ya Mzimu Wakuchena idatsanuliwa pa Wachikunja.⁴⁶Thangwe adabva zjai Wachikunjawa akusewera malirime kukwiza Mulungu. Kinangoka Petulo adatawira, ⁴⁷''Pana wina ndiye angakwanise kulambiza madzi kuti wanthu awa nampodi abatiziwe, wanthu awa wakuti atambirambo Mzimu Wakuchena ninga ife?'' ⁴⁸Ndiye iye adatonga iwo kuti abatiziwe mdzina la Yesu Mkhirisitu. Kinangoka iwo adamukumbira iye kuti akhale nawo kwa nsiku zizinji.

11¹Tsapano atumwi na abale omwe akhali mu Yudeya adabva kuti Wachikunja adatambirambo mafala ya Mulungu. ²Pomwe Petulo adakwira kuyenda ku Yerusalemu, wale omwe akhali wakagulu kakugwatiwa adagazana naye; ³iwo adati, ''Mudapita kwa wanthu wakusaya kugwatiwa ate kudya nawo!''⁴Soma Petulo adayamba kuwafokotozera nkhaniyo mwakubveka bwino, kulewa kuti, ⁵''Ndikhapemba mmuyi wa Yopa, apo ndidagwa chikomo ndichiona masomphenya ya chakutengera chiri kubuluka, ninga chinguwo chikulu chikubulusiwa kuchoka kudzaulu na maponta yache manayi. Chidabuluka pana ine. ⁶Ndidachinyang'anisisa ndichikumbuka bzaicho. Ndidaona nyama zamiyendo minayi zapadziko lapansi, bzilombo bzakuthengo, bzinthu bzakukwawa, na mbalame za mdzaulu.⁷Kinangoka ndidabva mafala kulewa kuna ine, 'Lamuka, Petulo; phaya udye!' ⁸ndidati, 'Neye mtenepo lini, Mbuya; thangwe palibe chakusaya kuchena ayai chakunyansa chidapita kale pakamwa pangu.' ⁹Soma mafala yadatawira pomwe kuchoka kudzaulu, 'Ndicho Mulungu wachichenesa, nampodi kuchichemera chakupsipiziwa.' ¹⁰Ibzi bzidachitika katatu kense, ndiye kinangoka bzensene bzidatakuliwa kubwerera pomwe kudzaulu.¹¹Onani, pamwepo letu pakhana wanthu atatu ataima kutsogolo kwa nyumba ndiyo tikhaliyo; akhadatumiziwa kuchoka ku Kaisarea kubwera kuna ine. ¹²Mzimu udanditonga kuyenda nawo wanthuwo, nakuti iwo nampodi ndiwasiyanise. Abale atanthatuwa adayenda nande, apo tidayenda mnyumba ya munthuyo. ¹³Iye adatifokotozera ndimo mnjero adaimira mnyumba mwache achilewa, ' Tuma wanthu ku Yopa akachemere Simoni omwe ambamti pomwe Petulo. ¹⁴Iye amdzasewera mafala yakuti umdzapulumuka nayo---iwe na wabanja lako wensene.'¹⁵Pomwe ndiyayamba kusewera kuna iwo, Mzimu Wakuchena udawagwera, ninga ndimo udachitira kuna ife pakutoma. ¹⁶Ndidakumbukira mafala ya Mbuya, ndimo adalewera, 'Yohani mchadidi adabatiza na madzi; soma imwepo mumdzabatiziwa na Mzimu Wakuchena.'¹⁷Ndiye penu Mulungu adawapambo mphaso ninga adatipa ire nthawe ndizo tidakhulupirira Mbuya Yesu Mkhirisitu pale, ndikhali mbani ine kuti ningagaze Mulungu?'' ¹⁸Pomwe iwo adabva bzinthu bzobzi, alibe kuuona mulomo wakutawira, soma adalemekeza Mulungu achiti, ''Ndiye Mulungu waperekambo kutembvenuka mtima ku moyo kuna wachikunja.''¹⁹Tsapano omwe adabalalikana na matsautso ndiyo yadabwera pa Stefano adamwazikana ate ku Foinika, Kupro, na ku Antiokeya, kumbasewera mafala kuna Ayuda okha. ²⁰Soma wina waiwo, amuna waku Kupro na ku Kerene, adabwera ku Antiokeya achidzasewera pomwe kuna a Helene, kuwalalikira mafala yabwino ya Mbuya Yesu. ²¹Boko la Mbuya likhanawo; azinjitsa adakhulupirira achitembenukira kuna Mbuya.²²Mbiri yao idabveka mmakutu ya wampingo wa mu Yerusalemu, apo adatuma Barnaba kukafika ku Antiokeya. ²³Pomwe iye adabwera achiona chisomo cha Mulungu, adadekedwa apo adawadandaulira wensene kukhalabe na Mbuya na chakulinga cha mtima ubodzi. ²⁴Nakuti akhali munthu wabwino na wakudzaziwa na Mzimu Wakuchena na chikhulupiriro, apo wanthu azinji adathimizirika kwa Mbuya.²⁵Barnaba kinangoka adayenda ku Tariso kukapsaga Saulo mwamderekho. ²⁶Pomwe adamugumana, adabwera naye ku Antiokeya. Bzikhali kuti kwa gole lamtero adagwezekana pabodzi na mpingo achipfunzisa wanthu azinji. Wakupfunza adayambira ku Antiokeya kuchemeriwa kuti Akhirisitu.²⁷Tsapano nsiku zozo aneneri winango adapolika kuchoka ku Yerusalemu kuyenda ku Antiokeya. ²⁸M'bodzi waiwo , Agabo dzina lache, adaima achibvimira mwa Mzimu kuti njala ikulu imdzaoneka padziko lensene lapansi. Ibzi bzidachitika munsiku za Klaudiyo.²⁹Ndiye wakupfunza, ninga aliyense adakwanisira, adatsimikiza mtima kutumiza bzakuthandizira abale wakukhala mu Yudeya. ³⁰Iwo adachita bzobzi; adatumiza kobiri kwa akulu pamanja ya Barnaba na Saulo.

12¹Tsapano panthawe yoyo Herodi mfumu adaikha manja pa winango omwe akhali wa mpingo kuti awabonerese. ²Iye adapha Yakobo m'bale wa Yohani na lupanga.³Pakuona kuti bzobzi Ayuda akomedwa nabzo, adapitiriza mkumanga pomwe Petulo. Zozo zikhali nsiku za mkate wakusaya chakufufumisa. ⁴Atamumanga, adamuikha mkadeya, adamuikhira mathimu manai ya anyankhondo kumbamudikhirira iye; akhafuna bzakuti amubwerese kuna wanthu Pasaka ingamala.⁵Apo Petulo adakoyewa mkaoko, soma pembo lache lidachitiwa mwanyongo kwa Mulungu na wale wamu mpingo. ⁶Usiku Herodi akanati kumubulisa kunja kukamutonga, Petulo akhadagona pakati pa anyankhondo awiri, atamangiwa na njema ziwiri, pomwe alindiri pamsuwo akhanyang'anira mkadeya.⁷Onani, mngero wa Mbuya mwachidzidzi adaonekera pambali pache, apo kutoya kudaoneka msubi ya mkadeya. Iye adamenya Petulo mumbabvu achimulamusa achiti, ''Lamuka kamangumangu,'' apo njema zache zidadoda kumanja kwache. ⁸Mngero adati kuna iye, ''Bzimangire mchuno ubvale chango zako.'' Petulo adachita tenepo. Mngero adalewa kuna iye, ''Bvala chakubvala chako chakunja unditewere ine.''⁹Apo Petulo adatewera mngeroyo achibula panja. Iye alibe kukhulupirira kuti ndibzo wachita mngeroyo mpsachadidi. Akhakumbuka akuona masomphenya. ¹⁰Atagwata pa mulindiri wakutoma na pa wachiwiri, adafika pa msuwo wafero omwe ukhanyang'ana mumzinda; udafunguka okha. Iwo adabula achipolika kumsewu, apo mngeroyo adamuchokera.¹¹Pomwe Petulo adatsitsimuka, adati, ''Tsapano ndakhulupiriradi kuti Mbuya watuma mngero wache kudzandiletsetsa mmanja mwa Herodi, na kuna chirichense ndicho Ayuda akhadikhira.'' ¹²Pomwe iye adazindikira ibzi, adayenda kwa Mariya mayi wache Yohani, omwe akhamti pomwe Marko, pomwe wanthu azinji akhadagwezekana apo akhapemba.¹³Pomwe iye adagogodza pamsuwo walitsito, nyabasa dende wakuchemeriwa Roda adabwera kudzatawira. ¹⁴Pomwe iye adazindikira mafala ya

Petulo, nakudekedwa adatazira kufungula msuwoyo; soma, adabwerera ali kuthamanga msubimo; adalewa kuti Petulo waima pamsuwo.

¹⁵apo iwo adalewa kuna iye, ''Una msala.'' Soma iye adangingimira kuti mchadidi. Iwo adalewa, ''Ni mngero wache umweyo.''¹⁶Soma Petulo adapitiriza kugogodza basi, apo pomwe iwo adafungula msuwoyo, adamuonadi iye apo iwo achidabwisika nabzo . ¹⁷Petulo adavuzula boko lache kuna iwo kuti anyamale, apo adawafokotozera ndimo Mbuya adamubulisira kunja kwa kadeya. Iye adalewa, ''Mukalewe bzobzi kuna Yakobo na abale wache.'' Kinangoka iye adachoka achiyenda kumbuto inango.¹⁸Tsapano pomwe kudachena, pakhana lini baludya pang'ono pakati pa achikunda pa bzomwe bzidachitika kuna Petulo. ¹⁹Herodi atamala kumupsaga seye kumugumana iye, adabvunzisisa alindiri achitonga kuti iwo aphiwe. Kinangoka Herodi adapolika kuyenda ku Kaisareya achikakhala koko.²⁰Tsapano Herodi adaipidwa kwene_kwene na wanthu waku Tiro na Sido. Iwo adayenda kuna iye na mtima ubodzi, achinyengerera Blasto, m'dindo wa mfumu, kuwathandiza iwo, adakumbira mtendere thangwe dziko lawo likhatambira chakudya kuchoka mdziko la mfumuyo. ²¹Pansiku yakuikhika Herodi adabvala chakubvala chachifumu achikhala pakadera yachifumu; achiwauza mafala.²²Wanthuwo adakuwa, ''Aya ni mafala ya mulungu, sikuti ya munthu neye!'' ²³Kamkulumize mngero wa Mbuya adammenya iye, thangwe alibe kupereka ulemerero kuna Mulungu; iye adadyewa na nkhonye achifa.²⁴Soma mafala ya Mulungu yadawanda basi yachithimizirika. ²⁵Ndiye pomwe Barnaba na Saulo akhadamaliza utumiki bwawo, adabwerera kuchoka ku Yerusalemu, kubweresa Yohani, omwe amkhamti pomwe Marko.

13¹Tsapano mumpingo waku Antiokeya, kukhana aneneri na apfunzisi. Iwo akhali Barnaba, Simeoni (omwe akhamti pomwe Nigeri), Lukiya waku Kurene, Manayeni (wakulerewa pabodzi na Herodi wachinayi) na Saulo. ²Ali mkati mwa kutumikira Mbuya na kusala kudya, Mzimu Wakuchena udalewa, ''Mundipambulire ine Barnaba na Saulo, kuti achite basa ndilo ndawachemerera.'' ³Atamala kusala kudya, na kupemba, achibzatika manja pa wanthu amwewa, iwo adawatumiza.⁴Ndiye Barnaba na Saulo, pakutumiziwa na Mzimu Wakuchena, adayenda ku Selukeya; atachoka koko adayambuka na mwadiya kuyenda ku Kupro,. ⁵Pomwe akhali mumzinda wa Salamisi, adalalikira mafala ya Mulungu mma sunagoge ya Ayuda. Iwo akhana pomwe Yohani wakuwathandizira.⁶Atamala kuzunga pansuwa yensene ku Pafo, adagumana na nyamatsenga winango, mneneri wakunama wachi Yuda, omwe dzina lache akhali Bar-Yesu. ⁷Nyamatsengayu akhambabverana na kazembe, Sergio Paulo, omwe akhali munthu wanzeru. Munthu umweyu adanembera tsamba Barnaba na Saulo, thangwe akhapsaga kubva mafala ya Mulungu. ⁸Soma Elima ''nyamatsengayo'' (umu ndimo dzina lache limbathumbudzulidwira) adawalambiza; iye adayezeza kumusocheresa kazembeyo ku kuchikhulupiriro.⁹Soma Saulo, omwe ambamti pomwe Paulo, pakudzaziwa na Mzimu Wakuchena, adamunyang'anisisa ¹⁰achiti, ''Iwe mwana wa mdyerekezi, ndiwe wakudzala na chinyengo na bzakunyansa bza moda wensene. Umbawengana na chilungamp chirichense. Umdzalekeza lini kugonyolesa njira za Mbuya , umdzaleka iwepo ?¹¹Tsapano nyang'ana, boko la Mbuya liri pa iwepo, apo unzakhala zimola. Unzaona lini dzuwa kwa kanthawe.'' Mwachidzidzi Elima idamugwera nkhungu na m'dima; adayamba kufamba famba kupsaga wanthu kuti amuphate boko. ¹²Kazembe ule ataona ndibzo bzidachitikabzo, adakhulupirira, thangwe akhali wakudabwisika pa chipfunziso cha Mbuya.¹³Tsapano Paulo na anzache adayambuka na mwadiya kuchoka ku Pafo ,kuyenda ku Perge waku Pamfuliya. Soma Yohani adawasiya achibwerera ku Yerusalemu. ¹⁴Paulo na anzache wale adafamba kuchoka ku Perge achibwera ku Antiokeya waku Pisidiya. Kumweko adayenda mu sunagoge nsiku ya sabudu achikhala pansi. ¹⁵Atamala kulewenga chitongi cha aneneri, atsogoleri wa sunagoge adawatumira mtumi, kulewa kuti, ''Abale, penu muna mafala pano yakudandaulira wanthu yaleweni.''¹⁶Ndiye Paulo adaima achivuzula boko lache; achiti, ''Amuna wamu Isaraeri na imwe wakugopa Mulungu, bveserani. ¹⁷Mulungu wa wanthu awa wamu Isaraeri adasankhula abereki wathu achikwiza wanthuwo nthawe ndizo akhadagonekera mdziko la Aigupto, apo na boko lakudzusira adawatsogolera kubula mwemo. ¹⁸Nakuti kwa pafupifupi magole makumi manayi adawalekerera mchipululu.¹⁹Atadzonga madzinza manomwe mu Kanani, adapasa wanthu wathu dziko lawo ninga chakusiyiriwa. ²⁰Bzensenebzi bzidachitika pa magole madzana manayi na makumi machanu. Bzitamala bzinthu bzensebzi, Mulungu adawapa wakuyeruza ate mneneri Samueri.²¹Kinangoka wanthu adakumbira mfumu, apo Mulungu adawapa Sauli mwana wa Kisi, munthu wa dzinza la Benjamini, kukhala mfumu kwa magole makumi manayi. ²²Mulungu atamuchosa iye pa ufumu, adamukwiza Davide kukhala mfumu yawo. Bzikhali bza kuguma Davide ndipo Mulungu adachitira umboni, kulewa kuti, ''Ndagumana Davide mwana wa Jese kukhala munthu wapamtima pangu, omwe ambachita bzensene ndibzo nimbafuna iye kuti achite.'²³Kuchoka mu mbeu yache Mulungu wabweresa mpulumusi ku Isaraeri, Yesu, ninga ndimo adalonjezera kuchita. ²⁴Yesu akanati kufika, Yohani adalalikira ubatizo bza kulapa kuna wanthu wensene wa mu Isaraeri. ²⁵Pomwe Yohani akhamaliza basa lache, adati, 'Imwepo mumbakumbuka kuti ndine mbani? Ndine lini iye. Soma bveserani, winango akubwera pambuyo pangu, chango zache zokha neye ine milawu yache ningaikwanise lini kuitsudzula.'²⁶Abale, wana wa mbadwa ya Abulahamu, na wale waimwe wakugopa Mulungu, mkwaife ndiko mafala ya chipulumusoya yatumiziwa. ²⁷Thangwe iwo wakukhala mu Yerusalemu na atongi wawo alibe kumutawiriza iye, apo iwo adakwanirisa mafala ya aneneri ndiyo yambalewengiwa la Sabata lirilense la kutsimula iye.²⁸Napo kuti iwo adagumana thangwe lakumuphera, adakumbira Pilato kupha iye. ²⁹Pomwe iwo adamaliza bzinthu bzense ndibzo bzidanembiwa bza iye, adamubulusa kuchoka pamutipo achimugonesa mphanga.³⁰Soma Mulungu adamulamusa kwa anyamuya. ³¹Adaonedwa kwa nsiku zizinji na wale ndiwo akhadabwera naye pabodzi kuchoka ku Galileya kufika ku Yerusalemu. Wanthu amwewa lero lino ni mboni zache kuna wanthu.³²Apo tikukuuzani mafala yabwino: Lonjezo ndilo lidabwera kuna abereki wathu ³³Mulungu wakwanirisa kuna ife, wana wawo, pa kulamusa Yesu. Ninga ndimo bzidanembewera mu Masalimo wachiwiri: 'Ndiwe mwanangu, lero ndasanduka Babako.' ³⁴Bzingakhala bzakumulamusa kuna anyamuya, neye kubwerera pomwe kukabvunda, wasewera tenepayu: 'Nimdzakupani madaliso yakuchena na yakukhulupirika yakulonjezewa kwa Davide.'³⁵Nithangwerache iye akusewera pomwe mu masalimo winango, ' Mumdzalekerera lini Wakuchena wanu kuona chibvunde.' ³⁶Nakuti pomwe Davide adatumikira chifuniro cha Mulungu mu m'bwado wache chaiwo, adagona; adaikhiwa na abereki wache achiona chibvunde. ³⁷Soma iye omwe Mulungu adamulamusa alibe kuona chibvunde.³⁸Apo mbabzidziwike kuna imwe, abale, kuti mwa munthu uyu chilekerero cha bzakuipa chalalikiwa kuna imwe. Chitongi cha Mose chingadakusandusani lini wakulungama. ³⁹Soma na munthu uyu Mulungu anisandusa wakulungama aliyense omwe anikhulipirira.⁴⁰Apo khalani wakuchenjera kuti bzinthu ndibzo aneneri adasewera nampodi bzichitike kuna imwe: ⁴¹'Nyang'anani, wakupepusa imwe, apo dabwisikani mumale psiti; Thangqwe ndikuchita basa munsiku zanu, basa ndilo mungadakhulupirira lini, neye angadakhala winango kukuuzani.''⁴²Pomwe Paulo na Barnaba adachoka, wanthu adawakumbira kuti adzasewere pomwe mafala mabodzibodziyo Sabudu linzachero. ⁴³Pomwe wakugumana wa sunagoge adabalalikana, azinji wa Ayuda na wakuphinduka mkunamata adatewera paulo na Barnaba, omwe akhasewera kuna iwo achimbawa nyengerera kupitiriza mchisomo cha Mulungu.⁴⁴Pansiku ya Sabata, pafupifupi muyi wensene udagwezekana kudzabva mafala ya Mbuya. ⁴⁵Pomwe ayuda adaona thimu la wanthulo, adaphatiwa na nsanje achisewera mwakugazana na ndibzo Paulo akhasewera achimuchita makiriyado.⁴⁶Soma Paulo na Barnaba adasewera mwakulimbika mtima achiti, ''Bzikhali bzakufunika kuti mafala ya Mulungu yatome kusewerewa kuna imwe. Pakuona kuti mudayagwinyira uko mwekha muchibzisandusa wakusaya kuthemera kutambira moyo wakusaya kumala, onani, timdzatembenukira kuna Wachikunja. Nakuti tenepo Mbuya watitonga ife, kulewa kuti, ⁴⁷'Ndakuikha iwe ninga mbvuniki wa Wachikunja, kuti ubwerese chipulumuso kufikira ku malekezero yadziko lapansi.'''⁴⁸Pomwe wachikunja adabva bzobzi, adadekedwa achitenda mafala ya Mbuya. Azinjitsa omwe adaikhiwa kumoyo wakusaya kumala adakhulupirira. ⁴⁹Mafala ya Mbuya yadayenderera mu mphimpha zensenezo.⁵⁰Soma Ayuda adangingimiza akazi wakunamata wakubvekera na akulu wamuyiyo. Iwo adanyosera chitsautso Paulo na Barnaba achiwatenda kunja kwa mphimpha yawoyo. ⁵¹Soma Paulo na Barnaba adawakunkhumulira pfumbi la kunzayo zawo. Kinangoka iwo adayenda kumuyi wa Ikoniyo. ⁵²Apo wakupfunza adadzaziwa na kudekedwa na Mzimu Wakuchena.

14¹Bzidachitika mu Ikoniyo kuti Paulo na Barnaba adapita pabodzi mu sunagoge ya Ayuda achisewera mwakuti thimu lizinji lawanthu Ayuda na a Helene kubodzi adakhulupirira. ²Soma Ayuda wakusaya kukhulupirira adanyosa mitima ya Wachikunja achiwakalipisa kuukira abalewo.³Apo adakhala popo nthawe ikulu, kusewera mwakulimbika mtima na mphamvu ya Yesu, pomwe akhapereka umboni bwa mafala ya chisomo chache. Iwo adachita ibzi pakupereka bziratizo na bzakudabwisa kuti bzichitike na manja ya Paulo na Barnaba. ⁴Soma wanthu wammuyimo akhadagawikana; winango akhali kumbali ya Ayuda, winango kwa atumwi.⁵Wachikunja na Ayuda kubodzi (pabodzi na atsogoleri wawo) adachita manera kuti awabonerese awabome na minyala, ⁶soma atatondo kudziwa bzobzi, adathawira ku mizinda ya ku Lukaoniya waku Lustro na Derbe na mphimpha yakuzungulira, ⁷komwe adakapitiriza kulalika mafala ya Mulungu.⁸Pa Lustro munthu winango akhadakhala pansi, nzayo zache zikhalibe mphamvu, wakupunduka kuchoka mchiberekero cha mayi wache, omwe akhanati kufamba kale. ⁹Munthu umweyu adabva Paulo akulewalewa. Paulo adamunyang'anisisa achiona kuti iye akhana chikhulupiriro chakulimbisiwa. ¹⁰Apo iye adalewa kuna iye mwakukuwa, ''Ima na nzayo zakozi.'' Kinangoka munthuyo adamoga achifambafamba kumbazungulira.¹¹.Pomwe thimulo lidaona ibzo Paulo adachitabzo, adakuwa mafala yawo, kulewa mchiseweredwe chachi Lukaoniya, ''Milungu yabwera ninga wanthu apo yabuluka kuna ife.'' ¹²Adachemera Barnaba ''Zeu na Paulo ''Herme,'' thangwe akhali wakutsogola kusewera. ¹³Wansembe wa Zeu, omwe kachisi wache akhali kunja kwa mzinda, adabweresa ng'ombe yapangolo na nkhata yapa misuwo; iye na thimulo akhafuna kupereka nsembe.¹⁴Soma pomwe atumwi, Barnaba na Paulo, adabva bzobzi, adang'amba bzakubvala bzawo kamkulumize achithamangira pathimu lawanthulo, kumbakuwa, ¹⁵''Wanthumwe, thangweranyi mukuchita bzinthu bzimwebzi? Ifepanombo ndife wanthu pomwe, wakulengiwambo ninga imwepo. Tikukuuzani nkhani yabwino kuti mutembenuke kubzinthu bzapezipezi kuna Mulungu wamoyo, omwe adalenga kudzaulu, na dziko lapansi, na nyanza, na bzense ndibzo bziri mmwemo. ¹⁶Kalekale, adabvuma wamadzinza yensene kumbafamba munjira zakufuna kwawo.¹⁷Soma tenepo, alibe kubzisiira yekha seye mboni, mukutenepo iye adachita bzabwino achipa mvula kuchokera kudzaulu na nyengo zakubala bzipaso, achidzaza mitima yanu na chakudya na chisekerero.'' ¹⁸Neye namafala yoya, Paulo na Barnaba padecha adakhotcha thimulo kuwaperekera nsembe.¹⁹Soma Ayuda winango wakuchoka ku Antiokeya na Ikoniyo adabwera kudzanyengerera thimulo. Iwo adaboma Paulo na minyala achimuthusira kunja kwa muyiyo, kukumbuka kuti iye wafa. ²⁰Soma pomwe atumwi adaima kumuzungulira iye, adalamuka achipita mumzindamo. Mangwana yache, adayenda ku Derbe na Banabasi.²¹Atamala kulalika mafala ya Mulungu mumzinda umweyo achisandusa azinji wakupfunza, iwo adabwerera ku Lustro, ku Ikoniyo, na ku Antiokeya. ²²Iwo adapitiriza kulimbikisa mitima ya wakupfunza na kuwadandaulira kuti apitirize mchikhulupiriro, kulewa kuti, ''Timfunika kupita mu ufumu bwa Mulungu kudzera mu bzitsautso bzizinji.''²³Pomwe iwo adawasankhira akulu wampingo uliwense, achipemphera na kusala kudya, adawapereka kwa Mbuya, mwa omwe adamukhulupirira. ²⁴Kinangoka adapita kudzera mu Pisidiya achibwera ku Pamfuliya. ²⁵Pomwe iwo adasewera mafala mu Perga, adapolika kuyenda ku Ataliya. ²⁶Kuchoka popo adapakira mwadiya kuyenda ku Antiokeya, komwe adaikiziwa ku chisomo cha Mulungu pa basa lomwe iwo akhadalimaliza²⁷Pomwe iwo adafika ku Antiokeya achigwezeka wampingo pabodzi, achiwauza bzinthu bzense ndibzo Mulungu adawachitira, na ndimo adafungulira msuwo wachikhulupiriro kuna Wachikunja. ²⁸Iwo adakhala nthawe itali na wakupfunzawo.

15¹Amuna winango adapolika kuchoka ku Yudeya kuyenda ku Antiokeya apo akhapfunzisa adzinza, achilewa kuti, ''Penu mumgwatiwa malingana na chitongi cha Mose, imwe mungapulumusiwe lini.'' ²Ibzi bzidanyosa Paulo na Barnaba kusaya kubvana nawo na kuchita nawo makani. Paulo na Barnaba pabodzi na winango omwe akhanawo, adasankhuliwa kukwira ku Yerusalemu kukagumana na atumwi na akulu bza abvunzo limweri.³Tenepo iwo, pakukhala wakutumiwa na mpingo, adapita na mu Foinike na mu Samariya kubodzi achilengeza bza kutembenuka kwa Wachikunja. Adabweresa kudekedwa kukulu pakati pa abale wensene. ⁴Pomwe iwo adabwera ku Yerusalemu, adatambiriwa na wampingo na atumwi na akulu, achilengeza bzinthu bzensene ndibzo Mulungu adawachitira iwo.⁵Soma wanthu winango omwe adakhulupirira, omwe akhali thimu la Afarisi, adaima achiti, ''Mpsabwino kuwagwata amwewa na kuwatonga kuti akoye chitongi cha Mose.'' ⁶Apo atumwi na akulu wa mpingo adagwezekana pabodzi kuti awuwone mulanduyo.⁷Tsapano pomwe pakhana mabvunzano makulu, Petulo adaima achiti kuna iwo, ''Adzinza, mukudziwa kuti pambuyopa Mulungu adasankhula mkati mwa imwepo, kuti na pamulomo pangu Wachikunja abve mafala ya Mulungu na kukhulupirira. ⁸Mulungu, omwe akudziwa mtima, wawachitira umboni pakuwapa Mzimu Wakuchena, ninga ndimo iye adachitira kuna ife. ⁹Alibe kulekanisa ife na iwo atachenesa mitima yathu na chikhulupiriro.¹⁰Tenepo tsapano thangweranyi mukumuyezera Mulungu, kuti muikhe goli mkhosi mwa atumwi lakuti neye abereki wathu ayai ife tingakwanise lini kulitakula. ¹¹Soma tikukhulupirira kuti timdzapulumuka mwa chisomo cha Mbuya Yesu, ninga iwo akhaliri.'¹²Thimu lensene lidanyamala pomwe akhabvesera Barnaba na Paulo kufokotoza bzizindikiro na bzakudabwisa bzomwe Mulungu adachita kuna Wachikunja kudzera mwaiwo.¹³Iwo atalekeza kulewalewa, Yakobo adatawira, kulewa kuti, ''Wadzinza, nditetekereni ine. ¹⁴Simoni walewa ndimo Mulungu adathandizira mwachisomo Wachikunja mwakuyambirira kuti atenge mwaiwowo wanthu wa dzina lache.¹⁵Mafala ya aneneri yakugwirizana na bzobzi, ninga ndimo bzidanedwera, ¹⁶'Bzikadzamala bzobzi nimnzabwerera, apo nimnzamanga pomwe chihema cha Davide, chomwe chagwa pansi; nimdzamanga pomwe bzakupasuka bzache ndichidzachiimisa pomwe, ¹⁷pala kuti wanthu wakusalira adzakwanise kupsaga Mbuya, kuphatanidza na Wachikunja wensene ndiwo achemeriwa na dzina langu.' ¹⁸Ibzi ndibzo mbuya walewa, omwe wachita bzensenebzi bzomwe bzakhala bzikudziwika kuchoka kalekaletsa.¹⁹Ndiye tsono, ndaganiza kuti nampodi tibonerese wachikunja ndiwo atembenuka kwa Mulungu. ²⁰Soma tiwanembere kuti akhale kutali na mafano , kutali na chigololo, na kudya nyama za kufa, na mulopa. ²¹Thangwe Mose walalikiwa mmizinda yensene kuyambira mmibwado yakalekale apo ambalalalikiwa mma sunagoge nsiku ya Sabata iriyense.''²²Tsapano bzidaoneka bzabwino kuna atumwi na kuna akulu, na kumpingo kwensene, kusankhula Yudasi omwe ambamti pomwe Barsaba, na Sila, omwe akhali atsogoleri wa abale, mkuwatuma ku Antiokeya pabodzi na Paulo na Barsaba. ²³Adanemba ibzi na manja yawo, ''Kuchoka kuna atumwi na akulu, abale wanu ife, kuyenda kuna abale Wachikunja ku Antiokeya, Suriya, na Kilikia: Kulimba!²⁴Nithangwe tabva kuti wanthu winango atichokera, seye kuchita kuuziwa na ife, achikusocheresani na mafala na kuboneresa mitima yanu, ²⁵bzidaoneka bzabwino kuna ife omwe takhala na mtima ubodzi, kusankhula wanthu nkuwatumiza kuna imwe na wakukondeka wathu Barsaba na Paulo, ²⁶wanthu omwe apereka miyoyo yawo thangwera dzina la Mbuya Yesu Mkhirisitu.²⁷Ndiye tatuma Yudasi na Sila, omwe anzakuuzani bzokhabzokhabzi na mafala yawo chaiyo. ²⁸Thangwe bzidaoneka bzabwino kuna Mzimu Wakuchena na kuna ife, neye kukusenzesani chipsinjo chakuposa bzinthu ndibzo bzimfunika: ²⁹kuti mukhale kutali na bzinthu ndibzo bzaperekiwa ku mafano yakutsema, mulopa, bzinthu bzakuchita kuchipiwa, na bzachigololo. Mungalamba bzinthu bzobzi, mumdzachita bwino. Ndokoni bwino.''³⁰Ndiye iwo, pomwe adanyamuka, adapolika ku Antiokeya; atakagwezeka thimu pabodzi, adapereka tsamba. ³¹Atailewenga, adasekera thangwera chilimbikiso. ³²Yudasi na SIla, na aneneri pomwe, adalimbikisa abalewo na mafala mazinji na kuwapasa mphamvu iwo.³³Atakhala kwa kanthawe popo, adatumiziwa mwa mtendere kuchoka pa abalewa kuyenda kuna ndiwo akhadawatuma. ³⁴Soma Sila adasakhula kuti akhale kumweko ³⁵Soma Paulo na Barsaba adakhala basi mu Antiokeya, kupfunzisa na kulalika (pabodzi na winango azinji) mafala ya Mbuya.³⁶Patamala nsiku zinango Paulo adalewa kuna Barsaba, ''Mbatiye tibwerere tikazondere adzindza mmiyi yensene ndiyo tidalalika mafala ya Mbuya, na kukawaona ndimo aliri.'' ³⁷Barsaba akhafuna kuti ayende pabodzi na Yohani, omwe akhamti Marko. ³⁸Soma Paulo adakumbuka kuti mpsabwino lini kutenga Marko, omwe akhadawasiya ku Pamfuliya apo alibe kuphata nawo basa kuyenda patali.³⁹Kinangoka padakhala kusaya kubvana, mwakuti adamwazana wina na mwayache, apo Barnaba adatenga Marko achiyambuka naye kuyenda ku Kupro. ⁴⁰Soma Paulo adasankhula Sila achinyamukambo, wakuikhiziwa na abale ku chisomo cha Mbuya. ⁴¹Kinangoka iye adayenda kudzera mu Suriya na Kilikiya, kulimbikisa mipingo.

16¹Paulo adabwera pomwe ku Derbe na ku Lustro, apo onani, wakupfunza winango wakuchemeriwa Timoteo akhali kumweko, mwana wa mkazi winango m'Yuda omwe akhali wakukhulupirira, soma babache akhali Mhelene. ²Iye akhali wakusimbiwa bzabwino na abale wa mu Lustro na Ikoniyo. ³Paulo akhafuna iye afambe naye, apo adamutakula achimugwata thangwera Ayuda omwe akhali kumbuto zimwezo, nakuti wensene akhadziwa kuti babache akhali Mhelene.⁴Pomwe iwo akhafamba mmiyi, akhapereka bzitongi bzakuti abziteweze bzomwe bzidaganiziwa n a atumwi na akulu omwe akhali mu Yerusalemu. ⁵Apo mipingo idalimbikisiwa mchikhulupiriro na kuthimizirika kuwanda kwawo nsiku na nsiku.⁶Paulo na anzache adayenda kudzera mphimpha za Frugiya na Galatiya, thangwe akhadalambiziwa na Mzimu Wakuchena kulalikira mafala mchigawo cha Asiya. ⁷Pomwe adafendera ku Musiya, adayezera kuyenda ku Bituniya, soma Mzimu wa Yesu udawalambiza. ⁸Apo pakudzera iwo na mu Musiya, adapolika kumzinda wa Trowa.⁹Masomphenya yadamuonekera Paulo usiku: Munthu waku Makedoniya akhadaima popo, kumukumbira kumbati, ''Bwerani ku Makedoniya mudzatithandizembo ife.'' ¹⁰Pomwe Paulo ataona masomphenyayo, kamkulumize tidakumbuka bzakuyenda ku Makedoniya, kukumbukiratu kuti Muliungu adatichemerera kukawalalikira mafala ya kuna iwo.¹¹Tidachoka na mwadiya ku Trowa, tidafamba kulatiza ku Samotrake, apo mangwana yache tidabwera ku Neapoli. ¹²Kuchoka popo tidayenda ku Filipi, omwe ni mzinda wa ku Makedoniya, mzinda wakufunika maninge m'boma limwero na dzikondilo kale lidatongewa na Aroma, apo tidakhala mumzinda umweyo kwa nsiku zizinji. ¹³Pansiku ya Sabudu tidayenda kunja kwa gedi m'bali mwa mkulo, ndiko tikhakumbuka kuti kukhana mbuto ya mapembo. Tidakhala pansi tichisewera na azimayi omwe akhadagwezekana pabodzi.¹⁴Mkazi winango wakuchemeriwa Lidiya, wakugulisa chibakuwa wakumuyi wa Tiyatira, omwe akhanamata Mulungu, adatibva. Mbuya adafungula mtima wache kutetekera ndibzo bzikhalewiwa na Paulo. ¹⁵Pomwe iye na wanyumba yache adabatiziwa, adatikumbira ife, kulewa kuti, ''Penu mutandiyezera mwaona kuti ndine wakukhulupirika mwa Mbuya, bwerani mudzakhale mnyumba mwangu.'' Apo iye adatingingimiza ife.¹⁶Bzidachitika kuti, pomwe tikhayenda kumbuto kwa mapembo, tidagumana na nyabasa winango dende omwe akhana mzimu wambwebwe. Akhabweresa phindu likulutsa kuna omwe akhawaphatira basawo lakumbabwebweta bzakubvimira. ¹⁷Mkazi umweyu adatewera Paulo na ife achikuwa, kulewa kuti, ''Wanthu awa mba atumiki wa Mulungu Mkulu. Akulalikira kuna imwe njira yakuchipulumuso.'' ¹⁸Iye adachita bzobzi nsiku zizinji. Soma Paulo, pakukalipa naye, adachungunuka achiti kuna mzimuyo, ''Ndikukutonga mdzina la Yesu Mkhirisitu kubula mwa iye.'' Apo udabuliratu nthawe yoyo.¹⁹Pomwe akhawaphatira basawo adaona kuti mwayi wawo wakuchita phindu wapfudzika, adaphata Paulo na Sila achiwaduduluzira mumsika pamaso pa waboma. ²⁰Pomwe adawabweresa kuna wakutonga milandu, iwo adati, ''Wanthu awa akunyosa mabvuto mmuyi mwathumu. ²¹Mba Ayuda amwewa. Akulalikira mitemo yakulambiziwa kuitambira ayai kuichita ife Aroma.''²²Kinangoka thimu lensene lidaukira Paulo na Sila; wakutonga milanduwo adawang'ambira bzakubvala bzawo achitonga kuti awabute na miti. ²³Pomwe atawamenya bzibakera bzizinji, adawathusa mkaoko achitonga mdindo wakaokoyo kuwakoya bwino. ²⁴Atamala iye adatambira chitongichi, adawathusa msubi ya mkati achimanga nzayo zawo mchigologolo.²⁵Kati na kati ya usiku Paulo na Sila akhapemba na kuyimba mingoli ya Mulungu, apo akaidi winango akhawabvesera iwo. ²⁶Mwachidzidzi pakhana chiteketeke chikulu, mwakuti maziko ya kaokoyo yadagwedezeka; apo mwachidzidzi misuwo yensene idafunguka, apo aliyense njema zache zidatsudzuka.²⁷Mdindo wakaoko ule adalamuka patulo achiona misuwo yakaoko yakufunguka; adathusa pansi dipa lache apo akhali pafupi kubzipha yekha, thangwe akhakumbuka kuti akaidi athawa. ²⁸Soma Paulo adakuwa na mafala makulu, kulewa kuti, ''Nampodi kubzidzonga wekha, thangwe tensene tikali muno.''²⁹Mdindoyo adachemeresa bzakubvunikira achithamangira momo apo, nakunjenjemera na mantha, adagwa panzayo za Paulo na Sila, ³⁰achiwabulisa panja achiti, ''Mbuya, ndichite chani kuti ndikapulumuke?'' ³¹Iwo adati, ''Khulupirira mwa Mbuya Yesu Mkhirisitu, apo umdzapulumuka, iwe na banja lako lensene.''³²Iwo adasewera mafala ya Mbuya kuna iye, pabodzi na wensene wa banja lache. ³³Kinangoka mdindoyo adawatenga panthawe yoyo letu yausikubo, achikawatsuka bzilonda bzawo, apo iye na wensene wamnyumba mwache adabatiziwa kamkulumize. ³⁴Apo pomwe adatengera paulo na Sila mnyumba mwache adawaikhira chakudya, iye na wanyumba yache adasekera kwene kwene, kuti iye wakhulupirira Mulungu.³⁵Tsapano pomwe kudachena, wakutonga milandu adatumiza mafala kuna alindiri, kulewa kuti, ''Alekeni wanthu wale ambayende.'' ³⁶Mdindoyo adakalewa kuna Paulo, kulewa kuti, ''Wakutonga milandu anditumiza mafala ati mumbayende. Tenepo tsapano bulani panja, apo muyende mu mtendere,''³⁷Soma Paulo adalewa kuna iwo, ''Atimenya menya padecha seye mkutitonga mulandu, napo kuti ndife waku Roma---apo adatithusa mkaoko basi. Ndiye amfuna kuti timbayende kachetechete? Neye! mbaabwere okha adzatibulise panja.'' ³⁸Alindiri wale adakalewa mafalaya kuna wakutonga milanduwo, apo atabva kuti Paulo na Sila akhali waku Roma, adaphatiwa na mantha. ³⁹Wakutonga milanduwo adabwera kudzapepesa kuna iwo achiwabulisa panja, achiwakumbira kuti ayende kunja kwa muyiyo.⁴⁰Apo Paulo na Sila adabula panja pa kaokoyo achibwera panyumba ya Lidiya. Pomwe Paulo na Sila adaona abalewo, achiwalimbikisa iwo achinyamuka bwino kubula mmuyimo.

17¹Tsapano atapita kudzera mu mzinda wa Amfipoli na Apoloniya, adabwera ku mzinda wa Tesalonika, komwe kukhana sunagoge ya Ayuda. ²Paulo, ninga mwa mtemo wache ukhaliri, adayenda kuna iwo, apo kwa nsiku zitatu za Sabata adasewera nawo bza mmanemba achiyathumbudzulira.³Iye adafungula manemba achifokotoza kuti bzikhali bza kufunika kuti Mkhirisitu abonere apo achilamuka pomwe kuchoka kwa wakufa. Iye adalewa, ''Uyu ni Yesu omwe ndikukulalikiraniyu ni Mkhirisitu.'' ⁴Ayuda winango adatengeka achibziphathika kwa Paulo na Sila, kuphatikidza na a Helene azinji wakunamata, apo na akazi akulu sikuti wakulewengeka.⁵Soma Ayuda wakusaya kukhulupirira, pakukhala na njiru, adatenga wanthu winango wakuipa kuchoka mumsika, achigwezeka thimu lawanthu pabodzi, achiyambisa phiringu mmuyimo. Achigumukira kunyumba ya Yasoni, akhapsaga kuti abwerese Paulo na Sila padecha pa wanthu. ⁶Soma pomwe alibe kuwagumana, adaduduluzira Yasoni na abale winango pamaso pa akulu akulu wa mmuyimo, uku akumbakuwa, ''Wanthu awa ndiwo asanduliza dzikoli tsono abwera pomwe kuno. ⁷Wanthu amwewa ndiwo Yasoni wawatambira akuchita bzakulamba chitongi cha Kaisara; akuti pana mfumu pomwe inango---Yesu.''⁸Adabvutisa thimu lawanthulo na akulu wamuyi omwe adabva bzobzi. ⁹Soma pomwe iwo adatambira chitetezo kuchoka kuna Yasoni na winangowo, adawatsudzula kumbayenda.¹⁰Usiku bumwebo abalewo adatumiza Paulo na Sila ku Bereya. Pomwe adafika koko, adakapita msunagoge ya Ayuda. ¹¹Tsapano wanthu awa akhali waufulu kuposa wa mu Tesalonika, thangwe adatambira mafala na kukonzekera kwensene kwa mtima, achisankhula manemba nsiku zense kuona penudi bzinthu bzikhali tenepo. ¹²Nithangwerache azinji waiwo adakhulupirira, kuphatanidza na azimayi azinji wachi Helene wakubvekera na amuna pomwe azinji.¹³Soma pomwe Ayuda waku Tesalonmika adabva kuti Paulo akhalalikira pomwe mafala ya Mulungu ku Bereya, adayenda kumweko achikanyosa na kubvutisa thimu lawanthulo. ¹⁴Apo mwachidzidzi, abalewo adachosa Paulo mkuyenda ku nyanza, soma Sila na Timoteo adakhala basi koko. ¹⁵Iwo omwe akhatsogolera Paulo adamutenga mpakana kutali ku Atene. Pomwe adakamusiya Paulo koko, adatambira kuchoka kuna iye malangizo yakukauza Sila na Timoteyo kuti abwere kuna iyeko kamangumangu.¹⁶Tsapano pomwe Paulo akhawadikhira ku Atene. mtima wache udabonera pakuona muyi wensene kudzala na mafano. ¹⁷Apo adagazana na Ayuda nsiku zensene mma sunagoge na wina omwe akhanamata Mulungu, na wina pomwe mmisika omwe akhali momo.¹⁸Soma wanzeru wina waku Epikureya na Stoiki adamupingiza. Wina akhati, ''Kodi mchiyani ndicho wakubwebweta uyu akulewa?'' Wina mkumbati, ''Akuoneka ninga ule wakumbakopa wanthu kutewera milungu yachilendo,'' thangwe iye akhalalikira mafala yakumbaguma Yesu na mmukiro.¹⁹Adamuphata Paulo mkumubweresa ku Areopagi, kulewa kuti, ''Timfuna tidziwe chipfunziso ichi ndicho ukulewalewachi? ²⁰Thangwe ukubweresa bzinthu bzachilendo mmakutu mwathumu. Tenepo, timfuna tidziwe kuti bzinthu bzobzi bzikuthandauza chiyani.'' ²¹(Tsapano wamu Atene wense na alendo kubodzi adakakhala nthawe yawo mwemo neye kulewalewa ayai kutetekera pomwe bzinthu bzinango soma bzinthu bzipsa.)²²Apo Paulo adaima pakati pa wanthu waku Areopagi achiti, ''Imwe wanthu waku Atene, ndikuona kuti ndimwe wanthu wakunamata mchirichensene. ²³Thangwe pomwe ndikhambapita ndaona bzinthu ndibzo mumbanamata, Ndaona guwa lansembe lakunemba tenepa, ''Kwa Mulungu Wakusaya kudziwika.'' Bwomwe bzikulatiza kuti mumbanamata seye mkudziwa, chomwe nimkulalikirani imwe.²⁴Mulungu ndiye adalenga dziko lapansi na bzensene ndibzo bziri momo, nakuti iye ni Mbuya wa kudzaulu na dziko lapansi, ambakhala lini mmakachisi yakumangiwa na manja. ²⁵Pinango pomwe kutumikiriwa na manja ya wanthu, ninga nyakusaya chinthu, thangwe iye ndiye ambapa wanthu moyo na mphuye yakupuma na chirichensene.²⁶Kuchoka mwa munthu m'bodzi adachitisa dzinza lirilensene la wanthu kukhala padziko lapansi, atakonzeratu nthawe zawo na malekezero ya pakukhala pawo, ²⁷pala kuti apsage Mulungu nakuti pinangopense angabzibve iwo kukhala pafupi na iye na kumugumana. Napo kuti iye ali lini kutali na ife.²⁸Pakuti mwa iye timkhala na moyo na kufambafamba na kugumana mkhalidwe wathu, ninga wabzinzano wanu wina adalewa, 'Nakuti ife pomwe ndife mbadwa zache.' ²⁹Ndiye, nakuti ndife mbadwa za Mulungu, timfunika lini kukumbuka kuti umulungu buli bwakulingana na golide, ayai siliva, ayai mwala---bzifani bzakukonziwa na madu yekutsema na nkhumbukira za wanthu.³⁰Ndiye munthawe yakusaya kudziwa Mulungu adalekerera, soma tsapano akutonga wanthu wense kulikwense kulapa. ³¹Iri n'thangwera kuti waikha nsiku ndiyo anzatonga dziko lapansi mchilungamo na munthu wache ndiye wamuikhiratu. Mulungu wapasa chitsimikizo cha munthuyu kuna aliyense pakumulamusa iye kuna wakufa.''³²Tsapano pomwe wanthu wa ku Atene adabva bza mmukiro wa wakufa, wina adamunyongodola Paulo; soma winango adati, ''Timkutetekerani pomwe imwe bza nkhani imweyi.'' ³³Atamala popo, Paulo adawachokera iwo. ³⁴Soma wanthu winango adamuphathika achikhulupirira, kuphatanidza Dionisiyo wa ku Aeropagi, na mkazi dzina lache Damarisi, na winango pomwe pabodzi.

18¹Bzitamala bzinthu bzobzi Paulo adachoka achiyenda ku Kolinto. ²Kumweko iye adagumana na Myuda dzina lache Akula, wakubaliwa ku Ponto, iye akhali atando kufika kumene kuchokera ku Italiya na mkazache Pulisikira, thangwe Klaudiyo akhadatonga kuti Ayuda wense achoke ku Roma. Paulo akhadayenda kwa iwo, ³thangwe iwo akhali amisili wakuphata basa libodzi bodzi, iye adakhala nawo achiphata nawo basa, thangwe wense basa lawo likhali lakusona mahema.⁴Ndiye Paulo akhambayenda msunagoge Sabudu lirilense, kuyezera kukawanyengerera wense Ayuda na Ahelene. ⁵Tsapano pomwe Sila na Timoteyo adapolika kuchokera ku Makedoniya, Paulo akhabzipereka yekha pa mafala, kuchitira umboni kuna Ayuda kuti Yesu akhali Mkhirisitudi. ⁶Soma pomwe Ayuda adamugaza achichita makani na iye, Paulo adakutumula bzakubvala bzache kwa iwo achilewa kwa iwo, ''Mulopa wanu umkhala pa msolo panu; ine ndilibe thangwe. Kuchokera tsapano ateye mtsogolo ine ndikuyenda kuna wanthu Wachikunja.''⁷Kinangoka iye adachoka pamwepo achiyenda kumuyi wa munthu winango dzina lache Tito Yusita, munthu omwe akhambapemba Mulungu. Nyumba yache ikhali pafupi na sunagoge. ⁸Khirisipo, mkulu wa sunagoge, akhakhulupira Mbuya, pabodzi na wanthu wense mnyumba mwache; na Akorinto azinji omwe adabva bza ibzi adakhulupira achibatiziwa.⁹Usiku Mbuya adati kuna Paulo m'masomphenya, ''Nampodi kuchita mantha, soma usewere nampodi kukhala chete. ¹⁰Thangwe ndiri nawe, apo palibe munthu amdzayezera kukudzonga iwe, thangwe ine ndinawo wanthu azinji mumzinda muno.'' ¹¹Paulo adakhala kumweko gole libodzi na miyezi mitanthatu, kupfunzisa mafala ya Mulungu pakati pawo.¹²Soma pomwe Galiyo adakhala mkulu wa ku Akaya, Ayuda adalamuka pomwe na malingaliro yawo mabodzi kugaza Paulo achimupfuwira iye ku mbuto ya milandu; ¹³iwo adalewa, ''Munthuyu akunyengerera wanthu kunamata Mulungu mwakugazana na chitongi.''¹⁴Tsono pomwe Paulo akhati kuti asewere, Galiyo adalewa kuna Ayuda, ''Imwe Ayuda, penu chadidi ikhani nkhani yakuphonyeka ayai yakugopsa, ingadakhala nkhani yalazau kukulekererani imwe. ¹⁵Soma poti aya ni mabvunzo yakukhudzana na mafala na madzina na chitongi chanu, mubverane mwekha. Ine ndikufuna lini kuti ndiyeruze nkhani zimwezi.''¹⁷Galiyo adawachitisa kuchoka pambuto yakuyeruzirayo. ¹⁶Ndiye iwo adaphata Sositeni, mkulu wa sunagoge, adamumenya pamaso pa mbuto yakuyeruzirayo. Soma Galiyo akhalibe nabzo basa bzomwe iwo adachitabzo.¹⁸Paulo, atamala kukhala kumweko kwa nsiku zizinji, adagoneka abalewo achikapakila mwadiya kuyenda ku Siriya pabodzi na Purisikira na Akula. Iye akanati kuchoka pagombe la nyanzayo, Kenkereya, adasenga tsisi mumsolo thangwera mpangano ndiwo iye akhadachita. ¹⁹Pa nthawe ndiyo iwo adafika ku Aefeso, Paulo adamwazana na Purisikira na Akula pamwepo, soma iye yekha adapita msunagoge achibverana na Ayuda.²⁰Pomwe iwo adamukumbira kuti akhale nthawe itali, iye adalamba. ²¹Soma iye adawachokera iwo, achiti, ''Ine ndikubwera pomwe kuna imwe penu mchifuniro cha Mulungu.'' Iye kinangoka adapakila mwadiya kuchoka ku Aefeso.²²Pomwe paulo adafika ku Kaisareya, iye adakwira kukamusana na mpingo wa Yerusalemu kinangoko adapolika kuyenda ku Antiokeya. ²³Atamala kukhala kumweko kanthawe, Paulo adachoka achiyenda kudzera ku mzinda wa Galatiya na Frugiya, kulimbikisa wakupfunza wense.²⁴Tsapano M'yuda winango dzina lache Apolo, mbadwa yaku Alekizandiriya, adabwera ku Aefeso. Iye akhali wakudziwa kwenekwene kusewera na wakudziwa mafala ya Mulungu. ²⁵Apolo adauziwa na kupfunzisiwa bza Mbuya. Adakulumiza kudziwa bza mzimu, iye adasewera na kupfunzisa mwakubveka bwino bzinthu bza kuguma Yesu, soma iye akhatondo kudziwa bza ubatizo bwa Yohani. ²⁶Apolo adatoma kusewera bzakulimbisa mtima msunagoge soma pomwe Purisikira na Akula adamubva iye, adamutengera pambali achimufokotozera iye bzizinji bza njira ya Mulungu mwakubveka bwino.²⁷Pomwe iye adakhumba kuyambuka kuyenda ku Akaya, abale adamulimbikisa iye kuti anembe tsamba kuna wakupfunza waku Akaya kuti akamutambire bwino iye. Pomwe iye adafika, adawathandiza kwene kwene iwo omwe adakhulupira mwa chisomo. ²⁸Apolo adawagaza bzamphamvu Ayuda pa mgazano wa pamaso pa wanthu, achiwatsimikizira na manemba kuti Yesu ndiye Mkhirisitu.

19¹Panthawe ndiyo Apolo akhali ku Korinto, Paulo adafamba kudzera mdziko lakudzaulu adafika ku mzinda wa Aefeso, wakupfunza winango adagumana nawo komweko. ²Paulo adalewa kwa iwo, ''Kodi mudatambira Mzimu Wakuchena panthwe ndiyo imwe mudakhulupirira?'' Iwo adalewa kuna iye, ''Neye, ife tikanati kale kubva bza Mzimu Wakuchena.''³Paulo adati, ''Tsono imwepo mudabatiziwa na ubatizo bwakutani?'' Iwo adati, mu ubatizo bwa Yohani.'' ⁴Tsono Paulo adawatawira, ''Yohani adabatiza na ubatizo bwakulapa. Iye adawauza wanthu kuti iwo akhulupirire mwa m'bodzi omwe akhabwera pambuyo pawo, umweyo, ni Yesu.''⁵Pomwe wanthu adabva bzobzi, iwo adabatiziwa mdzina la Mbuya Yesu. ⁶Kinangoka Paulo adabzatika manja yache pa iwo, Mzimu Wakuchena udafika pa iwo apo iwo adasewera malirime na kubvimira. ⁷Pa wense akhalipo ninga amuna khumi na awiri.⁸Paulo adapita msunagoge achisewera mwakulimbika mtima miyezi mitatu, kusewera na kuwanyengerera bza ufumu bwa Mulungu. ⁹Soma pomwe Ayuda winango adaumisa mitima yawo apo neye kufuna kukhulupilila, achimbanyoza Njira pamaso pa thimu la wanthu, pamwepo Paulo adawasiya achichoka nawo wakupfunza wale, apo nsiku na nsiku akhakambilana m'sukulu ya Tirano. ¹⁰Ibzi bzidapitirira kwa magole mawiri, telepoyo kuti wense wakukhala ku Asiya adabva mafala ya Mbuya, Ayuda na Aherene kubodzi.¹¹Mulungu akhachita bzakudabwisa bzizinji kudzera mmanja mwa Paulo, ¹²mwakuti neye tumipango na bzakubvala ndibzo iye Paulo adabzikhuya bzidatengeriwa kuna atenda apo utenda bwawo budabula mwa iwo na mizimu yakuyipa idabula mwa iwo.¹³Soma pakhana Ayuda wakubulisa utenda wakufambafamba mphimpha imweyo. Iwo akhachemera dzina la Mbuya Yesu mwakuti iwo akhana mphamvu yakubulisa mizimu yakuipa pomwe iwo adati, ''Mudzina la Yesu omwe Paulo ambamlalikira, ndikukutonga iwe kuti ubule.'' ¹⁴Mkulu wa nsembe wachi Yuda, omwe dzina lache likhali Sikeva, akhana wana anomwe wachimuna omwe akhachita bzobzi.¹⁵Mzimu wakuipa udawatawila iwo, ''Yesu ine nimbamudziwa, na Paulo ine nimbamudziwa; soma imwepo ndimwe mbani?'' ¹⁶Munthu wakuphatiwa na mzimu wakuipa ule adawamogera achiwaphata mkuwamenya wense. Kinangoka iwo adabula mnyumbamo ali pezi pezi atadzongeka. ¹⁷Bzobzi bzidadziwika na wanthu wense, Ayuda na Aherene kubodzi, omwe akhambakhala ku Aefeso. Iwo adachita mantha kwenekwene, apo dzina la Mbuya Yesu lidalemekeziwa.¹⁸Ndiye, wakukhulupirira azinji adabwera mkuyamba kumbazimbula bwino bwino bzakuipa bzawo bzomwe iwo akhadachita. ¹⁹Azinji wakuchita matsenga adabweresa mabukhu yawo pabodzi achiyatentha pamaso pa wanthu wense. Pomwe iwo adalewengesa kobiri zache zense, zikhali bzulu makumi machanu za siriva. ²⁰Tenepo mafala ya Mbuya yadabvekera palipense yachiphata basa mwa mphamvu.²¹Tsapano bzitamala bzimwebzi, Paulo adakumbuka mwa Mzimu kuti ayende kudzera ku Makedoniya na Akaya paulendo bwache bwakuyenda ku Yerusalemu; iye adati, ''Ine ndikakachoka koko , ndikufuna ndikaone pomwe ku Roma.'' ²²Paulo adatumiza ku Makedoniya wanthu awiri omwe akhamutumikira iye, Timoteyo na Erisita. Soma iye yekha adasala ku Asiya kwa kanthawe.²³Pa nthwe yomweyo pakhalibe chakunesa chirichense ku Aefeso chakukhudzana na Njira. ²⁴Misiri winango wakusula bzitsulo dzina lache Demetiriyo, omwe adakonza tuakachisi twa Aritemi, adabweresa phindu lizinji kuna wakusula wale. ²⁵Tsono iye adagwezeka pabodzi wanthu wakudziwa kuphata basa limweri achiwauza, ''Amunamwe, mikudziwa kuti m'basa limweri ifepano tikuphata kobili zizinji.²⁶Imwe mukuona na kubva kuti, neye kuti ku Aefeso kokha, soma kuzungulira mu Asiya mwense, Paulo umweyu adanyengerera na kutembenuza wanthu azinji. Iye akhalewa kuti milungu yakukonziwa na manja ni milungu lini. ²⁷Pana chigopsero lini chokha kuti malonda yathu yanipepusiwa, soma pomwe kuti kachisi wa mulungu wathu mkulu Aritemi amdzaoneka wakusaya phindu, na ukulu bwache bumdzabweresa lini chinthu, iye omwe Asiya wense na mdziko lapansi ambamunamata.''²⁸Pomwe iwo adabva bzimwebzi , adadzaziwa na ukali achikuwa, mkulewa, ''Mkulu ni Aritemi waku Aefeso,'' ²⁹Mzinda wense udadzala na phiringu, na wanthu wense adathamangira ku mbuto ya masenzeka na kukumbuka kubodzi. Iwo adaphata anzache wakufamba na Paulo, Gayo na Aristiriko, omwe adabwera kuchoka ku Makedoniya.³⁰Paulo akhafuna kupita pampikiti pathimu la wanthu, soma wakupfunza wache adamulambiza iye. ³¹Soma pomwe, akuluakulu winango wa boma la Asiya omwe akhali anzache adamutumira mafala kumudandaulira kuti iye nampodi apite kumbuto ya masenzeko. ³²Wanthu winango akhakuwa bzinango, winango pomwe bzinango, thangwe pa thimu pale pakhana chiphiringu. Azinji wa omwewa akhadziwa lini kuti thangwelanyi akhaadgwezekana pabodzi.³³Winango pa thimupo adalangiza Alekizanda, omwe Ayuda akhamugwinyira kutsogolo. Tsono Alekizanda adavuzula boko lache, kufuna kupereka chikhotcherero. ³⁴Soma pomwe iwo adazindikira kuti iye akhali M'yuda, iwo wense adakuwa pomwe pafupifupi kwa nthawe ziwiri na mafala mabodzibodzi, kulewa, '' Mkulu ni Aritemi wa Aefeso.''³⁵Pomwe nyakunembera wa mzinda adanyamaliza thimu lire, iye adati, ''Imwe wanthu waku Aefeso, ni munthu uponi omwe ambadziwa lini kuti mzinda wa Aefeso ni tchalichi yakukoyera Aritemi mkulu na chilinganiro ndicho chidagwa kuchokera kudzaulu? ³⁶Pakuona kuti bzinthu bzimwebzi mpsakugazika lini, bzikufunika kuti munyamale apo nampodi kuchita chinthu na befu. ³⁷Nakuti imwepo mwabweresa wanthuwa kumbuto ino yakutongera milandu pomwe iwo alibe neye kuba bzinthu bza mtchalitchi ayai kuchitira makiriyado kuna mulungu wathu wachikazi.³⁸Tsono pamwepa, penu Demetriyo na amisiri wache omwe iye anawo ana mulandu wakugazana na aliyense, bwalo lino ndakufungula wakutonga alipo. Alekeni iwo adzakachali kuna wina na mwayache. ³⁹Soma penu imwepo mukupsaga bzinango bzakuthimizira, bzimdzakonziwa pa mgumano wa wanthu azinji wakutonga. ⁴⁰Nakuti tiri pa chigopsero chakutilewera bza phiringu lero, nakuti palibe thangwe lakuti tingakupeni la lazawu ya philingu limweri.'' Pomwe iye adasewera bzimwebzi, iye adatsudzula mtsonkhanoyo kuti wanthu ayende.

20¹Litamala phiringu lire, Paulo adatumiza wakupfunza wache apo atamala kuwalimbikisa mtima iwo, adagoneka achiyenda achinyamuka kuyenda ku Makedoniya. ²Atafamba kupita mphimpha zimwezo apo mkusewera mafala mazinji yakuwalimbikisa iwo, adafika ku Krete. ³Atakhala miyezi mitatu kumweko, Ayuda adamukonzera chiwembu pomwe akhadasala pang'ono kunyamuka pa mwadiya kuyenda ku Siriya, ndiye adakumbuka bzakubwerera kudzera ku Makedoniya.⁴Wakumuperekeza iye ate ku Asiya akhali Sopatere, mwana wachimuna wa Puro, waku Bereya; Aristariko na Sekundo, wense wakukhulupirira wakuchokera ku Tesalonika; Gayo wa ku Deribe; Timoteyo; na Tikiko na Trofimo wa ku Asiya. ⁵Amwewa adatsogola achikatidikhira pa Troasi. ⁶Soma ife tidayenda mu chombo kuchokera ku Filipi, zitamala nsiku za mikate yakusaya chakufufumisa, apo mu nsiku zichanu tidabwera kuna iwo ku Troasi. Komweko tidakhala nsiku zinomwe.⁷Pa nsiku yakutoma ya sumana, pomwe ife tidagwezekana kubedulirana mkate, Paulo adasewera kuna wakukhulupirira. Iye akhakonzeka kunyamuka mangwana yache, ndiye adapitiriza kusewera kwache ate kati ya usiku. ⁸Msubi ya mdzaulu momwe tidagwezekanamo mukhana kandiyero zizinji.⁹Pa zjanera pakhadakhala mnyamata wakuchemeriwa Yutiko, adagona tulo twakufa nato. Tsono pomwe Paulo adatenga nthawe akusewera, mnyamata umweyu, akhagona basi, adagwa kuchokera mnyumba yachitatu ya mdzaulu apo adakamulokota wakufa. ¹⁰Soma Paulo adabuluka pansi, mkugona mwakubzithamula padzaulu pa iye, mkumukumbatira. Ndiye iye adati, ''Nampodi kupitiriza kukalipa, nakuti iye ana moyo.''¹¹Kinangoka iye adayenda kukakwira pomwe achikabedula mkate achidya. Atamala kusewera nawo nthawe itali ate manyika kuonekera, iye adachoka. ¹²Iwo adamubweresa mnyamata ule wamoyo apo wense adanyamalizika kwene kwene.¹³Ife tekha tidatsogola patsoglo pa Paulo na chombo chapamadzi tichiyenda ku Asosi, komwe tidakumbuka bzakumutenga Paulo kupakira naye. Ibzi ndibzo iye yekha akhakhumba kuchita, thangwe akhadakumbuka bzakufamba na miyendo. ¹⁴Pomwe iye adadzatigumana ife ku Asosi, ife tidamutengera mu mwadiya tichiyenda ku Mitileni.¹⁵Kinangoka ife tidachoka kumweko tichikafika mangwana yache kunyang'anisana na nsuwa ya Kiyo. Mangwana yache ife tidaphata nsuwa ya Samo, itamala nsiku yomwe ife tidafika kumzinda wa Mileto. ¹⁶Thangwe Paulo akhafunisisa kuti adzere ku Aefeso, kuti iye nampodi atenge nthawe ku Asiya; poti iye akhathamangira ku Yerusalemu pala nsiku ya Pentekositi, penu bzikhali bzakukwanisika pala iye kuchita tenepo.¹⁸Kuchokera ku Mileto iye adatuma amuna kuyenda ku Aefeso achibzichemerera yekha akulu wa mpingo. ¹⁷Pomwe iwo adabwera kuna iye, adalewa kuna iwo, ''Imwepo mwekha mukudziwa, kuchokera nsiku yakutoma ndiyo ine ndidaponda nzayo ku Asiya, ndimo ndidakhalira namwe. ¹⁹Ndidatumikira Mbuya na kubzichepesa kwense kwa mtima na misozi, na mayezero ndiyo yambandichitikira ine thangwera chiwembu cha Ayuda. ²⁰Imwe mukudziwa kuti ine ndilibe kukubisirani chinthu cha phindu, na ndimo ndidakupfunzisirani padecha pa kuchokera nyumba na nyumba, ²¹kuchitira umboni wense Ayuda na Ahelene bzakukhudzana na kutembenuka mtima kuna Mulungu na chikhulupiriro mwa Mbuya wathu Yesu.²²Tsapano nyang'anani, ndikuyenda ku Yerusalemu, wakumangiwa na Mzimu, seye kudziwa ndibzo bzimdzandigwera ine koko, ²³soma kupambula kuti Mzimu Wakuchena ukundichitila ine umboni mmiyi yense na kulewalewa kuti nsinga na bzibonereso bzikundidikhira ine. ²⁴Soma ndikuyesa lini moyo wangu kuti udaumira tani pa ine ndekha, telepo penu ndikumaliza njira yangu na utumiki bomwe ndidabutambira kuna Mbuya Yesu, kuchitira umboni mafala yadidi ya chisomo cha Mulungu.²⁵Tsapano nyang'anani, ine ndikudziwa kuti imwe mwense, pakati panu omwe ndidayenda kukalalikira ufumu, mumdzaona lini pomwe nkhope yangu. ²⁶Mthangwerache ine ndikuchita umboni kuna imwe lero, kuti ine ndiribe thangwe na mulopa wa munthu aliyense. ²⁷Nakuti ine ndikubisa lini chinthu pakulalikira kwa imwe bzakufuna bzense bza Mulungu.²⁸Ni thangwerache muchenjere mwekha, na bza thimu lense ndilo Mzimu Wakuchena wakusankhulirani kukhala wakunyang'anira. Muchenjere mufuwe mpingo wa Mulungu, omwe iye adaugula na mulopa wache. ²⁹Ine ndikudziwa kuti pambuyo pa kuchoka kwangu, kumdzabwera mphumphi zakulungwa pakati panu apo zimdzasiya lini wina pa thimupo. ³⁰Neye kuchokera kuna imwe mwekha mwekha wanthu amdzalamuka achisocheresa chilungamo mkupambula wakupfunza kutewera iwo.³¹Soma mubzinyang'anire mwekha. Mukumbuke kuti pa magole matatu ine ndiribe kuleka kukucheuzani usiku na masikati na misozi. ³²Tsapano ine ndikuku ikhizani imwe kwa Mulungu na ku mafala ya chisomo chache, chomwe chinikwanisa kumangilira imwe nakukupani imwe chakusiiriwa pakati pa imwe mwense omwe muli wakuchenesiwa.³³Ine ndiribe kusirira siliva wa munthu, golide, ayai chakubvala. ³⁴Imwepo mwekha mukudziwa kuti manja yangu yadatumikira bzakufuna bzangu na bzakufuna bza iwo omwe akhana ine. ³⁵Pa bzinthu bzense ndakupani chidikhiriro cha ndimo imwe mungathandizire wakulefuka pa kuphata basa, na ndimo mungakumbukirire mafala ya Mbuya Yesu, mafala ndiyo iye yekha adalewa; 'Kupereka kumbadalisa kuposa kutambira.'''³⁶Pambuyo iye atamala kusewera terepayu , iye adagodama achipemba nawo wense. ³⁷Pakhana kulira kukulu apo iwo adamukumbatira Paulo achimumpsompsona iye. ³⁸Azinji mwa iwo adalira thangwera ndibzo iye adalewa, kuti iwo amdzamuona lini pomwe nkhope yache. Kinangoka iwo adamuperekeza iye komwe kukhana mwadiya.

21¹Pa nthawe ndiyo ife tidachoka pa iwo tichikapakira mwadiya, tidaphata njira ya ku muyi wa Ko, apo mangwana yache ku muyi wa Rode, apo kuchoka popo ku muyi wa Patara. ²Pomwe tidagumana na chombo chikugwata kuyenda ku Foinike, ife tidakapakira nawo mwadiyayo.³Titamaliza kuona Kupuro, kumusiya kumadzere kwa chombo, tidayambuka kuyenda ku Siriya na kufika ku Turo, ndiko chombo chikhakabulusa mitolo. ⁴Titawagumana wakupfunza, tidakhala popo nsiku zinomwe. Kudzera mwa Mzimu adapitiriza kumukumbira Paulo kuti nampodi ayende ku Yerusalemu.⁵Pomwe nsiku zathu popo zitamala, ife tidachoka kuyenda ulendo bwathu, na iwo wense, na akazi na wana wawo, adatiperekeza ife kunja kwa muyi. Kinangoka tidagodama pa gombe, tichinamata, ⁶tichilewa magonekano winango na mwanzache. Kinangoka ife tidayenda kukapakira mwadiya, apo iwo adabwerera kumuyi kwao.⁷Pomwe ife tidamala ulendo bwathu bwakuchokera kuTuro, tidafika ku Pitolemayi. Pamwepo ife tidamusana na abale tichikhala nawo kwa nsiku ibodzi. ⁸Mangwana yanzache ife tidachoka kuyenda ku Kaisareya. Ife tidapita mnyumba ya Filipi, mvangeri, omwe akhali m'bodzi wa anomwe, apo ife tidakhala naye iye. ⁹Tsapano munthu umweyo akhana wana anayi wachikazi madende yomwe yakhabvimira.¹⁰Pomwe tidakhala popo kwa nsiku, mneneri winango dzina lache Agaba adapolika kuchoka ku Yudeya. ¹¹Adabwera kuna ife achitenga bande wa Paulo. Adaumangira nzayo zache na manja achiti, ''Ndibzo mzimu walewa, Umu ndimo wanthu waku Yerusalemu amdzamangira munthu mwenekachiro bandeyu, apo amdzampereka mmanja mwa Wachikunja.'''¹²Pomwe ife tidabva bzinthu bzobzi, ife pabodzi na wanthu omwe tikhadakhala pa mbutopo tidamudandaulira Paulo nampodi kukwira kuyenda ku Yerusalemu. ¹³Kinangoko Paulo adatawira, ''Mukuchita chani, kulira na kundiwawisa mtima wangu? Nakuti ndakonzeka, sikuti kundimanga kokha, soma kufa mu Yerusalemu thangwera dzina la Mbuya Yesu.'' ¹⁴Nakuti Paulo adalamba kunyengereriwa, ife tidakhala chete apo kinangoko tidati, ''Kufuna kwa Mbuya kuchitike.''¹⁵Zitamala nsiku zozo, tidatakula bzola bzathu tichikwira kuyenda ku Yerusalemu ¹⁶Komweko adayenda pomwe nafe wakupfunza winango wakuchokera ku Kaisaleya. Iwo adabwera naye pabodzi munthu dzina lache Manasoni, munthu wakuchokera ku Kupro, wakupfunza wa kale, omwe tidakhala naye.¹⁷Pomwe tidafika ku Yerusalemu, abale adatitambira ife na nsangala. ¹⁸Mangwana yache Paulo adayenda nafe kuna Yakobo, apo akulu akulu wense akhalipo. ¹⁹Pomwe iye adawamusa iwo, iye adawauza chinthu chibodzi chibodzi ndicho Mulungu adachita pakati pa wanthu Wachikunja kudzera mwa utumiki bwache.²⁰Pomwe iwo adabva ibzi, iwo adatenda Mulungu, apo iwo adalewa kuna iye, ''Mukuona kani, abale, ni bzulu bzingasi bzomwe bzakhulupilira pakati pa Ayuda. Iwo wense ana kachangu kakukoya chitongi. ²¹Iwo adauziwa bza imwe, kuti imwe mukupfunzisa Ayuda wense wakukhala pakati pa wanthu Wachikunja inango kumulamba Mose, nakuti imwe mukuwauza iwo kuti nampodi agwatise wana wao, na kuti asaye kufamba kuteweza mtemo wao.²²Tichite tani popa? Iwo amdzabva meju kuti imwepo mwabwera. ²³Tsono muchite bzomwe ife tinilewa kuna imwe. Ife tilinawo amuna anayi omwe adalumbira mpangano. ²⁴Mutengane na wanthuwa apo mukabzichenese mwekha na iwo, uwapagali amwewa, kuti iwo asenge tsisi mumsolo mwawo. Ndiye aliyense amdzadziwa kuti bzinthu bzomwe iwo adauziwa bza imwe bzakunama. Iwo amdzadziwa kuti imwe munikhala mwakulungama, na kukoya chitongi.²⁵Soma kulewa bza wanthu wachikunja omwe adakhulupirirawo, ife tidanemba bza kukumbuka kwathu kuti iwo abzipambule okha ku bzinthu bzakuperekiwa kuna bzilinganilo, bzakuchokera ku mulopa, bzakuchita kufa na kuchipiwa, bzakuchita bza chigololo.'' ²⁶Kinangoka Paulo adatenga amuna, apo mangwana yache iye adabzichenesa yekha pakati pawo. Kinangoko iwo adapita mkachisi, achiwauza bza nsiku yakuchenesa na kukwanisa na kupereka nsembe zomwe bzimdzayimira aliyense wa iwo.²⁷Pomwe nsiku zichanu zikanati kukwana, Ayuda winango wakuchokera ku Asiya, pakumuona Paulo mtchalitchi, adanyandula thimu lense achimuphata iye. ²⁸Iwo akhakuwa, ''Amuna wa ku Isaraeri, tithandizeni ifepano. Uyu ni munthu omwe ambapfunzisa wanthu wense palipense bzinthu bzakugazana na wanthu, chitongi, na mbuto ino. Pambali pache, iye adatenga pomwe Ahelene mtchalitchi apo apsipiza mbuto ino yakuchena.'' ²⁹Nakuti iwo kalekale adaona Trofimo waku Aefeso alinaye pabodzi mmuyimo, apo iwo akhakumbuka kuti Paulo adamubweresa iye mtchalitchi.³¹Mzinda wense udadabwa, apo wanthu adathamanga pabodzi kukamanga Paulo. Adamududuluza kuchoka mkachisi, misuwo ichifungiwa kamkulumize. ³⁰Pomwe iwo akhayezera kumupha, nkhaniyo idafika kuna mkulu wa akapitawo wa thimu la achikunda, kuti Yerusalemu wense akhali mchiphiringu.³²Pamwepo letu iye adatenga achikunda na akenturiyo achithamanga kupolika kuna thimulo. Pomwe wanthu adaona mkulu wa akapitawoyo, adalekeza kumumenya Paulo. ³³Kinangoka mkulu wa akapitawoyo adafendera achimuphata Paulo, apo adatonga kuti amumange na njema ziwiri. Ndiye iye adabvunza kuti iye akhali mbani na ndibzo adachita.³⁴Winango pa thimulo akhakuwa bzinango winangombo bzinango. Nakuti kapitawoyo alibe kudziwa chadidi chache thangwera baludya lensero, iye adatonga kuti Paulo amubwerese kwakuderekha. ³⁵Pomwe iye adabwera pa nsikada, adatakuliwa na achikunda thangwera phiringu la thimulo. ³⁶Thangwe thimu lawanthu likhatewera pambuyo achimbapitiriza kukuwa, ''Aphiwe!''³⁷Pomwe Paulo akhadasala pang'ono kuti apite mu litsito, iye adalewa kuna mkulu wa akapitawo, ''Mungandibvumize kuti ndisewerembo chinthu chinango kuna imwe?'' Kapitawo adalewa, ''Umbadziwa chi Helene? ³⁸Ndiwe lini mu Aiguputo omwe udanyosesa kupambukana kalekale lire uchitsogolera amuna bzulu bzinayi 'Waupandu' kuyenda ku chipululu?''³⁹Paulo adati, ''Ine ndine M'yuda, wakuchokera mu mzinda wa Tariso ku Kilikiya. Ine ndine mbadwa ya mu mzinda wakubveka. Ndikukukumbirani, mundibvume kuti ndisewere kuna wanthu.'' ⁴⁰Pomwe kapitawo adamubvumiza, Paulo adaima pa nsikada achivuzula manja kuna wanthu. Pomwe wanthu adanyamala, Iye adasewera na iwo mchiseweredwe cha chi Heberi. Iye adati,

22¹Abale na azibaba, tetekerani kubzikhotcherera kwangu ndiko nimchita tsapano kuna imwe.'' ²Pomwe thimulo lidabva Paulo akusewera kuna iwo mchiseweredwe cha chi Heberi, lidanyamala. Iye adati,³Ine ndine M'yuda, wakubaliwa ku Tariso mu Kilikiya, soma ndapfunza mumzinda mommuno panzayo za Gamaliyeli. Ine ndidalangiziwa kutewera njira chayiyo ya malamulo ya abereki wathu. Ine ndine wakuchangu kuna Mulungu, ninga ndimo mulili lero mwense. ⁴Ndidateweratewera Njira iyi ku imfa, kumanga na kududuluzira mkaoko amuna na akazi kubodzi, ⁵ninga mkulu wa ansembe mwakuti akulu akulu wense akhoza kuchitira umboni. Ndidatambira matsamba kuchoka kuna iwo pala abale ku Damasiko, apo ndidayenda koko kukawabweresa wakumanga ku Yerusalemu kudzalangiwa.⁶Bzidachitika kuti pomwe ndikhafamba kufendera ku Damasiko, masikati yatafendera mwachidzidzi kutoya kukulu kwakuchoka kudzaulu kudayamba kundibvunika kuzungulira ine. ⁷Ndidagwa pansi ndichibva mafala kulewa kuna ine, 'Saulo, Saulo, thangweranyi ukunditeweratewera ine?' ⁸Ndidatawira, 'Ndimwe mbani, Mbuya?' Iye adati kuna ine, 'Ndine Yesu waku Nazareti, omwe iwe ukunditeweratewera.'⁹Iwo omwe ndikhanawo ine adaona kubvunikako, soma iwo alibe kubva fala la iye omwe akhasewera nande. ¹⁰Ine ndidalewa, 'Ndichite chani, Mbuya?' Mbuya adati kuna ine. 'Lamuka uyende mu Damasiko. Kumweko umkauziwa chinthu chilichense chakufunika kuti ukachite.' ¹¹Ine ndikhakwanisa lini kuona thangwera kutoya kukuluko, apo pakuchita kuphatiwa boko na wale ndiwo ndikhanawo, ndidafika mu Damasiko.¹²Mwemo ndidakagumana na munthu dzina lache Hananiya, munthu wakunamata malingana na chitongi na wa mbiri yabwino pakati pa Ayuda wense wakukhala kumweko. ¹³Iye adabwera kuna ine, achiima pafupi nande, achilewa, 'M'bale Paulo, tambira kuona kwako.' Mu nthawe imweyo letu ine ndidamuona iye.¹⁴Kinangoko iye adalewa, 'Mulungu wa abereki wathu wakusankhula iwe kuti udziwe bzakufuna bzache, kuti uwone Wakulungamayo, nakuti ubve fala lakubula pakamwa pache. ¹⁵Nakuti iwe umdzakhala mboni ya iye kuna wanthu wense ya bzomwe iwe waona na kubva. ¹⁶Tsapano thangweranyi ukudikhila? Lamuka, ubatiziwe, nakusamba kuchosa bzakuipa bzako, kuchemera dzina lache.'¹⁷Nditabwerera ku Yerusalemu, apo pomwe ndikhapemba mtchalitchi, mazungu yadandibwerera. ¹⁸Ine ndidamuona iye akulewa na ine, 'Kulumiza ubule mu Yerusalemu kamangu, thangwe iwo anibvuma lini umboni bwako bwakuguma ine.¹⁹Ine ndidalewa, 'Mbuya, okha iwo akudziwa kuti ine ndidawafungira mkaoko mkuwatchanga iwo omwe akhakhulupilira imwe m'ma sunagoge mwense. ²⁰Pomwe mulopa wa Sitifano mboni yanu ukhajoja, ine pomwe ndikhadayima nawo na kutawiriza, ine ndikhakoya bzakubvala bza wale omwe adapha iye,' ²¹Soma iye adalewa kuna ine, ''Ndoko, thangwe ine nimdzakutumiza iwe kutali kuna wanthu Wachikunja.'''²²Iwo adamutetekera kuti iye amalize mafala. Kinangoko iwo adakwiza mafala yawo achilewa, ''Muchoseni wakutenepoyo mdziko lapansi, thangwe bzimfunikana lini kuti umweyu akhale na moyo.'' ²³Pomwe iwo akhakuwa, kumbathusa bzakubvala bzawo, na kumbathusa mataka mdzaulu, ²⁴mkulu wa nkhondo adatonga Paulo kuti amutenge ayende naye mu litsito. Iye adatonga kuti iye abvunziwe pa kuchita kumutchanga, pala kuti iye payekha adziwe thangwe ndilo iwo akhamkuwizira iye ninga terepoyo.²⁵Pomwe iwo adamumanga iye na bzingwe, Paulo adalewa kuna kenturiyo omwe akhadayima pafupi, ''Kodi mkuteweza chitongi kuna imwe kutchanga munthu omwe iye ni mu Roma pomwe mukanati kubva kuphonya kwache?'' ²⁶Pomwe kenturiyo adabva bzobzi, iye adayenda kuna mkulu wa nkhondo achimuuza iye, kulewa, ''Imwepo munichita tani pamwepa? Nakuti munthuyu ni mbadwa yachi Roma.''²⁷Mkulu wa nkhondoyo adabwera achilewa kuna iye, ''Ndiuze inepano, iwepo ndiwedi mbadwa yachi Roma?'' Paulo adalewa, ''Inde.'' ²⁸Mkulu wankhondoyo adatawira, ''Ni kobiri zizinji kwenekwene ndidadzonga kuti ine nditambire umbadwa.'' Soma Paulo adalewa, '' Ine ndabaliwa ku Roma.'' ²⁹Kinangoko wanthu omwe akhafuna kuti amubvunze iye adamuleka nthawe yomweyo. Mkulu wankhondo ule adabvambo mantha pomwe, nthawe ndizo adazindikira kuti Paulo akhali mbadwa yachi Roma, thangwe iye akhadamumangirira mdzaulu.³⁰Mangwana yache, mkulu wankhondo adafuna kudziwa chaibzo thangwe ndilo Ayuda adadzamulewera Paulo. Ndiye iye adamutsudzula bzingwe achitonga kuti mkulu wa nsembe na wense akulu wa bwalo agwezekane. Kinangoka iye adamubulusa Paulo achimuyimisa pakati pawo.

23¹Paulo adanyang'anisisa wanthu wakutonga milanduwo achilewa ''Abale wangu, ine moyo wangu wense ateye nsiku zino ndakhala na mtima wabwino kuna Mulungu.'' ²Mkulu wa ansembe Hananiya adatonga omwe akhadayima pafupi na iye kuti amumenye pa mulomo. ³Kinangoka Paulo adalewa kuna iye , ''Mulungu amdzakumenyani imwepo, imwe litsito lakupalangiwa mtoto wakuchenamwe. Imwepo mwakhala kuti mutonge ine kuteweza chitongi, chensecho mkutonga kuti ine ndimenyiwe, kugazana na chitongi?''⁴Iwo omwe akhadayima pafupi adalewa, ''Kodi umu ndimo umbanyozera mkulu wansembe wa Mulungu?'''' ⁵Paulo adati, '''Ndiribe kudziwa, abale, kuti iye akhali mkulu wa ansembe. Thangwe kudanembiwa, '''Nampodi kunyoza mtongi wa wanthu wanu.''⁶Pomwe Paulo adawona kuti mbali ibodzi ya akulu wabwalo akhali Asaduki na mbali inango Afarisi, iye adasewera mwakukuwa m'bwalomo, ''Abale, ine ndine Mfarisi, mwana wa Afarisi. Mthangwerache ine ndina chidikhizo cha kumuka kuna wa kufa ndipopa ine ndikutongiwapa.'' ⁷Pomwe iye adalewa bzobzi, padakhala makani pakati pa Asaduki na Afarisi, apo thimu lire lidagawanika. ⁸Thangwe Asaduki ambalewa kuti kulibe kumuka kuna wakufa, kulibe anjero, kulibe mzimu, soma Afarisi ambatawiliza bzensebzi.⁹Ndiye padaoneka phiringu likulu, apo anembi winango wachi Farisi adayima achigaza, kulewa, ''Ife tikuona lini chakuipa chirichense na munthu umweyu. Tani achikhala kuti mzimu ayai mnjero wasewera kuna iye?'' ¹⁰Patayambika mgazano ukulu, mkulu wa nkhondo adabva mantha kuti Paulo anganyedziwe naiwo, ndiye adatonga achikunda kupolika kukamutenga mwamphamvu kuchoka pampikiti pa thimulo, mkumubweresa ku litsito.¹¹Usiku bwache Mbuya adayima naye pafupi achilewa, ''Ulimbike mtima, nakuti ninga iwe wandichitira umboni ine ku Yerusalemu, iwe ndendende ukandichitire pomwe umboni ku Roma.''¹²Kutachena, Ayuda winango adakonza chiwembu achibzilumbirira okha, kulewa kuti iwo anidya lini ayai kumwa chinthu chilichense kufikizana iwo atamupha Paulo. ¹³Akhalipo amuna pafupifupi makumi manayi omwe akhadakonza chiwembu chochi.¹⁴Iwo adayenda kuna akulu wa nsembe na akulu akulu kukalewa, ''Ife talumbirira lumbiriro likulu kuti tinidya lini chinthu kufikizana titapha Paulo. ¹⁵Tsapano, ndiye, uzani bwalo likumbire mkulu wa nsembe kuti abwere naye iye kuna imwe, ninga ndimo imwe mukhafunila kudziwisisa bwino bza iye. Tingakhala ife, takonzeka kumupha iye akanati kufika kuno.''¹⁶Soma mwana wachimuna wa nana wache wa Paulo adabva kuti iwo akhadabwithama kudikhira, ndiye adayenda kukapita ku litsito achimuuza Paulo. ¹⁷Paulo adachemera m'bodzi wa a kenturiyo wa achikunda achilewa, ''Mutengereni mwana mng'onoyu kuna mkulu wa nkhondo, thangwe umweyu ana chinthu chinango chakuti akamuuze iye.''¹⁸Ndiye kenturiyoyo adamutenga mwana mng'ono ule achiyenda naye kuna mkulu wankhondo achilewa, ''Paulo wa mkaoko wandichemera ine, kundikumbira kuti ine ndimubwerese mwanayu kuna imwe. Iye ati ana chinthu chakuti asewere namwe.'' ¹⁹Mkulu wa nkhondoyo adamuphata boko kuyenda naye pambali achimubvunza iye, ''Mchiyani ndicho ulinacho kuti undiuze ine?''²⁰Mwanayo adalewa, ''Ayuda atawilizana kuti akukumbireni imwepo kuti mumubwerese Paulo mangwana kubwalo, kunamizira ninga iwo akufuna kukabvunza bzizinji bza kuphonya kwache. ²¹Soma nampodi kunyengelereka nawo, thangwe iwo alipo wakupitilira makumi manayi omwe akumbagona ali kumudikhira iye. Iwo adabzilumbilira okha seye kudya ayayi kumwa kufikizana atamupha iye. Neye pakali pano iwo akonzeka kale, kudikhira kubvumiza kwanu.''²²Ndiye mkulu wa akapitawoyo adamuleka mnyamatayo achiyenda, atamala kumupanganiza iye, '''Nampodi kuuza munthu aliyense kuti wandiuza bzinthu bzobzi ine.'' ²³Ndiye adamuchemerera iye a kenturiyo awiri achiti, '''Tenga achikunda madzana mawiri akonzeke kuyenda ate kutali ku Kaisareya, na amuna pomwe makumi manomwe wa akavalo, na amuna madzana mawiri wa madipa. Muninyamuka nthawe zitatu za usiku.'' ²⁴Iye adawatonga pomwe kupereka nyama yakuti Paulo apakire na kumutengera iye mwakutetezeka kuyenda naye kuna Felikisi kazembe.²⁵Kinangoka iye adanemba tsamba ninga ili: ²⁶''Klaudiyo Lusiya kuna Mkulu wa Akazembe wakubvekera Felikisi, ndikupereka kulimba. ²⁷Munthu umweyo adamangiwa na Ayuda apo akhadasala pang'ono kuphiwa nawo pa nthawe ndiyo ndidafika ine kuna iwo na achikunda mkumupulumusa iye, nditabva kuti ni mbadwa yachi Roma.²⁸Ine ndikhafuna kudziwa thangwe ndilo iwo akhamuleweralo, terepo adapolika naye kubwalo lawo lamilandu. ²⁹Ine ndidawona kuti iye akumulewera nkhani yakukhudza bzitongi bzawo, soma kuti pakhalibe mulandu wakugazana naye wakuthemera impfa ayai kuthusiwa mkaoko. ³⁰Ndiye ndidauziwa kuti pakhana chiwembu kuna munthuyo, ndiye ine kamkulumize ndidamutumiza iye kuna imwe mkuwauza wakuzengana nayewo kuti abwerese milandu yakugazana naye pa maso panu. Ndokoni bwino.''³¹Ndiye achikunda adabvera malamulo yale. Iwo adatenga Paulo achiyenda naye kuna Antipatri usiku. ³²Mangwana yache, achikunda azinji mwa iwo adalekana na wa akavalowo kuyenda naye apo iwo okha adabwerera ku litsito. ³³Pomwe wa akavalowo adafika ku Kaisareya achipereka tsambalo kuna Kazembeyo, adamupereka pomwe Pauloyo kuna iye.³⁵Pomwe kazembe adalewenga tsambalo, adabvunza mphimpha ndiyo Paulo akhachokera. Pomwe iye adazindikira kuti akhachokera ku Kilikiya, ³⁴iye adati, '''Nimdzakubva mwakukwana pomwe wakukuzengawo angabwera kuno.'' Ndiye adamutonga iye kuikhiwa mu likulu la boma la Herodi.

24¹Zitamala nsiku zichanu, Hananiya mkulu wa ansembe, akulu winango, na wakukoya moyo wakuchemerewa Tetulo adayenda koko. Wanthu amwewa adabweresa mulandu wakugazana na Paulo pamaso pa kazembe, ²Pomwe Paulo adaima pamaso pa kazembe, Tetulo adayamba kumuzenga iye achiti kuna kazembeyo. ''Thangwera imwepo ndipopa tina mtendere ukulupa, apo kuona patali kwanu kukutipindulira bzabwino kudziko lathu lino; ³ndiye na kutenda kwense tikutambira chirichense ndicho mumbachita, wakulemekezeka kwene kwene Felike.⁴Tsono ine ndikufuna lini ndikutayiseni nthawe, ine ndikukumbira imwe na kuchena mtima kwanu mubvembo mafala yathuya mwachigwatira. ⁵Thangwe ife tagumana munthuyu kukhala wakuboneresa na m'bodzi wakuchitisa Ayuda wense padziko lense lapansi kugandukira. Umweyu ni mtsogoleri wa thimu la Nazareni. ⁶Umweyu adayezera pomwe kuipisa tchalitchi, ndipopa ife tamumangapa umweyu.⁷Soma Lusiya mkulu wa achikunda adabwera kuna ife kudzamutenga na mphamvu m'manja mwathu, kinangoka mkutonga kuti ife tibwere kuna imwe. ⁸Mungamubvunza Paulo bzense bza nkhani imweyi, munikwanisa kudziwa bzinthu bzense bzomwe ife tikumuzengera umweyu.'' ⁹Ayuda adatawiliza pomwe, achitsimikiza kuti bzomwe bzikhalewedwabzo bzikhali bzachadidi.¹⁰Soma pomwe mkulu wa nsembe ule adakodola Paulo kuti asewere, Paulo adatawira, '' Ine ndabva kuti mwakhala mtongi wa dziko lino kwa magole mazinji, mthangwerache ndikukomedwa kuti ndifokotoze ndekha kuna imwe. ¹¹Mukudziwa mwekha kuti pakanati kupita nsiku zakuposa khumi na ziwiri kuchoka ndipo ndidayenda ku Yerusalemu kukanamata. ¹²Pomwe iwo adandigumana ine mtchalitchi, ndiribe kugazana na aliyense, apo ine ndilibe kunyosa thimulo, neye msunagoge, ayai mmuyi. ¹³Omwewa angakutsimikizireni lini imwepo bzomwe akusewera tsapanobzi kugazana nande.¹⁴Soma ichi ndikutawiriza kuna imwe, kuti malingana na Njira, ndiyo iwo ambaichemera mpambuko, nimbatumikira Mulungu wa abereki wathu, kukhulupirira bzinthu bzense ndibzo bziri malingana na chitongi na ndibzo bzanembiwa mwa aneneri. ¹⁵Ndina chikhulupiriro mwa Mulungu, ndicho wanthu amwewambo anacho, kuti pamdzakhala mmukiro wa wakulungama na wakuipa. ¹⁶Natenepo nimbayezera kuti ndikhale nacho chikumbumtima cha kusaya kundigaza pamaso pa Mulungu na pa wanthu.¹⁷Tsapano patamala magole mazinji ine ndidabwera kudzapereka bzachifundo kuna dzinza langu na kupereka nsembe yachifundo. ¹⁸Pomwe ine ndidachita bzobzi, Ayuda winango wakuchokera ku Asiya adandigumana ine ndikuchita mtemo wakubzichenesa mtchalitchi, pakhalibe thimu la wanthu ayai phiringu. ¹⁹Wanthu omwewa akhathemera kukhala pamaso panu tsapano mkundizenga mulandu ine, penu anacho chinthu chilichense.²⁰Ayai, wanthu amwewa alewe chakuphonyeka ndicho iwo adachigumana kwa ine nthawe ndiyo ine ndidaima pamaso pa bwalo la akulu wa Ayuda, ²¹pokhapokha chichikhala chinthu chibodzi ndicho ndidakuwa pa nthawe ndiyo ine ndidayima pakati pa iwo, 'Kulewa bza kumuka kwa wakufa ndipopa mukundizenga mulandupa pamaso panu lero.'''²²Tsono Felikisi, omwe akhadziwa bwino bza Njirayo, adaimisa kubvesera mulanduyo. Iye adati, 'Pomwe Lisiyasi mkulu wankhondo anipolika kuchoka ku Yerusalemu, nimdzaganizira bza mulandu wako.'' ²³Ndiye iye adatonga kenturiyo kuti Paulo akoyiwe mkaoko, soma akhale na ufulu pala kuti palibe mwayache aliyense akhotchiwe kumbaperekera bzakusaya bzache.²⁴Zitamala nsiku zingapo, Felikisi adabwerera na mkazache Durusila, omwe akhali mu Yuda, iye adamuchemera Paulo achiyamba kubvesera bzomwe iye akhasewera kuna iwo bzakuguma chikhulupiro cha mwa Mkhiristu Yesu. ²⁵Soma pomwe Paulo adalewa na iye bza chilungamo, bza kubzitchenkha, na chiyeruzo chakubwera mtsogolo, Felikisi adachita mantha achilewa, ''Ndoko pala lero. Soma pomwe ine nimgumana nthawe, nimdzakutumira mtumi.''²⁶Pa nthawe yomweyo iye akhakumbuka kuti Paulo animupasa kobili iye, mthangwerache iye akhamuchemera kawiri kawiri mkumbacheza naye, ²⁷Soma patamala magole mawiri, Porikiyo Fesito adakhala kazembe nkhankha ya Felikisi, soma Felikisi akhafuna kukomesa kuna Ayuda, ndiye iye adasiya Paulo wakumanga.

25¹Tsapano, Fesito adapita m'dziko, pakumala nsiku zitatu, iye adayenda kuchoka ku Kaisareya kukwira kuyenda ku Yerusalemu. ²Akulu wansembe na akulu wa Ayuda adabwera na milandu yawo kumulewera Paulo, apo iwo adamudandaulila kumukumbila Fesito__ ³kumukumbila kuti mulandu wa Paulo umuyipire__ kuti amuchemere iye ku Yerusalemu, thangwe iwo akhakonza chiwebu kuti amuphe iye panjira.⁴Fesito adatawira kuti Paulo akukoyiwa mkadeya ku Kayisareya, soma kuti iye yekha mwenikachiro aniyenda koko tsampanopa. ⁵''Mthangwerache, iwo omwe anikwanisa,'' iye adati, '' ayende nafe kumweko. Penu pana chinthu chinango chakuphonyeka na munthuyo, iye akagazane naye.''⁶Fesito alibe kukhala nsiku zizinji zakuposa zisere ayai khumi kinangoko iye adapolika ku Kaisareya, apo mangwana yache iye adakhala pakadera ya chiyeruzo achitonga kuti Paulo abwere naye kuna iye. ⁷Pomwe iye adafika, Ayuda wakuchokera ku Yerusalemu adaima pafupi, iwo adasewera bzizinji bzamilandu yakugopsa yomwe iwo alibe kukwanisa kuitsimikiza, ⁸Paulo adabzigazira yekha achilewa, ''Ine ndiribe kugumanika wakuphonya kugazana na chitongi cha Ayuda ayai kugazana na tchalitchi ayai kugazana na Kaisara.''⁹Soma Fesito pakufuna kuyesewa wabwino kuna Ayuda, adatawira kuna Paulo achiti ''Kodi ukufuna kukwira kuyenda ku Yelusalemu kukayeruziwa na ine komweko pa bzinthu bzobzi?'' ¹⁰Paulo adati, ''Ndaima pamaso pa kadera ya chiyeruzo ya Kaisara popano ndikuthemera kuyeruziwa basi. Ine Ayuda ndilibe kuwaphonyera, ninga mwekha mukudziwa kale bwino bwino.¹¹Napo penu ndachita chakuipa apo penu ndachita chakuphonyeka chakuthemera imfa, ine ndikulamba lini kufa. Soma penu kundilewera kwawo kuli kwa pezi pezi, palibe angakandipereke kuna iwo. Nimkakachali kuna Kaesarayo. ¹²Fesito atamala kusewera na bwalo, adatawira, ''Wakachali kuna Kaisara. Kuna Kaisarako ndiko uniyenda!''¹³Tsapano patapita nsiku zinango, Mfumu Agripa na Berinike adafika ku Kaisareya kuti akamuchezere Fesito. ¹⁴Atamala nsiku zizinji ali kumweko, Fesito adayifokotozera mfumuyo bza nkhani ya Paulo; iye adalewa, ''Pana munthu winango adasiyiwa m'mambuyo kuno na Felikisi. ¹⁵Pa nthawe ndiyo ine ndikhali ku Yerusalemu, akulu wa nsembe na akulu wa Ayuda adabweresa nkhani kuna ine kugazana na munthu umweyu. ¹⁶Ine ndawatawira iwo kuti ni mtemo lini wachi Roma kumupereka munthu akanati kumutonga mulandu na omwe aphonyerana naye achitambira mwayi wakuti mkubzikhotcherera yekha kugazana na milanduyo.¹⁷Mnthangwerache, pomwe iwo adagwezekana pano, ndiribe kuchedwa, soma mangwana yache ndidakhala pa kadera yakuyeruzira apo ndidawatonga abwere naye munthuyo. ¹⁸Pomwe wakutongana nawowo adaima, alibe kumulewera chinthu ndicho ndidachiona chakuipa. ¹⁹M'malo mwache, akhana bzakugazana naye bzinango bzakuguma chinamato chawo na bza Yesu winango wakuti adafa, omwe Paulo ambati akana moyo. ²⁰Ndidazunguzika bzakuti nkhani imweyi ningaifufudze tani, apo tsono ndidamubvunza iye penu angafune kuyenda ku Yerusalemu kukatongewa milandu yakuguma bzobzi.²¹Soma pomwe Paulo adakumbira kuti abakamukoye mkaoko pakudikhira kukumbuka kwa mfumuyo, ndidamuuza kuti abakakoyewe mkaoko kufikizana nditamutumiza kuna Kaesara.'' ²²Agripa adalewa kuna Fesito, ''Ndikufunambo ndimubve munthu umweyu.'' ''Mangwana,'' Fesito adati, ''mumdzamubva iye''²³Tsono magwana yache, Agripa na Berinike adafika msinda ukulu; iwo adapita mwakubvera milandu pabodzi na anyamata wankhondo na akulu akulu amuna wakukwana bwino wa mmuyimo. Pomwe Fesito adasewera kutonga, Paulo adabwela naye kuna iye. ²⁴Fesito adalewa, ''Mfumu Agripa, na amuna imwe mwense muli nafe pano pabodzi, mukumuona munthuyu; wanthu wense wa Ayuda adandiuza bza iye ku Yerusalemu na kuno pomwe, apo adakuwa kuna ine kuti iyeyu akuthemera lini pomwe kukhala na moyo.²⁵Ine ndidaona kuti alibe kuchita chinthu chakuthemera imfa; tsono thangwe iye yekha adalewa akachokele kuna mfumu, ndidakumbuka bzakumutumiza ku Roma. ²⁶Soma ndilibe ine chinthu chakulewera kunemba kuna mbuya wangu. Na thangwe limweri, ndabwera naye kuna imwe tsono makamaka kuna imwe, Mfumu Agripa, kuti ndikamaliza kumubvunza bvunza ndikhale nako kachinthu kakunembera kamulanduyu. ²⁷Nakuti bzikuwoneka bzakusaya lazawu kuna ine pakutumiza wakumangiwa neye kulewa pomwe mathangwe yakugazana naye.''

26¹Apo Agripa adalewa kuna Paulo, ''Unkwanisa kubzisewerera wekha.'' Apo Paulo adafuthula boko lache achibzikhotcherera. ²''Ndikubzitenga wamwayi, Mfumu Agripa, kuima na mulandu wangu kubzigazira pamaso panu lero lino pa bzensene ndibzo Ayuda andilewera ine, ³lemwelemwe kuti ndimwe mdziwi wa mitemo na mabvunzo. Apo ndikukukumbirani kundibvesera mwakuderekha.⁴Mchadidi, Ayuda wensene akudziwa ndimo ndakhalira kuchokera pa ubwana bwangu mu dzinza langu na mu Yeusalemu. ⁵Andidziwa amwewa kuchokera pakutoma, penu akufuna kutawiriza bzobzi, kuti ndidakhala ninga Mfarisi, chipambuko chakukhwimisisa cha chipembedzo chathu.⁶Tsapano ndaima pano kutongiwa thangwera cidikiriro cha lonjezo lidachita mulungu kuna abereki wathu. ⁷Ni lonjezo limweri ndilo madzinza yathu khumi na mawiri yale yakudikhirira kutambira pomwe akunamata Mulungu mwanyongo masikati na usiku, ndipo ni chidikiriro chochi, mfumu, ndicho Ayuda akundilewera mulandu ine. ⁸Thangweranyi aliyense wa imwe akukumbuka kuti mpsakusaya kukhulupirika kuti Mulungu ambalamusa wakusaika?''⁹Tsapano mchadidi, ine ndidakumbukadi kuti nimbachite bzinthu bzakugazana na Yesu waku Nazareti. ¹⁰Ndidachita ibzi mu Yerusalemu chaimomo. Ndidatsekera mkaoko wanthu azinji wakuchena mtima wa Mulungu na mphamvu yakuitambira kuna akulu wansembe; apo pomwe iwo adaphiwa, ndidatawiriza. ¹¹Ndidawalanga kazinjitsa mmasunagoge yensene ndichiyezera kuwangingimiza kusewera makiriyado. Ndidakalipa nawo kwenekwene ndichiwalondalonda iwo ate ku miyi yakunja.¹²Pa nthwe ndiyo ndikhachita bzobzi, ndidayenda ku Damasiko na mphamvu ya akulu wansembe; ¹³apo pakuyenda koko, masikati chaiyoiyo, mfumu, ndidaona kutoya kuchoka kudzaulu komwe kukhatoya kuposa dzuwa, apo kudatoya kuzungulira ine na wanthu ndiwo ndikhafamba nawo kubodzi. ¹⁴Nthawe ndizo tensene tidagwa pansi, ndidabva mafala kusewera kuna ine mchiseweredwe chachi Hebri, 'Saulo, Saulo, thangweranyi ukundilondalonda ine? Mpsakunesa kusaya kubzidzonga wekha pomwe ukulimbana na ine.'¹⁵Kinangoka ndidati, 'Ndimwe mbani, Mbuya?' Mbuya adatawira, 'Ndine Yesu ¹⁶ukundilondalondane.Tsapano lamuka uyime pa nzayo zako; thangwe na chakulinga chochi ndidaonekera kuna iwe, kukuikha iwe kukhala mtumiki na mboni wabzinthu ndibzo ukudziwa bza inepano tsapanolino na bzinthu ndibzo nimdzakuonesa mtsogolo; ¹⁷apo nimdzakuletsetsa kuna wanthu na kuna Wachikunja ndiko ndikukutumizako, ¹⁸kufungula maso yawo na kuwatembenuza kuchoka mumdima kuyenda kwakubvunika na kuchoka kwa utongi bwa Satana kuyenda kuna Mulungu, pala kuti akatambire chilekerero cha bzakuipa kuchoka kuna Mulungu na chakusiiriwa ndicho nimpereka kuna iwo wakuchenesiwa na chikhulupiriro cha mwa ine.'¹⁹Tsono, Mfumu Agripa, ndiribe kusaya kubvera masomphenya yakudzaulu; ²⁰soma, kuna waku Damasiko pakutoma, na waku Yerusalemu, na kuzungulira mdziko lensene la Yudeya, na Wachikunja pomwe, ndidawapa mafala kuti alape na kutembenukira kuna Mulungu, kuchita bzinthu bzakuthemera kulapa. ²¹Na thangwe lori Ayuda adandimanga ine mkachisi achifuna kundipha.²²N'thangwerache ndatambira chithandizo chakuchoka kuna Mulungu ate lero lino, apo ndaima kuchitira umboni kuna ang'ono na akulu kubodzi bza bzinthu lini bzinango soma ndibzo aneneri na Mose adasewera kuti bzimdzachitika--- ²³kuti Mkhirisitu amdzabva bzakuwawa, apo pakukhala wakutoma kumuka kwa wakusaika amdzalalikira kubvunika kuna wanthu wathu chaiwo na kuna Wachikunja."²⁴Nthawe ndizo Paulo adamaliza kubzikhotcherera kwache, Festo adati na mafala makulu, ''Paulo, una msala; kulewenga maninge kwako kwakuchitisa msala.'' ²⁵Soma Paulo adati, ''Ndiribe msala, wakubvekera Festo, soma ndikusewera mafala yachadidi na yakubzilambiza. ²⁶Thangwe mfumu ikudziwa bzinthu bzobzi; ndiye ndikusewera mwakusaya kugopa kuna iye, nakuti ndikudziwadi kuti palibe cha ichi chakubisika kuna iye; thangwe ichi chiribe kuchitikira mtseri.²⁷Kodi mumbakhulupirira aneneri, Mfumu Agripa? Ndikudziwa kuti mumbakhulupirira.'' ²⁸Agripa adati kuna paulo, ''Mkhanthawe kakuchepa kodi ungandinyengerere ate kundisandusa Mkhirisitu?'' ²⁹Paulo adati, ''Pembani kuna Mulungu, kuti penu munthawe yakuchepa ayai itali, sikuti imwe mwekha neye, soma na winango wensene alikundibva lero, akhale ninga ndiriri inepanomu, soma seye njema zamkaokozi.''³⁰Kinangoka mfumuyo idaima, na kazembe, na Benesi pomwe, na iwo omwe akhadakhala nawo; ³¹pomwe adachoka pachinyumbapo, adasewera kuna winango na mwayache achiti, ''Munthuyu alibe kuchita chinthu chakuthemera imfa ayai kumangiwa.'' ³²Agripa adati kuna Festo, ''Munthuyu angadatsudzuliwa angadakhala kuti alibe kukakachali kuna Kaisara.''

27¹Pomwe bzidatchimikizika kuti tiyambuke pamwadiya kuyenda ku Italiya, adampepera Paulo na wamkaoko winango kuna kenturiyo wakuchemeriwa Yuliyo, omwe akhali phathi la achikunda wa Augusto. ²Tidapakira chombo cha mmadzi kuchokera ku Adramutiyo chomwe chikhadasala pang'ono kuyenda mbaliya ku gombe la Asiya. Apo tidayenda kunyanza. Aristarko waku Tesalonoka mdziko la Makedoniya adayenda nafe.³Mangwana yache tidakafika pa muyi wa Sido, pomwe Yuliyo adatambira Paulo mwansangala achimubvumiza kuyenda kuna anzache kukatambira udidi bwawo. ⁴Kuchoka popo tidayenda ku nyanza mkukayambuka pamadzi na kutseri kwa Kupro, pafupi na nsuwo, thangwe chonzi chikhakuntha mwa malinkhuma. ⁵Nthawe ndizo tikhadayambuka nyanza kupitirira Kilikiya na Pamfiliya, tidafika pa Mura, muyi wa Lukiya. ⁶Pamwepo, kenturiyo adagumana chombo chapamadzi chakuchoka ku Alesandriyo chomwe chikhayenda kukatsama ku Italiya. Adatiikha ife momo.⁷Pomwe tidayandama pang'ono pang'ono kwa nsiku zizinji apo tichifika mwakubonerera kufupi na Knido apo chonzi chiribe kutibvuma pomwe kumbayendera njira yoyo, tidayandama kutewera mumphepete mwa Krete, mwakuyang'anizana na Salmone. ⁸Tidayandama kutsetsemba gombe mwakubonerera, ate tidabwera kumbuto inango yakuchemeriwa Pakucheza Pabwino, yomwe iri pafupi na muyi wa Laseya.⁹Tsapano tikhadatenga nthawe itali, nthawe ya kusala kudya kwa Ayuda ikhadapita pomwe, ndiye tsapano kukhali kwakugopsa kuyandama. Apo Paulo adawachenjeza iwo, ¹⁰achilewa, ''Wanthumwe, ndikuona kuti ulendo timfuna kunyamukabu mumdzakhala na kubzidzonga na kuluza kuzinji, na miyoyo yathu kubodzi.'' ¹¹Soma kenturiyo adakhulupirira kwene_kwene wa tsigiro na mwenekachiro ngalawa kusiyana na bzinthu ndibzo Paulo adasewera,¹²Thangwea kuti pagombepo pakhathemera lini kugona nthawe yakujejera, azinji wakuyandama pamadzi adalangiziwa kuchoka popo, apo pinangopense tikhathemera kukafika pa muyi wa Foinika, kukagona nthawe yakujejerayo koko. Foinika, ni doko laku Krere, kunyang'ana kumwera chakumaulo kwache na kumpoto chakumaulo kwache . ¹³Nthawe ndizo chonzi chakumwera chidayamba kukuntha pang'ono pang'ono, wakuyandama pamadziwo adakumbuka kuti agumana nzibzo akhafuna. Apo adafunya chakumangiririra chombo achiyandama kuyenda ku Krete, kufupi na gombe.¹⁴Soma patamala nthawe yakuchepa chonzi champhamvu chakusanganiza na mvula, chakuchemeriwa Eurokulo, chidayamba kumenya kuchokera pansuwapo. ¹⁵Pomwe chombo chidaphatiwa na chonzi cha mvulacho apo chingadakwanisa lini kufamba pomwe mchonzimo, tidagonjesewa na chonzicho tichigwinyiwa nacho. ¹⁶Tidayandama kutseri kwa nsuwa ing'ono ya Kauda, apo mwa kubonerera tidakwanisa kumangisa chiyandamiso cha mwadiyayo.¹⁷Pomwe adakwiza chiyandamisi cha mwadiyayo mdzaulu, adaphatisa basa bzingwe bzache kukulunga mwadiyayo. Iwo akhana mantha kuti anigunsa mchenga wa pa Surti, ndiye adakotamisa chakumangirira pa nyanza achigwinyika kutsogolo. ¹⁸Tidafamba mu kukuntha kwakunyanya kwa chonzicho mwakuti mangwana yache adayamba kupunguza mkutaya mitolo.¹⁹Pansiku yachitatu wakupakirawo adataya bzipangizo bza chombocho na manja yawo. ²⁰Nthawe ndizo dzuwa liribe kutitoyera kwa nsiku zizinji, apo chonzicho chikukuntha basi paife, chidikiriro chomwe tikadapulumusiwa nacho chidatayika.²¹Pomwe adakhala nthawe itali seye mkudya chinthu, Paulo adaima pakati pa wakupakirawo achiti, ''Wanthumwe, mungadanditetekera, tingadakhala tiribe ku Krete kule, mphsino tiribe kudzongeka na kuluza tenepa. ²²Tsapano ndikukukumbirani mulimbike mtima, pala kuti nampodi pakhale kutayika miyoyo pakati panu, soma kuchikhala kuluzika mwadiyayu.²³Thangwe usikubu mngero wa Mulungu omwe ndiri mmanja mwache, omwenso nimbamunamata ine---mngero wache adaima pambali pangu ²⁴achilewa, 'Nampodi kubva mantha, Paulo. Ungaima pamaso pa Kaisara, apo ona, Mulungu mwa kukoma mtima kwache wakupasa wensene ndiwo ukufamba nawo m'wadiyawa.' ²⁵Tsono limbikani mtima, amunamwe! Thangwe nimbakhulupirira Mulungu kuti bzimdzachitika ninga ndimo adandiuzira ine. ²⁶Soma tinitayika pa nsuwa inango.''²⁷Pomwe usiku bwa khumi na bunayi budafika, pomwe tidagwinyikira kwinango na kwinango mu Nyanza ya Adriya, tiri pafupi pakati patsiku wakupakirawo adakumbuka kuti afendera ku gombe. ²⁸Adatenga bzakupimira mmadzi achiona miyezo makumi mawiri; patapita kanthawe pang'ono, adatenga pomwe bzakupimira bzinango achiona miyezo khumi na michanu. ²⁹Akhana thupo kuti tingagunse mathanthwe, ndiye adatereza bzakukolowekera bzinayi kuchoka ku mwadiya achipempherera kuti machibese mbayafike kamangu.³⁰Wakupakirawo akhapsaga njira yakuthawira mwadiyamo apo zjai akhadatereza mnyanza bzakuyandamisa mwadiya, achinamizira kuthusa bzakukolowekera kuchoka kumwadiya. ³¹Soma Paulo adalewa kuna kenturiyo na kuna achikunda, ''Pokhapokha wanthu awa akhale basi mmwadiya muno, mungapulumuke lini.'' ³²Kinangoka achikunda adagwata bzingwe bza mwadiyayo achiuleka kuyandama.³³Pomwe manyika yakhafendera, Paulo adawadandaulira kudya chakudya. Iye adalewa, ''Lero ni nsiku yakhumi na chinayi yomwe mwabzinyang'anira apo mwakhala seye mkudya chinthu---mulibe kudya chinthu chirichense. ³⁴Apo ndikukukumbirani kugawana chakudya, thangwe mpsakufunikira pala mukhale na moyo. Nakuti palibe m'bodzi waimwe ndiye amnzataya tsisi kuchoka mumsolo mwache.'' ³⁵Pomwe iye adasewera bzobzi, adatenga mkate achitenda Mulungu aliyense akuona. Kinangoka adanyema mkateyo achiyamba kudya.³⁶Kinangoka wensene adalimbikisika apo achidya pomwe chakudya. ³⁷Tikhalipo miyoyo 276 mmwadiyamo. ³⁸Pomwe iwo adadya mwakukwana, adapepusa mwadiyayo nakuchita kuthusa tirigu mnyanza.³⁹Pomwe kudachena, alibe kuzindikira mbutoyo, soma adaona gombe likhana mbuto yakusenzekera, apo adakambirana penu angadafambisa mwadiyayo popo. ⁴⁰Apo iwo adagwata bzakumangira achibzisiya mnyanza. Panthawe ibodzibodziyo adathethesa tsigiro achikwiza chinguwo mdzaulu pala chonzi; achiyendera mbali za kugombe lakusenzekera. ⁴¹Soma mwadiyayo udakhuya mudwi wamchenga uchitcherera. Chakunyansi kwache chidakhuya chichitazika kugwinyika, ku makaliro kudapseka na mphamvu ya kugwedera kwa madzi.⁴²Nzeru ya achikunda ikhali yakupha wamkaoko wensene pala kuti nampodi awoneke winango waiwo kuthawa. ⁴³Soma Kenturiyo akhafuna kupulumusa Paulo, apo iye adawaletsa kukumbuka kumweko; apo adauza omwe angadakwanisa kuntchayira kuti ayambe kumogere kunja akafike kunja. ⁴⁴Kinangoka amuna winangowo abwere pambuyo, winango pa matabwa, winango pa bzinthu bzinango bza mmwadiyamo. Bzidachitika tenepoyo letu ate tensene kuponda kunja bwino bwino.

28¹Pomwe tidapulumuka bwino bwino, tidadziwa tsapano kuti nsuwayo ikhachemeriwa Malita. ²Wanthu wa popo alibe kutipa chifundo chabwino chokha, soma adaphatiza moto achititambira ife tensene thangwera mvula yakusaya kulekeza na kujejera.³Soma pomwe Paulo adagwezeka mtolo wankhuni achiziikha pamoto, nyoka ya bvumbwe idabula thangwera kupsa ichitsedengera kuboko lache. ⁴Pomwe wenekachiro popo adaona chilombocho kutsedengera kuboko lachero, adati kuna winango na mwayache, ''Munthu umweyu ngwakupha omwe wapulumusiwa mnyanza; chilungamo chikumunesa lini kuti akhale namoyo pomwe.''⁵Soma adakutumulira chilombocho pamoto seye mkulumiwa. ⁶Iwo akhadikhirira iye kugwera ayai mwachidzidzi kugwa pansi kufa. Soma pomwe adamunyang'anisa nthawe itali mkuona kuti palibe chakuchitika kuna iye, adachinja maganizo yawo achilewa kuti pinango iye akhali ka mulungu.⁷Tsapano pafupipo pakhana minda ya mkulu wapansuwapo, munthu wakuchemeriwa Popliyo. Iye adatitambira achitichezesa nsiku zitatu. ⁸Bzidatenepo kuti babache wa Pupliyo akhadagona kuphatiwa na manungo na kamwazi. Pomwe Paulo adayenda kuna iye, adapemba, kubzatika manja paiye, achimulimbisa. ⁹Bzitachitika ibzi, wanthu wensene pansuwapo omwe akhadwala adabwerambo achidzalimbisiwa. ¹⁰Wanthu adatilemekeza na ulemu buzinji. Pomwe tikhakonzekera kuyandama pa mwadiya, adatipa ndibzo tikhafuna.¹¹Patamala miyezi mitatu tidanyamuka na mmwadiya omwe ukhadakhala mainza yense pansuwapo, mwadiya waku Alesandriya, wakunemba ''wana wa pamphase'' ninga chilatizo chache chakunembiwa padzaulu. ¹²Titafika pa muyi wa Surakusa, tidakhala popo nsiku zitatu.¹³Titachoka popo tidanyamuka na mwadiya tichikafika pa muyi wa Regio. Itamala nsiku ibodzi chidayambika chonzi cha mwera, apo kwa nsiku ziwiri tidafika pa muyi wa Potiyolo. ¹⁴Pamwepo tidagumana abale tichiumiriziwa kukhala nawo kwa nsiku zinomwe. Mtenepoyo letu ndimo tidafikira ku Roma. ¹⁵Kuchoka popo abalewo atamala kubva bza ife, adabwera kudzagumana nafe ku Mbuto ya Apiyo na ku Nyumba za alendo Zitatu. Pomwe Paulo adaona abalewo, adatenda Mulungu achilimbika mtima.¹⁶Pomwe tidapita mu Roma, Paulo adabvumiziwa kukhala yekha na mchikunda m'bodzi wakumulindira iye. ¹⁷Kinangoka bzidati kuti patamala nsiku zitatu Paulo adachemera pabodzi wale omwe akhali akulu pakati pa Ayuda. Pomwe iwo adabwera pabodzi, iye adati kuna iwo, ''Abale, napo ndiribe kuchita chakuipa kuna wanthu wamtemo wa abereki wathu, ndidaperekiwa ninga wakumangiwa kuchoka ku Yerusalemu kuyenda mmanja mwa Aroma. ¹⁸Atandibvunza bvunza, akhadafuna kunditsudzula, thangwe pakhalibe thangwe lakuphiwira mmulandu wanguyo.¹⁹Soma pomwe Ayuda adawagaza maganizo yawoyo, ndidaumiriziwa kukakachali kuna Kaisara, napo kuti bzili lini ninga kuti ndikhakachaliri wadzinza wangu. ²⁰Na thangwe limweri, tsono, ndakuchemerani kuti ndikuoneni na kulewalewa namwe, nakuti ni thangwera la chidikiriro cha Isaraeri kuti ndabvala njema izi.''²¹Kinangoko iwo adati kuna iye, ''Tiribe kutambira masamba kuchoka ku Yedeya yakuguma imwepo, ayaimbo m'bale wina kubweresa mtumi ayai kulewa bzakuipa bza imwepo. ²²Soma ndikufuna kubva kuchoka kuna imwe kuti mukukiumbuka tani bza mpambukoyu, thangwe tikudziwa kuti bzidaseweriwa bzakuipa kulikwense.''²³Pomwe iwo adakhazikisa nsiku ya iye, wanthu azinji adabwera pakhakhala iyepo. Adapereka nkhaniyo kuna iwo, achichitira umboni bza ufumu bwa Mulungu. Adayezera kuwanyengerera bza Yesu, kuchoka kuchitongi cha Mose na cha aneneri kubodzi, kuchoka machibese ate maulo. ²⁴Winango adakopeka na bzinthu ndibzo bzida seweriwabzo, pomwe winango alibe kukhulupirira basi.²⁵Pomwe alibe kuphatizana wina na mwayache, adabalalikana pomwe Paulo adasewera fala libodzi iri: ''Mzimu Wakuchena udasewera kudzera mwa Yesaya mneneri kuuza abereki wanu. ²⁶Iye adalewa, 'Ndoko kuna wanthu awa ukawauze, ''Kubva mumdzabva, soma mumdzabvesesa lini; kuona, mumdzaona, soma mumdzadziwa lini.²⁷Thangwe mtima wa wanthu awa wafa, na makutu yawo yambabva lini, apo aphophoma maso yawo. Pinango angambaone na maso yawo, na kumbabva na makutu yawo, na kumbabvesesa na mtima wawo mkutembenuka pomwe, apo nimdzawalimbisa iwo.'''²⁸Mthangwerache, mudziwe kuti chipulumuso cha Mulungu chatumiziwa kuna Wachikunja, apo iwo amdzatetekera.'' ²⁹Paulo adalewa mafala yamweya, Ayuda wale adachoka alikugazana kwene_kwene³⁰Paulo adakhala magole pomwe mawiri mnyumba yache yakulogali yekha, apo akhatambira wensene ndiwo akhambabwera kuna iye. ³¹Iye akhalalikira ufumu bwa Mulungu achimbapfunzisa bzinthu bza Mbuya Yesu Mkhirisitu na kulimbika mtima kwensene mwakusaya kuphingiziwa.

Aloma

1¹Paulo, mtumiki wache wa Yesu Mkhilistu, wakuchemeriwa kukhala ntumwi na kupambuliwa thangwera mafala yadidi ya Mulungu, ²yomwe iye adayasewera kudzera mwa aneneri wache mmalemba ya Mulungu, ³yakulewa bza Mwana wache omwe akhali wa mbewu ya Davite ninga kuthupi.⁴Kudzera mwa Mzimu wakuchena omwe adatsimikiziwa na mphamvu kuti adzakhala Mwana wa Mulungu pakumuka kwache kwa wa kufa, Yesu Khilisitu Mbuya wathu. ⁵Kudzera kuna iye ife tidatambila mwayi na utumiki bwa kuchemera wanthu kuchoka pakati pa madzinza yense, kukabvera dzina lache. ⁶Pakati pa madzinza yoya, imwe mwachemeriwambo kudzera mwa Yesu Mkhilisitu.⁷Kuna wense waku Roma omwe ndiwo ngwakukondewa na Mulungu na kuchemeliwa kukhala wanthu wache wakuchena: Chifundo na mtendere kuna imwe kuchokera kuna Mulungu Baba wathu na Mbuya Yesu Mkhilisitu.⁸Chakutoma, ine ndikutenda Mulungu wangu kudzera kuna Yesu Khilisitu pala imwe mwense, thangwe chikhulupiliro chanu chikusewerewa dziko lense lapansi. ⁹Mulungu ni mboni yangu, omwe ine nimbamutumikila na mtima wangu pa kulalikila mafala ya Mwana wache, pa nthawe zense nimbakugumirani imwe. ¹⁰Ine nthawe zense nimbakumbila m'mapembo yangu kuti mwa njira iriyense ndikapambane pakumaliza tsapano na chifuniro cha Mulungu.¹¹Nakuti ine ndikukhumbira kukuonani imwepo, kuti ndikupenimbo bzithu bzabwino bza uzimu, kuti bzikupaseni mphamvu imwepo. ¹²Ibzi ndibzo, ndikulewa kuna imwe kuti bzikulimbikiseni, kudzera mchikhulupililo cha winango na mwanzache, chaimwe na ine.¹³Tsono ine ndikufuna lini kuti mukhale neye kudziwa, abale wangu, ine nthawe zizinji ndikhafuna kuti ndibwere kuna imwepo (soma ndakhala ndikutazira ateye nsiku zino), pala kuti ndikhale pomwe na bzipaso pakati panu, ninga ndimo bzikhalili pakati pa wa Wachikunja winango. ¹⁴Inepano ndine wakungingimiziwa kuna Ahereni pabodzi na wa kunja, pabodzi pomwe kuna wanzeru na wakupusa. ¹⁵Tsono, ninga ine, ndine wakukonzeka kuti ndilalikile mafala kuna imwe naiwo omwe aliku Roma.¹⁶Thangwe ine nimbachita lini manyazi na mafala ya Mulungu, nakuti ni mphamvu ya Mulungu na chipulumuso kuna wense omwe ambakhulupilila, chakutoma kuna Ayuda pabodzi na Ahelene. ¹⁷Nakuti mwa iyo chilungamo cha Mulungu chachikhulupililo chabzilatiza kuchoka ku chikhulupililo kuyenda ku chikhulupililo, ninga kudanembiwa, ''Anyakulungama adzakhala na moyo na chikhulupililo.''¹⁸Thangwe ukali bwa Mulungu buli kuoneka kuchokera kudzaulu kugazana na wanthu wense wakusaya kunamata omwe kudzera mkusaya kulungama ambaletsa chikhulupililo. ¹⁹Ili nithangwe lakuti ndicho chimbadziwika cha Mulungu chimbawoneka kuna iwo. Nakuti Mulungu waabvunikira iwo.²⁰Kuyambira chilengedwere cha dziko la pansi, bzinthu bzakusaya kuoneka, bzawoneka bwino na mphamvu yache ya chilengedwe chache, poti bzidadziwika kuchokera ku bzinthu bzomwe dzidakonziwa pamwepo. bzomwe iwo angakwanise lini kulamba. ²¹Ili ni thangwe lache, napo kuti iwo ambadziwa bza Mulungu, alibe kumulemekeza Mulunguyo, ayai ku kumutendambo. M'malo mwache, iwo adamunyoza m'mitima mwawo, apo mitima yawo yapezpeiziyo idapsipiziwa.²²Iwo akhabzitenga ninga wa nzeru, soma asanduka wakupusa. ²³Iwo ambasinthanisa ulemelero bwa Mulungu wakusaya kufa na bzifanizo bzakukonziwa kuti bzioneke ninga munthu omwe ambafa, bza mbalame, na bzinyama bza minyendo minayi, na bzinthu bzakukwawa.²⁴Thanngwe lache Mulungu adawapeleka iwo kuna bzidyokodyoko bza bzakuipa bza mmitima mwawo, bzakunyansa bza chigololo kunyazisa mathupi yawo winango na mwayache. ²⁵Ndiwowo adasinthanisa bza chadidi bza Mulungu na gunkha, kunamatira na kutumikila bzinthu bza kulengewa kusiya Mulengi, omwe ambatendiwa nthawe zense. Ameni.²⁶Thangwera ibzi , Mulungu adawapereka iwo kuna bzidyokodyoko bzakuchitisa manyazi, napo akazi wawo adasinthanisa kachitilo kachibaliwile kachikhala ninga machitilo inango yachikhalidwe. ²⁷Chibodzibodzi pomwe , amuna adaleka machitiwe yachibaliwe ya chikwati na akazi ndipo ambafunana winango na mwayache. Awa akhali amuna ndiwo adachita bzakusaya manyazi na amuna kutambira mwa iwo okha chilango ndicho akhathemera kuphonya kwawo.²⁸Pomwepo iwowo alibe kuwona kuti mkwakufunika kukoya chidziwiso cha Mulungu, iye adawapeleka iwowo kumalingiliro yakugonyoka, kuti achite bzinthu bzomwe bzakubvumizika lini kuchitiwa.²⁹Iwo mbakudzaliwa na mtundu uliwense wa chikhalidwe chakuipa, bzakuipisisa, umbombo, na dumbo. Iwo mbakudzala na nsanje, kupha, ndeu, chinyengo na kukhumba bwakuipa. Iwo mbamagunkha, ³⁰watsinjililo, wakuzondana na Mulungu, achipongwe, wakubzikuza na kubzithusa, iwo ambagumana njira yakuchitila bzakuipa; iwo ambabva lini bzakulewa abereki wawo. ³¹Iwo mbakusaya nzeru, wakusaya chikhulupiro, wakusaya kukhudziwa mumoyo na wakusaya nsisi.³²Iwo ambadziwa chiyeluzo chadidi cha Mulungu, kuti iwo wakuchita bzinthu bzimwebzo akuthemera kufa. Soma ambatondo kupitilila tenepoyo kuchita bzinthu bzimwebzi, napo pomwe ambatawiliza awo ndiwo ambachita bzimwebzi,

2¹Thangwe lache ndiwe wakusaya chilungamo, munthu iwe, iwe wakuyeluza, poti bzinthu bzomwe iwe ukuyeruza munthu mwanzako, umbabzigaza wekha. Nakuti pomwe iwe ukuyeluza chitambo bzinthu bzomwebzo. ²Soma ife timbadziwa kuti chiyeruzo cha Mulungu mcha iwo wachilungamo pamene iwo ambagaza bzinthu bzomwe iwo ambachita.³Tsono kumbuka ibzi, munthu iwe, iwe omwe umbayeluza iwo wakuchita bzinthu bzomwebzi terepo iwe umbachitambo bzomwebzo. Iwepo udzapulumuka pa chiyeruzo cha Mulungu? ⁴Ayai ukukumbuka bzakuchepa bza vida ya ubwino bzache, kugwesa mtima kwache, na kupilila kwache? Apa umbadziwa kuti kukoma mtima kwache kumbatitsogolera iwepo ku kulapa?⁵Tsono nakuuma mtima kwako na kusaya kulapa mtima ukumbabzigwezekera wekha ukali pa nsiku ya ukali, nakuti, pa nsiku ya bvumbuluso la chiyeruzo Mulungu. ⁶Iye amdzapereka malipiro kuna aliyense maninga na bzakuchita bzache; ⁷kuna iwo omwe malingana na chipiriro cha mabasa ya bwino na bzichito bzakuyang'ana ulemerelo, ulemu, nakusaya kudzongeka, iye amdzakupani moyo wakusaya kumala.⁸Tsono kuna iwo omwe ambanyang'ana bza iwo wenekechilo, na omwe anilamba bzachadidi mkumbatewera bzakuipisisa, mkukhala waukali na kugaka mtima kudzafikila. ⁹Mulungu adzamubvesa kuwawa namazunzo munthu ali yense omwe amchita bzakuipisisa, chakutoma kuna Ayuda kinangoko kuna Aheleni.¹⁰Soma ulemelero, ulemu ,na mtendere kuna aliyense omwe anchita bzabwino, pakutoma kuna M'yuda kinangoko kuna M'heleni. ¹¹Kuti Mulungu alibe tsankho. ¹²Wense omwe ambaphonya seye kudziwa bzitongi amdzadzongewa soma neye na malamulo, apo wense omwe ambaphonya achidziwa bzitongi amdzayeluziwa na bzitongi.¹³Ni omwe lini ambabva mulamuyo omwe ali anyakulungama pa nkhope ya Mulungu, soma na iwo omwe ambabvela malamulo, omwe amdzalewedwa anyakulungama. ¹⁴Pomwe Wachikunja, omwe alibe malamulo, chibadwire ambachita bzinthu bza malamulo, ambafuna iwo ni bzakutonga kuna iwo okha, napo kuti iwo alibe bzitongi.¹⁵Na ibzi iwo ambabzionesera bzichito bza malamulo bzakunembiwa m'mitima mwao. Nachikumbumtima chawo chikuchitila pomwe umboni kuna iwo, Na malingalilo yawo yakugazana ayai kutawizana okha ¹⁶pa nsiku yomwe Mulungu amdzayeruza bzinsinsi bza wanthu wense, malingana na uthenga bwangu bwa bwinobu, kudzera mwa Yesu Mkhirisitu.¹⁷Soma penu iwe umbzithusa wekha kuti ndiwe mu Yuda mkudalila bzitongi na kubzithusa mwa Mulungu, ¹⁸uchidziwa bzakufuna bzache na kutawiliza bzinthu bzomwe bzakuposa thangwera kuti iwe udapfunzisiwa bza malamulo; ¹⁹napo penu iwe umbabzitsimikiza kuti iwepo wekha umbatsogolera azimola, kubvunika kuna wale omwe ali mumdima, ²⁰nyakulangiza anyakusaya nzeru, mpfunzisi wa tuwana tung'ono tung'ono, iwe uchikhala wamalamulo uchiyadziwa bza chadidi, ibzi bzingadzonge tani njira yako ya ku moyo?²¹Iwe omwe umbapfunzisa winango, tani umbabzipfunzisa lini wekha? Iwe omwe umbalalika nampodi kuba, umbaba? ²²Iwe omwe umbauza anzako nampodi kuchita uputa, umbachita uputa? Iwe omwe umbayipidwa na bzamafano, tani umbaba pomwe bza tchalitchi?²³Iwe omwe umbabzithemba na malamulo, umbanyazisa Mulungu na kusaya kubvera malamulo? ²⁴Nakuti ''dzina la Mulungu likuchitisiwa manyazi pakati pa Wachikunja thangwela imwe'' malingana na momwe bzidanembelewa.²⁵Nakuti mgwatiwe umbakhala wadidi kuna iwe penu iwepo ukukoya malamulo, penu iwepo ndiwe wakubvera lini malamulo, iwepo mgwatiwe wako umkhala ninga ulibe mgwatiwe. ²⁶Penu, munthu, wakusaya kugwatiwa akukoya malamulo, kusaya kugwatiwa kwacheko kungatengiwe lini ningati kugwatiwa? ²⁷Iye ndiye alibe kugwatiwa chibadwire soma ambabvera malamulo iye amdzakugaza lini iwe, penu iye wakwanilisa lamulo? Ili ni thangwera kuti imwe muna chitongi chakuchita kunembiwa na mgwatiwe, chensecho ndimwe wakuphonyera chitongi!²⁸Myuda chayiyeyiye ni omwe lini angawoneke ninga Myuda pankhope za wanthu; apo mgwatiwe chayiyeyiye ni omwe lini ungachitike mthupi pa nkhope za wanthu. ²⁹Soma munthu omwe ni Myuda penu iye ali telepai mu mtima apo mgwatiwe uli mgwatiwe wa mu mtima, mwa mzimu, sikuti wakunembewa. Kutenda kwa munthu umweyu kumbachokera lini kuna wanthu soma kuchokera kuna Mulungu.

3¹Tsono pana phindulanyi pakukhala Myuda? Apo phindu lakugwatiwa mchiani? ²Kodi mpsikulu mu njira zense? mu njira zense. Chakutoma, Ayuda adapasiwa mafala kuchoka kuna Mulungu.³Tsono tani achikhala Ayuda winango alibe chikhulupililo? kodi kusaya kukhulupirira kwaoko kumkhala kwakusaya basa ku chikhulupiriro cha Mulungu? ⁴Bzingakhale lini telepoyo. M'malo mwache, mulekeni Mulungu akhale wachadidi, napo munthu aliyense ngwakunama. Ninga ndimo kudanembiwira, ''Kuti imwe mukayezeziwe ninga wakulungama na mafala yanu, kuti imwe mukhale wakupambana pomwe chiyeruzo chikubwera.''⁵Tsono penu kusaya kulungama kwathu kuniwonesera kulungama kuna Mulungu, ife tingalewe chiyani? Apa Ife tingalewe kuti Mulungu ngwakuphonya kubweresa chilango pa ife? (Apa ndasewera ninga munthu.) ⁶Bzingakhale lini telepoyo! Tsono Mulungu adzayeruza tani dziko la pansi?⁷Tsono penu kunama kwangu kumthumizira chilungamo kuna ulemelero bwa Mulungu, thangweranyi ine niyeluziwa ninga nyakuphonya? ⁸Thangweranyi neye kulewa, tsono ife tinilewa bzakuipa, kuti bzabwino bzikalewiwe, ''Tilekeni ife tichite bzakuipa, kuti bzabwino bzibwere''? Kulanga kwawo mkwachadidi.⁹Mchiyani tsono? Apa tikubzigaza tekha? Neye terepoyo. Thangwera tidawagaza kale wense Ayuda na Ahelene, wense pabodzi, pakukhala pansi pa bzakuipa.¹⁰Ibzi bzili ninga momwe bzidanembiwira: ''Palibe wakulungama, neye m'bodzi;¹¹palibe m'bodzi ndiye ambadziwa; palibe m'bodzi omwe ndiye ambapsaga Mulungu. ¹²Iwo wense anyang'ana kumbali; wense pabodzi akhala ninga wakusaya basa. Palibe neye m'bodzi omwe ambachita bzabwino, neye, neye na m'bodzi.''¹³''Ngololo zawo zakufungula ninga manda. Lilime lawo ndakunama. Ndulu ya nyoka ili m'milomo yawo.'' ¹⁴''Mkamwa mwawo mudadzala na bzakutembelera na bzakuwawa.''¹⁵''Nzayo zawo zikufulumiza kuchosa mulopa. ¹⁶Kudzonga na kusaya kuli pa njira zawo. ¹⁷Wanthu omwewa njira ya ufulu ambayidziwa lini.'' ¹⁸''Palibe kugopa Mulungu pa nkhope zawo.''¹⁹Tsapano ife tikudziwa bzense bomwe lamulo limbalewa, limbasewera kuna omwe ali pansi pa lamulo, kuti mulomo uliwense usaye chakusewera, nakuti dziko lense likagaziwe na Mulungu. ²⁰Nakuti palibe munthu amdzadziwika na mabasa ya lamulo pa maso pache. Thangwera kudzera mu lamulo ndiye kumbadziwisa chakuipa.²¹Soma kupambula chilamulo chilungamo cha Mulungu chawonekera. Chomwe malamulo na aneneri achitira umboni_ ²²chilungamo ichi chakuchoka kuna Mulungu chimbabwela kudzela na mchikhulupilo mwa Yesu Khristu kuna aliyenseyo omwe amkhulupira. Naku telepoyo palibe kusiyana,²³poti wense adaphonya nkupelewera pa ulemelelo bwa Mulungu, ²⁴apo iwo adayesewa wakulungama kwa fovolo na mwayi wache kudzera kuna matsudzuliwe ya mwa Mkhiristu Yesu.²⁵Nakuti Mulungu adapereka Mkhiristu Yesu akhale chakutetezera mwa kukhulupila mu mulopa wache. Iye adapeleka Mkhiristu kuwonesa chilungamo chache, thangwera kusaya kukumbuka bzakuphonyeka bza m'mambuyo ²⁶Mu kukhosoma kwache. Kuwonesa chilungamo chache pa nthawe ino, kuti iye akhale nyakulungama na kumuyesa iye omwe ana chikhulupiro mwa Yesu.²⁷Kuli kuponi tsono kubzithusako? Apa kwachosewa. Nalamulo la moda uponi? Na mabasa? Neye, soma kudzera na lamulo lachikhulupiro. ²⁸Ife tinimaliza nakuti munthu ambadziwika na chikhulupiro chakusaya basa la lamulo.²⁹Ayai Mulungu ni Mulungu wa Ayuda okha? Mesa iye ni Mulungu pomwe wa Wachikunja inango? Inde, ngwawo pomwe Wachikunjawo. ³⁰Penu, chadidi, Mulungu ni m'bodzi, iye amdziwika na m'gwatiwe na chikhulupiro, na kusaya m'gwatiwe kudzera ku chikhulupiro.³¹Apa ifepano tikuchepesa mphamvu lamulo kudzera mchikhulupilo? Niterepoyo lini! m'malo mwache, ife timbakoye lamulo.

4¹Mchianimbo tsono ndicho timdzalewa kuti Aburahamu, kholo lathu ninga kuthupi, adachigumana? ²Apa penu Aburahamu adayezewa wakulungama na mabasa, iye akhana thangwe la kuchitira madumwa, soma sikuti pamaso pa Mulungu. ³Tsono mafala ya Mulungu yambalewa chiyani? ''Aburahamu adakhulupira Mulungu, apo bzidalewengiwa kuna iye ninga wakulungama.''⁴Tsapano kuna ndiye ambaphata basa, malipilo yache yambalewengiwa lini ninga mpfupo, soma bzichikhala bzache bzache angadatambira. ⁵Soma kuna ule wakusaya kuphata basa soma mmalo mwache ambakhulupirira mwa wakusaya umulungu kuti ngwa lazau, chikhulupiriro chache chimbalewengiwa kuti ngwachilungamo.⁶Davite akulewa pomwe bza kudala kuna munthu ule omwe Mulungu animulewengera chilungamo neye kuti kuchokera kubasa. ⁷Iye adalewa, ''Wakudala ni wale omwe bzakuipa bzawo bzakhululukiwa, na omwe bzakuphonya bzao bzalekereriwa, na omwe bzakuphonya bzao bzampsinkhika ⁸Ngwakudala munthu omwe bzakuphonya bzache Mbuya ambzilewengera lini pomwe.''⁹Tsono apa madalitso yomweya yali kuna anyakugwatiwa wokha, ayayi na anyakusaya kugwatiwa kubodzi? Ife pano tikulewa, ''Chikhulupililo cha Abulahamu chidalewengiwa ninga chakulungama.'' ¹⁰Tsono chidalewengiwa tani kuna iye? Iye akhadagwatiwa kale pinango akhanati kugwatiwa? Neye kuti akhadagwatiwa, soma akhanati kugwatiwa!¹¹Abulahamu adatambira mgwatiwe ninga chizindikilo na chitsimikizo cha chilungamo ndicho iye akhanacho pomwe iye akhanati kugwatiwa. Chakulinga chikhali kumukonza iye kuti akhale baba wa wense omwe iwo akhulupila neye penu alibe kugwatiwa, soma iye ana chikhulupilo adzamulewengera kuna iwo. ¹²Iye ni baba wa anyakugwatiwa neye kuti adagwatiwa kokha soma ndiye anifamba mu nzayo za chikhulupilo chomwe babathu Abulahamu akhanacho iye akanati kugwatiwa.¹³Tsono pangano la Abulahamu na azukulu wache lakuti amdzatambila dziko lapansi lilibe kudza na malamulo soma kudza na chilungamo cha chikhulupilo. ¹⁴Tsono awo ndiye akhala na moyo mwa malamulo na wakupita m'mbuto, chikulupilo chilibe phindu, napo pangano ndakusaya basa. ¹⁵Nakuti malamulo yambabweresa chilango, soma pomwe palibe lamulo, palibe kuphonya.¹⁶Na thangwe limweri pangano limbabwera na chikhulupilo , terepo likhale na mwayi nakudziwika kuna azukulu wache wense_neye kuti wale okha omwe ana chikhulupililo cha Abulahamu. ¹⁷ninga ndimo kudanembedwera, ''Iye ni baba wa ife tense, ninga momwe bzidanembiwa, ''Ine ndakusankha iwe kukhala baba wa madzinza yensene.'' Abulaham akhali pa maso pa iye omwe akhamukhulupilila, ibzi ndibzo, Mulungu niye ambapasa moyo kuna wakufa achichemera bzinthu bzomwe palibe bzichikhala ninga bzilipo.¹⁸Mchikhulupililo iye adakhulupirira bzakusaya kudikhilirika, kuti iye akhale baba wa adzinza azinji, ninga momwe bzidalewidwa, ''Mbewu yako imdzakhala terepoyo.'' ¹⁹Kusaya kuofoka mchikhulupilo, iye thupi lache likhale ninga la kufa (thangwe iye amdzakhala magole ninga dzana libodzi), na kufa kwa chibaliro ya Sala.²⁰Soma thangwera pangano la Mulungu, Aburahamu alibe kuchedwa mchikhulupiriro. M'malo mwache, iye adalimbikisika na chikhulupiro achipereka ulemu kuna Mulungu. ²¹Iye adakhulupilika pa bzomwe adapangana naye, apo iye adakwanisa kubzichita. ²²Thangwera bzobzi ''chidalewengiwa kuna iye ninga chilungamo.''²³Soma mafala ''yomwe yadalewengiwa kuna iye'' yalibe kunembiwa kuna iye yekha. ²⁴Ayo yadanembiwa pala ife pomwe, yali kulewengiwa kuna tense omwe timkhulupila mwa iye omwe adalamusa Mbuya wathu Yesu kuchoka kuna wakufa. ²⁵Iye ni amene adapelekewa thangwera bzakuphonya bzathu napo adamukisiwa kuti ife tikhale wakulungama.

5¹Nakuti tikutengiwa wakulungama thangwera chikhulupiriro, tina ufulu mwa Mulungu kudzera mwa Mbuya Yesu Mkhirisitu. ²Kudzera mwa iye tina mwayi wathu pomwe mchifundo ndicho taima, apo tikusamwira mchikhulupiriro cha ulemerero bwa Mulungu.³Mpsimwebzi lini bzokha, soma timkomedwa pomwe m'mazunzo. Nakudziwa kuti ife chizunzo chinchita chipiliro na chipiliro chinchita chizerewezi. ⁴Na chizerewezi chinchita chidikhiriro, na chidikhiriro, ⁵chikhulupiriro chimbachitisa lini manyazi thangwe chikondi cha Mulungu chatsanuliwa mmitima mwathu kudzera mwa Mzimu Wakuchena, omwe waperekiwa kuna ife..⁶Nakuti pomwe tikhali chikhalire wakulefuka, pa nthawe yache ya Mkhiristu adawafera wakusaya kupemba. ⁷Nakuti mpsakunesa wina kufera munthu wakulungama, napo pinango wina angafere munthu wabwino.⁸Soma Mulungu amtsimikiza kuna ife chikondi chache cha iye yekha, telepoyo kuti pakukhala ife anyakuipa, Mkhilistu adatifera ife. ⁹Soma tsono, tidayesewa wakulungama na mulopa wache, nakuti makamaka, timdzapulumuka mu ukali bwa Mulungu bwa iyeyo.¹⁰Nakuti penu, pakukhala ife anyakuwengiwa wache, tidabveranisiwa na Mulungu mwa imfa ya Mwana wache, makamaka, pomwe ife tidabveranisiwa, timdzapulumuka na moyo wache. ¹¹Tsono mtelepoyo lini bzokha, soma ife tinikomedwa na Mulungu mwa Mbuya wathu Yesu Mkhilistu, tinikomedwa naye tsapano na chibveraniso.¹²Thangwerache, ninga uchimo budapita m'dziko lapansi, na munthu m'bodzi na imfa na uchimo. Telepoyo imfa idafikira wanthu wense, thangwe lakuti wense adaphonya. ¹³Nakuti kufikira nthwe ya lamulo, uchimo bukhali padziko la pansi, soma bulibe kulewengiwa pakusaya lamulo.¹⁴Pabzensenebzi, imfa idatandika mphasa kuyambira pa Adamu kufikira pa Mose, neye penu iwo omwe alibe kuphonya ninga maphonyedwe ya Adamu, ndiye chakuyezezera cha iye nyakubwerayo. ¹⁵Soma mpfupo ya fovolo imbandendemera lini na bzakuphonya. Nakuti penu azinji adafa thangwera kuphonya kwa m'bodziyo, makamaka pomwe chisomo cha Mulungu na mphatso ya fovolo yakuchokera kwa munthuyo, Yesu Mkhilistu, bzidawandira wanthu azinji!¹⁶Thangwe mpfupo ili lini ninga chakudza na chakuphonya cha munthuyo. Chiyeruzo chidatewera chakuphonya chibodzi kudzera mchitsimulo, soma mpfupo idadza kutewera bzakuphonya bzizinji ichidza na chilungamo. ¹⁷Thangwe penu, na mphumbza za ule, imfa idatonga kudzera muna iye, mtani tsono kuna iwo ndiwo amdzatambira chifundo chikulutsa apo mpfupo yakulungama ikutenga mbuto mmoyo kudzera mwa iye, Yesu Mkhirisitu.¹⁸Ndiye tsono, ninga kuphonya kabodzi kudadza na chitsimulo cha wanthu wense, nitenepoyo pomwe chilungamizo chibodzi chidadza chilungamo chamoyo kuna wanthu wense. ¹⁹Nakuti ninga nakusaya kubvera kwa munthu m'bodzi azinji adasanduka wakuphonya, tenepoyo pomwe nakubvera kwa munthu m'bodzi azinji adayesiwa wakulungama.²⁰Tsono lamulo lidabwerakudzathimizira bzakuphonyeka. Tsono pomwe kuphonya kudawanda, chisomo chidanyanyambo kuwanda. ²¹Ibzi bzidachitika pala, kuti kuphonya kudachika ufumu pa imfa, tenepoyo chisomo chikachite ufumu pa chilungamo kufikira moyo wakusaya kumala mwa Yesu Mkhiristu Mbuya wanthu.

6¹Tidzalewa chiyani pomwe? Tinichita bzakuphonya basi kuti chisomo chiwande? ²Nampodi kuterepoyo. Ife omwe ndife wakufa mu bzakuphonya, timdzakhala tani chikhalire momwemo? ³Mumbadziwa lini kuti ife tense omwe tidabatiziwa na Mkhiristu Yesu tidabatiziwa mu imfa yache?⁴Tidafuchiliwa mthenje, pabodzi na iye na ubatizo kudzera mu imfa. Kuti ninga Mkhirisitu adalamusiwa kuna wakufa na ulemelero bwa Baba, telepoyo ife pomwe tifambe na moyo watsapano. ⁵Nakuti penu ife timkhala wakuphatanidziwa na iye mchilinganiro cha imfa yache, telepoyo timdzakhala pomwe mchilinganilo cha kulamuka kwache.⁶Tikudziwa ichi, umunthu bwathu bwakale mudamanikiwa pabodzi na iye kuti thupi lakuphonyalo likadzongewe. Kuti ife nampodi tikhale anyabasa wa chakuipa. ⁷Nakuti iye amene adafa adamasuliwa ku chakuphonya.⁸Tsono penu ife tidafa na Mkhilistu, tikukhulupilira kuti timdzakhala pomwe na moyo na iye. ⁹Nakuti tikudziwa kuti Mkhilistu adalamusiwa kuna wakufa, amdzafa lini pomwe ; imfa idzakhala lini pomwe na ufumu pa iye.¹⁰Nakuti pakufa iye, adafa na kuphonya kabodzi kuna wanthu wense, Tsono, pakukhala iye na moyo, adakhala wamoyo kuna Mulungu. ¹¹Nakutelepoyo, imwepo mubzilewengere imwe mwekha wakufa mu uchimo, soma wamoyo kuna Mulungu mwa Mkhiristu Yesu. .¹²Thangwe lache nampodi kumbabvuma bzakuphonya kuchita ufumu pathupi lanu la imfa kubvera bzakufuna bzache . ¹³Tsono nampodi kupereka bziwalo bzanu mu bzakuphonya, bzikhale bzida bzakusaya kulungama. Soma mubzipereke imwe mwekha kuna Mulungu ninga wamoyo adachoka mwa wakufa, na bziwalo bzanu kuna Mulungu bzikhale bzida bza chilungamo. ¹⁴Nampodi kubvuma bzakuphonya bzichite ufumu pa imwe. Nakuti muli lini walamulo, soma wachisomo.¹⁵Chinango nchiyani? Timbaphonya thangwe tili lini pansi pa lamulo, soma pa chisomo? Nampodi kuterepoyo. ¹⁶Mumbadziwa lini kuti mungabzionesera mwekha kuti ndimwe akapolo, ndimwe kapolo wa iye omwe mumbamubverayo? Ndimwe akapolo wa chakuphonya, chomwe chimbatsogolera ku imfa, ayai akapolo ku chakubvera, chomwe chimbatsogolera ku chilungamo.¹⁷Soma kutenda kukhale kuna Mulungu! kuti penu mudakhala akapolo wa chakuphonya, tsapano mwabvera makhalidwe yale ya chipfunziso chomwe mudaperekewa nacho. ¹⁸Mwatsudzuliwa ku chakuphonya, apo mwakhala akapolo wa chilungamo.¹⁹Ndikulewa kuna imwe ninga munthu thangwera kulefuka kwa thupi lanu. Nakuti ninga imwe mudapereka bziwalo bzanu bzikhale kapolo wabzakuipa nakusaya kuyeruzika kuti bzichite kusaya kuyeruzika, inde telepoyo tsapano perekani bziwalo bzanu bzikhale akapolo wachilungamo, kuti bzikhale bzakuchena. ²⁰Nakuti pomwe imwe mukhali akapolo wabzakuipa, mukhali anyakusaya kutumikira chilungamo. ²¹Tsono mukhanabzo bzipaso bzanyi nthawe ire, bzinthu bzanyi bzomwe mukuchita nabzo manyazi tsapano? Nakuti chimaliziro cha bzinthu ibzi ni imfa.²²Soma tsono pomwe mudatsudzuliwa ku chakuphonya nakukhala anyabasa wa Mulungu, muli nacho chakubala chanu chakufikira kuchicheneso. Na chimaliziro chache ni moyo wakusaya kumala. ²³Nakuti mpfupo yache ya chakuphonya ni imfa, soma mphaso ya fovolo ya Mulungu ni moyo wakusaya kumala mwa Mkhirisitu Yesu Mbuya wathu.

7¹Pinango imwe mukudziwa lini kodi , adzinza (kuti ine ndikukewalewa nawanthu omwe akudziwa bza malamulo), kuti malamulo yana chilamulo pokhapokha penu munthu anamoyo?²Thangwe mkazi wakulowodwa ambamangiwa na lamulo kuna bayache pomwe iye ana moyo, soma penu mwamunayo wafa, iye amba tsudzuliwa kuna lamulo la kulowodwalo. ³Napo thangwe lache, pamene bayache ana moyo, penu iye anikhala na mamuna winango, mkazi omweyo adzachemerewa wachigololo. Soma penu mamunayo wafa, mkaziyo adzatsudzuliwa kuna lamulo, iye adza lewedwa lini wa chigololo penu ani lowodwa na mamuna winango.⁴Telepoyo, abale wangu, imwepo pomwe mudayesewa wakufa na lamulo na thupi la Khilistu. Ndipopa kuti mukhale wache wa winango, ndipopa, iye omwe adamusiwa kuna wakufa, kuti ife tikabale bzipatso kwa Mulungu. ⁵Tsono pomwe ife tikhali mu thupi, bzilakolako bza machimo, bzomwe bzikhali bza chilamulo, bzikhachita bziwalo bzathu kuti bzibale bzipatso bza imfa.⁶Soma tsapano tida tsudzuliwa kuna chilamulo. Tidafa kuna chimwechi chomwe tida phatiwa nacho kalekale. Telepoyo kuti titumikile mu Mzimu watsapano, neye kuti m'chilembo cha kalekale.⁷Pamwepa tidzalewa tani tsono? Apa chilamulo ni tchimo palokha? Ni terepoyo lini. Soma, ine ndikadadziwa lini tchimo, ndikadasaya kudziwa lamulo. Poti ndikadadziwa lini chilakolako chikanati kulewa chilamulo. ''Imwepo nampodi kusilira,'' ⁸Soma uchimo pomwe budagumana lamulo umbachita mkati mwangu bzilakolako bzense mwa lamulo. Nakuti pakusaya lamulo, uchimo nibwa kufa.⁹Tsono kalekale ine ndikhali wamoyo pakusaya lamulo, soma pomwe lamulo lidabwera, uchimo buda tsitsimuka moyo tsono ine ndidafa. ¹⁰Tsono lamulo lomwe likhali lakupasa moyo lidandigumana lakupasa imfa ine.¹¹Nakuti pomwe uchimo budagumana thangwe mwa lamulo budandi nyengeza ine. Na lamulo lidandipha ine. ¹²Tetepo chilamulo m'chichena, na chilangizo chache m'chichena, na chilungamo, m'chabwino.¹³Tsono tsapano chabwino chile chidasanduka imfa kuna ine? Ni terepoyo lini. Soma uchimo, kuti buwoneke kuti ni uchimo, bwandichtila imfa mwachabwino chile, kuti uchimo bukakhale bwakuku phonyesa kudzera na lamulo. ¹⁴Nakuti tinidziwa kuti chilamulo m'chauzimu, soma ine ndili mwa thupi. Ine ndidagulisiwa ku ukapolo bwa uchimo.¹⁵Nakuti chomwe nim'chita, nim'chidziwa lini. Nakuti chomwe ndikufuna, nimbachita lini, chomwe ndikufuna lini, ndicho ndimbachita. ¹⁶Tsono penu nimbachita bzomwe ine ndikufuna lini, ine ndikutawizana nacho chilamulo kuti chilamulo nichabwino.¹⁷Tsono tsapano ndine lini omwe ndimbachita bzobzi, soma uchimo bomwe bukukhala mkati mwangu. ¹⁸Nakuti ine ndimbadziwa mkati mwangu, chomwe chili m'thupi mwangu, chimbakhala lini chinthu chabwino. Nakuti kufuna chabwino ndinako, soma ine ndimbachita lini .¹⁹Poti chabwino chomwe ine ndimbachifuna, ine ndimbachichita lini, soma chakuipa chomwe ine nimbachifuna lini, ndicho nimbachita. ²⁰Soma penu ine nim'chita bzomwe ine ndikufuna lini kuchita, tsono ndine lini pomwe omwe ndikuchita, soma ni tchimo lomwe lili kukhala mkati mwangu. ²¹Tsono, ine ndagumana na lamulo: Panthawe yomwe ndikufuna kuchita chabwino, chakuipa chimba gumanika na ine.²²Tsono ine nimbakomedwa na chilamulo cha Mulungu na umunthu bwa m'kati mwangu. ²³Soma ndikuona lamulo linango m'bziwalo bzangu. Lili kumenyana nakugazana na lamulo lipsa mu mtima mwangu. Lili kunditengera ine ku ukapolo bwa lamulo la tchimo lomwe ni bziwalo baza thupi langu.²⁴Ndine munthu nyakusauka! Mbani adzandiletsetsa ku thupi lakufali? ²⁵Tsono kutenda kuyende kuna Mulungu kudzera kuna Yesu Khilistu Mbuya wathu! Tsono kinangoko, ine ndekha ndisunge chilamulo cha Mulungu m'kati mwa mtima wangu. Soma pomwe, na thupi ine ndisunge lamulo la uchimo.

8¹Nithangwe lache tsapano iwo wakukhala na Khilistu Yesu alibe kugaziwa. ²Nakuti chilamulo cha mzimu wa moyo mwa Khilistu Yesu chidanditsudzula ine kulamulo la bzakuipa na imfa.³Nakuti chomwe chilamulo chilibe kukwanisa kuchichita thangwe chidafooka mwa thupi, Mulungu adakwanisa. Iye adatumiza mwana wache muchiyezezero cha thupi la uchimo, na thangwe la uchimo kugazana na thupi. ⁴Iye adachita ibzi kuti chakuikika chache chikakwanisiwe kuna ife, pamene ife tini famba lini ninga mwa thupi, soma ninga kufuna kwa mzimu. ⁵Iwo omwe anikhala ninga mwa thupi ambaikha malingalilo yawo mubzinthu bza thupi, soma iwo omwe ali ninga mwa Mzimu ambaikha bzinthu bzawo ninga bza Mzimu.⁶Nakuti chisamalilo cha thupi ni imfa, soma chisamalilo cha Mzimu ni moyo na mtendere. ⁷Thangwe lache chisamalilo cha thupi chidaipa kuna Mulungu, nakuti chimba kwanisa lini kuchilamulo cha Mulungu, poti chimba kwanisa lini kutelepoyo. ⁸Iwo omwe ali kuthupi anga kwanise lini kukomedwesa Mulungu.⁹Pinango pense, imwe muli lini wa thupi soma mu Mzimu, chadidi penu Mzimu wa Mulungu unikhala mwa imwe. Tsono penu winango alibe Mzimu wa Khilistu, iye ali lini mwa iyeyo. ¹⁰Penu Khilisitu ali mwa imwe thupilo ni lakufa thangwe la uchimo, soma mzimu niwa moyo thangwe la chilungamo.¹¹Penu Mzimu wa iye omwe udamukisa Yesu kuna wakufa unikhala mwa imwe, iye omwe adamukisa Khilistu kuna wakufa adzakupasani moyo m'mathupi yanu yakufa na Mzimu wache, omwe ukukhala mwa imwe.¹²Thangwe lache, abele, ife tina mangawa, soma neye yale yathupi kukhala na moyo ninga mwa thupi. ¹³Nakuti penu imwe munikhala moyo ninga mwa thupi, imwe munidzafa, soma penu na Mzimu munibzala bzakuchita bzache bzathupi, mudzakhala na moyo.¹⁴Ninga wense omwe anitsogozewa na Mzimu wa Mulungu, omwe ni wana wache wa Mulungu. ¹⁵Imwe mulibe kutenga mzimu wa ukapolo kuti munga khale pomwe na mantha; soma mudatambila Mzimu waumwana, omwe ife tinikuwa nawo kuti, ''Abba, Baba!''¹⁶Mzimu yekha adachita umboni pabodzi na mzimu wathu kuti ndife wana wa Mulungu. ¹⁷Penu ife ndife wana, pomwepo pomwe pakupita m'nyumba, indem'yumba yache ya Mulungu. Ndife anyakupita naye pabodzi na Khilistu, penu ife tinibva bzakuwawa pabodzi na iye kuti tikatambile pomwe ulelmero pabodzi na iye.¹⁸Nakuti ine ndikuyesa kuti mazunzo ya nthawe ino yaku kwana lini kulinganiziwa na ulemerero bomwe bukudzawosewa kuna ife. ¹⁹Nakuti chidikiliso chakulengiwa chimbachokera kubvumbulutso la mwanawa Mulungu.²⁰Nakuti chakulengiwacho chidagonjesewa kuupsilu, chakusaya kufuna mwene kechilo, soma thangwe la iye omwe adachigonjesa, nachidikiliso ²¹kuti chakulengiwa chomwe chida tsudzuliwa ku ukapolo bwa chibvunde, nakupita mu ufumu bwa ulumelero bwa wana wache wa Mulungu. ²²Nakuti ife timbadziwa kuti chakulengiwa chense chimba buula nakuphatiwa na bzakuwawa²³Bzomwebzo lini bzokha, neye penu tekha, tinabzo bzipatso bzakuyamba bza Mzimu, inde ife pomwe timba buula mkati mwathu, nakudikira umwana bwathu, ndibzo bzakuombolera bza thupi lathu. ²⁴Nakuti ife tidapulumusiwa nachidikizo chache. Soma chidikikizo chomwe chinioneka chili lini chidikizo neye. ²⁵Nakuti achidikila mbani chomweiye akuchiona? Soma penu ife tinidikira chomwe tiku chiona lini, pomwepo ife tikudikirira na kupilira.²⁶Tsono pamwepa pomwe, Mzimu umbathandiza kufooka kwathu. Tsono ife timbadziwa lini kuti tinipemphera tani, soma Mzimu yekha ambati pempherera bzakuwawa bzathu. ²⁷Iye omwe ambanyang'ana mtima ambadziwa bza Mzimu, thangwe iye amba pempherera wanthu wakuchena wa Mulungu ninga momwe Mulungu ambafunira.²⁸Ife tinidziwa kuti omwe ambakonda Mulungu, iwo na bzinthu bzense ambathandizana kuwachitira bza bwino, iwo ndiwo ambachemeriwa ninga mwakutsimikiza mwa mtima wache. ²⁹Thangwe iwo omwe iye adawadziwa iye adawalamulilatu andendemeziwe na chindendemezo cha mwana wache, kuti iye akhale ninga mwana wache wakuyamba kuna adzinza azinji. ³⁰Iwo omwe adawalamulilatu, awa iye adawachemera. Iwo omwe iyeadawachemera, iwowa adawayesa pomwe wakulungama. Na iwo iye adawayesa wakulungama, omwewa iye adawapasa pomwe ulemerero.³¹Nitani, tsono tidzachita tani, ife tingalewe tani bzinthu bzimwebzi? Penu Mulungu ana ife, mbani angatigaze ife? ³²Iye omwe alibe kutimana mwana wache soma adamupereka iye thangwe la ife tense, anilekeranyi iye kutipasa pomwe ife bzinthu bzense bza fovolo?³³Mbani adzalewera wakusankhiwa wa Mulungu? Mulungu ndiye m'bodzi wakulungama. ³⁴Mbani m'bodzi mbaniadzawagaza? Khilisitu Yesu ndiye m'bodzi omwe adafa_ inde kwenekwene, iye omwe adamukisiwa_ iye omwe ali kuboko la madidi laMulungu, iye pomwe ambitikumbulila ife.³⁵Mbani adzitilekanisa ife na chikondi cha Khilistu? mazunzo, pinango kupanikiziwa mtima, pinango kusautsika, pinango njala, pinango usiwa, pinango bzakugopswa, pinango chisu? ³⁶Ninga momwe bzidanembiwa, ''Thangwe la imwe tili kuphewa dzuwa lense. ife tidayesiwa ninga mabila yakuphewa.''³⁷Mubzinthu bzensenebzi tikulakalaka kuna iye omwe ni m'bodzi ambatikonda ife. ³⁸Nakuti ine ndakopeka mtima kuti penu ni imfa, penu pakhale moyo, penu mba angero, penu ni mafumu, penu bzikhale bzinthu bzilipo, penu ni bzinthu bzakubwera, penu ni bzamphamvu, ³⁹penu pakhala pakutalika, penu pakhala pakuzika, penu pangapkhale chakulengiwa chili chense, chidza kwanisa lini kutilekanisa ife na chikondi cha Mulungu, chomwe chili mwa Khilistu Yesu Mbuya wathu.

9¹Ndikulewa bzachadidi mwa Mkhilistu . nimbanama lini neye, chikumbumtima changu chikundichitira umboni ine na Mzimu Wakuchena ²kuti pala ine ndaphatiwa na nsisi zikulu zense nakuwawidwa moyo kwakupitirira.³Thangwe ndikutondo kukhumba kuti ine nditatembereriwa na kuikhiwa pambali kuna Mkhirisitu pala udidi bwa abale wangu, wadzinza wangu malingana na kuthupi. ⁴Iwo mbaa Isaraeli .Ana chiterezera, ulemerero, mpangano, mpfupo ya chitongi, utumiki mtchalitchi. na lonjezo. ⁵Waiwo mba abereki omwe adachokera kuna Mkhirisitu wabwera na ulemu ku thupi---iye omwe ni Mulungu wawense. Athembiwe kwa muyaya. Amen.⁶Soma kulilini ninga mafala ya Mulungu akhala yakutaza, Nakuti ni wense lini wakuchokera ku Isaraeri omwe mba Aisarayeri. ⁷Pinango niwense lini wa mbeu ya abrahamu ali wana wache. ''Soma, ''Kudzera mwa Isaki mbeu yako imdzachemeriwa.''⁸Tsono kuti, wana wa kuthupi ambakhala lini wana wa Mulungu. Soma wana wakulonjezewa ambalewengiwa mbewu yache . ⁹Nakuti mafala yadalonjeziwa ngomweya: ''Pa nthawe iyi ine nimdzabwera, apo mwana wachimuna amdzaperekiwa kuna Sara.''¹⁰Tsono mpsokhabzo lini, soma Rabeka adakhala na mimba na mamuna m'bodzi, m'mbereki wathu Isaki_ ¹¹thangwe wana akanati kubaliwa ayai apo akhanati kuchita bzinthu bzabwino pinango bzakuipa, nakutsimikizika mtima na Mulungu ninga kusankhula bzikakhale bzakuima mwakuchemeriwa, ¹²neye thangwe la basali, soma thangwera iye wakuchemerayo_terepo kudanembiwa kuna iye, ''Mkuluyo amdzakhala wakubonera kuna mng'ono.'' ¹³Bziri ninga ndimo bzidanembiwira: ''Yakobo nimmukonda, soma Esau ine nimmuwenga."¹⁴Apa tsono tinilewa chiyani? Apa chilipo chakusaya kulungama na Mulungu? Nampodi kuterepoyo. ¹⁵Poti iye adalewa kuna Mose, ''Nidzachitira chifundo kuna iye omwe nimdzakhala naye chifundo, napo nidzakhala na nsisi kuna iye omwe nimkhala naye nsisi.'' ¹⁶Naterepo, ni thangwe lini la iye omwe ambapha, ayai thangwera iye omwe ambathamanga, soma thangwera Mulungu, omwe ambaonesa chifundo.¹⁷Thangwera manemba yakulewa kuna Farao, ''Thangwera ibzi ndidakulamusa iwepo, kuti ndikaonesere mphamvu yangu mwa iwepo, nakuti dzina langu likabvekere pa dziko lense la pansi.'' ¹⁸Tsono kinangoko, Mulungu anichitira chifundo omwe Mulunguyo wafuna, kuna omwe iye akufuna, iye animuumira mtima.¹⁹Pomwepo iwe umdzalewa kuna ine, ''Thangweranyi iye akudandaula? Thangwe mbani adalambiza bzakufuna bzache?'' ²⁰Tsono munthu, iwepo, ndiwe mbani kuti ugazane mafala na Mulungu? Chinthu chakukonzewa chimdzalewa na omwe adachikonza, ''Thangweranyi wandikonza terepayu?'' ²¹Kodi nyakuumba mitsuko alibe ufulu bwa kuumba na dongo lokha lokhalo mtsuko wakuphatizira bzakulemekezeka, na mtsuko winango pomwe wakuphatizira bzakusaya kulemekezeka?²²Mulungu mchiyani, omwe akufuna kuwonesa ukali bwache na kudziwisa mphamvu yache, adabzilekelera na kubzilekelereratu kwenekwene bzakutengera bzakukalipa bzakukonzekera ku chidzongeko? ²³Tani tsono achikhal kuti adachita bzobzi kuti akadziwise vida ya ulemerero pa bzakutengera bza chifundo, bzomwe pakutoma akhadabzikonzekera pala ulemerero? ²⁴Tani achikhala kuti adachita pomwe bzobzi kuna ife, omwe iye adawachemera pomwe sikuti kuchokera pakati pa Ayuda okha, soma kuchokera pomwe pakati pa Wakuchikunja?²⁵Ninga ndimo adalewa pomwe mu Hoseya: Ine nimdzachemera wanthu wangu omwe akhali lini wanthu wangu, na iye wakukondeka wache omwe akhali lini wakukondeka. ²⁶Poti kukhali pa mbuto yomweyo kudalewiwa kuna iwo, 'Ndimwe lini wanthu wangu,' pamwepo iwo amdzachemeriwa 'wana wachimuna wa Mulungu wa moyo.'''²⁷Yesaya adalirira bza Isaraeli, ''Napo wana wa Isaraeli akhadawanda ninga mchenga wa mu nyanza, amdzakhala wakusalira ndiwo amdzapulumusiwa, ²⁸nakuti Mbuya anzalewa mafala yache pa dziko lapansi na kuyamaliza mwachigwatira,'' ²⁹Ninga Yesaya adalewa kale, ''Akadakhala ninga Mbuya akhalibe kutisiyira ife mbeu, tingadakhala ninga Sodomu, tikadandendemerana na Gomora.''³⁰Nchiyani chomwe ife tingalewe? Kuti wanthu Wachikunja, omwe akhapsaga lini chilungamo, adakhotcha chilungamo, chilungamo mwa chikhulupiro. ³¹Soma Isarayeri, omwe akhapsaga chilamulo cha chilungamo, alibe kukafikira pa lamulo limwero.³²Thangwelanyi neye? Thangwela kuti alibe kupsaga nachikhulupiro, soma penu na mwa mabasa. Adakhukhumudwa pa mwala wakukhukhumudwisa, ³³ninga pomwe kwanembewera, ''Nyang'anani, ine ndatula mu Ziyoni mwala wakukhukhumudwisa na thanthwe lakukhukhumudwisa . Iye wakukhulupirira ilo amdzachita lini manyazi."

10¹Abale wangu, kufuna kwa moyo wangu na kukumbira kwangu kwa Mulungu niniwakumbirira iwo, thangwera chipulumuso chawo. ²Thangwe niwachitira ine umboni bza iwo kuti iwo ana kachangu ka basa la kwa Mulungu, soma sikuti mwakudziwiratu. ³Thangwera kutaza kudziwa bzakulungama bzakuchokera kuna Mulungu, na kupsaga kukhazikisa chilungamo chawo chawo, iwo ambakwanisa lini kufikira bzachilungamo bza Mulungu.⁴Nakuti Khilisitu anacho chimaliziro cha lamulo malingana na chilungamo cha aliyense omwe anikhulupilira. ⁵Thangwe Mose wanemba bza chilungamo kuti chimbabwera kuchokera ku lamulo: ''Munthu omwe anichita bzinthu ibzi anzakhala na moyo nabzobzi.''⁶Soma chilungamo chakuchokera ku chikhulupiriro chimbati, ''Nampodi kumbalewa mumtima mwako, 'Mbani amdzakwira kudzauluko?' ( tsono kuti, anzam'bulusa pansi Mkhilistu); ⁷nampodi kulewa pomwe, 'Mbani amdzatchithimira mdindimo?'' (uku ndiko, kubweresa Mkhirisitu kuchoka kuna wakufa).⁸Soma bzikulewa chiyani? ''Mafala yali pafupi na iwe, mkamwa mwako na mumtima mwako.'' Aya nimafala ya chikhulupiliro, yomwe ife tiku yafalisa. ⁹Nakuti penu unzatawiriza mkamwa mwako Yesu ni Mbuya, na kukhulupila mumtima mwako kuti Mulungu adamulamusa iye kuchoka kuna wakufa, udzapulumuka. ¹⁰Nakuti namtima munthu akhulupilira mkukhala pomwe na chilungamo, na mkamwa mkutawiliza adzapulumuka.¹¹Thangwe mafala yambalewa kuti, ''Aliyense omwe anikhulupila iye anzachita lini manyazi.'' ¹²Thangwe palibe kusiyana pakati pa M'yuda na M'herene. Thangwe umweyo ni Mbuya wa Mbuya wensene, iye ngwakudala kuna wense omwe anichemera pa dzina lache. ¹³Thangwe aliyense omwe anzachemera pa dzina la Mbuya amdzapulumusiwa.¹⁴Tsono iwowo amdzachemera tani pa iye omwe iwo akukhulupira lini? Tsono iwo amdzakhulupila tani mwa iye omwe akanati kumubva kale? Tsono iwo amdzabva tani pakusaya nyaku walalikira? ¹⁵Tsono iwo adza lalikira tani, pokhapokha iwo atumiwe?_ Ninga momwe bzida nembiwa, ''Zabwino ninzayo zawale omwe ambalalika mafala yabwino!''¹⁶Soma akhali lini wense akhabvera uthenga bwa bwino. Thangwe Yesaya akulewa, ''Mbuya, mbani akhulupira bza kulewa bzathu?" ¹⁷Chikhulupilo chimbabwera na kubva, na kubvera mafala ya Mkhiristu.¹⁸Soma inepano ndikulewa, ''Kodi iwowo alibe kubva?'' Inde, m'bzachadidiretu. ''Fala lawo lidayenda ku dziko lensene lapansi, na bzakulewa bzawo bzakumalekezero ya dziko."¹⁹Tsono, Ine ndikulewa, ''Kodi Aisrayeli alibe kudziwa?'' Pakutoma Mose adalewa, ''Ine nimdzachitisa imwe nsanje na iwo omwe ankhalalini dzinza. Na dzinza lakusaya kubva, nimdzakukalipisani imwe.''²⁰Tsono Yesaya adakhumisa moyo bzachadidi pomwe iye akhalewa, ''Ine ndidagumanika na iwo omwe akhandipsaga lini ine. Ndidaoneka kuna iwo omwe alibe kundibvunza.'' ²¹Soma kwa Israyeli iye akulewa, ''Dzuwa lensene ndidafuthula manja yangu kwa wanthu wakusaya kubvera na wakulamba.''

11¹Thangwe lache nilewa, Kodi Mulungu adalamba wanthu wache? Nampodi kuchita tenepoyo. Nakuti inembo ndine mu Israyeli, wambewu ya Abrahamu, wa dzinza la Benjamini. ²Mulungu alibe kulamba wanthu wache, omwe iye adawadziwiratu. Ayai mumdziwa lini bzomwe bzakulemba bzinilewa bza Eliya, ndimo dangingimila Mulungu pakugaza Israyeli? ³"Mbuya, iwo adawapha aneneli wanu, adagwesa maguwa yanu ya nsembe, tsono ine ndasala ndekha, apo akupsaga moyo wangu.''⁴Soma kutawila kwa Mulungu kudalewa tani kuna iye? ''Ine ndidabzisiyila ndekha amuna bzulu bzinomwe omwe alibe kugodamila Bala.'' ⁵Telepo pomwe, nthawe zino alipo wakusalira ninga mwa chisankhulo cha chisomo.⁶Tsono penu kuna mwayi, kulibe pomwe na basa. Neye tsono pakusaya mwayi zjai umkhala lini mwayi. ⁷Apo mchiyani tsono? Chinthu chomwe a Israyeli akhachipsaga, alibe kuchiwona, soma wakusankhuliwa adachiwona, tsono wakusalawo adaumisiwa moyo. ⁸Ninga kudanembewa: ''Mulungu adawapasa iwo mzimu wa tulo, maso pala kuti nampodi iwo awone, na makutu pala nampodi kuti iwo abve, ateye kufika lero.''⁹Tsono Davide adalewa, ''lekani meza yawo ikhale kuna iwo ninga ukhulira na mulapu, na chakukalipisa na chakuwabwezela chilango iwo. ¹⁰Lekani maso yawo yapsipiziwe kuti nampodi yawone, na kotamisa misana yawo nsiku zense.''¹¹Thangwe lache ninilewa, ''Kodi adakhukhumudwa kuti agwe?'' Nampodi kuchita telepoyo. Mmalo mwache, nakuphonya kwawo, kupulumusiwa kudabwela kuna wanthu Wachikunja, kumdzachitisa iwo nsanje. ¹²Tsono penu kuphonya bzao ni vida ya dziko lapansi lapansi, apo penu kuluza kwao ni zida ya Wachikunja, kukwanirisa kwao tsono kumdzakhala tani?¹³Tsono pano ndikusewera kuna imwepo Wachikunja, thangwe ine pakukhala mtumiki wa wanthu Wachikunja, ine ndimbanyadira mu utumiki bwangu. ¹⁴Pinango pense nimdzanyosa nsanje kuna wale wathupi langu langu.Pinango timdzawapulumusa wina mwa iwo.¹⁵Napo penu kutayana kwao ndiko kuphatana manja kwa dziko la pansi, apa kutambiliwa kwao kumdzatani tsono chadidi ni moyo kuna wakufa? ¹⁶Penu bzipaso bzakutoma bza kupambuliwa, nchibodzibodzi na muti, penu mizi yache njakupambuliwa, nchibodzbodzi powe na mitawi yache.¹⁷Tsono penu mitawe inango idakhoboka, penu ndiwe, mtawe wa muti wa azitona, omwe udameresiwa mwaiwo, penu iwepo udagawana nawo bzabwino bzamuzi wa muti wa azitona, ¹⁸nampodi kubzithemba na mitawiyo. Tsono penu iwe umbzithemba, ndiwepo lini omwe unithandizira mphamvu muziyo, soma muzi ndiwo unithandizira iwepo.¹⁹Ndiye iwe umdzalewa , ''Mitawe yakhoboka ndiye kuti inepano nimkameresiwa nawo.'' ²⁰Bzobzo mchadidi. Thangwe omwewo adakhoboliwa na kusaya kukhulupilika kwawo, tsono iwepo umbakwanisa kuima thangwera chikhulupilo chako. Nampodi kumbabzithusa mumtima mwako, soma umbagope. ²¹Nakuti penu Mulungu amdzakoya lini mitawe yamitundu yache, iye amdzaleka lini iwepo.²²Nyang'anani, tsono, kudelekha na kulimba moyo kwache kwa Mulungu: kulimba moyo kudabwera kwa Ayuda omwe adagwa, soma kudelekha kwa Mulungu kudabwera kuna imwe, penu imwe mumkhala telepoyo wakuderekha. Pinango mumchita lini bzobzo mumdzagwatiwa.²³Tsono penu iwo, akhala lini nachipirilo chawo, amdzawameresa lini. Soma Mulungu adzakwanisa kuwameresa pomwe iwo mu njere. ²⁴Tsono penu iwe udagwatiwa kumuti wa azitona wa kuthengo, tsono nkudzaphatanidziwa na muti waazitona wabwino, bzimdzakhala bza kukoma tani, mitawe ya mutiyo, umdzamelesiwa pomwe kumuti wache wa azitona chaiye?²⁵Tsono inepano ndikufuna lini kuti imwepo mukhale neye kudziwa, abale, bzinsinsi bzobzi, nakuti imwepo nampodi kubziyesa anyanzeru m'makumbukidwe yanu; Nakuti kulimba moyo kudabwera panng'ono kwa Aisalaeri ateye kuwanda kufika kuna wanthu Wachikunja.²⁶Terepoyo Ayisalaeri wense amdzapulumusiwa, ninga momwe bzidanembiwa; ''Amdzachokera ku Ziyoni Mpulumusiyo. Iye adzachosa bza makiliyado kuna Yakobo, ²⁷apo ili ni pango langu na iwo, pomwe ine nimdzachosa bzakuipa bzawo.''²⁸Ninga ndimo mafala ya Mulungu yambalewera, iwo ali ninga awengi thangwera imwepo. Soma kulewa bza kusankhuka, iwo adakondewa thangwe la makolo yawo. ²⁹Thangwe mpfupo na kuchemeriwa kwache kwa Mulungu bzinilapika lini.³⁰Ninga imwepo kalekale mukhabvera lini Mulungu, tsono nsiku zino mudatambila chifundo thangwera kusaya kubvera kwawo. ³¹Mpsibozibodzi, tsapano Ayuda wale alibe kuti abvere. Nakutenepo iwo akatambile pomwe chisomo thangwe la chisomo cha kuna imwe. ³²Nakuti Mulungu adawafungila wense nakusaya kubva kuti iye awonese chifundo kuna wense.³³O, kuzika kwache kumdadzala mbali zense na nzeru na kudziwika kuna Mulungu! Nampodi kutembenuza mayeruzo yache, na njira zache mzakusaya kutewezeka! ³⁴Nakuti mbani adadziwa bzamumtima mwache mwa Mbuya pinango mbani amdzakhala tsaphungu wache?³⁵Ayai mbani amdzatoma kutambila bzinthu kuna Mulungu, kuti Mulungu akamupase iye?'' ³⁶Nakuti kuchoka kuna iye kudzera kuna iye mwa iye bzinthu bzense bzilipo. Kuna iye kulemekezewe kunthawe zense. Ameni.

12¹Thangwe lache, nimkukumbirani abale wangu , mwa chisomo cha Mulungu, kuti mathupi lanu muyapereke nsembe, ya mumoyo, yakupambuliwa kuna Mulungu. Ndipo kumukumbira kwanu kumkwanisiwa. ²Tsono nampodi kundendemeziwa na makhaliro yapansi pano, soma mukhale wakutembenuziwa mwa kukonza pomwe mwa moyo wanu. Chitani ibzi kuti mukakumbukire chomwe chili chifundo chabwino, chakupambuliwa na chakudekera Mulungu.³Thangwe na chifundo ndicho chidaperekiwa kuna ine ndikulewa kuna aliyense wa imwe; Mumbabzikumbukira mwakukula mwekha kuposa ndimo mukuthemera kukhala, kumbukani mwa chiyeruzo chachadidi,aliyense malingana na mphimo ya chikhulupilo chomwe Mulungu adakupasirani imwe.⁴Pakuti mthupi libodzi tilinabzo bziwalo bzizinji, soma sikuti bziwalo bzensenezo bzina basa lakundendemera neye. ⁵Ndendembo, ife ndife azinji omwe tili thupi libodzi mwa Mkhiristu, na bziwalo bzinzache winango na mwayache.⁶Ife tina mphaso zakusiyana malingana na chisomo chakupasiwa kuna ife. Penu m'bodzi wapasiwa mphatso yakulewera alewere ninga mwa chikhulupiliro. ⁷Penu winango mphatso yache nja utumiki, mulekeni iye atumikile. Penu winango mphatso yache njakupfunzisa, mulekeni iye apfunzise. ⁸Penu winango mphatso yache m kulimbikisa, mulekeni alimbikise. M'bodzi akapasiwa mphatso, achite na moyo wachadidi. Penu winango mphatso yache njakuyeruza, mulekeni ayeruze mwakufulumiza, Iye wakuchita chifundo, mulekeni achite na kukondwa moyo.⁹Chigwirizano chikhale chakusaya dima. Uyipidwe nacho chakuipa ; komedwa nacho chabwino. ¹⁰Mubverane na anzanu mwachikondi chaicho, mutsogolerane winango na mwayache. Kulewa bza ulemu, lemekezanani winango na mwayache.¹¹Kumbali ya basa, nampodi kukhala wautofu. Bzakuchita bzanu khalani wakukulumikiza mumzimu, na changu. Kumbali ya Mbuya, tumikirani, iye nthawi zense . ¹²Komedwani pakudikhira, limbikirani pakubonera, limbikani nakupemba. ¹³Perekani ndibzo wina akusaya kuna wanthu wache wa Mulungu wakuchena moyo. Psagani njira zizinji zakuonesera chikondi.¹⁴Muwachitire bzabwino iwo wakukulondalondani imwe; adaliseni nampodi kuwatembelera. ¹⁵Sekani nawo iwo wakusekera; lirani nawo omwe akulira. ¹⁶Khalani nawo moyo ubodzi winango na mwayache. Nampodi kumbakumbuka mwakusamwa, soma bvumani kukhala na wakusaya. Nampodi kubziyesa wanzeru mwa imwe mwekha.¹⁷Nampodi kubwezera aliyense chakuipa ku chakuipa. Chitani bzinthu bzabwino padecha pamaso pa wanthu wensene. ¹⁸Penu mbzakukwanisika, ninga momwe mungakwanisire khalani na ufulu bwa imwe, sunngani mtendere kuna wanthu wense.¹⁹Nampodi kubwezera chakuipa, wakukondewa, soma perekani njira kuna Mulungu. Nakuti kudanembiwa, 'Kubwezera kuna ine; Nimdzabwezera; adalewa telepo Mbuya" ²⁰Soma ''penu nyakuwengana namwe akubva njala, mumudyese. Penu akubva nyota, mumupase iye amwe. Nakuterepoyo, umdzakhala wamutulila masimbe ya moto pamsolo pache.'' ²¹Nampodi kuneta na chakuipa, soma na chabwino kumalisa chakuipa.

13¹Lekani munthu aliyense abvere malamuro ya akulu akulu, pakuti palibe ulamuliro bwinango soma bwakuchoka kuna Mulungu. Malamulo yomwe yalipoya yadasankhuliwa na Mulungu. ²Tsono munthu ndiye amgazana na lamulo iye akulambiza chakuikhiwa cha Mulungu; na omwe akulambizawo amdzatambira chilango cha kwaiwo okha.³Atongi ambakhala lini wakugopsa kuna wakuchita bzabwino soma kuna wale wakuchita bzakuipa. Kodi umfuna kukhala wakusaya mantha na lamulo? Chita chabwino apo umdzatambira m'dalitso wache. ⁴Nakuti iye ni kapolo wa Mulungu kuna imwe pa bzabwino . soma ukachita chakuipa , ukhale wakugopa; Thangwe iye ambatenga lini lupanga pakusaya thangwe. Pakuti iye ni kapolo wa Mulungu, omwe ambabwezera chakuipa kuna iye omwe wachita bzakuipa. ⁵Tsono tikufunika tikhale wakubvera, sikuti thangwera kuipidwa kokha, soma thangwe kukumbuka kwa mumtima.⁶Thangwera ichi mumbapereke mtsonkho. Nakuti waboma mba akapolo wa Mulungu, omwe ambaganizira chinthu chochi mwakupitiriza. ⁷Perekani mangawa kuna munthu aliyense omwe munaye mangawa: Msonkho kuna iwo omwe ambatambira msonkho, pagalini kuna iwo omwe ambapagaliwi, gopani wakuthemera kugopiwa, perekani ulemu kuna wakuthemera kupasiwa ulemu.⁸Nampodi kufiyali chinthu kuna aliyense, kupambula kukondana wina na mwayache. Thangwe kuna iye omwe animkonda mwayache wakwanisa lamulo. ⁹Malamulo yakuti, ''Nampodi kuchita chigololo, nampodi kupha, nampodi kuba, nampodi kusilira," na lamulo lililense lidamangiliriwa pa lamulo lakuti" Konda mwayako ninga umbabzikondera mwenekachiro." ¹⁰Chikondi chimbadzonga lini mwayako. Koma chikondi chimbakwanisa lamulo.¹¹Thangwera ichi mukudziwa nthawe, kuti ni nthawe yakuti timuke pa kugona. Nakuti tsapano chipulumuso chili pafupi kusiyana na ndimo tikhakhulupilira pakutoma pale. ¹²Tsono bwerani tileke mabasa yathu ya mum'dima, thangwe nsiku yafendera. Bwerani tikhundule mabasa ya mum'dima, ndipo tiikhe bzinthu bzanthu padecha.¹³Bwerani tifambe mwakuthemera, ninga masikati, neye mwa bzisangalaro bza kumwa ayai kuledzera; nampodi tifambe m'makhalidwe ya chigololo ayai bza ndewu, nampodi timbachite nsanje. ¹⁴Soma tibziikhe mwa Mbuya Yesu Mkilisitu, nampodi kukumbuka bzakuthupi kuti lichite bzakufuna bzache.

14¹Tambirani munthu aliyense wa chikhulupiliro chakusaya mphamvu, nampodi kumupasa chiyeruzo cha kugaza kwache. ²Munthu m`bodzi ana chikhulupiliro chakuti ambadye bzilibzense, winango wakuchepa chikhulupiliro ambadye masamba yokha.³Tsono iye womwe ambadya chilichense nampodi anyoze mwanzache womwe ambadyalini; na uyu womwe ambadyalini chilichenseyu nampodi aweruze winangoyi womwe ambadya bzilibzenseyo. Pakuti Mulungu adamubzumiza. ⁴Ndiwe yani? iwe ukuweruza nyabasa wa mwanzako? Wakuyamba ni yavu wache womwe ambamuimilira na kumugodamira. Soma amdzamukonza kuti ayime, Pakuti Mbuya angakwanise kumukonza kuti ayime.⁵Munthu winango ambakumbuka kuti nsiku ibodzi imbaposa inzache. Winango ambakumbuka kuti nsiku zense nzakulingana. ⁶Munthu omwe akukoya nsiku, mwa Mbuya; na iye womwe akudya, ambadye mwa Mbuya thangwe iye ambatenda kwa Mulungu. Munthu womwe ambadyalini, ambadya lini mwa Mbuya; na iye pomwe ambapereka kutenda kwa Mulungu.⁷Kulibe m'bodzi wa ife omwe ambakhala na moyo yekha, apo palibe omwe ambabzifera yekha. ⁸Penu timbakhala na moyo, timbakhala na moyo mwa Mbuya, pinango timbafa, koma timbafa mwa Mbuya. Ndiye penu tina moyo ayayi tafa, koma ndife wache wa Mbuya. ⁹Na thangwe limweli Mkhirisitu adafa achilamuka pomwe , bzomwe bzikutilatiza kuti iye ni Mbuya kwa wense wakufa na anyamoyo.¹⁰Soma iwepo, thangwe lanyi umbayeruza m'bale wako? Thangwe lanyi iwepo umbanyoza m'bale wako? Pakuti tense timdzakaima pa kadera ya wakutonga wa Mulungu. ¹¹Pakuti ibzi bzidanembiwa, ''Pomwe ine ndinamoyo'' Mbuya akulewa , "Kuna ine mabondo yense yamdzandigodamira na lilime lilirense limdzatawiriza kwa Mulungu.''¹²Tsono pomwe, munthu aliyense amdzabzipasa chilewengero yekha kwa Mulungu. ¹³Tenepo tileke kumbatongana tekhatekha, koma timbakumbuke ichi, kuti palibe munthu ndiye amdzaikhira m'bale wache mwala panjira ayai kumuchitira bzinthu bzakumuipira.¹⁴Nimbadziwa apo mpsakukhazikika mwa Mbuya Yesu kuti palibe chinthu ndicho chimbakhala chakuipa pachokha. Soma kuna iye omwe ambaona chilichense kuti ntchakuipa, kwa iye chimbakhala chakuipa. ¹⁵Penu wamudzonga m'bale wako thangwera chakudya, popo chikondi ukuchikwanisa lini. Nampodi kumudzonga munthu omwe Mkhirisitu adamufera na chakudya chako.¹⁶Lekani kubvuma kuti chabwino cha imwepo ambachirewere bzakuipa. ¹⁷Nakuti umambo bwa Mulungu bulirini mu bzakudya na bzakumwa, soma buli mu chadidi, mtendere, na chisangalaro mu Mzimu Wakuchena.¹⁸Thangwe munthu ndiye anitumikila Mkhirisitu muibzi anikomedwesa Mulungu apo wanthu ambatawiriza. ¹⁹Tsono, tilonde bzinthu bzamtendere na bzinthu bzakutibweresa pabodzi munthu na mwanzache.²⁰Nampodi kudzonga basa la Mulungu thangwela chakudya. Bzinthu bzense bzilibwino, soma nkhuphonya kuti munthu ambadye chilichense chomwe chingachitise kuti mwanzache asaye kudekedwa . ²¹Bzilibwino kukhala ne kudya nyama, kumwa bwadwa ayai kuchita chinthu ndicho m'bale wako angadekedwe lini nacho.²²Chikhulupiliro ndicho unacho, uchikoye pakati pa iwepo na Mulungu. Nyakudalitsika ni munthu omwe ambabzitsimula lini yekha pa chinthu ndicho wachitiliwa . ²³Munthu omwe ambabzikaikira pa kudya ambabzigaza yekha, thangwe bzikuchoka lini muchikhulupiliro. Apo chilichese ndicho chimbachoka lini muchikhulupiliro ni tchimo.

15¹Tsapano wamphamvufe titakule bzakufooka bza anyakusaya mphamvu, tisabzikomedwese tekha . ²Tendeni aliyense wa ife an'komedwese mwanzache pakumuchitira bzabwino, pala kumulimbikisa.³Pakuti Yesu alibe kubzikomedwesa yekha. Soma bzidanembiwa , ''Kuti bzakuipa ndibzo adakulewani bzidzagwa kuna ine.'' ⁴Tenepo bzense bzidanembiwa kale kuti bzimbatilangize pala kuti kudzela mkuderekha timbakhale wa chiyembekezero mwa chikondi na kulimba mtima.⁵Tsapano Mulungu wachikondi na kulimbisa mtima akufuna mwense mukhale wakulingana mwa Yesu Mkhiristu. ⁶Iye mbaachite bzobzi pala kuti bzakukumbuka bzakulingana na mulomo ubodzi tingakwanise kulemekeza Mulungu Baba wa Mbuya Yesu Mkhirisitu. ⁷Tenepo tambiranani munthu na mwanzache, pakuti yesu adakutambiranimbo imwepo , ku ulemelero bwa Mulungu.⁸Ndikulewa kuti Mkhilisitu adakhala kapolo wa m'gwatiso kuti alatize chadidi cha Mulungu , kuti atchimikizire bzomwe adalonjeza kuwapasa abereki wathu, ⁹na kuti Wachikunja alemekeze Mulungu pa chikondi chache. Pakuti kudanembiwa , ''Tsono nidzakunamatirani pamaso pa wanthu Wachikunja apo nim'dzaimba kunamata dzina lanu.''¹⁰Yakulewa pomwe kuti, ''Sekerani imwe wanthu Wakunja, pabodzi na wanthu wache." ¹¹Tenepo, ''Namatilani Mulungu, mwense wanthu Wakunja; tendeni tense tim'namatire iye".¹²Tenepo, Yesaya akulewa , " Muzi wa Jese umdzabwera, uchidzatonga wanthu Wachikunja; umweyu wanthu Wachikunja adzamudikhilira.''¹³Tsono Mulungu wachiyembekezero akudzazeni na chisangalaro chense na mtendere mwa chikhulupiliro, kuti mphamvu ya Mzimu Wakuchena akuwandiseni mwachiyembekezero.¹⁴Inepano ndekha ndakomedwa namwe, abale wangu . Ndine wakukomedwa thangwe imwepo pomwe ndimwe wakudzala na bzabwino , wakudzaziwa na mzeru. Ndakomedwa pomwe na imwepo thangwe mukukwanisa kulangizana.¹⁵Soma ndikukunemberani mwakulimbamtima kuti ndikukumbuseni pomwe chinthu chinango, thangwera chisomo ndicho ndapasiwa na Mulungu. ¹⁶Mphatso imweyi njakuti ukhale kapolo wa Mkhilisitu Yesu kutumiziwa kuna Wachikunja, kubzipereka ninga wansembe wabwino wa Mulungu, kuti bzakupereka bza wanthu Wachikunja bzikhale bzakutawiriwa na Mzimu Wakuchena.¹⁷Mwa Yesu Mkhrisitu ndinalo thangwe lakusamwira basa langu mu bzinthu bza Mulungu. ¹⁸Ine nim'dzakwanisa lini kulewa chirichense kupambula chokhacho ndicho Yesu adaikha mwa inepano pa kubvera kwa wanthu Wachikunja. Pana bzinthu bzomwe bzimbakwanisika na mafala na pomwe kubzichita, ¹⁹na mphamvu ya bzizindikiro na bzakudabwisa na mphamvu ya Mzimu wa Mulungu . Ibzi bzidachokera ku Yerusalemu kuzungulira ku Iluriko kufalisa uthenga bwabwino bwa Mkhiristu.²⁰Mu njira yoyi, ndidafunisisa nimbalengeze uthenga bwabwino, soma sikuti kumbuto ndiko Mkhirisitu akudziwika kale dzina lache ayai, kuchitira kuti ningaikhe maziko yangu pa mbuto pa munthu kale winango. ²¹Bzili ninga ndimo bzidanembiwira; "Kuna wanthu ndiwo alibe kuuziwa am'dzamuona na omwe alibe kubva amdzabvesesa.²²Tenepo ndikhatazira kubwera nthawe zizinji kuti ndibwere kuna imwepo . ²³Soma pano, ndilibe pomwe mbuto kuno, ndakhala ndikufuna kazinjitsa kubwera kwa imwepo kwa magore mazinji²⁴Ndina chidikhiliro chakuti ndikuoneni pa nthawe ndiyo nimpita kuyenda ku Spania, nakuti nim'thandiziwa na imwepo pa ulendo bwangu, ndekha ndingadekedwa na kukhala namwe kanthawe kakuchepa. ²⁵Soma tsapano ndikuyenda ku Yerusalemu, kukathandiza wanthu wakuchena wa Mulungu.²⁶. Thangwe chikhali chakukomera wakuMakedoniya na Akaya kuchita mtsonkhatsonkha winango pala wakusaya pa wanthu wakuchena mtima wa Mulungu omwe ali mu Yerusalemu. ²⁷Inde chikhali chakuwakomera, apo awafiyalisi iwo. Thangwe penu Wachikunja agawana mu bzinthu bzao bza uzimu, aniwafiyalisi Ayuda kuwathandiza iwo na bzinthu bzao.²⁸Mthangerache, ningamaliza basali na kuonesesa kuti iwo atambira bzense ndibzo bzidakontcheziwa, nimdzayenda ku Spania na kukuzondani panjira. ²⁹Ndikudziwa kuti ningabwera kuna imwe nimdzabwera mwakudzala mwa mdaliso wa Mkhirisitu.³⁰Tsono ndikudandaulira kuna imwe abale mwa Mbuya wathu Yesu , na chikondi cha Mzimu, kuti mulimbike pabodzi nande mmapembo kuna Mulungu . ³¹Namatani kuti ndikapulumusiwe kuna iwo wakusaya kubvera wa ku Yudeya , soma pomwe kuti basa langu laku Yerusalemu likatawiriwe kuna wanthu wakuchena mtima wa Mulungu . ³²Mupembe kuti ndidzabwere kuna imwe kudzera mchifuniro cha Mulungu, na kuti ndikhale, pabodzi namwe, pumani.³³Mulungu wa mtendere mbaakhale na imwe mwense. Amen.

16¹Ndikumpereka kuna imwe Foebe nana wathu, omwe ni kapolo wa mpingo wa ku Senkileya, ²kuti imwepo mumutambire mwa Mbuya. Chitani ichi mu dongosolo la wanthu wakuchena wa Mulungu, apo mumupe chithandizo chense ndicho amfuna kuchoka kuna imwe pakuti iye wathandiza wanthu azinji na inepano kubodzi.³Kulimba kuna Purisika na Akulla, anyabasa anzangu mwa Yesu Mkhiristu, ⁴omwe adapereka miyoyo yawo thangwela ine. Ndikupereka kutenda kuna iwo, sikuti ndinepano ndekha, soma mipingo yense ya wanthu Wachikunja. ⁵Kulimba kuna mpingo omwe uli mnyumba mwawo. Kulimba kuna Epineto wakukondeka wangu, omwe ni chipatso chakutoma cha Mkhirisitu ku mpingo waku Asia .⁶Kulimba kuna Maria, omwe adaphata basa mwakulimbika kuna imwe. ⁷Kulimba kuna Androniko na Yunia , anzangu pomwe na akaidi anzathu. Iwo ambadziwika bwino na anyakupfunza, apo ndiwo adanditsogolera kuna Mkhiristu. ⁸Kulimba nuna Ampliato, wakukondewa wangu mwa mbuya.⁹Kulimba kuna Uribano, nyabasa mwayathu mwa Mkhirisitu na Sitaku, wakukondeka wangu. ¹⁰Kulimba kuna Apele, omwe ngwakutawiriwa mwa Mkhilistu. Kulimba kuna wakubanja la Aristobola. ¹¹Kulimba kuna Herodiana, m'bale wangu. Kulimba kuna wakubanja la Narikiso omwe ali mwa Mbuya.¹²Kulimba kuna Trufena na Trufaso, omwe ambaphata basa kwenekwene mwa Mbuya. Musewere na Perisi wakukondeka wangu, omwe adaphata basa lizinji mwa mbuya. ¹³Musewere na Rufo , wakusankhika mwa mbuya, na mayi wache na wangu. ¹⁴Kulimba kuna Asunkrito , Felego, Hermo, Patroba, Henna na abale wense omwe muli nawo.¹⁵Kulimba kuna Filologo na Yulia, Nerea na nana wache, Olumpa na wanthu wakuchena mtima wa Mulungu wense na abale omwe munawo. Mumusane munthu na mwanzache na chimpsompsonano chakuchena. ¹⁶Mipingo yense ya Mkhirisitu ikupereka kulimba.¹⁷Tsapano ndikukudandaulirani, abale, kuti muchenjere na iwo wakumbayambisa mgawanikano na bzakukhukhumudwisa kusemphana na chipfunziso ndicho mwapfunzachi. Chokani pana iwo. ¹⁸Wanthu ninga amwewa ambatumikira lini Mbuya wathu Mkhirisitu, soma kukhutisa mimba zawo. Na mafala yawo yakunyodoka na kupumpsa ambanyengeza mitima ya wakusaya kuphonya.¹⁹Na chiyezezero chanu chakubvera kumbafika kwa wanthu wense. Ndikukomedwa, tsono, pa imwe, soma ndikufuna mukhale wanzeru zakuti mchabwino, na lazawu ku chakuipa. ²⁰Mulungu amdzadzonga Satana pansi pa nzayo zanu. Chisomo cha Mbuya Yesu Mkhirisitu chikhale namwe.²¹Timoteo, wakuphata naye basa, akupereka kulimba, na Lusias, Yason, na Sosipateri, azinzangu. ²²Ine, Teritias, omwe ndidanemba tsambali, ndikupereka kulimba mwa Mbuya .²³Gayo, mulendo kwa ine na mpingo wense akupereka kulimba. Erasto, wakukoya bzinthu bza mzinda akupereka kulimba, na Kwalito m'bale. ²⁴Chisomo cha ambuye wanthu yesu chikhale na imwe mwense . Amen.²⁵Tsono kuna iye omwe angakwanise kukupasani mphamvu thangwera uthenga bwangu bwabwino na ulaliki bwa Yesu Mkhirisitu, thangwera bvumbuluso lomwe lidabisiwa kalekale ²⁶soma tsapano bzazimbulika apo bzadziwika ku madziko yense thangwera bzakunembanemba bza aneneri, na utongi bwa Mulungu wamoyo, pa kubweresa chikhulupiliro cha kubvera .²⁷kuna Mulungu yekhayo wanzeru, kudzera mwa Yesu Mkhilistu, ulemelero bukhale kwa nthawe za nthawe. Ameni.

1 Akorinto

1¹Paulo, wakuchemeriwa na Khilistu kuti akhale wakutumikira mwakufuna kwa Mulungu, na Sositeni m'bale wache, ²ku tchalitchi ya Mulungu ya ku Akorinto, iwi ndiwo adachenesiwa kuna Yesu Khilistu na kuchemelewa kuti akhale wakuchena, pabodzi na wense omwe ali pa mbuto ikulu omwe ambachemera pa dzina la Mbuya wathu Yesu Khilistu, omwe ni Mbuya wawo na ifepano. ³Chisomo na mtendere bzikhale na imwe bzakuchoka kuna Mulungu Baba wathu na Mbuya Yesu Khilistu⁴Nthawe zense nimbatenda kuna Mulungu wangu thangwe la chisomo cha Mulungu chomwe Khilistu Yesu adapereka kuna imwe. ⁵Iye adakuchitisani imwepo mukhale anyakudala mu njira ninga imweyi. Mu mafala yense na nzeru zense, ⁶ninga umboni bwa Khilistu budatsimiziriwda ninga chadidi kuna imwe.⁷Thangwe lache musaikiralini mphatso ya mzimu pomwe mukudikhilira m`zimbulo wa Mbuya wathu Yesu Khilistu. ⁸Iye omwe adzakukhazikani imwepo mpakana kumamaliziro, kuti mudzakhale anyakusaya kuphonya pa nsiku ya Mbuya wathu Yesu Khilistu. ⁹Mulungu ngwakukhulupirika, omwe adakuchemerani imwepo ku chibverano cha Mwana wache, Yesu Khilistu Mbuya wathu.¹⁰Tsapano nimkudandaulirani , imwe adzinza, kuna dzina la Mbuya wathu Yesu Khilistu, kuti mwense mubverane, ndipo pasakhale kumwazana pakati panu. Ine nimkundaulirani imwe kuti mukhale wakugumana pabodzi na bzakukukmbuka bzibodzi na bzakufuna bzakulingana. ¹¹Nakuti ine ndidauziwa bzaimwepo, adzinza wangu, na wanthu wa ku Kloe kuti pa pana makani pakati pa imwepo.¹²Ine ndikulewa ichi, kuti penu winango wa imwe anilewa, ''kuti ine ndili pabodzi na paulo,'' Ine ndili pabodzi na apolo, ''Pinango kuti ine ndili pabodzi na Khilistu." ¹³Kodi khilistu adagawanika? Kodi Paulo adamanikiwa pa muti thangwe la imwe? Kodi imwepo mudabatiziwa na dzina la Paulo?¹⁴Ndikutenda Mulungu tangwe ndilibe kubatiza winango wa imwepo, kupambula Krispo na Gayo. ¹⁵Ibzi bzili telepoyo kuti palibe m`bodzi omwe angalewe kuti adabatiziwa na dzina langu. ¹⁶( Ine ndidabatiza pomwe banja la Sitifano. Kupitilira popo, ndikudziwalini penu ndidabatiza pomwe wanthu winango.)¹⁷Pakuti Khilistu alibe kundituma ine kuti ndidzabatize soma kuti ndilalikire mafala yabwino__neye na mafala ya nzeru, kuchitira kuti mtanda wa Khilistu usakayeziwe ninga ulibe chinthu mu mphamvu yache.¹⁸Nakuti mafala ya mtanda yadapusa kuna iwo wakutayika. Soma kuna iwo ndiwo adapulumusiwa, ni mphamvu ya Mulungu. ¹⁹Nakuti bziodanembiwa, ''Nidzadzonga nzeru za anyanzeru. Nidzasokoneza kubvesesesa kwa wakuchenjera.''²⁰Alikuponi munthu wa nzeru? Alikuponi nyakunemba? Alikuponi wakugazana na dziko lino lapansi? Kodi Mulungu alibe kusintha nzeru za dziko zichikhala za kupusa? ²¹Kuchokera nthawe ndiyo dziko lapansi na nzeru zache likhadziwalini Mulungu, Mulungu adakomedwa kupulumusa iwo ndiwo ambakhulupilira chakupusa cha kulalika.²²Nakuti Ayuda ambabvunza bzizindikiro bzakudabwisa ndipo Ahelene ambabvunza nzeru. ²³Soma ife timbalalika kuti Khilistu adamanikiwa, kuna Ayuda nchakupsomesa ndipo kuna wanthu wakunja nchakupusa.²⁴Soma kuna iwo ndiwo Mulungu adawachemera, wense Ayuda na Ahelene, timbalalikira bzakhilistu ninga mphamvu na nzeru za Mulungu. ²⁵Thangwe lakuti chakupusa cha Mulungu chimbaposa wanthu, na chitofu cha Mulungu china mphamvu kuposa wanthu.²⁶Nyang`anani machemeredwe yanu, adzinza. Niwazinjilini wa imwe omwe akhana nzeru tikatengera ku thupi. Niwazinjilini wa imwe ndiwo akhana mphamvu. Niwazinjilini wa imwe ndiwo nimfulu. ²⁷Soma Mulungu adasankhula bzinthu bzakupusa bza dziko la pansi kuti achitise manyazi anyanzeru. Mulungu adasankhula adasankula chinthu chakusaya mphamvu cha dziko la pansi kuti achitise manyazi chomwe china mphamvu.²⁸Mulungu adasankhula bzinthu bzakusaya basa nabzakunyozeka bza dziko la pansi. Iye adasankula bzinthu bzomwe bzimbakhala ninga kulibe, kuti abwerese bzinthu bzakusaya basa ninga bzabwino. ²⁹Iye adachita bzobzi kuti thupi lilirense lisakhale na thangwe lakubzitamandira pamaso pa iye.³⁰Thangwe la bzomwe adachita Mulungu, tsapano muli mwa Khilistu Yesu, omwe adakhala nzeru kuna ife yakuchokera kuna Mulungu.Iye adakhala chadidi chathu, kuchena kwathu, na chipulumuso chathu; ³¹Ninga kutawiriza, ninga bzidanembidwira, ''Lekani munthu ndiye akubzitamanda, abzitamande mwa Mbuya."

2¹Pomwe ndida bwera kuna imwe, adzinza,ndiribe kubwera nakuposa kwa mafala pinango na nzeru pomwe ndikha lalikira bzakubisika bza chadidi bza Mulungu. (Mabukhu inango yadanemba kuti, pomwe ndikha lalikila umboni bwa Mulungu.) ²Nakuti ndidakumbuka kutindikhale munthu wakusaya kudziwa chili chense panthawe yomwe ndikhanamwe pabodzi kupambiula Yesu Khilistu, na iye ndiye adamanikiwa.³Ine ndikhanamwe imwepo munthawe yakufooka na mantha na kunjenjemera kwenekwene. ⁴Tsono mafala yangu nakulalioka kwangu kulibe kukhala mafala yakukopa mwa nzeru, soma yachikhala yachidziwiso cha Mzimu na cha mphamvu, ⁵kuti chikhulupiro chanu chisakhale cha nzeru za umunthu, soma cha mphamvu ya Mulungu.⁶Tsono ife tinisewera nzeru kuna imwe wakukhuma, soma ni nzeru lini za dziko la pansi, pinango za anyakutonga wa nsiku zino, omwe mbaku mala kufa. ⁷M'malo mwache, ife tinisewera nzeru za Mulungu zachadidi zomwe nizakubisika, nzeru zakubisika za zomwe Mulungu adaziyiki pakanati kukhala pansi pano ulemereeo bwathu.⁸Palibe m'bodzi wa anyakutonga wa dziko lino adzabvesesachimwechi, nakuti akadakhalak kuti adabvesesa chimwechi iwo akadamanika lini Mbuya wa ulemerero. ⁹Soma ninga kudanembiwa, ''Palibe diso ndiroliniona, palibe khutu ndiro linibva, palibe mtima wa munthu omwe bzidapita bzomwe Mulungu adawakonzera iwo omwe ambawakonda iye''__¹⁰Soma Mulungu adatizimbulira bzinthu bzobzi kuna ife kudzera mwa Mzimu. Nakuti Mzimu umbanyang'ana chili chense chakunja, bzinthu bza pansi bza Mulungu. ¹¹Nakuti mbani adziwa bza kukumbuka bza munthu kupambula mzimu wamunthu omwe una iye? Tsono, palibe m'bodzi ndiye adziwa bzinthu bza pansi pa Mulungu kupambula mzimu.¹²Soma tilibe kutambira mzimu wa dziko la pansi soma Mzimu omwe niwakuichokera kuna Mulungu,kuti ife tidziwe bzinthu bzakupasiwa bza fovolo na Mulungu kuna ife. ¹³Tikusewera bza bzinthu bzimwebzi mu mafala neye kupfunzisiwa na nzeru za munthu soma Mzimu, kuzimbula bzinthu bza mzimu kuna wanthu wa mzimu.¹⁴Munthu wakusaya mzimu angatambire lini bzinthu bzakuchokera kuna mzimu wa Mulungu, nakuti iwo ambaoneka wakupusa kuna iye.Iye ambawa bvesesa lini iwo thangwe iwo ambayeziwa na zimu. ¹⁵Munthu ndiye ana mzimu ambayeruza bzinthu bzense, soma iye ambayeruziwa lini na winango. ¹⁶''Nakuti mbani angadziwe bzakukumbuka bza Mbuya, kuti akamuyeluze iye?''Soma ife tina mtima wa Khiolistu.

3¹Tsono ine, adzinza, ninisewera lini na imwepo ninga wanthu wa mzimu, soma m'malo mwache ninga wanthu kuthupi, ninga wana ang'ono mwa Khilistu. ²Ine nimbaku mamisani mkaka, neye bzakudya bzakuuma, mukhali lini waku konzeka pa bzimwebzi; neye pakali pano imwepo mukanati kukonzeka.³Nakuti pamene mukhali waku thupi. Nakuti pamene pakhana nsanje nakuipidwa pakati panu,Kodi mukukhala lini na moyo kutengera kuthupi, napo imwe mukufamba lini mwa makhalidwe ya wanthu? ⁴Nakuti pamene winango anilewa kuti, ''Ine ndikutewera Paulo,'' winango anilewa kuti, ''Ine ndikutewera Apolo,'' kodi imwe ndimwe lini wanthu? ⁵Tsono Apolo mbani? Paulo ni mbani? Nyabasa kudzera kuna imwe omwe mumbamu khulupira, ninga momwe Mbuya adaperekera kuna aliyense.⁶Ine ni bzala napo Apolo adzathilizira madzi soma Mulungu adzabzi kulisa. ⁷Tsono, kulibe chinthu kuna nyakubzala pinango nyakuthilizira madzi. Soma ni Mulungu omweambpereka na kukuza.⁸Tsapano iye omwe adabzala na iye omwe adathilizira madzki niabodz, aliyense adzatambira malipiro yache nakutengera basa lomwe adaphata. ⁹Nakuti ife ndife anyabasa wa Mulungu. Imwe ndimwe munda wa Mulungu, chakumangiwa cha Mulungu.¹⁰Ninga mwa chisomo cha Mulungu chomwe chidapasiwa kuna ine mwenekechiro nyakumanga wa luso, ine ndidayikha maziko ndipo winango akumanga pamwepo. Soma lekani munthu aliyense akhale wakusama na momwe iye akumangira pamwepa. ¹¹Nakuti palibe munthu aliyense omwe adayika maziko yinango kuposa m'bodzi omwe adayikayo, umweyo ni, Yesu Khilistu.¹²Tsapano penu winango animanga pa maziko yamweya na golide, siliva, minyala yakuumira, miti, uswa, pinango bziputu, ¹³basa lache lidza zimbuluwa, nakuti pa nsikuyo bzi dzazimbuliwa ibzi. Nakuti bzidza zimbuliwa na moto. Moto udzayeza chilichense ndicho munthu adachita.¹⁴Penu basa la munthu winango lidzasala, iye adzatambira pfupo; ¹⁵soma penu basa lamunthu winango lidzapsa, iye adzabonera nakudzongeka, soma iye payekha adzapulumuka, ninga mwakuthawa kudzera pamoto.¹⁶Kodi imwe kudziwa lini kuti imwe ndimwe kachisi wa Mulungu napo kuti Mzimu wa Mulungu umbakhala mwa imwepo? ¹⁷Penu winango anidzonga kachisi wa Mulungu, Mulungu adzamudzonga munthu umweyo. Nakuti kachisi wa Mulungu ngwakuchena, na imwembo ndimwe wakuchena.¹⁸Nampodi munthu aliyense abzinamize yakha. Penu winango wa imwepo ambakumbuka kuti iye ana nzeru pa dziko lino, mulekeni umweyo asanduke ''chilema'' kuti iye akhale nyanzeru. ¹⁹Nakuti nzeru ya dziko lino njakupusa na nzeru ya Mulungu. Nakuti kwanembewa, ''Iye aniphata nzeru mwa kuchenjera kwache.'' ²⁰Kinango, ''Mbuya ambadziwa kuti mathangwe ya nzeru ngakusaya basa.''²¹Nakuti thangwe la bzimwebzi, lekani munthu aliyense abzitamandire kuna wanthu. Bzinthu bzense ni bzanu, ²²pinango Paulo, pinango Apolo, pinango Kefa, pinango dziko, pinango moyo, pinango imfa, pinango bzinthu bzakugumanika, pinango bzinthu ndibzo bzikubwera. Bzinthu bzense nibzanu, ²³ndipo imwe ndimwe wa Khilistu, na Khilistu gwa Mulungu.

4¹Tenepayu ndibzo bzimfunika kuti munthu atiyeze ife, ninga anyabasa wa Khilistu na atongi wa bzinsinsi bza chadidi bza Mulungu. ²Tsapano chiyani chakufunikira atongi kuti iwo akhale wakukhulupirika.³Soma kuna ine nichinthu ching'ono kuti ine ndiyeruziwe na imwe pinango na mbuto iliyense ya nutongi. ⁴Nakuti ine ninga bziyeruze lini ndekha. Ine ndikuchita lini mantha na chakutongiwa chilichense chomwe chingandi gaze ine, soma kuti nampodi kundiyeruza ine. M'bodzi omwe angandiyeruze ine ni Mbuya.⁵Thangwe lache lekani kuyeruza chinthu chili chense ikanati kufika nthawe, Mbuya akanati kubwera. Iye adzabweresa padecha bzinthu bza kubisika bza mum'dima na kuzimbula bzakutsimikiza bza mtima. Kinangoko munthu aliyense adzatambira pfupo yache kuchokera kuna Mulungu.⁶Tsapano, adzinza, ndabziyikhila bzaku phimbilidzira ndekha na Apolo thangwe la imwe, kuti kuchokera kuna ifepano muka pfunzire tanthauzo la kusewera, ''Nampodi kupitirira bzomwe bzida nembiwa.'' Ibzi bzili terepayu kuti palibe m'bodzi wa imwe waku bzikuzira mwanzache na winango. ⁷Nakuti mbani ambaona kusiyana pakati pa imwe na winango? Chiyani chomwe munacho chomwe imwe mulibe kutambira? Penu imwe muda tambira, thangwe lanyi mukubzikuza ninga imwe mulibe kutambira?⁸Mwakhala nabzo kale bzense bzomwe mukufuna! Imwe mwakhala kale anyakudala! Imwe mwayamba kale kutonga__ife kulibe! Chadidi, ndikhakumbuka kuti munichita ufumu, kuti ifembo tichite namwe pabodzi. ⁹Nakuti ndikukumbuka kuti Mulungu adatiika ife atumiki padecha ninga wakumalizira, ninga tinilewera ife na ninga wanthu wakuweruzira ku imfa.Takhala wakuonesewa kudziko lapansi__ kuna angelo, na kuna wanthu.¹⁰Ife ndife bzilema thangwe la khilistu, soma imwe ndimwe wanzeru kuna Khilistu. Ife ndife anyakusaya mphamvu, soma imwe ndimwe anyamphamvu. Imwe ndimwe wakulemekezeka, soma ife ndife wakunyozeka. ¹¹Kufika nthawi ino tikubva njala na nyota, ife ndife wakusaya bzakubvala, tamenyiwa, ndipo tilibe pakukhala.¹²Tiphata basa kwenekwene, kuphata basa na manja yathu. Panthawe ndiyo adatizuna, ife tidawa dalisa. Panthawe ndiyo tinilala tilidwa, timbalisiwa. ¹³Panthawe ndiyo timbabonelesiwa, ife timbasewera mwa kukoma mtima. Tasanduka ninga wakunyansa wa dziko lapansi na tsuzu la bzinthu bzense, kuchokerapamwepo na pano.¹⁴Ndilibe kunemba bzinthu ibzi kuti ndikuchitiseni manyazi imwepo, soma kukuchenjezani ninga wana wangu wakukondeka. ¹⁵Nakuti penu munawo apfunzisi bzulu khumi kuna Khilistu, mulibe azi baba azinji. Nakuti ine ndidakhala babanu kuna Khilistu Yesu kudzera mu mafala yabwino. ¹⁶Tsono nimkukumbirani kuti mukhale wakutewezera wa inepano.¹⁷Thangwe lache ndakutumizirani Timoteyo, mwanangu wakukondeka na wakukhulupilika kuna Mbuya. Iye adzakukumbusani imwepo njira zangu mwa Khilistu, ninga ndidawapfunzira iwo kulikwenseko na tchalitchi iliyense. ¹⁸Tsapano winango wa imwepo mwayamba kubzikuza, kuchita ninga ndikhalibe kubwera kuna imwepo.¹⁹Soma nidzabwera kuna imwe tsapanopa, Mbuya angafuna. Ndipo ine nidza zindikira lini mafala ya wale wakubzithusa, soma nidzaona mphamvu zawo. ²⁰Nakuti ufumu bwa Mulungu buli lini mu mafala soma mu mphamvu. ²¹Mchani munifuna kodi? kodi ndibwere kuna imwe na mpsimbo pinango mwachikondi na nzimu wakudelekha?

5¹Ife tikubva kuti chadidi pakuchitika bza chigololo pakati pa imwepo, bza chigololo bzomwe bzimbabveka lini kuna anzinza wa mitundu inango: Munthu alinaye mkazi wa babache. ²Imwe mukubzikuza! kodi imwe munilira lini m'malo mwache, kuti iye omwe anichita achosiwe pakati panu?³Nakuti ngakhale kudzera kuna ine thupi langu kulibe, soma ine ndilipo mwa mzimu. Ine ndidakwanisa kale kutongiwa kuna m'bodzi omwe adachita bzobzi, ninga kuti ine ndikhanawo kumweko. ⁴Panthawe yomwe imwe muniyikiwa mwa dzina la Mbuya wathu Yesu ine nidzakhala namwe mwa mzimu, na mphamvu ya Mbuya wathu Yesu idzagumanika, ⁵achimu pereka munthu umweyu kuna Satana kuti thupi likadzogiwe, soma kuti mzimuwache ukapulumusiwe pa nsiku ya Mbuya.⁶Kubzikuza kwanu mkwabwino lini. Kodi imwe mukudziwa lini kuti chakufufumisa ching'onong'ono chimbafufumisa bzakudya bzense? ⁷Bzitsukeni mwekha kuna chakufufumisa chakale kuti imwe mukakhale chakukonziwa chabwino, wakusaya kufufuma, ninga imwe mukhalili. Nakuti Khilistu, bila wa Pasika wathu, iye adaphewa. ⁸Tsono lekeni ife tisekerere Pasika, neye kuti chaku fufumisa cha kale, chaku fufumisa chama khalidwe yakuipa na chakuchepa mphamvu. M'malo mwache, tilekeni ife tisekerere na mkate wakusaya chaku fufumisa wa kuchene mtima na chadidi.⁹Ine ndidanemba kuna imwe tsamba langu lire kuti nampodi kusanganikira nawo wanthu wa chigololo. ¹⁰Neye njira zense zomwe ine ndikulewa za wanthu wa chigololo padziko lapansi, pinango kusirira, pinango mbava, pinango wa bzifanifani, tenepo mukakhale nabzo kutali imwe mukufunika kuti mufambe kunja kwa dziko lapansi.¹¹Soma tsapano ine ndikunemba kuna imwe kuti nampodi kusanga nikirana na aliyense omwe ani chemeriwa dzinza soma iye ambakhala na moyo wa chigololo, pinango wakusirira, pinango wa bzifanifani, pinango wakulewa lewa, pinango wakuledzera, pinango mbava. Nampodi kudya naye pabodzi bzakudya munthu umweyo. ¹²Nakuti ine nimkahala nawo tani ni nzeru zanyi zomwe ninga khale nazo wakunja kwa mpingo akawayeruza iwo? M'malo mwache, imwepo muniwa yeruza lini omwe ali mkati mwa mpingo? ¹³Soma Mulungu aniwatonga iwo omwe alikunja. ''Chosaniwanthu wense wakuchita bzakuipa pakati panu.''

6¹Kodi penu winango wa imwepo ana mulandu na mwanzache, kuyenda kukatongiwa kwa atazi akanati kuyenda kuna wachilingamo pinango kuna wanthu wakuchena moyo wa Mulungu? ²Pinango kodi mumdziwa lini kuti wanthu wakuchena moyo wa Mulungu anzatonga dziko lapansi? penu ninga dziko lapansi limdzatongiwa na imwe, muli wakutaza kutonnga tunkhani tung'ono tung'ono? ³Kodi mumdziwa lini kuti mudzatonga angelo? Bzikulu tani, tsono, ife kutonga bzinthu bza moyo uno?⁴Peni pinango imwe munikonza ninga bzinthu bza moyo uno, thangwe lanyi imwe milandu yomweyi muntongesa iwo ninga omwe aniyezewa mbali mutchalitchi? ⁵Nilewa bzimwebzi kukuchitisani imwepo manyazi. Kodi pakati panu palibe m'bodzi m'dziwi omwe angakwanise kutonga milandu pakati pa abale? ⁶Soma m'bale anilewa milandu na abale _ nachibodzi bodzi wakusaya kukhulupira!⁷Soma pomwepo pana bzakusaya lamulo kuna imwe kuti munayo milandu winango namwayache. Thangwe lanyi mumbasankhula kubvuma kuipisiwa? Thangwe lanyi mumbasnkhula kubvuma kunamiziwa? ⁸Soma imwepo mwekha mukuchita bza kuipa nakunyengeziwa, napo imwepo mukuchita bzimwebzi kuna abale wanu!⁹Kodi imwepo mum'dziwa lini kuti wakusaya kulungama amdzatambila lini ufumu bwa Mulungu? Nampodi kunamiziwa: Wakusaya kuchena, pinango wakupembedzela bzifani, pinango wachigololo, pinango mtofu nabzakuipa, pinango wakufambizana na amuna? ¹⁰Pinango mbava, pinango wakuledzela, pinango wakusilira, pinango wakulewalewa, pinango wakutenga bza wenekechilo am'dzayenda lini ufumu bwa Mulungu. ¹¹Winango wa imwe akhali telepoyo, soma mudasambikiwa, soma mudachenesewa, mwa dzina la Mbuya Yesu khristu na mwa mzimu wa Mulungu wathu.¹²''Bzinthu bzense mpsakubvumiziwa kuna ine,'' tsono ni bzense lini bzindi thandiza ine. ''Bzinthu bzense mpsakubvumiziwa kuna ine,'' tsono ine nimdzalamuliwa lini nacho chibodzi. ¹³Bzakudya bzidakonzewera m'mimba, ndipo mimba zidakonzewera bzakudya.'' tsono Mulungu anzatonga bzensebzo. Thupi lilibe kukonzewera chigololo. M'malo mwache, thupi ni la Mbuya, ndipo Mbuya ni mwenekechilo wa thupi.¹⁴Mulungu mu bzense adamusa Mbuya terepo iye adzatimusa tense na mphamvu yache. ¹⁵Kodi imwe mukudziwa lini kuti thupi lanu ni chiwalo cha Khilistu? tsono ine ninga tenge bziwalo bza Khilistu kubzisandusa ibzo bza chigololo? Bzinga kwanisike lini!¹⁶Kodi imwe mukudziwa lini kuti iye omwe ambafambizana na mkazi wa chigololo ali ninga thupi libodzi na iye? Ninga bzakunembera bzikulewa, ''Awiriwo adzakhala thupi libodzi.'' ¹⁷Soma iye omwe aphathikana na Mbuya akhala mzimu ubodzi na iye.¹⁸Thawani chigololo! Bzakuyipa bzense bzomwe munthu ambachita bziri kunja kwa thupi, soma munthu wakuchita bzakuipa bza chigololo iye waphonyera thupi lache.¹⁹Pinango mumdziwalini kuti thupi lanuli ni kachisi wa Mzimu Wakuchena, omwe uli mwa imwepo, omwe muli naye kuna Mulungu? Apo mumbakhalalini mwa imwe mwekha? ²⁰Nakuti mudaguliwa na muti wache wapatali. thangwe lache lemekezani Mulungu na thupi lanu na mu mzimu, omwe ukuimira mulungu.

7¹Soma bza ibzi mudanembabzi: ''Kuli kwachadidi kuna munthu kusaya kukhuya mkazi.'' ²Soma thangwe la madama, munthu aliyense akhale naye mkazache wache yekha, na mkazi aliyense akhale naye bayache wache yekha.³Mamunayo apase kuna mkazache mangawa, na telepo pomwe mkazi kuna bayache. ⁴Mkazi alibe utongi kuna thupi lache la iye yekha, Soma mamuna ndiye anautongi. Soma telepo pomwe, mamuna alibe utongi kuna thupi lache la iye yekha, Soma mkazi anabo.⁵Neye kulambizana, Soma na kutawilizana kwanu ndiko kwa nthawe. Chitani ibzi kuti mukabzipereke kuna kupemphera. Kinangoko kukakhala pomwe pabodzi, kuti satana angakuyezeni thangwe la kubzilambiza kwanu. ⁶Soma ibzi ndikulewalewa ninga mwa kubvuma neye ninga mwa kutonga. ⁷Ndikadabva kukoma aliyense akadakhala ninga momwe ndilili inepano. Soma munthu aliyense alinayo mphatso yache ya iye yekha kuna Mulungu. Winango mphatso ina, na winango yamtundu winango.⁸Soma nilewalewa kuna wakusaya kulowola na kuna akazi amasiye kuti kukhali kwadidi kuna iwo akhale wakusaya kulowola, ninga ine. ⁹Soma penu amdziwalini kubzilambiza, alowozesewe. Poti mkwadidi kulowola kuposana na kuwawidwa mtima.¹⁰Soma wakulowodwesewawo niwalamulira__ neye ine, Soma Mbuya__kuti mkazi asaleke bayache ¹¹(soma penu amuleka bayache, akhale wakusaya kulowodwa pinango ayanjanisiwe pomwe na mamuna), apo mamunayo asalekane naye mkazi wache.¹²Soma kuna wakusalawo niwalewa__ ine, neye Mbuya__ ninga mdzinza winango alinaye mkazi wakusaya kukhulupira, apo iye adamutawira mumtima akhale naye pabodzi, asalambane naye. ¹³Apo mkazi omwe ali naye mamuna wakusaya kukhulupira, adamutawira mumtima iye akhale naye pabodzi asalambane nye mamunayo. ¹⁴Nakuti mamuna wakusaya kukhulupirayo anichenesewa mwa mkaziyo, na mkazi wakusaya kukhulupilrayo anichenesewa mwa mdzinzayo. Ninga kukada telepoyo lini wana wanu akadakhala wakusaya kukonzeka, Soma tsapano akhala wakuchena.¹⁵Soma wakusaya kukhulupirayo anichoka, mulekeni achoke. Mmilandu yakutelepa, ambamangiwa lini ukapolo mdzinzayo pinango nanayo. Soma Mulungu watichemera ife mu ufulu. ¹⁶Nakuti unidziwatani, mkazi, iwe ninga udzapulumusa mamunayo? Pinango unidziwatani, mamuna, iwe ninga udzapulumusa mkazi?¹⁷Soma, momwe Mbuya wagawira kuna wense, momwe Mulungu wachemelera wense momo afambe. Apo telepo niika m'mipingo yense. ¹⁸Kodi wakuchemeliwa winango wagwatiwa? Asakhale wakusaya kugwatiwa kodi wachemeliwa winango wakusaya kugwatiwa. Nampodi agwatiwe thangwe iye wachemeriwa na chikhulupiro? Iye alibe kugwatiwa. ¹⁹Nakuti mgwatiwe ulibe basa na kusaya kugwatiwa kulibe basa. Soma kukoya kwa malamulo ya Mulungu.²⁰Aliyense akhale m'machemeliwe ya iye momwe Mulungu adachemeliwamo. ²¹Kodi udachemeliwa uli kapolo? Ibzi nampodi bzikubonereseni. Soma ngati mungakwanise kutsudzuka, tsudzukani. ²²Nakuti iye omwe akhale kapolo pomwe adachemelewa na Mbuya ni mfulu ya kuna Mbuya. Telepo pomwe, omwe akhali mfulu pomwe adachemelewa ni kapolo wa mbuya. ²³Ndimwe wakuguliwa nampodi kukhala akapolo a wanthu. ²⁴Adzinza aliyense pakukhala wache wa mulungu adamuchemera.²⁵Tsopano bza madende, ine ndilibe lamulo lakuchoka kuna Mbuya. Soma ni nipereka malingiliro yangu ninga munthu omwe, mwa chifundo cha Mbuya, kukhala wakukhulupilika. ²⁶Nakuti, ndikukumbuka kuti thangwe la bzakunesa ndili nsiku zino, nakuti mkwadidi kuna munthu kakhala momwe ali.²⁷Kodi wamangiwa kuna mkazi? Nampodi kutsudzuka. Penu mwatsudzuka kuna mkazi, nampodi kufuna mkazi. ²⁸Soma ngati unilowola, ulibe kuphonya, apo penu ni dende linilowodwa, lilibe kuphonya. Soma awo wakupita m'banja amdzagumana na bzakunesa bzizinji mthupi, apo nimkulekani.²⁹Soma nilewa ibzi, adzinza: Nthawe yafupika, Kuchokera tsapano awo akukhala nawo akazi akhale ninga ngati alibe. ³⁰Wakulira akhale ninga wakusayakulira, wakudekedwa akhale ninga wakusaya kudekedwa, wakugula chinthu akhale ninga nkwanisa lini kukuyenera kukoya, ³¹wakuphatisa basa bzadziko lapansi lino akhale ninga bzikuwakhudzalini. Poti momwe dziko lapansi lino lili pali pano lili kuyenda.³²Ine ninifuna kuti imwe mutsudzuke kuna bza kukumbuka. Munthu wakusaya kulowola ambatondo kukumbikira bza Mbuya, momwe angadekezele mbuya. ³³Soma wa pa banja ambakumbukira bza dziko lapansi lino, momwe angadekezere mkazache__ ³⁴na mkazi wakulowodwa. Na dende ambasiyana uyo wakusaya kulowodwa ambakumbukira bza mbuya, pala akhale wakuchena m'thupi na mzimu. Soma wakulowodwayo ambakumbukira bza dziko lapansi kuti akomedwese bayache.³⁵Soma ibzi ndikulewa mwa kuphindula kwanu, kuna imwe mwekha neye kuti ndikukuteyela mulapu. Soma kukuthandzizani kuchita bzomwe bziniyenera, na kutewera chitewerere Mbuya pakusaya kupanikiziwa.³⁶Penu winango ankumbuka akumuchitira mwa kuphonya dende lomwe atomelana nalo ubwenzi apo__ngati dendelo lapita bzaka apo aniwona kuti__mkwakufunika. Kumulowola aniyenera kuchita telepo. Ninga wafunira nkuphonyalini alowolane. ³⁷Soma uyo omwe aniyima wakukhazikika mumoyo mwache, wakusaya chakukakamiza soma ali nabo ulamuliro wapachakufuna cha iye yekha, nkutsimikiza ichi mmoyo, mwache kukoya mwanache wa mkazi, amdzachita bwino. ³⁸Telepo tsono omwe anilowoza dendeli anichita bwino, telepo pomwe omwe anilowozalini dendelo anichita bwino kwenekwene.³⁹Mkazi ngwakumangika kuna bayache pomwe mamunayo akanamoyo. Soma ngati mamunayo anifa, anikhala wakutsudzuka kulowodwa na winango omwe angamufuna, Soma mamunayo akhale wa kuna Mbuya. ⁴⁰Soma anikhala wakudekedwa kwenekwene ngati anikhala ninga momwe ali. Ninga mwa kuyeza kwangu apo nimkumbuka pala inepano pomwe ndili naye mzimu wa Mulingu.

8¹Tsapano bza nyama yakupelekewa nsembe kuna bzifanifani: Ife tidziwa kuti tense tina chidziwiso. Chidziwiso chibzikuza, soma chikondi chibzi mangilira. ²Munthu omwe ankumbuka kuti ambadziwa chinthu, kinango ambadziwa lini ninga momwe ambafunira kudziwira. ³Soma mumthu omwe ambakonda Mulungu, ambadziwika na Mulungu iyeyo.⁴Telepo, kulewa bza kudya nyama yaku pelekewa ninga nsembe kuna bzifanifani; Ife tikudziwa kuti bzifani nchinthu lini napa ng'onopo pa dziko lapansi nakuti palibe Mulungu winango soma m'bodzi yekha. ⁵Tsono ngakhale pomwe pana bzaku lewedwa milungu, penu nkudzaulu pinango padziko lapansi (poti ilipodi ''milungu'' mizinji na ''ambuya azinji''), ⁶soma kuna ife pana Mulungu mbodzi yekha, Baba, kuna iye bzinthu bzense bzida chokera nakuti iye ifepano tin ikhala, ndipo pana Mbuya mbodzi Yesu khristu, omwe bzinthu bzense bzida chokera, na mwa iye ife tina moyo.⁷Nthawe zinango, nzeru zozi zimbakhalalini na aliyense. M'malo mwache, wanthu winango amba pempherera bzifanizo, iwo ambadya nyama na bzakudya bzobzi ninga penu nyamayo idaperekiwa nsembe ya bzifanifani. Iwo chakukumbuka chawo chaku pswipisiwa thangwe mchakusaya mphamvu.⁸Soms bzakudya bzimbati fendeza lini chifupi na Mulungu. Ife tini tayika lini penu ife tinidya lini, pinango kukhala bwino penu tinidya. ⁹Soma chenjerani kuti ufulu bwanu pakuchita bzinthu nampodi ufike paku khumudwisa wanthu omwe mbakusaya mphamvu pa chikhulupilo. ¹⁰Nakuti nyang'anani kuti winango akakuonani, omwe munacho chidziwiso, mukudyra bzakudya mkachisi wa bzifanifani. Kodi nyakusaya mphamvu adzalimbikisiwa tani kudya bzomwe bzaku perekiwa nsembe ku bzifanifani?¹¹Thangwe la chidziwiso chanu cha chadidi chomwe munacho pa bzifanifani, iye nyakusaya, Mdzinza omwe Khilistu adamufera, ani dzongeka. ¹²Bzomwebzo, pomwe mukuwa phonyera adzinza wanu na kubaya chikumbu mtima chawo chakusaya mphamvu, mukuphonyera Khilistu. ¹³Thangwe lache, penu bzakudya bzini khumudwisa dzinza wangu, ine nidzadya pomwe nyama, kuti ningamu khumudwise dzinza wangu.

9¹Kodi ndine lini waku tsudzuka?Kodi ndine lini mtumiki? Kodi ine ndikanati kuona Yesu Mbuya wathu? Kodi ndimwe lini anyabasa wangu mwa Mbuya? ²Penu ine ndine lini mtumiki kwa winango, tsono ndiri namwe imwe. Nakuti imwepo ndimwe chizindikiro cha utumiki bwangu mwa Mbuya.³Uku nikubzi teteza kwangu kuna omwe akufuna kundizenga milandu ine: ⁴Kodi ifepano tiribe utongi bwa kudya pinango kumwa? ⁵kodi ifepano tilibe utongi bwakutenga mkazi omwe niwaku khulupira,ninga akhachitira atumiki winango, na adzinza wa Mbuya, na kefa? ⁶Pinango kodi ine ndekha na Baranaba tilibe utongi bwaku phata basa kuti tigumane thandizo?⁷Mbani msocha ambaphata basa kuti abzigumanire yekha bzakufunika? Mbani amba bzala munda wa bzipatso neye kudya bzipatso bzache? Mbani ambafuwa mabira neye kumwa mkaka kuna mabirayo? ⁸Kodi ndiku lewa bzinthu bzobzi na ulamuliro bwaku thupi? Kodi malamulo yambalewa lini bzobzi nthawe zense?⁹Nakuti ibzi bzida nembiwa mu malamulo ya mose, ''Nampodi kumanga ng'ombe kukamwa pamene iyo ili kutapfuna bzakudya.'' Ibzi bzachadidi kuti Mulungu ambakumbukira ng'ombe? ¹⁰Bzobzi Mulungu akulewera lini ife pano? Ibzi adabzi nembera ife pano, thangwe pomwe waku galauza ani galauza na chidikizo, na pomwe nyaku puntha ani puntha na chidikizo cha kudzagawana pa kukolola. ¹¹Penu ife tini bzala bzinthu bza mzimu pakati panu, ibzi bzikhala bzakunesa kuna ife kuti tikolole bzinthu bzaku thupi kuna imwe.¹²Penu winango ana ufulu bwakuthandiziwa na imwe, kodi ife tingakhalelini nabo ufulu buzinji? Soma ifepano tilibe kuphatisa basa ufulu bomwebu. M'malo mwache ife timba bvuma chinthu chili chense pinango pakusaya kufungira mafala ya bwino ya Khilistu. ¹³Kodi mukudziwa lini kuti iwo omwe amba phata basa mkachisi ambadya bza momwemo? Kodi mumba dziwa lini kuti iwo omwe ali kukonza pa guwa la nsembe amba gawana nawo bzomwe bzimba perekewa pa guwapo? ¹⁴Nanjira yomweyi, Mbuya adati lamula kuti iwo omwe ani lalikira mafala yabwino akhale na moyo kuchokera ku mafala yabwino.¹⁵Soma ine ndilibe kuphatisa ufulu bulibwense. Ndipo ndilibe kukunembelani ibzi kuti chinhtu chinango chikwanisike thanbwe la ine. Bzikhali bwino kuti inepano ndife kusiyana nakuti__ Winango ayese chinthu ndicho nimbabzitamandira nacho ninga chakusaya basa! ¹⁶Nakuti penu ine ninilarika mafala yabwino, ndilibe thangwe la kubzitamandira, thangwe ine nin'kufunika kuchita bzobzi. Ndipo thembelero likhale kuna ine penu ninilalika lini mafala yabwino!¹⁷Pakuti penu ninchita ibzi mwakufuna kwangu, nidzatambira mphotho. Soma penu nimfunalini, ndikali nyauudindo ndiwo udapasiwa kuna ine. ¹⁸Tsono mphotho yangu mchiyani? Kuti panthawe ndiyo nilalika, ndikupereka mafala yabwino mwafovolo nakuti nampodi ndiphatise basa ufulu bwangu mu mafala yabwinoya.¹⁹Napo ndine mfulu kuna wense, nimbabzi sandusa nyabasa wa aliyense momwe ninga kwanisire. ²⁰Kuna Ayuda ndidakhala ninga Ayuda, kuti ndikopse Ayuda. Kuna wakumangika na utongi, nimbakhala ninga wakumangika nawo pabodzi ndida khala ninga wakumangika na utongi. Ine ndida chita bzobzi ngakhale ine ndekha ndine lini wakumangika na utngi.²¹Kuna anyakusaya utongi, ndidakhala ninga wakusaya utongi, ngakhale ine ndine lini wakutsudzuka ndekha kuna utongi bwa Mulungu, soma ndiri pansi pa utongi bwa Khilistu. Ndida chita bzobzi kuti ndikopse anyakusaya utongi. ²²Kuna anyakusaya mphamvu ndida khala ninga wakusaya mphamvu, kuti ndikakopse anyakusaya mphamvu. Ndida chita bzinthu bzili bzense kuna wanthu wense, kuti mwa njira iliyense ndikwanise kupulumusa wanthu winango. ²³Ndidachita bzensebzi thangwe la mafala yadidi, kuti ine ndigawane nawo madalitsoyache.²⁴Kodi imwe mumba dziwa lini kuti pa mpikisano waku thamanga liwiro, soma m'bodzi yekha ndiye ambatambira pfupo? Tsono thamangani kuti mukatambire pfupo. ²⁵Aliyense wakuchita nawo mpikisano ambakonzekera yekha bzakulimba pa bzinthu bzense. Iwo ambachita terepoyo kuti akatambire kolona omwe niwa kubvunda. Tsono ifepano timba chita bzobzi kuti tikatambire kolona wakusaya kumala. ²⁶Thangwe lache ine nimba thamanga lini, ninga munthu wakusaya chakulinga; napo pomwe nimbachita mpikisano wakumenyana, nimbatondo lini kumenya papezi. ²⁷Soma ine ndikupanikiza lini thupi langu naku liyika pa ukapolo. kuti pakumaliza kulalikira winango, kuti nampodi ndichosiwe neye kutambila pfupo.

10¹Nakuti ine ndikufuna lini kuti imwe mukhale wakusaya kudziwa, adzinza, makolo yathu yakhali pansi pa mtambo adayambuka wense pa nyanza. ²Iwo wense adabatiziwa mwa Mose mu mtambo namu nyanza, ³iwo wense adadya chakudya chibodzi cha uzimu. ⁴Wense adamwa na mzimu ubodzi. Nakuti iwo adamwa kuchokera ku thanthwe la mzimu lomwe adafamba nalo. ndipo thanthwe limwe ilkhali Khilistsu.⁵Soma Mulungu alibe kudekedwa nawo, nakuterepo azinji wa iwo adasochera chipululu. ⁶Tsono bzinthu iabzi bzidachitika ninga chakuyezezera na ife, kuti ife nampodi tiyike mitima yathu ku bzinthu bzakuipa ninga iwo adachitira.⁷Nampodi kupembeda bzifani fani, ninga adachitira winango wa iwo. ibzi bzili ninga bzida nembiwa, ''Wanthu adakhala pansi chidya na kumwa, adamuka achisenzeka.'' ⁸Ife nampodi kuti tichite chigololo, ninga azinji wa iwo adachitira. Pa nsiku ibodzi, wanthu bzulu makumi mawiri na matatu adafa thangwe labzobzi.⁹Nampodi kumuyeza Khilistu, ninga azinjiwo adachitira kumuyeza iye ndipo iwo adadzongeka na nyoka. ¹⁰Nakuti nampodi kumba dandaula, ninga azinji wa iwo adadzongeka na angero wa kupha.¹¹Tsapano bzinthu bzobzi bzidachitika kuna iwo ninga chaku yezezerakuna ife. Iwo adanemba ninga chenjezo__ kuna ifepano kukwanilisiwa kwa nthawe kwafika. ¹²Telepo pala mukukumbumbuka kuti muli chiimire samalani kuti mungagwe. ¹³Palibe mayezero yomwe mwagumana nayo yakugopsa yomwe wanthu winango wense adagumana nayo. M'malo mwache Mulungu ngwakukhulupilika. Adzabvumalini kuti imwe muyeziwe mpakana muyezo omwe mungakwanise kupilira. Soma pomwe mudzayeziwa, iye adzakupasani njira yakuti mukwanise kupilira.¹⁴Thangwe lache, wakukondeka wangu thawani kuchoka kwa kunamatira bzamafano. ¹⁵Ine ndili nkusewera kuna wanthu ndiwo ana nzeru, kuti mukwanise kuweruza mwekha bzomwe ndikulewabzi. ¹⁶Chikho cha m'dalitso ndicho tinidalitsa, kodi nchakuphatanalini na mulopa wa Khilistu? Kodi mkate ndiwo timbanyema ngwakuphatanalini na thupi la Khilistu? ¹⁷Thangwe pana mkate ubodzi, ife napo tilipo azinji soma ndife thupi libodzi. Nakuti tense pabodzi timbadya mkate ubodzi.¹⁸Nyang`anani Asrayeri ninga mwa thupi. Kodi ndiwolini akudya nsembezo alibe kuphatana na guwa la nsembe? ¹⁹Kodi ndikulewa chiyani tsono? Kuti fano ni chinthu chilichense? Pinango kuti chakudya chakupekewa nsembe kuna fano nichilichense?²⁰Soma ninilewa kuti bzomwe adzinza apeleka nsembe, ambabzipeleka kuna bziwanda neye kuna Mulungu. Ndipo nimbafunalini kuti imwepo mumbaphatane na bziwanda! ²¹Mungamwelini chikho cha Mbuya nkukamwa pomwe chikho cha bziwanda. Mungadyelini pa meza ya Mbuya mkukadya pomwe pa meza ya bziwanda. ²²Pinango tikufuna kunyosa Mbuya kuti atichitire nsanje? Kodi ife tinamphamvu kuposa mmene iye alili?²³''Chilichense nchakubvumiwa," soma nichilichenselini chomwe china phindu. ''Chilichense nchakubvumiziwa," soma nchilichenselini chomwe chimbathandiza wanthu. ²⁴Palibe, munthu aliwenseyo asanyang`ane bzabwino bza iye yekha. M'malo mwache, munthu aliwense anyangàne bzabwino bza mwanzache.²⁵Dyani chilichense chakugulisiwa pa nsika wa nyama mwakusaya kubvunza na kukumbuka. ²⁶Pakuti ''dziko la pansi nda Mbuya, ndipo lidadzala na bzobzo" ²⁷Penu nyakusaya kukhulupilira wakuchemerani imwepo kuti mukadye chakudya, ndipo mukufuna kuyenda, kadyeni chilichense chomwe akukonzerani lekani kubvunza mibvunzo ya chikumbumtima.²⁸Soma winango akalewa kuna imwe kuti, ''ibzi bzaperekewa nsembe'' lekani kudya bzobzo, kuti muthandize omwe wakuuzani ule na chikumbumtima__ (Mabukhu inango yadathimizira kunemba kuti dziko lapansi na bzense bzili momo bza Mulungu. Soma mabukhu inango yakalekale yakhalibe ibzi. anyakupfunza azinji ambaona ninga ibzi bzakutengera ndime 26) ²⁹ndikulewa, chikumbumtima cha winangoyo, osati cha imwepo. Thangwe lanyi ufulu bwangu bukuweruziwa na chikumbumtima cha munthu winango? ³⁰Penu ine ninidya chakudyacho na chisomo, thangwe lanyi ine ningalewedwe bzakuipa pakuti ine ndapereka kutednda.³¹Thangwe, chilichense ndicho munidya pinango kumwa, pinango chilichensecho ndicho munichita, chitani na ulemelero bwa Mulungu. ³²Lekani kukhala wakuphonya kuna wanthu wense Ayuda na Ahelene, na ku tchalitchi ya Mulungu. ³³Munjira ninga imweyi ine ndikuyezera kukomemedwaesa munthu aliwense mu bzinthu bzense. Ndikunyang'analini phindu langu, soma phindu la wanthu azinji. Ndikuchita ibzi kuti iwo akapulumusiwe.

11¹Khalani waku nditewezera ine, ninga ine nimba tewezera Khilistu. ²Tsapano ndikukutdani imwe thangwe imwe mumbandi kumbukaine pa chili chense. Ndikuku tendani pomwe thanwe la kukoya bwino bzipfunziso ninga ndida kuuzirani imwe. ³Tsapano nikufuna imwe mudziwe kuti Khilistu ndiye msolo wanthu aliyense, nakuti mamuna ndiye msolowamkazi nakuti Mulungu ndiye msolo wa Khilistu. ⁴Mamuna aliyense waku pemphera pinango kunenera atabisa msolo wache wanyoza msolo wache.⁵Tsono mkazi aliyense ani pemphera pinango kunenera wakusaya kubisa msolo wache iye wanyoza msolo wache. Nakuti ibzi bzili chibodzibodzi na kumetewa mu msolo mwache. ⁶Nakuti penu mkazi anibisa lini msolo wache, iye amete tsisi lache. Penu nicha manyazi kuti mkazi kumeta mpala pinango kuyepula tsisi mu msolo mwache, mulekeni abise msolo wache.⁷Nakuti bzikufunika lini mamuna kuti abise msolo wache, poti iye ni chifaniziro cha ulemerero bwa Mulungu. Soma mkazi ni ulemerero bwa mamuna. ⁸Nakuti mamuna alibe kukonziwa kuchoka kuna mkazi. M'malo mwache, mkazi adakonziwa kuchoka kuna mamuna.⁹Nakuti pinango mamuna alibe kukonzeriwa mkazi. M'malo mwache, mkazi adakonzeriwa mwamuna. ¹⁰Ili ni thangwe lache mkazi alibe chizindikiro cha utongi pa msolo wache, thangwe la angero.¹¹¹²Mwaku terepoyo, mwa Mbuya, mkazi nampodi akhale wakusaya mamuna, pinango mamuna nampodi akhale wakusaya mkazi. Nakuti mkazi adachokera kuna mamuna, terepo mamuna adachokera kuna mkazi. Ndipo bzinthu bzense bzikuchokera kuna Mulungu¹³Bziyeruzeni mwekha:Kodi dzachadidi kuna mkazi kuti apemphere kuna Mulungu wakusaya kubisa msolo wache? ¹⁴Kodi nichikhalidwe lini pachokha kupfunzisa imwe kuti penu mamuna anatsisi litali, bzakuchitisa manyazi kuna iye? ¹⁵Kodi ni chikhalidwe kukupfunzisani kuti mkazi asunge tsisi litali, ubu ni ulemerero bwache? Nakuti tsisilawo adapasiwa kuti abisire msolo wao. ¹⁶Soma penu winango akufuna kugaza bzobzi, ife tilibe bzakuchita bzinango, pinango mpingo wa Mulungu ulibe bzakuchita.¹⁷Tsono ndikufuna ndikuzeni malangizo aya,ndikufuna lini kukutendani imwe. Nakuti pomwe imwe muda bwera pabodzi, mumumbachita lini bza bwino soma bzakuipa. ¹⁸Chakutoma, ndikubva kuti mukagumana ninga mpingo, pakumbakhala kugawana pakuti panu, nimkhulupira bzachadidi. ¹⁹Nakuti pakumba khala pomwe bzakuchitika pakati panu, kuti omwe mbaku tawilizika aonesesiwe pakati pa imwe.²⁰Nakuti pmwe munigumana pabodzi, mumbadya lini bzakudya bza Mphamvu ya Mbuya. ²¹Pamene muli kudya, aliyense ambadye bzakudya bzache akanati kukhala na bzakudya bza mwanzache. Winango ambakhala na njala, pomwe winango ambakhala aledzera. ²²Kodi imwe mulibe nyumba yakudyera na ku yaku mwera? Kodi imwe mukupepusa mpingo wa Mulungu na kuchitisa manyazi omwe alibe chilichense? Kodi ndingalewe chiyani kuna imwe? Kodi ine ndikutendeni imwepo? Ine nidzakutendani lini imwepo thangwe la bzobzi!²³Nakuti ine ndida tambira kuchokera kuna Mbuya chomwe ine nichipereka kuna imwe,chinichokera kuna Mbuya Yesu, usiku bule pomwe adaperekewa, adatenga mkate. ²⁴Pomwe adamaliza kutenda, iye adabedula achilewa, ''Ili ni thupi langu, lomwe lili kuna imwe, mumba chite bzobzi kuti mumbandi kumbukire ine..''²⁵Adachita chibodzibodzi iye atamala kudya adatenga mkombo, achilewa, ''Mkombo umweyu nipangano langu la mulopa wangu. Mumbachite bzobzi pamene imwe mukumwa, kuti mumbandi kumbukire ine.'' ²⁶Nakuti nthawe zense pamene mukudya mkate na mkombo umweyu, imwepo muni lalikira imfa ya Mbuya ateye iye adzabwere.²⁷Thangwe lache, aliyense, wakudya mkate na kumwa mkombo wa Mbuya minjira yakusaya kutawizika adzakhala wakuphonyera thupi na mulopa wa Mbuya. ²⁸Lekani munthu abziyeze yekha chakutoma, nanjira imweyi mulekeni iye adye mkate na kumwa bzamu mkombo. ²⁹Nakuti iye omwe anidya na kumwa mwakusaya kudziwa thupi la mbuya wadya na kumwa chiweruzo chache. ³⁰Nithange lache pakati panu azinji ambafooka na kuduwala, nawinango waimwe ambagona tulo.³¹Soma penu tibzi yezeza tekha, tiniyeruziwa lini. ³²Soma pamene ife tiniyeruziwa na Mbuya, ndiye kuti akutikonza chikhalidwe chathu, kuti ife tisaye kugaziwa na dziko la pansi.³³Thangwe lache, adzinza wangu, pamene mukugumana pabodzi kuti mudye, mudikirane winango na mwanzache. ³⁴Penu winango ana njala, mulekeni iye adye pamuyi, kuti pamene mukugumana pabobzi nampodi kuti afike paku yeruziwa. Tsono bza bzinthu bzinango bzomwe muda nemba, ine nidzakupasani malangizo panthawe yomwe nidza bwera.

12¹Soma bza mphatso ya uzimu, adzinza, nifunalini kuti mukhale neye kudziwa. ²Imwe mukudziwa pomwe mukhali wakunja, mukhali wakutengeka njira zakulekana lekana na kugonyosiwa na bzifani bzomwe bzimba sewera lini, mwanjira yinango imwe mukha lamuliwa nayo . ³Telepo ine ndikufuna mudziwe kuti palibe munthu omwe angasewere na Mzimu wa Mulungu omwe ungalewe, ''Yesu atembereredwe.'' Apo palibe nyakusewera kuti, ''Yesu ni Mbuya,'' kupambula na mzimu wakuchena.⁴Pana mphatso zakulekanalekana, soma mzimu omweyo. ⁵Pana mautumiki yakulekana lekana, soma Mbuya omweyo; ⁶pana maphatiwe ya basa wakulekana lekana, soma Mulungu omweyo amphata basa mwensenemo mwa wanthu wense.⁷Tsopano mzimu adapasa mphatso kuna aliyense kuti ikapindulire wense. ⁸Nakuti aliyense adapasiwa mzimu wa kusewera mwa nzeru, kuna winango kusewera kwa chidziwitso mwa mzimu ubodzi omweyo.⁹Kuna winango adapasiwa chikhulupiliro mwa mzimu womweyo, kuna winango mphatso yakuchiza na mzimu omweyo. ¹⁰Kuna winango mphamvu zakuchita bzakudavwisa, kuna winango kunenera. Kuna winanango luntha lakukwanisa kusiyanisa mizimu, kuna winango luntha lakusewera bzinenero bzakulekanalekana, napo pomwe kuna winango kumasuliramalilime. ¹¹Bzensebzi ni basa la mzimu m'bodzi omweyo, ndipo ambapasa mphatso kuna munthu aliyense, ninga momwe mzimuyo wafunira.¹²Nakuti thupi ni libodzi lakonziwa na bziwalo bzizinji napo bziwalo bzache bzense bzizinji zakukonza thupi libodzi, telepo pomwe na momwe alili Khilistu. ¹³Nakuti tense tidabatiziwa na Mzimu ubodzi mu thupi libodzi, penu mu Yuda, pinango mu Hereni, pinangi ni nyabasa pinango mfulu, kuti tense takonziwa timwe mzimu ubodzi omwewo.¹⁴Tsapano thupi lilibe kukonziwa na chiwalo chibodzi, soma na bziwalo bzizinji. ¹⁵Penu nzayo lichilewa kuti, ''Thangwe ine ndinelini boko, ndili lini mu thupi,'' bzinga kwanisike lini na thangwe limweli kuti lileke kukhala chiwalo cha thupi, ¹⁶Penu khutu lichilewa, ''Thangwe ine ndinelini diso, ndili lini mu thupi,'' bzinga kwanisike lini na thangwe limweli kuti lileke kukhala chiwalo cha thupi. ¹⁷Penu thupi lense likadakhala diso, tsono tikadambabvera chiyani? tsono penu thupi lense likadakhala khutu, tsono tikadambanunkhiza na chiyani?¹⁸Soma Mulungu adaika bziwalo mthupi, chilichense cha ibzo, ninga momwe iye adafunira kuti bzikhale. ¹⁹Penu bzense bzikadakhala chiwalo chibodzi, apo thupi likadakhala kuponi? ²⁰Tsapano pana bziwalo bzizinji, soma thupi libodzi.²¹Diso lingauzelini boko, kuti ''Ndinkufunalini iwe.'' Apo msolo ungauzelini nzayo kuti, ''Ndinkufuna lini iwe.'' ²²Mwalo mwache bziwalo bzathupi bzomwe bzimbaoneka ninga bzakufooka ndibzo bzili bzakufunika, na ²³bziwalo bzomwe timbziyesa bzakuchepa ulemu, ndibzo timbzi lemekeza, mwapambali ndipo bziwalo bzakusaya kuwoneka mwadidi ndibzo bzimbatambira ulemu. ²⁴Tsono pomwe bziwalo bzathu bzakufunika bziniyenera chisamaliro chapambali. Pinango, Mulungu walumikidza bziwalo bza thupi, wapereka ulemu bwakuposa kuna bziwalo bzomwe bzikhausaya.²⁵Iye adachita bzobzi kuti pasaye kukhala kugawanikana mu thupi, soma kuti bziwalo bzache bzimbadalilane chinango na chinzache. ²⁶Penu chiwalo chibodzi chikubonera, bziwalo bzinango bzense bzibonele nacho pabodzi, penu chiwalo chinango chatambira ulemu, bziwalo bzense bzinkomedwa nabzo pabodzi. ²⁷Tsapano imwe ndimwe thupi la khilistu apo aliyense mwa imwe ni chiwalo pathupilo.²⁸Nakuti Mulungu chakutoma mu mpingo adaika atumiki, kachiwiri aneneri, kachitatu ampfunzisi, kinangoka wakuchita bzakudabwisa, kinangoko wamphatso ya kuchiza, na iwo waku pereka chithandizo, na iwo pomwe wa mphatso yakulongosola basa, na pakumaliza awo wakusewela malilime. ²⁹Kodi wensewa ni atumwi? Kodi wensewa ni aneneri?Kodi wensenewa ni apfunzisi? Kodi wensewa ambachita bzakudabwisa?³⁰Kodi wensewa ana mphatso ya machiziro? kodi wensewa ambasewera malilime? Kodi wensewa ambatsudzulira malilime? ³¹Soma funisisani mphatso yakupitisira patsogolo. Apo tsapano ninkuonesani njira yachadidi kwakunyanya.

13¹Napo kuti nimsewela malirime ya wanthu na ya angelo.Soma ndilibe chikondi, ndili ninga chinganga chabaludya telepo pinango chitsulo chakutondokulira. ²Ngati ndina mphatso ya uneneri nkumbazindikila bzinsinsi na kumbadziwa bzense, ndipo ngati ndina chikhulupilo kuchosa mapili. Soma wakusaya chikondi ine ndine lini chinthu. ³Ngati nimpeleka bzangu bzense kuna wa kusauka, na kupeleka thupi langu alitenthe. Soma penu ndilibe chikondi ine niphindulalini chinthu. (Mubzakuneba bza kale bza Chiherene na bza kutsudzulira bzimbati nimpeleka thupi langu kuti litenthewe. Mubzakuneba bzakuchepa bza Agiliki na bza kutsudzulira, bzimbalewa " nimpeleka thupi langu pala ndikule ).⁴Chikondi nchakuleza na chakukoma moyo. Chikondi chilibe nsanje nakuti chimbabzikuza lini.Chimbabzitamandira lini ⁵pinango chilibe mwano. Chimbabzikonda lini. Chimbakalipalini kamangu, chimbakoya lini mangawa. ⁶Chimbakomedwa lini na bzakuipa. Mmalo mwache, chimbakomedwa na bza chadidi. ⁷Chikondi chimbafuchila bzinthu bzense, Chimbatchinjiliza nthawe zense, chimbakhala na chidikizo nthawe zense, chimbapilira nthawe zense.⁸Chikondi chimbamala lini. Soma ngati pana mphatso ya mauneneri, imdzamala. Pomwe pana bzakusewera malirime, bzimdzamala. Pomwe pana chidziwiso, chimdzamala. ⁹Poti timbadziwa pangono telepo na kulewera pangono telepo. ¹⁰Soma chipulumira chikadzabwera, chakusaya kukwanacho chimdzachoka.¹¹Pomwe ndikhali mwana, ndikhasewera ninga mwana, ndikhakumbuka ninga mwana, ndikhalingirira ninga mwana, pomwe ndidakula, bzinthu bzense bzachimwana ndidabzileka. ¹²Nakuti tsapano tikuona bzinthu mwakusaya kuoneka bwino ninga m`galasi lakunyang`anira, soma kenangoka tidzabziona maso na maso. Soma tsapano nidziwa mwakusaya kukwana, soma pano nidzadziwa mwakukwana ninga momwe ndidadziwikira. ¹³Soma tsapano bzasala nibzitatu: chikhulupiliro, chidikizo, na chikondi. Soma chikulu cha bzinsebzi ni chikondi.

14¹Tewerani chikondi na funisisa mphatso ya mzimu, makamaka kuti muka lewere. ²Nakuti munthu ndiye ambasewera malilime ambasewera lini kuna wanthu soma kuna Mulungu. Nakuti palibe munthu ambamubva iye thangwe iye ambasewera bzinsinsi bza Mzimu. ³Soma iye omwe ambalewera ambasewera kuna wanthu kuti amangirire iwo, na walimbikisa iwo, na kuwa komedwesa iwo. ⁴Iye omwe ambasewera malilime ambabzi mangirira yekha, soma iye omwe ambalewera ambamangilira tchalitchi.⁵Tsapano ine ndikufuna imwe mwense musewere malilime. soma kwene kwene kuposa bzense, ine ndikufuna kuti muka lewere. Munthu omwe ambalewera nimkulu ambaposa wakusewera malilime (pokhapokha winango achimasulira kuti tchalitchi itambire bzaku mangiririka) ⁶Soma tsapano, mdzinza, penu ine nibwera kuna iwe ndi kusewera malilime, nidza pindula chiyani kuna imwe? Palibe ndicho ninga pindule, pokhapokha ine ndisewere mwa bvumbuluso, pinango mwa chidziwiso, pinango mwakulewera, pinango mwachipfunziso.⁷Nanjira yokha yokhayo, pamene bzinthu bzakusa moyo bzimba chosa mafala__ ninga chitiliro, pinango sansi__ penu bzini chosa lini malilidwe yakusiyana, bzidza dziwika tani kuti chikuliziwa ni chitolliro pinango sansi? ⁸Nakuti penu ni lupenga lini liziwa na malilidwe yinango, munthu aliyense adzadziwa tani kuti nthawe ya nkhondo ya kwana achikonzeka? ⁹Bzili chibodzibodzi na imwe omwe muna malilime. Penu imwe munisewera bzakusaya kubveka bwino, bzomwe bziku seweredwabzo bzidzabveka tani? Imwe mukusewera bzidzakhala dzakuyenda na mpepo.¹⁰Bzilipo bzakusewera bzamitundu mizinji pa dziko lapansi, napo palibe chinthu chakusaya thandauzo. ¹¹Soma penu ninidziwa lini thandauzo la chiseweredwe, nidzakhala mulendo kuna nyakusewerayo, nanyakusewera adzalhala mulendo kuna ine.¹²Bzili terepoyo na imwepo. Kuchokera pamene imwe mudalonjeza bza Mzimu, nyang'anani kuti muwandise kumangililika kwa tchalitchi. ¹³Thangwe lache wakusewera malilime apemphere kuti amasulire. ¹⁴Nakuti penu ine ninipemphera na malilime, mzimu wangu unipemphera nachidziwiso, soma chidziwiso changu chinikhala lini wa kubala chinthu.¹⁵ndichite chiyani tsono? Nidzapemphera na mzimu wangu, soma nidzapemphera pomwe na mzimu wangu. Nidzaimba na mzimu wangu, nidzaimba pomwe na mtima wangu. ¹⁶Nithangwe lache penu nimdalisa Mulungu na mzimu, anyakunja adzalewa tani ''Ameni'' pamene imwe mukupereka kutenda penu iye adziwalini kuti imwe mukusewera?¹⁷Nakuti iwe uniyang'ana bwino, soma wanthu winango animangililikalini. ¹⁸Nimbapereka kutenda kuna Mulungu kuti ine nimbasewera malilime kuposa imwe mwense. ¹⁹Soma mu tchalitchi ndikufuna kusewera mafala machanu na kudziwa kwangu kuti ine ndikalangize winango, kinangoka bzulu khumi bza mafala pamalilime.²⁰Adzinza, nampodi kukumbuka ninga wana. Pinango, kunyang'anira bzakuipa, khalani ninga tuwana. Soma mukumbuke ninga wakukhuma. ²¹Ninga bzidanembiwa mwa malamulo, ''Na wanthu wamalilime wakugopsa na milomo ya kugopsa nidzasewera nawo wanthu omwewa. Ngakhale iwo adzandibveralini ine,'' walewa Mbuya.²²Telepo, malilime yambakhala nachizindikiro, neye kwa iwo anyakukhulupilira, soma kuna wakusaya kukhulupilira. Soma kulewera, kuna chizindikiro, neye kuna anyakusaya kukhulupilira, soma kuna anyakukhulupilira. ²³Penu, mtelepo, matchalitchi yense yadzabwera pabodzi napo wense achisewera malilime ndipo anyakunja na anyakusaya kukhulupilira amdzabwera, iwo adzalewalini kuti imwe mwayaluka?²⁴Soma penu wense anilewera na anyakusaya kukhulupilira na anyakunja anibwera, iye adzagaziwa na wense wakubva. Iye adzaweruziwa na wense wakulewa. ²⁵Bzakubisika bzamoyo wache bzidzazimbuliwa. Nakutelepo, iye adzagwa pakhope pache achipemphedza Mulungu. Iye adzadziwa kuti Mulungu mgwachadidi pakati pa panu.²⁶Chinango chasala nchiyani, adzinza? pa nthawi yomwe mwabwera pabodzi, aliyense analo salimo , alinalo pfunziro , alinalo fumbuluso , alinalo lilime, alinacho chimasuliro. chitani bzilibzense kuti mukamange mpingo. ²⁷Penu winango anisewera malilime, lekani iwo akhale awiri pinango atatu, pomwe winango anibwerera, winango animasulira bzomwe iye anisewera. ²⁸Soma penu palibe nyakumasulira, lekani wense akhale chete mu tchalitchimo. Lekani bodzi asewere yekha na mulungu wache.²⁹Lekani awiri pinango atatu alewere na kusewera, na winango abvesere na kuzindikira bzomwe bzikuseweledwa. ³⁰Soma penu pana mavumbuluso kuna bodzi omwe adakhala, lekani nyakutoma akhale chete.³¹Nakuti aliyense wa imwe angalewere bodzi na bodzi kuti aliyense apfunzire nakuti wense achosiwe. ³²Nakuti mzimu wakulewera nichipfunziso kuna wakulewera. ³³Nakuti Mulungu ni Mulungu lini wakuphonyesa, soma Mulungu wamtendere. Iye ninyakutonga watchalitchi yense ya wanthu wakuchena wa Mulungu.³⁴Akazi akhale chete tchalitchi. Nakuti iwo mbakubvumiziwalini kusewera. Mmalo mwache, akhale wakubvera, ninga na malamulo yakulewera. ³⁵Penu pana chilichense chomwe iwo angafune kupfunza, alekeni iwo apfunze kuna ambayo. Nakuti

nicha kunyazisa kuna mkazi kusewera mtchalitchi.

³⁶Chitani mafala ya Mulungu. Kodi mafala ya Mulungu yanbachokera kuna imwe? Kodi ndimwe abodzi omwe mudafika?³⁷Penu winango anikumbuka iye yekha kuti ni mneneri pinango ni wauzimu, iye abzidziwe kuti bzinthu bzomwe ndabzinemba kuna imwe nimalamulo yakuchoka kuna Mbuya. ³⁸Soma penu winango akhali wakusaya kudziwa, mulekeni akhale nyakusaya kudziwa³⁹Thangwe lache, adzinza, funisisani kulewera, ndpo nampodi kuletsa aliyense omwe akufuna kusewera malilime. ⁴⁰Soma lekani bzinthu bzense bzichitike mwadidi na mwakulongosoka.

15¹Tsapano ine ndikufuna kukonza kuti mudziwe imwe, adzinza, mafala yabwino yomwe ine ndikulalika kuna imwe, yomwe imwe mumbatambira napomwe imwe imwe muniyimira, ²na mwe imwe munga pulumusiwire, penu imwe muniphata bwino mafala yomwe ine nini lilikira kuna imwe, pokha pokha imwe muka khulupira bzobzi.³Nakuti chakutoma ine ndidapereka kuna imwe chakufunika chomwe ine ndida tambira, kuti Khilistu adafa thangwe la bzakuipa bzathu malingana na bzakunembera, ⁴kuti iye adafuchiriwa, nakuti iye adamuka nsiku yachitatu malingana na bzakunumbera.⁵Khilistu adawoneka kuna Kefa, na kinangoko kuna khumi na awiri wale; ⁶kinangoko iye adawoka kuna kuna azinji ninga adzinza madzana machanu paka bodzi. Azinji wa iwo akana moyo, soma winango adagona wakufa. ⁷Kinangoko iye adawoneka kuna Yakobo, kinagoko kuna atumiki wense.⁸Pakumalizira pa bzense, iye adawoneka kuna ine, ninga mwana m'bodzi wakubadwa kumene. ⁹Nakuti ine ndiri nawo pandandanda wa atumiki. Ine ndine lini wakudala pa kuchemeriwa thangwe ine ndidazunza tchalitchi ya Mulungu.¹⁰Soma na chisomo cha Mulungu ine ndiri ninga m'mene ndiririmu, na chisomo chomwe chili mwa ine chilibe kukhala chakusaya basa. M'mali mwache, ine ndidaphata basa kupitilira wense wa iwo. Pamwepo ndikhali lini ine, soma chisomo cha Mulungu ndicho chikhana ine. ¹¹Terepo penu ndikhali ine pinango mbawewo, tsono ife tida lalikila na imwe muda khulupira.¹²Tsapano peenu Khilistu akufalisiwa kuti adamuka kuna wakufa, winango wa imwe anilewa tani kuti kulibe kumuka kuna wakufa? ¹³Soma penu penukumusiwa kuna wakufa, ndiye kuti ngakhale Khilistu alibe kumusiwa; ¹⁴ndipo penu Khilistu alibe kumusiwa, ndiye kuti kulalika kwathu mkwakusaya basa, na chikhulupiro chathu chakusaya basa pomwe.¹⁵Ngakhale pomwe, ife tini woneka tikukhala mboni zakunama kuna Mulungu, thangwe ife tidachitira umboni kuti Mulungu adamukisa Khilistu kuna wakufa. Soma iye alibe kumukisa iye,penu bza chadidi wakufayo alibe lumusiwa. ¹⁶Nakuti penu wakufa alibe kumusiwa, ndiye kuti powe Khilistu alibe kumusiwa; ¹⁷penu Khilistu alibe kumusiwa, chikhulupiro chanu chakusaya basa na imwe mukali nayo machimo yanu.¹⁸Tsono wale omwe akugona mwa Khilistu ndiye kuti adzongiwa. ¹⁹Penu moyo uno okha ife tikhulupira mwa Khilistu, pa wanthu wense ife anyakusauka.²⁰Soma tsapano Khilistu wakhala wakumusiwa kuna wakufa ninga bzipatso bzakutoma kuna omwe adagona. ²¹Nakuti kuchokera pamene imfa idabwera na munthu, na munthu pomwe padabwera chimukiso cha wa kufa.²²Nakuti ninga Adamu wense anifa, tsono pomwe na Khilistu wense adzakhala na moyo. ²³Soma aliyense na dongosolo lache: Khilistu, omwe ni chipatso chakutoma, na wale omwe ali mwa Khilistu adzakhala na moyo pa kubwera kwache.²⁴Kinangoka kudzala chimaliziro, pamene iye adzapereka utongi bwache kuna Mulungu Baba, pamene iye adzafudza malamulo yense na ulamuliro bwense na mphamvu. ²⁵Nakuti iye ngwakuthemera kuchita ufumu kufikira iye ayike adani wache wense pansi pa nzayo zache. ²⁶Mdani wakumalizira adzamu dzongeka ku imfa.²⁷Nakuti ''iye wayika chilichense pansi pa nzayo zache.'' Soma pamene alewa ''iye wayika chilichense,'' bzakubveka kuti ibzi bzikuphata nidziwa lini na ule omwe ayika bzense pansi pa nzayo zache. ²⁸Pamene bzinthu bzense bza gongesewa kuna iye, kinangoko Mwana iye yekha adzagongesewa pansi ule omwe aniyika bzinthu bzense mu chigonjeso chache iye, kuti Mulungu akhala mubzense kwa bzense.²⁹Pinango chiyani chomwe chidzachitika kuna wale omwe ali kubatiziwa thangwe la wakufa? Penu wakufa adzamusiwa lini kwense, thangwe lanyi iwo ali kubatiziwa? ³⁰Nithangwe linyi tsono tili wa kugopesiwa nthawe zense?³¹Ine imbafa nthawe zense! uku mkuku tsimikizirani kubzi themba kwangu kuna imwe, komwe ine ndinako mwa Khilistu Yesu Mbuya wathu. ³²Ine nidzapindula chiyani, kuchoka kuna munthu wakusakhuliwa achiwonesiwa, penu ine ndida menyana na bzilombo ku Efenso, penu wakufa alibe kumusiwa? Tilekeni ife tidye na kumwa, nakuti mangwana ife tinifa.''³³Lekani kuna miziwa: '''Magulu yakuipa yambawonesa makhalidwe yabwino.'' ³⁴Mukani! Khalani wachilungamo! Nampodi kukhala wakuphonya. Nakuti winango wa imwe alibe nzeru za chidziwiso cha Mulungu. Ine nimbalewa ibzi na manyazi yanu.³⁵Soma winango adzalewa, ''Wakufa adzamusiwa tani, iwo adzabwera na thupi la ntunduwanyi?'' ³⁶Iwe wakupusa! Bzomwe imwe muni bzala bzidzabwera lini na moyo pokhapokha bzikafa.³⁷chimene imwe unibzala nithupi lini lomwe lidzakhala, soma nimbewu. Angakhale tiligu pinango chinthu chili chense. ³⁸Soma Mulungu adzatipasa thupi ninga iye akufuna, ndipo mbewu iliyense thupi lache. ³⁹Nimathupi yense yali chibodzibodzi. M'malo mwache, pana thupi libodzi la munthu, na thupi linango bzinyama, na linango la mbalame, na t linango la nsomba⁴⁰Pana matupi pomwe yakudzaulu na matupi ya pansi pano. Soma ulemelero bwa thupi la wakudzaulu ni mtundu ubodzi ndipo na ulemwlero bwa pansi ni bwinango. ⁴¹Pana ulemelero bubodzi bwa dzuwa, na ulemelero bwinango bwa mwezi, na ulemelero bwinango bwa nyenyezi. Nakuti nyenyezi ibodzi imbasiyana na nyenyezi zinango mu ulemelero.⁴²Soma pana chimukiso cha wakufa. chomwe chabzaliwa na chidzongeko, ni chomwe chini muka na nachi kufudzika. ⁴³Chomwe chini bzaliwa na nyozo, chini musiwa na ulemerero. Chomwe chini bzaliwa na kuchepa mphamvu, chini musiwa na mphamvu. ⁴⁴Chini bzaliwa na thupi la chilengedwe; chini musiwa na thupi la mzimu. Penu pana thupi la chilengedwe, pana thupi la mzimu.⁴⁵Tsono bzidanembiwa pomwe, ''Munthu wakutoma Adamu adakhala na mzimu wa moyo.'' Adamu wakumalizira adakhala na moyo wakupereka mzimu. ⁴⁶Soma mzimu ulibe kubwera pakutoma soma mzimu chilengedwe, napo kinangoka mzimu.⁴⁷Munhtu wa kutoma niwa dziko la pansi , wakukonziwa na mataka. Munthu wa chiwiri niwa kuchokera kudzaulu. ⁴⁸Ninga m'bodzi wakukonziwa na mataka alili, tsono pomwe ni wale omwe adakonziwa na mataka, napo ninga munthu wa kudzaulu alili, tsono pomwe niwale omwe ali kudzaulu. ⁴⁹Ninga ife takhala wakubaliwa na chifaniziro cha munthu wa mataka, ife tidzabvala pomwe na chithunzi cha munthu wa kudzaulu.⁵⁰Tsopano ine ndikulewa ibzi, adzinza, kuti yhupi na mulopa bzingapite lini mu ufumu bwa Mulungu. Pinango pense chakubvunda kupita mu chakusaya kubvunda. ⁵¹Nyang'anani! Ine ndikukuuzani imwe bzakubisika: Ife tidza gona lini, soma ife tense tidza sinthiwa⁵²Ife tidzasinthawa mkanthawe, mukuphethira kwa diso, pa chitoliro chakumaliza. Nakuti chidzalira chitolilo, apo wanthu wakufa adzamuka kuchidzongeko, apo ife tidzasinthiwa. ⁵³Nakuti thupi lathu laku dzongekali likuthemera kuyikiwa chakusaya kudzongeka, na thupi lakufali lidzayikiwa chakusaya kufa⁵⁴Soma pomwe thupi la kudzongekali lidzayikiwa chakusaya kudzongeka, likudzongekali laikhiwa pa lakusaya kudzongeka, ndipo pomwe thupi ili lakufali liniyikhiwa kuna lakusaya kufa, popo panzachitika mafala ya kunembiwa, ''Imfa inikhudyuliwa na chigonjeso''. ⁵⁵''Imfa, chigonjeso chako chilikuponi imfa, uli nkukhala paponi''.⁵⁶Pakukhala pa imfa ni chakuphonya, ndipo mphamvu yachakuphonya ni lamulo. ⁵⁷Soma kutenda kuyende kuna Mulungu, omwe ambatipasa ife chigonjeso kupitila mwa Mbuya wathu Yesu Khristu!⁵⁸Telepo, abale wangu wakukondewa, khalani wakukhazikika na wakusaya kufambafamba.Na wakuwonza mabasa ya Mbuya, thangwe mukudziwa kuti basa lanu kuna Mbuya lili lini lakusaya basa.

16¹Tsapano bza chakupeleka cha wanthu wa Mulungu wakuchena moyo; ninga momwe ndidatongela makachisi ya ku Galatia, natelepo imwepo chitani pomwe. ²Pansiku yakutoma ya pa sumana, aliyense waimwe akoye yekha ninga momwe adaphindula. Chitani bzobzi pala nampodi padzakhale bzakupeleka pomwe ine ndili nkubwela.³Pomwe nimfika, kuna wale mudawayesa wakuchena, nimdzapeleka matsamba ya chidziwiso kuna iwo ndipo nimdzawatuma na mphatso zanu ayende nazo ku Yelusalemu. ⁴Penu kuli kwakufunika kuna ine pomwe ndiyende, anzayenda nande.⁵Soma nimdzabwela kuna imwe pomwe nimdzapita kudzela na ku Makedoniya. Thangwe lakuti ninzadzela ku Makedoniya. ⁶Pinango pense nidzakhala kwenekwene na imwe neye kukhala nthawe yense yakujejelayi, kuti mungandi thandize pa ulendo bwangu, kuli kwense komwe niyenda.⁷Pakuti ndililini kutondo kufuna kukuwonani pakalipano paulendo bwa kutondo pita. Pakuti nimbakhulula kukhala na nanthawe izinji na imwe, penu Mbuya anibvumiza. ⁸Soma nidzakhalisa ku Efeso ateye Pentekositi, ⁹nakuti pandifungukila pamsuwo ukulu kuna ine, napo alipo anyakugazana nafe mbazinji.¹⁰Tsopano pamene Timuteyo alikubwela , yangananisa kuti asaye kukhala namwe mantha , pakuti akuphata basa la Mbuya, ninga ndilikuchita. ¹¹Aliyense asamunyoze iye. muthandizeni iye panjira yache mwa ntendele, ku pinango pense abwele kunaine. Nakuti ndilikudikilira iye kubwela pabodzi na abale. ¹²Tsapano kulewa bza adzinza wathu Apolo, ine ndamungingimiza iye, abwele kuna imwe pabodzi nadzinza. Soma kukhali lini kufuna kwache kubwela tsapano. Natelepoyo, iye anzabwela pa nthawe yache yabwino.¹³Khalani wakudikila , imani mwa changu m'chi

khulupiliro, chitani ninga amuna, khalani wamphamvu.

¹⁴Bvumani kuti bzense mun'chita imwe bzichitike muchikondi.¹⁶Imwe mukudziwa banja la stefano, kuti alichipatso chakutoma kuna Akaya, ndipo kuti adabziyika wokha kutumikira wanthu wa Mulungu wa kuchena. Tsopano ndikukumbi lani imwe, adzinza, ¹⁵kukhala wakubzipeleka kuna wanthu womwewa na pomwe kuna aliwense womwe anithandizana mu mabasa na yife.¹⁷Ine ninidekedwa pakubwera kwa stefano, fortunato, na Akayiko. Iwo adabzikonzera chakutazila chanu. ¹⁸Nakuti iwo adapasa mphamvu mzimu wangu na wanu. Natelepo tsono, muwazindikilise wanthu wakutelepawa.¹⁹Matchalitchi ya ku Asiya inkusewezani imwe. Akula na Pulisika alikukupasani moni mwa Mbuya, na tchalitchali yomwe ili m'muyi mwawo. ²⁰Adzinza wense alikukupasani moni imwe. Pasanani moni wakumphsomphsonana wakuchena winango na mwanzache.²¹Ine, pawulo, wakunemba ichi na boko langu. ²²Penu aliyense ambakonda lini Mbuya, agaziwe. Mbuya wathu, bwelani! ²³Chisomo cha Mbuya Yesu chikhale na imwe. ²⁴Chikondi changu chikhale na imwe Yesu Khilisitu.

Chibvumbuluso

1¹Ichi ni chibvumbuluso cha Yesu Mkhirisitu omwe Mulungu adampereka pala kuonesera akapolo wache bzomwe bzimfuna kuchitika tsapanopali. Adamudziwisa pakutumiza anjero wache kuna kapolo wache Yohani, ²Omwe adaikhira umboni bza mafala ya Mulungu na umboni bwa Yesu Mkhirisitu, bzinthu bzense ndibzo iye adabziona. ³Wakudalisika ndiye ambalewenga mwakukuwa bza uneneri ubu na wale ndiwo ambatetekera mafala ya uneneri bwache na omwe ambabvera ndibzo bzidanembiwa mwemo, thangwe nthawe yafendera.⁴Yohani, kuna mipingo minomwe mu Asia: chifundo mbachikhale kuna imwe na mtendere kuchokera kuna iye ndiye ali, na ndiye akhali, na iye ali nkubwera, na kuchoka ku mizimu minomwe yomwe iri pa chikadera chache, ⁵na kuchoka kuna Yesu Mkhirisitu, omwe ni mboni yakukhulupirika, wakutoma kubadwa kuna anyamuya, na mtongi wa mafumu ya pa dziko lapansi. Kuna iye wakutikonda omwe watitsudzula ku bzakuphonya bzathu thangwera mulopa wache---- ⁶watichitisa kukhala ufumu, wansembe wa Mulungu wache na Baba--kuna iye kukhale ulemelero na mphamvu zaku nthawe za nthawe . Amen.⁷Nyang'anani, akubwera na mitambo; diso lirirense limdzamuona, kuphatanidza pomwe na wense omwe adamupha. Mitundu yensene yapadziko lapansi imdzalira nkhawa thangwera iye. ⁸''Ndine Alefa na Omega,'' Watenepo Mbuya Mulungu, ''omwe ali, akhali, na ndiye alikubwera, wamphamvu zense.'' Bwakunembera bzinango bzachi Herene bzimbati, Ndine Alefa na Omega, wakutoma na wakumaliza, watenepo Mbuya Mulungu.⁹Ine, Yohani--m'bale wanu na omwe ndili namwe pabodzi mu kubonera na ufumu na kupilira kwa kuderekha ndiko kuli mwa Yesu--akhali pa nsuwa yakuchemeriwa Patimo thangwera mafala ya Mulungu na umboni bwa Yesu. ¹⁰Ndikhali mu Mzim u wa nsiku ya Mbuya. Ndidabva mmambuyo mwangu mkuwe ukulu ninga lipenga. ¹¹Udati, ''Nembani bzomwe mulikuona m'bukhu, apo mubzitumize kumipingo minomwe---ku Aefeso, ku Smurina, ku Pergamo, ku Tiyatira, ku Sarde, ku Filadelfeya na ku Laodikaya.''¹²Ndidazungunuka pala ndione kuti mafala yakhasewera kuna ineyo yakhali ya mbani, apo pomwe ndidazungunuka ndidaona bzakumanikira kandiyero bzinomwe bza oro. ¹³Pakati nakati pa bzakumanikira kandiyerobzo ndidaona winango ninga Mwana wa Munthu, atabvala mkanjo utali wa, kufika mu nzayo zache na bande wa golide kuzungulira pa kadedema pache.¹⁴Msolo wache na tsisi bzikhali bzicena ninga ukuse---bzichena ninga matalala---apo maso yache yakhali ninga bzibvuli bza moto. ¹⁵Nzayo zache zikhali ninga mkuwa wakuyetima, ninga mkuwa wakuvukutiwa kachiwiri mu ng'anjo, apo mafala yache yakhali ninga madzi mazinji yakuthamanga. ¹⁶Akhana nyenyezi zinomwe m'boko lache lakumadidi, na psimo lakukhala na nsonga ziwiri zakuthwa likhabula mkamwa mwace. Nkhope yache ikhatoya ninga dzuwa lakupsa maninge.¹⁷Pomwe ndidaona, ndidagwa panzayo zace ninga munthu wakufa. Iye adabzatika boko lace lakumadidi pa ine achiti, ''Nampodi kubva mantha. Ndine wakutoma na wakumaliza ¹⁸na wamoyo. Ndikhali wakufa, soma nyang'anani nimkhala ku nthawe za nthawe. Apo ndina bzavi bza imfa na bza Hade.¹⁹Mthangwe lache nembani ndibzo mwaona, bzatsapano lino, na ndibzo bzimdzachitika bzikamala bzobzi. ²⁰Soma pala thumbudzulo la bzakubisika bza nyenyezi zinomwe zomwe mudaziona kuboko langu la madidi, na bzakukhazikira kandiyero bzinomwe: Nyenyezi zinomwezo ni anjero wa mipingo minomwe apo bzakukhazikira kandiyero bzinomwebzo ni mipingo minomwe.''

2¹Kuna mnjero wampingo waku Ayefeso nemba: 'Mafala ya ule omwe adaphata nyenyezi zinomwe ku boko lache lamadidi na ndiye ankufamba pakati pa bzakuikhira kandiyero bzinomwe bza oro, ²''Ndikudziwa bzichito bzako, basa lako lakukhuma, kupirira kwako kwakuderekha, nakuti ungabvume lini wale wakuipa, soma wawayezera wale omwe ambati mba atumwi uko neye, apo wawabulukira kuti mbakunama.³Uli kupirira mwakuderekha apo ulibe kuneta thangwera dzina langu. ⁴Soma ndinacho chakukugaza thangwe udataya chikondi chako chapakutoma. ⁵Kumbukira tsono pomwe wayambira kugwa. Lapa apo uchite bzinthu ndibzo ukhachita pakutoma. Pokha pokha ungalapa ndiye nimdzabwera kuna iwe ndichidzachosa chakukhazikira kandiyero chako pambuto pache.⁶Soma una ichi: Umbaipidwa na bzakuchita bza Anikolai bzomwe nimbawengana nabzombo. ⁷Omwe ana khutu, abve bzomwe Mzimu ukulewa ku mipingo. Kuna iye wakugonjesa nimdzamupa udidi bwakudya bza mmuti wa moyo, bomwe buli mu paradaizo wa Mulungu.'''⁸''Kuyenda kuna mnjero wampingo wa Smurina nemba: 'Mafala ya ule omwe ngwakutoma na kumaliza, omwe akhali wakusaika achisanduka pomwe wamoyo: ⁹''Ndikudziwa kubonera kwako na kusaya kwako, soma ndiwe wakudala. Ndikudziwa bza makiriyado ya wale omwe ambabziti Ayuda, uko neye. Mba asunagoge wa Satana.¹⁰Nampodi kugopa bzomwe bziri pafupi kuti bzikubonerese. Nyang'ana! Satana ali pafupi kufuna kukuthusani winangomwe mkaoko pakuti mukuyezeriwa, apo mumkabonera kwa nsiku khumi. Khalani wakukhulupirika kufikira imfa, nimdzakupani korona wamoyo. ¹¹Wakukhala na khutu, abve ndibzo mzimu ukulewa kumipingo. Iye wakugonjesa amdzadzongeka lini na imfa yachiwiri.'''¹²Kuyenda kuna mnjero wa mpingo wa Pergamo nemba: 'Mafala ya iye wakukhala na psimo la nsonga ziwiri zakuthwa: ¹³Ndikudziwa ndiko umbakhala, kule komwe kadera yachifumu ya Satana iri. Chensecho umbaphatisisa dzina langu. Ndikudziwa ulibe kulamba chikhulupiriro chako mwa ine, neye mu nsiku za Antipa mboni yangu, wakukhulupirika wangu, omwe adaphiwa pakati panu, kule komwe Satana ambakhala.¹⁴Soma ndina bzinthu bzakuchepa bza kukugaza: Uli nawo koko omwe ambaphatisisa chipfunziso cha Balaamu, omwe adapfunzisa Balaki kuthusa chakupsomesa pa wana wa Isaraeri pala kuti akadye chakudya chakuperekiwa kuna mafano yakutsema na kukhala wakuchita chigololo. ¹⁵Munjira ninga yoyi, muna pomwe winango wakuphatisisa chipfunziso cha Anikolai.¹⁶Lapa, tsono! Ungasaya kutenepo, nimdzabwera kamangu kuna iwe, apo nimdzawathira nkhondo na psimo la mkamwa mwangu. ¹⁷Wakukhala na khutu, abve ndibzo Mzimu ukulewa ku mipingo. Kuna iye wakugonjesa, nimdzamupa mwala uchena wa dzina lipsa lakunemba pamwalapo, dzina lakuti palibe wina anilidziwa soma omwe anilitambirayo.'''¹⁸''Kuyenda kuna mnjero wa mpingo waku Tiyatira nemba: ''Aya ni mafala ya Mwana wa Mulungu omwe ana maso ninga malambi ya moto na nzayo za mkuwa wakuyetima. ¹⁹''Ndikudziwa bzakuchita bzako: Chikondi chako na chikhulupiriro na mabasa na kupirira kwakuderekha. Ndikudziwa bzomwe wachita tsampanopali bzikuposa ndibzo udachita pakutoma.²⁰Soma ndina ichi chakukugaza: Ukubvuma mkazi Yezeberi, omwe ambabzichemera mneneri. Na chipfunziso chache ambanyengeza akapolo wangu kumbachita chigololo na kumbadya bzakudya bzakuperekiwa kuna mafano yakutsema. ²¹Ndidamupa nthawe yakulapa soma akufuna lini kulapa kulekana nacho chigololo chache.²²Nyang'anani! Nimdzamuthusa pa kama wamatenda na wale omwe ambachita chigololo na iye mu chitsautso chikulutsa, pokha pokha alape bzichito bzao. ²³Nimdzamenya wana wache kupha, apo mipingo yensene imdzadziwa kuti ndine ule omwe nimbapsaga psaga mu bzakukumbuka na mmitima. Nimdzapa kuna aliyense waimwe malingana na bzichito bzanu.²⁴Soma kuna winango mwensene ku Tiyatira, kuna aliyense omwe ambaphatisa lini chipfunziso ichi na ndiye ambadziwa lini bzomwe wina ambachemera mkati mwa bzinthu bza Satana-----kuna imwepo nilewa kuti, 'Nimkuikhirani lini chakuwawa chirichense kuna imwe.' ²⁵Mu njira iriyense, phatisisani chaibzo ate ndidzabwere.²⁶Omwe ambagonjesa achichita bzichito bzangu ate kumapeto, kuna iye nimdzamupa kadera yakutonga wamitundu. ²⁷'Amdzatonga na mpsimbo ya fero, apo ninga dongo mmitsuko amdzawapsa m'bzidupsa.' ²⁸Ninga ndimo ndatambirira kuchoka kuna Baba, nimdzamupa pomwe nyenyezi ya kumachibese. ²⁹Omwe ana khutu, abve ndibzo Mzimu ukulewa kuna mipingo.'''

3¹Kuyenda kuna mpingo wa ku Sarde nemba: "Mafala ya omwe adaphata mizimu minomwe ya Mulungu na nyenyezi zinomwe. Ndikudziwa bzakuchita bzako. Una dzina lakuti ndiwe wamoyo, soma ndiwe wakusaika. ²Lamuka ulimbikise chomwe chasala soma chiri pafupi kusaika, thangwe ndiribe kugumana bzichito bzako bzakumaliza pamaso pa Mulungu wangu.³Kumbukira, tsono, bzomwe watambira na kubva. Bvera, na kulapa. Soma penu unilapa lini, nimdzabwera ninga mbava, apo umdzadziwa lini nthawe ndiyo nimdzabwera kuna iwe. ⁴Soma una madzina yakuchepa mu Sarde ya omwe alibe kupsipiza bzakubvala bzawo, apo amdzafamba nande, atabvala bzakuchena, nakuti mbakuthemera.⁵Iye wakugonjesa amdzabvazikiwa bzakubvala bzichena, apo nimdzapfudza lini dzina lache m'bukhu la moyo, ndichidzabvuma dzina lache pamaso pa Baba, na pamaso pa anjero wache. ⁶Omwe ana makutu, abve ndibzo Mzimu ukulewa kuna mipingo.'''⁷''Kuyenda kuna mpingo waku Filadefeya nemba: ''Mafala ya iye wakulemekezeka na wachadidi-----wafumbata chavi cha Davide, wafungula pomwe palibe angafunge, angafunga palibe anifungula. ⁸'''Ndikudziwa bzakuchita bzako. Nyang'ana, ndaikha paiwe msuwo wakufunguka wakuti palibe ndiye angafunge. Ndikudziwa kuti una mphamvu zakuchepa, soma wabvera mafala yangu apo ulibe kulamba dzina langu.⁹Nyang'ana! Nimdzachitisa wale waku sunagoge ya Satana, omwe ambabzichemera Ayuda uko neye, mbakunama----nimdzawachitisa kubwera achidzagodama panzayo zako, apo amdzadziwa kuti nimbakukonda. ¹⁰Nakuti wakoya bzitongi bzangu kupirira mwakuderekha, nimdzakukhotcherera kunthawe ya mayezero yomwe inkubwera padziko lense, kudzayezera omwe ankukhala padziko lapansi. ¹¹Ndikubwera tsampanopa. Phatisa bzomwe ulinabzo pala kuti wina nampodi atenge korona wako.¹²Omwe anigonjesa nimdzamanga nsandamira mkachisi mwa Mulungu wangu. Amdzayenda lini pomwe kunja kwa kachisiyo, apo nimdzanemba pa iye dzina la Mulungu wangu, dzina la mzinda wa Mulungu wangu (Yerusalemu mupsa, omwe anibuluka kuchoka kudzaulu kuna Mulungu wangu), na dzina langu lipsa. ¹³Omwe ana khutu, abve ndibzo Mzimu ukulewa ku mipingo.'''¹⁴''Kuyenda kuna mnjero waku mpingo waku Laodikeya nemba: Mafala ya a Amen, mboni yakuthembeka na yachadidi, mtongi wachilengedwe cha Mulungu. ¹⁵Ndikudziwa bzakuchita bzako kuti ndiwe lini wakujejera ayai wakupsa. Ndikukhumba kuti uchikhala sikuti wakujejera ayai wakupsa! ¹⁶Tsono, thangwera kuti ndiwe wakuthuma ----sikuti wakupsa ayai wakujejera----ndasala pang'ono kukusanza kubula mkamwa mwangu.¹⁷Thangwe umbati ndidadala, ndina kale bzombo bzizinjitsa, apo nimfunalini chinthu.' Soma ukudziwa lini kuti ndiwe wapikado yakunyanya, wakupasa nsisi, wakusaya, zimola, na nyakukhala pezi. ¹⁸Bvesera langizo langu: Gula kuna ine oro wakuvukutiwa na moto pala kuti ukhale na vida, na wakubvala bzakuchena zedi pala kuti ubzibvazike sikuti kubzionesera manyazi ya kukhala pezi kwako, na mankhwala yakupaka mmaso mwako pala kuti uwone.¹⁹Ndikutsimula na kulapisa aliyense omwe nimbamukonda. Mthangwelache khala wanyongo na kulapa. ²⁰Nyang'ana ndaima pamsuwo pako apo ndikugugudza. Penu wina anibva mafala yangu achifungula, nimdzapita mnyumba mwache na kudya naye, apo iye kudya nandembo.²¹Omwe anigonjesa nimdzamupa udidi mwakukhala pansi na ine pakadera yangu yachifumu, ninga ndimo ndidagonjesera pomwe ndichikhala pansi na Baba wangu pa kadera yache yachifumu. ²²Omwe ana khutu, abve ndibzo Mzimu ukulewa ku mipingo.''''

4¹Bzitamala bzinthu ibzi ndidanyang'anisa apo ndidaona msuwo wakufunguka kudzaulu. Mafala yakutoma ndiyo ndidabva yakhasewera kuna ine ninga lipenga, kuti, ''Bwera kuno, apo nimdzakuonesa ndibzo bziti bzidzachitike bzingapita bzinthu ibzi,'' ²Mwachidzidzi ndikhali mu Mzimu, apo ndidaona kadera yachifumu itakhazikiwa kudzaulu winango atakhala pamwepo. ³Omwe akhadakhala pamwepoyo, akhaoneka ninga mwala wa yasipi na sardiyo ( kaneriyo). Pakhana chitalaleza kuzungulira kadera yachifumuyo. Chitalalezacho maonekedwe yache ninga simaragido.⁴Kuzungulira kadera yachifumuyo pakhana makadera yachifumu makumi mawiri na manayi, apo wakukhala mmakadera yamweyo akhali akulu akulu makumi mawiri na awiri, wakubvala bzakubvala bzichena, na makorona ya oro pa misolo pawo. ⁵Kuchokera kumakaderako kudaoneka kupenya kwa mpheni, na mafala ya kugunda kwa chiphaliwali. Kandiyero zinomwe za ngundu ngundu zikhagaka kutsogolo kwa kadera yachifumuyo, kandiyero zomwe zikhali mizimu minomwe ya Mulungu.⁶Kutsogolo kwa kadera yachifumuyo kukhana nyanza ya mandala, ninga krustalo. Pakati nakati pa kadera yachifumuyo na kuzungulira kaderayo pakhana bzamoyo bzinayi, bzakudzala na maso, kutsogolo na kumbuyo.⁷Chamoyo chakutoma chikhali ninga mphondolo, chamoyo chachiwiri chikhali ninga kamwana ka ng'ombe, chamoyo chachitatu chikhana nkhope ninga munthu, apo chamoyo chachinai chikhali ninga chiombankhanga chakumbuluka. ⁸Bzamoyo bzinaibzo, chirichense chikhana maphapidwe matanthatu, bzakudzala na maso padzaulu na kunyansi. Usiku na masikati bziribe kunyamala kumbati, ''Wakuchena, wakuchena, wakuchena ni Mbuya Mulungu wamphamvu zense, omwe akhali, na ndiye amdzakhala.''⁹Pomwe bzamoyobzo bzikhapereka ulemerero, ulemu na kutenda kuna iye wakukhala pakadera yachifumu, iye wakukhala namoyo kunthawe zanthawe, ¹⁰akulu makumi mawiri na anayi adagwa pansi kuna wakukhala pakadera yachifumuyo kumunamata iye omwe amdzakhala kufikira kunthawe zanthawe. Iwo adatula makorona yao kukadera yachifumuyo, kulewa kuti, ¹¹''Wakuthemera ,ndimwe, Mbuya wathu na Mulungu wathu , kutambira ulemerero na ulemu na mphamvu, nakuti mudalenga bzinthu bzensene, apo na chifuniro chanu bzidakhala na kulengiwa.''

5¹Kinangoka ndidaona boko lamadidi la ule omwe akhadakhala pa kadera yachifumu lina bukhu lakunemba kunja na mkati, lakukhala na bzizindikiro bzinomwe bzakudindiwa. ²Ndidaona mnjero mkulu akukuwa na mafala makulu, ''Mbani wakuthemera kufununkhula bukhu na kutsudzula bzizindikiro bzace?''³Palibe kudzaulu ayai padziko lapansi ayai kutseri kwa dziko lapansi omwe adatha kufununkhula bukhulo ayai kulilewenga. ⁴Ndidalira zedi thangwe pakhalibe ndiye adaoneka wakuthemera kufununkhula bukhulo ayai kulilewenga. ⁵Soma mkulu m'bodzi adati kuna ine, ''Nampodi kulira. Nyang'ana! Mphondolo ya dzinza la Ayuda, Muzi wa Davide wagonjesa. Anikwanisa kufununkhula ,bukhulo na bzizindikiro bzache bzinomwe.''⁶Ndidaona Mwana wabira ataima pakati nakati pa kadera yachifumu na pampikiti pa bzamoyo bzinai na pa akulu. Akhaoneka ninga kuti kalekale akhadaphiwa. Akhana nyanga zinomwe na maso manomwe, yomwe ikhali mizimu minomwe ya Mulungu yakutumiziwa kuna wense padziko lapansi. ⁷Adayenda kukatenga bukhulo kuchoka kuboko lamadidi la m'bodzi wa anomwe omwe akhadakhala pa kadera yachifumu.⁸Atatenga bukhulo, bzamoyo bzinayi bzire na akulu makumi mawiri na anayi wale adagwa pamaso pa Mwana wabirayo. Aliyense waiwo akhana azeze na palato za oro zakudzala na bzakufukiza bzomwe ni mapemphero ya wanthu wakuchena mtima wa Mulungu.⁹Adaimba chimbo chiipsa: ''Mwathemera kutenga bukhu na kutsudzula bzizindikiro bzache. Nakuti mudaphiwa, apo na mulopa wanu mudagula wanthu pala Mulungu kuchokera kudzinza lirirense, chiseweredwe, wanthu na dziko. ¹⁰Mudawasandusa ufumu na ansembe kutumikira Mulungu wathu, apo amdzatonga padziko lapansi.¹¹Kinangoka ndidanyan'gana ndichibva mafala ya anjero azinji omwe adazungulira kadera yachifumu na bzamoyo bzire na akulu wale. Kuwanda kwawo wense akhakwana bzulu khumi bza bzulu khumi na bzulu bza bzulu. ¹²Iwo adati na mafala ya kukuwa, ''Wakuthemera ni Mwana wabira, omwe waphiwa, kutambira mphamvu, vida, nzeru, kulimba mtima, ulemu, ulemerero, na kuthembiwa.''¹³Ndidabva chakulengiwa chirichense chomwe chikhali kudzaulu na padziko lapansi na panyanza---- bzensene bzakukhala mwemo----kulewa kuti, ''Kuna iye wakukhala pa kadera yachifumu na kuna Mwana wabira kukhale kuthembiwa, ulemerero, na ufumu ku nthawe zanthawe.'' ¹⁴Bzamoyo bzinai bzire bzidati, ''Amen!'' apo akulu wale adagwa pansi achinamata.

6¹Ndidanyan'ganisa pomwe Mwana wabira adatsudzula bzizindikiro bzinomwe, apo ndidabva chibodzi cha bzamoyo bzinayi chikulewa na mafala yakubveka ninga mpheni, ''Bwerani!'' ²Ndidanyang'anisa apo pakhana kavalo ichena. Wakuipakira wache akhadaphata uta, achipasiwa korona. Adatulukira monga ninga iye wakugonjesa kuti agonjese.³Pomwe Mwana wabira adatsudzula chizindikiro chachiwiri, ndidabva chamoyo chachiwiri chire chikulewa kuti, ''Bwerani!'' ⁴Kinangoka kavalo inango idatulukira-----yakufwira. Wakuipakira wache adabvumiziwa kuchosa mtendere padziko lapansi, pala kuti wanthu aphane. Wakupakira uyu adapasiwa psimo likulu.⁵Pomwe Mwana wabira adatsudzula chizindikiro chachitatu, ndidabva chamoyo chachitatu chikulewa kuti, ''Bwerani!'' Ndidaona kavalo ipsipa, apo wakuipakira wache adaphata mphimo ziwiri mmanja mwache. ⁶Ndidabva yomwe yakuoneka ninga mafala pampikiti wa bzamoyo bzinayi kulewa kuti, ''Mphimo yatirigu yakukwana kobiri ibodzi ya lupiya, na mphimo zitatu za barere pala lupiya ibodzi. Soma nampodi kudzonga mafuta na vinyu.⁷Pomwe Mwana wabira adatsudzula chizindikiro chachinayi, ndidabva mafala ya chamoyo chachinayi kulewa kuti, ''Bwerani!'' ⁸Kinangoka ndidaona kavalo yapfumbu. Wakuipakirayo dzina lache Imfa, apo Hade ikhamutewera. Iwo adapasiwa utongi pambuto yakukula kuti ingapite kanayi mdziko lapansi, bwakupha na dipa, na njala na matenda, na nyama zakuthengo zapadziko lapansi.⁹Pomwe Mwana wabira adatsudzula chizindikiro chachishanu, ndidaona pansi pa guwa lansembe mizimu yawanthu ndiwo adaphiwa thangwera mafala ya Mulungu na umboni bomwe adaphata. ¹⁰Iwo adalira na mafala makulu, ''Kufikira Mtongi wa wense, wakulemekezeka na wachadidi, kufikira mutawatonga wense wakukhala padziko lapansi, apo pomwe mpakana mutabwezera mulopa wathu kuna iwo wakukhala padziko lapansi?

¹¹Kinangoka aliyense waiwo adapasiwa mkanjo uchena, achiuziwa kuti adikhire kanthawe pang'ono mpakana kuwanda kwa akapolo anzao wensene na abale wao omwe akhati aphiwe, ninga momwe akhadaphewera iwo, kundendemere.¹²Pomwe Mwana wabira adatsudzula chizindikiro chachitanthatu, ndidaonerera apo padachitika chiteketeke chikulutsa. Dzuwa lidasanduka lipsipa ninga chiguduli, apo mwezi wabulungire ule udasanduka ninga mulopa. ¹³Nyenyezi zakudzaulu zidagwa padziko lapansi, ninga ndimo muti wamkuyu umbadodezera nkhuyu zache zitete ungatekenyeka na chonzi chikulu. ¹⁴Kudzaulu kudachoka ninga bukhu ndilo likhafunyiwa. Phiri lirirense na nsuwa bzidagwinyika m'buto mwache.¹⁵Kinangoka mafumu yadziko lapansi na wanthu wakufunikira, na akuluakulu wankhondo, na wavida, na wamphamvu, na aliyense, kapolo na mfulu, adabisala mmaphanga na m'phakapaka mwa minyala mikulu ya mmapiri. ¹⁶Iwo adati kuna mapiri na minyala mikulu, ''Tigwereni! Timpsinkhenimbo tibisale pamaso pa ule ndiye wakhala pakadera yachifumu na kuna chilango chikulu cha Mwana wabira. ¹⁷Nakuti nsiku ikulu ya chilango chawo chikulu yafika. Mbani angakwanise kujirika?''

7¹Kinangoka bzitapita ibzi ndidaona anjero anayi ataima pamphepo zinai zadziko lapansi, ataphata mphepo zinai zapadziko pala kuti nampodi chonzi chikunthe padziko lapansi, panyanza ayai pamuti uliwense. ²Ndidaona mnjero winango akhachokera kumachibese, wakukhala na chizindikiro cha Mulungu wamoyo. Iye adakuwa na mafala makulu kuna anjero anayi wale omwe adabvumiziwa kudzonga dziko lapansi na nyanza: ³''Nampodi kudzonga dziko lapansi, nyanza ayai miti mpakana titaikha chizindikiro pa mikuma ya akapolo wa Mulungu wathu.''⁴Ndidabva kuwanda kwa wale omwe adaikhiwa bzizindikiro: 144,000, omwe adaikhiwa bzizindikiro kuchokera mmadzinza yensene ya wanthu wamu Isaraeri: ⁵Bzulu khumi na bziwiri kuchokera kudzinza la Ayuda adaikhiwa bzizindikiro, bzulu khumi na bziwiri kuchokera kudzinza la Rubeni, bzulu khumi na bziwiri, kuchokera kudzinza la Gadi, ⁶bzulu khumi na bziwiri kuchokera kudzinza la Aseri, bzulu khumi na bziwiri kuchokera kudzinza la Nafitali, bzulu khumi na bziwiri kuchokera ku dzinza la Manasse.⁷bzulu khumi na bziwiri kuchokera ku dzinza la Simeoni, bzulu khumi na bziwiri kuchokera kudzinza la Levi, bzulu khumi na bziwiri kuchokera kudzinza la Isakara, ⁸bzulu khumi na bziwiri kuchokera kudzinza la Zebuloni, bzulu khumi na bziwiri kuchokera kudzinza la Yosefe, na bzulu khumi na bziwiri kuchokera kudzinza la Benjamini adaikhiwa bzizindikiro.⁹Bzitapita ibzi ndidanyang'anisa, apo pakhana thimu lizinji lakuti palibe angadakwanisa kulilewenga---kuchokera kudziko lirirense, dzinza, wanthu, na chiseweredwe---kuima pamaso pa kadera yachifumu na pamaso pa Mwana wabira. Akhadabvala mikanjo michena ataphata mitawi ya kanjedza mmanja mwao, ¹⁰apo akhakuwa na mafala makulu: Chipulumuso chiri mmanja mwa Mulungu wathu, omwe wakhala pakadera yachifumu, na kuna Mwana wabira!''¹¹Anjero wense akhadaima kuzungulira kadera yachifumu na kuzungulira akulu na bzamoyo bzinayi bzire, apo adakotamisa nkhope zao kuna kadera yachifumu. Iwo adanamata Mulungu, ¹²kulewa kuti, ''Amen! Kuthemba, ulemerero, nzeru, kupereka kutenda, ulemu, chilimbiko na mphamvu bzikhale kuna Mulungu wathu kunthawe zanthawe! Amen!''¹³M'bodzi wa akulu adandibvunza, ''Awa mbani, abvala mikanjo michenawa, apo tsono adachokera kuponi?'' ¹⁴Ndidati kuna iye, ''Mbuya, mukudziwa,'' apo iye adati kuna ine, ''Awa ni omwe achokera mchitsautso chikulu. Iwo afula mikanjo yao achiyichenesa mmulopa wa Mwana wabira.¹⁵Nathangwe limweri, ali pamaso pa kadera yachifumu ya Mulungu, apo ambamunamata masikati na usiku mu kachisi wache. Iye wakukhala pakadera ya chifumu amdzawachitira iwo mnthunzi. ¹⁶Amdzabva lini pomwe njala, ayai kudzabva pomwe nyota. Dzuwa limdzawatentha lini ayai chithuthu chirichense. ¹⁷Thangwe Mwana wabira pakati nakati pa kadera yachifumu amdzawafuwa achidzawatsogolera ku alowe wa madzi ya moyo, apo Mulungu amdzapukusa misozi yensene kuchoka mmaso mwao.''

8¹Pomwe Mwana wabira adatsudzula chizindikiro chachinomwe, kudzaulu kudakhala chete pafupifupi mphindi makumi matatu. ²Kinangoka ndidaona anjero anomwe ataima pamaso pa Mulungu, apo malipenga manomwe yadaperekiwa kuna iwo.³Mnjero winango adabwera atanyamula palato ya oro ya bzakufukiza. ataima paguwa la bzakufukiza. Bzakufukiza bzizinji bzidaperekiwa kuna iye pala kuti abzipereke na mapemphero ya wanthu wense wakuchena mtima wa Mulungu paguwa la oro la bzakufukiziwa pamaso pa kadera yachifumu. ⁴Utsi bwa bzakufukizabzo----na mapemphero ya wanthu wakuchena mtima wa Mulungu----bzidakwira kuna Mulungu kuchoka mmanja mwa anjero. ⁵Mnjero adatenga palato ya bzakufukiza achiyidzaza na moto wakupala paguwa. Kinangoka adauthusa padziko lapansi, apo padabveka kuphoka kwa mpheni, mafala, ching'aning'ani, na chiteketeke.⁶Anjero anomwe omwe akhana malipenga manomwe adakonzekera kuyaliza. ⁷Mnjero wakutoma adaliza lipenga lache apo padayambika matalala na moto wakusanganiza na mulopa. Udathusiwa padziko lapansi mwakuti ibodzi mwa mbali zitatu idapsa, ubodzi mwa miti mitatu udapsa, na upsa bwensene bwakubiriwira budapserera.⁸Mnjero wachiwiri adaliza lipenga lache, apo chinango ninga phiri likulu la kugaka na moto chidathusiwa mnyanza. Mbali ibodzi ya mbali zitatu za nyanza idasanduka mulopa, ⁹Ibodzi ya mbali zitatu ya bzamoyo bza mnyanza idafa, apo pa bzombo bzitatu bziribzense bzakupakira panyanza chibodzi chidadzongeka.¹⁰Mnjero wachitatu adaliza lipenga lache, apo nyenyezi ikulu idagwa kuchokera kudzaulu, ikugaka ninga muunikiro, pa mbali ibodzi ya matatu ya mikulo na alowe wamadzi. ¹¹Dzina la nyenyeziyo ni Chakuwawa. Ibodzi ya mbali zitatu ya madzi idasanduka chakuwawa, na wanthu azinji adafa na madzi yomwe yadasanduka yakuwawa.¹²Mnjero wachinayi adaliza lipenga lache, apo mbali ibodzi ya mbali zitatu za dzuwa idamenyiwa, bzibodzibodzi pomwe na mbali ibodzi ya mbali zitatu za mwezi na ibodzi ya mbali zitatu za nyenyezi zensene. Tsapano mbali ibodzi ya zitatu za ibzo idasandulika ipsipa; mbali ibodzi ya mbali zitatu yamasikati na mbali ibodzi ya mbali zitatu za usiku ikhalibe kutoya kwache.¹³Ndidanyang'anisa, apo ndidabva chiomba nkhanga chomwe chikhambuluka pamsolo mdzaulu chikulewa na mafala makulu, ''Tsoka, tsoka, tsoka, kuna iwo wakukhala padziko lapansi, thangwera mafala ya lipenga lakutsalira yomwe yasala pang'ono kuti ayalize anjero atatu.''

9¹Kinangoka mnjero wachishanu adaliza lipenga lache. Ndidaona nyenyezi yakuchokera kudzaulu yomwe ikhadagwa pandziko lapansi. Nyenyeziyo adaipa chavi cha dindi lakusaya malekezero. ²Iye adafungula chakufungira pa dindi lakusaya malekezerolo, apo utsi budabula na pakufungira pale kuyenda mdzaulu ninga utsi bwakuchokera mu ng'anjo ikulu. Dzuwa na mitambo bzidasanduka bzipsipa thangwera utsi bwakubula mdindimo.³Bziwala bzidabula kuchoka muutsimo kubwera padziko lapansi, apo bzidapasiwa mphamvu ninga mphiriri za padziko. ⁴Bzidauziwa kuti nampodi bzidzonge upsa bwa padziko ayai mbeu iriyense iwisi ayai muti, soma wanthu okha omwe akhalibe chizindikiro cha Mulungu pamikuma yao.⁵Bziribe kubvumiziwa kupha wanthu amweo, soma kuwaboneresa ate miyezi mishanu. Mawawidwe yache yakhali ninga kupfondewa na mphiriri kwa munthu. ⁶Nsiku zomwezo wanthu amdzapsaga imfa soma amdzaigumana lini. Amdzafunisisa atafa, soma imfa imdzawathawa.⁷Bziwala bzikhaoneka ninga akavalo wakukonzeka kukachita nkhondo. Pamisolo pao pakhana chinthu ninga makorona ya oro, apo nkhope zao ninga zawanthu. ⁸Bzikhana tsisi ninga la azimai, apo mano yao ninga ya mphondolo. ⁹Bzikhana makhanda pakadedema ninga makhanda ya bzitsulo, apo kaungidwe ka maphapidwe yao ninga kaungidwe ka magaleta mazinji na akavalo wakuthamangira kunkhondo.¹⁰Bzikhana michira yabzakupfondera ninga michira ya mphiriri; mmichira yao mukhana liolera la mphamvu yakudzongera wanthu kwa miyezi mishanu. ¹¹Bzikhana mfumu yao mnjero wa dindi lakusaya malekezero. Dzina lache muchi Heberi likhali Abadoni, apo muchi Helene likhali Apoliyoni. ¹²Tsoka lakutoma lapita. Nyang'anani! Bzitamala ibzi pakana matsoka pomwe mawiri kuti yabwere.¹³Mnjero wachitanthatu adaliza lipenga lace, apo ndidabva mafala kuchoka kunyanga za guwa lansembe la oro zomwe zikhali pamaso pa Mulungu, ¹⁴kulewa kuna mnjero wachitanthatu omwe akhana lipenga, "Tsudzulani anjero anai omwe adamangiwa pa mkulo ukulu wa Firate." ¹⁵Anjero anai omwe akhadakonzeka pa nthawe imweyi, nsiku yoyo, mwezi umweyo, na gole limwelo adatsudzuliwa kukapha libodzi la magao matatu ya wanthu.¹⁶Kuwanda kwa asirikali wakupakila akavalo akhali 200, 000, 000. Ndidabva kuwanda kwao. ¹⁷Umu ndimo ndidaonera akavalo mmasomphenya yangu apo na iwo wakuwapakira: Makhanda yao yapakadedema yakhali mafwira, bza azuri wakupsipira na sufule wakuyendera kusafalawu. Misolo ya akavalowo ikhalingana na misolo ya mphondolo, apo mkamwa mwao mukhabula moto, utsi, na sufule.¹⁸Ibodzi ya mbali zitatu zawanthu idaphiwa na miriri mitatu ire: moto ,utsi, na sufule bzomwe bzikhabula mkamwa mwao. ¹⁹Thangwera mphamvu ya akavalowo ikhali mkamwa mwao na kumichila kwao_ thangwe michira yao ikhali ninga nyoka, yakukhala na misolo ndiyo ikhakwanisa kuyambisa bzilonda pa wanthu.²⁰Wanthu wensene wakusalawo, wale omwe alibe kuphiwa na miriri ire, alibe kulapa pa mabasa ya manja yao, ayai kuleka kunamata bziwanda na mafano yabzakutsema bza oro, siriva, mkuwa, mwala na bza miti yakutsema_ bzinthu bzomwe bzingaone lini, kubva, ayai kufamba. ²¹Alibe neye kulapa kuna wakuwapha, nyanga zao, bzigololo bzao ayai mchitidwe wao waumbava.

10¹Kinangoka ndidaona mnjero mkulu akubuluka kuchoka kudzaulu. Wakubvala mtambo, apo pamsolo pache pakhana chitalaleza. Nkhope yache ikhali ninga dzuwa apo nzayo zache zikhali ninga nsandamira zamoto. ²Ataphata bukhu ling'ono lomwe lidafununkhuliwa mmanja mwache. Adaponda nzayo yache yamadidi panyanza na nzayo yache yamadzere pamataka.³Kinangoka iye adakuwa na mafala makulu ninga kubuma kwa mphondolo. Pomwe iye adakuwa, mpheni zinomwe zidabveka kusewera na mafala yawo pakugunga. ⁴Pomwe mpheni zinomwe zidasewera, ndikhadasala pang'ono kunemba, soma ndidabva mafala kuchoka kudzaulu kuti, ''Dinda bzizindikiro bzomwe mpheni zimomwe zalewa. Nampodi kunemba.''⁵Kinangoka mnjero omwe ndidamuona ataima mkuponda pa nyanza na pamataka ule adadzusa boko lache lamadidi kutosa kudzaulu. ⁶Iye adalumbira kuna ule wakukhala kunthawe zanthawe, omwe adalenga kudzaulu na bzense bziri mwemo, dziko lapansi na bzense bziri mwemo, nyanza na bzense bziri mwemo, apo mnjero adati, ''Pamdzakhala lini pomwe kuchedwa. ⁷Soma pansiku yomwe mnjero wachinomwe ali pafupi kuliza lipenga lache, tsapano matsautso ya Mulungu yamdzakwanirisiwa, ninga ndimo adalewera uthenga bwabwino kuna akapolo wache aneneri.''⁸Mafala ndiyo ndidabva kuchokera kudzaulu yadalewa pomwe kuna ine kuti: ''Ndoko, tenga bukhu lakufununkhula lomwe liri mmanja mwa mnjero omwe waima kuponda panyanza na pamataka.'' ⁹Kinangoka ndidayenda kuna mnjeroyo kukamuuza kuti andipe bukhu ling'onolo. Iye adati kuna ine, ''Tenga bukhuli ulidye. Limdzamonyesa mmimba mwako, soma mkamwa mwako mumdzatapira ninga uchi.''¹⁰Ndidatenga bukhu ling'onolo kuchoka mmanja mwa mnjeroyo mkulidya. Likhatapira ninga uchi mkamwa mwangu, soma nditamala kulidya, mmimba mwangu mudamonya. ¹¹Kinangoka wina adati kuna ine, ''Ubvimire pomwe bza wanthu azinji, madziko, bziseweredwe, na mafumu.''

11¹Adandipa mtete kuti ndiyese mpsimbo yakupimira. Ndidauziwa," Muka upime kachisi wa Mulungu na guwa, na wense wakunamata mwemo. ²Soma nampodi kupima mbuto yakuzungulila kachisi, thangwe yaperekiwa kuna Wachikunja. Amdzapondedza mzinda wakupambulika kwa miyezi makumi manayi na miwiri.³Nimdzapa mboni zangu ziwiri utongi bwakubvimira kwa nsiku 1,260, zakubvala chiguduli. ⁴"Mboni ziwirizi ndizo miti miwiri ya azitona na bzakukhazikira kandiyero bziwiri bzomwe bzaima pamaso pa mbuya padziko. ⁵Winango angasankhula kuwadzonga, moto umdzabula pakamwa pawo nkudzadzonga awengi wawo. Aliyense wakukhumba kuwadzonga aphiwe moda umweyu.⁶Mbonizi zina utongi bwakufunga kudzaulu pala kuti mvula nampodi kugwa nsiku adabvimirazo. Ana mphamvu kusandusa madzi mulopa na kulanga dziko lapansi na muliri uliwense nthawe ndiyo amfuna. ⁷Pomwe amdzamaliza umboni bwaobo chilombo chomwe chimdzabula m'dindi lakusaya malekezero chimdzanyosa nkhondo yakumenyana nawo. Icho chimdzawagonjesa chichiwapha.⁸Matupi yawo yamdzakhala thapsa _thapsa mmiseu ya munzinda ukulu (wakuchemeriwa Sodomu na Iguputo) komwe Mbuya wao adakhomerewa. ⁹Kwa nsiku zitatu na meya winango wakuchokera kuna wanthu wense, dzinza, chiseweredwe na dziko amdzanyang'anisa matupi yaoyo. Amzawabvumiza lini kuyafuchira munthutu.¹⁰Iwo wakukhala padziko amdzakomedwa achidzasekerera. Amdzatumizirana mpfupo thangwe aneneri awiri amwewa akhaboneresa wanthu wakukhala padziko. ¹¹Soma patapita nsiku zitatu nameya mzimu wamoyo wakuchokera kuna Mulungu umdzapita mwa iwo, apo amdzaima na nzayo zao. Mantha makulu yamdzawaphata anyakuwaona. ¹²Kinangoka amdzabva mafala makulu yakuchokera kudzaulu yamdzati kuna iwo, "Bwerani kuno!" Kinangoka amdzakwira kuyenda kudzaulu mu mtambo,, uko awengi wao akunyang'anisa.¹³Panthawe yoyo pamdzakhala chiteketeke chikulu, apo mbali ibodzi yakupita kakhumi mumzindayo imdzagwa. Wanthu bzulu bzinomwe amdzafa na chiteketekecho, apo wakupulumuka amdzaphatiwa na mantha achidzapereka ulemerero kuna Mulungu wakudzaulu. ¹⁴Tsoka lachiwiri lapita. Nyang'anani! Tsoka lachitatu likubwera tsampanopali.¹⁵Kinangoka mnjero wachinomwe adaliza lipenga lache, apo mafala makulu yadalewalewa kudzaulu kuti, "Ufumu bwa padziko bwasanduka ufumu bwa Mbuya wathu na bwa Mkhirisitu wache, apo amdzatonga kunthawe za nthawe."¹⁶Kinangoka akulu makumi mawiri na anayi, wakukhala pa kadera yachifumu pamaso pa Mulungu, adagwesa nkhope zao achinamata Mulungu. ¹⁷Iwo adati, "Tikupereka kutenda kuna imwe, Mbuya Mulungu wa mphamvu zense, omwe muli, apo mukhali, thangwera mwatenga mphamvu zanu zikulu apo zjai mwayamba kutonga.¹⁸Wamitundu adakalipa, soma ukali bwanu bwafika. Nthawe yakwana kuti wakusaika atongiwe apo na imwe mupe mpfupo akapolo wanu aneneri na wanthu wakuchena mtima wa Mulungu, na wense ndiwo akhagopa dzina lanu, ang'ono na akulu. Nthawe yakwana kuti mudzonge wense ndiwo akudzonga dziko lapansi."¹⁹Kachisi wa Mulungu kudzaulu adafunguliwa apo lidaoneka likasa la chipangano chache mkachisi wache. Pakhana kupenya kwa ching'aning'anii, mafala, kugwa kwa mpheni, chiteketeke, na matalala mazinji.

12¹Chizindikiro chikulu chidaoneka kudzaulu: Mkazi wakubvazikiwa dzuwa, wakukhala na mwezi kutseri kwa nzayo zache na korona wa nyenyezi khumi na ziwiri pamsolo pache. ²Iye akhana pathupi, apo akhalira na kuwawa kwa kubala, na kubva kuwawa kwa kabalidwe ka mwana.³Kinangoka chizindikiro chinango chidaoneka pomwe kudzaulu: Nyang'anani! Pakhana chinyoka chikulu chifwira chomwe chikhana misolo minomwe na manyanga khumi, apo pamsolo pache pakhana makorona manomwe. ⁴Mchira wache udapsaira mbali ibodzi ya mbali zitatu za nyenyezi kudzaulu chichizithusa pa dziko lapansi. Chinyokacho chidaima pamaso pamkaziyo omwe akhadasala pang'ono kubala mwana, pala kuti angabala, chikhudyule mwanayo.⁵Mkaziyo adabala mwana mamuna, omwe angadadzatonga madziko yensene na mpsimbo ya fero. Mwana wacheyo adapsokonyoliwa nkuyenda kuna Mulungu na kukadera yache yachifumu, ⁶apo mkaziyo adathawira mchipululu momwe Mulungu akhadamkonzera iye mbuto, kuti akatchenkhiwe kwa nsiku 1.260.⁷Tsapano kukhana nkhondo kudzaulu. Mikaeri na anjero wache adamenyana na chinyokacho apo chinyokacho na anjero wache akhabwezera. ⁸Soma chinyoka chikhalibe mphamvu zizinji zakuganyali. Tsapano kukhalibe pomwe mbuto kudzaulu pala icho na anjero wache. ⁹Chinyoka chikulucho----chinyoka chakukalambacho chakuchemeriwa Mdyerekezi ayai Satana. Ndicho chimbanyengeza dziko lense----chidathusiwa padziko lapansi, apo na anjero wache adathusiwa nacho pabodzi.¹⁰Kinangoka ndidabva mafala yakukuwa kuchoka kudzaulu: ''Tsapano chafika chipulumuso na mphamvu za ufumu bwa Mulungu wathu, na utongi bwa Mkhirisitu wache. Thangwe wakumbagaza abale wathu wathusiwa pansi, omwe akhawagaza pamaso pa Mulungu wathu masikati na usiku.¹¹Adamugonjesa iye na mulopa wa Mwana wabira na mafala ya umboni, nakuti alibe kukonda miyoyo yawo neye kuimfa. ¹²Mthangwerache sekerani, mdzaulu imwe na wense wakukhala mwemo! Soma tsoka kuna dziko lapansi na nyanza thangwe Satana wabulukira kuna imwepo. Wadzaziwa na ukali bukulu apo ankudziwa kuti watsala na kanthawe kakuchepa!¹³Pomwe chinyokacho chidazindikira kuti chathusiwa padziko lapansi, chidapsaga mkazi adabala mwana wachimuna ule. ¹⁴Soma mkaziyo adapasiwa maphapidwe mawiri ya chiombankhanga chikulu pala kuti athawire kumbuto ndiyo adamukonzera mchipululu. Iyi ikhali mbuto ndiyo angadakatchenkhiwa, kwa nthawe ibodzi, nthawe zizinji, na meya ya nthawe----seye kuona chinyokacho.¹⁵Chinyokacho chidapswipa madzi kubula mkamwa mwache ninga mkulo pala k,uti yakhaphwikire kukokonola mkaziyo. ¹⁶Soma dziko lapansi lidamuthandiza, Dziko lidafungulambo kukamwa kwache lichikhudyula mkulo omwe chinyokacho chidapswipa madzi kubula mkamwa mwache. ¹⁷Tsapano chinyokacho chidabva ukali na mkaziyo chichiyenda kukachita nkhondo na adzinza wache wensene, omwe akhabvera bzitongi bza Mulungu na kukoya umboni bwa Yesu. ¹⁸Kinangoka chinyokacho chidaima pamchenga wa m'gombe mwa nyanza.

13¹Kinangoka ndidaona chirombo chikubula mnyanza. Chikhana manyanga khumi na misolo minomwe. Panyanga zache pakhana makorona khumi, apo pamsolo wace uliwense pakhadanembiwa dzina la makiriyado. ²Chilombo ndidaonachi chikhalingana na Nyalugwe. Nzayo zace zikhali ninga za thika apo pakamwa pache pakhali ninga pakamwa pa mphondolo. Chinyokacho chidachipasa mphamvu zace, kadera yache yachifumu, na mphamvu zikulu za kutonga.³Ubodzi mwa misolo ya chilombocho ukhana chironda chakufikiza kuimfa, soma chironda chakuimfacho chikhada pola. Wapadziko lense lapansi adadabwa pomwe akhatewera chirombocho. ⁴Akhanamata pomwe chinyoka, thangwe chikhadapereka mphamvu zace kuchirombocho. Adanamata chirombo, pomwe, mkumbati, "Mbani ali ninga chirombo?" apo "Mbani angamenyane nacho?"⁵Chirombocho chidapasiwa pakamwa pa kukwanisa kusewera mafala yakusamwa na ya makiriyado. Chidapasiwa kuyezera utongi bwace kwa miyezi makumi manai na miwiri. ⁶Tsapano chirombo chidafungula pakamwa pache kulewalewa makiriyado kuna Mulungu, kuchitira makiriyado dzina lache na chihema chache, iwo wakukhala kudzaulu.⁷Chirombocho chidabvumuziwa kuchita nkhondo na wanthu wakuchena mtima wa Mulungu na kuwagonjesa. Soma kuti pomwe, mphamvu zidaperekiwa kuna icho kuna wadzindza wensene, wanthu, chiseweredwe, na wamitundu. ⁸Wense wakukhala padziko amdzachinamata, aliyense omwe dzina lace liribe kunembiwa mbukhu la moyo, la Mwana wabira omwe akhadaphiwa kuchokera pakutoma pa dziko lapansi.⁹Penu winango anakhutu, abve. ¹⁰Penu winango amtengewa ukapolo, ku ukapolo ati adzayende. Penu winango aniphiwa na dipa, na dipa ati iye adzaphiwembo nalo.¹¹Kinangoka ndidaona chirombo chikubula kunja kuchoka pansi pamataka. Chikhana manyanga mawiri ninga mwana wabira, apo chikhasewera ninga chinyoka. ¹²Chidayezera utongi bwense bwa chirombo chakutoma pamaso pache , apo chidachitisa dziko lapansi na wensene wakukhala mwemo kunamata chirombo chakutoma chiie--- chomwe chilonda chache chakupha chikhadapola.¹³Chidachita bzakudabwisa bzikulu. Chidachitisa ate moto kugwa padziko kuchoka kudzaulu pamaso pa wanthu. ¹⁴Na bzizindikiro chidapasiwa mphamvu m'buto mwa chirombo, chidanyengeza iwo wakukhala padziko lapansi kuwauza kukhazikisa fano la chirombo chire_chomwe chidapasiwa chirombo na dipa, soma chikhana moyo basi.¹⁵Chidabvumiziwa kupa fano la chirombo pala kuti fanolo lilewelewe nakuchitisa kuti wense wakulamba kunamata chirombo aphiwe. ¹⁶Chidangingimiza pomwe aliyense mg'ono na nkulu, wakudala na wakusaya, mfulu na kapolo, kutambira chidindo paboko lamadidi ayai pamkuma. ¹⁷Bzikhali bzakusaya kukwanisika kuna aliyense kugula ayai kugulisa pokha pokha ana chidindo cha chirombo, ndiye kuti, mbogo yakuyimirira dzina lache'¹⁸Pano pana nzeru. Iye wakukhala nacho chidziwiso, alewengere nambala ya chilombocho. Nakuti chiwerengero chace mchamunthu. Nemba lache ni 666.

14¹Ndidanyang'anisa ndichiona Mwana wabira ataima pa Phiri la Ziyoni. Akhana wanthu 144,000 omwe akhana dzina lache na dzina la Baba wache bzitanembiwa pamikuma yao. ²Ndidabva mafala kuchokera kudzaulu kuunga ninga madzi mazinji na kugunda kukulu. Kuunga ndidabvako kukhali ninga kuti anyakuyimba azeze akuyimba azeze wawo.³Adayimba chimbo chipsa pamaso pakadera yachifumu na pamaso pa bzamoyo bzinayi na akulu. Palibe adapfunzira chimbocho kupambula wale 144,000 omwe adaguliwa kuchoka dziko lapansi. ⁴Awa ni wale omwe akanati kubzipsipiza na akazi, thangwe akhadabzitchenkha neye kuchita chigololo. Mbamwewa wakutewera Mwana wabira kulikwense kukhayenda iye. Iwowa adaguliwa kuchoka pa wanthu ninga bzipatso bzakutoma kukhuma kuna Mulungu na Mwana wabira. ⁵Alibe kugumanika na kunama pakamwa pao; alibe mathangwe.⁶Apo ndidaona mnjero winango akumbuluka mdzaulu, wakukhalanayo mafala yabwino yakusaya kumala ali kuyalalikira kuna iwo wakukhala padziko lapansi_ na kudziko lilirense, dzinza, chiseweredwe na wanthu. ⁷Adalewa na mafala makulu, "Gopani Mulungu mpaseni ulemerero, Nakuti nthawe yachitongero chache yafika. Munamateni iye adalenga kudzaulu, dziko lapansi, nyanza, na alowe wamadzi."⁸Mnjero winango_ mnjero wachiwiri _ adatewera, kumbati, "Wagwa, wagwa ni Babulo mkulu, omwe akhanyengerera wamadzinza yense kumbamwa vinyu wakukalipa wachigololo chace."⁹Mnjero winango_ wachitatu_ adawatewera, kulewa na mafala makulu, "Winango anganamata chirombo na chifanizo chache na kutambira chidindo pankuma pache ayai paboko pache, ¹⁰amdzamwa pomwe winango wa vinyu wa ukali bwa Mulungu, vinyu omwe watsanuliwa wakusaya kusungunula mu mkombo wa ukali bwache. Munthu wakudzaumwayo amdzabonera na moto na safule pamaso pa anjero wakuchena mtima wa Mulungu na pamaso pa Mwana wabira.¹¹Utsi bwakubonera kwao bumdzakwira kwa nthawe za nthawe, apo amdzapuma lini masikati na usiku_ awa wakunamata chirombo na fano lache, na aliyense omwe adatambira chidindo cha dzina lache. ¹²Pano pana mchemero wa chipiriro chawanthu wakuchena mtima wa Mulungu, wakukoya bzitongi bza Mulungu na chikhulupiriro mwa Yesu.''¹³Ndidabva mafala kuchoka kudzaulu kulewa kuti, ''Nembani ichi: Wakudala mbakufa ndiwo afa mwa Mbuya.'' ''Inde,'' watenepo Mzimu, ''pala kuti akapume mmabasa yao, thangwe bzichito bzawo bzimdzawatewera.''¹⁴Ndidanyang'anisa, pakhana mtambo uchena. Omwe akhadakhala pamtambopo akhaoneka ninga mwana wamunthu. Akhana korona wa oro pamsolo pache na chikwakwa chakuthwa mmanja mwache. ¹⁵Kinangoka mnjero winango adabula mkachisi achikuwa na mafala makulu kuna ule wakukhala pa mtambo: ''Tumizani chikwakwa chanu mumwete. Thangwe nthawe yakumweta yafika, nakuti bzakukolola bzapadziko bzakhuma.'' ¹⁶Kinangoka wakukhala pamtambo adavuzulira chikwakwa chache padziko lapansi, apo bzinthu bzapadziko bzidamwetiwa.¹⁷Mnjero wina adabula mkachisi kudzaulu; iye akhana pomwe chikwakwa chakuthwa. ¹⁸Mnjero pomwe winango adabula kuchoka mu bzakufukiza pa guwa, omwe akhana utongi kuna moto. Iye adakuwa namafala makuliu kuna ule akhana chikwakwa chakuthwa, ''Tenga chikwakwa chako chakuthwacho umwete mpesa kuchoka kumpesa wapadziko, nakuti bzakubala bzache bzakhuma.''¹⁹Mnjero adavuzula chikwakwa chache padziko achimweta mpesa mdziko. Adauthusa mu chakupondera mpesa wa ukali bwa Mulungu. ²⁰Chakupondera mpesa chidapondewa kunja kwa muyi, apo udatsanuliwa kubula momo kukwira ninga pakulekeza mulomo wa kavalo. omwe ni mastadia1,600.

15¹Kinangoka ndidaona pomwe chizindikiro mdzaulu, chikulu maninge na chakudabwisa: Pakhana anjero anomwe na miliri minomwe; yomwe ikhali miliri yakumaliza, thangwe na iyo bwamalizika ukali bwa Mulungu.²Ndidaona chakuoneka kuti ikhali nyanza ya maupsa yakusanganiza na moto. Wakuima pamphepete pa nyanzayo akhali wale omwe adagonjesa chilombo na fano lache na omwe adaposa chiwerengero cha anyakufuna dzina la icho. Akhadanyamula azeze omwe adapasiwa na Mulungu.³Iwo akhayimba chimbo cha Mose, kapolo wa Mulungu, na nyimbo ya Mwana wabira: ''Bzikulu na bzakudabwisa m'bzakuchita bzanu. Mbuya Mulungu, wamphamvu zense. Njira zanu mzachadidi na zakulungama, Mfumu ya madzinza. ⁴Mbani ndiye amdzakugopani lini, Mbuya, na kusaya kulemekeza dzina lanu? Nakuti imwe mwekha ndiye wakuchena. Mitundu yense imdzabwera ichidzanamata pamaso panu thangwe bzichito bzanu bzakulungama bzaonesiwa padecha.''⁵Bzitamala ibzi ndidanyang'anisa, apo adafunguka kachisi wa chihema cha umboni mdzaulu. ⁶Mkachisimo mudabula anjero anomwe wakukhala nayo miliri minomwe. Atabvala mwala uchena wakuyetima, atamangira mabande ya maonekedwe ya golide pa makadedema pao.⁷Chibodzi cha bzamoyo bzinayi chidapa anjero anomwe wale palato zinomwe zakudzala na ukali bwa Mulungu, wakukhala na moyo kunthawe zanthawe. ⁸Kachisi adadzala na utsi bwakuchoka ku ulemerero bwa Mulungu na kumphamvu yache. Palibe ndiye adakwanisa kupita mkachisimo ate miliri minomwe ya anjero anomwewo kumala.

16¹Ndidabva mafala makulu kuchoka mkachisi yachiti kuna anjero anomwe, ''Ndokoni mukatsanulire kudziko lapansi, palato zinomwe za ukali bwa Mulungu.''²Mnjero wakutoma adayenda kukatsanulira palato yache padziko lapansi: apo kudakhala bzilonda bzakuipa na bzakuwawa kuna wanthu omwe akhana chidindo cha chirombo, wale omwe akhanamata fano lache.³Mnjero wachiwiri adatsanulira palato yache mnyanza. Idasansuka mulopa, ninga mulopa wawanthu wakusaika, apo chamoyo chirichense mnyanza chidafa.⁴Mnjero wachitatu adatsanulira palato yache mmikulo na mmalowe yamadzi, apo bzidasanduka mulopa. ⁵Ndidabva mnjero wamadzi achiti, ''Ndimwe wakulungama----omwe muli, apo mukhali, Wakuchena, imwe nakuti mwatonga bzinthu ibzi. ⁶Thangwe iwo omwe adatsanulira mulopa wawanthu wakuchena mtima wa Mulungu pa aneneri, mwawapa mulopa kuti amwe; ndibzo akuthemera.'' ⁷Ndidabva guwa likutawira, ''Inde Mbuya Mulungu wamphamvu zense, bzitongi bzanu m'bzachadidi na bzakulungama.⁸Mnjero wachinayi adatsanulira palato yache kudzuwa, apo lidabvumiziwa kubvula wanthu namoto. ⁹Iwo adabvuliwa na chithuthu chakugopsa, achisewera makiriyado kudzina la Mulungu, omwe ana ulamuliro pa miliri yense. Iwo alibe kulapa ayai kumupa ulemerero iye.¹⁰Kinangoka mnjero wachishanu adatsanulira palato yache pa kadera yachifumu ya chirombo, apo mdima udabvazika ufumu bwaicho. Iwo adajenkhwena malirime yao na ululu. ¹¹Iwo adachitira makiriyado Mulungu wakudzaulu thanwera kuwawa kwa bzironda bzao, soma adalamba basi kulapa bzichito bzao.¹²Mnjero wachitanthatu adatsanulira palato yache mumkulo ukulu, Firate. Madzi yache yadaumisiwa pakufuna kukonzekera njira ya mafumu yomwe yati yadzabwere kuchokera kumachibese. ¹³Ndidaona mizimu mitatu yakunyansa yakuoneka ninga achule wakuchokera mkamwa mwa chinyoka, na mwa chirombo, na kwa aneneri wakunama. ¹⁴Thangwe ni mizimu ya mdyerekezi ikumbachita masalamusi yakudabwisaya. Iyo ikhabula mwa mafumu yapadziko lense kuti awakontcheze pabodzi kukonzekera nkhondo yapansiku ikulu ya Mulungu Wamphamvu zense.¹⁵(Nyang'anani! Ndikubwera ninga mbava! Wakudala ndiye wakudikhira, kukoya bzakubvala bzache pala kuti nampodi adzafambe ali pezi apo nakuti pomwe nampodi adzaone kuchitisiwa manyazi kwache.'') ¹⁶Adawabweresa pabodzi pambuto yakuchemeriwa Amagedo mchi Heberi.¹⁷Kinangoka mnjero wachinomwe adatsanulira palato yache mu mphuye. Ndiye mafala makulu yadabula kuchoka mkachisi wa kadera yachifumu, kulewa kuti, ''Chachitika!'' ¹⁸Pakhana kupenya kwa kugunda, mafala, na kugwa kwa mpheni na chiteketeke chikulu chakuti chikhanati kuchitika kale chikhalire cha wanthu padziko lapansi, Chiteketeke ichi chikhali chikulitsa maninge. ¹⁹Mzinda ukulu udagwatikana mbali zitatu, apo mizinda ya wamitundu idagwa. Kinangoka Mulungu adakumbusira bza Babulo mkulu pamaso pache achipa mzindayo kaneka yakudzala na vinyu waukali wakuchokera ku ukali bwache.²⁰Nsuwa iriyense idapfudzika apo mapiri yalibe kuoneka pomwe. ²¹Matalala makulu, yakulemera pafupifupi ninga talenti, yadagwa kuchoka kudzaulu kugwera pawanthu. Iwo adachitira Mulungu makiriyado thangwera matalalayo nakuti muliri umweyo ukhali wakugopsa.

17¹Mnjero m'bodzi pa anomwe wale omwe akhadaphata palato zinomwe ule adabwera achiti kuna ine, ''Bwera, ndidzakuonese chitsimulo kuna mkazi mkulu wachigololo omwe wakhala pamadzi mazinji, ²na omwe mafumu ya padz lapansi yadachita naye chigololo, apo wanthu wakukhala padziko lapansi adaledzera na vinyu wa chigololo chache.''³Kinangoka mnjero adanditakula mu Mzimu kuyenda nande mchipululu, apo ndidakaona mkazi alikukhala pa chirombo chifwira chomwe chikhadadzala na manemba ya makiriyado. Chirombocho chikhana misolo minomwe na manyanga khumi. ⁴Mkaziyo atabvala chakubvala chachibakuwa na chakufwira chamadekesero ya oro na minyala yakuumira, na ngale ngale. Mmanja mwache akhadaphata kaneka ya maonekedwe ya golide yakudzala na bzakunyansa na bzakupsipiziwa bza chigololo chache. ⁵Pamkuma pache pakhadanembiwa dzina lakubisika; ''Babulo mkulu mamunthu wa anyachigololo na wabzinthu bzakunyansa bzapadziko.''⁶Ndidaona mkazi ataledzera na mulopa wa wanthu wakuchena mtima wa Mulungu na mulopa wamboni za Yesu. Pomwe ndidamuona mkaziyo, ndidadabwa maninge. ⁷Soma mnjeroyo adati kuna ine, ''Thangweranyi ukudabwa? Nimdzakufokotozera thumbudzulo la kubisika la mkazi na la chirombo chomwe chamutenga iye. Chirombo chamisolo minomwe na manyanga khumi.⁸Chirombo udaona chikhadakhalisacho, tsapano lino kulibe, apo chasala pang'ono kubula mdindi lakusaya malekezero. Kinangoka chimdzayenda kuchidzongeko. Iwo wakukhala padziko lapansi, iwo omwe madzina yao yalibe kunembiwa m'bukhu lamoyo chiyambire chadziko lapansi----amdzadabwa pakuona chirombo, thangwe icho chikhalipo, soma tsapano kulibe, mazi chimdzabwera.⁹Pano pana mtima wakukhala na nzeru. Misolo minomwe ni mapiri manomwe yomwe mkaziyo wakhalira. ¹⁰Yakuimirira pomwe mafumu manomwe. Mafumu mashanu yagwa, ibodzi ikalipo, apo ibodzi inangoyo ikanati kubwera, apo ingabwera, imdzakhala kanthawe kakuchepa.¹¹Chirombo chomwe chikhalipo, soma lero kulibe, tsapano ni mfumu yachisere. Iri mwa manomwe yale apo ikuyenda kuchidzongeko chache.¹²Mayanga khumi ndiyo mudaonayo ni mafumu khumi yomwe yakanati kutambira ufumu, soma amdzatambira ulamuliro ninga mafumu kwa nthawe ibodzi yokha pabodzi na chirombo. ¹³Awa mbamtima ubodzi, apo ambapereka mphamvu zao na ulamuliro kuna chirombo. ¹⁴Amdzanyosa nkhondo kulimbana na Mwana wabira. Soma Mwana wabira amdzawagonjesa thangwe ni Mbuya wa ambuya na Mfumu ya mafumu-----apo iwo na iye mbakuchemeriwa, wakusankhuliwa, na wakukhulupirika.''¹⁵Mnjero adati kuna ine, 'Madzi ndiyo udaonayo, yomwe putayo akhadakhalira, ni wanthu, mathimu, na madzinza na bziseweredwe.¹⁶Nyanza khumi udaonazo----izo na chirombo bzimdzawengana na mkazi putayo. Bzimdzamuchitisa kukhala wakusaya na kukhala ali pezi, iwo amdzadya minomfu yache, achidzamutentha kupserera na moto. ¹⁷Nakuti Mulungu adawapa mumtima mwao kuchita bza mumtima mwache, na kuchita chamtima ubodzi na kupa ufumu bwao kuna chirombo kufikira yatakwanisiwa mafala ya Mulungu.¹⁸Mkazi udaonayo ni muyi ukulu wakukhala na mphamvu zakutonga mafumu yapadziko lapansi.''

18¹Bzitamala ibzi ndidaona mnjero winango akubuluka kuchoka kudzaulu. Wakukhala na ulamuliro bukulu, apo dziko lapansi lidabvunikiwa na ulemerero bwache. ²Iye adakuwa na mafala yamphamvu, kuti, ''Wagwa, wagwa Babulo mkulu! Wasanduka mwakukhala bziwanda, mwakukoyera mizimu yensene yakunyansa, na mwakukoyera mbalame zense zakunyansa. ³Thangwe mitundu yense yamwa vinyu wachigololo chache. Mafumu yadziko lapansi yachita naye chigololo. Wakuchita malonda wapadziko adala na mphamvu ya njira yachigololo cha moyo wache.''⁴Kinangoka ndidabva mafala inango yakuchoka kudzaulu kulewa kuti, ''Bulani mwamkaziyo, wanthu wangu, pala kuti mungakhale naye pabodzi mubzakuipa bzache, apo kuti pomwe nampodi kutambira uliwense wa miliri yache. ⁵Bzakuipa bzache bzagwezekana mudwi kufika kudzaulu, apo Mulugu wakumbukira bzichito bzache bzakuipa. ⁶Mumubwezere ninga ndimo iye wabwezerera, apo mupagalini kawiri na bzichito bzache; mumkombo adasanganiza, kusanganiza kawiri kense kawandidwe kache pala iye.⁷Ninga ndimo adabzipasira ulemerero iye yekha nakukhala mwakudyerera, mchitireni chakuboneresa na chakupasa nsisi. Nakuti mumtima mwache ambati, 'Ndakhala ine ninga mfumu; ndine lini mmasiwa, apo nimdzalawidza lini kulira nkhawa. ⁸Mthangwerache iripo nsiku ibodzi miliri yache imdzabwera: imfa, kulira nkhawa, na njala. Amdzapserera na moto, nakuti Mbuya Mulungu ngwamphamvu zense, apo ni mtongi wache wakulimba.''⁹Mafumu yadziko lapansi yomwe yadachita naye chigololo yachifika pakususukwa naye yamdzamulirira kumubvera nsisi nakuona utsi bwa kugaka kwache. ¹⁰Iwo amdzaima patali, kubva mantha na kubonera kwache, kulewa kuti, ''Tsoka, tsoka ku muyi ukulu. Babulo, mzinda wamphamvu! Nakuti mukanthawe kabodzi chilango chako chafika.''¹¹Wakuchita malonda wapadziko lapansi amdzalira na kudandaulira iye nakuti palibe ndiye amdzawagula pomwe malonda yao---- ¹²malonda ya oro, siriva, minyala yakuumira, ngale ngale, nguwo ya bafuta, chibakuwa, nguwo ifwira yakuyetima, mlangani na miti yense yapfungo, chakutakulira chirichense cha mnyanga wa nzowu, chakutengera chakuumira, chamkuwa, chafero, na chansongolobwe. ¹³kinanomo, bzakununtchira, bzakufukiza, bzakudzola, libano, vinyu, mafuta, ufa bwakunyalala, tirigu, ng'ombe, mabira, akavalo na magaleta na wanthu na mizimu ya wanthu.¹⁴Bzipatso bzomwe moyo wako ukhakhumba namphamvu zako zense bzachosewa kuna iwe. Bzakudyerera bzako bzense na bzakukomesesa bzamala, palibe kudzaoneka pomwe.¹⁵Wakuchita malonda yoya omwe adadala naye amdzaima patali thangwera mantha ya kubonrera kwache nkumbalira mwakukuwa na kubva nsisi. ¹⁶Iwo amdzati, ''Tsoka, tsoka kumzinda ukulu omwe ukhadabvala bafuta na chibakuwa, na mlangani, wamadekesero ya oro, mwala wakuumira na ngalengale! ¹⁷Munthawe ibodzi yokha vida ikulu tereyi imzdasanduka lisho.'' Nyakufambisa chombo pamadzi aliyense, aliyense wakupakira bza mmadzi, amalinyero, na wensene wakuthemba nyanza pamoyo wao wansiku nansiku adaima pulu patali.¹⁸Iwo adalira nakuona utsi bwa kuotchiwa kwache. Adati, ''Nimzinda uponi ndiwo uli ninga mzinda ukuluyu'?' ¹⁹Iwo adathusa pfumbi mmisolo mwao, achikuwa, kudandaula na kulira, ''Tsoka, tsoka kumzinda ukulu omwe wense omwe akhana bzombo pamadzi adadala thangwera vida yache. Nakuti nthawe ibodzi amdzasandusiwa lisho.'' ²⁰''Sekerani kuna iye, kudzaulu, imwe wanthu wakuchena na atumwi na aneneri, thangwe Mulungu wabweresa chigamuio pa iye!''²¹Mnjero mkulu adatenga mwala wampheyo ukulu mkuuthusa mnyanza, mkulewa kuti, ''Ninga terepayu letu , Babulo, mzinda ukulu, amdzauthusa pansi mwamphamvu apo umdzaoneka lini pomwe. ²²Mafala ya bzakuimbira bza azeze, wakuimba nyimbo, wakuliza bzitoliro na malipenga amdzabveka lini pomwe mwa iwe. Palibe wakusema bzinthu ndiye amdzaoneka pomwe mwa iwe. Kuunga kwa chigayo kumdzabveka lini pomwe mwa iwe.²³Kubvunika kwa muuni kumdzaoneka lini pomwe mwa iwe. Mafala ya mulooli na muloodwi yamdzabveka lini pomwe mwa iwe, nakuti wamalonda wako akhali wakubanja lachifumu wapadziko, na mitundu yawanthu ikhanyengeziwa na matsenga yako. ²⁴Mwa iye mulopa wa aneneri na wawanthu wakuchena mtima wa Mulungu udagumanika, na mulopa wawanthu wensene omwe aphiwa padziko lapansi.''

19¹Bzitamala ibzi ndidabva chakubveka ninga mafala makulu ya wanthu azinji kudzaulu kuchemera kuti, 'Aleluya! Chipulumuso, ulemerero, na mphamvu bziri kuna Mulungu wathu. ²Bzigamulo bzache m'bzikulu na bzakulungama nakuti watonga puta mkulu ule omwe akhanyengeza dziko lapansi na chigololo chache.''Wabwezera mulopa wa akapolo wache kuchoka mmanja mwache.''³Adasewera pomwe kachiwiri: ''Aleluya! Utsi bwakwira kuchoka kuna mkaziyo kwa nthawe za nthawe.'' ⁴Akulu makumi mawiri na anayi wale na bzamoyo bzinayi bzidagwa pansi kunamata Mulungu, omwe akhadakhala pa kadera ya ufumu. Iwo akhati, ''Amen. Aleluya!''⁵Kinangoka mafala yadabveka kuchoka kukadera yachifumu, kulewa kuti, ''Tendani Mulungu wathu, akapolo wache wensene, imwe wakumugopa, ang'ono na akulu.''⁶Kinangoka ndidabva mafala ninga ya wanthu azinji, ninga kuunga kwa madzi mazinji, ninga pomwe muungiro ukulu wa kugwa kwa mpheni, kulewa kuti, ''Aleluya! Nakuti Mbuya ambatonga, Mulungu wathu, Wamphamvu zense.⁷Mbatiye tisekere na kudekedwa na kumpasa ulemerero! Nakuti chisekerero cha maloozi ya Mwana wabira chafika, apo na muloodwi wache wakonzeka. ⁸Adabvumiziwa kubvala bzakubvala bzakutoya bza chibakuwa''( nakuti chibakuwa ni chakuchitika chakulungama cha wanthu wakuchena mtima wa Mulungu).⁹Mnjero adati kuna ine, ''Nemba ichi: ''Wakudala ni omwe achemeriwa kuphwando la maloozi ya Mwana wabira.'' Iye adati pomwe kuna ine, ''Aya ni mafala yachadidi ya Mulungu.'' ¹⁰Ndidagwa panzayo zache kumunamata, soma adati kuna ine, ''Nampodi kuchita ichi! Ndine kapolo mwayako na iwe pabodzi na abale wako omwe aphatisa umboni bwa Yesu. Namatani Mulungu thangwe umboni bwa Yesu ni mzimu wa uneneri.''¹¹Kinangoka ndidaona kudzaulu kudafunguka, apo ndidanyang'anisa kukhana kavalo ichena. Wakuipakirayo akhachemeriwa wakukhulupirika na wachadidi. Ni chilungamo ndicho ambatongera milandu na kumenyera nkhondo. ¹²Maso yache ninga moto wakugaka, apo pamsolo pache pakhana makorona mazinji. Akhana dzina lakunembiwa pa iye lakuti palibe adalidziwa soma iye yekha. ¹³Atabvala mkanjo wakubvwikiwa mmulopa, apo dzina lache ni Mafala ya Mulungu.¹⁴Wankhondo wakudzaulu akhamutewera pa makavalo machena, atabvala bzakubvala bzachibakuwa bzichena bzakudeka. ¹⁵Mkamwa mwache mudabula dipa lakuthwa lomwe adamenyera wamitundu, apo amdzawatonga na mpsimbo yafero. Ambaponda mwakupsinyira vinyu waukali wa kukalipa kwa Mulungu Wamphamvu zense. ¹⁶Ana dzina lakunembiwa pamkanjo wache na pantchafu pache: ''Mfumu ya mafumu na Mbuya wa azimbuya.''¹⁷Ndidaona mnjero ataima padecha padzuwa. Iye adakuwa na mafala makulu kuna mbalame zense zakumbuluka mdzaulu, ''Bwerani, gwezekanani pabodzi kuphwando likulu la Mulungu. ¹⁸Bwerani mudye nyama ya mafumu, nyama ya akapitawo, nyama ya wanthu wamphamvu, nyama ya akavalo na ya wakufambisa wache, na nyama yawanthu wense, afulu na akapolo kubodzi, ang'ono na akulu.''¹⁹Ndidaona chirombo na mafumu yache yadziko lapansi na wankhondo wao. Akhakontchezana kuti ayambe nkhondo kumenyana na ule wakupakira pa kavalo na wankhondo wachembo. ²⁰Chirombocho chidaphatiwa pabodzi na mneneri wakunama omwe akhambachita masalamusi pamaso pache. Na masalamusi yacheya adakwanisa kunyengeza ndiwo akhadatambira nemba la chirombo na wakunamata fano lache. Iwo awiri adathusiwa wamoyo mnyanza yamoto yakupsa ya sufule.²¹Wakusalawo adaphiwa na dipa lakuchoka mkamwa mwa m'bodzi wa anyakupakira kavalo wale. Mbalame zense zidadya nyama yao yakufa.

20¹Kinangoka ndidaona mnjero akubuluka kudzaulu. Iye akhana chavi chakudindi lakusaya malekezero, na njema zikulu mmanja mwache. ²Adaphata chinyoka, chinyoka chakukalamba, ndiye mdyerekezi, ayai Satana, achimumanga magole chulu chibodzi. ³Adamuthusa iye mdindi lakusaya malekezero. Adalifunga achidinda chizindikiro padzaulu pache. Uku kukhali kuti nampodi adzanyengeze pomwe wanthu padziko mpakana magole chulu yatapita. Kinangoko, adzatsudzuliwe kanthawe kakuchepa.⁴Kinangoka ndidaona makadera yachifumu. Patakhala omwe adapasiwa mphamvu yakutonga. Ndidaona pomwe mizimu ya omwe adagwatiwa misolo thangwera umboni bwa Yesu na mafala ya Mulungu. Akhalibe kunamata chirombo na fano lache, apo pomwe adalamba kutambira nemba la chirombo pamkuma pawo ayai paboko. Adalamuka, achichita ufumu na Mkhirisitu ate magole chulu chibodzi.⁵Wakufa wakusalawo amdzalamusiwa lini ate magole chulu yadzamale. Uyu ni mmukiro wakutoma. ⁶Wakudala na wakuchena mtima ngule omwe anichita nawo pakumuka kwakutoma! Pa iwowo imfa yachiwiri iribe mphamvu yakutonga. Iwo amdzakhala wansembe wa Mulungu na wa Mkhirisitu apo amdzachita naye ufumu kwa magole chulu.⁷Magole chulu yangadzamala, Satana amdzatsudzuliwa mkaoko mwache. ⁸Amdzabula kunja kukasocheresa mitundu ku mphepo zensene zinai zadziko---Gogo na Magogo-----kudzawakontcheza adzachite nkhondo. Amdzakhala azinji ninga mnchenga wamunyanza.⁹Iwo adayenda mkudzala dziko lapansi achizungulira tsasa lawanthu wa Mulungu wakuchena mtima----muyi wakukondekayo. Soma udabuluka moto wakudzaulu mkuwapserereza. ¹⁰Mdyerekezi, omwe adawasocheresa, adathusiwa mnyanza yakugaka na sufule, komwe chirombo na mneneri wakunama ule adathusiwa. Amdzabonera masikati na usiku kwa nthawe zanthawe.¹¹Kinangoka ndidaona chikadera chikulu chichena wina atakhala popo. Dziko lapansi na kudzaulu bzidathawa pamaso pache, soma kukhalibe kwakuyenda ibzo. ¹²Ndidaona wakufa----- akulu na ang'ono-----ataima pamaso pakadera yache, apo mabukhu yadafununkhuliwa. Ndiye bukhu linango lidafununkhuliwa------Bukhu la Moyo. Wakufa adatongiwa na bzomwe bzikhanembiwa mmabukhu, malingana na bzichito bzao.¹³Nyanza idapereka wakufa omwe akhali mwemo. Imfa na Hade bzidapereka wakufa omwe akhali mwemo, apo wakufawo adatongiwa malingana na bzichito bzawo. ¹⁴Imfa na Hade bzidathusiwa mnyanza ya moto. Iyi ni imfa yachiwiri-----nyanza ya moto. ¹⁵Penu dzina lawinango liribe kugumanika M'bukhu la Moyo, adathusiwa mnyanza ya moto.

21¹Tsapano ndidaona kudzaulu kwa tsapano na pansi pa tsapano, nakuti kudzaulu kwakutoma na pansi pakutoma zjai bzikhadamala, mwakuti neye nyanza kukhalibe pomwe. ²Ndidaona mzinda wakuchena, Yerusalemu mupsa, omwe udabuluka kuchoka kudzaulu kuna Mulungu, wakukonzeka ninga muloodwi wakuikhiwa madekesero pala bayache.³Ndidabva mafala makulu yakuchoka kukadera yachifumu kulewa kuti, ''Nyang'anani! Chihema chakukhala Mulungu chiri mwa wanthu, apo iye amdzakhala nawo. Amdzakhala wanthu wache, apo Mulunguyo amdzakhala na iwo achidzakhala Mulungu wao. ⁴Amdzapukusa misozi yense mmaso mwao, apo pamdzakhala lini pomwe imfa, ayai nkhawa, ayai kulira, ayai bzakuwawa. Bzinthu bzakutoma bzamala.⁵Omwe akhadakhala pakadera yachifumuyo adati, ''Nyang'anani! Nimbakonza bzinthu bzense kukhala bzipsa.''Iye adati, ''Nembani bzobzi thangwe mafala yoya ngakukhulupirika na yachadidi.'' ⁶Adati kuna ine, ''Bzinthu ibzi bzachitika! Ndine Alefa na Omega., wakutoma na wakumaliza. Kuna iye wakubva nyota nimdzamupa amwe lowe wa madzi ya moyo.⁷Iye wakugonjesa amdzatambira bzinthu ibzi, apo ine nimdzakhala Mulungu wache, apo iye amdzakhala mwanangu. ⁸Soma wamantha, na wakusaya kukhulupirika, na wakunyansa, na wakupha, na wachigololo, na wakunamata mafano, na wensene wakunama, mbuto yao imdzakhala mnyanza yakupsa ya moto wa sufuie. Imweyo ni imfa yachiwiri.⁹Mnjero m'bodzi wa anomwe wale adabwera kuna ine, omwe akhana palato zinomwe zakudzala na miliri minomwe yakumaliza, apo iye adati, ''Bwera kuno. Ndidzakuonese muloodwi, mkazi wa Mwana wabira.'' ¹⁰Tsapano adanditenga mu Mzimu kuyenda kuphiri likulu litali kukandionesa mzinda wakuchena Yerusalemu ukubuluka kuchoka kudzaulu kwa Mulungu.¹¹Yerusalemu akhana ulemerero bwa Mulungu, apo kubvunika kwache kukulingana na mwala wakuumira kwenekwene, ninga mwala wa yaspi, wakuyetima ninga krustalo. ¹²Ukhana litsito likulu, litali na misuwo khumi na miwiri, na anjero khumi na awiri pamisuwo. Pamisuwopo pakhadanembiwa madzina khumi na mawiri ya madzinza ya wana wa Isaraeri. ¹³Kumabvadzuwa kukhana misuwo mitatu, kumpoto kukhana misuwo mitatu, kum'wera misuwo mitatu, na kumadokero misuwo mitatu.¹⁴Litsito la mzindayo likhana maziko khumi na mawiri, apo mwensenemo mukhana madzina ya atumwi khumi na awiri wa Mwana wabira. ¹⁵Omwe adalewalewa nandeyo akhana mpsimbo ya mphimo ya oro kupimiira mzindayo, misuwo yache, na litsito lache.¹⁶Mzindayo ukhali wakulingana, kutalika mbali zense zense; mulitali mukhali ndendende na kupingasa kwache. Adapima mzindayo na mpsimbo yakupimira, mastadiya bzulu khumi na bziwiri mulitali ( mulitali, mulifupi, na kutalika khache kuyenda mdzaulu bzikhali ndendende). ¹⁷Adapima pomwe ntchinya ya litsitolo, maboko 144 mphimo ya munthu (yomwe ikhali pomwe mphimo ya mnjero)¹⁸Litsitolo lidamangiwa na yaspi apo ukhali mzinda wa oro wakusungunuliwa bwino, ninga mandala machena. ¹⁹Maziko ya litsitolo yakhana madekesero ya minyala ya moda na moda. Wakutoma ukhali yaspi, wachiwiri ni safiro, wachitatu ukhali kalikedo, wachinai ukhali smaragido, ²⁰wachishanu ni sardomu, wachitanthatu sardiyo, wachinomwe ni krusolito, wachisere ni berulo, wachipfemba topaziyo, wakhumi ni krusoprazo, wakhumi na ubodzi ni huakinto, wakhumi na chiwiri ni ametusto.²¹Misuwo khumi na miwiri ndizo ngale ngale khumi na ziwiri; msuo uliwense paokha ukhadakonziwa na ngale ngale ibodzi. Miseu yamumzindamo ikhali ya oro wakusungunuliwa bwino, mandala ya mbee kuonekera. ²²Ndiribe kuona kachisi mumzindamo, nakuti Mbuya Mulungu wamphamvu zense na Mwana wabira ndiwo kachisi wache.²³Mzindayo ukhafunika lini pomwe dzuwa ayai mwezi kuti bzibvunike thangwe ulemerero bwa Mulungu bukhabvunika kale, apo kandiyero yache ni Mwana wabira. ²⁴Madzinza yamdzafamba mkubvunika kwamzindayo. Mafumu yapadziko yamdzabweresa ulemerero bwao kumzindayo. ²⁵Misuwo yache imdzafungiwa lini masikati, apo kumdzakhala lini usiku kumweko.²⁶Iwo amdzabweresa ulemerero na ulemu bwa madzinza kudzapita nabzo mmwemo, ²⁷soma palibe chakusaya ,kupambuliwa chomwe chimdzapita mwemo, ayai aliyense wakuchita chakunyansa ayai chakunama, soma okhawo ndiwo madzina yao yadanembiwa M'bukhu la Moyo la Mwana wabira.

22¹Tsapano mnjero adandionesa mkulo wa madzi yamoyo, yakuyetima ninga krustalo. Yakhabula kukadera yachifumu ya Mulungu na ya Mwana wabira ²kudzera pakati pa miseu ya mzindayo. Kung'ambu zense za mkuloyo kukhana muti wa moyo, wakubala bzipatso bzamoda khumi na uwiri, na kubala bzipatso bzache mwezi na mwezi. Masamba yamutiyo yakhali yakuchiza madzinza.³Pamdzakhala lini pomwe themberero lirilense. Kadera yachifumu ya Mulungu na ya Mwana wabira imdzakhala mu mzindamo, apo akapolo wache amdzamutumikira. ⁴Iwo amdzaona nkhope yache, apo dzina lache limdzakhala pa mikuma pao. ⁵Kumdzakhala lini pomwe usiku; amdzafuna lini kubvunika kwa kandiyero ayai kutoya kwa dzuwa thangwe Mbuya Mulungu amdzawabvunika iwo. Iwo amdzachita ufumu kunthawe za nthawe.⁶Mnjero adati kuna ine, ''Mafalaya ngakukhulupirika na yachadidi. Mbuya, Mulungu wa mizimu ya aneneri, adatuma mnjero wache kukaonesa akapolo wache bzakufuna kuchitika tsampanopali. ⁷''Nyang'anani! Ndikubwera tsampanopali! Wakudala ndiye wakukoya mafala ya uneneri bwa bukhu iri.''⁸Ine, Yohani, ndine omwe ndidabva na kuona bzimwebzi. Pomwe ndidabzibva na kubziona, ndidagwa pansi kunamata panzayo za mnjero omwe akhambandionesa bzinthu bzobzi. ⁹Iye adati kuna ine, ''Nampodi kuchita terepoyo! Ndine kapolo mwayako na abale wako aneneri, apo na iwo wakubvera mafala ya bukhu iri. Namatani Mulungu!''¹⁰kinangoka adati kuna ine, ''Nampodi kudinda chizindikiro cha mafala ya uneneri ubu, thangwe nthawe yamala. ¹¹Iye wakusaya kulungama, achite basi bzakusaya kulungamabzo. Iye wakulungama, mulekeni apitirize kuchita bzakulungama. Iye wakuchena mtima, akhale basi wakuchenesiwa.¹²''Onani! Ndikubwera tsampanopa. Mpfupo yangu ndirinayo, yakupa aliyense malingana na bzichito bzache. ¹³Ndine Alefa na Omega, wakutoma na wakumaliza, chiyambi na chimaliziro.¹⁴Wakudala ni wale wakufula mikanjo yao kuti adzakhale na udidi kudya bza muti wamoyo na kupita mumzinda kudzera mmisuwo. ¹⁵Kunjaku kuna mbwaya, na wanyanga, na wachigololo, wakupha, wakunamata mafano, na wense wakukonda na kuchita bzakunama.¹⁶Ine, Yesu ndatuma mnjero wangu kukuchitirani umboni bza ibzi mmipingo. Ndine muzi wa dzinza la Davide, nyenyezi yakutoya ya kumachibese.¹⁷Mzimu na muloodwi ukulewa, ''Bwerani!'' Wakubva nyota, mulekeni abwere, apo iye wakuyafuna, mulekeni mwafovolo atenge madzi yamoyo.¹⁸Ndikuchitira umboni kuna aliyense wakubva mafala ya uneneri bwa bukhu iri: Penu wina aniyathimizira, Mulungu amdzamuthimizirambo miliri ndiyo yanembiwa m'bukhumu. ¹⁹Penu winango anichosa mafala inango ya bukhu la uneneri ubu, Mulungu amdzachosera mbali yache ya muti wamoyo na mzinda uchena na pa ibzi bzakunembiwa m'bukhumu.²⁰Iye wakuchitira umboni bzinthu ibzi anilewa, ''Inde! Ndikubwera tsampanopa.'' Amen! Bwerani, Mbuya Yesu! ²¹Chifundo cha Mbuya Yesu chikhale na wakuchena mtima wensene. Amen.

Formatted for Translators

Jenesesi

Ekisodo

Numeri

Deuteronomo

Yoswa

Wakuyeruza

Lute

1 Samueli

1 Mafumu

Mafumu wachiwiri

Masalimo

Miyambo

Daniele

Hoseya

Yoweli

Amosi

Obadiya

Yona

Mika

Nahumu

Habakuku

Zefaniya

Hagayi

Malaki

Mateu

Maliko

Luka

Yohani

Mabasa ya atumwi

Aloma

1 Akorinto

2 Akolinto

Agalatiya

Ayefeso

Afilipi

Akolose

1 Atesolonika

2 Atesalonika

1 Timoteo

2 Timoteo

Tito

Filimoni

Aheberi

Yakobe

1 Petulo

2 Petulo

1 Yohani

2 Yohani

3 Yohani

Yuda

Chibvumbuluso