Bible

Luke

¹Bantu mingi ba ndaka kusonika bamambu yina salamaka na kati na beto na kulanda mutindu ya kuizilaka na bantagu, ²na kulandakana yina bazabisaka beto na bayina vua ndaka bambangi ya mona meso banda na mbadukulu, mpe bakumaka bisielo ya ndinga ya Nzambi. ³Na yau, munu mpe mumonaka mbote na kufiongunina mbote mbote banda na mbadukulu mpe na kusonikina nge mambu ya kudedama, Nkuluntu Teofilo. ⁴Mu zona ti nge zaba kedika ya malongi yina bapesaka nge;⁵5 Na ntangu yina Elode vuandaka ntinu ya Yuda, ya vuandaka Nganga Nzambi mosi na nkumbu ya Zakalia, yandi vuandaka na dikabu ya banganga Nzambi ya Abia. Nkento n'andi vuandaka na dibuta ya Aloni, nkumbu n'andi vuandaka Elizabeti. ⁶Bau noinso zole vuandaka ya lunungu na ntuala Nzambi, bavuandaka tumamana mbote mbote bansikudukusu mpe bansiku ya Mfumu. ⁷Kansi bavuandaka na muana ve, samu Elizabeti vuandaka kisita, mpe bau nionso zole kumaka ya kuyunduka na ntangu yina.⁸Kilumbu mosi Zakalia vuandaka sala kinganga na nsunganyilu ya tuala ya Nzambi, dikabu na yandi soluaka na kusala yau, ⁹na kulandakana kinkulu ya kinganga Nzambi, na kupona yina kesala, yandi soluaka na kukota na yinzo ya Nzambi samu na kuyoka nkayilu ya nsunga(l'encens). ¹⁰Bantu noinso vuandaka na lusambulu na ntangu ya nkayilu ya nsunga.¹¹Mbasi ya Nzami monikinaka yandi, yakutelema na lubakala ya ntala nkayilu ya nsunga. ¹²Ntangu yandi monaka mbasi, Zakalia bangaka mpe wonga kangaka yandi. ¹³Kansi mbasi tubilaka yandi:" kumona wonga ve, Zakalia, samu ti lusambulu na nge me ndimama. Nkento a nge kebutila nge muana ya bakala mpe nge kepesa yandi nkumbu ya Yoane".¹⁴14 Yandi ke vuanda into ya kiese mpe ya mayangi, mpe bantu mingi ke yangalala na mbutukulu n'andi. ¹⁵Samu yandi ke vuanda muntu ya nene na ntadisi ya Mfumu, yandi ke kunua vinia ve, ata malavu mosi ya ngolo ve. Yandi ke fulusua na Mpeve ya Nlongo kubanda na kivumu ya mama n'andi.¹⁶Mpe bantu mingi ya Isaeli ke balumuka na Mfumu Nzambi na bau. ¹⁷Yandi ke tambula na ntadisi ya Nzambi, na Mpeve mpe na lulendo ya Elia, samu mintima ya batata ya vutuka na bana na bau, mpe kutuadisa bantu ya matingu na nduenga ya balunungu, samu na kukubikila Mfumu Nzambi nkangu mosi ya bantu ya kukubukua.¹⁸Zakalia zabisaka mbasi: " inki mutindu mu ke zabila yau e ? Samu nkento na munu na munu mosi beto me yunduka ". ¹⁹Mbasi vutudilak'andi:" mu ke Gabilele, yina ke telemaka na ntula Nzambi. Mu tindamaka samu mu zabisa nge Nsangu ya Mbote. ²⁰Na yau, nge ke tuba diaka ve ti kilumbu mambu yayi ke salama samu nge ndimaka ve mambu na munu yina ke salama na ntangu na yau".²¹Bantu vuandaka vingila Zakalia mpe yitukaka mutindu yandi salaka ntangu ya yinda na kati ya Kinlongo(sanctuaire). ²²Ntangu yandi bimaka, ndinga kangamaka, mpe bavisaka ti yandi monaka mona meso na Kinlongo. Yandi kumaka kutubila bau na bidimbu mpe yandi kumaka dibaba. ²³Ntangu kisalu n'andi manisaka, yandi vutukaka na yinzo n'andi.²⁴Na manima ya mua ntangu, nkento n'andi Elizabeti kumaka na buemba.Yandi suamaka bangonda tanu, mpe yandi tubaka: ²⁵"Tala diambu Mfumu me sadila munu; yandi me kitisila munu nlemvo na yandi samu na kukatusa nsoni na munu na ntuala ya bantu".²⁶Na ngonda ya sambanu, Nzambi tindaka mbasi Ngabilele na mbanza Ngalili yina ke na nkumbu Nazeleti, ²⁷na muana nkento mosi wawusuaka na bakala mosi na nkumbu ya Yosefi, na dikanda ya Davidi. Nkumbu ya muana nkento vuandaka Maliya. ²⁸Mbasi kuminaka yandi mpe tubaka: " Mbote, nge muntu me monokono nlemvo ya nene, Mfumu kele na nge". ²⁹Maliya yitukaka na mambu yina, mpe yandi kukiyuvulaka nsasa ya mbote ya mutindu yina.³⁰Mbasi zabisaka yandi:" kumona wonga ve, Maliya, nge me monukunua nlemvo na Nzambi. ³¹Tala, nge ke buta muana ya bakala mpe nge ke pesa yandi nkumbu ya Yesu. ³²Yandi ke vuanda ya nene mpe ba ke bokidila yandi Muana ya Mfumu yina me luta kuzangama. Mfumu Nzambi ke pesa yandi kiti ya Davidi, Nkulu na yandi. ³³Yandi ke yadila na yinzo ya Yakobi ntangu nionso, mpe Kintinu n'andi ke suka ve".³⁴Maliya zabisaka Mbasi:"Inki mutindu ya ke salamina, samu mu zaba bakala ve? ". ³⁵Mbasi pesaka mvutu mpe tubaka:" Mpeve ya Nlongo ke kitila nge, mpe lulendo ya Mfumu Nzambi ke yitalala nge. Na yua, Muana yina ke na kubutuka ke vuanda ya Nlongo, ba ke bokidila yandi Muana ya Nzambi.³⁶Mpe tala, kibuti ya nge Elizabeti bakaka, yandi mpe, kivumu ya muana bakala na kinunu n'andi. Yandi kele na ngonda sambanu, yina ba vuandaka bokidila kisita, ³⁷samu Nzambi ke lembanaka kima ve." ³⁸Maliya tubaka:" Mu ke kisielo ya Mfumu. Bika ya salamina munu mutindu nge me tubila". Mpe Mbasi bikaka yandi.³⁹Na ntangu yina, Maliya kuendaka malu malu na mbanza ya mongo kele na mbanza ya Yuda. ⁴⁰Yandi kotaka na yinzo ya Zakalia mpe yandi pesaka Elizabeti mbote. ⁴¹Ntangu Elizabeti me kuwa mbote ya Maliya, muana susumukaka na kivumu n'andi. Elizabeti fulusuaka na Mpeve ya Nlongo.⁴²Yandi tubaka na ndinga ya ngolo: "Nge ke yakusakumunua kati kati ya bakento nionso, mpe mbuma ya kivumu ya nge kele yakusakumunua. ⁴³Mutindu nini ya me salamina munu ti mu vunda mama ya Mfumu na munu e ? ⁴⁴Samu ntangu mbote na nge bulaka ngunga na makutu na munu,muana susumukaka na kivumu ya munu. ⁴⁵Kiese na nkento yina ndimaka, samu mambu yina Mfumu tubaka samu na yandi fuana salama⁴⁶Na yau Maliya tubaka:" Muela na munu sika Mfumu, ⁴⁷mpe mpeve na munu kena kuyangalala na Nzambi, Mvuluzi na munu.⁴⁸Samu yandi me kitisameso n'andi na kisielo n'andi ya nkento. Ya kieleka, banda kilokula yayi bambandu nionso kebokidila munu nkento ya mayangi. ⁴⁹Samu Mpungu Tulendo me sadila munu mambu yanene; nkumbu n'andi ke ya nlongo!⁵⁰Nkenda n'andi ke vuanda mbandu na mbandu na bayina ke vuminaka yandi. ⁵¹Yandi monisaka ngolo ya diboko n'andi mpe yandi muangisaka bayina kele na mabanza ya kukizangula.⁵²Yandi buisaka mintinu na bakiti na bau, mpe yandi zangulaka bantu ya kusungama. ⁵³Yandi fulusaka na bima ya mbote bayina vuandaka na nsatu, mpe yandi vutulaka bamvuama maboko mpamba.⁵⁴Yandi sadisaka kisielo n'andi, Isaeli, samu na kumonisa nkenda n'andi ⁵⁵(mutindu yandi zabisaka batata na beto)Abalayama mpe dibuta n'andi na bambandu nionso".⁵⁶Maliya vuandaka na yinzo ya Elizabeti bangonda tatu lenda fuana, na manima na yua, yandi vutukaka na yizo n'andi. ⁵⁷Na ntangu yayi kilokula Elizabeti fuana buta kukaka, mpe yandi butaka muana ya bakala. ⁵⁸Bakundi mpe bibuti n'andi kuwaka ti Mfumu monisaka nkenda n'andi ya nene na ntadisi n'andi; mpe bayangalalaka kintuadi na yandi.⁵⁹Bosi na kilumbu ya nana, bakuizaka samuna kuzengisa muana. Bazonaka bokidila yandi" Zakaliya" nkumbu ya tata n'andi. ⁶⁰Kansi mama n'andi me tuba: "Ve, bakebokidila yandi Yoani". ⁶¹Bazabisak'andi: "muntu mosi ve na dibuta na nge ke na nkumbuyayi".⁶²Bayuvusaka tata n'andi na bidimbu samu na kuzaba nkumbu yandi zona bapesa na muana. ⁶³Zakaliya lombaka fidibaya mpe yandi sonikaka: "nkumbu n'andi Yoani". Bau nionso yitukaka.⁶⁴Na mbala mosi yinua n'andi zibukaka, mpe yinua n'andi kanguluaka. Yandi tubaka, na kukembisa Nzambi. ⁶⁵Wonga bakaka bantu nionso ya kinzungidila, mpe na ndambu ya bantu yina ke zingaka na mongo ya Yuda, vuandka tubila mambu'ango. ⁶⁶Bantu nionso kuwaka yau lundaka yau na bantima na bau, mpe vuandaka tuba:" Muana yayi ke kuma nani e?" Samu diboko ya Mfumu vuandaka na yandi.⁶⁷Tata n'andi Zakaliya fulukaka na Mpeve ya Nlongo, mpe bikulaka na kutuba ti : ⁶⁸" Bika Mfumu, Nzambi ya Isaeli zitusua, samu yandi vungulaka nkangu n'andi mpe mpulusu n'andi.⁶⁹Yandi me bimisina beto kilendo ya mpulusu na dikanda ya Davidi, kisielo n'andi. ⁷⁰Yawu yandi zabisaka na yinua ya bambikudi n'andi ya nlongo na bantangu ya ntama. ⁷¹Yau kele mpulusu ke katula beto na maboko ya batantu mpe na bayina ke zolaka beto ve.⁷²Yandi me monisa n'kenda n'andi na batata na beto mpe mebambukila moyo luwawanu n'andi ya nlongo, ⁷³na kulandakana ndefi yandi kudiaka na tata na beto Abalayama, ⁷⁴ti na manima ya kukatula beto na mboko ya batantu na beto, yandi kepesa beto luve(insua) ya kuzitisa yandi, ⁷⁵luzingu na beto ya mvimba, na nlongo mpe na lunungu na yinsi ya disu n'andi.⁷⁶Bosi nge, muana na munu, ba ke bokidila nge mbikudi ya Nkua Kayengele, samu nge ke tambula na ntuala Mfumu samuna kubongisa ngizulu n'andi, ⁷⁷mpe kupesa na bantu n'andi nzayilu ya mpulusu na nzila ya ngiambudulu ya masumu.⁷⁸Nzambi na beto ke yambudilaka beto na nkenda n'andi ya n'nene. Na nzila na yau, yandi ke kuiza, kufuanana na kukia kebimisaka ntangu na nsuka nsuka, mpe kungengisa beto banda na zulu. ⁷⁹Yandi ke kienzula bayina kele na kitombe mpe penepene ya lufua, samuna kutambusa makulu na beto na nzila ya luvuvamu".⁸⁰Na yina me tala muana, yandi vuandaka yunduka mpe yandi vuandaka kuma ngolo samuna Mpeve. Yandi vuandaka zingila na dikanga tiii kilumbu yina yandi bandaka kukimonikisa na nkangu ya Isaeli.

2¹Na ntangu yina, Kaisala Angustu piyaka lutumu na kutanga batu nionso yina kena kuzinga na yinza. ²Lutangu ya ntete salamaka na ntangu Kilenio vuandaka mfumu ya kizunga ya Silia. ³Na yawu, bawu nionso vuandaka kuenda sonama mutu na mutu na mbanza na yandi.⁴Yosefi, tombukaka yandi diaka kubanda na Nazaleti mbanza ya Ngalili, na kukuenda na Yuda mbanza ya Davidi, yina kele na nkumbu ya Betelemi; samu yandi vuandaka mutu ya yinzo ya Davidi. ⁵Yandi kuendaka kukisonikisa na nketo yina yandi fuana kuela : Maliya, yandi vuandaka na buemba.⁶Na ntangu bavuandaka kuna, kilumbu yandi fuana buta kukaka. ⁷Yandi butaka muana ya bakala, muana na yandi ya ntete, yandi zingaka yandi bilele mpe yandi tulaka yandi na kidikulu ya bibulu samu kisika vuandaka ve na yinzo ya banzenza.⁸Yawu vuandaka na kati ya kizunga yina bamvungudi vuandaka luta na kati ya bilanga samuna ku vunga bibulu na bawu. ⁹Na mbala mosi, mbasi ya Mfumu monikinaka bawu mpe nkembo ya Mfumu seminaka bawu; mpe wonga bakamaka bawu.¹⁰Mbasi tubilaka bawu : "Beno mona wonga ve, samu mukena kuzabisa beno nsangu ya mbote, yayi ke vuanda kiese ya nene samuna nkangu nionso.¹¹ Bubu yayi, na mbanza ya Davidi, me butukila beno mvuluzi kele Klisto, Mfumu. ¹²Tala kidimbu yina beno ke mona : muana yinsua mezingua bilele mpe ya kulekusua na kidikulu ya bibulu."¹³Na mbala mosi, mbasi, kintuadi na nkangu ya binuani ya zulu, kena kusika Nzambi mpe kena kutuba : ¹⁴"Nkembo na Nzambi na bifulu ya kuzangama, mpe na ntoto, luvuvamu na kati ya batu yandi kendimaka."¹⁵Ntangu bambasi me bika bawu samuna kukuenda na zulu, bamvungudi me tubasana bawu na bawu : "Beto kuenda tala na Betelemi inki kena kuluta kuna, yina Mfumu me zabisa beto." ¹⁶Bakuendaka na nsualu nionso kuna bosi bakutaka Maliya na Yosefi mpe muana ya kuleka na yinzo ya kidikilu ya bibulu.¹⁷Na manima ya kumona yawu, bazabisaka na batu yina batubilaka bawu samuna muana yango. ¹⁸Batu nionso kuwaka bavuandaka yitukaka yina bamvungudi vuandaka tubila bawu. ¹⁹Samuna Maliya, yandi vuandaka yindula mambu nionso yandi kuwaka, yandi monaka yawu mfunu mingi na ntima na yandi. ²⁰Bosi bamvungudi vutukaka na kukembisa mpe kuzitisa Nzambi samuna yina bakuwaka mpe kumonaka, disuasuani ve na yina batubilaka bawu.Na ntangu kilumbu ya nana fuanaka, bosi muana fuana zengua, ba pesaka yandi nkumbu ya Yesu, nkumbu yina bapesaka yandi na mbasi ntangu Maliya vuanda na buemba.²²Na ntangu bilumbu na bawu ya mpedoso lungaka, naku landakana nsiku ya Mose, Yosefi mpe Maliya banataka yandi na yinzo ya Nzambi ya Yelusalemi samu bamonisa yandi na Mfumu. ²³Kulandila yina kelemya kusonama na nsiku ya Mfumu : "Muana ya bakala nionso ya ntete, na kubutuka, fueti yekulua na Mfumu." ²⁴Bakuizaka mpe kupesa nkayilu mutindu nsiku ya Mfumu kena kutuba : "Buduka zole to mabembe zole."²⁵Nzoka, mutu mosi vuandaka na Yelusalemi na nkumbu Simeoni. Mutu yina vuandaka ya kudedama mpe ya kivumi na meso ya Nzambi. Yandi vuandaka vingila lubombolo ya Isaeli mpe Mpeve ya Nlongo vuandaka na yandi. ²⁶Nsongolo ya Mpeve ya Nlongo tubaka, yandi lenda kufua ve tekila yandi mona Masiya ya Mfumu.²⁷Na lutuadusu ya Mpeve ya Nlongo, Simeoni kuendaka na yinzo ya Nzambi. Banataka muana Yesu na bibuti na yandi na yinzo ya Nzambi samuna kukokisa yina fuana salama kulandila nsiku.²⁸ Simeoni me baka muana na maboko na yandi, vutusaka matondo na Nzambi mpe me tuba :²⁹ "Ntangu yayi Mfumu, bika kisadi na nge kuenda na luvuvamu kulandila mpova na nge.³⁰Samu meso na munu me mona mpulusu na nge, ³¹yina nge kubikaka samuna nkangu na nge,³² kukia samu na bapayen mpe nkembo samuna nkangu na nge Isaeli."³³Tata mpe mama na yandi vuandaka na kiese samuna yina bavuandaka tuba na muana. ³⁴Simeoni sakumunaka bawu MPE tubaka na Maliya, mama na yandi : "Ya kubukuaka ti muana yayi kele kubua mpe kutelema na batu mingi na Isaeli mpe bonso kidimbu kekotisa mvualangani. ³⁵Sabala ke tobula nge muela, samu mabanza mingi ya bantima monika na meso ya batu."³⁶Mbikudi mosi ya kento na nkumbu ya Ana, muana ya Fanueli, na dikanda ya Aseli. Yandi vuandaka kinunu. Bakuelaka yandi kento zabaka ntete bakala ve, yandi zingaka bamvula nsambodia na baka na yandi; ³⁷yandi bikanaka difola bamvula makumi nana na yiya, yandi vuandaka ntama ve na yinzo ya Nzambi samuna kusala muini mpe mpimpa kondua kudia mpe kunua ata kima mosi ve mpe kusambila. ³⁸Na bamvula yina kaka, yandi kuminaka bawu mpe bandaka ku vutula matondo na Nzambi mpe kutubila bantu nionso yina vuandaka vingila nkudulu ya Yelusalemi, nsangu ya muana.³⁹Na ntangu bakukisaka nionso sonamaka na nsiku ya Mfumu, bavutukaka na Nazaleti na mbanza ya Ngalili.⁴⁰ Muana vuandaka kula mpe yandi kumaka ngolo, yandi vuandaka kula na nduenga mpe nlemvo ya Nzambi vuandaka na yandi.⁴¹Bibuti na yandi vuandaka kuenda bamvula nionso na Yelusalemi samuna na nkinzi ya Pasika.⁴² Na manima bamvula kumi na nzole, bakuendaka na nkinzi kulandila kifu na bawu.⁴³ Bosi ntangu bilumbu manisaka, bavutukaka na mbanza ya bau, Yesu muana bikanaka na Yelusalemi, kansi bibuti na yandi vuandaka zaba ve. ⁴⁴Bavuandaka yindula yandi kele na kati ya bakundi yina vuandaka kuenda na yandi nzila mosi, kilumbu ya mvimba kutaka tekila basoda yandi kati na bibuti mpe bakundi na yandi.⁴⁵Bamonaka yandi ve, bavutukaka na Yelusalemi samuna kusosa yandi.⁴⁶ Na manima bilumbu tatu bakuendaka kuta yandi na kati ya yinzo ya Nzambi ya Yelusalemi, ya kuvuanda kati na minlongi, yandi vuandaka kuwa mpe kuyuvula bawu. ⁴⁷Bayina nionso vuandaka kuwa yandi yitukaka samuna ngangu mpe bamvutu na yandi.⁴⁸Na ntangu bavuandaka tala yandi, bamonaka mangitukulu mpe mama na yandi tubaka : "Muana na munu, samuna inki nge me sala mambu ya mutindu yayi? Kuwa, tata na nge mpe munu beto kena kusosa nge na kiadi ya ngolo."⁴⁹ Yandi tubilaka bawu : "Samuna inki beno kena kusosa munu, beno zaba ve ti mu fuana vuanda na yinzo ya Tata na munu?"⁵⁰ Kansi bavisaka ve yina yandi vuandaka tubila bawu.⁵¹Bosi yandi kuendaka na bawu nzila mosi na Nazaleti, yandi tumamanaka bawu. Mpe mama na yandi vuandaka yangalala na mambu nionso na ntima na yandi. ⁵²Kansi Yesu vuandaka kula na nduenga mpe na nzutu, mpe nlemvo ya Nzambi mpe ya bantu vuandaka na yandi.

3¹Na ntangu ya mvula kumi na tanu ya ntinu Tibere Kayisala, ntangu yina Ponse Pilato vuandaka mfumu ya kinzunga ya Yudea, Elode vuandaka mfumu na Ngalili, Filipi, mpangi na yandi, vuandaka mfumu ya mbanza ya Ituli mpe Takonite, Lisaniasi vuandaka mfumu ya Alibene, ²mpe na ntangu ya banganga ya Nzambi ya mbuta Ane na Kayifa, mambu ya Nzambi kuminaka Yoani, muana ya Zakali, na insi yaku yuma.³Yandi vuandaka tambulaka na kinzunga yina kele pene-pene na nzadi ya Yodani, kulongisa mbotokolo ya kuvilula madiela mpe ngiambudulu ya masumu.⁴Mutindu mesonama na mukanda ya Isaya : "Ndinga ya yiya kena kuboka na insi yaku yuma : beno bongisa nzila ya Nzambi, beno sungika nzila na yandi.⁵Ndimba nionso ke fuluka, myongo nionso ya nene mpe ya fioti ke kita, banzila yaku beba kevuanda yaku bongama, banzila ya mabulu keyinama,⁶ pe, mutu nionso kemona mpulusu yina me katuka na Nzambi.⁷Na yawu, Yoani vuandaka zabisa na batu yina vuandaka katuka na bambaza samuna yandi botika bawu : "Beno bana banioka mbalu, nani mekebisa beno nakutina nganzi yina kena kuiza?⁸Beno monisa mavanga ya mpisulu ya mayele pe beno bika kubanza nakati ya mintima na beno: "Tata na beto nde Abalahami," pamba ve muke na zabisa beno ti Nzambi kena lulendo yaku pesa na Abalahami bana katuka na matadi yayi.⁹Kiubi me kubama deja samuna kuzenga mianzi yaminti. Na yawu, bake zenga inti nionso yina kebuta ve mbutu ya mbote pe bake loza yawu na tiya."¹⁰Na manima, bankangu yuvusaka Yoani : "Nini beto fuana sala?" ¹¹Yandi vutudilaka bawu mutindu yayi : "Bika yina kele na biyunga zole, kabila mosi na yina me kondua, pe yina kele na madia sala mutindu mosi."¹²Bamfutisi ya mpaku bakuizaka samuna babotama mpe bazabisaka yandi : "Nlongi, nini beto fuana sala?" ¹³Yandi vutusilaka bawu : "Beno bika baka mbongo kulutila yina beno fuana baka."¹⁴Bisodi mosi pe yuvusaka yandi : "Bosi beto, nini beto fuana sala?" Yandi tubilaka bawu : "Beno sala ve na kingolo to kutuba mambu ya luvunu samuna mutu. Beno sepela na mbongo yina bake naku futa beno."¹⁵Na ntangu nkangu vuandaka vingila na mpuila nionso ngizulu ya Klisto, mosi na mosi vuandaka kukiyuvusa kana Yoani lendaka vuanda Klisto. ¹⁶Yoani vutusaka na bawu nionso na kutuba : "Munu, muke nabotika beno na maza, kansi mutu kena kuiza, yandi meluta munu na lulendo mpe mu fuana ve naku zibula minsinga ya mapapa na yandi. Yandi kebotika beno na Mpeve ya Nlongo mpe na tiya.¹⁷Yandi kele na kiyungulu na maboko na yandi, samuna kukabula bambuma na matiti mpe kusangisa fufu na kikebolo na yandi. Kansi yandi keyoka matiti na tiya yina ke kufuaka ve.¹⁸Na bansiamusu mingi ya nkaka, Yoani vuandaka samuna nsangu ya mbote na nkangu. ¹⁹Ntangu basembaka Mfumu Elode samuna yandi kuelaka Elodias, nketo ya mpangi na yandi, mpe samuna mambu nionso yina ya nkaka ya yimbi yandi salaka, ²⁰Elode buelaka diambu yayi nazulu ya bibila na yandi : yandi kangaka Yoani na buloko.²¹Ntangu bavuandaka botika nkangu, ya kuizaka salama ti, Yesu pe babotikaka yandi. Na ntangu yandi vuandaka sambila, dizulu zibukaka, ²²mpe Mpeve ya Nlongo kitilaka yandi neti dibembe. Ndinga mosi mpe wakana na dizulu : "Nge kele muana ya munu ya bakala yina muke zolaka, muke yangalalaka na nge."²³Yesu vuandaka na bamvula pene ya makumi na tatu ntangu yandi bandaka kisalu na yandi. Mutindu batu vuandaka ndimina yawu, yandi vuandaka muana ya Josefi, muana ya Eli, ²⁴muana ya Matati, muana ya Levi, muana ya Meleki, muana ya Yanayi, muana ya Yosefi²⁵muana ya Matatia, muana ya Amosi, muana ya Nahumi, muana ya Eseli, muana ya Nangai, ²⁶muana ya Maati, muana ya Matatia, muana ya Semei, muana ya Yoseki, muana ya Yoda,²⁷muana ya Yoanani, muana ya Lesa, muana ya Zolobabeli, muana ya Salateli, muana ya Neli,²⁸ muana ya Meleki, muana ya Adi, muana ya Kisami, muana ya Elemadami, muana ya Eli, ²⁹muana ya Yesu, muana ya Eliezeli, muana ya Yolimi, muana ya Matati, muana ya Levi,³⁰muana ya Simeoni, muana ya Yuda, muana ya Yosefi, muana ya Yonami, muana ya Eliakimi, ³¹muana ya Melia, muana ya Mena, muana ya Matata, muana ya Natami, muana ya Davidi, ³²muana ya Isayi, muana ya Yobedi, muana ya Boazi, muana ya Salai, muana ya Nasoni³³muana ya Aminadabi, muana ya Adamini, muana ya Alani, muana ya Esiloni, muana ya Pelezi, muana ya Yuda,³⁴ muana ya Yakobi, muana ya Isaki, muana ya Abalayami, muana ya Tela, muana ya Naholi, ³⁵muana ya Seluki, muana ya Rewu, muana ya Peleki, muana ya Ebeli, muana ya Sela,³⁶muana ya Kayinani, muana ya Alipasadi, muana ya Semi, muana ya Noa, muana ya Lameki, ³⁷muana ya Matusalemi, muana ya Enoki, muana ya Yaleti, muana ya Mahaleli, muana ya Kayinani,³⁸ muana ya Enosi, muana ya Sete, muana ya Adami, muana ya Nzambi.

4¹Yesu fulukaka na mpeve ya Nlongo pe Andi katukaka ya Yodani. ²Mpeve nataka yandi na insi ya ntoto yaku yuma kuna diabulu tota yandi bilumbu makumi yiya. Yandi kudiaka kima ve na bilumbu yina pe na manima ya tangu yina, yandi monaka nsatu ya madia.³Diabulu me tubila yandi : "Kana nge kele Muana ya nzambi, zabisa na ditadi yayi na kukituka dipa." ⁴Yesu vutudilaka yandi, yasonamaka : "Mutu ke zingila kaka na dipa ve."⁵Pe diabulu nataka Yesu na kifulu mosi ya kuzangama. Yandi memonisa yandi bimfumu nionso ya ntoto na tangu ya kufi. ⁶Diabulu me tubila yandi : "Muke pesa nge kimfumu nionso yayi pe minkembo na bawu pamba ve yakele ya munu pe muke pesaka yawu na yina muzola. ⁷Na yawu, muke pesa nge yawu kana nge me bwongimina munu.⁸Kasi Yesu me vutudila yandi, yamesonama : "Nge fuana bwongimina Nzambi kaka pe kusadila yandi"⁹Na manima diabulu nataka Yesu na kisika me luta yaku zangama na yinzo ya Nzambi ya Yelusalemi. Yandi me zabisa yandi : "Kana nge kele Muana ya Nzambi, kukiloza kuna na insi. ¹⁰Samu yamesonama : "Yandi ke tinda bambasi na yandi samuna kutanina nge. ¹¹Pe bakesimba nge na maboko samuna nge tuta ata ditadi mosi ve."¹²Yesu vutudilaka yandi, yamesonama : "Nge lenda ve tota Mfumu Nzambi na nge." ¹³Tangu diabulu manisaka kutota Yesu, yandi tatukaka na yandi samuna kuvingila tangu yankaka.¹⁴Na manima na yawu, Yesu vutukaka na Ngalili, yakufuluka na lulendo ya Mpeve. Nsangu na yandi muanganaka na kinzunga nionso. ¹⁵Yandi kumaka kulonga na bayinzo na bau ya tukutukunu pe batu nionso vuandaka sepela na yandi.¹⁶Tangu yandi kuendaka na Nazaleti, mbaza yandi yundukilaka, yandi kotaka na yinzo ya tukutukunu, kilumbu ya sabala mutindu vuandaka kifu na yandi. Yandi telamaka samuna kutana mambu ya Nzambi na ndinga ya nene. ¹⁷Bapesaka yandi mukanda ya mbikudi Ezayi. Tangu yandi me zibula, yandi monaka mambu yayi :¹⁸"Mpeve ya nlongo kele na munu samuna yandi me sola munu naku samuna nsangu ya mbote na bamputu. Yandi me tinda munu naku samuna pulusu na batu yaku kangama pe kuzibula meso ya bampofo. Yandi me tinda munu samuna kusadisa batu ya pasi ¹⁹pe naku samuna mvula ya nlemvo ya Nzambe."²⁰Yandi kangaka mukanda, yandi vutulaka yawu na kisadi yina pesaka yandi pe yandi me vuanda. Batu nionso vuandaka tala yandi. ²¹Bosi yandi me banda zabisa bawu : "Mambu yayi beno me kuwa mekokisama bubu." ²²Bawu nionso vuandaka minbangi ya mambu yandi tubaka pe bavuandaka yitukua na bapova ya nduenga yandi vuandaka tuba. Batu vuandaka tuba : "Yandi yayi ve muana ya Josefe?"²³Pe yandi tubilaka bawu : "Yakedika beno ke tubila munu dingana yayi, 'Munganga, kukibuka nge mosi. Sala awa na buala nge butukilaka, nionso yina beto mekuwa nge salaka na Kapernawumi."²⁴ Yandi zabisaka bawu diaka : "Na kedika, mukena tubila beno, mbikudi mosi ve kevuandaka na yenge na mbanza na yandi.²⁵Nakedika mukena kuzabisa beno : bafola vuandaka mingi na Isaeli na tangu ya mbikudi Eliya, mvula nokaka ve bamvula tatu na ngonda sambanu pe buala ya mvimba vuandaka na nsatu mingi. ²⁶Kasi Eliya tindamaka ata na difola mosi ve, kaka na difola ya buala Sarepta na Sidon. ²⁷Pe batu mingi vuandaka na kimbemvo ya buazi na Isaeli na tangu ya mbikudi Eliza, kasi mosi ve bakaka ndiakusu, kaka Naamani mutu ya Siri.²⁸Tangu bakuwaka mambu yina, batu nionso vuandaka na kati ya yinzo ya tukutukunu fuemaka mingi. ²⁹Batelamaka, bafukusaka yandi na nganda ya mbanza pe banataka yandi ti na nsongi ya mongo batungilaka mbanza samuna kuloza yandi na ndimba. ³⁰Kasi Yesu lukata na kati ya bawu pe yandi kuendaka na kifulu yankaka.³¹Yandi kuendaka na Kapernawumi, mbanza ya Ngalili, pe yandi vuandaka longa bawu na yina metala kilumbu ya sabala. ³²Bavuandaka yitukua na malongi na yandi samu yandi vuandaka tuba na lulendo.³³Mutu mosi na yinzo ya tukutukunu vuandaka na mpeve ya yimbi ya kusumuka. Yandi bokaka na ndinga ya ngolo : ³⁴"Ah! Inki diambu beto mesala nge, Yesu ya Nazaleti? Nge mekuiza kubunga beto? Munu mezaba nani nge kele : Mutu ya Nlongo ya Nzambi"³⁵Yesu sembaka mpeve ya yimbi pe yandi tubaka : "Kanga yinua pe bima na nzutu ya mutu yayi." Mpeve ya yimbi lozaka mutu yina na ntoto na meso na bawu; yandi bimaka na nzutu na yandi pe yandi salaka yandi ata pasi mosi ve. ³⁶Batu nionso vuandaka yaku yitukua pe bavuandaka tubila yawu tangu nionso bawu na bawu. Bavuandaka tuba : "Inki bapova yayi ? Yandi kena pesa ntumu na bampeve ya yimbi na lulendo nionso pe bakena kubima." ³⁷Na pidina, nsangu ya Yesu muanganaka na bifulu nionso ya kinzunga yina.³⁸Bosi Yesu katukaka na yinzo ya tukutukunu pe kuendaka kota na yinzo ya Simoni. Nzitu ya Simoni ya nketo vuandaka na yuku-yuku (banzangala) ya ngolo. Balombaka Yesu naku sadisa yandi. ³⁹Yandi pusanaka pene-pene na yandi. Yandi pesaka ntumu na yuku-yuku ya bima na nzutu na yandi pe yabimaka. Kaka na tangu yina, nketo yina telamaka pe bandaka kusadila bawu.⁴⁰Na kokila, batu nataka na Yesu bayina vuandaka na bambevo ya mutindu na mutindu. Yandi tulaka bawu maboko pe yandi niakisaka bawu. ⁴¹Bampeve ya yimbi pe vuandaka bima na nzutu ya batu mingi kati na bawu pe bavuandaka boka : "Nge ikele Muana ya Nzambi!" Yesu sembaka ba mpeve ya yimbi pe pesaka bawu ve nzila yakutuba samu bazabaka ti yandi vuandaka Klisto.⁴²Tangu buisi mekukia, Yesu bimaka pe kuendaka na kifulu mosi ya ntoto yaku yuma. Bankangu ya batu sosaka yandi pe bakuizaka na kifulu yandi vuandaka. Bazolaka kakidila yandi naku kuenda na kifulu yankaka. ⁴³Kasi yandi zabisaka bawu : "Mu fuana pe samuna nsamu ya mbote ya kimfumu ya Nzambi na bambanza yankaka, pamba ve yawu nde batindilaka munu awa." ⁴⁴Pe, yandi tatamanaka kulongisa na bayinzo ya tukutukunu na buala ya Yudeya.

5¹Yakumaka tangu mosi, nkangu kuizaka zungidila Yesu samuna kuwa mambu ya Nzambi na disimu ya dizanga ya Ngenezaleti. ²Babuatu zole vuandaka vana ya mintambi ya bambizi, bavuandaka sukula makonde. ³Yesu kotaka na buatu mosi, yina ya Simoni, yandi lombaka kupusana fioti na kati ya maza, pe yandi longaka nkangu.⁴Na tangu yandi manisaka kutuba, yandi zabisaka na Simoni : "Pusana sika maza kele mpinda pe loza makonde samuna kuloba mbizi." ⁵Simoni vutulaka na kutuba : "Nlongi, beto me sala mpimpa ya mvimba, beto mebaka kima ve. Kansi na mpova nange, muke loza makonde." ⁶Basalaka yawu pe babakaka bambizi mingi, nkutu makonde nabawu vuandaka kupasuka. ⁷Balombaka lusadusu na bankundi nabawu vuandaka na nlungu yankaka, bakuizaka mpe bafulusaka babuatu nionso zole na bambizi pe yabandaka nakudinda.⁸Na ntangu Simoni Petelo monaka mambu yina, yandi fukamaka na ntadisi ya Yesu mpe yandi tubaka : "katuka pene-pene na munu, Mfumu, samu mukele nsumuki." ⁹Yandi yitukaka na bayina vuandaka na yandi samuna bambizi balobaka. ¹⁰Bavuanda Zaki, Yoani, bana ya Zebedayi, bawu nionso mintambi ya bambizi, kintuadi na Simoni. Bosi Yesu tubaka na Simoni : "Kuvuanda na wonga ve, pamba ve muke kumisa nge lobi ya batu." ¹¹Ntangu bamebimisa babuatu na maza, babikaka nionso mpe balandaka yandi.¹²Yesu vuandaka na mosi ya bambaza yayi mpe kuna vuandaka na mutu mosi na kimbevo ya buazi. Ntangu yandi monaka Yesu, yandi fukamaka yintu na ntoto mpe salaka lusambulu yayi : "Mfumu, kana nge mezola yawu, nge lenda vedisa munu." ¹³Yesu lambulaka diboko, simbaka yandi mpe yandi tubaka : "Me zola yawu, vedila." Na mbala mosi, buazi me katuka na yandi.¹⁴Yesu pesaka yandi ntumu yaku zabisa kima mosi ve na mutu. Yandi zabisaka yandi : "Kuenda kukimonikisa na banganga ya Nzambi, mpe pesa minkayilu ya kuvedila bonso Mose sonikaka yawu, yake vuanda kimbangi samuna bawu."¹⁵Bavuandaka kutubila yandi mingi, bankangu ya batu bandaka kukutakana samuna kuwa yandi mpe kuniakusua na bimbevo na bawu. ¹⁶Kansi yandi vuandaka kuvengama na bifulu ya ntoto yaku yuma samuna kusambila.¹⁷Mosi na bilumbu yina, yandi vuandaka longa. Bafalisi na banlongi ya minsiku bavuandaka, bakatukaka na babuala nionso ya Ngalili, Yuda mpe Yelusalemi; lulendo ya Nzambi vuandaka sala kati na yandi samuna kuniakisa bambevo.¹⁸Bosi, babakala mosi kuizaka na mutu mosi yakuvanguka banataka na zulu ya nkuala; bavuandaka na nsatu ya kukotisa mpe kutula yandi na ntadisi na yandi. ¹⁹Awa bamonaka ve nzila yakukotisila yandi samuna batu vuandaka mingi, banangunaka yandi na nludi sika batobulaka mpe bakulumunaka yandi na nkuala na yandi sika Yesu vuandaka, na kati kati ya batu.²⁰Awa yandi monaka kiminu na bawu, yandi me tuba : "Tata, masumu nanga me yambudulua." Bafalisi na minsoniki bandaka kuvunguta : "Nani mutu yayi kena kufinga Nzambi? ²¹Nani lenda lemvukila masumu kana Nzambi kaka ve?"²²Kansi Yesu, awa yandi zabaka mabanza na bawu, yandi yuvusaka bawu : "Samuna nini beno kena kuyuvusa biuvu yayi ya yimbi na mintima na beno? ²³Nini me luta pasi, na kutuba "Masumu na nge me yambudulua" to ya kutuba "Telama mpe tambula?" ²⁴Na yawu, samu beno zaba ti Muana ya Nzambi kele na kimfumu awa na ntoto ya kulemvukila masumu, muke nakuzabisa nge : "Telama, baka mfulu na nge mpe vutuka na yinzo na nge."²⁵Na mbala mosi, mutu yina telama na nkuala na yandi na ntadisi na bawu mpe vutukaka na yinzo na yandi naku nkembisaka Nzambi. ²⁶Batu nionso yitukaka mpe nkembisaka Nzambi, bavuminaka yandi, mpe bavuandaka tuba : "Bubu beto memona mambu ya ngitukulu."²⁷Na manima na yawu, Yesu bimaka mpe monaka mfutisi ya mpaku mosi na nkumbu ya Levi yaku vuanda na yinzo ya mpaku. Yandi mezabisa yandi : "Landa munu." ²⁸Levi bikaka nionso, yandi metelama mpe mebanda kulanda yandi.²⁹Levi sadilaka Yesu nkinzi ya nene na yinzo na yandi, nkangu ya nene vuandaka kuna, bamfutisi ya mpaku mpe batu yankaka vuandaka lutisa ntangu ya mbote na meza na kudia kintuadi na bawu. ³⁰Bafalisi na minsoniki vuandaka vunguta mpe batubaka na banlonguki na yandi : "Samuna nini beno kena kudia mpe kunua kintuadi na bamfutisi ya mpaku mpe na basumuki?" ³¹Yesu vutulaka mpe zabisaka bawu : "Yake batu ya mavimpi ve kevuandaka na nsatu ya munganga, kansi bambevo. ³²Mukuizaka bokila batu ya lunungu ve, kansi basumuki samuna baviluka."³³Bazabisaka yandi : "Bambala mingi banlonguki ya Yoani ke minaka nsoki mpe bake sambilaka, na banlonguki ya Bafalisi mpe; nzoka nde bayina yange bakena kudia mpe kunua." ³⁴Yesu zabisaka bawu : " Beno lenda minisa nsoki bankundi ya nkuedi na ntangu bake na yandi kintuadi? ³⁵Bilumbu kekuiza yina nkuedi kevuanda diaka na bawu ve, na bantangu yina, bake mina nsoki."³⁶Yesu tubilaka diaka bawu kingana yayi : "Mutu mosi ve kebaka kitendi ya kinkutu ya yimpa samuna kutunga nlele ya ntama. Kana yandi mesala yawu, yandi kepasula yina ya yimpa, mpe kintendi yayi ya yimpa ke kuelana ve na nlele ya ntama.³⁷Pe, mutu mosi ve lenda tula vinu ya yimpa na bisangala ya ntama; vinu ya yimpa kepasula bisangala, vinu kemuangana mpe bisangala kebeba. ³⁸Na yawu, yame fuana naku tula vinu ya yimpa na bisangala ya yimpa. ³⁹Pe, mutu mosi ve na manima ya kunua vinu ya ntama, kezola diaka kunua yina ya yimpa, samu yandi ketuba : "Ya ntama melutisa mbote."

6¹Kilumbu mosi ya Sabala, Yesu vuandaka luta na bilanga mpe minlonguki na yandi vuandaka katula matiti ya masangu, na manima yakunika yawu na maboko na bawu, bavuandaka kudia yawu. ²Kasi ndambu ya bafalasi tubaka : "Samuna nini beno kena sala yina bame pekisa kilumbu ya Sabala?"³Yesu vutudilaka bawu : "Beno tangaka ve yina salaka Davidi ntangu yandi monaka nsatu, yandi na bankudi na yandi? ⁴Yandi kotaka na yinzo ya Nzambi, bakaka mapa ya minkayilu, yandi kudiaka yawu pe yandi pesaka na bankudi na yandi. Nzoka mutu mosi ve kele na insua ya kudia mapa yina kaka banganga Nzambi."⁵ Yandi tubilaka bawu : "Muana ya mutu kele mfumu ya Sabala."⁶Kilumbu ya nkaka ya Sabala, Yesu kotaka na yinzo ya tukutukunu mpe kuna yandi longaka batu. Mutu mosi vuandaka vana na diboko ya lubakala yaku lebakana. ⁷Minsonuki na bafalisi vuandaka tadidila Yesu samuna kutala kana yandi ke niakisa mutu kilumbu ya Sabala, samuna kubaka kibila bake fundila yandi. ⁸Lokola yandi zabaka mabanza na bawu, yandi tubaka na mutu ya diboko yaku lebakana : "Telama vana na ntadisi ya batu nionso." Mpe mutu yina telemaka vana.⁹Yesu me tubila bawu : "Mukena kuyuvusa beno kana luve kele ya kusala diambu ya mbote kilumbu ya Sabala to kusala diambu ya yimbi, yaku vulusa moyo to ya kuzimbisa yawu?" ¹⁰Yandi vuandaka tala bawu nionso, yandi tubilaka mutu yina : "Lambula diboko na nge." Yandi salaka yawu mpe diboko na yangi belukaka. ¹¹Bafulukaka na nganzi, bavuandaka bindasana mpaka samuna kuzaba nini balendaka sala Yesu.¹²Ya kumaka na bilumbu yina Yesu kuendaka na mongo samuna kusambila mpe yandi lutisaka mpimpa ya mvimba naku sambila Nzambi. ¹³Ntangu buisi kukuika, yandi bokilaka minlonguki na yandi mpe yandi solaka kati na bawu kumi na zole, na bayina yandi pesaka nkumbu ya bantumua.¹⁴Ba nkumbu ya bantumua vuandaka Simoni, na yina yandi pesaka nkumbu ya Petelo, Andele, mpangi na yandi, Yakobi, Yoane, Batelemai, ¹⁵Matai, Toma, Yakobi, muana ya Alafai, Simoni, yina bavuandaka bokila Zelote, ¹⁶Yuda, muana ya Yakobi, mpe Yuda Iskalioti yina kumaka yekudi.¹⁷Na manima Yesu kitaka mongo kintuadi na bawu mpe yandi telamaka na kifulu yaku lendumuka. Nkangu ya nene ya minlonguki na yandi vuandaka vana, na kifunda ya nene ya batu ya Yudea, ya Yelusalemi mpe ya ndambu ya nkaka ya maza ya Tir na Sidoni. ¹⁸Bakuizaka samuna kuwa yandi mpe kuniakusua na bimbevo na bawu. Ba yina tungisamaka na mpeve ya yimbi niakusuaka mpe. ¹⁹Nkangu nionso vuandaka sosa naku simba yandi samu ti lulendo mosi vuandaka bimina na yandi samuna kuniakisa bawu nionso.²⁰Yandi talaka minlonguki na yandi mpe yandi me tuba : "Mayangi, na beno yina kele mputu, kimfumu ya Nzambi kele ya beno. ²¹Mayangi, na beno kena kufua nsatu na ntangu yayi, beno ke yukuta. Mayangi, na beno kena kudila bubu, beno ke seka.²²Mayangi na beno ntangu batu ke yina beno, ntangu bake loza beno, bake finga beno mpe bake sonika nkumbu na beno yimbi, samuna Muana ya mutu. ²³Beno yangalala na kilumbu yina mpe beno dumuka na kiese, pamba ve, nsendo na beno ke vuanda ya nene na mazulu. Samu ti, bakulu na bawu bavuandaka sala bambikudi mutindu yina.²⁴Kansi engua beno bamvuama! Pamba ve beno mebaka deja mbombolo. ²⁵Engua na beno kele yaku fuluka ntangu yayi! Beno ke kufua nsatu na ntangu ke kuiza. Engua na beno kena kuseka ntangu yayi! Pamba ve beno kedila ntangu ke kuiza.²⁶Beno kele batu ya kiadi ntangu batu nionso kena kutuba mambote samuna beno ntangu nionso! Pamba ve, mutindu yina nde bakulu na bawu vuandaka sala bambikudi ya luvunu.²⁷Kansi mu kena kutuba na beno kena kuwa munu, 'Beno zola mintatu na beno, beno sala mambote na bayina ke yinaka beno, ²⁸beno sakumuna bayina ke singaka beno, beno sambidila bayina ke monisaka beno mpasi.²⁹Mutu meka bula nge na ditama mosi, pesa yandi mpe yina ya nkaka. Mutu meka vuakula kiyunga na nge, kupekisa yandi ve naku baka mpe kinkutu nange.³⁰ Pesa na nkoso mutu ke lomba nge. Mutu meka baka kima yina yange, kulomba yandi ve naku vutudila nge yawu.³¹Yina beno zola ba yankaka sadila beno, beno sala mutindu mosi samuna bawu. ³²Kana beno kena kuzola kaka bayina ke zolaka beno, inki mfutu beno kena kubaka? Pamba ve, batu ya masumu mpe bake zolaka bayina ke zolaka bawu. ³³Kana beno kena kusala mambote kaka na bayina kena kusala beno mambote, inki mfutu beno kena kubaka? Pamba ve, batu ya masumu kesalaka mutindu yina. ³⁴Kana beno kena kudeviza kaka na bayina kele na zila yaku vutudila beno, inki mfutu beno kena kubaka? Ata batu ya masumu bake devizaka na batu ya masumu mpe bake vingila bavutudila bawu mbongo yina bame devisa.³⁵Kansi, beno zola mintatu na beno, beno sala bawu mambote. Beno devisa, mpe beno vuanda na mayindu ve bavutudila beno yawu; nsendo na beno kevuanda ya nene. Beno ke vuanda bana ya Nkua kayengele, pamba ve, yandi kele, yandi mosi, mbote na mintondudi mpe batu ya yimbi. ³⁶Beno vuanda na nkenda mutindu tata na beno kele na nkenda.³⁷Beno bika zengila mutu nkanu mpe bake zengila beno nkanu ve. Beno bika semba mpe bake semba beno ve. Beno lemvukila ba yankaka mpe bake lemvukila beno.³⁸Beno pesa na ba yankaka mpe bake pesa beno. Bake dukula na nsongi ya nlele na beno kitezo ya mbote (yaku fuana, yina bame toma ningisa mpe yaku fuluka). Pamba ve, bake teza beno na kitezolo yina beno ke tezila bayankaka.³⁹Yandi tubilaka bawu mpe dingana mosi : "Mpofo lenda tuadisa mpofo ya nkaka? Yandi meka sala yawu, bawu zole ke kubua ve na dibulu? ⁴⁰Nlonguki me luta mfumu na yandi ve, kansi nlonguki nionso yina kele yaku kubukua mbote, kevuanda bonso nlongi na yangi.⁴¹Samuna nini nge kena kutala dititi ya fioti yina kele na disu ya mpangi na nge, mpe nge kena kumona ve kuni yina kele na disu na nge? ⁴²Wapi mutindu nge lenda tuba na mpangi na nge, "Mpangi, vingila mukatusa dititi kele na disu na nge" kana nge, nge kena kumona ve kuni yina kele na disu na nge? Mutu ya disu na insi ya lukaya, katula tete kuni na disu na nge, bosi nge ke mona mutindu nini kukatula dititi kele na disu ya mpangi na nge.⁴³Inti mosi ve ya mbote kebutaka mbuma ya yimbi, inti pe mosi ve ya yimbi kebutaka mbuma ya mbote. ⁴⁴Koso inti kezabanaka na mbuma yina ya yandi. Bake bukaka ve bambuma ya fige na bansende mpe bake vandaka ve minfilu na bansende.⁴⁵Mutu ya mbote kebimisaka mambu ya mbote ke katukaka na kimvuama ya mbote ya ntima na yandi, mpe mutu ya yimbi kebimisaka mambu ya yimbi kekatukaka na kimvuama ya yimbi ya ntima na yandi. Pamba ve, yina mefuluka na ntima ya mutu nde inua ketubaka.⁴⁶Samuna nini beno kena kubokila munu : "Mfumu, Mfumu," mpe beno kena kusala ve yina mukena tuba. ⁴⁷Mukena monisa beno na nani mekokana mutu nionso yina me kuiza na munu, me kuwa mambu na munu, me sadila yawu. ⁴⁸Yandi me fuanana na mutu mosi, awa yandi kena kutunga yinzo, yandi me timuna na mpinda mpe yandi me tunga na dibanga. Maza ya mvula me kuiza mpe ditembo me buila yinzo yina, yanunga ve naku buisa yawu samu ti yatungamaka mbote.⁴⁹Kansi yina kena kuwa mambu na munu mpe kena kusadila yawu ve, yandi me fuanana na yina me tunga yinzo na yandi na ntoto, lufulu kele ve. Ntangu ditembo me kubua na yinzo yina, yame tumu tuluka, mpe kubeba na yawu vuandaka ya nene.

¹Ntangu Yesu manisaka kutuba na bayina vuandaka kuwa yandi, yandi kotaka na Kapenaumi.²Tala, mfumu mosi ya basoda vuandaka na kisadi n'andi yina yandi vuandaka zola mingi mpe yandi zolaka kufua samuna kimbevo. ³Ntangu mfumu yayi kuwaka nsangu ya Yesu, Yandi tinaka bakuluntu ya bayuda samuna kulomba Yesu kuenda belusa kisadi n'andi. ⁴Kukuma kaka pene na Yesu, babombidilaka yandi na kutuba ti:" Ya me fuana ti nge sadila yandi yau, ⁵samu yandi ke zolaka yinsi na beto mpe yadi tungilaka beto yinzo yayi ya lukutukunu".⁶Na yau, Yesu tatamanaka nzila n'andi na bau. ntangu yandi kumaka pene pene ya yinzo, mfumu ya basoda tindaka baninga n'andi samu bazabisa yandi ti:" Mfumu, kudimonisa mpasi ve, samu mu kele ya kukuka ve ti nge kota na yinzo ya munu. ⁷Yau yina mu monaka ti mu lenda kuiza ve kisika nge yikele. Kansi tuba kaka ata diambu mosi, mpe kisadi na munu ke beluka. ⁸Samu munu diaka, mu kele na yinsi ya kimfumu, na basoda yina mu ke tindaka. Me tuba na yayi:" kuenda" mpe yandi me tumama; na ya nkaka:" kuiza" mpe yandi me kuiza; na kisadi na munu:" sala yayi" mpe yandi me sala".⁹Ntangu Yesu kuwaka mambu yayi, yandi yitukaka na mambu'ango, mpe yandi talaka nkangu vuandaka landa yandi, me tuba:" me zabisa beno, ata na Isaeli mu mona muntu na lukuikilu ya mutindu yayi ve". ¹⁰Ntangu bantu yana batindaka vutukaka na yinzo, bakutaka yandi na nzutu ya mbote.¹¹Na manima ya ntangu, Yesu kuendaka na mbanza mosi ke na nkumbu ya Naina, minlonguki n'andi mpe nkangu ya n'nene kuendaka na yandi. ¹²Lukufi na kielo ya mbanza, tala, ba vuandaka nata muntu ya kufua, muana kaka mosi ya mama n'andi(yandi vuandaka difola), nkangu ya m'funu yambanza yina landaka yandi. ¹³Na kumona yandi, Mfumu vuandaka na kiadi mingi samuna yandi mpe me zabisa yandi:" Kudila ve". ¹⁴Bosi yandi me pusana penpene me simba nkela vuandaka natunua nzutu, bayina vuandaka nata yau telemaka, mpe tuba:" Ntuenia ya bakala me zabisa nge, telema". ¹⁵Muntu ya kufua me vuanda mpe banda kutuba. Bosi Yesu me vutula yandi na mama n'andi.¹⁶Na yau bantu nionso simbamaka na wonga, mpe pesaka nkembo na Nzambi na kutubaka ti:" Mbikudi mosi ya n'nene me tedumusua kati na beto mpe Nzambi buminaka nkangu n'andi". ¹⁷Nsangu yina samuna Yesu muanganaka na Yudeo nionso mpe na bizunga ya penepene.¹⁸Banlongoki ya Yoani zabisaka yandi mambu nionso. ¹⁹Bosi Yoani bokilaka banlongoki n'andi zole mpe tindaka bau kuyuvula Mfumu:" Nge kele yina me kuiza to beto vingila yankaka e? ²⁰Ntangu bakumaka penepene ya Yesu, bantu'ango tubaka:" Yoani Mbotiki me tinda beto na nge beto yuvula:" nga nge ke kuiza to beto fuana vingila yankaka e?".²¹Na ntangu yina,Yesu belusaka bantu mingi vuandaka na bimbevo, bantima ya kuluala mpe bampeve ya yimbi, mpe bampofo monaka. ²²Yandi vutulaka mpe tubaka:" Ntangu beno ke kuenda, beno zabisa na Yoani yina beno me mona mpe beno me kuwa. Bampofo me mona, makoka me tambula(diata), bantu ya buazi me vedusua, ya kufua makutu me kuwa, mafua me fuluka, mpe Nsangu ya Mbote me longua na bamputu. ²³Yandi sakumunua muntu yina ke tatamana ku kuikila samuna bisalu ya munu".²⁴Ntangu bantumua ya Yoani kuendaka, Yesu bandaka kuzabisa minkangu na yina me tala Yoani:" nini beno kuendaka tala na makanga e? Disoso kene kuningana na mupepe e? ²⁵Na yau, nini beno kuendaka tala e? Muntu me vuata bilele ya ntalu e? kansi bayina me vuata bilele ya kitoko mpe ke zingaka luzingu ya mbote kele na bayinzo ya bamfumu. ²⁶Na yau nini kuandi beno kuendaka tale e? Mbikudi e? Inga, mu kena kutubila beno, mpe yandi me lutila mbikudi.²⁷Tala yandi yayi mikanda soniminaka:" tala me tinda na ntuala nge yina ke kubika nzila ya nge. ²⁸Mu kena kutubila beno, na kati ya bantu yina me butuka na nkento, mosi ve kele nkuluntu kana Yoani ve. Na yau fimuana muana(kindende) na kimfumu ya Nzambi kele nkuluntu kuluta yandi".²⁹Ntangu nkangu nionso kuwaka yandi mpe bafutisi mpaku, bau tubaka ti Nzambi kele lunungu, na kubotukuaka mbotokolo ya Yoani. ³⁰Kansi bafalisayi mpe minlongi ya nsiku ya Bayuda mabanza ya Nzambi ve samuna bau samu babakaka mbotokolo ya Yoani ve.³¹Na nini mu lenda fuanikisa bantu ya mbandu yayi e? Na nini ba me fuanana e? ³²Ba me fuanana na bimbanambana kena kusakana na kisika ya bantu nionso, yina me vuanda mpe kena kutubasana bayayi na bayankaka na kutubaka ti:" Beto budilaka beno pitulu kansi beno kina ve. Beto yimbilaka muyimbu ya mafua, kansi beno dila ve"³³Samu Yoani Mbotiki kuizaka, yandi vuandaka kudia dimpa ve, mpe yandi vuandaka kunua vinia ve, mpe beno me tuba:" Yandi kele na mpeve ya yimbi". ³⁴Muana ya Muntu me kuiza, yandi kena kudia mpe ku nua,beno kena kutuba:" yandi ke kudiaka mingi mpe ku nuaka mingi,(nduvu), nkundi ya bafutisi mpaku mpe ya basumuki. ³⁵Kans nduenga me zabakana na bana nionso".³⁶Tala mosi ya bafalisi bokilaka Yesu samu bakudia na yandi. Ntangu yandi kotaka na yinzo ya nfalisi bosi me vuanda na meza, ³⁷nkento mosi musumuki ya mbanza yina kuwaka ti Yesu kele na yinzo ya falisi, yandi kotaka na mbala mosi. Yandi nataka ntutu mosi ya malasi ya nsunga. ³⁸Lokola yandi vuandaka na manima na yandi, penepene ya makulu n'andi, yandi bandaka kusukula makulu ya Yesu na mansanga n'andi mpe yandi pangusaka yau na bansuki n'andi, me fiba yau mpe me tiamunina yau malasi.³⁹Na ntangu, nfalisi yina bokilaka Yesu monaka yau, yandi kena kutuba kati na yandi mosi:" Kana muntu yayi vuandaka mbikudi yandi zolaka zaba nani yandi ikele nkento yayi kena kusimba yandi, mpe yandi kele musumuki". ⁴⁰Yesu bakaka mpova mpe me tuba:" Simoni, muke na diambu ya kuzabisa nge". Yandi vutusaka:" Nlongi, tuba".⁴¹Yesu tubaka:" Muntu mosi devisaka bantu zole mbongo. Ya ntete fuana pesa yandi nkama ya talanta, ya nkaka makumi tanu. ⁴²Lokola bau lendaka ve kufuta mfuk'ango, yandi lemvukilaka bau zole. Na yau, kati na bau zole nani nge ke luta zola e?". ⁴³Simoni vutusaka mpe tubaka:" Mu banza yina balemvukilaka mfuka ya n'nene". Yesu tubilak'andi:" Nge me tuba mbote".⁴⁴Bosi Yesu balukaka sika ya nkento, mpe tubaka na Simoni:" Nge kena kumona nkento yayi, mu kotaka na yinzo ya nge, nge tiamuninaka munu maza na makulu ve, kansi yandi sukulaka makulu na munu na mansangaza n'andi, mpe yandi kusunaka yau na bansuki n'andi. ⁴⁵Nge pesaka munu beze(bipuepue) ve, kansi yandi banda yandi kuizilaka yandi kena kulemba ve na kufuka(kuzipa)munu makulu na babeze(bipuepue)⁴⁶Nge kusaka munu mafuta ve na yintu, kansi yandi kusaka malasi na makulu na munu. ⁴⁷Yau yina mu kena kuzabisa nge, masumu n'andi mingi me lemvukulua, samu yandi me monisa nzola mingi. Kansi yina me lemvukulua fioti ke zolaka fioti".⁴⁸Yandi me tubil'andi diaka:" Masums na nge me lemvukulua". ⁴⁹Bayina vuandaka na meza na yandi vuandaka tuba kati na bau mosi:" Nani kele muntu yayi ke kuma tii na kulemvukila masumu e". ⁵⁰Kansi Yesu tubaka na nkento:" Lukuikilu na nge me vuluza nge, kuenda na luvuvamu".

8¹Na manima na yawu Yesu vuandaka kuenda na ba mbanza pe ba buala, kulonga pe samuna nsamu ya mbote ya kimfumu ya Nzambi. Kumi na zole vuandaka na yandi ²na bankento yina yandi niakisaka na bampeve ya yimbi pe na bimbevo. Maliya, yina bake bokilaka Madelene, yina ba bimisaka ba mpeve nsambodia ya yimbi, ³Yoane nkento ya Kuza, kisadi ya Elode, na Sazana, pe bankento mingi ya nkaka yina vuandaka sadisa bawu na bima na bawu.⁴Na ntangu makabu mingi ya batu vuandaka kuiza kifulu yandi vuandaka, batu ya ba mbanza ya mutindu na mutindu vuandaka kuiza na yandi, yandi telaka bawu kingana : ⁵"Nkuni mosi kuendaka kuna, na ntangu yandi vuandaka kuna, mbongo ya nkaka kubuaka na pembeni ya nzila, bandeke dodaka yawu, ⁶ya nkaka kubuaka na zulu ya mabanga, ya me mena nkansi ntangu muini kumaka ngolo, ya yumaka,⁷yankaka kubuaka na bansende, bansende me mena mpe yame fietukusua. ⁸Bosi ya nkaka me kubua na ntoto ya mbote mpe yame buta ba mbutu mingi. Na manima ya kutuba mambu yina, yandi me boka na ndinga ya ngolo : yandi yina kele na makutu yandi kuwa.⁹Na yau ba minlonguki na yandi yuvusaka mbangudulu ya kingana yina. ¹⁰Yandi me zabisa bawu : "Yame pesama na beno na kuzaba mansueki ya kimfumu ya Nzambi kansi na ba yankaka, na ba ngana samuti ata bakena kutala bamona ve, kana bame kuwa bavisa ve.¹¹Tala yina kena kutuba kingana, mbongo ya kele mambu ya Nzambi, ¹²yina me kubua na pembeni ya nzila ya kele bayina ke kuwaka mambu ya Nzambi kasi Satana me kuiza katusa yawu. ¹³Yina kubuaka na mabanga, yakele bayina kena kulandakana mambu ya Nzambi na kiese, kansi na mua ntangu fioti, ntangu ntotolo mekuiza ba mebika bawu.¹⁴Yina kubuaka na ba nsende, ya kele bayina me kuwa mabu ya Nzambi kasi ba mpasi, kimvuama mpe mayindu ya luzingu, bambutu ya yela ve. ¹⁵Kansi yina kubuaka na ntoto ya mbote, ya kele bayina mekuwa mambu ya Nzambi na ntima ya mbote mpe bame lunda yawu, bake buta bambutu mpe kutatamana.¹⁶Tala, mutu mosi ve kepedisa muinda samuna kutula yawu na katini to na insi ya mfulu. Kansi yandi ke tula yawu na kifulu baketulaka muinda samuna kukienzula batu nionso. ¹⁷Samu ti diambu mosi ve ya kusuama yina ke zabakana ve, diambu mosi ve ya nsueki yina ke monika ve na kiya. ¹⁸Beno toma kuwa, samu ti bake toma pesa na yandi yina kena kima, kasi yandi yina kele na yau ve, bake katula yina kele na yandi.¹⁹Na manina na yawu, mama na yandi mpe bampangi na yandi kuizaka na yandi kansi banungaka ve samu ti batu vuandaka mingi. ²⁰Ba me zabisa yandi : " Mama na nge mpe bampangi bakele na nganda, bazola kumona nge." ²¹Yesu me vutusa na bawu : "Mama na munu mpe bampangi na munu yakele bayina ke kuwaka mambu ya Nzambi mpe kesadila yawu."²²Kilumbu mosi Yesu mekota na nlungu kintuadi na minlonguki na yandi, yandi me zabisa bawu : "Beto zengisa na disimu yankaka ya maza." Bame banda kunata nlungu. ²³Na ntangu bavuandaka nata nlungu, Yesu me leka. Kitembo ya ngolo kuizaka kubua na maza mpe nlungu na bawu vuandaka fuluka na maza mpe bamonaka wonga.²⁴Na yawu minlonguki na Yesu pusanaka na yandi mpe balamusaka yandi na kutuba : "Nlongi, nlongi! Beto kena kufua." Yandi lamukaka, sembaka mupepe mpe nganzi ya maza manisaka mpe luvovomo kotaka. ²⁵Bosi yandi tubaka na bawu : "Wapi kiminu na beno?" Wonga builaka bawu mpe kuyituka, bame banda kutuba bawu na bawu : "Yandi yayi nani yandi kele, yandi kena kutinda mupepe mpe maza mpe yakena kutumamana yandi?"²⁶Bakumaka na insi ya Ngalasa yina me talana na Ngalili. ²⁷Na ntangu bakitaka na nlungu, mutu mosi ya mbanza vuandaka na bampeve ya yimbi mekuiza dengana yandi. Kubanda ntama yandi kevuataka diaka bilele ve mpe yandi vuandaka vuandaka na yinzo ve, kansi na ndiamu.²⁸Na ntangu yandi monaka Yesu, yandi bokaka, yandi me kubua na ntuala na yandi. Yandi me tuba na ndinga ya ngolo : " Inki beto na nge yesu, Muana ya Nzambi ya mazulu? Mukena kubombidila nge, kukuamisa munu ve." ²⁹Samu ti Yesu tubaka na mpeve ya yimbi na kubima na mutu yayi, samu ti ba mbala mingi yandi vuandaka kanga yandi. Atako yandi vuandaka yaku kangama na bambienga mpe bansinga, mpe bavuandaka kenga yandi, yandi zengaka bambienga mpe bampeve yayimbi vuandaka tinda yandi na dikanga.³⁰Na manima Yesu me yuvusa yandi : "Nkumbu nange nani?" Yandi me vutusa : "Legio" samuti ba mpeve mingi ya yimbi kotaka na yandi. ³¹Bampeve yango bombidilaka Yesu, yandi bika tinda bawu na diyenga.³²na kizunga yango vuandaka mpe na nkangu ya nene ya bangulu kena kudia na mongo. Bampeve ya yimbi mebombidila yandi na kupesa bawu insua yaku kota na bangulu mpe yandi me pesa bawu insua. ³³Ba mpeve ya yimbi bimaka na mutu mpe bakotaka na bangulu, mpe nkangu yango kuendaka kukiloza na dizanga ya maza pe bame kufua kuna.³⁴Na ntangu ba minkengi ya bangulu monaka mambu yina salamaka, batinaka mpe bakuendaka samuna mambu yango na ba mbanza mpe na babuala. ³⁵Na yawu batu bimaka samuna kutala mambu yina salamaka. Mpe na ntangu bakumaka sika vuandaka Yesu mpe bakutaka mutu vuandaka na bampeve ya yimbi me vuanda, yandi me vuata, mayele mevutuka, bame mona wonga.³⁶Na yawu bayina monaka mambu yango mutindu ya salaminaka mebanda samuna inki mutindu mutu vuandaka na bampeve ya yimbi niakinaka. ³⁷Batu nionso ya kizunga ya Ngalasa lombaka na Yesu yandi katukila bawu samu ti wonga ya ngolo builaka bawu. Na yawu yandi me kota na nlungu, yandi me vutuka.³⁸Mutu yina vayikusuaka ba mpeve ya yimbi, vuandaka bombidila yandi na kupesa yandi insua na kukuenda kintuadi na yandi. Kasi Yesu vutusaka yandi na kutubaka : ³⁹" Vutuka na yinzo na nge mpe samuna nionso ya nene Nzambi me sadila nge." Mutu kuendaka mpe samunaka na mbanza ya mvimba mambu Yesu salaka samuna yandi.⁴⁰Tala, na ntangu Yesu vutukaka, nkangu ya nene yambaka yandi, samu ti ba vuandaka vingila yandi. ⁴¹Mutu mosi na nkumbu ya Yailo kuizaka. Yandi vuandaka mosi ya bambuta ya yinzo ya tukutukunu. Yandi kubuaka na makulu ya Yesu mpe yandi bombidilaka yandi na kukuenda na yinzo na yandi, ⁴²samu ti muana na yandi mosi kaka ya nkento ya kumi na mvula zole vuandaka lukufi na lufua. Na natangu Yesu vuandaka kuenda kuna, nkangu vuandaka fietikisa yandi.⁴³Nzoka kati na nkangu nketo mosi vuandaka na kimbevo ya kubima menga kitezo ya bamvula kumi na zole, yandi bebisaka mbongo na yandi nionso na ba minganga kasi ndiakusu vuandaka ve. ⁴⁴Yandi pusanaka na manima na Yesu mpe yandi me simba nsongi ya nlele na yandi mpe na ntangu yina kaka menga me lemba kubima na yandi.⁴⁵Yesu me tuba : "Nani me simba munu?" Batu nionso vuandaka ndima yawu ve, Petelo me zabisa yandi : "Nlongi, nkangu kena kufuetikisa nge." ⁴⁶Kansi Yesu me vutusa : "Mutu mosi mesimba munu, samu ti ngolo me bima na nzutu na munu."⁴⁷Nketo kuizaka na kuzakama, yandi me ndima mpe kutuba mutindu yandi simba mpe kuniaka na mbala mosi. ⁴⁸Na yawu yesu me zabisa yandi : "Kuenda na yenge, kuvuvu nange me vulusa nge."⁴⁹Na ntangu yandi kele tete na kutuba, mutu mosi me kuiza zabisa Yailo : "Bika kuamisa diaka Nlongi samu ti muana mekufua." ⁵⁰Kansi Yesu me kuwa mpe yandi me tuba : "Kumona wonga ve, leka kaka kiminu mpe yandi ke vuka."⁵¹Na ntangu yandi kumaka na yinzo, yandi zolaka ve mutu mosi kota, kaka Petelo, Yoane na Yakobi na bibuti ya muana. ⁵²Batu nionso vuandaka dila mpe kunionga samuna muana kansi yandi me tuba : "Beno bika dila, yandi me leka."⁵³ Kansi bavuandaka seka yandi samu ti bazaka ti yandi kele ya kufua.⁵⁴Kansi Yesu me simba diboko ya muana mpe yandi me bokila yandi na ndinga ya ngolo : "Muana na munu, lamuka." ⁵⁵Mpeve na yandi me vutuka kati na yandi, yandi me lamuka mbala mosi. Yesu tubaka bapesa yandi kima ya kudia. ⁵⁶Bibuti na yandi me yituka kansi Yesu metuba na bawu, beno tuba ve yina me salama.

¹Yandi bokilaka ba kumi na zole mpe yandi pesaka bau kilendo mpe kunia kisa mpe kimfumu na zulu ya bandoki mpe kuniakisa bimbevo. ²Yandi tindaka bau na kusamuna Kimfumu ya Nzambi mpe kuniakisa bambevo³Yandi zabisaka bau:" Beno baka kima mosi ve samuna nzietolo na beno, nkawa ve, kilundulu ya mbongo ve, dimpa ve, mbongo ve, biyunga zole ve. ⁴Yinzo nionso beno ke kota, beno ke vuanda kuna tiii beno ke katuka kisika yina .⁵Mpe bayina ke yamba beno ve na mbanza yina, beno pupula fundu fundu(poussière) ya makulu na beno, samuna kimbangi ti beno kele kintuadi ve na bau. ⁶Na yau, bakuendaka na babuala kusamuna Nsangu ya Mbote mpe baniakisaka bantu bisika nionso.⁷Ntangu Elode, mfumu kuwaka mbafuaambu nionso vuandaka luta, yandi vuandaka diaka na kiese ve, mabanza n'andi ninganaka, samu bayankaka vuandaka tuba ti Yoani Mbotiki me fuluka na bafua, ⁸bayankaka ti Eliya me monika diaka, ba yankaka diaka ti mosi na mimbikudi me fuluka na bafua. ⁹Elode tubaka: " mu zanga ka yintu ya Yoani, kansi nani yayi mu kena kuwila mambu ya mutindu yayi e?" Mpe Elode sosaka nzila ya kumonina Yesu.¹⁰Ntangu bayina tindamaka vutukaka, bazabisak'andi nionso yina basalaka. Yandi bendaka bau mpe kunata bau na mbanza kele na nkumbu ya Betesayida. ¹¹Kansi ntangu minkangu kuwaka yau ba landaka yandi; mpe yandi yambaka bau mpe yandi tubilaka bau mambu ya kimfumu ya Nzambi; mpe yandi niakisaka bantu.¹²Ntang mpimpa kumaka penepene, kumi na zole kuizaka zabisa yandi:" Vutula bantu na babuala ya kinzungidila mpe na babuala ya fioti fioti samuna kusosa kifulu ya kuleka mpe madia samu beto kele na dikanga". ¹³Kansi yandi zabisaka bau:" Beno, beno pesa bau kima ya kudia". Batubaka:" Beto ke kaka na mampa tanu na mbisi zole, buna beto kuenda sumba madia samuna bantu nionso yayi". ¹⁴Bavuandaka kana mafunda tanu ya bantu. Yandi zabisaka banlongoki n'andi:"Beno vuandisa bau na makabu(groupe) ya makumi tanutanu".¹⁵Ba salaka mutindu Yesu zabisaka bau, mpe bantu nionso vuandaka. ¹⁶Yandi bakaka mampa tanu na bambizi zole yina, yandi sendulaka meso na dizulu, yandi sakumunaka yau, mpe yandi zenguzunaka yau, yandi pesaka yau na minlongoki n'andi samu ba kabudila nkangu. ¹⁷Bau nionso kudiaka mpe ba yukutaka, mpe bintini ya mampa bikanaka, fulukaka na bitunga kumi na zole.¹⁸Ntangu yandi vuandaka sambila yandi mosi, minlongoki vuandaka na yandi mpe yuvusaka bau:" Nini bantu kena kutuba samuna munu e?". ¹⁹Bavutusaka:" Yoani mbotiki, ba yankaka Eliya, ba yankaka diaka ke na kutuba ti mosi na mimbikudi ya ntama me fuluka".²⁰Yandi zabisaka bau:" Bosi beno nini beno me tuba, mu ke nani e?". Petelo vutusaka:" Nge kele Klisto ya Nzambi". ²¹Kansi yandi me pekisa bau na kutubila muntu ve, ²²samu Muana ya muntu fueti mona ntete mpasi na bamambu mingi, ba fueti niafun'andi na bakuluntu, na bangudi ya nganga mpe na minsoniki, ba ke kufua yandi, kansi na kilumbu ya tatu ,yandi ka fuluka²³Yandi zabisaka bau nionso:" Kana muntu zona kuiza na manima na munu, yandi fueti kukikadila nkanu, kubaka dikulunsi na yandi konso kilumbu mpe kulanda munu. ²⁴Konso muntu ke sosa kutanina luzingu n'andi, ke zimbisa yau, kansi konso muntu ke zimbisa luzingu n'andi samuna munu, ke vuluza yau. ²⁵Ndandu nini ke na muntu na kuvua yinza ya mvimba bosi me kukizimbisa e?.²⁶Konso muntu ke fuila munu mpe mambu na munu nsoni, Muana ya muntu mpe ke fuila yandi nsoni ntangu yandi ke kuiza na nkembo n'andi, ya Tata n'andi, mpe ya bambasi n'andi ya nlongo. ²⁷Kansi ya kieleka me tubila beno, bantu yankaka kele na kati na beno ke kufua ve kana bamona ve Kimfumu ya Nzambi".²⁸Bilumbu nana lutaka na manima ya kutuba bamambu yayi, Yesu bakaka Petelo, Yoani na Yakobi, mpe yandi nataka bau na mongo samuna kusambila. ²⁹Ntangu yandi vuandaka sambila, mbonokono n'andi kitukaka mpe muatu n'andi kumaka mpembe mpe lezimaka.³⁰Tala, babakala zole vuandaka solula na yandi(Yesu), ya vuandaka Mose na Eliya, ³¹bau monikaka na mbonokono ya nkembo. Ba vuandaka mokina ngiendolo n'andi na Yelusalemi.³²Na ntangu yina, Petelo na bayina vuandaka na yandi, lekaka pongi ya ngolo, kansi ntangu ba lamukaka, ba monaka nkembo n'andi kintuadi na babakala zole yina vuandaka na yandi. ³³Ntangu bakatukaka kisika ba vuandaka Yesu, Petelo zabisaka Yesu:" Nlongi, ya me fuana na beto na kuvuanda awa. Beto ke tunga bayinzo tatu, mosi samuna nge,mosi samuna Mose, mpe mosi samuna Eliya". Yandi vuandaka visa ve yina yandi vuandaka tuba.³⁴Ntangu yandi vuandaka tuba mambu yina, dituti zipaka bau mpe ba monaka wonga. ³⁵Ndinga wakanaka na kati ya dituti tubaka:" Yandi yayi kele muana na munu mu ponaka. Beno kuwa yandi". ³⁶Ntangu ndinga me manisa kutuba, Yesu vuandaka yandi mosi. Ba vuandaka suii mpe na bilumbu yina, bazabisaka muntu ve mambu yina bamonaka.³⁷Kilumbu landaka, na manima ya kukulumuka na mongo, nkangu ya n'nene ya bantu kuizaka na yandi. ³⁸Tala, muntu mosi kati na nkangu tubaka na ndinga ngolo:" Nlongi, me bombidila nge na kutala muana na munu, samu yandi kele muana mosi kaka ya munu. ³⁹Tala, mpeve ya yimbi ke kotilaka yandi mpe na mbala mosi, yandi me banda kuboka ,yau ke salaka ti yandi kangama mpe me banda kubimisa mete na yinua n'andi. Mpeve ya yimbi ke bimaka na mpasi, ya ke lembisaka yandi mingi ntangu ya ke bimaka. ⁴⁰Mu bombidilaka minlongoki na nge bakuka yau, kansi bakokaka ve".⁴¹Yesu vutulaka mpe tubaka:" Mbandu me kondua kiminu mpe ya kuzimbusua, ntangu yikua mu ke vuanda na beno mpe mu ke vibidila beno? Nata muana na nge awa". ⁴²Ntangu ditoko vuandaka kuiza, mpeve ya yimbi buisaka yandi na ntoto mpe vindumunaka yandi ngolo. Kansi Yesu sembaka mpeve ya kusumuka, yandi niakisaka ditoko, mpe vutusaka yandi na tata n'andi.⁴³Bau nionso yitukaka n'nene ya Nzambi. Ntangu bantu nionso vuandaka sepela na mambu nionso yandi salaka, yandi zabisaka minlongoki n'andi: ⁴⁴" Beno kuwa mbote mbote mambu yayi samu Muana ya muntu ke yekulua na maboko ya bantu". ⁴⁵Kansi bavisaka ve nsasa ya bamambu yina, meso na bau vuandaka ya kukangama samu babika visa yau. ba monaka wonga na kuyuvusa yandi samuna diambu yayi.⁴⁶Na yau, ba vuandaka yuvasana bau na bau samuna kuzaba nani me lutisa kikuluntu. ⁴⁷Kansi Yesu, na kuzabaka mabanza ya bantima na bau, bakaka fimuana mosi mpe yandi tedimisaka yandi penepene na yandi. ⁴⁸Mpe yandi me zabisa bau :" Kana muntu me yamba na nkumbu na munu muana fioti me fuanana na yandi yayi, yandi me yamba munu, mpe bosi kana muntu me yamba munu, yandi me yamba mpe yina tindaka munu. Samu yina me lutila fioti kati na beno nionso, yandi nde me lutila na kikuluntu(kimbuta).⁴⁹Yoani vutulaka mpe me tuba:" Nlongi, beto monaka muntu mosi vuandaka bimisa bampeve ya yimbi na nkumbu na nge mpe beto pekisaka(simaka) yandi samu yandi ke landaka beto ve. ⁵⁰Kansi Yesu me tubila yandi:" Kupekisa yandi ve, muntu yina kele kitantu ve na beto, kele na beto".⁵¹Ntangu bilumbu yandi fuana kuenda na zulu kumaka penepene, yandi bakaka lukanu ya ku kuenda na Yelusalemi. ⁵²Yandi tindaka bantumua tekidila yandi; bakuendaka mpe bakotaka na dibuala mosi ya Samaliya samuna kukubikila yandi kifulu. ⁵³Kansi bantu ya kuna yambaka yandi ve, samu yandi vuandaka kuenda na Yelusalemi.⁵⁴Ntangu Yakobi na Yoani monaka yau, batubaka:" Mfumu, nge zona beto tinda tiya kulumuka mpe fukisa bau e?". ⁵⁵Kansi yandi bangumukaka sembaka bau. ⁵⁶Na yau, ba kuendaka bau na dibuala ya nkaka.⁵⁷Ntangu ba vuandaka tambula, muntu mosi zabisaka yandi:" Mu ke landa nge kifulu nionso nge ke kuenda". ⁵⁸Yesu vutudilaka yandi:" bamfuenge kele na kisika ba ke lekaka mpe banuni ya zulu kele na bazala na bau kansi Muana ya Muntu kele na kisika ya kutula yintu ve".⁵⁹Yadi tubilaka muntu ya nkaka:" Landa munu". Kansi yandi vutusaka:" Mfumu, pesa munu yinsua mu kuenda zika ntete tata na munu". ⁶⁰Kansi Yesu zabisaka yandi:" Bika bantu ya kufua bazikasana, kansi nge, kuenda mpe samuna Kimfumu ya Nzambi⁶¹Muntu ya nkaka mpe tubaka:" Mfumu, mu ke landa nge, kansi pesa mu ntete yisua ya kukuenda zabisa bantu ya yinzo na munu". ⁶²Kansi Yesu tubilaka yandi:" Muntu nionso me banda kisalu mpe me lemba na nzila me bonga samuna Kimfumu ya Nzambi".

10¹Na manima na yawu, Mfumu ponaka lusambuadi ya nkaka, mpe yandi tindaka bawu zole zole samu bakuenda na ba mbanza mpe na babuala yina yandi mosi zolaka kuenda. ²Yandi metubila bawu : "Diyinza kele ya nene kansi bisadi kele fioti. Beno sambila na mfumu ya diyinza, samu yandi tinda bisadi na diyinza na yandi.³Beno kuenda. Tala, mukena tinda beno lokola mameme na kati-kati ya memvo. ⁴Beno nata lukabi ya mbongo ve, nkutu ve, sapatu ve, mpe kupesa mbote na nzila ve.⁵Na ndambu ya bayinzo beno ke kota, beno tuba ntete, 'Yenge yavuanda na yinzo yayi.' ⁶Kana mutu ya yenge ke vana, yenge ke bikana na yandi, kana ti yandi kele ve yake vutuka na beno. ⁷Beno sikila kaka na yinzo yayi, kudiaka mpe kunuaka yina bake pesa beno, samu kisadi fuete baka mfutu. Beno tambula-tambula na ba yinzo ve.⁸Kana beno me kota na mbanza mpe bame yamba beno, beno kudia yina bake pesa beno, ⁹mpe beno belusa bambevo kele kuna. Beno tubila bawu, 'Kimfumu ya mazulu me finama na beno.'¹⁰Na mbanza nionso beno ke kota mpe bake yamba beno ve, beno vayika na banzila ya bawu mpe beno tuba,¹¹ 'Beto me pupudila beno fundu-fundu ya mbanza ya beno yina kele na makulu ya beto, kansi beno zaba ti kimfumu ya mazulu me finama.' ¹²Mukena tuba na beno ti na kilumbu ya lufundusu mbanza yina keluta Sodomo na kumona mpasi.¹³Kiadi na nge Korazina! Kiadi na nge Betesayida! Kana bimangu nionso yina Nzambi salakana na mbanza na beno, salamaka na bambanza Tir mpe Sidoni, bazolaka vilula mayele, katuka ntama batu ya mbanza yayi zolaka vuata bangoto mpe pakula dibombi. ¹⁴Yawu yina mfundusu ya beno ke luta ngolo na Tir mpe Sidoni. ¹⁵Beno batu ya Kapernawumi, beno kena kubanza ti Nzambi ke zangula beno ti na zulu? Ve, bake kitisa beno ti na insi ya bafua.¹⁶Yandi yina me kuwa beno me kuwa munu mpe yina ke manga beno me manga munu; mpe yina me manga munu, me manga yina tindaka munu.¹⁷Lusambudi kuizaka na yenge, bame tuba : "Mfumu, ata bampeve ya yimbi me tumama na nkumbu na nge." ¹⁸Yesu me tubila bawu : "Mumonaka Satana katukaka na zulu kubua lokola luvezomo. ¹⁹Tala, mupesaka beno lulendo yaku tambula na zulu ya banioka, ya bankala-nseke, mpe kuwangisa lulendo nionso ya Satana mpe kima mosi ve lendaka sala beno yimbi. ²⁰Na yawu beno yangalala ve samuna bampeve tumamanaka beno, kasi beno yangalala samu ti bankumbu na beno me sonama na mazulu."²¹Na ntangu yina Yesu sepelaka ngolo na Mpeve ya Nlongo mpe me tuba : "Me zitisa nge Tata na munu, Mfumu ya zulu mpe ya ntoto samu nge suekaka mambu yayi na batu ya nduenga mpe batu ya mayele. Mpe nge zabisaka yawu na bayina kena mayele mingi ve lokola bimbana mbana. Ya kieleka Tata, lokola nge monaka yaku songa na meso na nge.²²Bima nionso pesamaka munu na Tata na munu, mpe mutu mosi ve mezaba nani ke Muana si kana Tata ve mpe mosi me zaba Tata ve, kaka Muana, mpe yina nionso yina Muana zola zabisa yandi."²³Yandi balukaka na minlongoki mpe yandi me tuba : "Yenge na bayina kena kumona mambu yayi. ²⁴Mukena kutubila beno ya kieleka ti bambikudi mpe bantinu mingi zolaka mona mambu yayi mpe bamonaka yawu ve mpe bazolaka kuwa mambu yayi mpe bakuwaka yawu ve."²⁵Nlongi mosi ya nsiku ya yuda telamaka mpe totaka yandi na kutuba : "Nlongi, nini mu sala samu mu baka difua ya moyo ya mvula na mvula?" ²⁶Yesu me zabisa yandi : "Nini sonamaka na nsiku? Nini ngeke nakutanga kuna?" ²⁷Yandi me vutudila yandi : "Zola Mfumu Nzambi na nge na ntima na nge nionso, na muela na nge nionso, na ngolo na nge nionso, mpe na mabanza na nge nionso, mpe zola mfinangani na nge lokola nge mosi." ²⁸Yesu me zabisa yandi : "Nge me vutula mbote, sala yawu mpe nge ke zinga."²⁹Kansi nlongi yina, lokola yandi zolaka kukinungisa, yandi zabisaka na Yesu : "Nani kele mfinangani na munu?" ³⁰Yesu vutusaka : "Mutu mosi katukaka na Yelusalemi samuna ku kuenda na Yeliko. Yandi kutanaka mintani zionaka yandi bima na yandi nionso, babulaka yandi mpe babikaka yandi pene-pene ya lufua.³¹Nganga ya Nzambi mosi kulumukinaka na nzila yina, mpe, ntangu yandi me mona yandi, yandi lutanaka. ³²Mutindu mosi, nlevita kumaka diaka na kisika yina mpe, ntangu yandi me mona yandi, yandi lutakanaka.³³Kansi mutu mosi ya Samalia vuanda kuenda na nzietolo, yandi kumaka na kisika yandi vuandaka. Ntangu yandi me mona yandi, kingongo fulukaka na ntima na yandi. ³⁴Yandi pusanaka pene-pene na yandi mpe kangaka bamputa na yandi, yandi dukulaka mafuta na vinia. Yandi kumisaka yandi na zulu ya kavalu na yandi mosi, yandi nataka yandi na yinzo ya banzenza mpe yandi sadisaka yandi. ³⁵Kilumbu landilaka, yandi bimisaka mbongo, yandi pesaka yawu na munganga na kutuba, 'Toma sadisa yandi, mpe mbongo nionso nge ke bimisa diaka, muke futa yawu tangu muke vutuka.'³⁶Na bawu tatu yayi, na mabanza na nge, nani kele mfinangani ya mutu yina kubuaka na maboko ya mintani?" ³⁷Nlongi yina tubaka : "Yina monisaka yandi nkenda." Yesu me zabisa yandi : "Kuenda mpe sala mutindu mosi."³⁸Na ntangu yina, lokola ba vuandaka na nzietolo, yandi kotaka na dibuala mosi, mpe nketo mosi vuandaka na nkumbu ya Malata yambaka yandi na yinzo na yandi. ³⁹Yandi vuandaka na mpangi mosi ya nketo vuandaka na nkumbu ya Malia yina vuandaka na makulu ya Mfumu mpe vuandaka kuwa mambu na yandi.⁴⁰Kansi Malata kukipesaka na kulambila bawu madia. Yandi kuizaka na Yesu mpe tubaka : "Mfumu, yake na kusala nge kima mosi ve ti mpangi na munu me bikila munu kisalu nionso munu mosi? Zabisa yandi, yandi sadisa munu." ⁴¹Kansi Mfumu vutudilaka yandi : "Malata, Malata, nge ke naku sala mpasi samuna mambu mingi, ⁴²kansi diambu mosi kele mfunu mingi : Malia ponaka yina me lutila mbote, yina bake katusa yandi ve."

11¹Yakumaka ntangu Yesu vuandaka sambila sika mosi, nlongoki mosi me tuba : "Mfumu, monisa beto kusambila mutindu Yoane monisaka minlongoki na yandi."²Yesu me tubila bawu : "Ntangu beno kena kusambila beno tuba, 'Tata, bika nkumbu na nge zitusua bika luzolo na nge kuiza.³Pesa beto madia kilumbu na kilumbu. ⁴Lemvukila masumu na beto mutindu beto mpe fuana lemvukila mutu yina me sala beto yimbi. Kuyambula beto ve na ntotolo."⁵Yesu me tuba : "Nani kati na beno kena nkundi mpe me kuenda na kati-kati ya mpipa samuna kulomba, 'Nkundi, devisa munu bitini tatu ya mampa, ⁶samuna nkundi mosi me katuka ntama mpe mu kele ve na kima yaku pesa yandi'? ⁷Na yawu, yandi me vutusa na kati, 'Kutungisa munu ve, nkielo na munu me kangama, munu na bana na munu kena leka. Mulenda ve kutelama samuna kupesa nge dipa.' ⁸Mukena kutubila beno, atako yandi ketelama ve samuna kupesa nge dipa samu nge kele nkundi na yandi, kansi samuna ntatumunu na nge, yandi ke telama mpe ke pesa nge bitini nionso yina nge ke vuanda na yawu nsatu.⁹Yesu me tuba diaka : "Lomba bake pesa nge, sosa ngeke baka, kokuka bake zibula. ¹⁰Samuna mutu nionso ke lomba ke baka, mutu ke sosa ke mona, mutu ke kokuta bake zibudila yandi.¹¹Tata nini yina kena muana na yandi me lomba dipa, yandi ke pesa dibanga, to nioka na kifulu ya mbizi? ¹²To kana yandi me lomba diki ba pesa yandi nkutu? ¹³Kansi beno batu ya ntima yimbi beno fuana zaba wapi mutindu ku pesaka na bana na beno bima ya mbote ntangu Tata na beno na dizulu me pesa Mpeve ya Nlongo na bayina ke lombaka?¹⁴Na manima, Yesu benganaka mpeve ya yimbi yina vuandaka na dibaba. Ntangu mpeve yango me bima dibaba me tuba, nkangu nionso sutukaka. ¹⁵Kansi bayankaka vuandaka tuba : "Ya kele na Belezebuli mfumu ya bampeve ya yimbi nde yandi me bimisila bawu."¹⁶Ba yankaka totaka yandi mpe balombaka kidimbu yina me katuka na Nzambi. ¹⁷Kansi Yesu zabaka mabanza na bawu mpe yandi tubaka : "Insi nionso yina ke yaku kabuana yawu mosi ke panzana, mpe yinzo nionso yina ke yaku kabuana yawu mosi ke kubua.¹⁸Kana Satana me kabuana yandi mosi, wapi mutindu insi na yandi ke zingila? Samuna beno kena kutuba me bengana mpeve ya yimbi na Belezebuli. ¹⁹Kana me bangana mpeve ya yimbi na Belezebuli, na nkumbu ya nani minlongoki na beno ke benganaka mpeve ya yimbi? Na yawu, bake sambisa beno. ²⁰Kansi kana me bengana mpeve ya yimbi na musapi ya Nzambi, buna kimfumu ya Nzambi me kuiza na beno.²¹Ntangu bakala ya ngolo kele na binuanunu na yinzo na yandi, bima na yandi kele na nkebolo. ²²Kansi kana mutu ya nkaka me kuiza, yina me luta yandi na ngolo, yandi kebaka binuanunu yina yandi tudilaka ntima mpe yandi kekabula bima na yandi. ²³Mutu yina kele ve na munu kele kintatu na munu, mpe yina kele ve kintuadi na munu ke muanganaka.²⁴Ntangu mpeve ya yimbi me bima na nzutu ya mutu, yandi ke kuendaka na bifulu yaku kauka, samuna kusosa kuvuanda. ²⁵Kana yandi baka ve, yandi ke vutuka na kifulu yina yandi katukaka, mpe ntangu yandi me vutuka kana kifulu yina ke yaku kubama mpe yaku bongisama, ²⁶na yawu, yandi ke kuenda baka bampeve nsambuadi yina me lutila yandi na yimbi mpe ke kuiza vuanda kati na yandi. Na yawu, mamvipi ya mutu yina kekuma diaka yimbi kulutisila."²⁷Ntangu Yesu me manisa kutuba mambu yina, nketo mosi na kati ya nkangu me telama mpe me tuba : "Kiese na kivumu yina butaka nge mpe mabeni yina yemikaka nge." ²⁸Kansi yandi vutusaka : "Kiese nde na batu yina ke kuwaka mambu ya Nzambi mpe ke lundaka yawu."²⁹Ntangu nkangu kutanaka, Yesu me banda tuba : "Mbandu yayi kele ya yimbi. Bakena sosa kidimbu, kansi yake monikina bawu ve katusua yina ya Yonasi. ³⁰Samuna, mutindu Yonasi kumaka kidimbu ya batu ya Ninive, pidina mpe Muana ya Mutu ke kuma kidimbu ya mbandu yayi.³¹Ntinu ya nketo ya Sude ketelama kilumbu yina bake mfundisa batu nionso ya mbadu yayi mpe yandi kesemba bawu, samuna yandi me katuka na nsuka ya insi samuna kuwa nduenga ya Salomo kasi awa mutu kele kena nduenga kuluta Salomo.Batu na Ninive ketelama kilumbu ya mfundusu na mbandu yayi mpe kesemba bawu, samuna bandimaka malongi ya Yonasi, tala, mutu kele awa me luta Yonasi.³³Mutu mosi ve, ntangu yandi me pedisa muinda ke tula yawu na kisika yaku suama, kansi yandi ketula yawu na meza samuna batu nionso yina ke kota na yinzo fuana monika. ³⁴Disu na nge kele muinda ya nzutu na nge. Kana disu kele ya mbote, nzutu na nge nionso kele na muinda. Kansi kana disu kele ya kufua, nzutu na nge kele na kitombe. ³⁵Na yawu, sala keba muinda na nge bika vuanda kitombe. ³⁶Kana nzutu na nge nionso kele na muinda ata kitombe mosi ve, nzutu na nge nionso ke vuanda na muinda yina ke kienzula nge."³⁷Ntangu yandi me manisa kutuba, Falasi mosi me lomba yandi kuiza kudia na yinzo na yandi. Yesu kotaka mpe kudiaka na meza na yandi. ³⁸Mpe falasi sutukaka samuna yandi sukulaka ve maboko na yandi tekila kudia.³⁹Kansi Mfumu me tubila yandi : "Beno bafalasi, beno kena pangusa nganda ya bambungu mpe malonga kansi na kati ya beno kele nzinunu mpe yimbi. ⁴⁰Beno batu ya buzengi! Yina salaka nganda, yandi ve salaka mpe kati? ⁴¹Beno pesa minkayilu na yina kele na kati mpe bima nionso ke vuanda yaku vedila samuna beno.⁴²Kiadi na beno bafalasi samuna beno kefutaka buku ya kumi ya musoso, ya bala-bala, mpe ya matiti ya bilanga, kansi beno me zimbana lunungu mpe luzolo ya Nzambi. Yakele mfunu mingi ku sala lunungu mpe kuzola Nzambi, na kuzanga ve kusala mambu ya nkaka.⁴³Kiadi na beno bafalasi, samuna beno kezolaka bakiti ya ntete na kati ya yinzo ya tukutukunu mpe bambote ya luzitu na bifulu batu ke vuandaka. ⁴⁴Kiadi na beno, samuna beno kele neti ndiamu yina kena kidimbu ve, batu kena tambudila na zulu na yawu naku kondua kuzaba."⁴⁵Mosi ya minlongi ya nsiku me tubila yandi : "Nlongi, yina nge kena kutuba kena kufinga beto mpe." ⁴⁶Yesu me tuba : "Kiadi na beno, minlongi ya nsiku, samu beno kena fulusa batu na bifunda ya mpasi naku nata, kasi beno kena simba ve bifunda ata na musapi mosi.⁴⁷Kiadi na beno, beno kena kutunga bandiamu ya kitoko samuna bambikudi, mpe bakulu na beno nde kufuaka bawu.⁴⁸ Na yawu, beno me ta kimbangi mpe beno me ndima mavanga ya bakulu na beno, samuna bakufuaka bambikudi mpe beno kena kutunga bandiamu na bawu.⁴⁹Na yawu, nduenga ya Nzambi me tuba : "Muke tindila bawu bambikudi mpe bantumua, bake nuanisa mpe kufua ba yankaka. ⁵⁰Mbandu yayi kebaka mbanu ya menga nionso yina ya bambikudi tengukaka banda mbadukulu ya yinza, ⁵¹banda menga ya Abel ti menga ya Zakali, yina ba kufuaka na kati-kati ya kiyoka ya minkayilu mpe na kisika ya mbongo. Inga, mukena kutubila beno, mbandu yayi ke bakana mambu.⁵²Kiadi na beno minlongisi ya minsiku, samuna beno me katusa nsabi ya mayele, beno kena kota ve beno mosi, mpe beno kena ku yimina bayina zola kota kuna."⁵³Ntangu Yesu mebima kuna, minsoniki mpe bafalasi tediminaka yandi mpe zonzisaka yandi na mambu mingi,⁵⁴ naku mekaka mintambu na mambu yina yandi ke tuba.

12¹Na ntangu yina , awa mafunda mingi ya batu kutakanaka mpe bavuandaka diatasana, Yesu bandaka naku zabisa tete na minlonguki : "Beno keba na nkadulu ya bafalisi yina kele diso na insi ya lukaya.²Diambu nionso ya kulundama ke zayakana mpe diambu nionso ya kusuama kezabakana. ³Na yawu, nionso beno ke tuba na kitombe yake wakana na kukia mpe yina beno ke tuba na kinsueki na bivinga yake samunua na nganda ya bayinzo.⁴Mukena kuzabisa beno bakundi ya munu, beno mona wonga ve na bayina lenda kufua nzutu mpe lenda sala kima yankaka ve. ⁵Kansi mukena kulubula beno samuna mutu yina beno fueti mona wonga. Beno mona nde wonga samuna yandi yina lenda kufua nzutu ya mutu mpe kuloza yandi na bulungi. Inga, yandi nde beno fueti mona wonga, me tubila beno.⁶Keti bake tekisaka bansuini tanu na talu ya makuta zole kuandi, pidina ve? Nzoka Nzambi zimbana ve ata mosi kati na bawu. ⁷Kansi samuna beno, Nzambi ketangaka ata bansiku ya mintu na beno. Beno bika vuanda na wonga, beno kele na mfunu kuluta kifunda ya bansuini.⁸Munu kena kutubila beno, konso mutu ke tela munu kimbangi na meso ya batu, Muana ya mutu ketela yandi kimbangi na meso ya bambasi ya Nzambi. ⁹Konso mutu ke manga munu na meso ya batu, Muana ya mutu kemanga yandi na meso ya bambasi ya Nzambi. ¹⁰Konso yina ketubila Muana ya mutu mambi ya yimbi, bake lemvukila yandi, kasi yina kefinga Mpeve ya Nlongo, bake lemvukila yandi ve.¹¹Ntangu bake nata beno na bayinzo ya tukutukunu, to na ntuala ya bantuadisi ya buala mpe bamfumu ya luyalu samuna bafundisa beno, beno vuanda na mayindu ve wapi mutindu beno ke tubila samuna kusamba, ¹²pamba ve Mpeve ya Nlongo keluengisa beno kaka na ntangu yina mambu beno fuana tuba.¹³Bosi mutu mosi na kati ya nkangu me tubila Yesu : "Nlongisi, zabisa mpangi ya munu naku kabula na munu kimvuama tata bikila beto." ¹⁴Yesu zabisaka yandi : "Mbuta mutu, nani mekumisa munu, mutu yina fueti sambisa beno to fueti kabula bima na beno?" ¹⁵Mpe yandi tubaka na bawu : " Beno keba na luzolo ya bimvuama, pamba ve luzingu ya mutu yasimbama ve na bimvuama na yandi ya mingi."¹⁶Bosi Yesu tubilaka bawu kingana yayi : "Mutu mosi ya mvuama vuandaka na babilanga yina butaka mingi. ¹⁷Yandi banzaka kati na yandi, 'Nini muke sala? Pamba ve mukele diaka ve na kifulu ya ku lundila mimbutu ya bilanga.' ¹⁸Yandi me vutula, 'Tala diambu muke sala. Mukena buisa bayinzo muke lundilaka mimbutu ya bilanga samuna mutunga yankaka melutisa nene mpe muke tula kuna mimbutu mpe bima yankaka. ¹⁹Muke tuba na muela na munu, "Mwela, nge kele na bima mingi yaku lundama samuna bamvula mingi. Pema nge, kudia, kunua mpe yangalala."²⁰Kansi Nzambi me tubila yandi : "Nge mutu ya buzengi yaya, bubu yayi kaka nge ke kufua. Bosi bima nge mekubika yake kuenda na nani?" ²¹Pidina yake vuandila samuna mutu nionso kekulanda kimvuama samuna yandi mosi kasi samuna Nzambi ve.²²Yesu me zabisa na minlonguki na yandi : "Na yawu munu me tubila beno, beno vuanda na mayindu ve samuna moyo na beno, nini beno kekudia, mpe samuna nzutu na beno nini beno kevuata. ²³Pamba ve, luzingu me luta madia ya kudia mpe nzutu me luta bilele yaku vuata.²⁴Beno tala kifuani ya bacorbo, bake kunaka ve mpe bake yonzikaka ve. Bake na nkutu ve samuna kulunda mimbutu kasi Nzambi kedikilaka bawu. Beno kele na mfunu kulutila bandeke! ²⁵Nani kati na beno lenda buela fi ntangu ya fioti na luzingu na yandi samuna mayindu na yandi? ²⁶Kana beno lenda sala ve ata diambu ya fioti pidina, samuna nini kuvuanda na mayindu samuna mambu me bikana?²⁷Beno tala mutindu ke kudilaka biteka. Yau kesala ve pe yau ke suetaka ve. Kansi metubila beno ti ata Salomoni na nkembo na yandi nionso, vuataka lokola mosi na bawu ve.²⁸ Kana Nzambi lenda vuatisa mutindu yina matiti ya mfinda yina kele bubu yayi mpe mbazi ke lozua na tiya, wapi mutindu yandi ke vuatisila beno ve, batu ya kiminu ya fioti?²⁹Beno buela sosa yina beno ke kudia ve, yina beno ke kunua mpe beno vuanda na mayindu ve. ³⁰Samu batu ya yinza ya mvimba kena kusosa bima yina kasi Tata na beno me zaba ti beno kele ne nsatu na yawu.³¹Kansi beno sosa kimfumu na yandi, mpe bake buela beno bima yina na zulu. ³²Beno mona wonga ve, nkangu ya fioti, samu Tata na beno kena kiese ya kupesa beno kimfumu.³³Beno teka bima na beno mpe beno pesa na bamputu. Beno kuki sadila bilundulu ya mbongo ke beba ve, mayuduku na dizulu yina ke tatamana mvula na mvula. Kuna muyibi mpe khazu-khazu kele ve. ³⁴Samu, sika kele mayuduku na nge, sika kele ntima na nge.³⁵Bika mimvuatu na beno yavuanda yaku kangama na ba mponda mpe minda na beno ya kupela ntangu nionso, ³⁶mpe beno vuanda batu kena kuvingila ngizulu ya Mfumu na bawu samu ba zibudila yandi mbala mosi ntangu yandi ke kuma mpe ke kokuta.³⁷Kiese kele na bisadi yina ke vuanda yaku lamuka ntangu mfumu na bawu ke kuiza. Ya kieleka muke na kuzabisa beno, yandi ke kanga mvuela na yandi na luketo na yandi, yandi ke vuandisa bawu pene-pene ya madia mpe ke dikila bawu (ke sadila bawu kisielo). ³⁸Kana Mfumu me kuiza na kilokula ya zole ya mpipa, to ya tatu, mpe me kuta bawu ya kukubama, bisielo yina kele ya kiese.³⁹Beno zaba diaka yayi : kana mfumu ya yinzo zabaka ntangu yina muyibi ke kuiza, yandi lenda ndima ve bayiba yinzo na yandi. ⁴⁰Beno vuanda yaku kubama, samu ti beno zaba ve kilokula yina Muana ya mutu ke kuiza."⁴¹Petelo tubaka : "Mfumu, ya kele kaka na beto nge kena kuzabisa kingana yayi to na batu nionso?" ⁴²Mfumu tubaka : "Nani kele nkebi yaku kuikama mpe ya nduka yina Mfumu na yandi yadisaka na zulu ya bisadi ya nkaka samu yandi pesa bawu ndambu ya madia na bawu na ntangu yaku fuana? ⁴³Kiese na kisielo yina mfumu na yandi kekutana yandi kena kusala mutindu yina. ⁴⁴Ya kieleka mukena kuzabisa beno. Yandi ke yadisa yandi na bima na yandi nionso.⁴⁵Kansi kana kisielo yina ketuba na ntima na yandi, 'Mfumu na munu ke vutuka malu ve,' mpe yandi me banda kubula bisielo ya babakala mpe ya banketo, kudia mpe kunua mpe yandi me kolua,⁴⁶ mfumu ya kisadi yayi ke kuiza na kilumbu yina yandi vuandaka vingila ve, mpe na kilokula yina yandi zabaka ve, mpe yandi ke zenga yandi na bitini mpe kupesa yandi kifulu na kisika ya ba yina dimbulaka biminu ya bawu.⁴⁷Kisielo yina, lokola yandi zabaka luzolo ya mfumu na yandi, kansi yandi kubiminaka yawu ve, bake bula yandi mingi. ⁴⁸Kansi yina zabaka ve luzolo ya mfumu na yandi, kansi mesala mambu me fuana na lusembo, yandi ke baka nsembolo ya fioti. Bake lomba bima mingi na yina bapesaka bima mingi, bake lomba diaka yaku lutisa na yina bapesaka yaku lutisa.⁴⁹Mukuizaka samuna kutula tiya na ntoto, mpe mukena kukanisa ti yasalama malu-malu. ⁵⁰Kansi mukele na mbotokolo yina mu fueti botukua, mpe na mutindu muke naku vingidila yawu ti yake kokisama.⁵¹Beno me kanisa ti mukuizaka kunata yenge na yinza? Ve, mukena zabisa beno, kasi kuvambisa. ⁵²Samu ti, kubanda ntangu yayi, batu tanu ya yinzo mosi kevambana, batu tatu mpe batu zole, to batu zole ke telimina batu tatu. ⁵³Bake kabuana, tata na muana, mpe muana na tata; mama na muana ya nketo, muana ya nketo na mama; nzitu ya nketo na nkuezi ya nketo, nzitu ya bakala na nkuezi ya bakala. "⁵⁴Yesu vuandaka tuba mpe na nkangu : "Kana beno me mona matuti me tomboka na sika kelekaka ntangu, beno me tuba, 'Mvula kena kuiza.' ⁵⁵Mpe kana mpemo ya sude kena kupepumuka, beno me tuba, 'Muini ke vuanda,' mpe yame salama.⁵⁶ Batu ya disu na insi ya lukaya, beno me zaba kusuasisa mbonokono ya ntoto, mpe ya zulu, kasi inki mutindu beno kena koka ve kuvisa ntangu yayi?⁵⁷Samuna inki beno kena kusuasisa ve yina kele lunungu samuna beno mosi? ⁵⁸Kana nge me kuenda na ntatu na nge na ntuala ya ba zuzi, na nzila, sala nionso samu beno wizana na yandi, samu yandi bika yekula nge na bazuzi, mpe zuzi yekula nge ve na nkebi, mpe nkebi ketula nge na buloko. ⁵⁹Mukena tubila nge, nge ke bima ve, ti nge ke futa mbongo nionso.

13¹Na ntinga yina, batu vuandaka tuba samuna batu ya Ngalili yina Pilato sangisaka menga na minkayilu na bawu. ²Yesu vutudilaka bawu pe yandi tubaka : "Beno kena kubanza ti batu yayi ya Ngalili kele basumuki ya nene kulutisa ba ya nkaka samuna bame mona mpasi ya mutindu yayi? ³Ve, mukena kuzabisa beno kansi kana beno soba nkadulu ve, beno nionso ke kufua mpila mosi.⁴Beto lenda tuba diaka samuna batu kumi na nana ya Siloe, bayina builuaka yinzo ya yinda mpe kufuaka bawu nionso, beno kena kubanza ti bakele basumuki ya yimbi lutila bantu ya nkaka kevuandaka na Yelusalemi? ⁵Ve, mukena kuzabisa beno. Kansi kana beno soba nkadulu ve, beno nionso ke kufua mpe.⁶Yesu tubilaka bawu kingana yayi : " Mutu mosi kunaka inti ya mungenge na bilanga na yandi mpe yandi kuendaka kusosa mimbutu kansi yandi monaka yawu ve. ⁷Mutu yina me tuba na kisadi : "Tala, yame sala bamvula tatu mukena kuiza kusosa mbutu na inti yayi mpe mukena kumona kima ve. Zenga yawu, samuna nini ya kele kubaka kifulu ya mpamba?⁸Kisadi ya bilanga me vutula : "Bika tete yawu imvu yayi, muke timuna pene-pene na yawu samuna kutula matiti ya kubola. ⁹Kana yame buta mbutu mvula kena kuiza, yake mbote, kansi kana yabuta ve, nge ke zenga yawu.¹⁰Yesu vuandaka longa na mosi na bayinzo ya tukutukunu kilumbu ya sabato. ¹¹Nkento mosi vuandaka kuna na mpeve ya yimbi yina kumisaka yandi yaku vanguka; yandi vuandaka na nkunki mpe lendaka kutelama ve.¹²Ntangu Yesu monaka nkento yayi, yandi me bokila mpe me tubila yandi : "Nkento, nge me beluka." ¹³Yesu tensikilaka yandi maboko mpe mbala mosi yandi me telama mpe nkembilaka Nzambi. ¹⁴Kansi bantuadisi ya yinzo ya tukutukunu monaka mbote ve samuna Yesu niakisaka kilumbu ya Sabato. Na yawu ntuadisi vutulaka na nkangu : "Beto kele na bilumbu sambanu ya kusala bisalu. Beno kuizaka baka luniakusu na bilumbu yina kansi kilumbu ya Sabato ve."¹⁵Mfumu me vutudila yandi : "Batu ya ntima zole! Nani kati na beno kezibulaka nsinga ya dimeme to ngombe na yandi ve, samuna kunua maza kilumbu ya Sabato? ¹⁶Mpila mosi mpe na muana nkento yayi ya Abalayami, yayi Satana bikaka yaku kangama bamvula yinda kumi na nana, ya fuanaka ve kukutula yandi kilumbu ya Sabato?"¹⁷Awa yandi vuandaka tuba mpidina, batu nionso yina vuandaka tedimina yandi kufuaka nsoni, kansi nkangu ya mvimba nionso vuandaka yangalala na mambu ya nkembo yandi vuandaka sala.¹⁸Bosi Yesu tubaka : "Na nini kimfumu ya Nzambi me fuanana, mpe na nini mu lenda kokanisa yawu? ¹⁹Yame fuanana na mbuma ya fioti yayi mutu me baka mpe meloza yawu na bilanga na yandi mpe yame kuna inti ya nene mpe banuni ya dizulu kena kutunga banzala na bawu na bitala na yawu."²⁰Yandi tubaka diaka : "Na nini mu lenda fuanisa kimfumu ya Nzambi? ²¹Yame fuanana na kifunusu yina nkento mosi bakaka samuna kusangisa na bitezolo tatu ya mfumfuta ya mampa ti na ntangu yandi me telama."²²Yesu vuandaka zieta mpe longila na mbanza mpe buala nionso na nzila na yandi yaku kuenda na Yelusalemi. ²³Mutu mosi zabisaka yandi : "Mfumu, yake kaka mua ndambu ya batu ke vulusua?" Bosi yandi tubilaka bawu : ²⁴"Beno sala ngolo naku kota na muelo yaku fietama samu batu mingi ke zola yawu mpe bake lenda kokuta yawu ve."²⁵Ntangu Mfumu ya yinzo ke telama mpe ke kanga muelo beno ke telama na nganda, konkutila na muelo mpe beno ke tuba : "Mfumu, Mfumu, bika beto kota." Mpe yandi ke vutudila beno : "Mu zaba beno ve; wapi sika beno me katuka?" ²⁶Bosi beno ke tuba : "Beto kudiaka mpe kunuaka na ntadisi na nge mpe nge bandaka longila na ba balabala na beto." ²⁷Yandi ke vutudila beno : "Mukena kuzabisa beno, muzaba ve wapi sika beno me katuka. Beno tatukila munu, beno bisadi ya mambi."²⁸Yake vuanda bidilu na ba nkuetoso ya meno ntangu beno ke mona Abalayami, Isaki, Yakobi mpe mimbikudi na kimfumu ya Nzambi kansi beno, beno me lozama na mbazi. ²⁹Bake katuka na Este, Weste, Node mpe Sude, mpe bake vuanda na meza na kimfumu ya Nzambi. ³⁰Mpe beno zaba diambu yayi, batu ya nsuka ke vuanda ya ntete mpe ya ntete ke vuanda ya nsuka. "³¹Ntama mingi ve, bafalisi kuizaka mpe tubilaka yandi : "Kuenda nge mpe katuka awa samu Elode zola vonda nge."³² Yesu me tuba : "Tuba na mfuenge yayi, Tala, mukena kubengana ba mpeve ya yimbi mpe mukena kuniakisa bubu na mbazi, mpe kilumbu ya tatu muke lungisa yina me zola." ³³Na nionso yayi, yake mfunu na munu, kutatamana bubu, mbazi mpe kilumbu ke landa samu ya lenda ndimama ve ti mbikudi mosi bakufua yandi na mbazi ya Yelusalemi.³⁴Yelusalemi, Yelusalemi! Ngeye kena kufua ba mbikudi mpe nge na kulozila bantumwa nanga mabanga. Banda ntama muke vuandaka na nsatu yaku sangisa bana na nge bonso nsusu mosi kesangisa bana na yandi na insi ya maveve na yandi kansi nge zolaka yawu ve. ³⁵Tala, yinzo na nge mebikana yawu mosi. Mukena kuzabisa beno, nge ke mona munu diaka ve ti beno ke tuba : "Bika yandi sakumuka yina kena kuiza na nkumbu ya Mfumu."

14¹Kilumbu mosi ya Sabala, ntangu yandi vuandaka kuenda kudia dimpa na yinzo mosi ya mfumu ya bafalisi, mpe bafalisi vuandaka tala yandi. ²Na ntuala na yandi mutu mosi vuandaka vimbaka makulu.³ Yesu yuvusaka banluki ya nsiku mpe bafalisi : "Nsiku ya beto kena insua yaku niakisa kilumbu ya Sabala to ve?"⁴Bavuandaka sui. Na yawu Yesu simbaka yandi, yandi niakisaka yandi mpe yandi bikaka yandi kuenda. ⁵Yandi zabisaka bawu : "Nani kele na muana to ngombe me kubua na dibulu kilumbu ya lumingu mpe yandi ketele ve na mbala mosi? ⁶Ba bakaka ata mvutu ve yaku pesa yandi na mambu yango.⁷Ntangu Yesu monaka mutindu bayina babokidisaka vuandaka pona bisika yaku vuanda yandi tubilaka bawu kingana : ⁸"Ntangu bame bokidisa nge na nkembo ya dikuela, beno vuandaka ve na bifulu yina ya luzitu, samuti ya lendaka ti mutu mosi meluta luzitu bokudusuaka. ⁹Ntangu mutu yina bokidisaka beno ke zabisa nge, 'Pesa na mutu yayi ya nkaka kifulu nange,' nge ke kuenda vuanda na manima.¹⁰Kansi kana bame bokidisa nge, kuenda vuanda na manima, ntangu mutu yina bokidisaka nge kekuiza, yandi lenda tubila nge, 'Kuenda na ntuala.' Bake zitisa nge na bisika batu nionso yina me vuanda na ngeyo. ¹¹Samu ti nionso ke kukizangula bake kitisa yandi, mpe mutu yina ke kumikitisa bake zangula yandi."¹²Yesu tubilaka mpe mutu yina bokidisaka yandi : "Ntangu ngeke kubika ndambisa ya muini to ya nkokila, kubokidisa ve bankundi mpe bamfinangani na nge, to bibuti na nge, to ba yina kele na kimvuama, mutindu mosi balendaka bokidisa nge, mpe balendaka sadila nge mutindu mosi.¹³Kansi ntangu nge me bongisa nkinzi, bokidisa mpe batu yaku sukama, batu ya kieta, mimvakusi, bampofo, ¹⁴mpe nge ke vuanda mutu ya kiese, samu balenda ve kuvutusila ngeyo. Samu ngeke vuanda na nsendo na mfulukusu ya batu ya lunungu.¹⁵Na ntangu mosi ya ba yina vuandaka na meza kintuadi na Yesu kuwaka mambu yango, mpe yandi me zabisa yandi : "Kiese na yina ke kudia dimpa na kimfumu ya Nzambi!" ¹⁶Kansi Yesu me tubila yandi : "Mutu mosi kubikisaka nkinzi ya nene mpe yandi bokidisaka batu mingi. ¹⁷Na ntangu madia manisaka ku kubama yandi tindaka bisadi na yandi samuna kuzabisa batu yina yandi bokidisaka, 'Beno kuiza samu ti nionso me kubama.'¹⁸Bawu nionso bandaka kupesa ba mpengomono. Mutu ya ntete me tuba, 'Musumbaka bilanga mpe mu fueti kuenda tala yawu. Nlemvukila munu.' ¹⁹Mpe ya nkaka me tuba, 'Musumbaka nzole tanu ya ngombe mpe muzona meka yawu. Dodokolo.' ²⁰Mpe mutu ya nkaka me tuba, 'Mukuelaka, samuna yawu mulenda kuiza ve.'²¹Kisadi kuizaka zabisa mambu yina na mfumu na yandi. Na yawu mfumu me fuema mpe metuba na kisadi na yandi, 'Kuenda na ba bala-bala ya mbanza mpe bokidila munu bamputu, makoka, bampofo mpe batu ya kieta.' ²²Kisadi metuba, 'Mfumu, yina nge tindaka mu me sala yawu kasi bifulu kele ntete.'²³Mfumu me tuba na kisadi, 'Kuenda na banzila ya nene mpe na bapembeni komina bawu naku kuiza, samuna yinzo vuanda yaku fuluka. ²⁴Samu ti mume tuba na beno, mutu mosi ve bokudusuaka kekudia madia na munu.'²⁵Makabu ya nene vuandaka tambula na yandi, yandi balukaka mpe yandi mezabisa bawu : ²⁶"Sikana mutu me kuiza na munu, mpe yandi me dila nkalu ve tata na yandi, mama, nketo, bampangi ya banketo mpe babakala, mpe luzingu na yandi mosi, yandi lenda vuanda nlongoki na munu ve. ²⁷Mutu nionso kebaka ve dikulusi na yandi mpe kulanda munu, yandi lenda vuanda nlongoki na munu ve.²⁸Nani kati na beno zola tunga yinzo, ke vuanda ve mpe kutala nini ya kena ku lomba, kana yandi me baka bima yina lenda manisa yawu? ²⁹Kana mutindu yina ve, na ntangu yake bongisa lufulu pe kekoka ku manisa ve, ba yina nionso kena kumona yandi bake banda kusekinina yandi mpe bake tuba, ³⁰'Mutu yayi bandaka kutunga mpe yandi koka ve ku manisa.'³¹To inki ntinu yina, ntangu yandi kena kuenda kunuana mvita na ntinu yankaka, mpe yandi ke vuanda ntete ve, mpe keyuvusa nduengoso sikana yandi lenda nunga ntinu yina na mafunda kumi ya babakala, lokola yandi me kuiza na mafumi zole ya mafunda? ³²Kana ve, ntangu yandi kele ntete ntama, yandi ketinda bantumua mpe kuyuvusa nini ya kusala samu yenge vuanda. ³³Na yawu, mosi ve kati na beno lenda vuanda nlongoki na munu kana yandi bika bima na yandi nionso ve.³⁴Mungua kele mbote, kansi kana mungua mekatuka nzenzo, inki mutindu yalendaka diaka vutukila nzenzo? ³⁵Ya kele diaka na mfunu ve, na ntoto mpe na mbozi. Bake loza yawu na nganda. Yina kele na makutu samuna kuwa, yandi kuwa."

15¹Na ntangu yayi bamvakusi ya mpaku nionso mpe batu yankaka ya masumu vuandaka kuiza na Yesu samuna kuwa yandi. ²Bafalisi mpe minsonuki vungutaka bawu na bawu na kutuba : "Mutu yayi kena ku yamba batu ya masumu mpe kena kudia mpe na bawu."³Yesu kutaka kingana yayi yandi me tuba : ⁴"Nani kati na beno sikana yandi kele na nkama ya mameme mpe me zimbisa mosi na bawu, ke kuiza bika luvua ya ivua na dikanga ve, samu yandi kuenda sosa yina me zimbana ti yandi ke mona yawu? ⁵Na yawu ntangu yandi me solula yandi, yandi me tula yandi na dipeka mpe me sepela.⁶Ntangu yandi me kuma na yinzo yandi me kutikisa bankundi mpe ba mfinangani mpe me tubila bawu, 'Beno sepela kintuadi na munu samu ti mume mona dimeme ya munu zimbilaka.' ⁷Yawu yina mume tuba na beno, yake kuiza vuanda na kiese na mazulu samuna mutu mosi ya masumu me vilula mayele ke luvua na ivua ya batu ya lunungu kele batu ya mayele.⁸To nkento nini kele na kumi na falanga, sikana yandi me zimbisa mosi yandi ke pedisa muida ve yandi ke kombula yinzo samuna kuluta kusosa ti yandi ke buela baka yawu. ⁹Mpe ntangu yandi me mona yawu, yandi me kutikisa ba nkundi na yandi mpe ba mfinangani, mpe tubaka na bawu, 'Beno yangalala kintuadi na munu, samu munu me mona falanga mu zimbisaka.' ¹⁰Yawu yina mu kena kutuba na beno, ya kele na kiese kati na bambasi ya Nzambi ntangu mutu ya masumu me vilula mayele.¹¹Na yawu Yesu me tuba : "Tata mosi vuandaka na bana babakala zole, ¹²mpe yina ya leki me tuba na tata na yandi, 'Pesa munu ntangu yayi ndambu ya kimvuama na munu.' Na yau, yandi kabudilaka bawu kimvuama.¹³Na manima ya ndambu ya bilumbu, yina ya nleki kubikaka nionso ya yandi mpe kuendaka na insi ya ntama mpe kuna yandi fukisaka mbongo na yandi nionso, sumbaka yina yandi vuandaka na mfunu ve, fukisaka mbongo na yandi na luzingu na yimbi. ¹⁴Ntangu yandi manisaka kusadila nionso, malema ya ngolo kuizaka na insi yina mpe yandi bandaka kusukama.¹⁵Yandi kuendaka sala na mutu mosi ya insi yina mpe yandi tindaka yandi na mfinda samu yandi dikila ba ngulu. ¹⁶Yandi zinaka moyo na kudia ata madia ya bangulu samu ata mutu mosi pesaka yandi madia ve.¹⁷Kasi na ntangu nleki luengaka, mpe yandi me tuba, 'Yikua ya bisadi ya tata na munu kele na madia mingi mpe mukena kufua nsatu. ¹⁸Muke telama mpe muke kuenda sika tata na munu, mpe muke tubila yandi, "Tata, mu sumukaka na ntadisi ya zulu mpe na nge. ¹⁹Mu fuana diaka ve kubokudulua muana na nge; kumisa munu mosi ya bisadi na nge."²⁰Na yawu, yina ye nleki telama mpe kuizaka na tata na yandi; kansi na ntangu yandi kele ntete ntama, tata na yandi monaka yandi mpe fulukaka na kiadi mpe yandi zaulaka mpe zingilaka yandi na dilaka, mpe yambaka yandi. ²¹Muana me tuba : "Tata, musumukaka na ntadisi ya zulu mpe na tuala na nge. Mu fuana diaka ve na kubokudulua muana na nge."²²Tata me tuba na bisadi na yandi : "Beno nata na nsualu bilele me luta kitoko mpe beno vuatisa yandi, beno tula yandi nlunga na musapi mpe basapatu na makulu. ²³Beno nata ngombe ya mafuta mpe beno kufua yawu, beto kudia mpe beto sepela, ²⁴samu muana na munu kufuaka, mpe yandi kele ntangu yayi ya moyo, yandi zimbalaka mpe ntangu yayi yandi me monana." Mpe babandaka kusepela.²⁵Na ntangu yina mpangi na yandi ya mbuta vuandaka na bilanga. Lokola yandi vuandaka kuiza mpe pusanaka na yinzo, yandi kuwaka makele ya bisiku na makinu. ²⁶Yandi bokilaka mosi ya bisadi mpe yuvusaka yandi kana inki yina ya lendaka vuanda. ²⁷Kisadi me tubila yandi, "nleki na nge me kuiza, tata na nge me kufua ngombe ya nene samu yandi me vutuka mbote."²⁸Muana ya kulutu fuemaka mpe yandi zolaka diaka kukota na yinzo ve, kansi tata na yandi bimaka mpe bombidilaka yandi;²⁹ kasi muana ya mbuta vutusaka na tata na yandi, "Tala bamvula mingi mume sadila nge, mpe mubundula minsiku na nge mosi ve, kansi nge pesa munu tete ve ata muana ya nkombo samu mu sepela na bankundi na munu. ³⁰Kansi ntangu muana na nge yina bebisaka kimvuama na ba nsuza, me kuiza; nge me kufua muana ngombe ya mafuta."³¹Tata me zabisa yandi : "Muana, nge kele ntangu nionso na munu mpe nionso kele ya munu kele ya nge.³² Kansi ya vuandaka mbote samuna beto na kusepela mpe kuvuanda na kiese samu mpangi na nge yayi nge kena kumona vuandaka ya kufua mpe ntangu yayi yandi ke moyo; yandi zimbalaka mpe yandi me monana."

16¹Yesu me tuba diaka na bisadi na yandi : "Mutu mosi vuandaka na kisadi na yandi. Bame zabisa yandi kena kusala mbote ve. ²Na yau, yandi me bokila yandi mpe yandi me zabisa yandi, 'Inki yina muke kuwa samuna nge? Kuiza songa mutindu nge me sadila samu ti nge ke vuanda diaka kisadi ve.'³Kisadi metuba kati na yandi mosi, 'nini muke sala samuti mfumu na munu zola katusa munu kisalu? Mukena ngolo yaku timuna mpe nsoni na kulomba.⁴ Mume zaba yina muke sala, samu ti ntangu bake katusa munu na kisalu, batu ke yamba munu mbote naba yinzo na bawu.'⁵Kisadi mebokila bayina vuandaka na bamfuka ya mfumu na yandi mpe yandi me yuvusa na mutu ya ntete, "Ikua nge kena kudeva na mfumu na munu?" ⁶Yandi me tuba, "Nkama ya bitezo ya mafuta ya olive." Mpe yandi me zabisa yandi,''Baka lapi na nge, vuanda malu malu, sonika makumi tanu.'' ⁷Kisadi me tuba na mutu ya nkaka : "Ikua nge kena kudeva", yandi me tuba,"Nkama ya bitezo ya ble;" baka mukanda sonika lunana.⁸Mfumu sikaka kisadi yina ya yimbi samu ti yandi sadilaka mayele. Samu ti bana ya yinza yayi me lutisa mayele na mutindu na bawu yaku zingila kuluta bana ya kiya. ⁹Mume zabisa beno, beno bongisa kinkundi na kimvuama ya kukondua lunungu. Na ntangu yake vuanda diaka ve, beno yambama na ba inza ya mvula na mvula.¹⁰Yandi yina kele yaku kuikama na bima ya fioti, yandi kekuikama mpe na bima ya nene. ¹¹Kana kutu nge kuikama ve na kimvuama ya kukondua lunungu, nani ke tudila nge kivuvu na kimvuama ya mbote? ¹²Mutindi mosi, kana nge toma keba ve yina ya mutu ya nkaka, nani ke pesa nge yina ya nge?¹³Mutu mosi ve lenda sadila ba mfumu zole na mbala mosi; to yandi ke lenda mosi mpe kuzola ya nkaka to mpe yandi ke tatamana na mosi mpe kulenda ya nkaka. Beno lenda ve sadila Nzambi na mbongo.¹⁴Na yawu bafalisi vuandaka zola mbongo, bame kuwa mambu nionso yina, bame banda kuseka yandi. ¹⁵Mpe yandi me zabisa bawu : "Beno ke kukimonikisaka batu ya lunungu na ntuala ya batu. Kansi Nzambi mezaba bantima na beno. Yina batu kezitisaka ya kele nkakumusu na Nzambi.¹⁶Bansiku mpe bambikudi vuandaka sala ntete ti na ntangu ya Yoane. Kubanda na ntangu yina, nsangu ya mbote ya kimfumu ya Nzambi kena kusamunuaka, mpe mutu nionso kena kusala ngolo samu yandi kota kuna. ¹⁷Kansi yalutisa na dizulu mpe ntoto ya luta, kasi dinotika mosi ya minsiku lendaka ve kubua.¹⁸Mutu nionso ke vambana na nkento na yandi mpe kukuela nkento ya nkaka yandi me sala kinsuza mpe bakala yina kekuela nkento katukaka na dikuela, yandi me sala kinsuza.¹⁹Ya vuandaka na mutu mosi ya mbongo mingi, yandi vuandaka vuata bilele ya mpumbu mpe ya lino mpe vuandaka yangalala ntangu nionso na kimvuama na yandi mingi. ²⁰Mutu mosi yaku sukama, na nkumbu ya Lazalo vuandaka leka muela na yandi, yandi vuandaka na bamputa na nzutu ya mvimba. ²¹Mpe yandi vuandaka sosa kudia, yina vuandaka sotuka na meza ya mutu ya mvuama mpe diambu ya nkaka, ba imbua vuandaka venda bamputa na yandi.²²Ya kuizaka vuanda ti mutu ya mputu kufuaka mpe banataka yandi na bambasi na nkata ya Abalayami. Mutu ya mvuama mpe kuizaka kufua mpe bazikaka yandi.²³ Na insi ya bafua, yandi vuandaka yamusua. Yandi mesendula meso na yandi mpe yandi memona ntama Abalayami na Lazalo na nkata na yandi.²⁴Mpe yandi me boka na ndinga ya ngolo, yandi me tuba : "Tata Abalayami, fuila munu nkenda mpe tinda Lazalo samu ti yandi tula musapi na yandi na maza samu yandi vavika munu na ludimi, samu ti mukena mpasi ya ngolo na kati ya tiya mukele."²⁵Kansi Abalayami me tuba : "Muana na munu, bambuka moyo ti ntangu nge vuandaka moyo nge bakaka mambote mpe Lazalo bampasi. Kansi na ntangu yayi, yandi kena kubombua awa mpe ngeyo na mpasi. ²⁶Bosi mpe diyenga kele na beto na nge samu ti bayina kele awa kuiza ve kuna mpe bayina kele kuna bakuiza awa ve."²⁷Mutu ya mvuama me tuba : "Mukena kubombidila nge, Tata Abalayami, nge tinda yandi na yinzo ya tata na munu ²⁸samu ti mume baka ba mpangi tanu ya babakala, samu yandi luengisa bawu, samu bawu mpe babika kuiza awa na kifulu yayi ya mpasi."²⁹Kansi Abalayami me tuba : "Mose na bambikudi kele na bawu; bakuwa bawu." ³⁰Mutu ya mvuama me vutusa : "Ve, Tata Abalayami, kana mosi na kati ya batu ya kufua lendaka kuenda na bawu, bake vilula mayele." ³¹Kansi Abalayami me zabisa yandi : "Kana bakuwa Mose na bambikudi ve, bake ndima kusekuka ve kana mutu ya kufua mefutumuka."

¹Yesu me tuba na banlongoki n'andi:" Ya tseleka beto ke vuanda na bamambu yina ke tesisa beto masakuba, kansi kiadi na muntu yina bamambu'ngo ke kuizila! ²Ya ke vuanda mbote samuna yandi bakanga yandi dibanga ke nikunuaka mfumfuta na nsingu mpe baloza yandi na im'bu, mbote ve na kutesisa masakuba na mosi kati na bana yayi.³Beno kukikenga. Kana mpangi ya nge me vola masumu, vutukil'andi diaka bosi kana yandi me viluka, lemvukila yandi. ⁴Kana yandi me tesisa nge masakuba bambala nsambodia na kilumbu mosi mpe yandi me vutuka na nge bambala nsambodia na kutuba ti:" me viluka", nge fueti lemvukila yandi!".⁵Bantumua tubilaka Mfumu:" Buela beto kiminu". ⁶Mfumu tubaka:" Kana beno ke na kiminu me kokana na mbuma ya mutade(wangila), beno lendaka tumina yinti yayi na kutubaka ti:" vuzuka, mpe kunuka na yimbu" yinti ke tumama beno.⁷Kansi nani na beno, lenda vuanda na kisadi kena kubalula ntoto to kudikila mameme, lenda zabisa yandi ntangu yandi me katuka na bilanga," kuiza malu, mpe vuanda mpe kudia?". ⁸Yandi ke tubil'andi ve" Kubikila munu kima ya kudia, vuata bilele ya kisalu mpe bongisila munu meza, ti mu ke manisa kudia mpe kunua, bosi na manima nge ke kudia mpe kunua.⁹Yandi ke vutula ve matondo na kisadi samu ti yandi salaka yina batindaka yandi, mutindu yina ve ? ¹⁰Beno mpe mutindu mosi, ntangu beno me sala nionso yina ba me tinda beno,beno tuba:" Beto kele bisadi ya mpamba. Beto me sala kaka kisalu na beto".¹¹Ntngu yandi vuandaka kuenda na Yelusalemi, yandi lutilaka na kati kati ya Samalia na Ngalili. ¹²Ntngu yandi kotaka na dibuala mosi, bantu kumi na kimbevo ya buazi kuizaka kutana na yandi. Batelemaka ntama na yandi ¹³mpe batubaka na ndinga ya ngolo:" Yesu,Nlongi,fuila beto nkenda".¹⁴Ntangu yandi me mona bau, yandi me tubila bau:" Beno kuenda kukisonga(kudimonisa) na banganga Nzambi". Ntangu ba vuandaka kuenda, ya salamaka baniakaka na nzila. ¹⁵Ntangu mosi na bau monaka ti yandi me niaka, yandi vutuka mpe zitisaka Nzambi na ndinga ya ngolo. ¹⁶Yandi fukamaka na makulu ya Yesu, yandi vutudilak'andi matondo. yandi vuandaka muntu ya Samalia.¹⁷Yesu vutulaka me tuba:" Bau kumi vedusuaka ve ? Wapi ba ivua ya nkaka? ¹⁸Ya nkaka kele ve lendaka vutuka samuna kuzitisa Nzambi, kaka nzenza yayi ?. ¹⁹Mpe yandi zabisaka yandi:" Telema mpe kuenda nge; kiminu na nge me vuluza nge".²⁰Ntangu banfalisi yuvusaka yandi na yina me tadila Kimfumu ya Nzambi, Yesu vutudilaka bau:" Kimfumu ya Nzambi ke kuiza ve na mbonokono ya meso. ²¹Ba ke tuba mpe ve:" beno tala awa!" to "beno tal kuna!" samu Kimfumu ya Nzambi kele kati na beno".²²Yandi tubaka na minlonguki:" Bilumbu kena kuiza yina beno ke vuanda na nsatu ya kumona kilumbu'ango, kansi beno ke mona yau ve. ²³Na yau bake zabisa beno:" beno tala kuna! beno tala awa! Kansi kubima na nganda ve, kuzaula ve na manima bau, ²⁴samu mutindu mpezomo ke ngengaka ntangu yake bimaka na ndambu yayi ya dizulu mpe ndambu yina, ya ke vuanda mutindu yina na kilumbu ya Muana Muntu.²⁵Kansi ya ntete, yandi fuete yamusua mpe kulozua na mbandu yayi. ²⁶Mutindu ya vuandilaka na bilumbu ya Nowa, mutindu yina ya ke vuandila na bilmbu ya Muana ya Muntu. ²⁷Bavuandaka kudia, kunua, kukuela mpe kukuedisa bana na bau, tii kilumbu yina Nowa kotaka na nzanza(masuwa)(mpe mvula ya ngolo kitka mpe ya fukisaka bau.²⁸Mutindu ya vuandaka na bilumbu ya Loti, bavuandaka kudia, kunua, kusumba, kutekisa, kukuna mpe kutunga bayinzo. ²⁹Kansi kilumbu Loti bimaka na Sodomo, mvula ya tiya kitaka na dizulu mpe fukisaka bau nionso.³⁰Ya ke vuanda mutindu mosi ntngu Muanaya Muntu ke monukusua. ³¹Na kilumbu yina, muntu ke vuanda na dizulu ya muanzu(yinzo)ke koka ve kukita samuna kubimisa bima na yinzo n'andi. Mpe yina ke vuanda mfinda ke vutuka diaka ve.³²Beno bambuka moyo na yina lutaka na nkento ya Loti. ³³Muntu yina ke sosa kuvukisa luzingu n'andi ke zimbisa yau, kansi yina ke zimbisa yau ke vukisa yau.³⁴Mu kena kutubila beno, na mpimpa yayi bntu zole ke leka mfulu mosi. Bake baka mosi mpe yankaka ke bikana. ³⁵Bakento zole ke nikisa fufu kisika mosi, bake baka mosi mpe yankaka ke bikana. ³⁶(Babakala zole ke vuanda na mfinda, baka baka mosi mpe ya nkaka ke bikana). ³⁷Bayuvusaka yandi:" Mfumu, wapi?". Mpe yandi zabisaka bau:" kisika kele mvumbi, kisika yina mpe ke kutakanaka mbemba(bandeke yina ke kudiaka bamvumbi).

18¹Landila yawu, yandi me tela bawu ngana na yina me tadila inki bafuete sambidila mpe kulemba ve. ²Yandi me tuba : "Ya vuandaka na mbanza mosi, mfundisi mosi yaku kondua lunungu, mpe vuandaka vumina mutu mosi ve.³Yavuandaka mpe na mbanza yango difola mosi, mpe yandi vuandaka kuiza na yandi ntangu nionso, naku tubaka : "Sadisa munu, nge nungisa munu na ntuala ya ntatu na munu." ⁴Samuti na ntangu ya yinda yandi vuandaka zola ve kusadisa yandi, kasi na nima ya ntangu yandi tubaka kati na yandi mosi : "Atako muke vuminaka Nzambi to mutu ve, ⁵kasi lokola difola yayi kena kukuamisaka munu, muke sadisa yandi samuti yandi bika diaka kukuamisa munu mpe ku kuiza-kuiza diaka."⁶Na manima na yawu Mfumu me tuba : "Beno kuwa yina metuba mfundisi yaku kondua lunungu. ⁷Na ntangu yayi, Nzambi ke nungisa ve ba kiasolua na yandi kena kuboka muini na mpimpa? Yandi ke zingila naku sadisa bawu? ⁸Mukena kuzabisa beno ti, yandi ke nungisa bawu na nsualu. Mutindu mosi na ntangu Muana ya mutu kekuiza, yandi kekutana kuandi kiminu na ntoto?⁹Bosi yandi me tuba diaka kingana yayi na bayina vuandaka kukimona batu ya lunungu mpe vuandaka zitisa ve batu ya nkaka : ¹⁰"Batu zole kuendaka na yinzo ya Nzambi samuna kusambila (mosi vuandaka mfalisi mpe ya nkaka mvakusi).¹¹Mfalisi telamaka mpe sambilaka mutindu yayi, "Nzambi me tonda nge samu ti mu kele ve lokola batu ya nkaka, yina kele mintani, batu yaku kondua lunungu, batu ya kinsuza to pe lukola mvakusi yayi. ¹²Mbala zole muke minaka nsoki, na konso sabala mpe muke pesaka kibuku ya kumi na nionso ya munu."¹³Kansi mvakusi telama ntama mpe yandi vumbulaka meso na yandi ve na zulu, kasi yandi bulaka ntulu na yandi na kutubaka, "Nzambi fuila munu nkenda, mu kele mutu ya masumu." ¹⁴Mukena kuzabisa beno, mutu yayi vutukaka na yinzo na yandi, yaku nungusua, mutindu mosi ve na yina ya nkaka, samu ti mutu ke kukizangulaka bake kitisa yandi, kansi yina ke kukikitisaka bake zangula yandi."¹⁵Batu vuandaka nata mpe bana na bawu na yandi samu yandi tula bawu maboko, kansi minlonguki monaka yawu mpe basembaka bawu. ¹⁶Kasi Yesu bokilaka ba kuiza na yandi na kutubaka : " Beno bika bana bakuiza na munu, beno pekisa bawu ve; samu ti kimfumu ya Nzambi kele ya batu ya mutindu yina. ¹⁷Kedika mukena kuzabisa beno, mutu nionso yina ke yamba ve kimfumu ya Nzambi lokola muana, yandi ke kota kuna ata fioti ve."¹⁸Mfumu mosi yuvusaka Yesu mpe yandi me tuba : "Nlongi ya mbote, nini mu fuana sala samu mu baka moyo ya mwula na mwula?" ¹⁹Yesu me tuba na yandi : "Samuna inki nge me bokila munu, ya mbote? Mutu mosi ve kele ya mbote, kaka Nzambi. ²⁰Nge me zaba minsiku : kusala kinsuza ve, kufua mutu ve, kuyiba ve, kuta kimbangi ya luvunu ve, zitisa tata pe mama na nge." ²¹Mfumu yango me tuba : "Kubanda kinleke na munu, muke tumamanaka mambu yina nionso."²²Ntangu Yesu kuwaka yawu, yandi me zabisa yandi : "Kima mosi diaka me kondua nge. Nge fueti tekisa mvuilu na nge nionso, mpe kukabula yawu na bamputu, mpe ngeke baka difua na dizulu (bosi kuiza, landa munu)." ²³Kansi ntangu mutu ya mvuama kuwaka yawu, yandi kumaka na kiadi ya ngolo, samu ti yandi vuandaka na mbongo mingi.²⁴Awa Yesu monaka ti yandi mekuma na kiadi, mpe yandi me tuba : "Ya kele mpasi na bamvuama na kukota na kimfumu ya Nzambi. ²⁵Samuti yame lutisa nsuakula na Kamela na kulutila na ditobo ya ntumbu, na mvuama naku kota na kimfumu ya Nzambi."²⁶Bayina vuandaka kuwa yandi bame tuba : "Buna nani lendaka vulusua?" ²⁷Yesu vutusaka : "Yina lendakana ve na batu, ya lendakana na Nzambi."²⁸Petelo tubaka : "Tala, beto bikaka bima na beto nionso mpe beto landaka nge." ²⁹Na yau yesu me zakisa bawu : "Yakedika mume zabisa beno ti mutu movi ve bikaka yinzo na yandi, to nkento na yandi, to ba mpangi na yandi, to bibuti na yandi, to bana na yandi samuna kimfumu ya Nzambi, ³⁰yina ke baka ve kuluta, na mbandu yayi, to na mbandu kena kuiza, moyo ya mvula na mvula."³¹Na manima ya kusangisa kumi na zole sika yandi vuandaka, yandi zabisaka bawu : "Tale, beto kena kuenda na Yelusalemi, mpe yina nionso sonamaka na bambikudi samuna Muana ya mutu yake kokisama. ³²Samu ti bake yekula yandi na bapayen, bake sekinina yandi, kulevula yandi mpe kulozila yandi mete. ³³Na manina yaku bula yandi ba sikoti, bake kufua yandi, bosi kilumbu ya tatu, yandi ke futumuka."³⁴Bavisaka ata kima movi ve na mambu nionso yina mpe mpova yayi ya suekamaka na bawu, mpe ba vuandaka visa ve mambu yina vuandaka tubuka.³⁵Ya vuandaka ti, na ntangu Yesu vuandaka finangana na Yeliko, mutu mosi ya kufua meso vuandaka na pembeni ya nzila samuna kulomba. ³⁶Yandi kuwaka ndonga kena kuluta, yandi yuvusaka diambu yina kena kuluta. ³⁷Bame zabisa yandi ti Yesu ya Nazaleti vuandaka lutila vana.³⁸Na yawu, mutu ya kufua meso bokaka na kutubaka : "Yesu, muana ya Davidi, fuila munu nkenda." ³⁹Bayina vuandaka na ntuala sembaka mpovo, kuzabisaka yandi, yandi dingalala. Kansi yandi lutaka boka diaka : "Muana ya Davidi fuila munu nkenda."⁴⁰Yesu telamaka mpe yandi zabisaka banatina yandi mutu yango. Bosi ntangu mpofo kumaka pembeni, Yesu yuvusaka yandi : ⁴¹"Nini nge zola musadila nge?" Yandi me tuba : "Mfumu, muzola mona diaka."⁴²Yesu me tuba na yandi : "Mona nge. Kiminu na nge me niakisa nge." ⁴³Yandi me ntumbu mona pe yandi melanda Yesu na kuzitisa Nzambi. Batu nionso ntangu ba monaka yawu bazitisaka Nzambi.

19¹Yesu kotaka mpe vuandaka lutila na Yeliko. ²Kansi tala mutu mosi vuandaka na nkumbu na Zakai. Yandi vuandaka mvakusi mpe mvuama.³Yandi vuandaka sosa kumona Yesu kasi yandi kokaka ve samuna ndonga. Samuti ntela na yandi ya nkufi. ⁴Yandi zaulaka na ntuala ya batu mpe makaka inti ya Sikomoli samu yandi mona Yesu fuanaka lutila vana.⁵Ntangu Yesu kumaka na kisika yina yandi talaka na zulu mpe me tubila yandi : "Zakai, kita malu samu bubu yayi muke vuaka na yinzo na nge." ⁶Yandi kitaka malu mpe yambaka yandi na kiese. ⁷Naku monaka mutindu yina, batu kumaka kutuba, "Yandi me kuenda na yinzo ya mutu ya masumu."⁸Zakai telamaka na ntuala ya Mfumu mpe me tubila yandi : "Nlongi, muke pesa ndambu yabima na munu na batu yaku zanga mpe kana mume salaka yimbi ya bima ya mutu, muke vutusila yandi mbala yiya. ⁹Yesu me tubila yandi : "Mpulusu me kota na yinzo yayi bubu yayi, samuna yandi yayi kele mpe muana ya Abalayami. ¹⁰Pamba ve, Muana na mutu kuizaka samuna kusosa mpe kuvulusa bayina kele yaku zimbala."¹¹Yandi vuandaka kuwa mambu Yesu vuandaka tuba. Yandi tatamanaka kutuba kingana samu ti yandi vuandaka pembeni ya Yelusalemi, mpe yandi vuandaka ndima ti kimfumu ya mazulu kemonika na mbala mosi. ¹²Na yawu, yandi me tuba : "Mutu mosi ya mfunu kuendaka na insi ya ntama samuna kubaka kimfumu mpe kuvutuka na manima.¹³Yandi bokilaka kumi ya bisadi na yandi, yandi pesaka bawu kumi ya bafalaka, mpe yandi me tubila bawu, 'Beno butisa yawu ti muke vutuka.' ¹⁴Kansi batu ya insi yina vuandaka kuyina yandi mpe batindaka bamvuala ya ba ntunu ya luyalu na manima yaku tuba, 'Beto zola ve mutu yayi vuanda mfumu na beto.' ¹⁵Ya vuandaka ti na manima yaku vutuka na yandi, ntangu yandi bakaka kimfumu, yandi yuvusaka bisadi na yandi bayina yandi pesaka mbongo, samuna kuzaba, wapi mutindu mutu na mutu butisaka mbongo yandi pesaka.¹⁶Ya ntete me kuiza na ntuala na yandi mpe yandi me tuba, 'Mfumu, falaka nange me buta kumi ya nkaka na zulu.' ¹⁷Mfumu me zabisa yandi, 'Ya kele mbote, kisadi ya mbote, samuti nge me kuikama bima ya fioti, nge ke yadila kumi ya ba mbanza.'¹⁸Ya zole kuizaka mpe me tuba, 'Mfumu, falaka na nge me buta tanu ya nkaka na zulu.' ¹⁹Mfumu me tubila yandi, 'Yadila ba mbanza tanu.'²⁰Mpe ya nkaka me kuiza naku tuba, 'Tala falaka na nge, mulundaka yawu mbote-mbote na nlele, ²¹samuna munu vuandaka na wonga na nge, samuna nge kele mutu ya ntima ngolo. Nge ke baka yina nge kuna ve, mpe ngeke buka yina nge kuna ve.'²²Mfumu me tuba, 'Mukena semba nge na mambu na nge, kisadi ya yimbi, nge zabaka mukele mutu ya ntima ngolo, ke bakaka yina mukuna ve, mpe ke bukaka yina mukuna ve. ²³Samuna nini kasi nge tulaka ve falaka na munu na nkebolo ya mbongo, ntangu muzonaka vutuka mubaka ndambu na zulu na yawu?²⁴Mfumu me tuba na bayina vuandaka vana, 'Beno baka falaka beno pesa na yandi yina kele bafalaka kumi.' ²⁵Mpe bame tuba, 'Mfumu, yandi kele na yawu kumi.'²⁶Mukena tubila beno, bake pesa na yina kena yawu mpe bake katusa na yina ke na yawu ve ata yina vuandaka na yandi.²⁷ Na ntangu yayi beno nata mintatu na munu awa bayina zolaka ve mu yadila bawu, samuna mu kufua bawu na ntuala na munu."²⁸Na manima kutuba mambu nionso yandi tatamanaka na Yelusalemi.²⁹Ya kumaka ntangu yandi vuandaka pusana na kizunga ya Befayeli mpe Betani, na mongo ya fioti na nkumbu ya Olive, yandi tindaka zole ya minlongoki na yandi, ³⁰mpe yandi tubaka : "Beno kuenda na buala yina kele pembeni. Ntangu beno ke kota, beno ke mona mpunda ya fioti yina mutu mosi ve me vuandilaka. Beno zibula mpe natina munu yandi. ³¹Kana mutu me yuvusa beno, 'Samuna nini beno me zibula yandi?' Beno tuba, 'Mfumu kena nsatu na yawu.'''³²Bayina ba tindaka, ba kuendaka mpe monaka mpunda ya fioti mutindu Yesu tubilaka bawu.³³ Ntangu ba vuandaka kuzibula mpunda ya fioti, bamfumu na yawu me tuba : "Samuna nini beno kena zibula mpunda ya fioti na munu?" ³⁴Bavutulaka : "Mfumu kena nsatu na yawu." ³⁵Ba nataka mpunda ya fioti na Yesu, ba tulaka bilele na zulu na yawu, Yesu vuandaka na zulu na yawu. ³⁶Ntangu ba vuandaka kuenda, ba tandaka bilele na nzila.³⁷Ntangu bavuandaka kuenda na ndimba ya mongo ya baolive, bamvuka ya minlonguki bandaka kusepela mpe ku zitisa Nzambi na ndinga ya ngolo samuna bimangu yina bame mona, ³⁸naku tuba : "Bika yandi zitusua ntinu yina ke kuiza na nkumbu ya Mfumu. Yenge na mazulu mpe nkembo na kisika yaku zangama."³⁹Ndambu ya bafalasi, kati kati na nkangu, tubaka : "Mfumu, pekisa minlongoki na nge." ⁴⁰Yesu me tubila bawu : "Mukena tubila beno, kana bame vuanda sui, mabanga ke boka."⁴¹Yesu vuandaka pusana na mbanza, yandi dilaka, ⁴²mpe yandi me tuba : "Kana nge zabaka bubu yayi mambu yina ya kiese. Kansi na ntangu yayi yame suekama na meso na nge."⁴³Bilumbu kena kuiza, bantatu na nge kekakidila nge, kezungidila nge mpe kefietikisa nge bifulu nionso. ⁴⁴Bake bebisa nge na bana na nge. Bake bika ve dibanga mosi na zulu ya dibanga ya nkaka, samuna nge zaba ve ntangu Nzambi mekaka kuvulusa nge.⁴⁵Yesu kotaka na yinzo ya Nzambi mpe kuna yandi benganaka ba yina vuandaka teka kuna. ⁴⁶Yandi tubilaka bawu : "Yame sonama, 'Yinzo na munu kele yinzo ya lusambulu.' Kansi beno, beno me kumisa yawu kifulu ya miyibi."⁴⁷Yesu vuandaka kulongisa kilumbu na kilumbu na yinzo ya Nzambi mpe bangudi nganga, bansoniki mpe bangudi ya nkangu vuandaka sosa kufua yandi. ⁴⁸Kansi bazabaka ve mutindu nini kubaka yandi samuna nkangu ke kuwaka yandi naku sepela nionso.

20¹Kilumbu mosi Yesu vuandaka longisa batu nsangu ya mbote na yinzo ya Nzambi, bangudi nganga na minsoniki kuizaka kintuadi na bangudi ya batu. ²Batubilaka yandi : "Na lulendo nini nge kena sadila mambu yina? Mpe nani yina me pesa ngeyo lulendo yango?"³Yandi vutulaka : "Munu mpe muke yuvusa beno diambu, beno tubila munu : ⁴mbotokolo ya Yoane yakatukaka na zulu to na batu?"⁵Babanzaka bawu mosi, mpe batubaka : "Sikana beto me ndima, 'Ya mazulu,' yandi ke tuba, 'Samuna inki beno ndimilaka yandi ve?' ⁶Sikana beto me tuba ya batu, batu nionso ke lozila beto mabanga, samu ba tomaka leka kiminu na mbikudi Yoane."⁷Bavutulaka ti bazaba ve wapi sika ya katukaka. ⁸Yesu me tubilaka bawu : "Munu mpe muke tubila beno ve wapi mutindu muke na lulendo yaku sala mambu yina."⁹Yandi tubaka kingana na nkangu : "Mutu mosi kunaka bilanga na yandi ya vinia, yandi bikaka na bisadi na yandi, bosi yandi kuendaka vuanda bilumbu mingi na yinsi ya nkaka. ¹⁰Na ntangu ya ngionzokolo yandi me tinda kisadi mosi kuenda kutana na bayina kesalaka bilanga ya vinia, samuna bapesa yandi mbuma ya bilanga. Kansi bisadi yina bulaka yandi mpe bame bika yandi kuenda maboko mpamba.¹¹Yandi tindaka diaka kisadi ya nkaka mpe bame bula yandi diaka, bame viokola yandi na nsoni mingi mpe bame vutula yandi maboko mpamba.¹² Yandi tindaka diaka kisadi ya tatu mpe bame luadisa yandi, mpe bame bengana yandi.¹³Mfumu ya bilanga ya vinia me tuba, 'Nini musala? Muke tinda muana na munu ya bakala muke zolaka mingi, nanga bake mona yandi luzitu.' ¹⁴Kansi ntangu bisadi ya vinia me mona yandi, ba vuandaka tubasana, na mutindu yayi, 'Tala mvinginini ya difua. Beto kufua yandi samuna difua ya vuanda ya beto.'¹⁵Balozaka yandi ntama na bilanga ya vinia, mpe bame kufua yandi. Na mutindu yina, nini mfumu ya bilanga ya vinia ke sala bawu? ¹⁶Yandi ke kuiza mpe yandi ke kufua bisadi yina ya bilanga ya vinia, mpe yandi kepesa bilanga ya vinia na batu ya nkaka." Ntangu bakuwaka yawu bame tuba : "Nzambi bika sepela na yawu."¹⁷Kansi Yesu me tala bawu mpe yandi me tuba : "Nini me monisa diambu yina sonamaka : 'Dibanga yina lozaka ba yina vuandaka tunga me kuma ya mfunu?' ¹⁸Mutu nionso ke kubua na zulu ya dibanga yina yandi ke toluka, mpe na yina yake buila yandi ke kesumuka."¹⁹Na yawu bamfumu ya nganga na minsoniki me banda kusosa kutula yandi maboko na ntangu yina, samu bazaka ti yandi tubaka kingana yina samuna bawu. Kansi ba monaka wonga ya nkangu.²⁰ Bame sungimina kutala yandi, bame tinda mineki, neti batu ya lunungu, samu ba baka yandi yimbi na yina yandi ke tuba, samu ba yekula yandi na luyalu mpe mfumu ya kinzunga.²¹Bame yuvusa yandi : "Nlongi, beto me zaba ti nge ke tubaka mpe kulongisa na mutindu mosi yaku sungama mpe nge ke landaka mambu ya mutu ve, kansi ngeke longaka mambu ya Nzambi na nseleka. ²²Beto kele na minsua to ve, naku futa ba mpaku na Kaesala?"²³Kansi Yesu me bakusa mayuya na bawu mpe me vutudila bawu : ²⁴"Beno monisa munu kivanza mosi ya mbongo. Ilungi mpe bisono kele na mbongo yayi ya nani?" Bame vutula : "Ya Kaesala."²⁵Yandi me tubila bawu : "Pidina, beno vutula na Kaesala yina kele ya Kaesala, na Nzambi yina kele ya Nzambi." ²⁶Ba kokaka ve kutuba yimbi na mambu na yandi na ntadisi na yandi. Bame yitukua na mvutudulu na yandi kansi ba tubaka kima mosi ve.²⁷Ntangu ndambu ya saduki, yina ketubaka ti mfulukulu kele ve, bame pusana naku yuvusa yandi kyuvu yayi : ²⁸"Nlongi, tala yayi Mose zonikinaka beto : Kana mpangi ya mutu mosi me kufua, kena nkento, kena bana ve, mpangi na yandi lenda baka nkento na yandi, samuna yandi pesa mpangi na yandi muana.²⁹Nzokande bavuandaka bampangi nsambodia, ya ntete me kuela kansi yandi me kufua ni kubuta bana,³⁰ mpe ya zole diaka,³¹ mpe ya tatu me kuela yandi, ya vuandaka mutindu mosi na bawu nsambodia, bame kufua ni kubika bana. ³²Landila bilumbu na ntuala, nketo me kufua mpe. ³³Na mfulukulu, yandi ke vuanda nketo ya nani na bawu nionso? Pamba ve, yandi vuandaka nketo ya bawu nsambodia.³⁴Yesu vutudilaka bawu : "Bana ya yinza yayi bake kuelaka mpe bake pesaka bawu na makuela. ³⁵Kansi bayina ke monana yaku fuana na ntangu ya mfulukulu ya bafua, balenda kuela ve mpe balenda pesa bawu na makuela ve. ³⁶Balenda mpe kufua ve, samu bake vuanda mutindu mosi na ba mbasi, mpe bake vuanda bana ya Nzambi lokola bake bana ya mfulukulu.³⁷Kana batu ya kufua me fuluka, Mose mpe yandi nsongaka yawu na ntangu tiya vuandaka pela, yandi bokilaka Mfumu Nzambi ya Abalayami, Nzambi ya Isaki, mpe Nzambi ya Yakobi. ³⁸Nzambi kele Nzambi ya batu ya kufua ve, kansi ya bayina kele moyo, samu ti bawu nionso kele moyo na yandi."³⁹Ndambu ya minsoniki me vutula : "Nlongi nge me tuba mbote." ⁴⁰Mpe bakokaka diaka ve kuyuvusa biuvu ya nkaka.⁴¹Yesu me tubila bawu : "Nini mutindu bake tubaka ti Klisto kele muana ya Davidi? ⁴²Davidi yandi mosi tubaka na mukanda ya Minkunga, 'Mfumu me tuba na Mfumu na munu, vuanda na lubaka na munu, ⁴³ti ntangu muke tula bambeni na nge na makulu na nge.' ⁴⁴Davidi kebokila Klisto 'Mfumu,' buna wapi mutindu yandi ke muana ya Davidi?"⁴⁵Na ntangu nkangu vuandaka kuwa yandi, yandi tubaka na minlongoki na yandi :⁴⁶ "Beno keba na minsoniki, bake zolaka kutambula na bilele ya yinda, mpe bake zonaka bapesa bawu bambote ya mutindu ya nkaka na bisika ya batu mingi, bake sosaka kuvuanda na bifulu ya ntete na yinzo ya Nzambi, mpe na ntangu ya ba nkinzi. ⁴⁷Bake nsansikisaka diaka ba yinzo ya banketo me fuilaka ba bakala, mpe bake vunikasaka kusala lusambulu ya yinda. Bake baka mfundusu ya nene."

21¹Awa Yesu sendulaka meso, yandi monaka bamvuama vuandaka tula minkayilu na kitunga. ²Yandi monaka mpe nketo mosi ya mputu yina vuandaka difola, vuandaka tula mpe makuta zole. ³Mpe yandi tubaka : "Ya kieleka mukena kuzabisa beno, mputu yayi ya difola me pesa kulutisa bato nionso ya nkaka. ⁴Batu nionso yayi, bame baka yina kele na mfunu mosi ve samuna kupesa minkayilu. Kansi difola yayi me pesa yina ya mfunu, nionso yandi vuandaka na yawu na kuzinga."⁵Lokola mua batu vuandaka tubila yinzo ya Nzambi, mutindu batomisaka yawu na mabanga ya kitoko mpe na minkayilu, Yesu me tuba : ⁶"Na bima yayi beno kena kumona, bilumbu ke kuiza, yake bikana dibanga na zulu ya dibanga yina ke balumuka ve."⁷Bayuvusaka yandi : "Nlongi, ni ntangu mambu yayi ke salama? Mpe nini ke vuanda kidimbu ntangu mambu yina ke salama?" ⁸Yesu me vutula : "Beno keba samu bavuna beno ve. Samu batu mingi ke kuiza na nkumbu na munu, na kutuba, 'Yake munu' mpe 'Ntangu me finama.' Beno landa bawu ve. ⁹Na ntangu beno ke kuwa bake tubila ba mvita mpe kutombuka ya batu, beno mona wonga ve, samu mambu yina nionso fuana salama ntete, kansi nsuka ke salama malu-malu ve.¹⁰Bosi yandi me zabisa bawu : "Batu ya insi mosi ketedimina batu ya insi ya nkaka, mpe insi mosi ya ntinu ketedimina insi ya ntinu ya nkaka. ¹¹Ntoto ke ningana na ngolo nionso mpe na bifulu mingi ba nsatu na bimbevo ya nene. Mambu ya nsisi kesalama, mpe bidimbu ya nene kemonika na dizulu.¹²Kansi, na ntuala ya mambu nionso yayi, bake tetikila beno maboko, bake monisa beno mpasi, bake kanga beno na ba yinzo ya tukutukunu, bake loza beno na buloko, bake nata beno na ntuala ya bantinu mpe bamfumu ya bambanza samuna nkumbu na munu. ¹³Yake pesa beno nzila yaku tuba kimbangi.¹⁴Na yawu beno tula mabanza na beno na ntima ve samuna kukitanina, ¹⁵samu muke pesa beno mambu yaku fuana mpe nduenga mosi yina ke sala ti mintatu na beno nionso bavuanda na lulendo yaku tedimina to kutuba ya nkaka ve na yina beno ke tuba.¹⁶Kansi bake yekula beno ata na babuti na beno, na bampangi na beno, na bamfinangani mpe na bankundi na beno, mpe bake vondisa mingi kati na beno. ¹⁷Bake yina beno na batu nionso samuna nkumbu na munu.¹⁸ Kansi beno ke zimbisa ata nsuki mosi ve na intu na beno. ¹⁹Na ntatumunu na beno, beno ke vukisa miela na beno.²⁰Ntangu beno ke mona Yelusalemi me zungidilua na binuani ya mvita, beno fuana zaba ti kubebisama na yawu kele pene-pene. ²¹Na yawu, bayina ke vuanda na Yuda batinina na miongo, ba yina ke vuanda na kati-kati ya mbanza bakuenda mpe, ba yina ke vuanda na ndambu ya kizunga bakota kuna ve. ²²Samu yake vuanda bilumbu yaku vutula yimbi na yimbi samuna kukokisa nionso kele yaku sonama.²³Kiadi na banketo kevuanda na bivumu mpe na yina ke yemika na bilumbu yina! Samu maniongo ya nene ke vuanda na insi, mpe nganzi ke vuanda samuna nkangu yayi. ²⁴Bake kufua na meno ya mbele, bake nata bawu batu yaku kangama na kati na ba yinzo nionso mpe Yelusalemi ke diatukusua na bayina kele bayuda ve ti ntangu na bawu ke lungama (fuana).²⁵Yake vuanda na bidimbu na ntangu, na ngonda mpe na bambuetete. Mpe na ntoto, yake vuanda na kiadi kati na batu yina ke saba ve nini kusala na makele ya mbu mpe bamayo. ²⁶Batu kekufua na wonga na kuvingila mambu kesalama na ntoto samu tulendo ya mazulu ke ningana.²⁷Bosi beno ke mona muana ya mutu kukita na lulendo mpe nkembo ya nene. ²⁸Na ntangu mambu yayi ke banda kusalama, beno telama mpe beno tedimisa ba intu na beno samu mpulusu na beno me kuma pene-pene.²⁹Yesu tubilaka bawu kingana mosi : "Beno tala inti ya ba mingiengie na bainti ya nkaka. ³⁰Ntangu makaya ya impa me banda kubima, beno ke zaba naku tala yawu ti nsungi ya mvula me finama. ³¹Pidina, ntangu beno ke mona mambu yayi kusalama, beno zaba ti kimfumu ya mazulu me finama.³²Na kedika mukena kuzabisa beno, mbandu yayi ke luta ve kana mambu yayi me salama ve. ³³Dizulu na ntoto ke luta, kansi mambu na munu ke sala luta ve.³⁴Beno sala keba, beno lutisa ve ntangu nionso ya beno na kusala minkembo, ku kolua malavu, mpe naku vuanda na maniongo samu na luzingu na beno. Kana ve, kilumbu ya lufundusu ke kumina beno naku pamuka, ³⁵neti mutambu. Yau ke kumina nionso yina kele na ntoto ya mvimba.³⁶Beno leka pongi ve, beno sambila ntangu nionso samu beno baka ngolo ya kuvibidila mambu nionso yina ke salama, mpe ya kuvuanda ya kutelema na ntuala ya Muana ya mutu."³⁷Na bilumbu ntangu Yesu vuandaka longa na inzo ya Nzambi, yandi vuandaka litisila mpimpa na mongo ya ba inti ya Olive. ³⁸Nkangu nionso vuandaka kuiza na nsuka nsuka sika yandi vuandaka na yinzo ya Nzambi samuna kuwa yandi.

22¹Nkinzi ya mapa yina bake bokilaka Paki kumaka pembeni. ²Ba ngudi nganga na minsoniki vuandaka sosa na mutindu nionso samuna kufua Yesu, kansi ba vuandaka na wonga ya nkangu.³Satana mekotila Yuda Iskalioti mosi na minlongoki kumi na zole. ⁴Yuda kuendaka ku wizana na bangudi nganga mpe ba mfumu ya minkengi na mutindu nini yandi lenda kuyekula Yesu na maboko na bawu.⁵Ba vuandaka na kiese mpe bawizanaka kupesa yandi mbongo. ⁶Yandi ndimaka mpe vuandaka sosa nzila yaku yekula Yesu na ntangu ya mbote yina batu lenda zaba ve.⁷Kilumbu ya nkinzi ya mapa kevimbaka ve, ntangu bake kufuaka dimeme samuna kudia Paki kumaka. ⁸Yesu tindaka Petelo na Yoane naku tuba : "Beno kuenda bongisa Paki samuna beto kudia." ⁹Batubilaka yandi : "Wapi nge zola beto bongisa yawu?"¹⁰Yandi vutusaka : "Beno kuwa, ntangu beno ke kota na mbanza, mutu mosi me nata mvungu ya maza ke kutana na beno, beno landa yandi na yinzo yina yandi ke kota. ¹¹Mpe beno ke tuba na mfumu ya yinzo, 'Mfumu me tuba wapi kivinga yina muke kudia Paki na minlongoki na munu?'¹²Yandi ke monisa beno kivinga ya nene yina kele na bima nionso yaku kubama. Kuna beno kesadila yawu. ¹³Bakuendaka mpe bamonaka mutindu kaka yandi tubilaka bawu. Mpe babongisaka madia ya Paki.¹⁴Ntangu kokaka yandi vuandaka na bantumua. ¹⁵Yandi me zabisa bawu : "Munu vuandaka na nsatu ya kudia na beno Paki ti na ntangu yaku mona mpasi. ¹⁶Samu mukena kutubila beno muke kudia yawu diaka ve ti na ntangu yake kokisama na kimfumu ya dizulu ya Nzambi."¹⁷Na manima, Yesu me baka dikopo, ntangu yandi me tonda Nzambi yandi me tubila bawu : "Beno baka yayi mpe beno kabula yawu beno na beno. ¹⁸Pambe ve, mukena kutubila beno muke kunua diaka yayi ve ti na ntangu kimfumu ya Nzambi ke kuiza."¹⁹Na manima, yandi bakaka dimpa mpe yandi tondaka Nzambi, yandi zengaka yawu yandi pesaka bawu mpe yandi tubaka : "Yayi kele nzutu na munu me pesimina beno. Beno sala ntangu nionso samuna kukanisa munu." ²⁰Mutindu mosi mpe, na manima yandi bakaka dikopo mpe tubaka : "Dikopo yayi ya kele nguizani ya mona yina ke salama na menga na munu me tenguka samuna beno.²¹Kansi beno sala keba, mutu yina kena ku yekula munu me vuanda na munu na meza yayi. ²²Samu Muana ya mutu kena kuenda mutindu ya tubamaka. Kansi kiadi na mutu yina me yekula Muana ya mutu." ²³Ba bandaka kuki yuvula bawu na bawu nani yina me sala pidina.²⁴Minlongoki vuandaka kuzonza samuna kuzaba nani kati na bawu kele mbuta. ²⁵Yandi me tubila bawu : "Ba ntinu ya batu yina ke yalaka bainsi kena ku yala bawu, ba yina kele na kimfumu bake bokilaka bawu pidina.²⁶Kansi yake vuanda ve pidina samuna beno. Kansi bambuta kati na beno kuma mutindu mosi na bana fioti mpe yandi yina kele mfunu mingi ke kuma neti yandi yina kena kusala. ²⁷Pamba ve, nani yina kele mbuta, yandi yina kele na meza to yandi yina kena kusala? Yandi yina ke na meza ve? Nzoka mukele neti kisadi kati na beno.²⁸Kansi beno kele bayina tatamanaka na munu na ba ntotolo. ²⁹Me pesa beno kimfumu mutindu mosi tata na munu pesaka munu yawu, ³⁰samuna beno kudia mpe kunua na meza ya kimfumu na munu, mpe beno kevuanda na kiti ya kimfumu kusambisa makanda kumi na zole ya Isaele.³¹Simoni, Simoni, sala keba, Satana me katuka kulomba nge samuna yandi yungula nge neti kaka fufu. ³²Kansi me sambidila nge samuna nge kubua na mpukumunu ve. Ntangu nge ke vutuka siamisa ba mpangi na nge."³³Petelo me zabisa yandi : "Mfumu, muke yaku kubama ku kuenda na nge na buloko mpe na lufua." ³⁴Yesu me tubila yandi : "Petelo, mukena zabisa nge, nsusu kekokula kutu ve bubu yayi nge ke wangana munu mbala tatu."³⁵Yesu tubaka diaka : "Ntangu mutindaka beni ni nkutu, ni nsaku, ni nkuta mpe ni sapatu, beno zangaka kima?" Bavutulaka : "Kima ve." ³⁶Mpe yandi me tubila bawu : "Kansi ntangu yayi, mutu yina kele na nkutu baka yawu, yina kena nsaku baka yawu. Mpe yina kele na mbele ve, teka bilele na yandi samuna yandi sumba yawu.³⁷Samu mukena kuzabisa beno, yina sonamaka samuna munu fuana kokisama : 'Bamonaka yandi lokola mutu ke zitisaka minsiku ve." ³⁸Bame tuba : "Mfumu, tala ba mbele." Yandi me tubila bawu : "Yame koka."³⁹Na manima ya kudia, Yesu kuendaka mutindu yandi mesanaka kusala yawu, na mongo ya Olive, mpe minlongoki landaka yandi. ⁴⁰Ntangu bakumaka yandi me tubila bawu : "Beno sambila samuna beno kubua ve na mpukumunu."⁴¹Yandi kuendaka ntama na bawu, na kitini ya mutu me loza dibanga, yandi fukamaka, mpe sambilaka ⁴²naku tuba : "Tata, kana nge zola, katula dikopo yayi na ntuala na munu. Mbala nionso, na luzolo na munu ve, kansi ya nge salama."⁴³Mpe mbasi monikinaka yandi samuna kusiamisa yandi. ⁴⁴Na mpasi ya lufua na ntima, yandi sambilaka na kingongo mpe mutoki na yandi kumaka lokola madada ya nene ya menga kusotuka na ntoto.⁴⁵Na manima ya lusambulu, yandi kuendaka na minlongoki mpe yandi kutaka bawu yaku leka samuna kiadi na bawu ⁴⁶mpe yandi yuvusaka bawu : "Samuna nini beno kena kuleka? Beno telama beno sambila samuna beno kubua ve na mpukumunu."⁴⁷Ntangu yandi vuandaka tuba ntete, nkangu mosi kuizaka na Yuda, mosi ya minlongoki kumi na zole, yandi nataka bawu. Yandi pusanaka na Yesu samuna kufiba yandi na ditama,⁴⁸ kansi Yesu me tubila yandi : "Yuda, ya kele na kufiba nge kena kuteka Muana ya mutu?"⁴⁹Ntangu bayina vuandaka pembeni ya Yesu monaka mutindu yake na lutila, bame tuba : "Mfumu, beto bula bawu na mbele?" ⁵⁰Mpe mosi bulaka kisadi ya ngudi nganga mpe zengaka yandi dikutu ya lubakala. ⁵¹Yesu me tuba : "Yame koka, beno bika." Mpe yandi simbaka dikutu ya mutu yina mpe yandi vutusaka yawu.⁵²Yesu me tuba naku landa na bangudi nganga, bamfumu ya yinzo ya Nzambi mpe ba kulutu yina kuizaka samuna kukanga yandi : "Beno me nata ba mbele mpe ba inti mutindi ti mukele kimpubulu.⁵³ Bilumbu nionso mu vuandaka na beno na kati ya yinzo ya Nzambi, mpe beno sosaka ve naku kanga munu. Kansi yayi ke ntangu na beno, mpe ya lulendo ya tombe."⁵⁴Babakaka yandi mpe banataka yandi na yinzo ya mfumu ya ngudi nganga. Kansi Petelo vuandaka landa mua ntama na manima. ⁵⁵Na manima yaku pedisa tiya yina vuandaka na kati-kati ya nganda ba vuandaka bawu nionso, Petelo mpe vuandaka na kati ya bawu.⁵⁶Kisadi mosi ya nketo monaka yandi na lusadusu ya ntemo ya tiya, yandi talaka yandi mpe yandi me tuba : "Mutu yayi vuandaka mpe na yandi." ⁵⁷Kansi Petelo wanganaka naku tuba : "Nketo, muzaba yandi ve." ⁵⁸Na mua ntangu, muntu ya nkaka me mona yandi mpe me tuba : "Nge kele mpe mosi na bawu." Kansi Petelo me tuba : "Muana bakala, mukele yina nge kena kutuba ve."⁵⁹Na manima na ntangu mosi, ya nkaka me siamisa na kutuba : " Ya tseleka, mutu yayi vuandaka mpe na yandi, samuna yandi kele mutu ya Ngalili." ⁶⁰Kansi Petelo me vutusa : "Muana bakala, muzaba ve yina nge kena kutuba." Na mbala mosi, ntangu yandi vuandaka tuba ntete, tsusu me kokula.⁶¹Mfumu balukaka mpe talaka Petelo, mpe Petelo bambukaka moyo yina Mfumu tubilaka yandi : "Ntete tsusu kokula ve, nge ke wangana munu mbala tatu." ⁶²Ntangu yandi me bima yandi dilaka na mpasi nionso.⁶³Batu yina vuandaka simba Yesu, kumaka kusekinina yandi mpe kubula yandi. ⁶⁴Na manina yaku finika yandi ilungi bayuvusaka yandi na kutuba : "Kanisa, nani me bula nge?"⁶⁵ Batubaka ba mambu mingi ya yimbi samuna kuvueza yandi.⁶⁶Ntangu nsuka me koka, bisadi ya bankulutu ya nkangu, bangudi nganga mpe minsoniki kutanaka, banataka Yesu na ntuala ya nkangu ya bankulutu, ⁶⁷mpe tubaka : "Kana nge kele Klisto, tubila beto yawu." Kansi yandi vutusaka : "Kana metubila beno, beno ke ndima yawu ve, ⁶⁸mpe kana me yuvusa beno, beno ke vutusa ve.⁶⁹Banda ntangu yayi Muana ya mutu ke vuanda na diboko ya lulendo ya Nzambi." ⁷⁰Bawu nionso tubaka : "Yazola tuba nge kele Muana ya Nzambi?" Mpe yandi me vutudila bawu : "Beno me tuba yawu, mukele yawu." ⁷¹Na yina bame tuba : "Samuna nini beto kele diaka na nsatu ya kimbangi? Samu beto me kuwa yawu beto mosi na inua na yandi."

23¹Bawu nionso telamaka mpe banataka Yesu na ntuala ya Pilato. ²Ba bandaka kufunda yandi naku tubaka : "Beto mekuta mutu yayi kena kubebisa nkangu ya beto naku pekisaka batu na kufuta mpaku na Kaesala, mpe yandi mosi kena kukibieka Klisto, ntinu."³Pilato yuvusaka yandi, mutindu yayi : "Nke kele ntinu ya bayuda?" Yesu me vutusila yandi : "Nge me tuba yawu." ⁴Pilato me tuba na bangudi ya nganga mpe na nkangu : "Mume mona diambu mosi ve ya yimbi na mutu yayi." ⁵Kansi batatamanaka kutuba : "Yandi ke kitumunaka batu mpe ku longisa na Yuda ya mvimba, ku banda na Ngalili sika yandi bandilaka ti awa."⁶Ntangu Pilato kuwaka yawu, yandi yuvusaka si kana mutu yango vuandaka mutu ya Ngalili. ⁷Awa yandi kuwaka ti yandi kele mutu ya kizunga yina ke yadilaka Elode, yandi tindaka yandi na Elode, yina vuandaka mpe na Yelusalemi kilumbu yina.⁸Ntangu Elode monaka Yesu, yandi vuandaka na kiese mingi samu banda ntama yandi zolaka ku mona yandi, samu yandi vuandaka kuwa nsangu na yandi, mpe yandi salaka kivuvu ti yandi ke mona bimangu yandi ke sala. ⁹Yandi yuvulaka yandi bangiuvula kansi Yesu vutusaka kima mosi ve. ¹⁰Bangudi ya nganga mpe minsonuki telamaka vana mpe fundaka yandi na kingolo.¹¹Elode na masodi na yandi bafingaka yandi mpe na manima yaku sekinina yandi mpe ba vuatisaka yandi kinkutu ya nkembo, bame buela tinda yandi na Pilato. ¹²Elode na Pilato kumaka bankundi na kilumbu yina kaka (na ntama bavuandaka mintatu)¹³Pilato, na manima yaku sangisa bangudi ya nganga, bazuzi mpe batu ya nkangu, ¹⁴mpe yandi me tubila bawu : "Beno menatina munu mutu yayi lokola yandi kena kutukisa nkindu, mpe tala, mume yuvusa yandi na ntuala na beno, mpe mume mona ata diambu mosi ve yina beno kena kufundila yandi.¹⁵Elode pe yandi monaka ata diambu mosi ve yina beno kena kufundila yandi, yina beno kena kuzengila yandi lufua.¹⁶ Na yawu, muke pesa yandi kitumbu mpe muke bikidila yandi." ¹⁷(Mpe Pilato fuanaka yambula nkole mosi ya bayuda samuna ntangu ya nkinzi)¹⁸Kasi babokaka bawu nionso mbala mosi : "Katudila beto mutu yayi mpe yambudila beto Balabasi. ¹⁹Balabasi vuandaka mutu mosi batulaka na buloko samuna nkindu na mbanza mpe samuna kufua batu.²⁰Pilato me buela tubila bawu diaka samuna dibanza yaku yambula Yesu.²¹ Mpe babokaka na kingolo : "Koma yandi, koma yandi." ²²Yandi me tubila bawu na mbala ya tatu : "Inki ya yimbi yandi me sala? Mume mona ve diambu mosi ya yimbi kati na yandi yina yandi fueti fuila. Muke bika yandi na manima yaku pesa yandi kitumbu."²³Kansi babokaka na ndinga ya ngolo na kulomba ti bakoma yandi na dikulusi. Mpe mbokolo lutaka ngolo. ²⁴Pilato bakaka lukanu yaku pesa bawu yina balombaka ya salamina bawu. ²⁵Bayambulaka yina vuandaka na buloko samuna nkindu mpe kufua batu mpe yandi pesaka bawu Yesu samu basala luzolo na bawu.²⁶Lokola bavuandaka nata yandi, bakangaka mutu mosi ya nkumbu ya Simoni ya Kilene, yina katukaka na bilanga mpe bapesaka yandi dikulusi, samu yandi nata na manima ya Yesu.²⁷Batu mingi vuandaka landa yandi mpe banketo vuandaka tula maboko na bawu na ntima mpe kudila samuna yandi.²⁸ Yesu metala bawu mpe yandi me tuba : "Banketo ya Yelusalemi, beno bika dila samuna munu; kasi beno dila samuna beno mosi mpe bana na beno.²⁹Samu ti bilumbu kekuiza yina bake tuba, 'Mayangi kele na banketo yina ke butaka ve, mayangi na bivumu ya bayina bimisaka bana ve mpe mabene yina yemikaka ve.' ³⁰Na yawu, bake kuiza tuba na miongo, 'Beno buila beto,' mpe na mongo ya fioti, 'Beno fuka beto.' ³¹Samu, kana bame sala mambu yayi na inti ya nkunzu, nini kekuiza vuanda na yina yaku yuma?"³²Kaka na ntangu yina, banataka mintani zole samu bakufua bawu kifulu mosi na Yesu.³³Ntangu bakumaka na sika bake bokidilaka "Kikonzongolo ya intu," (Gologota) bame koma yandi na dikulusi na mintani yina zole, mosi na lubakala mpe yankaka na lumoso ya Yesu. ³⁴Yesu me tuba : "Tata, yambudila bawu samu bazaba ve yina bakena kusala." Bame kabasana bilele na yandi na kuta wadi.³⁵Batu telamaka vana, mpe vuandaka tala ntangu bazuzi vuandaka sekinina yandi naku tubaka : "Yandi vulusaka batu ya nkaka, sikana yandi kele Klisto, yina ponamaka na Nzambi, yandi kukivulusa yandi mosi."³⁶Bisodi mpe vuandaka seka yandi, bapusanaka mpe bapesaka yandi vinu ya nsa. ³⁷Bavuandaka tuba : "Kana nge kele ntinu ya Yuda, kukivukisa nge mosi." ³⁸Mpe nsonokono yayi vuandaka na zulu na yandi : "Yandi yayi kele ntinu ya bayuda."³⁹Mosi ya mintani yina bakomaka na dikulusi fingaka yandi mpe tubaka : "Nge kele Klisto ve? Kukivulusa nge mosi mpe vulusa beto." ⁴⁰Kansi yina ya nkaka me vutula mpe : "Nge ke mona Nzambi wonga ve, nge mutu kena kubaka kitumbu mosi? ⁴¹Samuna beto yaku fuana, pamba ve beto kena kubaka yina me fuanakana na masumu na beto. Kansi yandi salaka kima mosi ve ya yimbi."⁴²Mpe yandi me tuba na Yesu : "Bambukila munu moyo ntangu nge ke kuiza na kimfumu na nge." ⁴³Yesu me vutudila yandi : "Mume tubila nge ya kieleka bubu yayi, nge ke vuanda na munu na paladizu."⁴⁴Ya vuandaka na ntangu ya sambanu mpe kitombe vuandaka na insi ya mvimba ti na ntangu ya ivua. ⁴⁵Ntangu yina kaka, mpe divunga ya yinzo ya Nzambi pasukaka na kati-kati.⁴⁶Yesu me boka na ndinga ya ngolo : "Tata, na maboko na nge mume bika moyo na munu." Na manima yaku tuba mambu yina, yandi zengaka ntima. ⁴⁷Naku mona yina salamaka, mfumu ya bisodi kembisaka Nzambi mpe yandi tubaka : "Ya kieleka mutu yayi vuandaka ya lunungu."⁴⁸Mpe bayina nionso vuandaka vana, na manima yaku mona yina salamaka, bavutukaka, babutulaka maboko na ntima. ⁴⁹Kansi bayina nionso zabaka Yesu, na banketo yina vuandaka na yandi ku banda na Ngalili, ba telamaka na ntama mpe vuandaka kutala mambu yango.⁵⁰Tala, na kati ya lukutakanu ya ba mbuta, ya vuandaka na mutu mosi na nkumbu ya Yozefi, mutu ya mbote mpe ya lunungu. ⁵¹Yandi ndimaka ve lukanu mpe yina ba yankaka vuandaka sala, yandi vuandaka mutu ya Alamati, mbanza ya Yuda. Yandi vuandaka vingila kimfumu ya mazulu.⁵²Yandi kuendaka na Pilato mpe yandi lombaka nzutu ya Yesu. ⁵³Yandi kitisaka yawu, yandi zingaka nlele ya lino, mpe yandi tulaka yandi na ndiamu na kati ya dibanga, yina bame teka zikila mutu ve.⁵⁴Ya vuandaka kilumbu ya nkubumunu mpe lumingu kumaka pembeni ya kubanda. ⁵⁵Banketo yina katukaka na Ngalili kintuadi na Yesu, balandaka yandi, bamonaka ndiamu mpe mutindu bakotisilaka nzutu ya Yesu.⁵⁶ Mpe bavutukaka, bakubikaka bima ya nsunga mpe malasi. Na manima ya kupema kilumbu ya lumingu mutindu kele na minsiku.

24¹Nsuka nsuka na kilumbu ya ntete, ya lumingu, bankento kuendaka na ndiamu. Banataka bima ya nsunga yina babongisaka. ²Bamekutana dibanga bame katulaka yawu na muelo ya ndiamu. ³Ntangu bakotaka bamonaka ve nzutu ya Mfumu Yesu.⁴Na ntangu bavuandaka zaba ve nini basala, mpe na mbala mosi, babakala zole telamaka pembeni na bawu na bilele ya nkembo. ⁵Lokola bankento vuandaka mona wonga, bame kitisa bilungi ya bawu na ntoto, kasi bame zabisa bawu : "Samu na inki beno kena sosa mutu ya moyo kati na batu ya kufua?⁶Yandi ke diaka awa ve, kansi yandi me futumuka. Beno bambuka moyo na inki mutindu yandi zabisaka beno, ntangu yandi vuandaka ntete na Ngalili,⁷ mpe yandi vuandaka tuba : "Muana ya mutu fueti yekulua na maboko ya batu ya masumu, ba fueti koma yandi na dikulusi mpe kufutumuka na kilumbu ya tatu."⁸Bankento me bambukila bampova yango moyo mpe bame vutuka. ⁹Bakuendaka samuna mambu yango na kumi na mosi mpe na batu nionso ya nkaka. ¹⁰Bayina zabisaka mambu yango na bantumua, vuandaka Maliya mutu ya Mangadala, Yoana, Maliya mama ya Yakobi mpe bankento yankaka vuandaka na bawu.¹¹Kansi samuna bantumua nsangu yayi vuandaka lokola mambu ya mpamba mpe bandimaka bankento ve. ¹²Kansi Petelo telamaka mpe zaulaka na ndiamu. Na ntangu yandi yinamaka mpe talaka yandi monaka bilele ya leni. Petelo me kuenda na yandi, yandi me kuenda kanisa yina salamaka.¹³Mpe kaka na kilumbu yango, zole kati na bawu kuendaka na buala na nkumbu ya Emausi, yame tatuka na Yelusalemi na makumi sambanu ya stadia. ¹⁴Bavuandaka solula bawu na bawu na yina nionso salamaka.¹⁵Yavuandaka ti na ntangu ba vuandaka kubindasana mpaka, mpe kukiyuvusa, yandi mosi Yesu me pusana mpe yandi me banda kuenda na bawu kintuadi. ¹⁶Kasi meso na bawu vuandaka yaku kakudulua na kuvisa yandi.¹⁷Yesu me tuba na bawu : "Inki yina beno kena kuenda tubaka nzila-nzila?" Bame ntumbu telama na kiadi. ¹⁸Mosi na bawu, nkumbu na yandi Kleopa, me vutusila yandi : "Nge ke mutu mosi kaka, kena kuzingila na Yelusalemi me zaba ve yina mesala bilumbu yayi?"¹⁹Yesu meyuvusa : "Inki mambu?" Mpe bavutusilaka yandi : "Mambu metadila Yesu mutu ya Nazaleti, yina vuandaka mbikudi ya lulendo na mavanga mpe bampova na ntadisi ya Nzambi mpe ya batu nionso. ²⁰Mpe inki mutindu bangudi ya nganga mpe bamfumu na beto yekulaka yandi samuna kuzengila yandi lufua mpe kukoma yandi na dikulusu.²¹Beto vuandaka na kivuvu ti yandi ke kuiza vulusa Isaeli. Kedika, banda nionso yina mesalama, bubu yayi kilumbu ya tatu.²²Kansi bankento ya nkaka kati na beto bamebuisaka beto zengele-zengele, bakuendaka nsuka-nsuka na ndiamu. ²³Lokola bakutaka nzutu na yandi ve, bakuizaka zabisa beto ti bambasi monikinaka bawu mpe bazabisaka beto ti yandi kele ya moyo. ²⁴Ba yankaka vuandaka na beto, bakuendaka na ndiamu mpe bakuendaka mona mutindu kaka bankento tubilaka. Kansi yandi bamonaka yandi ve."²⁵Na yawu Yesu me zabisa bawu : "O babakala me zanga mayele, mpe bayina ke ndimaka malu ve mambu tubaka bambikudi. ²⁶Yafuanaka ve ti Klisto lungua mambu nionso yayi mpe kukota na nkembo na yandi?" ²⁷Mpe yandi me bandila na Mose, na bambikudi nionso, yandi me visikisa bawu na kati ya masonukua, yina me tadila yandi.²⁸Na ntangu bakumaka pene-pene na dibuala kuna bavuanda kuenda, yandi mesala lokola yandi kena kuenda na buala ya ntama. ²⁹Kansi bame tatimisa yandi naku tubaka : "Sikila na beto, samu ti nkokila me finama mpe kilumbu me kuma na nsuka." Mpe yandi me kota samu yandi vuanda na bawu.³⁰Ya vuandaka, na ntangu yandi vuandaka na meza kintuadi na bawu, yandi me baka dimpa mpe na manima yaku tonda Nzambi, yandi zengaka yawu mpe yandi pesaka bawu yawu. ³¹Na yawu, meso na bawu zibukaka, mpe bamebakusa yandi, kansi yandi me zimbala na meso na bawu. ³²Mpe bame tubasana : "Ntima na beto vuandaka bula ve kati na beto na ntangu yandi vuandaka tuba na nzila mpe yandi visikisa beto masonukua?"³³Kaka na ntangu yina, bavutukaka na Yelusalemi mpe bakutanaka kumi na mosi na bayina vuandaka na bawu kintuadi. ³⁴Bame tuba : "Kedika, Mfumu me futumuka mpe yandi memonika na Simoni." ³⁵Mpe bame songa nionso yina kuminaka bawu na nzila, mpe mutindu Yesu kukimonikisaka na ntangu yandi vuandaka kabula dimpa.³⁶Na ntangu bakena kutubila mambu yango, yandi mosi Yesu me kuiza telama na kati-kati ya bawu, mpe yandi me tuba : "Yenge vuanda na beno." ³⁷Kansi lokola bavuandaka na wonga ya ngolo mpe kuzakama, bakanisaka ti bame mona nkuyu.³⁸Yesu me zabisa bawu : "Samuna inki beno me vinzuka mpe samuna inki babiuvu me fuluka na bantima na beno? ³⁹Beno tala maboko na makulu na munu, yake kaka munu. Beno simba munu mpe beno tala. Mpeve kena nsuni, ni kisivi ve mutindu beno kena mona mu kele na yawu." ⁴⁰Landila mpova yina, yandi me songa bawu maboko mpe makulu na yandi.⁴¹Ntangu bavuandaka leka kiminu ve mpe kuyangalala, mpe kuyituka, Yesu me zabisa bawu : "Beno me baka kima ya kudia awa?" ⁴²Bame pesa yandi mbizi ya kuyokua. ⁴³Yesu mebaka yawu mpe yandi me kudia na ntuala na bawu.⁴⁴Yandi me zabisa bawu : "Yawu yina me zabisaka beno na ntangu mu vuandaka na beno, muzabisaka ti yina sonamaka samuna munu na minsiku ya Mose, bambikudi mpe na minkunga fueteke lungama."⁴⁵Na yawu, yandi me zibula mayele na bawu samu bavisa masonukua. ⁴⁶Mpe yandi me zabisa bawu : "Yasonamaka mutindu yayi ti Klisto fueteke lungua mpe kufutumuka na insi ya bafua kilumbu ya tatu. ⁴⁷Bosi kuvilula mayele mpe kuyambudulua masumu na nkumbu na yandi fueteke samunua na makanda nionso, bandila na Yelusalemi.⁴⁸Beno kele bambangi yamambu yina nionso. ⁴⁹Tala, muke fidisa beno yina Tata na munu silaka. Kansi beno, beno vuanda na mbanza ti beno ke fulusua na lulendo ya Nkua kayengele."⁵⁰Na manima na yawu, Yesu nataka bawu na ndambu ya Betania. Yandi zangulaka maboko na yandi, yandi me sakumuna bawu. ⁵¹Yavuandaka ti, na ntangu yandi vuandaka sakumuna bawu, yandi bikaka bawu mpe yandi tombuluaka na dizulu.⁵²Na manima yaku sambila yandi, ba vutukaka na Yelusalemi na kiese ya ngolo. ⁵³Bavuandaka tatamana na kinlongo, mpe kuzitisaka Nzambi.

Nsangu ya mbote ya yoane

1¹Na mbaduku vuandaka Diambu, mpe Diambu vuandaka na Tata Nzambi, mpe Diambu vuandaka Tata Nzambi. ²Na mbadukulu Diambu vuandaka na Tata Nzambi. ³Bima nionso salamaka na yau, mpe ata kima mosi ve salamaka yina salamka na yau ve.⁴Na yau vuandaka moyo, mpe moyo vuandaka kukia ya bantu. ⁵Kukia ke kienzulaka kitombe, kansi kitombe tambulaka kukia ve.⁶Ya vuandaka na muntu mosi tindamaka na Tata Nzambi: Nkumbu na yandi Yoane. ⁷Yandi kuizaka samuna kuvuanda mbangi, mpe kutuba kimbangi na kia, samu ti na nzila na yandi bantu leke kiminu. ⁸Yandi vuandaka kia ve, kansi samu kaka yandi tuba kimbangi ya kia.⁹Kia ya kedika kuizaka na inza samuna ku kienzula muntu nionso.¹⁰Yandi vuandaka na inza, mpe yandi salaka inza, kansi inza zabaka yandi ve. ¹¹Yandi kuizaka na bantu na yandi, kansi bantu na yandi tambulaka yandi ve.¹²Kansi na ba yina tambulaka yandi, na bayina kena kulekila nkumbu na yandi kiminu, yandi pesaka kilendo ya kukituka bana ya Tata Nzambi, ¹³ba yayi butukaka, na menga ve, na luzolo ya nsuni ve, na luzolo ya muntu ve, kansi na luzolo ya Tata Nzambi.¹⁴Mpe Diambu kitukaka nsuki, mpe yandi sikilaka na beto, ya kufuluka na nlemvo mpe na kedika; mpe beto monaka nkembo na yandi, nkembo bonso ya Muana na yandi mosi katukaka na Tata. ¹⁵Yoane telaka yandi kimbangi, mpe yandi bokaka na kutuba: Yina ke kuiza na manima na munu tuaminaka munu, samu yandi tekidilaka munu.¹⁶Bosi beto nionso tambulaka na kufulusua na nlemvo na nlemvo; ¹⁷samu Mose pesaka nsiku, nlemvo na kedika kuizilaka na nzila ya Yesu Klisto. ¹⁸Ata muntu mosi ve me monaka Tata Nzambi; kansi Muana mosi kaka kele na nkata ya Tata, me monisaka beto yandi.¹⁹Tala kimbangi ya Yoane, ntangu ba Yudayo tindaka ba nganga na ba Levi katukaka na Yelusalemi samuna ku yuvula yandi: Nge, nani nge kele? ²⁰Yandi tubaka, mpe yandi ndimaka, yandi tubaka ti yandi kele Klisto ve. ²¹Bosi ba yuvulaka yandi: Nini kuandi? Nge kele Eliya? mpe yandi me tuba: Mu kele yandi ve. Nge kele mbikudi e? mpe yandi vutulaka: ve.²²Na yau ba zabisaka yandi: Nge kele nani? samu ti beto pesa mvutu na bantu tindaka beto. Inki nge kele kutuba samuna nge mosi e? ²³Yandi me tuba, munu, mu kele ndinga yayi ke bokka na dikanga: beno lendumuna nzila ya Mfumu, mutindu tubaka mbikudi Yesaya.²⁴Bantu tindamaka vuandaka ba falisi. ²⁵Ba yuvulaka yandi diaka: samuna inki nge kena ku botika, kana nge kele Klisto ve, Eliya ve, mbikudi mpe ve?²⁶Yoane vitudilaka bau: Munu, mu kena kubotika na maza, kansi kati na beno kele na muntu mosi yina beno zaba ve, ²⁷kena kuiza na manima na munu; mu ke kuka ku zibula nsinga ya nsapatu na yandi. ²⁸Mambu yayi lutilaka na Betania, na disimu ya Yolodani kisika Yoane vuandaka botika.²⁹Kilumbu landaka, yandi monaka Yesu kukumina yandi, mpe yandi tubaka: Tala Muana meme ya Tata Nzambi, ke katulaka masumu ya inza. ³⁰Yandi nde mu tubaka: Na manima ya munu ke kuiza muntu mosi tuaminaka munu, samu yandi tekidilaka munu. ³¹Mu zaba yandi ve, kansi samu ya zabakana na Isaeli ti mu kuizaka botika na maza.³²Yoane tubaka kimbangi yina;: Mu monaka Mpeve ya Nlongo kitaka na zulu bonso dibembe mpe me vuanda na zulu na yandi. ³³Mu zabaka yandi ve, kansi yina tindaka munu samuna kubotika na maza, yandi tubilaka munu: Yina nge ke mona Mpeve me kita mpe ma telama na zulu na yandi, yandi kena kubotika na Mpeve ya Nlongo. ³⁴Mpe mu monaka, bosi mu tubaka kimbangi ti yandi kele Muana ya Tata Nzambi.³⁵Kilumbu landaka; Yoane vuandaka kaka vana na minlongoki na yandi zole; ³⁶mpe ntangu yandi monaka Yesu kena kuluta, yandi tubaka: Beno tala Dimeme ya Tata Nzambi.³⁷Minlongoki nionso zole kuwaka yandi kutuba mpova yina, mpe ba landaka Yesu. ³⁸Yesu balukaka, mpe ntangu yandi monaka ti ba kena kulanda yandi, me tubila bau: Inki beno kena kusosa? Ba vutudilaka yandi: Labi (ya zola tuba Nlongi), Wapi nge ke vuandaka? ³⁹Yandi me zabisa bau beno kuiza, mpe beno tala. Bau kuendaka, mpe ba monaka kisika yandi ke vuandaka; bosi kilumbu yina ba vuandaka na yandi. Ya lenda vuanda na ntangu ya kumi.⁴⁰Andele, mpangi ya Simoni Petelo vuandaka mosi na minlongoki kuwaka ba mpova ya Yoane, mpe ba landaka Yesu. ⁴¹Ya vuandaka yandi muntu ya ntete kuendaka kutana na mpangi na yandi Simoni, samuna kuzabisa yandi: Beto me Mona Masiya (ya zola tuba Klisto). ⁴²Bosi yandi nataka Simoni na Klisto. Ntangu Yesu monaka yandi, me tuba: Nge kele Simoni, muana ya Yona; nge ke bokudulua na nkumbu ya Kefa (ya zola tuba Petelo).⁴³Kilumbu landaka, Yesu zolaka kuenda na Ngalili, bosi yandi kutanaka na Filipo. Yandi me zabisa yandi: Landa munu. ⁴⁴Filipo vuandaka muntu ya Betesaida, mbanza ya Andala na ya Petelo. ⁴⁵Filipo kutanaka na Natanaeli, mpe me zabisa yandi: Beto me kutana yina sonukuaka na nsiku ya Mose mpe yina ba mbikudi tubilaka, Yesu ya Nazaleti, muana ya Yosefi.⁴⁶Natanaeli me zabisa yandi: kima ya mbote lenda katuka na Nazaleti e? Filipo vutudilaka yandi: Kuiza mpe tala. ⁴⁷Ntangu Yesu monaka ngizulu ya Natanaeli na yandi, me tuba samuna yandi: Yandi yayi penza muntu ya Isaeli, na yandi luvunu kele ve. Natanaeli me tubila yandi: ⁴⁸Wapi nge me zabila munu e? Yesu vutudilaka yandi: Tekila Pilipo bokila nge, ntangu nge vuandaka na insi ya inti, mu monaka nge.⁴⁹Natanaeli vutulaka mpe tubilaka yandi: Labi, nge kele Muana ya Tata Nzambi, nge kele ntinu ya Isaeli. ⁵⁰Yesu vutudilaka yandi: Nge me leka kiminu samu me zabisa nge ti mu monaka nge na insi ya inti ya kuyu; Nge ke mona mambu ya ngitukulu kuluta yayi. ⁵¹Mpe yandi me tubila yandi:Ya kedika, ya kedika, beno ke mona dizulu ke zibuka mpe ba mbasi ya Tata Nzambi ku tombuka mpe ku kita na zulu ya Muana Ya muntu.

2¹Na manima bilumbu tatu, nkinzi salamaka na Kana na Ngalili. Mama ya Yesu vuandaka vana, ²mpe Yesu bokudusuaka na nkinzi yina kintuadi na minlongoki na yandi.³Ntangu vinu manisaka, mama ya Yesu zabisaka yandi: ba kele diaka na vinu ve. ⁴Yesu vutudilaka yandi. Nkento, inki diambu munu na nge? Ntangu na munu fuana ntete ve. ⁵Mama na yandi me tuba na bisadi: Beno sala yina yandi ke zabisa beno.⁶Nzoka, mi mvungu sambanu vuandaka vana, samuna mpedoso ya ba Yudayo, mpe mosi na mosi vuandaka na bitezo zole zole to tatu tatu. ⁷Yesu zabisaka bau: Beno fuluza maza na ba mvungu yayi. Mpe ba fuluzaka yau tii na intu. ⁸Yandi me zabisa bau, beno kuenda vueta maza, bosi beno nata yau na ntuadisi ya nkinzi. Mpe ba nataka yau.⁹Ntangu ntuadisi ya nkinzi bimbaka maza kitukaka vinu, yandi zabaka ve kisika katukaka vinu yina, kansi bisadi yina kuendaka vueta maza, zabaka yau mbote, yandi bokilaka ditoko ya ndambisa, ¹⁰mpe me zabisa yandi: Muntu niont ke pesaka ntete vinu ya mbote, yina ya mbote mingi ve ke kuizaka na nima bantu me kolua; nge, nge me lunda vinu ya mbote tii ntangu yayi.¹¹Yau vuandaka bimangu ya ntete Yesu salaka na Kana kuna na Ngalili. Ya monisaka nkembo na yandi, mpe minlongoki na yandi lekilaka yandi kiminu.¹²Na manima na yau, yandi kulumukaka na Kapalanaumi, na mama, na ba mpangi mpe na minlongoki na yandi, bosi ba vuandaka kuna bilumbu ya fioti kaka.¹³Pasa ya ba Yudayo kumaka penepene, bosi Yesu tombukaka na Yelusalami. ¹⁴Yandi kutaka na inzo ya kinlongo minteki ya ngombe, ya ma meme mpe ya ma bembe, mpe minsobi ya mbongo ya kuvuanda.¹⁵Ntangu yandi salaka sikoti ya nsinga, yandi kukaka bau nionso na inzo ya kinlongo, diaka ma meme ya mankento na ba ngombe; yandi muangisaka minsobi ya mbongo, mpe yandi buisaka ba meza; ¹⁶mpe yandi tubaka na minteki ya ma bembe: Beno katula yau awa, beno kitula inzo ya Tata na munu zandu ve.¹⁷Ba ntumua na yandi bambukaka moyo ti ya sanamaka: vema ya inzo na nge kena kutiazula munu. ¹⁸Ba Yudayo bakaka mpova, ba tubaka: inki kimangu nge me songa beto, na ku sala mutindu yina e? ¹⁹Yesu vutudilaka bau: Beno tulula kinlongo yayi, mpe mu ke kungulula yau na bilumbu tatu.²⁰Ba Yudayo tubaka: Ya fuana sala ba mvula makumi na sambanu samuna kutunga yau, kansi nge na bilumbu tatu nge ke tungulula yau! ²¹Kansi yandi vuandaka tubila kinlongo ya nzutu na yandi. ²²Yau yina, ntangu fulukaka ba bafua, ba ntumua na yandi bambukaka moyo ti yandi tubaka yau, mpe ba lekilaka masonukua kiminu mpe na mpova Yesu tubaka.²³Na ntangu Yesu vuandaka na Yelusalemi, na nkinzi ya Pasa, Bantu mingi tulaka kiminu na nkumbu na yandi, ntangu ba monaka bimangu yandi vuandaka sala. ²⁴Kansi Yesu ku kipesaka na bau ve, samu yandi zabaka bau nionso, ²⁵mpe samu diaka yandi vuandaka na mfunu ba tubila yandi kimbangi ata ya muntu mosi ve; samu yandi mosi zabaka yina vuandaka kati na muntu.

3¹Kansi ya vuandaka muntu mosi kati na mimfalisi, na nkumbu ya Nikodemo, mfumu ya ba Yudayo, ²kuizaka tala Yesu na mpimpa, mpe me tubila yandi: Labi, beto me zaba ti nge kele Nlongi me katuka na Tata Nzambi; samu muntu mosi ve lenda sala bimangu yayi nge me sala, kana Tata Nzambi kele na yandi kintuadi ve.³Yesu vutudilaka yandi: Ya kedika, ya kedika, me zabisa nge, kana muntu butuka mbutuka ya zole ve, yandi lenda mona kimfumu ya Tata Nzambi ve. ⁴Nikodemo me tubila yandi: inki mutindu muntu lenda butuka diaka na ntangu yandi me nuna e?Yandi lenda vutuka diaka na kivumu ya mama na yandi mpe kubutuka e?⁵Yesu vutulaka: Ya kedika, ya kedika, me zabisa nge, kana muntu butuka na maza mpe na Mpeve ve, yandi ke kotana kimfumu ya Tata Nzambi ve. ⁶Yina me butuka na nsuni kele nsuni, mpe yina me butuka na Mpeve kele mpeve.⁷Kuyituka ve samu me zabisa nge ti: Nge fueti butuka mbutuka ya impa. ⁸Mupepe ke fulaka konso kifulu ya zola, mpe nge kena kuwa mazu; kansi nge ke zaba ve kisika ya me katuka, mpe kisika ya me kuenda. Ya kele mutindu mosi na muntu nionso me butuka na Mpeve.⁹Nikodemo me tubila yandi: inki mutindu ya lenda salamina e? ¹⁰Yesu vutudilaka yandi: Nge kele nlongi ya Isaeli, mpe nge zaba mambu yayi ve! ¹¹Ya kedika, ya kedika, me zabisa nge, beto kena kutuba yina beto me zaba, mpe beto kena kutuba kimbangi na yina beto monaka; mpe nge ke baka kimbangi na beto ve.¹²Ntangu mu tubilaka beno mambu ya ntoto kana beno kuikilaka ve, inki mutindu beno kuikila ntangu mu ke tubila beno mambu ya mazulu e? ¹³Muntu mosi ve tombukaka na zulu, kana yina katukaka na zulu ve, Muana ya muntu yina kele na dizulu.¹⁴Mpe lokola Mose zangulaka nioka na dikanga, mutindu mosi mpe Muana ya muntu fueti zanglua, ¹⁵samu ti konso muntu ke lekila yandi kiminu baka moyo ya ba mvula na ba mvula.¹⁶Samu Tata Nzambi zolaka inza, yandi pesaka Muana na yandi mosi kaka samu yina ke lekila yandi kiminu bungua ve, kansi yandi baka moyo ya ba mvula na ba mvula. ¹⁷Na yau, Tata Nzambi tindaka ve Muana na yandi na inza samuna kufundisa inza, kansi samu inza vuluzu na nzila na yandi. ¹⁸Yina me kuikila na yandi ke fundisua ve; kansi yina kena kukuikila ve kele ya kufundisua, samu yandi tulaka kiminu ve na Muana mosi kaka ya Tata Nzambi.¹⁹Mfundusu yayi kele, ntangu kukia kuizaka na inza, bantu lutaka zola kitombe na kisika ya kukia, samu mavanga na bau vuandaka ya imbi. ²⁰Samu konso muntu ke salaka imbi ke zolaka kukia ve, mpe yandi ke kuizaka na kukia ve, samuna wonga ya mavanga na yandi ke monika na meso ya bantu; ²¹kansi yina ke salaka na kedika ke kuizaka na kukia, samu ti mavanga na yandi ke salamaka na Nzambi monika.²²Na manima na yau, Yesu kuendaka na insi ya Yuda na ba ntumua na yandi; mpe kuna yandi vuandaka na bau, bosi yandi vuandaka botika. ²³Yoane mpe vuandaka botika na Enoni, penepene ya Salemi, samu maza mingi vuandaka kuna; mpe ba vuandaka kuenda kuna samuna kubotukua. ²⁴Na ntangu yina Yoane kotusuaka ntete boloko ve.²⁵Nzoka, mpaka vuandaka minlongoki ya yoane na Yudayo mosi samuna diambu me tadila mpedoso. ²⁶Ba kuendaka mona Yoane, bosi ba tubilaka yandi: Labi, muntu vuandaka na disimu ya Yodani, mpe nge tubaka kimbangi samuna yandi, tala yandi kena kubotika, mpe bantu kena kuenda na yandi.²⁷Yoane vutulaka: Muntu lenda baka kaka yina ba pesaka yandi katukaka na dizulu. ²⁸Beno mosi kele ba mbangi na munu ntangu mu tubaka: Mu kele Klisto ve, kansi, mu tindamaka na ntuala na yandi.²⁹YIna me kuvua ndumba ya ndambisa, kele ditoko ya ndambisa; kansi nkundi ya ditoko ya ndambisa me telama vana mpe kena kuvingila yandi na kiese mingi, samuna kuwa ndinga ya ditoko ya ndambisa; kiese ya munu kele ya kulunga. ³⁰Yandi fueti tombuka, mpe mu fueti kita.³¹Yina me katuka na zulu kele na zulu ya bantu nionso; Yina kele ya ntoto kele ya ntoto, mpe yandi ke tubaka mutindu yandi kele na ntoto. Yina me katuka na dizulu kele na zulu ya bantu nionso, ³²yandi kena kutuba kimbangi na yina yandi monaka mpe kuwaka, mpe muntu mosi ve kele na kimbangi na yandi. ³³Muntu yina kele na kimbangi na yandi me tula kidimbu ti Tata Nzambi kele ya Kedika;³⁴samu muntu yina Tata Nzambi tindaka ke tubaka mambu ya Tata Nzambi, samu Tata Nzambi me pesa yandi Mpeve kele na kitezo ve. ³⁵Tata ke zolaka Muana, mpe yandi pesaka bima nionso na maboko na yandi. ³⁶Yina kena kulekila Muana kiminu kele na moyo ya ba mvula na ba mvula; yina kene kulekila Muana kiminu ve, ke baka moyo ve, samu nganzi ya Tata Nzambi kena kusikila na yandi.

4¹Mfumu zabaka ti ba falisi kuwaka ti yandi fuanaka sala mpe kubotika bantu mingi kuluta Yoane. ²Kansi na nionso yina,, yandi mosi Yesu vuandaka botika ve, kansi ba ntumua na yandi. ³Na yau, yandi katukaka na Yuda, mpe yandi vutukaka na Ngalili.⁴Lokola ya vuandaka ti yandi fueti lutila na Samaliya, ⁵yandi kumaka na mbanza mosi ya Samaliya kele na nkumbu ya Sikali, kele penepen ya bilanga Yakobo pesaka na muana na yandi Yosefi.⁶Vana vuandaka dibulu ya maza ya Yakobo. Yesu na lembaka samuna nzietolo, bosi yandi vuandaka na nseko ya dibulu ya maza. Ya lendaka vuanda na ntangu ya sambanu. ⁷Nkento mosi ya Samaliya kuizaka vueta maza. Yesu me tubila yandi: Pesa munu maza ya kunua. ⁸Samu ba ntumua na yandi kuendaka sumba madia na mbanza.⁹Musamaliya ya nkento me tubila yandi: Samuna inki nge yayi kele mu Yudayo kena kulomba munu maza ya kunua, munu yayi kele musamaliya ya nkento e? Na yau, ba Yudayo kele na nkalasani ya kintuadi ve na bantu ya ¹⁰Samaliya. Yesu vutudilaka yandi: Kana nge zabaka nkayilu ya Tata Nzambi mpe nani yayi kena ku tubila nge: Pesa munu maza ya kunua! nge mosi ya ntete zolaka tuama kulomba yandi maza ya kunua, mpe yandi zolaka pesa nge maza ya moyo.¹¹Nkento me zabisa yandi, Mfumu, nge kele na kima ve samuna kuvueta, mpe dibulu ya maza kele mpinda; wapi nge zolaka bakila maza yina ya moyo e? ¹²Nge me lutila tata na beto Yakoba na kikuluntu e, yayi pesaka beto dibulu ya maza, mpe yandi mosi kunuaka yau, na bana na yandi mpe na bibulu na yandi e?¹³Yesu vutudilaka yandi: Konso muntu ke kunua maza yayi ke mona diaka mpuila; ¹⁴kansi yina ke kunua maza yina mu ke pesa yandi ke mona diaka mpuila ya maza ata fioti diaka ve, mpe maza mu ke pesa yandi ke vuanda dizanga ya maza ke pasumuka tii na moyo ya ba mvula na ba mvula.¹⁵Nkento me tubila yandi: Mfumu, pesa munu maza yina, samu mu mona diaka mpuila ve, mpe mu kuiza vueta diaka maza awa ve. ¹⁶Yesu me tubila yandi kuenda, mpe bokila bakala na nge, bosi nge kuiza.¹⁷Nkento me vutula: Mu kele na bakala ve. Yesu me vutudila yandi: Nge me tuba kedika ti: mu kele na bakala ve. ¹⁸Samu babakala tanu vuandaka na nge, bosi yina kele na nge ntangu yayi, kele bakala na nge mpe ve. Na yau, nge me tuba kedika.¹⁹Nkento me tubila yandi, Mfumu, me ti nge kele mbikudi. ²⁰Batata na beto sambilaka na mongo yayi; bosi beno me tuba, beno, ti kifulu ya kusambila kele na Yelusalemi.²¹Yesu me tubila yandi: Nge me kuikila, ntangu kene kuiza ya ke vuanda diaka na mongo to na Yelusalemi ve beno ke sambila Tata. ²²Beno ke kusambilaka yina beno zaba ve; beto, beto me zaba yina beto ke sambilaka, samu mpulusu me katuka na Bayudeyo.²³Kansi ntngu kena kuiza, mpe ya kuizaka, yina minsambidi ya kedika ke sambila Tata na mpeve mpe na kedika; samu minsambidi ya mutindu yina Tata kena kulomba. ²⁴Tata Nzambi kele Mpeve, mpe bayina kena kusambila yandi fueti sambila yandi na mpeve mpe na kedika.²⁵Nkento me tubila yandi: Me zaba ti Masiya fueti kuiza (yayi bake bokidilaka Klisto); ntangu yandi kekuiza, yandi ke samunina beto mambu nionso. ²⁶Yesu me zabisa yandi: Munu yayi kena kutuba na nge, mu kele Klisto.²⁷Na kilokula yina kaka ba ntumua na yandi kuizaka, mpe bayitukaka samu yandi vuandaka solola na Nkento. Kansi ata muntu mosi ve tubaka: Inki nge kena kulomba e? to, Inki nge kena kutuba na nkento yayi e?²⁸Na yau, ntangu nkento bikaka mvungu na yandi ya maza, yandi kuendaka na mbanza, mpe me tuba na bantu: ²⁹Beno kuiza tala muntu mosi me tubila munu mambu mu salaka; yandi lendaka vuanda Klisto ve? ³⁰Ba bimaka na mbanza, mpe ba kuendaka vana yandi vuandaka.³¹Na ntangu yina, ba ntumua lombaka yandi sala malu samu yandi kudia, ba tubaka: Labi, kudia. ³²Kansi yandi tubilaka bau: Mu kele na madia yina mu kekudia beno zaba yau ve. ³³Bantumua tubasanaka bau na b au: Muntu natinaka yandi madia e?³⁴Yesu tubilaka bau: Madia na munu kele kusala luzolo ya muntu tindaka munu, mpe kumanisa kisalu na yandi. ³⁵Beno kena kutuba ve ti ba ngonda iya me bikana samuna kukuma na nsungi ya ngionzokolo e? Tala, me zabisa beno, beno sendula meso, mpe beno tala bilanga me yela samuna ngionzokolo. ³⁶Yina kena kuyonzika kele na mfutu, mpe yandi kena kuyonzika mbutu samuna moyo ya bamvula na bamvula, samu ti muntu kena kukuna na yina kena kuyonzika ba yangalala kintuadi³⁷Samuna yau, yina bakena kutuba kele ya kedika: yankaka kekunaka, yankaka keyonzikaka. ³⁸Mu tindaka beno samuna kuyonzika yina beno salaka ve; Ba yankaka salaka, mpe beno me kota na kisalu na bau.³⁹Bantu ya Samaliya mingi ya mbanza yina lekaka kiminu na Yesu samuna mambu tubaka nkento yina: Yandi tubilaka munu yina mu salaka. ⁴⁰Diaka, ntangu bantu ya Samaliya kuizaka mona yandi, ba lombaka yandi kuvuanda penepene na bau. Mpe yandi salaka bilumbu zole kuna.⁴¹Ndonga ya bantu lekaka kiminu samuna mambu na yandi; ⁴²mpe ba vuandaka tuba na nkento: Ya kele diaka ve ti samuna yina nge tubaka nde beto me lekila kiminu; samu beto me kuwa yandi beto mosi, mpe beto me zaba ti ya kedika, yandi kele mvuluzi ya inza.⁴³Na manima bilumbu tatu, Yesu katukaka kuna, samuna kukuenda na Ngalili; ⁴⁴samu yandi mosi tubaka kimbangi ti mbikudi kele nzitusu na insi na yandi ve. ⁴⁵Ntangu yandi kumaka na Ngalili, bantu ya Ngalili yambaka yandi mbote, samu ba monaka nionso yandi salaka na nkembo vuandaka na Yelusalemi, samu bau mpe kuendaka na nkembo.⁴⁶Yandi vutukaka diaka na Kana na Ngalili, kuna yandi kitulaka maza vinu. Na Kapenaumi muana mosi ya nkuluntu ya binuani ya ntinu, vuandaka na kimbevo. ⁴⁷Ntangu yandi kuwaka ti Yesu katukaka na Yuda samuna kukuiza na Ngalili, yandi kuendaka mona Yesu, samuna kulomba yandi na kukita mpe kuniakisa muana na yandi vuandaka na mpasi ya lufua.⁴⁸Yesu me tubila yandi: Beno ke kuikila ve kana beno mona bimangu mpe mangitukulu ve, beno ke kuikilaka ve. ⁴⁹Nkuluntu ya binuani ya ntinu me tuba: Mfumu, kita na ntangu muana na munu kufua ntete ve. ⁵⁰Yesu me tuba, kuenda, muana na nge kele moyo.Muntu yina lekaka kiminu na mpova Yesu tubilaka yandi, mpe yandi kuendaka.⁵¹Na ntangu yandi vuandaka kita, bisadi na yandi kuizaka kutana na yandi samuna kunatina yandi nsangu: Muana na nge kele ya moyo. ⁵²Yandi yuvulaka bau, inki ntangu nzutu na yandi kumaka mbote; mpe ba tubilaka yandi: Mazono, na ntangu ya nsambodia, yuku yuku manisaka.⁵³Tata ya muana kuizaka bakusa ti ya vuandaka na ntangu yina Yesu tubilaka yandi: Muana na nge kele ya moyo. Mpe yandi kuikilaka, na inzo na yandi ya mvimba. ⁵⁴Kimangu yayi ya zole Yesu salaka na ntangu yandi katukaka na Yuda samuna kukuenda na Ngalili.

5¹Na manima na yau, nkembo ya Ba Yudayo vuandaka, mpe Yesu tombukaka na Yelusalemi. ²Nzoka na Yelusalemi, penepene ya kielo ya mameme ya nkento, kele na dizanga na nkumbu ya Beteseda, mpe yau vuandaka bielo tanu. ³Na insi ya bielo yina, lekaka ba mbevo mingi, ba mpofo, bantu ya kuvenga, ba koka vuandaka vingila kuningana ya maza; ⁴samu mbasi mosi vuandaka kita ntangu nionso na dizanga, samuna kuningisa maza; muntu ya ntete ke kita na manima ya kuningana ya maza, belukaka, na kimbevo nionso.⁵Bakala mosi vuandaka vana na kimbevo salaka makumi tatu na nana ya ba mvula. ⁶Ntangu Yesu monaka yandi ya kuleka, mpe zabaka ti yandi kele na kimbevo me zingila, me tubila yandi: nge zola beluka e?⁷Mbevo vutudilaka yandi: Mfumu, mu kele na muntu ve kekuloza munu na dizanga ntangu maza ma nikusua, mpe ntangu mu zola kuenda, muntu yankaka me kita na ntuala na munu. ⁸Yesu me tubila yandi, telama, bonga nkuala na nge, mpe tambula.⁹Na mbala mosi muntu yina belukaka; yandi bakaka nkuala na yandi, mpe yandi kuendaka. Ya vuandaka kilumbu ya lumingu.¹⁰Ba Yudayo tubaka na yina belukaka: Ya kele lumingu; nge kele na luve ya kunata nkuala nange ve. ¹¹Yandi vutudilaka bau: Muntu me belusa munu me tubila mu: Baka nkuala na nge, mpe kuenda¹²Ba yuvulaka yandi: Inki muntu yina zabisaka nge: Baka nkuala na nge, mpe kuenda? ¹³Kansi mbevo zabaka ve nani yina belusaka yandi; Samu Yesu zimbalaka na nkangu yina vuandaka vana.¹⁴Kulandila yina, Yesu kuenda mona yandi na kinlongo, mpe me tubila yandi: Tala nge me beluka, kunata diaka masumu ve, samu nge lendaka builua na diambu nsisi kuluta. ¹⁵Muntu yina kuendaka, mpe yandi samuna na ba Yudayo ti ya vuandaka Yesu muntu belusaka yandi.¹⁶Yau yina ba Yudayo vuandaka landa Yesu, samu yandi vuandaka sala mambu yina kilumbu ya lumingu. ¹⁷Kansi Yesu vutudilaka bau: Tii na kilokula yayi Tata na munu kena kusala, munu diaka mu kena kusala. ¹⁸Samuna yina, ba Yudayo vuandaka sosa diaka nzila ya kufua yandi, samuna ku kondua kuzitisa nsiku ya lumingu kaka ve, kansi samu yandi kena kubokila Nzambi Tata na yandi, mpe kutuba ti yandi me fuanana na Tata Nzambi.¹⁹Yesu vutukilaka mpova, mpe me tubila bau: Ya kedika, ya kedika, me tubila beno, Muana lenda sala diambu yandi mosi ve, yandi ke salaka kaka yina yandi ke monaka na Tata; mpe nionso yina Tata ke salaka, Muana mpe ke salaka yau mutindu mosi. ²⁰Samu Tata ke zolaka Muana, mpe ke monisaka yandi yina yandi ke salaka, mpe ke monisa yandi mavanga ya nene kuluta yayi, samu beno yitukua.²¹Lokola Tata ke fulukisaka bafua mpe ke pesaka moyo, na yau Muana ke pesaka moyo na muntu yina yandi me zola. ²²Tata ke fundisaka muntu ve, kansi yandi pesaka mfundusu nionso na Muana, ²³samu bantu nionso zitisa Muana mutindu mosi Muana ke zitisaka Tata. Yina kena kuzitisa Muana ve, nzitusu mpe kele ve na Tata yina tindaka yandi.²⁴Ya kedika, ya kedika, me tubila beno, yina kena kuwa mambu ya munu, mpe kena kulekila yina tindaka munu kiminu, kele na moyo ya bamvula na ba mvula, mpe ke sambusua ve, kansi yandi me lutila na lufua samuna kubaka moyo.²⁵Ya kedika, ya kedika, me tubila beno, ntangu me kuiza, mpe ya me kuizaka, bantu ya kufua ke kuwa ndinga ya Muana ya muana Tata Nzambi; mpe ba yina ke kuwa yau ke zinga.²⁶Samu lokola Tata kele na moyo kati na yandi, yau yina yandi pesaka na Muana moyo na yandi mosi. ²⁷Bosi yandi pesaka yandi kilendo ya kufundisa, samu yandi kele Muana ya muntu.²⁸Beno yituka mambu yayi ve; samu ntangu me kuiza yayi bantu nionso kele na biziami ke kuwa ndinga na yandi, ²⁹mpe ba ke bima. Ba yina salaka mambu ya mbote ke futumuka samuna moyo, kansi ba yina salaka mambu ya imbi ke futumuka samuna mfundusu.³⁰Na munu mosi, mu lenda sala kima ve: na mutindu mu kena kuwa, mu kena kufundisa; mfundusu na munu kele ya lunungu, samu mu kena kusosa luzolo na munu ve, kansi luzolo ya yina tindaka munu. ³¹Kana mu kena kutuba kimbangi ya munu mosi, kimbangi na munu kele ya luvunu. ³²Kansi muntu yankaka kele yina kena kutuba kimbangi na munu, mpe me zaba ti kimbangi yandi kena kutuba samuna munu kele ya kedika.³³Beno tindaka na Yoane, mpe yandi tubaka kimbangi ya kedika. ³⁴Samuna munu, mu kena kubakila kimbangi na munu na muntu ve; kansi me tuba muindu yayi, samu ti beno vulusua. ³⁵Yoane vuandaka muinda kena kuyoka mpe kukienzula, mpe zolaka sepela na ntangu mosi kaka na kukia na yandi.³⁶Munu, mu kele na kimbangi ya nene kuluta ya Yoane; samu kisalu Tata pesaka munu samuna kukukisa, kisalu yina mu kena kusala, kena kutuba kimbangi samuna munu ti Tata tindaka munu. ³⁷Mpe Tata yayi tindaka munu, yandi mosi tubaka kimbangi na munu. Beno kuwa ntete ndinga na yandi ve, beno mona ntete ilungi na nyandi ve, ³⁸mpe mambu na yandi me sikila na beno ve, samu beno kena kuleka kiminu ve na muntu tindaka yandi.³⁹Beno kena kufiongunina Masonukua, samu na yau beno kena ku yindula kubakila moyo ya ba mvula na ba mvula: Yau nde kena kutuba kimbangi samuna munu. ⁴⁰Mpe beno zola kuiza na munu ve samuna kubaka moyo!⁴¹Nzitusu na munu ke katukaka na bantu ve. ⁴²Kansi me zaba ti beno kele na zola ya Tata Nzambi ve.⁴³Munu me kuiza na nkumbu ya Tata na munu, mpe beno me yamba munu ve; kana muntu yankaka me kuiza na nkumbu na yandi mosi, nde beno ke yamba yandi. ⁴⁴Inki mutindu beno lenda kuikila, samu beno na beno ke pesanaka nzitusu, mpe beno ke sosaka ve nzitusu yina ke katukaka kaka na Tata Nzambi e?⁴⁵Beno yindula ve ti mu ke funda beno na ntuala ya Tata; Mose nde ke fundaka beno, samu na yandi beno tulaka kivuvu na beno. ⁴⁶Samu kana beno me kuikila Mose, beno me kuikila munu mpe, samu yandi sanikaka yina me tadila munu. ⁴⁷Kansi kana beno kuikila na masonukua na yandi ve, inki mutindu beno lenda kuikila na mambu na munu e?

6¹Na manima na yau, Yesu kuendaka na ndambu yankaka ya imbu ya Ngalilayi, ya Tibelia. ²Nkangu ya nene vuandaka landa yandi, samu ba vuandaka mona bimangu yandi alaka na bambevo. ³Yesu tombukaka na mongo, mpe kuna yandi vuandaka na bantumua na yandi.⁴Nzoka Pasika, nkinzi ya ba Yuda vuandaka penepene. ⁵Ntangu yandi tombulaka meso, na kumona ti nkangu ya nene vuandaka kuizila yandi, Yesu me tuba na Filipo: Wapi kisika beto lenda sumbila mampa, samuna kudikila bantu yayi e? ⁶Yandi tubaka pidina samuna kumeke ntima na yandi, samu yandi zabaka yina yandi lendaka sala.⁷Filipo vutudilaka yandi: Mampa beto lendaka baka na ntalu ya nkama zole ya mpata, ke kuka ve samu konso muntu baka kitini. ⁸Mosi ya ba ntumua, Andele, mpangi ya Simoni Petelo, me tubila yandi: ⁹Ntuenia mosi ya bakala kele awa na mampa tanu ya kuvindumuka mpe na mbisi zole; kansi inki ya lenda sala samuna nkangu ya nene ya bantu e?¹⁰Yesu me tuba: beno vuandisa bau. Na ntangu yina matiti vuandaka mingi. Bosi ba lendaka vuandaka kitezo ya mafunda tanu ya bantu. ¹¹Yesu bakaka mampa, yandi vutulaka matondo, mpe ba kabudilaka yau bantu yina vuandaka na ntoto; yandi pesaka bau mpe mbizi ya kufuana mutindu bau mosi zodilaka. ¹²Ntangu ba vuandaka, yandi me tuba na ba ntumua na yandi: Beno lokuta bitini me bikana, samu ti mfuilu vuanda ve.¹³Bosi na manima ti bau nionso manisaka kudia, ba yonzikaka yau, mpe ba fuluzaka bitunga kumi na zole ya bitini bikanaka na mampa tanu ya kuvindumuka. ¹⁴Ntangu bantu yayi monaka bimangu Yesu salaka, ba tubaka: Yandi yayi kele mbikudi fueti kuiza na inza yayi. ¹⁵Bosi ntangu Yesu kuizaka zaba ti ba zola baka yandi na kingolo samu ba kitula yandi ntinu, yandi tinaka na mongo, yandi mosi kaka.¹⁶Ntangu nkokila kuizaka, ba ntumua na yandi kulumukaka disimu ya imbu. ¹⁷Ntangu ba kotaka na bota, ba sabukaka imbu samuna kukuenda na Kapenaumi. Mpimpa kubuaka, mpe Yesu kikuminaka ve kisika bavuandaka. ¹⁸Mupepe ya ngolo bulaka, mpe imbu nikukaka.¹⁹Na manima kusabuka nanga mafunda iya na nkama tanu to mafunda tanu na nkama iya ya bitezo, ba monaka Yesu kena kutambula na zulu ya imbu mpe kufinama na bota. Bamonaka wonga. ²⁰Kansi Yesu me tubila bau: Ya kele munu, beno mona wonga ve! ²¹Ba zolaka kotisa yandi na bota, mpe na mbala mosi bota kumaka kisika ba vuandaka kuenda.²²Nkangu bikanaka na disimu yankaka monaka ti bota mosi kaka vuand, mpe Yesu kotaka na bota yina ve na ba ntumua na yandi, aka vana, kansi ba kuendaka bau mosi. ²³Kilumbu landaka, lokola mabota yankaka katukaka na Tibalia penepene kisika ba dilaka dimpa yina Mfumu vutudilaka matondo,²⁴ntangu nkangu monaka ti ata Yesu to ba ntumua na yandi ba vuandaka ve, ba kotaka bau mosi na babota yina mpe ba kuendaka na Kapanaumi samuna kusosa Yesu. ²⁵Bosi ntangu ba monaka yandi na disimu ya imbu, ba tubilaka yandi: Labi, inki ntangu nge kumaka awa e?²⁶Yesu vutudilaka bau: Ya kedika, ya kedika, me tubila beno, beno kena kusosa munu, samuna bimangu ve yina beno mona, kansi samu beno kudiaska mampa mpe beno yukutaka. ²⁷Beno bika sala samuna madia kene kufukila, kansi samuna yina kezinga ba mvula na ba mvula, yina Muana ya muntu ke pesa beno; samu yandi yayi Tata Nzambi tulaka kidimbu na yandi.²⁸Ba tubilaka yandi: Inki beto lenda sala samu beto sala kisalu ya Tata Nzambi e? ²⁹Yesu vutudilaka bau: Kisalu ya Tata Nzambi kele, beno lekila kiminu muntu yina yandi tindaka.³⁰Na yau ba tubilaka yandi, inki kimangu nge me sala, samu beto mona yau, mpe beto lekila nge kiminu e?Inki nge me sala? ³¹Ba tata na beto kudiaka mana na dikanga, mutindu ya sonamaka: Yandi pesaka bau ba kudia dimpa ya dizulu.³²Yesu me zabisa bau: Ya kedika, ya kedika, me zabisa beno, Mose pesaka beno dimpa ya dizulu ve, kansi Tata na munu me pesa beno dimpa ya kedika ya dizulu; ³³samu dimpa ya Tata Nzambi kele, muntu yina kitaka na dizulu mpe kena kupesa moyo na yandi na inza. ³⁴Ba tubilaka; Mfumu, pesaka bento dimpa yina konso kilumbu.³⁵Yesu me zabisa bau: Mu kele dimpa ya moyo. Yina me kuiza na munu ke mona diaka nsatu ata fioti ve, mpe yina me lekila munu kiminu ke mona diaka nsatu ya maza ata fioti ve. ³⁶Kansi mu tubilaka beno yau, beno monaka munu, kansi beno lekilaka munu kiminu ve. ³⁷Ba yina nionso Tata me pesa munu ba ke kuiza na munu, mpe yina ke kuiza na munu, mu ke bika yandi na ngada ve;³⁸samu mu katukaka na dizulu samuna kusala yina kele luzolo ya munu ve, kansi luzolo ya yina tindaka munu. ³⁹Nzoka, luzolo ya yina tindaka munu, kele ti mu lenda zimbisa ata mosi ve na nionso yina yandi pesaka munu, kansi mu fulukisa yandi na kilumbu ya nsuka. ⁴⁰Luzolo ya Tata na munu, kele ti konso muntu me mona Muana mpe me lekila yandi kiminu yandi baka moyo ya ba mvula na ba mvula; mpe mu ke fulukisa yandi na kilumbu ya nsuka.⁴¹Ba Yudayo vuandaka vunguta samuna diambu na yandi, samu yandi tubaka ti: Mu kele dimpa katukaka na dizulu. ⁴²Mpe ba vuandaka tuba: Yandi yayi Yesu muana ya Yosefi, yandi beto me zaba tata na mama na yandi e? Samuna inki yandi kena kutuba ti: mu katukaka na dizulu e?⁴³Yesu vutudilaka bau: Beno vunguta ve beno na beno. ⁴⁴Muntu lenda kuiza na munu ve, kana Tata yina tindaka munu banda bau ve; mpe mu ke fulukisa yandi na kilumbu ya nsuka. ⁴⁵Ya sonamaka na Mimbikudi: Bau nionso ke longua na Tata Nzambi. Na yau, konso muntu yina kuwaka Tata, mpe bakaka ndongosolo na yandi kuiza na munu.⁴⁶Muntu mosi ve monaka Tata, kaka yina katukaka na Tata Nzambi, yandi kaka monaka Tata. ⁴⁷Ya kedika, ya kedika, me tubila beno, yina me lekila munu kiminu kele moyo ya ba mvula na ba mvula.⁴⁸Mu kele dimpa ya moyo. ⁴⁹Ba tata na beno kudiaka mana na dikanga, mpe ba kufuaka.⁵⁰Ya kele awa dimpa me katuka na dizulu, samu ti muntu yina ke kudia yau kufua ve. ⁵¹Mu kele dimpa ya moyo katukaka na dizulu. Kana muntu me kudia dimpa yina, ke zinga ba mvula na ba mvula; mpe dimpa mu ke pesa, kele nzutu na munu, yayi mu ke pesa samuna moyo ya inza.⁵²Samuna yau, ba Yudayo vuandaka tubasana bau na bau, na kutuba ti: Inki mutindu yandi lendaka pesa nzutu na yandi samuna kudia e? ⁵³Yesu tubilaka bau: Ya kedika, ya kedika, me zabisa beno, Kana beno kudia nzutu ya Muana muntu ve, mpe kana beno kunua menga na yandi ve, beno kele na moyo ve kati na beno.⁵⁴Yina me kudia nzutu na munu mpe me kunua menga na munu kele na moyo ya ba mvulu na ba mvula; mpe mu ke fulukisa yandi na kilumbu ya nsuka. ⁵⁵Samu ya kedika nzutu na kele madia, mpe menga na munu kele nduinu ya kedika. ⁵⁶Yina me kudia nzutu na munu mpe me kunua menga na munu, me sikila na munu, mpe munu me sikila na yandi.⁵⁷Lokola Tata tindaka munu kele moyo, mpe mu kele moyo samuna Tata, yau yina konso muntu me kudia munu ke vuanda moyo samuna munu. ⁵⁸Yayi kele mampa kitaka katukaka na dizulu. Ya kele ve bonso ba tata na beno yayi kudiaka mana mpe ba kufuaka: yina me kudia dimpa yayi ke vuanda moyo ba mvula na ba mvula. ⁵⁹Yesu me tuba mambu yayi na kati ya inzo ya lukutukunu, ntangu yandi vuandaka longa na Kapenaumi.⁶⁰Na manima ya kuwa yandi ba ntumua mingi tubaka: Diambu yayi kele ngolo mingi; nani lenda kuwa yandi e? ⁶¹Ntangu Yesu zabaka ti ba ntumua na yandi vuandaka vunguta samuna diambu yina, me tubila bau: Ya me tesa beno disakuba e?⁶²Bosi kana beno me mona Muana ya muntu me tombuka kisika yandi vuandaka e?... ⁶³Ya kele Mpeve nde ke vumusaka; nsuni kele mfunu ve. Mambu yayi me zabisa beno kele mpeve mpe moyo.⁶⁴Kansi ba yankaka kele kati na beno kena kutula kiminu ve. Samu kubanda mbadukulu Yesu zabaka ba nani vuandaka leka kiminu, mpe nani yina ke yekula yandi. ⁶⁵Mpe yandi buelaka: Yau yina mu zabisaka beno ti mosi ve lenda kuiza na munu, kana ya pesamina yandi ve na Tata.⁶⁶Samuna yau, minlongoki na yandi mingi vambukaka mpe ba kuendaka diaka na yandi ve. ⁶⁷Buna Yesu tubaka na ba kumi na zole: Bosi beno, beno zola beno kukuenda ve? ⁶⁸Simoni Petelo vutudilaka yandi: Mfumu, na nani beto lenda kuenda e? Nge kele ne mambu ya moyo ya ba mvula na bamvula. ⁶⁹Mpe beto lekaka kiminu, mpe beto kuizaka zaba ti nge kele Klisto, Nlongo ya Tata Nzambi.⁷⁰Yesu vutudilaka bau: Beno kumi na zole, nani solaka beno, munu ve? Kansi mosi na beno kele nkadi a mpemba. ⁷¹Yandi vuandaka tubila Yudasi, muana ya Simoni muntu ya Iskalioti; samu yandi fueti yekula yandi, mosi ya ba kumi na zole.

7¹Na manima na yau, Yesu zietaka na Ngalili, samu yandi zolaka zingila na Yuda, samu ba Yudayo vuandaka sosa nzila ya kufua yandi. ²Nzoka nkinzi ya ba Yudayo, nkinzi ya mafokula vuandaka ya kufinama.³Bosi ba mpangi na yandi zabisaka Yesu: Katuka awa, mpe kuenda na Yuda, samu ti ba ntumua na nge mona bimangu nge kena kusala. ⁴Muntu mosi ve ke salaka na kinsueki, kana yandi zola zbakana: kans nge kena kusala mambu yayi, kimonisa nge mosi na inza.⁵Samuna ba mpangi na yandi mosi nkutu ba lekilaka yandi kiminu ve. ⁶Yesu me tubila bau: Ntangu na munu kuiza ntete ve, kansi ntangu na beno kele ya kukubama. ⁷Inza lenda bela beno ve; kansi ya kebalaka munu, samu mu ke tubeka kimbangi ti mavanga na yandi kele ya imbi.⁸beno, beno tombuka na nkinzi yina; kansi munu mu ke tombuka ve, samu ntangu na munu fuana ntete ve. ⁹Na manima ya ku kuzabisa bau yau, yandi bikanaka na Ngalili.¹⁰Ntangu ba mpangi na yandi tombukaka na nkinzi, yandi mosi mpe tombukaka, na kumonika na bantu ve ve, kansi na kinsueki. ¹¹Ba yudayo sosaka yandi na ntangu ya nkinzi, mpe ba vuandaka tuba: Wapi yandi kele?¹²Na kati ya nkangu mavunguta vuandaka samuna yandi. Ba yayi vuandaka tuba: Yandi kele muntu ya mavanga ya mambote. ba yankaka vuandaka tuba: Ve, yandi kena kuzimbikisa bantu mingi. ¹³Na yau, muntu mosi ve vuandaka tuba na kipuanza, samuna wonga ya ba Yudayo.¹⁴Ntangu ba kumaka na kati kati ya nkinzi, Yesu tombukaka na kinlongo. Mpe yandi vuandaka longa. ¹⁵Ba Yudayo vuandaka yituka, na kutuba:Yandi tangaka ve, kansi iInki mutindu yadi me zabila Masonukua e? ¹⁶Yesu vutudilaka bau: Ndongosolo na munu me katuka na munu ve, na yandi tindaka munu.¹⁷Kana muntu zola sadila luzolo na yandi, yandi ke zaba kana ndongosolo na munu kele ya Tata Nzambi, to mu kena ku kitubila munu mosi. ¹⁸Yina kena kukitubila, kena kusosa nkembo na yandi mosi; kansi yina kena kusosa nkembo ya muntu tindaka yandi, yandi yayi kele ya kedika, mpe kati na yandi kondua lunungu kele ve.¹⁹Mose, yandi pesaka beno nsiku ve? Mpe ata muntu mosi ve kena kuzitisa nsiku. Samuna inki beno kena kusosa kufua munu e? ²⁰Nkangu vutulaka: Mpeve ya imbi kele na nge. Nani kena kusosa ku vondisa nge e?²¹Yesu vutudilaka bau: Mu salaka kimangu yitukisaka beno nionso. ²²Mose pesaka beno nzengolo, ya katukaka na Mose ve, kansi na ba nkaka, mpe beno kena kuzenga muntu kilumbu ya lumingu.²³Kana muntu me baka nzengolo na kilumbu ya lumingu, samu ti nsiku ya Mose tuluka ve, samuna inki beno kena kufuemina munu, samu mu belusaka muntu na nzutu na yandi ya mvimba na kilumbu ya lumingu e? ²⁴Beno fundisa na mbueno ya meso ve, kansi beno fundisa na mutindu kele lunungu.²⁵Findambu ya bantu ya Yelusalemi vuandaka tuba: Muntu ba kena kusosila nzila ya lufua, yandi yayi ve? ²⁶Mpe tala, yandi kena kimpuanza ya kutuba, bosi ba kena kutubila yandi kima mosi ve! Ba mfumu, nga ba lendaka zaba ti yandi yayi kele Klisto e? ²⁷Na yau, beto me zaba wapi muntu yayi me katuka; kansi ntangu Klisto ke kuiza, muntu ve ke zaba kisika yandi me katuka.²⁸Mpe Yesu vuandaka longa na kinlongo, yandi bokaka: Beno me zaba munu, mpe beno me zaba kisika me katuka! Me kuiza na luzolo ya munu ve: kansi yina tindaka munu kele kedika, mpe beno zaba yandi ve. ²⁹Munu, me zaba yandi; samu na yandi me katuka, mpe yandi tindaka munu.³⁰Ba vuandaka sosa nzila ya ku buila yandi, mpe montu mosi ve mekaka kusimba yandi, samu ntangu na yandi fuanaka ntete ve. ³¹Ba mingi kati na nkangu lekilaka yandi kiminu, mpe ba vuandaka tuba: Ntangu Klisto ke kuiza, yandi ke lenda sala bimangu kulutila yayi salamaka na yandi yayi e? ³²Ba falisi kuwaka nkangu kuvunguta samuna yandi na mambu yayi. Na yau, ba ngudi anganga mpe na ba falisi tindaka binuani samuna ku kanga yandi.³³Yesu me tuba: Na fintangu ya fioti, mu kele diaka kintuadi na beno, bosi mu ke kuenda na muntu tindaka munu. ³⁴Beno ke sosa munu, kansi beno ke mona munu ve, mpe beno ke lenda kukuiza ve kisika mu ke vuanda.³⁵Na kulandisa na zulu, ba Bayudayo tubanaka bau na bau: Wapi kisika yandi ke kuenda, yina beto ke monina yandi ve? Yandi ke kuenda na kisika ya bantu yina muanganaka na ba Angele, mpe yandi ke longa ba Angele e? ³⁶Diambu yandi tubaka, inki ya zola monisa: Beno ke sosa munu kansi beno ke mona munu ve, mpe beno ke lenda kukuiza ve kisika mu ke vuanda e?³⁷Kilumbu ya nsuka, kilumbu ya nene ya nkinzi, ntangu Yesu telamala, yandi bokaka: Kana muntu kele nsatu ya kunu, yandi kuiza na munu, mpe bika yandi kunua. ³⁸Yina ke lekila munu kiminu, mila ya nto ya moyo ke kukula na ngudi na yandi, mutindu kena kutuba Masonukua.³⁹Yandi me tubila yau na Mpeve yayi zolaka baka ba yina lekilaka yandi kiminu; samuna Mpeve vuandaka ntete ve, mpe Yesu bakaka ntete nzitusu ve.⁴⁰Ntangu bantu na kati ya nkangu kuwaka mambu yina, ba tubaka: Yandi yayi kele mbikudi ya kedika. ⁴¹Ba yankaka tubaka: Ya kele Klisto. Mpe ba yankaka tubaka: Klisto lenda butukila na Ngalili e? ⁴²Masonukua kena kutuba ve ti Klisto ke butukila na dikanda ya Davidi, na dibuala ya Betelemi, kuna vuandaka Davidi e?⁴³Samuna yandi, kuvambana kotaka na nkangu. ⁴⁴Ndambu yankaka ya bantu zolaka buila yandi, kansi muntu mosi ve tulaka yandi diboko.⁴⁵Na yau, binuani vutukaka na ngudi anganga mpe na ba falisi. Bosi ba yuvulaka bau: Samuna inki beno nataka yandi awa ve? ⁴⁶Binuani vutulaka: Muntu mosi ve lendaka tuba bonso muntu yina.⁴⁷Ba falisi vutudilaka bau: Beno diaka, beno me vukumunua e? ⁴⁸Ata ntuadisi mosi to mfalisi mosi kele yina lenda lekila yandi kiminu e? ⁴⁹Kansi nkangu yayi zaba nsiku ve, ba kele ya kulokua!⁵⁰Nikodemo nnnnnnnn, yayi kuizaka kutana na Yesu na mpimpa, mpe yandi vuandaka mosi na bau, me tubila bau: ⁵¹Nsiku na beto ke zengila muntu kitumbu tekila kuwa yandi to kondua kuzaba yina yandi salaka e? ⁵²Ba vutudilaka yandi: Nge kele muntu ya Ngalili e? Fiongunina mpe tala, nge ke mona ti na Ngalili mbikudi ke biminaka kuna ve.⁵³Mpe konso muntu vutukaka na inzo na yandi.

8¹Yesu kuendaka na mongo ya Olive. ²Kansi na nsuka nsuka, yandi vutukaka diaka na kilongo, mpe nkangu ya mvimba kuizaka na yandi. Yandi bakaka kisika ya kuvuanda samuna kulonga bau. ³Bosi minsoniki na ba falisayi natinaka yandi nkento mosi bakamaka na kinsuza; ba tulaka yandi na kati kati ya nkangu,⁴⁵⁶Ba tubaka na Yesu: Nlongi, nkento yayi me bakama na kinsuza. Nsiku ya Mose me pesa beto insua ya kulozila ba kento ya mutindu yayi mabanga: bosi nge inki nge me tuba e? Ba tubaka yau samuna kuvuvukumuna yandi, mpe babaka nzila ya kufunda yandi. Kansi Yesu zondamaka, yandi sadilaka musapi na yandi samuna kusonika na ntoto.nnnnnnnnnnnnnnnnnnnnnnnn⁷Lokola ba tatamanaka kuyuvula yandi, yandi telamaka mpe me zabisa bau: Bika kana muntu mosi ve kele na masumu, yandi vuanda yantete na kuloza dibanga na nkento yayi. ⁸Bosi yandi me vutuka zondama diaka, mpe me vutukila kusonika na ntoto.⁹Ntangu ba kuwaka yau, mfundusu kotaka na kimuntu na bau, ba katukaka mosi na mosi kubanda na yina me lutila kimbuta tii na nleke ya nsuka; bosi Yesu bikanaka yandi mosi na nkento vuandaka na kati kati ya nkangu. ¹⁰Ntangu yandi telamaka, yandi monaka kaka nkento, mpe Yesu me tubila yandi: Nkento, wapi bantu kuizaka funda nge ? Nani me zengila nge kitumbu, muntu kele ve? ¹¹Yandi vutulaka: Ve, Mfumu. Bosi Yesu me vutudila yandi: munu mpe, mu lenda zengila nge kitumbu ve: kuenda, kansi kusumuka diaka ve.¹²Yesu tubilaka bau diaka diambu yayi: Mu kele kukia ya inza;yina ke landa munu ke tambula diaka na kitombe ve, kansi yandi ke baka kukia ya moyo. ¹³Na yau, ba falisi tubilaka yandi: Nge kena ku tuba kimbangi ya nge mosi; kimbangi na nge kele ya kedika ve.¹⁴Yesu vutudila bau: Ata mu kena ku pesa kimbangi ya munu mosi, kimbangi na munu kele ya kedika, samu me zaba kisika me katuka mpe kisika mu kena kuenda; kansi beno, beno zaba ve kisika me katuka mpe kisika mu kena kuenda. ¹⁵Beno kena kufundisa na kinsuni; munu, mu kena kufundisa muntu ve. ¹⁶Bosi kana mu kena kufundisa, mfundusu na munu kele ya kedika, samu mu kele mu mosi ve; Tata tindaka munu kele kintuadi na munu.¹⁷Ya sonamaka na nsiku na beno ti kimbangi ya bantu zole kele ya kedika; ¹⁸mu kena kutuba kimbangi ya munu mosi, mpe Tata tindaka munu kena kutuba kimbangi na munu.¹⁹Ba zabisaka yandi: Wapi Tata na nge? Yesu vutulaka: Beno zaba ata munu ve mpe Tata ve. Kana beno me zaba munu, beno lendaka zaba mpe Tata na munu. ²⁰Yesu tubaka mambu yayi ntangu yandi vuandaka longa na kati ya kinlongo, na kisika vuandaka kimvuama; mpe muntu mosi ve builaka yandi, samu ntangu na yandi kuka ntete ve.²¹Yesu tubilaka bau diaka: Me kuenda munu, mpe beno ke sosa munu, mpe beno ke kufua na masumu na beno; beno lenda kuiza ve kisika mu kena kuenda. ²²Na yau ba Yudayo tubaka: yandi ke kimanisa luzingu yandi mosi, samu yandi me tuba: Beno lenda kuiza ve kisika mu kena kuenda e?²³Bosi yandi me zabisa bau: Beno kele bantu ya ntoto yayi; munu, mu kele ya dizulu. Beno kele ya inza yayi, munu, mu kele ya inza yayi ve. ²⁴Yau yina mu tubilaka beno ti beno ke kufua na masumu a beno; samu kana beno ke leka kiminu ve na yina mu kele, beno ke kufua na masumu na beno.²⁵Ba yuvulaka yandi: Nani nge kele? Yesu vutudilaka bau: Kubanda ntama, mu kena kuzabisaka bano yau. ²⁶Mingi kele na munu ya kutuba samuna beno mpe ya kudila beno ndefi; kansi yina tindaka munu kele kedika, mpe yina mu kuwaka samuna yandi, mu kena kutuba yau na inza. ²⁷Ba bakusaka ve ti yandi vuandaka tubila Tata.²⁸Yau yina Yesu tubilaka bau: Ntangu beo ke tombula Muana ya muntu, bosi beno ke zaba yina mu kele, mpe na munu mosi, mu ke salaka kima mosi ve, kansi mu ke tubaka yina Tata longisaka munu. ²⁹Yina tindaka munu kele na munu; yandi bikaka ve mu vuanda munu, samu ntangu nionso mu ke salaka yina yandi ke zolaka. ³⁰Na ntangu Yesu vuandaka tuba mutindu yina, ba mingi lekilaka yandi kiminu.³¹Bosi yandi tubaka na ba Yudayo lekilaka yandi kiminu: Kana beno me sikila na mambu na munu, beno kene minlongoki na munu ya kedika; ³²beno ke zaba kedika, mpe kedika ke vuluza beno. ³³Ba vutudilaka yandi: Beto kele nkuna ya Abalahami, mpe beto salaka vuandaka minanga ya muntu ve; inki mutindu nge kena kutuba: Beno ke vuluzua e?³⁴Yesu vutudilaka bau, ya kedika, ya kedika, me tubila beno, konso muntu ke kiyekula na masumu kele nanga ya masumu. ³⁵Nzoka nanga ke vuandaka ntangu nionso na inzo ve; kansi Muana ke vuandaka kuna ntangu nionso. ³⁶Na yau, kana Muana me vuluza beno, beno ke vuanda na kimpuanza.³⁷Me zaba ti beno kele nkuna ya Abalahami; kansi beno kena kuzola kufua munu, samu mambu na munu kena kusikila na beno ve. ³⁸Me tuba yina mu monaka na Tata na munu; kansi beno, beno kena ku sala yina beno kuwaka, katukaka na tata na beno.³⁹Ba vutudilaka yandi: Tata na beto kele Abalahami. Yesu tubilaka bau: Kana beno vuandaka bana ya Abalahami, beno zolaka sala kisalu ya Abalahami. ⁴⁰Kansi na ntangu yayi beno kena kusosa kufua munu, munu yayi tubilaka beno kedika mu kuwaka na Tata Nzambi. Yina, Abalahami salaka yau ve. ⁴¹Beno kena kusala kisalu ya tata na beno. Ba tubilaka yandi: Beto kele bana ya inzo, beto kele na Tata mosi kaka, Nzambi.⁴²Yesu tubilaka bau: Kana Nzambi vuandaka Tata na beno, nga beno lendaka zola munu, samu mu biminaka mpe mu kuizilaka na nzila ya Tata Nzambi; mu kuizaka na luzolo ya munu mosi ve, kansi yandi tindaka munu. ⁴³Samuna inki beno kena kubakusa mpovolo ya munu ve? Samu beno lenda kuwa mambu ya munu ve. ⁴⁴Beno kele na tata na beno nkadi a mpemba, mpe beno zola lungisa ba nsatu ya tata na beno. Tuka luyantiku yandi kele ntengudi a menga, mpe yandi kele na kedika ve, samu kati na yandi kedika kele ve. Ntangu yandi kena kuvuna, yandi kena kutuba yina kele na insi a ntima na yandi; samu yandi kele mvuni mpe mpe tata ya luvunu.⁴⁵Bosi munu, samu mu ke tubaka kedika, beno ke lekilaka munu kiminu ve. ⁴⁶Nani kati na beno lenda bangika munu na diambu me tadila masumu e? Kana mu kena kutubila beno kedika, samuna inki beno ke lekilaka munu kiminu ve? ⁴⁷Muntu yina kele ya Tata Nzambi, ke kuwaka mambu ya Tata Nzambi; beno ke kuwaka ve, samu beno kele ya Tata Nzambi ve.⁴⁸Ba Yudayo vutudilaka yandi: Beto kele na ndungunu ve ya kutuba ti nge kele muntu ya Samaliya, mpe ti nge kele na mpeve ya imbi e? ⁴⁹Yesu vutulaka: Mu kele na mpeve ya imbi ve, kansi mu kena ku zitisa tata na munu, mpe beno keana kuwa munu.⁵⁰Mu kena kusosa nkembo na munu ve; ya kele muntu kena kusosa yau mpe ke fundisaka. ⁵¹Ya kedika, ya kedika, metubila beno, kana muntu me lunda mambu ya munu, yandi ke mona lufua ata fioti ve.⁵²Ba Yudayo tubilaka yandi, na ntangu yayi, beto me zaba ti nge kele ne mpeve ya imbi. Abalahami me kufuaka, na ba mbikudi mpe, bosi nge kena kutuba*: Kana muntu me lunda mambu na munu, yandi ke mona lufua ata jioti ve. ⁵³Nge kele nkuluntu kuluta tata na beto Abalahami, yayi kufuaka e? ba mbikudi mpe me kufuaka. Nani nge kena kukibanzila nge kele?⁵⁴Yesu vutulaka: Kana me kukizitisa munu mosi, luzitu na munu kele mpamba. Kansi Tata na munu kena kukembisa munu, yayi beno kena kutuba ti yandi kele Nzambi na beno, ⁵⁵kansi mpe beno zaba yandi ve. Kansi munu, me zaba yandi; mpe kana mu tubaka ti mu zaba yandi ve, mu ke fuanana na beno, mu ke vuanda muntu ya luvunu. Kansi me zaba yandi, mpe mu ke lundaka mambu na yandi. ⁵⁶Tata na beno Abalahami lutaka yangalala samu yandi ke mona kilumbu na munu: yandi monaka yau, mpe yandi yangalalaka.⁵⁷Ba Yudayo tubilaka yandi: Nge kukisa ntete ba mvula makumi tanu ve, mpe nge monaka Abalahami! ⁵⁸Yesu tubilaka bau: Ya kedika, ya kedika, me tubila beno, tekila Abalahami vuanda, mu kele. ⁵⁹Na yau, ba lokutaka mabanga samuna kulozila yandi; kansi Yesu kuendaka suama, mpe yandi bimaka na kinlongo.

9¹Na ntngu yandi vuandaka luta, Yesu me mona mpofo ya kubutukila. ²Ba ntumua na yandi yuvulaka: Labi, nani salaka masumu samuna kubutuka mpofo, yandi mosi to bibuti na yandi e?³Yesu vutulaka: Ya kele yandi mosi ve mpe bibuti na yandi ve salaka masumu; Kansi samu bimangu ya Tata Nzambi monika na yandi. ⁴Mu fueti sala kisalu ya yina tindaka munu, lokola muini kele ntete; kana mpimpa me kuiza, muntu lenda sala kima mosi diaka ve. ⁵Na ntangu yayi mu kele na inza, mu kele kukia ya inza.⁶Na manima kutuba mutindu yina, yandi losaka mante na ntoto, mpe yandi salaka potopoto. Bosi yandi kusaka potopoto yina na meso ya mpofo, ⁷mpe me zabisa yandi: kuenda, mpe yobila na dizanga ya siloa (ya zola tuba tindamaka). Yandi kuendaka yobila kuna, mpe yandi vutukaka meso kumona mbote mbote.⁸Ba mfinangani na yandi na ba yina tuamaka kuzaba yandi bonso nlombi tubaka: Yandi yayi, yandi ve vuandaka lomba mbongo ya kuvuanda e? ⁹Ba yayi tubaka: ya kele yandi. Ba yankaka tubaka: Ve, ba me fuanana. Kansi yandi mosi tubaka: Ya kele munu.¹⁰Na yau, ba ba tubilaka yandi: Inki mutindu meso na nge me zibuka e? ¹¹Yandi vutulaka: Muntu kele na nkumbu ya Yesu pakulaka potopoto na meso na munu, mpe zabisaka munu: Kuenda yobila na dizanga ya Siloa. Mu kuendaka yobila, mpe meso zibukaka. ¹²Ba tubilaka yandi: Muntu ango kele wapi e? Yandi vutulaka: Mu zaba ve.¹³Ba nataka muntu vuandaka mpofo na ntuala ya ba falisi. ¹⁴Nzoka, Yesu salaka potopoto mpe zibulaka meso ya mpofo na kilumbu ya lumingu. ¹⁵Ba falisi yuvulaka diaka mbala ya zole, inki mutindu meso na yandi zibukilaka. Mpe yandi tubilaka bau: Yandi pakulaka potopoto na meso na munu, mu kuendaka yobila, mpe meso zibukaka.¹⁶Samune yau, finambu ya ba falisi kati na bau tubaka: Muntu yayi katuka na Tata Nzambi ve, samu yandi kena kuzitisa kilumbu ya lumingu ve. Ba yankaka tubaka: Inki mutindu muntu yayi ya masumu lendaka sala bimangu ya mutindu yayi e? Mpe kuvambana kotaka kati na bau. ¹⁷Ba tubaka diaka na mpofo: Nge, inki nge lenda tuba samuna yandi, muntu yayi me zibula meso e?Yandi vutulaka: Yandi kele mbikudi. ¹⁸Ba Yudayo ndimaka ve ti muntu yayi vuandaka mpofo mpe yandi kuizaka mona, tii ba bokidisaka bibuti na yandi.¹⁹Et ba yuvulaka yandi, ba tubaka: Yandi yayi kele muana na beno, beno kena kutuba ti yandi butukaka mpofo e? Na ntangu yayi, inki me sala ti yandi kumona e? ²⁰Bibuti na yandi vutulaka: Beto me zaba ti yandi kele muana na beto, mpe yandi butukaka mpofo; ²¹kansi na ntangu yayi, inki me sala ti yandi mona, to nani me zibula yandi meso, na yina, beto zaba kima mosi ve. Beno yuvula yandi mosi, yandi kele na bamvula ya kufuana, mpe yandi ke tuba yina me tadila yandi mosi.²²Bibuti na yandi tubaka yau samu ba vuandaka mona wonga na ba Yudeyo; samu ba Yudayo wizanaka ti, kana muntu me zabila Yesu yandi kele Klisto, ba ke kuka yandi na inzo ya lukutukunua. ²³Yau yina bibuti na yandi tubaka: Yandi kele na bamvula ya kufuana, beno yuvula yandi mosi.²⁴Ba falisi bokilaka diaka mpofo mbala ya zole, mpe ba tubilaka yandi: Vutula matondo na Tata Nzambi; samu beto me zaba ti muntu yayi kele nsumuki. ²⁵Yandi me vutula: Kana yandi kele nsumuki, mu zaba ve; diambu mosi kaka me zaba, kele ti mu vuandaka mpofo, na ntangu yayi mu kena mona.²⁶Ba yuvulaka yandi: inki yandisalaka nge? Inki mutindu yandi zibudilaka nge meso e? ²⁷Yandi vutudilaka baumu tubilaka beno yau, kansi beno zola kowa ve; samuna inki beno zola kuwa yau diaka e? ²⁸Ba fingaka yandi mpe ba tubaka: Nge muntu kele nlongoki na yandi; beto, beto kele minlongoki ya Mose. ²⁹Beto me zaba ti Tata Nzambi yubaka na Mose; kansi yandi yayi, beto zaba ve wapi yandi me katuka.³⁰Muntu yina vutudilaka bau: Ngitukulu na kumona ti bena zaba ve wapi yandi me katuka; kansi yandi me zubula meso na munu. ³¹Beto me zaba ti Tata Nzambi ke kuwaka ba sumuki ve; kansi kana muntu kena kuzitisa mpe kusala luzolo na yandi, Tata Nzambi ke kuwaka yandi.³²Beto kuwa ata kilumbu mosi ve ti muntu me zibula meso ya mpofo ya kubutukila. ³³Kana muntu yina katukaka na Tata Nzambi ve, yandi ke lenda kusala kima mosi ve. ³⁴Ba vutudilaka yandi: Nge butukaka ya mvimba na masumu, mpe nge kena kulonga beto! Bosi ba kukaka yandi.³⁵Yesu kuwaka ti ba kukaka yandi; mpe ntangu Yesu kutanaka na yandi, me tubila yandi: Nge kena kuleka kiminu na Muana ya Tata Nzambi e? ³⁶Yandi vutulaka: Mfumu, kansi nani yandi kele, samu mu lekila yandi kiminu e? ³⁷Yesu me tubila yandi: Nge monaka yandi, mpe yandi yayi kena kutuba na nge, kansi ya kele yandi. bosi yandi me tuba: Mfumu, me leka kiminu. ³⁸Mpe yandi fukamaka na ntadisi ya Yesu.³⁹Bosi Yesu tubaka: Me kuiza na inza yayi samuna mfundusu, ba yina kena kumona ve, ba mona, mpe ba yina kena kumona ba kituka ba mpofo. ⁴⁰Ndambu ya ba falisi vuandaka na yandi kuwaka mambu yina, yubilaka yandi: Beto mpe beto kele ba mpofo e? ⁴¹Yesu vutudilaka bau: Kana beno vuandaka ba mpofo, beo zolaka vuanda na masumu ve. Kansi na ntangu yayi beno kena kutuba: beto kena kumona. Yau yina masumu na beno kena kulemvukulua ve.

10¹Ya kedika, ya kedika, me tubila beno, Yina ke kotila na muelo ya mpaka ya mameme ve, kansi me kotila na nzila yankaka, kele muyibi mpe kimpumbulu. ²Kansi yina ke kotila na muelo kele mvungi ya mameme.³Nkengi a muelo ke zibudila yandi, mpe mameme ke kuwaka ndinga na yandi, mpe mameme yandi me kuvua ke bokidiluaka na nkumbu na yau, mpe yandi ke nataka yau na nganda. ⁴Ntangu yandi bimisaka mameme na yandi nionso, yandi tambulaka na ntuala na yau; mpe mameme ke landaka yandi, samu ba me zaba ndinga na yandi.⁵Ba ke landa nzenza ve; kansi ba ke tina yandi, samu ba zaba ndinga ya ba nzenza ve. ⁶Yesu tubilaka bau kingana yina, kansi ba bakusaka ve inki yandi vuandaka tubila bau.⁷Yesu tubilaka bau diaka: Ya kedika, ya kedika, me tubila beno, mu kele muelo ya mameme. ⁸Ba yina nionso kuizaka na ntuala munu kele ba miyibi mpe bimpumbulu; mpe mameme kuwaka bau ve.⁹Mu kele muelo. Kana muntu me kotila na nzila na munu, yandi vulusua; Yandi ke kota mpe yandi ke bima, mpe yandi ke mona madia. ¹⁰Muyibi ke kuizaka kaka samuna kulabula, kufua mpe kubunga; munu, mu kuizaka samu ti mameme baka moyo, mpe ba vuanda na yau ya mingi.¹¹Mu kele mvungi ya mbote ya mameme. Mvungi ke pesaka moyo na yandi samunu mameme na yandi. ¹²Kansi nkondakani yayi kele mvungi ve, mpe yandi kuvua mameme ve, ke mona ngizulu yz kibulu ya nganzi, ke bembika mameme, mpe yandi me tina, bosi kibulu ya nganzi me ziona mpe me muangisa bau. ¹³Nkondakani me tina, samu yandi ke monaka ntima mpasi ve samuna mameme.¹⁴Mu kele mvungi ya mbote. Me zaba mameme na munu, mpe ya me zaba munu, ¹⁵lokola Tata me zaba munu mpe me zaba Tata,me pesa moyo na munu samuna mameme na munu. ¹⁶Mu kele na mameme yankaka, kansi ya kele na mpaka yayi ve; yina, mu ke nata yau ya ke kuwa ndinga na munu, mpe ya ke vuanda kaka dikabu mosi kaka, mpe mvungi mosi kaka.¹⁷Tata ke zolaka munu, samu mu ke pesaka moyo na munu, samuna kuvutukila yau. ¹⁸Muntu ve ke katula munu yau, samu mu mosi ke pesaka yau; mu kele na kilendo ya kupesa yau, mpe mu kele na kilendo ya kuvutukila yau: Yau kele ntumunu mu bakaka na Tata na munu.¹⁹Samuna mpova yina, kuvambana kotaka diaka kati na ba Yudayo. ²⁰Mingi kati na bau vuandaka tuba: Yandi kele na mpeve ya imbi, yandi kele kilau; samuna inki beno kena kuwa yandi e? ²¹Ba yankaka vuandaka tuba: Kilau ke tubaka mutindu yayi ve. mpeve ya imbi lenda zibula meso ya mpofo e?²²Ba vuandaka tuadisa nkinzi ya mbiekolo na Yelusalemi, na ntangu ya kisivu. ²³Kansi Yesu vuandaka zieta na kinlongo, na insi ya muelo ya Solomo. ²⁴Ba Yudeyo zungaka yandi mpe ba tubilaka yandi: Tii inki ntangu nge ke suekila beto diambu yina e? Kana nge Klisto tubila beto yau na kibaka.²⁵Yesu vutudilaka bau: Mu kena ku tubila beno yau, beno kena ku lekila munu kiminu ve. Bimangu mu kena kusala na nkumbu ya Tata na munu keana kutuba kimbangi samuna munu. ²⁶Kansi beno kena kuleka kiminu ve, samu beno kele na mameme na munu ve.²⁷Mameme na munu ke kuwaka ndinga na munu; me zaba yau, mpe ba ke landaka munu. ²⁸Mu ke pesaka bau moyo ya ba mvula na ba mvula; mpe ba ke zimbana ata fioti ve, mpe muntu ke ziona bau na diboko na munu ve.²⁹Tata na munu yayi pesaka munu bau, kele ya kuluta kuzangama ya bantu nionso; mpe muntu mosi ve lenda ziona bau na diboko ya Tata na munu. ³⁰Munu na Tata beto kele muntu mosi. ³¹Na yau ba YUdayo bakaka diaka mabanga samuna kulozila yandi.³²Yesu me tubila bau: Mavanga mingi ya mbote me monisa beno me katukaka na Tata na munu: yau yina beno kena kulozila munu mabanga e? ³³Ba yudayo vutudilaka yandi: Ya kele ve samuna bimangu ya mbote beto kena kulozila nge mabanga, kansi samuna kuvueza, mpe samu nge yayi kele muntu, me kikitula Nzambi.³⁴Yesu vudilaka bau: Ya kele ya kusonama ve na nsiku na beno: ti beno kele ba nzambi e? ³⁵Kana yandi bokidilaka ba nzambi, bantu yayi vuandaka longua mambu ya Tata Nzambi, mpe bosi kana Masonukua lenda fuatukusua ve, ³⁶beno me tuba na muntu yayi Tata biekaka nlongo mpe yandi tindaka na inza: Nge me tiaka! Nionso yayi samu mu tubaka ti: Mu kele Muana ya Tata Nzambi.³⁷Kana mu salaka mavanga ya Tata na munu ve, beno ke lekila munu kiminu ve. ³⁸Kansi kana beno ke lekila munu kiminu ve, mu ke salaka yau, beno lekilaka mavanga kiminu, samu beno zaba ti Tata kele kati na munu mpe mu kele kati na Tata. ³⁹Na yau, ba sosaka diaka nzila ya ku buila yandi, kansi yandi sionukaka na maboko na bau.⁴⁰Yesu buelaka vutuka na disimu ya Yolodani, na kisika Yoane botikilaka bantu. Mpe yandi vuandaka bilumbu mingi kuna. ⁴¹Bantu mingi kuizaka na yandi, mpe yandi vuandaka tuba: Yoane sala ata kimangu mosi ve; kansi yina Yoane vuandaka tuba samuna muntu yayi kele ya kedika. ⁴²Bosi na kisika yina, bantu mingi lekilaka yandi kiminu.

11¹Muntu mosi vuandaka na kimbevo, Lazalo muntu ya Betania, dibuala ya Maliya na mpangi na yandi Malata. ²Ya kele Maliya yayi kusaka Mfumu mazi mpe pangusaka makulu ya Yesu na nsuki na yandi, ya kele mpangi na yandi Lazalo vuandaka na kimbevo.³Bi busi tindaka bantu kuenda zabisa Yesu: Mfumu, muntu yina nge ke zolaka kele na kimbevo. ⁴Na manima kuwa yau, Yesu tubaka: Kimbevo t=yina ke kufua yandi ve; kansi samuna nkembo ya Tata Nzambi, samu Muana baka nzitusu na kimbevo yina.⁵Nzoka Yesu vuandaka zola Malata, mpangi na yandi, mpe Lazalo. ⁶Na ntangu yandi kuwaka ti Lazalo kele na kimbevo, Yandi salaka diaka bilumbu zole na kisika yandi vuandaka, ⁷mpe yandi me tuba na ba ntumua na yandi: Beto vutuka na Yuda.⁸Ba ntumua tubilaka yandi: Labi, ntama ve ba Yudayo vuandaka sosa nzila ya kulozila nge mabanga, bosi nge kena kuvutuka diaka na Yuda! ⁹Yesu vutulaka: Na kilumbu, bilokula kele kumi na zole ve? Kana muntu kena kutambula na muini yandi ke bulaka disakuba ve, samu yandi kena kumona kukia ya inza yayi;¹⁰kansi, kana muntu kena kutambula na mpimpa, yandi ke bulaka disakuba, samu kukia kele na yandi ve. ¹¹Na manima ya mambu yayi, yandi me tubila bau: Mpangi na beto Lazalo me leka; kansi me muenda lamusa yandi.¹²Ba ntumua tubilaka yandi: Kana yandi me leka, yandi ke beluka. ¹³Yesu tubilaka lufua ya Lazalo, kansi ba kanisaka ti yandi vuanka tubila ndekolo ya pongi. ¹⁴Na yau, Yesu tendudilaka bau na kutuba ti: Lazalo me kufua.¹⁵Mpe samuna beno, nde beno leka kiminu, mu kele na kiesa samu mu vuandaka vana ve. Kansi, bika beto kuenda kisika yandi kele. ¹⁶Na yau, Toma na nkumbu ya Didimo tubaka na ba ntumua yankaka: Beto kuenda mpe, samu beto kufua kintuadi na yandi.¹⁷Bilumbu iya lutaka, ntangu Yesu kuizaka, yandi kutaka ba me zikaka Lazalo. ¹⁸Mpe lokola Betania vuandaka ntama ve na Yelusalemi, na ba stadia kumi na tanu, ¹⁹ba Yudayo mingi kuizaka tala Malata na Maliya samuna kusiamisa na mfuilu ya mpangi na bau. ²⁰Ntangu Malata kuwaka ti Yesu vuandaka kuiza, yandi kuendaka na ntuala na yandi, kansi Malata vuandaka na inzo.²¹Malata me tuba Yesu: Mfumu, kana nge vuandaka awa, mpangi na munu zolaka kufua ve. ²²Kansi na ntangu yayi, me zaba ti nionso nge ke lomba na Tata Nzambi, Tata Nzambi ke pesa nge yau. ²³Yesu me tubila yandi: Mpangi na nge ke fuluka.²⁴²⁵Malata me vutudila yandi, me zaba, na kilumbu ya nsuka, yandi ke fuluka na kilumbu ya mfulukulu. Yesu me zabisa yandi: Mu kele mfulukulu mpe moyo. Yina kena kulekila munu kiminu ke vuanda moyo, ata yandi me kufua; ²⁶mpe muntu yina kele moyo mpe me lekila munu kiminu lenda kufua ata fioti ve. Nge me lekila yau kiminu e?²⁷Yandi me tubila yandi: Ingeta, Mfumu, me leka kiminu ti nge kele Klisto, Muana ya Tata Nzambi, yayi fueti kuiza na inza. ²⁸Na manima kutuba mutindu yina, yandi kuendaka. Bosi na kinsueki yandi bokilaka Maliya, mpangi na yandi, mpe me zabisa yandi: Nlongi kele awa, mpe yandi kele na mfunu na nge. ²⁹Na ntangu yina kaka Maliya kuwaka yau, na mbala mosi yandi telameka samuna ku kuenda vana vuandaka Yesu.³⁰Samu Yesu kotaka ntete ve na dibuala, yandi vuandaka kisika Malata kuendaka kutana na yandi. ³¹Ba Yudayo yayi vuandaka na kati ya inzo na Maliya samuna kusiamisa yandi, monaka ti Maliya me telama na mbala mosi, mpe yandi me kuenda na nganda, ba landaka yandi mpe me tuba: yandi kena kuenda na kiziami samuna kudila. ³²Ntangu Maliya monaka Yesu mpe kumaka kisika yandi vuandaka, Maliya kubuaka na makulu na yandi, mpe me tuba na Yesu: Mfumu, kana nge vuandaka awa, mpangi na munu zolaka kufua ve.³³Ntangu Yesu monaka Maliya kudila na ba Yudayo kuizaka na yandi kintuadi, Yesu vumunaka mpe na kingongo na ntima na yandi ya mvimba. ³⁴Bosi yandi tubaka: Wapi kisika beno tulaka yandi e? Ba vutudilaka yandi: Mfumu, kuiza mpe nge mona. ³⁵Yesu dilaka.³⁶Na yau ba Yudayo tubaka: Beno tala mutindu yandi zodilaka Lazalo. ³⁷Mpe ba yankaka kati na bau tubaka: Yandi muntu zibulaka meso ya mpofo, yandi lenda sala ve ti muntu yayi kufua ve ?³⁸Yesu vumunaka mbala ya zole kati na yandi mosi, mpe yandi kuendaka kiziami. Yakele nluka, mpe ba tulaka dibaga mosi ya nene na ntuala. ³⁹Yesu me tuba: Beno katula dibanga. Malata, mpangi ya mvumbi, me tubila yandi: Mfumu, yandi kena kunuka nsudi, samubilumbu iya me luta kubanda yandi kele kuna. ⁴⁰Yesu tubilaka yandi: Mu zabisaka nge ve ti kana nge me leka kiminu, nge ke mona nkembo ya Tata Nzambi e?⁴¹Na yau, ba katulaka dibanga. Bosi Yesu sendulaka meso na zulu, mpe tubaka: Tata me vutudila nge matondo samu nge me kuwa ndombolo na munu . ⁴²Samuna munu, mu zabaka ti ntangu nionso nge ke kuwaka ndombolo na munu, kansi me tuba samuna nkangu yayai me zungidila munu, ba leka kiminu ti nge muntu tindaka munu.⁴³Ntangu yandi tubaka yau, yandi bokaka na ndinga ya ngolo: Lazalo, bima! ⁴⁴Mpe mvumbi bimaka, makulu na maboko ya ku kangama na bitendi, mpe ilungi ya ku zingama na nlele. Yesu me tubila bau: Beno zibula yandi, mpe beno bika yandi kuenda.⁴⁵Ba Yudayo mingi yayi kuizaka na maliya, mpe ba monaka yina Yesu salaka, ba lekilaka yandi kiminu. ⁴⁶Kansi ba yankaka kati na bau kuendaka mona ba falisi, mpe ba zabisaka bau yina Yesu salaka.⁴⁷Na yau, ba ngudi a nganga na ba falisi kutikisaka ba mayala, mpe ba tubaka: inki beto ke sala? Samu muntu yayi kena kusala bimangu mingi. ⁴⁸Kana beto me bikidila yandi kutatamana, bantu nionso ke lekila yandi kiminu, mpe bantu ya Loma ke kuiza bunga mbanza na dikanda na beto.⁴⁹Mosi na bau, na nkumbu ya Kayafa, yayi vuandaka ngudi a ngana na mvula yina me tubila bau: Beo kena kuwa kima ve; ⁵⁰beno kena kuyindula ve ti ya kele ntomoso na beto ti muntu mosi fueti kufua samuna bantu, mpe dikanda ya mvimba ya bungana ve.⁵¹Nzoka, yandi kena kutuba yau na yandi mosi ve; kansi lokola ngudi, anganga ya mvula yina, yandi bikulaka ti Yesu fuanaka kufua samuna dikanda. ⁵²Mpe ya kele samuna dikanda kaka ve; kansi samuna kukutikisa na nzutu mosi bana nionso ya Tata Nzami kele ya kumuangana. ⁵³Kaka na kilumbu yina, ba bakaka lukanu ya kufua yandi.⁵⁴Yau yina Yesu kimonisaka diaka ve na kukitendula na kati ya ba Yudayo; kansi yandi katukaka vana samuna kukuenda na kizunga ya insi kele ntama ve na dikanga, na mbanza kele na nkumbu ya Efalaimi; kuna yandi zingila na ba ntumua na yandi. ⁵⁵Pasa ya ba Yudayo kumaka penepene, bosi bantu mingi ya insi tombokaka na Yelusalemi tekila kilumbu ya Pasa samuna kukivedisa.⁵⁶Ba vuandaka sosa Yesu, mpe na kati ya kinlongo ba vuandaka tuba bayayi na bayina: Inki beno kena kumona e? Yandi ke kuiza na nkembo ve? ⁵⁷Nzoka, ba ngudi a nganga na ba falisi pesaka insua ti kana muntu zabaka kisika yandi lendaka vuanda, samu ka buila yandi.

12¹Na ntuala bilumbu sambanu ya Pasa, Yesu kumaka na Betania, kisika Lazalo vuanda, yayi yandi fulukisaka na bafua. ²Kuna ba sadilaka yandi madia ya nkokila; Malata vuandaka sadisa bau, mpe Lazalo vuandaka mosi na ba yina kudiaka na meza na yandi. ³Ntangu Maliya bakaka ntutu ya mazi ya nsunga vuandaka ntalu ya kuluta, kusaka na makulu ya Yesu mpe yandi kungunaka yau na nsuki na yandi; bosi inzo fulukaka na nsunga ya mazi.⁴Yudasi Iskalioti, mosi ya ba ntumua na yandi, muana ya Simoni, yina kanaka kuyekula yandi, me tuba: ⁵Samuna inki beto teka mazi yina ve na ntalu ya nkama tatu ya denali, beto pesa yau na ba mputu e? ⁶Yandi tubaka yau samuna kiadi ya ba mputu ve, kansi lokola yandi vuandaka muyibi mpe kubaka mbongo yina ba vuandaka tula kuna.⁷Kansi Yesu me tuba: Bika yandi lunda mazi yina tii kilumbu ya luziku na munu. ⁸Beno kele na ba mputu bilumbu niomso, kansi beno ke vuanda na munu ntangu nionso ve.⁹Nkangu ya nene ya ba Yudayo kuwaka ti Yesu kele na Betania; Ba kuizaka samunu Yesu kaka ve, kansi samuna kutala Lazalo, yayi yandi fulukisaka na bafua. ¹⁰Ba ngudi za nganga zengaka na kufua mpe Lazalo, ¹¹samu mingi ya ba Yudayo vuandaka katuka mpe kulekila Yesu kiminu.¹²Kilumbu landaka, nkangu ya nene ya bantukuizaka na nkinzi ntangu ba kuwaka ti Yesu kena kuenda na Yelusalemi, ¹³ba zengaka mandala mpe kuendaka kika yandi, na kuboka : Hosana! Bika yandi sakumunua yayi me kuiza na nkumbu ya Mfumu, ntinu ya Isaeli!¹⁴Yesu monaka mpunda, mpe yandi vuanda na zulu na yau, mutindu ya sonamaka: ¹⁵Muana nkento ya Sioni, ku mona wonga ve, tala, ntinu na nge kena kuiza, ya kuvuanda na zulu ya fimuana mpunda kena kuiza.¹⁶Ba ntumua ba zaba ntete ve mambu yina; kansi ntangu Yesu ^manisaka kembusua, ba kuizaka bambuka moyo ti mambu yina sonamaka samuna yandi, mpe ba kukisaka yau na yandi.¹⁷Bantu nionso vuandaka kintuadi na Yesu, tubaka kimbangi, ntangu Yesu bokilaka Lazalo mpe fulukisaka yandi na bafua, ¹⁸mpe nkangu kuizaka na ntuala na yandi, samu ba kuwaka ti yandi salaka kimangu yina. ¹⁹Ba falisi tubanaka ba yayi na bayina: Beno me mona ti beno kena kubaka kima ve; tala inza me kuenda kulanda yandi.²⁰Ndambu ya ba Elene, na dikabu ya ba yina tombukaka samuna kuzitisa na ntangu ya nkembo, ²¹ba tubaka na Filipo muntu ya Betesada na Ngalili, mpe ba tubilaka yandi na nkoma nkoma: Mfumu, beto zola mona Yesu. ²²Filipo kuendaka tubila Andele, mpe Filipo na Andele kuendaka tuba na Yesu.²³Yesu vutdilaka bau: Ntangu me fua yayi muana ya muntu fuana kembusua. ²⁴Ya kedika, ya kedika, me tubila beno yau, kana mbuma ya ble me kubua na ntoto ya bola ve, ya ke vuanda yau mosi; kansi kana ya me bola, ya ke buta mbuma mingi.²⁵Yina ke zolaka muela na yandi, ke zimbisa yau, mpe yina ke bela muela na yandi ke lunda yau samuna luzingu ya ba mvula na ba mvula. ²⁶Kana muntu kena kusadila munu, yandi landa munu; mpe kisika mu kele, kisadi na munu mpe ke vuanda vana. Kana muntu kena kusadila munu, Tata kena kuzitisa yandi.²⁷Na ntangu yayi, muela na munu me vizuka. Inki mu lenda tuba e? Tata, vuluza munu na ntangu yayi e? Yau yina me kuizila tii na ntangu yayi. ²⁸Tata, kembisa nkumbu na nge! Mpe ndinga me wakana na dizulu: Mu kembisaka yandi, mpe mu ke kembisa diaka yandi. ²⁹Nkangu vuandaka vana kuwaka, ya tubaka ti ya kele mbandanu. Ba yankaka tubaka: Mbasi tubaka na yandi.³⁰Yesu me tuba: Ya kele samuna munu ve ndinga yina kuwakanaka; ya kele samuna beno. ³¹Mfundusu ya inza yayi kele na kilokula yayi; mpe na kilokula yayi ba ntinu ya inza yayi ke losua na nganda.³²Mpe ntangu mu ke zangulua na dizulu, mu ke benda bantu nionso kuiza na munu. ³³Ntangu yandi kena kutuba mutindu yina, yandi zabaka inki mutindu ya lufua yandi ke kufua.³⁴Nkangu vutudilaka yandi: Beto kuwaka na nsiku ti Klisto kele moyo ba mvula na ba mvula; inki mutindu nge kena kutuba ti Muana ya muntu ke zangulua e? Nani kele Muana ya muntue? ³⁵Yesu tubilaka bau: Kukia kele ntete kati na beno na fintangu ya fioti. Beno diata na ntangu kukia kele na beno, samu ti kitombe buila beno ve; muntu yina ke tambulaka na kitombe ke zabaka ve kisika yandi kena kuenda. ³⁶Na ntangu yayi kia kele na beno, beno leka kiminu na kia, samu beno vuanda bana ya kia. Na manima kutuba mambu yina, Yesu kuendaka nsuama kisika ya inda.³⁷Ata yandi salaka bimangu mingi na ntuala na bau, kansi ba lekilaka yandi kiminu ve, ³⁸samu kaka mambu tubaka mbikudi Yesaya kukisama: Mfumu, nani lekilaka malongi na beto kiminu e? Mpe diboko ya Mfumu na nani ya zayikusuaka e?³⁹Ba lendaka leka kiminu ve, samu Yesaya tubaka diaka: ⁴⁰Yandi kufuaka meso na bau; mpe yandi badisaka ntima na bau, samu ba mona na meso na bau ve, mpe ba bakusa na ntima na bau ve, ba vilula ntima na bau ve, mpe mu belusa bau ve.⁴¹Yesaya tubaka mambu yina, ntangu yandi monaka nkembo ya Mfumu,mpe yandi tubaka samuna Mfumu. ⁴²Na yau, kati ya ba kuluntu, mingi lekilaka yandi kiminu; kansi ba falisi ndimaka yau ve, samuna wonga ya ku bimisa bau na inzo ya lukutukunu. ⁴³Samu ba zolaka nkembo ya bantu kulutila yayi ya Tata Nzambi.⁴⁴Nzoka, Yesu bokaka na kutuba : Yina me lekila munu kiminu, na munu ve, kansi na yina tindaka munu; ⁴⁵mpe yina me mona munu me mona yina tindaka munu.⁴⁶Mu kuizaka bonso ku kia na inza, samu ti muntu me lekila munu kiminu vuanda na kitombe ve. ⁴⁷Kana muntu me kuwa mambu na munu mpe kena kulunda yau ve, munu ve ke fundisa yandi; samu me kuiza fundisa inza ve, kansi kuvulusa inza.⁴⁸Yina ke bembula munu mpe ke baka mambu na munu ve kele na mfundisi na yandi; mambu mu samunaka yau ke fundisa yandi na kilumbu ya nsuka. ⁴⁹Samu mu tubaka mambu ya munu mosi ve,; kansi Tata yayi tindaka munu, yandi mosi pesaka munu nsikudukusu yina mu fueti tuba mpe mu fueti samuna. ⁵⁰Bosi me zaba ti nsiku na yandi kele moyo ya ba mvula na ba mvula. Yau yina mambu yayi mu kena kutuba, mu kena kutuba yau mutindu Tata tubilaka munu.

13¹Na ntuala ya nkinzi ya Pasa, Yesu kuizaka zaba ti ntangu na yandi fuanaka ya kukatuka na inza yayi samuna kukuenda na Tata, yandi zolaka ba mpangi na yandi vuandaka na inza, nzola ya ngolo samuna bau. ²Na ntangu ba vuandaka kudia, mpeve ya imbi kikotilaka na ntima ya Yuda Iskalioti, muana ya Simoni, na dibanza ya kuyekula yandi.³Yesu zabaka ti Tata pesaka kimfumu

mpe kilendo nionso na yandi, yandi katukaka na Tata Nzambi, mpe yandi kena kuenda na Tata Nzambi,

⁴me telama na nlekolo, me katula mvuatu na yandi, mpe bakaka nlele yandi vuataka. ⁵Na manima, yandi tulaka maza na dilonga, mpe yandi bandaka kusukula makulu ya ba ntumua, mpe kupangusa na nlele yandi vuataka⁶Yandi kuizaka na Simoni Petelo, mpe Simoni me tubila yandi: Mfumu, nge me sukula munu makulu! ⁷Yesu me vutudila yandi: Bubu ve nge ke zaba yina me sala, kansi ntama ve nge ke zaba yau. ⁸Petelo me tubila yandi: Ve, nge ke lenda kusukula munu makulu ata fioti ve. Yesu me tubila yandi: Kana mu sukula nge ve, nge ke vuanda diaka na munu kintuadi ve. ⁹Simoni Petelo me tubila yandi: Mfumu, makulu kaka ve, kansi na maboko, na intu mpe.¹⁰Yesu me tubila yandi: muntu yina me yobila kele kaka na mfunu ya kusukula makulu samu yandi nionso vuanda ya kuvedila; kansi beno, ya kuvedila beno kele, kansi beno nionso ve. ¹¹Samu yandi zabaka nyekudi na yandi; Yau yina yandi me tuba: Beno nionso ve kele ya kuvedila.¹²Na manima ya kusukula bau makulu, mpe yandi me baka bilele na yandi, yandi me vutuka na meza, mpe me tubila bau: ¹³Beno me bakusa yina me sadila beno e? Beno me kena kubokila munu Nlongi mpe mfumu, beno me tuba kedika, samu yina mu kele. ¹⁴Bosi kana me sukula beno makulu, munu, Mfumu mpe Nlongi, beno mpe, beno fueti kisukula makulu ba yayi na bayina; ¹⁵samu me pesa beno kifuani, beno sala mutindu mu salaka beno.¹⁶Ya kedika, ya kedika, me tubila beno, kisadi me luta mfumu na yandi ve na mvuilu, ntumua me luta yina tindaka yandi ve na kilendo. ¹⁷Kana beno me zaba mambu yayi, beno kele na kiese, ya me luta mbote beno sadila yau. ¹⁸Mu kena kutuba samuna beno nionso ve; me zaba ba yina mu ponaka. Kansi Masonukua fueti kukisama: Yina me kudia dimpa kintuadi na munu, me kituka ntantu na munu.¹⁹Na kilokula mu kena kutubila beno, tekila mambu kuiza, samu, na ntangu ya ke kuiza, beno leka kiminu na yina mu kele. ²⁰Ya kedika, ya kedika, me tubila beno, yina ke tambula yina mu ke tinda, me tambula munu, mpe yina ke tambula munu, me tambula yina tindaka munu.²¹Ntangu yandi manisaka kutuba, Yesu vinzukaka na mpeve na yandi, mpe yandi tubaka mpuasa: Ya kedika, ya kedika, me tubila beno, mosi na beno ke yekula munu. ²²Ba ntumua talasanaka bau na bau, kondua kuzaba nani yandi kena kutubila.²³Mosi na ba ntumua, yayi zolakanaka na Yesu, lekaka na ntulu ya Yesu. ²⁴Simoni Petelo me labikisa yandi na kuyuvusa: Yesu kena kutubila ni e? ²⁵Kansi ntumua yayi yekamaka na ntulu ya Yesu me tuba: Mfumu, nani yina e?²⁶Yesu vutulaka: Muntu yina mu ke pesa dimpa ya kuvuangua. Mpe ntangu yandi vuangaka kitini ya dimpa, me pesa yau na Yudasi Iskalioti, muana ya Simoni. ²⁷Ntangu yandi bakaka kitini yina, Satana kotaka kati ya Yudasi. Yesu me tubila yandi: Yina nge zola sala, sala yau malu malu.²⁸Kansi na ba yina vuandaka na meza, ata muntu mosi ve bakusaka samuna inki Yesu tubaka na Yudasi mutindu yina, ²⁹samu ba yankaka kanisaka ti lokola Yudasi vuandakalunda mbongo, Yesu ozolaka tubila yandi: Kuenda sumba bima yina beto kele na yau nsatu samuna nkinzi, to, yandi tuminaka Yudasi ku pesa fi kima na ba mputu. ³⁰Ntangu Yudasi bakaka kitini ya dimpa, yandi bimaka nsualu na mpimpa yina.³¹Na ntagu Yudasi bimaka, Yesu me tuba: Ntangu yayi Muana ya Muntu zitusuaka, mpe Tata Nzambi zitusuaka na Yandi. ³²Kana Tata Nzambi zitusuaka na yandi, Tata Nzambike na yandi mosi ke zitisa yandi, mpe ntama ve yandi ke zitisa Muana. ³³Bi mbana mbana na munu, fi ntangu fioti kuandi me bikana na kuvuanda na beno. Mutindu mu tubaka na ba Yudayo, beno ke saosa munu: Beno ke lenda kuiza ve kisika mu kena kuenda, me tubila beno diaka yau malu malu yayi.³⁴Mu kena kupesa beno nsiku ya impa: Beno zolasana beno na beno; mutindu mu zodilaka beno, beno zolasana beno na beno. ³⁵Na yau bantu nionso ke zaba ti beno kele ba ntumua na munu, kana beno kele na nzola ya bayayi samuna bayina.³⁶Simoni Petelo me tubila yandi: Wapi nge kena kukuenda e? Yesu vutulaka: Nge ke lenda ve ku landa munu na ntangu yayi kisika mu kena kuenda, kansi nge ke landa munu bilumbu kena kuiza. ³⁷Petelo me tuba na yandi, samuna inki mu lenda landa nge ve malu malu yayi e? Me pesa moyo na munu samuna nge. ³⁸Yesu vutulaka: Nge ke pesa moyo na nge samuna munu! Ya kedika, ya kedika me tubaila nge yau, nsusu ke kikokodila ve, nge ke wangana munu mbala tatu.

14¹Bike ntima na nge vizuka ve. Leka kiminu na Tata Nzambi, mpe lekila munu kiminu. ²Bivinga kele mingi na inzo ya Tata na munu. Kana ya vuandaka ve, mu zolaka zabisa beno.Me kuenda bongisela beni kisika. ³Bosi ntangu mu kuenda, mpe me bongisila beni kisika, mu ke vutuka, mu ke kuiza landa beno, samu beno vuanda mpe kisika mu ke vuanda.⁴Beno me zaba kisika mu kena kuenda, mpe beno me zaba nzila. ⁵Toma me tubila yandi: Mfumu, beto zaba ve kisika nge kena kuenda; inki mutindu beto lenda zabila ⁶nzila?Yesu me tubila yandi: Mu kele nzila, kedika, mpe moyo. Muntu lenda kuenda na Tata ve, kana yandi kutila na munu ve. ⁷Kana beno zabaka munu, beno zolaka zaba mpe Tata na munu. Mpe kaka na ntangu yayi, beno me zaba yandi, mpe beno monadka yandi.⁸Filipo me tubila yandi: Mfumu, ya kele mbote nge monisa beto Tata. ⁹Yesu me tubila yandi: Ku banda ntama mu kele na beno, nge zabaka munu ve, Filipo! Muntu yina me mona munu, me mona Tata, samuna inki nge kena kutuba: Monisa beto Tata e?¹⁰Nge kena ku leka kiminu ve ti mu kele na Tata, mpe Tata kele na munu e? Mambu mu ke tubilaka beno, ke katukaka na munu mosi ve; mpe Tata kele kati na munu kena kusala bimangu. ¹¹Beno lekila munu kiminu, mu kele kati na Tata, mpe Tata kele kati na munu; beno leka kiminu ata samuna bimangu yayi.¹²Ya kedika, ya kedika, me tubila beno, Muntu yina ke lekila munu kiminu ke sala mpe bimangu yina mu kena kusala, mpe yandi ke sala ya nene dkuluta, samu mu kena kuenda na Tata; ¹³mpe nionso yina beno ke lomba na nkumbu ya munu, mu ke sala yau, samu Tata zitusua kati na Muana. ¹⁴Kana beno me lomba kima na nkumbu na munu, mu ke sala yau.¹⁵Kana beno zola munu, beno lunda minsiku na munu. ¹⁶Bosi mu ke lomba na Tata, mpe yandi ke pesa beno nsadisi ya nkaka, samu yandi vuanda ba mvula na ba mvula na beno, ¹⁷Mpeve ya kedika yayi inza lenda baka ve, samu inza ke monaka yandi ve mpe ke zabaka yandi ve; kansi beno, beno me zaba yandi, samu yandi ke vuandaka kintuadi na beno, mpe yandi ke vuanda na beno.¹⁸Mu ke bika beno ba nsiona ve, mu ke kuiza na beno. ¹⁹Fi ntangu ya fioti diaka, inza ke mona munu diaka ve; kansi beno, beno ke mona munu, samu mu kele moyo, mpe beno ke zinga. ²⁰Na kilumbu yina, beno ke zaba ti mu kele kati na Tata, mpe beno kele kati na munu, mpe mu kele kati na beno.²¹Muntu yina kele na minsiku na munu mpe ke lundaka yau, yandi ke zolaka munu; mpe yina ke zolaka munu ke zolakana na Tata na munu, mu ke zola yandi mpe mu ke kizbikisa na yandi. ²²Yuda, iskalioti ve, me tuba na yandi: Mfumu, ya kele inki mutindu ti nge ke kizabikisa na beto, kansi na inza ve?²³Yesu vutudilaka yandi: Kana muntu me zola mun, yandi ke lunda mambu na munu, mpe Tata na munu ke zola yandi; beto ke kuizila yandi mpe beto ke sala inzo na beto na yandi. ²⁴Muntu yina ke zolaka munu ve ke lunda mambu na munu ve. Mpe mambu beno ke kuwaka kele ya munu ve, kansi ya Tata tindaka munu.²⁵Mu tubilaka beno mambu yayi na ntangu mu vuanda na beno. ²⁶Kansi nsadisi, Mpeve ya Nlongo, Tata ke tindila beno na nkumbu ya munu, ke longa beno mambu nionso, mpe yandi ke bambula beno moyo na mambu nionso mu tubilaka beno. ²⁷Me bikila beno kiyenge, me pesa beno kiyenge. Mu pesa beno ve mutindu inza ke pesaka. Bika ntima na beno vizuka ve, mpe beno nionga ve.²⁸Beno kuwaka ti mu tubilaka beno: me kuenda, mpe mu ke kuiza diaka na beno. Kana beno me zola munu, beno ke yangalala ti me kuenda na Tata; samu Tata me luta munu na nene. ²⁹Mpe na ntangu yayi mu tubilaka beno mambu yayi na ntuala ti ya kuiza, samu ti, na ntangu ya ke kuiza, beno leka kiminu. ³⁰Mu ke tuba diaka na beno ve; samu nkuluntu ya inza kena kuiza. Yandi kele na diambu mosi na munu ve; ³¹samu inza zaba ti mu ke zolaka Tata, mpe mu ke salaka mutindu Tata sikidikisaka munu, beno telama, beto katuka kisika yayi.

15¹Mu kele inti ya vinia ya kedika, mpe Tata na munu kele bonso kisadi ya bilanga ya vinia. ²Kitapi nionso yina kele ya kukangana na munu mpe kena kubuta mbutu ve, yandi ke zenga yau, kansi kitapi kele na mbutu, ke vedusua samu ya buta diaka mbutu ya mingi kuluta.³Beno kele ya kuvedila samuna mambu yayi mu samuninaka beno. ⁴Beno sikila na munu, mpe mu ke sikila na beno. Lokola kitapi yau mosi lenda buta mbutu ve, kana yau kele ya kukangana na inti ve, na yau, beno lenda buta mbutu ve kana beno sikila na munu ve.⁵Mu kele bonso inti, beno kele bonso bitapi. Muntu yina me sikila na munu mpe me sikila na yandi ke butaka mbutu mingi, samu ku kondua munu beno lenda sala kima mosi ve. ⁶Kana muntu me sikila na munu ve, yandi kele bonso kitapi, ya me lozua na nganda, mpe ya me yuma; bosi ba me lokuta yau, mpe ya me lozua na tiya mpe ya me kuvia. ⁷Kana beno me sikila na munu, mpe mambu na munu me sikila na beno, beno lomba konso kima yina beno zola, ba ke pesa beno yau.⁸Na mutindu yina Tata na munu ke zitusua, kana beno me buta mbutu mingi, mpe beno ke vuanda ba ntmua na munu. ⁹Lokola Tata zolaka munu, munu mpe mu zolaka beno. Beno sikila na zola na munu.¹⁰Kana beno me lunda nsikudukusu na munu, beno me sikila na zola na munu, mu tindu mosi, munu mpe mu lundaka nsikudukusu ya Tata na munu, mpe me sikila na zola na yandi. ¹¹Mu tubilaka beno mambu yayi, samu ti kiese na munu vuanda na beno, mpe kiese na beno vuanda ya kulunga.¹²Nikudukusu na munu yayu yayi: Beno zolasana beno na beno, mutindu mu zodilaka beno. ¹³Kima me luta zola na nene kele ve kana kupesa moyo ve samuna ba kundi na yandi.¹⁴Kana beno me sala yina mu kena ku lomba beno, beno kele ba kundi na munu. ¹⁵Mu kena kubokidila diaka beno bisielo ve, samu kisielo ke zabaka ve yina ke salaka mfumu na yandi; kansi me bokidila beno ba kundi, samu mu zabisaka beno yina mu longukaka na Tata na munu.¹⁶Beno ve ponaka munu; kansi munu ponaka beno, mpe mu vambulaka beno, samu beno kuenda buta mbutu, mpe bika mbutu na beno sikila, samu ti yina beno ke lomba na Tata na nkumbu na munu, yandi pesa beno yau. ¹⁷Yina mu kena kusikidikisa beno, beno zolasana beno na beno.¹⁸Kana inza me bela beno, beno zaba ti ya tuamaka bela munu. ¹⁹Kana beno vuandaka bantu ya inza, inza zolaka pona yina ya yandi; kansi lokola beno kele ya inza ve, mpe samu ti mu ponaka beno kati ya inza, yau yina inza kena ku bela beno.²⁰Beno bambuka moyo na mambu mu tubilaka beno: Kisielo kele mbuta kuluta mfumu na yandi ve. Kana ba zomaka munu, be ke zoma beno mpe; kana ba lundaka mambu ya munu, ba ke lunda mpe ya beno. ²¹Kansi ba ke sala beno mambu nionso yina samuna nkumbu ya munu, samu ba zaba ve yina tindaka munu. ²²Kana mu kuizaka ve mpe mu tubilaka bau, ba zolaka vuanda na masumu ve; kansi na ntangu yayi ba kele na ndemvokolo ata fioti ve ya masumu na bau.²³Yina me bela munu, me bela Tata na munu. ²⁴Kana mu salaka bimangu na ntadisi na bau ve yayi muntu yankaka salaka ve, ba zolaka vuanda na masumu ve; kansi na ntangu yayi ba monaka yau, mpe ba belaka munu na Tata na munu. ²⁵Kansi ya kuizaka samu ti mambu sonamaka na nsiku na bau kukisama: kondua diambu ba belaka munu.²⁶Ntangu nsadisi ke kuiza, yina mu ketindila beno ke katuka na Tata, Mpeve ya kedika, me katuka na Tata, yandi ke pesa kimbangi na munu; ²⁷mpe beno mpe, beno ke tuba kimbangi, samu ku banda na ntonono beno kele na munu.

16¹Mu tubilaka beno mambu yayi, samu ti ya vuanda disakuba ve samuna beno. ²Ba ke vengumuna beno na ba inzo ya kinlongo; mpe na ntangu yina kaka ke kuiza muntu ke kufua beno ke kanisa ti yandi kena kusala kisalu ya mbote samuna Tata Nzambi.³Mpe ba ke sala mutindu yina, samu ba zabaka ata Tata ve ata munu ve. ⁴Mu tubilaka beno mambu yayi, samu ti, na ntangu kilokula ke kuiza, beno ke bambuka moyo ti mu zabisaka beno yau. Na ntonono, mu tubilaka beno yau ve, samu mu vuandaka na beno.⁵Na ntangu yayi, me kuenda na muntu tindaka munu, mpe mosi ve kati na beno me yuvula munu: wapi nge kena kuenda e? ⁶Kansi lokola me zabisa beno yau, kiadi me fuluka na ntima na beno. ⁷Beno zaba ti me tubila beno kedika: Mu fueti kuenda samuna ntomoso na beno, samu kana mu kuenda ve, nsadisi ke kuiza na beno ve; kansi kana me kuenda, mu ke tindila beno yandi.⁸Mpe ntangu yandi ke kuiza, yandi ke kuikidisa inza na yina me tadila masumu, lunungu, mpe mfundusu: ⁹Na yina me tadila masumu, samu ba ke lekilaka munu kiminu ve; ¹⁰lunungu, samu a me kuenda na Tata, mpe beno ke mona munu diaka ve; ¹¹mfundusu, samu nkuluntu ya inza yayi me fundusua.¹²Mu kele diaka na mambu mingi ya kuzabisa beno, kansi na ntangu yayi, beno lenda nata yau ve. ¹³Ntangu nsadisi ke kuiza, Mpeve ya kedika, yandi ke tuadisa beno na kedika nionso; yandi ke tuba samuna yandi mosi ve, kansi yina yandi kuwaka, mpe yandi ke samunina beno mambu ke kuiza. ¹⁴Yandi ke zitisa munu, samu yandi ke baka yina ya munu, mpe ku samunina beno yau.¹⁵Nionso ya Tata kele ya munu; yau yina mu tubaka ti yandi ke baka yina kele ya munu, mpe yandi ke samunina beni yau. ¹⁶Ntangu ya fioti kaka me bikana beno ke mona munu diaka ve; mpe na fi ntangu ya fioti, beno ke mona munu diaka, samu mu kena kuenda na Tata.¹⁷Na yau, ndambu ya ba ntumua na yandi tubanaka bau na bau: Inki zola songa yina yandi kena ku tubila beto: Na ntangu ya fioti beno ke mona munu diaka ve, mpe beno ke mna munu diaka na fi ntangu ya fioti e? mpe me kuenda na Tata e? ¹⁸Ba tubaka diaka: Inki zola tuba yayi yandi me tuba: Na fi ntangu ya fioti diaka e? Beto zaba ve inki diambu yandi kena kutuba.¹⁹Yesu zabaka ti ba zolaka yuvula yandi, me tubila bau: Beno kena kiyuvula beno na beno samuna mambu mu tubaka: Na ntangu ya fioti beno ke mona munu diaka ve; mpe na fintangu ya fioti beno ke mona munu ²⁰diaka. Ya kedika, ya kedika, metubila beno, beno ke dila mpe beno ke nionga, mpe inza ke sepela: beno ke vuanda na kiadi, kansi kiadi na beno ke kituka kiese. ²¹Ntangu nkento ke butaka, yandi ke monaka mpasi, samu ntangu na yandi me kuka; kansi, ntangu yandi me buta na kilumbu yina, yandi ke bambukilaka mpasi moyo ve, samuna kiese ya kumona muntu me butuka na inza.²²Beno na ntangu yayi, beno kele na kiadi; kansi mu ke mona beno diaka, mpe ntima na beno ke yangalala, mpe muntu ve ke ziona kiesa na beno. ²³Na kilumbu yina, beno ke yuvula munu kima mosi ve. Ya kedika, ya kedika me tubila beno, yina beno ke lomba na Tata, yandi ke pese beno yau na nkumbu na munu. ²⁴Tii na ntangu yayi beno lombaka ata kima mosi ve na nkumbu na munu. Lomba, mpe beno ke baka, samu ti kiesa na beno lunga.²⁵Na kingana me tubila beno mambu yayi. Ntangu kele yina mu ke tubila beno diaka na bingana ve, kansi mu ke kienzudila beno na kutuba samuna Tata.²⁶Na kilumbu yana, beno ke lomba na nkumbu na munu, mpe mu tubila beno ve ti mu ke lombila beno na Tata; ²⁷samu yandi mosi Tata me zola beno, mpe samu beno zolaka munu, mpe beno lekaka kiminu ti mu katukaka na Tata Nzambi. ²⁸Mu katukaka na Tata, mpe mu kuizaka na inza; na ntangu yayi mu kena ku katuka na inza, samuna ku kuenda na Tata.²⁹Ba ntumua na yandi tubaka: Tala, ntangu yayi nge me kienzula mambu, mpe nge kena kutuba diaka bingana ve. ³⁰Beto me zaba ntangu yayi ti nge me zaba mambu nionso, mpe mfunu ya muntu kele diakan ve samuna ku yuvula nge; yau yina beto me leka kiminu ti nge me katuka na Tata Nzambi. ³¹Yesu vutudilaka bau: Ntangu yayu, beno me leka kiminu.³²Tala, ntangu kena kuiza, mpe ya me kuizaka, yayi beno ke muangana konso muntu na lueka na yandi, mpe beno ke bika munu mosi; kansi mu kele mu mosi ve, samu Tata kele na munu. ³³Mu tubilaka beno mambu yayi samu beno vuanda na yenge na munu. Beno ke vuanda na nzomono na inza; kansi beno siama, mu nungaka inza.

17¹Na manima ya kutuba mutindu yina, Yesu sendulaka meso na zulu, mpe me tuba: Tata, ntangu me fuana! Kembisa Muana na nge, samu ti Muana kembisa nge, ²mutindu nge pesaka yandi kilendo na nsuni nionso, samu ti ba yina nge pesaka yandi ba baka moyo ya ba mvula na ba mvula.³Nzoka, moyo ya ba mvula na ba mvula kele samuna ba yina me zaba nge, Nzambi mosi kaka ya kedika, mpe Yesu Klisto nge tindaka. ⁴Mu zitisaka nge na ntoto, mu manisaka kisalu nge pesaka munu. ⁵Bosi na ntangu yayi, nge Tata, kembisa munu na ntadisi na nge mosi, na nkembo yayi vuandaka na munu tekila inza salama.⁶Mu zabikisaka nkumbu na nge na bantu yina nge pesaka munu kati na inza. Ba vuandaka ya nge, kansi nge pesaka munu bau; mpe ba lundaka mambu na nge. ⁷Ntangu yayi ba me zaba ti nionso nge pesaka munu ke katukaka na nge. ⁸Samu mu pesaka bau mambu yina nge pesaka munu; ba tambulaka yau, mpe ya kedika ba buizaka zaba ti na nge mu katukaka, mpe ba lekaka kiminu ti nge tindaka munu.⁹Mu kena kusambila samuna bau. Mu kena kusambidila inza ve, kansi samuna ba yina nge pesaka munu, kele ya nge; ¹⁰mpe nionso yina kele ya munu, kele ya nge; mpe yina kele ya nge, kele ya munu; mpe me kembusua na bau. ¹¹Mu kele diaka na inza ve, kansi bau kele na inza, mpe mu me kuenda na nge. Tata ya Nlongo, bika nge lunda na nkumbu na nge ba yina nge pesaka munu, samu ba vuanda mosi mutindu beto kele.¹²Ntangu mu vuandaka na bau na inza, mu vuandaka lunda bau na nkumbu na nge. Mu lundaka ba yina nge pesaka munu, mpe ata mosi vambukaka ve, bana ya mbungulu kaka, samuna kulungana ya Masonukua . ¹³Ntangu yayi mu kena kuenda na nge, mpe me tuba mambu yayi na inza, samu ti ba vuanda na kiese na munu ya kukuka na bau. ¹⁴Mu pesaka bau diambu na nge; kansi inza belaka bau, samu bau kele bantu ya inza ve, lokola munu, mu kele ya inza ve.¹⁵Mu kena kulomba ve nge katula bau na inza, kansi nge tanina bau na mambu ya imbi. ¹⁶Bau kele ya inza ve, lokola mu kele ya inza ve. ¹⁷Bieka bau na kedika: samu diambu na nge kele kedika.¹⁸Lokola nge tindaka munu na inza, mu tindaka bau mpe na inza. ¹⁹Mpe me ki bieka nlongo samuna bau, samu ti bau mpe ba biekua nlongo na kedika.²⁰Bau kaka ve mu kena kusambidila, kansi samuna ba yina kena kulekila mambu na munu kiminu, ²¹samu bau nionso vuanda mosi, bonso nge, Tata, kele kati na munu, mpe bonso mu kele kati na nge, samu ti bau mpe ba vuanda mosi kati na beto, samu inza leka kiminu ti nge tindaka munu..²²Mu pesaka bau nkembo yina nge pesaka munu, samu ti ba vuanda mosi mutindu beto kele mosi,- ²³mpe munu kati na bau, mpe nge kati na munu, - samu inza zaba ti nge tindaka munu mpe nge zolaka bau mutindu nge zolaka munu.²⁴Tata, mu zola ti ba yina nge pesaka munu vuanda mpe kisika mu kele, samu ba mona nkembo na munu yai nge pesaka munu, samu nge zolaka munu tekila inza salama.²⁵Tata ya lunungu, inza zabaka nge ve; kansi munu mu zabaka nge, mpe ba yayi zabaka ti nge tindaka munu. ²⁶Mu salaka ti ba kuiza zaba nkumbu na nge, samu ti nzola nge zodilaka munu vuanda na bau, mpe mu vuanda kati na bau.

18¹Ntangu yandi tubaka mambu yina, Yesu kuendaka na ba ntumua na yandi na disimu yankaka kkkkkkkkkkkkkkkkkk ya Kedo, kisika vuandaka mmmmmmmmmmmm, kuna yandi kotaka na ba ntumua na yandi. ²Yuda nyekudi zbaka kisika yina, samu Yesu na ba ntumua na yandi vuandaka na kifu ya ku kutakana vana. ³Ntangu yuda bakaka bbbbbbbbbbbbbbbb, na binuani yayi ba ngudi za nganga na ba ba falisi tindaka, ba kuizaka vana na ba lantani, ba nlaku mpe na bi nuanunu.⁴Ntangu Yesu zabaka yina lendaka kumina yandi, pusanaka mpe yandi tubilaka bau: Nani beno kena kusosa e? ⁵Ba vutudilaka yandi: Yesu muntu ya Nazaleti. Yesu tubilaka bau: Munu yayi. Bosi Yuda nyekudi vuandaka na bau.⁶Ntangu Yesu tubilaka bau: Ya kele munu, ba vutukakamanima mpe ba kubuaka na ntoto. ⁷Yandi yuvulaka bau diaka: Nani beno kena kusosa e? Mpe ba tubaka: Yesu muntu ya Nazaleti.⁸Yesu vutulaka: Mu tubilaka beno ti ya kele munu. Kana munu beno kena kusosa, beno bika ba ntumua yayi. ⁹Yandi me tubila bau yau samu ti mambu yandi tubilaka bau kukisama: Mu zimbisaka ata mosi ve na ba yina nge pesaka munu¹⁰Simoni Petelo yayi vuandaka na sabala, me benda yau, mpe me zenga dikutu ya lubakala ya kisadi ya Ngudi a nganga, na nkumbu ya Malkusi. ¹¹Yesu me tubila Petelo: Vutula sabala na nge na nkutu. Mbungu yina Tata me pesa munu, mu kunua yau ve?¹²Buka, ngudi ankuluntu, na binuani ya ba Yudayo builaka Yesu mpe ba kangaka yandi. ¹³Ba nataka yandi ntete na Ana; samu yandi vuandaka bokilo ya Kaifa, yandi yayi vuandaka ngudi a nganga na mvula yina. ¹⁴Bosi Kaifa, yandi pesaka malongi na ba Yudayo: Ya kele mfunu mingi muntu mosi kufua samuna nkangu.¹⁵Simoni Petelo na ntumua yankaka vuandaka landa Yesu. Ntumua yina zabakanaka na ngudi a nganga, mpe yandi kotaka na kianzala ya ngudi a nganga na Yesu; ¹⁶kansi Petelo bikanaka na nganda penepene na kielo. Ntumua yankaka zabakanaka na ngudi a nganga, bimaka samuna kusolola na nkento ke kengilaka kielo, mpe yandi kotisaka Petelo.¹⁷Bosi kisielo ya nkento, nkengi ya kentoke kengilaka kielo, me tuba na Petelo: Nge diaka, nge kele mosi ya ba ntumua ya muntu yayi ve? Yandi me vutula: Mu kele ntumua na yandi. ¹⁸Bisielo na minkengi yina vuandaka vana pedisaka dituka ya makala, ba vuandaka yotila samuna kiozi. Petelo mpe vuandaka yotila kintuadi na bau.¹⁹Ngudi a nganga yuvulaka Yesu samuna ba ntumua mpe malongi na yandi. ²⁰Yesu vutudilaka yandi: Mu tubaka na kubangula na inza; ntangu nionso mu vuandaka longa na inzo ya tukutukunu mpe na kinlongo, bisika ba Yudayo ke kutakanaka, mpe mu suekaka kima mosi ve. ²¹Samuna inki nge kena yuvudila munu e? Yuvula ba yina kuwaka munu yina mu tubilaka bau; tala, bantu yina me zaba yina mu tubilaka bau.²²Na manima ba mpova yina, mosi ya ba nkengi vuandaka vana, bulaka Yesu mbata, na kutuba: Mutindu yina nge kena kuvutudila mvutu na ngudi a nganga e? ²³Yesu me tubila yandi: Kana imbi me tuba, Monisa imbi me tuba; mpe kana me tuba mbote, samuna inki nge me budila munu e? ²⁴Yesu ya ku kangua, Anna me tinda yandi na ngudi a nganga Kaifa.²⁵Simoni Petelo vuandaka yotila vana. Ba me tubila yandi: Nge mpe, nge kele mosi ya ba ntumua ve ? Yandi me wangana, mpe me tuba: Mu kele ntumua na yandi ve. ²⁶Mosi ya bisadi ya ngudi a nganga, kibuti ya muntu yayi Petelo zengaka dikutu, me tuba: Mu monaka nge ve kintuadi na yandi na kati ya jardin? ²⁷Petelo wanganaka diaka. Bosi kaka na ntangu yina nsusu ya mbakala me kokula.²⁸Ba katulaka Yesu na Kaifa mpe ba nataka yandi na inzo ya nyadi: Ya vuandaka na nsuka. Ba kotaka bau mosi ve na inzo ya nyadi samuti ba sumuka ve, kansi samu ba kudia Pasa. ²⁹Pilatu bimaka samuna ku kutana na bau, mpe me tuba: Inki mimfundu beno kena kufundila muntu yayi e? ³⁰Ba vutudilaka yandi: Kana yandi vuandaka mvangi amambi ve, beto zolaka yekudila nge yandi ve.³¹Na yau Pilatu tubilaka bau: Beno baka yandi beno mosi mpe beno sambisa yandi mutindu kele nsiku na beno. Ba Yudayo tubilaka yandi: Beno kele na insua ve ya kufua muntu. ³²Ya vuandaka samu ti mambu Yesu tubaka kuenda betila, ntangu yandi songaka mutindu ya lufua yandi fueti fuila.³³Pilatu vutukaka na inzo ya nyadi, yandi bokilaka Yesu, mpe me tubila yandi: Nge kele ntinu ya ba Yudayo e? ³⁴Yesu vutulaka: Na nge mosi ya me katuka, to bantu me zabisaka nge mambu me tala munu e? ³⁵Pilatu vutulaka: Munu, Nyudayo mu kele? Bantu na nge na ba ngudi za nganga me yekula nge na munu: inki kuandi nge me sala e?³⁶Yesu vutulaka: Kintinu na munu kele ya inza yayi ve. Kana kintinu na munu vuandaka ya inza yayi, bisadi na munu zolaka muana samuna munu samu ti mu yekulua na ba Yudayo ve; kansi na ntangu yyiu, kintinu na munu kele ya ntoto yayi ve. ³⁷Pilatu me tubila yandi: Ya zola tuba ti nge kele ntinu e? Yesu me vutula: Nge me tuba yau,mu kele ntinu.Mu butukaka mpe mu kuizaka na inza samuna kutuba kimbangi na kedilka. Yina kele na kedika ke kuwaka ndinga na munu.³⁸Pilatu me tubila yandi: Kedika zola tuba inki e? Na manima kutuba yau, yandi bimaka diaka samuna ku kuenda na ntula ya ba Yudayo, mpe me tubila bau: Mu kena ku mona kibila ve na muntu yayi. ³⁹Kansi lokola ya kele ki kadilu na beno ya ku yambudila muntu mosi na nkinzi ya Pasa, Beno zola ti mu yambudila beno ntinu ya ba Yudayo e? ⁴⁰Na yau, bantu nionso bokaka diaka: Ve, yandi ve, kansi Balaba. Nzoka Balaba vuandaka kimpumbulu.

19¹Na yau, Pilatu me baka Yeu, mpe me budisa yandi bikoti. ²Binuani salaka nkata ya ba nsende ba vuakikaka yandi na intu, bosi ba vuikaka yandi kiyunga ya hhhhhhhhhhhhhhhh; bosi, me pusa penepene na yandi, ³ba vuandaka tuba: Mbote, ntinu ya ba Yudayo! Mpe ba vuandaka pesa yandi mmmmmmmmm.⁴Pilatu bimaka diaka, mpe me tuba na ba Yudayo: Mu kena ku natina beno yandi na nganda, samu beno zaba ti mu kena kumona ata kibila mosi ve na yandi. ⁵Bosi Yesu bimaka, na nkata ya bansende na intu mpe na kiyunga ya hhhhhhhhhhhhhhh. Bosi Pilatu tubilaka bau: Muntu yandi yayi. ⁶Ntangu ba ngudi anganga na mmmmmmmmmm monaka yandi, ba bokaka: Koma! koma! Pilatu me tubila bau: Beno baka yandi beno mosi, mpe beno koma yandi; samu mu mona kibila ve na yandi.⁷Ba Yudayo vutudilaka yandi: Beto kele na nsiku mosi; mpe na nsiku na beto, yandi fueti ku fua, samu yandi kikitulaka Muana ya Tata Nzambi. ⁸Ntangu Pilatu kuwaka mpova yina, wonga na yandi tombukaka. ⁹Yandi vutukaka na inzo ya nyadi, mpe yandi me tuba na Yesu: Nge kele muntu ya wapi e? Kansi Yesu pesaka yandi mvutu ve.¹⁰Pilatu me zabisa yandi: Na munu nde nge kena kutuba ve? N ge zaba ve ti mu kele na kilendo ya ku koma nge na dikuluzu, mpe mu kele na kilendo ya ku bikidila nge ? ¹¹Yesu vutulaka: Nge kele na kilendo ata mosi ve na munu, kana ya pesamina nge na dizulu ve. Yau yina, muntu kena kuyekula munu na nge me sala disumu ya nene.¹²Kaka na ntangu yina, Pilatu vuandaka sosa nzila ya ku bikidila yandi. Kansi ba Yudayo bokaka: Kana nge me bikidila yandi, nge kele nkundi ya Kaesalia ve. Konso muntu ke kikitula ntinu me kuma kitantu na Kaesalia. ¹³Ntangu Pilatu kuwaka mambu yina, yandi nataka Yesu na nganda; mpe me vuanda na kiti ya mfundusu, kisika kele na nkumbu ya Kianzala, mpe ndinga ya ebeleo Ngabata.¹⁴Na ntangu ya sambanu vuandaka nkubukulu ya Pasa. Pilatu me tubila ba Yudayo: Ntinu na beno yandi yayi. ¹⁵Kansi ba bokaka: Katula, katula, koma yandi!Pilatu me tubila bau: Mu koma Ntinu na beno e? Ba ngudi a nganga vutulaka: Ntinu mosi kaka kele na beto, Kaisalia. ¹⁶Na yau, yandi yekudilaka bau yandi samuna kukomua. Ba bakaka Yesu mpe ba nataka yandi.¹⁷Yesu nataka dikuluzu mpe yandi kumaka na kisika ya ki kinzongolo, ba ke bokidilaka na ki ebeleo, Ngolongota. ¹⁸Kifulu yina ba kominaka yandi na dikulunsi, na bantu zole yankaka, na lubakala mpe na lumonso, bosi Yesu na kati na bau.¹⁹Pilatu me koma na intu ya dikulunsi, dibaya sonamaka;: Yesu ya Nazaleti, Ntinu ya ba Yudayo. ²⁰Ba Yudayo mingi tangaka bisono yina, samu kisika Yesu komunuaka vuandaka penepene ya mbanza: ya sonamaka na ki ebeleo, na ki elene, mpe na ki loma.²¹Ba ngudi a nganga ya Ba Yudayo tubaka na Pilatu: Ku sonika ve: Ntinu ya ba Yudayo. Kansi sonika ti yandi tubaka: mu kele Ntinu ya ba Yudayo. ²²Pilatu vutulaka: Yina me sonika, me kisonikina yau.²³Ntangu binuani manisaka ku koma Yesu, ba bakaka bilele na ndi, mpe ba kabulaka yau na ndambu iya, binuani nionso bakaka ndambu mosi. Ba bakaka mpe mvuatu na yandi, yayi vuandaka ya kutungua ve, ku banda na zulu tii na insi ya vuandaka mutindu mosi kaka. ²⁴Bosi ba tubasanaka: Beto pasula yau ve, kansi beto sadila yau wadi, yina ke nunga yandi ke lunda yau. Yau me lungisa Masonukua ya Nlongo me tuba: Ba me kabana mvuatu namunu, mpe ba salaka wadi na kiyunga na munu. Tala mambu salaka binuani.²⁵Penepene ya dikuluzu ya Yesu telamaka mama na yandi mpe mpangi ya mama na yandi, Malia, nkento ya Klopa, mpe Malia ya Mangandala. ²⁶Ntangu Yesu monaka ntumua yandi vuandaka zola ya kutelama penepene ya mama na yandi, me tuba na mama na yandi: Nkento, muana na nge yandi yayi. ²⁷Bosi yandi me tuba na ntumua: Mama na nge yandi yayi. Mpe na ntangu yina, ntumua nataka yandi na inzo na yandi.²⁸Na manima na yau, Yesu zabaka ti nionso me lunga, Masonukua me kukisama me tuba: Mu kele na nsatu ya maza. ²⁹Mbungu ya vinu ya ngayi vuandaka vana. Binuani fuluzaka nsanu na vinia ya ngayi, mpe kangaka yau na kitala ya inti ya isopi, ba finingisaka yau na inua ya Yesu. ³⁰Ntangu Yesu ku nuaka vinia ya ngayi, me tuba: Nionso me lunga. Mpe yandi kitisaka intu, mpe yandi me zenga muela.³¹Lokola ya vuandaka nkubamanu ya nkinzi ya Pasa, Ba monaka mbote ve ti nzutu bikana na dikuluzu na kilumbu ya lumingu, samu ya kele kilumbu ya nene, bosi ba Yudayo lombaka na Pilatu ba toluzula makulu ya bantu komuaka, bosi ba katulaka bau. ³²Yau yina binuani kuizaka, mpe ba toluzulaka makulu yamuntu ya ntete, bosi muntu yina yankaka komuaka kintuadi na yandi. ³³Ntangu yandi finamaka na Yesu, yandi monaka ti Yesu me kufuaka, ba toluzulaka yandi makulu ve;³⁴kansi kinuani mosi tobulaka lubanzi na yandi na didionga, na mbala mosi menga na maza bimaka. ³⁵Muntu yina monaka yandi tubaka kimbangi ya kedika; mpe me zaba ti yandi kena kutuba kedika, samu beno leka mpe kiminu.³⁶Mambu yayi kuizaka salama, samu ti Masonukua lungana: Na bivisi na yandi ata mosi ve ke toluka. ³⁷Mpe na ndambu yankaka Masonukua me tuba diaka: Ba ke mona muntu yina ba tobulaka lubanzi.³⁸Na manima na yau, Yosefi ya Alimata, yayi vuandaka nlongoki ya kinsueki yaYesu, samuna wonga ya ba Yudayo, lombaka luve na Pilatu samuna kubaka nzutu ya Yesu. Mpe Pilatu pesaka insua. Yandi kuizaka baka nzutu ya Yesu. ³⁹Nikodemo, yayi kuenda na mpimpa kukutana na Yesu, kuizaka mpe, yandi nataka bima ya kusangua na kitezo ya nkama mosi mboooooooo ya mile mpe ya aloès.⁴⁰Bosi, ba bakaka nzutu ya Yesu, mpe ba zingaka yau bilele na bima nsungaaaaaaaaaaa, mutindu kele kifu ya ba Yudayo samuna kuzika mvumbi. ⁴¹Nzoka, jardinnnnnnn mosi vuandaka kisika ba kominaka Yesu, mpe na kati na yau kiziami ya impa, ata muntu mosi zikua ntete vana ve. ⁴²Kisika yina nde ba tulaka nzutu ya Yesu, samuna nkubamanu ya ba Yudayo, mpe biziami yina vuandaka ntama ve.

20¹Kilumbu ya ntete ya sabala, Malia ya Mangandala kuendaka na biziami na nsuka nsuka, kitombe manisa ntete ve, yandi monaka ti dibanga katuluaka na kizimi. ²Yandi zawulaka ntinu na Simoni Petelo mpe na ntumua yayi yankaka Yesu vuandaka zola, mpe me tubila bau: Ba me katula nzutu ya Mfumu na kiziami, mpe beto zaba ve kifulu ba me tula yau.³Petelo na ntumua yankka me bima, mpe me kuenda na kiziami. ⁴Bau nionso zole vuandaka zaula. Kansi ntumua yankaka vuandaka zaula kuluta Petelo, mpe yandi kumaka ya ntete na kiziami; ⁵ntangu yandi yinamaka, yandi monaka bitendi na ntoto, yandi kotaka diaka ve.⁶Simoni Petelo vuandaka landa yandi kumaka, mpe yandi kotaka na kiziami; yandi monaka bitendi vuandaka na ntoito, ⁷na nlele ba zingaka na intu ya Yesu, na bitendi ve kansi ya kubundama na kisika yankaka.⁸Na yau, ntumua yina yankaka kumaka ya ntete na kiziami, kotaka mpe; yandi monaka bosi yandi lekaka kiminu. ⁹Samu ba vuandaka bakusa ntete Masonukua ve tiYesu fuana fuluka na bafua. ¹⁰Bosi ba ntumua vutukaka na kisika na bau.¹¹Kansi Malia vuandaka dila ya kutelama na nganda penepene ya kiziami. Lokola yandi vuandaka dila, yandi yinamaka samuna kutala na kati ya kiziami; ¹²bosi yandi monaka mbasi zole na bilele ya mpembe ya kuvuanda kisika ba tulaka nzutu ya Yesu, mosi vuandaka na ndambu ya intu, mosi na ndambu ya makulu. ¹³Ba zabisaka yandi: Nkento samuna inki nge kena kudila e? Yandi me vutudila bau: Samu ba me katula nzutu ya Mfumu na munu, mpe mu zaba ve kisika bame yula yau.¹⁴Na manima kutuba mutindu yina, ba vutukaka bau, mpe yandi monaka Yesu ya kutelama; kansi yandi zabaka ve ti ya vuandaka Yesu. ¹⁵Yesu me tubila yandi: Nkentu, samuna inki nge kena kudila e? Nani nge kena kusosa e? Yandi banzaka ti ya vuandaka kisadi ya bilanga, me tubila yandi: Mfumu kana nge muntu me katula yau, zabisa munu inki kisika nge me tula yau, samu mu ke kuenda baka yau.¹⁶Yesu me tubila yandi: Malia! yandi me bangumuka, mpe me tuba na yandi na ndinga ya ki ebeleo: Labuni! ya zola tuba, Nlongi! ¹⁷Yesu me tubila yandi: Kusimba munu ve; samu mu tombuka ntete ve na Tata ma munu. Kansi kuenda kutana na ba mpangi na munu, mpe zabisa bau ti me tombuka na Tata na munu , kele Tata na beno, na Nzambi na munu kele Nzambi na beno. ¹⁸Malia ya Mangandala me kuenda zabisa ba ntumua ti yandi me mona Mfumu, mpe ti Mfumu me zabisa yandi mambu yina.¹⁹Na nkokila ya kilumbu yina, ya vuandaka ya ntete na sabala, bielo ya inzo vuandaka ba ntumua ya kukangama, samuna wonga ya ba Yudayo, Yesu kuizaka, me kimonisa na bau, mpe me tubila bau: Yenge vuanda na beno! ²⁰Bosi ntangu yandi tubaka yau, yandi monisaka bau maboko mpe lubanzi na yandi. Kiese vuandaka na ba ntumua samu ba monaka Mfumu.²¹Yesu me tubila bau diaka: Yenge vuanda na beno! loklola Tata tindaka munu, munu mpe me tinda beno. ²²Na manima ya ba mpova yina, yandi me fula bau, mpe me tubila bau: Beno tambula Mpeve ya Nlongo. ²³Ba yina beno ke lemvukila masumu, Tata Nzambi ke lemvukulua bau; mpe ba yina beno ke lemvukila ve, Tata Nzambi ke lemvukila bau ve.²⁴Toma, mosi ya ba kumi na zole, yayi ke bokuduluaka Didimo, vuandaka na bau ve ntangu Yesu kuizaka. ²⁵Ba ntumua yankaka tubilaka yandi: Beto me mona Mfumu. Kansi yandi me tubila bau: Kana mu mona bifu ya ba nsonso ve, mpe kana mu tula musapi na bifu ya ba nsonso ve, mpe kana mu tula diboko na munu na luvati na yandi ve, mu ke leka kiminu ve.²⁶Na manima bilumbu nana, ba ntumua ya Yesu vuandaka diaka na inzo, mpe toma kintuadi na bau, kansi inzo ya kukangama. Yesu kuizaka, yandi me kimonisa kati na bau, mpe me tuba: Kiyenge vuanda na bano! ²⁷Bosi yandi me tuba na Toma: pusa musapi na nge mpe tala maboko na munu; pusa mpe diboko na nge, namika yau na lubanzi na munu; mpe ku badisa ntima na nge ve, kansi leka kiminu.²⁸Toma vutudilaka yandi: Mfumu na munu, Nzambi na munu! ²⁹Yesu me tubila yandi: Samu nge me mona munu, nge me leka kiminu. Mayangi kele na ba yina mona ve, kansi ba me leka kiminu!³⁰N ntadisi ya ba ntumua na yandi, Yesu salaka diaka bimangu mingi yankaka, yina sonamaka ve na mukanda yayi. ³¹Kansi mambu yayi sonamaka samu beno leka kiminu ti Yesu kele Klisto, Muana ya Tata Nzambi, mpe na kuleka kiminu beno baka moyo na nkumbu na yandi.

21¹Na manima na yau, Yesu kimonisaka diaka na ba ntumua na yandi, na disimu ya imbu ya Tibelia. Beno tala mutindi yandi kimonisaka. ²Simoni Petelo, Toma, na nkumbu ya Didimo, Natanaeli ya Kana na Ngalili, bana ya Zebedayi, mpe ba ntumua zole yankaka ya Yesu, vuandaka kisika mosi. ³Simoni Petelo me tubila bau: Me kuenda munu kuloba. Ba me tubila yandi: Beto kuenda mpe na nge. Ba bimaka mpe ba kotaka na bota, mpe na mpimpa yina ba bakaka kima mosi ve.⁴Ntangu buisi kukiaka, Yesu vuandaka na disimu; Kansi ba ntumua zabaka ve ti ya vuandaka Yesu. ⁵Yesu me tubila bau: Bana, beno kele na kima ya kudia ve? Ba vutudilaka yandi: Ve. ⁶Yandi me tubila bau: Beno loza dikonde na lubakala ya bota, mpe beno ke mona. Mpe ba lozaka, bosi ba kukaka ku benda yau ve, samuna mbizi ya nene vuandaka mingi.⁷Na yau, ntumua yayi Yesu vuandaka zola me tuba na Petelo: Ya kele Mfumiu! Mpe ntangu Simoni Petelo kuwakaka kaka ti ya kele Mfumu, yandi me vuata bilele na yandi mpe na nsinga na yandi ya luketo, samu yandi tulaka bilele na nzutu ve, mpe me kiloza na imbu. ⁸Ba ntumua yankaka kuizaka na bota, ba bendaka dikonde ya kufuluka na mbizi, samu ba vuandaka ntama ve na disimu, yaklendaka vuanda ba nkama zole ya bitezo. ⁹Ntangu ba kitaka na ntoto, a monaka makala ya tiya, mbizi na zulu, na dimpa.¹⁰Yesu me tubila bau: Beno nata mbizi beno me baka. ¹¹Simoni Petelo me kota na bota, mpe me benda na ntoto dikonde vuandaka ya kufuluka na nkama mosi na makumi tanu na tatu ya ba mbizi ya nene; ata ya vuandaka mingi, dikonde tiazukaka ve.¹²Yesu me tubila bau: Beno kuiza, beno kudia. Ata ntumua mosi ve mekaka kuyuvula yandi: Nani nge kele? Samu ba bakusaka ti yandi yayi kele Mfumu. ¹³Yesu pusanaka, yandi bakaka dimpa, mpe yandi pesaka bau; yandi salaka mutindu mosi na mbizi. ¹⁴Ya vuandaka nkumbu ya tatu Yesu kena kimonikisa na ba ntumua na yandi ku banda yandi fulukaka na bafua.¹⁵Na manima kudia, Yesu tubaka na Simoni Petelo: Simoni, muana ya Yona, nge me zola munu kuluta nzola ya bantu yayi e? Petelo me vutudila Yesu: ingeta, Mfumu, nge me zaba ti mu ke zolaka nge. Yesu me tubila yandi: Dikila ma meme na munu. ¹⁶Yandi me tubila yandi mbala ya zole: Simoni, muana ya Yona, nge ke zolaka munu e? Petelo me vutudila yandi: Ingeta, Mfumu, nge me zaba ti mu ke zolaka nge. Yesu me tubila yandi: Dikila ma meme na munu.¹⁷Na mbala ya tatu yandi me tubila Petelo: Simoni, muana ya Yona, nge me zola munu e? Petelo me bakama kiadi ya ngolo samu Yesu yuvulaka yandi mbala tatu: Nge me zola munu e?Mpe yandi vutudilaka Yesu: Mfumu, nge me zaba mambu nionso, nge me zaba ti mu ke zolaka nge. Yesu me tubila yandi: Dikila ma meme na munu. ¹⁸Ya kedika, ya kedika, me tubila nge, ntangu nge vuandaka ntuenia, nge vuandaka kivuatisa nge mosi, mpe nge vuandaka kuenda kisika nionso nge vuandaka zola; kansi ntangu nge ke kuma kinunu, nge ke zibula maboko na nge mpe muntu yankaka ke vuatisa nge, mpe ke nata nge kisika yina nge ke zola ve.¹⁹Yandi me tuba yau samuna kusikidikisa inki mutindu ya lufua Petelo ke zitisila Tata Nzambi. na ntangu yandi tubaka mutindu yina, Yesu me tubila Petelo: Landa munu.²⁰Ntangu Petelo vutukaka, na manima na bau yandi me mona ntumua zolakanaka na Yesu kena kuiza, yandi yayi na ntgu ya kudia yandi yekamaka na ntulu ya Yesu, mpe yandi tubaka: Mfumu, nani yina kena ku yekula nge? ²¹Ntangu Petelo monaka Yoane, yandi tubaka na Yesu: Mfumu, bosi yandi yayi, nini ke kumina yandi e?²²Yesu tubilaka Petelo: Kana me zola ti ba sikila na munu tii mu ke kuiza, wapi kele diambu na nge ? Nge, landa munu. ²³Na zulu na yau, nsangu muanganaka kati na ba mpangi ti ntumua yina ke kufua ve. Na yau, Yesu tubilaka Petelo ve ti yandi ke kufua ve; kansi: Kana mu zola ti ynadi vuanda moyo tii mu ke kuiza, wapi kele diambu na nge?²⁴Ntumua yayi sonikaka mambu yayi, yandi mpe kena ku tuba kimbangi ya mambu yayi. Beto me zaba ti kimbangi na yandi kele ya kedika. ²⁵Yesu salaka diaka mambu mingi ya nkaka; kana muntu sonikaka yau nionso, mu banza ti inza mpe zolaka fuluka na mikanda sonamaka samuna mambu Yesu salaka.

Mavanga ya bantumua

1¹Teofilo, mu tubilaka na mukanda na munu ya ntete, mambu nionso yina Yesu vuandaka sala mpe longa na mbdukulu ²ti kilumbu yandi tombukaka na dizulu, na manima ya kupesa lutumu, na minlongoki na yandi na lutuadusu ya Mpeve ya Nlongo. ³Na manima ku mona mpasi, yandi monikinaka bau ya moyo, mpe yandi monisaka bau bidimbu mingi, yandi ku kimonisaka na bau bilumbu makumi iya, mpe yandi vuandaka tuba mambu ya kimfumu ya Tata Nzambi.⁴Lokola yandi vuandaka na bau, yandi sikidisaka bau ba tatuka na Yelusalemi ve, kansi ba vingila nsilulu Tata silaka bau, yana mu tubilaka beno; ⁵samu Yoane botikaka na maza, kansi beno, na ntangu ya fioti, beno ke baka mbotokolo ya Mpeve ya Nlongo.⁶Buna minlongoki kutakanaka samuna kuyuvula yandi: Mfumu, ya kele na ntangu yina nge ke vutula kimfumu ya Isaeli yayi kekakavuanda e? ⁷Yandi vutudilaka bau: Ya kele beno ve na kuzaba ntangu to kilokula yina Tata kubu=ikaka na kilendo na ynadi. ⁸Kansi beno ke baka kilendo, Mpeve ya Nlongo ke kuiza na beno, mpe beno ke vuanda ba mbangi na munu na Yelusalemi, na Yudeo ya mvimba, na Samalia, ti na ba nsuka ya ntoto.⁹Na manima ya kutuba yau, yandi tombukaka na dizulu na ntangu ba vuandaka tala yandi, mpe dituti fukaka yandi na meso na bau. ¹⁰Mpe lokola meso na bau vuandaka tala na zulu ntangu yandi vuandaka kuenda, tala, bantu zole na bilele ya mpembe monikinaka bau, ¹¹mpe ba tubaka: Bantu ya Ngalili, samuna inki beno kena kutala na zulu e? Yesu yayi vuandaka kati na beno me tombuka na zulu, yandi ke kuiza mutindu mosi beno me mona yandi ku kuenda na zulu.¹²Bosi ba vutukaka na Yelusalami, na mongo kele na nkumbu ya Olive, yina kele penepene ya Yeluzalemi, ntama ve na nzila ya sabata. ¹³Ntangu ba kumaka, ba tombukaka na disuku ya zulu kuna ba vuandaka kutakana ntangu nionso; Ya vuandaka Petelo, Yoane, Yakobi, Andele, Filipo, Toma, Batelemia, Matai, Yakobi, muana ya alafai, Simoni ke Zeloti, mpe Yuda muana ya Yakobi. ¹⁴Bau nionso ba tatamanaka na lusambulu kintuadi na bakento, mpe Malia mama ya Yesu, mpe na ba mpangi ya Yesu.¹⁵Na bilumbu yina, Petelo telamaka na kati ya ba mpangi, bantu kutakanaka lenda vuanda nkama mosi makumi zole. Mpe yandi tubaka: ¹⁶Ba mpangi babakala, ya fuanaka lungana yina Mpeve ya Nlongo tubaka na Masonukua na inua ya Davidi samuna Yudasi yayi vuandaka ntuadisi ya bantu kangaka Yesu.¹⁷Yandi vuandaka kintuadi na beto, mpe yandi vuandaka sala kisalu mosi na beto. ¹⁸Muntu yayi sumbaka bilanga na mbngo ya menga, yandi kubuaka, yandi zenganaka na kati kati mpe mindia na yandi nionso panzanaka. ¹⁹Diambu yayi zabakanaka na bantu nionso ya Yelusalami ti bilanga yayi bokuduluaka na ndinga bau Akeladam, ya zola tuba, bilanga ya menga.²⁰Nzoka ya sonamaka na minkunga ya Davidi: Bika Inzo na yandi vuanda ya kuyuma, mpe muntu vuanda kuna ve! Mpe bika muntu ya nkaka baka kiyeko na yandi!²¹Ya me luta mbote ti bantu yayi zieta na beto ntangu nionso Mfumu Yesu vuandaka zinga na beto, ²²ku banda mbotokolo ya Yoane ti kilumbu yandi katuluaka kati na beto, bika mosi nabau vukana na beto samu yandi vuanda mbangi ya mfulukulu na yandi. ²³Ba tedimisaka bantu zole: Yosefi kele na nkumbu ya Balasaba, nkumbu ya ku buela kele Yustu, na Matia.²⁴Bosi ba salaka kisambu yayi: Mfumu, nge me zaba ba ntima nionso, sola na bau zole nani nge me zola, ²⁵samu yandi baka kisielo yayi mpe kintumua yayi katukilaka Yuda na ku lkuenda na kisika na yandi. ²⁶Ba salaka zeke, mpe zeke kubuaka na Matia, yayi tanguaka na ba ntumua kumi na zole.

2¹Kilumbu ya Pantekoti bau nionso kutakanaka kisika mosi. ²Na mbala mosi ningu ya mupepe katukaka na dizulu bonso kitembo, mpe ya fulukaka na inzo yina ba vuandaka. ³Na bau monanaka tudimi kifuani bonso tudimi ya tiya, ya vambanaka ba yayi na ba yina, mpe ya kulumukaka na mosi mosi na bau. ⁴Mpe fulusuaka na Mpeve ya Nlongo, bosi ba bandaka kutuba na tudimi ya nkaka bonso Mpeve vuandaka tumina bau na kutuba.⁵Nzoka, na kilumbu yina ba yuda vuandaka na Yelusalemi, bantu ya kudedama katukaka na bisika nionso kele na insi ya dizulu. ⁶Na makele yina, ndonga ya bantu vuandaka zaula, ba monaka ngitukulu samu konso muntu vuandaka kuwa yina ba vuandaka tuba ndinga bau. ⁷Bau nionso yitukaka, vuandaka zengele zengele, mpe ba tubasanaka ba yayi na ba yina: Tala bantu yayi kena kutuba, bau nionso kele bantu ya Ngalili ve?⁸Bosi inki mutundu beto kena kuwa bau mosi mosi na ndinga na beto ya buala e? ⁹Patia, Media na Elami, na ba yina ke vuandaka na Mesopotamia, na Yuda, na Kapadokia, na Ponto, na Asia, ¹⁰na Filingia, Pamfilia, na Ngipiti, mpe na kitini ya Libia penepene ya Kilene, na ba yina katukaka na Loma, ba Yuda na ba Posilita, ¹¹bantu ya Kelete na Alabia, inki mutindu beto kena kuwa bau na ba ndinga na beto mavanga ya nene ya Tata Nzambi e?¹²Bua nionso monaka mangitukulu, mpe ba zabaka kuyindula diambu ve. Ba tubasanaka ba yayi na ba yina: Yayi, inki ya zola tuba e? ¹³Kansi ba yankaka vuandaka vueza, mpe tubaka: Ba me fuluka na vinia ya nzeke nzeke.¹⁴Buna Petelo mi monisaka na ba kumi na mosi, yandi tombulaka ndinga, mpe yandi tubaka mambu yayi: Bayudayo ya babakala, mpe beno nionso kena kuvuanda bilumbu yayi na Yelusalemi, beno zaba mambu yayi, beno zibula makutu na kuwa mpona na munu! ¹⁵Bantu yayi me kolua ve, mutindu beno kena kubanza, samu ya kele kilokula ya tatu ya kilumbu ya bubu yayi.¹⁶Kansi yau mbikudi Yoeli tubaka: Tata Nzambi me tuba: ¹⁷Na bilumbu ya nsuka mu ke dukula mpeve na munu na nsuni nionso; bana na beno ya ba bakala na ya ba kento ke bikula, ba ntuenia ke mona mona meso, mpe binunu na beno ke lota ba ndozi.¹⁸Na bisadi na munu ya kento mpe ya babakala, na bilumbu yina, mu ke dukula Mpeve na munu; mpe ba ke bikula. ¹⁹Mu ke monisa mangitukulu na zulu mpe bimangu na ntoto, menga, tiya, dituti ya muisi;²⁰Mambu ke tuama ngizulu ya kilumbu ya Mfumu, kilumbu yina ke vuanda nkembo ya nene ntangu ke kituka kitombe, mpe ngonda ke kituka menga. ²¹Buna konso muntu ke bombidila nkumbu a Mfumu ke vulusua.²²Babakala ya Isaeli, beno kuwa mambu yayi! Yesu ya Nazaleti, muntu yayi Tata Nzambi tedilaka kimbangi na ntuala na beno samuna bimangu, mangitukulu mpe bidimbu yandi salaka kati na beno, mutindu beno me zabila yau beno mosi; ²³muntu yayi, yekuluaka mutindu ya kubaminaka mpe na lukanu ya Tata Nzambi, beno komaka yandi na dikuluzu beno kufuaka yandi na maboko ya bantu me kondua nsiku. ²⁴Tata Nzambi fulukisaka yandi mpe kutulaka yandi na ba nsinga ya lufua, samu ya lendakanaka ve ti yandi simbininua na yau.²⁵Davidi me tuba samuna yandi: mu vuandaka toma mona Mfumu na ntuala na munu, yandi kele na lubakala na munu, samu mu nikusua ve. ²⁶Na yau, ntima na munu kele nakiese, mpe ludimi na munu kele ya ku yangalala; mpe nsuni na munu ke vunda na kivuvu,²⁷Samu nge ke bembika muela na munu na insi ya bafua ve, mpe nge ke bika ve wanlongo na nge kubua na bumbabu ve. ²⁸Nge monisaka munu ba nzila ya moyo, nge ke fulusa munu na kiese na ntadisi na nge.²⁹Ba mpangi babakala, bika na kimpuanza nionso me baka insua ya kutubila beno, yina me tadila nkaka ya dikanda Davidi, yandi kufuaka, yandi zikuaka, mpe ndiamu na yandi kele na beto ti kilumbu ya bubu yayi. ³⁰Lokola yandi vuandaka mbikudi, mpe yandi zabaka ti Tata Nzambi silaka yandi na kudia ndefi ti mosi na dibuta ke vingana na kiti ya kimfumu na yandi, ³¹yandi kubikaka mfulukulu mpe yandi samunaka, nsangu ya Klisto, na kutuba ti ba lendaka bembika yandi ve na insi ya bafua, mpe nzutu na yandi lenda babuka ve.³²Ya kele Yesu ya Tata Nzambi fulukisaka na bafua; beto kele ba mbangi na diambu yina. ³³Yandi zanguluaka na diboko ya lubakala ya Tata Nzambi, mpe yandi tambulaka Mpeve ya Nlongo yayi siluaka, katukaka na Tata, mpe ya muanganaka mutindu beno kena kumona mpe kuwa.³⁴Samu Davidi tombukaka na dizulu ve, kansi yandi mosi me tuba: Mfumu me tuba na Mfumu na munu: vuanda na lubakala na munu, ³⁵ti mu ke kitula mintantu na nge kidiatulu na nge. ³⁶Bika inzo ya mvimba ya Isaeli na kedika ti Tata Nzambi kumisaka Mfumu mpe Klisto, yesu yayi beno komaka na dikulunsi.³⁷Na manima kuwa mambu yina, kingongo builaka bau na ntima mpe ba tubaka na Petelo mpe na ba ntumua yankaka: Ba mpangi babakala, inki beto ke sala? ³⁸Petelo me tubila bau: Beno vilula bantima na beno mpe konso muntu botukua na nkumbu ya Yesu Klisto, samuna ndemvokolo ya masumu na beno; mpe beno ke tambula nkayilu ya Mpeve ya Nlongo. ³⁹Samu nsilulu kele ya beno, ya bana na beno, mpe na bayina nionso kele ntama, bantu mingi yina Tata Nzambi, Mfumu na beto ke bokila.⁴⁰Bosi yandi bombidilaka mpe yandi siamisaka bau, na kutuba ti: Beno kivulusa na mbandu yayi ya mvilangani. ⁴¹Na manima kutuba, ba yina ndimaka mambu na yandi botukuaka; mpe ntalu ya minlongoki buelamaka kilumbu yina, lenda vuanda mafunda tatu ya miela. ⁴²Ba tatamanaka na malongi ya ba ntumua, na mbundani ya kimpangi, na mbukununu ya dimpa, mpe na tusambulu.⁴³Konso muntu vuandaka mona wonga, mpe ba ntumua vuandaka salaka mambu ya ngitukulu mpe bimangu. ⁴⁴Ba yina nionso tulaka kiminu vuandaka kisika mosi, mpe bima na bau nionso vuandaka ya kintuadi. ⁴⁵Ba vuandaka teka ba inzo na bau na ba bima na bau, mpe ba vuandaka kabula bima bau nionso mutindu vuandaka nsatu ya konso muntu.⁴⁶Konso kilumbu bau nionso tatamanaka kuvuandakintuadi na kinlongo, ba vuandakabukuna dimpa na ba inzo, mpe ba vuandaka kudia na kiese mpe na luyinunu ya ntima, ⁴⁷ba zitisaka Tata Nzambi, mpe ba bakaka nlemvo ya nkangu ya mvimba. Bosi konso kilumbu Mfumu vuandaka buela na kinlongo ba yina vilusuaka.

3¹Na kintuadi, Petelo na Yoane tombukaka na kinlongo na kilokula ya ivua ya lusambulu. ²Muntu mosi butukaka dikoka vuandaka natua konso kilumbu mpe kutula yandi na kielo ya kinlongo vuandaka bokudulua kitoko, samu yandi lomba minkayilu na bantu vuandaka kota na kinlongo. ³Ntangu muntu yayi monaka Petelo na Yoane vuandaka kota, yandi lombaka bau minkayilu.⁴Petelo talaka yandi kintuadi na Yoane, me toma tala yandi mpe me tuba: tala beto. ⁵Mpe yandi me sungamina bau, na dibanza ya kubaka kima na maboko na bau. ⁶Bosi Petelo me zabisa yandi: mu kele na wolo ve na palata ye, kansi yina kele na munu, me pesa nge yau: na nkumbu ya Yesu Klisto ya Nazaleti, telama mpe tambula.⁷Mpe Petelo me simba yandi na diboko ya lubakala, me tedimisa yandi. Makulu na madikulu na yandi me siama, ⁸na mbala mosi yandi me dumuka mpe me telema, yandi me banda kutambula. Yandi me kota na kinlongo na bau, ya kutambula, kudumuka, mpe kuzitisa Tata Nzambi.⁹Bantu nionso monaka yandi kutambula mpe kuzitisa Tata Nzambi. ¹⁰Ba zabaka ti, yandi muntu vuandaka na kifu ya kuvuanda na muelo ya kinlongo samuna kulomba minkayilu, mpe ba yitukaka, ba vuandaka zengele zengele na yina kuminaka yandi.¹¹Lokola yandi taukilaka Petele na Yoane ve, nkangu ya mvimba yitukaka mpe zaulaka penepene na bau, na kielo ke bokuduluaka ya Solomo. Ntangu ¹²Petele monaka mutindu yina, me tuba na nkangu: Babakala ya Isaeli, samuna inki beno kena kuyituka na mambu yayi? samuna inki beno kena kusungamina beto, ya kele ve ti na kilendo na beto to na kivumi na beto nde beto me diatisa muntu yayi?¹³Nzambi ya Abalahami, ya Isaki mpe ya Yakobo, Nzambi ya ba tata na beto, kembisaka kisadi na yandi Yesu yayi bano yekulaka mpe beno tingunaka na ntuala ya Pilatu, yayi vuandaka na lukanu ya kubikidila yandi. ¹⁴Beno tingunaka wanlongo mpe wa lunungu, mpe ndombolo vuandaka ti ba bikidila beno mvondi.¹⁵Beno kufuaka Mfumu a moyo, kansi beto kele ba mbangi ya mambu yina; ntangu tata Nzambi fulukisaka yandi na bafua. ¹⁶Ya kele na kiminu na nkumbu ya yesu nde nkumbu ya muntu yayi beno me zaba mpe beno kena kumona me siamusua; kiminu na Yesu pesaka luniakusu ya kulunga na muntu yayi kele na ntadisi ya beno nionso.¹⁷Na ntangu yayi, ba mpangi, me zaba ti beno salaka yau na mintuadisi na beno samuna kukondua nzayilu. ¹⁸Kansi ya kele mutindu yina Tata Nzambi kukisaka mambu yandi tekilaka kutuba na inua ya ba mbikudi na yandi nionso, ti Klisto na yandi fueti mona mpasi.¹⁹Na yau, beno vilula ba ntima mpe beno soba nkadulu na beno, samu masumu na beno vinzulua, bosi ba ntangu ya mpongoso ya Mfumu kumina beno, ²⁰mpe yandi tinda yina yandi kubikilaka beno, Yesu Klisto,²¹yina dizulu fueti tambula ti ba ntangu ya nkubukulu ya bima nionso ke fuana, ntangu ya ntama yina Tata Nzambi tubilaka na inua ya ba mbikudi na yandi ya nlongo. ²²Mose tubaka: Mfumu Nzambi na Beno ke bimisa na kati ya ba mpangi na beno mbkudi bonso munu; beno ke kuwa yandi na nionso yandi ke zabisa beno, ²³mpe konso muntu ke kuwa mbikudi yina ve, ke fukisua kati ya nkangu.²⁴Kubanda Samueli, ba mbikudi nionso yina landanaka kutuba, Ba samunaka mpe bilumbu yina. ²⁵Beno kele bana ya ba mbikudi mpe luwawanu yina Tata Nzambi salaka kintuadi na ba tata na beto, ntangu ba tubaka na Abalahami: Makanda nionso ya ntoto ke sakumunua na nkuna na nge. ²⁶Tata Nzambi bandaka ntete ntete na beno, ntangu yandi bimisaka kisadi na yandi, mpe tindaka yandi samuna kusakumuna beno, na kukatusa mosi mosi na kitombe.

4¹Na ntangu Petelo na Yoane vuandaka tuba na nkangu, ba nganga nzambi, ba ntuadisi ya kinlongo na ba saduki kuizaka, ²ba vuandaka na kiese ve na yina ba vuandaka longa na nkangu, mpe kusamuna mfulukulu ya bafua na nkumbu ya Yesu. ³Ba dkangaka bau, mpe ba tulaka bau na boloko ti kilumbu me landa mbazi; samu nkokila kukikuminaka. ⁴Kansi, bantu mingi na ba yina kuwaka Nsangu tulaka kiminu, mpe ntalu ya bantu buelamaka lenda vuanda mafunda tanu.⁵Na kilumbu landaka mbazi, mintuadisi ya nkangu, ba mbuta za bantu mpe ba minsoniki, ⁶kutakanaka na Yelusalemi, kintuadi na Ana, ngudi a nganga, Kaifa, Yoane, Alesanda, mpe na ba yina nionso vuandaka na dikabu ya ba ngudi a nganga. ⁷Batulaka Petelo na Yoane na kati, mpe ba yuvulaka bau: Na luve ya nani to na nkumbu ya nani beno sadilaka mambu yina?⁸Buna Petelo, ya kufuluka na Mpeve ya Nlongo, me zabisa bau: ya nkangu, mpe ba kuluntu ya Isaeli, ⁹lokola beno kena kuyuvula beto na diambu me tadila mambote yina me salma na mbevo, samu beto zabisa beno mutindu yandi me belukila, ¹⁰bika beno nionso zaba yau, mpe bika nkangu nionso ya Isaeli zaba yau! Ya kele na nkumbu ya Yesu Klisto ya Nazaleti, yayi beno komaka na dikulunsi, mpe yayi Tata Nzambi fulukisaka na bafua, na nkumbu na yandi nde muntu yayi me telama na mavimpi ya kulunga na ntadisi na beno.¹¹Yesu kele dibanga yayi losuaka na beno kena kutunga, yau kitukaka ya ungudi na kikonko. ¹²Mpulusu kele na muntu ya nkaka ve; samu na insi a ntangu nkumbu ya nkaka kele ve yayi pesaminaka beto kati na bantu, yina beto lendaka vulusulua.¹³Ntangu ba monaka kivuvu ya Petelo na Yoane, ba yitukaka, mpe ba vuandaka kanisa ti ba kele bantu ya nkangu kele ya kutungua ve; mpe ba kuizaka zaba bau samu ba vuandaka na Yesu. ¹⁴Kansi lokola muntu yayi niakusuaka vuandaka penepene na bau, ba vuandaka na diambu ya kuvutula ve.¹⁵Ba tuminaka bau ba bima na mbazi a nkanu, mpe ba fiongninaka diambu yina bau na bau, ¹⁶na kutuba: Inki beto ke sala na bantu yayi? Samu kidimbu yina ba salaka na Yelusalemi zabakanaka na bantu nionso ti bantu yayi me sala kimangu, mpe beto lenda manga yau ve. ¹⁷Kansi samu diambu yayi luta panzana ve na kati ya nkangu, beto kanikina mpe kuvumisa bau ti muntu mosi diaka ve lenda tuba diaka diambu na nkmbu yina. ¹⁸Mpe ba bokilaka bau, ba kanikinaka bau ti ba lenda tubila mpe longila diaka na nkumbu ya Yesu ve.¹⁹Petelo na Yoane vutudilaka bau: Beno fiongunina beno mosi kana ya kele ya lunungu na ntadisi ya tata Nzambi, beto tumamina beno to Tata Nzambi; ²⁰samu beto lenda bika vekutuba yina beto monaka mpe kuwaka.²¹Ba vumisaka bau diaka, kansi ba bikidilaka bau samuna nkangu, ba vuandaka zaba ve inki mutindu ba lendaka pesa bau kitumbu, samu bau nionso vuandaka zitisa Tata Nzambi na yina salamaka. ²²Samu muntu yayi kimangu salaminaka vuandaka na ba mvula kuluta makumi iya.²³Na manima kubikidila bau, ba kuendaka na ba mpangi na bau ya kisalu, mpe ba zabisaka bau yina ba ngudi a nganga mpe ba mbuta za bantu tubilaka bau. ²⁴Na ntangu ba kuwaka yau, na kintuadi mpe na mbala mosi ba tombulaka ndinga na Tata Nzambi mpe ba tubaka: Mfumu, nge muntu salaka dizulu, ntoto, imbu, mpe nionso kele na yau, ²⁵nge muntu tubaka na Mpeve ya Nlongo, na inua ya tata na beto, kisadi na nge Davidi: samuna inki mvualangani kati na ba insi, mpe mabanza ya imbi kati na nkangu e?²⁶Mintimu ya ntoto fuemaka, mpe bana ya mininu kutakana na kuvuanda kitantu na Mfumu na beto Yesu Klisto, mpe na ki kusua na yandi.²⁷Na yau, Elodi, pontio Pilatu me kutakana na mbanza yayi kitnuadi na ba insi mpe na nkangu ya Isaeli; ti ba vuanda kitantu na kisadi na nge ya nlongo yina nge kusaka, ²⁸samuna kusala nionso yina diboko na nge mpe lukutakanu nge kizengilaka.²⁹Na ntangu yayi, Mfumu, tala kuvumisa na bau, mpe pesa bisadi na nge kivuvu ya kufuana samuna kusamuna mambu na nge, ³⁰bika nge lambula diboko na nge, samu ti luniakusu, bimangu mpe mangitukulu salama na nkumbu ya Kisadi na nge ya Nlongo Yesu Klisto. ³¹Ntangu ba manisaka kusambila, kisika ba kutakanaka nikukaka; mpe bau nionso fulukaka na Mpeve ya Nlongo, mpe ba vuandaka samuna mambu ya Tata Nzambi na kivuvu.³²Dikabu ya nene ya bantu tulaka kiminu vuandaka ntima mosi mpe muela mosi. Muntu mosi ve vuandaka tuba ti bima yayi kele ya munu mosi, kansi nionso ya bau vuandaka ya kintuadi. ³³Bantumua vuandaka tuba kimbangi ya Mfulukulu ya Mfumu Yesu na kilendo nionso. Mpe nlemvo ya nene vuandaka na bau nionso.³⁴Samu kati na bau nionso, muntu mosi ve konduaka kima: ba yina nionso vuandaka na bilanga to ba inzo, ba vuandaka teka yau, mpe kunata ntalu ya mbongo ba vuandaka tekila bima, ³⁵mpe ba vuandaka tula yau na makulu ya bantumua; mpe ba vuandaka kabula konso muntu mutindu vuandilaka nsatu na yandi.³⁶Yosefi yayi bantumua pesaka nkumbu ya Banaba, yina zola tuba: muana ya lubombolo, mu Lewi, muntu ya Kipelo, ³⁷tekaka bilanga na yandi, mpe nataka mbongo, bosi yandi tulaka yau na makulu ya bantumua.

5¹kansi muntu mosi na nkumbu ya Anani, kintuadi na Safila nkento na yandi, tekaka inzo mosi, ²mpe yandi suekaka ndambu ya mbongo, nkento na yandi zabaka yua; bosi yandi nataka yina bikanaka mpe yandi tulaka yau na makulu ya bantumua.³Petelo me tubila yandi: Anania, samuna inki Satana me fulusa ntima na nge ti na kuvuna Mpeve ya Nlongo, mpe nge me sueka ndambu ya mbongo tekukilaka bilanga? ⁴Kana ya tekukaka ve ya zolaka bikana ya nge ve? mp na manima kuteka yau, ntalu vuandaka na maboko nange ve? Samuna iinki nge me tula mabanza ya imbi na ntima na ge? Nge me vuna bantu ve, kansi Tata Nzambi. ⁵Ntangu Anania kuwaka mambu yina, yandi me kubua mpe me kufua. Wonga ya nene bakamaka bantu nionso vuandaka kuwa. ⁶Ba ntuenia telamaka, ba zingaka yandi ba nataka yandi mpe ba zikaka yandi.⁷Ba ntangu tatu lutaka, nkento na yandi kotaka, yandi zabaka ve yina salamaka. ⁸Petelo me baka ndinga ya kutuba: Tubila munu, ntalu yina kuandi beno tekilaka bilanga yina e? yandi vutulaka, ingeta, na ntalu yina kuandi.⁹Na yau Petelo tubilaka yandi: Samuna inki beno wizanaka kutonta Mpeve ya Mfumu e? Tala, bantu kuendaka zika bakala na nge kele na muelo, mpe ba ke nata nge. ¹⁰Na ntangu yina kaka, yandi kubuaka na makulu ya ntumua, mpe yandi me kufua.Ntangu ba ntuenia kotaka, ba kutaka yandi ya kufua; ba nataka yandi, ba zikaka yandi penepene ya bakala na yandi. ¹¹Wonga ya ngolo bakamaka nkangu nionso vuandaka na lukutakanu, na ba yina nionso kuwaka mambu yina.¹²Ba ntumua vuandaka sala bidimbu na bimangu mingi na maboko na bau kati na nkangu. Bau nionso vuandaka telama na muelo ya makunzi ya Solomo, ¹³mpe ba yina yankaka, muntu mosi ve mekaka kuvukana na bau; kansi nkangu vuandaka pesa bau luzitu ya kuluta.¹⁴Ba bakala na ba kento, ntalu ya ba yina tulaka kiminu na Mfumu vuandaka buelama na kubuelamaka; ¹⁵na mutindu ti ba vuandaka nata ba mbevo na ba balabala, kutula bau na ba mfulu mpe na binatunu, samu ti na ntangu Petelo ke luta, kini na yandi fuka mosi na bau. ¹⁶Bantu mingi ya ba mbanza ya penepene vuandaka zaula kunata ba mbevo na bantu vuandaka kuamusua na ba mpeve ya kusumuka na Yelusalami; mpe bau nionso bakaka luniakusu.¹⁷Kansi ngudi a nganga na ba yina nionso vuandaka na tandi, beno zabati ba vuandaka kimvuka ya ba saduki, ba telamaka ya kufuluka na kimpala, ¹⁸ba kangaka ba ntumua, mpe ba lozaka bau na boloko ya bantu nionso.¹⁹Kansi na mpimpa, ntangu mbasi ya Mfumu zibulaka bielo ya boloko, me bimisa bau, mpe me tubila bau: ²⁰beno kuenda, beno kota na kinlongo, mpe beno samuna na nkangu nionso mambu ya luzingu yayi. ²¹Ntangu ba kuwaka yau, na nsuku, ba kotaka na kinlongo, mpe ba vuandaka longa. Ntangu ngudi a nganga na ba yina vuandaka na yandi kuizaka, ba kutikisaka mbazi a nkanu na ba mbuta nionso ya bana ya Isaeli, ba tindaka samuna kukuenda baka ba ntumua na boloko.²²Ntangu minkengi kumaka, ba monaka bau ve na kati ya boloko. ba vutukaka, mpe ba zabisaka nsangu, ²³ba tubaka: Beto me kuta boloko ya kukangama mbote mbote, mpe minkengi vuandaka na ntuala ya bielo; kansi na manima kuzibula, beto monaka muntu mosi ve na kati.²⁴Ntangu ba kuwaka ba mpova yina, ntuadisi ya kinlongo na na bangudi a nganga vuandaka diaka ata na dibanza mosi ve samuna ba ntumua mpe ndandani ya mambu yayi. ²⁵Muntu mosi kuizaka zabisa bau: Tala, bantu yina beno tulaka na boloko kele na kinlongo, mpe ba kena kulonga nkangu.²⁶Yau yina ntuadisi ya kinlongo kuendaka na minkengi, mpe ba nataka bau na kingolo ve, samu ba vuandaka na wonga ya nkangu lendaka lozila bau mabanga. ²⁷Na manima ya kunata bau na ntuala ya mbazi a nkanu, ngudi a nganga yuvulaka bau ²⁸mutindu yayi: Beno zaba diaka ve ti na kingolo beto kanikinaka beno na kulonga na nkumbu yina e? Beno tala, beno me fuluza Yelusalami na ndongosolo na beno, mpe beno zola ti menga ya muntu yayi tangulua na intu na beto!²⁹Petelo na bantumua vutulaka: beto fueti tumama na Tata Nzambi kansi na bantu ve. ³⁰Nzambi ya ba tata na beto fulukisaka Yesu Klisto, yayi beno kufuaka, mpe beno komaka na dikulunsi. ³¹Tata Nzambi zangulaka yandi na diboko na yandi ya lubakala bonso Muana Ntimu mpe Mvuluzi, samuna kupesa Isaeli mpilulu a diela mpe ndemvokolo ya masumu. ³²Beto kele ba mbangi ya mambu yina, mutindu mosi na Mpeve ya Nlongo yayi tata Nzambi pesaka na ba yina ke tumamaka na yandi.³³Ba fukutaka ntima samuna ba mpova yina, ba zolaka kufua bau. ³⁴Kansi mu falisi mosi na nkumbu ya Ngamalieli, dokotolo ya minsiku, zolakanaka na nkangu ya mvimba, telamaka na kati ya mbazi a nkanu, mpe yandi tuminaka na kilokula ya fioti ba bimisa ntete ba ntumua.³⁵Bosi yandi me zabisa bau: Ba bakala ya Isaeli, beno luenga na yina beno zola sala na bantu yayi. ³⁶Samu, ntama ve Teuda bimaka, yandi kipesaka bonso muntu ya nene na dikabu na yandi, mpe bantu nkama iya vuandaka landa yandi: ba kufuaka yandi, bosi bantu nionso landaka yandi masaka muangana mpe ba kitukaka diaka kima ve. ³⁷Na manima na yandi , Yudasi ya Ngalili bimaka na ntangu ya nsonokono ya bantu, mpe yandi bendaka bantu mingi na dikabu na yandi: kansi yandi diaka kufuaka, mpe ba yina nionso landaka yandi masaka muangana.³⁸Na ntangu yayi, mu kena kuzabisa beno yau, beno bika tatamana kulanda bantu yayi: mpe beno bika ba kuenda bau. Kana kimvuka to kisalu yayi me katuka na bantu, ya ke kufua kuandi; ³⁹kansi kana ya me katuka na Tata Nzambi,beno ke lenda kufua yau ve. Beno keba na kubuila kisumbula samuna kunuanisa Tata Nzambi.⁴⁰Ba ndimaka mabanza na yandi. Ntangu ba bokilaka ba ntumua, ba bulaka bau bikoti, ba pekisaka bau ba tuba na nkumbu ya Yesu Klisto diaka ve, bosi ba bikaka bau. ⁴¹Ba ntumua katukaka na ntuala ya mbazi a nkanukiese vuandaka na bau samu, na manima ya kusambusua, ba monaka bau bantu ya kufuana kulungua ntiakulu samuna nkumbu ya yesu Klisto. ⁴²Mpe konso kilumbu, kati na kinlongo mpe kati na ba inzo, ba vuandaka tatamana kulonga , mpe kusamuna nsangu ya mbote ya Yesu Klisto.

6¹Na ntangu yina, ntalu ya minlongoki vuandaka buelama, ba Eleni vungutaka samuna ba Ebeleo, samu mafola na bau vuandaka bakua mfunu ve na nkabulu ya bima vuandaka salama konso kilumbu.²Ba kumi na zole bokidisaka dikabu ya minlongoki, mpe ba tubaka: Ya kele mbote ve beto bika mambu ya Tata Nzambi samuna kusala na meza. ³Yau yina, ba mpangi, beno pona ba bakala nsambodia, ba yina kele na kimbangi ya mbote, ba yina kele ya kufuluka na Mpeve ya Nlongo mpe na nduenga, samu beto pesa bau kiyeko ya kisalu yina. ⁴Bosi beto, beto ke tatamana na lusambulu mpe na kisalu ya mambu ya Tata Nzambi.⁵Dikabu ya mvimba sepelaka na dibanza yina. ba solaka Etieni, muntu ya kufuka na kiminu mpe na Mpeve ya Nlongo,, Filipo, Pokolo, Nikanoli, Timoni, Pamana mpe Nikolao, posilita ya Antiokia. ⁶Ba monisaka bau na ba ntumua, bosi na manima lusambulu, ba tensikaka bau maboko.⁷Mpe mambu ya Tata Nzambi vuandaka nieka na ngolo, ntalu ya minlongoki vuandaka buelama mingi na Yelusalami, mpe dikabu ya nene ya ba nganga nzambi vuandaka tumama na kiminu.⁸Etieni ya kufuluka na nlemvo mpe na kilendo, vuandaka sala mangitukulu mpe bimangu ya nene kati ya nkangu. ⁹Fidikabu ya bantu na dibunduke bokuduluaka ya balibetino, na ya ba Kilene, mpe na ya ba Alesanda, kintuadi na ba Yuda ya Kilikia na ya Asia, vuandaka bindana mpaka na Etieni;¹⁰Kansi ba kubuaka na nduenga na yandi, na Mpeve yina vuandaka tinda yandi kutuba. ¹¹Na yau, ba tulaka bantu na insi ya kilendo na bau, mpe ba tubaka:Beto kuwaka yandi kutuba mambu ya ntiakulu samuna Mose mpe samuna Tata Nzambi.¹²mpe Ba kitumunaka nkangu, ba mbuta za bantu mpe minsoniki, bosi ntangu ba kukilosaka na yandi, ba kangaka yandi mpe ba nataka yandi na mbazi a nkanu. ¹³Ba sosaka ba mbangi ya luvunu, yayi tubaka: Muntu yayi kena kutatamana kutuba mambu ya ntiakulu samuna kisika ya nlongo mpe ya minsiku; ¹⁴samu beto kuwaka yandi na kutuba ti Yesu, muntu ya Nazalati ke buisa kinlongo, mpe yandi ke soba kinkulu Mose pesaka beto. ¹⁵Bantu nionso yina ke talaka mambu na mbazi a nkanu sungaminaka Etieni, ba monaka ilungi na yandi bonso mbasi.

7¹Ngudi a nganga me tuba: mambu kele mutindu yayi? ²Etieni vutulaka: Ba mpangi babakala na ba tata, beno kuwa! Nzambi ya nkembo monikinaka tata na beto Abalahami ntangu yandi vuandaka na Mesopotamia, tekila yandi kuenda vuanda na Kalani; ³bosi Tata Nzamni tubilaka yandi: Katuka na insi na nge na dibuta ne nge, mpe kuenda na insi yina mu ke monisa nge.⁴Yandi bimaka na insi ya ba kaladea, mpe yandi kuendaka vuanda na Kalani. Na manima lufua ya tata na yandi, yandi katukaka kuna, tata Nzambi lutisaka yandi na insi beno kena kuvuanda bubu yayi; ⁵Ba pesaka yandi kisika mosi ve ya kuvuanda na insi yina, ata kisika ya kutula kitambi ve, kansi yandi silaka kupesa yau samu ya vuanda mvuilu na yandi na nkuna na yandi ke kuiza na manima, ata yandi butaka ve.⁶Taata Nzambi tubaka mutindu yayi: Nkuna na yandi ke kuenda vuanda ntangu ya fioti na insi ya kinzenza; ba kekitula bau minanga mpe ba kemuesa bau mpasi ba mvula ba nkama iya. ⁷Kansi mu kefundisa insi yina kekitula bau minanga, me tuba Tata Nzambi. Na manima na yau, ba kebima, mpe ba kesadila munu na kisika yayi. ⁸Bosi Tata Nzambi pesaka na Abalahami luwawanu ya kuzengua kibakala; na yau, ntangu Abalahami butaka Isaki,yandi zengaka yandi kibakala na kilumbu ya nana ya mbutukulu; Isaki butaka mpe yandi zengaka kibakala ya Yakobi, mpe Yakobi zengaka ba nkaka kumi na zole.⁹Ba nkaka zininaka Yosefi ntima, ba tekaka yandi samuna kunatua na Ngipiti. Kansi Tata Nzambi vuandaka na yandi, ¹⁰mpe yandi vuluzaka Yosefi na nzungu na malema na yandi; Yandi pesaka Yosefi nduenga mpe yandi tambulaka nlemvo na ntadisi ya Falao, ntinu ya Ngipiti, yayi tumbaka yandi ntuadisi ya kitini ya insi ya Ngipiti mpe na inzo na yandi.¹¹Nsatu kotaka na insi ya mvimba ya Ngipiti, mpe na Kanana. Malema vuandaka ya nene, mpe ba tata na beto vuandaka na mpasi ya kubaka kima ya kudia. ¹²Ntangu Yakobo kuwaka ti madia kele na Ngipiti, na mbala ya ntete, yandi tindaka ba tata na beto. ¹³kansi na mbala ya zole, Yosefi zabakanaka na ba mpangi na yandi, bosi Falao kuizaka zaba dikanda vuandaka Yosefi.¹⁴Bosi Yosefi tindaka ba kuenda baka tata na yandi Yakobo, na dikanda ya mvimba, yayi vuandaka na makumi nsambodia na tanu ya bantu. ¹⁵Yakobo kitaka na Ngipiti, kuna yandi fuilaka na ba tata na beto; ¹⁶mpe ba nataka bau na Sikemi, mpe ba tulaka bau na biziami yayi Abalahami sumbaka na mbongo; bana ya Amoli, tata ya Sikemi tekilaka yandi yau.¹⁷Ntangu vuandaka finama yina nsilulu Tata Nzambi silaka Abalahami lendaka lungana, mpe nkangu niekaka mpe butanaka na Ngipiti, ¹⁸ti kilumbu ntnu yankaka kuizaka vingana, yina zabaka Yosefi ve. ¹⁹Ntinu yayi, sadilaka nduenga ya imbi samuna dikanda na beto, yandi muesaka ba tata na beto mpasi, na diluaku ya kuyekula bana na bau, samu ba zinga diaka ve.²⁰Na ntangu yina, butukaka Mose, yayi vuandaka ya kuzolakana na meso ya Tata Nzambi. Yandi yundukilaka na inzo ya tata na yandi ba ngonda tatu; ²¹bosi ntangu ba bimisaka yandi na nganda, muana ya Falao ya nkento bakaka yandi, mpe yundulaka yandi bonso muana na yandi.²²Mose kudusuaka na nduenga nionso ya bantu ya Ngipiti, mpe yandi vuandaka na kilendo na mpova mpe na mavanga. ²³Yandi vuandaka na ba mvula makumi iya, ntangu yandi bakaka dibanza na ntima ya kubumina ba mpangi na yandi, bana ya Isaeli. ²⁴Yandi kuendaka kuta ba vuandaka muesa mpasi na mosi na bau, mpe yandi bulaka muntu ya Ngipiti. ²⁵Yandi vuandaka banza ti ba mpangi na yandi bakusaka ti Tata Nzambi me vulusa bau na diboko na yandi; kansi ba bakusaka ve.²⁶²⁷²⁸Kiklumbu landaka, ntangu ba vuandaka nuana, yandi biminaka bau na kati, yandi wizisaka bau na kuvuanda na kiyenge. Yandi tubaka: Ba tata, beno kele ba mpangi; samuna inki beno kena kunuana beno na beno e? Kansi yina vuandaka muesa mfinangani na yandi mpasi nungunaka yandi, mpe tubaka: Nani me tula nge nkuluntu mpe mfundisi na beto e? Ne zola kufua munu mutindu nge kufuaka mungipiti e?²⁹Na mpova yina, Mose tinaka, mpe yandi kuendaka vuanda na insi ya Madiani, kuna yandi butaka bana zole. ³⁰Na manima ya ba mvula makumi iya, mbasi monikinaka yandi na dikanga ya mongo ya Sinai, na nlaku ya tiya vuandaka pela na inti.³¹³²Ntangu Mose monaka yau, yandi yitukaka mbueno yina; mpe na ntangu yandi vuandaka finama samuna kufimpa yau, ndinga ya Mfumu wakanaka, yandi tubaka: Mu kele Nzambi ya ba tata na nge, Nzambi ya Abalahami, ya Isaki mpe ya yakobo. Na kuzakama yina, Mose lendaka tala diaka ve.³³Mfumu me zabisa yandi: Katusa ba nsampatu kele na makulu na nge, Samu kisika nga me telama kele ntoto ya nlongo. ³⁴Mu monaka mpasi ya nkangu na munu kele na Ngipiti, mu kuwaka kidilu na bau, mpe me kita samuna ku kukula bau. Ntangu yayi, kuenda, mu ke tinda nge na Ngipiti.³⁵Mose yayi ba kadilaka nkanu, ba tubaka: Nani tulaka nge nkuluntu mpe mfundisi na beto e? Yandi Tata Nzambi tindaka bonso nkuluntu mpe nkudi na lusadusu ya mbasi yina biminaka yandi na inti vuandaka lema. ³⁶Yandi bimisaka bau na Ngipiti, samuna kusala bimangu na bidimbu na insi ya Ngipiti, na ntuala imbu ya mbuaki, mpe na dikanga, na ba mvula makumi iya. ³⁷Ya kele Mose yayi tubaka na bana ya Isaeli ti: Tata Nzambi ke tonginika mbikudi yankaka kati ya ba mpangi na beno ke vuanda bonso munu³⁸Na ntangu ya nkutakani na dikanga, yandi vuandaka solola na mbasi na mongo ya Sinai kintuadi na ba tata na beto, yandi bakaka ba mvutu ya moyo samuna kupesa beto. ³⁹Ba tata na beto zolaka tumama na yandi ve, ba nungunaka yandi, mpe ba vutulaka ntima na bau na Ngipiti, ⁴⁰ba tubaka na Aloni: Sadila beto ba nzambi yina ke tambula na ntuala na beto; samu Mose yayi bimisaka beto na insi ya Ngipiti, beto zaba ve inki yandi me kituka.⁴¹Mpe na bilumbu yina, ba salaka muana ngombe, ba pesaka nkayilu ya kuyokua na kiteki, mpe ba sepelaka na kisalu ya maboko na bau. ⁴²Na yau, Tata Nzambi tekaka bau nima, mpe yandi yekulaka bau na lusambulu ya bimuani ya dizulu, mutindu ya sonamaka na mukanda ya ba mbikudi: Inzo ya Isaeli, ntangu beno vuandaka ba mvula makumi iya na dikanga, beno pesaka munu minkayilu ya kufua na ya kuyokua?...⁴³Beno nataka inzo ya ngoto ya lusambulu ya Moloki mpe mbuetete ye nzambi ya Lafani, bifuani yayi beno salaka samuna kusambila yau! bosi mu ke nata beno na kisika ya inda kuluta Babiloni.⁴⁴na MoseNa dikanga, ba tata na beto vuandaka na inzo ya ngoto ya kimbangi, bonso tuminaka muntu yina tubaka na Mose na kusala mutindu yandi moninaka. ⁴⁵Ntangu ba tata na beto bakaka yau, ba kotisaka yau na lutuadusu na Yosua, na insi kuvuaka bantu yina Tata Nzambi kukaka na ntuala na bau, mpe yandi vuandaka kuna ti na kilumbu ya Davidi. ⁴⁶Bosi Davidi bakaka nlemvo na ntuala ya Tata Nzambi, mpe yandi lombaka ba tombula inzo samuna Nzambi ya Yakobo;⁴⁷mpe Solomo muntu tungilaka yandi inzo. ⁴⁸Kansi mutindu me tuba mbikudi, Tata Nzambi Mpungu Tulendo ke zingaka ve na yina me salama na maboko ya bantu. ⁴⁹Dizulu kele kivuandulu na munu, mpe ntoto kidiatulu na munu. Mfumu me tuba: Inki inzo beno ke tungila munu to wapi kisika ke vuanda kivundulu na munu e? ⁵⁰Beno zaba ve ti bima yayi nionso maboko na salaka yau e?...⁵¹Bantu na nsingu ya kutintama, ba kele na ntima mpe makutu ya kuzengua ve! Beno ke kakidilaka Mpeve ya Nlongo ntangu nionso. Yina vuandaka ba tata na beno, beno mpe mutindu mosi na bau. ⁵²Nani na ba mbikudi zomuaka ve na ba tata na beno? Ba kufuaka ba yina tuamaka kusamuna ngizulu ya walunungu, yina beno yekulaka, mpe samu beno vuandaka mimvondi, ⁵³beno yayi bakaka minsi kulandila nsikudukusu ya ba mbasi kansi ba lundaka yau ve!...⁵⁴Na ntangu ba kuwaka mambu yina, Ba vuandaka ntima ya kufitakana, mpe ba vuandaka kuetisa menosamuna yandi. ⁵⁵Kansi Etieni ya kufuluka na Mpeve ya Nlongo, mpe ntangu yandi talaka siu na dizulu, yandi monaka nkembo ya Tata Nzambi mpe Yesu Klisto ya kutelama na lubakala ya Tata Nzambi. ⁵⁶Yandi tubaka: tala, mu kene kumona mazulu ya kuzibuka, mpe Muana ya Muntu ya kutelama na lubakala ya Tata Nzambi.⁵⁷Ba bokaka na ndinga ya ngolo, na kukikanga makutu, mpe na mbala mosi bau nionso kuendaka buila yandi, ⁵⁸ba kokaka yandi na nganda ya mbanza, mpe ba lozilaka yandi mabanga. Ba mbangi tulaka bilele na bau na makulu ya ntuenia ya bakala na nkumbu ya Sauli.⁵⁹Mpe Etieni ba lozilaka mabanga vuandaka sambila mutindu yayi: Mfumu na beto Yesu Klisto, yamba muela na munu! ⁶⁰Bosi ntangu yandi fukamaka, yandi bokaka na ndinga ya ngolo: Mfumu, kutuikila bau disumu yayi ve! Kansi na manima ya ba mpova yayi, yandi lekaka.

8¹Sauli ndimaka lufua ya Etieni. Na kilumbu yina nzomono vuandaka ya nene na dibundu ya Yelusalemi, kukatula ba ntumua, bau nionso muanganaka na bitini ya Yuda mpe ya Samalia. ²Bantu ya ntima mbote kuendaka zika Etieni, mpe ba tomaka dila yandi. ³Kansi na ndambu ya Sauli, yandi vuandaka sosa kufuasikisa dibundu; yandi vuandaka kota ti na bainzo, kuziona ba bakala na ba kento mpe kulosa bau na boloko.⁴Ba yina muangusuka vuandaka kuenda bifulu nionso, samna kulonga Nsangu ya Mbote ya mambu ya Tata Nzambi. ⁵Ntangu Filipo kitaka na Samaliya, yandi longaka Klisto.⁶Nkangu ya mvimba vuandaka kuwa mbote mbote yina Filipo vuandaka tuba, ntangu ba kuwaka mpe ba monaka bimangu yandi vuandaka sala. ⁷Samu ba mpeve ya kusumuka bimaka na bantu mingi yina vuandaka na yau, ba bokaka na ndinga ya ngolo, mpe makoka na bantu ya kuvenga makulu mingi belukaka. ⁸Bosi kiese ya mingi vuandaka na mbanza yina.⁹Na ntangu lutaka, muntu mosi vuandaka na mbanza nkumbu na yandi Simoni, yai kukimonaka muntu ya mfunu, yandi vuandaka sadila minkisi mpe kuyitukisa nkangu ya Samaliya. ¹⁰Kubanda na baleke ti na ba mbuta, bau nionso vuandaka kuwa yandi mbote mbote, mpe ba tubaka: Yandi yayi kele kilendo ya Tata Nzambi, ke bokuduluaka ya nene. ¹¹ba vuandaka kuwa yandi mbote mbote, samu kubanda ntama, yandi vuandaka yitukisa bau na minkisi na yandi.¹²Kansi ntangu ba kuikilaka na Filipo, muntu yayi vuandaka samuna Nsangu ya Mbote ya kimfumu ya Tata Nzambi mpe ya nkumbu ya Yesu Klisto, ba bakala na ba kento botukuaka. ¹³Simoni yandi mosi kuikilaka, mpe na manima ya mbotokolo, yandi tatukilaka diaka Filipo ve, mpe yandi yitukaka na kumona bidimbu na mambu ya ngitukulu yandi vuandaka sala.¹⁴Ntangu ba ntumua vuandaka ya Yelusalemi kuwaka ti mambu ya Tata Nzambi me kota na Samaliya, ba tindaka Petelo na Yoane kuna. ¹⁵Ntangu ba yayi kumaka na Samaliya, ba sambidilaka bau, samu ba baka Mpeve ya Nlongo. ¹⁶Samu na ntangu yina, kati na bau Mpeve kitaka ata na muntu mosi ve; ba botukuaka kaka na nkumbu ya Mfumu Yesu. ¹⁷Bosi Petelo na Yoane tulaka bau maboko, mpe ba bakaka Mpeve ya Nlongo.¹⁸Ntangu Simoni monaka ti Mpev ya Nlongo kena kupesama na ntudulu a maboko ya ba ntumua, yandi pesaka bau mbongo, ¹⁹mpe yandi me tuba: Beno pesa munu mpe kilendo yina samu muntu yina mu ke tula maboko yandi baka Mpeve ya Nlongo.²⁰Kansi Petelo me zabisa yandi: Bika mbongo na nge fukila kintadi na nge mosi, samu nge kanisaaka ti na mbongo ba ke bakilaka nkayilu ya kimpeve. ²¹Na mambu yayi, nge ke baka ata ndambu ve, kikunku mpe ve, samu ntima na nge kele ya kusungama ve na meso ya Tata Nzambi. ²²Vilula diela na mambi na nge, mpe lomba Mfumu kana ya lendakana, yandi lemvukila mabanza ya ntima na nge, ²³samu mu kena kumona nge kele nandudi ya ngolo mpe nge kele ya kukangama na nsinga ya mambu ya imbi.²⁴Simoni vutulajka: Beno mosi, bika beno sambidila munu, samu yina nge me tuba ya kumina munu ve.²⁵Na manima ya kutuba kimbangi mpe kuwa mambu ya Mfumu, Petelo na Yoane vutukaka na Yelusalami, mpe ba samunaka Nsangu ya Mbote na ba buala mingi ya samaliya.²⁶Mbasi ya Mfumu sololaka Filipo, me tuba: Telama, mpe kuenda na ndambu ya sude na nzila ke kitaka na Yelusalemi na Ngasa, yina kele dikanga. ²⁷Yandi telamaka mpe yandi kuendaka. Kansi tala, muntu ya Etiopia, mayala ba kufuaka nima, dingisi ya Kandake, ntinu a nkento ya Etiopia, nkengi ya mvuilu na yandi ya mvimba, kuizaka na Yelusalemi samuna kuzitisa, ²⁸yandi vuandaka vutuka, me vuanda na dikalu na yandi, mpe yandi vuandaka tanga mbikudi Yesaya.²⁹Mpeve me tuba na Filipo: Kuenda, pusana penepene ya dikalu yina. ³⁰Filipo zawulaka mpe kuwaka muntu ya Etiopia vuandaka tanga mbikudi Yesaya. Yandi tubilaka yandi: Nge kena kubakusa yina nge kena kutanga e? ³¹Yandi vutulaka: inki mutindu mu lenda bakusila, kana muntu tuadisa munu ve? Bosi yandi bokilaka Filipô samuna kutombuka mpe ba vuanda kintuadi.³²Kibuku ya Masonukua yandi vuandaka tanga kele yayi: Ba nataka yandi bonso dimeme na kivondolo ya bibulu; bonso dimeme ke tubaka ve ne ntadisi ya muntu kena kuzenga yandi mika. Yandi zibulaka inua ve. ³³Na luyinunu na yandi, mfundusu na yandi zenganaka. Mpe nani lenda katula ditinta ya dikanda e? Samu luzingu na yandi katuluaka na ntoto.³⁴Dingizi me tuba na Filipo: Dodokolo, Nani mbikudi kena kutubila mutindu yina e? na yandi mosi to na muntu yankkaka? ³⁵Na yau, Filipo zibulaka inua mpe tubaka samuna kibuku yina, yandi samuninaka yayndi Nsangu ya Mbote ya Yesu.³⁶Lokola ba tatamanaka nzila na bau, ba monaka maza. mpe dingizi ya ntinu me tuba: Tala maza yau yayi, inki lenda kakidila mbotokolo na munu; e? ³⁷Filipo me tuba: Kana nge me tula kiminu na ntima na nge ya mvimba, ya lenda salama. Dingizi me vutula: Me tula kiminu ti Yesu Klisto kele Muana ya Nzambi. ³⁸Yandi tedimisaka dikalu; Bau zole, Filipo na dingizi ya ntinu kitaka na maza, mpe Filipo botikaka dingizi ya ntinu.³⁹Na ntangu ba bimaka na maza, Mpeve ya Mfumu zamunaka Filipo, mpe dingizi monaka diaka yandi ve. Kansi na kiese vuandaka na yandi, dingizi tatamanaka nzietolo na yandi, ⁴⁰kansi Filipo kumaka na Azoti, kuna yandi kuendaka ti na Kaisalia, samuna kulonga ba mbanza nionso yina yandi lutilaka.

9¹Kansi Sauli tatamanaka kuzoma na kufua minliongoki ya Mfumu, bosi yandi kuendaka na ngudi a nganga, ²samuna kulomba mukanda ya kunata na Damasiko na ba inzo ya tukutukunu, kana yandi me mona bantu ya kimvuka yayi ya impa, ya vuanda ba bakala to ba kento, yandi nata bau na Yelusalemi ya kukangua ba nsinga.³Ntangu yandi vuandaka na nzila, mpe yandi finamaka na Damasiko, mbala mosi kukia katukaka na dizulu kienzulaka kisika yandi vuandaka. ⁴Yandi kubuaka na ntoto, mpe yandi kuwaka ndinga mosi tubilaka yandi: Sauli, Sauli, samuna inki nge kena kuzoma munu?⁵Yandi vutulaka: Nge nani, Mfumu e? Bosi Mfumu tubaka: munu Yesu yayi nge kena kuzoma. Ya lendaka vuanda mpasi samuna nge na kutatamana nzila yina na kiluazu. ⁶Yandi vuandaka zakama na wonga, me tuba: Mfumu inki nge zola mu sala e? Bosi Mfumu tubilaka yandi: Telama, kota na mbanza, mpe ba kezabisa nge yina nge ke sala. ⁷Ba bakala vuandaka zieta na yandi ba telamaka sui; ba vuandaka kuwa ndinga, kansi ba vuandaka mona muntu ve.⁸Sauli telamaka, mpe meso na yandi ya kuzibuka, kansi yandi vuandaka mona kima ve; ba simbaka yandi na dibokompe ba nataka yandi na Damasiko. ⁹Yandi salaka bilumbu tatu kumona kima ve, kudia mpe kunua kima ve.¹⁰¹¹¹²Nzoka kuna na Damasiko vuandaka na nlongoki mosi na nkumbu ya Anania. Mfumu tubilaka yandi na mona meso: Anania! Yandi vutulaka: Munu yayi, Mfumu! Bosi Mfumu me zabisa yandi: Telama, kuenda na balabala kele na nkumbu ya lubakala, mpe sosa na inzo ya Yudasi muntu kele na nkumbu ya sauli muntu ya Talaso. Samu yandi kena kusambila, mpe Sauli monaka na mona meso muntu mosi na nkumbu ya Anania vuandaka kota, mpe tulaka yandi maboko samu yandi mona.¹³Anania vutulaka: Mfumu, bantu mingi vuandaka zabisa munu mambu ya imbi muntu yayi vuandaka sala na ba nlongo na nge na Yelusalemi; ¹⁴mpe awa yandi kele na kilendo ya ba ngudi a nganga, samuna kukanga na nsinga ba yina nionso ke bombidila nkumbu na nge. ¹⁵Kansi Mfumu tubilaka yandi: kuenda, samu muntu yina kele kisadulu yina mu ponaka, samuna kunata nkumbu na munu na ntuala ya ba insi, na ntuala ya ba ntinu mpe na ntuala ya bana ya Isaeli; ¹⁶mpe mu ke monisa yandi mpasi nionsq yandi ke mona samuna munu.¹⁷Anania bimaka, mpe ntangu yandi kumaka na inzo, yandi tulaka Sauli maboko, na kutubaka ti: Sauli mpangi na munu, mfumu yina monikinaka nge na nzila nge vuandaka kuizila, me tinda munu samu nge mona mpe ngE fulusua na Mpve ya Nlongo. ¹⁸Na ntangu yina kaka, bima mosi bonso bibala ntumbu sotuka meso, mpe yandi monaka. yandi telamaka, mpe yandi butukuaka, ¹⁹bosi na manima ya kudia, ngolo vutukaka na nzutu. Sauli salaka ndambu ya bilumbu na minlongoki vuandaka na damasiko.²⁰Mpe na mbala mosi yandi longaka na ba inzo ya tukutukunu ti Yesu kele Muana ya Tata Nzambi. ²¹Ba yina nionso kuwaka yandi vuandaka yituka, mpe ba vuandaka tuba: Muntu yayi, yandi ve vuandaka zoma ba yina vuandaka sambila nkumbu yayi, mpe ngizulu na yandi kuaku, samuna kukanga bau ba nsinga, mpe kunata bau na ntuala ya ba ngudi a nganga ve ? ²²Na yau, Sauli vuandaka luta kusiama, mpe yandi tutisaka bayuda yina vuandaka zinga na Damasiko ba intu, yandi monisaka ti Yesu kele Klisto.²³Na fintangu ntangu, ba yuda kutakanalka samuna kufua yandi, ²⁴kansi Sauli kuizaka zaba lukanu na bau ya imbi. Ba vuandaka kenga mielo muini na mpimpa samuna kufua yandi. ²⁵Kansi na mpimpa minlongoki bakaka yandi, tulaka yandi na kitunga mpe ba kitisaka yandi a kibaka.²⁶Ntangu yandi kuendaka na Yelusalemi, Sauli sosaka nzila ya kuvukana na bau; kansi bantu nionso vuandaka monanina yandi wonga, samu ba vuandaka ndima ve ti yandi kele nlongoki. ²⁷Na yau, Banaba bakaka yandi mpe nataka yandi na ba ntumua, mpe yandi tubilaka bantumua inki mutindu Sauli mona Mfumu, mpe tubaka na yandi, mpe na Damasiko, mutindu yandi longilaka kedika na nkumbu ya Yesu.²⁸Yandi vuandaka kuendaka mpe kuvutuka na Yelusalemi na bau, ²⁹mpe yandi vuandaka tuba na kivuvu nionso na nkumbu ya Mfumu. Yandi vuandaka tuba mpe, na kubindana mpaka na ba Eleni; kansi ba yayi vuandaka sosa kufua yandi. ³⁰Ntangu ba mpangi kuizaka zaba yau, ba nataka yandi na Kaisalia, bosi ba pesaka yandi nzila ya kukuenda na Talaso.³¹Na Yuda ya mvimba, dibundu vuandaka na luvuvamu, Ngalili ne Samalia vuandaka siamasana na ku diata na kivumi ya Mfumu, mpe ba vuandaka nieka na lutuadusu ya Mpeve ya Nlongo. ³²Lokola Petelo vuandaka bumina ba nlongo, yandi kitaka diaka na ba yina vuandaka na Lida.³³Yandi kuendaka kuta muntu mosi vuandaka dikoka na nkumbu ya Ene, ya kuleka na mfulu ba mvula nana. ³⁴Petelo me tubila yandi: Ene,Yesu Klisto me belusa nge; telama, mpe baka nkuala na nge. Na mbala mosi yandi me telama. ³⁵Bantu nionso ya Lida mpe ya Saloni monaka yandi, mpe bavilukaka na Mfumu.³⁶Na kati ya minlongoki vuandaka Yope, nkenyo mosi na nkumbu ya Tabita, ya zola tuba Doloka: yandi vuandaka sala mambu mingi ya mbote mpe ku pesa minkayilu. ³⁷Yandi kumaka na kimbevo na ntangu yina, mpe yandi kufuaka. Na manima ya kuyobisa yandi, ba tulaka yandi na disuku ya zulu.³⁸Lokola Lida kele ntama ve na Yope, ntangu minlongoki kuwaka ti Petelo kele kuna, ba tindilaka yandi bantu zole, samuna kulomba, yandi kuenda na bau na nsualu kuzingila ve. ³⁹Petelo telamaka, mpe yandi kuendaka na bantu yina. Ntangu yandi kumaka, ba nataka yandi na disuku ya zulu. Mafola nionso zungaka yandi mpe bavuandaka dila, bosi ba monisaka yandi biyunga na bilele Doloka vuandaka tunga ntangu yandi vuandaka na bau.⁴⁰Petelo bimisaka bantu nionso na nganda, yandi fukamaka, mpe sambilaka, bosi yandi talaka kisika vuandaka nzutu, mpe me tuba: Tabita, telama! yandi zibulaka meso, mpe ntangu yandi monaka Petelo, yandi vuandaka. ⁴¹Yandi pesaka diboko, mpe yandi tedimisaka yandi. Yandi bokilaka ba nlongo na mafola, mpe yandi me monisa bau yandi ya moyo. ⁴²Diambu yina zabakanaka na Yope ya mvimba, mpe bantu mingi tulaka kiminu na Mfumu. ⁴³Petelo sikilaka bilumbu mingina Yope, na inzo ya Simoni, nteki ya mpusu ya bibulu.

10¹Muntu mosi vuandaka na Kaisalia na nkumbu ya Konelo, nkuluntu ya binuanai ba ketubaka italia. ²Muntu yayi vuandaka ya luzitu mpe yandi vuandaka vumina Tata Nazambi na inzo na yandi ya mvimba; Yandi vuandaka pesa minayilu mingi na nkangu, mpe yandi vuandaka sambila Tata Nzambi ntangu nionso.³Na ntangu ya ivua ya kilumbu, yandi monaka mbote mbote mona meso mbasi ya Tata Nzambi kotaka na inzo na yandi, mpe me tubila yandi: Konelio! ⁴yandi vuandaka tala na kusungamina mbasi, mpe wonga bakaka yandi, bosi yandi me vutula: Inki diambu, Mfumu? Mpe mbasi me zabisa yandi: Tusambulu na minkayilu na nge me monana na ntuala Tata Nzambi, mpe yandi me bambukila nge moyo. ⁵Na kilokula yayi, tinda bantu na Yope, mpe bokidisa Simoni ba ke bokidilaka Petelo; ⁶yandi kena kuvuanda na inzo ya Simoni, nteki ya mpusu ya bibulu, inzo na yandi kele penepene ya imbu.⁷Na ntangu yina kaka mbasi vuandaka tuba na yandi me kuenda, Konelio bokilaka bisadi na yandi zole, na kati ya binuani kele kimbati na yandi, yandi bakaka mosi ya luzitu, ⁸mpe na manima ya kutubila bau nionso yina, yandi tindaka bau na Yope.⁹Lokola ba vuandaka na nzila na kilumbu landaka mbazi, mpe ba finamaka na mbanza, Petelo mantaka na nludi na wola ya sambanu samuna kusambila. ¹⁰Kansi yandi zolaka kudia samu nsatu vuandaka na yandi. Na ntangu ba vuandaka sadila yandi kima ya kudia, yandi me natuka na Mpeve. ¹¹Yandi monaka dizulu ya kuzibuka, mpe kima mosi ya kufuanana na nlele ya nene, ba nsongi na yau iya ya kukangama, bosi ya vuandaka kita na ntoto, ¹²kisika vuandaka bibulu ya makulu iya iya, na ba nioka ya ntoto mpe ba nuni ya zulu.¹³Bosi ndinga mosi tubilaka yandi: Petelo, telama, kufua mpe kudia. ¹⁴Kansi Petelo me tuba: Mu lenda ve, Mfumu, samu ata kilumbu mosi ve mu kudiaka kima ya kubivusua to ya kusumuka. ¹⁵Ndinga wakanaka diaka mbala ya zole, mpe me tuba na yandi: Yina Tata Nzambi me tuba ti ya kuvedila, kumona yau ya kubivusua ve. ¹⁶Ya kumaka ti na mbala tatu; na manima ya kilokula yina kaka, kima yina zimbalaka na zulu.¹⁷Na ntangu yina, Petelo vuandaka zaba diaka ve kati na yandi mosi, inki yandi ke yindula na mona meso yandi monaka, tala, ntangu bantu yina Konelio tindaka kuizaka zaba inzo ya Simoni, ba kumaka na kielo; ¹⁸na ndinga ya kuzanguka ba yuvulaka kana Simoni ke bokuduluaka Petelo kena kulekaka awa.¹⁹Lokola Petelo vuandaka yindula diamabu ya mona meso, Mpeve me tubila yandi: Tala bantu tatu kena kusosa nge; ²⁰telama, kita mpe kuenda na bau nzila mosi kuvuanda keti keti ve, samu munu me tinda bau. ²¹Petelo kitaka, mpe me tuba na bantu yina: Tala, muntu beno kena kusosa, munu yayi; inki diambu me nata beno awa?²²Ba vutulaka: Konelio, nkuluntu ya binuani,muntu ya lunungu mpe kele na vumi ya Tata Nzambi, yandi ba yuda nionso ke tubaka kimbangi ya mbote samuna yandi, mbasi ya nlongo zabisaka yandi na kubokidisa nge kuiza na inzo na yandi samuna kuwa mambu ya nge. ²³Petelo kotisaka bau, mpe me lekisa bau. Na kilumbu landaka mbazi, yandi telamaka mpe kuendaka na bau. Bampangi yankaka ya Yope kuendaka na bau.²⁴Kilumbu landaka, ba kumaka na Kaisalia. Konelio vuandaka vingila bau, mpe yandi bokidisaka bibuti mpe ba kundi na yandi ya ntima.²⁵Ntangu Ptelo kotaka, Konelio kuendaka na ntuala na yandi, mpe fukamaka na ntuala na yandi. ²⁶Kansi Petelo tedimisaka yandi, mpe tubaka: telama; munu diaka, mu kele kuandi muntu.²⁷Ba mokasanaka bau zole, yandi me kota, me mona bantu mingi me kutakana. ²⁸Yandi me zabisa bau: beno me zaba, ya kele nsiku na Yudao kuvuanda kisika mosi na nzenza to kukota na inzo na yandi; kansi Tata Nzambi longaka munu na ku tala muntu mosi ve ti yandi kele na mbivusu mpe nsumuki. ²⁹Yau yina mu tingunaka kukuiza ve, samu nge muntu me bokidisaka munu; mu kena kyuvula nge inki diambu nge tindilaka bantu kuiza landa munu.³⁰Konelio me tuba: Ntangu yayi, bilumbu iya me luta, mu vuandaka sambila na inzo na munu na ntangu ya ivua; mpe tala muntu mosi na bilele kena kulezima telamaka na ntuala na munu, ³¹me tuba: Konelio, kisambu n nge me wakana, mpe Tata Nzambi me bambukila minkayilu na nge moyo. ³²Na yau, tinda na Yope mpe tumisa Simoni, ke bokuduluaka Petelo; yandi kena kuleka na inzo ya Simoni, nteki ya mpusu ya bibulu, penepene ya imbu. ³³Na mbala mosi mu tindilaka nge bantu, mpe nge me sala mbote na kukuiza. Na ntangu yayi, beto nionso kele na ntuala ya Tata Nzambi, samuna kuwa nionso yina Mfumu tuminaka nge na kuzabisa beto.³⁴Na yau, Petelo zibulaka inua me tuba: Ya tseleka, mu kena kuzaba ti Tata Nzambi ke talaka ilungi ya muntu ve, ³⁵kansi konso insi ke vuminaka yandi, mpe kena kusala mambu ya lunungu, yandi kele ya kutambulua na yandi.³⁶Yandi tindaka mambu ya Tata Nzambi na bana ya Isaeli, na kusamunaka kiyange na nzila ya Yesu Klisto, yandi kele Mfumu ya bantu nionso. ³⁷Beno me zaba yina kubuaka na Yudeo ya mvimba, na manima ya kubanda na Ngalili,na kulandila mbotokolo longilaka Yoane; ³⁸Beno me zaba inki mutindu Tata Nzambi kusaka Yesu ya Nazaleti na Mpeve ya Nlongo mpe na ngolo, yandi vuandaka kuenda bisika nionso samuna kusala mambote mpe kubelusa ba yina vuandaka yalua na nkadi ampemba, samu Tata Nzambi vuandaka na yandi.³⁹Beto kele bambangi ya nionso yandi salaka na insi ya bayuda mpe na Yelusalemi. Ba kufuaka yandi na kukomaka yandi na dikuluzu. ⁴⁰Tata Nzambi fulukisaka yandi na kilumbu ya tatu, mpe yandi pesaka insua ya kumonana, ⁴¹na bantu nionso ve, kansi na ba mbangi yina tuamaka kusolua soluaka na Tata Nzambi, na beto ba yayi kudiaka mpe kunuaka kintuadi na yandi, bosi na manima, yandi fulukisuaka na bafua.⁴²Mp e Yesu pesaka beto insu ya kulonga nkangu mpe kutoma tuba kimbangi ti, Tata Nzambi tumbaka yandi samuna kuvuanda mfundisi ya ba moyo na ya bafua. ⁴³Ba mbikudi nionso kena kutuba kimbangi samuna yandi ti, konso muntu ke kuikila na yandi, ke tambula ndemvokolo ya masumu na nkumbu na yandi.⁴⁴Na ntangu Petelo vuandaka tuba mambu yina, Mpeve ya Nlongo kitaka na bantu nionso yina vuandaka kuwa mambu ya Tata Nzambi. ⁴⁵Minkuikizi nionso yina vuandaka ya kuzengua kuizaka kintuadi na Petelo, yitukaka na kumona nkayilu ya Mpeve ya Nlongo dukuluaka mpe na mimpani.⁴⁶Samu ba vuandaka kuwa bau kutuba na tudimi mpe kuzitisa Tata Nzambi. Na yau, Petelo me tuba: ⁴⁷Nga beto lenda manga kubotika bayayi ma tambula Mpeve ya Nlono bonso beto e? ⁴⁸Bosi, yandi tuminaka ba botukua na nkumbu ya Mfumu. samuna yau, ndombolo kele ti Petelo vuanda diaka na bau ndambu ya bilumbu.

11¹Ba ntumua na ba mpangi yina vuandaka na Yudeo kuwaka ti mimpani mpe me tambula mambu ya tata Nzambi. ²Mpe ntangu Petelo tombukaka na Yelusalemi, minkuikizi ya kuzengua sembaka yandi, ³ba tubaka: Nge kotaka na kisiks ya bantu kele ya kuzengua ve, mpe nge kudiaska na bau.⁴Petelo bandaka kuzabisa bau samu ba landa mutindu mambu lutilaka. Yandi me tuba: ⁵Mu vuandaka na mbanza ya Yope, ntangu mu vuandaka sambila, mu natukaka na Mpeve mpe mu monaka mona meso: Kima mosi ya kufuanana na nlele ya nene, ba nsongi nionso iya ya kukangama, bosi ya vuandaka kita ti kisika mu vuandaka. ⁶Mu sungaminaka kutala nlele yina, mu fionguninaka, mpe mu monaka bibulu ya makulu iya iya ya ntoto, bibulu ya nganzi, ba nioka, mpe ba ndeke ya zulu.⁷Bosi mu kuwaka ndinga mosi vuandaka tubila munu: Telema, Petelo, mpe kufua mpe kudia. ⁸Kansi mu tubaka: ve, Mfumu, ata kima mosi ve ya mbivusu mpe ya kusumuka me kota na inua na munu. ⁹Mpe ndinga katukaka na zulu me wakana mbala ya zole: Yina Tata Nzambi me tuba ti ya kuvedila, beno mona diaka yau ya mbivusu ve. ¹⁰Ya kumaka ti na mbala ya tatu; bosi nionso katuluaka na zulu.¹¹Na ntangu yina kaka, tala bantu katukaka na Kaesalio tindamaka na kukuiza na munu me telama na ntuala kielo ya inzo mu vuandaka. ¹²Mpeve me tubila munu na kukuenda na bau na keti keti ve. Bantu sambanu kuendaka na munu, mpe beto kotaka na inzo ya Konelio. ¹³Muntu yayi zabisaka beto mutindu yandi monaka na kati ya inzo mbasi kimonikisaka na yandi mpe tubaka: Tinda na Yope mpe bokidisa Simoni ke bokuduluaka Petelo, ¹⁴yandi ke zabisa nge mambu yina nge ke vulusulua, nge na inzo na nge ya mvimba.¹⁵Nantangu mu vuandaka tuba, Mpeve ya Nlongo kitilaka bau, mutindu ya vuandaka na ntangu na beto na ntonono. ¹⁶Mpe me bambukila mambu ya Mfumu moyo: Yoane botikaka na maza, kansi beno, beno ke botukua na Mpeve ya Nlongo.¹⁷Nzoka, lokola Tata Nzambi pesaka bau nkayilu ya kimpeve kele na disuasuani ve na beto, ba yayi tulaka kiminu na Mfumu Yesu klisto, inki mutindu mu lendaka kakidila Tata Nzambi e? ¹⁸Na manima ya kuwa yau, ba dingamaka mpe ba zitisaka Tata Nzambi, ba tubaka: Tata Nzambi ndimaka ndemvokolo ya masumu ya ba pakanu, samu ba baka moyo.¹⁹Ba yina masaka muanganaka samuna nzomono ya builuaka Etieni kuendaka ti na Fenike, na kisanga ya Kipelo mpe na Antiokia, samuna kusamuna Nsangu ya Mbote na ba yuda kaka. ²⁰Na kati na bau vuandaka ndambu ya bantu ya Kipelo mpe ya Kilene, ntangu ba kuizaka na Antiokia, ba tubaka na ba Elene, mpe ba samuninaka bau Nsangu ya Mbote ya Mfumu Yesu. ²¹Diboko ya Mfumu vuandaka na bau mpe nkangu ya nene ya bantu lekaka kiminu mpe ba vilukaka na Mfumu.²²Nsangu wakanaka na makutu ya bantu ya dibundu ya Yelusalemi, mpe ba tindaka Banaba ti na Antiokia. ²³Ntangu yandi kumaka mpe yandi monaka nlemvo ya Tata Nsambi, yandi yangalalaka mpe yandi simisaka bau na kuvuanda na ntima ya kusikila na Mfumu. ²⁴Samu yandi vuandaka muntu ya mbote, ya kufuluka na Mpeve ya Nlongo mpe na kiminu. Mpe nkangu ya bantu mingi kuizaka na Mfumu.²⁵Na manima, Banaba kuendaka na Talaso, samuna kusosa Sauli; ²⁶mpe ntangu ba kutanaka, yandi nataka yandi na Antiokia. Ba kutakanaka na ba inzo ya mabundu mvula ya mvimba, mpe ba longaka bantu mingi. Ya vuandaka na Antiokia mbala ya ntete minlongoki bokuduluaka ba klisto.²⁷Na ntangu yina, ba mbikudi kitaka na Yelusalemi, na kukuenda na Antiokia. ²⁸Mosi na bau, na nkumbu ya Angabu, telamaka mpe samunaka na lutuadusu ya Mpeve ya Nlongo ti nsatu ya nene ke vuanda na insi ya mvimba. Na ntangu ya klaudia, nsatu mpe kuizaka.²⁹Minlongoki bakaka lukanu ya kutinda konso muntu mutindu kele mvuilu na yandi, lusadusu na ba mpangi ke vuandaka na Yuda. ³⁰Ba tindaka yau na maboko ya Banaba na Sauli samu ba kumisa yau na bangudi a nganga.

12¹Kaka na ntangu yina, ntinu Elode muesaka ndambu ya bantu ya dibundu mpasi, ²mpe yandi tindaka ba kufua Yakobi, mpangi ya Yoane.³Ntangu ba monaka ti ya kele kuandi mbote na ba Yuba, yandi kangisaka diaka Petelo. Ya vuandaka na ntangu ya bilumbu ya mampa ya kufunusua ve. ⁴Na manima ya kukanga yandi mpe kulosa na boloko ya mielo iya, vuandaka kengila binuani iya na konso kie'lo, na dibanza ya kusambisa yandi na ntadisi ya nkangu na manima ya Pasa.⁵Buna Petelo vuandaka lundua na boloko, mpe dibundu vuandaka tatamanaka kulombila yandi bisambu na Tata Nzambi. ⁶Mpimpa yina tuamaka kilumbu Elode zolaka sambisa yandi , Petelo ya kukangua bisangu zole, vuandaka ya kuleka na kati ya binuani mpe minkengi na ntuala ya kielo samuna kukenga boloko.⁷Mpe tala, mbasi ya Mfumu kuizaka, mpe kukia kienzulaka boloko. Mbasi ningisaka Petelo na lubanzi samuna kulamusa yandi, bosi mbasi tubaka: Telema malu! Mpe tuvaku ba kangaka yandi na maboko kubuaka. ⁸Bosi mbasi me tubila yandi: Vuata nsinga na nge ya luketo na dipapa. Mpe Petelo salaka yau. Mbasi me tubila yandi diaka: vuata kiyunga na nge, mpe landa munu.⁹Petelo bimaka, mpe landaka yandi, kansi yandi zabaka ve ti yina mbasi vuandaka sala kele ya kedika, yandi banzaka ti ya vuandaka mona meso. ¹⁰Ntangu ba lutaka minkengi ya ntete mpe ya zole, ba kumaka na kielo ya bisengua ke kuendaka na mbanza, ya zibukaka yau mosi na ntuala bau; ba bimaka mpe ba vuandaka kuenda na balabala. Na mbala mosi mbasi bikaka Petelo.¹¹Ntangu zayu vutukaka, Petelo me tuba: Mu kena kumona ntangu yayi ti ya kedika Mfumu tindaka mbasi na yandi samuna kuvulusa munu na diboko ya Elode mpe na yina nionso nkangu ya Yuda vuandaka vingila. ¹²Na manima ya kuyindula, yandi kuendak na inzo ya Maliya, mama ya Yoane, ke bokuduluaka Malako, kuna bantu mingi kutakanaka samuna kusambila.¹³Yandi kokutaka na kielo ya kukotila, mpe kisielo mosi ya nkento na nkumbu ya Lode, finamaka samuna kuwa. ¹⁴Yandi bakusaka ndinga ya Petelo, mpe na kiese yina, yandi lendaka zibula ve kansi yandi zaulaka kuzabisa bau ti Petelo kele na ntuala ya kielo. ¹⁵Ba zabisaka yandi: intu na nge kena kusala mbote ve. Kansi yandi tatamanaka kutuba ti ya kele ya kedika. Bosi ba tubaka, ya kele mbasi na yandi.¹⁶Kansi Petelo tatamanaka kukokuta. Ba zibulaka mpe ba yitukaka na kumona yandi. ¹⁷Petelo labisaka bau na diboko, kisinsu ya kutuba ti beno dingama. Bosi yandi bandaka kuzabisa bau inki mutindu mfumu bimisaka yandi na boloko, mpe yandi me tuba: beno zabisa yau na Yakobi mpe na ba mpangi. Bosi yandi bimaka, mpe yandi kuendaka na kisika yankaka.¹⁸Ntangu buisi kukiaka, binuani vuandaka zengele zengele ya ngolo samuna kuzaba yina Petelo me kituka. ¹⁹Elode kumaka kusosa yandi, mpe na ntangu yandi monaka Petelo ve, yandi yuvulaka minkengi, mpe yandi peska insua ya kunata bau na mbungulu. Na manima, yandi kitaka na Yudayo na Kaisalio samuna kuvuanda kuna.²⁰Elode vuandaka na lukanu ya imbi na ntadisi ya bantu ya Tilo mpe na ya Sidoni. Kansi ba wizanaka na kintuadi, mpe na manima ya kununga Blastu, muntu ya kiyekua ya disuku ya ngudi anganga, ba lombaka kiyenge samu insi na bau vuandaka baka madia na insi ya ntinu. ²¹Na kilumbu ya nsilulu, Elode vuataka bilele na yandi ya kintinu, mpe vuandaka na kiandu na yandi ya kintinu, bosi yandi tubisaka bau na ntuala ya nkangu.²²Nkangu bokaka: ndinga ya kinzambi nzambi, kansi ya muntu ve! ²³Kaka na kilokula yina, mbasi ya Mfumu bulaka yandi, samu yandi zitisaka Tata Nzambi ve. Mpe yandi kufuaka, ya kudiwa na mitiopi.²⁴Na yau, mambu ya Tata Nzambi vuandaka muangana kaka, mpe ntalu ya minkuikizi vuandaka tombuka. ²⁵Na manima ya kumanisa kulongila nkangu, Banaba na Sauli vutukaka na Yelusalemi, ba nataka Yoane ke bokuduluaka Malako.

13¹Kuna na dibundu ya Antiokia vuandaka na bambikudi, na minlongi: Banaba, Simoni ke bokuduluaka Ningeli, Lukiu ya Kileni, Manaeli, yayi zanguluaka kintuadi na Elode nyadi, mpe Sauli. ³Na ntangu ba vuandaka sadila Mfumu na kisalu na bau mpe ba vuandaka mina nsoki, Mpve ya Nlongo me tuba: Beno vambudila munu Banaba na Sauli samuna kisalu yina mu bokidilaka bau. ²Na yau, na manima kumina nsoki mpe kusambila, ba tulaka bau maboko mpe babikaka bau bakuenda.⁴Mpve ya Nlongo tindaka Banaba na Sauli ba kita na Seleukia, mpe kukatuka kuna ba sabukka kisanga ya Kipelo. ⁵Ntangu ba kumaka na Salami, ba samunaka mambu ya Tata Nzambi na ba inzo ya tukutukunu ya bayuda. bosi Yoane vuandaka nsadisi na bau;⁶Na ntangu ba manisaka kusabuka kisanga ya mvimba ti na Pafo, ba kutaka motu mosi ya bimpangula, mbikudi ya luvunu, muntu ya Yudeo, na nkumbu ya Bala Yesu, ⁷yandi vuandaka kintuadi na Selengio Paulu, nyadi ya kizunga ya mvimba, muntu ya zayu. Yandi muntu bokidisaka Banaba na Sauli, mpe yandi songaka nsatu na yandi ya kuwa mambu ya tata Nzambi. ⁸Kansi Elima, muntu ya bimpangula, ya zola tuba mbangudulu ya nkumbu na yandi, mpe yandi vuandaka kakidila bau, yandi vuandaka sosa kuvengumuna kiminu ya nyadi ya kizunga.⁹Na yau, Sauli na nkumbu ya Paulu, fulukaka na Mpeve ya Nlongo, sungamina yandi, ¹⁰mpe me tuba: muntu ya kufuluka na bunkita nionso na bungubi, muana ya nkdi a mpemba, ntantu ya lunungu, nge ke bika ve kuvidingisa banzila ya kusungama ya Mfumu e?¹¹Ntangu yayi tala, diboko ya Mfumu kele na zulu na nge, nge ke kituka mpofo, mpe na fintangu nge ke mona diaka ntangu ve. Na mbutu a meso, mbungi na kitombe tumbu buila yandi, mpe yandi vuandaka sosa na kufifita bantu samu ba tuadisa yandi. ¹²Ntangu nyadi ya kizunga monaka yina kubuaka, tulaka kiminu, samu yandi simbamaka na ndongosolo ya Mfumu.¹³Ntangu Paulu na bindiatan na yandi sabukaka na Pafo, ba kuendaka na Pelenga kuna na Panfilia. Yoane vambanaka na bau, mpe yandi vutukaka na Yelusalemi. ¹⁴Ku katuka na Pelenga, ba tatamanaka nzila na bau, mpe ba kumaka na Antiokia, ya Pisidia. Ntangu ba kotaka na inzo ya lukutukunu kilumbu ya lumingu, ba vuandaka. ¹⁵Na manima ya ntangulu ya minsiku mpe ba mbikudi, ba kuluntu ya inzo ya lukutukunu tindaka bau ba tuba: Ba mpangi ba bakala, kana beno kele na diambu ya kubomba nkangu, beno zabisa.¹⁶Paulu telamaka, mpe ntangu yandi labisaka na diboko, me tuba: bantu ya Isaeli na beno a vuminaka Tata Nzambi, beno kuwa! ¹⁷Nzambi ya nkangu ya Isaeli solaka ba tata na beto. Yandi zangulaka nkangu yayi ntangu ba vuandaka na Ngipiti, mpe yandi bimisaka bau na kilendo ya diboko na yandi. ¹⁸Yandi dikilaka bau kitezo ya ba mvula makumi iya na dikanga;¹⁹mpe ntangu yandi fukisaka makanda nsambodia na insi ya Kanana, yandi zengilaka bau ndambu ya ntoto bonso mvuilu na bau. ²⁰Na manima na yau, yandi pesaka bau mimfundisi ti na mbikudi Samueli, na bamvula nkama iya na tanu yina ba vuandaka²¹Ba lombaka ntinu. mpe Tata Nzambi pesaka bau Sauli, muana Kisi, na dikanda ya Benyamini, samuna kuyala bamvula makumi iya, ²²bosi na manima ya kukatula yandi, Tata Nzambi vingisaka Davidi yayi yandi telaka kimbangi samu yandi vuanda ntinu:Mu monaka Davidi, muana ya Isa, muntu ya ntima na munu, yandi ke kekukisa nsilulu ya luzolo na munu ya mvimba.²³Mutindu vuandaka nsilulu, na nkuna ya Davidi Tata Nzambi bimisaka mvuluzi mosi na Isaeli, yandi kele Yesu. ²⁴Kekila ngizulu na yandi, Yoane longaka mbotokolo ya mpilulu a diela na nkangu ya Isaeli ya mvimba. ²⁵Mpe ntangu kisalu ya Yoane kumaka na nsuka, yandi vuandaka tuba: Munu kele ve muntu yina beno kena kubanza; kansi tala, na manima na munu kena kuiza muntu yina mu lenda zibula ba nsinga ya nsampatu na yandi ve.²⁶Ba mpangi ba bakala, bana ya dikanda ya Abalahami, na beno ke zitisaka Tata Nzambi, mambu yayi ya mpulusu fidusuaka na beno. ²⁷Samu bantu ke vuandaka na yelusalemi na ba kuluntu na bau zabaka yesu ve, mpe na ntangu ba ba zengilaka yandi kitumbu, ba lungisaka mambu ya ba mbikudi yina ba ketangaka konso lumingu.²⁸Na yau, ba monaka na yandi ata kibila ve yina lendaka tinda bau ba fufua yandi, kansi ba lombaka na Pilatu ba zengila yandi lufua. ²⁹Mpe na manima ya kulunigisa mambu yina sanamaka samuna yandi, ba kulumunaka yandi na dikuluzu mpe ba kuendaka tula yandi na biziami.³⁰Kansi Tata Nzambi fulukisaka yandi na bafua. ³¹Bosi bilumbu mingi yandi monikinaka ba yina vuandaka tombuka kintuadi na yandi kukatuka na Ngalili ti na Yelusalemi, mpe na ntangu yayi, bau kele ba mbangi na ntuala ya nkangu.³²Bosi beto, beto kena kusamununa beno nsangu yayi ya mbote siluaka ba tata na beto ti, ³³Tata Nzambi lungisaka yau samuna beto bana na bau, na kufulukisa Yesu, mutindu ya sonamaka na Nkunga ya zole ya Davidi: Nge kele Muana na munu, me buta nge bubu yayi. ³⁴Yau yina Tata Nzambi fulukisaka Mfumu Yesu na bafua samu yandi vutuka diaka na bumbabu ve, yau yandi zabisaka na kutuba ti: Mu ke pesa beno nlemvo ya nlongo siluaka na Davidi, nlemvo yina kele ya kivuvu.³⁵yau yina na kisika yankaka yandi kena kutuba: Nge ke bika ve ti wanlongo na mona bumbabu. ³⁶Nzoka, na manima ya kusadila lukanu ya Tata Nzambi na ntangu na yandi, Davidi kufuaka, mpe yandi tuluaka kisika mosi na ba tata na yandi, kansi yandi babukaka. ³⁷Kansi yinaTata Nzmbi fulukisaka monaka bumbabu ve.³⁸Beno zaba, ba mpangi ba bakala ti samuna yandi ndemvokomo ya masumu samunuaka, ³⁹mpe yina ke leka kiminu ke nungusua samuna yandi, na mambu nionso yina beno lendaka nungusua ve na nsiku ya Mose.⁴⁰Na yau, beno luenga, samu beno builua na ve yina sonamaka na ba mbikudi. ⁴¹Mimvuzi, beno tala, beno yituka mpe beno zimbala na meso na munu; samu mu zola sala kisalu na bilumbu na beno, kisalu yina beno lenda kuikila ve kana ba me zabisa beno yau.⁴²Ntangu ba bimaka, ba lombaka yandi vutukila kutuba mambu yina kilumbu ya lumingu kena kuiza, ⁴³mpe na manima ya tukutukunu, ba yudeo nionso na ba psilita ke vuminaka Tata Nzambi, ba landaka Paulu na Banaba yayi vuandaka zabisa bau, mpe kusiamisa bau na kisikila na nlemvo ya Tata Nzambi.⁴⁴Lumingu landaka, mbanza ya mvimba kutakanaka samuna kuwa mambu ya Tata nzambi. ⁴⁵Ntangu ba yuda monaka dikabu ya bantu, ba fulukaka na diketo, mpe ba vuandaka tula nkaku na yina Paulu vuandaka tuba, na bangika mpe kufinga yandi.⁴⁶Paulu na Banaba tubilaka bau na kivuvu: Mambu ya Tata Nzambi zolaka samunua ntete ntete na beno; kansi, samu beno zolaka yau ve, mpe beno mosi kena kukizengila ti beno kele ya kufuana ve na moyo ya ba mvula na mvula ve, yau yina beto me baluka beto na ba pakanu. ⁴⁷Samu Mfumu tuminaka beto mutindu yina: Mu tulaka nge samu nge vuanda kukia ya ba insi, samuna kunata mpusu tii na nsuka ya ntoto.⁴⁸Ba pakanu vuandaka yangalala na kuwa yau, ba vuandaka zitisa mambu ya Mfumu, mpe ba yina kubukuluaka luzingu ya ba mvula na mvula lekaka kiminu. ⁴⁹Mambu ya Mfumu vuandaka muangana na insi ya mvimba.⁵⁰Kansi ba yudayo kitumunaka ba kento ke vuminaka Tata Nzambi kele ya kuvengumunua, mpe na ba bakala ya luzitu ya mbanza; ba tukisaka nzomono na Paulu mpe na Banaba, mpe ba kukaka bau na nzaku na bau. ⁵¹Paulu na Banaba kubudilaka bau fundu fundu ya bitambi na bau, bosi ba kuendaka na Ikone, ⁵²Kansi minlongoki vuandaka nya kufulaka na kiese mpe na Mpeve ya Nlongo.

14¹Ntangu bavuandaka na Ikone, Paulu na Banaba kotaka kintuadi na inzo ya lukutakanu ya ba yudao, mpe mambu ba tubaka, salaka ti nkangu ya nene ya ba yudao na ya ba Elene leka kimimu. ²Kansi nkangu yankaka ya bayudao yina lekaka kiminu ve, kitumunaka mpe fuemisaka ba mpeve ya ba pakanu samuna kuvuanda kitantu na ba mpangi.³Kansi ba vuandaka ntangu ya inda kuna Ikone, ba yekamaka na Mfumu samuna kutuba na kivuvu, yandi tubaka kimbangi na mambu ya nlemvo na yandi mpe mangitutkulu na bimangu vuandaka salama na insua na yandi. ⁴Nkangu ya mbanza kabuanaka na ndambu zole, ba yayi samuna ba Yudeo mpe yankaka samuna ba ntumua.⁵Mpe lokola ba pakanu na ba Yudeo vizanaka na mintuadisi na bau, ba bakaka kisalu ya kuvueza mpe ya kulozila bau mabanga, ⁶kansi ntangu Paulu na Banaba kuizaka zaba yau, ba tininaka na mbanza ya Likaoni, na Listila mpe Delebe, mpe na ba buala ya kinzungidila. ⁷Mpe ba samunaka mambu Nsangu ya Mbote kuna.⁸Na Listila, tata mosi ya kuvanguka makulu vuandaka kuna, dikoka ya kubutukila, mpe yandi salaka diata ata kilumbu mosi ve. ⁹Yandi vuandaka kuwa Paulu kutuba. Bosi Paulu sungaminaka yandi mpe ntangu Paulu monaka ti kiminu kele na yandi ya kuniakusua, ¹⁰yandi tubaka na ndinga ya ngolo: Telama ya kusungama na makulu na nge. Mpe yandi telamaka na kudumuka mpe yandi tambulaka¹¹Na kumona yina salaka Paulu, dikabu tombulaka ndinga, mpe tubaka na ndinga ya likaoni: Ba nzambi na kifuani ya muntu me kulumukina beto. ¹²Ba kumaka kubokidila Banaba Yupiteli mpe Paulu Mercure, samu yandi nde vuandaka mpovi ya mambu. ¹³Nganga nzambi ya Yupiteli, yayi vuandaka na kinlongo na yandi ya kutala na nkotolo ya mbanza, nataka ba ngombe na bitendi ya fioti fioti na muelo, samu ba zolaka yoka nkayilu kintuadi, yandi na nkangu.¹⁴Ntangu ba ntumua, Banaba na Paulu kuwaka yau, ba pasulaka mimvuatu na bau, mpe ba kuendaka nsualu kati na dikabu, ¹⁵ba bokaka: O ba bakala, samuna inki beno kena kusala mutindu yina? beto mpe, beto kele bantu bonso beno, mpe beto me natina beno Nsangu ya Mbote, beto kena kulomba beno, beno bika mambu yayi kele ya mpamba, samu beno bangumuka na Nzambi Tata ya moyo, yayi salaka dizulu, ntoto, imbu na nionso kele kati na yau. ¹⁶Ba mvula lutaka, Nzambi Tata bikaka ba insi ya mvimba ba landa ba nzila ya bau mosi.¹⁷mutindu yina ba vuandilaka, kansi ba salaka bika ve kutuba kimbangi na yina yandi kele, na kusalaka mambote, na kunokisila beno bamvula ya dizulu mpe ba nsungi ya mbutulu, na kupesaka beno madia ya kufuana mpe kufuluza kiese na ba ntima na beno. ¹⁸Malu malu yayi kaka, na ba mpova yina nde ba lendaka kakidila dikabu na kuyoka nkayilu na bau ve.¹⁹Na yau, ba Yudao katukaka na Antiokia mpe Ikone nungaka dikabu, bosi na manima ya kulosila paulu mabanga, ba kokaka yandi na nganda ya mbanza, ba banzaka ti yandi kufuaka. ²⁰Kansi ntangu minlongoki zungaka yandi, yandi telamaka mpe kotaka na mbanza. kilumbu landaka mbazi, yandi kuendaka na Delebe kintuadi na Banaba.²¹Ntangu ba manisaka kulonga Nsangu ya Mbote na mbanza yina, mpe ba kitulaka ndonga ya bantu minlongoki, bosi ba vutukaka na Listile, na Ikone mpe na Antiokia, ²²samuna kukindisa mpeve ya minlongoki, ba bombidilaka bau na kusikila na kiminu, mpe ba tubilaka bau ti na nzomono ya kuluta kitezo beto lendaka kotila na kimfumu ya Tata Nzambi.²³Na konso dibundu, ba tulaka bantu na nkumbu ya ngudi za bantu, mpe na manima ya kusambila mpe kumina nsoki, ba yekulaka bau na Mfumu, yayi ba lekilaka kiminu. ²⁴Ntangu ba sabukaka Pisidia, ba kumaka na Pamfilia, ²⁵mpe ba samunaka mambu ya Tata Nzambi na Pelenge, mpe ba kitaka na Atalia. ²⁶Ku katuka kuna, ba sabukaka na kukuenda na Antiokia, kuna nde ba tindaka bau na nlemvo ya Tata Nzambi samuna kisalu yina ba salaka.²⁷Na manima ya ngizulu na bau, ba kutikisaka dibundu, mpe ba tubaka yina Tata Nzambi salaka kintuadi na bau, inki mutindu yandi zibudilaka ba insi kielo ya kiminu. ²⁸Na yau, ba vuandaka kuna ntangu ya yinda na minlongoki.

15¹Ndambu ya ba bakala katukaka Yudeo vuandaka longa ba mpangi a ba bakala, tubaka: Kana beno kele ya kuzengua ve bonso mbueno ya Mose, beno lenda vulusua ve. ²Paulu na Banaba tulaka mpaka na minzonza na bau; na yau, ba mpangi aba bakala zengaka ti Paulu na Banaba mpe na ba yina kele kintuadi na bau, ba kuenda kutana na ba ntumua na Yelusalemi, samuna kumanisa diambu yina.³Na manima ya kukuenda nzila mosi na dibundu, ba tatamanaka nzila na bau na kulutila na Fenike mpe na Salia, ba tubaka nsangu ya mpilulu ya diela ya ba pakanu, mpe kiese ya nene vuandaka na ba mpangi aba bakala. ⁴Ntangu ba kumaka na Yelusalemi, dibundu tambulaka bau, ba ntumua na ba ngudi za nganga, mpe ba tubaka nionso yina Tata Nzambi salaka kintuadi na bau.⁵Na yau, ndambu ya bantu na dikabu ya ba falisi yina lekaka kiminu, ba telamaka mpe ba tubaka ti ya klendaka vuanda mbote ba pakanu zengua mpe beto fueti komikina bau na kukeba nsiku ya Mose. ⁶Na diambu yina, ba ntumua mpe ba ngudi a nganga kutakanaka samuna kufimpa diambu yina.⁷Mpaka na minzonza vuandaka mingi, Petelo telamaka mpe me tubila bau: Ba mpangi a ba bakala, beno me zaba ti kubanda ntama Tata Nzambi solaka muntu kati na beno, samu ti na inua na munu, ba pakanu kuwa mambu ya Masonukua mpe ba baleka kiminu. ⁸Mpe Tata Nzambi yandi me zaba ba ntima, telaka bau kimbangi na ku pesaka bau Mpeve ya Nlongo bonso beto; ⁹na ntangu yandi vedisaka mintima na bau na kiminu, yandi suasisaka beto ata fioti ve na bau,¹⁰Kilokula yayi, samuna inki beno kena kutonta Tata Nzambi, na ntangu beno kena kukanga kizitu na nsingu ya minlongoki, yina kele ti ata ba tata na beto, ata mpe beto, mosi ve lendaka vuata yau? ¹¹Kansi na nlemvo ya Mfumu Yesu beto kena tula kiminu ti beto kele ya kuvulusua mutindu mosi na bau.¹²Lukutukunu ya mvimba ya bantu vuandaka sui, mpe ba kuwaka Banaba na Paulu, ba yayi budilaka beto disolo ya bimangu nionso na bidimbu yina Tata Nzambi salaka kati na ba pakanu na nzila na bau.¹³Na ntangu ba manisaka kutuba, Yakobo bakaka ndinga, mpe me tuba: Ba mpangi ba bakala, beno kuwa munu! ¹⁴Simoni tubaka disolo inki mutindu Tata Nzambi tulaka ntete ntete meso na ba insi samuna kusola kati na bau nkangu yina fueti nata nkumbu na yandi.¹⁵Mpe na yau me fuanana mambu ya ba mbikudi mutindu ya sonamaka: ¹⁶Na manima na yau, mu ke vutuka diaka, mpe mu ke tedimisa fokula yina ya Davidi tulumukaka. Mu ke tungulula nionso yina tulukaka, mpe mu ke dedika yau. ¹⁷Samu ti bantu yina me bikana ba sosa Mfumu, na ba insi ya mvimba diaka yina kena kusambila nkumbu na munu, me tuba Mfumu, yina kena kusala mambu yayi, ¹⁸mpe na ba yina zabaka yau ba mvula na ba mvula nionso.¹⁹Samuna yau, me ndima ti babika tula mpitakani na ba pakanu kena kuviluka na Tata Nzambi, ²⁰kansi beto sonikina bau ba tina masumu ya kusambila biteki, ya kinsuza, ya bibulu ya kufietikusua mpe ya menga. ²¹Samu, kubanda ba mbandu ya ntama, na konso mbanza Mose kele na bantu kena kulonga yau, samu ba ke tangaka yau bilumbu nionso ya lumingu na ba inzo ya tukutukunu.²²Na yau, ba ntumua na ba mbuta za bantu, mpe na dibumdu ya mvimba monaka yau ya mbote, na kusola bantu kati na bau mpe kutinda bau na Antiokia kintuadi na Paulu na Banaba, Yude ke bokuduluaka Balasaba mpe Sila, kele bantu ya luzitu kati na ba mpangi. ²³Ba tambikaka bau mukanda sonamaka mutindu yayi: Ba ntumua, ba mbuta za bantu, ba mpangi, mpe na beno ba mpangi ke vuandaka na ba pakanu, kele na Antiokia, na Silia mpe na Kiliki, mbote!²⁴Ntangu beto kuwaka ti ndambu ya bantukatukaka na beto, mpe beto pesaka bau ata insua mosi ve, na mambu na bau ba kotisaka mvualangani kati na beno mpe ba bungaka miela na beno, ²⁵kansi na manima ya kukutakana kisika mosi, samuna kupona bantu mpe kutindila beno bau kintuadi na nzolua na beto Banaba na Paulu, ²⁶bantu yayi yekulaka miela na bau samuna nkumbu ya Mfumu na beto Yesu Klisto.²⁷Beto tindaka Yude na Sila, ke samunina beno na inua na bau mambu kele na disuasuani ve. ²⁸Samu ya monanaka na Mpeve ya Nlongo mpe na beto ti, beto lenda tuikila beno kizitu yankaka ve, kaka yina kele mfunu, ²⁹kuzaba yayi, beno manga ba nsuni yokuaka samuna biteki, na menga, na bibulu ya kufietikusua, mpe na kinsuza, beno toma kikenga mbote na bima yayi, beno keba ba nzutu na beno. Beno bikana mbote.³⁰Bau, ntangu ba bikaka dibundu, ba kuendaka na Antiokia, kuna ba tambikaka mukanda na nkutakani ya nene ya bantu. ³¹Na manima kutanga yau, ba mpangi vuandaka na kiese samuna lusiamusu ba natinaka bau. ³²Yude na Sila bau mosi vuandaka ba mbikudi, ba bombidilaka bau mpe ba siamisaka bau na mambu mingi.³³Na fintangu ya fioti, ba mpangi bikaka bau na kiyenge samu ba vutuka na bantu yina tindaka bau. ³⁴Kansi Sila monaka mbote na kubikana. ³⁵Paulu na Banaba zolaka bau kuvuanda na Antiokia samuna kulonga mpe kusamuna Nsangu ya Mbote, kintuadi na bantu mingi yankaka.³⁶Ndambu ya bilumbu lutaka, na manima na yau Paulu me tuba na Banaba: Beto vutuka na ba mbanza nionso yina beto samunaka mambu ya Mfumu, samu bet tala ba mpangi kutala ba mpangi na ba mbanza nionso yina beto samunaka mambu ya Mfumu, samuna kuzaba mutindu ba kene kuvuandila. ³⁷Banaba mpe zolaka nata Yoane, ke bokuduluaka Malako; ³⁸kansi Paulu monaka mbote na kunata muntu ve kuenda na bau, yina bikaka bau kubanda Pamfilia, mpe yandi landaka bau ve na kisalu na bau.³⁹Minzonza kubuaka ngolo samuna kuvuanda dituku ya kuvambana ya ba yayi na ba yina. Bosi Banaba bakaka Malako, ba sabukaka na kisanga ya Kipelo. ⁴⁰Paulu solaka Sila, mpe yandi kuendaka na kufidusua na ba mpangi na nlemvo ya Mfumu. ⁴¹Yandi zietilaka na Siria mpe na Siliki samuna kusiamisa mabundu.

16¹yandi kuendaka diaka na Delebe mpe na Listela. Tala, Nlongoki mosi na nkmbu ya Timoteo vuandaka kuna, muana ya mama mosi ya Yuda lekaka kiminu mpe ya tata mosi ya Elene. ²Bampangi ya Listila mpe ya Ikone tubaka kimbangi mosi ya mbote samuna yandi. ³Paulu zolaka kuenda na yandi; bosi ntangu yandi kuwaka yau, Paulu zengaka yandi samuna ba yuda yina vuandaka vana, bosi mpe bantu nionso zabaka ti tata na yandi vuandaka muntu ya Elene.⁴Ntangu ba lutilaka na ba mbanza, ba tuminaka ba mpangi ba landa nzengolo ya ba ntumua mpe ya ba ngudi za bantu ya Yelusalemi. ⁵Mabundu vuandaka siamisua na kiminu, mpe ntalu ya bantu vuandaka tombuka konso kilumbu.⁶Ntangu Mpeve ya Nlongo kakidilaka bau ba samuna mambu ya Ya Tata Nzambi na Asia ve, ba sabukaka Filingia mpe insi ya Ngalatia. ⁷Ba kumaka penepene ya Misia, ba vuandaka kubama na kukota na Bitinia; kansi Mpeve ya Kliisto pesaka bau insua ve. ⁸Na yau, balutaka Misia mpe ba kitaka na Toloa.⁹Na mpimpa, Paulu monaka mona meso: Muntu mosi ya Makedonia biminaka yandi, mpe sadilaka yandi kisambu yayi: Luta na Makedonia, sadisa beto! ¹⁰Na manima ya mona meso yina ya Paulu, beto sosaka ku kuenda na Makedonia, na nzengolo ti Mfumu bokilaka beto na ku samuna Nsangu ya Mbote.¹¹Ntangu beto katukaka na Toloa, beto sabukaka mbala mosi na Samotalake, mpe kilumbu landaka beto sabukaka na Neapoli. ¹²Kukatuka kuna, beto kuendaka na Filipo, yayi kele mbanza ya ntete na kizunga ya mvimba ya Makedonia, mpe ya kele kizunga kena kuyalua. Beto lutisaka ndambu ya bilumbu na mbanza yina. ¹³Kilumbu ya lumingu, beto kuendaka na nganda ya kielo, na nzila ke kuendaka na maza, beto banzaka ti ya kele kisika ya lusambulu. Beto vuandaka, mpe beto tubaka na ba kento kutakanaka.¹⁴Mosi na bakento kele na nkumbu ya Lidia, nteki ya bilele, muntu ya mbanza ya Tiatila, vuandaka nkento ya kuvumina Tata Nzambi, mpe yandi vuandaka kuwa. Mfumu zibulaka yandi ntima, samuna kutula makutu mbote mbote mpe kuwa yina Paulu vuandaka tuba. ¹⁵Ntangu yandi botukuaka na inzo na yandi, yandi lombaka beto: Kana beno me mona ti mu kele ya kukuikama na Mfumu, beno kota na inzo na munu, mpe beno vuanda awa. mpe yandi bombidilaka beto mingi.¹⁶Lokola bato vuandaka kuenda na kisika ya lusambulu, kisadi mosi ya nkento vuandaka na mpeve ya mboma ndongo, bosi na kufiela mabanza, nzoka yandi vuandaka pesaka ndandu mingi na bamfumu na yandi, kansi ya kuizaka na ntuala na beto, ¹⁷mpe yandi bandaka kulanda Paulu na beto. Yandi vuandaka boka: Bantu yayi kele bisadi ya Tata Nzambi kele ya kuluta kuzangama, mpe ba kena kusamunina beto nzila ya mpulusu. ¹⁸Bilumbu mingi yandi salaka yau. Paulu lembaka mpe yandi vutukaka, bosi metuba na mpeve: me tumina nge, na nkumbu ya Yesu Klisto, na kubima na nzutu ya nkento yayi. Mpe na kilokula yina kaka ya bimaka.¹⁹Ntangu ba mfumu ya kisadi monaka ti kivuvu kele diaka na ndandu na bau, ba kangaka Paulu na Sila mpe ba kokaka bau na kisika ya nkangu na ntuala ya mimfundisi. ²⁰Ba monisaka bau na minyadi, ba tubaka: Bantu yayi kena kutula mvualangani na mbanza na beto, ba kele ba Yuda, ²¹bau kena kusamuna kinkulu kele na luve ve ya kubaka mpe ya kulanda ve, na beto kele bantu ya Loma.²²Nkangu mpe nangumukinaka ba, bosi ntangu minyadi pesaka insua ya kukatula bau bilele, ba tuminaka ba bula bau bikoti. ²³Na manima ya kubula bau bikoti, ba lozaka bau na biloko, mpe batubaka na minkengi ba kengila bau mbote mbote. ²⁴Ntangu minkengi bakaka insu yina, ba lozaka bau na boloko ya kati, mpe ba tulaka bau bisembua na makulu.²⁵Na tati kati ya mpimpa, Paulu na Sila vuandaka sambila mpe kuyimbila miyimbu ya nkembo ya Tata Nzambi, mpe ba nkole vuandaka kuwa bau. ²⁶Ntoto nikukaka na bui, na mutindu ti, tufulu ya boloko nikukaka; na mbala mosi, bielo nionso zibukaka, mpe tuvambu vuandaka na bankole nionso zibukaka.²⁷Nkengi ya bankole lamukaka, mpe ntangu yandi monaka bielo ya boloko ya kuzibuka, yandi banzaka ti ba nkole nionso me masa tina, yandi volaka kisabala samuna kukivanda, ²⁸Kansi Paulu bokaka na ndinga ya ngolo: kukisala imbi ve, beto nionso kele awa.²⁹Na yau, ntangu nkengi ya boloko lombaka kia, yandi kotaka malu mpe kukilozaka na kuzakama na makulu ya Paulu na Sila; ³⁰ba bimisaka yandi, mpe yandi yuvulaka: Mfumu, inki mu lenda sala samu mu vuluzua e? ³¹Paulu na Sila vutudilaka yandi: Leka kiminu na Mfumu Yesu mpe nge ke vuluzua , nge na inzo na nge.³²Bosi ba samunaka mambu ya Mfumu, na bantu nionso vuandaka na inzo na yandi. ³³Yandi bakaka bau na mpimpa yina, yandi sukulaka ba mputa na bau bosiya botukuka, yandi na ba yina ya yandi. ³⁴Ntangu yandi nataka bau na inzo na yandi, yandi pesaka bau madia, mpe yadi vuandaka na kiese na kumona inzo ya mvimba lekaka kiminu na Tata Nzambi. sepelaka kintuadi na inzo na yandi³⁵Ntangu buisi kukiaka, minyandi tindaka makesa ba tuba na minkengi ya bankole: bikidila bantu yayi. ³⁶Mpe nkengi samunaka mambu yina na Paulu: minyadi me tinda ntumua na kuzabisa beno ti beto bikidila beno;beno bima malu malu yayi, mpe beno kuenda na yenge.³⁷Kansi Paulu me tuba na makesa: Na manima ya kubula beto bikoti na meso ya nkangu mpe kondua kusamba, beto yayi kele bantu ya Loma, beno lozaka beto na boloko, bosi ntangu yayi beno kena bimisa beto na kinsueki! Ya lendaka vuandila mutindu yina ve. Bika bau mosi kuiza bimisa beto. ³⁸Makesa kuendaka zabisa mambu yayi na minyadi, wonga builaka bau ntangu ba kuwaka ti ba vuandaka bantu ya Loma. ³⁹Ba kuizaka bondila bau, bosi ba bimisaka bau na boloko, mpe ba lombaka bau ba bima na mbanza.⁴⁰Ntangu ba bimaka na boloko, ba kotaka na inzo ya Lidia, mpe na manima ya kumona mpe kusiamisa ba mpangi, ba kuendaka.

17¹Paulu na Sila lutilaka na Amfipoli mpe na Apolonia, mpe ba kumaka na Tesalonikakuna ba yuda vuandaka na inzo ya lukutukunu. ²Paulu kotaka bonso kele kifu na yandi. yandi sololaka ba bau na tumingu tatu mambu ma tadila Masonuku ya Nlongo,³yandi bangulaka mpe songaka ti Klisto fueti lungua kuama, kansi yandi kefuluka na bafua. Bosi Yesu yayi mu kena ku samuna beno vuandaka tuba: Yande nde kele Klisto. ⁴Ndambu ya nkaka ya bantu kati na bau lekusuaka kiminu, mpe ba vukanaka na Paulu na Sila, na nkangu ya nene ya ba Elene kele na vumi ya Tata Nzambi, na ba kento mingi ya luzitu.⁵Kansi ba yuda ya kimpala bakaka ndambu ya babakala ya ntima imbi kati na nkangu, ba tukisaka nkutakani ya bantu samuna kutula mvualangani na mbanza. Ba telamaka na inzo ya Yasoni mpe ba sosaka Paulu na Sila, samuna kunata bau na ntuala ya nkangu. ⁶Lokola ba monaka bau ve, ba kokaka Yasoni na ndambu ya ba mpangi na ntuala ya mimfundisi ya mbanza, na kutubaka ti: Bantu yayi nataka nsobolo na inza me kuiza diaka awa, mpe ⁷Yasoni yambaka bau. Bau nionso kena kusala mutindu yina, kena kuzitisa nsiku ya Kaisala ve, ba kena kutuba ti ntinu ya nkaka kele, Yesu.⁸Na ba mpova yina, ba me vinzula ba ntima ya nkangu na ya mimfundisi, ⁹ba bikidilaka Yasoni na ba yankaka, ti ntangu ba futaka bau mbongo.¹⁰Na mbueto a meso, na mpimpa, ba mpangi tinisaka Paulu na Sila, samuna kukuenda na Belea. Ntangu ba kumaka, ba kutaka na inzo ya lukutukunu ya ba Yuda. ¹¹Ba Yuda yina vuandaka na lutila ba tesalonika na kikadulu ya mbote; Ba tambulaka mambu ya Tata Nzambi na vema nionso, mpe ba vuandaka fiongunina masonukua konso kilumbu, samu na kutala kana yina ba vuandaka zabisa bau ya kedika. ¹²Bantu mingi kati na bau lekaka kiminu, na ba kento mingi ya luzitu kele ya elene, mpe na ba bakala.¹³Kansi ntangu ba Yuda ya Tesalonika bakusaka ti Paulu vuandaka samuna mambu ya Tata Nzambi na Belea, ba kuizaka kitumuna nkangu. ¹⁴Na yau, kaka na mueto a meso, ba mpangi tinisaka Paulu na ndambu ya imbu; kansi Sila na Tzimoteo bikanaka na Belea. ¹⁵Ba yina kuendaka na Paulu, ba nataka yandi tii na Atene. Bosi ba bavutukaka, kansi Paulu tuikilaka bau mambu ya kutuba na Sila mpe na Timoteoti ba zingila ve, ba landa yandi nsualu.¹⁶Lokola Paulu vuandaka vingila bau na Atene, yandi monaka kati na yandi mpeve kena kufukuta na nganzi, samu yandi monaka biteki ya kufuluka mbanza yina. ¹⁷Yandi vuandaka mokasana na kati ya inzo ya lukutukunu na ba Yuda mpe na bantu ke vuminaka Tata Nzambi, mpe na ba yina yandi vuandaka kutana na bau konso kilumbu na kisika ya nkangu.¹⁸Ndambu ya mimfiongunini ya Epikuli mpe na Stoika kumaka kusolola na yandi. Mpe ba yayi vuandaka tuba: mpovi yayi, inki ya zola tuba e? Ba yankaka ti, beto kuwaka yandi kusamuna Yesu mpe na mfulukulu, ba vuandaka tuba: kamba yandi kena kusamuna mambu ya kinzambi ya ba nzenza.¹⁹Na yau, ba bakaka yandi mpe ba nataka yandi na lukutukunu ya ba mfundisi, ba tubaka ti: Nga beto lenda zaba kana inki ndongosolo ya impa yayi nge kena kulonga beto e? ²⁰Samu beto kena kuwa nge kutuba mambu ya kinzenza. Beto zola zaba inki ya lenda vuanda. ²¹Nzoka, bantu ya Atene mpe ba nzenza ke zingilaka na Atene vuandaka lutisa ntangu na bau na kuwa mambu ya impa.²²Paulu ya kutelama na kati ya lukutukunu ya ba zuzi, me tuba: Ba bakala ya Atene, nionso yina mu kena kumona, beno kele na vema ya kusadila Tata Nzambi. ²³Samu ntangu ma zieta na mbanza na beno, me mona ndandu ya bima ya kukipesa na beno, nkutu mu kuendaka mona na kati ya kinlongo na bano masono yayi: Na nzambi zabakana ve! Yina beno ke fukamenaka kondua kuzaba, yandi mu kena ku samunina beno.²⁴Tata Nzambi yayi salaka inza mpe nionso kele kati na yau, yandi kele Mfumu ya zulu mpe ya ntoto, kansi yandi ke vuandaka na binlongo me salama na diboko ya muntu ve, ²⁵mpe ba kesadisaka yandi na maboko ya bantu ve, bonso kaka yandi kele na nsatu ya konso kima, yandi ke pesaka na bantu nionso moyo, muela, mpe bima nionso.²⁶Yandi salaka ti bantu ya makanda nionso, bimaka na menga mosi ba vuanda na zulu ya ntoto, yandi zengaka ba ntangu ya luzingu mpe yandi tulaka ba ndilu na lupangu na bau; ²⁷yandi zolaka kusosa Mfumu, mpe ba monaka yandi na kingolo na kumeka meka, kansi yandi ke vuandaka ntama ve na konso muntu,²⁸na yau samuna yandi beto kele na moyo, kunikuzuka mpe kuzinga. Ndambu yankaka ya ba nsoki a miyimbu tubaka yau: Na yandi beto kele bantu... ²⁹Na yau, lokola beto kele bantu ya Tata Nzambi, beto lenda ndima ve ti kinzambi fueti fuanana na wolo, na palata, to na mabanga me valua na kinkete na inzo ya kisalu ya muntu.³⁰Tata Nzambi, samuna kukondua ku tala ntangu ya bunzimbu, ntangu yayi yandi kena kusamuna na bantu nionso, kele na bisika nionso ti, bika ba vilula ba ntima, ³¹samu yandi kubikaka kilumbu yandi ke fundisa inza na lunungu nionso, na nzila ya muntu yandi ponaka, yina bantu zabaka ntangu yandi kufulukisaka yandi na bafua...³²Ntangu ba kuwaka diambu ya mfulukulu ya bafua, ba yayi vuezaka bau, mpe ba yanyina tubaka: Na mambu yayi, beto ke kuwa nge ntangu yankaka. ³³Bosi Paulu kukikatulaka na kati na bau. ³⁴Ndambu yankaka namaka yandi mpe ba lekaka kiminu, Dionisio, nkutikisi ya Ba zuzi, nkento mosi na nkumbu ya Damali, mpe na ba yankaka vuandaka na bau.

18¹Na manima na yau, Paulu katukaka na Atene, mpe yandi kuendaka na Kolinto. ²Kuna yandi monaka muntu mosi ya Ponto na nkumbu ya Akila, ntama ve ba katukaka na Italia na nkento na yandi Plisilia, samu Klaudio tuminaka ba Yuda nionso ba vuanda diaka na Loma ve. Buna Paulu kumaka kintuadi na bau; ³mpe lokola kisalu na yandi vuandaka mutindu mosi na bau, kuna ba sanganaka samuna kusala kisalu: ya kutunga ba inzo ya ngoto.⁴Paulu vuandaka tuba konso kilumbu ya lumingu na inzo ya lukutukunu, mpe yandi lekisaka ba Yuda na ba Elene kiminu. ⁵Kansi ntangu Sila na Timoteo katukaka na Makedonia, ba kukipesaka mvimba na mambu ya Mfumu, samuna kusikidikisa ba Yuda ti Yesu Vuandaka Klisto. ⁶Kansi Ba Yuda bangikaka na kukakidila mpe ba bandaka kufinga, bosi Paulu fumfumunaka bilele na yandi, me tubila bau: Bika menga na beno tiamuka na intu na beno! Na yau mu kele ya kuvedila. Kubanda kilokula yayi, mu ke kuenda na ba pakanu.⁷Bosi ntangu yandi bimaka, yandi kotaka na inzo ya Yustu, muntu ke vuminaka Tata Nzambi, mpe inzo na yandi ya kufinama na inzo ya lukutukunu. ⁸Kansi mfumu ya inzo ya lukutukunu, Klispo, lekaka kiminu na Mfumu na inzo na yandi ya mvimba. Mpe bantu ya Kolinto mingi yina kuwaka Paulu, lekaka mpe kiminu, bosa ba botukuaka.⁹Na mpimpa, ntangu yandi lekaka, Mfumu me tuba na Paulu na mona meso: Ku mona wonga ve, kansi tuba, mpe kukanga inua ve, ¹⁰samu mu kele na nge, mpe muntu mosi ve ketula nge diboko samuna kusala nge imbi: tuba, samu mu kele na nkangu mingi na mbanza yayi. ¹¹Bosi Paulu vuandaka na Kolinto mvula ya mvimba na ba ngonda sambanu, samuna kulonga mambu ya Tata Nzambi kati na bakolinto.¹²Na ntangu Ngalio vuandaka nyadi ya Akaya, ba Yuda nangumukinaka Paulu bau nionso mbala mosi, mpe ba nataka yandi na ntuala ya kiandu ya nsambusulu, ¹³ba tubaka: Muntu yayi kena kusindikila bantu ba sadila Tata Nzambi na kukondua kuzitisa minsiku.¹⁴Paulu zolaka zibula inua, ntangu Ngaliome tuba na ba Yuda: Kana ya vuandaka diambu ya kukondua lunungu to na nsadulu ya ntima imbi, mu zolaka kuwa mpe kunungisa beno, Ô ba Yuda; ¹⁵kansi kana ya kele diambu ya kutula mpaka na mambu ya tata Nzambi, na ba nkumbu, mpe na ba nsiku na beno, ya me tala beno: mu zola vuanda mfundisi ya mambu yayi ve.¹⁶Bosi yandi bimisaka bau na inzo ya mfundusu. ¹⁷Na yau, bau nionso builaka Sostene, nkuluntu ya inzo ya lukutukunu, ba bulaka bua bikoti na ntuala inzo ya mfundusu, mpe ya salaka kuani Ngalio mpasi ve. .¹⁸Paulu tomaka vuanda mingi na Kolinto. bosi yandi bikaka ba mpangi, samuna kusabuka na Silia, kintuadi na Pliskilia mpe na Akila, na manima kuzengisa nsuki na Kolinto, samu yandi silaka nsilulu. ¹⁹Ba kumaka na Efeso, mpe Paulu bikaka kuna, bantu zietaka na yandi. Ntangu yandi kotaka na inzo ya lukutukunu, yandi sololaka na ba Yuda,²⁰ba yayi lombaka ti yandi lambula fioti bilumbu. Kansi yandi ndimaka ve, ²¹mpe yandi kuendaka, mpe me tuba: Nkinzi ya Pas kena kuiza, mu fueti sala yau na Yelusalemi. Mu ke vutukila beno, kana Tata Nzambi me zola. Bosi yandi katukaka na Efeso.²²Na ntangu yandi sabukaka na Kaesalia, yandi tombukaka na yelusalemi, mpe na manima ku pesa dibundu mbote, yandi kitaka na Antiokia. ²³Ntangu yandi lutisaka ndambu ya bilumbu na Antiokia, Paulu bakaka nzila ya kulandikisa nzietolo na yandi na Ngalatia, mpe Filingia samuna kusiamisa minlongoki.²⁴Nyuda mosi na nkumbu ya Apolo, muntu ya Alesanda, muntu ya ludede mpe ya kusiama na masonukua, kuizaka na Efeso. ²⁵Yandi tuadusuaka na nzila ya Mfumu, mpe yandi kele na vema na kimpeve, yandi samunaka mpe longaka na kedika nionso dimbu me tadila Yesu, ata ko yandi zabaka kaka mbotokolo ya Yoane. ²⁶Yandi bandaka kutuba na inzo ya lukutukunu na kimpuanza. Ntangu Akila na Pliskilia kuwaka yandi, ba bakaka yandi, mpe ba bangudilaka yandi na kedika ya mvimba nzila ya Tata Nzambi.²⁷Lokola yandi zolaka luta na Akaya, ba mpangi kindisaka yandi, na kusonikina minlongoki ba yamba yandi mbote. Ntangu yandi kumaka, na nlemvo ya Tata Nzambi, yandi kimonaka mfunu mingi na bantu lekaka kiminu; ²⁸Samu na meso ya nkangu yandi vuandaka vutula ba Yuda na masonukua, ti Yesu kele Klisto.

19¹Na ntangu Apolo vuandaka na Kolinto, na manima kuzietila ndambu ya insi ya kuzangama ya Asia, Paulu kumaka na Efeso. kuna yandii kutaka ndambu ya minlongoki, ²mpe me tubila bau: Ntangu beno lekaka kiminu, beno tambulaka Mpeve ya Nlongo e? Ba vutudilaka yandi: Beto kuwa ntete ve muntu tuba ti Mpeve ya Nlongo ke vuandaka.³Yandi me tuba: Inki mbotokolo beno bakaka e? ba vutulaka: mbotokolo ya Yoane. ⁴Bosi Paulu tubakaYoane botikaka mbotokolo ya mpilulu ya diela, yandi tubaka na nkangu na kuleka kiminu na yina kena kuiza na manima na munu, ya zola tuba, na Yesu Klisto.⁵Na mpova yina, nde ba botukuaka na nkumbu ya Mfumu Yesu. ⁶Ntangu Paulu tulaka bau maboko, Mpeve ya Nlongo me kitila bau, mpe ba bandaka kutuba na tudimi mpe ba vuandaka bikula. ⁷Ba vuandaka kitezo ya ba bakala kumi na zole.⁸Bosi Paulu kotaka na inzo ya lukutukunu, kuna yandi vuandaka na kimpuanza ya kutuba. Yandi tubilaka na ba ngonda tatu, mambu me tadila kimfumu ya Tata Nzambi, yandi salaka ngolo na kulekikisa kiminu na bayina vuandaka kuwa yandi. ⁹Kansi lokola ba yankaka badisaka ntima mpe ba lekaka kiminu ve, ba vuandaka tubila nzila ya Mfumu na ntuala ya dikabu ya bantu, yandi bikaka bau, mpe vambisaka minlongoki, bosi yandi longaka konso kilumbu na sikulu kele na nkumbu ya Tilano. ¹⁰Ya salaka ba mvula zole, samu ba yina nionso ke zingaka na Asia, ba Yuda mpe ba Elene, kuwaka mambu ya Mfumu.¹¹Bosi Tata Nzambi vuandaka sala bimangu ya kuluta kitezo na maboko ya Paulu, ¹²ba kumaka na kitezo ya kuvinza na ba mbevo bilele to musualu yayi simbaka nzutu na yandi, mpe bimbevo vuandaka katuka, mpe na ba mpeve ya imbi vuandaka bima.¹³Ndambu ya ba yuda ke lozilaka bantu bimbevo mekaka kusambila nkumbu ya Mfumu yesu samu ba mpeve ya imbi bima na bantu vuandaka na yau, na kutuba: Me lomba na beno na nkumbu ya Yesu yayi Paulu kena kulongila! ¹⁴Bantu vuandaka sala mambu yina kele bana nsambodia ya Skeva, Nyuda, mosi ya ba ngudi a nganga.¹⁵Mpeve ya imbi vutudilaka bau: Me zaba Yesu, mpe me zaba Paulu kele nani; bosi beno, ba nani beno kele? ¹⁶Mpe muntu yayi vuandaka na mpeve ya imbi builaka bau, yandi bandaka kuyala bau zole, mpe yandi muesaka bau mpasi, ya kumaka ti bantu yina lualaka mpe ba tinaka na inzo yina na bilele ve na nzutu. ¹⁷Mambu yina kuizaka zabakana na ba yuda nionso, mpe na Elene nionso vuandaka zinga na Efeso, bosi wonga builaka bau nionso, mpe nkumbu ya Mfumu Yesu zitusuaka.¹⁸Bantu mingi lekaka kiminu vuandaka kuiza funguna mpe ba tubaka mambu yina ba salaka. ¹⁹Bosi fintalu ya bantu yina vuandaka sala bimpangula nataka mikanda na bau, yayi yokuaka na ntuala ya bantu nionso: Ntalu ya mikanda yina lendaka tekukila na mafunda tanu ya mbongo. ²⁰Yau yina nde mambu ya Mfumu vuandaka nieka na kilendo mpe na ngolo.²¹Na manima kulutisa mambu yayi, Paulu bakaka lukanu ya kukuenda na Yelusalemi, kansi yandi fueti sabuka Makadonia na Akaya. yandi vuandaka tuba ti ntangu mu ke vuanda kuna, mu fueti mona Loma. ²²Yandi tindaka bisadi zole yayi vuandaka sadisa yandi Timoteo na Elasto, kansi yandi mosi bikanaka fintangu diaka na Asia.²³Na ntangu yina mvualangani kotaka kotaka na diambu me tadila nzila ya Mfumu. ²⁴Muntu mosi na nkumbu ya Demetilio, vuandaka sala ba inzo ya lusambulu ya Diana na palata, mpe yandi vuandaka pesa nluta ya kufuana na bisadi na yandi. ²⁵Yandi kutikisaka bau kintuadi na ba yina vuandaka sala kisalu mosi., mpe me tuba: O ba bakala, beno me zaba ti luzingu na beto kele kaka na kisalu yayi;²⁶mpe beno kena kuwa ti na Efeso kaka ve, kansi fioti kaka me bikana nga na Asia ya Mvimba, Paulu yayi lekisaka bantu kiminu mpe yandi me zimbisa nkangu ya bantu na kutuba ti: banzambi yayi salamaka na maboko kele banzambi ve. ²⁷Kisumbula kele ti kisalu na beto kaka ve ke vuezuka; kansi diaka inzo ya lusambulu ya ntinu a nkento Diana ke vuezuka mpamba, ata mpe kintinu ya nkento yayi zanguluaka na Asia ya mvimba, mpe na inza ya mvimba ke kitulua kima ve.²⁸Ba mpova yina fuemisaka bau, ba bandaka kuboka: nzambi ya nene kele kaka Diana ya Efeso! ²⁹Mbanza ya mvimba vuandaka zengele zengele. Ba lundumukaka nsualu na mbala mosi na nzila ke songuaka bimpa, ba bendaka na ndambu na bau Ngayo na Alistalako, bantu ya Madonia, bantu vuandaka zieta na Paulu.³⁰paulu zolaka kuenda ntuala ya nkangu, kansiminlongoki kakidilaka yandi; ³¹fi dikabu ya bantu ya Asia yayi vuandaka ba kundi na yandi, tindilaka yandi inua samu yandi kuenda ve na kisika ke songuaka bimpa. ³²Ba yayi vuandaka boka mutindu yayi, mpe ba yina mutindu yina, samu mvualangani vuandaka na nkutakani, mpe fioti kaka nga bantu nionso vuandaka zaba ve samuna inki ba kutakanaka.³³Bosi babimisaka Alesande na nkangu, yayi ba yuda vuandaka nunguna na ntuala, bosi Alesande salaka kisinsu na diboko, samu yandi zolaka tuba na nkangu. ³⁴Kansi ntangu ba kuizaka zaba ti yandi vuandaka Nyuda, na ndinga mosi bau nionso bokaka kitezo ya ba wola zole: Ya nene kele Diana ya bantu ya Efeso!³⁵Na yau, kalaka dingimisaka nkangu, me tuba: Ba tata ya Efeso, nani zaba ve ti mbanza ya Efeso kele nlundi ya kinlongo ya Diana ya nene mpe na kiteki na yandi sotukaka na zulu? ³⁶Lokola muntu lenda manga yau ve, beno fueti dingama, mpe kusala kima mosi ve na nsualu nsualu. ³⁷Samu beno nataka bantu yayi kubua na nsiku ya kusekinina kinlongo ve, mpe ba tiaka nzambi na beto ya nkento ve.³⁸Kana Demetilio na makesa na yandikele na diambu na muntu, bilumbu ya nkutakani ya kuzingula mambu kele, mpe ba kuluntu kele; ba yayi na bayina ba bokasana samuna mimfundu. ³⁹Kana beno kele na nsatu ya mambu yankaka, beto ke ke kubika yau na lukutukunu yayi nsiku me pesila insua. ⁴⁰Na yau, beto lenda kubua na mambu, mpe ba lenda funda beto na mambu me luta bubu yayi, samu beto kele na kibila ve ya kusasila bantu mfunu ya lukutukunu yayi. ⁴¹Na manima ya ba mpova yayi, yandi muangisaka nkangu.

20¹Ntangu Mvualangani manisaka, Paulu kutikisaka minlongoki, bosi na manima ya kusiamisa bau, yandi kuendaka na Makedonia. ²Yandi zunganaka na ndambu yina, na kusiamisa minlongoki na mambu mingi. Bosi yandi kuendaka na Elene, ³kuna yandi salaka ba ngonda tatu. Yandi vuandaka ya kukubama na kukuenda na Silia, na ntangu ba Yuda tambilaka yandi mutambu. Na yau yandi bakaka nzengolo ya kuvutukila nzila ya Makedonia.⁴Na kukuenda tii na Asia, yandi vuandaka na Sopato ya Belea, muana ya Pilo, Alistalako na Sekundo, muntu ya Tesalonika, Ngayo ya delebe, Timoteo, na Tikiko na Tolofimo, bantu ya Asia. ⁵Ba yayi vitaka intu, mpe ba vingilaka beto na Toloa. ⁶Samuna beto, na manima ya kilumbu ya mampa ya kufunusua ve, beto sabukaka na Filipi, na bilumbu tanu, beto landaka bau na Toloa, kuna beto vuandaka bilumbu nsambodia.⁷Kilumbu ya ntete ya sabala, beto kutakanaka na samuna kubukuna dimpa. Paulu, zolaka kuenda kilumbu landaka, yandi vuandakamokana na minlongoki, mpe yandi lambulaka mbokasani tii na kati kati ya mpimpa. ⁸Ba minda vuandaka mingi na disuku ya zulu kisika beto kutakanaka.⁹Nzoka ntuenia mosi ya bakala na nkumbu ya Eutiko, vuandaka na nela, yandi lekaka pongi ya ngolo samu malongi ya Paulu vuandaka inda; yandi natukaka na pongi, mpe yandi kubuaka katuka na mbandu ya tatu tii na ntoto, ba lamusaka yandi ya kufua. ¹⁰Kansi ntangu Paulu kitaka, yandi yekaminaka ntuenia yina mpe bakaka yandi na maboko na yandi, me tuba: Beno vizuka ntima ve, samu muele na yandi kele kaka na yandi.¹¹Ntangu yandi tombukaka, yandi bukunaka dimpa mpe yandi kudiaka, bosi yandi tatamanaka kutuba tiin buisi kukiaka. Na manima na yau, yandi kuendaka. ¹²Ba nataka ntuenia ya bakala ya moyo, mpe ya vuandaka diambu ya lubombolo.¹³Samuna beto, beto tuaminaka Paulu na nzaza, mpe beto sabukaka Aso, kuna bato wizanaka kubaka diaka yandi, samu yandi zolaka diata na makulu. ¹⁴Ntangu yandi landaka beto na Aso, beto kotisaka yandi na nzaza, mpe beto kuendaka na Mitilene.¹⁵Kukatuka kuna, beto tatamanaka na nzila ya imbu, beto kumaka kilumbu landaka mbunzu na mbunza na Kio. Kilumbu landaka, beto sbukaka na kukuenda na Samo, bosi kilumbu mosi lutaka, beto kuizaka na Mileto. ¹⁶Paulu monaka mbote beto lutila na Efeso kondua kutelama, samu beto fukisa ntangu na Asia ve; samu, kana ya lendakana, yandi vuandaka kuenda nsualu samuna kukuma na Yelusalemi na kilumbu ya Pentekoti.¹⁷Na yau, kukatuka na Mileto, Paulu tindaka bantu kuenda landa ba ngudi za bantu ya dibundu na Efeso. ¹⁸Ntangu ba kumaka kisika yandi vuandaka, yandi tubilaka bau: Beno me zaba inki mutindu, kubanda kilumbu ya ntete mu kotaka na Asia, mu tatukilaka beno ve, ¹⁹mu sadilaka Mfumu na luyinunu ya mvimba, na mansanga, mpe na kati ya ba ntontolo yina ba Yuda vuandaka tudila munu. ²⁰Beno me zaba ti mu suekilaka beno kima ve na yina vuandaka mfunu, mpe mu monaka wonga ve na kulonga beno mpe ku tangisa beno na ntadisi ya nkangu mpe tii na ba inzo, ²¹kusamuna na ba Yuda mpe na ba Elene mpilulu a madiela na Tata Nzambi mpe kulekila Mfumu na beto Yesu Klisto kiminu.²²Tala ntangu yayi, ya kukangama na Mpeve, me kuenda na Yelusalemi, mu zaba ve inki diambu ke kumina munu kuna; ²³kukuenda kaka mbanza na mbanza, Mpeve ya Nlongo kena kukebisa munu ti nzungu na kuama kena kuvingila munu. ²⁴Kansi mu kena kumona luzingu na munu mpamba, ya vuandaka bonso kitoko, bika kaka mu lungisa nsilulu na munu na kiese, na kisielo yayi mu bakaka na Mfumu Yesu, ya kusamuna Nsangu ya Mbote na nlemvo ya Tata Nzambi.²⁵Mpe tala ntangu yayi, me zaba ti beno ba yayi mu longilaka Kimfumu ya Tata Nzambi kati na beno, beno ke mona diaka ilungi na munu ve. ²⁶Yau yina mu kena kusikidikisa bano bubu yayi ti mu kele ya kuvedila na menga na beno nionsi, ²⁷samu mu samunaka beno ndongi nionso ya Tata Nzambi, mpe mu suekilaka beno kima ve.²⁸Beno kukikeba beno mosi, mpe na dikamba ya mvimba ya bantu yina Mpeve ya Nlongo tulaka beno mimvungi, samuna kudikila dibundu ya Mfumu, yandi bakaka na menga na yandi mosi. ²⁹Me zaba ti na manima ngiendolo na munu, ba mevua ya nsisi ke kota, mpe ke vambula dikamba ve, ³⁰mpe kati na beno kele na bantu ke longa mambu ya nzimbukusu, samuna kuvukumuna minlongoki ba landa bau.³¹Na yau, beno kaya meso, beno bambuka moyo ti mu tatamanaka ba mvula tatu kusiamisa mosi mosi na beno ntangu nionso na kinsanga na meso. ³²Na ntangu yayi mu kena ku yekula beno na Tata Nzambi mpe na mambu ya nlemvo na yandi, samu yandi kaka lenda siamisa beno mpe kupesa difua na ba nlongo nionso.³³Mu zininaka moyo na palata ve, na wolo ve, na mvuatu ya muntu ve. ³⁴Beno me zaba benomosi ti maboko yayi sadisaka ba nsatu na munu mpe na bantu yina vuandaka na munu. ³⁵Mu monisaka beno ti na kusala mutindu yina, beno lenda sadisa ba yina kele ya kulebakana, mpe ku bambuka moyo na mambu ya Mfumu, yayi yandi tubaka yandi mosi: Mambote ya kuluta kele na muntu ke pesaka kansi na muntu ke bakaka ve.³⁶Na manima kutuba mutindu yina, yandi fukamaka, yandi sambilaka na bau nionso. ³⁷Bosi bau nionso vuandaka dila, mpe ba vita Paulu na nsingu, samuna kuyamba yandi, ³⁸kiadi lutilaka bau na yina yandi tubaka ti ba ke mona diaka ilungi na yandi ve. Bosi ba kuendaka bika yandi tii na nzaza.

21¹Na manima kuvambana, beto sabukaka na kukuenda mbala mosi na Ko, mpe kilumbu landaka beto kuendaka na Lodo, bosi kukatuka kuna beto kuendaka na Patala. ²Mpe ntangu beto monaka nzaza vuandaka kuenda na Fenike, beto kotaka mpe beto kuendaka.³Ntangu beto monaka kisanga ya Kipelo, beto bikaka yau na lumonso, beto tatamanaka nzila na beto na ndambu ya Silia, beto kuendaka na Tilo, kuna ba fuana kitisa bizitu vuandaka na Inzo. ⁴Beto monaka minlongoki, mpe beto sala sabala ya mvimba vana. Mpeve sadilaka minlongoki ba vuandaka tuba na Paulu yandi tombuka na Yelusalemi ve.⁵Kansi, ntangu beto kumaka na nsuka ya bilumbu nsambodia, beto katukaka samuna kukuenda, bau nionso kuendaka bika beto, na ba kento na bana na bau tii na nganda ya mbanza. Beto kufukama na disimu, mpe beto sambilaka. ⁶Bosi ntangu beto vambanaka ba yayi na bayina, beto kotaka na nzaza, mpe bavutukaka na ba inzo na bau.⁷Ntangu beto manisaka kusabuka, beto kuendaka katuka na Tilo tii na Tolemai, kuna beto pesaka ba mpangi mbote, mpe beto vuandaka na bau kilumbu ya mvimba. ⁸Kilumbu landaka, beto katukaka, mpe beto kumaka na Kaesalia. Beto kotaka na inzo ya Filipo, muangisi ya mambu ya Tata Nzambi, yandi vuandaka mosi ya bantu nsambodia, beto lekaka na inzo na yandi. ⁹Yandi vuandaka na ba ntuenia iya ya bakento zaba ba bakala ve, bau vuandaka bikula.¹⁰Lokola beto vuandaka kuna bilumbu mingi, mbikudi mosi na nkumbu ya Angabu katukaka na Yudea, ¹¹kuizaka buabana na beto. yandi bakaka nsinga a luketo ya Paulu, yandi kikangaka maboko na makulu, mpe metuba: tala yayi kena kusikidikisa Mpeve ya Nlongo: Muntu yayi ma kuvua nsinga luketo yayi, ba yuda ke kanga yandi na Yelusalemi mutindu beno kena kumona, mpe ba ke yekula yandi na maboko ya ba pakanu.¹²Ntangu bet kuwaka yau, beto na ba yina vuandaka vana, beto lombaka na Paulu na kutombuka ve na Yelusalemi. ¹³Bosi yandi vutulaka: Inki beno kena kusala, na kudila mpe kukosikisa ntima na munu e? Mu kele ya kukubama na kukangua ba nsinga kaka ve, kansi na kufua na Yelusalemi samuna nkumbu ya Mfumu Yesu. ¹⁴Lokola yandi vuandaka visa ve, beto kuikimisaka ve, mpe beto tubaka: Bika luzolo ya Mfumu vangama!¹⁵Na manima ya bilumbu yina, beto kubikaka bima na beto, mpe beto tombukaka na Yelusalemi. ¹⁶Ndambu ya minlongoki ya Kaisalia kuendaka na beto, mpe ba nataka beto na inzo ya muntu mosi na nkumbu ya Nasoni, ya kisanga ya Kipelo, nlongoki ya ntama, kuna beto kuminaka samuna kuleka.¹⁷yandi Ntangu beto kumaka na Yelusalemi, ba mpangi yambaka beto na kiese. ¹⁸Kilumbu landaka, Paulu kuendaka na beto na inzo ya Yakobi, mpe ba ngudi za bantu kutakanaka kuna. ¹⁹Na manima kupesa bau mbote, yandi zabisaka bau mambu nionso Tata Nzambi salaka na kisielo na yandi kati na ba pakanu.²⁰Ntangu ba kuwaka yandi, ba zitisaka Tata Nzambi. Bosi ba zabisaka yandi: Mpangi, nge kena kumona, mafunda ikua ya ba Yuda lekeke kiminu, mpe bau nionso kele na vema na minsiku. ²¹Nzoka, ba kuwaka ti nge kena kulonga ba Yuda nionso kele na kati na ya ba pakanu ba katuka na nsiku ya Mose, na kuzabisaka bau ba zenga kibakala ya bana ve mpe ba landa binkulu ve.²²Inki ya kusala? Keti keti ata fioti kele ve, dikabu ya nene ya bantu ke kutakana, bantu ke zaba ti nge me kuiza. ²³Yau yina sala yina beto kezabisa nge. Bantu iya kele kati na beto salaka nsilulu; ²⁴baka bau ba vuanda na nge, kivedisa na bau, mpe futila bau mbongo ya kuzengisa ba nsuki. Bosi ba yina nionso ke zaba ti yina bakuwaka samuna nge kele ya luvunu, kansi bika nge mosi kituadisa bonso muntu ke talaka minsiku.²⁵Samuna ba pakanu yina lekaka kiminu, beto bakaka lukanu mpe beto sonikinaka bau ti ba bika kudia nsuni yokuluaka biteki, na menga, na bibulu ya kufikutua, mpe na kinsuza. ²⁶Yau yina Paulu bakaka bantu yina, yandi kivedisaka, mpe kilumbu landaka, yandi kotaka na kinlongo na bau, samuna kuzabisa bau inki kilumbu ke vuanda mpedoso, mpe muntu muntu monisa nkayilu na yandi.²⁷Na nsuka ya bilumbu nsambodia, ntangu ba Yuda ya Asia monaka Paulu na kinlongo, ba nangumunaka nkangu ya mvimba, mpe ba tulaka yandi maboko, ²⁸ba bokaka: Bantu ya Isaeli, beno sadisa beto! Beno tala muntu yayi kena kulongaka biska nionso mpe na bantu nionso ti ba vuanda kitantu na nkangu, na nsiku, na kisika yayi; nkutu yandi me kotisa ba Elene na kinlongo, mpe yandi sumunaka kinlongo. ²⁹Samu na bilumbu lutaka, bamonaka Tolofino muntu ya Efeso kintuadi na yandi na mbanza, mpe ba vuandaka kanisa ti Paulu muntu kotisaka yandi na kinlongo.³⁰Mbanza ya mvimba vuandaka na kingongo, mpe nkangu katuka bisika nionso vuandaka kuenda zaula. Ba builaka Paulu mpe ba kokaka yandi na nganda ya konlongo, yayi bielo vuandaka ya kukangama. ³¹Lokola ba vuandaka sosa nzila ya kufua yandi, nsangua kumaka na makutu ya ngudi ya nkuluntu ya binuani ti Yelusalemi ya mvimba vuandaka na mvindumuka.³²Na ntangu yayi, yandi bakaka binuani mpe na nkuluntu ya binuani, mpe yandi zaulaka kisika ba vuandaka. Ntangu ba monaka ngudi a nkuluntu a binuani, nde ba bikaka kubula Paulu bikoti. ³³Bosi ngudi a nkuluntu pusanaka, mpe builaka Paulu mpe yandi tindaka bakanga yandi tuvambu zole. Bosi yandi yuvulaka nani yandi vuandaka, mpe yina yandi salaka.³⁴Knasi na kati ya nkangu ba yayi vuandaka boka mutindu yayi, mpe ba yina mutindu yankaka; yandi bakaka nzayilu ya mambu na muntu ve, samuna mvualangani, yandi tuminaka ba nanta yandi na Kampu ya ngolo. ³⁵Ntangu Paulu kumaka na kikada, ba nataka yandi na bikada, binuani nataka yandi samuna kutuntana ya nkangu; ³⁶samu nkangu ya nene vuandaka landa, na kutuba: tinda ba kufua yandi!³⁷Na ntangu ya kukotusa yandi na kampu ya ngolo, Paulu tubaka na ngudi a nkuluntu: Mu kele na luve ve ya kutuba diambu e? ³⁸Nge kele muntu ya Ngipiti ve yina fuemaka bilumbu me luta, mpe nani yayi nataka bimpumbulu mafunda iya na dikanda e?³⁹Paulu vutulaka ndinga, mu kele Nyudao, ya Talaso na kitini ya insi ya Kilikia, mu kele muntu ya mbanza ya mfunu mingi. Me lomba nge, pesa mu insua mu tuba na nkangu. ⁴⁰Ntangu ngudi a nkuluntu pesaka yandi insua, Paulu telamaka na kikada , yandi labiska nkangu na diboko. Nkangu nionso vuandaka sui, mpe Paulu tubaka na ndinga ya ki ebeleo:

22¹Ba mpangi ba bakala mpe ba tata, ntangu yayi beno kuwa yina mu zola tuba samuna kukitanina! ²Ntangu ba kuwaka yandi kutuba na ndinga ya kiebeleo, mazu ntumbu manisa. bosi Paulu me tuba:³Mu kele nyuda, butukaka na Talaso na kitini ya insi ya Kilikia; kansi mu sansukilaka na mbanza yayi, mpe mu tangilaka na maboko ya Ngamalili samuna kubaka ngangu ya ya kedika ya minsiku ya ba tata na beto, mu kele na nzola kuluta ya Tata Nzambi, mutindu ya kele na beno bubu yayi. ⁴Mu zomaka ndongosolo yayi, mu kangaka mpe mu tulaka na boloko ba bakala na ba kento. ⁵Ngudi a nganga na kintuandi nionso ya bangudi za bantu kele ba mbangi na munu. Mu bakaka mukanda katukaka na maboko na bau samuna ba mpangi ya Damasiko, kuna mu kuendaka samuna kunata kukanga ba nsinga mpe kunata bau na Yelusalemi mpe kupesa bau kitumbu.⁶Lokola mu vuandaka na nzila, mpe mu finamaka na Damasiko, na mbala mosi, na kati kati ya kilumbu, kukia ya ngolo katukaka na zulu kienzulaka kisika mu vuandaka. ⁷Mu kubuaka na ntoto, bosi mu kuwaka ndinga mosi katukaka na zulu tubaka: Sauli, Saulu, samuna inki nge kena kuzoma munu e? ⁸Mu vutulaka: Nge nani Mfumu? mpe yandi me tubila munu: Mu kele Yesu ya Nazaleti, nge kena kuzoma.⁹Bayina vuandaka na munu monaka mbote kukia yina, kansi ba kuwaka ve ndinga ya muntu yina vuandaka tubisa munu. ¹⁰Na yau mu tubak: Inki mu mu sala, Mfumu? Mpe Mgumu me tubila na munu: Telama, kuenda na Damasiko mpe kuna ba ke zabisa nge nionso yina nge ke sala. ¹¹Lokola mu vuandaka mona diaka kima ve, samuna kukia yina ya ngolo, kansi bantu vuandaka na munu bakaka munu na diboko, mpe mu kumaka na Damasiko.¹²Nzoka, muntu mosi na nkumbu ya Anania, bakala vuminaka Tata Nzambi bonso kele nsiku, mpe ba Yuda nionso vuandaka zingila na damasiko vuandaka tuba kimbangi ya mbote samuna yandi, ¹³kuizaka kutana na munu, mpe me tubila munu: Sauli, mpangi na munu, bika nge mona. Na ntangu yina kaka, mu monaka mpe mu talaka yandi.¹⁴Yandi me tuba: Nzambi ya ba tata na beto kubikilaka nge nzila ya kuzaba luzolo na yandi, nge mona nkua lunungu mpe nge kuwa mambu ya inua na yandi; ¹⁵samu nge ke vuanda mbangi na yandi na ntuala ya bantu nionso, na mambu yina nge monaka mpe nge kuwaka. ¹⁶Bosi inki nge kena kuvingila e? Telama nge botukua, mpe nge sukulua na masumu na nge, mpe nge bombidila nkumbu ya Mfumu.¹⁷Ntangu mu vutukaka na Yelusalemi, lokola mu vuandaka sambila na kinlongo, mu natukaka na Mpeve, ¹⁸mpe mu monaka Mfumu vuandaka tubila munu: Sala malu, mpe bima malu na Yelusalemi, samu ba ke ndima ve kimbangi na nge samuna munu ve.¹⁹Mpe me tuba: Mfumu, bau mosi me zaba ti mu vuandaka tudisa na boloko mpe kubudisa bikoti na binlongo ba yina lekilaka nge kiminu, ²⁰mpe ntangu ba tengulaka menga ya Etieni, mbangi na nge, mu vuandaka vana, mpe mu ndimaka nzengolo na bmu au, mpe mu lundaka mimvuatu ya ba yina tindaka ba kufua yandi. ²¹Bosi yandi tubilaka munu: Kuenda, mu ke tinda nge na ba insi ya ntama.²²Na mpova yina, ba kuwaka yandi. Kansi ba tombulaka ndinga, ba tubaka: Katula muntu ya mutindu yayi na ntoto! Yandi kele mfunu ve ya kuzinga. ²³Ba vuandaka boka, losa mimvuatu na bau, beno losa dibombe na zulu. ²⁴Ngudi a nkuluntu tindaka ba kotisa Paulu na kampu ya ngolo, mpe ba yuvudila yandi na bikoti, samu yandi zaba samuna inki bantu vuandaka boka mutindu yina kukondua kuzolakana.²⁵Ntangu ba bulaka yandi bikoti, Paulu tubaka na nkuluntu a binuani vuandaka vana: Nga beno kele na luve ya kubula bikoti na muntu ya Loma, yayi ba zengulua kitumbu ve e? ²⁶Na mpova yina, nkuluntu a binuani kuendaka na ngudi a nkuluntu samuna ku luengisa yandi, na kutuba ti: Inki nge ke sala? Muntu yayi kele ya Loma.²⁷Bosi ntangu ngudi a nkuluntu kuizaka, me tuba na Paulu: zabisa munu, nge kele muntu ya Loma? Paulu vutulak, ingeta. ²⁸Ngudi a nkuluntu vutukilaka: Ya kele na mbongo mingi mu bakilaka diluaku ya kuvuanda muntu ya Loma. Paulu tubaka: Bosi munu, mu bakaka yau kubanda mbutukulu na munu. ²⁹Na mbala mosi ba yina zolaka fiongununa yandi kuendaka, mpe ntangu ngudi a nkuluntu monaka ti Paulu kele muntu ya Loma, wonga bakaka yandi samu yandi kangisaka Paulu ba nsinga.³⁰Kilumbu landaka, yandi zolaka zaba kedika yina ba Yudayo fundilaka yandi, ngudi a nkuluntu zibudisaka yandi ba nsinga, mpe yandi pesaka insua na ba ngudi za nganga na ba mayala nionso ba kutakana, bosi, ba kulumunaka Paulu mpe ba tulaka yandi na ntadisi na bau.

23¹Meso ya Paulu vuandaka sungamana ba mayala, mpe me tuba: Ba mpangi ba bakala, mu tomaka tambula mbote mbote na kimuntu na munu na ntuala ya Tata Nzambi... ²Kansi ngudi a nganga Anania budisaka Paulu mbata na inua na bayina vuandaka pene pene na yandi. ³Na yau, Paulu me zabisa yandi: Tata Nzambi me kana kubula nge, kibaka ya kuvempuka! Nge me vuanda samuna ku fundisa munu mutindu kele nsiku, mpe nge me kubua na nsiku samu nge tuminaka ba bula munu!⁴Ba yina vuandaka penepene na yandi tubilaka Paulu: Nge me finga ngudi a nganaga ya Tata Nzambi! ⁵Mpe Paulu tubaka: Ba mpangi, mu zabaka ve ti ya vuandaka ngudi a nganga; samu ya sonamaka: nge ke tuba imbi na nkuluntu ya nkangu na nge ve.⁶Ntangu Paulu zabaka ti ndambu ya lukutakanuvuandaka na ba Saduki mpe na ba Falisi, yandi bokaka na kati ya ba mayala: Ba mpangi ba bakala, mu kele Falisayi, muana ya ba falisayi; ya kele samuna kivuvu mpe mfulukulu ya bafua mu kena ku fundusua. ⁷Ntangu yandi tubaka yau, mpaka ku buaka kati ya bafalisi na ba saduki, bosi lukutakanu vambanaka. ⁸Samu ba saduki vuandaka tuba ti mfulukulu ya bafua kele ve, mbasi na mpeve mpe ke vuandaka ve, kansi bea falisi kena kundima bima nionso zole⁹Kuboka ya ngolo vuandaka, ntangu ba minsoniki na dikabu ya ba Falisi telamaka, ba bindaka mpaka, mpe ba tubaka: Beto kena kumona imbi ve na muntu yayi; ya lenda vuanda mpeve to mbasi tubaka na yandi. ¹⁰Lokola mpaka na minzonza vuandaka tombuka, ngudi a nkuluntu vuandaka mona wonga ntangu yankaka ba me zenguzuna Paulu na bantu yina, yandi zabisaka binuani ba kita samuna kukatula Paulu na kati ya nkangu mpe ku nata yandi na kampu ya ngolo.¹¹Mpimpa landaka, Mfumu monokinaka Paulu, mpe me tuba: Vuata kibakala, samu, mutindu mosi nge tubaka kimbangi na munu na Yelusalemi, nge fueti tuba mpe kimbangi na Loma.¹²Ntangu buisi kukiaka, Ba yudayo salaka difongo, mpe ba kudiaka ndefi, na kutuba ti ba ke kudia ve mpe kunua ve tii ba ke kufua Paulu. ¹³Bantu salaka difongo vuandaka kuluta makumi iya,¹⁴mpe ba kuendaka mona ba ngudi za nganga na ba ngudi za bantu, ba tubilaka bau: beto me kudia ndefi na kukisinga beto mosi ti beto ke kudia ata kima ve tii beto ke kufua Paulu. ¹⁵Kansi beno, ntangu yayi, beno vuanda kintuadi na ba mayala na ba ngudi a nkuluntu, samu ba nata yandi na ntuala na beno, bonso beno zola yuvuzula mbote diambu na yandi, bosi beto, tekila yandi kumina beno, beto kele ya kukubama samuna kufua yandi.¹⁶Ntangu muana nkazi ya Paulu kuizaka zaba yau, yandi kuendaka na kampu ya ngolo kuzabisa Paulu. ¹⁷Mpe Paulu bokilaka mosi ya ba nkuluntu, me zabisa yandi: Nata ntuenia yayi ya bakala na ngudi a nkuluntu, samu yandi kele na diambu ya ku zabisa yandi.¹⁸Nkuluntu bakaka ntuenia ya bakala, me nata yandi na ngudi a nkuluntu, mpe me tuba: nkole Paulu bokilaka munu, yandi me lomba munu na kunatina nge ntuenia yayi ya bakala kele na diambu ya ku zabisa nge. ¹⁹Ntangu ngudi a nkuluntu bakaka ntuenia ya bakala na diboko, ba vengamaka, mpe yuvulaka yandi: Inki kele na nge ya kuzabisa munu e?²⁰Yandi vutulaka: B aYudayo me wizana na kulomba nge ya ku nata Paulu mbazi na ntuala ya ba mayala, bonso ti nge zola talulula diambu na yandi mbote mbote. ²¹Kuwa bau ve, 'samu kuluta bantu makumi iya me sala difongo, mpe ba me kudia ndefi, na kukiloka bau mosi ti ba ke kudia ve mpe kunua ve tii ba ke kufua yandi; ntangunyayi, ba kele ya kukubama, ba kena kuvingila kaka mvutu na nge.²²Ngudi a nkuluntu vutulaka ntuenia ya bakala, na manima, yandi zabisaka ntuenia ya bakala na kutuba mambu yandi zabisaka munu na munu ve. ²³Bosi yandi bokilaka nkuluntu a binuani, mpe yandi tubaka: Vuanda ya kukubama na ntangu ya tatu ya mpimpa, ba nkama zole ya binuani, makumi nsambodia ya ba ntentani mpe ba nkama zole ya bantu ya madionga samuna kukuenda tii na Kaesalia. ²⁴Bika mpe dikalu ya Paulu vuanda samu ba nata yandi na kinketi na nyadi Feliki .²⁵Yandi sonikaka mukanda vuandaka mambu yayi: ²⁶Klaudia Lusia, muntu ya ntalu kuluta, nyadi Feliki, mbote! ²⁷Muntu yayi ba Yudeyo kangaka,bau mosi zolaka kufau yandi, ntangu mu kumaka na binuani mpe ntangu mu kuwaka ti yandi kele muntu ya Loma, mu katulaka yandi na meso na bau.²⁸ntangu yandi zolaka zaba kibila ba vuandaka fundila yandi, mu nataka yandi na ntuala ya ba mayala. ²⁹Mu monaka ti ba vuandaka funda yandi samuna mambu me tadila nsiku, kansi yandi salaka kima mosi ya imbi ve yina ba lendaka fuila yandi to ku losa yandi na boloko. ³⁰Ba zabisaka munu ti ba Yudeyo salaka mintamu, mu tindilaka nge yandi samuna mimfundi na yandi zaba ti ba fueti kuiza tuba bau mosi na nge. Bikana.³¹Na ntumunu bakaka bi nuani, ba bakaka Paulu, mpe ba nataka yandi mpimpa mpimpa tii na Antipatili. ³²Kilumbu landaka, ba bikaka mintentani tatamana kukuenda kintuadi na yandi, ba vutukaka na kampu ya ngolo. ³³Ntangu ba kumaka na Kaesalia, ba ntentania pesaka mukanda na nyadi, mpe ba monisaka yandi Paulu.³⁴Na manima kutanga mukanda, nyadi yuvulaka, kana Paulu vuandaka muntu ya inki insi. Ntangu yandi kuwaka ti yandi kele muntu ya Kilikia: Yandi tubaka: ³⁵mu ke kuwa nge ntangu bantu fundaka nge ke kuiza. Mpe yandi tuminaka ba tula yandi na vula ya Elode.

24¹Na manima bilumbu tanu, ngudi a nganga Anania kumaka, kintuadi na ba ngudi za bantu mpe na mpovi na nkumbu ya Teulo. Ba kuendaka funda Paulu na Nyadi. ²Bosi Paulu bokuluaka, mpe Tetulo me banda kufunda yandi, na mambu yayi: ³Feliki, nge kele muntu ya nene, nge ke sepedisaka beto na kiyenge ya kuluta, mpe beto bakaka bima mingi ya nsobolo samuna ntomoso ya insi yayi, yau beto kena kubambuka moyo mpe kuvutula matondo na nionso.⁴Kansi samuna ku dia nge ntangu ve, mu kena kulomba nge na kuwa; na mambote na nge, mambu ya fioti beto zola tuba. ⁵Beto me mona, muntu yayi kele kisumbula, yandi kena kutukisa mpambani kati na ba Yudeyo na ntoto ya mvimba, yandi kele nkuluntu ya luvambanu ya bantu ya Nazeleti, ⁶mpe yandi zolaka sumuna kinlongo. Bosi beto kangaka yandi. Beto zolaka sambisa yandi mutindu kele nsiku na beto;⁷kansi ngudi a nkuluntu Lisia kuizaka, mpe yandi zionaka beto yandi na kingolo, ⁸na kutumina bantu fundaka yandi ba kuenda na ntuale na yandi. Nge lenda yuvula yandi nge mosi samuna kuzaba samuna inki beto kena kufunda yandi. ⁹Ba Yudeyo bundanaka na mimfundi samuna kutuba kimbangi ti mambu kele mutindu yina.¹⁰Na manima, nyadi labisaka yandi samu yandi tuba, Paulu vutulak: Me zaba ti kubanda ba mvula mingi, nge kele mfundisi ya insi yayi, ya kele na kivuvu mu kena kubaka mpova samuna kukitanina. ¹¹Bilumbu kumi na zole luta ntete ve, tula kivuvu, ti mu tombukaka na Yelusalemi samuna ku kuenda zitisa. ¹²ba monaka munu ata na kinlongo ve, ata na ba inzo ya tukutukunu ve, ata na mbanza mpe ve samuna ku bindana mpaka na muntu, to kulemisa nkutakani ya nkangu, mu salaka yau ve. ¹³Mpe na ntangu yayi, ba ke lenda ku tuba kedika ve na yina ba me kuiza fundila munu.¹⁴Mu kena kundima na ntadisi na nge ti mu kena kusadila Nzambi ya ba tata na munu mutindu kele nzila yina ba kena kubokidila luvambanu, mu kena ku ndima yina saonamaka na na minsiku mpe ba mbikudi, ¹⁵mpe kutula kivuvu na Tata Nzambi, mutindu yau kele na bau, mfulukulu ke vuanda ya bantu kele na lunungu na bantu kele na lunungu ve. ¹⁶Yau yina mu kena kusala kimfuzi mu vuanda na kansansa ya lusembolo ve na ntadisi ya Tata Nzambi mpe ya bantu.¹⁷Ba mvula mingi lutaka, mu kuizaka pesa nkayilu na dikanda na munu na minkayilu ya ku yokua. ¹⁸Yau yina ndambu ya ba Yudeyo ya Asia monaka munu ya kuvedila na kati ya kinlongo, dikabu vuandaka ve, mayoyila mpe ve. ¹⁹Bau nde fueti kuiza na ntuala na nge samuna kufunda, kana ba kele na diambu ya kufundila munu.²⁰Kana ve, bika bantu yayi tuba inki imbi ba me mona samuna kuzengila munu kitumbu, ntangu mu sambaka na ntuala ya ba mayala, ²¹wana samuna diambu yayi mu bokilaka na kati ya bau: Ya kele samuna mfulukulu ya bafua me kumina bubu yayi kusamba na ntuala na beno.²²Feliki, yandi me toma zaba kuluta kedika kele na nzila yina, yandi vundisaka bau na kutuba: Ntangu ngudi a nkuluntu Lisia ka kuiza, mu ke fiongnina diambu ya beno. ²³Mpe yandi pesaka insua na nkuluntu a binuani na kukenga Paulu, na kubikidila yandi fi kimpuanza, mpe na kukakidila muntu na yandi ve, yina zola sadikla yandi bisalu.²⁴Na manima ya ndambu ya bilumbu, Feliki kuizaka na nkento na yandi Dusila, vuandaka Nyuda, mpe yandi bokolaka Paulu. Yandi kuwaka Paulu na kiminu na Klisto Yesu. ²⁵Kansi lokola Paulu vuandaka tuba na lunungu, mpe na kukiyala, mpe na mfundusu kena kuiza, Feliki bakamaka na wonga, me tuba: Na ntangu yayi, kuenda nge; kana me baka ntangu ya kufuana, mu ke bokila nge diaka.²⁶Yandi tulaka kivuvu ti Paulu ke pesa yandi mbongo, yau yina yandi bokidisaka yandi mbala migi, samuna kusololaka na yandi. ²⁷Ba mvula zole lutaka, Polokio Festo vingananaka Feliki. Na nsatu ya kuyangidika ba Yudayo, Feliki bikaka Paulu na boloko.

25¹Ntangu Festo kumaka na kitini ya insi, na manima bilumbu tatu, yandi tombukaka katuka na Kaisalia yandi kuendaka na Yelusalemi. ²Ba ngudi za nganga na ba kuluntu kati na ba Yuda fundilaka yandi Paulu. Ba bombidilaka yandi, ³na mbueno na bau ya imbi, ba lombaka yandi kusadila bau mambote ya kubokidisa Paulu na Yelusalemi. Ba tudilaka yandi dikonde na nzila samuna kufua yandi.⁴Kansi Feto vutulaka ti Paulu kena kukebua na Kaesalia, mpe yansi mosi vuanda kana ku kuenda kuna na nsualu. Yandi tubaka: ⁵Bika ba yina kele na kilendo kati na beno ba kita na munu mpe kana yandi na nkanu, bika beno funda yandi.⁶Festo vuandaka na bau kana bilumbu nana to kumi na bau, bosi yandi kitaka na Kaesalia. Kilumbu landaka, yandi kuendaka vuanda na kiti na yandi ya mfundusu, mpe yandi tindaka ba natina yandi Paulu. ⁷Ntangu yand kumaka, Ba Yudeyo katukaka na Yelusalemi zungaka yandi, mpe ba fundaka yandi na mambu mingi ya imbi mpe ya nsisi, yina ba ke lenda kutuba kedika ve. ⁸Paulu vutukilaka kukitanina, na kutuba: Mu volaka nkanu ya kuzengila munu kitumbu ve, na kuvuanda kitantu ata na nsiku ya ba Yudayo ve, ata na kinlongo ve, ata na Kaisalia mpe ve.⁹Lokola Festo zolaka sepedisa ba Yudeyo, yandi vutulaka Paulu: Nge zola tombuka na Yelusalemi samu nge sambusua kunana mambu yina na meso na munu e? ¹⁰Paulu vutulaka: Mu ke fundusua na ntuala ya kiti ya Kaisala, vana mu fueti fundusulua. Mutindu nge me toma zabila yau, mu salaka imbi mosi ve na ba Yudayo.¹¹Kana mu salaka yina kele ya lunungu ve, to mu kufuaka muntu, na ntangu yayi mu ke tina kufua ve; Kansi kena mambu ba kena kufundila munu kele ya luvunu, muntu mosi ve kele na diluaku ya kuyekula munu na bau. Mbote mu kuenda na Kaisala. ¹²Na manima ku baka nzengolo na dikabu ya minluengisi, Festo vutulaka: Nge lombaka kuenda na Kaisala, nge ke kuenda na ntuala ya Kaisala¹³Na manima ya ndambu a bilumbu, ntinu Angalipa na Benike kumaka na Kaesalia, samuna kupesa Festo mbote. ¹⁴Lokola ba lutisaka bilumbu mingi kuna, Festo tulaka mambu ya Paulu na ntinu, me tuba: Muntu mosi bikanaka nkole na Feliki, ¹⁵ntangu mu vuandaka na Yelusalemi, ba ngudi a nganga na ba ngudi za bantu ya Yudeyo fundaka Paulu, mpe ba lombilaka yandi kitumbu. ¹⁶Mu vutudilaka bau ti ya kele kifu ya bantu ya Loma ve ya kuyekula muntu, ntete muntu me fundua fueti vuanda kisika mosi na minfundi na yandi, mpe yandi fueti kitanina na mambu ba me fundila yandi.¹⁷Ba kuizaka kutakana awa, mu lutisaka ntangu, kilumbu landaka, mu vuandaka na kiti na munu ya nsambusulu, mpe mu tuminaka na ku natina munu muntu yina. ¹⁸Ntangu mimfundi telamaka, ba fundaka ata diambu mosi ve na yina mu vuandaka yindula. ¹⁹Mayoyila vuandaka na bau ya mambu yankaka, yina me tadila nsambudulu na bau, mpe ya Yesu mosi pidina me kufuaka, bosi Paulu kena ku tambudila ti yandi kele moyo. ²⁰Mu zabaka ve inki ndambu mu lendaka vuanda na mpaka mutindu yayi, mu yuvulaka kana nge lenda zola kuenda na yelusalemi, samu nge sambusua kuna na mambu yayi.²¹Kansi ntangu Paulu bokilaka, samu diambu na yandi zabakana na ntinu, mu tuminaka ba kutala yandi tii mu ke tinda yandi na Kaisala. ²²Angalipa me tuba na Festo: Mu zola kuwa mpe muntu yina. Festo vutulaka: Mbazi nge ke kuwa yandi.²³Kilumbu landaka, Angalipa na Benike kuizaka na nkembo ya nene, mpe ba kotaka na kisika ya kuzingusa mambu kintuadi na ba ngudi za nkuluntu mpe na ba nkuluntu ya mbanza. Na lutumu ya Festo, ba nataka Paulu. ²⁴Na yau Festo tubaka: Ntinu Angalipa na beno nionso kele kintuadi na beto awa, Beno kena kumona muntu yayi ba kuizaka fundila munu na nkangu nionso ya ba Yudeyo, ya vuanda na Yelusalemi, ya vuanda na awa, ba vuandaka boka ti yandi fueti kufua.²⁵Samuna munu, ntangu yayi me zaba ti yandi salaka kima mosi ya imbi ve yandi lenda bakila kitumbu ya lufua, mpe yandi mosi bokilaka ntinu, mu bakaka nzengolo ya kubika yandi. ²⁶Na ndambu na yandi, mu mona diambu ya ku sonikina ntinu ve; ya yina me monisa beno yandi mpe na ntuala na nge, ntinu Angalipa, samu na manima ya kufiongunina yandi, nge sonika. ²⁷Samu mu kena kuyindula ti ya kele mbote ve na kutinda nkole kondua kuzaba diambu ba me fundila yandi.

26¹Angalipa tubaka na Paulu: nge kele ne insua ya kutuba samu nge kukitanina. Bosi ntangu Paulu lambulaka diboko, yandi sasilaka mutindu yayi: ²Mu kena kimona muntu ya kiese, ntinu Angalipa, na kukitanina bubu yayi na ntuala na nge, na mambu nionso yina ba Yudeyo ma fundila munu, ³samu nge me toma zaba kinkulu mpe mayoyila na bau. Na yau me lomba nge, na kuwa munu na mvibudulu.⁴Luzingu na munu, kubanda kaka ba ntangu ya ntete ya kintuenia na munu, ya zabakanaka na ba Yudeyo nionso, samu ya lutilaka na Yelusalemi, na kati ya dikanda na munu. ⁵Kubanda ntama ba me zaba, kana ba zola tuba kimbangi samuna yau ti, kikadulu na munu vuandaka bonso mfalisi, mutindu kele kuvambuka me luta kusungama na nsambudulu na beto.⁶Na ntangu yayi, mu kena kufundusua na ntadisi na beno samu mu kena kutula kivuvu na kukukisama ya nsilulu ya Tata Nzambi yandi silaka ba tata na beto, ⁷mpe na yau, makanda na beto kumi na zole kena kutula kivuvu na nsilulu yina, ba kena kutatamana kusadila Tata Nzambi mpimpa na muini. Ô ntinu, samuna kivuvu yina nde ba Yudeyo me kuiza fundila munu! ⁸Inki! samuna inki beno ke leka kiminu ve ti Tata Nzambi ke fulukisaka bafua?⁹Samuna munu, mu banzaka ti mu fueti sala ngolo na ku vuanda kitantu na nkumbu ya Yesu ya Nazaleti. ¹⁰Yau mu salaka na Yelusalemi. Mu lozaka ba nlongo mingi na boloko, ntangu mu bakaka kilendo na ba ngudi za nganga, mpe ntangu ba vuandaka kufua bau, mu vuandaka ndima nzengolo ya ba yankaka. ¹¹Mu vuandaka ntangu nionso kupesa bau kitumbu na ba inzo nionso ya tukutukunu, mpe mu vuandaka komina bau ba ntiakulu. Ntangu mu laukulaka bau, mu zomaka bau tii na ba mbanza ya ba nzenza.¹²Dituku yina mu kuendilaka na Damasiko, na kilendo na luve ya ba ngudi za nganga. ¹³Na kati kati ya kilumbu, Ô ntinu, Na nzila mu monaka kukia ya ngolo katukaka na dizulu me zunga munu na ba yina kuendaka na munu, kukia lutilaka ntangu. ¹⁴Beto nionso kubuaka na ntoto, mpe mu kuwaka ndinga mosi vuandaka tuba na munu na ki Ebeleo: Sauli, Sauli, samuna inki nge kena kuzoma munu e? Ya mpasi na ngeye na ku manga kusoba nzila na nge.¹⁵Mu vutulaka: Nge Nani Mfumu? Mpe Mfumu vutulaka: Mu kele Yesu yayi nge kena kuzoma. ¹⁶Kansi nanguka, mpe telama na makulu na nge; me monikina nge samuna kutula nge kisielo mpe mbangi ya mambu nionso nge monaka mpe ya yina muke monikina nge. ¹⁷Mu ponaka nge na kati ya nkangu yayi mpe na kati ya ba pakanu, kuna na bau mu ke tinda nge, ¹⁸samu ti nge zibula bau meso, samu ba katuka na kitombe ba kuiza na kukia, mpe ku katuka na kilendo ya Satana ba kuiza na Tata Nzambi, na kutula kiminu na munu, samu ba lemvukulua masumu mpe ba baka difua kintuadi na ba yina biekuaka.¹⁹Na yau, ntinu Angalipa, mu kolamaka ve na mona meso ya mazulu: ²⁰ntete na ba yina kele na Damasiko, bosi na Yelusalemi, na insi ya mvimba ya Yuda,mpe na ba pakanu, mu longaka mpilulu a madiala mpe kubangumuka na Tata Nzambi, na kusala yina me fuana na mpilulu a madiela. ²¹Tala, yau yina ba Yudayo builaka munu na kati ya kinlongo, mpe ba sosaka kufua munu.²²Kansi mu bakaka lusadusu ya Tata Nzambi, mu vuandaka moyo tii kilumbu yayi, mu kena kutuba kimbangi na ntuala ya ba leke na ba mbuta, kondua kuvengama ata na diambu ve na yina ba mbikudi mpe Mose tubaka ke kuiza, ²³na kuzaba ti Klisto ke mona mpasi, mpe yandi ke fuluka ya ntete kati na bafua, yandi ke samuna kukia na nkangu mpe na ba insi.²⁴Lokola yandi tubaka mutindu yina samuna kitanina, Festo tubaka na ndinga ya ngolo: Nge kele kilau, Paulu! nge kena kiyindula diaka mbote ve samuna zayu na nge me tuta. ²⁵Paulu vutulaka: mu kele kilau ve, Festo muntu ya nene; ya kele mambu ya kedika mpe ya kusungama mu kena kubimisa. ²⁶Ntinu me baka nzayilu na mambu yayi, mpe me tubila yandi na kimpuanza, nayau, me visa ti yandi zimbakana kima ve, samu ya me lutila na kinsueki ve.²⁷ntinu Angalipa, nge ke lekaka minu na ba mbikudi e?...Me zaba ti nge ke lekilaka bau kiminu. ²⁸Bosi Angalipa tubaka na Paulu: Na fintangu fioti nge zola kitula munu muklisto! ²⁹Paulu vutulaka: Ya vuanda na fintangu ya fioti to ya inda, nkembo na Tata Nzambi, ya kele nge kaka ve, kansi bau nionso diaka kena kuwa munu bubu yayi, beno vuanda mutindu mu kele, katusa kaka tuvambu yayi!³⁰Kubanda na ntinu, nyadi, Benike, na bayina nionso vuandaka kintuadi na bau, telamaka, ³¹mpe ntangu ba vuandaka kuenda, ba vuandaka tubana ba yayi na ba yina: Muntu yayi sala kima ya imbi ve samu ba kufua yandi to kulosa yandi na boloko. ³²Mpe Angalipa me tuba na Festo: Muntu yayi lenda bikidilua, kana yandi bombidilaka Kaisala ve.

27¹Ntangu ba zengaka ti ba kesabuka na kukuenda na Italia, ba vutulaka Paulu na ndambu ya ba nkole na nkuluntu a binuani na nkumbu ya Yulio, na buka ya Angusto. ²Beto kotaka na nzaza ya bantu ya Adalamitio, yayi zolaka lutila penepene ya Asia, mpe beto kuendaka, kintuadi na Alistalako, muntu ya Makedonia, katukaka na Tesalonika, vuandaka na beto..³Kilumbu landaka, beto sabukaka na Sidoni; Yulio vuandaka tala mambu ya Paulu na nlembami, pesaka insua ya kukuenda na ba kundi na yandi mpe ku songua kimuntu. ⁴Ku katuka kuna, beto kuendaka na kisanga ya Kipelo, samu mupepe vuandaka disuasuani. ⁵Na manima kusabuka imbu ke dikilaka Kiliki na Pamfilia, beto kumaka na Mila kele na Likia. ⁶Bosi kuna, ntangu nkuluntu a binuani solulaka nzaza ya bantu ya Alesanda vuandaka sabuka na Italia, yandi kotisaka beto.⁷Beto salaka bilumbu mingi samuna kukuenda malembe malembe, mpe na mpasi beto kuminaka na penepene ya Kinido, kuna mupepe kakidilaka beto. Beto lutilaka na ndimba ya kisanga ya Kelete penepene ya Salamone. ⁸Na mpasi beto sabukilaka, mpe beto kumaka na kisika kele na nkumbu ya Masabu ya biza, penepene na yau vuandaka mbanza ya Lasea.⁹Ntangu ya inda lutaka, mpe kusabuka kumaka ya nsisi, samu kilumbu ya mbinunu a nsoki kilutilaka. Yau yina Paulu me lubula ¹⁰ba yankaka, na kutuba: O ba bakala, mu kena kumona ti kisumbula kele na nsabukulu na beto mpe mfuilu ya mingi ve, samuna kizitu na nzaza kaka ve, kansi samuna beto bantu mpe. ¹¹Nkuluntu wilaka kinati ya nzaza na muntu me kuvua nzaza kansi mambu ya Paulu ve.¹²Mpe lokola sabu vuandaka mbote ve na kisivu, bantu mingi vuandaka luengisa na kukatuka kuna samuna kusosa kukuma na Fenike, sabu ya Kelete yayi me tadisa na kitini ya sude- weste mpe ya node-weste, samuna kulutisila kisivu kuna. ¹³Mupepe mosi ya kulembama katukaka na sude ve vumukaka, mpe ba yindulaka ti makani na bau me luta mfunu, ba tombulaka nkoki mpe ba sabukulaka penepene ya kisanga ya Kelete.¹⁴Kansi fioti me bikana kitembo ya ngolo kele na nkumbu ya Elakilo kitumukaka na kisanga. ¹⁵Nzaza kukumunaka beto, beto lendaka kitanina na kitembo ve, mpe beto kuendaka wosukaka. ¹⁶Beto lutilaka na ndimba ya kisanga ya fioti kele na nkumbu ya Klaudia, mpe beto vuandaka na mpasi ya kutuadisa bota ya nzaza;¹⁷¹⁸na manima ya kutombula yau, beto bakaka nzila ya lusadusu samuna kukanga nzaza, mpe na wonga ya kukakama na Siliki, ba kitisaka ba mvuela. Yau yina beto kibikaka na ku natua na kitembo. Lokola beto lunguaka na kitembo, kilumbu landaka, beto lozaka kizitu na imbu,¹⁹mpe na kilumbu ya tatu, na maboko na beto mosi, beto losaka bisadulu ya nzaza. ²⁰Bilumbu mingi, lutaka ntangu na mbuetete vuandaka bima diaka ve, mpe kitembo vuandaka ya ngolo, bosi kivuvu nionso ya ku vulusua katukaka.²¹Ntangu ya inda lutaka, beto kudiaka ve. ntangu Paulu telamaka na kati kati na bau, me tubila bau: O ba tata, beno zolaka kuwa munumpe kukuenda na Kelete ve, samuna kuvengumuka na kisumbula mpe na mfuilu yayi. ²²Na ntangu yayi, mu kena ku siamisa beno na kuvuanda na kibakala; samu muntu mosi ve kati na beno ke kufua, mpe kaka mfuilu ke vuanda kaka na nzaza.²³Mbasi mosi ya Tata Nzambi yayi mu ke sadilaka biminaka munu na mpimpa yayi, ²⁴mpe me zabisaka munu: Paulu kumona wonga ve; nge fueti samba na ntuala ya Kaisala, mpe tala, Tata Nzambi pesaka nge bantu yayi kena kusabuka na nge. ²⁵Yau yina, Ô ba tata, beno siama, samu Tata Nzambi mu ke tudilaka kivuvuke ke vuanda mutindu yandi zabisaka munu. ²⁶Kansi na kisanga mosi nde beto ke lenda nunga ve.²⁷Na mpimpa kumi na iya, ba vindumunaka vindumunaka beto na imbu ya Adala, na kati kati ya mpimpa bisadi na nzaza banzaka beto kena kupusana na penepene ya disimu. ²⁸Ntangu ba tezaka mpinda ya maza, ba monaka makumi zole ya bitezo; kansi ntangu ba pusaka fintama, ba lozaka diaka kitezolo ya mpinda mpe ba monaka kumi na tanu ya kitezo. ²⁹Ba vuandaka na wonga ya kukakama na mabanga, ba lozaka ba nkoki iya na dibandu na manima ya nzaza, mpe na mvibudulu, beto vuandaka vingila kilumbu.³⁰Kansi, lokola bisadi na nzaza vuandaka sosa nzila ya kubima na nzaza mpe kutina, ba kukutula bota ya nzaza na imbu, na kuvunikisa ku loza nkoki na intu ya nzaza, ³¹Paulu tubaka na nkuluntu ^mpe na binuani: Kana bantu yayi ke vuanda na kati ya nzaza ve, beno lenda vulusua ve. ³²Na yau, binuani zengaka ba nsinga ya bota ya nzaza, mpe ba bikaka yau ya sotuka.³³Tekila buisi kukia, Paulu bombidilaka bau nionso samu ba kudia, yandi tubaka: Bubu yayi kele kilumbu ya kumi na iya beno kena kuvingila mpe beno kena kumina nsoki, beno kena kudia ve. ³⁴Mu kena ku bokila beno na kuiza kudia, samu ya kele mfunu na mpulusu na beno, mpe na beno nionso, ata lusuki ya intu ya muntu mosi lenda katuka ve. ³⁵Ntangu yandi tubaka mutindu yina, yandi bakaka dimpa, mpe na manima kuvutula matondo na ntuala bau nionso, yandi bukunaka yau, mpe ba bandaka kudia.³⁶Bosi ntangu bau nionso bakaka kibakala, bau kudiala. ³⁷Na kati ya nzaza, beto nionso vuandaka ba nkama zole, makumi nsambodia na sambanu ya bantu. ³⁸Na ntangu ba manisaka yukuta kudia, ba lozaka nkuna na imbu samuna ku yakidikisa nzaza.³⁹Ntangu buisi kukiaka, ba zabaka diaka insi ve; kansi, ntanguba monaka divongo na disimu ya zielo ya ku lendumuka, ba bakaka nzengolo, kana ya lendakana, ya ku pusa nzaza kuna. ⁴⁰Ba zibulana nkoki samuna kubika ya kuenda na imbu, mpe na nzila mosi ba zibulaka ba nsinga ya bindukulu; bosi ba tombulaka mvuela na pupepe, mpe ba sungamaka kukuenda na disimu. ⁴¹Kansi ba kutaka nsongi ya insi, ba kumikaka nzaza, bosi nzaza kakamaka, ya nikukaka ve, kansi dibandu na manima ya nzaza vuandaka tabuzuka samuna kingolo ya mayo.⁴²Binuani tambudilaka kufua ba nkole, na wonga ti mosi na bau lenda kuta minga mpe yandi tina. ⁴³Kansi nkuluntu zolaka vuluza Paulu kakidilaka makani yina. Bosi yandi tuminaka ba yina zabaka kuta minga na kiloza na maza bantu ya ntete samuna ku tuama kuma na disimu, ⁴⁴mpe na ba yankaka ba zangama na zulu ya mabaya to na bitini ya nzaza. Na yau, mutindu yina bantu nionso kumaka na disimu kisumbula ve.

28¹Na manima kuvulusua,beto kuizaka zaba ti kisanga yina kele na nkumbu ya Malita. ²Bantu ya insi songaka beto nlembami mingi; ba yambaka beto nionso na tiya ya nene ba lemisaka samu mvula vuandaka noka mpe madidi vuandaka mingi.³Ntangu Paulu lokutaka kisumbu ya nkuni, mpe ntangu yandi tulaka yau na tiya, buta mpidi mosi bimaka samuna mbangazi ya tiya, bosi ya ziatamaka na diboko na yandi. ⁴Ntangu bantu ya insi monaka nioka namaka na diboko na yandi, ba tubanaka bau na bau: Ya kedika muntu yayi kele mvondi ya bantu; samu lunungu zola ve yandi zinga, na manima ya kuvukusua na kisumbula na imbu.⁵Paulu kubulaka kibulu na tiya, yandi monaka mpasi ata fioti ve. ⁶Bantu yina vuandaka vingila yandi vimba to kubua na kufua mbala mosi; kansi, ntangu ya inda ba vingilaka, ntangu ba monaka ti ata kima mosi ya imbi kena kukumina yandi ve, ba vilulaka mabanza mpe ba tubaka yandi kele nzambi.⁷Na kinzungidila vuandaka na nkuluntu ya ntete ya kisanga me kuvua ntoto, kele na nkumbu ya Pubilu, yandi yambaka beto, mpe pesaka beto inzo ya kuleka na mutindu ya mbote, na bilumbu tatu beto salaka. ⁸Tata ya Pubilu vuandaka ya kuleka samuna kimbevo ya yuku yuku na kivumu kuluta; Ntangu Paulu kuendaka kutana na yandi, yandi sambilaka, yandi tulaka maboko, mpe yandi belusaka mbevo. ⁹Na manima kimangu yayi, ba mbevo yankaka ya kisanga kuizaka, mpe ba belukaka. ¹⁰Ba zitisaka beto mingi, mpe, na ngiendolo na beto, ba pesaka bima beto vuandaka nsatu.¹¹Na manima ya ba ngonda tatu, beto sabukilaka na nzaza ya bantu ya Alesanda, ba yayi lutisaka kisivu na kisanga, mpe ba vuandaka nata kidimbu ya Dioskuli. ¹²Ntangu beto sabukaka na Silakusa, beto -vuandaka kuna bilumbu tatu.¹³Ku katuka kuna, beto kuendilaka na mbela kisanga, mpe beto kumaka na Lengio; bosi, kilumbu landaka, ntangu mupepe ya sude telamaka, beto salaka bilumbu zole na kukuma na Puteoli, ¹⁴kuna beto kutanaka na ba mpangi yayi lombaka beto vuanda bilumbu nsambodia na bau. Mutindu yina nde beto kuendilaka na Loma. ¹⁵Ntangu ba mpangi katukaka na Loma kuwaka bakena kutubila beto, ba kuizaka kika beto, tii na zandu ya Apio mpe na bifulu tatu ya kunuina. Ntangu Paulu monaka bau, yandi vutulaka matondo na Tata Nzambi mpe yandi bakaka kibakala.¹⁶Ntangu beto kumaka na Loma, ba pesaka luve na Paulu na kuvuanda na inzo kintuadi na kinuani vuandaka kenga yandi. ¹⁷Na manima bilumbu tatu, Paulu kutikisaka ba kuluntu ya ba Yudayo; mpe, ntangu ba kutakanaka, yandi zabisaka bau mambu yayi: Ba mpangi ba bakala, Ya kele ve ti mu salaka diambu ya imbi na nkangu to na bifu ya ba tata na beto, ba tulaka munu na boloko na Yelusalemi mpe ba yekulaka munu na maboko ya bantu ya Loma. ¹⁸Na manima ya kukongodila munu, ba zolaka bikidila munu, samu kima mosi ya imbi vuandaka ve ya kuzengila munu kitumbu ya lufua.¹⁹Kansi ba Yudayo bangikaka yau, mpe ba tatimisaka munu na kubombidila Kaisala, kansi mu bakaka makani ya kufunda dikanda na munu ve. ²⁰Tala, yau yina mu lombaka kumona nge mpe ku zabisa nge; ya kele samuna kivuvu ya Iseali me kangama na luvambu yayi.²¹Ba vutudilaka yandi: Beto baka ata mukanda mosi ve me katuka na Yudea, yina me tadila nge, mpe beto muntu mosi ve kuizaka awa na kuzabisa to kutuba imbi na nge. ²²Kansi beto zola zaba na nge mosi yina nge kena kuyindula, samu beto me zaba ti, luvambanu yina kena kukakudulua bisika nionso.²³Basilaka yandi kilumbu ya ngizulu ya bantu mingi na inzo na yandi. Paulu samunaka mambu ya kimfumu ya Tata Nzambi, na kutiba kimbangi mpe na kusosa nzila na nsiku ya Mose mpe na ba mbikudi, samuna ku lekikisa bau kimainu na yina me tadila Yesu Klisto. Mbokasani na bau vuandaka kubanda na nsuka tii na nkokila. ²⁴Ba yankaka lekusuaka kiminu na yina yandi vuandaka tuba, mpe ba yankaka lekaka kiminu ve.²⁵Lokola ba vambanaka na mvualangani, Paulu buelaka kaka mambu mosi: Mpeve ya Nlongo kele na ndungunu ntangu yandi tubaka mambu yayi na nzila ya mbikudi Esaya: ²⁶Kuenda zabisa nkangu yayi: Beno kena kuwa na makutu na beno, kansi beno ke bakusa ve; Beno kena kumona na meso na beno, kansi beno ke mona ve.²⁷Samu ntima ya nkangu yayi kele na mayindu diaka ve; ba me tula makutu na bau mabanga, mpe ba kangaka meso na bau, samu ba mona na meso na bau ve, ba kuwa na makutu na bauve, ba bakusa na ntima na bau ve, ba vilula diela ve, samu mu belusa bau ve.²⁸Beno zaba timpulusu ya Tata Nzambi kuizaka samuna ba pakanu, mpe ba ke kuwa yandi. ²⁹Ntangu yandi tubaka yau, Ba Yudeyo kuendaka bau, na mayoyila ya ngolo vuandaka kati na bau na bau³⁰Paulu vuandaka ba mvula zole na inzo yandi futilaka. Yandi vuandaka yamba bantu nionso yina vuandaka kuiza tala yandi, ³¹yandi samunaka kimfumu ya Tata Nzambi mpe longaka mambu me tadila Mfumu Yesu Klisto, na kimpuanza nionso mpe kondua kukakidilua.

Loma

1¹1Polo, kisadi ya Yesu, bokulua ka na ku vuanda ntumua, pe vanguluaka na ku tendikisa nsamu ya mbote ya Tata Nzambi, ²2yina ba tubilaka bana ntama samuna Tata Nzambi na ba ntumua na masonukua ya nlongo, ³3yina me tadila muana ( butukaka na dikanda ya Davidi na musuni) 4⁴4pe tubilaka Muana ya Tata Nzambi na lulendo mutindu Nlongo ya mpeve, na mfulukulu), na yandi na kati ya batu ku fwa, Yesu Klisto Mvulusi na beto. ⁵5na nzila na yandi beto bakaka nlemvo pe kisalu na kunata na nkumbu na yandi na lutumunu na kiminu na mpakanu nionso, ⁶6naki na bau beno diaka beno vuandaka, beno bokuluaka na Yesu Klisto,⁷7na bayina nionso, kele na Loma, ba nzolakani ya Tata Nzambi, bokuluaka na kufuanda ya longo: bika nlemvo pe yenge ya Nzambi Tata na beto pe Mfumu ya beto Yesu Klisto ya pesama na beno !⁸8ya ntete mukena ku vutudila Tata Nzambi matondo na nzila ya Yesu klisto, samuna beno nionso, samuti kiminu ya beno ya zabakana na yinza ya mvimba. ⁹9Tata Nzambi yina mukena ku sadila na mpeve nsangu ya Muana na yandi, kele mpangi kele ntangu nionso muke bambukilaka moyo samuna beno nionso, ¹⁰10kuyuvuluka ntangu nionso na nsambudulu ya munu na kubaka luzolo ya Tata Nzambi na kubaka ntangu na ku kwiza na beno.¹¹11Mukena nsatu yakumona beno samu naku pesa beno nkayilu ya nlemvo, ya mpeve samu beno siama, ¹²12samuna, beto bombasana na kiminu beto kele na yau na kintuadi ya beto na beno.¹³13Ba mpangi muzona beto bika zanga ku zaba, ti muvuandaka na mabanza yaku kuiza na beno na baka ba mbuma na kati ya beno mutindu mosi na makanda; kasi mukena ku kakudulua na yau ti na kilumbu ya bubu yayi. ¹⁴14Mukena mfuka na Eleni pe na ba nzenza, na batu ya mayele mingi mingi pe ba zoba. ¹⁵15Na yau mukena nsatu mingi na kupesa nsangu ya mbote na beno mpe kuna na Loma.¹⁶16Samuti mu kele na nsoni ve na ku samuna Nsangu ya mbote: ya kele lulendo ya Tata Nzambi samuna mpulusu na konso mutu ke ndima, ya ntete na ba Yudayo, bosi mpe na mutu ya Elene, ¹⁷17samu ti na nzila na yandi lunungu ya Tata Nzambi me zabikinina na nzila ya kiminu pe samuna ku tunga kiminu na mutindu ya soniminaka : Mutu ya lunungu yandi ke kuiza zingila na kiminu.¹⁸18Nganzi ya Tata Nzambi banda na zulu ke monisamaka na kununuanisa ba mambu nionso ya yimbi pe ku kondua ya lunungu ya batu nionso ke suekaka kedika, na mutindu ya lunungu ve, ¹⁹19pamba ve yina Tata Nzambi ke zabisaka beto yake monisamaka na yina Tata Nzambi ke salaka samu na bau.²⁰20Samuti, bu nlongo ya ku koka ya Tata Nzambi, lulendo na yandi yina ke sukaka ve pe bunzambi na yandi, ke monanaka na meso, na ntangu beto ke monaka yandi salaka, banda yi nza salemaka. Balenda yambudulua ve, ²¹21pamba ve namanima yaku zaba Tata Nzambi bazitisaka yandi ve; kasi bau kukizimbisaka na mabanza na bau, pe na kuzanga mayele na mi ntima ya bau lozamaka na kitombe.²²Ntangu ba kukitubilaka ve ke bake na mayele nkasi ba me kuma bilau.

²³Bame balula nkembo ya nzambi yina ke bebaka ve, na kifuani ya muntu ke bebaka, ndeke ya zulu, kibulu ya makulu yi ya na bima kena kutambula na ntoto.²⁴Na yau, Nzambi bikila bau ba nzinunu ya ba ntima ya bau na nsumukunu, na ku kimonisaka nsoni na ba nzutu ya bau mosi.

²⁵Yau yina sobaka kedika ya Nzambi na luvunu mpe bafukiminika mpe ku sadila bima ba salaka na kifulu ya yina salaka yau yikele ya kusakumuka mvula na mvula.²⁶Na yau Nzambi bikaka bau na nzinunu ya nsoni ya bau : samuti ba nkento ya bau me balulaka nsadulu ya kimuntu na yina ke ya kimuntu ve.

²⁷Mutindu mosi mpe ba bakala bikaka nsadulu ya ba nkento ya kimuntu, bazinasanaka na ba nsatu ya bau ya nsuni, ba bakala kena kusala mambu ya nsoni bau na bau, ke bakaka na bau mosi difuta ya nzimbusu ya bau.²⁸Ba zolaka zaba nzambi ve na mayela ya bau, Nzambi bikaka bau mosi na mayele yin aya kufuana ve na ku sala yina ke ya kufuana.²⁹Ba fulukaka na ku kondwa lunungu, yimbi, ntima yimbi, nzinunu, ba mpaka na mabanza ya yimbi, ³⁰Bantu ya ku nata ba mambu na yinsi na yinsi, bantu ya makela, ba zola Nzambi ve, ba mimvuezi, bantu ya kukimonisa, ntima ya nsoki, bake tumamanaka ba tata mpe ba mama ya bau ve ³¹Ba yina kena mayele ve, bake zitisaka nguizani ve, ba kena kiadi ve ya muntu.³²Ba zabaka ba minsiku ya Nzambi na ku salaka mambu ya mutindu yina ba me fuana na kufua, ba yina nionso ke salaka mambu yina bake sala kaka ve, bak e ndimaka bayina ke salaka mambu yina.

2¹Na yau, nge muntu, kena kufundisaka, nge kena mpengomokono ve na ntangu nge ke fundisaka ba ya nkaka, nge ke ku kifundisa ve, nge ke ku kibedisa ve na ntangu nge kena kufundisa nge kena sala mutindu mosi.

²To me zaba, ke mfundusu ya Nzambi yake ya kedika na ba yina ke salaka mambu ya mutindu yina.³Na yau yinki nge kena kanisa, nge muntu ? Kena kufundisa bayina kena sala mambu ya mutindu yina mpe nge kena sala yau, nge kena kanisa ke ngeke tinamfundusu ya Nzambi ?

⁴Nge kena ku yina kimvuama ya Nzambi ya mambote mpe ya kulembama, mpe ya mvibudulu, kansi nge zaba mambote ya Nzambi ke nataka na ku vilula mayele.⁵Kansi na diambu ya intu ngolo mpe ntima y ange lenda soba ve, nge kena ku kikubikila kimvuama ya nganzi na kilumbu ya nganzi ya mfundusu ya Nzambi. ⁶Yandi ke vutula na muntu na muntu, mutindu kele mavanga ya yandi. ⁷Moyo ya mvula na mvula na bayina ke sosaka na ntatumunu na ku sala mambote, nkembo mpe nzitusu mpe ku kondwa ku bebuswa.⁸Kansi nganzi mpe ku fuema ya Nzambi na bayina kena mavanga ya bau ke vambisa bantu, ku tumama kedika ya Nzambi ve, kansi ku tumama ya bau kena lunungu ve. ⁹Mpasi na ntima, na nsambusulu ya moyo ya muntu nionso yina ke salaka yimbi na ba Nyudayo ya ntete, bosi na muntu ya Elene.¹⁰Nkembo, nzitusu mpe kiyenge na muntu nionso ke sala mambu ya mbote na Nyudayo ya ntete, bosi na Elene. ¹¹Na ntuala Nzambi ku tala yilungi kele ve ! ¹²Ba nionso salaka masumukondwa minsiku bake kufua kondwa nsiku, mpe bantu nionso volaka masumu na nsiku ke sambusu na nsiku.¹³Ya kele ve bayina, kuwaka minsiku kele ya kulunga na ntadisi ya Nzambi, kansi ba yina sadilaka yau ke nunguswa na yau. ¹⁴Samuna bapaien, me kondwa nsiku ke sala na kimuntu ya bau yina nsiku, bakele bau mosi kena nsiku ve, nsiku ya bau mosi.¹⁵Ba kena ku kumonisa mavanga ya nsiku yake ya kusonama na ba ntima ya bau, nkansasa ya bau kena kutuba kimbangi mpe mabanza ya bau kena ku kifunda to kena ku kinuanina. ¹⁶Yau ke monana na kilumbu na mutundu kena kutuba masonukwa, Nzambi ke sambisa na Yesu Klisto mavanga nionso yaku suama ya bantu.¹⁷Nge kena kubieka nkumbu ya Nyudayo, kena kutelama na minsuki, nge kena kukisika na Nzambi

¹⁸Nani me zaba luzolo n’andi, nani kena ku ndima diswasanu ya bima kena nsiku ya kusonama na nsiku.

¹⁹Nge kena kukindima na kuvuanda ntuadisi ya bantu ya kufua meso, kiezila ya ba yina kena kitombe.

²⁰Nlongi ya bizengi, nlongi ya ba yina kena mayele ve, samuti nge bakaka na ba nsiku mutindu ya bu mpila mpe ya kedika.²¹Nge kena ku longisa bantu ya nkaka, nge ke ku ki longis ave nge mosi, nge kena ku longa mambu ya Nzambi na ku yiba ve, nge kena kuyiba. ²²Nge kena kutuba na kusala kinsuza ve, nge kena ku sala yau ! Nge kena ku kakumukina biteki, nge kena ku sala yina ke nsumukunu²³Nge kena kukisala ntinu ya minsiku, nge kena zitisa Nzambi ve na ku fua ba nsiku ya Nzambi ²⁴Samuti nkumbu ya Nzambi ba kena kuvueza yau samuna beno na bapaien mutindu ya sonamaka :²⁵25.Nzengolo kele mbote, kana ti nge ke tulaka nsiku na bisalu y ange, kansi kanati nge bebisaka minsiku, nzengolo yange me kuma, ku kondwa nzengolo.

²⁶Kanati muntu kena nzengolo ve, kena kuzitisa nsiku, ku kondwa nzengolo n’andi balenda tanga yau ve nzengolo ?

²⁷Kondwa nzengolo na nsuni yau ke kotisa minsiku, yak e mbedoso nge kena manga yau, na ku baka nkanda ya minsiku mpe nzengolo ?²⁸Nyudayo, yin ave kena nganda, bosi nzengolo ya kele ve yayi kena kumonana na nsuni.

²⁹Kansi Nyudayo, yina kena yau na kati ya yandi mpe nzengolo, yin aya ntima, mutindu mpeve, bika na yina sonamaka na mukanda. Nzitusu ya ba Nyudayo me katuka na bantu ve kansi na Nzambi.

3¹Yinki ba Nyudayo ke baka to ndandu na nzengolo ?

²Yake ya nene mutindu nionso, bosi ntete na bimangu ya Nzambi pesaka na bau.³Eh yinki ! kanati bantu ba ndiminaka bau ve, ku kondwa ku ndima ya bau lenda katula ku kuikama na Nzambi ?

⁴Wana kuna, Nzambi me zabana na kedika, bosi muntu nionso mutindu muntu ya luvunu, mutindu sonamaka : samu ba mona kedika yange na mambu nge ke tuba, mpe nge nunga na ntangu ba ke sambisa nge.⁵Kanati ku kondwa lunungu ya beto kena ku monana lunungu ya Nzambi, yinki beto ke tuba ? Nzambi ke ya lunungu ve na ntangu nganzi n’andi kele ? (mukena ku tuba na muntindu ya muntu). ⁶Ntama kuna ! mutindu ya nkaka, wapi mutindu Nzambi ke vundisila yi nza ?⁷Bosi kana na luvunu ya munu, kedika ya Nzambi ke tenduka na nkembo, na yau mu kena ku funduswa munu mosi mutindu muntu ya masumu ? ⁸Samuna yinki beto sala beto ve mambu ya yimbi samu mambote kuizila beto, mutindu bantu ya nkaka, kena kuvueza beto, beto tubila yau ? Mfundusu ya bantu yina kele ya lunungu.⁹Yinki kuandi ! beto me luta mbote ? ve, samuti ya monanaka na beto nionso, Nyudayo, ba Elene bau nionso kele na yinsi ya masumu. ¹⁰Mutindu ya sonamaka : muntu kele ve ke ya kusungama, muntu mos i ve.¹¹Muntu mosi ve kena mayele. Muntu ve kena kusosa Nzambi. Bantu nions oba zimbalaka nzila.

¹²Mos ive ke sala mambu ya mbote, ata mos ive.¹³Ba nkutu ya bau kele biziami ya kuzibuka, ba kena ku sadila ba ludimi ya bau na kuvuna, ba kele na yinsi ya ludimi ya bau minsa ya nioka. ¹⁴Ba yinua ya bau kele kizinga ya lusingulu mpe ya mpasi na ntima.¹⁵Ba kele na makulu ya nsualu na kutengula menga; ¹⁶Ku bunga mpe ku bebisa kele na nzila ya bau; ¹⁷Ba zaba nzila ya kiyenge ve; ¹⁸Kivumi y Nzambi kena ntuala ya meso ya bau ve.¹⁹Kansi beto mezaba nionso ke tubaka nsiku na ba yina kena yinsi ya nsiku, samuti ba yinua nionso kangama mpe bantu nions oba monana yaku bua na nsiku na ntadisi ya Nzambi

²⁰Muntu mosi ve ke nunguswa na mavanga ya nsiku na ntadisi ya yandi ; samuti na nsiku me katuka mayele ya masumu.²¹Kansi bubu, kondwa nsiku kena kumonana lunungu ya Nzambi ba kena ku tuba kimbangi na nsiku mpe mibikudi, ²²Lunungu ya Nzambi na kiminu na Yesu Klisto samu bantu nionso me ndimaka disuasanu ikele ve.²³Bantu nionso me volaka masumu mpe kena kembo ya Nzambi ve; ²⁴Mpe ba kena ku nunguswa na nkailu ya nlemvo ya yandi na nkudulu kele na Yesu Klisto.²⁵Yandi Nzambi solaka na menga, yandi vuanda samu ba yina ke ndima naku monisa lunungu n’andi, mutindu yandi bambuka moyo ve na masumu yina melutaka n ntangu Nzambi vibilaka, ²⁶Na ku monisa lunungu na ntangu yayi, mutindu ya k uvuandila lunungu mpe ku nungisa muntu nionso kele na kiminu na Yesu.²⁷Na yau luyanu ya beto wapi yau yikele ? Ya bimuswaka na nganda, na wapi mutindu ya nsiku ? Na nsiku ya mavanga ? Ve kuandi, kansi na nsiku ya kiminu. ²⁸Samuti beto mezaba ke muntu ke nunguswaka na kiminu, ku kondwa mavanga ya nsiku ve.²⁹To Nzambi kele kaka Nzambi ya ba Nyudayo ? Yandi ke ya bapaien ve ? Ya kedika yandi kele mpe mutindu mosi na bapaien.

³⁰Samuti Nzambi ke kaka mosi, yina ke nungisaka na kiminu bayina ke ya kuzengwa mpe na kiminu bayina ke ya kuzengwa ve.³¹Na yau, beto ke bebisaka nsiku na kiminu ? Mutindu yin ave, to ke siamisaka nsiku.

4¹Yinki beto ke tuba samuna Abalami, tata ya beto, bakaka na nsuni ? ²Kana Abalami nunguswaka na mavanga, yandi ke kuki yana na ntadisi ya Nzambi ve. ³Yinki kana ku tubaka masonukwa ? Abalami lekilaka Nzambi kiminu, yandi tangulwaka ke yandi ke muntu ya lunungu.⁴Kansi yina ke sala mavanga, yandi ke bakaka nsendo ve, nkasi mfutu na mutindu ya nlemvo ve kansi yandi me baka yau;

⁵Bosi na yina ke sala mavanga ve, kansi yandi ke ndima na yandi ke nungisaka muntu ya masumu yandi ke tangulwa kiminu n’andi ya kele lunungu.⁶Mutindu mosi mpe Davidi kena kutuba, kiese kele na muntu yina bake tangaka na Nzambi ke yandi ke lunungu kansi na mavanga ve: ⁷Kiese na bayina masumu me lemvukulwa, mpe masumu me fukwa! ⁸Kiese na muntu yina Nzambi tangila masumu ve.⁹Na yau kiese yina yak e kaka na bayina yaku zengwa ? Mpe na bayina ke ya kuzengwa ve ? Samuti beto ke tubaka, Abalami tangulwaka kiminu ke yandi ke lunungu. ¹⁰Wapi mutindu yandi tngulwaka yau ? Na ntangu bazengaka yandi to na ntangu bazengakantete ve ?¹¹Yandi bakaka kidimbu ya bayina keya kuzengwa mutindu kidumbu ya lunungu ya kiminu na ntangu yandi vuandaka ya kuzengwa samuti yandi vuanda tata ya bantu nionso ke ya kuzengwa ve ke ndimaka samuti lunungu ya pesamaka bau,

¹²Mpe tata ya bayina ke ya kuzengwa, ke kaka ya kuzengwa kaka ve kansi ke tambulaka na bitambi ya yandi ya kiminu yina vuandaka na Abalami tata ya beto na ntangu yandi zengwaka ve¹³Na yau, na nsiku ve kele nsilulu yak u baka difwa ya yinsi yina ba silaka Abalami na dikanda n’andi nionso, kansi na kiminu. ¹⁴Kansi ba yina kena vingidila difwa na nsiku, kiminu ya bau mekuma ya mpamba, mpe nsilulu mebeba. ¹⁵Samuti nsiku ke tukisaka nganzi, kana nsiku kele ve, kuna mpe kele ku beba ya nsiku ve.¹⁶Na yau, ya ke diambu ya kiminu samu ya vuanda nsilulu samuna dikanda nionso kaka ya Abalami tata ya bantu nionso, kansi ya mutindu ya sonamaka : ¹⁷Me sala nge tata ya makanda nionso ya bantu yandi ke tata ya beto na ntuala ya yina yandi ndiminaka Nzambi ke pesaka moyo na bayina keya kufwa, bosi ke bokilaka bima yina kele ve mutindu ya kele.¹⁸Kivuvu kele ve, kansi yandi tatamaka na ku tula kivuvu, mutindu yina yandi me kumaka tata ya makanda nionso ya bantu, mutindu sonamaka yina ba tubaka na yandi : mutindu yina ke vuanda nkun’ange. ¹⁹Yandi lembaka na kiminu ve, yandi talaka nzutu n’andi ve mutindu ya kuminaka, samuti yandi vuandaka yaku siama na nkama mosi ya ba mvula bosi Sala vuandaka diaka muntu fuana buta bana ve.²⁰Yandi vuanda kondwa kiminu ve na diambu me tala nsilulu ya Nzambi, kansi yandi vuandaka yaku siama na kiminu mpe yandi zitisaka Nzambi, ²¹Yandi zabaka mbote, yandi pesaka nsilulu ke kokisa yau. ²²Na yau, ba tangilaka yak e yandi ke muntu ya lunungu.²³Kansi ba sonikaka ve na na diambu ya yandi ba tangilaka mutindu yina; ²⁴Na diambu ya beto nionso, beto ke tangulwa, kanati beto ke lekaka kiminu na yina fulukisaka Yesu, Mfumu ya beto na bafwa, ²⁵Yandi ba yekulaka samuna masumu ya beto mpe mfulukulu ya yandi samuna ku nungisa beto.

5¹Na yau, na ntangu beto nunguswaka na kiminu, beto kena kiyenge na nzambi na Mfumu ya beto Yesu Klisto, ²Na yandi beto me baka mutindu ya kupusana na kiminu na nlemvo yina beto me tedimina ya ku siama, to na kena kiese na kivuvu ya nkembo na Nzambi.³Yina kaka ve, me beto yangalala mpe na ba mpasi ya beto, samuti beto zaba, na manima ya mpasi ke salaka ke beto tatamaname, ⁴Ku tatamana na ndungunu na ba ntotolo, bosi ndungunu na vuvu. ⁵Samuti ki vuvu ke fwiswaka nsoni ve, samuti zola ya Nzambi dukukaka na ba ntima ya beto na nzila ya Mpeve ya Nlongo yina pesamaka beto.⁶Samuti, na ntangu to vuandakana yaku lebakana, Klisto na ntangu ya kufwana fwilaka bantu yina vuminaka Nzambi ve. ⁷Ya me bikana; muntu lenda fwila muntu ya lunungu, samuti, nnanga ya muntu lenda kanga ntimana ku fwila muntu ya mbote.⁸Kansi Nzambi ke monisaka zola n’andi na beto, samuti beto vwandaka ntete bantu ya masumu Klisto fwilaka beto

⁹Na yau beto nunguswaka na menga n’andi, na kedika beto ke vuluswa na yandi na nganzi.¹⁰Kana ti beto, na ntangu beto vuandaka ba mbeni, ba wizasanaka beto na Nzambi na kufwa ya mwana n’andi, na ntangu beto ke ya kuwizana ntama, na kedika beto ke vuluswa na moyo n’andi. ¹¹Na yina kaka ve, kansi beto me sepela na Nzambi na nzila ya Mfumu ya beto Yesu Klisto na yandi bubu beto me baka ngwizani.¹²Na yau, mutindu kotilaka masumu na yinza na nzila ya muntu mosi, mpe lufwa na masumu, mutindu mosi mpe lufwa kotilaka na muntu nionso, bantu nionso volaka masumu...

¹³Samuti na nsiku, masumu kotaka na yinza, kansi kifulu kele na nsiku ve, kena masumu ve¹⁴Na yau lufwa yalaka banda Adami ti na Mosi, na ba yina volaka masumu fwanakana na Adami, ya kele kifwani ya yina ke kwiza. ¹⁵Kansi ya kele ve mutindu mosi na nkailu na nlemvo Nzambi na kufwa nsiku, samuti kana na kufwa nsiku na muntu mosi, bantu mingi ku fwaka, mutindu mosi mpe na nlemvo ya Nzambi na nkailu n’andi, katuka na muntu mosi, Yesu Klisto, na bantu mingi mpe bakaka nlemvo Nzambi.¹⁶Yake mutindu mosi ve na yina kwizaka na nzila ya muntu mosi sumukaka, samuti na manima ya nsumukunu, mfundusulu me kuma mbedosolo, kansi nkailu ya nlemvo Nzambi kwizaka samuti masumu ya bantu mingi ya pesa ndungunu. ¹⁷Kana ti na muntu mosi volaka masumu lufwa bakaka kimfumu na yandi, mutindu mosi mpe ba yina ke baka ya nlemvo Nzambi mpe nkailu ya lunungu ba ka yala na luzingu na Yesu Klisto yandi mosi.¹⁸Na yau, mutindu kwizilaka mbedoso ya masumu ya kumaka na bantu nionso, nionso mutindu mosi mpe ndungunu kwizilaka ke pesaka moyo na bantu nionso na divanga mosi ya lunungu. ¹⁹Samuti mutindu na muntu mosi volaka masumu me sala bantu mingi bantu ya masumu, mutindu mosi mpe mingi mekuma bantu ya lunungu na kutumama ya muntu mosi.²⁰Kana nsiku kwizaka, samuti masumu ya nieka, kansi kifulu masumu kumaka mingi, nlemvo ya lutaka mingi mingi,

²¹Samuti, mutindu masumu yalaka na fwilu, mutindu mosi mpe nlemvo yalaka na lunungu ya moyo ya mvula na mvula na Yesu Klisto Mfumu ya beto.

6¹Yinki beto lenda tuba ? Beto fwanda na masumu samuti nlemvo ya Nzambi vwanda mingi ? ²Mutindi yina ve, beto kufwaka na masumu, wapi mutindu beto ke zingila diaka na masumu ? ³Ku zimbakana ve, beto nionso bakaka mbotokolo na Yesu Klisto, na lufwa ya yandi beto bakilaka mbotokolo.⁴Ba zikaka beto na yandi na nzila mbotokolo na lufwa ya yandi samu, mutindu Klisto fulukaka na bantu ya kufwa na nkembo ya Tata, mutindu mosi mpe beto diaka kena kutambula na moyo ya yimpa. ⁵Kanati beto vukanaka na yandi na kifwani ya lufwa ya yandi, beto ke fwanda mpe mutindu mosi mpe mfulukulu ya yandi,⁶Na ku zaba ti kimuntuya beto ya ntama komuaka kifulu mosi na yandi na dikulusu, samuti ba nzutu ya beto ya masumu ya bebuswa, samu beto vutuka diaka ve kuvwanda mi nnanga ya masumu; ⁷Samuti yina me kufwaka me kumaka na kimpwanza na masumu.⁸Kati beto kufwa na Klisto, beto me ndima ke beto ke fuluka yandi mpe, ⁹Na ku zaba, ke Klisto futumukaka na bafwa ke kufwa diaka ve, lufwa ke diaka na lulendo na yandi ve.¹⁰Samuti, yandi kufwaka, samuna masumu yandi fwilaka mbala mosi, yandi fulukaka na bantu yina kufwa yandi ke moyo samuna nZambi yandike moyo. ¹¹Na yau beno mosi beno tala mutindu bantu ya kufwa na masumu, mutindu moyo na Nzambi na nzila ya Yesu Klisto.¹²Na yau masumu yala diaka ve na nzutu ya beno ya mfwilu, mpe ku tumamana diaka ve ba nzinunu ya yandi. ¹³Ku bika binama y ange ve na masumu, mutindu bisaduluya masuùu, kansi beno kukipesa beno mosi na Nzambi, mutindi beno fwandaka mpe beno pesa binama ya beno mutindu bisadulu ya lunungu.

¹⁴Samuti masumu ke vwanda diaka lulendo ve na beno, samuti beno me kumaka, na yinsi ya nsiku ve, kansi na ya nlemvo.¹⁵Ya zola tuba yinki! beto vola beto masumu samuti beto kele ve na yinsi ya nsiku, kansi na nlemvo? Mutindu yina ve! ¹⁶Beno zaba ve na ku kipesa na muntu mutindu ya nnanga samu nge tumamana yandi, nge me kuma nnanga yin ange kena tumamana nnanga ya masumu ke nata na fwilu nnanga na ntumumunu ke nata na lunungu?¹⁷Matondo na Nzambi, na manima kuvwanda minnanga ya masumu, beto tumamanaka na ba ntima ya beto malongi beno longwaka. ¹⁸Na kukulwa na masumu, beno me kumaka minnanga ya lunungu¹⁹Me tuba na mutindi ya bantu, samuti na kulemba ya nzutu ya beno, mutindu mosi mpe beno pesaka binama ya beno mutindu bisadulu ya nsumukunu na kimpumbulu na kusala kimpumbulu, mutindu yina beno yekulaka binama ya beno mutindu minnanga ya lunungu samu beno vwanda ya nlongo. ²⁰Samuti na ntangu beno vwandaka minnanga ya masumu beno vwandaka kimpwanza na nsiku. ²¹Wapi mutindi ya butu beno kena ku nata ? Mavanga yina beno fwila nsoni bubu yayi, samuti na nsuka na yau kele lufwa.²²Mutindu beno me katukaka na masumu mpe beno me kuma minnanga na Nzambi, beno kele na mavanga ya beno ya kuvwandila ya nlongo, mpe na nsuka na yau moyo ya mvula na mvula. ²³Samuti mfutu ya masumu kele lufwa, kansi nkailu ya nlemvo Nzambi yi kele moyo ya mvula na mvula na Klisto Yesu Mfumu ya beto.

7¹Ba mpangi, beno zaba ve samuti me tubila beno na bantu me zaba nsiku, nsiku kele na lulendo na muntu ntangu yandi ke moyo ?²Mutindu mosi nketo ya makuela, yandi ke ku ngangama na bakala ya yandi ntangu yandi ke moyo, kansi ti bakala me kufwa, yandi ke diaka na yinsi ya nsiku ve yina vwandaka kanga yandi na bakala n’andi. ³Na ntangu bakala n’andi vwandaka moyo, yandi kuma nketo ya muntu ya nkaka, bake bokidila yandi mpupa, kanati bakala me kufwa, yandi me sabuka na minsiku yina ke vwanda diaka mpupa ve, kansi nketo ya muntu ya nkaka.⁴Mutindi mosi mpe ba mpangi, beno mpe vwandaka na nzutu ya Klisto kufwaka na nsiku samu beno vwilu na muntu ya nkaka, na yina futumukaka na bantu ya ku fwa, samuti beto buta ba mbutu samu Nzambi. ⁵Na yau, ntangu beto vwandaka na nsuni, ba nzinunu ya beto ya masumu ya lamukaka na nsiku ya bikanaka na binama ya beto na ku buta mbutu ya lufwa.⁶Bubu yayi, beto me kumaka na kimpwanza ya nsiku, na yau beto ke minnanga na mutindu ya mon aya mpeve mpe na mvwandulu ya ntama ya bisono ve⁷Yinki beto ke tuba ? Ba nsiku ke masumu ? Mutindu yin ave. Kansi si kana na nsiku ve, muzolaka zaba masumu ve, mu zolaka zaba nzinunu ve, kana nsiku tubilaka ve : ku zinina ve. ⁸Masumu bakaka nzila na nsikudukusu ya bikanaka na munu nzinunu nionso, ku kondwa nsiku masumu ya kufwa.⁹Na munu, mu vwanda zinga na nsiku ve, me na ntangu nsiku me kuiza, masumu me baka moyo kansi munu me kufwa. ¹⁰Me mona nsiku ke nata na moyo na munu ke nata lufwa.¹¹Samuti masumu bakaka nzila na ba nsiku me nata beto nsiku mpe na yau mu kufwaka. ¹²Nsiku kele ya nlongo, nsikudukusu ya nlongo ya lunungu mpe ya mbote.¹³Na yau nionso yina vwandaka ya mbote me kuma ya lufwa na munu ? Mutindu yina ve ! kansi masumu samuti ya monna mutindu masumu na kupesa lufwa na yina kele ya mbote mpe na nsiku ya me kuma kubediswa. ¹⁴Beto me zaba ti nsiku ya kele ya kimpeve, kansi munu, mu kele na nsuni ya kutekwa na masumu.¹⁵Samuti muzaba ve yina mukena ku sala mukena kusala ve yina mu zola mpe mukena kusala yina me manga. ¹⁶Na kutala, kana mukena kusala yina mu zola ve, mu kena kuzaba na nzila yina ke nsiku yak e ya mbote.¹⁷Na kifulu yina, munu ve kena kusala kansi masumu kena munu kena munu. ¹⁸Yina ke ya mbote, me zaba, kele ve namu ya zola tuba na nzutu ya munu, mukena mabanza, kansi lulendo ya kusala mambote kele ve.¹⁹Kansi mu ke sala ve mbote mu zola, bosi mu kena kusala mambu ya yimbi yina mu zola ve. ²⁰Kana mukena kusala yina mu zola ve, yak e diaka munu ve kena kusala kansi masumu kena munu kena kusala yau. ²¹Mu kena kumona na munu nsiku yina ; na ntangu mu ke sosa kusala mambote, mambu ya yimbi ke ya kukangama na kati.²²Samuti mu ke sepelaka na nsiku ya Nzambi mutindu muntu ya kati; ²³Kansi mu kena kumona binama yamunu na nsiku ya nkaka kena kumanisa nsiku na ngwilu ya munu, kena ku kanga munu na nsiku ya masumu yina kele na binama ya munu.²⁴Kiadi na munu muntu ya masumu, nani ke katula nzutu ya munu na mpasi ya lufwa. ²⁵Nlemvo vutuka na Nzambi na nzila ya Yesu Klisto Mfumu ya beto !... Na yau munu mosi, mu kele nnanga na ngwilu ya nsiku ya Nzambi mpe mu kele na nsuni nnanga ya nsiku ya masumu.

8¹Na yau, bubu mbedoso ke diaka ve na bayina kena Klisto Yesu. ²Samuti nsiku ya mpeve ya moyo na Klisto Yesu me nungisaka munu na nsiku ya masumu mpe ya lufwa.³Samuti yina nsiku kokaka kusala ve, ya vwandaka na ngolo ve na nsuni – Nzambi salaka yau, yandi fidisaka mwana n’andi na kifwani ya nzutu ya masumu, samuna masumu, ya me bedisa masumu na nsuni. ⁴Samu lunungu ya nsiku ya kukisama na beto kena kutambula, na nsuni ven kansi na mpeve. ⁵Bayina, kena ku zinga na nsuni ke sadilaka na bima yin aya nsuni, na bayina ke zingilaka na mpeve bak e sadilaka na bima yina ya mpeve.⁶Mpe kusadila nsuni ya ke lufwa, kansi ku sadila mpeve, kele moyo mpe kiyenge. ⁷Samuti nsadulu ya nsuni ya kele kintatu na Nzambi, samuti yandi ke tumamanakave na nsiku ya Nzambi me yandi lenda koka yau ve. ⁸Na ku tala bayina ke zingaka na nsuni ba lenda zolakana na Nzambi ve.⁹Na beno, beno kena kuzinga ve na nsuni, nkasi na mpeve, si kana Mpeve ya Nzambi kele kati kati ya beno, kana muntu kena Mpeve ya Klisto ve, yandi ke ya yandi ve. ¹⁰Mpe kana Klisto kena beno, nzutu, ya kedika, yak e ya kufwa na masumu, kansi mpeve yak e moyo samuna ndungunu.¹¹Kana mpeve ya yina fulukisaka Yesu na yinsi ya bafwa kele kati-kati ya beno, yina fulukisaka Klisto na bafwa yandi ke vutula moyo na ba nzutu ya beno ya lufwa na nzila ya Mpeve yina kele kati-kati na beno.¹²Na yau, ba mpangi, beto ke diaka na mfuka ve na nsuni samuna kuzingi na nsuni. ¹³Kana beno ke zinga na nsuni, beno ke kufwa, kansi ti na mpeve, beno kufwa mavanga ya nzutu, beno ke zinga,¹⁴Na bayina nionso kena ku tuaduswa na Mpeve ya Nzambi ba kele bana ya Nzambi. ¹⁵Bosi beto bakaka mpeve ya kinanga ve, samu beno tatamana kumona wonga ; kansi beno bakaka Mpeve ya kimwana na yau beto ke bokaka : Aba, Papa !¹⁶Mpeve yandi mosi kena kuba na mpeve ya beto ke beto kele ban aya Nzambi. ¹⁷Naku tala, kana beto kele ban aya Nzambi, beto kele bayina ke vingana : mimvingidi ya Nzambi mpe kituadi na Klisto, kana ti beto kena ku mona mpasi kintuadi na Klisto, kanati beto mpasi kintuadi na yandi, samu beto kembuswa na yandi mpe.¹⁸Mukena kubanza, ba mpasi ya ntangu yayi lenda tezwikuswa ve na nkembo ke kwiza na nkembo beto ke baka. ¹⁹Na yau, nionso salamaka kena ku vingila na mutindu yina ke zabanana ban aya Nzambi.²⁰Samuti nionso salamaka ya vwandaka na ku vukila, na luzolo ya yau ve, kansi na luzolo ya yina yinimisaka yau.

²¹Na kivuvu, samuti ya vuluswa na kinanga yak u bedisa minsiku, na ku baka kifulu ya kimpwanza na nkembo ya ban aya Nzambi.

²²Samuti, beto zaba ti na kilumbu ya bubu yayi, nionso salwaka ke pemaka mpe kena mpasi ya kubuta.²³Yau kaka ve : beto diaka, bakaka nkailu ya mpeve ya ntete, beto diaka beto mpe kena kuvumuka na kati ya beto na kuvingidila kimwana, yina kele nkudulu ya ba nzutu na beto. ²⁴Samu na kivuvu beto vuluswaka, samuti kivuvu yina ke monanaka kele kivuvu ve : yina ke monaka muntu yinki yandi lenda tudila yau kivuvu ? ²⁵Kana ti beto metula kivuvu na yina beto kena mon ave, beto kena ku vingila na ku tatamama.²⁶Mutindu mosi mpe na mpeve, kena kusadisa beto na ku lebakana ya beto, samuti beto zaba ve yina me fwanakana na kulomba na ba nsambudulu, kansi mpeve yandi mosi kena ku dimvutu na ba mpukumunu lenda visakana ve. ²⁷Yandi ke fionguninaka ba ntima me zaba wapi mabanza ya mpeve, samuti mutindu ya Nzambi kena kudia mvutu ya banlongo.²⁸Beto me zaba ke nionso ke salamaka na mutindu mosi na mbote na bayina ke zolaka Nzambi, bau ke bokulwaka na lukanu ya Nzambi. ²⁹Samuti bayina yandi ku kizabilaka, yandi kaninaka bau bavunda mutindu ya yandi na kifwani ya mwana n’andi samu na muana n’andi samu ya vwanda yina ba salaka ntete na kati ya ba mpangi mingi. ³⁰Bayina yandi kaninaka, yandi bokilaka bau mutindu mosi ; bayina yandi bokila, yandi me nungisa bau, bayina ya nungisaka, yandi kembisaka bau.³¹Yinki beto ke tuba na mambu ya mutindu yayi ? Kana Nzambi kena beto, nani lenda ; nani lenda vwanda na beto kintatu ? ³²Yandi, vengumunaka muana n’andi ve, kansi yandi pesaka yandi samuna beto nionso, wapi mutindu yandi ke pesila beto ve bima nionso na yandi ?³³Nani ke vunda bayina ke yak u solwa ya Nzambi ? Nzambi ke nungisaka bau ! ³⁴Nani ke bedisa bau ? Klisto kufwaka ; vulukaka mpe, yandi ke nza diboko ya lubakala ya Nzambi, yandi kena kudila beto mvutu.³⁵Nani lenda vambisa beto na zola ya Klisto ? Ncita, to ba mpasi, nzomono, to nsatu, to kondwa bilele, wonga to sabala ? ³⁶Mutindu ya sonamaka : samuna nge bak e fwilaka beto bilumbu nionso, ba ke na ku tala beto mutindu mwana meme ba fwana kufwa.³⁷Na nionso, beto kena ndungunu na yandi zolaka beto. ³⁸Samuti mu kena kiminu yak u kwikama, lufwa ve, moyo ve, ba mbasi ve, ki kuluntu ve, bima ya ntangu yayi ve mpe bima yina ke kwiza ve. ³⁹Lulendo ve, ya zulu to ya ntoto ve, yin aya yinsi ya ntoto ve, kima mosi ve ya nkaka salwaka lenda vambisa beto na zola ya Nzambi yina kele na Klisto Yesu, Mfumu ya beto.

9¹Me tuba ya kedika na Klisto, mu kena kuvuna ve, kansasa ya munu kena kutumba kimbangi na Mpeve ya Nlongo:

²Mu kena kiandi ya ngolo mpe mpasi na ntima kena ku tatamama.³Samuti mu zolaka munu mosi na ku vuanda na nsingulu mpe ku kabuka na Klisto samuna ba mpangi, bibuti ya munu na kinsunu, ⁴Ba yina kele ba Yudayo, yina kele mimvingani, mpe na nkembo, na luwawanu, mpe nsiku, mpe lusambulu, mpe na nsilulu, ⁵Mpe bakulu, mpe kuna katukaka Klisto na kinsunu na zulu ya nionso, Nzambi sakumuna na ntangu nionso. Amene!⁶Ya kele diaka ve na kutuba ke mambu ya Nzambi ya vuanda na mfunu ve. Samuti bantu nionso katuka na dikanda ya ba Yudayo ba kele ve baYudayo, ⁷Mpe, na kuvuanda na dikanda ya Abalami, ba kele bau nionso bana ya yandi ve, kansi yandi me tuba : Na Isaki bake bieka na nge dikanda ya nene,⁸Yina kena kutuba ya kele vebana ya kinsunu kele bana ya Nzambi, kansi ba kele ban aya nsilulu ba kena kutala nkuna. ⁹Yayi, na kutala, mambu ya nsilulu : Mu kekuiza diaka na ntangu ya mutindu yayi, mpe Sala ke baka muana.¹⁰Mpe, na ku buela diaka, na vuandaka mutindu mosi na Lebeka buta Isaki yandi mosi, tata ya beto; ¹¹Samuti, bana ba butukaka ntete ve na tangu yaku sala mbote to yimbi, samuti na luzolo nsodolo ya Nzambi ya zingila na tadidila ve mavanga, mpe na luzolo mosi ya yina kena ku bokila, ¹²Ya tubamaka na Lebeka : Nkulutu ke vuanda na kinanga ya nleke mutindu ya sonamaka : ¹³Mu zolaka Yakobi mpe Esau mu yinaka yandi.¹⁴Yinki beto ke tuba na yau ? Kondua lunungu kele na Nzambi ? Yau ve! ¹⁵Samuti yandi tubaka na Mose : Mu ke monisa nlemvo ya munu na yina mu zola mpe muke mona nkenda na yina mu zola.

¹⁶Na yau, yina kena ku tadila ve na yina zola to na yina kena kuzaula, kansi ya Nzambi ke monisaka nkenda nandi.¹⁷Samuti masonukua kena kutuba na Falao : Mu tadimisaka nge samuna luzolo ya munu na ku monisa na nge lulendo ya munu, mpe samuti, kumbu ya munu ya zabakana na ntoto nionso.

¹⁸Mutindu, yandi monisaka nkenda nandi na yina yandi zola mpe yandi ke badisa ntima ya yina yandi zola.¹⁹Nge kena ku tuba : Samuna yinki yandi kena ku tema diaka? Samuti nani lenda kondua ku tumama na luzolo ya yandi? ²⁰O muntu, nge na nga, nani nge kele na ku manga Nzambi? Kihumbu lenda mangayina salaka yandi, na kutuba samuna yinki nge me sadila munu mutindu yayi? ²¹Mvangi ya kihumbu yandi ve ke na lulendo lubumba, samuna kusala mutindu mosi na nene kihumbua ya nzitusu mpe kihumbua ya kondua nzitusu?²²Mpe yinki beto lenda tuba, kana Nzambi, na ku zola monisa nganzi n’andi mpe ku monisa lulendo, yak u vibidila na mvibudulu ya kihumbua na nganzi vangi samuna nzimbusu,

²³Mpe kana yandi zolaka sala na ku monisa kimvuama ya nkembo na bihumbua ya nkenda yandi me bongisaka ntama samuna nkembo? ²⁴Mutindu yina beto bokuluaka, yau kaka ve na ku kota na ba Nyudayo, kansi diaka na kukota na bapaïen,²⁵Mutindu ba tubila na osea : Mu ke bokila bantu ya munu, yina vuanda ntete ve bantu ya munu, mpe ba bizolua ya munu yina vuandaka ntete ve, bazolua ya munu ve; ²⁶Mpe ba zabisaka bau : Beno kele ve bantu ya munu ! bake bokulua bana ya Nzambi ya moyo.²⁷Yesaya, na ndambu nandi, bokaka na diambu ya bana Isaeli : na ntangu ban aya Isaeli ke buelama, bake vuanda mutindu nienge na disimu ya yibu, ndambu kaka ke vulusua. ²⁸Samuti Mfumu ke sala nionso mpe na mbote nionso yandi kanisaka. ²⁹Mpe mutindi Yesaya tubilaka yau na ntama :

Kana Mfumu ya bi nuani, Yandi zola bika beto nkuna Beto zolaka kuma mutindu ya Sodomi Beto zolaka mutindu mosi na Ngomoli.

³⁰Yinki beto ke tuba ? Bapaien ke sosaka ve lunungu, ba bakaka lunungu, lunungu ke kuizaka na kiminu, ³¹Isaeli, bau vuandaka sosa nsiku ya lunungu, ba koka ve na nsiku.³²Samuna yinki ? Samuti Isaeli yandi sosa ka ve na kiminu kansi mutindu yina katukaka na mavanga, ba tutanaka na dibanga ya masakuba, ³³Mutindu ya sonamaka : Tala, me tula na Sioni dibanga ya masakuba, mpe yina ke ndima na yandi, yandi ke fuisua nsoni ve.

10¹Bampangi, nsila ya ntima na munu mpe lusambulu na Nzambi samuna beno, beno fuanda yak u vulusua.

²Mu kena tela bau kimbangi , ba kena vema na Nzambi, kansi bak ena mayele ve: ³Na ku zaba lunungu ve ya Nzambi mpe ku sosa na ku tula kituadi na lunungu, ba me kondua ku mi kitisa na tuala ya lungu ya Nzambi;⁴Samuti Klisto kele na fin ya nsiku, samuna ndungusulu ya bayina ndimaka. ⁵Na yau, Mose kena tadila lunungu mutindu ya mekatuka na nsiku, Muntu ke tula mambu yayi na mavanga yandi ke zinga na yau.⁶Kansi tala wapi mutindu kena kutubila lunungu me katuka na kiminu : Kutuba ve na ntima yange : Nani ke kota na dizulu ? Na ku kitisa Klisto ; ⁷Nani ke kita na dibulu ya mpinda ? Na ku kuenda tombula Klisto na kati ya bantu ya kufua.⁸Yinki beto lenda tuba ? Mambu kele pene pene yange, na yinua ya nge mpe na ntima yange. Kana mambu ya kiminu beto ke longisaka. ⁹Kana nge me ndima masumu ya nge na yinua Mfumu Yesu, mpe kana nge me ndima na ntima na nge ke Nzambi vulukisaka yandi na bayi kufuaka, nge ke vulusua.

¹⁰Samuti na kundima na ntima ke kumisaka na lunungu, mpe na kundima masumu na yinua ke nataka na mpulusu, mutindu me tuba masonukua,¹¹Konso muntu me ndimina yandi ke fuisua nsoni ve. ¹²Disuasanu yi kele ve, na kati ya Nyudayo mpe ba Elene, samuti bau nionso kena Mfumu mosi, kele kimvuama samuna bantu nionso ke bombidilaka yandi. ¹³Konso muntu ke bombidila nkumbu ya Mfumu ke vulusua.¹⁴Wapi mutindu beto lenda bombidila muntu yina beto ndimina ve? Mpe wapi mutindu beto lenda ndimina yina ba kuwaka ba tubila bau ve? Wapi mutindi ba lenda tubila bau ve kana muntu longisa bau ve? ¹⁵Mpe wapi mutindu beto lenda baka minlongi kana ba fidisa bau ve? Mutindu ya sonamaka: Ya kele mbote na makulu ya bayina kena nata nsangu ya yenge, ya bayina kena ku nata nsangu ya mbote!¹⁶Kansi bantu nionso ndimaka ve na Nsangu ya Mbote. Bosi Yesaya tubaka : Mfumu, nani ndiminaka Nsangu ya Mbote beto longisaka ? ¹⁷Na yau kiminu ke kuizaka na yina betoke kuwaka, mpe yina beto ke kuwaka ke katukaka na mamabu ya Klisto.¹⁸Kansi me tuba : Ba ku waka ve ? Na mutindu ya nkaka ! Ba ndinga ya bau wakanaka na yinza nionso, mpe malongi ya bau kuendaka ti na nsuka ya ntoto.¹⁹Kansi me tuba : Isaeli zabaka yau ve ? Mose, ya ntete, tubaka : Muke lamusa kimpala ya beno na yina kele makanda, mu ke sokusa nganzi ya beno na dikanda mosi ke na mayele ve.²⁰Mpe Yesaya na ku kumisa luzayu yaku tuba : Mu monanaka na bau vuandaka sosa munu ve. Mu kukimonikisa na bayina vuandaka lomba munu ve. ²¹Kansi na mambu ya Isaeli yandi me tuba : Mu zibulaka maboko bilumbu nionso na dikanda ya yintu ya ngolo, mpe ku manga mambu.

11¹Me tuba : Nzambi lozaka dikanda ya yandi ? Kuna ve ! Samuti munu mpe me kele Nyudayo, ya dikandaya Abalami, na dikanda ya Benyamini. ²Nzambi lozaka ve dikanda nandi, yina nandi zabaka banda ntama. Beno zaba ve yina masonukua kena ku tuba samuna Elia, wapi mutindu yandi kena kusala na Nzambina ku kanina samuna Isaeli : ³Mfumu, ba kufuaka mimbikudi y ange, ba buisaka bi yokolo y ange,mpe me bikana munu mosi kaka, mpe ba kena sosa na kufua munu?⁴Kansi wapi mvutudulu Nzambi pesaka yandi ? Mu kuki vengulaka ba nkama nsambuadia ya bantu, yina fukiminaka baal ve. ⁵Mutindu mosi na ntangu yayi, ya kele ndambu bikanaka, mutindu kele nsodolo ya nlemvo.⁶Kana na nlemvo, ya ke diaka na mavanga ve, na mutindu ya nkaka na nlemvo na nlemvo me luta.mpe kana mavanga, yak e diaka nlemvo ve ; samuti mavanga ke diaka mavanga ve. ⁷Yinki diaka ? Yani ba Isaeli kena ku sosa, yandi bakaka yau ve, kansi na ba yina ke yak u solua, ⁸Mutindu ya sonamaka :Nzambi pesaka bau mpeve ya pongi, meso samuna ku mona ve, mpe makutu samuna kuwa ve tina kilumbu yayi. Bosi Davidi kena kutuba.⁹Bika meza ya bau ya vuanda samuna bau mutambu, dikonde, nzila ya kubua, mpe ya mfutu! ¹⁰Bika meso ya bau ya vuanda na kitombe samu ba mona ve, mpe ba me simba mikongoni ya bauvuandaka ntangu nionso yaku tengama!¹¹Me tuba: Na kubua ba vengamanaka ? Kuna ve !Kansi, na mbuilu, mpulusu mekuma na ba mpakanu samu ba lamusi kimpala ya bau. ¹²Na kutala, kana ti mbuilu ya bau vuandaka kimvuama ya yinza, mpe mbuilu ya bau kimvuama ya ba mpakanu, ntangu yikua bak e vuandila mutindi yina na ntangu bau nionso ke vilula ba ntima.¹³Mu kena kutuba na beno, ba mpakanu : Na ntangu mu kele ntumua ya bampakanu, muke kembisa kisalu ya munu, ¹⁴Samuti kana ya zolakana, na kulamusa kimpla ya ba yina ke yak u zimbala samuna ku vulusa ba ya nkaka.¹⁵Samu ku katuka ya bau vuandaka nguizani ya yinza, wapi mutindu bak e vutukila na nguizani, kanati moyo na kati ya ba yina ke kufua? ¹⁶Na ku tala, kanati mibutu ya ntete kele ya nlongo, yau mpe nene na yau ke vuanda ya nlongo, mavala mpe ke vuanda mutindu mosi.¹⁷Kansi kana mavala ya nkaka katuluaka, mpe kana nge vuandaka olive ya mfinda, nge vuandaka yak u katulua na kifulu ya bau, mpe nge me kumaka kintuadi na musisa mpe na mafuta ya yinti ya olive, ¹⁸Kuki yana ve nionso kele samuna mavala. Kanati nge me kukiyana, zaba ke nge ve kena ku nata musisa, kansi musisa kena ku nata nge.¹⁹Nge ke tuba na yau : Mavala katuluaka, samuna munu mu yikukusua. ²⁰Yina ke ya kedika, ba katuluaka samuna mbadusu ya ntima, mpe, nge kena ku sikila na kiminu. Ku kibika na ku kizangula kansi mona wonga; ²¹Kana Nzambi vengumunaka mavala ya yinti ve, yandi ke vengumuna nge mpe ve.²²Na kukitala, na mambote mpe na kusiamusua na Nzambi : mpe kusiamisa bayina kena ku bua mpe mambote ya Nzambi na ntadisi y ange, kana nge me kangama ngolo na mambote ; kanati mutindu yina ve nge ke katulua.²³Bau mpe mutindu mosi, si kana ba kangama na ku kanga ntima, bake vuanda ya kuyikua ; kana Nzambikena lulendo samuna ku yikua diaka. ²⁴Kana nge, nge ke yak u zengua na yinti ya olive na mutindu ya kufuana ve, na yau ya ke ya kuyikua mutindu ya kufuana na yinti ya olive, na kedika ba ke yika bau mutindu kele nsadulu ya mbote na yinti ya olive.²⁵Samu mu zola ve, ba mpangi, beno zimbana mansueki, samu beno tala ve mutindu ya bantu ya mayele, ya kele ndambu ya Isaeli kubuaka naku badisa ba ntima, na kitezo ba ya bapakanu nionso ke kota.²⁶Mpe mutindu yina Isaeli nionso ke vuanda ya k u vulusua mutindu ya sonamaka : Mvulusi ke katuka siona, Mpe yandi balula yimbi ya Yakobi; ²⁷Mpe yak e vuanda luwawanu ya munu na bau, na ntangu me ke katula masumu ya bau.²⁸Na yina metadila Nsamu ya mbote, ba kele ba mbeni samuna beno ; kansi na yina metadila nsobolo, ba zoluaka samuna ba tata ya bau. ²⁹Kadi Nzambi ke vutukaka ve na manima na minkailu mpe na mbokolo.³⁰Mutindu beno mpe vuandaka ntangu ya nkaka kutumama ve na Nzambi mpe na ku kondua kutumama beno kele bubu na kubaka nkenda, ³¹Mutindu mosi, ba kena ku tumama ve bubu yayi, samuna, na nkenda yina yandi sadilaka beno, ba me baka nkenda. ³²Samuna Nzambi kangidilaka, bantu nionso na kukondua ku tumama, samuna ku sala nkenda na bantu nionso.³³Na mpinda ya kimvuama, ya mayele mpe ya buzayu ya Nzambi! Bika ba nsambusu ya yandi lenda kangasana ve, mpe , ba nzila nandi lenda fisakana ve, samu ³⁴Nani zabaka mabanza ya Mfumu to nani vuandaka luengisi ya yandi?³⁵Nani pesaka yandi ya ntete, samu yandi baka na manima? ³⁶Ni yandi, na nzila nandi, mpe samuna yandi bima nionso. Na yandi nkembo na ba mvula na ba mvula! Amene.

12¹Mu kena ku bombibila beno, ba mpangi, na nkenda ya Nzambi, na ku kaba ba nzutu ya beno lokola nkailu ya moyo, ya nlongo, ya ku zolakanana Nzambi, yina ke vuanda na ndambu ya beno lukutukunu ya ku zolakana. ²Beno vukukila ntangu yayi ve, kansi beno vuanda ba yina kena soba nankadulu na mayele ya beno, samuti beno zaba luzolo ya Nzambi, beno zaba yi na kele ya mbote, yaku ndimama mpe ya sungama.³Na nlemvo yina pesamaka na munu, mu kena ku tuba na mosi mosi na beno na kuvuanda ve na ku kizangika na beno, kansi beno vuata na banza ya mbote, mutindu kele kitezo ya kiminu ya beno yina Nzambi kabula na muntu na muntu.⁴Samu, mutindu na nzutu mosi beto ke na binama mingi,, mpe binama nionso kena kisala mos ive, ⁵Na yau, beto kele mingi, beto kena kusala nzutu mosi na Klisto, mpe beto nionso kele binama.⁶Samuti beto ke na mikailu ya disuasanu, mutindu nlemvo pesamaka beto, bika yina kele na nkailu ya mbikudilu sala yau mutindu kele ya kusonga na kiminu; ⁷Bika yina bokuluaka na kisalu kangama na kisalu nandi ; bika yina ke longaka kangama na ndongolo nandi, ⁸Mpe yina ke na kusimisa bantu na nsiamusu ya bantu. Bika yina ke pesaka sala yau na ntima ku zibuka ; bika yina ke tuadisaka sala yau na kinkuikizi nionso ; bika yina ke fuilaka bantu nkenda sala yau na kiese.⁹Bika zola vuanda kondua meso na yinsi a lukaya, beno manga ku sala yimbi, beno tatamama ku sala mambote.

¹⁰Na nzila ya luzolo ya kimpangi, beno vuanda yak u fuluka nzolua ya nge mpe na ba ya nkaka ; na nzila nzitusu, beno zitasana.¹¹Beno vuanda na ntatumunu, mpe ku vuanda mmolo ve, beno vuanda na mpeve, beno sadila Mfumu. ¹²Beno yangalala na kivuvu, beno vuanda na mvibudulu na ba mpasi. Beno tatamana na lusambulu. ¹³Beno sadisa ba nlongo. Beno vuanda na nzolua banzenza.¹⁴Beno sakumuna ba yina kena zoma beno, sakumuna mpe ku singa ve. ¹⁵Beno yangalala na ba yina kena yangalala, beno dila na ba yina kena kudila. ¹⁶Beno vuanda na mabanza mosi beno nionso, ku zomina kifulu ya zulu ve, kansi kukibika ba landakana ba yina ke kuki kitisaka. Ku vuanda ve yak u fuluka na mayele na meso yange.¹⁷17.Ku vutula na muntu yimbi na yimbi ve. Sosa yina kele ya mbote na ntuala ya bantu nionso. ¹⁸18.Kana ti ya kele ya ku zolakana na nge, vuanda na kiyenge na bantu nionso.¹⁹Ku vutula na muntu me sala nge yimbi ve, mpangi ya zola, kansi bika nganzi ya Nzambi ya vaunda na yandi, samu ti ya sonamaki : Na munu na ku vutula, na munu na ku pesa ndandu me tuba Mfumu. ²⁰Kansi kana ti mbeni ya nge kena nsatu, pesa yandi kima yandi ku dia, kana mpe yandi kena mpila pesa yandi maza yandi kunua, samuti na ku salaka mutindu yina, ya kele makala ya tiya nge kena ku tula na yintu ya yandi. ²¹Ku kibika ve ba nunga nge na mambu ya yimbi, kansi nunga mambu ya yimbi na ya mbote.

13¹Bika muntu nionso fwanaka lemvuka na ba kuluntu samuti kikuluntu, nionso katukaka na Nzambi mpe Nzambi tulaka ba kuluntu nionso. ²Na yau yina ke tediminaka ba kuluntu yandi ke tediminaka ba nsiku ya Nzambi, mpe bayina ke tediminaka yau bake baka nzengolo na bau mosi.³Na mavanga ya mbote ve, me na yimbi, ba zuzi kele na nsisi, nge zola mona wonga ba kuluntu ve ? Sala ya mbote, mpe nge ke baka nzitusu na bau . ⁴Samuti zuzi kele kele kisadi ya Nzambi samuna mambote na nge. Kana nge sala ymbi, mona wonga, samuti na mpamba ve yandi me simba sabala, yandi kisadi ya Nzambi samuna ku vutula nlandu mpe ku semba yimbi.

⁵Na yau ya me fwana na ku nlemvuka, na wonga ve ya lusembo, kansi diaka na mambu ya nkansasa⁶Na yina beno ke futaka mpaku, samuna ba zuzi ba kele bisadi Nzambi na yau ba ke tatamanaka na kisalu yina. ⁷Na yau, bika beno futa ba mfuka ya beno na bantu nionso : mpaku na yina me kuvwa mpaku, wonga na yina me fwana na kumonwa wonga, nzitusu na yina me fwana na nzitusu.⁸Beno vwanda na mfuka na muntu ve, kana kuzolasana kaka beno na beno, yina ke zola mpangi n’andi, yandi me lungisa nsiku.

⁹Yayi, kele ba ntumumunu : nge ke sala kinsuza ve, nge ke kufwa muntu ve, nge ke yiba ve, nge ke zinina kima ya ngana ve, yina lendaka ku vuanda kena ku monika na : ngeke zola mpangi y ange mutindu nge mosi. ¹⁰Zola ke salaka yimbi na moninga ve, zola ke nungusaka nsiku.¹¹Na yau, beno me zaba ntangu beto me kuma, ya kele ntangu beto lamuka na pongi, samuti mpulusu vuandaka ntama, ntangu beto me kumaka bantu ya kiminu, ya me pusana na beto bubu yayi. ¹²Mpipa me pusana, muini me pusana. Na yau beto bika mavanga ya mpipa mpe beto vwata binuanunu ya kia¹³Beto diata mutindu ya mbote mutindu beto lenda tambula na muini, na makinu ve, mpe na ku zola malavu ve, na kinsuza ve, na mpaka mpe minzonza ve. ¹⁴Kansi beno vuata Mfumu Yesu Klisto, beno vuandila nsuni mayindu ve, na ku yukutisa ba nzinunu.

14¹Beno yamba muntu nionso kele ya kulebakana na kiminu, ku sala mpaka na diambu ya mabanza ve. ²Mosi ke ndimaka ku dia nionso, ya nkaka ke ya kulebakana ke ku diaka kaka ba ndunda.³Yina ke kudia yina ke kudiaka ve, yina ke kudiaka ve yandi fundisa ve, yina ke kudiaka. Samuti Nzambi yambaka yandi.

⁴Nge ke nani nge kena kufundisa kie sieloya ngana ? Yandi lenda telama to kubwa, ya me tala kaka Mfumu n’andi, samuti yandi ke telama, samuti Mfumu kena lulendo ya kutedimisa yandi.⁵Muntu lenda ku tezikisa bilumbu; ya kaka kena kumona ke nionso mutindu mosi kuandi. bika muntu muntu teza na mayele ya yandi mosi. ⁶Yina ke kanisaka na kilumbu yandi sala yau na Mfumu. Yina kena kudia, yandi kena kudia na Mfumu, na kuvutula matondo na Nzambi, yina kena kudia ve, yandi vutula matondo na Nzambi, yina kena kudia ve yandi kudia ve na Mfumu mpe yandi vutula matoando na Nzambi.⁷Na yau, mutindu beto kele, mos ive kena moyo samuna yandi mosi mpe mos ive kufwaka na yandi mosi. ⁸Kanati beto kena kuzinga, beto kena kuzinga samuna Mfumu, kana mpe lufwa, beto ke kufwaka samuna Mfumu. Na yau, kana beto ke moyo to beto me kufwa, beto me vwilu na Mfumu. ⁹Na diambu yina Klisto ku fwaka mpe yandi bakaka moyo diaka samu yandi vwanda Mfumu ya ba yin aya kufwa mpe bayina ke moyo.¹⁰Kansi nge, samuna yinki nge kena kusambisa mpangi yange ? To nge samuna yinki ku yina mpangi y ange ? Samuti beto nionso, beto ke telama na ntwala ya kiti ya Nzambi na ku sambuswa. ¹¹Samuti ya sonamaka : mu kele moyo, tubaka Mfumu, makungunu nionsi ke fukama na ntwala ya munu mpe ba ndinga nionso ke pesa nzitusu na Nzambi.¹²Na yau, mosi mosi na beto ke dedikisa diambu na yandi na ntwala ya Nzambi. ¹³Na yau, beto lenda fundasana diaka ve, beto na beto, kasi beto kanisa na ku sala diambu ve na mpangi yina lenda vwanda diambu ya masakuba mpe nsumukunu.¹⁴Me zaba mpe mu kena kiminu na Mfumu Yesu, ke kima mosi ve ke ya kusumuka yau mosi mpe kima mosi ya kusumuka samuna yina kena kundima ke yak e ya kusmuka. ¹⁵Kana, na kudia, nge ke niongisaka mpangi wana nge ke ku diaka na zola ve. Ku bebisa muntu fwilaka Klisto na kudia y ange.¹⁶Na yau, kubika ve mambote ya beno ya vuezuka ve. ¹⁷Samuti kimfumu ya Nzambi ya kele na ku dia to ku nwa ve, kansi na lunungu, kiyenge mpe mayangi na Mpeve ya Nlongo.¹⁸Yina ke sadilaka Klisto na mutindu yayi yandi ke ya kuzolakana na Nzambi mpe ku ndimama na bantu. ¹⁹Na yau, beto sosa yina pesaka kiyenge mpe ntungulu ya kintwadi.²⁰Ku bebisa kisalu ya Nzambi samuna mambu ya madia ve. Na kedika bima nionso yak e ya ku vedila, ya yimbi kanati muntu kena kudia yandi kuma masakuba. ²¹Ya kele mbote na ku dia mbizi, na ku nwa vinu ve, mpe na ku lemba ku sadila konso kima lenda pesa masakuba na mpangi.²²Kiminu yayi kena nge lunda yau samuna nge mosi na ntwala ya Nzambi. Kiese kele na yina kena ku kifundisa ve na yina yandi me zaba yak e ya mbote. ²³Kasi kanati mosi kena keti-keti na yina yandi kena kudia, yandi me beduswa samuti yandi sala yau na kiminu ve, samuti nionso ke salamaka na kiminu ve kele masumu.

15¹Beto kena ngolo, beto fwana simbidila yina ke yaku lebakana, ba yina kena yau ve, mpe na ku ki zola ve beto mosi.

²Bika beto nionso, beto zola ba mpangi ya beto samuti mambote na ntungulu.³Samuti Klisto yandi ku kizolaka ve, mutindu ba sonikaka : ba mvwezolo ya ba yina ke vwuezaka beno ku bwaka na munu. ⁴Samuti, nionso sonamaka na ntama ya sonamaka samuti ku longisa beto, samuna kutatamama mpe mbombolo me pesamana beto na masonukwa beto ke na yau na kivuvu.⁵Nzambi ya ntatumunu mpe mbombolo pesa beno na ku baka nkalasani ya mbote na Yesu Klisto, ⁶Samu na kintwadi na ndinga mosi, beno kembisa Nzambi mpe Tata ya Mfumu ya beto Yesu Klisto. ⁷Na yau, beno yambasana, mutindu Klisto yambaka beno na ku kembisa Nzambi.⁸Na yau, me tuba, kana Klisto me kumaka kisielo ya bayina ke ku zengwa ve, samuna makedika ya Nzambi na ku siamisa ba nsilulu yina yandi salaka na ba tata ya beto, ⁹Samuti bapaien ba kembisa Nzambi na nkenda n’andi na yina sonamaka : Na yau me ke yimbila nzitusu ya nkembo na nkumbu yange.¹⁰Diaka ya me tuba : Zitisa Mfumu, beno ban aya yinza nionso beno yangalala na bantu ya munu! ¹¹Diaka mpe : Beno nionso bapaien, beno zitisa Mfumu, beno sanisina yandi, beno nionso bantu ya munu.¹²Yesaya tubaka diaka : Ya ke bima na Isai musisa, ke telema na kuyala na bapaien, Bake tudila yandi kivuvu na bapaien.¹³Bika Nzambi ya kivuvu fulusa kiese mpe kiyenge na kiminu, samuti beno buka na kivuvu na lulendo ya Mpeve ya Nlongo!¹⁴Na yina me tadila beno, ba mpangi, me toma leka kiminu, ke beno me fuluka beno mosi na mambote mpe beno me fuluzwa na mayele na nzailu nionso mpe ngolo yaku lubasana.¹⁵Kasi, na ya nkaka, me sonikina beno, na ku bambula beno moyo na nlemvo yina pesaka munu Nzambi. ¹⁶Na kuvwanda kisielo ya Yesu Klisto na bapaien na ntangu mu ke salaka kisalu ya Nsangu ya Mbote ya Nzambi samuti ba paien ba fwanda nkailu yak u zolakana, yak u biekwa ya nlongo na Mpeve ya Nlongo.¹⁷Mu kele na nsilulu ya Klisto Yesu na yin aya Nzambi. ¹⁸Samuti mu koka ve na ku samba nionso yin aya nkaka, kansi yina Klisto salaka ve na nzila munu na ku nata bapaien na kutumamana, na mpova mpe na mavanga, ¹⁹Na lulendo ya bidimbu mpe bimangu, na lulendo ya Mpeve ya Nzambi. Na yau, me lungisa Nsangu ya Mbote ya Klisto na Yelusalemi na ba yinsi nionso ya kinzungidila ti na Ililiko.²⁰Samuti me sadila ngolo na munu na ku tendikisa Nsangu ya Mbote na bifulu nionso, samu nkumbu ya Klisto tubulwa ntete ve, samuti mu tunga na lufulu ya ngana ve, ²¹Mutindu ya sonamaka : Bayina ba samumunaka ve bake mona, mpe bayina kuwaka ve bake zaba.²²Na yau munu ba mangaka kana ba mbala yikwa na ku kwiza na beno. ²³Na ntangu yayi, mu vutuka baka kima mos ive lenda simbidila munu na ndambu yayi, mpe naku vwandaka mabanza ntama mingi na ku kwiza na beno,²⁴Na yau, mu kanisa na kulutila na ku mona beno na ntangu mu ke kuenda na spania, mpe kintwadi na bayina ke vwanda na munu, bosi muke lungisa nsatu ya munu na mua ntangu na ku vwanda na beno. ²⁵Bubu mukena kuenda na Yelusalemi na kisalu ya banlongo.²⁶Samuti na Makedonia na Akaya ba zola lokuta mbongo samuna ba mputu kele na Yelusalemi. ²⁷Samuti ba zolaka yau mpe ba fwuanaka sala yau, samuti bapaien ba bakaka na kintwadi na bima ya bau ya kimpeve mpe bafwana sadila bau na yin aya kinsuni.²⁸Na yau, kana me manisa mambu yayi mpe me pesa bau minkailu yina, muke kuenda na spania, mpe ku lutila na beno. ²⁹Me zaba na ku kwiza na beno, mu ke kwiza na lusakumunu ya Klisto.³⁰Mu kena ku bombidila beno, ba mpangi na Mfumu ya beto Yesu Klisto mpe na luzolo ya Mpeve na kunwana na munu na lusambulu ya beno samuna munu na Nzambi, ³¹Samu mu tanunwa na bankolami ya Yuda ,samuti mutindu ya minkailu me nata na Yelusalemi ya ndimama na banlongo, ³²Mpe samu mu kuma na beno na kiese na luzolo ya Nzambi mpe ku yangalala mpe luvundu ya kintwai na beno.³³Bika Nzambi ya yenge vwanda na beno nionso ! Amene!

16¹Mu kena ku tindila beno Foibe kibusi ya beto, yandi kele kisielo ya nketo na dibundu ya Kenkelea, ²Samu beno yamba yandi na Mfumu na mutindu ya mbote me fwana na banlongo, mpe beno sadisa yandi na konso diambu yandi ke lomba beno, samuti yandi mosi me sadisa bantu mingi mpe na munu mosi.³Beno pesa mbote na Pliska mpe Akila, bisadi na munu na Klisto Yesu, ⁴Bakuki bika ba yintu ya bau samuna ku vukisa luzingu na munu ya kele kaka munu mos ive kena ku vutudila bau matondo, kansi mabundu nionso ya bapaien. ⁵Beno pesa mbote na dibundu kele na yinzo ya bau, mbote na Epaineto, nkundi ya munu mpe yandi vwandaka ya ntete na Klisto na Asia.⁶Beno pesa mbote na Malia, yina sadilaka beno mingi. ⁷Beno pes mbote na Andoloniko mpe Yunia, bibuti ya munu mpe bilandi ya munu na kinkole, yina kele na kiese ya kutunda na ba ntumwa, ba yina twaminaka na Klisto. ⁸Pesa mbote nz Ampiliz, nkundi ya munu na Mfumu.⁹¹⁰¹¹9.Beno pesa mbote na ulubanu, mosi na bisadi na beto na Klisto, na staki, nkundi ya munu. 10.Beno pesa mbote na Apele ke ya kufwana na Klisto, beno pesa mbote na bantu ya yinzo ya Alistobulo. 11.Beno pesa mbote na Elodioni, kibuti ya munu. Pesa mbote na yinzo ya Nalakiso yina kena Mfumu.¹²Beno pesa mbote na qtqilifena mpe Tilifosa ke salaka samuna Mfumu, pesa mbote na Pelesi, yandi nkundi ya munu, salaka mingi na Mfumu. ¹³Beno pesa mbote na Lufo, yandi ponamaka na Mfumu, na mama ya beto na yandi. ¹⁴Beno pesa mbote na Asinkilito, na Felengoni, na Eleme, na Pataloba, na Elema, na ba mpangi kele na bau.¹⁵Beno pesa mbote na Filolongo na Yulia na Neleo na kibusi n’andi, mpe Olimpa na banlongo nionso kele na bau. ¹⁶Beno pesa bau mbote mekatuka na mabundu nionso, mpe pesasana mbote na mfibulu ya kiklisto.¹⁷Mu kena ku bombidila beno, ba mpangi, na ku tadidila ba yani ke tukisaka ku vambana na masakuba na ku lunda malongi beno bakaka. Beno vuanda ntama na bau. ¹⁸Samuti bantu ya mutindu yayi ke sadilaka bau Klisto Mfumu ya beto ve, kansi bivumu ya bau mosi mpe ba ke vengikaka ba yina kena ntima ya kimwana na mpova ya kulembama mpe ya nkondolo.¹⁹Samuti beno kutumama ya beno me zabakana na bantu nionso, mu kena ku yangalala na beno mpe na zola beno vwanda mayele na yin aya mbote mpe ku salayimbi ve. ²⁰Nzambi ya yenge na nswalu yandi ke diatikisa Satana na yinsi ya bitambi ya beno. Nlemvo ya Mfumu ya beto Yesu Klisto vwanda na beno.²¹21.Timoteo, kisadi na munu, me pesa beno mbote, mutindu mosi mpe Lukio, na Yasoni, na Sosipatalo, bi buti ya munu.

²²22.Me pesa beno mbote na Mfumu, munu Teleteo me sonikinaka beno mukanda yayi.²³Ngayo, mfumu ya yinzo mpe na dibundu nionso me pesa beno mbote, Elasto, yina ke lundaka mbongo ya mbanza, me fidisa beno mbote mpe mpangi Kwalato. ²⁴Bika nlemvo ya Mfumu na betoYesu Klisto vwanda na beno nionso ! Amene!²⁵Na yina lenda siamisa beno mutindu kele nsangu ya munu ya mbote mpe nsamununu ya Yesu Klisto, mutindu kele nzaikusu ya mansweki banda ntama, ²⁶Kansi bubu ya me zabakana na masonukwa ya ba mibikudi, na nsikudukusu ya Nzambi ya mvula na mvula, ya zabanaka na bapaien nionso na kutumama na kiminu,²⁷Na Nzambi, yandi kaka kele na mayele, kuna kele nkembo na Yesu Klisto na mvula na mvula! Amene!

Mukanda ya ntete ya paulu na bakolinto

1¹Paulu, bokuluaka na luzolo ya Tata Nzambi samuna kuvuanda ntumua ya Yesu Klisto, mpe mpangi Sostene, ³na dibundu ya Tata Nzambi kele na Kolinto, na bayina biekueka kati na Yesu Klisto, bokuluaka na kuvuanda banlongo, mpe na konso kifulu yina kele bantu nionso kebombidilaka nkumbu ya Mfumu na beto Yesu Klisto, Mfumu na bau mpe ya beto: ²Bika nlemvo mpe yenge me katuka na Tata Nzambi mpe na Mfumu Yesu Klisto vuanda na beno!⁴Samuna diambu na beno, mu kena kuvutula ntangu nionso matondo na Nzambi Tata na munu, samuna nlemvo ya Tata Nzambi beno me baka na nkumbu ya Yesu Klisto. ⁵Samuna yandi, beno me baka kimvuama nionso me tadila mambu ya Tata Nzambi mpe nzayilu, ⁶kimbangi ya Yesu Klisto yina sikidikuaka ngui kati na beno,⁷samu ti beno kondua nkayilu ata mosi ve, na ntangu beno kena kuvingila kisalu ya Mfumu na beto Yesu Klisto. ⁸Yandi kesiamisa beno ti na nsuka, samu beno sembua ve na kilumbu ya Mfumu na beto Yesu Klisto. ⁹Tata Nzambi kele ya kukuikama, yandi yayi bokilaka beno na kuvuanda kintuadi na muana na yandi, Mfumu na bato Yesu Klisto.¹⁰Bampangi, mu kena kubombidila beno na nkumbu ya Mfumu na beto Yesu Klisto, na kuvuanda ndinga mosi, mpe beno vuanda na mpeve ya kuvambana ve kati na beno, kansi beno vuanda kaka na mpeve mosi ya mbote mpe na nkadulu ya mbote. ¹¹Bampangi na munu, samu bantu ya Kloe zabisaka munu mambu na beno, ti minzonza kele kati na beno.¹²Mu zola ti konso muntu tuba mutindu yayi: Munu, mu kele ya Paulu, mpe munu, mu kele ya Apolo mpe munu, mu kele ya Kefa! mpe munu mu kele ya Klisto. ¹³Klisto kele ya kuvambana e? Paulu komuaka na dikulunsi samuna beto e, to beno botukuaka na nkumbu ya Paulu e?¹⁴Mu kena kuvutula matondo na Tata Nzambi, samu ti kati na beno mu botikaka ata muntu mosi ve, kukatula kaka Klisipo na Ngayo, ¹⁵samu ti muntu mosi tuba ve ti beno botukuaka na nkumbu na munu. ¹⁶Mu botikaka diaka bantu ya inzo ya Stefana; na yina me bikana, mu zaba ve kana mu botikaka diaka muntu ya nkaka.¹⁷Klisto tindaka munu samuna kubotika ve, yandi tindaka munu samuna kusamuna mambu ya Tata Nzambi, mpe ya kele na nduenga ya mpovolo ve, samu ti bakitula ve dikulunsi ya Klisto kima ya mpamba.¹⁸Samuna bantu yina kena kubungana, malongi ya dikulunsi kele buzengi; kansi samuna beto kele ya kuvulusua, yau kele kilendo ya Tata Nzambi. ¹⁹Bosi mpe ya sonamaka: mu kebunga nduenga ya bantu ya nduenga, mpe mu kevunza zayu ya bantu ya zayu.²⁰²¹Nkua nduenga kele wapi e? Nsoniki kele wapi e? mbindisi ya mpaka ya bilumbu yayi kele wapi e? Tata Nzambi kitulaka nduenga ya inza yayi buzengi ve e? Samu inza na nduenga na yandi, zabaka Tata Nzambei ve na nduenga ya Tata Nzambi, ya sepedisaka Tata Nzambi na kuvulusa bayina lekaka kiminu na buzengi ya nsamununu ya mambu ya Tata Nzambi.²²Bayuda kena kulomba bimangu mpe Baelene kena kusosa nduenga: ²³Beto, beto kena kulonga Klisto yayi komuaka na dikulunsi; ya kele nteso asakuba samuna Bayuda mpe buzengi na bapaien,²⁴kansi samuna bayina bokuluaka, ya vuanda Bayuda to ya vuanda Baelene, Klisto kele kilendo ya Tata Nzambi mpe nduenga ya Tata Nzambi. ²⁵Samu buzengi ya Tata Nzambi me luta nduenga ya bantu, mpe kulebakana ya Tata Nzambi kele ngolo kulutila bantu.²⁶Bampangi beno tala kati na beno bokuluaka, ata bantu mingi ya nduenga na kinsuni kele ve, ata bantu mingi ya kilendo kele ve, ata bantu mingi ya luzingu ya mbote kele ve. ²⁷Kansi Tata Nzambi solaka bima ya buzengi ya inza samuna kufuisa bantu ya ndunga nsoni; Tata Nzambi solaka bima ya kulebakana ya inza samuna kufuisa bankua ngolo nsoni;²⁸mpe Tata Nzambi solaka bima ya mfunu ve ya inza mpe yina bake vuezaka, yina kevuandaka ve samuna kuvunza yina kele, ²⁹samu ti nsuni mosi ve kukizitisa na ntadisi ya Tata Nzambi.³⁰Nzoka, samuna yandi nde beno kele kati Yesu Klisto, yayi beto siluaka nduenga na Tata Nzambi, lunungu mpe mpendoso mpe nkudulu, ³¹samu, ,mutindu ya sonamaka, ti bika muntu yina kena kukizitisa, yandi kukizitisa na Mfumu.

2¹Samuna munu, bampangi, ntangu mu kuizaka na beno, ya kele na mpova to na nduenga ya kulutila kitazo ve mu samuninaka beno kimbangi ya Tata Nzambi. ²Samu mu vuandaka na dibanza ya nkaka ve ya kuzaba kati na beno kana mambu ya Yesu Klisto ve, mpe Yesu Klisto yayi komuaka.³Mu vuandaka mu mosi ya kulebakana kati na beno, na wonga, na kuzakama ya ngolo, ⁴mpe mpovolo na munu mpe ndongolo na munu vuandaka mvovo ya nduengoso ya kukuikimisa beno ve, kansi samuna kutadisa na bantu Mpeve mpe kilendo ya Tata Nzambi, ⁵samu ti kiminu na beno salama na nduenga ya bantu ve, kansi na kilendo ya Tata Nzambi.⁶Na yau, beto kena kulonga nduenga kati na bantu kele ya kulunga, nduenga ya ntangu yayi ve, ya kele mpe ya bakuluntu ya ntangu yayi ve ke fukila; ⁷beto kena kulonga nduenga ya Tata Nzambi, yina tuaminaka bantangu, nduenga ya mampinda mpe ya kusuekua, yayi Tata Nzambi kubikaka samuna nkembo na beto.⁸nduenga yayi, ata ntuadisi mosi ve ya ntangu yayi salaka zaba yau, samu kana bazabaka yau, ba zolaka koma Mfumu ya nkembo na dikulunsi ve. ⁹Kansi , lokola ya sonamaka, ya kele mambu yayi disu monaka ve, mpe dikutu kuwaka ve, mpe ya kotaka na ntima ya muntu ve, mambu yina Tata Nzambi kubikaka samuna bantu ke zolaka yandi.¹⁰Tata Nzambi songaka beto yau na Mpeve. Samu Mpeve ke fionguninaka nionso, ata mampida ya Tata Nzambi. ¹¹Bantu mutindu bau kele, nani lenda zaba mambu ya muntu, kana mpeve ya muntu ve yina kele na yandi e? Mutindu mosi, muntu mosi ve me zaba mambu ya Tata Nzambi, kana Mpeve ya Tata Nzambi ve.¹²Kansi beto, beto bakaka mpeve ya inza ve, kansi Mpeve me katuka na Tata Nzambi, samu ti beto kuiza zaba mambu yayi Tata Nzambi pesaka beto na nlemvo na yandi. ¹³Mpe beto kena kutuba yau, na mvovo kena kulongila nduenga ya bantu ve, kansi kintuadi na yina Mpeve kena kulonga, beto kena kusadilaka mpova ya kimpeve samuna mambu ya kimpeve.¹⁴Kansi kibulu ya muntu ke bakaka ve mambu ya Mpeve ya Nzambi, samu ya kele buzengi samuna yandi, mpe yandi lenda zaba yau ve, samu ba ke kongudilaka yau na kimpeve. ¹⁵Muntu ya kimpeve, ke kongudilaka nionso, mpe muntu mosi ve lenda kongudila yandi. ¹⁶Samu nani zabaka mabanza ya Mfumu, samu yandi longa yau e? Nzoka beto, beto kele na dibanza ya Klisto.

3¹²Bampangi, samuna munu, mu tubaka na beno lokola bantu ya kimpeve ve, kansi lokola bantu ya kinsuni, lokola bana kele kati na Klisto. Mu pesaka beno kimvumina kansi madia ya ngolo ve, samu beno lendaka vibidila yau ve, ata malu malu yayi beno lenda mpe yau ve,³samu, ti bubu yayi beno kele ntete na kinsuni. Na yau, lokola kimpala mpe na minzonza kele kati na beno, beno kele na kinsuni ve, mpe beno kena kudiatila mutindu ya kimuntu ve? ⁴Na ntangu mosi na beno me tuba: munu, mu kele ya Paulu! mpe yankaka: munu mu kele ya Apolo! beno kele bantu ve? ⁵Apolo kele nani? Paulu kele nani? Bisadi ya Mfumu Yesu, na nzila na bau beno tulaka kiminu, bonso Mfumu pesaka yau na mosi na mosi na beno.⁶Mu kunaka, Apolo me tula maza, kansi Tata Nzambi me kudisa, ⁷na kumonisa ti ya kele ve yina me kuna nde yandi me luta, ata yina ma tula maza, yandi mpe ve, kansi Tata Nzambi yandi ke kudisaka me luta.⁸Muntu kena kukuna na muntu kena kuloza maza ba me fuanana, mpe konso muntu ke baka nsendo mutindu kele kisalu na yandi. ⁹Samu beto kele bisadi kintuadi na Tata Nzambi. Beno kele bilanga ya Tata Nzambi, inzo ya Tata Nzambi.¹⁰Na nlemvo yayi mu bakaka na Tata Nzambi, mu tulaka lufulu bonso ntungi ya nduenga, mpe muntu ya nkaka me tunga na zulu. Kansi bika konso muntu kukitala mutindu yandi kena kutungila na zulu. ¹¹Samu muntu ya nkaka kele ve yina lenda tunga lufulu ya nkaka na zulu ya yina tuluaka, beno zaba ti yandi kele Yesu Klisto.¹²Nzoka, kana muntu me tungila na wolo, na palata, na mabanga ya ntalu, na mabaya, na nianga, na matiti na zulu ya lufulu, ¹³kisalu ya konso muntu ke monikisua; samu kilumbu ke monikisa yau, samu ya ke monikisua na tiya, mpe tiya ke tendula kisalu ya konso muntu.¹⁴Kana muntu me sala kisalu na zulu ya lufulu kena kusikila, yandi ke baka nsendo. ¹⁵Kana kisalu ya muntu me yokua na tiya, yandi ke zimbisa nsendo na yandi, samuna yandi, yandi ke vulusua, kansi yandi ke lutila na tiya.¹⁶Beno zaba ve ti beno kele kinlongo ya Tata Nzambi e, mpe Mpeve ya Tata Nzambi kevuandaka na beno e? ¹⁷Kana muntu me bunga kinlongo ya Tata Nzambi, Tata Nzambi ke bunga yandi; samu kinlongo ya Tata Nzambi kele ya nlongo, mpe yau beno kele.¹⁸Bika muntu kukivuna ve; kana muntu mosi kati na beno kena kukibanza muntu ya nduenga ya ntangu yayi, yandi kituka muntu ya buzengi, samu yandi kituka muntu ya nduenga. ¹⁹Samu nduenga ya inza yayi kele buzengi na ntuala ya Tata Nzambi. Mpe ya sonamaka: yandi ke bakaka bantu ya nduenga na bunkita na bau. ²⁰mpe diaka: Mfumu me zaba mabanza ya bantu ya nduenga, yandi me zaba ti ye kele ya mpamba.²¹Muntu kukiyana na bantu ve; samu nionso kele na beno, ²²ya vuanda Paulu, ya vuanda Apolo, ya vuanda Kefa, ya vuanda inza, ya vuanda luzingu, ya vuanda lufua, ya vuanda bima kele bubu, ya vuanda bima ke kuiza. Nionso kele ya beno, ²³mpe beno kele ya Klisto, mpe Klisto kele ya Tata Nzambi.

4¹Na yau, bika batala beto bonso bisadi ya Klisto, mpe nkabudi ya mansueki ya Tata Nzambi. ²Diambu me bikana, ba kena kulomba na minkabudi, konso muntu fieti vuanda munkuikizi.³Samuna munu, ya kele diambu ya fioti ti beno fundisa munu, to na mbazi a nkanu ya bantu. Mu kena kukifundisa ve munu mosi, ⁴samu mu kena kukimona na diambu ve; samuna yau ve mu kena kunungusua. Yina kena kufundisa munu, ikele Mfumu.⁵Yau yina, beno tuamina ntangu ve ya kufundisa munu, beno vingila ti Mfumu ke kuiza, yandi ke kuiza kienzula na kukia yina suekuaka na kitombe, mpe yandi ke kuiza monikisa makani ya mintima. Na ntangu yina, konso muntu ke baka nsikulu yina Tata Nzambi kubukilaka yandi.⁶Bampangi, ya kele samuna beno, mu mosi salaka bamambu yina mpe na yina ya Apolo, samu ti beno longa bantu na beno ba vuanda na nganda ya masonukua ve, mpe muntu mosi ve kukitumpidika samuna kubedisa ya nkaka. ⁷Samu nani yayi kena kusuasisa nge e? Inki kima kele na nge yina nge bakaka ve e? Bosi kana nge bakaka yau, samuna inki nge kena kukiyana, bonso kaka nge bakaka yau ve e?⁸Kubanda ntama beno me yukutaka, kubanda ntama beno me vuamaka, ntangu beno vuandaka dikita, beto vuandaka ve. Beno lenda dikita, samu beto dikita kintuadi na beno! ⁹Samu, mu ke banzaka ti beto yayi bantu ya nsukaTata Nzambi kitulaka bantumua, beto yayi zenguluaka nkanu ya lufua, samu beto sala bimpa yayi vuandaka talua na inza, na ba mbasi mpe na bantu.¹⁰Beto kele bilau samuna Klisto, kansi beno, beno kele bantu ya nduenga na Klisto; beto kele ya kulebakana, kansi beno kele ngolo. Beno ke zitusuaka, mpe beto ke vuezuaka! ¹¹Ti na ntangu yayi, beto kena kumona nsatua, mpuina, mvuatu ve, beto ke muesuaka mpasi, kukuenda na kukuenda, beto kevuandaka kisika mosi ve;¹²beto me lemba na kusala na maboko na beto mosi, kufingua, beto kena kusakumuna; kuzungulua kuama, beto kena kuvibidila; ¹³kutiakua, beto kena kutuba na ndinga ya kulembama; ti bubu yayi beto me kitukaka bonso doti ya inza, mpesua ya bantu nionso.¹⁴ya kele samuna kumuesa beno nsoni ve me sonika mambu yayi, kansi mu kena kuluengisa beno bonso bana na munu ya luzolo. ¹⁵Samu ntangu beno kevuanda na mafunda kumi ya minlongi na Klisto, beno ke vuanda na ba tata mingi ve, samu me buta beno na Klisto samuna Nsangu ya Mbote. ¹⁶Na yau, mu kena kubombidila beno, beno vuanda mimvukumuni na munu.¹⁷Smuana yau mu tindilaka beno Tomoteo, muana na munu ya luzolo mpe ya kukuikama na Mfumu Yesu, yandi ke bambula beno moyo na nzila na munu na Klisto, mutindu mu ke longilaka na bisika nionso na mabundu nionso. ¹⁸Kansi ba ya nkaka ke kukitumpidikaka bonso ti mu ke kuiza na beno ve.¹⁹Kansi ntama mingi ve mu ke kuiza na beno, kana ya kele luzolo ya Mfumu, mpe mu ke zaba mambu na bau ve, kansi kilendo ya bayina ke kukitumpidikaka. ²⁰Samu Kimfumu ya Tata Nzambi kele na mambu ve, kansi na kilendo. ²¹Inki beno zola e? mu kuiza na beno na sikoti, to na nzola mpe na mpeve ya kulembama e?

5¹Beto kena kuwa bantu kutuba ti nsumukunu kele mingi kati na beno, mpe nsumukunu yayi beto lenda mona na ba pakanu; na kitezo ya kumona mosi na beno me baka nkento ya tata na yandi. ²Mpe beno kena kukitumpidika! Mpe beno kena kingongo ve na ntima, samu yina salaka mambu yina yandi vuanda diaka kati na beno ve!³Samuna munu, mu kele na beno ve na nzutu, kansi mu kele na beno na kimpeve, ntama me fundisaka muntu yina salaka mambu yina, bonso kaka ti mu vuandaka na beno. ⁴Na nkumbu ya Mfumu Yesu, beto kutakanaka beno na mpeve na munu kintuadi na kilendo ya Mfumu na beto Yesu, ⁵bika muntu ya mutindu yayi yakulua na Satana samuna mbungulu ya nsuni, samu ti mpeve na yandi vulusua na kilumbu ya Mfumu Yesu.⁶Mpamba kuandi beno kena kukiyana. Beno zaba ve ti lufunusu ya fioti ke vimbisaka mfumfu nionso kana ya me sangua na maza e? ⁷Beno katula lufunusu ya ntama, samu ti beno vuanda mfumfu ya impa tuluaka maza, yina kele na lufunusu ve, samu ba kufuaka Klisto, yandi kele Pasa na beto. ⁸Bika beto kembila nkembo yina kele na lufunusu ya ntama ve, lufunusu ya kimfunia ve mpe ya kikadulu ya nganzi ve, kansi na mampa kele na lufunusu ve ya kuvedila mpe ya kedika.⁹Mu sonikinaka beno na mukanda na munu na kuvuanda nkalasani na minsumuki ve, ¹⁰na mutindu ya kuvuanda kimpuanza kintuadi na minsumuki ya inza yayi ve, to na bantu kele nzodia mbongo mpe na ba yina ke zionaka bima ya bantu, to minsambidi ya biteki, kana pidina, ya me luta mbote na kubima na inza.¹¹Malu malu yayi, yina mu sonikinaka beno, beno vuanda diaka nkalasani ve na muntu yina kena kukibokidila mpangi, bosi yandi kele nsumuki, to nzodia mbongo, to nsambidi ya biteki, mfingi, to nduvu, to nzioni ya bima ya bantu, beno lenda kudia na muntu ya mutindu yina ve. ¹²Ya munu nini vana, nga ya kele diambu ya munu na kufundisa ba yina kele na nganda e? bantu ya kufundisa, bau ve kele na kati e? ¹³Samuna ba yina kele na nganda, Tata Nzambi kena kufundisa bau. Beno katula buntu kele na kikadulu ya nganzi kati na beno.

6¹Na ntangu muntu mosi kati na beno kele kitantu na mpangi ya nkaka, samuna inki yandi fueti kuenda funda na bantu kele na lunungu ve, kansi na banlongo ve? ²Beno zaba ve ti banlongo ke fundisa inza e? Mpe bosi kana beno ke fundisa inza, beno kene kukuka ve kufundisa ba mambu ya fioti fioti e? ³Beno zaba ve ti beto ke fundisa ba mbasi e? Bosi ba mambu ya luzingu yayi kuandi, beto ke fundisa tau ve?⁴Ntangu beno kena kitantu na ba mambu ya luzingu yayi, beno kena kuenda na bantu yayi bibundu ke tulaka meso ve samu bavuanda mimfundisi! ⁵Mu kena kutuba mambu yayi samuna kufuisa beno nsoni. Ya zola tuba ti, kati na beno muntu ya nduenga kele ve yina lenda zengila beno ba mambu kati na beno na beno ba mpangi. ⁶Kansi mpangi yayi kena kufunda mpangi yina, na ntuala ya bantu kele na kiminu ve!⁷Ya kele kifu ya imbi beno na beno na kuvuanda na mimfundu ba yayi na bayina. Samuna inki na diambu me tadila kukondua lunungu beno kena kumona mpasi ve? Samuna inki beno kene kukibika ve ba vula beno e? ⁸Kansi beno nde kena kusalaka mambu ya kukondua lunungu mpe ya kuvula, mpe beno kena kusala mambu ya mutindu yina na bampangi!⁹Beno zaba ve ti ba yina kele na lunungu ve ke baka difua ya kimfumu ya Nzambi ve? Beno kukivuna ve: ata minsumuki, ata minsambidi ya biteki, ata minyangi, ata mvunikisi ya kikento, ata bantu ya bifu ya imbi, ¹⁰ata miyibi, ata banzodi ya mbongo, ata banduvu, ata mimvuezi, ata miyibi, ba kebaka difua ya kimfumu ya Nzambi ve.

¹¹Mpe yau beno ikele, ndambu ya bantu kati na beno. Kansi beno sukuluaka, Kansi beno vedusuaka, kansi ba kitulaka beno bantu ya lunungu na nkumbu ya Mfumu Yesu Klisto, mpe na Mpeve ya Tata na beto Nzambi.¹²Luve kele na munu na mambu nionso, kansi mambu nionso kele mfunu ve, mu kele na luve na mambu nionso, kansi mu lenda kukibika ve mu sala konso diambu. ¹³Madia kele samuna kivumu, mpe kivumu samuna mdia, kansi Tata Nzambi ke fukisa yayi na ba yina yankaka. Kansi nzutu kele samuna masumu ve. Ya kele samuna Mfumu, mpe Mfumu samuna nzutu.¹⁴Mpe Tata Nzambi fulukisaka Mfumu Yesu, ke fulukusa beto mpe na kilendo na yandi. ¹⁵Beno zaba ve ti ba nzutu na beno kele biela ya Klisto e? Mu lenda kuandi baka biela ya Klisto, samuna kukitula yau biela ya nsuza e? ya lenda vuanda ve.¹⁶Beno zaba ve ti yina kena kubundana na nsuza me kuma nzutu mosi na yandi e? Samu, ya tubamaka, bau zole ke kuma nsuni mosi. ¹⁷Kansi yina ke bundana na Mfumu kele na yandi mpeve mosi.¹⁸Beno tina kinsuza. Masumu ya nkaka muntu ke salaka kele na nganda ya nzutu; kansu muntu yina ke kukipesa na kisuza me sumuka na nzutu na yandi mosi.¹⁹Beno zaba ve ti nzutu na beno kele kinlongo ya Mpeve ya Nlongo kele na beno, yina beno bakaka na Tata Nzambi, mpe beno me kukivua beno mosi ve e? ²⁰Samu beno sumbuaka na ntalu ya nene. Na yau, beno kembela Tata Nzmbi na nzutu na beno mpe na mpeve na beno, yayi me kuvua Tata Nzambi.

7¹Na yina me tadila mambu beno sonikinaka munu, dibanza na munu kele ti ya kele mbote samuna bakala na kusimba nkento ve. ²Kansi samuna kutina kinsuza, bika konso bakala vuanda na nkento na yandi, mpe bika nkento vuanda na bakala na yandi.³Bika bakala sala na nkento na yandi yina yandi fueti pesa yandi, mpe bika nkento sala mutindu mosi na bakala na yandi. ⁴Nkento kuvua nzutu na yandi ve, kansi bakala me kuvua yau; mpe mutindu mosi, bakala kuvua nzutu na yandi ve, kansi nkento me kuvua yau.⁵Beno mangana ve beno zole, ya fuana vuanda kaka na nguizani ya beno zole na fintangu, samuna kubaka ntangu ya kusambila; bosi beno me vutuka kisika mosi, samu Satana vukumuna beno ve kana beno kele na mvibudulu ve. ⁶Me tuba yau na luzolo, kansi ya kele luve ve. ⁷Mu zolaka ti babakala nionso beno sala bonso munu; kansi konso muntu me baka nkayilu na yandi na Tata Nzambi, yandi yayi mutindu yayi, yandi yina mutindu yina.⁸Na ba yina kele ya kukuela ve na mafola, me tuba ti ya kele mbote samuna beno na kuvuanda bonso munu. ⁹Kansi kana mvibudulu kele ve, bika ba kuela, samu ya me luta mbote na kukuela kensi kuyokana ve.¹⁰Na ba yina kele ya kukuela, me pesa insua, munu ve kansi Mfumu, ti nkento vambana na bakala na yandi ve ¹¹(kana nkento me vambana, yandi kuela diaka ve to yandi wizana na bakala na yandi), mpe bakala lenda kuka nkento na yandi ve.¹²Ya nkaka, Mfumu ve , kansi munu kena kutuba: Kana mpangi ya bakala kele na nkento ke lekaka kiminu ve, mpe yandi me ndima kuvuanda na yandi, bakala kuka yandi ve; ¹³bosi kana nkento kele na bakala yina ke lekaka kiminu ve, mpe yandi me ndima kuvuanda na yandi, nkento kuka bakala na yandi ve. ¹⁴Samu bakala kele na kiminu veme biekua nlongo na nkento na yayndi, mpe nkento kele na kiminu ve me biekua nlongo na mpangi, kana pidina ve, bana na bau lenda vuanda ya kusumuka, mpe na ntangu yayi bakele ya kusuka.¹⁵Kana muntu yina leka kiminu ve me vambana, bika yandi vambana; na diambu yina, kima mosi kele ve yina me sangisa mpangi ya bakala to ya nkanto. Tata Nzambi bokilaka beto samuna kuvuanda na kiyenge. ¹⁶Samu inki nge me zaba, nkento, kana nge lenda vulusa bakala na nge? To inki nge me zaba, bakala, kana nge lenda vulusua nkento na nge?¹⁷Diambu mosi kaka, bika konso muntu diata mutindi Mfumu sadilaka yandi, mutindu yandi bakilaka mbokolo ya Tata Nzambi.Yau yina mu kena kusikidikisa na mabundu nionso. ¹⁸Muntu bokuluaka ya kuzengua, bika yandi vuanda ya kuzengua, muntu bokuluaka ya kuzengua ve, yandi kukizengua ve. ¹⁹Nzengolo kele kima ve, kukondua nzengolo mpe kele kima ve, kansi kulunda nsikudukusu ya Tata Nzambi kele nionso.²⁰Bika muntu muntu vuanda mutindu yandi vuandaka ntangu babokilaka yandi. ²¹Nge bokuluaka bonso n'nanga, kutula yau mayindu ve, kansi kena nge zola vuanda kimpuanza, sadila yau. ²²Samu n'nanga yina bokuluaka na Mfumu kele kimpuanza ya Mfumu, mutindu mosi, muntu ya kimpuanza yina bokuluaka kele n'nanga ya Klisto. ²³Beno sumbuaka na ntalu ya nene, beno kituka minanga ya bantu ve. ²⁴Bampangi, bika konso muntu vuanda na ntuala ya Tata Nzambi mutindu yandi vuandaka ntangu yandi bokuluaka.²⁵Na yina me tadila bandumba, mu kele na ntumunu ya Mfumu ve, kansi mu kena kupesa dibanza, bonso muntu bakaka nlemvo na Mfumu samuna kuvuanda kimpuanza. ²⁶Beno tala yina mu kena kumona ya mbote, samuna bantangu ya mpasi kena kufinamma: ya kele mboto na bakala kuvuanda mutindu yayi.²⁷Nge kele ya kukangama na nkento, kusosa kuvambana ve, mpe kana nge kele na nkento ve, kusosa nkento ve. ²⁸Kana nge kele ya kukuela, nge volaka masumu ve; mpe kana ndumba kuelaka, yandi volaka mpe masumu ve; kansi bantu yayi ke vuanda na nkuamusu na nsuni, kansi samuna yau, mu zola tanina beno.²⁹Ba mpangi, mu kena kutuba mutindu yayi: beno zaba ti ntangu kele ya nkufi, kubanda bubu yayi, ba yina kele na ba kento, ba vuanda bonso kaka bantu ya kukuela ve, ³⁰ba yina kena kudila bonso ba kena kudila ve, ba yina kena kusepela bonso ba kena kusapela ve, ba yina kena kusumba bonso ba kele na kima ve, ³¹mpe ba yina kesadilaka inza bonso ba ke sadilaka yau ve, samu inza yayi beno kena kumona, kena kuluta.³²Mu zolaka ti beno tula mayindu ve. Muntu yina kele ya kukuela ve, yandi ke tulaka mayindu na mambu ya Mfumu, samuna kusepedisa Mfumu; ³³mpe yina kele ya kukuela, yandi ke tulaka mayindu na bima ya inza, samuna kusepedisa kento na yandi. ³⁴Mutindu mosi, disuasuani kele na kento mpe ndumbu: yina kele ya kukuela ve kena kutula mayindu na mambu ya Mfumu, samu yandi vuanda ya kuvedila na nzutu mpe na mpeve; mpe yina kele ya kukuela kena kutula mayindu na mambu ya inza, samuna kusapedisa bakala na yandi.³⁵Mu kena kutuba yau samuna ntomoso na beno; kansi samuna kubaka beno na dikonde ve, ya kele samuna kusala mambu ya mbote mpe ya kufuana na kukangama na Mfumu kondua kivunikisa.³⁶Kana muntu me yindula kusala diambu ya imbi na muana na yandii ya ndumba yina me luta ba mvula ya kukuela, mpe kana mfunu keleya kukuedisa yandi, yandi sala yina yandi zola, kana ba me kuelana, yandi nata disumu ve. ³⁷Kansi muntu yina me baka lukanu, ya kutatumusua ve mpe na luzolo na yandi mosi, mpe yandi me zenga na ntima na yandi ya kulunda muana na yandi ya ndumba, yandi me sala mbote. ³⁸Na yau, yina kuedisa muana na yandi ve, me sala diambu ya kuluta mbote.³⁹Nkento kele ya kukangama na bakala na yandi, kana bakala kele moyo; kansi bakala me kufua, yandi kele kimpuanza na kukuela muntu yina yandi me zola, kansi ya fuana vuanda na Mfumu. ⁴⁰Na dibanza na munu, yandi kele na mayangi kana yandi me vuanda mutindu yandi kele. Munu diaka, mu kena kubanza ti mu kele na Mpeve ya Tata Nzambi.

8¹Samuna yina me tadila nsuni ya kuyokila biteki, beto me zaba ti beto nionso kele na nzayilu .nzayilu ke kukitumpidikaka, kansi luzolo ke siamisaka. ²Kana muntu kena kutula kivuvu ti yandi me zaba diambu, yandi zaba ntete ve mutindu yandi fueti zabila yau. ³Kansi kana muntu me zola Tata Nzambi, muntu yayi me zabakana na Tata Nzambi.⁴Samuna yina me tadila kudia nsuni ya kuyokila biteki, beto me zaba ti biteki kele diaka ve na inza, kansi Nzambi mosi kaka kele na inza ya mvimba. ⁵Samu, kana bantu kele yina ke bokuduluaka ba nzambi, ya vuanda na dizulu, ya vuanda na ntoto, lokola kedika qkeli ti ba nzambi kele mingi mpe ba mfumu kele mingi, ⁶kansi samuna beto, Nzambi Tata mosi kaka yandi kele, na yandi ke katukaka nionso mpe beto kele samuna yandi, mpe Mfumu kele mosi kaka, Yesu Klisto, bima nionso kele samuna yandi mpe beto kele samuna yandi.⁷Kansi nzayilu yayi kele na bantu nionso ve. Ba ya nkaka me mesanaka na biteki mpe ba ke kudiaka yina ba ke yokilaka biteki, mpe kimuntu na bau kele ya kulebakana mpe ya kusumuka.⁸Ya kele madia ve kena kupusa beto pene pene ya Tata Nzambi: kana beto me kudia yau, kima mosi ve me buelama na beto; kana mpe beto kudia yau ve, kima mosi ve me katuka beto. ⁹Beno keba, samu kimpuanza na beno vuanda disakuba ve na bayina kele ya kulebakana. ¹⁰Samu kana muntu me mona nge yayi kele na nzayilu, nge me vuanda na meza na kati ya kinlongo ya biteki, lokola kimuntu na yandi kele ya kulebakana, ya ke nata yandi ve ti yandi kudia nsuni yokuaka samuna biteki e?¹¹Mpe na yau, muntu ya kulebaka ke bungana na nzayilu na nge, mpangi yayi Klisto fuilaka! ¹²Na nsumukunu ya mutindu yayi samuna mpangi, mpe kuluekaka kimuntu na bau ya kele ya kulebana, beno kena kusumuka na Klisto. ¹³Yau yina, kana madia kena kutesikisa mpangi na munu masumu, mu ke kudia diaka nsuni ve, samu mu tesikisa mpangi na munu masumu ve.

9¹Munu, mu kele muntu ya kimfumu ve? Mu kele ntumua ve? Mu monaka Mfumu na beto Yesu ve? Beno kele kisalu na munu kati na Mfumu e? ²Kana ba yankaka me tuba ti mu kele ntumua ve, kansi samuna beno mu kele ntumua, samu beno kele kidimbu ya kintumua na munu kati na Mfumu.³Yau kele mvutu ya kukitanina na ba yina kena kufunda munu. ⁴Nga beto kele ve na luve ya kudia na kunua e? ⁵Nga beto kele ve na luve ya kunata mpangia beto ya nkento samu yandi vuanda nkazia beto, mutindu bantumua ya nkaka ke salaka, mpe na ba mpangia babakala ya Mfumu, na Kefa e? ⁶To munu kaka na Banaba kele ve na luve ya kusala e?⁷Nani kena kusala kisalu ya ntanini ya nkangu na mfutu na yandi mosi e? Nani kena kukuna inti ya vinia bosi yandi kudia mbutu na yau ve? Nani kena kuvungula dikamba, bosi yandi kena kunua mamvumina ya dikamba ve? ⁸Mambu mu kana kutuba, ya kele na kimuntu e? Bosi nsiku, ke tubilaka yau ve?⁹Samu ya sonamaka na nsiku ya Mose: Nge ke kanga ngombe ve yina kena kututa mbuma.Tata Nzambi, yandi ke kukikuamisaka samuna ngombe, ¹⁰to yandi ke tubaka kaka samuna beto e? inga, ya sonamaka samuna beto ti muntu kena kuvata bilanga fueti vata na kivuvu, mpe yinya kele a kena kututa mbuma yandi tuta na kivuvu ya kubaka ndambu. ¹¹Kana beto kunaka kati na beno bima ya kimpeve, ya kele diambu ya nene kana beto me yonzika bima ya beno ya kinsuni.¹²Kana ba ya nkaka kena kusepela na luve na beno, na beto ve kiese yina zolaka vuanda e? Kansi beto sadilaka luve yina ve, nkutu beto kena kumona mpasi na kuvibidila nionso, samu kaka beto kakidila ve Nsangu ya Mbote ya Klisto. ¹³Beno zaba ve ti ba yina ke salaka kisalu ya nlongo ke dikuluaka na kinlongo, ti ba yina ke salaka na dizikua ya uyokila ke bakaka ndambu ya dizikua? ¹⁴Mutindu mosi mpe, Mfumu zengilaka ba yina ke samunaka Nsangu ya Mbote ba vukila na Nsangu ya mbote.¹⁵Samuna munu, mu sadilaka ata mosi ya tuve yina ve, ya kele ve ti me kusonika samuna ntomoso na munu; samu ya me luta mbote mu kufua, kansi kubika ve ba katula munu diambu yayi ya nkembo. ¹⁶Kana mu kena kusamuna Nsangu ya Mbote, ya kele samuna kukisika ve, kansi samu ba komikinaka munu mfunu na yau, mpe kiadi samuna munu kana mu samuna ve Nsangu ya Mbote!¹⁷Kana mu kena kusala yau na ntima ya mbote, mu kele na nsendo na yau; kansi kana mu kena kusala yau, ya kele kizitu ba pesaka munu. ¹⁸Nsendo na munu kele inki e? Na mbongo ve, mu kena kulonga Nsangu ya Mbote, mpe kulomba ata mfutu ve ya kilongi ya Nsangu ya Mbote.¹⁹Samu, ata mu kele intu na ntadisi ya bau nionso, me kikitulaka kisadi ya bantu nionso, samuna kubaka nkangu ya nene ya bantu. ²⁰Kintuadi na bayuda, mu vuandaka bonso nyuda, samuna kubaka bayuda; kintuadi na ba yina kele na insi ya minsiku, bonso na insi ya minsiku (mu mosi mu kele na insi ya minsiku ve), samuna kubaka ba yina kele na insi ya minsiku;²¹na bau kele na nsiku ve, mu kele bonso muntu kele na nsiku ve (kansi mu kondua nsiku ya Tata Nzambi ve, mu kele na insi ya nsiku ya Klisto), samuna kubaka ba yina kele na nsiku ve. ²²Mu vuandaka ya kulebakana na kati ya ba yina ya kulebakana, samuna kubaka bantu ya kulebakana. Me kikitula nionso na bantu nionso, samuna mutindu yina mu vulusa ba yankaka. ²³Mu kena kusala niono samuna Nsangu ya Mbote, samu mu vuanda na kati na yau.²⁴Beno zaba ve ti ba yina ke zaulaka na divia ya bansaka, bau nionso ke zaulaka, kansi muntu mosi kaka ke balkaka nsendo e? Beno zaula na mutindu ya kubaka yau. ²⁵Bantu nionso ke nuanaka ke kukipesaka nsiku na kingolo, mpe ba ke salaka yau samuna kubaka nsendo yina kefukila; kansi beto, beto sala yau samuna kubaka nsendo yina ke fukila ve. ²⁶Munu, mu kena kusala nsaka ve na kuzaula; mu kena kubula, bonso muntu kena kunuanisa mupepe ve. ²⁷Kansi mu kena kunuanisa nzutu na munu na ngolo nionso mpe mu kena kuyala yau, samu, mu mosi, mu losua ve, na manima ya kulonga bantu yankaka.

10¹Bampagi, mu zola ve beno zimbaka ti batata na beto nionso vuandaka na insi ya matuti, mpe bau nionso lutilaka na maza ya imbu, ²bau nionso botukuaka na Mose na kati ya matuti mpe na kati ya imbu, ³Bau nionso kudiaka madia mosi ya kimpve, ⁴Bau nionso kunuaka maza mosi ya kimpve, samu bavuandaka nuina na dibanga ya kimpeve yina vuandaka landa bau, mpe dibanga yina vuandaka Klisto.⁵Kansi bayankaka kati na bau vuandaka yangidika Nzambi ve, samu bakufuaka na dikanga. ⁶Nzoka mambu yayi kuizaka salama samu ya vuanda kinona samuna beto, samu beto vuanda na bansatu ya mambu ya imbi ve, mutindu ya kuminaka bau.⁷Beno vuanda minsambidi ya biteki ve, bonso vuandilaka bayankaka kati na bau, mutindu kele ya kusonama: Nkangu bakaka bifulu ya kuvuanda samuna kudia mpe kunua; mpe batelamaka samuna mambu ya mpila na mpila. ⁸Beto kipesa na kinsuza ve, mutindu bayankaka kati na bau kukipesaka na yau, na yau nde mafunda makumi tatu ya bantu kubuaka na kilumbu mosi.⁹Beto tonta Mfumu ve, mutindu bayankaka kati na bau tontaka yandi, mpe banioka kufuaka bau. ¹⁰Beno vunguta ve, mutindu bayankaka kati na bau vungutaka, mpe muanze ya lufua kufuaka bau.¹¹Mambu yayi kuizaka salama samu ya vuanda kinona samuna bau, mpe ya sonamaka samuna kudedika beto bayayi me kuma na nsuka ya bantangu yayi. ¹²Na yau, konso muntu kena kukimona ya kutelama yandi sala keba samu yandi kubua ve! ¹³Ntontolo mosi ve lenda kumina beno yina lendaka vuanda ya kimuntu ve, mpe Tata Nzambi kele ya kukuikama, lenda bika ve ntontolo lutila ngolo na beno; kansi samuna ntontolo yandi kekubika nzila ya kubimina, samu beno lenda vibidila yau.¹⁴Yau yina, bampangi na munu ya luzolo, beno tina nsambudulu ya biteki. ¹⁵Mu kena tubila beno lokola bantu ya nduka; beno kongudila mambu yayi mu kena kutuba. ¹⁶Mbungu ya lusakumunu yayi beto kena kusakumunina, nga ya kele kintuadi ve na menga ya Klisto e? Dimpa yayi beto kebukunaka, nga ya kele kintuadi ve na nzutu ya Klisto e? ¹⁷Samu dimpa kele kaka mosi, beto yayi kele mingi, beto me kituka nzutu mosi; samu beto nionso kele kintuadi na nzutu mosi.¹⁸Beno tala na kinsuni Baisaeli: bayayi kekudiaka minkayilu ya zikua, nga bakele kintuadi na zikua ¹⁹ve? Buna inki me tuba e? Nga nsuni yokuluaka kiteki kele kima e? to nga kiteki kele kima e? Ve.²⁰Mu kena kutuba ti yina bake yokaka, bake yokilaka yau nkadia mpemba, kansi Nzambi ve; nzoka, mu zola ve beno vuanda kintuadi na nkadia mpemba. ²¹samu beno lenda kunua mbungu ya Mfumu ve, mpe mbungu ya nkadia mpemba ve; beno lenda kudia meza mosi na Mfumu ve, mpe na nkadia mpemba ve. ²²nga beto zola kitumuna kimpala ya Mfumu e? nga beto kele ngolo kulutila yendi e?²³Nionso kele luve na kusala, kansi nionso kle na mfunu ve; nionso kele luve na kusala, kansi nionso kesiamisaka ve. ²⁴Muntu ve sosa nluta na yandi mosi, kansi bika konso muntu sosa nluta ya bantu ya nkaka.²⁵Beno kudia bima nions kena kutakama na zandu, kondua kukifiongunina samuna kikuma ya kansansa; ²⁷samu ntonto mpe nionso kele na ntoto Mfumu me kuvua yau. ²⁶Kana muntu kelekaka kiminu ve me bokidisa nge, bosi nge zola kuenda na inzo na yandi, kudia nionso yina bakepesa nge, kondua kukifiongunina samuna kikuma ya kansansa.²⁸Kansi kana muntu me zabisa beno: Bima yayi yokuaka samuna kiteki! beno kudia yau ve, samuna muntu yina kebisaka, mpe samuna kansansa. ²⁹Mu kena kutuba awa, samuna kansansa na beno ve, kansi samuna kansansa ya bantu ya nkaka. Na yau, samuna inki kimpuanza na munu lendakanaka kufundusua na kansansa ya bantu yankaka? ³⁰Kana mu kena kudia samuna mvutudulu amatondo, samuna inki bake bamina munu na diambu yina mu kena kuvutudila matondo?³¹Na yau, kana beno kekudiaka mpe kana beno kekunuaka,, konso kima yina beno lenda sala, beno sala yau samuna nkembo ya Tata Nzambi. ³²Beno tesisa Baelene, Bayuda mpe dibundu ya Tata Nzambi masakuba ve, ³³mutindu mosi na munu, mu kena kumeka kuyangidika muntu nionso na mambu nionso. Mu kena kusosa ntomoso ya munu mosi ve, kansi ya bantu mingi, mu kena kusala yau samu bavulusua.

11¹Beno vuanda ntanginini na munu, mutindu mu kele ntanginini ya Klisto. ²Mu kena kutonda beno samu beno kena kubambukila munu moyo na mambu nionso, mpe samuna kulanda nsikudusu mutindu mu pesaka beno yau. ³Na ntangu yayi, muzola beno zaba ti Klisto kele intu ya bakala nionso, mpe ti bakala kele intu ya nkanto, mpe Tata Nzambi kele intu ya Klisto. ⁴Konso muntu kena kusambila mpe kena kubikula, intu ya kufukua, yandi kena kuvueza nkuluntu na yandi.⁵Kansi konso nkento kesambilaka mpe kebikulaka, intu ya kufukua ve, me vueza nkuluntu na yandi: Ya kele bonso yandi zenguaka nsuki. ⁶Samu kana nkento vuata kitambala ve, yandi zengisa bansuki na yandi. Kana yau kele nsoni samuna nkento na kuvuanda na nsuki ya kuzengua, yandi vuata kitambala.⁷Bakala lenda fuka intu na yandi ve, samu yandi kele kifuani mpe nzitusu ya Tata Nzambi, kansi samuna nkento, yandi kele nzitusu ya bakala. ⁸Samu nkento bimaka na bakala, kansi bakala bimaka na nkento ve;⁹mpe bakala salamaka samuna nkento ve, kansi nkento salamaka samuna nkento. ¹⁰Yau yina, samuna bambasi, nkento fueti vuanda na kidimbu ya lulendo yina yandi kena kuyekamana.¹¹Na nionso, kati na Mfumu, kukondua bakala, nkento lenda vuanda ve, mpe bakala lenda vuanda ve kana nkanto kele ve. ¹²Samu, lokola nkento katukaka na bakala, pidina bakala me butuka na nzila ya nkento, mpe nionso kekatukaka na Tata Nzambi.¹³Beno fiongunina beno mosi: Ya kele kuandi mbote ti nkento kena kusambila Tata Nzambi kondua kitambala na intu e? ¹⁴Kikadulu ya kimuntu yau mosi kena kulonga beno ve ti ya kele nsoni samuna bakala na kuvuanda na bansuki mingi? ¹⁵Kansi kana nkento kele na bansuki mingi, yake samuna nzitusu na yandi, samu bansuki pesaminaka yandi bonso kitambala. ¹⁶Kansi kana muntu zola kuwa ve, beno zaba ti beto kele na kifu ya kubinda mpaka ve na diambu yina, mpe ya kele mabundu ya Tata Nzambi ve.¹⁷Na kukebisaka beno, yina mu kena kuzola ve, kele ti beno kena kukutakana samuna kulutila kuvuanda bantu ya mbote ve, kansi samu beno kituka bantu ya imbi kuluta. ¹⁸Mpe ya ntete, mu kena kuwa ti ntangu beno kena kukutakana na dibundu, beno kele ya kuvambana, mpe fioti kaka mu kena kuikila na diambu yina, ¹⁹samu bamabundu ya fioti fioti fueti kaka vuanda kati na bno, samu ti bayina kele ya kufuana kati na beno bazabakana.²⁰Na ntangu beno kekutakanaka, yake samuna kudia madia ya Mfumu ve, ²¹samu ntangu bakevuandaka na meza, konso muntu kekudiaka madia ya yandi mosi, mpe kana yandi yayi kele na nsatu, yandi yina me kolua. ²²Beno kele na bainzo ve kuna beno lenda dila mpe nuina? To beno kena kuvuaza dibundu ya Tata Nzambi, mpe beno kena kumuesa nsoni bayina kele na kima ve. Inki mu ke tubila beno? Mu budila beno maboko e? samuna yau, mu lenda budila beno maboko ve.²³Samu yina mubakaka na Mfumu, yau mu longisaka beno; na ntangu Mfumu Yesu yekuluaka na mpimpa yina, yandi bakaka dimpa, ²⁴mpe na manima kuvutula matondo, yandi bukunaka yau, mpe yandi tubaka: yayi kele nzutu na munu, yayi me yekulua samuna beno; beno sala yau samuna kubambukila munu moyo.²⁵Mutindu mosi, na manima kudia, yandi bakaka mbungu, mpe yandi me tuba: Mbungu yayi kele luwawanu ya impa na menga na munu; beno sala yau ntangu nionso beno kekunua yau, samuna kubambukula munu moyo. ²⁶Samu ntangu nionso beno kekudiadimpa yayi mpe kunua mbungu yayi, beno kena kusamuna lufua ya Mfumu ti kilumbu yandi kekuiza.²⁷Yau yina, konso muntu kekudia dimpa to kunua mbungu ya Mfumu mutindu ya kufuana ve, yandi kezengulua nkanu samuna nzutu mpe menga ya Mfumu. ²⁸Bika konso muntu kukifiongunina, bosi yandi lenda kudia dimpa mpe kunua mbungu, ²⁹samu yina kena kudia mpe kunua kondua kuvisa nzutu ya Mfumu, yandi kena kudia mpe kunua mfundusu samuna yandi mosi. ³⁰Yau yina beno kena kumona kati na beno bayankaka ya kuvenga, bayankaka bambevo mpe bayankaka me kufuaka.³¹Kana beto kena kukifiongunina beto mosi, beto lendaka fundusua ve. ³²Kansi ntangu beto kena kufundusua, beto kena kubaka kitumbu na Mfumu, samu ti beto zengulua nkanu ve kintuadi na inza.³³Yau yina, bampangi na munu, ntangu beno kena kukutakana samuna kudia, beno vingasana. ³⁴Kana muntu kele na nsatu, yandi kudia na inzo na yandi, samu ti beno kutakanaka ve samuna kubokila mfundusu na beno. Ntangu mu kekuiza nde mu kededikisa mambu yankaka.

12¹Na yina me tadila nkayilu ya kimpeve, ba mpangi, mu zola ve ti beno kondua kuzaba. ²Beno me zaba ti, ba nataka beno kuna kele biteki ke tubaka ve, tala mutindu ba tuadisaka beno ntangu beno vuandaka ba pakanu. ³Yau yina me zabisa beno ti, kana muntu kena kutuba na Mpeve ya Tata Nzambi yandi tuba ve: Yesu kele ya Kusingua! mpe muntu lenda tuba ve ti: Yesu kele Mfumu! kana na Mpeve ya Nlongo ve.⁴Minkayilu kele disuasuani , kansi Mpeve mosi kaka, ⁵kisielo kele disuasuani, kansi Mfumu mosi kaka; ⁶mavanga kele disuasuani, kansi Nzambi mosi kaka ke salaka nionso na bantu nionso.⁷Kansi Mpeve pesamaka na konso muntu samuna ntomoso ya bantu nionso. ⁸Na yau, na muntu mosi pesamaka Mpeve ya mambu ya nduenga; na ya nkaka, mambu ya nzayilu, na Mpeve mosi kaka;⁹na ya nkaka, kiminu, na Mpeve mosi kaka; na ya nkaka, nkayilu ya luniakusu, na Mpve mosi kaka; ¹⁰na ya nkaka, nkayilu ya kusala bimangu; na ya nkaka, mbikululu; na ya nkaka, kufiongunina bampeve; na ya nkaka, disuasuani ya tudimi; na ya nkaka, mbangudulu ya tudimi. ¹¹Mpeve mosi kaka ke salaka mambu nionso yina, yandi ke kabulaka yau na muntu na muntu na mitindu yandi ma zodila.¹²Samu, lokola biela kele mingi na nzutu mosi kaka, mpe biela nionso ya nzutu lokola ya kele mingi, yau kena kusala nzutu mosi kaka, mutindu mosi yau kele na Klisto. ¹³Beto nionso botukuaka na Mpeve mosi kaka, samuna kusala nzutu mosi kaka, ya vuanda ba yuda, ba Elene, minanga, ba mfumu, mpe beto nionso nuikuaka na Mpeve mosi kaka.¹⁴Na yau, nzut me salama na kiela mosi kaka ve, kansi ya me salama na biela mingi. ¹⁵Kana dikulu tubaka: samu mu kele diboko ve, mu kele ya nzutu ve? samuna yau, nde ya kele ya nzutu ve? ¹⁶Mpe kana dikutu tubaka: samu mu kele disu ve, mu kele ya nzutu ve, samuna yau nde ya kele ya nzutu ve? Kana nzutu nionso vuandaka disu, inki kifulu dikutu zolaka vuanda e? ¹⁷Kana nzutu nionso vuandaka dikutu, inki kifulu mbombo zolaka vuanda e?¹⁸Ntangu yayi, Tata Nzambi tulaka biela, kiela na kiela na nzutu mutindu yandi zodilaka. ¹⁹Kana nionso vuandaka kiela mosi, wapi nzutu lendaka vuanda e? ²⁰Ntangu yayi, beno zaba ti, biela kele mingi, kansi nzutu kele kaka mosi.²¹Disu ke tuba ve na diboko: mu kele na mfunu na nge ve; ata intu lenda tuba na makulu ve:mu kele na mfunu na beno ve. ²²Kansi ya me luta mbote, biela ya kulebakana, kele mfunu; ²³mpe yina beto kena kumona mfunu mingi ve, yau nde beto kena kupesa nzitusu ya nnene. Na yau, biela na beto ya nsoni yau kena kubaka nzitusa ya kufuana, ²⁴kansi yina ya nzitusu kena kubakamana mfunu ve. Tata Nzambi kubikaka nzutu na mutindu ya kupesa nzitusu ya kufuana na yina vuandaka kondua,²⁵samu ti kukabuana vuanda ve na nzutu, kansi bika biela salasana. ²⁶Mpe kana kiela mosi kena kubela, biela nionso kele na mpasi kinuadi na yau; skana kiela mosi kena kuzitusua, biela nionso kena kusepela na yau. ²⁷Beno kele nzutu ya Klisto, mpe beno kele biela na yandi, mosi na mosi samuna yandi.²⁸Mpe ya ntete na kati ya dibundu Tata Nzambi tulaka bantumua, ya zole ba mbikudi, ya tatu minlongi, bosi ba yina kele na nkayilu ya bimangu, bosi ba yina kele na nkayilu ya kuniakisa, ya kusadisa, ya kuyala, ya kutuba tudimi ya disuasuani. ²⁹Bau nionso kele bantumua e? Bau nionso kele ba mbikudi e? Bau nionso kele minlongi e? Bau nionso kele na nkayilu ya kusala bimangu e?³⁰Bau nionso kele na nkayilu ya kuniakisa e? Bau nionso ke tubaka na tudimi e? Bau nionso ke bangulaka e? ³¹Beno zomina nkayilu yina ma luta mbote. Mpe mu ke monisa beno nzila yina me luta mbote.

13¹Ntangu mu lendaka tuba na tudimi ya bantu mpe ya zimbasi, kana mu kele na nzaola ve, mu kele kinsingala ke ningaka to kisimbala ke wungaka. ²Bosi ntangu mu ke baka nkayilu ya mbikululu, nzayilu ya mansueki nionso mpe mansueki nionso, ntangu mu ke baka kiminu nionso ti na kuvitumuna miongo, kana mu kele na kiminu ve, mu kele mpamba. ³Mpe mu lendaka kabula bima na munu nionso samuna madia ya ba mputu, mu lendaka yekula nzutu na munu samu ya yokua, kana mu kele na kiminu ve, ya kele kisalu ya mpamba.⁴zola ke vibidilaka, zola kele ya kufuluka na nlembmi, zola ke yandukaka meso ve, zola kele mayama ve, zola ke kukizangulaka ve, zola ke kukitumpidikaka ve, ⁵zola ke salaka ya bumbabu ve, ya ke sosaka nluta na yandi mosi ve, ya ke fuemaka ve, ya ke yindudilaka muntu mambu ya imbi ve, ⁶ya ke sepelaka na kondua lunungu ve, kansi zola ke sepelaka na kedika, ⁷ya ke lemvukilaka nionso, ya ke ndimaka nionso, ya ke tulaka kivuvu na nionso, ya ke vibidilaka nionso.⁸zola ke kufuaka ve, mbikululu ke manisa, tudimi ke zengana, nzayilu ke zimbala. ⁹Samu fioti kuandi beto me zaba, mpe fioti kuandi beto ke bikulaka, ¹⁰kansi ntangu yina ya kuvedila ke kuiza, yina ya ndambu ke zimbala.¹¹ntangu mu vuandaka muana, mu vuandaka tuba bonso muana, mu vuandaka yindula bonso muana, mu vuandaka banza bonso muana; kansi ntangu me kuma mbuta, mu katulaka yina vuandaka ya kimuana. ¹²Na bubu yayi beto kena kumona na kitala tala, beto kena kumona kitombe, kansi beto ke meso na meso; bubu yayi me zaba ndambu, mu ke zaba bonso ba zabilaka munu. ¹³Ntangu yayi, bima tatu kele: kiminu, kivuvu, zola; kansi yina me luta na bima nionso tatu, kele zola.

14¹Beno sosa zola. Beno vuanda na vema na nkayilu ya kimpeve, kansi beno luta vemina yayi ya mbikululu. ²Yau yina, muntu kena kutuba na tudimi kene kutuba na bantu ve, kansi na Tata Nzambi, samu muntu ve kena kubakusa yau, ya kele na kimpeve yandi kena kutubila mansueki. ³Muntu ke bikulaka, kena kutuba na bantu, yandi kena kutunga, kusiamisa, kubomba. ⁴Muntu ke tubaka na tudimi kena kukitunga yandi mosi; muntu ke bikulaka, yandi ke tungaka dibundu.⁵Mu zola ti beno nionso, beno tuba na tudimi, kansi me luta zola beno bikula.muntu kebikulaka me luta yina kena kutuba ka tudimi, kana yandi kena kubangula yau, samu ti dibundu tungua. ⁶Mpe ntangu yayi, ba mpangi, inki mfunu mu lendaka vuanda na ntadisi na beno kana me tubila beno na tudimi,mpe kana mu tubila beno na mbueno ve, to na nzayilu ve, to na mbikululu ve, to ndongolo ve?⁷Kana bima kele moyo ve kele na ningu, lokola pitulu, to nsambi, ke pesaka ningu ya disuasuani ve, inki mutindu ba kezabila yina kena kubula kana pitulu to nsambi e? ⁸Bosi kana mpungi kena kupesa ningu yina kena kuvisakana ve, nani kekubama na mvita e? ⁹Mutindu mosi na beno, kana beno kena kutuba na tudimi mambu yina kele disuasuani ve, inki mutindu bantu kebakusa yina beno kena kutuba e? Samu na mpamba beno ke tuba.¹⁰Beto kele na bandinga ya mpila na mpila na inza, ata mosi me kondua ningu ve; ¹¹kana mu zaba mbangudulu ya ndinga ve, mu ke vuanda nzenza samuna yandi kena kutuba, mpe yandi kena kutuba ke vuanda nzenza samuna munu kena kuwa.¹²Mutindu mosi na beno, lokola beno kena kuvemina minkayilu ya kimpeve, beno toma sosa yau mingi ya vuanda na beno samuna ntungulu ya dibundu. ¹³Na yau, bika muntu yina kena kutuba na tudimi yandi sambila samu yandi baka nkayilu ya kubangula. ¹⁴Samu kana mu kena kutuba na ludimi, mpeve na munu kele na lusambulu, kansi zayu na munu kele na mbutu ve.¹⁵Ikni ya kusala e? Mu ke sambila na mpeve, kansi mu ke sambila na zayu; mu ke yimbila na mpeve, kansi mu ke yimbila na zayu; ¹⁶Ya nkaka ya kutuba, kana nge kena kuvutula matondo na mpeve, inki mutindu muntu kele na mulongo ya nkangu lenda vutudila Ameni ! na matondo na nge, samu yandi zaba ve yina nge kena kutuba e?¹⁷Ya tseleka nge kena kuvutula matondo ya mfunu mingi, kansi ya nkaka kena kutungua ve. ¹⁸Mu kena kuvutula matondo na Tata Nzambi samu mu kena kutuba na tudimi kuluta beno nionso; ¹⁹kansi mu ke zolaka mingi na dibundu mu tuba ba mambu tanu na zayu na munu, samuna kulonga ba yankaka, kansi mafunda kumi ve ya mambu na tudimi.²⁰Ba mpangi, beno vuanda bana ve na kufiongunina; kansi samuna mambu ya imbi, beno vuanda bana, kansi na kufiongunina, beno vuanda bantu ya zayu. ²¹Ya sonamaka na minsiku: ya kele na bantu ya ndinga yankaka mpe na bikoba ya ba nzenza mu ke tubila na nkangu yayi, me tuba Mfumu, ba ke kuwa munu ve, ata mu ke tubila mutindu yayi.²²Na yau, tudimi kele kidimbu samuna minkuikizi ve kensi samuna ba yina ke lekaka kiminu ve; mbikudulu kele kidimbu samuna ba yina ke lekaka kiminu ve, kansi samuna minkuikizi. ²³Na yau, kana dibundu ya mvimba me kutakana, bau nions kena kutuba na tudimi, mpe kanabantu ya nkangu to bantu ke lekaka kiminu ve me kota, ba ke tuba ve ti beno kele bilawu e?²⁴Kansi kana bantu nionso kena kubikula, mpe kana bantu ke lekaka kiminu ve to muntu ya nkangu me kota, yandi ke tunguluka na bantu nionso, bantu nionso ke kongudila yandi, ²⁵mpe mansueki ya ntima na yandi ke zabakana, na mutindu ti, ntangu yandi ke fukama na ntadisi na yandi, yandi ke zitisa Tata Nzambi mpe yandi ke tuba ti ya tseleka Tata Nzambi kele kati na beno.²⁶Bampangi, inki beto sala e? Ntangu beno ke kutakanaka, ba yayi to ba yina kele na muyimbu, na ndongosolo, na mbueno ya kimpeve, tudimi, mbangududlu, bika nions o vsalama samuna ntungulu ya dibundu. ²⁷Mutindu mosi kele na ba yina ke tubaka na tudimi, kana zole to tatu, to kuluta tatu kena kutuba, bika ba tuba konso muntu na ntangu na yandi, kansi muntu fueti bangula yau, ²⁸kansi kana mbangudi kele ve, bika dibundu ya mvimba dingama, ba tuba na nsia ntima mpe na Tata Nzambi.²⁹Samuna yina me tadila ba mbikudi, bika zole to tatu tuba, mpe ba yankaka fiongunina, ³⁰mpe kana muntu yankaka kele ya kuvuanda bosi yandi me baka nsongolo ya kimpeve, yina vuandaka tuba ya ntete , yandi dingama.³¹Samu beno lenda landana na kubikula, samu ti bantu nionso ba longua mpe bantu nionso ba bombua. ³²Mpeve ya ba mbikudi ke tumamaka na ba mbikudi, ³³samu Tata Nzambi kele Nzamni ya mvualangani ve, kansi ya yenge. Mutindu ya kele na babundundu nionso ya banlongo,³⁴bika ba kento dingama na mabundu, samu ba kele na insua ya kutuba ve, kansi bika ba lemvuka mutindu nsiku kena kutuba. ³⁵Kana ba zola longuka diambu, ba yuvula ba bakala na bau na inzo; samu ya kele nsoni na nkento na kutuba na dibundu. ³⁶Diambu ya Tata Nzambi, na beno ya biminaka e? to na beno mosi kaka ya kuminaka e?³⁷Kana muntu ke kukibanzila mbikudi, to muntu ya kimpeve, bika yandi zaba ti mambu me sonikina beno kele nsiku ya Mfumu. ³⁸Mpe kana muntu zola ve kuzaba, yandi ke zaba yau mpe ve.³⁹Yau yina, bampangi, beno zomina nkayilu ya mbikululu, mpe beno kakidila kutuba na tudimi ve. ⁴⁰Kansi bika nionso ya salama na mitindu ya kufuana mpe na ya kudedama.

15¹Ba mpangi, mu kena kubambula beno moyo ti, Nsangu ya Mbote mu samuninaka beno mpe beno tambulaka, yau yina siamisaka beno, ²mpe na yau beno vulusuaka, kana beno me simba mutindu mu samuninaka beno yau; kana ve, mpamba kuandi beno tulaka kiminu.³Tekila nionso, mutindu mu bakilaka, mutindu yina mpe mu longisaka beno, ti Klisto kufuaka samuna masumu na beto, me tuba Masonukua ya Nlongo, ⁴ba zikaka yandi, mpe yandi futumukaka na kilumbu ya tatu, me tuba Masonukua ya Nlongo;⁵mpe yandi monikinaka Kefa, bosi na ba kumi na zole. ⁶Diaka, na mbala mosi yandi monikinaka ba mpangi kuluta nkama tanu, kati na bau, ba yankaka kele moyo, kansi ndambu yankaka ya bantu me kufuaka. ⁷Yandi monikinaka diaka Yakobi, bosi na bantumua.⁸Na manima ya bau nionso, yandi monikinaka munu mpe, ⁹samu mu kele ntumua mosi ya fioti, mu kele ya kufuana ve ba bokidila munu ntumua, samu mu nuanisaka dibundu ya Tata Nzambi.¹⁰Na nlemvo ya Tata Nzambi mu kele yayi mu kele, mpe nlemvo na yandi nvuandaka ya mpamba ve na munu; mu salaka kisalu kulutila bau nionso, mu zola tuba ti munu ve, kansi nlemvo yayi ya Tata Nzambi kele na munu. ¹¹Na yau, ya vuanda munu, ya vuanda bau, tala yina beto kena kulonga, yau beno kuikilaka.¹²Nzoka, kana ba kena kulonga ti Klisto fulukaka na bafua, inki mutindu bantu yankaka kati na beno kena kutuba ti mfulukulu ya bafua kele ve? ¹³Kana mfulukulu ya bafua kele ve, beno zola tuba ti Klisto fulukaka ve. ¹⁴Bosi kana Klisto fulukaka ve, malongi na beto kele kuandi mpamba, mpe kiminu na beno kele mpamba.¹⁵Ya zola tuba ti beto kele ba mbangi ya luvunu ya Tata Nzambi, yayi beto ketelaka kimbangi ti yandi fulukisaka Klisto; yayi yandi lendaka fulukisa Klisto ve, kana bafua ke fulukaka ve. ¹⁶Samu kana bafua ke fulukaka ve, ya zola tuba ti Klisto fulukaka ve. ¹⁷Bosi kana Klisto fulukaka ve, kiminu na beno kele ya mpamba, beno ke ntete na masumu.¹⁸mpe na kubuela diaka, beto lenda tuba ti ba yina kufuaka kati na Klisto me zimbalaka. ¹⁹Kana na luzingu yayi kuandi beto kena kutula kivuvu na Klisto, beto kele bantu ya kiadi kuluta bantu nionso.²⁰Kansi na ntangu yayi, Klisto me fulukisuaka na bafua, yandi me tekidila bantu nionso yina kufuaka. ²¹Samu, lokola lufua kuizilaka na muntu mosi, ya kele na muntu mosi kaka mpe mfulukulu me kuizila.²²mpe lokola bantu nionso ke kufuaka na Adamu, mutindu mosi mpe bantu nionso ke vuanda diaka moyo na Klisto, ²³kansi konso muntu na dikabu na yandi. Lokola Klisto kele ntekidi ya bantu me kuvua, na ntangu ya ngizulu na yandi.²⁴Bosi nsuka ke kuiza, ntangu yandi ke vutula kimfumu na Nzambi mpe Tata, na manima ya kubebisa ngiadulu nionso, kilendo nionso mpe lulendo nionso. ²⁵Samu yandi fueti yala ti na ntangu yandi me tula mintantu nionso na insi ya makulu na yandi. ²⁶Ntantu ya nsuka ke kefukusua, kele lufua.²⁷Na yau, Tata Nzambi tulaka nionso na insi ya bitambi na yandi. Kansi ntangu yandi kena kutuba ti nionso pesamaka yandi, ya tseleka ti yina pesaka yandi bima nionso kele ya kuvambulua. ²⁸Mpe ntangu bima nionso ke tumamina yandi, bosi Muana yandi mosi ke tumamina muntu yina salaka ti bima nionso tumamina yandi, samu Tata Nzambi vuanda nionso samuna banttu nionso.²⁹Ya nkaka, bantu yayi kena baka mbotokolo samuna bantu ya kufua, inki ba lendaka sala e? Kana ti bafua ke fulukaka ve, samunu inki ba kena kuenda baka mbotokolo samuna bau e? ³⁰Ebosi beto, samuna inki beto kena kufukila ntangu nionso e?³¹Konso kilumbu mu kele na kivonza ya lufua, ba mpangi, mu kena kundima yau, samu beno kena kusala kiese na munu kati na Yesu Klisto Mfumu na beto. ³²Kana na mbueno ya bantu mu nuanaka na bibulu ya nganzi na Efeso, inki ndandu me baka e? Kana bafua ke fulukaka ve, bika beto kudia mpe kunua samu mbazi beto ma kufua.³³Beno kukivuna ve: kikundi ya imbi ke bivisaka bifu ya mbote. ³⁴Beno vutuka na mabanza na beno na mutindu yambote, mpe beno sala masumu ve samu ba yankaka ba zaba Tata Nzambi ve, mu kena kutuba yau samu beno kufua nsoni.³⁵Kansi muntu ke tuba: Inki mutindu bafua ke fulukilaka, mpe ba ke vutukulaka na inki nzutu e? ³⁶Zoba yayi! yina nge ke kunaka lenda mena ve, kana ya kufua ve.³⁷Mpe yina nge kena kukuna, yina ke butuka, nzutu ve; ya kele kuandi mbuma, ya lenda vuanda ble, to nkuna yankaka; ³⁸bosi Tata Nzambi me pesa yandi nzutu yina yandi zola, mpe na konso nkuna yandi ke pesaka nzutu yina ya yandi. ³⁹Nsuni nionso kele mutindu mosi ve; kansi yankaka kelensuni ya bantu, yankaka ya bibulu kele na makulu iya, yankaka ya banuni, yankaka ya bambizi.⁴⁰Ya kuzaba diaka ti, ba nzutu ya kizulu mpe ba nzutu ya kintoto kele; kansi yankaka kele nsemo ya banzutu ya kizulu, yankaka ba nzutu ya kintoto. ⁴¹Yankaka nsemo ya ntangu, yankaka nsemo ya ngonda, yankaka nsemo ya ba mbuetete; ata nsemo ya mbuetete mosi kele disuasuani na mbuetete yankaka.⁴²Mutindu yina mpe kele na mfulukulu ya bafua. Nzutu ke kunuaka ya kufukila, ya ke fulukaka kondua kufukila; ⁴³ya ke kunuaka kondua luzitu, ya ke fulukaka na nkembo; ya ke kunuaka ya kulebakana, ya ke fulukaka na kilendo ya kufuluka. ⁴⁴ya ke kunuaka nzutu ya kibulu, ya ke fulukaka nzutu ya kimpeve. Kana nzutu ya kibulu kele, nzutu ya kimpeve mpe kele.⁴⁵Yau yina ya sonamaka: Adami muntu ya ntete, kitukaka muela ya moyo. Adami ya nsuka kitukaka mpeve ke pesaka moyo. ⁴⁶Kansi yina kele ya kimpeve kele ya ntete ve, ya kele ya kibulu; yina landaka yau kele ya kimpeve.⁴⁷Muntu ya ntete vangamaka na ntoto, kele ya kintoto; muntu ya zole kele ya kizulu. ⁴⁸Yayi kele ya kintoto, ba yayi kele mpe ya kintoto; yayi kele ya kizulu, ba yayi kele ya kizulu. ⁴⁹Mutindu beto nataka kifuani ya kintoto, beto kena kunata mpe kifuani ya kizulu.⁵⁰Ba mpangi, yina mu kena kutuba, ya kele ti nsuni na menga lenda baka difua ya kimfumu ya Tata Nzambi ve, mpe yina ke fukila ke baka difua ya yina ke fukila ve. ⁵¹Tala, mu kena kutubila beno disuekamu mosi: beto nionso ke kufuaka ve, kansi beto nionso ke kitulua,⁵²na fintangu kaka, na mbuetoso a meso, na mpungi ya nsuka.Mpungi ke bula, mpe bafua ke fuluka ya kufukila ve, mpe beto ke kitulua. ⁵³Samu nzutu yayi ya kufukila fueti vuata nzutu ya kufukila ve, mpe nzutu yayi ya mfuilu vuata nzutu ya mfuilu ve.⁵⁴Ntangu nzutu yayi ya kufukila me vuata nzutu ya kufukula ve, mpe nzutu yayi ya mfuilu ke vuata nzutu ya mfuilu ve, basi mambu sonamaka ke salama: Lufua me minua na ndungunu. ⁵⁵O lufua, wapi kele ndungunu na nge? O lufua, wapi kele divusu na nge?⁵⁶Divusu ya lufua kele disumu, mpe kilendo ya disumu kele nsiku. ⁵⁷Kansi matondo na Tata Nzambi, kena kupesa beto ndungunu na Mfumu na beto Yesu Klisto!⁵⁸Na yau, ba mpangi ya luzolo, beno siama, beno vuanda ngui, beno sala mbote mbote kuluta kisalu ya Mfumu, beno zaba ti kisalu na beno kele ya mpamba ve kati na Mfumu.

16¹Na yina me tadila ngionzokolo ya ba mbongo samuna ba nlongo, beno mpe beno sala, mutindu mu tuminaka na mabundu ya Ngalatia. ²Bika kilumbu ya ntete ya sabala mosi na mosi banda kutula na inzo na yandi yina yandi lenda, mutindu kele mvuilu na yandi, samu ba vingila ngizulu na munu ve samuna yonzika minkayilu.³Mpe na ntangu mu ke kuiza, mu ke tinda mikanda na bantu yina beno me sola samuna kunata minkayilu na beno ya luzolo na Yelusalemi. ⁴Kana diambu yina me lomba ti mu kuenda kuna mu mosi, buna ba ke sala nzietolo kintuadi na munu.⁵Mu ke kuiza na beno ntangu mu ke sabuka Makedonia, samu mu ke sabuka makedonia. ⁶Nanga mu lenda vuanda na beno fi ntangu to mu lenda lutisa kisivu na beno, samu beno zieta na munu ti kisika mu ke kuenda.⁷Mbala yayi, mu zola ve kumona beno na ntangu mu kena kuluta, kansi mu kele na kivuvu ya kuvuada na beno ntangu ya kufuana, kana Mfumu me pesa luve. ⁸Mu ke vuanda na Efeso ti na ntangu ya Pentekoti. ⁹Samu kielo ya nene mpe nkotolo ya ngolo me zibukila munu, kansi mpe mintantu kele mingi.¹⁰Kana Timoteo me kuma, beno sala ti yandi vuanda na wonga ve kati na beno, samu yandi kena kusala kisalu mosi ya Mfumu bonso munu. ¹¹Muntu mosi ve vueza yandi. Beno zieta na yandi na yenge, samu yandi kuiza kisika mu kele, samu mu kena kuvingila yandi na ba mpangi. ¹²Na yina me tadila mpangi Apolo, mu bombidilaka yandi na kukuiza kintuadi na ba mpangi ya nkaka, kansi ya vuandaka lukanu ya luzolo na yandi ve na kusala yau malu malu yayi, yandi ke kuenda ntangu yandi ke baka nzila.¹³Bika beno vuanda ya kisiama na kiminu, beno vuanda babakala, beno siamasana. ¹⁴Bika nionso beno kena kusala, ya salama na luzolo!¹⁵Ba mpangi, mu kena ku pesa beno diaka nsikudukusu mosi, beno me zaba ti inzo ya Stefana tuamaka na Akaya, mpe yandi me kukipesaka na kisalu ya ba nlongo. ¹⁶Beno diaka beno vuanda ya kulemvuka samuna bantu ya mutindu yayi, mpe samuna bantu nionso yina kena kusala kisalu mosi.¹⁷Mu kena kusepela na kumona Stefana, Fotunato, mpe Akaiko; ba me zika dibulu ya kukondua na beno, ¹⁸samu ba me vuvika mpeve na munu mpe ya beno. Beno zaba kundima bantu ya mutindu yayi.¹⁹Mabundu ya Aziya me pesa beno mbote. Akila na Pliska, na dibundu kele na inzo ya bau me pesa beno mbote mingi kati na Mfumu. ²⁰Bampangi nionso me pesa beno mbote. Beno pesana mbote na mfibulu ya nlongo.²¹Munu Paulu, me pesa beno mbote na diboko na munu. ²²Kana muntu kezolaka Mfumu ve, bika yandi vuanda ya kusingua! Malanata. ²³Bika nlemvo ya Mfumu Yesu vuanda na beno! ²⁴Nzola na munu kele na beno nionso kati na Yesu KListo.

Mukanda ya zole ya paulu na bakolinto

1¹²Paulu, kele ntumua ya Yesu Klisto na luzolo ya Tata Nzambi, mpe mpangi Timoteo, na dibundu ya Tata Nzambi kele na Kolinto, mpe na ba nlongo, nionso kene na Akaya ya mvimba: bika nlemvo ya mpe yenge me katuka na Nzambi Tata na beto na ya Mfumu na beto Yesu Klisto vuanda na beno.³Bika Nzambi zitusua, Tata ya Mfumu na beto Yesu Klisto, Nzambi ya nkenda mpe ya mbombolo nionso, ⁴yayi kena kubomba beto na ba mpasi na beto nionso, samu ti, na mbombolobeto ke bombuaka na Tata Nzambi, beto lenda bomba ba yina kele na mpasi!⁵Samu, mutindu mosi ba mpasi ya Klisto kena kufuluka na beto, mutindu mosi na nzila ya Klisto mbombolo na beto kena kunieka. ⁶Kana ba kena kumuesa beto mpasi, ya kele samuna mbombolo na beno mpe mpulusu na beno; kana beto kena kubombua, ya kele samuna mbombolo na beno, yayi kena kusalama samuna kukanga ntima na mvibudulu kele na beto na ba mpasi beto kena kumona. ⁷Mpe kivuvu na beto na ntadisi na beno kele ya kusiama, samu beto me zaba ti kana beno kele kintuadi na ba mpasi, mutindu yina mpe na mbombolo.⁸Bampangi, beto zola ve ti beno zimbakana nzungu yayi kuizilaka beto na Asia, kizitu yayi ba tuikilaka beto me luta ngolo na beto, samu beto vuanda na kivuvu ya luzingu yayi diaka ve. ⁹Mpe beto vuandaka tala bonso ba yankaka nzengolo ya lufua na beto, samu beto kukitudila kivuvu, kansi beto tula yau na Tata Nzambi ke fulukisaka bafua. ¹⁰Yandi kangulaka mpe ke kangula beto na lufua ya mutindu yayi, beto kena kutula kivuvu ti yandi ke kangula beto diaka,¹¹Beno mpe, beno sadisaka beto na tusambulu na beno, samu ti nkembo ba bakilaka beto na bantu mingi vuanda samuna bantu mingi ntangu ya kuvutula matondo samuna diambu ya beto.¹²Samu kima kena kusala nkembo na beto kele kimbangi ya kimuntu na beto, ti kikadulu na beto na inza mpe na ntadisi na beno, vuandaka ya nlongo mpe ya kuvedila na ntuala Tata Nzambi, na nduenga ya kinsuni ve kansi na nlemvo ya Tata Nzambi. ¹³¹⁴Beto me sonikina beno mambu ya nkaka ve kaka yina beno kena kutanga, mpe yina beno me zaba. Mpe me tula kivuvu ti beno ke zaba yau ti na nsuka, mutindu beno zabidilaka ndambu ti beto kele nkembo na beno, mutindu mosi, beno ke vuanda mpe ya beto na kilumbu ya Mfumu Yesu.¹⁵Na kati ya kivuvu yayi mu zolaka kuiza na beno, samu beno baka nlemvo mbala zole; ¹⁶mu zolaka lutila kisika beno kele samuna ku kuenda na Makedonia, bosi katuka na Makadonia mpe ku kuiza kisika beno kele, mpe beno zieta na munu na kukuenda na insi ya Yuda.¹⁷Na kusala mutindu yina, beno zola tuba ti mu lembisaka kilendo na munu e? Kana ve, ba mbombolo na munu, ya kele ba mbombolo ya kinsuni e, samu inga na ve vuanda kati na munu? ¹⁸Ya tseleka ti Tata Nzambi kele ya kukuikama, mambu beto zabisaka beno vuandaka inga na ve ve.¹⁹Samu Yesu klisto, Muana ya Nzambi, yina beto vuandaka longa kati na beno, kubanda na munu, mpe na Silvano, mpe na Timoteo, vuandaka inga mpe ve ve, kansi inga vuandaka kati na yandi, ²⁰kansi na yina me tala ba nsilulu nionso ya Tata Nzambi, yandi kaka kele na inga, yau yina yandi tubaka diaka Ameni mpe na beto samuna nkembo na Tata Nzambi.²¹Mpe yina kena kusiamisa beto na beno kati na Klisto, mpe yina kusaka beto mafuta kele Tata Nzambi, ²²yandi tulaka beto bidimbu mpe yandi tulaka na bantima na beto bidimbu ya kimpeve.²³Nzoka, me tula Tata Nzambi vuanda mbangi ya muela na munu, ti samuna kutanina beno nde mu kuendaka diaka na Kolinto ve; ²⁴ya kele ve ti beto kena kuyala kiminu na beno ve, kansi beto kena kusadisa na kiese na beno, samu beno kele ya kusiama na kiminu na beno.

2¹Mu bakaka lukanu munu mosi ti muleda vutukila beno na kiadi ve. ²Samu kana me monisa beno kiadi, nani lenda yangidika munu, kana muntu yayi ve me monisa kiadi e?³Mu sonikaka mutindu mu salaka samuna ngizulu na munu, mu mona ve ti bantu yina lendaka pesa munu kiese ba vuanda na kiadi, na ntangu mu kele na kivuvu na beno nionso ti, kiese na munu yau kuandi kele kiese na beno nionso. ⁴Ya kele na mpasi nionso, na ntima ya kingongo, mpe na mansanga mingi mu kena kusonikina beno, samu beno vuanda na kiadi ve, kansi samu beno zaba ti, mu kele na kiese ya kuluta samuna beno.⁵Kana muntu kele ntukisi ya kiadi, beno zaba ti munu ve yandi muesaka kiadi, kansi samuna kukuenda ntama ve, na beno nionso. ⁶Kitumbu muntu yayi bakaka yina katukaka na bantu mingi me fuana, ⁷ya me luta mbote na kulemvukila mpe kubomba yandi, samu yandi vuanda na kiadi ya kuluta ve.⁸⁹Mu kena kulomba beno na kuvuanda na zola na ntadisi na yandi, samu mu sonikaka na dituku ya kutala beno, kana beno ke tumamaka na mambu nionso.¹⁰Samu muntu yina beno me lemvukila, me lemvukila yandi mpe; muntu yina mu lemvukilaka, kana mu lemvukilaka diambu, ya kele samuna beno, na ntadisi ta Klisto, ¹¹samuna kubika nzila na Satana ve yandi vuanda na zulu ya beto, samu beto me zaba mabanza na yandi.¹²Yankaka, ntangu mu kumaka na Toloa samuna Nsangu ya Mbote ya Klisto, Mfumu zibudilaka munu kielo, ¹³mpe mpeve na munu dingamaka ve, samu mu vuandaka mona mpangi na munu Tito ve; yau yina ntangu mu bikaka bau, mu kuendaka na Makedonia.¹⁴Matondo na Tata Nzambi ke nungisaka beto ntangu nionso kati na Klisto, mpe yandi kena kudukudila beto nzayilu na yandi kisika nionso! ¹⁵Kansi samuna Tata Nzambi, beto kele nsunga ya mbote ya Klisto, kati na bayina vulusuaka mpe na ba yina kena kuzimbala:¹⁶na ba yayi, nsudi ya lufua, ke pesaka lufua, nsunga ya moyo, ke pesaka moyo. Bosi nani kele ya kufuana na samuna mambu yina e? ¹⁷Samu beto kena kufuatikisa mambu ya Tata Nzambi ve, mutindu kena kusala bantu mingi yankaka; kansi ya kele na kedika, mpe na nkumbu ya Tata Nzambi nde beto kena kutuba samuna Klisto na ntuala Tata Nzambi.

3¹Beto kukimonisa diaka beto mosi e? To beto kele na nsatu ya mukanda na beno mutindu ke salaka ba yankaka, to yina me katuka na beno e? ²Beno kele mukanda na beto yina sonamaka na ba ntima na beto, ya me zabakana mpe ya kena kutangua na bantu nionso. ³Ya me zabakana ti beno kele mukanda ya Klisto, ya sonamaka na kisalu na beto, na ditinta ve kansi kintuadi na Mpeve ya Tata Nzambi a Moyo, na zulu ya nsenzebele ya dibanga ve, kansi na zulu ya nsenzebele ye nsuni, na zulu ya ba ntima.⁴Beto kele na kivuvu katukaka na Tata Nzambi, yayi beto bakaka na nzila ya Klisto. ⁶Ya kutuba ve ti beto kele ya kufuana beto mosi na kubaka mayindu ya kusala diambu me katuka na beto mosi. Kansi kilendo na beto ke katukaka na Tata Nzambi. ⁵Yandi pasaka beto kilendo ya kuvuanda bisielo na luwawanu ya impa, ya bisono ve, kansi ya kimpeve; samu bisono ke kufuaka, kansi mpeve ke pesaka moyo.⁷Kana kisielo ya lufua nuatuaka na bisono na zulu ya dibanga vuandaka na nkembo, samu ti bana ya Isaeli lendaka tala ilungi ya Mose ve, samuna nkembo ya ilungi na yandi, kansi nkembo yina lutaka, ⁸bosi kisielo na beto ya kimpeve, ya ke luta na nkembo ve?⁹Kana kisielo ya mbedoso vuandaka ya nkembo, kisielo ya lunungu kele ya nkembo kuluta. ¹⁰Samu, na manzayisu yayi, yina vuandaka ya nkembo, vuandaka ya nkembo ve, samuna nkembo yina lutilaka yau. ¹¹Na yau, kana yina lutaka vuandaka ya nkembo, yina ya ntangu nionso me lutila na nkembo.¹²Lokola beto kele na kivuvu ya mutindu yayi, beto kena kimpuanza ya nene, ¹³mpe beto kena kusala bonso Mose ve vuandaka fuka ilungi na yandi, samu bana ya Isaeli tala ve nsuka ya mambu lutaka.¹⁴Kansi ba me badisa nguilu na bau. samu ti na kilumbu ya bubu yayi, ntangu ba ketangaka luwawanu ya ntama, kifukulu yina kele kaka, mpe ya katuluaka ve, kansi ya kena kukatuka samuna Klisto. ¹⁵Ti na kilumbu ya bubu yayi, ntangu ba kena kutanga Mose, kifukulu mosi kena kulosua na ba ntma na bau; ¹⁶kansi ntangu ba ntma na bau me viluka na Mfumu, kifukulu me katuka.¹⁷Nzoka, Mfumu kele Mpeve, mpe kisika kale Mpeve ya Mfumu, vana kele kimpuanza. ¹⁸Beto nionso yayi kele bilungi ya kufikulua, beto toma tala bonso na kitala tala nkembo ya Mfumu, beto me kitulua kifuani mosi, ya nkembo na nkembo, mutindu ke salaka Mpeve ya Mfumu.

4¹Yau yina, na ntangu beto kena kisielo na nkenda ba fuilaka beto, beto lemba ve. ²Beto kena kulosa mambu ya nsoni ke salamaka na kinsueki, beto kele na nduatulu ya bunkta ve, mpe beto ke balusaka mambu ya Tata Nzambi ve. Kansi na muangisaka tseleka, beto kena kukimonisa kansansa ya kimuntu na ntuala Tata Nzambi.³Kana Masonukua na beto kele ya kufukua, ya kele ya kufukua samuna ba yina kena kufukila; ⁴samuna bantu ya kudimbula kiminu yayi nzambi ya ntangu yayi kufuaka meso ya diela na bau, samu ba mona kukienzuka ya kukia na Masonukua ya nkambo ya Klisto ve, yandi yayi kele kifuani ya Tata nzambi.⁵Beto kena kukilonga beto mosi ve; kansi Mfumu Yesu Klisto nde beto kena kulonga, mpe beto kena kutuba beto bisadi samuna Yesu. ⁶Samu Tata Nzambi tubaka: kukia ke kienzula kitombe! kukia kena kukienzula ba ntima na beto samuna kukienzula nzayilu ya nkembo ya Tata Nzambi na ntuala ya Klisto.⁷Beto kena kunata kima yina ya ntalu na biwumbua ya ntoto, samu ti beto pesa kilendo yina ya nene na Tata Nzambi, kansi na beto ve. ⁸Na mambu nionso, beto kena kufietukusua, kansi ba kena kusukisa beto ti na nsuka ve; na kati ya malema, kansi beto kena kukondua kivuvu ve; ⁹ba kulunguaka beto kuama, ba bembulaka beto, ba bulaka beto, kansi ba kufuaka beto ve; ¹⁰ntangu nionso beto kena kunata kaka na nzutu na beto lufua ya Yesu, samu ti moyo ya Yesu monana mpe na nzutu na beto.¹¹Samu beto kele moyo, ba kena kuyekula beto ntangu nionso na lufua samuna yesu, samu ti moyo ya Yesu monika na kati ya nzutu a lufua. ¹²Na yau, lufua kena kusala kati ba beto, mpe moyo kena kusala na beno.¹³Mpe lokola beto kele mpeve mosi ya kiminu, yayi salaka na mambu kele na Masonukua: mu tulaka kiminu, Yau yina mu tubaka! beto mpe beto kena kutula kiminu, yau yina beto kena kutuba, ¹⁴beno zaba ti yina fulukisaka Mfumu Yesu, ke fulukisa beto mpe kintuadi na Yesu, yandi ke monikisa beto kintuadi na bau na ntadisi na yandi. ¹⁵Samu nionso yina ke kuizaka ke katukaka na beno, samu ti ntangu nlemvo kena kunieka, ya fulusa matondo ya bantu mingi samuna nkembo ya Tata Nzambi.¹⁶Yau yina beto beba ve. Mpe na ntangu muntu na beto ya nganda me fukila, muntu na beto ya kati ke kitukaka ya impa konso kimumbu. ¹⁷Samu ba mpasi ya ngolo kele ve na beto, ya fi ntangu ntangu kuandi, me tukisaka nkembo me luta kitezo ya ba mvula na ba mvula samuna beto, ¹⁸samu beto kena kutala ve bima ke monikaka, kansi yina ke monikaka ve; samu bima ke monikaka ke lutaka, mpe yina ke monikaka ve ke ya ba mvula na ba mbula.

5¹Beto me zaba ti, kana inzo na beto ya ngoto beto kena kuvuanda awa na ntoto me tulumuka, na dizulu beto kele na inzo Tata Nzambi tungaka, ya kele inzo tunguaka na diboko ya muntu ve. ²Mpe beto kena kuvumuna na inzo yina ya ngoto, kansi beto kele na nsatu ya kuvuata inzo na beto ya kizulu, ³kana ba me mona beto ya kuvuata kansi kimpene ve.⁴Samu, na ntangu beto kele na inzo yina ya ngoto, beto kena kuvumuna na bizitu, samu beto zola kuvula ve, kansi kuvuata, samu yina ya mfuilu ya minua na yina ya moyo. ⁵Mpe yina fuanisaka beto na yau, kele Tata Nzambi, yandi pesaka beto bidimbu ya kimpeve.⁶Ntangu nionso beto kele kaka ya kusiama na lukuikilu, mpe beto me zaba ti na kuvuanda na nzutu yayi, beto kele ya kutatuka na Mfumu, ⁷samu beto kena kutambula na kiminu kansi na mbueno ve, ⁸mutindu yina beto kele ya kusiama na kiminu, mpe nsatu kele ti beto katuka na nzutu yayi samuna kuvuanda kisika mosi na Mfumu.⁹Yau yina beto kena kusala ngolo samuna kuyangidika Mfumu, ata beto kena kuzinga ntete na nzutu yayi, ata beto me katuka na yau. ¹⁰Samu beto nionso fueti sambusua na mbazi a nkanu ya Klisto, samu konso muntu baka nsendo na mambote to na imbi yandi salaka ntangu yandi vuandaka na nzutu na yandi.¹¹Lokola beto me zaba kivumi ya Mfumu, beto kena kuleba bantu; kansi Tata Nzambi me zaba beto, mpe me tula kivuvu ti na kimuntu na beno, beno me zaba beto mpe. ¹²Beto kena kukimonisa na ntadisi na beno diaka ve; kansi beto kena kupesa beno diluaku ya kukisika samuna diambu me tadila beto, samu beno lenda pesa mvutu na ba yina ke kukisikaka na bima ke monikaka, kansi na bima kele na ntima ve.¹³Na yau, kana mu kele na diela ya kusungama ve, ya kele samuna Tata Nzambi; kana mu kele na diela ya kusungama, ya kele samuna beno. ¹⁴Samu luzolo ya Klisto kena kunata beto nsualu, samu dibanza na beto kele ti, kana muntu mosi fuilaka bantu nionso, yau yina bau nionso masaka kufua; ¹⁵mpe yandi fuilaka bantu nionso, ba yina kele moyo ba vuanda na luzingu na bau mosi ve, kansi samuna yandi fuilaka mpe futumukaka samuna bau.¹⁶Na yau, kubanda bubu yayi, beto zaba buntu ve mutindu yandi vuandilaka na kinsuni; bosi kana beto zabaka Klisto na nzutu ya kinsuni, na ntangu yayi beto zabidila yandi diaka mutindu yina ve. ¹⁷Kana muntu kele na Klisto, yandi kele nsemono ya impa. Mambu ya ntama me masa luta; tala; mambu nionso me kituka ya impa.¹⁸Mpe nionso yina ke katukaka na Tata Nzambi, yayi wizisaka beto na yandi mosi na nzila ya Klisto, mpe yandi pesaka beto kisielo ya kuwizisa. ¹⁹Samu Tata Nzambi vuandaka kati na Klisto, yandi wizisaka inza na yandi mosi, yandi tangilaka bantu masumu na bau ve, mpe yandi tulaka kati na beto mambu ya kuwizisa.²⁰Beto kena kusala kisalu ya ba ntumua samuna Klisto, bonso tata Nzambi vuandaka bombidila na nzila na beto; na nkumbu ya Klisto beto kena kuleba beno: Beno wizana na tata Nzambi! ²¹Yandi yayi zabaka disumu ve, yandi kituluaka disumu samuna beto, samu beto kituka lunungu ya Tata Nzambi kati na yandi.

6¹²³Lokola beto kena kusala na Tata Nzambi, beto kena kubombidila beno, beno baka nlemvo ya tata Nzambi na mpamba ve. Samu yandi me tuba: Na ntangu ya mbote mu kuwaka nge, na kilumbu ya luvulusu mu sadisaka nge. Tala ntangu ya mbote yau yayi, tala kilumbu ya luvulusu. Beto kena kutesisa muntu disakuba na kima mosi ve, samu beto bamunua na kisielo na beto ve.⁴Kansi beto kena kukimonisa na bantu nionso ti beto kele bisadi ya Tata Nzambi, beto me toma vibidila na kuvuanda na ba ntontolo, na malema, na mambu ya mpasi, ⁵na kubulua bikoti, na ba boloko, na ba mvualangani, na bisalu ya ngolo, na kukaya meso, na kumina nsoki, ⁶na mpedoso, na nzayilu, na mvibudulu, na mambote, na Mpeve ya Nlongo, na nzola ya disu na insi ya dititi ve, ⁷na mambu ya kedika, na kilendo ya Tata Nzambi, na binuanunu ya lunungu na kunuanina mpe na kukitanina; nnnnnnnnnnnnnnnnnnnnnnnnnnnnnnn⁸na kati ya nkembo mpe ya mvuezolo, na kati bifu ya imbi mpe na bifu ya mbote; ba kena kumona beto bonso minzimbisi, kansi bantu ya kutuba kedika; ⁹bonso ya kuzabakana ve, kansi beto me toma zabakana; bonso bantu ya kufua, kansi beto kele ya moyo; bonso batu kele na insi ya kitumbu, kansi ba kufuaka beto ve; ¹⁰bonso bantu kele na kiadi, kansi beto kele na kiese ntangu bilumbu nionso; bonso ba mputu, kansi beto kena kuvuamisa bantu ya nkaka; bonso beto kele na kima ve, kansi beto kele na bima nionso.¹¹Bantu ya Kolinto, inua na beto me zibuka samuna beno, ntima na beto me kuma ya nene. ¹²Beno kele na kifulu ya nene na ba ntima na beto; kansi beno kele ya kufietakana na ba ntima na beno. ¹³Beno sadila beto mutindu mosi, mu kena kutubila beno bonso bana, beno buedila beto mpe kifulu na ba ntima na beno!¹⁴Beno tulua kivangu ya nzenza ve na bantu yayi ke lekaka kiminu ve. Samu inki kintuadi kele na lunungu na masumu e? to inki kintuadi kele na kukia na kitombo e? ¹⁵Inki nguizani kele kati na Klisto na Beliali e? to inki kintuadi kele na muntu ke lekeke kiminu na yina ke lekaka kiminu ve? ¹⁶Inki kintuadi kele na Kinlongo ya Tata Nzambi na biteki e? samu beto kele Kinlongo ya Tata Nzambi a moyo, bonso Tata Nzambi tubaka: Mu ke vuanda mpe mu ke tambula na kati na bau; mu ke vuanda Nzambi na bau, mpe ba ke vuanda nkangu na munu.¹⁷Yau yina, beno vuanda na bau kintuadi ve, beno vambana, me tuba Mfumu; Beno simba bima ya kusumuka ve, mpe mu ke tambula beno. ¹⁸Mu ke vuanda Tata samuna beno, mpe beno ke vuanda samuna munu bana ya babakala na ya bakento, me tuba Mfumu, Mpungu tulendo.

7¹Ba mpangi ya luzolo, na kuvuanda na ba nsilulu ya mutindu yayi, beto kukivedisa na nsumukunu ya nsuni mpe ya mpeve, mpe kulungisa mpedoso na beto na kivumi ya Tata Nzambi.²Beno zibudila teto ba ntima na beno! Beto salaka muntu diambu ya imbi ve, beto bivisaka muntu ve, beto bakaka kima ya muntu na luvunu ve. ³Ya kele samuna kuzengila beno kitumbu ve mu kena kutubila mutindu yayi; samu mu tubaka ti beno kele na ba ntima na beto mpe beto kele ya kukubamu na kuzinga to na kufua na beno. ⁴Mu kele na kivuvu ya nene samuna beno, mu kena kukizitisa samuna beno; mu me toma bombua, mu kele ya kufuluka na kiese kati na banzungu na beto nionso.⁵Samu kubanda beto kumaka na Makedonia, nsuni na beto pema ata fioti ve; ba muesaka beto nzungu na kuama na mutindu nionso: mvita na nganda, wonga na kati. ⁶Kansi Tata Nzambi ke bombaka ba yina kele na kiadi, bombaka beto na ngizulu ya Tito, ⁷mpe na ngizulu na yandi kaka ve, kansi na mbombolo diaka yina Tito bombuaka samuna beno: yandi tubilaka beto disolo ya nsatu na beto, mansanga na beno, kimfuzi na beto samuna munu, na mutindu ti kiese na munu vuandaka ya nene kuluta.⁸Ata mu monisaka beno kiadi na mukanda na munu, mu niongulukila yau ve. Mpe, kana me niongulukila yau, samu mu me mona ti mukanda yina monisaka beno kiadi, ata kiadi ya fintangu ntangu kaka, ⁹na ntangu yayi mu kele na kiese, kiese samuna kiadi beno me muesua ve, kansi samuna kiadi na beno me nata beto na mpilulu a madiela; samu beno me muesua kiadi na luzolo ya Tata Nzambi, samu ti, kima mosi katuka na beto bivisa beno ve. ¹⁰Na yau, kiadi yina me zola Tata Nzambi ke butaka mpulusu yina ba ke niongulukilaka ata fioti ve, kansi kiadi ya inza ke tukisaka lufua.¹¹Mpe tala, kiadi beno monaka, yina Tata Nzambi me zola, inki kimfuzi ve ya tukisaka kati na beno! Inki mutindu ya kukitanina, inki nzanzi, inki wonga, inki mpuila ya ngolo, inki vama, inki kitumbu! Beno monisaka na nionso ti beno vuandaka ya kuvedila na mbebe yina. ¹²Kana mu sonikinaka beno, ya vuandaka ve samuna muntu yina fingaka, to yina finguaka; kansi samu ti vema kele na beno samuna beto, ya monika na kati na beno na ntuala ta Tata Nzambi.¹³Yau yina beto bombuaka. Kansi, na nganda ya mbombolo, beto me luta yangalala na kiese ya Tito, ntangu beno nionso vuvikaka mpeve na yandi. ¹⁴Mpe kana na ntuala na yandi mu kukiyanaka fioti na yina me tadila beno, mu fuisuaka nsoni ve; kansi, lokola bilumbu nionso beto ke tubilaka beno kedika, mpe luyanu na beto na ntuala Tito vuandaka kedika.¹⁵Zola kele na yandi me lutila beno mbala zole, ntangu yandi ke bambukilaka ntumumunu na beno nionso moyo, na mutindu beno yambaka yandi na wonga na kuzakama. ¹⁶Mu kena kuyangalala kutula kivuvu na munu na beno na mambu nionso.

8¹Ba mpangi, beto kena kuzabisa beno nlmvo ya Tata Nzambi monikaka na mabundu nionso ya Makedonia. ²Na kati ya ntontolo mingi yina ba monaka, kiese ya kuluta na kimputu na bau ya mingi butaka na dikabu na bau kimvuama mingi ya kukaba.³Mu kena kutuba kimbangi ti ba pesaka na luzolo mutindu kele mbakulu, mpe kuluta mbakulu na bau, ⁴ba tomaka lomba beto, na nlemvo ya Mfumu, na kuvuanda kintuadi ya kusadila ba nlongo. ⁵Ba pesaka kaka ve na mutindu beto banzilaka, kansi ba tuaminaka kukipese bau mosi na Mfumu, bosi na beto, na luzolo ya Tata Nzambi.⁶Beto bakaka Tito, lokola yandi bandaka kisalu ya mvangi a mambote, bika mpe yandi manisa yau. ⁷Mu tindu beno kena kusala mambu nionso ya kuluta mbote, na kiminu, na mpovolo, na nzayilu, na kimfuzi nionso, mpe na zola kele ne beno samuna beto, beno tala, samu beno sala diaka kisalu ya mvangi a mambote.⁸Mu kene kutuba yau samuna kupesa beno ntumunu ve, kansi na kimfuzi ya bantu yankaka, samuna kutonta kedika ya zola na beno. ⁹Samu beno me zaba nlemvo ya Mfumu na beto Yesu Klisto, yandi vuandaka mvuama, kansi samuna beno, yandi kitukaka mputu, mpe na bumputu na yandi beno vuanda ba mvuama.¹⁰Ya kele nduengoso mu kene kupesa beno, samu ya me fuana na beno, na beno kaka ve bandaka ku sala, kansi na beno bantu vuandaka na luzolo kubanda mvula me luta. ¹¹Ntangu yayi, mutindu beno tulaka zola na mbakulu na beno, mpe bika na vema, beno manisa na kupesa mutindu beno bakilaka kima. ¹²Kana luzolo ya mbote kele, mayangi ke vuandaka na kupesa yina yandi me kuvua, kansi yina yandi me kondua ve.¹³Samu ya kele ve ti beno vuanda na kiadi samuna ku sepedisa ba yankaka, ¹⁴kansi samu beno fuanana; na ntangu yayi, kimvuama na beno ke sadisa bau, mpe ya bau kuiza sadisa bau, samu beno fuanana, ¹⁵mutindu ya sonamaka: Yina lokutaka mingi kele na yau ya kuluta ve, mpe yina lokutaka fioti zanga kima ve.¹⁶Matondo na Tata Nzambi tulaka vema na ntima ya Tito samuna beno; ¹⁷samu yandi yambaka ndombolo na beto, mpe na kimfuzi mpe na luzolo ya yandi mosi yandi kuendaka na beno¹⁸Kintuadi na yandi, beto tindaka mpangi yankaka kele na nsikulu na yina me tadila Nsangu ya Mbote muanganaka na mabundu nionso, ¹⁹mpe ba mabundu nionso solaka yandi samuna kuzieta na beto na kisalu yayi ya zola beto ke salaka na nkembo ya Mfumu mpe na kutubaka kimbangi ya luzolo na beto ya mbote.²⁰Beto kena kusala mutindu yayi, samu muntu mosi semba beto ve na yina me tadila ngionzokolo ya nene ya minkayilu yina beto kena kusala; ²¹samu beto kena kusosa yina kele ya mbote, na ntuala ya Mfumu kaka ve, kansi na ntuala ya bantu.²²Beto me tinda kintuadi na bau mpangi na beto, yayi beto ke telaka kimbangi ti yandi kele kimfuzi, beto tontaka yandi na mambu mingi, kansi na bubu yayi, yandi me lutisa diaka vema na kivuvu kele na yandi samuna beno. ²³Na yau, samuna Tito, yandi kele kintuadi mpe kisadi ya kisalu mosi na munu na ntadisi na beno, mpe samuna ba mpangi na beto yankaka, ba kele ba ntumua ya mabundu mpe nkembo ya Klisto. ²⁴beno monisa kidimbu ya zola na beno mpe ya luyanu na beno na ntuala ya mabundu, mpe beno monisa bau ti beto kele na luyanu na beno.

9¹Ya ke kuandi mfunu ve mu sonikina beno na yina me tadila lusadusu ya banlongo. ²Na yau, me zaba luzolo na beno ya mbote, mu kena kukiyanisa samuna beno na ntuala ya ba makadonia, na kutubaka ti ku banda mvula me luta, Akaya me kubamaka, mpe vema na beno me kuikimisa bantu mingi kuluta.³Mu kena kutinda ba mpangi, samu ti luyanu na beno ya fuila mpamba ve na mambu yina, mpe mutindu mu tubaka, beno vuanda ya kubongama. ⁴Mu zola ve ti kana me zieta na ba makedonia, bosi ba kuta beno ya kubongama ve, beto ke kufua nsoni na kivuvu yina, kansi beno ve. ⁵Mu zengaka mbote na kutuamisa ba mpangi kuna na beno, samuna kubongisa nkayilu na beno yina beno silaka, samu ya vuanda ya kukubama na mutindu ya nkayilu ya kusakumunu, kansi ya buimi ve.⁶Beno zaba, ti yina kena kuna fioti ke yonzika fioti, mpe yina kena kuna mingi ke yonzika mingi. ⁷Bika muntu muntu pesa mutindu yandi me zengila na ntima na yandi, na kiadi ve, na kutatimisa ve; samu Tata Nzambi ke zolaka yina ke pesaka na kiese.⁸Mpe Tata Nzambi lenda fulusa beno na nlemvo ya mutindu nionso, samu ti, ata bilumbu nionso beno kele na bima yina ke yangidika ba nsatu na beno, kansi beno baka diaka ya mingi samuna kisalu na beno ya mbote, ⁹mutindu ya sonamaka: yandi muangisaka, yandi pesaka na ba mputu; Lunungu na yandi ke sikilaka ba mvula na ba mvula.¹⁰Yina ke pesaka nkuna na nkuni, mpe dimpa samuna madia na yandi, ke pesa beno, ke funisa nkuna, mpe yandi ke funisa mbutu ya lunungu na beno. ¹¹Beno ke vuamisua na nionso, samuna minkayilu ya mpila na mpila ke pesama matondo na Tata Nzambi.¹²Samu lusadusu ya bima yina kele ve ti ya sadisa bansatu ya ba nlongo kaka, kansi yau kele into ya nene ya kuvutudila matondo mingi na Tata Nzambi. ¹³Na ntangu ba kena kubaka mfunu ya lusadusu yayi ba kele na kimbangi na yau, ba kena kuzitisa Tata Nzambi na kutumama na beno na kisalu ya Masonukua ya Nlongo ya Klisto, mpe na kinkayila na beno na ntadisi ya bau na ya bantu nionso; ¹⁴ba ke sambidilaka beno, mpe ba ke zolaka beno samuna nlemvo ya nene ya Tata Nzambi kele na beno. ¹⁵Ma tondo vutuka na Tata Nzambi samuna nkayilu na yandi ya kuluta kitezo.

10¹Munu Paulu, kena kuleba beno, na nlembami mpe na mambote ya Klisto, mu ke kikululaka ntangu mu kele na beno, kansi mu kele kibakala ntangu me tatukila na beno, ²me lomba na beno, ntangu mu ke vuanda vana, beno tatimisa munu ve na kuvutukila kibakala yayi na kivuvu, yina mu fueti sala na ba yankaka kena kutala beto ke kanisaka ti beto ke tambulaka bonso kele nsuni.³Kana beto kena kutambula na nsuni, beto ke nuanaka mutindu kele kinsunu ve. ⁴Samu binuaninu beto ke nuaninaka kele ya kinsuni ve; kansi ya kele na kilendo ya Tata Nzambi, samuna kutulula ba inzo ya kusiama.⁵Beto kene kutulula ba ngindu mpe nionso ya inda ke tediminaka nzayilu ya Tata Nzambi, mpe beto kena kusingika mabanza nionso na kutumamina Klisto. ⁶Beto kele ya kukubama na ku pesa kitumbu na kukolama nionso; ntangu kutumama na beno ke lunga.⁷Beno ke talaka yina ke monikaka! Kana muntu ke kitudilaka kivuvu ti yandi kele ya Klisto, bika yandi tuba kati na yandi mosi, lokola yandi kele ya Klisto, beto mpe beto kele ya Klisto. ⁸Mpe ntangu mu ke luta kukiyana na kilendo Mfumu pesaka beto na kutunga beno, kansi samuna ku bebisa beno ve, mu ke monina yau nsoni ve,⁹samu beno banza ti mu zola pamuna beno na mikanda na munu. samu ba ketubaka ti mikanda na yandi kele ya nduengoso mpe ya ngolo; ¹⁰kansi na kumona yandi na meso, yandi kele ya kulebakana mpe mpovolo na yandi kele ya kutondua ve.¹¹Bika muntu kena kutuba mutindu yina yandi zaba ti mutindu beto kele na mpovolo na mikanda, na ntangu beto kele ve, mutindu yina mpe beto kele na mavanga na beto, ntangu beto kele vana. ¹²Beto lenda kukifuanisa ve to kukitezikisa ve na ba yankaka kena kukisonga bau mosi. Kansi, na kukitezikisa na kitezolo ya bau mpe na kukifuanikisa na bau mosi, bau kele na nduka ve.¹³Samuna beto, beto zola kukiyana ve na nganda ya kitezolo nionso; beto ke baka kitezo yina Tata Nzambi tezilaka beto samuna kukuma na kisika beno vuandaka. ¹⁴Beto kelutaka bandilu na beto ve, bonso ti beto kuizaka na beno ve; samu beto kuminaka beno na Nsangu ya Mbote ya Klisto.¹⁵Ya kele ve ti beto kekukiyanaka kulutila kitezo ya bisalu ya bantu yankaka, kansi na kivuvu ti kiminu na beno kena kubuelama, kena kukula diaka kati na beno mutindu ba zengilaka beto, ¹⁶mpe kusamuna Nsangu ya Mbote kuluta insi na beno, kukondua kukiyana samuna yina salamaka na nzengolo bakamaka na ba yankaka.¹⁷Bika muntu yina kekukiyanaka, yandi kiyana na Mfumu. ¹⁸Samu muntu yina kele ya kufuana, yandi ke kukimonisaka yandi mosi, mpe Mfumu ke tindaka yandi.

11¹Oh! kana beno zola vibidila fibizengi na munu! kansi beno vibidila munu! ²Samu kimpala kena munu samuna beno kele kimpala ya Tata Nzambi, samu mu zodilaka beno bakala mosi kaka, samuna kumonisa beno na Klisto bonso ndumba ya kuvedila.³Na nionso, lokola nioka vunaka Eva na nduka na yandi, mu kena kumona wonga ti mabanza na beno lenda bivusua mpe beno katuka na kinkuikizi ya Klisto. ⁴Samu, kana muntu me kuiza longa beno Klito yankaka yina beto longaka beno ve, to kana beno me baka Mpeve yankaka yina beno bakaka ve, to Nsangu ya Mbote yina beno kuwaka ve, buna beno me toma vibidila yau.⁵Kansi mu banza ti mpamba kuandi mu vuandaka na insi ya bantumua ya nene. ⁶Kana mu zaba ve mutindu ya kutubila, kansi mu kele na nzayilu, mpe beto monisaka beno yau na mambu nionso.⁷To disumu mu volaka, na kukiyina samu beno zangulua, mu longaka beno na mbongo ve Nsangu ya Mbote ya Tata Nzambi e? ⁸Mu sansumunaka mabundu yankaka, na ku bakaka nfutu kena katuka na bau, samuna kusadisa beno. ⁹Mpe ntangu mu vuandaka kuna na beno, kana nsatu ya kima, mu sadusuaka na muntu ve; ba mpangi katukaka na Makedonia kuizaka sadisa munu na yina vuandaka kondua munu. Na mambu nionso mu zolaka kuvuanda na kiyekua ya muntu ve, mpe mu ke tatamana kuvuandila mutindu yina.¹⁰Na kedika ya Klisto kele na munu, me tuba ti luyanu kele na munu na bitini ya Akakya, lenda katulua ve. ¹¹Samuna inki e? Samu mu ke zolaka beno ve? Tata Nzambi me zaba yau!¹²Kansi yina mu kena kusalaka, mu ke tatamana kusala yau samuna kukatula kibila na bau ke sosaka kibila, samu ba mona bau bonso beto na mambu yina ba kena kukiyana. ¹³Bantu yina kele ba ntumua ya luvunu, bisadi ya bunkita, ba me kikitulaka ba ntumua ya Klisto.¹⁴Mpe beto kena kuyituka yau ve, samu yandi mosi Satana ke kitukaka mbasi ya kukia. ¹⁵Na yau, ya kele ya kuyituka ve ti bisielo na yandi mpe ke kitukaka bisielo ya lunungu. Nsukulu na bau ke vuanda mutindu kele mavanga na bau.¹⁶Mu kena kuvutukila yau, muntu mona munu ve ti mu kele na buzengi; kana ve, beno yamba munu bonso kizengi, samu mu kukiyana mpe fioti. ¹⁷Yina mu kena kutuba, na kivuvu samu mu baka diambu ya kukiyana, mpe mu kena kutuba yau na mutindu ya Mfumu, kansi bonso na buzengi. ¹⁸Samu bantu mingi kena kukiyana na nsuni, mu ke kukiyana mpe.¹⁹Samu na luzolo beno kele nguka, kena kuvibidila bayina kele na buzengi. ²⁰Kana muntu me kitula beno minanga, kana muntu me kudia beno, kana muntu me kanga beno kinkole, kana muntu kena kukizangula, kana muntu me bula beno na ilungi, beno vibidila yandi. ²¹Mu kena kumona nsoni na kutuba ti beto monisaka kulebaka. Kansi kana muntu lendaka sala diambu na kibakala, munu mpe mu lendaka sala yau na kibakala, mu kena kutubila yau na buzengi!²²Bau kele ba Ebeleo e? munu mpe. Bau kele ba Isaeli e? munu mpe. Bau kele nkuna ya Abalahami e? Munu mpe. ²³Bau kele bisielo ya Klisto e? Mu kena kutuba bonso me lauka. Munu me lutila: me lutila na bisalu, me lutila na kubulua bikoti, me lutila na kulozua na boloko, me lutila na bivonza ya mfuimu,²⁴Mu bakaka mbala tanu ba yudayo bulaka munu makumi iya katula mosi, ²⁵ba bulaka munu bikoti nkumbu tatu, mbala mosi ba losilaka munu mabanga, nkumbu tatu mudindaka na maza, mu lutisaka kilumbu mosi na mpimpa mosi na mpinda ya imbu. ²⁶Ntangu nionso kaka na nzietilo, mu vuandaka na kisumbula na kati ya nzadi, kisumbula na ntuala ya bimpumbulu, kisumbula na ntuala ya bantu ya insi na munu, kisumbula na ntuala ya ba pakanu, kisumbula na ba mbanza, kisumbula na makanga, kisumbula na imbu, kisumbula kati ya ba mpangi ya luvunu.²⁷Mu vuandaka na kisalu mpe na mpasi, mbala mingi na kukaya meso, na nsatu mpe na mpuina, na mumina nsoki ntangu ka ntangu, na kiozi mpe na kukondua mvuatu. ²⁸Mpe na kutubila kima yankaka ve, konso kilumbu ya kuvuatua na mayindu samuna mabundu nionso. ²⁹Na kele ya kulebakana, samu mu lebakana ve? Nani me kubua, samu mu kuama ntima ve?³⁰Kana mu lenda kukiyana, mu ke kukiyana na kulebakana na munu! ³¹Nzambi, yandi kele Tata ya Mfumu yesu Klisto, mpe yandi kele ya kuzitusua ba mvula na ba mvula, me zaba ti mu kena kuvuna ve!³²Na Damasiko, nyadi tindamaka na ntinu Aleta na kenga mbanza ya bantu ya Damasiko, samu ba kanga munu, ³³kansi ba kotisaka munu na kitunga mpe ba kitisaka munu na nela, ba kulumunaka munu na kibaka, mpe mu tinaka na maboko na yandi.

12¹Mu fueti kukiyana....Kansi ya ke kuandi mbote ve. Mu ke kuiza na mona meso mpe na ba nsongolo ya Mfumu. ²Me zaba muntu mosi kele kati na Klisto, ba mvula kumi na iya me luta, yandi zanguluaka ti na dizulu ya tatu (kana ya vuandaka na nzutu na yandi, mu zaba ve, kana na nganda ya nzutu na yandi, mu zaba ve, Tata Nzambi me zaba).³Mpe me zaba ti muntu yina (kana ya vuandaka na nzutu na yandi to na zutu na yandi ve, mu zaba ve, Tata Nzambi me zaba yau) ⁴zanguluaka na paladiso, mpe yandi kuwaka mambu ya ngitukulu yina kele ve na luve na muntu samuna kubangula yau. ⁵Mu ke kukiyana samuna muntu ya mutindu yina, kansi na munu mosi mu lenda kukiyana ve, kana na kulebakana na munu ve.⁶Kana me zola kukiyana, mu ke vuanda kizengi ve, samu mu ke tuba kedika; kansi me manga munu, samu muntu mosi ve na yina me tadila mambu na munu yandi vuanda ya kuzanguka na yina yandi kena kumona na munu, to na yina yandi kena kuwa na munu. ⁷Mpe samu mu kukitumpidika ve na nzayikusu yayi ya nene, mbasi ya Satana tulaka munu nsende na nzutu, samuna kunuika munu mpema mpe kukakidila munu mu kukizangula ve.⁸Nkumbu tatu mu bombidilaka Mfumu ya kutatula yandi na munu, ⁹mpe yandi tubilaka munu: Nlemvo na munu me lungana na nge, samu kilendo na munu me kukisama na kulebakana. Mu ke toma kukiyana na kiese ya kuluta na kulebakana na munu, Samu ti kilendo ya Klisto sikila na munu. ¹⁰Yau yina samuna Klisto, mu kena kuyangalala na kulebakana, na mfingulu, na ba mpasi, na nzomono, na kukuama; samu na ntangu mu kele ya kulebakana, ntangu yina mu kele na ngolo.¹¹Mu vuandaka zoba na kusonika mutindu yina: kansi beno tatimisaka munu na kusala yau. Nzoka, beno nde zolaka tindama munu, samu mpamba kuandi mu kele fi muntu na ntuala ya ba ntumua ya nene, ata mu kele mpamba. ¹²Bidimbu ya kintumua na munu monanaka kati na beno: mvibuduldu na ba ntontolo nionso, bidimbu, mangitukulu mpe bimangu. ¹³Na inki diambu mabundu yankaka monaka beno mfunu mingi ve, samuna kukondua kubaka kiyeko na beno e? Beno lemvukila munu na imbi yina.¹⁴Beno tala, mbala yayi ya tatu me kubama kukuiza na beno, mpe mu ke vuanda na kiyeko na beno ve; samu mu kele na mfunu ya bima na beno ve, kansi mu kele na mfunu ya beno mosi. Bana ve ke yonzika mbongo samuna bibuti na bau, kansi bibuti samuna bana na bau. ¹⁵Samuna munu, na luzolo mingi mu ke pesa mpe kukipesa samuna miela na beno, Kana me zola beno mingi, fioti kaka beno ke zola munu.¹⁶Diambu ve, mu vuandaka na kiyekua na beno ve, kansi lokola mu kele na nduka, mu sadilaka bunkita! ¹⁷Ba yina mu tindaka, mu bakaka ndandu na mosi na bau e? ¹⁸Mu tindilaka Tito na mpangi ba kuiza na beno, inki kima Tito lombaka beno e? Beto tambulaka na mpeve mosi ve, bitambi mosi ve beto diatilaka e?¹⁹Ku banda ntama beno kena ku banzati beto kena kukitanina na ntadisi na beno. beto kena kutuba kati na Klisto na ntuala ya Tata Nzambi; mpe nionso beto kena kutuba, kele samuna kutunga beno.²⁰Wonga kele na munu, ntangu mu ke vutuka, mu kuta beno ve mutindu mu kena kuzodila, mpe mu mosi mu vuanda ve mutindu beno kena kuzodila. Wonga ya kukuta minzonza, kimpala, nganzi ya kuluta, makani ya imbi, ba mpova ya imbi, ba mpova ya luvunu, kitumpidika, mvualangani. ²¹Wonga kele na munu, ntangu mu ke kuiza, Tata Nzambi lenda yinimisa munu diaka samuna beno, mpe mu ke vuanda na kiadi samuna ba yina tuamaka nata masumu mpe ba vilulaka madiela na bau ve na nsumukunu yina ya luyangulu, ya kisuza, mpe ya mvambasani yina ba kukipesaka.

13¹Ngizulu yayi ya tatu mu kena kuiza, na beno. Beto ke bongisa mambu nionso na ntuala ba mbangi tatu. ²Ntangu mu vuandaka kuna mbala ya zole, mu tubaka, mpe bubu yayi mu kele na beno ve mu kena kutuba na diaka na ba yina tuamaka kusumuka mpe na ba yankaka ti, kana me vutukila beno, mu ke sala ata kima mosi ve.³samu beno kena kusosa kidimbu ti Klisto tuba kati na munu, yandi kele ya kulebakana ve na ntadisi na beno, kansi yandi kele na kilendo kati na beno. ⁴Samu yandi komuaka na dikulunsi na kulebakana na yandi, kansi yandi kele moyo na kilendo ya Tata Nzambi, beto mpe, beto kele ya kulebakana na yandi, mpe beto kele moyo kintuadi na yandi na kilendo ya Tata Nzambi samuna beno.⁵Beno kitonta beno mosi, samuna kuzaba ti beno kele na kiminu; beno kifiongunina beno mosi. Beno kena kuzaba ve ti Klisto kele na beno? kana ve, beno tontua diaka samuna kuzaba kedika. ⁶Kansi me tula kivuvu ti beno me zaba ti beto tontuaka ve.⁷Na yau, beto kena kusambila Tata Nzambi ti beno sala imbi ve, samuna kumonana ya kufuana beto mosi ve, kansi samu beno sala yina kele ya bote mpe beto vuanda bonso bantu ya kutontua. ⁸Samu beto kele na kilendo ya ku kakidila kedika ve; kansi beto ke sadilaka kedika.⁹Beto ke yangalalaka ntangu bekele ya kulebakana, kensi beno kele ngolo; mpe yina beto kena ku lomba na tusambulu na beno, kele ku sungama na beno. ¹⁰Yau yina, lokola me tatukila beno, me sonikina beno mambu yina samu mu vuanda kibakala ve mutindu kele kilendo mu bakaka na Mfumu samuna kutunga kansi kutulula ve.¹¹Ba mpangi, yankaka ya kutuba, beno yangalala, beno sungama, beno bombua, beno vuanda diela mosi, beno zinga na yenge, mpe Tata kele Nzambi ya zola ke vuanda na beno. ¹²Beno pesana mbote ya mfibulu ya nlongo beno na beno.¹³Ba nlongo nionso me pesa beno mbote. ¹⁴Bika nlemvo ya Mfumu Yesu Klisto, zola ya Tata Nzambi, mpe kintuadi na Mpeve ya Nlongo vuanda na beno nionso!

Hebrews

1¹Na ntama, na manima ya kutuba bambala mingi na batata na beto na nzila ya bambikudi, ²Nzambi, na bantangu yayi ya nsuka, tubilaka beto na nzila ya Muana na yandi, yina yandi biekaka mvingidi ya bima nionso, na yandi mpe yandi salaka yinza, ³mpe, lokola yandi kele mbonosono ya nzitusu na yandi mpe ndedakani na yandi ke simbidilaka bima nionso na ndinga na yandi ya lulendo, yandi salaka mpedolo ya masumu mpe yandi vuandaka na lubakala ya kitinu ya Nzambi na dizulu.⁴Lokola yandi kumaka na zulu ya bambasi, yandi bakaka nkumbu me lutila bankumbu na bawu na nzitusu. ⁵Samu ti, na mbasi nini Nzambi me tubaka : " Nge kele Muana na munu, mu me buta nge bubu yayi?" To diaka : "Mu ke vuanda Tata samuna yandi, mpe yandi ke vuanda Muana na munu?"⁶Mpe, na ntangu yandi kitisaka diaka Muanda ya ntete na yinza, yandi me tuba : "Bika bambasi nionso sambila yandi." ⁷Diaka yandi me zabisa bambasi : "Yina ke kitulaka bambasi na yandi mipepe, mpe bisielo na yandi, banlemo ya tiya."⁸Kansi yandi zabisaka na Muana na yandi : "Kitinu na nge, O Nzambi, ke sikilaka mvula na mvula; kidimbu ya kitinu na nge kele kidimbu ya lunungu.⁹ Nge zolaka lunungu, nge belaka yimbi; samuna yawu, Nzambi, Nzambi ya nge kusaka nge mafuta ya kiese na zulu ya bantinu nionso ya yinza."¹⁰Mpe diaka : "Nge, Mfumu, na mbadukulu nge salaka lufulu ya ntoto, mpe mazulu kele mavanga ya maboko na nge; ¹¹Yina, yake fukila, kansi nge, nge ke sikila; yake kitulwa yantama lokola mvwatu (nlele, kinkuti), ¹²nge ke bundika yawu lokola kiyunga, mpe ya ke kutulwa; kasi nge, nge ke sekukaka ve, mpe bamvula na nge ke suka ata fioti ve."¹³Mpe, na mbasi nini yandi me zabisaka : "Vuanda na diboko na munu ya lubakala, ti muka kitula mintatu na nge mfiduku ya makulu na nge?" ¹⁴Ba nionso bakele ve bampeve ke sadilaka Nzambi, bafidusuaka samu na kusadila bayina fuete vingila difwa ya mpulusu?

2¹Na yawu beto fuete luta lunda yina beto kuwaka, samu beto bika zimbala.²Samu ti, kana mambu bambasi samunaka ke ya kusikalala, mpe kana ntulumunu nionso mpe kuzanga kutumama nionso ke tambula nsembolo ya kufwana, ³mutindu nini beto ke vukila kana beno me tambula ve mpulusu ya nene yina samunuaka ntete na Mfumu mpe siamusuaka na bayina kuwaka yawu? ⁴Nzambi mpe tubilaka yandi kimbangi na bidimbu, na mangitukulu mpe na bimangu ya disuasanu, mpe diaka na minkayilu yina Mpeve ya Nlongo kabulaka mutindu kele luzolo na yandi.⁵Samu ya kele ve na yinsi ya luyalu ya bambasi Nzambi salaka yinza yina beto ke na kutubila. ⁶Kansi, mutu tubaka kimbangi yayi : "Mutu kele nini samu ti nge bambukila yandi ntima (moyo)? To muana ya mutu samu nge kebaka yandi?⁷Nge salaka mutu na yinsi fioti ya bambasi; nge fulusaka yandi na nkembo mpe nzitusu. ⁸Nge salaka bima nionso na yinsi ya makulu na yandi." Samu ti na yandi nge pesaka kikulutu na zulu ya bima nionso. Kima mosi ve kele na yinsi ya inswa na yandi ve. Kansi, beto mona ntete ve, ti bima nionso kele na yinsi ya lutumu (inswa) na yandi.⁹Kansi beto me mona yina ba basaka na mwa fintangu-ntangu na yinsi ya bambasi : Yesu, yina bavuatisaka kolowa ya nkembo mpe ya nzitusu, samu na ntiakulu mpe lufua na yandi. Na yawu, na nlemvo ya Nzambi, yandi mekaka lufua samuna konso mutu. ¹⁰Yakele ya kusonga na Nzambi naku nata bana mingi na nkembo, samu ti bima nionso salamaka samuna yandi mpe na maboko na yandi. Yavuandaka ya kusonga samuna yandi, ya kulungisa Mfumu ya mpulusu na bawu na nzila ya bampasi na yandi.¹¹Samu ti yina ke vangulaka na bayina ke vanguluaka me kutuka na yinto mosi. Na yawu, nsoni kele ve ya kubokila bawu bampangi. ¹²Yandi me tuba : "Muke samuna nkumbu ya nge na bampangi na munu, mu ke yimbila miyimbu ya nzitusu na kati ya tukutukunu."¹³Mpe diaka : "Muke sala kivuvu na munu na yandi." Mpe diaka : "Tala, munu yayi na bana yina Nzambi pesaka munu." ¹⁴Na yawu, lokola bana nionso ya Nzambi kele na musuni na menga, Yesu mpe kumaka lokola bawu, samu ti na nzila ya lufua na yandi, yandi sukisa yina vuandaka na lulendo ya lufua, nkadi ya mpemba. ¹⁵Ya vuandaka mutindu yina samu yandi kutula bayina nionso lutisaka luzingu na bawu nionso na kinanga samu na lufua.¹⁶Samu ti, ya kieleka kuandi, bambasi ve yandi ke na kusadisa, kasi bana ya Abalayami.¹⁷ Na yawu, yakele mfunu mingi na yandi ya ku fuanana na bampangi na yandi na mambu nionso samu yandi kuma Mbuta nganga ya kukuikama mpe ya nkenda na mambu ya Nzambi, mpe samu batu lendaka tambula ngiambudulu ya masumu.¹⁸ Samu ti yandi mosi Yesu-Klisto lunguaka mpe vukumunuaka, yandi lenda sadisa bayina ke vukumunua.

3¹Na yawu, bampangi ya nlongo, beno kele ntuadi na mbokolo ya kizulu. Beno tadidila Yesu, Ntumua mpe Mbuta-nganga ya kiminu na beto. ²Yandi vuandaka yaku kuikama na Nzambi yina ponaka yandi lokola Mose yina vuandaka mpe ya kukuikama na yinzo ya Nzambi. ³Samu ti Yesu banzuluaka ti yandi me fuana na kutambula nkembo me lutila yina ya Mose samu ti yina ke tungaka yinzo me lutila yinzo yango na nzitusu. ⁴Samu ti konso yinzo tunguaka na mutu mosi, kasi yina tungaka bima nionso kele Nzambi.⁵Yantete, Mose vuandaka ya kukuikama mbote-mbote lokola kisielo na yinzo nionso ya Nzambi. Yandi vuandaka kimbangi ya mambu yina fuanaka samunua. ⁶Kansi Klisto kele Muana ya kimfumu na yinzo ya Nzambi. Beto kele yinzo na yandi kana beto me simbidila mbote-mbote kivuvu na beto yaku sikalala mpe kiminu na beto ya kiese.⁷Na yawu, mutindu Mpeve ya Nlongo kena kutuba : "Bubu kana beno me kuwa ndinga na yandi, ⁸kubadisa mintima na beno ve mutindu ya vuandilaka mfuemono na ntangu ya mpukumunu na yinsi ya nkatu.⁹Mutindu yina ya vuandilaka ntangu bankaka na beno fuemaka mpe tontaka munu, mpe ntangu bamonaka mavanga na munu na bamvula makumi yiya. ¹⁰Na yawu, mu fueminaka mbandu yina mpe mu me tuba : "Ba me zimbala ntangu nionso na mintima na bawu mpe bazaba ve banzila na munu. ¹¹Na yawu, mu kudiaka ndefi na nganzi na munu : Bake kota ve na luvundulu na munu."¹²Bampangi, beno luenga samu beno bika vuanda na ntima ya yimbi yina me dimbulaka kiminu, ntima yina me sotukaka na Nzambi ya moyo. ¹³Kansi beno bombasana beno na beno konso kilumbu, samu ti yatubamaka : "Bubu yayi," samu mutu mosi ve kati na beno badusua na bunkita ya masumu.¹⁴Samu ti beto kele ntuadi na Klisto, kana beto me simbidila mbote kivuvu na beto ya kusiama na yandi ntangu nionso. ¹⁵Na yawu yasonamaka : "Bubu kana beno me kuwa ndinga na munu, kubadisa mintima na beno ve lokola na mfuemono."¹⁶Nani ke fuema kana yandi me kuwa ndinga ya Nzambi? Yakele ve bayina Mose bimisaka na Ngipiti? ¹⁷Mpe nani bafueminaka bamvula makumi yiya? Yakele ve bayina volaka masumu mpe bamvumbi na bawu kubuaka na yinsi ya nkatu? ¹⁸Mpe na nani yandi levaka ndefi ti bake kota ve na luvundulu na yandi, sikana bayina tumamanaka yandi ve? ¹⁹Beto me mona ti ba kokaka ve kukota na luvundulu na yandi samu na ndimbukulu ya kiminu na bawu.

4¹Na yawu, beto fueti kukikenga samu beto kondua ve nsilulu ya kukota na luvundulu ya Nzambi. ²Samu ti nsangu ya mbote yayi samunuaka na beto mpe na bawu. Kansi ntumu yayi sadisaka ve bayina sanganaka na kiminu na bayina tumamanaka.³Samu ti beto me lekaka kiminu, beto kaka ke kota na luvundulu yina, na kulandakana masonukua : "Lokola mu levaka ndefi na nganzi na munu, bake kota ata fioti ve na luvundulu na munu." Mpeleko mavanga yina yandi semaka salamaka na lufulu ya yinza. ⁴Samu kisika mosi yandi tubaka na yina me tadila kilumbu ya nsambodia : "Nzambi pemaka na bisalu na yandi na kilumbu ya nsambodia." ⁵Yandi tubaka diaka : "Bake kota ata fioti ve na luvundulu na munu."⁶Na yawu, lokola nlemvo kele ntete na ndambu ya batu na kukota na luvundulu na yandi, mpe lokola bana Isaele mingi kuwaka nsangu ya mbote kotaka ve samu na mbadusulu ya ntima, ⁷Nzambi salaka diaka kilumbu mosi ke bokuduluaka "Lumbu ki." Na manima ya bilumbu mingi, yandi tubaka na yinua ya Davidi, mutindu yatubuluaka ntete : "Bubu yayi, kana beno me kuwa ndinga nandi, kubadisa mintima na beno ve."⁸Samu ti kana Yosua pesaka bawu luvundulu, Nzambi zonaka tubila ve diambu ya kilumbu ya nkaka. ⁹Na yawu, luvundulu ya nkaka ya lumingu kubukuaka samu na bana ya Nzambi. ¹⁰Samu ti mutu yina me kota na luvundulu ya Nzambi me vunda mpe na bisalu na yandi, mutindu mpe Nzambi vundilaka na yina ya yandi. ¹¹Na yawu, beto sala kimfuzi naku kota na luvundulu yina, samu mutu mosi ve kubua na mbadusu ya ntima yina vuandaka na bawu.¹²Samu ti mambu ya Nzambi kele moyo mpe lulendo, yake luadisaka kulutisa sabala ya bandambu zole. Yake zokamaka ti na kuvambisa muela ma mpeve, mpe madikula na nluku. Yakele ngolo na kusuasisa mabanza ya ntima na makanisi. ¹³Nsemono mosi ve kele ya kusuekama na ntadisi ya kizizi ya Nzambi. Kansi, bima nionso ke ya kumonukusua na meso na yandi.¹⁴Na yawu, lokola beto kele na Ngudi ya nganga ya nene yina lutilaka na dizulu,Yesu Muana ya Nzambi, bika beto siama mbote-mbote na biminu na beto. ¹⁵Samu beto ke na Mbuta-nganga ya nkaka ve lenda fuila beto nkenda na kulekana na beto, kasi beto ke na mutu yina vukumunuaka lokola beto na mutindu nionso, katula kusala masumu. ¹⁶Beto pusana na kibakala na kiti ya nlemvo samu beto tambula nkenda mpe kumona nlemvo ke sadisaka na ntangu ya nsukumunu.

5¹Samuti ngudi ya nganga nionso ponamaka kati ya nkangu, yandi kele yaku biekua samuna batu, nayina me tadila bima ya Nzambi samu yandi yoka minkayilu mpe minkayilu samuna masumu. ²Yandi lenda lemvukila bayina zaba ve mpe batu yaku zimbala samu yandi mosi mpe me baka lebakana. ³Samuna yawu, yandi mosi mpe me bindama naku yoka nkailu samu na masumu na yandi mosi lokola na masumu ya batu nionso.⁴Ata mutu mosi ve lenda baka yandi mosi nzitusu yango, kansi yandi me bokulua na Nzambi lokola Aloni bokuluaka. ⁵Mutindu mosi mpe, Klisto kukipesaka yandi mosi ve nzitusu ya kuvuanda ngudi ya nganga. Kansi Nzambi me zabisa yandi : " Nge kele Muana ya munu, bubu yayi, munu me kuma Tata na nge." (bubu yayi, mu me buta nge)⁶Na ndambu ya nkaka yandi tubaka : "Nge kele nganga ya Nzambi mvula na mvula mutindu mosi na kinganga ya Melesedeki."⁷Na ntangu ya luzingu na yandi na nsuni (na ntoto), Klisto sambilaka mpe lombaka, na mbokolo mpe kudila na Nzambi, yandi kaka lenda vukisa yandi na lufua. Nzambi kuwaka bisambu na yandi samu ti yandi vuandaka tumama na mambu nionso. ⁸Ata yandi vuandaka Muana, yandi longukaka tumama na nzila ya ba mpasi yandi monaka.⁹Yandi nungusuaka mpe na yau yandi me baka luve yaku pesa mpulusu ya mvula na mvula na bayina ke tumamanaka yandi. ¹⁰Nzambi ponaka yandi ngudi ya nganga na mutindu ya kinganga ya Melesedeki. ¹¹Mambu mingi kele na beto yaku tuba na yina me tala Yesu, kansi ya kele mpasi na kusudikisa samu ti beno me kuma kuvisa mambu malu ve.¹²Pamba ve, na ntangu yayi, beno kutu fueteke vuanda minlongi katuka ntama, kansi beno kele ntete na nsatu ti mutu ya nkaka longisa beno mambu metadila lufulu ya mambu ya Nzambi. Beno kele na nsatu ya miliki, nkasi ya madia ya ngolo ve! ¹³Pamba ve, konso yina ke kunuaka kaka miliki, yandi mesana ntete ve mambu ya lunungu, samu ti yandi kele ntete muana ya fioti. ¹⁴Kansi madia ya ngolo kele ya bankulutu . Tala, bayina nionso, na kuyunduka na bawu, ba kubikaka mayele na bawu samuna ku suasisa mambu ya mbote mpe ya yimbi.

6¹Na yawu beto bika mambu ya mbadukulu ya Klisto, samu beto landa ndongosolo ya batu yaku yunduka. Beto vutukila ve lufundu ya mpisulu ya mayele na mavanga ya kufua mpe ya kiminu na Nzambi, ²ni na lufundu ya kulonga na nzila ya mbotokolo, kutetika batu maboko, mpe mfulukulu ya bafua mpe lufundusu ya mvula na mvula. ³Beto ke sala mpe mambu yina kana Nzambi me zola.⁴Pamba ve, ya lenda ve na bayina vuandaka yaku kienzulua, bayina bimbaka nkayilu na mazulu, bayina vuandaka kintuadi na Mpeve ya Nlongo,⁵ mpe bayina bimbaka mambu ya mbote ya Nzambi mpe lulendo ya ntangu yina ke kuiza,⁶ kansi bame vutukila luzingu ya batu ya ntama; ba lenda diaka ve ku vulusua. Samu ti bame buela koma na bawu mosi Muana ya Nzambi, naku kumisaka yandi diambu ya nsoni na ntuala ya batu.⁷Pamba ve, ntoto yina ke yambaka maza ya mvula ke kubuaka ntangu na ntangu mpe kebutaka minti ya mfunu na bayina kena kukuna yawu, ntoto yina ke yamba lusakumunu ya Nzambi. ⁸Kansi kana yakena buta bansende mpe minti ya yimbi, ya fuana ve mpe ya lenda singua. Yake sukaka naku yokana.⁹Ata beto me tuba mutindu yayi, bankundi, beto kele na kiminu samuna yina me tala mpulusu mpe mambu ya mbote samuna beno. ¹⁰Pamba ve, Nzambi kele ya lunungu, yandi lenda ve kuzimbana bisalu na beno mpe nzola beno monisaka samuna nkumbu na yandi, mutindu beno sadisaka bankuikizi mpe beno kena kutatamana na kusadisa bawu.¹¹Mpe beto zola ti mosi-mosi na beno tatamana mutindu yina ti na nsuka, samuna kivuvu yina kele na beno vuanda ya kulunga. ¹²Beto zola ve beno vuanda batu ya ku lemba, kansi, beno landa kifuani ya bayina ketambulaka bansilulu samuna kiminu mpe mvibudulu.¹³Pamba ve, ntangu Nzambi pesaka nsilulu na Abalayami, yandi zengaka ndefi na nkumbu na yandi mosi, samu yandi lenda ve zenga na nkumbu ya yina me luta yandi.¹⁴ Yandi me tuba : "Muke sakumuna nge ya kieleka, mpe muke butisa dikanda na nge." ¹⁵Na mutindu yina, Abalayami vingilaka na mvibudulu mpe yandi bakaka yina basilaka yandi.¹⁶Pamba ve, batu ke zengaka ndefi na nkumbu ya mutu yina me luta bawu. Kuzenga ndefi kele kidimbu yina kekumisaka mambu nionso ya kati yaku dedana. ¹⁷Ntangu Nzambi bakaka lukanu yaku monisa na bayina yandi pesaka nsilulu ti yandi kesekula ve mabanza na yandi, yandi zengaka ndefi. ¹⁸(Nsilulu mpe ndefi kele bima zole yina batu lenda sekula ve.) Nzambi salaka pidina samuna, na nzila ya bima zola yina kesekukaka ve (na yina Nzambi lenda vuna ve), beto bayina tininaka na yandi, beto kindama naku simba ngolo nsilulu kena ntuala na beto.¹⁹Mutindu kizundu kesimbaka masuwa, beto kele na kivuvu lokola kizundu ya kusiama mpe ya ngolo samuna miela na beto, kivuvu yina kena kukota ti na kifulu ya kati ya kinlongo na manima ya nlele.²⁰ Yesu kotaka na kifulu yina neti ntekidi samuna beto, yandi kumaka ngudi nganga ya mvula na mvula kulandila nzila ya Melesedeki.

¹Ya kele Melekisedeki, ntinu ya Salemi, Nganga Nzambi ya kuzangama, yina kutanaka na Abalayama na kuvutuka na yandi mpe sakumuna ka yandi, na manima ya kuzenga bansingu ya mintinu. ²Abalayama pesaka yandi kibuku ya kumi na nionso yina yandi bakaka. Nkumbu n'andi "Melekisedeki" yina zola tuba "Ntinu ya lunungu" mpe "Ntinu ya Salemi" yina zola tuba"Ntinu ya luvuvamu". ³Yandi vuandaka na tata ve, na mama ve, nkulu ve, na ntonono ya bilumbu ve, nsuka ya luzingu ve. Kansi yandi vuandaka Nganga Nzambi ya bilumbu nionso, bonso Muana ya Nzambi.⁴Ntangu yayi, beno tala mfunu ya n'nene vuandaka na muntu yayi. Nkulu na beto Abalayama pesaka yandi kibuku ya kumi ya bima ya mbote yina yandi bakaka na nkindu. ⁵Mpe na yau bana ya Levi tambulaka kinganga, bau bakaka yinsua ya kubakaka kibuku ya kumi na nkangu, ya zola tuba na bampangi na bau ba Isaeli, atako bau mpe kele bana ya Abalayama. ⁶Kansi Melekisedeki yina vuandaka muana ya Levi ve, bakaka bibuku ya kumi ya Abalayama, mpe sakumunaka yandi, yandi vuandaka na nsilulu.⁷Beto lenda manga ve ti muntu kele na bikada ya kuzangama nde ke sakumunaka yina kele na bikada ya yinsi. ⁸Na yau, bantu yina kekufuaka ke bakaka kibuku ya kumi, kansi mbala yina, muntu ke baka kibuku ya kumi fuana vuanda ya moyo. ⁹Mutindu ya nkaka ya kutubila, Levi yina vuandaka baka kibuku ya kumi, futaka yau mpe na Abalayama. ¹⁰Samu Levi vuandaka kati na kivumu ya nkulu n'andi Abalayama ntangu Melekisedeki kutanaka na yandi.¹¹Ntangu yayi, nsadulu ya mbote lendaka salama na nzila ya kinganga ya balevi(samuna yandi nde nkangu bakaka nsiku), ya vuandaka mfunu diaka Nganga Nzambi ya nkaka yandi bima na mitindu ya Melekisedeki, kansi na mitindu ya Aloni e ? ¹²Samu ntangu bakesoba kinganga, nsiku mpe fuana soba.¹³Kansi muntu yayi bamambu kena kutubilua kele ya dikanda ya nkaka, mpe ata muntu mosi ve me salaka na kinlongo. ¹⁴Na ntangu yayi, beto me zaba ti Mfumu na beto kele na dikanda ya Yuda, dikanda mosi yina Mose salaka tubila ve na yina me tala banganga Nzambi.¹⁵Mpe yina beto kena kutuba me luta kuwisakana, kana nganga Nzambi ya nkaka me bima na mutindu ya Melekisedeki. ¹⁶Nganga Nzambi yayi ya yimpa kele ve yina lenda vuanda nganga Nzambi na mutindu ya dikada ya muntu, kansi mutindu ya kilendo ya moyo ke fukila ve. ¹⁷Samu Masonukua kena kutuba kimbangisamuna yandi:" Nge kele Nganga Nzambi ya bilumbu nionso mtindu kele kinganga ya Melekisedeki".¹⁸Na yau nsiku ya ntama ya katuluaka samu ya vuandaka ya kulebakana mpe mfunu ve. ¹⁹Samu nsiku lungisaka kima mosi ve, kutu kivuvu ya kuluta mbote kele na ntuala yina kena kufiningisa beto na Nzambi.²⁰Kivuvu ya kuluta mbote vuandaka ve kondua kudia ndefi. Kansi bayankaka kumaka banganga Nzambi kondua kudia ndefi ata fioti ve. ²¹Kansi na yina me tala yandi yayi, Yesu, yandi kumaka Nganga Nzambi na ndefi salamaka na muntu yina tubilaka yandi:" Mfumu kudiaka ndefi mpe yandi ke sala viluka (sekuka) ve:"Nge ikele Nganga Nzambi ya bilumbu nionso".²²Yau yina, Yesu kumaka yintu ya luwawanu ya kuluta mbote. ²³Yau yina, lufua vuandaka kakidila (pekisa) banganga nzambi na kusala bilumbu nionso, yau yina, banganga nzambi kele mingi, mosi na manima ya nkaka. ²⁴Kansi samu Yesu kena kuzinga mvula ma mvula, Kinganga Nzambi na yandi ke soba ve.²⁵²⁶Na yau, yandi kele ya kukuka na kuvuluza bayina ke finanganaka (kupusana) penepene na Nzambi na nzila na yandi samu yandi kena kuzinga mvula na mvula samuna kusambidilaka bau. Ya me luta mbote samuna beto na kubaka Nganga Nzambi ya mutindu yayi yandi kele na masumu ve, ditona ve, ya kuvedila, ya kuvambana na bantu ya masumu mpe yandi me kumaka n'nene kuluta mazulu.²⁷Mutindu mosi ve na bangudi ya nganga, yandi kena mfunu ve, na kunata (kupesa) nkayilu bilumbu nionso, ya ntete samuna masumu na yandi mosi, mpe samuna nkangu. Yandi salaka yau mbala mosi na kudipesa yandi mosi. ²⁸Na yau, nsiku kena kutuba ti bayina ke ya kulebakana nde ba fueti vuanda bangudi ya nganga, kansi diambu ya ndefi katukaka na nsiku, me tula Muana, yina bakitulaka ya kulunga (kufuana) samuna kuzinga bamvula na bamvula.

¹Na ntangu yayi diambu ya mfunu beto zola bubila yau yayi: Beto kele na Ngudi ya Nganga kele ya kuvuanda na lubakala ya kiti ya nzitusu na mazulu. ²Yandi kele kisadi na kati ya kisika na nlongo, yake kinlongo ya kieleka Mfumu tungaka, kansi muntu ve, kubikaka (bongisaka)yau.³Samu ngudi ya nganga nionso ke tumbuaka samuna kupesa na mbala mosi minkayilu mpe na yina ya kuyoka. Na yau ya kele mfunu mingi ya kuvuanda na kima ya kupesa. ⁴Na ntangu yayi, kana Klisto vuandaka na ntoto, yandi lendaka vuanda Nganga Nzambi ve, samu bau ikele ba yina ke pesaka minkayilu na mutindu kele nsiku. ⁵Bau kena kusadila kifuani mpe kini (kita) ya mambu kele na zulu. Ya kieleka mutindu Nzambi vuandaka luengisa Mose ntangu yandi zolaka kutunga Kinlongo: "Tala", tubaka Nzambi:" Sala nionso na mutindu ba monisaka nge na zulu ya mongo".⁶Kansi ntangu yayi, Klisto bakaka kisalu me luta mfunu samu yandi kele nwawasi ya luwawanu ya mbote mingi tumbuaka na zulu ya bansilulu ya mbote. ⁷Samu kana luwawanu ya ntete vuandaka na nsembolo ve, na yau ya lendaka vuanda mfunu ve na kusosa luwawanu ya zole.⁸Kansi ntangu Nzambi zabaka yimbi ya nkangu, yandi tubaka:" Beno tala, bilumbu kena kuiza (me tuba Mfumu), yina mu ke sala luwawanu ya impa na yinzo ya Isaeli na ya Yuda. ⁹Yake vuanda ve lokola luwawanu mu salaka na bankulu na bau na kilumbu yina mu sumbaka bau na diboko samuna kubimisa bau na ntoto ya Ngipiti. samu, bavibidilaka ve na kuvuanda na luwawanu na munu, mpe mu vuandaka tula bau diaka ata meso ve", tubaka Mfumu.¹⁰Kansi "Tala luwawanu yina mu ke sala na yinzo ya Isaeli na bilumbu kena kuiza", me tuba Mfumu. " me ke tula bansiku na munu na mabanza na bau, mpe mu ke sonika yau na mintima na bau. Mu ke vuanda Nzambi na bau mpe ba ke vuanda nkangu na munu.¹¹Ba ke longa diaka muntu na muntu mfinangani na yandi to mpangi na yandi ve, na kutubaka:" Zaba Mfumu" , samu bau nionso ke zaba munu, banda na nleke ti na mbuta na kati na bau. ¹²Samu mu ke vuanda Nzambi ya nkenda na mavanga na bau ya yimbi mpe mu ke mu ke bambukila diaka masumu na bau moyo ve".¹³Na kutubaka ti:" impa", luwawanu ya ya ntete yandi kumisaka yau ya ntama. Yina yandi tubaka ya ntama ya ke zola zimbala.

¹Ntangu yayi, ata luwawanu ya ntete vuandaka na minsiku na yina me tala nsambudulu mpe kinlongo ya yinza yayi. ²Samu kinlongo ya ngoto vuandaka kubukua. Na disuku ya ntete vuandaka tulua kebolo ya muinda, meza mpe mampa ya ntala, babokidilika kinlongo.³Mpe na manima ya nlele (ngumbu) vuandaka disuku ya nkaka vuandaka bokudulua kinlongo ya nlongo. ⁴Ya vuandaka dizikua ya wolo samuna malasi ya nsunga. Na kati diaka vuandaka nkela ya luwawanu ya kuzingama na wolo. Na kati, vuandaka mbungu (wumbua) ya wolo tuluaka mana, nkawa ya Aloni yina bimisaka bafololo (bifulu) mpe mabanga ya minsiku ya luwawanu. ⁵Na zulu ya nkela ya luwawanu, bakeluba ya nkembo yitalalaka (fukidila) na kiandu ya nlemvo yina beto lendaka sasila (kutubila) ata fioti ve.⁶Na manima ya kukubika bamambu yina, banganga Nzambi vuandaka kota bilumbu nionso na disuku ya nganda ya kinlongo ya ngoto samuna kusala bisalu na bau. ⁷Kansi kaka ngudi-nganga vuandaka kota na disuku ya zole mbala mosi na mvula, mpe yandi vuandaka kondua menga ve ya kupesa nkayilu samuna yandi mosi mpe samuna masumu ya kukanina ve ya nkangu.⁸Mpeve ya Nlongo vuandaka monisa (songa) ti nzila ya kinlongo ya nlongo vuandaka ntete ya kuzibuka ve lokola kinlogo ya ngoto kele ntete. ⁹Yayi vuandaka kifuanusu ya ntangu yayi. Minkayilu mpe minkayilu ya kuyoka yina ba me monisa na kilokula yayi lenda vedisa ve kimuntu ya bayina ke zitisaka yau. ¹⁰Bake zolaka mingi madia, malavu, mpe bima ya nkaka ya mpedoso ya kilumbu na kilumbu. Ya vuandaka bansiku ya kinsuni yina sonukuaka tii nsiku ya impa ke tulua.¹¹Klisto kuizaka bonso (lokola) Nguda-Nganga samuna bamambu ya mbote yina kuizaka. Yandi lutilaka na kinlongo me lutila n'nene mpe ya mbote yina salamaka na maboka ya bantu ve. ¹²Ya vuandaka na menga ya bankombo to ya bingombe ngombe ve, kansi na menga ya yandi mosi yandi kotilaka na kinlongo ya nlongo mbala mosi kaka mpe kutanina mpulusu na beto ya bamvula na bamvula.¹³samu kana menga ya bankombo mpe ya bangombe mpe mbuangusunu ya dibombe ya fingombe ngombe na banzutu ya bayina kele diaka ya kuvedila ve kena kuvambulua samuna Nzambi samuna kuvedisa nzutu na bau. ¹⁴Na ntalu yikua kuluta menga ya Yesu, na nzila ya Mpeveya mvula na mvula kudipesaka yandi mosi na Nzambi kondua ditona, kuvedisa kansansa na beto ya bisalu ya kufua samuna kusadila Nzambi ya moyo? ¹⁵Yau yina yandi kele n'wawisi ya luwawanu ya impa. Samu ti, lokola lufua kuizaka samuna kukula bayina vuandaka na masumu na bau na luwawanu ya ntete, bayina bokuluaka babaka nsilulu ya difua ya mvula na mvula.¹⁶Samu, vana kele mukanda ya difua, ya kele mfunu mingi ya kumonisa lufua ya muntu yina me bika yau. ¹⁷Samu mukanda ya difua ke vuandaka mfunu kana muntu me kufua, samu ya ke vuandaka mfunu ve na ntangu muntu me sonika yau kena kuzinga ntete.¹⁸Na yau, ata luwawanu ya ntete ya salamaka na menga ve. ¹⁹Samu ntangu Mose pesaka nsikudukusu mosi mosi ya nsiku na nkangu nionso, yandi bakaka menga ya nkombo mpe ya bingombe ngombe, na maza, mika ya mpumbu na isopi, mpe yandi muangumuninaka mukanda mpe nkangu nionso. ²⁰Mpe yandi tubaka :" Yayi kele menga ya luwawanu Nzambi me sikidikisa samu na beno.²¹Mutindu yina, yandi lembaka menga na kinlongo ya ngoto mpe na bisadulu nionso ba ke sadilaka na kinganga. ²²Bosi mutindu kele nsiku, fioti me bikana nga nionso kena kuvedusua na menga. Kana menga tengukaka ve ngiambudulu ya masumu lendaka vuanda ve.²³Na yau, ya vuandaka mfunu mingi ti bifuani ya bima ya zulu vuanda ya kuvedusua kintuadi na minkayilu ya bibulu. Kansi, bima ya zulu yau mosi fuana vedusua kintuadi na nkayilu yina me lutisa kitoko. ²⁴Samu Klisto kotaka ve na kinlongo ya nlongo yina tunguaka na maboko, yina kele kaka kifuani ya yina kele ya kedika. Na ndambu ya nkaka, yandi kotaka na dizulu samuna kumonika na ntuala Nzambi samuna beto.²⁵Yandi kotaka ve samuna kudipesa yandi mosi mbala na mbala mutindu kesalaka ngudi-nganga ke kotaka na kinlongo ya nlongo bamvula nionso na menga ya bayankaka. ²⁶Kana ya vuandaka mutindu yina, nga yau zolaka vuanda mfunu mingi yandi lungua mbala mingi kubanda na mbadukulu ya yinza.²⁷Muntu nionso fuana kufua nkumbu mosi, na manima na yau mfundusu vuanda. ²⁸Na mutindu mosi, Klisto mpe, yekuluaka mbala mosi samuna kukatula masumu ya bantu mingi, yandi ke monika mbala ya zole samuna kukatula masumu ve, kansi samuna kuvuluza ba yina kena kuvingila yandi.

10¹Pamba ve, nsiku kele kaka kifuanusu ya mambu ya mbote ke kuiza, yakele mutindu beto kena kumonila yawu ve na kati. Bayina kena kupusana na Nzambi balenda vuanda ya kufuana ve na minkayilu kaka yina Nganga-Nzambi ke pesaka ntangu nionso na imvu. ²Na mutindu ya nkaka, bazolaka tatamana kupesa minkayilu yina? Na yau, kana bavedusuaka na mbala mosi, minsambidi zolaka zaba diaka ve masumu. ³Kansi na minkayilu yayi, yake naku bambula moyo na masumu mvula na mvula. ⁴Kansi yake lenda salama ve ti menga ya bangombe na bankombo katula masumu.⁵Ntangu Klisto kuizaka na inza, yandi tubaka : "Nge vuandaka na nsatu ya ni minkayilu ni makabu. Kansi nge bongisilaka munu nde nzutu. ⁶Nge sepelaka ve na bibulu yina bame yoka na meza ya minkayilu mpe minkayilu yina bake pesaka samuna nlemvo ya masumu." ⁷Na yawu mu tubaka : "Beno tala, munu yayi, mutindu yame sonama samuna munu na buku, samuna kusala luzolo na nge."⁸Na ntete yandi tubaka : "Nge sepelaka ve na bibulu yina bame yoka na meza ya kuyoka minkayilu, mpe minkayilu yina batu ke pesaka samuna nlemvo ya masumu, nge me zola yawu ve mpe nge me yangalala na yawu ve." Kansi beto zaba ti bake pesaka yawu mutindu yina minsiku kena kutuba. ⁹Na manima yandi me tuba : "Tala, mukena kuiza kusala luzolo na nge." Yandi me katula nsadulu yina ya ntete samuna yandi tula ya zole.¹⁰ Mpe na luzolo yina beto vedusuaka na nkayilu ya nzutu ya Yesu Klisto mbala mosi na mvimba.¹¹Na ndambu mosi, Nganga-Nzambi nionso ketelama kilumbu na kilumbu samuna ku sadila Nzambi yandi kepesa ntangu nionso minkayilu mosi ata ya lenda katula masumu ve. ¹²Na ndambu ya nkaka, Klisto pesaka nkayilu mosi kaka samuna masumu na ntangu nionso, yandi me vuanda na diboko ya lubakala ya Nzambi. ¹³Yandi kena kuvingila ti ntangu yina yandi ke diatikisa bambeni na yandi. ¹⁴Pamba ve, na nkayilu mosi kaka, yandi me fuanisa bayina kele yaku vedusua mvimba.¹⁵Mpe Mpeve ya Nlongo kena kupesa beto kimbangi. Pamba ve, yandi ke tuba na ntuala ya nionso : ¹⁶ "Tala luwawanu muke sala na bawu na manima ya bilumbu yayi, metuba Mfumu. Muke tula minsiku na bantima na bawu, mpe muke sonika yawu na mabanza na bawu.¹⁷Muke bambukila diaka masumu na bawu ve mpe na mambu na bawu ya yimbi ve." ¹⁸Na ntangu yayi, kisika yina kele kulemvukila samuna mambu yayi, yakele diaka na nkayilu ata mosi ve samuna disumu.¹⁹Na yawu, bampangi, beto kena lukuikulu ya ku kota na kisika ya kulutila nlongo na lusadusu ya menga ya Yesu. ²⁰Tala nzila ya mona mpe ya moyo yandi me zibula samuna beto na nlele, ya zona tuba nzutu na yandi. ²¹Mpe lokola beto kele na nkulutu ya Nganga-Nzambi na yinzo ya Nzambi, ²²beto pusana na bantima ya kedika ya kufuluka na lukuikulu mpe kiminu, na bantima yaku vedusua na mabanza nionso ya yimbi mpe banzutu na beto yaku sukulua na maza ya kuvedila.²³Beto tatamana na kuzabisa kimbangi ya kivuvu na beto na Nzambi. Beto lemba ve samuna Nzambi yina pesaka nsilulu ke lungisaka bansilulu na yandi. ²⁴Beto salasana samuna kutuadisa beto na kuzola bampangi mpe kusala bisalu ya mbote. ²⁵Beto lemba ve naku sangana na bampangi ya dibundu mutindu batu ya nkaka ke salaka. Kansi, beto kukisiamisa beto na beto, mpe yawu, kulandila mingi beno kena kumona kilumbu kufinama.²⁶Pamba ve, kana beto ke sala masumu na luzolo ya beto, na manima yaku zaba kedika, nkayilu ya masumu yina kele diaka ve. ²⁷Nzoka, yame bikana kaka kuvingila lufundusu ya nsisi, mpe tiya ya ngolo ke niengisa bambeni nionso ya Nzambi.²⁸Konso mutu yina ke tumamaka ve na minsiku ya Mose, ke kuzuaka kitumbu ya kufua, bake monina yandi kiadi ve na ntangu batu zole to tatu me pesa kimbangi. ²⁹Ni kitumbu beno kena kanisa, me fuana na mutu ke diatikisa Muana ya Nzambi, ke mona menga ya luwawanu neti kima mosi ya kusumuka - menga yina vedisaka yandi - mpe yandi me finga Mpeve ya Nlongo?³⁰Pamba ve, beto me zaba yina tubaka : "Muke vutula yimbi;" mpe diaka : "Mfumu ke fundisa batu na yandi." ³¹Ya kele diambu mosi ya mpasi mingi na mutu yina me kubua na maboko ya Nzambi ya moyo!³²Beno bambuka moyo na mambu yina salamaka bilumbu ya ntete ntangu beno kienzuluaka, wapi mutindu beno monaka mpasi mingi. ³³Beno vuandaka batu yaku tiakama na bifingu mpe ba bandaka ku zoma beno, mpe beno vuandaka kati na batu yina lutilaka na bampasi ya mutindu yina. ³⁴Pamba ve, beno fuilaka kiadi na bayina vuandaka na buloko, mpe beno vuandaka ndima na kiese baziona bimvuama na beno. Beno zabaka ti beno kele na kimvuama yina me lutila kitoko mpe yina ke bebaka ve.³⁵Na yawu yina, beno bika ve kiminu na beno, nsendo ya nene me kangama na yawu. ³⁶Pamba ve, beno fuana vuanda na mvibudulu, samu beno baka yina Nzambi silaka beno na manima ya kusala luzolo na yandi.³⁷ "Kaka ntangu ya fioti me bikana, mutu yina fuana kuiza ke kuiza kaka mpe yandi ke zingila ve.³⁸Mutu na munu ya lunungu ke zinga na kiminu. Kansi kana yandi me vutuka na manima, muke yangalala diaka na yandi ve." ³⁹Kansi beto kele ve bayina ke vutukaka na manima samuna mbungulu. Beto kele nde kati na batu yina kena kukuikila samuna kuvulusa miela na bawu.

11¹Kansi kiminu kele kivuvu ya kusikalala na kubaka bima yina nge kesilaka kivuvu, yakele mpisulu ya bima mge mona ntete ve. ²Samu ti, na yawu, bakulu na beto tewoluaka kimbangi samu na kiminu na bawu. ³Na kiminu, bame visa ti yinza semuaka na bunkete ya Nzambi, na yawu kima mosi ve na yina ke monikaka salamaka na nzila ya bima kemonikaka.⁴Na kiminu Abeli tambikaka na Nzambi nkayilu me lutila mbote na yina ya Kayina. Na yawu ba tubaka kimbangi ti yandi ke ya lunungu. Mpe Nzambi ndimaka kimbangi na yandi nsamu na minkayilu na yandi. Mpe na kiminu, Abeli ke na kutatamana kutuba atako yandi me kufuaka.⁵Na kiminu Enoki zanguluaka mpe monaka lufua ve. Yandi monikaka diaka ve samu ti Nzambi zangulaka yandi, samu ti tekila yandi zangulua, yatubamaka ti yandi vuandaka zolakanaka na Nzambi. ⁶Kana kiminu kele ve, nge lenda zolakana na Nzambi ve. Samu ti konso mutu ke kuiza na Nzambi fueti leka kiminu ke yandi kele mpe yandi ke sendaka bayina ke sosaka yandi.⁷Na kiminu Nowa tungaka nzaza samu na kuvulusa batu ya yinzo na yandi, lokola yandi lubuluaka na Nzambi samu na bima yina yandi monaka ntete ve, na kivumi ya Nzambi. Na yawu, yandi bedisaka yinza mpe kumaka mvingidi ya difua ya lunungu ke katukaka na kiminu.⁸Na kiminu Abalayami, ntangu yandi bokuluaka, tumamanaka na kukuenda na kisika yina yandi fueteke tambula lokola difua. Yandi kuendaka ata ko yandi zabaka ve wapi yandi kena kukuenda. ⁹Na kiminu yandi vuandaka zinga na yinsi ya nsillulu lokola nzenza. Yandi vuandaka na yinsi ya banzo ngoto na Isaki mpe Yakobo, mimvingidi ya kintuadi ya difua mosi,¹⁰ samu yandi vuandaka vingila ntungulu ya mbanza yina Nzambi vuandaka mvangi mpe ntungi.¹¹Na kiminu Abalayami bakaka luve ya kubuta, atako Sala vuandaka kisita. Diambu yina salamaka atako yandi vuandaka ya kuyunduka mingi, samu ti bavisaka ti yina pesaka bawu nsilulu ke yaku kuikama.¹² Na yawu, na mutu yina vuandaka pene-pene ya lufua butukaka nkuna ya kunieka. Bakumaka bawu mingi lokola bambuetete ya dizulu mpe lokola nienze ya disimu ya yimbu, yina lenda tangukusua ve.¹³Na kiminu banionso yayi kufuaka, bakukitambudilaka bansilulu ve. Kansi bamonaka yawu mpe bayangalalaka na ntama, samu ba visaka ti bake banzenza mpe bakena kuluta na yinza. ¹⁴Samu ti bayina ke tuba mambu ya mutindu yayi me visa mbote ti bafuete sosa yinsi samu na bawu mosi.¹⁵Kana babanzilaka kaka yinsi yina babikaka, nga babakaka diluaku ya kuvutuka. ¹⁶Na yawu, ba zominaka yinsi me lutisa toma, yina ya kizulu. Na yawu, Nzambi monaka nsoni ve ya kubokulua Nzambi na bawu, samu ti yandi kubikilaka bawu mbanza ya nkaka.¹⁷Na kiminu Abalayami, na manima ya kutontua, pesaka Isaki nkayilu. Yandi vuandaka muana na yandi mosi kaka yandi pesaka nkayilu, yandi yina bakaka bansilulu. ¹⁸Na Abalayami ba zabisaka : "Na nzila ya Isaki ke bimina nkuna na nge." ¹⁹Abalayami visaka ti Nzambi ke na lulendo ya kufulukisa Isaki na bafua mpe yandi yambaka yandi diaka, na mutindu ya kifuani.²⁰Na kiminu mpe Isaki sakumunaka Yakobi na Esawu na yina me tadila mambu ke kuiza. ²¹Na kiminu Yakobi, ntangu yandi vuandaka kufua, sakumunaka bana ya Yosefi. Yakobi sambilaka ya kusikama na nsongi ya nkawa na yandi. ²²Na kiminu Yosefi, na nsuka ya luzingu na yandi, tubilaka bana ya Isaeli ti bafuete bima na yinsi ya Ngipiti mpe kunata bivisi na yandi.²³Na kiminu Mose, na mbutukulu na yandi, suekoko na bibuti na yandi bangonde tatu, samu bamonaka ti yandi kele fimuana-muana ya kitoko. Bamonaka ve wonga lutumu ya ntinu. ²⁴Na kiminu Mose, ntangu yandi me yunduka, tingunaka na kubokulua muana ya muana nketo ya Falawo. ²⁵Kansi yandi ponaka kubufua na dikabu ya Nzambi, samu ti yandi zonaka ve mayangi ya masumu na fi ntangu-ntangu. ²⁶Yandi banzaka ti mvuezolo ya Klisto kele kimvuama ya nene me lutila mayudukua nionso ya Ngipiti, samu yandi tadidilaka nsendo ke na ntuala.²⁷Na kiminu Mose katukaka na Ngipiti. Yandi tinaka ve nganzi ya ntinu, kansi yandi kuamininaka nakutadidilaka yina ke monikaka ve. ²⁸Na kiminu yandi kebaka pasa mpe mbuakunu ya menga samu ti mbungi ya basemukunua valakana basemukunua ya Isaeli.²⁹Ya kele samu na kiminu bazengisaka na kati ya diambu ya kubuaka lokola bavuandaka na insi ya kuyuma. Kansi lokola batu ya Ngipiti zolaka sala yawu, baminamaka. ³⁰Ya kele na kiminu ti bibaka ya Yeliko builaka na manima ya kuzungidila yawu na bilumbu nsambodia. ³¹Ya kele na kiminu ti Rahabia nketo ya kinsuza fuilaka ve na batu ya kudimbuka kiminu samu yandi tambulaka bamineki na yenge.³²Kansi mu tuba diaka nini? Samu ntangu me kuiza zanga munu ya kutuba samu na Ngidoni, Balaki, Samisoni, Yofeti, Davidi, Samueli, mpe bambikudi. ³³Na kiminu, babedisaka bimfumu, salaka lunungu, bakaka bansilulu. Bazibikaka bainua ya bankosi, ³⁴bazimaka lulendo ya tiya, bavukaka na meno ya sabala, babelukaka na bimbevo, babakaka ngolo na bamvita, batinisaka nkangu ya banzenza.³⁵Banketo monaka diaka batu na bawu yina kufuaka na kufutumuka. Ba yankaka bakuamusuaka mingi mpe bazolaka vukusuku ve, samu batambulaka lufulukulu yina me luta mbote. ³⁶Ba yankaka vuezuaka mpe babuluaka, bakangamaka na bambienga mpe na buloko. ³⁷Babulaka bawu mabanga, bantotaka bawu, bazengaka bawu na maguengue, bakufuaka bawu na sabala, batambulaka na bisika nionso. Bavuataka nkanda ya mameme mpe ya bankombo, bakonduaka bima ya kuvukila. Bazunguluaka mpe bayamusuaka. ³⁸Inza fuana na bawu ve. Bazenzilaka na yinsi ya nkatu mpe na bamongo, na banluka mpe na mabulu ya ntoto.³⁹Atako batu nionso yina bateluaka kimbangi na kiminu ya bawu, kansi batambulaka bima yina basiluaka ve. ⁴⁰Nzambi lokola yandi kubikilaka beto yankaka yina meluta mbote, samu balungua kondua beto ve.

¹Na yau, lokola dikabu ya n'nene ya bambangi me zungidila beto, beto loza kima nionso kena kutula kizitu kati na beto mpe disumu yina kezingaka beto na ntatumusu ve (na petepete). Beto tatamana kuzaula na kivuvu samuna yina kele na ntuala na beto. ²Beto sungamana (tala) Yesu, yintu mpe m'vue (yina me kuvua to n'lungisi) ya kiminu na beto, samuna kiese yina kubukuaka samuna yandi, zunguaka mpasi na dikulunsi, yandi monaka nsoni ve, mpe vuandaka na lubakala ya kiti ya kimfumu ya Nzambi. ³Na yau, beno banzila yina kuamusuaka na bantu ya masumu yina zolaka yandi ve, samu beno bika ve mpe beno lemba ve.⁴Beno telema ntete kekete ve (kukakila) tii na menga, to beno nuanisa ntete disumu ve. ⁵Beno me zimbakana molongi ba pesaka beno bonso bana:" Muana na munu, kumanga kitumbu ya Mfumu ve, mpe kulebakana ve ntagu ba kena kusemba nge na Mfumu". ⁶Samu Mfumu ke sembaka muntu nionso yina yandi ke zolaka, mpe yandi ke piyaka kitumbu na muana yina yandi ke yambaka.⁷⁸Beno vibidila bampasi samu beno vuanda na kikadulu ya mbote. Nzambi kena sembaka beno bonso bana, samu inki muana yina bake pesaka kitumbu ve na tata e? Kansi kana bake pesaka beno kitumbu ve, na yau beto nionso kele, ya zola tuba ti beno kele bana ya muntu ya nkaka kansi bana n'andi ve.⁹Nkutu, beto vuandaka na batata na beto na ntoto samuna kupiya (kupesa) beto bitumbu, mpe beto kena kuzitisa bau. Ya lendakana ve ti beto tumamana Tata ya bampeve samu beto zinga e? ¹⁰Samu batata na beto pesaka beto bitumbu na bamvula fioti na mutindu bau vuandaka zodila, kansi Nzambi ke piyaka beto bitumbu samuna mambote na beto, samu beto vuanda kintuadi na kikadulu n'andi ya nlongo. ¹¹Kitumbu mosi ve kepesaka kiese, kansi ya ke yamisaka kaka (mpasi). Kansi, yake butaka namanima na yau mbuma mosi ya yenge, ya lunungu na bayina ndimaka yau.¹²Na yau, beno siamisa maboko na beno ya kulebakana mpe makungunu na beno beno ya kulemba, ¹³mpe beno sungika banzila samuna makulu na beno, samu ti muntu nionso kena kutembila kubua ve, kansi yadi niaka.¹⁴Beno sosa yenge na bantu nionso, mpe kikadulu ya nlongo kana ve muntu ve ke mona Nzambi. ¹⁵Beno kukikenga samu ti muntu mosi ve sotuka na nlemvo ya Nzambi, mpe muanzi (musisa) mosi ve ya ndudi yunduka samuna bamvita, mpe bantu mingi basumukina yau ve. ¹⁶Beno luenga samu muntu ve vuanda na kinsuza to ndimbukulu lokola Esau, kekisaka kinkuluntu n'andi samuna madia. ¹⁷Samu beno me zaba ti na manima, ntangu yandi zominaka kutambula difua ya lusakumunu, yandi luazuluaka (niafunuaka) samu yandi bakaka diluaku ya kuvilula mayela ve na ntdisi ya tata n'andi, mpeleko yandi sosaka yau na kinsanga na meso.¹⁸Samu beno kuizaka ve na mongo yina lendaka simbua, mongo yina me yokana na tiya, kitombe, dituti mpe kitembo. ¹⁹Beno kuizaka ve ntangu mpungi sikaka (bulaka), to na bamambu katukaka na ndinga kele ti bayina kuwaka yau lombaka ti batubila bau ya nkaka ve. ²⁰Samu balembanaka kuvibidila yina basikidikisaka bau:" Ata kibulu me valakana mongo, bafuana kufua yau na matadi". ²¹Mona meso yayi vuandaka wonga mingi ti Mose tubaka:" mume mona wonga mpe mume zakama".²²Kansi na kubangisa, beno kuizaka na mongo ya sioni mpe na mbanza ya Nzambi ya moyo, na Yelusalemi ya kizulu, mpe bakumu kumi ya mafunda ya bambasi kele na nkembo. ²³Beno kuizaka na dibundu ya bansemokono nionso sonamaka na dizulu, na Nzambi mfundisi ya nionso, mpe na bampeve ya balunungu yina lungusuaka. ²⁴Beno kuizaka na Yesu, n'wawisi ya luwawanu ya yimpa, mpe menga ya ndembolo kena kutuba kulutila menga ya Abeli.²⁵Beno kuki kenga, na kutatamana kuwa yina kena kutuba. Samu bavukaka ve, ntangu bamangaka kuwa yina vuandaka kebisa bau na ntoto, ya kieleka bato ke vuka ve kana beto ke zola kuwa ve yina kena kutuba banda na dizulu. ²⁶Na ntangu yina, ndinga n'andi ningisaka ntoto. Kansi bubu yayi, yandi silaka mpa tubaka:" Mu ke ningisa ntoto kaka ve, kansi na mazulu".²⁷Mambu yayi:" Mbala mosi diaka", kena kumonisa nkatukulu ya bima'ngo nikunuaka; ya zola tuba ti bima yina salamaka, samu ya nikunuaka ve ya vuanda kaka. ²⁸Na yau, kubakaka kimfumu yina ke nikunua ve, beto vuanda na mbambukulu ya moyo mpe na mutundu yina, beto zitisa Nzambi na kivumi mpe na wonga. ²⁹Samu Nzambi na beto kele tiya ke bungaka (fukisaka)

13¹Beno tatamana naku zolana lokola bampangi. ²Beno zimbana ve kuyamba banzena. Pamba ve, na nzila na yawu, ba yankaka yambaka bambasi pe bazabaka ve.³Beno bambuka moyo na bayina kele na buloko, lokola kaka beno mpe beno kele na bawu kintuadi. Beno bambuka moyo na bayina bakena kuamisa, neti kaka beno vuandaka na bawu na nzutu. ⁴Bika dikuela ya zitusua na mutu nionso. Bika mfulu ya dikuela ya kebua nlongo samu Nzambi kefundisa batu ya kindumba mpe ya kinsuza.⁵Bika beno vuanda na nzola ya mbongo ve. Beno yangalala na bima kele na beno, pamba ve Nzambi yandi mosi tubaka : "Muke loza nge ve, ni kusala bika nge." ⁶Beto yangalala na bima na beto samu beto koka kutuba na kibakala : "Mfumu kele nsadisi ya munu, muke mona wonge ve. Nini mutu lenda sala munu?"⁷Beno tumisa bantuadisi na beno, bayina longisaka beno mambu ya Nzambi, mpe beno tala nsuka ya nkadulu na bawu; beno landakana kiminu na bawu.⁸ Yesu Klisto kele mutindu mosi mazono, bubu mpe mvula na mvula.⁹Beno bika vukumuka na malongi ya mutindu na mutindu mpe ya nzenza, pamba ve ya kele mbote ntima siamusua na nlemvo, kansi na madia yina lenda tomisa ve bayina ke sadilaka yawu. ¹⁰Beto kele na dizikua bisika yina batu kena kusala na kinlongo kele ve na yinsua ya kudia.¹¹ Kansi, menga ya bibulu yina bakufuaka samuna masumu, ngudi nganga nataka yau na kinlongo kansi nzutu na bawu bake yokaka yawu na mbanzi atua (ya buala).¹²Mutindu yina mpe Yesu monaka mpasi na nganda ya mbanza, samuna ku bieka nkangu na menga ya yandi mosi.¹³ Na yawu, beto bima samuna ku kuenda na yandi na nganda ya mbanza na kunata mvuezolo na yandi. ¹⁴Pamba ve, beto kele na mbanza mosi ve yina ke sikilaka awa na ntoto. Beto kena sosa nde yina ke kuiza.¹⁵Na nzila na yandi, beto nata minkayilu ya kusika Nzambi, kisuka yina kele mbutu ya bainua na beto kena ku samuna nkumbu na yandi. ¹⁶Mpe beno zimbakana ve kusala mambote mpe kusadisana, pamba ve, Nzambi ke sepelaka na minkayilu ya mutindu yayi nde. ¹⁷Beno tumama mpe beno vuanda ya lemvu na mintuadisi na beno, pamba ve, bake kayilaka miela na beno meso, lokola bayina ke vutusa mvutu. Beno tumama samu bantuadisi na beno basadisa beno na kiese kansi na kunionga ve, yina ke vuanda ve mfunu samuna beno.¹⁸Beno sambila samuna beto, pamba ve beto kena kiminu ti beto kele na kansasa ya mbote mpe beto zona zinga na mutindu ya kufuana na mambu nionso. ¹⁹Mukena ku bombidila beno naku sala yawu, samu mu koka kuvutuka na beno malu.²⁰Na ntangu yayi, bika Nzambi ya yenge yina fulukisaka na bafua Mfumu na beto Yesu, yina kele mvungi ya nene ya mameme, na menga ya luwawanu ya mvula na mvula, ²¹yandi fulusa beno na mambu ya mbote samuna kusala luzolo na yandi. Bika yandi sala kati na beto yina kele yaku zolakana na ntuala na yandi, na nzila ya Yesu Klisto, na yina vuanda nkembo mvula na mvula. Amen.²²Ntangu yayi, bampangi na munu, mukena kuluengisa beno na kuvibidila bapova yayi ya mbadukulu munu me sonikina beno na lukufi. ²³Beno zaba ti mpangi na beto Timoteo babikaka yandi, kana ti yandi ke kuiza malu muke mona beno kintuadi na yandi.²⁴Beno pesa mbote na mintuadisi na beno nionso mpe banlongo nionso. Bayina ya Italia me pesa beno mbote. ²⁵Bika nlemvo vuanda na beno nionso.

Formatted for Translators

Luke

Nsangu ya mbote ya yoane

Mavanga ya bantumua

Loma

Mukanda ya ntete ya paulu na bakolinto

Mukanda ya zole ya paulu na bakolinto

Galatians

Ephesians

Philippians

Colossians

1 Thessalonians

2 Thessalonians

Mukanda ya ntete ya paulu na timoteo

Tito

Philemon

Hebrews

James

1 Peter

2 Peter

1 John

Mukanda ya zole ya yoane

Mukanda ya tatu ya yoane

Jude