Kinyaihangiro: Bible for 1 Corinthians, 1 John, 1 Peter, 1 Thessalonians, 1 Timothy, 2 Corinthians, 2 John, 2 Peter, 2 Thessalonians, 2 Timothy, 3 John, Colossians, Ephesians, Galatians, James, Jude, Luka, Marko, Mathayo, Philemon, Philippians, Titus, Ufunuo, Wahebrania, Warumi, Yohana
Formatted for Translators
©2022 Wycliffe Associates
Released under a Creative Commons Attribution-ShareAlike 4.0 International
License.
Bible Text: The English Unlocked Literal Bible (ULB)
©2017 Wycliffe Associates
Available at https://bibleineverylanguage.org/translations
The English Unlocked Literal Bible is based on the unfoldingWord® Literal
Text, CC BY-SA 4.0. The original work of the unfoldingWord® Literal Text
is available at https://unfoldingword.bible/ult/.
The ULB is licensed under the Creative Commons Attribution-ShareAlike 4.0
International License.
Notes: English ULB Translation Notes
©2017 Wycliffe Associates
Available at https://bibleineverylanguage.org/translations
The English ULB Translation Notes is based on the unfoldingWord
translationNotes, under CC BY-SA 4.0. The original unfoldingWord work is
available at https://unfoldingword.bible/utn.
The ULB Notes is licensed under the Creative Commons
Attribution-ShareAlike 4.0 International License.
To view a copy of the CC BY-SA 4.0 license visit
http://creativecommons.org/licenses/by-sa/4.0/
Below is a human-readable summary of (and not a substitute for) the
license.
You are free to:
-
Share — copy and redistribute the material in any medium or
format.
-
Adapt — remix, transform, and build upon the material for any
purpose, even commercially.
The licensor cannot revoke these freedoms as long as you follow the
license terms.
Under the following conditions:
-
Attribution — You must attribute the work as follows: "Original
work available at https://BibleInEveryLanguage.org." Attribution
statements in derivative works should not in any way suggest that we
endorse you or your use of this work.
-
ShareAlike — If you remix, transform, or build upon the
material, you must distribute your contributions under the same
license as the original.
-
No additional restrictions — You may not apply legal terms or
technological measures that legally restrict others from doing
anything the license permits.
Notices:
You do not have to comply with the license for elements of the material in
the public domain or where your use is permitted by an applicable
exception or limitation.
No warranties are given. The license may not give you all of the
permissions necessary for your intended use. For example, other rights
such as publicity, privacy, or moral rights may limit how you use the
material.
Mathayo
11Yesu Kirisito akaba ali mwijukuru wa Daudi, Daudi mwijukuru wa Aburahamu. Aba nibo bagurusi b'eihigalye. 2Aburahamu akazara Isaka, Isaka yazara Yakobo, Yakobo yazara Yuda n'abarumuna. 3Yuda akazara Peresi na Zera ahali Tamari, na Peresi yazara Hezironi, Hezironi yazara Ramu.4Ramu akazara Aminadabu, Aminadabu yazara Nahishoni, Nahishoni yazara Solomoni. 5Solomoni yazara Boazi ahali Rahabu, kandi Boazi yazara Obedi ahali Ruti. Obedi akazara Yese, 6Yese niwe yazaire Omukama Daudi. Daudi akazara Solomoni ahali muka Uria,7Solomoni yazara Rehoboamu, Rehoboamu yazara Abiya, Abiya yazara Asa. 8Asa akazara Yehoshafati, Yehoshafati yazara Yoramu, kandi Yoramu yazara Uzia.9Uzia yazara Yotamu, Yotamu yazara Ahazi, Ahazi yazara Hezekia. 10Hezekia akazara Manase, Manase yazara Amosi, Amosi yazara Yosia. 11Yosia yazara Yekonia n'abarumuna, orwo Isiraeli yabaire netwarwa Babiloni omu buzahe.12Orwo Isiraeli yabaire yatwetwe Babiloni omu buzahe: Yekonia akazara Shealisieli, Shealisieli yazara Zerubabeli. 13Zerubabeli akazara Abiudi, Abiudi yazara Eliakimu, Eliakimu yazara Azori. 14Azori akazara Zadoki, Zadoki yazara Akimu, Akimu yazara Eliudi.15Eliudi akazara Eleazari, Eleazari yazara Matani, Matani yazara Yakobo. 16Yakobo niwe yazaire Yozefu iba Maria, Maria ayazaire Yesu owo beta Kirisito. 17Mpaho abagurusi bona kwema ahali Aburahamu kugoba ahali Daudi bali 14. N'okwema ahali Daudi kugoba orwo Isiraeli yatwetwe Babiloni omu buzahe bakaba bali bagurusi 14. Kwema orwo Isiraeli yabaire yatwetwe omu buzahe kugoba ahali Kirisito nabo bagurusi 14.18Okuzarwa kwa Yesu Kirisito kukagenda kuti: Orwo Maria, nyina, yabaire nashelerwa Yozefu, batakaraire hamoi, Maria aboneka aina enda omu bushobora bwa Mwoyo Mutakatifu. 19Yozefu mushaijawe, okwo yabaire ali muntu mugorogoki, mara atalikugonza kumukwasa nshoni, yaramura kumutaishura omu shelekwa.20Kayabaire akyatekeleza ekigambo ekyo, omumalaika w'Omukama amuhabukira omu kiroto, nagamba ati, “Yozefu mutabani wa Daudi, otatina kutwara Maria k'aba mukazi wawe; aha rw'okuba enda ey'atwete agigizire omu bushobora bwa Mwoyo Mutakatifu. 21Arazara omwana w'omwojo, eibara oramweta Yesu, kuba alirokora abantu omu mafu gabo.”22Ebi byona bikabaho kugobesheleza ekyo Omukama yabaire agambire omu kanwa k'omurangi ati, 23“Leba omubikira alitwara enda, mara azare omwana w'omwojo, n'eibara balimweta Emanueli” (nikwo kugamba oti Ruhanga asingiire omuli ichwe.)24Orwo Yozefu yasisimukire, akora nk'okwo omumalaika w'Omukama yabaire amuhangiire. Atwara omukaziwe, 25Kyonkai tiyaraire nawe kuhika orwo yazaire omwana w'omwojo. Yozefu omwana ogwo eibara akamweta Yesu.
21Orwo Yesu yazaliirwe Betelehemu eya Buyahudi omu makiro g'Omukama Herode, leba, ababuya b'enyanyinyi baruga oburugaizoba baija Yerusalemu nibabaza bati, 2“Alihai ogwo azairwe ali mukama w'Abayahudi? Tuboine enyanyinyi y'oburugaizoba, twamara twaija kumufukamira.” 3Omukama Herode kuhulira ekigambo ekyo, ahwa omwoyo na Yerusalemu yona.4Aho ashoroza abakuhani bakuru n'abegesa b'Amateka b'eihanga ababaza mbali Masiha yabaire ali w'okuzalirwa. 5Bamugambira bati, “Omuli Betelehemu eya Buyahudi; kuba nikwo omurangi yakihandikire ati, 6‘Iwe Betelehemu omu nsi ya Yuda, omu butwazi bwa Yuda toli muke muno n'akake; manyasi omuli iwe halitabukwamu omukama alitwara abantu bange aba Isiraeli.’ ”7Nirwo Herode yayesire abashaija abo abamanyi akababaliiliza kumanya ni maki kwema orwo enyanyinyi yabonekire. 8Aho abatuma Betelehemu nabaragira ati, “Mugende munyomoze mbali omwana ali. Kamuramara kumubona mwije mummanyise, nanye kwakwo ngende mufukamire.”9Kabamazire kuhulira eby'omukama yagamba, bakwata omuhanda bagenda. Oraleba, enyanyinyi eyo babaire baboine oburugaizoba egenda ebebembeire, elemwa eyemeelera eiguru mbali omwana yabaire ali. 10Kabamazire kubona enyanyinyi bashemelerwa muno, bagira ebyera bingi.11Kabatahire omu nju babona omwana na nyina, Maria, bamufukamira. Bakomorora ebirongoro byabo bamuha ebigemuro: ezahabu, obunuma n'omubazi gwa mirai. 12Orwo batatiirwe omu kiroto kutagaruka wa Herode, baimukya bashubire omu nsi yabo, omuhanda batwarwa gundi.13Kababaire bagenzire, omumalaika w'Omukama ahabukira Yozefu omu kiroto amugambira ati, “Imuka, otware omwana na nyina osingirwe Misiri, mara oikareyo kuhika orwo ndikugambira; enshonga Herode akwatiliire kuhiiga omwana mbali ali kumwita.” 14Aho Yozefu aimuka akwata omwana na nyina omu kiro, aimukya agya Misiri, 15aikarayo kuhika orwo Herode yafire. Eki kikaba kili ky'okugobesheleza ekyo Omukama yabaire agambire omu kanwa k'omurangi ati, “Nketa omwana wange kumwihya Misiri.”16Herode kubona okwo abashaija abo abamanyi bamuraba omu magezi, ekiniga kija kumwita, aragira kwita abaana bona b'abojo omuli Betelehemu n'omu byaro byona ebyataineho ababaire bali b'emyaka ebili n'abatakagigobize, kuhonderana n'eibanga elyabaire lyarabireho kwema orwo yamanyurwize ebigambo ebyo aha bashaija abamanyi.17Aho kigobelera ekyo Omurangi Yeremia yagambire ati, 18“Eiraka likahulirwa omuli Rama, okuchura n'okutongya kw'amani, Raheli nachulira abaanabe, akanga n'okumaramarwa, aha rw'okuba abaanabe bakafa.”19Orwo Herode yafire, omumalaika w'Omukama abonekera Yozefu omu kiroto ali Misiri nagamba ati, 20“Imuka, okwate omwana na nyina oshube omu nsi ya Isiraeli, enshonga abahigaga kwita omwana bafire.” 21Yozefu aimuka, akwata omwana na nyina, agaruka Isiraeli.22Kyonkai kayahuliire okwo Arikelao niwe yabaire asikiire Herode ishe, akaba mukama wa Buyahudi, atina kugyayo, kandi kayamazire kutatirwa omu kiroto, ahinduka agya omu Wilaya ya Galilaya. 23Agenda atura omu kigo kilikwetwa Nazareti; ekyabaire kigambirwe abarangi kigobelere, bati, “Alyetwa Munazareti.”
31Omu makiro galiinya Yohana aija aranga omw'irungu lya Buyahudi, ati, 2“Mwechuze, ahakuba obukama bw'omw'iguru bwahika.” 3Manyasi ogu niwe Omurangi Isaya yarangireho ati, “Eiraka ly'alikukungeleza omw'irungu niligamba liti, ‘Mushemeze omuhanda gw'Omukama, emihandaye mugigorore.’ ”4Yohana yajwaraga ekijwaro eky'omushenshe gw'engamia, n'omukandara gw'oruhu omu nyugunyu. Kandi ekyakulyakye zabaga nzige n'obwoki bw'omw'ishwa. 5Aho mpaho Yerusalemu na Buyahudi yona n'ebyaro byona ebyataine Yorudani bamugobaho. 6Ababatiza omu mwiga gwa Yorudani nibaatura amafu gabo.7Kyonkai orwo yaboine Abafarisayo n'Abasadukayo nibaija k'ababatiza, ababaza ati, “Inywe ruzaro rw'enjoka, n'ohai ayabatatira kamwija kuhunga aha kibonabonyio ekilikwija? 8Mukore ebikorwa ebirayoleka okwo mulekeire amafu ganyu. 9Muleke kufa gagamba muti, ‘Manya ichwe Aburahamu niwe aba isheichwe!’ Kambagambire, omu mabare aga Ruhanga yakushobora kwihiramu Aburahamu abaana.10Nangu n'aha mbali tuli endyamiti yatekatekirwe kusindura emiti. Buli muti ogutaraba biraba birungi gutemwa gunagwa omu muliro.” 11“Inye nimbabatiza n'amaizi kamwechuza, kyonkai ogwo alikunduga enyuma aina amani kushaga, n'enkaitoze tinakubitwara. Arababatiza na Mwoyo Mutakatifu n'ebiratwabye. 12Oruhungo rumuli omu ngaro, arashomboza enganoye nagiteka omu sitoa, kyonkai omushunga naija kugwokya n'omuliro ogutarara.”13Omu bir'ebyo Yesu aruga Galilaya aija Yorudani ahali Yohana k'amubatiza. 14Yohana abanza amutanga ati, “Inye n'inye ndi w'okubatizibwa iwe, iwe waba n'iwe oija ahali inye?” 15Kyonkai Yesu amuhorora ati, “Mbwenu tutwaze tutyo! Kuba omu ntwaza egi nirwo turashobora kugobesheleza byona ebili by'obugorogoki.” Aho Yohana aikiliza.16Yesu kayamazire kubatizibwa aruga omu maizi bwangu, niho honkai eiguru likinguka, abona Mwoyo wa Ruhanga nasongoka omu mishusire y'ekiiba, amubandaraho. 17Leba, eiraka liruga omw'iguru niligamba liti, “Ogu niwe mwana wange omugonzibwa, niwe nshemelerwa muno.”
41Ahanyuma Mwoyo atwara Yesu omw'irungu kugya kulengesibwa Sitani. 2Ebiro 40 byona yasiibaga arara, kyonkai obugenda bw'eirai arumwa enjara. 3Sitani aija amugambira ati, “K'oraba oli mwana wa Ruhanga hangira amabare aga gahinduke mukate.” 4Kyonkai Yesu amuhorora ati, “Kikahandikwa kiti, ‘Omuntu tatungwa mukate gwonkai, atungwa buli kigambo ekiruga omu kanwa ka Ruhanga.’ ”5Nikwo Sitani kumutwara omu kigo kitakatifu, akamuteka aha katwetwe ka Rwensinga. 6Amugambira ati, “K'oraba oli Mwana wa Ruhanga, oyekunture ahansi; manya kikahandikwa kiti, ‘Aliragira abamalaikabe kukulinda,’ mara ati, ‘Balikushutuza emikono yabo, otalija okasitara aha ibare.’ ”7Yesu agambira Sitani ati, “Kishubire kihandikirwe kiti, ‘Otalilengesa Mukama Ruhanga wawe,’ ” 8Sitani ashuba amutwara aha ibanga elira muno, amwoleka engoma zona z'omu nsi n'ekitinwa kyazo, 9amugambira ati, “K'orabandama okanfukamira, engoma ezi zona ndazikuha.”10Nirwo Yesu yamugambiire ati, “Chwekamu iwe Sitani! Manya kikahandikwa kiti, ‘Orafukamiraga Omukama Ruhanga wawe, mara wenene wenkai obe niwe okolera.’ ” 11Aho Sitani amurugaho, nikwo abamalaika kwija bakamutagaitira.12Yesu kayahuliire okwo Yohana bamukwete, akwata omuhanda agya Galilaya. 13Asigaho Nazareti agenda atura Kaperinaumu bwatana aha nyanja, omu nsi ya Zebuluni na Nafutali,14ekigambo kibone kugobeelera eky'Omurangi Isaya yagambire ati, 15“Ensi ya Zebuluni n'ensi ya Nafutali, obwolekera bw'enyanja, n'okushabuka Yorudani, Galilaya eturwa abanyamahanga: 16abantu abaturaga omu mwilima baboine omushana guhango. Abatura omu nsi y'omwilima n'omu kibeho kya Rufu eizoba lyabashabukiraho.”17Kwema makiro ago, Yesu abanza kuranga ati, “Mwechuze, aha rw'okuba obukama bw'omw'iguru bwahika.”18Yesu kayabaire naraba aha Nyanja ya Galilaya, abona abarumuna babili: Simoni owo beta Petero na Anderea omurumuna, nibanaga eishambo omu nyanja, nobona bakaba bali bajubi. 19Abagambira ati, “Mumpondere, ndabahindura bajubi b'abantu.” 20Niho honkai basigaho amashambo gabo bamuhondera.21Kayarugir'aho abona abarumuna abandi babili: Yakobo eya Zebedayo na Yohana omurumuna, bali omu bwato bwa Zebedayo ishebo nibashoborora amashambo gabo, abeta. 22Aho n'aho basigaho obwato na ishebo, bamuhondera.23Yesu araba Galilaya yona nayegesa omu sinagogi zabo, naranga amakuru garungi evangeli y'obukama bwa Ruhanga. Abantu abatambira buli ndwara na buli bulema. 24Kityo eirangalye limanyika Siria yona, bata nibamuletera abarwaire bona, abaina kaishe ndwara n'obushasi, abakwetwe amasitani, abagwi b'ensimbu n'abakabire embaju, mara abakiza. 25Kandi embaga nyingi eruga Galilaya, omu nsi y'ebigo 10 ebyayetwaga Dekapoli, Yerusalemu, Buyahudi na buseli bwa Yorudani, bamuhondera.
51Orwo Yesu yaboine embaga, atemba aha ibanga. Kayamazire kushuntama ahansi, abegesibwabe bamugoba. 2Abanza kubegesa ati, 3“Baberwa aboro omu mwoyo, kuba obukama bw'omw'iguru bwabo. 4Baberwa abachura, aha rw'okuba balimaramarwa.5Baberwa abafura, enshonga balilya ensi. 6Baberwa abagira enjara n'eiliho ly'obugorogoki, ahakuba baliguta. 7Baberwa abagira obuganyizi, manya baliganyirwa. 8Baberwa ab'emitima elikwera, aha rw'okuba balibona Ruhanga.9Baberwa abaitanira emilembe, kuba balyetwa baana ba Ruhanga. 10Baberwa abagingiizibwa nibaturwa obugorogoki bwabo, enshonga obukama bw'omw'iguru bwabo.11Muliba baberwa inywe orwo abantu balibajaamya, bakabagingiiza nibabakomaho amahano aga buli ngeli kubatura inye. 12Mushanduke mushemelerwe, ahakuba emperwa yanyu eliba mpango omw'iguru. Manyasi nikwo n'abantu bagingiize batyo abarangi ababebembeire.”13“Inywe muli mwonyu gw'ensi. Kyonkai k'omwonyu gwakurunguka gwakushuba gurungwaki? Niguba gutakigasha kantu shana okunagwa aheru gukalibatilirwa abantu. 14Muli mushana gw'ensi. Ekigo ekyombekirwe aha rushozi tibakukisikiza.15N'abantu tibakya tara bakashuba bakagijumikiza kitukuru. Bagiteka ahatungamire eyakiza bona abali omu nju. 16Omushana gwanyu gube nikwo gwakiza abantu, bashobore kubona ebikorwa byanyu ebirungi basingize na Isheinywe asingiire omw'iguru.”17“Mutakulenga muti nkaija kuchwa Mateka n'eby'abarangi basigire bagambire. Tinaizire kubichwa shana kubigobesheleza. 18Kyaho nimbagambira ekilikwo, kulemwa kugoba aha maheleruka g'eiguru n'ensi, akanyuguta kamoi anga akatonyia kamoi tibiliruga aha Mateka kuhika orwo biligobelera byona.19Kityo alitanjukira omuhango gumoiho omuli egi akashuba akaba nikwo ayegesa abantu, ogwo aliba muke bwoli omu bukama bw'omw'iguru. Kyonkai omuntu aligikwata akamara akagegesa ogwo aliba muhango omu bukama bw'omw'iguru. 20Enshonga kambagambire, k'obugorogoki bwanyu muliba mutabushagize begesa b'Amateka na Bafarisayo, timuliziza kutaha mu bukama bwa mw'iguru.”21“Murahuliire okwo bagambiire ab'eirai bati, ‘Otaliita; mara kaishe muntu aliita alikwatwa omushango?’ 22Nawe inye nimbagambira nti; alikanigalira omurumuna alikwatwa omushango. Alikajuma omurumuna bamulete omu rukiiko rw'abagurusi. Alikagamba ati, ‘Oli mufera!’ Omuntu ogwo alinagwa omu rwota rw'omuliro.23Ahonu k'orabaga nohonga ekihongo kyawe ahali alutare, okaijuka okwo murumuna wawe aina ekigambo ahali iwe, 24osige ekihongo kyawe ahali alutare ogende. Obanze oshobokerwangane na murumuna wawe, aho obe nirwo ogaruka okatamba ekihongo kyawe.25Oyanguhe ogwisilize alikukutoijera orwo mukyali omu muhanda nimugya omw'iramuliro, kikutoijera ataija akakunaga omu mikono y'omuramuzi, omuramuzi akakukwasa omulinzi, aho bakakunaga mabusi. 26Nimbagambira ekilikwo, toliziza kurug'omwo kuhika orwo olishashura ekyapa ky'enzindo.”27“Murahuliire okwo bagambire bati, ‘Otalisiyana.’ 28Kyonkai inye nimbagambira nti: Buli muntu anagira omukazi eliisho akamwegomba, ogwo aba yasiyaine nawe aha mutima.29K'eliisho lyawe lya bulyo liraba nilikusindika kufakara, olinonkoremu olinage. Nikigasha orugweho orugingo rumoi kushaga omubili gwawe gwona kunagwa omu rwota rw'omuliro. 30K'omukono gwawe gwa bulyo guraba nigukusindika kufakara, ogutemeho ogunage. Nikigasha kurugwaho orugingo rumoi kushaga omubili gwawe gwona kugwa omu rwota rw'omuliro.”31“Bakashuba bagamba bati, ‘Arakatambyaga omukazi amuhe ebarua y'okumutambya.’ 32Kyonkai inye nimbagambira nti: Buli omoi atambya mukaziwe, shanasi aha rw'enshonga y'obusiyani, ogwo aba nasiyanisa omukazi ogwo. N'ashwera omukazi atambiibwe nawe ogwo aba nasiyana.”33“Kandi murahuliire okwo bagambiire ab'eirai bati, ‘Otalinahira bishuba, eky'onahiire aha Mukama okihikye.’ 34Nawe inye kambagambire: Otaziza kunahira. Otanahira okajuliza iguru, ahakuba eiguru liba nketo ya Ruhanga. 35Otalinahira okajuliza nsi, enshonga ensi eba katebe ka wenene ak'ahumuzaho amaguru. Otalijuliza Yerusalemu, aha rw'okuba kiba kigo ky'Omukama muhango.36Otalijuliza mutwe gwawe, enshonga orushoke n'orumoi tiwakurwiraguza anga kurweza. 37Iwe ogambe oti, ‘Ego’ anga ‘Chei.’ Kyona kyona ekyakushaga aha kiba nikitabuka ahali Sitani.”38“Murahuliire okwo bagambire bati, ‘Eliisho liihwa linu, n'eliino liihwa linu.’ 39Kyonkai inye nimbagambira nti: Omuntu omubi otalimusimbalira. K'omuntu alikutera eitama lya bulyo, iwe ohinduke omuhe n'elindi.40K'omuntu alikutoijera akataho n'okukwaka ekoti yawe, muleke atware n'ebebo yawe. 41K'omuntu alikugimba kugenda nawe ekilomita emoi, ogende nawe ekilomita ibili. 42K'omuntu alikushaba ekintu okimuhe, kandi alikwehozaho otamwangira.”43“Murahuliire okwo bagambire bati, ‘Ogonzega mutahi wawe, kandi onobe omubisha wawe.’ 44Kyonkai inye nimbagambira nti: Mugonzega ababisha banyu, mushabirega ababagingiiza, 45nirwo muliba baana ba Isheinywe asingiire omw'iguru. Kuba wenene ajwisiza ababi n'abarungi omushana, kandi abagorogoki n'abatahikiliire abagwisiza enjura.46Isi kamuragonzaga abababagonza mulibona mperwaki? N'abashoza tibakora byonene ebyo? 47Isi kamurashuura barumuna banyu bonkai, aho abasigaire mwabashagisahoki? N'abanyamahanga tibyo bakora byonene ebyo? 48Aha rw'ekyo nimuragirwa kuba bahikilire nk'okwo Isheinywe asingiire omw'iguru ali muhikiilire.”
61“Mwelinde kushohoza oburungi bwanyu omu maisho g'abantu kabababona. Aha rw'okuba aho Isheinywe asingiire omw'iguru aliba atakibatunga mperwa. 2Kityo orw'olikugira eshumbusho otayeranga nk'okwo engobya zigira omu sinagogi n'omu kigo omu mbarabara kuhaisilizibwa abantu. Nimbagambira eky'amazima, emperwa yabo bagiboine.3K'oragiraga eshumbusho, obumosho bwawe butamanya kyo bulyo bwawe bulikukora, 4eshumbusho yawe etamanyika. Aho Sho abona ebyeshelekire alikuheera.”5“Kandi kamurataga kushoma enshara, nimuragirwa kutashusha ngobya. Bagonza kwemelera omu sinagogi n'okushomera omwo enshara, nangu n'omu mbarabara z'ebigo omu kona k'abantu bababona. Nimbagambira amazima emperwa yabo bagiboine. 6Iwe orwo orashomaga enshara, otahe omu kiyumba kyawe, okinge orwigi, oshomega enshara ahali Sho atalikuboneka. Mara wenene Sho ogwo abona ebishelekire alikuheera. 7Kandi omu kushoma enshara kwanyu mutalikanyisa bigambo nka banyamahanga. Bonene balenga bati barahulirwa aha rw'okugamba bingi.8Mutabashusha. Isheinywe mutakamushabire naba namanya ebyo mulikwetaga.” 9Ahonu mushomega enshara muti, “Isheichwe asingiire omw'iguru, eibara lyawe lihabwe ekitinwa. 10Obukama bwawe bwije, eby'ogonza bikorwe omu nsi nk'omwiguru.11Batutunge kir'eki ekyakulya kya buli kiro. 12Batugarulire amafu gaitu, nk'okwo naichwe tugarulira abatufakalira. 13Batatutahya mu bilengeso. Mara baturokore aha Mubisha.14Kuba kamuragaruliraga abantu amafu gabo, Isheinywe asingiire omw'iguru kwakwo na inywe arabagaruliraga. 15Kyonkai kamutagaruliire bantu amafu gabo, na inywe Isheinywe asingiire omw'iguru tabagarulirega mafu ganyu.”16“Kamurasiibaga mutajunara nka ngobya, ahakuba behindura aha maisho, ngu abantu bamanye okwo basiibire. Nimbagambira ekilikwo, emperwa yabo bagiboine. 17K'orasiibaga oyesige amajuta omu mutwe 18abantu batakumanya okwo osibire, aho Sho asingiire aheshelekire alikuheera.”19“Mutalibiika itunga lingi mu nsi mbali liliirwa enyenje mara likamoma, n'abashuma mbali batema amaju bakaliiba. 20Mubiike eitunga omw'iguru, mbali litaliibwa nyenje anga kumoma anga bashuma kutema nju bakaliiba. 21Aha rw'okuba mbali eitunga lyawe lili kwakwo niho n'omutima gwawe guli.”22“Eliisho niyo eba tara y'omubili. Kityo k'eliisho lyawe liraba lilige, omubili gwawe gwona guraba guli omu mushana. 23Nawe k'eliisho lyawe litalige, omubili gwawe gwona guli omu mwilima. Mbwenu omushana oguli omuli iwe kaguraba guli mwilima, lero aho omwilima gwonene gungi gutai?” 24“Taliho muntu yakukolera bakama babili. Aranoba omoi, agonze asigaire; anga aragumira kimoi ahali omoi, asigaire amugaye. Timwakukolera Ruhanga na itunga.25Kityo nimbagambira, oburora bwanyu butabaisa kahangahango, ngu muralyaki anga muranywaki, anga kufera emibili yanyu mukosha, ngu murajwaraki. Oburora tibulikushaga kyakulya? Anga omubili tigulikushaga bijwaro? 26Mulebe ebinyonyi ebikaharara, tibibiba anga kugesha anga kubiika mu sitoa. Kyonkai Isheinywe asingiire omw'iguru abiliisa. Inywe timulikubishagya nshonga?27Isi kamulikugira akahangahango, n'ohai omuli inywe ayakweyongeraho n'akake konkai aha burorabwe?” 28“Kubaki ebijwaro nibibaisa akahangahango? Mulebe n'enyakyo z'omu bikamba emikulire yazo. Tizikora milimo ya mani anga kushuka myendo; 29kyonkai mbagambire, nangu na Solomoni n'ekitinwakye kyona tiyayambaire kugoba aha kimuli kimoi ahali ebi.30Ka Ruhanga alengya atyo ekikamba, ekilikurora kir'eki, nyenkya kikanagwa omu kyoto, tabajweke kushagaho, inywe bantu abaina okwesiga kuke? 31Ahonu muleke akahangahango mukwese, ‘Turalyaki anga turanywaki anga turajwaraki?’32Manyasi abanyamahanga ebi nibo babiitanira, kandi okwo Isheinywe asingiire omw'iguru namanya okwo ebyo byona mulikubyetaga. 33Mubanze mwitanire obukamabwe n'ebiragirobye, aho n'ebi byona biliba byanyu. 34Aho nyenkya eleke kubagiza akahangahango, aha rw'enshonga nyenkya erayemanya obwayo. Enaku z'ekiro kimoi nizimara aha rwa kir'ekyo.”
71“Mutaramura, nirwo na inywe mutaliramurwa. 2Manyasi eiramu elyo mulikuramura nilyo iramu elyo muliramurwa. N'ekipimo ekyo mulikupimamu nikyo kipimo ekyo mulipimamu.3Ahakubaki nobona akabwabwa akali omu liisho lya murumuna wawe, kyonkai enchuma y'omuti eli omu liisho lyawe otalikugibona? 4Anga wakugambira otai murumuna wawe oti, ‘Kankwihyemu akabwabwa omu liisho,’ okwo iwe omu liisho elyawe halimu enchuma y'omuti? 5Iwe ngobya, obanze oihye enchuma y'omuti omu liisho lyawe, nirwo orabonage okashobora kwihya akabwabwa omu liisho lya murumuna wawe.6Ebili bitakatifu mutalibiha mbwa. N'obubare bwanyu bw'eiguzi mutaliburasira mpunu, zitalisiga zabulibatiliire zikaija kubamara.”7“Mushabe, mulihabwa; muhige, mulibona; mukomakome, mulikingulirwa. 8Ahakuba ayakashaba ahabwa; ayakahiga abona, n'alikomakoma alikingulirwa. 9Handiki ni muntuki omuli inywe ow'omwanawe yakumushaba omukate akamuha eibare? 10Anga akamushaba enfuru, wenene akamuha enjoka?11Inywe ababi kamuraba nimumanya kuha abaana banyu ebintu ebirungi, lero aho Isheinywe asingiire omw'iguru arashagaho atai aha kuha ebintu ebirungi balinya abalikubimushaba! 12Aho byona byona ebyo mwenda abantu kababagilira, na inywe mubibagilire; manya nikwo Amateka galikuragira, n'abarangi nikwo basigire barangire.”13“Mutahire omu kihigi ekifundagataine. Ekihigi ekitwara ahabi kiba kihango mara n'omuhanda nigwanguha. Abakitaahiramu baba bangi. 14Ekihigi eky'okutaahiramu kugya omu burora nikifundagatana, kandi n'omuhanda gw'okubugoba niguguma. N'ababona oburora obwo baba bake.”15“Muramanya abarangi b'ebishuba, abalikwija ahali inywe bajwete akahu k'entaama, kyonkai omunda mishega eruruukire. 16Murabamanyiraga aha bikorwa byabo. Ezabibu zakushoromwa omu mahwa anga etini zakushoromwa omu matoju? 17Nikwo n'omuti gurungi guraba ebiraba birungi, kyonkai omuti gubi guraba ebiraba bibi.18Omuti gurungi tigwakuraba biraba bibi, kandi n'omuti ogubi tigwakuraba biraba birungi. 19Buli muti ogutaraba biraba birungi bagutema bagunaga omu muliro. 20Nikwo murabamanyiraga aha bikorwa byabo.”21“Ti buli omoi angambira ati, ‘Rugaba, Rugaba,’ alitaaha mu bukama bwa mw'iguru, shana olinya akora ebyo Tata asingiire omw'iguru alikwenda. 22Kiro kiliinya bangi balingambira bati, ‘Waitu Mukama, Waitu Mukama, twabashaga omw'ibara lyawe, twabingaga amasitani omw'ibara lyawe, kandi tukakora bingi eby'amani omw'ibara lyawe.’ 23Nirwo ndibagambira akaature nti, ‘Tindikubamanya n'akati; mundugeho inywe bafakare.’ ”24“Buli omoi ahulira ebigambo byange ebi akamara akabigobesheleza alishusha omuntu omugezi ayayombekire enju aha rwazi. 25Enjura kayagwire, emigera ekataba, omuyaga gwaija gwahuta enju egyo, kyonkai tiyakumbire aha rw'okuba omusingi gwayo gukaba guli aha rwazi.26v 26 Na buli omoi ahulira ebigambo byange ebi kyonkai atabigobesheleize, alishusha omuntu omufera ayayombekire enju aha mushenye. 27Enjura egya egwa, emigera etaba, omuyaga gwihya guhuta enju egyo ekumba, mara likaba ikumba ly'amani.”28Yesu kayamazire kugamba ebigambo ebyo, embaga etangazibwa emyegeshezeye. 29Akabegesa nk'omuntu ayabaire aina obushobora, tiyabeegesize nka begesa b'Amateka babo.
81Orwo Yesu yarugire aha ibanga akasongoka, embaga mpango emuhondera. 2Aho leba omubembe amugoba, amubandamira nagamba ati, “Mukama, kawakwenda wakunyeza.” 3Yesu aimukya omukono akwata omubembe nagamba ati, “N'inyenda, oyere.” Aho honkai ebibembe bimuhwaho, ayera.4Yesu amugambira ati, “Oramanya otakugira kyowagambira muntu. Ekiliho ogende oyeyoleke omukuhani, oshube ogire n'ekihongo ekyo Musa yaragiire, akabonero ako abantu baramanyiraho.”5Kayabaire yataha Kaperinaumu, omukuru w'abaisherukare aija amugoba, amutagiliza, 6ati, “Waitu Mukama, waitu Mukama, omwiru wange akabire orubaju ali omu bushasi obubi.” 7Yesu amugambira ati, “Ndaija mukize.”8Kyonkai omukuru w'abaisherukare amuhorora ati, “Mukama, inye tindagiirwe iwe kutaha mwange; shana ogambe ekigambo kishai, omwiru wange arakira. 9Aha rw'enshonga inye ndi muntu alikutwarwa, kandi nanye nintwara abaisherukare. Ngambira omoi nti, ‘Ogende,’ mara agenda; ondijo nti, ‘Oije,’ mara aija. Ngambira omwiru wange nti, ‘Kor'eki,’ akikora.” 10Yesu kayamuhuliire atangara, agambira n'ababaire bamuhondeire ati, “Nimbagambira amazima, omuli Isiraeli tinkaabonagamu muntu aina okwesiga nk'oku.11Kambagambire: Bangi baliruga oburugaizoba n'obugwaizoba bashuntame na Aburahamu, Isaka na Yakobo aha kiihuro omu bukama bw'omw'iguru, 12orwo abaana b'engoma balishangwa banagirwe aheru omu mwilima; omwo nimwo abantu balichulira bakanena amaino.” 13Ashuba agambira omukuru w'abaisherukare ati, “Iroko, nk'okwo wayesiga bibe bityo ahali iwe.” Omu kaanya kalinya konene konene omwana akira.14Orwo Yesu yatahire omwa Petero, abona nyinazara Petero okwo abyamikirwe omushwago. 15Amukwata omukono omushwago gumuhwaho, aimuka amutagaitira.16Bwaigoro obwo bamuletera bangi ababaire bakwetwe amasitani. Yagabingisa ekigambo kyonkai n'abarwaire bona abakiza. 17Eki kikaba kili ky'okugobesheleza ekyagambirwe Omurangi Isaya ati, “Obujege bwaitu akabutwara bwaba bwe, n'endwara zaitu yazetweka.”18Aho orwo Yesu yaboine embaga mpango emuzingoire, aragira kushaabuka kugya buseli. 19Omwegesa w'Amateka aija amugoba amugambira ati, “Mwegesa, hona mbali oragya ndakuhondera.” 20Yesu amugambira ati, “Emiha egira emiina, n'ebinyonyi bigira ebishunkuli; kyonkai omwana w'Omuntu tagira bwegeko bwa mutwe.”21Omwegesibwa ondijo amugambira ati, “Mukama, kambanze ngye nziike tata.” 22Kyonkai Yesu amugambira ati, “Ompondere, oleke abafu baziike abafu babo.”23Orwo Yesu yatahire omu bwato abegesibwabe bamuhondera. 24Aho enyanja echurumbana muno, obwato bugoba aha kubundwa amayengo, kyonkai wenene ashangwa anagiire. 25Abegesibwa bagenda bamusisiimura, nibagamba bati, “Tukize Mukama, twafa.”26Ababaza ati, “Kubaki nimutina, inywe bantu abaina okwesiga kuke?” Aho aimuka akabukira omuyaga n'enyanja, habaho obuchulezi bungi. 27Abantu batangara nibagamba bati, “Ogu muntu owa ngeliki, omuyaga n'enyanja kumuhulira?”28Orwo Yesu yagobire buseli omu nsi y'Abagerasi, abantu babili ababaire bakwetwe amasitani bamugoba; bakaruga omu nyanja mara bakaba nibagwa kubi, nangu taliho yatwarwaga muhanda ogwo. 29Bakunga bati, “Notwenzaki iwe Mwana wa Ruhanga? Waija kunu kutushasa muno akanya katakagobire?”30Aho obuhyo bw'empunu zingi bukaba buli omu katambi kake kuruga mbali bali nibulya. 31Amasitani gamutagiliza gati, “K'oraba notubinga, otusindike omu buhyo bw'empunu.” 32Yesu agagambira ati, “Mugende.” Gabarugamu gataha omu mpunu. Obuhyo bwona buligita buchulenguka aha bulengo bugwa omu nyanja.33Abashumba bairuka bataha omu kigo nibabarura buli kantu, babarura n'ebyabaire aha babaire bakwetwe amasitani. 34Ekigo kyona kija kubonangana na Yesu. Kabamuboine bamutagiliza k'abarugira omu nsi yabo.
91Yesu kayamazire kutaha omu bwato ashaabuka aija omu kigo ky'owabo. 2Bamuletera omurwaire akabire orubaju abyamire aha katanda. Kayaboine okwesiga kwabo agambira omurwaire akabire orubaju ati, “Guma mwana wange, wagarulirwa amafu gawe.”3Aho abegesa b'Amateka abandi bagamba omu katima bati, “Omuntu ogu narogota.” 4Yesu ashangwa namanya ebitekelezo byabo abaza ati, “Kubaki nimutekeleza kubi omu mitima yanyu? 5Kuba ekyorobire kushaga ni kihai, kugamba nti, ‘Wagarulirwa amafu gawe,’ anga kugamba nti, ‘Imuka ogende?’ 6Kyonkai mushobore kumanya okwo Omwana w'Omuntu aina obushobora omu nsi kugarulira amafu,” aho agambira omurwaire akabire orubaju ati, “Imuka, shutura amachera gawe otahe.”7Omurwaire aimuka ataha. 8Embaga kubon'ekyo etina, esingiza Ruhanga ayahaire abantu obushobora nk'obu. 9Yesu kayarugiire kulinya, abona omushaija nayetwa Matayo ashuntamire aha ofisi y'abashoza. Amugambira ati, “Ompondere.” Matayo aimuka amuhondera.1112Yesu akihulira! Agamba ati, “Abagumire tibalikwetaga mutambi shana abarwaire. 13Mugende mumanye enshonga y'ekigambo eki, ‘Tindikwenda kitambo, n'inyenda obuganyizi.’ Tinaizire kweta bagorogoki, nkaija kweta abafakare.”14Abegesibwa ba Yohana bagoba Yesu bamubaza bati, “Kubaki ichwe n'Abafarisayo tusiiba, kyonkai abegesibwa bawe tibasiiba?” 15Yesu abagambira ati, “Abagenyi aha bugenyi bw'obushwere bakuchura bakyaina kishwera? Amakiro galija orwo balibaihyaho kishwera, aho nirwo balisiiba.16Taliho muntu ateeka kiraka kya mwendo ogukyagumire aha kijwaro kikuru, aha rw'okuba ekiraka kitaguka aha kijwaro, kandi aho emitagukire eba mibi kushaga.17Nangu n'edivai empya tibagiteka mu nshaho nkuru. Kakyakuba kityo enshaho nizitulika, edivai neshesheka, mara enshaho zonene nizifa. Edivai empya egya omu nshaho ezihya ez'edivai, aho enshaho n'edivai biikaraho.”18Ka Yesu yabaire aliho nabagambira ebyo, omutwazi omoi ataha omu nju amubandama omu maisho nagamba ati, “Muhara wange yaruga kukaba mwaha; kyonkai oije omuteho omukono gwawe, ararora.” 19Yesu aimuka amuhondera.20Leba omukazi ayabaire arwaire ekiganga emyaka 12 amuruga enyuma akwata aha mukugiro gw'ekijwarokye; 21kuba akaba natekeleza ati, “Kandakwataho kushai aha kijwarokye ndakira.” 22Yesu kuhinduka akabona omukazi ogwo, agamba ati, “Guma mwana wange; okwesiga kwawe kwakukiza.” Niho honkai omukazi akira.23Yesu kayagobire omw'omutwazi, akabona abalikutera emilere n'embaga nechura ekitabe, 24agamba ati, “Murugemu, omwisiki tiyafa, anagiire.” Bonene bamushekelera.25Kababaire bashohoize embaga aheru, ataha omu nju, akwata omwisiki omukono, omwisiki aimuka. 26Ebaruro y'ekigambo ekyo eraliira omu Wilaya yona.27Kandi Yesu kayabaire narugayo, empume ibili zimuhondera, nizitaka ziti, “Mwana wa Daudi otuganyire.” 28Kayatahire omu nju empume zombili zimugoba. Yesu azibaza ati, “Nimwikiliza okwo eki nakushobora kukikora?” Zimuhorora ziti, “Inya Mukama.”29Aho abakwata amaisho nagamba ati, “Mubone kuhonderana n'okwesiga kwanyu.” 30Amaisho gabo gaburura. Yesu abataisa muno ati, “Muramanya omuntu n'omoi eki atakimanya.” 31Kyonkai bonene bagenda bamuranga omu wilaya egyo yona.32Kababaire nibarugayo bamuletera omutita akwetwe sitani. 33Yesu kayamazire kubinga sitani ogwo, omutita agamba. Embaga etangara negamba eti, “Ekyab'eki tikikabonekaga muli Isiraeli.” 34Kyonkai Abafarisayo bagira bati, “Amasitani nagabingisa amani ga mukama wago.”35Yesu araba omu bigo byona n'omu byaro nayegesa omu sinagogi zabo naranga evangeli y'obukama bw'omw'iguru, nakiza buli ndwara na buli bulema. 36Orwo yaboine embaga yagiganyibwa, kuba ekaba eburabuliirwe, eshobeirwe nk'entaama ezitaina mushumba.37Aho agambira abegesibwabe ati, “Eby'okugesha bingi, kyonkai abakozi bake. 38Kityo mushabe Mukama w'eigesha atweke abakozi bangi omw'igeshalye.”
101Yesu ayeta abegesibwabe 12 abaha obushobora bw'okubinga amasitani, n'okutamba buli ndwara na buli bulema.2Amabara g'entumwa ezo 12, owa mbere ni Simoni owo beta Petero, na Anderea omurumuna; Yakobo eya Zebedayo, na Yohana omurumuna; 3Filipo na Balitolomayo; Tomasi na Matayo omushoza; Yakobo eya Alufayo, na Tadeo; 4Simoni Omunyakanaani, na Yuda Isikariote, ayamubanzire.5Entumwa ezi 12 Yesu azituma naziragira ati, “Omu banyamahanga mutagira mbali mwagya, n'omu kigo ky'Abasamaria mutatahamu. 6Shana mugye omu Baisiraeli ababuzire nk'entaama. 7Omu kugenda murange muti, ‘Obukama bw'omw'iguru buli haihi.’8Mukize abarwaire, muhimbure abafu, mweze ababembe, mubinge amasitani. Mukahabwa mutashashwire, na inywe muhe mutashashwize. 9Mutagenda na zahabu, anga feza, anga mulinga mu nshaho zanyu. 10Mutalitwara nshaho mu rugendo, anga kanzu ibili, anga nkaito, anga nkoni. Omukozi asaine alye.11Ekigo kyona kyona anga ekyaro mbali murataha, mubanze muhigemu omuntu wamwo asaine, mwikare omwe kuhika orwo mulirugayo. 12Kamuraba nimutaha omu nju egyo mugyendere emilembe. 13Enju egyo k'eliba esaine, emilembe yanyu esingire omwo. Nawe k'eliba etasaine, emilembe yanyu ebagarukire.14Omuntu wena wena ayange kubatora anga kuhulira ebigambo byanyu, mukunkumure echuuchu aha maguru ganyu orwo mulikuruga omu nju egyo anga omu kigo ekyo. 15Nimbagambira amazima nti aha kiro ky'eiramu ensi ya Sodoma na Gomora elishobora kwemerwa kushaga ekigo ekyo.”16“Leba nimbatuma nk'alikutuma entaama omu mishega. Kityo mugire obwenge nk'enjoka, kandi mube nyakatetere nk'ebiiba. 17Mwekenge abantu. Balibatwara omu nkiiko, babatelere omu sinagogi, 18kandi balibakurura nibabatwalira abagavana n'abakama nibabatura inye, mube bajulizi bange ahali bonene n'aha banyamahanga.19Kabalibatwarayo mutalifa kubi kumanya kwo muligamba anga ekyo mulihorora. Ekyo mulihorora mulikihaabwa omu saa egyo. 20Manyasi t'inywe muligamba; Mwoyo wa Isheinywe niwe aligambira aha mitwe yanyu.21Omuntu aliisa omurumuna, na ishe mwana aliisa omwanawe, n'abaana balishenga abazaire mara babaise. 22Kandi balibanoba bona nibabatura inye. Kyonkai alyegumisiliza kugoba aha nzindo alirokoka. 23Babagingilize omu kigo eki mwirukire omu kikyataine; kuba nimbagambira amazima, timulimarayo bigo byona bya Isiraeli Omwana w'Omuntu atakaizire.”24“Omwegesibwa takira mwegesawe, anga omwiru kukira mukamawe. 25Nikimara omwegesibwa kushusha omwegesawe, n'omwiru kushusha mukamawe. Ka nyin'enju baraba bamwesire Belizebuli, lero ab'ekaye balibagambaho kubi batai?”26“Kityo mutalibatina, enshonga taliho kishwekire ekitalishururwa, anga ekishelekire ekitalimanyika. 27Ekyo ndikubagambira omu mwilima, mukigambe omushana gujwire. N'ekyo murahulira nikigambwa omu bihwe mukigambire aha nshwi z'enju.28Abaita omubili bataisire mwoyo mutalibatina. Shana mutine ayakwita byombilili: Kwita omwoyo n'omubili akabinaga omu rwota rw'omuliro. 29Entaratamba ibili tizigura kyapa kimoi? Mara taliho n'emoi eyakukuntuka hansi Isheinywe atenzire. 30Nangu n'eishoke aha mitwe yanyu libazire. 31Aha rw'ekyo mutatina; inywe mwina enshonga kushaga entaratamba zingi.32Kityo buli omoi alinyebuga omu maisho g'abantu, nanye kwakwo ndimwebuga omu maisho ga Tata asingiire omw'iguru. 33Kyonkai alinyetonga omu maisho g'abantu, nanye kwakwo ndimwetonga omu maisho ga Tata asingiire omw'iguru.”34“Mutalenga muti nkaija omu nsi kuleta milembe. Tinaizire kuleta milembe, shana akaitangano. 35Nkaija kushengesa omuntu ahali ishe, n'omwana muhara kumushengesa ahali nyina, na mukamwanamuntu kumushengesa ahali nyinazara. 36Ababisha b'omuntu baliba balinya ab'omu kaye.37Alikugonza ishe anga nyina kushaga inye ogwo tansaniire. N'alikugonza omutabani anga omuhara kushaga inye na wenene ogwo tansaniire. 38N'atalikwetweka musarabagwe akampondera na wenene ogwo tansaniire. 39Ahungya oburorabwe bulimufera, kandi alyeyanga oburorabwe aha rwange ogwo alibwihura.”40“Omuntu abatora atora inye, n'atora inye atora ayantumire. 41Omuntu atora omurangi aha rw'okuba murangi alirongorwa erongoro ey'omurangi, n'atora omuntu omugorogoki ahakuba muntu omugorogoki, nawe alirongorwa erongoro y'omuntu omugorogoki.42Kandi aliha omoi omu bato ekikompe ky'amaizi galikuhora kagamuheera okuba mwegesibwa wange, mbagambire amazima, taliburwa rongoroye.”
111Orwo Yesu yamazire kwegesa abegesibwabe 12, yarugayo, yagya kwegesa n'okuranga omu bigo byabo. 2Yohana kayayemire jela akahulira okwo Yesu yabaire nakora, yatuma abegesibwabe 3namubaza ati, “N'iwe ogwo ali w'okwija, anga tutegeleze ondijo?”4Yesu abahorora ati, “Mugende mugambire Yohana ebyo mulikubona n'ebyo mulikuhulira kaanya aka: 5empume nizihumuruguka, abalema nibatambuka, ababembe nibezibwa, n'abaigazi b'amatwi nibahulira, abafu nibahimbuuka kandi n'abanaku nibatonwa evangeli. 6Kandi muberwa atalikundengeshanyia.”7Kabagenzire, Yesu abanza kufumolera embaga ahali Yohana ati, “Omw'irungu mubaire mugire kulebayoki? Orubingo orulikuchundwa omuyaga? 8Mutwetweyoki? Kubona omuntu ajwete emyendo elikutelera? Leba, abajwete emyendo elikutelera bali omu maju g'abakama.9Ahosi mubaire mutwetweyoki? Kubona omurangi? Ego, kambagambire, nangu alikushagaho omurangi. 10Ogu niwe yahandikirweho ati, ‘Leba natuma entumwa yange ekwebembere, niwe arakushemeleza omuhanda otakaizire.’ ”11“Nimbagambira amazima, omu bantu bona abakazairwe abakazi takazokwagamu ow'okukira Yohana Omubatiza; kyonkai kandi araba ali muke bwoli omu bukama bw'omw'iguru ogwo nashaga Yohana Omubatiza. 12Kwema omu biro bya Yohana Omubatiza kugoba mwaha obukama bw'omw'iguru bugingiziibwe muno, n'abalikubugingiiza nibabutahamu rwamani.13Abarangi bona n'Amateka bakaranga kugoba ahali Yohana. 14Kamuraba nimwikiliza ekigambo eki, Yohana niwe Eliya aragiirwe kwija. 15Aina amatwi g'okuhulira ahulire.”16“Omuzarwa ogu ngushushanise naki? Nigushusha abaana abashuntamire omu katare nibeta abazani bataahi babo bati, 17‘Twabatelera emilere, timwazina, twatongya, timwachura.’18“Yohana akaija atalikulya anga kunywa, bagamba bati, ‘Aina sitani.’ 19Omwana w'Omuntu yaija nalya, nanywa, bagamba bati, ‘Leba ogu aina omururu, ntamiizi, mutahi w'abashoza n'abafakare!’ Kyonkai amazima g'obumanyi gamanyikira aha bikorwa byabwo.”20Aho Yesu abanza kwatikiraho ebigo ebyo yabaire akoleiremu ebikorwa by'amani, kuba tibayechulize, ati, 21“Olibona iwe Korazini! Olibona iwe Betisaida! Kuba ebikorwa by'amani ebikoleirwe omuli inywe kuba bibaire bikoleirwe omuli Tiro na Sidoni, bakubaire bajwete engunia, bayesiigire n'eijwi, bayechulize. 22Kyonkai mbagambire, aha kiro ky'eiramu, Tiro na Sidoni bilyemerwa kushaga inywe.23Na iwe Kaperinaumu, nogonza kukanga aha iguru? Noija kunagwa omu rwota rw'omuliro. Enshonga ebikorwa by'amani ebyo wakoleirwe kabyakukoleirwe Sodoma, ekigo ekyo kyakubaire kiliho na mwaha. 24Kyonkai nkugambire, aha kiro ky'eiramu ensi ya Sodoma elyemerwa kushaga iwe.”25Omu biro ebyo Yesu agamba ati, “Tata, Mukama w'eiguru n'ensi, ninkusiima, kubona ebigambo ebi obishelekire abaina obumanyi n'amagezi, kandi okabishurulira enkelemeke, 26nikwo, Tata, ekyo nikyo kyakushemeleire. 27Ebintu byona Tata akabintunga; mara taliho amanya Mwana shana Ishe, kandi na Ishe taliho amumanya shana Mwana n'owo Mwana agonza kushurulira.28Mwije ahali inye inywena abalemirwe n'abasikiliirwe, ndabalemuura. 29Mwetweke enkomo yange, mwegere ahali inye, enshonga inye ngira obufura n'obwetohya, mara emyoyo yanyu erahumura. 30Nobona inye enkomo yange neyoroba, kandi omugugu gwange nigurahuka.”
121Omu biro ebyo Yesu akashangwa naraba omu misiri y'engano aha kiro kya Sabato. Abegesibwabe barumwa enjara, aho babanza kugutura ebikumba by'engano babilya. 2Abafarisayo kubon'ekyo, bamugambira bati, “Olebe, abegesibwa bawe nibakora ekilikutangwa kukora ahali Sabato.”3Wenene abagambira ati, “Inywe timukashomaga ekyo Daudi yakozire orwo yarumirwe enjara, n'abo yabaire ainabo: 4okwo yatahire Rwensinga ya Ruhanga akalya Omukate gw'Obusinge bwa Ruhanga, ogwo wenene n'abo yabaire ainabo ababaire batalikujuburwa kulya, shana abakuhani bonkai?5Anga timukashomaga omu Mateka okwo ahali Sabato abakuhani kababa bali Rwensinga bahagaza Sabato, mara batafakaire? 6Kambagambirenu, aha haliho alikukira Rwensinga egyo.7Kuba nimumanya enshonga y'ekigambo eki, ‘Tindikwenda kitambo, n'inyenda obuganyizi,’ timwakuramwire bataina ntambara. 8Aha rw'enshonga Omwana w'Omuntu niwe aba mukama wa Sabato.”9Yesu arugayo, ataha omu sinagogi yabo. 10Omwo hakaba alimu omuntu akabire omukono. Bamubaza bati, “Nikijuburwa kukiza omuntu ahali Sabato?” Aho bagendeleire kwija kumutoijera.11Ababaza ati, “N'ohai omuli inywe ayakuba aina entaama, k'entaama egyo yakugwa omu kiina ahali Sabato, atakugikwata akagihyamu? 12Omuntu taina nshonga mpango kushaga ntaama? Kityo okukora kurungi ahali Sabato nikijuburwa.”13Amara agambira omuntu ogwo ati, “Gorora omukono gwawe.” Omushaija agorora omukonogwe ogwo, gukira, guguma nk'ogundi. 14Kyonkai Abafarisayo baturuka bamugyera omu kyama, bategeka okwo baramwita.15Yesu kayabimanyire arugayo. Abantu bangi bamuhondera, mara abakiza bona, 16kyonkai abaragira batamuranga. 17Ekyo kikabaho kugobesheleza ekyagambirwe Omurangi Isaya ati,18“Leba omwiru wange owo ndonkire, omugonzibwa wange anshemelera. Ndamuteka Mwoyo wange aha mutwe, amanyise abanyamahanga amazima.19Talikungana anga kwomba, nangu n'omuntu kuhulira eirakalye omu mbarabara y'ekigo! 20Talihenda rubingo orwinamire, n'orutambi rulikwaka ekisiliira taliruraza, kuhika orwo alisinga aha rw'okuba muhikiilire; 21kandi Abanyamahanga balimushuubira.”22Kandi bamuletera empume mara omutita ayabaire aina sitani, amukiza, omutita agamba mara abona. 23Abantu bona batangara mara bagamba bati, “Ogu yakuba mwana wa Daudi?”24Kyonkai Abafarisayo kababihuliire bagamba bati, “Omuntu ogu amasitani nagabingisa amani ga Belizebuli, mukama wago.” 25Yesu orwo yamanyire ebitekelezo byabo abagambira ati, “Buli ngoma k'ebeganuka yonene yonkai esiliika. Kandi taliho kigo anga nju ebeganuka ekashuba ekemelera.26Na Sitani k'abinga Sitani, wenene wenkai aba abeganukire. Mbwenu aho engomaye yakuguma etai? 27K'amasitani ndaba ningabingisa amani ga Belizebuli, aho inywe banyu abegesibwa nibagabingisa amani g'ohai? Aha rw'ekyo banyu nibo abegesibwa barabaramura.28Kyonkai k'amasitani ndaba ningabingisa Mwoyo wa Ruhanga, aho lero obukama bwa Ruhanga bwabagobire. 29Angasi omuntu yakutaha atai omw'Omuntu ow'amani akamunyaga ebye atabandize kuboha ow'amani ogwo akaba nirwo anyaga enjuye? 30Atali hamoi nanye ogwo nanshenga, kandi atashombokya nanye anaganaga.31Aha rw'ekyo mbagambire, abantu balifakara n'okurogota barogote mara bagarulirwe, kyonkai alirogota ahali Mwoyo Mutakatifu ogwo taligarulirwa. 32N'omuntu alirogota aha Mwana w'Omuntu aligarulirwa, kyonkai alirogota ahali Mwoyo Mutakatifu taligarulirwa, na mu nsi na mw'iguru.”33“K'ogonza ebiraba birungi, ohiige omuti ogurungi; anga ogonze ebiraba bibi, ohiige omuti ogubi. Omuti gumanyikira aha biraba byagwo. 34Inywe ruzaro rw'enjoka! Mwakugamba mutai ebirungi okwo muli babi? Manya ebijwire aha mutima nibyo akanwa kagamba. 35Omuntu omurungi omw'itungalye elirungi aihyamu ebirungi. Kandi omuntu omubi omw'itungalye elibi aihyamu ebibi.36Mbagambiire, aha kiro ky'eiramu buli bantu balyetonda buli kigambo kibi ekyo balikugamba. 37Ebigambo eby'ogamba nibyo bilikuhindura mugorogoki mara balikuramulira aha bigambo byawe.”38Abegesa b'Amateka abandi n'Abafarisayo bagambira Yesu bati, “Mwegesa, nitugonza okore akabonero.” 39Kyonkai abahorora ati, “Omuzarwa ogubi ogu ogushengi nigwenda akabonero; tigulikwija kuhabwa kabonero, shana akabonero ak'omurangi Yona. 40Nk'okwo Yona yamazire ebiro bishatu n'emishana yaho omu nfuru emumizire, nikwo n'Omwana w'Omuntu alimara ebiro bishatu n'emishana yaho omu nyanga.41Abantu ba Ninive baliimukira kimoi na inywe babatoijere aha kiro ky'eiramu, kuba bonene orwo Yona yabarangiire bakechuza, kandi haliho omuhango kushaga Yona.42Omukamakazi wa Sheba aha kiro ky'eiramu aliimukira kimoi na inywe abatoijere, aha rw'enshonga akaruga harai muno kwehulilira obumanyi bwa Solomoni, mara aha haliho omuhango kushaga Solomoni.”43“Orwo Sitani aruga omu muntu araba mbali amaizi gatali nahiga obwikaro, nawe tabubona. 44Aho agamba ati, ‘Ndashuba omwange mbali naba ndugire.’ Mara orwo aija ashanga enjuye eli bushai, eyeleleire mara buli kantu kali omu mwanya gwako. 45Nirwo agenda akaleta amasitani agandi mushanju agabi kumushaga, gatahamu gatur'omwo. Omuntu ogwo okwo yaba ali elya nyuma aba mubi kushaga okwo abaire ali orwa mbere. Nikwo n'omuzarwa gubi ogu guliba.”46Yesu kayabaire aliho nafumolera abantu, leba nyina n'abarumuna bemelera aheru, nibashaba kufumora nawe. 47Aho omuntu omoi amugambira ati, “Leba nyoko na barumuna bawe bemeleire aheru, nibenda kufumora naiwe.”48Kyonkai wenene ahorora ayamumanyisa ati, “Mawe n'ohai na barumuna bange ni bahai?” 49Aimukya omukono agwolekeize abegesibwabe, agamba ati, “Mawe na barumuna bange nib'aba! 50Ahakuba wena wena akora ekyo Tata asingiire omw'iguru alikwenda niwe murumuna wange, niwe munyanyazi, niwe mawe.”
131Kir'ekyo kyonene Yesu aruga omu nju egyo ashuntama aha mwegego gw'enyanja. 2Abantu bangi bamuhurulira, agya omu bwato ashuntamamu. Abantu abo bona baikara bemeleire aha mwaro.3Abagambira ebintu bingi omu nfumo ati, “Omubibi akaturuka kubiba. 4Kayabaire nabiba, embibo ezindi zagwa aha muhanda, ebinyonyi byaija byazilya. 5Embibo ezindi zagwa aha nsi ey'orwazi ahataina itaka lingi, zanguha zimera aha rw'eitaka kutaba lingi. 6Kyonkai omushana kagwajwire zahotoka, mara aha rw'enshonga y'okutagira mizi zayoma.7Embibo ezindi zikagwa omu mahwa, amahwa gakura gazibuza obwikizo. 8Embibo ezindi zikagwa aha itaka lirungi zaraba. Ezindi zikaraba 100 omu 100, ezindi 60, ezindi 30. 9Araba aina amatwi ahulire.”10Aho abegesibwa baija babaza Yesu bati, “Kubaki nobagambira omu nfumo?” 11Abahorora ati, “Inywe muhairwe kumanya enama z'obukama bw'omw'iguru, kyonkai bonene ekyo tibakihairwe. 12Aha rw'enshonga araba aina ebyo ainabyo niwe arahabwa ebishagireho, mara agire bingi ekinje. Kyonkai olinya ataina kantu, nangu n'ako ainako balikamwaka.13Nikyo ndikubagambilira omu nfumo, okubona tibabona, n'okuhulira tibahulira, n'okushobokerwa chei. 14Ekyo Isaya yarangire nikigobeshelezibwa ahali bonene, akagamba ati, ‘Mulihulirakwo, kyonkai timulishobokerwa n'akake, N'okubona mulibonakwo, kyonkai timulibyekomya.15Manyasi abantu aba emitima yabo ekabisara, n'amatwi gabo gainamu ebinyasi, n'amaisho gabo gabunyize, bataija bakabonesa maisho gabo bakekomya, bakahuliza matwi gabo, bakashobokerwa n'emitima yabo, bakakubuka bakaija ahali inye nkabakiza.’ ”16“Kyonkai gaberwa amaisho ganyu kuba nigabona, n'amatwi ganyu gaberwa orwo galikuhulira. 17Nimbagambira amazima, abarangi bangi n'abantu abagorogoki baramiilizaga kubona ebyo mulikubona, kyonkai tibabiboine; n'okuhulira ebyo mulikuhulira, kyonkai tibabihuliire.”18“Mbwenu inywe muhulire enfumo y'omubibi. 19K'omuntu ahulira ekigambo ky'obukama bw'omw'iguru atakishobokeirwe, sitani aija ashwaikura ekyaba kibibirwe omu mutimagwe; egyo niyo mbibo eyabibirwe ekagwa omu muhanda.20Embibo eyabibirwe aha nsi ey'orwazi, ogu niwe muntu ahulira ekigambo akakitora bwangu n'ebyera, 21kyonkai wenene taina mizi, abanza agumaho akabanga kake, kyonkai k'akwatwa ebiyengo anga bakamugingiiza nibamutura ekigambo ekyo, aho n'aho agwa.22Embibo eyabibirwe ekagwa omu mahwa, ogu niwe muntu ahulira ekigambo, kyonkai akarahuro k'ensi n'okunulirwa eitunga bituhikanisa ekigambo ekyo, kiba kitakigira biraba. 23Embibo eyabibirwe aha itaka lirungi, niwe muntu ahulira ekigambo akakishobokerwa; mara kandi araba ebiraba, ondijo araba 100, ondijo 60 ; ondijo 30.”24Yesu ashuba bachwera abegesibwabe enfumo endijo ati, “Obukama bw'omw'iguru bwakulengwa omuntu ayabibire embibo nungi omu ndimiroye. 25Kyonkai orwo abantu babaire banagiire, omubishawe aija abyara enkenzi omu ngano, ayegendera. 26Engano kayakuzire ekaraba, baba nirwo babona enkenzi egyo.27Abairu ba nyin'enju baija bamugambira bati, ‘Waitu, omu ndimiro yawe tiwabibiremu mbibo enungi? Mbwenu enkenzi erugire nkahai?’ 28Abagambira ati, ‘Omubisha niwe abibiremu enkenzi egyo.’ Abairu bamubaza bati, ‘Nogonza tugende tugihyemu?’29Wenene abahorora ati, ‘Mutaihyamu nkenzi mutaija mukaginyukulirana na ngano. 30Byombili bikure hamoi kulemwa kugoba aha igesha. Aha igesha ndigambira abagesi kubanza bakaihyamu enkenzi bakagikoma ebiba bakagyokya, kandi engano bakagitahya omu sitoa yange.’ ”31Yesu mara bachwera abegesibwabe enfumo endijo ati, “Obukama bw'omw'iguru nibushusha enjuma ya Haradali ey'omuntu yakwete akabiba omu ndimiroye. 32Omu mbibo zona yonene niyo eba nke kuzishaga. Kyonkai k'eba yamezire erugwamu eimera, ahanyuma eimera lirugwamu omuti gw'ekigabiro, nangu n'ebinyonyi bija bigwombekamu ebishunkuli omu matagi gagwo.”33Yesu bagambira abegesibwabe enfumo endijo, ati, “Obukama bw'omw'iguru nibushusha eitumbyo ely'omukazi yakwete akateka omu bipimo bishatu by'ensano, ensano yona ekatumba.”34Ebigambo ebi byona Yesu yabigambiraga embaga omu nfumo. Taliho kyoyabagambiraga atakolize nfumo. 35Ekyo kikagobesheleza eky'omurangi yagambire ati, “Ndigamba omu nfumo, ndigamba ebyashelekirwe kwema ensi etonzirwe.”36Ahanyuma Yesu araga embaga ataha omu nju. Abegesibwabe bamugoba nibagamba bati, “Batushoborore enfumo y'enkenzi omu ndimiro.” 37Abahorora ati, “Omubibi w'embibo nungi Mwana w'Omuntu. 38Endimiro niyo nsi, embibo nungi nibo bantu ab'engoma ya Ruhanga. Enkenzi nibo bantu aba Sitani. 39Omubisha ayabibire enkenzi niwe Sitani. Eigesha nigo maheleruka g'ensi, kandi abamalaika nibo bagesi.40Okwo enkenzi enyukurwa bakagyokesa omuliro, nikwo biliba aha maheleruka g'ensi. 41Omwana w'Omuntu alituma abamalaikabe, balishombokya bona omu ngoma abafakaza banu n'abafakare bona, 42babanage omu kyokezo ky'omuliro; omwo nimwo abantu balichulira bakanena n'amaino. 43Abagorogoki abo balyaka nk'eizoba omu bukama bwa Ishebo. Kigira matwi ahulire.”44“Obukama bw'omw'iguru nibushusha eitunga elishelekiire omw'itaka. Omuntu kayaligwireho alisangira. Omu byerabye yagenda yaguza ebyo yabaire ainabyo byona yagura eitaka elyo.” 45“Kandi obukama bw'omw'iguru nibushusha omutunzi ayabaire nahiga obubare bw'eiguzi. 46Kayamazire kukwasa akabare kamoi ak'eiguzi lihango, yagenda yaguza ebyo yabaire ainabyo byona, yagura akabare ako.”47“Obukama bw'omw'iguru nibushusha eishambo elyanagirwe omu nyanja likakwata buli nfuru. 48Kalyaijwire enfuru ezo, abantu balisika lyaija aha mwaro, bashuntama barondamu ezirungi nibahumuza omu bikwato, kyonkai ezibi bazinaga.49Nikwo biliba aha maheleruka g'ensi. Abamalaika balija bahurane ababi n'abagorogoki, 50ababi babanage omu kyokezo ky'omuliro; omwo nimwo abantu abo balichulira bakanena n'amaino.”51“Ebi byona mwabishobokerwa?” Bamuhorora bati, “Inya.” 52Abagambira ati, “Aha rw'ekyo buli mwegesa w'Amateka araba ali mwegesibwa w'obukama bw'omw'iguru nashusha nyin'enju agya omw'itungalye akaihyamu ebihya n'ebikuru.” 53Orwo Yesu yamazire kubachwera enfumo egi, arugayo,54aija owabo abegesa omu sinagogi, batangara, bagamba bati, “Omushaija ogu obumanyi obu akabwihya nkahai, n'obushobora obw'alikukoza obubonero aga? 55Kyaho ogu ti mwana wa fundi selemara? Nyina tiwe beta Maria? Abarumuna ti Yakobo, Yozefu, Simoni na Yuda? 56Banyanya bona titwinabo? Mbwenu omuntu ogu ebi byona akabihya nkahai?”57Baihw'aho bamwanga. Nawe Yesu yabagambira ati, “Omurangi taburwa kitinwa shana owabo n'omwabo.” 58Tiyakozireyo bikorwa bya mani, aha rw'okutaikiliza kwabo.
141Omu biro ebyo Herode omutwazi wa Galilaya agya ahulira eiranga lya Yesu. 2Agambira abaramatabe ati, “Ogu ni Yohana Omubatiza, ahimbukire omu bafu; niyo nshonga nakoza obushobora obu.”3Herode akaba akwete Yohana yamuboha yashuba yamufunga, aha rwa Herodia muka Filipo omurumuna. 4Nomanya Yohana akaba amugambiire ati, “Ti kirungi iwe kushwera muramu wawe.” 5N'orwo Herode yayendaga kwita Yohana, yatinaga abantu, aha rw'enshonga bamubonaga okwo yabaire ali murangi.6Kyonkai kija kiba kiro ky'okwijuka okuzarwa kwa Herode, aho muhara wa Herodia aija azinira abagenyi, ashemeleza Herode. 7Herode amuraganisa nanahira kumuha kyona kyona ekyo arashaba.8Omwana ogwo nyina amutamu akaliro, agya agambira Herode ati, “Bampe omutwe gwa Yohana Omubatiza aha sinia hanu aha.” 9Omukama ajunara; kyonkai aha kushangwa akaba anahiire n'aha rw'okuteshonaza aha bagenyi aragira kabaleta omutwe ogwo.10Atuma ab'okwita Yohana omu kifungo, 11baleta omutwegwe aha sinia, baguha omwisiki, omwisiki aguletera nyina. 12Abegesibwa ba Yohana Omubatiza baija batwara omubiligwe baguziika; bashuba bagenda bamanyisa Yesu.13Yesu kayahuliire okwitwa kwa Yohana arugayo asabara omu bwato aija aheheleire kwikara wenkai. Kyonkai orwo embaga yakihuliire, eruga omu kigo etwarwa ogw'amaguru emuhondera. 14Kugya kushaabuka ashangayo embaga etali nke, abaganyibwa, akiza abarwaire babo.15Orwo lyatobeire abegesibwa bamugoba bamugambira bati, “Aha irungu, n'ekiro kyagwa; otaishure abantu bagye omu byaro bashake ebyakulya.”16Yesu abagambira ati, “Ekyabatwara kiki? Inywe mube n'inywe mubaha eky'okulya.” 17Bamugambira bati, “Hanu aha twinaho emikate etanu yonkai n'enfuru ibili.” 18Abagambira ati, “Mubindetere hanu aha.”19Aho aragira embaga kushuntama ahansi aha bunyasi. Kayamazire kukwata emikate egyo etanu n'enfuru ezo ibili, araramira omw'iguru, asiima, abegura emikate agiha abegesibwabe, abegesibwa bagigabira embaga. 20Bona balya baiguta. Obuchwagulika obwasigaireho babushomboza baijuza entukuru 12. 21Abaliire ni nk'abashaija 5,000, Aho abakazi n'abaana batabulimu.22Aho honkai Yesu asindika abegesibwabe kutaha omu bwato kumwebembera kugya buseli, orwo wenene alikutaishura embaga. 23Kayamazire kutaishura embaga atemba wenkai omw'ibanga kushoma enshara. Eizoba kalyatobeire ashangwa akyaliyo wenkai; 24kyonkai omu kaanya ako obwato bukaba bukyali harai muno kwema aha mwaro. Amayengo gakaba gabwemire kubi kuba omuyaga gukaba nigwija gubatahiremu.25Orwo enkoko zabaire zakokoroma aija omu nyanja abagoba, natambuka aha maizi. 26Abegesibwa kabamuboine natambukira aha maizi batina, bagamba bati, “Ogu muzimu!” Obutiini bubaborogya. 27Na wenene ayanguha abagambira ati, “Mugume, n'inye, mutatina.”28Petero amuhorora ati, “Mukama k'oraba oli iwe ngambira ndabe aha maizi nkugobe.” 29Yesu amugambira ati, “Ija.” Kityo Petero aruga omu bwato, atambukira aha maizi agoba Yesu. 30Kyonkai kayaboine okwo omuyaga gwagira amani, atina; lero kubona okwo yabanza kugatoberamu, ataaga ati, “Mukama, nkiza.”31Yesu ayanguha aimukya omukono amukwata namugambira ati, “Iwe muntu aina okwesiga kuke, kubaki walengeshanyia?” 32Kayamazire kutaha omu bwato omuyaga guchulera. 33Ababaire bali omu bwato bamufukamira nibagamba bati, “Mazima oli Mwana wa Ruhanga.”34Orwo bamazire kushaabuka bagoba omu nsi ya Genezareti. 35Abayo kabamumanyire, batuma buli hantu omuli Genezareti bamuletera abarwaire bona. 36Bamutagiliza kukora buzima aha mukugiro gw'ekijwarokye. Bona abakweteho bakakira.
151Abafarisayo n'abegesa b'Amateka baruga Yerusalemu, baija ahali Yesu bamubaza bati, 2“Kubaki abegesibwa bawe bashaga emichwo ya batat'enkurw'ichwe? Kabalikwija kulya tibalikunaba mikono.” 3Nawe ababaza ati, “Isi inywe kubaki mushaaga emihango ya Ruhanga aha rw'emichwo yanyu?4Kuba Ruhanga akahanga ati, ‘Okunire sho na nyoko,’ kandi ati, ‘Ow'okukeena ishe anga nyina ogwo afe.’ 5Nawe nimugamba muti, ‘K'omuntu yakugambira ishe anga nyina ati: Ekyo nakukuhaire nakihongeire Ruhanga, takyetaga kukunira ishe.’ 6Inywe nimufaho emichwo yanyu kyonkai ekigambo kya Ruhanga timulikukibonamu kantu.7Inywe ngobya! Isaya akaranga kurungi ahali inywe orwo yagambire ati, 8‘Abantu aba ekitinwa nibampa eky'aha munwa, kyonkai emitima yabo tenyetaireho. 9Nibafa kunfukamira, nibegesa Amateka agatairweho abantu okw'obon'oti nigo Mateka gange.’ ”10Yesu ayeta abantu abagambira ati, “Muhulire mara mushobokerwe: 11Ekitaha omuntu omu kanwa ti kyo kimuhagaza, ahagazibwa ekimurugamu.”12Aho abegesibwa baija bamugambira bati, “Nomanya okwo Abafarisayo batamwa orwo bahulira ekigambo eki?” 13Abahorora ati, “Buli muti ogwo Tata asingiire omw'iguru atabyaire gulisindurwa. 14Mubaleke; bebembezi abaigaire amaisho. Empume k'ekwata empume endijo omukono, bombili bagwa omu kiina.”15Nawe Petero agamba ati, “Batushoborore enfumo egyo.” 16Yesu agamba ati, “Nainywe timukashobokeirwe? 17Timulikubona okwo ekikataha omu kanwa kigya omu rubunda, kikashuba kikaturuka?18Kyonkai ekiruga omu kanwa kiruga aha mutima, mara ekyo nikyo kihagaza omuntu. 19Kuba ebitekelezo bibi biruga aha mutima, leba: obwitamuntu, obusiyani, obushuma, okujulira ebishuba, n'okugeya. 20Ebi nibyo bihagaza omuntu. Kandi okuliisa emikono etanabire okwo tikuhagaza muntu.”21Yesu arugayo agya omu wilaya ya Tiro na Sidoni. 22Leba Omukanaanikazi aruga omu mukoa ogwo ataka, ati, “Waitu Mukama, Mwana wa Daudi banganyire; muhara wange akwetwe eisitani, limuli kubi.” 23Kyonkai tiyamuhoroire kigambo. N'abegesibwabe baija bamutagiliza muno bati, “Omugambire agende, natwombelera.”24Ahorora ati, “Bakantweka omu Baisiraeli bonkai ababuzire nk'entaama.” 25Kyonkai omukazi aija amubandamaho nagamba ati, “Banjune, Mukama wange.” 26Yesu ahorora ati, “Ti kirungi kukwata mukate gwa baana kugurasira mbwa.”27Omukazi agamba ati, “Nikwo Mukama, kyonkai n'embwa zilya obuchweka bw'omukate oburuga aha meza ya mukama wazo bukaragara ahansi.” 28Aho Yesu ahorora omukazi ogwo ati, “Iwe mukazi, okwesiga kwawe kw'amani! Okwo wataka bibe nikwo biba ahali iwe.” Omu kaanya ako konene omuhara akira.29Yesu arugayo araba aha Nyanja ya Galilaya. Atemba aha ibanga ashuntama. 30Embaga emugoba etali nke, bamuletera abalema, n'abalemaziibwe obuhuta, abaigazi b'amaisho, abatita, n'abandi bangi, babamuteka omu maguru, abakiza. 31Embaga etangara kubona abatita nibagamba, abalemaziibwe obuhuta bakizire, abalema nibatambuka n'abaigazi b'amaisho nibabona Basingiza Ruhanga wa Isiraeli.32Yesu ayeta abegesibwabe abagambira ati, “Embaga yanganyia. Bamaraho ebiro bishatu batakalyaga kantu. Kandi tindikwenda kubataishura baina njara bataija bakakabira omu kihanda.” 33Abegesibwa bamubaza bati, “Omw'irungu eli twihye nkahai omukate ogumazire kuliisa embaga mpango eti?” 34Yesu abahorora ati, “Mwina emikate engahai?” Bagamba bati, “Mushanju n'obufuru obuke obutali bungi.” 35Yesu aragira embaga kushuntama ahansi.36Akwata emikate mushanju n'obufuru obwo, kayamazire kusiima abegabegura emikate egyo n'obufuru obwo, aheleza abegesibwa, abegesibwa bagabira embaga. 37Bona balya baiguta. Obuchwagulika obwasigaireho babushombokya bugobya entukuru mushanju. 38Abaliire bakaba bali bashaija 4,000. Abakazi n'abaana batabulimu. 39Orwo yamazire kutaishura embaga, asabara omu bwato agya omu mukoa gwa Magadani.
161Abafarisayo n'Abasadukayo baija bamulenga. Bamugambira k'aboleka akabonero ka Ruhanga. 2Yesu abahorora ati, “Orwo litobera mugira muti, ‘Omukyo gurashemera orwo eiguru lyatukura.’3Kandi bwankya muti, ‘Obwire nibwija kuchurumbana, kuba eiguru lyatukura mara lyatinisa.’ Nimumanya kuleba eiguru mukabaasha omukyo, kyonkai timulikumanya kuleba okwo obukiro obu bwemire. 4Omuzarwa gubi ogu ogutaina bwesigwa nigwenda kubona akabonero. Kyonkai timulikwija kukolerwa kabonero; aka Yona niko, nikamara.” Aho abarugaho ayegenderabwe.5Abegesibwa kababaire bagobire buseli, bashanga okwo bayebwa kwijaho n'omukate. 6Yesu abagambira ati, “Muramanya, mara mwekenge eitumbyo ly'Abafarisayo n'Abasadukayo.” 7Ekigambo ekyo bakifumoraho bonene bonkai bati, “Titwaleta mukate.” 8Yesu akashangwa namanya okwo bataleta mukate abagambira ati, “Inywe bantu abaina okwesiga kuke, kubaki nimugamba okwo mutaina mukate?9Timwina kyomwaihiremu? Timulikwijuka mikate etanu eyaliisize abantu 5,000 n'entukuru ezo mwashombokize? 10Anga emikate mushanju eyaliisize abantu 4,000, n'entukuru ezo mwashombokize?11Mwabulirwaki kumanya okwo naba ntalikugamba mukate? Mwekenge eitumbyo ly'Abafarisayo n'Abasadukayo.” 12Nirwo bashobokeirwe okwo atabagambiire itumbyo lya mukate, akaba abatatiire aha myegesheze y'Abafarisayo n'Abasadukayo.13Orwo Yesu yagobire omu wilaya ya Kaisaria Filipi, abaza abegesibwabe ati, “Abantu nibagamba bati, Omwana w'Omuntu n'ohai?” 14Abegesibwa bamuhorora bati, “Abantu abandi nibagamba bati oli Yohana Omubatiza, abandi bati oli Eliya, abandi bati oli Yeremia anga omoiho omu barangi.” 15Yesu ababaza ati, “Isi inywe nimugamba muti inye ndi ohai?” 16Simoni Petero ahorora ati, “N'iwe Kirisito Omwana wa Ruhanga Asingire.”17Aho Yesu amuhorora ati, “Oli muberwa, Simoni eya Yona! Eki tiwakishurulirwa muntu wena wena, shana wakishurulirwa Tata asingiire omw'iguru. 18Mara nkugambire, oli Petero, mara aha rwazi oru nditekaho enteko yange, kandi n'amani ga rufu tigaligisinga.19Ndakuha enfunguruzo z'obukama bw'omw'iguru. Eky'olikakoma omu nsi kirakakomwaga n'omw'iguru; eky'olikakomorora omu omu nsi kirakakomororwaga omw'iguru.” 20Amara abegesibwabe abatanga muno kugambira omuntu okwo ali Kirisito.21Kwema aho Yesu abanza kumanyisa abegesibwabe okwo alikuragirwa kugya Yerusalemu, abagurusi n'abakuhani bakuru n'abegesa b'Amateka kumushasa nibamutura ebintu bingi, bashube bamwite, kyonkai aha kiro kya kashatu ahimbuke. 22Petero yamuta aha rubaju yabanza kumurwanisa ati, “Mukama wange, Ruhanga alikasinga, nikikabure! Eki ahali iwe tikilikwija kuba.” 23Kyonkai Yesu ahinduka agambira Petero ati, “Ondugeho iwe Sitani! Iwe wagonza kuntanga, aha rw'okuba emitekelereze yawe ti ya Ruhanga, mitekelereze y'abantu.”24Nikwo Yesu kugambira abegesibwabe ati, “K'omuntu yakwenda kumpondera ayeyange, ashuture omusarabagwe ampondere. 25Aligonza kuhungya oburorabwe bulimufera, kandi alyanga oburorabwe aha bwange ogwo alibwihura. 26Kuba omuntu nagasirwaki kulya ensi yona kyonkai kandi akaferwa oburorabwe? Anga omuntu aligiraki kuchungura oburorabwe?27Manyasi Omwana w'Omuntu alija n'abamalaikabe omu kitinwa nk'ekya Ishe, arongore buli omoi aha rw'ebyo yakozire. 28Nimbagambira amazima, haliho abemeleire hanu aha abatalifa n'akake bataboine Mwana w'Omuntu naija ali Mukama.”
171Ebiro mukaga kabyakeire Yesu akwata Petero, Yakobo na Yohana, abatwara aha ibanga lirailirai, aheheleire. 2Omu maisho gabo ahinduka, obuso bwaka bundi izoba, n'ebijwarobye nabyo byera byengelera okw'obona eizoba.3Leba bahabukirwa Musa na Eliya, nibafumora na Yesu. 4Petero agambira Yesu ati, “Mukama wange, hakili twikare hanu aha. K'orayenda ntereho obusisira bushatu hanunju. Akamoi kawe, akandi ka Musa n'akandi ka Eliya.”5Akaba akyagamba ekichwi kilikwengelera kibabunda, eiraka liruga omu kichwi ekyo liti, “Ogu niwe Mwana wange owo ngonza muno, mumuhulilize.” 6Abegesibwa kuhulira batyo, bajumara ahansi batina muno. 7Nawe Yesu aija abakwataho nagamba ati, “Mwimuke, muleke kutina.” 8Kugya kwinuguka tibaboine muntu n'omoi shana Yesu wenkai.9Kababaire nibasongoka eibanga Yesu yabagambira ati, “Ebyo mwabonekerwa mutabigambira muntu kuhika orwo Omwana w'Omuntu alihimbuka omu bafu.” 10Abegesibwa nikwo kumubaza bati, “Kubaki aho abegesa b'Amateka bagamba bati Elia naragirwa abanze aije?”11Yesu ahorora ati, “Eliya naija kwija, mara niwe alitebekanisa buli kantu. 12Kyonkai kambagambire Eliya ogwo araizire, mara tibamumanyire, shana ekiliho bakamukora okwo babaire nibagonza. Kityo nikwo barakora kubi n'Omwana w'Omuntu.” 13Aho nikwo abegesibwa kushobokerwa okwo yabaire nabagambira Yohana Omubatiza.14Yesu n'abegesibwabe baija bagobera embaga. Aho aija omushaija omoi amubandamira agamba ati, 15“Mukama wange, singa oganyire omwana wange, aha rw'okuba nagwa ensimbu mara nashasha kubi. Naikara nakumba omu muliro nagwa n'omu maizi. 16Namuletera abegesibwa bawe kyonkai balemwa kumukiza.”17Yesu ahorora ati, “Inywe muzarwa ogutalikwesigwa, ogulikwehurubasa, ndiikara na inywe mberehai? Ndabegumisiliza ngobehai? Leta omwana wawe aha.” 18Yesu akabukira Sitani amurugamu, omwana aho n'aho akira.19Abegesibwa baija ahali Yesu omu kyama bamubaza bati, “Kubaki ichwe twalemwa kumubinga?” 20Yesu abashubamu ati, “Mwazira okwesiga kwanyu okutaina mbali kuli. Nimbagambira ekilikwo, kamwakugira okwesiga okulikwigana enjuma ya Haradali, mwakugambira eibanga eli muti, ‘Oruge hanu aha,’ ligenda; eky'okubalema tikiliho. [ 21Sitani owa ngeli egi talikubingwa kindi shana okushoma enshara n'okusiiba.”]22Kababaire bali Galilaya bateraine, Yesu yabagambira ati, “Omwana w'Omuntu naija kunagwa omu mikono y'abantu, 23bamwite, mara aha kiro kya kashatu ahimbuke.” Aho bajunara muno.24Yesu n'abegesibwabe kabagobire Kaperinaumu, abashoza b'omushoro gwa Rwensinga, eihera like, bagoba Petero bamubaza bati, “Omwegesa wanyu talikugira mushoro?” 25Petero ahorora ati, “Nagugira.” Orwo yagobire omuka Yesu aba niwe wa mbere kumubaza ati, “Simoni nobon'otai? Abakama b'ensi ehozi n'omushoro babyenza bahai? Babyenza abatwarwa babo anga abanyamahanga?”26Petero kayagambiire ati, “Babyenza abanyamahanga,” Yesu agamba ati, “Ahonu abatwarwa tibalikuragirwa. 27Kyonkai tutaija tukabasiitaza, ogende aha nyanja orashemu eirobo, enfuru erarugamu eli ya mbere ogikwate, k'oragyashamura akanwa orashangamu eihera. Okwate eihera elyo olibahe aha bwawe n'aha bwange.”
181Omu makiro ago abegesibwa baija ahali Yesu bamubaza bati, “Omuhango omu bukama bw'omw'iguru n'ohai?” 2Ayeta omwana amubateka omugati, 3mara abagambira ati, “Nimbagambira amazima, kamutahindukire mukashusha baana, obukama bw'omw'iguru timulibutahamu.4Ayetohya nk'omwana ogu niwe muhango omu bukama bw'omw'iguru. 5Mara ayatora omwana nk'ogu omw'ibara lyange atora inye.” 6“Alisitaza omwana muto nk'ogu alikunyesiga akafakara, kyakugasire aha muntu nk'ogwo kumukoma orubengo ruhango omu bikya bakamutokya omu nyanja obuziba.7Ensi elikabona aha rw'enshonga y'ebilengeso. Ebilengeso tibyakuburwa kwija. Kyonkai alikebona omuntu aleta ebilengeso. 8K'omukono gwawe anga okuguru kwakukufakaza, okutemeho okunage. Hakili otahe omu burora obutalihwaho noburwaho orugingo rumoi anga olemaire kushaga emikono yombili anga amaguru gombili kunagwa omu muliro ogutalihwaho.9Eliisho lyawe kukufakaza, olinonkoremu olinage. Hakili otahe omu burora obutalihwaho oina eliisho limoi kushaga okunagwa omu muliro ogutalihwaho n'amaisho gombili.”10“Mwelinde mutaligaya mwana n'omoi. Kambagambire, abamalaika babo omw'iguru buli kiro bali omu mabona ga Tata asingiire omw'iguru. [ 11Manyasi Omwana w'Omuntu akaija kurokora ababuzire.]12Nimulenga mutai? K'omuntu aina entaama 100, emoi ekarugaho ekabura, talikusiga 99 omu mabanga akagya kuhiiga ebuzire? 13Isi k'alikugibona, mbagambire amazima, nagishemelerwa kushaga ekyenda na mwenda. 14Kityo Tata asingiire omw'iguru talikugonza mwana n'omoi ahali aba k'afa kubi.”15“Ka murumuna wawe arakufakalira, ogende omugambire obufubwe. K'arakuhuliliza, aho murumuna wawe ogwo wamwihyayo. 16Kyonkai k'atakuhuliliize ohiige ondijo anga abandi babili, buli kigambo eky'oramugambira kigireho obujulizi bw'abantu bashatu.17K'arayanga kubahuliliza, aho ogambire enteko. K'arayanga kuhuliliza n'enteko, aho mpaho mumubone nk'omunyamahanga anga omushoza.18Nimbagambira amazima, buli kimoi ekyo mulikoma omu nsi n'omw'iguru kilikomwa. Ekyo mulikomorora omu nsi n'omw'iguru kilikomororwa. 19Nimbagambira, kamulyema babili omu nsi mukagira ekyo mwashaba, Tata asingiire omw'iguru alikibakolera. 20Aha rw'okuba mbali beshombokeize babili anga bashatu omw'ibara lyange, ndabaga ndi omugati yabo.”21Petero aija abaza Yesu ati, “Mukama wange, murumuna wange anfakaliire mugarulire kangahai? Ngobye emirundi mushanju?” 22Yesu amugarukamu ati, “Tindikukugambira mirundi mushanju, shana 70 emirundi 7.”23“Aha rw'ekyo obukama bw'omw'iguru bwakulengerwa aha mukama ayagondize kubara n'abairube ebyo yabaire ababiikisize. 24Orwo yabandize kubara, bamuletera ayabaire aina eibanjalye ely'etalenta 10,000. 25Kayabuzire kushashura eibanja elyo mukamawe aragira kabamuguza, n'omukaziwe n'abaanabe n'ebyo yabaire ainabyo byona, eibanja lihwe.26Omwiru abandama ahansi amutagiliza ati, ‘Mukama wange onyegumisilize, ndakushashura etalenta zona.’ 27Mukamawe amuganyibwa amugarulira n'eibanja elyo.28Kyonkai omwiru wenene wenene ogwo, kayaturukire aheru, agwamu omwiru mutahiwe ayabaire aina eibanjalye ely'edinari 100. Amutamu enshumi y'omunigo amugambira ati, ‘Onshashure ebyo ndikukutonga.’ 29Omwiru mutahiwe agwa ahansi amutagiliza akwese, ‘Onyegumisilize ndakushashura.’30Takunda, agenda amufunga kuhika orwo aramushashura. 31Abairu batahibe kubona ebyabaho, obushasi bwija kubaita. Bakwata omuhanda bagya bagambira mukama wabo byona ebyabaho.32Nikwo mukamawe kumweta akamugambira ati, ‘Iwe mwiru mubi! Nakugarulira eibanja elyo lyona orwo wantagiliza; 33iwe walemwa kugarulira omwiru mutahi wawe nk'okwo inye nakugarulira?’34Mukamawe anigara, amukwasa abalinzi ba mabusi kuhika orwo arashashura eibanja lyona. 35Nikwo na Tata asingiire omw'iguru alibagira inywena, k'omuntu atagaruliire murumuna obumaramunda.”
191Yesu kayamazire kugamba ebyo byona, yaruga Galilaya, yataha omu mukoa gwa Buyahudi buseli bwa Yorudani. 2Embaga nyingi emuhondera, abakilizayo.3Abafarisayo baija mbali ali, bamubaza nibamulenga bati, “Nikijuburwa kutambya omukazi aha rw'enshonga yona yona?” 4Abahorora ati, “Timukashomaga okwo ayatonzire omushaija n'omukazi kwema orwa mbere akatonda omushaija omoi n'omukazi omoi?5Aha rw'ekyo omushaija arasigagaho ishe na nyina ajwangane na mukaziwe, mara ababili abo barabaga mubili gumoi. 6Kityo tibakili babili, babaire mubili gumoi. Ahonu abo Ruhanga yajwangainyie, omuntu atabataishurana.”7Bamubaza bati, “Isi aho kubaki Musa yaragiire omuntu kutambya omukazi, akamuha ebarua y'obutaane?” 8Yesu abahorora ati, “Aha rw'enshonga y'okugumangana kw'emitima yanyu nikyo Musa yabajubuliire kutambya abakazi. Kyonkai kwema orwa mbere tikwo byabaire bili. 9Nimbagambira: Kaishe muntu atambya omukazi, shana aha rw'enshonga y'obusiyani, akashwera ondijo aba nasiyana.”10Abegesibwa bamugambira bati, “Eby'omushaija na mukaziwe kabiraba nikwo bili bityo, aho okushwera tikwina mugasho.” 11Wenene abagambira ati, “Ti bantu bona bakwemera kigambo eki, shana abakihairwe bonkai. 12Nomanya abaho abakobe abazairwe batyo, haliho abakobe abahindwirwe batyo abantu, kandi haliho abakobe abayehindwire batyo aha rw'okuhiga obukama bw'omw'iguru. Ayakubasa kwemera ekyo akyemere.”13Bamuletera abaana bato k'abataho emikono n'okubashabira. Abegesibwa bakabukira abantu; 14Kyonkai Yesu agamba ati, “Muleke abaana bangobe, mutabatanga; manyasi abali nk'aba obukama bw'omw'iguru buba bwabo.” 15Aho abataho emikono, ashuba agenda.16Omuntu omoi aija ahali Yesu amugambira ati, “Mwegesa, nindagirwa kukora kikorwaki ekirungi, nshobore kubona oburora obutahwaho?” 17Yesu amuhorora ati, “Kubaki nombaza ekirungi ni kihai? Omurungi ab'omoi. K'oraba oli w'okutaha omu burora obutahwaho, okwate emihango.”18Omusigazi amubaza ati, “Mihangoki?” Yesu ahorora ati, “Otaliita, Otalisiyana, Otaliiba, Otalihangilira; 19Okunirega sho na nyoko, Ogonze mutahi wawe nk'okwo iwe olikwegonza.”20Omusigazi amugarukamu ati, “Egi yona ntura ningikwata. Mbwenu ekikyambuzireho ni kihai?” 21Yesu amugambira ati, “K'olikugonza kuba muhikiilire, ogende oguze ebyawe, empiha ozihe abanaku, iwe oligira eitunga elyawe omw'iguru; aho oije ompondere.” 22Omusigazi orwo yahuliire atyo agenda ajunaire, aha rw'okuba akaba aina eitunga lingi.23Nikwo Yesu kugambira abegesibwabe ati, “Mbagambiire amazima, omutungi aligumirwa kutaha omu bukama bw'omw'iguru. 24Kanshube mbagambire: Nikyoroba engamia kuraba omu kahuru k'enkinzo, kushaga omutungi kutaha omu bukama bwa Ruhanga.”25Abegesibwa kabahuliire batyo batangara muno, bamubaza bati, “Aho alirokoka n'ohai?” 26Kyonkai Yesu abaleba, ashuba abagambira ati, “Omu bantu ekigambo eki kigumire; kyonkai ahali Ruhanga ebintu byona nibishoboka.” 27Nirwo Petero yahoroire ati, “Leba ichwe tukasigaho buli kantu twakuhondera. Aho tulibonaki?”28Yesu abagambira ati, “Nimbagambira amazima, omu nsi empya, orwo Omwana w'Omuntu alisingira aha nketoye ey'ekitinwa, na inywe abampondeire kwakwo mulikalira enketo 12, muramure enganda 12 za Isiraeli.29Kandi buli omoi araba yasigireho amaju anga abarumuna anga munyanya anga ishe anga nyina anga abaana anga amatakage aha rw'eibara lyange, alirongorwa emirundi 100, ashube abonere kimoi oburora obutalihwaho. 30Nawe bangi abali ba mbere baliba b'enzindo, n'ab'enzindo baliba ba mbere.”
201“Obukama bw'omw'iguru nibushusha buti: Nyin'enju akaturuka omu rukyakya kwinika abakozi omu omu ndimiroye y'emizabibu. 2Kayamazire kwikilijanyia n'abakozi abo okwo omushana gumoi arabaha edinari emoi, yabagambira kugya omu ndimiro y'emizabibu.3Kayagiire kuturuka aheru omu saa ishatu za bwankya, abona abantu abandi nibarandaliza kushai omu katare. 4Na bonene abagambira ati, ‘Nainywe mugende omu ndimiro yange y'emizabibu, mara ndabashashura ehaki yanyu.’ Bagenda.5Nashuba kuturuka zili nk'esaa mukaga n'omu saa mwenda, akora atyo nk'orwesaa ishatu. 6Omu saa nka ikumi n'emoi naturuka abona abemeleire kushai, ababaza ati, ‘Kubaki mwemeleire aha kushai omushana gwona?’ 7Bamuhorora bati, ‘Taliho yatuha mulimo!’ Abagambira ati, ‘Na inywe mugende omu ndimiro yange y'emizabibu.’8Eizoba kutobera, mukama w'endimiro y'emizabibu agambira omukozawe w'emilimo ati, ‘Yeta abakozi obahe emperwa yabo, obandize aha b'enzindo oturuke aha ba mbere.’ 9Balinya ababaire bainikirwe aha saa ikumi n'emoi kabaizire, buli omoi ahabwa edinari emoi. 10Ababaire bainikirwe bali ba mbere kabaizire bashangwa nibategera kubona ebishagireho; kyonkai buli omoi kwakwo ahabwa edinari emoi.11Kabamazire kubona edinari emoi bayeboroboitera nyin'enju 12bati, ‘Ab'enzindo aba bakora esaa emoi yonkai, mbwenu iwe wabaiganisa naichwe abasiibire nitufa nitwosha, omushana nigwija kutwita.’13Wenene aihyamu omoi amuhorora ati, ‘Mutahi wange, ekyo nakushobya tikiliho; tiwaikiliza okwo ndakuha edinari? 14Kwata ebyawe ogende; inye nagonza ogu ow'enzindo kumushashura nk'okwo nashashura iwe.15Nintangwa kukoza ebyange okwo ndikwenda? Isi nondwanisa kuntura obufura bwange?’ 16Kityo ow'enzindo aliba wa mbere n'owa mbere aliba w'enzindo.”17Yesu kayabaire nagya Yerusalemu akwata abegesibwabe 12 abegobya haihi, aho orwo babaire nibagenda abagambira ati, 18“Muraleba aha nitugya Yerusalemu; Omwana w'Omuntu nibaija kumunaga omu mikono y'abakuhani bakuru n'abegesa b'Amateka bamuramure kumwita. 19Nirwo na bonene baramunaga omu mikono y'abanyamahanga bakamujaamya n'okumutera, bashube bamubambe. Kyonkai wenene aha kiro kya kashatu arahimbuka.”20Muka Zebedayo aija n'abatabani bombili ahali Yesu, amubandama omu maisho agira ekyo yamushaba. 21Yesu amubaza ati, “Noyendaki?” Amuhorora ati, “Hanga, batabani bange omu ngoma yawe omoi akushuntame obulyo n'ondijo obumosho.”22Yesu ahorora ati, “Ekyo mulikushaba timulikukimanya. Ekikompe ky'obushasi ekyo ndikwija kunywa mwakukinywa?” Bamushubamu bati, “Twakukinywa.” 23Abagambira ati, “Mwakunywa ekikompe kyange, kyonkai inye tinakushobora kubashuntamya aha bulyo bwange anga aha bumosho. Ekyo kisaine balinya abo Tata yakitekatekeire.” 24Abegesibwa 10 kabahuliire ekigambo ekyo, banigalira abarumuna ababili.25Nawe Yesu abeta abagambira ati, “Nimumanya okwo abakama b'abanyamahanga abatwarwa babo babatwaza eirangira, n'abakuru babo babatwaza amani. 26Omuli inywe kitaliba kityo. Aligonza kuba mukuru omuli inywe abe mukozi wanyu. 27Kandi aligonza kuba wa mbere omuli inywe abe mwiru wanyu. 28Nk'okwo Omwana w'Omuntu ataizire kukolerwa shana kukolera banu, kweyanga oburorabwe kuchungura abantu bangi, bibe nikwo biba bityo.”29Orwo babaire nibaruga Yeriko, embaga nyingi emuhondera. 30Leba empume ibili zikashangwa zishuntamire aha muhanda. Kabahuliire okwo Yesu alikwija narabaho, bataka bati, “Waitu Mukama, Mwana wa Daudi batuganyire!” 31Embaga ebarotokera nebasiza. Kyonkai bonene bataka bashagaho, bati, “Waitu Mukama, Mwana wa Daudi batuganyire!”32Yesu ayemelera, abeta ababaza ati, “Nimwenda kambakoleraki?” 33Bamuhorora bati, “Waitu Mukama, singa tuhumuruguke amaisho.” 34Yesu abaganyibwa, abakwata aha maisho, ekigambo ekyo n'irai babona mara bamuhondera.
211Yesu n'abegesibwabe kababaire bailira Yerusalemu, bagobera Betifage Eibanga ly'Emizeituni. Aho Yesu atuma abegesibwa babili 2nagamba ati, “Mugende omu kyaro ekibali omu maisho, murayanguha mubone endogobe esibikire, eraba eina omwana gwayo; muzisibure muzindetere. 3K'omuntu aragira ekyo yababaza mumuhorore muti, ‘Omukama nazetaaga,’ arayanguha azintwekere.”4Eki kikabaho kugobesheleza eky'omurangi yagambire ati, 5“Mugambire ekigo kya Sioni muti, Leba, Omukama wawe nahabukira omuli iwe, mwetohya ali aha ndogobe, n'omwana gw'endogobe, endogobe nto.”6Abegesibwa bagenda bakora nk'okwo Yesu yabaire abaragiliire. 7Baleta endogobe n'omwana gwayo, bazaraho ebijwaro byabo, Yesu akuuba aha ndogobe. 8Embaga enyingi eyara ebijwaro byayo omu muhanda, abandi batema amatagi g'emiti nago bagara omu muhanda.9Embaga eyabaire emwebembeire n'eyamurugire enyuma etamu orushaaro ekwese, “Hosana Mwana wa Daudi! Ni kilimugisha ogu ayaija omw'ibara ly'Omukama! Hosana omw'iguru muno!” 10Kayatahire ati Yerusalemu ekigo kyona kyayagalikana, nibagamba bati, “Yab'ohai ogu?” 11Embaga eti, “Ogu ni Yesu omurangi wa Nazareti eya Galilaya.”12Yesu ataha omuli Rwensinga ya Ruhanga, abingamu bona ababaire nibagulizamu n'okuguliramu ebintu. Emeza z'abahingi b'empiha n'ebitebe by'abaguza b'ebiiba abichulengura. 13Abagambira ati, “Kikahandikwa kiti, ‘Enju yange baligyeta nju y'enshara;’ mbwenu inywe mwagihindura mpako y'abashuga.” 14Abaigazi b'amaisho n'abalema bamugoba omuli Rwensinga, abakiza.15Kyonkai abakuhani bakuru n'abegesa b'Amateka kababona eby'okutangaza ebyo yakora, n'abaana omuli Rwensinga nibahoya bakwese, “Hosana Mwana wa Daudi,” batamwa. 16Bamugambira bati, “Ebyo aba balikugamba nobihulira?” Yesu abagambira ati, “Ego, isi timukashomaga kigambo eki, Enkelemeke n'abalikwonka okabegesa okuhaisiliza okuhikiliire?” 17Kayamazire kubarugaho aturuka omu kigo agya Betania, niyo yaraire.18Omu bwankya Yesu kayabaire nagaruka omu kigo kya Yerusalemu, yagira enjara. 19Abona omuti gw'omutini aha muhanda, agenda agugobaho, kyonkai tiyagushangireho kantu shana amababi gonkai. Agugambira ati, “Tolishuba kuraba biraba rundi!” Aho honkai omutini gwoma.20Abegesibwa kubona ekyo kibabera kitangaro; bagamba bati, “Kyaba kitai omutini kwoma aho honkai?” 21Yesu abahorora ati, “Nimbagambira amazima, kamuligira okwesiga mutalengeshainyie n'akake, timulikora kushai eby'omutini gwaba, nawe muligambira n'eibanga eli muti, ‘Oruge aha ogwe omu nyanja,’ mara kilibakwo. 22Kamulyesiga, byona ebyo mulishaba omu nshara mulibihabwa.”23Yesu kayatahire Rwensinga, abakuhani bakuru n'abagurusi b'embaga bamugoba nayegesa, bamubaza bati, “Ebi nobikoza bushoboraki, mara n'ohai ayabukuhaire?” 24Yesu abahorora ati, “Nanye kambabaze; kamurampa empororo aho nanye ndabagambira obushobora obwo ndikukoza ebi.25Okubatiza kwa Yohana kukaruga nkahai? Kukaruga omw'iguru anga omu bantu?” Bonene abo babanza kubazangana bonkai, “Katuragira tuti, ‘Kukaruga omw'iguru,’ aratugambira ati, ‘Isi aho nka mutamwikiliize?’ 26Katuragira tuti, ‘Kukaruga omu bantu,’ aho kandi embaga nitugitina; aha rw'okuba abantu bona nibaikiliza okwo Yohana yabaire ali murangi.” 27Kityo bahorora Yesu bati, “Titulikumanya.” Na wenene abagambira ati, “Nanye timbagambire bushobora bwo ndikukoza ebintu ebi.”28“Nimulenga mutai? Omuntu omoi akaba aina abatabani babili. Agya aha wa mbere amugambira ati, ‘Mwana wange, kir'eki ogende okore omu ndimiro y'emizabibu.’ 29Omwana amuhorora ati, ‘Tindikugyayo.’ Kyonkai ahanyuma ayechuza agyayo. 30Agya aha wa kabili amugambira byonene byonene. Ogwo amugambira ati, ‘Waitu ndagyayo,’ kyonkai tiyagiireyo.31Omu babili ayakozire okwo ishe yabaire nayenda n'ohai?” Bahorora bati, “Owa mbere.” Yesu abagambira ati, “Mbagambiire amazima, abashoza n'abamalaya balibataahira mbere omu bukama bwa Ruhanga. 32Aha rw'enshonga Yohana akaija ahali inywe ali mugorogoki, kyonkai timwamwikiliize, kandi abashoza n'abamalaya bakamwikiliza. Na inywe n'orwo mwabyeboneire timwayechulize n'okumwikiliza timwamwikiliize.”33Omu babili ayakozire okwo ishe yabaire nayenda n'ohai?” Bahorora bati, “Owa mbere.” Yesu abagambira ati, “Mbagambiire amazima, abashoza n'abamalaya balibataahira mbere omu bukama bwa Ruhanga. 34Aha rw'enshonga Yohana akaija ahali inywe ali mugorogoki, kyonkai timwamwikiliize, kandi abashoza n'abamalaya bakamwikiliza. Na inywe n'orwo mwabyeboneire timwayechulize n'okumwikiliza timwamwikiliize.”35Abakozi bakwata abairube abo, ogu bamutera, ogu bamwita, ondijo bamuteza amabare. 36Ashuba atuma abairu abandi abalikushaga aba mbere; babakora emikolere yonene yonene. 37Ahanyuma atuma omutabani buchwichwi, nagamba ati, ‘Barakunira omwana wange.’38Nawe abakozi kabaaboine omutabani ogwo bagambirangana bati, ‘Ogu niwe musikawe, mwije tumwite, obusika tubutware.’ 39Bamukwata bamunaga enjai y'endimiro y'emizabibu, mara bamwita.40Mbwenu aho mukama w'endimiro y'emizabibu kalilimuleta, abakozi abo alibagira atai?” 41Bamugambira bati, “Abashengi abo alibaita orufu rubi, endimiro y'emizabibu agikwase abakozi abandi abaramuhaga ebiraba omu birumo byabyo.”42Yesu abagambira ati, “Timukashomaga bihandiko mbali bilikugamba biti, ‘Eibare lyonene lyonene elyo abombeki bayangire, nilyo libaire ibare likuru ly'epembe; ekyo kikakorwa omukama wenene, nitukibona, nikitutangaza?’ ”43Aha rw'ekyo mbagambire, obukama bwa Ruhanga balibubaaka babuhe ihanga lindi elilikugobesheleza ebyo bulikuragira. [ 44Kaishe muntu aligwa aha ibare elyo alisinjagulika, kandi owo liligwera alisasanuka.]45Orwo abakuhani bakuru n'Abafarisayo bahuliire enfumoze ezo, bamanyirayo okwo alikugamba bonene. 46Balengesa kumukwata, kyonkai batina embaga, ahakuba abantu bamubonaga ali murangi.
221Yesu yashuba yabagambira omu nfumo ati, 2“Obukama bw'omw'iguru bwakulengerwa aha mukama ayakoleire omutabani obugenyi bw'obushwere. 3Yatuma abairube kweta ababaire baraliziibwe aha bugenyi obwo; kyonkai tibaizire.4Ashuba atuma abairu abandi nagamba ati, ‘Mugambire abaralizibwa okwo nachumbire enyungu zange z'omuraagiro, nyisire enumi n'enyana zange z'eshajwa, natekatekire buli kantu; mwije aha bugenyi bw'obushwere.’5Kyonkai abaralizibwa ebyo tibabitaireho mutima, bakwata omuhanda bagenda. Ogu agya omu ndimiroye, ondijo agya kwekolera ebye, 6kandi abandi bakwata abairube babajangura, babaita. 7Omukama anigara, atweka abaisherukarebe basilikya abamwitiire abairube n'ekigo kyabo bakitaho omuliro.8Ashuba agambira abairube ati, ‘Esaa y'obugenyi yagobire, kyonkai ababaire baraliziibwe babaire batasaine. 9Aha rw'ekyo mugye omu mihanda etaana mulete abo murabona bona aha bugenyi.’ 10Abairu abo bagenda omu kigo omu mbarabara bashoroza abo bagwiremu, n'abarungi n'ababi; ekiyumba ky'obugenyi kiijura abagenyi.”11“Kyonkai omukama naija kuleba abagenyi abonamu omuntu ataina kijwaro kya bugenyi. 12Amubaza ati, ‘Mutahi wange, omu waijamu otai otaina kijwaro kya bugenyi?’ Ogu aburwa eky'okugamba.13Omukama agambira abakozi b'obugenyi ati, ‘Mumubohe emikono n'amaguru, mumunage aheru omu mwilima; okwo niyo abantu barachuliraga bakanena n'amaino.’ 14Manyasi betwa bangi, kyonkai abarondwamu bake.”15Abafarisayo bagenda batensa kukwatira Yesu omu migambire. 16Bamutwekera abegesibwa babo, hamoi n'ab'omuteko gwa Herode, nibagamba bati, “Mwegesa, nitukumanya okwo oba w'amazima, n'emihango ya Ruhanga ogyegesa kabutekire, eby'abantu tobifaho. Ekitiinwa ky'abantu tokyetaho. 17Mbwenu otugambire okw'olikutekeleza. Kisaine kusholera Kaisari omushoro anga chei?”18Yesu ashangwa namanya okwo baina omutima gubi, abaza ati, “Nimundengeraki? 19Nyoleka amahera ago mushora omushoro.” Bamuletera edinari.20Yesu ababaza ati, “Ekishushani eki n'ekihandiiko eki by'ohai?” 21Bahorora bati, “Bya Kaisari.” Aho Yesu abagambira ati, “Orw'ekyo ebili bya Kaisari mubihe Kaisari, n'ebili bya Ruhanga mubihe Ruhanga.” 22Kabamazire kuhulira ekyo batangara; bamurugaho bagenda.23Kiro kyonene ekyo Abasadukayo abagamba okwo okuhimbuka kutabayo, bamugoba. Bamubaza 24bati, “Mwegesa, Musa akagamba ati, ‘K'omuntu arafaga ataina mwana, omurumuna naragirwa ashwere muka kifa, azalire omurumuna abaana.’25Mbwenu hakaba haliho abantu mushanju bali barumuna. Owa mbere ashwera, afa buchweke, omukazi amuhangiira murumuna. 26Kutyo n'owa kabili n'owa kashatu kugoba aha wa mushanju. 27Aha nzindo ya bona omukazi afa. 28Mbwenu omu kuhimbuka, omu mushanju ogwo aliba mukazi w'ohai? Kuba bakaba bamushweire bona.”29Nawe Yesu abahorora ati, “Mwahaba. N'ebihandiko bitakatifu na mani ga Ruhanga, taliho kyo mulikumanya. 30Aha rw'enshonga aha kuhimbuka talibaho kushwera anga kushwerwa. Abantu balishusha abamalaika ba Ruhanga omw'iguru.31Kandi ebikwete aha kuhimbuka kw'abafu timukashomaga ebyo Ruhanga yabagambiire ati, 32‘Ndi Ruhanga wa Aburahamu, ndi Ruhanga wa Isaka, ndi Ruhanga wa Yakobo?’ ” “Taba Ruhanga wa bafu, aba Ruhanga w'abarora.” 33Embaga kuhulira ekyo egwa omu kitangaro aha rw'emyegeshezeye.34Kyonkai Abafarisayo kabahuliire okwo Abasadukayo yabamara ebigambo, bahurura. 35Harugwamu omoi amubaza kumulenga ati, 36“Mwegesa, omu Mateka omuhango ogukuru guba guhai?”37Yesu amuhorora ati, “Ogonzega Omukama Ruhanga wawe n'omutima gwawe gwona, n'omwoyo gwawe gwona, n'amagezi gawe gona. 38Ogu nigwo guba muhango gukuru mara guba gwa mbere.39N'ogwa kabili nigugushusha: Ogonzega mutahi wawe nk'okwo olikwegonza. 40Emihango egi yombili nigo mani g'Amateka n'eby'abarangi bagambire.”41Abafarisayo bakyali hamoi, Yesu ababaza ekigambo ati, 42“Kirisito nimumulenga mutai? Aba mutabani w'ohai?” Bamugambira bati, “Aba mutabani wa Daudi.”43Yesu abagambira ati, “Ahosi nibigenda bitai? Nka Daudi Mwoyo Mutakatifu namugambira aha mutwe namweta ‘Mukama wange,’ nagamba ati, 44‘Omukama akagambira Mukama wange, ati: Shuntama aha bulyo bwange, kuhika orwo ndikunaga ababisha bawe omu maguru!’45Ka Daudi araba namweta myetere egi ati, ‘Mukama,’ aho yaba atai mutabani wa Daudi?” 46Taliho n'omoi ayashoboire kumuhorora kigambo, kandi kuruga kir'ekyo taliho n'omoi ayashubire kumubaza rundi.
231Yesu akagambira embaga n'abegesibwabe ati, 2“Abegesa b'Amateka n'Abafarisayo nibaitoitora Amateka ga Musa. 3Kityo byona byona ebyo balikubagambira mubikore kandi mubyekomye, kyonkai mutalikora nk'okwo bonene bakora.4Bakoma emigugu esikiire etakutwarwa muntu, bagitweka abantu aha mabega. Kyonkai bonene tibakugisimbuza rukumu. 5Ebyo bakora byona babikora abantu kabababona. Efilakiteri zabo bakora ezihango, baraihisa n'obushuusha bw'ebebo zabo,6n'aha magenyi bagonza emyanya ey'ekitinwa, n'omu sinagogi balebamu entebe ezirungi muno. 7Benda okuramibwa omu katare, kandi bashemelerwa abantu kababeta ‘Rabi.’8Kyonkai inywe mutagonza kwetwa ‘Rabi,’ aha rw'okuba mugira omwegesa omoi, mara inywe nywena muli barumuna. 9Kandi omu nsi omu mutalyeta muntu ‘Isheinywe,’ enshonga mugira Isheinywe omoi asingiire omw'iguru. 10Nangu n'okwetwa ‘Bakama,’ chei, manya Omukama mugir'omoi niwe Kirisito.11Omukuru muno omuli inywe arabaga mukozi wanyu. 12Arayekuzaga aratohibwaga, kandi arayetohyaga arakuzibwaga.”13“Kyonkai mulibona inywe begesa b'Amateka n'Abafarisayo engobya! Kuba nimutanga abantu kutaha omu bukama bw'omw'iguru; inywe timwafa gabutaahamu, kandi n'abalikugonza kubutaahamu nimubatanga. [ 14Mulibona inywe begesa b'Amateka n'Abafarisayo engobya; nimunyaga entumbwa amaju gabo, oku nimuzoka nimushoma enshara ezirazira. Kityo n'eiramu muliramurwa elishagireho.] 15Nimwija kukagwamu inywe begesa b'Amateka n'Abafarisayo engobya! Mushaabuka enyanja, mugenda n'omu mahanga kuhindura omuntu omoi k'ahondera edini yanyu, kandi kamumukwasa mumuhindura omufakare ow'kuragirwa kunagwa omu muliro ogutalihwaho.”16“Mulibona inywe abebembezi empume. Nimugira muti, ‘K'omuntu alinahira najuliza Rwensinga, ekyo ti kigambo; kyonkai omuntu kunahira najuliza ezahabu ya Rwensinga, aho ekinahiro naragirwa kukigobesheleza.’ 17Inywe bafano empume! Ekilikukira obukuru ni kihai, ezahabu, anga Rwensinga elikuhindura ezahabu k'eba ntakatifu?18Nimushuba nimugira muti: ‘Omuntu kunahira najuliza alutare ti kantu; kyonkai kunahira akajuliza ekihongo ekili ahali alutare, aho ekinahiro naragirwa kukigobesheleza.’ 19Inywe baigazi b'amaisho! Ekilikukira obukuru ni kihai, ekihongo anga alutare elikuhindura ekihongo kakiba kitakatifu?20Kityo ayakanahira najuliza alutare, aba najuliza na buli kamoi kona akagiliho. 21N'ayakanahira najuliza Rwensinga, aba najuliza olinya agisingiiremu. 22Ayakanahira najuliza eiguru, anahira najuliza enketo ya Ruhanga, na Ruhanga wenene asingiire aha nketo yonene egyo.”23“Mulibona inywe begesa b'Amateka n'Abafarisayo engobya! Nimugira ekichweka kya ikumi eky'omudarasini, n'eiriki n'ebinzari, kyonkai ebisikiire kushagaho eby'Amateka galikuragira ebyo nimubyehurubasa: Amazima n'obuganyizi n'okwikiliza Ruhanga. Ebi nibyo mwakubaire nimukora, kyonkai n'ebisigaire mutabyehurubasize. 24Inywe bebembezi empume inywe! Nimukenena edivai etagenderanamu na mubwi, kyonkai engamia nimugimira yona!”25“Mulibona inywe begesa b'Amateka n'Abafarisayo engobya! Ekikompe n'esahani nimubyogya aheru kushai, kandi omunda yabyo mwijwizemu ebyo mulikunyaga banu n'ebyo mulikwima abandi. 26Iwe Mufarisayo empume! Obanze oyogye omunda ekikompe n'esahani, nirwo biraija bikera aheru.”27“Mulibona inywe begesa b'Amateka n'Abafarisayo engobya! Nimushusha ebituro ebisiigire einoni, aheru nibizoka bili birungi, kyonkai omunda bijwire amagufa g'abafu n'obujunde obwa nyakajunde. 28Nikwo enjai mulikuzoka muli bantu abagorogoki, kyonkai omunda mwijwire obugobya n'amafu.”29“Mulibona inywe begesa b'Amateka n'Abafarisayo engobya! Nimwombeka ebituro by'abarangi n'okulengya obwijukiro bw'abagorogoki, 30mukwese, ‘Kuba twabaire tuli omu makiro ga batat'enkurw'ichwe titwakwemire nabo kwita barangi.’ 31Aho nimuba nimwegamba okwo muli baana ba balinya abaisire abarangi.32Mbwenunu aho mugendelere, ekyo bashw'enkurw'inywe basigire babandize inywe mukigobesheleze. 33Inywe njoka inywe, enjoka nyakabara; omuliro ogutalihwaho muliguhungaho mutai mutaramwirwe kugugwamu!34Orw'ekyo kambatwekere abarangi n'abamanyi n'abegesa b'Amateka, abandi mubaite, mubabambe; abandi mubatelere omu sinagogi zanyu, mushube mubabumbwigye nibaruga kigo eki nimubahondera omu kindi, 35nimuhiga kurumbirwa obwamba bw'abagorogoki bona abaraisirwe omu nsi, kubandiza aha bwamba bwa Abeli nyakatetere kugoba aha bwa Zekaria eya Barakia, owo mwaitiire omugati ya alutare n'ahatakatifu. 36Nimbagambira amazima, ebi byona nibija kuba aha muzarwa ogu.”37“Yerusalemu, Yerusalemu! Iwe aita abarangi n'entumwa ezo bakutumaho okaziteza amabare! Mirundi nyingi etai eyo nakugondize iwe n'abaana bawe kubateka hamoi nk'okwo enkoko eteka hamoi obwana bwayo omu mapapa gaayo, kyonkai iwe tiwakukunda! 38Leba enju yawe yaba kifurukwa, yanuka omushaka. 39Kankugambire amazima, tokimbona rundi kuhika orwo oligamba oti, ‘Ni kilimugisha ogwo alikwija omw'ibara ly'Omukama.’ ”
241Yesu aruga Rwensinga. Kayabaire nagenda abegesibwabe bamwoleka amaju ga Rwensinga. 2Kyonkai wenene abahorora ati, “Amaju aga gona timulikugabona? Nimbagambira amazima, hanu aha taliho ibare lilisigara ahali linu, litakambwirwe.”3Kayabaire ashuntamire aha Ibanga ly'Emizeituni, abegesibwa bamugobaho aha kabaju, nibagamba bati, “Otugambire, ebi nibibaho maki, n'akabonero k'okwija kwawe n'ekiro ky'amaheleruka ni kahai?” 4Yesu abahorora ati, “Muramanya omuntu atalija akabanaga. 5Manya bangi balija omw'ibara lyange, nibagamba bati, ‘Inye ndi Kirisito,’ mara balihabisa bangi.6Mulihuliza endashana zingi n'engungungu y'endashana. Mwelinde mutalihukuka mitima; ebyo biragiirwe kubaho, kyonkai amaheleruka tigakabaire. 7Nobona eihanga lilitabalira elindi, n'obukama bulitabalira obundi, halibaho n'eifa litali limoi n'emisisi oku na kuli: 8ebyo byona mbandizo kushai y'enaku.”9“Balibanagira ab'okubabonesa enaku, balibaita. Amahanga gona galibanoba nigabatura eibara lyange. 10Abali bangi baligwa, omuntu abanje mutahiwe, balinobangana. 11Halibaho abarangi bangi b'ebishuba mara balihabisa abantu bangi.12Entambara zilyeyongera, n'engonzi omu bantu zilichwija. 13Kyonkai alyegumisiliza kugoba aha nzindo ogwo alirokoka. 14Kandi evangeli egi y'obukama bw'omw'iguru elirangwa omu nsi yona, niyo eliba bujulizi omu bantu bona; aho nirwo amaheleruka galibaho.”15“Kamulibona eihano nyamwita, ely'omurangi Danieli yagambire, lyemeleire ahatakatifu (alikushoma ashobokerwe), 16abalishangwa bali Buyahudi basingirwe omu mabanga. 17Alishangwa ali aha rushwi rw'enju atalikuburuguka kuhiiga ekili omu nju. 18Alishangwa ali omu ndimiro ataligaruka kuhiiga bebo.19Bambi abakazi abalishangwa baina enda n'abaliba nibonkya omu makiro ago! 20Mushabe mutalisingwa kili kirumo kya mbeho anga kili kiro kya Sabato. 21Aha rw'okuba halibaho ebiyengo by'amani ebitakabonekaga kwema ensi yatondwa kuhika mambwenu; mara tikilishuba kuzoka rundi. 22K'ebiro ebyo bitakugufaziibwe, taliho muntu yakurokokire. Kyonkai aha rw'endonkwa ebiro ebyo biligufazibwa.23Omuntu aije abagambire ati, ‘Inywe, leba Kirisito niw'ogu aha!’ Anga, ‘Ali halinya!’ Mutalikiliza kigambo ekyo. 24Balyeyeta Kirisito, n'abarangi b'ebishuba balibaho, bakore obubonero n'ebitangazo, kakyakushoboka bahabise nangu n'endonkwa. 25Mulimanya, nabagambira likyali karai.26Kityo kabalibagambira bati, ‘Niw'ogwo omw'irungu,’ mutaligyayo. Kabaligira bati, ‘Ali enjuruguru,’ mutalikiliza. 27Nk'okwo orurabyo rwema oburugaizoba rukaatangura ensi rukagoba obugwaizoba, nikwo n'emiizire y'Omwana w'Omuntu elishusha. 28Mbali omutumbi guli, niho na kagoma zeshombokeza.”29“Omu makiro ago orwo ebiyengo bilihwamu biti, eizoba lilibundwa omwilima, n'okwezi tikulishamura, n'enyanyinyi zilitongoka aha iguru, n'eby'okutangaza eby'omw'iguru bilitengeta.30Nirwo haliboneka akabonero k'okuranga Omwana w'Omuntu eiguru, aho enganda zona z'omu nsi zilichura, balibona Omwana w'Omuntu naletwa omu bichwi aina amani n'ekitinwa. 31Alituma abamalaika batangure enzamba kweta abantu, balishomboza endonkwaze kuruga omu nsi zona, kwema ndekelero egi y'eiguru kuturuka aha ndijo.”32“Mwegere aha muti gw'omutini: Orwo amatagi gagwo goroba, gakatutura obubabi, mumanya okwo ekyanda kyaija haihi. 33Kityo orwo mulibona ebi byona, mumanye okwo Omwana w'Omuntu ali haihi, yagobire aha bihigi.34Mbagambiire amazima, omuzarwa ogu tigulihagaho kuhika orwo ebi bilibaho. 35Eiguru n'ensi bilichweka, kyonkai ebigambo byange tibilichweka.”36“Nawe ekiro ekyo n'esaa egyo taliho alikubimanya, nangu n'abamalaika b'omw'iguru, nangu n'Omwana w'Omuntu, shana Tata wenkai.37Emiizire y'Omwana w'Omuntu elishusha ebyabaireho omu makiro ga Noa. 38Manyasi omutunga gutakaizire abantu bakaba nibalya, nibanywa, nibashwera, nibashwerwa, kuhika kiro ekyo Noa yatahiire omu bwato. 39Mara tibaina kyobamanyire, omutunga gwalemwa gwaija gwabamira gwabamaraho, nikwo n'emiizire y'Omwana w'Omuntu eliba.40Abashaija balishangwa bali babili omu ndimiro, omoi balimutwara hasigarweho omoi. 41Abakazi balishangwa bali babili aha rubengo nibasa, omoi balimutwara hasigarweho omoi. 42Aha rw'ekyo mwikare muzoire amaisho, aha rw'enshonga timulikumanya kiro eky'Omwana w'Omuntu aliiziraho.43Kyonkai mwekomye ekigambo eki: Nyin'enju kayakumanyire esaa ey'omushuma araiziraho omw'itumbi, yakwikaire narora tiyakumulekire kumutemera nju. 44Kityo nainywe kwakwo mwikare mwetekatekire; ahakuba rw'okuba Omwana w'Omuntu aliizira aha saa eyo mutetegeire.”45“Ni mwiruki omwesigwa mara omugezi owo mukamawe yasigire yakwasa ekaye kubagabira ebyakulya orwo esaa y'okulya yagoba? 46Omwiru ogwo aliba muberwa orwo mukamawe alija akashanga nagabira aba wenene nk'okwo yamuragiire. 47Nimbagambira amazima, alimutaho kugelera ebye byona.48Kyonkai omwiru mubi aije alenge aha katimake ati, ‘Mukama wange yakelererwa,’ 49abanze kutera abairu batahibe, alye, anywe n'entamiizi, 50mukama w'omwiru ogwo aliizira aha kiro ekyo atamwetegeire, aletwe esaa ey'atalikumanya. 51Omukama ogwo alibonabonyia omwiru mubi, amunage omu ngobya; omu ngobya ezo nimwo abantu barachuliraga bakanena n'amaino.”
251“Omu bir'ebyo obukama bw'omw'iguru bulilengwa aha baisiki ikumi abakwete etara zabo kugya kuchwekera kishwera n'omugore. 2Omuli abo, abatanu bakaba bali bafera, kandi abatanu abasigaire bali bagezi. 3Abafera kabatwete etara tibatwete majuta. 4Kyonkai abagezi bakatwara etara hamoi n'echupa z'amajuta.5Kishwera agya akelererwa, aho bona basomba balemwa banagira. 6Omu kiro eitumbi habaho omuranga bati, ‘Omutono, kishwera yaija! Muturuke mumwakiilire.’7Aho abaisiki abo bona baimuka bahemba etara zabo. 8Abafera bagambira abagezi bati, ‘Mutuheho otujuta, etara zaitu zatwalilirwa kuraara.’ 9Nawe abagezi bahorora bati, ‘Haliho orwo gatakutumara ichwe na inywe; hakili mugye omu batunzi mwegulire aganyu.’ ”10“Kababaire bagenzire kugura amajuta ago, kishwera aija, aho abashangirwe baliho bataaha nawe omu nju bakora obugenyi bw'obushwere; n'orwigi rukomwa. 11Ahanyuma n'abaisiki abandi kwakwo baija nibagamba bati, ‘Rugaba, mukama batukingulire.’ 12Kyonkai wenene ahorora ati, ‘Mbagambiire amazima, inye tindikubamanya.’ 13Ahonu mwikare muzoire amaisho, enshonga timulikumanya kiro na saa.”14“Kandi obukama bw'omw'iguru nibushusha omuntu ayaizire kugya omu tabaro, aketa abairube akasiga yabakwasa ebye. 15Omoi yamuha etalenta itanu, ondijo yamuha ibili n'ondijo yamuha emoi; buli omoi yamuha kuhondera obushoborabwe. Akwata omuhanda agenda. 16Ayahairwe etalenta itanu ayanguhya agya azitunduurana, aihyamu etalenta ezindi itanu.17Kityo n'ayaboine ibili aihamu ezindi ibili. 18Kyonkai ayaboine emoi, agya alima akaina omw'itaka ashelekamu etalenta ya mukamawe.19Eibanga lyahingwire lirai, mukama w'abairu abo aija, ayema nabo kubara empiha ezo yabaire abasigiire. 20Ayabaire ahairwe etalenta itanu aija aleterana n'ezindi itanu, nagamba ati, ‘Mukama wange okampa etalenta itanu, leba ezindi itanu ezo nyihiremu.’ 21Mukamawe amugambira ati, ‘Kazare mwiru muge mara mwesigwa; obaire mwesigwa aha bike, ndakukwasa bingi ebishagireho; ija oshemelerwe na mukama wawe.’22N'ayabaire aboine etalenta ibili aija nagambira mukamawe ati, ‘Rugaba, okampa etalenta ibili, leba nyihiremu etalenta ezindi ibili.’ 23Mukamawe amugambira ati, ‘Kazare mwiru muge mara mwesigwa; obaire mwesigwa aha bike, ndakukwasa bingi ebishagireho; ija oshemelerwe na mukama wawe.’24N'ayabaire aboine etalenta emoi aija nagamba ati, ‘Rugaba, nkamanya okw'oba muyebe, ogesha mbali otabibire, oyanura eby'otayanikire. 25Kityo inye nkatina, nagenda nasheleka etalenta yawe omw'itaka. Leba ebyawe niby'ebi.’26Mukamawe amuhorora ati, ‘Iwe mwiru mubi omunafu! Okamanya okwo ngesha mbali ntabibire, nyanura mbali ntayanikiire? 27Ahonu etalenta yange wakugitwete omu benki, aho kanakwizire nakuboine ebili byange hamoi n'amagoba.28Kityo etalenta gimwake, mugihe ow'etalenta 10. 29Buli omoi aliba ain'ake niwe alyongerwaho ebishagireho, atunge aganagane. Kandi atainake, n'ako aliba ainako balikamwaka. 30Omwiru ogu ataina mugasho mumunage aheru omu mwilima; omu mwilima ogwo nimwo abantu barachuliraga bakanena n'amaino.’ ”31“Orwo Omwana w'Omuntu alija omu kitinwakye aina abamalaikabe bona, aho alisingira aha nketo ey'ekitinwa. 32Amahanga gona baligashoroza bagalete omu maishoge, abataishurane nk'okwo omushumba ataishurana entaama n'embuzi. 33Entaama aliziteka omukonogwe gwa bulyo, kandi embuzi aliziteka obumosho.34Aho Omukama aligambira abaliba bali obulyobwe ati, ‘Ija inywe abo Tata yahaire omugisha, mulye obukama obwo mwatekatekeirwe kwema ensi etonzirwe. 35Nobona nkaba nyina enjara mwampa ekyakulya, nkaba nyina eiliho mwampa eky'okunywa, nkaba ndi omu rugendo mwampa oburaro; 36nkaba ndi bushai mwanjweka, nkaba ndwaire mwaija kundeba, nkaba ndi omu kifungo mwaija mwandeba.’37Nirwo abagorogoki balimuhorora bati, ‘Mukama, tukakubona maki oina enjara tukakugabira, anga oin'eiliho tukakuha eky'okunywa? 38Isi ni maki orwo twakuboine oli omu rugendo tukakuha oburaro, anga oli bushai tukakujweka? 39Tukakubona maki orwaire anga oli omu kifungo tukaija kukuleba?’ 40Omukama alibahorora ati, ‘Nimbagambira amazima, ebyo mwakoleire omoiho omuli barumuna bange abato muno, mukabikolera inye.’41Ahanyuma aligambira abaliba bamuli obumosho ati, ‘Mundugeho inywe abaraamwa, mugende omu muliro ogutalihwaho ogwo Sitani yahembeirwe hamoi n'abamalaikabe. 42Ahakuba nkaba nyina enjara timwampaire kyakulya, nkaba nyina eiliho timwampaire kyakunywa; 43nkaba ndi omu rugendo timwampaire buraro, nkaba ndi bushai timwanjwekire, narwara, mara nagya omu kifungo timwandebire.’44Nabo kwakwo balihorora bati, ‘Mukama, tukakubona maki oina enjara anga oin'eiliho, anga oli omu rugendo, anga oli bushai, anga orwaire anga oli omu kifungo tukaburwa kukujuna?’ 45Alibashubamu ati, ‘Nimbagambira amazima, orwo mutakoleire n'omoi omu bato aba, timwakoleire inye.’ 46Abo balibona ekibonabonyio eky'eirai lyona, kyonkai abagorogoki balibona oburora obutalihwaho.”
261Yesu kayamazire kugamba ebyo byona, yagambira abegesibwabe ati, 2“Nimumanya akwo hasigaire ebiro bibili ekiro kya Pasika kugoba, kandi Omwana w'Omuntu nibaija kumukwasa ababisha kumubamba.”3Aho abakuhani bakuru n'abagurusi b'embaga bateranira omu kikaare ky'Omukuhani Nyamukuru ayabaire nayetwa Kaifa, 4batensa okwo barakwata Yesu kitamanyikire bakamwita. 5Kyonkai bagamba bati, “Tutamukwatira mu kiro kikuru, rutaija rukaba rushengo omu bantu.”6Yesu kayabaire ali Betania omwa Simoni omubembe, 7haija omukazi aina echupa y'eibare einamu amajuta g'eiguzi lihango muno, amugoba agamushesha aha mutwe, aho wenene ali aha meza nalya. 8Abegesibwa kabaaboine batyo batamwa, bagamba bati, “Amajuta aga gafaki? 9Manyasi gakuguziibwe garugwamu empiha zitali zijege tuziha abanaku.”10Yesu kayabimanyire ababaza ati, “Kubaki nimwita kubi omukazi ogu? Aha rw'enshonga yankolera ekintu kirungi. 11Buli kaanya inywe abanaku muba mwinabo, kyonkai inye timulikwija kwikara nanye biro byona.12Okunsiiga amajuta aga omubili gwange, yakikora kuntekateka kuziikwa. 13Nimbagambira amazima, hona hona omu nsi mbali amakuru garungi aga gararangwaga, ekyo yakora balikibarura nibamwijuka.”14Omoi omu begesibwa 12 ayayetwaga Yuda Isikariote, akwata omuhanda agya omu bakuhani bakuru, 15ababaza ati, “Murampaki kandamubanaga omu mikono?” Bamushashura ebichweka makumi gashatu by'efeza. 16Kuruga aho ata nahigiliza obushango bw'okumubanja.17Aha kiro kya mbere ky'Omukate Gutatumbisiibwe, abegesibwa baija ahali Yesu bati, “Noyenda tukushemeleze nkahai mbali oraliira Pasika?” 18Abahorora ati, “Mugye omu kigo omw'Omuntu nanka, mumugambire muti, ‘Omwegesa nagamba okwo akanya kagoba; naija kushemeleza Pasika omwawe hamoi n'abegesibwabe.’ ” 19Abegesibwa bakora nk'okwo Yesu yabaragiilira, batekateka Pasika.20Eizoba kalyatobeire araagira n'abegesibwabe 12. 21Orwo babaire nibaraagira agamba ati, “Mbagambiire amazima, omuli inywe halimu arambanja.” 22Bajumara muno, babanza kumubaza omoi omoi bati, “Mukama n'inye?”23Ahorora ati, “Owo twakoza hamoi omu pakuli niwe alikwija kumbanja. 24Omwana w'Omuntu naija kufa nk'okwo kyamuhandikirweho, kyonkai alibona ogwo alikwija kubanja Omwana w'Omuntu! Kyakushemeire k'omuntu ogwo yakuba atazairwe.” 25Yuda ayamubanzire abaza ati, “Rugaba n'inye?” Yesu amuhorora ati, “Wakigambakwo!”26Kababaire nibaragira, Yesu akwata omukate, asiima, agubegura, aguha abegesibwabe agamba ati, “Tora mulye; ogu mubili gwange.”27Ashuba akwata ekikompe, kayamazire kusiima nakyo akibaha nagamba ati, “Mukinyweho inywena; 28aha rw'okuba obu bwamba bwange obw'endagano empya obulikwija kushesheka aha rwa bangi kabagarulirwa entambara zabo. 29Mbagambiire, tinkishuba kunywa divai kuhika kiro ekyo ndinywa empya omu bukama bwa Tata.”30Kabamazire kuhoya oruhoya baturuka bagya omw'ibanga ly'Emizeituni. 31Aho Yesu agambira abegesibwabe ati, “Omw'itumbi eli nimwija kwiruka mukannagaho. Manya kikahandikwa kiti, ‘Nditera omushumba, obuhyobwe bw'entaama bwenaganage.’ ” 32“Kyonkai orwo ndahimbuka ndabebembera Galilaya.”33Petero amugambira ati, “N'orwo bona barairuka bakakunagaho, inye tinkunageho n'akake.” 34Yesu amugambira ati, “Nkugambire amazima, omu kiro omu mwonene, enkokoromi etakakokoromire, oranyetonga kashatu.” 35Petero amugambira ati, “N'orwo ndaragirwa kufa na iwe, tindikwija kukwetonga.” Abegesibwa bona nabo bagamba batyo.36Nikwo Yesu kugenda n'abegesibwabe abo omu mwanya ogulikwetwa Getisameni, abagambira ati, “Mushuntame hanu aha, inye ngye kulinya kushoma enshara.” 37Agenda na Petero na batabani ba Zebedayo babili, abanza kujunaara n'okubangaranwa omwoyo. 38Abagambira ati, “Omwoyo gwange gwina obujune bungi muno, ndaliire kufa. Mwikare hanu aha. Mutanagira, twikare hamoi.”39Agendaho akatambi kake ajumara ahansi ashaba ati, “Tata, kakilikushoboka ekikompe eki kimpingure; kyonkai bitaba kwo inye ndikwenda, shana bibe okwo iwe olikwenda.” 40Agoba abegesibwabe ashanga banagiire. Agambira Petero ati, “Inywe mwalemwa kwikara nanye mutanagiire esaa emoi yonkai? 41Mutanagira, mushome enshara mutaija mukagwa omu kilengeso. Omu mazima omwoyo nigwenda kyonkai obunyama bujege.”42Ashuba agenda elya kabili ashaba ati, “Tata, k'ekikompe eki kitalikumpingura ntakinyoire, eky'olikwenda singa kibe.” 43Ashuba aija ashanga banagiire, okuba oturo tukaba tubakilize amani. 44Ashuba abasigaho ashaba omurundi gwa kashatu, nagamba emigambire yonene.45Aho agoba abegesibwabe ababaza ati, “Mukyanagiire, muhumwire? Leba esaa yagoba, Omwana w'Omuntu baija kumubanja kumunagira abafakare. 46Imuka tushangwe nitugenda, leba embanzi yange niy'egyo yaija.”47Yesu kayabaire akyagamb'ebyo, Yuda omoi omw'ikumi na babili aija n'embaga etali nke baina embanda n'erungu, batumirwe abakuhani bakuru n'abagurusi b'embaga. 48Embanzi ekashangwa yabahaire akamanyiso negira eti, “Owo ndanywegera niwe wenene, mumukwate.”49Niho honkai agoba Yesu nagamba ati, “Kamelere Rugaba!” Mara amunywegera. 50Yesu amubaza ati, “Munywanyi wange, waletwaki?” Nikwo kwija bakamutaho engaro, bakamukwata.51Aho oraleba! Omoi omu bo Yesu yabaire ainabo aimukya omukono ashohorora embanda agitemesa omwiru w'Omukuhani Nyamukuru amutemaho okutwi. 52Aho Yesu amugambira ati, “Garura embanda omu kiraro kyayo. Enshonga bona abakwata embanda balimarwaho embanda. 53Nolenga oti tinakugambira Tata, aho n'aho akantwekera amahe agashagire 12 ag'abamalaika? 54Isi aho ebihandiko bitakatifu biragobelera maki okwo ebi bili by'okubaho?”55Omu kaanya ako Yesu agambira embaga egyo ati, “Mwanzinda n'embanda n'erungu kunkwata nk'omushuga? Buli kiro nashuntamaga Rwensinga n'inyegesa, timukankwataaga. 56Kyonkai ebi byona byabaho eby'abarangi bagambire omu bihandiko bitakatifu kabigobelera.” Aho abegesibwa bona bamunagaho, bairuka.57Abakwete Yesu bamutwalira Kayafa Omukuhani Nyamukuru, niho n'abagurusi n'abegesa b'Amateka babaire bateraniire. 58Petero yamuhondera nasigara haraimu, agoba nyarubuga omw'Omukuhani Nyamukuru, ataha omunda ashuntama n'abalinzi kuleba enzindo erab'ehai.59Abakuhani bakuru n'orukiiko rwona ruhanyahanyia ebishuba eby'okuhangilira Yesu babone kumwita. 60Kyonkai n'orwo bamuhangiliire bingi enshonga tiyazokire n'emoi. Obugenda bw'eirai harugwamu babili 61bagamba bati, “Omuntu ogu agambire okwo alikushobora kukambura Rwensinga ya Ruhanga, akashuba akagyombekera ebiro bishatu.”62Omukuhani Nyamukuru ayemelera amubaza ati, “Toina kyakuhorora? Aba nibakutoijera ahali bihai?” 63Kyonkai Yesu tiyajegire. Omukuhani Nyamukuru ashuba amugambira ati, “Nakutaho Ruhanga asingiire, tugambire k'oraba niwe Kirisito Omwana wa Ruhanga!” 64Yesu agamba ati, “Wakigamba. Kyonkai mbagambire, ahanyuma nimwija kubona Omwana w'Omuntu asingiire aha bulyo bw'Omushobora, naletwa omu bichwi.”65Nikwo Omukuhani Nyamukuru kutagura enyambarwaze akagamba ati, “Yarogota! Abajulizi tukyahiiga baahai? Inywe nywenene mwayehulilira okwo yarogota. 66Nimuramuraki?” Bahorora bati, “Naragirwa kufa.”67Aho bamuchwera omu maisho, bamutera. Nangu abandi bamutera empi 68nibagamba bati, “Otubaasire, iwe Kirisito! Ayakutera n'ohai?”69Aho Petero akaba ashuntamire aheru omuli nyarubuga. Omuzana aija amugoba agamba ati, “Naiwe waba oina Yesu Omugalilaya.” 70Petero ayetonga ekigambo ekyo omu maisho ga bona, nagamba ati, “Eby'olikugamba tindikubimanya.”71Kuturuka ati nagoba omu kishasi omuzana ondijo amubona, agambira ababaire bemeleireho ati, “Omushaija ogu yaba aina Yesu owa Nazareti.” 72Petero ashuba ayetonga ekigambo ekyo narahira ati, “Omushaija ogwo inye tindikumumanya.”73Akaanya kagufi kahinguraho ababaire bali aho baija bagambira Petero bati, “Ky'amazima naiwe oli wabo; nangu n'emigambire yawe nekubanja.” 74Nikwo kubanza kurahira nayekeena ati, “Inye nti omushaija ogwo tindikumumanya.” Aho n'aho enkokoromi ekookoroma. 75Nikwo Petero kwijuka ekyo Yesu yabaire agambire ati, “Enkokoromi etakakokoromire oraba wanyetongire kashatu.” Ashohora alira muno.
271Kabwakeire abakuhani bakuru bona n'abagurusi b'embaga bategeka kwita Yesu. 2Bamuboha bamutwara bamukwasa Pilato, gavana.3Yuda embanzi kayaboine okwo bamuramura kufa, ayechuza, ebichweka 30 by'efeza abigarulira abakuhani bakuru n'abagurusi, 4nagamba ati, “Nafakara orwo nabanja omuntu ataina ntambara nkamwisa.” Bamushubamu bati, “Ichwe ebyo bitukweteki? Iwe ebyo byawe.” 5Kayamazire kujugunya ebichweka 30 ebyo omuli Rwensinga, agenda agya ayehanika.6Kyonkai abakuhani bakuru abo bakwata ebichweka ebyo 30 by'efeza, bagamba bati, “Titulikujuburwa kubiteka buhanika, orwo zili mpiha ezaisa omuntu.” 7Kityo baikilijanyia, baziguza ekisi ky'omubumbi, kuta nibaziikamu abanyamahanga. 8Aha rw'ekyo kwema aho kuhika mwaha ekisi ekyo kyetwa, “Kisi ky'empiha zaisize omuntu.”9Nikwo kugobeelera ekigambo ekyagambirwe Omurangi Yeremia ati, “Bakakwata ebichweka 30 by'efeza, eiguzi ly'ogwo owo Abaisiraeli abandi bachwire, 10baziguza ekisi ky'omubumbi, nikwo Omukama yandagiliire.”11Yesu ayemelera omu maisho ga Pilato gavana. Gavana amubaza ati, “Iwe oli Mukama w'Abayahudi?” Yesu ahorora ati, “Wakigamba.” 12Kyonkai orwo yatoijeirwe abakuhani bakuru n'abagurusi tiyahoroire. 13Nikwo Pilato kumugambira ati, “Ebyo balikukugambaho byona tolikubihulira?” 14Kyonkai Yesu tiyamuhoroire, nangu n'aha kigambo kimoi kyonkai aha byobamutoijeireho. Ekyo gavana kikamutangaza muno.15Aha kiro kikuru gavana yataishuliraga embaga omufungwa wena wena ow'embaga yayendaga. 16Bakaba bainayo omufungwa ruchwa nayetwa Baraba.17Kityo kabamazire kugobana Pilato ababaza ati, “Nimwenda mbataishulire ohai, Baraba anga Yesu owo beta Kirisito?” 18Ahakuba akaba namanya okwo okumuleta bakasindikwa eitima. 19Lero kandi orwo wenene Pilato yabaire aikaliire entebe eyo yaramuliragamu, mukaziwe akamutumaho ati, “Omushaija omugorogoki ogwo otagira kyowamukoraho, aha rw'enshonga kir'eki omu kiroto nashasha muno aha rwa wenene.”20Kandi abakuhani bakuru n'abagurusi bakaba niboohya abantu kushaba Baraba, kwita Yesu. 21Gavana ashuba ababaza ati, “Omu babili aba nimugonza kambataishulira ohai?” Bamuhorora bati, “Baraba.” 22Pilato ababaza ati, “Aho Yesu owo beta Kirisito mugire ntai?” Bona bagamba bati, “Abambwe.”23Pilato ati, “Ahakubaki? Kabiki ak'akozire?” Bonene aho bashagaho okwashana bati, “Abambwe.” 24Pilato kayaboine okwo byabura nshai, abantu bazoka oti baramukiza amani, yakwata amaizi yanaba omu maisho g'embaga nagamba ati, “Omuntu ataina ntambara k'arafa batalimumbaza, inywe mubyemanyire.”25Abantu bona bahorora bati, “Obwambabwe butururuukire ichwe chwenene n'abaana baitu!” 26Aba nirwo abataishulira Baraba. Kayamazire kutera Yesu amubataishulira kabamubamba.27Abaisherukare ba gavana batwara Yesu omu rubuga omu kikaare ekyayetwaga Puraitorio, bamuhuruliza eihe lyona. 28Bamujuura, bamujweka omwendo ogulikutukura nigwengelera, 29bahogosha orukinga rw'amahwa barumuteka omu mutwe, bamukwasa n'orubingo omu mukono gwa bulyo. Bamubandama omu maisho nibamujaamya, bakwese, “Kamelere Mukama w'Abayahudi!”30Bamuchwera ebichwanta, bakwata n'orubingo barumuteza omu mutwe. 31Kabamazire kumujaamya batyo bamujuura omwendo ogulikutukura nigwengelera, bashuba bamujweka emyendoye, bamutwara kumubamba.32Kababaire nibagenda batanganwa omuntu wa Kirene, eibaralye Simoni. Omushaija ogu bamugimba kutwara omusaraba gwa Yesu. 33Kabagobire mbali halikwetwa Goligota (omwamya gw'ekitwe ky'omuntu), 34bamuha edivai y'okunywa, etabangijainyiemu endurwe, kyonkai kayamazire kugirozaho tiyaginyoire.35Kabamazire kumubamba babegana ebijwarobye nibabitekera enshoga. 36Bashuntama ahansi baikara bamuhangire amaisho aha musaraba. 37Aha mutwegwe eiguru bataho ebyo bamuhangiliire, babihandika bati, “Ogu ni Yesu Omukama w'Abayahudi.”38Abashuuga babili bakaba babambirwe kimoi nawe, omoi mukono gwa bulyo n'ondijo ogwa bumosho. 39N'ababaire nibahingura bamulerura nibachundachunda emitwe 40nibagamba bati, “Iwe ayagambiire kukambura Rwensinga okagyombekera ebiro bishatu, oyerokore! K'oraba oli Mwana wa Ruhanga ruga aha musaraba.”41Kutyo n'abakuhani bakuru hamoi n'ebegesa b'Amateka n'abagurusi bamujaamya nibagamba bati, 42“Akarokora banu wenene yalemwa kwerokora. Niwe Mukama wa Isiraeli; mbwenu aha naruge aha musaraba tumwikilize.43Ayesiga Ruhanga, Ruhanga n'amurokore k'araba namugonza; manya akagamba okwo aba Mwana wa Ruhanga!” 44N'abashuga ababaire babambirwe nawe bamuruulira batyo.45Kwema aha saa mukaga kuturuka esaa mwenda, ensi yona ebambwa omwilima. 46Zikaba zaija kuba esaa mwenda Yesu ataka n'eiraka lihango ati, “Eli Eli, lama sabakitani?” Nikwo kugir'oti, “Ruhanga wange, Ruhanga wange, kiki nka wanagirana?” 47Abashangirwe bemeleireho kabahuliire ebyo bagamba bati, “Omuntu ogu nayeta Eliya.”48Harugwaho omoi ayanguha akwata ekikunjuzo, akiijuza esiki, akitungika aha rubingo namuha esiki egyo kuginywa. 49Kyonkai abandi bati, “Leka tulebe Eliya nk'araija kumurokora.” 50Yesu ashuba ataka n'eiraka lihango, omwoyo guhwamu.51Orutimbe rwa Rwensinga runyamukamu habili, kwema eiguru kwija ahansi. Ensi etengeeta n'enyazi zatika. 52Enyanga zikinguka, emibili y'abatakatifu ababaire bafire ehimbuuka. 53Yesu kayabaire yahimbukire abatakatifu abo bataha omu kigo bahabukira abantu bangi.54Omukuru w'abaisherukare n'abo yabaire ainabo balinzire Yesu, babona omusisi n'ebyabaireho byona. Batina muno, bagamba bati, “Mazima kwo ogu yaba ali Mwana wa Ruhanga!” 55Honene aho hakaba haliho abakazi bangi nibalebera harai, abahonderaga Yesu kwema Galilaya. 56Omuli bonene abo ni Maria Magadalena, na Maria nyina Yakobo na Yozefu, na nyina Yakobo na Yohana, niwe muka Zebedayo.57Kabwabaire bwaigoro, omushaija omutungi aruga Arimatea, eibaralye Yozefu, nawe kwakwo akaba ali mwegesibwa wa Yesu. 58Akwata omuhanda agya owa Pilato amushaba omubili gwa Yesu. Pilato aragira kabagumuha.59Yozefu akwata omubili ogwo aguzinga omu mwendo gwa kitaani nungi, 60aguteeka omu nyanga eye nyabwe, eyo yabaire atemire omu rwazi. Ahilingisa eibare lihango muno alibunza enyanga, agenda. 61Maria Magadalena na Maria ondijo bakashangwa baliho, bashuntamire balebire enyanga egyo.62Bukeire bunu, niyo Sabato, abakuhani bakuru n'Abafarisayo bahurulira omwa Pilato 63bagamba bati, “Waitu nitwijuka okwo enkurumbuzi elinya yagambire ekyarora. Ekagamba kuhimbuka aha kiro kya kashatu. 64Orw'ekyo oragire enyangaye elindwe kuhika aha kiro kya kashatu, abegesibwabe bataija bakamwiba bakashuba bakagambira abantu bati, ‘Ahimbukire omu bafu.’ Ekishuba ekya nyuma kyakuba kibi kushaga ekya mbere.”65Pilato abagambira ati, “Inywe mwina abaisherukare ab'okulinda. Mugende mulinde enyanga egyo okwo mulikushobora.” 66Kityo bagenda, okulinda enyanga egyo eibare balikomesa omuhuri, batekaho n'abalinzi.
281Sabato eraire ehoiremu, ekiro kya mbere ky'eilimansi obwire nibushara emambya, Maria Magadalena na Maria ondijo baimukya kugya kuleba enyanga. 2Habaho omusisi gw'amani; omumalaika w'Omukama aruga omu iguru aija ahilingisa eibare, alishuntamaho.3Emishusire akaba nashusha orurabyo, kandi ekijwarokye nikyera nk'eseruji. 4Abalinzi bamutina, bajugumba, nangu bashusha oti bafa.5Kyonkai omumalaika agambira abakazi abo ati, “Mutatina aha rw'okuba nimanya okwo mulikuhiiga Yesu owo babambire. 6Takili hanu aha yahimbukire nk'okwo yagambire. Rugayo mulebe mbali abaire abyamire. 7Ahonu mugende bwangu mugambire abegesibwa okwo yahimbuka omu bafu, mara leba naija kubebembera kugya Galilaya, niyo muramubonera, inye nabagambira.”8Kityo baruga aha nyanga omu bwangu, oku nibatina kandi oku nibashemelerwa, bairuka kugya kugambira abegesibwa. 9Ahanyuma kake Yesu ababuganganwa, abashuura ati, “Muraire mutai!” Bamugoba bamukwata amaguru bamufukamira. 10Aho Yesu abagambira ati, “Mutatina. Mugende mugambire barumuna bange bagende Galilaya, niyo barambonera.”11Orwo babaire nibagenda, abalinzi abandi bataha omu kigo babarulira abakuhani bakuru byona ebyabaho. 12Abakuhani bakuru kabamazire kuterana n'abagurusi bakatensa, bakwata empiha baziha abaisherukare 13nibabagambira bati, “Mugambire embaga muti, ‘Abegesibwabe baizire omu kiro tunagiire bamwiba bamutwara.’14Ka gavana arahulira amakuru aga ichwe turamugwisiliza tubajune orushengo.” 15Kityo batwara empiha mara bakora nk'okwo abakuhani bakuru babaragilira. Ekigambo eki kikaranda omuli Bayahudi kuhika kir'eki.16Ahanyuma abegesibwa eikumi n'omoi bagya Galilaya aha ibanga mbali Yesu yabaire abaragiliire. 17Orwo bamuboine bamufukamira. Kyonkai abandi balengeshanyia.18Yesu aija abagambira ati, “Mpairwe obushobora bwona omw'iguru n'omu nsi. 19Aha rw'ekyo mugende amahanga gona mugahindure begesibwa bange, nimubabatiza omw'ibara lya Tata n'Omwana n'Omwoyo Mutakatifu.20Mubegese kwekomya byona ebyo nabahangiire. Kandi ndi hamoi na inywe ebiro byona kugoba aha maheleruka.”
Marko
11Embandizo ye evangeli ya Yesu Kristo, Omwana wa Katonda. 2Nkokwo Omurangi Isaya yahandikiire ati, "Leba, natuma entumwa yange kukwebembera, kukushemereza omuhanda; 3Eiraka lyo omuntu alikukungira omwilungu, ati: Mushemeza omuhanda gw`Omukama, mugorore emihanda."4Yohana akaba ali omw'irungu nayegesa abantu ka bechuza entambara, bakagarulirwa, nashuba nababatiza. 5Ensi yona ya Buyahudi yamugobaga, hamwe n'aba Yerusalemu bona. Ababatiza omu Mwiga gwa Yordani nibechuza entambara zabo. 6Yohana yajwaraga ekijwaro ky'omushenshe gw'engamia, yayekomaga omukandara gw'oruhu omu nyugunyu, kandi yalyaga enzige n'obwoki bw'omwishwa.7Yarangangaga ati, "Alio alikwija enyuma yange alikunshaaga, nangu tinsaine kumujuura ne biratwabye. 8Mbabatize n'amaizi, kyonka wenene alibabatiza na Mwoyo Alikwera."9Omu biro ebyo Yesu aruga Nazareti eya Galilaya abatizibwa na Yohana omuli Yordani. 10Kayamazire kuruga omu maizi, aho n'aho abona iguru ndikinguka, na Mwoyo namsongokera omu mishusire y'e kiiba. 11N'eiraka liruga omw'iguru liti, "Iwe oli Mwanawange omugonzibwa, n'iwe nshemelerwa."12Mwoyo ayanguha amutwala omw'irungu. 13Omw'iguru omwo akamaramu ebiro makumi gane nalengesibwa Shetani. Yaikaragayo nebigunju; kandi abamalaika bakaba nibamwamba.14Aho Yohana kababaire bamkwasire, Yesu eija Galilaya naranga evangeli ya Katobda 15nagamba ati,"akanya kahika, obukama bwa Katonda bulihei; Mwechuze kandi mwikilize Evangeli."16Kayabaile naraba anyanja ya Galilaya abona Simoni na Andrea omurumuna nibanaga eishabo omunyanja; Nabona bakaba bali abajubi. 17Yesu abagambira hati, "Mpondere, ndabaindura kuba abajubi babantu." 18Aho nao basigao amashambo gabo bamuondera.19Kayagenzireo akatambi akandi kake abona Yakobo owa Zebedayo na Yohana omurumna, bakaba bali omubwato nibashobolora amashambo. 20Ayanguha abeta, basiga ishebo Zebedayo omu bwato n`abakozibe, bamuhondera.21Kabagobile Kaperinaumu, ekiro kye sabato, Yesu ataha omu sinagogi abanza kwegesa. 22Batangara emyegeshezeye, aha rw`okuba akegesa nk`omuntu eine obushobora ti nkabegesa ba Mateka.23Omusinagogi yabo akaba halimu omuntu ayabire aine eiShetani. 24Likunga liti, notwenzaki iwe Yesu owa Nazareti? Waija kutwita? Ninkumanya oli ohi, oli Mtakatifu wa Katonda! 25Chonka Yesu alikabukira eiShetani elyo ati, "Silikwa oyesize mara omurugemu!" 26EiShetani likabisa omuntu ogwo nk'owensimbu limara limurugamu nilikunga n'amani.27Abantu bagwa omu kitangaro, bebaza bonene bonka nibagamba bati, "Kiki eki? Nemyegesheze emihya! AmaShetani nagabingisa obushobora mara nigamuhulira." 28Niho eiranga lye limanyika angi mara bwangu omu mukoa ogwataine Galilaya.29Omu sinagogi Yesu arahukamu ataha omwa Simoni na Andrea. Akaba aine Yakobo na Yohana. 30Aho nyinazara Simoni akashangwa anyamikirwe omushwago, bangua bamgambira omurwaire ogwo. 31Yesu eija amukwata omukono amwimukya omushwago gumurugaho nagu abatagaitira omunju omwo.32Bwigoro aha karemba bazana bamuletera abarwaire bona n'ababaire baine Amashetani. 33Ekigo kyona abantu bona bakashomboka baterana omumaisho genju egyo 34Akiza abarwaire bangi ababaire baine amarwara agaburingeli, abinga amashetani. Chonka tiyagajuburaga kwatura ekigambo, nobona gakaba nigammanya.35Omubwire bwabwankya kare Yesu akeimuka, yagenda aharubaju akashaba enshara. 36Simoni n'abo yabaire einabo abandi bamuondera. 37Bagya bamubona bamugambira bati, "Buli muntu nahiga iwe."38Abagambira ati, "Tugendelere tugye ahandi nayo mbase kurangilirayo; ekyo nikyo kyandesire. 39Araba omuli Galilaya yona, narangilira omu masinagogi zabo nabinga n,Amashetani.40Ija omubembe agoba ahali Yesu, abandama amugambira ati, ''Kawakwenda kunkiza nkera wakunkiza." 41Yesu amuganyizibwa, imukya omukono amukwataho, amugambira ati, "Ninyenda, oyere wikye." 42Aho honka ebibembe bimuhwaho, ayera ikya.43Aho Yesu amuhana, amara amutishura bwangu 44namugambira ati, "Oramanya otagira ekyo wagambira muntu; ogende oyeyoleke amukuhani, ogire n'ekihongo aha rw'okwezibwa kwawe okeikya: Nikyo kihongo ekyo Musa yaragiire k'abantu bamanyiraho."45Nawe kaya turukire abigamba byona, amakuru agamazaho ensi, na Yesu aba atakitaha omu kigo nibamubona. Aikara wenka aheru y'ekyaro kyonka abantu bakamuonderayo kuruga embaju zona.
21Ebiro ka byahingwire bike Yesu akagaruka Kapernaumu, kimanyika okwo yaizire, ali omuka. 2Abantu bangi bashomboka baburwa n'obwikaro, nangu n'aha mulyango chei; mara abarangira ekigambo.3Abandi baija bamuletera Yesu omuntu ayabaire akabaire orubaju, ashutwirwe abantu bane. 4Kababuzirwe agamugobya ahali Yesu aharw'obungi bw'abantu, balengelera mbali ali bashakarura oruswi. Orwo bamazire kutema ekihuru bamusongora bamutaire aha machera ago wenene ogwo ayabaire akabire orubaju yabaire abyamireho.5Kayaboine omwesigo gwabo, Yesu amugambira ayabaire akabire orubaju '' mwanawange, entambara zawe zaganyirwa." 6Ahonu abegesa b'Amateka abandi bashangwa bashuntamireho, nibebaza aha mutima bati, 7“Ahakubaki omuntu ogu nagamba ati? Yarogota! Ayakugarulira amafu n'ohai atali Katonda wenkai?”8Yesu ayanguha akenga omu mwoyo okwo abantu aba balikwebaza batyo aha mutima, na wenene ababaza ati, “Kiki kwebaza mutyo aha mutima? 9Ekyorobire kushaaga ni kihai, kugambira akabire orubaju nti, ‘Wagarulirwa amafu gawe,’ anga kugamba nti, ‘Imuka, okwate amachera gawe otambuke?’10Chonka mumanye okwo Omwana w'Omuntu omu nsi aina obushobora bw'okugarulira amafu,” nagambira akabire orubaju ati, 11“N'inye ndikukugambira, imuka, kwata amachera gawe ogye omuka.” 12Aimuka akwata amachera aturuka. Bona okwo bakamulebire, kibabera kitangaro, bahaisiliza na Katonda bakwese, “Ekilikushusha kiti titukakibonaga.”13Yesu ashuba atwarwa omuanda ogw'enyanja, embaga ehurura emuta omugati. Abegesa. 14Kayabaire nahingura abona omuLawi owa Alifayo ashuntamire omu ofisi y'abashoza, amugambira ati, “Ompondere.” omuLawi aimuka amuhondera.15Kayabaire ali omwo Yesu nalya akakulya, abashoza bangi n'abafakare bashuntama nawe, ahakuba hakaba haliho bangi ababaire bamuhondeire. 16Abegesa b'Amateka n'Abafarisayo kababoine okwo alikulya n'abashoza n'abafakare, babaza abegesibwabe bati, “Ahakubaki omwegesa wanyu nalya n'abaashoza n'abafakare?”17Yesu kayahuliire ekigambo ekyo abagambira ati, “Abagumire tibetaaga mutambi, shana abarwaire. Nkaija kweta abafakare, tinaizire kweta bagorogoki.”18Abegesibwa ba Yohana n'Abafarisayo basiibaga. Aho abantu baija babaza Yesu bati, “Kubaki abegesibwa ba Yohana. n'Abafarisayo basiiba, chonka iwe abegesibwa bawe tibalikusiiba?” 19Yesu abahorora ati, “Abagenyi aha kiro ky'obushwere bakusiiba baina kishwera? Orwo bakyaina kishwera tibakusiiba."20Ebiro biliija orwo balibaihyaho kishwera, aho kir'ekyo balisiiba. 21Taliho muntu ateka kiraka kihya aha mwendo gukuru. Kayakugira atyo ekiraka kitaguka aha mwendo, ekihya kiruga aha mwendo ogukuru, lero kandi aho emitagukire eba mibi kushagaho.22Taliho muntu ateka divai empya mu nshaho nkuru ya ruhu. Kayakutwaza atyo edivai ebarura enshaho, edivai eshesheka, n'enshaho z'oruhu zifa. Edivai empya egya omu nshaho z'oruhu ezihya.”23Ahali Sabato Yesu ashangwa naraba omu ndimiro z'engano. Kababaire nibagenda, abegesibwabe babanza kugutura ebikumba by'engano. 24Nikwo Abafarisayo kubaza Yesu bati, “Olebe, kubaki abegesibwa bawe nibakora ekizira ahali Sabato?”25Abagambira ati, “Timukashomaga ekyo Daudi yagizire orwo yabaire aine ametago n'enjara ekamulya wenene n'orwo yabaire ainabo: 26Okwo yatahire Rwensinga omwa Katonda, Orwo Abiatari ali Mukuhani Nyamukuru, akalya Omukate gw'Obusinge bwa Katonda, ogutajubulirwa muntu n'omo shana kuliibwa abakuhani bonka, amara yahaho n'abo yabaire ainabo?”27Abagambira ati, “Sabato ekagyaho aha rw'omuntu, omuntu talikutwarwa Sabato. 28Kityo Omwana w'Omuntu nangu n'iwe Mukama wa Sabato.”
31Aho Yesu ataha omu sinagogi, ashangamu omushaija akokosire omukono. 2Baikara bamutaireho amaisho kuleba nk'aramukiza ahali Sabato, baije bamukomeho omushango.3Yesu ayeta omushaija ogwo ayabaire akokosire omukono ati, “Ija kunu.” 4Bonene abo ababaza ati, “Nikijuburwa ahali Sabato kukora kurungi anga kukora kubi, kurokora omuntu anga kumwita?” Chonka besiza.5Abarabyamu amaisho anigaire, ashasibwa muno okugumangana kw'emitima yabo. Agambira omushaija ati, “Gorora omukono gwawe.” 6Abafarisayo baturuka, aho n'aho bategeka n'ab'omuteko gwa Herode okwo baramwita.7Yesu n'abegesibwabe bagaruka aha nyanja, n'embaga etali nke kuruga Galilaya emuhondera; baruga na Buyahudi, 8na Yerusalemu na Idumaya na buseli bwa Yorudani na bwatana Tiro na Sidoni: Abantu bangi muno bamugoba kuhulira ebyo yakoraga.9Aha rw'obungi bw'abantu agambira abegesibwabe kumuteekatekera obwato bataija bakamufunza. 10Akaba akilize bangi, kityo ababaire barwaire bona bakaba nibamigangana kumukoraho.11AmaShetani orwo gakamubonaga gamugwa omu maisho nigakunga gati, “Iwe oli Mwana wa Katonda.” 12Kyonkai wenene yagatangaga muno okumugamba.13Yesu atemba aha ibanga, ayeta abo yabaire nayenda; bamugoba. 14Arondamu 12, nibo yayesire ntumwa ab'okuta nibaikara nawe, n'okubatuma kuranga, 15kandi abaha n'obushobora bw'okubinga Amasitani. 16Eikumi na babili abo Yesu ogwo yaronzire ni Simoni owo yashubire aketa Petero,17Yakobo na Yohana batabani ba Zebedayo, abo yayesirwe Boanerge, nikwo kugir'oti baana b'enkuba. 18Haliho na Andrea, na Filipo, na Bartholomayo, na Mathayo, na Tomaso na Yakobo eya Alfayo, na Tadeo, na Simoni Omunyakanaani, 19na Yuda Isikariote ayaizire akamubanja.20Yesu agya omuka, embaga eshuba ehurura, nangu n'okulya tibaliire. 21Aba wenene kabakimanyire bagenda kumukwata, kuba abantu bakaba nibamugamba bati, “Ararukire.” 22Abegesa b'Amateka abarugire Yerusalemu abo bati, “Akwetwe Belizebuli, n'Amashetani agabingisa amani ga mukama wago.”23Abeta abagambira omu migani ati, “Sitani yakubinga ate Sitani? 24Engoma k'ebeganuka yonene yonka, esiliika. 25Eka k'ebeganuka yonene yonka, esiliika.26Na Sitheni k'abinga Shetani, wenene wenka aba abeganukire; aba atakiina mani, gamuwahileo. 27Kandi taliho muntu yakutaha mwa muntu ow'amani akamwaka ebye atabandize kumuboha. Kayakumara kumuboha nirwo yakumwakaga ebili omwe.28“Nimbagambira amazima, abantu baligarulirwa amafu gona, nangu n'ebirogoto ebyo balirogota. 29Chonka alirogota ahali Mwoyo Mwoyo aliKwera taligarulirwa n'akake. Entambaraye elimubaho eiralyona.” 30Okugamba atyo bakaba bagizire bati, “Ainamu eiSitani.”31Nyina n'abarumuna bija, batuma ow'okumubetera, chonka bemeleire aheru. 32Embaga ekaba emutaire omugati; harugwaho ab'okumugambira bati, “Nyoko na barumuna bawe na banyanyoko bali aheru nibakubaza.”33Yesu ahorora ati, “Mawe na barumuna bange ni baahai?” 34Areba amaisho ababaire bashuntamire bamuzingoire, agamba ati, “Leba, mawe na barumuna bange nib'aba abali aha! 35Wena akora ekyo Tata alikwenda n'iwe murumuna wange, n'iwe munyanyazi, n'iwe mawe.”
41Yesu ashuba abanza kwegesa aha Nyanja ya Galilaya. Abantu bangi muno basikuka bamugoba, ataha omu bwato omu nyanja abushuntamamu. Kandi embaga eikara aha mwaro. 2Abegesa ebintu bingi muno omu nfumo; abegesa nagamba ati3“Muhulire! Omubibi akaturuka kugya kubiba. 4Omu kubiba, embibo ezindi zagwa omu muhanda, ebinyonyi byaija byazilya. 5Embibo ezindi zagwa aha nsi ey'orwazi, aho eitaka likaba litaliho lingi, n'okumera zimera bwangu aha rw'enshonga eitaka likaba litali lingi kuzimu.6Omushana kagwajwire gwazibabuura. Zikoma aha rw'enshonga zikaba zitaina mizi. 7Embibo ezindi zagwa omu mahwa, zakura, chonka amahwa gazibuza obwikizo, tizarabire.8Embibo ezindi zagwa aha itaka lirungi, zamera, zageijage, zayakya, zaraba: Zaraba 30 omu 30, 60 omu 60 100 omu 100. 9Kigira matwi g'okuhulira ahulire.”10Yesu kayabaire yasigaire wenka, ababaire bamuli haihi, hamo n'eikumi na babili, bamubaza emigani egyo. 11Abagambira ati, “Inywe mushuruliirwe enama y'obukama bwa Katonda, chonka abali aheru abo nibagambirwa omu nfumo. 12Okubona babone chonka batagira kyobaihyamu, okuhulira bahulire chonka batagira kyobashobokerwa, bataija bakahinduka bakagarulirwa.”13Yesu abaza abegesibwabe ati, “Inywe timulikushobokerwa nfumo egi? Aho enfumo ezindi zona murazishobokerwa muta? 14Omubibi nabiba ekigambo. 15Aba nibo bali omu muhanda mbali ekigambo kilikubibwa. Orwo balikukihulira Sitani ayanguha aija aihyamu ekigambo ekyo ekyababirwemu.16Kandi kutyo ezabibirwe aha nsi ey'orwazi nibo bahulira ekigambo mara bakakitora bwangu nibashemelerwa. 17Chonka omu mitima yabo tibaina mizi. Nibaikara n'ekigambo akanya kagufi. Orwo balikugwa omu biyengo anga bakagingizibwa nibaturwa ekigambo ekyo, banguha bagwa.18Abandi nizo mbibo ezibibirwe omu mahwa. Nibo bahulira ekigambo, 19Chonka akahyahyano k'ensi n'okunulirwa eitunga, n'orwoyoyo rw'ebintu ebindi bibatahamu bifundagatanisa ekigambo kiburwa obwikizo, kiba kitakiraba. 20Nawe embibo ezabibirwe aha itaka lirungi nibo bantu abahulira ekigambo bakakiikiliza mara kikaraba 30 omu 30 60 omu 60 100 omu 100.”21Kandi Yesu abagambira ati, “Etara bagileta kugijumikiza ekitukuru? Isi bagiteka ahansi y'ekitanda? Manti egya ahatungamire. 22Taliho kishelekire ekitalishururwa. Kandi tabayo nama etaligya aha mushana. 23K'omuntu araba aina amatwi g'okuhulira, ahulire.”24Ashuba abagambira ati, “Ebyo mulikuhulira mubyekomye! Eiramu elyo muramura banu nilyo muliramurwa, nangu n'okushagaho. 25Manyasi araba ain'ake n'iwe alyongerwaho; kandi atainake, nangu n'ak'ainako balikamwaka.”26Yesu ayeyongera abagambira ati, “Obukama bwa Katonda nibushana okwo omuntu yakunaganagire embibo aha itaka, 27kyaba kiro yanagira, bwankya yaimuka, embibo ekamera mara ekakura atamanyire nibigenda bita. 28Embibo zonene nizemeza omw'itaka. Akababi niko kabanza, n'ekikumba kitaho, ahanyuma ekiraba kyera. 29Engano k'emara kwera, talinza, akwata orwabyo ashara, manyasi eigesha lyahika.”30Yesu agamba ati, “Obukama bwa Katonda tubushananganise, anga nfumoki eyo turachwa ekabushoborora? 31Nibushusha enjuma ya Haradali. Enjuma egyo kubibyarwa omumwitaka, omunsi zona omu njuma niyo eba nke mno. 32Orwo ebibwa ekura erugwamu ekiti kihango muno kushaaga ebiti ebindi byona, kigira amatagi gahango, n'ebinyonyi bigombekamu ebishunkuli.”33Yabagambiraga ekigambo omu nfumo nk'ezi ezo bashoboraga kushobokerwa. 34Tiyabagambiraga atabachweleire nfumo, chonka kayabaga yasigaire n'abegesibwa ba wenene abagambira buli kantu.35Kir'ekyo kalyatobeire Yesu agambira abegesibwabe ati, “Tushabuke tugye buseli.” 36Basigaho embaga, bagenda nawe omu bwato, chonka wenene akashangwa yabutahiremu. Kandi akaba ainaho amato agandi. 37Omuyaga gwija n'amani, amayengo gatera nigagwa omu bwato, obwato buralira kwijura.38Yesu akaba ali aha ngoba y'obwato, ayeshagwire omuto anagiire. Bamusisiimura nibamugambira bati, “Mwegesa, watuleka twafa?” 39Asisiimuka akabukira omuyaga, agambira n'enyanja ati, “Hora! Chuleera!” Omuyaga gubutama, habaho obuchulezi bungi.40Agambira abegesibwa ati, “Nimutinisibwaki? Timulikunyesiga?” 41Bakwatwa obutini bungi babazangana bati, “Chonka ogu ab'ohi, kuhulirwa omuyaga n'enyanja?”
51Yesu n'abegesibwabe bagoba buseli bunu bw'enyanja, omu nsi y'Abanyagerasi. 2Kayamazire kuruga omu bwato, omushaija aruga omu nziiko akwetwe eiSitani aija amutahiremu.3Wenene ogwo yaturaga omu nyanga, bakaba batakimuboha, nangu n'omunyororo gwonka kugumutaho. 4Bamukomaga n'empingo n'eminyororo kyonkai eminyororo agigutura, n'empingo azihendahenda ebigutuka. Taliho muntu yakushoboire kumwelenga.5Omukiro na mushana yaikaraga nakunga omu nyanga n'omu mabanga, nayekaratuza amabare. 6Kayamazire kubonera Yesu harai, agenda airukire amufukamira.7Akunga n'eiraka lihango, ati, “Nonyenzaki iwe Yesu Mwana wa Rukirabyona? Nakutaho Ktondaa otanshasa.” 8Okugamba atyo Yesu akaba amugambiire ati, “Iwe Sitani omuntu ogu omurugemu!”9Yesu abaza Sitani ati, “Eibara wab'oi?” Ahorora ati, “Eibara lyange ndi Legion; aha rw'okuba tuli bangi.” 10Amutagiliza muno Amasitani ago atagabinga mu nsi egyo.11Aho hakaba haliho obuyo bungi bw'empunu nizilya omw'ibanga; 12gamutagiliza gati, “Otutaishure tugye omu mpunu.” 13Aba nikwo agajubura, omushaija gamurugamu, gataha omu mpunu, zikaba nizelenga kugoba omu 2,000. Zihilingita aha bulengo, zigwa omu nyanja zitontobera.14Abashumba bairuka, ebyo babona eba baruro omu kigo n'omu byaro. Abantu baija kwelebera ekyabaho. 15Bakwata omuhanda baija ahali Yesu, babona ayabaire akwetwe Amasitani ali aho ashuntamire, ajwete mara aina amagezige gona, omuntu ayabaire aina Amasitani, batina.16Ababaire baboine eky'omurwaire w'Amasitani n'ebyaba aha mpunu babarura. 17Abantu babanza kutagiliza Yesu k'abarugira omu nsi yabo. 18 Kayabaire nataha omu bwato omushaija ayabaire akwetwe Amasitani amushaba kugenda nawe.18Kayabaire nataha omu bwato omushaija ayabaire akwetwe Amasitani amushaba kugenda nawe. 19Yesu ayanga, amugambira ati, “Oshube owanyu obone batahi bawe, obagambire byona eby'Omukama yakukolera, n'okwo yakuganyira.” 20Omushaija akwata omuhanda agaruka omu nsi y'ebigo 10 ebyayetwaga Dekapoli, agamba ebyo Yesu yamukolera; abantu bona batangara.21Orwo Yesu yagarukire buseli akashabuka n'obwato, embaga emuhurulira nyingi, aho wenene ali haihi n'enyanja. 22Eija omukuru omo w'esinagogi eibaralye Yairo. Kayamazire kubona Yesu amugwa omu maguru, 23amutagiliza ati, “Kahara kange kali haihi kufa. Singa oije okateho omukono kakire, karore.” 24Yesu agenda na Yairo. Abantu bangi bamuhondera, nibamufunza oku n'oku omu muhanda.25Hakaba haliyo omukazi arwaire ekiganga emyaka 12, 26yagiire aha batambi batali bake, empiha zamuwireho aha mukono, aburwa kwikya, anenwa kushagaho. 27Akaba yahuliize Yesu, aho aruga enyuma amuhondeire akwata aha kijwarokye.28Akaba nagira ati, “N'orwo ndakwata aha bijwarobye kusha ndakira.” 29Aho n'aho ekiganga kilekera, ayehulira n'omu rugingo okwo yakira oburwaire.30Yesu kuhulira okwo amani gamurugamu, akebuka bwangu amaisho aganaga omu mbaga, abaza ati, “Ayakwata aha bijwaro byange n'ohai?” 31Abegesibwabe bamugambira bati, “Nobona okwo embaga ekutangatangire embaju zona, noshuba nobaza oti, ‘Ayankwataho n'ohai?’ 32Wenene aleba oku n'oku nahiga ayamukwataho.33Nawe omukazi akashangwa namanya ebyamubaho, aija natina, nachundwa, amugwa omu maisho amugambira amazima gona. 34Yesu amugambira ati, “Mwana wange, okwesiga kwawe kwakukiza; ogende n'emilembe mara okire oburwaire.”35Kayabaire akyagamba haliho abarugire omw'omukuru w'esinagogi, bagamba bati, “Muhara wawe yafire. Omwegesa otamwita kubi; lekera.”36Ebyo bagamba Yesu tabitaho mutima, agambira omukuru w'esinagogi ati, “Otatina, iwe ekikuru oyesige.” 37Atanga ab'okumuhondera, shana Petero na Yakobo n'omurumuna Yohana. 38Orwo bagobire omw'omukuru w'esinagogi, ashanga abantu nibachura mno.39Kayamazire kutaha omu nju ababaza ati, “Kiki nka muliyo nimuchura eyobobo? Omwana tafire anagiire.” 40Bamushekelera. Abaturukya aheru. Akwata Yairo na mukaziwe n'abo yabaire ainabo, ataha omu kiyumba eky'omwana yabaire halimu.41Akwata omwana omukono, amugambira ati, “Talita kumi;” nikwo kugir'oti, “Kaisiki ninkugambira imuka.” 42Niho honka omwisiki aimuka atambuka (akaba aina emyaka ikumi n'eibili), bagwa omu kitangaro. 43Abatanga muno ekigambo eki kukigambira abantu, ashuba abagambira kumuha ak'okulya.
61Yesu aruga mbali yabaire ali, agaruka owabo. Abegesibwabe bamuhondera. 2Ahali Sabato ayegesa omu sinagogi. Bangi abamuhuliire bashoberwa, bebaza bati, “Omuntu ogu ebi byona akabiyaha? Akahabwa bumanyiki obu? Eby'alikukora by'amani bite? 3Isi ti museremara ogu? Aba mutabani wa Maria, ni murumuna Yakobo, na Yose, na Yuda, na Simoni, na banyanya tutura nabo munu.” Bamwanga.4Yesu abagambira ati, “Omurangi takaburwaga kitinwa, shana owabo n'omu banyarugandabe n'omwabo mwonene.” 5Tiyakozireyo ky'amani, shana akatekao abarwaire bake emikono mara yabakiza. 6Okutesiga kwabo kukamushobeza. Yesu agya omu byaro ebindi ayegesa7Ayeta ikumi na babili, abatuma babili babili, abaha n'obushobora bw'okubinga Amashetani. 8Abagambira kutatwara kantu kona kona omu rugendo shana enkoni. Omukate n'enshaho n'amahera omu mifuko ebyo chei. 9Abajubura kujwara enkeito, chonka okujwara ekanzu ibili ayanga.10Abagambira ati, “Mbali muragya enju egyo mulitahamu mwikare omwo kulemwa kugoba orwo mulirugayo. 11Hona hona mbali balibanga, bakanga n'okubahulira, kamulija kurugayo mulagaze echuuchu aha maguru ganyu, balimanyir'aho.”12Kityo bagenda barangira abantu babone kwechuza amafu gabo. 13Babinga Amashetani gangi, basiiga abarwaire bangi amajuta babakiza.14Omukama Herode abihulira, aha rw'okuba eibara lya Yesu likaba nilirangwa. Abantu abandi bakaba nibagamba bati, “Yohana Omubatiza ahimbukire omu bafu, niyo nshonga aina obushobora buti.” 15Chonka abandi bati, “Ni Eliya.” Abandi bati, “Murangi nk'abarangi aba kare.”16Herode orwo yabihuliire ati, “Yohana owo natemireho omutwe ahimbukire.” 17Herode akaba atumire ab'okukwata Yohana, bamuboha bamufunga nibamutura Herodia, muka Filipo murumuna Herode, aha rw'enshonga Herode akaba amushweire.18Yohana akaba agambiire Herode ati, “Nikizira ahali iwe kushwera muramu wawe.” 19Nikwo Herodia kumukwatirwa ekiniga, akenda kumwita, chonka tiyashoboire, 20kuba Herode yatinaga Yohana aha rw'okumumanya okwo ali mugorogoki mara mutakatifu, kityo yaba namulinda. Kayamazire kumuhulira yaikara nawawana muno omwoyo, kandi okwo yamuhuliilizaga n'amashemelerwa.21Bwija bushangwa buli bushango Herode nashemeza ekirokye ky'okuzarwa, akoleire abaramatabe n'abanyiginyabe n'abatwazi ba Galilaya obugenyi. 22Muhara wa Herodia aija amuzinira amushemeleza amo n'abagenyibe. Omukama agambira omwisiki ati, “Ongambire kyona kyona eky'olikwenda, ndakikua.”23Amwelahilira ati, “Eky'oranyenza kyona kyona ninkikuha, nangu n'enusu yobukama bwange.” 24Omwisiki aturuka abaza nyina ati, “Nshabeki?” Nyina ati, “Omutwe gwa Yohana Omubatiza.” 25Achwanisa agaruka owa Herode bwangu bwangu, amushaba ati, “Ninshaba mbwenu aha ompe omutwe gwa Yohana Omubatiza aha sahani.”26Omukama ajunara ebishobeize. chonka aha rw'ebyo yabaire alahiire n'enshoni z'abagenyibe, takunda kuchwa kigambo ekyo yabaire agambiire omwisiki ogwo. 27Arahuka atuma omulinzi, kuleta omutwe gwa Yohana. Omulinzi agenda jela atema Yohana omutwe, 28aguleta aha sahani aguheleza omwisiki. Omwisiki agutwalira nyina. 29Abegesibwa ba Yohana babihulira, baija batwara omubiligwe baguziika omu nyanga.30Entumwa zigaruka owa Yesu zimugambila ebyo zakozire byona n'ebyo zayegesize. 31Azigambira ati, “Mwije nywenka mbali abantu batali, mwikyeho kake.” Nobona abaijaga aba nibagenda bakaba bali bangi, n'akanya k'okulya tibakukaboine. 32Bagenda bonka omu bwato bagya mbali omwaga gutali.33Abantu bangi bababona nibagenda mara babekomya, baruga omu bigo byona bairukire, batwarwa ogw'amaguru babagoberayo mbere. 34Yesu aruga omu bwato agya aha mwaro abona embaga y'amani, abaganyizibwa arwe enshonga bakaba bali nk'entaama ezitaina mulisa. Abanza kubegesa bingi.35Eizoba kalyatobeile abegesibwabe bamugoba bamugambira bati, “Aha mbali tuli karungu, mara n'eizoba lyatobera. 36Obataishure bagye omu byaro ebili hei bagure akakulya.”37Wenene abahorora ati, “Inywe mube n'inywe mubaha ak'okulya.” Bamubaza bati, “Ichwe tugende tugure omukate gw'edinari 200, tube nigwo tubaha kulya?” 38Ababaza ati, “Mwina emikate engahai?” Bagya kuleba bamugambira bati, “Etano n'enfuru ibili.”39Agambila embaga yona kushuntama aha bunyasi bubisi omu bichweka. 40Bashuntama omu bichweka, 100 omuli 100, 50 omuli 50. 41Yesu akwata emikate egyo etano n'enfuru ibili, araramira eiguru, asiima, abegabegura emikate egyo, agiha abegesibwa kabagabira abantu. N'enfuru ibili azibagabira zona.42Bona balya baiguta. 43Bashombora entukuru 12 z'obubeguka by'emikate n'enfuru. 44Abaliire omukate ogwo bakaba bali bantu 5,000.45Yesu ayangua agambira abegesibwabe kuanama omu bwato bakamwebembera buseli, Bethsaida, oku wenene naraga embaga kutaa. 46Kayabaire yarugangaineo nabo atemba omw'ibanga kushaba. 47Eizoba kutobera obwato bushangwa buli omu nyanja, kandi wenene ali wenka aha mwaro.48Abona okwo balikubuga nibyanga. Omuyaga gukaba nigwija gubataahiremu n'amani. kwema esaa mwenda kwija kukeisa obwire nirwo Yesu yabagobeireo, natambuka aha maizi omu nyanja. Akaba agendeleire kubalabao, 49chonka kabamuboine natambuka aha maizi batina bamanya bati nomuzimu, bakunga; 50orwokuba bona bakamubona batina. Ayanguha abagambira ati, “Mugume, n'inye; mutatina.”51Ataha omu bwato n'omuyaga gurekela. Bashoberwa muno munonga, 52orwokuba ekyakozirwe aha mikate bakaba batakishobokeirwe aha rw'emitima yabo kugumangana.53Orwo bamazire kushaabuka bagoba Genesareti, basiga bagoromora obwato. 54Kabamazire kuruga omu bwato, abantu banguha bamanya Yesu. 55Bagenda nibairuka omu byaro ebili heihei, babanza kuleta abarwaire aha mabega, nibabamushangisa hona hona mbali babeire mbamuuliza ali.56Orwo yabeire eija omu byaro n'omu bigo, baleta abarwaire nibababyamika omu katare, bamutagiliza buzima kukwata ahakijwarokye kisha. Bona abakwatao bakira
71Abafarisayo n'abegesa b'Amateka ababaire barugire Yerusalemu bagoba Yesu.2bagya babona okwo abegesibwabe abandi balikulisa emikono ehagaire, nikwo kugir'oti etanabire. 3(Abafarisayo n'Abayahudi abandi bona, tibalya batanabire mikono, nibegendeleza emichwo ya baish'enkurubo. 4Kumara kuruga omu katare tibaina kulya batanabire. Haliho n'emichwo endijo nyingi eyo begendeleza, nk'okwogya ekikompe n'enyungu n'ebikwato by'omulinga nangu n'ebitanda.)55 Abafarisayo n'abegesa b'Amateka bamubaza kubaki abegesibwabe batalikugendeleza michwo ya baishenkurubo, bakalisa emikono ehagaire?"6Abagambira ati, “Inywe ngobya, Isaya akaranga amazima ahali inywe, nk'okwo kili omu bihandiko bitakatifu, ati ‘Abantu aba ekitinwa bampa eky'aha munwa kushai, kyonkai emitima yabo tenyetaireho; 7okunfukamira kwabo tikwina mugasho, Amateka agatairweho abantu nigo balikwegesa oti nigo ga Ruhanga.’8Mulekeire emihango ya Katonda, emichwo ey'abantu niyo mulikugwaho enda n'amabere.” 9Abagambira ati, “Mwina akalyo k'okwanga emihango ya Katonda, mubone kuguma aha michwo yanyu! 10Musa akagamba ati, ‘Okunire sho na nyoko;’ kandi ‘Olinya ajuma ishe anga nyina nakafe.’11Shana inywe nimugira muti, ‘K'omuntu yakugambira ishe anga nyina ati: Ekyo nakukuhaire kyabaire eibikiro (nikwo kugir'oti kihongeirwe Katonada) 12aho nimuba mwamutangire kugira ekyo yakolera ishe anga nyina, 13ebyo Katonda alikugamba nimubisheshamu amaizi aha rw'emichwo yanyu eyo mulikwegesa banu. Kandi ebintu nk'ebi nimukora bingi.”14Yesu ashuba ayeta abantu abagambira ati, “Mumpulilize inywe nywena mara mushobokerwe: 15taliho kintu kiruga aheru kikataha mu muntu kikamuhagaza, shana ebimuruga omunda nibyo bimuhagaza. 16(Araba aina amatwi g'okuhulira ahulire).17Kayabaire yatahire omunju yasigireho abantu, abegesibwabe bamubaza enfumo egi. 18Abagambira ati, “Lero nainywe timulikushobokerwa? Timulikubona okwo ekiruga aheru y'omuntu kikamutahamu tikyakumuhagaza 19Enshonga nikimutaha omu rubunda, tikilimutaha mu mwoyo, mara nikishuba nikituruka.” (Kityo akaba nagamba okwo ebyakulya byona tibiba bihagare.)20Agambati, “Ekiruga omu nda yomuntu nikyo kimuhagaza. 21Omu mutima gw'omuntu nimwo haruga ebitekelezo bibi: obusiyani, obushuma, okwita muntu, obujanga, 22okwegomba eby'abandi, omutima gubi, obulyalya, okutekunira, eitima, okujumangana, eikuru n'oburofu. 23Ebibi byona biruga omunda, mara nibyo bihagaza omuntu.”24Yesu arug'okwo agya omu nsi eyataine Tiro na Sidoni. Agira mbali yataha omu nju, atalikwenda muntu k'amanya okwo aliyo, chonka tibashoboire kumusheleka. 25Akanya kake omukazi yamuhuliize. Akashangwa aina omwana muto w'ombwisiki akwetwe Sitani, aija agwa Yesu omu maguru. 26Omukazi akaba ali Mugirikikazi, ow'oruganda rw'Abasirofoiniki. Amutagiliza kubinga eiSitani omu muhara.27Yesu amugambira ati, “Ak'abaana babanze balye, aha rw'okuba ti kirungi kukwata mukate gw'abaana okagurashira mbwa.” 28Nawe omukazi amuhorora ati, “Nikwo, waitu Mukama, chonka n'abaana kababa nibalya, ebibaragara embwa zibilya.”29Yesu amugambira ati, “Aha kigambo kyawe eki kwata omuhanda ogende, muhara wawe yarugwamu eiSitani.” 30Omukazi ashuba omuka, ashanga omwana abyamire aha kitanda, eiSitani lyagenzire.31Yesu aruga omu nsi eyataine Tiro, araba Sidoni agoba aha Nyanja ya Galilaya, alesirwe omu nsi y'ebigo 10 ebyayetwaga Dekapoli. 32Bamuletera omushaija omwigazi w'amatwi mara mutita. Bamutagiliza kumutaho omukono.33Amwihya omu mbaga agenda nawe wenka omu kebeto, amukwata omu matwi, ashuba achwa akachwanta amukwata aha rulimi. 34Yesu wenene aleba eiguru, aikya ekikohe, amara amugambira ati, “Efata,” nikwo kugir'oti, “Okinguke.” 35Amatwi ga wenene gakinguka, orulimi rukomorogoka, abanza kugambagi.36Atanga abantu bona kubigambira omuntu. Chonka okwo yabatangaga baba nikwo beyongera kubigamba n'amani. 37Batangara, baburwa eky'okugamba, bati, “Yatebekanisa buli kantu; nangu n'abaigazi b'amatwi yabashoboza kuhulira, kandi abatita yabagambisa.”
81Omu biro ebyo embaga eshuba ehurura nyingi. Chonka bakaba bataina kyakulya. Yesu ayeta abegesibwabe abagambira ati, 2“Embaga yanganya. Namara nabo ebiro bishatu mara bataina kakulya. 3Kandabataishura kushuba omuka baina enjara nibakabira omu kihanda, mara abandi barugire hare.” 4Abegesibwabe bamuhorora bati, “Omukate gw'okuliisa abantu bati omw'irungu ogwihyeha?”5Ababaza baina emikate engahi. Bamuhorora bati, “Mushanju.” 6Aragira embaga kushuntama ahansi. Akwata emikate mushanju. Kayamazire kusiima agibegura agiha abegesibwabe kugigabira abantu. Bagigabirakwo abantu.7Bakashangwa bainaho n'enfuru zike. Kayamazire kuziha omugisha, aragira nazo kuziha abantu. 8Balya baiguta, obubeguka obwashaagire babushomboza, bigoba entukuru mushanju. 9Abantu bakaba nibelenga omu 4,000. 10Aba nirwo abataishura, aho wenene n'abegesibwabe nikwo kusabara omu bwato bagiire Dalumanuta.11Abafarisayo baija babanza kuhakana nawe, nibenda k'abakolera ekitangazo, kumulenga. 12Yesu asinda muno omu mwoyo, agamba ati, “Kubaki omuzarwa ogu nigugonza kubona ekitangazo. Nimbagambira amazima, omuzarwa ogu tigulikwija kukolerwa kitangazo.” 13Abasiigaho ashuba omu bwato, asabara agya buseli.14Omu kaanya ako bashangwa bebirwe kugenda n'emikate; bakaba baina gumo gwonka omu bwato. 15Abatatira nagamba ati, “Muramanya mwelinde eitumbyo ly'Abafarisayo n'eitumbyo lya Herode.”16Abegesibwa bakifumoraho bonene bonka nibagamba bati, “Titwina mukate.” 17Yesu kayabimanyire abagambira ati, “Kubaki nimugamba okwo mutaina mukate? Timwina kyomwaihiremu, n'okushobokerwa chei? Emitima yanyu ekyagumangaine?18Mwina amaisho timukubona, mwagira amatwi okuhulira kwayanga? Timulikwijuka? 19Orwo nabegabegwire emikate etanu ekaliisa abantu 5,000, obubeguka obwasigaireho kamwaburonzire, bukaijuza entukuru zingahai?” Bamuhorora bati, “Ikumi na ibili.”20Ati, “Isi emikate mushanju eliisize abantu 4,000, obubeguka obwo muronzire bwijwize entukuru zingahai?” 21Ati, “Isi emikate mushanju eliisize abantu 4,000, obubeguka obwo muronzire bwijwize entukuru zingahai?” 20 Bamuhorora bati, “Mushanju.” Ashuba ababaza ati, “Timukashobokeirwe?”22esu n'abegesibwabe bagoba Betisaida. Arugwayo abantu bamuletera empume, mara bamushaba k'amukwataho. 23Yesu akwata empume omukono, agiturukya omu kyaro. Kayamazire kumuchwa akachwanta omu maisho, akamutaho n'emikono, amubaza nk'aina kyona kyona eky'alikubona?"24Omushaija ainuguka, amugambira okwo alikubona abantu nibatambuka, chonka nibashana nkemiti. 25Aho atwara emikono amukwata aha maisho. Aleba kurungi kwekomeleza, akira, buli kantu akabona kurungi. 26Amutaishura kushuba omuka, chonka amutanga kugaruka omu kyaro."27Yesu n'abegesibwabe beyongera omu maisho, bagya omu byaro bya Kaisaria Filipi. Bakyali omu muhanda abaza abegesibwabe ati, “Abantu nibagamba bati ndyoi?” 28Bamugambira bati, “Yohana Omubatiza; abandi nibagamba ngu oli Eliya; anga omo omu barangi.”29Wenene ababaza ati, “Chonka inywe nimugira muti inye ndyoi?” Petero amuhorora ati, “N'iwe Kirisito.” 30Abaragira kutamugamba mu bantu.31Yesu abanza kubegesa okwo Omwana w'Omuntu naragirwa kushasha naturwa enshonga zingi, okwo abagurusi n'abakuhani bakuru n'abegesa b'Amateka balimwanga bakamwita, chonka k'ebiro bilirabaho bishatu alihimbuka. 32Eki akakibagambira atalikubumbisilira. Petero amutwara aha kabaju abanza kumukunganisa.33Na Yesu ahinduka alebire abegesibwa, akunganisa Petero ati, “Nshuba enyuma, Sitani! Tolikutekeleza mitekelereze eya Katonda, notekeleza emitekelereze ey'abantu.” 34Aho ayeta embaga hamo n'abegesibwabe, abagambira ati, “K'omuntu alikugonza kumpondera, ayeyange wenene, ayetweke omusarabagwe ampondere.35Aligonza oburorabwe bulimufera; kandi aliferwa oburorabwe aha rwange n'aha rw'Evangeli ogwo aliburokora. 36Kuba omuntu nagasirwaki kulya ensi yona, kyonka kandi akaferwa oburorabwe? 37Kayamazire kuferwa oburorabwe naba akyainaki?38Kaishe muntu alinkwatirwa enshoni, n'ebigambo byange akabikwatirwa enshoni omu muzarwa ogu gw'abafakare ogutaina bwesigwa, n'Omwana w'Omuntu halimukwatirwa enshoni orwo alija aina ekitinwa nk'ekya Ishe, abamalaika bamushembire.”
91Abagambira ati, “Nimbagambira amazima, haliho abeemeleire aha abataliziza kufa bataboine bukama bwa Katonda nibwija n'amani.” 2K'ebiro byakeire mukaga, Yesu akwata Petero na Yakobo na Yohana, abatwara bonka aha ibanga lire lire; ahinduka omu maisho gabo, 3ebijwarobye byengelera, byera katare teiteitei, ekyelere ekyo dobi wena wena omu nsi atakafuraga mwendo akagwez'atyo.4Kandi Musa na Eliya nabo bababonekera; bakaba nibafumora na Yesu. 5Petero agambira Yesu ati, “Mwegesa, kirungi kubona tuli aha. Twombeke obusisira bushatu: Akawe, aka Musa n'aka Eliya.” 6(Tiyaboine kya kugamba, nobona bakatina muno.)7Ekichwi kija kibemelera eiguru, n'eiraka liruga omu kichwi ekyo liti, “Ogu n'iwe Mwana wange, omugonzibwa wange, mumuhulilize.” 8Kugya kuleba oku n'oku bakaba batakibona muntu shana Yesu wenkai.9Kababaire nibasongoka eibanga, Yesu abatanga kubarulira omuntu wena wena ebyo babona, kuhika orwo Omwana w'Omuntu aliba yahimbukire omu bafu. 10Okuhimbuka omu bafu baikara nibakwebazaho enshonga yakwo, mara ekigambo ekyo bakibiika aha mutima."11Bamubaza bati, “Ahakubaki abegesa b'Amateka bagamba okwo Eliya aragiirwe kubanza kwija?” 12Abahorora ati, “Eliya naijakwo ali wa mbere kutekateka buli kantu; isi nk'ebihandiko bitakatifu bilikugamba okwo Omwana w'Omuntu ali w'okushasha nibamutura ebintu eby'engeli zingi mara bamutamwe 13Chonka kambagambire: Eliya araizire, bamukora okwo babaire nibenda, kuhonderana n'okwo ebihandiko bitakatifu bilikumugambaho.”14Orwo bagarukire mbali abegesibwa abandi babaire bali, babona embaga mpango ebabumbiliire baliho nibahakana n'abegesa b'Amateka. 15Embaga yona kayaboine atyo, etangara muno, egenda eirukire kumukeisa. 16Yesu abaza abegesibwabe ati, “Nimuhakana nabo ahali kiha?”17Harugwamu omuntu omu mbaga ati, “Mwegesa, nakuletera mutabani wange, akakwatwa eiSitani lyamutitaza. 18Orwo likamara kumuzangishanyia, limukuntura ahansi arugwamu ebifuzi, anena n'amaino, agumangana wena. Nashaba abegesibwa bawe kulibinga chonka balemwa.” 19Abahorora ati, “Inywe ruzaro olutali kwesiga, ndiikara nainywe kugoba maki? Isi ndibegumisiliza mbereha? Mumundetere.”20Omwana bamumuletera. Sitani kumara kubona Yesu, omwana tilimwikaza, limukabisa nk'owensimbu, agwa ahansi ayezilinga, ebifuzi bimwija aha munwa. 21Yesu abaza ishemuntu ati, “Yamaraki akwetwe eiSitani eli?” Ogu ati, “Kwema omubuto. 22Liikara nilimukuntura omu muliro n'omu maizi, lyenda kumwita. Chonka k'oraba oina ekyo wakukoraho, singa otuganyibwe otujune.”23Yesu amugambira ati, “Nogamba oti, ‘K'oraba oina ekyo wakukoraho?’ Buli muntu aina obwesige, yakukolerwa buli kantu.” 24Niho honka ishe mwana ataaga ati, “N'inyesiga; bantunge okwesiga okushagireho!” 25Yesu kayaboine okwo embaga yaija eligisire, akabukira eiSitani ati, “Iwe Sitani omutita mara ekigara matwi, n'inye ndikukuhangira, omurugemu mara otaliziza kumugarukamu rundi.”26EiSitani likunga mara limukabisa n'amani gangi muno nk'owensimbu, lirugamu, omwana ashusha ayafa; nangu abantu abangi muno bagira bati, “Yafa.” 27Chonka Yesu amukwata omukono amwimukya, aimuka.28Yesu kayamazire kutaha omu nju, abegesibwa bamubaza omu kebeto bati, “Ahakubaki ichwe twalemwa kulibinga?” 29Abahorora ati, “Elya ngeli egi tilyakubingwa kusha obuzira nshara na kusiiba.”30Yesu n'abegesibwabe barug'okwo baraba Galilaya. Kandi Yesu wenene akaba atalikwenda kabamanya mbali ali; 31kuba akaba nayegesa abegesibwabe, nabagambira ati, “Omwana w'Omuntu bhalimunaga omu mikono y'abantu bamwite. Bamare kumwita ebiro bikye bishatu ahimbuke.” 32Chonka ebyo yagambire tibabishobokeirwe, mara kandi batina kumubaza.33Baija Kaperinaumu. Kayabaire ali omu nju ababaza ati, “Omu kihanda mwaba nimufumora ahali kihe?” 34Bonene besiza. Omu kihanda bakaba nibafumora kumanya omukuru muno omuli bonene n'ohi. 35Ashuntama, abeta okwo bali 12, abagambira ati, “Alikwenda kuba wa mbere aragiirwe kuba mujege muno omuli inywe nywena mara abe mwiru wanyu nywena.”36Akwata omwana amuteka omugati yabo, amukwata abagambira ati, 37“Kaishe muntu atoora omwana nk'ogu omw'ibara lyange atora inye; kandi antora tatora inye shana atora ayantumire.”38Yohana agambira Yesu ati, “Mwegesa, twina owo tuboine nabinga Amasitani nakoza eibara lyawe. Tumutangire aha rw'enshonga abaire atali waitu.” 39Yesu agamba ati, “Mutamutanga; kuba taliho muntu alikukora kitangazo omw'ibara lyange aho n'aho akashuba akangambaho kubi.40Atalikututamwa ogwo natugonza. 41Nimbagambira amazima, alibaha ekikompe ky'amaizi g'okunywa ngu orwo muli bange, ogwo taliburwa rongoroye n'akake.42“Alisitaza omo omuli aba abalikunyikiliza kyakushemeire kabakumukomire orubengo ruhango omu bikya bakamunaga omu nyanja. 43K'omukono gwawe guraba nigukufakaza, ogutemeho, hakili otahe omu burora obutalihwaho noburwaho orugingo rumoi, kushaaga okugya omu rwota rw'omuliro ogutarara oina emikono ebili, 44(mbali n'enzito ezibalya zitafa.)45N'okuguru kwawe kakulikukufakaza okutemeho. Hakili otahe omu burora obutalihwaho olemaire kushaaga okunagwa omu rwota rw'omuliro ogutarara oina amaguru gombili, 46(mbali enzito zabo zitafa, n'omuliro gutarara).47Eliisho lyawe kalilikufakaza olinonkoremu; hakili otahe omu bukama bwa Ruhanga oina eliisho limo, kushaaga okunagwa omu rwota rw'omuliro ogutarara oina amaisho gabili, 48mbali enzito zabo zitafa, n'omuliro tiguraara.49Buli muntu alyezibwa omuliro nk'okwo ekitambo kyezibwa omwonyo. 50Omwonyo gwonene guba gurungi; chonka kagumara kuhwamu obunuzi bwagwo, wakugurung'ota? Mugire akonyo omuli inywe, mara mugire emilembe omuntu na mutahiwe.”
101Yesu arugayo, agya omu Wilaya ya Buyahudi na buseli bwa Yorodani. Embaga eshuba ehurura emugoba, na wenene agarukamu kubegesa nk'okwo yakagiraga. 2Abafarisayo baija kumulengesa, bamubaza bati, “Nikijuburwa omushaija kumulekera omukaziwe?” 3Abahorora ati, “Musa akabaragiraki?” 4Bahorora bati, “Musa akajubura omushaija kuhandikira omukazi ebarua y'okumulekera akagenda nayo.”5Yesu abagambira ati, “Musa okubahandikira omuhango ogu akaiwa omu kugumangana kw'emitima yanyu. 6Nawe kwema aha kutondwa kw'ensi, Katonda akatonda omushaija n'omukazi.7Kityo omushaija arasigagaho ishe na nyina ajwangane na mukaziwe, 8mara bombili barabaga mubili gumo. Aho nibaba batakili babili shana nibaba basiigaire mubili gumo. 9Aha rw'ekyo abo Katonda yajwanganise, omuntu atalibataishuranisa.”10Kababaire bali omu nju abegesibwa bashuba bamubazaho ekigambo eki. 11Yesu abagambira ati, “Omuntu alekera mukaziwe akashuba akashwera ondijo, aba aisire obushwere ahali mukaziwe mara aba nasiyana. 12N'omukazi ayaruga omwa iba akashwerwa omushaija ondijo, nawe aba nasiyana.”13Abantu baija baletera Yesu abaana k'abakwataho. Chonka abegesibwa babarotokera. 14Yesu kayaboin'ebyo anigara, abagambir'ati, “Muleke abana baije ahaliinye, mutabatanga; manyasi obukama bwa Katonda bwabo.15Nimbagambira amazima, aliba atatoire bukama bwa Katonda nk'omwana talibutahamu.” 16Ababumbatira, abataho emikono nabaha omugisha.17Kayabaire naimuka kugenda omushaija aija airukire amubandama omu maisho, amubaza ati, “Mwegesa murungi, nkoreki kubona oburora obutalihwaho?” 18Yesu amubaza ati, “Aha kiki kunyeta murungi? Omurungi tabayo n'omoi shana Katonda wenka. 19Nomanya emihango: Otaliita, otalisiyana, otaliiba, otalihangilira muntu, otaligobeza banu, okunire sho na nyoko.”20Ogu amugambira ati, “Mwegesa, emihango egi nkagyekomya kwema obusigazi bwange.” 21Yesu amuleba amugonza, ashuba amugambira ati, “Noburwaho ekintu kimo: Ogende oguze ebyawe, empiha ozigabire abanaku, eitunga lyawe oliligira omw'iguru; aho oije ompondere.” 22Yesu kayamazire kugamba ekyo omushaija ajunara, agenda ashobeirwe; nobona akaba aina eitunga lingi.23Yesu aleba oku n'oku agambira abegesibwabe ati, “Abatungi baligumirwa kutaha omu bukama bwa Katonda!” 24Aho abegesibwa batangara kubona yagamba atyo. Chonka Yesu abagambira ati, “Bana bange, kigumire kite abesiga eitunga kutaha omu bukama bwa Katonda! 25Nikyoroba engamia kuraba omu kahuru kesindano kushaaga omutungi kutaha omu bukama bwa Katonda.”26Bashoberwa muno munonga, bamugambira bati, “Ahosi ayakurokoka n'ohi?” 27Yesu abaleba, abagambira ati, “A bantu tikilikushoboka, nawe ahali Katonda nikishoboka; ahakuba ahali Katonda ebintu bishoboka byona.” 28Petro amugambira ati, “Ichwe tukasigaho buli kantu twakuhondera.”29Ndi Yesu agamba ati, “Nimbagambira amazima, taliho n'omo ayasigireho nju anga barumuna anga banyanya anga nyina anga ishe anga baana anga mataka aha rwange n'aha rw'evangeli, 30aliba alibona emirundi chikumi akaanya akomunsi egi, amaju, abarumuna, banyanya, banyina, abaana n'amataka, chonka n'okugingiizibwa kubulimu, kandi n'omu makiro agalija atahairwe burora obutalihwaho. 31Nawe abali ba mbere baliba b'enzindo, n'ab'enzindo baliba ba mbere.”32Yesu n'abegesibwabe bashangwa bali aha muhanda nibagya Yerusalemu, Yesu wenene abebembeire. Abegesibwa bakaba bainamu amashoberwa, n'abantu ababaire nibabaruga enyuma bakaba nibatina. Yesu ashuba akwata eikumi na babili abagambira agabaire nigaija kumugwaho, 33ati, “Leba nitugya Yerusalemu. Omwana w'Omuntu nibaija kumunaga omu mikono y'abakuhani bakuru n'abegesa b'Amateka, bamuramure kufa bamare bamunagire Abanyamahanga; 34bamujangura, bamuchwere ebichwante, mara bamutere bamwite. Kabiralabao ebiro bishatu ahimbuke.”35Yakobo na Yohana batabani ba Zebedayo bamugoba bamugambira bati, “Mwegesa, nitwenda ekyoturakushaba okitukolere.” 36Ababaza ati, “Nimwenda mbakolereki?” 37Bamuhorora bati, “Singa omu kitinwa kyawe otushoboze: Omo akushuntame obulyo, ondijo obumosho.”38Chonka Yesu abagambira ati, “Ekyo mulikushaba timulikukimanya. Murashobora kunywa ekikompe ky'obushasi ekyo ndikwija kunywa, handiki kubatizibwa eibatiza elyo ndikwija kubatizibwa?” 39Bamushubamu bati, “Nitushobora.” Yesu abagambira ati, “Ekikompe ekyo ndikwija kunywa mulikinywa; n'okubatizibwa okwo ndikwija kubatizibwa mulikubatizibwa?; 40Chonka okushuntama aha bulyo anga aha bumosho, ekyo tinyina bushobora bwa kukibaha. Ekyo kya balinya abakitekatekeirwe.”41Abegesibwa eikumi kukihulira, babanza kunigalira Yakobo na Yohana. 42Yesu abeta abagambira ati, “Nimumanya okwo abatwazi b'abanyamahanga babatwaza eikama, n'abamanyi babo babatwaza amani.43chonka ekyo, omuli inywe kitaliba kityo. Aligonza kuba mukuru wanyu abakorele , 44kandi n'alikugonza kuba wa mbere omuli inywe, abe mwiru wanyu. 45Nobona n'Omwana w'Omuntu tiyaizire kukolerwa, wenene akaija kukolera abandi, n'okweyanga oburorabwe abone kuchungura beingi.”46Yesu n'abegesibwabe bagoba Yeriko. Kababaire nibaruga omu kigo ekyo amo n'embaga etali nke, Baritimayo, omuume w'amaisho mara omwanje mutabani wa Timayo akaba ashuntamire aha muhanda. 47Kayahuliire okwo ogwo ali Yesu owa Nazareti, abanza kwomba nayeta ati, “Yesu Mwana wa Daudi, honganyire!” 48Abali bengi bamusiza. chonka wenene ataka muno ashagaho ati, “Yesu Mwana wa Daudi, honganyire!”49Yesu ayemelera agamba ati, “Mumwete.” Omuume w'amaisho ogwo bamweta nibamugambira bati, “Guma, imuka, Yesu nakweta.” 50Omwendogwe agujugunya kulinya, abanduka ahansiaguruka izire ahali Yesu.51Yesu abaza Baritimayo ati, “Nogonza nkukolereki?” Omwigazi w'amaisho amuhorora ati, “Waitu Mwegesa, singa mbone.” 52Yesu amugambira ati, “Iroko ogende, okwesiga kwawe kwakukiza.” Niho honka Baritimayo abona, ashuba ahondera Yesu mbali yabaire nagya.
111Kabailiire haihi na Yerusalemu bakagoba Bestifage na Betania, ahiIbanga ly'Emizeituni, Yesu atuma babili omu begesibwabe, 2abagambira ati, “Mugende omu kyaro ekibali omu maisho, orwo murakitahamu muti, murabona omwana gw'endogobe gusibikire, ogutakakuubwagaho muntu, mugusibure mugulete. 3K'omuntu arababaza ekyo mulikukolera mutyo, mumugambire muti, ‘Omukama nagwetaga, arayanguha agutaishure.’ ”4Bakwata omuhanda bagenda, bashanga omwana gw'endogobe gusibikire omw'ilembo aha muhanda; bagusibura. 5Ababaire beemeleire aho babaza ekyo bagendeleire kusibura omwana gw'endogobe. 6Abegesibwa babagambira okwo Yesu yabaire abaragiliire; babaleka bagenda.7Omwana gw'endogobe baguletera Yesu bagwaraho ebijwaro byabo, Yesu agukuuba. 8N'abantu bangi bara ebijwaro byabo omu muhanda, abandi bara amatagi ago babaire batemire omu ndimiro. 9Abayebembeire n'abarugire enyuma bagamba n'eiraka lihango bati, “Hosana! Kilimugisha ogwo ayaija omw'ibara ly'Omukama! 10Obukama bwa tataichwe Daudi obulikwija bwagira omugisha! Hosana omw'iguru muno!”11Ataaha Yerusalemu, agya Rwensinga, arambura buli kantu. Likaba lyatobeire, aho agya Bethania hamo n'eikumi na babili. 12Bukeire Yesu n'abegesibwabe kabarugire Bethania, Yesu ashangwa aina enjara.13Ayema haremu kake, alengera omutini gwina obubabi, agya kuleba nka gwinaho akantu. Kugya kugugoba tagushangaho kantu shana obubabi, ahakuba kikaba kitali kirumo kya tini kushangwa zirabire. 14Agambira omutini ogwo ati, “Omuntu atalikulyaho kiraba rundi.” Abegesibwabe bahulira ekyo yagamba.15Yesu n'abegesibwabe bagoba Yerusalemu. Ataha Rwensinga abinga ababaire nibagulizamu n'ababaire nibaguliramu ebintu. Emeza z'abangi b'empiha azichulengura, akunengura n'obutebe bw'ababaire nibaguza ebiiba. 16Tiyajubwire muntu kurabya kintu muli Rwensinga.17Ayegesa abagambira ati, “Manya kikahandikwa kiti, ‘Enju yange elyetwa nju y'enshara y'amahanga gona.’ Mbwenu inywe mwagihindura mpako y'abashuga.” 18Abakuhani n'abegesa b'Amateka kabahuliire amakuru ago bahiga okwo baramwita. Bakaba bamutinire, enshonga embaga yona ekaba netangalira emyegesheze ya wenene. 19Eizoba kalyatobeire Yesu n'abegesibwabe baruga omu kigo.20Bukeire bwankya Yesu n'abegesibwabe kababaire nibahingura, babona okwo omutini gwomire gwona n'emizi yagwo. 21Petero aijuka, agambira Yesu ati, “Mwegesa, oraleba! Omutini ogwo oraamire gwomire.”22Yesu abahorora ati, “Mwesige Katonda. 23Nimbagambira amazima nti wena wena aligambira eibanga eli ati, ‘Sinduka ogwe omu nyanja,’ mara omu mutima atagiziremu kakulengeshanyia, akaikiliza okwo byona ebyo alikugamba bilibahokwo, ekyo aliba nashaba alikitungwa.24Aha rw'ekyo nimbagambira, ekyo mulikushaba omu nshara, mwikilize okwo mwakiboine, ekyo mulikitungwa. 25Kamurayemeleraga mukashaba, mushube mugarulire ababafakaliire; nirwo na Isheinywe asingiire omw'iguru alibagarulira amafu ganyu. 26(Chonka kamutagaruliire babafakaliire, nainywe Isheinywe asingiire omw'iguru talibagarulira ntambara zanyu.)27Yesu n'abegesibwabe bagaruka Yerusalemu. Kayabaire nagenda omuli Rwensinga, abakuhani bakuru n'abegesa b'Amateka n'abagurusi bamugoba, 28bamubaza bati, “Eby'olikukora ebi nobikoza bushoboraki, anga ayakuhaire obushobora bw'okubikora n'ohi?”29Yesu abagambira ati, “Kambabaze; mara mumporore, nyije mbagambire obushobora obwo ndikukoza ebi. 30Okubatiza kwa Yohana kukatabuka omw'iguru anga kukatabuka omu bantu? Mumporore.”31Bonene aho bagyaho bahankana bonka. Bati, “Katuragira tuti, ‘Kukatabuka omw'iguru,’ aragira ati, ‘Aho kubaki mutamwikiliize?’ 32Isi tugire tuti, ‘Kukatabuka omu bantu?’ ” Bakaba nibatina abantu, kuba bona babonaga Yohana ali murangi. 33Kityo bahorora Yesu bati, “Titulikumanya.” Yesu abagambira ati, “Nanye tindikubagambira ni bushoboraki obwo ndikukoza ebi.”
121Yesu abanza kubagambira omu nfumo, ati, “Omuntu akalima endimiro y'emizabibu, yagitao orugo, yagilimamu ekiina ky'okujungiramu ezabibu, yayombekamu omunara, yamara endimiro yagikwasa abakozi, yakwata omuhanda yagya ensi endijo. 2Kakyabaire kirumo ky'okunoga ezabibu, yatuma omwiru aha bakozibe kabamuha ebye ebyo bayelize omu ndimiro. 3Bamukwata bamutera, bashuba bamutaishura agenda mikono zisha.4Ashuba abatumaho omwiru ondijo, bamuhutaza omutwe bamujangura. 5Atuma ondijo, ogwo bamwita, n'abandi bangi batyo, abandi babatera, abandi babaita.6Akaba akyainayo ondijo, omwanawe omugonzibwa; obugenda bw'eirai nawe amutuma nagamba ati, ‘Barakunira omwana wange.’ 7Chonka abakozi balinya bohyangana bati, ‘Ogu n'iwe musika; tumwite obusika bube bwaitu.’8Bamukwata bamwita, bamunaga aheru y'endimiro y'emizabibu. 9Mbwenu aho mukama w'endimiro alikoraki? Kilimwimukya aije aite abakozi abo. Endimiro y'emizabibu aligikwasa abandi.10Timukashomaga bihandiko mbali bilikugamba biti, ‘Eibare lyonene lyonene ely'abombeki bayangire, nilyo libaire ibare likuru ly'akekubo; 11eki kikakorwa Omukama wenene, mara nitukibona nitutangara?’ ” 12Aho bashobokerwa okwo enfumo agichweleire bonene; balenga kumukwata, chonka batina embaga. Bamurugaho bagenda.13Bamutwekera Abafarisayo n'ab'omuteko gwa Herode kumukwatira omu kugamba. 14Baija bamubaza bati, “Mwegesa, nitukumanya okwo oba w'amazima, eby'abantu batekeleza iwe tobifaho. Ekitiinwa kyabo tokiliho, shana iwe ekikuru kwegesa emihango ya katonda. Mbwenu kisaine kuha Kaisari omushoro anga chei? 15Emishoro tugigire anga tutagigira?” Yesu ashangwa nabamanyaho obugobya, abagambira ati, “Ahakubaki nimundenga? Mpa edinari ngilebe.”16Bamuleteraho emo. Ababaza ati, “Ekishushane n'ekihandiiko ebili aha dinari nebyoii?” Bamuhorora bati, “Nebya Kaisari.” 17Yesu abagambira ati, “Ebya Kaisari mubihe Kaisari, n'ebya katonda mubihe katonda.” Bamushoberwa.18Abasadukayo banga okwo okuhimbuka tikubayo bamugoba; bamubaza bati, 19“Mwegesa, Musa akatuhandikira okwo omuntu kufa akasiga omukazi atasigire mwana, omurumuna ashwere omukazi ogwo, azalire omurumuna kifa abaana.20Hakaba aliho abarumuna mushanju. Owa mbere ashwera omukazi, k'afa atasiga mwana. 21Owa kabili ashwera omukazi ogwo, nawe afa; n'owa kashatu kutyo; 22bona omushanju tibasigire mwana. Obugenda omukazi nawe afa. 23Aha kuhimbuka omukazi aliba w'ohi? Aha rw'okuba bona mushanju akaba ali mukazi wabo.”24Yesu abagambira ati, “Tikyonu mulikuhabira! Na bihandiko, na bushobora bwa Katonda taliho kyomulikumanya. 25Kuba orwo abantu balihimbuka omu bafu, tibalishwera anga kushwerwa. Balishana nkabamalaika ab'omw'iguru.26Kandi abafu kuhimbuka, timukashomaga kitabo kya Musa, mbali alikugamba aha kishaka ky'omuliro, okwo katonda yamugambiire ati, ‘Inye mba katonda wa Aburahamu, katonda wa Isaka na katonda wa Yakobo?’ 27Taba katonda wa bafu, aba katonda w'abalikurora; aha rw'ekyo muhabire muno.”28Aho honene hakaba haliho omwegesa w'Amateka omo, ahulira okwo bahakana. Kayaboine okwo Yesu yahorora kurungi Abasadukayo, amubaza ati, “Omuhango ogukuru kushaaga yona ni guhai?” 29Yesu amuhorora ati, “Ogwa mbere, ‘Hulira iwe Isiraeli: Omukama katonda waitu, Omukama aba omo. 30Kandi omgonze Omukama katonda wawe n'omutima gwawe gwona, n'omwoyo gwawe gwona, n'amagezi gawe gona, n'amani gawe gona.’ 31Ogwa kabili nigw'ogu, ‘Ogonze mutahi wawe nk'okwo iwe olikwegonza.’ Omuhango ogw'okushaaga egi tiguliho.”32Omwegesa w'Amateka amugambira ati, “Mwegesa oli omu mazima; okw'olikugamba nikwo, kugir'oti Omukama katonda aba'omo, mara taliho katonda ondijo shana wenene. 33Kandi kugonza katonda n'omutima gwona, n'amagezi gona, n'amani gona, n'okugonza mutahiwe nk'okwo wenene alikwegonza, kirungi kushaaga ebihongo by'okwokibwa .” 34Yesu k'ayaboine okwo yahorora nk'omuntu owamagezi, amugambira ati, “Obukama bwa katonda tobuli hare.” Kwema aho taliho muntu yazilize kubaza Yesu kigambo kyona kyona.35Yesu ayegesa omuli Rwensinga ati, “Abegesa b'Amateka bakugamba bata okwo Kirisito ali mwana wa Daudi? 36Daudi wenene omuli Mwoyo Mutakatifu, yagamba ati, ‘Omukama akagambira Mukama wange ati: Shuntama aha bulyo bwange, kuhika orwo ndikunaga omu maguru ababisha bawe.’ 37Daudi wenene namweta ‘Mukama;’ mbwenu aho Kirisito yaba ate mwana wa Daudi?” Embaga ekaba eli nyingi, emuhulira n'amashemelerwa.38Yesu kayabaire nayegesa, agamba ati, “Murayelinda abegesa b'Amateka. Bagonza kugenda bajwete ekanzu ezira zira, n'okuramibwa omu katare, 39omu sinagogi baikalira entebe ezirungi, n'aha magenyi baitanira emyanya y'ekitinwa. 40Chonka bezora nibashoma enshara ezira zira, okwo oku nibalyaga omu maka ga abajane . Balihabwa ekibonabonyio ekihango kushagaho.”41Yesu kayabaire ashuntamire bwatana buhanika ya Rwensinga, abona omu buhanika obwo okwo embaga elikutamu empiha. Abatungi bangi bakaba nibatekamu amahera gangi. 42Agya aija entumbwa omunaku, atekamu esarafu ibili z'omulinga, nilyo ihera limo.43Ayeta abegesibwabe abagambira ati, “Mbagambiire amazima, omjane omunaku yatamu amahera gangi kushaaga bona abalikuteeka amahera omuli buhanika. 44Bona baihya aha bingi byabo ebyo bainabyo; chonka omjane n'obunaku bwawenene yatekamu byona ebyo yaba enabyo, nilyo lyaba lili itungalye lyonka.”
131Ka Yesu yabaire naruga Rwensinga, omwegesibwawe omo amugambira ati, “Mwegesa, olebe amabare oburungi n'amaju okwo gali katangaza!” 2Yesu amubaza ati, “Amaju gahango aga nogabona? Hanu aha taliho ibare elilisigara ahali lindi litagwire hansi.”3Yesu ashuntama aha Ibanga ly'Emizeituni alebire Rwensinga. Aho Petero na Yakobo na Yohana baija bonka bamubaza bati, 4“Otugambire okwo ebi bilikwija kubaho, n'akabonero kabyo orwo ebyo biligobelera.”5Yesu abanza kubagambira ati, “Mulimanya omuntu atalija akabahabisa. 6Bangi balija omw'ibara lyange nibagamba bati, ‘Ndi Kirisito!’ Mara balihabisa bangi.7Kamulihuliza endashana n'engungungu y'endashana, mutalihwahwana mitima. Ebyo biragiirwe kubaho, chonka amaheleruka tigakabaire. 8Aha rw'okuba eihanga lilitabalira elindi, n'engoma elitabalira ngoma ndijo; halibaho emisisi oku na kulinya, eifa aha na halinya; nawe egi eliba eli ntandikiro y'enaku kusha.9“Inywe ekikuru mwelinde. Balibakwata babatware omu maramuliro. Mulitelerwa omu sinagogi, mulyemelezibwa omu maisho g'abagavana n'abakama nimuturwa inye, kujulira evangeli amazima omu maisho gabo. 10Evangeli elibanza erangwe omu mahanga gona.1111 Kabalibakwata bakabatwara omu maramuliro, mutalifa kubi kuhiiga kyomuligamba. Ekyo mulihabwa omu saa egyo mube nikyo mugamba, kuba t'inywe muliba nimugamba. Mwoyo Mutakatifu n'iwe aliba nagambira aha mitwe yanyu. 12Omuntu alisa omurumuna, ishe mwana alisa omwana, n'abaana balishenga abazaire babo babaise. 13Mulinobwa abantu bona nibabatura inye. Chonka omuntu alyegumisiliza kugoba aha ndekelero ogwo alirokoka.14“Chonka kamulibona eihano nyamwita balitaire mbali litasaine kugya (omushomi ashobokerwe), aho aba Buyahudi basingirwe omu mabanga. 15Alishangwa ali aha rushwi rw'enju atalisongoka, anga kutaha mwa wenene kwihyamu kantu. 16Alishangwa ali omu ndimiro ataligaruka kutwara mwendogwe.17Abakazi baliba baina enda n'abaliba nibonkya omu makiro ago rulibabeera rushengo! 18Mushabe bitalibaho mu kirumo kya mbeho. 19Nobona omu makiro ago halibaho ebiyengo ebitakabagaho kwema Katonda atonzire ensi kugoba mwaha, mara tibilizoka rundi. 20K'Omukama atakugufaize biro bya naku ezo, taliho muntu yakurokokire. Ebiro ebyo akabigufaza aha rw'endonkwaze ezo yaronkire.21K'omuntu alibagambira ati, ‘Leba Kirisito ali aha,’ anga ati, ‘Leba ali kulinya!’ Mutalibikiliza. 22Abalyehindura Kirisito n'abarangi b'ebishuba balija bakore obubonero n'ebitangazo, nangu kakyakushoboka bahabise n'endonkwa. 23Chonka mumanye; nabagambira byona likyali karai.24Omu makiro galiinya, ebiyengo byahingwire, eizoba lilibundwa omwilima, n'okwezi tikulyaka, 25n'enyanyinyi zilikuntuka kuruga aha iguru, n'eby'okutangaza eby'omw'iguru bilitengeta. 26Aho abantu balibona Omwana w'Omuntu naletwa omu bichwi aina obushobora bungi n'ekitinwa. 27Alituma abamalaika kuhikanisa endonkwaze kuruga omu nsi zona, kwema ndekelero egi y'ensi kuturuka aha ndijo.28“Mwegere aha muti gw'omutini: Orwo amatagi gagwo gamara kworoba gakatutura obubabi, mumanya okwo ekyanda kyailira haihi. 29Nikwo orwo mulibona ebi byabaho, mumanye okwo Kirisito ali haihi, akwatiliire kwija.30Nimbagambira amazima, omuzarwa ogu tigulihwaho ebi byona bitakabaireho. 31Eiguru n'ensi bilichweka, chonka ebigambo byange tibilichweka. 32“Chonka ekiro ekyo anga esaa egyo taliho muntu alikubimanya, nangu n'abamalaika chei, n'Omwana w'Omuntu chei, shana Tata wenkai.33Mwelinde, mutakunagira mara mushome enshara. Mbali akanya kaligobera timulikumanya. 34Esaa egyo neshanangana omuntu aija kugya omu rugendo, k'aruga omu nju asiga ahaire abairube emilimo, buli omo ogwe, mara aragira omukumilizi kuzora amaisho.35Aha rw'ekyo muzore amaisho orwo mutalikumanya mbali nyin'enju aliizira, nka liliba lili izoba lya bwaigoro anga mu kiro eitumbi, anga aha nkoko mbali ekokoromera, anga bwankya, 36atalija akabagwamu kibandagara akashanga munagiire. 37Kandi ebyo ndikugambira inywe nimbigambira abantu bona: Muzore amaisho.”
141Bikashangwa bisigaireyo ebiro bibili kugoba Pasika n'ekiro kikuru ky'emikate etatumbisibwe. Abakuhani bakuru n'abegesa b'Amateka bahiga kukwata Yesu atabamanyire, bakamwita. 2Bagambaga bati, “Tutamukwatira mu kiro kikuru, embaga etaija ekatamwa ekarwana.”3Yesu kayabaire ali Betania omwa Simoni omubembe nalya, omukazi aija n'echupa y'eibare einamu amajuta g'eiguzi lihango muno, ahenda echupa egyo engoto, amusheshera amajuta omu mutwe. 4haliho abatamirwe bakatekeleza bati, “Amajuta aga gafaki? 5Gakugulizwe garugwamu edinari ezilikushaaga 300, zigabirwa aboro.”6Chonka Yesu agamba ati, “Mumuleke; kiki kumwita kubi? Ekyo yankolera kirungi. 7Manya ebiro byona abanaku mwinabo; nimushobora kubajuna mbali mwayendera. Chonka inye timulikwija kumbona biro byona. 8Yakora ekyo yashobora. Omubili gwange yagusiiga amajuta likyali kare nagutekatekera kuziikwa. 9Mara mbagambiire amazima, eky'omukazi ogu yakora balimwijuka.”10Aho Yuda Isikariote, omo omu 12, agya omu bakuhani bakuru kumubanja. 11Kabahuliire batyo bashemelerwa, baragana kumuha empiha. Kwema aho Yuda ata nahiga obushango bw'okumubanja.12Aha kiro kya mbere ky'Omukate Gutatumbisiibwe, ekyo batambiragaho akataama ka Pasika, abegesibwabe bamugambira bati, “Wakugondize tugyehai kukutekatekera mbali oralira Pasika?” 13Omu begesibwabe atumamu babili, abagambira ati, “Mugye omu kigo, muratanganwamu omushaija ayetwekire emuga y'amaizi. Mumuhondere, 14mbali arataha, mugambire nyin'enju muti, ‘Omwegesa nabaza eikumbi mbali araliira Pasika hamo n'abegesibwabe.’15Araboleka ekichumba omu gorofa, kitekatekire kihoire; omwo mube nimwo mutushemeleza.” 16Abegesibwa baturuka bataha omu kigo, babibona okwo yabagambira, batekateka Pasika.17Eizoba kalyatobeire Yesu aija n'eikumi na babili. 18Kababaire bali aha meza nibalya, Yesu agamba ati, “Mbagambiire amazima, omuli inywe halimu arambanja, mara nitulya hamo.” 19Babanza kujunara buli omo namubaza ati, “Isi n'inye?”20Yesu abagambira ati, “N'omo omu 12, nitukoza hamo omukate aha sahani. 21Omwana w'Omuntu nibija kumubaho nk'okwo bywamuhandikirweho, kyonka alibona ogwo alikwija kubanja Omwana w'Omuntu! Hakili k'omuntu ogwo atakuzairwe.”22Kababaire nibalya, akwata omukate, asima, agubegura, agubaha nagamba ati, “Tora, ogu mubili gwange.” 23Akwata n'ekikompe, kayamazire kusiima akibaha, bona bakinywaho. 24Abagambira ati, “Obu bwamba bwange obw'endagano empya, obwo barashesha kuchungura bangi. 25Mbagambiire amazima, tinkishuba kunywa divai kakiro kilinya orwo ndinywa empya omu bukama bwa Tata.”26Kabamazire kuhoya oruhoya, baturuka bagenda aha Ibanga ly'Emizeituni. 27Yesu agambira abegesibwabe ati, “Nimwija kwiruka nywena mukanagaho. Enshonga kikahandikwa kiti, ‘Ndiita omushumba, entaama zenaganage.’28Kyonkai kandamara kuhimbuka ndabebembera Galilaya.” 29Petro amugambira ati, “N'orwo bona barairuka bakakunagaho, inye chei!”30Yesu amugambira ati, “Nkugambire amazima, omu kiro kyambwenu enkoko etakakokoromire kabili, oraba wanyetongire kashatu.” 31Kyonkai Petero agamba n'amani ati, “Tindikwija kukwetonga, n'orwo ndaragirwa kufa naiwe.” N'abasigaire bona bagamba nka Petro.32Bakwata omuhanda bagya mbali hayetwaga Getsamene. Yesu agambira abegesibwabe ati, “Mushuntame aha mbe ninshoma enshara.” 33Aihyaho Petro na Yakobo na Yohana agenda nabo, aho abanza kugira obushasi bungi n'okushoberwa muno. 34Agambira abashatu aba ati, “Omwoyo gwange gwina obujune bungi muno kuralira kufa. Musigare aha mara mutanagira.”35Ailirayo akandi kake, ajumara ahansi, ashaba ati, “Tata, kakiraba nikishoboka esaa egi empingure.” 36Ashuba agamba ati, “Aba. Tata, ebintu byona ahali iwe nibishoboka. Banyihyeho ekikompe eki. Chonka tikwo inye ndikwenda, iwe okwo olikwenda obe nikwo okora.”37Aija ashanga okwo banagiire, abaza Petero ati, “Simoni, wanagira? Tiwashobora kurora isaa jimo ryonka? 38Mutakunagira, mushome enshara mutaija mukagwa omu bilengeso. Mazima omwoyo nigwenda, kyonka obunyama bujege.” 39Ashubayo ashoma enshara, ashubamu ebigambo byonene.40Agaruka ashanga okwo banagiire, nobona oturo tukabakiza amani. Eky'okumuhorora tibakiiboine. 41Aija omurundi gwa kashatu abagambira ati, “Mukyanagiire kuhumura? Otwo mwanagira nitumara; esaa yagoba, Omwana w'Omuntu yabanzirwe, yanagirwe omu mikono y'abafakare. 42Mwimuke tube nitugenda, leba embanzi yagoba.”43Orwo Yesu yabaire akyagamba ebyo, lileta Yuda, omo homu 12, aija n'embaga eina embanda n'erungu ebyo babaire bahairwe abakuhani bakuru na'abegesa b'Amateka n'abagurusi. 44Embanzi ekaba ebahaire akabonero negamba eti, “Owo ndanywegera n'iwe; mumukwate mara mumutware nimumanya.” 45Yuda kayaizire talinda, amugoba, agamba ati, “Mwegesa!” Amunywegera. 46Bamutaho engaro bamukwata.47Chonka omuli balinya abashangirwe bemeleire haihi, omo ahurutura embanda omu kiraro, atema omwiru w'Omukuhani Nyamukuru okutwi. 48Yesu ababaza ati, “Mwaija n'embanda n'erungu kunkwata okwobon'oti muzinzire omushuga? 49Ebiro byona tuba tuli hamo Rwensinga n'inyegesa, timukankwataga. Chonka k'ebihandiko bitakatifu bigobelere.” 50Aho abegesibwa bona bamusigaho bairuka.515251 Hakaba haliho omusigazi ahondeire Yesu atajwete, shana aha mubili ayenagireho akendo ka kitaani; bamukwata. 52 Kyonkai wenene abasigira akendo ka kitaani airuka ali bushai.53Yesu bamutwalira Omukuhani Nyamukuru; aho abakuhani bakuru bona n'abagurusi n'abegesa b'Amateka literaine. 54Petero agenda namuhondera ayemire hara, alemwa agoba nyakabuga omw'Omukuhani Nyamukuru. Ashuntama n'abalinzi, ayota omuliro.55Aho abakuhani bakuru n'orukiiko rwona bahanyanyia omushango gw'okutaho Yesu kumwita, Chonka byanga. 56Bangi bamubielere chonka ebyo bamubielire byanga kushanangana.57Abandi bemelera bagamba ne bishu bati, 58“Tukamuhulira nagamba okwo arakambura Rwensinga eyayombekirwe abantu, ayombeke endijo omu biro bishatu, mara atagyombekesize bantu.” 59Nabyo ebyo tibyafire kushushangana.60Omukuhani Nyamukuru ayemelera omu rukiiko omugati, abaza Yesu ati, “Iwe toina kyakuhorora? Aba nibakutoijeleraki?” 61Chonka Yesu ayesiza, tiyahoroire. Omukuhani Nyamukuru ashuba amubaza ati, “N'iwe Kirisito Omwana wa Nyakusinga?” 62Yesu agamba ati, “Ndiwe, mara nimwija kubona Omwana w'Omuntu asingiire aha bulyo bw'Omushobora, naletwa omu bichwi.”63Omukuhani Nyamukuru atagura ebijwarobye, agamba ati, “Obujulizi tukyahiiga obwaki? 64Mwahulira okwo yarogota. Nimuramuraki?” Bona bamuramura okwo alikuragirwa. 65Nikwo abandi kubanza kumuchwera ebichwanta, kumubunda amaisho, kumutera, nibagamba bati, “Toma!” Abalinzi nabo bamutamu empi.66Petro akaba ali omukibuga amagyaifo, aijwa omuzana omo w'Omukuhani Nyamukuru. 67Kayaboine Petro nayota omuliro, amuhanga amaisho, agamba ati, “Naiwe waba oina Yesu Omunazareti.” 68Petero ayetonga ekigambo ekyo ati, “Tindikumanya by'olikugamba anga kubishobokerwa!” Aho aturuka agya omukibuga n'enkoko ekokoroma.69Omuzana ayamubweine, ashuba abanza kugambira ababaire bali aho ati, “Omushaija ogu nawe mumo wabo.” 70Petero ashuba ayetonga ekigambo ekyo. Akaanya kakahingwireho kake n'ababaire bali aho bagambira Petero bati, “Ky'amazima iwe oli mumo wabo; aha rw'okuba oli Munyagalilaya.”71Chonka Petero abanza kurapa n'okurahira ati, “Omuntu ogu owo mulikugamba inye tindikumumanya.” 72Niho honka enkoko ekokoroma elya kabili. Nirwo Petero yaijukire okwo Yesu yabaire amugambiire ati, “Enkoko etakakokoromire kabili oraba wanyetongire kashatu.” Aho atekeleza ekigambo ekyo, alira.
151Orwo obwire bwakeire buti, abakuhani bakuru, n'abagurusi, n'abegesa b'Amateka, n'orukiiko rwona bakiika. Baboha Yesu bamutwalira Pilato bamumunaga omu mikono. 2Pilato abaza Yesu ati, “Iwe oba mukama w'Abayahudi?” Yesu amuhorora ati, “Okwo wakigamba nikwo kili.” 3Abakuhani bakuru bamutoijera bingi.4Pilato ashuba amubaza ati, “Toina kyakuhorora? Olebe okwo ebyo balikukutoijera bili bingi!” 5Chonka Yesu tiyayeyongeire kuhorora, ekyo kitangaza Pilato.6Buli kiro kikuru kya Pasika, Pilato yabataishuliraga omufungwa omo owo bamushabaga. 7Omu bamatu ababaire bali omu kifungo, nibo balinya abaisire abantu omu bushengi, hakaba halimu omo nayetwa Baraba. 8Embaga eija ebanza kushaba Pilato kubagilira nk'okwo yabagiliraga.9Pilato abahorora ati, “Nimwenda mbataishulire Omukama w'Abayahudi?” 10Ahakuba akaba namanya okwo abakuhani bakuru bamulesire orwenshonga yo rwango . 11Kyonkai abakuhani bakuru batamu abantu oruchuku kumugambira k'abataishulira Baraba, Yesu chei.12Pilato ashuba ababaza ati, “Isi aho omushaija owo mulikweta Mukama w'Abayahudi mugire nta?” 13Bashuba bakunga bati, “Omubambe.”14Pilato ababaza ati, “Aha kiki? Kabiki ak'akozire?” Chonka bonene bakunga bashagaho bati, “Omubambe.” 15Kityo Pilato agonza kushemeleza embaga, abataishulira Baraba; Chonka kayaizire kutaishura Yesu kumubamba, abanza amutera.16Abaisherukare batahya Yesu omu kikaare (nigwo mwanya ogulikwetwa Puraitorio); beta omutwe gwona gw'abaisherukare. 17Bamujweka ebebo ya zambarau, basiba n'omukako gw'amahwa bagumutaho. 18Babanza kumugegeza nokugamba, “Kamelere Mukama w'Abayahudi!”19Bamuteza orubingo omu mutwe, bamuchwera ebichwanta, babandama bamuramya. 20Kabamazire kumujaamya bamujura ebebo ya zambarau, bamugaruraho emyendo eye. Bashuba bamufunya kugya kumubamba. 21Kababaire nibagenda omu muhanda bagimba omuhinguzi, Simoni owa Kirene, akaba naruga omu kyaro, bamutwaza omusaraba. N'iwe ishe Alekisanda na Rufusi.22Baleta Yesu ahalikwetwa Goligota (nikwo kugir'oti omwanya gw'ekitwe ky'omuntu). 23Bamuha edivai einemu n'omubazi gwa mira, kyonkai tiyaginyoire. 24Bamubamba, babegana emyendoye, chonka bagitekera enshoga kumanya ogw'omuntu aratwara.25Zikaba zili saa ishatu za bwankya orwo bamubambire. 26N'omushango ogwo bamutaireho bagumuhandikaho bati, “Omukama w'Abayahudi.” 27Bamubamba n'abafakare babili, ogu bamuteka obulyo n'ondijo obumosho. 28(Aho n'ebihandiko bitakatifu bigobelera ebilikugamba biti, “Bakamukwatirana n'abafakare).29N'ababaire nibarabao bamujuma nibachunda emitwe bakwese, “Mpahosi! Iwe ayagambiire kukambura Rwensinga okagyombekera ebiro bishatu, 30oyerokore oruge aha musaraba!”31N'abakuhani bakuru kutyo hamo n'abegesa b'Amateka bamujamya omu fumoro bati, “Akarokora banu, wenene taina kwerokora. 32Kirisito Omukama wa Isiraeli, naruge aha musaraba twije tumwikilize.” N'ababambirwe nawe kwakwo bamujuma.33Kazabaire esaa mukaga ensi yona ebambwa omwilima kugoba esaa mwenda. 34Aha saa mwenda Yesu ataka n'eiraka lihango ati, “Eloi Eloi, lama sabakitani?” Nikwo kugir'oti, “Ktonda wange, Katonda wange, wanagiraki?” 35Ababaire bali aho kabakihuliire bagamba bati, “Leba, nayeta Eliya.”36Omuntu omo airuka, akwata ekikunjuzo akitubika omu siki y'edivai, akitunga aha rubingo omuhaire kunywa, nagamba ati, “Katulinde tulebe nka Eliya araija akamuhanantura.” 37Yesu ataaga muno, aho ahwamu omwoyo. 38Orutimbe rwa Rwensinga rutagukamu kabili, kwema eiguru kwija ahansi.39Aho omukuru w'abaisherukare ayabaire ayemeleire amulebire, yaboine okwo yataka akashuba akahwamu omwoyo, agamba ati, “Mazimakwo omuntu ogu yaba ali Mwana wa Katonda!” 40Hakaba haliho n'abakazi balebeire hare, omuli abo akaba halimu Maria Magadalena, na Maria nyina Yakobo omuto na Yose, na Salome, 41abamuhonderaga kwema Galilaya nibamujuna; n'abakazi abandi bangi ababaire baizire nawe kwema Yerusalemu.42Omu bwaigoro kikaba kili kiro ky'okwetekateka, nikyo kiro kilikwebembera Sabato, 43Yozefu owa Arimatea, omutegeki w'ekitinwa omu rukiiko, kandi yategelezaga obukama bwa Katonda, ayeyemamu agya owa Pilato, amushaba omubili gwa Yesu. 44Pilato atangara nayebaza nka yafire. Ayeta omukuru w'abaisherukare, amubaza nka yafire.45Mukuru w'abaisherukare kayamugambiire okwo yafire, amu Yozefu omubiligwe. 46Yozefu ogwo owa Arimatea agura ekirago kya kitaani, amuhanantura, amuzinga omu kirago kya kitaani ekyo, amuteka omu nyanga eyo wenene yashangirwe ayetemeire omu rwazi. Ahilingisa eibare lihango alikingisa enyanga. 47Maria Magadalena, na Maria nyina Yose, babona mbali Yesu yaziikwa.
161Bukeire bwa Sabato, Mria Mangadalena, na Salome abura amajuta agalikununkage kugenda kugasiga Yesu. 2Ahakiro kyambere kyeilimansi izoba karyaturukire bagenda ahanyanga.3Bagenda nibabazangana bati, "aharatuhilingisiza eibare kuliha ahanyanga noi"? 4Kugya kunaga amaisho babona okwo eibare lyahilingisirwe, likaba lili lihango muno.5Kabatahire omu nyanga babona omusigazi ashuntamire orubaju orwobulyo, ajwete ekanzu elikwera. bashoberwa. 6abagambira ati, " Mutakushoberwa. Manti nimuhiga Yesu owa Nazareti, owo babaire bamubyamikire. 7Mugende mugambire abegesibwabe na Petro okwo Yesu yabebembera Galilaya, nio muramubonera, nkokwo yabagambiire."8Baruga omunyanga bairukire. Bakashoberwa muno bakajugumba. Tibaina ekyo bafomoire, bakaba beine obutini bwingi.9Ekiro kya mbere bwankya kare orwo Yesu yahimbukire, akabanza yahimbukira Maria Mangadalena, owo yabaire abingiremu amashetani mushanju. 10Mangadarena agenda agambira abegesibwa ba Yesu, bali omukuchura nibalira. 11Kyonka babahuliire okwo Yesu alikukora nokwo Magadarena yambona, banga kwikiliza.12Ahanyuma Yesu abonekera abesigwa abandi babili omumishusire endijo, bakaba nibataha omu kyato. 13Bagaruka bagambira abandi abasiigire, chonka tibabaikilize.14Obugenda ira Yesu ahabukira ikumi nomo, bakaba nibarya. Abakunganisa aha rwokutaikiliza kwabo nobugumangani bwabo bwemitima, enshonga abamubweine ahimbukire tibabaikiliize. 15Abagambira ati, "Mugende omunsi zona, murangire abantu bona Evangeli. 16Aliikiliza akanyesiga akabatizibwa alirokoka. Chonka aliba ataikilize ogwo aliramurwa.17Abalinyesiga balimanyikira aha bubonero obu: Balibinga Amashetani omwibara lyange, baligamba endimi ezihya, 18balikwata enjoka. Norwo balinywa ekyokubaita tikilibakoraho kantu. Balitaho abarwaire emikono bakire."19Aho Omukama Yesu kayamazire kubagambira atyo, atemba omwiguru, asingira aha bulyo bwa Katonda. 20Abegesibwa bagenda nibaranga Evangeli buli hantu. Omukama akaba nabemamu nebyo bagambaga yabihamisaga nobubonero obwo kubijulira.
Luka
11Omukunirwa muno Teofilo, abantu bangi bataireho amani kuhandika amakuru g'ebyabaireho omuli ichwe. 2Tukashuba twabigambirwa balinya ababibweine bubona kwema aha mbandizo bakashuba bakaranga amakuru garungi. 3Nanye nkwokwo namazire kwekomya kurungi ebigambo ebi kuruga enyuma, nshemeleirwe mbikuhandikire bunyanungi, omukunirwa Theofilo 4obone kumanya amazima agaijwire ahali buli kamo kona ak'oraba oragambiirwe.5Omu makiro g'Omukama Herode owa Buyahudi, hakaba haliho omukuhani nayetwa Zekaria, ow'eihiga lya Abiya omukuhani. Akaba aine omukazi namwihya omw'ihiga lya Aroni omukuhani, eibaralye Elizabeti. 6Bona babili bakaba bali bagorogoki ahali Ruhanga, nibekomya emihango yona n'emigenzo y'Omukama bataina ishobya. 7Chonka bakaba bataina mwana, mara bakaba bakuzire muno.8Zekaria kayabaire ali Rwensinga aha mwoga gw'obukuhani ali azamu y'eihigalye ely'abakuhani, 9kuhondera entwaza z'obukuhani, ekuura emugwera kutaaha Rwensinga y'Omukama kwotera obunuma. 10Omu saa egyo y'okwotera obunuma, embaga yona ekaba eli aheru neshoma enshara.11Omumalaika w'Omukama amuhabukira, ayemeleire orubaju rwa bulyo rwa alutare y'okwotezaho obunuma. 12Zekaria kayamuboine ayechura, atina. 13Chonka omumalaika amugambira ati, “Zekaria otatiina, aha rw'okuba enshara zawe zahulirwa, n'omukazi wawe Elizabeti arakuzalira omwana w'obwojo, eibara oramweta Yohana.14Aliba muntu w'ebyera n'amashemelerwa, n'abantu bangi barashemelerwa okuzarwakwe. 15Aliba muntu muhango w'Omukama, talinywa divai anga marwa, araijurwaga Mwoyo Mutakatifu, nangu kwema omunda ya nyina.16Abangi omuli Isiraeli alibagarura aha Mukama Katonda wabo. 17Aragendaga ayebembeire Omukama, aine obumaza n'amani nka Eliya, ahindure emitima ya baishebantu egye aha baana babo, n'abashengi abagarure omu mitekelereze ey'abagorogoki einamu obumanyi, atekatekere Omukama embagaye.”18Zekaria abaza omumalaika ati, “Ekyo ndakimanyirahai? Inye nabaire mugurusi, na mukazi wange yakaikwire.” 19Omumalaika amuhorora ati, “Inye ndi Gaburieli, nyikara nyemeleire omu mabona ga Ruhanga. Natumwa kukugambira, kukuletera amakuru garungi. 20Leba noija kwesiza, tolikwija kugamba kulemwa kugoba mbali ebigambo ebi biliberaho. Aha rw'enshonga ebyo nakugambira tiwabiikiliza, Kyonkai akanya kabyo kakaligoba bilibaho.”21Abantu bakaba balindiliire Zekaria, bashobeirwe kubona okwo yakelererwa kuruga Rwensinga. 22Kayaturukire tiyabasize kubafumolera. Aho bamanyirayo okwo yabonekerwa omuli Rwensinga. Akabalengera kusha yaikara atitaire. 23K'ezamuye yaweire yashuba owabo.24Ebiro by'ezamu kabyaweire Elizabeti atwara enda, amara emyezi etanu yona ayeshelekire, nagira ati, 25“Omukama ansingiire yanyijuka, yanyihao enshoni omu bantu.”26Mwezi gwa mukaga Elizabeti atwire enda, Katonda atuma Omumalaika Gaburieli omu kigo kya Galilaya, nikyetwa Nazareti, 27aha mubikira ayabaire nashelerwa omushaija eibaralye Yozefu, ow'oruganda rwa Daudi. Eibara ly'omubikira ogwo akaba ali Maria. 28Omumalaika amugoba amugambira ati, “Kamelere, iwe kilimugisha, Omukama aliamo neiwe!” 29Chonka ekigambo ekyo kiita kubi Maria, ayebaza okwo ekiramyo ekyo kilikugenda.30Omumalaika amugambira ati, “Maria oleke kutina. Oganzire ahali Katonda. 31Leba noija kutwara enda, ozare omwana w'obwojo, eibara olimweta Yesu. 32Aliba muhango, balimweta Mwana wa Rukirabyona; Omukama alimuha enketo ya Daudi ishe, 33alitwara eka ya Yakobo eirai lyona, n'obukamabwe tibulihwaho.”34Maria agambira Omumalaika ati, “Kirabaho kite orwo inye ntagira mushaija?” 35Omumalaika amugambira ati, “Mwoyo Mutakatifu arakwizira, amani ga Rushoborabyona gakugye aha mutwe, kityo n'omwana w'olizara alyetwa mutakatifu, Mwana wa Katonda.36Leba na Elizabeti omunyabuzare wawe, ayayetwaga mugumba atwete enda y'omwana w'omwojo omu bukaikurubwe; kaanya aka aina enda y'emyezi mukaga. 37Ahakuba taliho kilikwija kulema Katonda.” 38Maria agamba ati, “Leba inye ndi muzana w'Omukama, mbe nk'okwo wagamba.” Aho omumalaika amurugaho agenda.39Omu biro ebyo Maria aimukya, agenda bwangu omw'ibanga, omu nsi ya Yuda. 40Orwo yatahire omwa Zekaria, akeisa Elizabeti. 41Elizabeti kayahuliire ekishuuro kya Maria, enda omu rubunda eguragurukibwa amashemelerwa, na Elizabeti wenene aijurwa Mwoyo Mutakatifu.42ashoberwa, agamba n'eiraka lihango ati, “Omu bakazi bona oli kilimugisha, n'omwana w'olikwija kuzara ni kilimugisha! 43Na kyonene eki kyandugirahai inye nyina mukama wange kunzindukira? 44Kuba orwo nahulira nti ekishuuro kyawe, enda yanguraguruka omw'ibunda n'amashemelerwa. 45Mara oli muberwa orwo oikilize okwo eby'Omukama akugambiire bilikwija kugobeelera.”46Mariamu nawe agamba ati, “Omwoyo gwange niguhaisiliza Omukama, 47n'omutima gwange nigushandukira Katonda Omurokozi wange.48ahakuba yabona obujege bw'omuzanawe. Leba emizarwa yona elinyeta kilimugisha. 49Orwo ow'amani yankolera ebihango, eibaralye litakatifu.50Aganyira abamutina, kwema muzarwa ogu kugoba muzarwa ogu. 51Yaimukya omukonogwe ogw'amani, yanaganaga ab'eikuru omu mitima yabo.52Abakama yabaihya aha nketo zabo, yakuza abajege. 53Abenjara yabagabira, yabaigusa ebirungi; abatungi yababinga ngaro zisha.54Yajuna Isiraeli omwiruwe, orwo yaijuka obuganyizi bwe, 55nk'okwo yagambiire batat'enkurw'uichwe, Aburahamu na baijukurube eira lyona.”56Maria akamara na Elizabeti emyezi nk'eshatu yagaruka owabo. 57Elizabeti agoba aha kaanya k'okuzara, azara omwana w'ombwojo. 58Batanibe n'abanyabuzare bahulira okwo Omukama amugilire obuganyizi bungi, bamukwasa ebyera ebyo.59Aha kiro kya munaana baija kutahiri omwana, bagonza kumweta Zekaria eibara lya ishe. 60Nawe nyina agamba ati, “Tibilikwija kugenda bityo. Ayetwe Yohana.” 61Bamugambira bati, “Omu banyabuzare bawe talimu muntu alikwetwa ibara eli.”62Balengera ishe, nibamubaza okwo alikwenda omwana kwetwa. 63Abenza ekibaho ky'okuhandikaho, ahandikaho ati, “Eibaralye ni Yohana.” Bashoberwa bona.64Niho honka akanwa kakinguka, orulimi rukomorogoka, agamba asingiza Katonda. 65Batani babo bona bakwatwa obutini. Ebigambo ebi bigambwa byona omu mabanga ga Buyahudi. 66Bona ababihuliire babibiika aha mutima nibebaza bati, “Omwana ogu aliba ate?” Kuba amani ga Katonda gakaba gamulimu.67Zekaria ishe Yohana Omubatiza, aijurwa Mwoyo Mutakatifu, abaasha ati, 68“Asingizibwe Omukama Katonda wa Isiraeli, aha rw'okuba ahabukiire abantube yabachungura.69Atuhaire Omurokozi w'amani omu ruganda rw'omwiruwe Daudi. 70nk'okwo yagambiire omu kanwa k'abarangibe abatakatifu abakare, 71okwo tulirokoka aha babisha beitu, twihuke omu mani g'abatunoba bona.72akagamba kugilira batat'enkurw'uichwe obuganyizi, n'okwo aliijuka endaganoye entakatifu, 73nikyo kirahiro ekyo yarahiliire isheichwe Aburahamu, 74kutushoboza kumukolera tutalikutina, k'aliba yamazire kutukiza aha babisha beitu, 75tuli batakatifu mara abagorogoki ahali wenene ebiro byeitu byona.76Kandi iwe mwana, balikweta murangi wa Rukirabyona; manya olyebembera Omukama kumushemeleza emihandaye, 77kumanyisa abantube okwo balikwija kuchunguka orwo baligarulirwa amafu gabo.78aha rw'obuganyizi bungi obwa Katonda waitu, kiro eky'alisinga kuruga omw'iguru akatukeisiza obwire, 79akamulikiza abali omu mwilima, n'omu kinyomanyomyo kyo rufu, kuturabya omu muhanda gw'emilembe.”80Omwana Yohana akura mara aba omumaza omu mwoyo. Yaturaga omw'irungu kugoba ekiro ekyo yayeyarwire omuli Isiraeli.
21Omu biro ebyo Kaisari Augusito atekaho ekirango kubara abantu bona omu butwazibwe. 2Heli likaba lili ibara lya mbere, aho Kirenio ali gavana wa Shamu. 3Abantu bona bagya kwehandikisa bulyomo omukigokye eky'alikuzarwau.4Yozefu nawe aruga Galilaya, omu kigo kya Nazareti agya Buyahudi, omu kigo kya Daudi, ekyetwa Betelehemu, aha rw'okuba akaba ali w'eihiga lya Daudi, nimwo yatabukaga. 5Agenda na Maria owo yabaire nashelera, aina enda, bagya kwehandikisa.6Kababaire bali Betelehemu akanya kagoba aka Maria kuzara. 7Azigaija omwana w'omwojo, yamushwekelera omu twendo tw'enkelemeke, yamubyamika omu bwato bw'ente ziliiramu, kuba omw'ikumbi ly'abagenyi omwanya gukaburamu.8Omu nsi egyo hakaba halimu abashumba abaturaga omw'irungu, nibalinda amahyo gabo omu kiro. 9Omumalaika w'Omukama abahabukira, n'ekitinwa ky'Omukama kibamulikira, batina.10Omumalaika w'Omukama abagambira ati, “Mutatina, kuba leba mbaleteire amakuru garungi ag'ebyera bingi ebiliizira abantu bona. 11Kir'eki omukigo kya Daudi mwazalirwamu Omurokozi, n'iwe Kirisito Omukama. 12Muramanyira aha kabonero aka: Murashanga enkelemeke ejwekirwe emyendo ya abana, enyamire omu bwato bw'ente ziliiramu.”13Aho bakaba baliamo n'omumalaika ogwo basingiza Katonda nibagamba bati, 14“Katonda ahabwe ekitinwa omw'iguru muno, n'omunsi emilembe ebe omu bantu abasikisize.”15Orwo abamalaika babarugireho bakashuba omw'iguru, abashumba bagambirangana bati, “Tushabuke tugye Betelehemu tulebe eki ekyaba, eky'Omukama yatumanyisa.” 16Bagenda n'obwangu, babona Maria na Yozefu n'omwana anyamire omu bwato bw'ente.17Orwo bamubweine, bagambira Maria na Yozefu ekigambo ekyo babaire bagambiirwe aha mwana ogwo. 18Abantu bona abahuliire abashumba nibabagambira ekigambo eki kibashobeza. 19Chonka Maria ebi byona abibiika aha mutima, ata nabitekelezaho. 20Abashumba bagaruka nibasingiza Katonda, nibamuhaisiliza aha rw'ebyo bahuliire n'ebyo baboine, nk'okwo babaire bagambiirwe.21Kabyagobire ebiro munane omwana bakamutahiri, eibara bamweta Yesu, eibara ely'omumalaika yagambiire atakatweire enda.22Akaanya k'okweyogya kwabo kakagobire kuhondera Amateka ga Musa, batwara Yesu Yerusalemu kumuhongera Omukama 23(nk'okwo kyahandikirwe omu Mateka g'Omukama kiti, “Buli mwana w'omwojo omuzigaijo arayetwaga mutakatifu w'Omukama.”) 24Bashuba bahonga n'ekitambo kuhondera okwo Amateka g'Omukama galikugamba, “Entungurumwiba ibili anga obiba bibili.”25Aho omuli Yerusalemu hakaba halimu omushaija nayetwa Simeoni, akaba ali mugorogoki mara muntu wa Ruhanga, ayategelezaga okuchungurwa kwa Isiraeli, kandi na Mwoyo Mutakatifu akaba amulimu. 26Mara Mwoyo Mutakatifu ogwo akaba amushurulire okwo atalifa ataboine Kirisito w'Omukama.27Mwoyo Mutakatifu n'iwe yamwebembire, kwija omuli Rwensinga. Orwo abazaire balesire Yesu Rwensinga, kumukolera okwo Amateka garagiriraga. 28Simeoni amutora omu mikono ahaisiliza Katonda ati, 29“Waitu Mukama, otaishure omwiru wawe agende omu milembe nk'okwo wagambire.30Aha rw'okuba amaisho gange gabona oburokozi bwawe 31obwo watekatekeire abantu bona, 32omushana gw'okwakiza Abanyamahanga, n'okuletera abantu bawe ba Isiraeli ekitinwa.”33Ishe na nyina bashoberwa ebyamugambirweho. 34Simeoni abaha omugisha ashuba agambira Maria nyina ati, “Leba omwana ogu atekirweho kuba kugwa mara nokwimuka kwa beingi omuli Isiraeli, ashube abe kabonero ako baligambaho; 35(kandi ekipanka kiligya omumwoyo gwawe ), ebitekelezo by'emitima nyingi bibone kushuruguka.”36Hakaba haliho omurangikazi, ibaralye Ana, muhara wa Fanueli, ow'oruganda rwa Asheri. Akaba yakuzire muno, kandi musheijawe bakamara hamo emyaka mushanju yonka. 37Kwema aho yasigara ali ntumbwakazi ena emyaka kinane n'ena. Tiyarugire Rwensinga, aba nayegashaniza Katonda omukiro na mushana, nasiiba kandi nashoma enshara. 38Omu saa egyo na wenene ashangwa naija, asiima Katonda ashuba amakuru g'omwana ogwo agabagambira bona abaturaga balindiliire okurokorwa kwa Yerusalemu.39Kababaire bagobesheleize buli kantu nk'okwo Amateka g'Omukama gabaire nigaragira, bagaruka Galilaya omu kigo kyabo kya Nazareti. 40Omwana akura agira amani, agira n'obumanyi bungi, mara nemigisha ya Katona eba amo na wenene.41Buli mwaka aha kiro kikuru kya Pasika, abazaire ba Yesu bagyaga Yerusalemu. 42Kayabaire aina emyaka 12, bagenda aha kiro kikuru nk'okwo bakagiraga. 43Ekiro kikuru kakyahoire orwo babaire nibagaruka, omwana Yesu asigara Yerusalemu. Abazaire ba wenene tibamanyire okwo yasigarayo. 44Balenga bati aliho ab'ainabo, kityo bagenda orugendo rw'ekiro kyona, aho nirwo babandize kumuhiiga omu banyabuzare n'omuli bataahi babo.45Kayabuzire bagaruka Yerusalemu nibamuhiga. 46Omukilo kya kashatu, bamushanga Rwensinga, ashuntamire omu beegesa, abahuliliize mara nababaza. 47Abamuhuliire bona bashoberwa amagezige n'emihorolereye.48Kabamubweine bashoberwa. Nyina amubaza ati, “Mwana wange, otutuzireki? Leba sho nanye tukuhiigire twashasha.” 49Yesu ababaza ati, “Mumpigiireki? Mbeire mutalikumanya okwo ndagiirwe kwikara omu nju ya Tata?” 50Ekyo yabagambiire tibakishobokeirwe.51Agenda nabo, bagaruka Nazareti, mara ata nabahulira. Ebigambo ebi byona nyina yabibiika aha mutima. 52Yesu agendelera kuba mumanyi n'omu kyema, ashemelera Katonda n'abantu.
31Omu mwaka gwa 15 Kaisari Tiberio ali aha ngoma, nirwo Pontio Pilato ali gavana wa Buyahudi, na Herode natwara Galilaya, Filipo omurumuna natwara ensi ya Iturea na Tirakoniti, Lisania natwara Abilene, 2Anasi na Kayafa bali Bakuhani Nyamukuru, Ruhanga agambira Yohana eya Zekaria ekigambo omw'irungu.3Yohana agenda omu nsi yona eyataine Yorudani, narangira abantu kababatizibwa okubatizibwa okw'okwechuza, bakagarulirwa amafu.4Nk'okwo kyakahandikirwe omu kitabo ky'Omurangi Isaya, kiti, “Eiraka ly'alikukungeleza omw'irungu ati: Mushemeze omuhanda gw'Omukama, mugorore mbali araletwa.5Buli ruhanga ndwija kwijura, buli ibanga na buli rushozi mvija kutemwa, emihanda einemu ebiina mbijatabirwa; 6abantu bona baramanya okwo Katonda n'iwe Murokozi.”7Abantu baijaga embaga ahali Yorudani k'ababatiza, aho Yohana abagambira ati, “Inywe baana b'enjoka! N'ohi abagambire kuhunga ekibonabonyio ekilikwija?8Mukore ebikorwa ebirayoleka okwo mutamirwekwo amafu ganyu. Muleke kutekeleza muti, ‘Ichwe tataichwe aba Aburahamu;’ nimbagambira, omu mabaare aga Ruhanga yakwihiramu Aburahamu abaana.9Nangu na mbwenu aha endyamiti eraliire kutema emiti emizi. Kityo buli muti ogutaraba biraba birungi nigwija kutemwa gukanagwa omu muliro.”10Nangu embaga emubaza eti, “Mbwenu aho tukoreki?” 11Abahorora ati, “Araba aina amakoti gabili, aheho atainalyo. Aina ekyakulya, nawe kutyo.”12Abashoza nabo baija kubatizibwa bamubaza bati, “Mwegesa, tugire tutai?” 13Abahorora ati, “Muleke kushoza empiha ezishaagire ezo babateleireho.”14Abaisherukare nabo kwakwo bamubaza bati, “Isi ichwe tukoreki?” Abahorora ati, “Mutayaka muntu rwamani anga kumuhangilira mukagira ekyo mwamwihyaho. Musanirwe emperwa yanyu.”15Abantu babanza kugira eshubi, omu mitima yabo Yohana bamwebazaho nka rundi n'iwe yakuba Kirisito. 16Bona Yohana abahorora ati, “Inye nimbabatiza n'amaizi; kyonkai ow'amani kunshaaga aliyo naija, owo ntasaine na kukomorora rukoba rwa biratwa. Ogwo arababatiza na Mwoyo Mutakatifu n'omuliro.17Oruhungo rumuli omu mikono kwera byona ebili aha kyanokye, engano agibiike omu sitoaye, kandi omushunga agwokye omu muliro ogutaraara.”18Yabagambira n'ebirungi ebindi bingi, yatona abantu amakuru garungi. 19Kyonkai Herode omutwazi, owo Yohana yashangirwe yatatiire aha rwa Herodia, omuramu, n'ebindi ebyo Herode wenene yashangirwe yakozire bili bibi, 20byongera ahali eki, aho akwata Yohana amufunga.21K'abantu bona babaire babatiziibwe, Yesu nawe abatizibwa. Kayabaire nashoma enshara, eiguru likinguka, 22na Mwoyo Mutakatifu asongoka omu mishusire y'ekiiba amubandara aha mutwe, n'eiraka liruga omw'iguru liti, “Oli Mwana wange omugonzibwa, iwe n'iwe nshemelerwa.”23Orwo Yesu yabandize eikoralye, akaba aina nk'emyaka makumi gashatu. Yesu ogwo (okwo abantu bamushobokerwaga) ni mutabani wa Yozefu, Yozefu eya Heli. 24Heli eya Matatia, Matatia eya Levi, Levi eya Meliki.25Lawi eya Matatia, Matatia eya Amosi, Amosi eya Nahumu, Nahumu eya Esili, Esili eya Nagai. 26Nagai eya Maati, Maati eya Matatia, Matatia eya Semeni, Semeni eya Yoseki, Yoseki eya Yoda.27Yoda eya Yoanani, Yoanani eya Resa, Resa eya Zerubabeli, Zerubabeli eya Shealisieli, Shealisieli eya Neri. 28Neri eya Meliki, Meliki eya Adi, Adi eya Kosamu, Kosamu eya Elimadamu, Elimadamu eya Eri. 29Eri eya Yoshua, Yoshua eya Eliezeri, Eliezeri eya Yorimu, Yorimu eya Matati, Matati eya Lawi.30Lawi eya Simeoni, Simeoni eya Yuda, Yuda eya Yozefu, Yozefu eya Yonamu, Yonamu eya Eliakimu. 31Eliakimu eya Melea, Melea eya Mena, Mena eya Matata, Matata eya Natani, Natani eya Daudi. 32Daudi eya Yese, Yese eya Obedi, Obedi eya Boazi, Boazi eya Sala, Sala eya Nahishoni.33Nahishoni eya Aminadabu, Aminadabu eya Adimini, Adimini eya Arini, Arini eya Hezironi, Hezironi eya Peresi, Peresi eya Yuda. 34Yuda eya Yakobo, Yakobo eya Isaka, Isaka eya Aburahamu, Aburahamu eya Tera, Tera eya Nahori. 35Nahori eya Serugi, Serugi eya Reu, Reu eya Pelegi, Pelegi eya Eberi, Eberi eya Shela.36Shela eya Kanani, Kanani eya Arufakisadi, Arufakisadi eya Shemu, Shemu eya Noa, Noa eya Lameki. 37Lameki eya Metusela, Metusela eya Enoki, Enoki eya Yaredi, Yaredi eya Mahalaleli, Mahalaleli eya Kainani. 38Kainani eya Enoshi, Enoshi eya Seti, Seti eya Adamu, Adamu omwana wa Ruhanga.
41Yesu eijwire Mwoyo Mutakatifu aihurura kuruga Yorudani. 2Mwoyo amutwara omw'irungu amarayo ebiro 40 nalengesibwa Sitani. Omu biro ebyo tiyaliire kantu. Kabyahoire aliibwa enjara.3Shetani amugambira ati, “K'oraba oli Mwana wa Ruhanga, hanga eibare eli lihinduke mukate.” 4Yesu amuhorora ati, “Kikahandikwa okwo omuntu tatungwa mukate gwonkai.”5Shetani aho amushutura amutwara iguru yeibanga omukanya kake akaba yamwolekire engoma zona z'ensi. 6Amugambira ati, “Ndakuha engoma ezi zona n'ekitinwa kyazo, aha rw'okuba nkazihebwa, mara nakuziha owo nayenda. 7Mbwenu iwe aho kawakunfukamira, ziba ezawe.”8Yesu amuhorora ati, “Kikahandikwa kiti, ‘Orafukamiraga Omukama Katonda wawe wenka, mara wenene musha n'iwe orakoleraga.’ ”9Amutwara Yerusalemu, amwemeleza aha kanara ka Rwensinga, amugambira ati, “K'oraba oli Mwana wa Katonda, oyeme aho oyekunture ahansi. 10Manya kikahandikwa kiti, ‘Katonda aliragira abamalaika bakulinde,’ 11kandi, ‘Balikushutuza emikono yabo, otalija okasitara aha ibare.”12Yesu ahorora Shetani ati, “Kikagambwa okwo otalilengesa Mukama Katonda wawe.” 13Shetani kayamazire kulengesa Yesu buli muhanda yamurugaho, yalindilira bushango bundi.14Yesu agaruka Galilaya omu mani ga Mwoyo. Ensi zona ezataine Galilaya zihulira eirangalye. 15Ayegesa omu sinagogi zabo, buli muntu amutenda.16Aija Nazareti mbali yalereirwe. Ataaha omu sinagogi nk'okwo yakagiraga, ekaba eli Sabato. Ayemelera kushoma Ebihandiko bitakatifu; 17bamuha ekitabo ky'Omurangi Isaya. Ashurura ekitabo, agwamu mbali habaire ahandikire ati,18“Mwoyo wa Mukama anyemiremu, aha rw'okuba ankozire amajuta kutona aboro amakuru garungi. Antumire kugamba okwo embohe zaija kutaishurwa, n'abaigazi b'amaisho baija kubona, abatura omu naku kubaha emilembe; 19n'okugamba okwo akaanya kagoba, Omukama yaija kurokora abantube.”20Abunda ekitabo, akigarulira omukozi, ashuntama. Ababaire bali omu sinagogi bona bamuhanga amaisho. 21Abagambira ati, “Kir'eki ebihandiko bitakatifu byagobelera nimuhulira.” 22Bamutenda bona, batangazibwa n'ebigambo ebirungi bityo ebyo yagambire. Bebaza bati, “Ogu ti mutabani wa Yozefu?"23Abagambira ati, “Obutalengeshanyia, nimwija kunshubiramu omugani ogu muti, ‘Muganga oyegange; ebyo tukuhuliire nokora Kaperinaumu shuba obikore n'owanyu!’ ” 24Abagambira ati, “Nimbagambira amazima, taliho murangi agonza wabo."25Chonka mbagambire eky'amazima, omu makiro ga Eliya omuli Isiraeli hakaba halimu entumbwakazi zingi, orwo enjura etagwire emyaka eshatu n'emyezi mukaga, n'ensi ekaterwa eifa ly'amani. 26Eliya tiyatumirwe aha muntu weena weena shana akatumwa Sareputa, omu nsi ya Sidoni, aha ntumbwakazi. 27N'omu makiro g'omurangi Elisha, ababembe bakaba bali bangi omuli Isiraeli, chonka taliyo n'omo ayayeziibwe, shana Naamani wenka owa Siria.”28Bona ababaire bali omu sinagogi kabahuliire ekigambo eki ekiniga kibazimbeza. 29Baimuka bamubinga omu kigo, bamutwara aha bulengo bw'orushozi obw'ekigo kyabaire kyombekirweho, bagondize kumuchulimya. 30Chonka wenene abaraba omugati yabo, ayegendera.31Yesu agya Kaperinaumu omu kigo kya Galilaya. Ashangwa nabegesa kili kiro kya Sabato; 32batangazibwa emyegeshezeye. Aha rw'okuba yagambisaga obushobora.33Omu sinagogi hakaba halimu omuntu akwetwe eishetani, akunga n'eiraka lihango ati, 34“Otuleke! Notwenzaki iwe Yesu owa Nazareti? Ninkumanya iwe, Omutakatifu wa Katonda!”35Chonka Yesu akabukira ishetani elyo ati, “Yesize, mara omurugemu!” ishetani kalyamazire kumukuntura omuntu ogwo omugati, limurugamu litamuhuteize. 36Bashoberwa bona, omuntu nagambira ondijo ati, “Kigamboki eki? Enshonga amashetani nagabingisa obushobora n'amani mara nigagenda!” 37Eirangalye ligenda buli hantu omu nsi egyo.38Abanduka aruga omu sinagogi, agya omwa Simoni. Simoni omwe akaba ainamu nyinazara, omushwago gumuli kubi. Bamutagiliza k'amukiza. 39Yesu amwemelera aha mutwe akabukira omushwago, gumurugaho. Niho honkai omukazi aimuka abanyegeza.40Orwo eizoba lyatobeire, abantu bona ababaire baina abarwaire aba kaishe ndwara babamuletera. Bona abataho emikono abakiza. 41N'amasitani garuga omuli bangi nigakunga gati, “Iwe oli Mwana wa Ruhanga!” Kyonkai agakabukira tiyagajubwire kugamba, enshonga gakaba nigamumanya okwo ali Kirisito.42Obwire kabwakeire, aruga omu kigo ekyo, agya aheheleire. Abantu bamuhiga balemwa bamugwamu, banga n'okumurugaho. 43Wenene abagambira ati, “Evangeli y'obukama bwa Ruhanga ndagiirwe kugiranga n'omu bigo ebindi, ahakuba nkatumwa kukora ekyo.” 44Yarangaga omu sinagogi za Buyahudi.
51Yesu kayabaire ayemeleire aha mwegego gw'Enyanja ya Genezareti, embaga emufunza negonza kuhulira ekigambo kya Ruhanga. 2Agya abona amato gabili aha mwegego, kyonkai abajubi bakaba bagarugiremu nibogya amashambo gabo. 3Ataaha omu bwato bumoi obwabaire buli bwa Simoni, amugambira kubwiliza kake omu maizi bukaruga aha mwaro. Ashuntama ayegesa abantu ayemire omu bwato.4Kayalekeire kugamba, agambira Simoni ati, “Mugende omu nyanja engundu murashemu amashambo, mukwate enfuru.” 5Ndi Simoni ahorora ati, “Rugaba, ekiro kyona tufire twayosha, titukwete kantu! Kyonkai aha rw'ekigambo kyawe kangye nagemu amashambo.” 6Kabamazire kunagamu amashambo bakukumba enfuru zingi muno, n'amashambo gabo gabanza kugutuka. 7Aho bayeta bataahi babo ababaire bali omu bwato obundi kwija kubajuna. Baija baijuza amato gombili nago gabanza kwibira.8Kyonkai Simoni Petero kayaboine okwo byaba bityo, agwa Yesu omu maguru nagamba ati, “Waitu Mukama ondugeho; inye ndi mufakare.” 9Nobona akatangara hamoi na bona abo yabaire ainabo. Enfuru ezo bakwete nizo zabatangaize. 10Yakobo na Yohana, batabani ba Zebedayo, ababaire bali bataahi ba Simoni, nabo kwakwo kibababera kitangaro. Yesu agambira Simoni ati, “Otatiina, kwema mbwenu orataga kujuba abantu.” 11Kabamazire kugarura amato aha mwaro, basigaho buli kantu bahondera Yesu.12Yesu kayabaire ali omu kigo kimoi aijwa omushaija arwaire ebibembe omubili gwona. Orwo yaboine Yesu ajumara ahansi amutagiliza ati, “Waitu Mukama, kawakwenda wakunyeza.” 13Yesu aimukya omukono amukwataho nagamba ati, “N'inyenda, yera.” Niho honkai akira ebibembe.14Yesu amutanga kubigambira omuntu n'omoi. Amugambira ati, “Ogende oyeyoleke omukuhani, ogiire n'ekihongo ky'okumanyisa abantu okwo wayera, nk'okwo Musa yaragiire.”15Chonka aho eirangalye lyaba nirwo likiraho kugoba hare. Abantu beija beingi muno kumuhuliliza, n'okutambirwa endwara. 16Wenene arugayo agya omw'irungu ashaba enshara.17Limoi omu bir'ebyo, Yesu kayabaire nayegesa, Abafarisayo n'abeegesa b'Amateka bakaba barugire omu byaro byona bya Galilaya na Yerusalemu, bali aho bashuntamire. Kandi Yesu ogwo Omukama akaba amuhaire amani g'okutamba endwara.18Aho abantu bamuletera omuntu aha machera akabire orubaju, bashaba kumutahya omu nju kumuteka omu maisho ga Yesu. 19Chonka kababuzirwe obumurabyo, aha rw'obungi bw'abantu, batemba aha rushwi rw'enju, bashakaruraho amategura, batemamu ekihuru bamusongora okwo ali aha machera, bamuteka omu maisho ga Yesu omugati y'abantu.20Kayabweine okwesiga kwabo agamba ati, “Iwe musheija wagarulirwa amafu gawe.” 21Abeegesa b'Amateka n'Abafarisayo babanza kwebaza bati, “Yab'ohi ogu alikugambisibwa? N'ohi ow'okugarulira amafu, atali Katonda musha?”22Yesu kayamanyire okwo baliho nibebaza batyo, abahorora ati, “Kubaki nimwebaza mutyo omu mitima yanyu? 23Ekyorobire kushaaga ni kihai, kugamba nti ‘Wagarulirwa amafu gawe,’ anga kugamba nti, ‘Imuka otambuke?’ 24Kyonkai mubone kumanya okwo Omwana w'Omuntu aina obushobora omu nsi kugarulira amafu,” aho agambira omushaija ayabaire asharaire orubaju ati, “Ninkugambira, imuka, shutura amachera gawe otahe.”25Aho naho okwo bakamulebire aimuka, ashutura amacherage ataaha nahaisiliza Ruhanga. 26Abantu bona bagwa omu kitangaro, bahaisiliza Ruhanga okwo oku baijwire obutini nibagamba bati, “Kir'eki twaboine eby'okutangaza.”27Ekyo kakyahoire Yesu aturuka, abona omushoza eibaralye Levi, ashuntamire aha ofisi y'abashoza, amugambira ati, “Ompondere.” 28Levi asigaho buli kantu, aimuka amuhondera.29Levi agya omwe akolera Yesu obugenyi bw'amani. Abashoza bangi n'abantu abandi nabo balya nabo. 30Abafarisayo n'abeegesa b'Amateka bajurujwitira abegesibwabe bati, “Kubaki inywe nimulya n'abashoza n'abafakare?” 31Yesu abahorora ati, “Abagumire tibalikwetaga mutambi, shana abarwaire. 32Inye tinyizire kweta bagorogoki; nyizire kweta abafakare kabechuza.”33Abantu abandi bagambira Yesu bati, “Abegesibwa ba Yohana baikara nibasiiba mara nibashoma enshara, kumoi n'abegesibwa b'Abafarisayo, kyonkai abawe balya mara banywa.” 34Yesu abahorora ati, “Wakusiibisa abagenyi abaizire aha bugenyi bw'obushwere oku baina kishwera? 35Ebiro biliija, orwo balibaihyaho kishwera, aho babe nirwo basiiba.”36Ashuba abachwera enfumo ati, “Taliho muntu ataagura kishaato aha mwendo guhya akakiteka aha mwendo ogukuru. Kayakugira atyo, akataagura ekishaato ekihya, ekishaato ekyo ekyaruga aha mwendo oguhya tikizoke kurungi aha mwendo ogukuru.37Kandi taliho muntu ateeka divai zihya mu nshaho zikuru ez'edivai. Kayakugira atyo, edivai empya erabarura enshaho, mara edivai yonene eshesheke, n'enshaho zife. 38Nawe edivai empya neragirwa kutekwa omu nshaho ezihya. 39Mara taliho muntu kushangwa yanyoire divai nkuru akagonza mpya, aha rw'okuba nagira ati, ‘Edivai enkuru niyo nungi.’”
61Ekiro kimo ekaba eli Sabato, Yesu ashangwa naraba omu misiri y'engano. Aho abegesibwabe baguturamu ebikumba, babinyukilira omu byara, baihyamu enjuma bazilya. 2Chonka Abafarisayo abandi babaza bati, “Kubaki nimukora ekilikutangwa ahakilo kye Sabato?”3Yesu abahorora ati, “Inywe timukashomaga ekyo Daudi yakozire arumirwe enjara, wenene n'abo yabaire ainabo? 4Akataha Rwensinga yakwata omukate gw'obusinge bwa Katonda yagulya, ogutajubulirwa muntu weena weena shana abakuhani nibo bagulya.” 5Yashuba abagambira ati, “Omwana w'Omuntu aba Mukama we Sabato.”6Ahali Sabato endijo, Yesu kayatahire omu Sinagogi akegesa, hashangwamu omushaija akokosire omukono. 7Abeegesa b'Amateka n'Abafarisayo bareba Yesu amaisho, kuleba nk'aragira owo yakiza aha kiro kya Sabato, baije bagire ekyo bamutoijera. 8Chonka Yesu amanya ebitekelezo byabo, agambira omushaija ayabaire akokosire omukono ati, “Rugayo oyemelere aha.” Omushaija aimuka ayemelera mbali yamugambira.9Yesu abagambira ati, “Mbabaze, nikijuburwa kukora kurungi ahali Sabato anga kukora kubi?” 10Abarabyamu amaisho bona, agambira omushaija ayabaire akokosire omukono ati, “Imukya omukono gwawe.” Akora atyo, gukira. 11Chonka Abeegesa b'Amateka n'Abafarisayo batamwa muno, batabunkana, babanza kufomora bonene bonka okwo baragira Yesu.12Omu biro byonene ebyo Yesu agya omw'ibanga kushoma enshara. 13K'obwire bwakeire ayeta abegesibwabe, arondamu 12 nibo yayesire ntumwa."14Simoni owo yayesire Petero, na Anderea omurumuna, Yakobo, Yohana, Filipo, Balitolomayo, 15Matayo, Tomasi, Yakobo eya Alufayo, Simoni (owo bayetaaga Omuferaihanga), 16Yuda eya Yakobo na Yuda Isikariote embanzi.17Yesu aruga aha ibanga n'abegesibwabe ayemelera aha ainganire hamo n'abegesibwabe batali bake. Hakaba haliho n'embaga y'abantu bangi barugire Buyahudi yona na Yerusalemu n'omwaro gwa Tiro na Sidoni, kumuhuliliza kandi k'abakiza endwara. 18N'abo amasitani gabaire nigaita kubi abakiza. 19Embaga yona eyenda kumukoraho, enshonga amani gamurugagamu gabakiza bona.20Yesu aleba abegesibwabe, agamba ati, “Muli baberwa inywe abanaku, aha rw'okuba obukama bwa Katonda bwanyu. 21“Muli baberwa inywe abaina enjaara mwaha, aha rw'enshonga muliguta. “Muli baberwa inywe abalikulira mwaha, ahakuba mulisheka.22“Muliba baberwa orwo abantu balibanoba, bakabazira n'okubashorora, bakabagamba okwo muli babi, nibabatura Omwana w'Omuntu! 23Kiro kiliinya mulishanduuka, mushemelerwe, kuba emperwa yanyu eliba mpango omw'iguru. Nangu na baishenkurubo nikwo bagizire batyo abarangi.24Chonka zabalya inywe abatungi, aha rw'okuba ebyer byanyu mwabiboine. 25Mwakagwerwa inywe abaigusire mwaha, aha rw'enshonga mulirumwa enjara. Mwakagwamu inywe abalikusheka mwaha, aha rw'okuba mulichura mulire.26Mwagwerwa inywe abo abantu bona balikuhaisiliza, manya na baish'enkurubo nikwo bagiraga batyo abarangi b'ebishuba.”27Chonka mbagambire nimuhulira: Mugonze ababisha banyu, mukolerege ababanoba. 28ababaraama mubendere emigisha, mushabire abali kubajuma.29Alikutera eitama omutege n'elisigaire. Alikwaka eikoti lyawe omutaishulire n'eishati. 30Alikushaba omujune, kandi alikwaka ebili byawe otabimutonga.31Kandi okwo mwenda abantu kababakolera, nainywe mubakolere mutyo. 32“Kamuragonzaga abababagonza nimuba mwinaho kakizoki? Manya n'abafakare bagonza ababagonza. 33Isi kamurakolerage ababakolerage, nimuba mwinaho kakizoki? Manya n'abakafare ebyo babikora. 34Kamurahoraga abarabahora, nimuba mwinaho kakizoki? N'abafakare bahora abafakare, ngu babone bingi ahanyuma.35Chonka inywe mugonze ababisha banyu, mukolere banu kurungi, kandi mubahore, mutalikushubira byo mwabakolera kababa nibyo babakolera. Aho emperwa yanyu eliba mpango, mara muliba baana ba Rukirabyona, aha rw'okuba aba mufura aha bantu abatagira siimi n'abeyenda. 36Mugire obuganyizi nk'okwo Isheinywe agira obuganyizi.37“Mutaramura banu, nirwo na inywe mutaliramurwa. Mutalisingisa muntu nirwo na inywe mutaliramurwa. Mugarulire, na inywe muligarulirwa.38Muhe, na inywe mulihabwa. Na inywe mulihabwa ekipimo kirungi, ekigatiirwe, ekichundachunzirwe, ekisheshekaine. Ekipimo ekyo murahaga banu nikyo nainywe mulihabwa.”39Ashuba abagambira enfumo ati, “Empume yakuhabura empume? Bombili tibagwe mu kiina? 40Omwegesibwa takira mwegesawe, shana buli muntu k'ayegesibwa akabimanya byona ogwo alikushana omwegesawe.41Kubaki nobona akabwabwa akali omu liisho lya murumuna wawe, Chonka enchuma y'omuti eli omu liisho lyawe otalikugibona? 42Anga wakugambir'ote murumuna wawe oti, ‘Murumuna wange, kankwihyemu akabwabwa omu liisho,’ okwo iwe omu liisho elyawe halimu enchuma y'omuti? Inywe ngobya inywe! Banza oihye enchuma y'omuti omu liisho lyawe, nirwo orabonage okashobora kwihyamu akabwabwa akali omu lya murumuna wawe.43“Taliho muti gurungi guraba biraba bibi. 44Enshonga buli muti gumanyikira aha biraba byagwo. Etini tizinogwa aha miti eina mahwa, n'ezabibu tizinogwa aha matoju.45Omuntu omurungi, ebirungi abiha aha birungi ebyo ainabyo aha mutima. Kandi n'omuntu omubi, ebibi abihya aha bibi ebyo ainabyo aha mutima. Nomanya akanwa k'omuntu kagamba ebimwijwire aha mutima.46“Ahokubaki inye nimunyeta ‘Mukama! Mukama!’ Chonka ebyo ndikubagambira tibyo mulikukora? 47Buli omo aija ahalinye akahulira ebigambo byange mara akabigobesheleza kanyije mboleke okwo alikushana. 48Nashana omuntu ayagiire kwombeka enju akalima orwina akagoba aha rwazi, orwazi akaba nirwo abandizaho omusingi. K'amafuriko gaizire, omugera gukataba nigusindika enju egyo, tigwashoboire kugitengya, kuba ekaba eyombekire aha rwazi.49Chonka omuntu ahulira ebigambo byange atabigobesheleize nashana nkomuntu ayayombekire enju etaina musingi, eyakumbiibwe omugera aho n'aho; n'emigwere y'enju egyo ekaba eli y'amani.”
71Yesu kayamazire kugambira abantu ebigambo ebi byona, agya Kaperinaumu.2Aho omukuru w'eihanga ly'Abaroma ashangwa aina omukoziwe owo yabaire nayenda, arwaire araliire kufa. 3Orwo yahuliize Yesu, amutumaho abagurusi Abayahudi, namushaba kwija akamukiliza omwiruwe. 4K'abagurusi bagobire Yesu, bamutagiliza muno bati, “Asaine k'omujuna, 5enshonga nagonza eihanga lyaitu, nangu akatwombekera n'esinagogi.”6Yesu akwata omuhanda agenda nabo. Kayabaire yailiire haihi n'enju, omukuru w'eihanga amutumaho banywanyibe ati, “Waitu Mukama, otayeita kubi; inye tinsaine iwe kutaaha mwange; 7niyo nshonga nanye nabona okwo ntasaine kukwegoberaho. Iwe singa ogambe ekigambo, omwiru wange arakira. 8Nanye ndi muntu aina obushobora, ninkulira abaisherukare: Kangira owo nagambira nti, ‘Ogende,’ agenda; ondijo nti, ‘Oije,’ aija; omukozi wange mugira nti, ‘Okore eki,’ mara akikora.”9Orwo Yesu yahuliire emigambire egi ashoberwa omukuru ogu, ahinduka agambira embaga eyabaire emuhondeire ati, “Mbagambire, nangu n'omuli Isiraeli mwonka, tinkabonagamu kwikiliza nk'oku.” 10Ababaire batumirwe kabagarukire omuka, bashanga omwiru yakizire.11Ebiro kabyarabireho bike, Yesu akwata omuhanda agya omu kigo kilikwetwa Naini. Abegesibwabe n'embaga nyingi bagenda nawe. 12Kayabaire yaija kugoba aha kihigi ky'ekigo, leba nibashohoza omufu, ayabaire ali mwana omo ahali nyina, mara nyina ogwo akaba ali ntumbwa, abantu batali bake bamushembire kuruga omu kigo. 13Omukama kayaboine omukazi ogwo, amuganyibwa, amugambira ati, “Leka kulira.” 14Aija akora aha ajeneza, ababaire bajishutwire bemelera. Agamba ati, “Musigazi, ninkugambira, imuka.” 15Ayabeire afire ashuntama, abanza kufomora. Amuha nyina.16Abantu bona bakwatwa obutini, bahaisiliza Katonda bati, “Tuboine omurangi w'amani!” Bashuba bati, “Katonda asingiire yahabukira abantube!” 17Eirangalye limaraho Buyahudi yona n'ensi yona egyataine.18Abegesibwa ba Yohana bamugambira amakuru aga. 19Aho omuli bonene abo Yohana ayetamu babili, abatuma aha Mukama ati, “N'iwe owo bagamba kwija, anga tulindilire ondijo?” 20Entumwa kazagobire ahali Yesu zimugambira ziti, “Yohana yatukutumaho ati, ‘N'iwe owo bagamba kwija, anga tulindilire ondijo?”21Omu saa egyo Yesu ashangwa nakizaabantu bangi natamba nendwara zingi, nabinga amashetani, nakiza n'abaume b'amaisho babona. 22Abahorora ati, “Mugende mugambire Yohana ebyo mwabona n'ebyo mwahulira: Abaume b'amaisho nibabona, abalema nibatambuka, ababembe bakizire, abaigazi b'amatwi nibahulira, abafu nibahimburwa, n'abanaku bayegesiibwe amakuru garungi. 23Baberwa abatalikunyanga.”24K'entumwa za Yohana zabeire zagenzire, Yesu abanza kugambira embaga ahali Yohana ati, “Omw'irungu mubeire mugiire kulebayoki? Kulebayo orubingo orulikuchundwa omuyaga? 25Isi mubeire mugire kubonayoki? Kubonayo omuntu ajweire emyendo y'ehalili? Leba, abajweirege, abeikairege, bali omu bikaare by'abakama. 26Isi aho mubaire mugiire omw'irungu kubonayoki? Omurangi? Ego, mbagambire, nangu kushagaho omurangi.27Ogu n'iwe bahandikireho bati, ‘Leba ndituma entumwa yange ekwebembere, ogwo n'iwe alikutekatekera omuhanda.’ 28Mbagambire, abazeirwe abakazi ow'okushaga Yohana taliho. Chonka kandi omuke omu bukama bwa Katonda ogwo muhango kushaaga Yohana.”29Abantu bona n'abashoza kabahuliire ekigambo ekyo basingiza Katonda, nobona bakaba babatiziibwe Yohana. 30Chonka Abafarisayo n'abeegesa b'Amateka, tibakunzire Yohana k'ababatiza, kityo bayanga ebyo Katonda yabaire abatekatekeire.31“Mbwenu si lero, abantu b'omuzarwa ogu mbashananganise naki, nibashanaki? 32Nibashana abaana abashuntamire omu katare nibetangana nibagamba bati, ‘Twabatelera emilere, timwazina, twachura, timwalira.’33Aha rw'okuba Yohana Omubatiza eizire atali wa kulya mukate anga kunywa divai, inywe muti, ‘Einamu eishetani. 34Omwana w'Omuntu yeija nalya nanywa, muti, ‘Leba ow'omururu, entamiizi, munywanyi w'abashoza n'abafakare!’ 35Chonka abalikukunda obumanyi nibajulira okwo buli bumanyi nyakabara.”36Omufarisayo omo ashaba Yesu kulya omwa wenene. Ataaha omw'Omufarisayo ogwo ashuntama kulya. 37Omukazi omo w'omu kigo ekyo, ayabeire ali mufakare, kayahuliize okwo Yesu ali omw'Omufarisayo nalya ekyakulya, eija n'echupa y'eibare y'amajuta g'okwesiiga, 38yamwemelera enyuma aha maguru nalira, amaguru ga Yesu yagajobesa amalira, yamara yagaragaza n'eishokelye, amaguru ago yaganywegera, yashuba yagasiiga amajuta.39Aho Omufarisayo ayabaire amuraliize kayabweine ebyo atekeleza ati, “Kuba omuntu ogu ali murangi, yakumanyire omukazi ogu ayamukwataho wa ngeliki, enshonga mufakare.” 40Yesu amuhorora ati, “Simoni, nyina eky'okukugambira.” Simoni amushubamu ati, “Ni kihe, Mwegesa?”41Yesu ati, “Omuntu omo akaba natonga abantu babili. Ogu namutonga edinari 300, kandi asigaire namutonga edinari 50. 42Kabalemirwe kumgarura bona babili yabagarulira. Mbwenu omuli bombili abo aramugonza kushaaga n'ohi?” 43Simoni ahorora ati, “Owo agaruliire bingi kushaaga.” Yesu agambira Simoni ati, “Waramurage.”44Nikwo kuhinduka alebire omukazi akabaza Simoni ati, “Omukazi ogu nomubona? Kanataha omwawe tiwampa meizi ga kunaba maguru. Chonka wenene amaguru gange yagajobesa amalira, yamara yagaragaza n'eishokelye. 45Tiwannywegera, chonka kwema eizire takalekeire kunnywegera maguru gange.46Tiwansiiga majuta mu mutwe, chonka wenene yasiiga amaguru gange amajuta. 47Aha rw'ekyo ninkugambira okwo yagarulirwa amafuge geingi, enshonga yagonza muno, chonka kandi omuntu agarulirwa bike n'okugonza agonza kuke.”48Yesu ashuba agambira omukazi ogwo ati, “Amafu gawe gagarulirwa.” 49Aho abantu abo yabaire einabo aha kifuko babanza kwebaza bonene bonka bati, “N'ohi ogu, ayagarulira n'amafu?” 50Yesu agambira omukazi ati, “Okwesiga kwawe kwakurokora; ogende n'emilembe.”
81Ebiro kabyahingwireho bike, Yesu yaraba omu bigo n'omu byaro naranga, natona abantu evangeli y'obukama bwa Katonda. Ikumi na babili bakaba bali hamo nawe, 2n'abakazi abandi ababeire babingirwemu amashetani, bakiziibwe n'endwara. Nibo Maria owo beta Magadalena, abayabire arugirwemu amashetani mushanju, 3na Yoana muka Kuza, omusigire wa Herode, na Susana, n'abandi beingi abagiraga ebyabo kubijunisa Yesu n'abegesibwabe.4K'embaga yahurwire nyingi, n'abantu bakamugobaho kuruga buli kigo, abachwera enfumo ati, 5“Omubibi akaturuka kugya kubiba. Kayabeire nabiba embibo ezindi zaragara omu muhanda, bazilibatilira n'ebinyonyi byazilya. 6Ezindi zaragara aha rwazi; kazabeire zakura, zayoma aha rw'enshonga zikaburwa ameizi.7Ezindi zaragara omu mahwa; amahwa gakulirana gatuhikanisa embibo ezo. 8Ezindi zaragara aha itaka lirungi, zaraba 100 omu 100.” Kayamazire kuchwa enfumo egyo yagamba n'eiraka lihango ati, “Eina amatwi g'okuhulira, ahulire.”9K'abegesibwabe bamubalize enshonga y'enfumo egi, 10yabagambira ati, “Inywe muheirwe okushobokerwa enama z'obukama bwa Katonda. chonka abandi nibagambirwa enama ezo omu nfumo, babone batabweine, bahuliire batashobokeirwe.11“Mbwenu enshonga y'enfumo niy'egi: Embibo nekigambo kya Katonda. 12Embibo ez'omu muhanda nibo bantu abahulira ekigambo ekyo, chonka Shetani neija neihya ekigambo ekyo omu mitima yabo, bateija bakeikiliza bakarokoka. 13Embibo ez'aha rwazi, nibo balinya abalikuhulira ekigambo bakakitora n'amashemelerwa, chonka tibeina mizi: nibeikiliza akanya kake, kabalikulengesibwa bagwa.14Ezarageire omu mahwa nibo balinya abalikuhulira ekigambo, chonka kabalikuba bali omu gabo, eitunga n'amashemelerwa g'ensi bibokayokya, kityo ebiraba byabo tibyera. 15Ezaragaire aha itaka lirungi nibo bahulira ekigambo bakagira omutima gurungi n'obwesigwa bakakigumaho, bakagira obwegumisiliza bakaraba ebiraba.16“Taliho muntu ahemba tara akagijumikiza kitukuru, anga akagiteka mu kitanda. Agiteka ahatungamire, abalikutaaha omu nju bashobore kubona. 17Taliho kintu kishelekire ekitalishururwa, anga kubaho nama yona yona etalimanyika ekeija aha mushana. 18Ahonu muramanya muhulire kurungi; aha rw'okuba ein'ake n'iwe alyongerwaho, kandi ateinake, n'ako alikulenga ati einako balikamwaka.”19Nyina Yesu n'abarumuna bamuhondera, chonka tibashobweire kumugoba aha rw'obwingi bw'abantu. 20Abantu bagambira Yesu bati, “Nyoko na barumuna bawe bemeleire aheru, nibenda kukubona.” 21Chonka wenene abagambira ati, “Mawe na barumuna bange nibo balinya abalikuhulira ekigambo kya Katonda bakagobesheleza ebyo kilikubaragira.”22Ekiro kimo Yesu ataaha omu bwato n'abegesibwabe. Abagambira ati, “Mushabuke enyanja tugye buseli.” Bagenda; 23kababaire nibagenda, wenene anagira. Ija omuyaga gwingi omunyanja, obwato bubanza kwijura amaizi, abegesibwa bagya omu kabi.24Bagya bamwimukya, bamugambira bati, “Rugaba! Rugaba! Twafa!” Eimuka akabukira omuyaga n'amayengo galikuhinda; omuyaga n'amayengo bibutama, enyanja echulera. 25Ababaza ati, “Okwesiga kwanyu kulinkai?” Batina, bashoberwa, bagambirangana bati, “Nahi ogu n'ohi alikuragira omuyaga n'enyanja bikamuhulira?”26Yesu n'abegesibwabe bagya omu nsi y'Abagerasini, eyolekeraine na Galilaya. 27Aruga omu bwato agya aha mwaro, atanganwa omusheija naruga omu kigo akwasirwe amashetani. Akaba yamazire ebiro bingi atajwara myendo, kandi tiyaikaraga mu nju shana yaturaga omu mpako.28Orwo yabweine Yesu ataaga n'eiraka lihango, amugwa omu meisho, agamba muno ati, “Nonyenzaki iwe Yesu Omwana wa Katonda Rukirabyona? Ninkutagiliza otanshasa.” 29Yesu akaba aragiire eishetani kuruga omu musheija ogwo. (Lyeikaraga nilimukwata; kityo beikaraga bamulinzire, bamukomire eminyororo n'empingo, chonka ebyo bamukomesaga yabiguturaga, eishetani limupapaaliza omw'irungu.)30Aho Yesu alibaza ati, “Iwe eibara lyawe oli ohi?” Limuhorora liti, “Ihe;” kuba omusheija ogwo akaba atahirwemu amashetani geingi. 31Gamutagiliza kutaagaragira kugya mu muliro.32Aho obuhyo buhango bw'engurube bukaba nibulya omu busoka bw'orushozi; amashetani gamushaba kutaaha omu ngurube ezo. Kityo agateishura. 33Omusheija arugwamu amashetani, gataaha omu ngurube, obuhyo buhilingita aha bulengo bugwa omu nyanja, ameizi gabulya.34Abashumba kabaabweine ekyabaho, beiruka, babitebya omu kigo n'omu byaro. 35Nirwo abantu baturukire kuleba ekyabaho ekyo, bagoba n'ahali Yesu, bashanga n'omusheija ayarugwamu amashetani amushuntamire omu maguru, ajweire mara atebekeine. Aho batiina.36Ababaire babiboine bababarulira okwo omushaija ayabaire akwetwe amasitani yakiziibwe. 37Abantu bona ab'ensi eyabaire eyataine ey'Abagerasi bamugambira kubarugira omu nsi yabo, aha rw'okuba bakakwatwa obutini bungi. Yesu asabara omu bwato, agaruka.38Omusheija ayarugirwemu amashetani amushaba kwikara nawe, chonka Yesu amurazage, ati, 39“Oshube omuka, ogambe ebyo Katonda yakukolera.” Omusheija akwata omuhanda agenda, amaraho ekigo kyona natebya ebyo Yesu yamukolera.40Orwo Yesu yagarukire, embaga emunyegeza, nobona bona bakaba bamulindiliire. 41Ia omushaija eibaralye yairo, aka a ali mukuru w'esinagogi. Agwa Yesu ommaguru, amutagiliza kwija omwawenene. 42enshonga omuhara omo owo yabaire einawe, w'emyaka 12 akaba ali kubi owokufa. Kayabaire nagenda, abantu bamufunza oku n'oku.43Omukazi ayabeire arweire ekiganga emyaka 12, n'ebye byona yabimaliire omu batambi, chonka ow'okumutambira akabura, 44amuruga enyuma akwataho orupindo rw'ekijwarokye; aho n'aho ekiganga kilekera.45Yesu abaza ati, “N'ohi ayankwataho?” Orwo bona bayetongire, Petero amugambira ati, “Rugaba, embaga ekuzingoire, nobona okwo ekuhagasire!” 46Chonka Yesu ati, “Haliho ayankwataho, aha rw'okuba nahulira okwo aliho amani agandugaho.”47Omukazi kayabweine okwo ekyo yakora kyamanyika, aija nachundwa, amugwa omu meisho agamba ekyo yamukwatiraho, n'okwo yakira aho n'aho. 48Yesu amugambira ati, “Mwana wange, okwesiga kwawe kwakukiza, ogende n'emilembe49Kayabeire akyagamba ago, omuntu omo aruga omw'omukuru w'esinagogi agambira omukuru ogwo ati, “Muhara wawe yafire. Leka kwita kubi omwegesa.” 50Chonka Yesu kayabihuliire amuhorora ati, “Otatiina; iwe ekikuru oyesige, omwana arakira.”51Kayagobire omwa Yairo, tiyajubwire muntu kutaaha mu nju hamo nawe, shana Petero na Yohana na Yakobo, na ishemwana na nyinamwana. 52Bona bakaba nibamuchulira, nibalira. Yesu ati, “Muleke kulira; omwana anagiire, tafire.” 53Bamushekelera, kuba nibamanya okwo afire.54Chonka Yesu akwata omwana omukono nagamba ati, “Mwana wange, imuka.” 55Omwoyo gushubamu, eimuka aho honka. Aragira kabamuha ak'okulya. 56Abazeire ba wenene kibashobeza; chonka ebyabaho Yesu abatanga kugira owo babigambira.
91Yesu ayeta eikumi na babili, abaha amani n'obushobora bw'okubinga amashetani gona n'okukiza endwara. 2Amara abatuma kuranga obukama bwa Katonda n'okukiza abarwaire.3Abagambira ati, “Mutagenda na kantu: Enkoni chei, omufuko chei, omukate chei, empiha chei, n'ekanzu mutatwara ibili. 4Enju yona yona eyo muratahamu mwikare omwo, mute nimwema omwo mpaka mbali mularugirayo.5Mbali barabanga, orwo muraija kuruga omu kigo ekyo muchunchumure echuuchu aha maguru ganyu bamanyireho okwo batabakunda.” 6Bagenda baraba omu byaro, buli hantu nibaranga evangeli nibakiza n'endwara.7Omutwazi Herode kayahuliize byona ebyabaire nibikorwa, ashoberwa. Nobona abandi bakaba nibagamba okwo Yohana omubatiza ahimbukire, 8abandi bati Eliya n'iwe aizire, abandi bati omu barangi ab'eira alimu ahimbukire. 9Herode wenene ati, “Yohana nkamutema ebikya; mbwenusi ogu n'ohi owo ndikuhulizaho ebi?” Aho ayenda kubona Yesu.10Entumwa kazabaire zagarukire, zigambira Yesu byona ebyo zakora. Yakwata entumwa ezo yagenda nazo omu kigo kya Betisaida kweshelekayo abantu. 11Embaga kayakimanyire emuhonderayo. Abanyegeza, abafumoleraho obukama bwa Katonda, n'ababaire nibetaga kukizibwa abakiza.12Aho izoba libanza kutobera, nikwo ikumi na babili kumugambira bati, “Waitu, otishure abantu bagende omu byaro ebili heihi bahige ak'okulya n'oburaaro; enshonga aha mbali tuli nakarungu.” 13Kandi Yesu abagambira ati, “Inywe mube n'inywe mubaha ak'okulya.” Bagamba bati, “Titwina kantu, shana emikate etanu n'enfuru ibili, shana katuraba tuli b'okugenda kugulira abantu aba bona ekyakulya.” 14Abantu bakaba bali nke 5,000. Yesu agambira abegesibwabe ati, “Mubagambiire bashuntame omu bichweka by'abantu 50 omu 50.”15Bagira batyo, bagambira bona bashuntama. 16Kayakwete emikate etanu n'enfuru ibili araramira omw'iguru, abiha omugisha, abibegabegura aheleza abegesibwa kubigabira embaga. 17Bona balya mara baiguta. Ebyasigaireho babishombokya, baijuza entukuru 12 z'obubeguka.18Yesu kayabaire aina abegesibwa bali bonka, nashoma enshara, ababaza ati, “Abantu nibagira bati inyee nohi?” 19Bahorora bati, “Ngu oli Yohana Omubatiza; kandi abandi bati oli Eliya abandi bati nomurangi omo omu barangi abakare ahimbukire.”20Chonka wenene ati, “Isi inywe nimugira muti inye ndi ohi?” Petero ahorora ati, “Iwe n'iwe Kirisito wa Katonda.” 21Aho Yesu akomeleza abegesibwabe kutabigambira muntu n'omo, 22ati, “Omwana w'Omuntu naija kushasha nibamutura bingi, kandi abagurusi n'abakuhani bakuru n'abeegesa b'Amateka nibaija kumwanga bamwite, Chonka aha kiro kya kashatu ahimbuke.”23Kandi agambira bona ati, “K'omuntu alikugonza kumpondera, ayeyange wenene, ayetweke omusarabagwe buli kiro, ampondere. 24Wena wena aligonza kurokora oburorabwe bulimufera busha, kandi alikiliza kuferwa oburorabwe aha rwange ogwo aliburokora. 25Isi Omuntu kigashaki kulya ensi yona kandi akaferwa oburorabwe?26Nobona keishe muntu alinkwatirwa enshoni anga akakwatirwa ebigambo byange enshoni, n'Omwana w'Omuntu alimukwatirwa enshoni k'alimara kugoba omu kitinwakye n'ekya Ishe n'eky'abamalaika batakatifu. 27Mbagambire amazima, haliho abemeleire aha abataliziza kufa batabweine bukama bwa Katonda.”28Ebiro kabyarabileo nka munaane Yesu agambire ebigambo ebyo, atwara Petero na Yohana na Yakobo, atemba omw'ibanga kushaba enshara. 29Kayabaire nashaba enshara ahinduka aha meisho, ebijwarobye byengelera kundi.30Leba abantu babili nibafumora nawe: Musa na Eliya. 31Bakazoka beina ekitinwa, bafumora aha kufakwe okulikwija kubaho omuli Yerusalemu.32Aho Petero n'abo yabeire einabo bakaba beine oturo. Kabarugire omu turo babona ekitinwakye, babona n'ababili ababeire bemeleire nawe. 33K'ababili abo babeire nibamurugaho, Petero agambira Yesu ati, “Rugaba, kirungi kite kubona tuli aha! Twombeke obusisira bushatu, akamo kabe kawe, akandi kabe ka Musa n'akandi kabe ka Eliya,” chonka aho Petero atalikumanya by'alikugamba.34Kayabeire ali omu kugamba atyo, ekichwi kija kibabunda, batina. 35Eiraka lyema omu kichwi niligamba liti, “Ogu n'iwe Mwana wange endondwa, mumuhulilize!” 36K'eiraka lyamazire kugamba, bashanga Yesu yasigaire wenka. Besiza, omu bir'ebyo tibafumoleire muntu n'omo ebyabeireho aha ibanga.37Bukeire bareire barugire aha ibanga, Yesu abuganganwa abantu batali bake. 38Niho honka omusheija ayema omu mbaga ataaga ati, “Mwegesa, ninkutagiliza osinge ogilire mutabani wange ekisha, ahakuba n'iwe mwana wange omo. 39Eishetani liikara nilimukwata, aho akunga. Limukabisa nk'owensimbu alemwa agira n'ekifuzi aha munwa. Limushaasa muno tiliziza na kumuteishura. 40Abegesibwa bawe nabatagiliza kulibinga, chonka tibaashobora.”41Yesu ahorora ati, “Inywe muzarwa ogutalikwesiga, ogulikwehurubasa, ndikara neinywe mpanka makii? Ndibegumisiliza ngobehi? Leta omwana wawe aha!” 42K'omwana yabeire neija eishetani limukuntura ahansi limukabisa nk'owensimbu. chonka Yesu alikabukira, akiza omwana, amugarulira ishe.43Abantu bona bashoberwa ekitinwa kya Katonda. K'abantu babeire bakyashoberwa ebyo Yesu yakora, agambira abegesibwabe ati, 44“Murahulira kurungi ebyo neija kubagambira. Omwana w'Omuntu nibeija kumunaga omu mikono y'abantu.” 45Chonka ekyo yagambire tibakishobokeirwe, akakibasheleka busheleka batakishobokerwa. Mara kandi batiina kukimubaza.46Abegesibwa babanza kuhakana kumanya omuli bonene omukuru muno n'ohi. 47Nawe Yesu kayamanyire eby'emitima yabo elikutekeleza, akwata omwana amweteka aha rubaju, 48abagambira ati, “Alitora omwana ogu aha bwange aliba atoire inye. Kandi alitora inye aliba atoire ayantumire. Araba ali mujege muno omuli inywe, ogwo n'iwe mukuru wanyu.”49Yohana agamba ati, “Rugaba, tubweine omuntu nabinga amashetani omw'ibara lyawe twamutanga, aha rw'enshonga ti weitu.” 50Chonka Yesu amugambira ati, “Mutamutanga, manyasi atalikubashenga ogwo naba ali wanyu.”51K'ebiro by'okutemba omw'iguru byabeire byeija heihi, Yesu omutima yaguteka Yerusalemu. 52Atuma ab'okumwebembera, bagenda bataha omu kyaro kimo ky'Abasamaria kumuteekatekera oburaaro. 53Chonka Abasamaria tibamunyegeize, kuba omutima akaba aguteire Yerusalemu.54Orwo abegesibwabe, abalimu Yakobo na Yohana babweine okwo bamubinga, bagamba bati, “Weitu Mukama, noyenda turagire omuliro guruge omw'iguru gubokye; [nk'okwo Eliya yagizire?]” 55Chonka Yesu ahinduka abakabukira. [Ashuba agamba ati, “Timulikwemanya kwo muli inywe, kuba Omwana w'Omuntu tiyeizire kwita bantu akeija kubarokora.”] 56Aho bakwata omuhanda bagya ekyaro ekindi.57Kababeire bali omu muhanda nibagenda, omusheija omo agambira Yesu ati, “Mbali orakagya hona ndakuhondera.” 58Chonka Yesu amugambira ati, “Emiha eina emiina, n'ebinyonyi bigira ebishunkuli. chonka Omwana w'Omuntu tagira bubyamiko bwa mutwe.”59Yesu agambira omuntu ondijo ati, “Ompondere.” Chonka ogu ati, “Kambanze ngye nziike tata.” 60Chonka Yesu amugambira ati, “Oleke abafu beziikire abafu babo. Iwe ogende orange obukama bwa Katonda.”61Omuntu ondijo ati, “Weitu Mukama, inye ndakuhondera; chonka mbanze ngende ngye ndage abali omunju yange." 62Yesu amugambira ati, “Omuntu aba yakwasire enfuka kulima akashuba akakebuka enyuma ogwo tasanire bukama bwa Katonda."
101Ebyo kabyaweire, Omukama aronda abandi 70 abatuma babili babili kugenda bamwebembeire, abatuma buli kigo na buli hantu mbali yabeire neija kugoba. 2Abagambira ati, “Eby'okugesha bingi, chonka abakozi bake. Kityo mushabe mukama w'eigesha atweke abakozi omu igeshalye.3Mukwate omuhanda mugende, mara nimbatuma okw'obona obwana bw'entaama omu mishega. 4Mutatwara mufuko gwa mpiha, anga mufuko, gwabagenzi n'ebiratwa chei. Mutashura muntu mu muhanda.5Enju yona yona eyo muratahamu mubanze mubagambire muti, ‘Emilembe ebe omu nju egi!’ 6Kaharaba alimu omuntu w'emilembe, emilembe eyo mwamwendera areikala ali wenene. Kakilaba kitali kityo emilembe yanyu erabagarukira. 7Mwikare omunju emo yonka, ebyo barabaha kulya n'okunywa nibyo, orwokuba omukozi aseine emperwaye; mutamaraho maju, kuruga omu nimugya muli.8Orwo murataha omu kigo bakabanyegeza, ebyo barabaha mube nibyo mulya. 9Abarweire abali omu kigo ekyo mubakize, mubagambire muti, ‘Obukama bwa Katonda bwagoba.’10Chonka orwo murataha omu kigo bakababinga, mugye omu mbarabara z'ekigo ekyo mugambe muti, 11‘Nangu n'echuuchu y'ekigo kyanyu etuli aha maguru twagibakunkumulira; chonka kandi mumanye okwo obukama bwa Katonda bwagoba.’ 12Nimbagambira: Kiro kiliinya Sodoma eliganyirwamu kake kushaaga ekigo ekyo.13“Olibona iwe Korazini! olibona iwe Bethsaida! Ebitangazo ebyakoleirwe omuli inywe kabyakuba byakoleirwe omuli Tiro na Sidoni, ebigo ebyo byakuba birayechulize kwema nira; abamwo bakuba barashuntamire ahansi barajweire ebigunia n'okwesiga eijwi. 14Aha kiro ky'eiramu aba Tiro na Sidoni baliganyirwamu kake kushaaga inywe. 15Isi iwe Kapernaumu, iwe oti eikuru lyawe niliija kukukangya aha iguru? Nweija kunagwa omu muliro!16Alibahulira aliba ahuliire inye, n'alibanga aliba ayangire inye.”17Nshanju na babili bagaruka nibashemelerwa, nibagamba bati, “Mukama, n'amashetani gatuhuliire omw'ibara lyawe!” 18Abagambira ati, “Mbweine Shetani nakuntuka kuruga omw'iguru nk'orurabyo. 19Mbaheire obushobora kukandagilira enjoka n'obumiina, n'amani gona ga Shetani mugatere aha mutwe. 20Nao eki mutakishemelerwa kubona amashetani nigabahulira; shana mushemelerwe kubona amabara ganyu gahandikirwe omw'iguru.”21Omu saa egyo yonene yonene Yesu aijwire Mwoyo Mutakatifu, agamba ati, “Weitu Tata, Omukama w'eiguru n'ensi ninkusiima, kubona ebigambo ebi obishelekire abamanyi abeina amagezi okabishurulira enkelemeke. Nikwo Tata, aha rw'okuba nikwo osingire okasiima.22Tata ankwasize buli kantu. Kandi taliho alikumanya Mwana ab'ohi, shana Tata. N'ow'okumanya Tata ab'ohi shana Omwana n'awenawena ayesiga omwana kumushurulira ekigambo eki.”23Aho ahindukira abegesibwabe abagambira bonka ati, “Gaberwa ameisho galikubona ebyo mulikubona! 24Nimbagambira, abarangi beingi n'abakama bagonzaga kubona ebyo mulikubona, n'okuhulira ebyo mulikuhulira, chonka tibabihuliire.”25Omwegesa w'Amateka eija kulenga Yesu ati, “Mwegesa, nkoreki mbone kubonera kimo oburora obutalihwaho?” 26Yesu amubaza ati, “Omu Mateka kihandikire kite? Oshoma ote?” 27Omwegesa w'Amateka ahorora ati, “Ogonzega Omukama Katonda wawe n'omutima gwawe gwona, n'omwoyo gwawe gwona, n'amani gawe gona, n'amagezi gawe gona; oshube ogonze mutahi wawe nk'okwo olikwegonza.” 28Yesu agambira omwegesa w'Amateka ogwo ati, “Wahorora kurungi; kor'otyo olibona oburora.”29Chonka omwegesa w'Amateka kugonza kweyoleka okwo ali murungi, abaza Yesu ati, “Mutahi wange n'ohi?” 30Yesu ahorora ati, “Omuntu omo akaba nasongoka arugire Yerusalemu nagya Yeriko, agwa omu bashuga, bamujura asigara busha, bamutera, bakwata omuhanda bagenda, bamusiga araliire kufa.31Omukuhani ashangwa nasongoka omuhanda ogwo. Kayamubweine ahinguraho agya orubaju orundi. 32Kutyo n'Omlawi, ogwo kayamugobireho akamubona, ahingura agya orubaju orundi.33Chonka Omusamaria kayabeire ali omu rugendo, eija agwamu omuntu ogwo. Kayamubweine, amuganyizibwa. 34Amugoba amushemba amahuta, agasheshamu edivai n'amajuta, amuanamisa aha farasiye, amutwara omunju y'abagenyi, amujanjaba. 35Bukeire akwata edinari ibili aziha omulebelezi w'enju y'abagenyi nagamba ati, ‘Omunjanjabire. Eby'oramwongera kandagaruka ndabikushashura.’36Mbwenu omu bashatu aba, ow'olikulenga akazoka okwo ali mutahi w'olinya ayagwire omu bashuga n'ohi?” 37Omwegesa w'Amateka agamba ati, “Ayamugiliire obuganyizi.” Yesu amugambira ati, “Ogende neiwe ogir'otyo.”38Yesu kayabeire nagenda n'abegesibwabe, ataaha omu kyaro kimo. Omukazi Martha amunyegeza omwe. 39Martha ogwo ayeta omurumuna, eibaralye Maria, eija ashuntama omu maguru g'Omukama, amuhuliliza okwo alikwegesa.40Chonka Martha akayea emirimo nyingi oyokuchumbila omugenyi; aho okuyea emilimo okwo kumutahura. Agoba Yesu amugambira ati, “Mukama, murumuna wange yannagira emilimo, iwe tiwabifaho? Omugambire eije ankwase.” 41Chonka Omukama amuhorora ati, “Martha, Martha, noshasibwa ebintu bingi, nibikwita kubi. 42Chonka eky'omugasho kili kimo kisha. Mariamu yeihyaho omugabo gurungi ogutalimurugaho.”
111Yesu aina mbali yashangirwe ali nashaba enshara. Orwo yamazire, omo omu begesibwabe amugambira ati, “Mukama, otwegese kushaba enshara, nk'okwo Yohana yayegesize abegesibwabe.”2Abagambira ati, “Orwo murashomaga enshara, mugambe muti, ‘Isheichwe, [asingiire omwiguru] eibara lyawe lihebwe ekitinwa, obukama bwawe bwije.3Otuhe ekyakulya kyeitu kya bulikiro; 4Otugarulire amafu geitu, nkeitwe okutugarulira bona abatufakalire, mara otatutwara omubilengeso.”5Yesu ashuba ababaza ati, “N'ohi omuli inywe aine munywanyiwe akamwirukira omu kiro eitumbi akamugambira ati, ‘Munywanyi wange ompore emikate eshatu. 6Munywanyi wange omo yaruga omu rugendo, kandi inye tinyina kakumuha kulya.’ 7Yakwema omu nju amuhorora ati, ‘Otanyita kubi, nakingire, nyina n'abaana aha kitanda; tinakwimuka kukuha mukate?’ 8Nimbagambira, n'orwo araba ataimukire kumuha mukate aha rw'enshonga ni munywanyiwe, buzima araimuka amuhe ekyo alikwetaga aha rw'okumwita kubi.9Nanye nimbagambira, mushabe mulihebwa; muhige mulibona; mukomakome mulikingulirwa. 10Orwokuba ashaba wena wena ahebwa; ahiga abona; akomakoma akingulirwa.11Okwo muli n'oha ishemuntu ow'omutabani yakumushaba ekyakulya akamuha eibare, anga kumushaba enfuru akamuha enjoka,? 12anga akamushaba eihuli akamuha akamiina? 13Mbwenu Inywe abafakare, kamuraba nimumanya kuha abaana banyu ebirungi, lero Isheinywe asingiire omw'iguru, abamushaba Mwoyo Mutakatifu k'alimubaha talishaagaho?”14Yesu aija ashangwa nabinga eishetani elitita. K'eishetani lyabaire lyagenzire, omutita agamba, abantu bashoberwa. 15Chonka abandi bagamba bati, “Amashetani nagabingisa amani ga Beelzebul, mukama wago.”16Abandi bamulenga, benda k'abakolera akabonoro kuruga omw'iguru. 17Chonka wenene ashangwa namanya ebitekelezo byabo, abagambira ati, “Buli bukama obubeganukire bwonka obwo nibuba bulibusha. N'eka ebeganukire teguma.18Nangu na shetani wenka k'abeganukiire, obukamabwe bwakuguma bute? Nimugamba ngu okwo amashetani ndikugabingisa amani ga Beelzebul! 19Isi k'amashetani ndikugabingisa amani ga Beelzebul, aho abegesibwa banyu nibagabingisa maniki? Aha rw'ekyo nibo balibaramura. 20Chonka k'amashetani ndaba ningabingisa obushobora bwa Katonda, ahonu obukama bwa Katonda bwabagobire.21Omuntu owamani k'akwata ebikwato by'endashana akaguma, akalinda omwa wenene, aho ebya wenene nibiba bilige. 22Chonka ow'amani kumushaga k'alikumutabalira akamusinga, amwaka ebikwatobye by'endashana ebyo yaba nayesiga, ashuba amwaka ebye. 23Olinya tali atali amo nanye, ogwo mushengi ahali inye. Kandi atashombokya nanye ogwo anaganaga.24“Eishetani kalimara kuruga omu muntu liraba ahomire, nilihiiga mbali liraikarage. K'aliburwa obwikaro ligira liti, ‘Njagaruka omwange mbali narugire.’ 25Orwo liija likashanga enju egyo eyeleleire, eshemezibwe. 26Nirwo ligenda likaleta amashetani agandi mushanju agabi kulishaga, gataaha omu nju egyo, gatura omwo. Aho omuntu ogwo ahinduka kushagaho orwambere.”27Yesu kayabeire ali omu kugamba atyo, omukazi ayema omu mbaga agamba ati, “Liberwa eibunda lyakutwete enda, n'amabere ago wayonkire gaberwa!” 28Wenene ahorora ati, “Manti ababerwa ni balinya abahulira ekigambo kya Katonda bakakikaramu.”29Orwo abantu babandize kweyongera obungi, Yesu agamba ati, “Omuzarwa ogu gw'abantu bafakaire. Nigugonza kubona akaboneso, chonka tigulikwija kukolerwa kitangazo kyona kyona, shana akabonero ka Yona. 30Nk'okwo Yona yabaire akabonero aha bantu ba Ninawi, nikwo n'Omwana w'Omuntu alikwija kuba aha muzarwa ogu.31Omukama kazi wa kusini alihimbukirana n'abantu b'omuzarwa ogu aha kiro ky'eiramu abaramure; aha rw'okuba akaruga hara muno kuhulira obumanyi bwa Solomoni, kandi leba alikukira Solomoni asingiire hanu aha.32Abantu ba Ninawi balyemelera na n'abantu b'omuzarwa ogu aha kiro ky'eiramu babaramure, aha rw'enshonga ka Yona yarangire bakechuza; mbwenu leba alikukira Yona asingiire hanu aha.”33“Taliho muntu ahemba etara akagiteka omu kiina anga akagijumikiza entukuru. Akagiteka ahatungamire, abaraija kutaaha omu nju bashobore kubona. 34Eliisho lyawe niyo etara y'omubili gwawe. K'eliisho lyawe lilige, omubili gwawe nigubona gwona. Chonka k'eliisho lyawe litalige, omubili gwawe gwona niguba guli omu mwilima. 35Aha rw'ekyo oramanya otaija okagya omu mwilima. 36Ahonu k'omubili gwawe gwona guraba nigubonage, gutainaho ka mwilima, aho nguija kwaka gwona, nk'okwo etara eli kubamulikiza inywe.”37Orwo Yesu yabaire akyagamba, Omufarisayo amuraliza kugya kuraagira omwa wenene. Ataaha omu nju ashuntama kulya. 38Abafarisayo kibashobeza kubona kayaija kurya atabandize kunaba mikono.39Omukama amugambira ati, “Inywe Abafarisayo, ebikompe n'esahani mubyogya aheru, chonka omunda mwijwire amairu, nobufu n'emitima mibi. 40Inywe bantu abafera! Isi yatonzire aheru tiwe yatonzire munda? 41Muhe abanaku ebili omunda mara buri kantu karaba kezire ahali inywe.42“Mbwenu mwagwerwa inywe Bafarisayo, mulibona! Muhongera Katonda ekichweka kya ikumi ky'omudarasini, n'omuchicha, na buli mukubi gwomundimilo; Chonka mulikire amazima n'okugonza Katonda timubyetaireho. Ebi muragiirwe kubokora, hamo n'ebindi byona.43Mwagwerwa inywe aBafarisayo! Orwo mugonza kushuntama omubitebe bya mbere omu sinagogi n'okuramibwa omu katare. 44Mwagwerwa inywe! Nimushana enyanga ezitalikuboneka, n'abantu nibabitambuka batamanyire.”45Omwegesa w'Amateka omo amuholora ati, “Mwegesa, okugamba otyo aho naichwe watujumirana.” 46Yesu agamba ati, “Mwagwerwa inywe beegesa b'Amateka mulibona! Aha rw'okuba mutweka abantu emigugu elikusikiira mno, kandi inywe timwakugizizaho rukumu.47Mwagwerwa inywe! abaliyo nimwombeka obuebero ahanyanga za abarangi abo baisheinywe baisire. 48Aho nimwolekya okwo mulikusiima ebyo baisheinywe bakozire. Bakaita abarangi abo, inywe nimubombekera enyanga.49Orwenshonga egyo nangu omubumanyibwe Katonda akagamba ati, ‘Ndibatwekera abarangi n'entumwa, abandi bagingiizibwe n'okwitwa,’ 50omuzarwa ogu gwije gubonabonibwe aha rw'abarangi bona abaraisirwe kwema ensi kutondwa, 51kubandiza aha kwitwa kwa Abeli kuturuka aha kwa Zekaria, owo baitire omugati ya altare n'ahatakatifu. Nikwo mbagambire, omuzarwa ogu gulyehorwa niguturwa abo abaisirwe.52Mwagwerwa inywe abeegesa b'Amateka ga Buyahudi! Mukasheleka orufunguruzo rw'enju y'obumanyi; inywe timwatahamu, kandi n'ababaire nibenda kutahamu mwabazibira.”53Yesu kayabaire naruga omw'Omufarisayo, abeegesa b'Amateka n'Abafarisayo babanza kumuhakanisa n'amani, bamuligiija kumugambisa bingi, 54nibamutega kuleba nk'arashobya omu migambire.
12112Omu biro ebyo abantu bahurura enkumi n'enkumi, kaba kalibatano. Nikwo Yesu kugambira abegesibwabe mbere ati, “Muramanya eitumbyo ly'Abafarisayo, nibwo bugobya.2Taliho kibunzirwe ekitalishururwa, anga ekishelekire ekitalimanyika. 3Kityo kyona kyona ekyo muraba mugambire omu mwilima kiligambirwa aha mushana, n'ebyo muraba mugambire omu bichumba omu bihwe biligambirwa aha rushwi rwenju.4“Mbagambire, banywanyi bange, mutalitina abaita omubili kandi bataina kishagireho ekyo bakukora. 5Chonka kambagambire owo murataba kutina: Mutine ayakumara kubaita, akashangwa aina obushobora bw'okubanaga omu muliro ogutalihwaho. Mazima nimbagambira, ogwo mumutine!6Entaratamba itaanu tizigura byapa bibili? honka taliho ntaratamba n'emo eyo Katonda ayebwa. 7Nangu n'eishoke ly'emitwe yanyu lyona libazirwe. Mutatina; inywe mwina omugasho kushaaga entaratamba ezili zingi.8“Mara nimbagambira, bulyomo alinyikiliza omu maisho g'abantu, Omwana w'Omuntu alimwikiliza omu maisho g'abamalaika ba Katonda. 9Chonka omuntu alinyetonga omu maisho g'abantu, ogwo nawe ndimwetonga omu maisho g'abamalaika ba Katonda. 10Bulyomo aligambao kubi aha Mwana w'Omuntu aligarulirwa; chonka aligambao kubi ahali Mwoyo Alikwera taligarulirwa.11Kandi kabalibatwara omu sinagogi n'aha bakama n'abatwazi, mutalifa kubi kuhiiga kwomulihorora anga ebyo muligamba. 12Omu saa egyo yonene Mwoyo Alikwera alibegesa ebyo muliba muragiirwe kugamba.”13Omuntu omo ayema omu mbaga amugambira ati, “Mwegesa, ogambire murumuna wange tubegane obusika bwaitu.” 14Yesu amuholora ati, “Iwe mushaija, ayantaho kubaramura anga kubabeganira obusika n'ohi?” 15Nikwo kushuba akabagambira ati, “Muramanya, mwelinde omururu gwona gwona. Oburora bw'omuntu tibukomire aha bungi bw'ebintu ebyo yeinabyo.”16Abachwera enfumo nabagambira ati, “Ensi y'omutungi ekaija yayeza emyaka nyingi muno. 17Aho atekeleza ati, ‘Ngire nte? Tinyina bubikilo bwa myaka yange.’ 18Agamba ati, ‘Ndakora nti: Ndakambura eibikiro zange nyombeke ezihango, mbe nimwo mbiika emyaka yange yona hamo n'ebyange. 19Nshube ngambire omwoyo gwange nti, mwoyo gwange, emyaka nyingi ntura ninkubiikira ebintu bitali bike. Mbwenu ikarage, olye, onywe, oshemelerwe.’20Chonka katonda amugambira ati, ‘Iwe murenga! Omw'itumbi omu ninkwenza omwoyo gwawe. Ebintu eby'otura nohiga biliba by'ohi?’ 21Nikwo ali atyo omuntu atura natuuma eitunga, chonka ahali Katonda atali mutungi.”22Yesu agambira abegesibwabe ati, “Aha rw'ekyo nimbagambira, muleke kufafalikanira oburora bwanyu, kumanya muralyaki, murajwaraki; anga kuhyahyanira emibili yanyu. 23Oburora bwina enshonga kushaaga ekyakulya, n'omubili gwina enshonga kushaaga ebijwaro.24Mulebe ebinyonyi : Tibilima anga kugesha, tibigira na embikiro anga buhanika, chonka Katonda abilisa. Inywe mwina omugasho gwingi kushaaga ebinyonyi! 25Isi kamulikugira akahangahango, n'ohi omuli inywe ayakweyongeraho omukono aha kyemakye? 26Ahonu kamuraba mutalikushobora bike nk'ebi, ebisigaire nibibagilizaki akahangahango?27Mulebe amaua okwo gakura. Tigakora milimo anga kushuka myendo. Chonka mbagambire, nangu na Solomoni n'ekitinwakye kyona, tiyajwete kushemera kwelenga aha iua na limoi. 28Ka Katonda araba alengya atyo ebikamba ebimezire omu ishwa kir'eki, kandi nyenkya bikanagwa omu kyokezo, lero inywe arabalengya ate, inywe bantu ab'okwikiliza kuke!29Muleke kwitanira ebyo muralya n'ebyo muranywa, muleke kugira akahangahango. 30Amahanga nigo gaitanira ebyo. Kandi Isheinywe namanya okwo mulikubyetaga.31Ahonu mubanze mwitanire obukamabwe; n'ebi byona biliba byanyu. 32“Mutatiina, inywe buhyo buke, aha rw'okuba Tata nashemelerwa muno kubatunga obukama.33Muguze ebyo mwinabyo, empiha muzijunise abanaku. Muhige emifuko z'empiha ezitakura, ez'eitunga ly'omw'iguru elitahwaho, mbali omushuma atagoba, eitunga elitaliibwa nyenje. 34Enshonga mbali eitunga lyanyu lili, niho n'emitima yanyu eraikaraga.35“Mwikare mwekomire, n'etara zanyu ziikare nizaka. 36Mushane abantu abalindiliire mukama wabo kuruga aha bugenyi bw'obushwere, babone kwanguha kumukingulira bwangu orwo araija.37aberwa abakozi abo, abo omukama wabo arashanga batanagiire. Nimbagambira amazima, mukama wabo ogwo naija kwekoma, akabaha emyanya aha kyakurya, ashube aije abaheleze. 38K'araija omw'itumbi anga kushagamu kake, akabashanga nibaleba, abairu abo baraba bali baberwa!39Chonka eki murakimanya: Kanyin'enju yakumanyire esaa ey'omushuma araiziraho, yakuraire nareba, tiyakunagireho enju ekakamburwa. 40Na inywe kutyo mwikare mwetekatekire, orw'okuba Omwana w'Omuntu alizira aha saa etetegeirwe.”41Petero abaza ati, “Mukama, enfumo egi nogichwera itwe twenka anga nogichwera bona?” 42Omukama ashubamu ati, “Omusigire omwesigwa mara omugezi n'ohi, owo mukamawe alikwasa ekaye, kubagabira ekyakulya: Buli muntu omugabogwe, orwo akanya k'okulya kagoba? 43Muberwa omukozi ogwo owo mukamawe alija akashanga nakora atyo. 44Mbagambire amazima, omukozi ogwo mukamawe alimukwasa ebye byona.45Chonka omukozi atekeleze ati, ‘Mukama wange yakelererwayo,’ akabanza kutera abakozi n'abazana, akalya, akanywa, akatamiira, 46mukama w'omukozi ogwo alija kiro eky'omwiru aliba atamwetegeire n'aha saa eyo aliba atamanyire, amubonabonye amujwanganyie n'abatali besigwa.47Kandi omukozi ayamanyire ebyo mukamawe yabaire nayenda, chonka ebyo alikwenda akabyanga anga akaburwa kubikora, ogwo aliterwa kubi. 48Chonka atamanyire byo mukamawe yabaire nayenda, mara akashuba akataza, ogwo aliterwa mpora. Buli omo ayahairwe bingi, alitongwa bingi. Owo abantu babiikisa bingi balimutonga bingi.49“Nkaija kuhemba omuliro omu nsi; nangu kagwakushangirwe gwayakire nakushemeleirwe kushaaga! 50Nyinayo okubatizibwa okwo ndikwija kubatizibwa; mara nindibaliibwa kuhika orwo ndabatizibwa ntyo!51Inywe nimulenga muti nkaija omu nsi kuleta emilembe? Chei, mbagambire, nkaija kuteranisa abantu. 52Kwema mbwenu omu nju emo abantu batanu baraterana. Abashatu balemangane n'ababili, n'ababili balemangane n'abashatu. 53Ishemuntu alemangane n'omutabani, n'omwana alemangane na ishe. Nyinamuntu alemangane n'omuhara, n'omwanamuhara alemangane na nyina. Nyinazaramuntu alemangane n'omukamwana, n'omukazi mushwerwa alemangane na nyinazara.”54Yesu ashuba agambira embaga ati, “Orwo mubona ekichwi kyaimuka obugwaizoba, mugamba muti, ‘Enjura neija kugwa:’ mara egwakwo. 55Kandi kamubona omuyaga gwaihya gwemire kasi, mugamba muti, ‘Omushana nigwija kujwa n'amani;’ mara bibakwo. 56Inywe ngobya! Nimumanya kwitoitora emibonekere y'eiguru n'ensi; isi aho kubaki nimulemwa kumanya ogwo tulimu?57“Kubaki inywe bonene nimulemwa kuramura ekilige? 58Orwo oraba okyaina kikutoijera nimugya aha muramuzi, oteho amani mumare ebigambo mukyali omu muhanda, ataija akakukurura akakutwalira omuramuzi, n'omuramuzi akakunaga omu mikono y'omwisherukare, n'omwisherukare akakunaga jela. 59Nkugambire, toliruga omwo kuhika orwo olishashura ekyapa ky'enzindo.”
131Haliho ababaire baliho aho omu kaanya ako konene, bamugambira amakuru g'Abagalilaya abo Pilato yakwete obwamba bwabo akabutabirana n'obw'ebitambo byabo. 2Yesu abashubamu ati, “Nimulenga muti Abagalilaya aba bakaba bali bafakare ababi kushaaga Abagalilaya abandi bona, bonene kufa batyo? 3Nimbagambira nti, chei; kandi nainywe kamutechulize, inywenywena mulifa mutyo.4Anga eikumi na munaana abakumbiirwe omunara omuli Siloamu gukabaita, nimulenga muti bakaba bali bafakare ababi kushaaga abandi bona abaturaga Yerusalemu? 5Nimbagambira nti, chei. Nainywe kamutechulize mulifa mutyo.”6Yesu ashuba abachwera enfumo egi ati, “Omuntu omo akaba abyaire omuti gw'omutini omu ndimiroye y'emizabibu. Agya aija nagulebaho ekiraba, chonka tiyakikwasize. 7Nikwo kugambira omukozi w'endimiro egyo y'emizabibu ati, ‘Emyaka egi eshatu nyija kuhiiga ekiraba aha mutini ogu, chonka timbona kantu. Oguteme, guleke kuliira busha eitaka.’8Omukozi amuhorora ati, ‘Waitu oguleke, n'omwaka ogu gurabeo, mbanze ngutematemire ntekemu obushe. 9Mwaka oguraija kaguraaraba, aho hakili, tigwaraba, oguteme.’ ”10Ekilo kimo ekilo kye Sabato, Yesu ashangwa ali omu sinagogi nayegesa. 11Omwo hakaba halimu omukazi amazire emyaka 18 arwazibwe eishetani. Akaba ainamire atalikushobora kwinuguka.12Yesu kayamuboine amweta amugambira ati, “Iwe mukazi, nakukiza.” 13Amutaho emikono, omukazi akira ainuguka ayemelera , asingiza Katonda. 14Chonka omutwazi w'esinagogi kayaboine okwo Yesu yakiza omuntu eli Sabato, atamwa, agambira abantu ati, “Ebiro by'okukoleraho emilimo biba mukaga. Mwije omu biro ebyo mutambirwe, chonka omu Sabato, chei.”15Aho Omukama amuhorora ati, “Inywe ngobya! Inywe nywena aha kilo kyeSabato timukomorora ente anga endogobe zanyu kugya kunywisa amazi? 16Isi omukazi ogu, muhara wa Aburahamu, owo eishetani lyamara emyaka 18 libohire, ataku bohororwa ngu orwokuba kili kiro kye Sabato?”1717 Kayabaire ali omu kugamba atyo, ababishabe bona bakwatwa enshoni. Abantu bona bashemelerwa ebigiro by'ekitinwa ebyo Yesu yakora.18Aho Yesu agamba ati, “Obukama bwa Ruhanga nibushushaki? Mbushushanise naki? 19Nibushusha enjuma ya Haradali ey'omuntu yakwete akabiba omu ndimiro. Ekura, guba muti, ebinyonyi bija byombeka ebishunkuli omu mataagi gagwo.”20Yesu ashuba agamba ati, “Obukama bwa Katonda mbushananganise naki? 21Nibushana eitumbyo ely'omukazi yakwete akateka omu bipimo bishatu by'ensano, ensano yona ekatumba.”22akwata omuhanda agenda, araba omu bigo n'omu byaro nayegesa, chonka aho ayolekeire Yerusalemu. 23Omuntu omo amubaza ati, “Mukama, abalirokoka bake?” Aho Yesu abagambira ati, 24“Muteho amani gangi kuraba omu mulyango ogufunzire. Mbagambire, bangi baligonza kutahamu chonka tibalishobora.25Kanyin'enju alishangwa yaimukire yakingire orwigi, mulyema aheru mukomakome aha rwigi, nimugira muti, ‘Waitu Mukama batukingulire.’ Alibahorora ati, ‘Mbali mwaruga tindikuhamanya.’ 26Nirwo muligamba muti, ‘Twalyaga naiwe, twanywaga hamo, warabaga n'omu bigo byaitu noyegesa.’ 27Kyonka wenene aligamba ati, ‘Ekyo ndikubagambira nikyo, tindikumanya mbali mwaruga. Mundugeho inywe nywena abafakare.28Aheru niho mulichulira mukanena n'amaino, orwo mulibona Aburahamu na Isaka na Yakobo n'abarangi bona omu bukama bwa Ruhanga, kandi inywe munagirwe aheru. 29Abantu baliruga oburugaizoba n'obugwaizoba, baruge kasi na bikara, balye omu bukama bwa Katonda. 30Mara aho haliho ab'enzindo abaliba ba mbere, kandi abandi aba mbere baliba b'enzindo.”31Omu saa egyo yonene haliho Abafarisayo abaizire bakagambira Yesu bati, “Oruge hanu ogende, aharwokuba Herode nayenda kukwita.” 32Yesu abashubamu ati, “Mugende mugambire emboigora egyo muti, ‘Leba, kir'eki na nyenkya ndiyo nimbinga amashetani, ninkiza n'abarwaire, ndamara eikora lyange aha kiro kya kashatu. 33Chonka omuli mbwenu na nyenkya na ijo ndagiirwe kukwata omuhanda nkagenda, enshonga tikyakuba, omurangi atagwire Yerusalemu.’34“Iwe Yerusalemu, Yerusalemu, oita abarangi, n'entumwa ezo bakutumaho oziteza amabare! Kangai abaana bawe nimpiga kubateka hamo nk'okwo enkoko eshoroleza obwana bwayo omu mapapa gayo, iwe noyanga! 35Leba, omwawe yaba ndara. Mbagambire, timukimbona kuhika orwo muligamba muti, ‘Ni kilimugisha ogwo ayaija omw'ibara ly'Omukama.’ ”
141Ekilo kimo kye Sabato, Yesu agya omw'omutwazi omo Omufarisayo kuraagira, abantu bamutaho amaisho. 2Mwonene omwo hakaba halimu omushaija azimbiire emikono n'amaguru amuli omu maisho. 3Yesu abaza abeegesa b'Amateka n'Abafarisayo ati, “Nikijuburwa kukiza omuntu akiro kyeSabato anga chei?”4Bonene besiza. Aho Yesu akwata aha murwaire amukiza, ashuba amutaishura agenda. 5Yesu ashuba ababaza ati, “N'oha omuli inywe ayakuba aina omwana, anga ente, akagwa omw'iziba atanguhire akamunyururamu aha kiro kye Sabato?” 6N'ekyo tibashoboire kukihorora.7Aho ababaire banyegeziibwe, Yesu abachwera enfumo, orwo yaboine baihyaho emyanya y'ekitinwa, abagambira ati 8“K'omuntu alikuraliza aha bugenyi bw'obushwere, otanshutama mu mwanya gwa kitinwa, ataija akashangwa araliize n'omuntu alikukushaagya ekitinwa. 9Ogwo abaraliize inywembili ataija akakugambira ati, ‘Higiza ogu,’ aho kandi okakwatwa enshoni ogiire omu mwanya ogutali gwa kitinwa.10K'oraralizibwaga ogende oshuntame omu mwanya ogw'ahansi muno, kikuraliza k'araija akugambiire ati, ‘Munywanyi wange, garuka oku aharungi kushaaga.’ Aho ab'orashangwa nolya nabo bakukunire. 11Manyasi kaishe muntu weena ayekuza balimutohya, kandi ayetohya balimukuza.”12Amara agambira n'ayabaire amuraliize ati, “K'oraralizaga abantu aha kyakulya kya bwaigoro anga aha bugenyi, oleke kuraliza banywanyi bawe anga barumuna bawe anga abanyaruganda, anga bataahi bawe abagaiga, bataija nabo bakakuraliza, gakaba marongorane.13Iwe k'orakoraga obugenyi, oralize abanaku, abalikuchumbagira, abalema n'empume. 14Aho olisiimwa, ebyo wabakolera bonene tibaina kubikukolera. Orwo abatakatifu balihimbuka .”15Ababaire nibaraagira na Yesu kabamuhuliire nagamba atyo, abagambira ati, “Muberwa alilya ekyakulya omu bukama bwa Katonda!” 16Ashuba abagambira ati, “Ekiro kimo omuntu akakora obugenyi buhango, yaraaliza abantu bangi. 17K'obugenyi bwagobire yatuma omwiruwe kugambira abaralizibwa ati, ‘Mwije, buli kantu kabaireho.’18Bona babanza kugira ebyekwaso nk'abaragaine. Owa mbere agambira omwiru ogwo ati, ‘Nguzire endimiro, nimbanza kugya kugileba. Ninkutagiliza onganyire.’ 19Ondijo amugambira ati, ‘Nguzire ente 10 z'okulimisa, ningenda kugya kuzilenga. Ninkutagiliza onganyire.’ 20Ondijo amugambira ati, ‘Tindikwija aha rw'okuba nyina omugore.’21Kityo omukozi agaruka amanyisa mukamawe amakuru ago. Aho nyin'enju anigara atamwa, agambira omwiruwe ati, ‘Yanguha ogye omu kigo omu mbarabara n'omu buhanda bulikuguturana, olete abanaku n'abalikuchumbagira, n'empume n'abalema.’ 22Omukozi agambira mukamawe ati, ‘Waitu, eby'olikundagira byakozirwe, chonka omwanya tigukaijwire.’23Mukamawe amugambira ati, ‘Iroko omu mbarabara ezihango n'omu buhanda obw'emparo ogambire abantu baije rwamani, enju yange eijure. 24Kambagambire, omu bantu balinya abaraliziibwe taliho n'omo aliroza aha bugenyi bwange.’25Abantu bangi muno bakashangwa nibahondera Yesu. Aho ahinduka abagambira ati, 26“K'omuntu aramponderaga atanobire ishe anga nyina anga mukaziwe anga abaana anga barumuna anga banyanya, nangu n'oburorabwe, ogwo tiyakuba mwegesibwa wange. 27Atalikwetweka musarabagwe taina kuba mwegesibwa wange.28N'ohi omuli inywe alikugonza kwombeka omunara, atabandize kushuntama akabara ebilikwetagwa aha lyombeka elyo, akamanya nk'ebyainabyo biramara? 29Kitali kityo, k'alikuba yayombekire omusingi kandi akalemwa kumara, bona abalikubona okwo elyombeka lyamulema babanza kumushekelera 30bati, ‘Omuntu ogu akabanza elyombeka lyamulema kulimara.’31Anga ni mukamaki alikugya kurashana na mukama ondijo, atabandize kushuntama akehanuza nk'arashobora kurashana n'owa 20,000 okwo wenene aina 10,000 zonka? 32Kitali kityo, k'asiga omukama ondijo akyali hara muno, amutumaho entumwa kumushaba kabagira emilembe. 33Aha rw'ekyo omuntu atalikwesigisa by'ainabyo taina kuba mwegesibwa wange.34“Omwonyo guba gurungi. Chonka kagwakumara obunuzi, wakugurungisaki? 35Tigukigasha mw'itaka anga mu rubungo rwa busha. Ekiliho abantu baguchunkya aheru. Aina amatwi g'okuhulira ahulire.”
151Ekiro kimo abashoza n'abafakare baija kuhuliliza Yesu. 2Aho Abafarisayo n'abeegesa b'Amateka batamwa babaza bati, “Omuntu ogu nashemera n'abafakare mara nalya nabo.”3Nikwo Yesu kubachwera enfumo egi, ati, 4“N'ohi omuli inywe ayakuba aina entaama chikumi, emo ekaburaho, atasigire ekyenda na mwenda omw'irungu akagya kuhiiga eyabura kulemwa mpaka orwo aragibona? 5K'amara kugibona ashemelerwa agiteka aha mabega.6K'agoba omuka ayeta banywanyibe n'abaatani nabagambira ati, ‘Munyihukye, entaama yange eyaba ebuzire nagibona.’ 7Nimbagambira amazima, alibayo ebyera bingi omw'iguru aha rw'omufakare omo ayayechuza, kushaaga abagorogoki ekyenda na mwenda abataina nshonga ya kwechuza.8“Anga ni mukaziki ayakuba aina esarafu 10 z'efeza akaburwaho emo, atahembire tara, akelerera nju, akahiga mpora mpora akalemwa akagibona? 9K'aba yagiboine ahuruza batahibe n'abaatani nagamba ati, ‘Munyihukye, esarafu yange eyo mbaire nagire nagibona.’ 10Nimbagambira amazima, nikwo n'abamalaika ba Katonda bashemelerwa batyo k'omufakare omo ayechuza.”11Yesu agendelera kugamba ati, “Hakaba haliho omuntu aine abatabani babili. 12Omuto agambira ishe ati, ‘Tata, ompe omugabo gw'ebyo wakunsikisize.’ Ishebo ababeganira ebintu.13Ebiro kabyarabireo bingi, omuto ashombokya ebyawenene bwona, akwata omuhanda agya omunsi endijo, ajangirayo, ebyawenene byona abitaita. 14Kayabaire yamazireho buli kantu, eifa lihango litera omu nsi egyo, aburabulirwa.15Kityo agenda ayekwata omunyansi omoi omu nsi egyo, omunyansi ogwo yamutweka omu maliisizoge kumulisiza empunu. 16Agonza kulya ebishushu by'empunu, kyonkai ow'okubimuha abura.17Kayaijukire atekeleza ati, ‘Abakozi ba tata bangi abalya ekyakulya kingi bakashaagura? Inye ndi aha nindambazibwa enjara!’ 18Nyimuke ngaruke ahali tata, mugambire nti, ‘Tata, nkafakalira Katonda niwe. 19Tinkisana kwetwa mwana wawe, ombone nk'omo omu bakozi bawe."20Aimuka agaruka owa ishe. Orwo yabaire akyali hare, ishe amulengera, amugilira obuganyizi, airuka amubumbatira, amunywegera. 21Omutabani amugambira ati, ‘Tata, nkafakalira Katonda naiwe. Inye tinkisana kwetwa mwana wawe, shana ombone nk'omo omu bakozi bawe.’22Nawe ishe agambira abakozibe ati, ‘Yanguha mulete ekanzu mugimujweke. Mumujweke n'empeta omu kyaralakye, n'ebiratwa omu maguru. 23Mugye mulete enyana eshaire mugibage, tulye tushemelerwe. 24Omwana wange ogu akaba afire, mbwenu yahimbuka. Akaba abuzire, mbwenu yazoka. Aho babanza obugenyi.25“Omutabani omukuru akashangwa ali omu ndimiro. Kayabaire yaija kugoba omuka ahulira ebizina n'enchuma. 26Ayeta omukozi omo amubaza ekyaba. 27Omukozi amugambira ati, ‘Murumuna wawe yaija, isheinywe yabaga enyana eshaire, orwo yamubona alige agumire.’28Omutabani omukuru ogwo atamwa, ayanga kutaaha n'omu nju. Ishe aturuka amutagiliza, 29Chonka wenene ashubamu ishe ati, ‘Emyaka nyingi eti ntura ninkukolera, tinkachwaga muhango gwawe. Chonka n'akabuzi konka tokakampaga nkashemelerwa na bataahi bange. 30Orwo mutabani wawe ogu ayamalire ebyawe omu bamalaya yaija, iwe wamubagira enyana eshaire!’31Ishe amugambira ati, ‘Mwana wange, ebiro byona tuba tuli hamo, isi ebyange byona ti byawe? 32Omu mazima twaba turagiirwe kushemelerwa bukaba bugenyi, aha rw'okuba murumuna wawe ogu akaba afire, mbwenu yahimbuka; akaba abuzire, yazoka.’ ”
161Yesu ashuba agambira abegesibwabe ati, “Hakaba haliho omugaiga aina omugelezi. Baija bamugambira okwo omugeleezi ogu alikumwitaitira ebye. 2Amweta amubaza ati, ‘Biki ebi ebyo ndikukuhulizaho? Oyetonde obugeleezi, aha rw'okuba aha nabukwaka.’3Omugeleezi atekeleza ati, ‘Nkoreki, orwo mukama wange yanyaka obugeleezi? Agalima tingagira, kandi okushabiiliza nikunkwasa enshoni. 4Mbwenu naramura ekyo ndakora, abantu baije banyegeze omu maka gabo orwo ndaba nabingirwe omu bugelezi.’5Abo mukamawe yabaire natonga abeta omo omo omo. Abaza owambere ati, ‘Iwe, mukama wange nakutonga bite?’ 6Agamba ati, ‘Amapipa kikumi g'amajuta.’ Omugeleezi amugambira ati, ‘Kwata ebarua yawe y'eibanja; yanguha oshuntame ohandike makumi gatanu.’ 7Ashuba abaza ondijo ati, ‘Iwe notongwa bita?’ Ogu ati, ‘Amagunia kikumi g'engano.’ Omugeleezi amugambira ati, ‘Kwata ebarua yawe y'eibanja; handika kinane.’8Ekyarugir'omwo mukamawe akamusiima n'orwo yabaire atali mwesigwa, yamusiimira obugeleezibwe; aha rw'enshonga abantu b'ensi egi baina obugezi omu byabo kushaaga omuzarwa gw'abantu abalikubona. 9Nimbagambira, mwehigire emikago nimukoza eitunga libi, kaliliba lyahoireho ahanyuma mwije munyegezwe mutahe omu burora obutahwaho.10“Omwesigwa omu kike muno aba mwesigwa n'omu bingi. Atali mwesigwa omu kike muno, n'omu bingi ti mwesigwa. 11Kamuraba mutali besigwa omw'itunga libi, alibakwasa eitunga kamanya aliruga nkahi? 12Kamutabaire besigwa omu by'abandi, alibakwasa ebilibye?13Taliho mukozi ayakukolera abakama babili. Aratamwa omo, agonze asigaire; anga aragilira ogu ekihika, ayasigara amugaye. Timwakukolera Katonda ne itunga.”14Abafarisayo abo empiha zabatwaraga omwoyo. Kabahuliire ekigambo ekyo bamushekelera. 15Chonka Yesu abagambira ati, “N'inywe mweyolekya okuba barungi omu maisho g'abantu, chonka Katonda namanya emitima yanyu. Manya ebyo abantu basiima, biba bizira ahali Katonda.16“Amateka n'eby'abarangi basigire bagambire nibigoba ahali Yohana. Kwema ahali Yohana evangeli y'obukama bwa Katonda nerangwa, mara bulyomo natahamu rwamani. 17Nikyoroba iguru n'ensi kuhwaho, kushaaga akantu kati aha Mateka kuburwa enshonga.18“Buli omo alekera mukaziwe akashwera ondijo aba nasiyana. Kandi n'ashwera omukazi atambiibwe iba nawe aba nasiyana.19“Hakaba haliho omugaiga omoi, yajwaraga emyendo ya zambarau n'eya kitaani ndungi. Wenene buli kiro bwabaga bugenyi. 20Aha kihigikye bamutekaga aho omunaku ogwo eibaralye Lazaro, akaba aine ebironda omubili gwona. 21Yagonzaga kulya ebyakulya ebyarugaga aha meza y'omugaiga bikaragara, lero kandi n'embwa zija nizimurambaramba ebironda ebyo.22Kayafire, abamalaika baija bamutwara, bamuteka omu kifuba kya Aburahamu. Omugaiga nawe kwakwo afa, bamuziika, 23Chonka agwa omu muliro ogutalihwaho. Kayabaire nabonabonera omwo, kugya kwimukya amaisho alengera Aburahamu ali hare, atoire Lazaro.24Ayeta n'eiraka lihango nalira ati, ‘Tata Aburahamu, banganyire, bagambire Lazaro agye ateke akara nshonga omu maizi ampolereze orulimi. Omu muliro omu ndimu nipya.’25Chonka Aburahamu amushubamu ati, ‘Mwana wange, ijuka okwo omu burora bwawe okabona ebirungi. Kandi Lazaro akabona enaku. Mbwenu wenene kunu ali omumilembe, kandi iwe noshasha muno munonga. 26Kushaaga aho, omugati yaitu na iwe bakatamu ekina kihango. Abakugondize kuruga kunu kwija okwo tibakushobora, kandi n'ow'okushabuka arugire okwo kwija kunu taliho.’27Omugaiga agamba ati, ‘Mbwenu tata ninkutagiliza omutume omwaitu, 28nyinamu barumuna bange batanu, agende abatatire, batalija bakaija kunu omubushsi bwingi.’29Aburahamu amugambira ati, ‘Baina Musa n'abarangi; babahuliire.’ 30Omugaiga ati, ‘Chei, tata Aburahamu; k'omuntu yakuruga omu bafu barayechuza.’ 31Aburahamu amuhorora ati, ‘Kabatalikuhulira Musa na barangi, n'orwo omuntu yakuhimbuka omu bafu tiyakugamba bakaihyamu.’ ”
171Yesu agambira abegesibwabe ati, “Ebisitazo tibyakubura kwija. Chonka omuntu aliba ntabuko y'ebisitazo ebyo alibona! 2Hakili kayakukomirwe orubengo omu bikya bakamutokya omu nyanja, kushaaga okugyaho akasitaza abato abo.3Mwelinde. Ka murumuna wawe arafakara, omuhane. K'arayechuza omugarulire. 4K'arakufakalira emirundi mushanju ekiro kimo, kandi akashuba akakwijaho emirundi mushanju yonene nagamba ati, ‘Nayechuza,’ noragirwa kumugarulira.”5Entumwa zishaba Omukama k'azongera okwesiga. 6Omukama azigambira ati, “Kamwakubaire mwina okwesiga buzima okwigaine enjuma ya Haradali, mwakugambiire omuti ogu muti, ‘Sinduka ogye oyemelere omu nyanja,’ mara gwakubahuliire.7Chonka muli halimu aine omukozi alikumulimira anga kumuliisiza entaama, ayakugambira omukoziwe ogwo arugire omw'ikora ati, ‘Yanguha oshuntame olye?’ 8Tabanze akamugambira ati, ‘Onchumbire ekyakulya kya bweigoro, mara oyekome ongobye ebyo ndikwetaaga kugoba orwo ndamara kulya n'okunywa?’9Nasiima omukoziwe aha rw'okukora ebyo yamuragira? 10Kityo nainywe kutyo. Kamulimara kukora ebyo muragiirwe, mugambe muti, ‘Ichwe tuli bakozi abatalikugasha; shana ekiliho tukozire oburagirwa bwaitu.’11Yesu kayabaire nagya Yerusalemu, yaraba omu rubibi rwa Samaria na Galilaya. 12Kayatahire omu kyaro atanganwa ababembe 10. Bemelera hare na wanene kake 13batungika amaraka bati, “Yesu, Rugaba, otuganyizibwa.”14Kayababoine abagambira ati, “Mugende mweyoleke abakuhani.” Kababeire nibagenda bakira ebibembe. 15Omuli bonene omo kayaboine okwo yakira, akubuka nasingiza Katonda n'eiraka lihango. 16Agwa Yesu omu maguru, amusiima. Mara akaba ali Musamaria.17Nikwo Yesu kubaza ati, “Ababembe ikumi tibakira? Isi mwenda balinkai? 18Taliho n'omo yagaruka kusingiza Katonda shana omunyamahanga ogu?” 19Aho agambira Omusamaria ogwo ati, “Imuka okwate omuhanda otahe; okwesiga kwawe kwakukiza.”20Abafarisayo babaza Yesu amakiro ago obukama bwa Katonda buliiziraho. Abahorora ati, “Obukama bwa Katonda tibulikwija na bubonero bwa kubumanyiraho. 21Nangu kugir'oti baligamba bati, ‘Leba, buli aha!’ Anga, ‘Buli kulinya!’ Obukama bwa Katonda buli omuli inywe.”22Amara agambira abegesibwa ati, “Ebiro biliija orwo muligonza kubona Omwana w'Omuntu, chonka timulimubona. 23Balibagambira bati, ‘Leba ali kulinya.’ Mutaligyayo kubahondera. 24Nk'okwo orurabyo rurabya eiguru kwema rubaju oru kuturuka rubaju orusigeire hakabona, nikwo n'Omwana w'Omuntu alija.25Chonka naragirwa kubanza kushasha nibamutura ebintu bingi, n'omuzarwa ogu gumwange. 26Okwo byabaire bili omu makiro ga Nuhu, nikwo biliba n'omu makiro g'Omwana w'Omuntu. 27Balyaga, banywaga, bashweraga, bashwerwaga, kuhika orwo Nuhu yatahire omu bwato, omutunga gwalemwa gwaija gwabaita bona.28Kutyo okwo byabaire bili omu makiro ga Lutu, balyaga, banywaga, baguzaga, baguraga, babyaraga, bayombekaga, 29Chonka kiro ekyo Lutu yaruga Sodoma, omuliro n'obuganga bikaruga omw'iguru nk'enjura byabokya bona.30Nikwo biliba bityo kiro ekyo Omwana w'Omuntu aliiziraho. 31Kir'ekyo omuntu aliba ali aha rushwi rw'enju, atalisongoka kwihya bintubye mu nju. Kutyo n'aliba ali omu ndimiro ataligaruka.32Mwijuke muka Lutu! 33Aliitanira oburora bulimufera, kandi aliferwa oburora alibubona.34Mbagambire, omukilo mw'itumbi baliba bali babili aha kitabo: Omo balimutwara, ondijo asigareho. 35Abakazi babili balishangwa nibasa: Omo bamutware, ondijo asigareho. [Abegesibwa bamubaza bati, “Nkai, Mukama?” Wenene abahorora ati, “Mbali omutumbi guliba guli, niho na kagoma ziliteranira.”37Abegesibwa bamubaza bati, “Nkai, Mukama?” Wenene abahorora ati, “Mbali omutumbi guliba guli, niho na kagoma ziliteranira.”
181Yesu abachwera enfumo, kubegesa okushoma enshara buli kaanya bataremilwe. 2Abagambira ati, “Omu kigo kimo hakaba halimu omuramuzi atatina katonda anga kukunira bantu.3Omu kigo kyonene ekyo hakaba halimu entumbwa eyaikaraga negendera omuramuzi ogwo nemugambira eti, ‘Onjune, omuntu omo nanyema kubi.’ 4Omuramuzi abanza ayanga. Ahanyuma atekeleza ati, ‘N'orwo ntatiina katonda n'omuntu okutamubonamu kantu, 5chonka orwokuba entumbwakazi egi yanjoga. Kangijune, eleke kuba neija nenyitaa kubi buli kanya."6Omukama agamba ati, “Muhulire eby'omuramuzi mubi alikugamba. 7Isi aho Katonda aije aburwe kujuna endondwaze ezimutakira omukiro nomushana? 8Mbagambire, alibajuna bwangu.chonkasi Omwana w'Omuntu k'aligya kwija omu nsi alishangamu okwesiga?”9Omugani ogu Yesu akaguchwera ababeire nibesiima okuba bagorogoki, bakagaya abandi; ati, 10“Abantu babili bakatemba Rwensinga kushoma enshara. Omo akaba ali Mufarisayo, ondijo mushoza.11Omufarisayo atagarara, ashaba enshara omu katimake ati, ‘Waitu Katonda ninkusiima orwo ntalikushana bantu bandi, abashuga, abatakoza mazima, ensiyani, nangu kandi kushana omushoza ogu! 12Omu biro mushanju nsiibamu kabili; ebyo mbona byona mpongamu ekichweka kya ikumi.’13Nomushoza ayemelera hare, nangu n'okuraramira eiguru chei. Shana aketera aha kifuba nagamba ati, ‘Waitu Katonda Onganyire inye omufakare!’ 14Nimbagambira, omushoza ogu akashuba omuka agaruliirwe kushaaga Omufarisayo. Orwokuba omuntu weena weena alyekuza aritoheswa, kandi alyetoya balimukuza.”15Abantu abandi baletera Yesu abaana babo abato k'abataho emikono. Abegesibwa kubon'ebyo babatanga. 16Chonka Yesu abeta ati, “Muleke abaana bato baije ahali inye mutabatanga, orwokuba abato nk'aba obukama bwa Katonda buba bwabo. 17Nimbagambira amazima, omuntu k'aliba atatoire bukama bwa Katonda nko mwana talibutahamu.”18Omutwazi omo abaza Yesu ati, “Mwegesa murungi, nkoreki nshobore kubona oburora obutalihwaho?” 19chonka Yesu amubaza ati, “Kubaki nonyeta murungi? Omurungi tabayo shana Katonda wenka. 20Emihango nogimanya: ‘Otalisiyana, otaliita, otaliiba, otalijulira bishuba, okunire sho na nyoko.’ ” 21Omutwazi agamba ati, “Emihango egi yona ntura ningyekomya kwema ndi muto.”22Yesu kayahuliire atyo, amugambira ati, “Ekikyaburaho nekintu kimo: Oguze eby'oinabyo byona,amahera ogabire abanaku, oligira eitunga omw'iguru, oshube oije ompondere.” 23Chonka omutwazi kayahuliire empororo egyo ajunara, aha rw'okuba akaba ali mugaiga muno.24Yesu amuleba, aho agamba ati, “Kigumire kite abatungi kutaaha omu bukama bwa Katonda! 25Nobona nikyoroba engamia kuraba omu kahuru k'enkinzo kushaaga omugaiga kutaaha omu bukama bwa Katonda.'26Abahuliire ekigambo ekyo bebaza bati, “Aho n'ohi alirokoka?” 27Yesu agamba ati, “Ebyo abantu batalikushobora, Katonda nabishobora.”28Petero agamba ati, “Mara kandi ichwe tukasigaho amaka gaitu twakuhondera.” 29Nikwo Yesu kubagambira ati, “Nimbagambira amazima, taliho muntu ayasigireho nju anga mukazi anga barumuna anga bazaire anga baana, aha rw'obukama bwa Katonda, 30atalirongorwa bingi muno omu nsi omu n'oburora obutalihwaho omu makiro agalija.”31Yesu akwata eikumi na babili, abagambira ati, “Mbwenu aha nitugya Yerusalemu. Buli kantu akaraba kahandikirwe abarangi aha Mwana w'Omuntu nikaija kugobeelera. 32Nibaija kumunagira abanyamahanga bamushekelere, bamujangure, bamuchwere n'ebichwante. 33Nibaija kumutera bakashuba bakamwita. Chonka aha kiro kya kashatu arahimbuka.”34Omuli ebi byona taliho kyo bashobokeirwe. Enshonga y'ekigambo eki ekaba eshelekire, ebyagambirwe tibaihiremu kantu.35Yesu kayabaire yaija kugoba Yeriko, omuhume w'amaisho akaba ashuntamire aha muhanda nashaba obujuni. 36Kayahuliire embaga nerabao abaza ekyaba. 37Bamugambira okwo Yesu owa Nazareti alikurabao.38Ayeta na mani ati, “Yesu Mwana wa Daudi, onganyizibwe!” 39Ababaire bebembeire bamukabukira, bamugambira kwesiza. Chonka wenene ashagaho kweta, “Mwana wa Daudi, onganyizibwe!”40Yesu ayemelera, agira abo yaragira kumuletera omwigazi w'amaisho ogwo. Kayaizire haihi amubaza ati, 41“Nogonza nkukolereki?” Ahorora ati, “Mukama, singa mbone.”42Yesu amugambira ati, “Bona; okwesiga kwawe kwakukiza.” 43Hakanya konene abona, ashuba amuhondera nasingiza Katonda. Abantu bona kubon'ebyo nabo bahaisiliza Katonda.
191Yesu araba Yeriko. 2Omuli Yeriko omwo hakaba halimu omushaija nayetwa Zakayo. Zakayoo ogwo ashangwa ali mushoza, kandi ali mutungi.3Ayenda kubona Yesu okwo alikushana, chonka tiyashoboire; embaga ekaba elinyingi, enshonga akaba ali mugufi. 4Kityo ayebembera airukire akuuba omuti gw'omukuyu nirwo aramubona, kuba Yesu akaba naija kuraba hamuhanda ogwo5Yesu kayagobire aha muti ogwo araramira, amugambira ati, “Zakayo, yanguha okuburuguke ; kir'eki nindagirwa kusiiba omwawe.” 6Kityo Zakayo ayanguha akuburuguka, anyegeza Yesu n'amashemelerwa. 7Abantu kaba bweine ekyo bakungana bati, “Yakyalira omufakare.”8Zakayo ayemerera agambira Omukama ati, “Waitu Mukama, enusu y'ebyange nagigabira abanaku. Kandaba nyina owo nayakire ekintu kyona kyona, ninkimugarulira emirundi ene.” 9Yesu amugambira ati, “Kir'eki enju egi yarokoka, aha rw'okuba naiwe oba mwana wa Ibrahimu. 10Orwokuba Omwana w'Omuntu akaija kuhiiga ababuzire n'okubarokora.”11Kababaire bahuliliize ebyo, Yesu ayongeraho kubachwera enfumo, nobona akaba ali heihi na Yerusalemu, kandi bakaba nibashubira okwo obukama bwa Katonda bulikwija kuzoka bwangu. 12Agamba ati, “Omurangira omo akagya omu nsi y'ahare kulya obukama akashuba akaterayo akagaruka.13Ayeta abairube 10, abaha esarafu ikumi 10 z'ezahabu, abagambira ati, ‘Esarafu ezi z'ezahabu muzizaze mpaka orwo ndigaruka.’ 14Chonka abanyansibe bamunoba, bamuhondeza entumwa nibagamba bati, ‘Omuntu ogu titulikwenda k'atutwara.’ 15Kayamazire kulya engoma akagaruka, aragira abairube abo yasigiire empiha kwetwa, amanye ebyo bazaize bakaihyamu.16Owa mbere amugoba nagamba ati, ‘Mukama wange, esarafu yawe emo y'ezahabu ezaire ezindi ikumi.’ 17Mukamawe amugambira ati, ‘Mayo mwiru murungi! Orwokuba obeire mwesigwa omu bike, oratwara ebigo ikumi10.’18Owa kabili nawe aija agamba ati, ‘Mukama wange, esarafu yawe emo y'ezahabu ezaire ezindi itano.’ 19Mukamawe ati, ‘Naiwe oratwara ebigo 5.’20Aho ondijo nawe eija, ati, ‘Mukama wange, leba esarafu yawe niy'egi! Nkagikoma omu kitambara nagibiika. 21Nomanya nkakutina. Iwe oba mukuutu, oyanura eby'otayanikire, ogesha eby'otarimire.’22Mukamawe amugambira ati, ‘Ebyakuruga omu kanwa nibyo ndakuramuliraho, iwe mwiru mubi! Okamanya okwo mba mukuutu, nyanura ebyo ntayanikiire, nshuba ngesha ebyo ntabyere? 23Kubaki empiha zange otazitaire mu benki, nkagaruka nkazihyamu n'amagoba gazo?’24Nikwo kugambira ababeire bemeleire aho ati, ‘Esarafu egyo y'ezahabu mugimwake mugihe ow'esarafu 10.’ 25Bamugambira bati, (‘mukama,wenene eine esarafu ikumi 10 z'ezahabu!’)26‘Nimbagambira buli omo eine ekyo einakyo alyongerwaho. Chonka ataina kantu, balimwaka n'akeinako. 27Kandi ababisha bange aba, abanyangire kubatwara, mubalete hanu aha mubanyitire omu meisho.’ ”28Orwo Yesu yamazire kugamba ebyo, agendera kimo, Yerusalemu.29Kayagobire Bethfage na Bethania aha Ibanga ly'Emizeituni, omu begesibwabe atumamu babili, 30nabaragira ati, “Mutahe omu kyaro ekibali omu meisho, murashangamu omwana gw'endogobe gusibikire, ogutakakubwaga muntu, mugusibure mugundetere aha. 31Omuntu k'arababaza ati, ‘Mwagusibuliraki?’ Mumuhorore muti, ‘Omukama nagwetaaga.’ ”32Abegesibwa ababeire batumirwe bagenda, babishanga okwo babeire batumirwe. 33Kababeire nibasibura omwana gw'endogobe, bakama bagwo bababaza bati, “Omwana gw'endogobe mwagusibuliraki?” 34Babahorora bati, “Omukama nagwetaaga.” 35Baguletera Yesu, abantu bagwaraho ebijwaro byabo, bagumuhanamisa. 36Kayabaire agukuubire nagenda, abantu barao ebijwaro byabo omu muhanda.37Kayailiire Yerusalemu aha busongoka bw'Eibanga ly'Emizeituni, embaga y'abegesibwa eshanduka, esingiza Katonda n'eiraka lihango aha rw'eby'amani ebyo babeire babweine, 38bati, “Ain'omugisha alikwija omw'ibara ly'Omukama! Emilembe eteeke omw'iguru, n'ekitinwa omw'iguru muno!”39Abafarisayo bema omu mbaga bamugambira bati, “Mwegesa, tosiza begesibwa bawe?” 40Yesu abashubamu ati, “Mbagambire, k'aba bakwesiza, amabare gakugamba gatanguka.”41Orwo Yesu yailiire heihi ekigo kya Yerusalemu, yakichulira 42ati, “Izoba eli, Yerusalemu kawakumanyire ebyakukuleteire emilembe! Chonka mbwenu tolikushobora kubibona.43Noija kugoberwa amakiro, ababisha bawe bakuzingoze orugo bakubunde, bakutange embaju zona, 44bakukunture ahansi hamo n'abantu abakuturamu, tibalikusigamu ibare litembekejainyie na lindi, enshonga akanya k'okurokorwa kwawe tokamanyire.”45Yesu ataaha Rwensinga abanza kubingamu ababaire nibagulizamu, 46nabagambira ati, “Kikahandikwa kiti, ‘Enju yange eliba nju y'enshara;’ Chonka inywe mugihindwire mpako y'abashuga.”47Kwema aho abanza kwegesa omuli Rwensinga buli kiro. Abakuhani bakuru n'abeegesa b'Amateka n'abanyiginya bamuhiganisa kumwita. 48Chonka eky'okukora tibakiboine, enshonga abantu bakaba nibashemelerwa muno ebigambobye.
201Ekiro kimo ka Yesu yabaire nayegesa abantu n'okuranga evangeli omuli Rwensinga, abakuhani bakuru n'abeegesa b'Amateka n'abagurusi bamuzinda 2bamugambira bati, “Otugambire, eby'olikukora ebi nobikoza bushoboraki, anga ayabukuhaire n'ohi?”3Abahorora ati, “Nanye kambabaze; mbwenu aha mungambire, 4Okubatiza kwa Yohana kukatabuka omw'iguru anga kukatabuka omu bantu?”5Aho babanza kwebaza bonene bonka bati, “Katuragamba tuti, ‘Kukatabuka omw'iguru,’ naija kugamba ati, ‘Aho kubaki mutamwikiliize?’ 6Katuragamba tuti, ‘Kukatabuka omu bantu,’ abantu bona nibatuteza amabare; orwokuba nibamanyira okwo Yohana yabaire ali murangi.”7Kityo bahorora okwo batalikumanya mbali okubatiza okwo kwatabukire. 8Ao Yesu nawe abagambira ati, “Nanye timbagambire ebyo ndikukora ebi nimbikoza bushoboraki.”9Yesu achwera abantu enfumo egi ati, “Omuntu omo akalima endimiro y'emizabibu; yagira abo yagitunga, yakwata omuhanda yagya omu nsi endijo yeikarayo. 10Amakiro kagagobire yatuma omwiruwe aha batungwa, bamuhe ebyo babeire belize omu ndimiro y'emizabibu. chonka abatungwa bamutera, bamubinga ngaro zisha.11Atuma omwiru ondijo, nawe kutyo bamutera, bamujangura, bamubinga engaro zisha. 12Atuma omwiru wa kashatu, ogu bamuhutaza bamunaga aheru.13Aho mukama w'endimiro ayebaza ati, ‘Nkoreki? Ntume omwana wange omugonzibwa, rundi ogwo bakumukunira.’ 14Chonka abatungwa kabamubweine, begeya bonene bonka bati, ‘Tumwite, ebyo yakusikire bibe ebyeitu.’15Bamubinga omu ndimiro, bamwita. Mbwenu mukama w'endimiro kalilimuleta alibagira ate 16K'alija aliita abatungwa abo, endimiro y'emizabibu agitunge abantu abandi.” Orwo bahuliire enfumo egi bagamba bati, “Nikikabure! Katonda yayanga.”17Chonka Yesu abaleba agamba ati, “Enshonga y'ekihandiko eki nehi? Kikahandikwa kiti, ‘Eibare ely'abombeki bayangire, nilyo libaire ibare likuru ly'epembe.’ 18Buli omo aligwa aha ibare elyo alisinjagulika; kandi owo liligwaho lilimusinjagura.”19Omu kaanya ako abeegesa b'Amateka n'abakuhani bakuru balenga kukwata Yesu, Chonka batiina abantu. Bakamanya bumanya okwo enfumo agichweleire bonene. 20Kityo baikara bamulebeleize, bata nibatuma n'ab'okumunyomoza, abanyomozi nibezora kugamba amazima, nibahiga kwekomya ebyo alikugamba kwija kumutwalira gavana.21Bamubaza bati, “Mwegesa, nitukumanya okwo ogamba amazima okagegesa. Togira kigonzi, iwe ekikuru kwegesa ebyo Katonda agonza. 22Ichwe tusaine kusholera Kaisari omushoro anga chei?”23Amanya okwo bali ngobya, abagambira ati, 24“Munyoleke edinari. Ekishushane n'ekihandiiko ebili aha dinari egi neby'oi?” Bahorora bati, “Bya Kaisari.”25Abagambira ati, “Aho ebili bya Kaisari mubimuhe, n'ebili bya Katonda mubihe Katonda.” 26Balemwa kumukwatira omu maisho g'abantu kumutura ebyo yagamba. Kandi empororo yoyabahorora ebashobeza, besiza.27Bamo omu Basadukayo abanga okwo habayo okuhimbuka baija, 28bamubaza bati, “Mwegesa, Musa akatuhandikira okwo murumuna omuntu kayakufa aine omukazi atasigire baana, murumuna kifa naragirwa ashwere omuramu abone kuzalira omurumuna kifa abaana.29Mbwenu hakaba haliho abarumuna mushanju. Owa mbere ashwera omukazi, chonka afa atasigireo mwana; 30owa kabili 31n'owa kashatu bashwera omukazi ogwo; bona kutyo okwo bali mushanju bakafa batazeire. 32Ahanyuma omukazi nawe afa. 33Mbwenu aha mahimbuka, aha barumuna mushanju abo omukazi aliba ali ow'oi? Enshonga bona mushanju bakamushwera.”34Yesu abagambira ati, “Omu makiro nk'aga abantu bashwera, bashwerwa. 35Balinya abasaniire oburora bw'amakiro agalija, nib'abo abalihimbuka omu bafu, tibalishwera anga kushwerwa. 36Aha rw'okuba nibaaba batakifa rundi, orwo babeire baana ba Katonda beinganirane n'abamalaika aha kumara kuhimbuka.37Musa nawe nayoleka okuhimbuka kw'abafu. Mbali alikugamba ekishaka ky'omuliro, mbali alikwetera Omukama Katonda wa Ibrahimu, Katonda wa Isaka mara Katonda wa Yakobo. 38Mbwenu Katonda ogwo ti Katonda wa bafu?; aba Katonda w'abalikurora; omu bwa wenene bona nibarora.”39Abeegesa b'Amateka abandi bahorora bati, “Mwegesa, wagambage.” 40Okugamba batyo taliho yazilize kumubaza kigambo rundi.41Abeegesa b'Amateka abo Yesu ababaza ati, “Bakugamba bate okwo Yesu aba mwana wa Daudi? 42Omu Kitabo ky'Ezaburi, Daudi wenene nagamba ati, ‘Omukama akagambira Mukama wange ati: Oshuntame aha bulyo bwange 43kugoba orwo ababisha bawe ndabakunaga omu maguru.’ 44Leba okwo Daudi alikumweta Mukama; aho yaba ate mwanawe?”45Yesu agambira abegesibwabe, abantu bona nibahulira ati, 46“Murayelinda abeegesa b'Amateka abagenda bajweire ekanzu zirei zirei, bagonza n'okuramibwa omu katare, omu sinagogi baagonza okushuntamira entebe ezirungi muno, n'aha magenyi bashuntama omu myanya y'ekitinwa, 47nibatwara amaju g'entumbwa oku nibezora kushoma enshara ezirei zirei. Balibona ekibonabonywo ekishagireho.”
211Yesu aleba oku n'oku abona okwo abatungi balikuteka ebihongo omuli buhanika ya Rwensinga. 2Ashuba abona entumbwakazi netamu obwapa bubili. 3Nirwo yagambire ati, “Nimbagambira amazima, eby'entumbwa egi yagira yashaga bona. 4Aha rw'enshonga ebyo abandi bagira baihya aha bingi ebyo bainabyo, chonka omukazi ogu n'obwo bunakubwe yagira byona ebyo yaba einabyo.”5Abantu abandi bashangwa nibagamba Rwensinga okwo elengize n'amabare garungi n'ebihongo. 6Aho Yesu abagambira ati, “Ebyo mulikubona ebi, amakiro galija orwo hanu aha eibare litalisigara litembekejainyie aha lindi, litalashirwe hansi.”7Abantu babaza Yesu bati, “Mwegesa, ebi bilibaho maki, isi kabiliija kubaho halibaho buboneroki?” 8Abahorora ati, “Mulimanya batalibanaga. Balija beingi omw'ibara lyange nibagamba bati, ‘N'inye Kirisito!’ Bati, ‘Akaanya niko!’ Mutalibahondera. 9Orwo mulihulira endwano n'enshengo, mutalitina. Ebi nibiragirwa bibanze, chonka enzindo terigoba bwangu.”10Ashuba abagambira ati, “Eihanga lilirwana neianga elindi, n'engoma elitabalira endijo. 11Halibaho emisisi y'amani, eifa n'ebibundo oku na kuli. Kandi halibaho eby'okutiinisa muno hamo n'ebiboneso kuruga omw'iguru.12Chonka ebi bitakabaireho balibanza kukwata inywe, babagingiize, balibatwara omu sinagogi kubaramura nibabatura inye. 13Obu nibwo buliba bushango ahali inywe kujulira okwesiga kwanyu.14Aho mwikare mwetekatekire, mutalimaaya nimuhiga ekyo murahorora. 15Ndibashoboza kugamba eby'obumanyi, ebyo ababisha banyu batalishobora kwemera anga kubyetonga.16Nangu mulibanjwa n'abazaire banyu, na barumuna banyu, n'abanyaruganda, na banywanyi banyu nangu abandi babaite. 17Mulinobwa abantu bona nibabatura inye. 18Chonka n'orushoke rwonka tirulibaruga aha mitwe. 19Omu kwegumisiliza kwanyu mulirokoka.20“Chonka orwo mulibona Yerusalemu yabundwa amaisherukare, mumanye okwo yakambuka. 21Aho abalishangwa bali Buyahudi bairukire omu mabanga. Abaliba bali omu kigo barugemu. Abalishangwa bagiire omu byaro bataligaruka mu kigo. 22Ebi biliba biro by'ekibonabonyio, kugobesheleza byona ebyahandikirwe.23Omu biro ebyo abakazi abaliba baina enda n'abalikwonkya balishasha! Ensi elibona enaku zingi, n'abantu b'omuzarwa ogu balibona ekibonabonyio. 24Baliitwa empanka, batwarwe kuba abatumwa , bawere omu mahanga gona. Yerusalemu elikandagilirwa abanyamahanga kugoba mbali biligobesherezibwa.25Alibaho akabonero “omw'izoba n'omu kwezi n'omu nyanyinyi, halibamu eby'okushobeza, kandi omu nsi akahiliro k'enyanja n'amayengo bililetera amahanga enaku n'okushoberwa. 26Orwo abantu balibona enaku zagwera ensi balikabisibwa obutini, aha rw'okuba eby'okushobeza eby'omw'iguru bilitengeeta.27Abantu balibona Omwana w'Omuntu naletwa omu bichwi aina obushobora n'ekitinwa kingi. 28Orwo ebigambo ebyo bilibanza kuzoka muraramire eiguru, kuba okulokorwa kwanyu kuliba kuli haihi.”29Yesu agambira abantu enfumo, ati, “Mulebe omutini n'emiti endijo yona. 30Orwo emiti egyo ebanza kututura amababi, aho muba mwaboine mara mumanya okwo ekyanda kyaturuka. 31Kutyo orwo mulibona ebigambo ebyo byabaho, mumanyireho okwo obukama bwa Katonda buli haihi.32Nimbagambira amazima nti omuzarwa ogu tigulihwaho ebyo byona bitabaireho. 33Eiguru n'ensi bilichweka, chonka ebigambo byange tibilichweka.34“Mwikare mwetekatekire! Emitima yanyu eleke kwikara omu by'amashemelerwa, etamiiro n'okunulirwa ebintu by'ensi, ekiro ekyo kitalija kikabagwaho kibandagara nk'omubarashuka. 35Enshonga abantu bona omu nsi baligwerwa ekiro ekyo.36Inywe mwikare mwetekatekire buli kaanya, mushangwe nimushoma enshara nirwo mulibona amani g'okuhunga aha bigambo ebi ebilibaho, n'okwemelera omu maisho g'Omwana w'Omuntu.”37Buli kiro yayegesaga omuli Rwensinga, Chonka omu kiro yararaga omw'Ibanga ly'Emizeituni. 38Kandi bwankya kare abantu bata kwija Rwensinga kumuhuliliza.
221Ekiro kikuru ky'Omukate Ogutatumbisiibwe, ekyetwa Pasika kikaba kiraliire kugoba. 2Aho abakuhani bakuru n'abeegesa b'Amateka bashangwa nibahiga okwo baraita Yesu. Chonka bakaba nibatina abantu.3Aho Shetani amutahamu Yuda Isikariote ayabaire ali omo omw'ikumi na babili. 4Akwata omuhanda agenda afumora n'abakuhani bakuru n'abakuru b'abalinzi ba Rwensinga okwo arashobora kumubakwasa.5Bashemelerwa mara bagamba kumuha empiha. 6Kityo Yuda aikiliza mara ahiiga obushango bw'okumubakwasa embaga etaliho.7Omu biro bikuru by'Omukate Ogutatumbisiibwe nimwo baitiraga entaama k'okulya ahali Pasika. 8Aho Yesu atuma Petero na Yohana nabaragira ati, “Mugende mututekatekere Pasika twije tugilye.” 9Bamubaza bati, “Nogonza tugitekateke nkahi?”10Abahorora ati, “Orwo murataha omu kigo muratanganwa omuntu ayetwekire emuga y'amaizi. Mumuhondere. Enju ey'aratahamu mube nimwo mutaha. 11Mugambire mukama w'enju muti, ‘Omwegesa nakuubaza ekiyumba ky'abagenyi mbali aralira Pasika hamo n'abegesibwabe.’12Araboleka ekiyumba kihango omu gorofa kyatekatekirwe, omwo mube nimwo mushemeza.” 13Bagenda babishanga okwo yabibagambira. Batekateka Pasika.14Orwo esaa yagobire, Yesu ashuntama n'abegesibwabe kuragira. 15Abagambira ati, “Mbaire nayegombire kulya Pasika hamo nainywe ntakashasire. 16Mbagambirege, tindishuba kugilya rundi kugoba orwo elimanyika enshonga yayo omu Bukama bwa Katonda.”17Akwata ekikompe. Kayamazire kusiima agamba ati, “Mutore ekikompe eki munyweho nywena. 18Kambagambire: Tinkishuba kunywa divai kulemwa kugoba orwo Obukama bwa Katonda buligobelera.”19Akwata n'omukate. Kayamazire kusiima, agubegura, agubaha nagamba ati, “Ogu mubili gwange ogulikwija kutambilirwa inywe. [Mukore mutyo okunyijukiraho.” 20Kabamazire kuragira akwata ekikompe nagamba ati, “Eki kikompe ky'obwamba bwange oburashesheka aha rwanyu, niyo ndagano empya y'obwamba bwange.]21Chonka muraleba, alikwija kumbanja ataire omukono aha meza nitulya hamo. 22Omwana w'Omuntu naija kuba nk'okwo kyaramwirwe. Chonka alikwija kumubanja alibona!” 23Aho abegesibwa babanza kubazangana bonene bonka, kumanya n'ohi omuli bonene alikwija kukora atyo.24Omu begesibwa haimukwamu empaka, benzire kumanya omukuru kushaaga bona n'ohi. 25Yesu abagambira ati, “Abakama b'abanyamahanga abatwarwa babo babatwaza eikama. Kandi abatwazi benda kwetwa ‘Abakunirwa babantu.’26Chonka omuli inywe bitaliba bityo. Omukuru wanyu bwoli abe n'iwe aba muto wanyu bwoli. Omutwazi abe mukozi wanyu. 27N'ohi omukuru kushaaga ondijo: Ayashuntama kulya anga omukoziwe? Manya omukuru n'ogwo ayashuntama kulya. Chonka inye omuli inywe mba mukozi.28“Inywe ninywe mwangumireho omu matangwa gange. 29Nk'okwo Tata yampeire obukama nanye nikwo nimbubaha, 30mwije omu bukama bwange mulye, munywe, mushuntamire enketo muramure amahanga 12 ga Isiraeli.31“Simoni, Simoni! Shetani ashabire muno kuberura nk'engano. 32Chonka inye nkushabiire okwesiga kwawe kutakuyuga. Kandi iwe k'oraba wangarukireho, barumuna bawe orabagumisa.”33Petero agambira Yesu ati, “Mukama wange, inye nibatufunga hamo, n'okufa nitufa hamo.” 34Yesu agamba ati, “Kankugambire Petero, kir'eki enkoko etakakokoromire, oraba wanyetongire kashatu okw'otalikummanya.”35Yesu abaza abegesibwabe ati, “Orwo nabatumire mukagenda muteina nfulebe ya kyakulya anga mufuko anga biratwa, mwina ekyababuzireho?” Bahorora bati, “Tikiliho.” 36Aho abagambira ati, “Mbwenu araba eina enfulebe y'empiha agikwate; n'omufuko kutyo. Kandi ataina mbanda aguze ebeboye agure embanda.37Kambagambire, ekyahandikirwe kyeija kugobeelera omu birabaho, bati, ‘Bakamukwatirana n'abafakare.’ Orwokuba ebyo bampandikireho nibija kugobeelera.” 38Abegesibwa bagamba bati, “Mukama, weitu leba embanda niz'ezi ibili.” Yesu abagambira ati, “Katulekelere aho.”39Yesu aturuka, agya aha Ibanga ly'Emizeituni nk'okwo yagiraga. Abegesibwabe bamuhondera. 40Kayagobireyo abagambira ati, “Mushabe enshara, mutakugwa mu bilengeso.”41Abarugaho akatambi akasaine mbali wakurasha eibare likagoba, abandama, ashaba enshara ati, 42“Tata, k'oraba noyenda onjune ekikompe eki. Chonka tikwo inye ndikwenda, shana okwo iwe olikwenda kibe nikwo kiba.”43Aho omumalaika aruga omw'iguru amubonekera kumugumisa. 44Kayabaire ali omukushasha omwoyo ashaba enshara n'amani geingi kushagaho. Ahitana empita elikushana amatonya g'obwamba, empita egyo etonya ahansi.45Kayarugire kushaba enshara, agoba abegesibwabe ashanga banagiziibwe obujune. 46Ababaza ati, “Nnka mwanagira? Mwimuke mushabe enshara muteija mukagwa omu bilengeso.”47Yesu kayabaire akyali omu kugamba atyo, aijwa embaga eyebembeirwe omuntu alikwetwa Yuda, omo omuli'ikumi na babili. Ailira ahali Yesu kumunywegera. 48Chonka Yesu amubaza ati, “Iwe Yuda, nonywegera Omwana w'Omuntu kumubanja?”49Abo yabaire ainabo kabaaboine ebyaija kubaho, babaza Yesu bati, “Rugaba, waitu tutemese embanda?” 50Omuli bonene harugwamu omo agiteza omukozi w'Omukuhani omukuru amutemaho okutwi kwa bulyo. 51Chonka Yesu amugambira ati, “Lekelera aho!” Akwata omukozi ogwo okutwi amukiza.52Yesu abaza abakuhani bakuru, n'abakuru ba Rwensinga, n'abagurusi ababaire bamuzinzire, ati, “Mwanzinda nk'omushuga, mwaija n'emiyo n'enkoni z'erungu? 53Orwo nkasiiba nainywe buli kiro omuli Rwensinga timukankwataga. Chonka mbwenu esaa yanyu niy'egi orwo mwina amani g'omwilima.”54Bakwata Yesu bamukurukumbya bamutwete ow'Omukuhani omukuru. Petero amuhondera nasigara enyuma. 55K'abantu babaire bahembire omuliro omugati ye kibuga, bakashuntama kwota, Petero nawe abashuntamamu.56Omukozi kayamuboine okwo ashuntamire aha muliro, amulebage amwekomya, agamba ati, “Omushaija ogu nawe yaba aina Yesu.” 57Chonka Petero ayetonga okwo yaba ainawe, agamba ati, “Iwe mukazi, Yesu ogwo tindikumumanya.” 58Ahanyuma kake omuntu ondijo nawe amubona, agamba ati, “Naiwe kwakwo oli wabo.” Chonka Petero ahorora ati, “Iwe mushaija, inye tindi wabo.”59Esaa ehinguraho nk'emo, omuntu ondijo aija ataho akakumu ati, “Mazima, omushaija ogu nawe yaba aina Yesu; aha rw'okuba Munyagalilaya.” 60Chonka Petero ahorora ati, “Iwe mushaija tindikumanya by'olikugamba.” Orwo yabaire akyagamba atyo, enkoko ekookoroma.61Omukama akubuka aleba Petero. Petero aijuka ekigambo ky'Omukama, okwo yabaire amugambiire ati, “Kir'eki enkoko etakakokoromire, oranyetonga kashatu.” 62Nikwo Petero kuturuka aheru akalira muno.63Abashaija ababaire bakwete Yesu bamujangura, bamutera. 64Bashuba bamubunda aha maisho bamugambira bati, “Baasha! Ayakutera n'ohi?” 65Bamugambira n'ebindi bingi, bamushekelera.66K'obwire bwakeire abagurusi b'embaga bahurura, abakuhani bakuru n'abeegesa b'Amateka babulimu. Bamutwara omu rukiko, bagamba bati, 67“K'oraba oli Kirisito otugambire.” Yesu abagambira ati, “Kandabagambira timunyikilize, 68kandi kandababaza timumporore.69Chonka kubandiza mbwenu Omwana w'Omuntu naija kusingira aha bulyo bwa Katonda Omushoborabyona.” 70Bona bamubaza bati, “Ahosi iwe oli mwana wa Katonda?” Yesu abahorora ati, “Inywe n'inywe mwakigamba okwo ndiwe.” 71Bagamba bati, “Tukyayetaga bujuliziki obushagiire aha? Ekyo yagamba twakyehulilira nikiruga omu kanwake.”
231Embaga yona eimuka etwara Yesu owa Pilato. 2Babanza kumutweijera bati, “Omuntu ogu tumushangire nashengesa eihanga, kandi natutanga kusholera Kaisari omushoro. Nayeyeta Kirisito Omukama.”3Pilato amubaza ati, “N'iwe Mukama w'Abayahudi?” Yesu amuhorora ati, “Wakigamba.” 4Pilato agambira abakuhani bakuru n'embaga ati, “Tindikumubonaho ntambara.” 5Chonka bonene bakaliliza bati, “Nayohya abantu, nayegesa omuli Buyahudi yona, kubandiza Galilaya kuturuka Yerusalemu.”6Pilato kuhulira atyo, abaza nka Yesu ogu ali Munyagalilaya. 7Orwo yamanyire okwo ali omu butwazi bwa Herode, aba n'iwe amutwekera, nobona omu kaanya ako Herode akashangwa ali Yerusalemu.8Herode kayamubweine ashemelerwa muno, ahakuba yayegombaga kumubona aha rw'okushangwa yamuhuliize, kandi yashubiraga k'amubona nakora ekitangazo. 9Kityo amubaza ebigambo bingi, chonka Yesu tiyahoroire kantu. 10Abakuhani bakuru n'abeegesa b'Amateka bakaba baliho, nibamutweijera nibasinsimuka.11Herode hamo n'abaisherukarebe bamujangura, bamujamya. Kabamazire kumujweka ebijwaro birungi, amugarura owa Pilato. 12Kiro kyonene ekyo Herode na Pilato banywana, aha rw'okuba kwema enyuma bakaba nibanobangana.13Pilato ayeta abakuhani bakuru n'abatwazi b'embaga, 14abagambira ati, “Omuntu ogu mwamuleta nimugamba okwo alikushengesa eihanga. Kanamara kumumanyuruza kurungi nainywe muliho, tinamubonaho ntambara yona yona aha byo mulikumutweijera.15Nangu na Herode teina kyoyamubonaho; kandi nka yamungarulira! Taliho ky'akozire eky'okumwisa. 16Aha rw'ekyo kamutere, nshube muteishure.” [ 17Aha kiro kikuru Pilato yaragirwaga kutaishulira embaga omufungwa omo.]18Abantu bona batera eyombo mbagamba bati “Iyamu omuntu ogwo, otutaishulire Baraba. 19Baraba ogwo akaba aimukize orushengo omu kigo kandi aisire n'omuntu; nikyo babeire bamufungiire.20Pilato ashuba abagambira ebigambo byonene, agondize kutaishura Yesu. 21Chonka bashuba batera eyombo bati, “Omubambe! Omubambe!” 22Pilato amubaza omurundi gwa kashatu ati, “Ahakubaki! Akozire kabiki? Inye tinamubonaho ntambara esaine kumwisa. Ndamutera kusha nshube muteishure.”23Abantu bombera kimo bakaliliza k'amubamba. Eyombo yabo ekiza Pilato amani. 24Nikwo Pilato kuramura ekyo balikwenda kikaba nikyo kikorwa. 25Yateishura Baraba owo bamushabire, ayabeire afungirwe aha rw'okwimukya orushengo omu kigo n'okwita omuntu. Yabateishulira Yesu bamukore okwo balikwenda.26Yesu bamukurukumbya bamutwara. Batanganwa Simoni owa Kirene naruga omu kyaro neija Yerusalemu, bamukwata, bamutweka omusaraba kugutwara ahondeire Yesu.27Abantu beingi muno, n'abakazi ababeire nibamuchulira bahonderaho. 28Yesu ahindukira abakazi abo ati, “Inywe bakazi ba Yerusalemu, muleke kunchulira. Mwechulire inywe , muchulire n'abaana banyu.29Muraleba, ebiro biliija orwo baligamba bati, ‘Baberwa abagumba, gaberwa amabere agatakazaraga baana, nangu amabunda gatakonkyaga baana gaberwa!’ 30Bashube bagambire amabanga bati, ‘Mutukumbire;’ bagambire n'enshozi bati, ‘Mutubunde.’ 31Kabaraba bagira bati omuti ogubisi, lero aho ogwomire baligugira bate?”32Kandi hakaba haliho abashuga abandi babili, ababatweire kwitwa hamo nawe.33Kabagobire mbali halikwetwa Kaluvari, baba niho bamubambira, hamo n'abashuga, omo aha mukono gwa bulyo n'ondijo aha mukono gwa bumosho. 34Yesu agamba ati, “Tata, singa obagarulire; aha rw'enshonga bakora ekyo batalikumanya.” Ebijwarobye babitekera enshoga kubibegana.35Abantu bemelera heihi barebile Yesu ameisho. Chonka abatwazi bamushekelera, bati, “Akarokora abandi; mbwenu nayerokore k'araba ali Kirisito wa Katonda, endondwa!”36Abaisherukare nabo bamushekelera, bamuletera edivai y'enshalizi, 37nibagamba bati, “K'oraba oli Mukama w'Abayahudi oyerokore!” 38Aha mutwegwe hakaba haliho n'ekihandiiko omu Rugiriki n'omu Rulatini n'omu Ruyahudi, nikigamba kiti, “Ogu n'iwe Mukama w'Abayahudi.”39Omo omu bashuga bombili ababaire babambirwe nawe, ajuma Yesu ati, “Manya iwe oba Kirisito! Oyerokore neichwe oturokore!” 40Chonka omushuga asigeire akabukira mutahiwe ati, “Iwe totiina Katonda? Manya neiwe oli aha kibonabonyio kyonene kyonene. 41Ichwe turagiirwe kufa; twabona emperwa etuseine aha rw'ebigiro byeitu. Chonka omushaija ogu akozire ntambaraki?”42Amara agambira Yesu ati, “Weitu Yesu oranyijuka k'oraba wagobire omu bukama bwawe.” 43Yesu ahorora omusheija ogwo ati, “Nkugambire amazima, kir'eki oraba oli hamo nanye omuli Paradiso.”44Esaa kazabeire zili nka mukaga, ensi yona ebundwa omwilima kugoba esaa mwenda. 45Eizoba likwatangana n'okwezi; orutimbe rwa Rwensinga rutaagukamu kabili.46Aho Yesu agamba n'eiraka lihango ati, “Tata, ninkukwasa omwoyo gwange omu miikono yawe!” Kayamazire kugamba atyo omwoyo guhwamu. 47Aho omukuru w'abaisherukare kayaboine ebyabaho, yasingiza Katonda ati, “Mazima omushaija ogu yaba ateina ntambara.”48Kandi abantu abasigeire bona ababeire bahurwire kureba ekyo, kababweine ebyabaho bashuba omuka nibeetera aha bifuba. 49Bataahi ba Yesu bona n'abakazi ba Galilaya ababeire bamuhondeire, bemelera haremu kake, babona ebyabaireho byona.50Akaba aliho omusheija nayetwa Yozefu, naruga omu kigo kimo ky'Abayahudi ekyayetwaga Arimatea. Akaba ali mugurusi omu rukiko, muntu murungi mara mugorogoki. 51Omu ntegeka z'abagurusi b'orukiko, n'eki ekyo bakozire, wenene akaba atabulimu. Kandi yategelezaga Obukama bwa Katonda.52Omusheija ogu akwata omuhanda agya owa Pilato amushaba omubili gwa Yesu. 53Agubamburura aha musaraba, aguzinga omu kirago kye kitani, aguhumuza omu nyanga y'orwazi, mbali omuntu n'omo yabeire atakaziikwaga.54Ekiro ekyo kikaba kili kiro ky'Okwetekateka, kandi Sabato nirwo yabaire nebanza. 55Abakazi ababaire barugire Galilaya na Yesu nabo bahonderaho, babona enyanga, n'okwo omubili gwahumuzibwa omu nyanga egyo. 56Nirwo bagarukire omuka, bakatekateka amajuta g'okwija kusiga omubili gwa Yesu. Aha kiro kya Sabato bahumura, nk'okwo omuhango gwabeire niguragira.
241Aha kiro kya mbere ky'eilimansi, omu bwankya bwankya, abakazi bagya aha nyanga. Bagenda namajuta ago babeire batekatekire. 2Bashanga eibare lihilingisiibwe lirugire aha nyanga, 3Chonka kabatahiremu, omubili tibagushangiremu.4Kababeire bakyashoberwa ekyo, babona abasheija babili bemeleire aha rubaju bajweire ebijwaro bilikwengelera. 5Obutiini bubali kubi, amaisho galebire ahansi, abasheija babaza bati, “Kubaki nimuhiga omurora omu bafu? Takili haa; yahimbuka.6Mwijuke okwo yabagambiire akyali Galilaya, 7okwo Omwana w'Omuntu naragirwa kunagwa omu miikono y'abafakare, bamubambe, kandi aha kiro kya kashatu ahimbuke.”8Abakazi beijuka ebigambo bya Yesu ebyo. 9Baruga aha nyanga bagya bagambira abegesibwa ikumi n'omo n'abasigeire bona. 10Maria Magadalena, Joana na Maria nyina Yakobo n'abakazi abandi abo babeire bagenzire nabo, nibo babibaruliire entumwa.11Chonka amakuru ago gababera orugano, tibageikiliize. 12Petero ogwo eimuka eiruka agire aha nyanga. Yainama yalinguliza, yabona okwo emyendo ye kitani eli yonka. Yagaruka omuka nashoberwa ebyabaho.13Kiro kyonene ekyo, abegesibwa babili bashangwa nibagya omu kyaro kya Emmau, kili emaili nka mushanju kuruga Yerusalemu. 14Bakaba nibafumora aha byabaireho.15Orwo babaire nibafomora, Yesu abagoba agenda nabo. 16Chonka n'orwo bamuboine tibamumanyire.17Ababaza ati, “Ni bihe ebi ebyo mulikugenda nimufumora?” Bemelera baganda, bakwatwa obujune. 18Omo, n'iwe Cleopa, amuhorora ati, “Iwe wenka n'iwe mugenyi omuli Yerusalemu atalikumanya makuru agabiremu omu bir'ebi?”19Yesu ababaza ati, “Makuruki?” Bamugambira bati, “Amakuru ga Yesu owa Nazareti, abaire ali murangi w'amani omu bigiro n'omu bigambo ahali Katonda n'abantu bona. 20Abakuhani baitu abakuru n'abatwazi bamwisize bamubamba.21Chonka ichwe tubeire nitumushuubira kuchungura Isiraeli. Mbwenu kandi eki kiro kya kashatu kuruga amakuru aga gabaireho.22N'abakazi bamo, abegesibwa bataahi beitu batushobeza. Bwankya kare baba baimukire aha nyanga, 23omubili tibagushangamu. Bagaruka nibagamba okwo bahabukirwa abamalaika, abo babagambira okwo Yesu yahimbuka. 24Abandi abo twaba twinabo bakwata omuhanda bagya aha nyanga, babishanga nk'okwo abakazi babigamba. chonkai Yesu wenene tibamubona.”25Yesu abagambira ati, “Inywe bafera, emitima yanyu telikukokoka kwikiliza byona eby'abarangi basigire bagambire! 26Manyasi Kirisito kwija kubona ekitinwa abaire ali w'okushasha kushasha kuturwa ebyo byona.” 27Abandiza ahali Musa n'abarangi bona, yagya n'omu Bihandiko Bitakatifu byona yabashoboorora byona ebyahandikirwe ahali Kirisito ogwo.28Bagoba ekyaro ekyo babaire nibagyamu. Kizoka oti Yesu nagendelera omu maisho. 29Bamutanga bati, “Oije tugye owaitu; ni bwaigoro n'eizoba lyaija kugwa.”30Kayabaire ashuntamire nabo kurya, akwata omukate, asiima, agubegura, agubaha. 31Aho ameisho gabo gabona, bamumanya; wenene abura aha mmeisho gabo. 32Bagambirangana bati, “Emitima yeitu tiyaba munda yeitu orwo yaba natufumolera omu muhanda, natushobolora omu Bihandiko Bitakatifu?”33Omukaanya ako baimuka bagaruka Yerusalemu. Bashanga ikumi n'omo n'abandi abo babaire bainabo bateraine 34babagambira bati, “Omukama yahimbukakwo, yahabukira Simoni!” 35Kityo bonene aba babagambira agabaho omu kihanda, n'okwo bamumanyira aha kubegura omukate.36Kababaire nibafumora ebyo, Yesu wenene abemelera omugati yabo abagambira ati "Emirembe ebe omulinywe". 37Bahukuka, batiina, balenga bati babona omuzimu.38Ababaza ati, “Kiki, nka mwayechura, n'emitima yanyu neyebaza bingi? 39Mundebe ebiganja n'amaguru gange orwokuba ninye wenene munkwateo mulebe. Orwokuba omuzimu tigugira mubili na magufa nk'okwo ndi.” 40Kayamazire kugamba atyo, yaboleka ebiganja n'amagurunge.41Kababaire batakaikiliize aha rw'ebyera, bashobeirwe, ababaza ati, “Hanu aha mwinaho ak'okulya?” 42Bamuheleza ekichweka ky'enfuru ekazirwe 43akitora, akilya bamulebire.44Ashuba abagambira ati, “Ebi nibyo mbagambiire nkyaina inywe, okwo buli kantu akampandikirweho omu Miango ya Musa, n'ebyo abarangi bangambireho, n'ebyo ezaburi zingambaho nibiragirwa kugobeelera.”45Aho abashoboza kushobokerwa Ebihandiko Bitakatifu, 46amara abagambira ati, “Oku nikwo byakahandikirwe okwo Kirisito ali w'okushasha kushasha, chonka aha kiro kya kashatu ahimbuke omu bafu. 47Omw'ibaralye amahanga gona garangirwe okwo k'abantu balyechuza amafu gabo baligarulirwa; eikora elyo libandize Yerusalemu.48Inywe muli bajulizi b'ebigambo ebyo. 49Kandi ningya kubatwekera owo Tata yaragaine. Chonka mwikare omu kigo kya Yerusalemu mpaka orwo muraijurwa amani g'omw'iguru.”50Yesu ayebembera abegesibwabe abagobya Betania, aimukya emikono abatunga omugisha. 51Kayabaire nabatunga omugisha abasigaho atemba omw'iguru.52Bonene bamufukamira, bagaruka Yerusalemu n'ebyera bingi, 53mara bata nibaija Rwensinga obutosha kusingiza Katonda.
Yohana
11Orwa mbere na mbere Kigambo akashangwaho. Kigambo ogwo hakaba ajwangaine na Ruhanga, mara Kigambo hakaba ali Ruhanga. 2Orwa mbere na mbere akashangwa ali hamoi na Ruhanga. 3Ebintu byona bikatondwa omuli wenene; kandi omu byakatonzirwe byona taliho kintu na kimoi ekitatonzirwe omuli wenene.4Omuli Kigambo ogwo hakaba alimu oburora, mara oburora obwo nibwo bwabaire mushana gw'abantu. 5Omushana ogwo gwaka omu mwilima, mara omwilima tigukarazaga mushana ogwo.6Hakaba haliho omuntu atumirwe Ruhanga, eibaralye Yohana. 7Yohana akaletwa obujulizi, kujulira omushana, abantu bona babone kwikiliza aha rwa wenene. 8Hakaba atali mushana, shana akaija kujulira omushana.9Hakaba aliho omushana nyhakabara ogwaijaga omu nsi, nigwo gwakiza kaishe muntu.10Hakaba ali omu nsi, mara n'iwe yagitonzire, kyonkai ensi tiyamumanyire. 11Akaija omwabo, kyonkai aba wenene tibamunyegeize.12Kyonkai bona abamunyegeize, bakamwesiga, hakabaha obushobora bw'okuba baana ba Ruhanga; 13abatazairwe butondwa bwa muntu anga aha rw'omuntu kwenda, shana bakazarwa Ruhanga.14Kigambo hakaba muntu yasingira omuli ichwe, aijwire ekisha n'amazima. Tukabona ekitinwakye, ekitinwa ekisaine Omwana omumoi ahali Ishe. 15Yohana akamujulira, yagamba n'eiraka lihango ati, “Ogu n'iwe nagambaga nti, ‘Alikunduga enyuma nanshaga. Akashangwaho inye nthakabaireho.’ ”16Aha mwijurogwe gw'ekisha niho tutura nitwihya ekisha obutosha. 17Amateka gakaletwa ahali Musa; ekisha n'amazima byaletwa ahali Yesu Kirisito. 18Taliho muntu n'omoi araboine Ruhanga; shana Omwana omumoi omugonzibwa muno ahali Ishe, n'iwe yamanyisize Ruhanga ogwo omu bantu.19Obu nibwo bujulizi bwa Yohana orwo Abayahudi ba Yerusalemu batumire abakuhani n'Abalevita kumubaza bati, “Iwe oli ohai?” 20Akagamba tiyayetongire, ati, “Inye tindi Kirisito.” 21Bamubaza bati, “Aho oli ohai? Isi oli Eliya?” Wenene ahorora ati, “Tindi Eliya.” Bati, “Isi oli murangi?” Ahorora ati, “Chei.”22Bamubaza bati, “Oli ohai? Otuhorore ekyo turagya tukagambira abatutumire. Noyegambahoki?” 23Abahorora ati, “Inye ndi iraka ly'alikukungeleza omw'irungu, ati, ‘Mugorore omuhanda gw'Omukama,’ nk'okwo omurangi Isaya yagambire.”24Bonene abo bakaba batumirwe Abafarisayo. 25Bamubaza bati, “Aho orwo otali Kirisito, anga Eliya, anga omurangi, kubaki nobatiza?”26Yohana abahorora ati, “Inye nimbatiza n'amaizi; kyonkai omuli inywe halimu owo mutalikumanya, 27nangu n'iwe alikunduga enyuma, owo ntasaine kukomorora rukoba rwa biratwa.” 28Ebyo bikabaho omuli Betania, buseli bwa Yorudani, mbali Yohana yabatilizaga.29Bukeire Yohana abona Yesu namwijaho, agamba ati, “Mulebe Akataama ka Ruhanga, akaiza okufakara kw'ensi! 30Ogu n'iwe mbagambira nti, ‘Alikunduga enyuma nanshaga ekitinwa, enshonga akashangwaho inye nthakabaireho.’ 31Tinamanyaga alija ali wa ngeliki, kyonkai inye nkabatiza n'amaizi, aije amanyike omuli Isiraeli.”32Yohana ajulira ati, “Nkabona Mwoyo nahanantuka omw'iguru omu mishusire y'ekiiba, ekiiba ekyo kyaija kyamubandaraho. 33Inye nyenene tinamumanyaga; kyonkai ayantumire kubatiza n'amaizi akangambira ati, ‘Ow'orabona Mwoyo nahanantuka akamubandaraho, ogwo n'iwe alibatiza na Mwoyo Mutakatifu.’ 34Inye nayeboneire mara ndi mujulizi okwo ogu ali Mwana wa Ruhanga.”35Bukeire bunu Yohana ashangwa ayemeleire n'abegesibwa babili. 36Aleba Yesu nagenda agamba ati, “Mulebe Akataama ka Ruhanga!”37Abegesibwabe bamuhulira nagamba atyo, bahondera Yesu. 38Yesu kayahindukire abona okwo bamuhondeire, ababaza ati, “Nimuhigaki?” Bamuhorora bati, “Rabi,” nikwo kugamba kuti, “Mwegesa, noikara nkahai?” 39Abahorora ati, “Mwije mulebe.” Bagenda babona mbali yabaire naikara; zikaba zili nk'esaa40, bagenda batobeza nawe eizoba. 40 Omu begesibwa babili abahuliire Yesu nagamba, omoi arugaho amuhondera: N'iwe Anderea murumuna Simoni Petero. 41Anderea owo yaboine mbere ni Simoni mukuruwe, amugambira ati, “Twabona Masiha,” nikwo kugir'oti Kirisito. 42Amuletera Yesu. Yesu kayamulebire agamba ati, “N'iwe Simoni eya Yohana? Orayetwaga Kefa,” nikwo kugir'oti Rwazi.43Bukeire, Yesu aimukya kugya Galilaya. Abona Filipo, amugambira ati, “Ompondere.” 44Filipo ogwo yarugaga Betisaida, ekigo kya Anderea na Petero. 45Filipo abona Natanaeli, amugambira ati, “Twabona owo Musa yagambire omu Mateka owo abarangi barangire, n'iwe Yesu owa Nazareti, mutabani wa Yozefu.”46Natanaeli amugambira ati, “Nazareti yakurugwamu akarungi kona kona?” Filipo amushubamu ati, “Ija obone.” 47Yesu abona Natanaeli naija, amugambira ati, “Leba Omunyaisiraeli nyhakabara, atainamu bugobya!” 48Natanaeli abaza Yesu ati, “Wamany'otai?” Yesu amuhorora ati, “Filipo atakakwesire, orwo waba oshuntamire aha muti gw'omutini, nakubona.”49Natanaeli amuhorora ati, “Rabi, oli Mwana wa Ruhanga! Oli Mukama wa Isiraeli?” 50Yesu amugarukamu ati, “Aha rw'okuba nakugambira okwo nakubona oshutamiire aha mutini, nikyo waikililiza? Noija kubona eby'amani kushaaga ebi.” 51Ashuba amugambira ati, “Mazima, mazima ninkugambira nti, mulibona eiguru likingukire, n'abamalaika ba Ruhanga nibatemba nibasongoka baizire aha Mwana w'Omuntu.”
21Aha kiro kya kashatu, omuli Kana eya Galilaya, bhakaba halimu obugenyi bw'obushwere; na nyina Yesu hakaba aliho. 2Yesu n'abegesibwabe nabo bakaba baraliziibwe aha bugenyi obwo.3Edivai egya ehwa, nyina Yesu amugambira ati, “Tibaina divai.” 4Yesu amubaza ati, “Mawe, nonyenzaki? Esaa yange tekagobire.” 5Nyinai Yesu agambira abairu ati, “Eky'arabagambira kyona kyona mukikore.”6Hakaba haliho emuga mukaaga z'amabare, z'emichonchozo y'Abayahudi ey'okunaba, buli emoi netahwamu elita nka 10 anga 150. 7Yesu abagambira ati, “Mwijuze emuga ezi amaizi.” Baziijuza kugoba aha migoma. 8Abagambira ati, “Mbwenu mutaheho mutwalire omugelezi w'obugenyi.” Batahaho.9Omugeleezi w'obugenyi kayagiire kuroza edivai, agaba gali maizi, atamanyire mbali divai yaruga (n'orwo abairu ababaire batahire amaizi babaire nibamanya), ayeta kishwera 10amugambira ati, “Buli muntu abanza ayebembezayo edivai enungi. K'abantu baba batamiire bayanjagiire, aba nirwo ahondezaho edivai eya kaizi. Kyonkai iwe wabiika edivai enungi wagigobya mwaha!”11Omu bubonero obwo Yesu yakozire, aka mbere aka akakakolera Kana eya Galilaya, yaba nikwo ayolekya atyo ekitinwakye; n'abegesibwabe bamwesiga.12Ebyo kabyahoire yasongoka Kaperinaumu, hamoi na nyina n'abarumuna n'abegesibwabe, bamarayo ebiro bike.13Pasika y'Abayahudi ekaba eraliire kugoba, Yesu agya Yerusalemu. 14Omuli Rwensinga ashangamu abalikugulizamu ente n'entaama n'ebiiba, n'abahingi b'empiha bali aha ikora lyabo.15Asibinkijanyia orushanju rw'enkoba ababinga bona omuli Rwensinga n'ente zabo n'entaama. Esarafu z'abahingi b'empiha azishesha, n'emeza zabo azikunengura. 16Agambira n'ababaire nibaguza ebiiba ati, “Ihya ebiiba hanu aha; omwa Tata mutahahindura itundiro.”17Abegesibwa baijuka okwo kyahandikirwe kiti, “Ekihika ky'okurabira enju yawe kilimmara omwoyo.” 18Aho Abayahudi bamubaza bati, “Wakukora kitangazoki kutwoleka okwo oinai obushobora bw'okukora ebintu nk'ebi?” 19Yesu abahorora ati, “Mukambure Rwensinga egi, nyije ngyombekere ebiro bishatu.”20Abayahudi bamushubamu bati, “Rwensinga egi ekombekerwa emyaka 40, iwe obe n'iwe ogyombekera ebiro bishatu?” 21Kyonkai Rwensinga eyo Yesu yabaire nagamba, hakaba nagamba omubiligwe. 22Kayabaire yahimbukire omu bafu, abegesibwabe bagamba okwo yabaire akigambire; aho baikiliza ebihandiko hamoi n'ebyo Yesu yagambire.23Yesu kayabaire ali Yerusalemu aha kiro kikuru kya Pasika, abantu bangi bamwesiga orwo baboine ebitangazo ebyo yakora. 24Kyonkai wenene tiyabesigire, 25aha rw'enshonga yamanyaga abantu bona, tiyayetagaga muntu kumumanyisa okwo abantu abandi bali. Yesu wenene yamanyaga ebitekelezo by'omuntu.
31Hakaba haliho Omufarisayo eibaralye Nikodemo, ali mutwazi omu Bayahudi. 2Omushaija ogu aija ahali Yesu omw'itumbi amugambira ati, “Rabi, nitukumanya okwo oli mwegesa ayarugire ahali Ruhanga. Nitumanyira aha kubona okwo taliho muntu yakukora bitangazoki nk'ebyolikukora, shana Ruhanga abe amwemiremu.”3Yesu amuhorora ati, “Nkugambire amazima, omuntu k'atazairwe bundi buhya taina kubona bukama bwa Ruhanga.” 4Nikodemo amubaza ati, “Omuntu ayagurusire yakuzarwa atai bundi buhya? Agaruke omuli nyina azarwe elya kabili?”5Yesu amuhorora ati, “Nkugambire amazima, omuntu k'atazairwe mu maizi na mu Mwoyo tiyakutaha mu bukama bwa Ruhanga. 6Ekyakazarwa omubili kiba mubili, n'ekyakazarwa Mwoyo guba Mwoyo.7Otatangara kubona ninkugambira okwo olikuragirwa kuzarwa bundi buhya. 8Omuyaga kagwihya gugya mbali gwayenda, mara ohulira akahiliro kagwo. Kyonkai mbali gulikuruga na mbali gulikugya tohamanya. N'omuntu azairwe Mwoyo nikwo ali atyo.”9Nikodemo amubaza ati, “Eki kyakuba kitai?” 10Yesu amushubamu ati, “Iwe omuli Isiraeli oba mwegesa, kyashuba kyakulema kukishobokerwa? 11Nkugambire amazima, ebyo tulikugamba nitubimanya, n'ebyo tuboine nitubijulira; kyonkai ebyo tulikubagambira timulikubikiliza.12Kandabagambira eby'omu nsi mutabikiliize isi kandabagambira eby'omw'iguru murabiikiliza mutai? 13Taliho aragiire mw'iguru, shana Omwana w'Omuntu ayarugireyo.14Okwo Musa yahanikire enjoka omw'irungu nikwo Omwana w'Omuntu alikuragirwa atyo kuhanikwa, 15wena alikamwesiga aije abone oburora obutahwaho.16“Ruhanga akagonza ensi muno yagoba n'aha kuhayo Omwanawe omumoi, wena alimwikiliza talifa, nawe abone oburora obutahwaho. 17Ruhanga akatuma Omwanawe omu nsi kugirokora, tikugiramura. 18Amwikiliza taramurwa, kandi atamwikiliza ogwo yaramwirwe, aha rw'okuba taikiliza Mwana omumoi wa Ruhanga.19Eiramu niligenda liti: Omushana gukaija omu nsi, abantu bagonza omwilima kushaaga omushana gwonene, enshonga ebikorwa byabo bikaba bili bibi. 20Manyasi buli muntu akora kubi anoba omushana, mara taija aha mushana ebikorwabye bitaija bikazoka. 21Ayakora eky'amazima aija aha mushana, kishobore kumanyika okwo ebigirobye bilikuruga ahali Ruhanga.”22Ebyo kabyahoire, Yesu n'abegesibwabe bagya Buyahudi; aikarayo nabo abatiza. 23Na Yohana hakaba nabatiliza Enoni bwatana Salimu, aha rw'enshonga kulinya bhakaba haliyo amaizi gangi. Abantu baija babatizibwa. 24Nomanya omu bir'ebyo Yohana hakaba atakafungirwe.25Aho agya aimukwa empaka omu begesibwa ba Yohana n'Omuyahudi omoi, bahakanira okunaba. 26Bagoba Yohana bamugambira bati, “Rabi, owo mubaire muli hamoi buseli bwa Yorudani, ow'obare nojulira ali aha nabatiza, mara abantu bona nibagya ahali wenene.”27Yohana abahorora ati, “Taliho muntu n'omoi ayakubona kintu kyona kyona atakihairwe kuruga mw'iguru. 28Inywe nywenene nimunjulira okwo nagambire okwo ntali Kirisito, shana nkatumwa kumwebembera.29
29 Omuntu aina omugore bamweta kishwera. Munywanyi wa kishwera k'ayemelera akamuhulira, ak'ahulira n'eirakalye ayeshanda muno. Aha rw'ekyo ebyera byange ebi byagobelera. 30Wenene aragiirwe kukura, inye ndagiirwe kutoha.”31Ayarugire omw'iguru nashaga bona. Omuntu ow'omu nsi aba w'ensi, mara afumora eby'ensi; ayarugire omw'iguru nashaga bona. 32Mujulizi w'ebyo yahuliire n'ebyo yaboine, kyonkai eby'alikugamba taliho alikubikiliza. 33Alikwikiliza eby'alikugamba, omu kwikiliza okwo naba nahamisa okwo Ruhanga aba w'amazima.34Kuba owo Ruhanga atumire nagamba ebigambo bya Ruhanga, aha rw'enshonga Ruhanga k'alikumuha Mwoyo amumuha wena. 35Ish'emuntu agonza Omwanawe, mara byona abimutaire omu bushoborabwe. 36Aikiliza Mwana agira oburora obutalihwaho. Atahulira Mwana talibona burora, shana ekiliho Ruhanga aliikara amubonabonyize.
41Orwo Omukama Yesu yamanyire okwo Abafarisayo bahuliire okwo aina abegesibwa bangi n'okubabatiza kubashagya Yohana, 2(n'orwo Yesu wenene atabatizaga, shana abegesibwabe), 3akwata omuhanda aruga Buyahudi agaruka Galilaya,4araba Samaria. 5Agoba omu kigo kimoi kya Samaria ekyetwa Sikari, bwatana endimiro eyo Yakobo yabaire ahaire omutabani Yozefu.6Mwonene omwo bhakaba halimu eiziba lya Yakobo, aho na Yesu ashangwa yalemeirwe omu rugendo ashuntama aha iziba elyo. Zikaba zili nk'esaa mukaaga. 7Omukazi wa Samaria aija kutaaha amaizi. Yesu amugambira ati, “Ompeho amaizi g'okunywa.” 8Abegesibwabe bakaba bagiire omu kigo kugura ekyakulya.9Omusamariakazi amushubamu ati, “Kyaija kitai iwe Omuyahudi kwenza inye Omusamariakazi amaizi g'okunywa?” 10Yesu amuhorora ati, “Kuba nomanya amatungwa ga Ruhanga, okamanya n'alikukugambira ati, ‘Ompeho amaizi g'okunywa,’ iwe wenene wakubaire wamushabire amaizi g'oburora yagakuhaire.”11Omukazi amugambira ati, “Waitu, toinai kyakutahisa, kandi eiziba lili harai muno; iwe aho amaizi g'oburora wagaihya nkahai? 12Iwe wakira tataichwe Yakobo ayanyoire amaizi aha iziba eli, n'abaanabe, n'ebitunganwabye, akamara akalituha?”13Yesu amugambira ati, “Buli muntu anywa amaizi aga alishuba agire eiliho, 14kyonkai wena alinywa amaizi ago ndikwija kumuha, taligira iliho rundi. Amaizi ago ndikwija kumuha galimubera nchuro etalyoma ey'okumugobya aha burora obutalihwaho.”15Omukazi amugambira ati, “Waitu, bampe amaizi ago, ntaligira iliho rundi, nangu ntaligaruka hanu aha rundi kutaaha amaizi.” 16Yesu amugambira ati, “Iroko oyete mushaija wawe aije hanu aha.”17Omukazi amuhorora ati, “Tinyina mushaija.” Yesu amushubamu ati, “Wagambage okugir'oti, ‘Tinyina mushaija.’ 18Washweirwe abashaija batanu, n'ow'oinaiwe mbwenu aha ti mushaija wawe. Eki wagamba eky'amazima.”19Omukazi amugambira ati, “Waitu nabona okw'oli murangi. 20Batataichwe bafukamiraga aha ibanga eli; kandi inywe mugamba okwo omuli Yerusalemu nimwo hali omwanya ogw'abantu balikuragirwa kufukamiramu.”21Yesu amugambira ati, “Mukazi, oikilize, okuba esaa neija kwija orwo mutalifukamira Tata aha ibanga eli anga omuli Yerusalemu. 22Mufukamira owo mutalikumanya. Ichwe tufukamira owo tulikumanya, aha rw'okuba okurokoka kwema omu Bayahudi.23Kyonkai akaanya kalija, na mbwenu aha nik'aka, orwo abalikufukamira Ruhanga kwo balifukamira Isheichwe omu mwoyo n'amazima okwo akali mara okwo alikwenda.” 24Ruhanga aba Mwoyo, kandi n'abamufukamira nibaragirwa kumufukamira omu Mwoyo n'amazima.25Omukazi amugambira ati, “Nimanya okwo Masiha, n'iwe Kirisito, alija. K'alija alitwoleka ebintu byona.” 26Yesu amugambira ati, “Inye alikufumora na iwe ndi wenene.”27Omu kaanya ako abegesibwabe baija. Batangara kubona nafumora n'omukazi, kyonkai taliho yamubalize ky'alikwenda anga enshonga eyamufumoza n'omukazi.28Omukazi asigaho emuga y'amaizi akwata omuhanda agya omu kigo, agambira abantu ati, 29“Mwije mubone omuntu ayangambira byona ebyo ndakozire. Wenene ogu tiyakuba Kirisito?” 30Baruga omu kigo baija ahali Yesu.31Aho abegesibwa bamutagiliza bati, “Rabi, oboneke.” 32Ndi wenene abagambira ati, “Inye nyina eky'okulya ekyo mutalikumanya.” 33Kityo abegesibwa babazangana bati, “Haliho ayamuletera ekyakulya?”34Yesu abagambira ati, “Ekyakulya kyange ni kukora ebyo ayantumire alikwenda, kugobesheleza eikoralye. 35Timugamba muti, ‘Hakyaliyo emyezi enai kwija kugesha?’ Nimbagambira, mulebe mubone okwo emyaka yayezire, eigesha lyabaho. 36Omugesi abona emperwaye, mara abona empeerwa y'oburora obutalihwaho, omubibi n'omugesi baija bashemelerwa hamoi.37Aho enfumo egi ekaba y'amazima bati, ‘Ogu abiba, ondijo agesha.’ 38Nkabatuma kugesha ebyo mutahendekeire. Abandi bakahendwa emilimo, inywe mwaija mwataaha omu byobahendekeire.”39Abasamaria bangi ab'ekigo ekyo kya Sikari bammikiliza aha rw'eby'omukazi yagambire ati, “Yangambira byona ebyo ndakozire.” 40Abasamaria kabamugobire bamushaba k'abaikaraho; amarayo ebiro bibili.41Bamwikiliza bangi kushagaho aha rw'ekigambokye. 42Bagambira omukazi bati, “Titukiikiliza aha rwa bigambo byawe, aha rw'okuba twayehulilira, mara twamanyakwo okwo ogu ali murokozi w'ensi.”43Ebiro kabyakeire bibili Yesu aruga Sikari agya Galilaya. 44Wenene akakyegambira okwo omurangi atagira kitinwa mu nsiye. 45Kityo aija Galilaya, Abanyagalilaya bamunyegeza, nobona bakaba baboine ebyo yabaire akozire Yerusalemu aha kiro kikuru, bakashangwa baliho.46Kandi agaruka Kana omuli Galilaya, mbali yabaire ahinduliire amaizi ekaba divai. Aho omuli Galilaya bhakaba halimu omukuru omoi aina omutabani ali murwaire. 47Kayahuliire okwo Yesu yarugire Buyahudi akaija Galilaya, agenda amutagiliza kugenda akamukiliza omwana, enshonga hakaba ali kubi agafa.48Yesu amugambira ati, “K'oraba otaboine bubonero na bitangazo timulikwija kwesiga.” 49Omukuru amugambira ati, “Waitu basinge baije omwana atakafire.” 50Yesu amugambira ati, “Iroko, omwana wawe narora.” Omushaija aikiliza ekigambo ekyo Yesu yamugambira, akwata omuhanda agenda.51Kayabaire nasongoka atanganwa abairube, bamugambira okwo omwanawe alikurora. 52Ababaza esaa eyo yabandizaho kutururamu. Bamugambira bati, “Nyeigoro omu saa mushanju nirwo omushwago gumurugireho.”53Ishemuntu amanya okwo niyo saa eyo Yesu amugambiliireho ati, “Omwana wawe narora;” ayesiga hamoi n'ekaye yona. 54Eki kikaba kili kitangazo kya kabili ekyo Yesu yakoleire Galilaya arugire Buyahudi.
51Ebyo kabyahoire Abayahudi bakaba baina ekiro kikuru kyabo, Yesu nawe agya Yerusalemu. 2Omuli Yerusalemu haihi n'Ekihigi ky'Entaama bhakaba haliho ekitunga, omu Ruyahudi nikyetwa Betizata, kiina amataho gatanu. 3Omu mataaho ago bhakaba habyamirwemu abarwaire bangi muno: Empume, abalema, abakabire orubaju, [balinzire amaizi kagatabukilira; 4kuba omumalaika wa Ruhanga yasongokaga omu rutunga, atabura amaizi. Omuntu ayatahaga omu rutunga ali wa mbere amaizi gatabukiliire akira endwara yona eyaba emukwete.]5Omw'itaho bhakaba halimu omushaija amazire emyaka 38 arwaire. 6Orwo Yesu yamuboine mara akamanya okwo yabyamire omwo omwanya gurai, amubaza ati, “Nogonza kutambirwa?”7Omurwaire amuhorora ati, “Waitu, tinyina muntu wa kunteeka mu kitunga orwo amaizi galikutabukilira; kandikuba ningenda omuntu ondijo agantahiramu mbere.” 8Yesu amugambira ati, “Imuka, shutura amachera gawe, ogende.”9Aho n'aho omushaija akira, ashutura amachera ga wenene atambuka. Kir'ekyo ekaba eli Sabato.10Nikwo Abayahudi kugambira omushaija ayakizire bati, “Kiro kya Sabato; notangwa kushutura amachera gawe.” 11Ndi wenene abahorora ati, “Omushaija ayankiza yangambira ati, ‘Shutura amachera gawe otambuke.’ ”12Bamubaza bati, “Omushaija ayakugambira kushutura amachera gawe okagenda n'ohai?” 13Omushaija ayakiziibwe tiyamanyire n'ohai Yesu hakaba atakizoka, embaga eyabaire eli aho ekaba eli nyingi.14Ahanyuma Yesu ashanga omushaija ogwo Rwensinga, amugambira ati, “Wabona okwo wakira! Otalifakara rundi okaija okagwerwa enaku ezishaagireho.” 15Omushaija akwata omuhanda agenda agambira Abayahudi okwo ayamukiza ni Yesu.16Nikwo Abayahudi kugingiiza Yesu aha rw'okugira atyo ahali Sabato. 17Kyonkai Yesu abahorora ati, “Tata akyakora, na inye ninkora.” 18Aho Abayahudi beyongera kumuhiiga kumwita, kuba tiyahenzire muhango gwa Sabato gwonkai, akashuba Ruhanga yamweta Ishe, yayeiganisa na Ruhanga.19Yesu agambira Abayahudi ati, “Nimbagambira amazima, Omwana taina kukora kyo wenene yayenda, shana ekyo yabona Ishe nakora. Kuba ekyo Ishe akora, ekyo kyonene nikyo Omwana akora. 20Ishe agonza Omwana mara amwoleka byona ebyo akora. Kandi naija kumwoleka eby'amani kushaaga ebi mwije mutangare.21Orwo Ishe ahimbura abafu hakabaha oburora, kutyo n'Omwana aha oburora ab'ayenda. 22Ishe taramura muntu, kyonkai obushobora bwona bw'okuramura akabuha Omwana, 23abantu bona babone kuha Omwana ekitinwa, ekitinwa ekyo baha Ishe. Ataha Mwana kitinwa aba nakiima Ishe ayamutumire.24Nimbagambira amazima, ahulira ekigambo kyange akashuba akesiga ayantumire ogwo aina oburora obutalihwaho. Ogwo taliramurwa, kuba yakizire ahali rufu, yaboine oburora.25“Nimbagambira amazima, esaa neija kwija, nangu na mbwenu aha niyo yonene, orwo abafu balihulira eiraka ly'Omwana wa Ruhanga, mara abalihulira eiraka elyo balirora.26Kuba okwo Ishe wenene aina oburora, nikwo yasingiire Mwana na wenene kugira oburora, 27akamuha n'obushobora bw'okuramura, aha rw'okuba Mwana w'Omuntu.28Eki kitabatangaza; kuba esaa neija kwija orwo bona abali omu bituro barahulira eirakalye 29bakahimbuka bakabona oburora, nibo baliinya abakozire kurungi. Kyonkai abakozire kubi n'orwo balihimbuka baliramurwa.30“Taliho kyonakukora mu bushobora bwange. Okwo mpulira mba nikwo ndamura. Kandi eiramu lyange liba ly'amazima; kuba tinkora kyondikwenda, nkora ekyo ayantumire alikwenda. 31Kandaba n'inyejulira inye nyenene obujulizi bwange ti bwa mazima. 32Haliho ondijo anjulira, mara nimanya okwo obujulizi obwo alikunjulira bw'amazima.33Mutumire ahali Yohana, yajulira amazima. 34Inye tindagiirwe kujulirwa muntu; ebi nimbigamba kamurokoka. 35Yohana abaire ali tara elikwaka, ekamulikiza banu. Mara mukabanza mwashemelerwaho akaanya kake kubona nabamulikiza.36Kyonkai inye obujulizi obwo nyinabwo nibushaga obwa Yohana, kuba ebyo Tata yantungire kugobesheleza, nibyo byonene byonene ebi ebyo ndikukora, nibinjulira okwo natumirwe Tata. 37Na Tata ayantumire anjuliire. Timukahuliraga irakalye, kandi timukabonaga kwo ashusha. 38N'ekigambokye tikibasingiiremu, kuba owo yatumire timulikumwikiliza.39Nimuhenjuuza Ebihandiko Bitakatifu nimulenga muti omwo nimwo muraihya oburora obutalihwaho; kandi Ebihandiko byonene nibyo bilikunjulira. 40Kyonkai nimwanga kunyijaho kubona oburora obutalihwaho.41Inye ekitinwa tindikukihabwa bantu. 42Kandi nimanya okwo mutalikugonza Ruhanga.43Nkaija omw'ibara lya Tata, kyonkai timulikunkunda. K'omuntu ondijo arayeizira, ogwo nimwija kumukunda. 44Nimugonza okuhaisilizangana, kandi timulikutaho mani kuhiiga kitinwa ekiruga ahali Ruhanga omoi wenkai, aho mwakunyikiliza mutai?45Mutakutekeleza muti ninyija kubatoijela ahali Tata. Musa owo mushuubira n'iwe alikubatoijera. 46Kamwakubaire nimwikiliza Musa, nanye mwakunyikiliize, aha rw'okuba n'inye yahandikiireho. 47Nawesi kamutalikwikiliza byo yahandikiire, muraikiliza mutai ebyo ndikubagambira?”
61Ebyo kabyahoire, Yesu ashabuka Enyanja ya Galilaya, niyo Nyanja ya Tiberia, agya buseli. 2Embaga emuhondera, ahakuba bakabona ebitangazo ebyo yabaire yakoleire abarwaire. 3Atemba aha ibanga ashuntama n'abegesibwabe.4Aho ekiro kikuru ky'Abayahudi, niyo Pasika, kikaba kiraliire kugoba. 5Kayaimukize amaisho akabona embaga emuhondeire, abaza Filipo ati, “Tugure nkahai ebyakulya eby'okuliisa abantu aba bona?” 6Ekyo akakigamba kumulenga, kuba wenene hakaba namanya eky'arakora.7Filipo amuhorora ati, “Emikate y'edinairi bikumi bibili telikubamara, n'orwo buli muntu yakulyaho kake.” 8Omoiho omu begesibwabe, n'iwe Anderea murumuna Simoni Petero, amugambira ati, 9“Aha haliho omwana ainaho emikate etanu y'eshayiri n'enfuru ibili. Kyonkai ebyo bigasheki aha bantu bangi bati?”10Yesu abaragira kushuntamya abantu. Honene aho hakaba haliho obunyasi bungi. Kityo abashaija bashuntama, orubara nka 5,000. 11Yesu akwata emikate etanu. Kayamazire kusiima agigabira ababaire bashuntamire. N'enfuru kwakwo balya okwo balikwenda. 12Kababaire baliire baigusire, Yesu agambira ebegesibwabe ati, “Mushombokye obuchwagulika obwasigaraho, hatagira kaburaho.”13Bashombokya ebichwagulika ebyashaga aha mikate etanu ebyasigirweho ababaire baliire, baijuza entukuru 12. 14Orwo abantu baboine ekitangazo ekyo yakora, bagamba bati, “Ogu murangikwo owo ensi etura etegeleize!” 15Yesu amanyiramu okwo balikwenda kumukwata rwamani kumuteka aha ngoma, aho ashuba akwata omuhanda aruga aha ibanga ali wenkai.16Eizoba kalyatobeire, abegesibwa ba Yesu bagya aha nyanja, 17bataha omu bwato, babanza kushabuka enyanja egyo bagiire Kaperinaumu. Litobera Yesu athakabagobire. 18Omuyaga gwihya n'amani, enyanja echundaiguka.19Kababaire babugire obwato emaili nka inai babona Yesu natambuka aha maizi mara yaija kugoba obwato. Batina, 20kyonkai wenene abagambira ati, “N'inye, mutatina.” 21Aho bashemelerwa kumutahya omu bwato, niho honkai obwato busoka aha mwaro mbali babaire bolekeire.22Kabwakeire, abantu ababaire basigaire buseli bw'enyanja, baijuka okwo habaire haliho obwato bumoi bwonkai, n'okwo Yesu atagenzire na begesibwabe; abegesibwa bakaba bagenzire bonkai. 23Amato agandi garuga Tiberia, gagoba bwatana mbali babaire baliliire ekyakulya orwo Omukama yamazire kusiima.24Kityo abantu kabamazire kubona okwo Yesu atakiliho n'abegesibwabe, na bonene bataha omu mato ago, bagya Kaperinaumu nibamuhiga. 25Orwo bamushangire buseli bw'enyanja bamubaza bati, “Rabi, kunu oizireyo maki?”26Yesu abagarukamu ati, “Nimbagambira amazima, timulikumpiiga aha rw'okuba muboine bubonero, nimupiga kuba muliire emikate mwaiguta. 27Mutalihendekera byakulya ebilikuhwaho, muhendekere ebyakulya ebitahwaho eby'okubagobya aha burora obutalihwaho obw'Omwana w'Omuntu alibaha; enshonga ishe akamutaho akamanyiso.”28Bamubaza bati, “Nituragirwa kukoraki, tukabona kukora emilimo ya Ruhanga?” 29Yesu abashubamu ati, “Ogu nigwo mulimo gwa Ruhanga, inywe mwikilize ogwo owo yatumire.”30Kityo bamubaza bati, “Mbwenu nokora kitangazoki ekyo twakubona tukaikiliza? Okora mulimoki? 31Batat'enkurw'ichwe bakalya manu omw'irungu; nk'okwo kyakahandikirwe kiti, ‘Hakabaha ekyakulya ekyarugire omw'iguru.’ ”32Yesu abagambira ati, “Nimbagambira amazima nti, Musa tiwe yabahaire kyakulya kya mw'iguru. Tata n'iwe abaha ekyakulya nyhakabara ekiruga omw'iguru. 33Aha rw'enshonga ekyakulya kya Ruhanga nikyo kiruga omw'iguru kikaha ensi oburora.” 34Bamushaba bati, “Rugaba, waitu singa oikare notutunga ekyakulya ekyo.”35Yesu abagambira ati, “N'inye kyakulya ky'oburora. Alikaija ahali inye taligira njara; n'alikanyesiga talikwatwa iliho nakake. 36Kandi nabagambiire okwo mwamboine kyonkai timulikunyikiliza. 37Bona abo Tata ampa balija ahali inye; mara alikaija ahali inye tindimubinga n'akake.38Kuba tinairugire mw'iguru kukora byo inye ndikwenda, shana kukora ebyo ayantumire ayenda. 39Mara eky'ayantumire ayenda niky'eki, ngu ahali bona abo yampaire hataliburwaho n'omoi, mbahimbure aha kiro ky'enzindo. 40Ekyo Tata ayenda niky'eki: Buli omoi alikubona Mwana akamwikiliza abone oburora obutalihwaho, kandi nanye ndimuhimbura aha kiro ky'enzindo.”41Aho Abayahudi bamujurujwitira orwo yagambire ati, “N'inye kyakulya ekyarugire omw'iguru.” 42Bati, “Ogu ti Yesu mutabani wa Yozefu? Ishe na nyina nitubamanya! Mbwenu nashobora atai kugamba ati, ‘Nkaruga omw'iguru?’ ”43Yesu abahorora ati, “Muleke kujurujwitira omu matama. 44Taliho alikushobora kwija ahali inye, Tata ayantumire atamwiliize haihi. Kandi nanye ndimuhimbura aha kiro ky'enzindo. 45Omu barangi kikahandikwa okwo bona barayegesibwaga Ruhanga. Buli muntu ahulira ebya Tata akabimanya, aija ahali inye.46Mutagira muti haliho araboine Tata, shana ayarugire ahali Ruhanga, n'iwe aramuboine. 47Nimbagambira amazima nti, alikwikiliza ogwo aina oburora obutalihwaho.48N'inye mukate gw'oburora. 49Bashwenkurw'inywe kabaliire manu omw'irungu bakafa.50Mazima ogu nigwo mukate ogwarugire omw'iguru, ogwo omuntu alilyaho, atafire. 51N'inye kyakulya ky'oburora ekyarugire omw'iguru. Buli muntu alilyaho ekyakulya eki alirora eirai lyona. Kandi ekyakulya ekyo ndikwija kuha ensi k'egira oburora bwange nigwo mubili gwange.”52Aho Abayahudi bahakana bonene bonkai bati, “Omushaija ogu nashobora atai kutuliisa omubiligwe?” 53Yesu abagambira ati, “Nimbagambira amazima, kamuliba mutaliire mubili gw'Omwana w'Omuntu, kandi mutanyoire bwambabwe, timulirora.54Alikalya omubili gwange, akanywa n'obwamba bwange, ogwo aligira oburora obutalihwaho, kandi ndimuhimbura aha kiro ky'enzindo. 55Omubili gwange kyakulya nyhakabara, n'obwamba bwange ky'okunywa nyhakabara. 56Alilya omubili gwange akanywa n'obwamba bwange aliikara omuli inye, nanye ndiikara omuli wenene.57Nk'okwo Tata asingiire yantumire, nanye okwo nsingiire aha rwa Tata, nikwo n'alikandya aliba murora aha rwange. 58Ogu nigwo mukate ogwarugire omw'iguru, ogutali gwo bashw'enkurw'inywe baliire bakafa; alikalya omukate ogu alirora ebiro byona.” 59Ebigambo ebyo akabigambira omu sinagogi ya Kaperinaumu nayegesa.60Omu begesibwabe abali bangi kabahuliire ekyo bagamba bati, “Ekigambo eki kyasikiira, alikishobora n'ohai?” 61Yesu kayamanyire okwo abegesibwabe bayeboroboita aha kigambo ekyo, yabaza ati, “Eki mwakyanga?62Aho biliba bitai kamulibona Omwana w'Omuntu natemba mbali yaturaga orwa mbere? 63Omwoyo nigwo gugiza oburora. Omubili tigugira mugasho. Ebigambo ebyo nabagambira nigwo mwoyo mara burora.64Kyonkai omuli inywe halimu abatalikwikiliza.” Kwema akarai kona Yesu hakaba namanya abatalikumwikiliza n'ayabaire naija kumubanja hakaba namumanya. 65Nikwo kugamba ati, “Nikyo nabagambilira okwo taliho yakushobora kwija ahali inye Tata atamulesire.”66Kwema aho omu begesibwabe abali bangi befunya, baba batakigenda nawe. 67Nikwo Yesu kubaza eikumi na babili ati, “Nainywe nimwenda kwegendera?” 68Simoni Petero amuhorora ati, “Rugaba, waitu tugye ahali ohai? Nka n'iwe oinai ebigambo by'oburora obutalihwaho! 69Ichwe twaikiliize, twamanyire okwo oli Mutakatifu wa Ruhanga.”70Yesu abahorora ati, “Inywe eikumi na babili t'inye nabaronzire? Kyonkai omuli inywe omoi ni sitani.” 71Hakaba nagamba Yuda eya Simoni Isikariote, omoi omu 12 ayabaire naija kumubanja.
71Ebyo kabyahoire, Yesu arambura Galilaya. Hakaba atalikwenda kurambura Buyahudi. Abayahudi bakaba nibagonza kumwita. 2N'ekiro kikuru ky'Abayahudi ekyetwa Kiro kikuru ky'Ensisira kikaba kiraliire kugoba.3Abarumuna bamugambira bati, “Ruga aha ogye Buyahudi, abegesibwa bawe bagye babone eby'olikukora. 4Kuba taliho muntu agonza kumanyika kandi akesheleka.”5Nobona n'abarumuna abo bakaba batalikumwikiliza. 6Yesu yabahorora ati, “Obukiro bwange tibukagobire; kyonkai obukiro bwanyu bwa buli kaanya. 7Inywe ensi teina kubanoba, kyonkai inye nennoba, aha rw'okuba ninjulira okwo ebigiro byayo bili bibi.8Inywe mugye aha bugenyi. Inye tinkabaire kugya aha bugenyi obwo, kuba akaanya kange tikakagobire.” 9Kayamazire kubagambira atyo yaikara Galilaya.10Abarumuna kababaire bagiire Yerusalemu aha kiro kikuru, na wenene agyayo. Kyonkai akagenda bwesheleke atalikubonwa muntu. 11Aha kiro kikuru Abayahudi bamuhiga nibabaza bati, “Ali nkahai?”12Abantu bakaba nibamugambaho muno; abamoi bati, “Muntu murungi;” abandi bati, “Chei, nashengesa embaga.” 13Kyonkai aha rw'okutina Abayahudi, taliho muntu yamugambiireho orubona.14Ekiro kikuru kakyagobire omugati, Yesu yagya Rwensinga yayegesa. 15Abayahudi batangalira emyegeshezeye bati, “Omuntu ogu obumanyi akabwihya nkahai, okwo takegaga?” 16Nikwo Yesu kubahorora ati, “Okwegesa okwo nyegesa tikuba kwange, kuba kw'ayantumire17Kaishe muntu alikunda kukora ebyo ayantumire agonza n'iwe alimanya okwo okwegesa kwange kuruga ahali Ruhanga, anga nka nyegesa ninkoza obushobora bwange. 18Omuntu ayagamba nakoza obushobora obwe nyabwe ogwo aba nahiga ekitinwa. Kyonkai alikuhiga ekitinwa ky'ayamutumire ogwo n'iwe w'amazima, kandi naba ali muhikiilire.19Musa tiyabahaire Mateka? Kyonkai okwo muli taliho ahikya Mateka ago. Mbwenu nimwenda kunyitiraki?” 20Abantu bamuhorora bati, “Otungamiirwe eisitani. Alikwenda kukwita n'ohai?”21Yesu abahorora ati, “Nkakora ekintu kimoi mwakitangalira inywena. 22Musa hakabateraho okutahiri (ti kugir'oti okutahiri kukatabuka ahali Musa, kukatabuka ahali bashw'enkurw'inywe); kandi mutahiri omuntu ahali Sabato.23Mbwenusi kamuraba mutahiri omuntu ahali Sabato mutashagire Mateka ga Musa, nimunigalira inye aha rw'okuba nakiza omuntu wena ahali Sabato? 24Mutaliihwa aha mizokere ya muntu mukaramura; mube nimuramura eiramu ely'amazima.”25Kandi abandi aba Yerusalemu bagamba bati, “Omuntu owo balikuhiga kwita tiw'ogu? 26Mbwenu ali aha nagamba orubona, mara tibaina kwo bamugira! Kyonkai mbwenu abatwazi nibamanya okwo ogu ali Kirisito? 27Ichwe mbali omushaija ogu alikuruga nituhamanya. Kyonkai ka Kirisito alija taliho n'omoi alimanya mbali aliruga.”28Nikyo Yesu yagambire n'eiraka lihango nayegesa omuli Rwensinga ati, “Lero nimummanya, nimummanya na mbali narugire? Kyonkai tinaizire aha bwange. Ayantumire munyamazima, nawe inywe timulikumumanya. 29Inye nimumanya; nkaruga ahali wenene, mara n'iwe yantumire.”30Kityo bahiga kumukwata, kyonkai taliho yamutaireho mikono, kuba esaa ekaba etakagobire. 31N'orwo kili kityo abantu bangi bakamwikiliza, bagamba bati, “Orwo Kirisito alija alikora ebitangazo kushaaga eby'omuntu ogu alikukora?” 32Abafarisayo bahulira embaga nemunyanyanta etyo, aho nikwo abakuhani bakuru n'Abafarisayo bonene kutuma abakuru b'abaisherukare kumukwata.33Yesu agambira abantu ati, “Nkyaina inywe hakabanga akandi, nyije nshube ow'ayantumire. 34Mulimpiga kyonkai timulimbona; mbali ndiba ndi timwina kwijayo.”35Abayahudi begeya bonene bonkai bati, “Omuntu ogu naralira kugya nkahai mbali tutakumubona? Nagonza kugya omu Bayahudi abali Bugiriki kugya kwegeshezayo Abagiriki? 36Nagendeleraki kugamba ati, ‘Mulimpiga kyonkai timulimbona,’ kandi ati, ‘Mbali ndiba ndi timwina kwijayo?’ ”37Ekiro ky'enzindo ky'obugenyi, nikyo kiro kikuru muno, Yesu ayemelera agamba muno ati, “K'omuntu aragiraga eiliho, aije ahali inye anywe. 38Alikanyikiliza alishusha okwo ebihandiko bitakatifu bilikugamba biti, ‘Emigera y'amaizi g'oburora eliruga omu mutimagwe.’ ”39Aha hakaba nagamba Mwoyo, owo abalimwikiliza balihabwa; kuba kugoba kaanya ako Mwoyo bakaba batakamuhairwe, aha rw'enshonga Yesu hakaba atakaboine kitinwakye.40Orwo abantu abandi bahuliire ebigambo ebyo bagamba bati, “Ogu murangikwo.” 41Abandi bati, “Ogu ni Kirisito.” Kyonkai abandi bati, “Kirisito aruge Galilaya? 42Ebihandiko bitakatifu tibigamba okwo Kirisito alitabuka ahali Daudi, omu kyaro kya Betelehemu, mbali Daudi yaturaga?”43Aho abantu baba nikwo bamuhakanaho batyo bakabeganuka. 44Nangu abandi benda kumukwata, kyonkai taliho yamutaireho ngaro.45Abakuru b'Abaisherukare kabagarukire omu bakuhani bakuru n'Abafarisayo, bababaza bati, “Kubaki mutamuleta?” 46Ndi bonene babagarukamu bati, “Taliho muntu aragambiire nk'ogu!”47Abafarisayo babahorora bati, “Nainywe nibyo mwagiiremu ebyo? 48Haliho omukuru wena wena anga Omufarisayo n'omoi ayamwikiliize? 49Nawe embaga egi etalikumanya Mateka, yabaire ndaamwa.”50Nikodemo ayabaire yagiire owa Yesu, mara hakaba ali Mufarisayo mutahi wabo, abagambira ati, 51“Amateka gaitu garamura omuntu gatabandize kumuhuliliza n'okumanya eby'alikukora?” 52Bamushubamu bati, “Iwe na iwe oli wa Galilaya? Henjuza Ebihandiko Bitakatifu obone okwo hataliho murangi yakuruga Galilaya.” [53Bakwata omuhanda bagenda, buli omoi ashuba omuka.
81Yesu akwata omuhanda agenda omw'Ibanga ly'Emizeituni. 2Bwankya karai agaruka Rwensinga; abantu bona bamuhurulira, ashuntama abeegesa. 3Abeegesa b'Amateka n'Abafarisayo baleta omukazi ayabaire akwetwe nasiyana, bamwemeleza omugati y'abantu4bagambira Yesu bati, “Mwegesa, omukazi ogu yakwatwa nasiyana. 5Omuntu nk'ogu omu Mateka ga Musa tusaine kumuteza amabare. Iwe nomugambahoki?” 6Ekyo bakakigamba nibamulenga, baije babone eky'okumutoijera. Yesu ainama abanza kuhandikisa orukumu omw'itaka.7Kabamubalize bakazigilira, ainuguka abagambira ati, “Okwo muli araba ataina bufu abe wa mbere kumuteza amabare.” 8Ashuba ainama ahandikisa orukumu omw'itaka.9Orwo bahuliire ekyo yabahorora bakwata omuhanda bagenda, barugaho buli muntu wenkai, kubandiza aha mukuru kushaaga bona, Yesu asigara n'omukazi amwemeleire omu maisho. 10Yesu ainuguka aleba, amugambira ati, “Iwe mukazi, balihai abalikukutoijera? Taliho n'omoi ayakuramura?” 11Omukazi agamba ati, “Taliho n'omoi Mukama wange.” Na Yesu agamba ati, “Nanye tindikukuramura. Iroko otalifakara rundi.”]12Yesu ashuba agambira Abafarisayo ati, “N'inye mushana gw'ensi. Ampondera taraba mu mwilima, mara aligira omushana gw'oburora.” 13Nirwo Abafarisayo bamugambire bati, “Noyejulira iwe wenene; eby'olikwejulira tibya mazima.”14Yesu ahorora ati, “N'orwo ndaba ntalikwejulira, ebyo ndikugamba by'amazima, enshonga nimanya mbali narugire na mbali ndikugya. Kyonkai inywe timulikumanya mbali narugire, na mbali ndikugya timulikuhamanya. 15Nimuramura emiramulire ey'abantu, kyonkai inye tindikuramura n'omoi. 16Kandi n'orwo nakuramura, eiramu lyange ly'amazima, kuba t'inye nyenkai ndikuramura. Nindamura nyemire na Tata ayantumire.17Kikahandikwa omu Mateka ganyu okwo obujulizi bw'abantu babili buba bw'amazima. 18Inye nyenene n'inyejulira, kandi na Tata ayantumire nanjulira.”19Aha rw'ekyo bamugambira bati, “Sho alihai?” Yesu ahorora ati, “Inye timulikummanya, na Tata timulikumumanya. Kuba nimummanya, na Tata mwakumumanyire.” 20Ebigambo ebi Yesu akabigambira Rwensinga omu kiyumba ky'amasanduku g'ebihongo.21Abafarisayo abo Yesu ashuba abagambira ati, “Ninyija kugenda, mulimpiga mushube mugwe omu mafu ganyu. Mbali ndikugya timwina kugyayo.” 22Aho Abayahudi bati, “Isi naija kweita, orwo alikugamba ati, ‘Mbali ndikugya timwina kwijayo?’ ”23Yesu abagambira ati, “Inywe muli b'omu nsi, inye ndi w'omw'iguru. Muli b'ensi egi, inye tindi wa nsi egi. 24Nabagambira okwo muligwa omu mafu ganyu, mara muligagwamukwo kamutaikiliize okwo n'inye asingiire.”25Bamubaza bati, “Oli ohai?” Yesu abagambira ati, “Nibyo nkabagambira kwema aha mbandizo. 26Nyinai eby'okubagambaho bingi n'eby'okubaramura. Kyonkai ayantumire w'amazima, mara n'ensi ningigambira ebyo nahuliire ahali wenene.” 27Tibashobokeirwe okwo alikubagambira Ishe.28Nikwo Yesu kugamba ati, “Kamuramara kuhanika Omwana w'Omuntu, muramanya okwo n'inye asingiire, mumanye okwo ntalikwekolera byange, shana okugamba ebyo Tata yanyegesize. 29Mara wenene ayantumire tuli hamoi, tannagirane, aha rw'okuba buli kaanya ninkora ebilikumushemelera.” 30Bangi abahuliire Yesu nagamba ebyo, bamwikiliza.31Yesu agambira Abayahudi ababaire bamwikiliize ati, “Kamuraikara mukwete ebigambo byange, muraba muli begesibwa bangekwo, 32kandi muramanya amazima, mara amazima ago garabaha obwegeleere.” 33Bonene bamuhorora bati, “Ichwe tuba baana ba Aburahamu, titukabaga bairu ba muntu wena wena. Aho kyaija kitai iwe kugamb'oti, ‘Muraba begeleere?’ ”34Yesu abahorora ati, “Nimbagambira amazima, buli omoi akora obufu aba mwiru wabwo. 35Omwiru taba mwana muzarwa ebiro byona; omwana n'iwe aba mwana muzarwa ebiro byona. 36Kityo k'Omwana arabashoboza kuba begeleere, muraba begeleere kwokwokwo.37Nimanya okwo muba baana ba Aburahamu. Kandi okwo nimuhiga kunyita, ahakuba ebigambo byange tibilikubataha. 38Inye ebyo naboine ahali Tata nibyo ndikubagambira, nainywe ebyo muhuliire ahali isheinywe mubikore.”39Bamushubamu bati, “Tataichwe aba Aburahamu.” Yesu abagambira ati, “Kamwakubaire muli baana ba Aburahamu mwakukozire ebyo Aburahamu yakozire. 40Kyonkai mbwenu inye abagambiire amazima ago nahuliire ahali Ruhanga, nimuhiga kunyita. Ebyo Aburahamu tiyabikozire. 41Ebyo isheinywe yakozire nibyo mulikora.” Bamugambira bati, “Ichwe tituba baana ba busiyani; twinai Isheichwe omoi, n'iwe Ruhanga.”42Yesu abagambira ati, “Kuba Ruhanga ali Isheinywe, mwakungondize, aha rw'enshonga nzarwa Ruhanga mara nkaruga ahali wenene. Inye tinaizire aha bwange, wenene n'iwe yantumire. 43Kubaki ebyo ndikugamba mutalikubishobokerwa? Timulikushobokerwa aha rw'enshonga ebigambo byange nibibashasa kamulikubihulira. 44Isheinywe ni Sitani, mara nimugonza kukora ebyo isheinywe ogwo alikwenda. Manya kwema akarai kona aba mwisi, n'amazima tagagonza n'akake, taba wa mazima. Abeiya, agamba okwo ashangwa ayemire, enshonga aba w'ebishuba, mara aba ishe wa bona abagamba ebishuba.45Inye timulikunyikiliza aha rw'enshonga nimbagambira amazima. 46Okwo muli alikungamba okwo ndakozire obufu n'ohai? Kandaba ningamba amazima kubaki mutalikunyikiliza? 47Omuntu ashangwa ali wa Ruhanga, n'ebigambo bya Ruhanga abihulira. Ekyo mutalikuhulilira bigambo ebyo manyasi timuli ba Ruhanga.”48Abayahudi bashubamu Yesu bati, “Tituli mu mazima katulikugamba okwo oli Musamaria mara oinaimu eisitani?” 49Yesu abahorora ati, “Inye tinyina sitani; inye ninkunisa Tata, kandi inywe timulikunkunisa.50Mara okwo tikugir'oti n'inyehigira ekitinwa ekyange; haliho omoi alikukihiga, mara n'iwe alikundamulira. 51Nimbagambira amazima, k'omuntu alyekomya ebigambo byange, ogwo taliziza kufa.”52Abayahudi bamugambira bati, “Mbwenu twamanya okwo oinaimu eisitani. Aburahamu akafa, n'abarangi bafa; iwe noshuba nogamba oti, ‘Omuntu alyekomya ebigambo byange taliziza kufa?’ 53Iwe washaga isheichwe Aburahamu ayafire? N'abarangi bakafa! Nolenga oli ohai iwe?”54Yesu abagarukamu ati, “Kandaba n'inyeha ekitinwa, aho ekitinwa kyange kya bushai. Ekitinwa ninkihabwa Tata, owo mulikugamba okwo ali Ruhanga wanyu. 55Kyonkainu timumumanya; kandi inye nimummanya. Kanakuba ngambire okwo ntalikumumanya, nakubaire ndi mugambi w'ebishuba nka inywe. Kyonkai nimumanya n'ebigambobye nimbyekomya. 56Isheinywe Aburahamu yashemelerwaga ekiro kimoi kugya akambona; mara akambonakwo yashemelerwa.”57Aho Abayahudi bamugambira bati, “Tokagobize myaka makumi gatanu, Aburahamu wamubon'otai?” 58Yesu abagambira ati, “Nimbagambira amazima, Aburahamu athakabaireho, inye nsingiire.” 59Baronda amabare kugamuteza, kyonkai ayesheleka, aruga Rwensinga.
91Ka Yesu yabaire nahingura, abona omuntu ayabaire ali mpume kwema okuzarwa. 2Abegesibwabe bamubaza ati, “Rabi, omuntu ogu kuzarwa aigaire amaisho, ayafakaire n'ohai? Ni wenene anga abazairebe?”3Yesu abahorora ati, “Tiyahumisiibwe kufakarakwe anga kwa bazairebe. Ekyo kikabaho ebikorwa bya Ruhanga kabibonekera omuli wenene ogu. 4Turagiirwe kukora emilimo y'ayantumire, orwo omushana gukyajwa. Nikija kuba kiro orwo omuntu atashobore kukora mulimo. 5Orwo nkyali omu nsi, inye n'inye mushana gw'ensi.”6Kayabaire nagamba atyo, achwa ahansi ebichwanta abijungisa eitaka, eitaka elyo alisiga omushaija omu maisho, 7namugambira ati, “Ogende onabe omu kitunga kya Siloamu” (nikwo kugir'oti, “Ayantumire.”) Omushaija agenda anaba, agaruka nabona.8Batanibe na bona abamubonaga nashabiliza bebaza bati, “Ogu tiwe mushaija atura ashuntamire nashabiliza?” 9Abantu abandi bati, “N'iwe,” abandi bati, “Chei, namushusha.”10Bamubaza bati, “Amaisho gawe gahumuruguka gatai?” 11Abahorora ati, “Omushaija alikwetwa Yesu yajunga eitaka yalinsiiga omu maisho, yamara yangambira ati, ‘Ogende Siloamu onabe;’ aho ngenda naba, mbona.” 12Bamubaza bati, “Ali nkahai?” Ahorora ati, “Tindikumanya.”13Abayahudi bakwata ayabaire ali mpume bamutwalira Abafarisayo. 14Orwo Yesu yajunga eitaka akakiza empume ekaba eli Sabato. 15Abafarisayo bashuba babaza ayabaire aigaire amaisho emikilireye. Abagambira ati, “Yajunga eitaka yalinsiiga omu maisho, nanaba, mbwenu nimbona.”16Abafarisayo abamoiho bati, “Omuntu ogu talikuruga ahali Ruhanga, enshonga talikwekomya Sabato.” Kyonkai abandi bati, “Omufakare yakukora atai ebitangazo nk'ebi?” Aho Abafarisayo bahakana. 17Kityo bashuba babaza ayatambirwa obwigare bati, “Iwe nomugambahoki ogwo orwo yakukiza obwigare bw'amaisho?” Ahorora ati, “Murangi.” 18Abayahudi tibaikiliize okwo omushaija yabaire ali mpume n'okwo yatambirwa obwigare bw'amaisho, kuhika orwo bayesire abazaire ba wenene,19bakababaza bati, “Ogu ni mutabani wanyu, owo mulikugamba okwo yazairwe atalikubona?” 20Abazairebe bahorora bati, “Nitumanya okwo ogu ali mutabani waitu, n'okwo yazairwe atalikubona. 21Kyonkai emibonereye eya mbwenu aha titulikugimanya. Mumubaze; muntu mukuru, ayehorolere.”22Abazairebe okugamba batyo bakaba nibatina Abayahudi, enshonga Abayahudi bakaba barahiire okwo omuntu aragamba okwo Yesu ali Kirisito baramubinga omu sinagogi. 23Nikyo abazairebe bagambiire bati, “Muntu mukuru, mubaze wenene.”24Kityo beta omushaija ayakiziibwe obuhume omurundi gwa kabili, bamugambira bati, “Osiime Ruhanga, kuba nitumanya Yesu ogu okwo ali mufakare.” 25Abahorora ati, “K'araba ali mufakare, inye tindikumanya. Nimanya ekigambo kimoi kishai, okwo nabaga mpume, kyonkai mbwenu nimbona.”26Bamubaza bati, “Yakugira atai?” 27Abashubamu ati, “Nabagambiire kyonkai timulikuhulira. Nimwenda kushuba kuhulira ekigambo ekyo? Nainywe nimwenda kuba begesibwabe?” 28Bamujuma bati, “Omwegesibwawe n'iwe; ichwe tuli begesibwa ba Musa. 29Nitumanya okwo Ruhanga yafumoire na Musa; nawe omuntu ogu mbali alikuruga titulikuhamanya.”30Ayakiziibwe obwigare abahorora ati, “Aha kiki? Eki kyaba kitangazo! Mbali alikuruga timulikuhamanya, kyonkai inye yampumurura amaisho. 31Nitumanya okwo Ruhanga tahulira bafakare. Kyonkai k'omuntu aba ali wa Ruhanga kwo akamara akakora eby'alikwenda, omuntu ogwo Ruhanga amuhulira.32Kwema ensi yabaho tikikahulirwaga omuntu kuhumuurura ayazairwe ali mwigazi w'amaisho. 33K'omuntu ogu atakurugire ahali Ruhanga, taliho kyoyakukozire.” 34Bamuhorora bati, “Okazalirwa omu bufu wabukuliramu, mbwenu noija kwegesa ichwe?” Aho bamubinga omu sinagogi.35Yesu agya amanya okwo omushaija bamubinga omu sinagogi. Kayamazire kumubona amubaza ati, “Iwe noikiliza Omwana w'Omuntu?” 36Ahorora ati, “N'ohai waitu, mwikilize?” 37Yesu amugambira ati, “Wamuboine, mara n'iwe alikufumora naiwe.” 38Ogwo agambira Yesu ati, “Mukama, naikiliza,” amara amufukamira.39Yesu agamba ati, “Nkaija omu nsi kugiramura, abatalikubona babone, kandi abalikubona bahume amaisho.” 40Abafarisayo ababaire bamuli haihi bahulira ekigambo ekyo, bamubaza bati, “Aho naichwe tuhumire?” 41Yesu abagambira ati, “Kuba muli mpume mwakubaire mutaina ntambara; kyonkai mbwenu orwo mulikugamba muti
101Yesu agamba ati, “Nimbagambira amazima, omuntu ataaha omu buhyo bw'entaama atalesirwe mu rwigi, akaletwa muhanda gundi akakuuba akabugwamu, omuntu ogwo mushuma mara mushuga. 2Kyonkai aletwa omu rwigi ogwo mushumba w'entaama.3Ogwo omukumilizi amukingulira; entaama zihulira eirakalye, mara entaama ezo azeta buli emoi ibara lyayo, azishohoza aheru. 4K'aba yazishohoize zona azebembera, zonene zimuhondera, enshonga nizimanya eirakalye.5Owo zitalikumanya tizimuhondera, zimwiruka, aha rw'okuba abo zitalikumanya n'amaraka gabo tizigamanya.” 6Yesu hakabachwera enfumo egi, kyonkai tibashobokeirwe kyoyabaire nabagambira.7Yesu ashuba abagambira ati, “Nimbagambira amazima, inye n'inye mulyango gw'entaama. 8Abanyebembeire bona bashuma mara bashuuga, n'entaama tizabahuliliize.9Inye n'inye mulyango. Omuntu alitaahira omuli inye alirokoka; alitaaha omu kiraro ashube aturuke agye omw'ilisizo. 10Omushuma aija kwiba kushai n'okwita n'okusilikya. Inye nkaija k'entaama zigira oburora, mara zikabugilira kimoi.11N'inye mushumba murungi. Omushumba murungi ayehayo kufera entaamaze. 12Omupakasi kushai atali mushumba, atali mukama wa ntaama, k'abona omushega nigwija anagaho entaama airuka; aho omushega ogwo gukwata entaama guzinaganaga. 13Ekimwirukya ashangwa ali mupakasi, entaama tazifaho kantu.14N'inye mushumba murungi; entaama zange ninzimanya, nazo nizimmanya; 15nk'okwo Tata amanya inye nanye nkamumanya, nikwo ndikwehayo kufera entaama zange. 16Kandi nyinayo entaama ezindi ezitali za buhyo obu. Nazo ndagiirwe kuzileta omu buhyo obu, mara zirahulira eiraka lyange. Kityo harabaho obuhyo bumoi n'omushumba omoi.17Enshonga egi niyo Tata angondeza, aha rw'okuba n'inyehayo oburora bwange nyije nshube mbubone. 18Taliho yakubunyaka, kandi inye n'inyehayo oburora bwange okwo nyeyendeire. Nyina obushobora bw'okwehayo oburora bwange, mara nyina n'obushobora bw'okushuba kububona, omuruka ogu nkagwihya ahali Tata.”19Abayahudi bashuba babeganuka aha rw'ebigambo ebyo. 20Abangi omuli bonene bagamba bati, “Ainaimu eisitani, muraru; nshongaki kumuhuliliza?” 21Abandi bagamba bati, “Omuntu ainamu eisitani tiyakugamba bigambo nk'ebi. Eisitani lyakuhumuurura omuntu?”22Kikashangwa kili kiro kikuru ky'okwijukiraho okuhabwa omugisha kwa Rwensinga omuli Yerusalemu. 23Kili kirumo ky'embeho Yesu ashangwa nagendagenda omu itaho lya Solomoni. 24Abayahudi bamubumbilira, bamugambira bati, “Oraberahai iwe n'okutugiza ekihika? K'oraba n'iwe Kirisito otugambire akaature.”25Yesu abahorora ati, “Nabagambiire, kyonkai timulikwikiliza. Emilimo eyo ndikukoza obushobora bwa Tata nenjulira. 26Kyonkai timulikwikiliza, kuba omu ntaama zange timulimu.27Entaama zange nizimmanya eiraka lyange, ninzimmanya, mara nizimpondera. 28Ninziha oburora obw'eira lyona; tizilifa, kandi taliho alizinkwaikura mu mikono.29Entaama ezo Tata yantungire nizinshagira ebintu byona, mara taliho muntu ashobora kuzikwaikura Tata mu mikono. 30Inye na Tata tuba kigambo kimoi.” 31Abayahudi baronda amabare kugamuteza.32Yesu abashubamu ati, “Mbakoleire ebirungi bingi kuruga ahali Tata; omuli ebyo, ebyo mbakoleire ni kiki ekyo mulikwenda kunteleza amabare?” 33Abayahudi bamugarukamu bati, “Ti kigiro kirungi ekyo tulikwenda kukuteleza mabare, nitugonza kugakuteza aha rw'okuba warogota; iwe kuba muntu okashuba okehindura Ruhanga?”34Yesu abahorora ati, “Tikihandikire mu Mateka ganyu kiti, ‘Nkabagambira okwo muli baruhanga?’ 35Ka balinya Ruhanga araba yabesire baruhanga abo yagambire ekigambokye, mara kandi ebihandiko bitakatifu tibina kuhinduka, 36mbwenu owo Tata yatendekire akashuba akamutuma omu nsi n'iwe mulikugira muti, ‘Warogota,’ aha rw'okuba nagamba nti, ‘Ndi Mwana wa Ruhanga?’37Kandaba ntalikukora bya Tata, ahonu mutanyikiliza; 38nawe kandikukora ebya Tata, mwikilize ebyo ndikukora ebyo, mumanye mara mushobokerwe okwo Tata asingiire omuli inye, nanye ndi omuli Tata.” 39Bashuba balengesa kumukwata, kyonkai abanyubuka omu mikono.40Yesu ashuba ashabuka Yorudani mbali Yohana yabaire abandiize kubatiliza, aikarayo. 41Abantu bangi bamugoba bati, “Yohana tiyakozire kitangazo; kyonkai byona ebyo yagambire aha muntu ogu by'amazima.” 42Abantu bangi bamwikililizayo.
111Hakaba haliho omuntu omoi arwaire, n'iwe Lazaro owa Betania, ekyaro ekyo Maria n'omurumuna Marita barugagamu. 2Maria ogwo owo Lazaro, munyanya, yabaire arwaire, n'iwe yabaire asiigire Omukama amajuta akashuba akamuragaza n'eishokelye.3Abarumuna abo bombili baragiraho Yesu bati, “Mukama, munywanyi wawe murwaire.” 4Yesu kayaikihuliire yagamba ati, “Endwara egi tiyakumwita, shana y'okuhaisa Ruhanga ekitinwa, n'Omwana w'Omuntu ahaisilizibwe aha rw'enshonga y'endwara egyo.”5Yesu yagonzaga Marita n'omurumuna na Lazaro. 6Aho orwo yahuliire okwo Lazaro ali murwaire, mbali yabaire ali akelererwayo ebiro ebindi bibili. 7Ahanyuma agambira abegesibwabe ati, “Tugaruke Buyahudi.”8Abegesibwa bamugambira bati, “Rabi, Abayahudi babaire nibahiga kukuteza amabare, mbwenu oshube ogyeyo?” 9Yesu abahorora ati, “Manya omushana gugira esaa 12. K'omuntu agenda omushana gujwire tasitara, enshonga omushana gw'ensi egi nagubona.10Kyonkai omuntu agenda kili kiro asitara, aha rw'okuba talikubona mushana.” 11Agamba atyo, ashuba abagambira ati, “Munywanyi waitu Lazaro anagiire.”12Abegesibwa bamugambira bati, “Rugaba, k'araba anagiire araikya.” 13Nawe Yesu hakaba nabagambira okwo afire, bonene batekeleza okwo anagire kwikya. 14Aho Yesu abaatulira ati, “Lazaro afire;15mara aha bwanyu ninshemelerwa kubona okwo mbaire ntaliho, mwije mwesige. Kyonkai katugende.” 16Tomasi omurongo agambira abegesibwa batahibe ati, “Naichwe tugende tugye tufe nawe.”17Orwo Yesu yagobire Betania, ashanga bamazire ebiro binai baziikire Lazaro. 18Betania ekaba eyataine Yerusalemu, nk'emaili ibili zonkai, 19n'Abayahudi bakaba baizire bangi kushura Marita na Maria n'orufu rwa munyanyabo. 20Marita kayahuliire okwo Yesu alikwija, agenda kumwakilira, kandi Maria ogwo hakaba ali omu nju ashuntamire.21Marita agambira Yesu ati, “Mukama, kuba obaire oliho, munyanyazi tiyakufire. 22Kandi mbwenu aha nimanya okwo kyona kyona eky'orashaba Ruhanga arakikutunga.” 23Yesu agambira Marita ati, “Munyanyoko naija kuhimbuka.”24Marita amushubamu ati, “Nimanya okwo alihimbuka aha ihimbuka ely'ekiro ky'enzindo.” 25Yesu amuhorora ati, “N'inye kuhimbuka mara burora; alinyesiga n'orwo yakufa, alirora. 26N'alirora akanyesiga talifa n'akati. Ekigambo eki nokikiliza?”27Marita amugambira ati, “Ego Mukama, ninyikiliza okwo oli Kirisito, Omwana wa Ruhanga, atura ategeirwe kwija omu nsi.” 28Marita kayamazire kugamba atyo, akwata omuhanda agya agambira omurumuna Maria omu kahwe ati, “Omwegesa yaija, nakweta.” 29Maria kayahuliire ekyo, aimuka bwangu ahondera Yesu.30Yesu hakaba akyali mbali Marita yabaire amushangire, atakagobire aha kyaro. 31Abayahudi abashangirwe baina Maria omu nju nibamumaraamara, kabaaboine okwo yabaratuka ahansi akaturuka, bamuhondera, batekeleize bati nagya kuchulira aha nyanga. 32Aho ka Maria yagobire mbali Yesu ali akamubona, amugwa omu maguru namugambira ati, “Mukama, kuba obaire oliho, munyanyazi tiyakufire.”33Yesu kayamuboine okwo alikuchura, n'Abayahudi abaija nawe nibachura, yaganya muno omu mwoyo, yashasha; 34abaza ati, “Mumuziikire nkahai?” Bamuhorora bati, “Mukama, waitu ija olebe.” 35Yesu alira.36Aho Abayahudi bati, “Mubone okwo abaire namugonza!” 37Kyonkai abandi bati, “Ayahumurwize empume alemirwe kutanga omuntu kufa?”38Yesu ashuba aganya muno; aija aha nyanga. Enyanga egyo ekaba neshusha empako, bagitaireho n'eibare. 39Yesu abaragira kwihyaho eibare elyo. Marita munyanya kifa amugambira ati, “Mukama, kaanya aka omuntu yanukire, enshonga yamara ebiro binai afire.” 40Yesu amugambira ati, “Tinakugambira okwo k'orayesiga orabona ekitinwa kya Ruhanga?”41Aho baihyaho eibare. Yesu aleba eiguru agamba ati, “Tata, ninkusiima kuba wampulira. 42Ntuura nimanya okwo buli kaanya ompulira, kyonkai eki nakigamba aha rw'abantu abali aha, babone kwikiliza okwo wantumire.”43Kayabaire yagambiire atyo, agamba n'eiraka lihango ati, “Lazaro, turuka!” 44Ayaba afire aturuka, emikono n'amaguru bikomire ebitambara, n'obuso buzingazingire omu mwendo. Yesu abaragira kumukomorora mara kumuleka akagenda.45Abayahudi ababaire bahonderaine na Maria kabaaboine ekyo Yesu yakora, bamwikiliza. 46Kyonkai abandi bagya omu Bafarisayo bababarulira ebyo yakora.47Kityo abakuhani bakuru n'Abafarisayo beta orukiiko, bagamba bati, “Tukoreki? Omuntu ogu nakora ebitangazo bingi. 48Katuramuleka akagendelera ati, buli omoi naija kumwikiliza, kandi Abaroma basilikye Rwensinga yaitu n'eihanga lyaitu.”49Kyonkai omoi omuli bonene n'iwe Kayafa ayabaire ali Mukuhani Nyamukuru mwaka ogwo, abagambira ati, “Inywe timwina kyomulikumanya n'akake. 50Timulikumanya okwo kili ky'omugasho omuli inywe omuntu omoi akafa akatulilira embaga eihanga litalisiliika lyona?”51Ekigambo ekyo tiyakigambire aha rwa kweyendera. Okwo omwaka ogwo yabaire ali Mukuhani Nyamukuru, akabaasha okwo Yesu arafa akatulilira eihanga, 52mara ti ihanga lyonkai, kyonkai kujwanganisa n'abantu ba Ruhanga bona abatali hamoi. 53Kwema aho bategeka okwo baramwita.54Aha rw'ekyo Yesu aba atakigenda mu Bayahudi rubona. Arugayo agya bwatana aha irungu, omu kigo kilikwetwa Efuraimu; aba niyo aikara n'abegesibwabe. 55Na Pasika y'Abayahudi eshangwa eraliire kugoba, aho bangi bagya Yerusalemu Pasika etakagobire kugya kweshemeza.56Bata nibahiga Yesu, orwo bemeleire Rwensinga bata kubazangana bati, “Nimulenga mutai? Talikwija aha kiro kikuru?” 57Abakuhani bakuru n'Abafarisayo bakaba barabizeho omuku okwo wena wena aramanya mbali ali abamanyise, bamukwate.
121Ebiro mukaaga ebilikwebembera Pasika, Yesu agya Betania omwa Lazaro, owo yabaire ahimbwire. 2Omwa Lazaro omwo bamuchumbira ekyakulya kya bwaigoro; Marita n'iwe yaihwire, kandi Lazaro hakaba ali omoiho omu baraagiire na Yesu. 3Maria akwata ekilo y'amajuta g'omugaju gwonene gwonene, agasiiga Yesu amaguru, kandi amaguru ago agaragaza n'eishokelye. Enju yona eijura akatachu k'amajuta ago.4Kyonkai Yuda Isikariote, omoiho omu begesibwa (ayabaire naija kumubanja), agamba ati, 5“Kubaki amajuta aga gataguzibwa dinari 300 tukaziha abanaku?” 6Eki tiyakigambire aha rw'okugir'oti yafagaho banaku. Akakigamba ahakuba yabaga mushuma. N'iwe yakwataga n'akasanduku k'empiha; ezo batekagamu hakaba nazihyamu.7Yesu agamba ati, “Mumuleke, k'agabiikire ekiro ky'okuziikwa kwange. 8Ebiro byona abanaku muba mwinaibo, kyonkai inye tituli hamoi biro byona.”9Abayahudi abangi muno kabamanyiire okwo Yesu ali Betania, baija, ti aha rwa wenene wenkai, kyonkai baija kubona na Lazaro owo yabaire ahimbwire. 10Kityo abakuhani bakuru bategeka kwita na Lazaro, 11kuba aha rw'enshongaye Abayahudi bangi bakabarugamu baikiliza Yesu.12Bukeire abantu bangi muno ababaire baizire aha kiro kikuru bahulira okwo Yesu alikwija Yerusalemu. 13Kityo bakwata amatagi g'emikindo bashohora kumwakilira, nibahoya bati, “Musingize Ruhanga! Aina omugisha ogwo alikwija omw'ibara ly'Omukama, nangu Mukama wa Isiraeli!”14Yesu akwasa omwana gw'endogobe agushuntamaho; nk'okwo kyahandikirwe kiti, 15“Otatina iwe kigo kya Sioni, leeba omukama wawe naija, ashuntamire aha mwana gw'endogobe!”16Abegesibwabe tibabandize kushobokerwa kigambo eki. Kyonkai ka Yesu yabaire yaboine ekitinwa nirwo baijukire okwo kyabaire kimuhandikirweho n'okwo kyaizire kikabahokwo ahali wenene.17Embaga eyabaire einaiwe orwo yayesire Lazaro omu nyanga akamuhimbura ekabarura amakuru ago. 18Ekyo embaga yagendeleire kumwakilira ekaba yahuliire okwo Yesu yakozire ekitangazo ekyo. 19Abafarisayo bagambirangana bati, “Mulebe okwo mutakina kya kukora; leeba ensi yona yamuhondeire.”20Omuli balinya ababaire baizire aha kiro kikuru kufukamira Ruhanga, hakaba halimu Abagiriki. 21Aho baija ahali Filipo owa Betisaida eya Galilaya, bamugambira bati, “Waitu, nitugonza kubona Yesu.” 22Filipo agya agambira Anderea; bagenda hamoi bombili bagambira Yesu.23Yesu abahorora ati, “Esaa yagoba, Omwana w'Omuntu yaija kubona ekitinwa. 24Nimbagambira amazima, k'enjuma y'engano etaragaire mw'itaka ekafa, esigara okwo eli; kyonkai k'efa eraba muno.25Agonza oburorabwe bulimufera, kandi anoba oburorabwe omu nsi egi alibwihura, abone oburora obutalihwaho. 26Omuntu wena wena k'araba nankolera, naragirwa kumpondera. Mbali ndi niho n'omwiru wange araba ali. Omuntu wena wena k'arankolera Tata aramukunira.27“Mbwenu nimbanganwa omwoyo. Ngambeki? Nti, ‘Tata, ndokora esaa egi etagoba?’ Chei, ekyandesire nikyo kyangobya aha esaa egi. 28Tata, singa okuze eibara lyawe.” Aho eiraka liruga omw'iguru liti, “Eibara lyange nalikulize, mara ndashuba ndikuze.” 29Embaga eyabaire eliho ekahulira eiraka elyo, kyonkai bati, “Eiguru nilyo lyahinda.” Abandi bati, “Omumalaika yaba nafumora na Yesu.”30Yesu ahorora ati, “Eiraka eli lyaija aha bwanyu; tilyaija aha bwange. 31Mbwenu aha eiramu ly'ensi lyagoba, n'omutwazi wayo baija kumuchwa.32Nanye kabaramara kunyiha ahansi bakampanika, ndayehikya abantu bona.” 33Okugamba atyo akagonza kwoleka emifereye.34Embaga emuhorora eti, “Amateka gatugambira okwo Kirisito ali w'okumelera eirai lyona. Wakugamba otai okwo Omwana w'Omuntu ali w'okuhanikwa?” 35Yesu abagambira ati, “Mukyaina omushana akaanya akandi kake. Orwo mukyaina omushana mutambuke, litaija likabatobelera omu kihanda. Ayagenda omu mwilima tamanya mbali alikugya. 36Orwo mwina omushana mugwikilize, nirwo murahinduka bantu b'omushana.” Yesu kayamazire kugamba atyo, yarugayo yabesheleka.37N'orwo yabaire yakozire ebitangazo bingi omu maisho gabo, tibamwikiliize. 38Ekyo kikabaho ekyo Omurangi Isaya yagambiire kibone kugobeelera, kiti, “Mukama, n'ohai aikiliize ebyo tugambire? Isi n'ohai ashuruliirwe obushobora bwa Ruhanga?”39Aha rw'ekyo tibaikiliza. Enshonga Isaya akashuba yagamba ati, 40“Abahumisize amaisho, yabagumanganisa emitima, batabonesa maisho gabo kandi emitima yabo etashobokerwa bakangarukaho nkabakiza.”41Okugamba atyo Isaya akabona ekitinwakye yashuba yamugamba. 42Kyonkai abantu bangi, nangu n'abatwazi bakamwikiliza, nawe aha rw'okutina Abafarisayo tibayatwire kwo balikumwikiliza, bataija bakababinga omu sinagogi. 43Manyasi bagonzaga okusiimwa abantu, kushaaga okusiimwa Ruhanga.44Yesu agamba n'eiraka lihango ati, “Anyikiliza aba atalikwikiliza inye, shana aikiliza ayantumire. 45Kandi ambona abona ayantumire.46Nkaija omu nsi ndi mushana, alikanyikiliza atalija akaikara mu mwilima. 47K'omuntu alikuhulira ebigambo byange atabyekomize, inye tindikumuramura.48Omuntu atanyikiliza, akanga n'ebigambo byange ogwo aina omuramuziwe; ebigambo ebyo ngambire biliba muramuziwe aha kiro ky'enzindo. 49Inye ebyo ngambire timbigambisize bushobora bwange. Tata wenene ayantumire n'iwe yandagiire ebyo ndagamba. 50Kandi nimanya okwo ebyo yandagiire nibwo burora obutalihwaho. Aha rw'ekyo ebyo ndikugamba ningamba ebyo Tata yandagiire.”
131Ekiro kikuru kya Pasika kikaba kitakagobire, Yesu amanya okwo esaa yagoba kuruga omu nsi egi kugaruka owa Ishe. Buli kaanya yagonzaga ababaire bali ba wenene omu nsi, yabagonza kugoba aha ndekelero. 2Kababaire nibaraagira, Sitani akaba yatahire omu mutima gwa Yuda Isikariote eya Simoni kubanja Yesu.3Yesu nawe hakaba namanya okwo Ishe yamutungire buli kantu; n'okwo yabaire namanya okwo yarugire ahali Ruhanga mara nagaruka ahali Ruhanga, 4aruga aha kiihuro, ajura ebijwarobye, ayekoma etauro omunda. 5Ashesha amaizi omu beseni, abanza kunabisa abegesibwabe amaguru. Abaragaza n'etauro eyo yabaire ayekomire omu nda.6Agobera Simoni Petero. Petero amugambira ati, “Rugaba, waitu waija kunabisa inye amaguru?” 7Yesu amuhorora ati, “Ekyo ndikukora tolikukimanya mbwenu aha, orakishobokerwa ahanyuma.” 8Petero amugambira ati, “Tolikwija kunnabisa maguru.” Yesu amushubamu ati, “Kantakunabisize, aho mpaho toli wange.” 9Simoni Petero amugambira ati, “Rugaba, waitu otannabisa maguru gonkai, onnabise n'emikono n'omutwe!”10Yesu amugambira ati, “Ayayogire takyetaaga kunaba, shana kunaba amaguru gonkai, kuba naba nayera wena. Nainywe nimwera, kyonkai ti inywena.” 11Okugamba atyo Yesu hakaba namanya alikwija kumubanja; niyo nshonga akagamba ati, “Timulikwera inywena.”12Kayamazire kubanabisa amaguru akajwara n'ebijwarobye, agaruka aha mwanyagwe, abagambira ati, “Ekyo nabakolera mwakimanya? 13Inywe munyeta Mwegesa mara Mukama; mara muli omu mazima, mba Mwegesa kwo mara Mukama. 14Ka inye Omukama wanyu mara Omwegesa wanyu ndaba nabanabisa amaguru, nainywe kutyo muragiirwe kunabisangana amaguru. 15Kuba nabaha obulebero, okwo muragiirwe kugira okwo nabagilira.16Nimbagambira, omwiru takira mukamawe, n'entumwa teshaga agitumire. 17Kamuramanya ebigambo ebi mukabigobesheleza muraba muli baberwa. 18Tindikugamba inywena. Abo ndonzire nimbamanya; Ebihandiko Bitakatifu bigobelere biti, ‘Ayaliire ebyakulya byange, yanteza ekisinziro.’19Ebi nimbibagambira mbwenu aha bithakabaireho, kabiramara kubaho mwikilize okwo ‘N'inye asingiire.’ 20Nimbagambira amazima, alitora owo ntumiire aliba atoire inye. N'alintora aliba atoire ayantumire.”21Orwo Yesu yamazire kugamba ebigambo ebyo, ashagashaga omu mwoyo, agamba ahamisa ati, “Nimbagambira amazima, omuli inywe halimu alikwija kumbanja.” 22Abegesibwa balebangana, owo yagamba tibafa gamumanya.23Omoiho omu begesibwabe owo Yesu wenene yagonzaga, hakaba amubyamire omu kifuba; 24nikwo Simoni Petero kumutigisa akamugambira ati, “Otugambire owo alikugamba n'ohai.” 25Okwo omwegesibwa ogwo yabaire abyamire Yesu omu kifuba, amubaza ati, “Mukama, n'ohai?”26Yesu amuhorora ati, “Owo ndakoleza ekichweka ky'omukate niw'ogwo.” Kayamazire kukoza ekichweka ky'omukate yakiha Yuda eya Simoni Isikariote. 27Yuda kayamazire kutora ekichweka ekyo ky'omukate, Sitani amutahamu. Yesu amugambira ati, “Yanguha ogye okore eky'olikugya kukora.”28Okwo babaire nibaraagira taliho n'omoi yamanyire ekyo yamugambiliire atyo. 29Abandi batekeleza bati orwo Yuda yakwataga akasanduku k'empiha, Yesu hakaba namugambira kugya kugura ebyo babaire nibetaga aha kiro kikuru; anga kujuna abanaku. 30Yuda kayamazire kutora ekichweka ky'omukate, tiyalinzire, ashohora; mara kikaba kili kiro.31Yuda kayabaire yaturukire, Yesu agamba ati, “Mbwenu aha Omwana w'Omuntu yahabwa ekitinwa, mara omuli wenene na Ruhanga ekitinwa nakihabwa. 32Ka Ruhanga araba nahabwa ekitinwa omu Mwana w'Omuntu, Ruhanga nawe arakuza Omwana w'Omuntu omuli wenene, mara amukuze aho n'aho. 33Baana bange, nkyaina inywe hakabanga kake. Mulimpiga; nk'okwo nagambire Abayahudi nikwo ndikugambira nainywe: Mbali ndikugya inywe timwina kugyayo.34Nimbaha omuhango oguhya: Mugonzangane; okwo inye mbagondize, nainywe kwakwo mugonzangane. 35Omu kugonzangana kwanyu, nimwo abantu bona balimanyira okwo muli begesibwa bange.”36Simoni Petero abaza Yesu ati, “Mukama, waitu noija kugya nkahai?” Yesu amuhorora ati, “Mbali ndikugya mbwenu aha toina kumponderayo.” 37Petero amugambira ati, “Mukama, kubaki ntakuhondera? Ndakufera.” 38Yesu amubaza ati, “Iwe oije ofere inye? Nkugambire amazima, enkoko etakakokoromire oraba wanyetongire kashatu.”
141Yesu agambira abegesibwabe ati “Emitima yanyu etashoberwa. Mwesiga Ruhanga, nanye munyesige. 2Omwa Tata halimu ebiyumba bingi. Kakitakubaire kityo tinaikubagambiire kwo ndikugya kubashemeleza mwanya. 3Orwo ndagenda nkabashemeleza omwanya, ndagaruka mbatware mbali ndi. Mbali ndi nainywe mube niho muba.4Mbali ndikugya omuhanda nimugumanya, na yonene nimuhamanya.” 5Tomasi amugambira ati, “Mukama, mbali olikugya titulikuhamanya; aho omuhanda twagumanya tutai?” 6Yesu amugambira ati, “N'inye muhanda, n'amazima, n'oburora. Taliho muntu agoba Tata atarabire ahali inye. 7Kuba nimumanya na Tata mwakubaire nimummanya. Kyonkai kwema mbwenu mwamumanyire mara mwamuboine.”8Filipo amugambira ati, “Mukama, waitu batwoleke Sho, ekyo kiratumara.” 9Yesu amugambira ati, “Filipo, mbali nakatulira nainywe tokamanyaga? Ayamboine yaboine Tata. Aho wakugamba otai oti, ‘Otwoleke Sho?’10Tolikwikiliza okwo ndi omuli Tata na Tata ali omuli inye? Ebigambo ebyo mbagambira timbyetuma; shana Tata asingiire omuli inye n'iwe alikwekolera emilimoye. 11Munyikilize okwo ndi omuli Tata, na Tata ali omuli inye; kakitali kityo, buzima mwikilize ebyo ndikukora.12“Nimbagambira amazima, alikunyesiga, nawe alikora ebyo ndikukora; nangu aije akore ebilikushaga aha, aha rw'okuba ningya owa Tata. 13Buli kimoi ekyo mulishaba omw'ibara lyange ndikikora, Tata aije asingizibwe omuli Mwana. 14Kamulishaba kyona kyona omw'ibara lyange ndikikora.15“Kamuraba nimungonza, murayekomya emihango yange. 16Nanye ndashaba Tata abahe Omujuni ondijo ow'okutuura nainywe ebiro byona. 17Ogwo n'iwe Mwoyo w'amazima, ow'ensi etakuhabwa, ahakuba telikumubona anga kumumanya. Inywe nimumumanya, asingiire omuli inywe, mara aliikara omuli inywe.18“Tindikwija kubasigaho muli ntaabwa; ndibagarukira. 19Kandi omu kaanya kagufi ensi eraba etakimbona, nawe inywe murambona; enshonga ndi murora, nainywe muraba barora. 20Kir'ekyo mulimanya okwo ndi omuli Tata, nainywe omuli inye nanye omuli inywe.21Alimanya emihango yange akagyekomya, ogwo n'iwe aliba nangonza. Mara alingoza, aligonzibwa na Tata, nanye ndimugonza mara muzokeho.” 22Yuda (atali Isikariote) amugambira ati, “Mukama, noija kutweyoleka otai oteyolekire nsi?”23Yesu amuhorora ati, “K'omuntu arangonza, arayekomya ebigambo byange, na Tata aramugonza, mara turamuhabukira tuture omuli wenene. 24Omuntu atangonza tayekomya bigambo byange. Kandi ebigambo ebyo mulikuhulira ti byange, bya Tata ayantumire.25“Ebigambo ebyo nimbibagambira tukyali hamoi. 26Kyonkai Omujuni, n'iwe Mwoyo Mutakatifu, owo Tata alibatwekera omw'ibara lyange, alibegesa ebintu byona, abaijukye n'ebyo mbagambiire byona. 27Nabasigira emilembe; nabaha emilembe yange; tindikubaha nk'okwo ensi eha. Mutashoberwa mara mutatina.28Mukahulira ningamba nti, ‘Nagenda, ndashuba mbagarukire.’ Kuba nimungonza mwakushandukire, kuba ningya owa tata; enshonga Tata nanshaga. 29Mbwenu nabagambira kithakabaireho, orwo kirabaho mubone kwikiliza. 30Tindikwija kweyongera kufumora nainywe, enshonga omutwazi w'ensi egi aliho naija. Taina bushobora ahali inye; 31kyonkai ninkora nk'okwo Tata andagiire, ensi emanye okwo ngonza Tata. Imuka turuge hanu aha.
151“Inye ndi muzabibu gw'amazima, kandi omulimi wagwo ni Tata. 2Buli itagi lyange elitaraba, Tata aliihyaho. Buli itagi elitaraba alisharaho, nirwo omuzabibu guraraba muno.3Ekigambo ekyo naruga kubagambira kyabelize. 4Okwo eitagi litakuraba lili lyonkai litali aha muzabibu, nainywe kutyo, shana kamuraikara omuli inye.5Inye ndi muzabibu, inywe muli mataagi. Omuntu aikara omuli inye, na inye nkaikara omuli wenene, ogwo n'iwe araba ebiraba bingi, kuba kamutaina inye timwakukora kantu. 6K'omuntu aliba ataikaire muli inye, alinagwa nk'eitagi ayome. Amatagi nk'ago garondarondwa, ganagwa omu muliro, gokibwa. 7Kamuliikara omuli inye n'ebigambo byange bikabaikaramu, mushabe ekyo mulikwenda kyona, mulikitungwa.8Kamulikuraba ebiraba bingi, aho Tata abona ekitinwa, nainywe musiimwa okwo muli begesibwa bange. 9Okwo Tata yangondize nikwo nanye mbagonza; mwikare omu ngonzi zange.10Kamurayekomya emihango yange muraikara omu ngonzi zange, okwo nanye nyekomize emihango ya Tata nkaikara omu ngonzize. 11Nabagambira ebigambo ebi, ebyera byange kabiikara omuli inywe, mara ebyera byanyu bigobelere.12“Omuhango gwange nigw'ogu, mugonzangane okwo inye nabagondize. 13Tabaho muntu agira ngonzi zilikukira ezi, omuntu kwemera kufa kutulilira batahibe.14Muraba bataahi bange kamurayekomya emihango yange. 15Inye tinkibeta bairu, enshonga omwiru tamanya mukamawe akoraki. Kyonkai inywe mbesire banywanyi bange; kuba byona ebyo nahuliire ahali Tata mbibamanyisize.16Timwandonzire, shana inye nkaronda inywe, kugenda mukaraba ebiraba mara ebiraba byanyu biikareho; ekyo murashabaga Tata omw'ibara lyange akibatunge. 17Eki ninkibaragira, mugonzangane.18“K'ensi elibanoba, mumanye okwo yanobire inye etakanobire inywe. 19Kuba muli b'ensi, ensi yakubaire negonza abali bayo. Kyonkai orwo mutali ba nsi, nkabaronda omu nsi, aha rw'ekyo ensi nebanoba.20Mwijuke ekigambo ekyo nabagambiire, ‘Omwiru takira mukamawe.’ Kabaraba bangingiize inye, nainywe barabagingiiza. Kabaraba nibekomya ebigambo byange, nainywe ebyanyu barabyekomya. 21Kyonkai ebi byona barabibakora nibabatura inye, aha rw'okuba ayantumire tibalikumumanya. 22Kanakuba ntaizire nkabagambira, bakubaire bataina bufu; kyonkai mbwenu tibaina kya kwetonganira aha rw'obufu bwanyu.23Anoba inye anoba na Tata. 24Kanakuba ntabakoleire bitangazo eby'omuntu n'omoi atakakoraga, bakubaire bataina bufu; kyonkai mbwenu baboine bashuba bannoba, banoba na Tata. 25Byona bibaireho kugobesheleza ekyahandikirwe omu Mateka kiti, ‘Bakannobera bushai.’26Orwo Omujuni alija, owo ndibatwekera kuruga ahali Tata, n'iwe Mwoyo w'amazima, alikutabuka ahali Tata, ogwo n'iwe alinjulira. 27Nainywe muli bajulizi, enshonga kwema aha mbandizo tutura hamoi.
161“Ebigambo ebyo nabibagambira byona mutalija mukanaga kwesiga kwanyu. 2Balibabinga omu sinagogi; mazima esaa elija orwo buli muntu alibaita alilenga ati nakolera Ruhanga.3Ebi balibikozibwa okutamanya Tata, nangu nanye. 4Kyonkai nabagambira ebigambo ebi, orwo esaa eligoba mwijuke okwo nabibagambira. “Ebigambo ebi tinabibagambiire kwema aha mbandizo, enshonga tubaire tuli hamoi.5Kyonkai mbwenu ningaruka ow'ayantumire; mara kandi taliho alikumbaza ati, ‘Nogya nkahai?’ 6Nawe orwo nabagambira ntyo emitima yanyu yaijurwa obujune. 7Kyonkasi kambagambire amazima: Kirungi aha bwanyu ngende, aha rw'okuba kantagenzire Omujuni tabaijemu. Kandigenda ndimubatwekera.8Orwo alija, alishoborora ensi aha obufu, obugorogoki n'eiramu. 9Bamanye obufu kiki kuba tibalikunyikiliza; 10kuhusiana na haki, kwa sababu naenda kwa baba, na hamtaniona tena; 11eiramu, enshonga omutwazi w'ensi egi yaramwirwe.12“Eby'okubagambira nkyaina bingi, kyonkai ahali mbwenu aha timwakubyemera. 13Orwo Mwoyo w'amazima alija, n'iwe aliboleka amazima gona, kuba talyetuma, aligamba eby'alikuhulira, ashube abagambire byona ebilikuragirwa kwija. 14Arampaga ekitinwa, kuba alikwata ebili byange abibagambiire.15Byona ebyo Tata ainabyo byange; nikyo nagambira nti arakwata ebili byange abibagambiire. 16“Omu kaanya kake muraba mutakimbona rundi; mushube mumbone omu kaanya kake.”17Abegesibwabe abandi babazangana bati, “Kiki eki eky'alikutugambira ati, ‘Omu kaanya kake timumbone, mushube mumbone omu kaanya kake?’ ” 18Bagamba bati, “K'alikugamba ati, ‘Akaanya kake,’ nagendeleraki?”19Yesu amanya okwo balikugonza kumubaza; aho abagambira ati, “Nimubazangana aha kyo nabagambira nti, ‘Omu kaanya kake timumbone, mushube mumbone omu kaanya kake?’ 20Nimbagambira amazima, nimwija kuchura mukalira, kyonkai ensi neija kweshanda. Nimwija kujunara, nawe obujune bwanyu bulirugwamu ebyera. 21Omukazi k'aba narumwa kwija kuzara, agira obushasi, ahakuba esaa ya wenene yagoba. Kyonkai k'aba yazaire omwana, obushasi aba atakibwijuka aha rw'ebyera by'omwana kuzarwa omu nsi.22Kutyo nainywe mwina obujune mbwenu aha, kyonkai ndishuba mbabone n'emitima yanyu eshemelerwe, kandi ebyera byanyu taliho alibibaaka. 23Kir'ekyo timulimbaza kantu. Nimbagambira amazima, kamuligira ekyo mwashaba Tata alikibatunga omw'ibara lyange. 24Kugoba mwaha timukashabire kantu mw'ibara lyange. Mushabe, mulihabwa; ebyera byanyu bigobelere.25“Ebi nabibagambira omu nfumo. Esaa neija kugoba orwo ndaba ntakibagambira rundi mu nfumo, shana ebya Tata ndibibagambira akaature.26Kir'ekyo mulishaba omw'ibara lyange; tindikugira nti ninyija kubashabira ahali Tata. 27Tata wenene nabagonza, enshonga inywe mungondize, mwamara mwanyikiliza okwo narugire ahali Tata. 28Nkaruga ahali Tata naija omu nsi; mbwenu ensi ninshuba ningirugamu ningya ahali Tata.”29Abegesibwabe bagamba bati, “Lero mbwenu wagamba akaature, ti mu nfumo! 30Twamanya okwo olikumanya byona, tolikwetaaga muntu kugira kyo yakubaza. Aha twaikiliza okwo warugire ahali Ruhanga.” 31Yesu abashubamu ati, “Mwalemwa mwanyikiliza?32Esaa neija kugoba, nangu yagobire, orwo murahwera omw'ishwa, buli muntu akairukira omwabo, inye mukansigaho nyenkai. Nawe tindi nyenkai; Tata ali hamoi nanye. 33Ebi nabibagambira kamugira emilembe omuli inye. Omu nsi mwinaimu ebiyengo; kyonkai mushanduke! Ensi nagisingire.”
171Orwo Yesu yamazire kugamba ebigambo ebyo, yainunura amaisho yaleba omw'iguru, yagamba ati, “Tata, esaa yagoba. Singa okuze Omwana wawe, n'Omwana wawe ogwo akuhe ekitinwa, 2Aha rw'okuba omutungire obushobora aha bantu bona, abo wamutungire bona abahe oburora obutalihwaho.3Mara oburora obutalihwaho nibw'obu: Bakumanye iwe Ruhanga omumoi ow'amazima, bamanye na Yesu Kirisito owo watumire. 4Omu nsi nkuhaire ekitinwa, orwo ngobesheleize omulimo ogwo wampaire kukora. 5Mbwenu Tata singa onkuze omu businge bwawe, ontunge ekitinwa ekyo nanye naiwe twabaire twinakyo ensi etakatonzirwe.6“Abantu abo waronkire omu nsi okabantunga, mbakumanyisize. Bakaba baawe, iwe wabantunga, mara n'ekigambo kyawe bakyekomize. 7Mbwenu bamanyiire okwo buli kantu ako wantungire nikaruga ahali iwe; 8enshonga mbagambire ebigambo ebyo iwe wangambire, mara babitoire, bamanya n'okwo gali mazima okwo narugire ahali iwe, baikiliize okwo wantumire.9Ninshabira bonene; tindikushabira nsi, shana abo wantungire, enshonga bawe. 10Abange bona bawe, n'abawe bange, mara ekitinwa kyange nikimanyikira omuli bonene. 11Mbwenu inye tinkili mu nsi, kyonkai bonene bali omu nsi, kandi inye ninyija ahali iwe. Tata Omutakatifu, singa obagumise omw'ibara lyawe elyo wantungire babone kuba bamoi okwo inye na iwe tuli bamoi.12Orwo mbaire nkyainabo mbagumisize omw'ibara lyawe. Mbalinzire, taliho alikuburaho n'omoi shana omuraamwa wenkai, kugobesheleza Ebihandiko Bitakatifu. 13Kyonkai mbwenu ninyija ahali iwe. Kandi ebigambo ebi nimbigambira omu nsi, ebyera byange bishobore kubaijura. 14Ekigambo kyawe nkibahaire, kandi ensi nebanoba aha rw'okuba bonene tibayo, okwo nangu nanye ntali wayo.15Tindikubashabira k'obaihya mu nsi. Nimbashabira k'obahungya aha Mubisha. 16Bonene ti ba nsi, okwo nanye ntali wayo. 17Singa obahindure batakatifu nibajunwa amazima; ekigambo kyawe gaba mazima.18Nk'okwo wantumire omu nsi, kutyo nanye mbatumire omu nsi. 19Ninkwehongera aha bwa bonene, na bonene babone kukwehongera omu mazima.20“Tindikubashabira bonkai, ninshabira na bona abalikwikiliza ebyo aba balikubagambira, 21bona babe omoi. Mara okwo iwe Tata osingiire omuli inye, nanye ndi omuli iwe, na bonene babone kuba omuli ichwe, ensi eshobore kwikiliza okwo wantumire.22Ekitinwa eky'ontungire nikyo mbahaire, bashobore kuba omoi okwo ichwe tuli omoi, 23inye ndi omuli bonene, na iwe osingiire omuli inye, bonene kuba omoi emalimali, ensi eije emanye okwo wantumire n'okwo wangondize okagonza na bonene.24Tata, ningonza n'abo wantungire tube hamoi mbali ndi, babone ekitinwa kyange ekyo wangondize okantunga ensi ethakabaireho. Tata omugorogoki, ensi tekakumanyaga, kyonkai inye ninkumanya; mara n'aba nibamanya okwo wantumire.2526Mbakumanyisize, mara ndashuba mbakumanyise, engonzi ezo wangondize zibone kusingira omuli bonene, nanye mbe omuli bonene.”
181Yesu kayamazire kugamba ebigambo ebyo, yashohora n'abegesibwabe, yashabuka Oruhanga rwa Kidironi mbali habaire hali endimiro, omu ndimiro omwo atahamu n'abegesibwabe. 2Kandi Yuda ayamubanzire nawe hakaba namanya omwanya ogwo, aha rw'enshonga Yesu yagyagayo n'abegesibwabe. 3Aho Yuda kayamazire kukwasa abaisherukare n'abakuru abandi abarugire omu bakuhani bakuru n'Abafarisayo, bagyayo baina etara n'emuli n'ebiiso.4Yesu ashangwa namanya agalikwija kumugwaho, arugayo ababaza ati, “Nimuhiiga ohai?” 5Bamuhorora bati, “Yesu owa Nazareti.” Abagambira ati, “N'inye.” Yuda ayamubanzire hakaba ayemeleire nabo.6Orwo Yesu yabagambiire ati, “N'inye,” bashuba enyuma bagwa ahansi. 7Yesu ashuba ababaza ati, “Nimuhiiga ohai?” Bahorora bati, “Yesu owa Nazareti.”8Abagambira ati, “Nabagambira okwo n'inye, aba mubaleke bagende.” 9Eki kikabaho kugobesheleza ekyo yabaire agambire ati, “Abo wantungire timbulizeho n'omoi.”10Aho Simoni Petero ashangwa aina embanda, agihya omu kiraro agiteza omwiru w'Omukuhani Nyamukuru amusharaho okutwi kwa bulyo. Omwiru ogwo eibaralye hakaba nayetwa Malikusi. 11Yesu agambira Petero ati, “Garura embanda omu kiraro kyayo, ekikompe ky'obushasi ekyo Tata yampa ntakinywa?”12Kityo abaisherukare hamoi na mukuru wabo n'abaofisa b'Abayahudi bakwata Yesu bamuboha. 13Babanza bamutwalira Anasi, ishezara Kayafa ayabaire ali Mukuhani Nyamukuru mwaka ogwo. 14Kayafa n'iwe yabaire ategekeire Abayahudi okwo kili kirungi kufa omuntu omoi akatulilira abantu bona.15Simoni Petero ahondera Yesu, n'omwegesibwa ondijo kutyo. Orwo omwegesibwa ogwo kushangwa namanyika aha Mukuhani Nyamukuru, ataaha nyakabuga y'Omukuhani Nyakumuru, atahiramu kimoi na Yesu. 16Kyonkai Petero ayemeelera aheru aha mulyango. Omwegesibwa ondijo ayabaire namanyika aha Mukuhani Nyamukuru, aturuka agambira omuzana ayabaire ali mukumilizi, atahya Petero omunda.17Omuzana ayabaire ali mukumilizi agambira Petero ati, “Naiwe toli mwegesibwa w'omuntu ogu?” Petero ati, “Inye tindi mwegesibwawe.” 18Aho abairu n'abaofisa bakaba bahembire omuliro, beemeleire nibota. Petero nawe hakaba abalimu, ayemeleire nawe nayota.19Omukuhani Nyamukuru abaza Yesu aha begesibwabe n'emyegeshezeye. 20Yesu amuhorora ati, “Ntuura ningambira ensi orwatu; buli kaanya nyegesa omu sinagogi n'omuli Rwensinga mbali Abayahudi bona bateranira; tinkagambaga kantu aheheleire. 21Nombalizaki? Obaze abampuliire ebyo nabagambiire; ebyo nagambire nibabimanya.”22Kayamazire kugamba atyo, aho ofisa omoi omu babaire bemeleire aho atera Yesu oruhi nagamba ati, “Oku nikwo olikuhorora Omukuhani Nyamukuru?” 23Yesu amushubamu ati, “Kandaba nashobya omu migambire, ogambe ekyo nashobya; kyonkai kandaba nagambage nonteleraki?” 24Anasi amutwekera Kayafa Omukuhani Nyamukuru abohirwe.25Aho Simoni Petero hakaba ayemeleire nayota omuliro. Bamubaza bati, “Iwe naiwe toli mwegesibwawe?” Petero ayetonga okwo ali mwegesibwawe, agamba ati, “Tindi mwegesibwawe.” 26Omwiru omoi w'Omukuhani Nyamukuru, omunyaruganda w'omushaija owo Petero yabaire atemireho okutwi, amubaza ati, “Iwe tinaikubona oinawe omu ndimiro?” 27Petero ashuba ayetonga; niho honkai enkoko ekookoroma.28Baihya Yesu omwa Kayafa bamutwara omu kikaare kya gavana. Likaba lili bwankya karai. Bonene omu kikaare kya gavana tibatahiremu, bataija bakahagara, nirwo baralya Pasika. 29Kityo Pilato aturuka abagoba, ababaza ati, “Omuntu ogu nimumutoijeraki?” 30Bamuhorora bati, “Kuba omuntu ogu atali mufakare titwakumukuleteire.”31Pilato abagambira ati, “Mumutware inywe nywenene mumuramulire aha Mateka ganyu.” Abayahudi bamugambira bati, “Ahali ichwe nikitangwa kwita omuntu wena wena.” 32Eki kikabaho kugobesheleza ekigambo ekyo Yesu yabaire agambire kwoleka ni mifereki eyo arafa.33Pilato agaruka omu kikaarekye, ayeta Yesu amubaza ati, “N'iwe Mukama w'Abayahudi?” 34Yesu amugarukamu ati, “Ekigambo ekyo wakigamba aha bwawe angasi abandi barakikugambiireho?” 35Pilato ahorora ati, “Inye ndi Muyahudi? Eihanga lyawe n'abakuhani bakuru bakundetera; wakoraki?”36Yesu ahorora ati, “Obukama bwange ti bwa nsi egi. Kuba obukama bwange buli bw'ensi egi, abairu bange bakurashaine ntaija nkanagwa omu mikono y'Abayahudi. Obukama bwange ti bwa nsi egi.” 37Pilato amugambira ati, “Kityo oli mukama?” Yesu ahorora ati, “Wakigamba okwo ndi mukama. Nkazarwa kuba mukama, mara obukama nibwo bwandesire omu nsi, kugamba amazima. Buli muntu ow'amazima ahulira eiraka lyange.”38Pilato amubaza ati, “Amazima kiki?” Pilato kayamazire kugamba atyo, ashuba aturuka agoba Abayahudi, abagambira ati, “Tindikumubonamu ntambara. 39Kyonkai mumanyiire kuta nimbataishulira omuntu omoi ahali Pasika. Mwakugondize mbataishulire Omukama w'Abayahudi?” 40Abayahudi bashuba bakunga bati, “Otatutaishulira muntu ogwo, otutaishulire Baraba.” Kandi okwo Baraba yabaga mushuga.
191Aho Pilato atwara Yesu amutera. 2Abaisherukare basibinkijanyia orukinga rw'amahwa barumuteka aha mutwe, bamujweka n'ekanzu ya zambarau. 3Bamugoba bamugambira bati, “Kamelere Mukama w'Abayahudi!” Bashuba bamutera empi.4Pilato ashuba ashohora abagambira ati, “Mulebe namuturukya kumubaletera, mumanye okwo ntamubonamu kabi.” 5Aho Yesu aturuka ajwete orukinga rw'amahwa n'ekanzu ya zambarau. Pilato agambira Abayahudi ati, “Leba omuntu niw'ogu!” 6Orwo abakuhani bakuru n'abaofisa bamuboine, bakunga bati, “Omubambe, omubambe!” Pilato abagambira ati, “Mumwetwalire inywe mumubambe, enshonga tinamubonamu kabi.”7Abayahudi bamuhorora bati, “Ichwe tugira eiteka, okwo eiteka elyo lili aragiirwe kufa, orwo ayeyesire Mwana wa Ruhanga.” 8Pilato kayahuliire atyo atina okushagaho. 9Agaruka omu kikaarekye abaza Yesu ati, “Oli wa nkahai?” Nawe Yesu tiyahoroire.10Aha rw'ekyo Pilato amubaza ati, “Tolikwenda kugamba nanye? Tolikumanya okwo nyina obushobora bw'okukutaishura anga kukubamba?” 11Yesu amuhorora ati, “Wakubaire otaina bushobora ahali inye k'otakubuhairwe kuruga mw'iguru. Aha rw'ekyo ayakundetera n'iwe aina obufu obuhango kushaaga.”12Pilato kayahuliire atyo ahiiga kumutaishura, kyonkai Abayahudi baashana bati, “K'olikutaishura omuntu ogu mpaho toli munywanyi wa Kaisari. Buli omoi ayekora mukama aba ashengire Kaisari.” 13Orwo Pilato yahuliire ebigambo ebyo ashohoza Yesu, ashuntama aha kituuti ky'amabare, omu Ruyahudi nibakyeta Gabata.14Kir'ekyo kishangwa kili kiro ky'okweteekateekera Pasika; zikaba zili nk'esaa mukaaga omw'ihangwe. Agambira Abayahudi ati, “Leba Omukama wanyu!” 15Bakunga bati, “Ihamu, ihamu, omubambe!” Pilato ababaza ati, “Kandi mbambe Omukama wanyu?” Abakuhani bakuru bahorora bati, “Titugira mukama shana Kaisari.” 16Aho amubaha kumubamba.17Batwara Yesu, ashohora agiire mbali halikwetwa “Akahanga k'ekitwe,” ashutwire omusaraba. Omwanya ogwo omu Ruyahudi nigwetwa Goligota. 18Baba niho bamubambira, hamoi n'abandi babili, ogu rubaju oru, n'ondijo rubaju oru, Yesu abagya omugati.19Pilato ahandika ekihandiko akiteka aha musaraba; kikaba kihandikire kiti, “Yesu owa Nazareti Omukama w'Abayahudi.” 20Abayahudi bangi bashoma ekihandiko ekyo, aha rw'okuba mbali Yesu yabambiirwe bhakaba hataine ekigo; kikaba kihandikire omu Ruyahudi, omu Rulatini n'omu Rugiriki.21Aho Abakuhani bakuru b'Abayahudi bagambira Pilato bati, “Otahandika oti, ‘Mukama w'Abayahudi,’ ohandike oti, ‘Omuntu ogu akagamba ati: Ndi Mukama w'Abayahudi.’ ” 22Pilato ahorora ati, “Ekyo nahandika nikyo!”23Abaisherukare kabamazire kubamba Yesu, bakwata ebijwarobye babibeganamu kanai; buli mwisherukale yatwara ekichweka ekye, n'ekanzuye kutyo. Kyonkai ekanzu egyo ekaba etabaliliire. Ekaba eshukirwe kushai kuruga omu bikya kuturuka aha maguru. 24Nikwo kugambirangana bati, “Tutagitagura, tugitekere enshoga kushai tubone eraba y'ohai.” Eki kikabaho kugobesheleza Ebihandiko Bitakatifu, biti, “Bakabegana ebijwaro byange, ekanzu yange bagitekera enshoga.” Oku nikwo abaisherukare bagizire.25Aha musaraba gwa Yesu hakaba ayemeleirweho nyina, na nyin'ento, n'iwe Maria muka Keleopa, na Maria Magadalena. 26Yesu kayaboine nyina n'omwegesibwa owo yagonzaga ayemeleire haihi, agambira nyina ati, “Mawe, leba mutabani wawe niw'ogwo!” 27Ashuba agambira omwegesibwa ati, “Leba nyoko niw'ogwo!” Kwema saa egyo omwegesibwa atwara nyina Yesu omwe.28Ahanyuma Yesu kayamanyire okwo mbwenu aha byona byahwa, agamba (kugobesheleza Ebihandiko Bitakatifu) ati, “Nyina eiliho.” 29Honene aho hakaba haliho epakuli eijwire edivai y'enshalizi; aho bakwata ekikunjuzo kiijwire edivai y'enshalizi, bakiteka aha ruti rwa hisopo, bakimulenga aha munwa. 30Orwo Yesu yamazire kunywa edivai egyo, agamba ati, “Byahwa.” Nikwo kwinika omutwe, omwoyo gukahwamu.31Aha rw'enshonga kikaba kili kiro ky'okwetekatekera Pasika, kwanga emibili etaikara aha misaraba ahali Sabato (kuba Sabato kikaba kili kiro ky'amani), Abayahudi bashaba Pilato kuhenda amaguru g'ababambirwe hamoi na Yesu babone kuruga aha misaraba. 32Kityo abaisherukare bahenda omushuga wa mbere amaguru, n'owa kabili kutyo ayabaire abambirwe nawe. 33Kyonkai kabaagobire Yesu bakabona okwo yafire, tibamuhenzire maguru.34Nawe omwisherukare omoi akwata eichumu amuchumita orubaju rurugwamu obwamba n'amaizi. 35Ayaboine ekyo n'iwe yakigambire, n'obujulizibwe bw'amazima, mara namanya okwo alikugamba amazima, nainywe mushobore kwikiliza.36Ebigambo ebi bikabaho k'Ebihandiko Bitakatifu bigobelera ebyagambaga biti, “Talihendekwamu igufa na limoi.” 37Ahandi Ebihandiko Bitakatifu byonene biti, “Balimuleba ogwo owo bachumisire.”38Ahanyuma Yozefu owa Arimatea, ayabaire ali mwegesibwa wa Yesu kyonkai nayesheleka aha rw'okutina Abayahudi, ashaba Pilato kutwara omubili gwa Yesu. 39Nikodemo kwakwo ayabaire yaizire ahali Yesu omu kiro, aija n'ekilo 30 z'omujwanga gwa mira n'eudi.40Baihya omubili gwa Yesu aha musaraba, baguzinga omu myendo ya kitaani, batamu n'emibazi elikunukage, nigwo gwabaire guli mugenzo gw'Abayahudi gw'okuziika. 41Mbali bamubambire hakaba haliho endimiro, kandi omu ndimiro omwo alimu enyanga empya etakaziikwagamu muntu. 42Ahakuba kikaba kili kiro ky'Abayahudi ky'Okwetekatekera Sabato, n'enyanga yashangwa eli hagufi, omu nyanga egyo baba nimwo baziika Yesu.
201Aha kiro kya mbere ky'eilimansi, omu bwankya karai, Maria Magadalena aija aha nyanga kakyali kailima, abona okwo eibare liihirwe aha nyanga. 2Kityo airuka agya agobera Simoni Petero n'omwegesibwa ondijo owo Yesu yagonzaga, abagambira ati, “Baihya Omukama omu nyanga, kandi titulikumanya mbali bamuteka.”3Nikwo Petero kuturuka n'omwegesibwa ogwo, bakakwata omuhanda bagire aha nyanga. 4Bombili bairuka, kyonkai omwegesibwa ondijo asiga Petero agoba mbere aha nyanga. 5Ainama alinguliza omu nyanga, abonamu emyendo ya kitaani okwo eyazire, kyonkai tiyatahiremu.6Aho Simoni Petero aija amuhondeire, ataaha omu nyanga, abona okwo emyendo ya kitaani eyazire, 7n'omutanda ogwo babaire bamutaire aha mutwe gutarabirane na myendo ndijo, guzingire guli ahagwo gwonkai.8Nikwo omwegesibwa ondijo ayagobire mbere aha nyanga nawe kutahamu, akabona akaikiliza. 9Nobona bakaba batakamanyire bihandiko, okwo Yesu ali w'okuhimbuka omu bafu. 10Abegesibwa bashuba omuka.11Kyonkai Maria Magadalena yaikara ayemeleire aha nyanga nalira. Kayabaire nalira ainama kulinguliza omu nyanga. 12Abona abamalaika babili bajwete ebilikwera bashuntamire mbali omubili gwa Yesu gwabaire gubyamire, omoi ali aha mutwe, owa kabili ali aha maguru. 13Bamubaza bati, “Iwe mukazi nolizibwaki?” Abahorora ati, “Enshonga batwara Mukama wange, kandi tindikumanya mbali bamuteka.”14Kayabaire akyali omu kugamba atyo, ahinduka omu rubaju abona Yesu ayemeleire, kyonkai tiyamanyire okwo ali Yesu. 15Yesu amubaza ati, “Iwe mukazi nolizibwaki? Nohiiga ohai?” Magadalena akaba amwesire mukozi w'endimiro egyo, amugambira ati, “Waitu, k'oraba n'iwe wamutwara, ongambire mbali wamuteka ngye mwihyeyo.”16Yesu amweta ati, “Maria!” Maria ahinduka amugambira omu Ruheburania ati, “Raboni” (nikwo kugamba Mwegesa). 17Yesu amugambira ati, “Otankwataho, aha rw'okuba tinkagiire wa Tata. Kyonkai ogende ahali barumuna bange obagambire okwo nagya owa Tata mara Isheinywe, Ruhanga wange mara Ruhanga wanyu.” 18Maria Magadalena agenda agambira abegesibwa ati, “Nabona Omukama;” abagambira n'ebyo yamuragira.19Ekiro kya mbere ekyo ky'eilimansi bwaigoro, mbali abegesibwa babaire bali enyigi zikingire aha rw'okutina Abayahudi, Yesu aija abemelera omugati, abagambira ati, “Mugire emilembe.” 20Kayamazire kugamba atyo aboleka ebiganjabye n'orubaju. Aho abegesibwa orwo baboine Omukama bashemelerwa.21Yesu ashuba abagambira ati, “Mugire emilembe. Okwo Tata yantumire, nanye nikwo ndikubatuma.” 22Kayabaire yagambire atyo abaikiza orwoya, abagambira ati, “Mutore Mwoyo Mutakatifu!” 23Abo muligarulira amafu, bagarulirwe. Abo mulyanga kugarulira amafu, bataligarulirwa.24Aho Tomasi, omoi omu 12 (owo bayetaga Murongo), hakaba atainabo orwo Yesu yaizire. 25Kityo abegesibwa abandi bamugambira okwo babona Omukama. Kyonkai wenene abagambira ati, “Kantaboine nkoju za mishumali omu biganja bya Yesu, nkatekamu n'orukumu omu nkoju ezo z'emishumali, nkatahya n'omukono omu rubajurwe, tinyikilize.”26Ebiro munaana bikeire, abegesibwabe bashuba bashangwa bali omu nju, na Tomasi abalimu, kyonkai enyigi zibambire, Yesu aija abemelera omugati, abagambira ati, “Mugire emilembe.” 27Agambira Tomasi ati, “Teka orukumu rwawe omu, leba n'ebiganja byange. Leta n'omukono onkore omu rubaju; olekere obutaikiliza, oikilize.”28Tomasi amuhorora ati, “Mukama wange, Ruhanga wange!” 29Yesu amubaza ati, “Waikiliza orwo wambona? Baina omugisha abaikiliza bataboine.”30Yesu akakora ebitangazo ebindi bingi omu maisho g'abegesibwa, ebitahandikirwe mu kitabo eki. 31Kyonkai ebi byahandikwa kamwikiliza okwo Yesu aba Kirisito omwana wa Ruhanga, mushube mumwesige mubone oburora.
211Ahanyuma Yesu ashuba abonekera abegesibwa aha Nyanja ya Tiberia; hakababonekera ati: 2Simoni Petero, Tomasi owo bayetaaga Omurongo, Natanaeli ow'ekigo kya Kana eya Galilaya, batabani ba Zebedayo, n'abegesibwa abandi babili bakaba bali hamoi. 3Simoni Petero abagambira okwo wenene alikugya kujuba. Bamugambira okwo nabo baragenda nawe. Baturuka basabara omu bwato, kyonkai omw'itumbi elyo tibakwete nfuru n'emoi.4Kabwakeire abegesibwa babona Yesu ayemeleire aha mwaro, kyonkai tibamumanyire. 5Yesu ababaza ati, “Baana bange, mwinaiho enfuru?” Bamuhorora bati, “Chei.” 6Abagambira ati, “Munage eishambo mukono ogwa bulyo gw'obwato, muragira ezo mwakwasayo.”7Omwegesibwa olinya owo Yesu yagonzaga agambira Petero ati, “Ni Mukama!” Simoni Petero kayahuliire okwo ali Mukama, ajwara emyendoye kuba hakaba ali bushai aha rw'okujuba, ayetuura omu nyanja. 8Kyonkai abegesibwa abandi basabara omu bwato nibasika eishambo, likaba lijwire enfuru, kandi bakaba batali harai na mwaro. Bakaba bali nke'mita 100 kwema aha mwaro gwonene. 9Orwo bagobire aha mwaro babonaho omuliro gw'amakara guliho enfuru, aha rubaju haliho omukate.10Yesu abagambira kuletaho enfuru ezo baruga kujuba. 11Simoni Petero agaruka omu bwato, asika eishambo alileta aha mwaro, lijwire enfuru; zikaba zili 153. N'orwo zabaire zili zingi zityo, eishambo tilyagutukire.12Yesu abeta kulya akakulya ka bwankya. Taliho mwegesibwa yamalize kumubaza ali ohai. Bakamanya okwo ali Mukama. 13Yesu aija, akwata omukate agubaha, n'enfuru kwakwo. 14Ogu gukaba guli murundi gwa kashatu Yesu kubonekera abegesibwa yamazire kuhimbuka omu bafu.15Kabamazire kulya aka bwankya, Yesu abaza Simoni Petero ati, “Simoni eya Yohana, nongonza kushaaga okwo aba balikungonza?” Simoni Petero amuhorora ati, “Inya Rugaba, nomanya okwo ndikukugonza.” Yesu amugambira ati, “Liisa obwana bwange bw'entaama.” 16Amubaza elya kabili ati, “Simoni eya Yohana, nongonza?” Simoni Petero amuhorora ati, “Waitu inya, Mukama; nomanya okwo nkugonza.” Yesu amugambira ati, “Oramanya entaama zange.”17Amubaza omurundi gwa kashatu ati, “Simoni eya Yohana, nongonza?” Petero ashasha aha mwoyo kubona namubaza elya kashatu nka namugonza. Amugambira ati, “Mukama, nomanya buli kantu; nomanya okwo nkugonza.” Yesu amugambira ati, “Liisa entaama zange. 18Nkugambire amazima, orwo wabaire oli muto wayekomaga omukandara ogya mbali olikwenda. Kyonkai orwo olimara kugurusha, olitega emikono, omuntu ondijo abe n'iwe akukoma omukandara akakutwara mbali otalikwenda kugya.”19(Akagamba atyo kumwoleka ni rufuki orwo alifa kubonesa Ruhanga ekitinwa). Ahanyuma amugambira ati, “Mpondera.”20Petero ahinduka abona omwegesibwa ondijo owo Yesu yagonzaga abahondeire, n'iwe yabaire abyamire Yesu omu kifuba nibaraagira akamubaza ati, “Mukama, waitu n'ohai alikwija kukubanja?” 21Petero kayamuboine agambira Yesu ati, “Mukama, waitu kandi ogu?”22Yesu agambira Petero ati, “Isi kandaba n'inyenda k'aikaraho atafire kuhika orwo ndija, iwe nofaki? Ompondere!” 23Ekigambo ekyo kikagoba abegesibwa okwo omwegesibwa ogu atalifa. Kyonkai okwo atalifa ekyo Yesu tiyakigambire, akagamba kushai ati, “Isi kandaba n'inyenda k'aikaraho atafire kuhika orwo ndija, iwe nofaki?”24Ogu n'iwe mwegesibwa omujulizi w'ebigambo ebyo, mara n'iwe abihandikire; kandi nitumanya okwo obujulizibwe buli bw'amazima. 25Mbwenu aliho n'ebindi bingi ebyo Yesu yakozire. Kabyakuhandikirwe byona nindenga ensi tiyakushoboire kubona bubiiko bwa bitabo ebyakuhandikirwe.
Warumi
11Paulo, omkozi wa Yesu Kristo, ayayesirwe kuba entumwa, ayalonzirwe aharwe vangeli ya Katonda. 2egyo niyo vangeli eyo Katonda yarageine kale omkanwa ka barangi ombihandiko bitakatifu. 3Ekwasire ahamwanawe, ayazeirwe kuruga omluganda rwa Daudi aha nyabubili.4Akarangwa okwo ali omwana wa Katonda ommani ga Mwoyo Mtakatifu omkuhimbuka ombafu, niwe Yesu kristo Omkama weitu. 5Omli wenene nimwo tugiliile omgisha gwo kuba entumwa aha rwa Yesu kristo kwegesa amahanga gona kugira omhuliro ogulikuruga omkwesiga, aharweibararye. 6Ommahanga ago neinywe mwesirwe kuba ba Yesu Krisito.7Ebarua egi ningihandikira nywena abagonzibwa ba Katonda abali omli Rumi abesirwe kuba abatakatifu. Mgire omgisha ne milembe eya Katonda isheichwe neyo Mkama Yesu Kristo.8Ekyambere ninsima Katonda wange omli Yesu Kristo aharwanyu nywena, aharwokuba okwesiga kwanyu nikugambwa omnsi yona. 9Olwenshonga Katonda niwe mjulizi wange owonkolera no mwoyo gwange orwo ndikuranga evangeli yo Mwanawe, okwo mbashabira obutosha. 10Ebilo byona ninshaba omnshara zange, mbase kwija owanyu ombilo ebi Katonda karagonza.11Kuba nayegombile kubabona, mbase kubagobya amatungwa go Mwoyo, kiubagumisa 12Tubase kugumisangana, inye ngumisibwe okwesiga kwanyu, neinywe mgumisibwe okwange.13Barumna bange ninyenda mmanye nkokwo naralire emirundi nyingi kwija owanyu, chonka kugoba akanya aka nkyatangatangirwe, ninyenda mbase kugira ebiraba omlinywe nkokwo nkozile ombanyamahanga. 14Nyine ibanja ombantu bona, abayunani na nabanyamahanga, abamanyi na bafera. 15Kityo omlinye ninyehulira kubarangira evangeli neinywe abali Rumi.16Olwokuba tindikukwatirwa vangeri nshoni, olwokuba nigo mani ga Katonda agalikulokora buliomo alikwesiga, kubanza no Myahudi no Myunani kutyo. 17Olwokuba obugorogoki bwa Katonda nibubonekera omkwesiga, nkokwo kuyahandikirwe. " omgorogoki alirolera omkwesiga."18Olwokuba ekiniga kya Katonda nikizoka kuruga omwiguru nanigahalira abatamwesiga nabanyantambara bona, abalikushereka amazima. 19olwokuba ebilikubasa kumanyiaka ahali Katonda nibabimanya. kuba Katonda wenene abiba manyisize.20Kwema ahakutondwa kwe nsi emibere ya wenene etaboneka, nikwo kugiroti obushoborabwe obwa kwema kale bumanyikira ahabintu ebyo yatonzire, kityo tibeina kya kwekwasa. 21olwenshonga norwo Katonda bammumnyire, tibamheire kitinwa nkokwo ali Katonda, anga kumusima. Shana babeire abafera ombitekerezo byabo, na magezi gabo go bufera gakwatwa omwilima.22Bakeyeta abeine amagezi, chonka babeire abafera. 23Bakahindura ekitinwa kya Katonda nyamtafa batamu ebishiushane ebilikushana omuntu nyakufa, ne binyonyi, ne ebigunju, ne bitondwa ebyekurura.24Kityo Katonda akabahwamu bahondere ameiru ge mitima yabo agobujange. 25Nibo bahindwire amazima ga Katonda kuba ebishuba, nibo bayegashanize ebitondwa no kubikolera kushaga Omtonzi owekinwa eira rwona.Amina26Aharwenshonga egi Katonda akabahwamu, bahondera ameiru gabo ge nshoni. Olwokuba abakazi babo basiga kukoza okwo emibili yabo yatonzilwe, bagikoza ebitali bya butondwa bwayo. 27Na basheija kutyo barekera kugenda na bakazi okwo kyatonzirwe baba nibagilirangana ameiru. Aba na basheija ababeirenibakora na basheija batahi babo ebitaseine, ekyarugire omwo bayeletera ekibonabonyio aharwokufakara kwabo okwo.28Olwenshonga ommagezi gabo bakabona tikilikugasha kwesiga Katonda, akabahwamu bahondere amagezi gabo agateine mgasho, bakole ebiteina mgasho.29Bagira emize yona, entambara, omruru no rwango. beijurwa ekisho, obwisi, endwano, ebishuba, orwango rogo. 30Bonenene kandi nibageya, nibabihirira, mara nibanoba Katonda. Beine ikuru, isinini no kwesingiza. Nibo bagira emize mibi, no kutahuririza bazeire babo. 31Tibene kyo barikumanya, tibesigwa, tibagira ngonzi za butondwa, mara tibagira buganyizi.32Nibamanya entwaza ya Katonda nkokwo abakora ebintu nke bi kibaseine kufa. Tibalikubikora kusha chonka nibasima na balikobikora.
21Kityo tweina kwetonganira, iwe alikuramra, olwoolikuramra ondijo noba noyeramra iwe wenene, olwenshonga iwe omramzi nokora ebintu byonene byonene. 2Nitumanya okwo iramu rya Katonda liba eryamazima omalikukola ebintu nkebyo.3Chonke neiwe oyetekereze, iwe alikuramra abalikukola ebintu ebyo norwo neiwe olikukola byonene byonene oliohunga omwiramu rya Katonda? 4anga nogaya ekishakye kingi, obuchulezi no bwegumishilizabwe? Tolikumanya okwo Katonda omkisha kye agendelire koyechuza?5Olwo oligumangana omtima otaliokwechuza noyebikira ekiniga ahakilo kyo kubonabona, akilo kyokushurorwa kweeiramu rya Katonda. 6Kuba wenene alirongora bulimuntu kuuhondera ebikorwabye. 7Ahalibalinya abegumishiliza bakakola ebilungi nibahiga ekitinwa, no bulola obutaliohwao, alibatunga oburora obutalihwao.8Chonka balinya abeyenda, abatakunda mazima, bakakunda entambara, okubonabonibwa ne kiniga nibija. 9Katonda alileta ebiyengo ne naku ahalibulimuntu akora ebibi, ahamu Yahudi no Muyunani kutyo.10Chonka buli muntu akola ebirungi alibona ekitinwa ne milembe, ahamuyahudi na Muyunani kutyo. 11Olwokuba katonda tashorola 12Olwokuba boba abafakeire hatalio mihango balisiliika bakuturwa mateka, Kandi bona abafakeile nibamanya amateka baliramurwa amateka.13Orwenshonga abalikumanya emihango tibo bagorogoki ahali Katonda, shana abagobeshereza emihango nibo balizoka okwo bali abagologoki. 14Orwo abanyamahanga abatagira mihango balikukola ebye mihango elukuragira nibasindikwa obutondwa, orwabo baliba barumazire norwo bateina mihango.15Nibazora okwo ebyo emihango elikuragira bihandikile ommitima yabo. Mwoyo nabajulira, ebitekelezo byabo nibibatweijra, olundi nibibarinda. 16Ebi byona biliba akiro ekyo Katonda aliramra ebyesherekile, nkwo ndikuranga evangeli kurabira omli Yesu kristo.17Tugile tuti noyeyeta Omuyahudi, alikwekwata emihango, oyebuge no kwesingiza omli Katonda, 18omanye ebyo alikwenda, no kulengeshanyia ebitalikugendanwa na mihango, ahakuba oyegire emihango. 19Tugire tuti oine obumaza mara oli omhabuzi we mpume, oli omushana gwabali ommwilima, 20omugorozi wa bafera, omwegesa wa baana nkokwo oina obumanyi na mazima ommihango.21Iwe mbwenu ayegesa abandi, toyeyegesa? iwe arangilira abandi bateiba? nkanoiba? 22Iwe agambira abandi oti mtasiana, nkanosihana? iwe atamwa ebishushane, nka noiba omlirwensinga?23Iwe alikwebugisa emihango, isi tolikugora Katonda omkwita emihango? 24Nkokwo kihandikile kiti, " Ibara rya Katonda niligaywa ombanyamahanga olwe nshonga yanyu.25Olwokuba okutahilirwa okwa mazima no kukwata emihango, chonka kolaba noita amihango okutahilirwa kwawe kulaba kuteina mugasho. 26Komuntu aliba atatahilirwe chonka nagobeshereza emihango alizoka nka tahilirwe? 27Aho atatahilirwe chonka nakwata amihango talikuramura karaba nagobeshereza emihango? olwenshonga weine emihango ehandikire chonka nogita!28Olwenshonga alaba atali Muyahudi aheru, ti kugiloti okutahilirwa okwa mazima ne kintu ekwa heru mara ekyahamubili. 29Chonka wenene araba ali Omyahudi omunda kandi okutahilirwa okwa amazima no kutahilirwa omutima, okwomumwoyo ti mbihandiko. Talikusimwa bantu nasimwa Katonda.
31Omuyahudi abandi nabakizaki? Anga omgasho gwa kutahilirwa ni guhi? 2Nomgasho muno mara gwa buli ngeri, ekyokubanza nakyo Abayahudi nibo baherwe okushululirwa kwa Katonda.3Isi kilaba kite kabandi omlibonene baraba batagizire omwesigo? Obutesiga bwabo bwakukola obwesigwa bwa Katonda kabutabaho? 4Tikyakuba! Shana Katonda aba owamazima, norwo buli muntu agamba ebishuba. nkokwo kihandikile "oije oboneke okwo oli omgologoki ombwolikugamba, osinge omshango ogwo oliramrwa"5Chonka entambara zeitu kaziraba nizerekya obugorogoki bwa Katonda, tugambeki? Katonda ti mgorogoki orwo atubonaboniya? (ningamba nko muntu). 6Nakati! Aho Katonda yakuramura ate ensi?7Ebishuba byange kabiraba nibimanyisa ekitinwa kya Katonda aharwamazima ga wenene, aho kubaki nindamrwa komnyantambara? 8kubaki tutagambe, nkokwo tulikubihilirwa mara nkokwo abantu abandi balikugamba ngu nitugira tuti, " Tukole ebibi birugwemu ebirungi"? Okuramrwa kwabo kuliba okwa mazima.9Tukole tute? Tuli barungi kushaga? Chei! nakati.olwokuba twagambile okwo abantu bona, Abayahudi na Bayunani bali ahansi ye ntambara. 10Nkokwo kihandikilwe kiti, " Taliho mugorogoki nomwe.11Taliho alikushobokerwa, taliho muntu alikuhiga katonda. 12Bona bakahinduka, Bona hamo ti kantu, talioho alikukolagi taliho nomo.13Emimiro yabo ne nyanga erangeire, endimi zabo nizibiha, amashegwe ge njoka gali ahansi ye minwa yabo. 14Eminwa yabo eijwile emiramo no bubi.15Amaguru gabo niganguha kushesha obwamba. 16Okwita no kushasa bili mbali balikuraba. 17Omhanda gwe mirembe tibalikugumanya. 18Okutina Katonda tikuli mmeisho gabo."19Nitumanya okwo kyonakyona ekyo emihango egamba, ekigambira abatwarwa emihango. enshonga buli kanwa kakomwe, nensi yona egye ahansi yeiramu rya Katonda. 20Ommeishoge tal;iho muntu nomwe alisinga omshango aharwokukora ebiragirwe emihango. Olwenshonga emihango niyo emanyisa entambara.21Chonka mbwenu obugorogoki bwa Katonda tibulikuletwa kukwata emihango, emihango na barangi obwo no bujulizi busha aha bugorogoki obwo, 22Obugorogoki nko bwa Katonda nibuletwa okwesiga Yesu kristo okwo bona abalikumwikiliza beinakwo olwokuba tihaliho nshororo.23olwenshonga abantu bona bakafakara balebererwa ne kitinwa kya Katonda. 24Nibabalirwa obugologoki omkishakye kurabira omkuchungurwa omli Kristo Yesu.25Olwokuba Yesu Kristo niwe Katonda yateireho katukwatanisa aharwo bwambabwe, abalimwesiga balokoke. ekyo kibaho kwerekya obugologoki bwa Katonda, olwokuba ombwegumisilizabwe entambara eza kale akaba atazeteireho, 26aha kanya aka akagendelera kerekya okwo wenene ali Omgorogoki nokwo ogwo alikwikiliza Yesu namhindura kuba omgorogoki.27Okwesingiza kweitu kurahi? Tikuliho. Kwemelire nkahi, kwemerile ahabikolwa? Chei kwemelire ahakwikiliza. 28Kityo nitumanya okwo okwikiliza nikwo kulikuhindura omuntu kuba omgorogoki, ti bikorwa ebyo emihango elikuragira.29Anga Katonda aba owabayahudi bonka? Isi Katonda taba owabanyamahanga bona? Nikwo no wabanyamahanga. 30Olwokuba Katonda aba omo, alibalira abatahilirwe kuba abagorogoki ommwesigo, na batatahilirwe omwesigo.31Mbwenu aho nitwihao emihango olwenshonga yo kwikiliza oku? Nikikabure! shana nitukwata emihango okwo eli.
41Tugambeki aharwa Aburahamu isheichwe, abunyamubili, 2Ka Aburahamu ebikorwa nibwo byamuhindwile kuba omgorogoki, eine ekyokwebuga chonka ti mmeisho ga Katonda. 3Isi ebihandiko nibigambaki? "Abrahamu yayesiga Katonda yabarwa okwo ali omgorogoki"4Omuntu alikukola omlimo emperwaye teba kisha, shana eba hakiye. 5Kandi no muntu atakora mlimo akesiga ogwo ahindura ababi kuba abagorogoki nabarwa okwo aliomgorogoki aharwokwesiga kwe6Omuntu alikukola omlimo emperwaye teba kisha, shana eba hakiye. 5 Kandi no muntu atakora mlimo akesiga ogwo ahindura ababi kuba abagorogoki nabarwa okwo aliomgorogoki aharwokwesiga kwe Daudi kutyo naha omuntu omigisha owo Katonda alikubona ali omugorogoki etali nshonga ya bikolwa. 7Ati "Beina omgisha abaganyirwa entambara zabo, abo amafu gabo gateijukwa. 8Mberwa omuntu owo Mkama atalimbalira ntambara."9Isi omgisha ogu nigugya abatahilirwe bonka anga na batatahirirwe? Nitugamba okwo abrahamu yamanyikile okwo ali Omgorogoki aharwenshonga yo kwesiga. 10Akabalirwa ate? Akaba yatahilirwe anga atakatahilirwe? Akaba atakatahilirwe.11Akatahilirwa kali akabonero ko kugumisa obugorogokibwe obwo yabeire einabwo aharokwesiga olwo yabeile atakatahilirwe, omugendelero gukaba guli kumuhindura ishe bona abesiga enzira kutahilirwa kandi oku nibamanyika okwo bali abagologoki. 12mara kutyo ishe abatahilirwe, abatatahilirwe kusha nibarondora okwesiga okwo tataichwe Aburahamu yabeire einakwo atakatahilirwe.13Endagano eyo Abrahamu na beijukuru baraganisiibwe okwo balisika ensi, toyarabire ommateka ekaraba ombugorogoki obulikuruga omwesigo 14Kabasika balaba bali balinya abakwata amateka, oho okwesiga no kwa busha, kandi ne ndagano teinamu kantu. 15Amateka gatabukwamu ekiniga, kandi mbali amateka gatari ne ntambara tizibaho.16Niyo nhonga obugologoki bwemelire aha kwesiga, nirwo ebyaraganisibwe birayemerera ahakisha mara bihamisibwe kuba bya beijukulube bona, ti balinya bonka abakwata amateka, chonka na balinya abeine okwesiga okwa Abrahamu, olwokuba aba ishe bona. 17Nkokwo kihandikile kiti, "Nkakutaho koba ishe amahanga geingi" ommeisho ga Katonda owo yayesigire, atunga abafile oburora, akataho ne bitabaho.18Alkashuubira nebyo atakushuubire abone kuba ishe amahanga geingi, nkokwo yabeire agambirwe ati. " Nikwo beijukuru bawe baliba. 19Tyayugire omukwesiga norwo yabeire nayebona nka fire, olwokuba akaba yeine emyaka 100, anga olwoyabeire natekereza Sara okwo yabeire ali omgumba.20Okwesigakwe ahabyo Katonda yabeire arageine tikwayugire. Ekiliho akeyongera omkwesiga yaba naha Katonda ekitinwa, 21namanyagi okwo Katonda nabasa kukola ebyo yabeire arageine. 22Niyo nshonga akaboneka ali omugologoki aharwokwesiga kwa wenene.23Ekigambo eki " Akaboneka" tikyahandikirwe aharwawenene wenka, 24kikahandikwa nana aharweitu. Neichwe tuboneke tuli abagorogoki aharwokwesiga Katonda, ayahimbwire Yesu Omkama weitu ombafu. 25Yesu ogwo ayesirwe naturwa amafu geitu yashuba yahimbuka katuba abagologoki.
51Aharwekyo okwesiga kutuhindwire katuba abagorogoki, twine emirembe ahali Katonda eyo twaletilwe Omkama weitu Yesu Kristo. 2Omli wenene tugiliirwe ekisha ekyo twemeliremu kandi nitushanduka kubona twinwe eshubi yo kubona ekitinwa kya Katonda.3Kndi tekyo kyonka norwo tuli ommbushasi nitushemererwa, orwo tuli kumanya obushasi burugwamu okwegumishiliza. 4Kandi okwegumishiliza kurugwamu obumaza, no bumaza burugwamu eshubi. 5Eshubi etugumisa, orwokuba mwoyo mtakatifu owo twaheirwe akatushesha engoni za Katonda ommitima.6Orwotwabeire tukyari abajege, omkanya konene konene Kristo yafera abanyantambara. 7Nikiguma omuntu kufera omgorogoki, norwo omuntu yakumaza kufera omuntu omurungi.8Chonka Katonda nayereka engonzi za ahalichwe kubona Kristo natufera orwo twabeire tukyali abafakare. 9Aharwekyo orwo tulokoirwe obwambabwe, tulayeyongera kurokoka aha kiniga kya Katonda.10enshonga kokufa kwo mwanawe kulaba kwatugarwile ahali wenene okwo tukyali ababisha, mbwenu okushagaho orwo twine emirembe ahali Katonda, oburora bwa Kristo buraturokora. 11chonka tekyo kyonka, nitiushuba nitushemererwa aharwebyo Katonda yakozile aharwa Yesu Kristo, wenene ogu ayatugarwile ahali Katonda12Kityo nkokwo obufubweizile omunsi, aharwokufakara kwo muntu omo, no rufu rukaletwa entambara nikwo no rufu rwaranda rwaba orwa bantu bona enshonga abantu bona bakakola entambara. 13Olwokuba obufu bukabaho omunsi emihango etakateirweho, chonka mbali emihango etali obufu tibumanyikaho.14Kwema ahali adamu kuturuka ahali Musa orufu rukatwaliliza abantu, nangu rwayetwaliliza na balinya aba amafu gabo gabeire gatalikushana ntambara ya Adamu. Adam akaba nashana ogwo ayabeire ali owokwija. 15Kityo aha rwekyo, amatungwa gabusha tigashana ntambara. nkentambara emo elaba yeisilebengi kityo amatungwa ga Mungu namatungwa gomuntu omo,Yesu Kiristo,azokiile bengi.16kandi amatungwa ago tigalikwingana ne kyazokile omu bufu bw'omuntu ogwo omo. kuba iramu elyalesirwe entambara emo.likaleta omuramo, chonka ekisha chobuganyizi kiindwile abantu kuboneka bali bagororoki. 17kuba ahalwentambara yomo,orufu lukatabara kityo kurabira aharyomo, beingi baratora ekisha kingi amo nemperwa eyamazima baratwara kurabira aha ryomo, Yesu Kristo.18Aho nkokwo entambara yo omuntu omo yaresire omuramo ahabantu bona, n'ikwo nekikorwa kyobugologoki kilikuretera abantu bona okugarulirwa noburora. 19Nk'okwo okutauhulira kw'omuntu omo kwahindwire bengi kuba abafakare nikwo beingi barakorwa bagororokl aha rwomuntu omo.20emiango ekeija kukanyisa entambara; chonka entambara kazakanyire, ekisha kikeyongera okushagao, 21Kityo nk'okwo amafu gayeyongire, ekisha kikeyongera kushagaho.
61Mbwenu tugambeki? twikare omumafu ekisha kibe kingi? 2Chei! tikya kubasikana ichwe abalekire amafu twakukira tute nitugenderera kufakara? 3Isi timulikumanya okwo itwe twena ababatizwe kushanangana na Kristo tukabatizibwa kushanangana nokufakwe?4Kityo tukazikwa amo nawe orwo twabatizibwe kufa tubase kubona oburora obuya nka Kiristo owekitinwa Isheitwekwa kyaimbwire omubafu. 5Ktaturaba tuli bwawenene haarwokuba tufire nkawenene, mazima turaba bawenene orwo tulihimbuka nkawenene.6Ichwe nitumanya okwo twabile tuli ahanyuma, tukabambwa nawe amairu go bubili gabone kuwa, amafu garekere kutwetwaza. 7Haa rwenshonga ayafire amafu tiga mwetwaza.8Chonka karuraba twafire na Kiristo. nitwesiga okwo tulishuba tukaimbuka nawe. 9kuba nitumanya orwo Kiristo ya imbukere omubafu tarifa rundi, orufu tirukimugelera.10orufu oruyafire rukaba ruli orwo kututanisa.nentambara mare akafa limo lyonka.Chonka yashuba yeikara ali wa Katonda. 11Kityo nemwe nimuragirwa kwebona nkabafu aha rwentambara, kandi mshube muboneke nimurora ahali Mungu aha rwa Kiristo Yesu.12aha rwekyo otatajubura ntambara kazigelera omuibili gwawe okaondera amaru gagwo. 13Engingo zawe otazijubura kufakara zitaba bikwato bya kukoza ntambara.mweongere Katonda, mube bantu abairwe omumafu mukaretwa omu burora engingo zanyu zikole ebyamazima, 14mutajubura ntambara kazi bagelera, orwokuba timuli kugererwa na mihango.shana ni mugelerwa ekisha.15Hao tukoleki? tukol; e entambara o rwokuba nitugelerwa ekisha? Nikikabure! 16timilikumanya nkokwo wenawena owo mwayeireyo kumukolera nkabakozibe nimuba muli abakozibe, wenene. ni musana kumukunira? aga namazima no rwo muli abakozi omuntambara eyalesire orufu, anga abakozi abamakune agaleta amazima.17Chonka Katonda! asimwe norwo aha nyuma mwabere muli abakozi, bentambara, mbenu mwahulire omwegeso ogwo mwaerwe. 18orwo mamazire kurokorwa omumafu mwaba abakozi abagororoki.19ningaba nkomuntu aha rwobujege bwemibili yanyu. nkokwo mweireyo egingo zemibili yanyu kuba abakozi aha rwobuagare na amafu, aha rwekyo, mwieyo kuba abakozi abamazima. 20Orwo mwabere muli abakozi bamafu mukaba mutene mazima. 21Chonka nbwenu, ebyo mwabere nimkora kare kanyaka ni bibakwasa enshoni bikaba bine birabaki? endekerero ya byo norufu.22orwo mwachungwi omumafu mukaba abakozi bakatonda, omugasho nokuhindurwa abatakatifu, obwine oburora obutali hwaho 23Enperwa ya mafu norufu, Chonka Enperwa ya katonda noburora obutali hwaho ahali Kiristo Yesu omukama wetu.
71barumuna bange, nigambira abalikumanya Amateka, nimumanya okw'omuntu aragirwa amateteka orwo aba akyarora?2omukazi omushwerwa, nakomwa amateka aha rwo mushaijawe akyarora. shana orwo mushaijawe afa amateka kamukomorora. 3Chonka karatwarwa n'omushaija ondijo okwo mshaijawe akyarora arayetwa omusiani. shana mushaijawe karafa aho amateka nigamuteshura, mara karatwarwa omushaija ondijo timusiani.4nikwo barumuna bange, mukaba mufire aha rwo emiango orwo mubili gwa Yesu Kiristo. mbenu muli ba Kiriusto ogwo ayaimbukire omubafu nawe tubone kuba abantu bomugasho orwo tuli kukorera Katonda. 5orwo twabeire tuli abomubili amairu gentambara gakaba gali omungingo zetu. aha rwamateka nokuretera amagoba orufu.6Chonka mbwenu emihango twagihirwemu. Byonene ebyo ebyatuhindwire abakozi, aho titukigererwa mihango, eya kare, eyahindwirwe, shana ekiliho nitugererwa oburola obuhya obwa Mwoyo.7Mwenu tugambeki? tuti emihango niyo eba entambara, tikyakuba! kandi kuba emihango etabeireho, entambara tindakuzimanyire. Tindakumanyile kwegomba ne kiki kemihango etakugambire eti, "Otaryegomba". 8Chonka entambara zikabona akanya aharwemihango zagendereza okwegomba kwa buli ngeri. Emihango ketaliho ne ntambara tiziliho.9Aliho orwo nabeire nintura nteina mihango, chonka orwo emihango yeizire entambara zeija, aho nafa. 10Emihango yoneneyonene elikuraganisa oburora yaba niyo enyita.11Entambara zikekwatiliza emihango, zambiha zanyisa. 12Kityo emihango eba mitakatifu, mare eyamazima, kandi mirungi.13Mbwenu aho ekyo akili kirungi kikanyita? tikwakuba. Entambara nizo zanyisile. zikankoza ekili kirungi zanyita zibone kumanyika muno okwo zili. Kityo entambara nizimanyikira ommihango okwo zina amani gabi agashagulireine. 14Nitumanyisa okwo emihango egira omwoyo, chonka inye nyine ombili, entambara zikangura.15Ebyo inye ndikukola ntinkubishobokerwa. Ekyo ndikwenda tikyo ndikukola, ninkola ekyo ntalikwenda. 16Mbwenu nkandikukora ekyo ntalikwenda, aho ninyikiliza okwo emihango eba mirungi.17Ahonu tinkili inye alikukikora, nikikorwa entambara ezilikutura omlinye. 18Ahalwenshonga nimanya okwo tihaliho kantu karungi akalikutura omlinye, nikwokugamba oti ombunyama bwange nimbasa kwenda ekirungi kyonka tindikubasa kukikora.19Aharwokuba tindikukora ekirungi ekyondikwenda, shana ekibi ekyontalikwenda nikyo ndikukora. 20mbwenu aho kandikukora ekyo ntalikwenda takilinye alikukikora nikikorwa entambara ezilikutura omlinye. 21Kityo nimbona okwo emihango elikukora orwndikwenda kukoara ekili kirungi, ekili kibi nikiba kyagobile.22Okwondi ommwoyo ninshemererwa emihango ya Katonda, 23Chonka omngingo zange nimbonamu emihango endijo nerwana nemihango yo mwoyo gwange ogulikusima mara nempindura kangya bubohe bwe mihango ye ntambara agalikutura omngingo zange.24Inye omnaku! Nohi alinyiha ommubili ogu oguliokwija kunyisa? 25Katonda nakasinge omli Yesu kristo Omkama weitu! Ahonu inye ombwange ninkunda emihango ya katonda no mwoyo gwange gwona, chonka kandi ninkuda emihango ye ntambara no mbili gwange.
81Mbwenu aharwekyo abali aba Kristo Yesu tibakine mgasho. 2Emihago ya Mwoyo omli Kristo Yesu endokweire ommani ge mihango ye ntambara no rufu.3Nobona Katonda akakora ekyo emihango etabase kukora aharwobujege bwobunyama. Akatweka omwanawe ommishananganile yo muntu omnyantamara, mara abe empongano ye ntambara, yaramra entambara ombubili. 4Ebyo amihango elikugamba bibone kuberezibwa omlichwe abatalikukola okwo tulikusindikwa obunyama shana nitukora okwo tulikuragirwa Mwoyo. 5Aharwenshonga abalikuhondera obunyama emyoyo yabo nibagiteka ahabikwasire ahabunyama. Chonka abalikuhondera mwoyo emyoyo yabo nibagiteka ahali Mwoyo.6Omwoyo nigukuteka ahabunyama orwo bwo rufu, chonka omwoyo kuguteka ahali Mwoyo obwo no burola nanemirembe. 7Omwoyo ogutiirwe ahabunyama ogwo nigushenga Katonda, tiguhulira mihango ya Katonda, tigwakubasa. 8Kandi nabalokutwarwa obunyama tibeine kushemereza Katonda.9Chonka inywe timlikutwarwa bubili, nimtwarwa Mwoyo. Mazima ka mwoyo wa Katonda alaba natura omlinywe, wenawena ateine mwoyo wa Kristo teine kuba wawenene. 10Chonka na Kristoalaba ali omlinywe, norwo emibili yanyu eisirwe entambara emyoyo yanyu eine oburala aharwo bugorogoki.11Ka Mwoyo wa Katonda ayahimbwire Yesu ombafu araba natura omlinywe wenene ayahimbwire Kristo Yesu ombafu alitunga emibili yanyu eyokufa oburora ommani ga Mwoyo asingiire omlinywe.12Kityo barumna bange nitutongwa, chonka titulikutongwa kutura nituhondera bubili. 13Kamlikutura nimuhondera obubili mlifa, chonka ommani ga mwoyo, kamrareka ebikorwa bwo bubili mlitura.14Bona abalikuhaburwa Mwoyo wa Katonda abo na ba Batonda. 15Aharwenshonga Mwoyo wa Katonda owoyabaheire talikubahindura beiru no kubatinisa, Shana Mwoyo wenene ogwo nabahindura abana ba Katonda mara ombushobora bwa mwoyo nitweta Katonda tuti, "Abba, isheichwe!"16Mwoyo wa Katonda wenene niee alikweteba ne myoyo yeitu kwatura okwo tuli abana ba Katonda. 17Katuraba tuli abanabe aho tuli abasika, abasika ba Katonda mara tuli abasika hamo na Kristo ekiliho tushabe nawe tubase kuhebwa ekitinwa na wenene.18Nintekereza okwo obushasi bwa kanya aka tibwakurengwa ekitinwa ekyo tulikwija kushurulirwa. 19Ebitondwa byona bilindilile ne kihika kingi okushulurirwa kwa bana ba katonda.20Ebitondwa byona bikazoka bitena mgasho ti aharwabyonene kweyendera shana aha rwokwenda kwa Katonda ayabihindwire ebya katozi, chonka yabiha okugira eshubi. 21Ebitondwa bilichungurwa aharufu no kujunda bibe no bwegerere obwe kitinwa kya bana ba Katonda. 22nitumanya okwo ebitondwa byona bitura byemire hamo nibitaga kugoba akanya aka.23Ti bitondwa byonka chonka ichwe twenene abali ebiraba bya mbere ebya Mwoyo, nitushasa ommyoyo yeitu, tulindirire kukorwa abana, tulindilire kuchungurwa kwe mibili yeitu. 24Okugira eshubi egi nikwo kwaturokoile. eshubi elikuboneka kanya aka tiyo shubi. Nohi ashubira ekyo atalikubona? 25Katuraba nitushubira ekyo tutalikubona tukilindirile no bwe gumishiliza.26Oku nikwo Mwoyo atujuna ombujege bweitu kuba titumanya kushaba nkokwo tulikuragirwa, shana Mwoyo wenene niwe atushabira ombushasi bwingi muno obutali bwa kugambwa. 27Katonda ahenjuza emitima ya bantu namanya ebitekerezo ebya mwoyo enshonga ashabira abagorogoki nkokwo Katonda alikwenda.28Nitumanya okwo Katonda akora ebintu byona akabigoshora kabigasha abamgonza, nibabo abalikwetwa nkokwo yategekire. 29Olwokuba bona abo yamanyile kwema abutondwa nibo yaheire obushobora bwo kushanangana no Mwanawe, Omwanawe ogwo abe omzigeijo gwa barumnabe. 30Na balinya aboyaronzile kuruga ambandizo, abo akabeta akashuba yababarila ombagorogoki, abo yababalire obugorogoki yashuba yabatunga ekitinwa.31Mwenu tugambeki aharweki? Ka Katonda alaba ali omrubaju rweitu nohi ayakutubasa? 32Wenene Katonda ogweo ataganyiire mwanawe, shana akasmwihayo alweitu twena, tatuhe bulikantu hamo nawenene?33Nohi ayakutweijera endondwa za Katonda? Ni Katonda abahindura abagorogoki. 34Aho owokubaramra nohi? Ni Kristo Yesu ayabaferilekwo, akahimbuka ombafu asingiile ahamkonao gwa buryo gwa Katonda, Mara niwe alikutushabira.35Nohi owokututeishurana ne ngonzi za Kristo? Tuteishuranwe Amayengo, anga enaku, anaga okugingizibwa, aga ifa, anga okugenda busha, anga akabi, anga embanda? 36Nkokwo kihandikilwe kiti, " aharwawe nitusiba nitwitwa nitushana entama ezilikwija kubagwa."37Chei ebi byona twabisingire ommani ga Katonda ayatugondize. 38Nimanyagi norwo rwakuba orufu, anga oburola, anga abamareika, anga abatwazi bo mwiguru anga ebilikwija kwija, anga obushobora bwe ngeri zona, 39anga ebili oluguru anga ebili ahansi, anga ekitondwa kyonakyona ombitonwdwa, tikine kubasa kututeishurana ne ngonzi za katonda omli Kristo Yesu Omkama weitu.
91Ningamba amazima omli Kristo Yesu tinkubiha, omtima gwange tilikunjulira omli Mwoyo alikwere, 2Okwo nyine obujune bwingi no bushasi bwa buli kanya ommwoyo gwange.3Ombwange nakugondize mbe ndamirwe ahali Kristo aharwa barumna bange abanyabuzale bange aharwombili. 4Nibo baisraeli abahindwirwe egabo yokuba abana ba Katonda ekitinwakye, endaganoze. Amateka emigenzo yokumramya, ne bya rageinwe. 5Nibatabuka ahali batatenkuru ichwe abakare kandi na Kristo aharwombili owihanga ryabo. Katonda owihanga ryona asingizibwe ebiro byona. Amina6Chonka tikwokugiroti ekigambo kya Katonda tikya gashile. Tikugiroti bona abalikutabuka ahali israeli na ba israeli. 7Kandi ti bona bana Ibrahimu kuba banabe, chonka kikagambwa kiti "abana bawebaryeterwa ahali Isaka."8Eki nikimanyisa okwo abana ba Katonda ti ba mbili shana abana abe ndagano nibo balikwetwa abanabe. 9Ekyarageinwe nikigenda kiti, "ombukilo nkobu ndigaruka mara Sara aliba eine omwana wo bwojo."10Kandi tekyo kyonka na Rebeka kutyo akazara abana babili ahamsheija omo, Isaka isheichwe, 11Norwo abana abo babeire batakazeirwe nangu batakakozile kirungi anga kibi, entegeka ya Katonda eyokuronda israel ebone kwikaraho, ti harwabikorwa bya bantu shana omweto ogwa katonda, 12Rebeka ogwo akagambirwa ati, "Omkuru alitwarwa omto." 13nkokwo kihandikirwe kiti, "nkagonza Yakobo chonka nanoba Esau."14Mbwenu tugambeki tuti Katonda takora mazima? tikyakuba! 15Kuba nagambira Musa ati, " ndaganyira owo nganyira, mara wenene ogwo owondiganyira ndamganyira mbuganyizi" 16Aharwekyo tikiahabweyendezi bwa muntu, shana ahabuganyizi bwa Katonda.17Nebihandiko nibigambira Farao biti, "nkakuha obukama kukwerekeraho obushobora bwange omliwe, Ibara ryange liraganwe omunsi yona." 18Kityonu Katonda agira obuganyizi wenawena owo agonza nawe akagumanganisa omtima amkora entahurira.19Noija kumbanza oti, "kubaki akyakwata abantu omshango? Isi nohi ayakumwangira ekyayenzire?" 20Chonka iwe wabohi, omuntu kuhorola Katonda? ekibumbano kyakubaza ayakibumbile kiti, "kubaki wambumbile oti?" 21Isi ombumbi teine bushobora aibumba, omwibumba erwo yajunga kwihamu ekikwato kirungi ne kindi ekyokukoza ebintu ebyabulikilo?22Nikyo kimo nekyo Katonda akozire. akagonza kwerekya ekinigakye nokumanyisa obushoborabwe. Chonka abobeire anigaharile kwija kubasilikya akabegumishiliza muno. 23kandi akashuba yagonza kwerekya okwo ekitinwakye kili kingi muno ekyo yatutungire ichwe abo yaganyiire nibo balinya omlichwe abatekatekile ekitinwa. 24Tuli abantu abo yeisire, timbayahudi bonka shana no mbanyamahanga.25Eki nikyo alikugamba omli Hosea ati, "Ababeile batali bantu bange ndibeata abantu bange, ni hanga erwonabeile ntalikugonza ndilyeta mgonzibwa wange. 26Kandi ahamwanya gwonenegwonene mbali bagambilwe bati timba bantu bange, honenene aho barayeterwaho bana ba katonda asingire."27Ne Isaya nagamba ali Israeli ati, "norwo orubara rwa ba Israeli rulishana omshenyi gwe nyanja abalisigaraho nibo balirokoka. 28Kuba ekyo Katonda yagambile kukora ensi neija kukikora na mani mara ombwangu" 29Kandi nkokwo isaya yabagambiile ati, " Komkama wa mani atakutusigileo bana twakubeire nka sodoma tushana Gomora"30Mbwenu aho tugambeki? Abanyamahanga abatakoragi bya bugorogoki babeire abagorogoki, obugorogoki bwabo nibwo buruga omkwesiga. 31Chonka israeli abakora ebyobugorogoki ommateka tibashoboile kuhikya bugorogoki bulinya.32Aho kubaki? Enshonga ebyobugorogoki tibabikolize mani go kwesiga bakaba basimbize ahabikorwa. Besiteire "aibare alistarwaho," 33Nkokwo kihandikirwe kiti, "mlebe nateka ibare omli Sayuni elilisitaza abantu orwazi olibagwisa kandi alimwikiliza talikwatwa nshoni."
101barumna, ekyomutima gwange gulikwitanira, nekyondi kushabira Isiraeli ahali Katonda nibashabira kabarokoka. 2ndi omujulizi wabo okwo bene ekihika ahali Katonda, chonka ekihika kyabo tikyabumanyi. 3kuba tibalikumanya bugororoki obulikuruga ahali Katonda,kandi bakeitanira okugumisa obwabo,tibakunzire bugororoki bwa Katonda.4kuba Kiristo niwe yagobeselize emiango omubu gororoki ahali wena ayesiga. 50 rwokuba Musa nahandika okwo" muntu alikukora ebyo bugororoki asimbize ahamiango ekyo kilimubonesa oburora."6Cchonka obugororoki oburuga omumwesigo bugamba buti,"otagamba omumwoyo gwawe.oti nohi alitemba kugya omwiguru? (eki nokuleta Kiristo omunsi). 7anga, "Nohi alisongoka omukuzimu?"(Nikwo kujiroti Kiristo akaija obubafu).8Conka nogambaki? "Ekigambo kili ehi newe, aha munwa gwawe na aha mwoyo gwawe."Ekyo nekigambo kyomwesigo, ekyo tulikuranga. 9Koraba noikiliza okwo Yesu no Mukama, mara noyesiga okwo Katonda ya himbwire Yesu kuruga omubafu olirokoka. 10Kuba omuntu ekiliza ahamutima aindurwa kuba omugororoki, Kandi agambatyo arokoka.11Ebihandiko nibigamba biti, " wenawena ayesiga Katonda talishonahara." 12Aha rwokuba taliho nshororo aha Muyahudi nomugriki.Orwo kuba Katonda nowabantu bona. mara Bona abamushaba Abatunga Ebirungi. 13Orwokuba "wena wena Atakira Katonda alirokoka."14Chonka abantu bakushaba bate owobatakeikilize? Isi bakwikiliza bate owo batakauliraga? Isi bahulire bate batene murangi? 15Isi abantu bakuranga bate batatumirwe? Nkokwo Kihandikirwe kiti Nigarungi mno amaguru gabo Abalikuranga Amakuru garungi!"16Chomka bona tibaulirize kigambo kyakatonda, Isaya nagambati, Katonda nohi ekiliize Ebyarangirwitwe?" 17Kityo okwikiliza kuruga omukuhulira, kanda okuhulira kuruga Omukigambo kya Kiristo.18Chonka nibaza, tibakahulire? Mazima bahulire; kuba Iraka lyabo lyagobire omunsi zona, ebigambo byabo byagobire aha mbibi zensi yona.19" Ninshuba nibaza, Isiraeli tiyashobokirwa? Ekya mbere Musa nagambati,"Ndabaha okuchubira abatali ihanga; mbahe okunigahara Ihanga lyabafera."20Kandi Isaya namaza kugoba aha kugamba at," Abatampiga nibo bambona, nayemanyisa aha batamubaza." 21Chonka Isiraeli namugambati, omumushana gwona nsiba ntegire Ebyara kukwata abatekiliza amo nabagumangani."
111Mbwenu nibaza nti, Katonda akangira kimo abantube? Tikyakuba! Inye ndi 0 mwisiraeli, mwijukuru wa Iuraimu, Oworuganda rwa Benjamini. 2Katonda tarayangire bantube, aboyamanyire kwema Enyuma Isi timukumanya Ekigambo okukilikugamba ahali Eliya,okwo atweijera Isiraeli ahali Katonda? 3" Mukama, abarangi baawe babaisire, rwensinga zawe bazikambura, nsigereho nyenka mare nibampiga kunyita."4Chonka Katonda nakuhororate? "Nyesigireho abantu 7,000 abatakateleraga Baali Kijwi." 5Nangu, akanya aka akamakiro aga alio abasigeireho aha rwekisha.6Chonka kakiraba kili aha rwekisha tiaha rwabikorwa; kakitali kityo Ekisha tikikili kisha rundi. 7Ebyo nebiki? Ebyo Abaisiraeli baigire tibabibwene. abaerwe bakabibona, Chonka abasigeileho bakagumangana, 8nkokwo kihandikirwe kiti, "Katonda akabaha omwoyo Oguli kuhuzuma, amesho gatabona na matwi gatahulira mpaka na kileki,"9Daudi nagambati, amagenyi gabo gababere omutego gubakwate, gababere Ekiina mare gabarugiremu Ekibonabono; 10amesho gabo gabundwe Omwilima batabona, enaku zibaende emigongo ebiro byabo byona."11aho nigamba, Isi bakasitara bahendeka? Tikyakuba! Entambara zabo zikaretera Abanyamahanga okurokoka kandi mare Abaisiraeli bagira ekisho. 12Mbwenu Entambara zabo kaziraba zatungisize ensi, kandi okuremwa kwbo kukatungisa Abanyamahanga, lero kansu orwo Abaisiraeli balirokoka bona!13Mbwenu ningamba nenywe Abanyamahanga. Nkokwo inye ndyentumwa yabanyamahanga, ninyebugisa omulimo gwange. 14Anga ngize Abayaudi bataibange ekisho tugire abonarokoramu.15Okwangwa kwabo kakuraba nikuletera ensi kugaruka ahali Katonda, okwikiliza kwabo nikwo kugambaki kakutali kuimbuka omubafu? 16kekiraba kyambere kiraba mbikiro nekiraonderaho kiraba kityo Emizi keraba mirungi, namatabagi garaba garungi.17Chonka amatabagi agandi kagaraba gakonoirwe, kandi Iwe ekyana kyo muzaituni ishwa okabyarwa aha muzeituni mbali amatabagi gakonoirwe, kulya obunuzi bwomuzaituni, 18oleke kugaya amatabagi.oijuke okwo omuzi gutemelire aha liwe, shana iwe oyemelire aha muzi.19Aho Oragamba oti, "Amatabagi gakakonorwa kambyarwa mbali gakonoirwe." 20Ekyo nikwo.gakakonorwa aha rwokuteikiliza kwago, Chonka newe okwikiliza kwawe nikwo kukwemelize. kityo oleke kugaya, ochulere. 21aha rwokuba Katonda karaba ataganyiire matabagi ago buhangwa, newe talikuganyira.22Aho oyekomye obufura bwa Katonda nokukarakwe: Katonda akalira abagwire, Chonka akugilira obufura, ekiliho oyekwate obufurabwe: kakitali kiyyo newe alikwanga.23Nangu nabandi kabaraba batazigiliire omubutesiga bwabo, baligaruka mbali babere bali, aha rwokuba Katonda Ene obushobora bwokubagarura. 24Orwokuba inywe kamuraba mwatemirwe aha muzeituni, omuzaituni kibira aha rwo buhangwa bwagwo, mukakwatanisibwa aha muzeituni ogulimirwe nangu kushagaho aba Abayaudi, abalikushana amatabagi agalimirwe babase kubyarwa orundi aha muzeityuni gwaabo.25Barumuna bange, ningonza mumanye Ebyenshereko ebi, mteija mukebia ngu mwine amagezi. Ebyenshereko bilibiti Abaisiraeli bagumangene, kuikya orwo Abanyamahanga baragobeshereza.26nirwo Isiraeli yona balirokorwa: nkokwo kihandikirwe kiti: Ommrokozi aliruga Sayuni,amare Entambara omuli Yakobo: 27Egi niyo ndagano yange, eyondi kora nabo orwo ndibagarulira entambara zabo."28aha rwo kuranga Evanjeli. nibabanoba aha rwenywe. Omuru baju orundi aha rwo buronzi bwa Ktonda. bagondizwe aha rwa beishenkurubo. 29aha rwokuba Eperwa yomweto gwa Katonda teinduka.30aha rwo kuba Inywe kuruga enyuma timura ukire Katonda. Chonka mbwenu Katonda abagilire obuganyizi aha rwo butaulira bwa Abaisiraeli. 31aharwo buganyizi Obwo mugilirwe, Abayaudi tibali kuhulira Katonda, kityo nabo beije babone kugilirwa Obuganyizi.bwa Katonda. 32kuba katonda akomile abantu bona Omubutaulira, nirwo arabagilira obuganyizi.33Okwo itunga rya Katonda no bumanyibwe na magezige! Emilamulire nentwazaze nebyokutangaza! 34Nohi alikumanya ebitekelezo bya Katonda anga Nohi arabere Omuhanuziwe?35Anga nohi aramuhere ekintu ali wambere Katonda kwija kukimugarulira?" 36Ebintu byona biluga ahali wenene, bibaho omu bushobora bwa wenene, mare biba ebya wenene. Ekitinwa kibe kya wenene ebilo byona Amina.
121Aha rwekyo barumna bange, nimbatagiliza nobuganyizi bwa Katonda muhonge emibili yanyu ebe ekitambo ekilikurora, ekigororoki mare ekilikushemerera Katonda. 2okunikwo kumwegashaniza kwanyu okwamazima. mare mutakuondera banyamahanga shana muindure Ebitekerezo byanyu buhya mumanye Ebyo Katonda Ayenda, Ebilibirungi ebigororokire.3Aha rwekisha ekyo nagilirwe bulyomo omulinywe, nimuragiira Areke kwekuza kushaga okwali, ekilio mube nobwegendereza, bulyomo ayerebe kuhondera amani gokwikiliza okwo Katonda ya mutungire.4kuba omumubili gumo twenemu engingo zingi, Chonka engingo zona tizine mulimo gumo. 5Kityo, neitwe abalibeingi tuli omubili gumo omuli Kiristo, mare bulyomo norugingo rwa mtaiwe.6Twene amatungwa Agatali gamo aha rwekisha kyotutungirwe, kityo tugakoze. kakuli okurangilira turangilire okwo kwegesa kwetu kuli. 7Kakuli Okukora, tukore, araba ayegesa ayegese. 8Araba agira akalyo koku maramara abantu, akoratyo, araba amanya kuha abantu, abahe, araba namanya kujuna, ajune, nekihika, owobuganyizi, agire O buganyizi namashemererwa.9Engonzi ziruge aha mutima. munobe ebibi, mwekwate ebirungi. 10mugonzangane engozi ezoburumuna: mare mukunirangane.11Ekihika kyanyu kitashuba nyuma: 12mushanduke aha mwoyo kandi mukorere Kkatonda. mushanduke aha rweshubi eyomwinayo, omumatangwa mwegumisilize, mare mushabe obutarekera. 13Abakiristo batai banyu mubachangire ebyo bali kwetaga, kandi munyegeze abagenyi.14Muhe Emigisha Abali kubatamwa: mubahe Emigisha mutabarama. 15Abali kushemererwa mushemelerwe nabo: Abali kulira mulire nabo. 16Mweme hamo nabataibanyu: mutekuza, ekilio mwikare nabantu omubutekuza, anga kwebona Amagezi.17Mutalye oroza kibi omukibi, shana mukore ebirungi omumesho gabantu bona. 18Kakiraba nikishoboka, Nk'okwo kyatirwe omulinywe Mube nemilembe na bantu bona.19Abagonzibwa, mtalyeoroza: ebyo mubirekere Katonda, kuba kikahandikwa kokwo,"Okweoroza nokwange: Inye ndibahorora alikugamba no Mukama." 20Omubi wawe karaba ene enjara omulise. Karaba ene eliho omue ekyokunywa.orwokuba koli kumukorera otyo oraba nomuta Omukara gwomuliro aha mutwe." 21Otasingwa bibi shana Ebibi obisingise Ebirungi.
131Buli muntu akunile Abatwazi. Aha rwokuba taliho bushobora obutaruga Ahali Katonda.Abatwazi abaliho bakatekwaho Katonda. 2Aha rw'ekyo Ahakanisa Abatwazi Ahakanisa Omuhango gwa Katonda: mare abo balyeretera omushango.3Kuba Abatwazi tibatinisa abakara ebirungi, shana batinisa abakora ebibi. Isi noyegomba obutatina Batwazi? Aho okore ebirungi nirwo Abatwazi barakusima. 4kuba nomkozi wa Katonda aha liwe omubirungi. Shana korakora Ebili bibi. otine. aha rwokuba Omutwazi Embanda tagikwatira busha. Shana ajikwata aha rwenkora bib. 5Kityo Omuntu na ragirwa kuhulira, ti aha rwokutina Ekiniga kya Katonda Shana aha rwobwenzi.6Aha rw'enshoga eyo nimushora Emishoro, orwokuba Abatwazi baba Abahereza ba Katonda, mare ekigambo eki nibakye komya. 7Bulimuntu mumuhe ekilikumsanira Owomushoro Qmushoro Omuhoza Aorerwe, Owokukunirwa Akunirwe: Owokuhebwa Ekitinwa Ahebwe Ekitinwa.8Omuntu atabatonga kintu kyona kyona, Shana okugonzangana. Orwokuba Omuntu agonza mutahiwe aba agobeselize Amateka. 9Emihango egi:" Otalisihana, Otaliita, Otaliiba, Otalyegomba, "Ekomirwe Omuli," Ogonze mtahiwawe nk'eiwe okwoli kwengonza." 10Engonzi tizitamisa muntu. Aha rw'ekyo okugonza nikwo kugobesereza Amateka.11Aha rw'ekyo nimumanya nk'okwo aka na Akanya akokuruga omu turo. kuba tweja kurokoka kushaga okwo tweikilize mbere. 12Obwire bwakire, Omushana gwajwire. turekere kukora ebikorwa byomwilima, tukore ebikorwa eby'omushana.13tukore okwo kiseine kukora omushana, tutagira mururu anga kutamiira, tureke obosihani tureke endwano ni hagiko. 14Ekiliho murondore Omukama Yesu Kiristo, muleke kufakubi nomubili, nokunulirwa obunyama.
141Omuntu owo mwesigo gulikuyuga mumunyegeze, Chonka mutagaya bitekerezobye. 2Omukwesiga Omuntu yene Omwesigo gwokulya Ebintu kyona kyona, Ondijo owomwesigo gulikuyuga natoza.3Alikulya atagaya alikubyeyangisa Nalikubyeyangisa ataramura alikulya; Orwokuba Katonda amwikilize. 4Iwe waboi kuramura Omukozi wondijo? shana omukamawe niwe abasa kumramura.5Alio omuntu alikubona Ekirokimo kilikirungi kushaga ekindi, Chonka ondijo nabona ebiro byona nibishanangana. bulimuntu aramure okwo alikubona. 6Alikugobeshereza ekiro naha Katonda ekitinwa. Kityo nalikulya Naha Katonda ekitinwa. aharwokuba nasima Omukama. Kityo nalikweyangisha naha Katonda ekitinwa mare naasiima Katonda.7Taliho muntu nomo omuli inywe arora anga afa aha bwa wenene, 8Katulikurora niturora aha rw'omukama. Katulikufa nitufa aha rw'omukama. kityonu tulikarora anga tulikafa tuli Abomukama. 9Aha rw'enshonga egi nikyo Kirisito yafelire akashuba akarora, abase kuba Omukama wa abafire na abalikurora.10Chonka iwe kubaki noramura murumuna wawe? anga kubaki nogaya murumuna wawe? kuba twenwe tulyemelera aha kitebe kyeiramu kya Katonda. 11Kuba kikahandikwa kiti, nkokwo ndi murora, "buli kijwi kiliterwa Omumesho gange na buli rulimi rulisingiza Katonda."12Kityo, bulimuntu aligamba ebyoyakozire Omumasho ga Katonda. 13Ahonu tutagendelera kuramurangana. Ekilio tulekere kutamisangana nokusitazangamna.14Nimanya mara nyine amazima Omuli Yesu Omukama okwo hatabaho kintu ekihagare omubuhangwa bwakyo: shana nekihagare omuli olinya alikukibona kili ekihagare. 15Murumuna wawe karasitazibwa ekyolikurya, oraba otali kutambukira mungonzi. ebyolikurya bitesa muntu owo Kirisito ya felire16Kityo ebikorwa byanyu birungi bitagambwao kantu. 17Obukama bwa Katonda ti kulya anga kunywa, shana nobugororoki ne milembe ne byera omuli omuli Mwoyo Alikwera.18Orwokuba Alikukolera Kirisito omu ntwaza egi ekilizwa Katonda mare ayendwa abantu. 19Aha rwekyo tuondere ebili byemilembe nokwombekangana.20Otakwita mulimo gwa Katonda aha rwekyakulya. ebintu byona nibirungi, Chonka ni bibi aha muntu alikulya akasitara. 21Nikirungi obutalya Nyama anga kunywa Edivai, anga kyona kyona ekyakukora murumuna wawe kasitara.22Ogu Omwesigo Ogwenagwo, gube Ogwawe na Katonda wawe. Yeine emigisha olinya atali kweramura ahali kilinya ekyali kwikiliza. 23Ayeine okwebaza aramwirwe karaba nalya, orwokuba timwesigogwe. na kyona kyona ekita kuruga Omumwesigo neba elyentambara.
151Itwe abagumile Omwesigo nitusana kwemera Obujege bwabatesigilegi, tuteshemereza twenka. 2Bulyomo ashemereze mwataniwe ombilungi, abone kumwombeka.3Kuba Kirisito tiyayeshemelize.Shana nkokwo kyahandikirwe, "Ebijumi bibakujumire bikaba ahalinye." 4Kuba kyona kyona Ekyakahandikirwe Kikahandikwa kutwerekeza, katugira eshubi aha rw'enshonga Ebihandiko Bitakatifu bitugumisa n'okututamu Ekihika.5Katonda Atugumisiliza nokututamu Ekihika abatunge obuturanwa bwemilembe omuli Kirisito Yesu, 6Mbone kwema hamo omwiraka limo msingize Katonda Ishe Mukama weitu Yesu Kirisito. 7Kityo mwikilize bulyomo, Nkokwo Kirisito yabeikilize omukitinwa kya Katonda.8Nibagambira okwo Kirisito yabeire Omukozi wa batahirirwe kwiyao ebyo Batenkuruiche baraganisibwe, 9Nabanya mahanga babone kusingiza Katonda aha rwobuganyizibwe.Nkokwo kyahandikirwe, "orwekyo Ndikuesiliza omu Banyamahanga, Nsube mpoyere ibara lyawe,"10Kandi nashuba nagamba ati, "Inywe abanyamahanga, mushanduke hamo nabantube:" 11Kandi musime Mukama Inywe Banyamahanga na mahanga gona gamuhaisilize12Isaya nayongeraho at, "Omukisibo kya Yese, alimukamu owokutwara abanyamahanga na banyamahanga balimushubira."13Katondam, oweshubi akanyise ebyera nemilembe omulinywe aha rw'okwesiga kwanyu, mubone kugira eshubi nyingi omu mani ga mwoyo alikwera.14Barumuna bange, inye nimanyira kimo okwo muli abantu barungi mno nimumanya buli kantu mara nimumanya kwegesangana.15Chonka aha bigambo ebindi mbahandikiire namani geingi kubaijukya, aha rwekisha ekyo Katonda yangiliire, 16Mbase kuba mukozi wa Yesu Kirisito ayatumilwe omubanyamahanga, nyeieyo nkomukuhani wevanjeri ya Katonda. kabanibasa kukolantyo okweiayo kwange omubanyamahanga kube kwikilizibwe, kusholoirwe na Katonda omuli mwoyo alikwera.17kityo nyine enshoga yokwebugisha omulimo gwange ogwondikukolera Katonda omumani ga Kirisito Yesu. 18aha rwokuba tindikwija kuziza kugamba kyonakyona shana ebyo Kirisito alikugamba omukanwa kange, abase kushoboza abanyamahanga kumuindukira omu bigambo nomu bikorwa, 19Omu mani gobubonero nebitangaza, Omumani ga Mwoyo Alikwera.Nzugukire kwema Yerusalemu nagoba Iliriko, nindaga kabutekire evanjeli ya Kirisito.20aha rwokyo ekigendelero kyange nokuranga evanjeli, Chonka ndange mbali etakarangirwe, teija nkombeka Omusingi aha musingi kwomuntu ondijo. 21Nkokwo kyahandikirwe kiti, "Abatakamugambirwahoga balimubona, nabatakahuliraga balimushobokerwa."22aha rwekyo emirundi nyingi nkatangwa kwija aha linywe. 23Chonka mbwenu, orwo na mazire omulimo gwange omumikoa egi, ntura ninyegomba kubagobao emyaka mingi.24ninshubira kubabona orwo ndaba ningya Hisipania, ninshubira nokwo muransangayo, Chonka mbanze mbakyalire buzima akanya kake. 25Chonka kanya aka ningya Yerusalemu kujanjaba aba Kirisito batai baitu.26Orwokuba Makedonia na Akaya kibashemelire kuchangira Abetage abali omuba Kirisito ba Yerusalrmu. 27Bakitegekire, mara mazima baragirwe, aha rwo kuba Abanyamahanga kabaraba bakunzire ebirungi byabo byomwoyo, na bonene kityo baragiirwe baheho Abanyamahanga ebyo benabyo.28aha rwekyo orwo ndaba na mazire ekigambo ekyo, nkamara kuhereza ebigizirwe, ndabaletwaho orwo ndaba nigya Hisipania. 29Nimanya okwo orwo ndaija okwo ndaija ne migisha ya Kirisito ehikilire.30Barumuna bange nibatagiliza mbatireho Omukama wetu Yesu Kirisito nengonzi eziruga ahali Mwoyo, tweme hamo kushaba enshara namani, munshabire ahali Katonda. 31Mushabe mbase kukira aha bateikiliza ba Buyahudi, nikora lyange aha ba Kirisito bataahi beitu aba Yerusalemu libone kubashemelera. 32Mushabe nkokwo mbase kwija ne byera ahalinywe omungonzi za Katonda,mbone kuba nenywe nyikyemu.33Katonda owemilembe abe neinywe inywena Amina.
161Nibakwasa munyanyazi weitu Fibe, omuhereza kazi wenteko ya Kenikirea, 2mumutore omwibara lyOmukama nkokwo bikagenda aha bakirisito bataahi beitu, mumujune omuli byona ebyo arayetaga ahali inywe, aharwokuba akajuna beingi nanye mbulimu.3Munshulire Purisika na Akila, abakozi bataibange aha rwa Krisito Yesu, 4abayeweiremu kunkiza ahali rufu. Tinye nyenka, shana nanentiko zona eza Banyamahanga nizibasima. 5Munshulire nenteko eli omuka yabo. Munshulire omugonzibwa wange Epineti ayabeire wa mbere kwikiliza Kirisito omuli Asia.6Munsulire Maria ayabahendekiire. 7Munshulire Andoroniko na Yunia, anyaruganda bange mare abafungwa bataibange: Bonene abo omuntumwa beine iranga mare bakanyebembera kwikiliza Kirisito. 8Munshulire Ampuliati, omugonzibwa wange omuli Mukama.9Munshulire Urubano, omukozi mutai weitu omuli Kirisito, na Sitekisi omurungi wange. 10Munshulire Apelesi, omwesigwa omuli Kirisito. Munshulire eka ya Arisitobulusi. 11Nunshulire Herodioni omunyaruganda wange. Nunshulire eka ya Narisisi omuli Mukama.12Munshulire abakozi balinya omuli Mukama, abalimu Tirifena na Tirifoza. Munshulire omurungi Perisisi, ayachwaziikire omuli Mukama, 13Munshulire Rufusi, enganzi y 'Omukama, na nyina mare mawe. 14Munshulire Asinkiriti, Filegoni, Herumesi, Patirobasi, Herimasi na banyanteko abo beinabo.15Munshulire Filologi, Yulia, Nereo na munyanya, na Olimpasi na Abakirisito bona bateibeitu abo beinabo. 16Mushurangane nimunywegerangana ekinywegero ekitakatifu.Enteko zona za Kirisito nizibakeisa.17Kyonka burumuna bange nibashaba, mwenkenge abo abatenderana abalikwija kubahakanisa aha byo mwegesebwe: mubatantare. 18Kuba abantu abemire batyo tibalikukolera Mukama weitu Kirisito. shana mbakolera Amabunda gabo. nibakoza obugambo burungi nokuabisa abatali kumanya.19aha rwenshonga yokwikiliza kwanyu omulimo gwanyu nigumanyika mare ni mbebugisa.Chonka mube bagezi mukore ebirungi,mube abagororoki mwelinde ebibi. 20aho Katonda entabuko yemilembe.Omugisha gwo Mukama waitu Yesu Krisito gube neinywe.21Timotheo omukozi mutahi wange nabakeisa: hamo na Lukio na Jasoni na Sosipateri abanyaruganda bange. 22Inye Terisio, omuhandiki webarua egi nimbakeisa omuli Mukama.23Gayo anyegize mare akanyegeza nane enteko yona nabakeisa. Erasito omuhanika wekigo, na Kwarutusi murumuna weitu, nibabakeisa.] 24:"Omugisha gwOmukama weitu Yesu Kirisito gwikare neimwe mweena. Amina ]25Asingizwe Katonda, ayene Obushobora bwo kubagumisa omu vangeli eyo ndikuranga ningamba Yesu Kirisito, nikwo kushurura ekisherekire ekyokurokora echabere kitakamanyikaga ebiro byona. 26Chonka kishurwirwe omubihandiko byabarangi, nomuhango gwa Katonda kimanyike Omumahanga gona, bagire omuhuliro oguli kutabuka omukwikiliza.27Katonda wenene wenka omumanyi,aheisilizibwe omuli Yesu Kirisito ebiro byona. Amina.
1 Corinthians
11inye Paulo, owo Katonda yayenzire kanyetwa entumwa ya Yesu Kristo, na murumna weitu Sositenesi, 2nitubahandikira inywe enteko ya Katonda eya Korintho, Inywe mkahindulwa kuba abatakatifu omli Yesu Kristo, mwayetwa kuba abatakatifu hamo na bona abali bulihantu nibashaba kutakira omkama weitu Yesu Kristo, Omkama wabo kandi Mkama weitu. 3Ekisha ne milembe bibe omlinywe kuluga ahali Katonda isheichwe no Mkama weitu Yesu Kristo.4Ebilo byona nimbasimira Katonda aha rwekisha ekyoyabatungile omli Yesu Kristo. 5ahalwenshonga yo mjwangano gwanyu na Kristo mubeile abatungi omlibyona ebyomlikugamba byona nebyo mlikumanya. 6abakozile abatungi, ombyomwagambilwe nkobujulizi ahali Kristo okwo bili amazima omlinywe.7Mwabona buli matungwa go mwoyo, nkokwo mwine eshubi yo kushululirwa kwa Mkama weitu Yesu Kristo. 8Wenene niwe alibagumisa kuhikya akilo kyenzindo ekyoMkama weitu Yesu Kristo. 9Katonda ayabesire kamjwangana no Mwanawe Yesu Kristo omkama weitu, aba omweigwa.10Barumna bange nimbatagiliza, omwibara lya Yesu Kristo, nywena mgambe kimo mara mtatanukana. Mtegeke kimo mara mtekereze kimo. 11Abomwa Kloe bangambile okwo mwinamu empaka, inywe barumna bange.12Nyenzile kubagambira okwo buli omo omlinywe nagamba ati "inye ndi owa Paulo" anga inye, inye ndi owa Apolo" anga, "inye ndi owa Kefa" anga, "inye ndi owa Kristo". 13Isi Kristo alugirwemu ebichweka? Isi Paulo akabambwa kubalokola? Isi mkabatizibwa omwibara lya Paulo?14Ninsima Katonda olwokuba tindabatize nanomo omlinywe, shana Krispo na Gayo. 15omuntu ateja akagirati akabatizibwa omwibara lyange. 16(Shana nkabatiza abomwa Stephania. kushaga aho tinkumanya nkanyine ondijo owonabatize).17Kristo tiyantumile kubatiza shana kuranga evangeli, kutali kurangisa obumanyi bwa bantu, omsaraba gwa Yesu guteija gukabulwa nshonga.18Ebilikugambwa ahakufa kwa Yesu ahamsaraba, ne bigambo byo bufera aha balikuhwerekelera. Chonka ahalichwe abalikurokorwa nitubona okwo buli obushobora bwa Katonda 19Olwokuba kihandikilwe kiti, "Obumanyi bwa bamanyi ndibwita. na magezi ga bagezi ndi geita"20Ommanyi alinkahi? Omshomi alinkahi? omhakani owamakilo aga alinkahi? Katonda tiyahindwile obumanyi bwe nsi kabuba obufera? 21Katonda ombumanyi bwa wenene tiyakunzile bantu kubasa kummanya aharwobumanyi obwabo nyabwabo. Shana Katonda akenda kulokola abalikwesiga, kubalokoza ebigambo ebyo tulikuranga ebyobalikweta ebyobufera.22Abayahudi nibenda obubonero, kandi Abayunani nibenda obumanyi. 23Chonka ichwe nitulanga Kristo ayabambilwe, ali ekisitazo omba Yahudi kandi uburenga omba Yunani24Chonka ahabaraba besilwe, aba Yahudi na bayunani, nibamanya nkokwo Kristo na mani ga Katonda mara nobumanyi bwa Katonda. 25Katonda omburengabwe no mumanyi kusha abantu, no mbujegebwe amani nagashagya abantu.26Barumna bange mtekeleze aha mweto gwanyu. Ommilebere ya bantu tibeingi ababeile bali abamanyi, ti beingi ababeile beine obushobora, ti beingi ababeile nibaruga omnganda za bakama. 27Shana Katonda akalonda abo ensi yabeile nebona bali abafera kushonahaza abamanyi, akaronda abensi yabeile nebona bali abajege kushonahaza abamani.28Katonda akalonda abantu abahansi abagaywa ensi, abazoka bali ebintu kusha abone kulibisa abalikwebona bali abomgasho. 29akakola atyo omuntu wenawena ateija akesheijahaza ommeisho ge.30Katonda niwe ntabuko yo bulola bwanyu omli Yesu Kristo owoyahindwile obumanyi bweitu, obugologoki bweitu, butakatifu bweitu mara kuchungurwa kweitu. 31Nikyo bahandikiile bati, "araba nayebuga ayebuge Omkama."
21Barumna bange olwoneizile owanyu kubarangilira ebyesherekire ebya Katonda, tindakolize emigambire elikuguma anga obumanyi bwingi. 2Ekyo nabeire nimpiga ahalinywe ti kindi shana Yesu Kristo ogwo ayabambilwe.3Orwotwabeile tulihamwe nkaba ndi omjege, nintina mara nintungura muno. 4Emigambile yange nebyo narangile bikaba bitali bigambo bya kutangaza ebyobumanyi. Shana bikaba nibyerekya amani ga Mwoyo mtakatifu, 5okwesiga kwanyu kuleke kuba ombumanyi bwa bantu, shana kube ommani ga Katonda.6Obumanyi bwa Katonda nitubugambira ombemyoyo ekuzile, chonka nibuba butali bumanyi bwensi egi anga bwa batwazi bayo abalikuhwelekerela. 7Tugamba obumanyi bwa Katonda obweshelekile obutalikumanyika obwo Katonda yateileo ensi etakabeileo twije tuhebwe ekitinwa.8Talio mtwazi wensi egi ayashobokilwe obumanyi obu: ahaorwokuba kabakubumanyile tibakubambire Mkama we kitinwa. 9Chonka nkokwo kyahandikilwe kiti: "Ekyo erisho litakabonaga, no kutwi kutakahulilaga, no muntu atakakitekelezaga ommwoyo, ekyo Katonda yatekatekile abamgonza"10Ebi nibyo Katonda yatushululire kulabira omlimwoyo, olwokuba Mwoyo ahenjuza buli kantu, nangu nebyesherekile ebikwasile ahali Katonda. 11Ni muntuki amanya ebitekelezo byo muntu gutali mwoyo gwa muntu einagyo? Nikyokimo taliho amanya ebyesherekile bya Katonda, Shana Mwoyo wa Katonda.12Kandi ichwe Mwoyo owotwaheirwe ti mwoyo wa nsi egi, shana mwoyo alikuruga ahari Katonda, tubase kushobokerwa amatungwa ago Katonda yatutungile. 13Mara amatungwa agotitulikugashoboroza rulimiorwotwayegesibwe obumanyi bwa bantu. Nitukoza orulimi olwo twayegesibwe na mwoyo, ebya Mwoyo nitubishobolola abeina Mwoyo14
15Omuntu alikuhondera ebya Mwoyoashobopkerwa bulikantu, kandi wenene taliho amshobokerwa. 16Ebihandiko nibigamba biti, "Nohi aramanyire ebitekerezo bya Katonda, kugira oti nabasa kwegesa Katonda?" Chonka ichwe ebitekerezo bya Kristo nitubimanya.31Barumuna bange, tindafomoile neinywe nka bantu abeina Mwoyo, shana nka bantu be nsi, olwokuba omli Kristo muli nke nkeremeke. 2Nkabagabira amate tindabaheile kyakulya kilikuguma, olwokuba mkaba mtakakibasize nangu nanaha timkakibasize.3Orwo mkyali abantu bensi, kamulikugililangana ibuba no kulwana, aho ti mlibantu be nsi?, isi timlikutambuka nka bantu be nsi? 4Olwenshonga omuntu kalikugamba ati 'inye ndyo wa Paulo", ondijo ati "inye ndyo wa Apolo" Timlikulola nka bantu be nsi? 5Apolo ogwo yabohi? anga Paulo yabohi? Na abakozi bo olinya owomwayesigile, buli omwe kukola ebyo Mkama yamlagile.6Inye nkabyara, Apolo yasheshera ameizi, chonka Katonda niwe yabikulize. 7Kityo alikubyara na likusheshera ameizi tibeina nshonga. Shana olinya abikuza niwe Katonda.8Abyara na sheshera ameizi nibeingana, mara buli omo alibona emperwaye kwingana no mlimogwe. 9Olwokuba ichwe tuli abakozi ba Katonda inywe mli ekibanja kya Katonda, mlienjuye.10Nkokwo ekisha ekyo Katonda yantungire kili, nkombeka omsingi, ondijo yayombeka ahaligwonene, chonka bulimuntu alebe okwo alikugwombekaho. 11Taliho yakwombeka msingi gundi gutali ogwo ogwayombelirwe, nigwo Yesu Kristo.12Chonka komuntu alayombekaho edhahabu anga efeza anga amabale giguzi anga emiti anga obunyasi, 13Omlimo gwa bulimuntu guligya ahamshana. Ekilo kyo Mkama kiliguzora, omlimo ogwo gulizorwa omliro, omliro gulirenga omlimo gwa bulimuntu ogwoyakozile.14Enju eyo omunti ayombekile ahamsingi kelikaraho alibona emperwa. 15Chonka ko mlimo gwo muntu gulihya, aliterwa ehasara. norwo wenene alirokoka, chonka alishana ayaraba ommliro.16Timlikumanya okwo inywe mli Rwensinga ya Katonda mara Mwoyo wa Katonda neikara omlinywe? 17Komuntu wenawena alikambura Rwensinga ya Katonda, Katonda alimkambura. Rwensinga ya Katonda eba ntakatifu, mara Rwensinga egyo niinywe.18Omuntu atakyebiya Komuntu wenawena omlinywe alaba nayetekereza kuba ommanyi omnsi egi, abe omfera eije abase kuba ommanyi. 19Olwokuba obumanyi bwe nsi egi ahali Katonda nibwo bufera, Kikahandikwa kiti, "Abamanyi bakwatira ombwenge bwabo" 20Kandi " Omkama namanya okwo ebitekerezo bya bamanyi biteina Kantu."21Kityo omuntu atalyebugisa bantu, ebintu byona ne byanyu. 22Alakaba Paulo anga Apolo anga Kefa anga nsi anga bulola anga rufu anga obukilo obutuliho anga obukilo obuleija, byona ne byanyu, 23neinywe mli ba Kristo na Kristo no wa Katonda.
41Omuntu atubone ati, atubone tili bakozi ba Kristo mara abagelezi be byesherekile bya Katonda. 2Mara kandi abagerezi abaragiirwe kuba abesigwa.3Chonka inye tindi kantu mlikandamra anga ndikaramrwa rukiko rwa bantu. Nangu nanye nyenka tindikweramra. 4Tinyinayo ekyo ndikwebabara chonka tikwo kugiranti ndi mgologoki. Omkama niwe alokundamra.5Aharwekyo mtaramra akanya katakagobile, Omkama atakeizile. Niwe alireta amshana ebisherekile ebisherekile ommwilima ashulure ne bitekerezo bye mitima. Nilwo bulimuntu alibona esimiye kuluga ahali Katonda.6Barumna bange, nashobolora ebikwasire alinye na Apolo olwenshonga yanyu kambasa kutwegaho kutashaga ahabihandikile: mteija mkagira ikuru erwoogu kugaya olinya. 7Nohi alikubona okwo alyomuntu we nshonga? nikihe ekyo oinakyo ekyo ataheirwe? Isi kolaba wakiheirwe kubaki noyesingiza manya oti tiwakiheirwe?8Mbwenu mwigusire! mwatungire! mwabeire abakama obuzira ichwe! mube abakama tubase kutwara hamo. 9Nintekereza nti ichwe omntumwa zona Katonda akatulonda tuli abenzindo, tukaba nitushana abantu ababeire baramwirwe kwitwa. Olwokuba ensi netutangalira, na bamaleika na bantu.10Ichwe tuli abafera olwenshonga ya Kristo, inywe omli Kristo muli abamanyi. Tuli abajege, chonke inywe mwine amani. Inywe nibabakunira chonka, chonka ichwe nibatugaya. 11Mpaka saa egi twine enjara ni liho, ti twine bijwaro, nituterwa, mara titwina bwikaro.12Nitukoza emikono yeitu emilimo ommani. Kabalikutujuma nitubagambagi, kabalikutuboyera tubitekanira. 13Kabalikutubihilila titulikurakana, tuli nke takataka ze nsi, nitushana ekomboto ye bintu byona.14Tinkuhandikebi kubashonahaza, nimbihandika kubahana nka bana bange abagonzibwa. 15Mlakaba mwine abegesa 10,000 omli Kristo, timwine beisheinywe beingi, inye nkaba isheinywe omli Kristo kwema olwo nabarangilira evangeli. 16Ahalwekyo nimbatagiliza mundondole.17Nikyo nabatwekiile Timotheo omwana wange omgonzibwa mara omwesigwa omli Mkama. Wenene alabeijukya entwaza zange omli Kristo, nkokwo ndikuzegesa buli hantu omli bulinteko. 18Abandi omlinywe beine ikulu manyoti tinyije wanyu.19Chonka ndi hei kubagoba ko Mkama alagonza. Tindikwija kuhiga ebyo abeikulu balikugamba, ninyenda kubona na mani gabo. 20Olwokuba obukama bwa Katonda tibuluga mubigambo, buluga ommani. 21Nimwendaki? Mbeizile ne nkoni anga mbeizile ne ngonzi no mwoyo gwo buchulezi.
51Nikigambwa buli hantu nkokwo mwina obusihani, engeri yo busihani etari na mubanyamahanga. Omuntu kusihana na mkeishe. 2Mara nimwesingiza! mbari mwakubeile nimshasha, alaba akozile ekikolwa ekwo bamshende.3Norwo ndaba ntari hamo neinywe omu mubili ndi hamo neinywe omu mwoyo okwo bonoti ndi hamo neinywe 4na kozile ekintu nkekyo namramwile omwibara lyo Omkama Yesu, orwo mlaterana nanye ndi hamo neinywe ommani go mkama weitu Yesu. 5Omuntu ogwo mmukwase sitani amwite ombili, chonka omwoyogwe gurokoke aha kilo kyo Mkama kyo Mkama Yesu6Okwesingiza kwanyu ti kulungi, Timlikumanya okwo itumbyo like ritumbisa ensano yona? 7kityo mweyeze mweihemu itumbyo lya kale, mbase kuba ensano empya, nkokwo mutatumbisibwe. Olwokuba Kristo akatama keitu ka pasika, akatambwa ekitambo. 8Aharwekyo tukole obugenyi, tutabukoza itumbyo eryakale, anga itumbyo lyorwango ne ntambara, tubukoze omkate ogtatumisibwe nibwo bwesigwa namazima.9Nabahandikiile ombarua yange mtamanyilangana na basihani. 10Tindikugamba nti mwikale hare na basihani bona bona be nsi egi anga abomlulu na banyagi anga abalikwegashaniza ebishushane, kakyakubeile kityo mwakuseine kuluga omunsi.11Inye nkabahandikila nti mtamanyirangana no muntu alikumanyika okwo ali murumna wanyu chonka no msihani anga no muntu wo mululu anga nayegashsniza ebishushane, enjumangani anga entamizi, omuntu nkogwo nokulya mtalya nawe. 12Isi no mlimo gwange kulama abali aheru ye kanisa? isi ti mlimo gwanyu kulamla abali omkanisa? 13Chonka abo abali aheru ye Kanisa Katonda niwe alibalamla. "Omuntu omubi mmushende abarugemu"
61Omlinywe omuntu karaba yeine ebigambo na mtahiwe, Yakubasa ate kutweija abatakansi ataweijile abaKristo? 2Timlikumanya okwo abakiristo nibo balilamla ensi egi? Isi kamlaba mli abokulamla ensi egi emishango eteina mani nebalema. 3Isi timlikumanya okwo tulilamla abamareika? Lero ebyomunsi, nitubasa kulamla ebyomunsi egi.4Katulaba nitubasa kulamla ebyensi egi, kubaki nimtwara ebigambo byanyu omtakansi? 5ne bye nshoni kubona nimbagambila ebigambo ebyo. kyakuba kite kubona omlinywe nihabulamu omuntu ommanyikwo owokubasa kulamla abali barumna? 6Shana nimtweijerangana omuntu na murumnawe ombatakansi!7Eki ne kigoko omlinywe kutweijerangana inywe omlinywe, kubaki mtemilizamu? Kubaki mteikilize kubihwa? 8Chonka mkozile entambara na bandi mwababiha, mara ni barumna banyu!9Timlikumanya okwo ababi batalitaha mbukama bwa Katonda? Mtakunda kubihwa. baba bajange, abegashaniza ebishushane, abasihani, ensiyaga, 10abashuma, abomururu, entamizi, ababihi be bishuba, abanyagi, tibalitaha ombukama bwa Katonda. 11Neinywe abandi nikwo mwabeile muli. Chonka mbwenu mkogibwa mwayera mwaba abagorogoki omwibara lyo Mkama Yesu kristo no mli Mwoyo wa Katonda weitu12"Ahalinye ebintu byona ni bilungi" chonka ti byona bine omgasho. "Alinye ebintu byona ni bilungi" chonka taliho kintu kyonakyona ekilantwara omwoyo 13" Ebyakulya bigya omrubunda, no rubunda lugyebwamu ebyakulya, Chonka Katonda alibimaraho byona. Ombili tigwatonzilwe kukola busihani, omubili gugendelirwe kukolera Mkama, mara Mkama asingile ommbili.14Katonda akahimbura Omkama mara neichwe alituhimbura ommanige. 15Timlikumanya okwo emibili yanyu ekwateine na Kristo? Nkwate engingo za Kristo nzikwatanise nezommalaya? Tikikubasikana!16Timlikumanya okwo omuntu abyama no mmalaya aba omubili gumo nawe? Nkokwo kihandikile, "kiti ababili baliba omubili gumo." 17Chonka ajwngana no Mkama ajwangana nawe ommwoyo.18Mwelimde no bujange! Buli ntambara eyo omuntu akolerwa aheru yo mbili. Chonke obujange omuntu afakalila ommbiligwe.19Timlikumanya okwo emibili yanyu eba rwensinga ya Mwoyo mtakatifu. alikutuura omlinywe, Owo Katonda yabaheire? Timlikumanya okwo mtalinywenka? 20Olwokuba mkagulwa omwiguzi lingi. Kityo msingize Katonda ommibili Yanyu
71Ahabyo mwampandiikile ni kilungi omsheija kutanyiama na mkazi. 2Chonka ahalwenshonga ye kilengeso kyo bujange buli msheija nalagilwa kugila omkaziwe, na buli mkazi kugila omsheijawe.3Omsheija ahe omkaziwe ehaki zobushwere, kityo nano mkazi akolele msheijawe atyo. 4Omkazi tagerera mubiligwe shana nigugererwa msheijawe, kityo no msheija tagerera mubiligwe shana nigererwa mkaziwe.5Mteimangana, shana olwokuba mwikilizangeine ahalwenshonga, mbase kugira akanya kokushaba. Chonka mushube mube hamo, sitani ateija akabalengesa omkulemwa kwebalira. 6Ningambantyo nkalikubajubura tindikubaragilira. 7Nakwenzile abantu bona kushana inye, chonka buli muntu eine amatungwage ago Katonda yamtungile, ogu eine engeri egi nogu engeri egi.8Abatali mubushwere na bajane, ningiranti ni kulungi ahalibonene kwikala bonkwe nkokwo nye ndikwikara. 9Chonke kabaraba batabase kwetanga, kiseine bashwerwe. Hakili kugira obushwere kukira obubili kukukiza amani.10Mbwenu abeine obushwere nimbaragira, tinye ni Mkama. Omkazi atalekerangana na msheijawe. 11kararekerangana na msheijawe, eikale wenka, kakitali kityo agarukanganeho na msheijawe. No msheija atakubinga mkaziwe.12Chonka abasigara, ninye ndikubagambira, ti Mkama, kakilaba omkiristo wenawena eine omkazi atayesigire, mara neikiliza kwikara nawe, atamlekera. 13Kikilaba omkazi eina omsheija atayesgile, no msheija ogwo neikiliza kutula nawe, atamlekra. 14Aharwokuba omsheija atayesigile mkaziwe omkiristokazi namhindura kuba omtakatifu. No mkazi atayesigire omsheijawe omkiristo namhindura kuba omtakatifu. Kakitakubeire kityo abana banyu bakubeire abatakansi, chonke mbwenu na batakatifu.15Chonka omsheija anga omkazi atayesigile kayakwenda kurekerana na mtahiwe, nkwo, omkiristo anga omkristokazi takomilwe, olwokuba Katonda akatweta katugira emilembe. 16Iwe mkazi nomanyote nkolarokola baro? Neiwe msheija nomanyote nkolarokola mkazi wawe?17Bulimuntu arore oburora obwo Omkama yamheire, obwoyabeire narora olwo katonda yamwesire. Eki ninkiragira omnteko zona. 18Aliho ayayesirwe kwesiga akashangwa yatahirirwe? aleke kufakubi nokwesheleka okwo atahirirwe. Aliho ayayesirwe kwesiga akashangwa atatahilirwe? Norwo yakuba atatahirirwe. 19Kutahirirwa no kutatahirirwa ti kantu, shana okwekomya emihango ya Katonda20Buli muntu eikale okwo yabeire ali olwo yayesirwe. 21olwo wayesirwe okaba olwomwiru? otafa kubi, choke kolaba nobasa kugira obwegerere, okolotyo. 22Araba yayesirwe kuhondera Mkama ali omwiru, Ogwo ahalimka no mwegerere, naraba yayesrwe kwesiga ali omwegerere ogwo no mwiru wa Krisito. 23Mkagurwa omwiguzi abantu batalibakora beiru babo. 24Kityo barumna bange okwo omuntu yabeile ali olwoyayesrwe kwesiga abe nikwoyeikara atyo ahali Katonda.25Ahalibalinya abatakatahile mubushwere, tinyine kyo Mkama alikubaragira. Chonka nimbaha ebitekerezo byange nkokwo ndyomwesigwa ombuganyizi bwo Mkama, 26Kityo nintekerezanti aharwenshonga ye naku, nimbona hakili omuntu eikale nkokwo ali.27Okomilwe ne ndagano yo mkazi ombuswere? Otahiga kumlekera. Tweine mkazi? Otahiga kushera. 28Chonka kolashwera, noba otakozire ntabara. Nomwisiki karashwerwa naba atakozile ntambara, chonka abalikutaha ombushwere nibabona ebisitaza, kandi nibibeita kubi, mara ekyo ninkibaganyiraho.29Barumna bange ninyenda kubagambira akanya akongambilwe kasigeire kake. kuruga mbwenu abena abakazi batuure nka bateinabo. 30Abene obujune bashane nka batena bujune, nabalikushemererwa bashane nka batalikushererwa, abalikugura bashane ababurwa ebyokugura 31Abalikuchwazika ne nsi bashane abagyeteireho. Olwokuba ensi egi nemyemere yayo yahwaho.32Ninyenda mtagira bya kubahugisa. Omsheija atashwire nahyahyana ne bikwasire ahali Mkama, okwo alashemereza Omkama. 33Chonka omusheija ashwire nahyahyanisibwa ebyensi okwo alashemereza mkaziwe, 34kityo nagira emitima ebili. Omkazi anga omwisiki atashwirwe nahyahyanisbwa ebya Mkama okwo araba mtakatifu ahamwoyo nahambili. Chonka omkazi ashwirwe nahyahyanisbwa ebyensi okwo arashemereza msheijawe.35Ningamba ebi kubasa kujuna inywe, tilwa kubatega mtego. Ninyenda kubereka ebirungi kushaga, kambasa kwekwa Mkama enzira kisitaza kyonakyona.36Komuntu alaba nabona yakubasa kujangura omwisikiwe owo alikusherera, kombili guraba guramkiza amani mara kandi teina okwo alagira, aho ashwere baraba batakozire ntambara. 37Chonka alaba yaramwire okutashwera, teina kimshasize mara nayetanga ekyo alikwenda mara agenderire ekigambo ekyo ommtima araba akozilegi karaba atamshwire. 38Kityo alikuswera omwisiki owoasherera nakoragi, chonka alikwanga kushwera ogwo nakolagi kushagaho.39Omkazi teina kuteishuka ahamsheijawe olwo akyarora. chonka olwo omsheijawe arafa aho nabasa kushwerwa owoarayenda, chonke omli Mkama. 40Chonka ommlamrile yange, kyakubeire kirungi muno kayakwikeile okwoali, nikwo ndikubona, kandi nindenganti nanye nyine Mwoyo wa Katonda.
81Ahabyakulya ebyo balikuhongera ebishushane, nitumanya okwo twena twine obumanyi, obumanyi bugiza ikuru, chonka engonzi zombeka. 2Omuntu wenawena kalaba namanya ati yeine ekyo alikumanya, talikumanya nkokwo kimsaniile kumanya. 3Chonka kahalaba aliho alikugonza Katonda, Katonda nammanya.4Kityo ahabikwasile kulya ebyakulya ebyo bahongera ebishushane, nitumanya nkokwo ekishushane kitagira burora mara ti kantu omnsi egi, nokwo hatabayo Katonda shana omo wenka. 5Olwokuba aliyo beingi abalikwetwa ba katonda aba omwiguru anga omnsi nkokyo aliyo ba katonda na bakama beingi. 6Chonka ichwe tugira Katonda omo wenka, niwe isheichwe, ebintu byona bitabuka ahaliwenene, neichwe nitulolera omliwenene, no Mkama omo Yesu Kristo, ayatonzile ebintu byona, neichwe tuliho olwokuba tulyabawenene.7Chonka, obumanyi obu tibuli mbantu boona, olwokuba abandi bakyeyegashaniza ebishushane kugoba kanya aka, nangu nibalya ebyaklya ebihongiilwe ebishushane. emyoyo yabo eyugire olwokuba nibabona okwo bahageire.8Ebyakurya tibilikwija kutugobya ahali Katonda. katutalile titulikwija kuba babi kandi norwo tulalya titulikwija kuba abagologoki. 9Chonka mrarebagi, obwegerere bwanyu buteija bukasitaza abajege ommwesigo. 10Obanze oyebaze Komuntu alakubona iwe owo alikumanya, oli omliorwensinga ye kishushane nolya. Omwoyo gwawenene tigushumwashumwe nawenene akalya ebintu ebihongiilwe ebishushane?11Kityo obumanyi bwawe burahwerekereza, murumna weitu ali omjege omwesigo owo Kristo yaferire. 12Kityo kamlikuhutaza emyoyo ya barumna banyu abajege nimba mbafakarire, mara nimfakarira na Kristo. 13Kityo ekyakulya kakilaba kirasitaza mrumna wange, tindikwija kulya nyama, nteija nkasitaza Mrumna wange ogwo.
91Inye tindi Mwegerere? Inye tindi ntumwa? Inye tinda bweine Yesu Omkama weitu? inye tinye mbagobize ahali Mkama? 2Kandaba ntali ntumwa ombandi, buzima ahalinywe ndye ntumwa. Olwokuba inywe muli abajulizi bange okwo ndye ntumwa.3Nikwo ndikwetonganira ahalibalinya abalikumpakanisa. 4Isi tituseine kulya anga kunywa? 5Isi tituseine kugenda na bakazi nke entumwa na barumna beitu omli Mkama na Kefa balikugira? 6Anga ninye na Barnaba twenka tutaseine kukola milimo?7Ni mwisherukaliki akola emilimo akashuba akeyemera wenene? Nimuntuki abyara emizabibu atagilileho ebira byayo? Anga nohi ashumba obuhyo atanyweileo mate gabyo? 8Nagamba ebi nkokwo abantu bagamba? Na mateka tigagamba gatyo?9Olwokuba kikahandikwa ommateka ga Musa kiti. "Ente elikulaba ommyaka otaligikoma kanwa." Isi aha Katonda nagambaho ente? 10Abo alikugambaho tiichwe? Ebyo bikahandikwa kulokora ichwe olwenshonga omlimi aseine kulima eine eshubi, nalikugesha aseine kugesha eine eshubi nkokwo alabonaho egaboye. 11Omlinywe katuraba twabyeirem ebilungi byo mwoyo, kyakutama katwakubageshaho ebirungi byahambili?12Abandi kabaraba babeileho ehaki egyo, isi ichwe? chonke ichwe ehaki egyo titugitongile, ebyo nitubileka tuteja tukasitaza evaneli yaKristo. 13Isi timlkumanya okwo abakozi ba rwensiga balya ebykulya bya rwensinga? Nokwo abakozi ba harutare balya empongano za harutare? 14Nikwo no Mkama yaragiile nkokwo abarangi be evangeli batunwe evangeli15Chonka inye tinkabatongaga haki ezo. Kandi tinkuhandikanti kubona bintu ebyo. Hakili nfe kushaga omuntu kunyiaho ebyebugo ebi. 16Olwokuba kandikulanga evangeli, ekyo tikikumpa byebugo, olwokuba nindagirwa kukola ntyo. Mara nagwerwa kanakuba ntarangire vangeli.17Olwokuba kandikukola nyeyendiire, mperwa ningihebwa. Chonka kantayeyendiile, aho omlimo ogu Katonda akagunkwasa bukwasa. 18Aho emperwa yange nehi? norwo ndikuranga evangeli, ngirange obuziara, mara ntatongire haki yange olwenshonga yokuranga evangeli19Norwo ntakugereerwa muntu, nkekola omwiru wa bona, mbone kuhayo beingi abashagileho. 20Ombayahudi nkaba omuyahudi mbase kwihayo abayahudi. Ombalikutwarwa amateka nkekola alikutwarwa amateka mbase kwihayo abalikutwarwa amateka. Nkakolantyo norwonye ntakutwarwa mateka.21Omlibalinya abatagira mateka nkekora nkatagira mateka, ti nkatagira mateka ahalikatonda, nitwrwa amateka ga Kristo. Nkakola ntyo mbase kubona abatagira mateka. 22Ombajege nkekla omjege, mbase kwihayo abajege, mbeoile bulikantu ombantu bona mbase kwihayo bili bantu omngeri yonayona. 23Byona mbikola ahalwevangeli mbase kubona emigisha yayo24Timlikumanya okwo abasindna omkwiruka beiruka bona chonka omo wenka niwe ahebwa esiimi? kityo mwiruke mutyo mbase kubona esiiimi egyo. 25buli mwiruki ayemanyiiza okwetanga bulikantu. Bakola batyo kubona etaji erikuhwao, chonka ichwe nituhiga etaiji etalikuhwao. 26Kityo inye tinyilukira busha, tindikuzana ngumi nkalikutera obusha. 27Shana ninshasa ombili gwange no kugukola nko mwiru, nteija nkarangilira abandi, inye nkangwa
101Barumna bange ninyenda mmanye bakaba nibalindwa ekichwi, mara bona bakaraba omnyanja. 2Bakabatilizibwa omkichwi no munyanja baba ba Musa. 3Bona bakalya ekyakulya kyo mwoyo, 4mara bona banywa ekyokunywa kimo ekyo mwoyo. Bakaba nibanywa aharwazi rwomyoyo olwabeire nirubaruga enyuma, mara olwazi orwo akaba ali Kristo.5Chonka abeingi Katonda tiyabashemerirwe bakafera omwirungu. 6Mbwenu ebintu ebi bitutatire, tuleke kwenda kukola entambara nkokwo bakozire7Mtakwgashaniza bishushane, nkokwo bonene bakozile. nkokwo kyahandikilwe kiti, "Abantu bakashuntama barya banywa, beimuka bazina." 8Ttuleke obusihani obwo abandi bakozile, nangu abantu nka 23,000 bakafa ekilo kimo.9Tuleke kulengesa Omkama nkokwo abandi bakozile bakeija bakeitwa enjoka. 10Kandi mtakweborobweita nkokwo abandibagizile, bakeitwa omareika wo rufu.11Ebi bikakoleka abandi kabamanyiraho, kandi byahandikwa kutwegesa ichwe abensi elikwija kuhererukilaho. 12Kityo alaba nayetekereza okwo ayemelire ayelinde atakugwa. 13Taliho kilengeso kilabeizile kitali kya bantu bona. Chonka Katonda aba omwesigwa talikwija kubanagirana kulengesibwa kushaga okwo amani ganyu gali. Nolwo mloikurengesibwa wenene alabaha omhanda gwo kuluga ombilengeso, mbase kuzola obushobora bwokubirugamu.14Kityo abagonzibwa bange mleke kwegashaniza ebishushane. 15Ningamba neinywe nka batu abeinemu amagezi, kityo mushobokerwe ekyo ndikugamba. 16Ekikombe kyo mugisha ekyotulikusimira Omkama, katulikukinywaho titulikunywa bwamba bwa Kristo? Omkate ogwotulikubegura , tituklya mubili gwa Kristo? 17Okwo omkate guli gomo, neichwe abali beingi tuli ombili gumo olwenshonga notulya omkate gumo.18Mlebe Abaisraeli, abalikurya ebihongano tibalikuba babihongire Katonda ahali harutale? 19Mbwenu aho ninyenda kugambaki? Okwo ekishushane kine omgasho? Anga ebyakulya ebyo bahongera ebishushane bine enshonga?20Chei, nyenzile kugamba okwo ebihongano bya batakansi babihongera amasitani tibabihongera Katonda, tinkubendera kulya na masitani. 21Timwakunywera ahakikompe kyo Mkama mkashuba mkanywera ahakikompe kya masitani, timwakulya ahameza yo Mkama mkashuba mkalya ahameza ya masitani. 22Tugize Omkama ibuba? Aho nitumshagya amani?23"Ebintu byona ni birungi" Chonka ti bintu byona bine omgasho. " Ebintu byona nibijubulwa chonke ti bintu byona nibyombeka," 24Omuntu atahiga buge bwa wenene, ahige obuge bwa mtahiwe.25Ebilikuguzibwa ommasoko ge nyama mwakubilya mtafile kubi kubaza ishenkazi mtima. 26Olwokuba 'ensi ne bigilimu nebya Mkama" 27Omuntu atayesigile kalabarariza kulya omawenene mkagyayo, kyona kyona ekwo alabateka ommeisho mulye mtafile kubi kubaza ishenkazi mtima.28Chonka omuntu kalabagambila ati egi nyama yaruga ampingano za betesigile, mtagilya. ahalwogwo ayabamanyisa nahalwa ishenkazi mtima. 29Tinkugamba halweishenkazi mtima wanyu, ningamba ahalweishenkazi mtima wa ayabanyegeza, kubaki ekyo ndikwenda nkitangwe ahakutina kwo ndijo? 30Kandalya ninsima kubaki bandwanise ahalwekyakulya ekyondikusiimira.31Kityo, kyonakyona ekyo mlalya anga mlanywa, anga kyonkyona ekyomlakola, mbikole omkusingiza Omkama. 32Mtakutamisa bayahudi anga abayunani , anga enteko ya Katonda. 33nkokwo inye ndikushemereza abantu bona omli buli kimo ekyo ndikokola, ntalikuhiga buge bwange shana obwabandi babase kulokoka.
111Mndondore nkokwo inye ndikurondora Kristo. 2Nimbasima ahalwokunyijuka omlibyona nanokwekomya emigenzo nkokwo nagibegesize. 3Chonka ninyenda kamshobokerwa okwo Kristo niwe mutwe gwa buli msheija, omutwe gwo mkazi abo msheijawe, no mutwe gwa Kristo ni Katonda. 4Buli msheija ashaba anga arangirira ayebunzile omutwe aba nagora Kristo omutwegwe.5Chonka buli mkazi kaba nashaba anga narangirira atayebunzile mutwegwe aba nagora omtwegwe. Nikyo kimo nkokwo yakuba ashazirwe ishoke. 6Omkazi karaba atayebunzile omutwegwe aha ashare ishoke. Chonka kakilaba kili ekigoko omkazi kusharwa ishoke ahonu ayebunde omtwegwe.7Omsheija atayebunda mutwe, olwokuba wenene ashushana Katonda opmkitinwakye. Chonka omazi ne kitinwa kyo msheija 8olwokuba omsheija tiyarugire mmkazi, omkazi niwe yarugile ommsheija.9Omsheija tiyatonzilwe aharwomkazi, shana omkazi akatondwa olwenshonga yo msheija. 10Egi niyo enshonga elikukola omkazi karagirwa kutaho ekibundo ahamutwe aharwabamareika.11Chonka omli Mkama, omkazi tiyakubaho hataliho msheija, no msheija tiyakubaho hatalio mkazi. 12Nkokwo omkazi yarugire ommsheija, nikwo no msheija yarugile ommkazi, mara ebintu byona nibiruga ahali Katonda.13Neinywe mlebe omkazi kushaba ateina kibundo nikija? 14No buhangwa nibweleka okwo kili ekyeshoni omsheija kulera ishoke. 15Chonka omkazi kulera ishoke ne kitinwa ahaliwenene. Oliokuba akehebwa ishoke kaliba nkekijwarokye. 16omuntu karaba nahakana, egi noyo ntwaza yeitu, mara niyo ntwaza ye nteko za Katonda17Ombyondikwija kubagambila tinkwja kubasingiza, olwokuba olwomlikuterana, timlikutera ruambi kugya ommeisho shana nimshuba enyuma. 18Ekyambele nimpulila ngu olwomlikuterana omnteko, nimgilamu okutanuka. Ekyo olubaju ninyikiliza okwo kilikwo. 19Olwokuba okutanuka kuseine kubaho omlinywe nirwo baliny a abalikukola ebiseine baramanyika.20Olwo mlikuterana ekyomlikulya ti kyakulya kya Mkama. 21Olwenshonga kamlikulya bulyomo nabanza kwelira abandi batakalire, kandi okwo ogu nalumwa enjara no ndijo atamiire. 22Isi timwine maju ga kuliramu no kunyweramu? Anga nimgaya enteko ya Katonda no kukwasa enshoni abateina kantu? Ngameki omlinywe? Mbasingize? Tindikwija kubasingiza omlyeki!23Olwokuba ekwo Omkama yanyegesize, nikyo nanye nabegesize. Okwo Omkama Yesu omkilo ekyo yabanjwa akakwata omkate. 24Kayamazile kusima yagubegura, Yagamba ati, "Ogu nigwo mubili gwange ahalwanyu, mkole mutyo kunyijukilaho."25Ommimgilile yonene yonene kayamazile kulya akwata ekikompe, agamba ati, " Ekikompe eki ne ndagano empya aharwobwamba bwange, buli olwo mlakinywaho mkole mtyo kunyijukiraho." 26Olwokuba buli olwo mlarya omkate ogu, no kunywa ahakikompe eki, Muraba niranga okufa kwo Omka kuhikya olwo aliija.27Kityo alalya omkate ogwo no kunywa ahakikompe kyo Mkama ataseine, araba akwasilwe omshango gwo kuhagaza ombili gwo Mkama no bwambabwe. 28Kityo omuntu abanze ayebaze, nilwo alarya omkate no kunywa ahakikampe. 29Omuntu alikulya ombili ogu akashuba akanywa atasaniile, naba nakola atyo kweretera omshango. 30Nikyo kiletile abandi kulwara no kugira amani gake, nabandi bafire31Kandi katwekwebalize titwakuramwillwe. 32Chonka Omkama kalikuturamra aho nituhebwa ne kibonabonyo, tuteija tukaramlilwa nansi.33Mbwenu aho barumna bange olwomlaterana kulya mlindangane. 34Omunntu alaba yeine enjara alile omka, mleke kweletera omshango omkuterana kwanyu. Ebyasigara ndabibashobolora olwo ndeija.
121Barumna bange ahabikwasile amatungwa go mwoyo ninyenda mubimanye. 2Nimmanya olwo mwabeile muli abatakansi mkaba nimuhaba nimgya abishushane ebitagamba. 3Kityo ninyenda mmanye okwo atabayo muntu agamba ombushobora bwa Mwoyo wa Katonda ati "Yesu alamirwe" Kandi tihalio yakugamba ati " Yesu no Mkama" shana abe yeinemu Mwoyo Mtakatifu.4Amatungwa geine engeri zingi, chonka Mwoyo, chonka Mwoyo ni wenenewene omo. 5Nane mikolele eine engeri zingi chonka Mkama ni wenenewenene. 6Nane milimo eine engeri zingi, chonka Katonda niwe alikukola emilimo yona omlibona.7Buli muntu ashurulirwa amatungwa go Mwoyo kugashira bona. 8Haliho owo Mwoyo alikutunga ekigambo kwo bumanyi, ondijo namtunga ekigambo kyamagezi omlimwopypo wenenewenene.9Ondijo namtunga omwesigo omli Mwoyo wenenewenene ogwo, nondijo namtunga amatungwa go kukiza. 10Ondijo namtunga okukola ebitangazo, ondijo namtunga oburangi, ondijo namtunga okumanya amatungwa agalikuruga ahali Mwoyo na gatalikwo, ondijo namtunga okumanya endimi za bulingeri, ondijo namtunga kumanya kushobolola endimi. 11Chonka Mwoyo ni wenenewenene alikukola emilimo egi yoona, niwe agabila buli muntu nkokwo ayenda.12Nkokwo omubili guli gumo chonka engingo zili zingi, ne ngingo zona ezombili norwo zili zingi chonka zili ombili gumo, nikwo na Kristo ali. 13Olwokuba omlimwoyo omwe chwena nitubatizibwa kuba ombili gumo, twaba Bayahudi anga Abayunani, twaba beiru anga begerere, twena tukahebwa Mwoyo omo niwe twanyweile.14Ombili tigugira rugingo rumo, gugira engingo ni zingi. 15Kokuguru kwakugizire kuti, " olwo inye ntali kiganja tindi wambili" ekyo tikyakuhindwile kutaba rigingo rwambili. 16No kutwi kakwakugambile kuti "olwo ntali liisho tindi wa mubili", ekyo tikyakuhindwile rutaba rugingo rwa mubili. 17Komubili gwonw gwakubeire eliisho aho ombili gwakuhulile gute? Kombili gwona gwakubeile okutwi aho ombili gwakununkilwe gute?18Katonda akata engingo ommbili buli rugingo akanya karwo nkokwo yayenzile. 19Kengingo zona zakubeile orugingo rumo aho ombili gwakugilehi? 20KItyo engingo zili zingi chonka ombili ni gumo21Eliisho tilyakugambira mkono liti, "iwe inye tindakukwetaga." 22Nangu engingo zo mbili ezizoka zine amani gake nizo zetagwa muno. 23Kandi engingo zo mbil ezo tugaya, nizo tukunira kushaga, kandi engingo zeitu ezenshoni nizo zili zirungi kushagaho. 24chonka engingo ezitali za nshoni tizikwetaga kukuknirwa muno olwokuba zakuniilwe. Katonda akateranisa engingo ommbili gumo, orugingo oluteine kitinwa yaba nilwo aha ekitinwa ekishagireho.25Akakola atyo ommbili ateija akabamu ndwano, shana engingo zoona zijunangane. 26Korugingo rumo rushasha engingo zona zishasha hamo. Korugingo rumo ruhebwa ekitinwa, engingo zona zishemererwa hamo. 27Mbwenu inywe muli ombili gwa Kristo, mara bulyomo no rugingo rwombili ogwo.28Nikwo na Katonda omnteko yateiremu entumwa, abo na bambere, abakabili na barangi, abakashatu na begesa, aho ahonderaho abakora ebitangazo, ahonderaho abatambi, ahonderaho abahereza, ahonderaho abatwazi, nababuya be ndimi za buli ngeri. 29Isi bona baba entumwa? Bona baba abarangi? Bona baba abarangi? Bona baba abegesa? Bona nibakola ebitangazo?30Isi bona beine amatungwa go kutamba? Bona nibagamba endimi? Isi bona nibashobolora endimi ezo? 31Muhige mno amatungwa agali gakuru kushagaho. Mbwenu mbeleke omuhanda oguli gurungi kukilaho.
131Norwo nakugamba endimi za bantu neza bamareika, kanteina ngonzi ninshana omlinnga ogulikujuga anga enkunturo elikugamba. 2Norwo nakugira amani go burangi nokushobokerwa amazima agesherekile nobumanyi, nangu nkagira omwesigo ogwokubasa kufurura amabanga. kanteine ngonzi nimba nteine mugasho. 3Norwo nakugabira abanaku byona ebyonyinabyo, norwo nakwihayo ombili gwange kabagwokya kanteine ngonzi tinyine mgasho.4Engonzi zigira obwegumishiliza nobujuni. engonzi tizesingiza anga kwetungunika. 5Tizigira ikulu anga kweyemya kubi. Tizihiga byazonene, tizitamwa bwangu mara tizibara bibi. 6Tizishemererwa bibi shana zishemererwa ebili omazima. 7Engonzi zemera bulikantu, zesiga bili kantu, zigira eshubi omlibulikantu, mara zegumisiliza omlibulikantu.8Engonzi tizichweka, Obirangi bulihwa, okugamba endimi kulirekera, no bumanyi bulihwao. 9olwokuba obumanyi bweitu tibugobeine, no burangi bweitu tibuhikilire. 10Chonka orwo ekihikilire kilimara kwija ekitahikiliire kilibhwaho.11Olwo nabeile nkyali omwana nkaba ningamba nko mwana, nkaba nintekereza nko mwana, nkaba nindamra nko mwana. Kanakuzile ebyobwa nabilekera 12Mbwenu aha nitubona nko mkyoo, chonka omkanya kalinya tulibona bubona. omkanya aka nimanya ekichweka, chonka omkanya kalinya ndishobokerwagi nkokwo Katonda alikunshboketrwagi. 13Kityo ebintu bishatu ebi nibikaraho: Omwesigo, eshubi nengonzi. Chonka omlyebi ekikuru kushaga byona ne ngonzi.
141Muhige muno kugira engonzi nokwegomba muno amatungwa go mwoyo, okukiraho mbase kuba abrangi. 2Olwokuba omuntu agamba endimi tagambira bantu agambira Katonda, olwenshonga tihalioho alikumshobokerwa, olwokuba agamba ebyesherekile omli Mwoyo. 3Chonka omrangi agambira abantu kubombeka, kubagumishiliza no kubamaramara. 4Alikugamba endimi nayeyombeka wenene wenka, chonka omrangi ayombeka enteko.5Mbwenu nakugondize nywena kamgamba endimi, mbwenu mshageho mube abarangi.Omrangi nashaga alikugamba endimi, (shana kahakubayo omshobolozi) enteko ebase kwombekwa. 6Mbwenu barumna bange kanakwizile okwa ningamba endimi, nakubagasileki, kantabagambile bya kushurulirwa anga obumanyi anga oburangi anga byakubegesa?7Nangu ne bintu ebitagira bulora, nko mrele anga enanga, kabitateishwile amaraka agalikushoboka omuntu alamanyaate nikyomboki ekilikuhoya? 8Ke ikondere lirateishura iraka elitakushoboka arayetekateka kurashana nohi? 9Neinywe kutyo, kamragamba endimi ebigambo bitashobokire, omuntu alamanyate ebilikugambwa? Mraba nimgamba chonka taliho alabashobokerwa10Enzira kulengeshanyia omunsi alimu endimi zingi ezabulingeri, mara tabaho lutagira nshonga. 11Chonka kantamanyile nshonga ya rulimi ndaba ndyo mnyamahanga aha muntu alikugamba nawenen alaba alyomnyamahanga ahalinye.12Neinywe kutyo olwokuba nimwegomba kubona mwoyo, mwitanile muno kwombeka enteko. 13Kityo alikugamba endimi ashabe obushobora byo kushoborola ebwo alikugamba. 14Kandashaba omkugamba orulimi omwoyo gwnge nigwo gulikushaba chonka amagezi gange tigalikushobokerwa kantu.15Nkoleki? ninjakushaba omwoyo gwange, kandi ninjakushaba no mmagezi gange. Ninjakuhoya ommwoyo kutyo nommagezi gange. 16Korasimisa Katonda omwoyo, omuntu atalikushobokerwa aragambate "amina" olwo oramara kusima okwo atalikumanya ebyoolikugamba?17Wakusiimage chonke omuntu ondijo aburwa kugasirwa ommwoyo. 18Ninkisimira Katonda kubona ningamba endimi kushaga nywena. 19Chonka hakili nkagamba ebigambo bitano ebyondikushobokerwa omnteko mbase kwegesa abandi kushaga kugamba ebigambo 10000 ebyendimi.20Barumna bange mleke kutereza nka bana, ommikolele ye bibi mube nka bana. chonke omkutekereza watu wazima. 21Ommateka kikahandikwa kiti "Ihanga eli ndiligambira omkanwa ka bantu be ndimi no mminwa ya banyamahanga norwo tibalimpuliliza," nikwo omkama alikugamba.22Kityo endimi ti kabonero ka balikwesiga, na kabonero ka balikwanga kwikiliza, kandi oburangi ti kabonero ka balikwanga kwikiliza na kabonero ka bayesigire. 23Kentenko eraterana mara bona bagamba endimi abaheru anga abatesigire kabaratahamu tibabete bararu?24Chonka bona kabalikuba abarangi, omuntu atalukwikiliza anga owaheru karatahamu ebyobaragamba biramwereka okwo ali omfakare. 25enama za wenene zo mwoyo ziramanyika. Ekiraruga omwo aragwa ahansi ajumeire aabudu Katonda, mare agambe nokwikiliza nkokwo Katonda asiniire omlinywe.26Barumna bange tugire tute? kamlikuterana bilimuntu areta ezaburi, ondijo okwegesa ondijo okushurulirwa, ondijo agamba endimi nondijo ashoborola ebwagambwa omndimi. Mkole buli kantu mtebile kwombeka enteko. 27Kabarabaho abokugamba endimi abeho nka babili anga buzima bashatu mara bagambe nibahana ezamu, Kandi abeho omshoborozi. 28Chonka kaharaba hataliho mshoborozi aho bona abalikugamba endimi besize omnteko. Babyegambile bonene bonka naKatonda.29Kandi abaranga babili anga bashatu bagambe abarasigara baramle ebilikugambwa. 30Omuntu alaba ashuntamile akashurulirwa ekigambo ayaba nagamba mbele ayesize.31Olwokuba nywena mbasa kuranga omomomo abantu bona babase kwega no kutebwamu ekihika. 32Olwokuba emyoyo ya barangi nerebererwa na barangi 33Olwokuba Katonda taba Katonda wakatabure aba Katonda owemilembe, nkokwo kili omnteko zona ezabakristo,34abakazi kibaseine besize omnteko, Olwokuba tibalikujuburwa kugamba. shana bachulele, nagu namateka nikwo galikugamba. 35Kabaraba beina ekyo balikwenda kumanya kabaragoba omka babaze basheija babo, olwokuba nekyenshoni omkazi kugamba omnteko. 36Isi ekigambo kya Katonda kikatabuka omlinywe? anaga kikagobera omlinywe nywenka?37Komuntu araba nayebona kuba omrangi, anga kugira amatungwa agandi agomwoyo amanye okwo ebindikubahandikira ne mihango ya Mkama. 38chonke karaba atamanyile ebi nawe talimanywa na Katonda.39Kityo barumna bange, mgonze muno kuba abarangi, kandi okugamba endimi mtakukutanga. 40Ekiliho ebintu byona bikoleke omburungi nokwo byaragiirwe.
151Mbwenu barumna bange nimbeijukya evangeri eyonabarangilire eyo mwakunzile mara mkagyemereramu. 2niyo elikubarokora kamlagyekwata nkokwo nagibarangiile, shana kamraba mwagikilize busha.3Nkanye okwo nagiheirwe eli eyomgasho nanye nikwo nagibaheire: Nkokwo Kristo akafa olwenshonga ye ntambara zeitu kuhondera ebihandiko. 4okwo yazikirwe akahimbuka akilo kya kashatu nkokwo eboihandiko bilikugamba.5yahabukira Kefa yashuba yahabukira, na balinya ikumi na babili. 6Yamara yahabukira abesigwa abaliokushaga 500 omkanya kamo. abeingi muno omlyabo bakyarola norwo abandi bafile. 7Akashuba yahabukira Yakobo, yashuba yahabukira entumwa zona.8Kayabeire yahabukiire bona yahabukira nanye, ayabeire nshana omwana ayazeirwe atagobize. 9olwokuba inye omuntumwa ndimuke muno. tinseine kwetwa entumwa olwokuba nkagingiza enteko ya Katonda.10Chonke omkisha kya Katonda ndi nkokwo ndi, mara ekishakye ahalinye tikyafile busha. Ekyokushobeza nkozile na mani kushaga bona. Chonke abeile atalinye shana ekisha kya Katonda omnda yange. 11Kityo alikaba abeire alinye anga bonene, ebigambo ebyo nibyo tulikuranga mara nibyo tulikwikiliza.12Mbwenu ka Kristo alaba narangwa okwo yahimbukile ombafu, aho omlinywe abandi bakugambabate okwo okuhimbuka kwa bafu kutabayo? 13Kityo okuhimbuka kwa bafu kakuraba kutabayo ohonu Kristo tiyahimbukile. 14Mara kristo karaba atahimbukire aho okuranga kweitu ni busha, no kwikiliza kwanyu ni busha.15Mara aho nituzoka nka abajulira Katonda om bishuba, tukagamba okwo yahimbwile Kristo owoatahimbwile. 16Ka bafu baraba batahimbuka aho Kristo tiyahimbukile. 17Mara kristo karaba atahimbukile aho okwikiliza kwanyu ni busha mara mkyali omntambara zanyu.18kityo na balinya abafire omli Kristo bakahwerekerera. 19Katuraba twine eshubi omlio Kristo aharwoburora obu bwonka, tuli aboguganyizibwa kushaga abantu abandi bona.20Chonka ommazima Kristo akahimbukakwo ombafu, niwe wambere ombafile. 21nkokwo orufu rwalesilwe omuntu omo nikwo nokuhimbuka ombafu kwalesirwe omuntu omo.22Olwokuba abantu bona nibafa nibazira Adamu, nikwo abantu bona balihimburwa ommani ga Kristo. 23Chonke buli omwe ommwanyagwe: Kristo niwe muhimbuke wambere, nanabalibawenene balihonderaho orwo alija.24Aho nirwo eliba enzindo, olwo Kristo alihereza Katonda ishe obuka orwo aliba yamazile kuhwelekeza abakama bona na bobushobora na amani. 25Olwokuba ni mpaka abe omtwazi kuhikya olwo aliteka ababisha bawenene bona ahansi ya maguruge. 26Ombisha alihwerekerezwa ali owenzindo no rufu.27Olwokuba akateka ebintu byona ommaguruge, chonka kabalikugamba okwo ebintu byona bili ombushobora bwa Kristo, nokimanyikage okwo Katonda alikubiteka ombushoborabwe shana talikugamba. 28Orwo ebintu byona bilba byagile ombushobora bwa Kristo aho Mwana alogya ombushobora bwa Katonda, ayateire ebintu byona ombushobora bwa Mwana, Katonda abase kutwalila kimo ebintu byona.29Kakitali kityo abantu nibaba nibagendereraki kubatizibwa aharwabafile?Abafu kabaraba batahimbuka nakake kubaki abantu nibabatizibwa aharwabo? 30Kubaki tuli omkabi bulikanya?31Barumna bange aharwokubebuga kwange okwo ndikubebuga omli Kristo Yesu Omkama weitu, ninfa buli kiro 32Ommilebere yo buntu nakugasilweki kanakibeire narweine ne bigunju bya Efeso? Abafu kabaraba batalikuhimbuka ahonu tulye tunywe olwokuba nyenkya nitwijakufa.33Mleke kwebiha, ebikundi bibi nibita egesho zirungi. 34mwebalire! mleke kufakara. Olwokuba abandi tibalikumanya Katonda. Ne kye nshoni kubona nimbagambila ebigambo ebi.35Chonka aliho arabaza ati, :abafu nibahimbuka bate, barihimbuka beine ombili gwa ngeriki?" 36Iwe mfera! ekyoobyara tikihimbuka kitafire.37Ekyoobyara tobyara mubili ogulizarwa, shana obyara empambo yonka, nibasa kuba eyengano anga empambo endijo. 38Chonka Katonda agiha ombili nkokwo alikwenda. Buli mpambo nagiha ombili gwayo. 39Emibili yona teshanangana. aliho ombili gumo ogwa bantu, nogundi no mbili gwe bigunju, nendijo ne ye binyonyi, hamo ne mibili ye nfuru.40Halio emibili eyo mwiguru halio ne mibili eyomunsi. Chonka ekitinwa ekye yomwiguru kili kyonka, nekitinwa ekyeyensi kili kyonka. 41Izoba ligira ekitinwa ekyaryo, no mwezi gugira ekitinwa ekyagwo, ne nyanyinyi zigira ekitinwa ekyazo. olwokuba ennyanyinyi zigira enshororo omkitinwa.42Nikwo no kuhimbuka kwa bafile kuli. elikubyarwa nehwaho elikuhimbuka telikuhwaho. 43Omkubyarwa nezoka nketeina mgasho chonka omkuhimbuka ehimbuka ne kitinwa. Ebyarwa eteina mani, chonka keija kuhimbuka ehimbuka eine amani. 44ebyarwa eine ombili nyabubili, ehimbuka eine ombilimwoyo, kahalaba abayo ombilinyabubili no mbili mwoyo gubayo.45Kikahandikwa kiti "Adamu niwe yabeire omuntu wambere owomwoyo gyo burora." Adamu owenzindo akakoleka omwoyo ogwihayo oburora. 46Chonka akabanza kwija owobubili nyabubili ahonderao owomwoyo.47Omuntu owambere no wensi, akaruga omchuchu. Omuntu owakabili akaruga omwiguru. 48Nkokwo ayarugire omchuchu yabeire ali, nikwo nabarugire onchuchu bona bali. Kandi nkokwo ayarugire omwiguru yabeile ali, nikwo na bali abomwiguru bali. 49Nkokwo tulikushana owa chuchu, nikwo tulishana nkayarugire omwiguru50Eki ninkibagambira barumna bange, nkokwo ombili no bwamba tibwakutaha mbukama bwa Katonda. Nyakufa tiyakubona nyakumerera. 51leba kambagambile ekyesherekile, Titulikwija kufa twena shana nitwijakuhindurwa.52Omkanya kake omkuhumya nomkuhumrura, orwo enzamba yenzindo erataaga. Olwokuba enzamba eritaaga, abafu balihimbuka batalishuba kufa rundi, mara tuhindurwe. 53olwokuba ombili ogu nyakufa gulagirwe kuhinduka gukamerera, ombili ogulikushobora kufa gube gutakifa.54Ombili ogu nyakufa olwo guraba gutakifa gukamerera, aho kigobererwe ekyahandikilwe kiti," Orufu rwamirwa omkusinga." 55Iwe rufu okusinga kwawe kurahi? Iwe rufu oruburi rwawe rurahi?"56Oruburi rwo rufu ne ntambara, na manai ge ntambara ne mihango. 57Chonka Katonda nakasinge ayatuheire okusinga ommani ga Mkama weitu Yesu Kristo!58Aharwekyo barumna bange abagonzibwa mgume mtashegenyuka. Mwikare omkukora omlimo gwo Omkama ebiro byona, Mmanye okwo ebyomlikukolera Omkama tibilifa busha.
161ebikwasire ahamchango geo kunjunisa abakristo, nkokwo naragire enteko ya Garatia neinywe mkole mtyo. 2buli kiro kyeirimansi buli muntu agire omchango kuhondera obwingi byo ebyabweine, mkole mtyo mteija mkagira michango olwondeija.3Olwondeija, abomlaronda ndabaha ebarua yokubanjura batwale empongano zanyu Yerusarem. 4Kakirazoka naye ngende ndagenda nabo.5Kandaruga Makedonia, ninjakwija nowanyu. 6Aliho olwo nakubeikaraho anga nangu nakubamaraho akanya ke mbeho kona, mbasa kunjuna omungendo zange, honahona ahondagya.7olwokuba tinkenda kubonangana neiywe omkanya aka, ninshubira kwikwara neinywe akanya kake, Omkama karayenda 8Shana ninjakwikara Efeso kulemwa kugoba ahali Pentekoste, 9olwokuba omlyango guhango gunkingukire mara gwine enshonga, kandi abalikumpakanisa nabo ni beingi.10Mbwenu ka Timotheo areija, eikare neinywe enzira kutina, olwokuba nakora omlimo gwo Mkama nkanye. 11Omuntu wenawena atakumgaya mmutekatekeregi omlugendo abase kungarukira. Olwokuba ninshubira kagaruka na barumna beitu. 12Kandi mrumna weitu Apolo ogwo mgambiire muno keija owanyu na barumna beitu abandi kubakyalira, chonka takaramwire kwijayo omkanya aka. Karabona akashango areija.13mwikare mli meisho, mugume omwesigo mube emanzi mtayuga. 14ebyomrakora byona bikoleke omngonzi.15Nimmanya eka ya Stefana mli Akaya nibo babeire bambere kwesiga, mara nibo balikujuna abakristo. Barumna bange nimbatagiliza 16abantu nkabo mubahulilize, nanabalikuchwazikan nabo ommlimo.17Ninshemererwa okwija kwa Stefana, na Fortunato na Akiko. orwokuba bankolire ebyo mwakunkolire olwo mbere mtaliho. 18Olwokuba bashemerize omtima gwange ne yanyu. Kityo abantu nkaba mubamanye.19Enteko za Asia nizibakeisa. Akila na Prisika hamo ne nteko yo mka yabo nibabakeisa omli Mkama. 20Barumna beitu bona nibabakeisa. Neinywe mkeisangane nimnywegerana omnywegero ogutakatifu.21Inye Paulo, ninye ndikuhandikisa omkono gwange ebishuro ebi. 22Ko muntu alaba atalikugonza Omkama, omuntu ogwo nakaramwe. Mkama weitu, weije! 23Ekisha kyo Omkama Yesu kibe neinywe. 24Engonzi zange zibe hamo neinywe omli Kristo Yesu.
2 Corinthians
11Inye Paulo, owo Katonda yagondize nkaba entumwa ya Yesu Kristo, hamo naTimotheo murumuna waitu, nitubahandikira inywe ab'enteko ya Katonda eya Korintho, hamo n'abakirsto ba Akaya yona: 2Katonda ishaichwe n'Omukama Yesu Kristo babagilire ekisha babatunge n'emilembe.3Aheisilizibwe Katonda mara Ishe Omukama waitu Yesu Kristo, Ishachwe omuganyizi mara omujuni omuli byona. 4N'iwe atuhumuliza omunaku zona, tubone kuhumuliza abaina enaku zona zona, tubahumulize nk'okwo ichwe chwenene Katonda atuhumuliza.5N'kokwo tulikushasha muno na Kristo, nikwo tulikumara marwa tujwangaine na Kristo wenene. 6Katulikubona enaku, nituzibona kamubona kumaramarwa n'okurokoka. Katulikumaramarwa, nitumaramarwa, nk'okwo muli kwebonera orwo mulikushasha nimwegumisiliza nk'okwo ichwe bonene tulikushasha. 7Ichwe twine eshubi etali kuyuga. Aha r'wokuba nitumanya okwo orwomuli kushasha naichwe, nikwo mulimaramarwa hamo naitwe.8Barumuna bange, nitugonza kubamanyisa enaku ezotwaboine Asia. Tukabona enaku ezitali zakugabwa, twayejuma n'omwoyo. 9Tukeulira oti baturamwire kutwita chonka enaku ezo zikaba zili z'okutwegesa tutesiga mani gaitu, shana kwesiga Katonda ahimbura abafu. 10Akaturokora ahandebekelero y'orufu; mara aliturokora ; twine eshubi omuliwenene okwo alishuba aturokore.11Na inywe nimuragirwa kutujunisa enshara nirwo Katonda arahulira enshara ezo mulikutushabira kumusiimira Omugisha ogwo tulikutungwa; omu kututunga atyo naba nahorora ensharazingi.12Nitwebuga tuti; Omumitima yaitu okwo oburora bwaitu omunsi omu, okukiraho omulinywe, bubaire buli burora obuchulezi obwo twatungirwe Katonda omumani g'ekishakye, gatali mani ga bumanyi bwa bantu. 13Nitubahandikira ebyo murashobora kushoma mukashobokerwa. Ninshubira murashobokerwa kurungi, 14nk'okwo mwashobokeirweho kake, mwije mutwebuge nk'okwo ichwe twakwebuga inywe aha kiroky'o Omukama waitu Yesu.15Eki mbaire ninkimanyage, niyo nshonga mbaire ningonza kubandiza owanyu kamushemelerwa kushagaho. 16Mbaire ningonza kubagobaho orwo ndikugya Mkedonia, nkashuba nkagaruka okwo orwo ndikurugayo, mukashuba mukambonera eky'okugenda nabyo Buyaudi.17Isi orwo nabaire nintekeleza nti nkaba nimpindukana? Nintegeka nk'omuntu wensi, kugamba "Ego" na "Chei" omu kanya kamo? 18Obuso bwa Katonda omunyamazima, tukaba tutalikuhindukana omu byotwabagambiire."19Yesu Kristo, Omwana wa Katonda, owo Silwano na Timotheo nanye twabarangiire akaba atalikuhinduka aha rulimi. Buli kanya yagambaga ekili ky'amazima. 20Nobona byona byona ebyo Katonda yaragaine, wenene n'iwe abigobesheleza. Niyo nshonga omu bushobora bwa wenene totushobora kugamba tuti, "Amins" kuhaisiliza Katonda.21Ky'onka Katonda n'iwe alikutujwanganisa na inywe omuli Kristo: Akatukora amajuta, 22yatutaho omuhurigwe, yatuha Mwoyo n'iwe mukwato omumitima yaitu.23Ninjuliza Katonda, n'iwe alikumanya omutima gwange! Okutaija Korinto nkagendelera kubaganyizibwa inywe. 24Tituli kubakaka kamwesiga; nitumanya okwo mugumire omukwesiga. Ekiliho nituchwazikana nainywe kubaha ebyera, kuba omukwesiga kwanyu mugumire.
21Kityo mboine ntaijayo okwo rundi kubashasa. 2Aha rw'okuba kandabashasa, arampa ebyera n,ohai k'atali ogwo owo nashasa?3Niyo nshonga nkabahandikira ebarua elinya. Nkabona ntaija wanyu abakumpaire ebyera bakaba nibo banshasa. 4Nkabahandikira obujumbe bundi bubi, nindira namaliragangi. Tindi kugendelera kubashasa, shana ningonza kubamanyisa obungi bw'engonzi ezo ndikubagonza.5K'omuntu araba akozire eky'okushasa banu, tashasize inye nyenka. Ntatairemu gungi nakugamba nti na inywe abashasize nywena. 6Omuntu nk'ogwo ekibonabonyio eky'abangi bamuhaire nikimumara. 7Kityo mugwelera mumuganyire mara mumumaramare, kitali kityo obujune bwakushagulirana bumukizaamani.8Nimbatagiliza mumweleke okwo inywe mulikumugonza. 9Orwo nabahandikiire ebarua elinya, nkaba ningonza kubalenga kumanya nk'ebyo ndikubaragira byona nimumpulira.10Chonka kalaba alio omuntu wena wena owo mulikugarulira, nanye kwakwo nimugarulira; Ebyo ngarulire, kaharaba haliyo ekyo ngarulire kyona kyona,mugarulire arwenshonga yanyu omubuso bwa Kristo. 11Shetani ataija akakutusinga; ahakuba emitegoye nitugimanya.12Orwo nagagobire Troa kuranga Evangeli ya Kristo, Omukana yantunga akashango; 13chonka omwoyo gumbarabata aha rwokutashangayo murumuna wangeTiti. Kityo aho nirwo nabasigireho nkegendera Makedonia.14Chonka Katonda asimwe. Tujwangaine na Kristo n'iwe atuha amani g'okusinga endashana. Atuha okurandisiliza Kristo bulihantu. 15Nobona ichwe nitushusha obunuma obuli kununkage obwo Kristo ahongera Karonda bukagoba abalikwesiga n'abali kwanga kwikiliza.16Balinya abalikwanga kukizwa, ekijunde ekyo ekilikununka chuchuchu nilwo rufu; chonka alibalinya abikilize abalikwesiga, akajunde kabo nikanunkagi kuruga omuburora mpaka omuburora. Mbwenu ahosi n'oi alikwemera omwoga nk'ogu? 17Titukushana abantu abandi abali bangi, abalikuguza ekigambo kya Katonda omufaida yabo. Katonda ayatutumire n'iwe mujulizi waitu okwo tuli bairu ba Kristo abalikugamba amazima.
31Isi ichwe twabanza kwesingiza orundi? Anga nkokwo abandi bagira, nitwetaga kubaa inywe ebarua zokuba siima, anga inywe kuzia ichwe? 2Inywe bonene ninywe barua yeitu yokutusiima,eandikirwe aha mitima yeitu,abantu bona bagimanye bagishome. 3Inywe muli ebarua eyo kristo yaandikire akatutwekera.Teandikisiibwe bwino, eandikisize Mwoyo gwa katonda asingiire omuigulu. Teandikire aha mabare, emitima ya bantu nigo mabare agaandikirweo.4Oku nikwo kwesiga oku tuli kwesiga katonda omuri kristo. 5Ichwe titwina kyotwakwesimiira kugira tuti omurimo ogu nitugushobora obushobora obwo twinabwo niburuga ahari Katonda. 6Ayatuhinduire kuba abakozi be ndagano empya,etari yamateka agaandikire shana eandikile omuli Mwoyo. Amateka agaandikire geita, chonka mwoyo agiza oburora.7Amateka ageita, agaandikirwe aha mbego za amabare,agaraba gabeire geina ekitinwa, Abaisraeli bakaremwa kuleba Musa omubuso aha rwenshonga yomwengerero ogwa amateka ago, 8Aha Mwoyo agiza oburora tazoke omukitiinwa ekishagireho?9Okukoza eiramu kuraba kurugirwemu ekitinwa;aho okukoza obugorogoki tikulikugiza ekitinwa ekishagireho! 10Mazima okwo bili ebyagiraga ekitinwa tibikina kitinwa aha rwenshonga yekitinwa ekilikukila ekitinwa kilinya. 11Manyasi ebyaweireo kabiraba byabeire bina ekitinwa, ekitari kyakuwao nikiragirwa kugira ekitinwa ekishagireho!12Aha rwokuba twina eshubi nkegi, nitumaza mno. 13Tituli kushana Musa ayayebunzire ekihundi aha maisho ngu Abaisiraeli bataija bakabona omwengelero niguwaho.14Chonka bonene bakagumangana emitima. Mpaka saezi, orwo bakashoma endagano eyeira, ekihundwi kyonene kyonene tibakukiaho, enshonga tikiina okwo kyakurugao shana omubushoborwa bwa Kristi. 15Nkireki orwo bakashoma amateka ga Musa, ekihundwi kiikaraga kibabunzire emitima. 16Choka omuntu orwo yakugarukira aha Mukama ekihindwi kimurugaho.17Mbwenu Omukama wenene niwe Mwoyo, kandi mbali Mwoya wa Mukama asingiire, niho nobwengeleere buli. 18Ahonu ichwe chena nitushana Omukama owekitiinwa norwo ekihundwi kituli ahamaisho. Ekitinwa kyonene kyonene ekilikutabuka ahaMukama, Mukama niwe Mwoyo, nikituhindura nikitushananganisa nawe omukitinwa ekishagireho.
41Katonda akatuganyira yatukwasa omuruka ogu katugukora, kityo tutukuleremba. 2Ebyenshoni twabiekeire, ebyokugobeza abandi titulikubyenda, nangu nokuindura ekigambo kya Katonda. Chonka amazima nitugagamba orubona, buli muntu ashobole kutusiima ebyo tulikukora omumaisho ga Katonda.3Nangu norwo Evangeli yetu eraba etali kushoboka, telikushoboka omulibalinya bonkaabalikusilika. 4Abalikusilika abo, baumisiibwe katonda wensi egi omumitima yabo, batashamulirwa Vangeli ekitinwa kya Kristo, niwe buso bwa Katonda.5Tituli kweranga ichwe, nituranga okwo Kristo Yesu niwe aba Mukama, kandi ichwe tuli bakozi banyu aharwa Yesu. 6Manya Katonda niwe yagambire ati, "Omumwilima harugwemu omushana gwake," niwe wenene ayayakize omushana omumitima yeitu kutumanyisa ekitinwa kya Katonda ekyotumanyira ahali Kristo.7Chonka eitunga eli tulibiikire omubikwato byeibumba, kwereka obushobora obushaguliraine butaba bwaitu, bube bwa Katonda. 8Twine enaku eza bulingeli, chonka titulikufa mutima. 9Nitugingizibwa chonka tituli kunagirwana; nitubona ebiyengo chonka nitukira. 10Nitushasha kugoba aha kufa nka Yesu, twijje tubone kuhimbuka nka wenene.11Orwo tukya rora tulebeleirwe kwitwa kuturwa Yesu, Yesu ogwo aije atunge emibili yeitu elikwija kufa oburora. 12Kityo ichwe nitufa, inywe nimugira oburora.13Kandi orwo tulikwikiliza nkolinya ayahandikiire ati, "Ebyo naikiliza nibyo nagambire," na ichwe kutyo nitwikiiliza mara nikwo tulikugamba. 14Nitumanya okwo na Katonda ayaimbwire Omukama yesu alituhimbura na Yesu mara atutaye amo nainywe omubusingebwe. 15Byona ebi naha bwanyu, nkokwo abantu balikweyongera kubona ekisha babe nikwo bashaba nanesiimi ahali Katonda owekitinwa.16Ichwe tituli kufa mtima, norwo ahabubili tulikugenda nituwaho, emyoyo yeitu egyo negendelera kugira amani agaya. 17Nobona eneku ezakanya aka ezitaina mbali zili nizija kutubonesa ekitinwa ekyeira lyona ekitali kya kugambwa. 18Kuba eshubi yaitu tilimubintu bilikuzoka; eshubi yeitu eli omubintu abilikuzoka. Ebilikuzoka biwao, chonka ebitalikuzoka ebyo biba ebira lyona.
51Nitumanya okwo obwikalo obwo tulikuturamu omu nsi kabulimara kukambuka, Katonda alitwombekera enju, enju eye'eira lyona omw'iguru, etayombekirwe mikono. 2Mazima kunu omu nsi tuliho nituya, ntwegomba kugya omu buturo obw'omwiguru, 3tugye omu buturo obwo, tutalija tukashana abatajwete.4Orwo tukyali omubuturo obu nituya aha rwenshonga y'enaku, tikugir'oti nitwenda kufa, chei, nitwenda kuba aba gorogoki, nirwo emibili yaitu elitungwa oburota obutaliwaho. 5Katonda niwe ali kututekatekera oburora obu, natuha na mwoyowe alikwera kutumanyisa okwo eina ebyo atubikiire.6Nikwo tulikwikara tugizire omwesigo. Nitumanya okwo orwo tulikuhondera amairu g'omubili nituba tutaishukaine n'Omukama, 7aha rw,okuba nitukora ebyo tulikwikiliza, bitali byotulikubona. 8Nitwikara tugumire, nitubona hakili kujwangana n'Omukama kushaga okuondera amairu g'omubili.9Kityo tulikarora anga tilikafa, ekyo tulikwitanira ni kushemereza wenene. 10Nobona tuliragirwa kwemelera omumaisho g'enteko ya Kristo k'aturamura, bulimuntu abone ekimusaine omulibilinya ebyakozire omububili bibe birungi anga bibe bibi.11Aharwokuba nitutina Omukama, nikyo tulikwegeshereza abantu. Katonda natumanya. Kandi nishubira na inywe emitima yanyu ekyo nekimanya. 12Titulikugonza kushuba kuboleka okwo ichwe tuli bantu ab'amazima, nitugonza kubaha obushango bw'okutwebuga, mubone kuhororangana n'abalikwesiga oburungi bw'omuntu obw'aha maisho, kandi oburungi bw'omuntu obwo tibabuliho.13Katuraba tuli bararu, tuli bararu aha rwa Katonda; katuraba tutali bararu, tituli bararu tubone kujuna inywe. 14Engonzi za Kristo nizo zili kutubarabata, aha nitumanya okwo yafeleire abantu bona bakafa nawe. 15Mara Kristo akafera abantu bona, balinya abakyarora babe batakikola ebyo bonene balikugonza, bakore ebyo wenene alikugonza, ogwo ayabafelekeleire akashuba akahimbuka aha rwabo.16Kityo titukiramura muntu wena wena omu mibonere y,abantu. N'orwo aha nyuma Kristo tukamuramura tutyo. Obwenu titukiziza kuramura wenawena tutyo. 17Orwo omuntu alikumara kujwangana na Kristo aba ekitondwa ekiya; okwo abaire ali orwambere ebyo biwa, aba muntu ondijo.18Ebi byona nibikorwa Katonda ayatushoboize okurekera kumunoba mara akashuba akatukwasa omuruka gw'okushoboza n'abandi kurekera kumunoba. 19Nikwo kugir'oti omuli Kristo Katonda akashoboza ensi kurekera kumunoba obuzira kwijuka entambara zabo yashuba naichwe yaturagira katugamba okwo agarulira abantu.20Kityonu ichwe tuli entumwa za Kristo, nitubahana ahamwanya gwa Katonda nitubatagiliza tubateileo Kristo mugaruke ahali Katonda. 21Kristo atamanya bufu Katonda akamuhindura mufakare aharwaitu, kityo tujwangaine na Kristo wenene, tushobole kuba bagorogoki ba Katonda.
61ichwe abaweize ba Katonda nitubatagiliza, ekishakye ikyo tulikubona kitabafela busha. 2Katonda wenene nagamba ti, ''Akanya kakagobile nkakuuliliza, ekilo kyokurokoka kakyagobile nkakurokora.'' Leba akanya nikaka; Leba kilo eki nikyo kilokyo obuchunguzi. 3Titulikusitaza muntu omulimo gweitu guteija gukagaywa.4Chonka omu byotulikukola byona nitwoleka okwo tulibakozi ba Katonda: Nitwegumisiliza umunaku omubyengo, umubyemba, 5orwotulikutelwa, orwotulikufungwa, orwotulikuyokerwa, omumilimo yensika, orwo tulikulala ankera, norwo tulikurumwa enjala; 6Omu bwera bwo omwoyo, umubumanyi, omubwegumisiliza, omukugila obufula, oumuli Mwoyo alikwela, omungonzi zigobeleire; 7Omukugamba amazima noomubushobola bwa Katonda; nitukoza ebikwato byobugorogoki omundashana no omukwelinda.8orwo tulikukunirwa norwo tulikugaywa, nitu bielerwa nka hababeiya ebishuba okwo tuli bamazima 9Twashusha abatali kumanyika, kandi okwonitumanyika mno; twashana oti tufire, kandi okwo niturora. N'orwo batubonabonyize tibatwisire. 10Norwo tuli bajune, bulikanya nitushemelerwa. Norwo tuli banaku, abantu abandi nitubatungisa, nitushana abataine kantu, choka twine buli kantu.11Inywe Bakorintho, katubagambire amazima gona emitima yeitu tugishanshurwire. 12Kamuraba nimubona alio ekitango kyona kyona, ekitango ekyo kili omulinye tomulichwe. 13Mbwenu nimbagambira n'kalikugambila abana; na inywe kwakwo mushanshurure emetima.14Mutakumanyirana na abatakansi. Obugorogoki n'omutima gubi bigendwana? omushana n'omwilima byakwira hamo? 15Bwenu alimu okushananganisa kuhe omuli Kristo na Beliari? anga haine omwesigo heine obutulobue amo nanolinya ataine mwesigo? 16Rwensinga ya Katonda yakutahwangana eta n'ebichongano? icwe tuli Rwensinga ya Katonda asingire; n'kokwo Katonda wenene yagambile ati, "Nditura nabo mara nyikare nabo, ndiba Ktonda wabo, nabonene baliba abantu bange.17aha rw'ekyo mubarugemu, mutaishurane nabo, alikugamba Mukama, mutalikwata ekintu ekihagaire , nanye njakubanyegeza. 18Aha ndibanyegeza, nainywemube bahana bange; nikwo Mukama rushobora byona alikugamba.
71Kityo bagonzibwa, orwo twaraganisibwe ebintu nkebi, tweyogye obubi bwona obwomubili nomwoyo, tutine katonda, tube bagorogoki omubutakatifu.2Mutukingulire emitima yanyu. Titukakoleraga muntu kubi; Titukasitazaga muntu, anga kugobeza muntu. 3Tindi kugamba bigambo ebi kubakwata mushango, kuba ndabagambire okwo mutwikara omumwoyo, tufehamo, tulorehamo. 4Nyine obwesige bwingi omulinywe; nimbebugamuno, ndige mno. Omunaku zaitu zona ebyera bilalire kunyita.5Orwo Twagobile Makedonia, emibili yeitu teliikizeo. Tukagwera enaku buli rubaju, aheru na nomunda: Baturwanisa twatina. 6Chonka Katonda aumuliza abashobeirwe, akatumalamaza okwija kwa Tito, 7tikwija kwawenene kwonka, chonka mpaho nokumumaramara okwo mwamumalamazire. Nkokwa mwangambile okwo muiikushanangana nanye, okwo mujunaire, nokwa mulikundwanilila, ebyonabyo bikanyongera ebyera.8Nrwo ndaba nabashasize omubarua yange, tindi kugyechuza ( norwo nagyechulize). Nimbona okwo ebarua egyo yabashasize muno, norwo etabashasize akanya kangi. 9Nkokwo bili, inye ninshemelerwa, tirwanshonga yainywe kushasha, chonka kubona mkashasha mwashuba mwayechuza; mukashasha mwagaruka ahali Katonda, aharwekyo ichwe titwabashashize nakake. 10Okushasha mukagaruka ahali Katonda kurugwamu okwechuza; Kandi okwechuza kurokora omuntu, mara omuntu takwechuza. Chonka obushasi bwenyansi burugwamu orufu.11Na inywe mulebe obushasi obubagarwire ahali Katondaokwo bubagilize ekihika, mwagira amani gokweyogya entambara, mwatamwa okufakara, mwagira obutini, mwagira orushusho n'obujwahuki, nokugonza kubona amazima nigaonderwa. Omubigambo ebyo nimweyoleka okwo mutainamu ntambara. 12Norwo kili kityo tindabahandikiire ngendelire kujuna ayakozire kubi anga ayakoleirwe kubi. Nkahandika kakimanyikage ahali Katonda okwo mulikutugilira ekihika.13Ekyo naitwe kikatutera ekihika. Titwatirwe kihika kyonka; na Tito akatuha ebyera ebishagireho aharwokumukorage okwo mwamukozirege. 14Nkabebuga ahali wenene, mara kandi nainywe timukwetwe nshoni. Buli kanya tubagambira amazima, mara mwonene omwo ebyo twayebugire ahali Tito byazoka bili by'amazima.15Kityo na wenene yayeyongera kubagonza kalikwijuka okwo inywe mwayanguire kwekomya ebyoyabegesize, nokwo mwamunyegeize nekitinwa kingi muno. 16Ninshemelerwa kubona okwo nyine obwesige emalimali omuli inywe.
81Barumuna bange nitugonza kubamanyisa ekisha kya Katonda ekyenteko za Makedonia zatungirwe. 2Bakalengwa omu bilengeso bingi ebyo barabiremu; chonka bakashemelerwa muno, baba bafura ebishobeize, bajuna abandi, norwo balibanaku.3Mbagambire amazima, bakagira ebintu bingi okwo babeire nibashobora, nangu nokushagaho. Bakeyendera bonene 4batutagiliza na bonene kujua abantu ba Katonda. 5Bakagira kushaga ebyo twabaire nitushuubira: Bakehayo, bakabanzabayehayo: Ahali Mukama, bashuba bayehayo ahali ichwe nkokwo Katoda yabeire nayenda.6Aha rwekyo tukatagiliza Tito kamaliliza omuli inywe omulimo ogu gwengonzi nkwoko yakagubandize. 7Muli batungi omuli byona ebyo mwinabyo: Omukwesiga, omubigambo, omubumanyi, omu kwegumisiliza okwabulingeli, omungonzi ezo mulikutugonza. Kityo mube nikwo mugira nobufura omu mulimo ogu gwengonzi.8Omukugamba ntyo tindi kubaragira. Ningonza kuboleka ekihika kyaabandi beinakyo omukujuna banu, mbone kumanya engonzi zanyu zine amazimaki. 9Nimumanya Omukama weitu Yesu Kristo ekyekisha kyamukolize: Wenene akaba alimutungi kyonka yayeindura omunaku kubarokora, mubone kuba abatungi aha rwawenene.10Okwo bili, inye nimbetegekera inti: Nikigasha kushaga kamwakugobesheleza eikora elyo mwamara omwaka gwona mubandize. Ninywe mwabaire ba mbere kuralira ekigambo ekyo mara mukakikora. 11Mwenu aho ekigambo ekyo mukimare. Mutemu ekihika kukimara nkwokwo mwakakiraliire: Ebyo mwinabyo mubigire mwaha. 12Kamuraba nimwenda kubigiraKatonda arasiima egabo zanyu ezo, nabona ebyo mwinabyo mara nimushobora kugira, ebyo mutainabyo ebyo tabiliho.13Inye mutaba ninywe musikilirwe, abandi kuba nirwo banguirwa; Chei, turaba omu bwingana na amazima. 14Ebyo muraba mwinabyo mutali kubyetaga bijune abetaage, nabo orwo baraba baina ebyobatali kwetaga, bajune inyweorwo muraba muli betaage, habeho obwinganwa. 15Nkokwo kyahandikirwe kiti "Ayashombokize bingi tiyashagwire, nayashombokize bike tiyarebeleirwe"16Omukama naakasinge alikutamu Tito ekihika kyonene kyonene ekyokubajuna. 17Ti kugiroti akesiga kusha aharwokuba tukamushasha, nawe akashangwa nayenda mno kujuna abantu, yagoba aha kuramura omubyeyendezibwe kwija okwo.18Twamutweka na murumuna waitu alikumanyika omunteko zona aha rweiranga lyokuranga Evangeli. 19Mara tikyo kyonka: Enteko zikamurondakuba nagenda naichwe tukakora hamo omulimo gurungi ogu ogwo tuliho.20Nitwelinda batatulisa mpiya ezo batukwasize. 21Nitugonza kukolera Omukama na abantu.22Hamo naabarumuna baitu abo, twatweka mulumuna waitu ondijo; ogwo tubandize twamulebelera muno, twabona okwo aine ekihika kyokujuna banu,nangu kandi mbwenu ashaagireho aha rwokuba inywe nabesiga muno. 23Tito ogwo nimutahi wange; omu kubakolera ninyema nawe. Kyonka barumuna baitu aba, abobalikwijanabo batwekirwe enteko, mara bonene abo Kitinwa kya Kristo. 24Kityo mubakolere kurungi omunteeko, ebyo tubebugeho ababi bona.
91Aha kujuna aba Kristo norwonakuba ntabahandikire bishaagireho. 2Nimanya okwo omulimo ogwo okwo mugutaireo omutima; ekyo nokyo kimpa okubebuga aha Bamakedonia, ningamba okwo aba Akaya omulimo bakagutaho omutima kwema amwaka oguingwire, mara bangi muno omuli abo ekihika kyanyu kibatairemu amani.3Chonka kantweke barumuna baitu, kitija kikazoka okubebuga kwange ahamulimo ogu kwa busha, kandi nainywe aho mushangwe mutaire omulimo ogu, nkokwo nagambire okeo muragutaho omutima; 4Abamakedonia bataija bakaija nanye bakashanga omulimo ogu mutakagutireho kihika, ichwe tukashonara aha rwokubesiga tutyo, kandi tukaba tutakibabuga rundi. 5Kityo mbweine nikigasha ntemu barumuna baitu ekihika banyebembere okwo, bateketeke emperwa egyo eyowaragaine, etaija ekazoka yagirwa rwamani, ezoke eli yobweyendezi.6
7Bulimuntu naragirwa kukora okwo ayetegekire: Atasindara, kandi butaba bukakwa. Katonda agonza aiyayo ebiongo bye nashemelerwa.8Katonda ogwo nabasa kubatunga omugisha gungi ogwa bulingeri, bulikanya mushobole kugira ebibamazire, kandi nabandi mubone kubajunisa bingi ebyokukoza emilimoyona emirungi. 9Nkokwo kyahandikirwe kiti; "Abanaku abatunga bingi, ekishakye kyeira ryona".10Wenene atunga omubibi embibo nomukate gwokurya , niwe arabaha obwiho bwingi mara akabongera aharwekisha kyanyu. 11Ekisha kyanyu kingi kilibabonesa bingi omuli bulikantu, aho na Katonda eijasimwe aharwekisha kweitu ekyo.12Kuba omulimo ogu ogwomulikukora tigwilikwija kubonesa bakristo ebyo balikwetaga byonka, nawe nimwija kusindika abantu bangi kusiima Katonda. 13Okwo ikola lilikuzoka, nimwija kuhaisiliza Katonda ekitinwa aha rwomuhulliro gwanyu orwo mulikweb Evangeli ya Kristo, naharwekisha ekyo mulikubagilira omukubajuna nokujuna abantu abandi bona. 14Kandi bonene nibabegomba kubabona na nibabashabira. Nibakora bati orwenshonga aha rwekisha kingi ekyo Katonda yabatungire wenene. 15Katonda nakasinge aha rwamatungwage aga agatali gakugambwa.101Inye Paulo wenene, nimbatagiliza omubufura n'omungonzi za Kristo. inye ndi mufura omumaisho ganyu , chonka nyine obumaza alinywe alinya mbali ndikuba ndialenanywe. 2Ninshaba alinywe inti, akanya akandaba tuliamo , tinkwija kwenda kwezora kuba omumaza shana njakuzora obumaza halinya orwo ndaba nkwatangaine n'abalikutulenga kuba abantu b'ensi.3Enshonga n'orwo tuli omunsi titulikurashana endashana yo munsi. 4Nobona ebikwato byeitu ebyo tulikurashanisa endashana ti bikwato bya munsi omu. Nebikwato ebine amani ga Katonda agali kushobora kugwisa amani go mwilima.5Ebya abantu balikuhakana nitubisirasiza nabeikuru abalikwanga obumanyi bwa Katonda nitubatera ahansi. Nituhindura ebitekerezo bya bya buli muntu ashobore kugira omuhuliro ahali Kristo, 6Kandi twetegekire kubona bonyia bona abataina muhuliro, mulemwe mugire omhuliro ogugobeshereize,7Ebigambo mubikwate okwo mulikubibona. K'omuntu araba nayemanya okwo ali wa Kristo naichwe kutyo. 8Kuba n'orwo ndayebugaho obushobora obwo twinabwo, abushobora obw'okubombeka, kutali kubakambura, tindikwija kugira nshoni.9Ntakuzoka nimbatinisa omu barua zange. 10Kuba aliho abalikugamba bati, "Ebaru zusikiile mara zine naamani, chonka abubili nayoroba, n'eby'alikugamba tibine mgasho."11Abantu nk'abo bashobokerwe okwo ebyo tulikugamba omubarua orwo tutali okwo, nibyo byonene byonene ebyo tulikugamba orwo tulikwija. 12Ichwe titwakuziza kugira tuti nitwingana n'abalikwesingiliza. Bonene nibo bonka abaina amagezi, mara tibalikukirwa muntu; chonka tibaine kyobalikushobokerwa.13Titulikwija kwesiima tukashagulilana; chei, nitwija kugarukira mbali Katonda ya tupimiire, nirwo rubibo orwo yatukwasize, nangu nainye nitwija kubagoba. 14Mara tituli kwehanguhya kushagulirana nk,okwo kyakubaire okwo muli amo mbali Katonda yatulengeire, katutakwizire wanyu, n'ichwe twabaire bambere kwija owanyu tubaleteire evangele ya Kristo.15Titwakwesiimira emilimo ya bandi kushagulirana. Sahana nitushubira okwo okwesiga kwanyu kurayeyongera, aho naichwe tubone obushango bw'okubegesa ebishagireho. 16Kityo aho kurashobora kuranga Evangeli omunsi ezindi, etali yanyu, tutaizire kwesiimira mulimo ogw'omuntu ayekoleire omukichwekakye.17"Araba ali w'okwesiima ayesiime ebyo Katonda akozire." 18Alikusimwa t'olinya alikwesiima, shana alikusiima Katonda.
111Kamwa kutekanire obufura bwange! Muntekanire. 2Nimpulira nimbabubira okwo Ktonda abubira ab'agonza, mbone kubasiigira mushaija omo kubagobya ahali Kirsto nimushaa omugore entahagata.3Choka nintina. Nk'okwo Enjoka yakolize obwenge ekababeiyabeiya Eva. Nikwo nainywe ebitekerezo byanyu bilikwija kuhaba mukalekera kuba besigwa ahali Kristo, mukarekera n'okumugonza engonzi. 4K'omuntu alaija akabaragira Yesu ondijo atali owo twabaragiire, anga mukagibwamu omutima ogundi ogwo mutatirwemu orwambere, anga mukesiga Evangeli endijo etali, eyo mwaikilize, ebintu nkebyo mwija kubitora bwangu.5Tindi kulenga nk'omuntu entumwa ezikuzire inye ndintumwa eya hansi. 6N'orwo ndaba ntalikumanya kugamba, tikwo kugiroti tindi kumanya kantu. Ebi byona tukabibashoborora okwo twabire nitushobora.7Isi inye kanayetoize inye kamutungama, nkalora obufu, arwokuba nkabarangila Evangeli ya Katonda mutaine kyo mpaire. 8Nkaba nayakirwe enteko ezindi, orwo naikiliize kutora eshumbusho eyo bagizire, mbone kujuna inywe!, 9Orwo nabaire ndiokwo nkabura bulirwa choka talio owo nalemelire, ebyokunyamba bikagirwa barumuna baitu abarugire Makedonia. Kityo nketanga mara ndiguma nyetangire kubalemerera.10Ningamba amazima aga Kristo, kityo talio alikwija kuntanga kwebuga intyo omumikoa ya Akaya. 11Isi kubaki? arwokuba tindi kubagonza? manya Katonda namanya okwo ndikubagonza.12Mara ebyo ndikukora ndiguma mbikozire, nyije mbone kumara amani abalikwebuga okwo emikolere yabo n'eyaitu nemo. 13Abantu nkaba nentumwa zebishuba, nabakozi engobya, nibiendura entumwa zaKristo.14Kandi mutakutangara kuba na Shetani nayeindura maraika owomushana. 15Kityo ekyo kitabashobeza kabakizi ba Shetani kabarambeindura abakozi abaine obugorogoki. Ebikorwa byabo ebyo bilibatweijera.16Kanshubemu: Omuntu atandenga mufera. chonka norwo muraba nimundenga mutyo, munyikilize kundenga komufera, buzima nanye nyesimeho kake. 17Ebyo ndikugamba tindikubigambisa bushobora bwa Katonda, nimbigamba nkomufera, mara eki ninkyesiimira; 18orwo abantu bangi besiimira ebintu byensi, nanye ndayesiimira.19Inye nimushemelerwa kwemera ebifera, kandi inywe okwo muli bamanyi! 20Leba, inywe nimwemera omuntu kubahindura abairu, nimwemera omunyagi, nalikubakoza kubaihyaoa amagoba, nalikubashaijuruza, nalikubatera empi. 21Kangire nti kyenshoni, kubona ichwe ebyo titwabishoboire! Chonka kyona kyona eky'omuntu alikumaza kukyebuga.22Isi abo Bayaudi? Manya nanye ndi muyahudi.Isi Baisraeli? manya nanye ndi mwisraeli.Isi nibatabuka ahali Aburahamu? manya nanye niwe ntabuko. 23isi bairu ba kristo? inye ninshagao; ahanu nagamba nkomuraru, kuba emilimo ya mani ninkola eshagireho, ninfungwa kushaga abandi,okuterwa tinakubara, emirundi nyingi nagobile aha kwija kufa.24Emirundi etano Abayahudi banteire enshanju 39, kuburwao rumo kugoba 40. 25Ndateirwe enkoni kashatu; lumo nkaterwa amabare, kashatu emeri nizisinjagulika nzilimu, nindara omunyanja nigisibamu . 26Omungendo zingi ezakambeireho ndaizile kugwa omiiga, abashuma beija kumara oruguru, ngambeki Abayahudi beitu, leka abanyamahanga neija kugwa omunteko nomuirungu nomunyanja na abarumuna beitu abebishuba.27Nafa nayo emilimo, omuro gwambaho, enjara nehilio, biti nkuboine, emirundi nyingi nimburwa ekyakulya, embeho nokubulwa ekyokujwara nabyo ebyo byambao. 28Kandi ebindi noru nakuba ntabigambile, enteko zona zitura zimpangiile 29Owokubulwa amani inye gatambuzile noi? Owobalikugwisa omutambara inye ntatamilwe noi?30Kakuraba kuli kwebuga, kanyebuge ebikozilwe obujege bwange. 31Katonda olinya ishe Omukama Yesu namanya oku ntalikubeiya.32Omuli Damaski gavana ayabaile atairweho omukama Areta, akalinda ekigo ekyo agondize kunkwata. 33Chonka bakanteka omukitukuru bandabya omwidirisha ry'orukuta namurugamu ntyo omumikono.
121Kabyebuge, norwo okwebuga kuraba kutaina mugasho. Chonkaonka ebyo nabonekeirwe nebyo Omukama yanshuruliire nimbigamba. 2Nimanya omukristo omo ayeshutwirwe akagoba omwiguru lya kashatu, emyaka 14 eyahingura. Nkayabeire narora anga afire, ekyo tindi kukimanya; nikimanywa Katonda.3Ekiliho nimanya okwo omuntu ogu yashutwirwe akagoba paradiso. Nkayabeire narora anga afire ekyo tindikukimanya, nikimanywa katonda. 4Wenene ogwo akahulira ebitagambwa, ebyo omuntu atakugamba. 5Mbwenu kanyebuge aha rwomuntu ogu.Tindikwija kwebuga aha rwange shana nyebuge obujege bwange.6Norwo nakwenda kwebuga timbe mufera,aha rwokuba ninyija kugamba amazima.chonka njakuleka kwebuga aha rwokuba ateija akabao muntu wenawena owokutekeleza muno ebyo kushaga kilinya ekilikuzoka omunda yange anga kuulila kuruga alinye 7Ntaija nkebuga nkashagulirana aha rwe ebintu bingi ebyo nashurulirwe, niyo nshonga nkachumitwa eiwa,niyo ntumwa ya shetani, yambumbulikya,ntaija nkebuga nkatamu gwingi.8Nkatagiriza omukama kashatu aha rwenshonga yekigambo eki kakindugao. 9Chonka wenene yangambira ati,''Ekisha kyange nikikumara,orwokuba omubujege nilwo obushobora bwange obugobereile bumanyikira.'' Ninyija kugenderera kwebuga obujege bwange,nyije mbone kugirw amani ga kristo. 10Niyo nshonga ninshemererwa kuba mujege,banjume,nshashe,banyite kubi, mpangarwe nomwoyo nibantura kristo.Ahakuba orwo ndikuba mujege nirwo ndikugira amani.11Alinya onene inye mbaire mufera chonka inywe ninye mwankakile kuba ntyo, kuba inywe mwaragiirwe kumpaa eibara rilungi. Nobona norwo ndaba nteine okwo ndi, entumwa ezo ezikuru muno tizina kyozilikunkizaho nakati. 12Okwegumisiliza kwange okutali kuke,obubonero nebyokutangaza nebigilo bya mani ebyo nabakoleire nibwo bubonero obwentumwa eyamazima. 13Nikiha ekyenteko ezindi zabakizeo? Leba nainywe tinabaremeleire.Munganyire antambara egyo.14Inye ndiyo ninyetekateka kwija okwo omurundi gwa kashatu. Kandi tindikwija kubaremerera. Ebyomwinabyo tibyo ndikuhiga, shana nimpiga inywe. Kuba abaana tibo baragirwa kubisira bazaire babo; abazaire nibo balikulagilwa kubisira abana babo. 15Ndashemererwa muno munonga kweiyayo mara kweiyayo kulokola emyoyo yanyu. Kandaba nimbagonza muno, aho inywe mungonze mpora.16Chonka inye tindabaremelire inywe, chonka inye irwo ndimumanyi mno, Chonka muti nkabakiza obwenge nabagobeza. 17Isi omuli balinya abonabatwekeire alimu owo nabatwekeire kubanyihirao akagambo kona kona? 18Tito niwe natagilize kwija okwo, nashuba namutao murumuna waitu amo. Isi wenene Tito ogwo eine ebyo yabaireho? Manya wenene nanye twakoraga bimo!19Lero mbali mkatulira murenga muti ichwe tukaba nitweyeza ahali inywe? Bgonzibwa, ebyo tukagamba tubigamba omumabona ga Katonda Twemirwemu Kristo, mara ebyo tubigamba kwombeka inywe.20Nangu nitina nti alio orwonakwija nkabashanga muli okwo ntenzire kubashangayo, anga inywe mukanshanga ndi okwo mutenzire kunshangayo; Alio orwo yakubaho enkungana, ekisho, ebiniga, okweyenda, okuangilirana, eikuru, nane endwano. 21Marakandi nitina kandagaruka alio orwo Katonda yakunjiza obufura omumaisho ganyu nkaragirwa kuchulira abafakare mara abatakechuzaga entambara zabo no obujange, na amairu gabo gabi.
131Egi mara ya kashatu eyondikwenda kuija okwo buli mushango niguragirwa kujulirwaabajulizi babili anga bashatu. 2Orwo ` nabeire ndi okwo emara ya kabili ababeire bafakaire nkabagambila hamo na nabandi bona.Ninshuba nimbagambila nambwenu orwo ntaliyo. Kityo orwo ndagaruka tindikwija kubaganyira.3orwo mulikwenda kubona rubona okwo Kristo niwe alikugambira omuli inye. Wenene timulikumulema, nabashobora. 4Aha kubamba akaba nka ataine mani, chonka mwenu omubushobora bwa Katonda narora. Ichwe titwine mani nkawenene, chonka omubushobora bwa Katonda turaba twine Kristo ogwo omubyo turakabakoleraga.5Inywe bonene mwelebe nka mugumire omukwesiga. Mwelebe. Isi timulikubona okwo Kristo asingiire omuli inywe? Shana kamuraba muli babi. 6Ninshubira okwo murabona ichwe titwina kitulemire.7Ekikuru nitushaba Katonda mutakukora kubi, kitija kikazoka ichwe tulibabi. Nitumushaba mkore kurungi, norwo turaba nituzoka okwo tulemirwe. 8Amazima titwakugahindura, shana kugahondera.9Kuba ichwe nitushemelerwa kuba bajege, kandi amani gakagirwa inywe. Ekyo tulikushaba nitushaba kamugendelere omumaisho. 10Ebi mambo nimbihandika ntaina inywe, kandaba naizire ntaija nkaba mukuutu omukukoza obushobora obwo Mukama yantungire kwombeka, okutali kukambura.11Mpaho barumuna bange, mwikarege. Mweshubeho, ebigambo byange mubyekomye, mushobokerwangane, mwikare nemilembe, aho Katonda owengonzi nemirembe arasingira omuli inywe. 12Mukaisangane nimunywegerangana omunywegero gutakatifu.13Abegesibwa bona nibabakeisa. 14Omugisha gwo Omukama weitu Yesu Kristo, ningonzi za Katonda, mujwangane na Mwoyo alikwera, bisingire omulinywe nywena.
Galatians
11Inye paulo entumwa atatumirwe bantu anga kuletwa omuntu shana nkaretwa Yesu Kristo na Katonda ayamuimbwile omubafu. 2Na aboruganda bona abali amo nanye, abali omumakanisa agali Galatia.3Ekisha nemirembe bibarugire ali katonda ishaichwe naMukama Yesu Kristo, 4ayayeireyo arwentambara zeitu, abone kutuchungura kuruga omumakiro agabi agensegi, oku Katonda ishaichwe okwo yayenzile; 5Ekitiinwa kine wenene eira neira lyona amina.6Ninshoberwa okwo mulikuinduka bwangu mutyo kusigao ogwo ayabatile Ekisha kya Kristo, mkaondera Evanjeli endijo. 7Tikujila oti alio Evanjeli endijo, shana alio abandi abali kubatabangura, nibenda kuindura Evanjeli ya Kristo.8Kahalaba alio ayakubalangilila evangeli etali yo twabalangilile, yaba ichwe anga ommaleika kuluga omwigulu, alamwe. 9okwo twagambile na mbwenu ningamba olundi nti, "omuntu ondijo kalabegesa evangeli endijo iyo tutabegesize, alamwe." 10Ahosi ninyenda abantu kabansima anga kusimwa Katonda? Kanakubeile ninshemeleza abantu, tindakubeile mkozi wa Kristo.11Barumna, bange mmanye evangeli iyonabalangilile telikuluga ahabantu. 12Tindagiheilwe muntu, tindagyegesibwe, nkagishululilwa Yesu Kristo.13Mlahulile okwo olweile nagendaga omdini ye kiyahudi, nkagingiza amashomelo ga Katonda nokugokya. 14Omdini ye kiyahudi nagilaga ekihika kushaga abandi beingi aba twabeile nitwingana omwihanga lyange, nkagila ekihika kingi kugobesheleza entwaza za batata.15Chonke Katonda, ayandonzile nkyali omunda ya mawe akanyesa ekishakye, akabona kili kilungi. 16Kunshululila omwanawe, mbone kulanga amakulu agali galungi gawenine ombanyamahanga. aho tindategekile na bantu bonabona 17tindagile Yerusalem ahalyabo abambandize kuba begesibwa, nkagenda omunsi ya Arabia; nagaluka Damesiki.18Emyaka eshatu kayahingwile natemba Yerusalem kukyalila Kefa, neeikala nawe ebilo ikumi na bitano. 19Chonke tindaboine begesibwa bandi shana Yakobo mlumna wo Mkama. 20Ebyondikubahandikila, omwibala lya Katonda tinyine kyo ndikubiha.21Nashuba nagenda omnsi ya Silia na Kilikia. 22nkaba ntalikmanywa bantu ababeile bali ommashomelo ga Krisito. 23bakagambilwa kusha, "okwo yabeile nagingiza amashomelo nalangilila omwesigo ogwoyabeile nayanga.'' 24Baha Katonda ekitinwa ahalwange.
21Emyaka ikumi neine keyahingwile, nashuba natemba Yerusalem hamo na Barinaba, natwala na Tito. 2nkagenda okwo nashululilwe Katonda, nabashobolola evangeri iyondangilila ombanyamahanga, (chonka ombakunilwa tukaba tulichwenke). Okwiluka kwange okweira nokwebilo ebyo kutaba kwa busha.3Nangu na Tito, omgiliki owonabeile nyinawe, tibamkakile kushalwa. 4ekigambo ekyo ekyokushalwa kikagambwa aboluganda abebishuba bakanyomoza mpolampola kumanya obwegelele bweitu obwotwinabwo omli Kristo Yesu. Babone kututahya ombwilu. 5Abo titwabatinile nakati, tubone kulinda amazima ge vangeli ahalwanyu.6Kandi ababeile nibetwa abekitinwa, okwobabeile bali, ti kantu ahalinye Katonda tagila kigonzi bakaba bateine kwakunyongelaho. 7Shana ekiliho bakabona okwo naheirwe okulangilila evangeli ahabantu abatashazilwe, nka Petro okwo yagiheirwe kulangililwa ombatashazilwe. 8olwenshonga Katonda, ayaheile Petro obushobola obwokuba entumwa ombashazilwe, niwe yankozile nanye kugya ombanyamahanga.9Yakobo, Kefa, na Yohana, abakunilwa ababeile nibamanyika okwo nibo balayombeka enteko, bakamanya okwo Katonda yabeile ampeile omgisha nkogwo batwikiliza inye na Barinaba, batutaho emikono bakakola batyo ichwe katugya ombanyamahanga bonene bagya ombashazilwe. 10ekintu kimo ekyobatwendile nokujuna abanaku, mara ekyo nkakitaho ekihika kukikola. 11olwo Kefa yeizile Antiokia, namhakanisa olubona, kuba akaba akozile kubikwo. 12Kuba yalwaga na banyamahanga. olwo abantu abatumailwe Yakobo, batakeizile. Chonka abantu abo kabazile kwija, yayesholola kuluga ombanyamahanga. enshonga akaba natina abantu abenda okushalwa.13Abayahudi abandi bayema nawe bayekoza obugobya nangu obugobya bwobo bwatwalilana na barinaba. 14Chonke kanaboine tibakuhondela mazima ge vangeli, nagambila Kefa ommesho ga bona nti ''iwe oli omuyahudi, kolaba nohondela engesho za banyamahanga nolekeza abayahudi, kubaki nokaka abanyamahanga kabahondela ezabayahudi?15Ichwe tuli abayuda ombuzalwa,tituli bafakale abalugile ombanyamahanga, 16nitumanya tuti "omuntu tiyakubalilwa mazima olwokukakwa. shana omkwesiga Yesu Kristo ichwe twesigile Yesu Kristo ombikolwa ebyokukakwa tihaliho alibalilwa amazima.17Ichwe abahigile kugololerwa omli Kristo katulaba tuli abafakale, isi Kristo aba omheleza we ntambala? Chei nikikabule! 18kuba kanakubanza kushuba kwikiliza ebyo nyangile aho ninyemanyisa okwo ndi omkozi we ntambala. 19Amateka inye tigakinkolaho kantu kuba tigakinkomile. Amateka nkageteisa mbone kulola mbe owa Katonda.20Nkabambwa hamo na Kristo. Tinye ndikulola; Kristo niwe alikulola omlinye. Nobulola obwondikulola nkyali omunsi, nimbulola omkwesiga Omwana wa Katonda, ayangondize akanyeihilayo. 21Ekisha kya Katonda tindikugilanti tikibayo; amateka kagalaba gahindula abantu, ahonu Kristo akafera busha.
31Inywe Bagaratia abalenga, nohi ayabalogile? inywe ababweine Yesu na meisho ganyu okwo yabambwa ahamsalaba! 2Leka mbabaze eki kyonke "okugobesheleza amateka nikwo kwababonesize Mwoyo, anga mkambona omkwesiga mkeikiliza? mwaba abalenga mtyo? 3Mkabanza mwine amani ga Mwoyo, mbwenu nimwenda kumalila ommbili?4Obushasi obwo bwingi obwomwayegumishilize bubafele busha? 5Katonda abaha Mwoyo, akabakolela ne bya mani, abikola aha alwenshonga inywe kugobesheleza amateka anga ahalwenshonga mkahulila mwayesiga?6Abraham " akesiga Katonda yabalwa mgologoki". 7Nikwo mmanye muti "abeine okwesiga nibo bana ba Abraham. 8ebyahandikilwe bikabona kale okwo abalila abanyamahanga kuba bagologoki ahalwokwesiga, bikatona Abraham kale amakulu galungi biti "ahaliwe amahanga gona nimwo galiherwa omgisha. 9nikwo abalikwesiga bahebwa omgisha hamwe na Abraham, ayabeile eine okwesga.10Chonka abalikwegamila okuhikya amateka abo balamilwe; kuba kikahandikwa kiti " wenawena ateikiliza byna ebyahandikilwe omkitabo kyo mku kabigobesheleza alamwe! 11mbwenu nikimanyikila kimwe okwo tihaliho nomwe ogololelwa ommku ommeisho ga Katonda, kuba agaololelwa omkwesiga alilola. 12Chonka omku tigweyegeka ahakwesiga. kuba tushoma titi "akola ebyo alilolela omlibyonine".13Kristo akatuchungula ahamulamo ogwo olwotwaletilwe amateka olwokyahandikilwe kiti, "alihanikwa amuti aliba alamilwe. 14Kityo ommani ga Yesu Kristo omgisha gwa Abraham gukagoba abanyamahanga bona. okwesiga kweitu kutubonese Mwoyo wa Katonda omkwesiga.15Barumna bange kangambe okwo abantu bagamba. Tihaliho yakwihao anga ayakwongelaho amlago gwo muntu, yakuba akomile. 16Emishubizo ekambwa ahali Abraham na luzalolwe. Abanabe na beijukulu tibilikugamba ahabantu bona nibigamba ahamwijukulu omwe owobilikugila biti, "nanomwijukulu wawe" ni Kristo.17Ekindikugamba ni kyeki "amateka kwema gagileho ne myaka 430 yahingileho, chonke tigalikwihao, endagano eyo Katonda yashangilwe yagambile kugiloti endagano egi tekine nshonga. 18Amateka kagalaba nigo gaheile omntu obusika, obusikobwo tiyakushuba akabuhebwa ndagano. chonke Katonda akaha Abraham obusika, obusikobwo tiyakushuba akabuhebwa ndagano. Chonke Katonda akaha Abraham obusika obwo ahalwendagano egyo.19
20mara ko muntu omwe abanayemalila, ondijo aba atakyetagwa. Mbwenu okwokili Katonda nayemalila.21Isi omku guhakanisa emishubizo ya Katonda? Nakati! amateka agashangilweho galaba gagilize omuntu obulola, mpaho ahonu amateka gonene ago gakuhindwile omuntu kaba omgologoki. 22Chonka ebihandiko bitakatifu nibigamba okwo ensi yona entambala zikagikiza amani, abesiga Yesu Kristo babone kutungwa ebyobalaganisibwe ahalwenshonga yokwesiga.23Chonke okwesiga kutakabeileho twatwalwaga amateka, kulemwa kugoba okwesiga oku twinakwo kwashulwilwe. 24Kityo amateka gatulindaga kugoba olwo Kristo yeizile, aho okwesiga kubone kutuhindula abagologoki. 25Mbwenu olwo okwesga kwabeileho tikyenda kulindwa mateka. 26Olwenshonga okwesiga kwanyu kukabashoboza kuba bana ba Katonda kulabila omli Yesu Kristo.27Kuba nywena ababatizibwe kutaha omli Kristo Yesu, mkajwala Kristo. 28Tihaliho Myahudi natali Myahudi, Omwilu na tali Mwilu, omsheija anga omkazi, nywena hamo mli omli Kristo Yesu. 29Kandi kamlaba mli omli Kristo mli oluzalo lwa Abraham, mara mlyabasika abyo Katonda yalaganisize41Ningambanti "omsika olwo aba akyali omwana tihaliho ekyo akiza omwilu, nolwo itunga lyona aba ali mkama walyo. 2Aba akyali ommikono ya balezi, nitunga liba likyali ommikono yabo balikwasile kugoba ekilo ekyo ishe yasigile yalagila.3Neichwe tutyo, olwotwabeile tulibato tukaba tuli beilu ba masitani agatwlaga ensi egi. 4chonka obukilo kabwagobile,Katonda yatuma omwanawe ayazeilwe omkazi ayazeilwe natwalwa omku. 5Akakola atyo kuchungula ababeile nibagerelwa omuku, tubone kuba bana.6Alwekyo tuli abanabe. Katonda akatuma Mwoyo wo Mwanawe ommitima yeitu akeija nayeta ati "aba, tata," 7ahalwenshonga egi iwe tokili mzana, lundi oli omwana. koli omwana ahpo oli omsika wa Katonda.8Olweile olwomtamanyaga Katonda mkaba mli abeiru babakatonda abatali bamazima. 9Isi mbwenu olwomwamanyile Katonda, nawe yabamanyile, kubaki nimshuba kugaluka enyuma ahamizizo eyakatozi eteine bwemelelo?10Nimwekomya emyezi, ebilo, amakilo ne myaka! 11ninyefuhya muno nti "ebyo nabakolile amani gange gakafa busha.12Barumna bange, nimbatagiliza mube nkanye kuba inye ndi nkeinywe timkankolaga kubi. 13Nimmanya nkabalanilila evangeli elyambele olwobujege bwombili. 14kamwalengesibwe olwobujege bwange bwombili, timwangaile, timwanugile shana mkanyegeza nkommaleika wa Katonda, nka Kristo Yesu.15Mbwenu okweyeta abeine omgisha kulinkahi? nimbajulilila nti "kakyakubeile nikishoboka mnonkola ameisho ganyu mgampa. 16Isi inye naba ombisha wanyu olwokubagambila amazima? 1817Abantu abandi nibezola ngu nibabenda muno, chonka ekigendelelo kyabo ti kilungi. Nibenda kubanyihao, kamwenda bonine. Lwona okwendangana kuba kulungi, nangu kutaba olwo tulihamwe, chonkesi mwendelwe ebilungi.19Bana bange mshubile mwannshasa olwenshonga yanyu kuhikya olwo Kristo alitondelwa omlinywe. 20Nakugondize kushangwa tuli hamwe mbwenu; aho nakuhindwile ilaka anga emigambile yange kuba mwanshobeza.21Mngambile inywe abenda kutwalwa omku, isi timuhulila omuku ekigugamba? 22Kikahandikwa kiti Abraham akaba ena abana babili bo bwojo, omwe owomzana kazi, omwe owomkazi ayabeile atali mzana. 23Omwana owomzana kazi akazalwa ammizalilwe eyobunyama, chonke ayazeilwe omkazi atala mzana akazalilwa ommshubizo.24Egi emigambile ne ndagano ibili, endagano eyambele neluga aibanga lya Sinai, netabukwam abeiru niwe Hagai. 25Mbwenu Hagai niwe ibanga lya Sinai omli Arabia, niwomwe na Yerusalem eyakanya aka olwokuba wenine na banabe bali ombwiru.26Chnke Yerusalem eyolugulu egyo niyo bwegerere, mara ogwo mzeire ni nyina abantu. 27kuba kikahandikwa kiti, "Shemelelwa iwe omgumba atazala tungamya ilaka ne byera iwe atakwatwa bisha! olwokuba abana bogwo asigilweho wenka kukila ogwo eika neiba.28Mbwenu ichwe abali abana nka Isaka, tuli abana be ndagano. 29Chonke okwo amakilo galinya byabeile bili olinya ayazalilwe ommani go bunyama akagingiza ayazalilwe ommani ga mwoyo, nambwenu nikwo bili30Ebyahandikilwe nibigamba biti "binga omwana wo mzana na nyina. kuba omwana wo mzana talisika hamwe no mwana atali wa mzana. 31Nikwonu barumna bange, ichwe tituli bana ba mzana, tuli abomkazi ayazeilwe atalimzana.
51Kristo akatuchungura twayegerela. ahalwekyo mwemelele mhamye entege, makugaluka mnkomo yo bwiru. 2Inye Paulo, nimbagambila "nkokwo kamleikiliza bakabashala, Kristo teina kya labagasira.3Ninshuba ningumisa bulimuntu ashalwa, okwokimsanile kuhikya emiku yona. 4Kamhiga kulozibwa emiku, muba mwesholwele na Krisito mba mwagwile kuluga omkisha.5Chonkaeichwe ahalwamwoyo nahalwokwesiga kweitu, tutegelize ne shubi okwo tulihindulwa bagologoki 6kuba omli Kristo okushlwa no kutashalwa ti kantu "ekilikugasha no kwesiga okukolela omungonzi 7mkaba nimkola kulungi mbwenu ayabatangile nohi? Mtahulila mazima. 8Katonda ayabesile tiwe alikubohya.9Itumbiso like litumbisa engano yona 10Ninyesiga Katonda okwo mtakikiliza bindi ebitali byange. Alaba nabeita kubi alabohi, alakwatwa ilamu.11Barumna bange, chonke kandi inye, kandaba nkyagamba okushalwa, kubaki nkyagingizibwa? kabikubeile bityo aho olwonalangile okwo Kristo yabambilwe ahamsalaba ekyo tikyakulesile mwaga. 12kyakubeole kirungi abo abalikubahabisa bonine bagye betondole!13Barumna bange mketwa kubona obwegelele. chonka obwegelele bwanyu butaba bushango bwa kukolelaho ebyobunyama. ekiliho mjunangane nimgonzangana. 14Olwokuba amateka gona ngagbeshelezibwa ekigambo kimwe kiti, "ogonze mtahi wawe okwo olikwegonza". 15Chonka kamlalumangana mkalyangana, mlamnya mtakwitangana inywe nywenka.16Nimbagambila, Mwoyo mbeniwe mhondera mleke kushemererwa ameiru go mbili. 17Kuba obunnyama bwegomba nibulashanisa Mwoyo, kandi Mwoyo arashanisa obunyama! bymbili nibilwanisangana bityo, nangu nikyo mlemerwa kukola ekyomlikwenda. 18Chonka kamwebemerwa Mwoyo, nimuba mtakitwalwa mku.19Ebikolwa byo bunyama biboneka rubona, nibyebi; obusihani, obuhagale, obujange, 20okulamya ebishushane ebailamibwa, obulogi, obubisha, endwano, ihagiko, ibuba, ekiniga, okweyenda, amatane, okulwanila ombisimba, 21okuchuba, etamiro, omlulu ne bindi nkebyo. Ebyo nimbibatatila nkokwo nabatatile nti " abakola batyo tibalisika bukama bwa Katonda.22Ekilaba kya Mwoyo nikyeki "engonzi, amashemererwa, emilembe, okwegumisiliza, obulungi, obufura, obwesigwa, 23obuchulezi, okwegerela. ebili nkebyo tibitngwa muku 24Kandi abali ba Kristo Yesu bakabamba ahamsalaba obunyama hamo ne mize yabwo no kwegomba kwabwo.25Katulaba nitulolela ommwoyo, tutambukibwe Mwoyo. 26Tuleke kuyeha esimi ya busha, nitulwanisa ngana nokuchubila ngana.
61Barumna bange, komuntu alagwa omntambala, inywe abalikuhabulwa Mwoyo mmuhabuze obufula. mwelinde neinywe mtakulengesibwa. 2Mjunangane, mube nikwomuhikya mutyo omku gwa Krisito.3Omuntu kayebona nashaga abandi aba nayebihabiha busha. 4Bulimuntu ayelamle emigilileye kalaba eine enshonga eyokwesheijahaza ayesheijahaze wenene wenka atayesheijahaliza ahalimtahiwe. 5Kuba omuntu nalagilwa kwetweka omgugu gwa wenene wenka.6Omwegesibwa we kigambo kya Katonda akwatanise omwegesawe ebilungi byona. 7mtabihabihwa Katonda talulirwa kuba omuntu ekyo abiba nikyo agesha. 8alibiba ebyobunyama aligesha obujunde bwabwo chonka abiba omndimilo eyamwoyo aligesha ebya Mwoyo, nibwo obulola obutalihwao.9Tutalemwa kukola ebilungi, enshonga ka makilo galigoba tuligesha katuliba tutakalemilwe. 10katuliba twine omwanya, tukolele abantu bona ebilungi, tukole ebilungi kukilaho ahalibalinya abali ommwesigo.11Banza mlebe enyuguta okwo zili zihango ezindikubahandikila ombarua zange no mkono gwange . 12abo abenda kwebonesa okwo bali barungi, ahmbili nibenda kubakaka okushalwa; ekigendelero kyabo ni kimwe, nibenda kutantala okugingizibwa omsalaba gwa Kristo. 13ensho na bonine abashazilwe tibagobesheleza muku shana nibenda neinywe kamshalwa, babone kwebugisa emibili yanyu.14Ahalinye tikyakuba nkekuza shana omshalaba nigwo Mkama weitu Yesu Kristo. olwokuba omligwonine nimwo ensi yabambilwe, nanye nkabambilanwa 15okushalwa no kutashalwa tibina mgasho, ekikulu no kuhinduka okaba ekitondwa ekihya. 16Kandi bona abalahondela ekilagilo eki, emilembe no buganyizi beikale nabwo, beikale na israel wa Katonda.17Kwema mbwenu omuntu atayeita kubi, enshonga nyine olumanyiso lwa Yesu. 18Barumna bange, ekisha kyo Mkama weitu Yesu Kristo kikale neinywe eila lyona amina.
Ephesians
11Inye Paulo, entumwa ya Yesu Kristo ahalwokwenda kwa Katonda; nimbahandikila inywe bakristo ba Efeso mara abesigwa abakwateine na Yesu Kristo. 2Katonda isheichwe Omkama weitu Yesu Kristo abatunge omgisha ne milembe.3Ahebwe ekitinwa Katonda mara ishe Mkama weitu Yesu Kristo, ayatungile emyoyo yeitu emigisha eyomwigulu ahalwokutelanisibwa kweitu na Kristo. 4Ensi etakatonzilwe Katonda akaba yatulonzile katutelanisibwa na Kristo katuba abagologoki enzira kamogo ommeishoge.5Ahalwengonzize Katonda akatulonda katuba abanabe omkutelanisibwa na Yesu Kristo, nkokwo yayenzile. 6Ekishakye ekyekitinwa ekyoyatugilile kisingizibwe ommani go mwanawe omgonzibwa.7Yesu Kristo akatulokola no bwambabwe, yatuganyila entambala zeitu nkokwo ekishakye kili. 8akakola ekisha kye kakiba kingi ahalwetu.9Ombumanyibwe bwona no mmagezige gona, yatumanyisa ebyesherekile ebyoyayenzile nikyo yabeile agendelile kugobeshereza omli Kristo. 10Entegeka egyo akashangwa nayenda kugigobeshereza olwo akanya kakugobile Katonnda neija kuteka hamo ebitondwa byona ebyomwigulu ne byo munsi, Kristo akaba mkama wabyo11Ebintu byona nibikolwa okwo Katonda yalamla nahalwensho ye kigendererokye ekyoyagenderile kwema olwambere, Katonda akutulonda katuba abantube tukateranisibwa na Kristo. 12Aho ichwe ababeile bambele kugila obumaza omli Kristo, Tusingize ekitinwa kya Katonda.13Neinywe mkaba abantu ba Katonda olwomwamazile kuhulila ekigambo kya mazima, niyo vangeli eyabalokweile. Mkeikiliza Kristo, aho Katonda yabatoho akamanyiso kokuba abantube olwo yabatungile Mwoyo alikwera owoyabeile arageine. 14Mwoyo alikwera niwe mkwato gwo busika bweitu obwo Katonda yalaganisize abantube mara eki nikimanyisa okwo Katonda alitunga abawenene okwegelera. Tusingize ekitinwakye.15Ahalwenshonga egi kwema mpulile okwo mlikwesiga Omkama Yesu nokwomligonza abakristo bona, 16tindikulekera kubasima nokubeojuka omnshara zange.17Katonda owomkama weitu Yesu Kristo, ishechwe owekitinwa abatunge Mwoyo, ogwobumanyi mara abashurulile mmanye Katonda ogwo. 18Ababulure ameisho ge myoyo yanyu mmanye ekyo yabetile ne migisha eyokutangaza eyoalikushubiza abakristo okwo yeine amani.19Mmanye nokwo eine obushobola bwingi obutalengwa omlichwe abalikumwesiga. obushobola obwo obuli omlichwe nibwo bwonene bwonene 20Obwoyahimbwize Kristo ombafu akamala akamshuntamya ahabulyobwe omwiguru. 21Katonda akakuza muno Kristo yashaga abatwazi bona na beine obushobora na beine amani, na bakama, mara yagira na buliibara erigambwa, Ti bukilo obu obwambwenu bwonka nano ombukilo obulija.22Ebintu byona akabimteka ommaguru no mnteko yamhindura mkama wa bulikantu. 23Enteko nigwo mubiligwe, nibwo bugologokibwe ebintu byona ebyabulihantu ne bigologo ahalwa Yesu ogw abihindula atyo.
21Akaha Obulora olwokuba mkaba mfile olwensho ye ntambara zanyu 2ezomwakozile nkensi egi nimhondera omtwanzi wensi egi niwe mwoyo alikuha abateine muhurilo amani. 3Neichwe olwambere tukaba tulihamwe nabatalikwesiga, tukaba nitukola ahalwameiru ge mibili yeitu, na magezi kityo twaba abokunigahalilwa ombutondwa bweitu, nka bantu abandi bona.4Chonka Katonda omganyizi muno, omngonzize ezingi muno ezoyatugondize, 5Nolwo twabeile tuli abafu ahalwentabara zeitu, akatuhindura abalikulola hamo na Kristo, ekisha nikyo kyabalokoile. 6Katonda akatuhimbulila na Yesu Kristo yatwikaza omwiguru ombushoborabwe. 7Katonda omkukola atyo akenda kutwereka amani agatali ga kulengwa ahalwe ngonzize ezoyatugilile. Ebyo alibitweleka omakiloa agalija.8Ahalwokwikiliza kwanyu mkalokolwa ekisha. Eyo timwakyekolile inywe, okulokoka kwanyu na matungwa ga Katonda. 9Okulokoka kwanyu tikwalugile mbikolwa byanyu, omuntu nomwe atakwesima. 10Ichwe tulyebitondwabye akatutondera omli Yesu Kristo katukola ebikolwa ebili bilungi ebyo Katonda yalagile kuluga kare kuba nibyo tuba nitukola.11Kityo mwijuke olwambele okwo mwabeile mli abanyamahanga ombubili, nimwetwa abatatahirirwe, ahalikilnya ekilikwetwa okutahiliwa kwomubili elikukolwo ne mikono ya wanadamu. 12amakilo gari Kristo mkaba mtamrio mkaba mlyabagenyi, mtarikubarirwa mwihanga rya Katonda, endagano zikaba zitabakwasileo kantu endagano ezo zikaba zili ezo Katonda yaraganisize ihangarye. Inywe mkaba nimtura omnsi mteine Katonda.13Chonka mbwenu ommani ga Yesu Kristo inywe ababeire muri hare, obwambabwe bwabeiliza heyi. 14Kuba Kristo niwe mirembe yeitu. Ichwe abayahudi na banyamahanga akatukwatanisa twaba hamo orukuta urwabeire ndututeranura akarukambura. 15Akateisa amateka ga bayahudi ne mihango yago ne migenzo agenderire ombayahudi nombanyamahanga kwihamu ihanga limo eliteranibwe nawe yaleta emirembe. 16Olwo Kristo yaferire ahamsalaba akeyaho obwiko bwa bayahudi na banyamahanga. kurabira ahamsaraba akeihao amatane.17Kityo Kristo kayeizile akalanga evangeli yemirembe ombantu bona yarangira inywe abanyamahanga orwo mwabeire na Katonda, yagirangira na bayahudi ababeire bamli hare. 18Kristo niwe arikutushoboza chwena, abayahudi na banyamahanga kwiroira heyi neisheichwe twemilwemu mwoyo omwe.19Kityo timkili bagenyi anga bafuruki, mwabeire bamo hamo na bakristo kandi mliabeka ya Katonda, 20eymbekile ahamsingi gwe ntumwa na barangi aho Yesu Kristo niwe ibare rye pembe. 21Ibale eryo rye pembe niho enju yona elikuteranira ekakura ekarugamu rwensinga erikwera ommani ga Katonda 22olwomwakwatene na Kristo nimwombekeranwa na bandi bona ommani ga mwoyo mbone kuugamu obusingiro bwa Katonda.
31Inye Paulo omfungwa wa Yesu Kristo ninturwa inywe abanyamahanga. 2Nimanya okwo mwaulire okwo nairwe obugerezi bwekisha kya Katonda ahalinywe. 3Ekisha ekyo nkakimanyisibwa omukushuhurirwa nkokwa nabandize kuandika omubigufi ebarua ezindi. 4Ebyo kamurabishoma murashobokerwa okwekonya obushobokerwa bwange omukisha kya Kristo. 5Ekya abantu batammanyisibwe mumizarwa endijo nkokwo bilebi kishuhulirwe entumwaze ezitakatifu nabarangi omumani ga mwoyo.6Nikwo kugiroti abanyamahanga nibatai baitu omububili kandi nabo aharwokurangirwa evangeli, ebyo Katonda yaragaine nibabitungwa omunanu ga Yesu Kristo. 7kuondera amatungwa gekisha kya Katonda ekyo natungirwe omumani go bushoborwabwe, nkainduka kuba omurangi we vangeli egi.8Nirwo omubaKristo ndibake kushaga bona, nkatungwa omugisha ogu kurangira abanyamaanga itunga lya Kristo elitalengwa. 9Kandi nikumanyisa abantu bona bakashobokerwa ekidendelero kya Katonda ekyesherekile omuli Katonda ayatonzire ebintu byona.10Mara omukanya akambwenu omwikora lyenteko, abakuru na abatwazi bo mwiguru babase kumanya obumanyi bwa Katinda obwo engeli zingi. 11Katonda akakola ekigambo ekyo kuondera entegeka ya wenene eyeira lyona eyoyagobeshelize omuli Yesu Kristo Omukama waitu.12Orwo twakwaite na Kristo omukwikiliza twine obumaza no bwesigo kugoba ahali Katonda. 13Kityo nimbashaba mwegumishilize omubushasi obwondikubona aharwanyu ebyo nekitinwa kyanyu.14Ahalwekyo ninteka majwi omumeisho ge ishe wa bona. 15Bulibwikaro bwona obwomwiguru no munsi mbweterwa omwibararwe. 16Ninshaba ahali Katonda okwo ekitinwakye kili kingi, ommani ga Mwoyowe asinge abatunge amani ommyoyo yanyu mube emanzi.17Kristo ature ommitima yanyu omkwesiga, kamlaba mgumisize emizi yanyu omngonzi mzigumilemu, 18mubone kushobokerwagi hamwe naabesigire bona, no bwemi no bure obwokuzimu. 19Ninshaba mmanye obukuru bwe ngonzi za Kristo, obulikushaga obumanyi, nikwo mgoberere kugoba ahakugoberera kwona kwa Katonda.20Katonda ombushobolabwe obulikwera omlichwe, arikushobara kukora buri kantu akashaga ebyotushaba nebyotutekereza, 21ahebwe ekitinwa omnteko no mli Kristo Yesu amakilo gona ebilo byona. Amina.
41inye omfungwa aharwakristo nimbatagiliza entambuka yanyu egendanwe nomweto gwanyu. 2buli kanya mgire obwetohya, obufura, obwegumishiliza, mkwatilanganilemu omngonzi. 3Mgile ekihika kukwatagi obumo omli Mwoyo.564Ombili guba gumo na Mwoyo abomo, nkokwo eshubi yo mweto gwanyu ebemo Omkama aba omo, okwikiliza kuba kumo, okubatiza kuba kumo. Katonda mara isheichwe twena aba omo niwe agira abantu bona mara asingiire omlibona.7Bulimuntu akagililwa ekisha kokwo Kristo yayenzile kukimgilila. 8Ahalwekyo bagamba bati, olwoyatembile iguru muno, akagira obushobora yatunga abantu amatungwa.9Okugamba oti akatemba, nikwo kugambaki kakutari kugiloti akabanza yasongoka okuzimu? 10Yesu Kristo ayasongokile niwe wenene ayatembile omwiguru iguru munoabone kusingira omnsi yona.11Wenene niwe yatungile abantu emyoga. abandi akabahindura entumwa, abandi abarangi, abandi abarangi be vangeli, abandi abashumba mara begesa. 12Omkukola atyo Kristo akagonza kutekatekera aba Kristo kabashobora kugobeshereza oburagirwa bwabo omkwombeka ombiligwe. 13Kityo aho tulashobora kugira okwikiliza kumo nop mwana wa Katonda tummanye emimanyile emo tubase kuba bagologoki kwokwokwo.14Aho turaba tukili bana ba kuchundagurwa ebilikwegesibwa ebyokutuchundagura nko muyaga, ebitwiha oku nibitutoku. Ebilikwegesibwa nkebyo byabantu abeine amagezi abeine akalyo ke bishuba. 15Ekiliho katuragamba amazima mara okwo nitugonzangana turashanangana na Kristo omliborikantu, wenene niwe mtwe gweitu. 16Ombushoborabwe ombili gwona nigukwatanisibwa bulirugingo mara bulirugingo niliha ombili ogwo amani kuhondera omlimo gwagwo oguli gwagwo. Kityo aho engingo zo mbili gumo nizigonzangana no kwombeka ombili ogwo, mara no mbili gwonene nikura.17Ekigambo eki ninkigamba malize ninjuliza Omkama. mlekele kutura nka banyahanga, abatekereza ebyakatozi. 18Amagezi gabo gakabundwa omwilima obutamanya bwabo oburuga ombugumangani bwe mitima yabo bukabeha ahaliKatonda. 19Bagumangeine bahwera ombusihani, nibajanga emijangile eyabulingeri.20Chonka inywe ebyo tibyo mwamanyile ahali Kristo! 21nikwo, mkamhuliza bambegesa, mwamanya okwo Yesu ogwo ali owamazima. 22Kityo mlekere entwaza yanyu eyakale obuntu bwa kale mubujule, ahalwokuba obwo buhabisibwa obunyama bwabo obulikubabihabiha.23Emyoyo yanyu na magezi ganyubihinduke bihyakwo, 24mube abantu bahya, mshanangane na Katonda, mara mmanyikile ahamikolele mirungi egologokile mara elikwera.25Ahonu mlekere ebishuba omuntu na mtahiwe mgambe amazima, olwokuba ichwe tuba engingo zo mbili gumo. 26Kamlanigahara mtafakara izoba kugya kutobera mube mtakine kiniga. 27Sitani mtamuha kanya.28Ayabeile neiba atakiba rundi akili ayekaze akole emilimo no bwesigwa nilwo arabona kujuna abetage. 29mtakufomora fomoro mbi kamleija kugamba mgambe ekigambo kirungi ekilishoboka kugasha pomwoyo, aho na barikukihilila babone kutungwa omgisha. 30Makujunahaza Mwoyo alikwera wa Katonda, Ahalwokuba mgyebwaho akabonero na wenene, nilwo mlibona kulokoka akilo kwo kuchungulwa.31Mlekele obushanshame, obukatili, ekiniga, enkungana, okugeyangana, kandi mlekele no lwango lwa bulingeri. 32Mgililangane obufura no buganyizi, mgarulilangane nkokwo katonda yabagalulile aharwa Kristo.
51Kityo mhondele Katonda olwo mlyaabana abgonzibwa. 2Obulora bwanyu bube obwengonzi, nkokwoKrisito yatugondize, akaba empongano mara ekitambo kyomgasho kyokushemelela Katonda. 3Nkokwo aba Kristo barangirwe, obusihani no buhagare obwa bulingeri anga obujange omlinywe bitakuhulilwamu. 4Mtakugamba bya bushegu, mtakujobolwa anga kugamba ebitakomrwe mkibunu ebitalikusana ekiliho mgile esimi.5Kimanyikegi okwo omsihani anga enjange, anga likuramya ebishushane teine kutaha ombukama bwa Katonda. 6omuntu atababihisa ebigambo ebitena mbari bili, olwenshonga ebi nibyobisindika Katonda kunigahalira abantu abatahulira. 7Kityo mtamanyirangana nabo.8Mkaba nimtura ommwilima chonka kwema mubeile abantu bo Mkama mkaba abomshana. kityo mtule nka bantu abomshana, 9olwokuba ebiraba byo mshana bilugwamu ebirungi byona ebya mazima. 10Mtemu amani mmanye ebishemelera mkama. 11Ebikolwa byo mwilima ebitarugwamu birungi mtabikola, hakili mbiheyo rubona. 12Ekigambo kye nshoni kufomola ebigambo bakola besherekile.13Ekintu kyonakyona kakishulurwa omshana kiboneka, kuba ekibonekagi kyokyona nikiba kili omshana. 14Nikyo bagambira bati, sisimka iwe anagire, ruga ombafu, Kristo eije akwakize.15Mlalebaginu emitambukile yanyu, mtaba bantu abateine bumanyi mube abantu abalikumanya. 16Omwanya mgukoze kulungi muno amakilo aga ni gabi. 17Mtaba balenga, mshobokerwe ebyo omkama alikwenda.18Mleke kutamira amarwa, etamiro ejangisa. ekiliho mwijulwe Mwoyo. 19Efumolo yanyu kube kuhoya ezaburi, tenzi ne mpoya ze dini, mhoyere omkama nimumhyesiliza ne mitima yanyu yona. 20Buli kanya msime Katonda isheichwe omwibara lyo Omwanawe Yesu Kristo, mumsimile buli matungwa. 21Muhulirangane aharwokukunira Kristo.22Inywe bakazi muhulile abasheija banyu, nkokwo mlikuhulira Omkama wenene. 23Omsheija niwe mutwe gwo mkazi, nkokwo Kristo ali omutwe gwe nteko, nigwo mubiligwe, mara niwe mlokozi we nteko eyo. 24Nkokwo enteko ehulila Kristo, na bakazi kutyo bahulile abasheija babo omlibyona.25Inywe basheija mgonze abakazi banyu nkokwo Kristo yagondize enteko akagifera, 26abone kugyeza olwo yagyelize ne kigambokye na meizi, 27ashobole kukwasa eshemile etine kibara anga mikanya, anga kamogo konakona, enteko egyo eshobole kuba ngologoki enziora kamogo.28Abasheija nibaragirwa kugonza abakazi babo nkokwo bonene balikugonza emibili yabo. Agonza mkaziwe aba nagonza ombiligwe. 29Olwokuba taliho muntu anoba ombiligwe, shana agulisa no kugukwatagi, nka Kristo okwo yayenzile enteko. 30kuba tuli ngingo zo mbiligwe31Olwo bilibiti omuntu arasigaho ishe na nyina akwatane na mkaziwe, babili babe ombili gumwe. 32eki kikaba kyesherekile, mara nikimanyisha Kristo ne nteko. 33Ahonu bulyomo agonze mkaziwe nkokwo wenene alikwegoza, kandi nomkazi akunile omsheijawe.
61Inywe bana no buragirwa bwo mkristo kukunira abazeire banyu mara eki kiseine. 2Okunire sho na nyoko nigwo omhango ogwambere ogineho endagano , 3nilyo oligoshoka okamelela omnsi.4Neinywe bazeire mtanigahaza bana banyu mubarere no kubegesa okwo omkama alikubagonza.5Inywe abeiru, muhulile abakama banyu abomuns mubatine mugile omtima guteine bugobya, nkokwo mlikuhulila Kristo. 6Mtabahulila olwo bariho okwobona oti nimgonza kushemeleza abantu, sha mube abeiru ba Kristo nimkora ekyo Katonda alikwenda mara bibaruge ahamtima. 7mubakolele no mtima gurungi manya oti nimkolela omkama mtalikukolela bantu. 8Mmanye okwo ekilungi kyonokyona ekyo omuntu akola Mkama alimha emperwa.9Kandi inywe bakama babo neinywe mube nikwo mbatwaza, mleke kubatinisa, mmanye okwo Mkama wabo mara Mkama wanyu asingile omwiguru mara tagira kigonzi.10Ekyenzindo mgile amani omlimkama, nano mkujunwa na manige. 11Ebikwato ebyo Katonda alikubatunga mubijwale byona, nilwo mlishobora kwemera emitego ya shetani.12Nobona endashana yeitu ti ya bwamba na bubili, niturashana na batwazi na banyamani na batwazi bensi egi eyomwilima, kandi nitulwana na masitani agatalikuboneka. 13Ahalwekyo ebikwato bye ndashana ebyo katonda alikubatunga mubikwate byona, nilwo mlibona kumanzihara akilo kye ndashana. Kamliba mwamazile endashana mbele kimo emanzi ezitalikutengeta.14Mwemelele nkemanzi, omkandara gwanyu omnyugunyu gabe amazima, omkifuba obugologoki mbe nibwomwajwara nke ngabo, 15kandi okwetegeka kuranga evangeli ye mirembe, ebyo bibe nibyo biba ebirangwa byanyu, 16kandi kwongera ahalyebyo mkwate engabo yo kwesiga egyo niyo mlakoza kulaza emyambi yona yo mbisha elikurabagira nko mlilo.17Mjwale ekofira yo bulokozi nanorupanka rwa Mwoyo nkyo ekigambo kya Katonda. 18mshabe enshara bulikanya nimwejunisa Mwoyo alikwera. Mshabe enshara eza bulingeri mara mtake no kushabila abakristo bona.19Nanye munshabile mbone agagamba no bumaza, ndange amazima ge vangeli. 20Inye ndyo mlangi we Vangeli nolwo kanya aka ndi bubohe munshabile mbase kugilanga no bumaza, ngilange nkokwo ndagilwe kugilanga.21Tikiko mrumna wange omgonzibwa mara omkozi wange omwesigwa ommlimo gwo mkama, niwe alabagambira byona mshobore kumanya okwondi nebyo ndikukora. 22Nikyo ndikumtwekera okwo kammanya okwo tuli, kandi na wenene abagarulemu akoyo.23Katonda isheichwe no Mkama Yesu Kristo basinge batunge abakristo barumna beitu emilembe ne ngonzi no kwesiga. 24Bona abagonza Omkama weitu Yesu Kristo engonzi ezigobelire, batungwe omgisha.
Philippians
11Paulo na Timotheo, abakozi ba Kristo Yesu, ahalibalinya abalonzilwe omli Kristo Yesu abalikutura Filipi, hamwe na balebelezi nanabaheleza. 2Ekisha ne milembe ebilikuluga ahali ishechwe na Mkama weitu Yesu Kristo bibe hamwe neinywe.3Ninsiima Katonda wange buli olwondikubeijuka inywe nywena. 4Ebilo byona ommashaba gange mba ninshemelelwa olwombashabila. 5Nyine esimi nyingi ahalwenshonga yo bumwe bwanyu omvangeli kwema ahakilo kya mbele mpaka kileki, 6Ninyesiga nkokwo wenene ayabandize omlimo gulungi omunda yanyu neijakugendelela kugugobesheleza kuhikya ahakilo kyo Omkama Yesu Kristo.7Nikwo kisanile inye kwehulilantyo ahalinywe olwenshonga mbateile ommwoyo gwange. Olwokuba mbeile hamo nanye omkisha, omkukomwa kwange, nanomkutonganila hamwe nokujulila evangeli. 8Katonda nomjulizi wange, okwo nyine ameiru ahalinywe omungonzi za Kristo Yesu9Mara nimbashaba eki: Engonzi zanyu zongezeke muno, ombushobokerwa no mbumanyi bwona. 10Ninshaba olwenshonga yeki, mgile obushobola bwokulengeshanyia na nokulondaho ekilikugasha. Kandi nimbashaba mbe bagologoki enzira kamogo kuhikya ahakilo kya Kristo. 11Mara mwijuzibwe ekilaba kyo bugologoki ekilikuzoka omli Yesu Kristo, Omkitinwa nano mkusingiza Katonda.12Mbwenu barumna bange, ninyenda mmanye nkokwo ebintu ebizokile ahalinye bikozile evangeli kegendelele muno 13Nikyo okubohwa kwange omli Kristo kumanyikile ahabalinzi bo mkikale kyona nana ahalibulimuntu. 14Abeingi ombarumna beitu beine omwesigo gwingi muno, olwenshonga ye bisibo byange, nabo beine obumaza bwokugamba ekigambo kya Katonda enzira matini15Bake omlyabo nibalanga Kristo omwihagiko ne ndwano, chonke abandi beine ekigendelelo kirungi. 16Balinya abalikulanga Kristo omngonzi nibamanya nkokwo nteilwe aha olwenshonga yo kutonganila evangeli. 17Chonka abandi nibalanga Kristo beine akabajoka ti mmwoyo gulungi, nibamanya bati nibongera enaku omkubohwa kwange.18Kityo timbyteileho, kikilaba no mhanda gwe bishuba anga ogwa mazima chonka Kristo nalangwa, nahalwekyo ninshemelelwa! inya ninjakushemelelwa. 19Olwenshonga nimanya nkokwo eki nikija kuleta okubohololwa kwange. Eki nikija kubaho olwenshonga ya mashaba ganyu nana ahalwokujunwa na mwoyo wa Yesu Kristo.20Nkokwo ndikushubila no kwesiga ommazima nti, tinkwija kugira nshoni. Shana ombumaza bwona, nkokwo ombilo byona na mbwenu ninshubira nkokwo Kristo neija kwinunulwa ommbili gwange ombulola anga omlufu. 21Olwenshonga ahalinye okulola ni Kristo no kufa na magoba.22Chonka kakilaba okulola ommbili nkuzala ekilaba ahamlimo gwange kityo tinkumanya nikihe ekyokulondaho. 23Olwenshonga ninsindikwa muno ne bitekelezo ebyo bibili, ninyegomba kuleka ombili nanokuba hamo na Kristo, ni kulungi muno. 24Nolwo okwikala omnsi nikugasha olwenshonga yanyu.25Olwenshonga nimanya alyeki, olwokuba ninjakwikalaho nanokugendelela kuba hamwe neinywe nywena. Olwenshonga yo kugendelela na mashemerelwa go mwesigo gwanyu. 26Naneki nikija kuleta amashemerelwa ganyu gahango omli Kristo Yesu nigeija kwongezeka olwenshonga yanye kuba hamo neinywe. 27Kibasanile kugila emitulile milungi nkokwo kisanile evangeli ya Kristo, mkole mtyo nolwo ndeija kubaleba anga nolwo ndiba nteizile, mpulile nkokwo mwemelilegi ombumwe, ninyegomba kuhulila nkokwo mwine omwoyo gumwe, nimulwanila omwesigo gwe vangeli.28mara mtatinisibwa na kintu kyonakyona ekilikukolwa ababisha banyu. Ekyo alibonene na kabonelo ko kuhwelekelela. Shana ahalinywe na kabonelo ko bulokozi kuluga ahali Katonda. 29Olwokuba inywe mheilwe olwenshonga ya Kristo, ti kumwesiga busha, noanokushasha omliwenene. 30Olwenshonga mwine ebita byonene byonene ebyomwabweine ahalinye na mbwenu nimhulila nkokwo nkyeinabyo nakanya aka.
21kakilaba aliyo okumalamalwa omli Kristo, kakilaba aliyo okumalamalwa omngonzize, kakilaba aliyo obumwe bwa Mwoyo, kakilaba aliyo obuganyizi. 2Mgobeshereze amshemererwa gange, ombumo, mgile engonzi zimo, mube bamwe, omli mwoyo, nanokugira etebo emo.3mtakola omkweyenda nomkwesingiza, shana omkwetohya bulimuntu abone mtahiwe nkokwo ni mlungi kushaga wenene. 4Bulimuntu omlinywe ataleba byetagobye shana alebe nanebyetago bya bandi.5Mgile etebo nkeyo Kristo Yesu einayo. 6Nolwo wenene nikyo kimo na Katonda. Chonka tiyabweine kuba nka Katonda ne kintu kyo kukwatilila 7Shana aketohya akeshananganisa nko mkozi. Akeshananganisa nko muntu, akazoka nko muntu. 8Wenene aketohya akaba muhulizi mpaka kufa, olufu lwo msalaba.9Kityo Katonda akamkuza muno. Akamuha ibala likuru kushaga amabala gona. 10Akakola atyo kakiba Omwibala lya Yesu buli kijwi kitekame. Ebijwi bya abali omwiguru na bali igulu yensi na baliokuzimu. 11Mara akakola atya kakiba buli lulimi kalwikiliza nkokwo Yesu Kristo no Mkama, omkitinwa kya Katonda isheichwe.12Kityo abagonzibwa bange, nkokwo mlikuhuliliza ebilo byona, tolwondikuba ndiho shana norwo ndikuba ntaliho mgobesheleze obulokoke bwanyu ombutini no mkutungura. 13Olwenshonga ni Katonda alikukola emilimo omunda yanyu, kubaha obushobola bwo kwenda no kukola bilinya ebimshemelera.14Mkole ebintu byona enzira kwebolobweita no kuhakana. 15Mkole mtyo mtagila kya kugeywa mube bana ba Katonda abesigwa abateina kamogo. Mkole mtyo mube rumuli lwensi, omluzalo lwo buhagale ne ntambala. 16Mkwate muno ekigambo kyo bulola mbase kwinunulwa aha kilo kya Kristo. Mara ninjakumanya nkokwo tindafilekubi busha mara na mani gange tigafile busha.17Chonka nolwo ndaba ninsheshwa eshagama nkekitambo ahalwomlimo gwomwesigo gwanyu, ninshemelerwa mara ninshemelerwa neinywe nywena. 18Kandi neinywe nimushemelerwa, mara nimshemelerwa nanye.19Chonka ninshubila omli Mkama Yesu kutwekayo Timotheo owanyu ombilo ebi, mbase kumalamarwa kandamanya okwo mlikugendelera. 20Olwenshonga tinyine muntu ondijo ayeine omwesigo nko gwawenene, ayeine ekigendelelo kya mazima ahalinywe. 21Abandi bona abo nalagile ahalinywe nibahiga ebyabo, tibalikuhiga bya Yesu Kristo22Chonke nimmanya obulungibwe, olwenshonga nkokwo omwana akola neishe, nikwo yakozile nanye omkulanga evangeli. 23Ahalwekyo ninshubira kumtuma bwangu olwondamanya ekilambaho. 24Chonke nimanya omli Mkama nkokwo inye ninjakwija juba.25Chonka nintekeleza nti kine enshonga kubatwekela Epafradito. Wenene ni mrumna wange, mara no mkozi, nanomrashani mtahi wange, entumwa, no mkozi wanyu ahalwebyetago byange. 26Olwenshonga akaba yeine obutini mara akaba nayegomba kuba hamwe neinywe, olwokuba mkahulila nkokwo yabeile alweile. 27Olwokuba ommazima akaba alweile muno kugoba akwenda kufa. Chonke Katonda akamganyizibwa, mara obuganyizi obwo tibwabeile ahaoliwenene wenka, bukaba nanahalinye, ntija nkagila obujune ombujune.28Kityo ninjakumgalula owanyu ombwangu okwo kilabasikana, kamlambona olundi mbase kushemelerwa, nanye ntagira bujune. 29Mnyegeze Epafradito omli Mkama ommashemelelwa gona. Mkunile abantu abalikushanangana nawenene. 30Olwokuba akenda kufa olwenshonga yo mlimo gwa Kristo. Akeihayo obulolabwe kundokola mala akakola ebyomtabasize kunkolela olwokuba mli hale nanye
31Omlibyona barumna bange mshemelerwe omli Mkama. Tinkubona nkaninfakubi kubahandikila omlundi ogundi ebigambo byonenebyonene. Ebigambo ebi nibijakubeikazagi. 2Mwelinde ne mbwa mwelinde na bakozi be bibi, mwelinde na balikweshala emibili yabo. 3olwenshonga ichwe tuli abashazilwe. Ichwe nichwe tulikuabudu Katonda omli Mwoyo. Nitwesngiza omli Kristo Yesu, nana abateine bumanzi ommubili4Nahalwekyo, kahakuba aliho omuntu alikwesiga ombili ogu, inye nakukozilentyo kushaga. 5Olwokuba nkashalwa ahakilo kya munane, nkazalwa ombaisraeli, ndyo oworuganda lwa Benjamini. Ndyo Mwebrania wa baebrania. Omkugobesheleza emihango ya Musa nkaba ndyo, mfarisayo.6Nkeita kubi enteko ommani, omkwekomekeleza emihango nkaba ntena kamogo. 7Chonka ebintu byona ebyonabeile nimbona bine omgasho ahalinye nkabibala nkebifile olwenshonga yo kumanya Kristo.8Ommazima nimbala ebintu byona kuba nkebyokunaga olwenshonga yo bulungi obwokumanya Kristo Yesu Omkama wange. olwenshonga ya wenene nkalekela ebintu byona, nimbibala nke nkebifile mbase kubona Kristo 9mara mbase kuzoka omunda ya wenene. Tinyine bugologoki kuluga ahamihango shana nyine obugologoki oblikuzoka omwesigo omuli Kristo, obulikuluga ahali Katonda, obwemelore ahamwesigo. 10Kityo mbwenu ninyenda kummanya na mani go kuhimbukakwe no bumwe bwo kushashakwe, 11buzima mbase kugila eshubi omkuhimbuka kwa bafu.12Ommazima tinkabweine bintu ebyo, anga kugiloti nabeile mgologoki omlyebyo. Shana niyekaza mbase kugila kilinya ekyazokile ahali Kristo. 13Barumna bange tinkumanya nkanagizile ebintu ebyo. Shana ninkola ekintu kimo ninyebwa ebyenyuma nindeba ebyommeisho. 14Ninyekaza kugoba ahatebo mbase kubona empelwa yo mweto gukulu ogwa Katonda omli Kristo Yesu.15Chwena abakuzile ombulokoke tugile ebitekelezo ebyo. Kandi kakilaba ondijo yatekeleza okwo kitali omkintu kyonakyona Katonda neija kishulula omlinywe. 16Chonka mbali twagobile tugendelele tutyo. 17Barumna bange mlondolenye. Mlebegi balinya abalikutambukila omlushusho nko lweitu. 18abandi abaliho ni balinya abonabagambile emilundi nyingi na mbwenu nimbagambila omkulila abeingi nibatula nka babisha bo msalaba gwa Kristo. 19Enzindo yaabo no kujanguka. Olwokuba Katonda wabo nibunda, nanisitu lyabo lili omkugoka kwabo. Nibatekeleza ebyo munsi.20Shana ichwe obuzalwa bweitu buli omwiguru, mbali tulikushubila Omlokozi weitu Yesu Kristo. 21Neijakuhindula emibili yeitu eyobujege kuba nko mbili ogwe kitinwa, ombushobola bwonenebwonene obulikumshoboza kugelela ebintu byona
41Kityo abagonzibwa bange, abondikwegomba, abali amashemelelwa nemperwa yange, mwemelele mara mgume omli Mkama, bwanywanyi bange abagonzibwa. 2Ninshaba iwe Eudia kandi ninshaba neiwe Sintike, mgalule obulumna bwanyu ommilembe olwenshonga inywe nywena babili mkakwatana no Mkama. 3Ommazima nimbashaba neinywe abakozi batahi bange, mjune ababakazi olwenshonga bakakola hamwe nanye omkutwala evangeli yo Mkama tukaba twine na kerementi hamwe na bakozi abandi abo Mkama, abo amabala gabo gahandikilwe omkitabo kyo bulola.4Mshemelelwe omli Mkama ebilo byona, ninshuba ningambanti mshemelelwe. 5Obuchulezi bwanyu bumanyike ombantu bona. Omkama aliheyi. 6Mtakweita kubi omlikyona kyona. Shana mkole ebintu byanyu byona omnshala, omkushaba nanomkusima. Nebyetago byanyu bimanywe Katonda. 7Kandi emilembe yo Mkama eli mikulu kushaga obumanyi bwona, neijakulebelela emitima nane bitekelezo byanyu omli Kristo Yesu8Omlibyona barumna bange, mtekeleze muno ebintu byona ebine amazima, amakune, obugologoki, obulungi engonzi na bilinya ebine obujulizi bulungi ebine obumanyi hamwe na bilinya ebilikwetagwa kusingizwa. 9Mwekomekeleze ebyo mwayegile, ebyomwatoile, ebyo mwahulile na bilinya ebyomwaboine ahalinye ne isheichwe owemilembe alaba hamo neinywe.10Nyine amashemelelwa geingi muno ahalinywe omli Mkama olwenshonga mwelekize okugendelela kuba hamo nanye ombyetago byange. Ommazima halinya olwambele mkaba nimwetaga kunjuna ombyetago byange nolwo mtabweine kanya ka kunjuna. 11Tinkugambanti mbase kuhebwa kyonakyona ahalwebyetago byange. olwokuba nyegile kumanyila amakilo gona. 12Nimanya kutula ommakilo go bujege na nomakilo go kugila ebintu bingi. Ommakilo gona ago inye nyegile okwiguta na nokugila enjala, manyiile kugila bingi, nano kuba omwetage. 13Nimbasa ebi byona omliwenene alikuntamu amani.14Chonka mkakola kulungi kuba hamo nanye omnaku zange. 15Inywe Abafilipi nimmanya nkokwo ambandizo ye vangeli olwonalugile Makedonia, tihalio nteko yanjunile ahabinkwasileo, shana inywe nywenka. 16Nolwo nabeile ndi Thesalonike, inywe mkantwekela ebyokunjuna ombyetago byange mara tilimo. 17Tikugiloti ninyegomba obujuni. Shana ningamba mbase kubona ebilaba ebileta amagoba omlinywe.18Nyine ebintu byona, na mbwenu nyijuzibwe ebintu bingi. Ntoile ebintu byanyu kuluga ahali Epafradito. Ne bintu bilungi ebilikwikilizibwa, ebyo byona ne mpongano elikushemelela Katonda. 19Ahalwekyo Katonda wange neija kubagobesheleza ombyetago byanyu ombutungi bwe kitinwakye omli Yesu Kristo. 20Mbwenu Katonda ne Ishechwe ahebwe ekitinwa ebilo byona amina.21Mnkeisize buli mnyanteko omli Kristo Yesu. Abagonzibwa abonyinabo nibabakeisa. 22Na banyanteko bona nibabakeisa buzima balinya abeka ya Kaisari. 23Ekisha kyo Mkama Yesu Kristo kibe hamo nemyoyo yanyu
Colossians
11Paulo, omwiru wa Yesu Kristo omungonzi za Katonda, na Timotheo omurumuna waitu, 2abarumuna abalikwera, abesigwa omuli Kristo abali omuli Kolosai. Ekisha kibe alinywe, nemirembe, eziruga ali Katonda ishaichwe. 3Nitusiima Katonda ishe wa Mukama waituYesu Kristo mara nitubashabila bulikanya.4Tuhulire omwesigo gwanyu omuli Yesu Kristo nengonzi ezomwanawe omubantu balinya bona abalikwera baKatonda. 5Aha rweshubi yebyo mushubizibwe omwiguru. ebi mubaire mwabiulire omukigambo kyamazima niyo Vangeli, 6ahaliyonene eyaizire owanyu. Nangu omulyekyo, evangeki neraba ne biraba mara nekura omunsi yona. Nomulinye kutyo, kwema orwo mwaulire mara mkashobokerwa ekisha ekyo kya Katonda ekyamazima.7Nkokwo mwayegiswe na Epafra, omuzana mutai waitu omugonzibwa, ali muzana ayesigwa wa Kristo aarwenshonga yanyu. 8Epafra akatumanyisa engonzi zanyu ezomwoyo yabatungire.9Arwenshonga yengonzi ezi, kwema orwo twaulire tuti; titwarekeire kubashabira. Nituba ntubashabila mwijuzwe obumanyi bwengonzi zawenene mugire obumanyi bwebyomwoyo. 10Mubone kulora oburora obusaine nka abana bo Mukama abalikumushemelera muno. Obulora bwanyu buraba bwebikorwa birungi byona mara kandi murayeyongera kumanya Katonda.11Amani gawenene gekitiinwa nobushoborabwe bibagumise, mushobore kugira obwegumisiliza bungi nobutekani omumashemelerwa. 12Omumashemelerwa musime isheinywe, ayabashoboize inywe kugira obwikaro bwanyu omuli bilinya ebyo yatelileo abantube omubukama Bwomushana.13Aturokoire kuruga omubugerezi bwomwilima yatutahaya omubukama bwomwanawe omugonzibwa. 14Omuli wenene twine oburokozi no kuganyirwa entambara.15Kristo nashana Katonda atazoka, nomuzarwa wokubanza mala Mukuru webitondwa byona. 16Orwokuba omuli wenene ebintu byona bikatondwa omubushoborwabwe omwiguru no munsi ebili kuzoka nebitali kuzoka babe abeikalira omnketo anga abakama anga abakuru na abaine amani. Byona bikatondwa ali wenene na nenshonga ya wenene. 17Wenene akabao ebintu byona bikakabailio nangu omuli wenene ebintu byona bikwatangaine amo.18Niwe mutwe ahamubili, omubili ogwo niyo nteko, wenene niwe mbandizo, nomuzarwawambele ayarugile omubafu, abone kuba mukuru omuli bulikantu. 19Orwenshonga Katonda akagonza obwegobesheleza bwawenene bwona bwikare omunda yawenene, 20mara arwawenene ebintu byona bikakwatwanganiswa na Katonda; Nana obwambabwe ahamusaraba akatutunga emirembe aha rwokwitwa kwa Yesu Kristo ahamusaraba.21Aha nyuma inywe mukaba muliale na Katonda nangu mukaba muli babishabe bawenene omubikorwa nomubitekelezo. 22Kurabila abubili bwa wenene obwobunyama, ahakufa kwa wenene, abase kubataya omu busingebwe muli bagorogoki enzira kamogo omumaisho ga wenene, 23kamulaikara omumwesigo, mwikare amo mutanaga ebye Vangeli eyomwaulire. Egi niyo Vangeli eyarangilwe ali bulimuntu ayatonzirwe ahansi yeiguru, engi niyo vangeli omuliyonene inye Paulo nkaba omwiru wayo.24Mbwenu ni nshemelerwa kushasha aharwenshonga yanyu, omubushasi bwange obwobuli ningobeshereza obushasi bwa Kristo aha lwobubilibwe niyonteko. 25Enteko egyo nkaba mukozi wayo, omulimo ogwo nkagukwasibwa Katonda kukolera inywe, kumanyisa ekigambo kya Katonda. 26Eg iniyo nshereko eyabei esherekirwe kuruga eira lyona kugoba anzaro zona, chonka saezi eshuruirwe omubantu abagorogoki bawenene. 27Aba Kristo abo, Katonda akabona abamanyise okwo ekyesherekile ekyo ni Kristo asingiire omulinywe, nikwo kugira oti mulitungwa ekitinwa kya Kristo.28Kityo nituranga Kristo omubantu bona. Nitukoza obumanyi bwona, tubase kuleta bulimuntu ayegobeshereize omuli Kristo. 29Nanye ninyeshasa omukigambo kyonene kyonene, ninyekaza, kukora emilimo omubushoborwa bwe amanige nigakola emilimo omunda yange.
21Orwokuba ninyenda inywe mmanye okwo ndikubachwazikira muno, hamo na balinya abali Laodekia na balinya bona abata bwaine buso bwange. 2Okugira ntyo ningoza bagume nkokwo bajwangaine omungonzi, babone kushobokerwa kurungi nokumanyage enshereko ya Katonda, niwe Kristo; 3Omuli Kristo ogwo nimwo ebirungi byona byobumanyi na amagezi bishelekire.4Ningamba ekigambo heki, omuntu ataija akababai nebigambo byebishuba. 5Norwo aha ahabubili tituliamo chonka aha mutima ndihamo nainywe, ninshemelerwa kubona okwomulige mara mugumire omukwesiga Kristo.6Orwo mwatoire Yesu Kristo, Omukama, mube nikwo murora mujwangaine nawe. 7Mugire emizi omunda ya wenene, mwombekwe omunda ya wenene, mugumiswe omumwesigo nkokwo mwayegesibwe mala mugire nesiimi nyingi muno.8mwelinde, mutagila muntu ayabegesa na abahabisa nokubagambila ebishuba ebitaina mbali bili, omukuondeola omuhelejanyo gwa bantu alwemyegeso yensi eyambele nangu tilwa kristo wenene. 9orwokuba omuliwenene mpaikalamu obugorogoki obwa Katonda omungeli yo bubili.10nainywe mugobesheleizwe omuliwenene. Wenene niwe mutwe ogwobushoborwa nekitinwa. 11Omuli wenene mukatahiriwa okutahiri okutali kwe mikono. Orwo Kristo yamazire kutahiriwa inywe aho mukajura obunyama. 12Mara olwo mwabatizibwe mukazikwanawe. Kandi omukubatizibwa okwo mkaimbuka nawe, omukwesiga kwanyu omubushobora bwa Katonda ayaimbuire Kristo kuruga omubafu.13Mara okwomwashangirwe muli bafu, Nimuzira entambara zanyu, nokwo kutatahiriwa Katonda akabatunga obulola amo na Kristo, orwoyamazire kubaganyira entambara zanyu zona 14Akaiyao omukugwairamu lyeitu ogwatukomaga yagunaga aharubaju yagukoma ahamsalaba. 15Eiguru yomusalaba Kristo akaka amashetani obukama nobukuru yagashonaza omumaisho gabantu, orwo yamazire kugasingisa amusalaba akagakurula agataize enjuru nkendore.16Aha rwekyo omuntu atakubaramura ahabikwasile okulya anga okunywa anga aha mikolere yamagenyi norwo ekwezi kwayemaga anga ahali sabato. 17Ebyo byona neki nyomanyomyo kusha kyebilikwija. Kristo niwe mazima gonene.18Omuntu wenawena atakubahaka enperwa yanyu, omumakune ge ngonzi za wenene, nokwegashaniza Abamaraika. Omuntu we ngeli egyo ayetaga omubintu ebyaboine nokwesingiza aharwebitekelezo bya wenene ebyo mubili. 19Mara takwatilire omutwe omutwe ogwo nigwo gulisa omubili gwona, gukajanganisa nengino zona hamo nemisi yazo, mara Katonda niwe akuza omubili gwona.20Kamuraba mwafire na Kristo mukajuma Amashetani agatwara ensi, kubaki nimulora okwobonoti muli bantu bensi? kubaki nimukwata amateka gengeli egyo. 21"Mutalikwatao ekintu eki mutali rozao ekintu eki, mutalikoraho ekintu eki?" 22(Ebintu ebyo byona bifera mbali bikorerwa), kamuraondela ebiragiliro nemyegeso ya bantu. 23Amateka nkaga gemeleire aha bumanyi bwe dini agakozirwe aha kweyenda nobufura no bushasi bwomubili chonka tigaine mugasho shana ahabubili.
31Ahaonu kamuraba mwaimbukile na Kristo muige ebili omwiguru, mbali Kristo ahali, asingihire aburyo bwa Katonda. 2Mutekereze ebili omwiguru, mutakutekereza bilimunsi. 3Aharwokuba mukafa, mara oburora bwanyu busherekile omuli Kristo ajwangaine na Katonda. 4Orwo Kristo wenene ali burora bwaitu, aliboneka, nainywe kwokwo mulibonekanawe mwine ekitihinwa.5Ebiraba bili bintu byensi omulinywe mubiite; obusiani, obujanga,obunyama, amairu gabi ebyo ninkokufukamira ebichongano. 6Aha rwenshonga yemize egyo katonda neija kunigalira kubi bona abamtamisa. 7Eira ebyo byabaga byanyu orwo mwabikolaga. 8Chonka mbwenu mubirekere; Ekiniga, Obushanshame, omutima gubi, Okugeyangana nokugamba kubi omukanwa.9Mutakubeiyangana, nobona timukili nkonkwo mwabeire muli, kandi nebyo mwakolaga mukabilekera. 10Mukaba abantu abaya, mwaba baya orwo mwamazile kumanya omutonzi wanyu mukamurondora. 11Aha rwenshonga egyo atakubao nshororo ya muyahudi natali muyahudi, omuntu atahiriwe natatairiiwe, omuntu agendereire natagendereire, omwegere nomwiru. Shana kristo niwe rumara gona, mara asingiire omuri bona.12Ahonu oru muri ndondwa za katonda, abatakatifu mara abagonzibwa, mube bantu bembabazi, ekisha obwetoya, obufura nobutekani. 13mugumisilizangane, aragira ekigambo ahali mutaiwe mugaruringane. Okwo mukama yabagarure kutyo nainywe mugarurire. 14Kyonka ekishagire ebyo byona mugonzangane. Engonzi nizo zijwanganisa abantu bona bakagira obuchurezi obuhikirire.15Mugire emirembe ya kristo omumitima yanyu, nobona muketwa kuba mubili gumo kamugira emirembe egyo. Kandi mube bantu abesiimi. 16Ekigambo kya kristo kikare omunda yanyu mara mno mwegesangane nokuanangana nimukoza obumanyi bwa buli ngeri, muoye ezaburi nanetenzi nempoya zedini emitima yanyu eijwile esiimi ahali katonda. 17Buli kintu ekimulakolaga kyona kyona, kibeekigambo anga ekikorwa, mukikole omuibara lya mukama Yesu, nimusiima katonda isheichwe mumutaireo Kristo.18Inywe bakazi muhurile abasheija banyu nkokwo mukama alikugonza. 19Inywe basheija mugonzea bakazi banyu mara mutabagirila bushasi. 20Inywe bana mugile omuhuriro aha bazaire banyu, aha rwokuba omuhuriro gushemerera omukama. 21Inywe basheija mutakwema kubi abana banyu bataija bakagira orwetamo.22Inywe abairu muhurire abakama banyu abomunsi. Mara kutaba kubashemereza amaisho kusha, kibaruge aha mutima, mutine katonda. 23Ekyomurakolaga kyona kyona mukikole nimukiya amutima, mukolere omukama mutakorela bantu 24Mumanye okwo mukama aribarongora obusika. Manyasa nimkolera omukama kiristo. 25Omufakare omwaki aliebwa ebibi ebyoyakozire mara taribaho kigonzi.
41Nainye abakama mukolere abairu banyu amazima. Mumanye okwo nainye mwine Mukama wanyu Omwiguru.2Mwikale nimushoma enshara obutalekere. Mushome enshara omutima mugutaire hamo mara nimusima. 3Naichwe mutushabire, Katonda atutunge obushango bwokuranga ekigambo, niwe Kristo enshereko eyo banfungiire. 4Mbone kwezora, nkokwo kilikugasha kugamba.5Abaheru mubaturemu nobwegendeleza, kandi nomwanya mutagwita busha. 6Efumolo yanyu eshemere, erugwemu akonyo, nilwo mulamanya okwo murahorora bulimuntu.7Tikiko niwe arabagambira agange gona. Wenene ogwo ni murumuna waitu Omugonzibwa, Mukozi mwesigwa kandi mwiru mutahi waitu w'Omukama. 8Namubatwekera aha rwomugendelero ogu gwonene gwonene, mushobore kumanya okwotuli, kandi abagumise emitima; 9Namtweka na Onesimo murumuna waitu omwesigwa mara omugonzibwa, kandi nainywe ni murumuna wanyu. barabamanyisa gona agalikufa kunu.10Arisitariko, Omufungwa mutahi waitu wange nabakeisa, hamo na Marko omwihwa, wa barinaba ( owo babagambiire okwo, kaliija mumutore) 11na Yesu owo beta Yusto nawe nabakeisa. Aba nibo bonka abakozi batai bange abayaudi abaKristo, abotwemile hamo kukolera obukama bwa Karonda mara bammaramazire.12Murumuna wanyu Epafra, omwiru wa Yesu Kristo nabakaisa, bulikanya nabaijuka muno omunsharaze mubone kuguma obutatengetana kandi mumanyire kimo ebyo Katonda ayenda. 13Epifura inye ni mujulira akwo abakoleire omulimo guhango hamo naba Leodikia nabali Hierapoli. 14Luka, Omutambi omugonzibwa, na Dema nibabakeisa.15Munshulire barumuna baitu aba Leodikia, munshulire na Nimfa hamo nenteko yomwa wenene. 16Kamuramara kushomerwa ebarua egi mugishome nomubaKirsto benteko ya Leodikia. Kandiebarua eraruga Leodikia nainywe mugishome. 17Mugambire Arikipo muti, "Oramanya okore kurungi omulimo ogwo Omukama yakukwasize"18Inye Paulo, ebishuro ebi n'inye ndikubyehandikira Muraijuka okwo ndi jela. Omugisha gwomukama gube na inywe.
1 Thessalonians
11Paulo,na Silwano na Timotheo, akanisa lya Thesalonike omuli Katomda isheichwe no Omukama weitu Yesu Kristo. Ekisha nemirembe bibeamwe nainywe.2Nitusiima Katonda Bulikaanya arwenshonga yaanyu nywena orwo tulikubagamba omumashaba geitu. 3Nitwijuka emilimo yaanyu yomwesigo nekiika kyaanyu kyengonzi, nokwegumisiliza kwobumaza arwebilo ebilikwija omuli Mukama Yesu Kristo. 4Brumuna abalikugonzibwa na Katonda, nitumanya omweto gwaanyu. 5Nikwo Evanjeli yeitu eyaizire owanyu tikigambo busha shana omumani gamwoyo alikwera nomukumanyira kimwe arwekyo, nimumanya itwe tukaba tulibantuki omuliinywe arwenshonga yaanyu.6Mukaba nimuturondora ichwe na Mukama, nkokwo mwatoire ekigambo omunaku male omubyera bya Mwoyo alikwera. 7Mara kabyabaile bityo mwaba obulebero aliboona omuli Makedonia na Akaya, omubalikwesiga.8Olwokuba ekigambo kya Katonda kuluga ahaliinywe kigobile hona mala ti Makedonia na Akaya honke. shana buli hantu omwesigo gwaanyu omli Katonda gugobile buli hantu kuluga omli ekyo titulikugamba kyonakyona. 9Olwokuba bonene bonke nibagamba okwija kweitu kukaba kuli kwa ngeliki omlinywe. nibatebya okwomwahindukiile Katonda mkaleka ebishushane mkakolela Katonda alikulola owamazima. 10Bakagila bati mlindiliile Omwana wa Katonda kuluga omwigulu, ayahimwbwilwe kuluga ombafu. Ogwo ni Yesu alikutwiha bubohe kuluga omkiniga ekilikwja.
21Olwokuba inywe nimmanya, baruma okwija kweitu owanyu kukaba kutali kwa busha. 2Nimmanya nkonkwo embandizo tukashasha bakatukola ebyenshoni kulinya filipi nkokwo mlikumanya. Tukaba twine obumaza omlikatonda kulanga evangeli ya Katonda ombushasi bwingi.3Olwokuba okuhanula kweitu tiokulikuluga mbubi, anga ombuhagale, anga ombugobya. 4Nkokwo Katonda yatwikilize nokwilizibwa evangeli nkwo tulikulanga. Nitulanga ti lwanshonga ya kushemeleza bantu, shana kushemeleza Katonda. Wenene niwe alikumanya emyoyo yeitu.5Olwokuba titwagambile bigambo bya kweshemeleza, nkokwo mlikumanya, 6kandi titwagambile bigambo bya bishuba ommeiru geitu, Katonda niwe mjulizi weitu kandi titwabeile nituhiga kitinwa ombantu, omliinywe anga ombandi. Aho twakugondize kugila ekigonzi nke ntumwa za Kristo.7Chonke tukabaholera nkokwo omkazi agumishiliza abanabe. 8Tukaba twine engonzi omlinywe. Titwabaheile vangeli yonke shana tukeihayo no bulol bweitu olwokuba mkaba mli abagonzibwa. 9Olwokuba barumna, nimwijuka emilimo yeitu no kushasha kweitu. omkilo no mshana tukaba nitukola emilimo, enshonga tuteija tukabasikilila. Akanya ako tukabalangilila evangeli ya Katonda.10Inywe mli abajulizi hamo na Katonda, obugologoki obwotwabile twinabwo, mara tuteina kamogo. Okwotwabeile nitwikala ommeisho ganyu inywe abalikwesiga. 11Kityo nimmanya bulyomo okwo ishe bana eikala na banabe 12Okwotwabagumishilize tukajulila nkokwo mseine kutambuka okwo omweto gwanyu guli ahali Katonda, ayabesile ombukama ne kitinwakye13Olwenshonga egyo nitusima Katonda buli kanya. olwkuba kamwahulile amakulu ga Katonda kuluga ahalichwe timwagesigile nka makulu ga bantu. Shana mkagesiga nkokwo niikyo kigambo kya Katonda. Nikyo kigambo ekilikukola emilimo omilinywe abalikwesiga.14Kityo inywe barumna, mbe abahondezi be nteko za Katonda ezili Buyahudi omli Yesu Kristo. Olwokuba neinywe mkashasibwa omlyebyo kuluga ombantu banyu, nkokwo kyabeile kili kuluga ombayahudi. 15Bakaba bali Abayahudi abeisile Omkama Yesu amwe na balangi. Abayahudi nibo batubingie. Tibalikushemeleza Katonda mara na babisha ombantu bona. 16Bakatutanga tutagamba na bantu ba mahanga kababasa Kuchungulwa. Ekyalugilemu nibagendelera ne ntambala zabo. ekiniga nikija kubamalaho.17Barumna tukaba tulingana hale omkanya kagufi ombili ti mmwoyo. Tukakola ombushobola bweitu no mkihika kingi kubona obuso bwanyu. 18Olwokuba tukenda kwija owanyu, inye Paulo olwambele no lwa kabili, shetani yatutanga. 19Olwokuba eshubi yeitu nehi omkanya akaleija, anga ebyera, anga emperwa yo kwesingiza ommeisho ga Mkama weitu Yesu omkanya ko kwijakwe? Tiinywe? 20Olwokuba inywe ninywe kitinwa ne byera byeitu.
31Kwema olwo twabeile tutalikubasa kwekaza, tukatekeleza tuti ni kilungi kusigara Athene chwenka. 2Tukatuma Timotheo mulumna weitu, mara omkozi wa Katonda omvangeli ya Kristo, kubagumisa no kubamalamala omwesigo gwanyu. 3Tukakola tutyo atabamu wenawena owokutengetana alwa mashasi aga, olwokuba nimmanya okwo tulonzilwe olwe nshonga yebyo.4Ommazima olwo twabeile tulihamwe tukabagambila nkokwo tulihei kushasibwa mara kikaba kityo nkokwo mlikumanya 5Ahalwekyo olwonabeile ntalikubasa kwekaza lundi nkatuma omuntu mbase kumanya omwesigo gwanyu. Nti shana omlengesa yabalengesize no mlimo gweitu gwabeile busha6Chonke Timotheo akeija oweitu kayalugile owanyu akatuletera amakulu garungi ago mwesigo hamwe ne ngonzi zanyu. Akatugambila ati mwine obwijukilo bulungi obwo mlikutwijukilaho ati mara nimwegomba kutubona nkokwo tulikwegomba kubabona. 7Ahalwekyo barumna tukanulilwa muno olwenshonga yo mwesgo gwanyu ombushasi bwingi.8Kanya aka tulibalola, kakilaba mlayemelera ahali Mkama. 9Olwokuba ni simiki ezotulasimisa Katonda olwenshonga yanyu, ombyela ebyotwinabyo ommeisho ga Katonda. 10Omkilo no mushana nitushaba muno tubase kubabona ommeisho nanokubongerao ekilikubalebelela omwesigo gwanyu11Katonda wetu na Ishichwe wenene, na Mkama weitu Yesu atwebembele omhanda gweitu tugobe owanyu. 12No Mkama abagonze kukilaho omngonzi nokugonza abantu boona, nkokwo ichwe tulikubakolela. 13Mara akolatyo kugimisa emyoyo yanyu etagira kamogo ombugologoki ommeisho ga Katonda weitu neisheichwe kuhikya omkwija kwa Mkama Yesu hamwe na balikwera bawenene bona.
41Barumna, nitubagumishiliza hamwe no kubashaba omli Yesu Kristo, nkokwo mwahulile ebilagilo kuluga ahalichwe nkokwo kibasanile kugendelera kushemeleza Katonda , omkukola mutyo mgendelele kukola muno. 2Olwokuba nimmanya ni bilagiloki ebyo twabaheile kulabila omli Mkama Yesu.3Olwokuba ezo nizo ngonzi za Katonda, okwezibwa kwanyu, mwelinde no busihani, 4nkokwo bulyomo namanya kugerela omkaziwe ombugologoki na makune. 5Oteikala na mkazi olwenshonga ya meiru go mbili (nka banyamahanga abatamanya Katonda) 6Atabaho muntu wenawena owokutebalila no kuhagaza mtahiwe omlyekyo. Olwenshonga Mkama niwe aholoza ombintu byona, nkokwo twabahanile no kubajulila7Olwokuba Mkama tiyatwesile ombuhagale shana akatweta ombugologoki, 8Kityo alikwanga ebyo talikwanga bantu shana nayanga Katonda, alikubagabila Mwoyo alikwera9Olwengonzi zo bulumna, taliho nshonga yo kubahandikila, olwokuba mwegesibwe na Katonda kugonzangana inywe omlinywe. 10Mazima mkakola ebyo alibarumna banyu abali Makedonia yona, chonke nitugila tuti mkole mshageho. 11Nitubashaba mwegombe kutula ombuchulezi nokumanya emilimo yanyu nkokwo twabalagile. 12Mkole mbase kutambuka kulungi mala ommakune omlibalinya abali aheru yo mwesigo, mtabulwa kyona kyona13Titukwenda mbulwe kumanya barumna ahalibalinya abanyiyamile ombafu. mteija mkajunahala nka balinya abatakushubila. 14Katulaba nitwesiga nkokwo Yesu akafa mara yahimbuka, nikwo Katonda alaleta balinya abafile omli Yesu Kristo. 15Olwenshonga yebyo nitubagambila omkigambo kya Mkama, ichwe abaliba nitulola abaliba baliho akanya kokwija kwo Omkama, titulyebembela balinya abafile kale.16olwokuba Mkama wenine alisongoka kuluga omwigulu. Neja kwija nilaka likulu, hamwe nilaka lya maleika mkulu, hamwe ne nzamba ya Katonda, balinya abafile omli Ysu Kristo balihimbulwambele. 17Aho ichwe abaliba nitulola, tusigeileo, tuligenda nabo kutangilila Mkama ombichwi. Kityo tulitula na Mkama eila lyona. 18Kityo mgumishilizangane ombigambo ebi
51Mbwenu ebikwasile amakilo, barumna tikine nshonga kubahandikila. 2Olwokuba inywe nimmanya nkokwo ekilo kyo Mkama kilija nkokwo omshuma eja omkilo. 3Olwo babanibagilabati aliyo emilembe nilwo obwisi bubeizila batetegile.Nkokwo ebisha bizila omkazi eina enda. Tibalikila.4Chonka inywe barumna timkili mumwilima kuhikya olwo ekilo kili kileija nko mushuma. 5Olwokuba inywe nywena muli abana bo lumuli mara abo mushana. Ichwe tituli bana ba mkilo anga bo mwilima. 6Ahalwekyo tutanyiama nka bandi okwo balikunyiama shana tulole no kwebalila. 7Olwokuba abanagira banagira omkilo, na batamile batamila omkilo.8Olwokuba ichwe tilya abana bo mshana, tugire obumanyi. tujwale engabo yo mwesigo ne ngonzi, na kofira ye kyoma, nibyo bulokozi obwebilo ebilikwija. 9Olwokuba Katonda tiyatulonzile olwenshonga ye kiniga shana tuhebwe obulokozi kulabila omli Yesu Kristo. 10wenene niwe yatufelile ahamsalaba, katulaba nituleba anga katulaba tunyiamile, tulitula hamwe nawe. 11Ahalwekyo mgumishilizangane nokwombekangana nkokwo mlikukola.12Barumna nitubashaba mmanye balinnya abalikubakolela omlimkama abalikubahanulila. 13Mbamanye no kubakunila omngonzi olwenshonga ye milimo yabo. Mgile emilembe inywe omlinywe. 14Barumna nitushaba mube nimhana abatalikutambukila muntwaza nungi, mgumishilize abafile emyoyo, mjune abatalikwebasa, mwegumishilize omlibona.15Kandi mlebe atabaho wenawena alikugalulila mtahiwe ebibi. Shana mukole ebili bilungi ombantu bona. 16Mshemererwe ebilo byona, 17Mshabe obutalekela. 18Msime Katonda omlibulikimwe, olwokuba ezo nizo ngonzi za katonda omlinywe omli Yesu Kristo.19Mtalaza Mwoyo Alikwera. 20Mtagaya bulangi. 21Mlengese bulikimwe. Mlondemu ekili kilungi. 22Mtantale okuzokwamu ekibi.23Katonda owemilembe abagobesheleze ombugologoki. Emyoyo, ne mitima, ne mibili, bilindwe biikale bigumile bitena kamogo kuhikya omkanya kokwija kwo Omkama weitu Yesu Kristo. 24Wenene ayabesile no mwesigwa mara niwe alikukola.25Barumna mtushabile. 26Munshulile barumna banyu boona. Nomnywegelo ogulikwera. 27Nimbashaba omlimkama ebarua egi eshomerwe barumna beitu boona. 28Ekisha kya Mkama weitu Yesu Kristo kibe hamwe neinywe.
2 Thessalonians
11Inye Paulo, Silwano, na Timotheo, nituandikila abenteko ya aBathesolonike omuli Katonda ishaitwe no Mukama Yesu Kristo. 2EWkisha kibe nainywe nemilembe eruga ali Katonda ishaitwe na Omukama Yesu Krisito.3Nikitusanira kusima Katonda ebilo byona aharwenshonga yanyu, barumna. Nkokwe kisaine, nimugendage omumwesigo, marabulyomo nagenderela kugonza mutaiwe. 4Kityo nitubebugisa omunteko za Katonda kuba nitubona mugumile mala omumwesigo gwanyu nigugingizibwa, amo nenaku zanyu chonka nimubyemera. 5Aka niko kabenelo keiramu rya Katonda elyamazima kityo inywe muboneke nimusana kutaa omubukama bwa Katonda kuba mukashasibwa arwekyo.6Kuba nekya mazima Katona kubashasa abashashizinye. 7Inye abashazibwe mubone ebyera omukanya koMukama Yesu kugaruka kuruga omwiguru alikoratyo ka liba eine abamaraika abobushobora. 8Abatali kumanya Katonda nokukunira omwegeso Omukama waitu Yesu alibanaga.9Balishasibwa ebilo byona balitekwa hale ne kitinwa kyo Mkama no bushobola bwa manige. 10Olwo alija abatakatifube balimuha ekitinwa abamwesigile bona balimubona olwokuba bakamwikiliza.11Ahalwekyo nitubashabila ebilo byona. nitushaba Katonda eikilize okwetwa kwanyu. Mara agobesheleze ekigendelelo kyanyu. 12Nitushaba ebi mbone kwinunula ibala lyo Mkama Yesu, nitushaba Omkama abeinunule alwekisha kyo Mkama Yesu Kristo
21Mbwenu ebikwasile akwija kwo Mkama weitu Yesu Kristo nokutelanisibwa katuba nawe; barumna bange nitubatagiliza 2mtayuguma mara mtechula omkubonekelwa kwonakwona anga omkigambo anga ebarua ebyakuzoka manya byaluga ahalichwe, nokubagambila ngu ebilo byo Mkama kwija byagobile.3Omuntu atababiha omhanda gwonagwona ekilo ekyo tikine kugoba obushengi butakeizile mpaka obushengi bubeo, no wokwanga Katonda azoke. 4Ogu niwe mhakanisa Kristo mara ayeinunula omkuhakanisa Katonda nokuhakanisa kyonakyona ekilikuabudiwa nangu ashuntama omlilwensinga kaba niwe bayegashaniza nka Katonda. 5Timlikwijuka okwonabagambile olwonabeile ndi hamo neinywe 6Timlikumanya ebilikumtanga kuzoka nolwo wenene yakwenzile kuzoka, chonka alazoka olwo akanya kalagoba. 7Ekyensheleko ogwo ahakanisa Krisito na kanya aka nakol, tine kuzoka rubona olwokuba alio alikumtanga atazoka kuikya olwoaleihwa ommuhanda.8Nilwo ogwo omshengi alizoka, owo Omkama Yesu alisa olwoya lwo mkanwa olwo alija. Mkama alimkola ti kantu akushululwa kwokwijakwe. 9Omhakanisa Kristo alija ayemilwemu sitani, akole ebitangaza ebyamani chonka byona biliba bili ebishuba, 10nane bishuba byona ebyobuhagale. Ebintu ebi nibijakubaho omli balinya abalikubula, olwenshonga tibakunzile ngonzi za mazima alwokulokolwa kwabo.11Niyonshonga Katonda nabaha okwikiliza ebishuba bingi. 12Ahonu bona abatalikwikiliza mazima balamlwe, manyasi amafu nigo gabashemelela.13Ichwe, barumna beitu abagonzibwa bo Mkama, Tulagilwe kubasimila Katonda akabalonda kwema enyuma kamlokoka, olwo Mwoyo yabahindwile batakatifu kandi mkeikiliza amazima. 14Ebi nibyo twabalangile evangeli mbase kuhebwa ekitinwa kyo Mkama weitu Yesu Kristo. 15Aharwekyo barumna bange, mara mkwate enyegesa eyotwabegesize omkigambo anga omubarua.16Omkama weitu Yesu Kristo wenene na Katonda isheichwe, ayatugondize akatumaramara eila lyona akatua ne shubi nungi ommani ge kisha, 17abe niwe amaramara emitima yanyu omli bulimlimo gulungi no kugamba ebili bilungi.
31Barumna bange mutushabile, tubase kulanga ekigambo kyo Mkama bulihantu no kukiheisiliza nkeinywe okwo mlikulola. 2Mshabe tubase kolokolwan kuluga ombentambara, olwokuba ti bona abeine omwesigo. 3Chonka Mkama no mwesigwa alabagumisa nokubalinda kamluga ahali sitani.4Twine obumaza bwo Mkama ahalwenshonga yanyu, nkokwo nimkola mara nimwija kugendelela kukola ebyo twabalagile. 5Omkama ayebembere emyoyo yanyu omngonzi no kwegumishiliza omli Kristo.6Mbwenu barumna, ntubalagila omwibara, lya Yesu Kristo, mteikala no mnafu atayenda kukola milimo atakwasile ntwaza yeitu. 7Olwokuba nimmanya okwo kisanile kwega entwaza yeitu. Titweikeile neinywe nka bantu abateine ngesho zilungi. 8Kandi titwalile kyakulya kya muntu tutakikolile milimo, shana tukakola emilimo omkilo no mshana mara emilimo ya mani neyokutushasa titwasikilile muntu wenwena omlinywe. 9Titwkozile tutyo ahalwobutagila iteka, shana tube kabonero omlinywe mbase kutwegaho.10Olwotwabeile tulihamo tukabalagila tuti "alaba atakozole milimo atalya byakulya byanyu." 11Kuba nituhulila nkokwo bamo omlinywe nabanafu tibalikukola milimo mbalya busha. 12Mbwenu nitubalagila no kubakomekeleza omwibala lya Yesu Kristo, nkokwo bakole emilimo babone kulya ekyakulya kyabo.13Chonka inywe barumna mtafa mwoyo omkukola ebilungi. 14Omntu wenawena kalayanga kuhulila ebyotulikugamba ombarua egi ogwo mmwekomye mara mmleke eije ashonahale. 15Mtambona nka mbisha, ekilio mmuhane nka mlumna wanyu.16Omkama we milembe wenene atutunga emilembe ebilo byona omngeli yonayona. Abe hamo neinywe nywena. 17Inye Paulo ebishulo ebi ninye ndikubyehandikila, aka niko kabonelo ka buli barua yange, Egi niyo mihandikile yange. 18Omgisha gwo Mkama weitu Yesu Kristo gube neinywe nywena
1 Timothy
11Paulo, entumwa ya Kristo Yesu, ahalwomhango gwa Katonda nano Mlokozi weitu Yesu Kristo ali obumanzi bweitu 2ahali Timotheo omwana wange owamazima omwesigo: Ekisha, obuganyizi ne milembe ebiluga ahalikatonda isheichwe na Yesu Kristo Omkama weitu.3Nkokwo nakukomekelize olwo nabeile ningya Makedonia weikale Efeso obone kutanga abantu nanka kwegesa emyegeso endijo. 4Mara batakuhuliliza bigano nokutonda abagulusi be nganda. ebyo nibimukya empaka nibiaho kwema hamo kukola omlimo gwa Ruhanga ogwomwesigo.5Enzindo ye kilagilo eki nengonzi zilungi aha mwoyo gurungi, nekigendelelo kilungi no mwesigo ogwamazima. 6Bamo babuzilwe ekigendelelo kye nyegesa bahindukiile ebigambo byo bufela. 7nibenda kuba abegesa be mihango, chonka tibalikumanya kyo balikugamba anga ekwobalikukomekeleza 8nitumanya okwo omhango guligulungi ko muntu alagukozagi.9Nitumanya nkokwo omhango tigwatilweho ahalwenshonga yo mgologoki, shana gukatekwaho ahalwenshonga ya balikwita omhango, nenkola bibi, nabatali bagologoki, nabentambala, nabateine katonda. Gukatebwaho alibalinya abeita abazeile babo na beita abantu 10na basihani na bajange na balikubuza abantu bakabokola ebitunganwa, na halwenshonga ya babihi bebishuba, nabajulila obujulizi bwe bishuba na wenawena atakwata myegeso ya mazima. 11Kuhondela evangeli ya Katonda owekitinwa eyo Katonda yankwasize.12Ninsima omkama weitu Yesu Kristo, ayampeile amani nokunkola mwesigwa kambasa kumkolela. 13Nkaba ndi omuntu wo kujobolwa, no kushasa abantu no kubabuza emilembe. chonka ahalwekisha kya Mkama nkaganyilwa olwokuba nkabikozibwa obufela no butesiga. 14chonka ekisha kya Katonda kijwile omwesigo ne ngonzi ebili omli Kristo Yesu.15Amakulu aga na gamazima mala nigasana kutolwa bona. Nkokwo Yesu Kristo akeija omunsi kulokola abe ntambala. kuba inye ndi mubi kushaga bona. 16Chonka olwenshonga egi inye nkaganyilwa, ayabeile ndi mfakale kushaga bona, kulabila ahalinye Yesu Kristo abone kwelekya obwegumishilizabwe obteine ndekelelo. Nanye mbone kuba kabonelo ahalibona abalamwesiga nokubona obulola obutalihwao. 17Nakanya aka Omkama wa makilo gona atazoka, atafa, Katonda omo, abe we kitinwa ebilo byona. Amina.18Nintaho ekilagilo eki ommeisho gawe Timotheo, omwana wange. Ninkola ebyayelekilwe ahaliwe kuluga ambandizo, obe endashana ndungi. 19Okolotyo obone kugila omwesigo ne kigendelelo kilungi. Abamo bakanga ebi bahwelekeza omwesigo. 20Nkokwo Himenayo na Alekizanda nkabaheleza shetani kabegesa batakijobolwa.
21Ekyabmbele nambele nibatagilza mshabe, mara mshabile abantu bona, mshube msime. 2Mshabile abakama na batwazi, tubone kugila emilembe ombugologoki bweitu na makune no buchulezi. 3Eki ni kilungi mala nikikilizibwa ommeisho ga Katonda Omlokozi weitu 4wenene agonza abantu kabalokoka mara bakamanya amazima.5olwokuba aliho Katonda omo, na Yesu Kristo omo ayatukwatanisize na Katonda. 6Akeihayo kuba (efidia) ahabantu bona, nko obujulizi omkanya akalikusana. 7Ahalwenshonga egyo inye nkakolwa omlangi wevangeli ne ntumwa. Ningamba amazima tinkugamba bishuba. Inye ndyomwegesa ahabanyamahanga omwesigo gwa mazima.8Kityo ninyenda abasheija bulihantu bashabe nibeimkya emikono elikwela. Batanigaheile mara batakulengeshanyia. 9Nana bakazi bajwale ebijwalo ebilikusana, ommakune no kwebalila. batasiba ishoke anga kulitekam edhahabu nibale lyeiguzi anga bijwalo byeiguzi. 10Bajwale ebijwalo ebilikusana ommwesigo kulabila ombikolwa bilungi.11Omkazi ayege no buchulezi nanamakune gona. 12Tindikujubula mkazi kayegesa, anga kugelela msheija shana abe mchulezi.13Olwokuba Adamu akatondwa mbele. ahanyuma na Eva yatondwa. 14Adamu tiyabihilwe, shana omkazi akabihwa. 15Chonka omkazi alilokolwa kulabila akuzala abana, kalikala omwesigo no mngonzi no kwikala alimgologoki na nommagezi galungi.
31Eki kya mazima: omuntu kayegomba obushumba, aba nayegomba ekintu kilungi. 2Kityo omshumba takusana kugila kakonyolo. Agile omkazi omo. Kandi abe omuntu wokwebalila ,, owamagezi , agile ekitinwa ombantu mara amanye kwegesa. 3Ataba mtamile, ataba mlwani abe mchulezi, nokuba muntu we milembe. Atenda mahela gatali ga mazima.4Mara abe omuntu wo kulebelela abawenene kulungi, na banabe bamkunile ommakune gona. 5Olwokuba omuntu alikulemwa kulebelela abawenene yakubasate kulela ekanisa ya Katonda?6Mara ataba ayesigile juba, ateija akesingiza mara akagwa omwilamu nko olinya nyamubi. 7Mara abe najulilwa kulungi nabantu abali aheru ye kanisa, ateija akagoka mara akagwa omtego gwa nyamubi.8Abaheleza, nabo babe abantu ba makune, batakuba bantu ba ndimi ibili. mara batakuba batamile anga kugila ameiru. 9Babone kukwatagi omwesigo ogwo bashululilwe ogwamazima. 10mara babanze balengwe ahanyuma babone kukola omlimo gwa katonda.11Nana abakazi babo bagile amakune. batakuhangilila, bebalile nokuba besigwa ombintu bwona. 12Abaheleza babe abasheija bo mkazi omo. Mara babase kwemelelela kulungi abana babo nanabomunju zabo. 13Olwokuba abakolagi ebyo babona obumanzi bwingi omwesigo oguli omli Kristo Yesu.14Nimpandika ebintu ebi ahaliwe, mara ninshubila kwijayo juba. 15Kandaba ndakelelelwa, nimpandika komanya okwo oseine kutambuka omnju ya Katonda, eba rwensinga ya Katonda alikulola, enyomyo no bujuni bwa mazima.16Mara tikilikwangwa nkokwo amazima agowashululilwe nigakulu: Akazoka ombili yajulilwa ommwoyo, yazoka na bamaleika, yalangwa ommyoyo ya banyamahanga, yayesigwa na bantu bens, yatwalwa omwigulu omkitinwa."
41Mbwenu Mwoyo nagamba rubona nkokwo amakilo agalikwija abandi balinaga omwesigo ogwamazima balihuliliza emyegeso ya amastani 2balinagwa obugobya bwabagambi be bishuba.3Balitanga abantu kushwela, nokulya ebyakulya ebyatonzilwe na katonda kabilibwa abalikwesiga no kusima ommazima. 4Kyonakyona ekyatonzilwe Katonda kiba kilungi. taliho kyona kyona ekilikutolwa omkusima ekisanile kwangwa. 5Ahalwokuba nikikolwa kilungi kulabila ahakigambo kya Katonda na nommashaba.6Kolabyegesa abalumna, olaba olimkozi mlungi wa Yesu Kristo. Olwenshonga okuzibwe ombigambo bilungi ebyomwesigo nanommyegeso milungi eyolikuhondela. 7Chonka oyange emigani yensi eyendwa abakeikulu, shana oyege ombugologoki. 8Olwenshonga kukoza ombili nikugasha kuke, Chonka okwetaho Katonda nigusha omlibyona. olwokuba nitulaganiswa obulola.9Amakulu aga na ga mazima mara ngasana kwikilizibwa. 10Olwenshonga nitushasa mara nitukola emilimo ne kihika. olwokuba twine obumaza omli Katonda alikulola, ali Mlokozi wa bantu bona abamwesiga.11Ogambe ebigambo ebi no kubyegesa. 12Omntu wenawena atagaya busigazi bwawe , shana obe kabonelo abesiga, omkugamba, ommitambukile, omngonzi, ombwesigwa, nanokwela. 13Kuhikya olwondeija oikale omkushomera abantu ebihandiko, nomkuhana, nokwegesa.14Otazanisa matungwa gawe agowaheilwe kulabila ahabulangi, omkutebwaho emikono na bazee. 15Ebyo obyeteho. otule omlyebyo no kukola kwawe kuzoke omlibona. Oyekomekeleze muno ommitambukile yawe nommyegeso. 16weikale omlyebyo. olwokuba omkukolotyo olayelokola no kulokola abakuhuliliza.
51Atalilotokela mgulusi; Shana omteho ekihika nkokwo wakukozile ahalisho. Kandi abasigazi obahabule nka barumna bawe. 2Abakeikulu obahabule manyoti ni ba nyoko. Abakazi bato obahabule nka banyanyoko, mara obahabule omtima gwezile.3Okunile entumba kazi abali entumbakaikwo. 4Chonka entumbakazi eine abana anga abeijukulu, obaleke bege kweleka amakune ombantu bommaka gabo. obaleke bakolele abazeile babo ebilungi, olwenshonga eki nikishemera ommeisho ga Katonda.5entumbakazi kwokwokwo neine babo, elikushubila Katonda,omkilo no mshana netakil;a Katonda omnshala. 6Nangu omkazi alikwekoza ebyobujange afile nolwo alikulola.7Olangilile ebi bateija bakakwekwasa. 8Omuntu atalikufao bawenene, buzima balinya abali omunjuye, ogwo alaba ayetongile omwesigo mara ni mubi kushaga natakesigile.9Chonka omkazi alyentumbakazi ahandikwe omntumbakazi kalaba yeine emyaka kubandiza nkaga, kandi kibe akaba alimkazi womsheija omo. 10Kandi babe nibamjulila okwo yeine ebikolwa bilungi, mara alezile kulungi abanabe, anga abe alanyegize abagenyi, anga abe alanabisize abesigile amagulu, anga akajuna abatangilwe, agila ekihika kwokukola kulungi bulikantu.11Entumbakazi abato, otabahandika muntumbakazi. olwokuba ombili gubakola kabatwalwa abasheija abandi 12ahalwekyo beita endagano yabo yokweihayo kukolela katonda. 13Nekindi nibabanza kuba abanafu, nibabungera mbaluga nju egi nibagya omlyegi ti bunafu busha, nibabanza no kugeya ngana no kutahilila ebitali byabo, nokugamba ebitabasanile kubigamba.14kityo ninyenda abakazi abato entumbakazi bashwelwe, bazale abana, bemelelele amaka gabo, batakuha ombisha akanya. 15olwokuba abandi alwebyo bahindukiile sitani. 16Omkazi wenawena ayesigile no mka yawenene kalaba alimu entumbakazi, agijune, enteko eteija ekalemelelwa, ebone kujuna entumbakazi ezitene bujuni.17Abagulusi abalikutwalagi bakunilwe, kukilaho abalikwetaho okwegesa ekigambo kya Kotonda. 18Ebihandiko nibigamba, biti otalikoma nte munwa kolishanga nelibata engano, kandi, omkozi aseine emperwaye.19Batalitoijera mgulusi okeikiliza, shana azokeho abujulizi bwa bantu babili anga bashatu. 20olwanise abalikukola kubi, ommeisho ga bantu abandi nilwo abandi balatina.21Ninkulagila ommeisho ga Katonda na Yesu Krisito, na bamaleika endondwa. nkokwo okwate ebilagilo ebi enzila kusholola wenawena, mara otakola kyonakyona omkusholola. 22Otayanguha kutekao muntu mikono. kandi otakola ntambala ya muntu ondijo. kikusanile kweikazagi.23Otanywa meizi gonka, shana onyweo envinyo nke olwenshonga yeibunda lyawe na malwala ga bulikilo. 24Entambala za bamo ziboneneka lubona, mara nizibebembeza omwilamu, entambala ezindi nizibahondera enyuma. 25Kityo, ne milimo milungi endijo eboneka lubona, nemilimo ezindi tizilyesheleka.
61Abeilu bona bamanye okwo bakama babo nibo bakunlwamuno, bakole batyo bateija bakajumisa ibara lya Katonda ne myegesoye. 2Abeilu abeine abakama abesigile batakubagaya abo ni barumna babo omli Kristo. shana babakolele muno. kuba abakama abalikujunwa emilimo yabo na besigwa mara nibendwa. Oyegese no kulanga ebintu ebi.3Omuntu wenawena kalayegesa ebitalikwo nawe talikukwata nyegesa yeitu elikwesigwa, ebili ebigambo bya Mkama weitu Yesu Kristo, kalaba atalikukwata nyegesa yobulokozi. 4Omuntu ogwo nayesingiza mara talikumanya kantu shana yeine empaka no bulwani ahabigambo. ebigambo ebi bizara ibuba, endwano, ebijumi, nebitekelezo bibi, 5no butatekana bwa bulikilo ahabantu abeine amagezi agajunzile, mbaleka amazima. Mbamanya bati obulokozi no muhanda gwitunga.6Obugologoki nanokusanilwa na magoba gahango. 7Olwenshonga titweizile na kantu omnsi mala tituligenda na kantu kuluga omunsi. 8Shana tusinilwe ebyakulya ne bijwalo.9Abalayenda itunga nibeija kugwa ombilengeso, nibagwa omtego. Begomba ebintu bingi ebyobufera ebisa abantu. 10olwokuba okwegomba amahela niyo mbandizo ye bibi byona. abegomba ebyo bali hale no mwesigo beyokize beine obujune bwingi.11Chonka iwe muntu wa Katonda, ebintu ebyo obiluke. Ohondele amazima, obulokozi, obwesigwa, engonzi, obwegumishiliza, nobuchulezi. 12Orashane endashana ndungi eyomwesigo, okwatilile obulola obutalihwao obwowayetilwe. Olwenshonga okeihayo obujulizi ommeisho ga bantu beingi obuli bulungi.13Ninkuha omhango ogu ommeisho ga Katonda, ashoboza ebintu byona kabilola, no mmeisho ga Yesu Kristo, ayagambile amazima ommeisho ga Pontio Pilato: 14Okwate omhango ogu ombwesigwa, enzira kamogo, kuhikya okwija kwo Mkama weitu Yesu Kristo.15Katonda neija kwelekya okwijakwe omkanya konene. Katonda omberwa, amani gonka, Omkama alikugelera, Omkama alikwebembera. 16Wenene wenka ayakumelera, asingile omu mushana atagobwa muntu, talio muntu yakumubona anga kumleba ahaliwenene abaho amkune no bushobola bwona bwe bilo byona amina.17Ogambile abatungi be nsi egi batesima, mala batashubula itunga, elitali lya kwikalao, sha bashubile Katonda atuha itunga lyona elyamazima tubone kushemerelwa. 18ogambile abakola ebilungi, batungwe ebikolwa bilungi, nibeihayo ebyokunyegeza abantu. 19Ommhanda ogwo balayetekatekera ebilungi ebilikwija nilwo balibona kuguma ombulola obuli bulolakwo.20Timotheo, olinde ekyowaheirwe, oyelinde okugamba kubi Katonda, hamo ne mpaka za katozi ezo abandi balikweta zilungi. 21Abandi abalikulanga ebintu ebyo, ekibalugile omwo banagile omwesigo. Ekisha kibe hamo neiwe.
2 Timothy
11Paolo omwilu wa Yesu Krisro omungonzi za Katonda , ninkendagano yoburora eli omunda ya Yesu Kristo, 2aliwe Timotheo, omwana wange omugonzibwa, omugisha gube aliwe, obuganyizi nemirembe kuruga ali Katonda isheichwe na Yesu Kristo Omukama waitu.3Ninsima Katonda owonkolera nomutima gwezire nkonkwo batatenkuru bakozire, bulikanya orwondikukwijuka omunshara zange,omukilo no mushana 4nikwegomba kukubona mbase kugira amashemelerwa, ninyijuka amaliragawe. 5Nimbanikwijuka arwomwesigo gwawe ogwamazima orwokuba alinya orwambere gukaikala ali nyokwenkuru Loisi na nyoko Yunisi. Nyine amazima okwo amwesigo gwawe ngwikara omunda yawekwo.6Egi niyonshonga nikwijukya koinegeza amatungwa ga Katonda agali omunda yawe okurabila omumikono yange yonakutaileo. 7Orwokuba Katonda taratuile Omutima gwobutini, shana akatua Omutima gwawenene nengonzi nomutima gwokwebalira.8Aharwekyo otakugira nshoni aha okujulira Omukama weitu, nangu nanalinye Paulo omwiru .Ekilio oshasire evangeli ,nkokwo nobushoborwa bwa Katonda. 9Ni Katonda ayaturokoire nokutweta omumweto ogurikwera, tutasaine aharwebikorwa byeitu, shana kwingana nekisha namateka gawewe ; aha rwekisha ekyo akatutunga ebyo omuli Yesu Kristo amakiro gatakabaireho. 10Mbwenu Oburokoke bwa Katonda bwashuruirwe akwija kwo Omurokozi waitu Yesu Kristo, Kristo niwe yachwire orufu, akareta obulora obutali wahao omukimuli kye Evangeli. 11Orwenshonga egyo nkarondwa kamba omurangilizi, naba ntumwa wayo mara naba mwegesa wayo.12Ekyo nikyo ndi kushasira, chonka tinkubona nshoni orwenshonga nimanya wenene owo nayesigile, mara nimanyira kimo okwo alikushobora kulinda kurungi ebyo yankwasize kulemwa kuika akilo ekyo yaizileo. 13Weijuke obulebero bwebigambo byamazima obwowaulire kuruga alinye, amo nomwesigo nengonzi ezili omunda ya Yesu Kristo. 14Amazima agowabikisibwe ogalinde omumani ga Mwoyo alikwera asingire omulichwe.15Nomanya, nkokwo bona abaikara omuli Asia bampindukire. Omuli bonene alimu Figelo amo na Hemogene. 16Mukama aganyizibwe eka ya Onesiforo, orwenshonga emirundi mingi yampaga ebyera; tiyankwatirwe nshoni aha rwokubona nkomirwe. 17Orwo wenene yagobile Rumi akampiga ne kihika mara yambona. 18Katonda amtunge Ekisha kuruga ali wenene ahakiro kyalija. Nkokwo yanjunile orwo nabaile ndi Efeso kandi naiwe nomanya.
21Arwekyo, iwemwana wange, ekilio ogume ogire amani omunda ya Yesu Kristo. 2Nabilinya ebyo waulire omulinye omumaisho gabajulizi bangi, obyegese abantu abalikwesigwa abalabyegesa na bandi.3Oikilize kushasha nko Omwisherukare wa Yesu Kristo omwesigwa. 4Talio Omwisherukare ayetaya omumirolere yabatali Baisherukare, enshonga omugendelerogwe nikushemeza omukama wa wenene mkuru. 5Kandi omuzana wemizano yokwiruka tibamujweka rukiga,shana kayakushindana aondaile amateka.6Omulimi wekihika niwe asana kubawambele kukwata omugabogwendimilo yawenene. 7Ebyondikugamba obiteke ahamutima, kuba Omukama naija kukuha okushobokerwa omubintu byona.8Omwijuke Yesu Kristo, ayatabukire ahali Daudi, ayaimbwirwe kuruga ombafu. Ebi ni nkebigambo byange ebyo Evangeli eyondanga. 9Egyo niyoEvangeli eyo ba likuntura, nkajwara nempingo okwobona omuntu akozire amaano; chonka ekigambo kya Katonda tikikomwa ne njwaro. 10Arwekyo ninyegumishiliza orwenshonga ya bantu endondwa za Katonda babone kurokoka bajwangaine na Yesu Kristo, babone nekitihinwa ekyeira lyona.11Ekigambo eki kyamazima, "katuraba twafire nawe, tulirola nawe". 12Katurayegumishiriza, ntwija kugerera amo na wenene, katuramwetonga nawenene naija twetonga. 13Kandi katuraba tutabaile besigwa, wenene naija kwikara alimwesigwa arwokuba taindukana.14Obibaijukye ebyo, nokubahana omumaisho ga Katonda, balekere empaka zebigambo bitine mugasho. Orwokuba tibinem mugasho omuli ekyo. Aharwokuba nkebyo binaga abalikubihulira. 15Oyekaze kwezora okwo Katonda yakwikilize nkomukozi webikorwa atali kwebabara kantu, nekigambo kyamazima okyegese.16Oyelinde namakuru gensi agatainamu kakutinamu Katonda agali kwebembera entambara. 17Ebigambo byabo nibija kusosoka nke ekironda ekitakwikya. Omuli bonene ni Himenayo na Fileto.. 18Abanibo bantu abatagira mazima, nibagamba bati okuimbuka kurabaireo, nibaindura emyesigo yabantu.19Narwo arwekyo embandizo eyatairweo Katonda egumile mara eyemereile eine nomuhuri ogu "Omukama namanya abali bawenene, burimuntu agamba eibara ryawenene Mukama arekele amafu". 20Omunju ye ekigaiga tabamu byombo bye dhahabu ne shaba byonka,. Kandi alimu ne byombo byemiti nebyeitaka. Omulibyonene bilio orwenshonga yemilimo yekitihinwa nanebindi ti byamilimo yekitihinwa. 21Omuntu karayeyogya wenene kuruga omumilimo etali ya kikitihinwa, wenene nekyombo ekine ekitihinwa. Nendondwa orwenshango, eine omugasho ali Mukama kandi atekatekirwe alibuli mulimo ogurungi.22Chonka oiruke amairu gobusigazi ohondere obugorogoki, omwesigo, engonzi ne mirembe amo na balinya abeta Mukama omutima gulikwera. 23Chonka oyange empaka zobufera nebibazo byo bufera, kandi nomanya okuzireta endwano.24Omwiru wa Mukama takushoborwa kurwana, nangu nasana abe omufura omubantu bona, alikubasa kwegesa no kwegumisiliza. 25Napaswa kubese omufura balinya abali kumuhakanisa, shana Katonda nabasa kubaganyira omukumanya amazima. 26Babase kumanya nokukira omutego gwa shetani, abakwasire nokubakora bamuhulirize ebyetago bya wenene.
31Chonka omanye ekigambo eki; Omubiro byenzindo kaliba kalyakanya kabi. 2Orwenshonga abantu mbeija kweyenda bonene, abokwenda amaera, baligira eikuru, baligira okwebona baliba enjumangani, abatalikukunira bazaire babo, abataine rusimo baliba abantu babi. 3Abataine ngonzi zentabuko,abatakwenda kwikara omumilembe nabantu, abarwanisi, ababeii bebishuba, abatobasa kwetonga, abaine obushanshami abatali kwenda birundi. 4Baliba embanzi, abeituli abali kweyenda bonene abalikwenda ebinuzi yensi kushaga okugonza Katonda.75Aamaoisho balizoka nibenda Katonda, chonka nibetonga amani gawenene, mwelinde abantu nkabo. 6Orwokuba abandi na abashaija abalikutaa omumaka gabantu bakabeia abakazi abafera, aba nabakazi abinjwire entambara abalikutwarwa entambara za bulingeli. Abakazi aba bege ebilo byona chonka tibabase kugobeshereza obumanyi bwamazima.8Nkokwe Yane na Yambure bakaakanisa Musa, orwenshonga egyo abegesa aba na bebishuba bakaakanisa amazima, nabantu abaisirwe amagezi gabo, abatakwikilizwa amwesigo. 9Chonka abantu aba tibakwija kugoba hare, orwokuba obufera bwabo nibwijakubonwa abantu bona, nkokwo bwazokile ali Yane na Yambre.10Chonka iwe ohondire ebyeegeso byange, eebikorwa byange, eebigendelero byange, omwesigo gwange, okwegumisiliza kwange, engonzi zange, no okutatantalikwa kwange, 11okugingizibwa kwange no obushasi obwabileo omuli Antiokia, Ikonio na Listra. Nkegumisiriza omubushasi; Mukama akandokora omulibyona ebyo. 12Bona abalikwenda kwikara omubulora obwokukunira Katonda omuli Kristo Yesu nibaija kugingizibwa. 13Kandi abantu ababi na abebishuba nibija kuba babimno; nangu nimbaija kubabaia nabandi. Nabonene babairwe,14Chonka iwe, wikare omubigambo ebyo nomu kubyesiga kwokwo orwokuba nomanya owo wayegireo; 15Nomanya kuruga okyali mutookamanya ebiandiko ebilikwera. Eebi nibibasa kukwegesa arwenshonga yoburokoke omwesigo ahali Kirsto Yesu.16Buli kigambo ekine Mwoyo wa Katonda. Kisana omukwegesa kwomugasho , kuhana abantu, nokubaia omumafu nokubegesa kuba bagorogoki. 17Omuntu wa Katonda ashobole kuba mgorogoki, ayetekatekile kukora bulimulimo gurungi.
41Ninkuragira omumaisho ga Katonda amo na Yesu Kristo, aliramura abalikurola na abafire, orwenshonga yokuimburwa kwawenene nobukamabwe. 2Orangilire Ekigambo, oyetekateke omukaanya akakusaine na akatakusaine. Ogambile abantu entambala zabo, obataise, obaane omukwegumisiriza kwona nemyegeso.3Orwokuba akanya nikaija kwija arwabantu bayanga emyegeso eyamazima, shana baliyeigira abegesa babo abokwegesa ebibalikwenda kabegesa bonene. 4Nibiija kulekera kuhulira emyegeso eyamazima, nangu nokuindukira ebigano byebishuba. 5Chonka iwe obe mwesigwa omubintu byona, oyegumisilize omubushasi, okore omulimo gwokurangilira Evanjeli, Ogobeshereze omulimo gwawe6Orwokuba inye nayetekatekile kuba ekiango. Akanya kange kokufa kailirahaii. 7Ndashaine endashano endungi, okwiruka kwange nakumala, mara omwesigo gwange ngulinzire. 8Orukinga rwobugologoki rwatekatekilwe orwenshonga yange, orwo Omukama omuramuzi Omugorogoki, alintunga ahakiro kilinya. Kandi talinye nyeeka shana nanabandi bona abamulindilire akuzoka kwa wenene.9Oyekaze kwija owange bwangu. 10Orwokuba Dema anyirukile yagonza ebyensi omukanya ahaka agenzire Thesalonike, Kreseni akagennda na Garatia, na Tito agenzire Dalmatia.11Luka wenene wenka niwe aliamo nanye. Otwale Marko wijenawe, orwokuba wenene nowomugasho alinye nanjuna. 12Nalagilira Tikiko kwija Efeso. 13Elinya ebebo eyo nasigire Troa owa Karpo, olaijanayo, amo nabilinya ebitabo ebyoruhu.14Iskanda omuhesi webyoma akankolera amafu gangi. Mukama alimua kwingana nebikworwa byawenene. 15Chonka naiwe oramwekenga orwokuba ebyo twamwegesize akabyanga. 16Akutonganirwa kwange kwambele, talio muntu ayailire hei nanye, shana bulimuntu akanyituka.Katonda atababalira mishango.17Chonka Mukama akaba amo nanye, akantamu amani arwenshonga klabila omulinye, Ekigambo kirangilirwe omubwegobeshereza abamahanga babase kuhulira. Nkarokorwa omukanwa kentare. 18Mukama naija kumpungya nebikworwa byona bibi nokundokora orwenshonga yobukamabwe bwomwiguru. Ekitenwa kibe aliwenene heira nehira. Amina.19Onkaiseze Priska amo na Akila amo neka ya Onesforo. 20Erasto akasigara Korintho, chonka Tirifimo nkamsiga miletho arweile nashasha. 21Okole bwangu waije katakabaile akanya kembeo. Euburo nakukaisa, amo na Pude , Lino, Claudia na abarumuna bona. 22Katonda abeamo nomutima gwawe. Ekisha kya Katonda kibe amo naiwe.
Titus
11Paulo, omukozi wa Katonda mala entumwa ya Yesu Kristo olwenshonga yo obwesigwa bwendondwa ya Katonda no obumanyi bwa amazima ageinemu okutina Katonda. 2Abeine eshubi yo oburola obutaluhwao alwokuba Katonda tagamba bishuba, kwema kale atakatonzile ensi zona akatulaganisa. 3Kandi omukanya konene olwo orukagobile, obulola bwa Katonda omuloikozi weitu yabutweleka omukigambo kyawenene Katonda omulokozi weitu.4Olwa Tito, omwana wa amazima omumwesigo gweitu nokwikilizana kumo. Katonda Ishe ichwe na Yesu Kristo omulokozi bakugilile ekisha, bakutunge nemilembe. 5Ekyonakusigile Krete, nkagonza koshemeza ebyabeile bisigeile kandi nokutaho abaguruasi omubigo byona nkokwo nakulagilile.6Omugurusi we ekigo atagila kamogo, ashangwe eine omukazi omo nabanabe babe besigwa, mala batalikugambwa bibi anga abeteine amakune. 7Kimsanile Askofu omgelezi wa Katonda kuba omuntu ateine kyakugeywa ataba muntu ayanga kutegekelwa, atanigahala bwangu, atatamila, atalwana, atagila magoba.8Abe omunyegeza, omuntu we emilembe, alikwelinda, omugorogoki, mala alikwelanga. 9Agume ahakigambo kya amazima nkokwo kilikwegesibwa nikwo alabona kwegesa abantu ebyokwegesa ebyamazima nokukiza amani abalikuhakanisa amani.10Olwokuba aliho abashangi beingi abagamba obusha nabalikubeiya, kandi mala balinya (kutailiwa). 11Kisanile kubatanga abantu nkaba. Olwokuba mbegesa bilinya ebilagasha kwegeswa, bagendeleile kubona (faida) zo obusha nokwita amaka gona.12Amo nomulangi mutahi wabo omuli wenene akagamba ati ''lwona lwona abaKrete bakagamba ebishuba, ebigunju bibi, kandi mbenda kulyaguzibwa batajkozile milimo'' 13Eki akakigamba akiboine. alwekyo baindule namani okwakyo babase kugamba amazima umumwesigo14Kushaga okuhuliliza ebigano bya aba Yahudi anga kukwata ebyabantu abalikwenda amazima.15Omuli bona abantu abarungi, ebintu byona nibirungi olwokuba abantu aba ni balinya abateine mwesigo, taliho kintu kirungi chonka amagezi gabo nebityekelezo byabo bifile. 16Nibagamba okwobamanya Katonda chonka ebikolwa byabo nibamwetonga. Bonene nibasheshemukya, tibeine makune abatakugasha kantu kona kona.
21Chonka iwe, ogambe bilinya ebilikugendanwa ne emyegeso yamazima, 2Oyegese abasheija abagurusi kugila okwebalila, abeine amakune namagezi, bagume omukwesiga, omungonzi mala begumisilize.3Ktyo oyegese abakazi abakeikuru kugila ebikolwa bya amakune, tibagambi be ebishuba mala batatwalwa tamilo. Chonka babe begesa bebirungi. 4Nokwegesa abakazi abato kugonza abasheija babo nabana babo, 5Babe abantu bamagezi, babe bantu bokwela, beikazegi amaka gabo bakunile abasheija babo, olwekyo ekigambo kya Katonda kiteija kikagambwa kubi.6Kityo ogumishilize abasigazi bobwojo bagile okwebalila. 7Omumianda yona oyezole kuba bulebelo bwebikolwa birungi omkwegesa kwawe ozole okwoli mugorogoki na amakune, 8omufumolo yawe ya amazima etagila bubi bwona bwona, olwekyo bona abali kukuhakanisa bagolwe alwenshonga tibeine bubi bwokugamba ahaliitwe.9Abalangilwa abazana bagile omuhulilwo ahali bakama babo omuli buli kantu, bab, babashemeleze bataba bokuhakana, 10Batakubeiba shana bagile ebitekelezo birungi, ahalwekyo omumihanda yona bashemeleze ebyo balikwegesebwa ahali Katonda omulokozi weitu.11Aha lwenshonga ekisha kya Katonda kizokile olwenshonga abantu bona kabalokoka. 12Aha lwekisha ekyo akatujuna twamanya Katonda, twayejuma ameiru gensi, nokubalilwa tulibagorogoki, omukanya aka akatulimu. 13Okwotulindilile eshubi yeitu endungi, okuzoka kwekitinwa kyakatonda weitu omukuru no murokozi weitu Yesu Kristo.14Yesu akeiyayo wenene ahali enshonga yeichwe tubase kulokoka na amafu gona, kweyegeleza abantu ba wenene abalikugonza kukola ebikolwa ebirungi.15Ebigambo ebi obigambe. Kandi obahane abantu omubusholwa bwona kukola ebitasaine omumani gona. oteikiliza muntu wena wena kukugaya.
31Abantu bawe obeijukye okwetohya, okuhila abatwazi nabeine obushobola, bagile amakune mala beikale betekatekile kukola buli mulimo ohurungi. 2Batakujuma muntu wena wena, belinde ne enkungana, bagile obuchulezi nokweleka amakune omubantu bona .3Olwokuba olwakale neitwe tukaba twine ebiteklelezo bibi namakune. Tukabeihwa nokukolwa abakozi bokwegomba entambala za bulingeli, tukeikala omumafu nanokutamwa. abashangi nokutamwangana.4Chonka omukanya kokunyegezwa na Katonda, Katonda omulokozi weitu ne engonzi za wenene zikazoka abantu. 5Akatulokola ahalwebigilo byeitu bibi shana ahalwoobuganyizi bwa wenene olwo twayogizwe nameizi tukazalwa buya, twahindulwa bahya ommani ga Mwoyo Mtakatifu6
7Akakola ati olwenshonga, katulamala kubalilwa obugologoki omkishakye tubase kuba abasika bokushubila obulola obutalihwao.8Eki ne kigambo kya mazima. Ninyenda ebintu ebi mbigambe ombumaza, omlibalinya abalikwesiga Katonda babe ne kigendelelo ahamlimo gulungi ogwo yateile ommeisho gabo. Ebyo ni bilungi mara biseine omli bulimuntu.9Chonka iwe oyelinde ne mpaka zo bufela, endwano no kuhakana ahalwe mihango. Olwokuba ebyo ne bya katozi mara tibine mgasho. 10Omuntu alikwenda kubatabangula mmwange. Kamlaba mwamhanile limo anga kabili, 11Omanye nkokwo omuntu nkogwo alekile omhanda gwa mazima mara nakola entambala nokwelamla.12Olwondakutwekela Artemi anga Tikiko, oyanguhe weije kunu Nikapoli mbali ndamwile kwikala omkanya ke mbeho, 13okole bwangu otweke Zena ombuya wa mateka, hamo na Apolo, enzila kubulwaho kintu.14Abantu beitu bege kukola emilimo milungi eligobesheleza ebyetago byo mgasho batakwija kuba bantu batazala bilaba.15Bona abalihamo nanye nibakukeisa. onkeisize abalikutugonza omwesigo. Ekisha kibe hamo neinywe nywena.Philemon
11Paulo omufungwa wa Kiristi Yesu, nomurumuna Timitheo ali Philimoni, omugonzibwa mutai waitu omukozi amo naichwe, 2ali afia myanya ichwe Arkipas Omwisherukale mutai waitu, nenteko elinya elikutelana omwabo. 3Ekisha kibe alinywe nemirembe eruge ali Katonda ishache na ahamkama Yesu Kristo.4Akanya kona ninsima Katonda wange ninkugamba omumashaba gange. 5Orwenshonga ninpulia omwesigo ogwo winago Mukama Yesu Kriato ne ngonzi ezowinazo ahaBalikwela bona. 6Ninshaba kwokwo obumwe bwomwesigo gwanyu gubashobe obumanyi bwa bulikantu kantu akarungi akali omuliche na Kristo. 7Orwenshonga nagira ebyera nokumaramarwa arwe ngonzi zawe, Orwenshonga ya Blikwera bona ekaba nehozibwa iwe.8Nolwo nyine obumaza omuli Kristo kukuragira kukola ekyokubasa kukora, 9chonke orwenshonga yengozi nimbona nkutagilize inye Paulo nabaile omugurusi naha norwo nkomirwe orwenshonga ya Kristo Yesu.1310Ninkutagiliza aharwomwanawange Onesimo, owonazalire ombifungo byange. 11Orwambele akaba ataine mugasho ahaliwe kyonka mbenu natugasha chwena inye naiwe. 12Namugarula aliwe, namkutwekela, niwe olya hamutima gwange. Nakushemereirwe kwikara nanye kankilare atakoliliwe akanya akandi omukifungo orwenshonga yokurangilira [Einjili].14Kyonka mbweine ntakola kantu ntaine jubulo yawe nkakolanti orwenshonga ekintu kyona ekirungi tikyarakukozirwe orwenshonga yokukaka, shana okeyendera kukola. 15Shana lundi nikyo obeile kutanukana naiwe akanya kake mube amo ebilobyona. 16Timwiru yashagile omwiru yabaile murumuna waitu omugonzibwa, yabaile omugonzibwa alinye nangu naliwe ahababili amubili Namukama.17Kityo kolaba nobona ndi mutaiwawe, omwikilize nkoko wakwikilize inye. 18Kyonka karaba akukolile ekibi kyona kyona anga nomutonga kyonakyona otongenye. 19Inye Paulo nikuandikila no mukono gwange ninja kumalila norwo nakuba ntakugambile njakumalila okyalora. 20Murumuna wange leka mbone igoba kuruga haliwe omuli mukama, oshemereze Omutima gwange ali kristo.21Nyine omwesigo aliwe na amakune nakuandikila nimanyaokwo lakola nebishagilo , 22Akanya konene ako onteka tekele aokulala kuba ninshubila omumashaba ganyu ninyija garuka.23Epafrasi, omufungwa mutai wange omuli Kristo nakukaisa 24na Marko okwo alikukora, Aristariko, Dema, na Luka, abakozi bemilimo amo nanye. 25Ekisha kyomukama Yesu Kristo kibeamo naiwe ahamwoyo gwawe. AMINA
Wahebrania
11Amakiro againgwire Katonda akagamba na batenkuruiche kurabira omubarangi emirundi nyingi nomumianda nyingi. 2Chonka omumakiro aga Katonda nagamba neiche kueabira aha mwanawe Owoyatileo kuba omusika webintu byona. nokurabira ahaliwenene Ensi ekatondwa. 3Omwanawe nekitangaza kye kitinwakye, Engesho zokutondwakwe, nokwo alikugendereza ebintubyona omukigambo kyamanige. kayamazire kuganyira Entambara akashutama ahansi yomukono gwabulyo gwekitebe kyeiramu okwo omwiguru.4Akaba womugasho kushaga abamareika nkokwo ibara liyasikire lili rilungi kushaga ibara yla abamaraika orwokuba nimareika hoi aragambire, 5"ati iwe olyomwana wange kileki nabasho? mare ninja kubasho neiwe noja kuba omwana wange"6Nangu Katonda kayalesire omwanawe owambere omunsi, nagambati, "abamaraika bona abomwiguru bamwegashanize." 7aha bamaraika nagambati," wenene ayakozire abamaraika kuba mwoyo, nabakozibe kuba endimi zomuliro"8Chonka Omwana ogwo Katonda namugambaho ati, "Enteko yawe, Katonda, neyeira lyona, nenkoni yawe eyobukama engororoko niyo nkoni yengoma yawe. 9Okagonza obogororoki wanoba entambara; kityo Katonda, Ruhanga wawe akakukora amajuta, garungi kushaga batahi bawe."10Yashuba yagamba at," Iwe Katonda, aha mbandizo ensi ekatondwa iwe, niguru kutyo likatondwa iwe; 11iguru nensi bilihwaho, chonka iwe olimelera; bilikura nkomwendo, 12obizingazinge nkebebo, bilihinduka nkekijworo.Chonka iwe tohinduka, namakiro gawe tigalihwaho."13Nimalaikaki owaragambira ati, "Singira ah bulyo bwange, kugoba orwo ababisha bawe ndibahindura ekitebe kyokwikizaho amaguru gawe? 14Abamalaika bona baba mwoyo mare nabakozi ba Katonda, mare Katonda wenene abatuma kujuna abali kwenda kurokoka?
21Nituragirwa kwekomya ebyotuhulire, tuteija tukabinagisibwa.2Abamalaika kabaraba bagambire ebili ebyamazima, bulintambara nesana ekibonabono 3Isi turaunga tute katuraba tutetireho Oborokozi obu obukuru? Oburokozi obwarangirwe na Omukama mara bukajulirwa nababuhulire. 4Kandi Katonda nawe yaba omujulizi wabo, yakora ebyokutangaza yayongeraho na matungwa gamwoyo alikwera agatunga abantu okwayenda.5Katonda tiyashoboize abamalaika kutwara makiro agalija, agotuli kugamba. 6Haliho mbali kilikugambwa kiti"Omuntu yabohi iwe kumwujuka, anga omwana womuntu kinyuki iwe kumufaho?7Okamutonda nakirwaho abamalaika, omujwekire emperwa yobukuru nekitinwa. Bulikantu okatire ahansi yamaguruge." Taliho ekyataratire ansi yamaguruge. 8Chonka mbwenu titukubona byona bili ansi ya maguruge.9Chonka Yesu ogwo nitumubona. Omukanya kake akabanza yakirwa abamalaika, yasuba yabona ekitinwa aharwokushasha nokufakwe, omukisha kya Katonda abase kufera bulyomo 10Kikaba kisaine ahali Katonda, atonda ebintu byona akashuba akabilinda, omugobeshereza chonka abanze arabe omubushasi, abase kujuna abantu beingi nokubona ekitinwa kye.11Ahakuba Yesu Kirisito ahindura banu batakatifu, hamoi na bonene abahindura batakatifu, bona bagira ntabuko emoi. Niyo nshonga atalikugira nshoni kubeta barumuna, 12nagamba ati, “Ndakwebuga omuli barumuna bange, omu nteko nsingiize iwe.”13Yashuba ati, “Ndayesigaga Ruhanga.” Yashuba ati, “Leba ndi aha hamoi n'abaana abo Ruhanga yantungire.” 14Kityo aha rw'okuba abaana bagira omubili n'obwamba, Yesu nawe kutyo akegira muntu yashushana nabo. Yesu wenene asinga rufu akagira atyo omu kufakwe abone kusinga Sitani, 15ashobore kuchungura bona ababaire bali bairu oburora bwabo bwona aha rw'okutina rufu.16Kili aha mushana okwo ab'alikwitanira ti bamalaika, naitanira baijuukuru ba Aburahamu. 17Aha rw'ekyo akaragirwa kushusha abarumuna omuli buli kantu, abone kuba mukozi wa Ruhanga ali Mukuhani Nyamukuru omuganyizi mara omwesigwa, kwatilira entambara z'abantu. 18Kandi kaanya aka Yesu ogwo nashobora kujuna abalikulengesibwa ahakuba wenene akalengesibwa mara yashasha.
31Bakirisito barumuna bange, inywe abo nainywe Ruhanga yayesire! Mutekeleze Yesu, entumwa mara Omukuhani Nyamukuru owo twebuga. 2Akaba mwesigwa ahali Ruhanga ayamutumire, yaba munyamazima, nk'okwo Musa yabaire mwesigwa omuli Rwensinga ya Ruhanga. 3Kyonkai kandi Yesu yasana kugira ekitiinwa kihango kushaaga Musa, nk'okwo omwombeki w'enju agira ekitiinwa kushaaga enju yonene. 4(Buli nju egira agyombeka, kyonkai omwombeki wa buli kantu aba Ruhanga).5Musa akaba ali mwiru omuli Rwensinga ya Ruhanga yona, yashuba yagamba ebyabaire nibija kugambwa aha nyuma. 6Kyonkai Kirisito yaba Mwana wa Ruhanga kandi mugelezi omwesigwa wa Rwensinga y'Omukama. Aho ichwe tuli Rwensinga ya wenene katuraguma n'obwesige nitwebuga eshubi yaitu.7Aha rw'ekyo nk'okwo Mwoyo Mutakatifu alikugamba ati, “Kir'eki kamurahulira eirakalye, 8mutakugumangana mitima nka bashw'enkurw'inywe abashengire Ruhanga kiro kiliinya omw'irungu orwo bamulenga.9Omw'irungu bashw'enkurw'inywe bakandenga, n'orwo emyaka makumi ganai yona babaire baboine ebyo nabaire mbakoleire. 10Omuzarwa gulinya gukantamisa, nanye nagamba nti, ‘Baliikara n'emitima mibi; kuba bangire kwekomya emihango yange.’ 11Nkanigara narahira nti, ‘Ensi eyo nakubahaire bakahumuliramu tibaligitahamu.’ ”12Muramanya barumuna bange, omuntu n'omoi omuli inywe atakugira mutima gubi ogutalikwesiga, akaija akaruga ahali Ruhanga asingire. 13Orwo tukyagamba “Kir'eki” mute nimwemanganamu buli kiro, omuntu ataija akalembalembwa bufu akagumanganirayo.14Tuli hamoi na Kirisito katuraguma n'obwesige obwo twabandize nabwo kulemwa kugoba aha ndekelero. 15Leba nk'okwo kyakagambirwe kiti, “Kir'eki kamurahulira eirakalye mutakugumangana mitima, nka bashw'enkurw'inywe abashengire Ruhanga.”16Ni baahai abo abahuliire bakashuba bakashenga? Ti balinya abo Musa yaihire Misri? 17Isi emyaka 40 yona, abamutamisize ni baahai? Ti balinya abafakaire bakashuba bakagwa omw'irungu? 18Isi ni baahai abo yarahiire okwo batakutaahire mu nsi eyo yabaire naija kubaha bakahumuliramu, kabatali abayangire kumuhulira? 19Kityo nitubona okwo batashoboire kutaaha mu nsi egyo aha rw'enshonga y'okutesiga kwabo.
41Orwo Ruhanga akyatushuubiza okwo tulihumulira omuli wenene, twelinde omuntu n'omoi omuli inywe atalija akagwerwa mushango akalemwa kuhumulira omuli Ruhanga. 2Kuba evangeli eyo twarangiirwe niyo yonene yonene eyo barangiirwe. Kyonkai ebyo bahuliire tibyabagasire kantu, nobona bakabihulira kushai, tibabikiliize.3Tulibona obuhumuro obwo ichwe abaikiliize nk'okwo Ruhanga wenene yagambire ati, “Nkanigara narahira nti, ‘Tibalitaaha mu nsi eyo nakubahaire bakahumuliramu.’ ” Eki akakigamba n'orwo kwema orwo yatonzire ensi akaba agobesheleize byona. 4Kuba aina mbali alikugambaho ekiro kya mushanju ati, “Aha kiro kya mushanju Ruhanga akosha emilimoye yona.” 5Kandi na hanu aha nagamba ati, “Tibalitaaha mu nsi eyo nakubahaire bakahumuliramu.”6N'orwo bili bityo haliho abalitaaha omu nsi egyo bakahumura, n'orwo abarangiirwe evangeli bali ba mbere batagitahire aha rw'okutahulira kwabo. 7Aha rw'ekyo Ruhanga aina ekiro ekyo yataireho, yakyeta “Kir'eki,” orwo aha nyuma yaizire akagamba omu kanwa ka Daudi, omu bigambo ebyajuliziibwe nk'ebi ati, “Kir'eki kamurahulira eirakalye, mutakugumangana mitima.”8Abantu abo kuba Yoshua yabahaire ensi egyo, ekiro ekindi Ruhanga tiyakukigambire. 9Kityo n'abali ba Ruhanga bakyainayo Sabato y'ekyosi. 10Aha rw'okuba kaishe muntu wena ataaha omu nsi ya Ruhanga akahumura, ayosha n'emilimo nk'okwo Ruhanga yayosire. 11Ahonu tutemu amani kutaaha omu buhumuliro obwo tukaikya, omuntu n'omoi atalija akagwerwa mushango aha rw'okutahulira nk'okwo.12Kuba ekigambo kya Ruhanga kiina oburora n'amani, nikishara kushaaga embanda y'amogi gabili. Nikichumita nikigoba mbali omwoyo n'amagezi biteranira, mbali engingo ziteranira n'eminoita, kimanya eby'omutima gulikutekeleza n'ebyo gulikugendelera. 13Ekitondwa ekyo Ruhanga atabona tikibayo. Byona nabibona geigeigei, kabutekire. Tulimwetondera obusigire.14Mbwenu orwo twagizire Omukuhani Nyamukuru ayagiire omw'iguru, n'iwe Yesu Omwana wa Ruhanga, tugume muno omu kwesiga kwaitu okwo twebuga. 15Twina Omukuhani Nyamukuru alikutumanya obujege bwaitu, akalengesibwa omu ngeli zona nka ichwe, kyonkai tiyakozire bufu. 16Tugiire nu obwesige, tugye aha nketo ya Ruhanga mbali ekisha kisingiire, tugende atuganyire, atugilire n'ekisha ky'okutujuna omu bwetage bwaitu.
51Buli mukuhani arondwa omu mbaga, mara bamutaho kuba mukozi wa Ruhanga ali mubaka w'abantu, kuhonga ebihongo n'ebitambo aha rw'enyatano y'amafu. 2Abatalikumanya n'abalikuhaba nashobora kubegumisiliza akabatwaza obufura, ahakuba na wenene mujege omu ngeli zingi. 3Enshonga egyo naragirwa kutamba ebitambo kwatilira amafu aga wenene n'amafu ag'embaga.4Omuntu ow'okweha ekitinwa ekyo tabayo, manya Ruhanga n'iwe amweta nk'okwo yayesire Aroni. 5Nikwo na Kirisito wenene atayehaire kitinwa kya Bukuhani Nyamukuru. Ruhanga n'iwe yamutaireho ayamugambiire ati, “Iwe waba Mwana wange, kir'eki nakuzara;”6nk'okwo ahandi alikugamba ati, “Oli mukuhani eira lyona, noigana na Melikisedeki.”7Orwo yabaire akyarora omu nsi, Yesu akashaba ahali Ruhanga namutakaho, nataaga, nalira, natakira Ruhanga ayakushoboire kumukiza ahali Rufu. Ruhanga akamuhulira, kuba Yesu ogwo yamukuniraga. 8N'orwo yashangirwe ali Mwana, omu kushashakwe akegeramu omuhuliro.9Kayamazire kuba mugorogoki yaba ntabuko y'okurokoka okw'eira lyona ahali balinya abarakamuhuliraga. 10Ruhanga akamuronka yaba Mukuhani Nyamukuru alikwigana na Melikisedeki. 11Ekigambo eki twina bingi eby'okukigambaho, kyonkai nikiguma kukishoborora, kuba timulikukunda kuhulira.12N'orwo kaanya aka mwakuba mwabaire begesa, mukyayetaaga ow'okushuba kubanza bubanza kubegesa ekigambo kya Ruhanga. Amata nigo mulikwetaga; ekyakulya ekilikuguma ekyo chei. 13Omuntu akyali w'okunywa amatai gonkai ogwo mwana, takamanyire kirungi na kibi. 14Ekyakulya ekilikuguma kiba ky'abakuzire, nibo balikushobora kwahurana ebirungi n'ebibi.
61Aha rw'ekyo evangeli ya Kirisito katuleke kugyema aha mbandizo, twegese eby'obukuru. Tutashuba nyuma kwombeka misingi, nikwo kugir'oti kubegesa okwechuza amafu kwikiliza Ruhanga; 2kubegesa aha kubatiza, okutebwaho emikono, okuhimbuka kw'abafire, n'eiramu ely'eira lyona. 3Kyonkai ebyo turabikora ka Ruhanga arajubura.4Ababaire bakyanuliirwe, barolizeho ebirungi by'eiguru, bajwangaine na Mwoyo Mutakatifu, nikiguma kushuba kubahindura bakechuza 5kuba bakaba barolizeho obunuzi bw'ekigambo kya Ruhanga, n'amani g'obusinge obulija. 6Abo kabakugwa bakaba bashengi omu dini, nikiguma kubahindura bakechuza, kuba nibashemelerwa okubamba Omwana wa Ruhanga n'okumugahisa omu bantu.7Ensi k'etaahwa enjura egwire emirundi nyingi, ekashuba ekameza emikubi y'omugasho ekagasha abalimire ensi egyo, ensi egyo Ruhanga aba agitungire omugisha. 8Kyonkai eitaka kalileta amahwa n'amatojo liba litakiina mugasho, mara lisigara kake kukeenwa. Endekelero yalyo kwokibwa.9Bagonzibwa bange, n'orwo tulikugamba tutyo, twina eshubi nyingi okwo muli b'okurokoka. 10Kuba Ruhanga omunyamazima nayekomya ebyo mwamukoleire, n'engonzi ezo mwamugondize aha rw'ebyo mwakoleire abakirisito omw'ibaralye, nk'okwo mukyakora na mwaha.11Ichwe ekyo tulikwetaga muno ni buli omoi omuli inywe kugira ekihika kugoba aha nzindo, nirwo mulibona ebyo mulikushubira. 12Titulikwenda kamunafara, nitugonza mushushe abaikiliza bakashuba bakagira obwegumisiliza, ahanyuma bakabona ekyo Ruhanga yaragaine.13Orwo Ruhanga yaraganisize Aburahamu, akerahira wenene, aha rw'okutagira wa kwerahira alikumushaaga 14ati, “Omu mazima ndikuha omugisha nkanyise n'oruzaro rwawe.” 15Nikwo Aburahamu yayegumisiliize atyo obutananukwa akalemwa akatungwa ekyo yaraganisiibwe.16Nimumanya okwo abantu berahira abalikubashaaga, kandi empaka zabo zona zimarwa okurahira. 17Kityo orwo Ruhanga yayenzire kwoleka bwoli abasika b'ebyo yaragaine, okwo entegekaye etahinduka, entegekaye egyo yagihamisa narahira, 18ebintu bibili ebitahinduka, ebyo Ruhanga atashobora kubeiya, bibone kugumisa emitima yaitu geigeigei, ichwe abamuhungiireho tubone kuguma nitushubira ebyo twashubiziibwe.19Eshubi egi eyo twinayo niyo nanga y'omwoyo etetengya anga kuyuga. Niyo shubi eraba omu rutimbe ekataaha ahatakatifu 20mbali Yesu yatwebembeire orwo yamazire kuba Mukuhani Nyamukuru alikwigana Melikisedeki.
71Melikisedeki, omukama wa Salemu, omukuhani wa Ruhanga Rukirabyona, akatanganwa Aburahamu natabaruka omu ndashana asigire yaita abakama, yaha Aburahamu omugisha. 2Kandi Aburahamu wenene ahali buli kimoi kyona ekyo yabaire ainakyo yaihyaho ekichweka kya ikumi yakiha Melikisedeki. Melikisedeki n'iwe mukama wa mbere omugorogoki, nk'enshonga y'eibaralye, mara nashuba naba mukama wa Salemu, nikwo kugir'oti, “Mukama w'emilembe.” 3Tagira ishe, tagira nyina, n'oruganda chei, talikumanyika akazarwa maki yafa maki. Melikisedeki mukuhani eira lyona, nashusha Omwana wa Ruhanga.4Mubone okwo aba muhango! Aburahamu akamuha ekichweka kya ikumi aha minyago. 5Baijukuru ba Levi abagira omuruka gw'obukuhani, Amateka garagira abantu kubaha ekichweka kya ikumi, nikwo kugamba oti ekichweka kya ikumi ekyo nibakihabwa barumuna babo n'orwo na bonene bali baijukuru ba Aburahamu. 6Kyonkai Melikisedeki atalikutabuka mu baijuukuru ba Aburahamu, leba Aburahamu akamuha ekichweka kya ikumi, kandi Melikisedeki wenene yaba n'iwe aha Aburahamu omugisha, Aburahamu ayabaire aina endagano.7Taliho kya kuhakanaho, nikimanyika okwo omugisha omuke aguhabwa omuhango. 8Okwo bili mwaha, ekichweka kya ikumi nibakiha abantu abafa, kyonkai rulinya, nyamugira burora n'iwe yahairwe ekichweka kya ikumi. 9Twakugira tuti Levi wenene owo balikuha ekichweka kya ikumi, na wenene rulinya ekichweka kya ikumi akakigira orwo kyagizirwe Aburahamu, 10enshonga akashangwa naija kuzarwa Aburahamu orwo Melikisedeki yatangainwe Aburahamu ogwo.11Obukuhani bw'Abalevita nibwo bwahinduraga abantu bagorogoki (kuba orwo obukuhani obwo bwabaire buliho nirwo abantu bahairwe Amateka.) Aho omukuhani alikwigana na Aroni kayakubaire ahikiliire hakubeleirehoki omukuhani alikwigana na Melikisedeki? 12Nobona obukuhani kabuhinduka n'Amateka gahinduka.13Owo tulikugambaho amakuru aga akaba ali wa ruganda rundi orutalikurugwamu mukuhani wa kutamba kitambo ahali altare. 14Kili aha mushana okwo Omukama waitu yatabukire omu ruganda rwa Yuda, oruganda orwo Musa atagambireho orwo yagambiire aha bakuhani.15Eki nikigya aha mushana bwoli k'alikwija omukuhani nka Melikisedeki, 16akaba mukuhani obuzira kukomwa Mateka, kuleba mbali alikutabuka, kuba wenene ogu w'oburora obw'eira lyona. 17Enshoga najulirwa ati, “Oli mukuhani eira lyona, alikwigana na Melikisedeki.”18Omuhango ogwa karai nigurugaho aha rw'obujege bwagwo n'okutagira mugasho 19(kuba Amateka tigahindura muntu kuba muhikiilire); aha rw'okuba eshubi enungi kushaaga ey'okututwara ahali Ruhanga twagiboine.20Eshubi egyo tukagiragwa. 21Eirai ababaga bakuhani tibagiraga kiragano. Kyonkai ogu Omukuhani Nyamukuru akaragwa ati, “Omukama akarahira, mara talihindura kigambokye, akagamba ati, ‘Iwe oli mukuhani eira lyona.’ ”22Kityo Yesu n'iwe kabonero nyakabara ak'endagano enungi kushaaga. 23Abakuhani aba karai bakaba bali bangi, ahakuba rufu yabainuraga aha rubimbi rwabo. 24Kyonkai Yesu obukuhanibwe naikara nabwo amakiro gona, orwo wenene ali nyakumelera.25Aha rw'ekyo buli kaanya aina obushobora bw'okurokora abalikukunda k'abarokora bakamara bakaija ahali Ruhanga, kuba wenene asingireho ebiro byona kubatelera omushango. 26Kikaba kisainekwo ichwe kugira Omukuhani Nyamukuru nk'ogu, omutakatifu nyakatetere, enzira kamogo, enzira bufu, ow'ekitinwa kingi omw'iguru.27Wenene ogu ti nka bakuhani bakuru ab'eira, kuragirwa kutamba bitambo buli kiro, ekya mbere kwatilira amafu age, kushuba akatilira amafu ag'embaga. Ekitambo akakitamba limoi lyonkai yamara orwo yayetambire wenene. 28Amateka gatekagaho Abakuhani Nyamukuru bali bajege; kyonkai ekiragano kya Ruhanga ekyarugire nyuma, Amateka gabaireho, kikataho Omwanawe ayahindwirwe mugorogoki eira lyona.
81Mbwenu ekyo tukagambire niky'eki: Twina Omukuhani Nyamukuru, Omukuhani asingiire aha mukono gwa bulyo gwa Ruhanga Omukama asingiire omw'iguru. 2N'iwe mukozi w'ahatakatifu, mukozi w'omw'ihema nyakabara, elitateirwe muntu, likaterwa Omukama.3Nobona buli Mukuhani Nyamukuru bamutaho kuhonga ebihongo n'okutamba ebitambo; kityo omukuhani ogu aragiirwe kugira ekihongo ekyo arahonga. 4Ka Kirisito yakubaire hali omu nsi tiyakubaire mukuhani n'akati, enshonga aliho abakuhani abahonga ebihongo nibaragirwa Amateka. 5Ebyo balikukora nibashubilira ebilikukorwa omw'iguru; kinyumanyumi ky'ebyo. Orwo Musa yaizire kutera eihema, Ruhanga n'iwe yamuragiire ati, “Oramanya okore buli kantu nk'okwo nakwolekire aha ibanga.”6Kyonkai okwo kili, Kirisito akabona omuruka ogulikushaaga ogwa karai oburungi, aha rw'enshonga endagano enungi kushaaga ekwete ahali wenene, esimbagilize aha biragano ebirungi kushaaga. 7K'endagano eya mbere eraba ekaba etaina kamogo, eya kabili teina kugira kamogo.8Kyonkai Ruhanga akakwata eihangalye omushango, orwo yagambire ati, “Ebiro bilija, alikugamba Mukama, orwo ndikora endagano empya, ngikore n'oruganda rwa Isiraeli n'oruganda rwa Yuda; 9etali ndagano nk'eyo nakozire na baish'enkurubo, kiro ekyo nabakwete nkabaihya omu nsi ya Misiri. Enshonga tibayekomize ndagano yange, nikyo nanye nabaihireho omutima, alikugamba Mukama.10Omukama nagamba ati, K'amakiro ago galiba gahingwire, egi niyo ndagano eyo ndikora n'oruganda rwa Isiraeli; ndibateka amateka gange omu magezi gabo, ngabahandike aha mitima, ndiba Ruhanga wabo, na bonene baliba ihanga lyange.11Taliho muntu alyegesa mutahiwe, anga buli omoi kwegesa murumuna nagamba ati, ‘Omanye Omukama,’ enshonga balimanya bona kwema aha muke bwoli kugoba aha muhango bwoli. 12Ndibagarulira entambara zabo, amafu gabo ndiba ntakigaijuka rundi.”13K'Omukama alikugamba endagano empya, aho eya mbere naba atakigilimu. Ekyakura kikahwa aha ishasha ekyo kiba kiraliire kuhwaho.
91Endagano eya karai ekaba eina entwaza z'okufukamira Ruhanga n'ez'ahatakatifu ez'omu nsi egi. 2Hakaba haliho Eihema elikozirwe ely'aheru. Omwo nimwo habaga ekinara ky'etara n'emeza y'Omukate gw'Obusinge. Elyo nilyo lyayetwaga “Mwanya Gutakatifu.”3Enyuma y'orutimbe rwa kabili niyo habaga Eihema elyayetwaga “Ahatakatifu Muno.” 4Elyo lyagiragamu ealutare y'ezahabu ey'obunuuma n'Esanduku y'Endagano, yona esiigire ezahabu, omwo nimwo habaga epakuli eyabaire ebikirwemu manu, enkoni ya Aroni eyatuturaga n'embengo z'endagano. 5Eiguru yalyo abakerubi b'ekitinwa, amapapa gabo gabunzire enketo y'obuganyizi. Ebi titwakubigamba tukabitoitora mbwenu aha.6Kabamazire kutebekanisa ebyo byona, abakuhani obutosha batahaga omw'Ihema ely'aheru kukora emiruka yabo y'obukuhani. 7Kyonkai Eihema elya kabili elyo lyatahwagamu Omukuhani Nyamukuru, mara nawe limoi lyonkai omu mwaka, kandi yatahagamu aina obwamba bw'okweyatilira n'okwatilira entambara z'abantu.8Aho Mwoyo Mutakatifu yamanyisaga okwo omuhanda ogw'okutaaha ahatakatifu gwabaire gutakakingukire orwo Eihema ely'aheru lyabaire likyaliho. 9(Eihema ly'aheru lyabaga kabonero k'amakiro aga ago tulimu). Omu ntwaza nk'ezi bahongaga ebihongo, batamba n'ebitambo, kyonkai omuntu ayashangwa nafukamira Ruhanga tibyamuhinduraga muhikiilire aha mutima. 10Ebyo byayolekeraga aha nyakalya, n'eby'okunywa, n'okunaaba okw'engeli etali emoi; gabaga Mateka ag'obunyamubili kuhika orwo obukiro bwakugobire akaijwa ebihya.11Kyonkai orwo Kirisito yaizire ali Mukuhani Nyamukuru ow'ebintu ebirungi ebyabaire nibishuubirwa kwija, akaletwa omw'Ihema elilikukira omu kitinwa n'obuhikiilire (elitakozirwe muntu, elitatonzirwe). 12Yataaha Ahatakatifu limoi lyonkai yamara, tiyatahiremu na bwamba bwa mbuzi anga bwa nyana: akatahamu n'obwamba obwe, yaba nikwo atuchungura atyo eirai lyona.13Kuba k'obwamba bw'empaya z'entaama n'obwamba bw'enumi, n'eijwi ly'enyana y'enkiraiziba biraba byashoboire kweza abahagaire, abashaimuliirwe obwamba obwo n'eijwi elyo, babone kurugwaho obuhagare aha mubili, 14isi aho obwamba bwa Kirisito burashurwaki? Kirisito ayayetambiliire Ruhanga ekitambo enzira kamogo, omu mani ga Mwoyo ow'eirai lyona! Obwambabwe obwo nibwija kubeza emitima, bubaihye omu mafu, mukolere Ruhanga asingire. 15Kityo Kirisito n'iwe mubaka w'endagano empya, kuba wenene akafa kurokora abantu omu ntambara ezo bafakaire omu ndagano eya mbere, abayesirwe kutungwa obusika obw'eirai lyona.16Kuba k'omurago guraba guliho, mukama wagwo naragirwa kushangwa yafire. 17Omurago gugira amani orwo mukama wagwo aba yafire. Mukama w'omurago k'aba akyarora, omurago ogwo tigugira mani.18Kityo endagano eya mbere tiyakuhamire k'obwamba butaliho. 19Kuba orwo Musa yagambiire abantu bona okwo balikuragirwa Amateka, akakwata obwamba bw'enyana n'empaya z'entaama, hamoi n'amaizi n'esufu katuku na hisopo, obwamba obwo n'amaizi ago yabishaimulira ekitabo ky'Amateka n'embaga yona, 20nagamba ati, “Obu nibwo bwamba bw'endagano eyo Ruhanga abahangiire.”21Omu migilire yonene Eihema n'ebikwato ebyakozibwaga omu michonchozo y'okufukamira Ruhanga, nabyo yabishaimulira obwamba obwo. 22Twakugira tuti Amateka nigaragira buli kantu kushaimulirwa obwamba nirwo karayezibwa, kandi obuzira kwita kitambo omugaruliro gw'amafu tigukabaireho.23Kityo kikaba kiragiirwe ebilikushusha eby'omw'iguru kuhasilirwa omu michonchozo egi, kandi eby'omw'iguru byonene ebyo bikaba bili by'okuhasilirwa ebitambo ebirungi kushaaga ebya karai. 24Kirisito tiyatahire hatakatifu ahakozirwe bantu, nikwo kugir'oti ahalikushusha ahatakatifu komo. Wenene akataaha omw'iguru lyonene lyonene, abone kutukuratira omu masinge ga Ruhanga.25Kandi akaba atali wa kwikara nayetamba, nk'okwo Omukuhani Nyamukuru yatahaga ahatakatifu n'obwamba obutalibwe. 26Enshonga aho yakubaire ali w'okwikara nashasha kwema ensi kutondwa. Nawe okwo bili akagya yaija aha nzindo y'amakiro kwetamba ekitambo kuchwa obufu.27Kandi okwo abantu bali b'okufa limoi mara bakaramurwa, 28nikwo na Kirisito yatambirwe ekitambo omurundi gumoi gwonkai, kwatilira entambara z'abantu bangi. Mara aligaruka omurundi gwa kabili, ti kwatilira mafu shana kurokora abamulindiliire.
101Amateka ga Musa gakaba gakaba gali kinyumanyumi ky'ebirungi ebilikwija, mara kandi tigalikwoleka kurungi myemere ya birungi ebyo. Ebitambo eby'Amateka galikuragira bitambwa orubelera omwaka aha gundi. Kyonkai Amateka ago abalikugakwata tigalikushobora kubahindura bahikilire. 2Kitali kityo ebitambo ebyo byakuba bitakalekeraga kutambwa? Abafukamiraga Ruhanga kabakuuba bahasiliirwe limoi likamara, bakubaire batakimanya bufu. 3Kyonkai ebitambo ebi bitwijukya obufu omwaka aha gundi. 4Nikiguma obwamba bw'enumi n'empaya kwiza amafu.5Aha rw'ekyo ka Kirisito yaizire omu nsi egi akagamba ati, “Tokendaga bitambo na bihongo, shana inye okantunga omubili. 6Ebihongo by'okwokibwa n'ebihongo by'enyatano y'amafu, nabyo tobishemelerwa. 7Nirwo nagambire nti, ‘Waitu Ruhanga, leba naizire kukora ekyo iwe olikwenda,’ nk'okwo mpandikirweho omu mpapuro z'ekitabo.”8Obubere akagamba ati, “Ebitambo n'ebihongo, n'ebihongo by'okwokibwa n'ebihongo by'enyatano y'amafu tokabyendaga anga kubishemelerwa.” Ebi manya bitambwa aha rw'okuragirwa Amateka. 9Yashuba yayongeraho ati, “Leba naizire kukora ekyo iwe olikwenda.” Ebitambo ebya karai akabichwa, yataho ekitambo ekihya. 10Kirisito ayakozire ebyo Ruhanga alikwenda, omubiligwe gukatambwa ekitambo limoi lyonkai, n'iwe yatusingiire akatuhindura batakatifu.11Kandi buli mukuhani naragirwa kwemelera omu mabona ga Ruhanga buli kiro natamba ebitambo byonene byonene ebitakwiza mafu n'akake. 12Kyonkai orwo Kirisito yatambire ekitambo kimoi kushai eky'amakiro gona kwatilira amafu, akasingira aha bulyo bwa Ruhanga, 13yashuba yaikara alindiliire ababishabe kabahinduka katebeke k'okuhumuzaho ebilenge. 14Orwo yatambire ekitambo kimoi kyonkai, ab'akuhindura bahikilire nirwo yabahindwire bagorogoki ebiro byona.15Byonene ebyo, Mwoyo Mutakatifu n'iwe mujulizi wabyo ahali ichwe; kuba kayamazire kugamba ati, 16“Amakiro ago kagalihwa, ndikora nabo endagano egi: Omu mitima yabo nditekamu Amateka gange, ngahandike omu magezi gabo.”17Ruhanga nashuba nagamba ati, “Amafu gabo n'ebikorwa byabo ebibi tindibiijuka rundi.” 18Ebi kabiragaruliirwe, taliho kitambo kyona kyona kya nyatano ya bufu.19Barumuna bange, nitwesiga obwamba bwa Yesu okwo bulitutahya ahatakatifu. 20Wenene akatutemera omuhanda oguhya, omuhanda gw'oburora, orwo yarabire omu rutimbe, nikwo kugir'oti orwo yayehindwire muntu. 21Mara n'iwe Mukuhani Muhango omugeleezi wa Rwensinga ya Ruhanga. 22Tumugobe n'omutima gulikwera n'obwesige nyantayuga, tutaina kabi kona kona mu mwoyo, n'emibili eyogire amaizi garungi.23Tugume twebugire eshubi yaitu tutalikutengeeta, kuba Ruhanga ayatushubiize ebyo aba mwesigwa. 24Tumanyangane, tutekanganemu ekihika ky'okugonzangana n'okugira ebigiro birungi. 25Tutalekera kuterana nk'okwo abandi bamanyiire kuterana, shanasi tutekanganemu ekihika tugendelere kugira tutyo. Nimubona n'okwo ekiro ky'Omukama kili haihi.26Katulikuba twamanyire amazima tukashuba tukafakaza ekyekundo, ekitambo ky'okwatilira amafu nikiba kitakiliho. 27Aho nitusigara tulindiliire eiramu elilikutinisa, n'omuliro gulikurabagira ogulikwija kwokya abashengi.28Omuntu ayachwa Amateka ga Musa ogwo bamwita batamuganyiire orwo hamara kubaho obujulizi bw'abantu babili anga bashatu. 29Lero aho nimulenga muti omuntu alikwanga bwanga Omwana wa Ruhanga, akahagaza obwamba bw'endagano obwamurokoire, akajuma na Mwoyo omugizi w'ekisha, talibona kibonabonyio ekili kibi kushaaga?30Ruhanga nitumumanya ayagambiire ati, “Okwehoora kuba kwange, n'inye ndyehoroza.” Yashuba ati, “Omukama aliramura eihangalye.” 31Ihano elilikutinisa omuntu kuramurwa Ruhanga asingire.32Orwo Yesu yabakyanwire mwijuke ebiro bya mbere: mukashasha mwayemera ebiyengo; 33orundi babajumaga omu maisho g'embaga mara babakora kubi, orundi babashasa n'abandi ababonaga enaku nk'ezo. 34Aha rw'okuba mwagiliraga abafungwa ekisha, mushemelerwa kubona ebyanyu nibabibaaka rwamani, enshonga mukashangwa nimumanya okwo mwina eitunga elilikushagaho oburungi mara elitali lya kuhwaho.35Aha rw'ekyo mugume n'obwesige, obwesige bugira emperwa mpango. 36Nimwetaga kugira obwegumisiliza, mwije mubone kukora ebyo Ruhanga alikwenda, nirwo mulitungwa ebyo yaturaganisize. 37“Akaanya akasigaireyo kagufi, kandi Ruhanga alikwija talikwija kukelererwa.38Kyonkai omugorogoki wange okwesigakwe kulimugiza oburora; nawe k'alitina akashubanganayo aho tindimushemelerwa.” 39Nawe ichwe t'ichwe tutiina tukashubanganayo tukasiliika. Ichwe twina obwesige mara nituhyahyanira emyoyo yaitu.
111Okwesiga nikwo kumanya hatalimu kulengeshanyia aha byo tushuubira mara bitalikuboneka. 2Abantu ab'eira Ruhanga akabasiima aha rw'okugira okwesiga kw'engeli egi. 3Okwikiliza nikwo kutuha okushobokerwa okwo ekigambo kya Ruhanga nikyo kyatonzire ensi egi, kityo ebilikuboneka bikaruga omu bintu ebitalikuboneka.4Omu kwesigakwe Abeli akatambira Ruhanga ekitambo ekirungi yashaga Kaini. Okwesigakwe nikwo kwamuhindwire okuboneka ali mugorogoki, na Ruhanga yakunda ebihongobye kumujulira obugorogoki obwo. Abeli akafa, kyonkai aha rw'okwesigakwe na mwaha akyagambwa.5Aha rw'okwesiga, Enoki akatwara Ruhanga omw'iguru ataija akafa. Tiyabonekire, kuba Ruhanga akamutwara. Kyonkai Ruhanga atakamutwete akabanza yamusiima, kuba akamushemeleza. 6Obuzira kwikiliza tikilikushoboka kushemeleza Ruhanga. Omuntu kwija kugoba ahali Ruhanga naragirwa kubanza kwikiliza okwo Ruhanga ogwo asingireho mara arongora abamuhiga.7Ruhanga kayatatiire Noa, akamugambira ebilikwija kubaho, Noa aha rw'okwesigakwe akamuhulira yakora obwato kuhungya omutungogwe. Aha rw'okwesigakwe akoleka ensi okwo etagira kwesiga. Aho Ruhanga yahindura Noa mugorogoki, obugorogoki obwo obuzarukana omu kwesiga. Aho Ruhanga omugorogoki yahindura Noa mugorogoki.8Aburahamu akagira okwesiga, Ruhanga kayamwesire yamuhulira, yafurukira omu nsi eyo alitungwa obusika, mara yafuruka atalikumanya mbali alikugya. 9Okwesigakwe okwo kwamwikaza omu nsi y'endagano ali mufuruki, omw'ihanga, yatura omu mahema na Isaka na Yakobo abasikabe b'endagano egyo. 10Akaba alindiliire ekigo ekyombekire aha misingi, eyayombekirwe Ruhanga wenene.11Sara nawe akagira okwesiga yatungwa obushobora bw'okutwara enda, n'orwo amakiro g'okutwaliraho enda gabaire gamulengire. Kyonkai akaba namanya okwo Ruhanga ayabaire amushubiize atyo yabaire ali mwesigwa. 12Aha rw'ekyo omuntu omoi, ayabaire nashusha afire, n'iwe yatabukirweho oruganda, abaijukuru bangi nk'enyanyinyi z'aha iguru, obutabarwa nk'omushenye gw'omwaro.13Aba bona bakagwa omu kwesiga, bafa batakatungirwe byo babaire baraganisiibwe, nibabibonera harai kushai, nibabyebuga, nibamanya kurungi okwo bonene omu nsi egi bali bahinguzi kushai mara bazahe. 14Abantu abalikugamba migambire egi nibaba nibolekya okwo balikuhiga ensi ey'okuba yabo bakagituliramu kimoi.15Kabakutekeleize ensi eyo bafurukiiremu, bakuboine obushango bw'okugigarukamu. 16Nawe okwo kili nibegomba ensi elikushagaho oburungi, nilyo iguru. Aha rw'ekyo ti kihemu ahali Ruhanga kwetwa ishebo, aha rw'okuba yabatekatekeire ekigo.17Aburahamu omu kwesigakwe Ruhanga akamulenga, yatamba Isaka ekitambo. Aburahamu ayabaire araganisiibwe akaikiliza kutamba omwanawe ekitambo, 18owo Ruhanga yabaire agambireho ati, “Baijukuru bawe balyetelerwa ahali Isaka.” 19Aburahamu ogu akabona okwo Ruhanga aina obushobora bw'okuhimbura abafire: Yamara yamuha obulebero bw'okuhimbuka, yamugarulira omwanawe.20Isaka akagira okwesiga yaha Yakobo na Esau emigisha nashura ebili omu maisho. 21Omu kwesigakwe Yakobo kayabaire nafa, yaha buli mutabani wa Yozefu omugisha. Yayehigika aha mutwe gw'enkoniye, yafukamira Omukama. 22Omu kwesigakwe Yozefu kayabaire yaija kufa, akagamba okwo Abaisiraeli balifuruka Misiri, yabaragiilira n'okwo baramuziika.23Aha rw'enshonga y'okwesiga Musa kayazairwe abazairebe bamusheleka emyezi eshatu, aha rw'okuba bakabona okwo omwana yabaire ali murungi, n'omuku gwa Farao tibagutiinire. 24Omu kwesigakwe Musa kayakuzire yayanga kwetwa mutabani wa muhara wa Farao, 25yabona hakili abone enaku n'eihanga lya Ruhanga kushaaga okushemelerwa amashemelerwa g'amafu agalikuhingura. 26Akabona okushasha aha rwa Kirisito lili itunga lihango kushaaga eitunga lyona lya Misiri, kuba omu maisho yashubiragayo erongoro.27Okwesiga kukamwihya Misiri atatinire kiniga kya Farao; kuba akatekanira byona okw'obon'oti Ruhanga atalikuboneka namubona. 28Okwesigakwe kukamuha okwekomya Pasika n'okushaimura obwamba, Omusiliikya ayaisire emizigaijo ataija akasilikya mizigaijo ya Isiraeli.29Okwesiga kukashoboza abantu kushabuka Enyanja Rutuku oti nibaraba aha nsi etaina maizi; kandi Abamisiri abagondize kurabamu bakamirwa enyanja. 30Aha rw'enshonga y'okwesiga enkuta za Yeriko zikakumba, ekigo kibunzirwe omubisha ebiro mushanju. 31Okwesiga kukarokora Rahabu omumalaya, kutafa na bashengi, aha rw'enshonga y'okugilira abanyomozi ekisha.32Mbwenu ngambe kushagaha kugira ntai? Eizoba lyakumpwaho kanakugya kugamba aga Gideoni, Baraki, Samusoni, Yefuta, Daudi na Samweli n'abarangi. 33Omu kwesiga bakasinga engoma z'ensi, bakegesa abantu okukoza amazima, bakabona ebyaragainwe, basiza n'entare, 34babutamya omuliro ogulikurabagira, bahunga aha bwogi bw'embanda, obujege bwabo bwabarugiramu obumanzi bw'endashana, n'amahe g'abanyamahanga bagakinigya.35Nangu n'abakazi bahimbulirwa ababo ababaire bafire. Abandi bakaterwa enkoni ez'okubaita, bayanga kuganyirwa, baije bashobore kuhimbuka bakabona oburora oburungi kushaagaho. 36Abantu abandi bakaterwa kubi, bajangurwa; nangu n'empingo zabagyaho, babanaga jela. 37Bakabateza amabaare, babagutuza emishumeno, bajwara emiguta y'entaama n'embuzi, baba banaku kwo, babona enaku ezibi babashasa, 38ensi yabanuga, babungira omu marungu n'omu mabanga, batura omu mpako n'omu bihokoima omw'itaka okuzimu.39Aba bona n'orwo okwesiga kwabo kwababonesize obushongore, ebyo Ruhanga yaragaine tibabiboine. 40Kuba ichwe akashangwa yatutekatekeire ebirungi kushaagaho. Akagonza ichwe hamoi na bonene katunhindurwa bagorogoki omu kaanya kamoi.
121Na ichwe, abazingoirwe eihe lihango liti ly'abajulizi, tunage ebilikutusikilira byona, n'entambara ezatubaireho, tugume twiruke omwiruko ogwo turagirwe kwiruka, 2amaisho tugahangire Yesu omwebembezi waitu omu kwesiga kwaitu, n'iwe atuhindura bahikilire omu kwesiga kwaitu okwo. Yesu ogu akatekanira obushasi bw'omusaraba, bamugaya tiyabifaho, nawe aho ashuubiire ebyera eby'alikwija kubona. Mbwenu leba asingiire aha bulyo bw'enketo ya Ruhanga. 3Mwijuke Yesu Kirisito ayatekaniire kuterwa atyo abafakare, mutaija mukayuga mukananukwa.4Omu kurashana n'obufu timukagobire aha kwitwa. 5Manya inywe muba baana! Isi mwayebirwe ebigambo ebi ebilikubahana biti, “Mwana wange, eby'Omukama akutanga otabijajaaraho, kandi k'alikuha ekibonabonyio otalinanukwa. 6Aha rw'okuba Omukama abonabonyia ow'agonza, kandi omwana enjanga n'iwe atera.”7Ebyo mubitekanire bibahane. Ebyo Ruhanga alikubagira nabibagira muli baanabe. Ni mwanaki owo ishe atahana? 8Kamutahanirwe nka bandi bona nimuba mutali baana abazarwa, nimushusha abaana b'ebisisi.9Kandi omu nsi omu twagiraga batataichwe abatukaliraga, mara tushuba tubakunira. Mbwenu aho Isheichwe atuzara emyoyo tiragiirwe kumuhulira kushaagaho tukaba nirwo tubona oburora? 10Mara bonene bakatukalira ebiro bike orwo babonaga nikiragirwa kuba kityo. Mbwenu Ruhanga wenene natukalira katugasirwa, tubone kujwangana nawe omu butakatifubwe. 11Omuntu orwo aba akyalerwa ashasha, tashemelerwa. Kyonkai abamanyire okukalirwa, okukalirwa okwo ahanyuma kubahindura bagorogoki mara kubarugiramu emilembe.12Niyo nshonga, mugorore emiikono yanyu egyo elikworoba, n'amajwi agalikwinogelerwa. 13Kandi, ebigere byanyu mubitemere emihanda eyemeleire, abalemaire batakusitara, bakire.14Mwitanire okugira emilembe n'abantu bona. Mushube mugire ekihika ky'okuba batakatifu; Omuntu aliba atabaire mutakatifu talibona Mukama. 15Muramanya omuntu n'omoi ataburwa kugira kisha kya Ruhanga. “Omuzi ogulikushalira” gutaturura na gumoi, kwija kubatuntuza kandi kwisa banu bangi emize. 16Kandi hatabaho musiyani, anga omuntu atalikwetaho dini nka Esau ayagulize obusikabwe bw'obuzigaijo aha rw'akakulya aka limoi. 17Nimumanya okwo ahanyuma kayagondize kuhaba obusika bw'omugishagwe gw'omuzigaijo ishe akanga, kuba akashango k'okwechuza tiyakaaboine, n'orwo yagushabire nalira.18Inywe timwizire kuhiiga kyomwakukwata: Tugambe omuliro ogulikurabagira, anga omwilima, anga ekiire, anga enkomaizi, 19okujuga kw'enzamba, anga ebigambo eby'abantu bahuliire bakegomba kutagambirwa bindi ebishaagireho. 20Ahakuba tibashoboire kwemera muku ogwagiireho guti, “Arakwataho eibanga eli, kilikaba kitunganwa, kiterwe amabaare.” 21Mazima ebyakozirw'aho bikaba nibitinisa muno nangu na Musa yagamba ati, “Nyina obutini bungi, ninjugumba.”22Kyonkai inywe mugobire aha Ibanga lya Sioni mbali ekigo kya Ruhanga asingire kili, niyo Yerusalemu ey'omw'iguru. Mwagoba aha mahe g'akanyahwera ag'abamalaika obukumbititi. 23Mwagoba n'enteko y'omuzigaijo, ab'amabara gabo gahandikire omw'iguru. Mwagoba Ruhanga omuramuzi w'abantu bona, n'emyoyo y'abantu abafura abagobire omu buhikilire. 24Mwagoba Yesu omubaka w'Endagano Empya, n'obwamba obushaimwirwe obulikutushubiza ebirungi kushaaga obwamba obwa Abeli.25Mwelinde, Yesu Kirisito alikugamba mutakwanga kumuhulira. Kabalinya abayangire kumuhulira nagamba ali omu nsi baraba baboine ekibonabonyio, lero ichwe turakira tutai katulikwanga kumuhulira nagamba ayemire omw'iguru! 26Eirakalye likatengeesa ensi; kyonkai kandi mbwenu arahiire ati, “Ninyija kushuba kutengeesa ensi elindi; kyonkai ti nsi yonkai, n'Eiguru libulimu.”27Ekigambo eki “Elindi” nikimanyisa okwo ebitondwa ebiratengeesibwa bikahwaho. Kandi ebitalikutengeesibwa ebyo bibone kurama. 28Aha rw'ekyo tusiime aha rw'okutungwa engoma etali ya kutengeesibwa, mara tufukamire Ruhanga kurungi, tumutiine nitubomba, 29aha rw'okuba Ruhanga waitu aba muliro ogusosotora.
131Mugume mugonzangane mka abarumuna. 2Munyegeze abagenzi, kuba omu kugira batyo abandi baranyegeize abamalaika batabamanyire.3Mwijuke abafungwa okw'oshusha oti muli hamoi na bonene omuli jela. Orwo nainywe muli bantu mwijuke n'abalikwitwa kubi. 4Obushwere inywena mubukunire, kandi abali omu bushwere batahagaza kitabo kyabo, kuba ensiyani Ruhanga aliziramura.5Omu burora bwanyu mutarujuukira mpiya, mumalirwe ebyo mwinabyo; kuba Omukama akagamba ati, “Tindibarugaho anga kubasigaho.” 6Nikyo tulikugambira n'obwesige tukwese, “Omukama n'iwe aba mujuni wange, tinditina; omuntu yakunkoraki?”7Mwijuke abebembezi baanyu ababarangiire ekigambo kya Ruhanga. Murore okwo babolekeize, mubarondore omu kwesiga kwabo. 8Yesu Kirisito owa nyeigoro n'iwe wenene wenene owa mbwenu, mara n'iwe w'eirai lyona.9Emyegeso emijaiijo eya buli ngeli etakuubahabisa. Ahakuba kintu ky'omugasho omutima kuramirwa ekisha kya Ruhanga. Abaliire ekyakulya tikyabagasire kantu. 10Twina ealutare ey'abakozi b'omw'Ihema bataikilizibwa kulya bitambo ebigitambiirweho. 11Enshonga ebitunganwa eby'Omukuhani Nyamukuru atwara obwamba bwabyo ahatakatifu kuba kitambo ky'enyatano y'obufu, ebitunganwa ebyo babyokeza enjai y'orusisira.12Nikwo na Yesu yashasire enjai ya Yerusalemu abone kuhindura abantu kababa batakatifu aha rw'obwambabwe. 13Aha rw'ekyo tumuhondere enjai y'orusisira, twemere ebijumi ebyo yayemeire. 14Kunu titwinayo Yerusalemu ey'eirai lyona. Yerusalemu elikwija kwija niyo tulikuhiiga.15Mbwenu tweme na Yesu tutambire Ruhanga ekitambo ky'okumusingiza, nikyo kitambo ekilikugirwa abantu abalikumwebuga okwo n'iwe aba Mukama. 16Muteho amani kukora kurungi n'okujunisangana ebyo mwinabyo, aha kuba ebi nibyo bitambo ebishemelera Ruhanga. 17Mugire omuhuliro aha batwazi banyu, mumanye okwo muli omu mani gabo; nobona nibo bashumba b'emyoyo yanyu, kuba nibamanya okwo baliragirwa kwetonda obusigire aha rw'enshonga yanyu. Omulimo gwabo ogu bagukore n'amashemelerwa; eby'okujunara babileke, kuba ekyo nainywe tikyakubagasira kantu.18Naichwe mutushabire. Titwina kyotulikweligomwa aha mutima, shana ekyo tulikwitanira ni buli kantu kukakora kurungi. 19Nimbatagiliza muno muteho amani gangi kutushabira, nirwo ndabona obushango bw'okugaruka okwo bwangu.20Mbwenu Ruhanga w'emilembe, ayasingire akahimbura Yesu omu bafu, Yesu omushumba mukuru w'entaama, aha rw'obwamba bw'endagano ey'eirai lyona, 21abatunge ebirungo byona, mubone kukora ebyo alikwenda, abakoze ebilikumushemelera mujwangaine na Yesu Kirisito. Yesu Kirisito ogu ahabwe ekitinwa eirai lyona. Amina.22Barumuna bange nimbatagiliza, ekigambo kyange ekyo nabagambira kubatamu ekihika mukikwate, nobona nabahandikira ningutura. 23Nimbamanyisa okwo murumuna waitu Timotheo bamutaishwire omu kifungo. K'arayanguha ndaija nawe okwo tubabone.24Mutukeisheze abatwazi banyu bona n'abakirisito bona. Barumuna baitu aba Italia nibabakeisa. 25Ekisha kya Ruhanga abagilire ekisha inywena. Amina.
James
11Yakobo omzana wa katonda nanowo Mkama Yesu Kristo, ahanganda ikumi neibili abayenaganagile, nimbakeisa. 2Barumna bange mbale kuba nkama shemerelwa halinya mbali mlikulaba ombilengeso, 3mmanye nkokwo okulengesibwa kwo mwesigo gwanyu nikubaha obwegumishiliza.4Kityo mleke obwegumishiliza bugobesheleze emilimo yabwo, mbase kuguma ombugologoki, enzila kubulwaho ekigambo kyonakyona. 5Chonka omntu wenawena omlinywe alagila ekyetago kyo obumanyi, ashabe kuluga ahali Katonda wenene agaba ombunyegeza enzila kulotokera abamshaba, na wenene alabaha obumanyi.6Chonka ashabe omwesigo atalengeshaniya , olwenshonga omuntu atagila mwesigo ni nka makonje omgati ye nyanja, gatwalwa omuyaga no kunagwa oku nanoku. 7Ommazima omuntu nkogwo atamanya ati amashabage nigeija kugoba nokuhulilwa nomkama 8Omuntu ogwo yeine ebigendelelo bibili teine bwemelero ommihandaye yona.9Mlumna omnaku agile amashemerelwa olwo katona alimkuza, 10Omkanya ako omtungi agile amakune, olwenshonga neija kuhwelekelela nkolwasho lwomkibanja. 11izoba nilyaka no kwomesa ebimera, nolwasho nilulagala nanobulungi bwalwo nibuhwelekelela. Ahalwekyo nanabatungi nibeija kuhwelekelela ahalwemilimo yabo.12Eine omgisha olinya ayegumishiliza omkulengesibwa olwenshonga kalamala kusinga ekilengeso ekyo neija kuhebwa empelwa yo bulola, eyo balaganisibwe abagonza katonda. 13Omuntu kalalengesibwa atagamba ati "nindengesibwa katonda" olweshonga Katonda talengesibwa muntambala, mala katonda talengesa muntu wenawena14Shana bulimuntu alengesibwa no kwegomba ebibi bya wenene ebilikumnyulula bimtweile hale kuluganganao na katonda. 15Aho nilwo okwegomba ebibi kutwala enda, ekilikuzalwa omwo ne ntambala. Nentambala kelikukula nezala olufu. 16Balumna bange abagonzibwa, mtakubihwa.17Buli mperwa endungi na bulimperwa egobeshelezibwe eluga omwigulu,esongoka omnsi kuluga ahalishe we muli zo mwigulu , wenene tahinduka nkokwo ekinyomyanyomyo kihindukaga. 18Katonda akalondaho kutuha obulola kulabila ahakigambo kyamazima katubasa kuba nka boluzalolwe lwambele ombitondwabye.19Eki nimukimanya balumna bange abagonzibwa. Buli muntu kimsanile kuba mwangu wo kuhulila, ti kuba mwangu wo kugamba no kunigahala, 20olwenshonga ekiniga kyo muntu tikibasa kukola mazima ga Katonda. 21ahalwekyo mteke hale obuhagale bwe ntambala no bubi bwona obulaba buli honahona, nanoumakune mtole ekigambo ekyabyeilwe omlinywe, ekine obushobola bwo kulokola emyoyo yanyu,22mkole nkokwo ekigambo kilikubalagilila, mtakihuliliza busha, mkebiha emyoyo yanyu. 23Olwenshonga ahuliliza ekigambo busha atakikolile milimo nashana nko muntu ayelebela obuso bwawenene omndebelwamu nkokwo ali 24kaba yagenzile omkanya kake ashuba ayebwa okwo alikushana. 25Shana omuntu alikuleba omkwekomya emihango ya katonda eyegobeshelize, eyemilembe nanokugendelela kukola ebyo emihango elikumlagila ti muntu wa kuhuliliza ebigambo nanokubyebwa, omntu ogwo neija kuhebwa emigisha kalakola ebwo ekigambo kilikumlagila.26Omntu wenawene kalatekeleza omnda ya wenene ati no muntu we dini, chonka takubasa kwebalila ahalulimi lwawenene, nabiha omwoyogwe mara ne diniye ni busha. 27Edini endungi mara elikushemela ommeisho ga katonda weitu neisheichwe owomwigulu negi: Kujuna entabwa ne entumbakazi omnaku zabo, nokwelinda no buhagale bwensi.
21Barumna bange, mtakuhondela mwesigo gwa mkama Yesu Kristo, Omkama we kitinwa omkusholola abantu nanka. 2Kakilaba omntu yeija ommitelano yanyu ajweile empeta zedhahabu na ne bijwalo bilungi, kanyako akatahamu no mnaku ajweile ebijwalo bibi, 3neinywe mkelekya amakune geingi ahalyolinya ajweile ebijwalo bilungi no kugamba muti "shuntama aha akanya akarungi"chonka mkagambila olinya omnaku muti "iwe yemelela aho" anga "shuntama ahansi ya magulu gange". 4Aho timwalamlangana inywe omlinywe, no kuba abalamzi be bitekelezo bibi?5Huliliza barumna bange abagonzibwa,aho Katonda tiyalonzile abanaku abomnsi egi kuba abatungi omwesigo no kuba basika bobukama bwa Katonda obwo yalaganisize abamgonza? 6Chonka nimgaya abanaku! Abatungi tibo balikubakolela ebibi, mara tibo balikubakwesha babatweile omgombolola? 7Isi ti batungi abalikujuma ibara lilinya elilungi lya Yesu Kristo elyomwayetilwe?8Kityo kamlaba nimgobesheleza omhango gwo Bukama nkokwo kyahandikilwe ombihandiko, "Ogonze bulimuntu nkokwo olikwegonza," mlaba nimkolagi 9Chonka kamlaba nimsholola abantu nanka, nkabatungi mlaba nimkola entambala, nimlamlwa no mhango nkokwo mweita omhango.10Olwenshonga wenawena akwata emihango yona, chonka akasitara ahamhango gumwe gwonka alaba ashobize nokwita emihango yona! 11olwenshonga Katonda ayagambilati "otalisihana" niwe yagambile ati "otalita" kolaba otalikusihana chonka noita olaba oshobize mara weita emihango yona eya Katonda12Kityo mgambe mara mkole ebyo emihango elikubalagilila nkabali heyi kulamlwa ne mihango ya mazima. 13Olweshonga okulamlwa kwija enzila buganyizi ahalibalinya abateine buganyizi. Obuganyizi nibweinunula ahakulamlwa.14Aliho kalungiki, barumna bange, omntu kugamba ati nyine omwesigo ahalikatonda chonka ateine bikolwa bilungi? Isi omwesigo ogwo nigubasa kulokola omuntu nkogwo kuluga omwilamu lya katonda? 15kakilaba mlumna weitu owobwojo anga owobwisiki yeine ekyetago kye bijwalo anga ekyakulya kya bulikilo, 16nomwe omlinywe akabagambila ati "mgende ne milembe mwote omulilo mwigute" chonka timulikubaha ebyetago byomubili, ekyo kine nshongaki? 17Ahalwekyo, omwesigo gwonka, kaguteine bikolwa bilungi, gufile.18Chonka omntu nabasa kugilati, "Weine omwesigo nanye nyine ebikolwa". Onyeleke omwesigo gwawe hatalio bikolwa nanye ndakweleka omwesigo gwange ombikolwa byange. 19noyesiga nkokwo aliho katonda omo wenka, oliommazima. Na masitani nigamanya gatyo mara nigatungula, 20isi noyenda kumanya, iwe mlenga, nkokwo omwesigo ogwo kahataliho bikolwa bilungi tigulikugasha?21Isi isheichwe Abrahamu tiyabalilwe mazima ombikolwa alinya mbali yeileyo omwanawe Isaka ahakyoto? 22Nimubona nkokwo omwesigogwe gukakola emilimo nanebikolwabye bilungi nana ombikolwabye,omwesigogwe gukagobela ahakigendelelokye 23ebigambo bikagobeshelezibwa ebilikugamba biti "Abrahamu akesiga Katonda, mara akabalwa kuba mgologoki". Kityo Abrahamu aketwa mnywanyi wa Katonda. 24Nimbona nkonkwo ombikolwa omuntu nabalilwa obugologoki timwesigo gusha.25Nanolinya Rahabu omsihani akabalilwa obugologoki ahalwebikolwa, olwoyanyegize abanyomozi nokubalabya omhanda ogundi 26nkokwo ombili kaguteine mwoyo niguba gufile, no mwesigo kaguteine bikolwa gufile.
31balumna bange ti beingi omlinywe kibasanile kuba abegesa, mmanye nkokwo nitwija kubona ilamu lihango kushaga. 2olwenshonga twena nitushobya ommihanda mingi. Wenawena atasitara ombigambobye ogwo nomgologoki, nabasa kugelela ombili gwawenene gwona.3mbwenu katulaba nitutamu omguha omkanwa ke ndogobe mala nizikunda, neichwe nitubasa kuhindura emibili yazo yona, 4Omanye nkokwo nemeli nolwo elimpango nesindikwa omyaga oguli gwingi, chonka netwalwa engahi nke muno kugya honahona mbali omgoba alikwenda.5Nanolulimi na kantu kake mno ahambili, chonka nilwesingiza muno. Olebe nkokwo omlilo guke nigubasa kwokya olweya luhango muno! 6Olulimi ni nkomlilo, ni hanga lwa mafu nalwo lutilwe ahambili gweit, nilwo luhagaza ombili gwona, mala luteka emitulile ommihanda yomulilo, nalwonene kwokibwa no mlilo gwo kuzimu7Bulingeli ye kigunju kwo mulweya,ne binyonyi,nebilikugendela ahansi, ne bilikugendela ommeizi, nibibasa kutungwa na bantu 8Chonka talio muntu na nomwe ayakubasa kutanga olulimi, nentambala etalikuhumla, lwijule obumala obwokwita.9Omlulimi nitusingiza Omkama na Isheichwe, mala omlyolwo nitulama abantu abatonzilwe omlushusho lwa Katonda. 10Omkanwa konene akonihagambwam ebigambo bye migisha ne bye milamo, Balumna bange ebintu ebi tibisanile kuba bityo.11Isi enchulo emo yakubasa kwihamu ameizi galikunula nagalikushalila? 12Balumna bange, isi omti gwo mtini gwakubasa kulaba ebilaba byo mzeituni anga omzabibu nigulaba ebilaba byo mtini? Kandi enchulo ya meizi go mwonyo telakwihamu meizi gateine mwonyo.13Nohi omlinywe ayeine obwenge no bumanyi? omntu ogwo ayeleke ebikolwa bilungi ommilimoye ommakune agalikuluga ombumanyi. 14Chonka kamlaba mwine ibuba na no kweyenda ommyoyo yanyu, mtakwesingiza no kugamba ebishuba omkuhakanisa amazima.15Obu ti bumanyi bulinya obusongoka kuluga olugulu, shana no byo munsi, ti bwa mwoyo shana no bye kisitani. 16olwenshonga mbali hali ibuba no kwegomba, niho hali endwano ne bikolwa bibi 17chonka obumanyi obulikuluga omwigulu, kyambele ni bulungi kandi nibugonza emilembe, no buchulezi, mara buliho kuhulilza abandi ombuchulezi, bwijwile obuganyizi ne bilaba bilungi, enzila kusholola abantu nanka, na mazima. 18Nanekilaba kyo bugologoki nikibyalwa ommilembe omlibalinya abalikukola ebintu bye milembe.
41Endwano nanolushengo omlinywe nibiluga nkahi? Isi tibilikwinuguka kuluga omkwegomba kwanyu kubi okulikuleta ebita omlinywe? 2Nimwegomba ekyomteinakyo. Nimwita mara nimwegomba ekyomteine kubona. Nimtelangana nokulwana chonka timlikubona kantu olwenshonga timlikushaba Katonda. 3Nimshaba chonka timlikuhebwa olwenshonga, nimshaba kubi, mbase kubikoza omkwegomba kwanyu kubi.4Inywe basihani! Timlikumanya okwo kuba mnywanyi we nsi no kuba ombisha wa Katonda? 5Anga nimmanya ebihandiko tibine nshonga mbali bilikugamba biti Myoyo atilwe omnda yeitu yeine ibuba lingi mno ahalichwe?6Chonka Katonda neihayo ekisha mno, nikyo ebihandiko bilikugambila biti "Katonda tayenda muntu we ikulu, shana ayetohya namha ekisha" 7Kityo mweiheyo ahali Katonda. Mwange sitani nawe neija kubeiluka.8Mwilile hei na Katonda, na wenene neija kwilila hei neinywe. Mweze emikono yanyu, inywe abentambala, mara mweze ne mitima yanyu inywe abeine emihanda ebili. 9Mshashe mara mchule nanokulila! Mhindule okusheka kwanyu kube okushasha na mashemelelwa ganyu gabe okuchula. 10Mwetohye ommeisho go Mkama nawenene neija kubakuza.11Balumna mtakubihililangana. Omntu abihilila mlumnawe, anga alamla mlumnawe naba nabihilila emihango kandi naba nalamla emihango ya Katonda. K amlikulamla emihango buli timlikuhondela mihango shana nimgilamla. 12Nomo wenka ayatuheile emihango mala niwe mlamzi, Katonda niwe yeine obushobola bwo kulokola anga kwita. Iwe olyohi alikulamla mwatani wawe?13Huliliza inywe abalikugamba mti, "kileki anga nyenkya nitwija kugenda bunanka, nitwija kwikalamu omwaka gwona, tutundilemu nanokuzolelamu amagoba". 14Nohi alikumanya ekilikwija kubaho nyenkya ombulola bwanyu? Olwenshonga nimshanangana no ruto oluliku zoka omkanya kake lukashuba lukahwelekelela.15Mbali mwakugambile mti, "Omkama kalagonza, tukaba balola, tukakola eki anga kilinya. 16Chonka mbwenu nimwesingiza ahalwebyomlikwenda kukola, okwesingiza okwengeli egyo ni kubi. 17Kityo wenawena alikumanya kukola ebilungi chonka talikubikola, ahalyogwo ne ntambala.
51Mwije inywe abatunngi, mlile mara mtele endulu olwenshonga ye naku ezilikwija ahalinywe. 2Obutungi bwanyu bwahwelekelile ne bijwalo byanyu byalilwe omshwa. 3Edhahabu zanyu nana amahela ganyu tibikine mgasho, nokuhwelekelela kwabyonene nikwija kubajulila, nokuhwelekeza emibili yanyu nkomlilo. Mteileho amabikilo ganyu ombilo bye enzindo4Mlebe empelwa za bakozi balinya obomtakaheile mpelwa zabo ahalwemilimo eyokugesha ombibanja byanyu nibalila! Na malila ga abakozi abageshile amagesha ganyu gagobile ommatwi go Mkama. 5Mtwile omnsi omkukola obuhagale no kweshemeleza ombuhagale. Nimgomola emyoyo yanyu omkilo kyo kubagwa. 6Mlamwile omgologoki mwamwita wenene ateine gabangila7Kityo mwegumishilize, balumna, mpaka ahakanya ko Mkama kwija, nkomlimi okwo alinda amagesha kuluga omwitaka nagalinda omkwegumishiliza, mpaka mbali enjula eyambele ne yenzindo elagwera. 8neinywe mwegumishilize, mgumise emitima yanyu , olwenshonga Omkama alihei kwija.9Balumna, mtakwebolobweita inywe omlinywe mteija mkalamlwa. Mlebe omlamzi ayemelile ahamlyango. 10Balumna, mlebele obushasi no kwegumishiliza kwa abalangi abalangile omwibala lya Mkama 11leba nitubeta ababerwa balinya abegumishiliza, mkahulila okwegumishiliza kwa Ayubu, mala nimmanya etebo ya Katonda ahali Ayubu, nkokwo omkama eijwile obuganyizi ne kisha12Omlibyona ebyo, balumna bange, mtayelahila, ahalweigulu anga ahalwensi anga kwelahila ahalikyonakyona. Shana "nikwo" yanyu ebe elikwo kandi "chei" yanyu ebe elicheikwo mteija mkagwela omwilamu.13Omlinywe alimu ayeine obushasi? kisanile ashabe. Isi aliho omntu ayeine amashemelelwa? Ahoye no kusingiza katonda. 14Isi omlinywe alimu wenawena alikunenwa? Ayete abagulusi bekanisa, na bazee be kanisa bamshabile, mala bamsige amajuta omwibala lya Mkama. 15Nana mashaba go mwesigo nigeija kukiza omlweile nano Mkama neija kumwimkya. Nolwo alaba akozile entambala, Katonda neijakumganyila16Kityo mwechuze entambala zanyu inywe omlinywe, nokushabilangana bulimuntu na mtahiwe mbase kukila. Amashaba go mgologoki geine omgasho. 17Eliya akaba ali omuntu ayeine engesho nke zeitu, akashaba ommani enjula etagwa mala tiyagwile munsi okanya ke myaka eshatu ne myezi mkaga. 18Eliya akashuba yashaba nigulu lyashesha enjula omnsi na nensi yazola amagesha.19Balumna bange kakilaba omlinywe alimu abuzile alugile ombugologoki, chonka omuntu ondijo akamgalula 20Amanye nkokwo wenawena ahabula owentambala kuluga ommihandaye yo buhagale nakiza omwoyogwe kuluga omlufu kandi nashweka obwingi bwe ntambala.
1 Peter
11Inye petro, entumwa ya Yesu Kristo, abafuruki abeenaganagile omunsi za Ponto, Galatia, Kapadokia, Asia na Bithinia, abalonzilwe. 2Katonda Isheichwe, nkobumanyi obweila okwabuli okwezibwa Mwoyo, kuhulilage, Yesu Kristo, nokusheimulilwa enshagamaye. Ekisha nemilembe bibaganyile.3Asiimwe Katonda Ishe Mukama weitu Yesu Kristo, ayatushoboize kuzalwa urundi nkokugilakwe kwingi okwokuli, tugile eshubi elikulola. orwokuhimbuka kwa Yesu Kristo. 4tusike obusika obutahwelekelela buteine kamogo, obutahotoka, obubabikilwe omwiguru. 5Inywe abalindwa amani ga Katonda omukwesiga, mubone oburokozi obushemezibwe kushururwa omubilo bwe enzindo.6Mushemelelwe, nolwombwenu mulikujunahazibwa ebilengeso bya bulingeli akanya kake, kakilaba nkyetagwa. 7Amazima go kwesiga kwanyu okulikurungi kukila ezahabu ehwelekelela, nolwelengilwe omumulilo, gashangwe nigaleta ehisilizo nekitinwa, nokukunila ahakushururwa kwa Yesu Kristo.8Mugonza owomutabweine kandi mbwenu mumwesiga mutakimubona. Mushemelelwa omukwesiga mwine ebyela ebitagambwa ebyekitinwa. 9Nimuhelwa ebirungi omukwesiga kwanyu, nibwo burokozi bwe emyoyo yanyu. 10Abalangi abalangile ebyekisha ahalinywe bakahiga muno nokuhenjuza ebyo oburokozi obwo.11Bakahenjuza ebya akanya kabwo nokwokaliba, Mwoyo wa Kristo omulibonene akayayelekile, kayalangile ile amashashe ga Kristo nekitinwa ekyoyahondile. 12Bakashurulilwa okwo babatonile amakuru garungi, omuli Mwoyo alikwela ayatumilwe kuruga omwiguru; ebigambo ebya abamalaika ebyobakwatilwe orushushu kuhenjuza.13Nikwo mwekome emishumi yemitima yanyu mubebachulezi, mushubile ekisha ekyomulikuletelwa ahakushurulwa kwa Yesu Kristo. 14Olwo muli abana aba amakune, emigilile yanyu otahondele meiru agamwagilaga ile omubutamanya bwanyu.15Ogwo ayabesile okwali alikwela, chonka ogwo ayabesile okwali alikwela, neinywe, kwakwo mube abalikwela omungesho zanyu zona ouburola bwanyu bwona. 16Olwokuba kihandikile, mube abalikwela olwokuba inye ndi alikwela. 17Kamumweta muti: Ishe ichwe, ogwo alamula ateine kigonzi, okwo bulimuntu okwo yakozile, otambuke kurungi nimumutina omubilo byo obufuruki bwanyu.18Nimumanya okumutachunguzibwe ebintu ebihwao, empiha anga ezahabu, kuruga omumitambikile yanyu etagasha eyimwasikile kuruga ahali baishenkuru inywe. 19chonke mukachungurwa enshagama endungi eya Kristo, nkeyo omwana gwe entama oguteine mafu anga akamogo.20Kristo akamanyika ensi etakatonzilwe,ahalwanyu yashururwa omubilo bwe enzindo. 21Abesiga Katonda omuliwenene: Katonda ayamuhimbile omubafu akamuha ekitinwa, nikwo kwesiga kwanyu ne eshubi bikala omuli Katonda.22Olwo mwamazile kweza emyoyo yanyu omukuhulilagi amazima, kwihikya omungonzi zo oburumuna eziteine bugobya, mpaho mugonzangane nemitima yanyu yona. 23Mukazalwa orundi, timuli ruzalo ruhwao shana orutahwao, omukigambo kya Katonda ekilola, ekikalaho eila lyona.24Kuba abomubili bona bashushana nkobunyasi no burungi bwabo bushushana nke enyakyo zo obunyasi, obunyasi buhotoka, enyakyo zilagala. 25Chonke ekigambo kya Kationda kikalaho eila lyona.
21Nikwo mwiheho obubi bwona ne ebishuba byona no obugobya ne ekisho nokugamba kubi. 2Nikwo muli enkelemeke ezalwa mbwenu, mwegombe amate agaha mwoyo, mubone kukulagi kugoba ahaburokozi. 3Kamulaba mwarolize Omukama okwali mufula.4Mwije ahaliwenene, niwe ibale lirola, elyayangilwe abantu nilyo lyalonzilwe Katonda, ibale elirungi. 5Neinywe muli nka amabale agarola, mwombekwe mube enju oyo omwoyo, kutaha omubweza obulikwela kwiyaho ebitambo ebyo omwoyo ebishemelelela Katonda omuli Yesu Kristo.6Nikyo kyagambilwe omukyahandikilwe kiti: leba, ninta omuli Sayuni elirondwa, elyentabilo, nyamurungi alyesiga talishonahala.7Aga nigo makune ganyu, inywe abesiga, chonke abatesiga ibale elyo abombeki bakalyanga likahinduka ibale elyentabilo. 8ibale elisitalwaho mala olwazi irugwisa abasitalaho, kuba tibahulilagi kigambo: nikyo batelilweho.9Choka inywe muli oruganda orulondwa, bweza bwo Omukama, ihanga elilikwela, ihanga elyenyabwe, mubone kulanga ebukolwabwe ebirungi byo ogwo ayabesile kuruga omumwilima kuataha omumushanagwe ogwo okutangaza. 10Olweile mukaba mutali bantu, mbwenu mwabeile abantu ba Katonda; mukaba mutaganyilwe mbwenu mwaganyilwe.11Abagonzibwa, olwo mulibagenyi, mala abafuruki nimbatagilizanti: mwelinde ameiru go omubili agalwanisa Omwoyo. 12Mugile engesho zirungi omubanyamahanga, nolwo bababihilila okwo muli abakozi be entambala, babone ebikolwa byanyu ebirungi, babone kuha Katonda ekitinwa ahakilo kyokwijakwe.13Mukunile buli bushobola bwa abantu orwo Omukama, kabulaba bili bwa Keisali. 14Kalaba aliho abatwazi, abokubona boniya enkola bibi nokusima abakolagi. 15kuba eki nikyo Katonda ayenda: omukukola kurungi nimusiza obutamanya obwa abantu abalenga. 16Olwo muli bachungulwa, mutakoza obuchunguzi nke ekishwekeso kyo obubi, chonke mubikoze muli beiru ba Katonda. 17Mukunile abantu bona. Mugonze abanyaruganda. Mutine Katonda. Mukunile omutwazi.18Inywe beoru mukunile bakama banyu omukutina kwona, tibarungi nabachulezi bonka, nabakutu. 19Kuba eki kishemela, omuntu kayegumisiliza amajune olwo kwijuka Katonda, nashasibwa ebitali mazima. 20Mwine ibubaki, kwikala omukifakara mukatelwa? kyonka kamwikala omukukola kurungi mukashasibwa eki ekishemelela Katonda.21Ahalwekyo muketwa, olwenshonga Kristo nawe akashasabwa enshonga yeitu, yabasigila obulebelo kulaba omubigelebye. 22Wenene tiyakozile ntambala, mala akaba ateine bishuba omukanwake. 23Kabamujumile tiyaholweile, kayasashile tiyahayile muntu shana akayehiyayo ahalyogwo alamla amalamu agamazima.24Wenene akatwala amafu geitu omumubiligwe ahamusalaba, ichwe tutakiba twine entambala, ichwe tubone kufa ahamafu, tulolele omubugololoki: omubuhutabwe nimwo twakizibwe. 25Nywena ababeile nimutatama nkeentama ezubuzile, chonke mbenu mwagarukile ahamulisa mala mulinzilwe emyoyo yanyu.
31Nainywe abakazi mworobele abashaija banyu; Kaharaba alimu abanga kuhu lirage Ekigambo, babone butwarwa emitambukile yanyu emirungi eyokutina Katonda. 2kaba rabona emitulire yanyu emirungi eyokutina Katonda.3Okwerengya kwanyu kutaba kwa kuboneka iguru, omukusiba ishoke anga omukujwara emyendo mirungi elikusera. 4Shana okwerengya kwanyu kube kuli omumyoyo, kutawekelera nigwo mwoyo oguchulezi ogutekeine nigwo gurungi omumaisho ga Katonda5Kuba abakazi abaira abatakatifu abamanyaga Katonda nokuhulira abashaija babo . 6Nka Sara okwo yakunile Iburahimu, namweta mukamawe. Neinye muli abanabe, kamurakora kurungi mtaine kyakubakanga.7Neinye abashaija mutule na abakazi banyu nimmanye nkokwe nikekikwato ekitane mani kukila inywe. Mubakunile kuba nabo beine omugasho amo nainye omukisha kyo obulora. Nirwo omukushaba kwanyu kurahulirwa.8Eky ahanzindo: muteke hamo nomutegeke hamo numutima gumo, omungonzi kuganyilangana nobuchulezi nemilembe. 9Muteholoza kibi omukibi anga ekijumi omukijumi omumwamwanya gwe ebyo muhe emigisha, eki nikyo mwayetilwe mubone kusika omugisha .10Kuba wena ayenda obulolabwe nokubona ebilo bingi, atange orulimilwe ruleke ekibi neminwaye etagamba bishuba. 11Alekele okukola kubi akola ebirungi ahige emilembe nokugihondela. 12Ameisho gomukama galebagi abatakola ntambala namatwige gahulilize okushaba kwabo. Chonke obuso bwo Omukama bwanga abakola ebibi.13Nohi ayakubakola kubi inywe kamwikala nimukola ebirungi? 14Chonke kamushasibwa okutulwa amazima mwine omugisha mutatina ebibonene balikutina mutayagayaga.15Mukunile Kristo okwali Mukama imumitima yanyu mwikale mwetakatekile kuhololagi buli muntu ayenda ebishoborolobye eshubi eyomwinayo ahali Katonda. Mukole mutyo omubuchulezi nanomumakune. 16Mugile mutyo nobuchulezi nimutina Katonda. Mwikale nomutima gurungi, abo kabalabagambao kubi bakabajuma olwe emikalile yanyu mirungi omuli Kristu, beije bashonahale ahalwe ebikolwa byabo bibi abyobabeile nibatugambaho. 17Hakili kushasha olwo kukola kurungi kakulaba nikwo Katonda ayenda, kukila kushasha ahalwokukola entambala.18Kuba Kristo akafa limo kutulwa entambala, ateine ntambala kutulwa abeine entambala, abone kuleta inywe ahali Katonda. Omubiligwe akeitwa, chonka omumwoyogwe akahebwa obulola . 19Nanoomumwoyo ogwo akagenda kulangilila nemyoyo ebohilwe. 20Eyayangile kuhulilagi okwegumisiliza kwa Katonda okukyabeile omubilo bya Nuhu, oruhabeile nihakolwa esafina, Katonda akalokola abantu bake munane.21Ameizi ago nilwo rumanyiso lwo okubatiza okulokola. Okubatiza tikwo okwiyaho nziro za mubili shana nempololo yomutima ogurungi ahali Katonda ogulokolela omukuhimbuka kwa Yesu Kristo, 22wenene ashuntamile aha mukono gwa bulyo ogwa Katonda ayatembile omwiguru. Abamaleika, ekitinwa, namani biseine kumkunila.
41Mpaho olwokuba Kristo akashashibwa omumubili neinywe mujwale ebikwato bye endashana, mwine ekigendelelo kyonene kyonene kuba ayashasile omumubili yasingile takifakara. 2Ahalwekyo, omuntu owengeli egyo takikala mumeiru gabantu rundi Katonda okwayenda.3Kuba ebilo byo oburora ebyahingwile ebyokukola ebya abanyamahanga benda kwikala omubujange, nomumeiru, omubutamizi nokulala akilo omubinywelo nikulamya ebishushane nikwo kulamya okuzila. 4Kamutakozile nabo obujange nkobwobashobelwa kandi babajuma. 5Aho nu baligamba orubala ahalwebyo ebyobakozile ahalyogwo ahalikulamula abalikulola nabafile. 6Kuba nabafile bakalangilwa evangeli babone kulamulwa omumibili nka abantu, beije barole omumyoyo nkokwo Katonda okwarola.7Enzindo ya byona yehilila heii ahalwekyo, mugile amagezo agamazima, mugile ekihika omukushaba. 8Kukilaho byona mugonzangane, enshonga engonzi tizishurura ngonzi zabandi. 9Munyegezangane mutalikwebolobweita.10Mukwasangane, bulimuntu okwo yatungilwe amatungwa, mugakoze mulibagelezi barungi abekisha kya Katonda ekili heingi. 11Omuntu kalagamba, agambe ebigambo ebyashurulilwe Katonda okwo bili. Omuntu kaleheleza, aheleze kwingana na amanige agayaheilwe Katonda okwogali, Katonda ahebwe ekitinwa omulibyona, omuli yesu Kristo. Niwe yeine ekitinwa nobushobola eila neila lyona amina.12Abagonzibwa mutashobelwa kyona kyona ekilabeiyaho kubalengesa, mukakishobelwa. 13Shana mushemelelwe kubona nimushasha nka Kristo, mwije mubone kushanduka nokushemelelwa kaliboneka omukitinwakye. 14Mwine omugisha kamula jumwa kutulwa ibala lya Kristo, manya Mwoyo wa Katonda owe ekitinwa naba ali omuliinywe.15Choka omuliinywe atazokamu muntu omwisi, omushuma, enkola bibi anga ayetahiliza imubyabandi. 16chonke kasashibwa olwokuba nomukristo atashonahala atakwata nshoni shana asime Katonda ahalweibala elyo.17Akanya kagoba ilamu kubandiza omubali omunju ya Katonda. Isi kalilaba lyabandiza omuli itwe, kandi abanga kuhulila evangeli ya Katonda balibona nzindoki? 18Omugololoki kakilamugumila kurokoka, atatina Katonda isi omufakale alishangwa alinkahi? 19Aho nu abashasha okwo Katonda akyayenda, beikale nibakola kurungi nokuteka emyoyo yabo omumikono yomutonzi omwesigwa.
51Nintagiliza abalaba bali abagurusi omuli inywe inye ndi omugurusi mutahi wanyu mala omujulizi wo obushasi bwa Kristo kandi alikwija kubona ekitinwa ekilikwija kuboneka ahanyuma. 2Mushumbe obuyo bwa Katonda obwo mwakasibwe. Mutabilisa nka abagimbilwe mubulise mweyendile, mutakola mulimo mugendelile kwiyamu amagoba agateine mbali gali shana migile emutima gwo okukolela abantu. 3Muteindula batwazi babo abamwakwasibwe shana mube bulebelo bwabo. 4Aho omushumba o mukuru kaligaruka nilwo mulihebwa obulola obutalihwao.5Kityo neinywe abasigazi mukunile abagurusi banyu, mutayekuza nomanya Katonda tayenda abeine ikuru kando abetohya nibo agilila ekisha. 6Katonda aba mushobola, aha lwekyo mumwetohyeo, nilwo obukilo kabuligoba alibakuza. 7Mumutulile ebibaganyisa byona kuba abeteileho.8Mwelinde, mugile amagezi kuba omubisha wanyu sitani ashonta nkentale elikusinda nihiga owelatagatagula. 9Mumwangile mwikale omumwesigo gwanyu, olwokuba nimumanya barumuna banyu omunsi yona nabo nibabona obushasi nkobwanyu.10Katonda owe ekisha, abetile ekitinwakye ekitahwao omuli Kristo, kamulimala kushasa akanya kake, wenene alibagarura bundi buhya, alibagumisa, alibaha amani nokubemeleza ahagumile. 11Obushola bwine wenene eila lyona amina.12Nabahandikila nimgutula omuhandiki wange ni Silwano, murumuna weitu omwesigwa inye okwondikubona nimbatagiliza mala ninjulila nkokwo eki nekisha kya Katonda akya amazima mala neinywe mwikale omukisha ekyo. 13Enteko eli Babeli eyalonzilwe ham,o neinywe nimbakeisa, ha,mo na maliko omwana wawe. 14Neinywe mukeisangane nywena nomumunywegelo gwe ngonzi. Nywena okwomuli ba Kristo mugile emilembe mugile emilembe.
2 Peter
11Simoni Petro omuzana mara entumwa yaYesu Kristo, alibalinya abatoile omwesigo oguli ogwiguzi lingi nkokwo ichwe twgutoile, omwesigo oguli omnda yo bugologoki bwa Katonda no Mlokozi weitu Yesu Kristo. 2Ekisha nemilembe ebe amo neinywe; ebenyiingi kulabila omkumanya katonda no Mulokozi weitu Yesu.3Kulabila omukumanya Katonda tukahebwa ebyawenene byona elwenshonga yobugologoki ombulola, Kuluga ahali Katonda ayatwesile ahalwenshonga yo bulungi bwe kitinwakye. 4omhanda ogwo akatushubiza endagano zilungi. Akakola ekyo kutukola katuba abasika abolushusho lwa Katonda, okwo tulikugendelela kulekela ebibi byensi egi.5Ahalwekyo, mgile ekihika kingi omkwongera obulungi omwesigo gwaanyu, olwenshonga yo bulungi, ombumanyi. 6kulabila ombumanyi, mwebalile, kulabila omkwebalila, mwegumishilize, kulabila omkwegumishiliza, mbe bagologoki. 7Kulabila ombugologoki engonzi zo bulumna nano kulabila omngonzi zo buluma, engonzi.8Kabilaba ebyo bili omlinywe, nibigendelela kukula omlinywe, timlikwija kuba abatalikuzala bilaba. Ombumanyi bwa Mkama weitu Yesu Krisito. 9Chonka wenawena ateina bintu ebyo, nabona ebiliheyi na wenene no muhume; ayebilwe okweyeza entambala zawenene eza kale.10kityo baruma bange, mgile ekihika mbase kwemanyuluza okulonndwa kwo mweto gwanyu kamlakola ebyo timlikwija kusitara. 11Kityo nimwija kwebonela omwanya ogwo kutahila ombukama bwe bilo byona bwo Mkama weitu mara Omlokozi Yesu Kristo.12Kityo ndabeijukya ebyo buli kanya, nolwo mlikubimanya, nakanya aka mgumile ommazima. 13nintekeleza ndi ommazima kubeimukya no kubeijukya ahalyebyo, olwo nkyali ommbili ogu. 14Alwennshonga nimanya nkokwo ti kanya keingi ninyija kutwalwa hale no mbili gwange, nkokwo Omkama Yesu yanyelekile. 15Ninjakwekaza olwenshonga yanyu mubase kwijuka ebi olwonye ndagenda.16Olwokuba ichwe titwahondile bigano ebyatahizwemu olwotwabashoboloile amani no kweshulula kwa mkama weitu Yesu Kristo, shana tukaba tuli abajulizi be kitinwakye. 17Wenene akahebwa ekitinwa namakune kuluga ahaliKatonda isheichwe alinya mbali ilaka lyahulikile kuluga omkitinwa likagamba liti, "ogu niwe mwanawange omgonzibwa niwe nshemelilwe". 18Tukahulila ilaka elyo kuluga omwigulu alinya olwotwabeile twinawe omwibanga elilikwela.19Twine ekigambo kyo bulangi ekyo mgasho, nimkolagi kukikolela emilimo. Ninketara elikwakya ommwilima mpaka olwo bulikukya ne nyanyinyi zolushwilima ezilikuzoka ommitima yanyu. 20Mmanye muti talio bulangi bwija ombitekelezo byomlangi. 21Olwokuba taliho bulangi mngonzi zo muntu, shana abantu bakashululilwa na mwoyo alikwera ayabeile nagamba kuluga ahali Katonda
21Abalngi be bishuba bakeija ombaisraeli, neinywe nimwijakwizilwa abegesa be bishuba. Omkwesheleka nibeija kwegesa ebishuba mara nibeija kwanga mkama ayabaguzile. Nibeletera ebibi ombwangu ahalibonene. 2Abantu beingi nibeija kuhondela emihanda yabo ye nshoni mara omlyabo omhanda gwa mazima gulijumwa. 3Ommilulu yabo nibeija kubiha abantu ombigambo bye bishuba, ilam lyabo nilija bwangu, ne bibi nibija kubahondela4Kuba Katonda tiyalekile bamaleika abafakeile. Shana akabanaga okuzimu bakomwe eminyororo balinde akanya keilamu. 5Mara Katonda tiyalindilile nsi ya kale. Shana akabika nuhu ayabeile yeine omweto gwo bugologoki hamwe na bandi mshanju, olwo yateishwile omtunga omnsi yo buhagale. 6Katonda akalamla Sodoma na Gomora yagihwelekeleza yaba nkeijwi, ebase kuba kabonelo alibalinya enkola bibi ombilo ebilikwija.7Olwo yakozile ekyo akalokola Rutu ayabeile alyomgologoki ayabeile najunahala olwebikolwa bibi byabatalikuhondela mihango ya Katonda. 8Olwokuba omuntu ogwo omgologoki ayeikeile nabo bulikilo akaba nashasha omtima gwawenene olwenshanga ya bilinya ebyoyabeile nahilila no kubona. 9Kityo Katonda amanya kukiza abalibawenene omkanya ko bushasi mara amanya okwo alalindilila abafakale alwenshonga yeilamu lwe bilo bye nzindo.10Ago nigo mazima alibalinya abalikugendelela kutula ommeiru na nokugaya obukulu. Abantu abengeli egi beine obumaza ommitima yabo, tibalikutina kujuma abe kitinwa. 11Nolwo abamaleika beine obushobola na mani kukila abantu chonka tibeine kuleta ilamu ali Katonda.12Chonke aba ninke ebigunju ebiteina magezi bikozilwe kuba ebyokukwatwa no kuhwelekelezibwa. 13Nibahutazibwa empelwa ya mafu gabo. omushana nibeikala ombujange. Beijwile obuhagale no bufu. Mbashemelelwa obuhagale no bujange ne bishuba kabalikushaka neiwe. 14Ameisho gabo gashweikilwe obusihani tibalikuhaga kukola ntambala. Nibabihabiha abesigile kubateka omntambala. Beine emyoyo eijwile ameiru, nibo bana abalamilwe.15Banagile omhanda gwa mazima. Bahugiile omkuhondela omhanda gwa Baalam omwana wa Beori, ayayenzile empelwa etali ya mazima. 16Chonka akalotokerwa alwenshonga yo buhabe bwawenene. Endogobe eyabeile etalikugamba ekagamba omwilaka lyo muntu, akatanga abazimu bo mlangi.17ASbantu aba nibashana enchulo ziteina meizi. Nibashana ebichwi ebitwalwa omyaga. Ekichwi kya mani kibikilwe olwenshonga yabo. 18Nibagamba omkwesheijahaza. Bagwise abantu ommeiru go mbili, nibabiha abantu ababandize kubeiruka abo enkola bibi. 19Nibalaganisa abantu kuluga bubohe okwo bonene na bazana be ntambala no buhagale. Kuba omntu akolwa amzana alikilinya ekwebembela obulola bwe.20Olinya ayekenga obuhagale bwe nsi omkumanya Omkama mara Omlokozi Yesu Kristo, Akashuba akagaluka ombuhagale obwo olundi, emitulileye neijakutama kushaga olwambele. 21Kyakuseine omntu ogwo kuba atamanyile omhanda gwa mazima kukilao kugumanya akashuba akanaga emihango elikwera eyoyaheilwe. 22Omgani ogwo guba ogwamazima alibonene, gugamba guti, " Embwa yagalukila entanaki yayonene, ne mpunu eyobayogya yashuba ombyondo.
31Nimbahandikila inywe bagonzibwa ebarua egi eyakabili mbase kubeimkya amagezi, 2Mbase kwijuka ebigambo ebyo abalangi balangile olwomhango gwo mkama no mlokozi, kulabila omntumwaze.3Mmanye nkokyo abashengi nibeija kwija ombilo bye nzindo kushengya inywe, baligenda nkokwo obwenzi bwabo buli. 4Baligila bati endagano yo kugaluka elinkahi? Baisheichwe bakafa, chonka ebintu byona bikyatulaga bityo kuluga ambandizo yokutondwa.5Bekola kwebwa nkokwo ensi neigulu bikabanza kuluga ommaizi mara kulabila ommaizi olwakale kulabila omkigambo kya Katonda. 6Mara kulabila omkigambokye na omeizi ihanga elyakale likahwelekelea. 7Chonke mbwenu ensi neigulu bibikilwe olwnshonga yo mlilo. bibikilwe kuhikya akilo kyo kulamlwa nokuhwelekelezibwa kwa bantu abatalikukunila katonda.8Bagonzibwa ekilo kimo ahali Katonda ni nke myaka lukumi. Ne myaka lukumi ninke kilo kimwe. 9Tikwo kugiloti Katonda akelelilwe kugobesheleza endaganoye, nkokwo abandi balikutekeleza, shana wenene no mwegumishiliza alwenshonga yanyu, wenene tayenda muntu nomwe kahwelekelela, shana ayenda buli muntu kayechuza.10Ekilo kya Mkama nikija kwija nko mshuma, igulu lililabaho omkutela eyombo, ebintu bilihwelekezibwa na mlilo. ensi ne bilimu byona bilishululwa.11Ebintu byna bilihwelekezibwa ommhanda ogwo. isi iwe oliba omntu wa ngeliki? Oikale ombugologoki no kukunila Katonda. 12Kikuseine ombwangu kumanya ekilo kyo kwija kwa Katonda, Ekilo kilinya igulu lilihwelekezibwa no mlilo. Ebintu byona bilyokibwa. 13Chonka olwendaganoye tulinzile igulu elihya nanensi empya, eyo abagologoki balikalamu.14Bagonzibwa olwokuba nitushubila ebintu ebyo, mwekaze,mtagila kamogo mara emilembe hamwe nawe. 15Mmanye okwegoumishiliza kwo Mkama weitu ombulokozi, nko mgonzibwa omlumna weitu Paulo okwo yahandikile ombumanyi obwo yaheilwe. 16Paulo nafumolaho ebyo ombaruaze, aliho ebintu ebigumile kubishobokelwa. Abantu batene makune mara batagumile ebintu ebyo nibabishobya nkokwo balikushobya ebyahandikilwe. Nibagendela omkuhwelekelela kwabo17Bagonzibwa olwokuba nimmanya ebyo mwelinde mtahabisibwa na bishuba byabo mkanaga obwesigwa. 18Chonka mkule omkisha no bumanyi byo Mkama no Mlokozi Yesu Kristo. Ekitinwa kine wenene nambwenu ne bilo byona. Amina
1 John
11Kilinya ekyo twabweine kwema embandizo, kilinya ekyotwahulile, ekyotwabweine ameisho geitu ekyo twalebile, nemikono yeitu ekakikwatao, ekikwasile ekigambo kyoobulola. 2Amwe noobulola bukakolwa kumanyika lubwona, tukabubona twabujulila, twashuba twabulanga nko obulola obutalihwao, obwabeile buli ahali Isheichwe nabwo bukakolwa kumanyika ahali ichwe.3Kilinya ekitwabweine nokukihulila ntukilanga ahaliinywe mubase kutelanisibwa amwe neichwe, noobumo bweitu na Isheichwe nomwanawe Yesu Kristo. 4Ntubaandikila amakulu aga ebyela byeitu aliinywe bigobeshelezibwe.5Aga nigo makulu agatwahulile, kuruga ahali wenene nokugabalangila, nkokwo Katonda abamushana mala omundaye tabamu mwilima. 6Katulajila tuti twine obumo nawe okwo ntugendela omumwilima ntuba ntubiha mala titukukora mazima. 7Chonka katulagendela omumushana nkokwo wenene ali, tulaba tulihamo na wenene nobwamba bwa Yesu Kristo, nibutuhungya kuruga omuntambala.8Katulagamba tuti titwine ntambala nitwebiha namazima tugali muliichwe. 9Chonka katulayechuza amafu geitu wenene noomwesigwa namazima kutuganyila entambala zeitu nokutwogya amafu geitu. 10Katulagila tuti titukakolaga ntambala ntumubihisa ebishuba nangu nekigambokye tikili munda yeitu.
21Bana bange abagonzibwa, nimbaandikila ebintu mutakola ntambala. Chonka omuliinywe omo kayakukola entambala, tine omutongani ali amwe na Isheichwe, Yesu Kristo owa amazima. 2Wenene nikichwa ebwiko amtambala zeitu chwenje, chonke nomwihanga lyona. 3Alyekyo nitumanya wenene, katulayekomya emihangoye.4Wenene agamba ati nimanya Katonda chonke talikuhikya mihangoye nabiha na mazima tigali mundaye. 5Chonka wenawena akwata ekigambokye mazima omumuntu ogwo engonzi za Katonda zigobeshelezibwe. Omulyekyo nitumanya okwotulyo mundaye. 6Wenene agambati neikala 0 muli Katonda kimusaine kugenda omubikolwa bya Yesu wenene.7Bagonzibwa tindikubaandikila muhango oguhya, shana omuhango ogwo mubeile mwinagwo kwema mbele. Omuhango ogweila nekigambo ekyomwahulile. 8Kityo nimbaandikila omuhango uguhya agalimazima omuli Kristo neinywe, olwenshonga omwilima niguhingula nomushana ogwaamazima gulio nigumulika.9Wenene agamba ati ndi omumushana chonka nanoba omurumuna ogwo ali omumwilima na mbwenu. 10Wenene agonza omurumuna naletelwa omumushana taliho kintu kyakumusitaza. 11Chonka olinya anoba omurumuna alki omumwilima, mala talikumanya mabali alikugya, olwenshonga omwilima guhumisize ameishoge.12nimpandikila inywe abana abangonzibwa, olwenshonga muganyilwe entambala zanyu ahalweibala lye. 13Nimpandikila inywe basheija Onshenga nimumumanya ogwo ayabeile aliho kwema embandizo. Nimpandikila inywe, basigazi kuba musingile omubisha. Nimpandikila inywe abana abato kuba mukamanya isheinywe. 14Nimpandikila inywe basheija, kuba nimumanya ogwo kwema embandizo. Nimpandikila inywe basigazi olwokuba mwine amani, nekigambo kya Katonda nkikala omulinywe, mala musingile omubisha.15Mtagonza nsi namanuzi gayo. Olinya agonza ensi , okugonza Katonda tikuli mundaye. 16Buli kintu ekili omunsi -ameiru gomubili, ameiru ga ameisho, neikuru lyobulola-tibiluga ahali Isheichwe shana biluga omunsi. 17Ensi nameiru gayo nibilabaho shana olinya akola engonzi za Katonda aikalao ebilo byona.18Inywe bana bato na akanya kenzindo, nkokwo mwahulile olinya omuhakanisa Kristo naija, nakanya aka abahakanisa Kristo beizile, alwekyo nitumanya nkokwo nakanya kenzindo. 19Abatulugileho bakagya omubyabo bakaba batali beitu, bakugumile kuba neichwe. Chonke olwo bagile omubyabo ekyotukakweleka okwo babeile batali beitu.20Chonke inywe musigile amajuta kuruga halinya ahalikwela nywena nimumanya amazima. 21Tindikubaandikila olwoobutamanya mazima, shana okuba nimugamanya mala talimu bishuba.22Owebishuba noi shana nolinya alikwanga nkokwo Yesu ni Kristo? omuntu ogwo niwe muhakanisa Kristo, olwo alikuhakanisa Isheichwe nomwana. 23Taliho ayakwanga omwana akenda Ishe. Wena wena alikwikiliza omwana eine Ishe.24Kilinya ekyo mwahulile mbele kikale muliinywe. Kilinya ekyo mwahulile kuruga embandizo kakileikala omunda yanyu, muleikala omunda yo mwana neishe. 25Egi nendagano eyoyatuheile obulola butaliwaho. 26Nimbaandikila ebi inywe ali balinya abakubatweile ombibi.27Aha lwenshonga yanyu amajuta agamwasigilwe nanye ngeikala omunda yanyu, mala timulikwenda muntu wena wena kubegesa, shana nkokwo amajuta galinya galikubegesa nigo mazima tibishuba, kagalaba gabegesize mwikale omuligonene. 28Na mbwenu inywe bana abagonzibwa mwikale omuliwenene. Wenene kalashuruguka tugile obumaza tutagila nshoni omukwijakwe. 29Kamulaba nimumanya nkokwo wenene nowamazima, nimumanya nkokwo wena wena akola amazima azalwa wenene.
31Mubone ni ngonziki ezi Katonda yatuheile kwetwa abanabe, mala nikwo tuli. Olwenshonga egyo ensi tetumanya kuba nawe na wenene tiyamumanyile. 2Bagonzibwa neichwe tuli abana ba Katonda tikikashurulwe okwotuliba. Nitumanya nkokwo Kristo kalashurulwa, nitwija kushanangana nawe, kuba tulamubona okwali. 3Buli omo alaba yeine obumaza omuli wenene ayeyeza nka wenene okwo alikwela.4Wena wena agendelela kukola ebibi ahenda emihango kuba entambala zihenda emihango. 5Nimumanya nkokwo Kristo akashurulwa kwiyaho entambala. Mala omundaye talimu ntambala. 6Taho nomo eikala omundaye akagendelela kukola entambala. Taliho yakwikala muliwenene akagendelela kukola entambala mala okwo akamubona.7Inywe bana abagonzibwa muteikiliza kubihwa na muntu wena wena. Akola amazima nowamazima nka Kristo okwo aliwamazima. 8Akola entambala aba owa stani, kuba stani nowentambala kwema embandizo. Kuba omwana wa Katonda akashurulwa kwita emilimo ya stani.9Wena wena azeilwe na Katonda takola ntambala, kuba empambo ya Katonda neikala omuliwenene. Tiyakukola ntambala kuba azeilwe na Katonda. 10Alwekyo abana ba Katonda na abana ba stani mbamanyika. Wena wena atakola byamazima tiwa Katonda, natayenda m,urumunawe.11Aga nigo makuru agatwahulile kwema embandizo nkokwo kituseine kugonzangana ichwe omuli ichwe 12Tinka Kaini ayabeile eine omubisha akeita omurumuna. Kubaki yamwisile? kuba ebikolwabye bikaba bili bibi, nebikolwa byo omurumuna bikaba bilibirungi.13Barumuna bange mutashobelwa ensi kelabatamwa. 14Nitumanya okwo twarugile omurufu twagile omubulola, kuba nitugonza barumuna beitu. Wena wena ateine ngonzi eikala omurufu. 15Wena wena atamwa omurumuna nomwisi. Mala nimumanya okwo obulola obutaliwaho tibwikala munda ya mwisi.16Alwekyo nimumanya engonzi, kuba Kristo akeiyayo obulolabwe olwenshonga yeitu. Neichwe kituseine kwiyayo obulola bweitu alwa barumuna beitu. 17Wena wena abona omurumuna yeine obwetage akanga kumujuna isi engonzi za Katonda zikala zite omundaye? 18Bana bange abagonzibwa tutayendangana omumunwa nomubigambo byonke, shana omubikolwa na amazima.19Omulyekyo ntumanya nkokwo tuli omumazima nemitima yeitu nejulila omuli wenene. 20Kelaba emitima yeitu netulamula Katonda ni mukuru kushaga emitima yeitu, nawe namanya byona. 21Bagonzibwa kelaba emitima yeitu etalikutulamula twine obumaza ahali Katonda. 22Mla kyona kyona ekyotula shaba tulakihebwa kubanitugobesheleza emihangoye. Mla nitukola ebilikumushemeleza.23Nogu nigwo muhango gwe nkokwo kitusanile kwesiga omwibala lyo omwanawe Yesu Kristo nokwendangana ichwe nkokwo yatuheile omuhangogwe. 24Alikukwata emihangoye neikala omundaye na Katonda neikala omunda ye alwekyo nitumanya okwo neikala omunda yeitu, omuli olinya Mwoyo owoyatuheile.
41Abagonzibwa mteikiliza buli mwoyo, shana mulenge emyoyo egyo mumanye nkaneruga ahali Katonda, olwenshonga abalangi beingi bebishuba bazikile omunsi. 2Aha lweki niho mulamanyila Mwoyo wa Katonda-buli Mwoyo oguleikiliza nkokwo Kristo akeija omumubili ogwo nigwo gyulikuruga ahali Katonda, 3nabulimwoyo ogutalikwikiliza Yesu tigukuruga ahali Katonda. Ogu nigwo Mwoyo gwa Kristo, ogu nigwo Mwoyo ogumwahulile nkokwo ngwija kwija na mbwenu guli omunsi omu.4Inywe muli aba Katonda, abana, mala mwabasingile olwe enshonga ogu aliomunda yanyu ni mukuru kushaga ali omunsi. 5abo nabensi, kityo abo nabensi nebibalikugamba nini ensi, nabensi nibabihuliliza. 6Ichwe tuli aba Katonda olinya amanya Katonda nahuliliza ichwe, atali waka Katonda teine kutuhuliliza. Omuli ekyo niho tumanyila Mwoyo wa mazima nowebishuba,7Abagonzibwa tugonzangane, olwenshonga engonzi nziruga ahali Katonda, na buli omo agonza no mwana wa Katonda no kumanya Katonda. 8Omuntu atagonza tamanya Katonda, olwenshonga Katonda abo owengonzi.9Aha lwekyo engonzi za Katonda zikashulurwa omuliichwe, mbali yatumile omwana we wenka omunsi katulokola omuli wenene. 10Aha lwekyo engonzi, tikugiloti echwe tukagonza Katonda, chonka wenene akatugonza yehiyayo omwana we kutumalila entambala zeitu.11Abagonzibwa, Katonda kalaba yatugondize, neichwe tuseine kugonzangana. 12Taliho nomo alabweine Katonda. Katulagonzangana Katonda neija kwikala omunda yeitu, nengonzi ze zilaba zigobeshelezibwe omuli itwe. 13Omulyekyo ntumanya nkokwo tulikwikala omuli Katonda na wenene omunda yeitu, olwenshonga otuheile Mwoyo wawenene. 14Kandi neichwe twabweine nkokwo isheichwe yatumile omwanawe kaba murokozi wa amahanga gona.15Buli muntu ahali kwikiliza nkokwo Yesu nomwana wa Katonda. Katonda neikala omundaye, na wenene neikala omunda ya Katonda, 16Mala nitumanya nokwesiga engonzi ezo Katonda yenazo ahali ichwe. Katonda nengonzi na wenene eikala omungonzi eikala omunda ya Katonda na Katonda eikala omuliwenene.17Olwe enshonga egyo engonzi ezo zagobeshelezibwe omuli ichwe twije tugile obumanzi ahakilo kweilamu, olwenshonga wenene okwali neichwe okwali neichwe nikwotuli omunsi egi. 18Omungonzi tihabamu matini. Chonke engonzi ezigobeshelizibwe nizinaga amatini aheru, olwenshonga amatini galetwa okutina kulamurwa kityo wena wena atina tagobeshelezibwe omungonzi.19Nitugonza olwenshonga Katonda akatugonza mbele. 20Omuntu kalagamba ati '' ningonza Katonda'' chonka talikugonza murumunawe nabiha. Olwenshonga atalikugonza murumunawe owalikubona tashobola kugonza Katonda awatakabonaga. 21Nogu nigwo muhango ogwotwinagwo kuruga ahali wenene wena wena agonza Katonda kimsanile kugonza na murumuna wa wenene.
51Wenawena eikiliza nkokwo Yesu ni Kristo no mwana wa Katonda. Wena wena agonza Katonda kimsanile agonze na Yesu omwanawe. 2Ahalwekyo nitumanya nkokwo tulikugonza abana ba Katonda; katulikuba twagonza katonda no kukunila emihangoye. 3Okugonza katonda no kukunila emihangoye, mala emihangoye telikuguma.4Olwe enshonga aba mwana wa Katonda niwe asinga ebyensi. Noku nikwo kusinga ebyensi ogu nigwo mwesigo gweitu. 5Nohi ajulile ensi? nolinya ayesiga nkokwo Yesu no mwana wa Katonda.6Ogu niwe yeizile nameizi nobwamba-Yesu Kristo. Tiyeizile nameizi gasha shana ameizi nobwamba. 7Olwenshonga aliho bashatu abajulila; 8Mwoyo, ameizi nobwamba. Aba bashatu nibeikilizangana.9Katulaba nitwikiliza obujulizi bwambantu chonka obwa Katonda nibushaga obwabantu. Olwenshonga obujulizi bwa Katonda nibukila bwona-olwenshonga najulila omwanawe. 10Olinya ayesiga omwana wa Katonda yeine obujulizi omundaye. Na wenene atamwesiga akamkola kuba mbihi we ebishuba, olwenshonga tiyasigile bujulizi obwo Katonda yalesile pbukwasile aha mwanawe.11Nobujulizi nibwoobu-nkokwo Katonda akatuha obulola obutaliwaho, nobulola obwo buli omunda yo omwanawe. 12Eine omwana wa Katonda eine obulola-ateine omwana wa Katonda teine bulola.13Nabahandikila ebi mbase kumanya nkokwo mwine obulola obutaliwaho-inywe abalikwikiliza omwibala lyo omwana wa Katonda. 14Nobu nibwo bumaza butinabwo omumeishoge, nkokwo katulashaba kyona kyona nkokwo engonzize zili natuhulila. 15Kandi katulaba ntumanya natuhulila kyona kyona ekyo tulashaba nitumanya nkokwo twinakyo.16Omuntu kalabana omurumuna nakola entambara etali ya rufu kisanile kumshabila na katonda alamuha obulola. Ningamba aliho abentambambala zabo zitalibatwala mkuhwelekelela. Aliho entambala yorufu, tinkugambati kisanile kushaba olwekyo. 17Ebikolwa byona ebitali bya amazima nentambala, chonka aliho entambala etali ya rufu.18Nitumanya nkokwo azeilwe Katonda takola Ntambala, shana azeilwe Katonda amulinda ebilo byona nolinya nyamubi tabasa kumukila kubi: 19Ntumanya nkokwo itwe tuli abana ba Katonda mala ntumanya nkokwo ensi yona eli ahansi yo obutwazi bwa nyamubi.20Chonka nitumanya nkokwo omwana wa Katonda akeija kutuha amagezi, katumanya katonda owamazima, neichwe tuli omuliwenene awa amazima omunda yo omwana wa Katonda Yesu Kristo. Ogu niwe Katonda owa amazima nobulola obutaliwaho. 21Bana bange abagonzibwa mwelinde omyoyo yanyu nebishushane.
2 John
11Inye omugurusi, ninkuandikila iwe mkazi endondwa nabana bawe, abandikwenda amumazima mara tinyenyenka nabandi abesigwa nibabenda. 2aha lwenshonga ya amazima angali omunda yeitu ebilo byona. 3Ekisha, obuganyizi, emilembe mbija kuba neitwe kuruga ahali Katonda Isheitwe nokuruga ahali Yesu Kristo Omwana wa Katonda, omungonzi na amazima.4Ninshemelelwa muno kumanya bamo omubana mbagendela omumazima, nkokwo twalagilwe na Katonda Isheitwe. 5Ninkwijukya iwe mkazi tikugamboti ninkuhandikila omuhango oguhya shana gutulaho kuruga kale, kityo twendangane. 6Ezi nizo ngozi ezitusanile nkokwo omuhango guli ogu nigwo omuhango nkokwo mwaguhulile kuruga kale nkokwo mutule mutyo.7Olwokuba ababihi bebishuba beijwile omunsi mara tibalikwikiliza nkokwo Yesu Krito akeija omububili. Ogu niwe mbihi we ebishuba alikwanga Kristo. 8Mulamanya mutanaga ebyo twakolile emilimo, shana mubone kuhebwa mpelwa egobile.9Wena wena agenda omumeisho atakunzile kwega ebigambo bya Kristo teine Katonda, shana eikala omukwega ekigambo kya Kristo eine Isheitwe no Omwana. 10Omuntu kaleija owanyu atalesile mwegeso ogu mtamnyegeza munju yanyu mala mutamkeisa. 11Olwokuba alamkeisa balaba balihamo omubikolwa ebibi.12Nyine ebintu bingi ebyokuhandikila chonka tinyenzile kubikuandikila, olwokuba ninshubila kwija owanyu katufumola hamo, aho amashemelerwa geitu galagobesherezwa. 13Abana ba murumuna wawe endondwa nibakukeisa.
3 John
11Kuruga aha mugurusi mpaka ahali Gayo omugonzibwa, owondikugonza omumazima 2omugonzibwa, ninkushabila amatungwa garungi, omubyolikukola byona noburora burungi, nkokwo omwoyo gwange gulikugoshokerwa. 3Olwokuba nkashemelelwa muno olwonagambilwe na abesigwa abalesile obujulizi ahalwamazima hawe, nkokwo olikugendela omumazima. 4Nyine ebyela bingi kuhulila nkokwo abana bawe omuli Mwoyo mbagendela omumazima.5Omgonzibwa nogendela ombwesigwa ahali Katonda olwolikujanjaba barumuna bawe na abagenyi, 6bajulila engonzi zawe omumeisho ge nteko. Nokolagi kubajuna omurugendo lwabo nkokwo kilikushemelera Katonda. 7Ahalweibara lya Yesu tibatweile kintu kyona kyona kya abanyamahanga. 8Kityo ntusana kunyegeza abantu nkaba tubone kuba abakozi nokwema hamo olwenshonga yokuranga amazima ga Katonda.9Nahandikila iwe hamo ne nteko ekintu nanka, chonka Diotrofe, alikwenda kwekola omtwazi omubanyantenko talikwikilizangana nanye Yohana amo na abanyanteko batahi bange. 10kityo kandeija ninjakwijuka ebikolwabye nkokwo alikugamba ebigambo bibi ebitalikwo. Takugarukila aho nangu nayanga nokunyegeza abesigwa, kandi natanga nabandi abalikwegomba kunyegeza abesigwa abo, nokubabinga kabaruga omunteko.11Gayo omugonzibwa otalebela kibi shana olebele ekirungi. Akola ebiorungi nowa Katonda, akola ebibi takesigile Katonda. 12Demetrio akajulilwa abantu bona mala omumazima. Neitwe tuli abajulizi neiwe nomanya nkokwo obujulizi bweitu bulimazima.13Nyine ebintu bingi ebyokuhandikila chonka tinkwenda kubiandika nekalamu. 14Olwokuba ninjakukubona juba mala ntwija kufumola inye neiwe. 15Ogile emilembe. Banywani abanyinabo mbakukeisa. Mala ninkeisa banywani bange bulimuntu omwibalalye.
Jude
11Yuda omwiru wa Yesu kristo, mulumuna wa Yakobo, omulibalinya abesilwe abagonzibwa omuli Katonda Isheichwe, abalinzilwe olwenshonga ya Yesu Kristo. 2obuganyizi, nemilembe, nengonzi byongelwe omulinywe.3Bagonzibwa olwonabeile ninkola bulikihika kubandikila inywe olwobulokoke bweitu kikankola kubaandikila olwenshonga yokubaanulila, mulwanile omubwesigwa, omwesigo ogwo ogwomwaheilwe limwe ombesigile 4olwenshonga abantu abandi betaizemu omukwesheleka, abantu abatamanya katonda abalikuindula ekisha kya Katonda weitu Yesu Kristo.5Mbwenu ninyenda kubeijukya inywe nolwo aliho amakilo agomwamanyile okwo Katonda akalokola abantu kuruga omwihanga lya Misri, yashuba yabahwelekeleza balinya abatamwesigile. 6Abamalaika abatalinzile butwazi bwabo, chonke bakasiga obuturo bwabo Katonda yabakomesa eminyororo yeilalyona omumwilima, olwenshonga yeilamu lyekilokyenzindo.7Nka Sodoma na Gomora nebigo ebyataineo ebyayetaize ombusihani bakaondela ameiru agatali ga buhangwa bakelekwa nka obubonelo eyabalinya ababonabona omwilamu lyo omulilo ogutalihwao. 8kityo omumianda egyo abalosi bendoto ababahagaza emibili yabo nokwanga abatwazi mala bagamba ebishuba nokwanga kutwalwa mara bagamba ebishuba ahamkunirwa owomwiguru.9Chonka na Mikaeli malaika omukuru olwoyabeile narwana na stani nibalwanila omubili gwa Musa tiyalengile kuleta ilamu lya bishuba ali wenene chonka akagilati Mukama akukabukile. 10Chonka abantu aba baleta ebishuba alikyona kyona ekyobatalikumanya na kilinya ekyo balikumanya ninke ebigunju ebiteine magezi ebyo nibyobilikubeita. 11Bagwelwa olwenshonga mbalondola Kaini nokuhondela eishobya lya Balaamu. Bahwelekelela omwilamu lya Kora.12Aba neenyazi omumagenyi ganyu gengonzi, mbashemelelwa bateine nshoni, abashumba abalikwelisa bonke, nibyo biho biteine njura, ebilikutwarwa omuyaga, ninke emiti elageile amababi eteine bilaba, efile kabili, enyukwile emizi. 13Ni nkaamayengo gomunyanja agalikwomba. abalikuleta ensoni zabo bonka nkenyanyinyi ezilikubungela kwilagula kwomwilima. Gubikiilwe orwenshonga yabo ebilo byona.14Enoko omuntu wa mushanju kuruga ahali Adamu, ayalangile ahalibonene ati ''leba opmukama neija na amaelfu agaabalikwera bawenene 15aliramula bulimuntu atalikumwimkiliza abatalikukunila Katonda omubikolwa byabo byona ebyobakozile omumianda etaliyabugologoki nomubigambo byabo bibi ebya abatalikukunila Katonda babigamba ahalikatonda''. 16Abanabalikwebolobweita nibo batasanilwa abaondela amairu gabo gamafu, abalikwesheijahaza abo omumagoba gabo babeiya beingi.17Chonke inywe abagonzibwa mwijuke ebigambo ebyagambilwe eila ne entumwa zo Mukama Yesu Kristo. 18Bakagamba bati omumakilo genzindo balibaho abantu abalikujamya, abalikuhondela ameiru gabo, agatali ga bugorogoki. 19Abantu abo abataanula batwalwa ameiru gensi mala tibeinemu Mwoyo.20Chonke inywe, abagonzibwa, mweyombeke ahamwesigo gwanyu ogulikwela muno mala mushabe omuli Mwoyo Mtakatifu. 21mwikale omungonzi za Katonda mala mulindilile ekisha kya Mukama weitu Yesu Kristo ekibaletela obulola obutalihwao.22Mweleke obuganyizi abalikulengeshaniya 23mulokole abandi omukubakwaikula kuruga omumulilo, nabandi mweleke obuganyizi omumatini, munuge nebijwalo ebine enziro zomubili.24Mbwenu abasa kubalinda mtamwesitalao nokubakola kamwemelela omumeisho gobulikwelabwe buteine kamogo mala nimushemelelwa muno. 25Ali Ruhanga wenke Omurokozi kulabola ahali Yesu Kristo Omukama weitu ekitinwa kibe ahaliwenene obukuru, obushobola, namani agatakabaoga ommakiro gona na mbwenu neira lyona.
Ufunuo
11Ekitabo eki kilimu ebyashurwirwe Yesu Kirisito, ebyo Katonda yamuhire kwoleka abakozibe, ebyabaire nibiralira kubaho omu bwangu. Akatuma omumalaikawe kubimanyisa omukoziwe Yohana. 2Ogu aba mujulizi w'ekigambo kya Katonda, ashuba ajulira Yesu Kirisito, amara ajulira byona ebyo yaboine. 3Nomuberwa alikushoma n'eiraka lihango ebi ebilikurangwa, mara baberwa abalikubihulira, n'abalikwekomya ebihandikire omu kitabo eki; aha rw'okuba obukiro buli haihi.4Inye Yohana, aha nimpandikira enteko mushanju za Asia: Nimbendera ekisha n'emilembe ya Katonda asingire, ayasingire mara alikwija kwija. Nimbendera ekisha n'emilembe y'abamalaika mushanju abaikara omu maisho g'enketoye bakurasire. 5Nimbendera ekisha n'emilembe ya Yesu Kirisito omujulizi omwesigwa, kati ka mbanda ayahimbukire omu bafu, Omukama w'abakama b'ensi. Yesu Kirisito ogwo atugonza mara ayatuchungwize obwambabwe akatwihya omu mafu, 6akatuhindura ngoma mara bakuhani ba Katonda we kandi Ishe, ekitinwa kibe kya wenene kandi n'obukama eira lyona. Amina.7Muraleba naletwa omu bichwi, mara buli muntu aramubona, nangu n'abamuchumisire babulimu. N'enganda zona z'ensi k'araija nizija kuboroga. Mara nikwo. Amina. 8Katonda Omukama asingire, mara ayasingire, mara wenene ogwo akwatiliire kwija, Omushobora, byona nagamba ati, “N'inye Alfa, n'inye Omega: N'inye mbandizo, n'inye ndelekero.”9Inye ndi Yohana murumuna wanyu, omwegesibwa wa Yesu, n'inyema nainywe kwegumisiliza n'okwemera obushasi obulikwizira abaana b'engoma. Bakaba banagire omu Kizinga kya Patimo aha rw'enshonga y'okuranga ekigambo kya Katonda n'amazima ago Yesu yasherwire. 10Kikaba kili kiro ky'Omukama, Mwoyo yambanda, eiraka lihango lyanduga enyuma oti ly'eikondere, 11niligamba liti, “Eby'olikubona obihandike omu kitabo, ekitabo ekyo okitwekere enteko mushanju, nizo za: Efeso, Smirna, Pergamo, Thiatira, Sardi, philadelphia na Laodikia.”12Aho nkebuka kuleba eiraka lilikungambira, nirwo naboine ebinaara mushanju by'edhahabu, 13omugati y'ebinaara ebyo halimu alikushana Omwana w'Omuntu, ayabaire ajweite ekanzu elonde, omukandara gumurabire omu kifuba.14Omutwegwe n'eishoke lyaho nke sufu elikwera, muno ky'eseluji, amaishoge gashana endimi z'omuliro. 15Ebilengebye byashana omulinga gusingeirwe, oti bagujugutiire omu kyokezo, eirakalye lyahinda nk'omutunga gw'amaizi. 16Omu kiganjakye kya bulyo akaba ainaimu enyanyinyi mushanju, omu kanwake yarugwamu omuyo guyoire kabili, obusobwe bwashana eizoba elyakiire kimo.17Kanamazire kumubona namugwa omu maguru nk'omufu. Chonka wenene yaimukya omukonogwe gwa bulyo yaguntaho nagamba ati, “Otatina, n'inye mbandizo, n'inye ndekelero. 18N'inye asingire; nkafa, chonka mbwenu ndiho eira lyona. N'inye nyine enfunguruzo za Rufu na Kuzimu.19Mbwenu eby'olikubona obihandike: Ebiliho n'ebilikwija kubaho ahanyuma. 20Ebisherekirwe by'enyanyinyi mushanju ezo wabona omu kiganja kyange kya bulyo, n'ebinaara mushanju by'ezahabu: enyanyinyi mushanju nibo bamalaika mushanju abalinzi b'enteko mushanju, kandi ebinaara mushanju nizo nteko zonene mushanju.”
21Omumalaika omulinzi w'enteko ya Efeso, omuhandikire oti: “Ogwo akwete enyanyinyi mushanju omu mukonogwe gwa bulyo, naraba omu binara mushanju by'ezahabu, nagamba ati, 2‘Emilimo yawe ningimanya, akachwazikano kawe n'obwegumisiliza bwawe obw'amani. Nimanya n'okwo abantu ababi otalikubaha kaanya, n'abalikweyeta ntumwa okwo batali ntumwa nobamankuza.3Nimanya okwo oina obwegumisiliza obw'amani mara nondashanira, mara tokalemirwe. 4Chonka kandi nyine ekigambo eki ahali iwe: Engonzi ezo wabaire oinaizo orwa mbere mbwenu tokinazo. 5Oijuke ekikugwisize, oyechuze oshube okore okwo wakoraga aha mbandizo. K'otechulize ndakwizira, nyihye ekinara omu mwanya gwakyo.6Chonka kandi eki oinakyo: Ebigiro by'Abanikolai tobyenda, nanye kwakwo timbyenda. 7Araba ine okutwi ahulire ebyo Mwoyo alikugambira enteko ezo. Omuntu alisinga endashana ndimulisa aha muti gw'oburora oguli omuli Paradiso ya Katonda.’ ”8Omumalaika omulinzi w'enteko ya Simirina omuhandikire oti, “Ebi nibyo owa mbere mara owa nzindo, ayafire akahimbuka, alikugamba, 9‘Nimanya ebiyengo byawe n'obunaku bwawe (chonka oli mutungi), kandi abeyeta Bayahudi okwo batali Bayahudi, shana sinagogi ya Shetani, nimanya okwo balikukugaya.10Obushasi bw'olikwija kubona otabutina. Omuli inywe halimu abo Shetani araliire kunaga jela, mubone kulengwa, mara omu biyengo ebyo muramaramu ebiro10. Obe mwesigwa, k'oraba nofa ofe, inye ndakuha orukinga rw'oburora. 11Araba aina okutwi ahulire ebyo Mwoyo alikugambira enteko ezo. Arasinga endashana, orufu orwa kabili tirulimukoraho kantu.’ ”12Omumalaika omulinzi w'enteko ya Perigamo omuhandikire oti, “Ow'omuyo guyoire amayo gabili nagamba ati, 13‘Mbali otura nimpamanya, niyo enketo ya Shetani eli. Inye nomanya kandi okanyebuga omu makiro ga Antipasi omujulizi wange, omwesigwa wange, owo baitiire omuli inywe omu bukiro bwa Shetani.14Chonka kandi nyine ebigambo bike ahali iwe: Oinayo abantu abalikukwata ebyo Balaamu, yayegesize ayayegesize Balaki kusitaza Abaisiraeli kulya enyama z'ebitambo ebitambiirwe emizimu bakashuba bakakora n'obusiani. 15Kandi oinaho n'abalikukwata eby'Abanikolai bayegesize.16Ahonu oyechuze. Kakitali kityo elirandeta ntaraliire ninyija kurashanisa abantu abo n'embanda ey'omu kanwa kange. 17Aina okutwi ahulire ebyo Mwoyo alikugambira enteko ezo. Omuntu arasinga endashana ndamuha manu etalikuboneka, muhe eibare lilikwera elihandikirweho eibara elihya elitalikumanywa muntu shana arahabwa eibara elyo.’ ”18“Omumalaika omulinzi w'enteko ya Thiatira omuhandikire oti: Omwana wa Katonda, ow'amasho nk'endimi z'omuliro, ow'ebilenge bilikushana omulinga gumunywire, nagamba ati, 19‘Ebigiro byawe nimbimanya, n'okwikiliza kwawe, n'eikora lyawe, n'obwegumisiliza bwawe obw'amani, n'okwo ebigiro byawe ebya nyuma bilikushaaga ebya mbere.20Chonka nkwineho ekigambo eki: Omukazi Yezebeli, alikweyeta murangikazi nayegesa abairu bange emize nabahabisa kuta nibakora obusiyani n'okulya enyama z'ebitambo ebyo batambiire ebishushane. 21Muhaire omwanya gw'okwechuza, chonka talikukunda kwechuza busiyani.22Leba ninyija kumusheegesa, taliruga aha kishago, na bagendabe ninyija kubanaga omu biyengo kabarayanga kwechuza obusiyani obwo basiyaine n'omukazi ogwo. 23Abaanabe nabo ndabaita. Enteko zona ziramanya okwo n'inye mbona ebitekelezo na amagezi g'omuntu n'omutimagwe, mara inywenyena buli omo ndamurongora kuhondera ebikorwabye.24Chonka inywe abandi abali Thiatira, abatalikukunda bilikwegesibwa ebyo, abatalikumanya eby'abandi beta amafumbo za Sitani, kambagambire, tindikwija kubatweka mugugu gundi, 25ekiliho mukwatire aho mbali muli, kulinda orwo ndaija.26Omuntu arasinga endashana, akaguma akozire ebyo muragiire kulemwa kugoba aha ndekelero, ndamuhindura mutwazi w'amahanga, 27agatwaze enkoni y'ekyoma, agashekashekure nk'enyungu z'eibumba; agire obushobora nk'obwo nanye Tata yantungire. 28Ndashuba muhe n'enyanyinyi za bwankya kare. 29Eine okutwi ahulire ebyo Mwoyo alikugambira enteko ezo.’ ”
31“Omumalaika omulinzi enteko ya Sardis omuhandikire oti: ‘Olinya aina emyoyo mushanju ya Katonda n'enyanyinyi mushanju, nagamba ati: “ ‘Ebigiro byawe nimbimanya. Oina eiranga ly'okuba murora chonka oli mufu. 2Ruga omu turo, ohamise eby'oraba osigaire nabyo kuba nabyo biraliire kufa, aha rw'enshonga omu mabona ga Katonda wange nashanga ebigiro byawe bitali bya bugorogoki.3Ijuka ebyo bakwegesize n'ebyo wahuliire. Obyekomye ebyo mara oyeshubeho. K'oraikara omu turo ndaija nko mushuma, mara tomanye saa eyo ndakubundiraho. 4Chonka omuli Sardi okyainamu abantu bake abatakatokoize bijwaro byabo. Abo basaine kugenda nanye bajwete ebilikwera.5
6Aina okutwi ahulire ebyo Mwoyo alikugambira enteko ezo.’7“Omumalaika omulinzi w'enteko ya Filadelifia omuhandikire oti: ‘Omutakatifu, ow'amazima, aina orufunguruzo rwa Daudi, akingura omuntu atakinge, akinga omuntu atakingure, nagamba ati: 8“Ebigiro byawe nimbimanya. Olebe nakukingulira oruhigi orw'omuntu n'omo atakukinga. Nimanya okwo obushobora wine buke, wayekomya n'ekigambo kyange mara tiwanyetonga.9Leba ab'esinagogi ya Shetani abeyeta Bayahudi okwo batali Bayahudi kwo, nibabeiya, ndabasindika baije bakubandamire bakugwe omu maguru, bamanye okwo nakugondize. 10Kuba oyegumisilize obutananukwa nk'okwo nakugambiire. Ndakwemera omu kaanya ak'enaku zirabunda ensi yona, kulenga abanyansi bamwo. 11Nkwatiliire kwija. Eby'oinabyo okwatire kimoi, hatabaho wa kukwaka rukinga rwawe.12Alikasinga endashana ndimuhindura nyomyo omuli Rwensinga ya Ruhanga wange. Rwensinga egyo taligirugamu, ndimuhandikaho eibara lya Ruhanga wange, n'eibara ly'ekigo kya Ruhanga, Yerusalemu empya elikusongoka neruga ahali Ruhanga wange omw'iguru. Nshube muhandikeho n'eibara lyange. 13Aina okutwi ahulire ebyo Mwoyo alikugambira enteko ezo.’14“Omumalaika omulinzi w'enteko ya Laodisea omuhandikire oti: ‘Amina, omwesigwa omujulizi nyakabara, entabuko y'ebyo Katonda yatonzire, nagamba ati: 15“ ‘Ebigiro byawe nimbimanya. Tiwahora, kandi okwo towayokya. Hakili kawakuhozire anga okokya! 16Mbwenu orw'olikutagatiraho kusha, okwo tiwahora, okwo tiwayokya, kanyije nkutanake.17Enshonga nogamba okw'oli mutungi, okwo otungire okaganagana, otalikwetaga kantu, okaburwa kwemanya okw'oli mujune, mushashe, munaku, mpume, mara tojwete, 18kankutegekere: Ongureho ezahabu ejugusirwe omuliro oije otunge, ongureho n'ebijwaro bilikwera ojware osheleke enjuro yawe, ogure n'omubazi gw'amaisho ohumuruguke.19Abo ngonza mbarwanisa mara mbatera. Ahonu ogire ekihika mara oyeshubeho. 20Oraleba, ndi aha ruhigi ninkomakoma. K'omuntu arampulira eiraka akakingura oruhigi, ndataaha omwa wenene tulye hamo.21Alikasinga endashana ndimuha omwanya aha nketo yange, nk'okwo nasingire endashana nkashuntama na Tata aha nketoye. 22Aina okutwi ahulire ebyo Mwoyo alikugambira enteko ezo.’ ”41Ebi kabyahoire nabona oruhigi rukingukire omw'iguru. Mpulira eiraka lya mbere nk'ely'enzamba lingambira liti, “Temba kunu nkwoleke ebilikwija kuhonderaho.” 2Niho honka Mwoyo ambanda, ntangara kubona enketo omw'iguru, mara haliho agibandaireho. 3Wenene ogwo ayabaire abandaire aha nketo egyo akaba nashana amabare ga yaspi na akiki: kandi enketo yonene ekaba ezingoirwe omuhangazima nigushana zumaridi.4Enketo egyo ekaba ezingoirwe enketo ezindi 24, zibandairweho abagurusi 24, bambaire enyambarwa zilikwera, baina n'enkinga z'ezahabu aha mitwe. 5Enketo egyo erugwaho endabyo, enkuba netera nesharuka, omu maisho g'enketo etara mushanju z'omuliro nizaka, nibo bamalaika mushanju ba Ruhanga.6Omu maisho g'enketo hakaba haliho oti enyanja y'ekyoo, neyengelera nk'eibare lya . Enketo yona ekaba ezingoirwe ebitondwa bina ebilikurora, biina amaisho gangi muno omu maisho n'enyuma.7Ekitondwa kya mbere eky'oburora kikaba nikishana entare. Ekya kabili nikishana enumi. Ekya kashatu aha maisho muntu. Ekya kana kikaba nikishana enkwaju elikuharara. 8Ebitondwa bina ebyo ebilikurora, buli kimoi kiina amapapa mukaaga, kiina amaisho gangi muno obuzingora nangu n'omunda, kiro na mushana nibihoya obutalekera bikwese, “Omutakatifu, Omutakatifu, Omutakatifu, aba Mukama katonda Rushoborabyona, ayakasingire, asingire, mara naija kwija!”9Buli orwo ebitondwa bilikurora ebyo bilikuha ekitinwa abandaire aha nketo, Nyakumeleera wenene, nibimukunisa n'okumusiima, 10abagurusi 24 nilibandama omu mabonage nilifukamira Nyakumeleera ogwo. Nibakwata enkinga zabo nibaziteka omu maisho g'enketo nibahoya bati, 11“Mukama Katonda waitu, osaine kuhaba obushobora n'ekitinwa, mara bakukunise, kuba n'iwe watonzire byona, aha rw'okuba okenda byahangwa, byabaho.”
51Ngya mbona abandaire aha nketo omu mukonogwe gwa bulyo akwete ekitabo kihandikire omunda, kimaamirwe emihuri mushanju. 2Mbona omumalaika w'amani nagamba n'eiraka lihango ati, “Nohi asaine kukingura ekitabo eki, akagenda n'emihuri yakyo mushanju?”3Taliho n'omo omw'iguru anga omu nsi anga kuzimu ayashoboire kukingura ekitabo ekyo nangu n'okukilebamu kwonka. 4Inye aho ndira muno kubona hataliyo asaine kushurura kitabo ekyo nangu n'okukilebamu kwonka. 5Nirwo omugurusi omo yangambire ati, “Oleke kulira. Leba entare ya Yuda, Mwijukuru wa Daudi asingire endashana, kityo nashobora kushurura ekitabo ekyo nemihuri yakyo mushanju.”6Omugati y'enketo n'ebitondwa bina eby'oburora n'omu bagurusi mbonamu Kataama ayemeleire, oti bamwisire, aina amahembe mushanju n'amaisho mushanju, nibo bamalaika mushanju ba Katonda abo atumire omu nsi yona. 7Kataama ogwo agenda aihyaho ekitabo omu mukono gwa bulyo gw'ogwo abandaire aha nketo.8Kayabaire yatwete ekitabo ekyo, ebitondwa bina eby'oburora n'abagurusi 24 babandamira Kataama, buli omo akwete enanga n'epakuli z'ezahabu zijwire obunuma, obunuma obwo nizo nshara z'abakirisito;9Bahoya oruhoya ruhya bati, “N'iwe osaine kukwata ekitabo okakihenda emihuri, ahakuba bakakwita, kandi obwamba bwawe wabuchunguza abantu aba buli ruganda n'orulimi n'eihanga, wabagarura ahali Katonda; 10wabahindura ngoma mara bakuhani ba Karonda waitu, omu nsi baralya engoma.”11Kanagiire kuleba obuzingora bw'enketo, n'ebitondwa bilikurora n'abagurusi mpulira amaraka g'abamalaika bangi obutabarwa, enkumi n'enkumi, 12nibagamba n'eiraka lihango bati, “Kataama owo baisire, asaine kuhaba obushobora n'eitunga n'obumanyi n'amani, bamukunise, bamuhe ekitinwa, bamuhaisilize.”13Nshuba mpulira buli kitondwa omw'iguru n'omu nsi n'okuzimu n'omu nyanja n'ebikagilimu byona nibigamba biti, “Ogwo asingiire aha nketo na Kataama bahaisilizibwe, batinwe, bakunirwe, bagire n'obushobora eirai lyona!” 14Ebitondwa ebina ebilikurora bigamba biti, “Amina!” Abagurusi babandama ahansi, bamufukamira.
61Ahanyuma mbona Kataama, omu mihuri mushanju nabamburura gumo, nshuba omu bitondwa bina ebilikurora mpulira kimo nikigamba oti nkuba nesharuka kiti, “Ija!” 2Ndeeba, mbona efarasi elikwera, ayabaire agikuubire aina obuta, bamuha orukinga, ashuba atabara ali manzi erashana.3Kayabambwire omuhuri gwa kabili mpulira ekitondwa kya kabili ekilikurora nikigamba kiti, “Ija!” 4Aturukwa efarasi endijo netukura neyengelera. Ayabaire agikuubire bamujubura kumara emilembe omu nsi, abantu baitangane; bamuha n'omuyo guhango.5Kayabambwire omuhuri gwa kashatu, mpulira ekitondwa kya kashatu ekilikurora nikigamba kiti, “Ija!” Ndeeba, mbona efarasi elikwiragura, n'ayabaire agikuubire akwete omunzani. 6Mpulira eiraka oti niliruga omu bitondwa bina ebilikurora niligamba liti, “Ekipimo ky'engano kigure edinari, kandi ebipimo bishatu nabyo bigure edinari, kyonka amajuta n'edivai otabisera!”7Kayabambwire omuhuri gwa kana, mpulira eiraka ly'ekitondwa kya kana eky'oburora nikigamba kiti, “Ija!” 8Kugya kuleba mbona efarasi elikurora, agikuubire eibara nibamweta “Rufu,” ahondeirweho “Kuzimu,” bona abo bahaabwa obushobora bw'okwita erobo y'ensi, kugiisa emiyo, eifa, endwara n'ebikaaka by'omu nsi.9Abambura omuhuri gwa kataanu, mbona ahansi ya alutare emyoyo y'abaisirwe nibaturwa evangeli bakaba bajulizi bayo. 10Bataka n'eiraka lihango bati, “Waitu Mukama Omutakatifu nyamutaiganwa rugamba mazima, abantu b'omu nsi abatwisire nobaramura maki kutweholera?” 11Aho bona buli omo ahabwa ekanzu elikwera, babagambira kuba bakyaikizeho akandi, kabalija kwija orw'orubara rw'abairu bataahi babo na barumuna babo ruragobelera, orwo baramara kwitwa nka bonene.12Abambura omuhuri gwa mukaaga, kugya kuleba mbona okwo aliho omusisi gw'amani. Eizoba liiragura nk'orugunia, okwezi okwabaire kujwire kuhangamwire kushana obwamba, 13enyanyinyi aha iguru zikuntuka omu nsi okw'obona omuti gw'omutini guchunzirwe omuyaga gw'amani gukakunkumuka etini omu kirumo ky'embeho. 14Eiguru lihwaho okw'obona nibazinga ekitabo, kandi amabanga gona na buli kizinga bisimbuka mbali byabaire bili.15Aho abakama b'ensi, abashaija abakuru, abatungi, abanyamani, buli muntu, omwiru n'atali mwiru, bona bayesheleka omu mpako, n'omu mabare omu mabanga, 16Nibatakira amabanga n'amabare bati, “Mutugwere mutusheleke, Omukama asingiire aha nketo atatubona, Kataama atatunigalira; 17kuba ekiro ky'amani nikyo kyalemwa kyagoba batwehoroza; ow'okwemera ekiro ekyo n'ohai?”
71Ebyo kabyahingwire, nikwo kubona abamalaika bana bemeleire aha ndekelero ina z'ensi, nibanyurura engeli ina z'omuyaga, omuyaga na gumo gutaija gukahuta nsi anga nyanja anga gukasindika muti gwona gwona. 2Nshuba mbona omumalaika yayema oburugaizoba yatemba, akwete omuhuri gwa Katonda asingire, ayeta abamalaika abana n'eiraka lihango, ababaire bahairwe obushobora bw'okwita ensi n'enyanja. 3Abagambira ati, “Mutaita nsi anga nyanja anga miti, kuhika orwo turata emihuri aha buso bw'abairu ba Katonda waitu.”4Mpulira orubara rw'abatairweho emihuri, 144,000 omuli buli ruganda rw'Abaisiraeli. 5Omu ruganda rwa Yuda abatairweho omuhuri bantu 12,000. Omu ruganda rwa Rubeni bantu 12,000. Omu ruganda rwa Gadi bantu 12,000. 6Omu ruganda rwa Asheri bantu 12,000. Omu ruganda rwa Naftali bantu 12,000. Omu ruganda rwa Manase bantu 12,000.7Omu ruganda rwa Simeoni abantu 12,000. Omu ruganda rwa Lawi bantu 12,000. Omu ruganda rwa Isakari bantu 12,000. 8Omu ruganda rwa Zebuloni bantu 12,000. Omu ruganda rwa Yusufu bantu 12,000; n'omu ruganda rwa Benjamini abateirweho omuhuri bantu 12,000.9Ahanyuma kugya kuleba mbona abantu embaga mpango ab'omuntu atakushoboire kubara, abantu aba buli ihanga, ab'enganda zona, abalikugamba endimi zona. Bakaba bemeleire omu mabona g'enketo n'omu mabona ga Kataama, bajwete ekanzu zilikwera, bakwete amatagi g'emikindo, 10nibagamba n'eiraka lihango bati, “Katonda waitu asingiire aha nketo na Kataama, nibo baturokora!”11Abamalaika bona bemelera bazingoire enketo, bazingora n'abagurusi n'ebitondwa bina ebilikurora, bajumara ahansi omu mabona g'enketo bafukamira Katonda, 12nibagamba bati, “Amina! Eira lyona Katonda waitu asingizibwe, atinwe, bamanye okwo n'iwe aba mumanyi, asiimwe, bamukunise, bamanye okwo obushobora n'amani biba bya wenene! Amina.”13Aho omugurusi omo ambaza ati, “Naho aba abajwete ekanzu zilikwera ni baahi? Isi baruga nkahi?” 14Muhorora nti, “Katondaa rwange, n'iwe olikumanya.” Angambira ati, “Aba nibo barugire omu naku zingi; bogize ekanzu zabo omu bwamba bwa Kataama, bazeza katare.15Aha rw'ekyo bali omu mabona g'enketo ya Katonda nibamukolera omukiro na mushana omuli Rwensingaye; kandi wenene ogwo asingire aha nketo naija kubasingira. 16Tibalirumwa njara rundi, tibaligira iliho rundi; n'omushana tigulibokya anga kubagiza ichumbano lyona lyona. 17Aha rw'okuba Kataama asingiire aha nketo n'iwe arabaga mushumba wabo, atega nabatwara aha nchuro z'amaizi g'oburora; kandi Katonda naija kubaragaza amalira gona omu maisho.”
81Orwo Kataama yakomoroire omuhuri gwa mushanju, omw'iguru bakesiza bona eibanga ly'enusu saa. 2Aho mbona abamalaika mushanju abaikara bemeleire omu mabona ga Katonda, bahaabwa enzamba mushanju.3Omumalaika ondijo aija ayemelera aha alutare akwete ekyotezo ky'ezahabu. Bamuha obunuma bungi obw'okurungisa enshara z'abakirisito bona eiguru ya altare y'ezahabu omu mabona g'enketo. 4Omwika gw'obunuma gwimukirana n'enshara z'abakirisito nigwema omu kiganja ky'omumalaika ali omu mabona ga Katonda. 5Aho omumalaika akwata ekyotezo akiijuza amakara g'omuliro ago yaihire alutare, amakara ago g'omuliro aganaga omu nsi. Eiguru lihinda, enkuba zisharuka, endabyo zirabya, habaho n'omusisi.6Abamalaika mushanju ababaire baina enzamba mushanju betekateka kutera enzamba ezo. 7Omumalaika owa mbere atera enzamba eya mbere, aijwa orubare n'omuliro bikwatiraine n'obwamba, bigwa omu nsi. Etheluti emo y'ensi ehya esosotoka. Etheluti yemiti nayo ehya esosotoka, n'obunyasi bubisi buhya busosotoka.8Omumalaika wa kabili nawe atera enzamba. Ekintu nikishana eibanga lihango, nikyaka omuliro, kikuntuka omu nyanja. 9Etheluti emo y'enyanja ehinduka obwamba, n'etheluti y'ebitondwa bilikurora eby'omu nyanja efa, n'etheluti y'emeli esinjagulika.10Omumalaika wa kashatu atera enzambaye. Enyanyinyi mpango eruga omw'iguru ekuntuka. Emyakire oti rumuli, egwa omu theluthi y'emiiga n'enchuro z'amaizi. 11Enyanyinyi egyo eibara lyayo ni Bushalizi. Etheluti emo y'ashalira, Abantu bangi baitwa amaizi ago, aha rw'okuba gakahinduka gashaalira.12Omumalaika wa kane atera enzambaye. Etheluti y'eizoba, n'ey'okwezi, n'ey'enyanyinyi bihutara, aho n'etheluti y'omushana (ogwabaire nigujwa) eba mwilima. Etheluti ya nyemishana elekera kwaka, kimo n'etheluti y'ekiro.13Kugya kuleba mpulira enkwaju elikuharara eiguru eihiremu eiraka lihango eti, “Zabalya, zabalya, zabalya abantu abali omu nsi, orwo enzamba ezo abamalaika bashatu bakwatiliire kutera zirajuga!”
91Omumalaika wa katanu atera enzamba. Mbona okwo enyanyinyi yaruga omw'iguru ekagwa ahansi. Aho bamuha orufunguruzo rw'ekina ekitaina bugarukiro. 2Akingura ekiina ekyo ekitaina bugarukiro, kirugwamu omwika nk'ogw'ekyokezo kihango. Omwika gwarugire omu kiina ekyo gubunda ianga n'eizoba.3Kandi omu mwika harugwamu enzige, zija omu nsi, ziina amani nk'obumiina. 4Enzige ezo tizajubwirwe kulya bunyasi, anga ekimera kyona kyona, anga omuti gwona gwona, shana zikajuburwa kulya abantu abashangirwe bataina mihuri ya Katonda aha buso.5Enzige ezo zijuburwa kubashasa muno omwanya gw'emyezi etanu. Zibashasa nk'obumiina chonka tizajubwirwe kubaita, shana okubatera embuli kusha. 6Omu biro ebyo abantu barahiiga orufu kyonkai tibarubone. Barayegomba kufa, orufu rubairuke.7Enzige ezo okushana kwazo zikaba nizishana efarasi ezitekatekeirwe endashana. Aha mitwe zikaba nizishana oti ziinaho enkinga z'ezahabu. Aha maisho zikaba nizishana abantu. 8Obwoya bwazo oti ishoke ly'abakazi, amaino gazo oti maino g'entare. 9Omu bifuba zikaba ziina engabo nk'ez'ekyoma, amapapa gazo okuhilira wakumanyire magali agali gangi agalikunyururwa efarasi ziligisire zigiire omu ndashana.10Zikaba ziina emikira nk'ey'obumiina, zagira embuli, obushagwa bwazo obwo zahutaize abantu emyezi etanu bukaba buli omu mikira yazo. 11Omumalaika ayarugire omu kiina kitaina bugarukiro n'iwe yabaire ali mukama wazo. Omu Ruyahudi nayetwa Abadoni, kandi omu Rugiriki nayetwa Apolioni: Nikwo kugamba: Omusiliikya. 12Ekibonabonyio ekya mbere kyahingura. Ebindi bibili bikyahonderaho.13Aho omumalaika wa mukaaga atera enzamba. Mpulira eiraka niliruga aha mahembe agana aga alutare y'ezahabu omu maisho ga katonda, 14niligambira omumalaika ogu ayabaire aina enzamba liti, “Abamalaika abana ababohirwe aha Mwiga Guhango ogwa Efurati obataishure.” 15Kityo abamalaika abane bataishurwa. Abamalaika abo bakaba batekatekeirwe esaa, ekiro, omwezi n'omwaka mbali baraitira etheluti y'abantu.16Orubara rw'ab'efarasi bakaba bali 200,000,000. Orubara rwabo orwo nkaruhulira. 17Egi niyo mibonere eyo naboine efarasi omu kubonekerwa kwange. Ab'efarasi omu bifuba bakaba bajwete engabo z'ekyoma ezilikushusha omuliro n'a murutu n'obuganga. Emitwe y'efarasi ekaba neshana emitwe y'entare, omukanwa nizirugwamu omuliro, omwika n'obuganga.18Ebibundo ebi binshatu bikaita etheluti y'abantu bona. Bakaitwa omuliro n'omwika n'obuganga ebyarugaga omu kanwa k'efarasi ezo. 19Amani g'efarasi kanwa kazo n'emikira yazo. Emikira yazo neshana nkenjoka, mara emikira egyo eina emitwe, kandi emitwe egyo niyo zilikurumisa.20Abantu abandi abazokile aha bibundo ebi tibayechulize bishushane ebyo bakozire. Bagendelera kwegashaniza amashetani n'ebishushane by'ezahabu, n'eby'efeza, n'eby'omulinga, n'eby'amabare, n'eby'ebiti ebitabona anga kuhulira anga kutambuka. 21Nangu n'okwita okwo baitaga abantu, okuroga okwo barogaga, n'obusiyani n'obushuma, byona ebi taliho kyobayechulize.
101Nshuba mbona omumalaika ondijo omunyamani naruga omw'iguru, ayefubikire ekichwi, omuhangazima gumurabire aha mutwe, obusobwe nibushusha eizoba, kandi amaguru ga wenene nigashusha enyomyo z'omuliro. 2Akaba akwete akatabo kashurwire. Okugurukwe okwa bulyo akwemeleza aha nyanja, okwa bumosho akwemeleza aha rukaru.3Okw'obon'entare nesinda, ayeta n'eiraka lihango. Kayayesire zisharuka enkuba mushanju. 4Enkuba ezo mushanju kazabaire zasharukire, nkaba naija kuhandika, aho mpulira eiraka lyemire omw'iguru niligamba liti, “Eby'enkuba mushanju zagamba obikomese omuhuri otabihandika.”5Omumalaika owo naboine ayemeleire aha nyanja n'aha rukaru aimukya omukonogwe gwa bulyo agwolekeize omw'iguru, 6yarahira obuso bwa Katonda asingireho eirai lyona, ayatonzire eiguru n'ebikali omwo, ensi n'ebikali omwo, enyanja n'ebikali omwo, okwo hatabaho kukelererwa kushaagaho. 7Orwo omumalaika wa mushanju aratera enzamba, nirwo Ruhanga aragobesheleza ekyebishokye, nk'okwo yagambiire abairube abarangi.8Aho eiraka elyo nabaire mpuliire niligamba lyemire omw'iguru lishuba lingambira liti, “Ogende okwate ekitabo ekishurwire omu ngaro z'omumalaika ayemeleire aha nyanja n'aha rukaru.” 9Kityo ngenda ngoba omumalaika, mugambira kumpa akatabo ako. Omumalaika ogwo angambira ati, “Katware okalye, omu kanwa karakunulira nk'obwoki, kyonkai omu rubunda kakweme kubi.”10Omumalaika mwihya akatabo omu byara nkalya. Omu kanwa kanura bundi bwoki, kyonkai kanabaire nakaliire kanyema kubi omu rubunda. 11Aho ngambirwa kuranga ebiragwera amahanga gangi, abantu aba buli ngeli, n'abakagamba endimi ezitali zimoi n'abakama.
111Bakampa orubingo rwemire nk'enkoni y'okupimisa, bangambira bati, “Imuka, opime Rwensinga ya Ruhanga na alutare, omare obare n'abalikufukamira omuli Rwensinga egyo. 2Kyonkai nyarubuga ya Rwensinga otagipima; ogileke, ahakuba egyo bagihaire abanyamahanga, abalikwija kukandagilira Ekigo Kitakatifu emyezi 42.3Abajulizi bange bombili bajwete engunia, ninyija kubaha omulimo gw'oburangi bagukore ebiro 1,260.” 4Abajulizi abo bombili niyo miti ebili y'emizeituni n'ebinaara bibili ebyemeleire omu mabona g'Omukama atwara ensi yona. 5K'omuntu ayenda kubakora kubi, omuliro gujumbuka omu kanwa kabo, gurambaramba ababisha babo. K'omuntu alikwenda kubakora kubi, zamulya ziti! Yafa!6Bainai obushobora bw'okukinga eiguru, enjura ekabura kugwa omu biro ebyo baraba nibakora omulimo gw'oburangi. Baina n'obushobora okuhindura amaizi gakaba bwamba, n'ensi kugiteza buli kibundo emirundi nyingi okwo balikwenda. 7Kabaramara kugamba ebyo batumirwe, ekikaaka kiruge omu kiina owa dondondo kibatabalire, kibasinge mara kibaite.8Emitumbi yabo eragangarama omu mbarabara y'ekigo kihango ekyo twakweta nitusindata tuti ni Sodoma na Misiri, mbali Omukama wabo yabambiirwe. 9Abantu aba buli ngeli, enganda, abalikugamba endimi zitali zimoi, n'amahanga baramara ebiro bishatu n'enusu bashamaliire emitumbi yabo egyo mara bange kubaziika.10Abanyansi barayeshanda bashemelerwe, bagemulirangane, aha rw'okuba abarangi aba bombili bakabonesa abanyansi enaku. 11Kyonkai ebiro bishatu n'enusu kabyahoire Ruhanga yabatahyamu omwoyogwe ogw'oburora, bayemelera bwemelera, abantu abababoine bakwatwa obutini. 12Abajulizi abo abahimbuke bahulira eiraka lihango lyemire omw'iguru niligamba liti, “Mutembe mwije kunu!” Batemba omw'iguru ekichwi kibabunzire, ababisha babo babalebire.13Omu saa egyo habaho omusisi gw'amani, ekichweka kya ikumi ky'ekigo kikumba; abantu 7,000 baitwa omusisi ogwo, abasigaire batiina muno, baha Ruhanga w'omw'iguru ekitinwa. 14Ekibonabonyio ekya kabili niky'eki kyahingura. Ekya kashatu kili haihi muno nikija.15Omumalaika wa mushanju atera enzamba. Amaraka gahango gahulirwa omw'iguru nigagamba gati, “Engoma y'ensi yaba ngoma y'Omukama waitu na Kirisito wa wenene, aliba Mukama eirai lyona.”16N'abagurusi 24 abasingiire aha nketo zabo omu mabona ga Ruhanga bajumara ahansi, bafukamira Ruhanga, 17nibagamba bati, “Nitukusiima Mukama Ruhanga Rushoborabyona, iwe asingire mara ayakasingire, wakoza obushobora bwawe obungi waly'engoma.18Amahanga gagwerwa akabuta, aha rw'okuba wanigara muno, n'akanya niko ak'abafu kuramurwa, okarongora abairu bawe, abarangi n'abegesibwa, balinya abakutina, abake n'abahango. Kaanya k'okusilikya abatura nibasilikya ensi.”19Nirwo Rwensinga y'Omukama omw'iguru yakingukire, Esanduku y'Endagano ekazoka omuli Rwensinga egyo. Endabyo zirabya, amaraka gagamba, eiguru lilindima, habaho omusisi n'orubare.
121Akabonero k'okutangaza kaboneka omw'iguru. Omukazi akaba ayambaire eizoba, alibatiire okwezi, aha mutwe ainaiho orukinga rw'enyanyinyi ikumi na ibili. 2Akaba ainai enda, ataka narumwa kuzara, ebisha bimushagashagya.3Akabonero akandi kaboneka omw'iguru. Ekinyamugenge kihango katuku, eky'emitwe mushanju n'amahembe ikumi, kandi aha mitwe yakyo egyo kiinaho enkinga mushanju. 4Omukira gwakyo gukukumba etheluti y'enyanyinyi z'aha iguru, kizikuntura omu nsi. Ekinyamugenge nkikyo kyemelera omu maisho g'omukazi ali haihi kuzara, k'aramara kuzara kilye omwana ogwo.5Omukazi azara omwana w'omwojo, ow'okutwaza amahanga goona enkoni y'ekyoma, kyonkai omwana bamushwaikura bamutwalira Ruhanga bashuba bamuteka aha nketoye. 6Omukazi asingirwa omw'irungu, niho Ruhanga yashangirwe amutekatekeire omwanya, kuba niyo amara ebiro 1,260 nibamuliisa.7Aho endashana eimuka omw'iguru. Mikaili n'abamalaikabe barashanisa ekinyamugenge. Ekinyamugenge n'abamalaika bakyo lirashana, 8kyonkai basingwa, baba batakiina bwikaro mw'iguru. 9Ekinyamugenge runwanwa kikuntuka ahansi, niyo njoka elinya ey'obunyakarai, n'iwe Ibilisi mara Sitani, ayabeihire ensi akagimaraho, akakunturwa ahansi hamoi n'abamalaikabe.10Aho mpulira eiraka lyatangukire omw'iguru liti, “Mbwenu obushobora n'obukama bwa Ruhanga waitu byagobelera yaturokora, n'Enkorwamajuta ya wenene yaly'engoma: omubisha alega barumuna baitu bamukuntura ahansi, kiro na mushana abahangilira ahali Ruhanga waitu.11Bamusingisa obwamba bwa Kataama, n'obujulizi obwo bagamba, orw'okuba bakeyanga bweyanga balemwa bafa. 12Ahonu iwe iguru shanduka nangu nainywe abalikaturamu! Kyonkasi zabalya, iwe nsi na nyanja, kuba Ibilisi yabasiliikira n'ekiniga kingi, enshonga nomanya okwo akaanyake kasigara kagufi!”13Orwo enjoka kyaboine okwo bajikuntura ahansi, eondera omukazi ayamara kuzara omwana w'omwojo. 14Chonka omukazi ogwo bamuha amapapa gambili g'enkwaju mpango aharare ailire hare omw'irungu asinge enjoka. Omw'irungu omwo abe nimwo amalira emyaka eshatu n'enusu nibamuliisa.15Ekinyamugenge kitanaka amaizi nk'engezi, kigamuhondeza kagamukukumba nk'omutunga. 16Nawe ensi eyamba omukazi ogwo, eyashaamuka emira omwiga ogw'ekinyamugenge kyatanaka. 17Aho ekinyamugenge kinigalira omukazi ogwo, kisibuka kugya kutabalira abaanabe abasigaire, nibo balinya abakwata emihango ya Ruhanga bakashuba bakebuga Kirisito. 18Kyayemelera aha mwaro gw'enyanja.
131Ngya mbona ekikaaka nikiburuguka omu maizi. Kikaba kiina amahembe 10 n'emitwe 7. Aha mahembe gakyo 10 kiinaho enkinga 10, kandi aha mitwe kiinaho amabara g'ebijumi by'okurogota ahali Ruhanga. 2Ekikaaka ekyo naboine ekyo kikaba nikishusha engoi, amaguru oti g'edubu, omunwa oti gw'entare. Ekinyamugenge kiha ekikaaka ekyo amani gakyo, n'obukama n'obushobora bungi.3Omutwe gwakyo ogumoi gukaba gwinaho obuhuta bubi muno, kyonkai obuhuta bwakyo obwo obubi muno bukakira. Ensi yona ekuratira ekikaaka ekyo netangara. 4Abantu bafukamira ekinyamugenge. Obushobora bwakyo kikaba kibuhaire ekikaaka, aho bafukamira n'ekikaaka nibagamba bati, “Ow'okushusha ekikaaka n'ohai? Isi ow'okukirashanisa?”5Ekikaaka ekyo kyagira akanwa kabi, kyagamba ebigambo by'eituli, kyarogota, kyakoza n'obushobora bwakyo emyaka makumi 42. 6Kyakomorora akanwa kyarogota ahali Ruhanga, kyarogota aha ibaralye na halinya mbali asingiire, n'ahali balinya abatura omw'iguru.7Kyahabwa n'obushango bw'okurashanisa abakirisito, mara kyabasinga. Kyagira obushobora ahali buli ruganda, abantu b'engeli zona, abakagamba buli rulimi, na buli ihanga. 8Bona abakatura omu nsi balikifukamira. Kandi buli omoi ow'eibaralye kwema ensi etonzirwe litahandikirwe mu kitabo ky'abarora kya Kataama ogwo akaitwa.9Araba aina okutwi ahulire: 10Kaishe muntu ow'okutwarwa endore aratwarwa endore. Aliisa embanda aliitwa embanda. Aha niho okwegumisiliza n'okwikiliza kw'abegesibwa kumanyikira.11mbona ekikaaka ekindi nikijumbuka omw'itaka. Kikaba kiina amahembe gabili okw'obona akataama mara emigambire y'ekinyamugenge. 12Kyagya omu maisho g'ekikaaka ekya mbere kyakoza obushobora nk'obw'ekikaaka ekyo, kyaragira ensi n'abantu bwamwo kufukamira ekikaaka ekya mbere, ekyabaire kyakizire obuhuta obwabaire bwizire kukiita.13Kyayekoza ebishobeize: Kyaihya omuliro omw'iguru kyaguleta omu bantu. 14Amahano ago kyajubwirwe kukolera omu maisho g'ekikaaka ekya mbere, kyagakora kubeiya abantu ab'omu nsi, kyabaragira kukora ekishushani eky'ekikaaka ekyabaire kihutaziibwe embanda kikashuba kikarora.15Kyajuburwa kuha ekishushani ky'ekikaaka ekya mbere omwoyo nakyo kikagamba, n'okwisa abarayanga kufukamira ekishushani ky'ekikaaka ekya mbere. 16Kwakwo kyaragira abantu bona, abake n'abahango, abatungi n'abanaku, abatali bairu n'abairu kutebwaho obubonero aha kiganja kya bulyo anga aha buso, 17omuntu ataija akagwa anga kuguza kintu ataina kabonero ako, nilyo ibara ly'ekikaaka ekyo anga enamba y'eibara lyakyo.18Aha, obumanyi nibwetagwaho: Omushobokerwa ashobokerwe enamba y'ekikaaka ekyo, ahakuba namba y'omuntu. Enamba y'ekikaaka ekyo ni 666.
141Ndeeba, mbona Kataama ayemeleire aha Ibanga lya Sioni. Akaba aina abantu 144,000 ababaire baina eibaralye n'elya Ishe gahandikire aha buso bwabo. 2Mpulira eiraka lyemire omw'iguru nk'akahiliro k'amaizi gangi n'okusharuka kw'enkuba y'amani. Eiraka lyonahuliire likaba nilishusha amaraka g'abatezi b'enanga nibatera enanga zabo,3nibahoya oruhoya ruhya omu mabona g'enketo n'omu maisho g'ebitondwa binai eby'oburora n'omu mabona g'abagurusi. Taliho n'omoi ayakushoboire kushobokerwa ruhoya orwo shana abantu 144,000 abashangirwe bachungwirwe omu nsi. 4Nib'aba abatahagaziibwe bakazi, ahakuba bakagira obwera bw'omwoyo. Abo nibo bakuratira Kataama hona hona mbali agenda agiire. Aba bakachunguka omu bantu baba biraba bya mbere bya Ruhanga na Kataama. 5Omu kanwa kabo tibagambire kishuba, kuba abo nzira kamogo.6Kandi mbona omumalaika ondijo naharara omurwerwerwe. Akaba ainai evangeli ey'eirai lyona naija kugirangira abanyansi, kugirangira buli ihanga, oruganda, abantu abakagamba endimi zitali zimoi n'abantu aba buli ngeli. 7Agamba n'eiraka lihango ati, “Mutine Ruhanga, mumuhe ekitinwa, aha rw'enshonga akaanya kagoba yaija kubaramura. Ruhanga ayatonzire eiguru n'ensi, enyanja n'enchuro z'amaizi mumufukamire.”8Omumalaika ondijo owa kabili, ahonderaho nagamba ati, “Egwire, egwire Babiloni ekigo kihango ekyanyoisize amahanga edivai y'obusiyani bwakyo.”9Omumalaika ondijo owa kashatu, ahonderaho aha babili aba, aba mbere, ayatangwire eiraka ati, “K'omuntu wena wena arafukamira ekikaaka n'ekishushani kyakyo, akagiibwaho akabonero aha buso anga omu kiganja, 10ogwo nawe aranywa edivai ya Ruhanga, edivai egyo nikyo kinigakye ekibi, eyo yafuka omu kikompe ky'ekinigakye etarungirwe, kandi omuntu ogwo arabona ekibonabonyio ky'omuliro n'obuganga omu maisho g'abamalaika n'omu mabona ga Kataama.11Omwika gw'omuliro ogurabokya gwikara niguchunkera eirai lyona. Kiro na mushana tibalibona milembe aba abafukamira ekikaaka n'ekishushani kyakyo, na kaishe muntu wena aragiibwaho akabonero kakyo.” 12Aha niho obwegumisiliza bw'abegesibwa abekomya emihango ya Ruhanga mara bakaguma baikiliize Yesu bulimanyikira.13Mpulira eiraka lyemire omw'iguru niligamba liti, “Handika ekigambo eki: Baberwa abarafaga bali ba Mukama kwema mbwenu.” Mwoyo nagamba ati, “Baberwa kwo, babone kuhumura emilimo yabo ey'amani, aha kuba ebigiro byabo birabarugaga enyuma!”14Aho kugya kuleba mbona ekichwi kilikwera, kishuntamirweho alikushusha Omwana w'Omuntu, aina orukinga rw'ezahabu aha mutwe, kandi omu byara ainaimu oruhabyo rw'obwogi. 15Omumalaika ondijo aruga Rwensinga, agambira ashuntamire aha kichwi n'eiraka lihango ati, “Kwata oruhabyo rwawe ogeshe, nobona esaa y'eigesha yagoba, kuba ensi yayeza, byayera byachwa einoga.” 16Kityo ayabaire ashuntamire ekichwi ajugunya oruhabyorwe omu nsi, aho eigesha libaho.17Omumalaika ondijo nawe aruga Rwensinga y'omw'iguru, na wenene akaba ainai oruhabyo rw'obwogi. 18Omumalaika ondijo aruga ahali alutare, n'iwe mumalaika aina obushobora bw'okugelera omuliro, ayeta ow'oruhabyo rw'obwogi n'eiraka lihango ati, “Kwata oruhabyo rwawe oshare engoobe z'ezabibu omu nsi, kuba ezabibu zayezire.”19Kityo omumalaika ajugunya oruhabyorwe omu nsi, achwa ezabibu aha mizabibu, azijugunya omw'ijungiro lihango ly'edivai mbali Ruhanga alikumanyisiza ekinigakye eky'amani. 20Eijungiro ly'edivai lilibatilirwa enjai y'ekigo, obwamba ekinyamugera buruga omw'ijungiro elyo, egera ekilomita 300, kandi omugera ogwo gukaba guli gw'emita nka ibili okuzimu.
151Ngya mbona akabonero akandi omw'iguru, kahango mara k'okutangaza. Abamalaika mushanju baina ebibundo mushanju eby'enzindo, ebyo nibyo birahwerwaho ekiniga ky'Omukama eky'amani.2Mbona ekyazoka oti nyanja y'ekyoo etabangijainyie n'omuliro. Abantu ababaire basingiire ekikaaka n'ekishushani kyakyo n'enamba y'eibara lyakyo bemeleire aha rubaju rw'enyanja y'ekyoo baina enanga za Ruhanga omu mikono.3Bahoya oruhoya rwa Musa, omwiru wa Ruhanga, n'oruhoya rwa Kataama bati, “Waitu Mukama Ruhanga Rushoborabyona, ebikorwa byawe biba by'amani, nibitangaza! Emihango yawe y'obugorogoki kandi y'amazima, Nyakusinga Omukama w'amakiro gona! 4Atakutina akakuha kitinwa n'ohai, Rugaba? Aha rw'okuba omutakatifu aba iwe. Amahanga goona, nigaija kwija gakufukamire, kuba emiramulire yawe y'emishango yamanyikiire.”5Ebyo kabyahoire ndeba omw'iguru mbona Rwensinga ekingukire einamu Eihema ly'Obusinge ly'Omukama. 6Omuli Rwensinga egyo harugwamu abamalaika mushanju baina ebibundo mushanju, bajwete ekanzu za kitaani nungi nizengelera, bekomire enfufu z'ezahabu omu bifuba.7Omu bitondwa binai ebilikurora harugwamu kimoi kiha abamalaika mushanju epakuli z'ezahabu zijwire ekiniga kya Ruhanga asingire eirai lyona. 8Ekitinwa kya Ruhanga n'obushoborabwe birugwamu omwika, gwijura Rwensinga. Taliho yashoboire kutaaha Rwensinga kuhika orwo ebibundo mushanju by'abamalaika mushanju byahoire.
161Mpulira eiraka lihango lyemire Rwensinga niligambira abamalaika mushanju liti, “Mugende musheshere ensi epakuli mushanju z'ekiniga kya Ruhanga.”2Omumalaika owa mbere agenda asheshera ensi epakuliye. Abantu abashangirwe baina akabonero k'ekikaaka bakafukamira n'ekishushani kyakyo bakwatwa ebironda ebibi ebilikushenya.3Omumalaika wa kabili ashesha epakuliye omu nyanja. Enyanja eshusha obwamba bw'omufu, na buli kimoi ekyabaire kili omwo nikirora kifa.4Omumalaika wa kashatu ashesha epakuliye omu miiga n'omu nchuro z'amaizi, bihinduka bwamba. 5Mpulira omumalaika w'amaizi nagamba ati, “Iwe omu kuramura emishango oba mugorogoki, iwe Omutakatifu Nyakusinga ayakasingire. 6Abantu bakaita abegesibwa n'abarangi, mbwenu iwe obahaire obwamba bwabo kubunywa. Babunywe!” 7Mpulira na alutare yataka eti, “Nikwo, Mukama Ruhanga Rushoborabyona, oramuza emishango amazima n'obuhikiilire!”8Omumalaika wa kanai ashesha epakuliye aha izoba. Eizoba lijuburwa kubabuza abantu omushana gwalyo. 9Omushana ogulikwokya babubabu gubabuura abantu, abantu bakeena Ruhanga kuba akaba aina obushobora aha bibundo ebi, tibayechulize anga kumuha kitinwa.10Omumalaika wa kataanu ashesha epakuliye aha nketo y'ekikaaka. Obukama bw'ekikaaka bubambwa omwilima; abantu bayeruma endimi nibagangwa; 11obushasi bwabo n'ebironda bibarogosa ahali Ruhanga, tibayechulize bikorwa byabo.12Omumalaika wa mukaaga ashesha epakuliye omu Mwiga gwa Efurati, amaizi gayo goma, kutekatekera abakama b'oburugaizoba omuhanda. 13Mbona emyoyo eshatu ehagaire elikushusha ebikere, neruga omu kanwa k'ekinyamugenge, n'omu kanwa k'omurangi, w'ebishuba. 14Yonene egi myoyo y'amasitani agakora amahano. Emyoyo egi yonshatu k'eturuka egya omu bakama batwara ensi yona kubahuruza hamoi kurashana endeshana aha kiro kihango kya Ruhanga Rushoborabyona.15(“Iyo, ninyija nk'omushuma! Muberwa atanagiire, akwete ebijwarobye ataija akagenda atajwete akazoka ali bushai!”) 16Abakama abo bakabahuruliza mbali halikwetwa Arimagedoni omu Ruyahudi.17Omumalaika wa mushanju ebakuliye agishesha omu, rwerwerwe n'eiraka lihango liruga Rwensinga, aha nketo, niligamba liti, “Kyahwa!” 18Habaho endabyo, eiguru lihinda, enkuba zisharuka, n'omusisi gw'amani ogwabaire gutakabonekaga kwema abantu baizire omu nsi, gukaba guli gw'amani muno. 19Ekigo kikuru kibeganukamu ebichweka bishatu, omu mahanga ebigo bikambuka, kandi Ruhanga yaijuka ekigo kihango kya Babiloni, yakinyoisa ekikompe ky'ekinigakye ekibi muno, Babiloni yakinywa yakyomesa.20Buli kizinga kyasingirwa muhanda, n'amabanga tigazokire. 21Orubare rwaizirana n'ebibare, buli kibare ky'ekilo 50, biruga omw'iguru bitera abantu, abantu balemwa barogota ahali Ruhanga aha rw'enshonga y'ekibundo ky'orubare, ekibundo ekyo kikatinisa muno.
171Omu bamalaika mushanju ababaire baina ebakuli mushanju, omoi aija angambira ati, “Ija nkwoleke omumalaya rwituza ashuntamire aha mutunga gw'amaizi naramurwa. 2Ogu akaba ali mugenda w'abakama b'ensi, mara n'iwe abantu b'ensi batamiire edivai y'obusiyani bwa wenene.”3Anteka omuli Mwoyo antwara omw'irungu, mbonayo omukazi ashuntamire aha kikaaka katuku, kyona kishembirwe amabara g'ebijumi by'okurogota, mara kiina emitwe mushanju n'amahembe ikumi. 4Omukazi ogwo akaba ajwete emyendo ya zambarau, n'elikutukura, ayemaliireho ezahabu, amabare g'eiguzi n'enkwanzi, ashutwire ekikompe ky'ezahabu kijwire amahano n'ebihagaro by'obusiyanibwe. 5Aha buso ahandikirweho eibara ly'akabonero: “Babiloni rubamba, omumalaya rwituza mara entabuko y'amahano g'ensi.”6Mbona omukazi atamiire obwamba bw'abakirisito n'obwamba bw'abajulizi ba Yesu. Kanamuboine kimbera kitangaro ky'amani. 7Kyonkai omumalaika ambaza ati, “Kiki kutangara? Kankugambire akabonero k'omukazi ogu, n'akabonero k'ekikaaka ky'emitwe mushanju n'amahembe ikumi ekilikumutwara.8Ekikaaka ekyo wabona kyabagaho, mbwenu tikikiliho, nikyenda kuruga omu kiina owa dondondo kigye kisilike. Kandi abanyansi abo amabara gabo gatakahandikwaga mu kitabo ky'abarora kwema ensi kutondwa, baratangara kubona ekikaaka ekyo, aha rw'okuba kyabagaho, kandi mbwenu tikikiliho, okwo nikyenda kwija.9Ekigambo eki nikyetaaga amagezi n'obumanyi: Emitwe mushanju nigo mabanga mushanju ag'omukazi ashuntamireho; 10kandi nibo bakama mushanju, omuli abo abatanu bagwire, omoi akyaliho, kandi ondijo takaizire, mara orw'araija naija kwikaraho akaanya kake.11Kandi ekikaaka ekyabagaho mbwenu tikikiliho, n'iwe mukama wa munaana kyonkai nabalirwa omu bakama omushanju, mara nawe naija kusilika.12Amahembe ikumi ago wabona nibo bakama ikumi abatakaboine bushobora bwa butwazi, kyonkai nibaija kubona obushobora bw'abakama esaa emoi yonkai, hamoi n'ekikaaka ekyo. 13Abakama aba emitekelereze yabo emoi. Amani gabo n'obushobora bwabo nibaija kubiha ekikaaka. 14Nibaija kurashanisa Kataama, kyonkai Kataama arabasinga, kuba n'iwe aba Rugaba Nyamukuru, Omukama w'abakama; baliinya ab'ainaibo nibo bayesirwe, bakaronkwa bashuba baba besigwa.”15Omumalaika ashuba angambira ati, “Amaizi ago wabona omukazi ashuntamiremu, abo bantu ab'engeli zona, mbaga etali emoi, mahanga, bantu abakagamba kaishe rulimi.16Amahembe ikumi ago wabona, gonene hamoi n'ekikaaka nibija kunoba omumalaya. Nibija kumunagaho wenkai entondore, bishube bimulye, bimare bimusosotoze omuliro. 17Ahakuba Ruhanga ataire ekitekelezo omu mitima yabyo kugobesheleza ekyo yagendeleire: Nikwo amahembe ago kwikilijanyia, n'obushobora bwago bw'obukama kubuha ekikaaka, ebyo Ruhanga yagambire bilemwe bigobelere.18Omukazi owo wabona nikyo kigo kikuru ekitwara abakama abatwara ensi.”
181Ebyo kabyahoire mbona omumalaika ondijo naruga omw'iguru aina obushobora bungi. Okwengelera kwa wenene kwayengeleza ensi. 2Atamu omuranga ati, “Yagwa, yagwa, Babiloni n'obuhango bwayo! Bwaba buturo bw'amasitani, bwikaro bwa buli mwoyo oguhagaire, bwikaro bwa buli kinyonyi ekibi ekihagaire. 3Kuba amahanga ganywa ebihagaro by'obusiyanibwe, abakama b'ensi basiyaine nawe, abakama b'omu nsi batungiire aha itunga elyo aihire omu busiyanibwe.”4Nshuba mpulira eiraka elindi lyemire omw'iguru niligamba liti, “Inywe bantu bange, omumalaya ogwo mumurugemu, mutaija mukafakara nawe, mutaija mukagwerwa bibundo hamoi nawe; 5amafuge gaaba ntuumo gakanga eiguru, mara Ruhanga yaijuka amafu g'omukazi ogwo. 6Mumukore okwo yabakozire, mumubonabonyie kabili aha rw'ebigirobye; ekikompe ekyo yajwangainyie, mukimujwanganyize kabili.7Okwo yayetungunikire akejaaka, mube nikwo mumushasa akachura. Kuba omu mutima nagamba ati, ‘Ndi mukamakazi, nyeshuntamiire, tindi ntumbwakazi, inye tindichura n'akati.’ 8Nikwo ebibundo biramwizira omu kiro kimoi, endwara, enduru n'eifa, bashube bamuteho omuliro; Ruhanga aina obushobora, kuba ni Ruhanga alikumuramura.”9Kandi abakama b'ensi abasiyaine nawe bakajanguka nawe, baramuchulira bamutongye, kabaramubona nahya omwika niguchunka. 10Obushasibwe nibwija kubatinisa, bemelere harai bagambe bati, “Ai bambi, ai bambi! Iwe kigo nyamuhango, iwe Babiloni ekigo ky'amani! Waramurwa omu saa emoi yonkai.”11Abatunzi omu nsi nibamuchulira nibamutongya, orwo hatakiliyo n'omoi wa kugura byashara byabo, 12ebyashara by'ezahabu, efeza, amabare g'eiguzi n'enkwanzi, kitaani nungi, emyendo ya zambarau, n'esiliki elikutukura, efanicha za buli ngeli, ebintu ebikoziibwe emiino y'enjuju, ebintu byona eby'embaho z'eiguzi, omulinga, ekyoma na marimari, 13omudarasini, ebirungo, obunuma, n'omugaju, eudi, edivai, amajuta g'okulya, ensano nungi n'engano, ente n'entaama, efarasi n'amagali, n'abairu, nibo bantu.14“Eby'omwoyo gwawe washuubiraga kubona byakuhwaho, ebintu byawe byona eby'enshonga n'oburungi bwawe tibikikuliho, tibilizoka rundi!”15Abatunzi b'ebintu ebi, ababaire batungiire omu kigo eki, barayemelera harai nibatiina obushasi bw'ekigo ekyo. Barachura batongye ensi eyatanguke, bati, 16“Ai bambi, ai bambi, ekigo ekyo nyamuhango, ekyajwaraga kitaani nungi, n'emyendo ya zambarau na katuku, kyemaliireho ezahabu, amabare g'eiguzi n'enkwanzi! 17Eitunga eli lyona lyasisikara omu saa emoi yonkai.” Bakama b'emeli bona, ababugi bazo n'abazisabaragamu na bona abakoraga ebyashara by'enyanja bakemelera harai18batera enduru orwo baboine Babiloni nehya nechunka omwika, bati, “Ni kigoki ekirashusire ekigo eki nyamuhango?” 19Bayesiiga eitaka omu mitwe, bachura, batongya, batera n'enduru bati, “Ai bambi, ai bambi, ekigo Nyamukuru mbali bona abagiraga emeli omu nyanja batungisiibwe eitunga ly'omwo! Babiloni yahwaho omu saa emoi. 20Shemelerwa iwe iguru orwo Babiloni yasilika, shanduka inywe begesibwa, inywe ntumwa na inywe barangi, kuba Ruhanga yabehoroleza ekigo ekyo!”21Nirwo omumalaika omunyamani yashutwire eibare elilikwigana orubengo ruhango akalikuntura omu nyanja nagamba ati, “Nikwo Babiloni ekigo nyamuhango elikunturwa etyo ahansi n'amani, mara eliba etakiboneka lindi. 22Amaraka g'abatezi b'enanga, n'abahoyi, n'abatezi b'emilere, n'abatezi b'amakondere, tigalihulirwa rundi muli iwe. N'omubuya w'akalimo kona kona k'obubuya, n'eiraka ly'orubengo omul'iwe tibilizokamu rundi.23Etara telishuba kwaka rundi muli iwe. Eiraka lya kishwera n'omugore liliba likyahulirwamu maki? Abatunzi bawe omu nsi bakaba bali bashaija enyanwanwa, kandi eirogo lyawe likagobeza amahanga gona. 24Bona abakaisirwe omu nsi, n'abarangi n'abakirisito, bakaitwa Babiloni.”
191Ahanyuma mpulira ekyashusha oti iraka ly'embaga mpango omw'iguru niligamba liti, “Musingize Omukama Haleluya! Ekitinwa n'obushobora biba bya Ruhanga waitu, n'iwe aturokora. 2Eiramulye liba lirungi mara ly'amazima. Aramwire omumalaya rwituza; ayahemwize ensi obusiyani bwa wenene. Yamwehora aha rw'obwamba bw'abairube.”3Bagarukamu n'eiraka lihango bati, “Musingize Omukama! Omumalaya ogwo alichunkwa omwika eirai lyona.” 4Abagurusi 40 n'ebitondwa binai ebilikurora bajumara ahansi bafukamira Ruhanga asingiire aha nketo nibagamba bati, “Amina. Haleluya!”5Eiraka lihango nalyo lyema aha nketo liti, “Musingize Ruhanga waitu, inywe bairube inywena abakamutina, omuke n'omuhango.”6Nshuba mpulira ekyashusha oti iraka ly'embaga mpango, oti kahiliro k'omutunga, gangi, oti iguru nilihinda n'amani, eiraka nilyatanguka liti, “Haleluya! Kuba Omukama Ruhanga waitu Rushoborabyona asingiire aha ngoma.7Tushemelerwe, tushanduke, tumusingize, kuba obugenyi bw'obushwere bwa Kataama bwahika, n'omugore yayetekatekire, 8Omukama asingiire omugore, yamwambika kitaani nungi, elikwengelera mara etainaimu katokoro.” Kitani nungi nibyo bikorwa by'obugorogoki eby'abakirisito.9Kandi omumalaika angambira ati, “Handika ekigambo eki: Baberwa abaraliziibwe aha muraagiro gw'obugenyi bw'obushwere bwa Kataama.” Ashuba angambira ati, “Ebigambo bya Ruhanga ebi by'amazima.” 10Aho mugwa omu maguru kumufukamira, kyonkai angambira ati, “Ebi otakubikora! Inye ndi mwiru mutahi wawe mara mutaahi wa barumuna bawe abakwete evangeli ya Kirisito. Ruhanga obe n'iwe ofukamira.” Kuba evangeli ya Kirisito niyo eshoboza abarangi kuranga.11Nirwo naboine eiguru likingukire, nkabona efarasi elikwera. Ayabaire agishuntamireho akaba nayetwa Mwesigwa mara Omunyamazima, omu kuramura n'omu kurashana wenene aba mugorogoki. 12Amaisho nigashusha orulimi rw'omuliro, enkinga zitali zike zimuli aha mutwe; ainai eibara elimuhandikirweho ely'omuntu n'omoi atalikumanya shana wenene wenkai. 13Ayambaire ekanzu eibikire omu bwamba, n'eibara nayetwa Kigambo wa Ruhanga.14Amahe g'omw'iguru, gajwete kitaani nungi, katare etainaimu katokoro, nigamuhondera gakuubire efarasi zilikwera. 15Omu kanwa yarugwamu embanda ehyoirwe ey'okwisa amahanga, mara amahanga ago aragatwaza enkoni y'ekyoma. Kandi eijungiro ly'edivai elilimu ekiniga kibi kya Ruhanga Rushoborabyona naija kulilibatilira. 16Aha kanzuye n'aha kiberokye ahandikirweho eibara eli: Omukama w'abakama, Rugaba Nyamukuru.17Nshuba mbona omumalaika ayemeleire omw'izoba, ayeta muno amahungu gona agalikuharara eiguru ati, “Mwije, muhurure, mwije aha muraagiro katangaza gwa Ruhanga, 18mulye abakama, abakuru b'amahe, abaisherukare, efarasi n'abazikuubire, abantu bona: Omwiru n'atali mwiru, na muke na muhango.”19Mbona ekikaaka n'abakama b'ensi n'amahe gabo bahurwire kurashanisa ogwo asingiire aha farasi n'okurashanisa eihelye. 20Ekikaaka bakita omu ngaro, n'omurangi w'ebishuba abulimu ayakoraga eby'okutangaza omu maisho gakyo ebyo kyabeiyesaga ababaire bagiirweho akabonero kakyo n'abafukamiraga ekishushani kyakyo. Ekikaaka ekyo hamoi n'omurangi w'ebishuba akabanaga nibarora omu nyanja y'obuganga obulikwokya.21Abantu abandi bakaitwa embanda y'ogwo asingire aha farasi; niyo mbanda elikumuruga omu kanwa; amahungu gabalya gaiguta gaigusire.
201Ngya mbona omumalaika naruga omw'iguru akwete orufunguruzo rw'ekina kitaina bugarukiro n'omunyororo guhango. 2Akwata ekinyamugenge, niyo njoka eya karai, Ibilisi, Sitani, akiboha emyaka 1,000, 3akijugunya omu kiina ekyo, akikingiranamu, mara ekiina akitaho omuhuri ekinyamugenge kitaija kikashuba kulemba mahanga rundi, kuhika emyaka 1,000 kuhwa. Aho nirwo kilibohororwaho akaanya kake.4Kandi mbona enketo z'abakama, zisingiirweho abantu ababaire batungirwe obushobora bw'okuramura emishango. Kwakwo nshuba mbona emyoyo y'abantu ababaire batemirweho emitwe aha rw'okwesiga Yesu n'ekigambo kya Ruhanga, ababaire batafukamiire kikaaka anga kishushani kyakyo, kandi batagiirweho kabonero kakyo mu buso anga mu biganja. Bahimbuka, balya engoma na Kirisito emyaka 1,000.5Abafiire abasigaire tibahimbukire kulemwa kugoba emyaka 1,000 kuhwa. 6Muberwa mara mutakatifu alikuhimbuka omw'ihimbuka elya mbere! Nk'aba tibalifa rundi, ekiliho baliba bakuhani ba Ruhanga na Kirisito, balye nawe engoma emyaka 1,000.7Emyaka 1,000 k'elihwa, Sitani alitaishurwa aruge jela. 8Alituruka kulemba amahanga aha pembe inai z'ensi, amahanga nigo Gogi na Magogi, babahurulize endashana. Orubara rwabo baliba nk'omushenye gw'omwaro gw'enyanja.99 10Ibilisi ayabaire abalembire anagwa omu nyanja y'omuliro n'obuganga mbali ekikaaka n'abarangi w'ebishuba bashangirwe bali, balishasha kiro na mushana eirai lyona.11Ngya mbona enketo mpango katare n'ayabaire agibandaireho. Ensi n'eiguru bimwiruka, mara biburwa obugyo. 12Mbona abafu, abake n'abahango, bemeleire omu maisho g'enketo, n'ebitabo bishurwire. Kwakwo n'ekitabo ekindi, nikyo kitabo ky'oburora, nakyo kikaba kishurwirwe. Abafu baramurwa ebyabaire bihandikirwe omu bitabo ebyo, nibyo bikorwa byabo ebyo babaire bakozire.13Enyanja eshohoza abafu ababaire bagilimu, Rufu agirakwo na Kuzimu kutyo. Abafu ebyo babaire bakozire biba nibyo bibaramura. 14Aho Rufu na Kuzimu bakunturwa omu nyanja y'omuliro. Enyanja y'omuliro nirwo rufu rwa kabili. 15Omuntu ow'eibaralye litazokire mu kitabo kya burora akakunturwa omu nyanja y'omuliro.
211Aho mbona eiguru elihya n'ensi empya. Eiguru elya mbere likahwaho, n'ensi eya mbere kwakwo; n'enyanja ekaba etakizoka rundi. 2Mbona ekigo kitakatifu, Yerusalemu empya, neruga omw'iguru ahali Ruhanga, elengize nk'okw'obona omugore bamulengeize kishwera.3Mpulira eiraka lihango lyemire aha nketo niligamba liti, “Mulebe mbali Ruhanga asingiire nimwo abantu bali. Ruhanga alitura nabo, baliba bantube, kandi Ruhanga wenene alibasingira, 4abaragaze amalira gona omu maisho, rufu achweke, talibaho rundi kuchura anga kulira anga kushasha, aha rw'okuba ebya karai biliba bihoireho.”5Ayabaire abandaire aha nketo agamba ati, “Olebe ebintu byona nabihindura bihya.” Ashuba agamba ati, “Handika eki: Ebigambo ebi by'amazima mara by'okwikilizibwa.” 6Amara angambira ati, “Byahwa! N'inye Alufa na Omega, mbandizo mara ndekelero. Aragiraga eiliho ndamunyoisaga aha nchuro y'amaizi g'oburora obuzira kugura.7Alikasinga endashana alitungwa obusika obu, ndiba Ruhanga we na wenene aliba mwana wange. 8Kyonka ebitini, abatali besigwa, abahagaire, abaisi b'abantu, ensiyani, abarogi, abafukamira ebihuuku, ab'ebishuba bona, erongoro yabo baligishanga omu nyanja y'obuganga bulikwaka, nirwo rufu rwa kabili.”9Aijwa omoi omu bamalaika mushanju abaina epakuli mushanju zijwire ebibundo mushanju eby'enzindo. Omumalaika ogwo angambira ati, “Ija nkwoleke omugore muka Kataama.” 10Yanteka omuli Mwoyo yantwara aha ibanga lihango eliralirai, yanyoleka ekigo kitakatifu kya Yerusalemu nikiruga omw'iguru ahali Ruhanga.11Ekigo ekyo nikyengelera nk'eibare ly'eiguzi elitazoka muno, elyo beta yasipi, nilimyansa nka kirisitalo, obushemere bwakyo nibutabuka ahali Ruhanga. 12Kikaba kiina eboma mpango, eli ndai, ebihigi 12, aha bihigi ebyo haliho abamalaika 12, bihandikirweho n'amabara g'enganda 12 za batabani ba Isiraeli. 13Obugwaizoba haliyo ebihigi bishatu, bikara ebihigi bishatu, kasi ebihigi bishatu, n'obugwaizoba ebihigi bishatu.14Eboma y'ekigo ekyo ekaba eyemeleire aha misingi 12, emisingi egyo einaho amabara g'entumwa 12 za Kataama. 15Omumalaika ayabaire nanfumolera akaba aina enkoni y'ezahabu ey'okupimisa, naija kupima ekigo n'ebihigi n'eboma z'ekigo.16Embaju inai z'ekigo zikaba ziganirane, oburai bwakyo nibwiganirana n'obukiika bwakyo. Ekigo omumalaika akakipimisa enkoniye. Oburai bwakyo bukaba buli bw'ekilomita 2,400 obukiika, n'obwemi kutyo. 17Eboma yakyo nayo agipima. Yashanga eina emita 60 obwemi. Emipimire y'omuntu, niy'emoi n'ey'omumalaika.18Eboma ekaba eyombekesize amabare ga yasipi, ekigo kili ky'ezahabu enchenkure, nikimyansa nk'ekyoo. 19Emisingi y'eboma y'ekigo kya Yerusalemu ekaba elengize n'engeli zona z'amabare g'eiguzi. Yasipi ya mbere, safiro ya kabili, kalukedoni ya kashatu, samaragido ya kanai, 20onikisi ya kataanu, sarudio ya mukaaga, kirisorito ya mushanju, beruro ya munaana, topazi ya mwendai, kirisopuraso ya ikumi, huwakinto ya ikumi n'emoi, ametisito ya ikumi na ibili.21Ebihigi ikumi na bibili n'elulu ikumi na ibili, buli kihigi kikoziibwe elulu emoi nyabumoi, embarabara z'ekigo zahabu enchenkure, n'erolekerana nk'ekyoo. 22Omu kigo kya Yerusalemu Rwensinga tinaigiboinemu. Omukama Ruhanga Rushoborabyona na Kataama nibo Rwensinga y'ekigo ekyo.23Ekigo kikaba kitalikwetaga kwakizibwa izoba anga kwezi, kuba ekitinwa kya Ruhanga nigwo mushana gwakyo, kandi etara yakyo ni Kataama. 24Amahanga garagenda nigaakizibwa omushana gw'ekigo kya Yerusalemu empya. Abakama b'ensi eitunga nimwo baraliletaga. 25Ebihigi byakyo taliho orwo bilikingwa mushana gujwire, kandi n'ekiro tikilimanyika omwo.26Eitunga ly'amahanga n'ebishaagireho barabiletaga omu kigo ekyo. 27Kyonkai kyona kyona ekihagaire tikitaahega Yerusalemu empya, nangu n'abakora kubi bona n'ab'ebishuba, shana abahandikire omu kitabo ky'abarora ekya Kataama.
221Omumalaika yanyoleka omwiga gw'amaizi agagiza g'oburora, nigengelera nka kirisitalo, nigema aha nketo ya Ruhanga na Kataama nigagera, 2nigaraba omugati y'embarabara ya Yerusalemu empya. Orubaju oru n'oru rw'omwiga haliyo omuti gugiza oburora, nagwo gwina engeli 12 z'ebiraba, gwonene guraba buli mwezi. Amababi g'omuti ogwo g'okutambira amahanga.3Omuli Yerusalemu egyo empya talibamu muraamano wena wena, shana enketo ya Ruhanga na Kataama. Kandi abairube baramufukamiraga. 4Balimubona okw'ashusha n'eibaralye lirabaikaraga aha buso bwabo. 5Tililitobera rundi kuba kiro. Tibalyetaaga mushana anga tara anga izoba. Omukama Ruhanga n'iwe arabaga mushana gwabo, mara baliba bakama eirai lyona.6Omumalaika ogwo ashuba angambira ati, “Ebigambo ebi by'amazima mara by'okwikilizibwa. Omukama Ruhanga atunga abarangi Mwoyo, yatweka omumalaikawe kwoleka abairube ebili byokubaho bwangu. 7Mara ndi haihi kwija.” Ni kilimugisha omuntu alikwekomya eby'ekitabo eki kilikubaasha.8Inye Yohana, n'inye nahulire ebigambo ebi mara nkabibona. Orwo nabihuliire mara nkabibona nagwa omu maguru g'omumalaika ayabinyolekire, namufukamira. 9Nawe wenene yangambira ati, “Ebyo otabikora! Inye ndi mwiru mutaahi wawe mara mutaahi wa barumuna bawe abarangi, hamoi n'abalikwekomya eby'ekitabo eki kilikugamba. Ruhanga obe n'iwe ofukamira.”10Angambira ati, “Ebigambo eby'ekitabo eki kilikugamba otabikomesa muhuri, enshonga akaanya kaija kugoba. 11Akora kubi agendelere kukora kubi, omugorogoki agendelere kukora kurungi, kandi omutakatifu aikare ali mutakatifu.12“Inye ndi haihi kwija, nyije n'erongoro yange, buli omoi murongore eby'araba yakozire. 13Inye mba Alufa na Omega, mba wa mbere, mba wa nzindo, n'inye mbandizo mara ndekelero.”14Baberwa abalikwogya ebijwaro byabo bakasana kugoba aha muti gw'oburora, n'okuraba omu bihigi bakataaha omu kigo. 15Enjai y'ekigo haliho embwa, abarogi, ensiyani, abaisi, abafukamira ebihuuku, na buli omoi agonza ebishuba akata nibyo agamba.16“Inye Yesu natweka omumalaika wange kukomeleza enteko ebigambo ebi. Mba muzi gwa Daudi mara mba mwanawe, enyanyinyi ya bwankya nyamutangara.”17Mwoyo na Mugore nibagamba bati, “Ija!” N'araaba nahulira agambe ati, “Ija!” Araaba aina eiliho wena aije. Alikwenda atware amaizi g'oburora obuzira kugura.18Nintatira buli omoi alikuhulira eby'ekitabo eki kilikubaasha. K'omuntu alayongeraho ebya wenene ahali ebi, ogwo Ruhanga aramwongeraho ebibundo ebilikwitoitorwa omu kitabo eki. 19Kandi k'omuntu aligira ebyo yakonshora aha by'ekitabo eki kilikubasha, nawe ogwo Ruhanga alimwaka amatungwa g'omuti gw'oburora n'ekigo kitakatifu, agalikwitoitorwa omu kitabo eki.20Omujulizi w'ebigambo ebi nagamba ati, “Mazima ndi haihi kwija.” Amina. Ija Mukama Yesu! 21Abegesibwa inywena, nimbagondeza omugisha gw'Omukama Yesu. Amina.