Bible

Genesise

1¹Mo tshimologong, Modimo a dira magodimo le lefatshe. ²Lefatshe le ne le sena popego le sena sepe. Lefifi le ne le ilame fa godimo ga boteng. Mowa wa modimo o ne o tsamaya fa godimo ga metsi.³Modimo a re, '' A go nne lesedi, '' mme ga nna lesedi. ⁴Modimo a bona lesedi, go ne go le molemo. A kgaoganya lesedi le lefifi. ⁵Modimo a bitsa lesedi ''motshegare'', mme lefifi la bitswa ''bosigo''. Se sa nna maitseboa le moso, se a le letsatsi la ntlha.⁶Modimo a re, '''A go nne phuthologo fa gare ga metsi, e farologanye metsi le metsi''. ⁷Modimo o ne a dira phothologo mme a kgaoganya metsi aa kwa tlase ga phuthologo le a a kwa godimo ga phuthologo. Ga nna jalo. ⁸Modimo a bitsa phuthologo '' lewatle''. Se ene e le maitseboa le moso, letsatsi lwa bobedi.⁹Modimo a re, ''A metsi a a kwa tlase ga lewapi a kgobokane go le gongwe, a go nne lefelo ka komelelo''. Ga nna jalo. ¹⁰Modimo a bitsa lefelo la komelelo ''lefatshe'', le metsi a kgobokanye ''mawatle''. A bona go le molemo.¹¹Modimo a re, ''A lefatshe le thoge bojang, dimela tse dintshaa peo le ditlhare tsa maungo a dipeo tse di leng mo maungo, jaaka mefuta wa yone.'' Ga nna jalo. ¹²Lefatshe la tlhoga bojang, dimela tsa ntsha peo morago ga mofuta wa yone, ditlhare tsa ntsha maungo a ne a nale dipeo mo go one, morago gs mofutawa yone. Modimo a bona go le molemo. ¹³E ne e le maitseboa le moso, letsatsi laboraro.¹⁴Modimo a re, '' A go nne lesedi mo lewaping go kgaoganya letsatsi le bosigo go bo go nna ditshupegetso, tsa dipaka, tsa malatsi le dingwaga. ¹⁵A go nne lesedi mo lewaping go fa lefatshe lesedi''. Ga nna fela jalo.¹⁶Modimo o dirile masedi a mabedi a magolo, lesedi le legolo go busa motshegare, le lesedi le le nnye go busa bosigo. O dirile dinaledi gape. ¹⁷Modimo a di romela kwa lewaping go fa lefatshe lesedi, ¹⁸go busa motshegare le bosigo tota, le go kgaoganya lesedi go tswa mo lefifing. Modimo a bona go le molemo. ¹⁹Seo e ne e le maitseboa le phakela, tsatsi la bone.²⁰Modimo a re, '' A metsi a tlale ka ditshidi tse dikgolo tse di tshelang, le dinonyane di fofe kwa godimo ga lefatshe mo phuthologong ya loapi.'' ²¹Modimo a dira ditshidi tsa lewatle, gape le setshidi sengwe le sengwemorago ga go tshela ga sone, ditshidi tse di tsamayang le go tlatsa metsi gongwe le gongwe, le nonyane ya diphuka ka losika lwa yone. Modimo o ne a bona go le molemo.²²Modimo a di segofatsa, a re, ''Atlang lo ntsifale, le tlatse metsi mo mawatleng. A dinonyane di ntsifale, le tlatse metsi mo mawatleng. A dinonyane di ntsifale mo lefatsheng''. ²³E ne e le maitseboa le moso, letsatsi la botlhano.²⁴Modimo a re,'' A lefatshe le ntshe ditshidi tse di tshelang, go ya ka tshika ya tsone, diruiwa, digagabi, le diphologolo tsa naga mo lefatsheng, sengwe le sengwe go ya ka tshika ya sone,'' Ga nna jalo. ²⁵Modimo a dira diphologolo tsa naga mo lefatshe ka tshika ya tsone, diruiwa ka mofuta wa tsone, le sengwe le sengwe segagabi fa fatshe ka tshika ya sone. A bona go le molemo.²⁶Modimo a re,'' A re dire motho mo tshwanong ya rona, morago ga thato ya rona.a banne le taolo mo ditlhaping tsa lewatle, mo dinonyaneng tsa loapi, mo leruong, gongwe le gongwe mo lefatsheng, le sengwe le sengwe segagabi se se gagabang mo lefatsheng. ²⁷Modimo o dirile motho mo tshwanong ya gagwe. Motshwanong ya gagwe a mo dira. Monna le mosadi a ba dira.²⁸Modimo a ba segofatsa a ba raya a re, atlang le ntsifale . Le tlatse lefatshe, le lefenye. Nnang le taolo mo ditlhaping tsa lewatle, le dinonyane tsa loapi, le setshidi sengwe le sengwe se se tsamayang mo lefatsheng.'' ²⁹Modimo a re,''Bonang ke lo file semela sengwe le sengwe se se ntshang peo fa godimo ga lefatshe, le setlhare sa maungo a a nang le peo. E tla nna dijo go lona.³⁰Go phologolo ngwe le ngwe ya lefatshe, go nonyane ya magodimo, le segagabi sengwe le sengwe mo lefatsheng, le setshidi sepe fela se se hemang mo botshelong ke se file dimela tse ditala go nna sejo. ''Ga nna jalo''. ³¹Modimo a bona sengwe le sengwe se a se dirileng. Bonang, go ne go le molemo. Go ne go le maitseboa le moso, letsatsi la borataro.

2¹Go ne ga wediwa magodimo le lefatshe jalo, le ditshidi tsotlhe mo go tsone. ²Ka letsatsi la bosupa Modimo o ne a wetsa tiro e a e dirileng, a ikhutsa ka letsatsi la bosupa a sena go fetsa tiro yotlhe e a e dirileng. ³Mme Modimo wa segofatsa letsatsi la bosupa a le itshepisa, ka go nne Modimo o ne a ikhutsa ka lone a sena go fetsa tiro yotlhe e a e dirileng.⁴Mo ke ditiragalo tsa magodimo le lefatshe, fa di bopiwa, mo letsatsing le morena Modimo a dirileng lefatshe le magodimo. ⁵Ga bo go ise go nne ditlhatsana dipe tsa naga mo lefatsheng, go ne go sena setlhare sepe sa naga se se medileng, ka gore morena Modimo o nea ise a nese pula mo lefatsheng, le gone go ne go se motho yo o ka lemang naga. ⁶Mouwane wa tswa mo lefatsheng mme wa nosetsa mpa yotlhe ya lefatshe.⁷Jehofa Modimo a bopa motho go tswa mo leroleng la mmu, a bo a hemela mo dinkong tsa gagwe mowa wa botshelo, mme motho a nna setshidi. ⁸Jehofa Modimo a lema tshingwana kwa botlhabatsatsi, jwa Etene, mme hoo a baya monna yo a mmopileng.⁹Go tswa mo mmung Jehofa Modimo a medisa ditlhare tsotlhe tse di kgatlhisang leitho di siametse go ka jewa. Mo go tsone ga bo go le setlhae sa botshelo mogare ga tshimo, setlhare sa kitso ya molemo le bosula. ¹⁰Noka ya bo e elela gotswa mo Etene go nosetsa tshimo. Go tswa foo ya kgaogana ya nna noka tse nne.¹¹Leina la ya ntlha ke Phisone. Ke yone e e elelang mo lefatsheng lotlhe la Hafila kwa gouta eleng teng. ¹²Gouta ya lefatshe le e le molemo. Teng ga bo go le bedula le lentswe le le kgethegileng.¹³Leina la noka ya bobedi ke Gihone. E yone ya bo e elela mo lefatsheng lotlhe la Kushe. ¹⁴Leina la noka ya boraro ke Tikele, e be e elela botlhabatsatsi jwa Aserea. Noka ya bone ke Yuferatese.¹⁵Jehofa Modimo o tlhomile monna a mmaya mo tshimong ya Eten go berka mo go yone le go e tlhokomela. ¹⁶Jehofa Modimo a laolela monna, a re, ''Go tswang mo setlhareng sengwe le sengwe se se mo tshimong o ka a ja ka phuthologo. ¹⁷Mme go tsweng mo setlhareng sa kitso ya molemo le bosula o seka wa ja, k a gore go tswa mo letsatsing le o tla a jang mo go sone, e le ruri o tla a swa.''¹⁸Jalo Jehofa Modimo a re,''Ga go a siama gore monna a bo a le nosi.'' Ke tla a mo direla mothusi yo o mo tshwanetseng.'' ¹⁹Go tswa mo mmung Jehofa Modimo o dirile diphologolo tsotlhe tsa naga le dinonyane tsa loapi. A bo a di isa kwa monneng gore a di bitse maina. Setshidi sengwe le sengwe se monna a sebiditseng, ya nna leina la sone. ²⁰Jalo monna a fa diruiwa tsotlhe maina, dinonyane tsotlhe tsa loapi, le dibatana tsotlhe tsa naga. Mme mo monneng ka sebele go ne go sena mothusi ope yo o mo tshwanetseng.²¹Jehofa Modimo a dira gore monna a tshwarwe ke boroko jo bo tseneletseng, jalo monna a robala. Jehofa Modimo a tsaya legopo la gagwe a bo a tswala nama fa a ntshitseng teng legopo. ²²Ka legopo le Jehofa Modimo a le tsereng mo monneng, a dira mosadi a bo a mo tisa ko monneng. ²³Monna o ne a re,''ka nako e, mo ke lerapo la marapo ame, le nama ya nama ya me. O tla a bitswa 'mosadi,' ka gore o ntshitswe mo go nna.²⁴Ka jalo monna o tla tlogela rraagwe le mmaagwe, o tla tshwaragana le mosadi wa gagwe, mme ba tla nna nama e le ngwe. ²⁵Botlhe ba ne ba sa apara, monna le mosadi wa gagwe, mme ba ne ba sa tlhabiwe ke ditlhong.

3¹1 Jaanong noga ya bo e le leferefere go gaisa diphologolo tsotlhe tsa lefatshe tse Morena Modimo o di dirileng. Ya raya mosadi ya re, "A Modimo tota o rile, "O seka wa ja mo go sepe sa ditlhare tsa tshimo'?'' ²Mosadi a raya noga a re, ''Re ka ja maungo a ditlhare tsa tshimo, ³mme fa e le ka leungo la setlhare se se fa gare ga tshimo, Modimo o rile, Le seka la le ja, le fa e le go le tshwara, eseng jalo le tla swa.''⁴Noga ya raya Mosadi ya, "Ruri ga o na go swa. ⁵Tota Modimo o itse gore letsatsi le o jang ga lone matlho a gagoa tla bulega, mme o tla bo jaanong o tshwana le Modimo, o itse molemo le bosula.''' ⁶Erile fa mosadi a bona fa setlhare se siametse dijo, mme ebile se kgatlhisa mo matlhong, mme gape se eletsega go ka dira motho botlhale, a tsaga mangwe a maungo a sone mme a ja. Ka jalo a neela monna wa gagwe yo baneng ba le mmogo, mme le ene a ja.⁷Matlho a bone botlhe a bulega, mme ba ba itse go re ga ba ikatega. Ba roka matlhare a mofeigi mme ba itirela diaparo. ⁸Ba utlwa modumowa Morena a tsamaya mo tshimong mo phirimaneng ya letsatsi, mme monna le mosadi wa gagwe ba iphitlha mo boleng teng jwa Modimo mo teng ga ditlhare tsa tshimo.⁹Morena Modimo a bitsa monna mme a mo raya a re, ''a fa kae?'' ¹⁰Monna a re, ''ke go utlwile mo tshimong, mmeka boifa, go nne ke ne ke sa ikatlega. ka jalo ka iphitlha.'' ¹¹Modimo a re, ''O boleletswe ke mang go re ga o a ikatlega? A o jele ga setlhare se ke se go laetseng go re o se ka wa ja mo go sone?''¹²Monna a re, ''Mosadi yo o mo nneetseng go nna le ene, o mphile leungo la setlhare, mme ka le ja.'' ¹³Morena Modimo a raya mosadi a re, ''O dirile jang?'' Mosadi a re, ''Noga e nkakeditse, mme ka ja.''¹⁴Morena Modimo a raya noga a re, ''Ka go nne o dirile jalo, go hutsegile wena mo diphologolong le dibatana tsotlhe tsa naga. O tla tsamaya o gopa ka mpa, mme o tla lerole mo malatsing otlhe a botshelojwa gago, ¹⁵Ke tla tsenya bobaba fa gare ga gago le mosadi, le fa gare ga ga peo ya gago le peo ya gagwe. O tla tswetla tlhogo ya gago mme wena o tla rurusa serethe sa gagwe.''¹⁶Mosadi ene a mo raya a re, ''Ke tla go okeletsa ditlhabi ka nako ya pelegi ya bana; o tla nna le ditlhabi fa o tshola bana. Keletso ya gago e tla nna mo monneng wa gago, mme ene o tla nna le taolo mo go wena.''¹⁷Mme Adame ene a a mo raya a re, ''Ka go bo o ile wa reetsa lentswe la mosadi wa gago, mme wa ja go tswa mo setlhareng, se ke se go laetsang ka re, 'seka wa ja mo go sone,' go hutsegile lefatshe ka ntlha ya gago; o tla ja ka go bereka mo go botlhoko ka malatsi otlhe a gago. ¹⁸Le tla mela mebitlwa le mesetlho ka ntlha ya gago, mme o tla ja ditlhare tsa naga. ¹⁹O tla ja ka mohuhutso waphatlha ya gago, go fitlhelela o boela mo mmung, ka go nne o dule mo go one. Go nne o lerule, mmeo tla boela mo leroleng.''²⁰Monna a bitsa mosadi wa gagwe Efa gonne o ne a le mma ditshidi tsotlhe. ²¹Morena Modimo a direla Adame le mosadi wa gagwe diaparo tsa matlalo mme a ba apesa.²²Morena Modimo a re, ''Motho jaanong o tshwana le mongwe wa rona, o itse tshiamo le bosula. Ka jalo ga a tshwanela go letlelelwa go otlolola seatla sa gagwe go goroga ko setlhareng sa botshelo, a ja mo go sone, mme a tshelela ruri. ²³Mme Morena Modimo a mo kobela kwa ntle ga tshimo ya Edene, go pitlokolola mmu o a ntshitsweng mo go one. ²⁴Jalo Modimo a kgarameletsa motho kwa ntle ga tshimo, mme abaya dicheruba kwa botlhaba jwa tshimo ya Edene, le tshaka e e dikologelang mo dintlheng tsotlhe, go disa tsela e e yang kwa setlhareng sa botshelo.

4¹Monna a kopana le mosadi wa mme a ima a tshola Kaine. A bo a re, ''Ke dirile monna ka thuso ya Morena.'' ²Mme a tshola monnawe Abel. Jalo Abel a nna modisa, mme Kaine a nna molemi.³Go ne ga diragala mo tsamaong ya nako Kaine bontlhabongwe jwa maungo a mmu e le kabelo ko go Morena. ⁴Fa e le Abele, ene a tlisa kabelo ya setsalwapele sa leruo lwa gagwe le mafura. Morena a amogela Abele le kabeloya gagwe, ⁵mme Kaine le kabelo ya gagwe a seka a mo amogela. Jalo Kaine a shakgala thata, mme a sosobanya sefatlhego.⁶Morena a raya Kaene a re, ''Ke ka go reng fa o shakgetse ebile o sosobantse sefatlhego? ⁷Fa o ka dira se se siameng, aa ga o na go amogelwa? Mme fa o ka seke o dire se se siameng, boleo bo go emetse fa kgorong mme bo ikaeletse go go laola, mme wena o tshwanetse go bo fenya''⁸Mme Kaine a bua le morwaa ragwe. Ga diragala go re e re ba le mo nageng, Kaine a tsogologela morwaarragwe mme a mmolaa. ⁹Mme Morena a raya Kaine a re, ''Abel morwaarago o kae?'' A fetola a re, ''Ga ke itse. Aa ke nna modise wa ga morwaarre?'¹⁰Morena a botsa a re, ''O dirile eng? Madi a ga morwaarrago a goeletsa kwa go nna go tswa mo lefatsheng. ¹¹Jaanong o hutsegile go tswa mo mmung, o o butseng legano go amogela madi a morwaarrago go tswa mo diatleng tsa gago. ¹²Fa o pitikolola mmu, go tloga jaanong go ga o na go ntsha maungo a a nonofileng. O tla nna motshabi le ka go mokgarakgatshegi mo lefatsheng.¹³Kaine a raya Morena a re, ''Kotlhao ya me e mphetile. ¹⁴Ka nnete, o ntelekile gompieno mo lefatsheng le, mme ke tla fitlhega mo matlhong a gago. Ke tla nna motshabi le mokarakgatshegi mo lefatsheng, mme fela yo tla mponang o tla mpolaya.'' ¹⁵Morena a mo raya a re, ''Ope fela yo tla bolayang Kaine, pusolosetso e nna mo go ene go menagane ga supa,'' Jalo Morena a baya letshwao mo go Kaine, go re fa ope fela a ka mmona, a seka a mo tlhasela.¹⁶Jalo a tswa mo ponong ya Morena a ya go aga mo lefatsheng la Node, kwa botlhabatsatsi jwa Edene. ¹⁷Kaine a kopanale mosadi wa gagwe, mme ima. A tshola Enoke. A aga motse mme a o bitsa ka leina la morwaawe Enoke.¹⁸Enoke a tshola Irate. Irate a nna rragwe Mehujaele. Mahujaele a nna rraagwe Methushaele. Methushaele a nna rragwe Lameke. ¹⁹Lameke a inyalela basadi ba le babedi. Leina layo mongwe e ne e le Ada, mme yo mongwe ya bo e le Sila.²⁰Ada a tshola Jabale. Yo a nna rraa barui ba letsomane ba ba nnang mo ditanteng. ²¹Leina la morwaaragwe e ne e le Jubale. e ne e le raabo ba ba letsang harepa le lonaka. ²²Sila ene, a tshola Tubale-Kaine, molomaganye wa ditshipi. Kgaitsadie Tubale-Kaine e ne e le Naama.²³Lameke a raya basadi ba gagwe a re, ''Ada le Sila, utlwang lentswe lame; lona basadi ba ga Lameke, reetsang se ke se buang. Gonne ke bolaile monna a nkgobaditse, lekawana le nkobaditse. ²⁴Fa Kaine a ka bosolodiwa ga supa, Lameke e ne o tla bosolodiwa ga masome a supa le bosupa.''²⁵Adame a kopana le mosadi wa gagwe gape, mme a tshola morwa gape. A mo raya leina a re Sethe mme a re, ''Modimo o nneile morwa gape go emisetsa Abele, yo Kaine a mmolaileng.'' ²⁶Sethe a tshola morwa mme a mo raya leina a re Enoshe. Ka nako eo batho ba simolola go bitsa leina la Morena.

5¹Le, ke lekwalo la tshika ya ga Atame. Ka letsatsi le modimo o tlhodileng motho wa mo dira mo setshwanong sa gagwe. ²A tlhola monna le mosadi.A ba segofatsa le go ba fa leina a re motho ka letsatsi le ba tlhodilweng ka lone.³Adame o tshedile dingwaga di le 130, a tshola ngwana wa mosimane mo tshwanong ya gagwe ka popego ya gagwe, a mo fa leina a re Sethe. ⁴Morago ga Atamo a tshola Sethe ,o tshedile dingwaga di le 800 , a tshola bana ba bantsi ba basimane le basetsana . ⁵Atame o tshidile dingwaga di le 930, mme a swa.⁶Fa ne Sethe a tshidile dingwaga di le 105, a nna rraagwe Enosho. ⁷Morago ga sena go nna rraagwe Enosho, a tsela dingwaga di le 807. A nna rra barwa le barwadia ba bantsi. ⁸Sethe o tshedile dingwaga di le 912, a bo a tlhokafala.⁹Fa Enoshe a sena go tshela dingwaga di le 90, a tshola ngwana ebong Kenane. ¹⁰Morago ga go tshola Kenane, Enoshe o tshedile dingwaga di le 815. A tshola bana ba le bantsi ba basimane le basetsana ¹¹.Enoshe o tshidile dingwaga di le 905, mme swa¹²Fa Kenane a tshedile dingwaga dile 70, a nna rraagwe Mahalalele. ¹³Morago ga sena go nna rraagwe Mahalalele, Kenane o tshedile dingwaga dile 840. A nna rra barwa le barwadia ba bantsi. ¹⁴Kenane o tshedile dingwaga dile 910, a bo a tlhokafala.¹⁵Morago ga Mahalalele a tshedile dingwaga di le 60, a tshola Jarete. ¹⁶Morago ga go tshola Jarete, Mahalalele o tshedile dingwaga di le di le 830. A tshola bana ba le bantsi ba basimane le basetsana. ¹⁷Mahalalele o tshedile dingwaga di le 895, mme a swa.¹⁸Fa Jarete a tshedile dingwaga dile 162, a nna rraagwe Enoko. ¹⁹Morago fa a sena go nna rraagwe Enoko, Jarete a tshela dingwaga dile 800. A nna rra barwa le barwadia ba bantsi. ²⁰Jarete o tshedile dingwaga dile 962, a bo a tlhokafala.²¹Fa Enoke a tshedile dingwaga dile 65, a nna rraagwe Methusela. ²²Morago ga Enoko a sena go nna rraagwe Methusela a tsamaya le Modimo dingwaga dile 300. A nna rra barwa le barwadia ba bantsi. ²³Enoke o tshedile dingwaga dile 365. ²⁴Enoke one a tsamaya le Modimo, mme a tsamaya, ka gore Modimo one a mo tsaya.²⁵Fa Methusela a tshedile dingwaga dile 187, a nna rraagwe Lameke. ²⁶Morago fa sena go nna rraagwe Lameke, Methusela a tshela dingwaga dile 782. A bo a nna rra barwa le barwadia ba bantsi. ²⁷Methusela o tshedile dingwaga dile 969. A bo a thokafala.²⁸Fa Lameke a tshedile dingwaga dile 182, a bo a nna le morwa. ²⁹A bitsa leina la gagwe Noa, are, "Yo ene o tla re neela tapologo mo tirong ya rona le mo go berekeng ga diatla tsa rona mo go botlhoko, e re tshwanetseng go e dira ka gore Jehova o hutshitse lefatshe."³⁰Lameke o tshedile dingwaga di le 595, a sena go tshola Noa. A tshola bana ba bantsi ba basimane le basetsana. ³¹Lameke o tshedile dingwaga di le 777, mme a swa.³²Morago ga Noa a sena go tshela dingwaga di le makgolo matlhano, a nna rraagwe, Sheme, Hame le Jafethe.

6¹Go ne ga diragala ha batho ba simolola go oketsega mo lefatsheng mme barweetsana ba simolola go tsholwa mo go bone, ²jalo barwaa batho ba bona fa barwadia batho ba rothisa mathe go lejwa. Ba ba itseela go nna basadi, go ya ka mo ba itlhophetseng ka teng. ³Morena a re, ''mowa wa me ga o na go tswelela mo sikeng loo motho go ya pele, go nne ene ke nama. Ba tla tshela dingwaga di le lekgolo le masome mabedi.⁴Mekaloba e ne e le teng mo lefatsheng mo malatsing ao, mme gape le morago ga one. Mo go diragetse morago ga barwa Modimo ba sena go nyala barwadia batho, mme ba tshola bana le bone. Ba ya nna banna ba ba nonofileng ba kgale, banna tota.⁵Morena a bona fa bomaswe jwa sika loo motho le aname le lefatshe, le go bo dikakanyo tsa dipelo tsa bone di bo di le bosula phetelela. ⁶Morena a ikwatlhaela go bo a dirile motho mo lefatsheng, mme moo ga utlwisa pelo ya gagwe botlhoko.⁷Mme Morena a re, ''ke tla sutlha sika loo motho le ke le dirileng mo lefatsheng - motho, diphologolo, digagabi, dinonyane tsa loapi, go nne ke ikwatlhaela go bo ke di dirile.'' ⁸Mme Noa ene a bona thekegelo mo matlhong a Morena,⁹Tse ke ditirafalo ka ga Noa. Noa e ene e le monna yo o siameng, a sena molato mo bathung ba dipaka tsa gagwe. Noa o ne a sepela le Modimo. ¹⁰Noa a nna rraabo barwa ba le bararo; Sheme, Hame le Jafethe.¹¹Lefatshe le ne le tobekanye ha pele ga Modimo, mme le tletse thubakano. ¹²Modimo a leba lefatshe, bonang, la bo le senyegile, go nne nama yotlhe e ne e tobekantse ditsela tsa gotsena mo lefatsheng.¹³Mme Modimo a raya Noa a re, ''ke a bona janong gore motlha o tsile go re ke fedise nama yotlhe, go nne ka yone lefatshe le tletse ka thubakano. ¹⁴Itirele areka ka logong la mosepara. O dire dikamore mo teng ga areka, mme o di khurumetse ka boreledi mo teng le kwa ntle. ¹⁵O tla e aga ka tsela e: go rapalala ga areka e tla nna dilekanyo di le makgolo mararo; bophara e tla nna dilekanyo di le masome a matlhano, mme boleele jwa yone e tla nna dilekanyo di le masome a mararo.¹⁶O dire marulelo a areka, mme o tlogele sephatonya gautshwanyane le phelelo ya areka, mme o dire dikarolo tse di tlhomaganeng ga raro. ¹⁷Reetsa, ke gaufi le go tlisa morwalela wa metsi mo lefatsheng, mme ke tla nyeletsa nama yotlhe e e nang le mowa wa botshelo mo tlase ga lefatshe. Sengwe le sengwe se se mo lefatsheng se tle swa.¹⁸Mme ke tla tlhoma kgolagano ya me. O tla tsena mo teng ga areka, wena le bana ba gago, le mosadi, le basadi ba bo morwaabone.le wena. ¹⁹Mo go tsotlhe ditshidi tse di tshelang tsa nama yotlhe, o di tsenye mo teng ga areka di le sebedi-sebedi, e tonanyana le e namagadi,²⁰Dinonyane tsotlhe go ya ka losika lwa tsone, diphologolo tsotlhe go ya ka losika lwa tsone, digagabi tsotlhe go ya ka losika lwa tsone, sebedi-sebedi mo go tsotlhe ditshidi di tla tla kwa go wena mme o tla di tlhokomela. ²¹Phutha dijo tse di farologanyeng mme o di boloke, go re go nne le dijo tse e o tla di jang le tsone. ²²Jalo Noa a dira jalo, go ya ka se Modimo o se mo laetseng, mme a direa fela jalo.

7¹Jehova a raya Noa a re, "Tlaya, wena le ba ntlo ya gago botlhefela, mme lo tsene mo arakeng, ka go bo ke bonye fa o le boitshepo ,o losikeng lo. ²Mo diphologolong tse di itshekileng, o tla tsenya tse ditonanyana dile supa le tse di namagadi dile supa. Mo diphologolong tse di itshekologileng, o tla tsenya dile pedi, e tonanyana le molekane wa yone. ³Le dinonyanane tsa loapi, tsone o tsenye tse ditonanyana dile supa le tse dinamagadi dile supa, go boloka losika lwa tsone mo lefatsheng lotlhe.⁴Go nne morago morago ga malatsi a supa ke tla nisa pula mo lefatsheng ga malatsi a le masome a mane le le masigo a le masome a le mane. Ke tla senya tsotlhe tse di leng mo lefatsheng tse ke di dirileng." ⁵Mme Noa a dira tsotlhe tse Jehova a di mo laoletseng.⁶Mme Noa a bo a le dingwaga dile makgolo a marataro fa morwalela o tla mo lefatsheng. ⁷Noa , bo morwaawe, mosadi wa gagwe, le dingwetsi tsa gagwe ba tsena botlhe mo teng ga araka ka ntlha ya metsi a morwalela.⁸Diphologolo tse di itshekileng le tse di itshekologileng, dinonyane, le digagabi tsotlhe, ⁹dile sebedi sebedi, e tonanyanale e namagadi, ta tla ko go Noa mme tsa tsena mo teng ga araka, fela jaaka Modimo o ne o laetse Noa. ¹⁰Ga diragala morago ga , malatsi a supa, metsi a morwalela a goroga mo lefatsheng.¹¹Mo ngwageng wa bomakgolo a marataro a gotshela ga ga Noa, mo kgweding ya bobedi, letsatsi la bolesome le bosupa la kgwedi, ka lone letsatsi leo, metswedi yotlhe ya boteng ya thubega ya bulega, mme ditlhabaphefo tsa selegodimo tsa bulega. ¹²Pula ya simolola go na malatsi a le masome a mane le masigo a le masome a mane.¹³Ka lone letsatsi leo Noa le borwaawe, Sheme, Hame, le Jafete, le Mogatse Noa, le basadi ba bomorwaawe ba ba bararo a na le bone, ba tsena mo arekeng. ¹⁴Ba tsena mmogo le nngwe le nngwe ya diphologolo go ya ka mefuta ya tsone, le diruiwa tsolthe go ya ka mefuta ya tsone, le dirdigagabi tsotlhe tse di gagabang mo lefatsheng go ya ka mefuta ya tsone, le lefuta yotlhe ya dinonyane go ya ka mefuta ya tsone, tsotlhe tse di nang le diphuka.¹⁵Sebedi sebedi sa nama yotlhe e e nang le mohemo wa botshelo sa tla kwa go Noa mme tsa tsena mo arekeng. ¹⁶Diphologolo tse di tseneng mo arekeng ya bo e le tse di tonanyana le tse di namagadi tsa nama yotlhe; tsa tsena fela ka fa Modimo o neng o mo laetse.¹⁷Mme merwalela ya goroga mo lefatsheng ka malatsi a le masome a le mane, mme metsi a oketsega a tsoleletsa areka fa godimo ga lefatshe. ¹⁸Metsi a khurumetsa lefatshe, mme areka ya kokobala fa godimo ga metsi.¹⁹Metsi a tlhatloga thata mo lefatsheng mo dithaba tsotlhe tse di ka fa tlase ga loapi di ileng tsa khurumediwa. ²⁰Metsi a tlhatloga dielo di le lesome le botlhano mo godimo ga ditlhoa tsa dithaba.²¹Ditshidi tsotlhe tse di neng di saila mo lefatsheng tsa swa - dinoyane, dibatana tsa naga, ditshidi tsotlhe tse di neng di tshela ka dipalo palo mo lefatsheng, le losika lotlhe loo motho. ²²Dibopiwa tsotlhe tse di neng di tshela mo lefatsheng, di hema mohemo wa botshelo ka dinko tsa tsone, tsa swa.²³Ka jalo ditshidi tsotlhe tse dineng di le mo godimo ga lefatshe tsa nyelediwa tsotlhe, sika loo motho le diphologolo le digagabi le dinonyane tsa loapi. Ke Noa fela le ba ba neng a na le bone mo arekeng ba ba neng ba sala. ²⁴Metsi a tswelela a le mo lefatsheng malatsi a le lekgolo le masome a matlhano.

8¹Modimo o ne a gopola Noa, le diphologolo tsotlhe tsa naga, le leruo lotlhe le a neng a nale lone mo teng ga araka. Modimo o ne a fukisa phefo mo godimo ga lefatshe mme metsi a simolola go ya tlase. ²Metswedi ya metsi e e koteng le matlhaba phefo a legodimo a ne a tswetswe, mme pula ya kgaotsa. ³Metsi a morwalela a simolola go ya tlase ka bonya ka bonya a tsena mo mmung, mme moago ga malatsi a le 150 a wela metsi a ne setse a ile tlase.⁴Araka e ne ya ikhutsa mo kgweding ya bosupa, mo letsatsing la bo lesome le bosupa la kgwedi, godimo ga thaba ya Ararata. ⁵Metsi a ne a tswelela a ya tlase gofitlhela kgwedi ya bo lesome. Ka letsatsi la ntlha la kgwedi, ko godimo ga ditlhaba ga simolola go bonala.⁶Go ne ga diragala morago ga malatsi a le masome a le mane gore Noa bule letlhaba phefo la araka e a neng a e dirile. ⁷One a roma legakabe mme le ne la fofela kwa le kwa go fitlhela metsi a kgala mo lefatsheng.⁸Morago ga mo a roma lephoi go ya go thola gore a metsia setse a kgadie mo lefatsheng.. ⁹Mme lephoi la fitlhela go sena fa le ka gatang teng, mme la boela ko go ene mo arakeng, ka gonne etsi a ne a setse a le boidiidi a apesitse lefatshe lotlhe. One a otlololela lebogo la gagwe ko ntle mme a busetsa lephoi ko go ene mo arakeng.¹⁰A leta malatsi a le supa a roma lephoi gape go tswa mo arakeng. ¹¹Lephoi la boela ko go ene mo maitseboeng. Bona! Mo molomong wa lone la bo le hupile letlhare la Olifi. Jalo Noa a itse fa metsi a setse a kgadile mo lefatsheng ¹²One a leta malatsi a le supa gape, a roma lephoi gape. Ga le a ka la boela ko go ene gape.¹³Gone ga tla mo lebakeng la dingwaga dile makgolo a le marataro le bongwe, o kgweding ya ntlhamo letsatsing la ntlha la kgwedi gore metsi a bo a kgadile mo godimo ga lefatshe. Noa a apola sekhurumelo sa araka, a leba kwa ntle, a lemoga fa lefatshe le omeletse. ¹⁴Mo kgweding ya bobedi, mo letsatsing la bo masome a mabedi le bosupa la kgwedi, lefatshe la bo le omeletse.¹⁵Modimo a raya Noa are, ¹⁶"Tswela ko ntle ga araka, wena, mosadi wa gago, bo morwaago, le basadi ba barwa ba gago. ¹⁷Tsaya le wena sebopiwa se se tshelang sa nama le madi, dinonyane–gore ditle di ntshifale thata mo lefatsheng, gore ditle di bee maungu di ate mo lefatsheng."¹⁸Ka jalo Noa a tswela kwantle le barwa ba gage, mosadi w gagwe le basadi ba barwa ba gagwe. ¹⁹etshidi sengwe le sengwe, segagabi sengwe le sengwe, le nonyane ngwe le ngwe, sengwe le sengwe se se tsamayang mo lefatsheng go yeng ka losika la tsone tsa tswela ko ntl ga araka.²⁰Noa a agela yaweh aletara. one a tsaya dingwe tsa diphologolo tse di itshekileng le dingwe tsa dininyane tse di itshekileng a dira setlhabelo sa setsheso mo aletareng. ²¹yaweh a nkgelwa ke lenko le le itumedisang mme mo pelong ya gagwe are, "Ga ke sa tlhola ke hutsa lefatshe ka lantlha ya motho, le fa maikalelo a dipelo tsa bone a le maswe gotsweng bonyeng jwa bone. Ga nkitla ke nyeleta sepe se se tshelang, jaaka ke dirile. ²²Jaaka fa lefatshe le ntse, nako ya go jala le ya thobo, serame le mogote, selemo le mariga, le motshegare le bosigo ga di kitla di ema."

9¹Jaanong Modimo a segofatsa Noa le bomorwae, mme a ba raya are, "Atlang, ntshifalang, le tlatse lefatshe. ²Ka ntlha ya lona ke tla tsenya poifo le letshogo mo ditshiding tsa lefatshe, mo dinonyaneng tsotlhe tsa loapi, mogo tsotlhe tse di gogobang mo mmung. Ke di tsentse mo diateng tsa lona.³Tsotlhe tse di tsamayang mme di tshela e tla nna dijo tsa lona. Jaaka ke lo neetse ditlhare tse di ungwang tse di tlala, jaanong ke lo naya sengwe le sengwe. ⁴Mme ga lo a tshwanela go ja nama ena le botshelo—e bong madi—mo go yone.⁵Ka madi a lona, le botshelo jwa lona jo bomo mading a lona, ke tla lopa tuelo. Go tswa mo seatleng sa phologolo ngwe le ngwe ke tla bo lopa. Go tswa mo seateng sa motho, ke gore, go tswa mo seatleng sa yo o bolaileng morwa rragwe, ke tla lopa tuelo ka botshelo jwa motho. ⁶Yo o bolayang motho a tsholola madi le ene madi a gagwe a tshwanetse go tshololwa, ka gore motho o dirilwe mo tshwanong sa Modimo. ⁷Mme lona, atlang le ntshifale, le katologe le lefatshe lotlhe."⁸Jaanong Modimo a bua le Noa le bo morwae are, ⁹"Reetsang, ka re! Ke a go diragatsa kgolaganyo yame le lona, le dikokomane tsa lona morago ga lona, ¹⁰le ditshedi tsotlhe tse di nnang le lona, le dinonyane, le diruiwa, le sebopiwa sengwe le sengwe se se nnang le lona, tshotlhe tse di tswang mo arakeng, le setshidi sengwe le sengwe mo lefatsheng.¹¹Ke rurifatsa kgolagano yame le lona, ga nketla gape ke nyeletsa nama yotlhe ka metsi a morwalela. Ga go ketla go nna le morwalela go nyeletsa lefatshe." ¹²Mme Modimo ware, " E ke tshupo ya kgolagano yame e ke e dirang le lona le setshedi sengwe le sengwe se se nnang le lona, go ya dikokomaneng tsotlhe tse di ko pele. ¹³Ke beile motshe wame mo lerung, mme e ta nna tshupo ya kgolagano yame le lefatshe lotlhe.¹⁴Go tla diragala gore ha ke tisa leru go apesa lefatshe mme motshe wa modimo o bo o bonala mo lerung, ¹⁵ho ke tla gopola mo tlhaloganyong kgolagano yame, e e ha gare game le lona le ditshidi tsotlhe tsa nama. Metsi ga a ketla a nna morwalela gape go senyaka nama yotlhe mo lefatsheng.¹⁶Motshe wa modimo o tla nna mo marung mme ke ta o bona, gore ke te ke kgone go gopola kgolagano e e sa feleng fa gare ga modimo le setshedi sengwe le sengwe sa nama se se mo lefatsheng." ¹⁷Modimo wa raya Noa wa re, "E ke yone tshupo ya kgolagano e ke e rurifaditseng fa gare game le nama yotlhe e e mo lefatsheng."¹⁸Barwa Noa ba ba neng ba tswa mo arakeng ke Sheme, Hame, le Japhetha.Hame e ne ele rraagwe Kanana. ¹⁹Boraro joo ke bone barwa Noa, mme gotswa mo go bone lefatshe la tladiwa ka dichaba.²⁰Noa a simolola ya nna molemi, mme a lema moweine. ²¹A nwa bojalwa jwa weine a tagwa. A robala a sa ikatlega mo tenteng ya gagwe.²²Ya re Hame, rraagwe Kanana, a bona rraagwe a sa ikatlega a bolelela bbarwa rraagwe ba babedi ba ba neng ba le kwa ntle. ²³Jaanong Sheme le Japhetha ba tsaya kobo ba e pega mo magetleng, ba tsamaya ba lebile kwa morago mme ba ya ba khurumetsa go sa ikatlega ga ga rraabone. Difatlhego tsa bone di ne di lebile go sele, ka moo ga ba aka ba bona rraabone a sa ikatlega.²⁴Yare Noa a tsoga mo botagweng jwa gagwe jwa mofine, a lemoga se barwae ba bannye ba se dirileng mo go ene. ²⁵Mme are, "A Kanana a hutsege. A a nne lelatla la malatla a bo morwa rraagwe."²⁶Mme gape a bua are, "A Jehova, Modimo wa ga Sheme, o bakwe, mme a Kanana a nne lelatla la gagwe. ²⁷A Modimo a atlolose bonno jwa ga Japhetha, mme a bonno jwa gagwe bo nne mo ditenteng tsa ga Shema, mme a Kanana e nne lelatla la gagwe."²⁸Morago ga morwalela, Noa a tshela dingwaga di le 350. ²⁹Malatsi otlhe a botshelo jwa ga Noa e ne ele dingwaga dile 950, ebo a tlhokafala.

10¹Ba ene e le dikokomane tsa barwa ba ga Noa, e bong Sheme, Hame , le Jafethe. Barwa ba bone ba tshotswe morago ga morwalela.²Bo morwa Jafete e ne e le Gomere, Magoge, Matai, Jafane,Tubale, Mesheke le Tirase. ³Bo morwa Gomere e ne e le Ashekenase, Ruphathe le Togarama. ⁴Bo morwa Jafane e ne e le Elishaha, Tarashishi, Kitime, le Totanimi. ⁵Go tswa mo go ba, batho ba letshitshi la lewatle ba ne ba kgaogana ka mafatshe, lengwe le lengwe lena le puo ya lone , go ya ka fa dikgotlaneng le ka fa ditshabeng tsa bone.⁶Bo morwa Hame ke Kuse, Miseraime, Pute, le Kanana. ⁷Bo morwa Kuse e ne e le Seba, Hafila, Sabeta, Raama, le Sabeteka. Bo morwa Raama e ne e le Sheba le Detane.⁸Kuse a tshola Nimerote, yo o nnileng mofenyi wa ntlha mo lefatsheng. ⁹E ne ele motsumi o nonofileng fa pele ga ga Jehova. Ke ka mo go tweng, "Jaaka Nimerole, motsumi yo o nonofileng fa pele ga Jehova." ¹⁰Bogosi jwa gagwe bo simolola kwa Babele, Erege, Akate, le Kalene, mo lefatsheng la Shenare.¹¹A tswa mo lefatsheng leo a ya kwa Asiria , a aga Ninefe le Rehobothe, le Kala, ¹²le Resene, yo o neng ale fa gare ga Ninife le Kala. e ne e le motse o mogolo. ¹³Misarime ya nna rragwe Baludi, le Baanamite,le Balehabi,le ¹⁴Banafetuhi, ba Phatharusi, Bakaseluni ( ba go duleng Bafilisitia mo go bone) le Bakefetori.¹⁵Kanana a tshola Sitone ,motsalwapele wa gagwe, le Hethe, ¹⁶le Bajebusi, Baamora le Bagigashishe, le ¹⁷Bahife, Baarika le Basinite, le ¹⁸Baarafatitei le Basemari le Bahamatite. Morago ga moo dikgotlana tsa Bakanana tsa anama.¹⁹Molelwane wa Bakanana one o simolola kwa Sitone, mo ntlheng ya Gerara go wela ko Gasa jaaka o tsamaela ko Sotoma, Gomora, Atema, le Seboime go fitlha kwa Lasha. ²⁰Bao ke bo morwa Hame, ka dikgotlana tsa bone, ka diteme tsa bone, mo mafatsheng a bone, le mo ditshabeng tsa bone.²¹Sheme, e leng mogolowe Japhete le ene a tshola barwa. Sheme gape e ne e le rragwe batho botlhe ba Ebere. ²²Barwa Sheme e ne e le Elama, Ashure, Arafasate, Ludi le Arama. ²³Barwa Arama e ne ele Usa, Hula, Gethare le Mesheke.²⁴Arepakesate a tshola Shela, mme Shela a nna tshola Ebere. ²⁵Ebere a nna le barwa bale babedi, yo mongwe o ne a bitswa Pelege, ka gore ka nako ya malatsi a gagwe lefatshe le ne la kgaogana. Monnawe o ne a bitswa Joketane.²⁶Joketane a nna rraagwe Alemotate, Shelefe, Hasaremafete, Jera, ²⁷Hatorame, Usale, Dikela, ²⁸Obale, Abimnaele, Sheba, ²⁹Ofira, Hafila, le Jobaba. Botlhe ba e ne e le barwa Joketane.³⁰Boago jwa bone bo ne bo simologa kwa Mesha, go ya go tsena kwa Sephare, thaba ya botlhaba tsatsi. ³¹Bao ke bo morwa Sheme ka fa dikgotlaneng tsa bone le ka fa puong ya bone, mo ditshabeng le mo nageng ya bone.³²Tse ke dikgotlana tsa barwa Noa, go ya ka fa lesikeng la bone, ka ditshaba tsa bone. Gotswa mo go bone merafe ya kgaogana mo lefatsheng morago ga morwalela.

11¹Jaana lefatshe lotlhe la bo le dirisa puo e le nngwe le mafoko a a tshwanang. ²Mme yare ba tsamaela ko botlhabatsatsi, ba fitlhela lobala mo lefatsheng la Shinare mme ba aga gone.³Ba raana ba re, " tlang, re dire setena re se bese se butswe thata ." Ba dirisa setena mo boemng jwa letlapa le sekonetere jaaka taka. ⁴Bare, "Tlang, re ikageleng toropo le kago e e godileng e setlhowa sa yone se tlaa fitlhang kwa legodimong, mme a re iteleng leina. ha re sa dire, re tla phatlalala mo bophareng jotlhe jwa lefatshe."⁵Mme Jehofa fologela go bona toropo le kago e e godileng e bana ba bana ba ga Adame ba e agileng. ⁶Jehofa are, "bonang, ke batho ba le banngwe fela ba buwa puo ele nngwe, mme se ke sone se ba simololang go se dira! Sepe fela se ba batlang go se dira ga gona se se tla ba palelang. ⁷Tlang, re fologeng re tlhakatlhakane puo ya bone gone, e tleere gongwe ba seka tlhaloganyana."⁸Jalo Jehofa a ba phatlalatsa le lefatshe lotlhe mme ba emisa go aga motse. ⁹Ke gone ka moo, leina la bidiwa Babele, ka gore Jehofa o tlhakatlhantse puo ya lefatshe lotlhe mme yare go tswa foo Jehofa a ba phatlalatsa le lefatshe lotlhe.¹⁰Tse ke tsone dikokomane tsaga Sheme. Sheme o ne a le dingwaga dile lekgolo, mme a nna rragwe Arepakasete dingwaga dile pedi morago ga morwalela. ¹¹Sheme a tsehela a dingwaga dile makgolo a matlhano a sena go tshola Aprepakasete. A tshola ba bangwe basimane le basetsana.¹²Arepakasat a tshela dingwaga dile masome mararo le botlhano, a tshola shela. ¹³Arepakasate a tshela dingwaga dile 403 a sena go tshola Shela. A tshola ba bangwe basimane le basetsana.¹⁴Shela a tshela dingwaga dile masome a mararo, a tshola Ebere. ¹⁵Shela o tshedile dingwaga dile 403 a sena go tshola Ebere. A tshola ba bangwe basimane le basetsana.¹⁶Ebere a tshela dingwaga dile masome a mararo le bone, a tshola Pelege. ¹⁷Ebere a tshela dingwaga dile 430 morago ga go nna rragwe Pelege. A bowa a nna rraagwe bana ba bangwe ba basimane le basetsana.¹⁸Ha Pelege a sena go tshela dingwaga dile masome mararo a tshola Reu. ¹⁹Pelege a tshela dingwaga dile 209 a sena go tshola Reu. A nna le bana ba bangwe ba basimane le basetsana gape.²⁰Ha Reu a sena go tshela dingwaga dile masome a mararo le bobedi, a tshola Seruge. ²¹Reu a tshela dingwaga dile 207 a sena go nna rraagwe Seruge. A tshola ba bangwe basimane le basetsana.²²Ha Seruge a sena go tshela dingwaga dile masome a mararo, a tshola Nahore. ²³Seruge a tshela dingwaga dile makgolo a mabedi a sena go tshola Nahore. A tshola ba bangwe basimane le basetsana.²⁴Ha Namore a sena go tshela dingwaga dile masome a mabedi le bofera bongwe, a tshola Tera. ²⁵Nahore o tshedile dinwaga dile 119 a sena go tshola Tera. A tshola ba bangwe basimane le basetsana. ²⁶Ya re morago ga Tera a sena go tshela dingwaga dile masome a supa, a tshola Aberame, Nahore, le Herane.²⁷Mme jaana tse ke tsone dikokomane tsaga Tera. Tera a shola Aberame, Nahore, le Harane, Harane a tshola Lote. ²⁸Harane a tlhokafala fa peleg ga ga rraagwe ebong Tera mo lefatsheng le a tsholetsweng mo go lone, kwa Ure kwa Chaladane.²⁹Aberame le Nahore ba tsaya basadi. Leina la mosadi wa ga Aberame ke Sarai la mosadi wa ga Nahore ke Mileka, morwadia Harane, rragwe Mileka le Isake. ³⁰Sarai ya bo ele moopa; a sena ngwana.³¹Tera a tsaya Aberame morwaagagwe, Lote morwa wa morwa wa gagwe Harane, le Sarai ebong ngwetsi ya gagwe, mosadi mosadi wa morwaagwe Aberame, mme botlhe ba tswa kwa Ura Cheladane, go ya ko lefatsheng la Kanana. Ka jalo batla ko go Harane go nna teng. ³²Tera one a tshela dingwaga dile 250 mme a tlhokafalla mo go Harane.

12¹Jalo Jehofa a raya Aberame a re, "Tloga mo lefatsheng la ga eno, le mo masikeng a gago, le mo go ba ntlo ya ga rrago, o ye kwa lefatsheng le ka tla le go supegetsang. ²Ke tla go dira tshaba e kgolo, ke tla go segofatsa, ke ba ke dira leina la gago legolo, mme o tla nna tshegofatso. ³Ke tla segofatsa ba ba go segofatsang, mme ke tla hutsa ba sa go tlotleng. Ka wena ditshaba tsotlhe tsa lefatshe di tla segofala.''⁴Ka jalo Aberame a bolola, jaaka Jehova a mo kaetse, mme Lote a tsamaya le ene.aberame a bo a le dingwaga di le 75 fa a tloga mo Harane. ⁵Aberame a tsaya Sara, mosadi wa gagwe, Lote morwa monnawe, dithoto tsa bone tsotlhe tse baneng ba di kgobokantse, le batho ba ba neng ba ba neng ba ba bone mo Harane. Ba bolola go ya kwa lefatsheng la Kanana, mme ba goroga mo lefatsheng la Kanana.⁶Aberame a ralala lefatshe go fitlha kwa Shekeme, kwa maokeng a More. Ka malatsi ao Bakanana ba ne ba agile lefatsheng leo. ⁷Jehofa a iponahatsa kwa go Aberame, mme a re, Ke tla naya ditshika tsa gago lefatshe le.'' Ka jalo Aberame a agela Jehofa aletare, yo o neng iponahaditse mo go ene.⁸Go tloga foo a fudugela kwa dithabeng tse di potileng Bethele ka fa botlhaba, mme a tlhoma motlaagana wa gagwe, mme Bethele a bo a le kwa bophirima Ai a le kwa botlhaba. Foo a agela Jehofa aletare mme a bitsa lefelo leo Jehofa. ⁹Jalo Aberame a tswelela ka loeto, a lebile kwa Negefi.¹⁰Ga bo go le leuba mo lefatsheng, mme Aberame a leba kwa lefatsheng la Egepeto go batla bonno.¹¹Mme ya re a le gaufi le go tsena mo Egepeto, a raya Sara a re, ''bona, ke itse fa o le mosadi o montle. ¹²E tlare fa Baegepeto ba go bona ba re ''Yo ke mosadiwa gagwe'' mme ba mpolae, mme wena ba go tlogele o tshela. ¹³O ba reye o re o kgaitsadiake, go re go ntshiamele ka wena, go re botshelo jwame bo sireletsege ka lebaka la gago.¹⁴Ga diragala, ya re fa Aberame a goroga mo Egepeto, Baegepeto ba bona fa Sara a le montle fela thata. ¹⁵Magosana a ga Faro a mmona, ba mo isa kwa go Faro, mme mosadi a akarediwa mo go ba lelwapa la ga Faro. ¹⁶Faro a tlhokomela Aberame fela thata ka lebaka la ga Sara, mme Aberame a abelwa dinku le dikgomo, ditonki tse ditonanyana, malata a banna, malata a basadi, ditonki tse di namagadi, le dikamela.¹⁷Mme Jehofa a otlhaya Faro le ba ntlo ya gagwe ka lebaka la ga Sara, mosadi wa ga Aberame. ¹⁸Faro a biletsa Aberame kwa go ene, mme a re, ''Ke eng selo se o se dirileng mo go nna? Ke ka go reng fa o ne o sa mpolelele go re ke mosadi wa gago? ¹⁹Ke ka go reng fa o ne o re , ''Ke kgaitsadiake'' go dira go re e tle e nne mosadi wame? Jaanong, tsaya mosadi wa gago o tsamae." ²⁰Mme Faro a ntshetsa banna ba gagwe ditaelo, mme ba mo fa tsela go tsamaya, ga mmogo le tsotlhe tse a neng a na le tsone.

13¹Aberame a tlhatlhoga go tswa mo Egepeto, go ya Negefi, ene, mosadi wa gagwe, le tsotlhe tse a neng a na le tsone. ²Mme Aberame a bo a humile mo leruo, selefera, le gauta.³A tsweledisa mosepele wa gagwe go tswa Negeti go ya Bethele, go ya kwa lefelong kwa tante ya gagwe e neng e le teng gole pele, fa gare ga Bethele le Ai. ⁴A ya kwa lefelong le a neng a agile aletara ya gagwe teng pele. Mme ga a fitlha foo a bitsa leina Morena.⁵Jalo Lote, yo o oneng a tsamaya le Aborame, le ene one ana le letsomane, letsomane le ditante. ⁶Lefatshe lene le sa ba letle go re ba ka aga go bapa, ka gore bane botlhe ba na le dithoto tse dintsi, ka jalo gaseka ga kgonafala gore ba nne mmogo. ⁷Gape, gone gona le kgothang fa gare ga badisa baga Aborame le ba ga Lote. Ka nako eo, Bakanana le Baperisa bane ba nna mo lefatsheng leo.⁸Ka jalo Aberame o raya Lote are, "A go se nne le tshokatshokano magareng a rona, le fa gare ga badisa ba rona, morago ga tsotlhe, re lelwapa. ⁹Aa lefatshe lotlhe ga le fa pele ga gago? Tsamaela kwa pele o ikgaoganye le nna. Ga o ya kwa molemeng, nna ke tla ya kwa mojeng. Kana fa wena o ya mojeng nna ke ya molemeng."¹⁰Jaanong Lote a leba mo tikologong, mme a lemoga fa lebala la Jorotane la bo le siame le le bokgola gongwe le gongwe go ya go goroga ko Zoare, jaaka tshingwana ya Morena, jaaka lefatshe la Egepeto. Moo gabo gole pele ga Morena a senyaka Sotoma le Gomora. ¹¹Mme Lote a itlhophela lebala la Jorotane mme a tsamaela kwa botlhabatsatsi, mme masika ba ikgaoganya.¹²Aberame a nna mo lefatsheng la Kanana, mme Lote a nna mo ditoropong tsa lebala, a tlhoma ditante tsa gagwe kgakala le Sotoma. ¹³Jaanong banna ba Sotoma bane ba le ba leofi ba ba bosula thata mo go Jehofa.¹⁴Jehofa a raya Aberame morago ga Lote a sena go kgaogana a re, "Leba go tswa mo lefelong le o emeng mo go lone go ya bokone, borwa, botlhaba, bophirima. ¹⁵Lefatshe le o le bonang, ke tla le go naya le dikokomane tsa gago ka bosakhutleng.¹⁶Ke tla dira dikokomane tsa gago dintsi jaaka lerole la lehatshe, gore fa motho a ka kgona go bala lerole la lehatshe, le dikokomane le tsone ditla balega. ¹⁷Ema, o tsamae boleele le bophara ja lehatshe, mme ke tla le go naya." ¹⁸Jalo Aberame a tlhpma tante ya gagwe, mme a tla a tshela fa ditlhareng tsa Mere, tse di mo Heberone, foo a aga aletara ya ga Jehofa.

14¹Go ne ga dirafala ka malatsi a ga Amarafele, kgosi ya Shinara, Arioko, kgosi ya Elasara, Kedolaomeya, kgosi ya Elame, le Titala, kgosi ya Goime, ²go re ba bolotse ntwa kgatlhanong le Bera, kgosi ya Sotoma, Birasha, kgosi ya Gomora, Shinabe, kgosi ya Atama, Shemeba, kgosi ya Sboyime, le kgosi Bela (yo gape a bidiwang Soara).³Dikgosi tse tlhano tsa bofelo tse tsa tsenelela ntwa mo mokgatsheng wa Sitima (yo gape a bidiwang Lewatle la Letswai). ⁴Morago ga dingwaga tse di lesome le boraro ba sena godirela Ketomilaome, ba ne ba ingaola mongwageng wa lesome le boraro. ⁵Mme ka ngwaga wa lesome le bone, Ketomilaone le dikgosi tse a neng a na natso ba tla go tlhasela Refaime mo Ashitora Karanaime, wa Mosusite mo Hame, Moemite mo Safeha Kiriathaime, ⁶le Mohorite mo lefatsheng le le dithaba la Seira,go goroga fela kwa bokgakaleng jwa Ele Parana, gaufile sekaka.⁷Jaanong ba retologa ba ya kwa Enemishpate (yo gape a bidiwang Katese), mme ba fenya lefatshe lotlhe la Baamalike, le Baamora ba ba neng ba nna mo Hasesone Tamare. ⁸Jaanong kgosi ya Sotoma, kgosi ya Gomora, kgosi ya Atema, kgosi ya Saboyime, le kgosi ya Bela (yo gape a bidiwang Soare) ba tswa ba ya go ipaakanyetsa ntwa mo mokgatsheng wa Sitime ⁹kgatlhanong le Ketorelaome, kgosi ya Elame, Titale, kgosi ya Goime, Amerafele, kgosi ya Shinare, Arioke, kgosi ya Elasare; dikgosi tse nne kgatlhanong le tse tlhano.¹⁰Jalo mokgatsha wa Sitime wa bo o tetse didiba tsa sekontire, mme ya re fa dikgosi tsa Sotoma le Gomora di tshaba, tsa wela mo teng. Ba ba neng ba setse ba tshabela kwa dithabeng. ¹¹Ka jalo dikgosi tsa gapa dithoto tsotlhe tsa Sotoma le Gomora le dilwana tsotlhe tsa bone, mme tsa itsamaela. ¹²Mme erile fa ba tsamaya, ba tsaya Lote, morwa monnawe Aberehame, yo neng a agile mo Sotoma, ga mmogole dithoto tsa gagwe tsotlhe.¹³Mongwe wa ba ba neng ba falotse a tla a bolelela Aberame wa Mohebera. o ne a agile fa maokeng a ga Mamore, Moamora, morwarragwe Eshekolo le Anere, ba eneng e le ditsala tsa ga ga Aberame. ¹⁴Mme ya re Aberame a utlwa go re baba ba gapile wa lesika la gagwe, a bolotsa mephato e e katisitsweng e le 318 ba ba neng ba tsoletswe mo ntlong ya gagwe, mme ba ba latela go ya go fitlha kwa Dane.¹⁵A kgaoganya mephato ya gagwe kgatlhanong le bone bosigo, mme a ba tlhasela, a ba sala morago go fitlhelela bokgakala jwa Hoba, kwa bokone jwa Damaseko. ¹⁶Mme a busetsa dithoto tse di neng di gapilwe, ga mmogo le Lote le dithoto tsa gagwe, le basadi le batho ba bangwe fela jalo.¹⁷Fa Aberame a sena go fenya Ketarelaomere le dikgosi tse aneng a na le tsone, kgosi ya Sotoma ya bolola go ya go kopana le ene kwa mokgatsheng wa Shafe (o gape o bidiwang mokgatsha wa kgosi). ¹⁸Melekiseteke, kgosi ya Salema, a tlisa senkgwe le mofine. E ne e le moperesite wa Modimo Mogodimodimo.¹⁹A mo segofatsa a re, ''Go segofaditswe wena Aberame ke Modimo Mogodimodimo, Motlhodi wa legodimo le lefatshe. ²⁰Go boitshepo Modimo Mogodimodimo, yo tsentseng baba ba gago mo diatleng tsa gago." Mme Aberame a mo abela sabosome mo go tsotlhe.²¹Kgosi ya Sotoma ya re go Aberame, "mpusetse batho mme o itseele dithoto segolo" ²²Aberame a raya kgosi ya Sotoma a re, ''ke tsholeleditse go Jehofa, Modimo Mogodimodimo, motlhodi wa legodimo le lefatshe, ²³go re ga nketla ke tsaya le fa e ele tlhale, le fa e le kgole ya setlhako, le fa e le sepe fela se e leng sa gago, go re o se nne le go re ''ke humisitse Aberame.'' ²⁴Ga ke na go tsaya sepe kwa ntle ga se makolwane a se jeleng le kabelo ya banna ba ke tsamaileng le nna. A Anere, Eshekolo, le Mamere ba itseele dikabelo sa bone.

15¹Morago ga dilo tse lefoko la Jehova la ta ko Aborame mo tshenologong, lere, "O seka tshaba , Aborame! Ke nna thebe ya gago le monei mogolo wa gago." ²Aborame a mo raya a re, "Morena Modimo, o tla nnaya eng, ka gore ke tsweletse ke le moopa, mme moja boswa wa ntlo yame ke Eliesere wa Damasako?" ³Aborame are, "Ka gore ga wa mpha kokomane, bona, yoo o tshotsweng mo ntlong yame e tla nna ene moja boswa wa me!"⁴Bonang, lefoko la Morena la mo raya lare, "Monna yoo ga a kake a nna moja boswa wa gago; mme yo o tla tswang mo peo ya mmele wa gago ke ene yo o tla nnang moja boswa jwa gago." ⁵Morago a mo isa kwa ntle, "leba kwa godimo, bala dinaledi, mme fa o ka kgona go di bala." Mme a mo raya a re," Ka jalo kokomane ya gago e tla nna kalo."⁶A dumela Morena, mme Morena a mo kgetlha moitshepi. ⁷A mo raya are ke nna Morena yo ke go ntshitseng mo Ure wa mo Chalateane, go go naya lefatshe go le ja boswa." ⁸A bua, "Jehova Morena, ke tla itse jang gore ke tla le ja boswa?"⁹A mo raya are, "Ntlisetse kgongwana e e ngwaga tse tharo, nku e e ngwaga tse tharo, lephoi, le sehudi se sengwe." ¹⁰A mo tlela tsotlhe tse, a di kgaola gabedi, mme o di bapise mme di huralelane, mme a seke a kgaoganye dinonyane. ¹¹Fa dinonyane tsa dije ditla go nna mo ditopong, Aborame a di kobela kgakala.¹²Yare fa letsatsi le dikela, Aboramea tshwarwake boroko, bonang, lefifi le lekgolole le tshosang le lentsho la mo apara. ¹³Ebo Jehova are, "Itse ko ntle le tlhobaelo gore kokomane ya gago e tla nna banni mo lefatsheng le eseng la gaeno, mme ba tla nna makgoba ba kgokgontshiwa dingwaga dile makgolo a le mane.¹⁴Ke tla atlhola lefatshe le ba tla le berekelang, mme morago le tla tswa ka dikhumo tse dintsi. ¹⁵Mme le tla boela ko bo rraeno ka kagiso, mme le tla bolokwa le godile le atile dingwaga tsa bogudi. ¹⁶Ka kokomane ya bone ba tla boela kwano gape, ka gore boikobo jwa Baamorite ga se bo lekane."¹⁷Fa letsatsi le diketse go ntse lefifi, bonang, mosi wa molelo wa pitsa le kgabo ya lesedi la ralala dirwa. ¹⁸Ka letsatsi leo Jehova a dira kgolagano le Aberame, are, "Kokomane ya gago ke ba naya lefatshe le, go tswa ko nokeng ya Egepeto go ya kwa nokeng ya Ferathe. ¹⁹Bakeni, Bakenisi, Bakatemoni, ²⁰le Bahite, Baperise, Barafaime, ²¹Baamori, Bakanana, Bagireasi le Bajebusi."

16¹Jaanong Sarai, mosadi wa ga Aborame , o ne a ise a mo tsholele bana, mme o ne a na le lelata la mosadi, wa moegepeto, yo leina la gagwe e neng e le Hagare. ²Jalo Sarai a raya Aborame a re ''Bona, Modimo Jehofa o nthibetse go nna le bana. Ya o robale le motlhanka wame, gongwe nka nna le bana ka ene''. Aborame a utlwa se Sarai a neng a se bua . ³Morago ga dingwaga di le lesome Aborame le lefatsheng la Kanana, Sarai mosadi wa gagwe a tsaya Hagare, motlhankana wa gagwe wa moegepeto a mo neela Aborame go nna mosadi wa gagwe. ⁴Jalo a dirisanya le Hagare, a ima mme fa a lemoga gore o imile, a leba mohumagadi wa gagwe ka lenyatso.⁵Ke fa Sarai a raya Aborame a re ''Ke dirile molato ka lebaka la gago. Ke neetse motlhanka wa mosadi mo sehubeng sa gago, mme ya re a lemoga gore o imile, ka nyadiwa mo mathong a gagwe. A Jehofa Modimo a nne moatlhodi mo gare ga me le wena . ⁶Mme Aborame a raya Sarai a re, ''Bona fa, motlhanka wa gago wa mosadi o mo thateng ya gago, mo dire se o se bonang se go tshwanetse.'' Jalo Sarai a mo gagamaletsa fela thata, mme a tshaba mo go ene.⁷Moengele wa Jehofa a mo fitlhela fa motsweding wa metsi mo nageng. Ke motswedi o o leng mo tseleng fa o ya Shure. ⁸A re ''Hagari motlhanka wa ga Serai o tswa kae le gone o ya kae?'' Mme e ne a re ''Ke tshabile mong wa me Serai''.⁹Moengele wa ga Jehofa a mo raya a re''boela ko mong wa gago, mme o ineele mo taolong ya gagwe.'' ¹⁰Mme moengele wa ga Jehofa a mo raya a re ''Ke tla ntsifatsa lesika la gago thata, ba tla nna bantsi mo ba ka sekeng ba balwe.¹¹Moengele wa modimo Yahweh a mo raya gape a re ''Bona o moimana o tlaa tshola ngwana wa mosimane, jalo o tla mmitsa leina o re Ishimaele ,ka gore Modimo Yahweh o utule tlhokofatso ya gago. ¹²O tlaa nna monna wa tonki ya naga. O tlaa nna kgatlhanong le monna mongwe ,le mongwe o tla nnang kgatlhanong le ene, o tlaa nna a ikgaogantse le barwa rragwe¹³Ke fa Hagai a neela Modimo Yahweh yo o neng a bua le ene leina a re ''O modimo o o mponang,'' a ba a ''A re ke tla tswelela ke bona le morago fa a sena go mpona?'' ¹⁴Ka jalo sediba sa bidiwa Beer Lenai; se se magareng ga Kadesh le Bered.¹⁵Hagare a tsholela Aborame ngwana wa mosimane mme Aborama a bitsa ngwana wa gagwe wa mosimane yo a mo tsholetsweng ke Hagare a re Ishimaele. ¹⁶Aborama o ne a na le dingwaga di le 86 fa Hagare a mo tsholela Ishemaele.

17¹E rile Aborame a le dingwaga di le masome a le fera bongwe le boferabongwe, Morena a iponatsa mo go Aborame mme a mo raya a re, '' ke nna Modimo mothata-yotlhe. Tsamaya fa pele game, mme o nne mosiame. ²Jaanong ke tla rurifatsa kgolagano ya me magare game le wena, mme ke tla a go ntsifatsa go menagane''.³Aborame a wa ka mangole a oba sefatlhego mme modimo a bua nae, a re, ⁴''Fa e le game, bona, kgolagano ya me e na le wena. O tla nna rra dichabachaba. ⁵Leina la gago ga le sa tlhole e le Aborame, mme e tla nna Aborahame- mme ke tlaa go baya go nna rra dichabachaba. ⁶Ke tlaa ntsifatsa tshika ya gago, mme ke tla a dira dichabachaba mo go wena, le magosi a tlaa tswa mo go wena.⁷Ke tla a simolola kgolagano ya me magare ga me le wena le ba losika lwa gago go tswa mo go wena, go ya dikokomane go nna kgolagano e e sa khutleng, go nna modimo mo go wena le bana ba gago morago ga gago. ⁸Ke tla a go neela, goya baneng ba gago morago ga gago, Lefatshe le o ntse o tshela mo go lone, lefatshe lotlhe la Kanana, e tla nna la gago go ya bosakhutleng, mme ke tla nna modimo wa bone''.⁹Jaanong Modimo a raya Aborahame wa re, ''ka ga wena, o tshwanetse go tshegetsa kgolagano ya me, wena le bana ba gago go ya dikokomaneng. ¹⁰E ke kgolagano ya me, e o tshwanetse go e tshegetsa, magare ga me le wenale bana ba gago morago ga gago;monna mongwe le mongwe mo go lona o tshwanetse go rupisiwa. ¹¹Le tshwaetse go rupisiwa ka go kgaola letlalo la bonna, mme se e tla nna sesupo sa kgolagano yame le lona.¹²Mosimane mongwe le mongwe mo go lona yo o na le malatsi a le boferabobedi o tshwanetse go rupisiwa, go ya ka dikokoma tsotlhe tsa lona. Se se akaretsa ope yo o tshotsweng mo lelwapeng la lona le ope yo o rekilweng mo badichabeng e se losika lwa gago. ¹³Monna yo o tshotsweng mo ntlong ya lona ga mmogo le yo o rekilweng ka madi o tshwanetse go rupisiwa. Se ke kgolagano ya me mo nameng ya lona go ya ka bosakhutleng. ¹⁴Ope fela monna yo o sa rupisiwa o tlaa ntshiwa mo bathong ba ga gabo. O a bo a robile kgolagano ya me''¹⁵Modimo a ra ya Aberehame a re, '' Ka jalo mohumagadi wa gago Sarai, o seka wa tlhola o mmitsa Sarai gotlhelele, mme , leina la gagwe e tla nna Sarah. ¹⁶Mme ke tla a mo segofatsa, mme ke tla a mo neela ngwana wa mosimane. Ke tla a mo segofatsa, mme o tla nna mma dichabachaba. Dikgosi tsa batho di tla a tswa mo go ena.''¹⁷Foo Aberehame a wa ka mangole a inamisa sefatlhego, a tshega, a bua mo pelong ya gagwe a re, ''a mme ngwana o ka tsholwa ke monna yo o dingwaga di le lekgolo? Sarah o ka kgona jang, a le dingwaga di le masome a fera bomgwe, go tshola ngwana''? ¹⁸Aberehama araya Modimo a re, '' a Ishimaele a tshele fa pele ga gago!''¹⁹Modimo a re, ''nnyaa Sarah mohumagadi wa gago o tla a go tsholela ngwana wa mosimane, mme o tla a mmitsa a re Isake. Ke tla a simolola kgolagano ya me le ene e e sa khutleng le bana ba gagwe go tswa mo go ene. ²⁰Ka fa Ishimaele, ke go utlwile. Bona, ke mo segofaditse mme ke tla a mo atisa mme e tla a mo ntsifatsa go menagane. O tla a nna rraagwe dikgosi tse lesome le bobedi, mme ke tla a mo dira gore a nne chaba e kgolo. ²¹Mme kgolagano ya me e tla a simologa le Isake, yo Sarah a tla a mo go tsholelang ka nako e mo ngwageng o o tlang.''²²Fa a fetsa go bua le ene, Modimo a tlhatoga a tlogela Aborahame. ²³Aborahame a tsaya Ishimaele morwa wa gagwe, le botlhe ba ba ile ba tsalwa mo lelwapeng la gagwe, le monna mongwe le mongwe yo leng mo batho ba ntlo ya ga Aborahame, mme o ba rupise ka go ba kgaola letlalo la bonna jwa bone ka lone letsatsi leo, jaaka Modimo a laetse.²⁴Aborahame one a le dingwaga di le masome a fera bongwe le bofera-bongwe fa a ne a rupisiwa a kgaola letlalo la bonna. ²⁵Ishimaele morwae o ne a le dingwaga di le lesome le boraro fa a rupisiwa a ntshiwa letlalo la bonna. ²⁶Ka lone letsatsi leo Aborahame le Ishimaele morwae ba ne ba rupisiwa. ²⁷Banna botlhe ba ntlo ya gagwe ba rupisiwa mmogo le ene, le botlhe ba ba tshotsweng mo lelwapeng le bontlhe ba ba rekilweng go tswa badichaba.

18¹Modimo a iponagaletsa Aberahame ko ditlhareng tsa maoka kwa Mamere, a ne a ntse mo kgorong ya tante go le mogote mo motshegareng. ²A leba kwa godimo, a bona banna ba bararo ba eme kgakala le ene. Erile a ba bona, a tabogela kwa go bone go ba kopantsha, kwa kgorong ya tante a bo a ba ikobela fa fatshe.³A mo raya a re,'' Morena wame, fa ke bone letlhogonolo mo matlhong a gago ke kopa o se fete motlhanka wa gago. ⁴A metsi a mannye a tlisiwe o bo o tlhapa maoto o ikhutsa ka fa tlase ga setlhare. ⁵Mme ke tlise dijo gore o tle o itapolose.Morago o ka tsamaya go bo o tswa ko motlhankeng wa gago''. Ba fetola ba re ''dira jaaka o bua''.⁶Aberahame a itlhaganelela kwa go Sara mo tanteng a re, ''baakanya ka bofefo selekanyo sa dielo di le lesome le borataro tsa boupi jwa borotho, o bo dube o bo o dira borotho''. ⁷Jalo Aberahame a ya kwa morakeng go ya go tsaya namane e boruma e ntle, a e neela motlhanka wa gagwe ka bofefo a e apaya. ⁸A tsaya madila, mashi le namane e e apeilweng, a di baya fa pele ga bone. A ema fa go bone fa tlase ga setlhare ba a ja.⁹Ba mo raya ba re,'' Sara mosadi wa gago o kae?'' A fetola a re,'' o mo tanteng.'' ¹⁰A ba raya a re,'' E le ruri ke tla a boela kwa go wena ka nako ya dikgakologo, mme Sara mosadi wa gago o tla a nna le morwa.'' Sara a bo a reeditse a le mo lebating la tante,e e neng e le fa morago ga gagwe.¹¹Jalo Aberehame le Sara ba bo ba tsofetse,ba godile mo dingwageng le Sara a bo a fetile mo seemong sa go ka tshola bana. ¹²Ka jalo Sara a tshega, a ipolelela gore, '' morago ga gore ke tsofale le morena wame a tsofetse, a mme nka nna le boitumelo joo?''¹³Morena a raya Aberahame a re,'' Ke ka goreng Sara a tshega a bo a bua a re, ''A nka tshola ngwana ke tsofetse mo go kana? ¹⁴A go na le sengwe se se palelang Modimo? Mo nakong e e beilweng ke nna, ke tla a tla ka dikgakologo, ke boela ko go ene.Ka nako e ngwaga o o tlang Sara otlaa tshola morwa''. ¹⁵Jalo Sara a ganetsa a re,'' ga ke a tshega, ka go bo a ne a tshogile. A mo fetola a re,'' nnya o tshegile.''¹⁶Jalo banna ba emelela ba tsamaya ba leba kwa Sotoma. Aberahame a tswa le bone a ba boledisa. ¹⁷Morena a re,'' A nka iphitlhela Aberahame ka se ke tlogang ke se dira, ¹⁸lentswa Aberahame a tla a nna tshaba e kgolo, e e maatla, ditshaba tsotlhe tsa lefatshe di tla a segofala ka ene? ¹⁹ka go bo ke mo tlhophile gore a rute bana ba gagwe le ba lelwapa la gagwe go tshola tsela ya Morena, go dira tshiamo le katlholo, jalo gore Morena a diragatse mo go Aborahame se a se buileng le ene.''²⁰Morena a re,'' e re ka selelo kgatlhanong le Sotoma le Gomora se le segolo,le boleo jo bo bo tseneletseng, ²¹ketlaa fologa ke ya go bona gore ba dirile jalo kana ga ba a dira jalo.''²²Banna ba, ba retologa gone foo, ba tsamaela kwa Sotoma, mme Aberahame a tswelela a eme fa pele ga Morena''. ²³Jalo Aberahame a atamela a bo a re,''a o tla nyeletsa basiame le baikepi?²⁴Gongwe go na le basiame ba ba masome a matlhano mo toropong. A otla a senyaka toropo yotlhe, o bo osa utlwele botlhoko basiame ba ba masome a matlhano ba ba mo go yone? ²⁵A morena a seka a dira jalo, go nne kgakala le ene go bolaya basiame le baikepi, gore basiame ba seka ba tseiwa jaaka baikepi. A Morena a seka a dira jalo! A moatlhodi wa lefatshe ga a kake a dira se se siameng?'' ²⁶Morena a re,''fa ke fitlhela baitshepi ba ba masome a matlhano mo toropong, ke tlaa ba utlwela botlhoko ke sa senyake toropo ko Sotoma ka ntlha ya bone''²⁷Aberehama a araba a re, ''Nna yo o lerole le molora ke ikemiseditse go bua le Morena wame! ²⁸Jaanong a re re fa basiami ba ka nna masome a mane le botlhano?A otla senya toropo yotlhe ka ntlha ya go tlhoka ba le batlhano?'' Jalo a re, ''Ga nkitla ke o senya le fa nka fitlhela ba baba masome a mane le botlhano.''²⁹A bua gape le ene a re, ''Jalo o tla a dirang fa ba fitlhelwa ba le masome a mane?'' A fetola a re, ''Ga nkitla ke dira sepe ka ntlha ya baba masome a mane.'' ³⁰A re,'' Morena wame o seka wa nna bogale, gore ke bue. E tle e re gongwe o fitlhele ba ba masome a mararo gone''. A re, ''Fa nka fitlhela ba le masome mararo ga nkake ka dira sepe ka ntlha ya bone.'' ³¹A mo raya a re, ''Bona, ke ikemiseditse go bua le Morena wame! Ga o ka fitlhela ba le masome a mabedi? A fetola a re, ''Ga nkitla ke o senya ka ntlha ya ba ba masome a mabedi.''³²A re,'' A morena a seka a nna bogale, ke tla a bua se labofelo. Gongwe ba le lesome ba ka fitlhelwa koo?'' A re,'' ga nkitla ke e senyaka ka ntlha ya ba ba lesome.'' ³³Morena a tsaya tsela ya gagwe a tsamaya morago ga go fetsa go bua le Aborehame, Aborehame a boela ga gagwe.

19¹Baaengele ba le babedi ba tla Sotoma go le maitseboa, fa Lote a santse a ntse kwa kgorong ya ya Sotoma. Lote a ba bona, a nanoga go ba kopantsha, mme a inamisetsa sefatlhego sa gagwe fa fatshe. ²A ba raya a re, "'ke a le kopa barena ba me, retologelang kwa ntlong ya motlhanka wa lona, mme le robale bosigo bo le bongwe, mme le tlhape dinao tsa lona. Mme le tla tsoga go sale mo mosong go itsamaela."' Mme ba mo fetola ba re, ''Naya, re tla lala mo patlelong."' ³Mme a ba kopa fela thata, mme ba tsamaya le ene, mme ba tsena mo ntlong ya gagwe. A ba apeela dijo a besa senkgwe se se sa bidisiwang, mme ba ja.⁴Mme pele ga ba robala, banna ba motse, banna ba Sotoma, ba dikologa ntlo, botlhe ba bannye le ba bagolo, banna botlhe go tswa mo tikologong yotlhe fela ya motse, ⁵Ba bitsa Lote, ba mo raya ba re, ''Banna ba ba lo etetseng bosijo jo ba kae? Ba ntshetseng kwa go rona, go re re kgone go robala le bone.''⁶Mme Lote a tswela kwa ntle a tswala lebati mme a ya kwa go bone. ⁷Aba raya a re, ''Ke a ale kopa, barrwaarre, le seka la dira bosula bope. ⁸Bonang, ke na le barweetsana ba le babedi ba ba e seng ba kopane le banna gope. Ke a le kopa, a segolo ke ba lo ba tlisetse , mme lo dire se lo bonang se le molemo mo ponong ya lona ka bone. Lo seka lwa dira sepe mo banneng ba, ka go bane ba tlile ka fa tlase ga moriti wa marulelo a boago jwa me.⁹Ba mo raya ba re,''emela kwa morago!'' Ba be gape ba re, ''Yo tlile mo e le motswakwa, mme o itirile moatlhodi wa rona!. Jaanong re tla dira bosula mo go wena go na le ka bone." Ba patelela that kgatlhanong le monna, kgatlhanong le Lote, mme ba nna gaufi le go thuba lebati.¹⁰Ka jalo banna ba otlolola diatla tsa bone, ba gogela Lote mo teng ga ntlo mme ba tswala lebati. ¹¹Mme baeng ba ga Lote ba foufatsa banna ba ba kwa ntle ga lebati la ntllo, botlhe bagolo le bana, mo ba ileng ba lapa thata ba tsomatsomana le lebati.¹²Banna ba botsa Lote ba re, ''a go na le bangwe ba o nang le bone fano? E ka bo e le bagwe, barwa le barwadi ba gago, kana mang fela wa mo motseng, o ba ntshe fano. ¹³Go nne re gaufi le go senya lefelo le, ka gonne tatofatso kgatlhnong le lone fa pele ga ga Jehofa e utlwalegile thata mo a re romileng go tla go le senya.''¹⁴Lote a tswa a ya go bua le bagwe ba gagwe, banna ba ba solofeditseng go nyala bomorwadiagwe, a ba raya a re, ''nanogang ka bonako, le tswe mo lefelong le, gonne Jehofa o gaufi le go senya motse o." Mme mo go bagwe ba gagwe ga nna ekete ke matshamekwane fela. ¹⁵Fa masa a sa, baengele ba gwetlha Lote, ba re "Emelela o tsamaye, o tseye mosadi wa gago le barwadiago ba babedi ba ba leng teng fano, go re le seka la phailwa mmogwe le petso ya motse o.''¹⁶Mme a diadiega. Mme banna ba mo phamola ka seatla, le seatla sa mosadi wa gagwe, le dialta tsa barwadiagwe ba babedi, ka gonne Jehofa o ne a mo tlhomogetse pelo. Ba ba ntsha, ba ba baya kwa ntle ga motse. ¹⁷Fa ba sena go ba ntsha mo motseng, mongwe wa banna a re, ''Tshabelang matshelo a lona! Lo seka lwa gadima kwa morago, le fa e le go nna gope mo lebaleng. Tshabelang kwa dithabeng go re lo seka lwa phailelwa kgakala.''¹⁸Lote a ba raya a re, ''Nyaya, tlhe, barena ba me! ¹⁹Motlhanka wa lona o bonye tumelesego mo matlhong a lona, mme lo mpontshitse bopelotlhomogi jo bogolo ka go boloka botshelo jwa me, mme fela gankake ka tshabela kwa dithabeng, ka go nne segajaja se ka mphetelela, mme ka swa. ²⁰Bonang, motse ke ole, go gaufi mo nka kgonang go tshabela teng, mme ebile o monnyenyane. Ke a kopa, a mme ke tshabele teng (a mme ga o monnyenyane?), mme botshelo jwa me bo tla bo bo sireletsegile."²¹A mo raya a re, "Go siame, ke amogela kopa e le yone, ka jalo ga kena go senya motse o o o boletseng. ²²Itlhaganele! Tshabela teng, mme ga ke na go dira sepe go fitlhelela o goroga teng." Ka jalo motse wa bidiwa Soare.²³Letsatsi la bo le tlhabile fa Nowa a goroga kwa Soare. ²⁴Jalo Jehofa a nesetsa sebabole le molelo mo Sotoma le Gomora go tswa mo loapeng . ²⁵A senya metse eo, le lebala lotlhe fela le le ikadileng, le baagi ba metse eo, le dimela tse di medileng mo mmung.²⁶Me mosadi wa ga Lote, yo o neng a tla ga morago ga gagwe, a gadima kwa morago, mme a fetoga seolo sa letswai. ²⁷Aberahame a emelela go le mo mosong a ya kwa lefelong le a neng a fa pele ga ga Jehofa. ²⁸A gadima ntlheng ya Sotoma le Gomora le kwa lebaleng lotlhe le le ikadileng. Mme leba, mme bonang, mosi wa bo o pomponyega jaaka mosi wa leiso la leubelo.²⁹Ka jalo fa Modimo o senya metse ya lebala, Modimo wa gakologelwa Aberahame. Wa ntsha Lote mo tlhakatlhakanong ya tshenyo fa o senya metse e e neng Lote a agile mo go yone.³⁰Mme Lote a tswa mo Soware go aga mo dithabeng le bomorwadiagwe ba babedi, ka go bo a ne a tshaba go nna mo Soware. Ka jalo a nna mo legageng le bomorwadiagwe.³¹Yo motona a raya monnaawe a re, "Rraarona o godile, mme ga gona monna gope yo o ka robalang le rona jaaka go tlwaelesegile mo lefatsheng lotlhe. ³²A re nose rraarona bojalwa jwa mofine, mme re tle re robale le ene go re re boloke losika lwa gagwe." ³³Ka jalo ba nosa rraabone bojalwa jwa mofine mo bosigong joo. Mme yo motona a tsena a robala le rraagwe, mme a seka a itse go re o robetse leng le go re o tsogile leng.³⁴Letsatsi le le latelang yo motona a raya yo monnye a re, ''Reetsa, ke letse ke robetse le ntate. A re mo nose bojalwa jwa mofine gape, mme o tle o ye go robala le ene, go re re tle re boloke losika lwa gagwe." ³⁵Ka jalo ba nosa rraabone bojalwa jwa mofine gape mo bosing joo, mme yo monnye a ya go robala nae. O ne a seke a itse go re o robetse leng le go re o tsogile leng.³⁶Mme bana ba ga Lote botlhe ka bobedi ba imisiwa ke rraabone. ³⁷Yo motona a tshola mosimane, mme a mmitsa Moabe. Ya nna ene Rra Bamoabe ba gompieno jaana. ³⁸Yo monnye, le ene a tshola mosimane, a mo raya leina a re Ben-Ammi. Ya nna rra Baamone ba gompieno.

20¹Aberahame a sepela go tswa koo a lebile kwa lefatsheng la Negefi, mme a aga fa gage ga Kadeshe le Shure. A bo a le mojaki mo Gerare. ²Aberahame a bua ka mosadi wa gagwe a re, "Ke kgaitsediake.'' Ka jalo Abimeleke kgosi ya Gerare a romela go re a tle a itseele Sara. ³Mme Modimo wa tla kwa go Abimeleke mo torong go le bosigo, a re, ''Bona, o bidiwa yo o suleng ka ntlha ya mosadi yo o mo tsereng, ka gonne ke mosadi wa motho.''⁴Foo Abimeleke a bo a ise a mo atamele mme a re, "Morena, a mme o tla bolaya le tshaba ya basiame? ⁵A mme ga a nthaya a re 'Ke mosadi wa me?' Mme le ene o rile, 'Ke kgaitsediaka.' Ke dirile seo ka pelo e e itshekileng le ka go ditla tse di phepa.''⁶Mme Modimo wa bua le ene mo torong, ''Ee, le nna ke a itse go re ke ka go itsheka ga pelo ya gago go bo o dirile se, mme ebile gape ke go iditse go nteofela. ⁷Ka jalo ga ke a go letlelela go mo ama. Jalo he, busetsa monna mosadi wa gagwe, go nne ke moporofite. O tla go rapelela, mme o tla tshela. Mme fela fa o sa mo mmusetsa, itse fela go re wena le ba ga eno ka mmaaruri lo tla swa.⁸⁹Abimeleke a kubuga mo mosong o mogolo mme a bitsa batlhanka ba gagwe botlhe fela. A ba bolelela dikgang tse tsotlhe, mme banna ba tshoga fela thata. Mme Abimeleke a bitsa Aberahama a mo raya a re, ''Ke ka go reng fa o dirile se mo go rona? Ke go leofetse jang, mo o ka tlisang boleo jo bo kana kana mo bogosing jwa me? O ntiretse se se sa tshwanelang go ka dirwa.''¹⁰Abimeleke a raya Aberahame a re, ''Tota ke eng se se go gwetlhileng go dira se?'' ¹¹Aberahame a re, "Ka ke ne ke akantse go re, 'Ka mmaaruri ga gona poifo Modimo mo lefelong le, mme ba tla mpolayang ka lebaka la mosadi wame.' ¹²Mme fela gone tota, ke kgaitsediaka, mme e le morwadie ntate, e se morwadia mme, mme jalo o ne a nna mosadi wa me.¹³E rile fa Modimo a ntaolela go tswa mo ntlung ya ga rre mme ke sepela go tswa golo gongwe go ya golo gongwe, ke ne ka mo raya ka re, ''O tla tshwanela ke go itshupa ka boikanyego o le mosadi wa me: Gongwe le gongwe kwa re go yang, o nne o bue ka nna o re, ''Ke monna wa me."' ¹⁴Jalo Abimeleke a tsaya dinku le dikgomo, tse di namagadi le malata, mme a ba abela Aberahame. Mme a busetsa Sara, mosadi wa ga Aberahame, kwa go ene.¹⁵Abimeleke a re, ''Bona, lefatshe la me le fa pele ga gago. Thibelela fa o go ratang.'' ¹⁶Mo go Sara a re, ''Bona, ke neile kgaitsadio dipapetlana tsa selufera di le sekete. Seo ke go apeesa molato ope fela mo ponong ya botlhe ba o nang le bone, le fa pele ga mongwe le mongwe, le go re ga gona ope mo go lona yo o leng molato.''¹⁷Mme Aberahame a rapela Modimo, mme Modimo wa fodisa Abimeleke, mosadi wa gagwe, le malata a gagwe ba basadi go re ba tle ba kgone go nna le bana. ¹⁸Gonne Jehofa o ne a dirile go re basadi botlhe ba ntlo ya ga Abimeleke ba tlhoke tsholo, ka lebaka la ga Sara, mosadi wa ga Aberahame.

21¹Jehofa a rekegela Sarah jaaka a ne a kile a bolela, mme a mo direla jaaka a ne a solofeditse. ²Sara a ima mme tsholela Aberahame mosimane mo dingwageng tsa gagwe tsa bogodi, ka nako e neng Modimo o buile ka yone. ³Aberahame a raya morwawe leina, yo Sara a mo mo tsholetseng, a re Isake. ⁴Aberahame a rupisa morwaawe Isake fa a digela malatsi a ferabobedi, fela jaaka Modimol o ne o mo laetse.⁵Aberahame a bo a le dingwaga di le lekgolo fa mowaawe Isake a tsholwa. ⁶Sara a bo a re, ''Modimo o ntirile go re ke tshege; mongwe le mongwe yo o tla utlwang o tla tshega le nna.'' ⁷Mme gape a bo a re, ''Ke mang yo neng a ka raya Aberahame a re Sara o tla belega bana, mme jaanong ke mo tsholetse morwa mo dingwageng tsa gagwe tsa bogodi!''⁸Ngwana a gola mme a kgwisiwa, mme Aberahame a dira modiro o mogolo ka letsatsi le Isake a kgwisitsweng ka lone. ⁹Sara a lemoga fa morwawe Hagare wa Moegepeto, yo a mo tsholetseng Aberahame, a na le go sotla.¹⁰Mme a raya Aberahame a re, ''Leleka mosadi yo wa lelata le morwaawe, ka go bo morwaawe mosadi yo wa lelata a sena a nna mojaboswa le morwaake, Isake.'' ¹¹Kgang e ya utlwisa Aberahame botlhoko fela thata ka go bo a ne a rekegela morwaawe.¹²Mme Aberahame a raya Aberahame are, ''Se utlisiwe botlhoko ke lekawana, le ka mosadi wa lelata. Reetsa mafoko a mosadi wa gago mme o dire sengwe le sengwe se a se buang ka kgang e, ka gonne ke ka Isake losika la gago le tla atlang. ¹³Ke tla dira tshaba e nngwe gape ka morwaawe mosadi wa lelata, ka go bo le ene e le losika lwa gago.¹⁴Aberahame a tsoga go le moso, a tsay,a borotho le sekupu sa metsi sa letlalo, a se naya Hagare, a se mo rwesa mo mahetleng. A mo naya morwawe mme a mo tsamaisa. A bolola mme a sasankega mo nageng ya Beresheba. ¹⁵E rile fa metsi a fela mo sekupung sa letlalo, a tlogela lekawana ka fa tlase ga setlhatshana. ¹⁶Mme a tsamaya, a ya go nna kgakajanyana le lone, sekgala sa motswi o ka welang teng, go nne o ne a re, ''A ke seka ka bona go swa ga ga ngwanake.'' Fa a ntse a ntse go lebagana le lekawana, a tsholetsa lentswe a lela.¹⁷Modimo wa utlwa lentswe la lekawana, mme moengele wa Modimo a bitsa Hagare go tswa kwa legodimong, a mo raya a re, ''O tshwenngwa ke eng, Hagare? Se boife, go nne Modimo o utlwile lentswe la lekawana fa le leng teng. ¹⁸Emelela, tsosa lekawana, mme o le kgotlhatse, go nne ke tla le dira tshaba e kgolo.''¹⁹Jalo Modimo wa bula matlho a gagwe, mme a bona sediba sa metsi. A ya go tlatsa sekupu ka metsi, mme a siela lekawana go nwa. ²⁰Modimo wa bo o na le lekawana, mme la gola. A nna mo nageng mme a nna mohudi wa metswi. ²¹A nna mo nageng ya Parane, mme mmaagwe a mmatlela mosadi go tswa kwa lefatsheng la Egepeto.²²Ga diragala ka yone nako eo go re Abimeleke le Phikolo mogolwane wa mephato ya gagwe a bua le Aberahame, a re, ''Modimo o na le wena mo go tsotlhe tse o di dirang. ²³Mme jaanong inkanele ka Modimo go re ga o na go ntirela boferefere, le fa e le bongwanake, kana ditshika tsa me. O ntshupegetse le lefatshe le o agileng mo go lone yone kgolagano eo e e ikanyegang e ke go e bontshitseng. ²⁴Aberahame a re, ''Ke a ikana.''²⁵Aberahame le ene a ngongorega mo go Abimeleke ka sediba sa metsi se malata a ga Abimeleke a se gapileng mo go ene. ²⁶Abimeleke a re, ''Ga ke itse yo o dirileng jalo. Ga o ise o mpolelele seo gole pele; gake ise ke utlwe ka kgang e go fitlhelela gompieno jaana.'' ²⁷Jalo Aberahame a tsaya dinku le dikgomo a di abela Abimeleke, banna boo babedi ba dira kgolagano.²⁸Jaanong Aberahame a tlhaola dinku tse di namagadi di le supa. ²⁹Abimeleke a raya Aberahame a re, ''Ke ka go reng go bo o tlhaotse dinku tse tse di namagadi di le supa?'' ³⁰A fetola a re, ''Dinku tse supa tse di namagadi tse o tla di amogela go tswa mo seatleng sa me, go re e nne bosupi mo go nna, go re ke nna ke epileng sediba se.''³¹Mme bitsa lefelo leo Beresheba, ka gonne boo babedi ba ikanetse gone foo. ³²Ba dira kgolagano kwa Beresheba, mme jaanong Abimeleke le Phikolo, mogolwane wa mophato wa batlhabani ba gagwe, ba boela kwa lefatsheng la Bafilisetia.³³Aberahame a jwala setlhare sa motamarasika mo Beresheba. Foo a obamela Jehofa, Modimo wa bosakhutleng. ³⁴Aberahame a nna e le motswakwa mo lefatsheng la Bafilisitia lobakanyana.

22¹Gone ga diragala morago ga nako Modimo wa leka Aberahame. A mo raya a re, ''Aberahame!'' Abrahame a re, ''Ke fano.'' ²Mme Modimo wa re, ''Tsaya morwao, morwao yo o esi, ene yo o mo ratang, Isake, mme o ye kwa lefatsheng la Moria. O mo ntshe setlhabelo mo go nngwe ya dithaba gone koo, e ke tla go e bolelelang.'' ³Mme Aberahame a tsoga go le phakela thata, a belesa tonki ya gagwe, mme a tsaya malata a gagwe a le mabedi, ga mmogo le Isake. A phatsha dikgong tsa setlhabelo sa phiso, mme a bolola a tsaya loeto go ya kwa Modimo a mo laetseng teng.⁴Mo letsatsing la boraro Aberahame a tsholetsa matlho mme a lebela lefelo leo kgakajana. ⁵Aberahame a raya makawana a gagwe a re, ''Namang lo setse fa le tonki, mme nna le lekawana re tla tsamaela fale. Re tla ya go obamela mme morago re boele gape kwa go lona.'' ⁶Jaanong Aberahame a tsaya dikgong tsa setlhabelo sa phiso a di rwadisa morwaawe Isake. A tshola ka diatla tsa gagwe molelo le thipa; mme ba tsamaya mmogo.⁷Isake a bua le Aberahame rraagwe a re, "'Ntate,'' mme a re, ''Ke fano, morwaake.'' A re, ''Bona, molelo le dikgong ke tse, mme kwana ya setlhabelo sa phiso yone e kae?'' ⁸Aberahame a re , "Modimo one ka sebele o tla naya kwana ya setlhabelo sa phiso, morwaake.'' Mme ba tsamaela kwa pele, boo babedi mmogo.⁹Erile ba goroga kwa lefelong le Modimo o mmoleletseng ka lone, Aberahame a aga aletara mme a ala dikgong mo godimo ga yone. Mme a hunela Isake morwaawe, a mo robatsa mo godimo ga dikgong. ¹⁰Aberahame a tsholetsa seatla sa gagwe a tsaya thipa go bolaya morwaawe.¹¹Jalo moengele wa ga Jehofa a bitsa go tswa kwa legodimong mme a re, ''Aberahame, Aberahame!"' mme a re, ''Ke fano.'' ¹²A re, o seka wa baya seatla sa gago mo lekawaneng, le fa e le go dira sepe fela go le utlwisa botlhoko, go nne jaanong ke a itse fa o boifa Modimo, ke sena go bona go re ga o a ka wa ngamela morwao, morwao yo o nosi, mo go nna.''¹³Aberahame a gadima kwa godimo, mme go bapa le ene ga bo go le phelefu mo tshutlheng e tshwerwe ke ditlhare ka dinaka. Aberahame a tsamaya a ya go tsaya phelefu a e ntsha e le setlhabelo sa phiso mo boemong jwa morwawe. ¹⁴Jalo Aberahame a bitsa lefelo leo, ''Jehofa o tla naya,'' mme le metlheng ya gompieno go buega gore, ''O thabeng ya ga Jehofa go tla newa.''¹⁵Moengele wa Morena a bitsa gape la bobedi go tswa kwa legodimong ¹⁶a re - e ke polelo ya ga Jehofa - nna ka bo nna ke ikanne ka go bo o dirile selo se, o sa ikgagapelela morwao, morwao yo o esi, ¹⁷ka boammaaruri ke tla go segofatsa ke bo ke atlolosa ditshika tsa gago mo go golo thata jaaka dinaledi tsa legodimo le jaaka motlhaba wa lewatle; mme ditshika tsa gago di tla rua dikgoro tsa baba ba bone.¹⁸Ka lotsalo la gago ditshaba tsotlhe tsa lefatshe di tlsa segofala, ka gonne o ikobetse lentswe la me.'' ¹⁹Jalo Aberahame a boela kwa batlhankeng ba gagwe, mme ba bolola ba ya kwa Beresheba, mme a aga mo Beresheba.²⁰Ga diragala morago ga dilo tse fa Aberahame a neng a bolelelwa go re, ''Milika o tshotswe bana, le ene, a ba tsholela morwaarago Nahore.'' ²¹E ne e le Use motsalwapele, Buse morwaaragwe, Kemuele rraagwe Arame, ²²Kesedi, Haso, Pilidashe, Jidilafe, le Bethuele.²³Bethuele a nna rraagwe Rebeka. Ba ya bo e le bana ba ba ferang bongwe ba Milika a ba tsholetseng Nahore, morwaaragwe Aberahame. ²⁴Mogadikane wa gagwe, yo neng a bidiwa Reuma,le ene a tshola Tebahe, Gahame, Tahashe, le Maakahe.

23¹Sara a tshela dingwaga di le lekgolo le masome a le mabedi le bosupa. Tseo ya be e le dingwaga tse Sara a di tshidileng. ²Sara a swela kwa Kiriatha Areba, ke go re Heberona, mo lefatsheng la Kanana. Aberahame a hutsafalela Sara.³Jaanong Aberahame a emelela a tlogela mosadi wa gagwe yo o neng a sule, mme a bua le bomorwa Hethe, a re, ⁴''Ke motswaka mo ga lona. Ke kopa go re le nkabele lefelo la go fitlha go lona, go re ke kgone go fitlha moswi wa me.''⁵Bomorwa Hethe ba araba Aberahame, ba re, ⁶''Re reetse, mongwa wa me. O morwa Modimo mo go rona. Fitlha moswi wa gago mo lebitla le o tla le ikgetlhelang. Ga gona ope wa rona yo o tla ganang go go neela lebitla le o tla fitlhang moswi wa gago mo lone.''⁷Aberahame a emelela mme a oba tlhogo mo go beng ba lefatshe, bo morwaagwe Hethe. ⁸A bua le bone, a re, ''Fa lo dumela go re ke fitlhe moswi wa me, ntheetseng jaanong, lo nkopeleng Eferone morwaa Sohare. ⁹Lo mo kope go re a nthekisetse legaga la kwa ga Makapela, le a le ruileng, le le kwa bofelelong jwa tshimo ya gagwe. A le nthekisetse ka tlhwatlhwa e e feletseng mo ponong ya mongwe le mongwe go re e nne lefelo la phitlhelo.''¹⁰Jaanong Eferone a bo a ntse mo gare ga barwa ba ga Hethe, mme Eferone wa Mohite a araba Aberahame mo kutlong ya bo morwaa Hethe, botlhe fela ba ba neng ba tlile kwa kgorong ya motse, a re, ¹¹''Nyaya mong wa me, ntheetse. Ke go neela lefelo, le legaga le le leng mo go lone. Ke le go neela jaana mo ponong ya bomorwaa batho ba me. Ke a le go neela go fitlha moswi wa gago.''¹²Mme Aberahame a oba tlhogo fa pelega batho ba lefatshe. ¹³A bua le Eferone mo kutlong ya batho ba lefatshe leo, a re, ''Mme fa le ratile, ke kopa go re lo ntheetse. Ke tla duelele lefatshe. Tsayang madi mo go nna, mme ke tla fitlha moswi wa me me go lone.''¹⁴Eferone a araba Aberahame, a re, ¹⁵''Ke a go kopa, mong wa me, o ntheetse. Lefatshe le le lopang dishekele di le makgolo a le mane a selefera, ya bo e le eng fela mo gare ga me le wena? Fitlha moswi wa gago.'' ¹⁶Aberahame a reetsa Eferone mme a balela Eferone selekanyo sa selefera se a se buileng mo kutlong ya bomorwaa Hethe, makgolo a le mane a selefera, go ya ka seelo se tlwaelesegileng sa bagwebi.¹⁷Jalo tshimo ya ga Eferone, e e neng e le mo Makapela, e e neng e le gaufi le Mamore, ke gore, tshimo, legaga le le neng le le mo go yone, le ditlhare tsotlhe tse di leng mo tshimong le mo tikologong yotlhe ya molelwane ya yone, tsa fetela ¹⁸kwa go Aberahame ka theko mo bolengteng jwa bomorwaa Hethe, le fa pele ga botlhe ba ba neng ba tlile kwa kgorong ya motse.¹⁹Morago ga moo, Aberahame a fitlha Sara mosadi wa gagwe mo legageng la tshimo ya Makapela, gaufi le Mamore, ke gore, Heberone, mo lefatsheng la Kanana. ²⁰Ka jalo tshimo le legaga le le leng mo go yone tsa fetela kwa go Aberahame e le lefelo la phithelo go tswa mo go barwawe Hethe.

24¹Jaanong Aberahame o ne a tsofetse mme Jehofa a bo a mo segofaditse mo dilong tsotlhe. ²Aberahame a raya motlhanka wa gagwe a re, ene yo o neng a le motona mo go botlhe mme gape a tlhokometse tsotlhe tse a nang natso, ''Tsenya seatla sa gago ka fa tlase ga serope sa me ³mme ke tla dira go re o ikane ka Jehofa, Modimo wa legodimo le lefatshe, go re ga o kake wa batlela morwaake mosadi mo go barwadia Bakanana, ba ke agile mo go gare ga bone. ⁴Mme o tla ya kwa lefatsheng la gaetsho, kwa losikeng lwa me, mme o batlele morwaake Isake mosadi teng.''⁵Motlhanka a mo ra ya are, "Go tla nna jang fa mosadi a sa batle go tla le nna mo lefatsheng le? Aa ke tsamaye le morwao kwa lefatshe le o duleng kwa go lone?'' ⁶Aberahame a mo raya a re, ''Tlhomamisa go re ga o ise morwaake koo! ⁷Jehofa, Modimo wa legodimo, ene yo o nkitshitseng mo go ba ntlo ya ga rre le mo lefatsheng la ba losika la me, ene yo o ntsholofeditseng ka fa tlase ga maikano a re, 'Ke tla naya lotsalo lwa gago lefatshe le,' mme o tla romela moengele wa gagwe ga pele ga gago, mme o tla batlela morwaake mosadi gone koo.⁸⁹Mme fa mosadi a sa batle go go sala morago, o tla bo o gololesegile mo maikanong a me. Fela o seka wa ya le morwaake koo.'' Jalo motlhanka a tsenya seatla ka fa tlase ga serope sa ga Aberahame mong wa gwe, mme a ikanela kgang e.¹⁰Motlhanka a tsaya dikamela tsa ga mong wa gagwe di le lesome mme a bolola. A tsaya dimpho di le mmalwanyana mo go mmong wa gagwe. A bolola mme a leba kwa kgaolong ya Aram Naharaime, kwa motseng wa Nahore. ¹¹A khubamisa dikamela ka mangole ka fa ntle ga motse ga pele ga sediba sa metsi. Go ne go le maitseboa, nako ya fa basadi ba yang go ga metsi.¹²Mme a re, ''Jehofa, Modimo wa mong wa me, mphe bokgone tsatsing jeno mme o supe boikanyego mo kgolaganong ya gago le mong wa me Aberahame. ¹³Bona fano, ke eme ga pele ga motswedi wa metsi, mme barwadia batho ba motse o ba tlile go ga metsi. ¹⁴A go dirafale jaana. Fa e kare ke raya morweetsana ke re, 'Ke a kopa, digela nkgwana ya gago o nkgele ke nwe,' mme a bo a re, 'Nwaa, gape ke tla siela le dikamela tsa gago go re le tsone di nwe,' e tla nna ene yo o mo tlhophetseng motlhanka wa gago Isake. Ka tsela eo ke tla itse fa o nnile boikanyego mo kgolaganong ya gago le mong wa me''¹⁵Go ne ga diragala go re pele fa a fetsa go bua fela, bona, Rebeka a tla ka kgamelo ya gagwe e le mo mahetleng a gagwe. Rebeka e ne e le morwadia Bethuele morwa Milika, mosadi wa ga Nahore, morwaaragwe Aberahame. ¹⁶Morweetsana a bo a le montle fela thata e le lekgela. O ne a ise a kopane le monna. A tsamaela kwa motsweding, a tlatsa nkgwana mme a tswa.¹⁷Mme motlhanka a sianela kwa go ene a mo kopantsha mme a re, ''Ke kopa go re o ntshiele metsinyana mo kgamelong ya gago ke tle ke nwe.'' ¹⁸A bo a re, ''Nwaa, morena wa me,'' mme ka bonako a digela kgamelo ya gagwe, a mo siela metsi go nwa.¹⁹Ya re a sena go mo siela metsi go nwa, a re, "'Ke tla siela le dikamela tsa gago go re le tsone di nwe, go fitlhelela di felela tsotlhe.'' ²⁰Jalo a akofa a kgaritlhelela metsi a nkgwana mo mokorong, mme a sianela gape kwa sedibeng go ga metsi, a ga metsi go fitlhelela dikamela di felela go nwa fela tsotlhe.²¹Monna a mo lebelela ka tidimalo go bona fa Jehofa a tlhogonolafaditse leoto la gagwe kgotsa nyaa. ²²Fa dikamela tsa gagwe di fetsa go nwa, monna a ntsha mhitshana wa nko wa gauta wa bokete jwa dishekele tse some, le maseka a gauta a matsogo a gagwe, ²³mme a botsa, ''O morwadia mang? Mpolelele tlhe, a gona le bonno kwa ntlong ya ga rraago mo re ka bonang boroko mo bosigong jono?''²⁴A mo raya a re, ''Ke morwadia Betheule morwa Milika, yo a mo tsholetseng Nahore.'' ²⁵A mo raya gape a re, ''Re na le letlhaka le dijo tse dintse, le bonno fa le ka bonang boroko jwa bosego jono."²⁶Jalo monna a inama a obamela Jehofa. ²⁷A re, ''A go bakwe Jehofa, Modimo wa mong wame Aberahame, yo o sa fetogelang boikanyego jwa kgolagano ya gagwe le boitshephegi mo go mong wa me. Fa e le nna, Jehofa o nkgogetse fela kwa go ba losika la mong wa me.''²⁸Morweetsana a sianela go bolelela ba ntlo ya ga mmaagwe dilo tse tsotlhe. ²⁹Mme Rebeka a bo a na le kgaitsadie, mme leina la gagwe ya bo e le Labane. Labane a sianela monna yo o neng a le mo tseleng go bapa le motswedi. ³⁰Ya re a sena go bona mhitshana wa nko le maseka mo matsogong a ga kgaitsadie, gape a sena go utlwa mafoko a ga Rebeka kgaitsadie, ''Se ke sone se monna a se mpoleletseng,'' a ya kwa monneng, mme, bonang, a bo a eme fa motsweding.³¹Jalo Labane a re, ''Tlaa, motshepiwa wa ga Jehofa. Ke ka go reng fa o eme kwa ntle? Ke baakantse boroko, le lefelo la dikamela.'' ³²Jalo monna a ya kwa ntlong mme a belesolola dikamela. Dikamela tsa neelwa letlhaka le dijo, le metsi go mo tlhapisa dinao le dinao tsa ba a neng a na le bone.³³Ba mo tsholela dijo, mme a re, ''Ga kena go ja go fitlhelela ke bua ke bua se ke tshwanetseng go se bua. Jalo Labane a re, ''Bua.'' ³⁴A bo a re, ''Ke motlhanka wa ga Aberahame. ³⁵Jehofa o segofaditse mong wa me fela thata mme ebile o tumile. O mo file dinku le dikgomo, selefera le gauta, batlhanka ba banna le ba basadi, le dikamela le ditonki.³⁶Sara, mosadi wa ga mong wame, o tsholetse mong wa me ngwana wa mosimane, mme o mo neetse sengwe le sengwese se eleng sa gagwe. ³⁷Mong wa me o ntirile go re ke ikane, a re, 'O seka wa batlela morwaake mosadi mo go barwaadia Bakanana, ba mo lefatsheng le a agileng mo go lone. ³⁸Se se leng teng ke gore, o ye kwa lelwapeng la ga rre, le kwa batsalwa le nna, mme o ye go mo matlela mosadi teng.'³⁹Ka raya mong wa me ka re, 'Fa gongwe mosadi ga a na go ntshala morago.' ⁴⁰Mme a bo a nthaya a re, 'Jehofa, yo ke mo salang morago, o tla romela moengele le wena mme o tla tlhogonolofatsa loeto la gago, go re o kgone go mmatlela mosadi mo go batsalwa le wena go tswa mo lelwapeng la ya ga rre. ⁴¹Mme o tla bo o gololegile mo maikanong a me fa o ka re o tlile kwa go batsalwa le nna mme ba seke ba go mo rebolele. Jalo o tla bo o golotswe mo maikanong a me.⁴²Mme ke gorogile gompieno fa motsweding, mme ka re, ''Ao Jehofa, Modimo wa ga mong wa me Aberahame, a tlhe, fa tota o ka dira gore loeto la me le atlege - ⁴³ke fano, ke eme fa motsweding wa metsi - a morweetsana yo tla tlang go ga metsi, mosadi yo e tla reng fa ke re, ''Ntshiele metsinyana mo nkgwaneng ya gago ke nwe,'' ⁴⁴mosadi yo o tla reng, ''Nwaa, mme gape ke tla siela le dikamela tsa gago'' - a e nne ene mosadi yo wena, Jehofa, o mo tlhophetseng morwa wa mong wa me.'⁴⁵Fela ke ise ke fetse go bua mo pelong ya me, bonang, Rebeka a tswa ka nkgwana ya gagwe a e sikere mo mahetleng mme a fologela mo motsweding a ga metsi. Mme ka mo raya ka re, 'Ke a kopa, ntshiele ke nwe.' ⁴⁶A folosa nkgwana ya gagwe mo lehetleng ka bofefo mme a re, 'Nwaa, mme ke tla siela le dikamela tsa gago.' Jalo ka nwa, mme a siela le dikamela.⁴⁷Ka mmotsa ka re, ''O morwadia mang?' A bo a re, 'Ke morwadia Bethuele, Morwa Nahore, yo Milika a mo mo tsholetseng.' Ka jalo ka mo rwesa mhitshana wa nko le maseka mo matsogong. ⁴⁸Ka jalo ka inama ka obamela Jehofa, ka baka Jehofa, Modimo wa mong wa me Aberahame, yo o nkgogetseng mo tseleng e e siameng go batlela morwawe morwadia motsalwa le ene.⁴⁹Mme ka jalo, fa o ipaakanyeditse go supa lorato lwa gago le le tiileng le boikanyego mo go mong wa me, o mpolelele. Fa go sa nna jalo, o mpolelele, go re ke fapogele kwa mojeng kana kwa molemeng.⁵⁰Mme Labane le Bethuele ba araba ba re, ''Selo se tswa mo go Jehofa; ga re na go bua sepe se bosula le e le se se molemo. ⁵¹Bona, Rebeka ke yoo fa pele ga gago. Mo tsee o tsamae, e nne mosadi wa morwaa mong wa gago, jaaka Jehofa a buile.''⁵²Erile fa motlhanka wa ga Aberahame a utlwa mafoko a bone, a inamisa tlhogo fa pele ga ga Jehofa. ⁵³Motlhanka a tlisa dikgapetlana tsa selefera le dipapetlana tsa gauta, le diaparo, mme a di neela Rebeka. A bo gape a neela kgaitsadie le mmagwe dimpho tse di tlhokegang.⁵⁴Jalo ene le banna ba a neng a na le bone ba ja ba nwa. Ba lala bosijo joo, mme ya re ba tsoga le le latelang, a bo a re, "Nkgololeng ke ye kwa go mong wa me.'' ⁵⁵Kgaitsadie le mmaagwe ba bo ba re, ''A morweetsana a name a setse le rona malatsinyana, e ka nna a le lesome. Morago ga foo o tla tsamaya.''⁵⁶A ba raya a re, ''Se nkgoreletseng, ka gonne Jehofa o butse tsela ya me. Nkgololeng ke tsamae ke ye kwa go mong wa me.'' ⁵⁷Ba mo raya ba re, ''Re tla bitsa morweetsana go tla go mmotsa.'' ⁵⁸Ka jalo ba bitsa Rebeka ba mmotsa ba re, ''A o tla tsamaya le monna yo?'' A fetola a re, "Ke tla tsamaya.''⁵⁹Jalo ba golola kgaitsadiabone Rebeka, ga mmogo le motlhanka wa mosadi, go tsaya loeto le motlhanka wa ga Aberahame le banna ba a neng a na le bone. ⁶⁰Ba segofatsa Rebeka, mme ba mo raya ba re, "Kgaitsediarona, a tlhe o nne motsadi wa dikete le dikete tse lesome, mme gape a dikokomana tsa gago di rue dikgoro tsa ba ba ba ilang.''⁶¹Jalo Rebeka a emelela, ene le batlhanka ba basetsanyana mme ba palama dikamela, ba sala banna morago. Ka jalo motlhanka a tsaya Rebeka, a wela tsela. ⁶²Jaanong Isake a bo a nna mo Negefi, a sa tswa go tswa kwa Bere Lahai Roi.⁶³Isake a tsamaya a ya go tlhatlhanya kwa tshimong go le maitseboa. Ya re a tsholetsa matlho a leba, bonang, ga bo go le dikamela di goroga. ⁶⁴Rebeka a gadima, mme ya re a bona Isake, a tlola a fologa kamela. ⁶⁵A raya motlhanka a re, "Ke mang monna yole yo o tsama-tsamayang mo tshimong go re kopantsha?'' Motlhanka a mo raya a re, ''Ke mong wa me.'' A tsaya lesire, a ikhurumetsa sefatlhego.⁶⁶Motlhanka a begela Isake sengwe le sengwe se a se dirileng. ⁶⁷Jalo Isake a mo isa kwa mokhukhung wa ga Sara mmagwe mme a tsaya Rebeka, ya nna mosadi wa gagwe, a morata. Ka jalo Isake a gomotsega morago ga goswa ga ga mmagwe.

25¹Aberahame a tsaya mosadi yo mongwe; leina la gagwe e le Ketura. ²A mo tsholela Zimora, Jokosane, Metane, Mitiane, Ishebake, le Sua. ³Jokosane a nna rragwe Seba le Tetane. Dikokomane tsa ga Tetane e ne e le ba letso la Aseria, Balutu, le Balume. ⁴Bo morwa Nitiane e ne e le Efa, Efere. Hanoka, Abita, le Eletane. Botlhe ba e ne e le dikokomane tsa ga Ketura.⁵Aberahame a abela Isake tsotlhe tse e leng tsa gagwe. ⁶Le fa go ntse jalo, e rile a santse le mo botshelong, a abela bana ba bagadingwana ba gagwe dimpho gore ba ye ko bothaba, kgakala le Isake , morwawe.⁷A e ne e le malatsi a dingwaga tse Aberahame a di tshedileng, dingwaga tse 175. ⁸Aberahame a hema mowa wa bofelo a tlhokafala ka botsofe jo bo siameng, monnamogolo ka botshelo jo bo tletseng, a phutlhelwa ko bathong ba ga bone.⁹Isake le Ishemaele, bo morwae, ba mmoloka mo legageng la Makupela, mo tshimong ya ga Eferone morwa Sohare wa Mohite, gaufi le Mamere. ¹⁰Tshimo e Aberahame a nenf a e rekile mo go barwa Hethe. Aberahame a bolokelwa teng le mosadi wa gagwe e bong Serai. ¹¹Morago ga leso la ga Aberahame, Modimo a segofatsa morwae Isake, Isake a aga gaufi le Beere Lahai Roi¹²Tse e ne e le tsone dikokomane tsa ga Ishemaele, morwa Aberahame, yo Hagare wa Moegepeto, lelata la ga Sarai, a mo tsholetseng Aberahame.¹³A ke one maina a barwa Ishemaele, go ya ka go latelana ga dingwaga tsa bone: Nebayothe–motsalwapele wa Ishemaele, Ketare, Adibeele, Mabisama, ¹⁴Mishama, Duma, Masa, ¹⁵Hatate, Tema, Jutare,Napishe le Ketema. ¹⁶Ba e ne e le barwa Ishemaele e ne e le maina a bone, go ya ka metse yabone, le ka mathibelelo a bone; dikgosana di le 12 go ya ka merafe ya bone.¹⁷Tse ke tsone dingwaga tsa botshelo jwa ga Ishemaele, dingwaga tse 137. A tlhokafala. A phutlhelwa kwa bathong ba gaabo. ¹⁸Ba aga go simolola kwa Hafila go ya kwa Asure, gaufi le Egepeto, fa go iwa Aseria. Ba aga ba lebaganye.¹⁹E ne e le ditiragalo ka ga Isake, morwa Aberahame. Aberahame ya nna rraagwe Isake. ²⁰Isake o ne a le dingwaga di le 40 ha ne a tsaya mosadi wa gagwe Rebeka, morwadie wa Betuele wa Moaramea wa Pata Arama, kgaitsadie Labana wa Moaramea.²¹Isake a rapela Modimo ka ntlha ya mosadi wa gagwe yo neng a sena bana, mme Modimo a araba thapelo ya gagwe, mosadi wa gagwe ebong Rebeka a itsholofela. ²²Bana ba tshwenyega mmogo mo ga ene, a bo a re, "Ke eng mo go ntiragalela?" A ya go botsa Modimo ka se.²³Modimo a mo raya a re "Chaba tse pedi di mo sebopelong sa gago, ebile batho ba le babedi ba tla kgaogangwa mo go wena. Motho yo mongwe o tla nonofa go gaisa yo mongwe, mme yo motona o tla direla yo monye."²⁴Ka nako ya pelegi, mme bona, ga bo go le mawelana mo sebopelong sa gagwe. ²⁵Ngwana wa ntlha a tla a le mohibidu mmele otlhe jaaka seaparo se se bobowa. Ba mmitsa Esau. ²⁶Morago ga mo, monnawe a tla letsogo la gagwe le tshwere serethe sa ga Esau. A tewa leina gotwe Jakobe. Isake a bo a le dingwaga di le 60 fa mosadi wa gagwe a belega.²⁷Basimane ba gola, mme Esau a nna motsumi yo botlhale, monna wa tshimo; mme Jakobe a nna motho yo itidimaletseng, yo neng a tsaya nako e ntshi a le mo ntlong. ²⁸Jaanong Isake o ne a rata Esau ka gore o ne a ja diphologolo tse a neng a di tsomile, mme Rebeka o ne a rata Jakobe.²⁹Jakobe a apaya nama a gadikilweng. Esau a goroga a tswa tshimong, a le bokoa a tshwerwe ke tlala. ³⁰Esau a raya Jakobe a re, "Mpha ke je dinawa. Tswe tswe ke lapile!" Ke sone se leina lame le bediwa Etome.³¹Jakobe a re, "Nthekisetse pele botsalwapele." ³²Esau e bo a re, "Bona, tloga ke tlhokafala. ke eng se se molemo ka botsalwapele mo go nna?" ³³Jakobe a bo a re, "Inkanele pele," Esau a ira maikano mme ka jalo a bo a rekiseditse Jakobe botsalwapele. ³⁴Jakobe a neela Esau borotho le dinawa. A ja a nwa, a bo a emelela a tswa a tsamaya. Ka jalo Esau a nyatsa botsalwa pele jwa gagwe.

26¹Jaanong go nne ga nna leuba mo lefatsheng, kwa ntle ga leuba la pele ga malatsi a ga Aberahame. Isake a ya kwa go Abimeleke, kgosi ya Bafilistia kwa Gerare.²Jalo Jehofa a bonala kwago ene mme a re, ''O seka wa boela kwa Egepeto; nna mo lefatsheng le ke le go laetseng go nna mo go lone. ³Nna mo lefatsheng le, mme ke tla bo ke na le wena gape ke tla go segofatsa, wena le dikokomana tsa gago, ke tla le fa lefatshe le, mme ke tla diragatsa maikano a ke ikanetseng Aberahame rrago.⁴Ke tla ntsifatsa dikokomana tsa gago go nna jaaka dinaledi tsa legodimo, mme ke tla fa dikokomana tsa gago mafatshe a. Go tswa mo dikokomaneng tsa gago ditshaba tsotlhe tsa lefatshe di tla segofala. ⁵Ke tla dira se ka go bo Aberahame a ile a reetsa lentswe la me mme a boloka ditaelo tsa me, le ditaolo tsa me, le melawana ya me, le melao ya me.''⁶Jalo Isake a thibelela mo Gerare. ⁷E rile banna ba lefelo leo ba mmotsa ka mosadi wa gagwe, a re ''Ke kgaitsadiake.'' A tshaba go re, ''Ke mosadi wa me,'' ka gonne o ne a akanya go re, ''Banna ba lefelo le ba tla mpolaya go re ba tseye Rebeka, ka go bo a le montlenyane.'' ⁸Morago ga Isake a sena go nna koo lebaka le le leele, Abimelele kgosi ya Bafilistia a bo a okametse ka setlhabphefo. A bona, bonang, Isake a bo a sedila-sedila Rebeka, mosadi wa gagwe.⁹Abimeleke a biletsa Isake kwa go ene mme a re, ''Bona, ka nnete ke mosadi wa gago. Jaanong ke ka go reng fa o ne o re, ''Ke kgaitsediaka?'' Isake a mo araba a re, ''Ka gonne ke ne ke akantse go re mongwe o ka mpolaya go mo tsaya.'' ¹⁰Abimeleke a re, ''Ke eng selo seo se o se re diretseng? Mongwe wa banna o ka nne a ile a robala le mosadi wa gago, mme o ka bo o ile wa re bakela molato.'' ¹¹Jalo Abimeleke a tlhagisa batho botlhe a re, ''Ope fela yo o ka tshwarang monna yo kana mosadi wa gagwe ruri o tla bolawa.''¹²Isake a lema mabele mo lefatsheng leo mme a roba go menagane ga lekgolo mo go one ngwaga oo, ka gonne Jehofa o ne a mo segofaditshe. ¹³Monna a huma, a atla go fitlhelela a nna mogolo fela thata. ¹⁴A nna le dinku tse dintse, le dikgomo, le lelwapa le letona. Bafilistia ba mo fufahalela.¹⁵Jannong didiba tsotlhe tse nne batlhanka ba ga raagwe ba di epile ka malatsi a ga rragwe Aberahame, Bafilistia ba di katela ka mmu. ¹⁶Abimeleke a raya Isaka a re, ''Tloga mo go rona, ka gonne o mogolo mo go rona.'' ¹⁷Mme Isake a fuduga mo lefatsheng leo a ya go thibelela mo Mokatsheng wa Gerare, mme a nna foo.¹⁸Gape gape Isake a epa didiba tsa metsi, tse di neng di epilwe ka dinako tsa ga Aberahame rragwe. Bafilistia ba ne ba di emisitse morago ga loso la ga Aberahame. Isake a bitsa didiba tseo ka maina a rragwe a neng a di biditse ka one.¹⁹Ya re fa batlhanka ba ga Isake ba epa mo mokgatsheng, ba fitlhela sediba sa metsi a nneng a elela. ²⁰Badisa ba Gerare ba omana le badisa ba ga Isake, ba re, ''Metsi a ke a rona.'' Jalo Isaka a bitsa sediba seo a re ''Eseke,'' ka go nne ba ne ba omane le ene.²¹Ba epa sediba se sengwe, mme ba se omanela, gape, mme a se raya leina la ''Sitina.'' ²²A tlogela foo a ya go epa se sengwe gape, mme seo ba se ka ba se omanela. Jalo a se bitsa Rehobothe, a re, ''Jaanong Jehofa o re file bonno, mme re tla tlhogonolofala mo lefatsheng le.²³Mme Isake a emelela a ya Beresheba. ²⁴Jehofa a bonagala ga pele ga gagwe mo bosigong joo a re ''Ke Modimo wa ga Aberahame rrago. Se boife, go nne ke na le wena mme ke tla go segofatsa ke oketsa dikokomana tsa gago, ka ntlha ya ga Aberahame motlhanka wa me.'' ²⁵Isake a aga aletare foo mme a bitsa leina la ga Jehofa. Teng foo a bapola tante ya gagwe, mme batlhanka ba gagwe ba epa sediba.²⁶Jalo Abimeleke a ya kwa go ene kwa Gerare, a na le Ahusathe, wa tsala ya gagwe, le Phikolo, moeteledipele wa batlhabani ba gagwe. ²⁷Isake a ba raya a re, ''Le tletse eng kwa go nna ka go bo le nkila ebile le nkobile kwa go lona?''²⁸Mme ba mo raya ba re, ''E le ruri re bonye go re Jehofa o ntse a na le wena. Ka jalo re bonye fa go tshwanetse ga nna le maikano mo go rona, ee, mo gare le wena. Jalo a re dire kgolagano le wena, ²⁹go re o seka wa re utlwisa botlhoko, le rona re seka ra go utlwisa botlhoko, jaaka re ne re go diretse bontle mme re tsamaisitse ka kagiso.³⁰Mme Isake a ba direla moletlo wa dijo, mme ba ja ba nwa. ³¹Ba tsoga mo mosong ba direlana maikano. Jalo Isake a ba tsamaisa ka kagiso³²Ka lone letsatsi leo batlhanka ba ga Isake ba tla ba mmolelela ka sediba se ba se epileng. ba re, ''Re phuntse metsi.'' ³³Ba bitsa sediba ba re Shibahe, mme leina la motse oo ke Beresheba le mo go lone letsatsi le.³⁴Erile Esau a le dingwaga di le masome a le mane, a tsaya mosadi, Judithe morwadiaBeeri wa Mohite,le Basemathe morwadia Elone wa Mohite. ³⁵Ba tlisa khutsafalo mo go Isake le Rebeka.

27¹Fa Isake a ne a le mo dingwageng tsa gagwe tsa botsofe matlho a gagwe a ne a hihala mme a seka a bona, a bitsa Esau, ngwana wa a gagwe wa mosimane wa ntlha a mo raya a re,''morwa wame.'' ke nna yo,'' ²mme Isake a re,''bona fa, nna ke tsofetse. Ga ke itse letsatsi la leso lame.³Mme ka jalo tsaya dibetsa tsa gago, bora le motswi, a bo o ya go ntsomela phologolo. ⁴O ntirele dijo tse di monate, tsa mefuta o ke o ratang, o bo o di tisa kwa go nna gore ke dije ke bo ke go segofatsa pele le tlhokafala.''⁵Mme ka jalo Rabeka a utlwa Isake fa a bua le morwa wa gagwe Esau. Esau a tsamaya a ya go mo tsomela nama ya phologolo a bo a e tisa. ⁶Rabeka a bua le morwa wa gagwe Jakoba a re,'' bona fa, ke utlwile rre rrago a bua le Esau morwa rrago. A re, ⁷Ntisetsa nama ya phologolo o bo o ntirela dijo tse di monate, gore ke je ke be ke go segofatsa mo boleng teng jwa morena pele ke tlhokafala.''⁸Mme le fa go ntse jalo, ngwanaka, obamela taelo yame. ⁹Tsamaya kwa letsomaneng, o ntlele dipotsane tse pedi tse di nonneng, mme go tsweng mo go tsone.ke tlaa direla rre rrago dijo tse di monate, fela jaaka a di rata. ¹⁰O tlaa di isa kwa go rrago, gore a je, gore a tle a go segofatsepele ga loso la gagwe.''¹¹Jakobe a ra ya Rabeka e bong mme mmaagwe,'' Esau nkgonne ke motho yo o moriri mme nna ke borethe. ¹²Gongwe ntate o tlaa nkama, gape ke tlaa lebega mo go ene ke le motsietsi. Ke tla a itisetsa photso mo botshelong jwame eseng tshegofatso.¹³Mme mmaagwe a mo raya a re,''Morwa wame a phutso ngwe le ngwe e wele nna. Wena obamela lentswe lame, mme o tsamae , ba tise kwa go nna. ¹⁴Ka jalo Jakobe a tsamaya a ya go tsaya dipotsane a di tisa kwa go mme mmaagwe, mme a apaya dijo tse di monate, fela jaaka rraagwe a di rata.¹⁵Rabeka a tsaya diaparo tsa ga Esau tsa manobonobo, ebong morwa wa gagwe wa ntlha, tse a neng a na le tsone mo ntlong, a bo a di apesa Jakobe, morwa wa gagwe yo o mmotlana. ¹⁶A baya matlalo a dipotsane mo diatleng le mo letlhakoreng le le borethe la molala wa gagwe. ¹⁷A tsaya dijo tse di monate a di baya le borotho jo a neng a bo apeile mo diatleng tsa morwa wa gagwe Jakoba.¹⁸Jakoba a ya kwa go rraagwe a mo yara a re,''Ntate. ''Rraagwe a re, ''Ke nna yo ke hano, o mang, a a o morwa a ke?'' ¹⁹Jakoba a raya rraagwe a re , ''ke Esau morwa wa gago wa ntlha. Ke dirile jaaka o ne o ntaetse. Jaanong nna oje mo bontheng jwa nama yame, gore o tle o ntshegofatse.²⁰Isake a raya morwa wa gagwe a re, Ga tla jang gore o bo o e bone ka bofefo jaana, ngwanaka? A fetola ka gore, ke ka gore Modimo wa gago o e tisitse kwa go nna.'' ²¹Isake a raya Jakoba,'' Nkatumela, gore ke go tshware, ngwanaka gore ke itse gore a naa o ene morwa wame Esau wa mma nnete kana nnyaa.''²²Jakoba a atumela kwa go rre raagwe ebong Isake; Isake a mo kgoma a mo raya a re,'' Lentswe le ke la ga Jakoba,mme diatla ke tsa ga Esau. ²³Isake o ne a sa mo lemoge, kagore a bo a tetse ka meriri, Jaaka diatla tsa ga Esau, Isake a mo segofatsa.²⁴A mo raya a re, '' Aa mme tota o ene ngwanake Esau? A fetola ka gore ,'' ke nna.'' ²⁵Isake are, Tisa dijo kwa go nna mme ke tlaa ja nama ya gago ke tle ke go segofatse.''Jakoba a tisa dijo kwa go ene. Isake a ja,mme Jakoba a tisa le mofine a nwa.²⁶Go le foo rraagwe ebong Isake amo raya a re,''Tlaya gaufi jaanong o ntshune, morwaake. ²⁷Jakoba a tla gaufi le ene a mo suna, mme a tsaya lenko la diaparo tsa gagwe a bo a mo segofatsa. A re,'' Bona, monko wa morwa wame o nkga jaaka tshimo e morena a e segofaditseng.²⁸A modimo a go fe bontlha bongwe jwa mmu wame kwa legodimong, bontlha jo bo nonneng ja lefatshe, le go roba mo gontsi le mofine o mosha.²⁹A batho ba go direle le dichaba di go obamele. o nne morena wa batsalwa le wena,mme le bo monnao ba go obamele. A mongwe le mongwe yo o tla a go hutsang a hutsege; le go ntse jalo a mongwe le mongwe yo o go segofatsang a segofale.³⁰E rile fela fa Isake a fetsa go segofatsa Jakoba, mme Jakoba a ngwangwaela a tswa mo boleng teng jwa ga rraagwe Isake, Esau mogolowe a goroga go tswa letsomaneng. ³¹A dira le dijo tse di monate a di isa kwa go rraagwe. A ra ya rraaagwe a re,''Ntate, tsoga o je bontlha bongwe jwa nama ya morwa wa gago, gore o tle o ntshegofatse.³²Isake a mo raya a re,'' O mang?'' A botsa, ''ke morwa wa gago, ngwana wa gago wa ntlha. Esau.'' ³³Isake a tshoga thata a re, '' ke mang yo o tswang letsomong la seshabo se a bo a se tisa kwa go nna?Ke di jele tsotlhe pele ga o tla, ka bo ka mo segafatsa. Ruri o tla a segofala.³⁴Fa Esau a utlwa mafoko a go tswa mo go rraagwe, A lela ka lentswe le le tetseng chakgalo, a bo a raya rraagwe a re,''Ntshegofatse, le nna,Ntate. ³⁵Isake a re, monnao o tsile fa ka tsietso mme o tsere tshegofatso ya gago.''³⁶Esau a re,'' Aa gaa bidiwa sentle leina Jakoba? Ka gore o ntsieditse go ka nna gabedi. O ntshitse seriti sa go tsalwa game, mme, bona, jaanong o tsere le tshegofatso ya me. ''A bo a re,'' A ga oa mpeela kwa tlhoko tshegofatso yame? ³⁷Isake a araba a bo a raya Esau a re,'' Bona, ke mo dirile morena mo go wena, ka ba ka mo fa botlhale bo monnawe e le batlhanka ba gagwe, ka mo fa le thobo yotlhe le mofine o mosha. Ke eng gape se nka se go direlang gape,morwa wame?''³⁸Esau a ra ya rraagwe a re,'' A ga o a mpeela lefa ele tshegofatso e le ngwe, Ntate?Ntshegofatsa, le nna, Ntate.'' Esau a lelela kwa godimo.³⁹Isake ebong rraagwe a araba a mo raya a re, ''Bona, lefelo le o tla a nnang mo go lone le tla a nna kgakala le dikhumo tsa lefatshe, gotswa mo muwaneng wa loapi kwa godimo. ⁴⁰Ka chaka ya gago o tla a tshela, gape o tla a direla morwa rrago. Mme fa o ingaola, o tla a tlosa joko mo molaleng wa gago.''⁴¹Esau a thoa Jakoba ka lebaka la tshegofatso e rraagwe a mo e fileng. Esau a bolela mo pelong ya gagwe,'' Malatsi a go lelela rre a gaufi; go tsweng foo ke tla a bolaya nnake ebong Jakoba''. ⁴²Mafoko a ga Esau yo mogolwane o ne a a bolelela Rabeka. Ka jalo a roma le go mmiletsa Jakoba wa mmotlana a mo ra ya a re,'' Bona,Esau o a ikgomotsa ka go loga segwene gwene sa go go bolaya.⁴³Jaana ka jalo, morwaake, Nkobamela mme o siele kwa go Labane, nkgonne, kwa Harane. ⁴⁴Nna le ene ka nakwana,Go fitlhela meriri ya ga mogoloo e thothorega, ⁴⁵go fitlhela chakgalo ya ga mogoloo e fokotsega kgathanong le wena, a bo a lebala se o se mo dirileng. Ka moo ke tla a go busetsa gae gore o boe kwa. Ke eng le tshwanetse go ntathegela bobeding jwa lona mo letsatsing le le lengwe?⁴⁶Rabeka a ra ya Isake, ''ke lapile ke botshelo ke barwadia Hete. Fa Jakoba a ka tsaya mongwe wa barwadia Hete go nna mosadi, wa gagwe, jaaka bo mme ba, bangwe ba basetsana ba mo motseng, botshelo jwame bo tla a ntswela mosola jang?''

28¹Isake a bitsa Jakobe, a mo segofatsa, mme a mo laela a re, "O seka wa tsaya mosadi gotswa mo basading ba Bakanana. ²Emelela, ya kwa Padane Arame, kwa ntlong ya ga Bethuele mmagwe rrago, mme o batle mosadi gone koo, mongwe wa bomorwadie Labane, kgaitsadie mmago.³A Modimo Mothatayotlhe o go segofatshe, o go ungwise, o go oketse, go re o nne boidiidi jwa batho. ⁴A o go fe ditshegofatso tsa ga Aberahame, mo go wena, le mo dikokomaneng tse di tla tlang kwa morago ga gago, go re o tle o rue lefatshe le o neng o agile mo go lone, le Modimo o le fileng Aberahame.''⁵Jalo Isake a tsamaisa Jakobe. Jakobe a ya kwa Padame Arame, kwa go Labane morwa Bethuele wa Arameana, kgaitsadia Rabeka, mmaagwe Jakoba le Esau.⁶⁷Jaanong Esau a bona fa Isake a segofaditse Jakobe mme a mo rometse kwa Padame Arame, go ya go batla mosadi gone koo. Abona gape fa Isake a mo segofaditse a mo laetse a re, "O seka wa tsaya mosadi mo basading ba Bakanana. Esau a lemoga gape fa Jakobe le ene a nnile le kutlo mo go rragwe le mmagwe, mme a ile Padame Arame.⁸Esau a bona fa basadi ba Bakanana ba ne ba sa kgatlha Isake rraagwe. ⁹Mme a ya kwa go Ishimaele, mo godimo ga basadi ba a neng a na le bone, a tsaya Mahalathe morwadie Ishmaele, morwa Aberahame, kgaitsadie Nebaiothe, go nna mosadi wa gagwe.¹⁰Jakoba a tswa mo Beresheba mme a leba kwa Harane. ¹¹A tla mo lefelong lengwe mme a lala foo bosigo jotlhe, ka go bo a ne a phirimetswe. A tsaya lengwe la majwe mo lefelong leo, a le sama, a rapama mo lefelong leo mme robala.¹²A lora mme a bona mapalamelo a a tlhomilweng fa fatshe. Mafelelo a one a bo a goroga kwa legodimong mme baengele ba Modimo ba bo ba palamelela ba fologelela mo go one. ¹³Bona, Jehofa a bo a eme mo godimo ga one mme a bo a re, ''Ke nna Jehofa, Modimo wa ga Aberahame, Modimo wa ga Isake. Lefelo le o robetseng mo go lone, ke tla le go le go naya le dikokomana tsa gago.¹⁴Dikokomana tsa gago di tla tshwana le lerole la lefatshe, mme gape a tla atlologa o yakwa botlhabatsatsi, le kwa bokone, le kwa borwa, Ka wena le ka dikokomana tsa gago malwapa otlhe a lefatshe a segofetse. ¹⁵Bona, ke na nao, ke tla go tshegetsa gongwe le gongwe kwa o go yang. Ke tla go busetsa mo lefelong le gape; mme ga ke kilta ke go tlogela. Ke tla dira tsotlhe tse ke di go solofeditseng.''¹⁶Jakobe a tsoga mo borokong jwa gagwe,mme a re, E le ruri Jehofa o mo lefelong le, mme ke ntse ke sa itse."' ¹⁷A boifa mme a bo a re, "'Lefolo le le boifisa jang! Mo ga se sepe fela fa ise ntlo ya Modimo. E ke kgoro ya legodimo.''¹⁸Jakobe a tsogo go le mo mosong mme a tsaya lone lejwe leo le a neng a le samile. A le tlhoma ale dira pilara mme a le tshela leokwane mo godimo. ¹⁹A bitsa lefelo leo a re Bethele, mme leina la lefelo leo le tlholegile e le Luse.²⁰Jakoba a dira maikano, a re, ''Fa ruri Modimo o tla nna o na le nna mme a ntshireleditse mo tseleng e ke e tsamayang e, mme a ntlamela ka dijo go ja, a mpha le diaparo go apara, ²¹go re ke boele kwa ntlong ya ga ntate ka pabalesego, jalo Jehofa e tla nna Modimo wa me. ²²Jaanong lejwe le le ke le tlhomileng e le pilara e nna lejwe le le boitshepo. Go tswa mo go sengwe le sengwe se o tla se mphang, e le ruri sa bosome se tla boela gape kwa go wena.''

29¹Foo Jakoba a tswelela le leeto la gagwe mme a fitlha kwa lefatsheng la batho ba botlhabatsatsi. ²E rile a leba, a bona sediba mo nageng, mme, bonang, matsomane a 3 a dinku a ne a robetse fa thoko ga sone. Gonne ba ne ba nosa matsomane go tswa mo sedibeng, mme letlapa le le mo molomong wa sediba le ne le le legolo. ³E ne e re fa matsomane otlhe a phuthegetse fa go sone, badisa ba pitikolole letlapa go tswa mo molomong wa sediba ba bo ba nosa dinku, go tloga foo ba beye letlapa gape mo molomong wa sediba, mo mannong a lone.⁴Jakoba a ba raya a re, ''Barwarre, le tswa kae?'' Mme ba re, ''Re tswa Harane.'' ⁵A ba raya a re, ''A le itse Labane morwa Nahore?'' Ba re, ''Re a mo itse.'' ⁶A ba raya a re, ''A o tsogile sentle?'' Ba re, ''O tsogile sentle, gape, bona kwa, Ragele morwadie o etla ka dinku.''⁷Jakoba a re, ''Bonang, go setse go le motshegare. Ga se nako ya phuthiwa ga matsomane. Le tshwanetse go nosa dinku go tloga foo le bo le ye go di hudisa.'' ⁸Ba re, ''Ga re ka ke ra di nosa go fitlhelela matsomane otlhe a phuthega. Foo banna ba tla bo ba pitikolola letlapa go tswa mo molomong wa sediba, re bo re nosa dinku.''⁹Ya re Jakoba a ntse a bua le bone, Ragele a tla ka dinku tsa ga rraagwe, gonne o ne a di disa. ¹⁰Fa Jakoba a bona Ragele, morwadia Labane, kgaitsadie mmaagwe, le dinku tsa ga Labane, kgaitsadie mmaagwe, Jakoba a atamela, a pitikolola letlapa go tswa mo molomong wa sediba, mme a nosa letsomane la ga Labane, kgaitsadie mmaagwe.¹¹Jakoba a atla Ragele mme a lelela kwa godimo. ¹²Jakoba a bolelela Ragele gore o lesika le rraagwe le gore ke morwa Rebeka. Foo a taboga a bolelela rraagwe.¹³Fa Labane a utlwa dikgang ka ga Jakoba morwa kgaitsadie, a taboga a ya go mo kopantsha, a mo atla, a bo a mo tsisa kwa ntlong ya gagwe. Jakoba a bolelela Labane dilo tsotlhe tse. ¹⁴Labane a mo raya a re, ''E le ruri o lerapo la me le nama ya me.'' Foo Jakoba a nna le ene lebaka le le ka nnang kgwedi e le 1.¹⁵Foo Labane a raya Jakoba a re, ''A o ka nperekela fela go sena tuelo ka gore o lesika la me? Mpolelele, dituelo tsa gago e tla nna eng?'' ¹⁶Jaanong Labane o ne a na le bana ba basetsana ba babedi. Leina la yo motona e ne e le Lea, mme la yo monnye e le Ragele. ¹⁷Matlho a ga Lea e ne a le bokoa, mme Ragele o ne a le montle mo popegong le mo tebegong. ¹⁸Jakoba o ne a rata Ragele, jalo a re, ''Ke tla go berekela Ragele morwadio yo monnye dingwaga tse 7.''¹⁹Labane a re, ''Go botoka ke mo neela wena, go na le go mo neela monna yo mongwe. Nna le nna.'' ²⁰Jalo Jakoba a berekela Ragele dingwaga tse 7; mme mo go ene tsa nna jaaka matsatsi a se mantsi, ka lebaka la lerato le a mo ratang ka lone.²¹Foo Jakoba a raya Labane a re, ''Nneele mosadi wa me, gonne matsatsi a me a wetse - gore ke tle ke mo nyale!'' ²²Jalo Labane a phutha banna botlhe ba motse mme a dira modiro.²³Mo maitseboeng, Labane a tsaya Lea morwadie a mo tsisa kwa go Jakoba, yo o neng a robala le ene. ²⁴Labane a neela Lea motlhanka wa gagwe wa mosadi yo gotweng Silipha, gonna motlhanka wa gagwe. ²⁵Mo mosong, bonang, e ne e le Lea! Jakoba a raya Labane a re, ''Ke eng se o se ntirileng se? A ke ne ke sa go berekele gore ke duelwe ka Ragele? Jaanong ke eng o ntsieditse?''²⁶Labane a re, ''Ga se setso sa rona go nyadisa morwadi yo monnye pele ga wa motsalwapele. ²⁷Feleletsa beke ya monyadi ya morwadi yo, mme re tla go neela yo mongwe fa o mperekela dingwaga tse 7 gape.''²⁸Jakoba a dira jalo, a feleletsa beke ya ga Lea. Foo Labane a mo neela Ragele morwadie gape go nna mosadi wa gagwe. ²⁹Labane a neela Ragele morwadie Biliha, go nna motlhanka wa gagwe. ³⁰Jalo Jakoba a robala le Ragele, mme o ne a rata Ragele go feta Lea. Jalo Jakoba a direla Labane dingwaga tse 7 gape.³¹Modimo a bona gore Lea o ne a sa ratiwe, jalo a bula popelo ya gagwe, mme Ragele o ne a sena ngwana. ³²Lea a ima mme a tshola morwa, mme a mmitsa a re Rubene. Gonne o ne a re, ''Gonne Modimo o lebile tlhokofatso ya me; ammaaruri jaanong monna wa me o tla nthata.''³³Foo a ima gape a tshola morwa. A re, ''Gonne Modimo o utlwile gore ga ke ratiwe, jalo he o nneetse morwa yo gape,'' mme a mmitsa Simeone. ³⁴Foo a ima gape mme a tshola morwa. A re, ''Jaanong mo nakong e monna wa me o tla lomagana le nna, ka gore ke mo tsholetse barwa ba bararo.'' Jalo he leina la gagwe ya nna Lefi.³⁵A ima gape mme a tshola morwa. A re, ''Mo nakong e ke tla galaletsa Modimo.'' Jalo a mo neela leina Juta; foo a emisa go nna le bana.

30¹Fa Ragele a bona gore ga a kgona go tsholela Jakoba bana, Ragele a fufegela mogolowe. A raya Jakoba a re,'' ntshodise bana, e seng jalo ke tla a swa.'' ²Jakoba a galefela Ragele.A re,'' A ke Modimo nna, yo o go dirileng gore o seka wa nna le bana?''³A re,'' Beliha motlhanka wame ke yo, tsena ko go ene gore a tle a ntsholele bana, mme e tla a nna bongwanake.'' ⁴Jalo a mo neela motlhanka wa gagwe Beliha jaaka mosadi, Jakoba a robala le ene.⁵Beliha a ima a tsholela Jakoba ngwana wa mosimane. ⁶Jalo Ragele a re,'' Modimo o mpueleletse o utlwile lentswe lame, a nneela ngwana wa mosimane.'' Ka lebaka leo a bitsa ngwana leina a re Tane.⁷Beliha, motlhanka wa ga Ragele, a ima gape, a tsholela Jakoba ngwana wa mosimane wa bobedi. ⁸Ragele a re,'' ke lole thata le mogolole mme ka fenya.'' A raya ngwana leina a re Nafetale.⁹Fa Lea a lemoga fa a setse a feditse tsholo, a tsaya ¹⁰Selipa, motlhanka wa gagwe a mo neela Jakoba jaaka mosadi. Selipa, motlhanka wa ga Lea, a tsholela Jakoba morwa. ¹¹Lea a re ,'' se ke lesego!'' mme a bitsa ngwana Gate.¹²Selipa motlhanka wa ga Lea, a tsholela ¹³Jakoba ngwana wa bobedi. Lea a re,'' ke itumetse! ka gore bomorwadiake ba tla mpitsa boitumelo. Jalo a mmitsa a re,'' Ashere.''¹⁴E rile ka nako ya thobo ya mabele Rubene a fitlhela maungo a moratiso mo tshimong.A a tlisa kwa go Lea mmagwe. Ragele a raya Lea a re,'' mpha bontlha bongwe jwa maungo a moratiso a ngwana wa gago.'' ¹⁵Lea a mo raya a re,'' A ke selo se se nnye mo go wena, gore o tsere monna wame? a jaanong o batla go tsaya moratiso wa ngwanake gape?'' Ragele a re,''mpha bontlha bongwe jwa moratiso wa ngwana wa gago,nna ketla go letlelela go lala le ene bosigo jono''.¹⁶Mo maitseboeng fa Jakoba a tswa kwa tshimong, Lea a ya go kopana le ene a mo raya a re,'' o tshwanetse go tla go lala le nna, ka gore ke go thapile ka maungo a moratiso a ngwanake.'' Jakoba a robala le Lea bosigo joo. ¹⁷Modimo a utlwa Lea, mme a ima a tshola ngwana wa botlhano. ¹⁸Lea a re,'' Modimo o nneetse tuelo yame, ka gore ke neetse motlhanka wame wa mosadi monna wame. A mmitsa leina a re,'' Isaka''¹⁹Lea a ima gape ngwana wa mosimane wa borataro wa ga Jakoba. ²⁰Lea a re,'' Modimo o nneetse mpho e e molemo. Jaanong monna wame o tla mpha tlotla, ka lebaka la gore ke mo tsholetse barwa ba le barataro.A mmitsa leina a re Selulane. ²¹Morago ga foo a tshola ngwana wa mosetsana a mmitsa leina a re Dina.²²Modimo a gakologelwa Ragele, a mo utlwa. A dira gore a ime. ²³A ima mme a tshola ngwana wa mosimane. A re,'' Modimo o tlositse matlhabisa ditlhong a me.'' ²⁴A mmitsa leina a re Josefa, go raya gore, ''Modimo o nkokeleditse ka ngwana wa mosimane.''²⁵Morago ga go tsholwa ga ga Josefa ke Ragele, Jakobe a kopa Labane a re, ''nkgolole gore ke tle ke kgone go ya kwa ntlong yame le kwa lefatsheng lame. ²⁶Nneela basadi bame le bo ngwanake ba ka bone ke neng ke go direla, ntetlelela ke tsamaye gonne o itse ka fa ke go diretseng ka teng.''²⁷Labane a mo raya a re, ''fa e le gore ke bone letlhogonolo mo go wena, ke dirisitse bola go bona gore letlhogonolo le o le boneng le ke ka ntlha yame.'' ²⁸Mme a mo raya a re, ''o batla ke go duela bokae ke tla go duela.''²⁹Jakoba a mo raya a re, ''o itse ka fa ke go diretseng ka teng, le ka fa letsomane la gago le ntsifetseng ka teng. ³⁰O ne o na le go le gonnye pele ga ke tla, mme go oketsegile thata. Modimo o go segofaditse mo go sengwe le sengwe se ke se go diretseng. Jaanong nna ke tla direla ba ntlo yame leng?''³¹Labane a botsa a re, ''ke tla go duela ka eng?'' Jakoba a re, ''se ntuele ka sepe. Ka jaana fa o ntuela ke tla boa gape ke tswelela ka go jesa le go tlhokomela letsomane la gago. ³²Mpha tetla ya go ralala letsomane la gago gompieko, mme ke tseye mo go lone dinku tse di dibatabata le tse dintsho le dipodi tse di dibatabata. Moo e tla nna yone tuelo yame.³³Jalo seriti same se tla ntshupela mo lebakeng le le tlang, fa o tla go lekola dituelo tsame. Letsomane le le senang dibatabata le le senang mebalabala, le dinku tse di ntsho, fa o di fitlhela mo go nna go tla supafala fa ke di utswile. ³⁴Labane a re, ''ke a dumela, a gonne fela jaaka o buile.''³⁵Ka letsatsi leo Labane a ntsha dipodi tsa diphoko tse di ngolo le tse di kgweba, le tse di namagadi tse di ngolwana le tse di kgwebana le tsotlhe tse di nang le bosweu, dinku tse di ntsho, mme a di neela barwa wa gagwe. ³⁶Labane a baya selekanyo sa loeto sa malatsi a le mararo fa gare ga gagwe le Jakobe. Jakobe a fudisa letsomane le le setseng la ga Labane.³⁷ Jakoba a tsaya dikala tse di sa omelelang tsa mopopelara le tsa alemonte le tsa setlhare sa morolwana, a di betla gore di bonatse bosweu mo go tsone. ³⁸A tlhoma dithupa tse a di betlileng fa pele ga letsomane, le fa pele ga mekoro ya metsi fa letsomane le nwang teng. Mme letsomane la dusa fa le tla go nwa metsi.³⁹Letsomane la tsala fa pele ga dithupa tse, mme la tsala dipotsane le dikonyana tse di ntsho le tse di ngolwana. ⁴⁰Jakoba a tlhaola dikonyana tse, mme a dira gore tse dingwe di lebe kwa letsomaneng le le ngolo mme tse di ntsho tsotlhe kwa go Labane. A tlhaola letsomane la gagwe a seka a le tlhakanya le la ga Labane⁴¹Ene e tle e re fa letsomane le dusa, tse di nonofileng go feta tse dingwe mo letsomaneng, Jakoba a baya dithupa tse di betlilweng fa pele ga matlho a tsone le fa mekorong ya metsi, gore ditle di dusetse mo dithupeng tse. ⁴²Mme fa letsomane le le sa nonofang sentle le tla, a seke a beye dithupa. Jalo tse di sa nonofang sentle, e nne tsa ga Labane. Tse di nonofileng e nne tsa ga Jakoba.⁴³Monna yo, a huma thata. A nna le letsomane le legolo thata, le malata a basadi le a banna, dikammela le ditonki.

31¹Jaanong Jakoba o ne a utlwa mafoko barwa Labane, ba re, ''Jakoba o tsere tsotlhe tse e neng e le tsa ga rraarona, ebile o nnile le khumo ka dithoto tsa ga rraarona.'' ²Jakoba a leba sefatlhego sa ga Labane. A bona gore maitsholo a gagwe mo go ene a fetogile. ³Foo Modimo a raya Jakoba a re, ''Boela kwa lefatsheng la borraago le kwa masikeng a gago, mme ke tla nna le wena.''⁴Jakoba a roma mongwe a biletsa Ragele le Lea kwa tshimong ya letsomane la gagwe ⁵mme a ba raya a re, ''Ke bona gore maitsholo a ga rraalona mo go nna a fetogile, mme Modimo wa ga rre o ntse a na le nna. ⁶Le a itse gore ke diretse rraalona ka thata ya me yotlhe.⁷Rraalona o ntsieditse mo a fetotseng dituelo tsa me ga lesome, mme Modimo ga a a ka a mo letlelela go nkutlwisa botlhoko. ⁸Fa a rile, 'Diphologolo tse dithamaga e tla nna dituelo tsa gago,' foo letsomane lotlhe la tsala tse dithamaga. Mme fa a re, 'Tse ditilodi di tla nna dituelo tsa gago,' letsomane la tsala tse ditilodi. ⁹Ka tsela eModimo o tsere diruiwa tsa ga rraalona a di nneela.¹⁰Nako nngwe ka paka e diphologolo di tsalang ka yone, ka bona mo torong diphoko tse di neng di gwela letsomane. Diphoko e ne e le tse ditilodi, tse dithamaga, le tse dikgweba. ¹¹Moengele wa Modimo a nthaya mo torong a re, 'Jakoba.' Ka re, 'Ke fano.'¹²A re, 'Tsholetsa matlho a gago o bone diphoko tse di palamang letsomane. Di dithamaga, ditilodi le bokgweba, gonne ke bone sengwe le sengwe se Labane a se go dirang. ¹³Ke Modimo wa Bethele, kwa o tloditseng pilara teng, kwa o inkanetseng teng. Jaanong emelela o tswe mo lefatsheng le, o boele kwa lefatsheng le o tsaletsweng mo go lone.'''¹⁴Ragele le Lea ba araba ba mo raya ba re, ''A go na le kabelo epe kgotsa boswa jwa rona mo ntlong ya ga rraarona? ¹⁵A ga a re tseye jaaka batswakwa? Gonne o re rekisitse a bo a ja madi a rona gotlhegotlhe. ¹⁶Ka jalo dikhumo tsotlhe tse Modimo a di tsereng mo go rraarona jaanong ke tsa rona le bana ba rona. Jaanong , sepe se Modimo a se go boleleltseng, se dire.''¹⁷Foo Jakoba a emelela a pega barwae le basadi ba gagwe mo dikameleng. ¹⁸A gatelela leruo la gagwe go tsamaya kwa pele ga gagwe, mmogo le dithoto tsotlhe tsa gagwe, a akaretsa leruo le a le bapetseng mo Patane Aramo. Foo a bothologa go ya kwa go Isaka rraagwe kwa lefatsheng la Kanana.¹⁹Fa Labane a santse a ile go beola dinku, Ragele a utswa medimo ya gae ya ga rraagwe. ²⁰Jakoba le ene o ne a tsietsa Labane wa Moaramo, ka go sa mmoleleleng gore o a tsamaya. ²¹Jalo a tshaba ka tsotlhe tse a nang le tsone mme ka bofefo a kgabaganya noka, mme a tsamaela ntlheng ya lefatshe la dithaba la Gileate.²²Ka letsatsi la boraro Labane a bolelelwa gore Jakoba o tshabile. ²³Jalo a tsaya ba lesika la gagwe a mo latela mo moepeleng wa matsatsi a supa. A mo tshwara mo lefatsheng la dithaba la Gileate.²⁴Jaanong Modimo a tla kwa go Labane wa Moaramena mo torong bosigo a mo raya a re, ''Ela tlhoko gore o bua le Jakoba molemo kgotsa bosula.'' ²⁵Labane a tshwara Jakoba. Jaanong Jakoba o ne a tlhomile tente mo lefatsheng la dithaba. Labane le ene a kampa le ba lesika la gagwe mo lefatsheng la dithaba la Gileate.²⁶Labane a raya Jakoba a re, ''O dirileng, mo o ntsieditseng wa bo wa tsaya barwadiake jaaka magolegwa a ntwa? ²⁷Ke eng o tshabile mo sephiring mme wa se ka wa mpolelela? Ke ka bo ke go laetse ka boipelo le dipina, ka meropana le diharepa. ²⁸Ga o a ntetlelela go atla bana banake le barwadiake ke ba laela. Jaanong o dirile boeleele.²⁹Go mo thateng ya me gore ke go utlwise botlhoko, mme Modimo wa ga rraago o buile le nna bosigo jo bo fetileng a re, 'Ela tlhoko gore o bua le Jakoba molemo kgotsa bosula.' ³⁰Jaanong o tsamaile ka gore o tlhoafaletse ntlo ya ga rraago mo go golo. Mme ke eng o utswitse medimo ya me?''³¹Jakoba a araba a raya Labane a re, ''Ka gore ke ne ke boifa ke ne ka akanya gore o tla tsaya barwadio mo go nna ka dikgoka ke ne ka tsamaya mo sephiring. ³²Ope yo o utswitseng medimo ya gago ga a na go tswelela a tshela. Mo bolengteng jwa ba masika a rona, kaya sepe se se mo go nna se e leng sa gago mme o se tsee.'' Gonne Jakoba o ne a sa itse gore Ragele o e utswitse.³³Labane a tsena mo tenteng ya ga Jakoba, mo tenteng ya ga Lea, le mo tenteng ya batlhanka ba basadi, mme a se ka a e bona. A tswa mo tenteng ya ga Lea mme a tsena mo tenteng ya ga Ragele.³⁴Jaanong Ragele o ne a tsere medimo ya gae, a e tsenya mo saleng ya kamela, mme a nna mo godimo ga yone. Labane a batla mo tenteng yotlhe, mme a se ka a e bona. ³⁵A raya rraagwe a re, ''O se ka wa tenega, mong wa me, fa ke sa kgone go ema ka dinao fa pele ga gago, gonne ke mo setswalong.'' Jalo o ne a batla mme a se ka a bona medimo ya gae ya gagwe.³⁶Jakoba o ne a tenega a bo a nganga le Labane. A mo raya a re, ''Molato wa me ke eng? Boleo jwa me ke eng, mo o ntshetseng morago go le kana? ³⁷Gonne o batlile mo dithotong tsotlhe tsa me. O bone eng se e leng sa dithoto tsa ntlo ya gago? Se beye fa pele ga ba lesika la rona, gore ba tle ba atlhole fa gare ga bobedi jwa rona.³⁸Ke nnile le wena dingwaga tse 20. Dinku tse di namagadi tsa gago le dipodi tsa gago ga di a folotsa, ga ke a ja dikonyana dipe mo matsomaneng. ³⁹Se se neng se gagotswe ke dibatana ga ke a se tsisa kwa go wena. Boemong jwa moo, ke dirile tatlhegelo ya me. O ne o tlhola o ntlama go duelela seruiwa sengwe le sengwe se timelang, a se utswitswego le bosigo kgotsa se utswitswe motshegare. ⁴⁰Ke ne ke le foo; mo letsatsing mogote o nja, le serame bosigo; ke tlhoka boroko.⁴¹Dingwaga tse 20 tse ke ne ke le mo ntlong ya gago. Ke go bereketse dingwaga tse 14 ke berekela barwadio, le dingwaga tse 6 ke berekela letsomane. O fetotse dituelo tsa me ga lesome. ⁴²Fa e ne e se gore Modimo wa ga rre, Modimo wa ga Aborahama, ene yo Isaka a mmoifang, o ne a na le nna, e le ruri jaanong o ka bo o nthometse gae ke sa tshola sepe. Modimo o bone kgatelelo ya me le ka fa ke berekileng ka thata ka teng, mme a go kgalema bosigo jo bo fetileng.''⁴³Labane a araba a raya Jakoba a re, ''Brwadi ba ke barwadiake, bana ba bana ke bana ba bongwanake, mme matsomane ke matsomane a me. Tsotlhe tse o di bonang ke tsa me. Mme letsatsi leno ke ka direla barwadiake ba eng, kgotsa bana ba ba bone ba ba ba tshotseng? ⁴⁴Jalo, a re dire kgolagano, wena le nna, mme a e nne bosupi fa gare ga gago le nna.''⁴⁵Jalo Jakoba a tsaya letlapa a le tlhoma go nna pilara. ⁴⁶Jakoba a raya ba lesika la gagwe a re, ''Kgobokanyang matlapa.'' Jalo ba tsaya matlapa ba dira mokoa. ⁴⁷Labane a o bitsa Jegara Saha Dutha, mme Jakoba a o bitsa Galeete.⁴⁸Labane a re, ''Mokoa o ke mosupi fa gare ga me le wena letsatsi leno.'' Jalo he leina la one ya nna Galeete. ⁴⁹Gape o bidiwa Misepha, ka gore Labane o ne a re, ''A Modimo a ntebe a bo a go lebe, fa re sa bonane ka matlho. ⁵⁰Fa o sotla barwadiake, kgotsa o fa o tsaya basadi bape ntleng le barwadiake, ntswa go sena ope yo o nang le rona, bona, Modimo ke mosupi fa gare ga me le wena.''⁵¹Labane a raya Jakoba a re, ''Leba mokoa o, gape leba pilara, e ke e tlhomileng fa gare ga gago le nna. ⁵²Mokoa o ke mosupi, le pilara ke mosupi, wa gore ga ke na go tlolela mokoa o kwa go wena, le gore ga o na gotlolela mokoa o le pilara e kwa go nna, go nkutlwisa botlhoko. ⁵³A Modimo wa ga Aborahamo, le modimo wa ga Nahore, medimo ya ga rraabone, e atlhole fa gare ga rona.'' Jakoba a ikana ka Poifo ya ga Isaka rraagwe.⁵⁴Jakoba a ntsha setlhabelo mo godimo ga thaba mme a bitsa ba lesika la gagwe go ja dijo. Ba ja ba bo ba nna bosigo jotlhe kwa godimo ga thaba. ⁵⁵Makuku mo mosong Labane a tsoga, a atla bana ba bana ba gagwe le barwadie a bo a ba segofatsa. Foo Labane tsamaya a boela gae.

32¹Jakobe a itsamaela, mme baengele ba Modimo ba bo ba na le ene. ²Erile fa Jacoba a ba bona, a re, ''Jo ke bothibelelo jwa Modimo,'' jalo a raya lefelo leo leina a re Mahanaime.³Jakobe a romela barongwa go tsamaela kwa pele ga gagwe go ya kwa go morwaaragwe Esau mo lefatsheng la Seira, mo kgaolong ya Edome. ⁴A ba laela, a re, ''Le tla raya mong wa me Esau le re: ''Motlhanka wa gago Jakobe a re, ''Ke ntse ke nna le Labane, mme ke diegile go boa go fitlhelelo gompieno. ⁵Ke na le dikgomo le ditonki, le matsomane, malata a banna, le malata a basadi. Ke rometse molaetsa o kwa go mong wa me, go re ke bone tumelesego mo matlhong a ga mong wa me.''⁶Barongwa ba boela kwa go Jakobe mme ba mo raya ba re, ''Re ne re ile kwa go morwaarrago Esau. O etla go go kopantsha, mme o na le banna ba le makgolo a mane.'' ⁷Jalo Jakoba a boifa thata mme a kgopisega. Jalo a kgaoganya batho ba a neng a na le bone mephato e mabedi, jalo le letsomane, le dikgomo, le dikamela. ⁸A re, ''Fa Esau a ka tla kwa mongwe wa mephato mme a o tlhasela, jalo mophato o mongwe o o setseng o tla falola.''⁹Jakoba a re, ''Modimo wa ga rre Aberahame, Modimo wa ga rre Isake, Jehofa, yo o ntheileng a re, 'Boela kwa lefatsheng la ga eno le kwa ditshikeng tsa ga eno, mme ke tla go tlhogonolofatsa.' ¹⁰Ga ke a lekanela ditiro tsa gago tsa go dirafatsa kgolagano le botshephegi jo o bo diretseng motlhanka wa gago. Gonne ke tlodile Jorotane yo ka thobane fela, mme jaanong ke nnile mephato e le mebedi.¹¹A tlhe o nkgolole mo seatleng sa ga morrwaarre, mo seatleng sa ga Esau, go nne ke a mo tshaba, go bo a ka tla go ntlhasela le bomma le bana. ¹²Mme o ne wa re, 'Ka mmaaruri ke tla go tlhogonolofatsa. Ke tla dira ditshika tsa gago go nna jaaka motlhaba wa lewatle, o o ka se kakeng wa balwa.' "¹³Jakobe a lala foo bosigong joo. A tsaya bontlhabongwe jwa se a neng a na le sone go nna mpho ya ga Esau, morwaarragwe: ¹⁴dipudi tse dinamagadi di le makgolo a le mabedi le tse ditonanyana di le masome a le mabedi, dinku tse di namagadi di le makgolo a le mabedi le diphefu di le masome a le mabedi, ¹⁵dikamela tse di amusang di le masome a le mararo le bana ba tsone, dikgomo tse dinamagadi di le masome a le mararo le dipoo di le lesome, ditonki tse di namagadi di le masome a le mabedi le tse ditonanyana di le lesome. ¹⁶Tseo a di naya mo diatleng tsa batlhanka ba gagwe, go ya ka fa di rulagantsweng ka teng. A raya batlhanka ba gagwe a re, ''Tsamaelang kwa pele ga me mme farologanye sekgele fa gare ga diruiwa.''¹⁷A laela motlhanka wa ntlha, a re, ''Fa Esau morwaarre a kopana le wena mme a go botsa, a re, ''O wa ga mang? O ya kae? Diphologolo tse di fa pele ga gago tse ke tsa ga mang?' ¹⁸Jalo o tla mo raya o re, ''Ke tsa motlhanka wa gago Jakoba. Ke dimpho tse di iswang kwa go mong wa gagwe Esau. Bona, le ene o etla o re setse morago.''¹⁹Jakoba a fa mophato wa bobedi ditaelo, wa boraro, le banna botlhe fela ba ba gateletseng dikgomo. A ba raya a re, ''Le tla bua fela jalo lotlhe jaaka le tla bo le kopana le Esau. ²⁰Le lona lo re, ''Motlhanka wa gago Jakoba o etla o re setse morago.''' Gonne o ne a akantse go re, ''Ke tla mo itumedisa ka dimpho tse ke di rometseng ga pele ga me. Mme morago, fa ke tla go mmona, gongwe o tla nkamogela.'' ²¹Jalo dimpho tsa tsamaela kwa pele. Ene a lala bosijo jone joo mo bothibelelong.²²Jakoba a tsoga go le bosigo, mme a tsaya basadi ba gagwe ba ba babedi, batlhanka ba gagwe ba ba basadi ba ba babedi, le barwaawe ba ba lesome le motso. A ba tlodisa molatswana wa Jaboko. ²³Ka tsela yone eo a ba tsamaisa go kgabaganya molapo ka tsotlhe tse a nang natso.²⁴Jakobe a sala a le nosi, mme monna a tla go sokasokana le ene go fitlhelela masa aa sa. ²⁵Erile fa monna a bona a paletswe ke go fenya, a mo soka noka. Noka ya ga Jakoba ya losologa jaaka a ne a sokasokana le ene. ²⁶Monna a re, ''Ntlogele ke tsamae, go nne bosa bo sele.'' Jakoba a re, ''Ga ke na go go tlogela o tsamaya fa e se fela o ka ntshegofatsa.''²⁷Monna a mo raya a re, ''Ke wena mang?'' Jakoba a mo raya are, ''Jakoba.'' ²⁸Monna a re, ''Leina la gago ga lena go tlhola e nna Jakoba, mme e tla nna Iseraele. Gonne o gogagogane le Modimo le batho mme o fentse.''²⁹Jakoba a mo kopa a re, ''Mpolelele leina la gago.'' A mo raya a re, ''Ke ka go reng fa o mpotsa leina la me?'' ³⁰Jakoba a raya lefelo leo leina a re Peniele go nne o ne a re, ''Ke bonye Modimo ka sebele, mme botshelo jwa me bo gololesegile.''³¹Letsatsi la tlhabela Jakobe fa a feta fa Peniele. A bo a tlhotsa ka ntlha ya noka ya gagwe. ³²Ke sone se batho ba Iseraele ba sa je mesifa ya noka e e fa bokopanong jwa noka, ka go nne monna o ne a golafatsa mesifa eo e e neng ya losolosa noka ya ga Jakoba.

33¹Yare Jakobe a tsholetsa matlho, mme bonang Esau one a tla ka banna bale 400. Jakobe a kgaoganya bana ba gagwe ka Lea, Ragele le batlhanka ba babedi ba basadi. ²Mme a baya batlhanka ba basadi le bana ba bone kwa pele, ba salwa morago ke Lea le bana ba gagwe, Ragele le Josefa ba le ko morago ga bone. ³Ene ka nosi a tsamaya ko pele ga bone botlhe. A obama ga supa fa fatshe, go fitlhela a le gaufi le morwa rraagwe.⁴Esau a mo tabogela go mo kopantsha, a mo tlamparela, a atla thamo ya gagwe mme ba lela. ⁵Fa Esau a tsholetsa matlho a bona basadi le bana. A re,''batho ba ke bomang ba o nang le bone? Jakobe a re,'' ke bana ba Modimo a segofaditseng motlhanka wa gago ka bone''.⁶Jaanong batlhanka ba basadi le bana ba bone, ba atamela ba obama. ⁷Ga latela Lea le bana ba gagwe ba atamela ba obama. Labofelo Ragele le Josefa ba atamela ba obama. ⁸Esau a botsa a re,''o raa eng ka mephato e ke kopaneng le yone? Jakobe a re,''gore ke bone botsalano fa pele ga mong me.''⁹Esau a re,''morwarre, ke na le mo go lekanyeng, a se onang naso e nne sa gago''. ¹⁰Jakobe a re,''nnyaa fa ke bone botsalano mo matlhong a gago, amogela mpho e e tswang mo lebogong lame, ka gore ke bone sefatlhego sa gago jaaka ekare ke bone sefatlhego sa Modimo, mme gape o nkamogetse. ¹¹Tswee tswee amogela mpho e kego e tsiseditseng, ka gore Modimo o ntshegofaditse, ke na le mo go lekaneng.'' Jakobe a mo kopa, mme Esau a amogela mpho.¹²Mme Esau a re,''a re tsamaeng, ketla le etelela pele''. ¹³Jakobe a mo raa a re,''mong wame o a itse fa bana ba santse ba le bannye, le dinku le dikgomo di santse di amusa bana ba tsone. Fa di ka gatelelwa thata letsatsi le le lengwe fela, tsotlhe diruiwa di ka swa. ¹⁴Tswee tswee a mong wame a tsamaele ko pele ga montlhanka wa gagwe. Nna ke tla a tla ke iketlile, ka fa diruiwa di tsamayang ka teng, le ka fa bana ba tsamayang ka teng go fitlhela ke goroga ko go mong wame ko Seire''.¹⁵Esau a re, ''mma ke tlogele bangwe banna ba kenang le bone''. Mme Jakobe a re, ''ke eng o dira se, ke setse ke bone tshegofatso fa pele ga mong wame''. ¹⁶Lone letsatsi leo Esau a simolola mosepele wa go boela ko Siere. ¹⁷Jakobe a tsamaela ko Sukothe, a ikagela ntlo, a agela diruiwa tsa gagwe masaka. Ke sone se lefelo le bidiwang Sukothe.¹⁸Fa Jakobe a tswa ko Phathana Arame, a goroga ka tshireletsego mo toropong ya Sekeme, e e mo lefatsheng la Kanana. A thibelela gaufi le toropo. ¹⁹A reka lefatshe le a neng a tlhomile motlaagana mo go lone mo go bo morwa Hamore rraagwe Segema, ka dipapetlana tse di lekgolo tsa selefera. ²⁰Ka jalo a aga sebeso a se bitsa El Elone Iseraele.

34¹Jaanong Daena, morwadie Leya yo a mo tsholetseng Jakoba, a ya go kopana le makgarejwana a motse. ²Shekeme morwaa Hamore wa Mohite, kgosana ya motse, a mmona. A mo tsaya mme a robala le ene, a mo itshekolola. ³O ne a kgatlhegetse Daena, morwadia Jakoba. A rata morweetsana mme bua le ene ka matsetseleko.⁴Shekeme a bua le rraagwe Hamore, a re, ''Mpatlele morweetsana yo go nna mosadi wa me.'' ⁵Jaanong Jakoba a utlwa fa a itshekolotse Daena yo e leng morwadie. Bomorwaawe ba bo ba disitse letsomane mo nageng, mme Jakoba a itshwara go fitlhelela ba goroga.⁶Hamore rraagwe Shekeme a ya kwa go Jakoba go bua le ene. ⁷Bomorwaa Jakoba ba goroga batswa kwa nageng mme ba utlwa ka kgang e. Banna ba kgopisega. Ba ne ba tenega fela thata ka go ba a tlhabisitse Iseraele ditlhong ka go robala le morwadie Jakoba, ka gonne selo sa go nna jalo se ne se sa tshwanela go ka diragala.⁸Hamore a bua le bone a re, ''Morwake Shekeme o rata morwadio. Ke a kopa, mo mo rebolele go nna mosadi wa gagwe. ⁹Nyalang le rona, lo re rebolele bomorwaloa, mme le lona lo tsee bomorwaarona. ¹⁰Le tla tshela le rona, le lefatshe le tla lo bulegela go go aga le go gweba mo go lone, le go rua dithoto.¹¹Shekeme a raya rraagwe a re le bokgaitsedie a re, ''Ake bone thekegelo mo matlhong a lona, mme sengwe le sengwe se lo se ntopang ke tla se ntsha. ¹²Ntopeng bogadi jwa tlhwatlhwa kgolo le dimpho tse lo ka di batlang, mme ke tla lo neela sengwele sengwe se lo se batlang mogo nna, mme fela lo nthebolele morweetsana go nna mosadi wa me.'' ¹³Bomorwa Jakoba ba araba Shekeme le Hamore ke bofitlha, ka go nne Shekeme o ne a itshekolotse kgaitsadiabone.¹⁴Ba mo raya ba re, ''Ga re kake ra dira selo seo, go neela kgaitsadiarona ope fela yo o sa rupang go nne seo e ka nna matlhabisaditlong mo go rona. ¹⁵Re ka dumela fela fa go ka nna jaana: fa fela lo ka rupa jaaka rona, fa monna mongwe le mongwe mo go lona a ka rupa. ¹⁶Ke gone fela jalo re ka lo neelang kgaitsadiarona, mme gape ke gone re ka itseelang barwadialona, le go tshela le lona go nna batho ba le bangwefela. ¹⁷Mme fela fa lo sa re reetse lwa rupisiwa, re tla tsaya kgaitsadiarona re bo re tsamaya.''¹⁸Mafoko a bone a itumedisa Hamore le morwawe Shekeme. ¹⁹Lekolwane la seka la dia nako go dira se ba se le se lopilweng, ka gonne o ne a itumelela Morwadia Jakoba, le go bo e ne e le ene yo ratilweng thata mo lelwapeng la ga rraagwe.²⁰Hamore le Shekeme morwawe ba ya kwa kgorong ya motse mme ba bua le banna ba motse wa bone, ba re, ²¹''Banna ba ba mo kagisong le rona, mme ba tlogeleng ba nne mo lefatsheng mme gape ba dire dikgwebo mo go lone, ka ruri, lefatshe le ba bulegeletse fela thata. A re nyaleng barwadiabone, mme le bone re ba rebolele go nyala barwadiarona.²²Ke fela fa re ka diragatse se go re ba nne le rona mme ra nna batho ba le bangwe fela: fa monna mongwe le mongwe mo go rona a ka rupisiwa, ka le bone ba rupisitswe. ²³A leruo la bone le dithoto - le diphologolo tsa bone tsotlhe le ka se nne la rona? Ka jalo a re dumalaneng le bone, mme ba tla nna mo gare ga rona.''²⁴Banna botlhe ba motse ba reetsa Hamore le Shekeme, morwawe. Monna mongwe le mongwe a rupisiwa. ²⁵Mo letsatsing la boraro, ba santseba le mo botlhokong, bomorwaaJakoba ba babedi (Simeyone le Lefi), mongwe le mongwe tsaya tshaka ya gagwe a tlhasela motse o neng o sena basireletse, mme ba bolaya banna botlhe fela. ²⁶Ba bolaya Hamore le morwawe Shekeme ka tshaka. Ba ntsha Daena mo go ba ntlo ya ga Shekeme mme ba tsamaya.²⁷Bomorwa Jakoba ba bangwe ba goroga kwa direpeng mme ba itseela sengwe le sengwe mo motseng, ka gonne batho ba ne ba itshekolotse kgaitsadiabone. ²⁸Ba itseela letsomane, dikgomo, ditonki tsa bone, le sengwe le sengwe mo motseng le masimong a a mabape ²⁹le dikhumo tsotlhe. Bana ba bone le basadi ba bone ba ba gapa. Ba gapa sengwe le sengwe se se mo mantlung.³⁰Jakoba a raya Simeyone le Lefi a re, ''Le ntsiseditse mathata, le ntirile go re ke nkgele baagisanye, Bakanana le Baperise. Ke mmotlana ka palo. Fa ba ka ikopanya kgatlhanong le nna mme ba ntlhasela, ke tla nyelediwa, nna le ba ntlo ya me.'' ³¹Mme Simeyone le Lefi ba mo fetola ba re, ''A Shekeme o ne a tshwanetse go dira kgaitsadiarona go nna jaaka ekete ke seaka?''

35¹Modimo a raya Jakoba a re, ''Emelela, tsamaya o ye Bethele, mme o nne go ne koo. ²O agele Modimo aletara teng, yo o goiponagaditseng fa o ne o tshabile morwaarago Esau.'' Jalo Jakobe a bolelela ba ntlo ya gagwe botlhe ba ba neng ba na le ene, "Kgaogana le medimo ya seeng e e mo go lona, iphepafatse, mme o fetole le diaparo tsa gago. ³Jalo a re emeleleng re ye Bethele. Ke tla agela Modimo aletara teng koo, ene yo o nkarabileng mo letsatsing la khuduego, mme o sale a nna le nna gongwe le gongwe kwa ke teng.''⁴Mme ba neela Jakobe medimo ya seeng yotlhe e e neng e le mo diatleng tsa bone, le manyena e a neng a le mo ditsebeng tsa bone. Jakobe a a epela kafa tlase ga setlhare sa mooka se se gaufi le Shekeme. ⁵Ya re ba tsamaya, Modimo wa dira go re ketsaetsego e fologele mo ditoropong tse di mo tikologong ya bone, ka jalo batho bao ba seka ba latela barwa ba ga Jakobe.⁶Mme Jakobe a goroga kwa Lusa (ke go re, Bethele), yo o leng mo lefatsheng la Kanana, ene le batho botlhe ba a neng a na le bone. ⁷A aga aletare gone foo mme a e bitsa leina a re El Bethele, ka gonne Modimo o ne wa mo itshenolela teng foo fa a ne a tshabile morwarraagwe. ⁸Debora, mmelegi wa ga Rebeka a swa. O ne a fitlhwa ka fa tlase ga setlhare sa mooka kwa borwa ja Bethele, mme lefelo la bitswa Alone Bakuthe.⁹E rile fa Jakobe a goroga go tswa Patane Arame, Modimo wa iponagatsa kwa go ene gape mme a mo segofatsa. ¹⁰Modimo a mo raya a re, ''Leina la gago ke Jakobe, mme ga o na go tlhola o bidiwa Jakobe. Leina la gago e tla nna Iseraele.'' Jalo Modimo wa bitsa leina la gagwe Iseraele.¹¹Modimo wa mo raya wa re, ''Ke Modimo Mothatayotlhe. Ungwa mme o oketsege. Tshaba le ditshaba di tla tswa mo go wena, mme bangwe ba ditshika tsa gago e tla nna dikgosi. ¹²Lefatshe le ke le fileng Aborahame le Isake, ke tla le go fa. Le ditshika tse di tla tlang morago ga gago le tsone ke tla di fa lefatshe." ¹³Modimo wa katoga mo go ene o sena go bua le ene.¹⁴Jakoba a tlhoma pilara mo lefelong le Modimo o neng o buile le ene teng, pilara ya letlapa. A tshela tshupelo ya seno mo go yone le leokwane mo godimo ga yone. ¹⁵Jakobe a bitsa lefelo le Modimo o buileng le ene teng, a re Bethele¹⁶Ba tsamaya ba tswa mo Bethele. Ya re ba santse ba le kgakajana le Ephirathe, Ragele a tsena mo ditlhabing. A nna le ditlhabi tse di tseneletseng. ¹⁷Ya re a le mo ditlhabing tse di tseneletseng, mmelegisi a mo raya a re, ''Se boife, ka jaanong o tla tshola ngwana o mongwe wa mosimane''. ¹⁸Ya re a le mo motsotsong wa bofelo wa loso a raya ngwana leina a re Bene-Oni, mme rraagwe a mmitsa Benjamine. ¹⁹Ragele a swa mme a fitlhwa mo tseleng e e yang Ephirathe (ke go re, Bethelehema). ²⁰Jakobe a tlhoma sehikantswe mo phuphung ya gagwe. Ke yone e supang phuphu ya ga Ragele le jaanong.²¹Iseraele a tsamaela kwa pele mme a tlhoma tante ya gagwe kgakala le kago ya tebelo ya letsomane. ²²Erile fa Iseraele a santse a agile mo lefatsheng leo, Rubene a robala le Beliha yo o iphatlhang le rragwe, mme Iseraele aultwa kgang eo. Jaanong Jakobe o ne a na le barwa ba le lesome le bobedi.²³Bomorwawe ba a ba tshotseng le Leya e ne e le Rubene, morwa Jakoba wa ntlha, le Simeyone, Lefi, Juta, Isakare, le Sebulone. ²⁴Bomorwawe ba a ba tshotseng le Ragele e ne e le Josefa le Benjamine. ²⁵Ba a ba tshotseng le Bileha, motlhankagadi wa ga Ragele, ya bo e le Dan le Nafitale.²⁶Bomorwawe Silepa, motlhankagadi wa ga Laya, e ne e le Gade le Ashere. Bao botlhe e ne e le bomorwawe Jakobe ba a ba tsholetseng kwa Padane Arame. ²⁷Jakobe a tla kwa go Isake, rragwe, ba le kwa Mamere kwa Kiriathe Areba (ke gore Heberone), kwa Aberahame le Isake ba kileng ba bo agile teng.²⁸Isake a tshela dingwaga tse di lekgolo le masome a ferang bobedi. ²⁹Isake a neela mowa a swa, mme a robatswa le borraagwe, a le monnamogolo yo o tshidileng dingwaga tse di tletseng. Esau le Jakobe, bomorwaawe, ba mo fitlha.

36¹Ba e ne e le dikokomana tsa ga Esau (yo gape o bidiwang Etome). ²Esau a fudusa basadi ba gagwe mo Bakananeng. Basadi ba gagwe ke bone ba; Ata morwadia Elone wa Mohita; Oholepama morwadia Ana, ngwanaangwanaa Sibiyone le Hefite; ³le Basemathe, morwadia Ishemaele, kgaitsadie Nebaothe.⁴Ata o ne a tshola Esau Elifase, le Basemathe a tshola Reule. ⁵Obolepama a tshola Jeushe, Jalame, le Kora. Ba ya bo e le barwa Esau ba a neng a ba tsholetse mo lefatshengla Kanana.⁶Esau a tsaya basadi ba gagwe, bo morwaawe, bo morwadie, le botlhe ba lelwapa la gagwe, leruo la gagwe - le tsotlhe diphologolo tsa gagwe, le dithoto tsa gagwe tsotlhe, tse a neng a di kgobokantse mo lefatsheng la Kanana, mme a tsamaela kwa lefatsheng le le kgakala le le kwa go morwadiagwe Jakoba. ⁷O dirile jalo ka go bo dithoto tsa bone tsotlhe di ne di le dintsi mo ba neng ba ka se tlhole ba nna mmogo. Lefatshe le ba neng ba thibeletse mo go lone le ne le ka se tlhole le ka ba lekana ka lebaka la leruo la bone. ⁸Ka jalo Esau, yo gape a itsegeng ka Etome, a thibelela kwa lefatsheng la majwe la Seira.⁹Tse ke tsone ditshika tsa ga Esau, bagologolo ba Badomite mo lefatsheng la dithaba la Seira. ¹⁰A ke one maina a a barwa ba ga Esau: Elifase morwa Ada, mosadi wa ga Esau; Reule morwa Basemathe, mosadi wa ga Esau. ¹¹Barwa ba ga Elifase ya bo e le Temane, Omare, Zephore, Gatame, le Kenaze. ¹²Timina, mogadikane wa ga Elifase, morwawe Esau, a tshola Amaleke. Bao e ne e le bana ba bana ba ga Esau.¹³Ba ya bo e le barwawe Reule: Nahathe, Zera, Shama, le Miza. Ba ya bo e le bana ba bana ba ga Basemathe, mosadi wa ga Esau. ¹⁴Ba ya bo e le barwawe Oholibamaha, mosadi wa ga Esau, yo o neng e le morwadie Ana yo e leng morwadie ngwana wa ga Zibeone. O ne a tsholela Esau Jeushe, Jalame, le Kora.¹⁵E e ne e le dikgotlana tse di mo ditshikeng tsa ga Esau: ditshika tsa ga Elifase, motsalwa pele wa ga Esau: Temane, Omare, ¹⁶Zepho, le Kenase, Kora, Gatame, le Amaleke. Tse e ne e le dikgotlana tsa ditshika tsa ga Elifase mo lefatsheng la Edome. E ne e le bana ba bana ba ga Ada.¹⁷Tse ya bo e le dikgotlana go tswa mo go Reule, morwawe Esau: Nahathe, Zerahe, Shama, Miza. Tse ke tsone dikgotlana tsa ga Reule mo lefatsheng la Edome. ¹⁸E ne e le bana ba bana ba ga Basemathe, mosadi wa ga Esau. Tse e ne e le dikgotlana tsa ga Oholibamaha, mosadi wa ga Esau: Jeushe, Jalame, Kora. ¹⁹Tse ke tsone dikgotlana tse di duleng mo go mosadi wa ga Esau Oholibamaha, morwadie Ana. Ba e ne e le barwa ba ga Esau (yo neng a itsege ka Edome), ba botlhe e le dikgosi.²⁰Ba e ne e le barwa ba ga Seira, baagedi ba lefatshe: Lotane,Shobale, Zibeone, Ana, ²¹Dishon, Ezere, le Dishane. E e ne e le dikgotlana tsa Horite, baagedi ba Seira mo lefatsheng la Edome. ²²Barwa ba ga Lotane e ne e le Hori le Hemane, mme Timena e ne e lekgaitsedie Lotane.²³Ba e ne e le barwa ba ga Shobale: Alevane, Manahathe, Ebale, Shepho, le Oname. ²⁴Ba e ne le barwa ba ga Zibeone: Aia le Ana. Yo ke ene Ana yo o neng bona metswedi ya metsi a a molelo mo nageng, fa a ne a disitse ditonki tsa ga Zibeone rragwe.²⁵Ba e ne e le bana ba ga Ana: Dishone le Oholibamaha, morwadia Ana. ²⁶Ba e ne e le barwa ba ga dishone: Hemedane, Eshbane, Itherane, le Kerane. ²⁷Ba e ne e le barwa ba ga Ezere: Bilhane, Zaafane, le Akane. ²⁸Ba e ne e le barwa ba ga Dishane: Use le Aran.²⁹Ba e ne e le dikgotlana tsa Bahorithe: Lotane, Shobale, Zibeone, le Ana, ³⁰Dishone, Ezere, Dishane: Ba e ne e le dikgotlana tsa Bahorite go ya ka thulaganyo ya dikgotlana tsa lefatshe la Seira.³¹Ba e ne e le dikgosi tse di busitseng mo lefatsheng la Edome pele ga kgosi epe e busa bana ba Iseraele: ³²Bela morwa Beore, a busa mo Edome, mme leina la motse wa gagwe e ne e le Dinehabaha. ³³E rile Bela a swa, Jobabe morwa Zerahe wa Bozara, a busa mo boemong jwa gagwe.³⁴E rile Jobabe a swa, Hushame yo o neng e le wa lefatshe la Batemanite, a busa mo boemong jwa gagwe. ³⁵E rile Husame a swa, Hadade morwa Bedade yo o neng a fenya Bamidianate mo lefatsheng la ga Moabe, a busa mo boemong jwa gagwe. Leina la motse wa gagwe e ne e le Afithe. ³⁶E rile Hadade a swa, Hamelahe wa Masereka a busa mo boemong jwa gagwe.³⁷E rile Samalahe a swa, jalo Shaule wa Rehobothe fa nokeng a busa mo boemong jwa gagwe. ³⁸E rile Shaule a swa, jalo Baale-Hanane morwa Akebore a busa mo boemong jwa gagwe. ³⁹E rile Baale-Hanane morwa Akebore, a swa, jalo Hadare a busa mo boemong jwa gagwe. Leina la motse wa gagwe e ne e le Pau. Leina la mosadi wa gagwe e ne ele Mehetabele, morwadie Materete, morwadie ngwana wa ga Me Sahabe.⁴⁰A e ne e le maina a ditlhogo tsa dikgotlana tsa ditshika tsa ga Esau, go ya ka dikgotlana tsa bone le dikgaolo tsa bone, go ya ka maina a bone: Timina, Alefa, Jethethe, ⁴¹Oholibamaha, Elahe, Pinone, ⁴²Kenase, Temane, Mibisare, ⁴³Magadile, le Irame. Tse e ne e le ditlhogo tsa dikgotlana tsa Edome, go ya ka fa ba thibeletseng ka teng mo lefatsheng le ba le ruileng. Yo e ne e le ene Esau, rraabo Baadome.

37¹Jakobe o ne a agile mo lefatsheng le rraagwe a neng a nna mo go lone, lefatshe la Kanana. ²Tse ke ditirafalo tsa ga Jokoba. Josefa, yo o neng a le lekawana, yo o neng a le dingwaga tse di lesome le bosupa, o ne a disitse letsomane le barwaarragwe. O ne a na le barwa Bilihahe le barwa Zilipa, basadi ba ga rraagwe. Josefa a tlisa pego e e sa itumediseng kwa go rraagwe.³Jaanong Iseraele a bo a rata Josefa go gaisa barwa ba gagwe botlhe ka go bo a ne a tshotswe mo bogoding jwa gagwe. A mo direla seaparo se sentle thata. ⁴Barwarragwe ba lemoga fa rraabone o ne a mo rata go gaisa bone. Ka jalo ba mo ila mo ba neng ba sa kake ba bua sepe se sentle ka ene.⁵Josefa a lora toro, mme a bolelela barwarragwe ka yone. Ba mo ila fela thata. ⁶A ba raya a re, ''Ke a le kopa reetsang ka toro e ke e lorileng.⁷Bonang, re ne re bofa dingata tsa mabele mo tshimong mme bonang, ngata ya me e ne ya emelela mme bonang, dingata tsa lona tsa tla fa go yame mme tsa obela ya me ditlhogo.'' ⁸Barwarragwe ba mo raya ba re, ''A o raya gore ruri o tla re busa? A mme o tla re laola?'' Ba mo ila ila fela thata ka ntlha ya toro ya gagwe le mafoko a gagwe.⁹A lora toro e nngwe gape mme a bolelela barwarraagwe. A ba raya a re, ''Bonang, ke lorile toro e nngwe gape: Letsatsi le ngwedi le dinaledi di le lesome le bongwe di inkobela.'' ¹⁰A bolelela rragwe fela jaaka a boleltse barwarragwe, mme rragwe a mo omanya. A mo raya a re, ''Ke toro mang e o e lorileng? A o raya gore mmago le nna tota le barwarraago re tla go ikobela?'' ¹¹Barwarraagwe ba ne ba mo fufegela, mme rraagwe a baya kgang e mo pelong.¹²Barwarragwe ba ya go disa letsomane la ga rraabone kwa Shekema. ¹³Iseraele a raya Josefa a re, ''A bomogoloo ga ba disa letsomane kwa Sekema? Tla jaana, ke go rome kwa go bone.'' Josefa mo raya a re, ''Ke ipaakantse.'' ¹⁴A mo raya a re, ''Tsamaya jaana, o ye go tlhola bomogoloo aa sengwe le sengwe se siame ka bonele ka letsomane, mme o boe ka karabo.'' Jalo Jakoba a mo roma kwa mokgatsheng wa Heberona, mme Josefa a ya kwa Shekhema.¹⁵Monna mongwe a kopana le Josefa. Bonang, Josefa a bo a tsamaya tsamaya mo nageng. Monna a mmotsa a re, ''O batlana le eng?'' ¹⁶Josefa a re, ''Ke batlana le bonkgonne. Mpolele tlhe, kwa ba diseditseng letsomane teng.'' ¹⁷Monna a mo raya a re, ''Ba sale ba dule mo lefelong le. Ke ba utlwile ba re, 'A re tsamaeleng kwa Dothane. Josefa a latela barwarraagwe mme a ba fitlhela kwa Dothane.¹⁸Ba mmona a sale kgakala, mme erile fela a goroga fa go bone, ba mo logela segwenegwene sa go mmolaya. ¹⁹Barwarragwe ba raana ba re, ''Bonamg, rraditoro yole o a a goroga. ²⁰Tlang jaana, a ree mmolaeng re mo latlhele mo nngweng ya dipetse. Re tla tla re, 'O jelwe ke dibatana.' Re tla bona go re ditoro tsa gagwe di tla felela kae.''²¹Rubene a utlwa se, mme a mo falotsa diatla tsa bone. A re, ''A re se ka ra tsaya botshelo jwa gagwe.'' ²²Rubene a ba raya a re, ''A re se tshololeng madi. A re mo latlheleng mo petseng e e mo nageng, mme a re se mmeeng seatla''- e le gore gongwe mongwe mongwe o ka mo golola mme a mmusetsa kwa go rraagwe.²³Go ne ga dirafala go re fa Josefe a goroga kwa go bomogolowe, ba mo apola seaparo sa gagwe se sentle. ²⁴Ba mo tsaya ba mo digela mo petseng Petse ya bo e sena metse mo teng ga yone.²⁵Ba nna fa fatshe go ja dijo. Ya re ba tsholetsa matlho go leba, bonang, ba bona kara ya Baishemaele e tswa Gileate, dikamela tsa bone di sikere ditswaiso le baleme le dinkgisamonate.Ba ne ba tsamaela go di isa kwa Egepeto. ²⁶Juta a raya barwarraagwe a re, ''Re ka boelwa ke eng fa re ka bolaya morwaraarona mme ra katela madi a gagwe?²⁷A re direng jaana, a re mo rekisetseng Baishemaele mme re seka re baya diatla tsa mo go ene. Gonne ke morwaararona, nama ya rona. ²⁸Bagwebi ba Bamidiate ba goroga. Bomorwaaragwe ba gogela Josefa kwa ntle ba mo ntsha mo petseng. Ba mo rekisetsa Baishemaele ka dipapetlana tse di masome mabedi tsa selefera. Baishemaela ba tseela Josefa kwa Egepeto²⁹Rubene a boela kwa petseng, mme bonang, Josefa a bo a seo mo petseng. ³⁰A kgagola diaparo tsa gagwe. A boela kwa go barwarragwe a ba raya a re, ''Mosimane a a yo mo petseng. Jaanong nna, nka ya kae?''³¹Ba bolaya pudi mme ba tsaya seaparo sa ga Josefa ba se ina mo mading. ³²Mme ba se isa kwa go rraagwe ba mo raya ba re, ''Re fitlhetse seaparo se. Se lebelele o bone go re a ga seaparo sa ga morwao.'' ³³Jakobe a se lemoga mme a re, ''Ke seaparo sa ga morwaake. Sebatana se mo jele. Josefa ruri o gagotswe go nna dirwe.''³⁴Jakobe a kgagola diaparo tsa gagwe mme a ikapesa dikgetse mo dinokeng. A hutsafalela morwawe malatsi a le mantsi. ³⁵Barwawe le barwadiagwe ba tla botle go leka go mo gomotsa, mme a gana go gomotsega. A re, ''Ruri ke tla tsena mo lebitleng ke ntse ke hutsafaletse morwaake.'' Rraagwe a mo lelela. ³⁶Bamidiate ba mo rekisetsa Potifare mo Egepeto, yo o leng modiredi wa ga Faro, e le moeteledi pele ba badisa ba gagwe.

38¹Go ne ga dirafala go re Juta a tlogele bomorwarragwe a ya go nna le Moadulamite mongwe, yo leina la gagwe e neng e le Hirahe. ²A kopana le morwadie monna mongwe wa Mokanana wa leina la Shua. A mo tsaya mme a robala le ene.³A ima mme a tshola mosimane. A mo raya leina a re Ere. ⁴A ima gape mme a nna a tshola mosimane. A mmitsa leina a re Onane. ⁵A tshola mosimane yo mongwe gape mme a mmitsa Shela. E ne e le kwa Kezibe kwa a mo tsholetseng teng.⁶Juta a batlela motsalwapele wa gagwe Ere, mosadi. Leina la gagwe ya bo e le Tamare. ⁷Ere, motsalwapele wa gagwe, a bo a le bosula mo matlhong a ga Jehofa. Jehofa a mmolaya.⁸Juta a raya Onane a re, ''Tsaya mosadi wa ga mogoloo. O dire jaaka go tshwanetse, o tsholele mogoloo ngwana. ⁹Onane a lemoga fa ngwana e tla bo e se wa gagwe. E ne e re fela fa a kopana le mogatse mogolowe, a tshololele peo mo mmung go re a seka a tsholela mogolowe ngwana. ¹⁰Se a neng a se dira e ne e le se se bosula mo ponong ya ga Jehofa. Mme le ene Jehofa a mmolaya.¹¹Jalo Juta a raya Tamare, ngwetsi ya gagwe, ''Tswelela o le moswagadi mo ntlong ya ga rrago, go fitlhelela Shela, morwaake, a gola.'' Mme a tshogela go re ''Gongwe le ene o ka swa, fela jaaka bomogolowe.'' Tamare a nna mo ntlong ya ga rraagwe.¹²Morago ga nako e telele, morwadie Shua, mosadi wa ga Juta, a swa. Juta a gomodiwa mme a ya kwa babeuding ba dinku kwa Timina, ene le tsala ya gagwe Hira wa Moadulamita. ¹³Tamare a bolelelwa go re, ''Bona, mogwagwadi wa gago o ya kwa Timina go beula dinku tsa gagwe.'' ¹⁴A apola diaparo tsa gagwe tsa boswagadi mme a ipipa sefatlhego ka sebipo a ikapesa. A nna fa kgorong ya Enaime, e e leng mo tseleng ya Timina. Go nne o ne a bona fa Shela a godile mme a seka a mo neelwa gore a nne mosadi wa gagwe.¹⁵E rile fa Juta a mmona a akanya fa e le seaka ka go bo a ne a ipipile sefatlhego. ¹⁶A ya kwa go ene fa thoko ga tsela mme a mo raya a re, ''Tla jaana, ke tle ke robale le wena'' - go nne o ne a sa itse fa e le ngwetsi ya gagwe - mme mo raya a re, ''O tla nnaya eng fa o ka robala le nna?''¹⁷A moraya a re, ''Ke tla go neela potsane go tswa mo letsomaneng.'' A mo raya a re, ''A o tla ntshwarise sengwe pele go fitlhelela fa o e romela?'' ¹⁸A mmotsa a re, ''O batla nka go tshwarisa eng?'' A mo raya a re, ''Ntshwarise leseka le le nang le leina la gago le sekano le thobane e o e tshotseng.'' A di mo neela mme a ya go robala le ene, mme a mo imisa.¹⁹A tsoga mme a tsamaya. A ntsha sebipo sa gagwe mme a apara diaparo tsa boswagadi. ²⁰Juta a romela potsane ka tsala ya gagwe ya Moadulamite go re a tle a boe ka se a se tshwarisitseng mosadi, mme a seka a mo fitlhela.²¹Jalo Moadulamite a botsa banna ba lefelo leo, ''O kae mosadi wa seaka yo o neng a nna fa Enaime fa thoko ga tsela?'' Ba mo raya ba re, ''Ga go ise go nne le mosadi wa seaka gone fa.'' ²²A boela kwa go Juta mme a mo raya a re, ''Ga ke a mo fitlhela. Mme le gone gape, banna ba lefelo leo ba supa fa go ise go nne le mosadi wa seaka gone foo.'' ²³Juta mo raya a re, ''Mo tlogele a ipeele tse a di tsereng, go re re seka ra iphitlhela re aperwe ke ditlhong. E le ruri, ke ne ke rometse potsanyane, mme fela ga o a mo fitlhela.''²⁴Go ne ga dirafala morago ga kgwedi tse tharo go re dikgang di goroge kwa go Juta go re, "'Tamare ngwetsi ya gago o dirile boaka, mme ebile, o imile ka lone lebaka leo.'' Juta a fetola ka go re, ''Mo tlisang kwano mme ebile a tle a tshubiwe.'' ²⁵Erile fa a tlisiwa, a isa molaetsa kwa go mogwagadiagwe a re, ''Ke imisitswe ke monna yo e leng mong wa dilo tse.'' A ba raya a re, ''Tlhalosang go re ke tsa ga mang, tse e leng leseka le le nang le leina le sekano le thobane. ²⁶Juta a di lemoga mme a bo a re, ''O boitshepo go mpheta, go bo ke ne ka seka ka mo neela Shela morwaake gore e nne mosadi wa gagwe.'' O ne a seka a tlhola a robala le ene gape.²⁷Go ne ga dirafala ka nako ya go re a belege, bonang, mawelana a bo a lemo sebopelong sa gagwe. ²⁸Ga dirafala jaaka a ne a belega yo mongwe a ntshetsa lebogo kwa ntle, mme mmelegisi a se bofa ka tlhale e khibibidu, mme a re, ''Yo ke ene a gorogileng pele.''²⁹Mme jaanong a gogela seatla sa gagwe kwa morago, mme, bonang, morwarragwe a tswa pele. Mmelegisi a bo a re, ''Ke ka mo o ileng wa fetelela ka teng wa goroga pele!'' Ka jalo a tewa leina gatwe Peresi. ³⁰Morago morwarragwe le ene a tswa, yo o neng a na le tlhale mo lebogong, mme a bidiwa Serahe.

39¹Josefa a isiwa Egepeto. Potifare, mogolwane wa ga Faro yo o neng e le moeteledipele wa badisa ba kgosi mme gape e le Moegepeto, a mo reka mo Baishemaeleng, ba ba neng ba tlile le ene. ²Jehofa a bo a na le Josefa mme a tlhogonolofala fela thata. A nna mo nltong ya ga mong wa gagwe.³Mong wa gagwe a lemoga fa Jehofa a ne a na le ene le go re gape Jehofa o ne a tlhogonolofaditse tsotlhe tse a neng a di dira. ⁴Josefa a bona thekegelo mo matlhong a gagwe. A direla Potifare. Potifare a dira Josefa motlhokomedi wa tsa ntlo ya gagwe, mme tsotlhe tse a neng a di ruile, a di baya mo tlhokomelong ya gagwe.⁵Go ne ga diragala ka nako e a dirilweng motlhokomedi wa tsa ntlo ya gagwe le tsotlhe tse a di ruileng, Jehofa a segofatsa ntlo ya Moegepeto yoo ka ntlha ya ga Josefa. Ditshegofatso tsa ga Jehofa tsa nna mo go tsotlhe tse Potifare a neng a na le tsone mo ntlong le mo tshimong. ⁶Potifare a baya sengwe le sengwe mo tlhokomelong ya ga Josefa. O ne a sena se a ka nnang a akanya thata ka tsone fa e se fela dijo tse a di jang. Mme Josefa a bo a le bontle jwa maratagolejwa a na le kgogedi.⁷Ga dirafala ka nako eo go re mohumahadi wa mong wa gagwe a tlhome Josefa matlho mme a mo raya a re, ''Robala le nna.'' ⁸Mme a gana a raya mohumagadi wa ga mong wa gagwe, ''Bona, mong wa me ga a tlhokomele tse ke di dirang mo ntlong e, mme o beile sengwe le sengwe se a se ruileng ka fa tlase ga tlhokomelo ya me. ⁹Ga gona ope mo ntlong e yo o mphetang ka maemo. O nkgololetse tsotlhe fela mo ntlong kwa ntle ga gago, ka go bo o le mohumagadi wa gagwe. Nka dira bosula jo bo kana kana jang tota ka leofela Modimo?''¹⁰A nna a bua jalo le Josefa malatsi otlhe, mme a nna a gana go robala le ene. ¹¹Ga dirafala letsatsi lengwe a tsene mo ntlong go dira tiro ya gagwe jaaka gale. Ga bo go se ope wa banna ba babereki yo o neng a le teng mo ntlong. ¹²A mo phamola ka diaparo mme a re, ''Robala le nna.'' A itshwatola mo go ene a tlogela diaparo tsa gagwe mo diatleng tsa gagwe, a tshaba, mme a siela kwa ntle.¹³Ga dirafala, fa a bona a mo tlogeletse diaparo mo diatleng tsa gagwe mme a tshabetse kwa ntle, ¹⁴a bitsa banna ba babereki a ba raya a re, "Tlang le boneng, Potifare o tlisitse Mohebera go tla go sotla ka rona. O batlile a nthobelela go re ke robale le ene, mme ka goa mokgosi. ¹⁵Mme erile a utlwa ke goa mokgosi, a sia mme a tlogela diaparo mo diatleng tsa me.''¹⁶A baya diaparo tsa gagwe go bapa le ene go fitlhelela mong wa gagwe a goroga. ¹⁷A mo tlhalosetsa go ya ka ene, ''Motlhanka yo wa Mohebera yo o mo re tliseditseng, o fano go sotla ka nna. ¹⁸Go dirafetse fela go re e re fa ke goa mokgosi, a tlogela diaparo tsa gagwe mo diatleng tsa me.''¹⁹Go ne ga dirafala go re, fa mong wa gagwe a utlwa kgang e mohumagadi wa gagwe a e mmolelelang a re, ''Se ke sone se motlhanka wa gago a se ntirileng,'' a kgopisega fela thata. ²⁰Mong wa ga Josefa a mo tsaya a mo tswalelela mo kgolegelong, lefelo le magolegwa a kgosi a tswaleletsweng teng. O ne a nna teng moo.²¹Mme Jehofa abo a na le Josefa mme a mo dirafaletsa kgolagano ya boikanyego. A mo rekegela mo ponong ya batlhokomedi ba kgolegelo. ²²Motlhokomedi waa kgolegelo a mo dira moeteledipele wa magolegwa a mangwe. Sengwe le sengwe se ba neng ba se dira, Josefa o ne a ba laola. ²³Motlhokomedi wa magolegwa o ne a sa tshwenyege ka sepe se se mo tlhokomelong ya ga Josefa, ka go nne Jehofa o ne a na le ene. Sengwe le sengwe se a neng a se dira, Jehofa o ne a se atlisa.

40¹Ga dirafala morago ga dilo tse, fa motsholaphafana wa kgosi ya Egepeto le moapei wa kgosi ba kgopisa mong wa bone, kgosi ya Egepeto. ²Faro a kgopisiwa ke badiredi ba babedi ba fela thata, e leng moeteledipele wa batsholaphafana le wa baapei. ³A ba baya mo tlhokomelong ya moeteledipele wa badisa magolegwa, mo kgolegelong e Josefa a neng a beilwe mo go yone.⁴Moeteledipele wa badisa magolelgwa a ba baya mo tlhokomelong ya ga Josefa. Ba nna moo ba tswaleletswa sebakanyana. ⁵Botlhe ba lora toro - motsholaphafana le moapei wa kgosi ya Egepeto ba ba neng ba tswaleletswe mo kgolegelong - botlhe ka bobedi ba lora toro bosigo, nngwe le ngwe ya tsone ya bo e na le thanolo ya yone.⁶Josefa a tla kwa go bone mo mosong go ba tlhola. Bonang, ba bo ba utlwile botlhoko. ⁷A botsa badiredi ba ga Faro ba a neng a na le bone mo ntlong ya kgolegelo ya ga Faro, a re ''Ke ka go reng fa le utlwile botlhoko jaana?'' ⁸Ba mo raya ba re, ''Re nnile le ditoro tse go seng ope yo o di ranolang.'' Josefa a ba raya a re, ''A mme dithanolo ga di tswe kwa Modimong? Mpoleleleng tlhe.''⁹Motsholaphafana yo mogolwane a bolelela Josefa toro ya gagwe a re, ''Mo torong ya me, bona, setlhare sa mofine se ne se le fa pele ga me. ¹⁰Mo setlhareng se ga bo go le dikala tse tharo. E rile fa se tswa matlhogela, matswela a sone a ntsha mafine a bo a bodule. ¹¹Phafana ya ga Faro ya bo e le mo seatleng sa gagwe. Ka tsaya mafine mme ka a gamolela mo phafaneng ya ga Faro, mme ka busetsa phafana mo diatleng tsa ga Faro.''¹²Josefa a mo raya re, ''Thanolo ya toro ya gagoke e. Dikala tse tharo ke malatsi a mararo. ¹³Mo malatsing a mararo Faro o tla golola seatla sa gagwe mme o tla go busetsa mo tirong ya gago. O tla busetsa phafana mo seatleng sa ga Faro, fela jaaka o ne ontse o le motsholaphafana.¹⁴Mme o nkgopole fa go go tsamaetse sentle, mme o ntirele molemo. O bue bontle ka nna mo go Faro go re le nna ke kgone go tswa mo kgolegelong. ¹⁵Gonne ruri ke gapilwe kwa lefatsheng la Bahebera. Le gone kwano tota ga ke na molato ope o neng nka o tsenyetswa mo moleteng one o.''¹⁶E rile fa moeteledipele wa baapei a bona thanolo e itumedisa, le ene a raya Josefa a re, ''Le nna ke nnile le toro, mme bona, ditlatlana tsa borotho di ne di le mo godimo ga tlhogo ya me. ¹⁷Mo tlatlaneng e fa godimo ga bo go le dijo tsotlhe tse di apeetsweng Faro, mme dinonyane tsa tla go di jela mo tlatlaneng e fa godimo ga tlhogo ya me.''¹⁸Josefa a mo araba mme a mo raya a re, ''Thanolo ke e. Ditlatlana tse tharo ke malatsi a mararo. ¹⁹Mo malatsing a mararo Faro o tla lokolola tlhogo ya gago mo go wena mme o tla go kaletsa mo setlhareng. Dinonyane di tla ja dirwe tsa gago.''²⁰Go ne ga dirafala mo letsatsing la boraro go re go be go le letsatsi la ga Faro la matsalo. A direla batlhanka ba gagwe moletlo. A tlhaola tlhogo ya moeteledipele wa batsholaphafana le wa baapei go re ba gololwe. ²¹A busetsa moeteledipele wa batsholaphafana mo tirong ya gagwe, mme a baya phafana mo diatleng tsa ga Faro. ²²Mme a kaletsa moeteledipele wa baapei, fela jaaka Josefa a ne a ba ranoletse. ²³Mme motsholaphafana a se ka a gakologelwa Josefa, a lebala ka ene.

41¹Ga diragala morago ga ngwaga tse pedi go re Faro a lore toro. Bonang, a bo a eme fa nokeng ya Nile. ²Bonang, dikgomo tse supa tsa tswa mo nokeng ya Nile, di nonne di kgatlhisa, mme di ja letlhaka. ³Bonang, tse di ngwe tse supa le tsone di ile tsa tswa kwa morago ga tsone, mme tsone di bopama di sa kgatlhise. Di ne tsa lebagana di le mo letshitshing la noka.⁴Jaanong, tse di bopamang di sa kgatlhise di ile tsa kometsa tse supa tse di nonneng. Faro a thanya mo borokong. ⁵A thulamela gape mme a lora toro ya bobedi. Bonang, diako tse supa di ile tsa tswa mo letlhakeng le le lengwe, di le dintle di nonofile. ⁶Bonang, diako tse dingwe, tsa mangapa tse di swabisitsweng ke phefo ya botlhabatsatsi, le tsone tsa tswa.⁷Diako tsa mangapa tsa kometsa tse di nonofileng. Faro a thanya gape, mme, bonang, ya bo e le toro fela. ⁸Ga diragala go le mo mosong mowa wa gagwe wabo o fuduegile. A lopa go re go bidiwe bomkadilatlha le batlhalfi botlhe ba Egepeto. Faro a ba lekodisa ka ditoro tsa gagwe, mme ga tlhoka ope yoo neng a kgona go di ranolela Faro.⁹Jaanong moeteledipele wa batsholaphafana a raya Faro a re, "Tsatsi jeno ke akantse ke fa melato ya me. ¹⁰Faro okile a kgopisiwa ke batlhanka ba gagwe, mme a ntswalelela mo ntlong ya kgolegelo ya moetelepele wa badisa ba kgosi, e le moapei mogolo le nna. ¹¹Re ne ra lora toro bosigo bo le bongwe, ene le nna. Re ne ra lora mongwe le mongwe wa rona go ya ga fa toro ya gagwe ileng ya ranolwa ka teng.¹²Re ne re na le lekawana la Mohebera, motlhanka wa moeteledipele wa badisa. Re ne ra mmolela mme o ne a re ranolela ditoro tsa rona. O ne a ranola go ya ka fa re lorileng ka teng. ¹³Go ne ga dirafala go re go nne fela jaaka a ranotse, mme ga nna fela jalo. Faro o ne a mpusetsa mo tirong ya me, mme yo mongwe ene a kalediwa.''¹⁴Mme Faro a laela go re Josefa a bidiwe. Ba mo golola ka bonako mo moleteng. A ipeola, a fetola diaparo tsa gagwe, mme a tla kwa go Faro. ¹⁵Faro a raya Josefa a re, ''Ke lorile toro, mme ga gona ope yo kgonneng go e ranola. Mme ke utlwile go buiwa ka ga wena, go re fa o boleletswe ka toro o kgona go e ranola.'' ¹⁶Josefa a araba Faro, a re, ''Ga go tswe mo go nna. Modimo ke one o tla araba Faro ka go mo rekegela.''¹⁷Faro a bua le Josefa a re, ''Mo torong ya me, bona, ke ne ke eme fa thoko ga noka ya Nile. ¹⁸Bona, ga bo go le dikgomo di le supa di tswa mo nokeng ya Nile, di nnonne di kgatlhisa, mme tsa bo di hula di ja letlhaka.¹⁹Bona, ga nna tse dingwe gape tse le tsone di duleng morago ga tsone, mme tsone di bopama, di le bokowa, ebile di sa kgatlhise. Ga ke ise ke bo ke bone gope mo Egepeto tse di sa kgatlhiseng go tshwana le tsone tsele. ²⁰Tse di bopamang di ile tsa kometsa tsele tsa ntlha tse supa tse di nonneng. ²¹Mme erile di sena go di kometsa, ga se ka ga bonala fa di di komeditse, go nne di ne di tshwana fela jaaka pele. Mme ke ne ka thanya.²²Ka lora e nngwe gape, mme, bona, diako di ne tsa tswa mo letlhakeng, di nonofile di le dintle. ²³Bona, tse dingwe gape diako - tse di swabileng, di le mangapa, di tshubilwe ke phefo ya botlhabatsatsi, le tsone di ile tsa tlhoga morago ga tsone. ²⁴Diako tsa mangapa di ile tsa kometsa tse di nonofileng tse supa tsele tsa ntlha. Ke ne ka bolelela bonkadilatlha, mme ga gona ope yo o kgonneng go ntlhalosetsa ditoro tse.''²⁵Josefa a raya Faro a re, ''Ditoro tse di a tsamaelana. Se Modimo o leng gaufi le go se dira, o se senoletse Faro. ²⁶Dikgomo tse supa tse di kgatlhisang, le diako tse di nonofileng tse supa ke dingwaga tse supa. Ditoro tse di a tshwana.²⁷Dikgomo tse supa tse di sa kgatlhiseng ke dingwaga tse supa, fela jaaka le diako tse supa tsa mangapa tse di tshubilweng ke phefo ya botlhabatsatsi e tla nna dingwaga tse supa tsa leuba. ²⁸Ke sone se ke se boleletseng Faro.Se Modimo o leng gaufi le go se dira se setse se senoletswe Faro. ²⁹Bona, dingwaga tse supa tsa letlotlo le legolo di tla anama le Iseraele otlhe fela.³⁰Dingwaga tse supa tsa leuba di tla tla morago ga tsone, mme letlotlo le tla lebalesega mo lefatsheng la Egepeto, mme leuba le tla gaila lefatshe. ³¹Letlotlo ga le na go gakologelwa mo lefatsheng ka lebaka la leuba le le tla le salang morago, go nne le tla nna legolo fela thata. ³²Go bo toro e ne e ipueletsa mo go Faro ke ka go bo kgang eo e tlhomamisitswe ke Modimo, mme ebile Modimo o le gaufi le go e dirafatsa.³³Jaanong a Faro a batle monna yo kgonang go bona ebile a le botlhale, a mo dire motlhokomedi wa lefatshe la Egepeto. ³⁴A Faro a tlhome badiredi mo lefatsheng lotlhe, mme ba tle ba tlhaole setlhano sa mabele a a tla robiwang mo dingwageng tse supa tse.³⁵A ba phuthe dijo modingwageng tsa letlotlo tse di tlang tse mme ba di boloke ba le ka fa tlase ga taolo ya ga Faro, e nne dijo tse di tla dirisiwang mo metseng. Ba di tlhokomele. ³⁶Dijo tse ke tsone tse di tla bolokang lefatshe mo dingwageng tse supa tsa leuba le le tla nnang mo lefatsheng la Egepeto. Ka tsela yone eo lefatshe ga le na go babalelwa ke leuba.³⁷Kgakololo e e ne e siame mo matlhong a ga Faro le mo matlhong a batlhanka botlhe. ³⁸Faro a raya batlhanka ba gagwe a re, ''A re ka bona monna yo o ntseng jalo, yo o tletseng mowa wa Modimo?³⁹Jalo Faro a raya Josefa a re, ''Ka Modimo o bontshitse wena dilo tse tsotlhe, ga gona ope yo kgonang go bona ebile a le botlhale jaaka wena. ⁴⁰Ke wena o tla nnang motlhokomedi wa tsa ntlo ya me, batho ba me ba tla busiwa go ya ka lefoko la gago. Ke tla nna mogolo mo setilong sa bogosi fela.'' ⁴¹Faro a raya Josefa a re, ''Bona, ke go beile molaodi wa lefatshe lotlhe la Egepeto.''⁴²Faro a ntsha palamonwana ya gagwe mo monwaneng wa gagwe mme a e rwesa monwana wa ga Josefa. A mo apesa diaparo tse di leloba le lentle, mme a mo apesa leseka la gauta mo molaleng wa gagwe. ⁴³A mo pega mo kareng ya gagwe ya bobedi. Banna ba goeletsa ba raya batho ba re, ''Obang maoto.'' Faro a mmaya motlhokomedi wa lefatshe lotlhe la Egepeto.⁴⁴Faro a raya Josefa a re, ''Ke nna Faro, mme fa e se go laotse wena, ga gona ope yo tla tsholetsang seatla kana le fa e le lenao mo lefatsheng lotlhe la Egepeto.'' ⁴⁵Faro a mo fa leina le lesha a re ''Saphenathe-Paneya.'' A mo neela Asenathe, morwadia Potifera moperesita wa One, go nna mosadi wa gagwe. Josefa a simolola goitsege mo Egepeto ka bophara.⁴⁶Josefa a bo a le dingwaga di le masome a le mararo fa a ema fa pele ga ga Faro, kgosi ya Egepeto. Josefa a tloga fa pele ga ga Faro, mme a tsamaya lefatshe lotlhe la Egepeto. ⁴⁷Mo dingwageng tsa letlotlo tse supa lefatshe la ntsha thobo e e nametsang.⁴⁸A phutha dijo mo dingwageng tse supa tse di mo lefatsheng la Egepeto mme a di boloka mo mabolokelong a metse. A boloka dijo mo motseng mongwe le mongwe go tswa mo tikologong ya one. ⁴⁹Josefa a phutha mabele mo a ileng a nna jaaka motlhaba wa lewatle, ka ba ne ba sa kgone go a bala.⁵⁰Josefa a nna le barwa ba le babedi pele ga ngwaga tsa leuba, ba Asenathe, morwadie Potifera moperesite wa One, a neng a ba mo tsholetse. ⁵¹Josefa a bitsa morwawe wa ntlha a re Manase, mme a raya go re , ''Modimo o ntirile go re ke lebale ka mathata a me otlhe le ka lelwapa la ga rre.'' ⁵²A bitsa wa bobedi a re Efirame, go nne o ne a re, ''Modimo o dirile go re ke ungwe mo lefatsheng la pogisego ya me.''⁵³Dingwaga tse supa tsa letlotlo tse di neng di le mo lefatsheng la Egepeto tsa tla kwa bokhutlong. ⁵⁴Dingwaga tse supa tsa leuba tsa simolola, fela jaaka Josefa a ne a boletse. Ga nna leuba mo lefatsheng lotlhe ka bophara, mme mo lefatsheng la Egepeto ga bo go na le dijo.⁵⁵E rile fa batho ba lefatshe la Egepeto ba feditse dijo, ba lelela kwa go Faro ba batla dijo. Faro a raya Baegepeto a re, ''Yang kwa go Josefa mme le dire sengwe le sengwe se a se le bolelelang.'' ⁵⁶Leuba la bo le apere lefatshe lotlheka bophara. Josefa a bula mabolokelo otlhe mme a rekisetsa Baegepeto. Leuba la bo le gaketse fela thata mo lefatsheng la Egepeto. ⁵⁷Lefatshe lotlhe ka bophara la tla kwa Egepeto go reka mabele mo go Josefa, ka go bo leuba le ne le apere lefatshe ka bophara.

42¹Jaanong Jakoba a lemoga fa go na le mabele kwa Egepeto. A raya barwae a re, ''Ke eng le lebana?'' ²A re, ''Bonang fa, ke utlwile gore go na le mebele kwa Egepeto. Tsamayang le ye go re rekela koo gore re tle re tshele, re se ka ra swa.'' ³Barwarraa Jakoba ba le lesome ba tsamaya go ya go reka mabele kwa Egepeto. ⁴Mme Benjamene, morwarraagwe Josefa, a se ka a rongwa le barwarraagwe, gonne Jakoba o ne a re, ''Ke boifa gore o tloga a diragalelwa ke sengwe se se bosula.''⁵Barwa Iseraele ba nna bangwe ba ba ba tsileng go reka, gonne leuba le ne le le mo lefatsheng la Kanana. ⁶Jaanong Josefa e ne e le mmusi wa lefatshe. E ne e le ene yo o rekisetsang batho botlhe ba lefatshe. Bomogolwe Josefa ba tla mme ba mo obela difatlhegotsa bone di lebile fa fatshe.⁷Josefa a bona a bo a lemoga bomogolowe, mme a ba iphitlhela tebego, a bua le bone ka bogale. A ba raya a re, ''Le tla le tswa kae?'' Ba re, ''Go tswa lefatsheng la Kanana, re tsile go reka dijo.'' ⁸Josefa o ne a lemoga bomogolowe, mme bone ba ne ba sa mo lemoge.⁹Jakoba a gakologelwa ditoro tse a di lorileng ka bone. A ba raya a re, ''Le ba tsaya ditlholwa. Le tsile go bona dikgaolo tsa lefatshe tse di sa sireletsegang.'' ¹⁰Ba mo raya ba re, ''Nnyaya, mong wa me. Batlhanka ba gago ba tsile go reka dijo. ¹¹Rotlhe re barwa monna a le mongwe. Re banna ba ba boammaaruri. Batlhanka ba gago ga se batsaya ditlholwa.''¹²A ba raya a re, ''Nnyaya, le tsile go bona dikgaolo tsa lefatshe tse di sa sirelediwang.'' ¹³Ba re, ''Rona batlhanka ba gago re barrammogo ba le 12, barwa monna a le mongwe kwa lefatsheng la Kanana. Bona, monnaarona o setse le rraarona, mme mongwe wa rona ga a sa tlhole a tshela.''¹⁴Josefa a ba raya a re, ''Go ntse jaaka ke le boleleltse; le batsaya ditlholwa. ¹⁵Le tla lekwa ka se. Ke ikana ka botshelo jwa ga Faro, ga le na go tswa fa ntleng le fa monnaalona yo monnye a tla fa. ¹⁶Romang mongwe wa lona a ye go tsaya monnaalona. Le tla tshegediwa mo kgolegelong gore mafoko a lona a tle a lekwe, gore a go na le boammaaruri mo go lona.'' ¹⁷A ba tshegetsa mo kgolegelong matsatsi a le 3.¹⁸Ka letsatsi la boraro Josefa a ba raya a re, ''Dirang se mme le tshele, gonne ke boifa Modimo. ¹⁹Fa le le banna ba ba boammaaruri, a mongwe wa lona a tshegediwe mo kgolegelong e, mme lona le tsamae, le ise mabele kwa matlong a lona. ²⁰Tsisang monnaalona yo monnye kwa go nna gore mafoko a lona a tle a rurifadiwe mme le tla se ka le swa.'' Ba dira jalo.²¹Ba raana ba re, ''Ruri re molato ka morwarraaona jaaka e rile fa re bona kutlobotlhoko ya mowa wa gagwe fa a ikuela mo go rona, ra se ka ra mo reetsa. Jalo he, patikesego e e tsile mo go rona.'' ²²Rubene a ba araba, ''A ga ke a ka ka le bolelela, 'Le se ka la leofela mosimane,' mme la se ka la reetsa? Jaanong, bonang, madi a gagwe a lopiwa mo go rana.''²³Ba ne ba itse fa Josefa a ba tlhaloganya, gonne go ne go na le motoloki fa gare ga bone. ²⁴A ba hularela a lela. A boa a ba leba mme a bua le bone. A tsaya Simeone fa gare ga bone mme a mo golega mo matlhong a bone. ²⁵Foo Josefa a laola batlhanka ba gagwe go tlatsa dikgetse tsa barwarraagwe ka mabele, le go tsenya kgetse ya madi ya monna mongwe le mongwe mo kgetseng ya gagwe, le go ba neela mohago wa mosepele. Ba direlwa jalo.²⁶Ba pega dikgetse tsa mabele mo ditonking tsa bone mme ba bolola go tswa koo. ²⁷E rile fa mongwe wa bone a bula kgetse ya gagwe go neela tonki ya gagwe dijo kwa ba letseng teng, a bona madi a gagwe. Bonang a ne a le fa molomong wa kgetse ya gagwe. ²⁸A raya barwarraagwe a re, ''Madi a me a busitswe. A boneng; a mo kgetseng ya me.'' Mme dipelo tsa bone tsa tshoga, ba roroma ba lebana. Ba re, ''Ke eng se Modimo a se re dirileng se?''²⁹Ba ya kwa go Jakoba, rraabone kwa lefatsheng la Kanana mme ba mmolelela tsotlhe tse di ba diragaletseng. Ba re, ³⁰''Monna, morena wa lefatshe, o buile le rona ka bogale a bo a akanya gore re batsaya ditlholwa mo lefatsheng. ³¹Re ne ra mo raya ra re, 'Re banna ba ba boammaaruri. Ga re batsaya ditlholwa. ³²Re batsalwa mmoogo ba le 12, barwa rraarona. Yo mongwe ga a sa tlhole a tshela, mme yo monnye mo go botlhe mo letsatsing le o setse le rraarona kwa lefatsheng la Kanana.'³³Monna, morena wa lefatshe, a re raya a re, 'Ke tla itse gore le banna ba ba boammaaruri ka se. Tlogelang mongwe wa barwarraalona le nna, tsayang mabele le a ise kwa matlong a lona, le tsamae. ³⁴Tlisang monnaalona yo monnye kwa go nna. Foo ke tla itse gore ga le batsaya ditlholwa, mme le banna ba ba boammaaruri. Foo ke tla le gololela morwarraalona, mme le tla gweba mo lefatsheng.'''³⁵Ga diragala fa ba ntsha se se mo dikgetseng tsa bone, bonang, kgetse ya selefera ya monna mongwe le mongwe ya bo e le mo kgetseng ya gagwe. Fa bone le rraabone ba bona dikgetse tsa bone tsa selefera, ba tshoga. ³⁶Jakoba, rraabone a ba raya a re, ''Le nkhutsafaditse ka bana ba me. Josefa ga a sa tlhole a tshela, Simeone o ile, mme le ya go tsaya Benjamine. Dilo tsotlhe tse di kgatlhanong le nna.''³⁷Rubene a bua le rraagwe, a re, ''O ka bolaya barwaake ba ba 2 fa ke sa busetse Benjamine kwa go wena. Mo tsenye mo diatleng tsa me, mme ke tla mmusa.'' ³⁸Jakoba a re, ''Morwaake ga a na go tsamaya le lona. Gonne morwarraagwe o sule mme o setse a le nosi. Fa bosula bo ka mo diragalela mo tseleng ya kwa le yang, foo mo botsofeng jwa me le tla ntsenya mo lebitleng ka kutlobotlhoko.''

43¹Leuba la bo le le legolo that mo lefatsheng. ²Go ne ga diragala fa ba sena go ja mabele a ba duleng Egepeto ka one, rraabone a ba raya a re, "Tsamayang gape, lo re rekele dijo."³Juta a mo raya a re, ''Monna o re tlhagisitse thata a re, 'ga lo kitla lo bona sefatlhego sa me go fitlhelela lo tla ka monnaalona.' ⁴Fa o ka re rebolela go tsamaya le monnaarona, re tla kgona go ya go reka dijo. ⁵Mme fela fa o sa re mo rebolele, ga re kitla re tsamaya. Gonne monna o re reile a re, 'Ga lo kitla lo bona sefatlhego sa me fa lo sa tla le monnaalona."⁶Iseraele a re, ''Ke ka go reng fa lo ntshotlile mo go kalo ka go bolelela monna fa lo na morwaarraalona yo mongwe?'' ⁷Mme ba re, ''Monna o re boditse ke ga ba lelwapa la rona. O ne a re, 'Aa rraalona o santse a le mo botshelong? Aa lo na le morrwaarralona yo mongwe?' Re mo arabile go ya fela ka dipotso tse. Re ne re ka bo re itsele jang go re o tla re, 'Tlang le morrwarraalona?'''⁸Juta a raya Iseraele rraagwe a re, ''Romeletsa mosimane le nna. Re tla emelela re tsamaya go re re tle re tshele mme se ka ra swa, rona rotlhe fela, le wena, le bana aba rona tota. ⁹Ke tla nna le boikarabelo mo go ene. Lo tla baya tsotlhe ka ene mo go nna. Fa ke sa kake ka mmusetsa gape kwa go wena, a molato otlhe o nne mo go nna go ya go ileng. ¹⁰Me fa re ne re sa diega, ka boammaaruri ka nako e re ka bo re ne re kile ra boela kwano le kgetlho la bobedi.¹¹Rraabone ebong Iseraele a ba raya a re, ''Fa go ka nna jalo, dirang jaana. Tsenyang dingwe tsa dithobo tsa lefatshe mo dikgetseng tsa lona. Tsamayang ka tsone kwa monneng e le dimpho - boroku jo bo alafang, le tswine ya dinotshe, ditswaiso le dinkgisa monate, manoko le dithamane. ¹²Tsayang madi ka sebedi mo diatleng tsa lona. Ao ke madi a a fitlhetsweng a le mo dikgetseng tsa lona fa di bulwa, boang gape ka one. Gongwe e nnile phoso fela.¹³Tsamayang le monnaalona. Emelelang lo boeleng gape kwa monneng. ¹⁴A Modimo Mothatayotlhe a lo fe mautlwelobotlhoko mo ponong ya monna, go re a lo gololele morwaalona le Benjamene. ¹⁵Fa ke hutswafaletse bongwanake, ke hutsafetse. Banna ba tsere mpho e, mme mo diatleng tsa bone ba tsaya madi ka sebedi, ga mmogo le Benjamine. Ba emelela ba leba Egepeto mme ba ya go ema fa pele ga ga Josefe.¹⁶Fa Josefe a bona Benjamine a na le bone, a raya molebeledi wa ntlo ya gagwe a re. ''Tlisang banna mo ntlong, tlhabang seruiwa le apeeng dijo, gore banna ba tle ba je le nna motshegare.'' ¹⁷Molebeledi a dira fela jaaka Josefa a laetse. A tlisa banna mo ntlong.¹⁸Banna ba bo ba tshogile fa ba isiwa kwa ntlong ya ga Josefa. Ba re, ''Ke ka lebaka la madi a a neng a buseditswe mo dikgetseng tsa rona fa re tlile kwano sebaka se se fetileng, mo a batlang tsela sa go re tshwara. O ka nna a re tshwara mme a re dira makgoba, mme a tsaye ditonki tsa rona.'' ¹⁹Ba latela molebeledi wa ntlo ya ga Josefa, mme ba bua le ene ba le fa kgorong ya ntlo, ²⁰ba re, ''Mong wa me, re ne re tlile fa sebaka se se fetileng go reka dijo.²¹Go ne ga dirafala, fa re goroga kwa re letseng teng, ra bula dikgetse, mme, bona, madi a mongwe le mongwe wa rona a bo a le fa godimo mo dikgetseng tsa rona a le mmogo. ²²Re tlile ka one gape go a busa. Re tlile ka madi a mangwe gape go reka dijo. Ga re itse go re ke mang tota yo o ka tswang a buseditse madi mo dikgetseng tsa rona.'' ²³Molebeledi a ba raya a re, ''A kgiso e nne le lona, le seka la tshoga. Modimo wa lona le Modimo wa rraa lona o ka tswa e le ene yo buseditseng madi mo dikgetseng tsa lona. Ke amogetse madi a lona.'' Molebeledi a tlisa Simeyone kwa go bone.²⁴Molebeledi a tsaya banna a ba isa kwa ntlong ya ga Josefa. A ba siela metsi, mme ba tlhapa dinao. A neela ditonki tsa bone dijo. ²⁵Ba baakanyetsa Josefe dimpho, ka ba ne ba utlwile fa a tlile go ja le bone dijo motshegare.²⁶E rile fa Josefa a boela lwapeng, ba isa dimpho tse ba neng ba di tshotse kwa ntlong ya gagwe, mme ba oba difatlhego tsa bone fa pele ga gagwe. ²⁷A ba botsa matsogo mme a re, ''A rraa lona o tsoga sentle, monnamogolo yo le buileng ka ene?'A o santse a tshela?''²⁸Ba mo raya ba re, ''Motlhanka wa gago rra rona o a tsoga. O santse a tshela.'' Ba oba difatlhego go mo fa tlotlo. ²⁹E rile fa a tsholetsa matlho a bona Benjamine monnaawe, morwaa mmaagwe, mme a re, ''Aa ke ene monnaa lona yo monnye yo le neng la mpolelela ka ene?'' A bo gape a re, ''A Modimo o go direle tse di ntle, morrwaaka.''³⁰³¹Josefa a nanogela kwa ntle ga ntlo, go nne o ne a tshwenyegile ka lebaka la monnaawe. A batla lefelo le a ka yang go lela teng. A ya kwa ntlong ya gagwe a ya go lelela teng. A tlhapa sefatlhego mme a tswela gape kwa ntle. A itshwara, a ba raya a re, ''Tsholang dijo.''³²Motlhanka a tsholela Josefa go re a je a le nosi le gore barwaa rragwe le bone ba je ba le nosi. Baegepeto ba ja le ene ka gonne Baegepeto ba ne ba sa kake ba ja le Bahebera, ka go ne go sa amogelesegi mo Baegepetong. ³³Barwa rragwe ba nna fa go ene, go simolola ka wa motsalwapele le go ya ka fa ba rulaganang ka teng mo letsalong la bone ba felela ka yo monnye. Banna ba gakgamadiwe ke se. ³⁴Josefa a ba abela dijo ka go tlhatlologana ga bone. Seabe sa ga Benjamine sone sa nna se se oketselegile ga tlhano mo go tsa bone botlhe. Ba ja ba itumela le ene.

44¹Josefa a raya molebedi wa ntlo ya gagwe, are , " tlatsa dikgetsi tsa banna ba ka dijo, go ya ka selekanyo se ba ka kgonang go se sikara, gape o beye madi a monna mongwe le mongwe fa molomong wa kgetsi ya gagwe. ²Tsenya kopi yame, kopi ya selefera, mo molomong wa kgetsi ya ga yo mmotlana, le madi a gagwe a mabele." Molebeledi a dira jaaka Josefa a buile.³Ya re bosigo bo sena go sa, banna ba gololwa go tsamaya, bone le ditonki tsa bone . ⁴Ya re ba sena go tswa mo toropong , mme eseng kgakala thata, Josefa a raya motlhokomedi wa gagwe a re, '' Emelela, o latele banna ba le, fa o ba tshwara o ba re ye o re , ''ke eng le bosoloseditse tshiamo ka bosula? ⁵A kopi e ga se e mong wame a nwelang mo go yone, le e a e dirisang go laola? Le dirile selo se se bosula fela thata.''⁶Motlhokomedi a ba tshwara mme a bua le bone mafoko a. ⁷Ba mo raya ba re, '' Ke eng mong wame a bua mafoko a a ntseng jaana? A go seka ga fitlhelwa ope wa batlhanka ba gago ba dirile selo se.⁸Bona madi a re a fitlhetseng mo melomong ya dikgetsi tsa rona, re a buseditse kwa go wena go tswa mo lefatsheng la Kanana. Jaanong re ka utswa selefera le gauta jang mo ntlong ya mong wa gago? ⁹Fa mongwe wa batlhanka ba gago a ka fitlhelwa ka yone, a a bolawe, mme le rona rotlhe re tlaa nna batlhanka ba mong wa rona.'' ¹⁰Motlhokomedi a re , '' A gonne go ya ka fa mafokong a lona . Yo o tla fitlhelwang ka kopi e, e tla nna ene lelata lame, ba bangwe ga lo na go nna molato.¹¹Monna mongwe le mongwe a folosa kgetse ya gagwe a e baya fa fatshe, mme mongwe le mongwe a bula kgetse ya gagwe. ¹²Motlhokomedi a phuruphutsha. A simolola ka e ya motona mme a fetsa ka e ya o monnyenyane, mme kopi ya filthelwa mo kgetseng ya ga Benjamine. ¹³Jalo ba kgagola diaparo tsa bone. Mongwe le mongwe wa bone a belesa tonki ya gagwe a boela kwa motseng.¹⁴Juta le bomorwaaragwe ba tla kwa ntlong ya ga Josefa. O ne a santse a le teng, mme ba tlhoma fa fatshe ka mangole ga pele ga gagwe. ¹⁵Josefa a ba raya a re, ''Ke eng selo seo se lo se dirileng? A lo aitse fa monna a tshwana le nna le ene o direla sedimo?''¹⁶Juda a re, ''Re tla raya monga wa me re reng? Re ka bua re reng tota? Kana re ka ikgolola jang mo molatong? Modimo o lemogile tshiamololo ya batlhanka ba gago. Bona, re batlhanka ba mong wame, rotlhe fela le yo kopi e fitlhetsweng mo seatleng sa gagwe. ¹⁷Josefa a re, ''A go nne kgakala le nna go dira jalo. Monna yo kopi e fitlhetsweng mo go ene, motho yoo o tla nna lelata la me, mme fa ele ka lona ba bangwe, boelang kwa go rraalona ka kagiso.''¹⁸Mme Juta a atlamela fa go ene mme a re, ''Mong wa me, a tlhe motlhanka wa gago a bue lefoko mo kutlong ya mong wa me, mme gape a bogale jwa gago bo se tuke kgatlhanong le motlhanka wa gago, go nne o tshwana fela le Faro. ¹⁹Mong wa me a botsa batlhanka ba gagwe, a re, 'A lo na le rraalona le fa e le morwa-raalona?'²⁰Ra raya mong wa me ra re, 'Re na le rraa-rona, le ngwana wa dingwaga tsa gagwe tsa bogodi, yo monnyenyane. Mme morwa-raagwe o sule, mme ke ene fela yo o setseng wa ga mmagwe, mme rraagwe o a mo rata.' ²¹Mme o ne wa raya batlhanka ba gago wa re, 'Mo tliseng kwa go nna ke tle go mmona.' ²²Morago ga moo, ra raya mong wa me ra re, 'Mosimanyana ga a kake a kgona go tlogela rraagwe. Mme fa a ka tlogela rraagwe rraagwe o ka swa.'²³Mme one wa raya batlhanka ba gago wa re, 'Fa e se fela le ka tla le monnaalona yo monnye, ga le na go bona sefatlhego sa me gape.' ²⁴Jalo go ne ga diragala gore fa re sena go boela kwa go motlhanka wa gago ntate, re ne ra mmolelela mafoko a mong wa me. ²⁵Rraarona o ne a re, 'Tsamayang gape, le ye go re rekela dijo.' ²⁶Mme re ne ra re, 'Ga re na go boela teng. Fa monnaarona yo monnye a na le rona, ke gona re ka boelang teng, gonne ga rena go bona sefatlhego sa monna fa e se fela monnaarona yo monnye a na le rona.'²⁷Motlhanka wa gago rre o ne a re raya a re, 'Lo a itse go re mosadi wa me o ne a ntsholetse barwa ba le babedi. ²⁸Mongwe wa bone o ne a ntlogela mme ke ne ka re, 'Ruri o ne a kgabetlelelwa gonna dirwe-dirwe, mme ke ne ka seka ka tlhola ke mmona. ²⁹Jaanong fa le ka tsaya yo mo go nna le ene, mme a diragalelwa ke se se bosula, le tla digela moriri wa me o o mosweu mo lebitleng.'³⁰Mme jaanong, fa nka tla kwa go motlhanka wa gago e leng rre, mme re se na le mosimane, ka ebile botshelo jwa gagwe bo amantswe le jwa mosimane, ³¹go tla diragala gore, fa a re bona re tla re sena le mosimane, o tla a swa. Batlhanka ba gago ba tla digela moriri o o mosweu wa motlhanka wa gago rraarona mo lebitleng ka ntlha ya khutsafalo. ³²Go nne motlhanka wa gago o ne a nna peeletso mo boemong jwa mosimane mo go rre mme ke ne ka re, 'Fela fa ke sa mmusetsa mo go wena, ke tla nna molato mo go rre go ya go ileng.'³³Mme jaanong, ke a kopa go re motlhanka wa gago e nne ene a salang mo boemong jwa mosimane go nna lelata wa mong wa me, mme a mosimane a tsamaye le bomorwaarre. ³⁴Tota nka boela jang kwa go ntate ke sena le mosimane? Ke tshogela go bona bosula jo bo ka welang ntate.

45¹Josefa o ne a palelwa ke go itshwara ga pele ga bathanka ba gagwe. A tsholetsa lentswe a re, ''A mongwe le mongwe a nkatoge.'' Ka jalo ga bo go se ope wa batlhanka yo o neng a nna teng fa Josefa a ikitsise barwaraagwe. ²O ne a lelela kwa godimo, mo le Baegepeto ba neng ba mo utlwa, le ba ntlo ya ga Faro ba utlwa. ³Josefa a raya barwarragwe a re, ''Ke Josefa. A rre o santse a tshedile?'' Barwaarragwe ba seka ba mo araba, gonne ba ne ba gakgamaditswe ka go bo a le teng.⁴Mme Josefa a raya barwarragwe a re, ''Nkatameleng ke a le kopa.'' Ba mo atamela. A ba raya a re, ''Ke Josefa morwarralona, yo le mo rekisitseng kwa Egepeto. ⁵Le seka la utlwa botlhoko le fa e le go ikgalefelela ka go bo le nthekisitse mo Egepeto, gonne Modimo o nketeleditse pele go tla kwano go boloka botshelo. ⁶Gonne leuba le nnile teng mo lefatsheng dingwaga tse pedi tse, mme go santse go tla nna le tse tlhano tse go sa kakeng ga nna le temo le fa e le thobo.⁷Modimo o nthomile ga pele ga lona go le boloka jaaka masalela mo lefatsheng, le go le tshidisetsa go nna kgololo e kgolo. ⁸Ka jalo ga se lona le ntlisitseng kwano fa e se Modimo, mme o ntirile rre mo go Faro, ke tlhokometse tsotlhe tsa ntlo ya gagwe, le go nna mmusi wa lefatshe lotlhe la Egepeto.⁹Nanogang le ye kwa go rre le mo reye le re, 'Josefa morwao a re, ''Modimo o ntirile motlhokomedi wa Egepeto otlhe fela. Tla ka kwano kwa go nna, mme o se ka wa diega. ¹⁰O tla nna mo lefatsheng la Goshene, mme o tla bo o le gaufi le nna, wena le bana ba gago le bana ba bana ba gago, le letsomane la gago le matlhape a gago, le tsotlhe tse o nang le tsone. ¹¹Ke tla go tlhokomelela teng koo, go nne go santse go tla nna le dingwaga tse dingwe tse tlhano tsa leuba, go re o seka go aparwa ke lehuma, wena, le ba ntlo ya gago, le ba o nang le bone.'''¹²Bona, matlho a gago a bone, le matlho a ga morwaarre Benjamine, go re molomo wa me o o buwang le lona o. ¹³Le tla bolelela rre ka tlotlego ya me mo Egepeto le ka tsotlhe fela tse le di bonyeng. Le itlhaganeleng le tlise rre kwa go nna kwano.¹⁴A atla Benjamine morwarragwe mo molaleng mme a lela, mme Benjamine le ene a lelela mo molaleng wa gagwe. ¹⁵A atla barwarraagwe botlhe fela mme lelela mo go bone. Morago ga moo barwarragwe ba buisanya le ene.¹⁶Dikgang tsa goroga kwa ntlong ya ga Faro: ''Barwarragwe Josefa ba tsile.'' Go ne ga itumedisa Faro le batlhanka ba gagwe fela thata. ¹⁷Faro a raya Josefa a re, ''Raya barwarrago o re, 'Dirang jaana: Belesang diphologolo tsa lona mme le ye kwa lefatsheng la Kanana. ¹⁸Le tseye rraalona le ba ntlo ya lona mme le boele kwa go nna. Ke tla le fa lefatshe le le siameng la lefatshe la Egepeto, mme le tla ja monono wa lefatshe.'¹⁹Jaanong le a laelwa, 'Dirang jaana, tsayang dikara mo lefatsheng la Egepeto go pega bana ba lona le basadi ba lona. Tsayang rraalona mme le tle le ene. ²⁰Le seka la tshwenyega ka dithoto tsa lona, gonne matlotlo a lefatshe la Egepeto lotlhe ke a lona.''²¹Barwaa Iseraele ba dira jalo. Josefa a ba fa dikara, go ya ka fa thebolong ya ga Faro, mme a ba neela le mofago wa mosepele. ²²Mongwe le mongwe wa bone a mo neela diaparo tse ba tla ananyang ka tsone, mme Benjamine ene a mo neela dipapetlana tsa selefera di le makgolo a le mararo le diaparo tse di ananyang di le tlhano. ²³Kwa go rraagwe a romela tse di lateng: ditonki di le lesome di pegile borotho, mabele, le diabelwa tse dingwe tsa ga rragwe tsa mosepele.²⁴A golola barwaaragwe mme ba tsamaya. A ba raya a re, "Bonang go re le seka la omana mo tseleng.'' ²⁵Ba tswa mo lefatsheng la Egepeto mme ba goroga mo lefatsheng la Kanana, kwa go Josefa. ²⁶Ba mo raya ba re, ''Josefa o santse a tshela, mme ebile ke mmusi mo lefatsheng lotlhe la Egepeto.'' Atlhabega pelo, mme a kgone go dumela se ba se mmolelelang.²⁷Ba mmolelela mafoko otlhe a Josefa a neng a a ba boleletse. Fa Jakobe a bona dikara tse Josefa a di romeletseng go tla go mo tsaya, mowa wa ga Jakobe rraabone wa tsosologa. ²⁸Iseraele a bo a re, ''Go lekane. Josefa morwaake o santse a tshela. Ke tla ya go mmona pele fa ke swa.''

46¹Iseraele a tsaya leeto la gagwe ka tsotlhe tse a nang le tsone a ya kwa Beeresheba. A feta a ntshetsa Modimo wa ga Isaka rraagwe ditlhabelo koo. ²Modimo a bua le Iseraele mo ponatshegelong bosigo a re, ''Jakoba, Jakoba.'' A re, ''Ke fano.'' ³A re, ''Ke Modimo, Modimo wa ga rraago. O se ka wa tshaba go ya kwa Egepeto, gonne ke tla go dira morafe o mogolo koo. ⁴Ke tla ya le wena kwa Egepeto, mme ammaaruri ke tla boa ke go ntsha gape, e bile Josefa o tla go tswala matlho ka seatla sa gagwe.''⁵Jakoba a emelela go tswa mo Beeresheba. Barwa Iseraele ba rwala Jakoba rraabone, bana ba bone, le basadi ba bone mo dikareng tse Faro a di rometseng go mo tsaya. ⁶Ba tsaya leruo la bone le dithoto tsa bone tse ba di kgobokantseng mo lefatsheng la Kanana. Ba ya kwa Egepeto, Jakoba le bana ba gagwe botlhe. ⁷A ya kwa Egepeto le barwae le barwa ba barwae, le barwadie le barwadia barwae, le bana ba gagwe botlhe.⁸A ke maina a barwa Iseraele ba ba neng ba ya kwa Egepeto: Jakoba le bana ba gagwe, Rubene, ngwana wa ntlha wa ga Jakoba; ⁹barwa Rubene, Hanoko, Palu, Heserone le Kharami; ¹⁰barwa Simeone, Jemuele, Jamini, Ohate, Jakhini, Sohare, le Shaulo, morwa mosadi wa Mokanana, ¹¹barwa Lefi, Gereshone, Kohathe, le Merari.¹²Barwa Juta e ne e le Ere, Onane, Shela, Perese, le Sera(mme Ere le Onane ba swetse kwa lefatsheng la Kanana). Barwa Perese e ne e le Heserone le Hamulu. ¹³Barwa Isakare e ne e le, Tola, Pua, Lobo, le Shimirone. ¹⁴Barwa Sebulane e ne e le Serete, Elone le Jahaleele. ¹⁵Ba ke barwa Lea ba a ba tsholetseng Jakoba kwa Patane Aramo, mmogo le morwadie, Dina. Barwae le barwadie ba ne ba le 33.¹⁶Barwa Gate e ne e le Sifione, Hagi, Shuni, Esebone, Ere, Arodi, le Areli. ¹⁷Barwa Ashere e ne e le Imona, Ishefa, Ishifi, le Beria; mme Sera e ene e le kgaitsadiabone. Barwa Beria e ne e le Hebere le Malekiele. ¹⁸Ba ke barwa Silipha, yo Labane a mo neetseng Lea morwadie. Barwa ba o ne a ba tsholelea Jakoba - ba le 16 ka palo.¹⁹Barwa mosadi wa ga Jakoba, Ragele, e ne e le Josefa le Benjamene. ²⁰Kwa Egepeto, Manase le Iforeimi ba ne ba tsholwa ke Josefa le Asenathe, morwadia Potifera, moperesiti wa Ono. ²¹Barwa Benjamene e ne e le Bela, Bekele, Ashebele, Gera, Naamane, Ehi, Roshe, Mupimi, Hupimi, le Arate. ²²Ba e ne e le barwa Ragele ba a neng a ba tsholela Jakoba - ba le 14 ka palo yotlhe.²³Morwa Tene e ne e le Hushimi. ²⁴Barwa Nafothali e ne e le Jaseli, Kuni, Jesere le Shileme. ²⁵Ba ke barwa ba ba tsholetsweng Jakoba ke Biliha, yo Labane a mo neetseng Ragele morwadie - ba le 7 ka palo.²⁶Botlhe ba ba neng ba ya kwa Egepeto le Jakoba, ba e neng e le bana ba gagwe, go sa balwe dingwetsi tsa ga Jakoba, ba ne ba le 66 ka palo yotlhe. ²⁷Fa go balwa barwa Josefa ba a ba tsholetsweng kwa Egepeto, ba lesika la gagwe ba ba neng ba ya Egepeto ba ne ba le 70 ka palo yotlhe.²⁸Jakoba a romela Juta kwa pele ga gagwe kwa go Josefa go supa tsela fa pele ga gagwe go ya Goshene, mme ba ya kwa lefatsheng la Goshene. ²⁹Josefa a baakanya kolotsana ya ntwa ya gagwe go kopantsha Iseraele rraagwe kwa Goshene. A mmona, a atla mplalal wa gagwe, a bo a lelela mo molaleng wa gagwe ka nako e telele. ³⁰Iseraele a raya Josefa a re, ''Jaanong nte ke swe, ka gore ke bone sefatlhego sa gago, gore o santse o tshela.''³¹Josefa a raya barwarraagwe le ba ntlo ya ga rraagwe a re, ''Ke tla ya go bolelela Faro ke re, 'Barwarre le ba ntlo ya ga rre, ba ba neng ba le kwa lefatsheng la Kanana, ba tsile kwa go nna. ³²Banna ba ke badisa letsomane, gonne ba ne ba le batlhokomedi ba leruo. Ba tsile ka matsomane a bone,matlhape a bone, le tsotlhe ba nang le tsone.'³³Go tla diragala, fa Faro a le bitsa, a botsa, 'Tiro ya lona ke eng?' ³⁴Le tla re, 'Batlhanka ba gago ba ntse ba le batlhokomedi ba leruo go tloga bonaneng jwa rona go fitlha jaanong, rona le borraarona.' Dirang se gore le tle le nne kwa lefatsheng la Goshene, gonne modisa letsomane mongwe le mongwe o a behilwa mo Baegepetong.''

47¹Jalo Josefa a ya kwa go Faro a re ''Ntate le barwarre, le leruo la bone le tsotlhe tse ba nang naso, ba gorogile go tswalefatshe la Kanana. Bona, ba gorogile mo lefatsheng la Goshene .'' ²A tsaya barwarragwe ba le batlhano, a ba itsise Faro.³Faro a raya barwa rragwe a re ''Le dira tiro ya mofuta mang?'' Ba raya faro bare , ''Batlhanka ba gago ke badisa jaaka bo rrabo mogolo.'' ⁴Mme ba raya Faro bare,'' Re tla jaaka baagedi ba nakwana mo lefatsheng. .Batlhanka ba gago ga bana mafulo a leruo la bone, ka gore go leuba le legolo kwa lefatsheng la Kanana. Ka jalo re kopa o lete batlhanka ba gago ba nne mo lefatsheng la Goshene.⁵Jalo Faro a bua le Josefa , a re ''Rre rrago le barwa rrago ba tsile go wena. ⁶Lefatshe la Egepeto ke leo. Baya Rre rrago le barwa rrago mo lefelong le le phalang a mangwe, lefatshe la Goshene. Fa o itse banna ba ba nang le bokgoni magareng ga bone, ba neele taolo mo leruong lame.''⁷Jalo Josefa a tisa Jakoba rre rragwe kwa go Faro. Jakoba a segofatsa Faro. ⁸Faro a raya Jakoba are, ''O tshidile lobaka lo lo kae?'' ⁹Jakoba a raya Faro a re, ''Dingwaga tsa loeto lame di lekgolo le masome a mararo. Dingwaga tsa botshelo jwame di dinnye gape di botlhoko. Ga di dintsi jaaka tsa loeto la bo rre mogolo.'' ¹⁰Jalo Jakoba a segofatsa Faro a bo a tswa mo boleng teng jwa gagwe.¹¹Jalo Josefa a neela rragwe le batsalwa le ene bonno. A ba neela bontlha bongwe jwa lefatshe la Egepeto, lefatshe la maemo a ntlha mo lefatsheng la Ramasese, jaaka Faro a laotse. ¹²Josefa a neela rragwe dijo,barwarragwe le botlhe ba ba nnang mo ntlong ya rragwe dijo, go ya ka palo ya bana ba bone.¹³Ka jalo go ne go sena dijo lefatshe ka bophara; ka leuba le ne le le legolo thata. Lefatshe la Egepeto le la Kanana la bo le setlhagetse ke leuba. ¹⁴Josefa a kgobokanya madi otlhe a neng a le mo lefatsheng la Egepeto le mo lefatsheng la kanana ka go rekisetsa Banni mabele. Jalo Josefa a isa madi kwa bonnong jwa ga Faro.¹⁵Fa madi a mafatshe a Egepeto le Kanana a setse a fedile, Baegepeto botlhe ba tla kwa go Josefa ba re, ''Re neele dijo! Ke eng re tshwanetse go swela fa pele ga gago ka ntlha ya gore ga rena madi?'' ¹⁶Josefa a re, ''Fa lo sena madi, tlayang ka leruo la lona ke ta lo neela dijo mo boemong jwa leruo la lona.'' ¹⁷Jalo ba tlisa leruo la bone kwa go Josefa. Josefa a ba neela dijo mo boemong jwa dipitse, dikgomo, dipodi le ditonki. O ne a ba neela borotho mo boemong jwa leruo la bone lotlhe mo ngwageng oo.¹⁸Fa ngwaga oo o fela ,ba tla kwa go ene ngwaga o latelang ba mo raya bare,'' ga re kake ra go fitlhela mong wame gore ga rena madi, le moraka wa dikgomo ke wa mong wame. Ga gona sepe se se setseng mo matlhong a mong wame, fa ese mebele le lefatshe la rona. ¹⁹Ke eng re tshwanetse go swela mo matlhong a gago, rona le lefatshe la rona? Re reke le lefatshe la rona mo boemong jwa dijo,jalo rona le lefatshe la rona re ta nna bathankga ba ga Faro. Re neele peo gore re tle re tshele mme re seka ra swa, le gore lefatshe le seka la nna le tshenyego.''²⁰Jalo Josefa a rekela Faro lefatshe lotlhe la Egepeto,ka gore Moegepeto mongwe le mongwe o ne a rekisa lefatshe la gagwe,ka leuba le ne le le legolo thata.Ka tsela e,lefatshe la nna la ga Faro. ²¹Mme batho bone ,a ba dira malata a gagwe go tswa phelelong ya mololwane wa Egepeto go ya kwa go o mongwe. ²²E ne e le lefatshe fela la baperesita le Josefa a neng a sa le reka,ka gore baperesita ba ne ba nelwa dikatso.Ba ne ba ja mo kabelong e Faro a neng a se ba e neetse. Ka jalo ba ne ba sa rekisa lefatshe la bone.²³Jalo Josefa a raya batho a re, ''Bonang ,ke lo rekile le lefatshe la lona ,ke le rekela Faro. Jaanong peo ke e, le ta lema lefatshe. ²⁴Ka thobo, lo tshwanetse go neela Faro botlhano, dikarolo tse nne e ta nna tsa lona, ya peo ya tshimo ya dijo tsa malwapa a lona le ya bana ba lona.''²⁵Ba re, ''O bolokile matshelo a rona. A re bone letlhogonolo mo matlhong a gago. Re tla nna bathanka ba ga Faro.'' ²⁶Jalo Josefa a dira molao o o santseng o le mo tirisong ka letsatsi le mo lefatsheng la Egepeto, gore bongwe mo botlhano ke jwa ga Faro. Lefatshe la baperesita ke lone fela le le sa nnang la ga Faro.²⁷Jalo Israele o ne a nna mo lefatsheng la Goshene. Batho ba gagwe ba ne ba nna le dithoto gone koo. Ba ne ba ntsha maduo gape ba oketsega thata. ²⁸Jakoba o ne a nna mo lefatsheng la Egepeto dingwaga di le lesome le bosupa, Jalo dingwaga tsa botshelo jwa ga Jakoba e ne e le lekgolo, masome a mane le bosupa.²⁹E rile nako ya go swa ga ga Israele e goroga, a bitsa morwae Josefa a mo raya a re, ''Fa e le gore ke bone letlhogonolo mo mathong a gago, tsenya seatla sa gago ks fa tlase ga serope same,o ntshupegetse boikanyego le tshephagalo. Ke kopa o seka wa mphitlha mo Egepeto. ³⁰Fa ke robala le bo ntate, o tla ntshikara go tswa mo Egepeto o ya go mphitlha kwa lefelong le borre mogolo ba fitlhetsweng teng.''Josefa a re, ''Ke tla dira jaaka o laetse.'' ³¹Israele a re, ''Inkanele,'' mme Josefa a moikanela. Iseraela a obama kwa dithogong tsa bolao jwa gagwe.

48¹Go ne ga diragala morago ga dilo tse, gore mongwe a reye Josefa a re, ''Bona, rraago o a lwala.'' Jalo a tsaya barwae ba babedi, Manase le Iforeimi. ²Fa Jakoba a bolelelwa gotwe, ''Bona, morwao Josefa o gorogile go go bona,'' Iseraele a tlelwa ke maatla a nna ka marago mo bolaong.³Jakoba a raya Josefa a re, ''Modimo Mothatayotlhe o ne a imponagaletsa kwa Luse kwa lefatsheng la Kanana. O ne a ntshegofatsa ⁴mme a nthaya a re, 'Bona, ke tla go ungwisa ke bo ke go ntsifatsa. Ke tla go dira kokoano ya merafe. Ke tla neela bana ba gago lefatshe le go nna la bone ka bosakhutleng.'⁵Mme jaanong barwao ba babedi, ba o ba tsholetsweng mo lefatsheng la Egepeto pele ke tla kwa go wena mo Egepeto, ke ba me. Iforeimi le Manase e tla nna ba me, fela jaaka Rubene le Simeone e le ba me. ⁶Bana ba o tla nnang le bone fa morago ga bone e tla nna ba gago; ba tla balwa le barwarraabone mo bosweng jwa bone. ⁷Mme fa e le nna, fa ke ne ke tswa Patane, ka kutlobotlhoko Ragele o ne a swela mo lefatsheng la Kanana mo tseleng, go santse go setse sekgala go ya kwa Eforatha. Ke ne ka mmoloka koo mo tseleng go ya Eforatha''(ke gore, Bethelehema).⁸Fa Iseraele a bona barwa Josefa, a re, ''Ke ba ga mang ba?'' ⁹Josefa a raya rraagwe a re, ''Ke barwaake, ba Modimo a ba nneetseng fa.'' Iseraele a re, ''Ba tsise kwa go nna, ke tle ke ba segofatse.'' ¹⁰Jaanong matlho a ga Iseraele a ne a fifetse ka lebaka la botsofe jwa gagwe, jalo o ne a sa kgone go bona. Jalo Josefa a ba tsisa gaufi le ene, a ba atla a bo a ba tlamparela.¹¹Iseraele a raya Josefa a re, ''Ke ne ke sa solofele go ka bona sefatlhego sa gago gape, mme Modimo o ntetleletse le gone go bona bana ba gago tota.'' ¹²Josefa a ba ntsha mo gare ga mangole a ga Iseraele, mme a obega a inamiseditse sefatlhego sa gagwe fa fatshe. ¹³Josefa a ba tsaya ka bobedi, Iforeimi ka seatla sa gagwe sa moja a mo isa kwa seatleng sa molema sa ga Iseraele, le Manase ka seatla sa gagwe sa molema go mo isa kwa seatleng sa moja sa ga Iseraele, a ba atametsa fa go ene.¹⁴Iseraele a otlolola seatla sa gagwe sa moja mme a se baya mo tlhogong ya ga Iforeimi, yo monnye, mme seatla sa gagwe sa molema a se baya mo tlhogong ya ga Manase. O ne a fapaanya matsogo a gagwe, gonne Manase e ne e le motsalwapele. ¹⁵Iseraele a segofatsa Josefa, a re, ''Modimo yo borre Aborahamo le Isaka ba tsamaileng fa pele ga gagwe, Modimo yo o ntlhokometseng go fitlha mo letsatsing le, ¹⁶moengele yo o ntshireleditseng mo tshenyegong yotlhe, a a segofatse basimane ba. A leina la me le umakwe mo go bone, le leina la borre Aborahamo le Isaka. A ba gole go nna matshwititshwiti a batho mo lefatsheng.''¹⁷Fa Josefa a bona rraagwe a baya seatla sa gagwe sa moja mo tlhogong ya ga Iforeimi, ga se ka ga mo itumedisa. A tsaya seatla sa ga rraagwe go se tlosa mo tlhogong ya ga Iforeimi go se isa kwa tlhogong ya ga Manase. ¹⁸Josefa a raya rraagwe a re, ''E seng jalo, rre; gonne yo ke motsalwapele. Baya seatla sa gago sa moja mo tlhogong ya gagwe.''¹⁹Rraagwe a gana, a re, ''Ke a itse, morwaaka, ke a itse. Le ene o tla nna batho, gape o tla nna mogolo. Le fa go ntse jalo monnawe o tla nna mogolo go mo feta, le bana ba gagwe ba tla nna matshwititshwiti a merafe.'' ²⁰Iseraele a ba segofatsa mo letsatsing leo ka mafoko a, ''Batho ba Iseraele ba tla bua ditshegofatso ka maina a lona ba re, 'A Modimo a go dire jaaka Iforeimi, le jaaka Manase.''' Ka tsela e, Iseraele a baya Iforeimi kwa pele ga ga Manase.²¹Iseraele a raya Josefa a re, ''Bona, ke gaufi le go swa, mme Modimo o tla nna le lona, ebile o tla le busetsa kwa lefatsheng la borraeno. ²²Wena ka gore o kwa godimo ga barwarraago, ke go neela mhapha wa thaba o ke o tsereng mo Baamoring ka tshaka ya me le bora jwa me.''

49¹Foo Jakoba a bitsa barwae, mme a ba raya a re: ''Ikgobokanyeng mmogo ke tle ke le bolelele tse di tla le diragalelang mo bokamosong. ²Ikgobokanyeng le bo le reetse, lona barwa Jakoba. Reetsang Iseraele, rraalona.³Rubene, o motsalwapele wa me, thata ya me, le tshimologo ya nonofo ya me, o tlhaolegile mo seriting, gape o tlhaolegile mo maatleng. ⁴Ga o laolesege jaaka metsi a a elelang ka lebelo, ga o na go nna le tlotla, gonne o ile wa palama bolao jwa ga rraago. Foo wa bo leswafatsa; o palame setilo sa me se se manobonobo.⁵Simeone le Lefi ke batsalwammogo. Ditshaka tsa bone ke dibetsa tsa ntwa. ⁶Mowa wa me, o se ka wa tsena mo lekokong la bone; o se ka wa tsena mo bokopanong jwa bone, gonne pelo ya me e na le tlotla e ntsi go ka dira jalo. Gonne mo go tenegeng ga bone ba ne ba bolaya banna. Ba ne ba itumelela go kgaola dipholo mesifa.⁷A go tenega ga bone go hutsiwe, gonne go ne go boitshega - le go galefa ga bone, gonne go ne go le setlhogo. Ke tla ba kgaoganya mo Jakoba ke bo ke ba phatlalatsa mo Iseraele.⁸Juta, barwarraago ba tla go galaletsa. Seatla sa gago se tla nna mo melaleng ya baba ba gago. Barwarraago ba tla ikoba fa pele ga gago.⁹Juta ke tawana. Morwaaka, o tlogile fa go ba o ba bolaileng. A inama, a ratela jaaka tau, jaaka tau e namagadi. Ke mang yo o ka ipolayang ka go mo tsosa?¹⁰Thobane ya bogosi ga e kitla e tloga mo go Juta, kgotsa thabane ya mmusi go tswa fa gare ga dinao tsa gagwe, go fitlhela Shilo a tla. Merafe e tla mo utlwa.¹¹A bofeletse tonki ya gagwe mo setlhareng sa mofine, le tonkana ya tonki ya gagwe mo setlhareng sa mofine se se tlhwatlhwa, o tlhatswitse diaparo tsa gagwe mo mofineng, le purapura ya gagwe mo matuteng a moretlwa wa sekgowa. ¹²Matlho a gagwe a tla nna mantshonyana jaaka mofine, mme meno a nne masweu jaaka mashi.¹³Sebulane o tla nna fa letshitshing la lewatle. O tla nna boemakepe jwa dikepe, mme molelwane wa gagwe o tla atologela kwa Sitone.¹⁴Isakare ke tonki e e thata, e e robetseng fa gare ga masaka a dinku. ¹⁵O bona lefelo le le siametseng boikhutso le lefatshe le le monate. O tla inamisetsa legetla la gagwe morwalo mme a bo a nna motlhanka yo o dirang thomo.¹⁶Tene o tla atlhola batho ba gagwe jaaka mongwe wa merafe ya Iseraele. ¹⁷Tene o tla nna noga fa thoko ga tsela, noga e e botlhole e e mo tseleng e e lomang direthe tsa pitse, gore mopalami a wele kwa morago. ¹⁸Ke letela poloko ya gago, Modimo.¹⁹Gate - batlhasedi ba tla mo tlhasela, mme o tla ba tlhasela kwa diretheng tsa bone. Dijo tsa ga ²⁰Ashere e tla nna tse di nonneng, mme o tla aba dijo tse di monate tsa segosi. ²¹Nafothali ke phuti e namagadi e e golotsweng; o tla nna le diphotsana tse dintle.²²Josefa ke kala e e ungwang, kala e e ungwang e le gaufi le motswedi, e dikalana tsa yone di palamang lebota. ²³Bahudi ba metswi ba tla mo tlhasela ba mo hula ba bo ba mo sukura.²⁴Mme bora jwa gagwe bo tla nna bo itshegeditse, mme diatla tsa gagwe di tla nna le kitso ka lebaka la ga Yo O Thata wa ga Jakoba, ka ntata ya leina la Modisa, Lefika la Iseraele.²⁵Modimo wa ga rraago o tla go thusa gape Modimo Mothatayotlhe o tla go segofatsa ka ditshegofatso tsa legodimo kwa godimo, ditshegofatso tsa bodiba jo bo leng kwa tlase, le ditshegofatso tsa mabele le tsa popelo.²⁶Ditshegofatso tsa ga rraago di feta ditshegofatso tsa dithaba tsa bogologolo kgotsa dilo tse di eletsegang tsa dithabana tsa bogologolo. A di nne mo tlhogong ya ga Josefa, le mo setlhoeng sa tlhogo ya kgosana ya barwarraagwe.²⁷Benjamene ke phiri e e tshwerweng ke tlala. Mo mosong o tla kometsa tse di jewang, mme mo maitseboeng o tla kgaoganya digapiwa.''²⁸E ke merafe e e 12 ya Iseraele. Se ke se rraabone a se ba boleletseng fa a ba segofatsa. O ne a segofatsa mongwe le mongwe ka tshegofatso e e maleba. ²⁹Foo a ba laela a ba raya a re, ''Ke gaufi le go ya kwa bathong ba gaetsho. Le mpolokeng le borremogolo mo legageng le le mo tshimong ya ga Eferone wa Mohiti, ³⁰mo legageng le le mo tshimong ya Makhepela, le le gaufi le Mamore mo lefatsheng la Kanana, tshimo e Aborahamo a e reketseng go nna mabitla mo go Eferone wa Mohiti.³¹Ba boloketse Aborahama le Sara mosadi wa gagwe koo; ba boloketse Isaka le Rebeka mosadi wa gagwe koo; mme koo ke bolokile Lea. ³²Tshimo le legaga le le mo go yone di rekilwe mo bathong ba ga Hethe.'' ³³Fa Jakoba a fetsa ditaelo tse a di laetseng barwae, a gonela maoto a gagwe mo bolaong, a hema la bofelo, mme a ya kwa go bagagabo.

50¹Josefa o ne a patikesegile mo a neng a wela mo sefatlhegong sa ga rraagwe, a mo lelela, a bo a mo atla. ²Josefa a laola batlhanka ba gagwe ba dingaka go omeletsa setopo sa ga rraagwe. Jalo dingaka tsa omeletsa Iseraele. ³Ba ne ba tsaya matsatsi a le 40, gonne seo e ne e le nako e e tletseng ya go omeletsa setopo. Baegepeto ba ne ba mo lelela matsatsi a le 70.⁴Fa matsatsi a go lela a fela, Josefa a bua le ba lelapa la segosi la ga Faro a re, ''Fa jaanong ke bone botsalano mo matlhong a lona, tsweetswee buang le Faro, le re, ⁵'Rre o inkanisitse a re, ''Bona, ke gaufi le go swa. O mpoloke mo lebitleng le ke le ikepetseng kwa lefatsheng la Kanana. O tla mpoloka koo.'' Jaanong ntetlelele go ya go boloka rre, mme ke tla boa.''' ⁶Faro a araba, ''Tsamaya o ye go boloka rraago, jaaka a go ikanisitse.''⁷Josefa a tsamaya a ya go boloka rraagwe. Badiredi botlhe ba ga Faro ba tsamaya le ene - ba bagolo ba ntlo ya gagwe, le badiredi ba bagolo botlhe ba lefatshe la Egepeto, ⁸le botlhe ba ntlo ya ga Josefa le barwarraagwe, le ba ntlo ya ga rraagwe. Mme bana ba bone, matsomane a bone le matlhape a bone tsa sala mo lefatsheng la Goshene. ⁹Dikolotsana tsa ntwa le bapalami ba dipitse ba tsamaya le ene. E ne e le setlhopha se segolo sa batho.¹⁰Fa ba fitlha kwa seboaneng se se phothelang sa ga Atate, kwa moseja wa Jorotane, ba lela ka kutlobotlhoko e e tseneletseng. Josefa a direla rraagwe matsatsi a 7 a khutsafalo. ¹¹Fa banni ba lefatshe, Bakanana, ba bona khutsafalo mo seboaneng sa Atate, ba re, ''Se ke tiragalo e e botlhoko mo Baegepetong.'' Ke sone se lefelo leo le neng la bidiwa Abele Misiraimi, le le leng kwa moseja wa Jorotane.¹²Jalo barwa Jakoba ba mo direla jaaka a ba laotse. ¹³Barwae ba mo rwalela kwa lefatsheng la Kanana ba mmoloka mo legageng mo tshimong ya Makhepela, gaufi le Mamore. Aborahama o ne a rekile legaga le tshimo go nna mabitla. O ne a le rekile mo go Eferone wa Mohiti. ¹⁴Fa a sena go boloka rraagwe, Josefa a boela kwa Egepeto, ene le barwarraagwe, le botlhe ba ba neng ba mo patile go ya go boloka rraagwe.¹⁵Fa barwarragwe Josefa ba bona gore rraabone o sule, ba re, ''Re tla dira jang fa Josefa a ka batla go bosulosa bosula jo re bo mo dirileng?'' ¹⁶Jalo ba bitsa Josefa, mme ba re, ''Rraago o ntshitse taolo pele a a swa a re, ¹⁷'Bolelelang Josefa se, ''Tsweetswee itshwarele molato wa barwarraago le boleo jwa bone fa ba ne ba go direla bosula.''' Jaanong tsweetswee itshwarele batlhanka ba Modimo wa ga rraago.'' Josefa a lela fa ba bua le ene.¹⁸Barwarraagwe ba tla ba ribama fa pele ga gagwe. Ba re, ''Bona, re batlhanka ba gago.'' ¹⁹Mme Josefa a ba araba, ''Le se ka la boifa. A ke mo maemong a Modimo? ²⁰Mme lona, le ne le batla go nkutlwisa botlhoko, mme Modimo ene o ne a direla bomolemo, go somarela matshelo a batho ba bantsi, jaaka le bona gompieno. ²¹Jaanong le se ka la boifa. Ke tla le tlamela le bana ba lona.'' A ba gomotsa ka tsela e a bo a bua ka bopelontle le dipelo tsa bone.²²Josefa a nna kwa Egepeto, le ba lesika la ga rraagwe. A tshela dingwaga di le 110. ²³Josefa o ne a bona bana ba ga Iforeimi go fitlha kwa kokomaneng ya boraro. O ne a bona gape bana ba ga Matshiri morwa Manase, ba ba neng ba bewa mo mangoleng a ga Josefa.²⁴Josefa a raya barwarraagwe a re, ''Ke gaufi le go swa; mme ammaaruri Modimo o tsile go tla kwa go lona go le etelela go tswa mo lefatsheng le, go le isa kwa lefatsheng le a ikanneng go le neela Aborahama, Isaka le Jakoba.'' ²⁵Foo Josefa a dira gore batho ba Iseraele ba ikane maikano. O ne a re, ''Ammaaruri Modimo o tsile go tla kwa go lona. Ka nako eo le rwale marapo a me go tswa fa.'' ²⁶Jalo Josefa a swa a le dingwaga di le 110. Ba omeletsa serepa sa gagwe mme ba se baya mo lekeseng mo Egepeto.

Ekesodo

1¹A ke maina a bana ba ga Iseraele ba ba gorogileng le Jakobe mo Egepeto'; mongwe le mongwe wa bone a na le ba ntlo ya gagwe: ²Rubene, Simeyone, Lefi, le Juta, ³Isakare, Zebulane, le Benjamine, ⁴Dane, Nafitale, Gade, le Ashare. ⁵Batho botlhe ba ba neng e le ba losika la ga Jakobe ba ne ba le masome a supa ka palo. Josefa o ne a le mo Egepeto go gale.⁶Jalo Jakobe, barwarragwe botlhe fela, le botlhe ba kokomana eo botlhe ba swa. ⁷Mme batho ba Iseraele ba ne ba oketsega, ba ntsifala ka dipalo, ba nna ba ntsi, mme ba nonofa fela thata; mme lefatshe la tlala ka bone.⁸Jalo kgosi e ntsha ya busa Egepeto, yo o neng a sa itse sepe ka Josefa. ⁹A raya batho ba gagwe a re, '''Bonang, batho ba Iseraele ba re feta ka dipalo mme ebile ba nonofile go re feta. ¹⁰Tlang, a re direng le bone ka botlhale, e seng jalo ba tla tswelela ba gola ka dipalo, mme ka jalo fa ntwa e ka bolola, ba ka nna ba re dika le baba ba rona, ba re lwantsha, mme kwa morago ba tswe mo lefatsheng.''¹¹Ka jalo ba laela bagateledi go ba kgokgontsha ka ditiro tse di bokete. Baiseraela ba agela Faro metse ya mabolokelo: kwa Pithome le Ramesese. ¹²Mme fela fa ba ntse ba ba gatelela, Baiseraele ba ne ba tsweletse ka go oketsega le go nonofela pele. Ka jalo Baegepeto ba simolola go ila batho ba Iserela.¹³Baegepeto ba bogisa batho ba Iseraele fela thata ka ditiro tse di bokete. ¹⁴Ba ba berekisa ditiro tse di bokete tsa go jisetsa ditena ka seretse se se bomota, le ka ditiro dingwe dingwe fela tsa masimo. Sengwe le sengwe se ba neng ba tshwanetse go se dira se ne se le bokete.¹⁵Kgosi ya Egepeto ya bua le babelegisi ba Bahebera; yo mongwe a bidiwa Shifara, mme yo mongwe a bidiwa Puwa. ¹⁶A ba raya a re, ''Fela fa le ka re le thusa basadi ba Bahebera ba ba leng gaufi le go belega, le ele tlhoko thata. Fa losea e le la mosimanyane, lo le bolae; mme fa e le la mosetsanyana, lo le tlogeleng le tshele.'' ¹⁷Mme babelegisi ba boifa Modimo ba seka ba dira jaaka kgosi ya Egepeto e laetse; ba tlogela bana ba basimane go tshela.¹⁸Kgosi ya Iseraele ya bitsa babelegisi a ba botsa a re, ''Ke ka go reng fa lo dira jalo,lo tlogela bana basimanyana go tshela?'' ¹⁹Babelegisi ba araba Faro ba re, ''Baimana ba Bahebera ga ba tshwane le ba Baegepeto. Ba bonako fela thata mme ba belega pele fa mmelegisi a goroga kwa go bone.''²⁰Modimo wa sireletsa babelegisi ba. Batho ba oketsega ka dipalo mme ba nonofa fela thata. ²¹Ka gobo babelegisi ba ne ba boifa Modimo, o ne wa ba fa malwapa a e leng a bone. ²²Faro a laela batho botlhe a re, ''Lo latlhele bana ba basimanyana ba ba tsholwang botlhe fela mo nokeng, mme ba basetsanyana bone lo ba tlogele ba tshele.''

2¹Jaanong monna wa morafe wa Lefi a nyala mosadi wa Molefi. ²Mosadi a itsholofela mme a tshola ngwana wa mosimane. E rile a bona fa losea le itekanetse, a le fitlha dikgwedi di le tharo.³Mme erile a ka se tlhole a ka tswelela ka go mo fitlha, a tsaya seroto sa letlhaka la mopapara a se thiba maroba ka bomota. A pega losea mo go sone mme a se kgarameletsa fa gare ga letlhaka ka fa motsheong wa noka. ⁴Mogolowe losea a bo a eme fa thoko ga noka go bona se se tla dirafalelang losea.⁵Morwadie Faro a tla kwa nokeng go tlhapa fa mothusi wa gagwe a tsamaya-tsamaya ka fa thoko ga noka. A bona seroto fa gare ga letlhaka mme a roma mothusi wa gagwe go se tsaya. ⁶E rile fa a se khurumolola, a bona lesea. Bonang, lesea la lela. A tlhomoga pelo mme a re, ''Ka nnete le ke lengwe la maseanyana a basadi ba Bahebera.''⁷Mme mogoloa lesea a raya moradia Faro a re. ''A nka go batlela mongwe wa batsetsi ba bahebera go go tlhokomelela lesea?'' ⁸Morwadia Faro a mo raya a re, ''Tsamaya.'' Ka jalo a mosetsanyana a ya go tsaya mmaagwe lesea.⁹Morwadia Faro a raya mmaagwe lesea a re, ''Tsaya leseanayana ke le mme o le ntlhokomelele, mme ke tla go duela.'' Ka jalo mosadi a tsaya lesea a le tlhokomela. ¹⁰E rile fa ngwana a thothoga, a mo isa kwa go morwadia Faro go nna ngwana wa gagwe. A mo raya leina a re Moshe, ka a ne a re, "Ka go bo ke mo inotse mo metsing.''¹¹Erile fa Moshe a sena go gola, a tsamaela kwa go ba kwa ga bone, mme a fitlhela ba bereka ka bokete. A bona Moegepeto a a betsa Mohebera, yo e leng mongwe ba ga bone. ¹²A leba ka fa le ka fa, mme e rile a bona go sena ope yo a mmonang, a bolaya Moegepeto a katela mmele wa gagwe mo mmung.¹³A tsamaya gape letsatsi le le latelang, mme, bona, Bahebera ba le babedi ba bo ba lwana. A raya yo o neng a le molato a re, ''O beletsang mongwe ka wena.'' ¹⁴Mme monna a mo raya a re, ''Ke mang yo go dirileng moatlhodi mo go rona? A o batla go mpolaya jaaka o dirile ka Moegepeto?'' Jaanong Moshe a tlelwa ke letshogo, mme a re, ''Se ke se dirileng e le ruri se a itsewe mo bathong.''¹⁵E rile Faro a utlwa kgang e, a leka go bolaya Moshe. Mme Moshe a tshaba mo go Faro a ya go nna kwa lefatsheng la Midiana. A feta a nna fa fatshe fa sedibeng. ¹⁶Jaanong moperesita wa Midiana a bo a na le barwadi ba le supa. Ba tla, ba ga metsi, ba tlatsa mekoro go nosa letsomane la ga rraabone. ¹⁷Badisa ba tla mme ba leka go ba leleka, mme Moshe a ba thusa. A bo jaanong a nosa letsomane la bone.¹⁸E rile fa makgarejwana a boela kwa go rraabone Reule, a ba botsa a re, ''Ke ka go reng fa le boetse lwapeng ka bofefo jo bo kana?'' ¹⁹Ba mo raya ba re, ''Moegepeto mongwe o re falodisitse badisa. O ne gape a re thusa ka go gelela metsi a nosa letsomane la rona.'' ²⁰A ba botsa a re, ''Jaanong o kae Moegepeto wa teng? Le mo tlogeletseng? Mmitseng a tle go ja dijo le rona.''²¹Moshe a dumela go nna le monna, yo o bileng a mo naya morwadie e leng Zipora go mo nyala. ²²A mo tsholela ngwana wa mosimane, mme Moshe a mo raya leina a re Gereshome; ka a ne a re, ''Ke nnile moagedi mo lefatsheng la seeng.''²³Morago ga dingwaga, kgosi ya Egepeto ya swa. Batho ba Iseraele ba tswelela ka go boga ka ditiro tsa bokgoba. Ba tswelela ka go lela ba tlhoka thuso, mme selelo sa bone sa goroga kwa Modimong ka lebaka la pogisego ya bone. ²⁴E rile fa Modimo o utlwa selelo sa bone, Modimo wa gakologelwa kgolagano ya one le Aberahame, le Isake, le Jakobe. ²⁵Modimo a bona batho ba Iseraele, mme wa tlhaloganya seemo sa bone.

3¹Jalo Moshe a bo a santse a disitse letsomane la ga Jetero mogwagadiagwe, moperesite wa Midiana. Moshe a isa letsomane kwa nageng ya Horeba, thaba ya Modimo. ²Foo moengele wa ga Jehofa a iponafatsa fa go ene a le mo kgabung ya molelo mo setlhatshaneng. Moshe a leba, mme bonang, setlhatshana sa bo se tuka mme se sa she. ³Moshe a re, ''Ke tla retologa go re ke bone sentle dikgakgamatso tse, go re ke ka go reng fa setlhare se tuka mme se sa she.''⁴E rile fa Jehofa a bona fa Moshe a retologile go bona, a mmitsa a re, ''Moshe, Moshe.'' Moshe a araba a re, ''Ke nna yo.'' ⁵Modimo a re, ''O seka wa atamela gaufi! Rola ditlhako tsa gago mo dinaong tsa gago, go nne lefelo le o emeng mo go lone ke lefatshe le le boitshepo le le tlhaoletsweng nna.'' ⁶A mo raya gape a re, ''Ke nna Modimo wa ga rraago, Modimo wa ga Aberahame, Modimo wa ga Isake, le Modimo wa ga Jakobe.'' Moshe a ipipa sefatlhego, go nne o ne a tshaba go leba Modimo.⁷Jehofa a re, ''E le ruri ke bonye pogisego ya batho ba me ba ba leng mo Egepeto. Ke utlwile go galaotega ga bone ka lebaka la bagobagobetsi ba bone, mme ke itse ka pogisego ya bone. ⁸Ke tlile jaana go ba golola go tswa mo kgatelelong ya Baegepeto go ba isa kwa lefatsheng le le atlhameng, le le siameng, lefatshe le le elelelang ka mashi le dinotshe, lefatshe la Bakanana, Bahite, Baamora, Baperise, Bahife, le Bajebuse.⁹Jaanong selelo sa batho ba Iseraele se gorogile kwa go nna. Mme gape, ke bonye ka Baegepeto ba ntseng ba ba gateletse ka teng. ¹⁰Jalo he, ke tla go romela kwa go Faro go re o ye go tsha batho ba me, batho ba Iseraele, mo Egepeto.¹¹Mme Moshe a raya Modimo a re, ''Ke tla bo ke le mang tota, yo nka yang kwa go Faro le go ntsha batho Iseraele mo Egepeto?'' ¹²Modimo a mo araba a re, ''Ke a go tlhomamisetsa ke tla bo ke na nao. Mo e tla nna sekao mo go wena go re ke go romile. Fa o sena go ntsha batho mo Egepeto, le tla nkobamela mo thabeng e.¹³Moshe a raya Modimo a re, ''Fa ke ya kwa bathong ba Iseraele go ba raya ke re, 'Modimo wa bagologolo ba lona o nthomile kwa go lona,' mme fa ba mpotsa ba re, ''Leina la gagwe ke mang? ke tla ba raya ke reng?'' ¹⁴Modimo a raya Moshe a re, ''KE NTSE YO KE NTSENG.'' Modimo a re, ''O ba reye o re KE NTSE o nthomile kwa go lona.'' ¹⁵Modimo a raya Moshe gape a re, ''O reye batho ba Iseraele o re, 'JEHOFA Modimo wa bagologolo ba lona, Modimo wa ga Aberahame, Modimo wa ga Isake, le Modimo wa ga Jakobe o nthomile mo go lona. Le ke lone leina la me go ya go ileng, mme ke gone ka mo ke tla nnang mo ditlhaloganyong tsa lona mo dikomaneng tsa lone tsotlhe.¹⁶Tsamaya mme o phuthe bagolwane ba Iseraele. O ba reye o re, ''Jehofa, Modimo wa bagologolo ba lona, Modimo wa ga Aberahame, wa ga Isake, le wa ga Jakobe, o iponafaditse mo go nna mme a re, ''Ke ntse tota ke lo lebeletse mme ke bonye se se dirilweng mo go lona ke Baegepeto. ¹⁷Ke solofeditse go le ntsha mo pitlaganong mo Egepeto go lo isa kwa lefatsheng la Bakanana, la Bahite, la Baamora, la Baperise, la Bahite, le la Bajebusa, kwa lefatshing le le elelang ka mashi le dinotshi.'' ¹⁸Ba tla go reetsa. Wena le bagolwane ba Iseraele lo tla ya kwa go kgosi ya Egepeto, mme le tla mo raya lo re, ''Jehofa, Modimo wa Bahebera, o ntse a kopane le rona. Ka jalo re tlogele re tsamaye loeto la malatsi a mararo re ye kwa nageng go direla Jehofa Modimo wa rona setlhabelo.''¹⁹Mme fela ke a itse gore kgosi ya Egepeto ga e na go dumela go re le tsamae fa e se fela ka fa tlase ga seatla se se tiileng. ²⁰Ke tla otlolola seatla sa me go tlhasela Baegepeto ka ditshupo tse ke tla di dirang mo go bone. Morago ga moo, o tla lo tlogela go re lo tsamae. ²¹Ke tla dira go re batho ba ba bone tlotlego mo Baegepetong, ka jalo fa le bolola, ga lo na go tsamaya lo sa tshola sepe. ²²Mosadi mongwe le mongwe o tla kopa selefera le gouta le diaparo mo baagisanyeng ba gagwe ba Baegepeto. Lo tla di rwadisa barwa le barwadialona. Ka yone tsela eo lo tla thukhutha Baegepeto.

4¹Moshe a raba a re, ''Fa jaanong ba ka seke ba ntumele le fa e le go ntheetsa mme ba re, ''Jehofa ga a e se a iponafatse mo go wena?'' ²Jehofa a mo raya a re, ''O tshotse eng mo seatleng sa gago?'' Moshe a re, ''Ke thobane.'' ³Jehofa a re, ''E latlhele fa fatshe,'' Moshe a e latlhela fa fatshe, mme ya nna noga. Moshe a tshaba a boela kwa morago.⁴Jehofa a raya Moshe, ''Otlolola seatla o e tshware ka mogatla.'' Jalo a otlolola seatla a tshwara noga. Ya fetoga thobane gape mo seatleng sa gagwe. ⁵Se e ne e le go re ba tle ba dumele go re Jehofa, Modimo wa bagologolo ba gagwe, go re Modimo wa ga Aberahame, Modimo wa ga Isake le Modimo wa ga Jakobe, o iponafaditse mo go ene.⁶Jehofa a mo raya gape a re, ''Jaanong tsenya seatla sa gago mo seaparong sa gago.'' Jalo Moshe a tsenya seatla sa gagwe mo diaparong tsa gagwe. Ya re a se ntsha, bonang, seatla sa bo se le lepero, se le se sweu jaaka kapoko. ⁷Jehofa a re, ''Busetsa gape seatla sa gago mo diaparong tsa gago.'' Jalo Moshe a busetsa seatla sa gagwe mo diaparong tsa gagwe, mme ya a se ntsha, a bona fa se fodisitswe gape, se tshwana le mmele otlhe fela.⁸Jehofa a re, ''Fa ba sa go dumele - fa ba sa tshwenngwe ke tshupo ya ntlha ya nonofo ya me le fa e le go e dumela, ba tla dumela tshupo ya bobedi. ⁹Fa ba sa dumele ditshupo tse tsa nonofo ya me ka bobedi, le fa e le go go reetsa, o ge metsi mo nokeng mme o a tsholole fa fatshe fa go omeletseng''.¹⁰Jalo Moshe a raya Jehofa a re, ''Morena, ga ke e se ke itse go bua, le fa e le mo nakong e e fetileng le fa e le fa e sale o bua le motlhanka wa gago. Ke motho yo o bonya mo puong gape a le loleme le le bonya.'' ¹¹Jehofa a mo raya a re, ''Ke mang yo o dirileng loleme la motho? Ke mang yo o ka tseelang motho puo kana kutlo kana pono? A ga se nna, Jehofa? ¹²Jaanong, tsamaya, mme ke tla nna le molomo wa gago ke go kaela go re o bue jang.'' ¹³Mme Moshe a re, ''Morena, ke kopa go re o rome o sele, ope fela yo o ka eletsang go mo roma.''¹⁴Jaanong Jehofa a tenegela Moshe. A mo raya a re, ''Arone ene, yo e leng morwarrago, wa Molefi? Ke a itse fa a na le bokgone jwa go bua fela sentle. Mme ka jalo, o tla tla go go kopantsha, mme fa a go bona, o tla itumela mo pelong. ¹⁵O tla bua le ene o mo tsenya mafoko a gago mo ganong. Ke tla bo ke na le molomo wa gago le molomo wa gagwe, mme ke tla le ruta lotlhe go re le dire jang. ¹⁶O tla bua le batho mo boemong jwa gago. Ke ene a tla nnang molomo wa gago, mme wena o tla o ntse jaaka Modimo mo go ene. ¹⁷O tla bo o tshotse thobane e, e o tla dirang ditshupo ka yone.''¹⁸Jalo Moshe a boela kwa go Jetero mogwagadiagwe mme a mo raya a re, ''A mme ke tsamae ke boele kwa masikeng a me ba ba leng kwa Egepeto ke ye go bona go re aa ba santse ba tshela.'' Jetero a raya Moshe a re, ''Tsamaya ka kagiso.'' ¹⁹Jehofa a raya Moshe a le kwa Midiane a re, ''Ya Egepeto, ka go bo batho ba ba neng ba batla go go tseela botshelo ba sule botlhe fela.'' ²⁰Moshe a tsaya mosadi wa gagwe le barwae a ba pega mo tonking. A boela kwa lefatsheng la Egepeto, mme a tsamaya a tshotse thobane ya Modimo ka seatla.²¹Jehofa a rya Moshe a re, ''Fa o boela kwa Egepeto, o bone go re o dira ditshupo tsotlhe tse ke di go gololetseng. Mme fela ke tla thatafatsa pelo ya ga Faro, ka jalo ga a na go golola batho go re ba tsamae. ²²O tle o reye Faro o re, 'Se ke se Jehofa a se buang: Iseraele ke morwaake, motsalwapele wa me, ²³mme ke go raya ke re, ''Tlogela morwaake a tsamae, go re a tla a kgone go nkobamela.'' Mme ka o ganne go mo golola go re a tsamae, e le ruri ke tla bolaya morwao, motsalwapele wa gago.'''²⁴Fa ba le mo mosepeleng, fa ba bone lefelo le ba ka robalang mo go lone bosigo joo, Jehofa a batla go bolaya Moshe. ²⁵Jalo Zipora a tsaya thipa ya lekgethu, a kgaola letlalo la bonna la motsalwapele wa gagwe, mme a le bogelela mo leotong la ga Moshe. Ka jalo o ne a re, E le ruri o mogwe wa madi mo go nna.'' ²⁶Mme Jehofa a a mo tlogela a seka a mmolaya. Sipora o ne a re, ''O mogwe wa madi'' ka lebaka la thupiso.²⁷Jehofa a raya Arone a re, ''Tsamaya le naga mme o tla kopana le Moshe.'' Arone a tsamaya, mme a kopana le ene kwa thabeng ya Modimo, mme a mo atla. ²⁸Moshe a bolelela Arone mafoko otlhe a Jehofa a a mo laetseng go a bua le ka ditshupo tsa nonofo ya ga Jehofa tse a di mo laetseng go di dira.²⁹Moshe le Arone ba tsamaya ba ya go phutha bagolwane botlhe batho ba Iseraele. ³⁰Arone a bua mafoko otlhe a a neng a boleletswe Moshe. Gape a supa ditshupo tsotlhe tsa nonofo ya ga Jehofa mo ponong ya batho. ³¹Batho ba dumela. E rile fa ba utlwa go re Jehofa o sale a bo a lebeletse batho ba Iseraele le gore gape o sale a bonye pogisego ya bone, ba oba difatlhego go mo obamela.

5¹Morago ga dilo tse di sena go dirafala, Moshe le Arone ba ya kwa go Faro ba feta ba re, ''Se ke se Jehofa, Modimo wa Iseraele, a se buang: 'Tlogela batho ba me ba tsamae, ba ye go ntirela moletlo mo nageng.''' ²Faro a ba raya a re, ''Jehofa ke mang? Ke ka go reng ke tshwanetse go reetsa lentswe la gagwe mo nka tlogelang batho go tsamaya? Ga ke itse Jehofa; ga ke na go letla Iseraele go tsamaya.''³Ba mo raya ba re, ''Modimo wa Bahebera o ne a kopane le rona. Re tlogele re tsamae mosepele wa malatsi a le mararo go direla Jehofa Modimo wa rona setlhabelo mo nageng go re a seka a re tlhasela ka dibetso le fa e le ka tshaka.'' ⁴Mme kgosi ya Egepeto a ba raya a re, ''Moshe le Arone, ke eng fa le batla go tlogedisa batho tiro ya bone? Boelang kwa ditirong tsa lona.'' ⁵Faro o ne gape a re, ''Batho ba bantsi fela thata mo lefatsheng la rona, mme jaanong ga lo tshwanela go leka go ba tlogedisa tiro ya bone.''⁶Ka lone letsatsi leo, Faro a ntsha taelo a e fa bagobagobetsi le balebeledi ba bone. A ba raya a re, ⁷''Go tloga jaanong, le emiseng go ba fa motlhaka go dira setena. A ba ye go ikgetlhela motlhaka ka bo bone. ⁸Mme gape, lo nne lo lope dipalo tsa gale tsa ditena mo go bone. Lo seka la amogela tse di fokotsegileng, ka lebaka la botshwakga jwa bone. Ke sone se o bonang ba santse ba na le nako ya go tlhola ba re, 'Re tlogeleng reye go direla Modimo wa rona setlhabelo.' ⁹Lo okeletseng banna tiro go re e ba die ba seka ba kgona iteega tsebe ka mafoko a a timetsang.¹⁰Mma jalo bagobagobetsi le balebeledi ba batho ba tswa ba ya go bolelela batho. Ba ba raya ba re, ''Faro o laetse a re, ''Ga kena go tlhola ke lo fa motlhaka ope. ¹¹Lona ka bo lona lo tla ya go ipatela wa lona kwa lo ka o bonang teng, mme tiro ya lona yone ga e na go fokotsega.''¹²Jalo batho ba phatlalala le naga ya Egepeto go phutha dirite mo boemong jwa letlhaka. ¹³Bagobagobetsi ba nna ba ba rotloetsa go ba re, ''Fetsang tiro ya lona, go nne fela jaaka fa le ne le ntse le fiwa letlhaka.'' ¹⁴Bagobagobetsi ba ga Faro ba nna ba betsa balebeledi, ba bone e neng e le ba batho ba Iseraele, bone fela ba ba neng ba ba beile go etelela pele babereki. Bagobagobetsi ba nna ba ba botsa ba re, ''Ke ka go reng fa lo sa kgona go dira palo ya ditena e le tshwanetseng go ka bo lo nne lo e dirile, e saleng maabane le gompieno, fela jaaka lo ne lo tle lo dire pele?¹⁵Ka jalo balebeledi, ba ba neng e le ba batho ba Egepeto, ba tla kwa go Faro mme ba lelela mo go ene. Ba mo raya ba re, ''Ke ka go reng fa o dira batlhanka ba gago ka tsela e ntseng jaana? ¹⁶Ga go sa tlhole go na le letlhaka lepe le batlhanka ba gago bale neelwang, mme re santse re tewa go twe, 'Dirang ditena!'Le rona, batlhanka ba gago, re setse re bile re betswa, mme tota molato e le wa batho ba gago.'' ¹⁷Mme Faro a fetola a re, ''Lo ditshwakga! Lo ditshwakga! Lo nnetse go re, 'Re letlelele re ye go direla Jehofa setlhabelo,' ¹⁸Gone jaana boelang kwa mmerekong. Ga lo na go tlhola lo neelwa letlhaka, mme fela lo tshwanetse go dira ditena tsa palo e e lekanang fela le ya pele.''¹⁹Balebeledi, ba ba neng e le ba batho ba Iseraele, ba lemoga fa ba le mo bothateng fa ba utlwa go twe, ''Lo seka lwa fokotsa palo ya ditena tse lo di dirang mo letsatsing.'' ²⁰Ba ya go kopana le Moshe le Arone, ba ba neng ba eme ka kwa ntle ga bonno jwa kgosi, jaaka ba ne ba tswa fa go Faro. ²¹Ba raya Moshe le Arone ba re, ''A Jehofa a a lo beye leitlho mme a lo otlhae, ka go nne lo re dirile go re re nne sekgopi mo ponong ya ga Faro le batlhanka ba gagwe. Lo ba neetse tshaka go re bolaya.''²²Moshe a boela kwa go Jehofa mme a mo raya a re, ''Morena, ke ka go reng fa o ne o nthoma tota? ²³Fa e sale ke tla kwa go Faro go tla ke bua le ene, o diretse batho ba bothata, mme ga o e se o golole batho ba gago le fa e le.''

6¹Jalo Jehofa a raya Moshe a re, ''Jaanong o tla bona go re ke tla dira eng ka Faro. O tla bona se, ka go bo o tla ba golola ka lebaka la seatla same se se nonofileng. Ka lebaka la seatla sa me se se nonofileng, o tla ba leleka mo lefathseng la gagwe.''²Modimo a bua le Moshe a mo raya a re, ''Ke nna Jehofa. ³Ke ne ka iponafatsa mo go Aberahame, le mo go Isake, le mo go Jakobe ke le Modimo Mothatayotlhe, mme ka leina la me, Jehofa, ke ne ke sa itsege mo go bone. ⁴Ke ne gape ka dira kgolagano ya me le bone, go re ke ba neele lefatshe la Kanana, lefatshe le ba neng ba thibeletse mo go lone. ⁵Mme jaanong, ke utlwile selelo sa batho ba Iseraele ba Baegepeto ba ba dirileng makgoba, mme ka jalo ke ikgakolotse ka kgolagano ya me.⁶Ka jalo, o reye batho ba Iseraele ore, ''Ke nna Jehofa. Ke tla le ntsha mo ditirong tse di bokete tsa Baegepeto, mme ke tla le golola modinonofong tsa bone. Ke tla le falotsa ka tshupo ya nonofo ya me, le ka ditiro tsa me tse dikgolo tsa katlholo. ⁷Ke tla lo itseela go nna batho ba me , mme ke tla nna Modimo wa lona. Lo tla itse fa ke le Jehofa Modimo wa lona, yo o le ntshitseng mo ditirong tse di bokete tsa Baegepeto.⁸Ke tla lo isa kwa lefatsheng le ke ikanetseng go le fa Aberahame, Isake le Jakoba. Ke tla le lo naya go le rua. Ke Jehofa.''' ⁹Fa Moshe a bolelela batho ba Iseraele, ba ne ba seka ba mo reetsa ka ba kgobilwe marapo ke bokgoba jo bo kalo kalo jo ba neng ba le mo go jone.¹⁰Jalo Jehofa a raya Moshe a re, ¹¹''Ya go bolelela Faro, kgosi ya Iseraele, go re a tlogele batho ba Iseraele ba tswe mo lefatsheng la gagwe.'' ¹²Moshe a araba Jehofa a re, ''Fa batho ba Iseraele ba sa ntheetsa, Faro ene o ka ntheetsa jang, ka go bo ke sa nonofa mo puong?'' ¹³Jehofa a bua le Moshe le Arone. A ba fa taelo go e isa kwa bathong ba Iseraele le kwa go Faro, kgosi ya Egepeto, go ntsha batho Iseraele mo lefatsheng la Egepeto.¹⁴Tse e ne e le ditlhogo tsa malwapa a bo rraabone: Barwaa Rubene, motsalwapele wa ga Iseraele, e ne e le Hanoke, Palulu, Hezerone, le Karami. Ba e ne e le bagologlo ba kgotlana ya ga Rubene. ¹⁵Barwaa Simeyone e ne e le Jemuele, Jamin, Ohadi, Jakine, Zohare, le Shaule - morwaa mosadi wa Mokanana. Ba e ne e le bagologolo ba kgotlana ya ga Simeyone.¹⁶Ba ke bana ba ga Lefi, go ya ka go tlhatlologana ga bone. E ne e le Gereshone, Kohathe, le Merari. Lefi o tshidile dingwaga di le lekgolo, masome a mararo le bosupa. ¹⁷Barwa ba ga Gereshone e ne e le Libini le Shimei, go ya ka dikgotlana tsa bone. ¹⁸Barwa ba ga Kohathe e ne e le Amerame, Izhare, Heberone, le Uziele. Kohathe o ne a tshela go fitlhelela a nna dingwaga di le lekgolo, masome a mararo le boraro. ¹⁹Barwa ba ga Merari e ne e le Mahili le Mushi. Ba ne ba nna bagologolo ba Balefi, ga mmogo le dikomana tsa bone.²⁰Amerame a nyala Jochebedi, kgaitsadia rraagwe. A mo tsholela Arone le Moshe. Amerame a tshela dingwaga di le lekgolo, masome a mararo le bosupa mme a swa. ²¹Barwa ba ga Izhare e ne e le Kora, Nephege, le Zikiri. ²²Barwa ba ga Uziele e ne e le Mishaele, Elizaphane, le Sithiri.²³Arone a nyala Elisheba, morwadia Amminadabe, kgaitsedie Nahoshone. A mo tsholela Nadabe le Abihu, Eleazare le Ithamare. ²⁴Barwa ba ga Kora e ne e le Asire, Elkana, le Abiasaphe. Ba e ne e le bagologolo ba dikgotlana tsa Bakora. ²⁵Eleazare, morwae Arone, a nyala mongwe wa bomorwadia Putiele. A mo tsholela Finihase. Ba e ne e le ditlhogo tsa malwapa a bo rre ba Balefi, go ya ka dikgotlana tsa bone.²⁶Banna ba babedi ba ke bone ba Jehofa a buileng nabo a re, ''Ntshang batho ba Iseraele mo lefatsheng la Egepeto, ka dipalo-palo tsa bone. ²⁷Arone le Moshe ba bua le Faro, kgosi ya Egepeto, go golola batho ba Iseraele mo Egepeto. Ba e ne bone Moshe le Arone ba gale le gale.²⁸E rile fa Jehofa a bua le Moshe mo lefatsheng la Egepeto, ²⁹a mo raya a re, ''Ke Jehofa. Raya Faro, kgosi ya Egepeto, tsotlhe tse ke tla di go bolelelang.'' ³⁰Mme Moshe a raya Jehofa a re, ''Ga ke a nonofa mo puong, ka jalo Faro o ka ntheetsa jang?''

7¹Jehofa a raya Moshe a re, ''Bona, ke go dirile jaaka modimo mo go Faro. Arone morwarraago o tla nna moporofeta wa gago. ²O tla bua tsotlhe tse ke tla di go laelang. Arone morwarrago o tla bua le Faro go re a tlogele batho ba Iseraele ba tswe mo lefatsheng la gagwe.³Mme fela ke tla thatafatsa pelo ya ga Faro, gape ke tla bonatsha ditshupo tse dintsi tsa nonofo ya me, dikgakgamatso tse dintsi, mo lefatsheng la Egepeto. ⁴Mme Faro ga a na go reetsa, jalo ke tla tsenya seatla sa me mo Egepeto go ntsha dipalo-palo tsa me, batho ba me, batho ba Iseraele, mo lefatsheng la Egepeto ka ditoro tse dikgolo tsa katlholo. ⁵Baegepeto ba tla itse fa ke le Jehofa fa ke otlololela Egepeto seatla sa me go ntsha batho ba Iseraele mo go bone.⁶Moshe le Arone ba dira fela jalo; ba dira jaaka Jehofa a ba laetse. ⁷Moshe o ne a le dingwaga di le masome a fera bobedi, mme Arone ene a le di le masome a ferabobedi le boraro fa ba bua le Faro.⁸Jehofa a raya Moshe le Arone a re, ⁹''Fa Faro a ka lo raya a re, 'Dirang kgakgamatso,' jalo o reye Arone o re, 'Tsaya thobane ya gago o e latlhele fa fatshe, go re e tle e nne noga.''' ¹⁰Jalo Moshe le Arone ba ya kwa go Faro, mme ba mmolelela fela jaaka Jehofa a ba laetse. Arone a latlhela thobane ya gagwe ga pele ga ga Faro le batlhanka ba gagwe, mme ya nna noga.¹¹Jalo Faro le ene a bitsa batlhalefi ba gagwe le baloi ba Egepeto. Ba dira se se tshwanang ka boitseanape jwa bone. ¹²Mongwe le mogwe wa bone a latlhela ya gagwe, mme dithobane tsa fetoga dinoga. Mme noga ya ga Arone ya kometsa dinoga tsa bone. ¹³Pelo ya ga Faro ya nna ya thatafala, a seka a reetsa, fela jaaka Jehofa a ne a sale a buile.¹⁴Jehofa a raya Moshe a re, ''Pelo ya ga a Faro e thatafetse, ebile o gana go golola batho go re ba tsamaye. ¹⁵Ya kwa go Faro mo mosong fela fa a tswa a ya kwa nokeng. O mo emele fa thoko ga noka go mo kopantsha, mme o be o tshotse thobane e e neng e iphetotse noka.¹⁶O mo reye o re, 'Jehofa, Modimo wa Baiseraele, o nthomile kwa go wena go re ke go reye ke re, ''Tlogela batho ba me ba tsamaye, go re ba ye go nkobamelo kwa nageng. Le jaanong ga o ise o reetse.'' ¹⁷Jaanong Jehofa a re, ''Ka se o tla itse fa ke le Jehofa. Ke tla itaya metsi a noka ya Naile ka thobane e ke e tshotseng e, mme metsi a tla fetoga go nna madi. ¹⁸Ditlhapi tse di mo nokeng di tla swa, mme noka e tla nkga sebodu. Baegepeto ga ba na go nwa metsi mo nokeng.''''¹⁹Jalo Jehofa a raya Moshe a re, ''O reye Arone o re, 'Tsaya thobane ya gago mme o otlololele seatla sa gago kwa metsing a Egepeto, le kwa dinokeng, melatswana, megobe, le makadiba ka go farologana, go re metsi otlhe a fetoge go nna madi. O dire jalo go re go nne le madi gongwe le gongwe mo lefatsheng la Egepeto, le mo dikgonyeng le matlapa tota.''²⁰Moshe le Arone ba dira jaaka Jehofa a laetse. Arone a tsholetsa thobane mme a itaya metsi mo nokeng, mo ponong ya ga Faro le batlhanka ba gagwe. Metsi otlhe mo nokeng a fetoga go nna madi. ²¹Ditlhapi tse di mo nokeng tsa swa, mme noka ya simolola go nkga sebodu. Baegepeto ba seka ba kgona go nwa metsi a noka, mme madi a bo a le gongwe le gongwe mo lefatsheng la Egepeto. ²²Mme baitseanape ba Egepeto le bone ba dira jalo ka boitseanape jwa bone. Pelo ya ga Faro ya nna ya thatafala, mme a gana go reetsa Moshe le Arone, fela jaaka Jehofa a ne a boletse fa go tla nna jalo.²³Jalo Faro a boela kwa ntlong ya gagwe. O ne a seka a tlhokomela se. ²⁴Baegepeto ba simolola go epa mo thoko ga noka ba batla metsi a ba ka a nwang, ba sa kgone go nwa metsi a tswang mo nokeng. ²⁵Ga feta malatsi a supa morago ga Jehofa a sena go senya metsi a noka.

8¹Jalo Jehofa a raya Moshe a re, ''Tsamaya o ye kwa go Faro o tle o mo reye o re, ''Jehofa a re, ''Tlogela batho ba me ba tsamaye go re ba tle ba kgone go nkobamela. ²Fa o gana go ba tlogela ba tsamaya, ke tla tlhokofatsa lefatshe la gago ka digogwane. ³Noka e tla nyeula ka digogwane. Di tla tswa di bo di tsena le mo ntlung ya gago, mo kamureng ya gago ya boroko, le mo bolaong jwa gago. Di tla tsena le mo matlung a batlhanka ba gago. Di tla tsena mo bathong ba gago, mo maepeelong a gago, le mo dijaneng tsa gago tsa bodubelo. ⁴Digogwane di tla tlhasela wena, batho ba gago le batlhanka ba gago fela botlhe.⁵Jehofa a bua le Moshe a re, ''O bue le Arone o re, 'Otlololela seatla sa gago, le thobane ya gago o supe dinoka, melatswana, le megobe, mme o dire go re digogwane ditswele kwa ntle di aname le lefatshe la Egepeto. ⁶Arone a otlololela seatla sa gagwe kwa dinokeng tsa Egepeto, mme digogwane tsa tswela kwa ntle tsa anama le lefatshe la Egepeto. ⁷Mme baitseanape le bone ba dira jalo ka boitseanape jwa bone; ba ntshetsa digogwane kwa ntle go anama le lefatshe la Egepeto.⁸Mme Faro a bitsa Moshe le Arone a ba raya a re, ''Rapelang Johofa go re a ntshe digogwane mo go nna le batho ba me. Ke gone nka tlogelang batho ba gagwe go re ba tsamae, ba ye go mo direla setlhabelo.'' ⁹Moshe a raya Faro a re, ''Itlotle mo go nna. Ke tla go rapelela leng, le batlhanka ba gago, le batho ba gago, go re digogwane di tle di tswe mo go wena le mo matlung le gore di nne fela mo nokeng?"¹⁰Faro a mo raya a re, ''Ka moso.'' Moshe a re, ''A go nne fela jaaka o bua, go re o tle o itse fa go sena ope yo tshwanang le Jehofa, Modimo wa rona. ¹¹Digogwane di tla tswa mo go wena, mo matlung a gago, mo batlhankeng, le mo bathung ba gago. Di tla nna mo metsing fela.'' ¹²Moshe le Arone ba tlogela Faro. Jalo Moshe a lelela kwa go Jehofa ka lebaka la digogwane tse a di tlisiseng mo go Faro.¹³Jehofa a dira jaaka Moshe a mo kopile: Digogwane tsa swa mo matlung, malwapana le mo masimong. ¹⁴Batho ba di kgobokanya go dira mekowa, mme lefatshe la bo le nkga. ¹⁵Mme e rile Faro a bona fa seemo se bepile, a thata fatsa palo ya gagwe mme a seka a reetsa Moshe le Arone, fela jaaka Jehofa a ne a buile.¹⁶Jehofa a raya Moshe a re, ''Raya Arone o re, 'Otlolola seatla sa gago mme o iteye fa fatshe mo mmung, go re go nne le montsana gongwe le gongwe mo lefatsheng la Egepeto,'' ¹⁷Ba dira jalo. Arone a otlolola seatla gagwe le thobane ya gagwe mme itaya fa fatshe, mme montsana wa anama le batho le diphologolo. Mmu otlhe wa apeesiwa ke montsana lefatshe la Egepeto lotlhe ka bophara.¹⁸Baitseanape ba leka boitseanape jwa bone go re le bone ba dire montsana, mme ba palela. Mme ga bo go le montsana mo bathung le mo diphologolong. ¹⁹Jaanong batseanape ba raya Faro ba re, ''O ke monwana wa Modimo.'' Mme pelo ya ga Faro ya nna ya thatafala, mme a gana go ba reetsa. Go ne go ntse fela jaaka Jehofa a ne a boletse.²⁰Jehofa a raya Moshe a re, ''O tsoge go le mo mosong mme o eme fa pele ga ntlo ya ga Faro fa a santse are o tswa a ya kwa nokeng. O mo reye o re, ''Jehofa a re: ''Tlogela batho ba me ba tsamae go re ba tle ba kgone go nkobamela. ²¹Mme fela fa o sa ba tlogele ba tsamaya, ke tla romela losaisai lwa dintsi mo go wena, batlhanka ba gago, le mo bathong ba gago, le mo matlung a lona. Matlo a baegepeto a tla tlala ka losaisai lwa dintsi, mme tota le lefatshe le o gatang mo lone le tla bo le saila ka tsone.²²Mme ka letsatsi leo, ke tla tlhaola lefatshe la Goshene, lefatshe le batho ba me ba agileng mo go lone, gore dintsi di seka tsa goroga koo. Seo se tla dirafala go re lo tle lo itse fa ke le Jehofa mo teng ga lefatshe le. ²³Ke tla dira kgaoganyo fs gagre ga batho ba me le batho ba gago. Tshupo e ya nonofo ya me e tla dirafala ka moso.'' ²⁴Jehofa a dira fela jalo, mme losaisai le boitshegang la dintsi la gorogele mo ntlong ya ga Faro l mo matlung a batlhanka ba gagwe. Lefatshe lotlhe la Egepeto ka bopahara, la senngwa le losaisai la dintsi.²⁵Faro a bitsa Moshe le Arone a ba raya a re, '' Tsamayang, mme lo ye go direla Modimo wa lona setlhabelo kwa lefatsheng la lona,'' ²⁶Moshe a mo raya a re, ''Go tla bo go sa siama go re re dire jalo, ka go nne ditlhabelo tse re di dirang ga di kake tsa itumedisa Baegepeto. Fa re ka dira ditlhabelo tsa rona mo matlhong a bone tse Baegepeto ba ka se kakeng ba di rata, aa ga ba na go re kgobotletsa ka matlapa? ²⁷Nyaya rra, re tlhoka mosepele wa malatsi a le mararo o re tshwanetse ra o tsaya mo nageng, kwa re ka fetang ra direla Jehofa Modimo wa rona setlhabelo, fela jaaka a re laetse.²⁸Faro a mo raya a re, ''Ke tla lo letlelela go ya go direla Jehofa Modimo wa lona setlhabelo kwa nageng. Mme fela lo seka la tsamaela kgakala. Lo fete lo nthapelele.'' ²⁹Moshe a mo raya a re, ;;Fela fa ke sena go emelela ke tswa fa go wena, ke tla go rapelela mo go Jehofa go re dintsi di phatlalale mo go wena, le mo batlahankeng ba gago, le mo bathong ba gago ka moso. Mme fela o seka wa tlhola o dira boferefere gape ka go tlhoka go tlogela batho ba rona ba tsamaya go ya go direla Jehofa setlhabelo.''³⁰Moshe a tswa fa go Faro mme a mo rapelela mo go Jehofa. ³¹Jehofa a dira fela jaaka Moshe a mo kopile; a ntsha losaisai la dintsi mo go Faro, le mo batlhankeng ba gagwe, le mo bathong ba gagwe. Ga go na le e le nngwe fela e e neng ya sala. ³²Mme Faro a nna a thatafatsa pelo a gagwe jaaka gale, mme a seka a golola batho go tsamaya.

9¹Jalo Jehofa a raya Moshe a re, ''Tsamaya o ye kwa go Faro o tle o o mo reye o re, 'Jehofa ,Modimo wa Bahebera a re, 'Tlogela batho ba me ba tsamae go re ba fete ba nkobamele.' ²Mme fela fa o gana goba golola go re ba tsamae, fa o santse o ba ipeetse, ³jaanong seatla sa ga Jehofa se tla tlisa petso e e maswe fela thata mo leruong la gago le le mo nageng - dipitse, ditonki, dikamela, dikgomo le letsomane. ⁴Mme Jehofa o tla tlhaola letsomane la Baiseraele mo go la Baegepeto, go re go seka ga nna le phologolo e e leng ya batho ba Iseraele e e tla swang.⁵Jehofa o ne a beile nako; 'Ke tla dira dilo tseo ka moso mo lefatsheng.'''' ⁶Jehofa a dira fela jalo ka letsatsi le le latelang: Dikgomo tsa Egepeto tsa swa, ga seka ga nna le fa e le epe ya Baiseraele e e ileng ya swa, le fa e le nngwe fela. ⁷Faro a batlisisa, mme bonang, ga bo go se epe ya batho ba Iseraele e neng ya swa. Mme fela pelo ya gagwe ya bo e le thata, a seka a golola batho ba Iseraele.⁸Jalo Jehofa a raya Moshe le Arone a re, ''Tabolang melora mo bobesetsong e tletse diatla. Moshe o tla gasetsa melora mo phefong mo ponong ya ga Faro. ⁹E tla nna lerole le le apeesang lefatshe la Egepeto ka bophara. E tla baka go tlhagoga ga diso le dintho tse di tutetseng mo bathong le diphologolo go anama le lefatshe lotlhe la Egepeto ka bophara.'' ¹⁰Jalo Moshe le Arone ba dira fela jalo ba tabola melora mo bobesetsong mme ba ema fa pele fa ga Faro. Mme Moshe a gasetsa melora mo phefong. Melora ya baka dintho tse di tutetseng le diso mo bathong le diphologolo.¹¹Baitseanape ba palelwa ke go emelana le Moshe ka lebaka la dintho tse di tutetseng, ka go nne dintho tse di tutetseng di ne di tletse mo go bone le mo bathong botlhe ba Egepeto. ¹²Jehofa a thatafatsa pelo ya ga Faro, mme Faro a seka a reetsa Moshe le Arone. Ga nna fela jaaka Jehofa a ne a rile Faro o dira.¹³Jalo Jehofa a raya Moshe a re, ''Emelela go le mo mosong , o fete o eme fa pele ga ga Faro, mme o mo reye o re, 'Jehofa Modimo wa Bahebera, o bua se a re, ''Tlogela batho ba me ba tsamae go re ba tle ba nkobamele. ¹⁴Mo nakong e ke tla romela dipetso tsa me mo go wena ka sebele, mo batlhankeng ba gago le mo bathong ba gago. Ke tla dira se go re o tle o itse go re ga gona ope yo o tshwanag le nna mo lefatshing lotlhe.¹⁵Ka motlha o ke ka bo ke setse ke otlolotse seatla sa me mme ka go tlhasela le batho gago ke dipetso, mme le ka bo le setse le nyeleditswe mo lefatsheng. ¹⁶Mme lebaka la go bo ke dirile go re le bo le santse le tshela: go re o bone nonofo ya me, le go re leina la me le tle le bolelwe mo lefatsheng lotlhe. ¹⁷O santse o ikgodisa kgatlhanong le batho ba me ka go sa ba tlogeleng ba tsamaya.¹⁸Reetsa! Ka moso ka nako yone e ke tla tlisa sefako se se golo thata, se se eseng se bonwe mo Egepeto fa esaleng a nna teng go fitlha jaanong. ¹⁹Mme jaanong, romela banna ba ye go phutha diphologolo tsa gago le tshotlhe tse o nang natso kwa masimong o di ise kwa go sireletsegileng. Monna mongwe le mongwe le diphologolo tse di kwa masimong tse di sa tlisiwang kwa lwapeng - sefako se tla fologela mo go tsone, mme di tla swa.''''²⁰Jaanong batlhanka ba ga Faro ba ba neng ba tshositswe ke molaetsa wa ga Jehofa baya go tlisa malata a bone le letsomane la bone mo matlung. ²¹Mme ba ba neng ba seka ba sekegela molaetsa wa ga Jehofa tsebe ba ne ba tlogela malata a bone mo masimong.²²Jaanong Jehofa a raya Moshe a re, ''Otlolola seatla sa gago o supe kwa loaping go re go tle go nne le sefako mo lefatsheng lotlhe la Egepeto, mo bathong le diphologolo, le mo ditlhareng tsotlhe tse di mo lefatsheng la Egepeto.'' ²³Moshe a supa loapi ka thobane ya gagwe, mme Jehofa a romela tladi, sefako, le dikgadima mo lefatsheng. A folosetsa sefako mo lefatsheng la Egepeto. ²⁴Jalo ga bo go le sefako le dikgadima di tlhakane le sefako, di le dikgolo thata, tse di e seng di bonwe gope mo Egepeto ka bophara fa e salang ba nna tshaba.²⁵Mo lefatsheng lotlhe fela la Egepeto, sefako sa itaya sengwe le sengwe mo masimong, batho le diphologolo. Sa itaya dimela tsotlhe tse di mo masimong sa roba ditlhare tsotlhe. ²⁶E ne e le fela kwa lefatsheng la Goshene, kwa go neng go agile batho ba Iseraele, kwa go neng go sena sefako.²⁷Jalo Faro a roma banna go bitsa Moshe le Arone. A ba raya a re, ''Ke leofile mo motlheng o. Jehofa o siame, mme nna le batho ba me re bosula. ²⁸Rapelang Jehofa, ka go nne dikgadima le sefako di feteletse. Ke tla le golola gore le tsamae, mme ga le sa tlhole le ka nna fano.''²⁹Moshe a mo raya a re, ''Fela fa ke tswa ka kgoro ya motse o, ke tla gasetsa diatla tsa me kwa go Jehofa. Dikgadima di tla khutla, mme le sefako ga sena go tswelela se nna teng. Ka yone tsela eo o tla itse fa lefatshe e le la ga Jehofa. ³⁰Mme fa e le wena le batlhanka ba gago, ke a itse fa le sa tlotle Jehofa Modimo.³¹Jaanong Leloba le barele tsa senyega, fa barele e ne e le gaufi le go butswa mme leloba le setse le ntsha dithunya. ³²Mme korong le lebelebele tso ne di sa amega ka e ne e le mabele a bofelo. ³³Fa Moshe a sena gotswa fa go Faro le motse, a gasetsa diatla tsa gagwe kwa go Jehofa; dikgadima le sefako tsa khutla, mme le pula ya kgaotsa.³⁴E rile fela Faro a bona gore sefako, le dikgadima, di khutlile, a leofa gape a thatafatsa pelo ya gagwe, ga mmogo le batlhanka ba gagwe. ³⁵Pelo ya ga Faro ya thatafala, mme a seka a tlogela batho ba Iseraele go tsamaya, jaaka Jehofa a ne a buile ka seatla sa ga Moshe.

10¹Jehofa a raya Moshe a re, ''Tsamaya o ye kwa go Faro, go nne ke thatafaditse pelo ya gagwe le dipelo tsa batlhanka ba gagwe. Ke dirile se gape go re ke supe ditshupo tsa nonofo ya me mo go bone. ²Gape ke dirile se go re le tle le kgone go bolelela bana ba lona le bana ba bana dilo tse ke di dirileng, ka fa ke kgokgontshitseng Egepeto ka teng, le go bo ke supile ditshupo tse di farologaneng mo go bone. Ka tsela yone eo ba tla itse fa ke le Jehofa.''³Jalo Moshe le Arone ba ya kwa go Faro mme ba mo raya ba re, ''Jehofa, Modimo wa Bahebera, a re , ''Go tla nna lebaka le le kae go re o nne o gane go ikoba fa pele ga me? A batho ba me ba tsamae go re ba tle ba kgone go nkobamela. ⁴Mme fa o gana go ba tlogela ba tsamaya, reetsa, ka moso ke tla tlisa tsie mo lefatsheng la gago.⁵Di tla apeesa lefatshe go re go se ka ga nna ope yo ka bonang mmu. Di tla ja masalela a tsotlhe tse di falotseng sefako. Di tla ja gape ditlhare tsotlhe tse di tla golang mo masimong. ⁶Ke tlala ka mantlo a gago, le a batlhanka ba gago, le a Baegepeto botlhe fela - selo se rrago le rragomogolo ba e seng ba se bone, sepe se se eseng se bonwe fa e sale di nna teng mo lefatshing go goroga mo letsatsing la gompieno.'' Jalo Moshe a emelela a tloga fa go Faro.⁷Batlhanka ba ga Faro ba mo raya ba re, ''Ke sebaka se kae se monna yo a tla re thaisang ka sone? Tlogela batho ba Iseraele ba tsamae ba ye go obamela Modimo wa bone. Aa ga o ise o lemoge fa Egepeto a sentswe?'' ⁸Moshe le Arone ba isiwa gape kwa go Faro, mme a ba raya a re, ''Tsamayang lo ye go obamela Jehofa Modimo wa lona. Mme go tla tsamaya bomang?''⁹Moshe a mo raya a re, ''Re tla tsamaya le bana le bagolo, barwa le barwadiarona. Re tla tsamaya le letsomane le leruo la rona, ka go nne re tshwanetse go direla Johofa wa rona modiro.'' ¹⁰Faro a ba raya a re, "'A ruri Jehofa a nne le lona, fa nka bo ka le tlogela la tsamaya le bana ba lona ba tsamaya. Lebang, le tletse ka bosula mo ditlhaloganyong tsa lona. ¹¹Nyaya! A go tsamae, banna fela mo go lona, go ya go obamela Jehofa, ka ke sone se lo se batlang.'' Jalo Moshe le Arone ba kobiwa fa pele ga sefatlhego sa ga Faro.¹²Jalo Jehofa a raya Moshe a re, ''Otlololela seatla sa gago kwa lefatsheng la Egepeto go amogela tsie, go re e tlhasele lefatshe la Egepeto go ja dimela tsotlhe, tsotlhe tse di tlogetsweng ke sefako.'' ¹³Moshe a otlololela seatla sa gago godimo ga lefatshe la Egepeto, mme Jehofa a tlisa phefo ya botlhabatsatsi ya anama le lefatshe lotlhe ka letsatsi leo le bosigo jwa lone. Mo mosong, phefo ya botlhabatsatsi ya bo e tlisitse tsie.¹⁴Tsie ya anama le lefatshe la Egepeto mme la saila gongwe le gongwe mo go lone. Go ne go ise go bo go bonwe lesogodi la tsie le le kalo mo lefatsheng leo, mme gape ga gona le le ka tlholang le ka nna le mo nakong e tlang. ¹⁵Ya apeesa lefatshe lotlhe ga bo ga sala go ntshofetse. Ya ja ditlhare tsotlhe mo lefatsheng le ditlhare tsa maungo tse di tlogetsweng ke sefako. Mo lefatsheng lotlhe la Egepeto, ga bo go sena setlhare se se nang le matlhare se se neng se setse, le fa e le dimela le dijwalo tsa masimo.¹⁶Jalo Faro a biletsa Moshe le Arone kwa go ene ka bofefo, mme a re, ''Ke leofetse Jehofa Modimo wa lona le lona tota. ¹⁷Mme jaanong, e itshwareleng maleo a me ka motsotso o, mme le rapele Jehofa Modimo wa lona go re a ntshe loso le mo go nna.'' ¹⁸Jalo Moshe a tloga fa go Faro a ya go rapela Jehofa.¹⁹Jehofa a tlisa phefo e e nonofileng ya bophirimatsatsi ya tla ya tsoletsa tsie ya e khurumeletsa kwa Lewatleng la Letlhaka; ga seka ga sala le epe gope fela mo tikologong ya Egepeto. ²⁰Mme Jehofa a nna a thatafatsa pelo ya ga Faro, mme Faro a seka a golola batho ba Iseraele go tsamaya.²¹Mme Jehofa a raya Moshe a re, ''Otlolola seatla sa gago o supe loapi, go re go ntshofale mo lefatsheng lotlhe la Egepeto, lefifi le le tla utlwalegang.'' ²²Moshe a otlololela seatla sa gagwe kwa loaping, mme ga nna lefifi le le tiileng mo lefatsheng la Egepeto malatsi a le mararo. ²³Go ne go sena ope yo neng a bona yo mongwe; go sena ope yo neng a tswa mo ga gagwe malatsi a le mararo. Mme fela, batho ba Iseraele bone ba ne ba le mo leseding kwa ba nnang teng.²⁴Faro a roma go re Moshe a bidiwe mme a mo raya a re, ''Tsamayang le ye go obamela Jehofa. Le ka tsamaya le bana ba lona, mme letsomane le leruo la lona tsone di sale.'' ²⁵Mme Moshe a mo raya a re, ''Re letlelele re ye go dira ditlhabelo le ditshupelo tsa phiso gore re kgone go di isa kwa go Jehofa Modimo wa rona. ²⁶Dikgomo tsa rona di tshwanetse go re le tsone di tsamae le rona, go sa sale le fa e le motlhala wa tsone gope, ka re tshwanetse go di tsaya go ya go obamela Jehofa Modimo wa rona re na le tsone. Gonne ga re itse se re tshwanetseng go mo obamelang ka sone go fitlhelela re goroga teng kwa.²⁷Mme Jehofa a thatafatsa pelo ya ga Faro, mme a seka a ba tlogela go re ba tsamae. ²⁸Faro a raya Moshe a re, ''Tloga fa go nna. O tlhokomele sele se le sengwe fela, go re o seka wa tlhola o mpona gape, go nne ka letsatsi le o mponang, o tla a swa. ²⁹Moshe a mo raya a re, ''Go a buile wena ka sebele. Ga ke na go tlhola ke bona sefatlhego sa gago gope.''

11¹Jalo Jehofa a raya Moshe a re, ''Go santse go na le petso e le nngwe e ke tla e dirang mo go Faro le batho ba Egepeto. Morago ga yone, o tla le golola go re le tsamae. Fa jaanong a le tlogela go re le tsamae, o tla le koba la bofelo. ²Laela monna le mosadi mongwe le mongwe go re a kope mo moagisanyeng wa gagwe dijana tsa selefera le tsa gouta.'' ³Jaanong Jehofa o ne a dira go re Baegepeto ba kgatlhegele go thusa Baiseraele. Godimo ga moo, monna yo Moshe o ne a kgatlhisa mo matlhong batlhanka ba ga Faro le mo bathong ba Egepeto.⁴Moshe a ba raya a re, ''Jehofa o buile jaana a re: Ka bosigogare ke tla ralala Egepeto. ⁵Batsalwapele botlhe mo lefatsheng la Egepeto ba tla swa, go simolola ka motsalwapele wa ga Faro, yo ntseng mo setilong, go felela ka motsalwapele wa morweetsana wa lekgoba yo kwa tshilong a dira tiro ya tshilo, go ya le kwa batsalwapele ba letsomane.⁶Jannong go tla nna le selelo se se golo go ralala lefatshe lotlhe la Egepeto, se se eseng se bonwe gope mme ebile se sa kake sa tlhola se nna teng gape. ⁷Ga go na le fa e le ntsa e e ka bogolang ope wa batho ba Iseraele, le fa e le motho kana phologolo. Ka sone seo lo tla itse fa e e le yone tsela e ke dirang kgaoganyo fa gare ga batho ba Egepeto le batho ba Iseraele. ⁸Batlhanka ba botlhe, le Faro, ba tla tla go nkobamela. Ba tla re, 'Tsamayang, lona le batho botlhe ba ba le setseng morago!' Morago ga moo ke tla itsamaela.'' Mme a tloga fa pele ga ga Faro a tletse tshakgalo.⁹Jehofa a raya Moshe a re, ''Faro ga a na go go reetsa. Seo se tla dira go re ke dire dikgakgamatso tse di ntsi mo lefatsheng tsa Egepeto. ¹⁰Moshe le Arone ba dira dikgakgamatso tse mo ponong ya ga Faro. Mme Jehofa a thatafatsa pelo ya ga Faro, ka jalo Faro a seka a golola batho ba Iseraele go tswa mo lefatsheng la gagwe.

12¹Jehofa a raya Moshe le Arone ba le mo lefatsheng la Egepeto. A re, ²''Mo go lona, kgwedi e e tla nna tshimologo wa dikgwedi, kgwedi ya ntlha ya ngwaga mo go lona.³Bolelela baphuthegi ba Iseraele, mo letsatsing la bolesome mo kgweding yone e mongwe le mongwe a itseele kwanyana kana potsanyane, malwapa otlhe a dire jalo, kwanyana e lebagane le lelwapa lengwe le lengwe. ⁴Fa lelwapa le le lennye le fetilwe ke kwanyana, a malwapa a a bapileng a kgaogane kwanyana kana potsane go ya ka dipalo tsa batho ba one. A e nne nama e e ba lekanyeng, ka jalo a ba tseye nama e ba ka kgonang go e ja botlhe fela.⁵Kwanyana ya lona kana potsane ga di a tshwanela go bo di na le bogole, mme e nne tsa ngwaga o le mongwe di le tonanyana. Le ka di tsaya mo dinkung kana dipodi. ⁶Le di tlhokomele go fitlhelela ka letsatsi le bolesome le bone. Ke gone jaanong Baiseraele ba ka simololang go di bolaya go le maitseboa. ⁷Le tseye madi mme le a tshase mo dipateng ka fa ntlheng tsotlhe le kwa godimo ga dipati tsa matlo a lona a le tla jelang nama mo go one. ⁸Le je nama mo bosigong joo, le sena go e besa mo molelong. Le e je ka borotho jo bo senang sebidiso, le e kopantse le matlhare a a bogalaka.⁹Le seka la e ja e le tala le fa e ka bo e huhudisitwe ka metsi, mme le e bese mo molelong e na le tlhogo ya yone, le maoto le mateng. ¹⁰Le seka la sadisetsa sepe go tsena mo mosong. ¹¹E ke yone tsela e le tla jang nama e ka yone: le itlamile ka moitlamo, ditlhako tsa lona di le mo dinaong, le tshotse dithobane ka diatla. Le je ka potlako. Ke tlolagano ya ga Jehofa.¹²Jehofa a re, ''Ke tla ralala lefatshe la Egepeto lotlhe mo bosigong joo ke ganyaola batsalwapele botlhe ba batho le ba diphologolo tsotlhe mo lefatsheng la Egepeto. Ke tla dira ditiro tsa katlholo mo medingwaneng yotlhe ya Egepeto. Ke Jehofa. ¹³Madi e tla nna sesupo mo matlung a lona fa ke feta ka lona. Fa ke bona madi, ke tla le tloganya fa ke tlhasetse lefatshe la Egepeto. Petso e ga e na go tla kwa go lona go le senyaka. ¹⁴Letsatsi le e tla nna la segopodiso mo go lona, le lo tla le ketekang e le modiro wa ga Jehofa; go ya ka dikokomana tse di tlang - e nne sefikantswe se se tla nnang modiro go ya go ileng.¹⁵Le tla ja borotho jo bo senang sebediso malatsi a le supa. Ka letsatsi la ntlha le tla ntsha dibiso mo matlong a lona. Ope fela yo tla jang borotho jo bo nang le sebidiso go tloga ka letsatsi la ntlha go ya kwa go la bosupa, a kgaolwe go tswa mo Iseraele. ¹⁶Ka letsatsi la ntlha a go nne le phuthego e itabagantseng le nna, mme ka letsatsi la bosupa go tla nna le e nngwe gape phuthego. A go se nne le epe tiro e e tla dirwang mo malatsing a, fa e se fela go apaya go re lotlhe lo je. E ka nna yone tiro eo fela e e ka dirwang ke lona.¹⁷Le keteke Modiro wa Borotho jo bo sa bidisiwang o ka go bo e e nnile lone letsatsi le ke golotseng dipalopalo tsa lona mo lefatsheng la Egepeto. Ka jalo le keteke letsatsi le go ralala dikokomana tsa lona tsotlhe e le segopodiso sa bosakhutleng. ¹⁸Le tshwanetse go ja borotho jo bo senang sebidiso go tswa mo maitseboeng a letsatsi la bolesome le bone la kgwedi ya ntlha mo ngwageng go fitlhelela ka letsatsi la bomasome mabedi le bongwe.¹⁹Mo malatsing a supa one a, ga go na sebidiso se se tla fitlhelwang mo matlung a lona. Ope fela yo o tla jang borotho jo bo nang le sebidiso o tla kgaolwa mo phuthegong ya Iseraele, e ka tswa e le wa motswakwa kana yo o tshotsweng mo lefatsheng la lona. ²⁰Lo se ka la ja sepe se nang le sebidiso. Kwa fela le tla agang teng, le tshwanetse go ja borotho jo bo sa bidisiwang.²¹Ka jalo Moshe a bitsa bagolwane botlhe ba Egepeto mme a baraya a re, ''Tsamayang le yee go phutha dikwanyana le dipotsane tse di ka lekanang go jewa ke ba malwapa a lona mme le di tlhabe kwana ya Tlolagano. ²²Mme le tseye ngata ya mosimama le e ine mo mading a le mo sejaneng. Le tshase madi a mo sejaneng mo dipating kwa tlase le kwa godimo mo malhakoreng a dipati. Go seka go tswa ope mo matlong a lona go fitlhelela mo mosong.²³Go nne Jehofa o tla feta jaana a tlhasela Baegepeto. E tla re a bona madi fa godimo ga dipati tsa matlo a lona le mo ditlhakoreng tsa dipati, o tla tloganya matlo a lona a sa letle go re mosinyi a tsene mo matlung a lona go le tlhasela.²⁴Le tlhokomele tirafalo e. Se e tla nna molao mo go lona le ditshika tsa lona. ²⁵Fa le tsena kwa lefatsheng le Jehofa a tla lo le nayang, fela jaaka a solofeditse go dira, lo dire tiro e ya kobamelo.²⁶Fa bana ba lona ba le botsa ba re, 'Mokgwa o wa kobamelo o raya eng?' ²⁷jalo le ba reye le re, 'Ke setlhabelo sa Tlolagano ya ga Jehofa, ka go bo Jehofa a ile a tlolaganya matlo a batho ba Iseraele mo Egepeto fa a tlhasetse Baegepeto. O ne a golola ba matlo a rona.'' Jalo batho ba oba difatlhego tsa bone ba obamela Jehofa. ²⁸Batho ba Iseraele ba tsamaya ba ya go dira fela jaaka Jehofa a laetse Moshe le Arone.²⁹Ga diragala go le bosigogare go re Jehofa a tlhasele batsalwapele mo lefatsheng la Egepeto, go simolola ka motsalwapele wa ga Faro, yo neng a ntse mo setilong sa bogosi, go tsena ka motsalwapele wa motho yo o mo moleteng le batsalwapele ba letsomane. ³⁰Faro a tsoga bosigo - ene, batlhanka ba gagwe botlhe, le Baegepeto botlhe fela. Ga bo go le selelo se segolo mo Egepeto, ka go ne go sena ntlo e neng go sena motho yo o suleng mo go yone.³¹Moshe a bitsa Moshe le Arone go le bosigo mme a re, ''Tsogang, tswang mo bathong ba me, lona le batho ba Iseraela. Tsamayang le ye go obamela Jehofa, fela jaaka le batlile godira. ³²Tsayang letsomane la lona le leruo la lona, jaaka le buile, mme le tsamae, mme le ntshegofatse.'' ³³Baegepeto ba bo ba itlhaganeletse go ba leleka mo lefatsheng, go nne ba ne ba re, ''Re tla swa ba rotlhe.''³⁴Jalo batho ba tsaya borotho jwa bone jo bo dubilweng ba sa bo tsenya sebidiso sepe. Dijana tsa bone tsa bodubelo di ne di setse di huneletswe mo diaparong tsa bone le mo maruding a bone. ³⁵Jaanong batho ba Iseraele ba dira jaaka Moshe a ne a ba boleletse. Ba kopa Baegepeto dijana tsa selefera, dijana tsa gouta, le diaparo. ³⁶Jehofa a bo a dirile go re Baegepeto ba kgatlhegele go itumedisa Baiseraele. Jalo Baegepeto ba ba naya tsotlhe tse ba neng ba di kopa. Ka tsela yone eo, Baiseraele ba ile ba thukutha Baegepeto.³⁷Batho ba Iseraele ba sepela go tswa mo Ramese ba ya kwa Sukothe. Ka palo ba ne ba le dikete tse thataro tsa banna ba ba tsamayang ka dinao fa godimo ga ba ba botlana. ³⁸Ba bo ba na le merafe e e kopakopaneng mo go bone, ga mmogo le letsomane le dikgomo, dipalo palo tsa letsomane. ³⁹Ba besa borotho jo bo senang sebediso ka borotho jo bo dubilweng jo ba emeletseng kwa Egepeto ka jone. Bo ne bo sa bidisiwa ka go bo ba ne ba lelekilwe kwa Egepeto mme ba tlhoka nako ya go ka apaya dijo. ⁴⁰Batho ba Iseraele ba ne ba tshidile mo Egepeto dingwaga di le makgolo a mane le masome mararo.⁴¹Mo bokhutlong jwa dingwaga tse di makgolo a mane le masome a mararo, ka lone letsatsi leo, batlhabani ba ga Jehofa ba ba ipapanneng ba tswa botlhe fela mo Egepeto. ⁴²Jo e ne e le bosigo jwa go sa robala, jwa go re Jehofa a ba ntshe mo lefatsheng la Egepeto. Jo e ne e le bosigo jwa ga Jehofa jwa go ka ketekwa ke batho botlhe ba Iseraele go kgabaganya dikokomana tsotlhe tsa bone.⁴³Jehofa a raya Moshe le Arone a re, ''Melawana ya Tlolaganyo ke e: A go se nne le ope wa batswakwa yo tla tsayang karolo mo go e jeng. ⁴⁴Mme fela, lekgoba lengwe le lengwe la Moiseraele, le le rekilweng ka madi, le ka ja fa le sena go rupisiwa.⁴⁵Batswaka le batlhanka ba ba tlhapilweng a ba seka ba ja dijo tse. ⁴⁶Dijo tse a di jelwe mo ntlung e le nngwe. Le seka la tswela kwa ntle ka nama, gape le seka la roba lerapo lepe.⁴⁷Tshaba yotlhe ya Iseraele e tshwanetse go keteka modiro o. ⁴⁸Fa motswakwa a tshela le lona mme a batla go tsaya karolo go keteka Tlolaganyo ya ga Jehofa, masika otlhe a banna ba gagwe ba tshwanetse go rupisiwa. Ka jalo le ene o ka kgona go keteka. O tla bo a tshwana fela le batho ba ba tsholetsweng mo lefatsheng. Mme fela, ga gona ope yo o sa rupisiwang yo o ka jang dijo tse.⁴⁹Molao o o tla akaretsa beng gae le batswakwa ba ba agileng mo ga lona. ⁵⁰Jalo batho ba Iseraele ba dira jaaka Jehofa a laetse Moshe le Arone. ⁵¹Ga diragala ka lone letsatsi leo go re Jehofa a golole batho ba Iseraele mo lefatsheng la Egepeto le ka mephato ya bone ya ntwa.

13¹Jalo Jehofa a bua le Moshe a re, ²''Ntlhaolele batsalwapele ba basimane, sengwe le sengwe se se tswang mo sebopelong go tswa mo Iseraele, e ka tswa e le motho kana phologolo. E tla bo e le same.''³Moshe a raya batho a re, ''Bayang se mo tlhaloganyong, letsatsi le ka lone le duleng mo Egepeto, go tswa mo ntlong ya bokgoba, Jehofa ka seatla sa gagwe se se nonofileng o ne a le ntshitse mo lefelong leo. A go seka ga nna le borotho jo bo bidisitsweng jo bo ka jewang. ⁴Le tswa mo lefatsheng la Egepeto mo go lone letsatsi le, mo kgweding ya Aviv. ⁵Fa Jehofa a le gorosa mo lefatsheng la Kanana, Bahite, Baamora, Bahite, le Bajebusa, lefatshe le ke le ikanetseng go le naya bagologolo ba lona, lefatshe le le elelang mashi le dinotshe - jaanong le tlhokomele mokgwa o wa kobamelo mo go yone kgwedi e.⁶Mo malatsing a le supa le je borotho jo bo senang sebidiso; ka letsatsi la bosupa go tla nna le mokete wa go tlotla Jehofa. ⁷Borotho jo bo senang sebidiso a bo jewa mo malatsing a supa, mme go seka ga bonala borotho jo bo nang le sebidiso mo go lone. A go seka ga nna le sebidiso gope mo melelwaneng ya lona.⁸Ka lone letsatsi leo le tla raya bana ba lona le re, "Se ke ka se Jehofa a se ntiretseng fa ke tswa mo Egepeto.'' ⁹Se e tla nna segopodiso mo ditleng tsa lona le segopodiso mo difatlhegong tsa lona. Go tla jalo go re molao wa ga Jehofa o nne mo melomong ya lona, gonne ka letsogo la gagwe o ile a le ntsha mo Egepeto. ¹⁰Ka jalo le diragatse molao o ka nako e e beilweng ngwaga le ngwaga.¹¹Fa Jehofa a le gorosa mo lefatsheng la Bakanana, jaaka a le lo ikanetse le bagologolo ba lona go dira, mme fa a le naya lefatshe, ¹²le tshwanetse go tlhaolela Jehofa setsalwapele sa sebopelo sengwe le sengwe. Setsalwapele sengwe le sengwe sa letsomane se se leng setonanyana, e tla nna sa ga Jehofa. ¹³Setsalwapele sengwe le sengwe sa tonki se tla rekololwa ka kwanyana. Mme fa le sa se rekolole, le se robe molala. Mme batsalwapele ba e leng barwa ba lona le ba rekolole.¹⁴Fa morwao a go botsa mo nakong e e tlang a re, 'Se se raya eng?' o mo reye o re, 'E ne e le ka letsogo le legolo la ga Jehofa go re ntsha mo lefatsheng la Egepeto, go tswa mo ntlong ya bokgoba. ¹⁵E rile Faro a gana ka bodipa go re gololela go tsamaya, Jehofa o ne a bolaya batsalwapele botlhe mo Egepeto, batsalwapele ba batho le ditsalwapele tsa diphologolo. Ke sone se o bonang ke ntshetsa Jehofa setlhabelo sa ditswapele tsotlhe tsa sebopelo, mme batsalwapele botlhe ba me ke tla ba rekolola.' ¹⁶Se e tla nna segopodiso mo diatleng tsa lona, le segakolodi mo difatlhegong tsa lona, gonne e nnile ka letsogo le le nonofileng go re Jehofa a le ntshe mo Egepeto.''¹⁷E rile Faro a golola batho go tsamaya, Modimo o ne a seka a ba tsamaisa ka tsela ya lefatshe la Bafilisitia, le fa e ne e le yone tsela e e gaufi. Gonne Modimo o ne a re, ''Fa gongwe batho ba ka tloga ba fetola megopolo fa ba kopana le dintwa mme ba boele kwa Egepeto.'' ¹⁸Jalo Modimo a ba dikolosa mo nageng go tsamaela kwa Lewatleng la Ditlhaka. Batho ba Iseraele ba tswa mo lefatsheng la Egepeto ba ipaakanyeditse ntwa.¹⁹Moshe o ne a tsaya marapo a ga Josefa a tsamaya ka one, ka gonne Josefa o ne a ikanisitse bana ba Iseraele a re, ''Modimo e le ruri o tla le golola, mme le tsamaeng ka marapo a me.'' ²⁰Baiseraele ba sepela go tswa mo Sukothe mme ba thibelela mo Ethame go ikhutsa mo motsheong wa sekaka. ²¹Jehofa a tsamaya fa pele ga bone e le leru go le motshegare go ba bontsha tsela. Bosigo o ne a tsamaya e le pilara ya molelo go ba fa lesedi. Ka yone tsela eo ba ne ba kgona go sepela bosigo le motshegare. ²²Jehofa o ne a seka a ntsha leru go le motshegare kana pilara ya molelo go le bosigo.

14¹Jaanong Jehofa a bua le Moshe, a re, ²''O reye batho ba Iseraele o re ba fapoge ba thibelele fa pele ga Pi Hahirothe, fa gare ga Migidole le lewatle, pele ga Baale Zephone. Le thibelele fa lewatleng go lebagana le Pi Hahirothe. ³Faro o tla akanya ka batho ba Iseraele a re, ''Ba kailakaila fela ba latlhegile mo nageng. Naga e ba tswaleletse mo go yone.''⁴Ke tla thatafatsa pelo ya ga Faro, mme o tla ba sala morago. Ke tla bona tlotlego ka lebaka la ga Faro le batlhabane ba gagwe. Baegepeto ba tla itse fa ke le Jehofa.'' Jalo Baiseraele ba thibelela fela jaaka ba laetswe. ⁵E rile fa kgosi ya Egepeto e bolelelwa go re Baiseraele ba tshabile, Faro le batlhanka ba gagwe ba fetogela se ba sedirileng. Ba re, ''Tota re a bo re dirile eng? Re golotse batho ba Iseraele mo go re direleng.''⁶Jalo a baakanya dikara tsa gagwe a bitsa le mephato ya gagwe ya ntwa. ⁷A tsaya dikara tsa gagwe tse di kgetlhegileng di le maskgolo a marataro le tse dingwe dikara tsa Egepeto fela jalo, tsotlhe di pegile badiredi ba gagwe. ⁸Jehofa a nna a thatafatsa pelo ya ga Faro, kgosi ya Egepeto, mme kgosi a latela batho ba Iseraele. Jaanong batho ba Iseraele ba bo ba tsamaile ba ikutlwetse phenyo. ⁹Mme Baegepeto ba ba latela, ba palame dipitse le dikara, balami ba dipitse le mephato ya gagwe ya batlhabane. Ba fitlhela Baiseraele ba thibeletse fa thoko ga lewatle go bapa le Pi Hahirothe, gaufi le Baale Zephone.¹⁰E rile fa Faro a atlamtse, batho ba Iseraele ba tsholetsa matlho mme ba gakgamala. Baegepeto ba bo gwanta ba ba setse morago, mme ba tlala ka letshogo. Batho b a Iseraele ba goeletsa kwa go Jehofa. ¹¹Ba raya Moshe ba re, ''Aa ke go bo go sena mabitla kwa Egepeto, go bo o re tsere go re re tle go swela mo nageng? Ke ka go reng go bo o re tsere ka tsela e e ntseng jaana, o re ntshitse kwa Egepeto? ¹²A ga se sone se re se go boleletseng re le kwa Egepeto? Re go reile ra re, ''Re tlogele, re tle re berekele Baegepeto.'Go ka nna botoka go ba berekela go na le go swela mo nageng.''¹³Moshe a raya batho a re, ''Se boifeng. Iketleng fela mme le tla bona kgololo e Jehofa a tla le e fang gompieno. Go nne Baegepeto ba le ba bonang gompieno ga le na go tlhola le ba bona gape. ¹⁴Jehofa o tla le tlhabanela, mme lona le tshwanetse go iketla fela.''¹⁵Jalo Jehofa a raya Moshe a re, ''Ke ka go reng, Moshe, go bo o santse o goeletsa kwa go nna go batla thuso? Raya batho ba Iseraele ba gatele kwa pele. ¹⁶Tsholetsa thobane ya gago, otlololela seatla sa gago kwa lewatleng mme o le kgaoganye gabedi, go re batho ba Iseraele ba tle ba ralale lewatle mo lefatsheng le le kwakwaletseng. ¹⁷O itse fela go re ke tla thatafatsa dipelo tsa Baegepeto gore ba ba sale morago. Ke tla bona tlotlego ka Faro le mephato yotlhe ya gagwe ya batlhabani, le dikara tsa gagwe, le bapalami ba gagwe ba dipitse. ¹⁸Jaanong Baegepeto ba tla lemoga fa ke le Jehofa ba sena go bona ke nna le tlotlego ka lebaka la ga Faro le dikara tsa gagwe, le bapalami ba gagwe ba dipitse¹⁹Moengele wa Modimo, yo o ntseng a tsamaya fa pele ga mophato wa Iseraele, a ba sala morago. Pilara ya molelo e e neng e tsamaya fa pele ga bone ya feta ya ema kwa morago ga bone. ²⁰Leru la feta la ema fa gare ga mophato wa Egepeto le mophato wa Iseraele. La nna leru le le ntsho ka fa ntlheng ya Baegepeto, mme la nna lesedi go le bosigo ka fa ntlheng ya Baiseraele, mme lekgamu le lengwe la seka la kgona go atlamela le lengwe bosigo jotlhe.²¹Moshe a otlololela seatla sa gagwe kwa lewatleng. Jehofa a kgarameletsa lewatle kwa morago ka phefo e kgolo ya botlhabatsatsi bosigo jotlhe mme a dira go re lewatle le nne lefatshe le le kwakwaletseng. Ka yone tsela eo metsi a bo a kgaogane gabedi. ²²Batho ba Iseraele ba tsamaela kwa bogareng jwa lewatle. Metsi a bo a ba diretse lebotla ka fa mojeng le ka fa molemeng.²³Baegepeto ba ba sala morago. Ba ba latela go goroga kwa bogareng jwa lewatle - dipitse tsotlhe tsa ga Faro, dikara, le bapalami ba dipitse. ²⁴Mme mo tetelong ya moso, Jehofa a folosetsa matlho a gagwe kwa mephatong ya batlhabane ba Egepeto go tswa mo pilareng ya molelo le leru. A tsianya Baegepeto. ²⁵Maotlwana a dikara tsa bone a thibana, mme bakgwetsi ba dipitse ba kgweetsa ka bothata. Jalo Baegepeto ba re, ''A re tshabeng Baiseraele, gonne Jehofa o a ba tlhabanela kgatlhanong le rona.''²⁶Jehofa a raya Moshe a re, ''Otlololela seatla sa gago mo lewatleng go re metsi a tle a apeese Baegepeto, dikara tsa bone, le bapalami ba dipitse tsa bone.'' ²⁷Jalo Moshe a otlololela seatla sa gagwe mo lewatleng, mme la boela mo seemong sa lone fa masa a sa. Baegepeto ba sianela mo lewatleng mme Jehofa a kgarameletsa Baegepeto fa gare ga lone. ²⁸Metsi a boa gape mme a khurumetsa dikara tsa ga Faro, bapalami ba dipitse le mephato ya gagwe ya batlhabani botlhe fela ba ba neng ba setse morago dikara morago go tsena mo lewatleng. Ga gona ope wa bone yo o neng a falola.²⁹Mme fela, batho ba Iseraele bone ba tsamaya mo lefatsheng le le kwakwaletseng fa gare ga lewatle. Metsi a bo a agile lebotla ka fa mojeng le ka fa molemeng wa bone. ³⁰Jalo Jehofa a boloka Baiseraele mo go lone letsatsi leo mo diatleng tsa Baegepeto, mme Baiseraele ba bona ditopo tsa Baegepeto mo letshitshing la lewatle. ³¹E rile Iseraele a bona nonofo e kgolo e Jehofa a e dirileng kgatlhanong le Baegepeto, batho ba boifa Jehofa, mme ba tshepa Jehofa le motlhanka wa gagwe Moshe.

15¹Jalo Moshe le batho ba Iseraele ba opelela Jehofa pina e. Bane ba opela ba re, ''Ke tla opelela Jehofa, gonne o fentse mo go itumedisang; pitse le mokgweetsi wa yone ba nwetsi mo lewatleng.²Jehofa ke nonofo ya me le pina ya me, ke ene poloka ya me. Ke ene Modimo wa me, ke tla mo rorisa, Modimo wa ga rre. Ke tla mo tsholetsa. ³Jehofa ke motlhabani, Jehofa ke leina la gagwe.⁴O latlhetse dikara tsa ga Faro le batlhabani ba gagwe mo lewatleng. Badiredi ba ga Faro ba ba tshephegang ba nwetse mo Lewatleng la Ditlhaka. ⁵Boteng bo ba khurumeditse; ba tsene kwa tlase ga boteng jaaka lentswe.⁶Letsogo la gago la moja, Jehofa, le nonofile; letsogo la gago la moja, Jehofa, le phatlaladitse mmaba. ⁷O fentse botlhe ba ba go tsogologetseng ka nonofo ya gago ya segosi. O romeletse bogale jwa gago; mme jwa ba laila jaaka dirite tse di omileng. ⁸Ka mohemo wa dinko tsa gago metsi a ile a kgobokana; metsi a a elelang a phuthagana go nna mokowa, metsi a a boteng a ema mo mpeng ya lewatle.⁹Mmaba a re, ''Ke tla ba latela, ke tla ba fitlhelela, ke tla kgaoganya tse di gapilweng, keletso ya me e tla diragadiwa mo go bone, ke tla tsholetsa tshaka ya me, seatla sa me se tla ba senyaka.'' ¹⁰Jalo o ile wa budula ka phefo ya gago, mme lewatle la ba khurumetsa; ba ne ba nwela jaaka tshipi mo metsing a magolo. ¹¹Ke mang yo o tshwanang nao, Jehofa, mo medimong yotlhe? Ke mang yo tshwanang nao, o galalela mo boitshepong, o poitshego mo dipakong, o dira dikgakgamatso?¹²O otlolotse letsogo la gago la moja, mme lefatshe la ba kometsa. ¹³Ka go nna boikanyego mo kgolaganong ya gago o ile wa goga batho ba gago ba o ba falositseng. Ka nonofo ya gago o ile wa ba gogela kwa lefatsheng le le boitshepo kwa o dulang teng.¹⁴Batho ba tla boifa, mme ba tla roroma; poitshego e tla apara batho ba Filisetiya. ¹⁵Jalo dikgosi tsa Edome di tla boifa; batlhabani ba Moabe ba tla roroma; le banni ba Kanana batla nyerologa.¹⁶Poitshego le letshogo di tla ba wela. Ka ntlha ya letsogo la gago, ba tla tuulala jaaka lentswe go fitlhelela batho ba gago ba kgabaganya, Jehofa - go fitlhelela batho ba gago ba o ba falodisitseng ba kgabaganya.¹⁷O tla ba tlisa go ba tlhoma mo thabeng ya boswa jwa gago, lefelo, Jehofa, le o le itiretseng go nna mo go lone, lefelo la boitshepo, Morena wa rona, le diatla tsa gago di le agileng. ¹⁸Jehofa o tla busa go ya go ileng.''¹⁹Dipitse tsa ga Faro di ile tsa nwela mo lewatleng mmogo le dikara tsa tsone. Jehofa o ile a ba ribegetsa ka metsi a lewatle. Mme batho ba Iseraele ba ile ba gata mo le lefatsheng le le kwakwaletseng fa gare ga lewatle. ²⁰Miriame wa moporofete sesadi, kgaitsedie Arone, a tsaya moropana, ga mmogo le basadi ba bangwe le bone ba tshotse meropana, ba bina le ene. ²¹Miriame a ba opelela a re: ''Opelelang Jehofa, go nne o fentse mo go golo thata. Pitse le mokgweetsi wa yone o ile a ba digela mo lewatleng.''²²Jalo Moshe a goga Iseraele go ya kwa pele go tswa kwa Lewatleng la Ditlhaka. Ba tsamaya ba leba kwa nageng ya Shure. Ba sepela malatsi a le mararo ba raletse naga mme ba seka ba kgona go bona metsi. ²³Jalo ba fitlha kwa Mara, mme ba palelwa ke go nwa metsi ka a ne a le botlhoko. Mme ba bitsa lefelo leo Mara.²⁴Mme batho ba ngongorega mo go Moshe ba re, ''Re ka nwa metsi kae? ²⁵Moshe a lelela kwa go Jehofa, mme Jehofa a mmotsha setlhare. Moshe a latlhela setlhare mo metsing, mme metsi a nna monate a nwega. Ya nna gone fa mo Modimo a ileng a ba fa molao o o gagametseng, mme e le go ba leka. ²⁶A ba raya a re, ''Fa le ka reetsa lentswe la ga Jehofa Modimo wa lona ka kelelelo, mme la dira se se siameng mo matlhong a gagwe, gape fa le reetsa ditaelo tsa gagwe la ikobela melao ya gagwe yotlhe fela - ga ke na go letlela ape a malwetsi a ke a tshetseng mo bathong ba Egepeto go tsena mo go lona, gonne ke nna Jehofa yo o le fodisang.''²⁷Jalo batho ba goroga kwa Elime, kwa go neng go na le metswedi e le lesome le bobedi ya metsi le ditlhare tsa makolwane di le masome a supa. Ba thibelela gone foo gaufi le metsi.

16¹Batho bane ba sepela go tswa mo Elime, mme tshaba yotlhe ya Egepeto ya fitlha kwa nageng ya Sine, e e fa gare ga Elime le Sinai, mo letsatsing la bolesome le botlhano la kgwedi ya bobedi morago ga ba sena go tswa mo lefatsheng la Egepeto. ²Tshaba yotlhe ya Iseraele ya ngongorega kwa go Moshe le Arone mo nageng. ³Batho ba Egepeto ba ba raya ba re, ''Fa segolo re ka bo re swetse mo lefatsheng la Egepeto ka seatla sa ga Jehofa fa re ne re ntsi fa dipitseng tsa nama mme gape re ja borotho re kgora. Jaanong o re tlisitse mo nageng e go bolaya tshaba ya rona ka tlala.''⁴Jehofa a raya Moshe a re, ''Ke tla le nesetsa borotho go tswa kwa legodimong. Batho ba tla nne ba tswela kwa ntle go sela selkanyo sa letsatsi ka malatsi otlhe go re ke tle ke ba leke go bona go re a batla tshegetsa melao ya me. ⁵Go tla diragala go re mo letsatsing la borataro, go re ba phuthe sebedi sa se ba ntseng ba se phutha malatsi a mangwe a pele, mme ba tla apaya se ba se phuthileng.''⁶Jalo Moshe le Arone ba raya batho ba Iseraele ba re, ''Mo maitseboeng le tla itse fa e le Jehofa yo o le ntshitseng kwa lefatsheng la Egepeto. ⁷Mo mosong le tla bona kgalalelo ya ga Jehofa, ka go nne o utlwile dingongorego tsa lona ka ene. Rona re abo re le bo mang tota mo le ka ngongoregang mo rona?'' ⁸Moshe gape a ba raya a re, ''Le tla itse fa Jehofa a le fa nama maitseboa le borotho mo mosong go re le kgore - gonne o utlwile ngongorego ya lona mo go ene. Nna le Arone re a bo re le bomang tota? Dingongorego tsa lona ga di a lebagana rona; di lebagane Jehofa."⁹Moshe a raya Arone a re, ''Raya phuthego ya batho Iseraela o re, '' Atamelang fa go Jehofa gonne o utlwile dingongorego tsa lona.'' ¹⁰Ga diragala, fela fa Arone a santse a bua le phuthego yotlhe ya batho ba Iseraela, ya re fa leba kwa nageng, bonang, kgalalelo ya ga Jehofa ya iponafatsa mo marung. ¹¹Jalo Jehofa a bua le Moshe, a re, ¹²''Ke utlwile dingongorego tsa batho ba Iseraele. Bua le bone o re, ''Mo mesong le tla ja nama, mme maitseboa le tla ja borotho le bo le kgora. Jalo le tla itse fa ke le Jehofa.''¹³Ga diragala go re go le maitseboa makwetekwio a bo a aname fa fatshe mo bothibelelong jwa bone. Mo mosong ga bo go le monyo o apeesitse bothielelo. ¹⁴Fa monyo o sena go phatlalala, ga bo go le dikgolokwanyane tse di jaaka kapoko fa fatshe. ¹⁵Fa batho ba Iseraele ba bona se, ba raana ba re, ''Mo e a bo e le eng?'' Ba ne ba sa itse go re e ka bo tota e le eng. Moshe a ba raya a re, ''Ke borotho jo Jehofa a bo le tliseditseng go bo ja.¹⁶E ke taelo e Jehofa a e ntshitseng: ''Le tshwanetse go sela, mongwe le mongwe wa lona, selekanyo se le se tlhokang go se ja, bolekana bo lekane palo ya batho baga lona. Le sele jaana: selang selekanyetso se se ka jewang ke palo ya ba ba mo ditanteng tsa lona." ¹⁷Batho ba Iseraele ba dira jalo. Ba bangwe ba sela mo go feteletseng,mme ba bangwe ba sela mo go sa lekaneng. ¹⁸E ne e re fa ba lekanya ka selekanyo sa bolekana, ba ba neng setse go le go golwane ba ne ba fitlhela go se na sepe se se ba saletseng, mme ba ba setseng go le gonnye ba ne ba salelwa ke sengwe. Mongwe le mongwe wa bone o ne a sela go ya ka se se ka ba lekanang.¹⁹Jalo Moshe a ba raya a re, ''Go seka ga nna le ope wa lona yo otla sadisang sepe go fitlhelela mo mosong. ²⁰Mme fela, ba ne ba seka ba reetsa Moshe. Bangwe ba bone ba ne ba sadisa sengwe go fitlhelela mo mosong, mme ba fitlhele go nyeula diboko go bodile. Jalo Moshe a tlala tshakgalo ka bone. Ba ne ba phutha mo go lekanyeng moso le moso. ²¹Mongwe le mongwe o ne a sela mo go lekaneng lone letsatsi leo. E ne e re fa letsatsi le gotela, ga bo go nyerologa.²²Go ne ga diragala gore mo letsatsing la borataro ba tle ba sele mo go lekanyeng ga malatsi a mabedi, malekana a le mabedi mongwe le mongwe. Bagolwane ba phuthego ba bolelela Moshe kgang e. ²³A ba raya a re, ''Jehofa o buile jaana a re, 'Ka moso ke letsatsi le le kgethegileng la boikhutso, le le itshepileng la Sabata go tlotla Jehofa. Besang se le ka batlamg go se besa, le bidise se le ka batlang go se bidisa. Se se tla bong se setse le ka se beela ka moso.'''²⁴Ba sadisetsa ka moso fela jaaka Moshe a ba laetse. Di ne tsa seka tsa bola, tsa seka tsa nna le diboko. ²⁵Moshe a ba raya a re, ''Jang dijo tseo gompieno, gonne gompieno ke letsatsi le le tlhaoletsweng go tlotla Jehofa. Gompieno ga le na go di fitlhela gope mo nageng.²⁶Le tla di sela mo malatsing a le marataro, mme letsatsi la bosupa ke Sabata. Ka Sabata ga go na go nna le manna.'' ²⁷Gone ga diragala go re mo letsatsing la bosupa batho bangwe ba emelele ba re ba ya go sela manna, mme ba seka ba fitlhela sepe.²⁸Jaanong Jehofa a raya Moshe a re, ''Go tla fitlhelela leng go re le nne le gane go boloka ditaolo tsa me le melao ya me? ²⁹Bona, Jehofa o le neile Sabata. Jalo ka letsatsi la borataro o le naya dijo tse di jewang malatsi a le mabedi. A mongwe le mongwe a nne mo ga gagwe, ope a seka a tswa ka letsatsi la bosupa. ³⁰Jalo batho ba ikhutsa ka letsatsi la bosupa.³¹Batho ba Iseraele ba ne ba bitsa dijo tseo ba re ''manna.'' Di ne di le ditshwaana, tatso ya tsone e tshwana le dipapetlana tsa boupi bo dubilwe ka tsina ya dinotshe. ³²Moshe a ba raya a re, ''Jehofa o laetse jaana: ''A bolekana jwa manna bo bolokelwe dikokomana tse di tla tlang go re ditshika tsa lona di tle di bone dijo tse ke neng ka le fepha ka tsone fa lo le mo nageng, morago ga ke sena go le golola kwa lefatshing la Egepeto.''³³Moshe a raya Arone a re, ''Tsaya pitsa mme o tlhome bolekana jwa manna mo go yone. O e boloke mo ponong ya ga Jehofa go re e tle e tlhokomelelwe dikokomana tse di tlang. ³⁴Jaaka fa Jehofa a laetse Moshe, Arone a e boloka go bapa le sebolokelo sa kgolagano mo arekeng. ³⁵Batho ba Iseraele ba ja manna dingwaga di le masome a mane go fitlhelela ba ya go goroga kwa lefatsheng le ba neng ba ya go le rua. Ba a ja go fitlelela ba goroga kwa melelwaneng ya lefatshe la Kanana. ³⁶Jaanong bolekana jo ya bo bo bidiwa omere e le selekanyo sa bongwe mo bosomeng jwa emere.

17¹Phuthego yotlhe ya batho ba Iseraele ya sepela go tswa mo nageng ya Sine, ba setse morago ditaelo tsa ga Jehofa. Ba thibelela kwa Rephidime, mme ga bo go sena metsi a ba ka a nwang. ²Batho ba supa Moshe ka monwana ka seemo sa bone ba re, ''Re siele metsi a go nowa.'' Moshe a ba raya a re, ''Le nkomanyetsa eng? Ke ka go reng fa lo leka Jehofa?'' ³Batho ba bo ba nyorilwe thata, mme ba ngongorega kgatlhanong le Moshe. Ba ne ba re, ''Ke ka go reng fa o re ntshedisitseng kwa Egepeto? Go tla go re bolala ka lenyora le bana ba rona le leruo la rona?''⁴Jaanong Moshe a lelela kwa go Jehofa a re, ''Ke dire jang ka batho ba? Ba gaufi le go nkgobotletsa ka matlapa.'' ⁵Jehofa a raya Moshe a re, ''Tsamaela kwa pele ga bone, o tsamaye le bangwe ba bagolwane ba Iseraele. Tsaya thobane ya gago e o neng wa itaya noka ka yone. ⁶Ke tla go emela kwa pele fa godimo ga letlapa kwa Horeba, mme o tla itaya letlapa. Metsi a tla pumpunyega mo go lone mme batho ba tla kgona go nwa.'' Jalo Moshe a dira jalo mo ponong ya bagolwane ba Iseraele. ⁷A bitsa lefelo leo Masa le Meriba ka gonne batho ba Iseraele ba ne ba omane le ene le go re ba ne ba lekile Jehofa ka go botsa ba re, ''A mme Jehofa o a bo a le teng tota mo gareng ga rona kgotsa ga a yo?''⁸Jaanong mophato wa ntwa wa Baamaleke ba tlhasela Iseraele gone kwa Rephidime. ⁹Jalo Moshe a raya Joshua a re, ''Tlhaola banna bangwe mme le ba latele. Le ye go tlhabana le Baamaleke. Ka moso ke tla ema fa godimo ga thaba ke tshotse thobane ya Modimo mo seatleng sa me.'' ¹⁰Jalo Joshua a tlhabana le Amaleke jaaka Moshe a laetse, fa Moshe, Arone, le Hure ba palametse kwa godimo ga thaba.¹¹Ene e re fa Moshe a tsholeditse matsogo a gagwe, Iseraele o ne a atlega mo ntweng; mme fa a a diga go itapolosa, Amaleke a bo le ene a nna le letsogwana le le fa godimo. ¹²Fa Matsogo a ga Moshe a lapa, Arone le Hure ba mmeela letlapa go re a ikhutse mo go lone. Fa a ntse fa fatshe, boo babedi ba tshegetsa matsogo a gagwe yo mongwe ka le lengwe yo mongwe le ene fela jalo ka fa le lengwe. Jalo matsogoa ga Moshe a boa tsholeditswe gofitlhelela letsatsi le phirima. ¹³Jalo Joshua a fenya Amaleke le batho ba gagwe ka tshaka.¹⁴Jehofa a raya Moshe a re, ''Kwala lekwalo le mme o le bale mo theetsong ya ga Joshua, ka gonne ke tla sutlha kgakologelo ya ga Amaleke ka fa tlase ga letsatsi'' ¹⁵Jalo Moshe a aga sebeso mme a se bitsa leina a re ''Jehofa Nissi,'' (ke gore, Jehofa o ntlhabanetse). ¹⁶O ne a re, ''Letsogo le ne la tsholelediwa kwa setilong sa ga Jehofa sa bogosi - Jehofa o ne a bolotsa ntwa kgatlhanong le Amaleke.

18¹Jetero, moperesite wa Midiane, mogwagadiagwe Moshe, a utlwalela ka tsotlhe tse Modimo o di diretseng Moshe le Iseraele batho ba gagwe. A utlwa gotwe Jehofa o ntshitse Iseraele kwa lefatsheng le Egepeto. ²Jetero, mogwagadiagwe Moshe, a busa Zipora, mosadi wa ga Moshe, yo o neng a buseditswe kwa go ene, ³le barwa ba gagwe ba babedi; leina la yo mongwe e le Gereshome, ka Moshe a ne a rile, ''Ke nnile moagedi mo lefatsheng la seeng.'' ⁴Leina la yo mongwe e ne e le Eliesere, gonne Moshe one a rile, ''Modimo wa bagologolo ba me o ne a nna thuso ya me. O ne a nkgolola mo tshakeng ya ga Faro.''⁵Jetero, mogwagadiagwe Moshe, a tla le barwa ba ga Moshe le mosadi wa gagwe mo nageng kwa a neng a thibeletse teng kwa thabeng ya Modimo. ⁶A raya Moshe a re, ''Nna ke le mogwagadiago, ke tla kwa go wena ke na le mosadi wa gago le barwa ba gagwe ba babedi.''⁷Moshe a ya go kopana le mogwagadiagwe, a oba sefatlhego, a mo atla. Ba botsana matsogo mme ba tsena mo tanteng. ⁸Moshe a bolelela mogwagadiagwe tsotlhe tse Jehofa a di dirileng mo go Faro le Baegepeto ka lebaka la Iseraele, le ka bothata jo ba kopaneng le jone mo mosepeleng wa bone, le ka fa Jehofa a ba faloditseng ka teng.⁹Jetero a itumelela tse tsotlhe tse dintle Jehofa a diretseng Iseraele, ka go bo a ba falodisitseng mo diatleng tsa Baegepeto. ¹⁰Jetero a mo raya a re, ''A Jehofa a galalediwe, ka go bo a le falodisitse mo seatlang sa Baegepeto le mo seatleng sa ga Faro,a golola batho ba gagwe mo seatleng sa Baegepeto. ¹¹Jaanong ke a itse fa Jehofa a le mogolo go medimo yotlhe, ka go nne e rile fa Baegepeto ba kgokgontsha Baiseraele, Modimoa ba falotsa.''¹²Jetero, mogwagadiagwe Moshe, a tlisetsa Modimo setlhabelo sa phiso. Arone le bagolwane ba Iseraele ba tla go ja dijo le mogwagadiagwe Moshe fa pele ga ga Jehofa.¹³Mo letsatsing le le latelang Moshe a bo a ntse a atlhola dikgang tsa batho ba gagwe. Batho ba bo ba mo emetse ka dinao go fitlhelela maitseboa. ¹⁴E rile fa mogwagadiagwe Moshe a bona se a neng a se direla batho, a mo raya a re, ''O dira eng tota ka batho ba? Ke ka go reng fa o ntse o le nosi mme batho ba botlhe ba go fapaanela go fitlhelela maitseboa?¹⁵Moshe a raya mogwagadiagwe a re, ''Batho ba tla kwa go nna ba batla bokaedi jwa Modimo. ¹⁶Fa ba na le phapaano, ba tla kwa go nna. Ke tla bo ke ba tsereganya, gape ke ba ruta ditselana le melawana ya Modimo.''¹⁷Mogwagadiagwe Moshe a mo raya a re, ''Se o se dirang ga se molemo. ¹⁸O tla itsenya letsapa e le ruri, wena le batho ba o nang le bone. Morwalo o o bokete fela thata mo go wena. Ga o kake wa kgona go o dira o le nosi. ¹⁹Ntheetse sentle. Ke tla go fa kgakololo, le Modimo o tla nna nao, ka go bo o le moemedi wa batho, mme o isa dikgotlhang tsa bone kwa go ene. ²⁰O tshwanetse go ba ruta ditselana le melao ya gagwe. O ba bontshe tsela e ba ka tsamayang ka yone le ditiro tse ba ka di dirang.²¹Jaanong, ikgetlhele banna ba ba nang le bokgone mo bathong botlhe, ba ba tlotlang Modimo, banna ba ba nang le buammaaruri ba ba se kakeng ba rekwa. O ba kgaoganye go nna baatlhodi ba ditlhopana tse di sekete, le tse di lekgolo, le tse di makgolo a matlhano, tse di lesome. ²²A ba atlhole batho mo dikganyeng tsa malatsi otlhe, mme tse di thata tsone ba tla di tlisa kwa go wena. Fa e le dikgang tse di potlana, e tla nna bone ba ba tla di atlholang. Ka yone tsela eo go tla nna motlhofo mo go wena, mme ba tla rwadisana morwalo le wena. ²³Fa o ka dira jalo, fa Modimo o laetse go re o dire jalo, o tla kgona go itshokela se, le batho botlhe ba tla ya magaboneng ka kagiso.²⁴Jalo Moshe a reetsa mafoko a ga mogwagadiagwe mme a dira sengwe le sengwe se a se buileng. ²⁵Moshe a tlhaola banna ba ba nang le bokgone go ralala Iseraele mme a ba dira ditlhogo tsa batho, a ba dira baeledipele ba dikete, ba makgolo, masome matlhano le lesome. ²⁶Ba atlhola batho mo dikganyeng tsa gale le gale. Tse di thata ba di fetisetsa kwa go Moshe, mme bone ba atlhola tse di potlana. ²⁷Jalo Moshe a golola mogwagadiagwe go tsamaya, mme Jetero a boela kwa ga gagwe.

19¹Mo kgweding ya boraro morago ga batho ba Iseraele ba sena go tswa mo Egepeto, ka lone letsatsi leo, ba goroga mo nageng ya Sinai. ²Morago fa ba sena go tswa mo Rephidime le go goroga mo nageng ya Sinai, ba thibelela mo sekgweng ga pele ga thaba.³Moshe a palamela kwa Modimong. ⁴Jehofa a mmitsa go tswa mo thabeng a re, ''O tshwanetse go bolelela ntlu ya ga Jakoba, batho ba Iseraele o re: ⁵"Le bonye se ke se dirileng batho ba Egepeto, le ka fa ke ba rweleng ka diphuka tsa bontsu mme ka lo tlisa mo go nna. Mme jaanong, fa le ka reetsa lentswe la me ka kelelelo mme la tshegetsa kgolagano ya me, jalo le tla nna batho ba me ba ba kgetlhegileng ruri go tswa mo bathong botlhe, gonne lefatshe ke la me. ⁶Le tla nna bogosi jwa baperesite le tshaba ya me e e itshepileng. Ao ke one mafoko a le tshwanetseng go a bua le batho ba Iseraele.''⁷Jalo Moshe a bitsa bagolwane ba batho. A ba baya pele mafoko aJehofa a a mo a laetseng. ⁸Batho botlhe ba arabela gangwe ba re, ''Re tla diragatsa tsotlhe tse Jehofa a se buileng.'' Jalo Moshe a bega mafoko a batho kwa go Jehofa. ⁹Jehofa a raya Moshe a re: ke tla kwa go wena ke le mo lerung le lekima go re batho ba nkutlwe fa ke bua le wena gore le bone ba dumelele ruri.'' Jalo Moshe a isa mafoko a batho kwa go Jehofa.¹⁰Jehofa a raya Moshe a re, ''Tsamaya o ye kwa bathong. Gompieno le ka moso o ba ntlhaolele, mme o ba reye ba tlhatswe diaparo tsa bone. ¹¹Ba ipaakanyetse letsatsi la boraro, gonne ka letsatsi la boraro Jehofa o tla fologela kwa Thabeng ya Sinai.¹²O direle batho melelwane go dikologa thaba. O ba reye o re, 'Tlhokomelang go re ga le palame thaba le fa e le go e kgoma. Mang fela yo tla kgomang thaba e o tla bolawa. ¹³Ga gona seatla sa ga ope se se tshwanetseng go mo ama. Fela, o tla bo a tshwanelwa ke go kgobotlediwa ka matlapa kana go hulwa. E ka nna phologolo kana motho, ga a tshwanela go tshela. Fa lenaka le lela phetelela, ke gone ba ka tlang kwa thabeng.¹⁴Jalo Moshe a fologa thaba a ya kwa bathong. A tlhaola batho ba ga Jehofa mme ba tlhatswa diaparo tsa bone. ¹⁵A raya batho a re, ''Le ipaakanyetse letsatsi la boraro; le seka la amana le basadi ba lona.''¹⁶Mo letsatsing la boraro, go sale mo mosong, ga nna diphefo le dikgadima le leru le le loileng mo thabeng, mme ga utlwala modumo o mogolo wa lenaka la phelefu. Batho botlhe mo bothibelelong ba roroma. ¹⁷Moshe a ntsha batho mo bothibelelong go kopana le Modimo, mme ba ema fa tlase ga thaba. ¹⁸Thaba ya Sinai ya bo e apeesitswe ke leru gobane Jehofa o ne a fologetse mo go yone ka molelo le mosi. Mosi wa kueletsa kwa godimo jaaka mosi wa leubelo, mme thaba yotlhe ya reketla ka bokete.¹⁹E rile fa modumo wa phelefu o golela kwa godimo phetelela, Moshe a bua, mme Modimo wa mo araba ka lentswe. ²⁰Jehofa a fologela kwa godimo ga thaba ya Sinai, a biletsa Moshe kwa godimo ga thaba. Jalo Moshe a palama. ²¹Jehofa a rfaya Moshe a re, ''Fologa o tlhagise batho, ba seka ba tlola melelwane go leka go mpona, e seng jalo ba ka felela ba nyeleditswe. ²²A baperesite ba le bone ba ba tla tlang kwa go nna ba itlhaole -ba ipaakanyetse go tla ga me - go re ke seka ka gosomanela mo go bone.''²³Moshe a raya Jehofa a re, ''Batho ga ba na go tla kwa Thabeng ya Sinai, ka go bo o ntshitsa taelo wa re, Tlhomang melelwane go dikologa thaba mme le e tlhaolele Jehofa.'' ²⁴Jehofa a mo raya a re, ''Fologa o ye go tla le Arone, mme o seka wa letlelela batho go thuba melelwane go leka go tla go bona Jehofa, e seng jalo o tla gosomanela mo go bone.'' ²⁵Jalo Moshe a fologela kwa bathong mme a bua le bone.

20¹Modimo a bua mafoko a a re, ²''Ke Jehofa Modimo wa lona, yo ke lo ntshitseng kwa lefatshing la Egepeto, go tswa mo ntlong ya bokgoba. ³Lo seka la nna le modimo ope gape go na le nna.⁴Lo seka lwa ipetlela sepe fela le e ka nna se se tshwanang le sepe se se kwa godimo, kana kwa tlase ga lefatshe, le fa e le ka fa tlase ga metsi. ⁵Lo seka la di ikobela le fa e le go di obamela, gonne, nna, Jehofa Modimo wa lona, ke Modimo o o lefufa. Ke otlhaya boikepo jwa bagologolo ka go folosetsa katlholo mo dikokomaneng, go ya fela kwa dikokomaneng tsa boraro le tsa bone tsa botlhe ba ba ntlhoileng. ⁶Mme fela ke supa lerato le le emeng ka bosakhutleng mo go botlhe ba ba nthatang gape e bile ba boloka ditaolo tsa me.⁷Lo seka lwa tsaya leina la ga Jehofa lolea, gonne ga ke na itlhokomolosa ope fela yo o tsayang leina la me lolea.⁸Lo gakologelwe latsatsi la Sabata, lo le e ntlhaolele. ⁹Lo ka bereka la dira ditiro tsotlhe tsa lona mo malatsing a mangwe a marataro. ¹⁰Mme letsatsi la bosupa ke letsatsi la Sabata la ga Jehofa Modimo wa lona. Mo go lone lo se ka la dira sepe, wena, le morwao, le morwadio, le fa e le motlhanka wa gago wa monna, le fa e le wa mosadi, le fa e le letsomane, le fa e le motswakwa yo o mo teng ga bonno jwa lona. ¹¹Jehofa o dirile magodimo le lefatshe, lewatle, le sengwe le sengwe tse di mo go tsone mo malatsing a le marataro, mme a ikhutsa ka letsatsi la bosupa. Jalo Jehofa o ne a segofatsa letsatsi la bosupa mme a le tlhaola.¹²Tlotla rrago le mmago, go re o nne le malatsi a le mantsi mo lefatsheng le Jehofa Modimo wa gago a le go nayang. ¹³O seka wa bolaya ope. ¹⁴O seka wa dira boaka.¹⁵O seka wa utswa sepe sa ga ope. ¹⁶O seka wa ntsha bosupi jwa maaka kgatlhanong le moagisanyi le wena. ¹⁷O seka wa eletsa mosadi wa moagisanyi wa gago, le fa e le batlhanka ba gagwe ba banna, le fa e le ba basadi, le fa e le kgomo, tonki, kana sepe fela se e eleng sa moagisanyi.¹⁸Batho botlhe ba bona dikgadima ba utlwa le tumo ya maru mme ba utlwa go galaotega ga lenaka la phelefu, mme ba bona mosi o kueleltsa mo thabeng. Fa batho ba bona seo, a roroma mme ba emela kgakala. ¹⁹Ba raya Moshe ba re, ''Bua le rona, mme re tla reetsa. mme o seka wa dira go re e nne Modimo o buang lerona, e seng jalo re tla swa.'' ²⁰Moshe a raya batho a re, ''Se boifeng, Modimo o tlile go le leka gore aa ruri tlotlego ya gagwe e teng mo go lona, go re lo seka la leofa. ²¹Jalo batho ba emela kgakajana, mme Moshe atlamela lefifi le le loileng kwa Modimo a leng teng.²²Jehofa a raya Moshe a re, "Lo reye batho ba Iseraele le re: ''Lona ka bolona le iponetse ka fa ke neng ka bua le lona go tswa legodimong. ²³Le seka la nna le medimo e mengwe go e bapisa le nna, e le medimo ya selefera le medimo ya gouta.²⁴Le ntirele sebeso sa letsopa, mme le ntirele ditlhabelo tsa phiso, ditlhabelo tsa bokopano, le tsa dinku le dikgomo mo go sone. Gongwe le gongwe kwa ke tla ikgetlhelang go re leina la me le godisetswe teng, ke tla tla tla teng go lo segofaletsa kwa go lone. ²⁵Fa le ka ntirela sebeso sa lejwe, lo seka la se aga ka majwe a a thubilweng, ka gonne fa le ka dirisa didirisiwa tsa lona, le tla bo le se itshekolotse. ²⁶Le seka la palamelela go ya kwa sebesong sa me, go re bosaikategang bo seka ja itshupa.

21¹Jaanong tse ke ditaelo tse o tshwanetseng go di baya fa pele ga bone.²Fa o reka motlhanka wa Mohebera, o tshwanetse go tla go bereka dingwaga di le thataro, mme mo ngwageng wa bosupa o tla gololwa a sa duele sepe. ³Fa a itletse ka bo ene, le fa a nyetse, mosadi wa gagwe o tshwanetse go tsamaya naye, le ene a sa duele sepe. ⁴Fa e le o mong wa gagwe a mo abetseng mosadi mme a mo tsholetse bana ba basimane le ba ba basetsana, mosadi le bana ba gagwe e tla nna ba mong wa gagwe, mme le ene fela jalo o tla itsamaela ka boene a sa duele sepe.⁵Mme fa motlhanka a ka re ka bo ene a re, ''Ke rata mong wa me, mosadi wa me le bongwanake, ga ke na go dumela go tsamaya,'' ⁶mong wa gagwe o tla mo isa kwa ntlung ya Modimo. Mong wa gagwe o tla mo emisa fa kgorong, mme mong wa gagwe o tla o phunya tsebe ka lomao la thoko. Jalo motlhanka o tla mo direla botshelo jwa gagwe jotlhe.⁷Fa monna a rekisa morwadie go nna lekgoba la mosadi, ga a na go tsamaya fela kwa ntle ga tuelo epe jaaka go dira ba banna. ⁸Mme fa a sa itumedise mong wa gagwe, yo o mo itlhaoletseng, o ka mo tlogela go itsamaela morago ga thekololo. Ga a na tshwanelo ya go mo rekisetsa batswakwa. Ga a na tshwanelo eo, ka gonne o tla bo a mo tsere ka tsietso.⁹Fa mong wa gagwe a ka mo itlhophela go nna mosadi mme a mo tsholela morwa, o tla mo tsaya fela jaaka ekete ke morwadie. ¹⁰Fa a tsaya mosadi o mongwe, ga a tshwanela go mo ngotlela dijo, diaparo, le fa ele ditshwanelo tsa gagwe tsa lenyalo. ¹¹Mme fela fa a mo itsa ditshwanelo tse tharo tse, o ka mo tlogela a itsamaela kwa ntle ga tuelo epe.¹²Ope fela yo o betsang motho ope go fitlhelela a swa, motho yo le ene o tla bolawa. ¹³Fa motho yo a sa mo lalela go mmolaya, mme e le Modimo a letlileng go re go nne jalo, jalo ke tla le supegetsa kwa a ka tshabelang teng. ¹⁴Mme fa motho a laletse motho go mmolaya ka bomo, le mo tseye, le fa a ka tswa a le fa sebesong sa Modimo, a le ene le a bolawe.¹⁵Ope fela yo o ka betsang rraagwe kana mmagwe a bolawe. ¹⁶Ope fela yo o thopang motho - o ka tswa e le go mo rekisa, kana a ka fitlhelwa mo diatleng tsa gagwe, mothopi yoo a bolawe. ¹⁷Ope fela yo o rogang rraagwe kana rraagwe a ruri a tseelwe botshelo.¹⁸Fa banna ba lwa mme yo mongwe a itaya yo mongwe ka letlapa kana ka mabole, mme motho yoo a sa swa, mme a feletse a le mo diphateng; ¹⁹fela fa a ka kgona go tsoga mme a tsamaya ka thobane, yo o mo iteileng o tla tshwanela go mo duelela sebaka se a se mo dietseng; mme e bile a mo tlamele go fitlhelela a fola. Mme monna yoo ga a na molato wa polao.²⁰Fa monna a iteile motlhanka wa gagwe wa monna kana wa mosadi ka thobane, mme motlhanka a tlhokafala ka lebaka la titeo, monna yoo o tshwanetse go otlhaiwa. ²¹Mme fela, fa motlhanka a ka tshela letsatsi kana a le mabedi, ga go go nna le pusulosetso, ka gonne o tla bo a latlhegetswe ke motlhanka wa gagwe.²²Fa banna ba lwa mme ba golafatsa mosadi yo o imileng mo a tla felelang a latlhegetswe ke boimana, mme go sena kgobalo epe gape mo go ene, yo o molato o tla patalediwa go lefa tefo e monna wa mosadi a tla e lopang mo go ene, mme gape o tla lefa se baatlhodi ba tla atlholang ka teng. ²³Mme fa go na le dikgobalo tse di masisi, jalo botshelo bo tla lefelwa ke botshelo, ²⁴leitlho ke leitlho, leino ke leino, letsogo ke letsogo, leoto ke leoto, ²⁵phiso ke phiso, thurugo ke thurugo.²⁶Fa monna a ka itaya leitlho la motlhanka wa gagwe wa monna kana wa mosadi mme a le senya, a tlogele motlhanka a itsamaele e le yone tefo ya leitlho la gagwe. ²⁷Fa a ka ntsha leino la motlhanka wa gagwe wa monna kana wa mosadi, a a mo tlogele a itsamaele e le yone tefo ya leino la gagwe.²⁸Fa kgomo e ka tlhaba monna kana mosadi go re a swe, kgomo eo e tla kgobotlediwa ka matlapa, mme nama ya yone ga e na go jewa; mme mong wa kgomo ga a na go bonwa molato. ²⁹Mme fa kgomo e itsege ka go tlhaba batho go le pele, mong wa yone a tlhagisitswe mme a seka a e tlhokomela, mme kgomo eo e feletse e bolaile monna kana mosadi, kgomo eo a e kgobotlediwe, mme mong wa yone le ene a bolawe. ³⁰Fa go ka batlega thekololo ya botshelo jwa gagwe, o tla duela thekololo ya botshelo jwa gagwe ka se se tla bong se lopilwe go re a se duele.³¹Fa kgomo e tlhabile morwa kana morwadie monna, mong wa kgomo o tla dira se molao o reng a se dire. ³²Fa kgomo e tlhabile motlhanka wa monna kana wa mosadi, mong wa kgomo o tla duela dishekele tsa selefera di le masome mararo, mme kgomo e tla kgobotlediwa.³³Fa monna a ka epa sediba, kana fa monna a ka epa sediba mme a sa se khurumela, ³⁴mme kgomo ya wela mo go sone, mong wa sediba o tla lefela ditshinyegelo. O tla duela mong wa kgomo e e suleng ka madi, mme kgomo e e suleng e tla nna ya gagwe.³⁵Fa kgomo ya motho e ka golafatsa ya yo mongwe mme ya felela e sule, a ba rekise e e suleng mme ba kgaogane madi, mme gape ba kgaogane kgomo e e suleng. ³⁶Mme fa go ne go itsege go re kgomo eo e na le mokgwa wa go tlhaba tse dingwe go le pele, mme mong wa yone a sa e tlhokomela, o tshwanetse go lefa kgomo ka kgomo, mme e suleng e tla nna ya gagwe.

22¹Fa monna a ka utswa kgomo kana nku mme a e bolaya kana a e rekisa, o tla tshwanela go lefa kgomo e le nngwe ka dikgomo tse tlhano, le go lefa nku e le nngwe ka dinku tse nne. ²Fa legodu le fitlhelwa le thuba, mme la itewa go fitlhelela le swa, ga gona yo o tla balelwang molato wa polao mo kganyeng eo. ³Me fa letsatsi le tlhabile le santse le e se le thubi, motho yo o tla le bolayang o tla balelwa molato wa polao. Legodu le tshwanetse go lefa. Mme fela fa le sena sepe se le ka lefang ka sone, le tla rekisiwa ka lebaka la bogodu jwa lone. ⁴Fa phologolo ya bogodu e ka fitlhelwa mo go ene, e ka bo e le kgomo, tonki, nku, a a duele sebedi.⁵Fa monna a hudisa letsomane la gagwe mo tshimong ya gagwe ya mabele kana ya mafine mme a timetsa diruiwa tsa gagwe, mme di feletse di hula mo tshimong ya monna yo mongwe, o tshwanetse go lefa ka tse dintle tsa tshimo ya gagwe ya mabele kana ya mafine.⁶Fa molelo o ka tlhagoga mme wa felela o tshuba matlhako le go fitlhelela kwa mabeleng a a robilweng, le a santseng a eme, kana wa laila tshimo yotlhe, yo o simolotseng molelo o tshwanetse go lefa.⁷Fa monna a a naya mabapi wa gagwe madi kana dithoto go di mo tlhokomelela, mme fa di ka utswiwa mo ntlong ya gagwe, fa legodu le ka tshwarwa, a le duele sebedi. ⁸Mme fa legodu le sa bonwa, jalo mong wa ntlu o tla ema fa pele ga baatlhodi go re ba sekaseke go re a mme ga se ene yo o nang le seabe go nyeleleng ga dithoto tsa ga mabapi wa gago. ⁹Tshenyo nngwe le nngwe, e ka nna ya kgomo, tonki, nku, diaparo, le fa e kanna sepe se se timetseng se mongwe a ka reng, ''Se ke sa me,'' ka bobedi ba ba ganetsanyang ka seo a ba tle fa pele ga baatlhodi. Monna o tla bonwang molato otla duela sebedi.¹⁰Fa monna a ka neela mabapi le ene tonki, kgomo, nku,kana phologoloepe fela go di tlhokomela, fa e ka swa kana e ka golafala kana ya tsewa go sena ope yo bonyeng yo o e tsereng, ¹¹botlhe ka bobedi ba tshwanetse go ikana fa pele ga ga Jehofa, go supa fa ope wa bone a sena seabe mo go nyeleleng ga tsone. Mong o tshwanetse go amogela maduo mme ga gona ope yo o tla lebagang le tefo. ¹²Mme fa e ne e utswilwe mo go ene, o tla tshwanelwa ke go lefa kwa go mong wa yone. ¹³Fa phologolo e garotswe dirwe, a monna yo mongwe a tle ka phologolo e le bosupi. Ga a na go lefa se se garotsweng.¹⁴Fa monna a adimile phologolo mo go mabapi wa gagwe mme phologolo ya golafala kana ya swa mme mong wa yone a seo, yo o e adimileng o tshwanetse go dira tefo. ¹⁵Mme fa mong wa yone a ne a na le yone, mong wa yone, ga a na go lefa. Mme fa phologolo e ne e adimilwe, e tla duelelwa ka madi a kadimo.¹⁶Fa monna a ka fepa kgarejwana e e sa beelediwang, mme a robala le yone, a ruri a mo duelele bogadi jo bo lopiwang mme a mo dire mosadi wa gagwe. ¹⁷Fa rragwe a ka gana go mo mo neela go nna mosadi wa gagwe, a ntshe madi a a lekanang le a bogadi e le a tshenyo ya bokgarejwana jwa gagwe.¹⁸¹⁹Le seka la letla baloi go tshela. Yo fela a tla robalang le phologolo a ruri a bolawe.²⁰Yo fela a tla direlang medimo e mengwe kwa ntle ga ga Jehofa o tshwanetse go nyelediwa. ²¹O seka wa direla motswakwa molato kana go mo gatelela, gonne lo ne lo le batswakwa mo lefatsheng la Egepeto.²²O seka wa bogisa motlholagadi le fa e le khutsana. ²³Fa o ka ba utlwisa botlhoko, mme ba lelela kwa go nna, ruri ke tla utlwa selelo sa bone. ²⁴Bogale jwa me bo tla tuka, mme ke tla le ganyaola ka tshaka, basadi ba lona e tla nna batlholagadi, mme bana ba lona ba tla nna dikhutsana.²⁵Fa o adima batlhoki ba ba go lona madi, o seka wa nna jaaka moatisi wa madi le gone lo seka lwa ba lopa morokotso. ²⁶Fa o tsaya seaparo sa mabapi wa gago go nna peelelo, o tshwanetse go se busa pele fa letsatsi le phirima, ²⁷ka gonne ke sone sebipo sa gagwe; ke seaparo sa mmele wa gagwe. E seng jalo o tla robala a apere eng? Fa a goeletsa kwa go nna, ke tla mo utlwa, gonne ke pelotlhomogi.²⁸O seka wa nthapatsa, kana wa hutsa mmusi wa batho ba gago.²⁹O seka wa ipeela ditshupelo tsa thobo ya gago le fa e le tsa matlhotlhelo a mofine. O nkitshetshe batsalwapele ba gago ba basimane. ³⁰O dire jalo gage le ka dikgomo le dinku tsa gago. A di nne mo go bommaatso malatsi a le marataro, mme mo letsatsing la bosupa o di ntlhaolele. ³¹Lo tla nna batho ba ba tlhaoletsweng nna. Jalo lo seka lwa ja nama e e garotsweng ke dibatana mo nageng. Fela, lo di latlhele go jewa ke dintsa.

23¹O seka wa ntsha pego e e seng ya boammaaruri ka ope. O seka wa tshwaragana le ba ba bosula go supela tse di bosula. ²O seka wa latela bontsi go dira bosula, gape o seka wa sokamisa bosupi o tsaya letlhakore la bontsi go faposa tshiamo. ³O seka wa tsaya letlhakore la motlhoki mo tshekong ya gagwe fela ka go bo a le motlhoki.⁴Fela fa o kopana le kgomo kana tonki ya mmaba wa gago e timetse, o tshwanetse go e busetsa kwa go ene. ⁵Fela fa o bona tonki ya mongwe yo o sa mo rateng e wetse fa fatshe ka ntlha ya morwalo, o seka wa tlogela motho o sa mo thusa. O tahwanetse go mo thusa go e tsosa.

Baatlhodi

1¹Morago ga loso lwa ga Joshua, batho ba Iseraele ba botsa Modimo Yahweh ba re, ''Ke mang yo o tla re tlhaselelang Bakanana pele, fa re lwa le bone?'' ²Modimo Yahweh a re, ''Juta o tla tlhasela. Bonang, ke ba neile taolo ya lefatshe le.'' ³Banna ba Juta ba raya banna ba Simeone, barwarraabone, ''Tlang le rona mo lefatsheng le re le abetsweng gore mmogo re tle le lwe le Bakanana. Mme le rona re tla tsamaya le lona kwa lefatsheng le le le abetsweng.'' Jalo morafe wa Simeone wa tsamaya le bone.⁴Banna ba Juta ba tlhasela, Modimo Yahweh a ba neela phenyo godimo ga Bakanana le Baperesi. Ba bolaya ba le dikete tse lesome kwa Beseke. ⁵Ba fitlhela Atoni Beseke kwa Beseke, ba lwa le ene ba fenya Bakanana le Baperesi.⁶Mme Atoni Beseke a sia, ba mo alola ba mo tshwara, mme ba kgaola menwana e metona ya gagwe ya dinao le ya diatla. ⁷Atoni Beseke a re, ''Dikgosi di le masome a supa, tse di neng tsa kgaolwa menwana e metona ya dinao le diatla, di ne di sela dijo ka fa tlase ga tafole ya me. Modimo o ntira jaaka ke ne ke dirile.'' Ba mo tsisa kwa Jerusalema mme a swela teng.⁸Banna ba Juta ba lwa le toropokgolo ya Jerusalema mme ba e gapa. Ba ne ba e tlhasela ka bogale jwa tshaka mme ba tshuba toropokgolo ka molelo. ⁹Morago ga foo, banna ba Juta ba ya go lwa le Bakanana ba ba neng ba nna kwa lefatsheng la dithaba, mo Nekefe, le mehapha ya dithaba tsa bophirimatsatsi. ¹⁰Juta a tsamaela kwa pele kgatlhanong le Bakanana ba ba neng ba nna kwa Heberone ( leina la Heberone e ne e le Kiriathe Araba ), mme ba fenya Sheshai, Ahimane, le Talamai.¹¹Go tloga foo banna ba Juta ba tsamaela pele kgatlhanong le banni ba Tebiri ( leina la Tebiri pele e ne e le Kiriathe Sephere ). ¹²Kalebe a re, ''Le fa e le mang yo o tlhaselang Kiriathe Sephere a bo a e gapa, ke tla mo neela Akasa, morwadiake, go nna mosadi wa gagwe.'' ¹³Otheniele, morwa Kenase ( monnawe Kalebe ) a gapa Tebiri, jalo Kalebe a mo neela Akasa, morwadie, go nna mosadi wa gagwe.¹⁴Go ise go ye kae, Akasa a tla kwa go Otheniele a mo rotloetsa go kopa rraagwe go mo fa tshimo. Jaaka a ne a fologa tonki ya gagwe, Kalebe a mmotsa, ''Ke ka go direle eng?'' ¹⁵A mo raya a re, ''Mphe tshegofatso. Jaaka o mphile lefatshe la Nekefe, mphe gape le metswedi ya metsi.'' Jalo Kalebe a mo neela metswedi e e kwa godimo le metswedi e e kwa tlase.¹⁶Bana ba bana ba mogwegadi wa ga Moshe wa Mokenite ba tswa kwa Toropokgolong ya Dipalema le batho ba Juta, ba tsena kwa nageng ya Juta, e e leng Nekefe, go nna le batho ba Juta gaufi le Arata. ¹⁷Mme banna ba Juta ba tsamaya le banna ba Simeone, barwarraabone, ba ya go tlhasela Bakanana ba ba neng ba nna kwa Sephatha mme ba e senya mo go feletseng. Leina la toropokgolo e ne e le Horoma.¹⁸Batho ba Juta le bone ba gapa Gasa le lefatshe le le e dikologileng, Ashekelone le lefatshe le le e dikologileng, Ekerone le lefatshe le le e dikologileng. ¹⁹Modimo Yahweh o ne a na le batho ba Juta, mme ba ne ba gapa lefatshe la dithaba, mme ba ne ba sa kgone go koba banni ba leboa gonne ba ne ba na le dikolotsana tsa ntwa tsa tshipi.²⁰Heberone o ne a neelwa Kalebe ( jaaka Moshe a ne a buile ), mme a koba mo lefelong leo bana ba ga Anaka ba bararo. ²¹Mme batho ba Benjamene ba se ka ba kgona go koba Bajebusi ba ba neng ba nna mo Jerusalema. Jalo Bajebusi ba ntse le batho ba Benjamene mo Jerusalema go fitlhelela gompieno.²²Ntlo ya ga Josefa ya ipaakanyetsa go tlhasela Bethele, mme Modimo Yahweh o ne a na le bone. ²³Ba roma banna go tsaya Bethele ditlholwa ( toropokgolo e e ne e bidiwa Luse pele ). ²⁴Batsayaditlholwa ba bona monna a tswa mo toropokgolong, mme ba mo raya ba re, ''Re bontshe, tsweetswee, gore re ka tsena mo toropokgolong jang, re tla nna pelonomi mo go wena.''²⁵A ba bontsha tsela ya go tsena mo toropokgolong. Mme ba tlhasela toropokgolo ka bogale jwa tshaka, mme ba letlelela monna le botlhe ba lelwapa la gagwe go sia. ²⁶Mme monna a ya kwa lefatsheng la Bahite, mme a aga toropokgolo a e bitsa leina a re ke Luse, leina le e bidiwang ka lone go fitlha gompieno.²⁷Batho ba Manase ba se ka ba koba batho ba ba neng ba nna mo ditoropokgolong tsa Bethe Shane le metse ya yone, kgotsa Taanaka le metse ya yone, kgotsa ba ba neng ba nna mo Toro le metse ya yone, kgotsa ba ba neng ba nna mo Ibeliame le metse ya yone, kgotsa ba ba neng ba nna mo Mekito le metse ya yone, gonne Bakanana ba ne ba ikaeletse go nna mo lefatsheng leo. ²⁸Fa Iseraele e nonofa, ba patika Bakanana go ba direla ka go dira mo go makgwakgwa, mme ga ba a ka ba ba koba gotlhelele.²⁹Efireme ga a ka a koba Bakakanana ba ba neng ba nna mo Gesa, ka jalo Bakanana ba ile b tswelela ba nna mo Gesa mogareng ga bone.³⁰Sebulane ga a a ka a koba batho ba ba neng ba nna mo Kitirone, kgotsa batho ba ba neng ba nna mo Nahalola, mme Bakanana ba tswelela ba nna gare ga bone, mme Sebulane a patika Bakanana go ba direla ka go dira mo go makgwakgwa.³¹Ashere ga a a ka a koba batho ba ba neng ba nna mo Ako, kgotsa batho ba ba neng ba nna mo Sitone, kgotsa ba ba neng ba nna mo Ahalaba, Akasibe, Heleba, Afiki, kgotsa Rehoba. ³²Jalo morafe wa Ashere o ne o nna fa gare ga Bakanana ( ba ba neng ba nna mo lefatsheng ), gonne ga ba a ka ba ba koba.³³Morafe wa Nafetali ga ba a ka ba koba batho ba ba neng ba nna mo Bethe Shemeshe, kgotsa ba ba neng ba nna mo Bethe Anathe. Jalo morafe wa Nafetali o ne o nna fa gare ga Bakanana ( batho ba ba neng ba nna mo lefatsheng leo ). Le fa go ntse jalo, banni ba Bethe Shemeshe, le Bethe Anathe ba ne ba patikiwa go dira mo go makgwakgwa ke Nafetali.³⁴Baamori ba patika morafe wa Tene go nna kwa lefatsheng la dithaba, ba sa ba letlelele go tla kwa tlase kwa leboeng. ³⁵Jalo Baamori ba ne ba nna kwa thabeng ya Herese, mo Aijalone, le mo Shaalebime, mme maatla a sesole a ntlo ya ga Josefa a ba fenya, mme ba ba patika go ba direla ka go dira mo go makgwakgwa. ³⁶Molelwane wa Baamori o ne o tswa kwa thabeng ya Akarabime kwa Sela go ya mo lefatsheng la dithaba.

2¹Moengele wa Modimo Yahweh o ne a tswa kwa Kilikala a ya Bokimi, mme a re, ''Ke le ntshitse kwa tlase kwa Egepeto, mme ka le tsisa mo lefatsheng le ke ikanneng go le neela borraalona. Ke ne ka re, 'Ga ke kitla ke roba kgolagano ya me le lona. ²Le se ka la dira kgolagano le ba ba nnang mo lefatsheng le. Le tshwanetse go senya dialetara tsa bone.' Mme ga le a reetsa lentswe la me. Ke eng se le se dirileng se?³Jaanong ka re, 'Ga ke na go koba Bakanana fa pele ga lona, ba tla nna mmitlwa mo matlhakoreng a lona, mme medimo ya bone e tla nna selaga mo go lona.''' ⁴Fa moengele wa Modimo Yahweh a bua mafoko a le batho botlhe ba Iseraele, batho ba kua ba lela. ⁵Ba bitsa lefelo leo Bokimi. Ba ntshetsa Modimo Yahweh ditlhabelo foo.⁶Jaanong fa Joshua a se na go romela batho gore ba tsamaye, mongwe le mongwe wa batho ba Iseraele a ya kwa lefelong le a le abetsweng, go rua lefatshe la gagwe. ⁷Batho ba ne ba direla Modimo Yahweh ka nako ya go tshela ga ga Joshua le bagolwane ba ba neng ba tshela boleele go mo feta, bao ba boneng ditiro tse dikgolo tse Modimo Yahweh a di diretseng Iseraele. ⁸Joshua morwa Nune, motlhanka wa Modimo Yahweh, o sule a le dingwaga tse 110.⁹Ba mmolokile mo teng ga melelwane ya lefatshe le a neng a le abetswe mo Timonatha Herese, mo lefatsheng la dithaba la Iforaime, kwa bokone jwa thaba ya Gaashe. ¹⁰Kokomane yotlhe eo e ne ya ya go robadiwa le borraayone. Kokomane e nngwe ya gola fa morago ga bone e e neng e sa itse Modimo Yahweh kgotsa se a se diretseng Iseraele.¹¹Batho ba Iseraele ba dira se se bosula mo ponong ya Modimo Yahweh ba direla Bobale. ¹²Ba intsha mo go Modimo Yahweh, Modimo wa borraabone, yo o ba ntshitseng mo lefatsheng la Egepeto. Ba ne ba sala morago medimo e mengwe, medimo ya batho ba ba nnang go ba dikologa, mme ba e ikobela. Ba ne ba tena Modimo Yahweh ka gore ¹³ba ne ba intsha mo go Modimo Yahweh ba bo ba obamela Bale le diAshetorethe.¹⁴Bogale jwa Modimo Yahweh jwa tukela Iseraele, mme a ba neela batlhasedi ba ba neng ba ba utswetsa dilwana tsa bone. A ba rekisa jaaka makgoba a a neng a tshwerwe ke thata ya baba ba bone ba ba ba dikologileng, jalo ba ne ba sa tlhole ba kgona go iphemela kgatlhanong le baba ba bone. ¹⁵Gongwe le gongwe kwa Iseraele ba neng ba ya go lwa teng, seatla sa ga Modimo Yahweh se ne se nna kgatlhanong le bone go ba fenya, fela jaaka a ba ikanetse. Mme ba ne ba le mo patikesegong e e boitshegang.¹⁶Foo Modimo Yahweh a godisa baatlhodi, ba ba neng ba ba golola mo seatleng sa ba ba neng ba ba utswetsa dilwana. ¹⁷Mme ba ne ba sa reetse baatlhodi ba bone. Ba ne ba sa ikanyege mo go Modimo Yahweh, mme jaaka bagweba-ka=mmele ba ineela badimo ba bangwe ba ba obamela. Go ise go ye kae ba fapoga tsela e borraabone ba neng ba e tshela - ba ba neng ba utlwa ditaelo tsa Modimo Yahweh - mme bone ba se ka ba dira jalo.¹⁸Fa Modimo Yahweh a ba godisetsa baatlhodi, Modimo Yahweh o ne a thusa baatlhodi mme a ba namole mo seatleng sa baba ba bone mo matsatsing a moatlhodi a a tshelang. Modimo Yahweh o ne a ba tlhomogela pelo fa ba bobola ka lebaka la ba ba neng ba ba gatelela ba bo ba ba tlhokofatsa. ¹⁹Mme fa moatlhodi a swa, ba ne ba fapoga ba dira dilo tse di bodileng go feta tse borraabone ba di dirileng. Ba ne ba sala badimo ba bangwe morago go ba direla le go ba obamela. Ba ne ba gana go tlogela ditiro tsa bone tse di bosula kgotsa mekgwa ya bone ya bodipa.²⁰Bogale jwa Modimo Yahweh jwa tukela Iseraele; a re, ''Ka gore tshaba e e robile mabaka a kgolagano ya me e ke neng ke e tlhometse borraabone - ka lebaka la gore ga ba a reetsa lentswe la me = ²¹ga ke kitla, go tloga fa go ya pele, ke koba sepe sa ditshaba tse Joshua a di tlogetseng fa a swa. ²²Ke tla dira se gore ke tle ke leke Iseraele, go bona gore a ba tla tshegetsa kgotsa ga ba na go tshegetsa tsela ya Modimo Yahweh, ba bo ba tsamaya mo go yone jaaka borraabone ba e tshegeditse.'' ²³Ke sone se Modimo Yahweh a neng a tlogela ditshaba tseo, mme a se ka a di koba ka bonako a di neela mo seatleng sa ga Joshua.

3¹Jaanong Modimo Yahweh o ne a tlogela ditshaba tse go leka Iseraele, ebong mongwe le mongwe mo Iseraele yo a iseng a itemogele seemo sa ntwa epe e e lolweng mo Kanana. ²( O dirile se go ruta kokomane e ntsha ya Iseraele ntwa ka gore ba ne ba sa e itse go le pele ). ³Ditshaba tseo ke tse : dikgosi tse tlhano go tswa Bafilisitieng, Bakanana botlhe, Basitona, Bahibite ba ba neng ba nna mo dithabeng tsa Lebanone, go tswa kwa thabeng ya Baale Heremona go ya kwa Hamatha Pasa.⁴Ditshaba tse di ne tsa tlogelwa e le tsela e Modimo Yahweh a tla lekang Iseraele ka yone, go rurifatsa fa Iseraele a tla utlwa ditaelo tse a di neetseng borraabone ka Moshe. ⁵Jalo batho ba Iseraele ba ne ba nna gare ga Bakanana, Bahite, Baamori, Baperisi, Bahifi, le Bajebusi. ⁶Ba tsaya barwadiabone ba ba dira basadi ba bone, ba neela barwa ba bone barwadiabone, mme ba direla badimo ba bone.⁷Batho ba Iseraele ba dira se se bosula mo ponong ya Modimo Yahweh, mme ba lebala Modimo Yahweh, Modimo wa bone. Ba obamela diBale le diAshera. ⁸Jalo he, bogale jwa Modimo Yahweh jwa tuka kgatlhanong le Iseraele, a ba rekisetsa mo seatleng sa ga Khushana Rishathaime kgosi ya Aramo Naharaime. Batho ba Iseraele ba direla Khushana Rishathaime dingwaga tse 8.⁹Fa batho ba Iseraele ba bitsa Modimo Yahweh, Modimo Yahweh a godisa mongwe yo o tla tlang go thusa batho ba Iseraele, yo o tla ba namolang: Otheniele, morwa Kenase( monnawe Kalebe). ¹⁰Mowa wa Modimo Yahweh wa mo nonotsha, a atlhola Iseraele mme a ya ntweng. Modimo Yahweh a mo neela phenyo godimo ga ga Khushana Rishathaime kgosi ya Aramo. Seatla sa ga Otheniele sa fenya Khushana Rishathaime. ¹¹Lefatshe la nna le kagiso dingwaga di le 40. Foo Otheniele morwa Kenase a swa.¹²Morago ga moo, bana ba Iseraele ba boa ba dira se se bosula mo ponong ya Modimo Yahweh, mme Modimo Yahweh a fa Ekelone kgosi ya Moabe thata go hekeetsa Baiseraele. ¹³Ekelone a itshwaraganya le Baamone le Baamaleka mme ba ya ba fenya Iseraele, ba gapa Toropokgolo ya Dipalema. ¹⁴Batho ba Iseraele ba direla Ekelone kgosi ya Moabe dingwaga di le 18.¹⁵Fa batho ba Iseraele ba bitsa Modimo Yahweh, Modimo Yahweh a godisa mongwe yo o tla ba thusang, Ehudu morwa Gera, Mobenjamene, monna yo o dirisang seatla sa molema. Batho ba Iseraele ba mo romela ka tuelo ya bone ya lekgetho kwa go Ekelone kgosi ya Moabe.¹⁶Ehudu a itirela tshaka e e magale mabadi, ya boleele jwa dikhubiti e le nngwe; a e bofelela ka fa tlase ga diaparo tsa gagwe, mo seropeng sa moja. ¹⁷A neela kgosi Ekelone wa Moabe tuelo ya lekgetho.( Jaanong Ekelone e ne e le monna yo mokima thata). ¹⁸Morago fa Ehudu a sena go rola tuelo ya lekgetho, a tswa le ba ba neng ba e tsisa ka kwa teng.¹⁹Fa e le Ehudu ene, le fa go ntse jalo, fa a fitlha fa lefelong le go direlwang ditshwantsho tse di setilweng teng gaufi le Kilikala, a retologa a boela morago, a re, ''Ke na le molaetsa wa sephiri wa gago, kgosi ya me.'' Ekelone a re, ''Tidimalo!'' Jalo botlhe ba ba mo direlang ba tswa mo kamoreng. ²⁰Ehudu a tla kwa go ene. Kgosi o ne a ntse a le nosi mo botsiditsaneng jwa kamore e e kwa godimo. Ehudu a re, ''Ke na le molaetsa wa gago go tswa kwa Modimong.'' Kgosi a ema ka dinao go tswa mo setilong sa gagwe.²¹Ehudu a tsaya tshaka go tswa mo seropeng sa moja ka seatla sa molema, a e tlhabela mo mmeleng wa kgosi. ²²Mmme matshwaro a tshaka a tsena fa morago ga bogale mo mo go ene, ntlha ya yone ya bo ya tswa kwa mokwatleng, mme mafura a huparela bogale, gonne Ehudu ga a ka a ntsha tshaka mo mmeleng wa gagwe. ²³Foo Ehudu a tswela kwa mathuding, mme a tswala mabati a kamore e e kwa godimo fa morago ga gagwe a bo a a lotlela.²⁴Morago ga Ehudu a sena go tsamaya, batlhanka ba kgosi ba tla; ba bona mabati a komore e e kwa godimo a lotletswe, jalo ba akanya ba re, ''Ammaaruri o a ikgolola mo botsiditsaneng jwa kamore e e kwa godimo.'' ²⁵Ba ne ba tswelela ba tlhobaela go fitlhela ba ikutlwela gore ba itlhokolosa tiro ya bone fa kgosi a ntse a sa bule mabati a kamore e e kwa godimo. Jalo ba tsaya selotlolo ba a bula, mme mong wa bone a bo a rapaletse foo, a wetse fatshe mo bodilong, a sule.²⁶Fa batlhanka ba santse ba eme, ba ipotsa gore ba dire eng, Ehudu a sia a feta fa go neng go na le ditshwantsho tsa medimo ya disetwa, a siela kwa Seira. ²⁷Fa a tsena, a letsa torompeta kwa lefatsheng la dithaba la Iforaime. Foo batho ba Iseraele ba fologa dithaba le ene, a ba eteletse pele.²⁸A ba raya a re, ''Ntshalang morago, gonne Modimo Yahweh o gaufi la go fenya baba ba lona, Bamoabe.'' Ba mo sala morago ba gapa matsibogo a Jorotane ntlha e nngwe go lebagana le Bamoabe, mme ba se ka ba letlelela ope go kgabaganya noka. ²⁹Ka nako eo ba bolaya banna ba Moabe ba le dikete tse lesome, botlhe ba ba neng ba nonofile ba kgona. Ga se ka ga nna le fa e le yo mongwe yo o falolang. ³⁰Jalo ka letsatsi leo Moabe a hekeediwa ke thata ya Iseraele. Mme lefatshe la ikhutsa dingwaga di le 80.³¹Morago ga ga Ehudu moatlhodi yo o latelang ya nna Shamogara, morwa Anatha yo o bolaileng banna ba Bafilisitia ba le makgolo a marataro ka thobane e e phatsa e e dirisiwang go kgotla dikgomo. Le ene o ne a golola Iseraele mo bodiphatseng.

4¹Morago ga go swa ga ga Ehudu, batho ba Iseraele ba ipoeletsa ba dira tse di bosula mo ponong ya Modimo Yahweh. ²Modimo Yahweh a ba rekisetsa mo seatleng sa ga Jabini kgosi ya Kanana yo o neng a busa kwa Hasore. Molaodi wa sesole sa gagwe o ne a bidiwa Sisera, o ne a nna kwa Haroshethe wa Baditshaba. ³Batho ba Iseraele ba bitsa Modimo Yahweh gore a ba thuse, gonne Sisera o ne a na le dikolotsana tsa ntwa tsa tshipi di le makgolo a a robang bongwe ebile o ne a gatelela batho ba Iseraele ka dikgoka ka lebaka la dingwaga di le 20.⁴Jaanong Tebora, moporofiti wa mosadi(mosadi wa ga Lapitothe), a bo a le moatlhodimogolo ka nako eo. ⁵O ne a tle a nne ka fa tlase ga mopalelma wa ga Tebora gare ga Rama le Bethele mo lefatsheng la dithaba la Iforaime, mme batho ba Iseraele ne ba tla kwa go ene go rarabolola dikgang tsa bone.⁶A bitsa Baraka morwa Abinoame go tswa kwa Keteshe kwa Nafithale. A mo raya a re, ''Modimo Yahweh, Modimo wa Iseraele, o a go laola, 'Ya kwa thabeng ya Tabore, mme o tseye banna ba le dikete tse lesome kwa Nafithale le kwa Sebulane. ⁷Ke tla dira Sisera, molaodi wa sesole sa ga Jabini, gore a ye go kopana le lona kwa nokeng ya Kishone, ka sesole sa gagwe le dikolotsana tsa ntwa tsa gagwe, mme ke tla le naya phenyo godimo ga gagwe.'''⁸Baraka a mo raya a re, ''Fa o tsamaya le nna, ke tla tsamaya, mme fa o sa tsamae le nna, ga ke na go tsamaya.'' ⁹A re, ''Ke tla tsamaya le wena. Le fa go ntse jalo, tsela e o e tsamayang ga e na go go isa kwa tlotleng ya gago, gonne Modimo Yahweh o tla rekisetsa Sisera mo seatleng sa mosadi.'' Foo Tebora a ema ka dinao a ya le Baraka kwa Keteshe.¹⁰Baraka a bitsa banna ba Sebulane le Nafithale go kgobokanela kwa Keteshe. Banna ba le dikete tse di lesome ba mo sala morago, Tebora a tsamaya le ene.¹¹Jaanong Hebere (wa Mokeni) o ne a ikgaogantse le Bakeni - e ne e le bana ba ga Hobabe(mogwegadi wa ga Moshe) - mme a tlhoma tente ya gagwe go bapa le mooka mo Saananimi gaufi le Keteshe.¹²Fa ba bolelela Sisera gore Baraka morwa Abinoame o ile kwa thabeng ya Tabore, ¹³Sisera a bitsa dikolotsana tsa ntwa tsa gagwe tsotlhe, dikolotsana tsa ntwa tsa tshipi di le makgolo a a robang bongwe, le masole a gagwe otlhe a a neng a na le one, go tswa Haroshethe wa Baditshaba go ya kwa nokeng ya Kishone.¹⁴Tebora a raya Baraka a re, ''Tsamaya! Gonne le ke letsatsi le Modimo Yahweh a go neetseng phenyo godimo ga ga Sisera ka lone. A Modimo Yahweh ga a go etelela pele?'' Jalo Baraka a fologa thaba ya Tabore a setswe morago ke banna ba le dikete di le lesome.¹⁵Modimo Yahweh a dira gore sesole sa ga Sisera se tsietsege, dikolotsana tsotlhe tsa ntwa le masole otlhe. Banna ba ga Baraka ba ba tlhasela, Sisera a fologa kolotsana ya ntwa a sia ka dinao. ¹⁶Mme Baraka a alola dikolotsana tsa ntwa le masole go fitlha kwa Haroshethe wa Baditshaba, mme masole otlhe a ga Sisera a bolawa ka bogale jwa tshaka, ga se ka ga nna le fa a le mongwe yo o falolang.¹⁷Mme Sisera a sia ka dinao a ya kwa tenteng ya ga Jaele, mosadi wa ga Hebere wa Mokeni, gonne go ne go na le kagiso gare ga ga Jabini kgosi ya Hasore le ntlo ya ga Hebere wa Mokeni. ¹⁸Jaele a tswela kwa ntle go kopantsha Sisera a mo raya a re, ''Fapogela kwa thoko, mong wa me; fapogela kwa thoko kwa go nna mme o se ka wa tshoga.'' Jalo a fapogela kwa go ene a tsena mo tenteng ya gagwe, mme a mo khurumetsa ka kobo.¹⁹A raya mosadi a re, ''Tsweetswee mphe metsinyana ke nwe, gonne ke nyorilwe.'' A bula kgetse ya letlalo ya mashi a mo nosa, a boa a mo khurumetsa gape. ²⁰A raya mosadi a re, ''Ema kwa phatlheng ya tente. Fa mongwe a ka tla a go botsa a re, 'A go na le mongwe fa?' , o re, 'Nyaa.'''²¹Foo Jaele(mosadi wa ga Hebere) a tsaya lemapo la tente le hamole ka seatla a tsena kwa go ene ka sephiri, gonne o ne a tshwerwe ke boroko jo botona, a iteela lemapo la tente mo letlhakoreng la tlhogo ya gagwe mme la phunya la bo la tlhaba fa fatshe. Jalo a swa. ²²Jaaka Baraka a ne a alotse Sisera, Jaele a ya kwa ntle a mo kopantsha a mo raya a re, ''Tlaya, ke tla go bontsha monna yo o mmatlang.'' Jalo a tsena le ene, foo ga bo go le Sisera a rapaletse a sule, lemapo la tente le le mo letlhakoreng la tlhogo ya gagwe.²³Jalo mo letsatsing leo Modimo a fenya Jabini, kgosi ya Kanana fa pele ga batho ba Iseraele. ²⁴Maatla a batho ba Iseraele a gola a bo a gola kgatlhanong le Jabini kgosi ya Kanana, go fitlha ba mo senya.

5¹Mo letsatsing leo Tebora le Baraka morwa Abinoame ba opela pina e: ²''Fa baeteledipele ba etelela pele mo Iseraele, fa batho ba ithaopela ntwa ka boitumelo - re boka Modimo Yahweh!³Reetsang, dikgosi ke lona! Elang tlhoko, baeteledipele ke lona! Nna, nna ke tla opelela Modimo Yahweh; ke tla opelela Modimo Yahweh dipako, Modimo wa Iseraele. ⁴Modimo Yahweh, fa o tswa mo Seiri, fa o gata go tswa mo Etome, lefatshe le ne la tshikhinyega, le mafaufau a ne a roroma; gape le maru a ne a tsholola metsi.⁵Dithaba di ne tsa roroma fa pele ga sefatlhego sa Modimo Yahweh; le thaba ya Sinai e ne ya roroma fa pele ga sefatlhego sa Modimo Yahweh, Modimo wa Iseraele. ⁶Mo matsatsing a ga Shamogara(morwa Anathe), mo matsatsing a ga Jaele, ditsela tse dikgolo di ne tsa tlogelwa, mme ba ba neng ba tsamaya ba ne ba dirisa ditselana tse di itsoketsang.⁷Go ne go na le batlhabani ba se bantsi mo Iseraele, go fitlhelela nna, Tebora, ke tsaya taolo - motho wa mme o ne a tsaya taolo mo Iseraele! ⁸Fa ba ne ba ikgethela medimo e mesha, go ne ga nna le ntwa kwa dikgorong tsa toropokgolo mme go ne go se na dithebe le fa e le digai tse di neng di bonwa mo go ba ba masome mane a dikete mo Iseraele.⁹Pelo ya me e ya le balaola sesole ba Iseraele, le batho ba ba ithaopileng ka boitumelo - re segofatsa Modimo Yahweh ka bone! ¹⁰Akanyang ka se - lona ba le palamang ditonki tse ditshweu le ntse godimo ga dikojwana boemong jwa disale, le lona ba le tsamayang mo tseleng.¹¹Utlwang mantswe a ba ba opelang kwa mafelong a go nowang metsi kwa go one. Koo ba bolela gape ka ditiro tsa tshiamo tsa Modimo Yahweh, le ditiro tsa tshiamo tsa batlhabani ba gagwe mo Iseraele. Foo batho ba Modimo Yahweh ba ya kwa dikgorong tsa toropokgolo.¹²Tsoga, tsoga, Tebora! Tsoga, tsoga, opela pina! Emelela, Baraka, mme o gape batshwarwa ba gago, wena morwa Abinoame. ¹³Foo bafalodi ba tla kwa batlotleging; batho ba Modimo Yahweh ba tla kwa go nna le batlhabani.¹⁴Ba ne ba tswa kwa Iforaime yo modi wa gagwe o leng kwa Amaleka; batho ba Benjamene ba le setse morago. Go tswa Makhiri ga tla balaola sesole, le go tswa Sebulane ga tla ba ba tsholang thobane ya modiredi.¹⁵Le dikgosana tsa me kwa Isakare di ne di na le Tebora; le Isakare o ne a na le Baraka a siane fa morago ga gagwe go tsena mo mokgatsheng a le ka fa tlase ga taolo ya gagwe. Gareng ga dikgotlana tsa ga Rubene go ne go na le go itshekatsheka pelo mo go golo.¹⁶Ke eng o ne o ntse fa fatshe fa gare ga maiso, o reeditse badisa ba leletsa letsomane la bone diphaephe? Fa e le ka dikgotlana tsa ga Rubene go ne go na le go itshekatsheka ga pelo mo go golo.¹⁷Giliate o ne a nna ntlha e nngwe ya Jorotane; mme Tene, ke eng a ne a kaila kaila mo dikepeng? Ashere a sala mo letshitshing la lewatle a nna gaufi le boemakepe jwa gagwe. ¹⁸Sebulane e ne e le morafe o o gatlhamelang masisi ga go nyatsa loso, le Nafithale, gape, mo patlelong ya ntwa.¹⁹Dikgosi tsa tla, ba lwa; dikgosi tsa Kanana tsa lwa kwa Taanaka, go bapa le metsi a Mekito. Mme ba se ka ba tsaya selefera e le digapiwa. ²⁰Go tswa legodimong dinaledi tsa lwa, go tswa ditseleng tsa tsone go kgabaganya magodimo tsa lwa kgatlanong le Sisera.²¹Noka ya Kishone ya ba gogolela kgakala, noka e kgologolo eo, noka ya Kishone. Gatela pele mowa wa me, nonofa! ²²Foo modumo wa ditlhako tsa dipitse - di kalapa, go kalapa ga tse di maatla tsa gagwe.²³'Hutsa Merose!' go bua moengele wa Modimo Yahweh. 'E le ruri hutsa banni ba yone! - gonne ga ba ka ba tla go thusa Modimo Yahweh - go thusa Modimo Yahweh mo ntweng kgatlhanong le batlhabani ba ba maatla.'²⁴Jaele o segofetse go feta basadi botlhe ba bangwe, Jaele(mosadi wa ga Hebere wa Mokeni), o segofetse go feta basadi botlhe ba ba nnang mo ditenteng. ²⁵Monna o ne a kopa metsi, a mo fa mashi; a mo tsisetsa lebebe le le mo beisaneng e e tshwanelang dikgosana.²⁶A baya seatla sa gagwe mo lemapong la tente, le seatla sa gagwe sa moja mo hamoleng ya mmereki; ka hamole a itaya Sisera, a thuba tlhogo ya gagwe. A thuba legata la gagwe go nna ditoki, fa a ne a mo phunya mo letlhakoreng la tlhogo. ²⁷A wela fa gare ga dinao tsa gagwe, a wa a rapalala foo. Gareng ga dinao tsa gagwe a wa a se ka a tshikhinyega. Lefelo la fa a wetseng teng ke lone la fa a bolaetsweng teng mo go makgwakgwa.²⁸A leba ka fesetere - mmaagwe Sisera a leba ka diphatlha tsa sesiro mme a bitsa ka kutlobotlhoko, 'Ke eng kolotsana ya gagwe ya ntwa e tsere lebaka le le kana go tla? Ke eng go itaya ga ditlhako tsa dipitse tse di gogang dikolotsana tsa ntwa tsa gagwe di diegile?'²⁹Barwadiakgosi ba gagwe ba ba botlhale ba fetola, le ene a ipha karabo e e tshwanang: ³⁰A ga ba a bona ba bo ba kgaoganya digapiwa? - popelo, dipopelo tse pedi tsa monna mongwe le mongwe; segapiwa sa letsela le le itsenyeditsweng mmala la ga Sisera, segapiwa sa letsela le le itsenyeditsweng mmala le kgabisitswe ka tlhale e e mebala, diphatlo tse pedi tsa letsela le le itsenyeditsweng mmala le kgabisitswe ka tlhale e e mebala la melala ya ba ba gapang?'³¹Jalo a baba ba gago botlhe ba nyelele, Modimo Yahweh! Mme ditsala tsa gago di nne jaaka letsatsi le tlhaba ka maatla a lone.'' Mme lefatshe la nna le kagiso dingwaga di le 40.

6¹Batho ba Iseraele ba ne ba dira tse di bosula mo ponong ya Modimo Yahweh, mme a ba neela mo seatleng sa Midiana dingwaga di le 7. ²Maatla a Midiana a gatelela Iseraele. Ka lebaka la Midiana, batho ba Iseraele ba itirela manno ka mengobo e e mo dithabeng, magaga le boremelelo.³Go ne go diragala gore nako le nako fa Baiseraele ba lema dijwalo tsa bone, Bamidiana, Baamaleka le batho ba ba tswang botlhabatsatsi ba ne ba tlhasela Baiseraele. ⁴Ba ne ba tlhoma sesole sa bone mo lefatsheng ba bo ba senya dijwalo, tsela yotlhe go fitlha kwa Gasa. Ba ne ba tlogela go se na dijo mo Iseraele, go sena dinku, go sena dikgomo, le fa e le ditonki.⁵Nako le nako fa ba tla ka ditente le leruo la bone, ba ne ba tla jaaka lesogodi la tsie, mme go ne go sa kgonege go ka bala batho kgotsa dikamela tsa bone. Ba ne ba tlhasela lefatshe gore ba tle ba le senye. ⁶Midiana a koafatsa Baiseraele mo go maswe mo batho ba Iseraele ba neng ba bitsa Modimo Yahweh.⁷Fa batho ba Iseraele ba bitsa Modimo Yahweh ka lebaka la Midiana, ⁸Modimo Yahweh a romela moporofiti kwa bathong ba Iseraele. Moporofiti a ba raya a re, ''Se ke se se buiwang ke Modimo Yahweh, Modimo wa Iseraele: 'Ke le ntshitse kwa Egepeto; ke le ntshitse mo ntlong ya bokgoba.⁹Ke le ntshitse mo seatleng sa Egepeto, le mo seatleng sa botlhe ba ba neng ba le gateletse. Ke ba kobile fa pele ga lona, ka bo ka le fa lefatshe la bone. ¹⁰Ke ne ka le raya ka re, 'Ke Modimo Yahweh, Modimo wa lona; ke le laotse gore le se ka la obamela medimo ya Baamori, ba le nnang mo lefatsheng la bone.'' Mme ga le a ka la utlwa lentswe la me.'''¹¹Jaanong moengele wa Modimo Yahweha a tla a nna ka fa tlase ga mooka o o kwa Ofera, o o neng o le wa ga Joashe(wa Moabisere), ka nako e Gitione, morwa Joashe, a neng a itaaganya korong fa fatshe mo seboaneng sa mofine go e baakanya - go e fitlhela Bamidiana. ¹²Moengele wa Modimo Yahweh a mo iponagaletsa a mo raya a re, ''Modimo Yahweh o na le wena, wena senatla sa ntwa!''¹³Gitione a mo raya a re, ''Oh, mong wa me, fa e le gore Modimo Yahweh o na le rona, ke eng dilo tsotlhe tse di re diragaletse? Di kae ditiro tsa gagwe tse di gakgamatsang tse borraarona ba neng ba re bolelela ka tsone, fa ba re, 'A Modimo Yahweh ga a re ntsha kwa Egepeto?' Mme jaanong Modimo Yahweh o re tlogetse a ba a re neela mo seatleng sa Midiana.''¹⁴Modimo Yahweh a mo leba a re, ''Tsamaya ka thata e o setseng o na le yone. Golola bana ba Iseraele mo seatleng sa Midiana. A ga ke a go roma?'' ¹⁵Gitione a mo raya a re, ''Tsweetswee, Morena, ke ka kgona go golola Iseraele jang? Bona, ba ntlo ya ga rre ba bokoa go feta botlhe mo morafeng wa Manase, le nna ke yo o nyatsegang mo ntlong ya ga rre.''¹⁶Modimo Yahweh a mo raya a re, ''Ke tla bo ke na le wena, o tla fenya sesole sotlhe sa Bamidiana jaaka ekete ke monna a le mongwe.'' ¹⁷Gitione a mo raya a re, ''Fa o itumela ka nna, nneele sekai sa gore ke wena o buang le nna. ¹⁸Tsweetswee, o se ka wa tloga fa go fitlhelela ke tla ke tsisa mpho ya me ke e baya fa pele ga gago.'' Modimo Yahweh a re, ''Ke tla leta go fitlhelela o boa.''¹⁹Gitione a ya a baakanya podi e nnye mme go tswa mo selekanyong sa epha sa bupe a dira borotho jo bo sa bedisiwang. A tsenya nama mo tlatlaneng, a tsenya moro mo potwaneng a di tsisa kwa go ene ka fa tlase ga setlhare sa mooka, a di mo neela. ²⁰Moengele wa Modimo Yahweh a mo raya a re, ''Tsaya nama le borotho jo bo senang sebediso o di beye mo godimo ga letlapa le, o bo o tshela moro mo go tsone.'' Mme Gitione a dira jalo.²¹Foo moengele wa Modimo Yahweh a ama ka ntlha ya thobane e e mo seatleng sa gagwe. Ka yone a ama nama le borotho jo bo sa bedisiwang; molelo wa tuka go tswa mo letlapeng wa kometsa nama le borotho jo bo sa bedisiwang. Foo moengele wa Modimo Yahweh a tsamaya, Gitione a se ka a tlhola a mmona gape.²²Gitione a tlhaloganya gore yo e ne e le moengele wa Modimo Yahweh. Gitione a re, ''A, Morena Yahweh! Gonne ke bone moengele wa Modimo Yahweh sefatlhego go sefatlhego!'' ²³Modimo Yahweh a mo raya a re, ''Kagiso e nne le wena! O se ka wa tshoga, ga o na go swa.'' ²⁴Jalo Gitione a agela Modimo Yahweh aletara gone foo. A e bitsa, ''Modimo Yahweh ke kagiso.'' Go fitlha mo letsatsing le e ntse e eme kwa Ofera wa kgotlana ya Abiesere.²⁵Bosigo joo Modimo Yahweh a mo raya a re, ''Tsaya poo ya ga rraago, le poo ya bobedi e e dingwaga di 7, mme o tlhatlhamolole aletara ya ga Bale ya ga rraago, o bo o kgaolele fatshe Ashera e e bapileng le yone. ²⁶Aga aletara ya Modimo Yahweh, Modimo wa gago mo godimo ga lefelo le la botshabelo, o e age ka tsela e e siameng. Ntsha poo ya bobedi e le moneelo o o fisiwang, o dirise dikgong tsa Ashera e o e kgaoletseng fatshe.''²⁷Jalo Gitione a tsaya batlhanka ba gagwe ba le lesome a dira jaaka Modimo Yahweh a mmoleletse. Mme ka lebaka la gore o ne a boifa thata ba ntlo ya ga rraagwe le banna ba toropo go dira se mo motshegareng, a dira mo bosigong.²⁸Mo mosong fa banna ba toropo ba tsoga, aletara ya ga Bale e ne e robeletswe fatshe, le Ashera e e bapileng le yone e kgaoletswe fatshe, mme poo ya bobedi e ne e fisitswe mo aletareng e e sa tswang go agiwa. ²⁹Banna ba toropokgolo ba raana ba re, ''Ke mang yo o dirileng se?'' Fa ba bua le ba bangwe ba bo ba batla dikarabo, ba re, ''Gitione morwa Joashe ke ene a dirileng selo se.''³⁰Foo banna ba toropo ba raya Joashe ba re, ''Ntshetsa morwao kwa ntle a tle a bolawe, gonne o tlhatlhamolotse aletara ya ga Bale, gape ka gonne o kgaoletse fatshe Ashera e e bapileng le yone.''³¹Joashe a raya botlhe ba ba neng ba ganetsanya nae a re, ''A le tla buelela Bale? A le tla mmoloka? Ope yo o mmuelelang, a a bolawe go santse go le mo mosong. Fa e le gore Bale ke modimo, a a iphemele fa mongwe a tlhatlhamolola aletara ya gagwe.'' ³²Jalo he mo letsatsing leo ba bitsa Gitione, ''Jerubu Bale,'' gonne o ne a re, ''A Bale a iphemele kgatlhanong le ene,'' ka gonne Gitione o robeletse fatshe aletara ya ga Bale.³³Jaanong Bamidiana botlhe, Baamaleka, le batho ba botlhabatsatsi ba kgobokana. Ba kgabaganya Jorotane mme ba kampa mo mokgatsheng wa Jeserile.³⁴Mme Mowa wa Modimo Yahweh wa tla mo go Gitione. Gitione a letsa torompeta, a bitsa kgotlana ya Abiesere, gore ba mo sale morago. ³⁵A romela barongwa go ralala Manase otlhe, le bone ba bidiwa go mo sala morago. A romela barongwa gape kwa Ashere, Sebulane le Nafithale, mme ba tsamaya ba ya go kopana nae.³⁶Gitione a raya Modimo a re, ''Fa o ikaelela go ntirisa go boloka Iseraele jaaka o buile - ³⁷leba, ke baya ngata ya boboa jwa nku mo seboaneng se se phothelang. Fa monyo o ka nna mo boboeng fela, mme ga bo go omile mo mmung mo tikologong, foo ke tla itse gore o tsile go dirisa nna go boloka Iseraele, jaaka o buile.''³⁸Se ke se se diragetseng - Gitione a tsoga makuku a moso o o latelang, a gamola boboa, mme a gamola monyo go tswa mo boboeng, selekanyo se se ka tlalang beisane.³⁹Foo Gitione a raya Modimo a re, ''O se ka wa ntenegela, ke tla bua gangwe gape. Tsweetswee ntetlelele go dira teko e nngwe gape ke dirisa boboa. Mo nakong e, dira gore boboa bo ome, mme go nne monyo mo mmung otlhe go bo dikologa.'' ⁴⁰Modimo a dira se a neng a se kopa bosigo joo. Boboa bo ne bo omile, mme go ne go le monyo mo mmung go bo dikologa.

7¹Foo Jerubu Bale( ke gore Gitione) a tsoga makuku, ene le batho botlhe ba a neng a na le bone, mme ba kampa go bapa le motswedi wa Harote. Kampa ya Midiana e ne e le ka kwa bokone jwa bone mo mokgatsheng gaufi le thaba ya More.²³Modimo Yahweh a raya Gitione a re, ''Masole a a mantsi thata gore ke ka go fa phenyo godimo ga Bamidiana, gore Iseraele a se ka a inkgantshetsa a re, 'Maatla a e leng a rona a re bolokile.' Jalo, bolela mo ditsebeng tsa batho o re, 'Ope yo o tshogileng, ope yo o roromang, a a boe mme a tloge mo thabeng ya Giliate.''' Jalo batho ba le dikete tse masome a mabedi le bobedi ba tsamaya, mme ga sala ba le dikete tse lesome.⁴Modimo Yahweh a raya Gitione a re, ''Batho ba santse ba le bantsi thata. Ba ise kwa tlase kwa metsing, ke tla go fokoletsa dipalo tsa bone koo. Fa ke go raya ke re, 'Yo o tla tsamaya le wena,' o tla tsamaya le wena; mme fa ke re, 'Yo ga a tsamae le wena,' ga a tsamae.''⁵⁶Jalo Gitione a isa batho kwa metsing, Modimo Yahweh a mo raya a re, ''Tlhaola mongwe le mongwe yo o nwang ka leleme, jaaka mpya, go tswa mo go ba ba khubamang go nwa.'' Banna ba le makgolo a mararo ba ne ba nwa ka leleme. Ba bangwe ba ne ba khubama go nwa metsi.⁷⁸Modimo Yahweh a raya Gitione a re, ''Ka banna ba ba makgolo mararo ba ba nwang ka maleme, ke tla go namola ke bo ke go fa phenyo godimo ga Bamidiana. Lesa monna mongwe le mongwe a ye kwa ga gagwe.'' Jalo ba ba neng ba tlhophilwe ba tsaya dilwana tsa bone le ditorompeta. Gitione a busa banna botlhe ba Iseraele, monna mongwe le mongwe kwa tenteng ya gagwe, mme a sala ka banna ba ba makgolo a mararo. Jaanong kampa ya Midiana e ne e le kwa tlase ga gagwe mo mokgatsheng.⁹¹⁰¹¹Bosigo jone joo Modimo Yahweh a mo raya a re, ''Emelela! Tlhasela kampa, gonne ke tsile go go neela phenyo godimo ga yone. Mme fa e le gore o boifa go ya kwa tlase, ya kwa tlase le motlhanka wa gago Pura, mme o reetse se ba se buang, bopelokgale jwa gago bo tla thatafadiwa go tlhasela kampa.'' Jalo Gitione a ya tlase le motlhanka wa gagwe Pura kwa balebeledi ba kampa ba emang teng.¹²Bamidiana, Baamaleka le batho botlhe ba botlhabatsatsi ba ipaa mo mokgatsheng, ba kgotlhagane jaaka leru la tsie. Dikamela tsa bone di ne di le bontsi jo bo neng bo ka se ka jwa balwa; di ne di le dintsi go feta ditlhaka tsa motlhaba o o mo letshitshing la lewatle.¹³Fa Gitione a goroga koo, monna mongwe o ne a bolelela mopati wa gagwe toro. Monna a re, ''Leba! Ke ne ka nna le toro, ka bona borotho jo bo kgolokwe jwa bali bo kgokologela mo kampeng ya Midiana. Jwa tla kwa tenteng, jwa e itaya thata mo e neng ya wa e lebile kwa godimo, ya bo ya sala e alegile fa fatshe.'' ¹⁴Monna yo mongwe a re, ''Se ga se sepe fa e se tshaka ya ga Gitione(morwa Joashe), wa Moiseraele. Modimo o mo file phenyo godimo ga Midiana le sesole sotlhe sa bone.''¹⁵Fa Gitione a utlwa go bolelwa gape ga toro le tlhaloso ya yone, a inama a obamela. A boela morago kwa kampeng ya Iseraele a re, ''Emelelang! Modimo Yahweh o le file phenyo godimo ga sesole sa Midiana.'' ¹⁶A kgaoganya banna ba ba makgolo a mararo ka ditlhopha di le tharo, mme a ba neela ditorompeta tsotlhe le dijana tse di senang sepe, le mabone a le mo teng ga sengwe le sengwe sa dijana.¹⁷A ba raya a re, ''Ntebeng le dire jaaka ke dira. Lebang! Fa ke tla fa thoko ga kampa, le tshwanetse go dira jaaka ke dira. ¹⁸Fa ke letsa torompeta, nna le ba ke nang le bone, le lona le letse ditorompeta mo letlhakoreng lengwe le lengwe la kampa yotlhe mme le kue, 'Ga Modimo Yahweh le Gitione!'''¹⁹Jalo Gitione le banna ba ba lekgolo ba a neng a na le bone ba tla fa thoko ga kampa, gone ka nako ya tshimologo ya go disa ga bosigo gare. Fela jaaka Bamidiana ba fetola balebeledi, ba letsa ditorompeta ba thuba dijana tse di mo diatleng tsa bone.²⁰Ditlhopha tse tharo tsa letsa ditorompeta tsa thuba dijana. Ba tshwara mabone ka diatla tsa molema mme ba tshwara ditorompeta ka diatla tsa moja gore ba di letse. Ba goa, ''Tshaka ya ga Modimo Yahweh le ya ga Gitione.'' ²¹Monna mongwe le mongwe a ema fa a leng teng go dikologa kampa mme sesole sotlhe sa Bamidiana sa sia. Ba goa ba sia.²²Fa ba letsa ditorompeta tse di makgolo a mararo, Modimo Yahweh a dira gore tshaka ya monna mongwe le mongwe wa Momediana e lebagane le molekane wa gagwe le kgatlhanong le sesole sotlhe sa bone. Sesole se ne sa siela bokgakala jwa Bethe Sitha go ya kwa Serera, go ya bokgakala jwa molelwane wa Abele Mehola gaufi le Tabatha. ²³Banna ba Iseraele go tswa kwa Nafithale, Ashere, le Manase otlhe ba bidiwa, mme ba alola Midiana.²⁴Gitione a romela barongwa mo lefatsheng lotlhe la dithaba la Iforaime, a re, ''Fologelang tlase kgatlhanong le Midiana le tseye taolo ya noka ya Jorotane, go ya bokgakala jwa Bethe Bara, go ba emisa.'' Jalo banna botlhe ba Iforaime ba kgobokana ba tsaya taolo ya metsi, go ya bokgakala jwa Bethe Bara le noka ya Jorotane. ²⁵Ba gapa dikgosana tse pedi tsa Midiana, Orebe le Siibi. Ba bolaya Orebe kwa letlapeng la Orebe, ba bolaya Siibi kwa motlhotlhong wa mofine wa Siibi. Ba alola Bamidiana, ba tsisa ditlhogo tsa ga Orebe le Siibi kwa go Gitione, yo o neng a le bontlha jo bongwe jwa Jorotane.

8¹Banna ba Iforaime ba raya Gitione ba re, ''Ke eng se o se re dirileng se? Ga o a ka wa re bitsa fa o tswa o ya go lwa le Midiana.'' Mme ba nganga le ene ka dikgoka.²A ba raya a re, ''Ke dirile eng jaanong mo ke ka tshwantshanngwang le lona? A maselwa a moretlwa wa Sekgoa a Iforaime ga a botoka go feta thobo e e feletseng ya moretlwa wa Sekgoa ya Abiesere? ³Modimo o le neetse phenyo godimo ga dikgosana tsa Midiana - Orebe le Siibi! Nna ke kgonne eng go ka tshwantshanngwa le lona?'' Go mo tenegela ga bone ga fela fa a bua jaana.⁴⁵Gitione a tla kwa nokeng ya Jorotane a e kgabaganya, ene le banna ba ba makgolo mararo ba ba neng ba na le ene. Ba ne ba lapile, mme ba na ba tsweledisa go alola. A raya banna ba Sukothe a re, ''Tsweetswee neelang batho ba ba ntshetseng morago marotho, gonne ba lapile, mme ke alotse Seba le Salamuna, dikgosi tsa Midiana.''⁶⁷Badiredi ba re, ''A diatla tsa ga Seba le Salamuna di setse di le mo seatleng sa gago jaanong? Ke eng re tshwanetse go neela sesole sa gago borotho?'' Gitione a re, ''Fa Modimo Yahweh a sena go re fa phenyo godimo ga ga Seba le Salamuna, ke tla gagola letlalo la lona ka mmitlwa wa sekaka.⁸A tlhatloga a ya kwa Penuele, a bua le batho koo ka tsela e e tshwanang, mme banna ba Penuele ba mo araba fela jaaka banna ba kwa Sukothe. ⁹A bua gape le banna ba Penuele a re, ''Fa ke tla gape ka kagiso, ke tla digela fatshe kago e e kwa godimo e.''¹⁰Jaanong Seba le Salamuna ba ne ba le kwa Karakoro le sesole sa bone, banna ba le dikete tse lesome le botlhano, botlhe ba ba neng ba sala mo sesoleng sotlhe sa batho ba botlhabatsatsi, gonne go ne go sule banna ba le dikete tse lekgolo le masome a mabedi ba ba neng ba katisitswe go lwa ka tshaka.¹¹Gitione a tsamaya ka tsela e e tserweng ke banni ba ditente, go feta Noba le Jogobeha. A fenya sesole sa baba, gonne ba ne ba sa solofela tlhaselo. ¹²Seba le Salamuna ba sia, mme jaaka Gitione a ba alotse, a gapa dikgosi tse pedi tsa Midiana - Seba le Salamuna - mme a tsenya sesole sa bone sotlhe mo tlalelong.¹³Gitione, morwa Joashe a boa go tswa ntweng, a ralala phatana ya Herese. ¹⁴A kopana le lekawana la batho ba Sukothe a batla kgakololo mo go ene. Lekawana la kaya baeteledipele ba Sukothe le bagolwane ba teng, banna ba le masome a supa le bosupa.¹⁵Gitione a tla kwa banneng ba Sukothe a re, ''Bonang Seba le Salamuna, ba le neng la ntshotla ka ga bone le re, 'A o setse o fentse Seba le Salamuna? Ga re itse gore re tlamega go neela sesole sa gago borotho.''' ¹⁶Gitione a tsaya bagolwane ba toropokgolo, mme a otlhaya banna ba Sukothe ka mmitlwa wa sekaka. ¹⁷Mme a digela fa fatshe kago e e kwa godimo ya Penuele a bo a bolaya banna ba toropokgolo eo.¹⁸Foo Gitione a raya Seba le Salamuna a re, ''Le bolaile banna ba mofuta ofe kwa Tabore?'' Ba araba, ''Ba ne ba tshwana le wena. Mongwe le mongwe wa bone o ne a tshwana le morwa wa kgosi.'' ¹⁹Gitione a re, ''E ne e le barwarre, barwa ba ga mme. Jaaka Modimo Yahweh a tshela, fa le ne le ba lesitse ba tshela, ke ne ke tla se ka ke le bolaya.''²⁰A raya Jethere(morwa wa gagwe wa ntlha), ''Emelela o ba bolae!'' Mme lekawana la se ka la ntsha tshaka, gonne le ne le tshogile, ka gore o ne a le mosimane yo monnye. ²¹Foo Seba le Salamuna ba re, ''Emalela wena o re bolae! Gonne monna o monna go ya ka fa thata ya gagwe e ntseng ka teng.'' Gitione a ema ka dinao a bolaya Seba le Salamuna. O ne a bo a tsaya mekgabo ya gauta e e tshwanang le leketlo le ngwedi e e neng e le mo melaleng ya dikamela tsa bone.²²Foo banna ba Iseraele ba raya Gitione ba re, ''Re buse - wena, morwao, le morwa wa morwao - gonne o re bolokile mo seatleng sa Midiana.'' ²³Gitione a ba raya a re, ''Ga ke na go le busa, le fa e le mowaake ga a na go le busa. Modimo Yahweh o tla le busa.''²⁴Gitione a ba raya a re, ''Mma ke le kope: gore mongwe le mongwe wa lona a nneele manyena go tswa mo digapiweng tsa gagwe.'' (Bamediana ba ne ba na le manyena a gauta ka gore e ne e le Baishimaele). ²⁵Ba araba, ''Re itumelela go a go neela.'' Ba ala jase, mme monna mongwe le mongwe a latlhela mo go yone manyena a a tswang mo digapiweng tsa gagwe.²⁶Bokete jwa manyena a gauta a a neng a a kopa e ne e le dishekele tsa gauta di le sekete le makgolo a supa. Digapiwa tse di ne di tlatsa mekgabiso e e tshwanang le leketlo la ngwedi, mekgabiso e e aparwang mo molaleng, diaparo tse di neng di aparwa ke dikgosi tsa Midiana, gape le go tlatsa dikeetane tse di neng di le mo melaleng ya dikamela tsa bone.²⁷Gitione a dira khiba ya kobamelo ka manyena a e baya mo toropokgolong ya gagwe, mo Ofera, mme Iseraele otlhe a e ikgwebisetsa-ka-mmele ka go e obamela koo. Ya nna selaga mo go Gitione le ba ba mo ntlong ya gagwe. ²⁸Jalo Midiana a fenngwa fa pele ga batho ba Iseraele, mme ba se ka ba tlhola ba tsholetsa ditlhogo gape. Mme lefatshe la nna le kagiso dingwaga di le masome a mane mo matsatsing a ga Gitione.²⁹Jerubu Bale, morwa Joashe, a ya go nna mo ntlong e e leng ya gagwe. ³⁰Gitione o ne a na le barwa ba le masome a supa ba a ba tshotseng, gonne o ne a na le basadi ba le bantsi. ³¹Nyatsi ya gagwe e e neng e le kwa Shekeme, ya mo tsholela morwa, mme Gitione a mo raya leina a re ke Abimeleke.³²Gitione, morwa Joashe a swa mo dingwageng tse dintsi tsa botsofe, mme a fitlhwa kwa Ofera, mo lebitleng la ga Joashe rraagwe, wa kgotlana ya Abiesere. ³³Ga diragala, go ise go e kae morago ga go swa ga ga Gitione, batho ba Iseraele ba retologa ba ikgwebisa-ka-mmele ka go obamela diBale. Ba dira Bale Berithi modimo wa bone.³⁴Batho ba Iseraele ba se ka ba gakologelwa go tlotla Modimo Yahweh, Modimo wa bone, yo o ba namotseng mo seatleng sa baba botlhe ba bone mo matlhakoreng otlhe. ³⁵Ba ne ba se ka ba tshegetsa tsholofetso ya bone mo go ba ntlo ya ga Jerubu Bale(ke gore, Gitione), go busa bomolemo jo a bo dirileng mo Iseraele.

9¹Abimeleke morwa Jerubu Bale a ya kwa masikeng a ga mmaagwe kwa Shekeme a ba raya le kgotlana yotlhe ya ba masika a ga mmaagwe a re, ²''Tsweetswee buang se, gore baeteledipele botlhe mo Shekeme ba utlwe, 'Se se botoka ke eng mo go lona: gore barwa botlhe ba ga Jerubu Bale ba ba masome a supa ba le buse, kgotsa a le mongwe fela a le buse?' Gakologelwang gore ke lerapo le nama ya lona.'''³Ba lesika la ga mmaagwe ba mmuelela le baeteledipele ba Shekeme, ba dumela go sala Abimeleke morago, gonne ba ne ba re, ''Ke morwarraarona.'' ⁴Ba mo neela dipapetlana tsa selefera di le masome a supa go tswa mo ntlong ya ga Bale Berithi, mme Abimeleke a di dirisa go hira banna ba ba ganang molao ba ba maitsholo a makgasa, ba ba neng ba mo sala morago.⁵Abimeleke a ya kwa ntlong ya ga rraagwe kwa Ofera, mme godimo ga letlapa le le lengwe a bolaya barwarraagwe ba ba masome a supa, barwa Jerubu Bale. Jothame ke ene fela yo o neng a sala, morwa wa ga Jerubu Bale yo monnye, gonne o ne a iphitlha. ⁶Baeteledipele botlhe ba Shekeme le Bethe Milo ba kopana, mme ba tsamaya ba ya go dira Abimeleke kgosi, fa thoko ga mooka gaufi le pilara e e mo Shekeme.⁷Fa Jothame a se na go bolelelwa ka se, a ya a ema mo godimo ga thaba ya Gerisimi. A goa a ba raya a re, ''Ntheetsang, lona baeteledipele ba Shekeme, gore Modimo a tle a kgone go le reetse. ⁸Ka nako nngwe ditlhare tsa ya go tlotsa kgosi go di okamela. Tsa raya setlhare sa olifi tsa re, 'Re buse.'⁹Mme setlhare sa olifi sa di raya sa re, 'A ke tlogele leokwane la me, le le dirisiwang go tlotla badimo le batho, gore ke tle ke boe, fela gore ke obege godimo ga ditlhare tse dingwe?' ¹⁰Ditlhare tsa raya setlhare sa mofeige tsa re, 'Tla o re buse.' ¹¹Mme setlhare sa mofeige sa di raya sa re, 'A ke tlogele bomonate jwa me le leungo la me le le molemo, fela gore ke tle ke boe ke tle go obega godimo ga ditlhare tse dingwe?'¹²Ditlhare tsa raya mofine tsa re, 'Tla o re buse.' ¹³Mofine wa di raya wa re, 'A ke tlogele mofine wa me o mosha, o o thabisang badimo le batho, ke tle boe ke tle go obega godimo ga ditlhare tse dingwe?' ¹⁴Foo ditlhare tsotlhe tsa re go setlhare sa mmitlwa, 'Tla o re buse.'¹⁵Setlhare sa mmitlwa sa raya ditlhare sa re, 'Fa e le boammaaruri le batla go ntlotsa gonna kgosi ya lona, tlang le bone pabalelo ka fa tlase ga moriti wa me. Fa go sa nne jalo, a molelo o tswe mo sekgweng sa mmitlwa, mme a o fise masetare a Lebanone.' ¹⁶Jalo he, fa e le gore le dirile ka boammaaruri le go sa fitlhe sepe, fa le dira Abimeleke kgosi, le fa e le gore le diretse Jerubu Bale le ntlo ya gagwe sentle, le fa e le gore le mo otlhaile ka fa go lebanyeng -¹⁷- le go aknya gore rre o le lwetse, a tsenya botshelo jwa gagwe mo diphatseng, a le golola mo seatleng sa Midiana - ¹⁸mme gompieno le tsogologile kgatlhanong le ntlo ya ga rre, e bile le bolaile barwa ba gagwe, batho ba le masome a supa, mo letlapeng le le lengwe. Mme le dirile Abimeleke, morwa wa motlhanka wa gagwe wa mosadi, kgosi godimo ga baeteledipele ba Shekeme, ka lebaka la gore ke wa lesika la lona.¹⁹Fa le dirile ka go sa fitlhe sepe le ka seriti ka Jerubu Bale le ntlo ya gagwe, foo le tshwanetse go ipela mo go Abimeleke, le ene a a ipele mo go lona. ²⁰Mme fa go sa nna jalo, a molelo o tswe mo go Abimeleke o fise banna ba Shekeme le Bethe Milo. A molelo o tswe mo banneng ba Shekeme le Bethe Milo o fise Abimeleke.'' ²¹Jothame a sia, a ya kwa Beere. O ne a nna gone koo ka gore go ne go le kgakala le Abimeleke, morwarraagwe.²²Abimeleke a busa Iseraele dingwaga tse tharo. ²³Modimo a romela mowa o o bosula gare ga ga Abimeleke le baeteledipele ba Shekeme. Baeteledipele ba Shekeme ba senya go tshepana mo go neng go le teng gare ga bone le Abimeleke. ²⁴Modimo a dira se gore bosula jo bo diretsweng barwa ba ba masome a a supang ba ga Jerubu Bale bo busolosiwe, le morwarraabone, Abimeleke a bonwe molato wa polao ya bone, le banna ba Shekeme ba bonwe molato wa go mo thusa go bolaya barwarraagwe.²⁵Jalo baeteledipele ba Shekeme ba baya banna mo ditlhoeng tsa dithaba go mo lalela gore ba tle ba mo tlhasele ka tshoganyetso, mme ba ne ba thukutha botlhe ba ba neng ba feta fa go bone mo tseleng. Se sa begelelwa Abimeleke.²⁶Gala morwa Ebete a tla le ba lesika la gagwe ba ya ka kwa Shekeme. Baeteledipele ba Shekeme ba nna le tshepo mo go ene. ²⁷Ba tswela kwa nageng ba ya go roba moretlwa wa Sekgoa mo ditshingwaneng tsa mofine, mme ba o gata ka dinao. Ba dira mokete mo ntlong ya modimo wa bone, kwa ba neng ba ja ba nwa, mme ba hutsa Abimeleke.²⁸Gala morwa Ebete a re, ''Abimeleke ke mang, gape Shekeme ke mang yo re tshwanetseng go mo direla? A ga se morwa Jerubu Bale? A Sebulu ga se modiredi wa gagwe? Direlang banna ba ga Hamore, rraagwe Shekeme! Ke eng re tshwanetse go mo direla? ²⁹Ke eletsa gore batho ba ba ka bo ba le ka fa tlase ga taolo ya me! Foo ke ne ke tla tlosa Abimeleke. Ke ne ke tla raya Abimeleke ke re, 'Bitsa sesole sa gago sotlhe.'''³⁰Fa Sebulu, modiredi wa toropokgolo, a utlwa mafoko a ga Gala morwa Ebete bogale jwa gagwe jwa tuka. ³¹A romela barongwa kwa go Abimeleke gore a tsietse, a re, ''Bona, Gala morwa Ebete le ba lesika la gagwe ba tla kwa Shekeme, mme ba fudua toropokgolo kgatlhanong le wena.³²Jaanong, tsoga mo bosigong, wena le masole a a nang le wena, ipaakanyetseng go tlhasela ka go tshoganyetsa mo masimong. ³³Mme mo mosong fa letsatsi le se na go tswa, nanogang le tlhasele toropokgolo. Fa ene le batho ba a nang le bone ba tla kgatlhanong le lona, dirang sengwe le sengwe se le ka se kgonang kgatlhanong le bone.''³⁴Jalo Abimeleke a tsoga mo bosigong, ene le banna botlhe ba ba neng ba na le ene, ba ipaakanyetsa tlhaselo ya tshoganyetso kgatlhanong le Shekeme - ba ikgaoganya ka ditlhopha tse nne. ³⁵Gala morwa Ebete a tswa a ya go ema fa go tsenwang teng fa kgorong ya toropokgolo. Abimeleke le banna ba a neng a na le bone ba tswa fa ba neng ba iphitlhile teng.³⁶Fa Gala a bona banna, a raya Sebulu a re, ''Bona, banna ba etla go tswa mo godimo ga ditlhoa tsa dithaba!'' Sebulu a re, ''O bona meriti mo dithabeng e lebega jaaka ekete ke banna.'' ³⁷Gala a bua gape a re, ''Leba, banna ba fologelela mo bogareng jwa lefatshe, mme sengwe setlhopha se tla ka tsela ya mooka wa didupe.''³⁸Sebulu a mo raya a re, ''Mafoko a gago a boikgantsho a kae jaanong, wena yo o neng o re, 'Abimeleke ke mang yo re tshwanetseng go mo direla?' A ba ga se banna ba o neng o ba nyatsa? Tswa jaanong o ye go lwa le bone.'' ³⁹Gala a tswela kwa ntle a eteletse pele banna ba Shekeme, mme a lwa le Abimeleke. ⁴⁰Abimeleke a mo alola, Gala a sia fa pele ga gagwe. Mme bontsi jwa wa ka dintho tse di bolayang fa pele ga felo fa go tsenwang teng fa kgorong ya toropokgolo.⁴¹Abimeleke a nna kwa Aruma. Sebulu a patika Gala le ba lesika la gagwe go tswa mo Shekeme. ⁴²Mo letsatsing le le latelang batho ba Shekeme ba tswa ba ya kwa nageng, mme se sa begelelwa Abimeleke. ⁴³A tsaya batho ba gagwe, a ba kgaoganya ka ditlhopha tse tharo, ba ipaakanyetsa go tlhasela ka go tshoganyetsa mo nageng. A leba a bona batho ba tswa mo toropokgolong. A ba tlhasela a ba bolaya.⁴⁴Abimeleke le ditlhopha tse a neng a na le tsone ba tlhasela ba bo ba thiba fa go tsenwang teng fa kgorong ya toropokgolo. Ditlhopha tse pedi tse dingwe tsa tlhasela botlhe ba ba neng ba le mo nageng ba ba bolaya. ⁴⁵Abimeleke a lwa le toropokgolo letsatsi leo lotlhe. A gapa toropokgolo, a bolaya batho ba ba mo go yone. A digela fa fatshe dipota tsa toropokgolo a bo a e gasa letswai.⁴⁶Fa baeteledipele botlhe ba ntlo e e kwa godimo ya Shekeme ba utlwa ka se, ba tsena mo boremelelong jwa ntlo ya ga Ele Berithi. ⁴⁷Abimeleke a bolelelwa gore batho botlhe ba kgobokanye kwa ntlong e e kwa godimo ya Shekeme.⁴⁸Abimeleke a tlhatlogela kwa thabeng ya Salamone, ene le banna ba ba neng ba na le ene. Abimeleke a tsaya selepe a kgaola dikala tsa setlhare. A di baya mo legetleng la gagwe , a laola banna ba ba neng ba na le ene, ''Se le boneng ke se dira, itlhaganeleng le se dire.'' ⁴⁹Jalo mongwe le mongwe a kgaola dikala a sala Abimeleke morago. Ba di tlhatlaganya di ikaegile ka lobota lwa ntlo e e kwa godimo, ba e tshuba, gore batho botlhe ba ntlo e e kwa godimo ya Shekeme lebone ba swe, banna le basadi ba ka nna sekete.⁵⁰Foo Abimeleke a ya kwa Thebese, a kampa kgatlhanong le Thebese mme a e gapa. ⁵¹Mme go ne go na le ntlo e e kwa godimo e e thata mo toropokgolong, banna le basadi le baeteledipele botlhe ba toropokgolo ba siela kwa go yone mme ba itswalela mo go yone. Foo ba ya kwa borulelong jwa ntlo e e kwa godimo.⁵²Abimeleke a tla kwa ntlong e e kwa godimo a lwa le yone, mme a tla kwa lebating la ntlo e e kwa godimo go le tshuba. ⁵³Mme mosadi a rothisetsa letlapa la tshilo mo tlhogong ya ga Abimeleke mme la ranya legata la gagwe. ⁵⁴Foo a bitsa ka potlako monnana wa motsholathebe wa gagwe, a mo raya a re, ''Ntsha tshaka ya gago o mpolae, gore go se ka ga nna le ope yo o tla reng ka nna, 'O bolailwe ke mosadi.''' Jalo monnana a mo phunya, mme a swa.⁵⁵Fa banna ba Iseraele ba bona gore Abimeleke o sule, ba ya gae. ⁵⁶Mme jalo Modimo a busolosa bosula jo Abimeleke a bo dirileng kgatlhanong le rraagwe ka go bolaya barwarraagwe ba ba masome a supa. ⁵⁷Modimo a dira gore bosula jotlhe jwa banna ba Shekeme bo boele mo ditlhogong tsa bone gape mo go bone ga tla phutso ya ga Jothame morwa Jerubu Bale.

10¹Morago ga ga Abimeleke, Tola morwa Pua morwa Toto, monna go tswa kwa Isakare, yo a neng a nna mo Shamiri, mo lefatsheng la dithaba la Iforaime, a ema go golola Iseraele. ²A atlhola Iseraele dingwaga di le 23. A swa mme a fitlhwa mo Shamiri.³O ne a salwa morago ke Jairi wa Mogileate. A atlhola Iseraele dingwa di le 22. ⁴O ne a na le barwa ba le masome mararo ba palama ditonki di le masome mararo, ba na le ditoropokgolo di le masome mararo, tse di bidiwang Hafothe Jairi go fitlha gompieno, tse di leng kwa lefatsheng la Gileate. ⁵Jairi a swa mme a fitlhwa kwa Kamone.⁶Batho ba Iseraele ba tlatsa mo godimo ga bosula jo ba neng ba bo dira mo ponong ya Modimo Yahweh, ba obamela diBale, diAshetorethe, medimo ya Arama, medimo ya Sitona, medimo ya Moabe, medimo ya batho ba Amone, le medimo ya Bafilisitia. Ba tlogela Modimo Yahweh ba se ka ba tlhola ba mo obamela gape. ⁷Modimo Yahweh a tuka ka bogale kgatlhanong le Iseraele, mme a ba rekisetsa mo seatleng sa Bafilisitia, le mo seatleng sa Baamone.⁸Ba tshwatla ba bo ba gatelela batho ba Iseraele mo ngwageng oo, mme mo dingwageng tse 18 ba gatelela batho botlhe ba Iseraele ba ba neng ba nna moseja wa Jorotane mo lefatsheng la Baamori, le le kwa Gileate. ⁹Mme Baamone ba tlola Jorotane ba tla go lwa le Juta, le Benjamene, le ntlo ya ga Iforaime, mo go dirileng gore Iseraele a nne mo patikesegong e kgolo.¹⁰Foo batho ba Iseraele ba bitsa Modimo Yahweh ba re, ''Re go leofetse, gonne re tlogetse Modimo wa rona ra obamela diBale.'' ¹¹Modimo Yahweh a raya batho ba Iseraele a re, ''A ga ke a le golola mo Baegepetong, mo Baamoring, mo Baamoneng, mo Bafilisitieng, ¹²gape le mo Basitoneng? Baamaleka le Bamaone ba ne ba le gateletse; le ne la mpitsa, mme ke ne ka le golola go tswa mo thateng ya bone.¹³Mme le ne la ntlogela la ya go obamela medimo e mengwe. Jalo he, ga ke na go oketsa nako e ke ntseng ke le golola ka yone. ¹⁴Tsamayang le bitse medimo e le ntseng le e obamela. A e le namole fa le na le mathata.''¹⁵Batho ba Iseraele ba raya Modimo Yahweh ba re, ''Re leofile. Dira ka rona sepe se se lebegang se siame mo go wena. Fela tsweetswee, re namole gompieno.'' ¹⁶Ba hularela medimo e sele e ba neng ba e ruile, mme ba obamela Modimo Yahweh. Mme a fedisiwa pelo ke go sotlega ga Iseraele.¹⁷Foo Baamone ba kgobokana ba tlhoma kampa mo Gileate. Baiseraele ba kgobonana ba tlhoma kampa ya bone kwa Misepha. ¹⁸Baeteledipele ba batho ba Gileate ba rayana ba re, ''Ke mang monna yo o tla simololang go lwa le Baamone? O tla nna moeteledipele wa botlhe ba ba nnang mo Gieate.''

11¹Jaanong Jefotha wa Mogileate e ne e le senatla sa ntwa, mme e le morwa mogweba-ka-mmele. Gileate e ne e le rraagwe. ²Mosadi wa ga Gileate a mo tsholela barwa ba bangwe. Fa barwa ba mosadi wa gagwe ba se na go gola, ba patika Jefotha go tswa mo ntlong ba mo raya ba re, ''Ga o na go nna le boswa bope mo lelapeng la rona. O morwa wa mosadi yo mongwe.'' ³Jalo Jefotha a tshaba barwarraagwe a ya go nna kwa lefatsheng la Tobe. Banna ba ba ganang molao ba itshwaraganya le Jefotha mme ba ya ditlhaselong ba bo ba boa le ene.⁴Matsatsi morago, batho ba Amone ba tla go lwa le Iseraele. ⁵Fa batho ba Amone ba tla go lwa le Iseraele, bagolwane ba Gileate ba ya go tsaya Jefotha kwa lefatsheng la Tobe. ⁶Ba raya Jefotha ba re, ''Tla o nne moeteledipele wa rona gore re tle re lwe le batho ba Amone.''⁷Jefotha a raya baeteledipele ba Gileate a re, ''Le ne le ntlhoile la bo la dira gore ke tswe mo ntlong ya ga rre. Ke eng le tla kwa go nna jaanong fa le le mo mathateng?'' ⁸Bagolwane ba Gileate ba raya Jefotha ba re, ''Ke lone lebaka la go bo re tla kwa go wena jaanong; tla le rona re lwe le batho ba Amone, mme o tla nna moeteledipele mo go botlhe ba ba nnang mo Gileate.''⁹Jefotha a raya bagolwane ba Gileate a re, ''Fa le nkisa gae gape go lwa le batho ba Amone, mme fa Modimo Yahweh a re fa phenyo godimo ga bone, ke tla nna moeteledipele wa lona.'' ¹⁰Bagolwane ba Gileate ba raya Jefotha ba re, ''A Modimo Yahweh a nne mosupi gareng ga rona fa re sa dire jaaka re bua!'' ¹¹Jalo Jefotha a tsamaya le bagolwane ba Gileate, mme batho ba mo dira moeteledipele le molaola sesole godimo ga bone. Fa a le fa pele ga Modimo Yahweh kwa Misepha, Jafotha a boelela ditsholofetso tsotlhe tse a di dirileng.¹²Foo Jefotha a romela barongwa kwa kgosing ya batho ba Amone, a re, ''Ke eng kgotlhang e e fa gare ga rona e? Ke eng o tsile ka dikgoka go tsaya lefatshe la rona?'' ¹³Kgosi ya batho ba Amone a araba barongwa ba ga Jefotha, ''Gonne fa Iseraele a tswa kwa tlase kwa Egepeto, ba tsere lafatshe la me go tswa kwa Aranone go fitlha kwa Jaboko, moseja wa Jorotane. Jaanong busa mafatshe ao ka kagiso.''¹⁴Gape Jefotha a romela barongwa kwa kgosing ya batho ba Amone, ¹⁵mme a re, ''Se ke se Jefotha a se buang: Iseraele ga a ka a tsaya lefatshe la Moabe, le lefatshe la batho ba Amone, ¹⁶mme ba ne ba tlhatloga ga tswa kwa Egepeto, mme Iseraele o ne a ralala sekaka go ya kwa lewatleng la Dirite ba tswelela go ya kwa Kateshe.¹⁷Fa Iseraele a romela barongwa kwa kgosing ya Etome a re, 'Tsweetswee re letle go ralala lefatshe la gago; kgosi ya Etome a se ka a reetsa. Ba ne gape ba romela barongwa kwa kgosing ya Moabe, mme a gana. Jalo Iseraele a nna kwa Kateshe. ¹⁸Foo ba ralala sekaka ba hularela lafatshe la Etome le lefatshe la Moabe, mme ba tsamaya ka fa letlhakoreng la botlhabatsatsi la lefatshe la Moabe ba kampa ntlha e nngwe ya Aranone. Mme ga ba a ka ba tsena mo Moabe, gonne Aranone e ne e le molelwane wa Moabe.¹⁹Iseraele a romela barongwa kwa go Sihone, kgosi ya Baamori, yo o neng a busa mo Heshebone; Iseraele a mo raya a re, 'Tsweetswee, re letle go ralala lefatshe la gago go ya kwa lefelong le e leng la rona.' ²⁰Mme Sihone a se ka a tshepa Iseraele go ralala lefatshe la gagwe. Jalo Sihone a kgobokanya sesole sotlhe sa gagwe a se isa kwa Jahase, koo a lwa le Iseraele.²¹Mme Modimo Yahweh, Modimo wa Iseraele a neela Sihone le batho botlhe ba gagwe mo seatleng sa Iseraele mme ba ba fenya. Jalo Iseraele a tsaya lefatshe lotlhe la Baamori ba ba neng ba nna mo lefatsheng leo. ²²Ba tsaya sengwe le sengwe se mo teng ga lefatshe la Baamori, go tswa Aranone go ya Jaboko, le go tswa sekakeng go ya Jorotane.²³Jalo Modimo Yahweh, Modimo wa Iseraele, o kobile Baamori fa pele ga batho ba gagwe Iseraele, a jaanong o tshwanetse go tsaya lefatshe la bone? ²⁴A ga o ka ke wa tsaya lefatshe le Khemoshe, modimo wa gago, a le go neelang? Jalo lefatshe lepe le Modimo Yahweh, Modimo wa rona a le re neelang, re tla le tsaya. ²⁵Jaanong a ruri o botoka go na le Balaka morwa Siporo, kgosi ya Moabe? A o kile a leka go nganga le Iseraele? A o kile a bolotsa ntwa kgatlhanong le bone?²⁶Ka nako ya Iseraele a ntse dingwaga tse 300 mo Heshebone le metse ya yone, le Aroa le metse ya yone, le mo ditoropokgolong tse di mo letshitshing la Aranone - ke eng ka nako eo o se kile wa a tsaya? ²⁷Ga ke a go direla molato, mme o ntirela molato ka go ntlhasela. Modimo Yahweh, moatlhodi, letsatsi leno o tla atlhola gareng ga batho ba Iseraele le batho ba Amone.'' ²⁸Mmme kgosi ya batho ba Amone a gana tlhagiso e Jefotha a e mo romeletseng.²⁹Foo Mowa wa Modimo Yahweh wa tla mo go Jefotha, mme a ralala Gileate le Manase, mme a ralala le Misepha wa Gileate, mme go tswa kwa Misepha wa Gileate a ralala a ya kwa bathong ba Amone. ³⁰Jefotha a direla Modimo Yahweh maikano a re, ''Fa o ka mpha phenyo godimo ga batho ba Amone, ³¹foo le fa e le eng se se tswang ka mabati a ntlo ya me go nkopantsha fa ke boa ka kagiso go tswa kwa bathong ba Amone e tla nna sa Modimo Yahweh, e bile ke tla se nstha e le moneelo o o fisiwang.''³²Jalo Jefotha a ralala a ya kwa bathong ba Amone a ya go lwa le bone, mme Modimo Yahweh a mo neela phenyo. ³³A ba tlhasela a dira gore go nne le polao e kgolo go tswa kwa Aroa go ya bokgakaleng jwa Minithi - ditoropokgolo tse masome mabedi - le go ya kwa Abele Keramimi. Jalo batho ba Amone ba tsenngwa ka fa tlase ga taolo ya batho ba Iseraele.³⁴Jefotha a tla kwa legaeng la gagwe kwa Misepha, gone foo morwadie a tswa a tla go mo kopantsha ka dithamporini le go bina. E ne e le morwadie a le nosi fela, kwa ntle ga gagwe o ne a sena morwa le fa e le morwadi. ³⁵E rile jaaka a mmona, a gagola diaparo tsa gagwe a re, ''Oh! Morwadiaka! O ntshwatlile ka khutsafalo, e bile o fetogile e ne yo o ntsisetsang setlhabi! Gonne ke ikanetse Modimo Yahweh, mme ga ke ka ke ka fetogela tsholofetso ya me.''³⁶A mo raya a re, ''Rre, o diretse Modimo Yahweh maikano, ntire dilo tsotlhe tse o di solofeditseng, gonne Modimo Yahweh o go busoloseditse kgatlhanong le baba ba gago, Baamone.'' ³⁷A raya rraagwe a re, ''A tsholofetso e e tshegelediwe nna. Ntlogele ke nne nosi dikgwedi tse pedi, gore ke tswe ke ye kwa dithabeng ke ye go hutsafalela bokgarebana jwa me, nna le bapati ba me.''³⁸A re, ''Tsamaya.'' A mo romela go nna dikgwedi tsa pedi. A mo tlogela, ene le bapati ba gagwe, ba ya go hutsafalela bokgarebana jwa gagwe kwa dithabeng. ³⁹Kwa bokhutlong jwa dikgwedi tse pedi a boela kwa go rraagwe, yo o neng a dira tsholofetso ya maikano a a a dirileng. Jaanong o ne a ise a ke a robalane le monna, mme se sa nna ngwao kwa Iseraele, ⁴⁰ya gore barwadi ba Iseraele, ngwaga le ngwaga, ba nna ba bua poleleo ya morwadia Jefotha wa Mogileate matsatsi a le mane.

12¹Banna ba Iforeime ba ne ba bidiwa; ba ralela motse wa Saphone ba raya Jafotha ba re, ''Ke eng le fetile fa go ya go lwantsha batho ba Amone le sa re bitsa gore re tsamae le lona? Re ta le tshubela mo matlong a lona.' ²Jefota are, '' Nna le batho ba me re ne rena le kgotlhang e kgolo le batho ba Amone. Fa ke le bitsa lona,le ne la seka la nnamola mo go bone.³Ga ke bona gore ga le a nnamola,ka baya botshelo jwame mo thateng yame mme ka ralala kgathanong le batho ba Amone,mme Modimo Yaweh a mpha phenyo.Ke eng le tsile go ntwantsha gompieno?'' ⁴Jefota a kgobokanya banna botlhe ba Gileate a lwa kgathanong le Iforeime.Banna ba Gileate ba tlhasela banna ba Ifereime ka ba ne ba re ''Lona ma Gileate ga le banni ba Ifereime -mo Ifereime le Manase.''⁵Bagileate ba gapa matsibogo a Jorotane a a yang kwa Iforeime. Fa mongwe wa bafalodi ba Iforeime a re, ''Nteseng ke kgabaganye noka,'' banna ba Gileate ba tla bo ba mo raya ba re, ''A o Moiforeime?'' Fa a re, ''Nnyaa,'' ⁶ba tla a bo ba mo raya ba re, ''Bua o re: Shibolethe.'' Mme e re fa a re ''Sibolethe.''( ka a sa kgone go le bua sentle), Bagileate ba mo tshware ba mmolaele kwa matsibogong a Jorotane. Baiforeime ba le masome a mane le bobedi a dikete ba bolawa ka nako eo.⁷Jefotha a dira e le moatlhodi mo Iseraele mo dingwaga tse 6. Jefotha wa Mogileate a swa mme a bolokelwa mo toropokgolong nngwe ya Gileate.⁸Morago ga gagwe, Ibosane wa Bethelehema a dira e le moatlhodi mo Iseraele. ⁹O ne a na le barwa ba le masome a mararo. O ne a nyadisa barwadie ba le masome a mararo, a bo a tsaya barwadia banna ba bangwe go tswa ka kwa ntle go nna basadi ba barwa ba gagwe. O ne a atlhola Iseraele dingwaga di le 7.¹⁰Ibosane a swa mme a bolokwa mo Bethelehema. ¹¹Morago ga gagwe, Elone wa Mosebulane a dira mo Iseraele a le moatlhodi. O ne a atlhola Iseraele dingwaga di le 10. ¹²Elone wa Mosebulane a swa mme a bolokwa mo Aijalone mo lefatsheng la Sebulane.¹³Morago ga gagwe, Abotone morwa Hilele wa Mopirathone o ne a dira a le moatlhodi mo Iseraele. ¹⁴O ne a na le barwa ba le masome a mane le barwa ba barwa ba le masome mararo. Ba ne ba palama ditonki di le masome a supang, mme a atlhola Iseraele dingwaga di le 8. ¹⁵Abotone morwa Hilele wa Mopirathone a swa mme a bolokwa mo Pirathone mo lefatsheng la Iforaime mo lefatsheng la dithaba la Baamaleka.

13¹Gape batho ba Iseraele ba dira se se bosula mo ponong ya Modimo Yahweh, mme a ba neela mo seatleng sa Bafilisitia dingwaga di le 40. ²Go ne go na le monna mongwe go tswa Sora, wa lesika la Batene, yo leina la gagwe e neng e le Manoa. Mosadi wa gagwe o ne a sa kgone go ima mme o ne a ise a ko a tshole.³Moengele wa Modimo Yahweh a mo iponagaletsa a mo raya a re, ''Bona jaanong, o ntse o sa kgone go ima, e bile o ntse o ise o ko o tshole, mme o tsile go ima o bo o tshola morwa. ⁴Jaanong ela tlhoko gore ga o nwe mofine kgotsa seno sepe se se bogale, e bile o se ka wa ja sepe se se itshekologileng. ⁵Leba, o tla ima o bo o tshola morwa. Legare ga le na go dirisiwa mo tlhogong ya gagwe, gonne ngwana o tla nna Monasareta wa Modimo go tswa popelong, mme o tla simolola go golola Iseraele mo seatleng sa Bafilisitia.''⁶Foo mosadi a tla a bolelela monna wa gagwe, ''Monna wa Modimo o ne a tsile kwa go nna, mme o ne a lebega jaaka moengele wa Modimo, a boitshega. Ga ke a ka ka mmotsa gore o tswa kae, mme ga a mpolelela leina la gagwe. ⁷O ne a nthaya a re, 'Leba! O tla ima, o tla tshola morwa. Jalo o se ka wa nwa mofine kgotsa seno se se bogale, gape o se ka wa ja dijo tse molao o di bolelang di itshekologile, gonne ngwana o tla nna Monasareta wa Modimo go tloga a le mo popelong ya gago go fitlhela a swa.'''⁸Foo Manoa a rapela Modimo Yahweh a re, ''Oh, Morena, tsweetswee letla monna wa Modimo yo o neng o mo rometse a tle gape kwa go rona, a tle a re rute se re tshwanetseng go se direla ngwana yo o tlogang a tsholwa.'' ⁹Modimo a araba thapelo ya ga Manoa, mme moengele wa Modimo a tla gape kwa mosading a santse a ntse fa fatshe mo tshimong. Mme monna wa gagwe, Manoa o ne a sena le ene.¹⁰Jalo mosadi a taboga ka bonako a bolelela monna wa gagwe, ''Leba! Monna yo a imponagaleditseng - ene yo o neng a tsile kwa go nna letsatsi le lengwe!'' ¹¹Manoa a ema ka dinao a sala mosadi wa gagwe morago. Fa a fitlha kwa monneng a re, ''A ke wena monna yo o buileng le mosadi wa me?'' Monna a re, ''Ke nna.''¹²Jalo Manoa a re, ''Jaanong a mafoko a gago a nne boammaaruri. Ke efe melao e e amang ngwana, le gone o tla dira tiro efe?'' ¹³Moengele wa Modimo Yahweh a raya Manoa a re, ''Mosadi o tshwanetse go dira dilo tsotlhe tse ke di mo mmoleletseng ka kelotlhoko. ¹⁴A se ka a ja sepe se se tswang mo difineng, o se ka wa mo letla go nwa mofine kgotsa seno se se bogale; o se ka wa mo letla go ja sejo sepe se molao o se bolelang se itshekologile. O tshwanetse go utlwa sengwe le sengwe se ke mo laotseng go se dira.''¹⁵Manoa a raya moengele wa Modimo Yahweh a re, ''Tsweetswee nna nakonyana, o re fe nako ya go go baakanyetsa podi e nnye.'' ¹⁶Moengele wa Modimo Yahweh a raya Manoa a re, ''Le fa ke ka nna, ga ke na go ja dijo tsa gago. Mme fa o baakanya moneelo o o fisiwang, o neele Modimo Yahweh.'' (Manoa o ne a sa itse gore ke moengele wa Modimo Yahweh).¹⁷Manoa a raya moengele wa Modimo Yahweh a re, ''Leina la gago ke mang, gore re tle re go tlotle fa mafoko a gago a nna boammaaruri?'' ¹⁸Moengele wa Modimo Yahweh a mo raya a re, ''Ke eng o botsa leina la me? Ke kgakgamatso!''¹⁹Jalo Manoa a tsaya podi e nnye le moneelo wa mabele a di neela ModimoYahweh mo letlapeng. A dira sengwe se se kgatlhang Manoa le mosadi ba ntse ba lebile. ²⁰Fa kgabo ya molelo e tukela mo lefaufaung mo godimo ga aletara, moengele wa Modimo Yahweh a tlhatloga a le mo kgabong ya molelo. Manoa le mosadi wa gagwe ba bona se mme ba ribama ka difatlhego di le fa fatshe.²¹Moengele wa Modimo Yahweh a se ka a tlhola a iponagaletsa Manoa kgotsa mosadi wa gagwe gape. Foo Manoa a itse gore e ne e le moengele wa Modimo Yahweh. ²²Manoa a raya mosadi wa gagwe a re, ''E le ruri re tsile go swa, gonne re bone Modimo!''²³Mme mosadi wa gagwe a mo raya a re, ''Fa e ne e le gore Modimo Yahweh o ne a batla go re bolaya, o ka bo a sa amogela moneelo o o fisiwang le moneelo wa mabele o re o mo neileng. O ka bo a se kile a re bontsha dilo tsotlhe tse, le gone o ka bo a sa letla gore re utlwe dilo tse di ntseng jaana.''²⁴Morago mosadi a tshola morwa a mmitsa Samosone. Ngwana a gola mme Modimo Yahweh a mo segofatsa. ²⁵Mowa wa Modimo Yahweh wa mo fudua kwa Mahanetene, gare ga Sora le Eshetaole.

14¹Samosone a ya kwa Timona, koo a bona mosadi, mongwe wa bana ba Bafilisitia. ²Fa a boa, a bolelela rraagwe le mmaagwe, ''Ke bone mosadi kwa Timona, mongwe wa bana ba Bafilisitia. Jaanong mo ntseeleng a nne mosadi wa me.''³Rraagwe le mmaagwe ba re, ''A ga go na mosadi gare ga bana ba basetsana ba masika a gago, kgotsa gareng ga batho ba ga rona? A o ya go tsaya mosadi go tswa mo Bafilisitieng ba ba sa rupang?'' Samosone a raya rraagwe a re, ''Mo ntseele, gonne fa ke mo leba, o a intumedisa.'' ⁴Mme rraagwe le mmaagwe ba ne ba sa itse gore kgang e e ne e le ya Modimo Yahweh, gonne o ne a batla go dira kgotlhang mo Bafilisitieng (gonne ka nako eo Bafilisitia ba ne ba busa Iseraele).⁵Foo Samosone a ya kwa Timona le rraagwe le mmaagwe, mme ba tla kwa masimong a mofine a Timona. Mme, bonang, gone koo ga tla nngwe ya ditau tse di nnye ya mo rorela. ⁶Mowa wa Modimo Yahweh wa tla mo go ene, a gagola tau motlhofo jaaka a ne a ka gagola podi e nnye, mme o ne a sa tshola sepe mo seatleng. Mme a se ka a bolelela rraagwe kgotsa mmaagwe se a se dirileng.⁷Samosone a tsamaya a ya go bua le mosadi, fa a mo leba, a mo itumedisa. ⁸Matsatsi a se kae fa a boa go mo nyala, a fapogela kwa thoko go batla mmele wa tau. Mme, bonang, ga bo go na le dinotshi le tswine mo masaleleng a mmele wa tau. ⁹A halela tswine mo diatleng tsa gagwe, a tswelela pele le mosepele, a ja tswine mo tseleng. Fa a fitlha kwa go rraagwe le mmaagwe, a ba neela, mme ba ja. Mme a se ka a ba bolelela gore o tsere tswine mo masaleleng a mmele wa tau.¹⁰Rraagwe Samosone a ya kwa tlase kwa mosadi a neng a le teng, mme Samosone a dira mokete koo, gonne se e ne e le ngwao mo makaung. ¹¹E rile fela jaaka ba masika a gagwe ba mmona, ba mo tsisetsa ditsala tsa bone di le masome a mararo go mo pata.¹²Samosone a ba raya a re, ''Jaanong tla ke boleleleng thamalakane. Fa mongwe wa lona a ka batlisisa ka yone a bo a mpha karabo mo matsatsing a a supa a mokete, ke tla aba dijase tsa letsela di le masome a mararo le diaparo di le masome a mararo. ¹³Mme fa le sa kgone go mpha karabo, le tla mpha dijase tsa letsela di le masome a mararo le diaparo di le masome a mararo.'' Ba mo raya ba re, ''Re bolele thamalakane ya gago, gore re e utlwe.''¹⁴A ba raya a re, ''Mo sejing ga tswa se se jewang; mo go se se maatla ga tswa se se monate.'' Mme baeng ba gagwe ba se ka ba kgona go bona karabo ma matsatsing a le mararo.¹⁵Mo letsatsing la bone ba raya mosadi wa ga Samosone ba re, ''Tsietsa monna wa gago gore a re bolelele karabo ya thamalakane, e seng jalo re tla go tshuba re bo re tshuba ntlo ya ga rraago. A o re laleleditse go tla go re humanegisa?''¹⁶Mosadi wa ga Samosone a simolola go lela fa pele ga gagwe; a re, ''Se o se dirang ke go ntlhoa! Ga o nthate. O boleleltse bangwe ba batho ba gaetsho thamalakane, mme ga o a mpolelela karabo.'' Samosone a mo raya a re, ''Bona fa, fa ke sa bolelela rre kgotsa mme, a ke tshwanetse go go bolelela?'' ¹⁷A lela matsatsi otlhe a a supa a mokete. Mo letsatsing la bosupa, mmolelela karabo gonne o ne a mo gateletse mo go golo. A bolelela ba masika a batho ba ga gabo karabo.¹⁸Mo letsatsing la bosupa pele letsatsi le phirima, banna ba toropokgolo ba mo raya ba re, ''Ke eng se se monate go feta tswine? Ke eng se se maatla go feta tau?'' Samosone a ba raya a re, ''Fa le ne le sa lema ka kgomo ya me ya moroba, le ka bo le sa bona karabo ya thamalakane ya me.''¹⁹Foo ka tshoganetso Mowa wa Modimo Yahweh wa tla mo go Samosone ka maatla. Samosone a ya kwa tlase kwa Ashekelone a bolaya banna ba le masome a mararo gareng ga batho koo. A tsaya digapiwa mo go bone, a neela ba ba arabileng thamalakane ya gagwe diaparo. O ne a tenegile mme a tsamaya a ya kwa ntlong ya ga rraagwe. ²⁰Mme mosadi wa gagwe a neelwa tsala ya gagwe e tona.

15¹Morago ga matsatsi, ka nako ya go rojwa korong, Samosone a tsaya podi e nnye a etela mosadi wa gagwe. A bua a le nosi a re, ''Ke tla tsena kwa kamoreng ya mosadi wa me.'' Mme mogwegadi wa gagwe a se ka a mo letlelela go tsena. ²Rraagwe mosadi a re, ''Nna ke ne ke akanya gore o mo tlhoile, jalo ka mo neela tsala ya gago. Monnawe o montle go mo feta, a ga go a nna jalo? Tsaya ene boemong jwa gagwe.''³Samosone a ba raya a re, ''Mo nakong e ga ke na go nna molato mabapi le Bafilisitia fa ke ba utlwisa botlhoko.'' ⁴Samosone a tsamaya a tshwara bophokojwe ba le makgolo a mararo mme a ba tshwaraganya ka megatla sebedi-sebedi. Foo a tsaya dikgong tse di bonesang a di bofelela fa gare ga megatla e mebedi e e bofagantsweng.⁵Fa a se na go tukisa dikgong tse di bonesang, a lesa bophokojwe go tsena mo mabeleng a Bafilisitia a a neng a eme, mme ba fisa mabele a a neng a kgobokantswe le a neng a eme mo tshimong, ga mmogo le masingwana a difine le masimo a diolifi. ⁶Bafilisitia ba botsa, ''Ke mang yo o dirileng se?'' Ba bolelelwa, ''Samosone, mogwe wa Motimona, o dirile se ka gore Motimona o tsere mosadi wa ga Samosone a mo neela tsala ya gagwe.'' Foo Bafilisitia ba tsamaya ba ya go mo tshuba le rraagwe.⁷Samosone a ba raya a re, ''Fa e le gore se ke se le se dirang, ke tla ipusolosetsa mo go lona, mme fa seo se se na go diragala, ke tla ema.'' ⁸Foo a ba kgaola ditoki, dinoka le dirope, ka polao e kgolo. Foo a fologela tlase a ya go nna mo legageng kwa bohelelong jwa thaba jwa Etame.⁹Foo Bafilisitia ba tla ba ipaakanyetsa ntwa mo Juta mme ba baya sesole sa bone kwa Lehi. ¹⁰Banna ba Juta ba re, ''Ke eng le tsile gore tlhasela?'' Ba re, ''Re tlhaselela gore re tle re gape Samosone gore re tle re mo dire se a se re dirileng.''¹¹Foo banna ba le dikete di le tharo ba fologela kwa legageng le le mo bofelelong jwa thaba kwa Etame, mme ba raya Samosone ba re, ''A ga o itse fa Bafilisitia ba re busa? Ke eng se o re dirileng sone se?'' Samosone a ba raya a re, ''Ba ntirile sengwe, le nna ke ba dirile sengwe.''¹²Ba raya Samosone ba re, ''Re tsile kwano go go bofa re bo re go rolela mo diatleng tsa Bafilisitia.'' Samosone a ba raya a re, ''Inkaneleng gore ga le na go mpolaya lona.'' ¹³Ba mo raya ba re, ''Nyaya, rona re tsile fela go go bofa ka megala re bo re go ba neela. Re solofetsa gore ga re na go go bolaya.'' Foo ba mmofa ka megala e mebedi e mesha ba mo tsisa go tswa kwa letlapeng.¹⁴Fa a fitlha kwa Lehi, Bafilisitia ba tla ba goa fa ba tla go kopana le ene. Foo Mowa wa Modimo Yahweh wa tla mo go ene ka maatla. Megala e e mo matsogong a gagwe ya nna jaaka tlhale e fisitswe, mme ya wa mo matsogong a gagwe.¹⁵Samosone a bona lerapo la letlhaa la tonki le lesha, mme a le sela a bolaya banna ba le sekete ka lone. ¹⁶Samosone a re, ''Ka lerapo la letlhaa la tonki, mokoa godimo ga mokoa, ka lerapo la letlhaa la tonki ke bolaile banna ba le sekete.''¹⁷Fa Samosone a fetsa go bua, a latlha lerapo la letlhaa, mme a bitsa lefelo leo Ramatha Lehi. ¹⁸Samosone o ne a nyorilwe mme a bitsa Modimo Yahweh a re, ''O neile motlhanka wa gago phenyo e kgolo e. Mme jaanong a ke tla swa ka lenyora mme ke bo ke wela mo diatleng tsa ba ba sa rupang?''¹⁹Mme Modimo a phatlola lefelo le le gabilweng kwa Lehi, mme metsi a tswa. Fa a nwa, maatla a gagwe a boa, a bo a tsoselesega. Jalo a bitsa lefelo leo Ene Hakore, mme go ntse go kwa Lehi go fitlha gompieno. ²⁰Samosone a atlhola Iseraele mo matsatsing a Bafilisitia dingwaga di le 20.

16¹Samosone a ya kwa Gasa mme a bona mogweba-ka-mmele koo, mme a robalana le ene. ²Bagasa ba bolelelwa, ''Samosone o tsile fa.'' Bagasa ba dikaganyetsa lefelo mme mo sephiring, ba mo letela bosigo jotlhe kwa kgorong ya toropokgolo. Ba didimala bosigo jotlhe. Ba ne ba rile, ''A re leteng go fitlhelela letsatsi le dule, mme foo re mmolae.''³Samosone a rapama mo bolaong go fitlha bosigo gare. Ka nako ya bosigo gare a tsoga a tsaya heke ya toropokgolo le dikota tse pedi tsa yone. A di kumola, dikota tse di kgabaganyang le gotlhe, a di rwala mo magetleng, mme a di rwalela kwa godimo ga thaba, fa pele ga Heberone.⁴Morago ga se, Samosone a rata mosadi yo o neng a nna mo mokgatsheng wa Soreke. Leina la gagwe e le Telila. ⁵Babusi ba Bafilisitia ba tla kwa go ene, mme ba mo raya ba re, ''Tsietsa Samosone o bone gore maatla a gagwe a magolo a tswa fa kae, le gore re ka mo hekeetsa ka tsela efe, gore re tle re mmofe re tle re mo tlhabise ditlhong. Dira se, mme mongwe le mongwe wa rona o tla go neela dipapetlana tsa selefera di le sekete le lekgolo.''⁶Mmme Telila a raya Samosone a re, ''Tsweetswee, mpolelele gore ke eng o le thata jaana, le gore o ka bofiwa ke mang, jang, gore o tle o laolwe?'' ⁷Samosone a mo raya a re, ''Fa ba ka mpofa ka dithapo tse supa tse disha tsa bora tse di iseng di omisiwe, foo ke tla nna bokoa ke bo ke nna jaaka monna mongwe le mongwe.''⁸Foo babusi ba Bafilisitia ba tsisa kwa go Telila dithapo tse disha tsa bora tse di iseng di omisiwe di supa, mme a bofa Samosone ka tsone. ⁹Jaanong o ne a na le banna ba iphitlhile mo sephiring, ba nna mo kamoreng ya gagwe e e kwa teng. A mo raya a re, ''Bafilisitia ba a go tlhasela, Samosone!'' Mme a kgaola dithapo tsa bora jaaka ekete ke leodi le amana le molelo. Mme ba se ka ba ithuta ka sephiri sa thata ya gagwe.¹⁰Telila a raya Samosone a re, ''Ke ka fa o ntsieditseng teng wa bo wa mpolelela maaka. Tsweetswee, mpolelele gore o ka fenngwa jang.'' ¹¹A mo raya a re, ''Fa ba ka mpofa ka megala e mesha e e iseng e bereke, ke tla nna bokoa ke bo ke nna jaaka monna mongwe le mongwe.'' ¹²Jalo Telila a tsaya megala e mesha a mmofa ka yone, a mo raya a re, ''Bafilisitia ba a go tlhasela, Samosone!'' Banna ba ba neng ba letile ba ne ba le mo kamoreng e e ka kwa teng. Mme Samosone a kgaola megala go tswa mo matsogong a gagwe jaaka ekete ke setoki sa leodi.¹³Telila a raya Samosone a re, ''Go fitlha jaanong o ntse o ntsietsa o mpolelela maaka. Mpolelele gore o ka fenngwa jang.'' Samosone a mo raya a re, ''Fa o ka logela meriri ya me e e supa mo letseleng mo mochining o o logang, mme o bo o e kokotela mo mochining o o logang, ke tla nna jaaka monna mongwe le mongwe.'' ¹⁴E rile a santse a robetse, Telila a logela meriri ya gagwe e e supa mo letseleng le le mo mochining o o logang, mme a e kokotela mo mochining mme a mo raya a re, ''Bafilisitia ba a go tlhasela, Samosone!'' A tsoga mo borokong jwa gawe a kumola letsela le se se kokotetseng go tswa mo mochining o o logang.¹⁵A mo raya a re, ''O ka bua jang o re, 'Ke a go rata,' fa o sa kgaogane diphiri tsa gago le nna? O ntshotlile gararo ka go sa mpoleleleng gore go tla jang gore o bo o na le thata e kgolo jaana.'' ¹⁶Letsatsi le letsatsi o ne a mo gatelela thata ka mafoko a gagwe, mme a mo gatelela thata mo a neng a eletsa go ka swa.¹⁷Jalo Samosone a mmolelela sengwe le sengwe a mo raya a re, ''Ga ke ise ke beolwe moriri ka legare mo tlhogong ya me, gonne ke nnile monasareta wa Modimo go tswa mo popelong ya ga mme. Fa tlhogo ya me e beolwa, thata ya me e tla ntlogela mme ke tla nna bokoa jaaka monna mongwe le mongwe.''¹⁸Fa Telila a bona gore o mmoleleltse boammaaruri ka dilo tsotlhe, a roma mongwe go bitsa babusi ba Bafilisitia, a re, ''Tlang gape, gonne o mpoleletse sengwe le sengwe.'' Foo babusi ba Bafilisitia ba tla kwa go ene, ba tsisa selefera mo diatleng tsa bone. ¹⁹A dira gore a robale mo diropeng tsa gagwe. A bitsa monna go mmeola meriri ya gagwe e e supa mo tlhogong, mme a simolola go mo gatelela, gonne thata ya gagwe e ne e mo tlogetse.²⁰A re, ''Bafilisitia ba a go tlhasela, Samosone!'' A tsoga mo borokong jwa gagwe a re, ''Ke tla tswa jaaka dinako tsotlhe mme ke tla ikgolola.'' Mme o ne a sa itse gore Modimo Yahweh o mo tlogetse. ²¹Bafilisitia ba mo gapa, mme ba mo gonya motlho. Ba mo isa kwa Gasa ba mmofa ka dipanta tsa kgotlho. A nna yo o tsamaisang latlapa la tshilo mo ntlong ya kgolegelo. ²²Mme moriri wa simolola go tlhoga mo tlhogong ya gagwe morago ga gore o beolwe.²³Babusi ba Bafilisitia ba kgobokana go neela setlhabelo se segolo Takone, modimo wa bone, le go itumela. Ba bua ba re, ''Modimo wa rona o fentse Samosone, mmaba wa rona, a mo tsenya mo seatleng sa rona.'' ²⁴Fa batho ba mmona, ba galaletsa modimo wa bone, gonne ba ne ba re, ''Modimo wa rona o fentse mmaba wa rona a mo re neela - sesenyi sa lefatshe la rona, se se re bolaileng re le bantsi.''²⁵Fa ba ipela ba ne ba re, ''Bitsang Samosone, a tle go re tshegisa.'' Ba bitsa Samosone go tswa mo kgolegelong a tla a ba tshegisa. Ba dira gore a eme fa gare ga dipilara. ²⁶Samosone a raya mosimane yo o neng a tshwere seatla sa gagwe a re, ''Ntetlelele go ama dipilara tse di tshegeditseng kago e, gore ke tle ke itshegetse ka tsone.''²⁷Jaanong ntlo e ne e tletse ka banna le basadi. Babusi botlhe ba Bafilisitia ba ne ba le teng. Mo borulelong go ne go na le banna le basadi ba ba ka nnang dikete tse tharo, ba ba neng ba lebile Samosone fa a ba kgatlhisa.²⁸Samosone a bitsa Modimo Yahweh a re, ''Morena Yahweh, nkgakologelwe! Tsweetswee nthatafatse gangwe fela, Modimo, gore ke tle ke ipusolosetse ka go itaya gangwe Bafilisitia ka lebaka la gore ba tsere matlho a me.'' ²⁹Samosone a tshwara dipilara tse di fa gare tse di tshegeditseng kago, mme a itshegetsa ka tsone, pilara e nngwe a e tshwara ka seatla sa moja e nngwe ka seatla sa molema.³⁰Samosone a re, ''A ke swe le Bafilisitia!'' A phutholola matsogo ka maatla a gagwe mme kago ya wela babusi le batho botlhe ba ba neng ba le mo go yone. Jalo batho ba a ba bolaileng fa a swa ba bantsi go feta ba a ba bolaileng ka nako ya fa a tshela. ³¹Foo barwarraagwe le botlhe ba ntlo ya ga rraagwe ba tla. Ba mo tsaya, ba boa ka ene, ba mo fitlha fa gare ga Sora le Eshetaole, mo lefelong le go fitlhelwang teng la ga Manoa, rraagwe. Samosone o ne a atlhola Iseraele dingwaga di le 20.

17¹Go ne go na le monna mo lefatsheng la dithaba la Iforeime, leina la gagwe e le Mika. ²A raya mmaagwe a re, ''Dipapetlana tsa selefera tse di sekete le lekgolo tse di neng tsa tsewa mo go wena, tse o neng wa bua phutso mabapi le tsone, mme e ke neng ka e utlwa - bona fa! Ke na selefera mo gonna. Ke e utswitse.'' Mmmaagwe a re, ''A Modimo Yahweh a go segofatse, morwaaka!''³A busetsa dipapetlana tsa selefera tse di sekete le lekgolo kwa go mmaagwe mme mmaagwe a re, ''Ke beetse fa thoko selefera e go nna ya Modimo Yahweh, gore morwaake a dire ditshwantsho tse di setilweng le tse di tshetsweng. Jalo jaanaong ke a di go busetsa.'' ⁴Fa a busetsa madi kwa go mmaagwe, mmaagwe a tsaya dipapetlana tsa selefera di le makgolo a mabedi a di neela mothudi wa tshipi yo o neng a dira ditshwantsho tse di setilweng le tse di tshetsweng ka tsone, mme tsa beiwa mo ntlong ya ga Mika.⁵Monna yo Mika o ne a na le ntlo ya medimo e e setilweng, mme a dira kapari ya boperesiti le medimo ya mo lapeng, mme a hira mongwe wa barwa ba gagwe go nna moperesiti wa gagwe. ⁶Mo matsatsing ao go ne go se na kgosi mo Iseraele, mme mongwe le mongwe a dira se se siameng mo matlhong a gagwe.⁷Jaanong go ne go na le monnana wa Bethelehema mo Juta, wa lesika la Juta, yo a neng a le Molefi. O ne a nna koo go dira tiro ya gagwe. ⁸Monna a tloga mo Bethelehema mo Juta go ya go batla kwa a ka nnang teng. Jaaka a ne a tsweletse mo leetong, a goroga kwa ntlong ya ga Mika mo lefatsheng la dithaba la Iforeimi. ⁹Mika a mo raya a re, ''O tswa kae?'' Monna a mo raya a re, ''Ke molefi wa Bethelehema mo Juta, mme ke tsamaya ke batla fa ke ka nnang teng.''¹⁰Mika a mo raya a re, ''Nna le nna, o nne rre le moperesiti mo go nna. Ke tla go neela dipapetlana tsa selefera di le lesome ka ngwaga, le diaparo, le dijo tsa gago.'' Jalo molefi a tsena mo ntlong ya gagwe. ¹¹Molefi a kgotsofalela go nna le monna yoo, monnana mo go Mika a nna jaaka mongwe wa barwa ba gagwe.¹²Mika a tlhaolela molefi kwa thoko go dira ditiro tse di itshepisitsweng fela, mme monnana a nna moperesiti wa gagwe, mme a nna mo ntlong ya ga Mika. ¹³Foo Mika a re, ''Jaanong ke a itse gore Modimo Yahweh o tla ntirela bomolemo, gonne molefi yo o fetogile go nna moperesiti wa me.''

18¹Mo matsatsing ao go ne go se na kgosi mo Iseraele. Morafe wa bana ba ga Tene o ne o batla lefelo le ba ka nnang mo go lone, gonne go fitlha ka letsatsi leo ba ne ba ise ba amogele boswa bope mo gare ga merafe ya Iseraele. ²Batho ba Tene ba romela banna ba le batlhano go tswa mo palong yotlhe ya morafe wa bone, banna ba e neng e le batlhabani ba ba nang le maitemogelo go tswa kwa Sora le Eshetaole, go tlhola lefatshe ba tsamaya ka dinao le go le bona. Ba ba raya ba re, ''Tsamayang le ye bona lefatshe.'' Ba goroga kwa lefatsheng la dithaba la Iforeimi, kwa ntlong ya ga Mika, mme ba lala foo.³Fa ba le gaufi le ntlo ya ga Mika, ba lemoga leleme le le buiwang ke molefi yo monnye. Jalo ba ema ba mmotsa, ''Ke mang yo o go tsisitseng fa? O dira eng mo lefelong le? Ke eng o le fa?'' ⁴A ba raya a re, ''Se ke se Mika a se ntiretseng: O mphirile gore ke nne moperesiti wa gagwe.''⁵Ba mo raya ba re, ''Tsweetswee batla kgakololo ya Modimo gore re itse gore a leeto le re le tsamayang le tla atlega.'' ⁶Moperesiti a ba raya a re, ''Tsamayang ka kagiso. Modimo Yahweh o tla le etelela pele mo tseleng e le tshwanetseng go e tsamaya.''⁷Foo banna ba ba tlhano ba tswa ba goroga kwa Laishi, mme ba bona batho ba ba nnang koo ba tshelela mo pabalesegong - ka tsela e e tshwanang le ka fa Basitone ba neng ba tshela ka teng ba sa tshwenngwe mme bolokesegile. Go ne go se na ope yo o ba fenyang mo lefatsheng, kgotsa yo o ba tshwenyang ka tsela epe. Ba ne ba nna kgakala le Basitone, e bile ba ne ba sa dirisanye le ope. ⁸Ba boela morago kwa morafeng wa bone kwa Sora le Eshetaole. Ba masika a bone ba ba botsa, ''Pego ya lona ya reng?''⁹Ba re, ''Tlang! A re ba tlhaseleng! Re bone lefatshe le siame tota. A ga le dire sepe? Le se ka la nna bonya go tlhsela le go fenya lefatshe. ¹⁰Fa le tsamaya, le tla tla kwa bathong ba ba akanyang gore ba bolokesegile, mme lefatshe le bophara! Modimo o le le neile - lefelo le le sa tlhokeng sepe mo lefatsheng.''¹¹Banna ba le makgolo a marataro ba morafe wa Tene, ba tshotse dibetsa tsa ntwa, ba emelela go tswa kwa Sora le Eshetaole. ¹²Ba tsamaya ba ya go kampa kwa Kiriathe Jearimi, mo Juta. Ke sone se batho ba bitsang lefelo leo Mahane Tene go fitlha gompieno; le kwa bophirima jwa Kiriathe Jearimi.¹³Ba tloga gone koo ba ya kwa lefatsheng la dithaba la Iforeimi mme ba tla fa ntlong ya ga Mika. ¹⁴Foo banna ba batlhano ba ba neng ba ile go tlhola lefatshe la Laishi ba raya ba masika a bone ba re, ''A le itse gore mo matlong a go na le kapari ya boperesiti, medimo ya mo lapeng, setshwantsho se se setilweng, le setshwantsho se se tshetsweng? Swetsang jaanong gore le tla dira eng.''¹⁵Jalo ba fapogela koo ba tla kwa ntlong ya molefi yo monnye, kwa ntlong ya ga Mika, mme ba mo dumedisa. ¹⁶Jaanong Batene ba ba makgolo marataro, ba tshotse dibetsa tsa ntwa, ba ne ba eme fa kgorong.¹⁷Banna ba batlhano ba ba neng ba ile go tlhola lefatshe ba ya koo ba tsaya setshwantsho se se setilweng, kapari ya boperesiti, medimo ya mo lapeng, le setshwantsho se se tshetsweng, moperesiti a santse a eme kwa kgorong le banna ba ba makgolo a marataro ba ba tshotseng dibetsa tsa ntwa. ¹⁸Fa ba ba tsena mo ntlong ya ga Mika ba tsaya setshwantsho se se setilweng, kapari ya boperesiti, medimo ya mo lapeng, le setsthwantsho se se tshetsweng, moperesiti a ba raya a re, ''Le dira eng?''¹⁹Ba mo raya ba re, ''Didimala! Baya seatla sa gago mo molomong mme o tsamae le rona, mme o nne rra le moperesiti mo go rona. A go botoka go nna moperesiti wa ntlo ya monna a le mongwe kgotsa go nna moperesiti wa morafe le kgotlana mo Iseraele?'' ²⁰Pelo ya moperesiti ya itumela. A tsaya kapari ya boperesiti, medimo ya mo lapeng, le setshwantsho se se setilweng, mme a tsamaya le batho.²¹Jalo ba retologa ba tsamaya. Ba baya bana, dikgomo le dilwana tsa bone kwa pele ga bone. ²²Fa ba setse ba le bokgakala jo bo golo go tswa kwa ntlong ya ga Mika, banna ba neng ba le mo matlong a a gaufi le ntlo ya ga Mika ba bidiwa ba kgobokanngwa, mme ba tshwara Batene mo tseleng. ²³Ba goelela Batene, mme ba retologa, ba raya Mika ba re, ''Ke eng le ne la bidiwa la kgobokanngwa?''²⁴A ba raya a re, ''Le utswitse medimo e ke e dirileng, le tsere moperesiti wa me, mme le a tsamaya. Nna ke setse ka eng? O ka mpotsa jang o re, 'O tshwenngwa ke eng?''' ²⁵Batho ba Tene ba mo raya ba re, ''O se ka wa dira gore re go utlwe o bua sepe, eseng jalo banna ba ba tenegileng thata ba tla go tlhasela, mme wena le ba lelapa la gago le tla bolaiwa.'' ²⁶Foo batho ba Tene ba tsamaya tsela ya bone. Fa Mika a bona gore ba nonofile go mo feta, a retologa a boela morago kwa ntlong ya gagwe.²⁷Batho ba Tene ba tsaya se Mika a se dirileng, ba tsaya le moperesiti wa gagwe, mme ba tla kwa Laishi, kwa bathong ba ba neng ba sa tshwenngwe e bile ba bolokesegile, mme ba ba bolaya ka tshaka ba bo ba tshuba toropokgolo ya bone. ²⁸Go ne go se na ope yo o ka ba namolang gonne go ne go le kgakala go tswa kwa Sitone, mme ba ne ba sa dirisanye le ope. E ne e le mo mokgatsheng o o gaufi le Bethe Rehobo. Batene ba aga toropokgolo gape mme ba nna koo. ²⁹Ba bitsa toropokgolo Tene, leina la ga rraabone, Tene, yo o neng a le mongwe wa barwa ba ga Iseraele. Mme leina la toropokgolo e kile ya bo e le Laishi.³⁰Batho ba Tene ba itlhomela setshwantsho se se setilweng. Mme Jonathane, morwa Gereshomo, morwa Moshe, ene le barwae ba ne ba le baperesiti ba morafe wa Batene go fitlha ka letsatsi la go gapiwa ga lefatshe. ³¹Jalo ba obamela setshwantsho se se setilweng sa ga Mika se a se dirileng ka nako yotlhe fa ntlo ya Modimo e santse e le kwa Shilo.

19¹Mo matsatsing ao, fa go neng go se na kgosi mo Iseraele, go ne go na le monna, molefi, a nna ga nakwana kwa lefelong le le fitlhegileng mo lefatsheng la dithaba la Iforeimi. A itseela mosadi, nyatsi go tswa kwa Bethelehema mo Juta. ²Mme nyatsi ya gagwe e ne e se boikanyego mo go ene; a mo tlogela a boela morago kwa ntlong ya ga rraagwe kwa Bethelehema wa Juta. A nna koo dikgwedi di le nne.³Foo monna wa gagwe a ema a mo latela gore a tle a mo gogele ka puo gore a boe. Motlhanka wa gagwe o ne a na le ene le ditonki di le pedi. Mosadi a mo tsisa mo ntlong ya ga rraagwe. Fa rraagwe mosetsana a mmona, a itumela. ⁴Mogwegadi wa gagwe, rraagwe mosetsana, a mo gogela ka puo go nna matsatsi a mararo. Ba ja ba nwa, ba lala bosigo koo.⁵Mo letsatsing la bone ba tsoga maphakela a matona mme a ipaakanyetsa go tsamaya, mme rraagwe mosetsana a raya mogwe wa gagwe a re, ''Ithatafatse ka borotho bo le bonnye, ke gone o bo o ka tsamaya.'' ⁶Jalo bobedi jwa bone jwa nna fa fatshe ba ja ba nwa mmogo. Foo rraagwe mosetsana a re, ''Tsweetswee eletsa go lala bosigo mme o nne le nako e ntle.''⁷Fa molefi a ema ka dinao go tsamaya, rraagwe kgarebe a mo rotloetsa go nna, jalo a fetola lenaneo a lala bosigo foo gape. ⁸Ka letsatsi la botlhano a tsoga maphakela a matona go tsamaya, mme rraagwe mosetsana a re, ''Ithatafatse, leta go fitlha mo tshokologong.'' Jalo bobedi jwa bone jwa ja mmogo.⁹Fa molefi, nyatsi ya gagwe le motlhanka wa gagwe ba emelela go tsamaya, mogwegadi wa gagwe, rraagwe mosetsana, a mo raya a re, ''Bona letsatsi le tsamaela go ya kwa maitseboeng. Tsweetswee lala bosigo jo bongwe gape, mme o nne le nako e ntle. O ka tsoga maphakela thata kamoso o bo o boela gae.''¹⁰Mme molefi o ne a sa ikemisetsa go lala. A ema ka dinao a tsamaya. A tsamaela kwa Jebuse (ke gore Jerusalema). O ne a na le ditonki tse pedi tse di nang le disale - mme nyatsi ya gagwe e ne e na le ene. ¹¹Fa ba le gaufi le Jebuse, letsatsi le ne le le gaufi le go phirima, mme motlhanka a raya mong wa gagwe a re, ''Tla, a re fapogele kwa toropokgolong ya Bajebusi mme re lale bosigo mo go yone.''¹²Mong wa gagwe a mo raya a re, ''Ga re fapogele mo toropokgolong ya batswakwa ba e seng batho ba Iseraele. Re tla tswelela re ya kwa Gibea.'' ¹³Molefi a raya mokau wa gagwe a re, ''Tla, a re ye kwa lengweng la mafelo a mangwe ale, mme re lale mo Gibea kgotsa Rama.''¹⁴Jalo ba tswelela, mme letsatsi la phirima jaaka ba atamela kwa Gibea, mo lefatsheng la Benjamene. ¹⁵Ba fapoga foo go lala bosigo mo Gibea. A tsena mo teng a nna fa fatshe mo patlelong ya toropokgolo, gonne go ne go se na ope yo o ba tseelang kwa ga gagwe go lala teng.¹⁶Mme foo monnamogolo mongwe a tla a tswa kwa tirong ya gagwe kwa tshimong mo maitseboeng ao. O ne a tswa kwa lefatsheng la dithaba la Iforeimi,mme a nna ka nakwana mo Gibea. Mme banna ba ba neng ba nna mo lefelong leo e ne e le Babenjamene. ¹⁷A tsholetsa matlho a gagwe mme a bona mosepedi mo patlelong ya toropokgolo. Monnamogolo a re, ''O ya kae? O tswa kae?''¹⁸Molefi a mo raya a re, ''Re mo tseleng go tswa Bethelehema mo Juta re ya kwa lefelong le le fitlhegileng mo lefatsheng la dithaba la Iforeimi, gone kwa ke tswang teng. Ke ne ke ile kwa Bethelehema mo Juta, mme ke ya kwa ntlong ya Modimo Yahweh, mme ga go na ope yo o tla ntseelang kwa ntlong ya gagwe. ¹⁹Re na le letlhaka le dijo tsa ditonki tsa rona, gape go na le borotho le mofine wa me le motlhanka wa gago wa mosadi yo, le monnana yo o nang le batlhanka ba gago yo. Ga re tlhoke sepe.''²⁰Monnamogolo a ba dumedisa, ''Kagiso e nne le lona! Ke tla le tlamela ka tsotlhe. Mme fela le se ka la lala mo patlelong.'' ²¹Jalo monna a tsisa molefi mo ntlong ya gagwe, mme a fa ditonki dijo. Ba tlhapa dinao tsa bone, ba ja ba nwa.²²Fa ba santse ba itumedisa dipelo tsa bone, banna bangwe mo toropokgolong, banna ba ba senang mosola, ba dikaganyetsa ntlo, ba itaya lebati. Ba bua le monnamogolo, mong wa ntlo, ba re, ''Ntshetsa kwa ntle monna yo o tseneng mo ntlong ya gago, gore re tle re robalane le ene.'' ²³Monna, mong wa ntlo, a tswela kwa ntle kwa go bone mme a ba raya a re, ''Nyaa, barwarre, tsweetswee le se ka la dira selo se se bosula se! Ka gonne monna yo ke moeng mo ntlong ya me, le se ka la dira selo se sa boikepo!²⁴Bonang, morwadiake wa kgarebana le nyatsi ya gagwe ba fa. Mma ke ba tsise jaanong. Ba beteleleng le dire sepe se le se ratang ka bone. Mme le se ka la dira selo sa boikepo se se ntseng jalo ka monna yo!'' ²⁵Mme banna ba se ka ba mo reetsa, jalo monna a tsaya nyatsi ya gagwe a e ntshetsa kwa ntle kwa go bone. Ba mo tsaya, ba mmetelela, ba mo dirisa botlhaswa bosigo jotlhe, mme ka maphakela a matona ba mo lesa. ²⁶Maphakela a matona mosadi a tla mme a wela fa fatshe fa lebating la ntlo ya monnamogolo kwa mong wa gagwe a neng a le teng, mme a rapalala foo go fitlha go nna lesedi.²⁷Mong wa gagwe a tsoga mo mosong a bula mabati a ntlo mme a tswela kwa ntle gore a tsamae. O ne a kgona go bona nyatsi ya gagwe e rapaletse fa lebating, diatla tsa gagwe di tshwere bontlha jwa lebati. ²⁸Molefi a mo raya a re, ''Tsoga. A re tsamae,'' Mme ga se ka ga nna le karabo. A mmaya mo godimo ga tonki, mme monna a ya gae.²⁹Fa molefi a goroga kwa ntlong ya gagwe, a tsya thipa, a tshwara nyatsi ya gagwe, mme a mo kgaoganya, serwe ka serwe, a dira ditoki tse lesome le bobedi, mme a romela ditoki gongwe le gongwe mo Iseraele. ³⁰Botlhe ba ba neng ba bona se ba re, ''Selo se se ntseng jaana ga se ise se dirwe kgotsa sa bonwa go tloga ka letsatsi le batho ba Iseraele ba duleng kwa lefatsheng la Egepeto go fitlha gompieno. Akanya ka sone! Re fe kgakololo! Re bolelele gore re dire eng!''

20¹Foo batho botlhe ba Iseraele ba tswa jaaka monna a le mongwe, go tswa kwa Tene go ya kwa Beeresheba, go akaradiwa lefatshe la Gibea, mme ba kgobokana mmogo fa pele ga Modimo Yahweh kwa Misepha. ²Baeteledipele ba batho botlhe, ba merafe yotlhe ya Iseraele, ba tsaya maemo a bone mo kgobokanong ya batho ba Modimo - banna ba le dikete tse di makgolo a mane ba tsamaya ka dinao, ba ba neng ba ipaakanyeditse go lwa ka tshaka.³Jaanong batho ba Benjamene ba utlwa gore batho ba Iseraele ba ile kwa Misepha. Batho ba Iseraele ba re, ''Re bolele gore selo se sa boikepo se diragetse jang.'' ⁴Molefi, monna wa mosadi yo o bolailweng, a araba, ''Ke ne ka tla mo Gibea mo lefatsheng la Benjamene, nna le nyatsi ya me, go lala bosigo.⁵Mo bosigong, baeteledipele ba Gibea ba ntlhasela, ba dikaganyetsa ntlo ba ikaeletse go mpolaya. Ba tsaya ba bo ba betelela nyatsi ya me, mme ya swa. ⁶Ka tsaya nyatsi ya me ka kgaoganya mmele wa yone ditoki, mme ka di romela kwa nngwe le nngweng ya dikgaolo tsa boswa jwa Iseraele, gonne ba dirile boikepo jo bo ntseng jaana le dilo tse di kgopisang mo Iseraele. ⁷Jaanong, lona Baiseraele lotlhe, ntshang kgakololo gone fa.''⁸Batho botlhe ba emelela jaaka monna a le mongwe, mme ba re, ''Ga go na ope wa rona yo o tla yang kwa tenteng ya gagwe, e bile gago na ope wa rona yo o tla boelang kwa ntlong ya gagwe! ⁹Mme jaanong se ke se re tla se dirang ka Gibea: re tla e tlhasela jaaka khupelekhupele e re kaela.¹⁰Re tla tsaya banna ba le lesome mo go ba ba lekgolo mo merafeng yotlhe ya Iseraele, ba le lekgolo mo go ba ba sekete, ba ba sekete mo go ba ba dikete di le lesome, go tseela batho ba mohago, gore fa ba fitlha kwa Gibea kwa Benjamene, ba tle ba ba otlhaele boikepo jo ba bo dirilwng mo Iseraele.'' ¹¹Jalo masole otlhe a Iseraele a kgobokana kgatlhanong le toropokgolo, jaaka monna a le mongwe.¹²Merafe ya Iseraele ya romela banna go ralala Benjamene yotlhe, ba re, ''Ke eng boikepo jo bo dirilweng gareng ga lona jo? ¹³Jalo he, re neeleng banna ba ba boikepo bao ba Gibea re tle re ba bolae, gore re tle re ntshe gotlhelele bosula jo mo Iseraele.'' Mme Babenjamene ba se ka ba reetsa lentswe la barwarraabone, batho ba Iseraele. ¹⁴Foo batho ba Benjamene ba phuthega go tswa kwa ditoropokgolong ba ya kwa Gibea go ipaakanyetsa go lwa le batho ba Iseraele.¹⁵Ka letsatsi leo batho ba Benjamene ba kgobokanya masole a a katisitsweng go lwa ka tshaka a le dikete tse di masome mabedi le borataro. Go tlatsa, go ne go na le banna ba ba kgethilweng go tswa banning ba Gibea ba le makgolo a supa. ¹⁶Gareng ga masole otlhe a go ne go na le banna ba ba kgethilweng ba le makgolo a supa ba ba dirisang seatla sa molema. Mongwe le mongwe wa bone o ne a kolopa ka seragantswana a sa fose.¹⁷Batho ba Iseraele, go sa balelwe ba ba tswang Benjamene, ba ne ba le dikete tse di makgolo a mane tsa banna, ba ba neng ba katisitswe go lwa ka tshaka. Botlhe ba e ne e le banna ba ntwa. ¹⁸Batho ba Iseraele ba emelela, ba ya kwa Bethele, mme ba kopa kgakololo mo Modimong. Ba botsa, ''Ke mang yo a tla re tlhaselelang batho ba Benjamene pele?'' Modimo Yahweh a re, ''Juta o tla tlhasela pele.''¹⁹Batho ba Iseraele ba tsoga mo mosong mme ba sutisetsa kampa ya bone gaufi le Gibea. ²⁰Batho ba Iseraele ba tswela kwa ntle go lwa le Benjamene. Ba itlhoma ka maemo a bone kgatlhanong le bone kwa Gibea. ²¹Batho ba Benjamene ba tswa mo Gibea, mme ba bolaya banna ba le masome a mabedi le bobedi a dikete a sesole sa Iseraele mo letsatsing leo.²²Mme batho ba Iseraele ba ithatafatsa, mme ba itlhoma gone fa lefelong le ba neng ba ipeile mo maemong a bone mo go lone mo letsatsing la ntlha. ²³Mme batho ba Iseraele ba tlhatloga mme ba lela fa pele ga Modimo Yahweh go fitlhelela maitseboa. Ba batla kaelo mo go Modimo Yahweh: ''A re ka ya gape go lwa le barwarraarona, batho ba Benjamene?'' Modimo Yahweh a re, ''Ba tlhaseleng!''²⁴Jalo batho ba Iseraele ba lwa le masole a Benjamene mo letsatsing la bobedi. ²⁵Mo letsatsing la bobedi, Benjamene a tswela kwa ntle kgatlhanong le bone go tswa Gibea mme ba bolaya banna ba Iseraele ba le dikete tse di lesome le bofera bobedi. Botlhe e ne e le banna ba ba katileng go lwa ka tshaka.²⁶Foo masole otlhe le batho ba Iseraele ba ya kwa Bethele mme ba lela, mme koo ba nna fa fatshe fa pele ga Modimo Yahweh ba itima dijo go fitlha mo maitseboeng, mme ba ntsha moneelo o o fisiwang le moneelo wa kagiso fa pele ga Modimo Yahweh.²⁷Batho ba Iseraele ba botsa Modimo Yahweh - gonne letlole la Modimo le ne le le koo mo matsatsing ao, ²⁸mme Finiase, morwa Aliasara, morwa Arone, o ne a direla fa pele ga letlole mo matsatsing ao - ''A re tswe re ye ntweng gangwe gape kgatlhanong le batho ba Benjamene, barwrraarona, kgotsa re eme?'' Modimo Yahweh a re, ''Tlhaselang, gonne kamoso ke tla le thusa go ba fenya.''²⁹Jalo Iseraele a tlhoma banna mo mafelong a sephiri go dikologa Gibea. ³⁰Batho ba Iseraele ba lwa le batho ba Benjamene mo letsatsing la boraro, mme ba ipaya mo meleng ya ntwa kgatlhanong le Gibea jaaka ba ne ba dirile pele.³¹Batho ba Benjamene ba tsamaya ba lwa le batho ba Iseraele, mme ba gogelwa kgakala le toropokgolo. Ba simolola go bolaya bangwe ba batho. Go ne ga bolawa banna ba Iseraele ba ka nna masome a mararo mo masimong le mo ditseleng. Nngwe ya ditsela e ne e ya kwa Bethele, mme e nngwe e ya kwa Gibea.³²Foo batho ba Benjamene ba re, ''Ba a fenngwa, mme ba a sia, fela jaaka ka nako ya ntlha.'' Mme masole a Iseraele a re, ''A re sieleng kwa morago re ba gogele kgakala le toropokgolo re ba ise kwa ditseleng.'' ³³Batho botlhe ba Iseraele ba emelela go tswa mo mafelong a bone ba ithulaganyetsa ntwa kwa Baale Tamara. Foo masole a Iseraele a a neng a iphitlhile mo mafelong a sephiri a siana go tswa mo mafelong a bone go tswa kwa Maare Gibea.³⁴Banna ba ba dikete tse lesome ba ba kgethilweng ba Iseraele ba tla kgatlhanong le Gibea, mme ntwa e ne e boitshega, mme Babenjamene ba ne ba sa itse gore sebetso se gaufi le go ba wela. ³⁵Modimo Yahweh a fenya Benjamene fa pele ga Iseraele. Mo letsatsing leo, masole a Iseraele a bolaya banna ba Benjamene ba le dikete tse di masome mabedi le botlhano le lekgolo. Botlhe ba ba neng ba swa ba ne ba katisitswe go lwa ka tshaka.³⁶Jalo masole a Benjamene ba bona gore ba fentswe. Banna ba Iseraele ba ne ba sutetse Benjamene, gonne ba ne ba beile mo banneng ba ba neng ba ba beile mo maemong a a fitlhegileng ka kwa ntle ga Gibea. ³⁷Foo banna ba ba neng ba iphitlhile ba emelela mme ba itlhaganela ba sianela mo Gibea. Ba bolaya mongwe le mongwe yo neng a nna mo toropokgolong ka tshaka. ³⁸Sekai se se neng se rulagantswe gare ga masole a Iseraele le banna ba ba neng ba iphitlhile mo sephiring e ne e le gore leru le le golo la mosi le tla tlhatloga mo toropokgolong.³⁹Fa sekai se romelwa masole a Iseraele a tla retologa ba hularela ntwa. Jaanong Benjamene ba simolola go tlhasela mme ba bolaya banna ba Iseraele ba ka nna masome a mararo, mme ba re, ''Go tlhomamisega gore ba a fenngwa fa pele ga rona, fela jaaka mo ntweng ya ntlha.''⁴⁰Mme e rile fa pilara mosi e simolola go tlhatloga mo toropokgolong, Babenjamene ba retologa mme ba bona mosi o tlhatlogela mo lefaufaung mo toropokgolong yotlhe. ⁴¹Foo batho ba Iseraele ba retologela mo go bone. Banna ba Benjamene ba tshoga mo go golo, gonne ba ne ba bona gore sebetso se ba wetse.⁴²Jalo ba sia go tswa mo banneng ba Iseraele, ba siela kwa sekgweng. Mme ntwa ya ba tshwara mo tseleng. Masole a Iseraele a tswa mo ditoropokgolong a ba bolaya fa ba neng ba eme teng.⁴³Ba dikaganyetsa Babenjamene ba ba latela. Mme ba ba gatela fa fatshe kwa Noha, mme ba ba bolaya tsela yotlhe go ya kwa botlhabatsatsi jwa Gibea. ⁴⁴Gotswa mo morafeng wa Benjamene, batho ba le dikete tse lesome le boferabobedi ba ne ba swa, botlhe e le banna ba ba neng ba kgethegile mo ntweng.⁴⁵Ba retologa a siela kwa nageng kwa letlapeng la Rimone. Baiseraele ba bolaya dikete tse tlhano tsa bone gape mo ditseleng. Ba ne ba tswelela ba ba setse morago, ba ba sala morago ba ba atametse tsela yotlhe go ya kwa Gitome, mme koo ba bolaya dikete tse pedi fa godimo. ⁴⁶Masole otlhe a Benjamene a a neng a wa letsatsi leo a ne a le masome a mabedi le botlhano a dikete - banna ba ba neng ba katisitswe go lwa ka tshaka; botlhe ba ne ba kgethegile mo ntweng.⁴⁷Mme banna ba le makgolo a marataro ba retologa ba siela kwa sekgweng, go ya ntlheng ya letlapa la Rimone. Mme ba nna kwa letlapeng la Rimone dikgwedi tse nne. ⁴⁸Masole a Iseraele a retologa kgatlhanong le batho ba Benjamene, mme ba ba tlhasela ba ba bolaya - toropokgolo yotlhe, dikgomo, le sengwe le sengwe se ba se fitlhetseng. Ba ne gape ba tshuba toropo nngwe le nngwe mo tseleng ya bone.

21¹Jaanong banna ba Iseraele ba ne ba dirile tsholofetso kwa Misepha, ''Ga go na ope wa rona yo o tla neelang Mobenjamene morwadie gore a mo nyale.'' ²Foo batho ba ya kwa Bethele mme ba nna koo fa pele ga Modimo go fitlhelela maitseboa, mme ba lelela kwa godimo mo go botlhoko. ³Ba bitsa, ''Goreng, Modimo Yahweh, Modimo wa Iseraele, gore se se bo se diragaletse Iseraele, gore mongwe wa merafe ya rona o bo o seyo gompieno?''⁴Letsatsi le le latelang batho ba tsoga makuku mme ba aga aletara ba bo ba ntsha meneelo e e fisiwang le meneelo ya kagiso. ⁵Batho ba Iseraele ba re, ''Ke ofe mo merafeng yotlhe ya Iseraele o o se kileng wa tla mo kgobokanong ya Modimo Yahweh?'' Gonne ba ne ba dirile tsholofetso e e botlhokwa mabapi le ope yo o neng a sa tle kwa go Modimo Yahweh kwa Misepha. Ba ne ba rile, ''E le ruri o tla bolawa.''⁶Batho ba Iseraele ba utlwela botlhoko morwarraabone Benjamene. Ba re, ''Letatsi leno morafe o le mongwe o tlositswe mo Iseraele. ⁷Ke mang yo o tla ntshetsang ba ba setseng basadi, gonne re solofeditse Modimo Yahweh gore ga re na go letla ope wa bone go nyala barwadia rona?''⁸Ba bua ba re, ''Ke morafe ofe wa Iseraele o o sa tlang kwa go Modimo Yahweh kwa Misepha?'' Go ne ga fitlhelwa e le gore go ne go se na yo o tsileng kwa kokoanong go tswa kwa Jabeshe Gileate. ⁹Gonne fa batho ba ne ba bewa ka maemo a a lolameng, bonang, go ne go se na ope wa banni ba Jabeshe Gileate yo o neng a le teng. ¹⁰Kokoano ya romela banna ba bone ba ba pelokgale thata ba le dikete tse lesome le bobedi ka taelo ya go ya kwa Jabeshe Gileate go ba tlhasela, le go ba bolaya, le basadi le bana.¹¹''Dirang se: le tshwanetse go bolaya monna mongwe le mongwe le mosadi mongwe le mongwe yo o kileng a robalana le monna.'' ¹²Banna ba fitlhela mo gare ga ba ba nnang mo Jabeshe Gileate basadi ba ba nnye ba ba iseng ba robalane le banna ba le makgolo a mane, mme ba ba tsaya ba ya ka bone kwa kampeng e e kwa Shilo, kwa Kanana.¹³Kokoano yotlhe ya romela molaetsa ba bolelelela batho ba Benjamene ba ba kwa letlapeng la Rimone gore ba emisa go ba lwantsha. ¹⁴Babenjamene ba boa ka nako eo mme ba neelwa basadi ba Jabeshe Gileate, mme basadi ba ne ba sa ba lekana botlhe. ¹⁵Batho ba ne ba tlhomoga pelo ka se se diragaletseng Benjamene, gonne Modimo Yahweh o ne a kgaoganya merafe ya Iseraele.¹⁶Foo baeteledipele ba kokoano ba re, ''Re tsile go batlela jang Babenjamene ba ba setseng basadi, gonne basadi ba Benjamene ba bolailwe?'' ¹⁷Ba re, ''Go tshwanetse ga nna le boswa jwa bafalodi ba Benjamene, gore go se ka ga nna le morafe o o senngwang mo Iseraele.¹⁸Ga re ka ke ra ba neela basadi mo go barwadiarona, gonne batho ba Iseraele ba dirile tsholofetso, 'Go hutsegile ope yo o neelang Benjamene mosadi.''' ¹⁹Jalo ba re, ''Le a itse gore go na le mokete wa Modimo Yahweh ngwaga le ngwaga kwa Shilo(e e leng kwa bokone jwa Bethele, kwa botlhabatsatsi jwa tsela e e tswang mo Bethele e ya Shekeme, mme kwa borwa jwa Lebona).''²⁰Ba laela banna ba Benjamene ba re, ''Tsamayang le iphitlhe mo sephiring le lete mo masingwaneng a difine. ²¹Le nne le lebile fa basetsana ba kwa Shilo ba tswela kwa ntle go bina, foo le kgogoge go tswa mo masingwaneng a difine mme mongwe le mongwe wa lona a phamole mosadi go tswa mo basetsaneng ba Shilo, foo le bo le boela morago kwa lefatsheng la Benjamene.²²Fa borraabone kgotsa bokgaitsdiabone ba tla go ikuela kwa go rona, re tla ba raya re re, ''Re supetseng lesego! Ba leseng ba nne ka gore ga re a kgona go bonela monna mongwe le mongwe mosadi ka nako ya ntwa. Mme ga le na molato mabapi le tsholofetso, gonne ga le a ba neela barwadialona.''²³Batho ba Benjamene ba dira jalo. Ba tsaya palo ya basadi e ba neng ba e tlhoka mo basetsaneng ba ba neng ba bina, mme ba ba tsaya ba ya go nna basadi ba bone. Ba tsamaya ba boela kwa lefelong la boswa la bone; ba aga sesha ditoropo, mme ba nna mo go tsone. ²⁴Foo batho ba Iseraele ba tswa mo lefelong leo ba ya gae, mongwe le mongwe a ya kwa morafeng le kgotlaneng ya gagwe, mme mongwe le mongwe kwa bosweng jwa gagwe.²⁵Mo matsatsing ao go ne go se na kgosi mo Iseraele. Mongwe le mongwe o ne a dira se se siameng mo matlhong a gagwe.

1 Samuele

1¹Go ne go na le monna mongwe wa Ramathaimi wa Basufi, wa lefatshe la dithaba la Iforeimi; leina la gagwe e ne e le Elekana morwa Jerohamo morwa Elihu morwa Tohu morwa Sufu, wa Moiforeimi. ²O ne a na le basadi ba le babedi; leina la wa ntlha e ne e le Hana, mme leina la wa bobedi e ne e le Penina. Penina o ne a na le bana fa Hana a ne a sena bana.³Monna yo o ne a tswa mo toropokgolong ngwaga le ngwaga go ya go obamela le go ntshetsa ModimoYahweh wa masomosomo setlhabelo kwa Shilo. Barwa Eli ba babedi, Hofoni le Finehase, ba baperesiti ba Modimo Yahweh, ba ne ba le koo. ⁴Fa letsatsi le tla gore Elekana a tle go ntsha setlhabelo ngwaga le ngwaga, ka nako yotlhe o ne a neela mosadi wa gagwe Penina le barwa le barwadie dirwe tsa nama.⁵Mme o ne a neela Hana dikabelo tse pedi tsa nama, gonne o ne a rata Hana, ntswa Modimo Yahweh a tswetse popelo ya gagwe. ⁶Mogaisanyi nae o ne a mo rumola mo go golo gore a mo sulafatse maikutlo, gonne Modimo Yahweh o ne a tswetse popelo ya gagwe.⁷Jalo ngwaga le ngwaga, fa a ya kwa ntlong ya Modimo Yahweh le ba lelapa la gagwe, mogaisanyi nae o ne a nna a mo rumola. Jalo he, o ne a tlhola a lela a bo a sa je sepe. ⁸Elekana monna wa gagwe o ne a nna a mo raya a re, ''Hana, ke eng o lela? Ke eng o sa je? Ke eng pelo ya gago e utlwile botlhoko? Mo go wena, a ga ke botoka go feta barwa ba le lesome?''⁹Mo nngweng ya ditiragalo tse, Hana o ne a ema ka dinao morago ga ba sena go ja le go nwa kwa Shilo. Jaanong moperesiti Eli o ne a ntse mo setilong sa gagwe fa kgorong ya tempele ya Modimo Yahweh. ¹⁰O ne a imetswe ke kutlobotlhoko; a rapela Modimo Yahweh a bo a lela mo go botlhoko.¹¹A dira maikano mme a re, ''Modimo Yahweh wa masomosomo, fa o ka leba tlhokofatso ya motlhanka wa gago mme wa nkgakologelwa, mme wa seka wa lebala motlhanka wa gago, mme wa neela motlhanka wa gago morwa, foo ke tla mo neela Modimo Yahweh matsatsi otlhe a botshelo jwa gagwe, mme legare ga le kitla le ama tlhogo ya gagwe.''¹²Eli a leba molomo wa gagwe jaaka a ne tsweletse go rapela fa pele ga Modimo Yahweh. ¹³Hana o ne a bua mo pelong ya gagwe. Melomo ya gagwe e ne e tshikhinyega, mme lentswe la gagwe le sa utlwale. Jalo he, Eli a akanya gore o tagilwe. ¹⁴Eli a mo raya a re, ''O tla tswelela o tagilwe lebaka le le kae? Latlha mofine wa gago.''¹⁵Hana a araba, ''Nnyaa, mong wa me, ke mosadi wa mowa o o hutsafetseng. Ga ke a nwa mofine le fa e le seno se se bogale, mme ke ntse ke tshololela mowa wa me fa pele ga Modimo Yahweh. ¹⁶O se ka wa akanyetsa motlhanka wa gago gore ke mosadi yo o senang ditlhong; ke ntse ke bua go tswa mo bontsing jwa go tshwenyega mo go golo le go rumolega ga me.''¹⁷Foo Eli a araba mme a re, ''Tsamaya mo kagisong; a Modimo wa Iseraele a go neele kopo e o e mo kopileng.'' ¹⁸A re, ''A motlhanka wa gago a bone botsalano mo ponong ya gago.'' Mme mosadi a tsamaya tsela ya gagwe mme a ja; sefatlhego sa gagwe se sa tlhole se hutsafetse.¹⁹Ba tsoga mo mosong o mogolo mme ba obama fa pele ga Modimo Yahweh, mme foo ba boela morago kwa ntlong ya bone kwa Rama. Elekana a robalana le mosadi wa gagwe, Hana, mme Modimo Yahweh a mo gakologelwa. ²⁰Fa nako e gorogile, Hana a ima mme a tshola morwa. A mmitsa leina a re Samuele, a re, ''Gonne ke mo kopile kwa go Modimo Yahweh.''²¹Gangwe gape, Elekana le ba ntlo ya gagwe ba ya go ntshetsa Modimo Yahweh setlhabelo sa ngwaga le go duela maitlamo a gagwe. ²²Mme Hana a se ka a tsamaya; o ne a reile monna wa gagwe a re, ''Ga ke na go tsamaya go fitlhela ngwana a kgwa lebele; foo ke tla mo tsisa, gore a tle a itshupe fa pele ga Modimo Yahweh mme a tle a nne koo ka bosakhutleng.'' ²³Elekana monna wa gagwe a mo raya a re, ''Dira se se lebegang se siame mo go wena. Leta go fitlhela o mo kgwisa lebele; fela, a Modimo Yahweh a rurifatse lefoko la gagwe.'' Jalo mosadi a nna mme a tlhokomela ngwana go fitlhelela a mo kgwisa lebele.²⁴Fa a sena go mo kgwisa lebele, a mo tsaya mmogo le poo e e dingwaga di tharo, le selekanyo sa boupe, le lebotlolo la mofine, mme a mo tsisa kwa ntlong ya Modimo Yahweh kwa Shilo. Jaanong ngwana o ne a santse a le monnye. ²⁵Ba bolaya poo, mme ba tsisa ngwana kwa go Eli.²⁶A re, ''O, mong wa me! Jaaka o tshela, mong wa me, ke mosadi yo o neng a ema fa, fa thoko ga gago a rapela Modimo Yahweh. ²⁷Ke ne ka rapela Modimo Yahweh ke kopa ngwana yo mme Modimo Yahweh o nneetse kopo e ke neng ke e mo kopa. ²⁸Ke mo neetse Modimo Yahweh; fela fa a santse a tshela ke tla bo ke mo adimile Modimo Yahweh.'' Mme a obamela Modimo Yahweh koo.

2¹Hana a rapela mme a re, ''Pelo ya me e itumela mo go Modimo Yahweh. Lenaka la me le tsholediwa mo go Modimo Yahweh. Molomo wa me o ikgantshetsa baba ba me, gonne ke ipela mo polokong ya me.²Ga go na ope yo o boitshepo jaaka Modimo Yahweh, gonne ga go na ope ntleng le wena; ga go na lefika le le tshwanang le Modimo wa rona.³⁴Se tlhole o ikgantsha gape ka go ikgodisa; a makgakga a se ka a tswa ka molomo wa gago. Gonne Modimo Yahweh ke Modimo wa kitso; ditiro di kalwa ke ene. Mara a banna ba ba maatla a robilwe, mme ba ba thetheekelang ba apara thata jaaka lebante.⁵Ba ba neng ba kgotshe ba iphirisa gore ba bone borotho; ba ba neng ba tshwerwe ke tlala ga ba sa tlhole ba tswerwe ke tlala. Le yo o moopa o tshola ba supa, mme mosadi yo nang le bana ba bantsi o a sotlega.⁶Modimo Yahweh o a bolaya gape o busetsa mo botshelong. O isa kwa Sheole gape o a rudisa. ⁷Modimo Yahweh o humanegisa bangwe mme o humisa ba bangwe. O isa tlase, mme gape o a tsholetsa.⁸O tsholetsa mohumanegi go tswa mo leroleng. O tsholetsa batlhoki go tswa mo thotobolong ya molora a ba dire gore ba nne le magosana le go tsaya boswa jwa setilo sa tlotla. Gonne maotwana a lefatshe ke a Modimo Yahweh, mme o tlhomile lefatshe mo go one.⁹O tla disa dinao tsa batho ba gagwe ba ba boikanyego, mme baikepi ba tla didimadiwa mo lefifing, gonne ga go ope yo o tla fenyang ka thata.¹⁰Ba ba ganetsanyang le Modimo Yahweh ba tla thubiwa go nna ditokitoki; o tla ba thunyetsa jaaka maru go tswa legodimong. Modimo Yahweh o tla atlhola dikhutlo tsa lefatshe; o tla neela kgosi ya gagwe thata mme a tsholetse lonaka lwa motlodiwa wa gagwe.''¹¹Foo Elekana a ya kwa ntlong ya gagwe, kwa Rama. Ngwana a direla ModimoYahweh fa pele ga ga moperesiti Eli.¹²Jaanong barwa Eli e ne e le banna ba ba senang mosola. Ba ne ba sa itse Modimo Yahweh. ¹³Baperesiti ba ne ba tlwaeditse batho gore fa monna ope a ntsha setlhabelo, motlhanka wa moperesiti o ne a tla ka sekgoge se se menwana e meraro mo seatleng sa gagwe, nama e santse e apeilwe. ¹⁴O tla bo a se tsenya mo pitseng. Se sekgoge se tla tlang se se tshwere moperesiti o tla bo a se itseela. Ba ne ba dira se kwa Shilo mo Baiseraeleng ba ba neng ba tla koo.¹⁵Mo go maswe, pele ba besa mafura, motlhanka wa moperesiti a tla, mme a raya monna yo o neng a ntsha setlhabelo a re, ''Ntsha nama gore ke besetse moperesiti; gonne ga a na go amogela nama e e apeilweng mo go wena, fa e se e tala.'' ¹⁶Fa monna a ka mo raya a re, ''Ba tshwanetse go besa mafura pele, foo o bo o tsaya ka fa o batlang ka teng.'' Foo o tla bo a re, ''Nnyaa, o tla e nneela jaanong; e seng jalo, ke tla e tsaya ka dikgoka.'' ¹⁷Boleo jwa bannana ba bo ne bo le bogolo fa pele ga Modimo Yahweh, gonne ba nyaditse moneelo wa Modimo Yahweh.¹⁸Mme Samuele a direla Modimo Yahweh jaaka ngwana a apere sekhutlana sa letsela. ¹⁹Mmaagwe o ne a mo direla purapura e nnye a bo a e tsisa ngwaga le ngwaga, fa a tla le monna wa gagwe go ntsha setlhabelo sa ngwaga le ngwaga.²⁰Eli o tla bo a segofatsa Elekana le mosadi wa gagwe a re, ''A Modimo Yahweh a go neele bana gape ka mosadi yo ka lebaka la kopo e a e kopileng Modimo Yahweh.'' Foo ba tla bo ba boela kwa gabone. ²¹Modimo Yahweh a thusa Hana gape, mme a nna moimana. A tshola barwa ba le bararo le barwadi ba le babedi. Ka nako eo, ngwana Samuele a gola fa pele ga Modimo Yahweh.²²Jaanong Eli o ne a tsofetse thata; a utlwa tsotlhe tse barwae ba neng ba di dira Baiseraele botlhe, le ka fa ba neng ba robalana le basadi ba ba direlang fa kgorong ya tente ya bokopanelo. ²³A ba raya a re, ''Ke eng le dira dilo tse? Gonne ke utlwa ka ditiro tsa lona tse di bosula mo bathong botlhe ba. ²⁴Nnyaa, barwaaka; gonne pego e ke e utlwang ga e molemo. Le dira gore batho ba Modimo Yahweh ba tlhoke kutlo.²⁵Fa motho a leofela yo mongwe, Modimo o tla mo atlhola; mme fa motho a leofela Modimo Yahweh, ke mang yo o tla mmuelelang?'' Mme ba ne ba se ka ba reetsa lentswe la ga rraabone, gonne Modimo Yahweh o ne a ikaelela go ba bolaya. ²⁶Ngwana, Samuele a gola, mme a oketsegelwa ke botsalano mo go Modimo Yahweh le mo bathong.²⁷Jaanong monna wa Modimo a tla kwa go Eli mme a mo raya a re, ''Modimo Yahweh a re, 'A ga ke a itshenolela ntlo ya ga borraago, fa ba le kwa Egepeto mo bokgobeng jwa ntlo ya ga Faro? ²⁸Ke mo tlhophile mo merafeng yotlhe ya Iseraele go nna moperesiti wa me, go ya kwa aletareng ya me, le go tshuba maswalo, le go apara sekhutlana fa pele ga me. Ke neetse ntlo ya ga rraago meneelo yotlhe ya batho ba Iseraele e e fisitsweng.²⁹Ke eng, jaanong, o sotla ditlhabelo le meneelo ya me tse ke di batlang mo lefelong le ke nnang mo go lone? Ke eng o tlotla barwao go mpheta ka go inontsha ka meneelo e e gaisang ya batho ba me ba Iseraele?' ³⁰Gonne Modimo Yahweh, Modimo wa Iseraele o bua a re, 'Ke solofeditse gore ntlo ya gago, le ntlo ya ga rraago, di tsamae fa pele ga me ka bosakhutleng.' Mme jaanong Modimo Yahweh a re, 'A go nne kgakala le nna gore ke dire se, gonne ke tla tlotla ba ba ntlotlang, mme ba ba nnyatsang ba tla nyadiwa.³¹Bona, matsatsi a etla fa ke tla kgaolang thata ya gago le thata ya ntlo ya ga rraago, gore go tle go se tlhole go nna le monna mogolo mo ntlong ya gago. ³²O tla bona patikesego mo lefelong le ke nnang mo go lone. Le ntswa bomolemo bo tla neelwa Iseraele, ga go tlhole go tla nna le monna mogolo mo ntlong ya gago. ³³Ope wa lona yo ke sa mo kgaoleng fa aletareng ya me, ke tla dira gore matlho a gago a fifale, mme ke tla tsisa bohutsana mo botshelong jwa gago. Banna botlhe ba ba tsholwang mo lelapeng la gago ba tla swa.³⁴Se e tla nna sekai sa gago se se tla tlang mo barweng ba gago ba babedi, Hofoni le Finihase: Ba tla swa ka bobedi jwa bone mo letsatsing le le lengwe. ³⁵Ke tla ikgodisetsa moperesiti yo o boikanyego yo o tla dirang se se mo pelong ya me le se se mo moweng wa me. Ke tla mo agela ntlo e e tlhomameng; mme o tla tsamaya fa pele ga kgosi ya me e e tloditsweng ka bosakhutleng.³⁶Mongwe le mongwe yo o setseng mo ntlong ya gago o tla tla go mo ikobela, a kopa phatlo ya selefera le borotho, mme o tla re, ''Tsweetswee nthome maemo mangwe a seperesiti gore ke je setoki sa borotho.'''

3¹Ngwana Samuele a direla Modimo Yahweh ka fa tlase ga ga Eli. Lefoko la Modimo Yahweh le ne le sa tlwaelesega go utlwiwa mo matsatsing ao; go ne go sena ponatshegelo ya seporofito e e neng e bonala gantsi. ²Ka nako eo, fa Eli, yo matlho a gagwe a neng a setse a simolotse go fifala mo a neng a sa bone sentle, o ne a rapame mo bolaong jwa gagwe. ³Lebone la Modimo le ne le ise le time, mme Samuele o ne a rapametse go robala mo tempeleng ya Modimo Yahweh, fa letlole la Modimo le neng le beilwe teng. ⁴Modimo Yahweh a bitsa Samuele, yo o neng a re, ''Ke fano.''⁵Samuele a tabogela kwa go Eli mme a re, ''Ke fano, gonne o mpiditse.'' Eli a re, ''Ga ke a go bitsa; rapama fa fatshe gape.'' Jalo Samuele a ya go rapama. ⁶Modimo Yahweh a bitsa gape, ''Samuele.'' Gape Samuele a ema ka dinao a ya kwa go Eli mme a re, ''Ke fano, gonne o mpiditse.'' Eli a araba, ''Ga ke a go bitsa, morwaaka;rapama gape.''⁷Jaanong Samuele o ne a ise a nne le maitemogelo a go dirisanya le Modimo Yahweh, le fa e le molaetsa ope go tswa kwa go Modimo Yahweh a ise a o senolelwe. ⁸Gape Modimo Yahweh a bitsa Samuele la boraro. Gape Samuele a ema ka dinao a ya kwa go Eli mme a re, ''Ke fano, gonne o mpiditse.'' Foo Eli a lemoga gore Modimo Yahweh o biditse mosimane.⁹Foo Eli a raya Samuele a re, ''Tsamaya o rapame gape; fa a ka go bitsa gape, o re, 'Bua, Modimo Yahweh, gonne motlhanka wa gago o reeditse.''' Jalo Samuele a tsamaya a ya go rapama fa a neng a ntse teng gape.¹⁰Modimo Yahweh a tla a ema; a bitsa gape jaaka ka dinako tse dingwe, ''Samuele, Samuele.'' Foo Samuele a re, ''Bua, gonne motlhanka wa gago o reeditse.'' ¹¹Modimo Yahweh a raya Samuele a re, ''Bona , ke gaufi la go dira sengwe mo Iseraele se se tla dirang gore ditsebe tsa mongwe le mongwe yo o tla utlwang ka sone di lele ditshipi.¹²Mo letsatsing leo ke tla diragatsa sengwe le sengwe kgatlhanong le Eli se ke se buileng ka ntlo ya ga Eli, go tloga kwa tshimologong go ya kwa bokhutlong. ¹³Ke mmoleletse gore ke gaufi la go atlhola ntlo ya gagwe go fetsa ka ntata ya boleo jo a neng a itse ka ga jone, gonne barwae ba tsisitse phutso mo go bone mme ga a a ka a ba emisa. ¹⁴Ka ntata ya se ke ikanetse ntlo ya ga Eli gore maleo a ntlo ya gagwe ga a kitla a tlhapisiwa ka setlhabelo kgotsa moneelo.''¹⁵Samuele a rapama go fithlelela mo mosong; foo a bula mabati a ntlo ya Modimo Yahweh. Mme Samuele o ne a boifa go bolelela Eli ka ponatshegelo. ¹⁶Foo Eli a bitsa Samuele mme a mo raya a re, ''Samuele, morwaaka.'' Samuele a re, ''Ke fano.''¹⁷A re, ''Lefoko le a le buileng le wena la reng? Tsweetswee o se ka wa le mphitlhela. A Modimo a go dire jalo, a go dire go le gontsi, fa o ka mphitlhela sepe sa mafoko otlhe a a a buileng le wena.'' ¹⁸Samuele a mmolelela sengwe le sengwe; a se ka a mo fitlhela sepe. Eli a re, ''Ke Modimo Yahweh. A a dire se se lebegang se le molemo mo go ene.''¹⁹Samuele a gola, mme Modimo Yahweh o ne a na le ene, mme a se ka a lesa lefoko lepe la seporofito la gagwe go pala go nna boammaaruri. ²⁰Iseraele otlhe go tswa kwa Tene go fitlha kwa Beeresheba ba itse gore Samuele o tlhomilwe go nna moporofiti wa Modimo Yahweh. ²¹Modimo Yahweh a iponatsa gape kwa Shilo, gonne o ne a iponaletsa Samuele ka lefoko la gagwe kwa Shilo.

4¹Lefoko la ga Samuele la tla kwa go Iseraele otlhe. Jaanong Iseraele a bolola go ya ntweng kgatlhanong le Bafilisitia. Ba kampa kwa Ebenesa, fa Bafilisitia ba ne ba kampa kwa Afeke. ²Bafilisitia ba ipaya mo meleng ya ntwa kgatlhanong le Iseraele. Fa ntwa e anama, Iseraele a fenngwa ke Bafilisitia, ba ba neng ba bolaya banna ba ka nna dikete tse nne mo patlelong ya ntwa.³Fa batho ba tsena mo kampeng, bagolwane ba Iseraele ba re, ''Ke eng Modimo Yahweh a re fentse fa pele ga Bafilisitia letsatsi leno? A re tsiseng letlole la kgolagano ya Modimo Yahweh fa go tswa kwa Shilo, gore le tle le nne fa le rona, gore le tle le re boloke mo diatleng tsa baba ba rona.'' ⁴Jalo batho ba romela banna kwa Shilo; go tswa koo ba rwala letlole la Modimo Yahweh wa masomosomo, yo o nnang godimo ga dicheruba. Barwa Eli ba babedi, Hofoni le Finehase, ba ne ba le koo le letlole la kgolagano ya Modimo.⁵Fa letlole la kgolagano ya Modimo Yahweh le tla mo kampeng, batho botlhe ba Iseraele ba goa mo go golo, mme lefatshe la roroma. ⁶Fa Bafilisitia ba utlwa modumo wa go goa, ba re, ''Go goa mo go kwa godimo mo kampeng ya Bahebera go raya eng?'' Foo ba lemoga gore letlole la Modimo Yahweh le tsile mo kampeng.⁷Bafilisitia ba tshoga; ba re, ''Modimo o tsile mo kampeng.'' Ba re, ''Go hutsegile rona! Ga go ise go diragale jaana mo dinakong tsa pele! ⁸Go hutsegile rona! Ke mang yo o tla re sireletsang mo maatleng a badimo ba ba maatla ba? Ba ke badimo ba ba neng ba tlhasela Baegepeto ka maroborobo a mantsi a a farologanyeng mo sekakeng. ⁹Nnang pelokgale, nnang banna, lona Bafilisitia, go seng jalo le tla nna makgoba a Bahebera, jaaka ba ne ba ntse ba le makgoba a lona. Nnang banna, mme le lwe.''¹⁰Bafilisitia ba lwa, mme Iseraele a fenngwa. Monna mongwe le mongwe a siela kwa ntlong ya gagwe, mme polao ya nna kgolo thata; gonne masole a a tsamayang ka dinao a le dikete tse di masome a mararo a Iseraele a ne a bolawa. ¹¹Letlole la Modimo le ne la tsewa, mme barwa Eli ba babedi, Hofoni le Finehase, ba ne ba swa.¹²Monna wa Benjamene a tshaba go tswa mo moleng wa ntwa mme a tla kwa Shilo ka letsatsi leo, mme a goroga ka diaparo di gagotswe le mmu mo tlhogong. ¹³Fa a goroga, Eli o ne a ntse mo setilong sa gagwe fa tseleng a lebile, gonne pelo ya gagwe e ne e roroma ka a ne a tshwenyega ka letlole la Modimo. Fa monna a tsena mo toropokgolong a bo a bolela dikgang, toropokgolo yotlhe ya lela.¹⁴Fa Eli a utlwa modumo wa go lela, a re, ''Selelo se se raya eng?'' Monna a tla ka bonako a tla a bolelela Eli. ¹⁵Jaanong Eli o ne a le dingwaga di masome a a ferang bongwe le bofera bobedi; matlho a gagwe a ne a sa kgone go lebagana le sepe, mme o ne a sa go kgone bona.¹⁶Monna a raya Eli a re, ''Ke nna yo o tswang kwa moleng wa ntwa. Ke tshabile kwa ntweng letsatsi leno.'' Mme a re, ''E tsamaile jang, morwaaka?'' ¹⁷Monna yo o tsisitseng dikgang a araba mme a re, ''Iseraele o tshabile fa pele ga Bafilisitia. Gape, go nnile le go fenngwa mo go golo mo gare ga batho. Gape, barwao ba babedi, Hofoni le Finehase, ba sule, mme letlole la Modimo le tserwe.''¹⁸Fa a umaka letlole la Modimo, Eli a wela kwa morago go tswa mo setilong sa gagwe fa thoko ga heke. Molala wa gagwe o ne wa robega, mme a swa, gonne o ne a tsofetse mme a le bokete. O ne a atlhotse Iseraele dingwaga di le 40.¹⁹Jaanong ngwetsi ya gagwe, mosadi wa ga Finehase, o ne a le moimana ebile a le gaufi le go belega. Fa a utlwa dikgang tsa gore letlole la Modimo le gapilwe, le gore matsalaagwe le monna wa gagwe ba sule, a khubama a belega, mme ditlhabi tsa go belega tsa mo hekeetsa. ²⁰Ka nako ya go swa ga gagwe, basadi ba ba neng ba mo thusa ba mo raya ba re, ''O se ka wa boifa, gonne o belege morwa.'' Mme o ne a se ka a araba le fa e le go isa se ba se buang kwa pelong.²¹A neela ngwana leina, Ikabote, a re, ''Kgalalelo e tlogile mo Iseraele!'' Gonne letlole la Modimo le gapilwe, mme ka ntata ya ga matsalaagwe le monna wa gagwe. ²²Mme a re, ''Kgalalelo e tlogile mo Iseraele, gonne letlole la Modimo le gapilwe.''

5¹Jaanong Bafilisitia ba ne a gapa letlole la Modimo, mme ba le ntsha kwa Ebenesa ba le isa kwa Ashetote. ²Bafilisitia ba tsaya letlole la Modimo, ba le tsisa mo ntlong ya ga Tagone, ba le baya go bapa le Tagone. ³Fa batho ba Ashetote ba tsoga mo mosong o mogolo mo letsatsing le le latelang, bonang, Tagone a bo a ole ka sefatlhego fa fatshe fa pele ga letlole la Modimo Yahweh. Jalo ba sela Tagone mme ba mmaya sentle fa a nnang teng gape.⁴Mme fa ba tsoga mo mosong o mogolo o o latelang, bonang, Tagone a bo a ole ka sefatlhego fa fatshe fa pele ga letlole la Modimo Yahweh. Tlhogo le diatla tse pedi tsa ga Tagone di ne di kgaogile di le fa kgorong. E ne e le sehuba sa ga Tagone fela se se neng se setse. ⁵Ke sone se, le mo gompienong, baperesiti ba ga Tagone le mongwe le mongwe yo o tlang mo ntlong ya ga Tagone, a sa gateng mo kgorong ya ga Tagone kwa Ashetote.⁶Seatla sa Modimo Yahweh se ne se le bokete mo bathong ba Ashetote. A ba senya mme a ba tlhokofatsa ka dikaku, Ashetote le dikgaolo tsa yone. ⁷Fa banna ba Ashetote ba lemoga gore go diragala eng, ba re, ''Letlole la Modimo wa Iseraele le se ka la nna le rona, gonne seatla sa gagwe se makgwakgwa kgatlhanong le rona le Tagone, modimo wa rona.''⁸Jalo ba roma bangwe ba kgobokanya babusi botlhe ba Bafilisitia; ba ba raya ba re, ''Re dire eng ka letlole la Modimo wa Iseraele?'' Ba araba, ''A letlole la Modimo wa Iseraele le tsisiwe ka kwa Gathe.'' Mme ba rwalela letlole la Modimo wa Iseraele koo. ⁹Mme morago ga ba sena go le tsisa, seatla sa Modimo Yahweh sa nna kgatlhanong le toropokgolo, sa dira tlhakatlhakano e kgolo thata. A tlhokofatsa banna ba toropokgolo, ba bannye le ba bagolo; mme dikaku tsa runya mo go bone.¹⁰Jalo ba romela letlole la Modimo kwa Ekerone. Mme e rile fela jaaka letlole la Modimo le goroga kwa Ekerone, Baekerone ba lelela kwa godimo, ba re, ''Ba tsisitse letlole la Modimo wa Iseraele kwa go rona go re bolaya le batho ba rona.''¹¹Jalo ba roma bangwe ba kgobokanya babusi botlhe ba Bafilisitia; ba ba raya ba re, ''Romelang kwa ntle letlole la Modimo wa Iseraele, mme le le lese le ye kwa le nnang teng, gore le se ka la re bolaya le batho ba rona.'' Gonne go ne go na le tlalelo e kgolo mo toropokgolong; seatla sa Modimo se ne se le bokete thata gone koo. ¹²Banna ba ba neng ba se ka ba swa ba ne ba tlhokofadiwa ka dikaku, mme selelo sa toropokgolo sa tlhatlogela kwa magodimong.

6¹Jaanong letlole la Modimo Yahweh le ne le le mo lefatsheng la Bafilisitia dikgwedi di supa. ²Foo batho ba Filisitia ba bitsa baperesiti le badupa mewa; ba ba raya ba re, ''Re dire eng ka letlole la Modimo Yahweh? Re boleleleng gore re ka le busetsa jang kwa lefatsheng la lone.''³Baperesiti le badupa mewa ba re, ''Fa le busetsa morago letlole la Modimo wa Iseraele, le se ka la le busa le sena mpho; dirang gotlhe go mo romelela moneelo wa go ipona molato. Foo le tla fodisiwa, mme le tla itse gore ke eng seatla sa gagwe se ne se sa tlosiwe mo go lona go fitlhelela jaanong.'' ⁴Foo ba re, ''Re ntshe eng go nna moneelo wa go ipona molato o re o busetsang kwa go ene?'' Ba fetola, ''Dikaku tsa gauta di le tlhano le dipeba tsa gauta di le tlhano, palo ya botlhano e le palo e e lekanang le ya babusi ba Bafilisitia. Gonne leroborobo le le tshwanang, le tlhokofaditse lona le babusi ba lona.⁵Jalo le tshwanetse go dira ditshwantsho tsa dikaku tsa lona, le ditshwantsho tsa dipeba tsa lona tse di senyang lefatshe, mme le neele Modimo wa Iseraele kgalaletso. Gongwe o tla tlosa seatla sa gagwe mo go lona, le badimo ba lona le lefatshe la lona. ⁶Ke eng le tshwanetse go imetsa dipelo tsa lona morwalo, jaaka Baegepeto le Faro ba ne ba thatafatsa dipelo tsa bone? Ke yone nako e Modimo wa Iseraele a neng a ba otlhaya mo go gagametseng; a batho ba Egepeto ga ba a ka ba koba batho, mme ba tsamaya?⁷Jaanong he, baakanyang kara e ntsha le dikgomo tse di amusang tse pedi tse di iseng di pegwe jokwe. Golegelelang dikgomo mo kareng, mme le ise dinamane tsa tsone gae, kgakala le tsone. ⁸Foo le tsee letlole la Modimo Yahweh mme le le beye mo kareng. Bayang ditshwantsho tsa gauta tse le di busetsang kwa go ene e le moneelo wa go ipona molato mo lebokosong fa thoko ga letlole. Foo le le romele le ye kwa le yang teng. ⁹Foo le lebe; fa le tlhatloga le ya mo tseleng ya kwa lefatsheng la lone le ya kwa Bethe Shemeshe, foo e tla bo e le Modimo Yahweh yo o dirileng sebetso se segolo se. Mme fa go sa nna jalo, foo re tla itse gore ga se seatla sa gagwe se se re tlhokofaditseng; boemong jwa moo, re tla itse gore go re diragaletse fela.''¹⁰Banna ba dira jaaka ba boleleltswe; ba tsaya dikgomo tse pedi tse di amusang, ba di golegelela mo kareng, mme ba tswalela dinamane tsa tsone kwa gae. ¹¹Ba baya letlole la Modimo Yahweh mo kareng mmogo le lebokoso le na le dipeba tsa gauta le ditshwantsho tse di tshetsweng tsa dikaku tsa bone. ¹²Dikgomo tsa tsamaela kwa ntlheng ya Bethe Shemeshe. Tsa tsamaela ntlheng e le nngwe fela, di lela di ntse di tsamaya, mme tsa se ka tsa fapogela ka kwa molemeng kgotsa kwa mojeng. Babusi ba Bafilisitia ba di sala morago go fitlha kwa molelwaneng wa Bethe Shemeshe.¹³Jaanong batho ba Bethe Shemeshe ba ne ba roba korong ya bone mo mokgatsheng. Fa ba tsholetsa matlho a bone kwa godimo ba bona letlole, ba itumela.¹⁴Kara ya tla mo tshimong ya ga Joshua wa toropo ya Bethe Shemeshe mme ya ema foo. Go ne go na le letlapa le le tona foo, mme ba phatlola dikgong tse di dirileng kara, ba bo ba ntsha dikgomo e le moneelo o o fisiwang wa Modimo Yahweh. ¹⁵Balefi ba folosa letlole la Modimo Yahweh le lebokoso le le neng le na le lone, le le neng le na le ditshwantsho tsa gauta, ba di baya mo godimo ga letlapa le le tona. Banna ba Bethe Shemeshe ba ntshetsa Modimo Yahaweh meneelo e e fisiwang le ditlhabelo letsatsi lone leo.¹⁶Fa babusi ba batlhano ba Bafilisitia ba bona se, ba boela kwa Ekerone letsatsi leo.¹⁷Tse ke dikaku tsa gauta tse Bafilisitia ba di buseditseng kwa go Modimo Yahweh e le moneelo wa go ipona molato: mongwe e le wa Ashetote, mongwe e le wa Gasa, mongwe e le wa Ashekelone, mongwe e le wa Gathe, mme mongwe e le wa Ekerone. ¹⁸Dipeba di ne di lekana ka palo le ditoropokgolo tsotlhe tsa Bafilisitia tse e leng tsa babusi ba batlhano, gotlhe, ditoropokgolo tse di thatafaditsweng le metse ya tsone. Letlapa le le tona, le ba beileng letlole la Modimo Yahweh fa thoko ga lone, le ntse le tsweletse go nna mosupi go fitlha letsatsi leno mo tshimong ya ga Joshua wa Mobetheshemeshe.¹⁹Modimo Yahweh a tlhasela bangwe ba banna ba Bethe Shemeshe ka gore ba ne ba okomela mo letloleng la Modimo Yahweh. A bolaya banna ba le masome a supa. Batho ba hutsafala, ka gore Modimo Yahweh o ne a fa batho petso e kgolo. ²⁰Banna ba Bethe Shemeshe ba re, ''Ke mang yo o kgonang go ema fa pele ga Modimo Yahweh, Modimo yo o boitshepo yo? Mme o tla tlhatlogela kwa go mang go tswa mo go rona?''²¹Ba romela barongwa kwa banning ba Kiriathe Jiarimi, ba re, ''Bafilisitia ba busitse letlole la Modimo Yahweh; fologelang kwano le le tseye le boele morago ka lone.''

7¹Banna ba Kiriathe Jearimi ba tla, ba tsaya letlole la Modimo Yahweh, mme ba le tsisa mo ntlong ya ga Abinatabe kwa thabeng. Ba tlhalolela fa thoko morwawe Eleasare go tlhokomela letlole la Modimo Yahweh. ²Letlole le ne la nna kwa Kiriathe Jearimi lebaka la dingwaga tse 20. Ntlo yotlhe ya Iseraele ya hutsafala, ba bo ba eletsa go retologela kwa go Modimo Yahweh.³Samuele a raya ntlo yotlhe ya Iseraele a re, ''Fa le boela kwa go Modimo Yahweh ka pelo ya lona yotlhe, tlosang medimo e sele le Ashetarothe mo gare ga lona, retololelang dipelo tsa lona kwa go Modimo Yahweh, mme le obamele ene fela, foo o tla le namola mo seatleng sa Bafilisitia.'' ⁴Foo batho ba Iseraele ba ntsha Dibale le Ashetarothe, mme ba obamela Modimo Yahweh fela.⁵Foo Samuele a re, ''Tsisang Iseraele yotlhe kwa Misepha, mme ke tla le rapelela Modimo Yahweh.'' ⁶Ba kgobokanela kwa Misepha, ba gelela metsi mme ba a tshololela fa pele ga Modimo Yahweh. Ba ikitsa dijo letsatsi leo mme ba re, ''Re leofetse Modimo Yahweh.'' Ke gone koo kwa Samuele a neng a rarabolola dikgang tsa batho ba Iseraele, mme a etelela batho.⁷Jaanong fa Bafilisitia ba utlwa gore batho ba Iseraele ba kgobokanye kwa Misepha, babusi ba Bafilisitia ba tlhasela Iseraele. Fa batho ba Iseraele ba utlwalela se, ba boifa Bafilisitia. ⁸Foo batho ba Iseraele ba raya Samuele ba re, ''O se ka wa emisa go re biletsa Modimo Yahweh, Modimo wa rona, gore a re boloke mo seatleng sa Bafilisitia.''⁹Samuele a tsaya konyana e e santseng e anya mme a e ntshetsa Modimo Yahweh e le moneelo o o fisiwang o o feletseng. Foo Samuele a lelela kwa go Modimo Yahweh mo boemong jwa Iseraele, mme Modimo Yahweh a mo araba.¹⁰Jaaka Samuele a santse a ntsha moneelo o o fisiwang, Bafilisitia ba atamela go tlhasela Iseraele. Mme Modimo Yahweh a duma ga maru mo go kwa godimo letsatsi leo kgatlhanong le Bafilisitia mme a ba tsenya mo tsietsegong, mme ba fenngwa fa pele ga Iseraele. ¹¹Banna ba Iseraele ba tswa mo Misepha, mme ba alola Bafilisitia mme ba ba bolaya go ya bokgakaleng jwa botlase jwa Bethekara.¹²Foo Samuele a tsaya letlapa mme a le baya fa gare ga Misepha le Shene. A le fa leina, Ebenesa, a re, ''Modimo Yahweh o re thusitse go fitlha fa.''¹³Jalo Bafilisitia ba ne ba fenngwa mme ba se ka ba tsena ka molelwane wa Iseraele. Seatla sa Modimo Yahweh se ne se le kgatlhanong le Bafilisitia matsatsi otlhe a ga Samuele. ¹⁴Ditoropo tse Bafilisitia ba neng ba di tsere mo Iseraele tsa busediwa Iseraele, go tswa Ekerone go fitlha kwa Gathe; Iseraele a busetsa kgaolo ya bone morago go tswa mo Bafilisitieng. Foo ga nna le kagiso gare ga Iseraele le Baamori.¹⁵Samuele o ne a atlhola Iseraele matsatsi otlhe a botshelo jwa gagwe. ¹⁶Ngwaga le ngwaga o ne a dikologa go ya kwa Bethele, go ya kwa Giligala, le go ya kwa Misepha. O ne a atlholela Iseraele dikgang mo mafelong otlhe a. ¹⁷Foo a bo a itse go boela morago kwa Rama, gonne ntlo ya gagwe e ne e le koo; mme koo gape o ne a atlholela Iseraele dikgang. Gape o ne a agela Modimo Yahweh aletara koo.

8¹Fa Samuele a tsofetse, a dira barwa ba gagwe baatlhodi mo Iseraele. ²Leina la morwa wa motsalwapele e ne e le Joele, mme leina la wa bobedi e ne e le Abija. Ba ne ba le baatlhodi kwa Beeresheba. ³Barwae ba se ka ba tsamaya mo ditseleng tsa gagwe, mme ba ne ba alolana le go ikhumisa ka botsotsi. Ba ne ba tsaya pipamolomo mme ba soka dikatlholo.⁴Foo bagolwane botlhe ba Iseraele ba kopana mme ba tla kwa go Samuele kwa Rama. ⁵Ba mo raya ba re, ''Bona, o tsofetse, mme barwao ga ba tsamae mo ditseleng tsa gago. Re tlhomele kgosi gore e re atlhole jaaka ditshaba tsotlhe.''⁶Mme go ne ga se ka ga itumedisa Samuele fa a utlwa ba re, ''Re neele kgosi go re a re atlhole.'' Jalo Samuele a rapela Modimo Yahweh. ⁷Modimo Yahweh a raya Samuele a re, ''Utlwa lentswe la batho mo sengwe le sengweng se ba se go rayang; gonne ga ba a gana wena, mme ba ganne nna gore ke nne kgosi ya bone.⁸Ba dira fela jaaka ba dirile fa ke sale ke ba ntsha mo Egepeto, ba ntlogela, ba direla medimo e sele, jaanong le wena ba go dira jalo. ⁹Jaanong ba reetse; mme ba tlhagise ka tlhwaafalo mme o dire gore ba itse ka tsela e kgosi e tsileng go ba busa ka yone.''¹⁰Jalo Samuele a bolelela batho ba ba neng ba kopa kgosi mafoko otlhe a Modimo Yahweh. ¹¹A re, ''Se se tla dirwa ka nako yotlhe ke kgosi yo o tla le busang. O tla tsaya barwa ba lona a ba roma go dira ka dikolotsana tsa gagwe tsa ntwa le go nna bapalami ba gagwe ba dipitse, le go taboga fa pele ga dikolotsana tsa ntwa tsa gagwe. ¹²O tla itlhomela balaodi ba masole a a sekete, le balaodi ba masole a a masome a matlhano. O tla dira gore bangwe ba leme mmu wa gagwe, bangwe ba robe thobo ya gagwe, mme bangwe ba dire dibetsa tsa gagwe tsa ntwa le didirisiwa tsa dikolotsana tsa gagwe tsa ntwa.¹³Gape o tla tsaya barwadia lona go nna badiri ba ditlolo tse di nkgang monate, baapei ba dijo, le baapei ba borotho. ¹⁴O tla tsaya masimo a lona a a gaisang, a mofine, le a diolifi, a bo a a neela batlhanka ba gagwe. ¹⁵O tla tsaya bolesome jwa mabele a lona, jwa thobo ya masimo a mofine a bo a neela badiredi ba gagwe le batlhanka ba gagwe.¹⁶O tla tsaya batlhanka ba lona ba banna le batlhanka ba lona ba basadi le bannana ba lona ba ba gaisang le ditonki tsa lona; o tla dira gore botlhe ba mmerekele. ¹⁷O tla tsaya bolesome jwa matsomane a lona, mme le tla nna makgoba a gagwe. ¹⁸Foo mo letsatsing leo le tla lela ka ntata ya kgosi ya lona yo le mo itlhophetseng; mme Modimo Yahweh ga a na go le araba mo letsatsing leo.''¹⁹Mme batho ba gana go reetsa Samuele; ba re, ''Nnyaa! Go tshwanetse ga nna le kgosi yo o tla re busang ²⁰gore re tle re nne jaaka ditshaba tse dingwe, gape le gore kgosi ya rona e tle e re atlhole le gore a tle a re etelele pele a bo a lwe dintwa tsa rona.''²¹Fa Samuele a utlwa mafoko otlhe a batho a a boeletsa mo ditsebeng tsa Modimo Yahweh. ²²Modimo Yahweh a raya Samuele a re, ''Utlwa lentswe la bone mme o dire gore mongwe a nne kgosi ya bone.'' Jalo Samuele a raya banna ba Iseraele a re, ''Monna mongwee le mongwe a a ye kwa toropokgolong ya gagabo.''

9¹Go ne go na le monna go tswa kwa Benjamene, monna wa seriti. Leina la gagwe e ne e le Khishi morwa Abiele morwa Seroro morwa Bekhoratha morwa Afia, morwa wa Mobenjamene. ²O ne a na le morwa a bidiwa Saulo, monnana yo montle. Go ne go sena monna ope mo gare ga batho ba Iseraele yo o neng a le montle go mo feta. Go tswa fa magetleng go ya kwa godimo, o ne a le moleele go feta batho botlhe.³Jaanong ditonki tsa ga Khishi, rraagwe Saulo, di ne di timetse. Jalo Khishi a raya Saulo morwawe a re, ''Tsaya mongwe wa batlhanka; emelela o ye go batla ditonki.'' ⁴Jalo Saulo a ralala lefatshe la dithaba la Iforeimi a bo a ralala lefatshe la Shalisha, mme ba se ka ba di bona. Foo ba ralala lefatshe la Shaalimi, mme di ne di seyo koo. Foo a feta ka lefatshe la Babenjamene, mme ba se ka ba di bona.⁵Fa ba fitlha kwa lefatsheng la Sufu, Saulo a raya motlhanka wa gagwe yo o neng a na nae a re, ''Tlaya, a re boele morago, eseng jalo rre o tloga a tlhokomologa ditonki a bo a tshwenyega ka rona.'' ⁶Mme motlhanka a mo raya a re, ''Reetsa, go na le monna wa Modimo mo toropokgolong e. Ke monna yo o tlotlegang; sengwe le sengwe se a se buang se nna boammaaruri. A re ye kwa teng kwa; gongwe o tla re bolelela gore re tsamaele kae mo leetong la rona.''⁷Foo Saulo a raya motlhanka wa gagwe a re, ''Mme fa re tsamaya, re tla neela monna eng? Gonne borotho jo bo mo kgetseng ya rona bo fedile, mme ga re na mpho e re tla e tsisetsang monna wa Modimo. Re na le eng?'' ⁸Motlhanka a araba Saulo mme a re, ''Fa, ke tshwere bongwe mo boneng jwa shekele ya selefera jo ke tla bo neelang monna wa Modimo, gore a re bolelele gore re tsamaele kae.''⁹(Mo dinakong tsa bogologolo mo Iseraele, fa monna a ya go batla kitso ya go rata ga Modimo, o ne a re, ''Tlaya, a re ye go bona mmonelapele.'' Gonne moporofiti wa gompieno o ne a bidiwa mmonelapele mo dinakong tsa bogologolo). ¹⁰Foo Saulo a raya motlhanka wa gagwe a re, ''O buile sentle. Tlaya, a re tsamae.'' Jalo ba ya kwa toropokgolong e monna wa Modimo a neng a le kwa go yone. ¹¹Jaaka ba ne ba palamela thaba go ya kwa toropokgolong, ba bona makgarejwana a tla go ga metsi; Saulo le motlhanka wa gagwe ba ba raya ba re, ''A mmonelapele o teng fa?''¹²Ba araba, mme ba re, ''O teng; bonang, o fa pelenyana ga lona. Itlhaganeleng, gonne o tla toropokgolong letsatsi leno, gonne batho ba ntsha ditlhabelo letsatsi leno kwa lefelong le le kwa godimo. ¹³Fela jaaka le tsena mo toropokgolong le tla mmona, pele a ya go ja kwa lefelong le le kwa godimo. Batho ga ba na go ja go fitlhela a tla, gonne o tla segofatsa setlhabelo; morago ga moo ba ba laleditsweng ba tla ja. Jaanong tsamaelang kwa godimo, gonne le tla mmona ka pele.''¹⁴Jalo ba tlhatlogela kwa toropokgolong. Jaaka ba tsena mo toropokgolong, ba bona Samuele a tla a lebaganye le bone, go tlhatlogela kwa lefelong le le kwa godimo.¹⁵Jaanong letsatsi pele ga Saulo a tla, Modimo Yahweh o ne a senoletse Samuele: ¹⁶''Kamoso mo nakong yone e ke tla go romelela monna go tswa kwa Benjamene, mme o tla mo tlotsa go nna kgosana ya batho ba me ba Iseraele. O tla boloka batho ba me mo seatleng sa Bafilisitia. Gonne ke ntse ke lebile batho ba me ka bopelotlhomogi ka gore go bitsa ga bone mo go kopang thuso go gorogile kwa go nna.''¹⁷Fa Samuele a bona Saulo, Modimo Yahweh a mmolelela a re, ''Monna yo ke go boleletseng ka ene ke yo! Ke ene yo o tla busang batho ba me.'' ¹⁸Foo Saulo a tla gaufi le Samuele fa kgorong mme a re, ''Mpolelele, ntlo ya mmonelapele e kae?'' ¹⁹Samuele a araba Saulo a re, ''Ke nna mmonelapele. Tsamaelang kwa godimo kwa pele ga me le ye kwa lefelong le le kwa godimo, gonne letsatsi leno le tsile go ja le nna. Ke tla le letlelela go tsamaya mo mosong, mme ke tla go bolelela tsotlhe tse di leng mo tlhaloganyong ya gago.²⁰Fa e le ka ga ditonki tsa lona tse di neng di timetse matsatsi a mararo a a fetileng, le se ka la tshwenyega ka tsone, gonne di bonwe. Mme ke mang yo dikeletso tsotlhe tsa Iseraele di beilweng mo go ene? A ga se mo go wena le ntlo yotlhe ya ga rraago?'' ²¹Saulo a araba mme a re, ''A ga ke Mobenjamene, go tswa kwa morafeng o monnye wa Iseraele? A kgotlana ya gaetsho ga se yone e e potlana mo dikgotlaneng tsotlhe tsa morafe wa Benjamene? Ke eng o mpuisa ka tsela e e ntseng jaana?''²²Jalo Samuele a tsaya Saulo le motlhanka wa gagwe, a ba tsenya mo holong, mme a ba baya ka kwa tlhogong ya ba ba laleditsweng, ba ba neng ba ka nna masome mararo ka palo.²³Samuele a raya moapei wa dijo a re, ''Tsisa serwe se ke se go neetseng, se ke se go laetseng ke re, 'Se beele kwa thoko.''' ²⁴Jalo moapei wa dijo a tsaya serope se se neng sa nsthiwa fa go ntshiwa setlhabelo le tse di neng di na le sone, a se baya fa pele ga ga Saulo. Foo Samuele a re, ''Bona se o neng o se beetswe. Se je, gonne se ne se beetswe wena ka nako e e tlhomilweng. Gonne jaanong o ka re, 'Ke laleditse batho.''' Jalo Saulo a ja le Samuele letsatsi leo.²⁵Fa ba sena go fologa kwa lefelong le le kwa godimo ba tsena mo toropokgolong, Samuele a bua le Saulo ba le mo godimo ga borulelo jwa ntlo. ²⁶Foo ka moso o motona, Samuele a biletsa Saulo kwa borulelong jwa ntlo mme a re, ''Tsoga, ke tle ke le golole le tsamae.'' Jalo Saulo a tsoga, mme ene le Samuele ba tsamaela kwa ntle mo mmileng.²⁷Jaaka ba ne ba tsamaela kwa bofelong jwa toropokgolo, Samuele a raya Saulo a re, ''Raya motlhanka a tsamaele kwa pele ga rona.'' Mme o ne a tsamaela kwa pele. ''Mme wena o tswanetse o eme fa lebakanyana, gore ke tle ke go bolelele molaetsa wa Modimo.''

10¹Foo Samuele a tsaya lonaka lwa leokwane, a le tshela mo tlhogong ya ga Saulo, mme a mo atla. A re, ''A Modimo Yahaweh ga a go tlotsa go nna mmusi wa boswa jwa gagwe? ²Fa o tswa fa go nna letsatsi leno, o tla bona banna ba le babedi gaufi le lebitla la ga Ragele, mo kgaolong ya Benjamene kwa Selesa. Ba tla go raya ba re, 'Ditonki tse o neng o di batla di bonwe. Jaanong rraago o emisitse go tshwenyega ka ditonki, mme o tshwenyega ka wena, a re, 'Ke dire eng ka morwaake?'''³Foo o tla tsamaela kwa pele go tswa foo, mme o tla fitlha kwa mookeng wa Tabore. Banna ba le bararo ba ba yang kwa Modimong kwa Bethele ba tla go kopantsha koo, yo mongwe a tshotse dipotsane tse tharo, yo mongwe a tshotse marotho a le mararo, fa yo mongwe ene a tshotse lekuka la mofine. ⁴Ba tla go dumedisa ba bo ba go neela marotho a mabedi, a o tshwanetseng go a amogela go tswa mo diatleng tsa bone.⁵Morago ga moo, o tla fitlha kwa thabeng ya Modimo, kwa ditlhopha tsa masole a Bafilisitia di leng teng. Fa o fitlha kwa toropokgolong, o tla kopana le setlhopha sa baporofiti se tswa kwa lefelong le le kwa godimo se tshwere harepa, le seletare, le moropana, le fulutu; ba tla bo ba porofita. ⁶Mowa wa Modimo Yahweh o tla goromela mo go wena, mme o tla porofita le bone, mme o tla fetolwa go nna monna yo o farologanyeng.⁷Jaanong, fa dikai tse di tla mo go wena, dira se seatla sa gago se se tshwarang, gonne Modimo o na le wena. ⁸Tsamaela kwa pele ga me o ye Giligala. Foo ke tla tla kwa go wena ke tla go ntsha meneelo e e fisiwang le setlhabelo sa kagiso. Leta matsatsi a supa go fitlhelela ke tla kwa go wena ke tla ke go bontsha gore o dire eng.''⁹Fa Saulo a hularela Samuele, Modimo a mo neela pelo e nngwe. Foo dikai tsotlhe tse tsa diragala mo letsatsing leo. ¹⁰Fa ba fitlha kwa thabeng, setlhopha sa baporofiti sa kopana le ene, mme Mowa wa Modimo wa goromela mo go ene mo a neng a porofita le bone.¹¹Fa mongwe le mongwe wa batho ba ba mo itsileng pele a mmona a porofita le baporofiti, batho ba rayana ba re, ''Go diragetse eng ka morwa Khishi? A Saulo le ene ke moporofiti jaanong?'' ¹²Monna yo o tswang mo lefelong le le lenggwe le ene a araba a re, ''Raabone ke mang?'' Ka lebaka la se, tiragalo e e ne ya fetoga seane, ''A Saulo le ene ke mongwe wa baporofiti?'' ¹³Fa a fetsa go porofita, a tla kwa lefelong le le kwa godimo.¹⁴Foo malomaagwe Saulo a raya Saulo le motlhanka wa gagwe a re, ''Le ne le ile kae?'' Mme a fetola, ''Go batla ditonki; fa re bona gore ga re kgone go di bona, re ne ra ya kwa go Samuele.'' ¹⁵Malomaagwe Saulo a re, ''Tsweetswee mpolelele gore Samuele o ne a le raya a reng.'' ¹⁶Saulo a fetola malomaagwe, ''O ne a re bolelela ka tlhamalalo gore ditonki di bonwe.'' Mme a se ka a mmolelela ka kgang ya bogosi, e Samuele a buileng ka yone.¹⁷Jaanong Samuele a biletsa batho fa pele ga Modimo Yahweh kwa Misepha. ¹⁸A raya batho ba Iseraele a re, ''Se ke se se buiwang ke Modimo Yahweh, Modimo wa Iseraele: 'Ke ntshitse Iseraele kwa Egepeto, mme ka le namola mo seatleng sa Baegepeto, le mo seatleng sa magosi otlhe a a neng a le gateletse.' ¹⁹Mme gompieno le ganne Modimo wa lona, yo o le bolokang mo matlhotlhapelong otlhe le dipatikesegong tsa lona; mme le mo reile la re, 'Re tlhomele kgosi.' Jaanong itshupeng fa pele ga Modimo Yahweh ka merafe ya lona le dikgotlana tsa lona.''²⁰Jalo Samuele a tsisa merafe yotlhe ya Iseraele gaufi, mme morafe wa Benjamene wa tlhophiwa. ²¹Foo a tsisa morafe wa Benjamene gaufi ka dikgotlana tsa bone; mme kgotlana ya Bamatiri ya tlhophiwa; mme Saulo morwa Khishi a tlhophiwa. Mme e rile fa ba tswa ba mmatla, ba se ka ba mmona.²²Foo batho ba batla go botsa Modimo dipotso tse di ntsi, ''A go santse go na le monna yo mongwe yo o tla tlang?'' Modimo Yahweh a araba, ''O iphitlhile mo gare ga dikgetse.'' ²³Foo ba taboga ba ya go ntsha Saulo koo. Fa a ema fa gare ga batho, o ne a le moleele go feta botlhe go tloga fa magetleng go ya kwa godimo.²⁴Foo Samuele a raya batho a re, ''A le bona monna yo Modimo Yahweh a mo tlhophileng? Ga go na ope yo o tshwanang le ene fa gare ga batho!'' Batho botlhe ba goa, ''Tshelela ruri kgosi!''²⁵Foo Samuele a bolelela batho ditsamaiso le melawana ya bogosi, mme a e kwala mo bukeng, mme a e baya fa pele ga Modimo Yahweh. Foo Samuele a romela batho kwa malapeng a bone, monna mongwe le mongwe kwa ntlong ya gagwe.²⁶Saulo le ene a ya kwa ntlong ya gagwe kwa Gibea, mme banna bangwe ba dinatla ba Modimo a amileng dipelo tsa bone ba tsamaya le ene. ²⁷Mme banna bangwe ba ba senang mosola ba re, ''Monna yo o ka re boloka jang?'' Batho ba ba ne ba nyatsa Saulo mme ba se ka ba mo tsisetsa dimpho dipe. Mme Saulo a didimala.

11¹Foo Nahashe wa Moamone a ya a dikaganyetsa Jabeshe Giliate. Banna botlhe ba Jabeshe ba raya Nahashe ba re, ''Dira kgolagano le rona, mme re tla go direla.'' ²Nahashe wa Moamone a fetola, ''Ka lebaka le ke tla dira tumelano ya kagiso le lona, gore ke gonye matlho a lona otlhe a moja, mme ka go dira jalo ke tlhabise Iseraele otlhe ditlhong.''³Foo bagolwane ba Jabeshe ba mo fetola, ''Re tlogele lebaka la matsatsi a supa, gore re romele barongwa kwa dikgaolong tsotlhe tsa Iseraele. Foo, fa go sena ope yo o ka re bolokang re tla ineela mo go wena.''⁴Barongwa ba tla kwa Gibea, kwa Saulo a nnang teng, mme ba bolelela batho se se diragetseng. Batho botlhe ba lelela kwa godimo. ⁵Jaanong Saulo o ne a setse dipholo morago go tswa mo tshimong. Saulo a re, ''Molato ke eng ka batho fa ba lela jaana?'' Ba bolelela Saulo gore banna ba Jabeshe ba reng.⁶Fa Saulo a utlwa gore ba reng, Mowa wa Modimo wa goromela mo go ene, mme a tenega mo go golo. ⁷A tsaya dipholo tse pedi, a di kgaoganya ditokitoki mme a di romela go ralala dikgaolo tsotlhe tsa Iseraele ka barongwa. A re, ''Ope yo o sa tsweleng kwa ntle fa morago ga ga Saulo le fa morago ga ga Samuele, se ke se se tla dirwang ka dipholo tsa gagwe.'' Foo poifo ya Modimo Yahweh ya wela mo bathong, mme ba kgobokana mmogo jaaka motho a le mongwe. ⁸Fa a ba kgobokanya mmogo kwa Beseke, batho ba Iseraele ba ne ba le makgolo a mararo a dikete, mme banna ba Juta ba le dikete tse di masome a mararo.⁹Ba raya barongwa ba ba tsileng ba re, ''Le tla raya banna ba Jabeshe Gileate, 'Kamoso ka nako e letsatsi le tla bong le fisa, le tla bo le namotswe.''' Jalo barongwa ba tsamaya ba bolelela banna ba Jabeshe, mme ba itumela. ¹⁰Foo banna ba Jabeshe ba raya Nahashe ba re, ''Kamoso re tla ineeela mo go wena, mme o tla dira se o bonang se le molemo mo go wena.''¹¹Letsatsi le le latelang Saulo a baya batho mo ditlhopheng tse tharo. Ba tla mo gare ga kampa ka nako ya go disa ga mo mosong, mme ba tlhasela ba bo ba fenya Baamone go fitlha motshegare. Ba ba neng ba falola ba ne ba phatlaladitswe, mo go neng go sena ba babedi ba ba neng ba bonwa ba tsamaya mmogo.¹²Foo batho ba raya Samuele ba re, ''Ke bomang ba ba neng ba re, 'A Saulo o ka re busa?' Tsisang banna bao, re tle re ba bolae.'' ¹³Mme Saulo a re, ''Ga go ope yo o tshwanetseng go bolawa letsatsi leno, gonne letsatsi leno Modimo Yahweh o namotse Iseraele.''¹⁴Foo Samuele a raya batho a re, ''Tlang, a re yeng kwa Giligala mme re shafatse bogosi koo.'' ¹⁵Jalo batho botlhe ba ya kwa Giligala mme ba dira Saulo kgosi fa pele ga Modimo Yahweh kwa Giligala. Koo ba ntsha ditlhabelo tsa meneelo ya kagiso fa pele ga Modimo Yahweh, mme Saulo le banna botlhe ba Iseraele ba itumela mo go golo.

12¹Samuele a raya Iseraele yotlhe a re, ''Ke reeditse sengwe le sengwe se le se mpoleletseng, mme ke le tlhometse kgosi. ²Jaanong, kgosi ke yo o tsamaya fa pele ga lona; mme ke tsofetse ke tlhogo tshweu; mme, barwaake ba na le lona. Ke tsamaile fa pele ga lona go tloga bonaneng jwa me go fitlha gompieno.³Ke fano; ntshang bosupi kgatlhanong le nna fa pele ga Modimo Yahweh le fa pele ga motlodiwa wa gagwe. Ke tsere pholo ya ga mang? Ke tsere tonki ya ga mang? Ke tsieditse mang? Ke gateletse mang? Ke tsere pipamolomo mo seatleng sa ga mang go foufatsa matlho a me? Ntshang bosupi kgatlhanong le nna, ke tla buseletsa dilo kwa go lona.''⁴Ba re, ''Ga o a re tsietsa, ga o a re gatelela, le fa e le go utswa sepe mo seatleng sa motho ope.'' ⁵A ba raya a re, ''Modimo Yahweh ke mosupi kgatlhanong le lona, le motlodiwa wa gagwe ke mosupi letsatsi leno, gore ga le a fitlhela sepe mo seatleng sa me.'' Mme ba fetola, ''Modimo Yahweh ke mosupi.''⁶Samuele a raya batho a re, ''Ke Modimo Yahweh yo o tlhomileng Moshe le Arone, ebile ke ene yo o ntshitseng borraalona kwa lefatsheng la Egepeto. ⁷Jaanong, itshupeng, gore ke tle ke le kope fa pele ga Modimo Yahweh mabapi le ditiro tsotlhe tsa tshiamo tsa Modimo Yahweh, tse a di le diretseng le borraalona.⁸Fa Jakobe a tla mo Egepeto, mme borraalona ba lelela kwa go Modimo Yahweh. Modimo Yahweh a romela Moshe le Arone, ba ba neng ba etelela borraalona go tswa mo Egepeto mme ba tla ba nna mo lefelong le. ⁹Mme ba ne ba lebala Modimo Yahweh, Modimo wa bone; a ba rekisetsa mo seatleng sa ga Sisera, moetelela sesole sa Hasore, le mo seatleng sa Bafilisitia, le mo seatleng sa kgosi ya Moabe; botlhe ba ba ne ba lwa le borraalona.¹⁰Ba lelela kwa go Modimo Yahweh ba re, 'Re leofile, gonne re tlogetse Modimo Yahweh mme re diretse boBale le diAshetorethe. Mme jaanong re namole mo seatleng sa baba ba rona, mme re tla go direla.' ¹¹Jalo Modimo Yahweh a romela Jeru Bale, Betane, Jefotha, le Samuele, mme a le neela phenyo godimo ga baba ba lona ba ba le dikologileng, gore le nne mo pabalesegong.¹²Fa le bona gore Nahashe kgosi ya batho ba Amone o a le tlhasela, le ne la nthaya la re, 'Nnyaa! Boemong jwa moo, kgosi e tshwanetse go re busa' - ntswa Modimo Yahweh, Modimo wa lona, e ne e le kgosi ya lona. ¹³Jaanong kgosi yo le mo tlhophileng ke yo, yo le mo kopileng mme Modimo Yahweh a mo le tlhomela go nna kgosi ya lona.¹⁴Fa le boifa Modimo Yahweh, le mo direla, le utlwa lentswe la gagwe, mme le sa tsuolole taolo ya Modimo Yahweh, foo lona le kgosi e e le busang le tla nna basalamorago ba Modimo Yahweh, Modimo wa lona. ¹⁵Fa le sa utlwe lentswe la Modimo Yahweh, mme le bo le tsuolola ditaelo tsa Modimo Yahweh, foo seatla sa Modimo Yahweh se tla nna kgatlhanong le lona, jaaka se ne se le kgatlhanong le borraalona.¹⁶Le jaanong itshupeng mme le tle le bone selo se segolo se Modimo Yahweh a tla se dirang fa pele ga matlho a lona. ¹⁷A ga se nako ya thobo ya korong letsatsi leno? Ke tla bitsa Modimo Yahweh, gore a tle a romele tladi le pula. Foo le tla itse le bo le bona gore boikepo jwa lona bo bogolo, jo le bo dirileng mo ponong ya ga Modimo Yahweh, ka go ikopela kgosi.'' ¹⁸Jalo Samuele a bitsa Modimo Yahweh; mme mo letsatsing lone leo Modimo Yahweh a romela tladi le pula. Foo batho botlhe ba boifa Modimo Yahweh le Samuele mo go golo.¹⁹Foo batho botlhe ba raya Samuele ba re, ''Rapelela batlhanka ba gago Modimo Yahweh, Modimo wa gago, gore re se ka ra swa. Gonne re okeditse mo godimo ga maleo a rona ka bosula jo jwa go ikopela kgosi.'' ²⁰Samuele a fetola, ''Le se ka la boifa. Le dirile bosula jotlhe jo, mme le se ka la hularela Modimo Yahweh, mme le direle Modimo Yahweh ka pelo ya lona yotlhe. ²¹Le se ka la mo hularela la ya le dilo tse di senang mosola tse di ka sekang tsa le busetsa kgotsa tsa le namola, gonne ga di na mosola.²²Ka ntata ya leina la gagwe le legolo, Modimo Yahweh ga a na go gana batho ba gagwe, gonne go itumedisitse Modimo Yahweh go le dira batho ba e leng ba gagwe. ²³Fa e le nna, a go nne kgakala le nna gore ke leofele Modimo Yahweh ka go emisa go le rapelela. Boemong jwa moo, ke tla le ruta tsela e e molemo e e siameng.²⁴Fela boifang Modimo Yahweh le mo direle ka boammaaruri le ka pelo ya lona yotlhe. Akanyang ka dilo tse dikgolo tse a di le diretseng. ²⁵Mme fa le ka ganelela mo go direng bosula, lona le kgosi ya lona le tla senngwa.''

13¹Saulo o ne a le dingwaga tse 30 fa a simolola go busa; fa a sena go busa Iseraele dingwaga tse 40, ²a tlhopha banna ba Iseraele ba le dikete tse tharo. Ba le dikete tse pedi ba ne ba na le ene kwa Mikimashe le kwa lefatsheng la dithaba la Bethele, fa ba ba sekete ba le kwa Gibea wa Benjamene ba na le Jonathane. Masole a mangwe a a setseng a a busetsa gae, monna mongwe le mongwe kwa tenteng ya gagwe.³Jonathane a fenya setlhopha sa masole a Bafiisitia a a neng a le kwa Geba, mme Bafilisitia a utlwalela se. Foo Saulo a letsa torompeta go ralala lefatshe lotlhe, a re, ''A Bahebera ba utlwe.'' ⁴Iseraele yotlhe ya utlwa gore Saulo o fentse setlhopha sa masole sa Bafilisitia, le gore Iseraele o fetogile monko wa sebodu mo Bafilisitieng. Foo masole a bidiwa go tshwaragana le Saulo kwa Giligala.⁵Bafilisitia ba kgobokana go lwa le Iseraele: dikolotsana tsa ntwa di le dikete tse tharo, banna ba le dikete tse thataro go kgweetsa dikolotsana tsa ntwa, le masole a bontsi jo eketeng jwa motlhaba fa letshitshing la lewatle. Ba tla ba kampa kwa Mikimashe, kwa botlhabatsatsi jwa Betheabene.⁶Fa banna ba Iseraele ba bona gore ba mo mathateng - gonne batho ba ne ba patikesegile, batho ba iphitlha mo magageng, mo tshutlheng ya ditlhare, mo matlapeng a magolo, mo dipetseng, le mo mesimeng. ⁷Bangwe ba Bahebera ba ne ba kgabaganya Jorotane ba ya kwa lefatsheng la Gate le Gileate. Mme Saulo o ne a ntse a le kwa Giligala, mme batho botlhe ba ne ba mo setse morago ba roroma.⁸A leta matsatsi a supa, nako e e tlhomilweng ke Samuele. Mme Samuele a se ka a tla kwa Giligala, mme batho ba ne ba phatlalalela Saulo. ⁹Saulo a re, ''Ntsisetseng moneelo o o fisiwang le meneelo ya kagiso.'' Foo a ntsha moneelo o o fisiwang. ¹⁰Fela fa a sena go fetsa go ntsha moneelo o o fisiwang, Samuele a goroga. Saulo a tswela kwa ntle go mo kopantsha le go mo dumedisa.¹¹Foo Samuele a re, ''O dirile eng?'' Saulo a fetola, ''Fa ke bona gore batho ba a ntlogela, le gore ga o a tla ka nako e o e beileng, le gore Bafilisitia ba kgobokane kwa Mikimashe, ¹²ke ne ka re, 'Jaanong Bafilisitia ba tla tla kgatlhanong le nna kwa Giligala, mme ga ke a batla botsalano jwa Modimo Yahweh.' Jalo ka ipatika go ntsha moneelo o o fisiwang.''¹³Foo Samuele a raya Saulo a re, ''O dirile boeleele. Ga o a tshegetsa taelo ya Modimo Yahweh, Modimo wa gago e a e go neileng. Gonne foo Modimo Yahweh o ka bo a tlhomile puso ya gago mo Iseraele ka bosakhutleng. ¹⁴Mme jaanong go busa ga gago ga go na go tswelela. Modimo Yahweh o batlile monna yo o latelang pelo ya gagwe, mme Modimo Yahweh o mo tlhomile go nna kgosana ya batho ba gagwe, gonne ga o a nna kutlo mo go se a se go laotseng.''¹⁵Foo Samuele a ema ka dinao a tswa mo Giligala a ya kwa Gibea wa Benjamene. Foo Saulo a bala batho ba ba neng ba na le ene, banna ba ka nna makgolo a marataro. ¹⁶Saulo, morwawe Jonathane, le batho ba ba neng ba na le bone, ba nna mo Geba wa Benjamene. Mme Bafilisitia ba kampa kwa Mikimashe.¹⁷Batlhasedi ba tswa kwa kampeng ya Bafilisitia ka ditlhopha tse tharo. Setlhopha sengwe sa leba ntlheng ya kwa Ofora, kwa lefatsheng la Shuale. ¹⁸Setlhopha se sengwe sa leba kwa ntlheng ya Bethehorone, mme setlhopha se sengwe sa leba kwa ntlheng ya molelwane o o okameng mokgatsha wa Seboimi go ya kwa sekakeng.¹⁹Ga se ka ga bonwa mothudi wa tshipi go ralala Iseraele yotlhe, gonne Bafilisitia ba ne ba rile, ''Eseng jalo Bahebera ka tla ba itirela ditshaka le digai.'' ²⁰Mme banna botlhe ba Iseraele ba kile ba bo ba tlhola ba ya kwa tlase kwa Bafilisitieng, mongwe le mongwe a ya go lootsa dikara tsa mogoma, peke ya gagwe, selepe sa gagwe, le sekele ya gagwe. ²¹Tuelo e ne e le bobedi mo borarong jwa shekele fa o lootsa dikara le dipeke, mme e nne bongwe mo borarong jwa shekele fa o lootsa dilepe le go tlhamalatsa tshitswana e e kgotlang dikgomo.²²Jalo mo letsatsing la ntwa, go ne go sena ditshaka kgotsa digai mo diatleng tsa ope wa masole a a neng a na le Saulo le Jonathane; e ne e le Saulo le morwae Jonathane fela ba ba neng ba na le tsone. ²³Setlhopha sa masole a Bafilisitia sa tswela kwa ntle kwa phataneng ya Mikimashe.

14¹Letsatsi lengwe, Jonathane morwa Saulo, a raya motsholathebe wa gagwe yo o mmotlana yo a neng a na nae a re, ''Tla, a re ye kwa setlhopheng sa masole a Bafilisitia se se ka kwa ntlheng e nngwe.'' Mme a se ka a bolelela rraagwe.²Saulo o ne a nna kwa bofelelong jwa Gibea ka fa tlase ga setlhare sa garenate se se mo Migirone. O ne a na le banna ba ka nna makgolo a marataro, ³ba akaretsa Ahija morwa Ahitubu(morwarraa Ikabote) morwa Finehase morwa Eli, moperesiti wa Modimo Yahweh kwa Shilo, yo o neng a apara sekhutlana. Batho ba ne ba sa itse gore Jonathane o tsamaile.⁴Mo matlhakoreng a mabedi a phatana e Jonathane a neng a batla go tsamaya ka yone gore a fitlhe kwa setlhopheng sa masole a Bafilisitia, go ne go na le mokgokolosa o o matlapa mo letlhakoreng le lengwe gape go na le mokgokolosa o o matlapa mo letlhakoreng le lengwe. Mokgolosa o o matlapa o mongwe o ne o bidiwa Bosese fa o mongwe o bidiwa Sene. ⁵Mokgokolosa o o matlapa o mongwe o ne o le mo bokone o lebaganye le Mikimashe, mme o mongwe o le kwa borwa o lebaganye le Geba.⁶Jonathane a raya motsholathebe wa gagwe yo o mmotlana a re, ''Tla, a re kgabaganyetse ka kwa setlhopheng sa masole a batho ba ba sa rupang ba. Gongwe Modimo Yahweh o ka dira mo boemong jwa rona, gonne ga go na se se thibelang Modimo Yahweh go boloka ka batho ba ba palo ntsi kgotsa ka ba ba palo e potlana.'' ⁷Motsholathebe wa gagwe a fetola, ''Dira sengwe le sengwe se se mo pelong ya gago. Tswelela pele, bona, ke na le wena, go utlwa ditaolo tsotlhe tsa gago.''⁸Foo Jonathane a re, ''Re tla kgabaganyetsa kwa banneng, mme re tla ba ipontsha. ⁹Fa ba ka re raya ba re, 'Emang koo, go fitlhelela re tla kwa go lona' - foo re tla ema fela, ga re na go kgabaganyetsa kwa go bone. ¹⁰Mme fa ba fetola ba re, 'Tlang kwano kwa go rona,' foo re tla kgabaganya; gonne Modimo Yahweh o tla bo a ba neetse mo seatleng sa rona. Se e tla nna sesupo mo go rona.''¹¹Jalo bobedi jwa bone jwa itshupetsa setlhopha sa masole a Bafilisitia. Bafilisitia ba re, ''Bonang, Bahebera ba tswa mo mesimeng e ba ntseng ba iphitlhile mo go yone.'' ¹²Foo banna ba setlhopha sa masole ba bitsa Jonathane le motsholathebe wa gagwe, ba re, ''Tlang kwa godimo kwa go rona, mme re tla le bontsha sengwe.'' Jonathane a raya motsholathebe wa gagwe a re, ''Ntshale morago, gonne Modimo Yahweh o ba neetse mo seatleng sa Iseraele.''¹³Jonathane a palama ka matsogo le maoto, mme motsholathebe wa gagwe a tla fa moragoga gagwe. Bafilisitia ba bolawa fa pele ga ga Jonathane, mme motsholathebe wa gagwe a bolaya ba bangwe fa morago ga gagwe. ¹⁴Tlhaselo ya ntlha e Jonathane le motsholathebe wa gagwe ba e dirileng, e ne ya bolaya banna ba le masome a mabedi mo sekgaleng sa sephatlo sa ekere.¹⁵Go ne ga nna le tlalelo mo kampeng, mo patlelong, le mo gare ga batho. Setlhopha sa masole le batlhasedi le bone ba tlalelwa. Lefatshe la roroma, mme ga nna tlalelo e kgolo.¹⁶Foo balebeledi ba ga Saulo kwa Gibea wa Benjamene ba leba; segopa sa masole a Bafilisitia se ne se phatlalala, mme ba ne ba ya fa le kwa. ¹⁷Foo Saulo a raya batho ba a neng a na le bone a re, ''Balang le bone gore ke mang yo o seyong gare ga rona.'' Fa ba sena go bala, ba fitlhela Jonathane le motsholathebe wa gagwe ba seyo.¹⁸Saulo a raya Ahija a re, ''Tsisa letlole la Modimo fa,'' gonne ka nako eo le ne le le mo bathong ba Iseraele. ¹⁹Fa Saulo a santse a bua le moperesiti, pheretlhego e e mo kampeng ya Bafilisitia e ne e tsweletse e bile e oketsega. Foo Saulo a raya moperesiti a re, ''Busetsa seatla sa gago kwa morago.''²⁰Saulo le batho botlhe ba ba neng ba na le ene ba phuthega ba tsena mo ntweng. Tshaka ya Mofilisitia mongwe le mongwe ya bo e le kgatlhanong le bagagabo, mme ga nna le tlhakatlhakano e kgolo. ²¹Jaanong Bahebera ba pele ba neng ba na le Bafilisitia, ba ba bileng ba tsena mo kampeng le bone, le bone ba itshwaraganya le Baiseraele ba ba neng ba na le Saulo le Jonathane.²²Fa banna botlhe ba Iseraele ba ba neng ba iphitlhile mo dithabeng gaufi le Iforeimi ba utlwa gore Bafilisitia ba a tshaba, le bone ba ba alola mo ntweng. ²³Jalo Modimo Yahweh a boloka Iseraele mo letsatsing leo, mme ntwa ya feta fa Bethe Abene.²⁴Mo letsatsing leo banna ba Iseraele ba ne ba patikesegile gonne Saulo o ne a tsentse batho ka fa tlase ga maikano mme a rile, ''Go hutsegile monna yo o jang sejo sepe go fitlha maitseboa ke ise ke ipusolosetse mo babeng ba me.'' Jalo ga se ka ga nna ope wa masole yo o tsenyang sejo mo ganong. ²⁵Foo batho botlhe ba tsena mo sekgweng, mme ga bo go na le tswine fa fatshe. ²⁶Fa batho ba tsena mo sekgweng, tswine ya elela, mme ga se ka ga nna ope yo o isang seatla sa gagwe kwa ganong gonne batho ba ne ba boifa maikano.²⁷Mme Jonathane o ne a sa utlwa gore rraagwe o tlamile batho ka maikano. A otlolola thobane e e neng e le mo seatleng sa gagwe, mme a ina ntlha ya yone mo lemepeng la tswine. A tsholeletsa seatla sa gagwe kwa ganong, mme matlho a gagwe a galalela. ²⁸Foo mongwe wa batho a araba, ''Rraago o tsentse batho mo maikanong a a tlhwaafetseng ka go re, 'Go hutsegile monna yo o jang dijo letsatsi leno,' le ntswa batho ba le bokoa ka ntata ya tlala.''²⁹Foo Jonathane a re, ''Rre o diretse lefatshe mathata. Bona ka fa matlho a me a phatsimang ka teng ka gore ke utlwile tswine go le go nnye. ³⁰Go ka bo go nnile botoka thata jang gompieno fa batho ba ka bo ba lesitswe go ja tse ba di gapileng mo babeng ba bone ba ba ba boneng? Gonne polao ga e a nna ntsi thata mo Bafilisitieng.''³¹Ba tlhasela Bfilisitia letsatsi leo go tswa Mikimashe go ya Aijalone. Batho ba ne ba lapile thata. ³²Batho ba goromela ka bohatlha mo digapiweng mme ba tsaya dinku, dipholo le dinamane, mme ba di bolaela fa fatshe. Batho ba di ja di ntse di tswa madi.³³Foo ba bolelela Saulo, ''Bona, batho ba leofela Modimo Yahweh ka go ja go ntse go elela madi.'' Saulo a re, ''Le dirile mo go sa ikanyegeng. Jaanong, pitikololelang letlapa le le tona fa go nna fa.'' ³⁴Saulo a re, ''Tsamaya fa gare ga batho, mme o ba reye o re, 'A monna mongwe le mongwe a tsise pholo ya gagwe le nku ya gagwe, a di bolaele fa, mme a je. Le se ka la leofela Modimo Yahweh ka go ja go elela madi.''' Jalo mongwe le mongwe wa batho a tsisa pholo ya gagwe bosigo joo mme a e bolaela foo.³⁵Saulo a agela Modimo Yahweh aletara, e e neng e le aletara ya ntlha a e agela Modimo Yahweh.³⁶Foo Saulo a re, ''A re aloleng Bafilisitia mo bosigong mme re ba gapele go fitlha mo mosong; a re se ka ra tlogela ope wa bone a tshela.'' Ba fetola, ''Dira se se lebegang se le molemo mo go wena.'' Mme moperesiti a re, ''A re atameleng Modimo fa.'' ³⁷Saulo a botsa Modimo, ''A ke alole Bafilisitia? A o tla ba neela mo seatleng sa Iseraele?'' Mme Modimo a se ka a mo araba letsatsi leo.³⁸Foo Saulo a re, ''Tlang fa, lotlhe baeteledipele ba batho; ithuteng le bo le bone ka fa boleo jo bo diragetseng ka teng letsatsi leno. ³⁹Gonne, jaaka Modimo Yahweh a tshela, yo o bolokang Iseraele, le fa bo ka tswa bo le mo go Jonathane morwaake, e le ruri o tla swa.'' Mme ga se ka ga nna ope wa banna ba ba mo gare ga batho yo o neng a mo araba.⁴⁰Foo a raya Iseraele yotlhe a re, ''Le tshwanetse la ema ntlheng e le nngwe, fa nna le morwaake Jonathane re tla ema ntlheng e nngwe.'' Batho ba raya Saulo ba re, ''Dira se se lebegang se le molemo mo go wena.'' ⁴¹Jalo he, Saulo a raya Modimo Yahweh, Modimo wa Iseraele, a re, ''Supa thumimi.'' Jonathane le Saulo ba tshwarwa ke khupelekhupele, mme batho ba falola go tlhophiwa. ⁴²Foo Saulo a re, ''Latlhelang khupelekhupele fa gare ga me le Jonathane morwaake.'' Foo Jonathane a tshwarwa ke khupelekhupele.⁴³Foo Saulo a raya Jonathane a re, ''Mpolelele gore o dirile eng.'' Jonathane a mmolelela, ''Ke jele tswine e nnye ka ntlha ya thobane e e neng e le mo seatleng sa me. Ke fano; ke tla swa.'' ⁴⁴Saulo a re, ''Modimo a ntire jalo, a ntire go le gontsi, fa o sa swe, Jonathane.''⁴⁵Foo batho ba raya Saulo ba re, ''A Jonathane yo o tsisitseng phenyo e kgolo mo Iseraele o tshwanetse a swe? A go nne kgakala! Jaaka Modimo Yahweh a tshela, ga go na moriri o mongwe wa gagwe o o tla welang fa fatshe, gonne o berekile le Modimo letsatsi leno.'' Jalo batho ba namola Jonathane gore a se ka a swa. ⁴⁶Foo Saulo a emisa go alola Bafilisitia, mme Bafilisitia ba ya kwa ba nnang teng.⁴⁷Fa Saulo a simolola go busa mo Iseraele, o ne a lwa le baba botlhe ba gagwe mo matlhakoreng otlhe. O ne a lwa le Moabe, Baamone, Etome, dikgosi tsa Soba, le Bafilisitia. E ne e re fa a retologa, a bo a ba tlhokofatsa ka kotlhao. ⁴⁸O ne a dira ka bopelokgale jo bogolo, mme a fenya Baamaleka. O ne a namola Iseraele mo diatleng tsa ba ba neng ba ba gapela.⁴⁹Barwa Saulo e ne e le Jonathane, Ishibi, le Malekhishua. Maina a barwadie ba babedi e ne e le Merabe, wa ntlha, le Mikale, yo o mmotlana. ⁵⁰Leina la mosadi wa ga Saulo e ne e le Ahinoame; o ne a le morwadie Ahimaase. Leina la moetelela sesole sa gagwe e ne e le Abonere morwa Nere, malomaagwe Saulo. ⁵¹Khishi e ne e le rraagwe Saulo; mme Nere, rraagwe Abonere, e ne e le morwa Abiele.⁵²Go ne go na le ntwa e e thata kgatlhanong le Bafilisitia mo matsatsing otlhe a ga Saulo. Fa Saulo a ne a bona monna ope wa senatla kgotsa monna ope o o pelokgale, o ne a mo ikatametsa.

15¹Samuele a raya Saulo a re, ''Modimo Yahweh o nthomile go go tlotsa go nna kgosi ya batho ba gagwe ba Iseraele. Jaanong reetsa mafoko a Modimo Yahweh. ²Se ke se Modimo Yahweh wa masomosomo a se buang, 'Ke etse tlhoko se Amaleka a se dirileng Iseraele fa a ba thibela mo tseleng, fa ba tswa kwa Egepeto. ³Jaanong tsamaya o tlhasele Amaleka mme o senye mo go feletseng dilo tsotlhe tse ba nang le tsone. O se ka wa ba lesa, bolaya gotlhe monna le mosadi, ngwana le lesea, pholo le nku, kamela le tonki.'''⁴Saulo a bitsa batho mme a ba bala kwa toropokgolong ya Teleme: makgolo a mabedi a dikete a banna ba ba tsamayang ka dinao, le banna ba ba dikete tse di lesome ba Juta. ⁵Foo Saulo a tla kwa toropokgolong ya Amaleka mme a leta a le mo mokgatsheng.⁶Foo Saulo a raya Bakeni a re, ''Tsamayang, tswayang fa gare ga Baamaleka, gore ke se ka ka le senya mmogo le bone. Gonne le supeditse batho botlhe ba Iseraele bopelotlhomogi, fa ba tswa kwa Egepeto.'' Jalo Bakeni ba itlhaola mo Baamalekeng. ⁷Foo Saulo a tlhasela Baamaleka, go tswa kwa Habila bokgakala jwa Shure, yo o leng kwa botlhabatsatsi jwa Egepeto.⁸Foo a tsaya Agage kgosi ya Baamaleka a tshela; a nyeletsa gotlhelele batho botlhe ka bogale jwa tshaka. ⁹Mme Saulo le batho ba boloka Agage, mmogo le dinku, dipholo, dinamane tse di nontshitsweng, le dikonyana tse di gaisang tse dingwe. Sengwe le sengwe se se molemo ba se ka ba se senya. Mme ba ne ba nyeletsa gotlhelele sengwe le sengwe se se neng se nyatsega e bile se sena mosola.¹⁰Foo lefoko la Modimo Yahweh la tla kwa go Samuele, le re, ¹¹''Go a nkhutsafatsa go bo ke dirile Saulo kgosi, gonne o tlogetse go ntshala morago e bile ga a diragatsa ditaolo tsa me.'' Samuele o ne a tenega; a lelela kwa go Modimo Yahweh bosigo jotlhe.¹²Samuele a tsoga makuku gore a tle a bone Saulo go sale mo mosong. Samuele a bolelelwa, ''Saulo o tsile kwa Karamele mme a ikagela sefikantswe, foo a tloga a tsamaela kwa Giligala.'' ¹³Foo Samuele a tla kwa go Saulo, mme Saulo a mo raya a re, ''O segofaditswe ke Modimo Yahweh! Ke diragaditse taolo ya Modimo Yahweh.''¹⁴Samuele a re, ''Go lela ga nku mo ditsebeng tsa me mo ke eng, le go lela ga dipholo mo ke go utlwang mo?'' ¹⁵Saulo a fetola, ''Ba di tsisitse go tswa Baamalekeng. Gonne batho ba ne ba lesa tse di gaisang tsa dinku le dipholo, go di ntshetsa Modimo wa gago setlhabelo. Tse dingwe re ne ra di nyeletsa gotlhelele.'' ¹⁶Foo Samuele a raya Saulo a re, ''Ema pele, mme ke tla go bolelela se Modimo Yahweh a se mpoleletseng bosigong jo.'' Saulo a mo raya a re, ''Bua!''¹⁷Samuele a re, ''Le fa o le monnye mo ponong ya gago, a ga o a diriwa tlhogo ya merafe ya Iseraele? Mme Modimo Yahweh a go tlotsa go nna kgosi ya Iseraele; ¹⁸Modimo Yahweh o go rometse mo tseleng ya gago mme a re, 'Tsamaya o ye go nyeletsa baleofi gotlhelele, Baamaleka, mme o lwe le bone go fitlhelela ba nyelediwa.' ¹⁹Ke eng o se kile wa utlwa lentswe la Modimo Yahweh, mme boemong jwa moo, o tsere digapiwa wa bo wa dira se se bosula mo ponong ya Modimo Yahweh?''²⁰Foo Saulo a raya Samuele a re, ''E le ruri ke diragaditse lentswe la Modimo Yahweh, mme ke tsamaile mo tseleng e Modimo Yahweh a nthomileng mo go yone. Ke gapile Agage, kgosi ya Amaleka, mme ke nyeleditse Baamaleka gotlhelele. ²¹Mme batho ba tsere dingwe tsa digapiwa - dinku le dipholo, dilo tse di gaisang tse di tlhaoletsweng go senngwa, go ntshediwa Modimo wa gago setlhabelo kwa Giligala.''²²Samuele a fetola, ''A Modimo Yahweh o itumelela thata meneelo e e fisiwang le ditlhabelo, jaaka a ka itumelela go nna kutlo mo lentsweng la Modimo Yahaweh? Go nna kutlo go botoka go feta go ntsha setlhabelo, le go reetsa go botoka go feta go ntsha mafura a diphelefu. ²³Gonne tsuololo e tshwana le boleo jwa go dupa ka mewa, mme bodipa bo tshwana le boikepo le ditlolo. Ka gore o ganne lefoko la Modimo Yahweh, le ene o go ganne gore o nne kgosi.''²⁴Foo Saulo a raya Samuele a re, ''Ke leofile; gonne ke robile taolo ya Modimo Yahweh le mafoko a gago, gonne ke ne ka boifa batho mme ka utlwa lentswe la bone. ²⁵Jaanong, tsweetswee, itshwarele boleo jwa me, mme o boe le nna gore ke tle ke obamele Modimo Yahweh.''²⁶Samuele a raya Saulo a re, ''Ga ke na go boela morago le wena; gonne o ganne lefoko la Modimo Yahweh, mme Modimo Yahweh o go ganne gore o nne kgosi ya Iseraele.'' ²⁷Jaaka Samuele a ne a retologa gore a tsamae, Saulo a ngaparela momeno wa purapura ya gagwe, mme ya gagoga.²⁸Samuele a mo raya a re, ''Modimo Yahweh o gagotse bogosi jwa Iseraele mo go wena letsatsi leno mme o bo neetse moagisanyi wa gago, yo o leng botoka mo go wena. ²⁹Gape, Thata Ya Iseraele ga a ka ke a aka le fa e le go fetola mogopolo; gonne ga se motho mo a ka fetolang mogopolo wa gagwe.''³⁰Foo Saulo a re, ''Ke leofile. Mme tsweetswee ntlotle jaanong fa pele ga bagolwane ba batho ba me le fa pele ga Iseraele. Boa le nna, gore ke tle ke obamele Modimo Yahweh, Modimo wa gago.'' ³¹Jalo Samuele a boa gape fa morago ga ga Saulo, mme Saulo a obamela Modimo Yahweh.³²Foo Samuele a re, ''Tsisang Agage kgosi ya Amaleka kwa go nna.'' Agage a tla kwa go ene a bofilwe ka dikeetane, mme a re, ''E le ruri botlhoko jwa loso bo fetile.'' ³³Samuele a fetola, ''Fela jaaka tshaka ya gago e dirile bommabana go tlhoka bana, mmaago le ene o tla tlhoka ngwana mo gare ga basadi.'' Foo Samuele a remelela Agage ditokitoki fa pele ga Modimo Yahweh kwa Giligala.³⁴Samuelele a ya kwa Rama, mme Saulo a ya kwa ntlong ya gagwe kwa Gibea wa ga Saulo. ³⁵Samuele a se ka a tlhola a bona Saulo go fitlha letsatsi la loso lwa gagwe, gonne o ne a hutsafalela Saulo. Mme Modimo Yahweh a hutsafala ka gore o ne a dirile Saulo kgosi ya Iseraele.

16¹Modimo Yahweh a raya Samuele a re, ''O tla hutsafalela Saulo lebaka le le kae, gonne ke mo ganne go nna kgosi ya Iseraele? Tlatsa lonaka lwa gago ka leokwane o tsamae. Ke tla go romela kwa go Jese wa kwa Bethelehema, gonne ke itlhophetse kgosi mo gare ga barwa ba gagwe.''²Samuele a re, ''Ke ka tsamaya jang? Fa Saulo a utlwa ka se, o tsile go mpolaya.'' Modimo Yahweh a re, ''Tsaya kgomo ya moroba mme o re, 'Ke tsile go ntshetsa Modimo Yahweh setlhabelo.' ³Biletsa Jese kwa setlhabelong, mme ke tla go bontsha gore o tle o dire eng. O tla ntloletsa yo ke tla mo go bolelelang.''⁴Samuele a dira jaaka Modimo Yahweh a buile, mme a ya kwa Bethelehema. Bagolwane ba toropokgolo ba ne ba roroma fa ba tla go kopana le ene mme ba re, ''A o tla ka kagiso?'' ⁵A re, ''Ka kagiso; ke tsile go ntshetsa Modimo Yahweh setlhabelo. Ipaakanyetseng go itlhaola mme le tle le nna kwa setlhabelong.'' Mme a tlhaolela kwa thoko Jese le barwae a bo a ba laletsa kwa setlhabelong.⁶Fa ba tla, a leba Eliabe, mme a ithaya a re e le ruri motlodiwa wa Modimo Yahwh o eme fa pele ga gagwe. ⁷Mme Modimo Yahweh a raya Samuele a re, ''O se ka wa leba tebego ya gagwe ya ka kwa ntle, kgotsa go golela godimo ga gagwe; gonne ke mo ganne. Gonne Modimo Yahweh ga a lebe jaaka motho a leba; motho o leba tebego ya ka kwa ntle, mme Modimo Yahweh o leba pelo.''⁸Foo Jese a bitsa Abinatabe mme a mo fetisa fa pele ga ga Samuele. Mme Samuele a re, ''Le yo Modimo Yahweh ga a a mo tlhopha.'' ⁹Foo Jese a dira gore Shama a fete gaufi. Mme Samuele a re, ''Le yo Modimo Yahweh ga a a mo tlhopha.'' ¹⁰Jese a dira gore bangwe barwa ba gagwe ba ba supa ba fete fa pele ga ga Samuele. Mme Samuele a raya Jese a re, ''Modimo Yahweh ga a a tlhopha ope wa ba.''¹¹Foo Samuele a raya Jese a re, ''A barwao botlhe ba teng fa?'' A fetola, ''Go setse yo o mmotlana, mme o tlhokometse dinku.'' Samuele a raya Jese a re, ''Roma mongwe a tle le ene; gonne ga re na go nna fa fatshe go fitlhela a tla fa.'' ¹²Jese a roma mongwe a tla nae. Jaanong morwa yo o ne a le mohibidu, a na le matlho a mantle, ebile a le montle mo tebegong. Modimo Yahweh a re, ''Emelela, mo tlotse; gonne ke ene.''¹³Foo Samuele a tsaya lonaka lwa leokwane mme a mo tlotsa fa gare ga brwarraagwe. Mowa wa Modimo Yahweh wa goromela mo go ene go tloga letsatsi leo go ya kwa pele. Foo Samuele a ema ka dinao a ya kwa Rama.¹⁴Jaanong Mowa wa Modimo Yahweh wa tlogela Saulo, mme boemong jwa moo mowa o o bolayang o o tswang kwa go Modimo Yahweh wa mo tshwenya. ¹⁵Batlhanka ba ga Saulo ba mo raya ba re, ''Bona, mowa o o bolayang o o tswang kwa go Modimo Yahweh o a go tshwenya. ¹⁶A mong wa rona a laole batlhanka ba gagwe ba ba fa pele ga gago go batla monna wa moletsi yo o manontlhotlho wa harepa. Foo e tla re fa mowa o o bolayang o o tswang kwa go Modimo Yahweh o le mo go wena, o tla e letsa mme o tla itekanela.''¹⁷Saulo a raya batlhanka ba gagwe a re, ''Mpatleleng monna yo o letsang ka bonokopila le mo tsise kwa go nna.'' ¹⁸Foo mongwe wa bannana a araba, mme a re, ''Ke bone morwa Jese wa Mobethelehema, yo o manontlhotlho mo go letseng, monna yo o maatla, yo o pelokgale, monna wa ntwa, monna yo o kelotlhoko mo puong, monna yo montle; mme Modimo Yahweh o na le ene.'' ¹⁹Jalo Saulo a romela barongwa kwa go Jese, mme a re, ''Nthomelele morwao Tafita, yo o kwa dinkung.''²⁰Jese a tsaya tonki e rwele borotho, le sejana se na le mofine, le podi e e potlana, mme a di romela le Tafita morwawe kwa go Saulo. ²¹Foo Tafita a tla kwa go Saulo, mme a simolola go mo direla. Saulo a mo rata thata, mme a nna motsholathebe wa gagwe.²²Saulo a romela molaetsa kwa Jese, a re, ''Letlelela Tafita go mpereka, gonne o bone botsalano mo ponong ya me.'' ²³E ne e re fa mowa o o bolayang o o tswang kwa go Modimo Yahweh o tla mo go Saulo, Tafita o ne a tsaya harepa mme a e letse. Jalo Saulo o ne a rarabologelwa a bo a itekanela, mme mowa o o bolayang o bo o tswa mo go ene.

17¹Jaanong Bafilisitia ba kgobokanyetsa masole a bone ntwa. Ba kgobokanela kwa Sokho, o e leng wa Juta. Ba ne ba kampile fa gare ga Sokho le Aseka, mo Efesetamimi.²Saulo le banna ba Iseraele ba kgobokana ba bo ba kampa mo mokgatsheng wa Ela, mme ba tsena mo meleng ya ntwa go kopana le Bafilisitia. ³Bafilisitia ba ema mo godimo ga thaba mo ntlheng e nngwe, mme Iseraele a ema mo godimo ga thaba mo ntlheng e nngwe go na le mokgatsha fa gare ga bone.⁴Monna wa senatla a tswa mo kampeng ya Bafilisitia, monna a bidiwa Goliate wa Gathe, yo boleele jwa gagwe e neng e le dimithara tse tharo. ⁵O ne a rwele lekarapa la kgotlho mo tlhogong, mme a tlhometse ka baki ya mologo wa dikeetane. Baki e e ne e le bokete jwa dikhilokereme di le masome a matlhano le botlhano.⁶O ne a na le dikapetla tsa kgotlho mo maotong, gape a rwele motswi o mogolo wa kgotlho fa gare ga magetla. ⁷Matshwaro a segai sa gagwe a ne a le magolo, a na le thapo e e lehuto e e dirisiwang go kolopa jaaka thapo e e mo thobaneng e e logang. Tlhogo ya segai sa gagwe e ne e le bokete jwa dikhilokereme tse supa. Motsholathebe wa gagwe o ne a tsamaya fa pele ga gagwe.⁸A ema a goelela mela ya sesole sa Iseraele, ''Ke eng le tsile go ipaya mo meleng ya ntwa? A ga ke Mofilisitia, mme lona a ga le batlhanka ba ga Saulo? Itlhopheleng monna le mo lese a fologele kwano kwa go nna. ⁹Fa a ka kgona go lwa le nna, mme a mpolaya re tla nna batlhanka ba lona. Mme fa ke ka mo fenya mme ka mmolaya, foo le tla nna batlhanka ba rona le bo le re direla.''¹⁰Mofilisitia a bua gape a re, ''Ke gwetlha mela ya ntwa ya Iseraele letsatsi leno. Nneeleng monna ke lwe le ene.'' ¹¹Fa Saulo le Iseraele yotlhe ba utlwa se Mofilisitia a se buang, ba ne ba kgobega marapo mme ba tshoga mo go golo.¹²Jaanong Tafita e ne e le morwa Moeferatha wa Bethelehema kwa Juta, yo leina la gagwe e leng Jese. O ne a na le barwa ba le borobababedi. Jese o ne a le monnamogolo ka matsatsi a ga Saulo, a tsofetse thata gare ga banna. ¹³Barwa ba bararo ba bagolo ba ga Jese ba ne ba setse Saulo morago go ya ntweng. Maina a barwa ba bararo ba ba neng ba ya ntweng e ne e le Eliabe wa motsalwapele, yo o mo salang morago, Abinatabe, le wa boraro e leng Shama.¹⁴Tafita e ne e le ene yo o mmotlana. Ba bararo ba bagolo ba ne ba sala Saulo morago. ¹⁵Jaanong Tafita o ne a ya kwa le kwa gareng ga sesole sa ga Saulo le dinku tsa ga rraagwe kwa Bethelehema, gore a di otle. ¹⁶Mo matsatsing a le masome a mane, monna wa senatla wa Mofilisitia o ne a itshupa moso le maitseboa a batla ntwa.¹⁷Foo Jese a raya morwawe Tafita a re, ''Tsaya o isetse barwarraago selekanyo sa mabele a a gadikilweng a, le marotho a a lesome a, mme o di ise ka bonako kwa go barwarraago kwa kampeng. ¹⁸O isetse molaodi wa ba ba sekete wa bone ditshisi tse di lesome tse. O lebe gore bomogoloo ba tsogile jang mme o tsise bosupi jwa gore ba tsogile.¹⁹Bomogoloo ba na le Saulo le banna botlhe ba Iseraele mo mokgatsheng wa Ela, ba lwa le Bafilisitia.'' ²⁰Tafita a tsoga makuku mo mosong mme a tlogela letsomane mo tlhokomelong ya modisa. O ne a tsaya mohago mme a tsamaya, jaaka Jese a mo laotse. A goroga mo kampeng ka nako e sesole se neng se bolola go ya patlelong ya ntwa se goeletsa go goa ga ntwa. ²¹Mme Iseraele le Bafilisitia ba tsena mo meleng ya ntwa, sesole se lebaganye le sesole.²²Tafita a tlogela ditsagagwe le motlhokomedi wa dilwana, a tabogela kwa sesoleng, mme a dumedisa bomogolowe. ²³Fa a santse a bua le bomogolowe, monna wa senatla, Mofilisitia wa Gathe, wa leina la Goliate, a tswa mo meleng ya ntwa ya Bafilisitia, mme a bua mafoko a a tshwanang le a pele. Mme Tafita a a utlwa. ²⁴Fa banna botlhe ba Iseraele ba bona monna, ba tshaba fa pele ga gagwe mme ba boifa thata.²⁵Banna ba Iseraele ba re, ''A o bone monna yo o sa tswang go atamela yo? O tletse go gwetlha Iseraele. Mme kgosi o tla neela monna yo o tla mmolayang dikhumo tse dikgolo, o tla mo neela morwadie gore a mo nyale, mme o tla golola ba ntlo ya ga rraagwe mo go ntsheng lekgetho mo Iseraele.''²⁶Tafita a raya banna ba ba neng ba bapile le ene a re, ''Go tla direlwa eng monna yo o tla bolayang Mofilisitia yo a bo a ntsha kgobo mo Iseraele? Ke mang Mofilisitia yo o sa rupang yo o nyatsang sesole sa Modimo yo o tshelang?'' ²⁷Foo batho ba boelela se ba ntseng ba se bua mme ba mmolelela ba re, ''O tla direlwa jaana monna yo o tla mmolayang.''²⁸Eliabe, mogolowe yo mogolo mo go botlhe, a utlwa fa a bua le banna. Eliabe a tenegela Tafita, mme a re, ''Ke eng o tsile fa? O tlogetse dinku tse di palo potlana tsele le mang mo sekgweng? Ke itse boikgodiso jwa gago, le bonokwane jo bo mo pelong ya gago; gonne o tsile kwano gore o tle o bone ntwa.'' ²⁹Tafita a re, ''Ke dirile eng jaanong? A e ne e se potso fela?'' ³⁰A retologa go mo hularela a leba yo mongwe, mme a bua jaaka a ne a buile. Batho ba araba fela jaaka pele.³¹Fa mafoko a Tafita a a buileng a utlwiwa, masole ba a boelela mo go Saulo, mme a roma mongwe go bitsa Tafita. ³²Foo Tafita a raya Saulo a re, ''A pelo ya monna ope e se ka ya tshoga ka Mofilisitia yole; motlhanka wa gago o tla ya go lwa le Mofilisitia yo.'' ³³Saulo a raya Tafita a re, ''Ga o ka ke wa kgona go lwa le Mofilisitia yo; gonne o monana fela, mme ene o ntse a le monna wa ntwa go tloga bonaneng jwa gagwe.''³⁴Mme Tafita a raya Saulo a re, ''Motlhanka wa gago o kile a bo a tlhokomela dinku tsa ga rraagwe. Fa tau kgotsa bera e tsere konyana go tswa mo letsomaneng, ³⁵ke ne ke e alola ke bo ke e tlhasela, mme ke namole konyana mo molomong wa yone. Mme fa e ntsogologela, ke e tshware ka ditedu, ke e itee, ke e bolae.³⁶Motlhanka wa gago o bolaile tau le bera. Mofilisitia yo o sa rupang yo o tla tshwana le tsone, ka gore o gwetlhile sesole sa Modimo yo o tshelang.''³⁷Tafita a re, ''Modimo Yahweh o nnamotse mo leroong la tau le mo leroong la bera. O tla nnamola mo seatleng sa Mofilisitia yo.'' Foo Saulo a raya Tafita a re, ''Tsamaya, a Modimo Yahweh a nne le wena.'' ³⁸Saulo a apesa Tafita diaparo tsa gagwe tsa ntwa. A mo rwesa lekarapa la kgotlho, mme a mo apesa baki ya mologo wa dikeetane.³⁹Tafita a bofelela tshaka ya gagwe mo diaparong tsa gagwe tsa phemelo. Mme o ne a sa kgone go tsamaya, gonne o ne a sa ikatisa ka tsone. Foo Tafita a raya Saulo a re, ''Ga ke ka ke ka tswa ka ya go lwa ka dilo tse, gonne ga ke a ikatisa ka tsone.'' Jalo Tafita a di apola. ⁴⁰A tsaya thobane ya gagwe mo seatleng sa gagwe, mme a tlhopha matlapa a a borethe a le matlhano mo mokgatsheng; a a tsenya mo sepatsheng sa modisa sa gagwe. Seragantswana sa gagwe se ne se le mo seatleng fa a atamela Mofilisitia.⁴¹Mofilisitia a tla a atamela Tafita, motsholathebe wa gagwe a le fa pele ga gagwe. ⁴²Fa Mofilisitia a leba go dikologa mme a bo a bona Tafita, a mo nyatsa, gonne o ne a le mosimane, a le mohibidu, ka bontle jwa tebego. ⁴³Foo Mofilisitia a raya Tafita a re, ''A ke ntsa, mo o tlang kwa go nna ka dithobane?'' Mme Mofilisitia a hutsa Tafita ka badimo ba gagwe.⁴⁴Mofilisitia a raya Tafita a re, ''Tla kwa go nna, mme ke tla neela nama ya gago dinonyane tsa magodimo le dibatana tsa naga.'' ⁴⁵Tafita a fetola Mofilisitia a re, ''O tla kwa go nna ka tshaka, segai le segai se segolo se se kolopiwang. Mme ke tla kwa go wena mo leineng la Modimo Yahweh wa masomosomo, Modimo wa sesole sa Iseraele, yo o mo nyaditseng.⁴⁶Letsatsi leno Modimo Yahweh o tla nneela phenyo godimo ga gago, mme ke tla go bolaya ke bo ke tlosa tlhogo ya gago mo mmeleng wa gago. Letsatsi leno ke tsile go neela dinonyane tsa magodimo le dibatana tsa lefatshe ditopo tsa sesole sa Bafilisitia, gore lefatshe lotlhe le itse gore go na le Modimo mo Iseraele, ⁴⁷le gone gore kokoano yotlhe e e itse gore Modimo Yahweh ga a neele phenyo ke tshaka kgotsa segai. Gonne ntwa ke ya Modimo Yahweh, mme o tsile go go neela mo seatleng sa rona.''⁴⁸Fa Mofilisitia a emelela go atamela Tafita, foo Tafita a taboga ka bonako go ya ntlheng ya sesole sa Bafilisitia go mo kopantsha. ⁴⁹Tafita a tsenya seatla sa gagwe mo sepatsheng, a ntsha letlapa, a le kolopa ka seragantswana, mme a itaya Mofilisitia mo phatleng. Letlapa la nwela mo phatleng ya Mofilisitia, mme a wela fa fatshe ka sefatlhego.⁵⁰Tafita a fenya Mofilisitia ka seragantswana le ka letlapa. A itaya Mofilisitia mme a mmolaya. Go ne go sena tshaka mo seatleng sa ga Tafita. ⁵¹Foo Tafita a taboga a ema a okame Mofilisitia mme a tsaya tshaka ya gagwe, a e ntsha mo kgatleng, a mmolaya, mme a kgaola tlhogo ya gagwe ka yone. Fa Bafilisitia ba bona gore monna wa bone wa senatla o sule, ba tshaba.⁵²Foo banna ba Iseraele le banna ba Juta ba emelela ka go goa, mme ba alola Bfilisitia go ya bokgakala jwa mokgatsha le diheke tsa Ekerone. Mme Bafilisitia ba ba suleng ba anama le tsela go ya kwa Shaaraimi, le tsela yotlhe go ya Gathe le Ekerone. ⁵³Batho ba Iseraele ba boa kwa go aloleng Bafilisitia, mme ba thukutha kampa ya bone. ⁵⁴Tafita a tsaya tlhogo ya Mofilisitia a e tsisa kwa Jerusalema, mme a baya diaparo tsa gagwe tsa ntwa mo tenteng ya gagwe.⁵⁵Fa Saulo a bona Tafita a ya go lwa le Mofilisitia, a raya Abonere, molaola sesole a re, ''Abonere, monana yo ke morwa mang?'' Abonere a re, ''Jaaka o tshela, kgosi, ga ke itse.'' ⁵⁶Kgosi a re, ''Botsa ba ba ka itseng gore mosimane yo ke morwa mang.''⁵⁷Fa Tafita a boa kwa go bolaeng Mofilisitia, Abonere a mo tsaya, mme a mo tsisa fa pele ga ga Saulo ka tlhogo ya Mofilisitia e le mo seatleng sa gagwe. ⁵⁸Saulo a mo raya a re, ''O morwa mang, monnana?'' Mme Tafita a raba, ''Ke morwa motlhanka wa gago Jese wa Mobethelehema.''

18¹Fa a sena go fetsa go bua le Saulo, mowa wa ga Jonathane wa bofagana le mowa wa ga Tafita, mme Jonathane a mo rata jaaka a rata mowa o e leng wa gagwe. ²Saulo a tsaya Tafita gore a mo mmerekele letsatsi leo; a se ka a mo letla go boela kwa ntlong ya ga rraagwe.³Foo Jonathane le Tafita ba dira kgolagano ya botsala gonne Jonathane o ne a rata Tafita jaaka a rata mowa o e leng wa gagwe. ⁴Jonathane a apola purapura e a neng a e apere a e neela Tafita le diaparo tsa phemelo, ga mmogo le tshaka ya gagwe, le bora, le lebante.⁵Tafita o ne a ya gongwe le gongwe kwa Saulo a neng a mo roma teng, mme o ne a atlega. Saulo a mo tlhoma godimo ga banna ba ntwa. Se se ne se itumedisa mo matlhong a batho botlhe le mo ponong ya batlhanka ba ga Saulo.⁶Jaaka ba ne ba tla gae go tswa kwa go fenyeng Bafilisitia, basadi ba tla go tswa kwa ditoropokgolong tsotlhe tsa Iseraele, ba opela e bile ba bina, go kopantsha kgosi Saulo, ka meropana, ka boitumelo, le ka diletswa tsa moopelo. ⁷Basadi ba opelelana jaaka ba ne ba tshameka; ba opela: ''Saulo o bolaile dikete tsa gagwe, mme Tafita o bolaile masome a dikete a gagwe.''⁸Saulo o ne a tenegile mo go golo, mme pina e e ne ya se ka ya mo itumedisa. A re, ''Ba neetse Tafita masome a dikete mme nna ba nneetse dikete fela. O ka nna le eng se se fetang se fa e se bogosi?'' ⁹Mme Saulo a leba Tafita ka pelaelo go tloga ka letsatsi leo go ya kwa pele.¹⁰Mo letsatsing le le latelang mowa o o bolayang go tswa kwa Modimong wa goromela mo go Saulo. Mme a bua ga botsenwa mo ntlong. Jalo Tafita a letsa seletswa sa gagwe, jaaka a ne a dira letsatsi lengwe le lengwe. Saulo o ne a na le segai sa gagwe mo seatleng sa gagwe. ¹¹Saulo a kolopa segai, gonne o ne a akanya, ''Ke tla tlhabela Tafita mo leboteng.'' Mme Tafita a tshaba a tswa mo bolengteng jwa ga Saulo gabedi ka tsela e e ntseng jaana. ¹²Saulo o ne a boifa Tafita gonne, Modimo Yahaweh o ne a na le ene, mme o ne a sa tlhole a na le Saulo.¹³Jalo Saulo a mo ntsha mo bolengteng jwa gagwe mme a mo tlhoma go nna molaodi wa ba ba sekete. Ka tsela e Tafita o ne a tswela kwa ntle a bo a boela mo teng fa pele ga batho. ¹⁴Tafita o ne a tswelela pele mo ditseleng tsotlhe tsa gagwe, gonne Modimo Yahweh o ne a na le ene.¹⁵Fa Saulo a bona gore o ne a atlega, a mmoifa ka tlotlo. ¹⁶Mme Iseraele yotlhe le Juta ba ne ba rata Tafita gonne o ne a tswela kwa ntle a bo a boela mo teng fa pele ga bone.¹⁷Foo Saulo a raya Tafita a re, ''Morwadiake yo mogolo, Merabe, ke yo. Ke tla mo go neela go nna mosadi wa gago. Fela nna pelokgale ka ntata ya me, mme o lwe dintwa tsa Modimo Yahweh.'' Gonne Saulo o ne a akanya, ''A seatla sa me se se ka sa nna mo go ene, mme a seatla sa Bafilisitia se nne mo go ene.'' ¹⁸Tafita a raya Saulo a re, ''Ke mang, mme ba masika a me ke bomang, kgotsa ba lelwapaa la ga rre ke bomang mo Iseraele, mo ke ka nnang mokgwenyana wa kgosi?''¹⁹Mme ka nako e Merabe, morwadia Saulo, a ka bong a neetswe Tafita, a neelwa Atiriele wa Momeholati go nna mosadi wa gagwe.²⁰Mme Mikale, morwadie Saulo, o ne a rata Tafita. Ba bolelela Saulo, mme se sa mo itumedisa. ²¹Foo Saulo a akanya, ''Ke tla mo mo neela, gore a tle a nne selaga mo go ene, le gore seatla sa Bafilisitia se tle se nne kgatlhanong le ene.'' Jalo Saulo a raya Tafita lekgetho la bobedi, ''O tla nna mokgwenyana wa me.''²²Saulo a laola batlhanka ba gagwe, ''Buang le Tafita mo sephiring, mme le re, ''Bona, kgosi o a go itumelela, le batlhanka ba gagwe botlhe ba a go rata. Jaanong, nna mokgwenyana wa kgosi.'''²³Jalo batlhanka ba ga Saulo ba bua mafoko a le Tafita. Mme Tafita a re, ''A ke selo se se nnye mo go lona go nna mokgwenyana wa kgosi, ke le monna wa mohumanegi, e bile ke sa tlotlege?'' ²⁴Batlhanka ba ga Saulo ba mmegelela mafoko a Tafita a a buileng.²⁵Mme Saulo a re, ''Le tla bua le Tafita jaana, 'Kgosi ga a batle bogadi bope, o batla fela matlalo a bonna jwa Bafilisitia a le lekgolo, e le go busolosediwa ga kgosi mo babeng ba gagwe.''' Jaanong Saulo o ne a akantse go dira gore Tafita a swe ka seatla sa Bafilisitia. ²⁶Fa batlhanka ba gagwe ba bolelela Tafita mafoko a, go ne ga itumedisa Tafita go nna mokgwenyana wa kgosi.²⁷Pele matsatsi ao a fela, Tafita a tswa le banna ba gagwe ba bolaya Bafilisitia ba le makgolo a mabedi. Tafita a tsisa matlalo a bonna jwa bone, mme ba a neela kgosi ka palo ya one e feletse, gore a tle a nne mokgwenyana wa kgosi. Jalo Saulo a mo neela Mikale, morwadie go nna mosadi wa gagwe. ²⁸Mme Saulo a bona a bo a itse gore Modimo Yahweh o na le Tafita. Mikale, morwadia Saulo, o ne a mo rata. ²⁹Saulo a boifa Tafita go feta. Saulo a tswelela go nna mmaba wa ga Tafita.³⁰Foo magosana a Bafilisitia ba tla go lwa, mme nako le nako fa ba tla, Tafita o ne a atlega go feta batlhanka ba ga Saulo botlhe , mo leina la gagwe le neng la lemogwa thata.

19¹Saulo a raya Jonathane morwawe le batlhanka botlhe ba gagwe a re ba bolae Tafita. Mme Jonathane, morwa Saulo, o ne a jesiwa monate ke Tafita. ²Jalo Jonathane a bolelela Tafita, ''Saulo, rre, o batla go go bolaya. Jalo he, itise mo mosong mme o iphitlhe mo lefelong le le sephiri. ³Ke tla tswela kwa ntle ke ya go ema fa thoko ga ga rre mo tshimong e o leng mo go yone, mme ke tla bua le rre ka ga wena. Fa ke ka utlwa sengwe, ke tla go bolelela.''⁴Jonathane a bua Tafita bontle mo go Saulo rraagwe mme a mo raya a re, ''O se ka wa itetlelela o le kgosi go leofela Tafita. Gonne ga a a go leofela, mme ditiro tsa gagwe di go tsiseditse molemo. ⁵Gonne o tsentse botshelo jwa gagwe mo diphatseng mme a bolaya Mofilisitia. Modimo Yahweh a tsisetsa Iseraele phenyo e kgolo. O bone se wa bo wa itumela. Ke eng o batla go leofela madi a a senang molato ka go bolaya Tafita o sena mabaka ape?''⁶Saulo a reetsa Jonathane. Saulo a ikana, ''Jaaka Modimo Yahweh a tshela, ga a na go bolawa.'' ⁷Foo Jonathane a bitsa Tafita, mme Jonathane a mmolelela dilo tsotlhe tse. Jonathane a tsisa Tafita kwa go Saulo, mme a nna mo bolengteng jwa gagwe jaaka pele.⁸Mme ga nna le ntwa gape. Tafita a tswa a ya go lwa le Bafilisitia mme a ba fenya ka polao e kgolo. Ba tshaba fa pele ga gagwe. ⁹Mowa o o bolayang o o tswang kwa go Modimo Yahweh wa tla mo go Saulo jaaka a ne a ntse mo ntlong ya gagwe a tshwere segai mo seatleng sa gagwe, jaaka Tafita a ne a letsa seletswa sa gagwe.¹⁰Saulo a leka go tlhabela Tafita mo leboteng ka segai, mme a relela a tswa mo bolengteng jwa ga Saulo, mo Saulo a neng a tlhabela segai mo leboteng. Tafita a tshaba a falola bosigo joo. ¹¹Saulo a romela barongwa kwa ntlong ya ga Tafita go mo leba gore a tle a mmolae mo mosong. Mikale, mosadi wa ga Tafita, a mmolelela, ''Fa o sa boloke botshelo jwa gago bosigo jono, kamoso o tla bolawa.''¹²Jalo Mikale a folosetsa Tafita kwa tlase ka fensetere. A tsamaya, a tshaba, mme a falola. ¹³Mikale a tsaya setshwantsho sa modingwana wa disetwa wa mo lwapeng mme a se baya mo bolaong. Foo a baya mosamo wa boboa jwa podi kwa tlhogong ya sone, mme a e khurumetsa ka diaparo.¹⁴Fa Saulo a roma batho go tsaya Tafita, a re, ''O a lwala.'' ¹⁵Foo Saulo a roma barongwa go bona Tafita; a re, ''Mo tsiseng kwa go nna a le mo bolaong, gore ke tle ke mmolae.''¹⁶Fa barongwa ba tsena mo teng, bonang, setshwantsho sa modingwana wa disetwa se ne se le mo bolaong mmogo le mosamo wa boboa jwa podi kwa tlhogong ya sone. ¹⁷Saulo a raya Mikale a re, ''Ke eng o ntsieditse o lesitse mmaba wa me gore a tsamae, mo a bileng a falotse?'' Mikale a araba Saulo, ''O ntheile a re, 'Mma ke tsamae. Ke eng ke tshwanetse go go bolaya?'''¹⁸Jaanong Tafita a tshaba mme a falola, mme a ya kwa go Samuele kwa Rama, mme a mmolelela tsotlhe tse Saulo a di mo dirileng. Foo ene le Samuele ba tsamaya ba ya go nna kwa Naiothe. ¹⁹Ga bolelelwa Saulo, gotwe, ''Bona, Tafita o kwa Naiothe kwa Rama.'' ²⁰Foo Saulo a roma barongwa go tshwara Tafita. Fa ba bona setlhopha sa baporofiti se porofita, mme Samuele a se eteletse, Mowa wa Modimo wa tla mo barongweng ba ga Saulo, mme le bone ba porofita.²¹Fa Saulo a bolelelwa se, a roma barongwa ba bangwe, mme le bone ba porofita. Jalo Saulo a roma barongwa gape la boraro, mme le bone ba porofita. ²²Foo le ene a ya kwa Rama mme a tla kwa petseng e e boteng e e kwa Sekhu. A botsa, ''Samuele le Tafita ba kae?'' Mongwe a re, ''Bona, ba kwa Naiothe kwa Rama.''²³Saulo a ya kwa Naiothe kwa Rama. Mme Mowa wa Modimo wa tla mo go ene, mme jaaka a tsamaya a porofita, go fitlhela a goroga kwa Naiothe kwa Rama. ²⁴Mme le ene, a apola diaparo tsa gagwe, mme le ene a porofita fa pele ga ga Samuele mme a rapama a sa apara motshegare otlhe oo le bosigo jotlhe joo. Ka ntata ya se ba bua ba re, ''A Saulo le ene ke moporofiti?''

20¹Foo Tafita a tshaba go tswa kwa Naiothe kwa Rama a ya kwa go Jonathane mme re, ''Ke dirileng? Tlolo ya me ke eng? Boleo jwa me ke eng fa pele ga ga rraago, mo a batlang go tsaya botshelo jwa me?'' ²Jonathane a raya Tafita a re, ''A go nne kgakala; ga o na go swa. Rre ga a dire sepe, se se golo kgotsa se se nnye a sa mpolelela. Ke eng rre a tshwanetse go mphitlhela se? Ga go a nna jalo.''³Mme Tafita a ikana gape mme a re, ''Rraago o itse sentle gore ke bone botsalano mo matlhong a gago. O rile, 'Le se ka la dira gore Jonathane a itse ka se, eseng jalo o tla hutsafala.' Mme ka boammaaruri jaaka Modimo Yahweh a tshela, le jaaka o tshela, go na le kgato fa gare ga me le loso.''⁴Foo Jonathane a raya Tafita a re, ''Sepe se o se buang, ke tla se go direla.'' ⁵Tafita a raya Jonathane a re, ''Kamoso ke ngwedi o mosha, mme ke tshwanetse go nna fa fatshe ka ja le kgosi. Mme ntese ke tsamae, gore ke tle ke iphitlhe mo tshimong go fitlhela letsatsi la boraro mo maitseboeng.⁶Fa rraago a ka ntlhoka, foo o re, 'Tafita o nkopile thata thata gore ke mo fe matsatsi a boikhutso a tabogele kwa Bethelehema toropokgolo ya gagabo; gonne go na le setlhabelo sa ngwaga le ngwaga sa ba lelwapa botlhe.' ⁷Fa a ka re, 'Go siame,' motlhanka wa gago o tla nna le kagiso. Mme fa a ka galefa thata, foo o itse gore o sweditse go dira bosula.⁸Jalo he, dirisanya le motlhanka wa gago ka bopelonomi. Gonne o tsentse motlhanka wa gago mo kgolaganong ya Modimo Yahweh le wena. Mme fa e le gore go na le boleo mo go nna, mpolae wena; ke eng o tla nkisa kwa go rraago?'' ⁹Jonathane a re, ''A go nne kgakala le wena! Fa ke ne ke utlwile gore rre o sweditse go go golafatsa, a ke ne ke ka se ka ka go bolelela?''¹⁰Foo Tafita a raya Jonathane a re, ''Ke mang yo o tla mpolelelang fa go ka direga gore rraago a go arabe mo go makgwakgwa?'' ¹¹Jonathane a raya Tafita a re, ''Tla, a re tswele kwa ntle kwa tshimong.'' Ba tswa ba tsena mo tshimong.¹²Jonathane a raya Tafita a re, ''A Modimo Yahweh, Modimo wa Iseraele, a nne mosupi. Fa ke sena go botsa rre ka nako e e tshwanang le e kamoso, kgotsa mo letsatsing la boraro, bona, fa dilo di siametse Tafita, a ga ke na go roma mongwe mme ka dira gore o itse? ¹³Fa go itumedisa rre go go golafatsa, a Modimo Yahweh a dire Jonathane mme a mo dire go le gontsi gape fa ke sa go itsise ke bo ke go golola gore o tsamae, gore o tle o tsamae ka kagiso. A Modimo Yahweh a nne le wena jaaka a ne a na le rre.¹⁴Fa ke santse ke tshela, a ga o na go mpontsha boikanyego jwa kgolagano ya Modimo Yahweh, gore ke se ka ka swa? ¹⁵Gape o se ka wa kgaola boikanyego jwa kgolagano ya gago mo ntlong ya me ka bosakhutleng, fa Modimo Yahweh a tla a bo a kgaotse mongwe le mongwe wa baba ba ga Tafita mo lefatsheng.'' ¹⁶Jalo Jonathane a dira kgolagano le ntlo ya ga Tafita mme a re, ''A Modimo Yahweh a batle tlhaloso go tswa mo seatleng sa baba ba ga Tafita.''¹⁷Jonathane a dira gore Tafita a ikane gape ka ntata ya lerato le a neng a mo rata ka lone, gonne o ne a mo rata jaaka a rata mowa o e leng wa gagwe. ¹⁸Foo Jonathane a mo raya a re, ''Kamoso ke ngwedi o mosha. Go tsile go bonala gore ga o yo gonne setilo sa gago se tsile sala se sena ope. ¹⁹Fa o se na go nna matsatsi a mararo, fologela kwa tlase ka bonako mme o tle kwa lefelong le o kileng wa iphitlha kwa go lone fa kgang e santse e tsweletse, mme o nne fa thoko ga letlapa la Esele.²⁰Ke tla hulela metswi e le meraro fa thoko ga lone, jaaka ekete ke hula sengwe se ke se ipeetseng. ²¹Mme ke roma monnana wa me mme ke tla mo raya ke re, 'Tsamaya o ye go batla metswi.' Fa ke ka raya mosimanyana ka re, 'Leba, metswi e ka fa letlhakoreng le la gago; e tsee,' foo o bo o tla; gonne go tla bo go babalesegile mo go wena, o ka se ka wa bolawa, jaaka Modimo Yahweh a tshela.''²²''Mme fa ke ka raya monnana ke re, 'Leba, metswi e go potile ka kwa,' foo o bo o itsamaela, gonne Modimo Yahweh o tla a bo a go golotse. ²³Fa e le ka ga tumalano e nna le wena re buileng ka yone, bona, Modimo Yahweh o fa gare ga me le wena ka bosakhutleng.''²⁴Jalo Tafita a iphitlha mo tshimong. Ngwedi o mosha a tla, mme kgosi a nna fa fatshe go ja dijo. ²⁵Kgosi a nna mo setilong sa gagwe, jaaka gale, mo setilong se fa leboteng. Jonathane a ema ka dinao, mme Abonere a nnaka fa letlhakoreng la ga Saulo. Mme fa Tafita a nnang teng ga bo go sena ope.²⁶Le fa gontse jalo Saulo a se ka a bua sepe letsatsi leo, gonne o ne a akanya, ''Sengwe se mo diragaletse. O itshekologile; e le ruri o itshekologile.'' ²⁷Mme mo letsatsing la bobedi, letsatsi morago ga ngwedi o mosha, fa Tafita a nnang teng ga bo go sena ope. Saulo a raya Jonathane morwawe a re, ''Ke eng morwa Jese a sa tla kwa dijong maabane le gompieno?''²⁸Jonathane a araba Saulo, ''Tafita o ne a nkopa thata gore ke mo letle go ya Bethelehema. ²⁹O ne a re, 'Tsweetswee ntetle go tsamaya. Gonne ba lelwapa la ga rona ba na le setlhabelo mo toropokgolong, mme mogolole o ntaotse gore ke nne teng. Jaanong, fa ke bone botsalano mo matlhong a gago, tsweetswee ntese ke tsamae ke ye go bona barwarre.' Ka lebaka le ga a a tla kwa tafoleng ya kgosi.''³⁰Foo bogale jwa ga Saulo jwa tukela Jonathane, mme a mo raya a re, ''Wena morwa seaka le setsuolodi sa mosadi! A ga ke itse gore o tlhophile morwa Jese go isa matlhabisa ditlhong a gago le matlhabisa ditlhong a bosaikategang jwa ga mmaago? ³¹Fela fa morwa Jese a santse a tshela mo lefatsheng, wena le bogosi jwa gago ga le na go tlhomamisiwa. Jaanong, roma mongwe mme le mo tsise kwa go nna, gonne e le ruri o tshwanetse go swa.''³²Jonathane a araba Saulo rraagwe, ''O tshwanetse go bolawa ka lebaka lefe? O dirile eng?'' Foo ³³Saulo a kolopa segai a re o a mmolaya. Jalo Jonathane a itse gore rraagwe o ikaeletse go bolaya Tafita. ³⁴Jonathane a ema ka dinao go tswa fa tafoleng a galefile mo go boitshegang, mme a se ka a ja dijo mo letsatsing la bobedi la kgwedi, gonne o ne a hutsafaletse Tafita, gonne rraagwe o ne a mo rontshitse tlotla.³⁵Mo mosong, Jonathane a tswa a tsena mo tshimong go ya go kopana le Tafita, mme monnana a bo a na le ene. ³⁶A raya monnana wa gagwe a re, ''Taboga o batle metswi e ke e hulang.'' Mme e rile jaaka monnana a taboga, a hulela motswi ka kwa ga gagwe. ³⁷Fa monnana a fitlha kwa motswi o Jonathane a o hudileng o wetseng teng, Jonathane a goelela monnana mme a re, ''A motswi ga o ka kwa ga gago?''³⁸Mme Jonathane a bitsa monnana, ''Itlhaganele, dira ka bonako, o se ka wa diega!'' Jalo monnana wa ga Jonathane a phutha metswi mme a boela kwa go mong wa gagwe. ³⁹Mme monnana o ne a sa itse sepe. Jonathane le Tafita ke bone fela ba ba neng ba itse ka kgang e. ⁴⁰Jonathane a neela monnana wa gagwe dibetsa tsa gagwe mma mo raya a re, ''Tsamaya, di ise kwa toropokgolong.''⁴¹Fela fa monnana a se na go tsamaya, Tafita a ema ka dinao go tswa fa morago ga totoma, a rapama fa fatshe ka sefatlhego, mme a ikoba gararo. Ba atlana, ba lela mmogo, Tafita a lela go feta. ⁴²Jonathane a raya Tafita a re, ''Tsamaya ka kagiso, gonne rotlhe re ikanne ka leina la Modimo Yahweh ra re, 'A Modimo Yahweh a nne fa gare ga me le wena, le fa gare ga bana ba me le bana ba gago, ka bosakhutleng.''' Foo Tafita a ema ka dinao mme a tsamaya, fa Jonathane ene a ne a boela kwa toropokgolong.

21¹Foo Tafita a tla kwa Nobo a tla go bone Ahimeleke wa moperesiti. Ahimeleke a tla go kopantsha Tafita a roroma, mme a mo raya a re, ''Ke eng o le nosi, o se na le ope?'' ²Tafita a raya Ahimeleke wa moperesiti a re, ''Kgosi o nthomile thomo mme o ntheile a re, 'Se letle ope go itse sepe ka kgang e ke go e romileng, le se ke se go laotseng.' Ke kaetse bannana go ya golo gongwe.³Jaanong o na le eng mo seatleng sa gago? Nneela marotho a le matlhano, kgotsa sepe se o nang le sone fa.'' ⁴Moperesiti a araba Tafita a re, ''Ga go na borotho jwa dinako tsotlhe mo seatleng, go na le borotho jo bo boitshepo - fa bannana ba ikgaphile mo basading.''⁵Tafita a araba moperesiti, ''E le ruri re ntse re ikgaphile mo basading mo matsatsing a mararo a a fetileng, jaaka e le tlwaelo fa ke bolola. Dilwana tse e leng tsa banna di ntse di tlhaoletswe kwa thoko le mo dithomong tse di tlwaelesegileng. Go botlhokwa jang letsatsi leno gore se ba nang le sone se tlhaolelwe kwa thoko!'' ⁶Jalo moperesiti a mo neela borotho jo bo neng bo tlhaoletswe kwa thoko. Gonne go ne go sena borotho koo fela fa e se borotho jwa bolengteng, jo bo neng bo ntshitswe fa pele ga Modimo Yahweh, gore go tle go bewe borotho jo bo molelo mo boemong jwa jone mo letsatsing le bo tlosiwang ka lone.⁷Jaanong mongwe wa batlhanka ba ga Sauloa bo a le koo letsatsi leo, a diegile fa pele ga Modimo Yahweh. Leina la gagwe e le Toege wa Moetome, moeteledipele wa badisa ba ga Saulo.⁸Tafita a raya Ahimeleke a re, ''Jaanong gone fa a ga gona segai kgotsa tshaka e e leng teng? Gonne ga ke a tla ke tshotse tshaka kgotsa sepe sa dibetsa tsa me, gonne thomo ya ga kgosi e ne e le ya potlako.'' ⁹Moperesiti a re, ''Tshaka ya ga Goliate wa Mofilisitia, yo o mmolaileng kwa mokgatsheng wa Ela, e teng fa e phuthetswe ka letsela fa morago ga sekhutlana. Fa o batla go e tsaya, e tsee, gonne ga go na sebetsa sepe fa.'' Tafita a re, ''Ga go na tshaka e nngwe e e gaisang eo; e nneele.''¹⁰Tafita a emelela a tshaba Saulo mo letsasing leo mme a ya kwa go Akhishi, kgosi ya Gathe. ¹¹Batlhanka ba ga Akhishi ba mo raya ba re, ''A yo ga se Tafita, kgosi ya lefatshe? A ga ba a ka ba opelelana ka ga ene ba bina, 'Saulo o bolaile dikete tsa gagwe, mme Tafita o bolaile masome a dikete a gagwe?'''¹²Tafita a isa mafoko a kwa pelong mme a boifa Akhishi, kgosi ya Gathe thata. ¹³A fetola boitsholo jwa gagwe fa pele ga bone mme a iketsisa jaaka ekete o a tsenwa mo diatleng tsa bone; o ne a dira matshwao mo mabating a heke a bo a lesa mathe go elela mo ditedung tsa gagwe.¹⁴Foo Akhishi a raya batlhanka ba gagwe a re, ''Lebang, le a bona gore monna yo o a tsenwa. Ke eng le mo tsisitse kwa go nna? ¹⁵A ga ke na banna ba ba tsenwang, mo le bileng le tsisitse monna yo go itshwara jaaka setsenwa mo bolengteng jwa me? A monna yo ruri o ka tsena mo ntlong ya me?''

22¹Jalo Tafita a tloga koo mme a tshabela kwa legageng la Adulamo. Fa barwarraagwe le botlhe ba ntlo ya ga rraagwe ba utlwa, ba ya koo kwa go ene. ²Mongwe le mongwe yo o neng a le mo pitlaganong, mongwe le mongwe yo o neng a le mo dikolotong, le mongwe le mongwe yo o neng a sa kgotsofale - botlhe ba kgobokanela kwa go ene. Tafita a nna moeteledipele wa bone. Go ne go na le banna ba ka nna makgolo a mane ba ba neng ba na le ene.³Foo Tafita a tswa koo a ya kwa Misephe mo Moabe. A raya kgosi ya Moabe a re, ''Tsweetswee letlelela rre le mme go nna le wena go fitlhela ke itse gore Modimo o tla ntirela eng.'' ⁴A ba tlogela le kgosi ya Moabe. Rraagwe le mmaagwe ba nna le ene nako yotlhe e Tafita a neng a le mo boremelelong jwa gagwe. ⁵Foo moporofiti Gate a raya Tafita a re, ''O se ka wa nna mo boremelelong jwa gago. Tloga o ye kwa lefatsheng la Juta.'' Jalo Tafita a tswa koo mme a tsena mo sekgweng sa Herethe.⁶Saulo a utlwa gore Tafita o bonwe, mmogo le banna ba ba neng ba na le ene. Jaanong Saulo o ne a ntse mo Gibea ka fa tlase ga setlhare sa motamariseka kwa Rama, segai sa gagwe se le mo seatleng sa gagwe, mme batlhanka ba gagwe ba eme ba mo dikokologile.⁷Saulo a raya batlhanka ba gagwe ba ba neng ba eme ba mo dikologile, ''Reetsang jaanong, batho ba Benjamene! A morwa Jese o ka neela mongwe le mongwe wa lona masimo le masingwana a mofine? A o ka le dira lotlhe baeteledipele ba dikete le baeteledipele ba makgolo, ⁸go le duela lotlhe ba le ntogelang segwenegwene? Ga go na ope wa lona yo o mpolelelang fa morwaake a dira kgologano le morwa Jese. Ga go na ope wa lona yo o nkutlwelang botlhoko. Ga go na ope wa lona yo o nkitsiseng gore morwaake o tsosolositse motlhanka wa me Tafita kgatlhanong le nna. Gompieno o a iphitlha, o letile go ntlhasela.''⁹Foo Toege wa Moetome, yo o neng a eme le batlhanka ba ga Saulo, a araba, ''Ke bone morwa Jese a tla kwa Nobo, kwa go Ahimeleke morwa Ahitubu. ¹⁰O ne a rapela Modimo Yahweh gore a mo thuse, mme a mo neela mhago le tshaka ya ga Goliate wa Mofilisitia.''¹¹Foo kgosi a romela mongwe go bitsa moperesiti Ahimeleke morwa Ahitubu, le botlhe ba ntlo ya ga rraagwe, baperesiti ba ba neng ba le mo Nobo. Botlhe ba tla kwa go kgosi. ¹²Saulo a re, ''Reetsa jaanong, morwa Ahitubu.'' A araba, ''Ke fano, mong wa me.'' ¹³Saulo a mo raya a re, ''Ke eng o ntogetse segwenegwene, wena le morwa Jese, ka gorre o mo neetse borotho, le tshaka, wa bo wa mo rapelela Modimo gore a mo thuse, gore a tle a tsogologe kgatlhanong le nna, go iphitlha mo sephiring, jaaka a dirile gompieno?''¹⁴Foo Ahimeleke a araba kgosi mme a re, ''Ke mang mo gare ga batlhanka ba gago yo o boikanyego jaaka Tafita, yo a leng mokgwenyana wa kgosi, mme ebile a tlhokometse badisa ba kgosi, gape a tlotlega mo ntlong ya gago? ¹⁵A letsatsi leno ke lekgetho la ntlha ke rapela Modimo gore a mo thuse? A go nne kgakala le nna! A kgosi a se ka a pega motlhanka wa gagwe molato wa sepe kgotsa botlhe ba ntlo ya ga rre. Gonne motlhanka wa gago ga a itse sepe ka kgang yotlhe e.''¹⁶Kgosi a fetola, ''E le ruri o tsile go swa, Ahimeleke, wena le botlhe ba ntlo ya ga rraago.'' ¹⁷Kgosi a raya badisa ba ba neng ba mo dikologile, ''Retologang le bolae baperesiti ba Modimo Yahweh. Gonne seatla sa bone se na le Tafita, gape le ka gore ba ne ba itse gore o tshabile, mme ga ba a ka ba mpolelella.'' Mme batlhanka ba kgosi ba sitega go otlolala seatla sa bone go bolaya baperesiti ba Modimo Yahweh.¹⁸Foo kgosi a raya Toege, ''Retologa o bolae baperesiti.'' Jalo Toege wa Moetome a retologa mme a tlhasela baperesiti; a bolaya batho ba le masome a robang bobedi le botlhano ba ba neng ba apere sekhutlana sa letsela mo letsatsing leo. ¹⁹Ka bogale jwa tshaka, a tlhasela Nobo, toropokgolo ya baperesiti, banna le basadi, bana le masea, le dipholo, le ditonki le dinku. A ba bolaya botlhe ka bogale jwa tshaka.²⁰Mme mongwe wa barwa Ahimeleke morwa Ahitubu, yo o bidiwang Abiathara, a falola, mme a tshaba a latela Tafita. ²¹Abiathara a bolelela Tafita gore Saulo o bolaile baperesiti ba Modimo Yahweh.²²Tafita a raya Abiathara a re, ''Ke ne ka itse ka letsatsi leo, fa Toege wa Moetome a ne a le koo, gore e le ruri o tlaa bolelela Saulo. Ke tsaya maikarabelo a loso longwe le longwe lo lo mo lelwapeng la ga rraago! ²³Nnna le nna mmme o se ka wa boifa. Gonne yo o batlang botshelo jwa gago o batla botshelo jwa me. O tla babalesega fa o na le nna.''

23¹Ba bolelela Tafita, ''Bona, Bafilisitia ba lwa le Keila mme ba thukhutha diboana tse di phothelang.'' ²Jalo Tafita a rapela Modimo Yahweh go kopa thuso mme a mmotsa, ''A ke ka tsamaya ka ya go tlhasela Bafilistia ba? Modimo Yahweh a raya Tafita, ''Tsamaya o ye go tlhasela Bafilisitia mme o boloke Keila.''³Banna ba ga Tafita ba mo raya ba re, ''Bona, re a boifa fa mo Juta. Go tla nna go golo go le kae fa re ya kwa Keila kgatlhanong le sesole sa Bafilisitia?'' ⁴Foo Tafita a rapela Modimo Yahweh a kopa thuso gape. Modimo Yahweh a araba, ''Ema ka dinao, fologela kwa tlase kwa Keila. Gonne ke tla go neela phenyo mo Bafilisitieng.''⁵Tafita le banna ba gagwe ba ya kwa Keila mme ba lwa Bafilisitia. A ba tseela dikgomo mme a ba itaya ka polao e kgolo. Jalo Tafita a boloka banni ba Keila. ⁶Fa Abiathara morwa Ahimeleke a sena go tshabela kwa go Tafita kwa Keila, o ne a tla ka sekhutlana se le mo seatleng sa gagwe.⁷Saulo a bolelelwa gore Tafita o ile kwa Keila. Saulo a re, ''Modimo o mo neetse mo seatleng sa me. Gonne o tswaletswe mo teng ka gore o tsene mo toropokgolong e e nang le diheke le mapako.'' ⁸Saulo a bitsa masole a gagwe otlhe go tla ntweng, go ya kwa tlase kwa Keila, go dikaganyetsa Tafita le banna ba gagwe. ⁹Tafita o ne a itse gore Saulo o mo logela segwenegwene gore a mo utlwise botlhoko. A raya Abiathara wa moperesiti a re, ''Tsisa sekhutlana kwano fa.''¹⁰Foo Tafita a re, ''Modimo Yahweh, Modimo wa Iseraele, motlhanka wa gago e le ruri o utlwile gore Saulo o batla go tla mo Keila go senya toropokgolo ka ntata ya me. ¹¹A banna ba Keila ba tla nneela mo seatleng sa gagwe? A Saulo o tla tla jaaka motlhanka wa gago a utlwile? Modimo Yahweh, Modimo wa Iseraele, ke a go kopa, tsweetswee bolelela motlhanka wa gago.'' Modimo Yahweh a re, ''O tla tla.''¹²Foo Tafita a re, ''A banna ba Keila ba tla nneela le banna ba me mo seatleng sa ga Saulo?'' Modimo Yahweh a re, ''Ba tla le neela.''¹³Foo Tafita le banna ba gagwe, ba ba neng ba ka nna makgolo a marataro, ba emelela ba tswa mo Keila, mme ba tswa fa ba tsena fa. Ga bolelelwa Saulo gore Tafita o tshabile go tswa mo Keila, mme a emisa go alola. ¹⁴Tafita a nna mo maremelong mo sekgweng, mo lefatsheng la dithaba mo sekgweng sa Sifi. Saulo a mmatla letsatsi le letsatsi, mme Modimo a se ka a mo neela mo seatleng sa gagwe.¹⁵Tafita a bona gore Saulo o tsile go batla botshelo jwa gagwe; jaanong Tafita o ne a le mo sekgweng sa Sifi kwa Horeshe. ¹⁶Foo Jonathane, morwa Saulo a ema ka dinao a ya kwa go Tafita kwa Hereshe, mme a mo thatafatsa mo Modimong.¹⁷A mo raya a re, ''O se ka wa tshoga. Gonne seatla sa ga rre, Saulo, ga se kitla se go bona. O tsile go nna kgosi mo Iseraele, mme ke tla bo ke le fa thoko ga gago. Rre, Saulo, o itse se.'' ¹⁸Ba dira kgolagano fa pele ga Modimo Yahweh. Tafita a sala mo Horeshe, mme Jonathane a ya gae.¹⁹Foo Basifi ba tla kwa go Saulo kwa Gibea, mme ba re, ''A Tafita ga a fa gare ga rona a iphitlile mo maremelelong kwa Horeshe mo thabeng ya Hakhila, e e kwa borwa jwa Jeshimone? ²⁰Jaanong fologela tlase, kgosi! Go ya ka fa o eletsang ka teng, fologela tlase! Seabe sa rona e tla bo e le go mo neela mo seatleng sa kgosi.''²¹Saulo a re, ''Le segofadiwe ke Modimo Yahweh. Gonne le nkutlwetse botlhoko. ²²Tsamayang, le tlhomamise tota. Batlisisang le bo le itse gore o iphitlhile fa kae le gore ke mang yo o mmoneng koo. Ke boleleltswe gore o maretshwa. ²³Jalo le lebeng, le bo le utlwe gore o a iphitlha kae. Le boele morago kwa go nna ka kitso e e tlhomamisegang, foo ke tla boela morago le lona. Fa e le gore o mo lefatsheng le, ke tla mmatla gotlhe mo diketeng tsa Juta.''²⁴Foo ba ema ka dinao mme ba ya kwa Sifi kwa pele ga ga Saulo. Jaanong Tafita le banna ba gagwe ba ne ba le mo sekgweng sa Maong, mo Araba kwa borwa jwa Jeshimone. ²⁵Saulo le banna ba gagwe ba ya go mmatla. Tafita a bolelelwa mme a fologela tlase kwa thabeng e e matlapa, mme a nna mo sekgweng sa Maong. Fa Saulo a utlwa, a alola Tafita mo sekgweng sa Maong.²⁶Saulo a tsamaya mo letlhakoreng le lengwe la thaba, fa Tafita le banna ba gagwe ba tsamaya mo letlhakoreng le lengwe la thaba. Tafita a itlhaganela go katoga Saulo. Jaaka Saulo le banna ba gagwe ba ne ba dikologile Tafita le banna ba gagwe gore ba ba tsee, ²⁷morongwa a tla kwa go Saulo mme a re, ''Itlhaganele o tle, gonne Bfilisitia ba tlhasetse lefatshe.''²⁸Jalo Saulo a boa go tswa kwa go aloleng Tafita mme a lwantsha Bafilisitia. Jalo he, lefelo leo la bidiwa Lefika La Go Falola. ²⁹Tafita a tlhatloga go tswa foo mme a nna kwa maremelelong a Engedi.

24¹Fa Saulo a boa kwa go aloleng Bafilisitia, o ne a bolelelwa, ''Tafita o mo sekgweng sa Engedi.'' ²Foo Saulo a tsaya banna ba le dikete tse tharo ba ba tlhophilweng mo Iseraele otlhe mme a ya go batla Tafita le banna ba gagwe kwa Matlapeng a Dipodi Tsa Naga.³A tla fa masakeng a dinku mo tseleng, fa go neng go na le legaga. Saulo a tsena mo teng go ya ntle. Jaanong Tafita le banna ba gagwe ba ne ba ntse kwa botengteng jwa legaga. ⁴Banna ba ga Tafita ba mo raya ba re, ''Le ke letsatsi le Modimo Yahweh a neng a bua ka lone fa a ne a go raya a re, 'Ke tla neela mmaba wa gago mo seatleng sa gago, gore o dire se o se batlang ka ene.''' Foo Tafita a ema ka dinao mme a tsamaela kwa pele ka tidimalo mme a kgaola sekhutlo sa purapura ya ga Saulo.⁵Morago pelo ya ga Tafita ya mo tlhokofatsa ka gore o kgaotse sekhutlo sa purapura ya ga Saulo. ⁶A raya banna ba gagwe a re, ''A Modimo Yahweh a itse gore ke dire selo se se ntseng jaana mo go mong wa me, motlodiwa wa Modimo Yahweh, go otlolola seatla sa me kgatlhanong le ene, ke ntse ke bona gore ke motlodiwa wa Modimo Yahweh.'' ⁷Jalo Tafita a kgalema banna ba gagwe ka mafoko a, mme a se ka a ba letla go tlhasela Saulo. Saulo a kotamologa, a tswa mo legageng mme a tswelela le mosepele wa gagwe.⁸Morago, Tafita le ene a ema ka dinao, a tswa mo legageng, mme a bitsa Saulo: ''Mong wa me kgosi.'' Fa Saulo a leba kwa morago, Tafita a inama ka sefatlhego se lebile fa fatshe mme a mo neela tlotlo. ⁹Tafita a raya Saulo a re, ''Ke eng o reetsa banna ba ba go rayang ba re, 'Bona, Tafita o batla go go utlwisa botlhoko?'¹⁰Letsatsi leno matlho a gago a bone ka fa Modimo Yahweh a neng a go tsentse mo seatleng sa me ka teng fa re le mo legageng. Bangwe ba ne ba mpolelela gore ke go bolae, mme ke ne ka go lesa. Ke ne ka re, 'Ga ke na go otlolola seatla sa me kgatlhanong le mong wa me; gonne ke motlodiwa wa Modimo Yahweh.' ¹¹Bona, rre, bona sekhutlo sa purapura ya gago mo seatleng sa me. Ka gore ke ne ka kgaola sekhutlo sa purapura ya gago mme ka se ka ka go bolaya, o tla itse gape o tla bona gore ga go na bosula kgotsa go roba molao wa bogosi mo seatleng sa me, e bile ga ke a go leofela, ntswa o tsoma botshelo jwa me go bo tsaya.¹²A Modimo Yahweh a atlhole gare ga me le wena, mme a Modimo Yahweh a mpusolosetse kgatlhanong le wena, mme seatla sa me ga se kitla se nna kgatlhanong le wena. ¹³Jaaka seane sa ba bogologolo se re, 'Boikepo bo tswa mo baikeping.' Mme seatla sa me ga se kitla se nna kgatlhanong le wena.¹⁴Kgosi ya Iseraele o setse mang morago? O alotse mang? O setse ntja e e suleng morago! O setse morago letsetse! ¹⁵A Modimo Yahweh a nne moatlhodi, mme a ntshe katlholo gare ga me le wena, mme a tlhomamise, a bo a reetse boikuelo jwa me, mme a letlelele gore ke falole seatla sa gago.''¹⁶Fa Tafita a fetsa go bua mafoko a le Saulo, Saulo a re, ''A le ke lentswe la gago Tafita, morwaaka?'' Saulo a tsholetsa lentswe la gagwe a lela.¹⁷A raya Tafita a re, ''O na le tshiamo go feta nna. Gonne o ntuetse ka bomolemo fa ke go duetseng ka bosula. ¹⁸O boletse phatlalatsa letsatsi leno ka fa o ntiretseng molemo ka teng, gonne ga o a ka wa mpolaya fa Modimo Yahweh a neng a ntsentse mo mautlwelobotlhokong a gago teng.¹⁹Gonne fa monna a bona mmaba wa gagwe, a o ka mo lesa a tsamaya ka pabalesego? A Modimo Yahweh a go atswe ka bomolemo ka ntata ya se o se ntiretseng letsatsi leno. ²⁰Jaanong, ke a itse gore ammaaruri o tsile go nna kgosi mme bogosi jwa Iseraele bo tla tlhomamisiwa mo seatleng sa gago.²¹Ikane ka Modimo Yahweh gore ga o na go kgaola bana ba bana ba me ba ba tlang fa morago ga me, le gore ga o na go senya leina la me go tswa mo ntlong ya ga rre.'' ²²Jalo Tafita a direla Saulo maikano. Foo Saulo a ya gae, mme Tafita le banna ba gagwe ba ya kwa boremelelong.

25¹Jaanong Samuele a swa. Iseraele yotlhe ya kgobokana go mo hutsafalela, mme ba mmoloka mo ntlong ya gagwe kwa Rama. Foo Tafita a emelela a tsamaya a fologela kwa tlase kwa sekgweng sa Parana.²Go ne go na le monna kwa Maong yo dithoto tsa gagwe di neng di le kwa Karamele. Monna yo o ne a humile thata. O ne a na le dinku di le dikete tse tharo le dipodi di le sekete. O ne a beola dinku tsa gagwe kwa Karamele. ³Leina la monna yo e ne e le Nabale, mme mosadi wa gagwe e ne e le Abigaile. Mosadi yo o ne a le botlhale e bile a le montle mo tebegong. Mme monna ene o ne a le setlhogo e bile a le bosula mo go dirisanyeng le ba bangwe. O ne a le ngwana wa ntlo ya ga Kalebe.⁴Tafita a utlwa a le kwa sekgweng gore Nabale o beola dinku tsa gagwe. ⁵Jalo Tafita a romela bannana ba le lesome. Tafita a raya bannana a re, ''Tlhatlogelang kwa Karamele, yang kwa go Nabale, mme le mo dumedise mo leineng la me. ⁶Le tla mo raya le re, 'Tshelela mo katlegong. Kagiso go wena, kagiso go ba ntlo ya gago, gape kagiso go tsotlhe tse o nang le tsone.⁷Ke utlwa gore o na le babeodi. Badisa ba gago ba ne ba na le rona, mme ga re a ba utlwisa botlhoko, mme ga ba a latlhegelwa ke sepe nako yotlhe fa ba le kwa Karamele. ⁸Botsa bannana ba gago, mme ba tla go bolelela. Jaanong letlelela bannana ba me go bona botsalano mo matlhong a gago, gonne re tsile mo letsatsing la mokete. Tsweetswee neela batlhanka ba gago, le morwao Tafita, sepe se o nang le sone mo seatleng.'''⁹Fa bannana ba ga Tafita ba goroga, ba raya Nabale gotlhe mo mo boemong jwa ga Tafita mme ba leta. ¹⁰Nabale a araba batlhanka ba ga Tafita, ''Tafita ke mang? Morwa Jese ke mang? Mo matsatsing a go na le batlhanka ba le bantsi ba ba tlogelang beng ba bone. ¹¹A ke tseye borotho jwa me, le metsi a me, le nama ya me e ke e tlhabetseng babeodi ba me, ke bo ke e neela banna ba ba tswang kwa ke sa go itseng?''¹²Jalo bannana ba ga Tafita ba retologa mme ba boela morago, ba feta ba mmolelela tsotlhe tse di builweng. ¹³Tafita a raya banna ba gagwe a re, ''A monna mongwe le mongwe a tseye tshaka ya gagwe.'' Mme monna mongwe le mongwe a tsaya tshaka ya gagwe. Tafita le ene a tsaya tshaka ya gagwe. Banna ba ka nna makgolo a mane ba sala Tafita morago, fa ba ba makgolo a mabedi ba ne ba sala le dilwana.¹⁴Mme mongwe wa bannana a bolelela Abigaile, mosadi wa ga Nabale; o ne a re, ''Tafita o rometse barongwa go tswa kwa sekgweng go tla go dumedisa mong wa rona, mme o ne a ba roga. ¹⁵Mme banna ba ba ne ba le molemo mo go rona. Ga re a ka ra utlwisiwa botlhoko gape ga re a ka ra latlhegelwa ke sepe fa re ntse re na le bone re le kwa nageng.¹⁶Ba ne ba le lebota mo go rona motshegare le bosigo, nako yotlhe fa re na le bone re tlhokometse dinku. ¹⁷Jalo he, itse se o bo o akanye gore o tla dira eng, gonne bosula bo rulaganyediwa mong wa me, e bile bo rulaganyediwa ntlo ya gagwe yotlhe. Ke setlhobogwa sa motho yo go senang motho yo o ka lebisanyang mabaka le ene.''¹⁸Foo Abigaile a itlhaganela a tsaya marotho a le makgolo a mabedi, le mabotlolo a mabedi a mofine, le dinku tse tlhano tse di neng di setse di baakantswe, le dilekanyo tsa mabele a a besitsweng di le tlhano, diako tse di lekgolo tsa maretlwa wa sekgoa o o omisitsweng, le dikuku tsa mofeige di le makgolo a mabedi, a di belesa ditonki. ¹⁹A raya bannana ba gagwe a re, ''Tsamayang kwa pele ga me, mme ke tla tla kwa morago ga lona.'' Mme a se ka a bolelela monna wa gagwe Nabale.²⁰Jaaka a ne a tla a palame tonki ya gagwe, a tikeditswe ke thaba, Tafita le banna ba gagwe ba fologela go ya ntlheng ya gagwe, mme a kopana le bone.²¹Jaanong Tafita o ne a buile a re, ''E le ruri go nnile lefela go bo ke disitse tsotlhe tse monna yo a nang le tsone kwa sekgweng, mo go se kileng ga latlhega sepe sa tsotlhe tse e leng tsa gagwe, mme ke yo o ntuela bomolemo ka bosula. ²²A Modimo a ntire jalo, nna Tafita, mme a ntire go le gontsi gape, fa e ka re mo mosong ka tlogela le fa e le a le mongwe wa banna mo gare ga ba e leng ba gagwe.''²³Fa Abigaile a bona Tafita, a itlhaganela a fologa tonki ya gagwe mme a ribama fa pele ga ga Tafita ka sefatlhego se lebile fa fatshe mme a ikobela kwa tlase. ²⁴A ribama fa dinaong tsa gagwe mme a re, ''Molato a o nne mo go nna ke le nosi mong wa me. Tsweetswee letla motlhanka wa gago go bua le wena, mme o reetse mafoko a motlhanka wa gago.²⁵A mong wa me a se ka a isa setlhobogwa se gotweng Nabale kwa tlhogong, gonne o ntse fela jaaka leina la gagwe le bua. Leina la gagwe ke Nabale, mme boeleele bo mo go ene. Mme nna motlhanka wa gago ga ke a bona bannana ba mong wa me o neng o ba rometse. ²⁶Jaanong, mong wa me, jaaka Modimo Yahweh a tshela, le jaaka o tshela, ka gore Modimo Yahweh o go iditse go tsholola madi, le gone go ipusolosetsa ka seatla sa gago, jaanong a baba ba gago, le botlhe ba ba batlang go direla mong wa me bosula, ba nne jaaka Nabale.²⁷Mme jaanong, mpho e motlhanka wa gago a e tsisitseng kwa go mong wa me - a e neelwe bannana ba ba salang mong wa me morago. ²⁸Tsweetswee itshwarele phoso ya motlhanka wa gago, gonne Modimo Yahweh e le ruri o tla direla mong wa me ntlo e e tlhomameng, gonne mong wa me o lwa dintwa tsa Modimo Yahweh; mme bosula ga bo kitla bo bonwa mo go wena fa o santse o tshela.²⁹Le fa batho ba tsogologa go go alola go tsaya botshelo jwa gago, mme botshelo jwa mong wa me bo tla balelwa mo go ba ba tshelang ke Modimo Yahweh, Modimo wa gago; mme o tla kolopela kgakala matshelo a baba ba gago, jaaka ekete a kolopiwa go tswa mo seragantswaneng.³⁰Mme go tla diragala, fa Modimo Yahweh a sena go direla mong wa me dilo tse di molemo tse a di go solofeditseng, le fa a sena go go dira moeteledipele wa Iseraele, ³¹kgang e e tla se ka e nna bohutsana mo go wena, kgotsa molato mo pelong ya mong wa me, gonne ga o a tsholola madi go sena lebaka, mme e bile ga o a ipusolosetsa. Mme fa Modimo Yahweh a sena go tsisetsa mong wa me katlego, o gakologelwe motlhanka wa gago.''³²Tafita a raya Abigaile a re, ''A Modimo Yahweh, Modimo wa Iseraele, a segofadiwe, ene yo o go rometseng gore o kopane le nna gompieno. ³³Mme botlhale jwa gago bo segofaditswe, le wena o segofaditswe, gonne o nthibetse go tsholola madi letsatsi leno, le go ipusolosetsa ka seatla se e leng sa me.³⁴Gonne ka boammaaruri, jaaka Modimo Yahweh, Modimo wa Iseraele, a tshela, ene yo o nthibetseng go go utlwisa botlhoko, fa o ne o sa itlhaganela go nkopantsha, ammaaruri Nabale o ne a tla se ka a salelwe ke lesea la mosimane mo mosong.'' ³⁵Jalo Tafita a amogela go tswa mo seatleng sa gagwe se a se mo tsiseditseng; a mo raya a re, ''Ya kwa ntlong ya gago ka kagiso; bona, ke reeditse lentswe la gago gape ke go amogetse.''³⁶Abigaile a boela kwa go Nabale; bonang, o ne a dirile mokete mo ntlong ya gagwe, jaaka mokete wa kgosi; mme pelo ya ga Nabale e ne e itumetse, gonne o ne a tagilwe thata. Jalo a se ka a mmolelela sepe go fitlhelela mo mosong.³⁷Go ne ga diragala mo mosong, fa mofine o dule mo go Nabale, gore mosadi wa gagwe a mmolele dilo tse; pelo ya gagwe ya swela mo go ene, mme a nna jaaka letlapa. ³⁸Ga diragala morago ga matsatsi a le lesome gore Modimo Yahweh a tlhasele Nabale gore a swe.³⁹Mme e rile Tafita a utlwa gore Nabale o sule, a re, ''A Modimo Yahweh a segofadiwe, yo o tlositseng kgobo e ke e tsiseditsweng ke Nabale, mme a thibela motlhanka wa gagwe go dira bosula. Mme o buseditse bosula jwa ditiro tsa ga Nabale mo tlhogong ya gagwe.'' Foo Tafita a roma mongwe mme a bua le Abigaile, go mo itseela go nna mosadi wa gagwe. ⁴⁰Fa batlhanka ba ga Tafita ba sena go tla kwa go Abigaile kwa Karamele, ba bua le ene mme ba re, ''Tafita o re romile kwa go wena go go tsaya gore o tle o nne mosadi wa gagwe.''⁴¹A ema ka dinao, a ikoba ka sefatlhego se lebile fa fatshe, mme a re, ''Bonang, motlhanka wa lona wa mosadi ke motlhanka yo o tlhapisang dinao tsa batlhanka ba mong wa me.'' ⁴²Abigaile a itlhaganela mme a nanoga, a palama tonki le basetsana ba batlhanka ba le batlhano ba ba mo salang morago; mme a sala barongwa ba ga Tafita morago mme a nna mosadi wa gagwe.⁴³Jaanong Tafita o ne a tsere Ahinoame wa Jeserile go nna mosadi wa gagwe; bobedi jwa bone ba nna basadi ba gagwe. ⁴⁴Gape, Saulo o ne a tsere Mikale morwadie, mosadi wa ga Tafita, a mo neetse Paleti morwa Laishi, yo e leng motho wa kwa Galimi.

26¹Basifi ba tla kwa go Saulo kwa Gibea mme ba re, ''A Tafita ga a iphitlha mo thabeng ya Hakhila, e e gaufi le Jeshimone?'' ²Foo Saulo a nanoga mme a ya kwa sekgweng sa Sifi, a na le banna ba ba tlhophilweng ba Iseraele ba le dikete tse tharo, go batla Tafita mo sekgweng sa Sifi.³Saulo a kampa mo thabeng ya Hakhila, e e fa pele ga Jeshimone, fa thoko ga tsela. Mme Tafita o ne a nna mo sekgweng, mme o ne a bona gore Saulo o tla a mo setse morago mo sekgweng. ⁴Jalo Tafita a romela batsayaditlholwa, mme a itse gore ke boammaaruri gore Saulo o tsile.⁵Tafita a ema ka dinao mme a ya kwa lefelong le Saulo a kampileng mo go lone; a bona fa Saulo a robetseng teng, le Abonere morwa Nere, molaodi wa sesole sa gagwe; Saulo o ne a robetse mo kampeng, mme batho ba ne ba kampile go mo dikologa, mme ba robetse botlhe.⁶Foo Tafita a raya Ahimeleke wa Mohiti, le Abishai morwa Seruia, morwarraa Joabe, a re, ''Ke mang yo o tla tsamayang le nna kwa go Saulo kwa kampeng? Abishai a re, ''Ke nna! Ke tla fologela le wena kwa tlase.'' ⁷Jalo Tafita le Abishai ba ya kwa sesoleng mo nakong ya bosigo. Foo ga bo go le Saulo a robetse mo teng ga kampa, segai sa gagwe se tlhometswe fa fatshe go bapa le tlhogo ya gagwe. Abonere le masole a gagwe ba robetse go mo dikologa. ⁸Foo Abishai a raya Tafita a re, ''Letsatsi leno Modimo o tsentse mmaba wa gago mo seatleng sa gago. Jaanong, tsweetswee ntetlelele go mo tlhabela fa fatshe ka segai ka go mo tlhaba gangwe fela. Ga ke na go mo tlhaba la bobedi.''⁹Tafita a raya Abishai a re, ''O se ka wa mo senya; gonne ke mang yo o ka otlololelang motlodiwa wa Modimo Yahweh seatla mme a se ka a bonwa molato?'' ¹⁰Tafita a re, ''Jaaka Modimo Yahaweh a tshela, Modimo Yahweh o tla mmolaya, kgotsa letsatsi la gagwe le tla tla gore a swe, kgotsa o tla tsena mo ntweng a bo a swa.¹¹A Modimo Yahweh a itse gore ke otlololele motlodiwa wa gagwe seatla; mme jaanong, ke a go kopa, tsaya segai se se fa tlhogong ya gagwe le senwelo sa metsi, mme re tsamae.'' ¹²Jalo Tafita a tsaya segai le senwelo sa metsi fa tlhogong ya ga Saulo, mme ba tshaba. Ga go na ope yo o ba bonyeng kgotsa yo o utlwileng ka se, le fa e le ope yo o neng a tsoga, gonne ba ne ba robetse botlhe, ka gore boroko jo bo boteng jo bo tswang kwa go Modimo Yahweh bo ne bo ba wetse.¹³Foo Tafita a ya ntlheng e nngwe mme a ema fa godimo ga thaba kgakala; go ne go na le sekgala se segolo gareng ga bone. ¹⁴Tafita a goelela batho le Abonere morwa Nere; a re, ''A ga o arabe, Abonere?'' Foo Abonere a araba mme a re, ''O mang wena o goelelang kgosi?''¹⁵Tafita a raya Abonere a re, ''A ga o monna yo o pelokgale? Ke mang yo o tshwanang le wena mo Iseraele? Ke eng o sa disa mong wa gago kgosi? Gonne mongwe o ne a tsile go bolaya mong wa gago kgosi. ¹⁶Selo se o se dirileng se ga se molemo. Jaaka Modimo Yahweh a tshela, o tshwanetse go swa ka gore ga o a disa mong wa gago, motlodiwa wa Modimo Yahweh. Mme jaanong bona gore segai sa kgosi se kae, le senwelo sa metsi se se neng se le fa tlhogong ya gagwe.''¹⁷Saulo a lemoga lentswe la ga Tafita, mme a re, ''A ke lentswe la gago le , Tafita, morwaaka?'' Tafita a re, ''Ke lentswe la me, mong wa me, kgosi.'' ¹⁸A re, ''Ke eng mong wa me a alotse motlhanka wa gagwe? Ke dirile eng? Ke bosula bofe jo bo mo seatleng sa me?¹⁹Jaanong, ke a go kopa, a mong wa me a reetse mafoko a motlhanka wa gagwe. Fa e le gore ke Modimo Yahweh yo o go fuduileng kgatlhanong le nna, a a amogele moneelo; mme fa e le batho, a ba hutsege mo ponong ya Modimo Yahweh, gonne letsatsi leno ba nkobetse kwa ntle, gore ke se ka ka kgomarela boswa jwa Modimo Yahweh; ba ntheile ba re, 'Tsamaya o ye go obamela medimo e mengwe.' ²⁰Jaanong le fa go ntse jalo, o se ka wa letlelela madi a me a wela fa fatshe kgakala le bolengteng jwa Modimo Yahweh; gonne kgosi ya Iseraele o tsile go batla letsetse le le lengwe jaaka mongwe a tsoma lesogo mo dithabeng.''²¹Foo Saulo a re, ''Ke leofile. Boa, Tafita, morwaaka; gonne ga ke na go go utlwisa botlhoko gape, ka gore botshelo jwa me bo ne jwa nna tlhwatlhwa mo matlhong a gago letsatsi leno. Bona, ke itirile seeleele mme ka dira phoso e e maswe thata.''²²Tafita a araba mme a re, ''Bona, segai sa gago se kwano, kgosi! Letlelela mongwe wa bannana a tle kwano a se tsee a se go tsisetse. ²³A Modimo Yahweh a duelele monna mongwe le mongwe tshiamo ya gagwe le boikanyego jwa gagwe; gonne Modimo Yahweh o ne a go tsenya mo seatleng sa me letsatsi leno, mme ke ne ka se ka ka tlhaba motlodiwa wa gagwe.²⁴Mme bona, jaaka botshelo jwa gago bo ne jwa nna tlhwatlhwa mo matlhong a me letsatsi leno, a botshelo jwa me bo nne tlhwatlhwa thata mo matlhong a Modimo Yahweh, gape a a nnamole mo mathateng otlhe.'' ²⁵Foo Saulo a raya Tafita, ''O segofale, Tafita morwaaka, gore o tle o dire dilo tse di kgolo, le gore ammaaruri o tle o atlege.'' Jalo Tafita a tsamaya, mme Saulo a boela kwa ga gagwe.

27¹Tafita mo pelong ya gagwe a re, ''Ke tsile go swa ka seatla sa ga Saulo letsatsi lengwe; ga go na se se botoka mo go nna go feta go tshabela mo lefatsheng la Bafilisitia; Saulo o tla emisa go tlhola a mpatla mo teng ga melelwane yotlhe ya Iseraele; ka tsela e, ke tla falola go tswa seatleng sa gagwe.''²Tafita a emelela mme a kgabaganya, ene le banna ba ba makgolo a marataro ba ba neng ba na le ene, ba ya kwa go Akhishi morwa Maokhe, kgosi ya Gathe. ³Tafita a nna le Akhishi kwa Gathe, ene le banna ba gagwe, monna mongwe le mongwe a na le ba lelwapa la gagwe, Tafita a na le basadi ba gagwe ba ba babedi, Ahinoame wa Mojeserile, le Abigaile wa Mokaramele, mosadi wa ga Nabale. ⁴Saulo a bolelelwa gore Tafita o tshabetse kwa Gathe, mme a se ka a tlhola a mmatla gape.⁵Tfita a raya Akhishi a re, ''Fa ke bone botsalano mo matlhong a gago, a ba nneele lefelo mo nngweng ya ditoropokgolo mo lefatsheng, gore ke tle ke nne koo: gonne ke eng motlhanka wa gago a tshwanetse go nna le wena mo toropokgolong ya segosi?'' ⁶Jalo Akhishi a mo neela Sikilage mo letsatsing leo; ke sone se Sikilage e leng ya magosi a Juta go fitlhelela letsatsi leno. ⁷Palo ya matsatsi a Tafita a a ntseng kwa lefatsheng la Bafilisitia ke ngwaga e e tletseng le dikgwedi tse nne.⁸Tafita le banna ba gagwe ba tlhasela mafelo a a farologanyeng, ba dira ditlhaselo mo Bajesuri, le Bagirisi, le Baamaleka; gonne ditshaba tseo e ne e le banni ba lefatshe, jaaka o tsamaela kwa Shure, go ya bokgakala jwa Egepeto. Ba ne ba ntse ba nna mo lefatsheng leo go tswa dinakong tsa bogologolo. ⁹Tafita a tlhasela lefatshe mme a se ka a boloka le fa e le monna kgotsa mosadi; a tsaya dinku, le dipholo, le ditonki, le dikamela, le diaparo; go tloga foo o ne a boela morago kwa go Akhishi.¹⁰Akhishi o ne a na le go botsa a re, ''O tlhasetse bomang letsatsi leno?'' Tafita o tla bo a re, ''Borwa jwa Juta,'' kgotsa, ''Borwa jwa Bajeramele,'' kgotsa, ''Borwa jwa Bakeni.''¹¹Tafita o ne a sa boloke monna kgotsa mosadi go mo tsisa a tshela kwa Gathe, a re, ''Gore ba tle ba se ka ba bua ka rona ba re, 'Tafita o dirile se le se.''' Se ke se a neng a se dira nako yotlhe fa a nna kwa lefatsheng la Bafilisitia. ¹²Akhishi o ne a dumela Tafita, a re, ''O dirile gore batho ba gagabo ba Iseraele ba mo ile; jalo he o tla nna motlhanka wa me ka bosakhutleng.''

28¹Ga diragala mo matsatsing ao gore Bafilisitia ba kgobokanye sesole sa bone go baakanyetsa go lwa le Iseraele. Akhishi a raya Tafita, ''Itse gore o tsile go tsamaya le nna mo gare ga batlhabani, wena le banna ba gago.'' ²Tafita a raya Akhishi a re, ''Jalo o tla itse gore motlhanka wa gago o ka dira eng.'' Akhishi a raya Tafita a re, ''Jalo ke tla go dira modisa kgosi wa me wa sennelaruri.''³Jaanong Samuele o ne a sule, mme Iseraele otlhe o ne a mo hutsafalela mme ba mmoloka kwa Rama, mo toropokgolong ya gagabo. Gape, Saulo o ne a ileditse mo lefatsheng, botlhe ba ba buang le baswi kgotsa mewa. ⁴Foo Bafilisitia ba ikgobokanya mme ba tla ba kampa kwa Shuneme; mme Saulo a kgobokanya Iseraele otlhe, mme ba kampa kwa Gileboa.⁵Fo Saulo a bona sesole sa Bafilisitia, o ne a tshoga, mme pelo ya gagwe ya roroma mo go golo. ⁶Saulo a rapela Modimo Yaweh go kopa thuso, mme Modimo Yahweh a se ka a mo araba - e seng ka ditoro, kgotsa ka urimi, kgotsa ka baporofiti. ⁷Foo Saulo a raya batlhanka ba gagwe a re, ''Mpatleleng mosadi yo o buang le baswi, gore ke tle ke ye kwa go ene ke kope kgakololo ya gagwe.'' Batlhanka ba gagwe ba mo raya ba re, ''Bona, go na mosadi kwa Entoro yo o ikayang fa a bua le baswi.''⁸Saulo a iphetola tshwano, a apara diaparo tse dingwe, mme a tsamaya, a na le banna ba babedi; ba ya kwa mosading go le bosigo. A re, ''Mpiletse, ka mowa, ke a go kopa, mme o ntsisetse yo ke tla go neelang leina la gagwe.'' ⁹Mosadi a mo raya a re, ''Bona, o itse se Saulo a se dirileng, ka fa a ileditseng ka teng mo lefatsheng bao ba buang le baswi kgotsa mewa. Jaanong ke eng o beela botshelo jwa me selaga gore ke swe?'' ¹⁰Saulo a mo ikanela ka Modimo Yahweh mme a re, ''Jaaka Modimo Yahweh a tshela, ga o na go otlhaelwa selo se.''¹¹Foo mosadi a re, ''Ke go biletse mang?'' Saulo a re, ''Ntsisetse Samuele.'' ¹²Fa mosadi a bona Samuele a kua ka lentswe le le kwa godimo mme a bua le Saulo, a re, ''Ke eng o ntsieditse? O Saulo.''¹³Kgosi a mo raya a re, ''O se ka wa boifa. O bona eng?'' Mosadi a raya Saulo a re, ''Ke bona modimo o emelela go tswa mo mmung.'' ¹⁴A mo raya a re, ''O lebega jang?'' a re, ''Monnamogolo o etla; o apere purapura.'' Saulo a lemoga fa e le Samuele, mme a inamisetsa sefatlhego sa gagwe fa fatshe mme a supa tlotlo.¹⁵Samuele a raya Saulo a re, ''Ke eng o nkgoreleditse mme wa ntsosa?'' Saulo a araba, ''Ke pitlagane thata, gonne Bafilisitia ba bolotsa ntwa kgatlhanong le nna, mme Modimo o ntlogetse e bile ga a sa tlhole a nkaraba, le fa e le ka baporofiti, kgotsa ka ditoro. Jalo he, ke go biditse gore o tle o nkitsise gore ke tle ke dire eng.''¹⁶Samuele a re, ''O mpotsa eng, ka gore Modimo Yahweh o go tlogetse, mme o fetogile mmaba wa gago? ¹⁷Modimo Yahweh o go dirile se a rileng o tla se go dira. Modimo Yahweh o gagotse bogosi go tswa mo seatleng sa gago mme a bo neela mongwe o sele - a bo neela Tafita.¹⁸Gonne ga o a ka wa utlwa lentswe la Modimo Yahweh e bile ga o a ka wa diragatsa kgalefo ya gagwe e e boitshegang mo go Amaleka, jalo he, o dirile se mo go wena letsatsi leno. ¹⁹Go tlatsa mo, Modimo Yahweh o tsile go neela Iseraele le wena mo seatleng sa Bafilisitia. Kamoso wena le barwao le tla bo le na le nna. Modimo Yahweh o tla neela sesole sa Iseraele mo seatleng sa Bafilisitia.''²⁰Ka bonako Saulo a wela fa fatshe mme a tshoga thata ka ntata ya mafoko a ga Samuele. Go ne go sena thata epe mo go ene gonne o ne a sa ja dijo letsatsi leo lotlhe, le fa e le bosigo joo jotlhe. ²¹Mosadi a tla kwa go Saulo mme a bona gore o tshwenyegile thata, a mo raya a re, ''Bona, motlhanka wa gago wa mosadi o reeditse lentswe la gago; ke tsentse botshelo jwa me mo seatleng sa me mme ka reetsa mafoko a o neng o a mpolelela.²²Jaanong, ke a go kopa, le wena reetsa lentswe la motlhanka wa gago wa mosadi, mme ntetlelele go baya dijonyana fa pele ga gago. Ja o tle o nne le maatla fa o setse o tsamaya.'' ²³Mme Saulo a gana, a re, ''Ga ke na go ja.'' Mme batlhanka ba gagwe, mmogo le mosadi, ba mo pateletsa, mme a reetsa lentswe la bone. Jalo a tsoga fa fatshe mme a nna mo bolaong.²⁴Mosadi o ne a na le namane e e nontshitsweng mo ntlong; a itlhaganela mme a e bolaya; a tsaya boupe jwa borotho, a bo duba, mme a besa borotho jo bo senang sebediso ka jone. ²⁵A di tsisa fa pele ga ga Saulo le batlhanka ba gagwe, mme ba ja. Foo ba emelela ba tsamaya bosigo joo.

29¹Jaanong Bafilisitia ba kgobokanya sesole sotlhe sa bone kwa Afeke; Baiseraele ba kampa gaufi le motswedi o o kwa Jeserile. ²Magosana a Bafilisitia a feta ka makgolo le dikete; Tafita le banna ba gagwe ba feta ba le mo badiseng ba kwa morago ba na le Akhishi.³Foo magosana a Bafilisitia a re, ''Bahebera ba ba dira eng fa?'' Akhishi a raya magosana a mangwe a Bafilisitia a re, ''A yo ga se Tafita, motlhanka wa ga Saulo, kgosi ya Iseraele, yo o ntseng a na le nna matsatsi a kgotsa dingwaga tse, mme ga ke a bona molato ope mo go ene go tloga ka nako e a tsileng kwa go nna ka yone go fitlha letsatsi leno?''⁴Mme magosana a Bafilisitia a ne a mo tenegetse; ba mo raya ba re, ''Dira gore monna yo a tsamaye, gore a boele morago kwa lefelong le o le mo neetseng; o se ka wa mo letlelela go ya ntweng le rona, gore a tle a se ka a nna mmaba mo go rona mo ntweng. Ka gore monna yo o ka dira jang go ka tsisa kagiso gareng ga gagwe le mong wa gagwe? A ga se ka ditlhogo tsa banna ba rona?⁵A ga se ene Tafita yo ba neng ba opelelana ka ene ba bina, ba re, 'Saulo o bolaile dikete tsa gagwe, mme Tafita o bolaile masome a dikete a gagwe?'''⁶Foo Akhishi a bitsa Tafita a mo raya a re, ''Jaaka Modimo Yahaweh a tshela, o ntse o le molemo, mme go tswa ga gago le go tsena ga gago le nna mo sesoleng go molemo mo ponong ya me; gonne ga ke a bona sepe se se molato ka wena go tloga ka letsatsi le o neng wa tla kwa go nna go fitlha letsatsi leno. Le fa go ntse jalo, magosana ga ba na botsalano mo go wena. ⁷Jalo boa jaanong mme o tsamae ka kagiso, gore o tle o se ka wa kgopisa magosana a Bafilisitia.''⁸Tafita a raya Akhishi a re, ''Ke dirile eng? O bone eng mo motlhankeng wa gago fa ke sale ke nna le wena go fitlha letsatsi leno, se se dirang gore ke se ka ka tsamaya ka ya go lwa le baba ba mong wa me kgosi?'' ⁹Akhishi a araba mme a raya Tafita a re, ''Ke a itse gore ga o na molato fela jaaka moengele wa Modimo; le fa go ntse jalo, magosana a Bafilisitia a rile, 'A se ka a tsamaya le rona kwa ntweng.'¹⁰Jalo tsoga mo mosong o mogolo le batlhanka ba mong wa gago ba ba tsileng le wena; fela fa le sena go tsoga mo mosong, mme le na le lesedi, le tsamae.'' ¹¹Jalo Tafita a tsoga mo mosong thata, ene le banna ba gagwe, gore ba emelele mo mosong, go boela mo lefatsheng la Bafilisitia. Mme Bafilisitia ba ya kwa Jeserile.

30¹Ga diragala, fa Tafita le banna ba gagwe ba sena go goroga mo Sikilage mo letsatsing la boraro, ba fitlhela Baamaleka ba dirile tlhaselo mo Negefe le mo Sikilage. Ba ne ba tlhasela Sikilage, ba e tshuba, ²mme ba gapa basadi le mongwe le mongwe yo o neng a le mo go yone, ba bannye le ba bagolo. Ba se ka ba bolaya ope, mme ba ba tsaya ba tsamaya ka bone jaaka ba tsamaya ditsela tsa bone.³Fa Tafita le banna ba gagwe ba goroga mo toropokgolong, e ne e tshubilwe, mme basadi ba bone, barwa ba bone, le barwadia bone ba ne ba gapilwe. ⁴Foo Tafita le batho ba ba neng ba na le ene ba tsholetsa mantswe a bone ba lela go fitlhelela ba felelwa ke maatla a go lela.⁵Basadi ba babedi ba ga Tafita ba ne ba gapilwe, Ahinoame wa Mojeserile, le Abigaile mosadi wa ga Nabale wa Mokaramele. ⁶Tafita o ne a pitlaganye mo go golo, gonne batho ba ne ba bua ka go mo kgobotletsa ka matlapa, ka gore batho botlhe ba ne ba tlhokofetse mo moweng, monna mongwe le mongwe ka ntata ya barwawe le barwadie; mme Tafita a ithatafatsa mo go Modimo Yahaweh, Modimo wa gagwe.⁷Tafita a raya Abiathara morwa Ahimeleke, wa moperesiti, a re, ''Ke a go kopa, ntsisetsa sekhutlana kwano.'' Abiathara a tsisa sekhutlana kwa go Tafita. ⁸Tafita a rapela Modimo Yahweh go kopa kaelo, a re, ''Fa ke ka alola setlhopha se, a ke tla kgona go ba tshwara?'' Modimo Yahweh a mo araba, ''Ba alole, ammaaruri o tla ba tshwara, mme o tla busetsa diatleng tsa gago dilo tsotlhe.''⁹Jalo Tafita a tsamaya, ene le banna ba ba makgolo a marataro ba ba neng ba na le ene; ba tla kwa motsweding wa Besoro, fa ba ba tlogetsweng ba neng ba nna teng. ¹⁰Mme Tafita a tswelela go alola, ene le banna ba ba makgolo a mane; gonne ba ba makgolo a mabedi ba ne ba setse kwa morago, ba ba neng ba le bokoa mo ba neng ba palelwa ke go kgabaganya motswedi wa Besoro.¹¹Ba fitlhela Moegepeto mo nageng mme ba mo tsisa kwa go Tafita; ba mo neela borotho, a ja; ba mo neela metsi a nwa; ¹²mme ba mo neela leketlo la kuku ya mofeige le diako tse pedi tsa moretlwa wa sekgoa o o omisitsweng. Fa a sena go ja, a tlelwa ke maatla gape, gonne o ne a sa ja borotho le fa e le go nwa metsi mo matsatsing a mararo le masigo a mararo.¹³Tafita a mo raya a re, ''O wa ga mang? O tswa kae?'' A re, ''Ke monnana wa Egepeto, ke motlhanka wa Moamaleka; mong wa me o ntlogetse ka gore ke ne ka lwala matsatsi a mararo a a fetileng. ¹⁴Re dirile tlhaselo mo Negefe wa Bachereti, le se e leng sa Juta, le Negefe wa ga Kalebe, mme ra tshuba Sikilage.''¹⁵Tafita a mo raya a re, ''A o tla nkisa kwa setlhopheng se se tlhaselang se?'' Moegepeto a re, ''Ikane ka Modimo gore ga o ke o mpolaya kgotsa o nneela mo diatleng tsa mong wa me, mme ke tla go isa kwa setlhopheng se se tlhaselang se.''¹⁶Fa Moegepeto a sena go isa Tafita, batlhasedi ba ne ba aname le lefatshe lotlhe, ba ja, ba nwa, ba bina ka ntata ya digapiwa tsotlhe tse ba di tsereng mo lefatsheng la Bafilisitia le mo lefatsheng la Juta. ¹⁷Tafita o ne a ba tlhasela go tswa lefitshwaneng la maitseboa go fitlha maitseboa a letsatsi le le latelang. Ga gona monna yo o neng a falola fa e se bannana ba ba makgolo a mane ba ba neng ba palama dikamela mme ba tshaba.¹⁸Tafita o ne a busetsa mo diatleng tsa gagwe dilo tsotlhe tse di neng di gapilwe ke Baamaleka; mme Tafita a namola basadi ba gagwe ba babedi. ¹⁹Go ne go sena se se latlhegileng, se sennye kgotsa se segolo, le fa e le barwa le barwadi, le fa e le digapiwa kgotsa sepe mo go tse batlhasedi ba di itseetseng. Tafita a boa ka sengwe le sengwe. ²⁰Tafita a tsaya matsomane le matlhape, a banna ba neng ba a gatelela fa pele ga dikgomo tse dingwe. Ba re, ''Tse ke digapiwa tsa ga Tafita.''²¹Tafita a tla kwa banneng ba ba makgolo a mabedi ba ba neng ba le bokoa thata go ka mo sala morago, bone ba ba bangwe ba neng ba dira gore ba nne kwa motsweding wa Besoro. Banna ba ba ne ba gatela kwa pele go kopantsha Tafita le batho ba ba neng ba na le ene. Fa Tafita a goroga fa bathong ba, o ne a ba dumedisa. ²²Foo banna botlhe ba ba boikepo le ba ba nyatsegang mo gare ga ba ba neng ba tsamaile le Tafita ba re, ''Ka gore banna ba ba ne ba sa tsamaya le rona, ga re na go ba neela sepe sa digapiwa tse re di buseditseng mo diatleng tsa rona. Ntleng le gore monna mongwe le mongwe a tsee mosadi wa gagwe le bana ba gagwe, a ba etelele pele, mme a tsamae.''²³Foo Tafita a re, ''Le se ka la dira jaana, barwarre, ka se Modimo Yahweh a se re neetseng. O re somaretse a bo a neela mo seatleng sa rona batlhasedi ba ba neng ba tsile kgatlhanong le rona. ²⁴Ke mang yo o tla le reetsang mo kgang e? Gonne serwe se se neelwang yo o yang kwa ntweng, se tla lekana le sa yo o salang le dithoto; ba tla tsaya mo go lekanang.'' ²⁵Go ne ga nna jalo go tloga ka letsatsi leo go fitlha letsatsi le, gonne Tafita o ne a go dira molawana le taolo mo Iseraele.²⁶Fa Tafita a fitlha kwa Sikilage, a romela dingwe tsa digapiwa kwa bagolwaneng ba Juta, le kwa ditsaleng tsa gagwe, a re, ''Bonang, mpho ya lona ke e go tswa mo digapiweng tsa baba ba Modimo Yahweh.'' ²⁷Gape o ne a romela dingwe kwa bagolwaneng ba ba neng ba le kwa Bethuele, le kwa go ba ba neng ba le kwa Ramothe wa Borwa, le kwa go ba ba neng ba le kwa Jathiri, ²⁸le ba ba neng ba le kwa Aroere, le kwa go ba ba neng ba le kwa Sifimothe, le kwa go ba ba neng ba le kwa Eshetemoa.²⁹Gape o ne a romela dingwe kwa bagolwaneng ba ba neng ba le kwa Rakhale, le kwa go ba ba neng ba le mo ditoropokgolong tsa Bajerameli, le kwa go ba ba neng ba le mo ditoropokgolong tsa Bakeni, ³⁰le kwa go ba ba neng ba le kwa Horoma, le kwa go ba ba neng ba le kwa Borashane, le kwa go ba ba neng ba le kwa Athakhe, ³¹le kwa go ba ba neng ba le kwa Heberone, le kwa mafelong otlhe a Tafita ka sebele le banna ba gagwe ba neng ba tlwaetse go ya teng.

31¹Jaanong Bafilisitia ba lwa le Iseraele. Banna ba Iseraele ba tshaba fa pele ga Bafilisitia mme ba wa ba swela mo thabeng ya Gileboa. ²Bafilisitia ba alola Saulo le barwae ka thata. Bafilisitia ba bolaya Jonathane, Abinatabe le Malekhishua, barwae. ³Ntwa ya tla ka bokete kgatlhanong le Saulo, mme bahudi ba metswi ba mo mo heta. O ne a le mo botlhokong jo bogolo ka ntata ya bone.⁴Foo Saulo a raya motsholathebe wa gagwe a re, ''Ntsha tshaka ya gago mme o mphololetse ka yone. E seng jalo ba ba sa rupang ba, ba ka tla ba mpogisa.'' Mme motsholathebe wa gagwe a se ka a dira jalo, gonne o ne a tshogile thata. Jalo Saulo a tsaya tshaka e e leng ya gagwe mme a wela mo godimo ga yone. ⁵Fa motsholathebe wa gagwe a bona gore Saulo o sule, le ene a wela mo godimo ga tshaka ya gagwe mme a swa le ene. ⁶Jalo Saulo a swa, le barwae ba bararo, le motsholathebe - banna ba ba a swa botlhe mmogo letsatsi le lengwe leo.⁷Fa banna ba Iseraele ba ba neng ba le kwa ntlheng e nngwe ya mokgatsha, le ba ba neng ba le kwa moseja wa Jorotane, ba bona gore banna ba Iseraele ba tshabile, le gore Saulo le barwae ba sule, ba tlogela ditoropokgolo tsa bone mme ba tshaba, mme Bafilisitia ba tla ba nna mo go tsone. ⁸Ga diragala mo letsatsing le le latelang, fa Bafilisitia ba tla go apola baswi, ba fitlhela Saulo le barwae ba bararo ba ole mo thabeng ya Gileboa.⁹Ba kgaola tlhogo ya gagwe mme ba mo apola ditlhabani tsa gagwe, mme ba romela barongwe mo lefatsheng la Bafilisitia le go ralala go isa dikgang kwa ditempeleng tsa medimo ya bone le kwa bathong. ¹⁰Ba baya ditlhabani tsa gagwe mo tempeleng ya Ashetorethe, mme ba bofelela mmele wa gagwe mo leboteng la toropokgolo ya Bethe Shane.¹¹Fa banni ba Jabeshe Gileate ba utlwalela ka se Bafilisitia ba se dirileng Saulo, ¹²banna botlhe ba batlhabani ba emelela, mme ba tsamaya bosigo jotlhe mme ba tsaya mmele wa ga Saulo le mebele ya barwae mo leboteng la Bethe Shane. Ba ya kwa Jabeshe mme ba e tshubela koo. ¹³Foo ba tsaya marapo a bone mme ba a boloka fa tlase ga setlhare sa motamarisike kwa Jabeshe, mme ba ikitsa dijo malatsi a supa.

2 Samuele

1¹Morago ga loso lwa ga Saulo, Tafita a boa go tswa kwa go tlhaseleng Baamaleka mme a nna mo Sikilaga matsatsi a le mabedi. ²Mo letsatsing la boraro, monna a tla a tswa kwa kampeng ya ga Saulo a gagotse diaparo tsa gagwe ebile a beile leswe mo tlhogong ya gagwe. Fa a fitlha fa go Tafita a rapama ka sefatlhego se le fa fatshe mme a ribama.³Tafita a mo raya a re, ''O tswa kae?'' A araba, ''Ke tshabile go tswa kwa kampeng ya Iseraele.'' ⁴Tafita a mo raya a re, ''Tsweetswee mpolelele gore dilo di tsamaile jang.'' A araba, ''Batho ba ne ba tshaba ba tswa mo ntweng. Bontsi bo ole gape bontsi bo sule. Saulo le morwawe Jonathane le bone ba sule.'' ⁵Tafita a raya lekau a re, ''O itse jang gore Saulo le morwawe Jonathane ba sule?''⁶Lekau la fetola, ''Ke iphitlhetse ke le mo thabeng ya Gileboa ke sa akanya, mme Saulo o ne a le foo a itshegeditse ka segai sa gagwe, mme dikolotsana tsa ntwa le bapalami dine di le gaufi la go mo tshwara. ⁷Saulo a retologa a mpona mme a mpitsa. Ka araba, 'Ke fano.'⁸A nthaya a re, 'Omang?' Ka mo araba, 'Ke Moamaleka.' ⁹A nthaya a re, 'Tsweetswee ema fa godimo ga me o mpolae, gonne ke sotlegile go le go golo, mme ke santse ke tshela.' ¹⁰Jalo ke ne ka ema fa godimo ga gagwe ka mmolaya, gonne ke ne ke itse gore ga a ka ke a tshela fa a sena go wa. Mme ke ne ka tsaya serwalo sa bogosi se se neng se le mo tlhogong ya gagwe le panta e e neng e le mo letsogong la gagwe, mme ke di tsisitse kwano kwa go wena, mong wa me.''¹¹Foo Tafita a gagola diaparo tsa gagwe, mme banna botlhe ba ba neng ba na le ene ba dira jaaka ene. ¹²Ba hutsafala, ba lela, ba ikitsa dijo go fitlha maitseboa ka ntata ya ga Saulo, morwawe Jonathane, batho ba Modimo Yahweh, le ntlo ya Iseraele gonne ba bolailwe ka tshaka. ¹³Tafita a raya lekau a re, ''O tswa kae?'' A araba, ''Ke morwa wa motswakwa mo lefatsheng, Moamaleka.''¹⁴Tafita a mo raya a re, ''Ke eng o ne o sa boife go bolaya kgosi e e tloditsweng ya Modimo Yahweh ka seatla sa gago?'' ¹⁵Tafita a bitsa mongwe wa makau mme a re, ''Tsamaya o mmolae.'' Jalo monna a tsamaya a mo iteela fa fatshe, mme Moamaleka a swa. ¹⁶Foo Tafita a raya Moamaleka yo o suleng a re, ''Madi a gago a mo tlhogong ya gago gonne molomo wa gago o supile kgatlhanong le wena fa o re, 'Ke bolaile kgosi e e tloditsweng ya Modimo Yahweh.'''¹⁷Foo Tafita a opela sefela se sa phitlho ka Saulo le morwawe Jonathane. ¹⁸O ne a laola batho go ruta barwa ba Juta Sefela Sa Bora, se se neng sa kwalwa mo Bukeng Ya Ga Jashare. ¹⁹''Kgalalelo ya gago, Iseraele, e sule, e bolaetswe mo mafelong a gago a a kwa godimo! Ka fa ba ba dinatla ba oleng ka teng! ²⁰Le se ka la e bolela kwa Gathe, le se ka la e bua mo mebileng ya Ashekelone, gore barwadia Bafilisitia ba tle ba se ka ba itumela, gore barwadia batho ba ba sa rupang ba se ka ba ipela.²¹Dithaba tsa Giliboa, a go se nne monyo kgotsa pula mo go wena, le fa e le masimo a a ntshang mabele a meneelo, gonne foo thebe ya dinatla e ne ya leswefadiwa. Thebe ya ga Saulo ga e tlhole e tloditswe ka leokwane. ²²Go tswa mo mading a ba ba bolailweng, go tswa mebeleng ya dinatla, bora jwa ga Jonathane ga bo a ka jwa boa, le tshaka ya ga Saulo ga e a ka ya boa e sena sepe.²³Saulo le Jonathane ba ne ba ratiwa ebile ba le monate mo botshelong, mme mo losong lwa bone ba ne ba sa kgaoganngwa. Ba ne ba le bonako go feta dintsu, ba le maatla go feta ditau. ²⁴Lona barwadia Iseraele, lelelang Saulo, yo o le apesitseng bohibidu ga mmogo le mekgabo ya tshitswana, yo gape a beileng mekgabiso ya gauta mo diaparong tsa lona.²⁵Ka fa dinatla di oleng ka teng mo gare ga ntwa! Jonathane o bolaetswe mo mafelong a lona a a kwa godimo. ²⁶Ke mo patikesegong ka wena, morwarre Jonathane. Ke ne ke go rata thata. Lerato la gago mo go nna le ne le gakgamatsa, le feta lerato la basadi. ²⁷Ka fa dinatla di oleng ka teng, mme dibetsa tsa ntwa tsa senyega!''

2¹Morago ga se Tafita a botsa Modimo Yahweh a re, ''A ke ye kwa nngweng ya ditoropokgolo tsa Juta?'' Modimo Yahweh a mo fetola, ''Tsamaya.'' Tafita a re, ''Ke ye toropokgolong efe?'' Modimo Yahweh a fetola, ''Heberone.'' ²Jalo Tafita a tsamaya le basadi ba gagwe ba babedi, Ahinoame yo o tswang kwa Jeserile, le Abigaile yo o tswang kwa Karamele, motlholagadi wa ga Nabale. ³Tafita a tsisa banna ba ba neng ba na le ene, ba mongwe le mongwe wa bone a neng a tla le ba lelwapa la gagwe, kwa ditoropokgolong tsa Heberone, kwa ba neng ba simolola go nna teng.⁴Foo banna ba tla go tswa kwa Juta ba tla go tlotsa Tafita go nna kgosi ya ntlo ya Juta. Ba bolelela Tafita, ''Banna ba Jabeshe Gileate ba bolokile Saulo.'' ⁵Jalo Tafita a romela barongwa kwa banneng ba Jabeshe Gileate mme a ba raya a re, ''Le segofaditswe ke Modimo Yahweh, ka gonne le supile boineelo jo mo go mong wa lona Saulo ebile le mmolokile.⁶Jaanong a Modimo Yahweh a le bontshe boineelo jwa kgolagano le boikanyego. Le nna ke tla le bontsha bomolemo jo ka go bo le dirile se. ⁷Jaanong he, a matsogo a lona a tie; nnang pelokgale gonne mong wa lona Saulo o sule, mme ntlo ya Juta e ntloditse go nna kgosi ya bone.''⁸Mme Abonere, morwa Nere, molaola sesole sa ga Saulo, a tsaya Ishiboshethe morwa Saulo a mo isa kwa Mahanaime. ⁹A dira Ishiboshethe kgosi ya Gileate, Ashere, Jeserile, Iforeimi, Benjamene, le Iseraele otlhe.¹⁰Ishiboshethe o ne a le dingwaga di le 40 fa a simolola go busa mo Iseraele, mme o ne a busa dingwaga tse 2. Mme ntlo ya Juta e ne ya sala Tafita morago. ¹¹Lebaka le Tafita a neng a nna kgosi ya ntlo ya Juta mo Heberone ka lone e ne e le dingwaga tse 7 le dikgwedi tse 6.¹²Abonere morwa Nere, le batlhanka ba ga Ishiboshethe morwa Saulo, ba ne ba tswa mo Mahanaime ba ya kwa Gibeone. ¹³Joabe morwa Seruia le batlhanka ba ga Tafita ba tswa ba ya go ba kopantsha fa mogobeng wa Gibeone. Foo ba nna fa fatshe, setlhopha sengwe se le ntlheng e nngwe ya mogobe fa se sengwe se le ntlheng e nngwe.¹⁴Abonere a raya Joabe a re, ''A makau ba eme ka dinao ba gaisane fa pele ga rona.'' Foo Joabe a re, ''A ba emelele.'' ¹⁵Foo makau ba ema ka dinao ba kgobokana mmogo, ba le lesome le bobedi ba Benjamene le ba ga Ishiboshethe morwa Saulo, mme ba le lesome le bobedi ba tswa mo batlhankeng ba ga Tafita.¹⁶Monna mongwe le mongwe o ne a tshwara yo a gaisanang le ene ka tlhogo mme a phololetse tshaka ya gagwe mo letlhakoreng la yo a gaisanang le ene, mme bobedi jwa bone ba wele fa fatshe. Jalo he, lefelo leo le ne la bidiwa ka Sehebera, ''Helkath Azzurim,'' kgotsa ''Tshimo ya ditshaka,'' le le leng kwa Gibeone. ¹⁷Ntwa e ne e befile mo letsatsing leo, mme Abonere le banna ba Iseraele ba fenngwa fa pele ga batlhanka ba ga Tafita.¹⁸Barwa Seruia ba bararo ba ne ba le foo: Joabe, Abishai le Asahele. Asahele o ne a le bofefo go taboga, jaaka phala. ¹⁹Asahele a alola Abonere a mo atametse mme a mo sala morago a sa fapogele gope.²⁰Abonere a gadima kwa morago, a re, ''A ke wena Asahele?'' A araba, ''Ke nna.'' ²¹Abonere a mo raya a re, ''Fapogela kwa molemeng kgotsa kwa mojeng, mme o tshware mongwe wa makau o mo tseele dibetsa.'' Mme Asahele a se ka a fapogela kwa thoko.²²Jalo Abonere a raya Asahele gape a re, ''Emisa go nkalola! Ke eng ke tshwanetse go go iteela fa fatshe? Ke tla kgona jang go leba morwarraago Joabe mo sefatlhegong?'' ²³Mme Asahele a gana go fapogela kwa thoko, mme jalo Abonere a mo tlhaba mo mmeleng ka bontlha jwa segai jo bo sa loodiwang, mo segai se neng sa phololela sa bo sa tswaela ka kwa ntlheng e nngwe. Asahele a wela fa fatshe mme a swela foo. Jalo go ne ga diragala gore ope yo o neng a goroga fa Asahele a neng a wela a bo a swela teng, o ne a ema a sa tshikhinyege.²⁴Mme Joabe le Abishai ba ne ba alola Abonere. Fa letsatsi le ya go phirima ba fitlha fa thabeng ya Ama, e e leng gaufi le Gia, fa thoko ga tsela e e yang kwa sekakeng sa Gibeone. ²⁵Banna ba Benjamene ba ikgobokanya fa morago ga ga Abonere mme ba ema mo setlhoeng sa thaba.²⁶Foo Abonere a bitsa Joabe a re, ''A tshaka e kometse e sa emise? A ga o itse gore go tsile go nna botlhoko kwa bofelong? Go tla tsaya nako e e kae gore o bolelele banna ba gago go emisa go alola barwarraabone?'' ²⁷Joabe a fetola, ''Fela jaaka Modimo a tshela, fa o ne o sa bua jalo, masole a me a ne a tla aloa barwarraabone go fitlha mo mosong!''²⁸Jalo Joabe a letsa torompeta, mme banna ba gagwe botlhe ba ema, mme ba se ka ba tswelela ba alola Iseraela gape, le fa e le go lwa gape. ²⁹Abonere le banna ba gagwe ba sepela bosigo jotlhe go ralala Araba. Ba kgabaganya Jorotane, mme ba tsamaya moso otlhe o o latelang, mme ba fitlha kwa Mahanaime.³⁰Joabe a boa go tswa kwa go aloleng Abonere. A kgobokanya banna ba gagwe, mme ga bo go tlhaela Asahele le masole a mangwe a ga Tafita a le lesome le boroba bongwe. ³¹Mme banna ba ga Tafita ba ne ba bolaile banna ba Benjamene ba ba neng ba na le Abonere ba le mokgolo a mararo le masome a marataro. ³²Foo ba tsaya Asahele ba mmoloka mo lebitleng la ga rraagwe, le le neng le le kwa Bethelehema. Joabe le banna ba gagwe ba sepela bosigo jotlhe, mme letsatsi la ba tlhabela ba le kwa Heberone.

3¹Jaanong go ne go na le ntwa e e gogileng nako e telele gare ga ntlo ya ga Saulo le ntlo ya ga Tafita. Tafita a thatafala a bo a thatafala, mme ntlo ya ga Saulo yone ya koafala ya bo ya koafala.²Tafita o ne a tsholelwa barwa kwa Heberone. Wa ntlha, Amonone, a mo tsholelwa ke Ahinoame yo o tswang kwa Jeserile. ³Wa bobedi, Chiliabe, a mo tsholelwa ke Abigaile, motlholagadi wa ga Nabale go tswa kwa Karamele. Wa boraro, Abosalomo, a tsholwa ke Maakha, morwadia Talamai, kgosi ya Geshuru.⁴Morwa Tafita wa bone, Atonija, e ne e le morwa Hagithi. Morwawe wa botlhano, Shefatia, e ne e le morwa Abitale, ⁵mme wa borataro, Itheriame, e ne e le morwa wa mosadi wa ga Tafita gotwe Egela. Ba ke barwa ba ba tsholetsweng Tafita kwa Heberone.⁶Ga diragala ka nako ya ntwa gare ga ntlo ya ga Saulo le ntlo ya ga Tafita gore Abonere a itire seganka mo ntlong ya ga Saulo. ⁷Saulo o ne a na le nyatsi e bidiwa Risipha, morwadia Aia. Ishiboshethe a raya Abonere a re, ''Ke eng o robalane le nyatsi ya ga rre?''⁸Foo Abonere a tenwa thata ke mafoko a ga Ishiboshethe mme a re, ''A ke tlhogo ya ntsa e e leng ya Juta? Letsatsi leno ke supa boikanyego mo ntlong ya ga Saulo, rraago, mo go barwarraagwe, le mo ditsaleng tsa gagwe, ka go sa go neeleng mo seatleng sa ga Tafita. Mme ke fa o mpona molato ka ga mosadi yo letsatsi leno?⁹A Modimo a ntire jalo, nna Abonere, mme a ntire go le gontsi, fa ke sa direle Tafita se Modimo Yahweh a se mo ikanetseng, ¹⁰go fetisa bogosi go tswa mo ntlong ya ga Saulo a bo a tlhoma setilo sa bogosi sa ga Tafita mo Iseraele le Juta, go tswa kwa Tene go ya kwa Beeresheba.'' ¹¹Ishiboshethe a se ka a araba Abonere ka lefoko le le lengwe, gonne o ne a mmoifa.¹²Foo Abonere a romela barongwa kwa go Tafita go mmuelela ba re, ''Lefatshe le ke la ga mang? Dira kgolagano le nna, mme o tla bona gore seatla sa me se na le wena, go tsisa Iseraele yotlhe kwa go wena.'' ¹³Tafita a araba, ''Go siame, ke tla dira kgolagano le wena. Mme selo se le sengwe se ke se tlhokang ke gore ga o na go bona sefatlhego sa me ntleng le gore o tsise Mikale, morwadia Saulo, fa o tla go mpona.''¹⁴Foo Tafita a romela barongwa kwa go Ishiboshethe, morwa Saulo, a re, ''Nneele mosadi wa me Mikale, yo ke mo dueletseng tlhwatlhwa ya matlalo a bonna jwa Bafilisitia a le lekgolo.'' ¹⁵Jalo Ishiboshethe a roma bangwe a tsaya Mikale mo monneng wa gagwe, Paletiele, morwa Laishi. ¹⁶Monna wa gagwe a tsamaya le ene, a tsamaya a lela, mme a mo sala morago go fitlha kwa Bahurimi. Foo Abonere a mo raya a re, ''Boela gae jaanong.'' Jalo a boa.¹⁷Abonere a bua le bagolwane ba Iseraele a re, ''Mo bogologolong le ne le leka go dira Tafita kgosi ya lona. ¹⁸Jaanong dirang jalo. Gonne Modimo Yahweh o buile ka ga Tafita a re, 'Ka seatla sa motlhanka wa me, Tafita, ke tla boloka batho ba me ba Iseraele mo seatleng sa Bafilisitia le mo seatleng sa baba botlhe ba bone.'''¹⁹Abonere a boa a bua le batho ba Benjamene ka namana. Foo Abonere a ya go bua le Tafita kwa Heberone go tlhalosa sengwe le sengwe se batho ba Iseraele le ba Benjamene ba neng ba eletsa go se dira. ²⁰Fa Abonere le banna ba gagwe ba le masome a mabedi ba fitlha kwa Heberone go bona Tafita, Tafita o ne a ba baakanyeditse mokete.²¹Abonere a tlhalosetsa Tafita, ''Ke tla ema ka dinao ke bo ke kgobokanyetsa Iseraele kwa go wena, mong wa me kgosi, gore ba tle ba dire kgolagano le wena, gore o tle o buse mo go gotlhe mo o go eletsang.''²²Foo masole a ga Tafita le Joabe a boa go tswa tlhaselong mme ba tla ka digapiwa di le dintsi. Mme Abonere o ne a sena le Tafita mo Heberone. Tafita o ne a mo golotse go tsamaya, mme Abonere o ne a tsamaya ka kagiso. ²³Fa Joabe le sesole sotlhe ba sena go goroga, ba bolelela Joabe, ''Abonere morwa Nere o ne a tsile kwa kgosing, mme kgosi o mo golotse go tsamaya, mme Abonere o tsamaile ka kagiso.''²⁴Foo Joabe a tla kwa kgosing mme a re, ''O dirile eng? Leba, Abonere o tsile kwa go wena! Ke eng o mo tlogetse a tsamaya, mme o tsamaile? ²⁵A ga o itse gore Abonere morwa Nere o tletse go go tsietsa le go iponela mananeo a gago le go lebelela tsotlhe tse o di dirang?'' ²⁶Fa Joabe a tswa fa go Tafita, o ne a roma barongwa go latela Abonere, mme ba mo tsisa go tswa kwa petseng ya Sira, mme Tafita o ne a sa itse se.²⁷Fa Abonere a fitlha mo Heberone, Joabe a mo tseela kwa thoko fa gare ga diheke go itsheba le ene. Koo Joabe a mo tlhaba mo maleng a mmolaya. Joabe o ne a busolosetsa madi a morwarraagwe, Asahele, ka tsela e.²⁸Fa Tafita a utlwa ka se, a re, ''Nna le bogosi jwa me ga re na molato fa pele ga Modimo Yahweh ka bosakhutleng mabapi le madi a ga Abonere, morwa Nere. ²⁹A molato wa loso lwa ga Abonere o wele mo tlhogong ya ga Joabe le ba ntlo ya ga rraagwe. A go se tlhokege go nna le mongwe mo ntlong ya ga Joabe yo o nnang le seso se se tshologang leswe kgotsa yo o nang le bolwetse jwa letlalo kgotsa yo o nang le bogole jo bo mo tsamaisang ka thobane kgotsa yo o bolawang ka tshaka kgotsa yo o nnang a se na dijo.'' ³⁰Jalo Joabe le morwarraagwe, Abishai, ba bolaya Abonere, gonne o bolaile morwarraabone, Asahele, kwa Gibione mo ntweng.³¹Tafita a raya Joabe le batho botlhe ba ba neng ba na le ene, ''Gagolang diaparo tsa lona, aparang letsela la kgetse, le hutsafale fa pele ga mmele wa ga Abonere.'' Mme Tafita a tsamaya fa morago ga setopo mo bontsing jo bo yang phitlhong. ³²Ba boloka Abonere mo Heberone. Kgosi a lela, a bo a lelela kwa godimo fa lebitleng la ga Abonere, mme le batho botlhe ba lela.³³Kgosi a hutsafalela Abonere mme a opela, ''A Abonere o tshwanetse go swa jaaka seeleele se swa? ³⁴Matsogo a gago a ne a sa bofiwa. Maoto a gago a ne a sa tshwarwa ka ditshipi. Jaaka monna a wa fapele ga barwa ba kgobelelo, o ole jalo.'' Batho botlhe ba ipoeletsa ba mo lelela.³⁵Batho botlhe ba tla ba dira gore Tafita a je letsatsi le ise le phirime, mme Tafita a ikana, ''A Modimo a ntire jalo, a ntire go le gontsi, fa ke ka ja borotho kgotsa sepe letsatsi le ise le phirime.'' ³⁶Batho botlhe ba lemoga khutsafalo ya ga Tafita, mme ya ba itumedisa, jaaka e le gore sengwe le sengwe se kgosi a se dirang se ne se ba itumedisa.³⁷Jalo batho botlhe le Iseraele yotlhe ba ne ba tlhaloganya letsatsi leo gore e ne e se keletso ya kgosi go bolaya Abonere morwa Nere. ³⁸Kgosi a raya batlhanka ba gagwe a re, ''A ga le itse gore kgosana e e leng monna yo o tlotlegang o sule mo Iseraele letsatsi leno? ³⁹Mme ke bokoa letsatsi leno, ntswa ke le kgosi e e tloditsweng. Banna ba, barwa Seruia, ba makgwakgwa thata mo go nna. A Modimo Yahweh a duele modirabosula ka go mo otlhaela boikepo jwa gagwe, jaaka a tshwanelwa.''

4¹Fa Ishiboshethe, morwa Saulo, a utlwa gore Abonere o sule kwa Heberone, matsogo a gagwe a nna bokoa, mme Iseraele otlhe a tshwenyega. ²Jaanong morwa Saulo o ne a na le banna ba le babedi ba ba neng ba le baeteledipele ba ditlhopha tsa masole. Leina la mongwe wa bone e le Baana fa mongwe e le Rechabe, barwa Rimone wa Mobeerothi wa batho ba Benjamene(gonne Beerothi o lejwa e le bontlha jwa Benjamene, ³mme Babeerothi ba ne ba siela kwa Gitaimi mme ba ntse ba nna koo go fitlha nako e).⁴Jaanong Jonathane, morwa Saulo o ne a na le morwa yo o neng a le segole mo dinaong. O ne a le dingwaga di le 5 fa dikgang ka ga Saulo le Jonathane di tla go tswa kwa Jeserile. Mmelegi wa gagwe a mo tsholetsa gore a sie. Mme e rile jaaka a sia, morwa Jonathane a wela fa fatshe mme a nna segole. Leina la gagwe e ne e le Mefiboshethe.⁵Jalo barwa Rimone wa Mobeerothi, Baana le Rechabe, ba tsamaya go le motshegare ba ya kwa ntlong ya ga Ishiboshethe, jaaka a ne a ikhuditse mo tshokologong. ⁶Mosadi yo o disang lebati o ne a thulamela a ntse a olosa korong, mme Rechabe le Baana ba feta fa go ene ka tidimalo ba tsena. ⁷Jalo fa ba sena go tsena, ba mo tlhasela ba mmolaya, jaaka a ne a rapame mo bolaong jwa gagwe mo ntlong ya gagwe. Foo ba kgaola tlhogo ya gagwe ba e rwala, mme ba tsamaya mo tseleng bosigo jotlhe go ya kwa Araba.⁸Ba tsisa tlhogo ya ga Ishiboshethe kwa go Tafita kwa Heberone, mme ba raya kgosi ba re, ''Leba, se ke tlhogo ya ga Ishiboshethe morwa Saulo, mmaba wa gago, yo o ntseng a batla go go bolaya. Letsatsi leno Modimo Yahweh o busoloseditse mong wa rona kgosi kgatlhanong le Saulo le dikokomane tsa gagwe.'' ⁹Tafita a araba Rechabe le Baana morwarraagwe, barwa Rimone wa Mobeerothi; a ba raya a re, ''Jaaka Modimo Yahweh a tshela, yo o golotseng botshelo jwa me mo mathateng, ¹⁰fa mongwe a ne a mpolelela a re, 'Leba, Saulo o sule,' a akanya gore o tsisa dikgang tse di molemo, ke ne ka mo tshwara mme ka mmolaya kwa Sikilaga. Seo e ne e le katso e ke neng ka mo e neelela dikgang tsa gagwe.¹¹Go tla nna go golo go le kae, fa banna ba ba boikepo ba bolaile motho yo o senang molato mo ntlong ya gagwe mo bolaong jwa gagwe, a jaanong ga ke a tshwanela go batla madi a gagwe mo seatleng sa lona, mme ke le tlose mo lefatsheng?'' ¹²Foo Tafita a laela makau, mme ba ba bolaya, mme ba kgaola diatla le dinao tsa bone ba bo ba ba lepeletsa fa thoko ga mogobe kwa Heberone. Mme ba ne ba tsaya tlhogo ya ga Ishiboshethe ba e boloka mo lebitleng la ga Abonere mo Heberone.

5¹Foo merafe yotlhe ya Iseraele ya tla kwa go Tafita kwa Heberone, mme ba re, ''Leba, re nama le marapo a gago. ²Mo bogologolong jo bo fetileng, Saulo a santse a le kgosi ya rona, e ne e le wena yo o eteletseng sesole sa Iseraele. Modimo Yahweh o ne a go raya a re, 'O tla disa batho ba me ba Iseraele, gape o tla nna mmusi mo Iseraele.'''³Jalo bagolwane botlhe ba Iseraele ba tla kwa kgosing kwa Heberone, mme kgosi Tafita a dira kgolagano le bone fa pele ga Modimo Yahweh. Ba tlotsa Tafita go nna kgosi mo Iseraele. ⁴Tafita o ne a le dingwaga di le 30 fa a simolola go busa, mme o ne a busa dingwaga di le 40. ⁵Kwa Heberone o ne a busa Juta dingwaga di le 7 le dikgwedi di le thataro, mme mo Jerusalema o ne a busa Iseraele otlhe le Juta dingwaga di le 33.⁶Kgosi le banna ba gagwe ba ya Jerusalema go tlhasela Bajebusi, banni ba lefatshe leo. Ba raya Tafita ba re, ''Ga o na go tla fa ntleng le gore o busediwe morago ke difofu le digole. Tafita ga a ka ke a tla fa.'' ⁷Le fa go ntse jalo, Tafita o ne a gapa boremelelo jwa Sione, jo jaanong e leng jone toropokgolo ya ga Tafita.⁸Ka nako eo Tafita a re, ''Bao ba tlhaselang Bajebusi ba tla tlamega go ralala moedi wa metsi go fitlha kwa 'difofung le digoleng', ba e leng baba ba ga Tafita.'' Ke sone se batho ba reng, ''A 'difofu le digole' di se ka tsa tsena mo ntlong ya bogosi.'' ⁹Jalo Tafita a nna mo boremelelong, mme a bo bitsa Toropokgolo ya ga Tafita. A e agelela mo go thata go e dikologa, go tswa ka kwa ntle go ya ka kwa teng. ¹⁰Tafita a nna maatla mo go golo gonne Modimo Yahweh, Modimo wa masomosomo, o ne a na le ene.¹¹Foo Hiramo kgosi ya Tire a romela barongwa kwa go Tafita, le ditlhare tsa mesetara, le babetli, le bathudi ba matlapa. Ba agela Tafita ntlo. ¹²Tafita o ne a itse fa Modimo Yahweh a mo tlhomile kgosi mo Iseraele le gore o tsholeditse bogosi jwa gagwe ka ntata ya batho ba gagwe ba Iseraele.¹³Morago fa Tafita a sena go tswa mo Heberone a ya kwa Jerusalema, a oketsa dinyatsi le basadi ba gagwe mo Jerusalema, mme a tsholelwa barwa le barwadi ba le bantsi. ¹⁴A ke maina a bana ba a neng a ba tsholelwa mo Jerusalema: Shamua, Shobabe, Nathane, Solomone, ¹⁵Ibara, Elishua, Nefege, Jafia, ¹⁶Elishama, Eliata, le Elifelete.¹⁷Jaanong fa Bafilisitia ba utlwa fa Tafita a tloditswe go nna kgosi mo Iseraele, ba ne ba tswela kwa ntle ba mmatla. Mme Tafita a utlwa ka se mme a ya kwa boremelelong. ¹⁸Jaanong Bafilisitia ba ne ba tsile ba ikanamisa mo mokgatsheng wa Refaime.¹⁹Foo Tafita a kopa thuso go tswa kwa go Modimo Yahweh. A re, ''A ke tlhasele Bafilisitia? A o tla mpha phenyo mo go bone?'' Modimo Yahweh a raya Tafita a re, ''Tlhasela, gonne ammaaruri ke tla go neela phenyo mo Bafilisitieng.'' ²⁰Jalo Tafita a tlhasela kwa Bale Perasimi, mme a ba fenya koo. A bua jaana, ''Modimo Yahweh o phunyeleditse mo gare ga baba ba me fa pele ga me jaaka go phunyeletsa ga morwalela wa metsi.'' Jalo leina la lefelo leo la nna Bale Perasimi. ²¹Bafilisitia ba tlogela medingwana ya disetwa ya bone koo, mme Tafita le banna ba gagwe ba e rwala ba tsamaya ka yone.²²Foo Bafilisitia ba tla gape, mme ba anama gape mo mokgatsheng wa Refaime. ²³Jalo Tafita a batla thuso kwa go Modimo Yahweh gape, mme Modimo Yahweh a mo raya a re, ''O se ka wa ba tlhasela o tswa kwa pele ga bone, mme o ba dikologe ka kwa morago mme o tle mo go bone fa gare ga ditlhare tsa mamurubele.²⁴Fa o utlwa modumo wa dikgato tsa masole mo phefong e e fokang mo ditlhoeng tsa mamurubele, foo o tlhasele ka dikgoka. Dira se gonne Modimo Yahweh o tla bo a tsamaile kwa pele ga gago go tlhasela sesole sa Bafilisitia.'' ²⁵Jalo Tafita a dira jaaka Modimo Yahweh a mo laotse. A bolaya Bafilisitia go tswa kwa Geba go fitlha kwa Gesere.

6¹Jaanong Tafita a kgobokanya gape banna botlhe ba ba kgethilweng ba Iseraele, dikete tse di masome mararo. ²Tafita a ema ka dinao a tswa le banna botlhe ba gagwe ba ba neng ba na le ene go tswa mo Baala mo Juta go ya go tsaya letlole la Modimo, le le bidiwang ka leina la Modimo Yahweh wa masomosomo, yo o ntseng mo setilong sa gagwe sa bogosi godimo ga dicheruba.³Ba baya letlole la Modimo mo kotsekareng e ntsha. Ba le ntshetsa kwa ntle ga ntlo ya ga Abinatabe, e e leng mo godimo ga thaba. Usa le Ahio, barwawe, ba ne ba tlhokometse motsamao wa kotsekara e ntsha. ⁴Ba ntshetsa kotsekara kwa ntle go tswa mo ntlong ya ga Abinatabe mo godimo ga thaba e na le letlole la Modimo mo go yone. Ahio o ne a tsamaya kwa pele ga letlole. ⁵Foo Tafita le ntlo yotlhe ya Iseraele ba simolola go tshameka fa pele ga Modimo Yahweh, ba ipela ka diletswa tsa legong, diharepa, disaletere, meropana, diphare, le disemebale.⁶Fa ba fitlha fa seboaneng se go phothelwang mo go sone sa Nakone, dipholo tsa kgopiwa, mme Usa a otlolola letsogo a tshwara letlole la Modimo, mme a le tshwara. ⁷Foo go tenega ga Modimo ga tukela Usa. Modimo a mo tlhasela foo ka ntata ya boleo jwa gagwe. Usa a swela foo fa thoko ga letlole la Modimo.⁸Tafita o ne a tenegile ka gore Modimo Yahweh o ne a tlhasetse Usa, mme a bitsa lefelo leo Perese Usa. Lefelo leo le bidiwa Perese Usa go fitlha letsatsi leno. ⁹Tafita o ne a boifa Modimo Yahweh letsatsi leo. A re, ''Letlole la Modimo Yahweh le ka tla jang kwa go nna?''¹⁰Jalo Tafita o ne a sa ikemisetsa go tsaya letlole la Modimo Yahweh a tsena ka lone mo Toropokgolong ya ga Tafita. Boemong jwa moo, a le faposetsa kwa thoko a le tsenya mo ntlong ya ga Obete Etome wa Mogiti. ¹¹Letlole la Modimo Yahweh la nna mo ntlong ya ga Obete Etome wa Mogiti dikgwedi di le tharo. Jalo Modimo Yahweh a mo segofatsa le ba ntlo ya gagwe botlhe.¹²Jaanong kgosi Tafita a bolelelwa, ''Modimo Yahweh o segofaditse ntlo ya ga Obete Etome le tse tsotlhe tsa a nang le tsone ka ntata ya letlole la Modimo.'' Jalo Tafita a ya a tsisa letlole la Modimo go tswa mo ntlong ya ga Obete Etome go le tsisa mo Toropokgolong Ya Ga Tafita ka boitumelo.'' ¹³Fa ba ba neng ba rwele letlole la Modimo Yahweh ba tsamaile dikgato di le thataro, o ne a ntsha setlhabelo sa pholo le namane e e nonneng.¹⁴Tafita a bina fa pele ga Modimo Yahweh ka maatla otlhe a gagwe; o ne a apere khiba ya kobamelo e le nosi fela. ¹⁵Jalo Tafita le ntlo yotlhe ya Iseraele ba tsisa letlole la Modimo Yahweh ka go goa le medumo ya ditorompeta.¹⁶Jaanong jaaka letlole la Modimo Yahweh le tsena mo Toropokgolong Ya Ga Tafita, Mikale, morwadia Saulo, a leba ka fensetere. A bona kgosi Tafita a tlola a bo a bina fa pele ga Modimo Yahweh. Foo a mo nyatsa mo pelong ya gagwe. ¹⁷Ba tsisa letlole la Modimo Yahweh, mme ba le baya fa le bewang teng, mo bogareng jwa tenete e Tafita a e tlhometseng lone. Foo Tafita a neele meneelo e e fisiwang le meneelo ya botsalano fa pele ga Modimo Yahweh.¹⁸Fa Tafita a sena go fetsa go neele meneelo e e fisiwang le meneelo ya botsalano, a segofatsa batho mo leineng la Modimo Yahweh wa masomosomo. ¹⁹Foo a kgaoganya batho botlhe, matshwititshwiti otlhe a Iseraele, banna le basadi, borotho, nama, le kuku ya moretlwa wa setkgoa o o omisitsweng. Foo batho botlhe ba tsamaya; mongwe le mongwe a boela kwa ntlong ya gagwe.²⁰Foo Tafita a boela morago go segofatsa ba lelapa la gagwe. Mme Mikale, morwadia Saulo, a tla go kopantsha Tafita mme a re, ''Ka fa kgosi ya Iseraele e tlotlilweng ka teng letsatsi leno, yo o neng a ikapola letsatsi leno fa pele ga matlho a basetsana ba malata ba ba leng gare ga batlhanka ba gagwe, jaaka mongwe wa batho ba ba sa laiwang ba ba ikapolang ka ntleng le ditlhong!''²¹Tafita a tsibogela mafoko a ga Mikale, ''Ke dirile seo fa pele ga Modimo Yahweh, yo o ntlhophileng ntswa raago le ba lelapa la gagwe ba le teng, yo o intshwaetseng go nna moeteledipele wa batho ba Modimo Yahweh, batho ba Iseraele. Fa pele ga Modimo Yahweh ke tla itumela! ²²Ke tla tlhoka tlotlo segolo go feta fa, le gone ke tla tlhabisiwa ditlhong mo matlhong a me. Mme ke tla tlotlwa ka basetsana ba malata ba o buang ka bone ba.'' ²³Jalo Mikale, morwadia Saulo, a tshela a sena bana go fitlhelela loso lwa gagwe.

7¹Go ne ga diragala gore morago ga fa kgosi a sena go iketla mo ntlong ya gagwe, le morago ga fa Modimo Yahweh a sena go mo neela boikhutso mo babeng ba gagwe botlhe ba ba mo dikologileng, ²kgosi a raya moporofiti Nathane a re, ''Leba, ke nna mo ntlong ya masetara, mme letlole la Modimo le nna fa gare ga tente.''³Foo Nathane a raya kgosi a re, ''Tsamaya, dira se se mo pelong ya gago, gonne Modimo Yahweh o na le wena.'' ⁴Mme bosigo jone joo, lefoko la ga Modimo Yahweh la tla kwa go Nathane la re, ⁵''Tsamaya o ye go bolelela motlhanka wa me Tafita, 'Se ke se se buiwang ke Modimo Yahweh: a o ka nkagela ntlo e ke ka nnang mo go yone?⁶Gonne ga ke ise ke nne mo ntlong go tloga ka letsatsi le ke ntshitseng batho ba Iseraele mo Egepeto go fitlha letsatsi leno; boemong jwa moo, ke ntse ke tsamaya mo ke le mo tenteng, mo tebanekeleng. ⁷Mo mafelong otlhe a ke tsamaileng mo go one fa gare ga batho ba Iseraele, a ke kile ka bua sengwe le baeteledipele ba Iseraele ba ke ba beileng go disa batho ba me ba Iseraele, ke re, ''Ke eng le sa nkagela ntlo ya masetara?'''⁸Jaanong, bolelela motlhanka wa me Tafita, ''Se ke se Modimo Yahweh wa masomosomo a se buang: 'Ke go tsere kwa mahudisong, go tlogela go sala dinku morago, gore o tle o nne mmusi wa batho ba me ba Iseraele. ⁹Ke ntse ke na le wena gongwe le gongwe kwa o yang teng, mme ke kobetse kgakala baba ba gago fa pele ga gago. Mme ke tla go direla leina le legolo, fela jaaka leina la ba bagolo ba ba mo lefatsheng.¹⁰Ke tla beela batho ba me ba Iaseraele lefelo mme ke tla ba tlhoma koo, gore ba tle ba nne mo lefelong le e leng la bone, mme ba se ka ba tlhola ba tshwenngwa gape. Batho ba ba boikepo ga ba kitla ba ba gatelela gape, jaaka ba dirile pele, ¹¹jaaka ba ne ba dira go tloga ka letsatsi le ke neng ka laola baatlhodi go okamela batho ba me ba Iseraele. Mme ke tla go neela boikhutso mo babeng botlhe ba gago. Godimo ga moo, Nna, Modimo Yahweh, ke go bolelela phatlalatsa gore ke tla go direla ntlo.¹²Fa matsatsi a gago a weditswe o bo o robala le borraago, ke tla godisa kokomane fa morago ga gago, yo o tla tswang mo mmeleng wa gago, mme ke tla tlhomamisa bogosi jwa gagwe. ¹³O tla agela leina la me ntlo, mme ke tla tlhomamisa setilo sa bogosi jwa gagwe ka bosakhutleng. ¹⁴Ke tla nna Rraagwe mme o tla nna morwaake. Fa a leofa, ke tla mo kgalema ka thobane ya batho le ka kiteo ya barwa ba batho.¹⁵Mme boikanyego jwa me jwa kgolagano ga bo na go mo tlogela, jaaka ke ne ka bo tsaya mo go Saulo, yo ke neng ka mo tlosa fa pele ga gago. ¹⁶Ntlo ya gago le bogosi jwa gago di tla rurifadiwa ka bosakhutleng fa pele ga gago. Setilo sa gago sa bogosi se tla tlhomamisiwa ka bosakhutleng.''' ¹⁷Nathane o ne a bua le Tafita mme a mmegelela mafoko otlhe a, mme a mmolelela ka ponelopele yotlhe.¹⁸Foo kgosi Tafita a tsena mo teng a nna fa fatshe fa pele ga Modimo Yahweh; a re, ''Ke mang, Modimo Yahweh, le gone lelapa la me ke eng mo o ntsisitseng fa ke leng teng fa? ¹⁹Mme se e ne e le selo se sennye mo ponong ya gago, Morena Yahweh. E bile o buile ka ba lelapa la motlhanka wa gago ka nako e ntsi e e tlang, wa bo wa mpontsha dikokomane tsa bokamoso, Morena Yahweh! ²⁰Ke ka go raya eng gape, nna, Tafita? O tlotlile matlhanka wa gago, Morena Yahweh.²¹Ka lebaka la mafoko a gago, le go ka wetsa thulaganyo e e leng ya gago, o dirile selo se segolo se mme wa se senolela motlhanka wa gago. ²²Jalo he, o mogolo Morena Yahweh. Gonne ga go na yo o tshwanang le wena, ebile ga go na Modimo ope ka ntleng le wena, fela jaaka re utlwile ka ditsebe tse e leng tsa rona. ²³Ke tshaba efe e e tshwanang le batho ba gago ba Iseraele, tshaba e le nosi mo lefatsheng e wena, Modimo, o ileng wa e inamolela? O dirlile se gore ba tle ba nne batho ba gago, le go itirele leina, le go direla lefatshe la gago ditiro tse dikgolo le tse di boitshegang.O ne wa kobela kgakala ditshaba le medimo ya tsone fa pele ga batho ba gago, ba o ba namotseng go tswa kwa Egepeto.²⁴O tlhomamisitse Iseraele go nna batho ba gago ka bosakhutleng, mme wena, Modimo Yahweh, wa nna Modimo wa bone. ²⁵Jaanong, Modimo Yahweh, a tsholofetso e o e dirileng mabapi le motlhanka wa gago le ba lelapa la gagwe e tlhomamisiwe ka bosakhutleng. Dira jaaka o buile. ²⁶A leina la gago le nne legolo ka bosakhutleng, gore batho ba tle ba re, 'Modimo Yahweh wa masomosomo ke Modimo wa Iseraele,' fa ka ntlheng e nngwe, ntlo ya me, Tafita, e tlhomamisitswe fa pele ga gago.²⁷Gonne wena, Modimo Yahweh wa masomosomo, Modimo wa Iseraele, o senoletse motlhanka wa gago gore o tla mo agela ntlo. Ke sone se, nna, motlhanka wa gago ke nnileng pelokgale go go rapela. ²⁸Jaanong, Morena Yahweh, o Modimo, mme mafoko a gago a a ikanyega, mme o diretse motlhanka wa gago tsholofetso e e molemo e. ²⁹Jaanong, a go go itumedise go segofatsa ntlo ya motlhanka wa gago, gore e tle e tswelele ka bosakhutleng e le teng fa pele ga gago. Gonne wena, Morena Yahweh, o buile dilo tse, mme ka tshegofatso ya gago, ntlo ya motlhanka wa gago e tla segofalela ruri.

8¹Morago ga se, go ne ga diragala gore Tafita a tlhasele Bafilisitia a bo a ba fenye. Jalo Tafita a tsaya Gathe le metse ya yone go tswa mo taolong ya Bafilisitia.²Foo a fenya Moabe mme a lekanya banna ba bone ka mola ka go ba rapamisa fa fatshe. A lekanya mela e mebedi go e bolaya, mme a lekanya mola o o tletseng o le mongwe go o letlelela go tshela. Jalo Bamoabe ba nna batlhanka ba ga Tafita mme ba simolola go mo duela lekgetho.³Foo Tafita a fenya Hatatesere morwa Rehobo, kgosi ya Soba, jaaka Hatatesere a ne a le mo mosepeleng go ya go buseletsa go busa ga gagwe kwa nokeng ya Yufurate. ⁴Tafita a gapa dikolotsana tsa ntwa di le sekete le makgolo a supa le masole a a tsamayang ka dinao a le dikete tse di masome a mabedi. Tafita a kgaola mesifa ya dipitse tsa dikolotsana tsa ntwa tsotlhe, mme a tlogela palo e e lekanyeng dikolotsana tsa ntwa di le lekgolo.⁵Fa Baaramo ba kwa Tamaseka ba tla go thusa Hatatesere kgosi ya Soba, Tafita a bolaya banna ba Aramo ba le dikete tse di masome a mabedi le bobedi. ⁶Foo Tafita a baya ditlhopha tsa masole kwa Aramo wa Tamaseka, mme Baaramo ba nna batlhanka ba ga Tafita ba bo ba mo tsisetsa lekgetho. Modimo Yahweh o ne a neela Tafita phenyo gongwe le gongwe kwa a yang teng.⁷Tafita a tsaya dithebe tsa gauta tse di neng di le mo batlhankeng ba ga Hatatesere, mme a di tsisa kwa Jerusalema. ⁸Kgosi Tafita o ne a tsaya kgotlho e ntsi go tswa kwa Beta le kwa Berothai, ditoropokgolo tsa ga Hatatesere.⁹Fa Toi, kgosi ya Hamathe, a utlwa gore Tafita o fentse sesole sotlhe sa ga Hatatesere, ¹⁰Toi a romela morwawe, Hatoramo go dumedisa kgosi Tafita le go mo segofatsa, gonne Tafita o lole le Hatatesere a bo a mo fenya, le ka gonne Hatatesere o ne a boloditse ntwa kgatlhanong le Toi. Hatoramo o ne a tla ka dilwana tsa selefera, gauta le kgotlho.¹¹Kgosi Tafita a tlhaolela dilwana tse kwa thoko gore e nne tsa Modimo Yahweh, mmogo le selefera le gauta tse di tswang kwa ditshabeng tsotlhe tse a di fentseng - ¹²go tswa Aramo, Moabe, batho ba Amone, Bafilisitia, le Amaleka, go kopantswe le digapiwa tsotlhe tsa ga Hatatesere morwa Rehobo, kgosi ya Soba.¹³Leina la ga Tafita le ne le itsege thata fa a boa kwa go fenyeng Baaramo kwa mokgatsheng wa Letswai, le banna ba bone ba ba dikete di lesome le boroba bobedi. ¹⁴O ne a baya ditlhopha tsa masole mo Etome otlhe, mme Baetome botlhe ba nna batlhanka ba gagwe. Modimo Yahweh o ne a neela Tafita phenyo gongwe le gongwe kwa a yang teng.¹⁵Tafita a busa Iseraele otlhe mme a direla batho ba gagwe botlhe katlholo le tshiamo. ¹⁶Joabe morwa Seruia e ne e le molaola sesole, mme Jehoshafate morwa Ahilute e ne e le mokwadi wa ditiragalo. ¹⁷Satoko morwa Ahitubu le Ahimeleke morwa Abiathara e ne e le baperesiti, mme Seraia e ne e le mokwaledi. ¹⁸Benaia morwa Jehoiata o ne a okametse Bachereti le Bapheleti, mme barwa Tafita ba ne ba le bagakolodi bagolo ba kgosi.

9¹Tafita a re, ''A go na le mongwe wa lesika la ga Saulo yo ke ka mo supetsang boutlwelobotlhoko ka labaka la ga Jonathane?'' ²Mo lesikeng la ga Saulo go ne go na le motlhanka mongwe a bidiwa Siba, mme ba mmiletsa kwa go Tafita. Kgosi a mo raya a re, ''A ke wena Siba?'' A fetola, ''Ee. Ke motlhanka wa gago.''³Jalo kgosi a re, ''A go na le ope wa lesika la ga Saulo yo o setseng yo ke ka mmontshang boutlwelobotlhoko jwa Modimo?'' Siba a fetola kgosi, ''Jonathane o na le morwa yo o segole kwa dinaong.'' ⁴Kgosi a mo raya a re, ''O kae?'' Siba a fetola kgosi, ''Bona, o mo ntlong ya ga Machiri morwa Amiele kwa Lo Diba.''⁵Foo kgosi Tafita a roma bangwe a mo tsisa go tswa mo ntlong ya ga Machiri morwa Amiele kwa Lo Diba. ⁶Jalo Mefiboshethe morwa Jonathane morwa Saulo, a tla kwa go Tafita mme a inamisetsa sefatlhego sa gagwe fa fatshe go tlotla Tafita. Tafita a re, ''Mefiboshethe.'' A araba, ''Bona, ke motlhanka wa gago!''⁷Tafita a mo raya a re, ''O se ka wa tshoga, gonne ammaaruri ke tla go supegetsa boutlwelobotlhoko ka lebaka la ga rraago Jonathane, gape ke tla buseletsa kwa go wena lefatshe lotlhe la ga rraagomogolo Saulo, mme o tla nna o ja fa tafoleng ya me.'' ⁸Mefiboshethe a obega a re, ''Motlhanka wa gago ke eng, mo o lebang ka botsalano ntsa e e suleng jaaka nna jaana?''⁹Foo kgosi a bitsa Siba, motlhanka wa ga Saulo, a mo raya a re, ''Tsotlhe tse e neng e le tsa ga Saulo le ba lelapa la gagwe ke di neetse ngwana wa ngwana wa ga mong wa gago. ¹⁰Wena, barwa ba gago, le batlhanka ba gago le tshwanetse go mo lemela lefatshe le bo le robe thobo gore ngwana wa ngwana wa mong wa gago a nne le dijo tse a ka di jang. Gonne Mefiboshethe, ngwana wa ngwana wa mong wa gago, o tshwanetse go ja kwa tafoleng ya me ka dinako tsotlhe.'' Jaanong Siba o ne a na le barwa ba le lesome le botlhano le batlhanka ba le masome a mabedi.¹¹Foo Siba a raya kgosi a re, ''Motlhanka wa gago o tla dira tsotlhe tse mong wa me kgosi a di laolang motlhanka wa gagwe go di dira.'' Kgosi a tlatsa, ''Fa e le Mefiboshethe, o tla ja kwa tafoleng ya me jaaka mongwe wa barwa ba kgosi. ¹²Mefiboshethe o ne a na le morwa yo o santseng a le monnye yo leina la gagwe e leng Mika. Mme botlhe ba ba neng ba nna mo ntlong ya ga Siba e ne e le batlhanka ba ga Mefiboshethe. ¹³Jalo Mefiboshethe o ne a nna kwa Jerusalema, mme o ne a nna a ja kwa tafoleng ya kgosi ka dinako tsotlhe, ntswa a ne a le segole mo dinaong tsa gagwe ka bobedi.

10¹Go ne ga diragala morago gore kgosi ya batho ba Amone a swe, mme morwawe Hanune a nna kgosi mo boemong jwa gagwe. ²Tafita a re, ''Ke tla supetsa Hunune morwa Nahashe bopelonomi, jaaka rraagwe a ne a nna pelonomi mo go nna.'' Jalo Tafita a romela batlhanka ba gagwe go gomotsa Hanune mabapi le rraagwe. Batlhanka ba gagwe ba tsena mo lefatsheng la batho ba Amone. ³Mme baeteledipele ba batho ba Amone ba bua le mong wa bone Hunune, ''A mme o akanya gore Tafita o supa tlotlo mo go rraago, ka gore o romile banna go go gomotsa? A Tafita ga a romela batlhanka ba gagwe kwa go wena go lebelela toropokgolo, go e tsaya ditlholwa, gore a tle a e menole?''⁴Jalo Hanune a tsaya batlhanka ba ga Tafita, a ba beola sephatlo sa ditedu tsa bone, a gagola diaparo tsa bone go fitlha kwa maragong, a bo a ba romela gae. ⁵Fa ba tlhalosetsa Tafita se, a roma mongwe gore a kopane le bone, gonne banna ba ne ba tlhabilwe ke ditlhong. Kgosi a re, ''Nnang fela kwa Jeriko go fitlhelela ditedu tsa lona di gola gape, mme le bo le boa.''⁶Fa batho ba Amone ba bona gore ba fetogile monko wa sebodu mo go Tafita, batho ba Amone ba roma barongwa mme ba hira Baaramo ba Bethe Rehobo le Soba, masole a a tsamayang ka dinao a le dikete tse di masome a mabedi, le kgosi ya Maakha ka banna ba le sekete, le banna ba Tobe ka banna ba le dikete tse di lesome le bobedi. ⁷Fa Tafita a utlwa ka se, a romela Joabe le sesole sotlhe. ⁸Baamone ba tswela kwa ntle ba ipaya mo moleng wa ntwa kwa ntle ga dikgoro tsa toropokgolo ya bone, fa Baaramo ba Soba le Rehobo, le banna ba Tobe le Maakha, ba ne ba eme ka bobone mo masimong a a atlhameng.⁹Fa Joabe a bona mela ya ntwa e lebaganye le ene kwa pele le kwa morago, a kgetha banna ba tlhwatlhwa ba batlhabani ba Iseraele mme a ba baya sentle kgatlhanong le Baaramo. ¹⁰Fa e le masole a mangwe a a setseng, a a neela mo taolong ya ga morwarraagwe Abishai, mme a ba baya mo meleng ya ntwa kgatlhanong le sesole sa Amone.¹¹Joabe a re, ''Fa Baaramo ba ka nna maatla thata mo go nna, foo wena, Abishai, o tshwanetse go nnamola. Mme fa Baamone ba ka nna maatla thata mo go wena, foo ke tla tla go go namola. ¹²Thatafala, a re itshupe re nonofetse go lwela batho ba rona, le ditoropokgolo tsa Modimo wa rona, gonne Modimo Yahweh o tla direla molemo thulaganyo ya gagwe.''¹³Jalo Joabe le masole a sesole sa gagwe ba gatela pele go lwantsha Baaramo, ba ba neng ba patelesega go sia fa pele ga sesole sa Iseraele. ¹⁴Fa sesole sa Amone se bona gore Baaramo ba siile, le bone ba tshaba Abishai mme ba boela mo toropokgolong. Foo Joabe a boa go tswa kwa bathong ba Amone mme a boela kwa Jerusalema.¹⁵Mme fa Baaramo ba bona gore ba fenngwa ke Iseraele, ba ikgobokanya gape. ¹⁶Foo Hataresere a romela molaetsa gore go tle masole a Aramo a a tswang moseja wa noka ya Yufurate. Ba tla kwa Helamo le Shobache, molaola sesole sa ga Hataresere a ba eteletse pele.¹⁷Fa Tafita a bolelelwa se, a kgobokanya Iseraele otlhe, a kgabaganya Jorotane, a goroga kwa Helamo. Baaramo ba ipaakanya ka go ema mo meleng ya ntwa mme ba lwantsha Tafita. ¹⁸Baaramo ba tshaba Iseraele. Tafita a bolaya masole a dikolotsana tsa ntwa a le makgolo a supa le masole a a palamang dipitse a le dikete di le masome a mane. Shobache, molaola sesole sa bone a golafadiwa mme a swela koo. ¹⁹Fa dikgosi tse e neng e le batlhanka ba ga Hataresere ba bona gore ba fentswe ke Iseraele, ba dira kagiso le Iseraele ba bo ba nna batlhanka ba bone. Jalo Baaramo ba ne ba boifa go ka tlhola ba thusa Baamone gape.

11¹Go ne ga diragala ka nako ya dikgakologo, fa ka tlwaelo dikgosi di a bong di ya ntweng, gore Tafita a romele Joabe, le batlhanka ba gagwe, le sesole sotlhe sa Iseraele. Ba ne nyealets sesole sa Amone ba bo ba dikaganyetsa Raba. Mme Taita a nna mo Jerusalema.²Jalo go ne ga diragala gore maitseboa mangwe Tafita a tsoga mo bolaong jwa gagwe a tsamaya mo borulelong jwa ntlo ya bogosi ya gagwe. Gone foo ga diragala gore a bone mosadi a tlhapa, mme mosadi yoo o ne a le montle go lejwa. ³Jalo Tafita a roma bangwe a botsa ba ba ka tswang ba itse mosadi. Mongwe a re, ''A ga se Bathesheba, morwadia Eliamo, gape a ga se mosadi wa ga Uria wa Mohiti?''⁴Tafita a roma bangwe a mo tsaya; a tla kwa go ene, mme a robalana le ene(gonne e ne e le gone a fetsang go bona setswalo). Foo a boela kwa ntlong ya gagwe. ⁵Mosadi a ima mme a roma bangwe a bolelela Tafita; a re, ''Ke moimana.''⁶Foo Tafita a roma bangwe kwa go Joabe a re, ''Nthomelele Uria wa Mohiti.'' Jalo Joabe a romela Uria kwa go Tafita. ⁷Fa Uria a goroga, Tafita a mmotsa gore Joabe o tsogile jang, le gore masole ba dira jang, le gore ntwa e tsamaya jang. ⁸Tafita a raya Uria a re, ''Tsamaya o ye kwa ntlong ya gago, mme o tlhape dinao.'' Jalo Uria a tswa mo ntlong ya bogosi ya kgosi, mme kgosi a romela mpho kwa go Uria morago fa a sena go tswa.⁹Mme Uria a robala kwa lebating la ntlo ya bogosi ya kgosi le batlhanka ba mong wa gagwe, mme a se ka a ya kwa ntlong ya gagwe. ¹⁰Fa ba bolelela Tafita, ''Uria ga a a ka a ya kwa ntlong ya gagwe,'' Tafita a raya Uria a re, ''A ga o tswe mo leetong? Ke eng o sa ya kwa ntlong ya gago?'' ¹¹Uria a araba Tafita, ''Letlole, le Iseraele le Juta, ba nna mo ditenteng, mme le mong wa me Joabe le batlhanka ba mong wa me ba kampile mo nageng e e atlhameng. Jaanong ke ka tsena jang mo ntlong ya me ka ja, ka nwa, ka bo ka robalana le mosadi wa me? Fela jaaka o tshela, ga ke na go dira jalo.''¹²Jalo Tafia a raya Uria a re, ''Nna fa letsatsi leno gape, mme ke tla go lesa o tsamaya kamoso.'' Jalo Uria a nna mo Jerusalema letsatsi leo le letsatsi le le latelang. ¹³Fa Tafita a mmitsa, a ja a bo a nwa fa pele ga gagwe, mme Tafita a mo tagisa. Ka nako ya maitseboa Uria a tswa a ya go robala mo bolaong jwa gagwe le batlhanka ba mong wa gagwe; ga a a ka a ya kwa ntlong ya gagwe.¹⁴Jalo mo mosong Tafita a kwalela Joabe lekwalo, mme a le romela ka seatla sa ga Uria. ¹⁵Tafita a kwala mo lekwalong a re, ''Baya Uria kwa pele kwa ntwa e leng mashetla teng, mme le bo le kata ka morago le mo tlogela gore a itewe a bolawe.''¹⁶Jalo jaaka Joabe a lebile ka fa ba dikaganyeditseng toropokgolo ka teng, a roma Uria go lwa kwa a neng a itse gore masole a baba a a maatla ba ya go lwa teng. ¹⁷Fa banna ba toropokgolo ba tswela kwa ntle go lwa le sesole sa ga Joabe, bangwe ba masole a ga Tafita ba wa, mme Uria wa Mohiti le ene a bolaelwa koo.¹⁸Fa Joabe a romela lefoko kwa go Tafita ka sengwe le sengwe se se amanang le ntwa, ¹⁹a laola morongwa, a re, ''Fa o feditse go bolelela kgosi dilo tsotlhe tse di amanang le ntwa, ²⁰go ka nna ga diragala gore kgosi a tenege, mme o ka go raya a re, 'Ke eng le ne le lwa le le gaufi le toropokgolo? A le ne le sa itse gore ba tla hula go tswa mo leboteng?²¹Ke mang yo o bolaileng Abimeleke morwa Jerubeshethe? A mosadi ga a a ka a digela letlapa le le nnang fa godimo la tshilo mo go ene go tswa mo leboteng mme a swela kwa Thebese? Ke eng le ne la atamela lebota go le kana?' Foo o tshwanetse o arabe, 'Motlhanka wa gago Uria le ene o sule.'''²²Jalo morongwa a tswa a ya kwa go Tafita a mmolelela dilo tsotlhe tse Joabe a mo romileng go di bua. ²³Mme morongwa a raya Tafita a re, ''Baba ba ne ba le thata go re feta la ntlha; ba ne ba re latela kwa patlelong, mme re ne ra ba kgarameletsa morago go fitlha kwa kgorong.²⁴Mme bahudi ba bone ba hula masole a gago go tswa mo leboteng, mme bangwe ba batlhanka ba kgosi ba ne ba bolawa, mme le motlhanka wa gago Uria wa Mohiti o ne a bolawa.'' ²⁵Foo Tafita a raya morongwa a re, ''Raya Joabe o re, 'O se ka wa letlelela se go go hutsafatsa, gonne tshaka e kometsa mongwe e boe e kometse yo mongwe. Oketsa maatla a ntwa kgatlhanong le toropokgolo, mme o e menole.' Mme o kgothatse Joabe.'''²⁶Jalo fa mosadi wa ga Uria a utlwa gore Uria monna wa gagwe o sule, a hutsafalela monna wa gagwe mo go golo. ²⁷Fa khutsafalo ya gagwe e sena go feta, Tafita a roma bangwe a mo tseela mo gae mo ntlong ya bogosi ya gagwe, mme a nna mosadi wa gagwe a mo tsholela morwa. Mme se Tafita a se dirileng sa se ka sa itumedisa Modimo Yahweh.

12¹Foo Modimo Yahweh a romela Nathane kwa go Tafita. A tla kwa go ene mme a re, ''Ka nako nngwe go ne go na le banna ba babedi mo toropokgolong. Monna mongwe o ne a humile fa yo mongwe a ne a humanegile. ²Monna wa mohumi o ne a na le matsomane a magolo le matlhape, ³mme monna wa mohumanegi o ne a sena sepe ntleng le konyana e namagadi, e a neng a e reka, a e otla a bo a e godisa. E ne ya gola le ene le bana ba gagwe. Konyana e ne e ja le ene e bo e nwa mo senwelong se le sengwe le ene, gape e ne e robala mo matsogong a gagwe, jaak e kare ke ngwana wa gagwe wa mosetsana.⁴Letsatsi lengwe moeng a tla kwa monneng wa mohumi, mme monna wa mohumi o ne a sa ikemisetsa go ntsha seruiwa mo letsomaneng kgotsa mo matlhapeng go direla moeng dijo. Boemong jwa moo a tsaya konyana e namagadi ya monna wa mohumanegi a e tlhaba a e apeela moeng wa gagwe.'' ⁵Tafita a tukela monna wa mohumi ka bogale, mme a bua le Nathane ka bogale a re, ''Jaaka Modimo Yahweh a tshela, monna yo o dirileng se o tshwanetswe ke go swa. ⁶O tshwanetse go duelela konyana go menaganye gane ka gonne o dirile selo se se ntseng jaana, gape le ka gonne o ne a sena bopelotlhomogi mo monneng wa mohumanegi.''⁷Foo Nathane a raya Tafita a re, ''Monna yoo ke wena! Modimo Yahweh, Modimo wa Iseraele a re, 'Ke go tloditse go nna kgosi mo Iseraele, gape ke go namotse mo seatleng sa ga Saulo. ⁸Ke go neile ntlo ya mong wa gago, ka bo ka go neela basadi ba mong wa gago mo matsogong a gago. Gape ke go neile ntlo ya Iseraele le ya Juta. Fa e le gore moo go ka bo go nnile go nnye, ke ka bo ke go neile dilo tse dingwe tse dintsi fa godimo.⁹Jalo ke eng o nyaditse ditaolo tsa Modimo Yahweh, go dira tse di bosula mo ponong ya gagwe? O bolaile Uria wa Mohiti ka tshaka, mme o tsere mosadi wa gagwe wa mo dira mosadi wa gago. O mmolaile ka tshaka ya sesole sa Amone. ¹⁰Jaanong tshaka ga e kitla e tloga mo ntlong ya gago, gonne o nnyaditse mme o tsere mosadi wa ga Uria wa Mohiti go nna mosadi wa gago.'¹¹Modimo Yahweh a re, ''Bona, ke tla godisa sebetso kgatlhanong le wena go tswa mo ntlong e e leng ya gago. Fa pele ga matlho a gago, ke tla tsaya basadi ba gago ke ba neela moagisanyi wa gago, mme o tla robalana le basadi ba gago letsatsi le penne. ¹²O dirile boleo jwa gago mo sephiring, mme ke tla dira selo se fa pele ga Iseraele otlhe, letsatsi le penne.''' ¹³Foo Tafita a raya Nathane a re, ''Ke leofile fa pele ga Modimo Yahweh.'' Nathane a fetola Tafita, ''Modimo Yahweh le ene o tlositse boleo jwa gago. Ga o na go bolaiwa.¹⁴Le fa go ntse jalo, ka lebaka la gore se o se dirileng se e ne e le go nyatsa Modimo Yahweh, ngwana yo o mo tsaletsweng yo o tsile go swa.'' ¹⁵Foo Nathane a tswa a ya gae. Modimo Yahweh a tlhasela ngwana yo mosadi wa ga Uria a mo tsholetseng Tafita, mme a lwala thata.¹⁶Foo Tafita a kopa Modimo thata mabapi le mosimane. Tafita a ikitsa dijo a tsena mo teng a rapama fa fatshe bosigo jotlhe. ¹⁷Bagolwane ba ntlo ya gagwe ba ema ka dinao fa thoko ga gagwe, go mo imisa ka dinao, mme a se ka a ema ka dinaole fa e le go ja le bone. ¹⁸Ga diragala gore ka letsatsi la bosupa ngwana a swa. Batlhanka ba ga Tafita ba boifa go mmolelela gore ngwana o sule, gonne ba ne ba re, ''Bonang, fa ngwana a santse a tshela re ne ra bua le ene, mme a se ka a re reetsa lentswe la rona. O ka nna a itira eng fa re mmolelela gore ngwana o sule?!''¹⁹Mme e rile fa Dafiteafita a bona gore batlhanka ba gagwe ba sebaseba mmogo, Tafita a ikutlwela mo moweng gore ngwana o sule. A raya batlhanka ba gagwe a re, ''A ngwana o sule?'' Ba araba, ''O sule.'' ²⁰Jalo Dafite a ema ka dinao go tswa fa fatshe, a tlhapa, a itlotsa, a fetola diaparo. A ya kwa tempeleng ya Modimo Yahweh, a obamela koo, mme a boela morago kwa ntlong ya bogosi ya gagwe. Fa a kopa dijo, ba di baya fa pele ga gagwe mme a ja.²¹Jalo batlhanka ba gagwe ba mo raya ba re, ''Ke eng o dirile se? O ne wa ikitsa dijo wa lelela ngwana fa a santse a tshela, mme fa ngwana a sena go swa, o ne wa ema ka dinao wa ja.'' ²²Dafite a araba, ''Fa ngwana a santse a tshela kene ka ikitsa dijo ka lela. Ke ne ka re, 'Ke mang yo o itseng, gore gongwe Modimo Yahweh o ka nna boutlwelobotlhoko mo go nna, mme ngwana a tshela?' ²³Mme jaanong o sule, ke tla bo ke ikitsetsang dijo? A ke ka mmusetsa kwano? Ke tla ya kwa go ene, mme ga a ka ke a boela kwa go nna.''²⁴Dafite a gomotsa Bathesheba mosadi wa gagwe, mme a tsena kwa go ene, mme a robalana le ene. Morago a tshola morwa, mme ngwana a bidiwa Solomone. Modimo Yahweh a mo rata ²⁵mme a romela lefoko ka moporofiti Nathane go mmitsa leina Jedidia, gonne Modimo Yahweh o ne a mo rata.²⁶Jaanong Joabe a lwa le Raba, toropokgolo ya segosi ya batho ba Amone, mme a gapa kago ya yone ya tshireletso. ²⁷Jalo Joabe a romela barongwa kwa go Tafita mme a re, ''Ke lole le toropokgolo ya Raba, mme ke tsere metswedi yametsi ya toropokgolo. ²⁸Jalo he, kgobokanya sesole se se setseng mme o kampe kgatlhanong le toropokgolo o e tsee, gonne fa ke ka tsaya toropokgolo, e tla fiwa leina la me.''²⁹Jalo Tafita a kgobokanya sesole sotlhe mme a ya kwa Raba; a lwa le torookgolo mme a e gapa. ³⁰Dafite a tsaya serwalo sa bogosi go tswa mo tlhogong ya kgosi ya bone - e ne e le selekanyo se le sengwe sa gauta, mme go ne go na le letlapana le le tlhwatlhwa lele lengwe mo go yone. Serwalo sa bogosi sa bewa mo tlhogong ya ga Dafite. Foo a ntsha digapiwa tsa toropokgolo ka bontsi jwa tsone.³¹A ntshetsa kwa ntle batho ba ba neng ba le mo toropokgolong mme a ba patika go bereka ka dishaga, dipeke tsa tshipi, le dilepe; gape o ne a dira gore ba bereke kwa go besiwang ditena teng. Tafita o ne a gatelela gore ditoropokgolo tsotlhe tsa batho ba Amone go dira tiro e. Foo Tafita le sesole sotlhe ba boela kwa Jerusalema.

13¹Go ne ga diragala morago ga se, gore Amonone morwa Dafite a kgatlhgele go robala kgaitsadie ka rraagwe, Tamare, yo o neng a le kgaitsadie Abosalomo, mongwe wa barwa ba ga Dafite. ²Amonone o ne a jega mo a neng a lwala ka lebaka la ga Tamare. O ne a le kgarebana, mme ga lebega go sa kgonege gore Amonone o ka dira sengwe ka ene.³⁴Mmme Amonone o ne a na le tsala yo leina la gagwe e neng e le Jehonatabe morwa Shama, morwarra Tafita. Jehonatabe o ne a tletse matlhajana.Jehonatabe a raya Amonone a re, ''Ke eng, morwa wa kgosi, o nna o tlhontse moso lemoso? A ga o ka ke wa mpolelela?'' Jalo Amonone a mo araba, ''Ke rata Tamare, kgaitsadie morwarre Abosalomo.''⁵Foo Jonatabe a mo raya a re, ''Rapama mo bolaong jwa gago o iketsise gore o a lwala. Fa rraago a tla go go tlhola, mo kope, 'A o ka nthomelela kgaitsadiake Tmare gore a nkapeele sengwe ke se bona, a se nneele, ke se je go tswa mo seatleng sa gagwe?''' ⁶Jalo Amonone a rapama a iketsisa jaaka ekete o a lwala. Fa kgosi a tla go mmona, Amonone a raya kgosi a re, ''Tsweetswee romela kgaitsadiake Tamare a tle go direla bolwetse jwa me dijo fa pele ga me ke tle ke je mo seatleng sa gagwe.''⁷Foo Dafite a romela lefoko kwa go Tamare kwa ntlong ya gagwe ya bogosi, a re, ''Tsamaya jaanong kwa ntlong ya ga kgaitsadio Amonone mme o mmaakanyetsa dijo.'' ⁸Jalo Tamare a ya kwa ntlong ya ga kgaitsadie Amonone yo o neng a rapame fa fatshe. A tsaya boupe jwa borotho a bo duba mme a dira borotho mo ponong ya gagwe, mme a bo besa. ⁹A tsaya pane, a mo neela borotho, mme a gana go bo ja. Foo Amonone a raya batho ba bangwe ba ba neng ba le teng a re, ''Romela batho botlhe kwa ntle, ba tswe fa go nna.'' Jalo batho botlhe ba tswa fa go ene.¹⁰Jalo Amonone a raya Tamare a re, ''Tsisa dijo kwa ntlwaneng ya me gore ke je mo seatleng sa gago.'' Jalo Tamare a tsaya borotho jo a bo besitseng, mme a bo tsisa mo ntlwaneng ya ga kgaitsadie Amonone. ¹¹Fa a sena go tlisa dijo kwa go ene, a mo tshwara mme a mo raya a re, ''Tla, robalana le nna, kgaitsadiaka.'' ¹²A mo araba, ''Nyaa, kgaitsadiaka, o se ka wa mpatika, gonne selo se se ntseng jaana ga se a tshwanela go dirwa mo Iseraele. O se ka wa dira selo se se gakgamatsang se!¹³Ke tla ya kae go tshaba matlhabisa ditlhong a a tla tsisiwang ke selo se mo botshelong jwa me? Mme go dira jaana go tla go tshwaya o le seeleele se se senang ditlhong mo Iseraele otlhe. Tsweetswee, ke go kopa go bua le kgosi. O tla go letlelela go nnyala.'' ¹⁴Le fa go ntse jalo Amonone a se ka a mo reetsa. Ka gore o ne a le maatla go feta Tamare, a mo tshwara mme a mo robala.¹⁵Foo Amonone a ila Tamare ka kilo e e tseneletseng. O ne a mo ila go feta jaaka a ne a mo eletsa. Amonone a mo raya a re, ''Ema ka dinao o tsamae.'' ¹⁶Mme a mo tsibogela, ''Nnyaa! Gonne bosula jo bogolo jo jwa go ntira gore ke tsamae bo maswe thata go feta se o se ntirileng!'' Mme Amonone a se ka a mo reetsa. ¹⁷Boemong jwa moo, a bitsa motlhanka wa gagwe yo o mo tlhokomelang mme a re, ''Tsaya mosadi yo o mo ntshe fa go nna, mme o lotlele lebati fa morago ga gagwe.''¹⁸Foo motlhanka wa gagwe a mo ntshetsa kwa ntle, mme a lotlela lebati fa morago ga gagwe. Tamare o ne a apere jase e e kgabisitsweng gonne barwadia kgosi ba ba sa robalwang ke banna ba ne ba apara jalo. ¹⁹Tamare a baya melora ya leiso mo tlhogong ya gagwe, mme a gagola jase ya gagwe. A rwala mabogo mo tlhogong, mme a tswa a tsamaya, a lelela kwa godimo jaaka a tsamaya.²⁰Abosalomo kgaitsadie a mo raya a re, ''A Amonone o ne a na le wena? Mmme didimala, kgaitsadiaka. Amonone ke kgaitsadio. O se ka wa isa selo se kwa pelong.'' Jalo Tamare a nna a le nosi mo ntlong ya ga Abosalomo kgaitsadie. ²¹Mme fa kgosi Dafite a utlwa ka dilo tsotlhe tse, a tenega mo go golo. ²²Abosalomo a se ka amraya Amonone sepe, gonne Abosalomo o ne a mo ilela se a se dirileng Tamare, le ka fa a tlhabisitseng kgaitsadie Tamare ditlhong ka teng.²³Go ne ga diragala morago ga dingwaga tse pedi tse di tletseng gore Abosalomo a nne le babeodi ba dinku ba bereka kwa Bale Hasore, o o leng gaufi le Iforeimi, mme Abosalomo a laletsa barwa ba kgosi botlhe go etela koo. ²⁴Abosalomo a ya kwa kgosing mme a re, ''Bona jaanong, motlhanka wa gago o na le babeodi ba dinku. Tsweetswee, a kgosi le batlhanka ba gagwe ba ka tsamaya le nna, motlhanka wa gago.''²⁵Kgosi a araba Abosalomo, ''Nyaa, morwaaka, ga re a tshwanela go tsamaya rotlhe gonne re ka nna morwalo mo go wena.'' Abosalomo a rotloetsa kgosi, mme a se ka a tsamaya, mme mo sedgofatsa. ²⁶Abosalomo a re, ''Fa go sa nne jalo, tsweetswee letlelela morwarre Amonone go tsamaya le rona.'' Jalo kgosi a mo raya a re, ''Ke eng Amonone a tshwanetse go tsamaya le lona?''²⁷Abosalomo a gatelela Dafite, mme a letlelela ²⁸Amonone le barwa ba kgosi botlhe go tsamaya le ene. Abosalomo a laola batlhanka ba gagwe a re, ''Reetsang ka tlhwaafalo. Fa Amonone a simolola go tagwa ke mofine, mme fa ke le raya ke re, 'Tlhaselang Amonone,' foo le mmolaeng. Le se ka la boifa. A ga ke a le laola? Kgothalang le nne pelokgale.'' ²⁹Jalo batlhanka ba ga Abosalomo ba dira Amonone jaaka a ba laotse. Foo barwa ba kgosi ba ema ka dinao, monna mongwe le mongwe a palama mmoulo wa gagwe a sia.³⁰Ga diragala gore, fa ba ntse ba le mo tseleng, dikang di tle kwa go Dafite di re, ''Abosalomo o bolaile barwa ba kgosi botlhe, ga go na ope wa bone yo o setseng.'' ³¹Foo kgosi a ema ka dinao a gagaola diaparo tsa gagwe, a rapama fa fatshe mo bodilong; batlhanka botlhe ba gagwe ba ema fa thoko ga gagwe ka diaparo tse di gagotsweng.³²Jehonatabe morwa Shama, morwarraa Dafite, a araba a re, ''A mong wa me a se ka a dumela gore ba bolaile bannana botlhe ba e leng barwa ba kgosi, gonne ke Amonone fela yo o suleng. Abosalomo o rulagantse se go tloga ka letsatsi le Amonone a beteletseng kgaitsadie Tamare ka lone. ³³Jalo a mong wa me a se ka a tseela pego e kwa pelong, go dumela gore barwa botlhe ba kgosi ba sule, gonne go sule Amonone a le nosi.''³⁴Abosalomo a sia. Motlhanka yo o neng a lebile a tsholetsa matlho a gagwe mme a bona batho ba le bantsi ba tla mo tseleng mo thoko ga thaba kwa bophirimatsatsi jwa gagwe. ³⁵Foo Jehonatabe a raya kgosi a re, ''Bona, barwa ba kgosi ba etla. Go ntse fela jaaka motlhanka wa gago a buile.'' ³⁶Jalo ga diragala gore e re fela fa a fetsa go bua barwa ba kgosi ba goroge, mme ba tsholetsa mantwe a bone ba lela. Mme kgosi la batlhanka ba gagwe botlhe le bone ba lela mo go botlhoko.³⁷³⁸³⁹Mme Abosalomo a siela kwa go Talamai morwa Amihudi, kgosi ya Geshuru. Tafita a hutsafalela morwawe letsatsi le letsatsi. Jalo Abosalomo a siela kwa Geshuru, kwa a nnileng teng dingwaga tse tharo. Tlhaloganyo ya ga kgosi Tafita ya eletsa go tswa a ya go bona Abosalomo, gonne o ne a gomotsegile mabapi le Amonone le loso lwa gagwe.

14¹Jaanong Joabe morwa Seruia a lemoga gorenpeloya kgosi e eletsabgo bona Abosalomo. ²Jalo Joabe a romela lefoko kwa Tekoa gore a tsisediwe mosadi yo o botlhale. A mo raya a re, ''Tsweetswee iketsise jaaka mohutsafadi mme o apare diaparo tsa khutsafalo. Tsweetswee o se ka wa itlotsa ka leokwane, mme o nne jaaka mosadi yo o hutsafaletseng baswi ka nako e telele. ³Foo o ye kwa kgosing, mme o bue le kgosi ka dilo tse ke tla di kayang.'' Jalo Joabe a mmolelela mafoko a a tla a rayang kgosi.⁴Fa mosadi yo otswang kwa Tekoa a bua le kgosi, a ribama ka sefatlhego se le fa fatshe mme a re, ''Nthuse kgosi.'' ⁵Kgosi a mo raya a re a re, ''Molato ke eng?'' A araba, ''Boammaaruri ke gore ke motlholagadi, monna wa me o sule. ⁶Nna, motlhanka wa gago, ke ne ke na le barwa ba le babedi, mme ba ne ba lwa kwa tshimong, mme ga bo go sena ope yo o ba tshereganyang. Mongwe wa bone a betsa yo mongwe mme a mmolaya.⁷Mme jaanong kgotlana yotlhe e eme ka dinao kgatlhanong le motlhanka wa gago, ya re, ''Re neele monna yo o iteileng morwarraagwe, gore re tle re mmolae, go duelela botshelo jwa morwarraagwe yo a mmolaileng.' Mme jalo gape ba tla nyeletsa mojaboswa. Go dira jalo ba tla tima legala le le nosi le le ntshaletseng, mme ba tla se ka ba tlogelele monna wa me leina le fa e le kokomana mo lefatsheng.''⁸Jalo kgosi a raya mosadi a re, ''Tsamaya o ye kwa ntlong ya gago, mme ke laola gore o direlwe sengwe.'' ⁹Mosadi yo o tswang Tekoa a fetola kgosi, ''Mong wa me, kgosi, a molato o nne mo go nna, le mo go ba lelapa la ga rre. Kgosi le setilo sa bogosi sa gagwe ga ba na molato.''¹⁰Kgosi a fetola, ''Ope yo o go rayang sepe, mo tsise kwa go nna, ga a kitla a go ama gape.'' ¹¹Foo mosadi a re, ''A kgosi a gakologelwe Modimo Yahweh, Modimo wa gago, gore mmusolosi wa madi a se ka a nyeletsa ope go tloga fa, gore ba tle ba se ka ba nyeletsa morwaake.'' Kgosi a fetola, ''Fela jaaka Modimo Yahweh a tshela, ga go na moriri o mongwe wa ga morwao o o tla welang fa fatshe.''¹²Foo mosadi a re, ''Tsweetswee letlelela motlhanka wa gago go bua lefoko gape le mong wa me kgosi.'' A re, ''Tswelela o bue.'' ¹³Jalo mosadi a re, ''Ke ene jaanong o logile selo se se ntseng jaana kgatlhanong le batho ba Modimo? Gonne mo go bueng ka selo se, kgosi o tshwana le motho yo o molato, ka gore kgosi ga a a busetsa gae morwawe yo o kobilweng. ¹⁴Gonne rotlhe re tshwanetse go swa, re tshwana le metsi a tshololetswe fa fatshe, a a se kakeng a selwa gape. Me Mdimo ga a ka ke a tlosa botshelo; boemong jwa moo, o batla tsela ya gore ba ba neng ba kobilwe ba buselediwe.¹⁵Jaanong, ka ke bona gore ke tsile go bua selo se le mong wa me kgosi, ke ka gore batho ba ntshositse. Jalo motlhanka wa gago o ne a ithaya a re, 'Jaanong ke tla bua le kgosi. ¹⁶Gongwe kgosi o tla dira kopo ya motlhanka wa gagwe. Gonne kgosi o tla nkutlwa, gore a tle a ntshe motlhanka wa gagwe mo seatleng sa monna yo o neng a tla nnyeletsa nna mmogo le morwaake, go tswa mo bosweng jwa Modimo.' ¹⁷Foo motlhanka wa gago a rapela, 'Modimo Yahweh, tsweetswee a lefoko la mong wa me kgosi le mphe kgololo, gonne mong wa me kgosi o tshwana le moengele wa Modimo mo go boleleng bomolemo go tswa mo bosuleng.' A Modimo Yahweh Modimo wa gagoa nna le wena.''¹⁸Foo kgosi a araba a raya mosadi a re, ''Tsweetswee o se ka wa mphitlhela sepe sa tse ke tla di go botsang.'' Mosadi a fetola, ''A mong wa me kgosi a bue.'' ¹⁹Kgosi a re, ''A seatla sa ga Joabe ga se na le wena mo dilong tsotlhe tse?'' Mosadi a araba mme a re, ''Jaaka o tshela mong wa me kgosi, ga go na ope yoo ka sielang kwa letsogong la moja kgotsa la molema go tswa mo gosepe se mong wa me kgosi a se buileng. Ke motlhanaka wa gago Joabe yo o ntaotseng a bo a mpolelela gore ke bue dilo tse motlhanka wa gago a di buileng tse. ²⁰Motlhanka wa gago Joabe o dirile se go fetola tsela e dilo di diragalang ka yone. Mong wa me o botlhale, jaaka botlhale jwa moengele wa Modimo, mme o itse sengwe le sengwe se se diragalang mo lefatsheng.''²¹Jalo kgosi a raya Joabe a re, ''Bona, ke tla dira selo se. Tsamaya, o busetse monnana Abosalomo morago.'' ²²Jalo Joabe a ribama ka sefatlhego se le fa fatshe go tlatla le go leboga kgosi. Joabe a re, ''Letsatsi leno ke a itse gore motlhanka wa gago o bonye botsalano mo ponong ya gago, mong wa me , kgosi, ka gore kgosi o dirile kopo ya motlhanka wa gagwe.''²³Jalo Joabe a ema ka dinao, a ya kwa Geshuru, mme a busetsa Abosalomo kwa Jerusalema. ²⁴Kgosi a re, ''O ka boela kwa ntlong ya gagwe, mme ga a na go bona sefatlhego sa me.'' Jalo Abosalomo a boela kwa ntlong ya gagwe, mme a se ka a bona sefatlhego sa kgosi.²⁵Jaanong mo Iseraele otlhe go ne go sena ope yo o bokiwang ka bontle jwa gagwe jaaka Abosalomo. Go tswa bogatong jwa lenao la gagwe go fitlha kwa godimo ga tlhogo ya gagwe go ne go sena selabe sepe. ²⁶Fa a kgaola moriri wa tlhogo ya gagwe kwa bofelong jwa ngwaga nngwe le nngwe, ka lebaka la gore o ne o le bokete mo go ene, o ne a o kala; o ne o nna bokete jwa dishekele di le makgolo a mabedi, jo bo lekanngwang ka seelo sa kgosi. ²⁷Abosalomo a tsholelwa barwa ba bararo le mosetsana yo o neng a bidiwa Tamare. Tamare o ne a mosadi yo montle.²⁸Abosalomo a nna mo Jerusalema dingwaga tse pedi tse di tletseng a sa bone sefatlhego sa kgosi. ²⁹Foo Abosalomo a romela lefoko kwa go Joabe gore a tle a mo romele kwa kgosing, mme Joabe a se ka a tla kwa go ene.Jalo Abosalomo a romela lefoko la bobedi, mme Joabe a se ka a tla.³⁰Jalo Abosalomo a raya batlhanka ba gagwe a re, ''Bonang, tshimo ya ga Joabe e gaufi le ya me, mme o na le bali koo. Tsamayang le ye go e tshuba.'' ³¹Jalo batlhanka ba ga Abosalomo ba ya go tshuba tshimo ka molelo. Foo Joabe a ema ka dinao a tla kwa go Abosalomo kwa ntlong ya gagwe, mme a mo raya a re, ''Ke eng batlhanka ba gago ba tshubile tshimo ya me ka molelo?''³²Abosalomo a araba Joabe, ''Bona, ke rometse lefoko kwa go wena ke re, 'Tla kwano gore ke go rome kwa kgosing gore o re, ''Ke eng ke boese kwano go tswa Geshuru? Go ka bo go le botoka fa ke ka bo ke santse ke le kwa teng. ³³Jalo he, ntetlelele go bona sefatlhego sa kgosi, mme fa ke le molato, a a mpolae.'' Jalo Joabe a ya a bolelela kgosi. Fa kgosi a bitsa Abosalomo, a tla kwa kgosing mme a ikobela fa fatshe fa pele ga kgosi, mme kgosi a atla Abosalomo.

15¹Go ne ga diragala morago ga se gore Abosalomo a ipaakanyetse kolotsana ya ntwa le dipitse, ka banna ba le masome a matlhano ba mo patile. ²Abosalomo o ne a tsoga makuku mme a bo a ema fa thoko ga tsela e e yang kwa kgorong ya toropokgolo. Fa motho ope a na le kgang go e tsisa fa pele ga kgosi go atlholwa, foo Abosalomo o ne a mmitsa mme a bo a re, ''O tswa kwa toropokgolong efe?'' Mme motho o tla bo a araba a re, ''Motlhanka wa gago o tswa kwa mongweng wa merafe ya Iseraele.''³Jalo Abosalomo o tla bo a mo raya a re, ''Bona, kgang ya gago e molemo ebile e tlhamaletse, mme ga go na ope yo o rebotsweng ke kgosi go reetsa kgang ya gago.'' ⁴Abosalomo a tlatsa, ''Ke eletsa gore ke ka bo ke tlhomiwa go nna moatlhodi mo lefatsheng, gore motho mongwe le mongwe yo o nang le kgotlhang kgotsa kgang a tle kwa go nna, mme ke mo neele katlholo!''⁵Jalo ga diragala gore fa motho mongwe le mongwe a tla kwa go Abosalomo go mo fa tlotlo, Abosalomo o ne a otlolola letsogo la gagwe a mo tshwara a bo a mo atla. ⁶Abosalomo o ne a itshwara jaana mo go Iseraele otlhe yo o neng a tla kwa kgosing go atlholelwa kgang. Jalo Abosalomo a utswa dipelo tsa banna ba Iseraele.⁷Go ne ga diragala kwa bokhutlong jwa dingwaga tse 4 gore Abosalomo a reye kgosi a re. ''Tsweetswee ntetlelele ke tsamae mme ke ye go duela maikano a ke a ikanetseng Modimo Yahweh kwa Heberone. ⁸Gonne motlhanka wa gago o dirile maikano fa ke nna kwa Geshuru kwa Aramo, ke re, 'Fa e le ruri Modimo Yahweh a ka mpusetsa kwa Jerusalema, foo ke obamela Modimo Yahweh.''⁹Jalo kgosi a mo raya a re, ''Tsamaya ka kagiso.'' ¹⁰Jalo Abosalomo a ema ka dinao a ya Heberone. Mme Abosalomo a romela batsayaditlholwa go ralala merafe yotlhe ya Iseraele, a re, ''Fela jaaka le tla bo le utlwa modumo wa torompeta, foo le bue le re, 'Abosalomo ke kgosi kwa Heberone.'''¹¹Abosalomo o logile mo Jerusalema le banna ba le makgolo a mabedi ba ba neng ba laleditswe. Ba tsamaile ka bosenang-molato jwa bone, ba sa itse se Abosalomo a se rulagantseng. ¹²Fa Abosalomo a santse a ntsha ditlhabelo, a roma bangwe go bitsa Ahithofele go tswa toropong ya gagabo ya Gilo. O ne a le mogakolodi wa ga Tafita. Matlhale a ga Abosalomo a ne a le maatla, gonne batho ba neng ba sala Abosalomo morago ba ne ba oketsega ka iketlo.¹³Morongwa a tla kwa go Dafite a re, ''Dipelo tsa banna ba Iseraele di setse Abosalomo morago.'' ¹⁴Jalo Dafite a raya batlhanka ba gagwe ba ba neng ba na le ene kwa Jerusalema a re, ''Emang ka dinao mme re sieng, eseng jalo ga go na ope wa rona yo o tla falolang mo go Abosalomo. Baakanyetsang go tswa ka bonako, eseng jalo o tloga a re tshwara ka bonako, mme a tloge a tsise sebetso mo go rona, a bo a tlhasela toropokgolo ka bogale jwa tshaka.'' ¹⁵Batlhanka ba kgosi ba raya kgosi ba re, ''Bona , batlhanka ba gago ba ipaakanyeditse go dira sengwe le sengwe se mong wa rona kgosi a se akanyang.''¹⁶Kgosi a tswa mme ba lelapa la gagwe ba mo sala morago, mme kgosi a tlogela basadi ba le lesome, ba e neng e le dinyatsi, go tlhokomela ntlo ya bogosi. ¹⁷Morago ga fa kgosi a sena go tswa le batho ba ba neng ba mo setse morago, ba ema kwa ntlong ya bofelo. ¹⁸Sesole sotlhe sa gagwe se ne sa tsamaya le ene, mme fa pele ga gagwe ga tsamaya Bacherethi botlhe le Bapherethi botlhe, le Bahite botlhe - banna ba le makgolo a marataro ba ba neng ba mo sala morago go tswa kwa Gathe.¹⁹Foo kgosi a raya Itai wa Mogiti a re, ''Ke eng le wena o tsamaya le rona? Boa mme o nne le kgosi Abosalomo, gonne o motswakwa ebile o motshabi. Boela morago kwa gaeno. ²⁰Ka go bo o dule maabane fela jaana, ke eng ke tla go dira gore o kailekalile mo le rona? Ga ke itse le gore ke ya kae. Jalo boa mme o tseye bagaeno o tsamae le bone. A bineelo le boikanyego di tsamae le wena.''²¹Mme Itai a araba kgosi a re, ''Jaaka Modimo Yahweh a tshela, gape le jaaka mong wa me kgosi a tshela, ammaaruri gongwe le gongwe kwa mong wa me kgosi a go yang, motlhanka wa gago o tla ya teng, go sa kgthatsege gore go raya go tshela kgotsa go swa.'' ²²Jalo Dafite a raya Itai a re, ''Tswelela pele o tsamae le rona.'' Jalo Itai wa Mohite a tsamaya le kgosi, gammogo le banna ba gagwe le malapa a a neng a na le ene. ²³Lefatshe lotlhe le ne la lela ka lentswe le le kwa godimo jaaka batho botlhe ba feta ba kgabaganya mokgatsha wa Kitirone, le jaaka kgosi le ene a ne a kgabaganya. Batho botlhe ba ne ba tsamaya mo tseleng e e yang kwa sekakeng.²⁴Le Satoko a na le Balefi botlhe, ba rwele letlole la kgolagano la Modimo, ba ne ba le teng. Ba baya letlole fa fatshe, mme Abiathara a ba tlatsa. Ba leta go fitlha batho botlhe ba sena go feta ba tswa mo toropokgolo. ²⁵Kgosi a raya Satoko a re, ''Rwalelang letlole la Modimo le lebusetseng morago kwa toropokgolong. Fa ke ka bona botsalano mo matlhong a Modimo Yahweh, o tla mpusetsa morago kwano a bo a mpontsha letlole gape le lefelo la fa a nnang teng. ²⁶Mme fa a re, 'Ga ke itumele ka wena,' bona, ke fano, a a ntire sepe se se lebegang se le molemo mo go ene.''²⁷Kgosi a boa a raya Satoko wa moperesiti a re, ''A ga o yo o bonang mo moweng? Boela mo motseng mogolo ka kagiso, wena le barwa ba gago ba babedi, morwao Ahimase, le Jonathane morwa Abiathara. ²⁸Bona, ke tla leta kwa matsibogong a Araba go fitlha lefoko le tla go tswa kwa gowena go nkitsise sengwe.'' ²⁹Jalo Satoko le Abiathara ba rwalela letlole morago go tsena mo Jerusalema, mme ba nna koo.³⁰Mme Tafita a palama Thaba ya Letlhware a sa rwala ditlhako a lela, mme a khurumeditse tlhogo ya gagwe. Monna mongwe le monwe wa batho ba ba neng ba na le ene a khurumetsa tlhogoya gagwe, mme ba tsamaya ba lela ba palama. ³¹Mongwe a bolelela Dafite a re, ''Ahithofele mo gare ga diingaodi tse di nang le Abosalomo.'' Jalo Dafite a rapela, ''O, Modimo Yahweh, tsweetswee fetola kgakololo ya ga Ahithofele go nna boeleele.''³²Ga diragala gore fa Dafite a fitlha kwa godimo ga tsela, kwa Modimo a kileng a bo a obamelwa teng, Hushai wa Moaraki a tla go mo kopantsha a gagotse jase ya gagwe ebile a rwele mmu mo tlhogong. ³³Dafite a mo raya a re, ''Fa o ka tsamaya le nna, o tla nna morwalo mo go nna. ³⁴Mme fa o ka boela kwa toropokgolong wa raya Abosalomo wa re, 'Ke tla nna motlhanka wa gago, kgosi jaaka ke ne ke le motlhanka wa ga rraago mo nakong e e fetileng, jalo ke tla nna motlhanka wa gago jaanong,' foo o tla ntlhakatlhakanyetsa kgakololo ya ga Ahithofele.³⁵A gape o tla bo o sena le Stoko le Abiathara ba baperesiti? Jalo sepe se o se utlwang mo ntlong ya bogosi ya kgosi, o tshwanetse go se bolelela Satoko le Abiathara ba baperesiti. ³⁶Tlhomamisa gore ba na le barwa ba bone koo, Ahimase morwa Satoko le Jonathane morw Abiathara. O tshwanetse go nthomelela ka seatla sa bone sengwe le sengwe se o se utlwang.'' ³⁷Jalo Hushai, tsala ya ga Dafite a tsena mo toropokgolong jaaka Abolsalomo a ne a goroga a bo a tsena mo Jerusalema.

16¹Fa Dafite a sena go tsamaya sekgala se sekhutshwane mo godimo ga setlhoa sa thaba, Siba, motlhanka wa ga Mefiboshethe a mo kopantsha ka ditonki tse pedi di belesitswe dithoto; mo go tsone e ne e le marotho a le makgolo a mabedi, diako tsa moretlwa wa sekgoa o o omisitsweng di le lekgolo, le dingata tsa mofeige di le lekgolo, le lekuka la mofine. ²Kgosi a raya Siba a re, ''Ke eng o tsisitse dilo tse?'' Siba a fetola, ''Ditonki ke tse di palangwang ke ba ntlo ya ga kgosi, marotho le mofeige ke tse di jewang ke banna ba gago, mme mofine ke wa ope yo o tla utlwang lenyora mo sekakeng gore a nwe.''³Kgosi a re, ''Ngwana wa ngwana wa mong wa gago o kae?'' Siba a fetola kgosi, ''O setse kwa morago kwa Jerusalema, gonne o ne a re, 'Letsatsi leno ntlo ya Iseraele e tla buseletsa bogosi jwa ga rre kwa go nna.''' ⁴Foo kgosi a raya Siba a re, ''Bona, gotlhe mo e neng e le ga ga Mefiboshethe jaanong ke ga gago.'' Siba a araba, ''Ke a go ikokobeletsa mong wa me, kgosi. A ke bone botsalano mo ponong ya gago.''⁵Fa kgosi Dafite a lebile go tsena kwa Bahurimi, ga tswa monna mongwe koo wa kgotlana ya ga Saulo, yo leina la gagwe e leng Shimei morwa Gera. O ne a tla a hutsa a ntse a tsamaya. ⁶A kolopa Dafite le badiredi botlhe ba gagwe ka matlapa, a sa kgathale ka badisa kgosi ba ba leng ka kwa mojeng le ka kwa molemeng wa kgosi.⁷Shimei a goa a hutsa, ''Tswa o tsamae, tswaya fa, senokwane ke wena, monna wa madi ke wena! ⁸Modimo Yahweh o le duetse lotlhe ka lebaka la madi a ba lelapa la ga Saulo, yo o busitseng mo boemong jwa gagwe. Modimo Yahweh o neetse bogosi mo seatleng sa morwao Abosalomo. Jaanong o senyegile ka gore o monna wa madi.''⁹Foo Abishai morwa Seruia, a raya kgosi a re, ''Ke eng ntsa e e suleng e ed hutsa mong wa me kgosi? Tsweetswee mma ke ye fa go ene ke tlose tlhogo ya gagwe.'' ¹⁰Mme kgosi a re, ''Ke direng ka lona, barwa Seruia? Gongwe o mphutsa jaana ka gore Modimo Yahweh a rile, 'Hutsa Dafite.' Ke mang jaanong yo o ka mo rayang a re, 'Ke eng o hutsa kgosi?'''¹¹Jalo Dafite a raya Abishai le batlhanka ba gagwe botlhe, ''Bonang, morwaake, yo o tshotsweng go tswa mo mmeleng wa me, o batla go mpolaya. Jaanong Mobenjamene yo o eletsa go le kae go ntshenya? Mo leseng a hutse, gonne Modimo Yahweh o mo laotse go dira jalo. ¹²Gongwe Modimo Yahweh o tla leba matlhotlhapelo a a tsisitsweng mo go nna, mme a ntuele ka bomolemo ka lebaka la go mphutsa ga gagwe letsatsi leno.''¹³Jalo Dafite le banna ba gagwe ba tsamaya mo tseleng, fa Shimei a ne a tsamaya mo mhapheng wa thaba, a hutsa ebile a mo kolopa ka lerole le matlapa a ntse a tsamaya. ¹⁴Foo kgosi le batho ba a neng a tsamaya le bone ba lapa, mme a ikhutsa fa ba ema ka go bo go le bosigo.¹⁵Fa e le Abosalomo le banna ba Iseraele ba ba neng ba na le ene, ba tla mo Jerusalema, mme Ahithofele o ne a na le ene. ¹⁶Ga diragala fa Hushai wa Moaraki, tsala ya ga Dafite, a sena go tla kwa go Abosalomo, Hushai a raya Abosalomo a re, ''Tshelela ruri kgosi! Tshelela ruri kgosi!''¹⁷Abosalomo a raya Hushai a re, ''A se ke boineelo jwa gago mo tsaleng ya gago? Ke eng o sa tsamaya le ene?'' ¹⁸Hushai a raya Abosalomo a re, Nnyaa! Boemong jwa moo, ene yo Modimo Yahweh le batho ba, le banna botlhe ba Iseraele ba mo tlhophileng, ke ene monna yo ke tla nnang wa gagwe, mme ke tla nna le ene.¹⁹Gape, ke monna ofe yo ke tshwanetseng go mo direla? A ga ke a tshwanela go direla mo bolengteng jwa morwawe? Fela jaaka ke ne ka direla mo bolengteng jwa ga rraago, ke tla direla mo bolengteng jwa gago.''²⁰Foo Abosalomo a raya Ahithofele a re, ''Re neele kgakololo ya gago mabapi le gore re dire eng.'' ²¹Ahithofele a araba Abosalomo, ''Tsamaya o ye go robalana le basadi ba ga rraago ba makgoba ba ba tlogetsweng go tlhokomela ntlo ya bogosi, mme Iseraele o tla utlwa gore o fetogile go nna monko wa sebodu mo go rraago. Foo matsogo a botlhe ba ba nang le wena a tla tia.''²²Jalo ba bapolela Abosalomo tante fa godimo ga ntlo ya bogosi, mme Abosalomo a robalana le basadi ba ga rraagwe ba makgoba mo ponong ya Iseraele otlhe. ²³Jaanong kgakololo ya ga Ahithofele e a neng a e neela mo matsatsing ao e ne e kare ya monna yo o utlwileng mo molomong wa Modimo ka sebele. Ke ka fa kgakololo yotlhe ya ga Ahithofele e neng e lejwa ke Dafite le Abosalomo ka teng.

17¹Foo Ahithofele a raya Abosalomo a re, ''Jaanong mma ke tlhophe banna ba le dikete tse di lesome le bobedi, mme ke eme ka dinao ke alole Dafite bosigo jo. ²Ke tla mo wela a santse a lapile ebile a le bokoa mme ke tla mo tshoganyetsa ka poifo. Batho ba a nang le bone ba tla sia, mme ke tla tlhasela kgosi fela. ³Ke tla busetsa batho botlhe kwa go wena, jaaka monyadiwa a tla kwa monneng wa gagwe, mme batho botlhe ba tla nna mo kagisong ka fa tlase ga gago.'' ⁴Se Ahithofele a se buileng sa itumedisa Abosalomo le bagolwane botlhe ba Iseraele.⁵Foo Abosalomo a re, ''Jaanong bitsang Hushai wa Moaraki, le ene, mme re utlwe gore a reng.'' ⁶Fa Hushai a sena go tla kwa go Abosalomo, Abosalomo a mo tlhalosetsa se Ahithofele a se buileng, mme a botsa Hushai, '' A re dire se Ahithofele a se buileng? Fa go sa nna jalo, re bolelele gore o gakolola o reng.'' ⁷Jalo Hushai a raya Abosalomo a re, ''Kgakololo e Ahithofele a e neileng gompieno ga e molemo.''⁸Hushai a tlatsa, ''O a itse gore rraago le banna ba a nang le bone ke dinatla tsa ntwa, gape ba tletse bogalaka, mme ba tshwana le bera e e utsweditsweng bana mo nageng. Rraago ke monna wa ntwa; ga a na go robala le masole bosigo jo. ⁹Bona, jaanong jaana gongwe o iphitlhile mo mosimeng kgotsa golo gongwe. Go tla diragala gore fa bangwe ba banna ba gago ba sena go bolawa kwa tshimologong ya tlhaselo, gore ope yo o tla utlwang se o tla re, 'Polao e diragetse gareng ga masole a a salang Abosalomo morago.' ¹⁰Foo le masole a a pelokgale go feta, a apelo e tshwanang le ya tau, a tla tshoga gonne Iseraele otlhe o itse gore rraago ke monna wa senatla, le banna ba a nang le bone ba thata tota.¹¹Jalo ke go gakolola gore Iseraele otlhe a kgobokanyediwe kwa go wena, go tswa Tene go ya kwa Beeresheba, ba le bantsi jaaka motlhaba o o fa thoko ga lewatle, mme o ye ntweng wena ka sebele. ¹²Foo re tla tla kwa go ene gope kwa a ka bonwang teng, mme re tla mo apesa jaaka monyo o wela fa fatshe. Ga re na go tlogela le fa e le monna a le mongwe wa banna ba gagwe, kgotsa ene a tshela.¹³Fa a kata ka morago go tsena mo toropokgolong, foo Iseraele otlhe o tla tsisa megala kwa toropokgolong eo, mme re tla e gogela mo nokeng, go fitlhelela go ka se tlhole go ka bonwa letlapana foo.'' ¹⁴Foo Abosalomo le banna ba Iseraele ba re, ''Kgakololo ya ga Hushai wa Moaraki e botoka go feta ya ga Ahithofele.'' Modimo Yahweh o ne a dirile gore kgakololo e e siameng ya ga Ahithofele e ganwe gore Abosalomo a senngwe.¹⁵Foo Hushai a raya Satoko le Abiathare ba baperesiti a re, ''Ahithofele o gakolotse Abosalomo le bagolwane ba Iseraele jaana le jaana, mme ke gakolotse sengwe se sele. ¹⁶Jaanong, tsamayang ka bonako le begelele Dafite; le mo reye le re, 'O se ka wa kampa fa matsibogong a Araba bosigo jo, dira gotlhe go kgabaganya, go seng jalo kgosi o tla komediwa le batho botlhe ba a nang le bone.'''¹⁷Jaanong Jonathane le Ahimase ba ne ba nna kwa motsweding wa Rogele. Motlhanaka wa mosadi o ne a tlhola a tla go ba itsise dilo tse ba neng ba tshwanetse go di itse, gonne ba ne ba ka se ka ba itsenya mo diphatseng ka go bonwa ba tsena mo toropokgolong. Fa molaetsa o se na go goroga, foo ba ne ba tshwanela go ya go bolelela kgosi Dafite. ¹⁸Mme lekau lengwe la ba bona mme a bolelela Abosalomo. Jalo Jonathane le Ahimase ba tswa ka bonako ba mme ba tla kwa ntlong ya monna mongwe kwa Bahurimi, yo o neng a na le petse mo lelwapaneng mme ba tsena mo go yone.¹⁹Mosadi wa monna yoo a tsaya se se khurumetsang petse a se ala go khurumetsa molomo wa petse, mme a gasa mabele mo godimo ga sone, jalo ga se ka ga nna ope yo o neng a itse gore Jonathane le Ahimase ba mo teng ga petse. ²⁰Banna ba ga Abosalomo ba tla kwa mosading wa ntlo ba re, ''Ahimase le Jonathane ba kae?'' Mosadi a ba bolelela, ''Ba kgabagantse noka.'' Jalo morago ga go leba fa le fale mme ba sa ba bone, ba boela morago kwa Jerusalema.²¹Ga diragala gore e re ba sena go tsamaya, Jonathane le Ahimase ba tswe mo petseng. Ba tsamaya ba ya go begelela kgosi Dafite; ba mo raya ba re, ''Ema ka dinao o kgabaganye metsi ka bonako gonne Ahithofele o gakolotse jaana le jaana ka wena.'' ²²Foo Dafite a emelela mmogo le batho ba ba neng ba na le ene mme ba kgabaganya Jorotane. Ka nako ya letsatsi le tlhaba ke fa go sena ope wa bone yo o paletsweng ke go kgabaganya Jorotane.²³Fa Ahithofele a bona gore kgakololo ya gagwe ga e ya salwa morago, a baya sale mo tonking ya gagwe mme a tsamaya. O ne a ya gae kwa toropokgolong e e leng ya gagabo, a baya dilo tsa gagwe sentle mme a ikaletsa. O ne a swa ka tsela e, mme a bolokwa mo lebitleng la ga rraagwe.²⁴Foo Dafite a tla kwa Mahanaimi. Fa e le ka ga Abosalomo, o ne a kgabaganya Jorotane, ene le banna botlhe ba Iseraele ba ba neng ba na le ene. ²⁵Abosalomo o ne a baya Amasa go etelela sesole mo boemong jwa ga Joabe. Amasa e ne e le morwa Jethere wa Moishimaele, yo o neng a robalana le Abigaili, yo e neng e le morwadia Nahashe gape e le monnawe Seruia, mmaagwe Joabe. ²⁶Foo Iseraele le Abosalomo ba kampa kwa lefatsheng la Gileate.²⁷Go ne ga diragala fa Dafite a sena go goroga kwa Mahanaimi, gore Shobi morwa Nahashe go tswa kwa Raba wa Baamone, le Machiri morwa Amiele go tswa kwa Lo Diba, le Barasilai wa Mogileate go tswa kwa Rogelimi, ²⁸ba tsisa diphate tse di alwang go robalwa le dikobo, dibeisane le dipitsa, le korong, le boupe jwa bali, mabele a a besitsweng, dinawa, ²⁹tswine, botoro, dinku, le mashi a a remileng, gore Dafite le batho ba a nang le bone ba je. Banna ba ba nebba rile, ''Batho ba tshwerwe ke tlala, ba lapile e bile ba nyorilwe mo sekakeng.''

18¹Dafite a bala masole a a nang le ene mme a tlhoma baeteledipele ba dikete le ba makgolo mo go bone. ²Foo Dafite a romela sesole, bongwe mo borarong bo le ka fa tlase ga taolo ya ga Joabe, bongwe mo borarong jo bongwe ka fa tlase ga taolo ya ga Abishai morwa Seruia, morwarraa Joabe, mme bongwe mo borarong jo bongwe bo le ka fa tlase ga taolo ya ga Itai wa Mohite. Kgosi a raya sesole a re, ''Ke tlhomamisa fa ke tla tsamaya le lona.''³Mme banna ba re, ''Ga o a tshwanela go ya ntweng, gonne fa re tshaba ga ba na go kgathala ka rona, kgotsa fa sephatlo sa palo ya rona se swa ga ba na go kgathala. Mme wena o tlhwatlhwa e e lekanang le rona re le dikete tse di lesome! Jalo he, go botoka o ka ipaakanyetsa go re thusa o tswa motsemogolo.'' ⁴Jalo kgosi a ba araba, ''Ke tla le direla sepe se se lebegang se gaisa.'' Kgosi a ema fa kgorong ya toropokgolo jaaka sesole sotlhe se tswela kwa ntle ka makgolo le dikete tsa sone.⁵Kgosi a laola Joabe, Abishai, le Itai, a re, ''Ka lebaka la me le nne bonolo mo lekaung le go tweng Abosalomo.'' Batho botlhe ba ne ba utlwa gore kgosi o neetse baeteledipel ba sesole taelo e ka Abosalomo.⁶Jalo sesole sa tswela kwa ntle kwa sekgweng go lwa le Iseraele; ntwa e ne ya anamela kwa sekgweng sa Iforeimi. ⁷Sesole sa Iseraele sa fenngwa koo fa pele ga masole a ga Dafite; go ne ga nna le polao e kgolo koo ya banna ba le dikete tse di masome a mabedi mo letsatsing leo. ⁸Ntwa e ne ya anamela mo nageng yotlhe, mme banna ba le bantsi ba komediwa ke naga go feta ba ba bolailweng ke tshaka.⁹Abosalomo a kopana le mangwe a masole a ga Dafite. Abosalomo o ne a palame mmoulo wa gagwe, mme mmoulo wa tsamaela ka fa tlase ga dikala tse di kitlanyeng tsa setlhare sa mooka se segolo, mme tlhogo ya gagwe ya tshwarwa ke dikala tsa setlhare. O ne a sala a kaletse mo setlhareng fa mmoulo o a neng a o palame o tswelela o tsamaya. ¹⁰Mongwe a bona se mme a bolelela Joabe, ''Bona , ke bonye Abosalomo a kaletse mo setlhareng sa mooka!'' ¹¹Joabe a raya monna yo o neng a mmolelela ka Abosalomo a re, ''Bona! O mmonye! Ke eng o ne o sa mo iteele fa fatshe? Ke ka bo ke go file dishekele tse di lesome tsa selefera le lebante.''¹²Monna a fetola Joabe, ''Le fa ke ne ke ka amogela dishekele tsa selefera di le sekete, ke ne ke ntse ke tla se ka ke otlolola letsogo la me kgatlhanong le morwa wa kgosi, gonne rotlhe re utlwile kgosi fa a go laola le Abishai, le Itai, a re, 'Go se nne ope yo o amang lekau Abosalomo.' ¹³Fa ke ne ke ka bo ke tsentse botshelo jwa me mo diphatseng ka maaka(mme ga go na sepe se fitlhegetseng kgosi), o ka bo o ntlogetse.''¹⁴Jalo Joabe a re, ''Ke ne ke tla se ka ke go letela.'' Jalo Joabe a tsaya digai tse ditona di le tharo mo diatleng tsa gagwe mme a di phololetsa mo pelong ya ga Abosalomo, a santse a tshela a kaletse mo setlhareng sa mooka. ¹⁵Foo makau a le lesome a a neng a rwalela Joabe dibetsa a dikaganyetsa Abosalomo, ba mo tlhasela, mme ba mmolaya.¹⁶Foo Joabe a letsa torompeta, mme sesole sa emisa go alola Iseraele, gonne Joabe o ne a thibela sesole. ¹⁷Ba tsaya Abosalomo mme ba mo latlhela mo mosimeng o mogolo mo sekgweng; ba ne ba boloka mmele wa gagwe ka fa tlase ga mokoa o mogolo wa matlapa, fa Iseraele otlhe a sia, monna mongwe le mongwe a ya kwa legaeng la gagwe.¹⁸Jaanong, ka nako ya fa Abosalomo a santse a tshela, o ne a ikagela leotwana le legolo la matlapa mo Mokgatsheng Wa Kgosi, gonne o ne a re, ''Ga ke na morwa yo o ka tsweledisang go gakologelwa ga leina la me.'' O ne a fa leotwana leina la gagwe, jalo le ne la bidiwa Sefikantswe Sa Ga Abosalomo go fitlhelela gompieno.¹⁹Foo Ahimase morwa Satoko a re, ''Mma ke tabogeleng kwa kgosing ka dikgang tse di molemo, tsa ka fa Modimo Yahweh a mo namotseng mo seatleng sa baba ba gagwe.'' ²⁰Joabe a mo araba a re, ''Ga o na go nna motsisi wa dikgang letsatsi leno; o tshwanetse go dira jalo letsatsi le lengwe. Gompieno ga o na go isa dikgang dipe gonne morwa wa kgosi o sule.''²¹Foo Joabe a raya Mokhushi a re, ''Tsamaya, o bolelele kgosi se o se bonyeng.'' Mokhushi a obega fa pele ga ga Joabe, mme a taboga. ²²Foo Ahimase morwa Satoko a raya Joabe gape a re, ''Go sa kgathalesege gore go tla diragala eng, tsweetswee mma le nna ke taboge mme ke sale Mokhushi morago.'' Joabe a fetola, ''Ke eng o batla go taboga, morwaaka, jaaka o bona gore ga o na go nna le katso ya dikgang tse?'' ²³''Go sa kgathalesege gore go diragala eng,'' ga bua Ahimase, ''Ke tla taboga.'' Jalo Joabe a mo araba, ''Taboga.'' Foo Ahimase a taboga ka tsela ya leboa, mme a feta Mokhushi.²⁴Jaanong Dafite o ne a ntse fa gare ga kgoro e e kwa ntle le e e ka kwa teng. Molebeledi o ne a ile kwa godimo ga borulelo jwa kgoro e e tsenang mo leboteng, mme a tsholetsa matlho a gagwe. Ya re a leba, a bona monna a atamela, a taboga a le nosi. ²⁵Molebeledi a goa mme a bolelela kgosi. Foo kgosi a bua a re, ''Fa e le gore o nosi, go na le dikgang mo molomong wa gagwe.'' Motabogi a atamela toropokgolo.²⁶Foo molebeledi a lemoga monna yo mongwe a tabogile, mme molebeledi a bitsa modisakgoro; a re, ''Leba, go na le monna yo mongwe yo o tabogang a le nosi.'' Kgosi a re, ''Le ene o tsisa dikgang.'' ²⁷Jalo molebeledi a re, ''Ke akanya gore go taboga ga monna yo o kwa pele go tshwana le go taboga ga ga Ahimase morwa Satoko.'' Kgosi a re, ''Ke monna yo o molemo mme o tla ka dikgang tse di molemo.''²⁸Foo Ahimase a bitsa a raya kgosi a re, ''Tsotlhe di siame.'' Mme a obega fa pele ga kgosi sefatlhego sa gagwe se lebile fatshe mme a re, ''Go segofetse Modimo Yahweh, Modimo wa gago, yo o neetseng banna ba ba neng ba tsholeditse letsogo la bone kgatlhanong le monng wa me kgosi.'' ²⁹Foo kgosi a fetola, ''A go siame ka lekau, Abosalomo?'' Ahimase a araba, ''Fa Joabe a ne a nthoma kwa go wena, nna motlhanka wa gago, kgosi, ke ne ka bona kgoberego e kgolo, mme ka se ka ka itse gore ke eng.'' ³⁰Foo kgosi a re, ''Fapogela kwa thoko mme o eme fa.'' Foo Ahimase a fapogela kwa thoko, mme a ema a sa tshikhinyege.³¹Gone foo Mokhushi a goroga mme a re, ''Go na le dikgang tse di molemo tsa mong wa me kgosi, gonne Modimo Yahweh o go busoloseditse letsatsi leno kgatlhanong le botlhe ba ba neng ba tsogologile kgatlhanong le wena.'' ³²Foo kgosi a raya Mokhushi a re, ''A tsotlhe di siame ka lekau, Abosalomo?'' Mokhushi a araba, ''Baba ba mong wa me kgosi le botlhe ba ba tsogologang kgatlhanong le wena go go utlwisa bothoko, ba nne jaaka lekau lele le ntse.'' ³³Foo kgosi a tlhabega mo go golo, mme a tlhatlogela kwa ntlwaneng e e kwa godimo ga kgoro mme a lela. Jaaka a tsamaya o ne a hutsafala a re, ''Morwaaake Abosalomo, morwaake, morwaake Abosalomo! Ke eletsa go ka bo go sule nna mo boemong jwa gago, Abosalomo, morwaake, morwaake!''

19¹Joabe a bolelelwa, ''Bona, kgosi o hutsafetse ebile o lelela Abosalomo.'' ²Jalo phenyo ya letsatsi leo ya fetoga khutsafalo mo sesoleng sotlhe, gonne sesole se ne sa utlwa mo letsatsing leo gotwe, ''Kgosi o hutsafaletse morwawe.''³Jalo masole ba ngwangwaela ka tidimalo go tsena mo toropokgolong mo letsatsing leo, jaaka batho ba ba ditlhong ba ngwagwaela ba sia kwa ntweng. ⁴Kgosi a ipipa sefatlhego a lelela kwa godimo a re, ''Morwaake Abosalomo, Abosalomo, morwaake, morwaake!''⁵Foo Joabe a tsena mo ntlong kwa kgosing mme a mo raya a re, ''O tlhabisitse difatlhego tsa masole a gago otlhe ditlhong letsatsi leno, ba ba bolokileng botshelo jwa gago letsatsi leno, ba ba bolokileng matshelo a barwa le barwadiago, le matshelo a basadi ba gago, le matshelo a basadi ba gago ba makgoba, ⁶gonne o rata ba ba go ilang, mme o ila ba ba go ratang. Gonne letsatsi leno o supile gore balaola sesole le masole ga se sepe mo go wena. Letsatsi leno ke dumela gore fa Abosalomo a ka bo a tshedile, rona ra bo re sule rotlhe, seo se ka bo se go itumedisitse.⁷Jalo he, emelela, o tswele kwa ntle mme o bue ka bopelonomi le masole a gago, gonne ke ikana ka Modimo Yahweh, gore fa o sa ka ke wa tsamaya, ga go na a le mongwe wa banna yo o tla salang le wena bosigo jo. Seo se tla bo se le maswe thata go feta dibetso tse di kileng tsa go diragalela go tswa bonnyeng jwa gago go fitlhelela gompieno.'' ⁸Jalo kgosi a ema ka dinao mme a ya go nna fa kgorong ya toropokgolo, mme ga bolelelwa banna botlhe, ''Lebang, kgosi o ntse fa kgorong.'' Foo batho botlhe ba tla fa pele ga kgosi. Mme Iseraele ba tshaba, monna mongwe le mongwe a ya kwa ga gagwe.⁹Batho botlhe ba ne ba ngangisana mo merafeng yotlhe ya ya Iseraele ba re, ''Kgosi o re namotse mo seatleng sa baba ba rona. O re bolokile mo seatleng sa Bafilisitia mme jaanong o tshabile a tswa mo lefatsheng a tshaba Abosalomo. ¹⁰Mme Abosalomo yo re mo tloditseng go nna kgosi, o swetse kwa ntweng. Jaanong ke eng re sa bue ka go busetsa kgosi kwano?''¹¹Kgosi Dafite a roma mongwe go bitsa Satoko le Abiathare ba baperesiti a re, ''Buang le bagolwane ba Juta le re, 'Ke eng le le batho ba bofelo go busetsa kgosi kwa ntlong ya gagwe ya bogosi, gonne puo ya Iseraele yotlhe e supa botsalano mo kgosing, go mmusetsa kwa ntlong ya gagwe ya bogosi? ¹²Le barwarre, nama le marapo a me. Ke eng jaanong le le ba bofelo go busetsa kgosi?'¹³Mme le reye Amasa le re, 'A ga o nama le marapo a me? A Modimo a ntire jalo, a ntire go le gontsi, fa o sa nne molaolasesole wa sesole sa me go tloga jaanong go ya pele mo boemong jwa ga Joabe.''' ¹⁴Mme a gogela dipelo tsa banna botlhe ba Juta jaaka ekete ke motho a le mongwe, mo go dirileng gore ba rome mongwe kwa kgosing ba re, ''Boa, wena le banna botlhe ba gago.'' ¹⁵Jalo kgosi a boa mme a tla kwa Jorotane. Mme banna ba Juta ba tla kwa Giligala go tla go kopantsha kgosi, go pata kgosi go kgabaganya Jorotane.¹⁶Shimei morwa Gera, wa Mobenjamene, yo o neng a tswa kwa Bahurimi, a itlhaganela go fologela tlase le banna ba Juta go kopantsha kgosi Dafite. ¹⁷O ne a na le banna ba le sekete ba Benjamene, le Siba motlhanka wa ga Saulo le bana ba gagwe ba ba lesome le botlhano le batlhanka ba ba masome mabedi. Ba kgabaganya Jorotane ba na le kgosi. ¹⁸Ba kgabaganya go tsisa ba lelapa la kgosi le go dira sepe se a neng a akanya se siame. Shimei morwa Gera a ikobela fatshe fa pele ga kgosi pele a simolola go kgabaganya Jorotane.¹⁹Shimei a raya kgosi a re, ''O se ka, mong wa me, wa mpona molato kgotsa wa gakologela se motlhanka wa gago a se dirileng sa bodipa letsatsi le mong wa me kgosi a duleng mo Jerusalema ka lone. Tsweetswee, a kgosi a se ka a se isa kwa pelong. ²⁰Gonne motlhanka wa gago o a itse gore o leofile. Bona, ke sone se ke tsileng ke le wa ntlha mo lelapeng lotlhe la ga Josefa go tla kwano go kopantsha mong wa me kgosi.''²¹Mme Abishai morwa Seruia a araba mme a re, ''A Shimei ga a a tshwanelwa ke go bolawa, gonne o hutsitse motlodiwa wa ga Modimo Yahweh?'' ²²Foo Dafite a re, ''Ke dire eng ka lona bana ba ga Seruia, mo goreng letsatsi leno le bo le le baba ba me? A go tla nna le monna mongwe yo o tla bolawang mo Iseraele letsatsi leno? A letsatsi leno ga ke itse fa ke le kgosi mo Iseraele?'' ²³Jalo kgosi a raya Shimei a re, ''Ga o na go swa.'' Kgosi a mo solofetsa ka go ikana.²⁴Foo Mefiboshethe morwa Saulo a tla go kopantsha kgosi. O ne a sa hapisa dinao tsa gagwe, kgotsa go fokotsa ditedu tsa gagwe, kgotsa go tlhatswa diaparo tsa gagwe go tloga letsatsi le kgosi a duleng ka lone go fitlha letsatsi le a boileng ka lone mo kagisong. ²⁵Jalo fa a tswa Jerusalema go kopantsha kgosi, kgosi a mo raya a re, ''Ke eng o ne o sa tsamae le nna Mefiboshethe?''²⁶A araba, ''Mong wa me kgosi, motlhanka wa me o ntsieditse, gonne ke ne ka re, 'Ke tla baya sale mo tonking mme ke tle ke tsamae le kgosi, gonne motlhanka wa gago o segole.' ²⁷Motlhanka wa me Siba, o mpuile maswe, nna motlhanka wa gago, mo go wena mong wa me kgosi. Mme mong wa me kgosi o tshwana le moengele wa Modimo. Jalo he, dira se se siameng mo matlhong a gago. ²⁸Gonne ntlo yotlhe ya ga rre ba ne e le banna ba ba suleng fa pele ga mong wa me kgosi, mme o ne wa baya motlhanka wa gago go nna mongwe wa ba ba jang kwa tafoleng ya gago. Ke santse ke na le tshwanelo efe gape ya go ka lelela kwa go kgosi?''²⁹Foo kgosi a mo raya a re, ''Ke eng o tshwanetse go tlhalosa sepe go feta? Ke tsere tshwetso ya gore wena le Siba le kgaogane masimo.'' ³⁰Jalo Mefiboshethe a fetola kgosi, ''Ee, mma a di tsee tsotlhe, gonne mong wa me kgosi o boetse gae ka pabalesego.''³¹Foo Barasilai wa Mogiliate a tla a fologa go tswa Rogelimi go tla go kgabaganya Jorotane le kgosi, mme a pata kgosi go kgabaganya Jorotane. ³²Jaanong Barasilai e ne e le monnamogolo yo o tsofetseng thata, o ne a le dingwaga di 80. O ne a neela kgosi mhago fa a santse a nna kwa Mahanaimi, gonne e ne e le monna yo o humileng thata. ³³Kgosi a raya Barasilai a re, ''Tlaya le nna, mme ke tla go tlamela gore o nne le nna kwa Jerusalema.''³⁴Barasilai a fetola kgosi, ''Ke saletswe ke matsatsi a le kae mo dingwageng tsa botshelo jwa me, mo ke ka yang le kgosi kwa Jerusalema? ³⁵Ke na le dingwaga di le 80. A ke ka farologanya gare ga bomolemole bosula? A motlhanka wa gago o ka utlwa gore o ja kgotsa o nwa eng? A ke santse ke ka kgona go utlwa lentswe la banna kgotsa basadi ba opela? Ke eng jaanong motlhanka wa gago a tshwanetse go nna morwalo mo go mong wa me kgosi? ³⁶Motlhanka wa gago o eletsa fela go kgabaganya Jorotane le kgosi. Ke eng kgosi a tshwanetse go ntuela ka katso e e ntseng jaana?³⁷Tsweetswee letla motlhanka wa gago go boela gae, gore ke swele kwa toropokgolong ya gaetsho fa thoko ga lebitla la ga mme le rre. Mme bona, motlhanka wa gago Kimohamo ke yo. Mo letle a kgabaganye le mong wa me kgosi, mme a go direle se se lebegang se siame mo go wena.''³⁸Kgosi a araba, ''Kimihamo o tla kgabaganya le nna, mme ke tla mo direla se se lebegang se siame mo go wena, mme sengwe le sengwe se o se eletsang go tswa go nna, ke tla se go direla.'' ³⁹Foo batho botlhe ba kgabaganya Jorotane, mme le kgosi a kgabaganya, mme kgosi a atla Barasilai a bo a mo segofatsa. Foo Barasilai a boela gae.⁴⁰Jalo kgosi a kgabaganyetsa kwa Giligala, mme Kimihamo a kgabaganya le ene. Sesole sotlhe sa Juta sa tsisa kgosi moseja, mmogo le sephatlo sa sesole sa Iseraele. ⁴¹Go ise go fete nako e ntsi banna botlhe ba Iseraele ba simolola go tla kwa kgosing mme ba mo raya ba re, ''Ke eng barwarraarona, banna ba Juta, ba go utswitse mme ba tsisa kgosi le ba lelapa la gagwe moseja wa Jorotane, le banna ba ga Dafite a na le bone?''⁴²Jalo banna ba Juta ba araba banna ba Iseraele, ''Ke ka lebaka la gore kgosi o lesika le le atamelaneng le rona thata. Ke eng jaanong le tennwe ke se? A re jele sepe se kgosi a tshwanetseng go se duelela? A o re file dimpho dingwe?'' ⁴³Banna ba Iseraele ba araba banna ba Juta, ''Re na le merafe e le lesome e e tsalanang le kgosi, jalo re na le tshwanelo e kgolo mo go Dafite go na le lona. Jaanong ke eng le ne la re nyatsa? A mogopolo wa rona wa go busetsa kgosi ga se one wa ntlha go utlwiwa?'' Mme mafoko a banna ba Juta a ne a nna makgwakgwa thata go feta mafoko a banna ba Iseraele.

20¹Ga diragala gore mo lefelong leo ga bo go na le mongwe yo o letshwenyo a bidiwa Sheba morwa Bikiri, wa Mobenjamene. A letsa torompeta mme a re, ''Ga re na kabelo mo go Dafite, le gone ga re na boswa bope mo go morwa Jese. A monna mongwe lemongwe a ye kwa ga gagwe, Iseraele.'' ²Jalo banna botlhe ba Iseraele ba phatlalalela Dafite mme ba sala Sheba morwa Bikiri morago. Mme banna ba Juta ba sala morago kgosi ba mo atametse, go tswa Jorotane tsela yotlhe go ya kwa Jerusalema.³Fa Dafite a goroga kwa ntlong ya gagwe ya bogosi kwa Jerusalema, a tsaya basadi ba gagwe ba makgoba ba ba lesome ba a neng a ba tlogetse go tlhokomela ntlo ya bogosi, mme a ba baya ba disitswe mo ntlong. O ne a ba neela tse ba di tlhokang, mme ga a a ka a robalana le bone gape. Jalo ba ne ba tswalelelwa go fitlhelela matsatsi a dintsho tsa bone, ba tshela jaaka ekete ke batlholagadi.⁴Foo kgosi a raya Amasa a re, ''Bitsa banna ba Juta o ba kgobokanye mo matsatsing a mararo; le wena o nne teng.'' ⁵Jalo Amasa a ya go kgobokanya banna ba Juta, mme a nna nako e telele go feta e kgosi a neng a e laotse.⁶Jalo Dafite a raya Abishai a re, ''Jaanong Sheba morwa Bikiri o tla re utlwisa botlhoko go feta jaaka Abosalomo a dirile. Tsaya batlhanka ba mong wa gago, masole a me, mme o mo sale morago, eseng jalo o tla bona ditoropokgolo tse di sireleditsweng a bo a timela mo ponong ya rona.'' ⁷Foo banna ba ga Joabe ba mo sala morago, mmogo le Bachereti le Bapheleti le dinatla tsotlhe tsa batlhabani. Ba tswa mo Jerusalema go alola Sheba morwa Bikiri.⁸Fa ba le kwa letlapeng le legolo le le kwa Gibione, Amasa a tla go ba kopantsha. Joabe o ne a apere diaparo tsa ntwa, tse di neng di akaretsa lebante mo lethekeng le na le tshaka e le mo kgatleng e e bofeletsweng mo go lone. Jaaka a gatela kwa pele, tshaka ya wela fatshe.⁹Jalo Joabe a raya Amasa a re, ''A o siame ntsalaka?'' Joabe a tsaya Amasa ka ditedu ka seatla sa moja ka lerato go mo atla. ¹⁰Amasa o ne a se ka a lemoga thipa e e mo seatleng sa molema sa ga Joabe. Joabe a tlhaba Amasa mo mpeng, mme mala a gagwe a tshologela fa fatshe. Joabe a se ka a mo tlhaba gape, mme Amasa a swa. Jalo Joabe le morwarraagwe, Abishai, ba alaola Sheba morwa Bikiri.¹¹Foo mongwe wa banna ba ga Joabe a ema fa thoko ga ga Amasa, mme monna a re, ''Yo o nang le botsalano le Joabe, yo o leng wa ga Dafite, a a sale Joabe morago.'' ¹²Amasa o ne a betla mo mading a gagwe mo gare ga tsela. Fa monna a bona gore batho ba eme fela, a rwala Amasa go tswa mo tseleng a mo isa mo tshimong. A latlhela seaparo mo godimo ga gagwe gonne o ne a bona gore mongwe le mongwe yo o neng a feta fa go ene o ne a ema. ¹³Morago ga Amasa a sena go ntshiwa mo tseleng, banna botlhe ba tswelela go sala Joabe morago go alola Sheba morwa Bikiri.¹⁴Sheba a feta ka merafe yotlhe ya Iseraele go ya kwa Abele wa Bethe Maakha, le go ralala lefatshe lotlhe la Baberi, ba ba neng ba kgobokana, mme le bone ba alola Sheba. ¹⁵Ba ne ba mo atamela mme ba mo dikaganyetsa kwa Abele wa Bethe Maakha. Ba ne ba aga serepodi kgatlhanong le toropokgolo, ba se tshegetsa ka lebota. Sesole sotlhe se se neng se na le Joabe ba itaya lebota go le digela fa fatshe. ¹⁶Foo mosadi yo o botlhale a goa go tswa mo toropokgolong, ''Reetsa, tsweetswee reetsa, Joabe! Nkatamele ke tle ke bue le wena.''¹⁷Jalo Joabe a atamela kwa go ene, mme mosadi a re, ''A ke wena Joabe?'' A araba, ''Ke nna.'' Foo a mo raya a re, ''Reetsa mafoko a motlhanka wa gago.'' A araba, ''Ke reeditse.'' ¹⁸Foo a bua, ''Bogologolo ba kile ba bo ba re, 'Ammaaruri batla kgakololo kwa Abele,' mme kgakololo eo e tla fedisa kgang. ¹⁹Re motsemogolo o o leng mongwe wa e e di nang le kagiso le boikanyego jo bogolo mo Iseraele. Le leka go senya motsemogolo o o e leng mme mo Iseraele. Ke eng le batla go kometsa boswa jwa ga Modimo Yahweh?''²⁰Jalo Joabe a araba mme a re, ''A go nne kgakala, a go nne kgakala le nna gore ke kometse kgotsa ke senye. ²¹Seo ga se boammaaruri. Mme monna go tswa kwa lefatsheng la dithaba la Iforeimi, yo o bidiwang Sheba morwa Bikiri, o tsholeditse seatla sa gagwe kgatlhanong le kgosi, kgatlhanong le Dafite. Mo nneeleng a le nosi, mme ke tla tloga fa motseng mogolo.'' Mosadi a raya Joabe a re, ''Tlhogo ya gagwe e tla latlhelwa kwa go wena e tlodisiwa lebota.'' ²²Foo mosadi a ya kwa bathong botlhe mo botlhaleng jwa gagwe. Ba kgaola tlhogo ya ga Sheba morwa Bikiri, mme ba e latlhela kwa ntle kwa go Joabe. Foo a letsa torompeta, mme banna ba ga Joabe ba tloga mo toropokgolong, monna mongwe le mongwe a ya kwa lapeng la gagwe. Mmme Joabe a boela kwa Jerusalema kwa kgosing.²³Jaanong Joabe o ne a okametse sesole sotlhe sa Iseraele, mme Benaia morwa Jehoiata o ne a okametse Bacherethi le Baphelethi. ²⁴Atoramo o ne a okametse banna ba ba neng ba bereka ka go patikiwa, mme Jehoshafate morwa Ahiluti o ne a le mokwadi wa ditiragalo. ²⁵Sheba o ne a le mokwadi, fa Abiathare le Satoko ba le baperesiti. ²⁶Ira wa Mojairi o ne a le modiredi mogolo wa ga Dafite.

21¹Go ne ga nna le leuba dingwaga tse tharo ka nako ya ga Dafite, mme Dafite a batla sefatlhego sa Modimo Yahweh. Jalo Modimo Yahweh a re, ''Leuba le le mo go lona ka ntata ya ga Saulo le lelapa la gagwe la babolai, gonne o ne a bolaya Bagibeone.''²Jaanong Bagibeone ba ne ba sa tswe mo bathong ba Iseraele; ba ne ba tswa mo masaleleng a Baamori. Batho ba Iseraele ba ne ba ikanne gore ga ba na go ba bolaya, mme Saulo o ne a leka go ba bolaya botlhe mo tshesegong ya gagwe ka batho ba Iseraele le Juta. ³Jalo kgosi Dafite a bitsa Bagibeone a ba kgobokanya mme a ba raya a re, ''Ke ka le direla eng? Ke ka duela ka eng, gore le tle le segofatse batho ba Modimo Yahweh, ba ba jang boswa jwa bomolemo le ditsholofetso tsa gagwe?''⁴Bagibeone ba mo tsibogela, ''Ga se kgang ya selefera kgotsa gauta gare ga rona le Saulo kgotsa lelapa la gagwe. Ebile ga se ga rona gore re bolae motho ope mo Iseraele.'' Dafite a fetola, ''Sepe se le tla se kopang, ke tla se le direla.''⁵Ba araba kgosi, ''Monna yo o lekileng go re bolaya rotlhe, yo o dirileng maretshwa kgatlhanong le rona, gore re bo re sentswe jaanong, ebile re sena lefelo mo teng ga melelwane ya Iseraele - ⁶a re neelwe banna ba supa mo dikokomaneng tsa gagwe, mme re tla ba kaletsa fa pele ga ga Modinmo Yahweh kwa Gibea wa ga Saulo, ene yo o kgethilweng ke Modimo Yahweh.'' Jalo kgosi a re, ''Ke tla ba le neela.''⁷Mme kgosi a somarela Mefiboshethe morwa Jonathane morwa Saulo, ka lebaka la maikano a Modimo Yahweh gareng ga bone, gareng ga ga Dafite le Jonathane morwa Saulo. ⁸Mme kgosi a tsaya barwa ba ga Risipha morwadia Aia, barwa ba a ba tsholetseng Saulo - barwa ba babedi ba ne ba bidiwa Aramoni le Mefiboshethe; mme Dafite a tsaya gape barwa ba batlhano ba ga Mikale morwadia Saulo, ba a ba tsholetseng Atiriele morwa Barasilai wa Momeholathi. ⁹A ba neela mo seatleng sa Bagibeone. Ba ba kaletsa mo thabeng fa pele ga ga Modimo Yahweh, mme ba swa botlhe ka bosupa. Ba ne ba bolawa ka nako ya thobo, ka matsatsi a ntlha a thobo ya bali.¹⁰Foo Risipha morwadia Aia, a tsaya letsela la kgetse a le ala mo thabeng fa thoko ga ditopo, go tloga tshimologong ya nako ya thobo go fitlhelela pula e di nela go tswa mo lefaufaung. O ne a sa letlelele dinonyane tsa lefaufau go tshwenya ditopo mo motshegareng kgotsa diphologolo tsa naga mo bosigong. ¹¹Dafite o ne a itsesiwe se Risipha, morwadia Aia, mosadi wa lekgoba wa ga Saulo, a se dirileng.¹²Jalo Dafite a tsamaya a ya go tsaya marapo a ga Saulo le marapo a ga Jonathane, morwawe mo banneng ba Jabeshe Gileate, ba ba neng ba a utswitse kwa patlelong ya morafe kwa Bethe Shane, kwa Bafilisitia ba neng ba ba kaleditse teng, morago ga Bafilisitia ba sena go bolaya Saulo kwa Gileboa. ¹³Dafite a tsaya koo marapo a ga Saulo le marapo a ga Jonathane morwawe, mme ba kgobokanya le marapo a banna ba ba supang ba ba neng ba kaleditswe.¹⁴Ba boloka marapo a ga Saulo le morwawe Jonathane mo lefatsheng la Benjamene kwa Sela, mo lebitleng la ga Khishi, rraagwe. Ba diragatsa tsotlhe tse kgosi a di laotseng. Morago ga moo Modimo a araba dithapelo tse ba di rapeletseng lefatshe.¹⁵Foo Bafilisitia ba boa ba ya ntweng gape le Iseraele. Jalo Dafite a tswa le sesole sa gagwe, mme ba lwa le Bafilisitia. Dafite a gatelelwa ke letsapa la ntwa. ¹⁶Ishibibenobo, wa kokomane ya mekaloba, yo segai sa gagwe se neng se le bokete jwa dishekele di le makgolo a mararo, yo o neng a tshotse tshaka e ntsha, a ikaelela go bolaya Dafite. ¹⁷Mme Abishai morwa Seruia a namola Dafite, a tlhasela Mofilisitia mme a mmolaya. Foo banna ba ga Dafite ba mo ikanela, ba re, ''O se ka wa tlhola o ya ntweng le rona gape, gore o tle o se ka wa tima lebone la Iseraele.''¹⁸Go ne ga diragala morago ga se gore go nne le ntwa e nngwe le Bafilisitia kwa Gobe, fa Sibekhai wa Mohushashi, a neng a bolaya Safa, yo o neng a le kokomane ya Barefaimi. ¹⁹Go ne ga diragala gape kwa ntweng le Bafilisitia kwa Gobe, gore Elehanane morwa Jari wa Mobethelehema, a bolae Goliathe wa Mohite, yo thobane ya segai sa gagwe e neng ekete kota ya mologi.²⁰Go ne ga diragala gape mo ntweng e nngwe kwa Gathe gore go bo go na le monna mongwe yo o goletseng kwa godimo thata yo o neng a na le menwana e merataro mo seatleng sengwe le sengwe, le menwana e merataro mo lenaong lengwe le le lengwe, menwana e le masome a mabedi le bone fa e balwa yotlhe. Le ene o ne a le kokomane ya Barefaimi. ²¹Mme e rile fa a rumola Iseraele, Jonathane morwa Shimeya, morwarraa Dafite, a mmolaya. ²²Ba e ne e le dikokomane tsa Barefaimi ba Gathe, mme ba ne ba bolaiwa ka seatla sa ga Dafite le seatla sa masole a gagwe.

22¹Dafite o ne a opelela Modimo Yahweh mafoko a sefela se mo letsatsing le Modimo Yahweh a mo namotseng mo seatleng sa baba ba gagwe botlhe, le mo seatleng sa ga Saulo. ²A rapela, ''Modimo Yahweh ke lefika la me, kago ya phemelo ya me, ene yo o nnamolang.³Modimo ke lefika la me. Ke tshabela mo go ene. Ke thebe ya me, lenaka la poloko ya me, maitsetsepelo a me, botshabelo jwa me, ene yo o mpolokang mo kiteong. ⁴Ke tla bitsa Modimo Yahweh, yo o tshwanelwang ke go galalediwa, mme ke tla bolokwa mo babeng ba me.⁵Gonne makhubu a loso a ntikologile, metsi a a gogolang a tshenyo a nkimetse. ⁶Dithapo tsa felo ga baswi di ntikologile; diselaga tsa loso di ntshwere.⁷Mo patikesegong ya me ke biditse Modimo Yahweh; ke biditse Modimo wa me; o utlwile lentswe la me go tswa kwa tempeleng ya gagwe, mme go bitsa ga me mo go batlang thuso ga tsena mo ditsebeng tsa gagwe.⁸Foo lefatshe la tshikhinyega la bo la roroma. Mealo ya magodimo ya roroma ya bo ya tshikhinngwa, gonne Modimo o ne a tenegile. ⁹Mosi wa tlhatloga o tswa mo diphatlheng tsa dinko tsa gagwe, mme molelo o o tukang ka bogale wa tswa mo molomong wa gagwe. Magala a ne a tukisiwa ke one.¹⁰A bula magodimo mme a fologela tlase, mme lefifi le le loileng le ne le le ka fa tlase ga dinao tsa gagwe. ¹¹A pala cheruba mme a fofa. A bonwa mo diphukeng tsa phefo. ¹²A dira lefifi tente e e mo dikologileng, a kgobokanya maru a a bokete a pula mo mafaufaung.¹³Go tswa mo legadimeng le le fa pele ga gagwe ga wa magala a molelo. ¹⁴Modimo Yahweh a duma jaaka maru go tswa magodimong. Mogodimodimo a goa. ¹⁵A hula metswi a phatlalatsa baba ba gagwe - dikgadima mme a ba gasagasa.¹⁶Foo mesele ya metsi ya bonala; mealo ya lefatshe ya senoga ka go goa ga ntwa ga Modimo Yahweh, ka go foka ga phefo ya diphatlha tsa dinko tsa gagwe.¹⁷A tlhaeletsa fa fatshe go tswa kwa godimo; a ntshwara! A ntsha mo metsing a a gogomogang. ¹⁸A nnamola mo mmabeng wa me yo o maatla, mo go ba ba ntlhoileng, gonne ba ne ba le maatla thata mo go nna.¹⁹Ba ne ba tla kgatlhanong le nna mo letsatsing la patikesego ya me, mme Modimo Yahweh o ne a le letshego la me. ²⁰O ne gape a ntshetsa kwa ntle kwa lefelong le le atlhameng. O ne a mpoloka ka gore o ne a itumela ka nna. ²¹Modimo Yahweh o nkatswitse go ya ka selekanyo sa tshiamo ya me; o mpuseleditse go ya ka selekanyo sa bophepa jwa diatla tsa me.²²Gonne ke tshegeditse ditsela tsa Modimo Yahweh mme ga ke a dira boikepo ka go fapoga mo Modimong wa me. ²³Gonne ditaolo tsa gagwe tse di tshiamo di ntse di le fa pele ga me; fa e le melawana ya gagwe, ga ke a fapoga mo go yone.²⁴Gape ke ntse ke sena molato fa pele ga gagwe, ebile ke ithibile mo boleong. ²⁵Jalo he, Modimo Yahweh o mpuseleditse go ya ka selekanyo sa tshiamo ya me, go ya ka seelo sa bophepa jwa me mo ponong ya gagwe.²⁶Mo go yo o boikanyego, o itshupa o le boikanyego; mo monneng yo o senang molato, o itshupa o sena molato. ²⁷Mo go ba ba phepa o itshupa o le phepa, mme o maswe mo go ba ba sokameng.²⁸O boloka batho ba ba tlhokofaditsweng, mme matlho a gago a kgatlhanong le ba ba ikgodisang, mme o ba folosetsa tlase. ²⁹Gonne o lebone la me, Modimo Yahweh. Modimo Yahweh o bonesa lefifi la me.³⁰Gonne ka wena ke ka taboga fa godimo ga sekganedi; ka Modimo wa me ke ka tlola lebota. ³¹Fa e le ka ga Modimo, tsela ya gagwe e itekanetse. Lefoko la Modimo Yahweh le phepa. Ke thebe mo mongwe le mongweng yo o tshabelang mo go ene.³²Gonne Modimo ke mang fa e se Modimo Yahweh? Gape ke mang lefika fa e se Modimo wa rona? ³³Modimo ke botshabelo jwa me, mme o etelela motho yo o senang molato mo tseleng e e leng ya gagwe³⁴O dira dinao tsa me bofefo jaaka tsa phala mme o mpaya mo dithabeng tse di kwa godimo. ³⁵O katisetsa diatla tsa me ntwa, le matsogo a me go oba bora jwa kgotlho.³⁶O nneetse thebe ya gago ya poloko, mme botsalano jwa gago bo ntirile mogolo. ³⁷O diretse dinao tsa me lefelo le le atlhameng, jalo dinao tsa me ga di a relela.³⁸Ke alotse baba ba me mme ke ba sentse. Ga ke a ka ka boela morago go fitlhelela ba senngwa. ³⁹Ke ba komeditse ka bo ka ba thubaganya; ga ba ka ke ba emelela. Ba wetse ka fa tlase ga dinao tsa me.⁴⁰O beile thata mo go nna jaaka lebante la ntwa; o beile ka fa tlase ga me bao ba ba tsogologang kgatlhanong le nna. ⁴¹o nneetse bomorago jwa melala ya baba ba me; ke nyeleditse ba ba ntlhoileng.⁴²Ba ne ba lelela go thusiwa, mme ga go a nna ope yo o ba bolokang; ba ne ba lelela kwa go Modimo Yahweh, mme ga a a ka a ba araba. ⁴³Ke ne ka ba itaya gore ba nne ditoki tse di nnye jaaka lerole le le fa fatshe, ka ba duba jaaka mmopa o o mo mebileng.⁴⁴Gape o nkgolotse mo dikgotlhang tsa batho ba gaetsho. O ntshegeditse jaaka tlhogo ya ditshaba. Batho ba ke sa ba itseng ba a ntirela. ⁴⁵Batswakwa ba ne ba patikiwa go inkobela. Ka bonako fela jaaka ba utlwa ka ga me, ba a ntheetsa. ⁴⁶Batswakwa ba tsile ba roroma go tswa mo maremelelong a bone.⁴⁷Modimo Yahweh o a tshela! A lefika la me le galalediwe. A Modimo a tsholediwe, lefika la poloko ya me. ⁴⁸Yo ke Modimo yo o mpusolossetsang, ene yo o tsisang batho ka fa tlase ga me. ⁴⁹O nkgolola mo babeng ba me. Ammaaruri, o ntsholelelditse kwa godimo ga ba ba ntsogologetseng. O nnamola mo banneng ba thubakanyo.⁵⁰Jalo he, ke tla go neela malebogo, Modimo Yahweh, fa gare ga ditshaba; ke tla opelela leina la gago dikgalaletso. ⁵¹Modimo o neela kgosi ya gagwe phenyo e kgolo, mme o supetsa yo a mo tloditseng boikanyego jwa kgolagano, Dafite le dikokomane tsa gagwe ka bosakhutleng.''

23¹Jaanong a ke mafoko a bofelo a ga Dafite - Dafite morwa Jese, monna yo o tlotlegileng thata, ene yo o tloditsweng ke Modimo wa ga Jakobe, mopesalema yo montle wa Iseraele. ²''Mowa wa Modimo Yahweh o buile ka nna, mme lefoko la gagwe le ne le le mo lelemeng la me.³Modimo wa Iseraele o buile, Lefika la Iseraele o ne a nthaya a re, 'Yo o busang batho ka tshiamo, yo o busang ka poifo Modimo. ⁴O tla tshwana le lesedi la moso fa letsatsi le tswa, moso o o senang maru, fa bojang jo bo boleta bo kukunya mo mmung ka go phatsima ga letsatsi morago ga pula.⁵Ammaaruri, a lelapa la me ga le a nna jaana fa pele ga Modimo? A ga a dira kgolagano ya bosakhutleng le nna, e lolame ebile e tlhomame ka gotlhe? A ga a oketse poloko ya me a bo a kgotsofatsa keletso nngwe le nngwe ya me?⁶Mme botlhe ba ba senang mosola ba tla nna jaaka mmitlwa e e latlhiwang, gonne ga e ka ke ya kgobokanngwa ka diatla tsa mongwe. ⁷Monna yo o e amang o tshwanetse a dirisa sedirisiwa sa tshipi kgotsa matshwaro a segai. E tshwanetse go tshubelwa gone fa e leng teng.'''⁸A ke maina a masole a ga Dafite a a nonofileng: Jeshebale wa Mohakhemoni e ne e le moeteledipele wa masole a a gaisang. O ne a bolya banna ba le makgolo a rabang bobedi ka nako ya tiragalo nngwe.⁹Fa morago ga gagwe go ne go le Eliasare morwa Toto, morwa Moahohi, mongwe wa banna ba bararo ba ba maatla ba ga Dafite. O ne a le teng fa ba nyatsa Bafilisitia ba ba neng ba kgobokane go bolotsa ntwa, le fa banna ba Iseraele ba sena go kata ka morago. ¹⁰Eliasare a ema a lwa le Bafilisitia go fitlhela letsogo la gagwe le lapa le bo le omolelela mo matshwarong a tshaka ya gagwe. Modimo Yahweh a tsisa phenyo e kgolo letsatsi leo. Sesole se ne sa tla fa morago ga ga Eliasare, ele go itseela dibetsa mo ditopong.¹¹Morago ga gagwe go ne go le Shama morwa Agi, wa Moharari. Bafilisitia ba ne ba kgobokana fa go neng go na le tshimo ya dinawa teng, mme sesole sa ba tshaba. ¹²Mme Shama a ema fa gare ga tshimo mme a e sireletsa. A bolaya Bafilisitia, mme Modimo Yahweh a tsisa phenyo e kgolo.¹³Ba le bararo ba masole a a masome a mararo ba ya kwa go Dafite ka nako ya thobo, kwa legageng la Adulamo. Sesole sa Bafilisitia se ne se thibeletse mo mokgatsheng wa Refaimi. ¹⁴Ka nako eo Dafite o ne a le mo boremelelong jwa gagwe, mo legageng, fa Bafilisitia ba itlhomile kwa Bethelehema.¹⁵Dafite o ne a nyoretswe metsi mme a re, ''Fa mongwe a ne a ka nneela metsi a petse e e kwa Bethelehema, petse e e fa kgorong, gore ke nwe!'' ¹⁶Jalo banna ba bararo ba ba maatla ba ba ralala sesole sa Bafilisitia mme ba ga metsi mo petseng ya Bethelehema, petse e e fa kgorong. Ba tsaya metsi ba a tsisa kwa go Dafite, mme a gana go a nwa. Boemong jwa moo, a a tshololela Modimo Yahweh. ¹⁷Foo a re, ''A go nne kgakala le nna, Modimo Yahweh, gore ke nwe se. A ke tshwanetse go nwa madi a banna ba ba tsentseng matshelo a bone mo diphatseng?'' Jalo a gana go a nwa. Tse ke dilo tse banna ba bararo ba ba maatla ba di dirileng.¹⁸Abishai, morwarra Joabe morwa Seruia, o ne a le moeteledipele wa ba bararo. Ka nako nngwe o kile a lwa ka segai sa gagwe kgatlhanong le banna ba le makgolo a mararo mme a ba bolaya. Bontsi jwa nako o ne a umakiwa mmogo le masole mararo. ¹⁹A o ne a sa tuma thata go feta ba bararo? O ne a dirwa moeteledipele wa bone. Le fa go ntse jalo, go tuma ga gagwe go ne go sa lekane le go tuma ga masole a mararo a a neng a tumile mo go gaisang.²⁰Benaia yo o tswang kwa Kabosili, e ne e le morwa Jehoiata; e ne e le monna yo o thata yo o dirileng dilo tse di thata. O bolaile barwa ba babedi ba ga Ariele wa Moabe. Gape o ne a tsena mo mosimeng a bolaya tau kapoko e santse e na. ²¹Gape o ne a bolaya monna yo mo tonatona wa Moegepeto. Moegepeto o ne a tshwere segai mo seatleng sa gagwe, mme Benaia a lwa le ene ka thobane fela. A tsaya segai mo seatleng sa Moegepeto, mme a mmolaya ka segai se e leng sa gagwe.²²Benaia morwa Jehoiata o ne a dira dilo tse, mme o ne a umakiwa le banna ba bararo ba ba maatla. ²³O ne a lemosega thata go feta masole a a masome mararo ka kakaretso, mme o ne a sa lemosege mo go kwa godimo jaaka masole a mararo a a gaisang mo go golo. Mme Dafite a mmaya mookamedi wa badisa kgosi.²⁴Ba ba masome mararo ba ne ba akaretsa banna ba ba latelang: Asahele morwarra Joabe, Elehanane morwa Toto go tswa Bethelehema, ²⁵Shama wa Moharodi, Elika wa Moharodi, ²⁶Helese wa Mopalati, Ira morwa Ikeshe wa Motekoa, ²⁷Abi Esera wa Moanathothe, Mebunai wa Mohushathi, ²⁸Salemone wa Moahohi, Maharai wa Monetofathi;²⁹Helebe morwa Baana, wa Monetofathi, Itai morwa Ribai go tswa kwa Gibea wa Babenjamene, ³⁰Benaia wa Mopiratoni, Hitai wa mekgatsha ya Gaashe. ³¹Abialebone wa Moarabathi, Asemafethe wa Mobarahumi, ³²Eliaba wa Moshaaleboni, barwa Jashene, Jonathane morwa Shama wa Moharari;³³Ahiamo morwa Sharare wa Moharari, ³⁴Elifelete morwa Ahasebai wa Momaakha, Eliamo morwa Ahithofele wa Mogilone, ³⁵Hesero wa Mokaramele, Paarai wa Moarabi, ³⁶Igale morwa Nathane go tswa Soba, Bani go tswa morafeng wa Gate,³⁷Seleke wa Moamone, Naharai wa Mobeerothi, motsholathebe wa ga Joabe morwa Seruia, ³⁸Ira wa Moithera, Garebe wa Moithera, ³⁹Uria wa Mohiti - ba le masome a mararo le bosupa ka palo yotlhe.

24¹Gape go tenega ga Modimo Yahweh ga tukela Iseraele, mme a tshikhinya Dafite kgatlhanong le bone a re, ''Tsamayang, balang Iseraele le Juta.'' ²Kgosi a raya Joabe wa molaola sesole yo o neng a na le ene, ''Tsamayang go ralala merafe yotlhe ya Iseraele, go tswa Dene go ya kwa Beeresheba, mme le bale batho, gore ke tle ke itse palo ya banna ba ba nonofetseng go ya ntweng.''³Joabe a raya kgosi a re, ''A Modimo Yahweh, Modimo wa gago, a oketse palo ya batho go meneganye ga lekgolo, mme a matlho mong wa me kgosi a bone fa go direga. Mme ke eng mong wa me kgosi a batla se?'' ⁴Le fa go ntse jalo, lefoko la kgosi la reediwa go na le la ga Joabe le balaola sesole. Jalo Joabe le balaola sesole ba tswa fa thoko ga kgosi ba ya go bala batho ba Iseraele.⁵Ba kgabaganya Jorotane mme ba kampa gaufi le Aroere, kwa borwa jwa toropokgolo e e mo mokgatsheng. Foo ba tsamaela pele ba ralala Gate ba ya kwa Jasere. ⁶Ba tla kwa Gileate le kwa lefatsheng la Tahetimi Hoteshi, ba tswelela go ya kwa Dene Jaane, ba bo ba dikologa go ya ntlheng ya Sitone. ⁷Ba goroga kwa boremelelong jwa Tire le kwa ditoropokgolong tsotlhe tsa Bahifi le Bakanana. Foo ba tswela kwa ntle kwa Negefi mo Juta kwa Beeresheba.⁸Fa ba sena go tsamaya go ralala lefatshe lotlhe, ba boela morago kwa Jerusalema morago ga dikgwedi tse di robang bongwe le matsatsi a le masome a mabedi. ⁹Foo Joabe a begelela kgosi palo gotlhe ya banna ba ba ka lwang ntwa. Mo Iseraele go ne go na le banna ba le makgolo a a robang bobedi a dikete ba ba dirisang tshaka, mme banna ba Juta ba ne ba le makgolo a matlhano a dikete.¹⁰Foo pelo ya ga Dafite ya mo tlhaba fa a sena go bala banna. A raya Modimo Yahweh a re, ''Ke leofile mo go golo ka go dira se. Jaanong, Modimo Yahweh, tlosa bomolato jwa motlhanka wa gago, gonne ke dirile boeleele.''¹¹Fa Dafite a tsoga mo mosong, lefoko la Modimo Yahweh la tla kwa go moporofiti Gate, modupi wa ga Tafita, le re, ¹²''Tsamaya o reye Dafite o re: 'Se ke se Modimo Yahweh a se buang: ''Ke go neela dilo tse tharo go itlhophela. Tlhopha sengwe sa tsone.'''''¹³Jalo Gate a ya kwa go Dafite mme a mo raya a re, ''A dingwaga tse tharo tsa leuba di tla tla kwa go wena mo lefatsheng la gago? Kgotsa a o tla tshaba lebaka la dikgwedi tse tharo baba ba gago ba go alotse? Kgotsa a go tla nna le matsatsi a mararo a leroborobo mo lefatsheng la gago? Jaanong tsaya tshwetso ya gore ke ise karabo efe kwa go yo o nthomileng.'' ¹⁴Foo Dafite a raya Gate a re, ''Ke mo mathateng a magolo. Mma re wele mo diatleng tsa Modimo Yahweh go na le mo seatleng sa motho, gonne ditiro tsa gagwe tsa bopelotlhomogi di dikgolo.''¹⁵Jalo Modimo Yahweh a romela leroborobo mo Iseraele go tswa mo mosong go fitlha nako e e beilweng, mme batho ba le masome a a supang a dikete ba swa go tswa kwa Dene go fitlha kwa Beeresheba. ¹⁶Fa moengele a isa seatla sa gagwe ntlheng ya Jerusalema go e senya, Modimo Yahweh a fetola mogopolo wa gagwe ka go bolaya, mme a raya moengele yo o neng a bolaya batho a re, ''Go lekanye! Jaanong busetsa seatla sa gago kwa morago.'' Ka nako eo moengele wa Modimo Yahweh o ne a eme fa seboaneng se phothelang sa ga Arauna wa Mojebusi.¹⁷Mme Dafite a bua le Modimo Yahweh fa a bona moengele yo o neng a tlhasela batho, mme a re, ''Ke leofile, ebile ke dirile se se bosula. Mme dinku tse, di dirile eng? Tsweetswee a seatla sa gago se otlhae nna le ba lelapa la ga rre!''¹⁸Foo Gate a tla kwa go Dafite mo letsatsing leo, mme a mo raya a re, ''Tsamaya o ye go agela Modimo Yahweh aletara kwa seboaneng se se phothelang sa ga Arauna wa Mojebusi.'' ¹⁹Jalo Dafite a emelela a tsamaya jaaka Gate a ne a mo laetse, jaaka Modimo Yahweh a laotse. ²⁰Arauna a leba kwa ntle mme a bona kgosi le batlhanka ba gagwe ba atamela. Jalo Arauna a tswela kwa ntle mme a ikoba fa pele ga kgosi ka sefatlhego se lebile fatshe.²¹Foo Arauna a re, ''Ke eng mong wa me kgosi a tsile kwa go nna motlhanka wa gagwe?'' Dafita a fetola, ''Go reka seboana se se phothelang sa gago, gore ke agele Modimo Yahweh aletara, gore leroborobo le tlosiwe mo bathong.'' ²²Arauna a raya Dafite a re, ''E tsee jaaka ekete ke ya gago, mong wa me kgosi. Dira ka yone sepe se molemo mo ponong ya gago. Bona, dipholo ke tse gore o ntshe moneelo o o fisiwang, le diphotho le dijokwe go dira dikgong. ²³Tsotlhe tse, kgosi ya me, nna, Arauna, ke tla di go neela.'' Foo a raya kgosi a re, ''A Modimo Yahweh, Modimo wa gago a go amogele.''²⁴Kgosi a raya Arauna a re, ''Nnyaa, ke batla go se reka ka tlhwatlhwa. Ga ke na go ntshetsa Modimo Yahweh moneelo o o fisiwang ka sepe se se sa ntopang tlhwatlhwa.'' Jalo Dafite a reka seboana se se phothelang le dipholo ka selefera ya dishekele tse di masome a matlhano. ²⁵Dafite a agela Modimo Yahweh aletara foo, mme a neela mo go yone meneelo e e fisiwang le meneelo ya botsalano. Jalo ba kopela lefatshe mo go Modimo Yahweh, mme a dira gore leroborobo le eme mo Iseraele otlhe.

Dikgosi wa ntlha

1¹Fa kgosi Tafita a tsofetse thata, ba ne ba mo khurumetsa ka dikobo, mme o ne a sa kgone go thuthafalelwa. ²Jalo batlhanka ba gagwe ba mo raya ba re, ''A re batleleng mong wa rona kgosi kgarebana e nnye. A a direle kgosi, mme a mo tlhokomele. A a robale le kgosi mo bolaong gore mong wa rona kgosi a thuthafalelwe.''³Jalo ba batla mosetsana yo montle gareng ga melelwane yotlhe ya Iseraele. Ba bona Abishaga, wa Moshunami, mme ba mo tsisa kwa kgosing. ⁴Mosetsana o ne a le montle thata. A direla kgosi a bo a mo tlhokomela, mme kgosi a se ka a robalana le ene.⁵Ka nako eo, Atonija morwa Hagithi a itsholetsa a re, ''Ke tla nna kgosi.'' Jalo a ipaakanyetsa dikolotsana tsa ntwa le bapalami ba dipitse le banna ba le masome matlhano go mo disa. ⁶Rraagwe o ne a ise a ko a mo tshwenye a re, ''Ke eng o dirile se kgotsa se?'' Atonija e ne e le monna yo montle, o ne a tshotswe fa morago ga ga Abosalomo.⁷A buisanya le Joabe morwa Seruia le Abiathare wa moperesiti. Ba sala Atonija morago mme ba mo thusa. ⁸Mme Sadoko wa moperesiti, Benaia morwa Jehoiata, Nathane wa moporofiti, Shimei, Rei, le banna ba dinatla ba ga Tafita ga ba a ka ba sala Atonija morago.⁹Atonija a ntsha setlhabelo sa dinku, dipholo, le dinamane tse di nontshitsweng fa letlapeng la Sohelethe, le le leng fa thoko ga Ene Rogele. O ne a laletsa barwarraagwe botlhe, barwa ba kgosi, le banna botlhe ba Juta, batlhanka ba kgosi. ¹⁰Mme ga a a ka a laletsa Nthane wa moporofiti, Benaia, banna ba dinatla, kgotsa morwarraagwe Solomone.¹¹Foo Nathane a bua le Bathesheba, mmaagwe Solomone, a re, ''A ga o ise o utlwe gore Atonija morwa Hagithi o ipeile kgosi, mme mong wa rona Tafita ga a itse? ¹²Jaanong mma ke go fe kgakololo, gore o tle o boloke botshelo jwa gago le jwa morwao Solomone.¹³Ya kwa go kgosi Tafita; o mo reye o re, 'Mong wa me kgosi, a ga o a ikanela motlhanka wa gago, o re, ''E le ruri Solomone morwao o tla busa fa morago ga me, mme o tla nna setilo sa bogosi sa me? Ke eng jaanong Atonija a busa?' ¹⁴Fa o santse o le foo o bua le kgosi, ke tla tsena ke tla go gatisetsa mafoko a gago.''¹⁵Jalo Bathesheba a ya kwa kamoreng ya kgosi. Kgosi o ne a tsofetse thata, mme Abishaga wa Moshunami o ne a mo direla. ¹⁶Bathesheba a obega a bo a ribama fa pele ga kgosi. Kgosi a re, ''O eletsa eng?'' ¹⁷A mo raya a re, ''Mong wa me, o ikanetse motlhanka wa gago ka Modimo Yahweh Modimo wa gago, o re, 'E le ruri morwao Solomone o tla busa morago ga me, mme o tla nna mo setilong sa me sa bogosi.'¹⁸Jaanong, bona, Atonija ke kgosi, mme wena, mong wa me kgosi, ga o itse se. ¹⁹O ntshitse ditlhabelo tsa dipholo, dinamane tse di nontshitsweng, le dinku tse dintsi, mme o laleditse barwa ba kgosi botlhe, Abiathare wa moperesiti, Joabe wa molaola sesole, mme ga a laletsa motlhanka wa gago Solomone.²⁰Mong wa me kgosi, matlho otlhe a Iseraele a mo go wena, ba letile go utlwa o ba bolelela gore ke mang yo o tla nnang mo setilong sa bogosi fa morago ga gago, mong wa me. ²¹E seng jalo go tla direga gore, fa mong wa me kgosi a robala le borraagwe, nna le morwaake Solomomne re lejwe re le dirukutlhi.''²²Fa a santse a bua le kgosi, Nathane wa moporofiti a tsena. ²³Batlhanka ba bolelela kgosi, ''Nathane wa moporofiti o fa.'' Fa a tsena fa kgosing, a ribama fa pele ga kgosi ka sefatlhego se lebile fa fatshe.²⁴Nathane a re, ''Mong wa me kgosi, a o buile o re, 'Atonija o tla busa fa morago ga me, mme o tla nna setilo sa me sa bogosi?' ²⁵Gonne o ile letsatsi leno, mme o ntshitse ditlhabelo tsa dipholo, dinamane tse di nontshitsweng, le dinku tse dintsi, mme o laleditse barwa ba kgosi botlhe, balaola sesole, le Abiathare wa moperesiti. Ba a ja ba a nwa fa pele ga gagwe, ba re, 'Tshelela ruri kgosi Atonija!'²⁶Mme fa e le nna, motlhanka wa gago, Satoko wa moperesiti, Benaia morwa Jehoiata, le motlhanka wa gago , Solomone, ga a a re laletsa. ²⁷A mong wa me kgosi o dirile se a sa re bolelela, rona batlhanka ba gagwe, gore ke mang yo o tla nnang mo setilong sa bogosi morago ga gagwe?''²⁸Foo kgosi Tafita a araba a re, ''Bitsang Bathesheba a boele kwa go nna.'' A tsena ka kwa kgosing a ema fa pele ga kgosi. ²⁹Kgosi a dira maikano a re, ''Jaaka Modimo Yahweh a tshela, yo o nthekolotseng mo mathateng otlhe, ³⁰jaaka ke ne ka go ikanela ka Modimo Yahweh, Modimo wa Iseraele, ke re, 'Solomone morwao o tla busa fa morago ga me, mme o tla nna mo setilong sa me sa bogosi mo boemong jwa me,' ke tla dira se letsatsi leno.'' ³¹Foo Bathesheba a obega ka sefatlhego se lebile fa fatshe a bo a ribama fa pele ga kgosi a re, ''A mong wa me kgosi Tafita a tshelele ruri!''³²Kgosi Tafita a re, ''Mpiletseng Satoko wa moperesiti, Nathane wa moporofiti, le Benaia morwa Jehoiata.'' Jalo ba tla fa pele ga kgosi. ³³Kgosi a ba raya a re, ''Tsayang batlhanka ba me, mong wa lona, le pege Solomone morwaake mo mmoulong wa me mme le ye le ene kwa Gihone. ³⁴A Satoko wa moperesiti le Nathane wa moporofiti ba mo tlotse gore a nne kgosi ya Iseraele mme ba letse torompeta ba re, 'Tshelela ruri kgosi Solomone!'³⁵Foo le tla tla le mo setse morago, mme o tla nna mo setilong sa me sa bogosi; gonne o tla nna kgosi mo boemong jwa me. Ke mmeile monwana go nna mmusi mo Iseraele le Juta.'' ³⁶Benaia morwa Jehoiata a araba kgosi a re, ''A go nne jalo! A Modimo Yahweh, Modimo wa mong wa me kgosi, a gateletse se. ³⁷Jaaka Modimo Yahweh a ne a na le mong wa me kgosi, a a nne le Solomone, mme a dire setilo sa bogosi jwa ga Solomone segolo go feta sa mong wa me kgosi Tafita.''³⁸Jalo Satoko wa moperesiti, Nathane wa moporofiti, Benaia morwa Jehoiata, le Bachereti le Bapeleti ba ya kwa tlase ba pega Solomone mo mmoulong wa ga kgosi Tafita; ba mo tsisa kwa Gihone. ³⁹Satoko wa moperesiti a tsaya lonaka lwa leokwane mo tenteng mme a tlotsa Solomone. Foo ba letsa torompeta, mme batho botlhe ba re, ''Tshelela ruri kgosi Solomone!'' ⁴⁰Foo batho ba mo sala morago, mme batho ba letsa difulutu ba itumela boitumelo jo bogolo, mo lefatshe le ileng la tshikhinyega ka modumo wa bone.⁴¹Atonija le baeng ba a neng a na le bone ba utlwa se jaaka ba ne ba fetsa go ja. Fa Joabe a utlwa modumo wa torompeta a re, ''Ke eng toropokgolo e le mo modumong o mogolo?'' ⁴²Fa a santse a bua, Jonathane morwa Abiathare wa moperesiti a goroga. Atonija a re, ''Tsena kwano, gonne o monna yo o botlhokwa mme o tsisa dikgang tse di molemo.''⁴³Jonathane a araba a raya Atonija a re, ''Mong wa rona kgosi Tafita o dirile Solomone kgosi. ⁴⁴Mme kgosi o mo rometse le Satoko wa moperesiti, Nathane wa moporofiti, Benaia morwa Jehoiata, Bachereti le Bapeleti. Ba ne ba dira gore Solomone a palame mmoulo wa kgosi. ⁴⁵Satoko wa moperesiti le Nathane wa moporofiti ba mo tloditse go nna kgosi kwa Gihone, mme ba dule koo ba ipela, gore toropokgolo e bo e nne mo modumong o mogolo . O ke one modumo o le o utlwileng.⁴⁶Gape, Solomone o ntse mo setilong sa bogosi sa bogosi. ⁴⁷Godimo ga moo, batlhanka ba kgosi ba ne ba tla go segofatsa mong wa rona kgosi Tafita, ba re, 'A Modimo wa gago a dire leina la ga Solomone go nna botoka go feta la gago, a bo a dire setilo sa bogosi sa ga Solomone segolo go feta sa gago.' Mme kgosi a obega a le mo bolaong. ⁴⁸Kgosi a bua a re, 'Go segofetse leina la Modimo Yahweh, Modimo wa Iseraele, yo o dirileng gore go nne le mongwe yo o nnang mo setilong sa me sa bogosi gompieno, le gore matlho a me a bone se.'''⁴⁹Foo baeng botlhe ba ga Atonija ba tshoga thata. Ba ema ka dinao mme mongwe le mongwe a tsamaya tsela ya gagwe. ⁵⁰Atonija a boifa Solomone, a ema ka dinao, a tsamaya, mme a ya go itshwarelela ka dinaka tsa aletara. ⁵¹Foo ga bolelelwa Solomone, go twe, ''Bona, Atonija o boifa kgosi Solomone, gonne o itshwareletse ka dinaka tsa aletara, a re, 'A kgosi Solomone a inkanele pele gore ga a na go bolaya motlhanka wa gagwe ka tshaka.'''⁵²Solomone a re, ''Fa a ka itshupa a le monna yo o botlhokwa, ga go na le fa ele moriri o mongwe wa gagwe o o tla welang fa fatshe, mme fa boikepo bo ka fitlhelwa mo go ene, o tla swa.'' ⁵³Jalo Solomone a romela banna, ba ba neng ba tsisa Atonija go tswa aletareng. A tla a obegela kgosi Solomone, mme Solomone a mo raya a re, ''Ya kwa ntlong ya gago.''

2¹Jaaka letsatsi la go swa ga ga Tafita le ne le atamela, a laela morwawe Solomone, a re, ²''Ke tsamaya tsela ya lefatshe lotlhe. Thatafala, jalo he, itshupe o le monna. ³Tshegetsa ditaolo tsa Modimo Yahweh, Modimo wa gago, go tsamaya mo ditseleng tsa gagwe, go utlwa melao ya gagwe, ditaolo tsa gagwe, ditshwetso tsa gagwe, le ditaolo tsa kgolagano ya gagwe, o etse tlhoko go dira se se kwadilweng mo molaong wa ga Moshe, gore o tle o atlege mo go sepe se o se dirang, gope kwa o yang teng, ⁴gore Modimo Yahweh a tle a diragatse lefoko la gagwe le a le buileng ka nna, a re, 'Fa barwao ba ela tlhoko boitsholo jwa bone, go tsamaya fa pele ga me ka boikanyego ka pelo ya bone yotlhe le ka mowa wa bone otlhe, ga o kitla o tlhoka go nna le monna mo setilong sa bogosi sa Iseraele.'⁵O a itse gore Joabe morwa Seruia o ntirile eng, le se a se dirileng baetelela sesole ba babedi ba sesole sa Iseraele, Abonere morwa Nere le Amasa morwa Jethere, ba a ba bolaileng. O tsholotse madi a ntwa ka nako ya kagiso a bo a baya madi a ntwa mo lebanteng le le mo lethekeng la gagwe le mo ditlhakong tse a di rweleng. ⁶Dira ka Joabe go ya ka botlhale jo o bo ithutileng, mme o se ka wa letla gore tlhogo ya gagwe e e putswa e ye lebitleng ka kagiso.⁷Le fa go ntse jalo, supetsa barwa Barasilai wa Mogileate boutlwelobotlhoko, mme o ba letle go nna bangwe ba ba ba tla jang kwa tafoleng ya gago, gonne ba ne ba tla kwa go nna fa ke tshaba morwarraago Abosalomo.⁸Bona, o na le Shimei morwa Gera, Mobenjamene wa Bahurimi, yo o neng a mphutsa ka phutso e e makgwakgwa ka letsatsi le ke neng ke ya kwa Mahanaimi. Shimei o ne a fologela tlase go nkopantsha kwa Jorotane, mme ke ne ka mo ikanela ka Modimo Yahweh, ke re, 'Ga ke na go go bolaya ka tshaka.' ⁹Jalo he, o se ka wa mo lesa a falola kotlhao. O monna yo o botlhale, o tla itse gore o dire eng ka ene. O tla isa tlhogo ya gagwe e e putswa kwa lebitleng ka madi.'''¹⁰Foo Tafita a robala le borraagwe mme a bolokwa mo toropokgolong ya ga Tafita. ¹¹Matsatsi a Tafita a busitseng mo go one mo Iseraele e ne e le dingwaga tse 40. O ne a busa kwa Heberone dingwaga di le 7, mme a busa tse 33 kwa Jerusalema. ¹²Foo Solomone a nna mo setilong sa bogosi sa ga Tafita rraagwe, mme go busa ga gagwe ya nna mo go nitameng.¹³Foo Atonija morwa Hagithi a tla kwa go Bathesheba mmaagwe Solomone. A mo raya a re, ''A o tla ka kagiso?'' A fetola, ''Ka kagiso.'' ¹⁴Foo a re, ''Ke na le sengwe se ke batlang go se go raya.'' Jalo a fetola a re, ''Bua.'' ¹⁵Atonija a re, ''O itse gore bogosi e ne e le jwa me, le gore Iseraele otlhe o ne a solofetse gore ke nne kgosi. Le fa go ntse jalo, bogosi bo ne jwa retololwa jwa nna jwa ga morwarre, gonne e ne e le jwa gagwe go tswa kwa go Modimo Yahweh.¹⁶Jaanong ke na le kopo e le nngwe mo go wena. O se ka wa nkgana.'' Bathesheba a mo raya a re, ''Bua.'' ¹⁷A re, ''Tsweetswee bua le kgosi Solomone, ga a ka ke a go gana, gore a tle a nneele Abishaga wa Moshunami go nna mosadi wa me.'' ¹⁸Bathesheba a re, ''Go siame, ke tla bua le kgosi.''¹⁹Bathesheba a ya kwa go kgosi Solomone a ya go buelela Atonija. Kgosi a ema ka dinao go mo kopantsha mme a mo obegela. Foo a nna mo setilong sa gagwe sa bogosi mme a dira gore setilo sa bogosi se tsisediwe mmaagwe kgosi. A nna ka kwa seatleng sa gagwe sa moja. ²⁰Foo a re, ''Ke eletsa go go kopa selo se sennye se le sengwe. O se ka wa mphitlhela sefatlhego.'' Kgosi a mo araba, ''Kopa, mme, ga ke ka ke ka go gana.'' ²¹A re, ''A Abishaga wa Moshunami a neelwe Atonija morwarraago go nna mosadi wa gagwe.''²²KgosiSolomone a araba a raya mmaagwe a re, ''Ke eng o kopela Atonija Abishaga wa Moshunami? Ke eng o sa mo kopele le jone bogosi, gonne ke nkgonne - ke eng o sa kopele Abiathara wa moperesiti, kgotsa Joabe morwa Seruia?'' ²³Foo kgosi Solomone a ikana ka Modimo Yahweh a re, ''A Modimo a ntire jalo, go le go ntsi gape, fa Atonija a sa bua lefoko le kgatlhanong le botshelo jwa gagwe.²⁴Jalo he, fa Modimo Yahweh a tshela, yo o ntlhomamisitseng a bo a mpaya mo setilong sa bogosi sa ga Tafita rre, yo a bileng a ntirela ntlo jaaka a solofeditse, ammaaruri Atonija o tla bolawa letsatsi leno.'' ²⁵Jalo kgosi Solomone a roma Benaia morwa Jehoiata, mme Benaia a fitlhela Atonija mme a mmolaya.²⁶Foo kgosi a raya Abiathara wa moperesiti a re, ''Ya kwa Anathothe, kwa masimong a e leng a gago. O tshwanetswe ke loso, mme ka nako e ga ke na go go bolaya, gonne o ne wa rwala letlole la Morena Yahweh fa pele ga ga Tafita rre, mme wa sotlega ka tsela yotlhe e rre a e sotlegileng.'' ²⁷Jalo Solomone a tlosa Abiathara mo boperesiting jwa ga Modimo Yahweh, gore a diragatse lefoko la Modimo Yahweh, le a le buileng ka ntlo ya ga Eli kwa Shilo.²⁸Dikgang tsa tla kwa go Joabe, gonne Joabe a ne a eme Atonija nokeng, ntswa a se kile a ema Abosalomo nokeng. Jalo Joabe a siela kwa tenteng ya Modimo Yahweh mme a itshwarelela ka dinaka tsa aletara. ²⁹Ga bolelelwa kgosi Solomone gore Joabe o sietse kwa tenteng ya Modimo Yahweh mme o fa thoko ga aletara. Foo Solomone a roma Benaia morwa Jehoiata a re, ''Tsamaya, o mmolae.''³⁰Jalo Benaia a tla fa tenteng ya Modimo Yahweh a mo raya a re, ''Kgosi a re, 'Tswa mo teng.''' Joabe a fetola, ''Nnyaa, ke tla swela fa.'' Jalo Benaia a boela kwa kgosing a re, ''Joabe a re o batla go swela fa aletareng.'' ³¹Kgosi a mo raya a re, ''Dira jaaka a buile. Mmolae o bo o mmoloke, gore o tle o tlose mo go nna le ba ntlo ya ga rre madi a Joabe a a tsholotseng a se na lebaka.³²A Modimo Yahweh a busetse madi a gagwe mo tlhogong ya gagwe, gonne o tlhasetse a bo a bolaya banna ba babedi ba ba neng ba le tshiamo le botoka go mo feta a ba bolaya ka tshaka, Abonere morwa Nere, molaola sesole sa Iseraele, le Amasa morwa Jethere, molaola sesole sa Juta, Tafita rre a sa itse. ³³Jalo a madi a bone a boele mo tlhogong ya ga Joabe le mo tlhogong ya kokomane ya gagwe ka bosakhutleng. Mme mo go Tafita le kokomane ya gagwe, le ntlo ya gagwe, le mo setilong sa gagwe sa bogosi, a go nne le kagiso e e sa khutleng go tswa mo go Modimo Yahweh.''³⁴Foo Benaia morwa Jehoiata a ya a tlhasela a bo a bolaya Joabe. O ne a bolokelwa mo ntlong ya gagwe kwa sekakeng. ³⁵Kgosi a baya Benaia godimo ga sesole mo boemong jwa gagwe, mme a baya Satoko wa moperesiti mo boemong jwa ga Abiathara.³⁶Foo kgosi a roma a bitsa Shimei, mme a mo raya a re, ''Ikagele ntlo mo Jerusalema o nne foo, mme o se ka wa tswa foo go ya gope. ³⁷Gonne mo letsatsing le o tla tswang ka lone, o bo o kgabaganya mokgatsha wa Kitirone, o itse gore ammaaruri o tsile go swa. Madi a gago a tla bo a le mo tlhogong ya gago.'' ³⁸Jalo Shimei a raya kgosi a re, ''Se o se buang se molemo. Jaaka mong wa me kgosi a buile, motlhanka wa gago o tla dira jalo.'' Jalo Shimei a nna mo Jerusalema malatsi a le mantsi.³⁹Mme kwa bokhutlong jwa dingwaga tse 3, bangwe ba babedi ba batlhanka ba ga Shimei ba siela kwa go Akhishi morwa Maakha, kgosi ya Gathe. Jalo ba bolelela Shimei ba re, ''Bona batlhanka ba gago ba kwa Gathe.'' ⁴⁰Foo Shimei a nanoga, a belesa tonki ya gagwe a ya kwa go Akhishi kwa Gathe go batla batlhanka ba gagwe. A tsamaya a tla le batlhanka ba gagwe go tswa kwa Gathe.⁴¹Fa Solomone a bolelelwa gore Shimei o ne a dule mo Jerusalema a ya Gathe a bo a boa, ⁴²kgosi a roma a bitsa Shimei a mo raya a re, ''A ga ke a go ikanisa ka Modimo Yahweh ka bo ka go pakela, ke re, 'Itse gore ka letsatsi le o tla tswang ka lone o ya kwa lefelong lepe, o tla swa?' Foo wa bo o nthaya o re, 'Se o se buang se molemo.'⁴³Ke eng o sa tshegetsa maikano a o a ikanetseng Modimo Yahweh, le taelo e ke go e neilenng?'' ⁴⁴Kgosi a raya Shimei gape a re, ''O itse mo pelong ya gago boikepo jotlhe jo o bo diretseng Tafita rre. Jalo he, Modimo Yahweh o tla busetsa boikepo jwa gago mo tlhogong ya gago.⁴⁵Mme kgosi Solomone o tla segofadiwa, le setilo sa bogosi sa ga Tafita se tla tlhomamisiwa fa pele ga ga Modimo Yahweh ka bosakhutleng.'' ⁴⁶Jalo kgosi a laola Benaia morwa Jehoiata, a tswa a ya go bolaya Shimei. Jalo puso ya tlhomamisiwa go feletse mo seatleng sa ga Solomone.

3¹Solomone a ikamanya le Faro kgosi ya Egepeto mo go tsa lenyalo. O ne a tsaya morwadia Faro a mo tsisa mo toropokgolong ya ga Tafita go fitlhelela a fetsa go aga ntlo ya gagwe, ntlo ya Modimo Yahweh, le lebota go dikologa Jerusalema. ²Batho ba ne ba ntshetsa ditlhabelo kwa mafelong a a fa godimo ka gore go ne go ise go agelwe leina la Modimo Yahweh ntlo. ³Solomone a supa lerato la gagwe mo go Modimo Yahweh ka go tsamaya mo ditaelong tsa ga Tafita rraagwe, ntleng le gore o ne a ntshetsa ditlhabelo le go fisa maswalo kwa mafelong a a fa godimo.⁴Kgosi a ya go ntsha setlhabelo kwa Heberone, gonne go ne go na le lefelo le legolo le le fa godimo koo. Solomone a ntsha meneelo e e fisiwang e le sekete mo aletareng eo. ⁵Modimo Yahweh a iponagaletsa Solomone mo torong bosigo kwa Gibeone; a re, ''Kopa! Ke go direle eng?''⁶Jalo Solomone a re, ''O supeditse motlhanka wa gago, Tafita rre, boikanyego jo bogolo jwa kgolagano, gonne o tsamaile ka boikanyego, mo tshiamong, le go tlhamalala ga pelo fa pele ga gago. O ne wa mo tshegeletsa boikanyego jo bogolo jo jwa kgolagano wa bo wa mo neela morwa go nna mo setilong sa gagwe sa bogosi letsatsi leno.⁷Mme jaanong, Modimo Yahweh, Modimo wa me, o dirile motlhanka wa gago kgosi mo boemong jwa ga Tafita rre, ntswa ke le ngwana yo monnye. Ga ke itse go tswa le go tsena. ⁸Motlhanka wa gago o fa gare ga batho ba o ba kgethileng, batho ba bagolo, ba ba bontsi jo bo sa balweng. ⁹Jalo neela motlhanka wa gago pelo e e tlhaloganyang go atlhola batho ba gago, gore ke farologanye bosula le bomolemo. Gonne ke mang yo o kgonang go atlhola batho ba gago ba bagolo ba?''¹⁰Kopo e ya ga Solomone ya itumedisa Morena. ¹¹Jalo Modimo a mo raya a re, ''Ka gore o kopile se, ga o a ikopela botshelo jo boleele, kgotsa khumo, kgotsa matshelo a baba ba gago, mme o ikopetse go tlhaloganya gore o farologanye tsa katlholo, ¹²bona, jaanong ke tla dira tsotlhe tse o di nkopileng fa o nneela kopo ya gago. Ke go neela pelo e e botlhale e e tlhaloganyang, gore go nne go se na ope yo o kileng a tshwana le wena mo bogologolong, le gore go se ka ga nna le yo o ka tshwanang le wena morago ga gago.¹³Ke go neetse se o sa se kopang, dikhumo le tlotlo, gore go tle go se ka ga nna kgosi epe mo go tse di leng teng yo o tla tshwanang le wena mo matsatsing a gago. ¹⁴Fa o ka tsamaya mo ditseleng tsa me wa tshegetsa melao le ditaelo tsa me jaaka Tafita rraago a ne a tsamaya, foo ke tla leelefatsa matsatsi a gago.''¹⁵Foo Solomone a tsoga, mme bonang, e ne e le toro. A tla kwa Jerusalema a ema fa pele ga letlole la kgolagano ya Morena. A ntsha meneelo e e fisiwang le meneelo ya kagiso, mme a direla batlhanka ba gagwe botlhe mokete.¹⁶Foo basadi ba babedi ba e neng e le bagweba-ka-mmele ba tla ba ema fa pele ga kgosi. ¹⁷Mongwe wa basadi a re, ''Oh, mong wa me, nna le mosadi yo re nna mo ntlong e le nngwe, mme ke tshotse ngwana ke na le ene mo ntlong.¹⁸Ga diragala mo letsatsing la boraro ke se na go tshola ngwana, mosadi yo le ene a tshola ngwana. Re ne re le mmogo. Go ne go se na ope yo mongwe mo ntlong, e ne e le bobedi jwa rona fela mo ntlong. ¹⁹Foo morwa wa mosadi yo a swa mo bosigong, gonne o ne a robala mo godimo ga gagwe. ²⁰Jalo a tsoga bosigogare a tsaya morwaake fa thoko ga me, motlhanka wa gago a santse a robetse, a mo robatsa fa lebeleng la gagwe, mme a robatsa morwawe yo o suleng fa lebeleng la me.²¹Fa ke tsoga mo mosong go tlamela ngwanake, a bo a sule. Mme fa ke mo leba sentle mo mosong, ka fitlhela e se morwaake, yo ke mo tshotseng.'' ²²Foo mosadi yo mongwe a re, ''Nnyaa, yo o tshelang ke morwaake, yo osuleng ke morwao.'' Mosadi wa ntlha a re, ''Nnyaa, yo o suleng ke morwao, yo o tshelang ke morwaake.'' Ke ka fa ba neng ba bua ka teng fa pele ga kgosi.²³Foo kgosi a re, ''Mongwe wa lona a re, 'Yo o tshelang yo ke morwaake, mme morwao o sule,' mme yo mongwe a re, 'Nnyaa, morwao ke yo o suleng, mme yo o tshelang ke morwaake.''' ²⁴Kgosi a re, ''Ntsisetseng tshaka.'' Ba tsisa tshaka fa pele ga kgosi. ²⁵Foo kgosi a re, ''Kgaoganyang ngwana yo o tshelang ka bogare, mme le neele mosadi yo sephatlo le bo le neela yo mongwe sephatlo se sengwe.''²⁶Foo mosadi yo morwawe a neng a tshela a bua le kgosi, gonne o ne a tlhomogela pelo morwawe, a re, ''Oh, mong wa me, mo neeleng ngwana yo o tshelang, mme le se ka la mmolaya ka gope.'' Mme mosadi yo mongwe a re, ''Ga a kitla a nna wa me kgotsa wa gago. Mo kgaoganyeng.'' ²⁷Foo kgosi a araba a re, ''Neelang mosadi wa ntlha ngwana yo o tshelang, mme le se ka la mmolaya ka gope. Ke ene mmaagwe.'' ²⁸Fa Iseraele otlhe a utlwa ka katlholo e kgosi a e ntshitseng, ba boifa kgosi, gonne ba ne ba bona gore botlhale jwa Modimo jwa go atlhola bo mo go ene.

4¹Kgosi Solomone o ne a le kgosi mo Iseraele otlhe. ²Ba e ne e le badiri ba gagwe: Asaria morwa Satoko e e ne e le moperesiti. ³Elihorefe le Ahija, barwa Shisha ba ne ba le bakwaledi. Jehoshafata morwa Ahilute e ne e le yo o kwalang. ⁴Benaia morwa Jehoiata o ne a okametse sesole. Satoko le Abiathara ba ne ba le baperesiti.⁵Asaria morwa Nathane o ne a okametse badiri. Sabudu morwa Nathane o ne a le moperesiti le tsala ya kgosi. ⁶Ahishara o ne a okametse lelapa. Atoniramo morwa Abota o ne a okametse banna ba ba patikiwang go bereka.⁷Solomone o ne a na le badiri ba le lesome le bobedi ba ba neng ba okametse Iseraele otlhe, ba ba neng ba tlamela kgosi le ba ntlo ya gagwe ka dijo. Monna mongwe le mongwe wa bone o ne a tlamela kgosi ka dijo lebaka la kgwedi e le nngwe mo ngwageng. ⁸Maina a bone ke a: Bene Hure, mo lefatsheng la dithaba la Iforeimi; ⁹Bene Tekere mo Makasa, Shaalebimi, Bethe Shemeshe, le Elonebethe Hanane; ¹⁰Bene Hesete, mo Arubothe,( o ne a neetswe Sokho le lefatshe lotlhe la Hefere);¹¹Bene Abinatabe mo kgaolwaneng yotlhe ya Tore( o ne a tsere Tafatha morwadia Solomone go nna mosadi wa gagwe); ¹²Baana morwa Ahiludi mo Taanaka le Megito le Bethe Shane otlhe ke gore go bapa le Sarethana kwa tlase ga Jeserile, go tswa kwa Bethe Shane go ya kwa Abele Mehola bokgakala jo bo ntlha e nngwe ya Jokomeame; ¹³Bene Gebere, mo Ramothe Gileate(o ne a na le ditoropo tsa Jaire morwa Manase, tse di kwa Gileate, le kgaolo ya Aragobo e ne e le ya gagwe, e e leng kwa Bashane, ditoropokgolo tse masome a marataro tse dikgolo tse di nang le mabota le diheke tsa kgotlho); ¹⁴Ahinatabe morwa Ito, mo Mahanaime;¹⁵Ahimaase mo Nafithale, ( o ne gape a nyala Basemathe morwadia Solomone); ¹⁶Baana morwa Huahai, mo Ashere le Bealothe; ¹⁷Jehoshafate morwa Parua, mo Isakare;¹⁸Shimei morwa Ela, mo Benjamene; ¹⁹le Gebere morwa Uri, mo lefatsheng la Gileate, lefatshe la ga Sihone kgosi ya Baamori le Oge kgosi ya Bashane, mme e ne e le ene modiri a le nosi yo o neng a le mo lefatsheng.²⁰Juta le Iseraele ba ne ba le bantsi jaaka motlhaba go bapa le lewatle. Ba ne ba ja ba nwa mme ba itumetse. ²¹Solomone o ne a busa magosi otlhe go tswa fa Nokeng go ya kwa lefatsheng la Bafilisitia le go ya kwa molelwaneng wa Egepeto. Ba ne ba tsisa makgetho ba bo ba direla Solomone matsatsi otlhe a botshelo jwa gagwe. ²²Tse di neng di neelwa Solomone mo letsatsing e ne e le dikoro di le masome a mararo tsa bupe jo bo boleta le dikoro di le masome a marataro tsa phaletshe, ²³dipholo tse di nonneng di le lesome, dipholo tse di masome mabedi tse di tswang kwa nageng, dinku tse di lekgolo, go sa balwe dikwalata, diphala, ditshepe, le dinonyane tse di nontshitsweng.²⁴Gonne o ne a na le taolo mo kgaolong yotlhe e e ka kwano ga Noka, go tswa Tifosa go ya bokgakala jwa Gasa, godimo ga dikgosi tsotlhe mo ntlheng e e ka kwano ya Noka, mme o ne a na le kagiso mo dintlheng tsotlhe tse di mo dikologileng. ²⁵Juta le Iseraele ba ne ba nna mo pabalesegong, monna mongwe le mongwe ka fa tlase ga setlhare sa mofine le sa mofeige sa gagwe, go tswa mo Tene go ya kwa Beeresheba, matsatsi otlhe a ga Solomone.²⁶Solomone o ne a na le matlwana a dipitse a le dikete tse masome mane tsa dikolotsana tsa gagwe tsa ntwa, le bapalami ba dipitse ba le dikete tse lesome le bobedi. ²⁷Badiri bao ba ne ba tlamela kgosi Solomone le botlhe ba ba neng ba tla fa tafoleng ya ga kgosi Solomone ka dijo, monna mongwe le mongwe ka kgwedi e e mo lebanyeng. Ba ne ba letlelele sepe go tlhaela. ²⁸Ba ne ba tsisetsa dipitse tsa dikolotsana tsa ntwa le tse di palangwang bali le letlhaka, mongwe le mongwe a tsisa mo a go kgonang.²⁹Modimo a neela Solomone botlhale jo bogolo le go tlhaloganya, le go tlhaloganya mo go bophara jaaka motlhaba fa letshitshing la lewatle. ³⁰Botlhale jwa ga Solomone bo ne jwa feta jwa batho botlhe ba botlhabatsatsi le botlhale jotlhe jwa Egepeto. ³¹O ne a le botlhale go feta batho botlhe - go feta Ethane wa Moeserahi, Hemane, Khalekholo, le Tarata, barwa Maholo - mme go tuma ga gagwe ga fitlha kwa ditshabeng tsotlhe tse di mo dikologileng.³²O ne a bua diane di le dikete tse tharo le dipina tsa gagwe di ne di le sekete le botlhano ka palo. ³³O ne a tlhalosa ka dimela, go tloga ka mositara wa Lebanone go fitlha ka mosimama o o tlhogang mo leboteng. O ne a tlhalosa gape ka diphologolo, dinonyane, dilo tse di gagabang, le ditlhapi. ³⁴Batho ba ne ba tswa kwa ditshabeng go tla go utlwa botlhale jwa ga Solomone. Ba ne ba tswa kwa dikgosing tsotlhe tsa lefatshe tse di utlwileng ka botlhale jwa gagwe.

5¹Hirame kgosi ya Tire a romela batlhanka ba gagwe kwa go Solomone gonne o ne a utlwile gore ba mo tloditse go nna kgosi mo boemong jwa ga rraagwe; gonne Hirame o sale a tloga a rata Tafita. ²Solomone a romela lefoko kwa go Hirame a re, ³''O a itse gore Tafita rre ga a a ka a agela leina la Modimo Yahweh, Modimo wa gagwe ntlo ka ntata ya dintwa tse di neng di mo dikologile, gonne ka nako ya go tshela ga gagwe Modimo Yahweh o ne a tsenya baba ba gagwe ka fa tlase ga bogato jwa dinao tsa gagwe.⁴Mme jaanong, Modimo Yahweh, Modimo wa me o nneetse boikhutso mo matlhakoreng otlhe. Ga go na mmaba kgotsa sebetso. ⁵Jalo ke ikaelela go agela leina la Modimo Yahweh, Modimo wa me tempele, jaaka Modimo Yahweh a buile le Tafita rre, a re. 'Morwao, yo ke tla mmayang mo setilong sa gago sa bogosi mo boemong jwa gago, o tla agela leina la me tempele.'⁶Jalo he, laola gore ba nthemele masitara a a tswang Lebanone. Batlhanka ba me ba tla kopana le batlhanka ba gago, mme ke tla go duelela batlhanka ba gago gore o tle o duelwe mo go lebanyeng sengwe le sengwe se o dumetseng go se dira. Gonne o a itse gore ga go na ope fa gare ga rona yo o itseng go kgaola mapolanka jaaka Basitone.''⁷Fa Hirame a utlwa mafoko a ga Solomone, a itumela mo go golo, mme a re, ''A Modimo Yahweh a segofadiwe letsatsi leno, yo o fileng Tafita morwa yo o botlhale go okamela batho ba bagolo ba.'' ⁸Hirame a romela lefoko kwa go Solomone a re, ''Ke utlwile molaetsa o o o nthomeletseng. Ke tla go neela mapolanka otlhe a o a eletsang a mositara le mosaepore.⁹Batlhanka ba me ba tla tsisa ditlhare kwa tlase go tswa kwa Lebanone go ya kwa lewatleng, mme ke tla di dira gore di kokobale di tle ka lewatle kwa lefelong le o tlwa le nkaelang. Ke tla dira gore di robelwe koo, mme o tla di tsaya teng. O tla dira se ke se eletsang ka neela ba ntlo ya me dijo.''¹⁰Jalo Hirame a neela Solomone mapolanka a a neng a a batla a mositara le mofiri. ¹¹Solomone a neela Hirame dikete tse masome a mabedi tsa selekanyo sa korong le selekanyo se se masome a mabedi sa leokwane le le tlhwatlhwa e le dijo. Solomone o ne a neela Hirame ka tsela e ngwaga le ngwaga. ¹²Modimo Yahweh a neela Solomone botlhale jaaka a mo solofeditse. Go ne go na le kagiso gare ga ga Hirame le Solomone, mme bobedi jwa bone jwa dira kgolagano.¹³Kgosi Solomone a patika gore gonne le babereki go tswa mo Iseraele yotlhe. Babereki ba ba patikilweng ba ne ba le dikete tse masome a mararo tsa banna. ¹⁴A ba romela kwa Lebanone, ba le dikete tse lesome ba theogela ka go amogana le ba bangwe mo kgweding. Kgwedi e le nngwe ba e nna kwa Lebanone, dikgwedi tse pedi ba di nna mo gae. Atoniramo o ne a okametse banna ba ba patikilweng go bereka.¹⁵Solomone o ne a na le ba le dikete tse di masome a supa ba ba rwalang merwalo le ba le dikete tse di masome a a robang bobedi ba ba thubang matlapa kwa dithabeng, ¹⁶ntleng le badiredi bagolo ba ba dikete tse tharo le makgolo a mararo ba ba neng ba tlhokometse tiro le go etelela babereki.¹⁷Ka taolo ya kgosi ba ne ba thuba ba ntsha matlapa a magolo a a tlhwatlhwa a ka one ba neng ba ala motheo wa tempele. ¹⁸Jalo baagi ba ga Solomone le baagi ba ga Hirame, le Bagebali ba ne ba kgaola ba bo ba baakanya mapolanka le matlapa go aga tempele.

6¹Jalo Solomone a simolola go aga tempele ya Modimo Yahweh. Se se diragetse mo ngwageng wa bo 480 morago ga batho ba Iseraele ba se na go tswa kwa lefatsheng la Egepeto, mo ngwageng wa bo 4 wa go busa ga ga Solomone mo Iseraele, mo kgweding ya Sife, e e leng kgwedi ya bobedi. ²Tempele e kgosi Solomone a neng a e agela Modimo Yahweh e ne e le boleele jwa dimithara di le masome a mabedi le bosupa, bophara jwa dimithara di roba bongwe, le bogodimo jwa dimithara di le lesome le boraro le sephatlo.³Mokatako o o fa pele ga ntlo ya tempele o ne o le dimithara di roba bongwe ka boleele, o lekana le bophara jwa tempele, mme o le boteng jwa dimithara di le nne le sephatlo. ⁴A direla ntlo difensetere tsa mepako e e di dirang ditshesane ka kwa ntle go feta ka kwa teng.⁵A aga matlwana a mathudi a a tlhatlaganyeng a ikaegile ka lebota la ntlo, go dikologa ntlo e e ka kwa teng le e e ka kwa ntle. A aga matlwana mo matlhakoreng otlhe. ⁶Lethudi le le kwa tlase le le bophara jwa dimithara di le pedi phegelwana bobedi, le le kwa godimo lone le le bophara jwa dimithara tse pedi phegelwana bosupa, la boraro le le bophara jwa dimithara di le tharo phegelwana bongwe. Gonne o ne a dirile marudi mo leboteng la ntlo go e dikologa gore ditlhomeso di se ka tsa tsenngwa mo leboteng la ntlo.⁷Ntlo e ne ya agiwa ka matlapa a a baakanyeditsweng kwa kwaring. Go ne go sa utlwale modumo wa hamole, selepe, le fa e le sedirisiwa sepe sa tshipi fa ntlo e tsweletse go agiwa. ⁸Ka kwa letlhakoreng la tempele le le kwa borwa go ne go na le kgoro e e kwa tlase, foo motho a bo a tlhatlogela kwa bogodimong jo bo fa gare ka direpodi, le go tswa fa bogareng go ya kwa bogodimong jwa boraro.⁹Jalo Solomone a aga tempele mme a e fetsa; a khurumetsa tempele ka ditlhomeso le dipolanka tsa masitara. ¹⁰A aga matlwana a a ikaegileng ka matlo a a ka kwa teng a tempele, letlhakore la ntlwana le le bogodimo jwa dimithara tse pedi phegelwana bobedi; di ne di tshwaragantswe le ntlo ka dipolanka tsa masitara.¹¹Lefoko la Modimo Yahweh la tla kwa go Solomone, le re, ¹²''Mabapi le tempele e o e agang e, fa o ka tsamaya mo melaong ya me, mme wa diragatsa tsa katlholo, wa tshegetsa ditaolo tsa me wa bo wa tsamaya mo go tsone, foo ke tla tlhomamisa tsholofetso ya me le wena e ke e diretseng Tafita rraago. ¹³Ke tla nna fa gare ga batho ba Iseraele, mme ke tla se ka ke ba tlogela.''¹⁴Jalo Solomone a aga ntlo a e fetsa. ¹⁵Foo a ga mabota a ka kwa teng a ntlo ka dipolanka tse di phaphathi tsa masitara. Go tswa bodilong jwa ntlo go ya borulelong, a di apesa mo bokakwateng ka legong, mme a apesa bodilo jwa ntlo ka dipolanka tse di phaphathi tsa mosepora.¹⁶Kwa morago ga ntlo a aga dimithara tse robang bongwe ka dipolanka tse di phaphathi tsa masitara go tswa mo bodilong go ya kwa borulelong. A aga ntlo e go nna ntlo ya ka kwa teng, go nna felo ga boitshepo. ¹⁷Yone ntlo, ke gore tempele, lefelo le le boitshepo fa pele ga lefelo la boitshepo jwa boitshepo, le ne le le boleele jwa dimithara tse lesome le bofera bobedi. ¹⁸Go ne go na le masitara mo teng ga ntlo, a setilwe ka tshwano ya makatane le dithunya tse di bulegileng. Gotlhe mo teng e ne e le masitara. Go ne go sa bonale letlapa gope mo teng.¹⁹Solomone a baakanya ntlo e e ka kwa teng gore a tle a beye letlole la kgolagano ya Modimo Yahweh koo. ²⁰Ntlo e e ka kwa teng e ne e le boleele jwa dimithara tse robabongwe, bophara jwa dimithara tse di robabongwe, le bogodimo jwa dimithara tse di robabongwe. Solomone a apesa mabota ka gauta ya tlhwatlhwa a bo a khurumetsa aletara ka legong la masitara.²¹Solomone a apesa bokakwateng jwa tempele ka gauta ya tlhwatlhwa a bo a baya dikeetane tsa gauta di kgabaganya fa pele ga ntlo e e ka kwa teng, mme a e apesa fa pele ka gauta. ²²A apesa bokakwateng jotlhe jwa tempele ka gauta go fitlhela tempele yotlhe e fela. A apesa gape ka gauta aletara yotlhe e e leng ya ntlo e e ka kwa teng.²³Solomone a dira dicheruba tse pedi ka logong lwa motlhware, nngwe le nngwe ya tsone e le bogodimo jwa dimithara tse nne phegelwana bone, go nna tsa ntlo e e ka kwa teng. ²⁴Lefuka le le lengwe la cheruba ya ntlha le ne le le boleele jwa dimithara tse pedi phegelwana bobedi, le lefuka le lengwe la yone le le boleele jwa dimithara tse pedi phegelwana bobedi. Jalo go tloga kwa ntlheng ya lefuka lengwe go ya kwa ntlheng ya lefuka le lengwe boleele e ne e le dimithara tse nne phegelwana bone. ²⁵Cheruba e nngwe le yone e ne e na le diphuka tsa boleele jwa dimithara tse nne phegelwana bone. Dicheruba ka bobedi di ne di lekana ka bogolo e bile di tshwana. ²⁶Dicheruba di ne di lekana le ka bogodimo jwa tsone.²⁷Solomone a baya dicheruba mo ntlong e e ka kwa teng. Diphuka tsa dicheruba di ne di phuthologile mo e leng gore lefuka la cheruba e nngwe le ne le kgoma lebota mo ntlheng e nngwe, lefuka la e nngwe le lone le kgoma lebota mo ntlheng e nngwe. Mafuka a mangwe a tsone a ne a kgomana fa gare ga felo la boitshepo jwa boitshepo. ²⁸Solomone a apesa dicheruba ka gauta.²⁹A seta mabota otlhe go dikologa ntlo ka dicheruba, ditlhare tsa palema, le dithunya tse di bolegileng, mo matlwaneng a a ka kwa ntle le a a ka kwa teng. ³⁰Solomone a apesa bodilo jwa ntlo ka gauta, mo matlwaneng a a kwa ntle le a a ka kwa teng.³¹Solomone a dira mabati a matlhware a kgoro e e tsenang kwa ntlwaneng e e ka kwa teng. Mopako le maotwana a kgoro di ne di gabilwe mo dikarolong tse tlhano. ³²Jalo a dira mabati a mabedi a matlhware, mme mo go one a dira diseto tsa dicheruba, ditlhare tsa dipalema, le dithunya tse di bulegileng. A a apesa ka gauta, a bo a ala gauta mo godimo ga dicheruba le ditlhare tsa dipalema.³³Ka tsela e e ntseng jaana, Solomone a direla kgoro ya tempele maotwana a matlhware a a nang le dikarolo tse nne tse di gabilweng ³⁴le mabati a mabedi a legong la mosipora. Matlhare a mabedi a lebati le lengwe a ne a menega, le matlhare a mabedi a lebati le lengwe a menega. ³⁵A seta mo go one dicheruba, ditlhare tsa dipalema, le dithunya tse di bulegileng, mme a apesa mo go setilweng mo ka gauta e e lekanang.³⁶A aga lelapana la ka kwa teng ka mela e meraro ya matlapa a a thubilweng, le mola wa ditlhomeso tsa masitara.³⁷Moalo wa ntlo ya Modimo Yahweh o ne wa dirwa mo ngwageng wa bo 4, mo kgweding ya Sife. ³⁸Mo ngwageng wa bo 11, mo kgweding ya Bulu, ke gore kgwedi ya borobabobedi, ntlo e ne ya fediwa mo dikarolong tsotlhe tsa yone e ntse ka fa e neng e rulagantswe go agiwa ka teng. Solomone o tsere dingwaga di le 7 go aga tempele.

7¹Solomone o tsere dingwaga di le 13 go aga ntlo ya bogosi ya gagwe. ²O ne a aga ntlo ya bogosi ya gagwe ka sekgwa sa Lebanone. Boleele jwa yone e ene e le dimithara tse masome a mane le bone, bophara jwa yone e le dimithara tse di masome mabedi le bobedi, bogodimo jwa yone e le dimithara di le lesome le boraro phegelwana botlhano. Ntlo ya bogosi e ne e agilwe e na le mela e mene ya maotwana a masitara le dikota tse di telele mo godimo ga maotwana.³Ntlo e ne e ruletswe ka masitara a a neng a ntse godimo ga dikota tse di telele. Dikota tse di telele tseo di ne di tshegeditswe ke maotwana. ⁴Go ne go na le dikota tse di telele di le masome a mane le botlhano, di le mo meleng e meraro ya dikota di le lesome le botlhano mola mongwe le mongwe. Go ne go na le dikota tse di telele mo meleng e meraro, mme fensetere e nngwe e ne e lebaganye le e nngwe di ntse boraro le boraro. ⁵Mabati otlhe le maotwana le mepako ya one e ne e dirilwe e lekana mo matlhakoreng otlhe mo boleeleng ka dikota tse di telele mme fensetere e ne e lebaganye le fensetere boraro le boraro.⁶Go ne go na le motseletsele wa maotwana wa bolelele jwa dimithara tse di masome mabedi le bobedi le bophara jwa dimithara tse di lesome le boraro phegelwana botlhano, le mathudi fa pele le maotwana le borulelo.⁷Solomone a aga ntlo ya setilo sa bogosi se fa a tla atlholelang teng, ntlo ya katlholo. E ne e khurumeditswe ka masitara go tswa bodilong go ya bodilong.⁸Ntlo ya ga Solomone e a neng a ya go nna mo go yone, mo lelwapaneng le lengwe mo patlelong ya ntlo ya bogosi, e ne e tshwantshantswe le e nngwe e. O ne gape a agela morwadia Faro yo a neng a mo tsere go nna mosadi wa gagwe ntlo e e tshwanang le e.⁹Dikago tse di ne di apesitswe ka matlapa a a tlhwatlhwa a a gabilweng, a a lekantsweng sentle a kgaotswe ka shaga a bile a rethefaditswe mo matlhakoreng otlhe. Matlapa a a ne a dirisitswe go tswa kwa moalong go ya kwa matlapeng a a kwa godimo, mme gape le ka kwa ntle go fitlha kwa lelwapaneng le legolo. ¹⁰Moalo o ne o agilwe ka matlapa a magolo a tlhwatlhwa a boleele jwa dimithara tse tharo phegelwana botlhano le dimithara tse nne.¹¹Kwa godimo e ne e le matlapa a a tlhwatlhwa a a gabilweng a lekantswe e bile a kgaotswe sentle, le dikota tse di telele tsa masitara. ¹²Lelwapana le legolo le le dikaganyeditseng ntlo ya bogosi le ne le na le mela e meraro ya matlapa a a kgaotsweng le mola wa dikota tse ditelele tsa masitara jaaka lalwapana le le ka kwa teng la ntlo ya Modimo Yahweh le mathudi a tempele.¹³Kgosi Solomone a roma a tsisa Hurame go tswa kwa Tire. ¹⁴Hurame e ne e le morwa motlholagadi wa morafe wa Nafithale; rraagwe e ne e le motho wa kwa Tire, mothudi wa kgotlho. Hurame o ne a tladitswe ka botlhale le go tlhaloganya, le kitso ya go dira tiro e kgolo ka kgotlho. O ne a tla kwa go kgosi Solomone go direla kgosi tiro ka kgotlho.¹⁵Hurame a bopa maotwana a mabedi a kgotlho a lengwe le lengwe la one le neng le le bogodimo jwa dimithara tse di borobabobedi le bokima jwa dimithara tse tlhano phegelwana boraro. ¹⁶A dira ditlhogo tse pedi tsa kgotlho e e rethefaditsweng go bewa mo godimo ga maotwana. Bogodimo jwa nngwe le nngwe ya ditlhogo e ne e le dimithara tse pedi phegelwana bobedi. ¹⁷Ditloa tsa mebala e e kgabaganyang le dikgare tsa dikeetane, tse supa go nngwe le nngwe ya ditlhogo tsa maotwana tsa dirwa.¹⁸Jalo Hurame a dira mela e mebedi ya digarenate go dikologa bogodimo jwa leotwana lengwe le lengwe go kgabisa ditlhogo tsa one. ¹⁹Ditlhogo tse di mo bogodimong jwa maotwana a mathudi di ne di kgabisitswe ka dithunya tsa masoma, bogodimo jwa mithara phegelwana borobabobedi.²⁰Ditlhogo tse di mo godimo ga maotwana a mabedi di ne di akaretsa, gaufi le bogodimo jwa tsone, digarenate di le makgolo a mabedi di le mo meleng go di dikologa. ²¹A tsholetsa maotwana a tempele a a kwa mathuding a tempele. Leotwana le le ka kwa mojeng la bidiwa Jakini, fa le le ka kwa molemeng le ne la bidiwa Boase. ²²Kwa godimo ga maotwana go ne go le mekgabiso e e tshwanang le dithunya tsa masoma. Go bopiwa ga maotwana gon ne ga dirwa ka tsela e.²³Hurame a dira lewatle le le kgolokwe le le tshetsweng le le dimithara tse nne phegelwana bone go tswa losing lo longwe go ya losing lo longwe. Bogodimo jwa lone e ne e le dimithara di le pedi phegelwana bobedi, mme bodikologo jwa lone bo le dimitharatse di lesome le boraro phegelwana bobedi. ²⁴Ka fa tlase ga losi go ne go na le makatane, a le lesome mo dimithareng tse nne phegelwana botlhano, a tsheletswe gongwe le lewatle fa lewatle le ne le tshelwa.²⁵Lewatle le ne le le mo godimo ga dipholo tse di lesome le bobedi, tse tharo di lebile kwa bokone, tse tharo di lebile kwa bophirimatsatsi, tse tharo di lebile kwa borwa, tse tharo di lebile kwa botlhabatsatsi. Lewatle le ne le le mo godimo ga tsone, mme marago a tsone a ne a lebile ka kwa teng. ²⁶Lewatle le ne le le bokima jwa dimilimithara di le masome a supa le botlhano, losi lwa lone lo dirilwe jaaka losi lwa kopi, mo tshwanong ya sethunya sa lesoma. Lewatle le ne le lekanye dinkgwana tsa metsi di le dikete tse pedi.²⁷Hurame a dira ditlhomo tse di lesome tsa kgotlho. Setlhomo sengwe le sengwe se le boleele jwa mithara phegelwana borobabobedi, boatlhamo jwa mithara phegelwana borobabobedi, le bogodimo jwa mithara phegelwana boraro. ²⁸Tiro ya ditlhomo e ne e ntse jaana. Di ne di na le dika-mabati tse di neng di le fa gare ga maotwana le mepako, ²⁹mme mo dika-mabating le mo maotwaneng le mo mepakong go ne go na le ditau, dipholo le dicheruba. Fa godimo le kwa tlase ga ditau le dipholo go ne go na le dikgare tse di dirilweng ke bathulatshipi.³⁰Setlhomo sengwe le sengwe se ne se na le maotwana a a dikologang a le mane a kgotlho le diase tsa kgotlho, dikhutlo tsa sone tse nne di na le matshego a a tshegetsang botlhapelo. Matshego a a ne a tshetswe a na le dikgare ka fa thoko mo lengwe le lengweng la one. ³¹Molomo wa tsone o le kgolokwe, o le disenthimithara tse di masome a mane le botlhano, o le fa godimo ga tlhogo e e disenthimithara tse di lesome le borobabobedi. Fa molomong go ne go na le mekwalo e e sa sutlhegeng, mme dika-mabati tsa tsone di ne di le dikhutlo tse nne tse di lekanang, e seng kgolokwe.³²Maotwana a a dikologang a ne a le ka fa tlase ga dika-mabati, mme diase tsa maotwana a a dikologang di le mo setlhomong. Bogodimo jwa leotwana le le dikologang e ne e le disenthimithara di le masome a marataro le borataro. ³³Maotwana a a dikologang a ne a dirilwe jaaka maotwana a kolotsana ya ntwa. Dikarolo tsotlhe tsa maotwana a a dikologang di ne di dirilwe ka tshipi e e tshetsweng.³⁴Go ne go na le matshwaro a a diretsweng mo setlhomong kwa dikhutlong tse nne tsa setlhomo sengwe le sengwe. ³⁵Mo godimo ga ditlhomo go ne go na le sedikologo se le disenthimithara di le masome a mabedi le bobedi, mme go tshwaragantswe dika-mabati le matshego a a tshegetsang ditlhomo.³⁶Mo dipapetleng tsa matshego le mo dika-mabating Hurame a kwala ka mokwalo o o sa sutlhegeng, dicheruba , ditau, ditlhare tsa dipalema tse di neng di apesa phatlha e e neng e le teng, mme di ne di dikologilwe ke dikgare. ³⁷A dira ditlhomo tse di lesome ka tsela e e ntseng jaana. Tsotlhe di ne di tshetswe mo foromong e le nngwe, di ne di lekana e bile di tshwana ka popego.³⁸Hurame a dira dibeisane tse lesome tsa kgotlho. Beisane e le nngwe e ne e ka tladiwa ke dinkgwana tse di masome a mane tsa metsi. Beisane nngwe le nngwe e na le boatlhamo jwa mithara phegelwana borobabobedi, mme go ne go na le beisane e le nngwe mo setlhomong sengwe le sengwe sa ditlhomo tse di lesome. ³⁹O ne a dira ditlhomo tse tlhano mo letlhakoreng le le lebileng kwa borwa la tempele, a bo a dira ditlhomo tse tlhano mo letlhakoreng le le lebileng kwa bokone la tempele. O ne a baya lewatle kwa sekhutlong se se kwa botlhabatsatsi, le lebile kwa borwa jwa tempele.⁴⁰Hurame a dira dibeisane, digarawe le dibeisane tse di kgatshang. Foo a fetsa tiro e a neng a e direla kgosi Solomone mo tempeleng ya Modimo Yahweh: ⁴¹maotwana a mabedi, le ditlhogo tsa one tse di tshwanang le dibeisane tse di neng di le mo godimo ga maotwana a mabedi, le mekgabiso e mebedi ya ditlowa go khurumetsa ditlhogo tse di tshwanang le dibeisane tse di mo godimo ga maotwana.⁴²A direla mekgabiso e mebedi ya ditlowa digarenate di le makgolo a mane: mela e le mebedi mo mongwe le mongweng wa mekgabiso ya ditlowa go khurumetsa ditlhogo tse di tshwanang le dibeisane tse di mo godimo ga maotwana, ⁴³ditlhomo tse di lesome, le dibeisane tse di lesome tse di mo godimo ga ditlhomo.⁴⁴A dira lewatle le dipholo tse di lesome le bobedi tse di ka fa tlase ga lone; ⁴⁵gape le dipitsa, digarawe, dibeisane le didirisiwa tse dingwe tsotlhe. Hurame a di dira ka kgotlho e e rethefaditsweng a direla kgosi Solomone, le tempele ya Modimo Yahweh.⁴⁶Kgosi o ne a di tshela mo leboeng la Jorotane, mo mmung wa seloko fa gare ga Sukhothe le Sarethane. ⁴⁷Solomone a se ka a kala bokete jwa didirisiwa tsotlhe gonne di ne di le dintsi thata go ka kalwa, ka gore bokete jwa kgotlho bo ne bo ka se ka jwa lekanngwa.⁴⁸Solomone a dira dilo tsotlhe tse di bewang mo ntlong tse di mo tempeleng ya Modimo Yahweh ka gauta: aletara ya gauta le tafole e borotho jwa bolengteng bo neng bo a go bewa mo go yone. ⁴⁹Ditlhomo tsa mabone, tse tlhano ka kwa letlhakoreng la moja, tse tlhano ka kwa letlhakoreng la molema, fa pele ga ntlo e e ka kwa teng, e ne e le tsa gauta ya tlhwatlhwa, le dithunya, ditlhomo tsa mabone, le dikgoge e ne e le tsa gauta.⁵⁰Dikopi, dilo tse di kgaolang megala ya mabone, dibeisane, dintshwana, dipane tse di fisetsang maswalo e ne e le tsa gauta ya tlhwatlhwa. Gape le matshwaro a mabati otlhe a ntlo e e ka kwa teng, e e neng e le lefelo le le boitshepo, le matshwaro a mabati otlhe a ntlo ya tempele e ne e le gauta.⁵¹Ka tsela e, tiro yotlhe e kgosi Solomone a neng a e direla ntlo ya Modimo Yahweh e ne ya fediwa. Jalo Solomone a tsenya dilo tsotlhe tse Tafita, rraagwe a neng a di beela kwa thoko, le selefera, gauta, le tse di bewang mo ntlong, a di baya mo mabeelong a ntlo ya Modimo Yahweh.

8¹Foo Solomone a kgobokanya bagolwane ba Iseraele, le ditlhogo tsotlhe tsa merafe, le baeteledipele ba malwapa a batho ba Iseraele, fa pele ga gagwe kwa Jerusalema, go tla go tsisa letlole la kgolagano ya Modimo Yahweh go tswa toropokgolong ya ga Tafita, ke gore, Sione. ²Banna botlhe ba Iseraele ba kgobokana fa pele ga ga kgosi Solomone kwa moketeng, ka kgwedi ya Ethanimi, e e leng kgwedi ya bosupa.³Bagolwane botlhe ba Iseraele ba tla, baperesiti ba tsaya letlole. ⁴Ba tsisa letlole la ModimoYahweh, tente ya bokopanelo, le dilo tsotlhe tse di boitshepo tse di mo tenteng. Baperesiti le Balefi ba ne ba tsisa dilo tse. ⁵Kgosi Solomone le kgobokano yotlhe ya Iseraele ba kopanela mmogo fa pele ga letlole, ba ntsha ditlhabelo tsa dinku le dipholo tse di neng di ka se ka tsa balwa.⁶Baperesiti ba tsisa letlole la kgolagano ya Modimo Yahweh ka kwa teng, kwa lefelong la lone, mo ntlwaneng e e ka kwa teng ga ntlo, kwa lefelong le le boitshepo thata, ka fa tlase ga dicheruba. ⁷Gonne dicheruba di ne di phuthuloletse diphuka tsa tsone kwa go bewang letlole teng, mme tsa khurumetsa letlole le dikota tse le neng le kukilwe ka tsone. ⁸Dikota di ne di le dileele mo dintlha tsa tsone di neng di bonala go tswa kwa lefelong le le boitshepo kwa pele ga ntlwana e e ka kwa teng, mme di ne di sa bonwe go tswa ka kwa ntle. Di gone foo go fitlha mo letsatsing leno.⁹Go ne go se na sepe mo letloleng fa e se dipapetla tsa matlapa tse di neng tsa bewa ke Moshe mo teng kwa Horeba, fa Modimo Yahweh a ne a dira kgolagano le batho ba Iseraele fa ba tswa mo lefatsheng la Egepeto. ¹⁰Go ne ga diragala gore fa baperesiti ba tswa mo lefelong le le boitshepo, leru la tlala mo tempeleng ya Mdimo Yahweh. ¹¹Baperesiti ba ne ba se ka ba emelela go direla ka lebaka la leru, gonne kgalalelo ya Modimo Yahweh e ne ya tlala mo ntlong ya gagwe.¹²Foo Solomone a re, ''Modimo Yahweh o ne a re o tla nna mo lefifing le le loileng, ¹³mme ke go agetse bonno jo bo kwa godimo, lefelo le o tla nnelang ruri mo go lone.''¹⁴Foo kgosi a retologa a segofatsa kokoano yotlhe ya Iseraele, fa kokoano ya Iseraele e santse e eme ka dinao. ¹⁵A re, ''A Modimo Yahweh, Modimo wa Iseraele, a galalediwe, ene yo o buileng le Tafita, rre, mme o diragaditse ka diatla tsa gagwe, a re, ¹⁶'Go tloga ka letsatsi le ke tsisitseng batho ba me ba Iseraele go tswa mo Egepeto, ga ke a kgetha toropokgolo epe go tswa mo merafeng yotlhe ya Iseraele gore ke age ntlo ya me mo go yone, gore leina la me le tle le nne koo. Le fa go ntse jalo, ke ne ka kgetha Tafita go busa batho ba me ba Iseraele.'¹⁷Jaanong go ne go le mo pelong ya ga Tafita, rre, go agela leina la Modimo Yahweh, Modimo wa Iseraele ntlo. ¹⁸Mme Modimo Yahweh a raya Tafita, rre, a re, 'Ka gore go ne go le mo pelong ya gago go agela leina la me ntlo, o dirile sentle gore go bo go le mo pelong ya gago. ¹⁹Mmme fela ga o na go aga ntlo; boemong jwa moo, morwao, ene yo o tla tsholwang go tswa mo lethekeng la gago, o tla agela leina la me ntlo.'²⁰Modimo Yahweh o diragaditse lefoko le a le buileng, gonne ke emeletse mo boemong jwa ga Tafita, rre, mme ke ntse mo setilong sa bogosi sa Iseraele, jaaka Modimo Yahweh a solofeditse. Ke agetse leina la Modimo Yahweh, Modimo wa Iseraele ntlo. ²¹Ke diretse letlole lefelo koo, le go nang le kgolagano ya Modimo Yahweh, e a e dirileng le borraarona fa a ba ntsha kwa lefatsheng la Egepeto.''²²Solomone a ema fa pele ga aletara ya Modimo Yahweh, fa pele ga kgobokano yotlhe ya Iseraele, a phatlalaletsa matsogo a gagwe kwa magodimong. ²³A re, ''Modimo Yahweh, Modimo wa Iseraele, ga go na Modimo yo o tshwanang le wena kwa magodimong kwa godimo kgotsa mo lefatsheng kwa tlase, yo o tshegetsang boikanyego jwa kgolagano ya gagwe le batlhanka ba gago ba ba tsamayang fa pele ga gago ka pelo ya bone yotlhe; ²⁴wena yo o tshegeditseng le Tafita rre, se o se mo solofeditseng. Ee, o buile ka molomo wa gago mme o diragaditse ka seatla sa gago, jaaka go ntse letsatsi leno.²⁵Jaanong, Modimo Yahweh, Modimo wa Iseraele, diragatsa se o se solofeditseng Tafita rre, fa o ne o re, 'Ga o kitla o tlhoka go nna le monna mo ponong ya me yo o nnang mo setilong sa bogosi sa Iseraele, fa fela bana ba gago ba tlhokomela go tsamaya fa pele ga me jaaka o tsamaile fa pele ga me.' ²⁶Jaanong, Modimo wa Iseraele, ke rapela gore tsholofetso e o e solofeditseng motlhanka wa gago Tafita rre, e nne boammaaruri.²⁷Mme a Modimo ruri o ka nna mo lefatsheng? Leba, lebopo lotlhe le legodimo ga di a go lekana - tempele e ke e agileng e tlhaelela kgakala! ²⁸Mme tsweetswee, tlotla thapelo e ya motlhanka wa gago le kopo ya gagwe, Modimo Yahweh, Modimo wa me; reetsa selelo le thapelo e motlhanka wa gago a e rapelang fa pele ga gago letsatsi leno.²⁹A matlho a gago a nne a bulegetse ntlheng ya tempele e bosigo le motshegare, kwa lefelong le o buileng se ka lone, 'Leina la me le bolengteng jwa me di tla nna foo' - gore o tle o reetse dithapelo tse motlhanka wa gago a tla di rapelelang ntlheng ya lefelo le. ³⁰Jalo reetse kopo ya motlhanka wa gago le ya batho ba gago ba Iseraele fa re rapelela ntlheng ya lefelo le. Ee reetsa go tswa kwa lefelong le o nnang mo go lone, go tswa magodimong; mme fa o reetsa, itshwarele.³¹Fa monna a leofela moagisanyi wa gagwe go bo go tlhokega gore a dire maikano, mme fa a tla a bo a dira maikano fa pele ga aletara ya gago mo ntlong e, ³²foo utlwa o le kwa magodimong mme o dire o atlhole batlhanka ba gago, o otlhae moikepi, go tsisa boitshwaro jwa gagwe mo tlhogong ya gagwe. Mme o kaye mosiami phatlalatsa gore ga a molato, go mo neela katso ya tshiamo ya gagwe.³³Fa batho ba gago ba Iseraele ba fenngwa ke mmaba ka lebaka gore ba go leofetse, fa ba retologela kwa go wena, ba ipolela leina la gago, ba rapela, mme ba kopa maitshwarelo mo go wena mo tempeleng e - ³⁴foo tsweetswee reetsa kwa magodimong mme o itshwarele boleo jwa batho ba gago ba Iseraele; ba busetse morago kwa lefatsheng le o le neileng borraabone.³⁵Fa mafaufau a tswalegile mme go se na pula ka lebaka la gore batho ba go leofetse - fa ba rapelela ntlheng ya lefelo le, ba ipolela leina la gago, mme ba bo ba retologa go tswa mo boleong jwa bone fa o ba tlhokofaditse - ³⁶foo reetsa kwa magodimong mme o itshwarele boleo jwa batlhanka ba gago le jwa batho ba gago ba Iseraele, fa o ba ruta tsela e e molemo e ba tshwanetseng go tsamaya mo go yone. Romela pula mo lefatsheng la gago, le o le neileng batho ba gago go nna boswa jwa bone.³⁷A gotwe go na le leuba mo lefatsheng, kgotsa a gotwe go na le bolwetse, komelelo ya matlhare kgotsa nngadube, tsie kgotsa seboko; kgotsa a gotwe mmaba o tlhasela dikgoro tsa toropokgolo mo lefatsheng la bone, kgotsa go na le leroborobo kgotsa bolwetse - ³⁸mme a gotwe foo dithapelo di rapelwa ke motho mongwe kgotsa ke batho ba gago botlhe ba Iseraele - mongwe le mongwe a itse leroborobo le le mo pelong e e leng ya gagwe jaaka a phatlalaletsa matsogo a gagwe ntlheng ya tempele e.³⁹Foo reetsa o le kwa legodimong, kwa lefelong le o nnang kwa go lone, itshwarele o dire, mme o atswele motho mongwe le mongwe se a se dirang; o itse pelo ya gagwe, gonne wena, mme wena o le nosi o itse dipelo tsa batho botlhe. ⁴⁰Dira se gore ba tle ba go boife matsatsi otlhe a ba tla a tshelang mo lefatsheng le o le neileng borraarona.⁴¹Go tlatsa, mabapi le motsakwa yo e seng mongwe wa batho ba gago ba Iseraele: fa a tla a tswa kwa lefatsheng le le kgakala ka lebaka la leina la gago - ⁴²gonne ba tla utlwa ka ga leina la gago le legolo, seatla sa gago se se maatla, le letsogo la gago le le tsholetsegileng - fa a tla go rapela a lebile tempele e, ⁴³foo reetsa go tswa legodimong, go tswa lefelong le o nnang kwa go lone, mme o dire sepe se motswakwa a se go kopang. Dira se gore ditlhopha tsa batho mo lefatsheng di tle di itse leina la gago di bo di go boife, jaaka batho ba gago ba Iseraele. Dira se gore ba tle ba itse gore ntlo e ke e agileng e e bidiwa ka leina la gago.⁴⁴A gotwe batho ba gago ba ya ntweng kgatlhanong le mmaba, ka tsela epe e o ka ba romelang ka yone, mme a gotwe ba a go rapela, Modimo Yahweh, ba lebile kwa toropokgolong e o e kgethileng, le kwa ntlong e ke e agetseng leina la gago. ⁴⁵Foo reetsa dithapelo tsa bone, dikopo tsa bone, mme o thuse maikaelelo a bone go direga o le kwa magodimong.⁴⁶A gotwe ba a go leofela, gonne ga go na ope yo o sa leofeng, mme a gotwe o ba tenegetse o bo o ba neela mmaba, gore mmaba a ba tseele kwa lefatsheng la gagwe ba le ditshwarwa, ba isiwa kgakala kgotsa gaufi. ⁴⁷Foo a gotwe ba lemoga gore ba mo lefatsheng le ba leng batshwarwa mo go lone, mme a gotwe ba a ikotlhaya ba bo ba kopa letlhogonolo mo go wena ba le mo lefatsheng la batshwari ba bone. A gotwe ba bua ba re, 'Re dirile tse di maswe mme re leofile. Re itshwere ka tsela e e boikepo.'⁴⁸A gotwe ba boela kwa go wena ka pelo ya bone yotlhe le ka mowa wa bone otlhe ba le mo lefatsheng la baba ba bone, ba ba ba gapileng, gape a gotwe ba a go rapela ba lebile kwa lefatsheng la bone, le o le neileng borraabone, gape ba lebile kwa toropokgolong e o e kgethileng, gape ba lebile kwa ntlong e ke e agetseng leina la gago.⁴⁹Foo reetsa thapelo ya bone, le dikopo tsa bone o le kwa magodimong, lefelo le o nnang mo go lone, mme o thuse maikaelelo a bone go direga. ⁵⁰Itshwarele batho ba gago, ba ba go leofetseng, le maleo a ka one ba robileng ditaelo tsa gago. Ba tlhomogele pelo fa pele ga baba ba bone ba ba ba tsereng ba le ditshwarwa, gore baba ba bone ba tlhomogele pelo batho ba gago.⁵¹Ke batho ba gago ba o ba kgethileng, ba o ba namotseng kwa Egepeto jaaka ekete ba tswa mo boubelong jo tshipi e direlwang mo go jone. ⁵²Ke rapela gore matlho a gago a bulegele kopo ya motlhanka wa gago le dikopo tsa batho ba gago ba Iseraele, go ba reetsa nako le nako fa ba lelela kwa go wena. ⁵³Gonne o ba tlhaotse go tswa mo gare ga batho botlhe ba lefatshe go nna batho ba gago le go amogela ditsholofelo tsa gago, jaaka o tlhalositse ka Moshe motlhanka wa gago, fa o ne o ntsha borraarona mo Egepeto, Morena Yahweh.''⁵⁴Jalo go ne ga digala gore fa Solomone a se na go fetsa go rapela thapelo yotlhe go kopa Modimo Yahweh, a emelela ka dinao fa pele ga aletara ya Modimo Yahweh, go tswa mo go khubameng ka mangole ka matsogo a phatlaladitswe go leba kwa magodimong. ⁵⁵A ema ka dinao a segofatsa kgobokano ya Iseraele ka lentswe le le kwa godimo, a re, ⁵⁶''A Modimo Yahweh a galalediwe, yo o neetseng batho ba gagwe ba Iseraele boikhutso, a tshegetsa ditsholofetso tsotlhe tsa gagwe. Ga go na lefoko le lengwe le le foloditseng la ditsholofetso tse di molemo tse Modimo Yahweh a di dirileng ka Moshe motlhanka wa gagwe.⁵⁷A Modimo Yahweh, Modimo wa rona a nne le rona jaaka a ne a na le borraarona. A a se ka a re tlogela kgotsa a re latlha, ⁵⁸gore a tle a obele dipelo tsa rona kwa go ene, gore re tshele mo ditseleng tsotlhe tsa gagwe le ditaolo tsa gagwe le melawana ya gagwe le dikatlholo tsa gagwe, tse a di laotseng borraarona.⁵⁹Mme a mafoko a ke a buileng a, a ke dirileng kopo ka one fa pele ga Modimo Yahweh, a nne gaufi le Modimo Yahweh, Modimo wa rona bosigo le motshegare, gore a thuse go direga ga maikaelelo a motlhanka wa gagwe le a batho ba gagwe ba Iseraele, jaaka go tlhokega letsatsi le letsatsi; ⁶⁰gore batho botlhe ba lefatshe ba itse gore Modimo Yahweh, ke Modimo, le gore ga go na Modimo yo mongwe gape! ⁶¹Jalo he, a pelo ya lona e nne boammaaruri mo go Modimo Yahweh, Modimo wa rona, go tsamaya mo melawaneng ya gagwe le go tshegetsa ditaolo tsa gagwe, jaaka mo letsatsing le.''⁶²Jalo kgosi le Iseraele otlhe mmogo ba ntshetsa Modimo Yahweh ditlhabelo. ⁶³Solomone a neela Modimo Yahweh moneelo wa setlhabelo sa botsalano: dipholo di le masome a mabedi le bobedi a dikete le dinku di le dikete tse di lekgolo le masome a mabedi. Jalo kgosi le batho botlhe ba Iseraele ba tshwaela Modimo Yahweh ntlo ya gagwe.⁶⁴Mo letsatsing lone leo kgosi a tlhaola bogare jwa lelwapana le le fa pele ga tempele ya Modimo Yahweh, gonne foo o ne a neela moneelo o o fisiwang, moneelo wa mabele, le mafura a moneelo wa botsalano, ka lebaka la gore aletara ya kgotlho e e fa pele ga Modimo Yahweh e ne e le nnye go ka amogela moneelo o o fisiwang, meneelo ya mabele le mafura a meneelo ya botsalano.⁶⁵Jalo Solomone a dira mokete ka nako eo, Iseraele otlhe a na le ene, kgobokano e kgolo, go tswa Lebo Hamatha go ya kwa motsweding wa Egepeto, fa pele ga Modimo Yahweh, Modimo wa rona ka matsatsi a supa, gape ka matsatsi a mangwe a supa, gotlhe e le matsatsi a le lesome le bone. ⁶⁶Mo letsatsing la borobabobedi a phatlalatsa batho, mme ba segofatsa kgosi ba ya malwapeng a bone ka dipelo tse di itumeletseng bomolemo jotlhe jo Modimo Yahweh a bo bontshitseng Tafita motlhanka wa gagwe le batho ba gagwe ba Iseraele.

9¹Morago fa Solomone a se na go fetsa go aga tempele ya Modimo Yahweh le ntlo ya bogosi ya kgosi, le morago ga a se na go wetsa tsotlhe tse a neng a batla go di dira, ²Modimo Yahweh a iponagaletsa Solomone lekgetho la bobedi, jaaka a kile a mo iponagaletsa kwa Gibeone.³Mme Modimo Yahweh a mo raya a re, ''Ke utlwile thapelo ya gago le kopo ya gago tse o di dirileng fa pele ga me. Ke tlhaoletse fa thoko ntlo e, e o e agileng, go nna ya me le go baya leina la me mo go yone ka bosakhutleng. Matlho a me le pelo ya me di tla nna foo ka nako yotlhe.⁴Fa e le wena, fa o ka tsamaya fa pele ga me jaaka Tafita rraaago a tsamaile ka pelo ya seriti le ka bosenang-molato, o utlwa tsotlhe ke ke di go laotseng o tshegetsa melawana ya me le ditaolo tsa me, ⁵foo ke tla tlhomamisa setilo sa bogosi jwa gago mo Iseraele ka bosakhutleng, jaaka ke solofeditse Tafita rraago, ke re, 'Ngwana wa gago ga a kitla a tlhaela go nna mo setilong sa bogosi sa Iseraele.'⁶Mme fa o ka leba go sele, wena le bana ba gago, le bo le sa tshegetse ditaolo tsa me le melawana ya me e ke e beileng fa pele ga lona, gape fa le tsamaya le ya go obamela medimo e mengwe le e khubamela, ⁷foo ke tla kgaola Iseraele mo lefatsheng le ke le ba neileng; mme ntlo e, e ke e tlhaoletseng leina la me, ke tla e latlhela kgakala le pono ya me, mme Iseraele o tla nna sekai sa dilo tse di sotlwang le selo se se tshegiwang gareng ga batho botlhe.⁸Mme le fa tempele e e le ya tlhwatlhwa jaanong, mongwe le mongwe yo o tla fetang fa go yone o tla gakgamala a bo a tlhoboge. Ba tla botsa, 'Ke eng Modimo Yahweh a dirile se mo lefatsheng le le mo ntlong e?' ⁹Ba bangwe ba tla araba, 'Ka gore ba tlogetse Modimo Yahweh, Modimo wa bone, yo o ntshitseng borraabone kwa lefatsheng la Egepeto, mme ba itseetse medimo e mengwe ba a e khubamela ba a e obamela. Ke sone se Modimo Yahweh a tsisitseng sebetso se mo go bone.'''¹⁰Go ne ga diragala gore morago ga dingwaga tse di masome a mabedi Solomone a bo a feditse go aga dikago tse pedi, tempele ya Modimo Yahweh le ntlo ya bogosi ya kgosi. ¹¹Hiramo, kgosi ya Tire, o ne a neela Solomone ditlhare tsa masitara le masipora le gauta; dilo tsotlhe tse Solomone a neng a di eletsa. Jalo kgosi Solomone a neela Hiramo ditoropokgolo di le masome a mabedi mo lefatsheng la Galalea.¹²Hiramo a tswa kwaTire go bona ditoropokgolo tse Solomone a di mo neileng, mme tsa se ka tsa mo itumedisa. ¹³Jalo Hiramo a re, ''Ke ditoropokgolo mang tse o di nneetseng, morwarre?'' Hiramo a di bitsa lefatshe la Khabulu, leina le di bidiwang ka lone go fitlha gompieno. ¹⁴Hiramo o ne a romeletse kgosi ditalente tsa gauta di le lekgolo le masome a mabedi.¹⁵Tse di latelang ke ditiro tse kgosi Solomone a neng a laotse gore di dirwe: go aga tempele ya Modimo Yahweh le ntlo ya bogosi ya kgosi, go aga lehuti la matlakala le lebota la Jerusalema, le go aga tshireletso ya Hasore, Megito, le Gesere. ¹⁶Faro kgosi ya Egepeto o ne a ya a tsaya Gesere, a e fisa, a bo a bolaya Bakanana ba ba nnang mo toropokgolong. Foo Faro a neela morwadie, mosadi wa ga Solomone, toropokgolo e le mpho ya lenyalo.¹⁷Jalo Solomone a aga Gesere le Bethe Horone wa Lowere, ¹⁸Baalatha le Tamara mo sekakeng mo lefatsheng la Juta, ¹⁹le ditoropokgolo tsa mabolokelo tsotlhe tse e neng e le tsa gagwe, le ditoropokgolo tsa dikolotsana tsa gagwe tsa ntwa le ditoropokgolo tsa bapalami ba dipitse ba gagwe, le sepe se a neng a eletsa go ka se agela go ijesa monate mo Jerusalema, mo Lebanone le mo mafatsheng lotlhe le le ka fa tlase ga puso ya gagwe.²⁰Fa e le ka ga batho ba ba neng ba setse ba, Baamori, Bahiti, Baperesi, Bahifi le Bajebusi, ba e neng e se batho ba Iseraele, ²¹bana ba bone ba ba neng ba setse mo lefatsheng, ba batho ba Iseraele ba neng ba se ka ba kgona go ba nyeletsa - Solomone a ba fetola batho ba ba berekang ka patiko, selo se se ntseng jalo go fitlha gompieno.²²Le fa go ntse jalo, Solomone ga a a ka a dira batho ba Iseraele batho ba ba berekang ka patiko. Boemong jwa moo, ba ne b nna masole a gagwe le batlhanka ba gagwe, badiredi ba gagwe, badiri ba gagwe, le balaola sesole ba sesole sa dikolotsana tsa ntwa le bapalami ba dipitse ba gagwe.²³Ba gape e ne e le badiredi bagolo ba ba okametseng batlhokomedi ba ba neng ba dira ditiro tsa ga Solomone, ba le makgolo a matlhano le masome a matlhano, ba ba neng ba tlhokometse batho ba ba neng ba dira tiro.²⁴Morwadie Faro a tswa ma toropokgolong ya ga Tafita a ya kwa ntlong e Solomone a e mo agatseng. Morago Solomone a aga lehuti la matlakala.²⁵Gararo mo ngwageng mongwe le mongwe Solomone o ne a ntsha meneelo e e fisiwang le meneelo ya kagiso mo aletareng e a e agetseng Modimo Yahweh, a fisa maswalo le yone mo aletareng e e fa pele ga Modimo Yahweh. Jalo o ne a feditse tempele e bile a e dirisa.²⁶Kgosi Solomone a aga dikepe kwa Esione Gebere, gaufi le Elatha mo letshitshing la lewatle le le hibidu, mo lefatsheng la Etome. ²⁷Hiramo a romela batlhanka kwa dikepeng tsa ga Solomone, bakgweetsi ba dikepe ba ba neng ba tlhaloganya lewatle, ba na le batlhanka ba e leng ba ga Solomone. ²⁸Ba ne ba ya Ofiri le batlhanka ba ga Solomone. Go tswa koo ba tsisetsa kgosi Solomone gauta ya selekanyo sa ditalente tse di makgolo a mane le masome a mabedi.

10¹Fa kgosigadi ya Sheba a utlwa ka ga tumo ya ga Solomone mabapi le leina la Modimo Yahweh, o ne a tla go mo leka ka dipotso tse di thata. ²O ne a tla kwa Jerusalema ka motseletsele wa ditlhopha tsa bapati, ka dikamela di rwele ditswaiso, gauta e ntsi, le matlapana a tlhwatlhwa a le mantsi. Fa a goroga, a bolelela Solomone tsotlhe tse di mo pelong ya gagwe.³Solomone o ne a araba dipotso tsa gagwe tsotlhe. Ga go na sepe se a se boditseng se kgosi a se kileng a se araba. ⁴Fa kgosigadi ya Sheba a bona botlhale jotlhe jwa ga Solomone, ntlo ya bogosi e a e agileng, ⁵dijo tse di mo tafoleng ya gagwe, go nna ga batlhanka ba gagwe, tiro ya batlhanka ba gagwe le diaparo tsa bone, gape le batshwarakopi ba gagwe, le tsela e a ntshang meneelo e e fisiwang ka yone mo ntlong ya Modimo Yahweh, a felelwa ke mowa.⁶A raya kgosi a re, ''E boammaaruri, pego e ke e utlwileng ke le kwa lefatsheng la me ka mafoko a gago le botlhale jwa gago. ⁷Ke ne ke sa dumele se ke neng ke se utlwa go fitlhela ke tla fa, mme jaanong matlho a me a se bone. Ga ke a bolelelwa selekanyo sa sephatlo sa botlhale jwa gago le khumo! O fetile tumo e ke utlwileng ka ga yone.⁸Basadi ba gago ba segofetse jang, le batlhanka ba gago ba ba emang fa pele ga gago nako yotlhe ba segofetse jang, ka gore ba utlwa botlhale jwa gago. ⁹A Modimo Yahweh, Modimo wa gago a galalediwe, ene yo o itumelang mo go wena, ene yo o go beileng mo setilong sa bogosi jwa Iseraele. Gonne Modimo Yahweh o ratile Iseraele ka bosakhutleng, o go dirile kgosi, go dira tsa katlholo le tshiamo!''¹⁰A neela kgosi dikhilokereme di le dikete tse nne tsa gauta, le ditswaiso tsa bokete jo bogolo le matlapana a tlhwatlhwa. Ga go na selekanyo sa ditswaiso se se fetang se, se kgosigadi ya Sheba a se neetseng Solomone, se a kileng a se neelwa gape.¹¹Dikepe tsa ga Hiramo tse di tsisitseng gauta go tswa Ofiri, di ne tsa tsisa selekanyo se segolo sa legong la alemaga le matlapana a tlhwatlhwa. ¹²Kgosi o ne a direla tempele ya Modimo Yahweh le ntlo ya bogosi maotwana a alemaga, mme a direla baopedi diharepa le dilaeya ka alemaga. Ga go na selekanyo se se kalo sa legong la alemaga se se kileng sa tla kgotsa sa bonwa gape go fitlha letsatsing leno.¹³Kgosi Solomone a neela kgosigadi ya Sheba sengwe le sengwe se a neng a se eletsa, sepe se a neng a se kopa, go tlatsa se Solomone a neng a se mo neetse go tswa mo digapiweng tsa segosi. Jalo a boela kwa lefatsheng la gagwe le batlhanka ba gagwe.¹⁴Jaanong bokete jwa gauta e e neng e tla kwa go Solomone mo ngwageng e ne e le dikhilokereme di le dikete tse masome a mabedi le boraro, ¹⁵kwa ntle ga gauta e e neng e tsisiwa ke bagwebi le baananyi. Dikgosi tsotlhe tsa Arabea le balaodi mo lefatsheng ba ne ba tsisa gauta le selefera kwa go Solomone.¹⁶Kgosi Solomone o ne a dira dithebe tse dikgolo tsa gauta e e papetlilweng di le makgolo a mabedi, thebe nngwe le nngwe e dirilwe ka dikhilokereme di supa tsa gauta e e papetlilweng. ¹⁷Gape o ne a dira dithebe tse di makgolo mararo tsa gauta e e papetlilweng, nngwe le nngwe ya tsone e dirilwe ka dikhilokereme tse pedi tsa gauta e e papetlilweng; kgosi a di tsenya mo ntlong ya bogosi ya Sekgwa sa Lebanone.¹⁸Foo kgosi a dira setilo se segolo sa bogosi sa dinaka tsa ditlou mme a se apesa ka gauta ya tlhwatlhwa. ¹⁹Go ne go na le direpodi di le thataro go ya kwa setilong sa bogosi, mme lemorago la sone le na le tlhogo e e kgolokwe. Go ne go na le dibeo tsa matsogo mo letlhakoreng lengwe le lengwe la setilo, le ditau tse pedi di eme fa thoko ga dibeo tsa matsogo. ²⁰Ditau tse lesome le bobedi di ne di eme mo direpoding, tau e le nngwe mo ntlheng nngwe le nngwe ya serepodi. Go ne go se na setilo sa bogosi sepe se se tshwanang le sone mo bogosing bope.²¹Dikopi tsotlhe tsa ga kgosi Solomone di ne di dirilwe ka gauta, mme le dikopi tsotlhe mo ntlong ya bogosi ya Sekgwa sa Lebanone di ne di dirilwe ka gauta ya tlhwatlhwa. Ga go na epe ya tsone e e neng e le ya selefera, gonne selefera e ne e sa kaiwe e na le tlhwatlhwa mo matsatsing a ga Solomone. ²²Kwa lewatleng kgosi o ne a na le dikepe tse di tsamayang mo mawatleng a matona, ditsamaya le tsa ga Hiramo. Gangwe mo dingwageng tse tharo dikepe di ne di tsisa gauta, selefera, dinaka tsa ditlou, ga mmogo le dikgabo le ditshwene.²³Jalo kgosi Solomone a feta dikgosi tsotlhe tsa lefatshe ka khumo le botlhale. ²⁴Lefatshe lotlhe le ne le batla bolengteng jwa ga Solomone go utlwa botlhale jwa gagwe jo Modimo a bo beileng mo pelong ya gagwe. ²⁵Ba ba neng ba tla ba ne ba tsisa dimpho, dijana tsa selefera le tsa gauta, diaparo, dibetsa, ditswaiso, ga mmogo le dipitse le dimoulo, ngwaga le ngwaga.²⁶Solomone a kgobokanya dikolotsana tsa ntwa le bapalami ba dipitse. O ne a na le dikolotsana tsa ntwa di le sekete le makgolo a mane le bapalami ba dipitse ba le dikete tse lesome le bobedi ba a neng a ba beile kwa ditoropokgolong tsa dikolotsana tsa ntwa le ba ba neng ba na le ene mo Jerusalema. ²⁷Mo Jerusalema kgosi o ne a na selefera e e neng e tshwana le matlapa fa fatshe. O ne a dira gore legong la mositara le nne lentsi jaaka mefeige ya masikamore e e kwa mafelong a a kwa tlase.²⁸Solomone o ne a ruile dipitse tse di neng di tswa kwa Egepeto lekwa Kilikia. Bagwebi ba kgosi ba ne ba di reka ka ditlhopha, setlhopha sengwe le sengwe se na le tlhwatlhwa ya sone. ²⁹Dikolotsana tsa ntwa di ne di rekiwa go tswa kwa Egepeto, e le nngwe e rekwa ka dishekele tsa selefera di le makgolo a marataro, fa dipitse tsone di rekwa ka dishekele tse lekgolo le masome a matlhano e le nngwe. Bontsi jwa tsone di ne di rekisediwa dikgosi tsotlhe tsa Bahiti le Aramo.

11¹Jaanong Solomone o ne a rata basadi ba bantsi ba batswakwa: morwadia Faro le basadi ba Bamoabe, Baamone, Baetome, Basitone, le Bahiti - ²ditshaba tse Modimo Yahweh a neng a reile batho ba Iseraele ka tsone a re, ''Ga le na go tsena mo gare ga bone go ba nyala, le bone ga ba na go tla mo gare ga lona, gonne e le ruri ba tla retololela pelo ya lona kwa medimong ya bone.'' Mme Solomone o ne a rata basadi ba.³Solomone o ne a na le basadi ba segosi ba le makgolo a supa le dinyatsi di le makgolo a mararo. Basadi ba gagwe ba retololela pelo ya gagwe go sele. ⁴Gonne fa Solomone a tsofala, basadi ba gagwe ba retololela pelo ya gagwe kwa medimong e sele; pelo ya gagwe e ne e sa ineela ka botlalo mo go Modimo Yahweh, Modimo wa gagwe jaaka pelo ya ga Tafita rraagwe.⁵Gonne Solomone o ne a sala morago Ashetorethe, modimogadi wa Basitone, a bo a sala morago Milikhomo, modingwana wa disetwa yo o sisimosang wa Baamone. ⁶Solomone a dira se se bosula mo ponong ya Modimo Yahweh; ga a a ka a sala Modimo Yahweh morago ka botlalo jaaka Tafita rraagwe a dirile.⁷Foo Solomone a agela Khemoshe, modingwana wa disetwa yo o sisismosang wa Moabe lefelo le le fa godimo, mo thabaneng ka kwa botlhabatsatsi jwa Jerusalema, gape a agela le Molekhe, modingwana wa disetwa yo o sisimosang wa batho ba Amone. ⁸A boa gape a agela basadi ba gagwe ba batswakwa mafelo a a kwa godimo, a ba neng ba fisetsa medimo ya bone maswalo ba bo ba e ntshetsa ditlhabelo mo go one.⁹Modimo Yahweh, Modimo wa Iseraele o ne a tenegela Solomone mo go golo, gonne peloya gagwe e ne e mo hularetse, le ntswa a mo iponagaleditse gabedi ¹⁰a mo laola ka sone selo se, gore a se ka a latela medimo e sele. Mme Solomone a se ka utlwa se Modimo Yahweh a se mo laotseng.¹¹Jalo he, Modimo Yahweh a raya Solomone a re, ''Ka lebaka la gore o dirile se, mme wa se ka wa tshegetsa kgolagano le melawana e ke e go laotseng, e le rurike tla gagola bogosi go tswa mo go wena ke bo neela motlhanka wa gago. ¹²Le fa go ntse jalo, ka lebaka la ga Tafita rraago, ga ke na go dira mo matsatsing a go tshela ga gago, mme ke tla bo gagola mo seatleng sa morwao. ¹³Ga ke na go gagola bogosi jotlhe; ke tla neela morwao morafe o le mongwe ka lebaka la ga Tafita motlhanka wa me, le ka lebaka la Jerusalema yo ke mo ikgethetseng.''¹⁴Foo Modimo Yahweh a godisa mmaba kgatlhanong le Solomone, Hatata wa Moetome. O ne a tswa mo lelwapeng la bogosi jwa Etome. ¹⁵Fa Tafita a le kwa Etome, Joabe moetelela sesole o ne a ile go boloka baswi, monna mongwe le mongwe yo o neng a bolailwe mo Etome. ¹⁶Joabe le Iseraele ba nna kwa Etome dikgwedi tse thataro go fitlhela ba bolaya monna mongwe le mongwe mo Etome. ¹⁷Mme Hatata a tswewa le Baetome ba bangwe ke batlhanka ba ga rraagwe go ya Egepeto, ka gore Hatata o ne a santse a le ngwana yo monnye.¹⁸Ba tswa mo Midiana ba tla kwa Parana, fa ba neng ba tsaya banna ba ya Egepeto le bone, kwa go Faro kgosi ya Egepeto, yo o neng a mo neela ntlo, lefatshe le dijo. ¹⁹Hatata a bona botsalano jo bogolo mo ponong ya ga Faro, mo Faro a bileng a mo neela masadi, monnawe mosadi wa gagwe, monnawe mohumagadi Tapenese.²⁰Monnawe Tapenese a tsholela Hatata morwa. Ba mo neela leina Genubatha. Tapenese a mo godisetsa mo ntlong ya bogosi ya ga Faro. Jalo Genubatha a nna mo ntlong ya bogosi ya ga Faro fa gare ga bana ba ga Faro. ²¹Fa a santse a le kwa Egepeto, Hatata a utlwa gore Tafita o tlhokafetse, le gore Joabe, moetelela sesole o sule. Hatata a raya Faro a re, ''Mma ke tsamae, ke boele kwa lefatsheng la gaetsho.'' ²²Foo Faro a mo raya a re, ''Ke eng se o se tlhokileng o na le nna, se se dirang gore o batle go ya kwa lefatsheng la ga lona?'' Hatata a araba, ''Ga go na sepe. Tsweetswee mma ke tsamae.''²³Modimo a godisa mmaba yo mongwe gape kgatlhanong le Solomone, Resone morwa Eliata, yo o neng a sia go tswa mo go mong wa gagwe Hatatesa, kgosi ya Soba. ²⁴Resone o ne a ikgobokanyetsa banna a nna moetelela sesole se se nnye, fa Tafita a fenya banna ba Soba. Banna ba ga Resone ba ne ba ya kwa Tamaseko mme ba nna koo, mme Resone a laola Tamaseko. ²⁵O ne a le mmaba wa Iseraele matsatsi otlhe a ga Solomone, mmogo le mathata a Hatata a neng a a tsisa. Resone o ne a ila Iseraele, mme a busa mo Aramo.²⁶Foo Jeroboame morwa Nebate, Moiforeimi wa Sereta, modiredi wa ga Solomone, yo leina la ga mmaagwe e neng e le Serua, motlholagadi, le ene a tsholetsa seatla sa gagwe kgatlhanong le kgosi. ²⁷Lebaka la gore a tsholetse seatla kgatlhanong le kgosi ke gore Solomone o agile lehuti la matlakala a bo a baakanya phatlha e e mo leboteng la toropokgolo ya ga Tafita rraagwe.²⁸Jeroboame e ne e le senatla se se pelokgale sa ntwa. Solomone a bona gore lekawana le le bereka ka thata, jalo a mo neela taolo godimo ga babereki ba ntlo ya ga Josefa. ²⁹Ka nako eo fa Jeroboame a tswa mo Jerusalema, moporofiti Ahija wa Moshilo a mmona mo tseleng. Jaanong Ahija o ne a apere seaparo se sesha mme banna ba babedi ba ne ba le nosi mo sekgweng. ³⁰Foo Ahija a tshwara seaparo se sesha se se mo go ene a se gagola ditoki tse di lesome le bobedi.³¹A raya Jeroboame a re, ''Tsaya ditoki tse lesome, gonne Modimo Yahweh, Modimo wa Iseraele a re, 'Bona, ke tla gagola bogosi go tswa mo seatleng sa ga Solomone mme ke tla go neela merafe e e lesome ³²(mme Solomone o tla nna le morafe o le mongwe, ka lebaka la ga Tafita motlhanka wa me, le ka lebaka la Jerusalema - toropokgolo e ke e ikgethetseng go tswa mo merafeng yotlhe ya Iseraele), ³³gonne ba ntlogetse ba obametse Ashetorethe modimogadi wa Basitone, Khemoshe modimo wa Moabe, le Milikhomo modimo wa batho ba Amone. Ga ba a tsamaya mo ditseleng tsa me, go dira se se siameng mo ponong ya me, le go tshegetsa melawana ya me le ditaolo tsa me, jaaka Tafita rraagwe.³⁴Le fa go ntse jalo, ga ke na go tsaya bogosi jotlhe mo seatleng sa ga Solomone. Boemong jwa moo, ke mo dirile mmusi mo matsatsing otlhe a go tshela ga gagwe, ka lebaka la ga Tafita motlhanka wa me, yo ke mo kgethileng, ene yo o neng a tshegetsa ditalolo tsa me le melawana ya me. ³⁵Mme ke tla tsaya bogosi mo seatleng sa morwawe mme ke tla bo go neela, merafe e le lesome. ³⁶Ke tla neela morwa Solomone morafe o le mongwe, gore Tafita motlhanka wa me a nne a na le lebone fa pele ga me mo Jerusalema, toropokgolo e ke tlhophileng go baya leina la me mo go yone.³⁷Ke tla go tsaya, mme o tla busa go diragatsa tsotlhe tse o di eletsang, mme o tla nna kgosi mo Iseraele. ³⁸Fa o reetsa tsotlhe tse ke di go laolang, gape fa o tsamaya mo ditseleng tsa me o dira se se siameng mo matlhong a me, go tshegetsa melawana ya me le ditaolo tsa me, jaaka motlhanka wa me Tafita a dirile, foo ke tla nna le wena mme ke tla go agela ntlo e e tlhomamisegang, jaaka ke agetse Tafita, mme ke tla go neela Iseraele. ³⁹Ke tla otlhaya bana ba ga Tafita, mme e seng ka bosakhutleng.'''⁴⁰Jalo Solomone a leka go bolaya Jeroboame. Mme Jeroboame a emelela a siela kwa Egepeto, kwa go Shishaka kgosi ya Egepeto, mme a nna kwa Egepeto go fitlhela Solomone a a swa.⁴¹Fa e le ka ga dikgang tse dingwe tse di neng di ama Solomone, tsotlhe tse a di dirileng le botlhale jwa gagwe, a ga di a kwalwa mo Lekwalong la Ditiragalo tsa ga Solomone? ⁴²Solomone o ne a busa Iseraele yotlhe mo Jerusalema dingwaga di le 40. ⁴³O ne a robala le borraagwe mme a bolokwa mo toropokgolong ya ga Tafita rraagwe. Morwawe Rehoboame a nna kgosi mo boemong jwa gagwe.

12¹Rehoboame a ya kwa Shekeme, gonne Iseraele yotlhe e ne e tla kwa Shekeme go mo dira kgosi. ²Ga diragala gore Jeroboame morwa Nebate a utlwe ka se (gonne o ne a santse a le kwa Egepeto, kwa a sietseng teng go tswa mo bolengteng jwa ga kgosi Solomone), gonne Jeroboame o ne a nna a iketla kwa Egepeto.³Jalo ba roma ba mmitsa, mme Jeroboame le kgobokano yotlhe ya Iseraele ba tla ba raya Rehoboame ba re, ⁴''Rraago o ne a dirile jokwe ya rona bokete. Jaanong tlhofofatsa tiro e e thata ya ga rraago o bo o tlhofofatse jokwe e e bokete e rraago a e beileng mo go rona, mme re tla go direla.'' ⁵Rehoboame a ba raya a re, ''Tsamayang mme le boele kwa go nna morago ga matsatsi a mararo.'' Jalo batho ba tsamaya.⁶Kgosi Rehoboame a ya go rerisanya le bannabagolo ba ba neng ba ema fa pele ga ga Solomone rraagwe a santse a tshela, mme a re, ''Le nkgakolola gore ke arabe batho ba jang?'' ⁷Ba bua le ene ba re, ''Fa o ne o ka nna motlhanka wa batho ba letsatsi leno wa ba direla, mme wa ba araba ka go bua mafoko a a molemo, foo ba tla nna batlhanka ba gago ka nako yotlhe.''⁸Mme Rehoboame a ikgatholosa kgakololo e bannabagolo ba mo e neetseng, mme a rerisa bannana ba a godileng le bone ba ba neng ba ema fa pele ga gagwe. ⁹A ba raya a re, ''Ke kgakololo efe e le e nneelang e ka yone re ka arabang batho ba ba neng ba bua le nna ba re, 'Tlhofofatsa jokwe e rraago a e beileng mo go rona?'''¹⁰Bannana ba ba godileng le Rehoboame ba bua le ene, ba re, ''Bua le batho ba ba reng rraago Solomone o ne a dirile jokwe ya bone bokete mme o e dire botlhofo. O ba reye o re, 'Monwana wa me o monnye wa seatla o mokima go feta dinoka tsa ga rre. ¹¹Jalo, le fa rre a ne a le imeditse jokwe e e bokete, ke tla oketsa mo jokweng ya lona. Rre o ne a le otlhaya ka dime, mme nna ke tla le otlhaya ka diphepheng.'''¹²Jalo Jeroboame le batho botlhe ba tla kwa go Rehoboame mo letsatsing la boraro, jaaka kgosi a laetse fa a ne a re, ''Boelang kwa go nna ka letsatsi la boraro.'' ¹³Kgosi a araba batho mo go makgwakgwa a ikgatholosa kgakololo e bannabagolo ba mo e neetseng. ¹⁴O ne a bua le bone a setse morago kgakololo ya bannana; a re, ''Rre o ne a le imetsa jokwe e e bokete, mme nna ke tla oketsa mo jokweng ya lona. Rre o ne a le otlhaya ka dime, mme ke tla le otlhaya ka diphepheng.''¹⁵Jalo kgosi a se ka a reetsa batho, gonne e ne e le tiragalo e e dirilweng ke Modimo Yahweh, gore a tle a diragatse lefoko la gagwe le a le buileng ka Ahija wa Moshilo a le raya Jeroboame morwa Nebate.¹⁶Fa Iseraele otlhe ba bona gore kgosi ga a ba reetse, batho ba mo araba ba re, ''Re ka kgaoganngwa eng mo go Tafita? Ga re na boswa mo go morwa Jese! Yang ditenteng tsa lona, Iseraele. Jaanong iponele ntlo ya gago, Tafita.'' Jalo Iseraele ba boela kwa ditenteng tsa bone. ¹⁷Mme fa e le batho ba Iseraele ba ba nnang kwa ditoropokgolong tsa Juta, Rehoboame o ne a nna kgosi ya bone.¹⁸Foo kgosi Rehoboame a roma Atoramo, yo o neng a tlhokomela babereki ba ba patikiwang go bereka, mme Iseraele otlhe ba mo kgobotletsa ka matlapa ba mmolaya. Kgosi Rehoboame a siela kwa Jerusalema ka bonako ka kolotsana ya gagwe ya ntwa. ¹⁹Jalo Iseraele o ntse a le mo tsuololong kgatlhanong le ntlo ya ga Tafita go fitlha letsatsi leno.²⁰Ga diragala gore fa Iseraele otlhe a utlwa gore Jeroboame o boile, ba roma ba mmiletsa kwa kgobokanong ya bone ba mmaya kgosi mo Iseraele otlhe. Go ne ga se ka ga nna motho ope yo o neng a sala morago lelwapa la ga Tafita, fa e se morafe wa Juta o le nosi.²¹Fa Rehoboame a goroga kwa Jerusalema, a kgobokanya ntlo yotlhe ya Juta le morafe wa Benjamene; go ne go na le banna ba le dikete tse di lekgolo le masome a robang bobedi ba ba kgethilweng e le masole, go lwa le Iseraele, go bosetsa bogosi kwa go Rehoboame morwa Solomone.²²Mme lefoko la Modimo la tla kwa go Shemaia, monna wa Modimo; la re, ²³''Bua le Rehoboame morwa Solomone, kgosi ya Juta, le ntlo yotlhe ya Juta le Benjamene, le batho botlhe; o re, ²⁴'Modimo Yahweh o bua se: le se ka la tlhasela kgotsa la lwa le barwarraalona batho ba Iseraele. Monna mongwe le mongwe a a ye gae, gonne selo se se dirilwe ke nna.''' Jalo ba reetsa lefoko la Modimo Yahweh ba boela morago ba tsamaya ka ditsela tsa bone, ba utlwa lefoko la gagwe.²⁵Foo Jeroboame a aga Shekeme mo lefatsheng la dithaba la Iforeimi, mme a nna teng. O ne a tswa koo a ya a aga Penuele. ²⁶Jeroboame a akanya mo pelong ya gagwe, ''Jaanong bogosi bo tla boela kwa ntlong ya ga Tafita. ²⁷Fa batho ba ba ya go ntsha ditlhabelo kwa tempeleng ya Modimo Yahweh kwa Jerusalema, foo pelo ya batho ba e tla boela gape kwa go mong wa bone, Rehoboame kgosi ya Juta. Ba tla mpolaya ba bo ba boela kwa go Rehoboame kgosi ya Juta.''²⁸Foo kgosi Jeroboame a batla kgakololo mme a dira dinamane tse pedi tsa gauta; a raya batho a re, ''Go bokete mo go lona go ya Jerusalema. Lebang, ba ke badimo ba lona, Iseraele, ba ba le ntshitseng kwa lefatsheng la Egepeto.'' ²⁹O ne a tlhoma nngwe kwa Bethele, e nngwe kwa Tene. ³⁰Jalo tiro e ya nna boleo. Batho ba ne ba ya kwa nngweng kgotsa kwa go e nngwe, tsela yotlhe go fitlha kwa Tene.³¹Jeroboame a dira matlo mo mafelong a a kwa godimo mme a dira baperesiti go tswa mo gareng ga batho botlhe, ba ba neng e se barwa Lefi. ³²Jeroboame a tlhoma mokete mo kgweding ya borobabobedi, mo letsatsing la bolesome le botlhano la kgwedi, jaaka mokete o o kwa Juta, mme a ya kwa aletareng. O ne a dira jalo kwa Bethele, a ntshetsa setlhabelo dinamane tse a di dirileng, mme a tlhoma baperesiti ba mafelo a a kwa godimo a a a dirileng kwa Bethele.³³Jeroboame a ya kwa aletareng e a e dirileng kwa Bethele ka letsatsi la bolesome le botlhano mo kgweding ya borobabobedi, mo kgweding e a neng a e rulagantse mo tlhaloganyong ya gagwe; a tlhomela batho ba Iseraele mokete mme a ya kwa aletareng go fisa maswalo.

13¹Monna wa Modimo o ne a tswa kwa Juta go ya kwa Bethele ka lefoko la Modimo Yahweh. Jeroboame o ne a eme fa thoko ga aletara go fisa maswalo. ²O ne a goelela aletara ka lefoko la Modimo Yahweh: ''Aletara, aletara! Se ke se Modimo Yahweh a se buang, 'Bona, ngwana wa mosimane wa leina la Josia o tla tsholwa mo lesikeng la ga Tafita, mme mo go wena o tla ntsha setlhabelo ka baperesiti ba mafelo a a kwa godimo ba ba fisetsang maswalo mo go wena. Mo go wena ba tla fisetsa marapo a batho.''' ³Foo monna wa Modimo a ntsha sekai letsatsi leo, a re, ''Se ke sekai sa gore Modimo Yahweh o buile: 'Lebang, aletara e tla phatloga, mme melora e e mo go yone e tla tshologa.'''⁴Fa kgosi a utlwa se monna wa Modimo a se buileng, gore o goile kgatlhanong le aletara e e kwa Bethele, Jeroboame a otlolola letsogo la gagwe go tswa mo aletareng, a re, ''Mo tshwareng'' Foo letsogo le a le otlolotseng kgatlhanong le monna la omelela, mo a neng a palelwa ke go le busa. ⁵Aletara le yone ya phatloga, mme melora ya tshologa mo aletareng, jaaka go kailwe ke sekai se se builweng ke monna wa Modimo ka lefoko la Modimo Yahweh.⁶Kgosi Jeroboame a araba a raya monna wa Modimo a re, ''Kopa botsalano jwa Modimo Yahweh, Modimo wa gago, o bo o nthapelele, gore letsogo la me le fodisiwe.'' Jalo monna wa Modimo a rapela Modimo Yahweh, mme letsogo la kgosi la fodisiwa, mme la nna jaaka le ne le ntse go le pele. ⁷Kgosi a raya monna wa Modimo a re, ''Tla le nna kwa ga ga me o itapolose, mme ke tla go neela katso.''⁸Monna wa Mdimo a raya kgosi a re, ''Le fa o ka nneela sephatlo sa dithoto tsa gago, ga ke na go tsamaya le wena, le fa e le go ja dijo kgotsa go nwa metsi mo lefelong le, ⁹gonne Modimo Yahweh o ntaotse ka lefoko la gagwe, 'O se ka wa ja borotho, le fa e le go nwa metsi, le fa e le go boa ka tsela e o tsileng ka yone.''' ¹⁰Jalo monna wa Modimo a boa ka tsela e nngwe, mme a se ka a boela gae ka tsela e a tsileng Bethele ka yone.¹¹Jaanong ga bo go le moporofiti wa motsofe yo o neng a nna mo Bethele, mongwe wa barwae a mmolelela dilo tse tsotlhe tse monna wa Modimo a di dirileng mo Bethele letsatsi leo. Barwae ba boa ba mmolelela se monna wa Modimo a se buileng le kgosi. ¹²Rraabone a ba raya a re, ''O tsamaile ka tsela efe?'' Jaanong barwae ba ne ba bone tsela e monna wa Modimo go tswa kwa Juta a tsamaileng ka yone. ¹³Jalo a raya barwae a re, ''Mpeeleng sale mo tonking.'' Jalo ba baya sale mo tonking, mme a e palama a tsamaya.¹⁴Moporofiti wa motsofe a sala monna wa Modimo morago mme a mo fitlhela a ntse ka fa tlase ga setlhare sa mooka; mme a mo raya a re, ''A ke wena monna wa Modimo yo o tswang kwa Juta?'' A araba, ''Ke nna.'' ¹⁵Fo moporofiti wa motsofe a mo raya a re, ''Tla le nna kwa ga me o je dijo.'' ¹⁶Monna wa Modimo a araba, ''Ga ke na go boa le wena le fa e le go tsamaya le wena, le fa e le go ja dijo kgotsa go nwa metsi le wena mo lefelong le, ¹⁷gonne ke laotswe ka lefoko la Modimo Yahweh, 'Ga o na go ja dijo le fa e le go nwa metsi koo, le fa e le go boa ka tsela e o tsileng ka yone.'''¹⁸Jalo moporofiti wa motsofe a mo raya a re, ''Le nna ke moporofiti jaaka wena, ebile moengele o buile le nna ka lefoko la Modimo Yahweh, a re, 'Mmusetse morago a tle mo ntlong ya gago, gore a je dijo a bo a nwe metsi.''' Mme o ne a aketsa monna wa Modimo. ¹⁹Jalo monna wa Modimo a boela morago le moporofiti wa motsofe mme a ja dijo a bo a nwa metsi mo ntlong ya gagwe.²⁰Jaaka ba ntse fa tafoleng, lefoko la Modimo Yahweh la tla kwa moporofiting yo o mmuseditseng morago, ²¹mme a goela kwa monneng wa Modimo yo o tswang kwa Juta, a re, ''Modimo Yahweh a re, 'Ka lebaka la gore o tlhokile kutlo mo lefokong la Modimo Yahweh wa bo wa se ka wa tshegetsa taolo e Modimo Yahweh, Modimo wa gago a e go neetseng, ²²mme wa boela morago wa ja dijo wa nwa metsi mo lefelong le Modimo Yahweh a rileng o se ka wa ja dijo le fa e le go nwa metsi mo go lone, setopo sa gago ga se na go bolokwa mo lebitleng la borraago.'''²³Morago ga go ja dijo le go nwa, moporofiti a beela monna wa Modimo sale mo tonking, monna yo o neng a boela morago le ene. ²⁴Fa monna wa Modimo a se na go tsamaya, tau ya kopana le ene mo tseleng mme ya mmolaya, mme setopo sa gagwe sa sala mo tseleng. Foo tonki ya ema fa thoko ga setopo, mme le tau ya ema fa thoko ga setopo. ²⁵Fa batho ba feta ba bona setopo se tlogetswe mo tseleng, mme tau e eme fa thoko ga setopo, ba tla ba bolella mo toropokgolong e moporofiti wa motsofe a nnang mo go yone.²⁶Fa moporofiti yo o neng a mmusa mo tseleng a utlwa, a re ''Ke monna wa Modimo yo o neng a tlhoka kutlo mo lefokong la Modimo Yahweh. Jalo he, Modimo Yahweh o mo neetse tau, e e mo gagotseng ditoki, fela jaaka lefoko la Modimo Yahweh le mo tlhagisitse.'' ²⁷Jalo moporofiti wa motsofe a bua le barwae, a re, ''Bayang sale mo tonking ya me,'' mme ba e pega sale. ²⁸A tsamaya a fitlhela setopo se tlogetswe mo tseleng, mme tau le tonki di eme fa thoko ga setopo. Tau e ne e sa ja setopo, le fa e le go tlhasela tonki.²⁹Moporofiti a tsaya setopo sa monna wa Modimo, a se baya mo tonking, a se busetsa morago. A tla kwa toropokgolong ya gagabo go mo hutsafalela le go mmoloka. ³⁰A baya setopo mo lebitleng le e leng la gagwe, mme a mo hutsafalela, a re, ''Ao, morwarre!''³¹Foo morago fa a se na go mmoloka, moporofiti wa motsofe a bua le barwae, a re, ''Fa ke sule, mpolokeng mo lebitleng le monna wa Modimo a bolokilweng mo go lone. Bayang marapo a me fa thoko ga marapo a gagwe. ³²Gonne molaetsa o a o boletseng phatlalatsa ka lefoko la Modimo Yahweh, kgatlhanong le aletara ya kwa Bethele le kgatlhanong le matlo otlhe a a mo mafelong a a kwa godimo a a mo ditoropokgolong tsa Samarea, e le ruri o tla direga.³³Morago ga se Jeroboame a se ka a tlogela mekgwa ya gagwe e e bosula, mme a tswelela go tlhoma baperesiti go tswa mo bathong ba ba farologanyeng. Ope yo o neng a ka direla o ne a mo itshepisa jaaka moperesiti. ³⁴Kgang e e ne ya nna boleo mo lelwapeng la ga Jeroboame mme ya dira gore ba lelwapa la gagwe ba senngwe le go nyelediwa mo lefatsheng.

14¹Ka nako eo Abija morwa Jeroboame o ne a lwala thata. ²Jeroboame a raya mosadi wa gagwe a re, ''Tsweetswee emelela mme o iphetole tebego, gore o se ka wa lemosega gore o masadi wa me, mme o ye kwa Shilo, gonne moporofiti Ahijah o gone koo; ke ene yo o buileng ka nna, a re ke tla nna kgosi ya batho ba. ³Tsaya marotho a le lesome, dikuku, le sejana sa tswine, o ye kwa go Ahija. O tla go bolelela se se tla diragaglelang ngwana.''⁴Mosadi wa ga Jeroboame a dira jalo; a tswa a ya kwa Shilo mme a tla kwa ntlong ya ga Ahija. Jaanong Ahija o ne a sa kgone go bona, gonne matlho a gagwe a ne a fifetse ka lebaka la botsofe. ⁵Modimo Yahweh a raya Ahija a re, ''Bona, mosadi wa ga Jeroboame o etla kwa go wena go batla kgakololo mabapi le morwae, gonne o a lwala. Mo reye se le sele, gonne fa a tla o tsile go itira jaaka ekete ke mosadi o sele.''⁶Fa Ahija a utlwa modumo wa dinao tsa gagwe fa a tsena kwa lebating, a re, ''Tsena, mosadi wa ga Jeroboame. Ke eng o itira motho yo o seng ene? Ke rometswe kwa go wena ka dikgang tse di maswe. ⁷Tsamaya, bolelelela Jeroboame gore Modimo Yahweh, Modimo wa Iseraele, a re, 'Ke go godisitse gareng ga batho go go dira moeteledipele wa batho ba me ba Iseraele. ⁸Ke gagotse bogosi go tswa mo lelwapeng la ga Tafita ka bo neela wena, mme ga o a ka wa nna jaaka motlhanka wa me Tafita, yo o neng a tshegetsa ditaolo tsa me a bo a ntshala morago ka pelo ya gagwe yotlhe, go dira tse di siameng fela mo matlhong a me.⁹Boemong jwa moo, o dirile bosula, go feta botlhe ba ba tshedileng pele ga gago. O dirile medimo e mengwe, o tshetse ditshwano tsa tshipi go nthumola gore ke tenege, mme o ntatlhetse kwa morago ga gago. ¹⁰Jalo he, bona, ke tla tsisa sebetso mo lelwapeng la gago; ke tla tlosa mo go wena ngwana mongwe le mongwe wa mosimane mo Iseraele, a le lekgoba kgotsa a gololesegile, mme ke tla tlosa lelwapa la gago gotlhelele, jaaka motho yo o tshubang motshotelo go fitlhela o lora.¹¹Ope wa ba lelwapa la gago yo o swelang mo toropokgolong o tla jewa ke dimpya, mme yo o swelang kwa nageng o tla jewa ke dinonyane tsa magodimo, gonne Nna, Modimo Yahweh, ke buile jalo.' ¹²Jalo emelela, mosadi wa ga Jeroboame, ya kwa lelwapeng la gago; fa dinao tsa gago di tsena ka toropokgolo, ngwana Abija o tla swa. ¹³Iseraele otlhe ba tla mo hutsafalela ba bo ba mmoloka. Ke ene a le nosi mo lelwapeng la ga Jeroboame yo o tla tsenang mo lebitleng, ka gonne ke mo go ene a le nosi fela, mo ntlong ya ga Jeroboame, go bonweng se se molemo mo ponong ya Modimo Yahweh, Modimo wa Iseraele.¹⁴Gape, Modimo Yahweh o tla godisa kgosi ya Iseraele yo o tla tlosang lesika la ga Jeroboame mo letsatsing leo. Gompieno ke letsatsi leo, jaanong jaana. ¹⁵Gonne Modimo Yahweh o tla tlhasela Iseraele jaaka serite se tshikhinngwa mo metsing, mme o tla kumola Iseraele mo lefatsheng le le molemo le, le a le neetseng borraabone. O tla ba phatlalaletsa kwa moseja ga noka ya Yuforate, gonne ba dirile dipale tsa bone tsa Ashera mme ba rumola Modimo Yahweh gore a tenege. ¹⁶O tla latlha Iseraele ka lebaka la maleo a ga Jeroboame, maleo a a a dirileng, a ka one a eteletseng Iseraele gore a leofe.''¹⁷Jalo mosadi wa ga Jeroboame a emelela a tsamaya, a tla kwa Tirisa. Jaaka a tla fa kgorong ya ntlo ya gagwe, ngwana a swa. ¹⁸Iseraele otlhe ba mo hutsafalela ba mmoloka, fela jaaka go boletswe ka lefoko la Modimo Yahweh le a le buileng ka motlhanka wa gagwe moporofiti Ahija.¹⁹Fa e le ka dikgang tse dingwe tse di amang Jeroboame, ka fa a neng a bolotsa ntwa ka teng, le ka fa a neng a busa ka teng, bonang, di kwadilwe mo bukeng ya Ditiragalo Tsa Dikgosi Tsa Iseraele. ²⁰Jeroboame o ne a busa dingwaga tse 22 mme a robala le borraagwe, mme Natabe morwawe a nna kgosi mo boemong jwa gagwe.²¹Jaanong Rehoboame morwa Solomone o ne a busa kwa Juta. Rehoboame o ne a le dingwaga tse 40 fa a nna kgosi, mme o ne a busa dingwaga tse 17 mo Jerusalema, toropokgolo e Modimo Yahweh a e kgethileng mo merafeng yotlhe ya Iseraele gore a beye leina la gagwe mo go yone. Leina la ga mmaagwe e ne e le Naama wa Moamone. ²²Juta o ne a dira tse di bosula mo ponong ya Modimo Yahweh; ba ne ba mo rumola gore a fufege ka maleo a ba neng ba a dira, go feta sengwe le sengwe se borraabone ba se dirileng.²³Gonne le bone ba ne ba ikagela mafelo a a kwa godimo, dipilara tsa matlapa, le dipale tsa Ashera mo thabaneng nngwe le nngwe e e kwa godimo le ka fa tlase ga setlhare sengwe le sengwe se se tala. ²⁴Gape go ne go na le bagweba-ka-mmele ba tumelo e sele mo lefatsheng. Ba ne ba dira dilo tse di nyatsegang tse di tshwanang le tsa ditshaba tse Modimo Yahweh a neng a di tlosa fa pele ga batho ba Iseraele.²⁵Ga diragala mo ngwageng wa bo 5 wa ga kgosi Rehoboame gore Shishaka kgosi ya Egepeto, a tlhasele Jerusalema. ²⁶O ne a tsaya matlotlo mo ntlong ya Modimo Yahweh, le matlotlo mo ntlong ya kgosi. A tsaya sengwe le sengwe; gape a tsaya dithebe tsotlhe tsa gauta tse Solomone a di dirileng.²⁷Kgosi Rehoboame a dira dithebe tsa kgotlho go emela tsa gauta a bo a di baya mo diatleng tsa balaola badisa, ba ba disang mabati a ntlo ya kgosi. ²⁸Go ne go diragala gore nako le nako fa kgosi a tsena mo ntlong ya Modimo Yahweh, badisa ba ne ba di rwala; foo ba tle ba di busetse mo teng ga ntlo ya badisa.²⁹Fa e le ka dikgang tse dingwe tse di amang Rehoboame, le tse a di dirileng, a ga di a kwalwa mo bukeng ya Ditiragalo Tsa Dikgosi Tsa Juta? ³⁰Go ne go na le ntwa e e sa feleng gare ga ntlo ya ga Rehoboame le ntlo ya ga Jeroboame. ³¹Jalo Rehoboame a robala le borraagwe mme a bolokwa le bone kwa toropokgolong ya ga Tafita. Leina la ga mmaagwe e ne e le Naama wa Moamone. Abija morwawe a nna kgosi mo boemong jwa gagwe.

15¹Mo ngwageng wa bo 18 wa ga kgosi Jeroboame morwa Nebate, Abija a simolola go busa kwa Juta. ²O ne a busa dingwaga tse 3 kwa Jerusalema. Leina la ga mmaagwe e e ne e le Maakha. E ne e le morwadia Abishalomo. ³O ne a tsamaya mo maleong otlhe a rraagwe a a dirileng pele ga nako ya gagwe; pelo ya gagwe e ene e sa ineela Modimo Yahweh jaaka pelo ya ga Tafita, rraagwemogolo, e ne e ntse.⁴Le fa go ntse jalo, ka lebaka la ga Tafita, Modimo Yahweh, Modimo wa gagwe o ne a mo neela lebone mo Jerusalema ka go mo godisetsa morwa fa morago ga gagwe go thatafatsa Jerusalema. ⁵Modimo o ne a dira se ka gore Tafita o ne a dira se se siameng mo ponong ya gagwe; mo matsatsing otlhe a go tshela ga gagwe, ga a a ka a fapoga mo go sepe se a neng a se mo laotse, kwa ntleng fela ga kgang ya ga Uria wa Mohiti. ⁶Jaanong go ne ga nna le ntwa gareng ga ga Rehoboame le Jeroboame mo matsatsing otlhe a botshelo jwa ga Abija.⁷Fa e le ka dikgang tse dingwe tsa ga Abija, tse a di dirileng, a ga di a kwalwa mo bukeng ya Ditiragalo Tsa Dikgosi Tsa Juta? Go ne go na le ntwa gare ga ga Abija le Jeroboame. ⁸Abija o ne a robala le borraagwe, mme ba mmoloka kwa toropokgolong ya ga Tafita. Morwawe Asa o ne a nna kgosi mo boemong jwa gagwe.⁹Mo ngwageng wa bo 20 wa ga Jeroboame kgosi ya Iseraele, Asa a simolola go busa mo Juta. ¹⁰O ne a busa dingwaga di le 41 mo Jerusalema. Leina la ga mmaagwemogolo e ne e le Maakha, morwadia Abishalomo. ¹¹Asa o ne a dira se se siameng mo matlhong a Modimo Yahweh, jaaka Tafita, rraagwemogolo, a dirile.¹²O ne a tlosa bagweba-ka-mmele ba tumelo e sele mo lefatsheng a bo tlosa medingwana ya disetwa e borraagwe ba neng ba e dirile. ¹³O ne gape a tlosa Maakha, mmaagwemogolo, mo maemong a bohumagadi, gonne o ne a dirile setshwantsho sengwe se se sisimosang ka pale ya Ashera. Asa a remela fatshe setshwantsho se se sisimosang a bo a se tshubela kwa mokgatsheng wa Kitirone.¹⁴Mme mafelo a a kwa godimo a ne a sa tlosiwa. Le fa go ntse jalo, pelo ya ga Asa e ne e ineetse mo go Modimo Yahweh matsatsi otlhe a botshelo jwa gagwe. ¹⁵O ne a tsenya mo ntlong ya Modimo Yahweh dilo tsotlhe tse rraagwe a neng a di tlhaotse, le dilo tse e leng tsa gagwe tse di neng di tlhaotswe tse di dirilweng ka selefera le gauta, le dijana.¹⁶Go ne go na le ntwa gare ga ga Asa le Baasha kgosi ya Iseraele mo matsatsing otlhe a go tshela ga bone. ¹⁷Baasha kgosi ya Iseraele o ne a nna makgwakgwa kgatlhanong le Juta mo a bileng a aga Rama, gore a tle a se ka a letlelela ope go tswa kgotsa go tsena mo lefatsheng la ga Asa kgosi ya Juta.¹⁸Foo Asa a tsaya selefera le gauta tse di neng di setse mo mabolokelong mo ntlong ya Modimo Yahweh, le mo mabolokelong a ntlo ya bogosi ya kgosi. A di neela batlhanka ba gagwe a ba roma go di isa kwa go Bene Hatata morwa Taborimone morwa Hesione, kgosi ya Aramo, yo o nnang kwa Tamaseka. A re, ¹⁹''A go nne le kgolagano gare ga me le wena, jaaka e ne e le teng gare ga ga rre le rraago. Bona, ke go romeletse mpho ya selefera le gauta. Roba kgolagano ya gago le Baasha kgosi ya Iseraele, gore a tle a ntlogele.''²⁰Bene Hatata a reetsa kgosi Asa mme a romela balaola sesole ba gagwe, mme ba tlhasela ditoropokgolo tsa Iseraele. Ba ne ba tlhasela Ijone, Tene, Abele wa Bethe Maakha, le Khinerethe, ga mmogo le lefatshe lotlhe la Nafithale. ²¹Go ne ga diragala gore fa Baasha a utlwa se, a emisa go aga Rama a boela morago kwa Tirisa. ²²Foo kgosi Asa a ntshetsa Juta yotlhe taelo. Go ne go sena o e mo tlolang. Ba ne ba rwala matlapa le dikota tse Baasha a neng a aga toropokgolo ka tsone. Foo kgosi Asa a dirisa dilo tsa kago tseo go aga Geba wa Benjamene le Misepha.²³Fa e le ka dikgang tse dingwe tsa ga Asa, maatla otlhe a gagwe, dilo tsotlhe tse a di dirileng, le ditoropokgolo tse a di agileng, a ga di a kwalwa mo bukeng ya Ditiragalo Tsa Dikgosi Tsa Juta? Mme mo botsofeng jwa gagwe o ne a lwala mo dinaong. ²⁴Foo Asa a robala le borraagwe mme a bolokwa le bone mo toropokgolong ya Tafita rraagwe. Morwawe Jehoshafate a nna kgosi mo boemong jwa gagwe.²⁵Natabe morwa Jeroboame o ne a simolola go busa mo Iseraele mo ngwageng wa bobedi wa ga Asa kgosi ya Juta; o busitse Iseraele dingwaga tse 2. ²⁶O ne a dira tse di bosula mo ponong ya Modimo Yahweh mme a tsamaya mo tseleng ya ga rraagwe, le mo boleong jo e leng jwa gagwe, jo a neng a etelela Iseraele mo go jone go leofa.²⁷Baasha morwa Ahija, wa lesika la ga Isakare, a logela Natabe segwenegwene; Baasha a mmolaela kwa Gibethone, yo e leng wa Bafilisitia, gonne Natabe le Iseraele otlhe ba ne ba dikaganyeditse Gibethone. ²⁸Mo ngwageng wa boraro wa ga kgosi Asa, Baasha o ne a bolaya Natabe mme a nna kgosi mo boemong jwa gagwe.²⁹Ka bonako fela fa a sena go nna kgosi, Baasha a bolaya botlhe ba lesika la ga Jeroboame. Ga a a ka a tlogela ope wa bana ba ga Jeroboame a hema phefo; ka tsela e a senya tshika ya gagwe ya bogosi, jaaka Modimo Yahweh a buile ka motlhanka wa gagwe, Ahija wa Moshilo, ³⁰ka lebaka la maleo a Jeroboame a a dirileng le ka tsela e a neng a etelela Iseraele go leofa, ka gore o ne a rumola Modimo Yahweh, Modimo wa Iseraele gore a tenege.³¹Fa e le ka dikgang tse dingwe tse di ka ga Natabe, le dilo tse a di dirileng, a ga di a kwalwa mo bukeng ya Ditiragalo Tsa Dikgosi Tsa Iseraele? ³²Go ne go na le ntwa gare ga ga Asa le Baasha kgosi ya Iseraele malatsi otlhe a bone.³³Mo ngwageng wa boraro wa ga Asa kgosi ya Juta, Baasha o ne a simolola go busa Iseraele otlhe mo Tirisa mme a busa dingwaga tse 24. ³⁴O ne a dira tse di bosula mo ponong ya Modimo Yahweh a bo a tsamaya mo tseleng ya ga Jeroboame le mo boleong jwa gagwe jo a neng a etelela Iseraele ka jone go leofa.

16¹Lefoko la Modimo Yahweh le ne la tla kwa go Jehu morwa Hanani, le re, ²''Le fa ke go tsholeditse go tswa mo leroleng ka go dira moeteledipele wa batho ba me ba Iseraele, o tsamaile mo tseleng ya ga Jeroboame mme o dirile gore batho ba me ba Iseraele ba leofe, gore ba nthumole ke bo ke tenege ka lebaka la maleo a bone.³Bona, ke tla tlosa gotlhelele Baasha le lelwapa la gagwe mme ke tla dira lelwapa la gago gore le nne jaaka la ga Jeroboame morwa Nebate. ⁴Dintsa di tla ja ope wa ga Baasha yo o swelang mo toropokgolong, mme dinonyane tsa lefaufau di tla ja yo o swelang mo nageng.''⁵Fa e le ka dikgang tse dingwe tse di amang Baasha, tse a di dirileng, le maatla a gagwe, a ga di a kwalwa mo bukeng ya Ditiragalo Tsa Dikgosi Tsa Iseraele? ⁶Baasha o ne a robala le borraagwe mme a bolokwa kwa Tirisa, mme morwawe , Ela a nna kgosi mo boemong jwa gagwe.⁷Jalo lefoko la Modimo Yahweh la tla kgatlhanong le Baasha le ba lelwapa la gagwe ka moporofiti Jehu morwa Hanani, ka lebaka la bosula jo a bo dirileng mo ponong ya Modimo Yahweh, go mo rumola gore a tenwe ke ditiro tsa diatla tsa gagwe, jaaka lelwapa la ga Jeroboame, gape le ka gore o bolaile lelwapa lotlhe la ga Jeroboame.⁸Mo ngwageng wa bo 26 wa ga Asa kgosi ya Juta, Ela morwa Baasha o ne a simolola go busa Iseraele kwa Tirisa; o ne a busa dingwaga tse 2. ⁹Motlhanka wa gagwe, Simori, moeteledipele wa sephatlo sa dikolotsana tsa ntwa tsa gagwe, a mo logela segwenegwene. Jaanong Ela o ne a le kwa Tirisa, a nwela go tagwa mo ntlong ya ga Aresa, yo o neng a okametse merero ya ntlo mo Tirisa. ¹⁰Simori a tsena mo teng, a mo tlhasela a mmolaya, mo ngwageng wa bo 27 wa ga Asa kgosi ya Juta, mme a nna kgosi mo boemong jwa gagwe.¹¹Fa Simori a simolola go busa, ka bonako fela a sena go nna setilo sa gagwe sa bogosi, a bolaya botlhe ba lelwapa la ga Baasha. Ga a a ka a tlogela ngwana a le mongwe wa mosimane a tshela, le fa e le wa ba masika a gagwe kgotsa wa ditsala tsa gagwe. ¹²Jalo Simori o ne a nyeletsa lelwapa la ga Baasha, jaaka go ne ga bolelwa ka lefoko la Modimo Yahweh, le a neng a le bua kgatlhanong le Baasha ka moporofiti Jehu, ¹³ka lebaka la maleo otlhe a ga Baasha le maleo a morwawe, Ela, a ba a dirileng, a ka one ba neng ba etelela Iseraele go leofa, go rumola Modimo Yahweh, Modimo wa Iseraele, gore a tenwe ke medingwana ya bone ya disetwa.¹⁴Fa e le ka ga dikgang tse dingwe tse di amang Ela, tsotlhe tse a di dirileng, a ga di a kwalwa mo bukeng ya Ditiragalo Tsa Dikgosi Tsa Iseraele?¹⁵Mo ngwageng wa bo 27 wa ga Asa kgosi ya Juta, Simori o ne a busa matsatsi a le 7 fela mo Tirisa. Jaanong sesole se ne se kampile kwa Gibetone, yo e leng wa Bafilisitia. ¹⁶Sesole se se kampileng koo sa utlwa gotwe, ''Simori o logile segwenegwene ebile o bolile kgosi.'' Jalo mo letsatsing leo mo kampeng, Iseraele otlhe ba tlhoma Omori, molaola sesole, kgosi ya Iseraele. ¹⁷Omori a tswa mo Gibetone, Iseraele otlhe a na le ene, mme ba dikaganyetsa Tirisa.¹⁸Jalo fa Simori a bona gore toropokgolo e tserwe, a tsena mo kagong ya phemelo e e tshwaraganyeng le ntlo ya bogosi ya kgosi, a e tshubela ka molelo mo godimo ga gagwe; ka tsela e a swela mo kgabong ya molelo. ¹⁹Se e ne e le ka lebaka maleo a a a dirileng ka go dira tse di bosula mo ponong ya Modimo Yahweh, ka go tsamaya mo tseleng ya ga Jeroboame, le mo boleong jo abo dirileng, go etelela Iseraele go leofa. ²⁰Fa e le ka dikgang tse dingwe tse di amang Simori, molato o o kgatlhanong le puso o a o dirileng, a ga di a kwalwa mo bukeng ya Ditiragalo Tsa Dikgosi Tsa Iseraele?²¹Foo batho ba Iseraele ba kgogana ka dikarolo tse pedi. Sephatlo sa batho sa sala morago Tibini morwa Ginathe, go mo tlhoma kgosi, sephatlo se sengwe sa sala Omori morago. ²²Mme batho ba ba neng ba sala Omori morago ba ne ba le maatla go feta ba ba neng ba sala Tibini morwa Ginathe morago. Jalo Tibini a swa, mme Omori a nna kgosi.²³Mo ngwageng wa bo 31 wa ga Asa kgosi ya Juta, Omori a simolola go busa Iseraele, mme a busa dingwaga di le 12. O ne a busa mo Tirisa dingwaga di le 6. ²⁴O ne a reka thaba ya Samarea mo go Shemere ka ditalente tsa selefera di le pedi. A aga toropokgolo mo godimo ga thaba mme a bitsa toropokgolo leina la Samarea, a e reelela Shemere, mong wa thaba wa pele.²⁵Omori o ne a dira se se bosula mo ponong ya Mdimo Yahweh mme a dira boikepo jo bontsi go feta botlhe ba ba tshedileng pele ga gagwe. ²⁶Gonne o ne a tsamaya mo tseleng yotlhe ya ga Jeroboame morwa Nebate, le mo maleong a gagwe a ka one a eteletseng Iseraele go leofa, go rumola Modimo Yahweh, Modimo wa Iseraele, gore a tenegele medingwana ya bone ya disetwa e e senang mosola.²⁷Fa e le ka dikgang tse dingwe tse di amang Omori tse a di dirileng, le maatla a a a supileng, a ga di a kwalwa mo bukeng ya Ditiragalo Tsa Dikgosi Tsa Iseraele? ²⁸Jalo Omori a robala le borraagwe mme a bolokwa mo Samarea mme morwawe Ahabe a nna kgosi mo boemong jwa gagwe.²⁹Mo ngwageng wa bo 38 wa ga Asa kgosi ya Juta, Ahabe morwa Omori a simolola go busa Iseraele. Ahabe morwa Omori a busa Iseraele a le kwa Samarea dingwaga di le 22. ³⁰Ahabe morwa Omori o ne a dira se se bosula mo ponong ya Modimo Yahweh, go feta botlhe ba ba tshedileng pele ga gagwe.³¹Mo go Ahabe e ne e le selo se se nnye go tsamaya mo maleong a ga Jeroboame morwa Nebate, jalo a nyala Jesebele morwadia Ethebale, kgosi ya Basitone; o ne a tsamaya a ya go obamela Bale a bo a mo khubamela. ³²A agela Bale aletara mo ntlong ya ga Bale, e a e agileng mo Samarea. ³³Ahabe a dira pale ya Ashera. Ahabe a dira go le gontsi go rumola Modimo Yahweh, Modimo wa Iseraele, go mo tena go feta dikgosi tsotlhe tsa Iseraele tse di busitseng fa pele ga gagwe.³⁴Mo matsatsing a gagwe, Hiele wa Mobethele o ne a aga Jerikho gape. O ne a tshela mealo ya toropokgolo ka loso lwa ga Abiramo motsalwa pele wa gagwe, mme a aga diheke tsa toropokgolo ka loso lwa ga Segubu gofejane wa gagwe, mme ba dirile se, gonne ba ne ba utlwa lefoko la Modimo Yahweh, le a le buileng ka Joshua morwa Nune.

17¹Elija wa Motishibe, go tswa kwa Tishibe mo Gileate, a raya Ahabe, a re, ''Jaaka Modimo Yahweh, Modimo wa Iseraele a tshela, yo ke emeng fa pele ga gagwe, ga go na go nna le monyo kgotsa pula mo dingwageng tse go ntleng le fa ke bua jalo.''²Lefoko la Modimo Yahweh la tla kwa go Elija, le re, ³''Tswa fa o tsamaele kwa botlhabatsatsi; iphitlhe go bapa le mokgatsha wa Tsherithi, kwa botlhabatsatsi jwa Jorotane. ⁴Go tla diragala gore o nwe mo mokgatsheng, mme ke laotse magakabe go go jesa koo.''⁵Jalo Elija a tsamaya a dira jaaka lefoko la Modimo Yahweh le mo laola. O ne a ya go nna go bapa le mokgatsha wa Tsherithi, kwa botlhabatsatsi jwa Jorotane. ⁶Magakabe a ne a mo tsisetsa borotho le nama mo mosong le borotho le nama mo maitseboeng, mme o ne a nwa mo mokgatsheng. ⁷Mme morago ga nako mokgatsha wa kgala ka gore go ne go sena pula mo lefatsheng.⁸Lefoko la Modimo Yahweh la tla kwa go ene, le re, ⁹''Emelela, ya kwa Sarefathe, o e leng wa Sitone, mme o nne koo. Bona, ke laotse motlholagadi koo go go tlamela.'' ¹⁰Jalo a emelela a ya kwa Sarefathe, mme fa a fitlha fa kgorong ya toropokgolo motlholagadi a bo a le foo a sela dithobane. Jalo a mmitsa a re, ''Tsweetswee ntlele metsinyana mo sejaneng gore ke nwe.''¹¹Jaaka a ne a ya go tsaya metsi a mmitsa, a re, ''Tsweetswee ntlele borotho mo seatleng sa gago.'' ¹²A fetola, ''Jaaka Modimo Yahweh, Modimo wa gago a tshela, ga ke na borotho, mme ke na le bupenyana jo bo ka tlalang seatla mo sejaneng, le leokwane le le nnye mo nkgwaneng. Bona, ke sela dithobane tse pedi ke bo ke tsena mo teng ke bo apeela nna le morwaake, gore re tle re bo je, re bo re swa.'' ¹³Elija a mo raya a re, ''O se ka wa boifa. Tsamaya o ye go dira jaaka o ne o bua, mme ntirele borotho pele o bo tsise kwa go nna. Foo morago o itirele le morwao.¹⁴Gonne Modimo Yahweh, Modimo wa Iseraele, a re, 'Sejana sa bupe ga sena go kgala, le nkgwana ya leokwane ga e na go ema go elela, go fitlhela letsatsi le Modimo Yahweh a romelang pula mo lefatsheng ka lone.''' ¹⁵Jalo a dira jaaka Elija a mmolelela, mme ene, Elija, le morwae, ba ja matsatsi a mantsi. ¹⁶Sejana sa bupe sa se ka sa kgala, le fa e le nkgwana ya leokwane ya se ka ya ema go elela, fela jaaka lefoko la Modimo Yahweh le buile, jaaka a ne a bua ka Elija.¹⁷Morago ga dilo tse morwa wa mosadi, mosadi mong wa ntlo, a lwala. Bolwetse jwa gagwe bo ne bo le bogolo mo a neng a sena mowa o o setseng mo go ene. ¹⁸Jalo mmaagwe a raya Elija a re, ''O na le eng kgatlhanong le nna, monna wa Modimo? A o tsile kwago nna go nkgakolola ka boleo jwa me le go bolaya morwaake?''¹⁹Foo Elija a mo fetola, ''Nneele morwao.'' A tsaya mosimane mo matsogong a gagwe, mme a mo rwalela kwa ntlwaneng e a neng a nna mo go yone, mme a baya mosimane mo bolaong jo e leng jwa gagwe. ²⁰A lelela kwa go Modimo Yahweh, a re, ''Modimo Yahweh, Modimo wa me, a o tsisitse sebetso kwa motlholagading yo ke nnang le ene, ka go bolaya morwae?'' ²¹Foo Elija a gabalala godimo ga mosimane gararo; a lelela kwa go Modimo Yahweh a re, ''Modimo Yahweh, Modimo wa me, ke a go kopa, tsweetswee a botshelo jwa ngwana yo bo boele mo go ene.''²²Modimo Yahweh a reetsa lentswe la ga Elija; botshelo jwa ngwana jwa boela mo go ene, mme a rula. ²³Elija a tsaya ngwana a tswa a fologa go tswa mo ntlwaneng ya gagwe a tsena ka ene mo ntlong; a neela mmangwana mosimane mme a re, ''Bona, morwao o a tshela.'' ²⁴Mosadi a raya Elija a re, ''Jaanong ke a itse gore o monna wa Modimo, le gore lefoko la Modimo Yahweh le le mo molomong wa gago le boammaaruri.''

18¹Jalo morago ga matsatsi a mantsi lefoko la Modimo Yahweh la tla kwa go Elija, mo ngwageng wa boraro wa leuba, le re, ''Tsamaya, o itshupe kwa go Ahabe mme ke tla romela pula mo lefatsheng.'' ²Elija a ya go itshupa kwa go Ahabe; jaanong leuba le ne le le legolo mo Samarea.³Ahabe a bitsa Obadia, yo o neng a tlhokometse ntlo ya bogosi. Jaanong Obadia o ne a tlotla Modimo Yahweh thata, ⁴gonne, fa Jesebele a bolaya baporofiti ba Modimo Yahweh, Obadia o ne a tsaya baporofiti ba le lekgolo a ba baya ka ditlhopha tsa masome a matlhano setlhopha mo legageng a ba tlamela ka borotho le metsi.⁵Ahabe a raya Obadia a re, ''Ralala lefatshe o ye kwa metsweding yotlhe le kwa mekgatsheng. Gongwe re ka bona bojang re boloke dipitse le dimoulo, gore re se ka ra latlhegelwa ke diphologolo tsotlhe.'' ⁶Jalo ba itshwaela lefatshe go le ralala ba batla metsi. Ahabe a ya ntlha nngwe ka boene, mme Obadia a ya ntlheng e nngwe.⁷Jaaka Obadia a ne a le mo tseleng, Elija a kopana le ene a sa solofela. Obadia a mo lemoga mme a wa ka sefatlhego fa fatshe. A re, ''A ke wena, mong wa me Elija?'' ⁸Elija a mo araba, ''Ke nna. Tsamaya o ye go bolelela mong wa gago, 'Bona, Elija o teng fa.'''⁹Obadia a fetola, ''Ke leofila jang, mo o ka neelang motlhanka wa gago mo seatleng sa ga Ahabe, gore a mpolaye? ¹⁰Jaaka Modimo Yahweh, Modimo wa gago a tshela, ga go na tshaba epe kgotsa bogosi bope jo kwa go jone mong wa me a sa romelang banna gore ba go batle. Nako le nako fa tshaba kgotsa bogosi bo re, 'Elija ga a yo fa,' Ahabe o dira gore ba ikane gore ga ba go bone. ¹¹Mme jaanong wa re, 'Tsamaya, bolelela mong wa gago gore Elija o teng fa.'¹²Ka bonako fela fa ke sena go tlogela, mowa wa Modimo Yahweh o tla bo o go rwala o go isa felo gongwe kwa ke sa go itseng. Foo fa ke ya go bolelela Ahabe, mme fa a sa go bone, o tsile go mpolaya. Mme nna, motlhanka wa gago, ke obametse Modimo Yahweh go tloga bonaneng jwa me. ¹³A ga o a bolelelwa, mong wa me, se ke se dirileng fa Jesebele a bolaya baporofiti ba Modimo Yahweh, ka fa ke neng ka fitlha baporofiti ba Modimo Yahweh ba le lekgolo ka ditlopha tsa masome a matlhano setlhopha mo legageng mme ka ba tlamela ka borotho le metsi?¹⁴Mme jaanong wa re, 'Tsamaya, bolelela mong wa gago gore Elija o teng fa,' gore a tle a mpolae.''' ¹⁵Foo Elija a araba, ''Jaaka Modimo Yahweh wa masomosomo a tshela, yo ke emeng fa pele ga gagwe, e le ruri ke a go itshupa fa pele ga ga Ahabe letsatsi leno.''¹⁶Jalo Obadia a tsamaya a ya go kopana le Ahabe, mme a mmolelela se Elija a se buileng. Mme kgosi a ya go kopana le Elija. ¹⁷Fa Ahabe a bona Elija, a mo raya a re, ''A ke wena? Wena motshwenyi wa Iseraele!''¹⁸Elija a araba, ''Ga ke a tshwenya Iseraele, mme wena le lesika la ga rraago le batshwenyi ka go tlogela ditaolo tsa Modimo Yahweh le ka go sala badingwana ba disetwa ba ga Bale morago. ¹⁹Jaanong, romela lefoko mme o nkgobokanyetse Iseraele otlhe kwa thabeng ya Karamele, mmogo le baporofiti ba ga Bale ba ba makgolo a mane le masome a matlhano le baporofiti ba Ashera ba ba makgolo mane ba ba jang mo tafoleng ya ga Jesebele.''²⁰Jalo Ahabe a romela lefoko kwa bathong botlhe ba Iseraele mme a kgobokanya baporofiti mmogo kwa thabeng ya Karamele. ²¹Elija a atamela gaufi le batho botlhe mme a re, ''Go tla le tsaya nako e kae go nna le fetola mogopolo? Fa Modimo Yahweh e le Modimo, mo saleng morago. Mme Bale e le modimo, foo mo saleng morago.'' Mme batho ga ba a ka ba mo araba le fa e le ka lefoko le le lengwe.²²Foo Elija a raya batho a re, ''Nna, nna ke le nosi, ke setse ke le moporofiti wa Modimo Yahweh, mme baporofiti ba ga Bale ke banna ba le makgolo a mane le masome a matlhano. ²³Jalo a ba re neele dipoo tse pedi. A ba itlhophele poo e le nngwe mme ba e kgaoganye ditoki, ba e beye mo godimo ga dikgong, mme ba se ka ba baya molelo ka fa tlase ga yone. Foo ke tla baakanya poo e nngwe, ke bo ke e baya mo godimo ga dikgong, mme ke sa beye molelo ka fatlase ga yone. ²⁴Foo le tlaa bitsa leina la modimo wa lona, mme nna ke tla bitsa leina la Modimo Yahweh, mme Modimo yo o arabang ka molelo, a a nne Modimo.'' Jalo batho botlhe ba araba mme ba re, ''Se se molemo.''²⁵Jalo Elija a raya baporofiti ba ga Bale, a re, ''Itlhopheleng poo e le nngwe mme le e baaknye pele, gonne le batho ba bantsi. Foo le bitse leina la modimo wa lona, mme le se ka la baya molelo ka fa tlase ga poo.'' ²⁶Ba tsaya poo e ba neng ba e neetswe mme ba e baakanya, mme ba bitsa leina la ga Bale go tloga mo mosong go fitlha mo motshegareng, ba re, ''Bale, re utlwe.'' Mme go ne go se na lentswe, le fa e le ope yo o neng a araba. Ba bina go dikologa aletara e ba e dirileng.²⁷Ka nako ya motshegare Elija a ba sotla, a re, ''Goelang kwa godimo! Ke modimo! Gongwe o santse a akanya, kgotsa o santse a ithoma, kgotsa o a sepela mo leetong, kgotsa gongwe o robetse o tshwanetse go tsosiwa.'' ²⁸Jalo ba goela kwa godimo, mme ba itshega ka ditshaka le digai, jaaka ba ne ba tle ba dire, go fitlhela ba tswa madi a elela mo go bone. ²⁹Motshegare wa sethoboloko wa feta, mme ba ne ba ntse ba galaotega go fitlha ka nako ya go neelwa ga setlhabelo sa maitseboa, mme go ne go sena lentswe kgotsa mongwe yo o neng a araba; go ne go sena ope yo o neng a reeditse dikopo tsa bone.³⁰Foo Elija a raya batho botlhe a re, ''Tlang gaufi le nna,'' mme batho ba tla gaufi le ene. Foo a baakanya aletara ya Modimo Yahweh e e neng e senyegile. ³¹Elija a tsaya matlapa a le lesome le bobedi, letlapa le le lengwe le emetse mongwe wa merafe e e lesome le bobedi ya bana ba ga Jakobe - lefoko la Modimo Yahweh le ne la tla kwa go Jakobe, le re, ''Leina la gago e tla nna Iseraele.'' ³²Ka matlapa a aga aletara mo leineng la Modimo Yahweh mme a epa mosele go dikologa aletara o le bogolo jo bo lekaneng go tsena dielo di le pedi tsa peo.³³Foo a baya dikgong tsa molelo mme a kgaoganya poo ditoki, mme a baya ditoki mo godimo ga dikgong. Mme a re, ''Tlatsang dinkgwana di le nne ka metsi le a tshele mo moneelong o o fisiwang le mo dikgong.'' ³⁴Mme a re, ''Dirang la bobedi,'' mme ba dira la bobedi. Foo a re, ''Dirang la boraro,'' mme ba dira la boraro. ³⁵Metsi a elela go dikologa aletara mme a tlala mo moseleng.³⁶Go ne ga diragala ka nako ya go neelwa ga setlhabelo sa maitseboa, gore moporofiti Elija a tle gaufi mme a re, ''Modimo Yahweh, Modimo wa ga Aborahama, wa ga Isaka, le wa ga Iseraele, a go itsiwe letsatsi leno gore o Modimo mo Iseraele, le gore ke motlhanka wa gago, le gore ke dirile dilo tsotlhe tse ka lefoko la gago. ³⁷Nkutlwe Modimo Yahweh, nkutlwe, gore batho botlhe ba ba tle ba itse gore wena, Modimo Yahweh, o Modimo, le gore o retololetse pelo ya bone gape kwa go wena.''³⁸Foo molelo wa Modimo Yahweh wa wa mme wa kometsa moneelo o o fisiwang, ga mmogo le dikgong, le matlapa, le lerole, mme wa mona metsi a a neng a le mo moseleng. ³⁹Fa batho botlhe ba bona se, ba rapama fa fatshe ka difatlhego, ba re, ''Modimo Yahweh, ke Modimo! Modimo Yahweh, ke Modimo!'' ⁴⁰Jalo Elija a ba raya a re, ''Tsayang baporofiti ba ga Bale. Le se ka la lesa a le mongwe wa bone go falola.'' Jalo ba ba tsaya, mme Elija a isa baporofiti ba ga Bale kwa tlase kwa mokgatsheng wa Kishone mme a ba bolaela koo.⁴¹Elija a raya Ahabe a re, ''Ema ka dinao, ja o bo o nwe, gonne go na le modumo wa pula e ntsi.'' ⁴²Jalo Ahabe a tsamaya a ya go ja le go nwa. Foo Elija a ya kwa setlhoeng sa Karamele, mme a ikobela fa fatshe mme a tsenya sefatlhego sa gagwe fa gare ga mangole a gagwe.⁴³A raya motlhanka wa gagwe a re, ''Tlhatloga jaanong, leba ntlheng ya lewatle.'' Motlhanka wa gagwe a tlhatloga a leba a re, ''Ga go na sepe.'' Foo Elija a re, ''Tsamaya gape, ga supa.'' ⁴⁴La bosupa motlhanka a re, ''Leba, go na le leru le le tlhatlogang mo lewatleng le le bonnye jwa seatla sa motho.'' Elija a fetola, ''Tsamaya mme o reye Ahabe o re, 'Baakanya kolotsana ya gago ya ntwa mme o fologele kwa tlase pele ga pula e go emisa.'''⁴⁵Ga diragala ka nakwana gore magodimo a ntshofale ka maru le phefo, mme ga nna le pula e kgolo. Ahabe a palama a ya kwa Jeserile, ⁴⁶mme letsogo la Modimo Yahweh la bo le le mo go Elija. A tshobela purapura ya gagwe mo lebanteng la gagwe mme a siana kwa pele ga ga Ahabe go fitlha kwa kgorong ya Jeserile.

19¹Ahabe a bolelela Jesebele tsotlhe tse Elija a di dirileng le ka fa a bolaileng baporofiti botlhe ba ga Bale ka teng ka tshaka. ²Foo Jesebele a romela morongwa kwa go Elija, a re, ''Jalo a badimo ba ntire sengwe, go le gontsi ebile, fa ke sa dire botshelo jwa gago jaaka botshelo jwa mongwe wa baporofiti ba ba suleng bale kamoso ka nako e.'' ³Fa Elija a utlwa se, a emelela a sia ka botshelo jwa gagwe, mme a ya kwa Beeresheba, o e leng wa Juta, mme a tlogela motlhanka wa gagwe koo.⁴Mme ene a tsamaya leeto la sekgala sa letsatsi go tsena mo sekakeng, mme a tla a nna fa fatshe ka fa tlase ga setlhare sa mosu. A ikopela gore gongwe a tle a swe, a re, ''Go lekane, jaanong, Modimo Yahweh; tsaya botshelo jwa me gonne ga ke botoka go feta borraetsho ba ba suleng.'' ⁵Jalo a rapama a robala ka fa tlase ga setlhare sa mosu. Ka tshoganyetso moengele a mo ama mme a mo raya a re, ''Tsoga o je.'' ⁶Elija a leba, gaufi le tlhogo ya gagwe ga bo go le borotho jo bo besitsweng mo magaleng le senwelo sa metsi. Jalo a ja a bo a nwa mme a rapama gape.⁷Moengele wa Modimo Yahweh o ne a tla gape labobedi a mo ama mme a re, ''Tsoga o je, gonne leeto le tsile go nna bokete mo go wena.'' ⁸Jalo a tsoga a ja a bo a nwa, mme a sepela ka maatla a dijo tseo matsatsi a le masome a mane le masigo a masome a mane go ya Horeba, thaba ya Modimo.⁹A ya kwa legageng koo mme a nna mogo lone. Foo lefoko la Modimo Yahweh la tla kwa go ene la re kwa go ene, ''O dira eng fa Elija?'' ¹⁰Elija a fetola, ''Ke ntse ke tshesegela Modimo Yahweh, Modimo wa masomosomo, gonne batho ba Iseraele ba tlogetse kgolagano ya gago, ba sentse dialetara tsa gago, ebile ba bolaile baporofiti ba gago ka tshaka. Jaanong, nna, nna ke le nosi, ke setse jaanong ba leka go mpolaya.''¹¹Modimo Yahweh a fetola, ''Tswela kwa ntle mme o eme mo thabeng fa pele ga me.'' Foo Modimo Yahweh a feta, mme phefo e e maatla ya itaya dithaba ya thuba matlapa ditokitoki fa pele ga Modimo Yahweh, mme Modimo Yahweh o ne a seyo mo phefong. Foo, morago ga phefo, ga tla thoromo ya lefatshe, mme Modimo Yahweh o ne a seyo mo thoromong ya lefatshe. ¹²Foo, morago ga thoromo ya lefatshe ga tla molelo, mme Modimo Yahweh o ne a seyo mo molelong. Foo, morago ga molelo, ga tla lentswe le le sesane le le nnye.¹³Fa Elija a utlwa lentswe, a phuthela sefatlhego sa gagwe ka purapura ya gagwe, a tswela kwa ntle, mme a ema fa molomong wa legaga. Mme ga tla lentswe kwa go ene le le neng le re, ''O dira eng fa Elija?'' ¹⁴Elija a fetola, ''Ke ntse ke tshesegela Modimo Yahweh, Modimo wa masomosomo, gonne batho ba Iseraele ba tlogetse kgolagano ya gago, ba sentse dialetara tsa gago ba bo ba bolaya baporofiti ba gago ka tshaka. Jaanong nna, nna ke le nosi, ke setse mme ba batla go mpolaya.''¹⁵Foo Modimo Yahweh a mo raya a re, ''Tsamaya, boa mo tseleng e e yang kwa sekakeng sa Tamaseka, mme fa o fitlha o tlotse Hasaele go nna kgosi ya Aramo, ¹⁶mme o tla tlotsa Jehu morwa Nimoshi go nna kgosi ya Iseraele, mme o bo o tlotsa Elisha morwa Shafate wa Abele Mehola go nna moporofiti mo boemong jwa gago.¹⁷Go tla diragala gore Jehu a bolae ope yo o falolang tshaka ya ga Hasaele, mme Elisha o tla bolaya ope yo o falolang tshaka ya ga Jehu. ¹⁸Mme ke tla itlogelela batho ba le dikete tse supa mo Iseraele, ba ba iseng ba obele Bale mangole, ba melomo ya bone e iseng e mo sune.''¹⁹Jalo Elija a tswa foo, mme a bona Elisha morwa Shafate, yo o neng a lema ka dipholo tse di lesome le bobedi, mme ene o ne a lema ka jokwe ya bolesome le bobedi. Elija a ya kwa go Elisha a mo tshopha ka purapura ya gagwe. Foo ²⁰Elisha a tlogela dipholo a siana fa morago ga ga Elija; a re, ''Tsweetswee mma ke ye go atla rre le mme, mme foo ke tla go sala morago.'' Elija a mo raya a re, ''Boela morago, mme o akanye ka se ke se go dirileng.''²¹Jalo Elisha a boa go tswa kwa go Elija, mme a tsaya setlhopha sa dipholo, a di bolaya mme a apaya nama ka dikgong tsa dijokwe. Foo a neela batho nama ba a ja. Foo a nanoga, a sala Elija morago mme a mo direla.

20¹Bene Hatata kgosi ya Aramo a kgobokanya sesole sa gagwe sotlhe mmogo. O ne a na le dikgosi tse di potlana di le masome mararo le bobedi, le dipitse le dikolotsana tsa ntwa. O ne a tsamaya, a dikaganyetsa Samarea a bo a lwa le yone. ²O ne a romela barongwa kwa toropokgolong kwa go Ahabe kgosi ya Iseraele, a re, ''Bene Hatata o bua se: ³'Selefera le gauta tsa gago ke tsa me. Gape basadi le bana ba gago, ba ba gaisang, ke ba me jaanong.'''⁴Kgosi ya Iseraele a araba a re, ''Go ntse jaaka o bua, mong wa me, kgosi. Nnna le tse ke nang le tsone, ke tsa gago.'' ⁵Barongwa ba tla gape ba re, ''Bene Hatata a re, 'Ke rometse lefoko kwa go wena ke re nneele selefera ya gago, le gauta ya gago, le basadi ba gago le bana ba gago. ⁶Mme ke tla roma batlhanka ba me kwa go wena kamoso ka nako e, go batla dingwe mo ntlong ya gago le mo matlong a batlhanka ba gago. Ba tla tsaya ka diatla tsa bone sepe se se itumedisang matlho a bone.'''⁷Foo kgosi ya Iseraele a bitsa bagolwane botlhe ba lefatshe mme a re, ''Tsweetswee elang tlhoko mme le bone ka fa monna yo a batlang mathata ka teng. O rometse lefoko kwa go nna gore a tseye basadi ba me, le bana, le selefera, le gauta, mme ga ke a gana ka tsone.'' ⁸Bagolwane botlhe le batho botlhe ba raya Ahabe ba re, ''O se ka wa mo reetsa kgotsa wa dumalana le se a se batlang.''⁹Jalo Ahabe a raya batlhanka ba ga Bene Hatata a re, ''Rayang mong wa me kgosi le re, 'Ke dumalana le se o rometseng gore motlhanka wa gago a se dire nako ya ntlha, mme ga ke ka ke ka dumela sa bobedi se o se batlang se.''' Jalo barongwa ba tsamaya a isa phetolo e kwa go Bene Hatata. ¹⁰Foo Bene Hatata a romela phetolo ya gagwe kwa go Ahabe, mme a re, ''A badimo ba ntire jalo, ebile ba ntire go le go ntsi gape, fa melora ya Samarea e ka lekana batho botlhe ba ba ntshalang morago gore mongwe le mongwe a tsee ka seatla se tletse.''¹¹Kgosi ya Iseraele a araba a re, ''Rayang Bene Hatata le re, 'Motho yo e leng gone a aparang diaparo tsa ntwa ga a a tshwanela go ipoka jaaka yo o di apolang.''' ¹²Bene Hatata a utlwa molaetsa o jaaka a ne a nwa, ene le dikgosi tse di ka fa tlase ga gagwe tse di neng di le mo ditenteng tsa tsone. Bene Hatata a laela banna ba gagwe, ''Tlhomaganang mo meleng ya maimo a ntwa.'' Jalo ba ipaa ka maemo a bone go bolotsa ntwa kgatlhanong le toropokgolo.¹³Foo bonang, moporofiti a tla kwa go Ahabe kgosi ya Iseraele mme a re, ''Modimo Yahweh a re, 'A o bone sesole se segolo se? Leba, ke tla se tsenya mo seatleng sa gago letsatsi leno, mme o tla itse gore ke Modimo Yahweh.''' ¹⁴Ahabe a fetola, ''Ka mang?'' Modimo Yahweh a fetola, ''Ka badiredi ba ba botlana ba ba direlang balaodi ba dikgaolo.'' Foo Ahabe a re, ''Ke mang yo o tla simololang ntwa?'' Modimo Yahweh a araba, ''Wena.'' ¹⁵Foo Ahabe a kgobokanya badiredi ba ba botlana ba ba direlang balaodi ba dikgaolo. Ka palo ba ne ba le makgolo a mabedi, masome a mararo le bobedi. Morago ga bone a kgobokanya masole otlhe, masole otlhe a Iseraele; ka palo a le dikete tse supa.¹⁶Ba tswa go le motshegare. Bene Hatata o ne a nwela go tagwa mo tenteng ya gagwe, ene le dikgosi tse di potlana tse di neng di mo thusa. ¹⁷Badiredi ba ba botlana ba ba neng ba direla balaodi ba dikgaolo ba gatela kwa pele la ntlha. Foo Bene Hatata a itsisiwe ke masupatsela a a neng a a romile, ''Banna ba etla go tswa Samarea.''¹⁸Bene Hatata a re, ''Go sa kgathalesege gore ba tla ka kagiso kgotsa ka ntwa, ba tshwareng le sa ba bolae.'' ¹⁹Jalo badiredi ba ba botlana ba ba direlang balaodi ba dikgaolo ba tswa mo toropokgolong mme sesole sa ba sala morago.²⁰Mongwe le mongwe wa bone a bolaya mmaba mme Baaramo ba sia. Iseraele a ba alola. Bene Hatata a sia ka pitse a na le bapalami bangwe ba dipitse. ²¹Foo kgosi ya Iseraele a tswa a tlhasela dipitse le dikolotsana tsa ntwa, a bolaya Baaramo ka polao e kgolo.²²Jalo moporofiti a tla kwa kgsing ya Iseraele mme a mo raya a re, ''Tsamaya, ithatafatse, mme o tlhaloganye o bo o rulaganye gore o dira eng, gonne kwa tshimlogong ya ngwaga kgosi ya Aramo o tsile go go tlhasela gape.'' ²³Batlhanka ba kgosi ya Aramo ba mo raya ba re, ''Modimo wa bone ke modimo wa dithaba. Ke sone se ba neng ba le maatla go re feta. Mme jaanong a re ba lwantsheng mo leboeng, mme ammaaruri re tsile go nna maatla go ba feta.²⁴Mme dira se: tlosa dikgosi; tlosa botlhe mo taolong mme o beye balaodi ba sesole mo boemong jwa bone. ²⁵Kgobokanya sesole se se tshwanang le sesole se se go latlhegetseng, pitse go pitse le kolotsana ya ntwa go kolotsana ya ntwa, mme re tla lwa le bone mo leboeng. Foo ammaaruri re tla nna maatla go ba feta.'' Jalo Bene Hatata a reetsa kgakololo ya bone mme a dira jaaka ba rotloetsa.²⁶Morago ga tshimologo ya ngwaga o mosha, Bene Hatata a kgobokanya Baaramo botlhe a ya kwa Afeke go lwa le Iseraele. ²⁷Batho ba Iseraele ba ne ba kgobokantswe ebile ba neetswe tse di tlhokegang go lwa le bone. Batho ba Iseraele ba kampa fa pele ga bone jaaka ditlhophana tse pedi tsa dipodi, mme Baaramo ba ne ba tletse naga yotlhe.²⁸Foo monna wa Modimo a atamela gaufi a bua le kgosi ya Iseraele a re, ''Modimo Yahweh a re, : 'Ka lebaka la gore Baaramo ba rile Modimo Yahweh ke modimo wa dithaba, mme ga se modimo wa mekgatsha, ke tsile go tsenya sesole se segolo se mo seatleng sa gago, mme o tla itse gore ke Modimo Yahweh.'''²⁹Jalo masole a kampa go bapa matsatsi a supa. Foo ka letsatsi la bosupa ntwa ya simolola. Batho ba Iseraele ba bolaya masole a a tsamayang ka dinao a Aramo a le dikete tse di lekgolo ka letsatsi le le lengwe. ³⁰Ba bangwe ba ba setseng ba siela kwa Afeke, mo teng ga toropokgolo, mme lebota la wela ba ba setseng ba le dikete tse di masome mabedi le bosupa. Bene Hatata a sia mme a tsena mo toropokgolong, mo ntlwaneng e e ka kwa teng.³¹Batlhanka ba ga Bene Hatata ba mo raya ba re, ''Leba jaanong, re utlwile gore dikgosi tsa ntlo ya Iseraele ke dikgosi tse di pelotlhomogi. Tsweetswee a re itlame mo mathekeng ka letsela la kgetse le megala mo ditlhogong tsa rona, mme re ye kwa kgosing ya Iseraele. Gongwe o tla somarela botshelo jwa gago.'' ³²Jalo ba itlama ka letsela la kgetse mo mathekeng a bone le megala mo ditlhogong tsa bone mme ba ya kwa kgosing ya Iseraele ba mo raya ba re, ''Motlhanka wa gago Bene Hatata a re, 'Tsweetswee mma ke tshele.''' Ahabe a re, ''A o santse a tshela? Ke morwarre.''³³³⁴Jaanong banna ba ne ba reeditse sekai sepe go tswa mo go Ahabe, jalo ba araba ka bonako, ''Ee, morwarraago Bene Hatata o a tshela.'' Foo Ahabe a re, ''Tsamayang le tle ka ene.'' Foo Bene Hatata a tla kwa go ene, mme Ahabe a mo letlelela go palama le ene mo kolotsaneng ya gagwe ya ntwa. Bene Hatata a raya Ahabe a re, ''Ke tla go busetsa ditoropokgolo tse rre a di tsereng mo go rraago, mme o ka itirela marekisetso kwa Tamaseka jaaka rre a ne a dirile kwa Samarea.'' Ahabe a fetola, ''Ke tla go lesa o tsamaya ka kgolagano e.'' Jalo Ahabe a dira kgolagano le ene mme foo a mo lesa a tsamaya.³⁵Monna mongwe, mongwe wa bana ba baporofiti, a raya mongwe wa baporofiti jaaka ene ka lefoko la Modimo Yahweh a re, ''Tsweetswee mpetse.'' Mme monna a gana go mmetsa. ³⁶Foo moporofiti a raya moporofiti jaaka ene a re, ''Ka lebaka la gore o ganne go utlwa lefoko la Modimo Yahweh, ka bonako fela fa o tswa fa go nna, tau e tla go bolaya.'' Mme ka bonako fela fa monna yoo a sena go tswa fa go ene, tau ya mo fitlhela ya mmolaya.³⁷Foo moporofiti a fitlhela monna yo mongwe a mo raya a re, ''Tsweetswee mpetse.'' Jalo monna a mmetsa a mo ntsha dintho. ³⁸Foo moporofiti a tloga a ya go emela kgosi fa thoko ga tsela; o ne a iphetotse tshwano ka go hapa matlho a gagwe ka letsela le le hapisang dintho.³⁹Jaaka kgosi a feta, moporofiti a goelela kgosi a re, ''Motlhanka wa gago o ne a tsena mo gare ga ntwa, mme lesole la ema la tsisa mmaba kwa go nna mme la re, 'Disa monna yo. Fa ka tsela nngwe a ka se ka a bonala, botshelo jwa gago bo tla emela jwa gagwe, kgotsa o tla duela selekanyo sa selefera.' ⁴⁰Mmme ka lebaka la gore motlhanka wa gago o ne a ntse a ya fa le fale, lesole la mmaba la sia.'' Foo kgosi ya Iseraele a mo raya a re, ''Se e tla nna sone kotlhao ya gago - ke wena o e tlhophileng.''⁴¹Foo moporofiti a ntsha letsela le le hapang dintho ka bonako mo matlhong a gagwe, mme kgosi ya Iseraele a mo lemoga gore ke mongwe wa baporofiti. ⁴²Moporofiti a raya kgosi a re, ''Modimo Yahweh a re, 'Ka lebaka la gore o ntshitse mo seatleng sa gago monna yo ke neng ke mo atlholetse loso, botshelo jwa gago bo tla emela jwa gagwe le batho ba gago ba tla emela ba gagwe.''' ⁴³Jalo kgosi ya Iseraele a ya kwa ntlong ya gagwe a tletse ka kilo ebile a tenegile, mme a goroga kwa Samarea.

21¹Jaanong nako nngwe morago, Nabothe wa Mojeserile o ne a na le tshimo ya difine mo Jeserile, gaufi le ntlo ya bogosi ya ga Ahabe kgosi ya Samarea. ²Ahabe a bua le Nabothe, a re, ''Nneele tshimo ya gago ya difine ke e dire tshingwana ya merogo, ka gore e gaufi le ntlo ya me. Boemong jwa yone, ke tla go neela tshimo e e botoka ya difine, kgotsa, fa o eletsa, ke ka go duela ka madi a selekanyo sa tlhwatlhwa ya yone.''³Nabothe a fetola Ahabe, ''A Modimo Yahweh a se letle gore ke go neele boswa jwa borraetsho.'' ⁴Jalo Ahabe a tsena mo ntlong ya bogosi a tlese ka kilo le go tenega ka lebaka la karabo e a e filweng ke Nabothe wa Mojeserile fa a mo raya a re, ''Ga ke na go go neela boswa jwa borraetsho.'' A rapama mo bolaong jwa gagwe, a lebisa sefatlhego go sele, a bo a gana go ja sejo sepe.⁵Jesebele mosadi wa gagwe a tla kwa go ene a mo raya a re, ''Ke eng pelo ya gago e hutsafetse jaana mo o sa jeng le fa e le sejo sepe?'' ⁶A mo fetola, ''Ke buile le Nabothe wa Mojeserile ka re, 'Nneele tshimo ya gago ya difine ka madi, kgotsa fa go go itumedisa, ke tla go neela tshimo e nngwe ya difine gore e nne ya gago.' Foo a nkaraba, 'Ga ke na go go neela tshimo ya difine ya me.''' ⁷Jalo Jesebele mosadi wa gagwe a mo fetola, ''A ga se gore o ntse o busa bogosi jwa Iseraele? Tsogo o je; a pelo ya gago e itumele. Ke tla go tseela tshimo ya difine ya ga Nabothe wa Mojeserile.''⁸Jalo Jesebele a kwala makwalo mo leineng la ga Ahabe, a a tswalela ka sekano sa ga Ahabe, mme a a romela kwa bagolwaneng le bahuming ba ba nnang le ene mo diphuthegong le ba ba nnang gaufi le Nabothe. ⁹O ne a kwala mo makwalong a re, ''Anamisang go ikitsa dijo mme lebeye Nabothe kwa godimo ga batho. ¹⁰Gape le beye banna ba babedi ba ba senang boammaaruri le ene mme ba supe kgatlhanong le ene, ba re, 'O hutsitse Modimo le kgosi.''' Foo le mo tseye le tswe ka ene le mo kgobotletse ka matlapa gore a swe.¹¹Jalo banna ba toropokgolo ya gagwe, bagolwane le bahumi ba ba nnang mo torookgolong ya gagwe, ba dira jaaka Jesebele a ba tlhaloseditse, jaaka go kwadilwe mo makwalong a a ba romeletseng. ¹²Ba laola gore go ikidiwe dijo go mme ba baya Nabothe fa godimo ga batho. ¹³Banna ba babedi ba ba seneng boammaaruri ba tla mme ba nna fa pele ga ga Nabothe; ba supa kgatlhanong le Nabothe fa pele ga batho, ba re, ''Nabothe o hutsitse Modimo le kgosi.'' Foo ba mo rwalela kwa ntle ga toropokgolo mme ba mo kgobotletsa ka matlapa ba mmolaya. ¹⁴Foo bagolwane ba romela lefoko kwa go Jesebele ba re, ''Nabothe o kgobotleditswe ka matlapa mme o sule.''¹⁵Jaanong fa Jesebele a utlwa gore Nabothe o kgobotleditswe ka matlapa ebile o sule, a raya Ahabe a re, ''Ema ka dinao o tseye tshimo ya difine ya ga Nabothe wa Mojeserile, e a ganneng go go e neela ka madi, gonne Nabothe ga a tshele, o sule.'' ¹⁶Fa Ahabe a utlwa gore Nabothe o sule, a ema ka dinao a fologela kwa tlase kwa tshimong ya difine ya ga Nabothe wa Mojeserile a e tsaya go nna ya gagwe.¹⁷Foo lefoko la Modimo Yahweh la tla kwa go Elija wa Motishibe, le re, ¹⁸''Ema ka dinao o ye go kopana le Ahabe kgosi ya Iseraele yo o nnang kwa Samarea. O mo tshimong ya ga Nabothe, o ile go e tsaya go nna ya gagwe.¹⁹O tshwanetse wa bua le ene o re, Modimo Yahweh a re, 'A o bolaile ebile o tsere?' Mmme o tla mmolelela gore Modimo Yahweh a re, 'Mo lefelong le dintsa di latswitseng madi a ga Nabothe, dintsa di tla latswa madi a gago, ee, madi a gago.''' ²⁰Ahabe a raya Elija a re, ''A o mphitlhetse, mmaba wa me?'' Elija a araba, ''Ke go fitlhetse, gonne o ithekiseditse go dira tse di bosula mo ponong ya Modimo Yahweh.²¹Modimo Yahweh o go raya se: 'Bona, ke tla tsisa sebetso mo go wena mme ebile ke tla kometsa gotlhelele ke bo ke tlosa mo go wena ngwana mongwe le mongwe wa mosimane, le monna mongwe le mongwe wa lekgoba le yo o gololesegileng mo Iseraele. ²²Ke tla dira lelapa la gago jaaka lelapa la ga Jeroboame morwa Nebate, le jaaka lelapa la ga Baasha morwa Ahija, ka gore o nthumotse gore ke tenege ebile o eteletse Iseraele go mo leofisa.'²³Modimo Yahweh o buile gape ka Jesebele, a re, 'Dintsa di tla ja Jesebele fa thoko ga lebota la Jeserile.' ²⁴Ope yo e leng wa ga Ahabe yo o swelang mo toropokgolong - dintsa di tla mo ja. Mme ope yo o swelang kwa nageng dinonyane tsa lefaufau di tla mo ja.'''²⁵Ga go a ka ga nna ope yo o tshwanang le Ahabe, yo o ileng a ithekisetsa go dira tse di bosula mo ponong ya Modimo Yahweh, yo Jesebele mosadi wa gagwe a neng a mo rotloetsa go leofa. ²⁶Ahabe o ne a direla medingwana e a e salang morago ditiro tse di sisimosang, fela jaaka Baamori ba ne ba dira, bone ba Modimo Yahweh a ba tlositseng fa pele ga batho ba Iseraele.²⁷E rile Ahabe a utlwa mafoko a, a gagola diaparo tsa gagwe a apara letsela la kgetse mme a ikitsa dijo, mme a rapama mo letseleng la kgetse mme a hutsafala thata. ²⁸Foo lefoko la Modimo Yahweh la tla kwa go Elija wa Motishibe, la re, ²⁹''A o bona ka fa Ahabe a ikobang ka teng fa pele ga me? Ka lebaka la gore o ikoba fa pele ga me, ga ke na go tsisa sebetso se se tlang mo matsatsing a go tshela ga gagwe; ke tla tsisa sebetso mo lelapeng la gagwe mo matsatsing a morwawe.''

22¹Dingwaga tse 3 tsa feta go sena ntwa gare ga Aramo le Iseraele. ²Foo ga diragala gore mo ngwageng wa bo 3, Jehoshafate kgosi ya Juta a ya kwa tlase kwa kgosing ya Iseraele.³Jaanong kgosi ya Iseraele o ne a reile batlhanka ba gagwe a re, ''A le a itse gore Ramothe Gileate ke wa rona, mme ga re dire sepe go mo tsaya mo seatleng sa kgosi ya Aramo?'' ⁴Jalo a raya Jehoshafate a re, ''A otla ya le nna kwa ntweng kwa Ramothe Gileate?'' Jehoshafate a fetola kgosi ya Iseraele, ''Ke tshwana le wena, batho ba me ba tshwana le batho ba gago, le dipitse tsa me di tshwana le dipitse tsa gago.''⁵Jehoshafate a raya kgosi ya Iseraele a re, ''Tsweetswee kopa kaelo mo lefokong la Modimo Yahweh gore ke eng se o tshwanetseng go se dira pele.'' ⁶Foo kgosi ya Iseraele a kgobokanya baporofiti botlhe mmogo, banna ba le makgolo a mane, mme a ba raya a re, ''A ke ye ntweng kwa Ramothe Gileate, kgotsa ke se ka ka tsamaya?'' Ba re, ''Tlhasela, gonne Morena o tla o tsenya mo seatleng sa kgosi.''⁷Mme Jehoshafate a re, ''A gone fa ga go na moporofiti yo mongwe wa Modimo Yahweh yo re ka mo kopang kgakololo?'' ⁸Kgosi ya Iseraele a raya Jehoshafate a re, ''Go na le monna a le mongwe yo ka ene re ka batlang kgakololo ya Modimo Yahweh go re thusa, Mikaia morwa Imola, mme ke mo tlhoile gonne ga a ke a porofita sepe se se molemo ka nna, fa e se mathata fela.'' Mme Jehoshafate a re, ''A kgosi a se ka a bua jalo.'' ⁹Foo kgosi ya Iseraele a bitsa modiredi, a mo laola, ''Tsisa Mikaia morwa Imola, gone jaana.''¹⁰Jaanong Ahabe kgosi ya Iseraele le Jehoshafate kgosi ya Juta ba ne ba ntse, mongwe le mongwe mo setilong sa bogosi, ba apere dipurapura tsa bone, mo patlelong fa kgorong ya Samarea, mme baporofiti botlhe ba ne ba porofita fa pele ga bone. ¹¹Setekia morwa Kenaana a itirela dinaka tsa tshipi mme a re, ''Modimo Yahweh o bua se: 'Ka tse o tla kgarametsa Baaramo go fitlhela ba komediwa.''' ¹²Mme baporofiti botlhe ba ne ba porofita go tshwana, ba re, ''Tlhasela Ramothe Gileate o fenye, gonne Modimo Yahweh o e neetse mo seatleng sa kgosi.''¹³Morongwa yo o romilweng go bitsa Mikaia a bua le ene, a re, ''Bona jaanong, mafoko a baporofiti a bolela phatlalatsa dilo tse di molemo ka kgosi ka molomo o le mongwe. Tsweetswee a lefoko la gago le tshwane le la mongwe wa bone mme o bue dilo tse di molemo.'' ¹⁴Mikaia a fetola, ''Jaaka Modimo Yahweh a tshela, ke tla bua se Modimo Yahweh a se nthayang.'' ¹⁵Fa a goroga kwa kgosing, kgosi a mo raya a re, ''Mikaia, a re ye kwa Ramothe Gileate go lwa kgotsa nnyaa?'' Mikaia a araba, ''Tlhasela o fenye. Modimo Yahweh o tla o neela mo seatleng sa kgosi.''¹⁶Foo kgosi a mo raya a re, ''Ke go kope ga kae gore o ikane go mpolelela boammaaruri fela e seng sepe mo leineng la Modimo Yahweh?'' ¹⁷Jalo Mikaia a re, ''Ke bone Iseraele yotlhe e gasame kwa dithabeng, jaaka dinku tse di senang modisa, mme Modimo Yahweh a re, 'Ba ga ba na modisa. A monna mongwe le mongwe a boele kwa ntlong ya gagwe ka kagiso.'''¹⁸Jalo kgosi ya Iseraele a raya Jehoshafate a re, ''A ga ke a go bolelela gore ga a na go porofita tse di molemo ka nna, fa e se sebetso fela?'' ¹⁹Foo Mikaia a re, ''Jalo he, utlwang lefoko la Modimo Yahweh: ke bone Modimo Yahweh a ntse mo setilong sa gagwe sa bogosi, mme masomosomo otlhe a legodimo a eme fa thoko ga gagwe ka kwa letsogong la moja le ka kwa go la molema. ²⁰Modimo Yahweh a re, 'Ke mang yo o tla raelang Ahabe, gore a tle a ye go wela kwa Ramothe Gileate?' Mme mongwe a le nosi o ne a araba ka tsela e, yo mongwe a araba ka tsela ele.²¹Foo mowa wa tla kwa pele, wa ema fa pele ga Modimo Yahweh, wa re, 'Ke tla mo raela.' Modimo Yahweh a o raya a re, 'Jang?' ²²Mowa wa fetola, 'Ke tla tswa ke ya go nna mowa o o akang mo molomong wa baporofiti botlhe ba gagwe.' Modimo Yahweh a fetola, 'O tla mo raela, ebile o tla a atlega. Tsamaya jaanong o dire jalo.' ²³Jaanong bona, Modimo Yahweh o beile mowa o o akang mo molomong wa baporofiti botlhe ba ba gago, mme Modimo Yahweh o go laoletse sebetso.''²⁴Foo Setekia morwa Kenaana, a tla, a betsa Mikaia mo lerameng ka seatla, mme a re, ''Mowa wa Modimo Yahweh o tsere tsela efe go tswa mo go nna go tla go bua le wena?'' ²⁵Mikaia a re, ''Leba, o tla itse seo mo letsatsing leo, fa o siela mo ntlwaneng e e ka kwa teng go iphitlha.''²⁶Kgosi ya Iseraele a raya motlhanka wa gagwe a re, ''Tsaya Mikaia mme o mo ise kwa go Amone, molaodi wa toropokgolo, le kwa go Joashe, morwaake. ²⁷Mo reye o re, 'Kgosi a re, 'Tsenya monna yo mo kgolegelong mme o mo tlamele ka borothonyana fela le ka metsinyana fela, go fitlhela ke tla ka pabalesego.''' ²⁸Foo Mikaia a re, ''Fa o ka boa ka pabalesego, foo Modimo Yahweh o tla bo a sa bua ka nna.'' Mme a tlatsa, ''Reetsang se, lona batho botlhe.''²⁹Jalo Ahabe, kgosi ya Iseraele, le Jehoshafate, kgosi ya Juta, ba ya kwa Ramothe Gileate. ³⁰Kgosi ya Iseraele a raya Jehoshafate a re, ''Ke tla fitlha tebego ya me fa ke tsena mo ntweng, mme wena o apare dipurapura tsa gago tsa segosi.'' Jalo kgosi ya Iseraele a fitlha tebego ya gagwe mme a tsena mo ntweng.³¹Jaanong kgosi ya Aramo o ne a laotse baeteledipele ba ba masome a mararo le bobedi ba dikolotsana tsa gagwe tsa ntwa, a re, ''Le se ka la tlhasela masole a a tlotlegang kgotsa a a sa tlotlegeng. Boemong jwa moo, tlhaselang kgosi ya Iseraele fela.'' ³²Go ne ga diragala fa baeteledipele ba dikolotsana tsa ntwa ba bona Jehoshafate ba re, ''Ammaaruri yo ke kgosi ya Israele.'' Ba retologa go mo tlhasela, jalo Jehoshafate a kua. ³³Ga diragala gore fa balaola dikolotsana tsa ntwa ba bona gore ga se kgosi ya Iseraele, ba boa kwa go mo aloleng.³⁴Mme monna mongwe a goga bora jwa gagwe ka go hula a sa tlhaole mme a hula kgosi ya Iseraele fa makopanelong a diaparo tsa gagwe tsa ntwa. Foo Ahabe a raya mokgweetsi wa kolotsana ya gagwe ya ntwa, a re, ''Retologa mme o nthwale o ntshe mo gare ga ntwa, gonne ke golafaditswe mo go maswe.''³⁵Ntwa ya bifa letsatsi leo mme kgosi a tshegediwa mo kolotsaneng ya gagwe ya ntwa a lebaganye le Baaramo. O ne a swa mo maitseboeng. Madi a tshologa go tswa mo nthong a tshologela mo bokwatlaseng jwa kolotsana ya ntwa. ³⁶Foo ka nako e letsatsi le neng le phirima ka yone, go goa ga ralala sesole, go re, ''Monna mongwe le mongwe a boele kwa toropokgolong ya gagwe; mme monna mongwe le mongwe a boele kwa kgaolong ya gagwe!''³⁷Jalo kgosi Ahabe a swa mme ba mo tsisa kwa Samarea ba bo ba mmoloka mo Samarea. ³⁸Ba tlhatswa kolotsana ya ntwa kwa mogobeng wa Samarea, mme dintsa tsa latswa madi a gagwe(e ne e le fa bagweba-ka-mmele ba tlhapelang teng), fela jaaka lefoko la Modimo Yahweh le boletse phatllatsa.³⁹Fa e le ka dikgang tse dingwe tse di amang Ahabe, dilo tse a di dirileng, ntlo ya dinaka tsa ditlou e a e agileng, le ditoropokgolo tse a di agileng, a ga di a kwalwa mo Bukeng Ya Ditiragalo Tsa Dikgosi Tsa Iseraele? ⁴⁰Jalo Ahabe a robala le borraagwe, mme morwawe Ahasia a nna kgosi mo boemong jwa gagwe.⁴¹Foo Jehoshafate morwa Asa a simolola go busa mo Juta mo ngwageng wa bo 4 wa ga Ahabe kgosi ya Iseraele. ⁴²Jehoshafate o ne a le dingwaga di le 35 fa a simolola go busa, mme o ne a busa mo Jerusalema dingwaga di le 25. Leina la ga mmaagwe e ne e le Asuba, morwadia Shilihi.⁴³O ne a tsamaya mo ditseleng tsa ga Asa, rraagwe; ga a a ka a fapoga mo go tsone; o ne a dira tse di molemo mo ponong ya Modimo Yahweh. Mme mafelo a a kwa godimo a ne a sa ntshiwa. Batho ba ne ba ntse ba ntshetsa ditlhabelo le go fisetsa maswalo mo mafelong a a kwa godimo. ⁴⁴Jehoshafate o ne a dira kagiso le kgosi ya Iseraele.⁴⁵Fa e le ka dikgang tse dingwe tse di amang Jehoshafate, maatla a a a supileng, le ka fa a neng a lwa ka teng, a ga di a kwalwa mo Bukeng Ya Ditiragalo Tsa Dikgosi Tsa Juta? ⁴⁶O ne a tlosa mo lefatsheng bagweba-ka-mmele ba tumedi ba ba neng ba sala mo matsatsing a ga Asa rraagwe. ⁴⁷Go ne go sena kgosi kwa Etome, mme mothusa kgosi o ne a busa koo.⁴⁸Jehoshafate o ne a aga dikepe tse di tsamayang mo mawatleng a magolo; di ne di tshwanetse go ela gauta kwa Ofiri, mme ga di a ka tsa tsamaya, gonne dikepe di ne tsa senyegela kwa Esione Gebere. ⁴⁹Foo Ahasia morwa Ahabe a raya Jehoshafate a re, ''Letla batlhanka ba me ba tsamaye le batlhanka ba gago mo dikepeng.'' Mme Jehoshafate a se ka a letlelela seo. ⁵⁰Jehoshafate a robala le borraagwe mme a bolokwa le bone kwa toropokgolong ya ga Tafita, rraaagwe; Jehoramo, morwawe a nna kgosi mo boemong jwa gagwe.⁵¹Ahasia morwa Ahabe o ne a simolola go busa mo Samarea mo ngwageng wa bo 17 wa ga Jehoshafate kgosi ya Juta, mme o ne a busa dingwaga di le 2 mo Iseraele. ⁵²O ne a dira tse di bosula mo ponong ya Modimo Yahweh mme a tsamaya mo tseleng ya ga rraagwe, mo tseleng ya ga mmaagwe, le mo tseleng ya ga Jeroboame morwa Nebate, ka fa a neng a etelela Iseraele ka teng go leofa. ⁵³O ne a direla Bale a bo a mo obamela, mme a rumola Modimo Yahweh, Modimo wa Iseraele, go mo tena, jaaka rraagwe a dirile.

Taniele

1¹Mo ngwageng wa bo 3 wa go busa ga ga Jehoiakime kgosi ya Juta, Nebukatenesara kgosi ya Babilona a dikaganyetsa Jerusalema go kganela go tsena ga dilwana teng. ²Modimo o ne a naya Nebukatenesara phenyo godimo ga ga Jehoiakime kgosi ya Juta, yo a neng a mo naya dingwe tsa dilwana tse di itshepisitsweng tsa ntlo ya Modimo. A di tsaya a di isa kwa lefatsheng la Babilona, kwa ntlong ya modimo wa gagwe, a baya dilwana tse di itshepisitsweng tse mo mabolokelong a modimo wa gagwe.³Kgosi a bua le Ashepenase, mongwe wa badiredi bagolo ba gagwe go tsisa bangwe ba batho ba Iseraele ba lelapa la bogosi le ba ba tlotlegang - ⁴makau a a senang selabe, a kgatlhisa mo popegong, a na le botlhale botlhe, a tladitswe ka kitso le go tlhaloganya ebile a siametswe ke go ka direla mo ntlong ya bogosi. O ne a tshwanetse go ba ruta mekwalo le leleme la Sebabilona. ⁵Kgosi a ba rebolela kabelo ya letsatsi le letsatsi ya dijo tse di monate le mofine o a o nwang. Makau a a ne a tshwanetse go katisiwa dingwaga tse 3, morago a bo a direla kgosi.⁶Gare ga bone e ne e le Taniele, Hanania, Mishaele le Asaria, bangwe ba batho ba Juta. ⁷Modiredi mogolo a ba fa maina: a bitsa Taniele a re Beleteshasara, Hanania a mmitsa Shateraka, Mishaele a mmitsa Meshaka, Asaria a mmitsa Abeteneko.⁸Mme Taniele a ikaelela ka tlhaloganyo ya gagwe gore ga a na go itlatsa leswe ka dijo tsa kgosi tse di monate le fa e le ka mofine o a o nwang. Ka jalo a kopa tetla mo go modiredi mogolo gore a se ka a itlatsa leswe. ⁹Modimo a fa Taniele letlhogonolo le mautlwelobotlhoko ka tlotlo e modiredi mogolo a neng a na le yone mo go ene. ¹⁰Modiredi mogolo a raya Taniele a re, ''Ke tshaba mongwame kgosi. O laotse gore le je dijo dife, le nwe dino dife. Ke eng le tshwanetse go lebega bomaswe go feta makau a mangwe a balekane ba lona? Kgosi a ka nkgaola tlhogo ka lebaka la lona.''¹¹Foo Taniele a bua le motlhokomedi yo modiredi mogolo a neng a mo roma go tlhokomela Taniele, Hanania , Meshaele le Asaria. ¹²A re, ''Tsweetswee, re leke, batlhanka ba gago, matsatsi a le 10. Re fe merogo re je o bo o re fe metsi re nwe. ¹³ Go tloga fa o tshwantshanye tebego ya rona le tebego ya makau a a ntseng a ja dijo tsa kgosi tse di monate, mme o re tshware, rona batlhanka ba gago, go ya ka fa o tla bong o bona ka teng.''¹⁴Motlhokomedi a dumalana le ene go dira se, a ba leka matsatsi a le 10. ¹⁵Kwa bokhutlong jwa matsatsi a a 10, ba lebega ba itekanetse, ba jesitswe mo go botoka go feta makau a a neng a ja dijo tse di monate tsa kgosi. ¹⁶Foo motlhokomedi a tlosa dijo tse di monate le mofine a ba neela merogo fela.¹⁷Fa e le makau a mane a, Modimo a a neela kitso le go bonela kwa teng mo mekwalong le mo botlhaleng, le Taniele o ne a kgona go tlhaloganya mefuta yotlhe ya diponelopele le ditoro. ¹⁸Kwa bokhutlong jwa nako e e neng e tlhomilwe ke kgosi gore a ba tsise, modiredi mogolo a ba tsisa fa pele ga ga Nebukatenesara.¹⁹Kgosi a bua le bone, mme mo gare ga setlhopha sotlhe ga bo go sena ope yo o neng a tshwana le Taniele, Hanania, Mishaele le Asaria. Ba ema fa pele ga kgosi ba ipaakanyeditse go mo direla. ²⁰Mo potsong nngwe le nngwe e e batlang botlhale le go tlhaloganya e kgosi a neng a e ba botsa, a fitlhela ba feta ga 10 borramasalamose botlhe le botlhe bao ba ba ikayang fa ba bua le baswi mo bogosing jotlhe ka bophara. ²¹Taniele o ne a le teng go fitlha ka ngwaga wa bo 1 wa ga kgosi Saerase.

2¹Mo ngwageng wa bo 2 wa go busa ga ga Nebukatenesara, a lora ditoro. Tlhaloganyo ya gagwe ya bo e tshwenyegile, a palelwa ke go robala. ²Foo kgosi a bitsa borramasalamose le ba ba ikayang fa ba bua le baswi. A bitsa gape le baloi le borramatlhale. O ne a batla gore ba mmolelele ka ga ditoro tsa gagwe. Ba tsena ba ema fa pele ga kgosi.³Kgosi a ba raya a re, ''Ke nnile le toro, tlhaloganyo ya me e eletsa go itse gore toro e e raya eng.'' ⁴Foo borramatlhale ba bua le kgosi ka Searamaike, ''Kgosi, tshelela ruri! Re bolelele toro, rona batlhanka ba gago, re tla go senolela gore e raya eng.''⁵Kgosi a fetola borramatlhale, ''Kgang e e weditswe. Fa le sa ntshenolele toro e la bo la e nthanolela, mebele ya lona e tla kgaoganngwa ka dikarolwana le matlo a lona a tlaa nna dithotobolo tsa matlakala. ⁶Mme fa le ka ntshenolela toro la bo la mpolelela gore e raya eng, le tla amogela dimpho go tswa mo go nna, katso le tlotla e kgolo. Ka jalo, mpoleleleng toro le se e se rayang.''⁷Ba fetola gape ba re, ''A kgosi a re bolelele toro, rona batlhanka ba gagwe, re tla go bolelela gore e raya eng.'' ⁸Kgosi a araba, ''Ke itse ka tlhomamo gore le batla nako gape ka lebaka la go bo le bona ke sa sute mo tshwetsong e ke e tsereng ka se. ⁹Mme fa le sa mpolelele toro, go na le katlholo e le nngwe fela e e le lebanyeng. Le sweditse go baakanya mafoko a tsietso le maaka a le batlang go mphetodisa mogopolo ka one. Jalo he, mpoleleleng toro, go tloga foo ke gone ke tla itseng gore le kgona go e nthanolela.''¹⁰Borramatlhale ba fetola kgosi, ''Ga go na motho ope mo lefatsheng yo o ka dirang se kgosi a se batlang. Ga go na kgosi epe e kgolo, e e maatla e e kileng ya batla selo se se ntseng jaana mo go rramasalamose ope, kgotsa mo go ope yo o ikayang a bua le baswi, kgotsa mo go rramatlhale ope. ¹¹Se kgosi a se batlang se thata, ga go na ope yo o ka se bolelelang kgosi, fa e se badimo, mme ga ba nne fa gare ga batho.''¹²Se sa tena kgosi, a shakgala mo go golo, mme a ntsha taelo ya go senya botlhe mo Babilona ba ba neng ba itsege ka botlhale jwa bone. ¹³Jalo taolo ya tswa e re botlhe ba ba itseweng ka botlhale jwa bone ba bolaiwe. Mme ka lebaka la taolo e, ba batla Taniele le ditsala tsa gagwe gore ba bolaiwe.¹⁴Foo Taniele, ka kelotlhoko a fetola Arioke wa moeteledipele wa badisakgosi, yo a neng a romilwe go bolaya botlhe ba ba itseweng ka botlhale jwa bone mo Babilona. ¹⁵Taniele a botsa moeteledipele wa kgosi, ''Ke eng taolo ya ga kgosi e le bofefo jaana?'' Arioke a bolelela Taniele se se diragetseng. ¹⁶Taniele a tsena ka kwa teng a kopa nako ya go bona kgosi, gore a tle a tsise thanolo kwa kgosing.¹⁷Go tswa foo Taniele a ya kwa ntlong ya gagwe a bolelela Hanania, Mishaele le Asaria se se diragetseng. ¹⁸A ba rotloetsa go kopa bopelotlhomogi kwa Modimong wa legodimo mabapi le masaitseweng a, gore ene le bone gongwe ba tle ba se ka ba bolaiwa le banna ba Babilona ba ba neng ba itsewe ka botlhale jwa bone.¹⁹Bosigo joo masaitseweng a senolelwa Taniele mo ponatshegelong. Foo Taniele a galaletsa Modimo wa legodimo ²⁰a re, ''Galaletsang leina la Modimo ka bosakhutleng; gonne botlhale le maatla ke tsa gagwe.²¹O fetola dinako le dipaka; o tlosa dikgosi ebile o tlhoma dikgosi mo ditilong tsa tsone tsa bogosi. Ba ba botlhale o ba neela botlhale, mme kitso o e neela ba ba nang le go tlhaloganya. ²²O senola dilo tse di kwa teng tse di fitlhegileng, gonne o itse tse di mo lefifing gape lesedi le nna mo go ene.²³Modimo wa borraarona, ke a go leboga ebile ke a go galaletsa ka botlhale le maatla a o a nneileng. Jaanong o dirile gore ke itse se re neng re se kopa kwa go wena; o dirile gore re itse kgang e e amang kgosi.''²⁴Go tswa foo Taniele a ya go bona Arioke( ene yo a neng a romilwe ke kgosi go bolaya mongwe le mongwe yo o neng a le botlhale mo Babilona). A ya a mo raya a re, ''O se ka wa bolaya borramatlhale ba Babilona. Nkise kwa kgosing ke tla bontsha kgosi thanolo ya toro ya gagwe.''²⁵Go tloga foo Arioke a tsenya Taniele ka kwa kgosing ka bonako, a re, ''Ke bone monna yo o tla senolang gore toro ya kgosi e raya eng fa gare ga bayalejwa ba Juta.'' ²⁶Kgosi a raya Taniele(yo o neng a bidiwa Beleteshasara) a re, ''A o kgona go mpolelela toro e ke e boneng le gore e raya eng?''²⁷Taniele a araba kgosi a re, ''Masaitseweng a kgosi a boditseng ka one ga a ka ke a senolwa ke ba ba nang le botlhale, kgotsa ba ba ikayang fa ba bua le baswi, borramasalamose le fa e le ba ba lepang motsamao wa dinaledi. ²⁸Le fa go ntse jalo, go na le Modimo yo o nnang kwa magodimong, yo o senolang masaitseweng, mme o go itsesitse kgosi Nebukatenesara, dilo tse di tla diragalang mo matsatsing a a tlang. Se ke toro le ponatshegelo ya tlhaloganyo ya gago jaaka o ne o rapame mo bolaong jwa gago.²⁹Fa e le wena, kgosi, dikakanyo tsa gago mo bolaong jwa gago di ne di le ka ga dilo tse di tla tlang, mme yo o senolang masaitseweng o go itsesitse se se leng gaufi le go diragala. ³⁰Fa e le nna, masaitseweng a ga ke a a senolelwa ka lebaka la botlhale bope jo ke nang le jone go feta ope motho yo o tshelang. Masaitseweng a ke a senoletswe gore wena, kgosi, o tle o tlhaloganye gore a raya eng, le gore o tle o itse dikanyo tse di boteng tse di mo go wena.³¹Kgosi, o ne wa leba kwa godimo wa bona sefikantswe se se tona. Sefikantswe se, se se neng se le maatla thata e bile se phatsima, se ne se le fa pele ga gago. Go phatsima ga sone go ne go boitshega. ³²Tlhogo ya sefikantswe se e ne e dirilwe ka gauta e e tlhwatlhwa. Sehuba le matsogo a dirilwe ka selefera. Mpa ya sone le dirope di ne di dirilwe ka kgotlho, ³³fa maoto a sone a ne a dirilwe ka tshipi. Dinao tsa sone di ne di dirilwe ka bontlha bongwe jwa tshipi le bontlha jwa letsopa.³⁴O ne wa leba kwa godimo, mme letlapa la segwa, e se ka diatla tsa motho, la itaya sefikantswe mo dinaong tsa sone tsa tshipi le letsopa mme tsa phatlakana. ³⁵Go tloga foo, tshipi, letsopa, kgotlho, selefera le gauta ka nako e le nngwe tsa phatloga tsa phatlalala tsa tshwana le mmoko mo seboaneng go le selemo. Phefo ya di fokela kgakala ga se ka ga nna le sepe sa tsone se se salang. Mme letlapa le le iteileng sefikantswe la fetoga thaba e kgolo e e neng ya tlala lefatshe lotlhe.³⁶E e ne e le toro ya gago. Jaanong re tla bolelela kgosi gore e raya eng. ³⁷Wena, kgosi, o kgosi ya dikgosi tse Modimo wa legodimo a di neileng bogosi, maatla, thata le tlotla. ³⁸O go file mo seatleng sa gago lefelo la fa batho ba nnang teng. O beile diphologolo tsa naga le dinonyane tsa magodimo mo seatleng sa gago, mme a go dira gore o buse magareng ga tsone tsotlhe. Ke wena tlhogo ya gauta ya sefikantswe.³⁹Morago ga gago, bogosi jo bongwe jo bonnye ka maemo mo go wena bo tla emelela, mme bogosi jwa bo 3 jwa kgotlho bo tla busa lefatshe lotlhe.⁴⁰Go tla nna le bogosi jwa bo 4, bo le thata jaaka tshipi, gonne tshipi e thuba dilo tse dingwe e di kgaoganya dikarolwana e bile e phatlakanya sengwe le sengwe. E tla phatlakanya dilo tse e bo e di thuga.⁴¹Fela jaaka o bone, dinao le menwana di ne di dirilwe ka bontlha bongwe jwa letsopa le le besitsweng le ka bontlha bongwe jwa tshipi, e tla bo e le bogosi jo bo kgaoganeng; bothata jwa tshipi bo tla bo bo le mo go jone, fela jaaka o bone tshipi e kopantswe le letsopa le le boleta. ⁴²Jaaka menwana ya dinao e ne e dirilwe ka bontlha jwa tshipi le jwa letsopa, bogosi jo bo tla bo bo le thata ka ntlha e nngwe gape bo thubega motlhofo ka ntlheng e nngwe. ⁴³Jaaka o bone tshipi e kopantswe le letsopa le le boleta, batho ba teng ba tla bo ba le motswako; ga ba na go nna mmogo, jaaka tshipi e sa tswakane le letsopa.⁴⁴Mo matsatsing a dikgosi tseo, Modimo wa legodimo o tla tlhoma bogosi jo bo tla sekeng bo senngwe, le fa e le go fenngwa ke batho ba bangwe. Bo tla thuba magosi a mangwe bo a phatlalatsa, bo bo bo a khutlisa otlhe, mme jone bo nnela ruri. ⁴⁵Jaaka o bone, letlapa le ne la segwa go tswa mo thabeng, e seng ka matsogo a motho. La thuba tshipi, kgotlho, letsopa, selefera le gauta go di dira dikarolwana. Modimo yo mogolo o go itsesitse, kgosi, gore go tla diragala eng morago ga se. Toro e e boammaaruri le go ranolwa mo go a ikanyega.''⁴⁶Kgosi Nebukatenesara a wa ka sefatlhego fa pele ga ga Taniele a mo fa tlotlo; a laola gore go dirwe moneelo le maswalo a a tshubelwe. ⁴⁷Kgosi a raya Taniele a re, ''E le ruri Modimo wa gago ke Modimo wa badimo, ke Morena wa dikgosi, e bile ke ene yo o senolang masaitseweng, gonne o kgonne go senola masaitseweng a.''⁴⁸Go tloga foo kgosi a dira gore Taniele a tlotlwe mo go golo, a bo a mo fa dimpho te dintsi tse dintle. A mo dira mmusi wa kgaolo yotlhe ya Babilona. Taniele a nna molaodi mogolo godimo ga banna ba ba botlhale ba Babilona. ⁴⁹Taniele a kopa kgosi, mme kgosi a tlhoma Shateraka, Meshaka le Abeteneko go nna batsamaisi ba kgaolo ya Babilona. Mme Taniele a sala mo ntlong ya bogosi ya kgosi.

3¹Kgosi Nebukatenesara a dira sefikantswe sa gauta sa boleele jwa dikhubiti tse 60 le bophara jwa dikhubiti tse 6. A se tlhoma mo leboeng la Dura mo kgaolong ya Babilona. ²Go tloga foo Nebukatenesara a romela melaetsa go phutha balaodi ba dikgaolo, balaodi ba dikgaolokgolo, balaodi ba legae, mmogo le bagakolodi, batsholamadi, baatlhodi, bomakaseterata, le badiredi ba maemo a magolo botlhe mo dikgaolong go tla kwa go neelweng ga sefikantswe se a se tlhomileng.³Go tloga foo balaodi ba dikgaolo, balaodi ba dikgaolokgolo, balaodi ba legae, mmogo le bagakolodi, batsholamadi, baatlhodi, bomakaseterata le badiredi ba maemo ba dikgaolo ba phuthega kwa go neelweng ga sefikantswe se Nebukatenesara a se tlhomileng. Ba ema fa pele ga sone. ⁴Foo moanamisi wa melaetsa a goela kwa godimo, ''Le a laelwa batho, ditshaba le diteme, ⁵gore ka nako ya fa le utlwa modumo wa dinaka, difulutu, disitha, dilaeya, diharepa, diphaephe le mefuta yotlhe ya moopelo, le tshwanetse la wela fatshe la ribamela sefikantswe sa gauta se kgosi Nebukatenesara a se tlhomileng.⁶Ope yo o sa weleng fatshe a obamela, ka nako eo, o tla latlhelwa mo moubelong o o tukang molelo.'' ⁷E rile fa batho botlhe ba utlwa modumo wa dinaka, difulutu, disitha, dilaeya, diharepa, le diphaephe le mefuta yotlhe ya moopelo, batho botlhe, ditshaba, le diteme ba wela fatshe ba ribamela sefikantswe se Nebukatenesara ase tlhomileng.⁸Jaanong ka nako e Bakalatia bangwe ba tsisa tatofatso kgatlhanong le Bajuta. ⁹Ba raya Nebukatenesara ba re, ''Kgosi, o tshelele ruri! ¹⁰Wena, kgosi, o ntshitse taolo gore motho mongwe le mongwe yo o utlwang modumo wa dinaka, difulutu, disitha, dilaeya, diharepa, le diphaephe, le mefuta yotlhe ya moopelo, o tshwanetse go wela fatshe a ribamela sefikantswe sa gauta.¹¹Ope yo o sa weleng fatshe a obamela, o tla latlhelwa mo moubelong o o tukang molelo. ¹²Jaanong go na le Bajuta bangwe ba o ba tlhomileng go okamela merero ya dikgaolo tsa Babilona; maina a bone ke Shateraka, Meshaka le Abeteneko. Banna ba, kgosi, ga ba na sepe le wena. Ga ba obamele, ga ba direle medimo ya gago, le fa e le go ribamela sefikantswe sa gauta se o se tlhomileng.''¹³Gone foo, Nebukatenesara yo a neng a tenega a bo a tlala ka bogale, a laola gore Shateraka, Meshaka le Abeteneko ba tsisiwe kwa go ene. Ba tsisa banna ba fa pele ga kgosi. ¹⁴Nebukatenesara a ba raya a re, ''A le ikakantse gore lona Shateraka, Meshaka le Abeteneko, ga le kitla le obamela medimo ya me kgotsa go ribamela sefikantswe sa gauta se ke se tlhomileng?¹⁵Jaanong fa le ipaakantse = fa le utlwa modumo wa dinaka, difulutu, disitha, dilaeya, diharepa, le diphaephe le mefuta yotlhe ya moopelo = go wela fatshe le ribamela sefikantswe se ke se dirileng, tsotlhe di tla bo di siame. Mme fa le sa obamele, le tla latlhelwa mo moubelong o o tukang molelo. Ke mang modimo yo o kgonang go le golola mo diatleng tsa me?''¹⁶Shateraka, Meshaka le Abeteneko ba araba kgosi, ''Nebukatenesara, ga re tlhoke go ka go araba mo kgang e. ¹⁷Fa go na le karabo, ke gore Modimo wa rona yo re mo direlang o kgona go re boloka mo moubelong o o tukang molelo, ebile o tsile go re namola mo seatleng sa gago, kgosi. ¹⁸Fa go sa nne jalo, a go itsewe ke wena, kgosi, gore ga re kitla re obamela medimo ya gago, gape ga re na go ribamela sefikantswe sa gauta se o se tlhomileng.''¹⁹Gone foo Nebukatenesars a tlala ka bogale; tebego ya sefatlhego sa gagwe ya fetogela Shateraka, Meshaka le Abeteneko. A laola gore go okediwe mogote wa moubelo ga 7 go feta mogote wa tlwaelo. ²⁰Go tloga foo a laola gore banna ba ba thata tota ba masole ba bofe Shateraka, Meshaka le Abeteneko ba ba latlhele mo moubelong o o tukang molelo.²¹Ba ne ba bofiwa ba santse ba apere dipurapura le diaparo tse dingwe, mme ba latlhelwa mo moubelong o o tukang molelo. ²²Ka lebaka la gore taolo ya kgosi e ne ya diragadiwa ka botlalo, le moubelo o ne o gotetse thata, kgabo ya molelo e ne ya bolaya banna ba ba neng ba latlhela Shateraka, Meshaka le Abeteneko. ²³Banna ba ba 3 ba, Shateraka, Meshaka le Abeteneko, ba wela mo moubelong o o tukang molelo ba ntse ba bofilwe.²⁴Foo kgosi Nebukatenesara a gakgamala a bo a ema ka dinao ka bonako. A botsa bagakolodi ba gagwe, ''A ga re a tsenya banna ba le 3 mo molelong ba bofilwe?'' Ba fetola kgosi, ''Go ntse jalo, kgosi.'' ²⁵A re, ''Mme ke bona banna ba le 4 ba ba sa bofiwang, ba tsamaya mo molelong, ebile ga ba utlwe botlhoko. Go phatsima ga wa bo 4 o ka re ke ga ngwana wa badimo.''²⁶Go tloga foo Nebukatenesara a tla gaufi le lebati la moubelo o o tukang molelo, a bitsa, ''Shateraka, Meshaka, Abeteneko, batlhanka ba Modimo Mogodimodimo, tswelang kwa ntle! Tlang kwano!'' Foo Shateraka, Meshaka le Abeteneko ba tswa mo molelong. ²⁷Balaodi ba dikgaolo, balaodi ba dikgaolokgolo, le balaodi ba bangwe, le bagakolodi ba kgosi ba ba neng ba phuthegile ba bona banna ba. Molelo o ne o sa utlwisa botlhoko mebele ya bone; meriri ya ditlhogo tsa bone e ne e sa sha; dipurapura tsa bone di ne di sa senyega; go ne go sena monko wa molelo mo go bone.²⁸Nebukatenesara a re, ''A re galaletseng Modimo wa ga Shateraka, Meshaka le Abeteneko, yo o rometseng morongwa wa gagwe a neela batlhanka ba gagwe molaetsa wa gagwe. Ba ne ba mo tshepa fa ba tlhokomologa taolo ya me, ba ne ba neela ka mebele ya bone boemong jwa go obamela le go ribamela modimo ope o sele fa e se Modimo wa bone.²⁹Jalo he, ke ntsha taolo gore batho bape, tshaba epe, teme epe e e buang sepe kgatlhanong le Modimo wa ga Shateraka, Meshaka, le Abeteneko, o tshwanetse go kgaoganngwa ka dikarolo, le matlo a bone a tshwanetse go dirwa dithotobolo tsa matlakala gonne ga go na modimo ope yo o kgonang go boloka jaana.'' ³⁰Go tloga foo kgosi a tlhatlosa maemo a ga Shateraka, Meshaka, le Abeteneko mo kgaolong ya Babilona.

4¹Kgosi Nebukatenesara a romela taolo e kwa bathong, ditshabeng, le ditemeng tse di neng di nna mo lefatsheng; ''A kagiso ya lona e oketsege. ²Go ne ga lebega go le molemo mo go nna gore ke le itsese ka dikai le dikgakgamatso tse Mogodimodimo a di ntiretseng. ³Dikai tsa gagwe di dikgolo jang, le dikgakgamatso tsa gagwe di maatla! Bogosi jwa gagwe ga bo fele, le puso ya gagwe e nnetse ruri go tswa kokomaneng go ya kokomaneng.''⁴Nna, Nebukatenesara ke ne ke tshela ka boitumelo mo ntlong ya me, ke akola katlego mo ntlong ya bogosi ya me. ⁵Mme toro e ke nnileng le yone e ne ya ntshosa. Jaaka ke ne ke rapame foo, ditshwantsho tse ke di boneng le diponatshegelo tse di neng di le mo tlhaloganyong ya me di ne tsa ntshwenya. ⁶Jalo ke ne ka ntsha taolo go biletsa banna ba Babilona ba ba nang le botlhale kwa go nna go nthanolela toro.⁷Go tloga foo ga tla borramasalamose, ba ba ikayang ba bua le baswi, borramatlhale le balepi ba metsamao ya dinaledi. Ka ba bolelela toro mme ba palelwa ke go e nthanolela. ⁸Mme kwa bofelong ga tsena Taniele - ene yo o reeletsweng modimo wa me Beleteshasara, yo a nang le mewa ya badimo - ka mmolelela toro. ⁹''Beleteshesara, kgosi ya borramasalamose, ke a itse gore mewa ya badimo e mo go wena le gore ga go na masaitseweng a a thata mo go wena. Mpolelele se ke se boneng mo torong le gore se raya eng.¹⁰Tse ke dilo tse ke di boneng mo tlhaloganyong ya me fa ke rapame mo bolaong jwa me. Ke ne ka leba, ga bo go na le setlhare fa gare ga lefatshe, boleele jwa sone bo le bogolo. ¹¹Setlhare sa gola sa nonofa. Bogodimo jwa sone bo fitlha kwa magodimong, se ne se bonala go tswa dikhutlong tsa lefatshe lotlhe. ¹²Matlhare a sone a ne a le mantle, maungo a sone a le mantsi, se ne se na le dijo tsa dilo tsotlhe. Diphologolo tsa naga di ne tsa nna moriti ka fa tlase ga sone, dinonyane tsa magodimo tsa nna mo dikaleng tsa sone. Dibopiwa tsotlhe tse di tshelang di ne di ja mo go sone.¹³Ka bona mo tlhaloganyong ya me jaaka ke ne ke rapame mo bolaong jwa me, morongwa yo o boitshepo a fologa go tswa magodimong. ¹⁴A goa a re, 'Remelang fatshe setlhare, le kgaole dikala tsa sone, le fotlhe matlhare a sone le bo le phatlalatse maungo a sone. A diphologolo di tshabe go tswa ka fa tlase ga sone, le dinonyane di fofe go tswa mo dikaleng tsa sone.¹⁵Tlogelang thito ya medi ya sone mo mmung, e bofilwe ka lebante la tshipi le kgotlho, mo gare ga bojang jo bo boleta jwa naga . A e kolobediwe ke monyo o o tswang magodimong. A e tshele le diphologolo fa gare ga dimela mo mmung. ¹⁶A tlhaloganyo ya gagwe e fetoge go tswa kwa go ya setho, mme a a neelwe tlhaloganyo ya phologolo go fitlha dingwaga di le 7 di feta.¹⁷Tshwetso e ke ya taolo e e begwang ke morongwa. Ke tshwetso e e tserweng ke ba ba boitshepo gore ba ba tshelang ba itse gore Mogodimodimo o busa magosi a batho e bile o a neela ope yo a eletsang a a okamela, le fa e le banna ba ba ikokobeditseng thata.' ¹⁸Nna, kgosi Nebukatenesara, ke lorile toro e. Jaanong, wena, Beleteshasara, mpolelele thanolo, gonne ga go na ope wa banna ba ba botlhale mo bogosing jwa me yo o kgonang go e nthanolela. Mme wena o kgona go e ranola, gonne mowa wa badimo ba ba boitshepo o mo go wena.''¹⁹Taniele yo o neng a bidiwa Beleteshasara a tenega mo go golo ka nako e khutshwane, mme dikakanyo tsa gagwe tsa mo phadimosa. Kgosi a re, ''Beleteshasara, o se ka wa letla toro kgotsa thanolo ya yone tsa go phadimosa.'' Beleteshasara a fetola, ''Mong wa me, a toro e e nne ya ba ba go tlhoileng; a thanolo ya yone e nne ya baba ba gago.²⁰Setlhare se o se boneng - se se neng sa gola, se bogodimo jwa sone bo neng bo fitlha kwa magodimong, se se neng se bonwa go fitlha kwa bofelelong jwa lefatshe - ²¹se matlhare a sone a neng a le mantle, le maungo a sone a neng a le mantsi, gore mo go sone go nne le dijo tsa botlhe, se diphologolo tsa naga di neng di nna moriti, le dinonyane tsa magodimo di neng di nna mo dikaleng tsa sone - ²²setlhare se, kgosi, ke wena, yo o neng wa gola go nna thata. Bogolo jwa gago bo godile bo fitlha kwa magodimong, le taolo ya gago e fitlha kwa bofelelong jwa lefatshe.²³Wena, kgosi, o bone morongwa yo o boitshepo a re, 'Remelang fatshe setlhare le se senye, mme le tlogele thito ya medi ya sone mo mmung, e bofilwe ka lebante la tshipi le kgotlho, mo gare ga bojang jo bo boleta jwa naga. A e kolobediwe ke monyo o o tswang kwa magodimong. A e nne le diphologolo mo nageng go fitlha dingwaga tse 7 di feta.'²⁴Se ke thanolo, kgosi. Ke taolo e e tswang kwa go Mogodimodimo e e fitlhileng kwa go wena, mong wa me kgosi. ²⁵O tla lelekwa go tswa mo bathong, o tla nna le diphologolo mo nageng. O tla dirwa gore o hule bojang jaaka pholo, o tla kolobediwa ke monyo o o tswang magodimong, mme dingwaga tse 7 di tla feta go fitlhela o amogela gore Mogodimodimo o busa magosi a batho le gore o a neela ope yo a eletsang go a mo neela.²⁶Jaaka go ne go laotswe go tlogela thito ya medi ya setlhare, ka tsela e bogosi jwa gago bo tla busediwa kwa go wena ka nako e o tla ithutang gore legodimo le a busa. ²⁷Jalo he, kgosi, a kgakololo ya me e amogelesege mo go wena. Emisa go leofa le gone o dire dilo tse di siameng. Hularela ditlolo tsa gago, ka go supetsa ba ba gateletsweng bopelotlhomogi, gongwe go ka dira gore katlego ya gago e okediwe.''²⁸Dilo tsotlhe tse di ne tsa diragalela kgosi Nebukatenesara. ²⁹Morago ga dikgwedi tse 12 a tsamaya mo borulelong jwa ntlo ya segosi ya Babilona, ³⁰a bua a re, ''A se ga se Babilona yo mogolo yo ke mo ikagetseng, go nna bonno jwa me jwa segosi, le kgalalelo ya borena jwa me?''³¹E rile mafoko a a santse a le mo molomong wa kgosi ga tswa lentswe go tswa kwa legodimong; ''Kgosi Nebukatenesars o begelwa fa bogosi jo bo tserwe mo go wena. ³²O tla lelekwa go tswa mo bathong, bonno jwa gago bo tla nna magare ga diphologolo tsa naga kwa nageng. O tla dirwa gore o hule bojang jaaka pholo. Dingwaga tse 7 di tla feta go fitlhela o amogela gore Mogodimodimo o busa magosi a batho le gore o a neela yo a eletsang go a mo neela.''³³Taolo e kgatlhanong le Nebukatenesara e ne ya diragadiwa ka bonako. O ne a lelekwa go tswa mo bathong. O ne a hula bojang jaaka pholo, mmele wa gagwe wa kolobediwa ke monyo o o tswang kwa magodimong. Moriri wa gagwe o ne wa gola boleele jwa diphofa tsa ntsu, le dinala tsa gagwe tsa nna jaaka dinala tsa nonyane.³⁴Kwa bokhutlong jwa matsatsi, nna, Nebukatenesara, ka tsholeletsa matlho a me kwa legodimong, mme tlhaloganyo e e itekanetseng ka e busetswa. ''Ka boka Mogodimodimo, ka tlotla ka bo ka galaletsa ene yo o tshelelang ruri. Gonne puso ya gagwe ke ya bosakhutleng, le bogosi jwa gagwe bo tswelela go tswa dikokomaneng tsotlhe go ya dikokomaneng tsotlhe.³⁵Banni botlhe ba lefatshe o ba leba e se sepe; o dira magareng ga sesole sa legodimo le magareng ga banni ba lefatshe dilo tse e leng go rata ga gagwe. Ga go na ope yo o ka mo emisang le fa e le go mo gwetlha. Ga go na ope yo o ka mo rayang a re, 'Ke eng o dirile se?'''³⁶Gone fela foo fa tlhaloganyo e e tshedileng e boela mo go nna, borena jwa me le bontle tsa mpoela ka lebaka la kgalalelo ya bogosi jwa me. Bagakolodi ba me le banna ba batlotlegi ba me ba batla go ratiwa ke nna. Ke ne ka buselediwa kwa setilong sa bogosi sa me, le bogolo jwa me ka bo neelwa. ³⁷Jaanong, nna, Nebukatenesara, ke boka, ke tsholetsa, ebile ke tlotla kgosi ya legodimo, gonne ditiro tsotlhe tsa gagwe di siame, le ditsela tsa gagwe ga di gobelele. O kgona go kokobetsa ba ba tsamayang mo boikgantshong jwa bone.

5¹Kgosi Beleshasara o ne a direla banna ba batlotlegi ba gagwe ba ba 1000 moletlo o mogolo, a nwa mofine fa pele ga bone botlhe ba ba 1000. ²Fa Beleshasara a santse a utlwa mofine, kgosi Beleshasara a ntsha taolo gore go ntshiwe dijana tsa gauta kgotsa selefera tse Nebukatenesara rraagwe a di tsereng mo tempeleng kwa Jerusalema, tse ene, banna ba batlotlegi, basadi ba gagwe le dinyatsi tsa gagwe ba neng ba ka nwa ka tsone.³Batlhanka ba tsisa dijana tsa gauta tse di tserweng mo tempeleng, ntlo ya Modimo, kwa Jerusalema. Kgosi, banna ba batlotlegi ba gagwe, basadi ba gagwe le dinyatsi tsa gagwe, ba nwa ka tsone. ⁴Ba nwa mofine ba boka medingwana ya bone ya disetwa e e dirilweng ka gauta, selefera, kgotlho, tshipi, legong le letlapa.⁵Ka nako yone eo menwana ya seatla sa motho ya bonala fa pele ga setlhomo sa lebone e kwala mo leboteng mo ntlong ya segosi. Kgosi o ne a bona bontlha jwa seatla jaaka se ne se kwala. ⁶Go tloga foo sefatlhego sa kgosi sa fetoga, dikakanyo tsa gagwe tsa mo tshosa, maoto a gagwe a palelwa ke go mo tshegetsa, mangole a gagwe a itaana.⁷Kgosi a goa taelo gore go tsisiwe ba ba ikayang ba bua le baswi, borramatlhale, le balepi ba metsamao ya dinaledi. Kgosi a raya ba ba itsegeng ka botlhale jwa bone mo Babilona a re, ''Ope yo o tla tlhalosang mokwalo o le gore o raya eng o tla apesiwa mmala o o phepole le keetanyana ya gauta mo molaleng. O tla nna le taolo ya mmusi wa bo 3 yo o kwa godimo mo bogosing.''⁸Foo banna botlhe ba kgosi ba ba neng ba itsewe ka botlhale jwa bone ba tsena ka kwa teng, mme ba palelwa ke go bala mokwalo le go tlhalosetsa kgosi gore o raya eng. ⁹Foo kgosi Beleshasara a tlhantshega mo go golo le tebego ya sefatlhego sa gagwe ya fetoga. Banna ba gagwe ba batlotlegi ba gakgamala.¹⁰Jaanong mohumagadi a tla a tsena mo ntlong ya meletlo ka lebaka la se kgosi le banna ba batlotlegi ba se buileng. Mohumagadi a re, ''Kgosi, tshelela ruri! Se letlelele dikakanyo tsa gago go go tshwenya. Se letlelele tebego ya sefatlhego sa gago go fetoga.¹¹Go na le monna mo bogosing jwa gago yo o nang le mowa wa badimo ba ba boitshepo. Mo dinakong tsa ga rraago, lesedi le go tlhaloganya le botlhale, botlhale jaaka jo bo mo badimong bo ne jwa bonwa mo go ene. Kgosi Nebukatenesara, kgosi rraago, o ne a mo dira moeteledipele wa borramasalamose, ba ba ikayang ba bua le badimo, borramatlhale le balepi ba metsamao ya dinaledi. ¹²Mowa o o gaisang, kitso , go tlhaloganya, go ranola ditoro, go tlhalosa diane le go rarabolola mathata - dilo tsotlhe tse di tlhokafalang tse di ne tsa bonwa mo monneng yo, Taniele, yo kgosi a neng a mmitsa Beleteshasara. Jaanong bitsa Taniele o tla tla a go bolelela gore se se kwadilweng se raya eng.''¹³Taniele a tsisiwa fa pele ga kgosi. Kgosi a mo raya a re, ''O Taniele yole, mongwe wa batho ba bayalejwa ba Juta, ba kgosi, rre, a neng a ba tsaya kwa Juta. ¹⁴Ke utlwile ka ga wena, gore mowa wa badimo o mo go wena, le gore lesedi le go tlhaloganya le botlhale jo bo gaisang di bonwa mo go wena.¹⁵Jaanong banna ba ba itseweng ka botlhale, le ba ba ikayang ba bua le baswi, ba ne ba tsisitswe kwa go nna, go bala mokwalo o le go nkitsise thanolo ya one, mme ba paletswe ke go bolela thanolo ya one. ¹⁶Ke utlwile gore o kgona go fa dithanolo le go rarabolola mathata. Jaanong fa o ka bala mokwalo o wa ba wa mpolelela gore o raya eng, o tla apesiwa bophepole le keetanyana ya gauta mo molaleng o bo o nna le taolo ya mmusi wa bo 3 mo bogosing.''¹⁷Foo Taniele a araba fa pele ga kgosi, ''A dimpho tsa gago di nne tsa gago. Dikatso tsa gago o di neele motho yo mongwe. Le fa go ntse jalo, kgosi, ke tla bala mokwalo ke bo ke go bolelela gore o raya eng. ¹⁸Fa e le wena, kgosi, Modimo Mogodimodimo o file Nebukatenesara rraago bogosi, bogolo, tlotla le borena. ¹⁹Ka lebaka la bogolo jo Modimo a bo mo neileng, batho, ditshaba le diteme di ne di roroma di bo di mmoifa. O ne a bolaya ba a neng a batla ba swa, o ne a somarela ba a neng a batla ba tshela. O ne a tsholetsa ba a neng a ba batla, o ne a folosa maemo ba a neng a eletsa go ba folosa.²⁰Mme e rile fa pelo ya gagwe e le makgakga le mowa wa gagwe o kwakwaletse mo a neng a itsholetsa, o ne a folosiwa mo setilong sa bogosi, mme ba tsaya borena jwa gagwe. ²¹O ne a lelekelwa kwa ntle ga batho, o ne a nna letlhaloganyo ya phologolo, a bo a tshela le ditonki tsa naga. O ne a hula bojang jaaka pholo. Mmele wa gagwe o ne o kolobeiwa ke monyo wa magodimo go fitlhela a ithuta gore Modimo Mogodimodimo o busa magosi a batho le gore o a neela ope yo a eletsang go a mo neela.²²Wena morwa wa gagwe, Beleshasara, ga o a kokobetsa pelo ya gago, mme o ntse o itse se. ²³O itsholeleditse kwa godimo kgatlhanong le Morena wa legodimo. Go tswa mo ntlong ya gagwe ba ne ba go tsisetsa dijana tse wena, batlotlegi ba gago, basadi ba gago, le dinyatsi tsa gago le neng la nwa mofine ka tsone, la bo la boka medingwana ya disetwa ya lona ya gauta, selefera, kgotlho, tshipi, legong le letlapa - medingwana ya disetwa e e sa boneng, e e sa utlweng e bile e sa itse sepe. Ga o a tlotla Modimo yo o tshotseng mowa wa gago mo seatleng sa gagwe, yo o itseng ditsela tsotlhe tsa gago. ²⁴Foo Modimo a romela seatla go tswa kwa bolengteng jwa gagwe mme mokwalo o wa dirwa.²⁵O ke mokwalo o o neng wa dirwa; 'Mene, mene, tekel, le pharsin.' ²⁶Go raya se; 'Mene,' 'Modimo o file bogosi jwa gago palo e bile o bo tsisitse kwa bokhutlong.' ²⁷'Tekel,' 'O a kalwa mo sekaleng mme o fitlhelwa o tlhaela.' ²⁸'Peres,' 'Bogosi jwa gago bo kgaogantswe e bile bo neetswe Bamete le Baperesia.'''²⁹Go tloga foo Beleshesara a ntsha taolo, ba apesa Taniele bophepole. Keetanyana ya gauta a e apesiwa mo molaleng, kgosi a bolela phatlalatsa gore o tla nna le taolo ya mmusi wa bo 3 mo bogosing. ³⁰Bosigong joo, Beleshasara, kgosi ya Bababilona a bolaiwa, ³¹mme Tariase wa Momete a amogela bogosi a le dingwaga di le 62.

6¹Go ne ga itumedisa Tariase go tlhoma mo bogosing jwa gagwe balaodi ba dikgaolo ba le 120 ba ba tla busang mo bogosing jotlhe. ²Godimo ga bone go ne go le batsamaisibagolo ba le 3, Taniele o ne a le mongwe wa bone. Batsamaisibagolo ba ba ne ba tlhometswe go okamela balaodi ba dikgaolo gore kgosi a se ka a latlhegelwa ke sepe. ³Taniele o ne a itlhaotse mo batsamaisibagolong le balaoding ka gonne o ne a na le mowa o o sa tlwaelesegang. Kgosi o ne a rulaganya go mo tlhoma go okamela bogosi jotlhe.⁴Foo batsamaisi ba bangwe le balaodi ba batla diphoso mo tirong e Taniele a e direlang bogosi. Mme ba se ka ba bona go senya kgotsa go palelwa mo tirong ya gagwe gonne o ne a le boikanyego. Diphoso le go latlhelela ga se ka ga bonala mo go ene. ⁵Foo banna ba ba re, ''Ga re ka ke ra bona lebaka la go ngongorega ka Taniele yo, fa e se re ka bona sengwe mo go tse di amang molao wa Modimo wa gagwe.''⁶Foo batsamaisi ba le balaodi ba tsisa leano fa pele ga kgosi. Ba mo raya ba re, ''Kgosi Tariase, tshelela ruri! ⁷Batsamaisibagolo botlhe ba bogosi, balaodi ba dikgaolokgolo, balaodi ba dikgaolo, bagakolodi, le balaodi ba rerisantse mmogo ba swetsa gore wena, kgosi, o tshwanetse go ntsha taolo o bo o patike gore e dirwe, gore ope yo o isang kopo kwa modimong ofe kgotsa kwa mothong mo matsatsing a le 30, ntleng le go bo a kopa mo go wena, kgosi, motho yoo o tshwanetse a latlhelwe mo legageng la ditau.⁸Jaanong, kgosi, ntsha taolo o bo o beye monwana pampiri gore e se ka ya fetolwa, jaaka o kaelwa ke molao wa Bamete le Baperesia, ga o ka ke wa sutlhiwa.'' ⁹Jalo kgosi Tariase a baya pampiri monwana gore taolo e nne molao.¹⁰E rile fa Taniele a utlwa gore pampiri e beilwe monwana go nna molao, a tsena mo ntlong ya gagwe ( jaanong matlhabaphefo a gagwe a ne a butswe kwa kamoreng e e kwa godimo go leba kwa Jerusalema ), a khubama ka mangole a gagwe, jaaka a ne a tlwaetse go dira ga 3 ka letsatsi, a rapela a fa malebogo fa pele ga Modimo wa gagwe, jaaka a kile a dira go le pele. ¹¹Foo banna ba ba neng ba logile segwenegwene mmogo ba bona Taniele a kopa a bo a batla thuso mo Modimong.¹²Go tloga foo ba atamela kgosi ba bua le ene ka taolo ya gagwe, ''A ga o a ntsha taolo e e reng ope yo o kopang modimo ope kgotsa motho ope, ntleng le fa a kopa wena, kgosi, mo matsatsing a a 30 a a tlang, o tshwanetse go latlhelwa mo legageng la ditau?'' Kgosi a araba, ''Kgang e weditswe go ya jaaka re kaelwa ke molao wa Bamete le Baperesia; ga e ka ke ya sutlhiwa.''¹³Foo ba fetola kgosi, ''Ene motho gotweng Taniele, yo e leng mongwe wa bayalejwa ba Juta, ga a na sepe le wena, kgosi, le taolo e o e beileng monwana. O rapela Modimo wa gagwe ga 3 ka letsatsi.'' ¹⁴E rile kgosi a utlwa se, a tshwenyega mo go golo, a akanya thata ka go namola Taniele mo katlholong e. A kgaratlha go boloka Taniele go fitlhela letsatsi le phirima.¹⁵Foo banna ba ba logileng segwenegwene ba kopana le kgosi ba mo raya ba re, ''Itse, kgosi, gore ke molao wa Bamete le Baperesia, ga go na taolo epe le molawana ope o o ntshiwang ke kgosi o o ka fetolwang.''¹⁶Kgosi a ntsha taelo, ba tsisa Taniele, ba mo latlhela mo legageng la ditau. Kgosi a raya Taniele a re, ''A Modimo wa gago yo o mo direlang ka dinako tsotlhe, a go namole.''¹⁷Letlapa la bewa fa kgorong ya legaga, mme kgosi a le baya setlanyo le letshwao la mhitshana wa gagwe mmogo le mehitshana ya batlotlegi ba gagwe gore go se nne se se ka fetolwang ka ga Taniele. ¹⁸Foo kgosi a ya kwa ntlong ya gagwe ya segosi, a nna bosigo jotlhe a ikiditse dijo. Tse di kgatlhisang tsa se ka tsa tsisiwa fa pele ga gagwe, le boroko a se ka a bo bona.¹⁹E rile fa letsatsi le tlhaba kgosi a ya ka bonako kwa legageng la ditau. ²⁰Jaaka a atamela legaga, a bitsa Taniele ka lentswe le le utlwileng botlhoko, a raya Taniele a re, ''Taniele, motlhanka wa Modimo yo o tshelang, a Modimo wa gago, yo o mo direlang ka dinako tsotlhe o kgonne go go boloka mo ditaung?''²¹Foo Taniele a raya kgosi a re, ''Kgosi, tshelela ruri! ²²Modimo wa me o rometse morongwa, o tswetse melomo ya ditau, ga di a nkutlwisa botlhoko. Gonne ke bonwe ke sena molato fa pele ga gagwe le fa pele ga gago, kgosi, e bile ga ke a go golafatsa.''²³Foo kgosi a itumela thata. A ntsha taelo gore Taniele a ntshiwe mo legageng. Ke gone Taniele a ntshiwa mo legageng. Ga fitlhelwa a sa golafala gope, gonne o ne a tshepile mo Moding wa gagwe.²⁴Go tloga foo kgosi a ntsha taelo, ba tsisa banna ba ba neng ba patika Taniele ba latlhelwa mo legageng la ditau - bone, bana ba bone le basadi ba bone. Pele ba wela fatshe, ditau tsa ba rubelela tsa ba roba marapo go nna dikarolwana. ²⁵Foo kgosi Tariase a kwalela batho botlhe, ditshaba, le diteme tse di nnang mo lefatsheng lotlhe: ''A kagiso e le ntsifalele.²⁶Ke le fa, ke ntsha taolo gore gope kwa bogosi jwa me bo laolang teng, batho ba rorome ba bo ba boife fa pele ga Modimo wa ga Taniele, gonne ke Modimo yo o tshelang e bile o tshelela ruri, bogosi jwa gagwe ga bo ka ke jwa senngwa; go busa ga gagwe ga go na phelelo. ²⁷O a re boloka ebile o a re namola, o dira dikai le dikgakgamatso kwa legodimong le mo lefatsheng; o somaretse Taniele mo thateng ya ditau.''²⁸Jalo Taniele o ne a atlega ka nako ya puso ya ga Tariase le ka nako ya puso ya ga Saerase wa Moperesia.

7¹Mo ngwageng wa bo 1 wa go busa ga ga Beleshasara, kgosi ya Babilona, Taniele a nna le toro le diponatshegelo a santse a rapame mo bolaong jwa gagwe. Foo a kwala tse a neng a di bona mo torong ya gagwe. O ne a kwala ditiragalo tse di botlhokwa: ²Taniele a tlhalosa, ''Mo ponatshegelong ya me bosigo ke ne ka bona diphefo tse 4 tsa legodimo di fudua lewatle le le golo. ³Diphologolo tse 4 tse ditona, nngwe e farologanye le e nngwe, tsa tswa mo lewatleng.⁴Ya bo 1 e ne e tshwana le tau mme e na le diphuka tsa ntsu. Jaaka ke santse ke lebile, diphuka tsa yone tsa kumulwa mo go yone, ya tsholediwa go tswa fatshe, ya bewa ka maoto a a 2, jaaka motho. Ya neelwa tlhaloganyo ya motho. ⁵Go tloga foo ga nna le phologolo ya bo 2, e tshwana le bera, e iname; e ne e tshotse dikgopo tse 3 ka meno a yone mo molomong wa yone. E ne ya tewa gotwe, 'Emelela o kometse batho ba le bantsi.'⁶Morago ga se, ka leba gape. Go ne go na le phologolo e nngwe gape, e e tshwanang le lengau. Mo mokwatleng wa yone e ne e na le diphuka tse 4, diphuka tse e keteng tsa nonyane, gape e na le ditlhogo tse 4. E ne ya neelwa taolo ya go busa. ⁷Morago ga se ka bona mo torong ya me bosigo, phologolo ya bo 4, e boitshega, e le maatla. E ne e na le meno a magolo a tshipi; e ne e kometsa, e robaganya, e gata ka maoto sepe se neng se setse. E ne e farologanye le diphologolo tse dingwe, e na le dinaka tse 10.⁸Fa ke santse ke akanya ka dinaka, ka leba ka bona lonaka lo longwe lo gola fa gare ga tsone, lonaka lo lo nnye. Dinaka tse 3 mo go tsa ntlha, tsa kumolwa ka medi. Mo lonakeng lo ka bona matlho, matlho a eketeng ke a motho le molomo o o neng o ikgantsha ka dilo tse dikgolo.⁹Jaaka ke ne ke lebile, ditilo tsa bogosi di ne tsa tlhongwa, mme Wa Matsatsi A Bogologolo a nna setilo sa gagwe. Diaparo tsa gagwe di ne di le ditshweu jaaka kapoko, moriri wa tlhogo ya gagwe o tshwana le boboa jwa nku jo bo phepa. Setilo sa bogosi sa gagwe e ne e le dikgabo tsa molelo, mme maotwana a sone e le molelo o o tukang.¹⁰Noka ya molelo ya elelela kwa ntle go tswa fa pele ga gagwe; ba le di 1000 000 ba mo direla, mme ba le 100 000 000 ba ne ba eme fa pele ga gagwe. Kgotla ya ditsheko e ne e tsweletse, dibuka di ne di bulwa.¹¹Ke ne ka tswelela ke lebile ka lebaka la mafoko a boikgantsho a a neng a buiwa ke lonaka. Ka leba fa phologolo e bolaiwa, le fa mmele wa yone o senngwa, ya bo ya isiwa go tshubiwa. ¹²Fa e le ka diphologolo tse 4 tse dingwe, taolo ya tsone ya go busa e ne ya tsewa, mme matshelo a tsone a leelefadiwa ka nako e e beilweng.¹³Mo diponatshegelong tsa me bosigo joo, ke ne ka bona mongwe a tla le maru a legodimo jaaka morwa motho; o ne a tla kwa go Wa Matsatsi A Bogologolo, a tsisiwa fa pele ga gagwe. ¹⁴Taolo ya go busa, kgalalelo, maatla a segosi a di neelwa gore batho botlhe, ditshaba, le diteme di mo direle. Taolo ya gagwe ya go busa ke taolo ya bosakhutleng e e se kitlang e feta, le bogosi jwa gagwe ke jo bo se kitlang bo senngwa.¹⁵Fa e le nna, Taniele, mowa wa me o ne o hutsafetse mo teng ga me, le diponatshegelo tse ke neng ke di bona mo tlhaloganyong ya me di ne tsa ntshwenya. ¹⁶Ke ne ka ya fa mongweng wa ba ba neng ka eme foo, ka kopa gore a mpontshe gore dilo tse di raya eng.¹⁷'Diphologolo tse ditona tse, tse 4 ka palo, ke magosi a a 4, a a tla emelelang mo lefatsheng. ¹⁸Mme batho ba ba boitshepo ba Mogodimodimo ba tla amogela bogosi, gape ba tla bo tshola go ya go ileng.'¹⁹Foo ka batla go itse go le gontsi ka phologolo ya bo 4 - e ne e farologanye le tse dingwe thata, ebile e boifisa ka meno a yone a tshipi le dinala tsa kgotlho; e ne e kometsa, e robaganya go nna dikarolwana, e gata ka maoto mo go neng go setse. ²⁰Ke ne ke batla go itse ka dinaka tse di 10 tse di mo tlhogong ya yone, le ka lonaka lo longwe lo lo neng lwa gola, le dinaka tse 3 tse dingwe tse di neng tsa wa fa pele ga lone. Ke ne ke batla go itse ka lonaka lo lo neng lo na le matlho, le molomo o o neng o ikgantsha ka dilo tse dikgolo, lo lo neng lo lebega lo le legolo go feta tse dingwe.²¹Jaaka ke ne ke lebeletse, lonaka lo lo ne lwa bolotsa ntwa kgtlhanong le batho ba ba boitshepo lo bile lo ba fenya, ²²go fitlhela Wa Matsatsi A Bogologolo a tla, mme tshiamelo ya neelwa batho ba Mogodimodimo. Foo ga tla nako e batho ba ba boitshepo ba neng ba amogela bogosi.²³Se ke se motho yoo a neng a se bua, 'Fa e le ka phologolo ya bo 4, e tla nna bogosi jwa bo 4 mo lefatsheng jo bo tla farologanang le magosi a mangwe. Bo tla kometsa lefatshe lotlhe, bo tla le gata ka dinao, bo bo bo le thuba diphatlo. ²⁴Fa e le ka dinaka tse 10, go tswa mo bogosing jo dikgosi tse 10 di tla emelela, mme e ngwe e tla emelela fa morago ga tsone. E tla bo e farologanye le tsa pele, gape e tla fenya dikgosi tse 3 tse.²⁵E tla bua kgatlhanong le Mogodimodimo, ebile e tla gatelela batho ba ba boitshepo ba Modimo Mogodimodimo. E tla leka go fetola mekete le molao. Dilo tse di tla neelwa mo seatleng sa yone ngwaga e le 1, tse 2, le sephatlo sa ngwaga. ²⁶Mme kgotla ya ditsheko e tla bo e tsweletse, ba tla e tseela maatla a yone a segosi gore e tle e komediwe e bo e senngwe kwa bofelong.²⁷Bogosi le puso, le bogolo jwa magosi a a ka fa tlase ga legodimo lotlhe, a tla neelwa batho ba e leng bagagabo batho ba ba boitshepo ba Mogodimodimo. Bogosi jwa gagwe ke bogosi jo bo sa khutleng, mme magosi a mangwe otlhe a tla mo direla a bo a mo utlwa.' ²⁸Fa ke bokhutlo jwa kgang. Fa e le nna, Taniele, dikakanyo tsa me di ne tsa ntlhantsha mo go golo le go lebega ga sefatlhego sa me ga fetoga. Mme ke ne ka ipeela dilo tse mo pelong.''

8¹Mo ngwageng wa bo 3 wa go busa ga kgosi Beleshasara, nna, Taniele, ka nna le ponatshegelo(morago ga e e kileng ya tla mo go nna pele). ²Ka bona mo ponatshegelong, jaaka ke ne ke lebile, ka ipona ke le mo toropokgolong e e sireleditsweng ya Susa mo kgaolong ya Elame. Ka bona mo ponatshegelong ke le fa thoko ga kanala ya Ulai.³Ka leba kwa godimo, ka bona phelefu fa pele ga me, e na le dinaka tse 2 e eme fa thoko ga kanala. Lonaka lo longwe lwa bo lo le loleele go feta lo longwe, mme lo lo leele lo ne lo gola ka bonya thata go na le lo longwe, lwa bo lwa fetwa ke lo longwe ka boleele. ⁴Ka bona phelefu e kgogogela kwa bophirimatsatsi, kwa bokone, le kwa borwa; go ne go se na phologolo epe e e ka kgonang go ema fa pele ga yone. Go ne go se na epe e e kgonang go namola ope go tswa mo seatleng sa yone. E ne e dira ka fa e ratang ka teng, ya bo ya tuma.⁵Jaaka ke santse ke akanya ka se, ka bona podi e tonanyana e tla e tswa kwa bophimatsatsi, e kgabaganya lefatshe lotlhe, e le mo lebelong le le legolo, go lebega ekete ga e kgome fatshe. Podi e e ne e na le lonaka lo logolo fa gare ga matlho. ⁶Ya tla kwa phelefung e e dinaka di 2 - ke ne ke bone phelefu e eme fa thoko ga kanala - mme podi ya tabogela kwa phelefung ka bogale jo bo maatla.⁷Ka bona podi e atamela phelefu. E ne e tenegetse phelefu thata, mme ya thula phelefu ya roba dinaka tsa yone tse 2. Phelefu ya felelwa ke maatla go emelana le yone. Podi ya e digela fatshe ya e gata ka dinao. Go ne go se na ope yo o ka namolang phelefu mo maatleng a yone. ⁸Foo podi ya gola ya nna kgolo thata. Mme e rile fa e nonofa, lonaka lo logolo lwa robega, mo boemong jwa lone ga tlhoga dinaka tse 4 tse dikgolo tse di neng tsa supa kwa dintlheng tse 4 tsa magodimo.⁹Go tswa mo longweng lwa tsone ga tlhoga lonaka lo longwe, lo le lo nnye kwa tshimologong, mme lwa nna logolo thata kwa borwa, kwa botlhabatsatsi, le kwa lefatsheng la bontle. ¹⁰Lo ne lwa nna logolo mo lo neng lwa lwantshana le sesole sa legodimo. Bontlha bongwe jwa sesole le bontlha bongwe jwa dinaledi tsa digelwa tlase mo lefatsheng, mme lwa di gata ka dinao.¹¹Lwa nna logolo, mo eketeng ga moeteledipele wa selegodimo wa sesole. Moneelo o o fisiwang wa letsatsi le letsatsi wa tsewa mo go lone, le lefelo le le boitshepo la lone la leswafadiwa. ¹²Ka lebaka la tsuololo, sesole se tla neelwa lonaka lwa podi, le moneelo o o fisiwang o tla emisiwa. Lonaka lo tla latlhela boammaaruri fatshe mo mmung, lo bo lo atlega mo go tse lo di dirang.¹³Foo ka utlwa yo o boitshepo a bua, le yo mongwe yo o boitshepo a mo araba, ''Dilo tse di tla tswelela lebaka le le kae, ponatshegelo e e ka ga moneelo o o fisiwang, boleo jo bo tsisang tshenyego, go fetisiwa ga lefelo le le boitshepo, sesole sa legodimo se gatiwa ka dinao?'' ¹⁴A nthaya a re, ''Go tla tsaya maitseboa le meso e le 2300. Morago ga moo lefelo le le boitshepo le tla lolamisiwa.''¹⁵E rile fa nna, Taniele, ke se na go bona ponatshegelo, ka leka go e tlhaloganya. Mme ga ema mongwe fa pele ga me yo o neng a tshwana le motho. ¹⁶Ka utlwa lentswe la monna le bitsa go tswa fa letshitshing la kanala ya Ulai. A re, ''Gabariele, thusa monna yo go tlhaloganya ponatshegelo.'' ¹⁷A tla gaufi le fa ke neng ke eme teng. Fa a tla, ka tshoga, ka ribama fa fatshe. A nthaya a re, ''Tlhaloganya, morwa motho, gore ponatshegelo e ke ya nako ya bokhutlo.''¹⁸Fa a bua le nna, ka tlelwa ke boroko jo bogolo sefatlhego sa me se lebile fa fatshe. Foo a nkgoma a dira gore ke eme ka dinao. A re, ¹⁹''Bona, ke tla go bontsha se se tla diragalang ka nako ya kgalefo, gonne ponatshegelo e mabapi le nako e e tlhomilweng ya phelelo.²⁰Fa e le phelefu e o e boneng, yone e e nang le dinaka tse 2 - ke dikgosi tsa Media le Peresia. ²¹Podi e tonanyana ke kgosi ya Kirisi. Lonaka lo logolo lo lo fa gare ga matlho ke kgosi ya bo 1.²²Fa e le lonaka lo lo neng lwa robega, lo mo boemong jwa lona go neng ga tswa dinaka tse 4 - magosi a 4 a tla emelela go tswa mo setshabeng sa gagwe, mme e seng ka maatla a gagwe a magolo. ²³Kwa nakong e e latelang ya dikgosi tseo, fa barobamolao ba tla bong ba fitlhile kwa bofelelong jwa bone, kgosi e e sefatlhego se tlhokofetseng, e e botlhale thata, e tla emelela.²⁴Maatla a gagwe a tla nna magolo - mme e se ka maatla a gagwe. O tla gakgamatsa mo dilong tse a di senyang; o tla dira mme o tla atlega. O tla senya batho ba ba maatla, batho ba ba magareng a ba ba boitshepo. ²⁵Ka boferefere jwa gagwe o tla dira gore tsietso e aname ka fa tlase ga gagwe. O tla nna mogolo mo tlhaloganyong ya gagwe. O tla senya batho ba bantsi go sa solofelwa. O tla tsogologa kgatlhanong le ene Kgosi ya dikgosi, mme o tla rojwa, mme eseng ka seatla sa motho.²⁶Ponatshegelo e e boletsweng ka maitseboa le meso e boammaaruri. Mme tswalela ponatshegelo, gonne e bua ka matsatsi a mantsi a bokamoso.''²⁷Foo nna, Taniele, ke ne ke imetswe ka nna bokoa ka matsatsi a a mmalwa. Morago ka tsoga ka tswelela ka go dira tiro ya kgosi. Mme ke ne ke gakgamaditswe ke ponatshegelo, le gore go ne go se na ope yo o neng a e tlhaloganya.

9¹Tariase e ne e le ngwana wa ga Ahasura, ngwana wa Bamete. Ke Ahasura yo o neng a dirwa kgosi mo Bababiloneng. ²Jaanong mo ngwageng wa bo 1 wa go busa ga ga Tariase nna, Taniele, ke ne ke bala dibuka tse di nang le lefoko la Modimo Yahweh, lefoko le le neng la tla kwa go moporofiti Jeremia. Ke ne ka lemoga gore go santse go setse dingwaga tse 70 gore go latlhiwa ga Jerusalema go fele.³Ke ne ka retolosetsa sefatlhego sa me kwa Morena Modimong, go mmatla ka thapelo le dikopo, le go ikitsa dijo, ke apere letsela la kgetse ke ntse mo moloreng wa leiso. ⁴Ka rapela Modimo Yahweh wa me, ke dira boipolelo jwa maleo a rona. Ke ne ka re, ''Tsweetswee, Morena - o Modimo yo mogolo yo o tlotlegang thata - o ene yo o tshegetsang kgolagano o boikanyego go rata botlhe ba ba go ratang e bile ba tshegetsa ditaelo tsa gago.⁵Re leofile le gone re dirile se se sa siamang. Re dirile boikepo gape re tsuolotse, ra bo ra itlhokomolosa ditaelo le ditaolo tsa gago. ⁶Ga re a ka ra reetsa batlhanka ba gago baporofiti ba ba buileng mo leineng la gago le dikgosi tsa rona, baeteledipele ba rona, borraaronamogolo, le batho botlhe ba lefatshe.⁷Tshiamo ke ya gago, Morena. Ga rona letsatsi leno, le fa go ntse jalo, ke matlhabisa ditlhong mo difatlhegong tsa rona - batho ba Juta le ba ba nnang mo Jerusalema, le Iseraele otlhe. Se se akaretsa ba ba gaufi le ba ba kgakala kwa mafatsheng a o ba phatlalaleditseng kwa go one. Se ke ka lebaka la boferefere jo bogolo jo re bo dirileng kgatlhanong le wena. ⁸Ga rona, Modimo Yahweh, ke matlhabisa ditlhong mo difatlhegong tsa rona - ga dikgosi tsa rona, ga baeteledipele ba rona, ga borraaronamogolo - gonne re go leofetse.⁹Ga Morena Modimo wa rona ke bopelotlhomogi le boitshwarelo, gonne re mo tsuolotse. ¹⁰Ga re a nna kutlo mo lentsweng le Modimo Yahweh wa rona ra tsamaya mo melaong ya gagwe e a re e neetseng ka batlhanka ba gagwe baporofiti. ¹¹Iseraele otlhe o tlotse molao wa gago, a fapoga, a gana go utlwa lentswe la gago. Phutso le maikano a a kwadilweng mo molaong wa ga Moshe, motlhanka wa Modimo, di tshololetswe mo go rona, gonne re mo leofetse.¹²Modimo Yahweh o tlhomamisitse mafoko a a a buileng kgatlhanong le rona le babusi ba rona, ka go tsisa seru se segolo mo go rona. Gonne ka fa tlase ga legodimo lotlhe ga go a dirwa sepe se se ka tshwantshanngwang le se se dirilweng mo Jerusalema. ¹³Jaaka go kwadilwe mo molaong wa ga Moshe, seru sotlhe se se re wetse mme ga re a kopa mautlwelobotlhoko mo go Modimo Yahweh wa rona ka go hularela ditlolo tsa rona le go tlhokomela go dira boammaaruri jwa gago. ¹⁴Jalo he, Modimo Yahweh o ne a beile seru se baakantswe e bile o se tsisitse mo go rona, gonne Modimo Yahweh wa rona o tshiamo mo ditirong tsotlhe tse a di dirang, mme rona ga re a nna kutlo mo lentsweng la gagwe.¹⁵Jaanong Morena Modimo wa rona, o ntshitse batho ba gago kwa Egepeto ka seatla se se maatla, o itiretse leina le le tumileng, jaaka mo gompienong. Mme re ne ra tswelela go leofa, re dirile ditiro tsa boikepo. ¹⁶Morena, ka lebaka la ditiro tsa gago tsa tshiamo, a go tenega ga gago le kgalefo di fapoge toropokgolo ya gago ya Jerusalema, thaba ya gago e e boitshepo. Ka lebaka la maleo a rona , le ka ditlolo tsa borraaronamogolo, Jerusalema le batho ba gago ba fetogile selo se se sotlwang ke botlhe ba ba re dikologileng.¹⁷Jaanong, Modimo wa rona, reetsa dithapelo tsa motlhanka wa gago le maikuelo a gagwe a go kopa kutlwelobotlhoko; gore go go siamele, Morena, dira gore sefatlhego sa gago se phatsimele ntlo e e itshepisitsweng ya gago e e letlotla. ¹⁸Modimo wa me, bula ditsebe tsa gago o reetse; bula matlho a gago o bone. Re ntse re sentswe; leba toropokgolo e e bidiwang ka leina la gago. Ga re kope thuso ya gago ka lebaka la tshiamo ya rona, mme ka lebaka la bopelotlhomogi jwa gago jo bogolo. ¹⁹Morena, reetsa! Morena, itshwarele! Morena, ela tlhoko o bo o tseye kgato! Gore go go siamele, o se ka wa diega, Modimo wa me, gonne toropokgolo ya gago le batho ba gago ba bidiwa ka leina la gago.''²⁰Fa ke santse ke bua, ke rapela ebile ke ipolela maleo a me le maleo a batho bagaetsho ba Iseraele, ke tsisa dikopo tsa me fa pele ga Modimo Yahweh wa me, mo boemong jwa thaba ya gagwe e e boitshepo - ²¹fa ke ke santse ke rapela, monna Gabariele, yo ke mmonyeng mo ponatshegelong ya ntlha, a fofela tlase kwa go nna ka bofefo, ka nako ya setlhabelo sa maitseboa.²²O ne a nneela go tlhaloganya a bo a nthaya a re, ''Taniele, ke tsile go go neela go akanyetsa kwa teng le go tlhaloganya. ²³Fa o simolola go kopa boutlwelobotlhoko, taelo e ne ya tswa jaanong ke tsile go go bolelela karabo, gonne o ratiwa thata. Jalo he, ela tlhoko lefoko le o bo o tlhaloganye tshenolelo.²⁴Bo 7 ba le 70 ba dingwaga ba laoletswe batho ba gago le toropokgolo ya gago go emisa go itshwaya phoso le go emisa boleo, go reba boikepo, go tsisa tshiamo e e sa feleng, go diragatsa ponatshegelo le seporofito, le go tlhapisa lefelo le le boishepo thata. ²⁵Itse o bo o tlhaloganye gore go tswa kwa nakong ya go ntshiwa ga taelo ya go buseletsa le go aga sesha Jerusalema, go fitlha kwa go tleng ga yo o tloditsweng (yo o tla nnang moeteledipele), e tla bo e le bo 7 ba le 7 le bo 7 ba le 62. Jerusalema o tla agiwa sesha, a na le mebila le mogobe wa tshireletso, go sa kgathalesege dinako tsa khuduego.²⁶Morago ga bo 7 ba le 62 ba dingwaga, yo o tloditsweng o tla senngwa gape ga a na go nna le sepe. Sesole sa mmusi yo o tlang se tla senya toropokgolo le lefelo le le boitshepo. Bokhutlo jwa yone bo tla tla le morwalela, gape go tla nna ntwa go fitlhelela kwa bokhutlong. Go dirwa matlotla go setse go laotswe.²⁷O tla rurifatsa kgolagano le ba le bantsi mo 7 a le mongwe. Mo bogareng jwa 7 o tla emisa setlhabelo le moneelo. Kwa tshimologong ya makgapha go tla tla mongwe yo o dirang gore go nne matlotla. Phelelo e e tletseng le tshenyo di laotswe go tshololelwa mo go ene yo o dirileng gore go nne matlotla.''

10¹Mo ngwageng wa bo 3 wa go busa ga ga kgosi Saerase wa Peresia, molaetsa wa senolelwa Taniele, yo o neng a bidiwa Beleteshasara. Molaetsa o o ne o le boammaaruri. O ne o le ka ga ntwa e kgolo. Taniele a tlhaloganya molaetsa fa a sena go nna le kakanyo e e kwa teng go tswa mo ponatshegelong.²Mo matsatsing ao nna, Taniele, ke ne ke le mo khutsafalong ya dibeke di le 3. ³Ke ne ke sa je dijo tse di monate, ke sa je nama, ke sa nwe mofine, ke ne ke sa itlotse ka leokwane go fitlhela dibeke tse 3 di wela.⁴Ka letsatsi la bo 24 la kgwedi ya bo 1, jaaka ke ne ke le fa thoko ga noka e kgolo( ya Taekirisi), ⁵ka leba kwa godimo ka bona monna a apere letsela, le lebante mo lethekeng le dirilwe ka gauta ya tlhwatlhwa ya kwa Uphase. ⁶Mmele wa gagwe o ne o tshwana le letlapa la topase, sefatlhego sa gagwe o kare legadima. Matlho a gagwe a ne a tshwana le mabone a a tukang, matsogo le maoto a gagwe o kare kgotlho e phatsimisitswe. Modumo wa mafoko a gagwe o kare modumo wa matshwititshwiti a magolo a batho.⁷Nna, Taniele, ke le nosi ke ne ka bona ponatshegelo, gonne banna ba neng ba na le nna ba ne ba sa bone ponatshegelo. Le fa go ntse jalo, poifo e kgolo ya tla mo go bone, ba tshaba ba ya go iphitlha. ⁸Jalo ka sala ke le nosi ka bona ponatshegelo e kgolo e. Ka felelwa ke maatla, go phatsima ga tebego ya me ga senyega; ka felelwa ke maatla. ⁹Foo ka utlwa mafoko a gagwe - mme fa ke a utlwa, ka wela fa fatshe ka sefatlhego ke le mo borokong jo bogolo sefatlhego sa me se lebile fatshe.¹⁰Seatla sa nkgoma, mme sa dira gore ke rorome mo mangoleng le mo teng ga diatla tsa me. ¹¹Moengele a nthaya a re, ''Taniele, monna yo o tseelwang kwa godimo, tlhaloganya mafoko a ke a buang le wena. Ema ka dinao, gonne ke romilwe kwa go wena.'' Fa a sena go bua molaetsa o le nna, ka ema ka dinao ke roroma.¹²Foo a nthaya a re, ''O se ka wa tshoga, Taniele. Go tloga ka letsatsi la ntlha le o neng wa baakanya tlhaloganyo ya gago go tlhaloganya le go ikoba fa pele ga Modimo wa gago, mafoko a gago a ne a utlwiwa, jaanong ke tsile ka lebaka la mafoko a gago. ¹³Kgosana ya bogosi jwa Peresia o ne a nkganela, mme ka nna foo le dikgosi tsa Peresia matsatsi a le 21. Mme Mikaele, mongwe wa mogosana a magolo, o ne a tla go nthusa.¹⁴Jaanong ke tsile go go thusa go tlhaloganya se se tla diragalelang botho ba gago mo matsatsing a bofelo. Gonne ponatshegelo e ke ya matsatsi a a santseng a tla a tla.'' ¹⁵Fa a santse a bua le nna a dirisa mafoko a, ka retololela sefatlhego sa me fa fatshe ka palelwa ke go bua.¹⁶Yo o tshwanang le bana ba motho a kgoma molomo wa me, mme ka bula molomo wa me ka bua le yo o neng a eme fa pele ga me: ''mong wa me, ke mo botlhokong jo bogolo ka lebaka la ponatshegelo; ke feletswe ke maatla. ¹⁷Ke motlhanka wa gago. Ke ka kgona jang go bua le mong wa me? Gonne, jaanong ga ke na maatla, gape ga ke na mowa mo go nna.''¹⁸Gape yo o tshwanang le motho ka tebego a nkgoma a nthatafatsa. ¹⁹A re, ''Se boife, monna yo o tseelwang kwa godimo. A kagiso e nne le wena! Thatafala jaanong, thatafala!'' Fa a santse a bua le nna, ka thatafala. Ka re, ''A mong wa me a bue, gonne o nthatafaditse.''²⁰A re, ''A o itse gore ke eng ke tsile kwa go wena? Ke tloga ke boa ke ya go lwa le kgosana ya Peresia. Fa ke tsamaya, kgosana ya Kirisi o tla tla. ²¹Mme ke tla go bolelela se se kwadilweng mo Bukeng ya Boammaaruri. Ga go ope yo o itshupang a nonofile le nna kgatlhanong le bone, fa e se Mikaele, kgosana ya gago.''

11¹Mo ngwageng wa ntlha wa ga Tariase wa Momete, nna ka sebele ke ne ka tla go thusa ka bo ka sireletsa Mikaele. ²Jaanong ke tla go senolela boammaaruri. Dikgosi tse tharo di tla emelela mo Peresia, mme kgosi ya bone e tla bo e humile go feta tse dingwe. Fa a sena go tsaya puso ka dikhumo tsa gagwe, o tla fudua batho kgatlhanong le bogosi jwa Kirisi.³Kgosi nngwe e e maatla e tla emelela, e e tla busang bogosi jo bogolo, mme o tla dira ka fa a eletsang ka teng. ⁴Fa a sena go emelela, bogosi jwa gagwe bo tla thubega bo kgaoganngwa dintlha tse nne tsa legodimo, bo sa neelwe bana ba gagwe, e se ka maatla a fa a santse a busa. Gonne puso ya gagwe e tla kumolelwa ba bangwe ba sele e seng bana ba gagwe.⁵Kgosi ya kwa borwa o tla nonofa, mme mongwe wa baeteledipele ba sesole sa gagwe o tla nonofa go mo feta, mme o tla busa bogosi jwa gagwe ka maatla a magolo. ⁶Morago ga dingwaga di se dintsi, fa nako e le maleba, ba dira tumalano ya go tshwaragana. Morwadia kgosi ya borwa o tla tla kwa kgosing ya bokone go rurifatsa tumalano. Mme ga a na go tshegetsa maemo a gagwe, le kgosi ga a na go ema, le fa e le bana ba gagwe tota. O tla tlogelwa - ene le ba ba mo tsisitseng, le rraagwe, le yo a neng a mo thusa ka dinako tseo.⁷Mme kala go tswa mo meding ya gagwe e tla emelela mo boemong jwa gagwe. O tla tlhasela sesole a bo a tsena mo dikagong tsa phemelo tsa kgosi ya bokone. O tla ba lwantsha, mme o tla ba fenya. ⁸O tla rwalela kwa Egepeto medimo ya bone ya disetwa, difikantswe tsa tshipi, le dijana tsa bone tsa selefera le tsa gauta. Ka dingwaga di se kae, o tla se ka a tshwenya kgosi ya bokone. ⁹Foo kgosi ya bokone o tla tlhasela mafelo a kgosi ya borwa, mme o tla boela morago kwa lefatsheng la gagwe.¹⁰Barwa ba gagwe ba tla ipaakanya, mme ba tla kgobokanya mophato wa sesole o mogolo. O tla tswelela o tla, o tla gogola sengwe le sengwe; o tla ralala o tsamaya go fitlha kwa ntlong ya phemelo ya gagwe.¹¹Foo kgosi ya borwa o tla tenega mo go golo; o tla tsamaya a ya go lwa le ene. Kgosi ya bokone o tla phutha mophato o mogolo wa sesole, mme mophato wa sesole o tla neelwa mo seatleng sa gagwe. ¹²Mophato wa sesole o tla gapiwa, mme pelo ya kgosi ya borwa e tla gogomoga, o tla bolaya masome a dikete, mme ga a na go fenya.¹³Foo kgosi ya bokone o tla phutha mophato o mogolo wa sesole, o o fetang wa pele. Morago ga dingwaga, kgosi ya bokone e le ruri o tla tla ka sesole se segolo se se neetsweng dibetsa tse dintsi.¹⁴Mo dinakong tseo ba le bantsi ba tla tsogologa kgatlhanong le kgosi ya borwa. Barwa batho ba ba makgwakgwa ba tla ipaakanya go diragatsa ponatshegelo, mme ba tla kgopiwa.¹⁵Kgosi ya bokone o tla tla, a tshololela mmu o o dirang dipota tsa kagelelo, a bo a gapa toropokgolo e e nang le phemelo. Sesole sa borwa se tla palelwa ke go ema, le fa e le masole a a gaisang a bone tota. Go tla bo go se na maatla a go ema. ¹⁶Boemong jwa moo, yo o tlang o tla tla a dira ka fa a eletsang ka teng kgatlhanong nae; ga go ope yo o tla mo thibelang. O tla ema mo lefatsheng la bontle, mme tshenyo e tla bo e le mo seatleng sa gagwe.¹⁷Kgosi ya bokone o tla ikaelela go tla ka maatla a bogosi jwa gagwe jotlhe, mme o tla tla a tshotse tumalano e a tla e dirang le kgosi ya borwa. O tla mo neela morwadia basadi go mo nyala gore a senye bogosi jwa borwa. Mme leano le ga le na go atlega, e bile ga le na go mo thusa. ¹⁸Morago ga se, kgosi ya bokone o tla itebaganya le ditlhakatlhake, mme o tla gapa di le dintsi. Mme molaola sesole o tla fedisa makgakga a gagwe, mme o tla dira gore makgakga a gagwe a boela mo go ene. ¹⁹Foo o tla itebaganya le dikago tsa phemelo tsa lefatshe la gagwe, mme o tla kgopiwa a wa; ga a kitla a bonwa.²⁰Foo mongwe o tla emelela mo boemong jwa gagwe, yo o tla dirang gore mokgethisi a kgabaganye ka lebaka la bontle jwa bogosi. Mme mo matsatsing a a latelang o tla thubega, mme e se ka go tenega kgotsa mo ntweng. ²¹Mo boemong jwa gagwe go tla emelela motho yo o nyatsegang yo batho ba neng ba ka se ka ba mo neela tlotla ya maatla a bogosi; o tla tla a sa solofelwa, mme o tla tsaya bogosi ka tsietso. ²²Sesole se tla gogolwa jaaka morwalela fa pele ga gagwe. Sesole mmogo le moeteledipele wa kgolagano ba tla senngwa.²³Go tloga ka nako e tshwaragano e dirwang le ene, o tla dira boferefere; o tla nonofa ka batho ba ba palo potlana. ²⁴Ka ntleng le tlhagiso o tla tsena mo bontlheng jwa kgaolo jo bo humileng, mme o tla dira se rraagwe, le fa e le rraagwe rraagwe a iseng a se dire. O tla phatlalatsa gareng ga basalamorago ba gagwe dilwana tse a di utswitseng, tse a di gapileng, le khumo. O tla dira leano la go diga dikago tsa phemelo, mme e le selo sa nakwana fela.²⁵O tla tsoseletsa maatla a gagwe le pelo ya gagwe kgatlhanong le kgosi ya borwa ka sesole se segolo. Kgosi ya borwa o tla bolotsa ntwa ka sesole se segolo, se se maatla, mme ga a na go ema gonne bangwe ba tla mo logela segwenegwene. ²⁶Le ba ba jang dijo tsa gagwe tse di monate ba tla leka go mo senya. Sesole sa gagwe se tla gogolwa jaaka morwalela, mme bontsi jwa sone bo tla bolawa. ²⁷Dikgosi tse ka bobedi jwa tsone, jaaka ba ikaeletse go direlana bosula, ba tla nna fa tafoleng e le nngwe mmogo ba aketsanya, mme ga go na go thusa sepe. Gonne bokhutlo bo tla tla ka nako e e beilweng.²⁸Foo kgosi ya bokone o tla boela morago kwa lefatsheng la gagwe ka dikhumo tse dikgolo, ka pelo e e kgatlhanong le kgolagano e e boitshepo. O tla dira sengwe mme a bo a boela morago kwa lefatsheng la gagwe.²⁹Ka nako e e beilweng o tla boa a tla kgatlhanong le borwa gape. Mme ga go na go tshwana le ga pele. ³⁰Gonne dikepe tsa Kitime di tla tla kgatlhanong le ene, mme o tla tshoga a bo a boela morago. O tla tenegela kgolagano e e boitshepo go le go golo, mme o tla rata bao ba ba hularelang kgolagano e e boitshepo.³¹Sesole sa gagwe se tla emelela se bo se leswefatsa kago ya phemelo e e itshepisitsweng. Ba tla tlosa moneelo o o fisiwang wa letsatsi le letsatsi, mme ba tla tlhoma makgapha a a tsisang tshenyo. ³²Fa e le ba ba dirileng boikepo kgatlhanong le kgolagano, o tla ba tsietsa a bo a ba bodisa dipelo. Mme batho ba ba itseng Modimo wa bone ba tla nonofa ba bo ba tsaya kgato ba dira.³³Ba ba botlhale gareng ga batho ba tla dira gore bontsi bo tlhaloganye. Mme ba tla kgopiwa ka lebaka la tshaka le ka lebaka la kgabo ya molelo; ba tla kgopiwa ba bo ba wela mo botshwarong le go thukhuthiwa ka matsatsi a se mantsi. ³⁴Mo go kgopiweng ga bone, ba tla thusiwa ka thuso e nnye. Mo boitimokanying bangwe ba tla itshwaraganya le bone. ³⁵Bangwe ba ba ba botlhale ba tla kgopiwa gore go tlhotlhwa go ba diragalele, le go tlhapisiwa, le go siamisiwa, go fitlhelela nako ya bokhutlo. Gonne nako e e beilweng e santse e tla tla.³⁶Kgosi o tla dira ka fa keletsong ya gagwe. O tla itsholetsa, o tla itira mogolo go feta modimo mongwe le mongwe. O tla bua dilo tse di gakgamatsang kgatlhanong le Modimo wa badimo, mme o tla atlega go fitlhelela kgalefo e tlala mo go feletseng. Gonne se se laotsweng se tla dirwa. ³⁷O tla itlhokomolosa badimo ba borraagwe kgotsa modimo yo o elediwang ke basadi. Ga a na go kgathala ka modimo ope. Gonne o tla itira mogolo go feta mongwe le mongwe.³⁸O tla tlotla modimo wa dikago tsa phemelo go na le ba. O tla tlotla ka gauta, selefera, matlapana a mantle, le dimpho tse di tlhwatlhwa, modimo yo borraagwe ba iseng ba ko ba o tlotle. ³⁹O tla tlhasela dikago tsa phemelo tse di thata ka thuso ya modimo o sele. Ope yo o mo lemogang o tla mo neela tlotla e kgolo. O tla mo dira mmusi godimo ga batho ba le bantsi, e bile o tla mo kgaolela lefatshe go mo atswa.⁴⁰Kwa nakong ya bokhutlo kgosi ya borwa o tla tlhasela. Kgosi ya bokone o tla mo wela ka dikolotsana tsa ntwa, bapalami ba dipitse le dikepe tse dintsi. O tla tlhasela mafatshe, a a gogola, a bo a a ralala. ⁴¹O tla tsena mo lefatsheng la bontle, masome a dikete a Baiseraele a tla bolawa. Mme ba ba tla falola mo seatleng sa gagwe: Etome, Moabe le ba bangwe ba ba setseng ba batho ba Amone.⁴²O tla otlololela seatla sa gagwe mo teng ga mafatshe; lefatshe la Egepeto le tla se ke le namolwa. ⁴³O tla nna le taolo godimo ga matlotlo a gauta, selefera le dikhumo tsotlhe tsa Egepeto; Balibia le Baitopia ba tla nna mo dikgatong tsa dinao tsa gagwe.⁴⁴Mme dikgang tse di tswang kwa botlhabatsatsi le kwa bokone di tla mo tshosa, mme o tla tswa ka bogale jo bogolo go senya mo go feletseng le go tlhaolela bangwe kwa thoko gore ba senngwe. ⁴⁵O tla tlhoma tente ya bonno jwa gagwe jwa segosi fa gare ga mawatle le thaba ya bontle jwa boitshepo. O tla tla kwa bokhutlong jwa gagwe, go tla se ke go nne le ope yo o mo thusang.

12¹''Ka nako eo Mikaele, kgosana e kgolo e e disang batho bagaeno, o tla tsoga. Go tla nna le nako ya mathata e e iseng e ko e nne teng go tloga tshimologong ya tshaba epe go fitlha ka nako eo. Ka nako eo batho bagaeno ba tla bolokwa, mongwe le mongwe yo leina la gagwe le tla fitlhelwang le kwadilwe mo bukeng. ²Bontsi jwa ba ba robalang mo leroleng la mmu ba tla tsoga, bangwe ba tsogela mo botshelong jo bo sa khutleng fa ba bangwe ba tla tsogela mo matlhabisa ditlhong le kilo e e sa khutleng.³Ba ba botlhale ba tla phatsima jaaka go phatsima ga lefaufau le le kwa godimo, mme ba ba retololelang bontsi kwa tshiamong, ba tshwana le dinaledi ka bosakhutleng. ⁴Mme wena, Taniele, tswala mafoko a; tshola buka e e tswetswe go fitlha nako ya bokhutlo. Bontsi bo tla sianela fa le kwa, kitso e tla oketsega.''⁵Foo nna, Taniele, ka leba, mme ga bo go le ba babedi ba ba emeng. Mongwe o ne a eme fa letshitshing ka kwano ga noka, yo mongwe mo letshitshing ka kwa ga noka. ⁶Mongwe wa bone a bua le monna yo o apereng letsela, yo o neng a le ka kwa noka e tswang teng, ''Go tla nna goleele go le kae go fitlha kwa bokhutlong jwa ditiragalo tse di gakgamatsang tse?''⁷Ka utlwa monna yo o apereng letsela, yo o ka kwa noka e tswang teng - a tsholeletsa matsogo a gagwe kwa legodimong a ikana ka yo o tshelelang ruri gore e tla nna ga nako, dinako, le sephatlo sa nako. Fa thata ya batho ba ba boitshepo e sena go felela e rojwa, dilo tsotlhe tse di tla felelediwa.⁸Ke ne ka utlwa, mme ke ne ka se ka ka tlhaloganya. Ka botsa, ''Mong wa me, ditlamorago tsa dilo tsotlhe tse e tla nna eng?'' ⁹A re, ''Tsamaya, Taniele, gonne mafoko a tswaletswe ebile a beilwe setlanyo go fitlha nako ya bokhutlo.¹⁰Bontsi bo tla siamisiwa, bo tla tlhapisiwa, bo tla tlhotlhiwa, mme baikepi ba tla dira boikepo. Ga go na ope wa baikepi yo o tla tlhaloganyang, mme ba ba botlhale ba tla tlhaloganya. ¹¹Go tloga ka nako e moneelo o o fisiwang o tlosiwang ka yone, le nako e makgapha a a dirang tshenyo e e feletseng a tlhongwang ka yone, e tla nna matsatsi a a 1290.¹²Go segofetse ene yo o tla letang go fitlha bokhutlo jwa matsatsi a le 1335. ¹³O tshwanetse go tsamaya tsela ya gago go fitlhelela kwa bokhutlong, mme o tla ikhutsa. O tla tsoga kwa o abetsweng go tsogela teng, kwa bokhutlong jwa matsatsi.''

Mathaeo

1¹Buka ya losika la ga Jeso Keresete morwa Tafita morwa Aborehama. ²Aborehama e ne e le rraagwe Isake, Isake e le rraagwe Jakobe, Jakobe e le rraagwe Juta le bo morwa rraagwe. ³Juta a bo a le rraagwe Peresa le Seraa yo a mo tsetseng le Tamara, Peresa e le rraagwe Heserona, Heserona e le rraagwe Rama.⁴Rama e ne e le rraagwe Aminataba, Aminataba ke rraagwe Nasona, Nashona ke rraagwe Salomone. ⁵Salomone e ne e le rraagwe Boase yo a mo tsetseng le Rahaba. Boase rraagwe Obete yo a mo tsetseng le Ruta, Obete ke rraagwe Jese, ⁶Jese e ne e le rraagwe kgosi Tafita. Dafita e ne e le rraagwe Solomone yo a mo tsetseng le mosadi wa ga Oria.⁷Solomone e ne le le rraagwe Rehoboame, Rehoboame rraagwe Abija, Abija rraagwe Asa. ⁸Asa e ne e le rraagwe Jehoshafata, Jehoshafata rraagwe Jorama, Jorama rraagwe Usia.⁹Usia e ne e le rraagwe Jothame, Jothame rraagwe Ahase, Ahase rraagwe Hesekia. ¹⁰Hesekia e ne e le rraagwe Manase, Manase rraagwe Amone, Amone rraagwe Josia. ¹¹Josia e ne e le rraagwe Jekonia le bo morwa rraagwe ka nako ya fa ba kobelwa kwa Babilona.¹²Morago ga go kobelwa kwa Babilona, Jekonia e ne e le rraagwe Seletiele, Seletiele e ne e le rraagwemogolo wa ga Serubabele. ¹³Serubabele e ne e le rraagwe Abita, Abita rraagwe Eliakima, Eliakima rraagwe Asoa. ¹⁴Asoa e ne e le rraagwe Satoka, Satoka rraagwe Atshima, Atshima rraagwe Elita.¹⁵Elita e ne e le rraagwe Eliasa, Eliasa rraagwe Mathane, Mathane rraagwe Jakobe. ¹⁶Jakobe e ne e le rraagwe Josefa monna wa ga Marea, yo a tsetseng Jeso, yo a bidiwang Keresete. ¹⁷Dikokomane tsotlhe go tseng kwa go Aberehama go fithelela kwa go Tafita di ne di le lesome le bone, go tsweng kwa go Tafita go fitlhela ba kobelwa kwa Babilona e ne e le dikokomane tse lesome le bone, go tsweng mo go kobelweng kwa Babilona go fitlha kwa go Keresete e ne e le dikokomane di le lesome le bone.¹⁸Go tsalwa ga ga Jeso Keresete go diragetse ka tsela e. Mmaagwe e bong Marea a bo a beeleditswe go ka nyalwa ke Josefa, mme pele ga ba amana, o ne a fitlhelwa a itsholofetse ka ga Moya o Boitshepho. ¹⁹Monna wa gagwe e bong Josefa e ne e le mosiami, o ne a sa batle go mo tlhabisa ditlhong mo pontsheng. A tsaa tshwetso go fedisa peeletso mo sephiring.²⁰Jaaka a ne a akanya ka dilo tse, moengele wa Morena a bonala mo go ene mo torong a re . "Josefa morwa Tafita, o se boife go tsaya Marea jaaka mosadi wa gago, ka gonne ene yo a mo imileng o mo imile ka ga Moya o Boitshepho. ²¹O tla tsala morwa mme o tla mmitsa Jeso, gonne o tla boloka batho ba gagwe mo maleong a bone".²²Tse tsotlhe tsa diragala go diragatsa se se neng se boletswe ke Morena ka moporofiti a re, ²³"Bonang, kgarejwana e tla ima a bo a tshola morwa, ba tla mmitsa leina ba re Imanoele" mo go raya gore "Modimo o na le rona".²⁴Josefa a tsoga mo borokong, a dira jaaka moengele wa Morena a mo laoletse mo torong a mo tsaya jaaka mosadi wa gagwe. ²⁵Mme o ne a seka a robala le ene go fitlhela a tsala morwa. A mmitsa leina a re Jeso.

2¹Morago ga go tsholwa ga ga Jeso mo bethelehema wa Jutia ka malatsi aga kgosi Herote, banna ba ba rutegi go tswa botlhaba ba goroga mo Jerusalema ba re, ²"0 kae kgosi ya Bajuta yo o tshotsweng? Re bone naledi e supa ka gagagwe go tswa botlhaba mme retlile go mo obamela". ³Yare kgosi Herote a utlwa kase, a tshwenyega thata ga mmogo le Jerusalema.⁴Herote a phutha baperesiti bagolo ga mmogo le baruti ba molao, aba botswa are, "o ya go tsholelwa kae keresete?" ⁵Ba mo raa ba re "Kwa Bethelehema wa Jutia, gonne se ke se se kwadilweng ke moporofiti a re, ⁶"wena Betelehema mo Juta ga o mmotlana mo baeteledi pele ba Juta gonne mo go wena go tla tswa mmusi yo a tlaa disang batho bame ba Iseraele".⁷Jalo Herote a biletsa mo sephiring banna baba rutegileng goba botsa gore naledi e bonetse nako mang. ⁸A ba romela kwa Betelehema a re, "tsamayang le ye go batla lesea. Ga le mmone le tle go mpolelela, gore ketle go mo obamela".⁹Morago gago utlwa kgosi ba tswelela ka mosepele wa bone, mme naledi e ba neng bae bone kwa botlhaba yaba etelela pele go fitlha e ema fa ngwana a leng gone. ¹⁰Fa ba bona naledi, ba ipela ka boitumelo jo bogolo.¹¹Ba tsena mo ntlong mme ba bona lesea lena le mmaagwe e bong Marea, ba obama go mo obamela. Ba bula matlotlo a bone gomo abela dimpho tsa gouta, farakase le more. ¹²Modimo a ba tlhagisa mo torong gore ba seka ba boela kogo Herote, mme ba boela kwa lefatsheng la bone ka tsela e sele.¹³Fa ba sena go tsamaya, moengele wa Morena a itshupa ka toro mo go Josefa, a re "tsoga, tsaya lesea le mmaagwe o siele ko Egepeto go fitlela ke bua le wena, gonne Herote otla batla go bolaa lesea". ¹⁴Bosigo joo Josefa a tsoga a tsaa lesea le mmaagwe baya Egepeto. ¹⁵A nna teng go fitlhela leso laga Herote, se sa rurifatsa sese builweng ke Morena ka moporofiti, "gotswa mo Egepeto ke biditse morwaake".¹⁶Yare Herote a lemoga fa a sotlilwe ke banna ba ba rutegileng, a tlala ka bogale. A laola gore go bolawe bana botlhe ba basimane ba ba dingwaga tse pedi go ya ko tlase mo Betelehema le mafelo aa mo kgaolong eo go ya ka nako ea etsereng mo banneng baba rutegileng¹⁷Mme ga diragala sese builweng ke moperofiti Jeremea a re, ¹⁸"Lentswe la utlwala mo Rama, selelo se segolo le kutlo botlhoko, Ragele a lelela bana ba gagwe ebile a gana kgomotso ka a latlhegetswe"¹⁹Ya re Herote a sena go swa, bonang moengele wa morena a iponagaletsa Josefa mo torong a le kwa Egepeto a re, ²⁰"tsoga o tsee losea le mmaagwe o ye lefatsheng la Iseraele, gonne ba ba neng ba senka go bolaya lesea ba sule". ²¹Josefa a tsoga a tsaa ngwana le mmaagwe atla mo lefatsheng la Iseraele.²²Mme yare a utlwa gore Achilase o busa mo mo Jutea mo setilong sa ga rraagwe e leng Herote, a tshoga go ya teng. Morago ga Modimo a sena go mo tlhagisa mo torong, a tswa a ya kgaolong ya Galalea ²³a feta a nna mo toropong ya Nasaretha. Seo sa rurifatsa se se builweng ke baporofita ba re "o tla bitswa Monnasaretha"

3¹Mo malatsing ao ga tla Johane wa mokolobetsi a rera mo sekakeng sa Jutia a re ²sokologang gonne bogosi jwa legodimo bo atlametse, ³Gonne yo ke ene yo moporofita Esaea a boletseng ka ga ene a re ke lentswe le le goeletsang mo sekakeng le re, baakanyang ditsela tsa Morena, tlhamalatsang mmila ya gagwe.⁴Jalo Johane a bo a apara dilwana tsa bobowa jwa kammela le lebantle la letlalo mo dinokeng tsa gagwe. Dijo tsa gagwe ya bo e le tsie le dinotshi. ⁵Go tsweng Jerusalema,Jutia le mafelo a dikaganyeditseng noka ya Jorotane ba tla kwa go ene. ⁶O ne a ba kolobetsa mo nokeng ya Jorotane jaaka ba ne ba ipolela maleo a bone.⁷Ya re a bona bontsi jwa Bafarasai le Basedukae ba tla kwa go ene go kolobediwa a ba ra ya a re "lona ba losika la dinoga lo tlhagisitswe ke mang go tshaba bogale jo bo tlang? ⁸Nnang le maungo a supang boikotlhao". ⁹Lo seka la re "re na le rraarona e bong Aberehama" gonne ke le ra ya ke re Modimo o kgona go tsosolosa maje go nna bana ba ga Aberehama.¹⁰Selepe se setse se beilwe kgatlhano le medi ya setlhare. Setlhare sengwe le sengwe se se sa ungweng se a kgaolwa se latlhelwe mo molelong. ¹¹Ke le kolobetsa ka metsi go isa ikotlhaong, mme yo a tlang o mogolo gona le nna mo le ditlhako tsa gagwe ke sa tshwanelang go di tshola, o tla le kolobetsa ka mowa o Boitshepho le molelo. ¹²Mo letsogo la gagwe o tshotse haraka go phepafatsa fa a photlhelang gone le go tlisa korong mo mabolokelong.mme o tla tshuba moroko ka molelo o ka se kang wa tingwa.¹³Jalo Jeso a tla a tswa kwa Galalea go ya go kolobediwa ke Johane ko nokeng ya Jorotane, ¹⁴Mme Johane a leka go mo kganela a re "ke tshwanetswe ka kolobetswa ke wena, jaanong o tla kwa go nna?" ¹⁵Jeso a mo ra ya a re " letlelela, go tshwanetse gore re diragatse tshiamo yotlhe". Johane a mo letlelela.¹⁶Morago ga kolobetso, Jeso a tswa mo metsing, bonnang magodimo a mmulegela. A bona Mowa wa Modimo o fologela mo go ene jaaka leeba. ¹⁷Lentswe la tswa le re "yo ke morwa wa mme yo ke itumelang ka ga ene".

4¹Jesu a gogelwa ke moya o o boitshepo ko sekakeng go raelwa ke mmaba. ²Yare a sena go itima dijo malatsi a a masome mane le masigo a tshwarwa ke tlala. ³Moraedi atla mme mo raya are "Fa ole morwa Modimo laola mantswe a go fetoga senkgwe, " ⁴mme ene a mo fetola are ''Go kwadilwe gatwe motho ga a kake a tshela ka senkgwe se le nosi fa ese ka lefoko lengwe le lengwe le le boitshepo le le tswang mo molomong wa Modimo."⁵Jaanong mmaba a mo isa mo toropo e e boitshepo a mo pega ko godimo ga kago ya tempele mme amo raa are ⁶''Fa ole morwa Modimo, itatlhele ko tlase gonne go kwadilwe gatwe otla a laola baengele ba gagwe go go babalela, ba tla a go tsholetsa ka diatla tsa bone gore lenao la gago le seka la thula letlapa.⁷Jesu amoraa are '' go kwadilwe gape gatwe o seka wa leka morena Modimo wa gago. ⁸Mmaba amo tseela gape ko lefelong le le kwa godimo, a mo supegetsa magosi otlhe a lefatshe le bontle jwa one, ⁹a moraa are,'' ke tlaa go fa dilo tse tsotlhe fa o ka khubama wa nkobamela.¹⁰Jaanong Jesu amo raa are ''tloga fa go nna saatane! gonne go kwadilwe gatwe o tla obamela Modimo wa gago, o ba o direla ene a le nosi, ¹¹mme mmaba a mo tlogela a tsamaya, jaanong bonang baengele ba tla ba mo direla.¹²Jaanong fa Jesu a utlwa fa Johane wa mokolobetsi a tshwerwe, a tswa ka tidimalo a ya mo Galalea. ¹³A tswa mo Nnasaretha a ya go nna mo Kaperename o o fa letshitshing la lewatle la Galalea mo mafelong a ga Sebulone le Nafothale.¹⁴Se se ne se diragala go rurifatsa se se builweng ke moporofiti Esaea ¹⁵''Lefatshe la ga Sebulone le la ga Nafothale, go ya kwa lewatleng, go feta noka ya Jorotane,Galalea wa merafe e sele. ¹⁶Batho ba ba neng ba le mo lefifing ba bone lesedi le legolo, ba ba neng ba le mo lefelong la moriti wa leso , ba phatsimetswe ke lesedi.¹⁷Go tswaa nako eo Jesu a simolola go rera are; ''ikotlhaeng, gonne bogosi jwa legomodimo bo atametse''¹⁸Yare a tsamaya fa lotshitshing la lewatle la Galalea ,a bona barwa ba motho ba babedi,Simone yo o bidiwang Petere le Anterea morwa rraagwe ba latlhela letloa mo lewatleng, ka ene ele batshwari ba ditlhapi. ¹⁹Jesu a ba raa are; ''tlang, ntshale morago ke tla lo dira batshwari ba batho. ²⁰Ka bonako ba tlogela matloa ba mo sala morago.²¹Yare Jesu Keresete a tswelela pele, a bona barwa ba bangwe ba babedi, Jakoba morwa Sebetia le morwa rraagwe Johane wa moaposetole. Ba ne ba le mo mokorong ba na le Sebetia rraabo ba baakanya matloa. A ba bitsa, ²²mme ka bofefo, ba tlogela mokoro le rraabo ba mo sala morago.²³ a tsamaya gotlhe mo Galalea, a ruta mo disinagogeng tsa bone, a rera mafoko a a molemo a bogosi jwa legodimo , a fodisa mehuta yotlhe ya malwetse le makoa mo bathong. ²⁴Dikgang ka ga gagwe tsa tuma mo Siria otlhe, mme batho ba tlisa kwa go ene botlhe ba lwalang, makoa le ditlhabi ka mefuta yotlhe, ba ba tshwerweng ke matimona, baleebana,le ba ba suleng mehama.Jesu a ba fodisa. ²⁵Matshititshwiti a mo sala morago go tswa mo Galalea, Batikapolisi, Jerusalema, Jutia le go ya mo teng ga Joretane.

5¹E rile Jeso a bona batho ba le bantsi, a pagamela kwa godimo ga thaba.Fa a sena go nna fa fatshe barutwa ba gagwe ba tla kwa go ene ² a bula molomo ba ruta a re, ³"Go sego ba ba humanegileng mo moweng, ka gore bogosi jwa legodimo ke jwa bone, ⁴go sego ba ba lelang ka gore ba tla a gomodiwa.⁵Go sego ba ba bonolo, gonne ba tla rua lefatshe. ⁶Go sego ba ba tshwarelwang ke tlala le lenyora go dira tshiamo ka gore ba tla kgorisiwa. ⁷Go sego ba ba kutlwelobotlhoko ka gore ba tla utlwelwa botlhoko. ⁸Go sego ba ba itshepileng mo pelong ka gore ba tla bona modimo.⁹Go sego ba ba dirang kagiso ka gore ba tla a bitswa barwa modimo. ¹⁰Go sego ba ba sotlilweng ka ntlha ya tshiamo ka gore bogosi jwa legodimo ke jwa bone.¹¹O sego fa batho ba go tlhapatsa, ba go bogisa kgotsa ba go bua leswe, ba go pateletsa, ka ntlha yame. ¹²Ipeleng le bo le itumele thata, ka gore tuelo ya gago e kgolo kwa legodimong. Ba bogisitse baporofiti ba ba tshidileng pele ga lona ka mokgwa o o ntseng jalo.¹³Le letswai la lefatshe. Mme fa letswai le latlhegetswe ke tatso, le ka lokwa ka eng? Ga le sa tlhole le na le mosola ope fa e se go latlhelwa kwa ntle, le go gatakwa ke batho ka dinao fela. ¹⁴Le lesedi la lefatshe, motse yo o mo godimo ga thaba ga o kake wa fitlhega.¹⁵Le gone batho ga ba nke ba tshuba lebone ba bo ba le baya ka fa tlase ga tlatlana, mme ba le baya fa godimo ga setlhomo sa lebone gore le bonesetse batho botlhe. ¹⁶A lesedi la lona le phatsime fa pele ga batho botlhe gore ba bone ditiro tsa lona tse di molemo mme ba boke Rraeno yo o kwa legodimong.¹⁷Le seka la akanya gore ke tsile go senya molao le baporofiti. Ga ke a tlela go ba senya, mme go ba rurifatsa. ¹⁸Ke le bolelela boammaruri gore go fitlhela legodimo le lefatshe di feta, ga gona tlhaka epe ya molao e e tla fetang, go fitlhela molao o diragadiwa otlhe.¹⁹Jalo he, yo o robang molaonyana kgotsa a ruta ba bangwe go dira jalo o tla bitswa yo mmotlana mo bogosing jwa modimo. Mme ope yo o o diragatsang a bo a o ruta, o tla nna mogolo mo bogosing jwa legodimo. ²⁰Ka gore ke le raya kere, fa tshiamo ya lona e sa fete tshiamo ya bakwadi le bafarasai, ga le kake la bona bogosi ba legodimo ka gope.²¹Le utlwile gore ka nako ya bogologolo ba ne ba tewa gotwe "O seka bolaya", le gore, yo o bolayang o tla atlholwa. ²²Mme ke le raya kere, yo o tenegelelang morwa rragwe, o tla atlholwa.Yo o rayang morwa rragwe a re "Ga o na mosola", o tla sekisiwa. Le yo o reng, "Seso ke wena", o tla latlhelwa mo molelong wa dihele.²³Mme fa o ntsha mpho ya gago fa aletareng mme o bo o gakologelwa gore morwa rrago o na le sengwe kgatlhanong le wena, ²⁴tlogela mpho ya gago fa pele ga aletara o tsamaye o ye go letlana le morwa rrago pele, ke gone o itse go tla go ntsha mpho ya gago.²⁵Dumalana le mopateletsi wa gago ka bonako le santse le ya lekgotleng, eseng jalo mopatiki wa gago o ka go neela moatlhodi, moatlhodi o ka go neela modiri, mme o ka nna wa latlhelwa mo kgologelong. ²⁶Ke go bolelela boammaruri, ga o kitla o tswa go fitlhela o duela sekoloto sa gago sotlhe.²⁷O utlwile gore go ne gotwe, 'O seka wa dira boaka'. ²⁸Mme ka re, ope yo o lebang mosadi ka leitlho la keletso o setse a dirile boaka le ene mo pelong ya gagwe.²⁹Le fa e le gore leitlho la gago la moja le dira gore o kgopiwe, le gonye o le latlhe, gonne go botoka mo go wena gore karolo ya mmele wa gago e senngwe go na le gore mmele wa gago otlhe o latlhelwe mo diheleng. ³⁰Le fa e le gore letsogo la gago la moja le dira gore o kgopiwe, le kgaole o le latlhe. Go botoka mo go wena gore karolo ya mmele wa gago e senngwe gona le gore mmele otlhe o ye diheleng.³¹Go bile gape gatwe, 'Yo o kobang mosadi wa gagwe,a a mo neele setlankana sa tlhalo'. ³²Mme kare, yo o tlhalang mosadi wa gagwe e se ka ntlha ya boaka, o mo dira seaka. Le yo o nyalang mosadi yo o tlhadilweng o dira boaka.³³Gape,le utlwile gore bogologolo go ne gotwe, 'O seka wa ikanela maaka, mme o diragatse maikano a gago mo moreneng'. ³⁴Mme nna ka re, o seka wa ikana gotlhelele, le fa e le ka legodimo, ka gore ke setilo sa bogosi sa modimo, ³⁵kgotsa ka lefatshe ka gore ke bobeo jwa dinao tsa gagwe, le fa e le ka Jerusalema ka gore ke toropo ya kgosi e kgolo.³⁶Legone o seka wa ikana ka tlhogo ya gago, ka gore ga o kake wa dira le fa e le thiri ya gago tshweu kgotsa ntsho. ³⁷Mme a puo ya gago e nne ee, kgotsa nnya, sepe kwa ntle ga se, se tswa kwa go yo o bosula.³⁸Le utlwile gore gatwe, 'Leitlho ka leitlho' le leino ka leino. ³⁹Mme ke lo raya kere, se gananeng le yo o bosula, mme fa mongwe a go itaya mo letlhaeng la moja, mo neela le la molema .⁴⁰Le gone, fa mongwe a go sekisa a batla go go tseela seaparo, mo neele le kojwana. ⁴¹Mme fa mongwe a go patika go mmoledisa khilomethara e le nngwefela, mmoledise dikhilomithara tse pedi. ⁴²Abela mongwe le mongwe yo o go kopang, ebile o seka wa huralela ope yo adimang mo go wena.⁴³Le utlwile gotwe, 'O tla a rata moagisanyi wa gago o ile mmaba wa gago'. ⁴⁴Mme ka re, rata mmaba wa gago o rapelele ba ba go sotlang, ⁴⁵gore le nne bo morwa rraeno yo o kwa legodimomg. Gonne o tlhabisetsa ba ba bosula le ba ba molemo letsatsi ebile o nesetsa basiami le basiamolodi pula.⁴⁶Fa o rata ba ba go ratang, o boelwa ke eng? A bakgethisi le bone ga ba dire jalo? ⁴⁷Legone fa o dumedisa bagaeno fela o gaisa mang ka tshiamo? A le baditshaba le bone ga ba dire jalo? ⁴⁸Ke gone le tlhoke molato jaaka rraeno yo o kwa legodimomg a sena molato.

6¹Ela tlhoko fa o dira ditiro tse di molemo,o se dire gore batho ba itse ba tle ba go bone, eseng jalo ga le kitla le duelwa ke rraalona yoo kwa legodimong, ²fela jalo fa le tlisa dineo ,le seka la tsamaya le letsa torompeta mo mekgwatlheng le mo disinagogeng jaaka baitemokanyi ba dira gore ba galalediwe ke batho, boammaaruri ke gore, ba setse ba amoagetse tuelo ya bone.³Mme fa o tlisa dineo,se letle gore lebogo la gago la molema le itse se la moja le se dirang, ⁴gore mpho ya gago e neelwe mo sephiring, jalo rraetsho yoo kwa legodimong o tlaa le duela.⁵Le fa le rapela, se nneng jaaka baitemokanyi,ka ba rata go ema ba rapela mo di sinagogeng le mo makopanong a ditsela gore ba tle ba bonwe ke batho,ke le rurifaletsa gore ba setse ba amogetse tuelo ya bone. ⁶Mme lona, fa lo rapela tsena mo ntlwaneng, tswala lobati, le bo le rapela rraetsho yoo mo sephiring.Jalo rraetsho yoo bonang ale mo sephiring o tlaa go duela. ⁷gape fa le rapela,le seka la boelela mafoko mo go sa tlhokafaleng jaaka badichaba, ka gore ba akanyana gore ba tlaa utlwiwa ka go bua thata.⁸Jalo le seka la tshwana le bone,ka gore rraetsho yoo kwa legodimong o itse tse le di tlhokang le pele ga le di kopa. ⁹Jalo rapelang jaana; "Rraaetsho yoo mo legodimong, a leina la gago le itshepisiwe, ¹⁰a bogosi jwa gago bo tle, a thato ya gago e dirwe mo lefatsheng jaaka e ntse mo legodimong.¹¹Re neele sejo sa letsatsi la gompieno. ¹²Re itshwarele dikoloto tsa rona jaana re itshwaretse baba re kolotang, ¹³gape o seka wa re tlisa mo thaelong, mme ore golole mo go yoo bosula,: gonne bogosi ke jwa gago,le thata le kgalelo, ka bosakhutleng,Amen.¹⁴Gonne fa le itshwarela batho melato ya bone, rraetsho yoo kwa legodimong o tlaa le itshwarela, ¹⁵mme fa le sa ba itshwarele melato ya bone, le rraetsho ga a kake a le itshwarela melato ya lona.¹⁶Mo godimo ga moo, fa le itima dijo le seka la tlhonya difatlhego jaaka baitemokanyi ba dira, ka gore ba itlhontsha difatlhego gore batho ba lemoge gore ba itimile dijo,ka boammaaruri ka re, ba setse ba bone tuelo ya bone, ¹⁷mme lona fa le itimile dijo,tlhapang difatlhego le bo le itshasa ditlhogo, ¹⁸gore le seka la bonala mo bathong fa le itimile dijo fa ese rraetsho yoo bonang a le mo sephiring.Jalo rraetsho yoo bonang diphiri tse di fitlhegileng o tlaa le duela.¹⁹Le seka la ipeela dikhumo mo lefatsheng, ko motoutwane le rusi di senyang teng,le ko magodu ba thubang ba bo ba utswa teng, ²⁰Mo boemong jwa seo, ipeeleng dikhumo ko legodimong ko motoutwane le rusi di ka sekeng tsa senya teng, le ko magodu aka sekeng a thuba a utswa teng ²¹ka gore kwa khumo ya gago e teng le pelo ya gago e tlaa nna teng.²²Leitlho ke lebone la mmele,gonne fa leitlho le siame mmele otlhe o tlala ka lesedi, ²³mme fa leitlho la gago le sa siama, mmele wa gago otlhe o tlala lefifi. Jalo fa lesedi lele mo go wena ele tota e le lefifi, lefifi leo le legolo jang! ²⁴Ga gona yoo ka direlang barena ba babedi, ka gore o ka nna a ila yo mongwe mme a rate yo mongwe, kana a tlhomama mo go yo mongwe abo a nyatsa yo mongwe. Ga o kake wa direla Modimo le khumo.²⁵Jalo kele raya kere, se tshwenyegeng ka botshelo jwa lona, gore le tlaa ja eng kana le tlaa nwa eng, kana ka mmele ya lona gore le tlaa apara eng? A ga se gore botshelo bo botlhokwa go feta dijo le gore mmele o botlhokwa go feta diaparo? ²⁶Lebelela dinonyane mo loaping, ga di jwale, ga di robe le fa e le go kgobokanyetsa mo disigong, mme rraalona wa legodimo o di fa dijo.A ga le botlhokwa gona le tsone?²⁷Ke mang wa lona ka go tlhoka thata aka oketsang botshelo jwa gagwe ka ntlhanyana? ²⁸Mme ke eng le tshwenyega thata ka diaparo? Akanya ka fa dithunya di golang ka teng mo masimong,ga di bereke, gape ga di roke diaparo. ²⁹mme ke le raa kere, le ene Solomon tota yoo neng ana le kgalalelo e kgolo o ne a sa apesiwe jaaka tsone.³⁰Fa Modimo a apesa tlhaga mo masimong, e e tshelang gompieno ere ka moso e letlhalwe mo pitseng, o ka palelwa jang ke go le apesa,lona ba tumelo e potlana? ³¹Jalo he! se tshwenyege le bo lere re tlaa ja eng?, kana re tlaa nwa eng?, kana re tlaa apara eng?³²Gonne badichaba ba batla dilo tse, mme rraetsho wa legodimo o itse gore le a di tlhoka ³³.Mme batla pele bogosi jwa legodimo le tshiamo ya gagwe mme dilo tse tsotlhe o tlaa di neelwa. ³⁴Jalo he ,se tshwenyege ka kamoso gonne ka moso ona le matshwenyego a one. letsatsi lengwe le lengwe le na le bosula jo bo le lekanyeng.

7¹O seka wa atlhola, mme otla seke o atlholwe. ²Gonne ka selekanyo seo atlholang ka sone otla atlholwa. Leka selekanyo seo lekanyang ka sone, otla lekanyediwa.³Mme jaanong ke eng o leba selabe sese mo leitlhong la mokaulengwe wa gago, mme osa bone phatsa ee mo leitlhong la gago?. ⁴Oka raa mokaulengwe wa gago jang ore, " ntle ke ntshe selabe sese mo leitlhong la gago", mme ona le phatsa mo leitlhong la gago? ⁵Moitimokanye! ke wena, lantlha ntsha phatsa emo leitlhong la gago, mme jaanong otla kgona go bona sentle gore o ntshe selabe sese mo leitlhong la mokaulengwe wa gago.⁶O seka wa fa di ntsa sese itshepileng, ebile o seka wa latlhela matlapa a gago aa tlhwatlhwa kgolo fa pele gadi kolobe tsa naga, eseng jalo ditla aa gataka ka dinao, tsa boa le wena tsago kgaola ditoki toki.⁷Kopa mme otla fiwa, batla mme otla bona. Kokota, mme otla bulelwa. ⁸Gonne yo a kopang oa fiwa. Mme yo a senkang oa bona. Le motho yo a kokotang, otla bulelwa. ⁹Kana gona le mongwe mo gare ga lona, o ereng fa morwawe aka mo kopa borotho, aka mofang letlapa? ¹⁰Kana amo kopa tlhapi aka mofa noga?¹¹Lefa go ntsejalo, fa ele gore lona bale bosula le itse gofa bana ba lona dimpho tsedi molemo, rraalona yo o kwa legodimong o ka neela gole kae bao ba ba mo kopang? ¹²Mme jalo dilo tseo batlang batho ba di go direla, le wena o tshwanetse wa di ba direla, gonne seo kese se rutiwang ke molao le baporofiti.¹³Tsena ka kgoro ee tshesane, gonne kgoro ee bulegileng le tsela ee bulegileng di isa tatlhegong, mme gona le batho bale bantsi ba ba e tsayang. ¹⁴Gona le kgoro ee tshesane le tsela ee tshesane tsedi isang ko botshelong, mme bale potlana bae bona.¹⁵Elang tlhoko baporofiting ba maaka, ba ba tlang kwa go lona ba le mo letlalong la dinku mme e le diphiri tse di gagolakang. ¹⁶Letla ba itse ka ditiro tsa bone, a batho ba hula moretlwa mo setlhareng sa mitlwa kana mofeige mo setlhatshaneng sese mitlwa? ¹⁷ka tsela ee ntseng jalo, setlhare sengwe le sengwe se se siameng se ntsha maungo a a siameng, le sese sa siamang se ntsha maungo a a sa siamang.¹⁸Setlhare se se molemo gase ka ke sa ntsha leungo le le bosula, le setlhare se se sa siamang ga se ka ke sa ntsha leungo le le siameng. ¹⁹Sethare sengwe le sengwe se se sa ntsheng leungo le le siameng sea kgaolwa se latlhelwe mo molelong. ²⁰Mme jalo, le tla ba lemoga ka maungo a bone.²¹Ga se mongwe le mongwe yo o nthayang a re Morena, Morena o tla tsenang ka bogosi jwa legodimo, ga e se o pe fela oo dirang go rata ga ga rara yo o kwa legodimong. ²²Ka letsatsi leo, bontsi jwa batho batla nthaa bare, 'Morena Morena, a re ne re sa porofiti mo leineng la gago, re koba matimone ka leina la gago, re dira ditiro tse dintsi tse dikgolo ka leina la gago?'. ²³Mme ke tla ba bolelela phatlalatsa gore, 'ga ke ise ke ko ke le itse, tswayang fa go nna, badira bosula ke lona'.²⁴Jalohe, mongwe le mongwe yo o utlwang mafoko ame, abo aa obamela otla tshwana le monna yoo botlhale yo o agileng ntlo ya gagwe mo letlapeng. ²⁵Pula yana, merwalela yatla, diphefo tsa tsubutla tsa itaaganya ntlo, mme ya seka yawa ka gore e agilwe mo letlapeng.²⁶Mongwe le mongwe yoo o utlwang mafoko ame abo asa a obamele otla tshwana le monna wa seeleele yo a agang ntlo ya gagwe mo motlhabeng. ²⁷Pula yana, merwalela yatla, diphefo tsa tsubutla tsa itaaganya ntlo, mme yawa ya senyega".²⁸Ga diragala jalo yare Jeso a sena go bua mafoko ao, matshwititswiti a makalela thuto ya gagwe, ²⁹gonne one a ba rutile jaaka ene yo o nang le taolo eseng jaaka baruti jwa molao.

8¹Fa Jeso a sena go gologela kwa tlase ga lentswe matshwititshwiti a mo sala morago. ²Bonang molepero a tla kwa go ene a khubama fa pele ga gagwe a mo raya a re "Morena fa o rata, o ka mphepafatsa", ³Jeso a otlolola letsogo la gagwe a mo ama a re "ke a eletsa, phepafadiwa". ka ponyo ya leitlho a fodisiwa lepero.⁴Jeso a mo ra ya a re, "Tlhomamisa go re ga o bolelele motho ope. Tsamaya o ye go iponafatsa fa pele ga moperesita, o ntshe dimpho go yeng ka fa Moshe a laotseng ka teng, e le bopaki go bone.⁵Fa Jeso a sena go tsena mo Kaperename, molaodi wa sesole a tla kwa go ene a mo kopa ⁶a re, " Morena, motlhanka wame o rapaletse mo ntlong, o sule mhama, o mo botlhokong. ⁷Jeso a mo ra ya a re "ke tla a tla go mo fodisa".⁸Molaodi wa sesole a re, "Morena ga ke a tshwanela gore o ka tsena ka fa tlase ga borulelo bame, bua lefoko fela motlhanka wame o tla fola". ⁹Gonne le nna ke ka fa tlase a taolo, ke na le masole ka fa tlase game. Ke ra ya yo mongwe ke re, "Tsamaya," mme a tsamaye, mme go yo mongwe ke re "Tlaya" a tle, go mothanka wame ke re, "Dira se," a dire jalo. ¹⁰Fa Jeso a utlwa se , a hakgamala a ra ya ba ba mosetseng morago a re, "Ke a le bolelela boammaruri ka re, ga ke ise ke bone ope yo o nang le tumelo e tshwanang le ye mo Iseraele".¹¹ke a le bolelela, bontsi bo tla tla botswa bothaba le bophirima mme ba tla nna fa fatshe mo tafoleng le Aberehama, Isake le Jakobe mo bogosing jwa legodimo. ¹²Mme barwa ba bogosi ba tla latlhelwa mo lefifing kwa go tla nnang le selelo le khuranyo ya meno. ¹³Jeso a ra ya molaodi wa sesole a re, "Tsamaya,"A go go dirafalela ka fa o dumelang ka teng," mme motlhanka a fodisiwa ka yone nako eo.¹⁴Fa Jeso a sena go goroga mo ntlong ya ga Petoro, a fitlhela matsalaagwe Petoro a bolawa ke letshoroma. ¹⁵Jeso a ama letsogo la gagwe, mme letshoroma la mo tlogela a emelela a simolola go mo direla.¹⁶Mo maitseboeng batho ba tlisa ba ba laolwang ke matimona kwa go Jeso. A kgoromeletsa mewa kwa ntle ka lefoko a ba a fodisa le ba ba lwalang. ¹⁷Ga dirafala se se boilweng ke moporofita Esaeya, a re, " Ene ka bo ene o tsere makowa a rona a rwala maletswe a rona".¹⁸Ya re fa Jeso a bona batho ba le bantsi ba mo dikaganyeditse, a ntsha taolo ya gore ba kgabaganyetse kwa moseja wa lewatle la Galaleya. ¹⁹ke fa mokwadi wa molao a tla kwa go ene a mo ra ya a re, "Moruti ke tla go sala morago gonwe le gongwe kwa o yang teng" ²⁰Jeso a mo ra ya a re, "Bo phokojwe ba na le mesima, dinonyane tsa lewapi di na le dintlhaga, mme morwa motho ga a na fa a ka ba yang thogo teng".²¹Yo mongwe wa barutwa a mo ra ya a re, "Morena ntetlelela ke ye go boloka rre pele". ²²Mme Jeso a mo fetola a re, "Ntshala morago o tlogela baswi ba boloke baswi ba bone".²³Fa Jeso a sena go tsena mo mokorong , barutwana ba gagwe ba mo mo sala morago ba tsena mo go one. ²⁴Ga tsoga matsubutsubu a diphefo tse dikgolo mo lewatleng, mo mokoro o neng wa khurumetswa ke makhubu, mme Jeso a bo a robetse. ²⁵Barutana ba tla kwa go ene ba mo tsosa ba re, "Morena re boloke re tloga re swa!.²⁶Jeso a ba fetola a re, "Ke eng le tshogile lona ba ba tumelo potlana"? Foo a emelelela a kgalemela phefo le lewate.Ga nna le tshisibalo e kgolo. ²⁷Banna ba gakgamala ba re, "Monna yo o ntse jang, yo diphefo le mawate di mo utlwang"?²⁸Fa Jeso a sena go goroga kwa letlhakoring le lengwe mo lefatsheng la Gatarene a kgatlhantshiwa ke banna ba babedi ba ba laolwang ke matimona. Ba ne ba tswa mo diphuphung ba le dikgoka, mo go neng go sena motho yo o tsamayang ka dinao yo o ka fetang foo. ²⁹Bonang ba lelela kwa godimo ba re, "Re dirang ka wena morwa Modimo"? A o tsile kwano gore tlhokofatsa pele ga nako e e beilweng?³⁰Ga bo go le serapa sa dikolobe di ja, gautshwane le bone. ³¹Matimone a tswelela ka go kopa Jeso a re, " Fa o re kgoromeletsa ntle re kgoromeletse mo serapeng sa dikolobe". ³²Jeso a a ra ya a re, "Tsamayang". Matimone a tswela kwa ntle a tsena mo dikolobeng. Mme bonang serapa sa dikolobe sotlhe sa kgokologa le lentswe sa tsena mo lewateng sa a swa.³³Banna ba ba neng ba disitse dikolobe ba sia. Fa ba goroga kwa toropong ba bolela ka sengwe le sengwe bogolo jang ka banna ba ba neng ba laolwa ke matimone. ³⁴Bonnang toropo yotlhe ya tla go kopana le Jeso. Fa ba mmona ba mo kopa gore a tswe mo nageng ya bone.

9¹Jesu a tsena mo mokorong, a kgabaganya, a tsena mo toropong ya ga ga bo. ²Bonang, ba lere kwa go ene monna yo o suleng mohama, a rapame mo moalong.Fa a bona tumelo ya bone a raya monna yo o suleng mohama a re,"morwa, kgothala.Dibe tsa gago di itshwaretswe."³Bonang, bangwe ba bakwadi ba raana ba re "Monna yo o tlhapatsa moya o o boitshepo". ⁴Jeso a itse dikakanyo tsa bone a ba raya a re, "Ke eng le akantse bosula mo dipelong tsa lona? ⁵Gonne ke eng se se botoka, go re dibe tsa ga go di itshwaretswe, kana go re "ema o tsamae? ⁶Mme gore le itse gore morwa motho o na le taolo ya go itshwarela dibe mo lefatseng,..."a raya yo o suleng mohama a re "ema, tsaya moalo wa gago o ye ko tlung ya gago."⁷Foo monna a ema a ya ko tlung ya gagwe. ⁸Fa bontsi bo bona se, ba gakgamala, ba galaletsa Modimo yo o neetseng batho taolo e e kalo. ⁹Yare Jesu a feta foo a bona monna yo o bidiwang Mathaio yo o neng a ntse fa lefelong la bokgethisi.A mo raya a re "ntshala morago," A ema,a mo sala morago.¹⁰Fa Jeso a ntse a aja mo tlung , bakgethisi ba bantsi le baleofi ba tla go ja le Jesu le barutwa ba gagwe. ¹¹Fa bafarasai ba bona mo ba raya barutwa ba gagwe ba re, "Ke eng moruti wa lona a aja le bakgethisi le baleofi?"¹²Fa Jeso a utlwa mo a re, "Batho ba ba ba itekanetseng mo mmeleng ga ba tlhoke ngaka, fa ese ba ba lwalang. ¹³Le tshwanetse go ya go ithuta go re se se raya eng, 'ke eletsa mautlwelobotlhoko e seng setlhabelo'.Gonne ga ke a tlela go bitsa basiami go ikotlhaya, fa ese baleofi."¹⁴Foo barutwa ba ga Johane ba tla kwa go ene ba re "Ke eng fa rona le bafarasai re tshela re itima dijo mme barutwa ba gago ba sa itime dijo?" ¹⁵Jeso a ba raya a re,"A ba ba tlileng lenyalong ba ka hutsahala ba santse ba na le monyadi?" mme malatsi a etla a monyadi a tlaa tsewang mo go bone mme ke gone ba tlaa itimang dijo.¹⁶Ga go na motho yo o ka bayang sebata se sesha mo seaparong se segologolo, gonne sebata se tla kgagoga mo seaparong, mme go nne lekgasa le letona.¹⁷Le gone batho ga ba kake ba tshela mofine o mosha mo makukeng a magologolo.Fa ba dira jalo matlalo a ka kgagoga mme mofine o tshologe,mme makuka a senyege. Ba kampa ba tshela mofine o mosha mo makukeng a masha, mme tsoo pedi di bolokesege."¹⁸Yare Jeso a santse a bua dilo tse le bone, bonang, modiri a tla a mo ikobela, a re "Morwadiake o sa tswa go tlhokafala, mme fa o ka tla wa mmaya diatla, otla a a tshela." ¹⁹Mme Jeso a ema a mo sala morago gammogo le barutwa ba gagwe.²⁰Bonang, mosadi yo o saleng a dutla madi mo gogolo mo dingwageng tse di lesome le bobedi a tla a tshwara moja wa seaparo sa ga Jesu. ²¹Gonne o ne a ipoleletse a re ,"Fa nka kgoma diaparo tsa gagwe ke tla fodisiwa." ²²Mme Jeso a gadima, a mmona, a moraya a re " Morwadi kgothala.Tumelo ya gago e go fodisitse." Mosadi a fodisiwa gone foo.²³YareJeso a goroga mo tlung ya modiri, a bona baletsi ba diphala le bontsi jwa batho ba tsositse modumo. ²⁴A re, " tsamayang gonne mosetsana ga a swa o robetse." Mme ba mo tshega ka lesotlo.²⁵Fa bontsi bo sena go ntshetswa ko ntle, a tsena mo ntlwaneng a mo tshwara ka letsogo, mme mosetsana a tsoga. ²⁶Dikgang ka ga se, tsa tuma mo kgaolong yotlhe.²⁷Ya re Jeso a feta a tswa koo, banna ba babedi ba difofu ba mo sala morago.Ba nnela go goa ba re,"re utlwele botloko morwa Dafita!" ²⁸Fa Jeso a sena go tsena mo tlung, tsa tla kwa go ene. Jeso a ba raya a re " A le dumela gore ke ka dira se?"Tsaa mo raya ba re "Ee morena."²⁹Foo Jeso a di raa ama mo matlhong a ba raya a re, "A go le diragalele jaaka le dumela." ³⁰Mme matlho a tsona a bulega.Jesu a ba laa ka tlhwaafalo a re," Le netefatse gore ope a seka a utlwa ka se." ³¹Mme banna bao ba babedi tsamaya ba gasa mafoko ao mo kgaolong yotlhe.³²Yare banna bao ba tsamaya, bonang ga tlisiwa kwa go Jeso monna wa semumu a tshwerwe ke letimone. ³³Fa letimone le sena go ntshiwa, monna a bua. Matshwititshwiti a gakgamala a re, "Se ga se ise se bonwe mo Iseraele." ³⁴Mme bafarasai ba re, " O koba matimone ka molaodi wa matimone."³⁵Jeso a tsamaya mo metseng le ditoropo tsotlhe. A tswelela a ruta mo disinagogeng tsa bone, a rera mafoko a a molemo a bogosi jwa legodimo, a fodisa mefuta yotlhe ya malwetsi le makoa. ³⁶Fa a bona matshwititshwiti, a ba tlhomogela pelo ka ba ne ba tshwenyegile ba bile ba kgobegile marapo. Ba tshwana le dinku tse di senang modisa.³⁷A raya barutwa ba gagwe a re, "Thobo e ntsi mme barobi ba ba botlana. ³⁸Jalo he, rapelang morena wa thobo thata gore a romelele barobi mo thobong ya gagwe."

10¹Jeso a bitsa barutwa ba gagwe ba ba lesome le bobedi, a ba neela taolo go lelekela ntle mewa e e maswe, le go fodisa makowa le malwetse otlhe.²Maina a baaposetolo ba ba lesome le bobedi kea. Lantlha ke Simone, yo a bitswang Petere, le Antereya morwa rraagwe; Jakoba morwa Sebetia le Johane morwa rragwe; ³Philipo le Bathelomeo; Tomase le Mathaeo wa mokgethisi; Jakoba morwa Alefiase le Thadiase; ⁴le Simone wa Selote, le Jutase wa Sekariota yo o tla mo rekisang.⁵Jeso a roma ba ba lesome le bobedi, a ba laela a re, " Le seka la ya kwa motseng ope wa baditshaba, le fa e le kwa go wa Basamareya. ⁶Mme yang kwa dinkung tse di timetseng tsa Iseraele. ⁷Fa le tsamaya, rerang le re, 'Bogosi jwa Modimo bo atametse'.⁸Fodisang balwetse, tsosang baswi, ntlafatsang balepero, le lelekele matimona ntle. Le amogetse mahala, neelang mahala. ⁹Le seka la tsaya Gauta le fa e le Selefera mo dikgwama tsa lona. ¹⁰Leseka la tsaya dikgwama tsa lona tsa madi mo loetong le, le fa e le seaparo se sengwe kgotsa ditlhako, kgotsa seikokotelo, ka gore modiri o tshwanetse a ja maduo a tiro ya gagwe.¹¹Toropo kgotsa Motse ope yo le tsenang mo go one, batlang yo o tshwanetseng, mme le nne nae go fitlhela le tsamaya. ¹²Fa le tsena mo ntlong dumedisang. ¹³Fa ntlo e le ye e tshwanetseng, a kagiso ya lona e sale nayo. Mme fa e se ye e tshwanetseng, a kagiso ya lona e boele kwa go lona.¹⁴Ka ba ba sa le tsholeng kgotsa ba sa le reetse, fa le tswa mo ntlong kgotsa mo motseng oo, tlhotlhorang lerole mo dinaong tsa lona. ¹⁵Ke le bolelela boammaruri, gore ka letsatsi la katlholo, Sodoma le Gomora e tla a bo e le botoka mo toropong yeo.¹⁶Bonang, ke le roma jaaka dinku mo gare ga diphiri, nnang botlhale jaaka dinoga, bokgwafo jaaka maphoi. ¹⁷Elang tlhoko batho, ba tla le isa dikgotla tshekelong, ebile ba tla le kgwathisa mo disinagogeng tsa bone. ¹⁸Gape le tla isiwa fa pele ga babusi le dikgosi e le tshupo mo go bone le mo baditshabeng.¹⁹Fa ba lo isa, le seka la tshwenyega gore le tla bua jang, kgotsa le bua eng gonne le tla neelwa se le tla se buang ka nako eo. ²⁰Ga se lona le tla buang, mme mowa wa ga Rara o tla bua mo go lona.²¹Motho o tla isa morwa rragwe go bolawa, rrangwana ngwana wa gagwe. Bana ba tla tsogologela batsadi ba bone mme ba ba ise go bolawa. ²²Le tla ilwa ke batho botlhe ka ntlha ya leina lame. Mme yo o itshokang go ya bokhutlong, o tla bolokwa. ²³Fa ba le bogisa mo motseng mongwe, tshabelang kwa go yo mongwe, gonne ke le bolelela boammaruri, ga le kitla le tshabela mo metseng yotlhe ya Iseraele pele morwa motho a tla.²⁴Morutwana ga a mogolo mo moruting wa gagwe, le gone motlhanka ga a mogolo go mong wa gagwe. ²⁵Go lekane gore morutwana a tshwane le moruti wa gagwe, le motlhanka le mong wa gagwe. Fa ba biditse mong wa ntlo Belesebube, a na ba tla tlhapatsa ntlo ya gagwe go le kae?²⁶Ke gone se ba boifeng, gonne ga gona sepe se se fitlhegileng se se senang go senolwa, kgotsa sepe se se sephiri se se senang go itsege. ²⁷Se ke se buang le lona mo lefifing, se bueng motshegare. Se ke se sebang, se keuletseng mo ditlhoweng tsa matlo.²⁸Se boifeng ba ba bolayang mmele mme ba sa kake ba bolaya mowa. Bogolo, boifang ene yo o nonofileng go bolaya mowa le mmele kwa diheleng. ²⁹A dinonyane tse pedi ga di rekisiwe ka papetlananyana fela? Mme ga go epe ya tsone e e welang fa fatshe Rara a sa itse. ³⁰Le moriri wa gago o badilwe otlhe. ³¹Le seka la boifa, le tlhwatlhwa kgolo bogolo go dinonyane.³²Ke gone yo o mpolelang fa pele ga batho le nna ke tla mmolela fa pele ga ga rara yo akwa legodimong. ³³Mme yo o intatolang fa pele ga batho, ke tla mo itatola fa pele ga ga Rara yo o kwa legodimong.³⁴Le seka la akanya gore ke tsisitse kagiso mo lefatsheng, ga ke a tsisa kagiso, ke tsisitsa tshaka. ³⁵Ke tsile go dira gore monna a tsogologele rragwe, le morwadi a tsogolegele mmaagwe, ngwetsi a tsogologele matsalaagwe. ³⁶Baba ba gago e tla nna ba ga eno.³⁷Yo o ratang mmagwe le rragwe go mpheta ga a nonofela go ntshala morago. Le yo o ratang morwa le morwadie go mpheta ga a nonofela go ntshala morago. ³⁸Yo o sa tseyeng sefapaano sa gagwe a ntshala moragao, ga nonofela go ntshala morago. ³⁹Yo o bolokang botshelo jwa gagwe bo tla a mo latlhgela. Mme yo o latlhegelwang ke botshelo jwa gagwe ka ntlha yame o tla bolokesega.⁴⁰Yo o le amogelang o a nkamogela, mme yo o nkamogelang o amogela le ene yo o nthomileng. ⁴¹Yo o amogelang moporofiti ka gore ke moporofiti o tla amogela tuelo ya moporofiti. Le yo o amogelang mosiami ka gobo e le mosiami, o tla amogela tuelo ya mosiame.⁴²Ope yo o fang mongwe wa ba babotlana ba ka gore ke morutwa wame, le fa e ka bo e le metsinyana a tsididi fela, ke a le bolelela ga a kake a tlhoka go duelwa.

11¹Ga diragala yare Jeso Keresete a sena go fetsa go kaela barutwa ba gagwe ba ba lesome le bobedi, a tswa foo go ya go ruta abo a rera ko metsing ya bone. ²Jaanong fa Johane a utlwa ale ko kgolegelong ka ditro tsa ga Jeso Keresete, a romela molaetsa ka barutwa ba gagwe ³a mo raya are; " ake wena yoo tlang kana re solofele mongwe o sele?⁴Jeso Keresete a araba aba raya are; tsamayang le ye go bolelela Johane ka se le se bonang le se le se utlwang. ⁵Difofu dia bona, digole di a tsamaya,baleperwa ba a fola le bosusu ba a utlwa gape, baswi ba tsosediwa botshelong,ba ba tlhokang ba bolelelwa dikgang tse di molemo. ⁶Go sego yoo sa boneng tiragalo epe ee kgopisang ka nna.⁷E rile borre ba ba sena go tsamaya, Jeso a simolola go bua le batho ka ga Johane are; "le ne le ile go bona eng mo sekakeng, letlhaka le tshikhinngwa ke phefo? ⁸mme gone le ne le ile go bona eng-motho a apere diaparo tsa letsela le le boleta? Ruri, ba ba aparang diaparo tse di boleta ba nna o matlong a segosi?⁹Mme tota le ne le ile go bona eng, moporofeti? Ee, ke le raa kere, le go fetisa moporofeti. ¹⁰Yo ke ene yo go kwadilweng ka ga ene gotwe; "Bonang ke romela morongwa mo matlhong a lona, yoo tla le baakanyetsang tsela fa pele ga lona".¹¹Ka nnete ke le raa kere, mo go botlhe ba ba tshotsweng ke mosadi ga gona yoo fetang Johane wa mokolobetsi ka bogolo. Le fa gone mme motho yoo seng botlhokwa thata ko legodimong ale mogolo go mo feta. ¹²Go tswa ka nako ya ga Johane wa mokolobetsi go fitlha gompieno,bogosi jwa legodimo bo bogisiwa ka dikgoka, ba ba dikgoka ba bo tsaya ka kgoka.¹³Gonne baporofiti le ba molao wa ga Moshe ba ntse ba porofita go fitlha ka Johane wa mokolobetsi, ¹⁴le fa le eletsa go e amogela,yo ke Elija, ene yo o neng a tshwanetse go tla. ¹⁵Yo o nang le ditsebe tsa go utlwa aa reetse.¹⁶Ke ka tshwantshanya kokomane e le eng? E tshwana le bana ba tshamekela ko marekisetsong,ba nna fa fatshe ba bitsana ¹⁷ba re; re le tshameketse phala mme ga le a bina, re ne re hutsafetse mme ga le a lela.¹⁸Ka gore Johane ga a a tla a a ja borotho kana aa nwa mofine, ba bo ba re, "o na le letimona". ¹⁹Morwa motho ene o tla a a ja, a a nwa abo bare, "bona motho yoo jang sengwe le sengwe yo wa letagwa, tsala ya bakgethisi le baleofi, mme kana botlhale bo itshupa ka ditiro.²⁰Jaanong Jeso Keresete a simolola go kgalemela ditoropo tse bontsi jwa ditiro tsa gagwe tse di molemo di diragaletseng teng, ka gore ba ne ba sa ikotlhae. ²¹"Le latlhegile jang Korasini, le latlhegile jang Batheseita, fa ditiro tse di molemo tse di dirilweng mo go lona di ka bo di dirilwe ko Taero le ko Sitone, ba kabo ba ikotlhaile bogologolo ka nako ya mebeto le melora ya leiso. ²²Mme go tlaabo go amogelesega mo go ba Taero le Sitone ka nako ya katlholo gona le mo go lona.²³Lona Kaperename, le akanaya gore le tlaa tsholelediwa go ya ko legodimong? Nnyaa le tlile go isiwa diheleng. Gonne fa gone go dirilwe ko Sotoma ditiro tse dikgolo tse di dirilweng mo go lona, go ka bo go ntse go itsege le gompieno. ²⁴Mme ke le raya kere go tlaabo gole motlhofo mo lefatsheng la Sotoma ka katlholo go na le mo go lona.²⁵²⁷Ka nako eo Jeso Keresete are; " Ke a go galaletsa, rraetsho, Morena wa legodimo le lefatshe, gonne o fitlhetse ba ba botlhale le ba ba rutegileng dilo tse, mme wa di senolela ba ba sa rutegang ,jaaka bana ba ba nnyennyane. ²⁶Ee rraetsho wa legodimo, gonne go ne go kgatlha wena leitlho, Dilo tse tsotlhe ntate o ntshepile ka tsone. Gape ga gona yoo itseng morwa fa ese rara, ebile ga go ope yoo itseng rara fa ese morwa, le ope fela yo morwa a eletsang go mo mo senolela.²⁸Tlaang kwa go nna, lotlhe ba le berekang le rwele merwalo e e bokete mme ke tlaa le fa boikhutso. ²⁹Sikarang jokwe yame, mme le ithute mo go nna, gonne ke bonolo ebile ke boingotlo mo pelong, jalo le tlaa bonela mewa ya lona boikhutso, ³⁰ka gore joko yame e motlhofo le morwalo wame ga o bokete.

12¹Ka nako yeo, Jeso a ralala masimo a mabele ka letsatsi la Sabata. Barutwa ba gagwe ba ne ba tshwerwe ke tlala mme ba roba diako tsa mabele ba aja. ²Mme fa Bafarasai ba bona se se diragalang, ba botsa Jeso ba re, "Bona gore barutwa ba gago ba dira se se sa letlelelweng ka letsatsi la Sabata".³Mme Jeso a ba raya a re, "A ga le ise le bale gore Tafita o ne a dira eng fa a tshwerwe ke tlala le banna ba ba neng ba na nae?" ⁴Ka fa a tseneng ka teng mo ntlong ya modimo mme a ja borotho ba setlhabelo, bo bo neng bosa letlelelwe gore a ka boja, go sa letlelelwe le banna ba ba neng ba na nae, go letlelelwa baperesiti fela.⁵Le gone a ga le ise le bale mo molaong gore, Baperesite ba ne ba leswafatsa tempele ka letsatsi la Sabata mme ga ba a bonwa molato? ⁶Mme ke le raya ke re, yo o fetang tempele o fa.⁷Fa le ne le itsile gore mo go raya eng, 'Ke eletsa boutlwelo botlhoko eseng setlhabelo', le ka bo le sa kaya molato ba ba senang molato. ⁸Gonne morwa motho ke morena wa Sabata".⁹Mme Jeso a tloga go tswa foo a ya kwa Sinagogeng tsa bona. ¹⁰Mme ga bo go le monna mongwe yo o neng a omeletse letsogo. Bafarasai ba botsa Jeso ba re, "A go siame go fodisa ka Letsatsi la Sabata?", e le gore ba tle ba mo pateletse gore o leofisa.¹¹Jeso a ba araba a re, "Ke mang monna mo go lona, yo e ka reng a na le nku e le nngwe fela, ya re e wetse mo mosimeng ka letsatsi la Sabata a seke a otlolole letsogo a e ntshe?" ¹²Mme a motho ga a tlhwatlhwa kgolo bogolo go nku? Jalo he, go ka fa molaong go dira molemo ka letsatsi la Sabata".¹³Jeso a raya monna a re, "otlolola letsogo la gago, ale otlolola, mme la bo le itekanetse fela jaaka le lengwe. ¹⁴Mme Bafarasai ba tswela kwa ntle go mo logela leano". Ba ne ba batla gore ba ka mmolaya jang.¹⁵E rile Jeso a lemoga se, a tswa mo lefelong leo, mme bontsi ba batho ba mo sala morago mme a ba fodisa botlhe fela. ¹⁶A ba laola gore ba seka ba itsisi batho ka ga gagwe. ¹⁷Mo e ne e le gore go rurifadiwe se se builweng ke moporofiti Esaeya a re,¹⁸Bonang motlhanka wa me, yo ke mo kgethileng; moratwa wa me, yo mowa wa me o ipelang thata mo go ene. Ke tla goromeletsa mowa wa me mo go ene, mme o tla bolelela Baditshaba ka katlholo.¹⁹Ga a kitla a nganga, kgotsa a lelela kwa godimo; ga gona yo o tla utlwang lentswe la gagwe mo mekgwatheng. ²⁰Ga a kitla a roba le fa e le lotlhakanyana le le bokowa; le fa e le go tima mogala wa lebone yo o kuwang mosi. Go fitlhela a romela katlholo phenyong, ²¹mme Baditshaba ba tla ikanya leina la gagwe.²²Ga tsisiwa kwa go Jeso mongwe yo o neng a na le letimona, a le sefofu gape a le semumu. Mme a mo fodisa, a bona a bo a buwa. ²³Batho botlhe ba gakgamala ba re, "A monna yo, a e ka nna morwa Tafita?"²⁴Mme ya re fa Bafarasai ba utlwa ka ga motlholo o, ba re, "Monna yo, o kobela ntle matimona ka Belesebube, kgosi ya matimona". ²⁵Mme Jeso ka a ne a itse megopolo ya bone, a ba raya a re, "Bogosi bope jo bo kgaoganeng ga bo kake ba tswelela; le gone ntlo kgotsa motse yo o kgaoganeng ga o kake wa tlhomama.²⁶Fa Saatane, a lelekela Saatane ntle, o tla a bo a kgaogane. Bogosi jwa gagwe bo ka tlhomama jang? ²⁷Fa ke lelekela ntle matimona ka Belesebube,ba latedi ba lona bone ba a koba ka eng? Ka ntlha ya mo, ba tla nna baatlhodi ba lona.²⁸Mme fa ke lelekela matimona ntle ka mowa wa modimo, bogosi jwa modimo bo tsile mo go lona. ²⁹Mme motho o ka tsena jang mo ntlong ya monna yo o thata a utswa dithoto tsa gagwe, a sa mmofa pele? Mme ke gone amo utswele. ³⁰Yo o senang le nna o kgatlhanong le nna, mme yo o sa kgobokanyeng le nna o a phatlalatsa.³¹Ke ya le bolelela, batho ba tla itshwarelwa boleo le go tlhapatsa leina la modimo, mme go tlhapatsa mowa gone ga go kake ga itshwarelwa. ³²Le ope yo o buwang lefoko kgatlhanong le morwa motho, o tla itshwarelwa. Mme ope yo o buwang lefoko kgatlhanong le Mowa, ga a kake a itshwarelwa mo lefatsheng le, le fa e le mo go le le tlang.³³Ke gone dira setlhare molemo,le leungo la sone letla nna molemo, kgotsa se dire bosula le leungo la sone bosula, gonne setlhare se itsiwe ka maungo a sone. ³⁴Lesika ke lona la dinoga, le le bosula, le ka buwa dilo tse di molemo jang? Molomo o buwa se se tswang mo pelong. ³⁵Mme monna yo o molemo, go tswa mo pelong ye e molemo o buwa bomolemo, mme monna yo o bosula, go tswa mo pelong ye e bosula o ntsha se se bosula.³⁶Mme ke ya le bolelela, ka letsatsi la katlholo motho mongwe le mongwe o tla arabela lefoko lengwe le lengwe le le bosula le a le buileng. ³⁷O ka siamisiwa ka mafoko a gago, e bile ka mafoko a gago o ka bonwa molato.³⁸Mme Bakwadi le Bafarasai bangwe ba araba Jeso ba re, "Moruti, re eletsa go bona sesupo sengwe go tswa mo go wena". ³⁹Mme Jeso a ba araba a re, "Kokomane ye e bosula ya diaka e kopa sesupo. Mme ga gona sesupo sepe se ba tla se bonang fa e se sa ga moporofiti Jona. ⁴⁰Jaaka Jona a ne a nna matsatsi a le mararo le masigo a le mararo mo mpeng ya Leruwaruwa, morwa motho le ene o tla nna malatsi le masigo a le mararo mo lebitleng.⁴¹Banna ba Ninife ba tla ema le kokomane ya batho ba mo katlholong mme ba tla a ba bona molato. Mme ba ne ba ikotlhaya ka thero ya ga Jona, mme bonang, yo mogolo mo go Jona o fa.⁴²Mohumagadi wa Borwa o tla emelelana le banna ba kokomane ye mo katlholong mme o tla e kaya molato. O ne a tswa kwa bokhutlong jwa lefatshe go tla go utlwa botlhale jwa ga Solomone, mme bonang, yo mogolo mo go Solomone o fa.⁴³Fa mowa o o maswe o sena go tswa mo mothong, o ya kwa dikakeng, o senka bonno mme ga o bo bone. ⁴⁴Mme o re, ke tla a boela kwa ntlong ya me, kwa ke neng ke tswa teng. Fa o bowa, o tla fitlhela ntlo e feetswe, e haphilwe sentle. ⁴⁵Mme o tla tsamaya o ya go tsaya mewa e supa ye e bosula bogolo go one, mme e tla tla go nna mo go yone. Mme kwa bofelong o tla a bo a bihile go feta jaaka ane a ntse pele. Go tla nna fela jalo ka kokomane ye e bosula e.⁴⁶Mme ya re Jeso a santse a buwa le batho mafoko a, bonang, mmagwe le bo morwa-rragwe batla ba ema kwa ntle, ba batla go bua nae. ⁴⁷Mmme mongwe a mo raya a re, "Bona, mmago le bo morwa-rrago ba eme kwa ntle, ba batla go bua nao".⁴⁸Mme Jeso a araba a raya yo o neng a mmolelela a re, "Mme ke mang? Bo morwa rre ke bo mang? ⁴⁹Mme a otlololela letshogo la gagwe kwa barutweng ba gagwe a re, mme le bo morwa rre ke ba. ⁵⁰Gonne ope yo o dirang go rata ga Rara yo o kwa legodimong,yoo ke ene morwa-rre, kgaitsadiake le mme".

13¹Ka letsatsi leo, Jeso a tswa mo ntlong a feta a nna fa thoko ga lewatle. ²Bontsi jwa batho ba mo dikaganyetsa, mme a tsena mo mokorong, a nna mo go one. Batho botlhe ba nna mo letshitshing la lewatle³Mme Jeso a buwa le bone dilo tse dintsi a dirisa ditshwantsho. A re " Bonang mojwadi o ne atswa a ya go jwala. ⁴Fa a ntse a jwala, peo e nngwe ya wela mo tseleng mme dinonyane tsatla tsa eja. ⁵Peo e nngwe ya wela mo makgabaneng fa go neng go sena mmu o montsi, ka bonako ya ungwa ka gore mmu o ne o se boteng. ⁶Mme ya re fa letsatsi letswa, tsa a swa ka gore dine di sena medi mme tsa omelela.⁷Peo e nngwe ya wela mo ditlhatshaneng tsedi metlwa. Tlhare tsedi mitlwa tsa gola mme tsae hupetsa. ⁸Peo e nngwe ya wela mo mmung o o siameng mme, ya ntsha dijwalo, tse dingwe di feta makgolo, tse dingwe masome a marataro, tse dingwe masome a mararo. ⁹Yo o nang le ditsebe, a a reetse.¹⁰Barutwana batla ko go Jeso ba mo raya ba re, "Ke eng o bua le batho ka ditshwantsho?". ¹¹Jeso a araba a ba ra ya a re "le filwe tshono ya go tlhaloganya masaitseweng a bogosi jwa Modimo mme bone ga ba e fiwa. ¹²Ka gore oo nang, o tla a fiwa go le gontsi, mme o tla nna le bontsi, mme yo a senang, le se a nang le sone setla tseiwa.¹³Jaanong ke bua le bone ka ditshwantsho gonne lefa ba bona, tota ga ba bone. Lefa ba utlwa, tota ga ba utlwe le go tlhaloganya ga ba tlhaloganye. ¹⁴Go bone, seporofito sa ga Esaea sa rurifadiwa, sese reng " gao utlwa otla utlwa mme gao ka ke wa tlhaloganya ka tsela epe, gao bona otla bona mme ga gona ka tsela epe e o ka tlhaloganyang.¹⁵Gonne dipelo tsa batho ba di ntshofaletswe ebile di thata go utlwa gape ba buduletse gore ba seka ba bona ka matlho a bone, ka na ba utlwa ka ditsebe tsa bone, ka na ba tlhaloganya mo dipelong tsa bone, jalo batla fetoga mme ketla ba fodisa.¹⁶Jalo go sego matlho a lona, gonne aa bona; le ditsebe tsa lona, gonne di a utlwa. ¹⁷Ka boammaruri kea le bolelela, baporofiti ba le bantsi le basiame ba le bantsi bane ba eletsa go bona dilo tsele di bonang, mme ga ba a di bona. Bane ba eletsa go utlwa dilo tsele di utlwang mme ga ba di utlwa.¹⁸Reetsang jalo setshwantsho sa molemi. ¹⁹Fa mongwe a utlwa mafoko a bogosi mme a bo a sa tlhaloganye, o bosula o a tla a phamole se se jwadilweng mo pelong ya gagwe. E ke peo ee neng ya jwalwa fa thoko ga tsela.²⁰Yo o jwetsweng mo makgabaneng ke ene yo o utlwang lefoko a bo ale amogela ka boitumelo ka pela. ²¹Lefa a sena medi o ema sebakanyana fela, fa ditlhokofatso le di pogisego ditla ka ntata ya lefoko, wa kgopega ka pela.²²Yo o jwadilweng mo ditlhareng tsa mitlwa ke ene yo a utlwang lefoko, mme go rata le go tsiediwa ke dikhumo tsa lefatshe ga hupetse lefoko, a bo a sa nne le maungo. ²³Ene yo o jwadilweng mo mmung oo siameng, yo ke ene a utlwang lefoko a bo a le tlhaloganya. Yoo ke ene a ungwang maungo a bo aa godisa; a mangwe go feta lekgolo, a mangwe masome a marataro, le amangwe masome a mararo.²⁴Jeso a ba bolelela setshwantsho se sengwe, a re "bogosi jwa Modimo bo tshwana le monna o o jwetseng peo ee siameng mo tshimong ya gagwe. ²⁵Mme ya re batho ba robetse, baba ba gagwe batla mme ba jwala mohero mo dijwalong mme ba tsamaya. ²⁶Ya re dijwalo di gola mohero le one wa tlhogelela.²⁷Motlhanka wa mong wa tshimo atla kwa go ene a re, "rra, a o ne o sa jwala peo ee siameng mo tshimong ya gago, mohero jaanong one otswa kae?". ²⁸A mo ra ya a re "ke ditiro tsa mmaba". Motlhanka a mo raya a re "ao batla gore reye go o kumola?".²⁹Mong wa tshimo are "Nnyaa, le tloga le kumola dijwalo lere le kumola mohero". ³⁰Di leseng di gole mmogo go fitlhela nako ya thobo, ka nako ya thobo ketla raa barobi ke re, "lantlha kumola mohero o le o kgobokanye ka ditlhophana le o tshube, mme le kgobokanyetse mabele mo sebolokelong".³¹Jeso a bua setshwantsho se sengwe le bone gape. A re " bogosi jwa Modimo bo tshwana le peo ya mosetara, e motho ae tsereng ae jwala mo tsimong ya gagwe. ³²E le ruri peo ya teng e nyennyane gona le dipeo tse dingwe. Mme ga e sena go gola, e gola go feta ditlhatshana tse dingwe, e nna setlhare mo eleng gore dinonyane tsa lewapi dia tla di tsalele mo dikaleng tsa sone."³³Jeso a ba bolelela setshwantsho se sengwe. "bogosi jwa legodimo bo tshwana le sebediso se mosadi a se tsereng a se tlhakaya le dilekanyo tse tharo tsa bopi jwa borotho go fitlhela bo boduloga"³⁴Dilo tse tsotlhe Jeso one a di bua le batho ka ditshwantsho. One a sa bue sepe le bone fela fa ese ka ditshwantsho. ³⁵Se e ne e le gore sese builweng ke baporofiti setle se nne boammaaruri, fa a re " ketla bula molomo wame ka ditshwantsho, ketla bua dilo tse di neng di fitlhegile mo motheong wa lefatshe"³⁶Jeso a tlogela bontsi jwa batho a tsena mo ntlong. Barutwa ba gagwe batla kwa go ene ba re " re tlhalosetse setshwantsho sa mohero mo tshimong". ³⁷Jeso a araba a re " ene yo a jwalang peo ee molemo ke morwa motho. ³⁸Tshimo ke lefatshe mme peo ee molemo eo go tewa bana ba bogosi. Mohero ke bana ba yo o bosula, ³⁹mme mmaba yo o o jwadileng ke diabolo. Thobo ke phelelo ya lefatshe mme barobi ke baengele.⁴⁰Jalohe, jaaka mohero o tsewa o nyelediwa ka molelo, gotla nna hela jalo lemo phelelong ya lefatshe. ⁴¹Morwa motho o tla romela baengele ba gagwe, mme batla kgobokanya go tswa mo bogosing jwa gagwe, dilo tsotlhe tsedi bakang boleo le baetsa bosula. ⁴²Batla ba latlhela mo mongobong wa molelo ko go tla nnang selelo le khuranyo ya meno. ⁴³Mme jalo basiami bone batla phatsima jaaka letsatsi mo bogosing jwa ga rraabo. Yo o nang le ditsebe, a a reetse.⁴⁴Bogosi jwa Modimo bo tshwana le letlotlo le le fitlhilweng mo tshimong. Monna o a le bona, a le fitla. A tsamaya ka boitumelo, a rekisa sengwe le sengwe sea nang le sone a ya go reka tshimo eo. ⁴⁵Gape bogosi jwa Modimo bo tshwana le mogwebi yo a senkang letlapa le le tlhwatlhwa kgolo. ⁴⁶Ga a bona letlapa lele lengwe la tlhwatlhwa kgolo, a tsamaya a rekisa sengwe le sengwe a ya go e reka.⁴⁷Gape bogosi jwa legodimo bo tshwana le letloa lele neng la latlhelwa mo lewatleng, la tshwara ditshidi ka mefuta yotlhe. ⁴⁸Fale tletse, motshwari wa di tlhapi a le gogela ko thoko ga lewatle. Jaanong ba phuthega go kgobokanyetsa tse di mosola mo sebolokelong, mme tse di senang mosola ba di latlhela kgakala.⁴⁹Go tla nna jalo mo phelelong ya lefatshe. Baengele ba tla tla go tlhaola ba ba bosula mo basiameng. ⁵⁰Ba tla ba latlhela mo mongobong wa molelo, ko go tla nnang le selelo le khuranyo ya meno.⁵¹"A le tlhalogantse dilo tsena tsotlhe"?, barutwa ba mo ra ya ba re "ee". ⁵²Mme Jeso a ba ra ya a re, " fela jalo mokwadi mongwe le mongwe wa molao yo o nnang morutwa mo bogosing jwa legodimo o tshwana le monna yo o nang le ntlo, o ntshang dilo tse dikgologolo le tse di sha mo mabolokelong." ⁵³Mme ga diragala yare Jeso a sena go bua le bone ditshwantsho, a tswa mo lefelong leo.⁵⁴Jalo Jeso a tsena mo kgaolong ya gagwe, a ruta batho mo di senagogeng tsa bone. Mo ga ba fakgamatsa ba re, "monna yo o tsaa kae botlhale jo bo kana le metlholo e?". ⁵⁵A monna yo ga se morwa mmetli? Aa mmaagwe ga se Marea? Le bo morwa rraagwe, ga se Jakobe, Josefa, Simone le Jutase? ⁵⁶Le bo kgaitsadie a ga ba magareng ga rona? Jaanong monna yo o tsaa kae dilo tse?⁵⁷Ba ne ba kgopisega. Jaanong Jeso a ba ra ya a re " moporofiti ga a tlotiwe mo lefatsheng le mo lwapeng la ga bone ⁵⁸A seka a dira metlholo e le mentsi ka ntata ya go tlhoka go dumela ga bone.

14¹Eka nna ka nako eo, Herote mmusi wa kgaolo a utlwalela dikgang ka ga Jeso. ²A raya batlhanka ba gagwe a re, "Yo ke Johane wa mokolobetsi; o tsogile mo baswing. Ka jalo maatla a a bereka mo go ene."³Gonne Herote o ne a tshwere Johane, a mo golega, a mo tsenya mo kgolegelong ka lebaka la ga ga Herotiase, mogatsa Filipo morwa rraagwe. ⁴Ka gore Johane o ne a mo reile a re, "Ga go ka fa molaong gore o ka mo tsaya go nna mosadi wa gago". ⁵" Herote o ne a ka bo a mmolaile, mme a tshaba batho ka ba ne ba mo tsaya jaaka moporofiti.⁶Mme ya re malatsi a botsalo jwa ga Herote a goroga, morwadia Herodiase a bina fa gare ga bone, a itumedisa Herote. ⁷Ka go bona se, Herote a mo solofetsa ka maikano gore o tlaa mo direla sepe fela se a ka se kopang.⁸Morago ga go laelwa ke mmaagwe, a re, "Nneela tlhogo ya ga Johane mokolobetsi mo mogopong. ⁹"Kgosi a utlwa botlhoko, ka kopo ya gagwe mme ka ntlha ya maikano a gagwe le ka botlhe ba ba mo dijong tsa maitseboa a laola gore go dirwe jalo.¹⁰Aroma, a kgaola Johane tlhogo mo kgolegelong. ¹¹Jalo tlhogo ya gagwe ya tsisiwa ko mosetsaneng, ka mogopo, a e isa ko go mmaagwe. ¹²Foo barutwa ba gagwe ba tla, ba tsaya setopo sa gagwe ba ya go se fitltha. Morago ga se ba ya go bolelela Jeso.¹³Jaanong Jeso fa a utlwa mo, a tswa ka tidimalo ka mokoro, a ya ko lefelong le le kwa thoko.Fa bontsi bo utlwa se, ba mo sala morago ba tsamaya ka dinao gotswa ditoropong. ¹⁴Foo Jeso a tla fa pele ga bone, a bona matshititshwiti a batho. Aba utlwela botlhoko, a fodisetsa balwetsi.¹⁵Mo maitseboweng, barutwa ba tla ko go ene ba mo raya bare, "Golo fa ke naga ye e sa nneng ope, le letsatsi le phirimile. Phatlalatsa batho gore ba ye mo metseng go ithekela dijo."¹⁶Mme Jeso a ba raya a re, "Ga ba tlhoke go phatlaladiwa. Ba feng sengwe ba je. ¹⁷"Ba mo raya ba re, "Re na le dinkgwe di le tlhano le ditlhapi tse pedi fela. ¹⁸"Jeso a re, "Di tsiseng kwano."¹⁹Foo Jeso a laola matshititshiti go nna mo tlhageng. A tsaya dinkgwe tse tlhano le ditlhapi tse pedi. A lelala legodimo, a segofatsa, a ngathoganya borotho a fa barutwa. Barutwa ba di abela batho. ²⁰Botlhe ba aja mme ba kgora. Foo ba phutha masalela, a tlala ka ditlatlana tse di some le bobedi. ²¹Ba ba jeleng ba ne ba le dikete tse tlhano, kwa ntle ga basadi le bana.²²Ka bofefo a laela barutwa gore ba tsamaele ko pele go ya ntlheng e nngwe ka mokoro, fa ene a santse a phatlalatsa batho. ²³Fa a sena a go phatlalatsa matshwititshwiti, a ya kwa thabeng a le nosi go rapela. O ne a le nosi mo maitseboeng ao. ²⁴Mme mokoro o ne o setse o le fa gare ga lewatle, o sa laolesege sentle ka ntlha ya makhubo a lewatle, ka gore phefo e ne e lebagane nabo.²⁵Yare ka makuku, Jeso a tla kwa go bone a tsamaya mo godimo ga metsi. ²⁶Fa barutwa ba mmona a tsamaya mo godimo ga metsi ba tshoga, ba re, "Ke sepoko," mme ba lelela kwa godimo ke letshogo. ²⁷Mme Jeso a bua nabo go ne foo, a re, "nnang pelokgale,Ke nna. Se boifeng."²⁸Petere a mo araba a re, "morena, fa ele wena ntaolela gore ke tle kwa go wena mo godimo ga metsi. ²⁹" Jeso a re "tlaa." Foo Petere a tswa mo mokorong a ya kwa go Jeso a tsamaya mo godimo ga metsi. ³⁰Mme Petere yare a bona phefo a tshoga. Fa a simolola go nwela, a lela a re, "Morena mpoloka."³¹Ka bofefo Jeso a thapholola letsogo la gagwe, a tshwara Petere, a re, "O ne o belaelang wena wa tumelo e potlana. ³²"Ya re Jeso le Petere ba tsena mo mokorong,phefo ya ema go foka. ³³Foo barutwa mo mokorong ba obamela Jeso ba re, "Ruri o morwa Modimo."³⁴Fa ba sena go kgabaganya, ba goroga mo Genasaretha. ³⁵Fa banna ba koo ba lemoga Jeso ba romela molaetsa gongwe le gongwe mo tikologong, ba tsisa kwa go ene botlhe ba ba lwalang. ³⁶Ba ne ba mo kopa gore a mpe ba kgome moja wa diaparo tsa gagwe, mme botlhe ba ba kgomileng diaparo tsa gagwe ba fola.

15¹Jaanong bangwe ba bafarasai le bakwadi gotswa jerusalem ba tla kwa go Jeso, Bare ²"Keng barutwa ba gago ba tlola ngwao ere enetsweng ke bagolo? gonne ba ja ba sa tlhapa matshogo." ³Jeso go ba araba aba raya are, "Lona mentlha le roba melao ya modimo le lebetse go sala morago ngwao ya borralona?"⁴Gonne modimo o rile, "Tlotla mmago le rrago" le gore "Ope kana mang yo buang bosula ka mmagwe kana raagwe, o tla swa ele ruri." ⁵Mme lare, "Fa motho ope kana ofe araya mmagwe kana rragwe, 'Are sepe hela se okabeng o se amogetse mo go nna jaanong ke seneela ele mpho ya Modimo', ⁶lare motho wa go nna jaalo jaanong ga sa thole aka tlotla rre raagwe. Ka tsela e labona le dirile lefoko la Modimo gotswa lefela kgang ele gore letlotle molao wa bo rralona.⁷Baitimokanyi ke lona, moporofiti Esia o buile bo amaruri ka lona ha are, ⁸'Batho ba ba nkobamela ka melomo ya bone hela, mme dipelo tsa bone tsone dikgakala le nna. ⁹Ke lefela gore abo bare ba nkobamela, gonne se ba serutang ke se hela ba serutilweng ke melao ya setho."¹⁰Jalo a bitsa matshwititshwiti aba raya are "Reetsang se mme le se tlhaloganye, ¹¹Ga se se setsenang ka molomo wa motho se se moleswafatsang, mme bogolo se se tswang ka molomo wa gagwe, ke sone se se moleswafatsang".¹²Barutwana ba gagwe batla ko ene ba moraya bare, "Ao lemoga gore seo se buileng se dirile gore bafarasie ba ipelaele". ¹³mme Jeso ene aba araba are " setlhare sengwe le sengwe se Rara a sa sejwalang se tla kumulwa ka medi. ¹⁴Ba leseng batho bao ke bakaedi ba difofu. Mme sefofu ga seke se etelela se sengwe, gone bobeding ba ka wela ka lengope".¹⁵Mogo arabeng Keresete Petere amoraya are," Re tlhalosetse setshwantsho seo". ¹⁶Jeso a araba are, "Ah le wena ga o thaloganye? ¹⁷se setsena ka molomo seboa se tsena mo mpeng, mme morago se ntshetswe ko ntle ga mmele goya ntlwaneng?¹⁸mme dilo tse di tswang ka molomo ke tse ditswang mo pelong. Ebile ke tsone dilo tse di felelang di leswafatsa motho. ¹⁹Gonne gotsweng mo pelong ya motho gotswa dilo tsone tse dibosula tse ebong: dikakanyo tse maswe,gobolaya, bogokagadi, boaka, maaka, go tswa mosupi wa maaka, bogodu le ditlhapha. ²⁰Ke tsone dilo tse dirang motho gore anne yo o sa itshekang, eseng go ja osa tlhapa matshogo".²¹Morago gase Jeso a iketsha mo gobone a ya ko kgaolong le ditoropo tsa Tario le Sitona. ²²Abo gone ko mosadi wa mokanana, yoane atswa gone mokgaolong yeo atla kwa go ene a goa are, "Morwa Dafite nkutlwe le bothoko,Morena, morwadieke o tshwengwa ke matimona". ²³Mme Jeso aseka a tswa molomo ka se. Kajalo barutwa batla ko goe ene bare, "Moreye sengwe atle a tsamaye o re tsosetsa modumo".²⁴Jeso araba are "Ke rometswe hela ko di nku tsa Iseraele tse di timetseng eseng go ope gape". ²⁵Mme atla a khubama ha pele ga gagwe are" Morena nna le boutlwelo botlhoko mo go nna, nthuse". ²⁶Jeso a mo araba are " ga go a siamela gore ke tseye senkgwe sa bana ke bo neele dintsanyana".²⁷A araba are "morena le ha gontse jalo dintsanyana di otlwa ka matlhotlhora a a wang mo tafoleng ya bojelo jwa morena wa tsone". ²⁸Jeso a araba are " Mosadi onale tumelo e kgolo jang! A go diragale goyeng ka topo ya gago", Ka jalo morwadie a fodisiwa ka yone houra eo.²⁹Jeso gotlogeleng lefelo leo, aya go bapa le lewatle la Galalea. A pagama thabana a bo a bona bodulu godimo ga yone. ³⁰Matshwititshwiti a tla a mosetse morago, batla ka botlhe ba balwang, difofu, disusu, digole le botlhe ba ba nale bokoa bope kana bofe. Kgang ele go baisa ko go Jeso yo o neng aba fodisa. ³¹Go boneng babaneng ele bosusu ba bua, le ba ba ene ele digole ba sa tsamae jaanong batsamaya, jaanong le ba bangwe ba ne ba thokile pono ba fodile batho ba gakgamala mo go tona mme ba simolola go rorisa Modimo wa Isiraela.³²Jalo Jeso a biletsa barutwa ba gagwe ko go ene abaraya are "Bonang go thomola pelo gore batho ba abo ba tsamaile le nna malatsi a mararo, mme ba ise ba bone sepe sa go ja. Mme kana gankake kare ba boele morago gonneng ba ka idibala motseleng. ³³Barutwana ba mofetolla bare" Mme kana re mosekakeng ga se moreka bonang gope senkgwe tse di ka lekana morafhe o kana". ³⁴Aba raya are Jeso "le tshwere dinkgwe tse kae", Bare " Dinkgwe tse supa le ditlhapi dise kae". ³⁵Yare go emeng jalo Keresete alaola batho gore ba dule faatshe.³⁶A tsaya dinkgwe tse supa le dithapi morago ga go neela malebogo, adi nyathoganya abo di naya barutwa ba gagwe go diphatlalatsa mo bathong. ³⁷Batho baja mo baneng ba bewa pelo ke dijo. Mmo ebile morago ga phuthwa ka dibeelo tse supa masalela. ³⁸Mo go ba baneng ba akola senkgwe le dithapi abo ele banna bale dikete tse nne go sa balelwe basadi le bana. ³⁹Morago Jeso a ba laela go boela morago mme a tsaya mokoro go ya ko kgaolong ya Magakatane.

16¹Bafarasai le Basadukai ba tla ko go Jeso ba mo leka bare aba sepegetse sesupo go tswa legodimong. ²Mme aba araba are, "Fa gole maitseboa lare,"seemo sa bosa sea nametsa ka gore loapi le lehibidu."³Mo mosong, "Lare seemo sa bosa se tlaabo se bifile, ka gore loapi le lehibidu ebile go thibile. Le itse go ranola tebego ya seemo sa bosa, mme gale itse go ranola dipaka tsa nako. ⁴Ba ba bosula le kokomane ya diaka ba batla ditshupetso, mme ga ba kitla ba bona tshupetso epe ko ntle ga tshupetso ee bonweng ke Jona." Jeso aba tlogela a tsamaya.⁶⁵Barutwa ba ya ntlheng e nngwe, mme ba lebetse go tsaya senkgwe.⁶Jeso a ba laela gore, "Le itise mo sebidisong sa bafarasai le basadukai". ⁷Barutwa ba tsietsega,ba ipotsa gore a ke ka gore ga baa tsaya senkgwe". ⁸Jeso a lemoga se, mme a ba raya are "Lona bale tumelo potlana, le tsiediwa ke eng a ke gore ga lea tsaya senkgwe?⁹A galo gakologelwe ka dinkgwe tse tlhano tsa dikete tse tlhano, le gore le kgobokantse mebanki e le kae? ¹⁰Kana dinkgwe tse supa tsa batho bale dikete tse nne, le gore o tsere mebanki ele kae?¹¹Ga lo tlhaloganye eng fa ke bua ka senkgwe? Lo itiseng mo sebidisong sa bafarasai le basadukai. ¹²Mme ba lemoga gore gaa bue ka sebidiso mo senkgweng, ikeleng tlhoko mo dithutong tsa bafarasai le basadukai.¹³Fa Jeso a tsena ko Khaesara Philipo, a botsa barutwa ba gagwe are, "Batho bare Morwa Motho ke mang?" ¹⁴Bangwe ba araba, "Ba re ke Johane wa Mokolobetsi , bangwe bare Elija, bangwe bare Jeremiah, kana mongwe wa baporofiti". ¹⁵A ba raya are, " Lona lare ke mang? ¹⁶Ga araba Simon Petere are "O Keresete Morwa Modimo yo o tshelang."¹⁷Jeso amo araba are, "O segofetse wena Simon Petere morwa Johane, gonne ga oa senolelwa ke nama le madi, mme o senoletswe ke Jehofa Modimo yoo kwa legodimong. ¹⁸Kare go wena o Petere, mo lefikeng le ke tlaa aga kereke yame, mme dikgoro tsa bobipo ga di kitla di e fenya.¹⁹Ke tlaa go neela dilotlele tsa bogosi jwa legodimo . Sengwe le sengwe sese bofiwang mo lefatsheng se tlaa bofiwa le ko legodimong, se ose bofololang mo lefatsheng se tlaa bofologa le kwa legodimong." ²⁰ Mme Jeso a laela barutwana ba gagwe gore ba se bolelele ope gore ke Keresete.²¹Ka nako eo Jeso keresete o bolelela barutwa ba gagwe gore o ya Jerusalema, waa go bogisiwa ke dilo tse dintsi mo diatleng tsa bagolwane, baperesiti, le bakwadi, o tlaa bolawa aba a tsosiwa ka tsatsi la boraro. ²²Mme Petere o mo tseela fa thoko a mo kgalemela are ;ago se nne jalo ka wena morena, ²³Mme Jeso agadima amo leba, "are tloga fa go nna saatane! Ose kgoreletsi, gao kgathale ka dilo tsa Modimo, o kgathala ka dilo tsa batho."²⁴Jeso keresete are go barutwana ba gagwe; yoo batlang go ntshala morago a itatole boene, a tsee mokgoro a ntshale morago. ²⁵Lefa ele mang yoo batlang go boloka botshelo jwa gagwe bo tlaa mo latlhegela, mme ope yoo latlhegelwang ke botshelo jwa gagwe ka ntlha yame o tlaa bo bona. ²⁶Go thusa eng motho a boelwa ke lefatshe, mme a latlhegelwa ke botshelo jwa gagwe? Motho oka ntshang eng go emisetsa botshelo jwa gagwe.²⁷Mme Morwa Motho o tlaa tla ka kgalalelo ya ga rara le baengele. Mme o tlaa duela mongwe le mongwe goya ka ditiro tsa gagwe. ²⁸Ka nnete kea lo raya, bangwe ba lona fa ga ba kitla baa swa go fitlhela ba bona morwa motho a tla ka bogosi jwa gagwe."

17¹Morago ga malatsi a marataro,Jeso a tsaya Petere,Jakoba le morwarraagwe Johane baya ko godimo ga thaba ka bo bone. ²One a fetoga mo ponong ya bone.Sefatlhego sa gagwe sa phatsima jaaka letsatsi, diaparo tsa gagwe tsa phatsima jaaka lesedi.³Bonang mme ga bonala mogo bone Moshe le Elijah ba bua le ene. ⁴Petere a araba Jeso are, ''Morena, go siame mo go rona go nna fa.Fa o eletsa ke ka aga metlaagana ele meraro,wa gago, waga Moshe le waga Elija.''⁵a santse a bua, bonang leru le letona le le legalalelang laba khurumetsa, ga tlhaga lentswe le legolo mo lerung lere,'' yoo ke morwaake yo ke ipelang mo go ene mo reetseng." ⁶Fa barutwa ba le utlwa, ba tshoga mo gogolo ba obama ka difatlhego tsa bone. ⁷Jeso atla aba tshwara are," emelelang le se boife." ⁸Ba leba ko godimo ba bona ope fa ese Jeso fela.⁹Jaaka bane ba fologa thaba,Jeso aba laela, gore "ba se bolelele ope ka ponelo pele e go fitlhela Morwa Motho a tsosiwa mo baswing gangwefela". ¹⁰Barutwa ba botsa Jeso gore," Ke eng bakwadi bare Elija o tshwanetse gotla pele?"¹¹Jeso aba araba are "Elija o tlela go buseletsa dilo tsotlhe. ¹²Ke a le bolelela Elija o setse a tlile,mme ga le mo molemoge. Ka jalo ba dira tsotlhe tse ba neng ba di batla mo go ene. Ka tsela ee ntseng jalo Morwa Motho o tlaa bugisega mo diatleng tsa bone." ¹³Jalo barutwa ba tlhaloganya gore one a bua le bone kaga Johane wa Mokolobetsi.¹⁴Fa ba fitlha ko batho ba leng bantsi teng,monna mongwe atla ko go ene a khubama ka mangole fa pele ga gagwe are, ¹⁵"Morena utlwela morwaake, o awa o bobola mo gogolo. O nna a wela mo isong le mo metsing. ¹⁶Ke kile ka motlisa ko barutweng ba gago ga baa kgona go mofodisa."¹⁷Jeso a araba are, "Dikokomane tse di senyegileng tse di sa dumeleng, ke tshwanelwa ke go nna le lona ka lebaka le le kae, ke le utlwela botlhoko gole kae? Mo tliseng kwano." ¹⁸Jeso amo kgalemela, letimona la tswela ntle.Mosimane a fodisiwa ka nako eo.¹⁹Barutwa batla ko go Jeso mo sephiring, ba botsa bare," Ke eng resa kgona go koba mowa oo maswe?" ²⁰Jeso a ba raya are, "Ke ka gore le tumelo potlana. Ke le bolelela boammaruri ka re le fa lena le tumelo e potlana ee kana ka thapo ya mositara, o ka raya thaba ware, 'Fuduga fa o fudugela fale,' e tlaa fuduga mme ga gona sepe sese thata mogo lona. ²¹(Mme mohuta o wa letimona o tswa hela ka thapelo le itimo dijo.)²²Fa bale ko Galalea, Jeso a raya barutwa ba gagwe are," Morwa Motho o tlaa neelwa mo diatleng tsa batho. ²³Ba tlaa mmolaya, ka letsatsi la boraro o tlaa tsosiwa."Barutwa ba futsafala fela thata.²⁴Fa ba fitlha ko Kaperename, banna ba ba neng ba tsaya lekghetho batla ko go Petere ba mo raya bare, "A moruti wa gago gaa ntshe sephatlo sa lekghetho (shekele)?" ²⁵A mo araba are "Ee". Petere a tsena mo ntlong, Jeso a bua le ene pele are, "O akanyang Petere? Dikgosi tse di mo lefatsheng, di tsaya lekghetho mo go bo mang? Mo morafeng wa bone kana bathong ba mafatshe a sele?"²⁶Fa Petere are, "Mo bathong ba mafatshe a mangwe," Jeso a mo raya are, "Morafe o ba o busang ga o a tshwanela duele. ²⁷Gore mokghethisi wa lekgetho a seka a leofa, tsamaya o ye ko lewatleng, o latlhele letlowa, mme tlhapi ee tsenang pele oe tshware.Fa o e bula molomo wa yone, o tlaa bona madi( shekele) mo go yone. E tsee oe neele mokghethisi ele tuelo ya gago le nna."

18¹Mo nakong eo barutwa ba gagwe ba tla kwa go Jeso ba mo raya ba re'' ke mang yo mogolo mo bogosing ba legodimo? '' ²Jeso a biletsa ngwana yo monnye kwa go ene, a mmaya fa gare ga bone, a re'' ³"Ke le bolelelela boammaruri ka re, go fitlhela motho a fetoga a tshwana le ngwana yo, ga a kitla a bona bogosi jwa legodimo.⁴Yo o ikokobetsang jaaka ngwana yo monnye yo, ke ene yoo mogolo mo bogosing jwa legodimo. ⁵le ope yoo amogelang ngwana yo monnye mo leineng lame wa nkamogela. ⁶Mme yo o dirang gore mongwe wa bana ba bannye ba yo o dumelang mo go nna a leofe, go ka nna botoka a bofelelwa letlapa le legolo mo thamong, abo a latlhelwa mo lewatleng.⁷Lefatshe le latlhegile ka ntlha ya dinako tse tsa dikgopisego, mme go tshwanetse gore dinako tse ditle, mme go latlhegile ene yo di dinako tseo di tlang ka ene. ⁸Fa o kgopisega ka ntlha ya lebogo kgotsa leoto la gago, o le kgaole o le latlhe. Go botoka go tsena mo botshelong o tlhotsa kgotsa o na le bogole go na le go latlhelwa mo molelong yo o sa timeng o na le mabogo le maoto otlhe.⁹Fa o kgopisega ka ntlha ya leitlho, o le gonye o le latlhe. Go botoka mo go wena go tsena mo botshelong o le mogapa go na le go latlhelwa mo molelong yo o sa timeng o na le matlho otlhe.¹⁰Tlhomamisang gore ga le nyatse mongwe wa ba ba botlana ba, gonne ke le raya ke re baengele ba bone ba nna ba lebile sefatlhego sa Rara yoo kwa legodimong. ¹¹(Gonne morwa motho o tsile go boloka mo go neng go latlhegile)¹²Le akanya eng? Fa motho mongwe a na le dinku di le lekgolo, nngwe ya tsone e bo e timela, a ga a tlogele tse di masome a fera bongwe le metso e fera bongwe fa thoko ga thaba a ya go batla e e timetseng?. ¹³Mme fa a e bona, ke le bolelela boammaruri gore o tla e itumelela bogolo go tse di masome a fera bongwe le metso e fera bongwe tse di neng di sa timela. ¹⁴ka tsela e e ntseng jalo, ga se go rata ga ga rraetsho yo o kwa legodimong gore mongwe wa ba ba botlana ba a nyelele.¹⁵Fa morwa rrago a go leofetse, mmontshe phoso ya gagwe, le santse le le babedi, fa a reetsa o tla tsalana nae . ¹⁶Mme faa sa reetse, bitsa morwa rrago a le mongwe kgotsa bomorwa rrago ba le babedi gore ka melomo ya basupi ba le ba bedi kgotsa ba la bararo lefoko lengwe le lengwe le tle le rurifadiwe.¹⁷Fa a gana go ba reetsa bolelela phuthego,faa gana go e reetsa le yone mo tsee jaaka moditshaba kgotsa mokgethisi.¹⁸Ke le bolelela boammaruri ka re, dilo tse o di bofileng mo lefatsheng le kwa legodimong di tla bofiwa, le tse o tla di bofololang mo lefatsheng le kwa legodimong di tla bofololwa. ¹⁹Gape ke lo raya kere fa bobedi bo dumalana bo ba bo kopa mo lefatsheng ,Ntate yo o kwa legodimong o tla se ba direla. ²⁰Gonne fa bobedi kgotsa boraro bo kopane ka leina la me ke mo gare ga bone''²¹Petere a tla kwa go Jeso a re, ''Morena ke itshwarele morwarre ga kae fa a mphoseditse ,Ga supa?'' ²²Jeso a mo raya a re'' A e se nne ga supa e nne masome a supa ga supa''.²³ka jalo bogosi ja legodimo bo tshwana le kgosi nngwe e e neng e batla go phutha dikoloto mo batlhankeng ba gagwe. ²⁴Ga tliswa kwa go ene yo o neng a mo kolota ditalente tse di dikete tse di le some, ²⁵ka a ne a sena se a ka duelang ka sone ,kgosi ya laela gore a rekisiwe ga mmogo le mosadi le bana le tsotlhe tse a di a nang natso gore a a duele sekoloto.²⁶Motlhanka a wela fatshe a khubama fa pele ga gagwe a re, ''Monngame intshwarele ke tla go duela gotlhe mo ke go kolotang''. ²⁷Kgosi ya tlala ka boutlwelo botlhoko a mo itshwarela sekoloto a bo a mo golola.²⁸Mme motlhanka yo a tsamaya ya re a le mo tseleng a kopana le motlhanka yo mongwe yo o mo kolotang madi a lekang tuelo ya matsatsi a le lekgolo ,a mo tshwara , a mo kgama a mo raya a re, '' Ntuela gotlhe mo o go nkolotang''. ²⁹Motlhanka yo a khubama, a mo kopa a re, ''Nna pelo telele ke tla go duela gotlhe mo ke go kolotang''.³⁰Motlhanka wa ntlha a gana go mo reetsa, a mo latlhela mo kgolegelong gore a duele gotlhe mo a go mo kolotang. ³¹Ya re batlhanka ba bangwe ba bona se se diragetseng,ba tlala tshakgalo ba ya go bolelela mong wa bone tsotlhe tse di diragetseng.³²Mong wa gagwe a mmitsa are, ''Motlhanka ke wena yoo bosula, ke go itshwaretse ka o ne o nkopa, ³³a o ka bo o sa utlwela botlhoko motlhanka ka wena jaaka ke go itshwaretse?''³⁴Mong wa gagwe a tlala ka bogale a mo neela basotli go fitlhela a mo duela gotlhe mo a go kolotang. ³⁵Ka jalo Rara yoo kwa legodimong o tla le dira jalo fa le sa itshwarele bangwe ka lona go tswa mo teng ga pelo.

19¹Ga diragala ka nako ya gore fa Jeso a fetsa mafoko a, atswa mo Galalea, a tla mo dipoteng tsa Judea ko moseja ga noka ya Jorotane. ²A fodisa matshwititshwiti a aneng a mosala morago gone koo.³Bafarasai batla ko go ene, bamo leka, ba mo raa bare, '' Go kafa molaong gore monna o ka tlhala mosadi wa gagwe ka mabaka mangwe?'' ⁴Jeso aba araba are, '' Gale ise le bale, gore yo o ba dirileng ko tshimologong o ba dirile e le monna le mosadi?⁵Ene yo o ba dirileng o buile jaana are, 'Ka lone le baka le, monna o tla tlogela rragwe le mmagwe go ya go nna le mosadi wa gagwe, mme bodedi bo tlaa nna nama ele nngwe'? ⁶Ba tlaabo ba sa tlhole ba le babedi, mme e le nama e nngwe. Fagontse jaalo a ope aseka a kagaoganya se Modimo ase kopantseng."⁷Ba mo raa bare, ''Ke eng Moshe are file taelo ya gore re neele setlankana sa tlhalo ebe re mo tlogela a tsamaya?'' ⁸A ba araba are,"Ntateng ya bothata jwa dipelo tsa lona Moshe o le letleletse gore le ka kgaogana le basadi ba lona, mme gotswa ko tshimologong ga go jalo. ⁹Ke le raya kere, yo o tlogelang mosadi wa gagwe, e se ka bogokagadi, mme a nyala yo mongwe, o dira boakagadi. Mme le monna yo o nyalang mosadi yoo o tlhadilweng o dira boakagadi."¹⁰Barutwa ba Jeso ba mo raya bare, ''Mme fa e le gore seo ke kgang ka go nna monna le mosadi, ka jalo go molemo gore motho aseka a nyala". ¹¹Mme Jeso aba araba are,''Ga se botlhe ba ba ka dumalanang le thuto e, mme ha ese bao ba baletleletsweng go ka e emogela. ¹²Ka go nale ba ba tshotsweng e le baopagadiwa gotswa ko popelong ya ga mmagwe. Le bao ba ba dirilweng baopagadiwa ke motho. Le baopagadiwa ba ba itirileng baopagadiwa ntateng ya mmuso wa modimo. Ope hela yo o ka kgonang go amogela thuto e, a a e amogele.''¹³Bana ba tlisiwa ko go ene gore o ka ba baya diatla a ba rapelela, barutwa ba ba kgalemela. ¹⁴Mme Jeso a re, tlogelang bana, mme le seka la ba kganela go tla ko go nna, ka bogosi jwa legodimo ke jwa baba ntseng jaaka bone. ¹⁵Mme a ba baya diatla,morago a tsamaye gotswa.¹⁶Bonang,gatla monna ko go Jeso mme are,'' moruti, ke dife tse di molemo tse ke tshwanetseng go di dira go nna le botshelo jo bo sa khutleng?'' ¹⁷Jeso a mo raya are, '''ka goreng o mpotsa ka se se molemo? Go ale mongwe o siameng, mme fa a batla go nna le botshelo, a tshegetse melawana.''¹⁸Mme monna a mo raya are,'' melawana efe?'' Jeso are, '' o seka wa bolaya, o seka wa dira boakagadi, o seka wa utswa, o seka wa bua maaka, ¹⁹Tlotla rrago le mmago, mme o rate babapi le wena jaaka o ithata.''²⁰Lekawana la mo raya lare,'' Tseo tshotlhe ke di tshegeditse.Ke santse ke tlhokang gape?'' ²¹Jeso a mo raya are, ''Fao eletsa go siama, tsamaya,rekisa tseo nang natso, mme o dife batlhoki, mme otla nna le letlotlo ko legodimong. A bo o tlaa o ntshala morago,'' ²²Mme fa lekawana le utwa mafoko a Jeso, a tsamaya ka kutlobohloko, ka one a nale khumo e ntsi.²³Jeso araya barutwa ba gagwe are,'' Ammaruri kea lo raya,go thata gore monna wa mohumi o ka bona bogosi jwa legodimo. ²⁴Gape kea lo raya, go motlhofo gore kamela e ka tsena ka thoba ya nnale, go nale gore monna wa mohumi a bone bogosi jwa Modimo.''²⁵Fa barutwana ba Morena ba utwa se, ba sala gamaregile bare, '' Mme ke mang yo a ka bolokwang jaanong?'' ²⁶Jeso a ba leba are, ''Mo bathong se gase kgonagale, mme ka Modimo tshotlhe dia kgonagala.'' ²⁷Mme Petere a araba are, ''Re tlogetse tshotlhe mme rago sala morago.Rona reya go boelwa ke eng?²⁸Jeso a ba raya are,''Ammaruri ka lo raya, bao le ntshetseng morago, fa botlalong jwa go tsalwa sesha bo goroga fa morwa motho a nna mo toroneng ya gagwe ya kgalalelo, le lona le tlaa nna mo toroning tse lesome le bobedi, le atlhola marafe e e lesome le bobedi ya Iseraele.²⁹Bao botlhe ba ba tlogetseng malwapa a bone ,bomorwarabone,bokgatsadiabone,borrabone, bommabone,le banaba bone, kana lefatshe ka ntlha ya leina lame, o tlaa fiwa go menagane ga lekgolo mme o tlaa rua botshelo jo bo sa khutleng. ³⁰Mme bontsi jwa ba ba ko pele gone jaana ba tlaa nna ba bofelo,mme bontsi jwa ba ba ko morago ba tlaa nna bantlha.

20¹Gonne bogosi jwa legodimo bo tlaa tshwantshiwa le mong wa tshimo yoo neng a tsamaya mo mosong go ya go fira ba bereki ba tshimo ya gagwe mofine. ²Faa sena go dumalana le babereki ba gagwe ka tuelo ya letsatsi, a ba romela mo tshimong ya gagwe ya mofine.³A tswela ko ntle gape ka oura ya boraro mme a bona babereki ba bangwe ba ntse fela ko marekisetsong. ⁴A aba raya are,' le lona, tsenang mo tshimong ya mofine, sepe fela se se siameng, ke tlaa se le neela.' Mme ba ya go bereka.⁵Gape a tswela ko ntle ka oura ya borataro, gape le ka oura ya boferabongwe, a dira fela jalo. ⁶Jalo fela ka oura ya lesome le bongwe a tswela ko ntle mme a fitlhela ba bangwe ba eme fela. A ba raya are, ' le emetseng fela fa le sa dire sepe letsatsi lotlhe'? ⁷Ba mo raya bare , 'ga gona ope yoo re firileng'. A ba raya are, ' Le lona tsenang mo tshimong ya mofine.'⁸Fa maitseboa a tsena, mong wa tshimo a raya moeteledipele, ' Bitsa ba bereki o ba neele dituelo tsa bone, o similole ka wa bofelo go ya go wa ntlha.' ⁹Fa babereki ba ba tsileng ka oura ya lesome le bongwe ba tsena, mongwe le mongwe wa bone a amogele tuelo ya letsatsi. ¹⁰Fa babereki ba ntlha ba tsena, ba solofela gore ba tlaa amogela gole gontsi, mme le bone ba amogela tuelo ya letsatsi.¹¹Fa ba amogela dituelo tsa bone, ba ngongorega ka mong wa tshimo. ¹²Bare , ' Babereki ba ba bofelo, ba berekile oura fela , mme o ba lekantse le rona, rona bare berekileng tiro e ntsi, le mogote wa letsatsi.'¹³Mme mong wa tshimo a araba a raya mongwe wa bone are,' Tsala, ga kea go direla bosula bope. A ga wa dumalana le nna tuelo ya letsatsi? ¹⁴Tsaya se eleng sa gago o tsee tsela ya gago. Ke kgethile go duela ba bereki ba bofelo dituelo tse di tshwanang le tsa lona.¹⁵A ga go molemo go dira se ke se batlang ka dithoto tsa me? Kana leitlho la gago le bosula ka gore ke siame? ¹⁶Jaanong ba bofelo batla nna ba pele, ba pele ba tlaa nna ba morago." (Bontsi bo biditswe, mme bonnye bo tlhophilwe".)¹⁷Jaaka Jeso a ne tsamaya a ya Jerusalema, a tseela ba ba lesome le bobedi fa thoko, mo tseleng aba raya are," ¹⁸Bonang, reya Jerusalema, Morwa Motho o tlaa neelwa mo diatleng tsa moperesiti mogolo, le bakwadi. Ba tlaa mmolaya ¹⁹le go mo neela mo diatleng tsa baditshaba go mo kgoba ,go mmetsa le go mmapola. Mme ka letsatsi la boraro o tlaa tsosiwa".²⁰Jalo barwa Zebedee ba tla ko go Jeso ba nale mmaabone. A obama fa go ene a kopa sengwe mo go ene. ²¹Jeso a mo raya are "O eletsa eng"? Amo raya are bua gore bo morwaake ba nne , " Yo mongwe mo letsong la gago la moja, yo mongwe mo letsong la gago la molema, mo bogosing jwa gago."²²Mme Jeso a araba are," Gao itse se o se kopang. Ao ka kgona go nwa senwelo se ke tlogang ke se nwa?" Ba mo raya bare," Re a kgona". ²³Aba raya are , " Senwelo same ka nnete le tla se nwa. Mme go nna mo letsogong la moja le go nna mo letsong la molema gase game go le go neela, mme ke ga baba baakantsweng ke rara." ²⁴Fa barutwa ba bangwe ba ba lesome ba utlwa se ba ne ba sa itumela tota ka ba rwarraabone ba babedi.²⁵Mme Jeso aba biletsa ko go ene are," Le a itse gore babusi ba ditshaba baa ba gatelela, mme banna ba bone ba ba botlhokwa ba diragatsa taolo mo go bone. ²⁶Mme ga goa tshwanela go nna ka tsela e mo go lona. Lefa go ntse jalo, ope fela mo go lona yoo eletsang go nna mogolo o tshwanetse go nna motlhanka. ²⁷Ope fela yo o batlang go nna wa ntlha mo go lona o tshwanetse go nna motlhanka. ²⁸Fela jaaka Morwa motho a sa tla go direlwa, mme go direla le go neela botshelo jwa gagwe ele kgololo mo go ba le bantsi."²⁹Jaaka ba ne ba tswa mo Jeriko matshwititshwiti a batho a ba sala morago. ³⁰Mme banna ba le babedi ba difofu ba bo ba dutse fa thoko ga tsela. Fa ba utlwa gore Jeso o feta , ba goeletsa. " Morena, Morwa Tafite re utlwele botlhoko". ³¹Matshwititshwiti a ba kgalemela, ba re ba didimale, mme ba lela thata ko godimo, ba re " Morena, Morwa Tafite re utlwele botlhoko."³²Mme Jeso a ema asa tshikinyege a ba bitsa are," Le rata ke le direle eng?" ³³Mme bare," Morena gore matlho a rona a bulege". ³⁴Mme Jeso, a tsamaya ka kutlwelo botlhoko, a kgoma matlho a bone. Ka ponyo ya leitlho ba amogela pono ya bone, ba mo sala morago.

21¹Jaaka Jeso ana le barutwa ba gagwe ba goroga ko Jerusalema atla kwa thabeng ya letlhware, Jeso a romela barutwa ba babedi, ²aba raya are ''Tsena mo motseng mongwe ,o tlaa bona tonki e golegilwe e na le tonkana .Di funulele odi tlise kwano. ³Fa mongwe a bua le wena ka seo, o tlaare, 'Morena oa di batla', mme motho yoo ka ponyo ya leitlho otla adi le neela''.⁴Jaana nako ya gore sese neng se builwe ke baporofiti se diragale. A ba raya are ⁵''Bolelela morweetsana wa sione, 'Bona, kgosi ya gago etla ko go wena, O ikobile o palame tonki le mo tonkaneng ngwana wa tonki.''⁶Mme barutwa ba tsamaya ba dira jaaka Jeso aba laetse. ⁷Ba tlisa tonki le tonkana ba beile dikojwana tsa bone mogo yone, mme Jeso a nna mo godimo ga dikojwana. ⁸Bontsi jwa batho bao ba phatlalatsa dikojwana tsa bone mo tseleng ,mme bangwe ba kgetla dikala badi baya mo tseleng.⁹Matshwititshwiti aa tsamaileng pele gaga Jeso le baba mo setseng morago, ba goa, bare ''Kgalaletso go Morwa Tafita! Go segofetse yoo tlang ka leina la Morena! A kgalaletso eye ko Modimong!" ¹⁰'Fa Jeso a sena gotla ko Jerusalema, Ditoropo tsotlhe tsa tshikhinyega ba re ,''Yo ke mang?" ¹¹ Bontsi jwa araba, ''Yo ke Jeso moporofeti go tswa Nasaretha mo Galalea."¹²Mme Jeso a tsena mo tempeleng, a koba botlhe baba rekang ba bo ba rekisang mo tempeleng, a diga ditafole le ditilo tsa botlhe baba rekisang maphoi. ¹³A ba raya are go kwadilwe, 'ntlo yame etlaa bidiwa ntlo ya thapelo, mme lee dira mongobo wa dirukhutlhi.'' ¹⁴Difofu le digole tsa tla ko go ene mo tempeleng mme aba fodisa.¹⁵Mme fa moperesita mogolo le bakwadi ba bona ditiro tse dikgolo tse a di dirileng," Mme fa ba utlwa bana ba goeletsa mo tempeleng bare, '' Kgalaletso a eye ko go morwa Tafita"bane ba emelela ka tshakgalo e kgolo. ¹⁶Ba mo raya bare,"a o utlwa se batho ba base buang. Jeso aba raya are "Ee! Mme ga o ise o bale, go tswa mo melomong ya bana le masea a anyang a o tsentse kgalalelo ee tshwanetseng?" ¹⁷Foo Jeso aba tlogela a tswa mo toropong aya Bethane go lala bosigo bole bongwe teng.¹⁸Jalo mo mosong fa a boela ko toropong, one a tshwerwe ke tlala . ¹⁹A bona setlhare sa mofeige mo tseleng, aya ko go sone aseka a fitlhela sepe fa ese matlhareng a sone. A se raya are, "A go se tlhole go nna leungo lepe mo go wena.'' Gone foo setlhare sa mofine sa omelela.²⁰Fa barutwa ba se bona, ba hakgamala bare,'' Ke Ka jang setlhare sa mofine se omeletse?'' ²¹Jeso aba araba, aba raya are, "Ka nnete keya le raya, fa ona le tumelo mme osa belaele, ga o kake wa dira fela sese neng se dirwa mo setlhareng sa mofeige, mme o ka raya thaba ware, 'Digelwa mo lewatleng' ,go tlaa dirwa jalo. ²²Se o se kopang ka thapelo, o dumela, o tlaa se amogela.''²³Fa Jeso a sena gotla mo tempeleng, moporisita mogolo le bagolwane ba batho batla ko go ene jaaka ane a ruta are," Le dira dilo tse ka taolo efe? Le gore ke mang yoo le neetseng taolo e?" ²⁴Jeso aba araba are, "Le nna ke tlaa le botsa potso ele nngwe, fa o mpolelela, ke tlaa le bolelela gore ke dira dilo tse ka taolo efe.²⁵Kolobetso yaga Johane ene e tswa kae? Kwa legodimong kana mo bathong?" Ba buisanya ka bo bone bare, 'Fa rere, e tswa kwa legodimong, o tlaa re raya are ke eng lene lesa modumele?'. ²⁶Mme fa rere mo, 'Bathong' re tshaba matshititshiti, ka gore baya go bona Johane jaaka moporofiti.'' ²⁷Mme ba araba Jeso bare, "Ga re itse.'' Mme aba raya are, "Ga ke kake kale bolelela gore ke dirisa taolo e ke dirang dilo tse ka yone.²⁸Mme o akanya eng ? Monna one ona le bana ba babedi ba basimane. Aya ko go wa ntlha are, 'Morwaaka ago bereka kwa tshimong ya mofine, ' ²⁹Morwa a araba are, 'Ga ke kake ka dira,' mme morago a fetola mogopolo a tsamaya. ³⁰Mme monna ya kwa ngwaneng wa bobedi a bua selo se se tshwanang. Morwa a araba are, 'Ke tlaa tsamaya rra,' mme a seka a tsamaya.³¹Ke ofe wa barwa ba babedi yoo dirileng thato ya ga rraagwe?" Bare, "Wa ntlha."Jeso a ba raya are, "Ka nnete kea le raya ba kgethisi ba lekgetho le diaka ba tlaa tsena mmuso wa Modimo pele ga lona. ³²Go nne Johane o tsile ko go lona ka tsela ya tshiamo, mme ga lea mo dumela, fa batsaya lekgetho le diaka ba dumetse mogo ene . Mme lona fa le bona se se diragala, gale ise le ikotlhae ko morago go dumela mo go ene.³³Reetsa setshwantsho se sengwe. Gone gona le monna mongwe, mong wa lefatshe. A lemile tshimo ya mofine, a e ageletse, a epa fa mofine o tshololelwang teng, a aga tora ya tebelo, a e firisetsa beng ba lefelo ba balemi, mme aya ko lefatsheng le lenngwe. ³⁴Fa nako ya thobo ya maungo e goroga, a romela batlhanka ko baleming ba mofine go tsaya maungo.³⁵Mme beng ba lefatshe balemi ba tsaya batlhanka, ba betsa yo mongwe, ba bolaya yo mongwe, ba ngata yo mongwe ka matlapa. ³⁶Gape mong wa lefelo a romela malata a mangwe, go feta bantlha, mme balemi ba mofine ba ba dira ka tsela e ba neng ba dira bantlha. ³⁷Morago ga moo, mong a romela morwae, are, 'Ba tlaa tlotla morwaake'³⁸Mme fa balemi ba mofine ba bona morwa, ba bua ka bo bone, 'Yo ke moja boswa.Tlaa, re mmolae re tsee boswa.' ³⁹Ba motsaya ba molatlhela kwa ntle ga tshimo ya mofine, ba mmolaya.⁴⁰Jalo fa mong wa tshimo a goroga, o tlaa dira eng ka balemi ba mofine?'' ⁴¹Ba moraya bare, "O tlaa senyaka banna ka tsela ee botlhako thata,mme otlaa firisetsa tshingwana go balemi bangwe ba mofine. Banna baba tlaa duelang meretlwa fa e oma.''⁴²Jeso aba raya are, ''Aga le nke le bala dikwalo, 'Lentswe lele gannweng ke baagi le dirilwe pinagare . Se sene setswa mo Moreneng le gore a go kgatlhisa matlho a rona'?⁴³Kele raya kere, bogosi jwa Modimo bo tlaa tsewa mo go lona bo neelwa tshaba ee ungwang maungo a yone. ⁴⁴Le fa ele mang yoo welang mo lentsweng o tlaa thubega a gasagasega, mme lefa ele mang yoo le mo welang o tlaa silega.''⁴⁵Fa ditlhogo tsa baperesiti le bafarasai ba utlwa kaga ditshwantsho tse, bane ba tlhaloganya gore o bua kaga bone. ⁴⁶Ba senka go mo tshwara, ba boifa bontsi jwa batho ka gore batho ba mo tsaya jaaka moporofeti.

22¹Jeso a bua le bone ka ditshwantsho, a re, ²''Bogosi jwa legodimo bo tshwana le kgosi nngwe e e neng e baakanyetsa mokete wa lenyalo la morwa wa gagwe. ³A romela batlhanka ba gagwe go bitsa balalediwa ba ba neng ba laleditswe mokete wa lenyalo,mme ba seka ba tla.⁴Kgosi ya ipoeletsa a roma batlhanka ba bangwe gape, a re,'bolelelang balalediwa, ''bonang, ke baakantse selalelo,ke bolaile dipholo tsame le marole a a nontshitsweng, tsotlhe di mo maemong. Tlaang moletlong wa lenyalo.''⁵Mme bao ba seka ba ba reetsa ka tlhwaafalo mongwe a ya tshimong ya gagwe ,yo mongwe a ya kgwebong ya gagwe. ⁶Ba ba setseng ba tshwara batlhanka ba Kgosi, ba ba tshwara mo go tlhabisang ditlhong, ba ba bolaya. ⁷Kgosi ya tlala ka bogale ,a romela masole a gagwe a ntwa, ba bolaya babolai bao,ba bo ba fisa toropo ya bone.⁸A raya batlhanka ba gagwe a re , 'nako ya moletlo e fitlhile , ba ba neng ba laleditswe ba ne ba se molemo. ⁹Jaanong yang ko marakanelong a ditsela,le laletse bontsi jo le ka bo bonang moletlo wa lenyalo' . ¹⁰Batlhanka ba tswa ba ya ko marakanelong a ditsela ,ba phutha ga mmogo batho botlhe ba ba ba bonang , ba ba bosula le ba ba molemo. Jaanong ntlo lehalahala ya lenyalo ya tlala ka balalediwa.¹¹Ya re Kgosi a tsena mo teng go bona balalediwa . A bona monna yo o neng a sa apara dilwana tsa lenyalo. ¹²Kgosi a mo raya a re 'tsala,o tlile jang mo o sa apara dilwana tsa lenyalo?'Monna a tlhoka mafoko.¹³Kgosi a raya batlhanka a re, ' funelang monna yo maoto le mabogo, le mo latlhele ko ntle ko lefifing,kwa go tlabong go na le selelo le khuranyo ya meno. ' ¹⁴Gonne ba le bantsi ba biditswe, mme ba ba botlana ba kgethilwe.¹⁵Bafarasai ba tswa ba ya go loga leano la gore ba ka tshwara Jeso jang ka mafoko a gagwe. ¹⁶Ba romela kwa go ene barutwana ba bone le balatedi ba ga Herote.Ba raya Jeso ba re'' Moruti, re a itse gore o boammaruri le gore o ruta tsela tsa Modimo mo boammaruring ,ga o kgathalele maikutlo a ba bangwe ebile ga o tsee matlhakore. ¹⁷Jaanong re bolelele,o akanya jang ,a go ka fa molaong go duela Kaisara lekgetho kgotsa nnya?''¹⁸Mme Jeso a tlhaloganya bosula ja bone a re,'' Ka go reng le nteka baitimokanyi ke lona. ? ¹⁹Mpontshang ledi la lekgetho'' ba mo neela madi a a lekaneng tuelo ya letsatsi.²⁰Jeso a ba raya a re '' ke maina le sefatlhego sa ga mang mo?'' ²¹Ba mo raya ba re,''Kaisara. '' Jeso a ba ra ya a re'' Jaanong neelang Kaisara se e leng sa gagwe le Modimo se e leng sa gagwe.'' ²²Fa ba utlwa se ba gamarega. Ba mo tlogela ba tsamaya.²³Ka lone letsatsi leo Basedukai bangwe ba ba reng ga go na tsona tsogo ya baswi,ba tla kwa go ene.Ba mmotsa ²⁴ba re'' Moruti, Moshe o rile fa monna a a swa a se na bana, morwa rragwe o tshwanetse go nyala mosadi wa gagwe a bo a tsholela morwa rragwe bana.²⁵Ga bo go le barwa rre ba le supa.Wa ntlha a nyala , a bo a tlhokafala.A sa tlogele bana bape , o tlogelela bomorwa rragwe mosadi. ²⁶Wa bobedi a dira fela jalo, le wa boraro, go fitlhelela go tsena kwa go wa bosupa. ²⁷Morago ga bone botlhe , mosadi a tlhokafala. ²⁸Jaanong ka tsogo e tlaabo e le mosadi wa ga mang mo barwa rreng ba ba supa ,ka ba mo nyetse botlhe.''²⁹Jeso a araba a ba raya a re, ''le latlhegile ka gore ga lo itse dikwalo le maatla a Modimo. ³⁰Mo tsogong ga gona ope yo o tla bong a nyala kgotsa a nyalwa.Boemong jwa seo, ba tla bo ba tshwana le baengele mo legodimong.³¹Mme mo go tsogeng ga baswi , a ga le a bala se se builweng ke Modimo ,a re . ³²'Ke Modimo wa ga Aborehame,Modimo wa ga Isake le Modimo wa ga Jakobe'? Modimo ga se Modimo wa baswi,ke wa batshidi'' ³³Fa matshwititshwiti a utlwa se, ba hakgamalela thuto ya gagwe.³⁴Fa bafarasai ba utlwa gore Jeso o didimaditse basedukai, ba iphutha ga mmogo. ³⁵Mongwe mo go bone yo e leng mmueledi,a mmotsa potso a mo leka. ³⁶''Moruti ke efe taelo e e kgolo mo molaong?''³⁷Jeso a mo raya a re' rata Modimo wa gago ka pelo yotlhe ya gago , ka mowa otlhe wa gago le ka tlhaloganyo ya gago yotlhe. ³⁸Ke yone taelo e kgolo ya ntlha.³⁹Taelo ya bobedi e tshwana le yone- ' rata moagisanyi wa gago jaaka o ithata' ⁴⁰Mo taolong tse pedi tse ,go ikaegile se se builweng mo molaong otlhe le baporofiti.''⁴¹Jaanong ya re bafarasai ba santse ba kgobokane Jeso a ba botsa potso. ⁴²Are ''Le akanyang ka Keresete , ke morwa mang?''Ba mo raya ba re ''Ke morwa Tafite''⁴³Jeso a ba raya a re, ''Ka goreng Tafite fa a le mo moweng a mmitsa Morena a re ⁴⁴'Morena o reile Morena wa me a re, ''nna ka fa letsogong la me le legolo ,go fitlhela ke dira baba ba gago bobeo jwa dinao tsa gago.''?⁴⁵Fa Tafite a biditse Keresete' Morena,'Go tla jang gore e nne morwa Tafite ?'' ⁴⁶Ope a seka a kgona go mo araba.Go simolola letsatsi leo ga seka ganna le ope yo o mmotsang dipotso.

23¹Jaanong Jeso a bua le barutwa ba gagwe ga mmogo le matshwititshwiti. ²Are " Bafarasai le bakwadi ba ntse mo boemong ba ga Moshe. ³Ka jalo seba sele laelang le se dire, dirang dilo tse ebile le etse tlhoko. Mme le seka la dira seba se dirang gonne ba bua see, mme ba a buwa mme ba dire se sele.⁴Ee, batsaya merwalo e bokete go ka rwalwa , ba e beye batho mageteng, mme bone bakaseke ba dire maiteko ape go ka leka go tsholetsa merwalo e. ⁵Ditiro tsa bone tsotlhe ba direla go bonwa ke batho. Ba kwala ka dithaka tse ditona mekwalo ya bodumedi ba e beye mo diphateng tsa bone, batswele le go godisa me mmeno ya diapaoro tsa bone gore batho ba bone ele ba itshephi ba bagolo.⁶Barata madulo a segosi ko medirong le ko senagogeng, ⁷go tsamaya ba dumedisiwa ka tsela e kgethegile ko marekisetsong gontse gotwe 'dumela moruti' ke batho.⁸Mme ga lea tshwannwa go ka bitswa 'baruti' gone lotlhe le barwarre. Ebile lenale moruti ale mongwe hela. ⁹Seitletleleleng go bitsa ope rara wa lona mo lefatsheng gone le nale rara ale mongwe ko legodimong. ¹⁰Ebile oseka wa bediwa moruti ka moruti wa gago o mongwe hela ke keresete.¹¹Mme yo e leng motlhaka mo go lona ke ene yotla nnang yoo mogolo. ¹²Ope hela yo e kgodisang otla nyenyefadiwa mme yo ikisang tlase ene otla golediwa.¹³Mme go hutsegile lona bafarasai le bakwadi, baitimokanyi ke lona! Le thibela batho go tsena mo pusong ya Modimo, goneng le retleletswe ke go tsena me ebile le ga le letle bao ba ba batlang go katsena go tsena. ¹⁴(Lehutshegile jang lona bafarasai ke lona le bakwadi, baitimokanyi ke lona goneng le utswela batlholagadi.) ¹⁵Lehutsegile jaang lona bafarasai le bakwadi, ba itimokanyi ke lona! Gonne le tsamaya motse le motsana le tlola mawatle go bona mowa ole mongwe. Fale le mmone le modire gona ngwana wa ga satane go menagane ga bedi gonale lona.¹⁶Lehutsegile jaang bakaidi kelona ba di fufu ha lere 'ga se sepe go ikana ka tempele, mme yo ikana ka gouta e mo tempeleng osantse a dira gatsa maitamo a gagwe. ¹⁷Dieleele kelona tsa difufu! Mo go golo keeng a! Ke gouta kana ke temple yone e e itshephisang gouta mo Modimo?¹⁸Labo lere 'Ga se sepe go ikana ka aletara. A ke mpho e mo aletareng e ka yone e dirang gore motho atlamege go dira maitlamo a gagwe'. ¹⁹Difofu ke lona! Keng mo go golo ake mpho kana aletara e dirang mpho go itshephisiwa mo Modimo?²⁰Ka jalo yo ikanang ka aletara o ikana ka yone le se se mogo yone. ²¹Le yo ikanang ka tempele o ikana ka yone le tsotlhe tse di nnang mo go yone. ²²Ke kamong yo ikanang ka legodimo o ikana ka torone ya Modimo le ka modimo yo aleng mogo yone.²³Lehutsegile jaang bafarasia ke lona bakwadi, gonne le ntsha ditsabosome tsa matlhare le dipeo tsa ditlhatshana tse di fang dijo tatso, mme le ikgatholositse tse di bothokwa tse di mo molaong jaaka- thokgamo, kutwelobotlhoko le tumelo. Mme tse le santse la di dira le sa lebale tse lentseng le di dira gole pele. ²⁴Bakaedi ke lona ba difofu le etse tlhoko go diragatsa melawana e senang boleng jo bogolo mme le tlhogela ya boleng jo bogolo.²⁵Lehutsegile jang bafarasai ke lona le bakwadi, batimokanyi ke lona, gonneng le phephafatsa bontle jwa sejana mme moteng le setlogele se le makgaphila, letletse bopelotshetlha jwa go ikgobokanyetsa le tsela ba bangwe. ²⁶Difofu ke lona tsa Bafarasie! tlhatswa boteng ba sejana pele gore senne phepha moteng le kwante.²⁷Lehutsegile jaang bafarasai ke lona le bakwadi, le ntse fela jaaka dipupu tse di ntle ka fa ntle mme mo boteng jwa tsone go bolokilwe marapo a baswi le tsotlhe tse di leswe. ²⁸Ka tsela e tshwanang le itshupa mo bathong le le batho ba ba itshekileng mme moteng le tletse boitimokanyi le boleo.²⁹Lehutsegile jaang lona bafarasai le bakwadi, baitimokanyi ke lona, le epa mabitla a baporofita le go rethefatsa mabitla a basiami. ³⁰Le bua jaana lere ' Fa reka bo re tshedile ka nako tsa borrarona nkabo re sa nna le go tsaa karolo mo go bolaeng baporofita. ³¹Le sa itse gore go bueng jalo le tswa basupi ba gore le barwa babolai.³²Le gotsitse bo ralona tota. ³³Dinoga ke lona, lona ba sika la bo noga, tota le ka tlolwa ke go tsena ka molelo wa bobipo jwang tota?³⁴Jaanong , bonang Fa ke le romeletse baporofiti, batlhalifi le bakwadi. Bangwe ba bone le a ba bolaya le go ba bapola mo mekgorong. Le ba bangwe la ba kgwathisa mo di senagogeng le go koba koba gotswa mo toropong enngwe goya ko go enngwe. ³⁵Se etla nna maduo gore madi otlhe a a tshologileng a baitshephi atla batliwa mo ditlhogong tsa lona, go simolola ka ga Abel wa moitshephi go fitlha ka a ga Sakaria morwa Barakia yo ane a bolawa fa gare ga tempele le aletara. ³⁶Ka boamaruri kea leraya, dilo tse tsotlhe ditla diragalela kokomane e.³⁷Jerusalema, Jerusalema wena yo o kgobotletsang le go bolaya borofita ba keba rometseng ko go wena! Fela ja ka koko e kgobokanya dikokwana, ke sale ke eleditse go go ikgobokanyetsa, mme wena o gane se! ³⁸Bona, ntlu ya gago esetse ele letlotla. ³⁹Ke go itsesi jaana gore ga o kitla o mpona go fitlhela o bua jana ore " Go sego ena yo atlang ka ntlha ya leina la Modimo"

24¹Jeso a tswa mo tempeleng a le mo tseleng ya gagwe. Barutwana ba gagwe ba tla ko go ene go mo supegetsa dikago tsa tempele. ²Mme aba araba are, "A gale bone dilo tse tshotlhe? Kele bolela ka boamaruri, "Gagona letlapa le le tlhatlaganeng le le lengwe le le ka sekeng le tlhatlaganyololwe."³Jalo fa a ntse mo thabeng ya motlhware, barutwana ba gagwe ba ne batla ko go ene mo bonosing ba mo raya bare," Re bolelele, gore dilo tse tsotlhe di tlaa diragala leng? Ke eng se se tlaa supang gotla ga gago kana bofelelo jwa dinako?" ⁴Jeso aba araba are,"Elang tlhoko gore ga gona yo o ka le lentshang motseleng. ⁵Ka bontsi bo tlaa tla ka leina lame. Bare, 'Ke nna keresete' le go latlha bale bantsi.⁶Ka gobane le tlaa utlwalla ka dintwa le dipego tsa dintwa.Le eleng tlhoko gore galetshwenngwe ke se, gonne tse di tshwanetse go direga,mme ese yone phelelo. ⁷Ka tshaba di tlaa tsologela tshaba tse dingwe, le magosi mo magosing a mangwe. Ka go tlaa nna le leuba le thoromo ya lefatshe mo mafelong a a farologanyeng. ⁸Mme tse tshotlhe e tlaa nna tshimologong ya kutlobotlhoko.⁹Ka jalo batlaa le isa mo di tlhokofatsong le go le bolayo. O tlaa ilwa ke ditshaba tsotlhe ka ntlha ya leina lame. ¹⁰Jalo bontsi bo tlaa kgotswa ba bangwe ba bo ba ba ila bangwe, le go eka babangwe. . ¹¹Baporofiti ba maaka ba tlaa tla, mme batla ntsha bontsi motseleng.¹²Ka gore maleo a tlaa ntsifala, le lerato la ba bantsi le tla rema. ¹³Mme yoo itshokang go fitlhelela pelelo, tlaa bona poloko. ¹⁴Mafoko a a molemo a bogosi a tlaa reriwa mo lefatsheng lotlhe le tse bopaki mo ditshabeng. Mme morago bokhutlo bo tla goroga.¹⁵Ka jalo, ha le bona makgapha a a leswafatsang, a a neng a buiwa ke moporofeta Daniele, a ntse mo lefelong le le boitshepo,(a mmadi a tlhaloganye se) ¹⁶ba ba ko jutia ba siele ko dithabeng. ¹⁷yo oko godimo ga ntlu aseka a fologa goya go tsaya sepe se semo ntlung, ¹⁸Le yo o ko tshimong a seka a boa go tsaya kojwana ya gagwe.¹⁹Mme go hutsegile jaang yo a nale ngwana yo monye le ba ba amusang ka malatsi ao! ²⁰Rapeleang gore ditlhabi tsa pelegi di seka tsatla ka dipaka tse. ²¹Ka go tlaa nna le ditlhokofatso tse ditona, tse di iseng di diragale go tswa tshimologong go fitlhelela jaanong, ebile di tlaa seke di diragale gape. ²²Fa nkabo malatsi a asa khutshwafadiwa, ga gona yo one aka bolokwa. Ka ntlha ya baitshephi, malatsi ao a tlaa khutsufadiwa.²³Jalo ha mongwe a go raya are, 'Bona, Keresete ke yo' kana, 'Keresete ke yole' o se dumalane le ene. ²⁴Ka Bokeresetse ba maaka le Baporofeta ba maaka ba tlaa tla e be ba supa dikgakgamatso le ditshupegetso tse dikgolo, go ka latlha batho, fa go ka kgonega, le ba bakgethilweng. ²⁵Bonang, ke le boleletse dilo tse nako esale teng.²⁶Ka jalo, fa ba go raya bare, 'Leba, omo sekakeng', o seka wa ya ko sekakeng.Kana 'Bona, o mo ntlwaneng tsedi ko teng',o seka wa dumela. ²⁷Jaaka legadima le phatsima gotswa botlhaba mme la rarela go ya bophirima, le morwa motho o tlaa tla fela jalo. ²⁸Ko phologolo e e suleng e leng teng, manong a tlaa phuthega gone koo.²⁹Mme etlare morago ga malatsi a phitlhagano Letsatsi le tlaa fifadiwa morago,ngwedi e tlaa seke e ntshe lesedi la yone, dinaledi di tlaa wa mo loaping, le dinonofo tsa magodimo di tlaa tshikinngwa.³⁰Gotlogeng foo ditshupo tsa morwa motho di tlaa supagala mo loaping. Merafe ya lefatshe e tlaa lela. Ba tlaa bona morwa motho a tla mo marung ka maatla le lekgalalelo e e kgola. ³¹E tlaare fa ditorompeta tsedi kgolo di galebetega o tlaa romela baengele ba gagwe, batla go phutlha bakgetlwa gotsweng khutlo tse nne tsa lefatshe, le go tsweng legodimong le lengwe go ya go le lengwe.³²Ithute ka setlhare sa mofeige. Fela fa thito ya sone e nna boleta e be e ntsha matlhare, ke sekao sa gore selemo se gaufi. ³³Ka jalo ruri, fa o bona dilo tse tsohle, o itse gore o atumetse dikgoro.Morwa motho o gaufi.³⁴Kele bolelela boamaruri, kokomane e e ga iketla e fetla go fitlhelea dilo tse di diragala. ³⁵Legodimo le lefatshe di tlaa feta, mme mafoko ame a tlaa seke a nyelele.³⁶ka letsatsi le, morwa motho, baengele kwa legodimo, le haele mang, ga gona ope yo itseng ha ese rara ale esi.³⁷Jaaka malatsi aga Noah ane a ntse, gotla nna fela jaalo ka malatsi a gotla ga morwa motho. ³⁸Fela jaaka malatsi a pele ga morwalela, bane baaja baanwa, ba nyala e be ba ineela mo lenyalong go fitlhelela Noah a tsena ka Areka, ³⁹Bane ba sa itse sepe go fitlhelela morwalela otla a bo o ba tsaya, mme le Morwa Motho o tlaatla jalo.⁴⁰Jalo banna ba babedi ba tlaa bo bale mo tshimong-a le mongwe o tlaa tsewa, yo mongwe o tlaa a tlogelwa. ⁴¹Basadi bale babedi ba tlaa bo ba thuga-ale mongwe o tlaa tsewa, ale mongwe a sala. ⁴²Ka jalo nna o le disitse, ka gale itse ka letsatsi le Jeso a tlaa tlang kalone.⁴³Mme le itseng se, fa monnga ntlu ane a itsile nako e legodu le yang go thuba ka yone o kabo ane a disitse gore go seka ga thubiwa. ⁴⁴Ka jalo le nne le ipaakatse, gonne Morwa Motho o tlaa tla ka oura e le sa e solofelang kayone.⁴⁵Ke mang motlhanka yo o botlhale ebile ale boineelo mo morena wa gagwe, abilweng a netswe bo ikarabelo ja go tlhokomela ntlu ya gagwe le go naya dijo kanako e siameng. ⁴⁶Gosegofetse motlhanka yo morena wa gagwe atla mo fitlhelnag a dira seo fa a atla. ⁴⁷Kele bolelela boamaruri gore morena atla motlhoma ele yo mogolo mogo tsotlhe tsea nna le tsone.⁴⁸Mme fa motlhanka yo o bosula a bua mo pelong ya gagwe, are ' Morena wame o diegile,' ⁴⁹a bo a simolola go betsa batlhanka ka ene, a ja aa nwa le go tagwa le matagwa. ⁵⁰Morena wa bone o tlaa tla ka letsatsi le motlhanka a sa le solofelang le ka oura e a sa e itseng. ⁵¹Morena wa gagwe o tlaa mo kgaoganya ga bedi abo a dire phelelo ya gagwe jaaka ya baitimokanyi, ko go tlaa nnang sello le khuranyo ya meno.

25¹Ka jalo bogosi ba legodimo botla tshwantshanngwa le makgarabe a a lesome a aneng a tsaya dipone a bone goya go kgatlhantsha monyadi. ²Bale batlhano ba bo bale botlhale fa bale batlhano abo ele dieleele. ³Goneng ba ba dieleele batsaya dipone tsa bone, ba seka ba itseela leokwane. ⁴Mme makgarejwana ba ba botlhale bone ba baya leokwane le ka mabeelo a lone.⁵Ka go diaga ga gotla ga monyadi,ba felela ba otsela mme ba robala. ⁶Mme bosigo gare lenaka la gabetlega lare, 'Bonang monyadi o gorogile! Tswang le mokgathantseng.'⁷Makgarebe otlhe a tsoga go tshuba dipone tsa one. ⁸Mme ba dieleele baraya ba ba botlhale bare, 'Re paranyetseng leokwane la lona dipone tsa rona dia tima'. ⁹Mme ba ba botlhale ba ba araba bare, 'Ka gore retsere leokwane le lelekaneng rona hela ga re ka ke ra kgona gole kgaogana le lona, tsamaya leye marekisetsong a leokwane mme le ye go ithekela'.¹⁰Yare ba santse ba ile go reka leokwane, monyadi a sala a goroga, ba baneng ba mo ipakanyeditse ba tsena ko go ene ko goneng go bakanyeditswe moletlo gone, lebati la lotlelwa. ¹¹Mme ene yare moragonyana ba bangwe makgarebe ba goroga ba bo bare ' Morena, morena re bulele. ¹²Mme a araba are 'Gake leitse ka boamaruri.' ¹³Kajalo dulang le disitse gone ga le itse letsatsi le hale houra.¹⁴Gone go tshwana le monna yo aneng a batla go etela lefatshe le lengwe. A tseye batlhanka ba gagwe a bafe taolo go dimo ga dikhumo tsa gagwe tsotlhe. ¹⁵Mogo yo mongwe a moneye ditalente tse tlhano, mongwe tse pedi, yare mo go yo mongwe a mofe talente ele ngwe fela. One a naya mongwe le mongwe goyeng ka bokgone ba gagwe, yare morago a emelela go tsaya leeto. ¹⁶Yare ka ponyo ya leitho yo a ne a neetswe talente tse tlhano a ya a beeletsa mo mebarakeng ka tsone a dira morokotso wa go bona tse dingwe tse thano.¹⁷Felajalo yo aneng a filwe tse pedi a dira jalo mme a nna le tse pedi ha go dimo ga tse ane a di netsweng. ¹⁸Mme yo ane a netswe e nngwe talente ene a tsamaya a epa mosima mme a hitlha madi a morena wa gagwe.¹⁹Ene yare morago ga lebaka, Morena a bowa gotswa leetong la gagwe, ka jalo abatla go itse ka se bane ba sedira ka madi a aba netse. ²⁰Motlhaka yo ane a neetswe tse tlhano atlisa se aneng a se netswe le tse dingwe tse tlhano fa godimo ga ditalente. Atla ko moreneng wa gagwe are 'Kitsisitse ditalente tse tlhano tseo di nnetseng mme ke dirile tse dingwe tse thano godimo ga tseo di nnetseng'. ²¹Morena wa gagwe amo fetola are 'A monthanka o boikanyego ebile ale tlhaga! O dirile tiro entle, o nneile boikanyego mo dilong tse di nyee ke tla go fa boikarabelo mogo tse di tona jaanong. Jaanong tsenela kwano otle go ikakola le morena wa gago.²²Montlhanka yo oneng a filwe tse pedi le ene a tla are 'Morena wame one o nnetse ditalente tse pedi bona ke dirile tse pedi godimo ga tse oneng o di nnetse. ²³Morena wa gagwe are 'A montlhaka o boikanyego ebile ale tlhaga! O dirile tiro e entle, o nnile boikanyego mo dilong tsedi nnye ketla go fa boikarabelo mo go tse di tona jaanong. Tsenela kwano otle go ikakola le morena wa gago.'²⁴Morago gatla motlhanka yo a nneng a neetswe talente e nngwefela, ene are 'Ke itse ole monna yo busang ka seroophate, ka ebile o roba fa o sa jwalang teng, le go roba fa osa gasang peo teng. ²⁵Ke ne ka tlelwa ke letshogo mme ka epa mosima ka fitlha talente. Jaanong ke e ke e busetsa kwa go wena mong wa yone.'²⁶Morena wa gagwe a mo fetola are' Motlhanka ke wena wa setshwakga ebile ale bosula, ka one o itse gore ke roba fa ke sa lemang le goroba fa ke sa gasang peo. ²⁷Keeng bogolo one osa a beye madi amme ko mabolokelong a madi ko gone kene ke tla fitlhela a direle morokotso mme ka tsaya a ntsifetse.²⁸Jalo a laola gore talente e e mo go ene etsewe e newe yo onang le tse di lesome. ²⁹Gone yo anang le sengwe, otla boa a newe mo go golo, mme yo senang ene otla bo wa a tseelwe le se se mo go ene. ³⁰Latlhelang montlhanka yo senang mosola ko lefifing le le ko ntle, ko go tletseng selelo le khuranyo ya meno.'³¹E tlaare motlhang morwa motho a gorogang mo kgalalelong ya gagwe, atla le bangele, otlaa nna mo toroneng ya gagwe ya kgalalelo. ³²Fa pele ga gagwe gotla phuthega ditshaba tsotlhe, ke gone otla itse go ba kgaoganya jaaka modisa a kgaoganya letsomane la gagwe, a isa dihutsane le dinku ka matlhakoring a a farologanye. ³³Ko mojeng otla isa dinku mme ko moleme otla isa dihutshahane.³⁴Ka jalo kgosi etla raya ba ba ka fa mojeng are 'Tlayang lona ba le segofaditsweng ke rara, letle le ruwe bogosi jwa modimo jolo bo baakanyeditsweng pele ga motheo wa lefatshe o nna teng. ³⁵Goneng ke ne ka tshwarwa ke tlala, mme la mpha dijo, kene ka nyorwa mme la mpha metsi, kene kele mojaki, mme la mpha felo la go latsa tlhogo; ³⁶Kene ke sa ikatega mme la mpha diaparo. Kene ke lwala mme wa nkoka, kene ke le legolegwa me wa tla go nthola.'³⁷Basiame batlaa botsa jaana bare 'Morena kele leng re go bona o tshwerwe ke tlala mme ra go fa dijo? Kana re bona o nyorilwe mme ra go fa metsi? ³⁸Keleng re bona o le mojaki mme ra go fa bodulo kana o sa ikatega mme ra go fa diaparo? ³⁹Keleng re bona o lwala kgotsa ole mo kgolegelong mme ratla go go tlhola. ⁴⁰Kajalo morena otla ba araba are 'Ke le bolelela boamaruri, 'sepe hela seo se direla bangwe ka lona, le se direla nna.'⁴¹Otlaa bowa areye ba ba ko molemeng are 'Tlogang gonna lona ba le hutsegileng, gone le ya ko molelong o tukang ka bosakuting o o saleng o bakanyeditswe satane le baengele ba gagwe, ⁴²gonne kene ke tshwerwe ke tlala mme la seka la mpha dijo; ka nyorwa mme la seka la mpha metsi; ka tla ke sa ikatega mme la seka la nkapesa, ⁴³Ka tla kele mojaki la seka la; mpha tulo yago baya tlhogo, ke lwala ebile kele mokgolegelong la seka la tla go ntlhola le faele go nkgomotsa.'⁴⁴Le bone batlaa araba bare, 'Morena, re bone leng o tshwerwe ke tlala, le o nyorilwe, kana osa ikatega kana o lwala kana ole mojaki kana o tshwerwe ketlala ra seka ra tla ko go wena go supa ha re kgathala?' ⁴⁵Otlaa ba araba are 'Se le sa se direlang bomorwarralona ga le a se direla nna. Bao bone batla ya kotlhaong ya bosakhutling.' ⁴⁶Basiame bone ba ye ko botshelong jo bo sa khutling."

26¹Ga tla nako eo ya gore e re Jeso a feditse go bua mafoko a, a raya barutwana ba gagwe a re, ²''Le a itse gore moletlo wa tlolagano o etla morago ga malatsi a mabedi, morwa motho o tla bo a neelwa gore a bapolwe."³Baperesite ba bagolo le bagolwane ba phuthega kwa ntlong ya segosi ya moperesiti yo mogolo, yoo neng a bidiwa Kaifas. ⁴Ba dumalana ga mmogo go isa Jeso mo kgolegelong ka bokukuntshwane ba bo ba mmolaya. ⁵Ba bua ba re ''E seng ka nako ya moletlo, gore go seka ga nna le tlhakatlhakano mo gare ga batho.''⁶Jaanong ya re Jeso a le mo Bethani mo ntlong ya ga Simone wa moleperwa, ⁷ya re a ntse mo tafoleng,mosadi a tla kwa go ene ka sejana sa setlolo se se tlhwatlhwa kgolo, a se mo tshela mo tlhogong. ⁸Mme ya re barutwa ba gagwe ba bona se,ba tlala bogale ba re, "Ka goreng o senya mo go kanakana? ⁹se se se ka bo se rekisitswe ka madi a mantsi ga bo ga abelwa batlhoki."¹⁰Mme Jeso, ka go itse se, a ba raya a re, ''Go reng le tshwenya mosadi yo? O ntiretse tiro e ntle thata. ¹¹Le nna le na le batlhoki nako tsotlhe, mme ga le na go nna le nna nako tsotlhe.¹²Gonne fa a tshela setlolo se mo mmeleng wame , o ne a direla seo phitlho ya me. ¹³Ke le bolelela boammaruri ka re, gongwe le gongwe kwa mafoko a molemo a tla rutwang teng mo lefatsheng lotlhe,se mosadi yo a se dirileng se tla buiwa go mo gakologelwa."¹⁴Mongwe wa ba balesome le bobedi, yo o neng a bidiwa Jutase Sekariota, a ya ko go moperesiti yo mogolo ¹⁵a re ''Le e eletsa go mpha eng fa ke le mo neela?'' Ba mo kalela dipapetlana tsa selefera di le masome a mararo. ¹⁶Go tswa mo nakong eo, a senka tshono e a ka mo isang ko go bone ka yone.¹⁷Jaanong mo letsatsing la ntlha la borotho jo bo sa bidisiwang, barutwa ba tla kwa go ene ba re, ''O batla re go baakanyetse kae dijo tsa Tlolagano?'' ¹⁸A re "Tsamayang le ye ko monneng mongwe mo toropong , le mo reye le re 'Moruti a re "Nako ya me e setse e gorogile. Ke tla diragatsa tlolagano le barutwana ba me mo ntlong ya gago''''' ¹⁹Barutwana ba dira jaaka Jeso a ba laetse, ba baakanyetsa dijo tsa tlolagano.²⁰Ka nako ya maitseboa, a nna fatshe le barutwana ba gagwe ba ja. ²¹Ya re bantse ba ja, a re, ''Ka boammaruri ke le raya ke re mongwe mo go lona o tla intatola.'' ²²Ba utlwa bothoko thata, mongwe le mongwe a mmotsa a re ''Ka boammaruri ga se nna, Morena?''²³A araba, "Ene yoo tsenyang lebogo le nna mo sejaneng ke ene yoo tla intatolang. ²⁴Morwa Motho o tla tsamaya jaaka go kwadilwe ka ga gagwe. Go hutsegile yo o itatotseng Morwa Motho! Go ka bo go nnile botoka fa motho yoo a ka bo a sa tsalwa.'' ²⁵Jutase yo o tlo go mo itatolang a re, "A ke nna, Moruti?'' A mo raya a re ''Go boletse wena jalo."²⁶Ya re bantse ba ja Jeso a tsaa borotho, a bo segofatsa, a bo ngathoganya. A bo neela barutwa a re, ''Tsaya, ja. Mo ke mmele wa me."²⁷A tsaya kopi a isa malebogo, a bo a ba neela a re, ''Nwayang lotlhe. ²⁸Gonne mo ke madi a me a kgolagano, a tshololetsweng ba le bantsi gore ba itshwarelwe maleo. ²⁹Mme ke le raya ke re, ga ke kitla ke e nwa gape leungo la mofine, go fitlha letsatsi leo le ke tla bong ke e nwa e ntsha le lona mo bogosing jwa ga Ntate.''³⁰Ya re ba sena go opela sefela, ba tswela ko thabeng ya letlhware. ³¹Jeso a ba raya a re, "Bosigong jono lotlhe le tla phatlalala ka lebaka la me, jaaka go kwadilwe ga twe, 'Ke tla betsa modisa mme dinku di tla phatlalala.' ³²Mme fa ke sena go tsoswa, ke tla ya pele ga lona ko Galalea.''³³Mme Petere a mo raya a re, "Le fa botlhe ba ka phatlalala ka lebaka la gago, ga ke kitla ke go tlogela. '' ³⁴Jeso a mo raya a re ''Ke go raya ke re ka boammaruri, bosigo jono pele ga mokoko o lela, o tla abo o intatotse gararo.'' ³⁵Petere a mo raya a re, "Le fa ke ka swa le wena, ga ke kitla ke go itatola." Le barutwana ba bangwe botlhe ba bua jalo.³⁶Jeso a ya le bone kwa lefelong le le bidiwang Gethesemane, a raya barutwa a re, ''Nnang fa ke ya fale ke ya go rapela.'' ³⁷A tsaya Petere le barwa Sebedia ba babedi a simolola go utlwa botlhoko thata le go tshwenyega. ³⁸A ba raya a re, ''Mowa wa me o tlhokofetse thata mo nkare ke ka swa. Salang fa le letele le nna.''³⁹A ya fa pelenyana,a wa ka sefatlhego, a rapela. Are, "Ntate, fa e le go rata ga gago, a senwelo se semphete e seng ka go rata ga me, e leng go rata ga gago." ⁴⁰A tla kwa barutwaneng a fitlhela ba robetse, a raya Petere a re,'' A le ne le ka se letele le nna oura? ⁴¹Disang le rapele gore le seka la tsena mo thaelong. Mowa o na le keletso, mme nama e bokowa.''⁴²A ya la bobedi, a rapela, a re, ''Ntate, fa se, seka seka sa mpheta kontleng ga ke senwa, a thato ya gago e dirwe.'' ⁴³A tla gape a fitlhela ba robetse, go nne ba ne ba otsela. ⁴⁴A ba tlogela gape a tsamaya. A rapela la boraro a boelela mafoko .⁴⁵Jeso a tla ko barutwaneg a ba raya a re, "A le santse le robetse le itapolositse, bonang, oura e setse e fitlhile, Morwa motho wa itatolwa mo diatleng tsa baleofi. ⁴⁶Tsogang, a re yeng. Yo o intatolang o gaufi."⁴⁷Fa a santse a bua, Jutase, mongwe wa ba ba lesome le bobedi, a tla. A tla le matshwititshwiti a batho go tswa ko Moperesiting o mogolo le bagolwane ba batho. Ba tla ka digai le melamu. ⁴⁸Jaanong monna yoo neng a tlile go itatola Jeso a ba fa letshwao a re, "Yo ke mo atlang, ke ene. Mo tshwareng."⁴⁹Ka bonako a tla kwa go Jeso a re, "Dumela, Moruti!" A mo atla. ⁵⁰Jeso a mo raya a re, "Tsala, dira se o tlileng go se dira. "Ba tla, ba goga Jeso, ba bo ba mo tshwara.⁵¹Bonang, mongwe yo o nang le Jeso, a otlolola letsogo la gagwe, a tsaya tshaka ya gagwe, a itaya mongwe wa batlhanka ba moperesiti yo o mogolo, a mo kgaola tsebe. ⁵²Jeso a mo raya a re, ''Baya tshaka ya gago, gonne botlhe ba ba tsayang tshaka go bolaya ba tla nyelediwa ka tshaka. ⁵³A le akanya gore ga nkake ka bitsa Ntate, mme o tla nthomelela mephato ya sesole sa baengele e fetang lesome le bobedi? ⁵⁴Mme dikwalo di tlaabo di fitlheletswe jang, fa se se sa diragala?''⁵⁵Ka nako eo jeso a raya matshwitishwiti a re ''Le tla ka melamu le ditshaka le tla go ntshwara jaaka legodu? Ke ne ke le ko kerekeng letsatsi le letsatsi ke ruta , la seka la nkisa kgolegelong. ⁵⁶Mme dilo tse tsotlhe di diragetse gore mekwalo ya baporofiti e diragadiwe.'' Barutwana botlhe ba mo tlogela ba sia.⁵⁷Ba ba neng ba tshwere Jeso ba mo tsaya ba mo isa ko go Kaifase moperesiti yo mogolo , ko bakwadi le bogolwane ba batho ba phuthaganetseng teng. ⁵⁸Petere a mo sala morago a le sekgalanyana go ya kgotla tshekelong ya moperesiti yo mogolo.A tsena mo teng a nna fa fatshe le badisa dikago go letela maduo.⁵⁹Jaanong moperesiti yo o mogolo le lekgotla lotlhe,ba senka bopaki jo eseng boammaruri kgatlhanong le Jeso gore ba tle ba mmolae. ⁶⁰Ba bo tlhoka, le fa bapaki ba ba sa bueng boammaruri ba ne ba tla ka bontsi. Mme morago ga lebaka, ga tla batho ba ba bedi ko pele ⁶¹ba re, ''Monna yo o rile 'Ke ka senya tempele ya Modimo a bo ke e aga gape mo malatsing a mararo.'''⁶²Moperesiti yo mogolo a ema a mo raya a re, ''A ga o na karabo, ke eng sone se ba se pakang kgatlhanong le wena?''' ⁶³Mme Jeso a didimala. moperesiti yo mogolo a mo raa a re, ''Ke a go laela ka Modimo yo o tshelang, re bolelele gore a o Keresete, Morwa Modimo.'' ⁶⁴Jeso a mo fetola a re, ''Go buile wena jalo, go simolola gompieno o tla bona morwa motho a ntse kwa letsogong le legolo la maatla, mme a tla a le mo marung a legodimo.''⁶⁵Moperesiti mogolo a ikgagola diaparo a re ''O buile ditlhapa! Ka goreng re tlhoka bopaki? Bonang, jaanong le utlwile ditlhapa. ⁶⁶Le akanyang? Ba araba ba re, ''O tshwanetswe ke leso ''⁶⁷Ba mo kgwela mathe mo sefatlhegong, ba mmetsa, ba mmetsa ka diatla tsa bone, ⁶⁸ba re, ''Re porofite, Keresete ke wena, o biditswe ke mang?"⁶⁹Jaanong, Petere a bo a ntse ko ntle ko lekgotleng, motlhanka wa lekgarejwana a tla kwa go ene a re, ''O ne o na le Jeso wa Galalea.'' ⁷⁰A itatola mo pele ga bone botlhe, a re, ''Ga ke itse gore o bua ka ga eng.''⁷¹Fa a tswela ko ntle ko kgorong, motlhanka wa lekgarejwana o mongwe a mmona, raya ba ba neng ba le foo a re, Monna yo le ene o ne a na le Jeso wa Nasaretha.'' ⁷²A itatola gape a ikana, ''Ga ke itse monna yo. ''⁷³Morago ga lebakanyana ba ba neng ba eme gautshwane batla ko go Petere ba re, ''Ka boammaruri o mongwe wa bone, ka puo ya gago e a go supa.'' ⁷⁴A simolola go hutsa le go ikana, ''Ga ke mo itse,'' Ka bofefo mophoko wa lela. ⁷⁵Petere a gakologelwa mafoko a Jeso a a buileng a re, ''Pele mokoko o lela o tlaabo o intatotse ga raro.'' Atswela ko ntle a lela mo go botlhoko.

27¹Jaanong fa moso o tsena, botlhe baperesiti ba bagolo le bagolwane ba batho ba tla kgatlhanong le Jeso ba batla go mmolaya. ²Ba mmofa, ba mo eteletsa pele ba mo tlisa fa pele ga ga Pilato molaodi.³Mme fa Jutas, yoo mo itatotseng a lemoga gore Jeso o bonwe molato wa go bolawa a ikotlhaya abo a busetsa dipapetlana tsa selefera tse di masome mararo ko go moperesita mogolo le bagolwane, ⁴mme are "Ke leofile ka go itatola madi aa itshepileng". Mme bare "Seo ke eng mo go rona? Iponele." ⁵Mme a gasagasa dipapetlana tsa selefera mo tempeleng, a tsamaya. Mme a ya go ikaletsa.⁶Moperesiti mogolo a tsaya dipapetlana tsa selefera are "Ga go kafa molaong gore re ka baya se mo mabolokelong gonne ke tlhwatlhwa ya madi a motho." ⁷Ba buisana ka kgang e gammogo mme ka madi ba reka tshimo ya ga Potifa go fitlha batho ba eseng ba lefelo leo. ⁸Ka lebaka le tshimo ene ya bidiwa, "Tshimo ya madi" go fitlha letsatsi le.⁹Jaaong se se neng sa buiwa ke moporofita Jeremia se ne sa diragala, are "Ba tsaya dipapetlana tse di masome a mararo tsa selefera, tlhwatlhwa ee beilweng mo go ene ke batho ba Iseraele, ¹⁰mme ba e neela mo tshimong ya ga Potifa, jaaka Morena a ntaoletse."¹¹Jaanong Jeso a ema fa pele ga molaodi, molaodi a mmotsa are, "A o kgosi ya bajuta?" Jeso a mo araba are, "Wena wa rialo" ¹²Mme faane a patelelwa ke baperesiti ba bagolo le bagolwane, gaa bua sepe. ¹³Mme Pilato a mo raya are, "A ga waa utlwa melato yotlhe e batho ba e go pegang?" ¹⁴Mme gaa araba le fa ele ka lefoko le le ngwefela, mme molaodi one a hakgametse fela thata.¹⁵Jaanong ko moletlong e ne ele mokgwa wa molaodi go neela legolegwa le le tlhophilweng ke bontsi jwa batho. ¹⁶Ka nako eo ba ne ba nale legolegwa le le sa utlweng a bidiwa Barabase.¹⁷Jaanong erile ba phuthegile mmogo, Pilato a ba raya are, "Le batla ke le gololele mang? Barabase, kana Jeso yo o bidiwang Keresete?" ¹⁸Ka gore o itse gore bane ba mo tlisa ka ntlha ya go mo fufegela. ¹⁹Faa santse a ntse mo setilong sa katlholo, mosadi wa gagwe a romela molaetsa ko go ene are," A go se nne le sepe se ose dirang mo monneng yo o senang molato yo. Ka gore ke sokotse thata gompieno mo torong ka lebaka la gagwe."²⁰Jaanong baperesiti bagolo le bagolwane, ba gwetlha bontsi jwa batho go batla go gololelwa Barabase, mme Jeso a bolawe. ²¹Moalodi aba botsa gore, "Ke ofe mo bobeding yo le batlang ke le mo gololela?" Ba re "Barabase". ²²Pilato aba raya are "Ke dire eng ka Jeso yo o bidiwang Keresete?" Ba araba botlhe bare "Aa bapolwe".²³A bo are "Ka goreng, Ke molato ofe yo a o dirileng?" Mme ba goeletsa ko godimo thata bare "Mmapole" ²⁴Jaanong fa Pilato a bona gore gaa kake a dira sepe, mme jaanong tlhakatlhakano e simolola, a tsaya metsi a tlhapa diatla mo pele ga bontsi jwa batho, mme are "Ga ke molato mo mading a monna yo o senang molato. Iponeleng"²⁵Batho botlhe bare "A madi a gagwe a nne mo go rona le bana ba rona." ²⁶Mme aba gololela Barabase, mme a betsaJeso mme a ba mo neela gore ba mmapole.²⁷Mme masole a puso ba tsaya Jeso ba ya le ene ko ba nnang teng ba kgobokanya masole otlhe. ²⁸Ba mmetsa mme ba baya mogala o mohibidu mo go ene. ²⁹Ba dira serwalo sa mitlwa ba se baya mo tlhogong ya gagwe. Mme ba baya thobane mo letsong la gagwe le legolo.. Ba khubama fa pele gagwe ba mo kgoba, ba re "Tshela le baka, Kgosi ya bajuta".³⁰Mme ba mo kgwela mathe, ba tsaya thobane ba mmetsa mo tlhogong. ³¹Fa ba sena go mo kgobotletsa, ba mo apola kojwana mme ba mo apesa dilwana tsa gagwe, ba mo tsaya ba ya go mmapola.³²Jaaka ba tswela ko ntle ba bona mmona yo o tswang Serene yo o bidiwang Simon, yo ba mo pateleditseng go tsamaya le bone gore a tsee sefapaano sa gagwe. ³³Ba tla ko lefelong le le bidiwang Gologota, le le rayang "Lefelo la legata." ³⁴Ba mo neela mofine go nwa o tlhakantswe le santlhokwe. Mme faa utlwa tatso, a seka a nwa.³⁵Fa ba sena go mmapola ba kgaogana diaparo tsa gagwe ka go tshela bola. ³⁶Mme ba nna ba mo lebelela. ³⁷Mme fa godimo ga tlhogo ya gagwe ba baya mokwalo oo reng "Yo ke Jeso, kgosi ya bajuta."³⁸Dinokwane tse pedi di ne di bapotswe le ene, yo mongwe ka fa mojeng , yo mongwe ka fa molemeng. ³⁹Ba ba neng ba feta ba ne ba mo tlhapatsa, ba tshikhinya ditlhogo tsa bone ⁴⁰bare " Wena yo o neng o tsile go senya tempele obo oe aga mo malatsing a le mararo, ipoloke. Fa ole morwa Modimo, fologa mo sefapaanong!"⁴¹Ka tsela ee ntseng jalo baperesita bagolo ba ne ba mo kgoba, fela jalo le bakwadi le bagolwane, mme bare, ⁴²"O bolokile ba bangwe, mme gaa kgone go ipoloka. Ke kgosi ya Iseraele. Aa ipholose mo sefapaanong, mme re tlaa dumela mo go ene.⁴³O tshepa mo Modimong. A Modimo a mo golole gone jaana faa batla, ka gonne o rile 'Ke Morwa Modimo.'" ⁴⁴Mme dinokwane tse di neng di bapotswe nae le tsone tsa bua fela jalo go mo tlhapatsa.⁴⁵Jaanong gotsweng mo oureng ya borataro lefifi la apesa lebopo lotlhe go fitlhela oura ya boferabongwe. ⁴⁶nakwana pele ga oura ya boferabongwe, Jeso a lela ka lentswe le le ko godimo are "Eli, Eli lama sabakatane?" Se se rayang gore, "Modimo wame, Modimo wame, o ntlogeletseng?" ⁴⁷Fa bangwe ba ba neng ba le foo ba utlwa, ba re "O bitsa Elija."⁴⁸Ka ponyo ya leitlho mongwe wa bone a taboga a ya go tsaya sejana, mme a tshela botsarara mo go sone, a tsenya thobane ya letlhaka mo teng, a mo neela gore a nwe. ⁴⁹Ba bangwe ba re, "Mo tlogele. Are bone gore a Elija o tlaatla go mo golola." ⁵⁰Mme Jeso a lela gape ka lentswe le legolo mme a neela mowa.⁵¹Bonang sesiro tempele sa kgaogana gabedi, go tswa ko godimo go ya ko tlase. Lefatshe la tshikhinyega, mafika a phatlakana. ⁵²Mabitla a bulega, mme mebele yotlhe ya baitshepi ba bantsi ba ba neng ba robetse ya tsosiwa. ⁵³Ba tswa botlheng mo mabitleng morago ga tsogo ya gagwe. A tsena mo motsing oo boitshepo mme a bonatshega mo go ba bantsi.⁵⁴Mme jaanong fa molebeledi wa masole le ba ba neng ba lebile Jeso ba bona thoromo ya lefatshe le tsotlhe tse di diragetseng ba tshoga fela thata mme bare "Ka nnete yo ene ele morwa modimo." ⁵⁵Basadi ba le bantsi ba ba neng ba setse Jeso morago go tswa Galalea go mo tlhokomela ba ne ba le foo ba lebile ba le kgakajana. ⁵⁶Mo gare ga bone ga bo go le Marea Magatalena, marea mmago Jakoba le Josefe le mmago barwa Sebetia.⁵⁷Fa go setse gole maitseboa, Ga tla monna wa mohumi go tswa Arematia yoo bidiwang Josefa, yo le ene eleng morutwa wa ga Jeso. ⁵⁸A latela Pilato go mmotsa ka mmele wa ga Jeso. Mme Pilato a laola gore ao neelwe.⁵⁹Josefe a tsaya mmele mme ao phutha ka letsela le le phepa ⁶⁰mme ao tsenya mo lebitleng le lesha lea neng ale epile mo lentsweng. Mme a kgarameletsa lentswe le letona fa kgorong ya lebitla mme a tsamaya. ⁶¹Marea Magatalena le Marea ba ne ba le foo, ba dutse go lebagana le lebitla.⁶²Ka letsatsi le le latelang, le eleng letsatsi morago ga paakanyo, baperesiti bagolo le bafarasai bane ba kgobokanye ga mmogo le Pilato. ⁶³Ba re, "Rra re gakologelwa gore fa motsiestsi o ane a tshela, o ne are, 'Ka letsatsi la boraro ke tlaa tsoga gape". ⁶⁴Jaanong ntsha taolo ya gore lebitla le katiwe malatsi ale mararo. Eseng jalo barutwa ba gagwe ba laa mo utswa mme ba tlaa raya batho bare, 'O tsogile mo baswing ka gangwe' Mme tsietso ya bofelo e tlaa nna maswe thata go gaisa ya ntlha."⁶⁵Pilato a ba raya are" Bayang batlhokomedi. Tsamayang le ye go tlhokomela jaaka le ka kgona." ⁶⁶Mme ba tsamaya ba ya go disa lebitla. Ba thiba ka matlapa le go baya batlhokomedi.

28¹Ene yare tsatsi la sabata le tloga le phirima, yare ka makuku a matona goya letsatsing lantlha la beke, Marea Magatalena ana le Marea yo mongwe batla go bona lebitla. ²Bonang, ga nna le thoromo ya lefatshe e kgolo, gonne moengele wa Morena o ole go tswa ko legodimong, atla a pitikolola lentswe, mme a nna mo go lone.³Go bonala ga gagwe gone go tshwana le legadima, le diaparo tsa gagwe dile ditshweu jaaka kapoko. ⁴Badisa ba roroma ba boifa ba nna jaaka banna baba suleng.⁵Moengele a buisa basadi aba raya are, ''Le seka la boifa, go nne kea itse gore le batla Jeso, yoo bapotsweng. ⁶Ga ayo fa, mme o tlhatlogile jaaka a buile.Tlaa o bone lefelo le Morena a robetseng teng. ⁷Tsamaya ka bonako o e go bolelela barutwa gore, 'O tsogile mo go baba suleng, bonang ole etse pele ko Galalea. Le tlaa mmona gone koo.' Bonang, kele boleletse.''⁸Mosadi a tswa fa pupung ka letshogo le boitumelo jo bogolo, a tabogela goya go bolelela barutwa. ⁹Bonang Jeso a kopana le bone are, ''Dumelang Lotlhe'' Mosadi a tla, amo tshwara maoto a mo obamela. ¹⁰Mme Jeso a aba raya are, "Se boifeng, Tsamaya oye go raya barutwa ba tswe ko Galalea. Ba tlaa mpona gone koo.''¹¹Fa basadi ba tsamaya, bonang, bangwe ba batlhokomedi baya toropong ba bolelela moporesita o mogolo dilo tsotlhe tse di diragetseng. ¹²Fa baperesita ba sena go kopana le bagolwane go buisana le bone ka se sediragetseng, ba abetse masole madi a mantsi ¹³ba ba raya bare, ''Rayang ba bangwe, 'Barutwa baga Jeso ba tlile bosigo ba utswa mmele wa gagwe re robetse.'¹⁴Fa pego e, e fitlhelela mo mmosing, re tlaa mogwetlha gore a tlosa matshwenyego otlhe a lona. '' ¹⁵Masole ba tsaya madi ba dira jaaka ba latswe . Pego e ya anama le Bajuta botlhe ga tswelela le gompieno.¹⁶Mme barutwa baba lesome le motso baya Galalea, kwa thabeng e Jeso a ba laetseng ko go yone. ¹⁷Fa ba mmona, ba mo obamela, mme bangwe ba belaela.¹⁸Jeso one atla ko go bone a bua le bone are, '' Ke neetswe taolo yotlhe mo legodimong le mo lefatsheng. ¹⁹Tsamayang lee go dira barutwa mo ditshabeng tsotlhe. Ba kolobetse mo leineng la Rara, Morwa le Moya oo boitshepo.²⁰Ba ruteng go obamela dilo tsotlhe tse ke di le laetseng. Bona kena le lona goya bokhutlong jwa lefatshe.''

Mareko

1¹Mo ke tshimologo ya mafoko a a molemo a ga Jeso Keresete, Morwa Modimo. ²Jaaka go kwadilwe mo bukeng ya moporofiti Isaia, "Bonang, Ke romela morongwa wame ko go lona, ene yo o tlaa baakanyang tsela ya lona. ³Lentswe la mongwe le a goeletsa gotswa mo sekakeng, '';Baakanyang tsela ya Morena; le tlhamalatse ditsela tsa gagwe."'⁴Johane o ne a tla a kolobetsa mo sekakeng, le go rera kolobetso ya boikotlhao le boitshwarelo jwa dibe . ⁵Lefatshe lotlhe la Jutia le batho botlhe ba Jerusalema bane batla ko go ene. One a ba kolobetsa mo nokeng ya Jorotane, ba ipolela dibe. ⁶Johane one a apere kobo ya boboa jwa kamela le moitlamo wa kgole mo nokeng, dijo tsa gagwe e ne ele tsie le tswine ya dinotshi.⁷O ne a rera a re, "Ko morago game go tla yo mogolo go na le nna, yo ke sa lekanang go khubama ke bofolola kgole ya setlhako sa gagwe. ⁸Ke kolobetsa ka metsi fela, Ene otla le kolobetsa ka Moya o Boitshepho."⁹Gone ga diragala ka malatsi ao gore Jeso a tswe ko Nasaretha mo Galalea, mme a kolobediwa ke Johane mo nokeng ya Jorotane. ¹⁰Fa Jeso a tswa mo metsing, a bona magodimo a bulega mme Moya o Boitshepo wa fologela mo go ene o le mo popegong ya lephoi. ¹¹Mme lentswe la tswa ko magodimong, "O Morwaake yo ke mo ratang. Ke itumela thata mo go wena."¹²Gape Moya wa mo gogela ko sekakeng. ¹³O ne a nna ko sekakeng malatsi a le masome a mane, a raelwa ke Satane. One a na le diphologolo tsa naga, baengele ba mo direla.¹⁴Jaanong ya re morago ga go tshwarwa ga ga Johane, Jeso a tla mo Galalea a rera mafoko a a molemo a Morena, ¹⁵are "Nako e tsile, le bogosi jwa Modimo bo atametse. Ikwatlhaeng le be le dumele mo mafokong a a molemo."¹⁶Ya re a feta fa lewatleng la Galalea, a bona Simone Petere le Anterea morwaraagwe ba latlhela letloa mo lewatleng, ka ene e le batshwari ba ditlhapi. ¹⁷Jeso a ba raya a re," ntshalang morago, ke tla lo dira batshwari ba batho." ¹⁸Gone foo ba tlogela matloa a bone ba mo sala morago.¹⁹Jeso a tsamaya sekgelenyana,mme a bona Jakobe morwa Sebete le Johane morwarragwe; ba ne ba le mo mokorong ba baakanya matloa. ²⁰O ne a ba bitsa,ba tlogela rrabone Sebete mo mokorong le batlhanka ba ba hirilweng, mme ba mosala morago.²¹tla mo Kaperenaume ka Sabata, Jeso a ya ko sinagogeng go ruta. ²²Ba ne ba gakgamaditswe ke thuto ya gagwe, ka a ne a ruta jaaka motho yo o nang le taolo e seng jaaka bakwadi.²³Gone foo go ne go le monna mo sinagogeng yo o neng a nale moya o o bosula, mme a goa mo gogolo ²⁴a re, "Re direng ka wena, Jeso wa Nazaretha? A o tsile go re senyaka? Ke a go itse. O yo o Boitshepo wa Modimo!" ²⁵Jeso a kgalemela letimona mme a re, "Didimala mme o tswe mo go ene!" ²⁶Moya o o bosula wa mo latlhela fa fatshe, wa goeletsa ka lentswe le legolo jaaka o tswa .²⁷Batho botlhe ba ne ba gakgametse,ka jalo ba botsana dipotso, "Se ke eng? A ke thuto e ntsha ebile e na le taolo? Ebile fa a kgalema mewa e e bosula e a mo utlwa!" ²⁸Dikgang ka ene tsa phatlalala ka bofefo mo mafelong otlhe a kgaolo ya Galalea.²⁹Morago ga go tswa ka sinagoga,ba tsena mo teng ga ntlo ya ga Simone le Anterea, ba na le Jakobe le Johane. ³⁰Jaanong mogwagwadia Simone o ne a robetse mo phateng mme a na le letshoroma, ba bolelela Jeso ka ene. ³¹O ne a tla, a tsaya letsogo la gagwe, a mo emeletsa, a fola mme a ba fa dijo.³²Maitseboa ao morago ga phirimo ya letsatsi, ba tsisa botlhe ba ba neng ba lwala le ba ba neng ba na le matimona. ³³Toropo yotlhe e ne ya kgobokana fa kgorong. ³⁴A fodisa bontsi jo bo neng bo lwala malwetsi a a farologaneng a koba le matimona, mme a seke a letlelele matimona go bua ka a ne a mo itse.³⁵A kubuga go sa le makuku , go santse go le lefitshwana, a tsamaya mme a ya ko lefelong le le bofitlha a rapela. ³⁶Simone le bao ba ba neng ba nale ene ba mo senka. ³⁷Ya re ba mmona ba mo raya ba re, "Batho botlhe ba go batla."³⁸A re, "A re yeng golo gongwe, ko ditoropong tse di gaufi go re ke tle ke rere teng le gone. Ke lone lebaka la go re ke bo ke tsile kwano." ³⁹A tsamaya Galalea otlhe, a ruta mo di sinagogeng a koba le matimona.⁴⁰Molepero a tla ko go ene. A mo kopa; A khubama a mo raya a re."Fa o eletsa, ntira montle." ⁴¹A nna mautlwelobotlhoko mo go ene, Jeso a otlolola letsogo a mo ama, a mo raya a re, "Ke a eletsa, ntlafadiwa ." ⁴²Ka ponyo ya leitlho lepero la fola , mme a ntlafala.⁴³Jeso a mo tlhagisa a mo lesa a tsamaya. ⁴⁴A mo raya a re, "O seka wa raya ope sepe, mme tsamaya, itshupegetse moperesiti, o ntshe tshupelo e Moshe a laetseng go re e ntshiwe ke motho yo o fodisetsweng lepero jaaka bopaki mo go bone go re o bone pholo."⁴⁵Mme a tsamaya a simolola go bolelela mongwe le mongwe a gasa lefoko thata mo go neng ga dira gore Jeso a seka a tsena ka toropo epe a phuthulogile. Jalo o ne a nna mo mafelong a a bofitlha, batho batla ko go ene gotsweng khutlo tse nne tsa lefatshe.

2¹Ya re a boela ko Kaperenaume, morago ga malatsi a se kae, ga utlwala fa a setse a le mo gae. ²Bontsi jwa phuthegela gone, mo go neng go sena phatlha le fa mojakong tota,mme Jeso a bua le bone lefoko.³Banna bangwe ba le bane ba tsisa monna wa segole, ko go ene. ⁴Ya re ba sa kgone go atumela kwa go ene ka lebaka la bontsi, ba tlosa marulelo a ntlo fa a neng a le teng. Fa ba sena go bula phatlha mo marulelong, ba folosetsa bolao jo monna wa segole a robetseng mo go jone kwa tlase.⁵Go boneng tumelo ya bone, Jeso a bua jaana a re, "morwa maleo a gago a itshwaretswe." ⁶Mme bangwe ba bakwadi ba ba neng ba ntse foo ba ngongorega mo dipelong ba re, ⁷"Keng monna yo a bua jaana? O roga Modimo! Ke mang yo o ka itshwarelang maleo fa e se Modimo fela?''⁸Jeso mo moyeng wa gagwe a itse ka bonako se ba se akantseng mo dipelong tsa bone. A ba raya a re, "Ke eng le akanya jaana mo dipelong tsa lona? ⁹Se se motlhofo go se raya monna wa segole ke eng,''Dibe tsa gago di itshwaretswe'' kana ''ema o tseye bolao jwa gago o tsamaye''?¹⁰Mme gore le tle le itse gore morwa motho o filwe taolo ya go itshwarela dibe mo lefatsheng", a raya segole a re, ¹¹"Jalo ke go raya ke re, tsoga, o tseye bolao jwa gago o ye kwa ntlong ya gago." ¹²Jalo ka bonako a tsoga mme a tsaya bolao jwa gagwe, a tswa mo ntlong mo ponong ya mongwe le mongwe, mme botlhe ba tlala ka kgakgamalo, ba isa kgalaletso kwa Modimong, ba re, "Ga re ise re ko re bone se."¹³One a tswela ko ntle gape, a ya fa thoko ga lewatle, matshwititshwiti a tla kwa go ene, jalo a ba ruta. ¹⁴E rile a feta a bona Lefi morwa Alefiase a ntse fa tenteng ya bakgethisi a mo raya a re, "Ntshala morago." A ema a mo sala morago.¹⁵Ya re Jeso a a ja kwa ntlong ya ga Lefi, bontsi jwa bakgethisi le baleofi ba ja le Jeso le barutwa ba gagwe, mme bontsi ba mo sala morago. ¹⁶Ene ya re bakwadi ba e neng e le Bafarasai ba bona se, go re Jeso o ja le baleofi le bakgethisi, ba botsa barutwa ba gagwe ba re, "Ke eng Jeso a ja le bakgethisi ga mmogo le baleofi?"¹⁷Fa Jeso a utlwa se, a ba raya a re, "Ba ba lwalang ke bone ba tlhokang ngaka, mme ba ba itekanetseng ga ba tlhoke ngaka. Ga ke a tlela basiami ke tletse baleofi."¹⁸Bafarasai le barutwana ba ga Johane bane ba itimile dijo. Batho bangwe batla kwa go ene ba re, "Barutwana ba ga Johane le barutwana ba Bafarasai ba itima dijo, mme ke eng barutwana ba gago bone ba sa itime dijo?'' ¹⁹Jeso a ba araba a re, "A baetsana ba monyadi ba ka itima dijo ba santse ba na le ene? Fa ba santse ba na le ene ga ba kake ba itima dijo.²⁰Mme nako e etla e monyadi a tla tlosiwang fa go bone, ka malatsi ao, ke gone batla itimang dijo. ²¹Ga gona motho yo o ka bayang sebata sa letsela le lesha, mo seaparong se segologolo, eseng jalo sebata se se mo seaparong se tla kgagoga,se sesha se tswa mo go se segologolo , mme go kgagoga go tla nna mo go golo.²²Ga gona ope yo o ka tsayang mofine o mosha a o tsenya mo matlalong a magologolo, e seng jalo mofine o tla thuba matlalo mme gotlhe mofine le matlalo di mo latlhegele.Boemong ja moo, o ka tsenya mofine o mosha mo matlalong a masha."²³Ka letsatsi la Sabata Jeso a raletse masimo, barutwa ba gagwe ba simolola go tsaya diako tsa mabele ba di ja. ²⁴Bafarasai ba tla kwa go ene ba re, "Bona, ke eng ba dira selo se se sa letlelesegeng ka letsatsi la Sabata?"²⁵A ba raya a re, "Ga le a bala go re Tafite o ne a dira eng le banna ba a neng a na le le bone fa bane ba tshwerwe ke tlala - ²⁶jaaka a ne a tsena mo ntlong ya Modimo ka nako e moperesiti mogolo e neng e le Abiathara, a ja borotho jo bo itshepisitsweng, jo boneng bo sa letlelelwe go jewa ke ope fa e se baperesiti fela, a ba a fa ba a neng a na le bone?"²⁷Jeso a re, "Sabata e diretswe batho, eseng batho Sabata. ²⁸Ka jalo, MorwaMotho ke Morena wa Sabata tota."

3¹Mme gape a tsena mo sinagogeng mme ga bo go na le monna a na le letsogo le le omeletseng. ²Batho bangwe ba mo leba thata go bona gore a o tlaa mo fodisa ka letsatsi la Sabata, gore ba tle ba mmone molato.³Jeso a raya monna yo o omeletseng letsogo a re, "Tsoga mme o eme fa gare ga botlhe''. ⁴Mme a raya batho a re," A go ka fa molaong go dira molemo ka Sabata kana go tlhokofatsa, go boloka botshelo, kana go bolaya? Mme ba ne ba didimetse.⁵A ba lebelela ka tshakgalo, a utlwisiwa botlhoko ke go thatafala ga dipelo tsa bone, mme a raya monna a re, "Otlolola letsogo la gago." A le otlolola mme letsogo la gagwe la buselediwa. ⁶Bafarasai ba tswela kwa ntle mme ka bonako ba loga leano le ba lekoko la ga Herote kgatlhanong le ene gore ba mmolae.⁷Mme Jeso, le barutwa ba gagwe, ba ya kwa lewatleng, mme bontsi jo bogolo jwa batho ba ba sala morago go tswa mo Galalea le go tswa mo Jutia ⁸le go tswa mo Jerusalema, Itumia le go feta Jorotane le go dikolologa Tera le Sitona. Bontsi jwa batho fa ba utlwa dilo tse a di dirang, ba tla kwa go ene.⁹A kopa barutwa ba gagwe go mmakanyetsa mokoro o monnye ka ntata ya bontsi jwa batho, gore ba seka ba mo gata. ¹⁰Gonne o fodisitse ba le bantsi, gore ope fela yo o nang le ditlhokofatso a mo atamele go re a mo ame.¹¹Gope fela fa mewa e e bosula e neng e mmona teng, e ne e khubama fa pele ga gagwe e lela, mme e re, "O Morwa Modimo" ¹²A ba laola gore ba seka ba bolelela ope.¹³A palama ko godimo ga thaba, mme a bitsa ba a neng a ba batla, mme ba tla ko go ene. ¹⁴A tlhoma ba ba lesome le bobedi (ba a ba biditseng ba aposetolo), gore ba tle ba nne le ene le gore a ba rome go rera, ¹⁵le go nna le taolo go koba matimone. ¹⁶Mme a tlhoma ba ba lesome le bobedi : Simon, yo a mmiditseng Petere,¹⁷Jakoba morwa Sebete, Johane morwarragwe Jakobe, yo a mmiditseng Boagenase, ke gore barwa legadima, ¹⁸le Anterea, Filipo, Batholemeo, Mathaio, Tomase, Jakobe morwa Alefaeso, Thataeso, Simone Moselota, ¹⁹le Jutase Sekariota, yo a tlaa mo itatolang.²⁰Mme a boela lapeng,bontsi jwa batho ba kgobokana gape, mo ba neng ba se ka ba kgona go ja borotho. ²¹Fa ba lelwapa la gagwe ba utlwa ka se, ba tsamaya goya go mo tsaya, gonne ba ne ba re, "O latlhegetswe ke tlhaloganyo." ²²Bakwadi ba ba neng ba tswa Jerusalema ba re, "O dirisiwa ke Belezabule,"ke gore,"O kobela matimone ntle ka kgosi ya matimone."²³Jeso a ba biletsa ko go ene mme a bua le bone ka ditshwantsho, "Satane o ka koba satane jang? ²⁴Fa puso e kgaogana ka bo yone, puso eo ga e ka ke ya kgona go ema. ²⁵Fa ntlo e kgaogana ka bo yone, ntlo eo ga e ka ke ya kgona go ema.²⁶Fa satane a itsogologela ka bo ene mme a kgaogana, ga a ka ke a kgona go ema , mme o tsile ko bokhutlong. ²⁷Mme ga go na ope yo o ka tsenang mo ntlong ya monna yo o nonofileng a bo a utswa dithoto tsa gagwe fa a sa mo golega pele, mme ke gone a ka tsayang dithoto.²⁸Ka nnete ke le raya ke re, maleo otlhe a barwabatho a tla itshwarelwa, le ditlhapa tsotlhe tse ba di buang ka Modimo, ²⁹mme ope fela yo o tlhapatsang Moya o o Boitshepo ga a kitla a itshwarelwa,mme o molato wa boleo jo bo sa feleng." ³⁰Jeso a bua se ka gore ba ne ba re, "O na le moya o o bosula."³¹Jaanong mmaagwe le barwarragwe ba tla ba nna ko ntle. Ba romela ko go ene mongwe gore a mmitse a tle nae. ³²Mme bontsi jo bo mo dikaganyeditseng ba mo raya ba re, "Mmago le barwarrago ba ko ntle, baa go batla."³³A ba araba a re, "Mme le barwarre ke bo mang?" ³⁴A leba ba ba mo dikaganyeditseng a re, "Bonang, barwarre le mme ke ba! ³⁵Gonne ope fela yo o dirang go rata ga ga Rara, motho yoo ke kgaitsadi, morwarre le mme."

4¹Gape one a simolola go ruta fa lewatleng.Bontsi jwa batho jwa kgobokana fa go ene, a tsena mo mokorong mo lewatleng, a nna fa fatshe.Bontsi jwa batho ba ne ba le fa letshitshing la lewatle. ²A ba ruta dilo di le dintsi ka ditshwantsho,mme a bua le bone mo thutong a re,³''Reetsang, molemi o ne a tswa a ya go jwala peo. ⁴Ya re a jwala, peo nngwe ya wela mo tseleng, mme dinonyane tsa tla tsa e ja. ⁵Peo nngwe ya wela mo lekgwarapaneng, fa go neng go se na mmu o montsi.Ka ponyo ya leitlho ya tlhoga, ka go re e ne e sena mmu o montsi.⁶Mo tlhabong ya letsatsi, ya swaba, ka e ne e sena medi, ya omelela. ⁷Peo e nngwe ya wela mo ditlharing tse di mitlwa. Ditlhare tse di mitlwa tsa gola tsa di hupetsa, mme tsa seka tsa ungwa.⁸Peo e nngwe ya wela mo mmung o o siameng ya ntsha maungo ya ntsifala, e nngwe ya ntsha masome a mararo, e nngwe masome a marataro, e nngwe lekgolo.'' ⁹Mme a re, ''Lefa ele mang yo o nang le ditsebe tsa go utlwa, a a utlwe!''¹⁰Fa Jeso a le nosi, ba ba neng ba le gaufi le ene le ba ba lesome le bobedi ba mmotsa ka di ditshwantsho. ¹¹A ba raya are, ''Le neetswe masaitseweng a bogosi jwa Modimo. Mme mo go ba ba kwa ntle sengwe le sengwe se mo ditshwantshong, ¹²gore fa ba leba, ''Ee ba lebe, mme ba seka ba bona sepe, gore fa ba utlwa, ee ba utlwe, mme ba seka ba tlhaloganya sepe. E seng jalo ba ka fetoga mme Modimo wa ba itshwarela''¹³A ba raya a re, '' A ga le tlhaloganye setshwantsho se? Jaanong le tlaa tlhaloganya ditshwantsho tse dingwe jang? ¹⁴Molemi yo o jwalang peo ya gagwe ke yo o jwalang lefoko. ¹⁵Bangwe ke peo e welang fa thoko ga tsela, fa lefoko le jwalwang teng. Mme fa ba le utlwa, ka ponyo ya leitlho satane a tsaya lefoko le le jwadilweng mo go bone.¹⁶Bangwe ke e e jwadilweng mo lekgarapaneng, fa ba utlwa lefoko, gone foo ba le amogela ka boitumelo. ¹⁷Mme ga ba na modi ,ba itshoka ka lebakanyana fela. Mme fa ditlhokofatso kana dipogisego di tla ka ntlha ya lefoko ka bofefo ba kgopiwe.¹⁸Ba bangwe ke e e jwadilweng mo mitlweng. Ba utlwa lefoko, ¹⁹mme matshwenyego a lefatshe, tsietso ya dikhumo, dikeletso tsa dilo tse dingwe, di tsene di hupetse lefoko, le tlhoke go ntsha maungo. ²⁰Gape gona le ba ba leng e e jwadilweng mo mmung o o siameng. Ba utlwa lefoko, ba le amogele ba ntshe maungo:bangwe masome a mararo,ba bangwe masome a marataro, ba bangwe lekgolo.''²¹Jeso a ba raya a re, ''A le tsisa lebone mo ntlong le bo le le baya kafa tlase ga tlatlana, kana ka fa tlase ga bolao? Le le tsisa mo ntlong, le bo le le baya fa setlhomong sa lebone. ²²Ka gore ga go sepe se se fitlhegileng se se tlaa sekeng se itsewe,ga go sepe se se fitlhegileng se se ka se keng sa tswela kwa ntle. ²³Yo o nang le ditsebe a a utlwe!''²⁴A ba raya a re, ''Reetsang ka kelotlhoko se le se utlwang, gonne ka selekanyo se le lekanyang ka sone, le tla a lekanyediwa ka sone, le bo le okelediwa ka sone. ²⁵Gonne yo o nang le sengwe, o tlaa okelediwa, mme yo o senang,o tlaa tseelwa le se a nang le sone.''²⁶Mme a re, ''Gonne Bogosi jwa Modimo bo tshwantshiwa le monna yo o jwalang peo ya gagwe mo mmung. ²⁷O robala bosigo mme a tsoge phakela, peo e kukunye mme e gole, le fa a sa itse go re jang. ²⁸Lefatshe le ungwa ka bo lone: pele go tswe letlhare,seako,mme morago go tswe mabele a a buduleng mo seakong . ²⁹Fa seako se omile ka bofefo o isa thipa, ka nako ya thobo e a bo e gorogile.''³⁰A re, "Re ka tshwantshanya bogosi jwa legodimo le eng, kana re ka dirisa setshwantsho sefe go tlhalosa? ³¹Go tshwana le thapo ya mositara e lemilweng, e e leng nnye mo go tsotlhe mo lefatsheng. ³²Mme fa e lengwa e gola e nna kgolo go feta dijwalo tse dingwe tsotlhe mo tshimong, e dire dikala tse ditona gore dinonyane tsa loapi di dire dintlhaga mo meriting ya tsone.''³³Ka ditshwantsho tse dintsi tse di tshwanang le tse a bua lefoko le bone,go ya ka fa bane ba kgona go tlhaloganya ka teng, ³⁴gope fa a ne a bua le bone teng o ne a dirisa setshwantsho.Mme e ne e re a le nosi a tlhalosetse barutwa ba gagwe sengwe le sengwe.³⁵Ya re letsatsi leo go le maitseboa ,'' a ba raya a re, "A re kgabaganyetseng kwa moseja.'' ³⁶Ba tlogela bontsi ba batho,ba tsamaya le Jeso ka a ne a setse a le mo mokorong. Mekoro e mengwe e ne e na le bone. ³⁷Matsubutsubu a simologa, makhubu a metsi a tsena mo mokorong mme wa tsamaela go tlala ka metsi.³⁸Jeso Keresete o ne a le ko morago mo mokorong, a robetse mo mosamong. Ba mo tsosa, ba re, ''Moruti a ga o kgathale go re re tloga re swa?" ³⁹A tsoga a kgalemela matsubutsubu a raya lewatle a re, "Ema, o kgaotse.'' matsubutsubu a didimala, ga nna thitibalo e kgolo.⁴⁰A ba raya a re, ''Ke eng le boifa? A le ntse ga le na tumelo?'' ⁴¹Ba ne ba tshogile fela thata ba raana ba re, "Ke mang yo, gonne le tsone diphefo le lewatle di a mo utlwa?''

5¹Ba tla ntlheng e nngwe ya lewatle, ko kgaolong ya Gerasenese. ²Mme ka bofefo ya re Jeso a tswa mo mokorong,monna yo o neng a na le mewa e e bosula a tla kwa go ene a tswa mabitleng.³Monna o ne a nna mo mabitleng. Ope o ne a sa kgone go tshwarwa gotlhelele,le fa e le ka keetane. ⁴O ne a kile bofiwa gantsi ka ditshipi mo maotong le ka dikeetane.O ne a kgaola dikeetane ka bogare le ditshipi tsa kgaogana. Go ne go sena ope yo o nang le thata ya go mo tshwara.⁵Bosigo bongwe le bongwe le motshegare mo mabitleng le mo dithabeng, o ne a lela a bo a itshega ka matlapa a bogale. ⁶Fa a bona Jeso a le sekgalanyana, a mo tabogela a khubama fa pele ga gagwe.⁷A lela ka lentswe le le kwa godimo, "Ke direng ka wena, Jeso, Morwa Modimo Yo o ko Godimo? ke a go kopa ka Modimo ka sebele ,o seka wa ntlhokofatsa." ⁸Ka gore o ne a mo raya a re, "tswaya mo monneng,wena moya o o bosula."⁹A mmotsa a re, "Leina la gago ke mang?"A mo araba a re, "Leina la me ke mephato,ka go re re bantsi." ¹⁰A mo kopa gangwe le gape go re a se ka a ba koba mo kgaolong.¹¹Jaanong ga bo go le serapa sa dikolobe di fula mo thabeng, ¹²ba mo kopa,ba re, "re romele mo dikolobeng, go re re tsene mo go tsone." ¹³A ba letlelela; mewa e e bosula ya tswa ya tsena mo dikolobeng, tsa tabogela ko tlase ga thaba tsa itatlhela mo lewatleng,mme dikolobe tse di ka nnang dikete tse pedi tsa nwela mo lewatleng.¹⁴Ba ba neng ba disitse dikolobe ba sia ba ya go bolela kwa toropong le ntlheng e nngwe ya lefatshe.Jaanong batho ba ba ntsi ba tswela ko ntle ba tla go bona se se diragetseng. ¹⁵Ba tla kwa go Jeso, ba bona monna yo o neng a na le matimone- mephato ya mewa e e bosula-a ntse fa fatshe, a apere, ebile a itekanetse tlhaloganyo, ba tshoga.¹⁶Ba ba boneng se se diragaletseng monna yo o neng a na le matimone ba ba bolelela go re go diragetse eng ka ene le ka dikolobe. ¹⁷Ba simolola go mo kopa go re a tswe mo kgaolong ya bone.¹⁸Ya re a tsena mo mokorong,monna yo o neng a na le matimone a mo kopa gore a tsamae le ene. ¹⁹A seka a letlelela seo, a mo raya a re, "Ya ko ntlong ya gago le batho ba gago, o ba bolelele se Modimo a se go diretseng le mautlwelo botlhoko a a go a fileng." ²⁰A tswa a tsamaya a ya go bolela dilo tse di kgolo tse Jeso a di mo diretseng mo Tikapolise, mme mongwe le mongwe o ne a gakgametse.²¹Ya re Jeso a tloletse ka ko ntlheng e nngwe gape ka mokoro,bontsi jwa batho ba phuthega ba mo dikaganyetsa,a ntse fa thoko ga lewatle. ²²Mongwe wa baeteledipele ba sinagoge, yo o bidiwang, Jairase, a tla, ya re a mmona a wela fa dinaong tsa gagwe. ²³A kopa gangwe le gape, a re, "Morwadiake o gaufi le go swa, ke a go kopa, tlaa o mmee diatla gore a fole a tshele." ²⁴A tsamaya le ene, mme bontsi jwa batho ba mo sala morago ba mo atametse thata ba mo pitlagantse.²⁵Jaanong ga bo go le mosadi yo o saleng a tshologa madi dingwaga di le lesome le bobedi. ²⁶O ne a boga thata mo tlhokomelong ya dingaka ka bontsi , a dirisa gotlhe mo a nang le gone,boemong jwa go thusega seemo sa senyegela ko pele. ²⁷O ne a utlwile dipego ka ga Jeso. A tla fa morago ga gagwe fa a tsamaya fa gare ga bontsi jwa batho, a ama diaparo tsa gagwe.²⁸Ka o ne a re, "Fa ke ka kgoma diaparo tsa gagwe fela, ke tla fola." ²⁹Fa a mo kgoma,go tshologa madi ga ema, a ikutlela mo mmeleng go re o fodile mo tlhokofatsong ya gagwe.³⁰Ka bonako Jeso a itemogela go re nonofo e dule mo go ene.A leba mo bontsing jwa batho a botsa, "Ke mang yo o kgomileng diaparo tsa me?" ³¹Barutwana ba gagwe ba mo raya ba re ," O bona botsi jwa batho bo bo go kgobokanetseng,ba go kgoma, o bo o re, 'Ke mang yo o nkgomileng?'" ³²Mme Jeso a leba go senka yo o dirileng jalo.³³Mosadi ka go itse se se mo diragaletseng,a tshoga a bo a roroma. A tla a wela fa fatshe mo pele ga gagwe a mmolelela boammaruri jotlhe. ³⁴A mo raya a re "Morwadiaka tumelo ya gago e go fodisitse. Tsamaya ka kagiso o bo o fodisiwe mo bolwetsing jwa gago."³⁵Ya re a santse a bua, batho bangwe ba tswa kwa go moeteledipele wa sinagoge, ba re, " Morwadio o tlhokafetse.Ka go reng o tshwenya moruti go sena mosola?"³⁶Mme ya re Jeso a ba utlwa, a raya mogolwane wa sinagoge a re," Se tshoge . Dumela fela." ³⁷A seka a letlelela ope go tsamaya le ene, fa e se Petere, Jakobe le Johane, morwa rragwe Jakobe. ³⁸Ba goroga ko ntlong ya moeteledipele wa sinagoge ba fitlhela tlhakatlhakano go le modumo o mogolo wa selelo.³⁹Fa a tsena mo ntlong, a ba raya a re, "Le hutsafaletseng eng e bile le lelela eng? Ngwana ga a tlhokafala o robetse." ⁴⁰Ba mo tshega.Mme a ba ntshetsa botlhe kwa ntle,a tsaya rragwe le mmagwe ngwana, le bao ba a neng a na le bone, ba ya mo ngwana a neng a le teng.⁴¹A tsaya letsogo la ngwana a re ,"Talitha kumi," ke gore, "Mosetsanyana, ke go ra ya ke re,tsoga." ⁴²Ka bofefo ngwana a ema a tsamaya (ka o ne a na le dingwaga tse di lesome le bobedi). Ba ne ba gakgametse thata. ⁴³A ba laela a gagamaditse molao gore ope a seka a bua se se diragetseng. A ba laela gore ba mo neele sengwe sa go jewa.

6¹O ne a tswa gone koo a ya ko motsesetoropo wa ga bone, barutwana ba gagwe ba mo sala morago. ²Fa letsatsi la Sabata le gorogile, a ya go ruta ko sinanogeng. Bontsi ba ba neng ba mo utlwa ba sala ba gakgametse. Bare, "Dithuto tse o di tsere kae?" "Ke botlhale jwa mofuta ofe jo a bo neetsweng?" "Ke dikgakgamatso tsa kae tse a di dirang ka matsogo a gagwe?" ³"Aa monna yo ga se mmetli, morwa Marea,ebile e le mogolowe Jakobe le Josese, Jutase le Simone? Bo kgaitsadie ga bana le rona fa?" Jeso a ba kgopisa ka se.⁴Jeso a ba raya a re, "Moporofiti ga a na tlotlo, ko felong le a tsaletsweng ko go lone mo masikeng le ba lwapa la gagwe." ⁵O ne a ka seke a dira dikgakgamatso dipe, ko ntle ga go rapelela le go fodisa balwetse ba tsena mo seatleng. ⁶Go tlhoka tumelo ga bone ga mo gakgamatsa. A tsamaya mo metseng e e gaufi a ruta gone.⁷A bitsa ba ba lesome le bobedi a ba roma, bobedi ka bobedi, a ba fa taolo godimo ga mewa e e bosula, ⁸A ba fa ditaelo tsa gore ba seka ba tsaya sepe mo mosepeleng,fa e se thobane fela; le e seng borotho, le fa ele kgetsi , le fa ele madi mo dipateng tsa meitlamo ya bone, ⁹le rwale ditlhako(mpeetshane), mme le seka la tsaya diaparo tse dingwe go na le tse le di apereng.¹⁰A ba raya a re, "Fa le fiwa boroko mo le lwapeng, le nne gone foo go fitlhela le tswa ka motse oo. ¹¹Fa toropo e sa le amogele kana ba sa lo reetse, le tsweng mo felong leo,tlhotlhorang lerole mo dinaong tsa lona e le bopaki mo go bone."¹²Ba tsamaya ba ya go rerela batho go re ba ikotlhaele maleo a bone. ¹³Ba koba matimona, le go tlotsa ba ba neng ba lwala ka leokwane ba ba fodisa.¹⁴Kgosi Herote a utlwa se,leina la ga Jeso la bo le setse le tumile. Bangwe ba re,"Ke Johane wa mokolobetsi o tsositswe mo baswing mme ka lebaka le,dinonofo tsa go dira dikgakgamatso di dira mo go ene." ¹⁵Bangwe ba re,"Ke ene Elija." Le ba bangwe ba re, "Ke moporofiti, jaaka mongwe wa baporofiti ba bogologolo."¹⁶Mme fa Herote a utlwa se a re, "Johane yo ke mo kgaotseng tlhogo, o tsositswe!" ¹⁷Ka go re Herote o ntshitse thomo ya go re Johane a tlhatlhelwe a bewe mo kgolegelong ka ntateng ya se a se buileng ka Herotiase (yo eleng mosadi wa ga morarragwe Filipo), le ka gore one a mo nyetse.¹⁸Ka Johane o ne a reile Herote, "Gago kafa molaong gore o ka nyala mosadi wa morwarrago." ¹⁹Mme Herotias one a motshwere sekgopi mme a batla go mmolaya, mme ga seka ga kgonega, ²⁰ka Herote o ne a tshaba Johane; o ne a itse gore ke monna wa moitshepi ebile a itshekile, a mo baya mo polokelong e e siameng. Go moreetsa gone go mo kgopisa le go feta, le fa a ne amofa tsebe ka boitumelo.²¹Mme ga tla sebaka se Herote o neng a ipelela letsatsi la gagwe la matsalo mme a direla badiredi ba gagwe,balaodi ba sesole, le baeteledipele ba Galalea moletlo. ²²Morwadie Herotias a tsena mme a ba binela,mme a itumedisa Herote le balalediwa ba gagwe. Kgosi a raya morweetsana a re, " Mpolelela se ose batlang mme ke tlaa se go neela."²³A mo ikanela a re, "Tsotlhe tse o di batlang, ke tlaa di go neela, go ya ko sephatlong sa bogosi jwame." ²⁴O ne a ya ko go mmagwe a mo raya a re, "Ke kope eng?" A mo fetola a re, "Tlhogo ya ga Johane wa mokolobetsi." ²⁵Gone foo a tsena ka mahega ko go kgosi a kopa, a re, "Ke batla o nneele gone jaanong, mo sejaneng,tlhogo ya ga Johane wa mokolobetsi."²⁶Kgosi a utlwa botlhoko, mme ka maitlamo a gagwe le balalediwa o ne a ka seke a gane kopo eo. ²⁷Jalo kgosi a laola lesole go tswa mo badiseng go re a ye go tla ka tlhogo ya ga Johane. Motlhokomedi o ne a mo tsaya a mo kgaola tlhogo mo kgolegelong. ²⁸A tsisa tlhogo ya ga Johane mo sejaneng a e neela morweetsana, mme morweetsana a e fetisetsa ko go mmagwe. ²⁹Mo go utlweng se ga barutwana ba gagwe, ba ne batla ba tsaya mmele wa gagwe ba o fitlha.³⁰Baposetolo ba kgobokanela fa go Jeso, ba mmegela tsotlhe tse ba di dirileng le tse ba di rutileng. ³¹A ba raya a re,"tsamayang le ye ko lefelong le le kwa thoko le ikhutse."Gonne bontsi bo ne botla,bo bo bo tsamaya, ba se na le nako ya go ja. ³²Ba ne ba tsaya mokoro ba ya ko lefelong le le kwa thoko ka bo bone.³³Ya re ba ba bona ba tsamaya, bontsi ba ba lemoga, ba ne ba tabogela teng ka maoto go tsweng ditoropong tsotlhe, ba goroga pele ga bone. ³⁴Fa ba goroga fa letshitshing, ba bona bontsi jwa batho mme a ba utlwela botlhoko ka ba ne ba tshwana le dinku di sena modisa. A simolola go ba ruta tse dilo tse dintsi.³⁵Fa letsatsi le phirima,barutwana ba gagwe ba tla ko go ene ba re, "Se ke lefelo le le kgakala mme ebile go a fifala. ³⁶Ba reye ba tsamae go re baye ko mafelong a a gautshwane go re ba kgone go ithekele se ba ka se jang."³⁷A ba araba a re, "Ba feng se ba ka se jang lona." Ba mo raya ba re, "Re ka ya go reka borotho bo bo lekanang le madi a makgolo a mabedi tuelo ya letsatsi mme re ba fe ba je?" ³⁸A ba raya a re, "Le na le borotho bo le kae? Tsamayang le ye go bona." Fa ba lemoga ba re, "Marotho a le matlhano le ditlhapi tse pedi."³⁹A fa taelo ya go re mongwe le mongwe a nne fa fatshe ka ditlhophana mo tlhageng. ⁴⁰Ba ne ba nna mo ditlhopheng;tsa makgolo, le tsa masome a a matlhano. ⁴¹tsaya marotho a matlhano le ditlhapi tse pedi, a leba kwa magodimong, a di segofatsa a bo a kgaoganya marotho a a neela barutwana go re ba neele batho go ya ka ditlhophana.A kgaoganya ditlhapi tse pedi mo go bone botlhe.⁴²Botlhe ba a ja go fitlhelelela ba kgora. ⁴³Ba ne ba sela masalela a borotho,ditlatlana tse lesome le bobedi di tletse, le masalela a ditlhapi. ⁴⁴Go ne ga ja banna ba le dikete tse tlhano.⁴⁵Gone foo o ne a dira go re barutwana ba gagwe ba tsene mo mokorong ba mo etelele pele go ya ko letlhakoreng le lengwe, ko Bethesaita, fa a sa ntse a phatlalatsa batho. ⁴⁶Fa ba fetsa go tsamaya a ya ko godimo ga thaba go rapela. ⁴⁷Maitseboa a fitlha, mokoro wa bo o le fa gare ga lewatle, ene a bo a le nosi mo lefatsheng.⁴⁸O ne a bona go re ba na le bothata jo bogolo ka ba ne ba kgweetsa mokoro kgatlhanong le phefo. Ka makuku a tla ko go bone, a tsamaya mo metsing, a batla go feta ka bone. ⁴⁹Fa ba mmona a tsamaya fa godimo ga metsi, ba ne ba akanya gore ke sepoko ba lelela godimo, ⁵⁰ka gore go mmoneng ba tshoga mo gogolo. Gone foo a ba raya a re, "Nametsegang! Ke nna! Se boifeng!"⁵¹A tsena mo mokorong le bone, mme diphefo tsa didimala. Ba ne ba gakgametse e le ruri. ⁵²Ka ba ne ba sa tlhaloganya sesupo sa borotho.Ka gore,dipelo tsa bone dine di thatafetse.⁵³Fa ba se na go kgabaganyetsa ko lethakoreng le lengwe, ba tla ko lefelong la Genesarete mme ba emisa mokoro. ⁵⁴Fa ba tswa mo mokorong, teng foo ba mo lemoga. ⁵⁵Ba taboga mo kgaolong ba simolola go tsisa balwetsi ba ba mo diphateng, gongwe le gongwe ko ba utlwileng gotwe o etla.⁵⁶Gongwe le gongwe fa a neng a tsena ka metsana le ditoropo, kana mo lefatsheng, ba ne ba baya balwetsi mo marekisetsong, mme ba mo kopa go re a ba letle go kgoma seaparo sa gagwe bogolo. Mme bontsi jwa bao ba neng ba mo kgoma ba fola.

7¹Bafarasai le bakwadi bangwe ba ba tswang Jerusalem ba mo kgobokanela.²Ba lemoga go re bangwe ba barutwana ba ga Jeso ba jele borotho ka matsogo a a leswe,ke go re a a sa tlhapiwang. ³(Gonne Bafarasai le Bajuta botlhe ga ba je pele ba ka tlhapa matsogo,ka gore ba sala morago ngwao e ba e filweng ke bagolo. ⁴Fa Bafarasai ba tswa marekisetsong,ga ba je pele ga ba sa tlhapa.Mme go na le melawana mengwe e ba tlamegang go e sala morago,jaaka go tlhatswa dikopi, dipitsa, dijana tsa kopore le ditilo tse ba di dirisang fa ba a ja.)⁵Bafarasai le bakwadi ba botsa Jeso ba re, "Ke eng barutwana ba gago ba sa sale ngwao e re e neetsweng ke bagolo morago,gonne ba ja borotho jwa bone ba sa tlhapa matsogo?"⁶Mme a ba ra ya a re, "Moporofiti Isaia o buile sentle ka ga lona baitimokanyi.A kwala,'Batho ba ba ntlotla ka dipounama mme di pelo tsa bone di kgakala le nna. ⁷Ba nnaya kobamelo e e lolea, ebile ba ruta melao ya batho ele thuto ya bone.'⁸Le latlha ditaelo tsa Modimo le itlhaganele go dira ngwao ya bo rraalona". ⁹A ba raya a re "Le dira ka bomo go gana molao wa Modimo go re le dire ngwao ya bo rraalona! ¹⁰Gonne Moshe o rile 'Tlotla rrago le mmago,' le, 'Yo o buang bosula ka rraagwe kana mmaagwe e le ruri o tlaa swa.'¹¹Mme lona la re, 'Fa mongwe a raya rraagwe kana mmaagwe a re sepe fela se ke ka bong ke se go neela jaanong ke 'Korobane' (ke gore,"se neetswe Modimo")- ¹²le bo le sa mo letlelele go direla rraagwe kana mmaagwe sepe. ¹³Le dira ditaelo tsa Modimo go nna lolea ka ntlha dithuto tsa ngwao ya lona tse ebile le di ruta ba ba ko tlase ga lona, le go tswelela le dira tse dingwe tse di tshwanang le tsone."¹⁵¹⁴A bitsa bontsi jwa batho gape a ba raya a re, "Ntheetsang lotlhe e bile le tlhaloganyeng se.¹⁵Ga go na sepe se se tswang ko ntle ga motho se se tsenang mo go ene se se ka mo leswafatsang.Ke se se tswang ka molomo wa gagwe se se mo leswafatsang. ¹⁶(Yo o nang le tsebe a a utlwe se).¹⁷Jaanong fa Jeso a setse a tlogetse bontsi jwa batho a tsene mo ntlong,barutwa ba gagwe ba mmotsa ka setswantsho. ¹⁸Jeso a ba araba a re, "a le le lona ga le tlhaloganye? A ga le bone go re se se tsenang mo mothong se tswa ko ntle ga se ka ke sa mo leswafatsa, ¹⁹ka gore ga se tsene mo pelong, se tsena mo mpeng se bowe se fetele ko ntlwaneng?" Go bua se Jeso one a supa fa dijo tsotlhe di le phepa go ka jewa.²⁰A ba raya a re, "Ke se se tswang mo teng ga motho se se mo leswafatsang. ²¹Gonne mo pelong ya motho, go tswa dikakanyo tse di bosula,bogokafadi, bogodu,dipolao, ²²boaka,bopelotshetlha,boikepo, tsietso,dikeletso tse di sa laolesegeng,leitlho le le bosula, go bua batho maswe, boikgogomoso, boeleele. ²³Masula a otlhe a tswa mo teng ga motho,ke one a leswafatsang."²⁴A tswa mo lefelong leo, a ya kwa kgaolong tsa Tario le Sitona. A tsena mo ntlong mme a sa batle ope a itse gore o teng, a ntse a itse go re boleng teng ba gagwe ga se bo bo ka fitlhwang. ²⁵Mme ka bofefo mosadi yo o neng a na le morwadie yo o tshwenngwang ke matimona a utlwa ka se, a tla a khubama fa dinaong tsa gagwe. ²⁶Mosadi yo a bo e le Mogerika wa mo Serofonika ka tshika. A mo kopa go koba letimona mo go morwadie.²⁷A mo raya a re, "A go jesiwe bana pele.Gonne ga go a siama go tsaya borotho jwa bana bo latlhelelwa dintsa." ²⁸Mme a mo raya a re, "Ee, Morena, le dintsa di ja matlhotlhora a a wang mo tafoleng ya bana ba mong wa tsone."²⁹A mo raya a re, "Ka go re o buile se, o ka tsamaya. Letimona le dule mo go morwadio." ³⁰Ya re a boela ko ntlong ya gagwe a fitlhela morwadie a robetse mo bolaong letimona le dule mo go ene.³¹Ya re go tsweng mo kgaolong ya Tario,a ralala Sitona go ya ko lewatleng la Galalea go fitlha ko kgaolong ya ditoropo tsa Tekapolise. ³²Ba ne ba mo tsisetsa susu yo ebile eleng semumu,ba mo kopa go mmaya matsogo.³³A mo ntsha mo bontsing jwa batho ka sephiri, a mo tsenya menwana mo ditsebeng, ya re a fetsa go kgwa mathe, a kgoma loleme lwa gagwe. ³⁴A leba kwa legodimong,mme a hegelwa, a bo a mo raya a re, "Ephapahata" a raya go re "Bulega"! ³⁵Ka ponyo ya leitlho a bo a setse a utlwa, le se se neng se kganna loleme lwa gagwe go bua sa senyakiwa ka jalo a kgona go bua gape.³⁶A ba laela go re ba se ka ba bolelela ope ka se. Mme fa a re o ba tlhagisa ka se, bone ebile ba tswelele ka go bua thata ka kgang e. ³⁷Ba bo ba gakgametse mo go tona ba re "O dirile dilo tsotlhe sentle thata, a bo a dira le bosusu go utlwa le dimumu go re di kgone go bua gape."

8¹Mo malatsing ao, ga bo go le bontsi jo bogolo jwa batho,mme ba sena sepe se ba ka se jang. Jeso a bitsa barutwana ba gagwe mme a ba raya a re, ²"Ke utlwela bontsi bo botlhoko, ka go re ba tsweletse ka gonna le nna mme ga ba ise ba je sepe malatsi a mararo. ³Fa ke ba romela ko malapeng a bone ba sa ja sepe ba ka felela ba idibala mo tseleng. Mme bangwe ba bone ba tswa kgalala." ⁴Barutwana ba gagwe ba mo araba ba re, "Re ka tsaya kae borotho jo bo lekaneng batho ba mo lefelong le le senang ope le?"⁵A ba botsa a re, "Le na le borotho bo le kae?" Ba re, "Bosupa." ⁶A fa bontsi taolo ya go re ba nne fa fatshe. O ne a tsaya borotho jo bo supa, a isa malebogo, mme a bo kgaoganya. A bo neela barutwa gore ba bo beye fa pele ga bone, mme ba bo baya fa pele ga bontsi jwa batho.⁷Ba bo gape bana le ditlhapi di se kae, mme morago ga malebogo, a laola barutwa go re ba bafe le tsone gape. ⁸Ba a ja ba kgora. Ba sela masalela mme a tlala ditlatlana tse supa. ⁹Go ne go na le dikete di le nne tsa batho. Mme a ba laela go tsamaya. ¹⁰Gone foo a tsena mo mokorong le barutwa ba gagwe, mme baya mo kgaolong ya Talamonutha.¹¹Mme Bafarasai ba tla go ganetsana le ene. Ba mo raya ba re a ntshe sesupo sa selegodimo mme e le teko. ¹²A hegelwa mo moweng a re, "Ke eng kokomane e e batla sesupo? Ka nnete kea le bolelela, ga gona sesupo se kokomane e e ka se e neelwang." ¹³A ba tlogela, a tsena mo mokorong gape, mme aya ka ko boseja.¹⁴Jaanong barutwana ba gagwe ba ne ba lebetse ipakela borotho. Bane ba sena le fa ele borotho bope mo mokorong fa ese bo le bongwe fela . ¹⁵O ne a ba tlhagisa a re, "Lebelelang mme le tlhokomeleng sebidiso sa Bafarasai le sa ga Herote.''¹⁶Barutwana ba botsana, "Ke ka gore ga rena borotho." ¹⁷Jeso o ne a etse tlhoko se, mme a re, "Ka go reng le ipotsa ka go tlhoka borotho? Ga le bone? Ga le tlhaoganye? Dipelo tsa lona di ntshofetse?¹⁸Le na le matlho, a ga le bone? Le na le ditsebe, a ga le kgone go utlwa? Gale gakologelwe? ¹⁹Fa ke kgaoganya borotho jo botlhano go fa dikete tse tlhano tsa batho, le ne la sela masalela a borotho a tletse ditlatlana tse kae?" Ba mo raya ba re, "Lesome le bobedi."²⁰"Lefa ke kgaoganya borotho bo supa go fa ba ba dikete tse nne, le ne la tsaya ditlatlana tse kae di tletse?" Ba mo raya ba re, "Bosupa." ²¹A ba raya a re, "Le jaanong ga le tlhaloganye?"²²Ba ne ba tla mo Bethesaida. Batho ba ba neng ba le foo ba ne ba tsisa monna wa sefofu mme ba kopa Jeso go mo ama. ²³Jeso a tsaya letsogo la sefofu, a mo isa ko ntle ga motse. Fa a sena go kgwela mathe mo matlhong a gagwe a ba a mmaya diatla, a mmotsa, "A o bona sengwe?"²⁴A leba kwa godimo mme a re, "Ke bona batho ba ba lebegang jaaka ditlhare tsedi tsamayang." ²⁵Gape a boa a baya diatla mo matlhong a gagwe, mme monna a bula matlho a gagwe, pono ya gagwe ya buselediwa a ba a kgona go bona dilo tsotlhe sentle. ²⁶Jeso a mo romela ko lapeng a re, "O seka wa tsena mo toropong."²⁷Jeso o ne a tsamaya le barutwana ba gagwe go ya ko motseng wa Kaesaria Filipi. Mo tseleng a botsa barutwana ba gagwe, "Batho ba re ke mang?" ²⁸Ba mo araba ba re, "Johane wa mokolobetsi. Bangwe ba re, 'Elija,' ba bangwe ba re, 'Mongwe wa baporofiti.'"²⁹A ba botsa, "Mme lona la re ke mang?" Petere a mo raya a re, "Ke wena Keresete." ³⁰Jeso a mo tlhagisa gore a seka a bolelela ope ka ene.³¹A simolola go ba ruta go re Morwa Motho o tla bogisega mo dilong tse dintsi, le go re o tla seke a amogelwe ke bagolwane, moperesiti le bakwadi, o tla bolawa mme morago ga malatsi a mararo a tsoge. ³²A bua se a utlwala. Petere a mo tseela fa thoko a mo kgalemela.³³Mme Jeso a retologa a leba barutwana ba gagwe mme a kgalemela Petere a re, "Mpote ka kwa morago Satane! Ga o a tlhoma tlhaloganyo ya gago mo dilong tsa Modimo, mme o e tlhomile mo dilong tsa batho." ³⁴A bitsa batho le barutwana ba gagwe, a ba raya a re, "Fa mongwe a batla go ntshala morago o tshwanetse go itatola boene, a tseye sefapaano sa gagwe, mme a ntshale morago.³⁵Gonne yo o batlang go boloka botshelo jwa gagwe bo tla mo latlhegela, mme ope yo o latlhegelwang ke botshelo ka ntlha ya leina lame le ka ntlha ya mafoko a a molemo, o tlaa bo somarela. ³⁶Go tswela mang mosola, go rua lefatshe lotlhe, mme a latlhe botshelo jwa gagwe? ³⁷Motho o ka duela ka eng go rekolola botshelo jwa gagwe?³⁸Ope yo o tlhabisiwang ditlhong ke nna le mafoko a me mo kokomaneng e e tletseng boaka le boleo e, Morwa Motho o tla mo tlhabelwa ke ditlhong fa a tla mo kgalalelong ya ga Rraagwe le baengele ba ba boitshepo.''

9¹A bo a ba raya a re; " Ammaaruri ke a lo raya, gona le bangwe ba lona ba ba emeng fa ba ba se kitlang ba swa pele ga ba bona bogosi jwa legodimo bo tla ka nnofo. ²Morago ga malatsi a marataro, "Jeso a tsaya Petere, Jakoba le Johane a ya le bone mo thabeng. Jaanong a fetolwa tebego fa pele ga bone. ³Diaparo tsa gagwe tsa tsabakela,tsa nna ditsweu tshweu, go feta jaaka di ka tlhatswiwa ka sepe fela se se sweufatsang mo lefatsheng.⁴Jaanong Elisha le Moshe ba bonala fa go bone ba bua le Jeso. ⁵Petere a araba a raya Jeso a re; "Rabi" go molemo mo go rona go nna fa, jaanong a re ageng metlaagana ele meraro,o mongwe wa gago, o mongwe wa ga Moshe, o mongwe wa ga Elisha, ⁶(ka gore one a sa itse gore o ka reng ka ba ne ba tshogile.)⁷Leru la tla la ba khurumetsa. Jalo ga tswa lentswe mo lerung le re; "Yo ke Morwaake yo ke mo ratang. Mo utlweng. ⁸"Ka bonako fa ba leba fa go bone ba seka ba tlhola ba bona ope a na le bone fa e se Jeso fela.⁹Fa ba fologela go tswa kwa thabeng, a ba laela gore ba seka ba bolelela ope ka se ba se boneng, go fitlhelela Morwa Motho a tsoga mo baswing, ¹⁰Jalo ba ipeela kgang e mo go bone fela, mme ba botsanya ba re, "go tsoga mo baswing" go ka tswa go tewa eng.¹¹Ba mmotsa ba re; "ke eng bakwadi ba molao ba re Elija o tlaa tla pele?" ¹²A ba raya a re, "Elija ka nnete o tlaa tla pele go tla go buseletsa dilo tsotlhe. Jaanong ke eng go kwadilwe gotwe Morwa Motho o tshwanetse go bogisiwa ka dilo tse dintsi abo a tsewa jaaka yo o senang boleng? ¹³Mme ke le raya ke re Elija o tsile, mme ba mo dirile sengwe le sengwe se ba se batlang, jaaka dikwalo di buile ka ene".¹⁴Fa ba boela gape ko barutweng, ba bona bontsi jwa batho bo ba dikologile le bakwadi ba molao ba ganetsana le bone. ¹⁵Ya re ba mmona, batho botlhe ba gakgamala ba tabogela ko go ene go mo dumedisa. ¹⁶A botsa barutwa ba gagwe; "le ganetsana le bone ka eng?"¹⁷Mongwe mo bontsing joo a mo araba; "Moruti, ke tsisitse morwa wame ko go wena.O na le moya o o dirang gore a seka a kgona go bua. ¹⁸O a mo tshwara, o mo latlhela fa fatshe,a phoke lehulo mo ganong,a phure meno a bo a gagamala. Ke kopile barutwa ba gago go o kobela ntle mme ba seka ba kgona." ¹⁹A ba araba, "Kokomane e e sa dumeleng, ke tshwanetse go nna le lona lebaka le le kae? ke le itshokele go fitlhela leng? Mo tsiseng kwano."²⁰Ba tsisa mosimane ko go ene. Fa moya o bona Jeso, ka bofefo wa mo tsikitletsa thata. Mosimane a wela fa fatshe a phoka lehulo mo ganong. ²¹Jeso a botsa rraagwe, "O sa le a nna jaana leng"? Rraagwe a re, "Go tswa bonnyeng jwa gagwe. ²²Fa gongwe o mo latlhela mo molelong kana mo metsing o leka go mo senya. Fa go na le se o ka se dirang, re utlwele botlhoko o re thuse."²³Jeso a mo raya a re, "ke eng o re fa o ka kgona'? Dilo tsotlhe di a kgonafala mo go ba ba dumelang", ²⁴Ka bonako rraagwe ngwana a lelela ko godimo a re, "Ke a dumela! Nthusa mo go sa dumeleng game". ²⁵Erile Jeso a bona batho ba bantsi ba tla ba tabogetse ko go bone,a kgalemela moya o o bosula a re, "Wena moya wa bomumu le bosusu, ke a go laola,tswaya mo go ene, ebile o seka wa tlhola o tsena mo go ene gape."²⁶Wa lelela ko godimo o tsikitletsa mosimane mo go golo mme wa tswa. Mosimane a lebega jaaka e kete o sule, mo bontsi bo neng bo re, "o sule". ²⁷Mme Jeso a mo tsaya ka letsogo a mo emeletsa, mosimane a ema ka dinao.²⁸Fa Jeso a tsena mo ntlong, barutwa ba gagwe ba mmotsa mo sephiring, "Ke eng re ne re sa kgone go o kobela ntle?" ²⁹A ba raya are, "Wa mofuta o, ga o nke o ntshiwa ko ntle ga thapelo le go itima dijo".³⁰Ba tswa foo,ba feta ka Galalea.A seka a batla ope a itse fa ba neng ba le teng, ³¹ka go re o ne a ruta barutwa ba gagwe. A ba raya a re, "Morwa Motho o tlaa neelwa mo diatleng tsa batho mme ba tlaa mmolaya. Fa a sena go bolawa, morago ga malatsi a le mararo o tlaa tsoga gape". ³²Mme ba seka ba tlhaloganya kgang e, ba tshaba go mmotsa.³³Ba tla mo Kaperenaume. Ya re a le mo ntlong a ba botsa, "Le ne le buaisanya ka eng fa le tla mo tseleng"? ³⁴Mme ba didimala. Ka go re ba ne ba tla ba ganetsana mo tseleng ka gore ke mang yo mogolo. ³⁵A nna fa fatshe, a bitsa ba ba lesome le bobedi ga mmogo, a ba raya a re, "Fa go na le mongwe yo o batlang go nna wa ntlha, o tshwanetse go nna wa bofelo le motlhanka wa botlhe."³⁶A tsaya ngwana yo monnye, a mmaya fa gare ga bone. A mo tshwara ka matsogo a ba raya a re, ³⁷"Yo o amogelang ngwana yo o tshwanang le yo mo leineng lame, le nna o nkamogetse, mme fa mongwe a nkamogela, ga a nkamogele ke le nosi, o amogela le yo o nthomileng.''³⁸Johane a mo raya a re, "Moruti re bone mongwe a ntsha mewa e e bosula ka leina la gago mme ra mo emisa,ka go re ga a re sale morago, ³⁹"Mme Jeso a re, "le seka la mo emisa, gonne ga go na ope yo o ka dirang tiro e ntle ka leina lame mme morago ga moo a bua bosula ka leina lame.⁴⁰Ope yo o seng kgatlhanong le rona ke wa rona. ⁴¹Ope yo o go sielang metsi go re o nwe ka go re o wa ga Keresete, ka nnete ke a le raya, ga a kake a latlhegelwa ke tuelo ya gagwe.⁴²Ope yo o ka dirang go re ba ba botlana ba ba ntshetseng morago ba kgopiwe, go tlaa bo go le botoka go re a gokelelwe letlapa le letona la tshilo mo molaleng mme a latlhelwe mo lewatleng. ⁴³Fa letsogo la gago le go leofisa, le kgaole. Ka go re go botoka go tsena mo botshelong o le segole go na le go ya diheleng o na le matsogo a mabedi mo molelong o o sa timeng. ⁴⁴Kwa seboko se teng se sa sweng,le molelo wa teng o sa tingweng.⁴⁵Fa lenao la gago le dira go re o kgopiwe le kgaole. Go botoka go re o tsene mo botshelong o le segole go na le go nna le maoto a mabedi o bo o latlhelwa mo diheleng. ⁴⁶Kwa seboko sa teng se sa sweng,le molelo wa teng o sa tingweng⁴⁷Fa leitlho la gago le go dira go re o kgopiwe, le gonye, go botoka go tsena ka bogosi jwa legodimo ka leitlho le le lengwe go na le go nna le matlho a mabedi o bo o latlhelwa mo diheleng, ⁴⁸Ko seboko sa teng se sa sweng,le molelo wa teng o sa tingweng.⁴⁹Gonne mongwe le mongwe o tsile go lokwa ka molelo. ⁵⁰Letswai le molemo, mme fa letswai le latlhegetswe ke boleng, o ka le dira letswai gape jang? Nnang le letswai mo go lona mme le nne ka kagiso ga mmogo.

10¹Jeso a tswa fa lefelong leo, a tsamaela ko dikgaolong tsa Jutia go ya go feta ka noka ya Jorotane, bontsi jwa batho jwa tla kwa go ene gape. A ba ruta gape jaaka a ne a tlwaetse go dira. ²Bafarasai ba tla ko go ene ba mo leka ka dipotso ba re; " A go ka fa molaong gore monna a tlhale mosadi?" ³A araba a re, "Moshe o le laoletse eng?" ⁴Ba re, "Moshe o ne a letlelela monna go kwalela mosadi setlankana sa tlhalo mme a mo kobe."⁵"E ne ele ka ntlha ya dipelo tsa lona tse di thata go re a le kwalele molao o." ga bua Jeso. ⁶"Mme Ko tshimologong ya lebopo, Modimo o bopile monna le mosadi.'⁷Ka lebaka le monna o tlaa tlogela rraagwe le mmaagwe go ngaparela mosadi wa gagwe, ⁸mme bobedi jo bo tlaa nna nama e le nngwe, jalo ga ba sa tlhole ba le babedi mme ke nama e le nngwe. ⁹Jalo he, se Modimo a se kopantseng, a go se nne ope yo o se kgaoganyang.''¹⁰Ya re ba le mo ntlong, barutwa ba mmotsa ka se. ¹¹A ba raya a re, "Ope yo o tlhalang mosadi wa gagwe a bo a nyala yo mongwe o mo direla boaka. ¹²Le mosadi fa a tlhala monna wa gagwe go ya go nyala monna yo mongwe, o dira boaka."¹³Ba tsisa bana ba bone ba bannye ko go ene go re a ba ame, mme barutwa ba ba kgalemela. ¹⁴Ya re Jeso a lemoga se, a seka a itumela a ba raya a re, "Letlang bana go tla ko go nna,le seka la ba kganela, ka gore bogosi jwa Modimo ke jwa ba ba tshwanang le bone .¹⁵Ka boammaruri ke le raya ke re, ope yo o sa amogeleng bogosi jwa Modimo jaaka ngwana yo monnye ga a kitla a tsena ka jone". ¹⁶Jaanong a tsaya bana, a ba segofatsa jaana a ntse a ba baya diatla.¹⁷E rile a simolola mosepele wa gagwe, monna mongwe a mo tabogela, a khubama fa go ene, a mmotsa, "Moruti yo o molemo, ke dire eng go rua botshelo jo bo sa khutleng?" ¹⁸Jalo Jeso a re, "ke eng o mpitsa yo o molemo?, Ga go ope yo o molemo ko ntle ga Modimo a le nosi. ¹⁹Le itse ditaelo: o seka wa bolaya, o seka wa dira boaka, o seka wa utswa, o seka wa fa bosupi jwa maaka, o seka wa tsietsa, tlotla rrago le mmago."²⁰Monna a re, "Moruti dilo tse tsotlhe ke di obametse fa e sa le ke le monana". ²¹Jeso a mo leba mme a mo rata. A mo raya a re, "o tlhaela ka selo se le sengwe, o tshwanetse go rekisa dilo tsotlhe tse o nang le tsone, o bo o di fa batlhoki, mme o tlaa nna le khumo ko legodimong. Jaanong o ka tla wa ntshala morago. ²²Mme a hutsafadiwa ke mafoko a, a tsamaya ka pelo e e botlhoko, ka o ne a na le dikhumo tse dintsi.²³Jeso a leba mo tikologong mme a raya barutwa ba gagwe a re, " go dingalo gole kae mo go ba ba humileng go re ba tsene ka bogosi jwa Modimo!". ²⁴Barutwa ba gakgamadiwa ke mafoko a gagwe. Mme Jeso a ba raya gape a re, " Bana, go thata go le kae go tsena ka bogosi jwa Modimo! ²⁵Go motlhofo go re kamela e tsene ka letshoba la nnale go na le go re mohumi a tsene ka bogosi jwa Modimo".²⁶Ba ne ba gakgametse mo go golo, ba bo ba raana ba re, "ke mang yo o ka bolokiwang?". ²⁷Jeso a ba leba, a ba raya a re, "Mo bathong ga go kgonege mme e seng mo Modimong. Ka gore mo Modimong dilo tsotlhe di a kgonega". ²⁸Petere a simolola go bua le ene, "Bona re tlogetse sengwe le sengwe mme ra go sala morogo."²⁹Jeso a re, "ka nnete ke lo raya ke re,ga go ope yo o tlogelang ntlo, morwarraagwe, kana kgaitsadie, kana mmaagwe, kana rraagwe, kana bana, kana lefatshe la gagwe ka ntlha yame le ya dikgang tse di molemo, ³⁰yo o tlaa sekeng a amogele go le lekgolo thata mo lefatsheng le: mantlo, le morwarraagwe, le kgaitsadie, Le mmaagwe, le bana, le lefatshe le dipogisego, le mo botshelong jo bo sa khutleng. ³¹Mme bontsi jo e leng jwa ntlha e tlaa nna ba bofelo, mme jwa bofelo e tlaa nna ba ntlha."³²Ba ne ba le mo tseleng ba ya kwa Jerusalema, mme Jeso a ba etelela pele. Barutwa ba ne ba gakgametse le ba ba ba setseng morago ba ne ba tshogile. Jaanong Jeso a tseela ba ba lesome le bobedi fa thoko gape, mme a simolola go ba bolelela se se tlaa mo diragalelang ka bokhutshwane. ³³Bonang, re tsile go palamelela ko Jerusalema, mme Morwa Motho o tlaa neelwa baperesita ba bagolo le bakwadi ba molao. Ba tlaa mo atlholela loso ba bo ba mo neela Baditshaba. ³⁴Ba tlaa mo sotlaka, ba mo kgwela mathe, ba mmetsa ba bo ba mmolaya. Mme morago ga malatsi a le mararo o tlaa tsoga.''³⁵Jakoba le Johane barwa Sebete, ba tla ba mo raya ba re, "Moruti re batla o re direla sengwe le sengwe se re se go kopang." ³⁶A ba raya a re, " Le batla ke le direla eng?" ³⁷Ba mo raya ba re, "re letlelele go nna le wena mo kgalalelong, yo mongwe a le mo mojeng yo mongwe mo molemeng."³⁸Mme Jeso a ba fetola a re, "Ga le itse se le se kopang. A le ka kgona go nwa seno se ke tlaa se nwang kana go itshokela kolebetso e ke tlaa e kolobediwang?" ³⁹Ba mo raya ba re, " Ee re tlaa kgona". Jeso a ba raya a re, ''Seno se ke tlaa se nwang le lona le tlaa senwa. Le kolobetso e ke tlaa kolobediwang ka yone le lona le tlaa kolobediwa ka yone. ⁴⁰Mme go re go nna mang ka fa letsogong la moja kana ka fa go la molema ga se nna yo o nka go neelang, mme ke ga ba ba go baakanyeditsweng.⁴¹Ya re barutwa ba bangwe ba ba lesome ba utlwa ka se, ba simolola go galefelela Jakobe le Johane. ⁴²Jeso a ba biletsa ko go ene a re, "Le itse go re ba ba lemogiwang e le babusi ba Baditshaba ba ba feta ka nonofo, le badiredi ba bone ba digaratsa taolo mo go bone.⁴³Ga go a tshwanela go nna jaana mo go lona. Ope yo o batlang go nna mogolo o tshwanetse a nna motlhanka pele, ⁴⁴le ope yo o batlang go nna wa pele mo go lona o tshwanetse go nna motlhanka wa botlhe. ⁴⁵Gonne Morwa Motho ga a atla go tla go direlwa, mme go direla, go neela botshelo jwa gagwe go duelela ba bantsi.''⁴⁶Ba tla mo Jeriko. Jaaka a tswa mo Jeriko le barutwa ba gagwe, le bontsi jo bogolo jwa batho, morwa Timaese,Baratimaese, mokopi wa sefofu, a bo a ntse fa thoko ga tsela. ⁴⁷Ya re a utlwa go re ke Jeso wa mo Nnasaretha, a simolola go goeletsa a re, " Jeso ,morwa Tafita, nkutlwela botlhoko! ⁴⁸Bontsi jwa kgalemela monna wa sefofu, ba mo raya ba re a didimale. Mme a goeletsa le go feta, " Morwa Tafita nkutlwela botlhoko!"⁴⁹Jeso a ema,a laola go re a bidiwe. Ba bitsa monna wa sefofu, ba re, "Nna pelokgale! Emelela! O a go bitsa". ⁵⁰A latlha jase ya gagwe, a tsapoga, a tla ko go Jeso.⁵¹Jeso a mo araba a re, "O batla ke go direla eng"? Monna wa sefofu a re, "Moruti, ke batla go amogela pono ya me". ⁵²Mme Jeso a mo raya a re, "Tsamaya. Tumelo ya gago e go fodisitse." Ka bonako a kgona go bona gape, mme a mo sala morago mo tseleng.

11¹Jaanong fa ba goroga mo Jerusalema, ba bo ba le gaufi le Bethephage le Bethane ko thabeng ya Letlhware, mme Jeso a roma barutwa ba gagwe ba babedi, ²a ba raya a re,"Tsenang mo motseng o o lebaganyeng le rona. Fela fa le tsena, le tla fitlhela tonkana e e iseng e pagangwe ke ope. Le e bofolole le e tsise kwa go nna. ³Mme fa mongwe a le raya a re,"le direlang jalo?" le re 'Morena o a e tlhoka mme o tlaa e busa ka bonako.''⁴Ba tsamaya, mme ba fitlhela tonkana e bofeletswe mo kgorong, kwa ntle mo mmileng, ba e bofolola. ⁵Batho bangwe ba bo ba eme foo, mme ba ba raya ba re,"Le dirang go bofolola tonkana?" ⁶Ba bua le bone jaaka Jeso a ba boleletse, mme batho ba ba lesa go re ba tseye tsela ya bone.⁷Barutwa ba babedi ba tsisa tonkana kwa go Jeso, mme ba latlhela dijase tsa bone mo go yone go re Jeso a tle a e pagame. ⁸Batho ba bantsi ba tsharabolola diaparo tsa bone mo tseleng, mme ba bangwe ba baya dikala tse ba di kgetlileng mo masimong. ⁹Ba ba mo eteletseng pele, le ba ba mo setseng morago ba goa ba re, "Hosana! Go sego yo o tlang ka leina la Morena. ¹⁰Go sego bogosi yo bo tlang jwa ga Tafita rraetsho! Hosana mo magodimodimong!"¹¹Foo Jeso a tsena mo Jerusalema, a ya ko tempeleng, a lebelela sengwe le sengwe. Jalo, maitseboa, a tswa le ba ba lesome le bobedi a ya Bethane. ¹²Letsatsi le le latelang fa ba bowa ko Bethane, o ne a tshwerwe ke tlala.¹³Ya re go bona setlhare sa mofeige se na le matlhare a matala a sa le kgakala, a ya go bona go re a o ka fitlhela sengwe mo go sone. Mme fa a tsena kwa go sone, a seka a fitlhela sepe, fa e se matlhare fela, ka e ne e se paka ya mofeige. ¹⁴A bua naso, "Ga gona ope yo o tla a tlholang a a ja leungo mo go wena gape." Mme barutwa ba gagwe ba utlwa se.¹⁵Ba tla mo Jerusalema, a tsena mo tempeleng, a simolola go kobela bareki le barekisi kwa ntle. A pitikolola ditafole tsa ba ba ananyang madi le ditilo tsa ba ba rekisang maphoi. ¹⁶A seka a letlelela ope go tsena ka sengwe se se ka rekisiwang mo tempeleng.¹⁷A ba ruta a re,"A ga go a kwalwa go re,''Ntlo yame e tlaa bidiwa ya thapelo ya merafe yotlhe''?Mme le e dirile legaga la dirukutlhi." ¹⁸Baperesiti ba bagolo le bakwadi ba utlwa se a se buileng , mme ba senka leano la go mmolaya. Gonne ba ne ba mo tshaba ka batho botlhe ba ne ba gakgamadiwa ke dithuto tsa gagwe. ¹⁹Mme e ne e re maitseboa ba bo ba tswa mo toropong.²⁰Ya re ba feta foo mo mosong, ba bona setlhare sa mofeige se omeletse go tsena ko meding. ²¹Petere a gakologelwa, a re "Moruti bona! Setlhare sa mofeige se o se hutsitseng se omeletse."²²Jeso a ba araba,'' Nnang le tumelo mo Modimong. ²³Ka nnete ke le raya ke re le fa e le mang yo o rayang thaba e a re, ''Nanoga o itatlhele mo lewatleng,'' fa a sa belaele mo pelong ya gagwe mme a dumela go re se a se kopang se tla a diragala, ke se Modimo o tla a dirang.²⁴Jalo he ke le raya ke re:Sengwe le sengwe se le se rapelelang le se kopa, le dumele go re le se amogetse, mme e tlaa nna sa lona. ²⁵Fa le ema le rapela,le tshwanetse go itshwarela sengwe le sengwe se le se tshwereng kgatlhanong le mongwe fela, go re rraetsho yo o kwa legodimong a le itshwarele melato. ²⁶Mme fa le sa itshwarele le rraetsho yo o kwa legodimg ga a kitla a le itshwarela.²⁷Ba tla mo Jerusalema gape, Ya re Jeso a tsamaya mo tempeleng, baperesiti ba bagolo, bakwadi le bagolwane ba tla kwa go ene. ²⁸Ba mo raya ba re "O dira dilo tse o di dirang ka taolo ya ga mang? Le gone ke mang yo o go laoletseng go di dira?"²⁹Jeso a ba raya a re," Ke tla a le botsa potso e le nngwe.Mpolelelang mme ke tla a le bolelela go re ke dira dilo tse ka taolo ya ga mang. ³⁰A kolobetso ya ga Johane e ne e tswa kwa legodimong ka na mo bathong?Nkarabeng."³¹Ba buisanya, ba ganetsanya mme ba re,"Fa re ka re, 'kwa legodimong' o tla a re, jaanong ke eng le ne le sa mo dumele? ³²Mme fa re re' mo bathong,'...Ba tshaba batho ka go re botlhe ba ne ba dumela go re Johane ke moporofiti. ³³Foo ba araba Jeso ba re," Ga re itse." Jeso a ba raya a re, "Le nna ga ke le bolelele go re ke dira dilo tse ka taolo ya ga mang."

12¹Mme Jeso a simolola go ba ruta ka ditshwantsho. A re,"Monnna o ne a lema tshingwana, a bo a e agelela, a epa seboana se go gamolelwang mofine mo go sone. A aga ntlo ya badisa dikago, a hirisetsa balemi ba mofine tshimo. Jalo a tsaya loeto. ²E ne ya re fa nako e fitlha, a roma motlhanka kwa baleming ba mofine, go ya go tsaya maungo a a tswang mo tshingwaneng. ³Mme ba mo tshwara, ba mmetsa, ba mmusetsa morago a sa tshola sepe.⁴O ne a ba romelelela mothanka yo mongwe gape, ba mo utlwisa botlhoko mo tlhogong ba mo dira dilo tse di tlhabisang ditlhong. ⁵A roma yo mongwe, mme ba mmolaya. Ba ne ba dira se se tshwanang le mo go ba ba latelang, bangwe ba ba betsa fa ba bangwe ba ba bolaya.⁶O ne a santse a na le motho a le mongwe go mo roma, morwa yo o rategang. Ke ene wa bofelo go mo roma kwa go bone. A re, "Ba tla tlotla morwaake." ⁷Balemi ba mofine ba ne ba raana ba re, "Yo ke moja boswa. Tlaang re mmolaeng, boswa e tla nna jwa rona".⁸Ba mo tshwara, ba mmolaya, ba mo latlhela kwa ntle ga tshingwana ya mofine. ⁹Jaanong, mong wa tshingwana ya mofine o ka dira eng ? O tla atla go senya balemi ba mofine, a neele ba bangwe tshingwana.¹⁰A ga le ise le bale lekwalo le? Lentswe le baagi ba le ganneng, le dirilwe pinagare. ¹¹Se se ne se tswa kwa Moreneng, mme go a kgatlhisa mo matlhong a rona." ¹²Ba ne ba batla go tshwara Jeso, mme ba boifa bontsi jwa batho, ka ba ne ba itse fa a buile setshwantsho se kgatlhanong le bone. Ba mo tlogela, mme ba tsamaya.¹³Mme ba roma bangwe ba Bafarasai le ba ga Herote go mo tshwara ka mafoko. ¹⁴Fa ba goroga, ba mo raya ba re, "Moruti, re a itse gore ga o kgathale ka mogopolo wa ga ope, ebile ga o tseye letlhakori lepe. O ruta tsela ya Modimo ka boammaaruri. Aa go ka fa molaong go duela Kaisara lekgetlho kana nyaa? Aa re duele kana nyaa?" ¹⁵Jeso a itse boitimokanyi jwa bone, a ba raya a re, "Ke eng le nteka? Tsisang kwano ledi ke tle ke le lebelele."¹⁶Ba le tsisa kwa go Jeso. A ba raya a re, "Setshwantsho se le mokwalo o, ke tsa ga mang?" Ba re, "Tsa ga Kaisara" ¹⁷Jeso a re, "Neelang Kaisara tse e leng tsa ga Kaisara, Modimo dilo tse e leng tsa Modimo." Ba mo gakgamalela.¹⁸Basadukai, ba ba reng ga gona tsogo, ba tla kwa go ene. Ba mmotsa ba re, ¹⁹"Moruti, Moshe o re kwaletse a re, 'fa monna a tlhokafalelwa ke morwa rraagagwe, a tlogela mosadi, a sena ngwana, monna yo o tshwanetse a tsaya mosadi wa ga morwa rraagwe a tsalele monnawe bana.'²⁰Ga bo go le batsalwammogo ba borre ba le supa, wa ntlha a nyala mosadi mme a tlhokafala, a sa tlhogele ngwana. ²¹Wa bobedi a tsaya mosadi yoo, a tlhokafala le ene a sa tlogele bana. Wa boraro le ene a dira jalo. ²²Le wa bosupa a seka a tlogela bana. Sa bofelo mosadi le ene a tlhokafala. ²³Fa ba tsoga botlhe ka nako ya tsogo, mosadi e tla nna wa ga mang? Ka go re o ne a le mosadi wa batsalwammogo ba ba supa ba botlhe.²⁴Jeso a re, "A ga se lone lebaka la go re le bo le fositse, ka gore ga le itse dikwalo le fa e le go tlhaloganya maatla a Modimo? ²⁵Gonne fa ba tsoga mo baswing, ga ba na go nyalana, kana ba nyadisiwa, ba tla nna jaaka baengele ko legodimong.²⁶Ka ga baswi ba ba tsosiwang, a ga lo a bala mo Lekwalong la ga Moshe, ka ga sekgwa, ka fa Modimo a buileng le ene a re, 'Ke Modimo wa ga Aborahama, ke Modimo wa ga Isake, le Modimo wa ga Jakobe. ²⁷Ga se Modimo wa baswi, mme ke wa batshedi. Le fositse.''²⁸Mongwe wa bakwadi a tla, a utlwa puisano ya bone, a bona go re Jeso o ba arabile sentle. A mmotsa, "Ke efe taolo e e botlhokwa thata mo go tsone tsotlhe?" ²⁹Jeso a araba, "E e botlhokwa thata ke go re, "Utlwang Iseraele; Morena Modimo wa rona, Morena o mongwefela. ³⁰O tshwanetse wa rata Morena Modimo wa gago ka pelo ya gago yotlhe, le ka moya wa gago otlhe, ka tlhaloganyo ya gago yotlhe, le ka nonofo ya gago yotlhe. ³¹Taolo ya bobedi ke e, 'O rate moagisanyi wa gago jaaka o ithata.' Ga gona taolo epe e kgolo gona le tse.''³²Mokwadi a re, "Moruti yo molemo! O buile sentle fa o re Modimo o mongwefela, ga gona yo mongwe kwa ntle ga gagwe. ³³Go mo rata ka pelo yotlhe, ka tlhaloganyo le ka nonofo, le go rata moagisanyi wa gago jaaka o ithata, go feta setlhabelo se se tshubiwang le ditlhabelo tse dingwe.'' ³⁴Fa Jeso a bona a arabile ka botlhale, a mo raya a re, "Ga o kgakala le bogosi jwa Modimo.'' Morago ga moo, ga bo go sena yo o pelokgale go botsa Jeso dipotso gape.³⁵Mme Jeso a fetola, fa a ruta mo tempeleng a re, "Ke eng bakwadi ba re Keresete ke morwa Tafita? ³⁶Fa Tafita a le mo Moyeng o o Boitshepo, o ne a re, "Morena o reile Morena wame a re, nna ka fa letsogong la me la moja go fitlhelela ke dira baba ba gago bonno jwa dinao tsa gago. ³⁷Tafita ka bo ene o mmitsa "Morena", Mesia o ka nna morwa Tafita jang?'' Bontsi jwa batho ba mo reetsa ka boitumelo.³⁸Mo dithutong tsa gagwe Jeso o ne a re, "Elang tlhoko bakwadi, ba ba ratang go tsamaya ba apere dilwana tse di telele le go dumedisiwa mo marekisetsong ³⁹le go nna mo ditilong tsa segosi mo sinagogeng le mo mannong a segosi mo meletlong. ⁴⁰Ba utswa matlo a batlholagadi, ba rapele ditlhapelo tse ditelele go bonwa ke batho.Batho ba ba tla amogela katlholo e kgolo".⁴¹Jeso a nna fa tlatlaneng ya moneelo mo tempeleng, a bo a lebeletse batho jaaka ba latlhela madi a bone mo tlatlaneng. Bontsi jwa bahumi ba tsenya madi a mantsi. ⁴²Ga tla motlholagadi wa mohumanegi a tsenya dithebe tse pedi.⁴³A bitsa barutwa ba gagwe a ba raya a re, "Ke le bolelelela nnete motlholagadi yo wa mohumanegi o neetse go feta botlhe ba ba neetseng mo tlatlaneng ya moneelo. ⁴⁴Gonne botlhe ba neetse go tswa mo lehumong la bone. Mme motlholagadi yo go tswa mo lehumeng la gagwe o neetse madi otlhe a gagwe a a ka tshelang ka one.

13¹Fa Jeso a tswa mo tempeleng, mongwe wa barutwa ba gagwe a mo raya a re, "Moruti, bona matlapa a mantle le dikago tse dintle tse!" ²A mo raya a re, "A o bona dikago tse dikgolo tse? Ga gona letlapa lepe le le tla a tlogelwang mo godimo ga le lengwe le le tla sekeng le digwe".³Fa a ntse fa fatshe go lebagana le tempele mo thabeng ya letlhware, Petere, Jakoba, Johane le Anterea ba mmotsa mo sephiring, ⁴"Re bolelele, dilo tse di tla a dirafala leng", Sesupo e tla nna eng fa dilo tse di le gaufi le go dirafala?"⁵Jeso a simolola a ba raya a re, "Elang tlhoko go re ope a se le timetse. ⁶Ba le bantsi ba tla a tla ka leina la me, ba re, 'ke ene, mme ba tla timetsa ba le bantsi.⁷Fa le utlwa ka ga dintwa le magatwe a dintwa, le seka la tshwenyega, dilo tse di tla a diragala mme bokhutlo bo bo bo ise bo tle. ⁸Gonne morafe o tla tsogologela morafe yo mongwe, le bogosi bo tla tsogologela bogosi jo bongwe. Go tla nna thoromo ya lefatshe, le mauba mo mafelong a le mantsi. Se ke tshimologo ya ditlhabi tsa pelegi.⁹Elang tlhoko. Ba tla a le tsisa mo makgotleng,mme ba le kgwathisa mo disinagogeng. Le tla ema fa pele ga babusi le dikgosi ka ntlha yame, se e tla nna bopaki mo go bone. ¹⁰Mme mafoko a a molemo a tshwanetse go rerelwa merafe yotlhe pele.¹¹Fa ba le tshwara ba le isa, le seka la tshwenyega gore le tla a reng. Gonne ka nako eo, le tla neelwa mafoko a le tla a buang;e tla a bo e se wena yo o buang, go tla a bua Moya o o Boitshepo. ¹²Morwa o tla isa morwarragwe go bolawa, le rrangwana ngwana wa gagwe. Bana ba tla tsogologela batsadi ba bone mme ba ba ise go ya go bolawa. ¹³Le tla ilwa ke botlhe ka ntlha ya leina la me. Mme yo o itshokang go ya bokhutlong o tla bolokwa.¹⁴Fa le bona makgapha a leswafatswang a eme fa a sa tshwanelang teng (a mmadi a tlhaloganye), a ba ba mo Jutia ba tshabele kwa dithabeng. ¹⁵A yo o kwa godimo ga ntlo a seka a fologela tlase go tsena mo ntlong kgotsa go ya go tsaya sengwe. ¹⁶A le yo o kwa nageng a seka a boa go ya go tsaya kojwana.¹⁷Mme go bo go latlhega ba ba imileng le ba ba amusang mo malatsing ao. ¹⁸Rapelang gore go seka ga dirafala mariga. ¹⁹Gonne go tla nna pogisego e kgolo e e iseng e nne mo tshimologong, fa Modimo a tlhola lefatshe, nnyaa, le gone ga e kitla e nna morago ga moo. ²⁰Fa Morena a ne a sa khutshwafatsa matsatsi ao, ga gona motho ope yo o neng a ka bolokwa.Ka ntlha ya bakgethwa,bao a ba ikgethetseng o khutswafaditse malatsi.²¹Mme fa motho mongwe a go raya a re, "Bona, Keresete ke yo, kgotsa ke yole! o se ka wa dumele. ²²Gonne bo-keresete le baporofiti ba maaka ba tla a tla ba dira ditshupo le dikgakgamatso, gore fa go kgonega, ba tsietse le bone ba ba ikgethetsweng tota. ²³Disang! Gonne ke le boleletse dilo tse pele ga nako.²⁴Mme morago ga dipogisego tsa matsatsi ao, letsatsi le tla fifala, le ngwedi ga a na a ntsha lesedi la one, ²⁵dinaledi di tla wela fa fatshe, le dinonofo tsotlhe tsa legodimo di tla reketla. ²⁶Mme ba tla bona morwa motho atla mo marung,ka maatla le kgalalelo e kgolo. ²⁷Mme o tla a roma baengele ba gagwe go phutha botlhe ba a ba ikgethetseng go tswa mo phefong tse nne, go tswa bokhutlong jwa lefatshe go ya bokhutlong jwa lewapi.²⁸Ithuteng ka setlhare sa mofeige. Fa dikala di nna ditala le matlhare a kukunya,le itse go re selemo se gaufi. ²⁹Jalo he, fa le bona dilo tse di diragala le itse gore o gaufi, o fa kgorong.³⁰Ke le bolelela boammaruri go re, kokomane e ga e kitla e feta pele ga dilo tse tsotlhe di diragala. ³¹Legodimo le lefatshe di tla a feta, mme lefoko lame ga le kitla le feta. ³²Mme fa e le ka nako le fa e le letsatsi ga go ope yo o itseng, le fa e le baengele kwa legodimomg, kgotsa morwa, fa e se Rara fela.³³Elang tlhoko! Disang mme le rapeleng, gonne ga lo itse nako. ³⁴Go tshwana le monna yo o tsayang leeto, a tswa mo ntlong a e tlogele mo tlhokomelong ya batlhanka ba gagwe mme mongwe le mongwe wa bone a dire tiro ya gagwe. Mme a laele motlhokomedi go re a seka a robala.³⁵Ke gone lebelelang, gonne ga lo itse nako e mong wa ntlo a tla a bowang ka yone;e ka nna mo maitseboeng, bosigo gare, kgotsa fa mokoko o lela, kgotsa mo mosong. ³⁶Fa a ka tla ka tshoganetso, a a se go fitlhele o robetse. ³⁷Se ke se lo rayang, ke se raya batho botlhe. Disang!"

14¹E ne e le malatsi a mabedi pele ga paseka le moletlo wa borotho jo bo sa bedisiwang. Baperesiti bagolo le bakwadi ba molao ba ne ba sekaseka ka bokukuntshwane go re ba ka tshwara Jeso jang go mmolaya. ²Gonne ba ne ba re "e seng ka letsatsi la moletlo, batho ba ka tloga ba tsosa mokubukubu"³Erile Jeso a le ko Bethane mo ntlong ya ga Simone wa molepero, fa a sekame fa tafoleng, mosadi mongwe a tla kwa go ene a tshotse lebotlele la alebasetara le na le senkgisa monate sa narito se se tlhwatlhwa kgolo. A thuba lebotlele a se tshela mo tlhogong ya gagwe. ⁴Mme ga bo go na le bangwe ba ba neng ba tenega.Ba buisanya ba re "tshenyo e ke ya eng? ⁵Senkgisa monate se se ka bo se rekisitswe ka selefera tse di makgolo a mararo mme ga abelwa bahumanegi."Ba mo kgalemela.⁶Jeso a re "Mo tlogeleng, lemo tswenyetsa eng?" O ntiretse selo se se molemo. ⁷Le nna fela le na le bahumanegi, le ka ba direla molemo nako nngwe le nngwe fa le batla, mme ga le ye go nnela ruri le nna. ⁸O dirile se a se kgonang: o tloleditse mmele wame phitlho. ⁹Ka boammaruri ke a le bolelela, gongwe le gongwe kwa mafoko a bogosi jwa Modimo a rerwang teng, se mosadi yo a se dirileng se tla a buiwa go mo gopola."¹⁰Jalo Jutase Sekariota, mongwe wa ba ba lesome le bobedi, a tswa a ya ko baperesiti bagolo go re a tle a mo neele mo diatleng tsa bone. ¹¹Fa baperesiti bagolo ba utlwa se, ba itumela ba mo solofetsa go mo fa madi. A simolola go batla sebaka sa go mo neela mo diatleng tsa bone.¹²Ka letsatsi la ntlha la moletlo wa borotho jo bo sa bedisiwang, ba sena go ntsha kwana ya setlhabelo sa tlolagano, barutwa ba gagwe ba mo raya ba re "o batla re ye go go baakanyetsa kae go ja dijo tsa tlolaganyo?". ¹³A roma barutwa ba gagwe ba babedi a re, " tsamayang le tsene mo toropong, monna yo o tshotseng nkgwana e tletse metsi o tla kopana le lona, mosaleng morago. ¹⁴Fa a tsena mo ntlong, mo saleng morago le reye mong wa ntlo le re, 'Moruti a re "kamore ya baeng e kae e ke tla jelang paseka le barutwa bame teng?"¹⁵O tla a le bontsha kamore e e kwa godimo e e phuthologileng ebile e siamisitswe.Re baakanyetseng mo go yone. ¹⁶Barutwa ba tsamaya ba tsena mo toropong. Ba fitlhela sengwe le sengwe jaaka ba laetswe, ba baakanyetsa tlolaganyo.¹⁷Mo maitseboweng, a tla le barutwa baba lesome le bobedi. ¹⁸Fa ba sekame mo tafoleng ba aja, Jeso a re " ka boammaruri ke a le bolelela, mongwe wa lona yo o jang le nna o tla a nkoka". ¹⁹Ba utlwa botlhoko mme ka bongwe ka bongwe ba re "E seng nna?".²⁰Jeso a araba a re ke mongwe wa barutwa ba ba lesome le bobedi, yo o inang borotho le nna gone jaana mo mogopong". ²¹Gonne Morwa Motho o tla tsamaya fela jaaka dikwalo di bua ka ga gagwe. Mme go latlhegile jang ene yo o tla rekisang morwa motho!go ka bo go le botoka mo go ene fa a ka bo a sa tsalwa.²²Fa ba ntse ba a ja, Jeso a tsaya borotho a bo segofatsa a bo ngathoganya, a bo ba neela a re "tsayang se, ke mmele wame". ²³A tsaya senwelo a se segofatsa a se ba neela, botlhe ba se hupisanya. ²⁴A ba raya a re "Sena ke kgolagano ya madi ame, madi a a tshololetsweng ba le bantsi" ²⁵Ka boammaruri ke a lo raya "Ga nkitla ke e nwa leungo la mofine, go fitlhela nako e ke tla Le nwang sesha mo bogosing jwa Modimo"²⁶Ga ba sena go opela sehela, ba ya thabeng ya Letlhware. ²⁷Jeso a ba raya a re "Lona lotlhe le tla phatlalala ka ntata yame, gonne go kwadilwe, "Ke tla itaya modisa, mme dinku di tla phatlalala"²⁸Mme fa ke se na go tsosiwa, ke tlaa le etelela pele go ya Galalea. ²⁹Petere a mo ra ya a re "Le fa botlhe ba ka phatlalala, e seng nna"³⁰Jeso a mo ra ya a re "ka boammaruri ke a go raya, bosigo jo, fa mokoko o ise o lele gabedi, o tlaa bo o setse o intatotse gararo". ³¹Petere a re "le fa ke ka swa nao, ga ke na go go itatola". Botlhe ba solofetsa jalo.³²Ba tla mo lefelong le le bidiwang Gethesemane, mme Jeso a raya barutwa ba gagwe a re "Nnang fa ke santse ke rapela". ³³A tsaya Petere, Jakobe le Johane mme a simolola go tlala ka bohutsana le kutlobotloko. ³⁴A ba raya a re "Moya wame o tletse kutlobotlhoko thata, le go ya losong, salang fa le lebeletse."³⁵Jeso a tsamaela ko kgakajana, a wela fa fatshe, a rapela go re fa go kgonega, oura e e mo fete. ³⁶A re "Rara,dilo tsotlhe di a kgonega mo go wena, tlosa senwelo se mo go nna, mme e seng go rata game,mme e leng ga gago".³⁷Fa a boa a fitlhela ba thulametse, a raya Petere a re "Simone a o robetse?O ne o sa kgone go lebelela oura e le nngwe?" ³⁸Lebelela o rapele go re o seka wa tsena mo thaelong. E le ruri moya o a eletsa mme nama e bokoa." ³⁹A boa gape go ya go rapela, a dirisa mafoko a a tshwanang.⁴⁰A boa gape a ba fitlhela ba thulametse, gonne matlho a bone a ne a tletse boroko mme ba sa itse go re ba ka mo raya ba reng. ⁴¹A tla la boraro a ba raya a re "A le sa ntse le robetse le itapolositse? Go lekane!Nako e gorogile.Bonang! Morwa Motho o rekiseditswe baleofi. ⁴²Tsogang;a re tsamayeng, bonang ene yo o nthekisang o gaufi.⁴³Fa a sa ntse a bua, Jutase, mongwe wa ba ba lesome le bobedi a goroga, mme bontsi jwa batho bo ne bo na le ene ba tshotse ditshaka le melamu, go simolola ka baperesiti bagolo, bakwadi ba molao le bagolwane. ⁴⁴Jaanong yo o neng a mo rekisa, a ba fa sekao a re, "Yo ke tla a mo atlang ke ene, lemo tshware, mo tseeng le mo disitse ". ⁴⁵Ya re fa Jutase a goroga, a tlhamalelela kwa go Jeso a re "Moruti"a mo atla. ⁴⁶Ba mo tshwara.⁴⁷Mme mongwe wa ba ba neng ba le gaufi a ntsha tshaka, a kgaola tsebe ya mongwe wa batlhanka ba moperesiti mogolo. ⁴⁸Jeso a ba raya a re, "A le tla le mpololetse ka ditshaka le melamu jaaka e kare le ya go tshwara serukutlhi? ka ditshaka le melamu?". ⁴⁹Fa ke ne ke na le lona letsatsi le letsatsi ke ruta mo tempeleng ga le a ntshwara" Mme sena se ne se diragala go re dikwalo di rurifadiwe. ⁵⁰Mme botlhe ba ba neng ba na le Jeso ba mo tlogela ba sia.⁵¹Mokawana mongwe yo o neng a ithathile ka letsela fela a mo sala morago; ba mo tshwara, ⁵²mme a tlogela seaparo sa letsela foo a sia a sa apara sepe.⁵³Ba isa Jeso ko moperesiting mogolo. Baperesiti bagolo, bagolwane le bakwadi ba molao ba mo kgobokanela botlhe. ⁵⁴Jaanong Petere a ba sala morago sekgelenyana go fitlhela ko kagong ya moperesiti mogolo. A feta a nna magareng ga masole a a neng a ora molelo.⁵⁵Jaanong baperesiti bagolo le lekgotla lotlhe la Bajuta ba ne ba batla bosupi kgatlhanong le Jeso go re ba tle ba mmolae. Mme ba seka ba bo bona. ⁵⁶Gonne ba le bantsi ba ne ba tsisa bosupi jwa maaka kgatlhanong le ene mme le bosupi jwa bone tota bone bo sa dumalane.⁵⁷Ba bangwe ba ema ka dinao ba tsisa bosupi jwa maaka kgatlhanong le ene ba re, ⁵⁸"Re mo utlwile a re, ke tla senya tempele e ,e e agilweng ka diatla mme mo malatsing a mararo ke tla aga e nngwe e sa agiwang ka diatla." ⁵⁹Mme le bosupi jwa bone bo ne bo sa dumalane.⁶⁰Moperesiti mogolo a ema ka dinao magareng ga bone a botsa Jeso a re, "A ga o na karabo? Ke eng se banna ba ba se buang ka ga gago?" ⁶¹Mme a didimala a se ka a bua sepe. Moperesiti mogolo a boa a mmotsa gape a re, "A o Keresete? Morwa wa yo o Segofetseng?" ⁶²Jeso a re, "Ke nna, le gone tla bona Morwa Motho a ntse ka fa letsogong la moja la nonofo a bo a tla ka maru a legodimo."⁶³Moperesiti mogolo a ikgagolaka diaparo a re, "A re santse re tlhoka basupi? ⁶⁴Le utlwile matlhapa kgatlhanong le leina la Modimo. Tshwetso ya lona ke eng?" Mme botlhe ba mmaya molato ba re o tshwanetswe ke leso. ⁶⁵Ba bangwe ba simolola go mo kgwela mathe, ba mmipa sefatlhego mme ba mo itaya ba mo raya ba re, "Porofita!". Masole ba mo tsaya ba mmetsa.⁶⁶Fa Petere a ntse a le kwa tlase mo kagong ya kgotlatshekelo, mosetsana mongwe wa lelata la moperesiti mogolo a tla kwa go ene. ⁶⁷A bona Petere a ora molelo, mme a mo lebelela thata. A mo raya a re, "Le wena o ne o na le Jeso wa moNaseretha". ⁶⁸A itatola a re, "ga ke tlhaloganye gape ga ke itse go re o bua kaga eng" A bo a tswa a tsena mo kagong ya kgotlatshekelo. Foo mokoko wa lela.⁶⁹Mosetsanyana wa lelata a mmona, a simolola go bua gape le ba ba neng ba le foo a re " Monna yo ke mongwe, wa bone!" ⁷⁰Mme a itatola gape. Morago ga sebakanyana, ba ba neng ba le foo ba raya Petere ba re, "E le ruri o mongwe wa bone, gonne le wena o moGalalea."⁷¹A simolola go hutsa le go ikana a re, "Ga ke itse monna yo le buang ka ga ene yo". ⁷²Ka ponyo ya leitlho mokoko wa lela la bobedi. Foo Petere a gakologelwa mafoko a Jeso a a mmoleletseng: "Pele ga mokoko o lela ga bedi, o tla a intatola ga raro". A thubega ka selelo.

15¹Mo mosong, baperesiti ba bagolo bokopana le bagolwane, le bakwadi le lekgotla la Bajuta. Jaanong ba bofa Jeso ba tsamaya ka ene.Ba mo neela Pilato. ²Pilato a mmotsa a re, "A ke wena kgosi ya Bajuta"? A araba a re, "Wa rialo". ³Baperesiti ba bagolo ba ne ba kaya melato e mentsi kgatllhanong le Jeso.⁴Pilato a mmotsa gape a re, "A ga o na karabo? Bona go re ba go bona melato e metsi jang !" ⁵Mme Jeso a seka a tlhola a araba Pilato, mme se sa mo gakgamatsa.⁶Jaanong ka nako ya moletlo Pilato o ne a tle a ba gololele legolegwa le le lengwe,legolegwa le ba le kopileng. ⁷Mo kgolegelong le digogela thoko, mo babolaing ba ba tshwaretsweng karolo ya bone mo bogogelathokong, ga bo gole monna a bidiwa Barabase. ⁸Bontsi jwa batho ba tla ko go Pilato ba simolola go mo kopa go ba direla jaaka a dirile pele.⁹Pilato a ba araba a re, "A le batla ke le gololela kgosi ya Bajuta?" ¹⁰Ka o ne a itse gore ke ka ntlha ya lefufa go bo Moperisiti yo mogolo a bo a mo neetse Jeso. ¹¹Mme baperesiti yo mogolo a rotloetsa batho go goeletsa gore go gololwe Barabase.¹²Pilato a ba araba gape a re," Jaanong ke dire eng ka Kgosi ya Bajuta?" ¹³Ba goa gape ba re, " Mmapole!"¹⁴Pilato a ba raya a re, "o dirile molato ofe?" Ba goeletsa le go feta ba re, "Mmapole" ¹⁵Pilato o ne a batla go kgotsofatsa bontsi , jalo a ba gololela Barabase. A kgwathisa Jeso mme a ba mo neela go ya go bapolwa.¹⁶Masole ba mo isa kwa kgotleng , ba bitsa ga mmogo masole otlhe. ¹⁷Ba apesa Jeso seaparo se se bohibidu jwa segosi, mme ba loga korone ya mitlwa, ba e mo rwesa. ¹⁸Ba simolola go dumedisa ka go ikoba ba re, " Tuma, Kgosi ya Bajuta!"¹⁹Ba mmetsa mo tlhogong ka letlhaka ba bo ba mo kgwela mathe. Ba oba mangole fa pele ga gagwe ba itira jaaka ekete ba a mo tlotla. ²⁰Fa ba se na go mo sotla, Ba mo apola seaparo se sehibidu jwa mmala wa segosi, ba mo apesa diaparo tsa gagwe mme ba mo isa go ya go mmapola. ²¹Ba pateletsa mofiti ka tsela go thusa, yo o neng a tla a tswa mo lefatsheng lengwe, monna yo o neng a bidiwa Simone wa Sirane (Rraagwe Alekesentere le Rufase); ba mo pateletsa go rwala sefapaano sa ga Jeso.²²Masole a isa Jeso ko lefelong le le bidiwang Gologota (go raya, "lefelo la legata"). ²³Ba mo neela mofine o tlhakantswe le molemo, mme a seka a o nwa. ²⁴Ba mmapola, ba kgaoganya diaparo tsa gagwe, ba dira khupelekhupele go bona se lesole lengwe le lengwe le tlaa se tsayang.²⁵E ne e le ka oura ya boraro fa ba mmapola. ²⁶Ba baya mokwalo wa go supa molato o ba o mmoneng o re, "Kgosi ya Bajuta." ²⁷Ba bapola magodu a mabedi le ene,yo mongwe ka fa mojeng yo mongwe ka fa molemeng. ²⁸Mme dikwalo tsa rurifadiwa tse di reng one a balelwa le baleofi.²⁹Ba ba neng ba feta ba mo roga, ba tshikhinya ditlhogo ba re, "ahaaa! Wena yo o kgonang go senya tempele o bo o e aga mo malatsing a mararo, ³⁰ikgolole o bo o fologe sefapaano!.³¹Ka tsela e e tshwanang baperisiti bagolo ba mo sotla ga mmogo le bakwadi ba molao ba re, "O bolokile ba bangwe, mme ga a kgone go ipoloka. ³²A Keresete,Kgosi ya Iseraele, a fologe mo sefapaanong, go re re bone re tle re dumele". Le ba ba neng ba bapotswe le ene ba mo sotla.³³Ka oura ya borataro, lefifi la tla mo lefatsheng lotlhe go fitlhela oura ya borobabongwe. ³⁴Ka oura ya borobabongwe Jeso a lela ka lentswe le le ko godimo, "Eloi, Eloi, lama sabakathani?" Mo go ranolwang gotwe, "Modimo wa me, Modimo wame, o ntlogeletse eng?" ³⁵Bangwe ba ba ba neng ba eme foo ba utlwa mme ba re, "Bona, o bitsa Elija."³⁶Mongwe a taboga, a tshela mofine o o botlhoko mo sekateng, a se tsenya mo thobaneng ya letlhaka, a bo a mo neela go re a nwe. Monna a re, " A re boneng go re a Elija o tlaa mo folosa?" ³⁷Jalo Jeso a lela ka lentswe le le kwa godimo mme a swa. ³⁸Sesiro sa tempele sa kgagoga ka bogare go tswa kwa godimo go ya kwa tlase.³⁹E rile fa moeteledipele wa sesole yo o neng a eme a lebagane le Jeso a bona go re o sule ka tsela e e ntseng jaana , a re, " Ruri yo ke Morwa Modimo". ⁴⁰Gape ga bo go le basadi ba ba neng ba lebile ba le kgakajana. Mo go bone go le Maria Magatalena, Maria (mmaagwe Jakobe le Josese), le Salome. ⁴¹Fa a ne a le ko Galalea ba ne ba mo sala morago ba mo direla. Basadi ka bontsi le bone ba ne ba tsile le ene mo Jerusalema.⁴²Fa maitseboa a tla, ka go re e ne e le Letsatsi la Paakanyo,ke gore, letsatsi pele ga Sabata, ⁴³Josefa wa Arimatia a tla foo. E ne e le leloko le le tlotlegang la lekgotla, yo o neng a letetse Bogosi jwa Modimo. A ya kwa go Pilato ka bopelokgale, a kopa mmele wa ga Jeso. ⁴⁴Pilato a gakgamalela go re Jeso o setse a sule; a bitsa mogolwane wa sesole go mmotsa go re a Jeso o sule.⁴⁵Fa a se na go utlwa ka mogolwane wa sesole go re Jeso o sule, a neela Josefa mmele wa gagwe. ⁴⁶Josefa o ne a rekile letsela. A mo folosa mo sefapaanong, a mo phutha ka letsela, a mmaya mo lebitleng le le neng le gabilwe mo letlapeng. Jaanong a pitikololela letlapa go tswala kgoro ya lebitla. ⁴⁷Maria Magatalena le Marea mmaagwe Josese ba bona lefelo le Jeso a fitlhilweng mo go lone.

16¹Fa letsatsi la Sabata le sena go feta, Marea Magatalena, Marea mmaagwe Jakoba, le Salome, ba reka dinkgisa monate, go re ba ye go tshasa mmele wa ga Jeso.' ²Ya re mo mosong wa letsatsi la ntlha la beke, ba ya kwa lebitleng fa letsatsi le tlhaba.³Ba raana ba re, "Ke mang yo o tla re pitikololelang letlapa a le ntsha mo kgorong ya lebitla?" ⁴Fa ba tsosa matlho, ba bona gore letlapa le tlositswe ka gore e ne e le letlapa le le golo.⁵Ba tsena mo lebitleng, mme ba bona mokawana yo o apereng diaparo tse ditshweu, a ntse fa thoko, mme ba gakgamala thata. ⁶Mme a ba raya a re, "Se boifeng, le batla Jeso wa Nnasaretha, yo o neng a bapotswe? O tsogile!Ga a yo fa.Bonang fa ba neng ba mmeile teng. ⁷Tsamayang le bolelele barutwa ba gagwe le Petere go re, o le eteletse pele go ya Galalea. Mme le tla a mmona koo jaaka a le boleletse.⁸Ba ne ba tswa fa lebitleng ba sia, ba roroma ebile ba gakgametse. Ba se ka ba bolelela ope ka ntlha ya letshogo.⁹E rile mo mosong wa letsatsi la ntlha la beke, fa a se na go tsoga, a iponatsa pele kwa go Marea Magatalena yo o neng go kobilwe matimona a le supa mo go ene. ¹⁰Mme a tsamaya a ya go bolelela botlhe ba ba neng ba na nae,ba santse ba utlwile botlhoko ba lela. ¹¹Ba ne ba utlwile go re o tsogile, e bile o mmonye, mme ba sa dumele.¹²Morago ga mo, o ne a iponafatsa ka ponalo e nngwe mo go bangwe ba bone ba babedi, ba ba neng ba tsamaya mo nageng. ¹³Mme ba ya go bolelela barutwa ba bangwe, ba seka ba ba dumela.¹⁴Morago Jeso a iponatsha mo go ba ba lesome le motso ba le mo tafoleng, mme a ba kgalemelela go tlhoka tumelo le bopeloethata jwa bone, ka gore ga ba a ka ba dumela ba ba mmoneng morago ga go tsoga mo baswing. ¹⁵A ba raya a re, "Yang le lefatshe lotlhe le rerele lebopo lotlhe mafoko a a molemo, ¹⁶Yo o dumelang, a bo a kolobediwa o tla bolokwa, yo o sa dumeleng o tla atlholwa.¹⁷Ditshupo tse di tla tsamaya le ba ba dumelang: ba tla lelekela ntle matimona ka leina la me. Ba tla a bua ka diteme tse disha. ¹⁸Ba tla tsaya dinoga ka diatla tsa bone, mme fa ba a nwa sepe se se bolayang ga se kitla se ba utlwisa botlhoko ka gope. Ba tla a baya balwetse diatla mme ba tla a fola."¹⁹Fa Morena a sena go bua dilo tse le bone, a tlhatlosediwa kwa legodimong mme a nna ka fa letsogong le legolo la Modimo. ²⁰Barutwa ba tsamaya ba rera gongwe-le-gongwe, Morena a dira le bone, a rurifatsa lefoko ka ditshupo tse di neng di tsamaya le bone.

Luke

1¹Ba le bantsi ba lekile go bega ka ga dilo tse di rurifadiwang mo go rona, ²jaaka ba re di begetse, rona ba e rileng go tswa tshimologong ra bo re le basupi le batlhanka ba molaetsa o. ³Ka jalo ke bona go ntshwanetse - ke sena go tlhotlhomisa ditiragalo tse go tswa tshimologong -go go kwalela polelo e e lolameng, Theofilo yo o molemo. ⁴Gore o itse boammaruri jwa dilo tse o di rutilweng.⁵Mo malatsing a ga Kgosi Herote wa Jutea, go ne go le moperesita mongwe a bidiwa Sakarea, wa setlhopha sa Abija. Mosadi wa gagwe e le mongwe wa barwadia Arone, a bidiwa Elisabetha. ⁶Ba ne ba le tshiamo mo matlhong a Modimo, ba obamela melao le ditaelo tsa Morena. ⁷Mme ba sena ngwana ka gonne Elisabetha o ne a le moopa, mme ba setse ba tsofetse ka nako eo.⁸Jaanong ga diragala gore Sekarea a bo a le mo tempeleng, a dira ditiro tsa boperesite go yeng ka fa setlhopheng sa gagwe. ⁹ O ne a tlhophilwe ka khupele khupele go ya ka fa mokgweng wa tlwaelo ya go tlhopha yo o tla a direlang mo tempeleng ya Morena go tshuba maswalo. ¹⁰Botlhe ba ne ba rapela kwa ntle ka nako ya maswalo a tshubiwa.¹¹Moengele wa Morena a bonala mo go ene, a ema ka fa mojeng wa aletare ya maswalo. ¹²Fa Sekarea a mmona a tshoga thata. ¹³Mme Moengele a mo raya a re ''Se boife, Sekarea, ka gonne thapelo ya gago e utlwilwe. Mosadi wa gago Elisabetha o tla go tsholela morwa. Mme o tla mmitsa Johane.¹⁴O tla itumela o ipela, ba le bantsi ba tla ipelela go tsholwa ga gagwe. ¹⁵Gonne ene o tla nna mogolo mo matlhong a Modimo. A seka a nwa mofine kana bojalwa jo bo bogale, o tla tladiwa ka Moya yo o Boitshepo go tswa mo sebopelong sa ga mmagwe.¹⁶Mme Baiseraela ba le bantsi ba tla retologela ko Moreneng Modimo wa bone. ¹⁷ O tla a etelela Morena pele ka moya le nonofo ya ga Elija. O tla a dira se go retolola dipelo tsa bo rraabana ko baneng, gore ba ba kgopo ba tsamae mo botlhaleng jwa basiami-go ba baakanyetsa go dumela molaetsa wa Modimo.''¹⁸Sekarea a raya moengele a re, ''Ke ka tlhomamisa se jang? Ka ke monnamogolo le mosadi wa me o tsofetse.'' ¹⁹Moengele a mo araba a re, ''Ke Gabariele, yo o nnang teng mo boleng teng jwa Modimo. Ke romilwe go bua nao, go go tsisetsa mafoko a a molemo a. ²⁰Mme bona, o tla nna semumu, go fitlhelela dilo tse di diragala .Ka gonne ga o a ka wa dumela mafoko a me, a a tla a rurifadiwang ka nako e e siameng.''²¹Batho ba bo ba emetse Sekaria. Ba gakgamaletse gore o diegile mo tempeleng. ²²Mme e rile a tswa, a bo a sa kgone go ba buisa. Ba lemoga gore o nnile le tshenolelo a le mo tempeleng. A tswelela a bua le bone ka diatla a ntse a didimetse. ²³Mme ga diragala fa malatsi a bodiredi jwa gagwe a tla bokhutlong, a boela lapeng.²⁴Morago ga malatsi a, mosadi wa gagwe Elisabetha a ima. A itswalela dikgwedi di le tlhano, a re ²⁵''Se ke se Morena a se ntiretseng ka a ntlhomogetse pelo a tlosa ditlhong tsame fa pele ga batho.''²⁶Mo kgweding ya borataro ,Moengele Gabariele o ne a rongwa go tswa ko Modimong go ya toropong ya Nasaretha mo kgaolong ya Galalea, ²⁷ko lekgarejwaneng le le neng le bidiwa Marea le le beeleditsweng ke Josefa. E le wa ntlo ya ga Tafite. ²⁸A tla mo go ene a re ''Dumela, wena mosegofadiwa wa Modimo! Morena o na le wena.'' ²⁹Mme a tsietsega thata ka ntlha ya mafoko, a ipotsa gore ke madume a mofuta o fe one a.''³⁰Moengele a raya Marea a re, ''Se boife, Marea, gonne o bone lesego mo Modimong. ³¹Bona o tla ima e bile o tla tshola ngwana wa mosimane .O tla mmitsa leina o re 'Jeso.' ³²O tla a nna mogolo ebile o tla bidiwa morwa Mogodimo. Morena Modimo o tla mo fa setilo sa bogosi sa ga Tafite rragwemogolo. ³³O tla busa ntlo ya ga Jakobe go ya bosakhutlheng le puso ya gagwe e tla nna go ya go ileng.''³⁴Marea a raya moengele a re, '' Se se tla a diragala jang, ka ke sa itse monna?'' ³⁵Moengele a mo araba a re, ''Moya yo o Boitshepo otla a tla mo go wena, le nonofo ya Mogodimo e tla go apesa. Mme yo o boitshepo yo o tla a tsholwang o tla bidiwa Morwa Modimo.³⁶Bona, Elisabetha yo e leng lesika la gago le ene o imile morwa mo botsofeng jwa gagwe .O mo kgweding ya borataro, ene yo o neng a bitswa moopa. ³⁷Gonne ga gona se se sa kgonegeng mo Modimong.'' ³⁸Marea a re, ''Bona ke motlhanka fela wa Morena . A go ntiragalele go ya ka fa molaetseng wa gago.'' Moengele a tswa fa go ene.³⁹Foo Marea a nanoga a ya ko lefatsheng le le dithaba, ko toropong ya Jutea. ⁴⁰A tsena mo ntlong ya ga Sekarea a dumedisa Elisabetha. ⁴¹Ga diragala gore fa Elisabetha a utlwa madume a ga Marea, ngwana mo sebopelong sa gagwe a tlola, mme Elisabetha a tladiwa ka Moya yo o Boitshepo.⁴²A bua ka lentswe le le ko godimo a re, ''O sego mo basading, leungo la sebopelo sa gago le lone le segofetse. ⁴³Mme ke eng go diragetse gore mma Morena wa me a bo a tlile ko go nna. ⁴⁴Gonne bona, fa ke utlwa madume a gago fela ngwana yo o mo sebopelong same a tlola ka boitumelo. ⁴⁵E bile go sego yo o dumetseng fa se a se boleletsweng ke Morena se tla diragala.''⁴⁶Marea are, '' Pelo ya me e baka Morena, ⁴⁷le mowa wa me o itumetse mo Modimong mmoloki wa me.⁴⁸Gonne o bonye bobotlana jwa motlhanka wa one. Gonne bona, go tloga fano dikokomana tsotlhe di tla mpitsa mosegofadiwa. ⁴⁹Gonne ene mothataotlhe o ntiretse dilo tse di kgolo e bile leina la gagwe le boitshepo.⁵⁰Boutlwelo botlhoko jwa gagwe bo ntse go tswa mo kokomaneng go ya kokomaneng mo go ba ba mmoifang. ⁵¹O supile maatla ka letsogo la gagwe; o phatlhaladitse ba ba neng ba ikgogomositse ka dikgopolo tsa dipelo tsa bone.⁵²O tlositse magosana mo mebusong, a tlhatlosa ba ba botlana. ⁵³O file batlhoki dilo tse di molemo, mme a koba bahumi ba iphotlhere.⁵⁴O thusitse Iseraela motlhanka wa gagwe, gore a gakologelwe go supa kutlwelobotlhoko ⁵⁵(jaaka a reile bo rraarona) ko go Aborahama le kokomane ya gagwe go ya bosakhutlheng.''⁵⁶Marea a nna le Elisabetha dikgwedi di ka nna tharo a bo a boela ko ga gagwe. ⁵⁷Jaanong nako ya ga Elisabetha ya pelegi ya tla a tshola morwa. ⁵⁸Baagisanyi le masika a gagwe ba utlwa fa Morena a mo utlwetse botlhoko, ba ipela nae.⁵⁹Ka letsatsi la boferabobedi ba tlisa ngwana go tla go rupisiwa, ba ne ba ka mmitsa ''Sekarea,'' jaaka rraagwe. ⁶⁰Mme mmaagwe a araba a re, ''O tla a bidiwa Johane.'' ⁶¹Ba mo raya ba re, ''Ga go na ope yo o bidiwang Johane mo lesikeng la gago.''⁶²Ba supa ka diatla ba bontsha rraagwe gore ba batla a bitswa mang. ⁶³Mme rraagwe a kopa lentswe, a kwala a re, ''leina la gagwe ke Johane.'' Se sa ba gakgamatsa botlhe.⁶⁴Ka bonako a mumologa a bua a bo a paka Modimo. ⁶⁵Baagisane ba tlelwa ke poifo, polelo e ya anama mo lehatsheng la Jutea. ⁶⁶Le botlhe ba ba e utlwang ba nna ba e gopotse ba ipotsa gore ''ngwana yo o tla nna motho wa mofuta ofe?'' Gonne letsogo la Modimo le ne le le mo go ene.⁶⁷Rraagwe e bong Sekaria a tladiwa ka Moya yo o Boitshepo mme a porofita a re, ⁶⁸''A go bakwe Morena, Modimo wa Iseraele, ka gonne o tlile go re thusa le go golola batho ba gagwe.⁶⁹O re tsoseditse lenaka la poloko mo ntlong ya motlhanka wa gagwe Tafite, ⁷⁰jaaka a buile ka melomo ya baporofite ba gagwe ba ba boitshepo ba bogologolo. ⁷¹O tla a re golola mo babeng ba rona le mo go ba ba re tlhoileng.⁷²O tla a dira se go utlwela botlhoko bo rraarona le go gakologelwa kgolagano ya gagwe e e boitshepo, ⁷³Kgolagano e a e buileng le Aborahame rraarona. ⁷⁴O ikanne go re e neela, gore e re re e golotswe mo letsogong la baba ba rona re mo direla re sena poifo, ⁷⁵re le boitshepo le tshiamo fa pele ga gagwe malatsi otlhe a rona.⁷⁶Ee, mme wena, ngwanaka, o tla bitswa moporofita wa mogodimodimo, gonne o tla etelela pele Morena go baakanya ditsela tsa gagwe, le go baakanyetsa batho go tla ga gagwe, ⁷⁷go itsise poloko le boitshwarelo jwa dibe mo bathong ba gagwe.⁷⁸Se se tla diragala ka ntlha ya mautlwelo botlhoko a Modimo, Yo ka ene re tlhabetsweng ke lesedi go tswa godimo go tla go re thusa, ⁷⁹go phatsimela ba ba ntseng mo lefifing le mo moriting wa leso, go goga dikgato tsa rona mo ditseleng tsa kagiso.''⁸⁰Jalo ngwana a gola a tia mo moweng, mme a nna mo sekakeng go fitlhelela letsatsi la a itshupa mo Iseraele.

2¹Jaanong mo metlheng eo ya ga Kaisara Akasetose, a ntsha taolo ya gore go nne le palo batho botlhe mo lefatsheng. ²E ne e le palo batho ya ntlha fa e sale Kereniase e nna molaodi wa Seria. ³Jaanong mongwe le mongwe a boela ko motseng mogolo wa bone go ya go ikwadisa.⁴Josefa le ene a tswa ko Galalea go tswa mo motse mogolo wa Nasaretha go ya Jutea, mo motse mogolo wa ga Tafite e e bidiwang Bethelehema. E ne e le wa ntlo le wa lesika la ga Tafite. ⁵A ya koo go ikwadisa a na le Marea yo a neng a mmeeleditse, o ne a imile.⁶Ya re ba santse ba le koo, nako ya go belega ngwana wa gagwe ya goroga. ⁷A belega ngwana wa mosimane, e le wa ntlha a mo phutha ka matsela a bo a mo robatsa mo bojelong jwa dipitse, ba ne ba sena kamore ko matlong a boroko.⁸Ga bo go na le badisa mo kgaolong eo ba ba neng ba nna mo masimo, ba disitse letsomane la bone bosigo. ⁹Moengele wa Morena a ba iponagaletsa, mme kgalalelo ya Morena ya phatsima mo tikologong ya bone, mme ba tladiwa ka poifo e kgolo.¹⁰Jaanong Moengele a ba raya a re, ''Le seka la boifa, ka gore ke le tliseditse mafoko a molemo a a tla tlisang boitumelo jo bogolo mo bathong botlhe. ¹¹Gompieno mo toropong ya ga Tafite le tsholetswe mmoloki! Ke Keresete Morena! ¹²Se ke tshupegetso e le tla e neelwang: Le tla bona ngwana a phothilwe ka matsela a robaditswe mo bojelong jwa dipitse.''¹³Mo nakong eo moengele a bo a na le mophato o mogolo wa masole a legodimo ba galaletsa Modimo ba re, ¹⁴''Kgalaletso go Modimo yo o mo godimodimo, a go nne kagiso mo lefatsheng mo bathong ba a itumelang mo go bone''¹⁵Ga tla mo go bone fa baengele ba sena go ba tlogela ba tsene mo legodimong, badisa ba raana ba re, ''A re tsamayeng jaanong ko Bethelehema, re ye go bona se se diragetseng, se Morena a se re itsesitseng.'' ¹⁶Ba itlhaganelela teng ba fitlhela Marea le Josefa, ba bona ngwana a robaditswe mo bojelong ja dipitse.¹⁷Morago ga go mmona, ba bolelela batho ka se ba se itsesitsweng ka ngwana yo. ¹⁸Botlhe ba ba neng ba utlwile ba ne ba hakgamadiwa ke se ba neng ba se b0lelelwa ke badisa. ¹⁹Mme Marea a nna a akantse dilo tsotlhe tse a di utlwileng, a di boloka mo pelong ya gagwe. ²⁰Badisa ba boa ba galaletsa Modimo mo go tsotlhe tse ba di utlwileng ba bo ba di bona, fela jaaka ba di boleletswe.²¹Ka jalo ya re letsatsi la borobabobedi ( 8 ) le wela a rupisiwa, a bidiwa Jeso, leina le a le filweng ke moengele pele a imiwa mo popelong ya ga mmaagwe.²²Fa malatsi a ntlafatso a a kopilweng a wela go ya ka molao wa ga Moshe, Josefa le Marea ba mo tsisa mo tempeleng go mo neela mo Moreneng. ²³Jaaka go kwadilwe mo molaong wa Morena, ''Ngwana wa mosimane mongwe le mongwe wa ntlha o tla beelwa Morena fa thoko.'' ²⁴Ka jalo ba ntsha setlhabelo jaaka go builwe mo molaong wa Morena, '' maphoi a mabedi kgotsa maeba a mabedi.''²⁵Bonang, ga bo go na le monna mo Jerusalema a bidiwa Simone, monna yo a le mosiami e bile a ineetse. O ne a batla kgomotso ya Iseraele, mme Mowa o Boitshepo wa bo o na le ene. ²⁶O ne a senoletswe ke Mowa o Boitshepo gore ga a na go swa pele ga a bona Morena wa' Keresete.²⁷A eteletswe pele ke Mowa o Boitshepo Simone a tla mo tempeleng. Fa batsadi ba tsisa ngwana Jeso go mo direla ka fa tlwaelesegong ya molao, ²⁸a mo kuka a mo tsenya mo matsogong a galaletsa Modimo a re, ²⁹'' Jaanong letlelela motlhanka wa gago go tsamaya ka kagiso Morena go ya ka lefoko la gago.³⁰Gonne matlho ame a bonye poloko ya gago, ³¹e o e baakantseng mo ponong ya batho botlhe: ³²Lesedi la tshenolo ko Baditshabeng le kgalalelo mo bathong ba gago ba Iseraele.''³³Batsadi ba ngwana ba ne ba hakgamaditswe ke se se neng se buiwa ka ene. ³⁴Simone a ba segofatsa a bo a raya Marea mmaagwe a re, "ngwana yo o tlhometswe go wa le go tsoga ga batho ba bantsi mo Isaraele le mo tshupelong ya gore o gannwe- ³⁵mme tshaka e tla tlhaba tlhaloganyo ya gago-gore dikakanyo tsa batho ba bantsi di tle di senolwe."³⁶Mosadi mongwe wa moporofiti yo o neng a bidiwa Ana o ne a le foo. E ne e le morwadia Fanoele go tswa mo morafeng wa Asha. O ne a tsofetse thata. O ne a nna le monna wa gagwe dingwaga tse supa ( 7 ) morago ga go tlhakanela dikobo le ene, ³⁷a bo a nna motlholagadi dingwaga tse di masome a robang bobedi le bone(84). Ga a ise a ko a tswe mo tempeleng, mme o ne a direla mo tempeleng itimo dijo le dithapelo bosigo le motshegare. Ka yone nako eo a ba atumela, a bo a simolola go isa ³⁸malebogo ko Modimong a bua ka ngwana mo mongwe le mongwe yo o ntseng a letetse kgololo ya Jerusalema.³⁹Fa ba sena go fetsa sengwe le sengwe se ba kopilweng go se dira ka fa molaong, ba boela Galalea ko toropong ya bone. ⁴⁰Ngwana a gola a nonofa, a gola mo botlhaleng le mautlwelo botlhoko a Modimo a ne a na le ene.⁴¹Batsadi ba gagwe ba ne ba ya moletlo wa tlolagano ko Jerusalema ngwaga le ngwaga. ⁴²Fa a le dingwaga tse di lesome le bobedi ( 12 ) ba tsamaya gape ka nako ya tlwaelo ba ya moletlong. ⁴³Fa ba sena go nna malatsi otlhe a moletlo, ba simolola go boela gae. Mme mosimane Jeso a sala mo Jerusalema batsadi ba gagwe ba sa lemoge. ⁴⁴Ba ne ba akanya gore o na le setlhopha se ba tsamayang le sone, ba tsamaya sekgala sa letsatsi ba bo ba simolola go mmatla mo masikeng le ditsala tse ba nang le tsone.⁴⁵Ya re ba sa mmone ba boela Jerusalema ba simolola go mmatla teng. ⁴⁶Ga diragala gore morago ga malatsi a mararo ( 3 ) ba mo fitlhela mo tempeleng, a ntse fa gare ga baruti, a ba reeditse a bo a ba botsa dipotso. ⁴⁷Botlhe ba ba neng ba mo reeditse ba ne ba hakgamaditswe ke go tlhaloganya ga gagwe le dikarabo tsa gagwe.⁴⁸Fa ba mmona ba ne ba hakgamala. Mmaagwe a mo raya a re, "Morwaaka, ka go reng o re tsaya ka tsela e? Reetsa, nna le rrago re ntse re tshwenyegile re go batla. '' ⁴⁹A ba raya a re, ''Ka goreng le ne le mpatla? A le ne le sa itse gore ke tshwanetse ka nna mo ntlong ya ga Rre?'' ⁵⁰Mme ba ne ba sa tlhaloganye gore mafoko ao a ne a raya eng .⁵¹Jalo a boela le bone kwa ga bone ko Nasaretha a nna boikobo mo go bone. Mmaagwe a boloka tse tsotlhe mo pelong ya gagwe. ⁵²Mme Jeso a tswelela ka go gola mo botlhaleng le seriti, a gola mo go ratweng ke Modimo le batho.

3¹Mo ngwageng wa lesome le botlhano (15) wa go busa ga ga Teberia Kaisara-fa Pontose Pilatwe, e ne ele mmusi wa Jutia, Herote e ne ele mmusi wa Galalea, morwa rraagwe Felipo e ne ele mmusi wa kgaolo ya Eturia le Terakonese, le Lesaniase o ne a busa ko Abelane, ²ka nako ya Anase le Kaifase e le baperesiti, lefoko la Modimo la tla kwa go Johane morwa Sakarea kwa nageng.³O ne a tsamaya le dikgaolo tsotlhe tse di mo Jorotane, a rera ka kolobetso ya boikotlhao gore ba itshwarelwe dibe.⁴Jaaka go kwadilwe mo bukeng ya mafoko a ga Esaiya moporofite, ''Lentswe la mongwe la goeletsa go tswa mo nageng, 'baakanya tsela ya Morena, tlhamalatsa mmila wa gagwe.⁵Mokgatsha mongwe le mongwe o tlaa tladiwa, le thaba nngwe le nngwe le lekgabana di tla a isiwa tlase, le ditsela tse di sa tlhamalalang di tla a tlhamaladiwa, ditsela di tla a agiwa mo mafelong a a sa siamang, ⁶le nama yotlhe e tla a bona poloko ya Modimo.'''⁷Foo Johane a raya matshwititshwiti a a neng a tsile gore a ba kolobetse, ''Lona ba losika la dinoga! Ke mang yo o le tlhagisitseng go tshaba tshakgalo e e tlang?⁸Ke gone, ntshang maungo a a tshwanetseng boikotlhao, mme le seka la ithaya le re, 'Rena le rrarona Aborehama,' ke a le bolelela gore Modimo o kgona go direla Aborehama bana ka majwe a.⁹Selepe se mo meding ya ditlhare. Ka gore setlhare sengwe le sengwe se se sa ungweng maungo a a molemo se tlaa rengwa se latlhelwa mo molelong.''¹⁰Matshwititshwiti a mmotsa, a re, ''Ke eng se re tshwanetseng go se dira?'' ¹¹A araba a ba raya a re, ''Fa mongwe a na le diaparo tse pedi, a a abele yo mongwe yo o senang sepe, mme le yo o nang le dijo a a dire jalo.''¹²Bakgethise le bone ba tla go kolobediwa, mme ba mo raya ba re, ''Moruti, re tshwanetse ra dirang?'' ¹³A ba raya a re, ''Le seka la kgethisa madi a mantsi go feta a le laotsweng go a tsaya.''¹⁴Masole mangwe le one a mmotsa, a re, ''Wa reng ka ga rona? Re tshwanetse ra dira eng? A ba raya a re, ''Le seka la tsaya madi mo go ope ka dikgoka, gape le seka la pateletsa ope. Kgotsofalelang tuelo ya lona.''¹⁵Batho ba ne ba emetse go tla ga gago Jeso ka tlhoafalo, mongwe le mongwe o ne a ipotsa mo pelong ka ga Johane gore a ke ene Keresete. ¹⁶Johane a ba araba botlhe a re, ''Nna, ke le kolobetsa ka metsi, mme go tla mongwe yo o nonofileng go nkgaisa, ga ke a nonofa le fa e le go bofolola kgole ya setlhako sa gagwe. O tlaa le kolobetsa ka Mowa o o Boitshepo le ka molelo.¹⁷Leselo la gagwe le mo seatleng sa gagwe go olosa se se mo seboaneng sa gagwe, le go phuthela mabele mo sefalaneng sa gagwe. Mme mmoko o tla a o tshuba ka molelo o o sa ka keng wa tingwa.''¹⁸Johane a tswelela ka go kgothatsa, a rerela batho dikgang tse di molemo. ¹⁹Fa Herote wa molaodi a sena go kgalemelelwa go nyala mosadi wa ga monnawe Herotease, le dilo tsotlhe tse di bosula tse Herote a di dirileng, ²⁰ba okeletsa ka se, a latlhela Johane mo kgolegelong.²¹Mme ga diragala ya re batho botlhe ba sena go kolobediwe, Jeso le ene a kolobediwa, mme yare a santse a rapela magodimo a bulega, ²²mme Mowa oo Boitshepo wa tla o le mo tshwanong ya lephoi wa fologelela mo go ene jaaka lephoi, mme lentswe la tswa kwa legodimong, ''O Morwaake, yo ke moratang. Ke itumela mo go wena.''²³Fa Jeso a simolola bodiredi jwa gagwe, o ne a ka nna dingwaga tse di masome mararo (30). E ne ele Morwa Josefa (jaaka go ne go akanyediwa), morwa Heli, ²⁴morwa Mathate, morwa Lefi, morwa Meleka morwa Jonae, morwa Josefa.²⁵Josefa e ne ele morwa Mathatese, morwa Amose, morwa Nahume, morwa Esele, morwa Nagai, ²⁶morwa Mathatese, morwa Semeine, morwa Joseko, morwa Jota.²⁷Jota ene ele morwa Joana, morwa Rosa, morwa Serubabele, morwa Salethele, morwa Neru, ²⁸morwa Meleka, morwa Adi, morwa Kosame, morwa Elemedame, morwa Era, ²⁹morwa Joshua, morwa Eliesa, morwa Joreme, Morwa Mathate, morwa Lefi.³⁰Lefi e ne ele morwa Simone, morwa Juta, morwa Josefa, morwa Joname, morwa Elekime, ³¹morwa Melea, morwa Menana, morwa Mathate, morwa Nathane, morwa Tafita, ³²morwa Jese, morwa Obete, morwa Boase, morwa Salemone, morwa Nashane.³³Nashane e ne ele morwa Amenatabo, morwa Atemina, morwa Nani, morwa Heserone, morwa Perese, morwa Juta, ³⁴morwa Jakobe , morwa Esake, morwa Aborehama, morwa Tera, morwa Nakora, ³⁵morwa Seruga, morwa Rehu, morwa Pelega, morwa Ebera, morwa Shelera.³⁶Shalahe ene ele morwa Kanane, morwa Aphakasete, morwa Shema, morwa Noa, ³⁷morwa Lameka, morwa Methusela, morwa Enoko, morwa Jeredi, morwa Mahalalele, morwa Kanana, ³⁸morwa Enose , morwa Sethe, morwa Atamo, Morwa Modimo.

4¹Jeso , a tladitswe ka Moya o o Boitshepo, a boa kwa nokeng ya Jorotane, mme Moya wa mo gogela kwa sekakeng kwa a neng ²a raelwa ke diabolo ka malatsi a le masome a mane (40). O ne a sa je sepe mo malatsing ao mme morago a tshwarwa ke tlala.³Diabolo a mo raya a re, "Fa o le morwa Modimo laola letlapa le go iphetola borotho." ⁴Jeso a mo araba a re, "Go kwadilwe gatwe, 'Motho ga a kake a tshela ka borotho bo le nosi."⁵Foo diabolo a gogela Jeso kwa godimo a mmontsha magosi otlhe a lefatshe ka bofefo. ⁶Diabolo a mo raya a re, "Ke tla a go neela mahumo a otlhe le bontle jwa one gonne ke di neetswe tsotlhe ebile ke ka di fa mongwe le mongwe yo ke mmatlang." ⁷Fa o ka nkobamela e tla a nna tsa gago.⁸Mme Jeso a mo araba a re, "Go kwadilwe gatwe, 'O tla a obamela le go direla Morena Modimo wa gago fela.'''⁹Foo Diabolo a gogela Jeso kwa Jerusalema, mme a mo isa kwa godimo ga kago ya tempele, a mo raya a re, "Fa o le morwa Modimo, itatlhe go tswa fa. ¹⁰Gonne go kwadilwe gatwe, 'O tla a laola baengele ba gagwe ka ga gago gore ba go sireletse; ¹¹mme ba tla a go tsholetsa ka matsogo a bone, gore o seka wa kgotswa ke letlapa."'¹²Jeso a mo araba a re, 'Gatwe o seka wa leka Morena Modimo wa gago.''' ¹³Fa diabolo a se na go mo leka a mo tlogelela nako e e tlang.¹⁴Jeso a boela kwa Galalea ka nonofo ya Moya, mme dikgang ka ga gagwe tsa tuma mo tikologong ya kgaolo yotlhe. ¹⁵A simolola go rera mo disinagogeng tsa bone, mme a galalediwa ke botlhe.¹⁶A tla mo Nasaretha mo a goletseng teng, mme jaaka e le tlwaelo a tsena mo sinagogeng ka Sabata, a ema ka dinao go balela kwa godimo. ¹⁷Lekwalo la moporofiti Esaeya la tsisiwa kwa go ene. A bula lekwalo, a bona fa go kwadilweng gotwe,"¹⁸Moya wa Morena o mo go nna, gonne o ntloleditse go rerela bahumanegi mafoko a a molemo. O nthometse go golola ba ba mo botshwarong, go busetsa difofu pono, go golola ba ba gateletsweng, ¹⁹le go bolela ngwaga wa bopelontle jwa Morena."²⁰A tswala lekwalo a le busetsa motlhokomedi, mme a nna fa fatshe. Matlho a botlhe ba ba mo sinagogeng a tsepegwa mo go ene. ²¹A simolola go bua le bone, "Gompieno Lekwalo le le rurifaditswe mo go lona." ²²Mongwe le mongwe a bua bontle ka ene, mme ba gakgamadiwa ke mafoko a a segofatsang a gagwe, mme ba botsa ba re, "A yo ga se morwa Josefa?"²³Aba raya a re,"Ruri le ka nthaya seane se la re, 'Ngaka, ikalafe. Dira tsotlhe mo ga lona, tse go tweng o di dirile kwa Kaperaname.'" ²⁴Mme a re, "ke le bolelela boammaaruri ka re, moporofiti ga ake a amogelesega mo gagabo.²⁵Boammaaruri ke gore go ne go na le batlholagadi ba bantsi mo Iseraele ka nako ya ga moporofiti Elija, fa legodimo le ne le tswetswe dingwaga tse tharo (3) le dikwedi tse thataro (6), leuba la wela naga yotlhe. ²⁶Mme Elija a seka a romelwa kwa go ope fa ese kwa go Seraphatha kwa Sitone, motlholagadi yo o neng a nna koo. ²⁷Go ne go na le baleperwa ba bantsi ka nako ya ga moporofiti Elisha mme ope wa bone a seka a fola fa ese Naamane wa Mosiria.²⁸Botlhe ba ba neng ba le mo sinagogeng ba ne ba shakgala fa ba utlwa dilo tse. ²⁹Ba ema, ba mo pateletsa go tswa mo motseng, ba bo ba mo isa kwa godimo mo setlhoeng sa thaba e toropo ya bone e agilweng mo go yone, gore ba tle ba mo dige mo go sone. ³⁰Mme a ba ralala a ya lefelong le sele.³¹A fologela kwa Kaperename, toropo ya Galalea a simolola go ba relela ka Sabata. ³²Ba gakgamadiwa kethuto ya gagwe thata, ka a ne a bua ka taolo.³³Go ne go na le monna yo o tshwerweng ke mewa e e maswe mme a goa a re, " ³⁴Re ka dira eng ka wena Jeso wa Nasaretha? A o tsile go re senya? Ke a go itse-O Moitshepi wa Modimo!"³⁵Jeso a kgalemela letimona, a re, "Didimala, o tswe mo go ene!" Fa letimone le sena go mo latlhela fa fatshe fa gare ga bone, la tswa mo go ene, le sa mo utlwisa botlhoko ka gope. ³⁶Botlhe ba gakgamala thata mme ba buisana ka ga seo. Bare, "Mafoko a ke a mofuta mang? O laola mewa e e bosula ka nonofo le thata mme e tswe." ³⁷Dikgang ka ga gagwe tsa simolola go tuma mo tikologong ya kgaolo yotlhe.³⁸Jeso a tswa mo sinagogeng a tsena mo ntlong ya ga Simone. Mogwagwadi wa ga Simone o ne a lwala letshoroma mme ba mo kopela gore a mo fodise. ³⁹A mo okama a kgalemela letshoroma, mme la tswa mo go ene. A ema a ba direla.⁴⁰Fa letsatsi le phirima, batho ba tsisa batho ba ba lwalang malwetsi a a farologanyeng kwa go ene. A ba baa diatla botlhe, a ba fodisa. ⁴¹Matimona a tswa mo go ba ba bantsi a lela a re, " O morwa Modimo." Jeso a a kgalemela a a itsa go bua ka gore a itse gore ke Keresete.⁴²Mo mosong a tswela fa thoko. Bontsi jwa batho ba mo senka mme ba ya fa go ene. Ba leka go mo kganela go ba tlogela. ⁴³Mme a ba ra ya a re, " Ke tshwanetse go rerela batho ba bangwe mo mafelong a mangwe mafoko a a molemo a bogosi jwa Modimo, gonne ke sone se ke se romeletsweng mono. ⁴⁴A tswelela a rera mo disinagogeng go rarala Jutia.

5¹Mme go ne ga dirafala, fa batho ba kgobokanyetse Jeso, ba reeditse lefoko la Modimo, mme a eme fa thoko ga letsha la Genesarete. ²O ne a bona mekoro e mebedi e gogetswe kwa ntle, fa lotshitshing la letsha. Batshwara ditlhapi ba ne ba dule mo go yone ba tlhatswa matloa a bone. ³Jeso a tsena mo nngweng ya mekoro, yo e leng wa ga Simone a mo kopa gore a o tsenye mo metsing sebakanyana go tsweng mo lefatsheng. Mme a nna mo go one a ruta batho a le mo mokorong.⁴E rile a sena go fetsa go bua, a raya Simone a re, ''Tsaya mokoro o ise kwa metsing aa boteng mme o latlhele matloa go tshwara.'' ⁵Simone a araba ka gore, ''Morena re berekile bosigo botlhe mme ga re a tshwara sepe, mme ka lefoko la gago, ke tla a latlhela matloa.'' ⁶E rile fa ba sena go dira se, ba tshwara palo e ntsi ya ditlhapi, mme matloa a bone a thubega. ⁷Ka jalo ba tlhaeletsa badiri ka bone mo mokorong o mongwe go tla go ba thusa. Ba ne ba tla mme ba tlatsa mekoro, gore e simolole go nwela.⁸Mme e rile Simone Petere a bona se, a wela fa fatshe fa mangoleng a ga Jeso a re,'' Tloga fa go nna ka gore ke moleofi, Morena'' . ⁹Gonne o ne a hakgametse, le botlhe ba ba neng ba ba na le ene, mo tshwarong ya ditlhapi tse ba neng ba di tshwere. ¹⁰Se se akaretsa Jakobe, le Johane bana ba ga Sebeti, ba e neng e le badiri le Simone. Jeso a raya Simone,'' ¹¹O seka wa boifa, ka gore go tloga gompieno o tla nna batswari ba batho .'' E rile ba sena go ntshetsa mekoro ya bone fa fatshe, ba tlogela sengwe le sengwe mme ba mo sala morago.¹²Ga dirafala ya re a le mo nngweng ya ditoropo, monna yo o neng a tletse ka lepero o ne a le foo. E rile fa a bona Jeso a rapama ka sefatlhego sa gagwe a mo kopa a re, ''Morena, fa o rata, o ka ntira montle''. ¹³Mme Jeso a otlolala letsogo la gagwe a mo ama, a re, ''ke a rata. Ntlafala.'' Ka bofefo lepero la mo tlogela.¹⁴A mo laela gore a seka ka bolelela ope, mme a mmolela gore, ''Tsamaya mo tseleng ya gago o ye go ipontsha moperesiti a bo o ntsha setlhabelo sa ntlafatso ya gago go yeng ka fa Moshe a laotseng ka teng, e le bopaki mo go bone.''¹⁵Mme pego ka ga gagwe ya anama le kwa kgakala, mme bontsintsi jwa batho ba tla mmogo go tla go mo utlwa a ruta le go fodisiwa malwetse a bone. ¹⁶Mme gangwe le gape o ne a ya kwa mafelong a a senang ope go rapela.¹⁷Mme go ne ga dirafala mo nngweng ya malatsi ao one a ruta, mme go ne gana le Bafarasai le baruti ba molao ba ba ntseng gone foo ba ba neng ba tswa kwa metseng e e farologaneng mo dikgaolong tsa Galalea le Jutia gape le mo motsaneng wa Jerusalema. Maatla a Morena a ne a na le ene go fodisa.¹⁸Jaanong banna bangwe ba tla, ba tshotse mo bolaong monna yo a neng a a sule mohama, mme ba ba tla tsela ya go mo tsenya mo teng gore ba mmee fa pele fa ga Jeso. ¹⁹Ba ne ba sa bone tsela ya go mo isa kwa go e ne ka lebaka la bontsi jwa batho mme ba ya kwa palama kwa godimo ga ntlo mme ba folosetsa monna fa fatshe ka marulelo ale mo bolaong jwa gagwe, mo gare ga batho, fela fa pele ga ga Jeso.²⁰E rile a bona tumelo ya bone, Jeso a re, ''Monna, maleo a gago a itshwaretswe.'' ²¹Bakwadi le Bafarasai ba simolola go botsa se, ba re, ''Ke mang e ne yo, yo o dirisang mafoko a a tlhapatsang. Ke mang yo o ka itshwarelang maleo fa e se Modimo a le esi?''²²Mme e rile fa Jeso, a lemoga se ba se akanyang, a araba a ba raya a re, ''Ke eng fa le botsa se mo dipelong tsa lona. ²³Go motlhofo go reng, 'Maleo a gago a itshwaretswe kgotsa gore emelela o tsamaye?' ²⁴Mme gore o tle o itse gore Morwa Motho o na le taolo mo lefatsheng ya go itshwarela maleo, Ke go raya ke re, 'Emelela, tsaya bolao jwa gago mme o ye kwa ntlong ya gago.'''²⁵Ka bofefo a emelela fa pele ga bone a tsaya bolao jwa gagwe bo a neng a robetse mo go bone. Mme a ya kwa ntlong ya gagwe, a galaletsa Modimo. ²⁶Mongwe le mongwe o ne a gakgametse mme ba ne ba galaletsa Modimo. Ba ne ba tlala ka poifo ba re, "Re bone dilo tse di sa tlwaelesegang gompieno."²⁷Morago ga dilo tse di sena go dirafala, Jeso a tswa foo mme a bona mokgethisi yo o bidiwang Lefi a ntse kwa tanteng ya mokgethisi. O ne a mo raya a re, ''Ntshala morago.'' ²⁸Jalo Lefi a emelela a mo sala morago, a tlogela sengwe le sengwe kwa morago.²⁹Mme Lefi a dira modiro o mogolo mo ntlong ya gagwe a o direla Jeso. Go ne go na le bakgethisi ba bantsi gone foo, ba ba neng ba iketlile fa tafoleng ba ja le ene. ³⁰Mme Bafarasai le bakwadi ba bone ba ne ba ngongorela kwa barutweng ba gawe ba re, ''Ke eng fa le ja le bo le nwa le bakgethisi le batho ba bangwe ba baleofi?'' ³¹Jeso a ba araba, ''Batho ba ba itekanetseng ga ba tlhoke ngaka, mme fela ba ba lwalang. ³²Ga ke a tla go bitsa batho ba ba siameng gore ba ikotlhae mme go bitsa baleofi gore ba ikotlhae.''³³Ba mo raya ba re, ''Barutwana ba ga Johane ba ikitsa go ja dijo le go rapela, le barutwana ba bafarasai ba ne ba dira mo go tshwanang. Mme barutwana ba gago ba ja a be ba nwa.'' ³⁴Jeso aba raya a re, ''A mongwe o ka dira gore balalediwa ba lenyalo ba monyadi ba itime dijo fa monyadi a sa ntse a na le bone? ³⁵Mme malatsi a tla tla fa monyadi a tla tsewang mo go bone, mme mo malatsing a o ba tla ikitsa go ja.''³⁶Mme Jeso a bua setshwantsho gape le bone, ''Ga gona ope yo o ka tsayang bontlha bongwe jwa letsela go tsweng mo seaparong se sesha a be a se dirisa go roka seaparo se segologolo. Fa a dira jalo, o tla kgagola seaparo se sesha, le bontlha bongwe jwa letsela, go tsweng mo seaparong se sesha ga se kitla se tshwanela seaparo se segologolo.³⁷Ga gona ope yo o bayang mofine yo mosha mo mabolokelong a magologolo a mofine. Mofine o mosha o tla thuba mabolokelo, mme mofine o tla tshologa, mme mabolokelo a mofine a ka senyega. ³⁸Mme mofine o mosha o tshwanetse go bewa mo mabolokelong a masha a mofine. ³⁹Ga gona ope yo e reng a sena go nwa mofine o mogologolo, a batle o mosha ,gonne a re, 'O mogologolo o botoka.'''

6¹Jaanong go ne ga diragala gore ka letsatsi lengwe la Sabata, Jeso a ntse a raletse tshimo ya mabele, barutwana ba gagwe ba ne ja diako tsa mabele, ba di sogotlhetsa ka diatla tsa bone, a bo ba di ja. ²Mme bangwe ba Bafarasai ba ba raya ba re, "Ke eng le dira selo se se seng ka fa malaong go ka se dira ka letsatsi la Sabata?"³Ya re a ba araba, Jeso a re, "A ga le ise le bale se Tafite a neng a se dira e rile a tshwerwe ke tlala, ene le banna ba a neng a na le bone? ⁴O ne a tsena mo ntlong ya Modimo, a bo a ja borotho ja mo boleng-teng ja Modimo, a bo a ja bontlha bongwe ja jone, a bo gape a fa le ba a neng a na le bone gore ba je, le ntswa go ne go letlelelwa baperesiti fela gore ba ka bo ja." ⁵Foo a ba raya a re, "Morwa Motho ke Morena wa Sabata."⁶Ga diragala gore ka Sabata se sengwe, a tsene mo sinagogeng go ruta batho. Ga bo go na le monna mongwe yo o neng a omeletse letsogo la moja. ⁷Bakwadi le Bafarasai ba ne ba mo tlhomile matlho ka kelelelo, go bona gore aa o tla fodisa mongwe ka Sabata, gore ba tle ba mmatlele sengwe se ba ka mo pateletsang ka sone. ⁸Mme o ne a itse se ba neng ba se akantse mme a raya monna yo o neng a omeletse seatla a re, "Ema ka dinao, o eme fa gare ga mongwe le mongwe." Ka jalo, monna yoo o ne a ema fa gare ga batho botlhe.⁹Jeso a ba raya a re, "Ke a le botsa, a go ka fa molaong go dira molemo kgotsa bosula, go boloka botshelo kgotsa go bo senyaka ka letsatsi la Sabata?" ¹⁰A bo a ba leba botlhe, a raya monna yoo a re, "Otlolola letsogo la gago." ¹¹A dira jalo, mme letsogo la gagwe la fola. Mme ba tenega, ba buisana gore ba ka dira Jeso eng.¹²Mme go ne ga diragala gore mo malatsing ao, o ne a ya go rapela kwa thabeng. O ne a tswelela a rapela Modimo bosigo botlhe. ¹³E rile letsatsi le tlhaba, a bitsa barutwana ba gagwe, a tlhopha ba le lesome le bobedi ba a neng a ba bitsa baaposetolo.¹⁴Maina a baaposetolo e ne e le Simone (yo o neng a mmitsa gape a re Petere), le morwarraagwe Anterea, Jakoba, Johane, Felipo, Batholomeo, ¹⁵Mataeyo, Tomase, Jakoba morwa Alefiase, Simone yo o neng a bidiwa Selote, ¹⁶Jutase morwa Jakoba, le Jutase Esekariota, yo o neng a mo itatola.¹⁷Jeso a fologa kwa thabeng a na le bone mme a nna mo sebatleng le boidiidi ja barutwana ba gagwe le boidiidi ja batho go tswa kwa Jutea, le Jerusalema le go tswa mo letshitshing la Taire le Sitone. ¹⁸Ba ne ba tlile go mo reetsa le go fodisiwa malwetse a bone. Batho ba ba neng ba tshwenngwa ke mewa e e leswe ba ne ba fodisiwa. ¹⁹Mongwe le mongwe mo boidiiding ja batho o ne a batla go mo kgoma gonne go ne go tswa nonofo e e fodisang go tswa mo go ene, mme a ba fodisa botlhe.²⁰Mme a lebelela barutwana ba gagwe , a re, "Go segofetse lona ba le humanegileng gonne muso wa Modimo ke wa lona. ²¹Go segofetse lona ba le bolawang ke tlala gompieno, gonne le tla tladiwa. Go segofetse lona ba le lelang gone jaana, gonne le tla tshega.²²Le segofetse fa batho ba le tlhoile, le fa ba le kgetholola ba be ba le roga, ka lebaka la Morwa Motho. ²³Ipeleng ka boitumelo ka letsatsi leo, tlola-tlolang ka boitumelo, gonne le tla nna le tuelo e kgolo kwa legodimong, ka gore borraabonemogolo ba ne ba tshola baporofeti ka tsela e tshwanang.²⁴Boifang lona ba le humile, gobane le setse le amogetse tuelo ya lona. ²⁵Boifang lona ba le kgotsheng gone jaana, gobane le tlile go tshwarwa ke tlala. Boifang lona ba le tshegang gompieno, gobane le tlile go hutsafala ebe le lela.²⁶Boifang fa batho botlhe ba le bua bontle, gobane ke ka fa borraabone mogolo ba neng ba amogela baporofeti ba maaka ka teng.²⁷Mme ke bua le lona ba le ntheeditseng, ratang baba ba lona ebe le dira molemo mo go ba ba le tlhoileng. ²⁸Segofatsang botlhe ba ba le hutsang ebe le rapelela bao ba ba sa le tsholeng sentle.²⁹Yo o go betsang mo lerameng, mo fe le lengwe. Fa mongwe a tsaya jase ya gago, se gane ka seaparo sa gago. ³⁰Neela mongwe le mongwe yo o go kopang. Fa mongwe a tsaya sengwe se e leng sa gago, o seka wa mo kopa gore a se buse.³¹Se o batlang batho ba se go direla, le wena o se ba direle. ³²Fa o rata batho ba ba go ratang fela, o tla boelwa ke eng? Gonne le baleofi ba rata ba ba ratang. ³³Fa o dira bomolemo mo bathong ba ba go direlang bomolemo fela, o tla boelwa ke eng? Gonne le baleofi ba dira jalo. ³⁴Fa o adima batho ba o solofetseng gore ba tla go duela, fela, o tla boelwa ke eng? Gonne le baleofi ba adima baleofi, gore ba boelwe ke selekanyo se se tshwanang.³⁵Mme ratang baba ba lona ebe le ba direla bomolemo. Adimisang le sa solofele tuelo, mme tuelo ya lona e tla nna kgolo, ebile le tla nna bana ba Mogodimodimo, mme o pelontle mo bathong botlhe ba ba sa lebogeng gape ba le bosula. ³⁶Le nne kutlwelobotlhoko fela jaaka Rraalona a le kutlwelobotlhoko.³⁷Se atlhole, mme o tla se ke o atlholwe. Se sekise, mme le wena o tla se ke o sekisiwe. Itshwarele ba bangwe, mme le wena o tla itshwarelwa.³⁸Neela, mme o tla neelwa. Selekanyo se sentle - se gateletswe, se tshikintswe ebile se penologa - o tla neelwa mo sehubeng sa gago. Gonne selekanyo se o lekanyang ka sone, otla lekanyetswa ka sone."³⁹Ebe a ba bolelela setshwantsho. "A sefofu se ka kaela sefofu se sengwe? Fa a ne a ka dira jalo, a ga ba ka ke ba wela mo mosimeng? ⁴⁰Morutwa ga a mogolo mo go yo o mo rutang, mme mongwe le mongwe fa a katisitswe sentle o tla tshwana le moruti wa gagwe.⁴¹Ke eng fa o lebelela phatsa e e mo leitlhong la morwarraago, mme o sa lemoge legong le le mo leitlhong la gago? ⁴²O ka raya morwarraago jang o re, 'Morwarre, tla ke go ntshe phatsa e e mo leitlhong la gago,' fa wena o sa bone legong le le mo leitlhong la gago? Moitimokanyi ke wena! Ntsha pele legong le le mo leitlhong la gago, ebe o ka kgona go bona sentle phatsa e e mo leitlhong la morwarraago.⁴³Gonne ga go na setlhare sepe se se molemo se se ka ungwang maungo a a seng molemo, ebile ga go na setlhare sepe se se bosula se se ka ungwang maungo a molemo. ⁴⁴Setlhare sengwe le sengwe se itsiwe ka maungo a sone. Batho ga ba kgetle mofeige mo ditlhareng tsa mosu, ebile ga ba kgetle meretlwa mo ditlhareng tsa mmitlwa.⁴⁵Monna yo molemo o ungwa maungo a molemo go tswa mo mahumong a gagwe a molemo, mme monna yo bosula o ungwa bosula go tswa mo mahumong a gagwe a bosula. Gonne motho o bua go tswa mo matlotlong a pelo ya gagwe.⁴⁶Ke eng fa le mpitsa le re, 'Morena, Morena,' le ntswa le sa dire dilo tse ke di buang? ⁴⁷Mongwe le mongwe yo o tlang kwa go nna, ebe a utlwa mafoko a me, a be a diragatsa, ke tla le bolelela gore o tshwana le mang. ⁴⁸O tshwana le monna yo e reng fa a aga ntlo ya gagwe, a be a epa lefatshe ko teng, a be a agela ntlo ya gagwe mo motheong wa letlapa. E rile morwalela o tla, wa betsa ntlo eo, mme ga ya ka ya e tshikinya, ka gore e ne e agegile.⁴⁹Mme motho yo o utlwang mafoko a me, a be a sa a diragatse, o tshwana le motho yo o agileng ntlo ya gagwe mo lefatsheng, go sena motheo. E rile morwalela o tla kgatlhanong le ntlo eo, e ne ya phutlhama ka ponyo ya leitlho, mme tshenyego ya ntlo eo ya bo ele kgolo."

7¹Morago ga Jeso a sena go fetsa sengwe le sengwe se a neng a se bolelela batho, o ne a tsena mo Kaperename.²Jaanong mogolwane wa masole o ne a na le motlhanka yo a neng a mo rata thata, mme o ne a lwala ebile a tloga a tlhokafala. ³Fa mogolwane wa masole a utlwa ka ga Jeso, o ne a romela bagolwane ba Bajuta kwa go ene, a mo kopa gore a tle go fodisa motlhanka wa gagwe. ⁴Fa ba tsena kwa go Jeso, ba ne ba mo kopa ka tlhwaafalo ba re, ''mo direle se gonne o a tshwanelwa, ⁵ka gore o rata setshaba sa rona, ebile ke ene a agileng sinagoge ya rona.''⁶Jeso o ne a tswelela, a tsamaya le bone. Mme ya re a se kgakala le ntlo, mogolwane wa masole a roma ditsala gore di mo reye di re, ''Morena, se itshwenye ka gore ga ke a tshwanelwa ke gore o tsene mo ntlong ya me. ⁷Ka lebaka le, ke bone go sa tshwanele gore ke tle kwa go wena, mme bua lefoko fela, motlhanka wa me o tlaa fola. ⁸ Ke motho yo o ka fa tlase ga taolo mme gape ke na le masole ka fa tlase ga taolo ya me. Ke raya yo ke re,'' Tsamaya'' a bo a tsamaya. A bo ke raya yo mongwe ke re ''Tlaya kwano'' a bo atla. A bo ke raya motlhanka wa me ke re ''dira se'' a bo a dira.⁹Fa Jeso a utlwa se, a mo gakgamalela, a retologela kwa bathong ba ba mo setseng morago a re, ''Ke a lo bolelela, ga ke ise ke bone tumelo e e ntseng jaana le fa e le kwa Iserale. ¹⁰''Fa ba ba neng ba rumilwe ba boela kwa ntlong, ba filthela motlhanka a fodile.¹¹Morago ga moo, Jeso a ya kwa motseng o o bidiwang Naine, barutwa ba gagwe le batho ba bantsi ba mo sala morago. ¹²Ya re a atamela kgoro ya motse, bonang! go ne go tshotswe monna yo o tlhokafetseng, morwa yo mongwe fela wa mosadi wa motlholagadi, batho ba bantsi, ba ba tswang mo motseng ba ne ba na le ene. ¹³Fa Morena a mmona, o ne a mo tlhomogela pelo thata a bo a mo raya a re, ''Sa lele''. ¹⁴Jaanong a ya go tshwara lekese le le neng le tsentse moswi. O ne a re, ''Mosimane ke wena, ka re tsoga.'' ¹⁵Monna yo o tlhokafetseng a tsoga a bo a simolola go bua, mme Jeso a mo neela mmaagwe.¹⁶Ba tlelwa ke poifo botlhe, mme ba tswelela ka go galaletsa Modimo ba re, ''Moporofiti o mogolo o godisitswe magareng ga rona.'' ''Modimo o tlhokometse batho ba gagwe." ¹⁷Dikgang tse ka Jeso tsa anama le Jutia otlhe le dikgaolo tse di bapileng le ene.¹⁸Barutwa ba ga Johane ba mmolelela ka dilo tse tsotlhe. ¹⁹Jaanong Johane a bitsa barutwa ba gagwe ba babedi, a ba romela kwa Moreneng a re, ''A ke wena yo tlaa tlang kana re batle mongwe?'' ²⁰Fa ba setse ba gorogile fa go Jeso, banna ba, ba ne ba re, ''Johane wa mokolobetsi o re romile kwa go wena gore re go reye re re, 'A ke wena yo o tlang, kana re batle yo mongwe?' ''²¹Mo nakong eo, a fodisa batho ba bantsi malwetse, ditlhokofatso le mewa e e bosula, a bo a naya difofu di le dintsi pono. ²²Jeso a ba araba, a ba raya a re ,''Tsamayang, le bolelele Johane se le se boneng le se le se utlwile. Difofu di amogela pono, digole di a tsamaya, ba leperwa ba a fola, bosusu ba a utlwa, baswi ba a tsosiwa, bahumanegi ba bolelelwa dikgang tse di molemo. ²³Go segofetse motho yo o sa emiseng go dumela mo go nna ka lebaka la ditiro tsa me.''²⁴Morago ga barongwa ba ga Johane ba sena go tsamaya, Jeso a simolola go bolelela matshwititshwiti a batho ka Johane a re, '' Le ne le ile go bona eng kwa sekakeng?'' Letlhaka le le tshikhinngwang ke phefo?' ²⁵Tota le ne le tswa le ya go bona eng? Monna yo o apereng dilwana tse di turang? Bonang, Kana batho ba ba aparang dilwana tse di turang le ba ba tshelang mo magasigaseng ba nna mo mantlong a dikgosi. ²⁶Tota le ne le tswa le ya go bona eng? A e ne e le moporofeti? Ee, ke le raya kere, o feta le moporofeti.²⁷Yo ke ene yo go kwadilweng ka ene, ''Bonang ke roma morongwa wa me kwa pele ga lona, yo o tlaa le baakanyetsang tsela, ²⁸Ke le raya ke re, Mo go ba ba tsetsweng ke mosadi ga go ope yo o fetang Johane ka bogolo. Mme batho ba ba nyatsegang, ba ba tla nnang le Modimo kwa a nnang teng, ba tlaa feta Johane ka bogolo.²⁹(Mme ya re batho botlhe ba utlwa se, ga mmogo le bakgethisi, ba bua gore Modimo o siame ka gore ba ne ba kolobeditswe ka kolobetso ya ga Johane. ³⁰Mme Bafarasai le baitseanape ba molao wa Juta ba ganne maikaelelo a Modimo ka bone, ka gore ba ne ba sa kolobediwa ke Johane.)³¹Nka tshwantshanya batho ba kokomane e le eng? Ba tshwana le eng? ³²Ba tshwana le bana ba tshamekelang kwa marekisetsong, ba raana ba re, ''Re go leleditse seletso mme ga o a bina. Re go opeletse pina ya leso mme ga o a lela.'³³Ka gore Johane wa Mokolobetsi o ne a sa je borotho le fa e le go nwa mofine, le ne la mo gana le re, 'O na le matimona.' ³⁴Mme e rile Morwa Motho a ja dijo a bo a nwa mofine, le ne la mo gana, la re,'' Bonang, monna yo o ja thata ebile ke letagwa, ke tsala ya bakgethisi le baleofi! ³⁵Mme botlhale jwa Modimo bo tlhomamisiwa ke bana ba gagwe.³⁶Jaanong mongwe wa Bafasarai a laletsa Jeso go tla go ja le ene. Fa Jeso a sena go tsena mo ntlong ya Mofarasai yoo, o ne a nna fa tafoleng gore a je. ³⁷Bonang! go ne go na le mosadi mo motseng mogolo, yo e neng e le moleofi. Fa a lemoga gore Jeso o ntse mo tafoleng ko ntlong ya Mofarasai, o ne a tla ka lebotlele la alabasetere, le na le mafura a a nkgang monate ³⁸O ne a ema ka fa morago ga ga Jeso, gaufi le dinao tsa gagwe, a lela, o ne a simolola go kolobetsa dinao tsa gagwe ka dikeledi, a tloga a di sutlha ka moriri wa gagwe, a suna dinao tsa gagwe a bo a di tshasa mafura a a nkgang monate.³⁹Fa Mofarasai yo o neng a laleditse Jeso a bona se, o ne a akanya a le nosi a re,'' Fa monna yo e ne e le moporofeti o ne a tlaa itse gore mosadi yo o mo tshwereng yo ke mang ebile ke wa mokgwa ofe, ke moleofi.'' ⁴⁰Jeso o ne a mo fetola a re, '' Simone, ke batla go go bolelela sengwe.'' O ne a re, ''Bua! Moruti.''⁴¹Jeso o ne a re, ''Moadimisi wa madi mongwe, o ne a na le batho ba ba mo kolotang ba le babedi. Wa ntlha o ne a mo kolota makgolo a matlhano (500) a selefera mme yo mongwe o ne a mo kolota masome a matlhano (50) a selefera. ⁴²O ne a ba itshwarela fa ba sa kgone go mo duela. Jaanong mo go bone ke mang yo o o tlaa mo ratang thata? ⁴³Simone o ne a a araba a re, ''Ke belaela gore ke yo o itshwaretsweng thata,'' Jeso o ne a mo raya a re, ''O atlhotse sentle.''⁴⁴Jeso o ne a retologa a leba mosadi, a bo a raya Simone a re, '' O bona mosadi yo. Ke tsene mo ntlong ya gago. Ga wa mpha metsi go tlhapa dinao tsame, mme ene o kolobeditse dinao tsa me ka dikeledi tsa gagwe a bo a di sutlha ka moriri wa gagwe. ⁴⁵Ga o ise o ntshune, mme ene fa e sale ke goroga fa, ga a ise a emise go suna dinao tsa me.⁴⁶Ga o ise o tlotse tlhogo ya me ka mafura, mme ene o tlodise dinao tsa me ka mafura a a nkgang monate. ⁴⁷Jaanong ke a go bolelela, dibe tsa gagwe tse di neng di le dintsi, di itshwaretswe,ke sone o bonang a nthata thata. Mme yo o itshwaretsweng go le go nnye, o rata gole gonnye.⁴⁸Mme o ne a mo raya a re,'' dibe tsa gago di itshwaretswe.'' ⁴⁹Ba ba neng ba ntse ba a ja mmogo ba simolola go buisana ka bo bone ba re, ''Monna yo o reng o kgona go itshwarela batho melato yoo, ke mang?'' ⁵⁰Mme Jeso a raya mosadi a re, ''Tumelo ya gago e go bolokile. Tsamaya ka kagiso.''

8¹Ga diragala ka nako eo gore Jeso a simolole go tsamaa mo ditoropong le mo metseng ee farologanyeng, a rera e bile a bolela mafoko a a molemo ka ga bogosi jwa Modimo. Ba ba lesome le bobedi a bo ba na le ene, ²ga mmogo le mosadi mongwe yo o neng a fodisitswe mo meweng e e maswe le malwetse: Marea yo o neng a bitswa Magatalena yo go neng ga kobiwa mewa e supa go tswa mo go ene; ³Joana mosadi wa ga Tshusa, yo e leng motlhokomedi wa dilo tsa ga Herote, Susana; le bontsi jo bo neng bo thusa ka dilo tsa jone.⁴Fa matshwititshiti a batho a ntse a kgobokana, ga tla batho go tswa mo metseng, a ba bolelela setshwantsho: ⁵"Mojwadi o ne a tswa go jwala peo, fa a ntse a jwala, nngwe ya wela fa thoko ga tsela mme ya gatakwa ke batho, nonyane tsa loapi tsa e eja. ⁶Nngwe ya wela mo letlapeng, mme ya re fela fa e simolola go gola, ya omelela, ka gore go ne go se na bokgola.⁷Nngwe ya wela fa gare ga mitlwa, mme mitlwa ya gola le yone ya e hupetsa. ⁸Mme e nngwe ya wela mo mmung o o siameng, ya ntsha dimela go menagane ga lekgolo." Morago ga Jeso a sena go bua dilo tse, a bitsa, "Ope yo o nang le ditsebe go utlwa, a utlwe."⁹Baruta ba gagwe ba mmotsa gore setswhwantsho sa gagwe se raya eng. ¹⁰A re, "le neetswe kitso ya masaitseweng a bogosi jwa Modimo, mme mo go ba bangwe ke bua ka ditshwantsho, gore mo go boneng ba seka ba bona, le mo go utlweng ba seka ba tlhaloganya.'¹¹Jaanong setshwantsho se se raya gore: peo ke lefoko la Modimo. ¹²E e mo tseleng ke ba o ba ba utlwileng, mme diabolo a tla a tsaya lefoko go tswa mo dipelong tsa bone, gore ba seka ba dumela mme ba bolokwe. ¹³E e mo letlapeng ke bao ba ba utlwang lefoko, ba le amogele ka boitumela. Mme ga ba na medi; ba dumela ka nakwana, mme e re ka nako ya diteko ba we.¹⁴Peo e e wetseng mo mitlweng ke batho ba ba utlwang lefoko, mme e re ba tsweletse mo tseleng ya bone, ba kgamiwe ke go kgathala, le mahumo le menate ya botshelo jo, mme leungo la bone la seka la gola. ¹⁵Mme peo e e wetseng mo mmung o o siameng, ba o ke bone ba e reng ba utlwa lefoko, ka boikokobetso le pelo e e siameng, ba le tshware ka manontlhotlho go nna le maduo ka boitshoko.¹⁶Jaanong, ga gona ope, yo o ka tshubang lebone, a bo a le khurumela ka sejana kana a le baya ka fa tlase ga bolao. Mme o le baya mo setlhomelong, gore ope yo o tsenang a bone lesedi. ¹⁷Gonne ga go na sepe se se fitlhegileng se se ka sekeng sa senolwa, kana sepe fela se se mo sephiring se se ka sekeng sa senolelwa mo lesiding. ¹⁸Jaanong reetsang ka kelo tlhoko, gonne yo o nang o tla neelwa go le go ntsi, mme ene yo o senang sepe, le se a akanyang gore o na le sone se tla tsewa mo go ene."¹⁹Mme mmaagwe le bo morwarraagwe ba tla kwa go ene, ba seka ba kgona go mo atumela ka ntlha ya bontsi jwa batho. ²⁰A tewa gotwe, "Mmago le bomorwrraago ba eme kwa ntle ba batla go go bana." ²¹Mme Jeso a ba araba a re "Mme le bomorwarre ke ba ba utlwang lefoko la Modimo a bo ba le dira"²²Jaanong tsatsi lengwe a tsena mo mokorong le barutwa ba gagwe, a ba raya a re, "A re tloleleng kwa letlhakoreng le lengwe la letsha." Ba simolola loeto, ²³Mme ene a thulamela, sefefo se segolo sa tla mo letsheng, mme mokoro wa bone wa simolola go tlala ka metsi, ba nna mo kotsing.²⁴Jaanong barutwa ba ga Jeso ba tla kwa go ene ba mo tsosa ba re, "Morena! Morena! re tloga re nyelela!", a tsoga a kgalemela sefefo le tshakgalo ya metsi, mme tsa ema ebile ga nna le tidimalo. ²⁵Mme a ba raya ba re, "Tumelo ya lona e kae?" ba ne ba tshogile. Le fa ba ne ba tshogile, ba ne ba tletse ka kgakgamalo gape, ba botsana ba re, "o ke mang tota, yo e leng gore o laola sefefo le metsi tota, mme di mo utlwe?"²⁶Ba tsamaa ka mokoro go ya kgaolong ya Gerasenese, e e ka fa ntlheng e nngwe ya letsha go tswa Galalea. ²⁷Fa Jeso a baa dinao fa fatshe, a kopantshwa ke monna mongwe go tswa mo toropong yo o neng a na le matimone. Go ne go na le lebakala le le telele a sa apare dilwana, mme o ne a nna kwa mabitleng, e seng mo ntlong.²⁸Erile a bona Jeso, a lelela kwa godimo a itatlhela fa pele ga gagwe, a bua ka lentswe le le golo a re, "Jeso, Morwa Modimo o kwa Godimo, o tla dira eng ka nna?, ke a go kopa, o seka wa nkutlwisa botlhoko." ²⁹Gonne Jeso o ne a laotse mowa o o maswe go tswa mo monneng oo. Gonne nako tse dintsi o ne o mo tshwara, e re le fa a funetswe ka dikeetane ebile a katilwe, a kgaole dikeetane mme a kgarameletswe kwa sekakeng ke letimone.³⁰Jaanong Jeso a mmotsa, ''leina la gago ke mang?'', e ne a re "Lekoko," gonne matimone a le mantsi a ne a tsene mo go ene. ³¹Ba tswelela ba mo kopa gore a seka a ba latlhela kwa abising.³²Jaanong serapa sa dikolobe sa bo se le foo go bapa le thaba se ja, matimone a mo kopa gore a ba lese ba tsene mo go tsone, mme a ba neela tetla. ³³Jaanong matimone a tswa mo monneng a tsena mo dikolobeng, mme dikolobe tsa kgokologa, tsa wela mo lewatleng tsa nwela.³⁴Ya re ba ba neng ba tlhokometse dikolobe ba bona se se diragetseng, ba taboga ba bua ka sone kwa toropong le kwa kgaolong. ³⁵Batho ba tswa ba ya go bona se se diragetseng, ba tla kwa go Jeso mme ba bona monna yo matimone a neng a ntshitswe mo go ene. A dutse mo dinaong tsa ga Jeso, a apere sentle ebile a itekanetse mo tlhaloganyong, mme ba tshoga.³⁶Jaanong ba ba boneng, ba ba bolelela ka fa monna yo o neng a laolwa ke matimone, a neng a fodisiwa ka teng. ³⁷Jaanong batho botlhe ba kgaolwana ya Gerasenase ba kopa Jeso gore a tswe mo go bone, gonne ba ne ba tletse ka letshogo le le tona. Jalo a tsena mo mokorong gore ba tle ba bowe.³⁸Monna yo matimone a duleng mo go ene a mo rapela gore a mo letlelele gore a tsamae le bone, mme Jeso a gana kopo ya gagwe, a re, ³⁹"Boela kwa ga lona mme o fete o ba bolelela tsotlhe tse Modimo a di go diretseng." Monna a tsamaya, a bolela mo toropong yotlhe se Jeso a se mo diretseng.⁴⁰Jaanong fa Jeso a boa, bontsi ba mo amogela gape, gonne botlhe ba ne ba mo solofetse. ⁴¹Bonang, monna yo o bitswang Jaerase, yo o neng e le mongwe wa baeteledipele ba sinagoge, a wela fa dinaong tsa ga Jeso, a mo kopa gore a tle kwa ntlong ya gagwe, ⁴²ka gore morwadie, yo a neng a le nosi fela, mosetsana wa dingwaga di ka nna lesome le bobedi, o ne a lwala a le gaufi le go swa. Ya re Jeso a le mo tseleng, bontsi jwa batho ba ikgotlha ka ene.⁴³Jaanong mosadi yo o saleng a dutla madi dingwaga di le lesome le bobedi e bile a dirisitse madi a gagwe otlhe go ikalafa a bo a le foo, mme o ne a sa kgone go fodisiwa ke ope. ⁴⁴A tla kwa morago ga ga Jeso a kgoma letsanka la seaparo sa gagwe, mme ka pela go tshologa madi ga gagwe ga ema.⁴⁵Jeso a re, "ke mang yo o nkgomileng?", e rile botlhe ba itatola, Petere a mo raya a re, "Rara, matshwititswiti a go dikaganyeditse e bile ba ikgotlha ka wena." ⁴⁶Mme Jeso a re, "Mongwe o nkgomile, gonne ke a ikutlwela gore nonofo e dule mo go nna."⁴⁷E rile mosadi a lemoga gore ga gona gore o ka iphitlha jang gore a se lemogiwe, a tla a roroma a wela fa pele ga gagwe. A bua fa pele ga mongwe le mongwe gore ke eng a ne a mo kgoma, le gore o fodisitswe jang ka bonako. ⁴⁸Mme a mo raya a re, "Morwadi, tumelo ya gago e go fodisitse. Tsamaya ka kagiso."⁴⁹Fa a santse a bua, mongwe go tswa kwa ntlong ya moeteledipele wa senagoge a tla are, "Morwadiago o sule. Sa tlhole o tshwenya morena." ⁵⁰Mme ya re Jeso a utlwa se, a araba Jaerase a re, "O seka wa tshoga; dumela fela mme otlaa fodisiwa."⁵¹Fa a tsena kwa ntlong, a se ka a letlelela ope go tsena le ene, fa e se Petere, Johane le Jakobe, raagwe ngwana le mmaagwe. ⁵²Jalo botlhe ba ne ba mo lelela, mme a re, "O seka wa lela, ga a swa o robetse." ⁵³Mme ba mo tshega, ka ba ne ba itse gore o sule.⁵⁴Mme a mo tshwara ka letsogo, a goeletsa a re, "Ngwana, tsoga!" ⁵⁵Mowa wa gagwe wa boela, a emelela ka dinao. A ba laola gore ba mo tlele sengwe go ja. ⁵⁶Batsadi ba gagwe ba ne ba gakgametse, mme a ba laola gore ba se ka ba bolelela ope ka se se diragetseng.

9¹O ne a bitsa ba ba lesome le bobedi mmogo mme a ba neela maatla le taolo mo godimo ga matimona otlhe le go fodisa malwetsi. ²O ne a ba roma go ya go rera bogosi jwa Modimo le go fodisa balwetse.³A ba raya a re,''lo seka lwa tsaya sepe mo loetong la lona, le fa e le thobane,sekgwema sa madi, senkgwe,madi le fa e le seaparo sa tlaleletso. ⁴Ntlo nngwe le nngwe e le tsenang mo go yone, le nne mo go yone go fitlhela le tsamaya.⁵Fa ba sa le amogeleng teng, fa le tswa mo motseng oo, le tlhotlhore lerole mo dinaong tsa lona e le bopaki kgatlhanong le bone.'' ⁶Mme ba ne ba emelela ba ralala metse, ba bolela mafoko a a molemo le go fodisa gongwe le gongwe kwa ba yang.⁷Mme jaana Herote a utlwa ka tsotlhe tse di neng di diragala, mme a gamarega, ka gore bangwe ba ne ba bua ba re Johane wa mokolobetsi o tsogile mo baswing, ⁸fa ba bangwe ba re Elija o bonetse, mme bangwe bone ba re mongwe wa baporofiti ba bogologolo o tsogile. ⁹Herote a re, ''ke kgaotse Johane tlhogo, mme yo ke mang yo ke utlwang dilo ka ga gagwe?'' mme a leka go mmona.¹⁰Fa baaposetolo ba boa, ba mmolelela sengwe le sengwe se ba se dirileng. Mme a ba tsaya ,a tsamaya le bone ka sephiri kwa motseng o o bidiwang Bethesetha. ¹¹Mme e rile fa bontsi bo utlwalela ka selo se, ba mo sala morago. A ba amogela mme a bua le bone ka bogosi jwa Modimo le go fodisa bone ba ba tlhokang phodiso.¹²Mme jaana letsatsi le ne le setse le phirima, ba ba lesome le bobedi ba tla kwa go ene mme ba re, ''Romela batho gore ba ye kwa metseng le dikgaolwana tse di mo tikologong go bona ko ba ka lalang teng le go batla dijo, ka gore re mo lefelong le go senang batho teng.'' ¹³Mme a ba raya a re, ''Lona ba neeleng sengwe sa go ja.'' Ba re, ''Ga re na sepe se sentsi se se fetang dinkgwe tse tlhano le ditlhapi tse pedi- fa e se fela re ya go rekela batho botlhe dijo.'' ¹⁴(Go ne go le banna ba ba ka nna dikete di le tlhano ((5 000)). O ne a raya barutwana a re, ''Ba reye ba nne fa fatshe ka ditlhopha ba le masome matlhano (50), setlhopha sengwe le sengwe.''¹⁵Mme ba dira jalo, ba baya batho fa fatshe. ¹⁶A tsaya dinkgwe tse tlhano le ditlhapi tse pedi, a lelalela kwa legodimong, a di segofatsa a di ngathoganya, a di neela barutwa ba gagwe go di abela batho. ¹⁷Ba ne ba ja botlhe a bo ba kgora, mme masalela a dijo tse, a ne a tsenngwa mo ditlatlaneng di le lesome le bobedi.¹⁸Ga diragala e rile Jeso a rapela a le nosi, barutwana ba ne ba na le ene. A ba botsa a re, ''Batho ba re ke mang?'' ¹⁹Ba araba ba re, ''Johane wa Mokolobetsi. Mme bangwe ba re Elija, mme bangwe ba re mongwe wa baporofiti ba bogologolo o tsogile''.²⁰Jalo a ba raya a re, ''Mme lona la re ke mang?'' Petere a araba a re, ''O Keresete wa Modimo." ²¹O ne a gatelela gore ba seka ba bolelela ope, ²²a re, ''Morwa Motho o tshwanetse a boga dilo di le dintsi le go ganwa ke bagolwane, le baperesiti ba bagolo le bakwadi, mme o tla bolawa mme e re ka letsatsi la boraro a tsosiwe.''²³Jalo a ba raya botlhe a re, ''Fa motho a batla go ntshala morago o tshwanetse a itatola bo ene a bo a tsaya mokgoro wa gagwe letsatsi le letsatsi mme a ntshale morago. ²⁴Le fa e le mang yo a bolokang botshelo jwa gagwe bo tla mo latlhegela, mme le fa e le mang yo o latlhegelwang ke botshelo jwa gagwe ka ntlha ya me o tla bo boloka. ²⁵Go molemo o fe gore motho a rue lefatshe lotlhe mme a latlhegelwe ke botshelo jwa gagwe?²⁶Le fa e le mang yo a ntlhabelwang ke ditlhong le mafoko ame, ene Morwa Motho o tla mo tlhabelwa ke ditlhong fa a tla a le mo kgalalelong ya gagwe le kgalalelo ya ga Rara le ya baengele ba ba boitshepo. ²⁷Mme ke lo bolelela ka boammaaruri, gona le bangwe ba ba emeng fa ba ba se kitlang ba a swa pele ga ba bona bogosi jwa Modimo''.²⁸Jaana malatsi a le boferabobedi morago ga Jeso a sena go bua mafoko a, A tsamaya le Petere ,Johane le Jakobe ba ya kwa thabeng go ya go rapela. ²⁹E rile a ntse a rapela tebego ya sefatlhego sa gagwe ya fetoga mme diaparo tsa gagwe tsa galalela ka bosweu.³⁰Bonang, banna ba le babedi ba ne ba bua le ene, Moshe le Elija, ba ba bonagetseng mo kgalalelong e kgolo. ³¹Ba ne ba bua ka loeto ga gawe,le a neng a le gaufi le go wetsa ko Jerusalema.³²Jaana Petere le bone ba ba neng ba na le ene ba ne ba thulametse thata, mme e rile fa ba tsoga, ba bona kgalalelo ya gagwe le banna ba babedi ba ba neng ba eme fa go ene. ³³Jaaka ba ne ba tswa fa go Jeso, Petere a mo raya a re ''Morena, go molemo mo rona gore a bo re le fa. A re age matlo a mararo fa, e nngwe ya gago, e nngwe ya ga Moshe le e nngwe ya ga Elija.'' (O ne a sa itse gore a reng.)³⁴Ya re a ntse a bua , Leru la tla la ba khurumetsa, mme ba boifa jaaka ba ne ba tsena mo lerung. ³⁵Lentswe la tswa kwa lerung le re, ''Yo ke Morwaake, ene yo o kgethilweng; mo reetseng.'' ³⁶Fa lentswe le sena go bua, Jeso a bonwa a le nosi. Ba ne ba didimala mme ba seka ba bolelela ope mo malatsing ao ka sepe se ba se boneng.³⁷E rile ka letsatsi le le latelang, fa ba tswa kwa thabeng, matshwititshwiti a kopana le ene. ³⁸Bonang, monna go tsweng mo matshwititshwiting, a goeletsa a re, ''Moruti, ke kopa gore o tle go bona morwaake, go nne ke ngwana wame yo esi. ³⁹Mowa o maswe o tsere taolo mo go ene, ka bofefo o a kua; o mo dira gore a nne le mototwane, a bo a phoka mafulo. Ga go mo tlogele motlhofo, go mo ntsha matsadi. ⁴⁰Ke kopile barutwa ba gago go o koba mme ga ba a kgona.''⁴¹⁴²Jeso a araba ka go re, "Lona ba le sa dumeleng le kokomane e e kgopo, ke tla nna le lona lobaka le le kae a bo ke dira le lona? Tlisa morwao kwano. ''E rile fa mosimane a tla, letimone la mo latlhela fa fatshe, la mo tshwara ka thararego. Mme Jeso a koba mowa o leswe, a fodisa mosimane, a mo neela rraagwe.⁴³Mme botlhe ba ne ba gakgamalela bogolo jwa Modimo. Ya re ba gakgamaletse tsotlhe tse a neng a di dira, a raya barutwa ba gagwe a re, ⁴⁴''A mafoko a, a tsenelele mo teng ga ditsebe tsa lona: Morwa Motho o tla okelwa mo diatleng tsa batho.'' ⁴⁵Mme ba ne ba sa tlhaloganye molaetsa o. O ne o ba filhegetse, ba sa tlhaloganye bokao jwa one, mme ba boifa go botsa bokao.⁴⁶Ka jalo ba ganetsana ka gore ke mang yo o tla nnang mogolo mo go bone. ⁴⁷Mme Jeso ka a itse megopolo ya dipelo tsa bone, a tsaya ngwana a mmaya fa thoko gagwe ⁴⁸a ba raya a re, ''Le fa e le mang yo o tla amogelang ngwana yo mo leineng lame, o a nkamogela, mme le fa e le mang yo o nkamogelang, o amogela e ne yo o nthomileng. Gonne le fa e le mang yo mmotlana mo go lona ke ene yo o mogolo.''⁴⁹Johane a araba, ''Morena re bone mongwe a koba matimona ka leina la gago mme re ne ra mo kganela ka gore ga se mongwe wa rona.'' ⁵⁰''Le seka la mo kganela,'' Ga bua Jeso. ''Ka gore le fa e le mang yo o seng kgatlhanong le rona ke wa lona.''⁵¹Ya re fa malatsi a atamela a gore a tlhatlosiwe, a ipaakanyetsa go ya kwa Jerusalema. ⁵²A romela barongwa kwa pele ga gagwe, mme ba tsamaya ba ya go tsena mo motsing wa Samaria go mmakanyetsa sengwe le sengwe. ⁵³Mme batho ba teng ga ba a ka ba mo amogela ka gore o ne a ikaeletse go ya kwa Jerusalema⁵⁴E rile fa barutwana, Jakobe le Johane ba bona se, ba re'' Morena a o batla re laola molelo go tswa legodimong go ba senya? ⁵⁵Mme a retologa a ba kgalemela, ⁵⁶mme ba ya kwa motseng o mongwe.⁵⁷Jaaka ba ne ba tsamaya mo tseleng, mongwe a mo raya a re, ''Ke tla go sala morago gongwe le gongwe kwa o yang teng.'' ⁵⁸Jeso a mo raya a re, ''Bophokoje ba na le mesima, le dinonyane tsa loapi di na le dintlhaga, mme Morwa Motho ga a na fa a latsang tlhogo teng.''⁵⁹Mme a raya yo mongwe a re, ''Ntshala morago.'' Mme a re, ''Morena ntetla ke ye go fitlha Ntate''. ⁶⁰Mme a mo raya a re, ''Tlogela baswi ba fitlhe baswi ba e leng ba bone. Mme ka ga wena, tsamaya o ye go bolela kgakala le ka bophara, bogosi jwa Modimo.''⁶¹Mme mongwe gape a re, ''Ke tla go sala morago, Morena, tla ke ye go laela pele ba ntlo yame.'' ⁶²Jeso a mo fetola a re, ''Ga go na ope yo e reng a tshwere mogoma ka letsogo a bo a leba ko morago yo o nonofetseng bogosi jwa Modimo."

10¹Jaanong morago ga dilo tse, Morena a tlhoma bangwe ba le masome a supa (70), O ne a ba romela bobedi ka bobedi ko pele ga gagwe go ya ko mafelong otlhe aa neng a tshwanetse go ya ko go one. ²A ba raya a re, ''Thobo e ntsi, mme babereki ba palo potlana. Ka jalo kopa Morena wa thobo go romela babereki mo thobong e.³Tsamaya ka tsela ya gago. Bona, Ke le roma jaaka dinku mo gare ga diphiri. ⁴Le seka la tsaya beke ya madi, le fa ele beke ya mosepele, le fa ele ditlhako, le seka la dumedisa ope mo tseleng.⁵Ntlo nngwe le nngwe e o tsenang mo go yone, santlha o re, a kagiso e nne mo ntlong e! ⁶Fa motho wa kagiso a le foo, kagiso ya lona e tlaa nna le bone, mme fa a senyo, e tlaa nna le lona. ⁷Nna mo ntlong eo fela, le je le nwe se ba se leneelang. Gonne babereki ba tshwanelwa ke tuelo ya bone. Le seka la tsena ntlo le ntlo.⁸Motse mongwe le mongwe o le tsenang mo go one, fa ba le amogela, le je se se beilweng fa pele ga lona, ⁹fodisang balwetse ba ba foo, ba ree o re, ''Bogosi jwa Modimo bo tsile gaufi le lona.''¹⁰Nako le nako fa le tsena mo motseng mme ba sa le amogele, tswela mo mebileng lo bue lo re, ¹¹'Le lerole lwa motse wa lona o o re kgomaretseng mo dinaong re o itshutla! Mme itse se: Mmuso wa Modimo o atametse.' ¹²Ke lo raya ke re mo letsatsing la katlholo go tla nna botoka mo go Sotoma go na le lona.¹³Boifang lona Korasine! boifang lona Bethesaeta fa ditiro tse di kgolo tse di dirilweng mo go lona di ka bo di dirilwe ko Tire le Sitona, ba ka bo ba sale ba ikotlhaile ba apere kgetsi ba nne mo moloreng. ¹⁴Go tla a nna bonolo mo Taire le Sitone ka katlholo go na le wena. ¹⁵Wena Kaperaname, a o akanya gore o tlaa tsholelediwa ko legodimong? Nnyaa, o tlaa tsisiwa ko tlase ko bobipong.¹⁶Yo o le reetsang o reetsa nna, yo o le ganang o gana nna, mme yoo nkganang o gana yoo nthomileng.''¹⁷Ba ba masome a supa(70) ba boela ko go e ne ka boitumelo, bare, ''Morena, Le matimona ane a re obamela ka leina la gago.'' ¹⁸Jeso a ba raya a re ke bonye Saatane a wa ko legodimong jaaka legadima. ¹⁹Ke le neetse taolo ya go gata dinoga, diphepheng, le dinonofo tsotlhe tsa mmaba ga gona sepe se se ka le utlwisang botlhoko. ²⁰Le fa go ntse jalo le seka la itumelela se, gore mowa e a le obamela, le itumelele segolo gore maina a lona a kwadilwe ko Legodimong.''²¹Ka nako yone eo o ne a itumelela thata Mowa o o Boitshepo, a re, ''ke a go galaletsa, Morena wa legodimo le lefatshe o fitlhetse dilo tse, mo go ba ba botlhale le ba ba tlhaloganyang, mme wa di bontsha ba ba sa rutegang, jaaka bana ba bannye. Ee, Rara, se sene se kgatlha mo matlhong a gago.''²²''Dilo tsotlhe di ne tsa rurufadiwa mo go nna go tswa ko go Rara, mme ga gona ope yo o itseng gore Morwa ke mang fa ese Rara fela, gape ga gona ope yo o itseng gore Rara ke mang fa e se Morwa fela le ba a ba kgethileng go ba itshenolela.''²³Mme a retologa a leba ko barutweng a buela mo sephiring, '' Go sego ba ba bonang dilo tse o di bonang. ²⁴Ke a go raya, baporofetsa bale bantsi le dikgosi ba ne ba eletsa go bona dilo tse o di bonang, mme ga ba a di bona. Le go utlwa dilo tse o di utlwang, mme ga ba a di utlwa.''²⁵Bonang, moruti mongwe wa Mojuta a ema ka dinao go mo leka, a re, Moruti ke ka dira eng go rua botshelo jo bo sa khutleng?'' ²⁶Jeso a mo araba a re, '' Go kwadilweng mo bukeng ya molao? O e bala jang? ²⁷A fa karabo a bua a re, '' O tlaa rata Morena Modimo ka pelo ya gago yotlhe, ka mowa wa gago otlhe, ka thata ya gago yotlhe, ka tlhaloganyo yotlhe le moagisanyi jaaka o ithata''. ²⁸''Jeso a mo raya a re, '' O arabile sentle. Dira se o tlaa tshela.''³⁰²⁹Mme moruti, yo o neng a leka go itshiamisa a raya Jeso a re, '' Moagisanyi wame ke mang?''³⁰Jeso a mo araba a re,''Monna mongwe o ne a tswa Jerusalema a ya Jeriko, a wela mo gare ga magodu, ba moamoga dithoto tsa gagwe, ba mmetsa ba mo tlogela a le gaufi le goswa.³¹Ga diragala gore moperesiti mongwe a fete ka tsela eo, mme a mmona , a feta fa thoko ga gagwe. ³²Gontse jalo, Molefi a feta fa lefelong go bapa le ene mme a tsamaya ka tsela e sele.³³Mme Mosamaria mongwe, a le mo leetong, a tla fa go ene. E rile fa a mmona a tlala ka kutlwelobotlhoko. ³⁴A tla kwa go ene, a fapisa dintho tsa gagwe, a di tshela leokwane le mofene. A mo pega mo tonking ya gagwe go mo isa kwa a ka robalang teng, a bo a mo tlhokomela. ³⁵Letsatsi le le latelang, a neela motlhokomedi wa gagwe selefera tse pedi, a mo raya a re, 'Mo tlhokomele, mme tlhwatlhwa epe e o tla e duelang go feta, ke tla e duela fa ke boa.'³⁶Ke mang mo borarong jo, yo o akanyang gore ke moagisanyi wa motho yo o tlhasetsweng ke magodu.?" ³⁷Moruti a re, "Yo o supileng mautlwelobotlhoko mo go ene." Jeso a mo raya a re, "Tsamaya o ye go dira se se tshwanang."³⁸Jaanong e rile ba le mo leetong le le telele, a tsena mo motsaneng mongwe, mme mosadi mongwe yo a bidiwang Maretha a mo amogela mo ntlong ya gagwe. ³⁹O ne a na le monnawe yo o bidiwang Marea, yo o neng a ntse ko dinaong tsa Morena' a utlwa lefoko la gagwe.⁴⁰Mme Maretha o ne a dira ka thata a apeile. A tla kwa go Jeso a mo raya a re, ''Morena, a ga o kgathale gore nnake o ntlogetse go direla ke le nosi? Ka jalo mokope gore a nthuse." ⁴¹Mme Morena o ne a mo araba a re, "Maretha, Maretha, o tshwenyegile ka ga dilo tse dintsi, ⁴²mme selo se le sengwe se botlhokwa. Marea o itlhophetse se se botoka, se se ka se keng se tsewe mo go ene.''

11¹Ga diragala ya re Jeso a rapela mo lefelong lengwe, mongwe wa barutwana ba gagwe a mo raya a re, '' Morena, re rute go rapela fela jaaka Johane a rutile barutwana ba gagwe. ''²Jeso a ba raya a re, '' Fa le rapela le re,' Rara, a leina la gago le galalediwe.A bogosi ja gago bo tle.³Re neele sejo sa rona letsatsi le letsatsi. ⁴Re itshwarele dibe tsa rona, jaaka re itshwaretse mongwe le mongwe yo o molato le rona.Mme o seka wa re gogela mo thaelong.'''⁵Jeso a ba raya a re,'' Ke mang mo go lona yo e reng a na le tsala, e re e tla kwa go ene gare ga bosigo, e bo e mo raya e re, ' Tsala, nkadima dinkgwe tse tharo ( 3 ) ⁶ke gone ke gorogelwang ke moeng jaanong ga ke na se ke se mo fang.' ⁷Mme yo o mo ntlong a mo araba a re,' Se ntshwenye, re setse re tswetse dipati ebile nna le bongwanake re setse re robetse. Ga ke kgone go tsoga ke go fa borotho .' ⁸Ke go raya ke re, le fa a sa tsoge a go fa borotho mme ka gore o tsala ya gagwe, le ka ntlha ya bopelotelele jwa gago , o tla a tsoga a bo a go neela dinkgwe tse di bontsi jo o bo tlhokang.⁹Ke le raya gape ke re, kopang, le tla neelwa; batlang, le tla bona;kokota, le tla bulelwa. ¹⁰Gonne mongwe le mongwe yo o kopang o a amogela; le yoo batlang oa bona gape yoo kokotang o a bulelwa.¹¹Ke rre ofe yo okareng ngwana wa gagwe a kopa tlhapi, a mofe noga boemong jwa tlhapi? ¹²Kana ere a kopa lee, amo fe phepheng, jalo he, ¹³fa ele gore lona ba le bosula le itse go fa bana ba lona dimpho tse di molemo, rraalona yo o kwa legodimong o tla a fa gole kae bao ba mo kopang Moya yo o Boitshepo?¹⁴Jaanong Jeso o ne a kobela kwa ntle mowa o o maswe wa bomumu. Fa letimona le sena go tswa, monna yo o neng a le semumu a bua, mme matshwititshwiti a gakgamala. ¹⁵Mme bangwe ba batho ba bua ba re, "O kobela kwa ntle matimone ka leina la ga Belesabole kgosi ya matimone."¹⁶Bangwe ba mo leka, ba mo kopa sesupo gotswa legodimong. ¹⁷Mme Jeso o ne a itse dikakanyo tsa bone a ba raya are, "bogosi bongwe le bongwe jo bo ikgaoganyang boa phatlaladiwa, le ntlo e e ikgaoganyang e a nyelela."¹⁸Fa Saatane a ikgaogantse, bogosi jwa gagwe bo ka ema jang? Gonne lo are ke koba matimone ka leina la ga Belesabole. ¹⁹Fa ke kobela kwa ntle matimone ka leina la ga Belesabole, balatedi ba lona bone ba a kobela kwa ntle ka leina la ga mang? Ka lebaka la se , ba tla le atlhola. ²⁰Mme fa ke kobela matimone kwa ntle ka letsogo la Modimo, ka jalo bogosi jwa Modimo bo tsile mo go lona.²¹Fa monna yo o nonofileng a disa ntlo ya gagwe, dithoto tsa gagwe di babalesegile, ²²mme fa monna yo o nonofileng go mo feta a mo fenya, o mo tseela itshireletso, a a bo a mo gapela dithoto. ²³Yo senang le nna o kgatlhanong le nna, mme yo o sa kgobokanyeng le nna o a phatlalatsa.²⁴Fa mowa o o maswe o tswa mo mothong, o ralala dikaka o batla bonno. Fa o sa bona bope,o a re 'ke tla boela kwa ntlong yame e ke tswang kwa go yone,' ²⁵Fa o bowa, o fitlhela ntlo e phepafaditswe e bile e rulagantswe sentle. ²⁶E tsamae e tle ka mewa e mengwe e e bosula e supa e e e fetang ka bosula, mme yotlhe e bo e tla go nna moo. Mme seemo sa monna yoo se nne maswe go feta jaaka pele."²⁷Ga diragala ya re a bua dilo tse, mosadi mongwe a goeletsa go feta matshwititshwiti a batho a mo raya a re, "Go sego mosadi yo o go belegeng, le mabele a a go amusitseng", ²⁸mme are, "Segolobogolo go segofetse ba ba utlwang lefoko la Modimo ba bo ba le tshegetsa."²⁹Yare matshwititshwiti a oketsega, Jeso a simolola gore, ''Kokomane e ke kokomane e e bosula, e batla sesupo, lefa go sena sesupo sepe se e tlaa se neelwang fa e se sa ga Jona. ³⁰Gonne fela jaaka Jona a ne a nna sesupo mo tshabeng ya Ninife, jalo he Morwa Motho o tlaa nna sesupo mo kokomaneng e.³¹Kgosigadi ya borwa e tlaa ema ka letsatsi la katlholo le kokomane e e bo e ba atlhola, gonne o dule kwa phelelong ya lefatshe go utlwa botlhale jwa ga Solomone, mme bona, mongwe yo o mogolo mo go Solomome o fano.³²Batho ba Ninife ba tla emalana ka letsatsi la katlholo le kokomane e, mme ba tlaa ba bona molato, gonne ba ne ba ikotlhaa mo therong ya ga Jona, mme bona, mongwe yo o mogolo go feta Jona o fano.³³Ga gona ope yo e reng a sena go tshuba lebone, a bo a le baya fa go fitlhegileng kgotsa ka fa tlase ga kobo, mme o le pega mo setlhomong gore ba ba tsenang ba bone lesedi. ³⁴Leitlho la gago ke lebone la mmele, fa leitlho la gago le siame, mmele otlhe o tlala ka lesedi. Mme fa le sa siama, mmele otlhe o tlala ka lefifi. ³⁵Ka jalo, tlhomamisa gore lesedi le le mo go wena ga se lefifi. ³⁶Ka jalo fa mmele otlhe wa gago o tletse lesedi, go sena karolo epe e e mo lefifing, jalo mmele wa gago o tla nna jaaka lebone le le go phatsimelang."³⁷Fa a fetsa go bua, Mofarasai a mo kopa go ya go ja le ene kwa ntlong ya gagwe. Jeso a tsena a nna fa fatshe. ³⁸Mofarasai a gakgamala gore Jeso o ne a sa tlhapa diatla pele ga a ja.³⁹Mme Morena a mo raya a re, "Jaanong lona bafarasai le tlhatswa bo ka kontle jwa dikopi le megopo mme ka ko teng ga lona go tletse bopelotshetlha le bosula. ⁴⁰Lona dieleele, a ga le itse gore yo o dirileng bo ka kontle o dirile le bo kako teng? ⁴¹Neelang bahumanegi se se ka kwa teng, mme dilo tsotlhe le tla di ntlafalediwa.⁴²Go utlwisa botlhoko lona Bafarasai gonne le ntsha ditsa lesome tsa mminte le rue, le setlhatshana sengwe le sengwe se se mo tshingwaneng, mme le ikgatholosa se se siameng le lerato la Modimo. Go botlhokwa go dira ka tshiamo le go rata Modimo, le sa tlogele tse dingwe kwa morago.⁴³Go utlwisa botlhoko lona bafarasai ka gore le rata go nna kwa pele mo senagogeng, le go dumedisiwa ka tlotlo kwa marekisetsong. ⁴⁴Le utlwisa botlhoko gonne le tshwana le mabitla a a sa tshwaiwang a batho ba a gatang ba sa a lemoge."⁴⁵Mongwe wa baruti ba molao a mo raya a re, "Moruti, se o se buwang se a re kgopisa le rona", ⁴⁶Jeso a re, "Go utlwisa botlhoko lona baruti ba molao gonne le rwesa batho merwalo e e bokete go rwalwa, mme lona ga le tshware merwalo le fa ele ka menwana ya lona."⁴⁷Le utlwisa botlhoko gonne le agela baporofiti mabitla, mme ke bo rraalona mogolo ba ba ba bolaileng. ⁴⁸Jalo le basupi ebile le dumalana le ditiro tsa bo rraalona mogolo, gonne ba ba bolaile mme le ba agetse mabitla.⁴⁹Ka lebaka le, botlhale jwa Modimo jwa re, ''ke tla ba romelela baporofiti le baaposetolo, mme ba tla a bogisa ba bo ba bolaya bangwe ba bone. ⁵⁰Jalo he kokomane e, e tla rwesiwa boikarabelo jwa madi otlhe a baporofite a a tshologileng go tswa tshimologong ya lefatshe, ⁵¹go simologa ka madi a ga Abela go tsena madi a ga Sakarea, yo o neng a bolawa fa gare ga aletara le lefelo le le boitshepo. Ee, ke le raya kere, kokomane e e tla rwesiwa boikarabelo.⁵²Go utlwisa botlhoko lona baruti ba melao ya Sejuta, gonne le tsere selotlolo sa kitso; ga le kgone go tsena, mme le kgoreletsa ba ba tsenang."⁵³Morago ga Jeso a sena go tswa foo, baitsaanape ba molao le bafarasai ba mo ganetsa ba nganga le ene ka dilo dile dintsi, ⁵⁴ba leka go mo tshwara ka mafoko a gagwe.

12¹Ka nako eo, gone go le dikete tsa batho ba phuthegile ga mmogo, ebile ba gatana, a simolola go bua le barutwana ba gagwe pele a re, "Elang tlhoko sebidiso sa Bafarasai, se e leng boitimokanyi.²Ga gona sepe se se fitlhegileng, se se ka se keng sa senoga, le fa ele se se fitlhilweng, se se ka sekeng se itsiwe. ³Jaanong sengwe le sengwe se le se buileng mo lefifing se tla utlwala mo leseding, le fa e le se se sebilweng mo ntlong se tla kuiwa le ko marulelong a matlo.⁴Ditsala ke le raya ke re, le seka la boifa ba ba bolayang mmele, mme gotswa foo go sena se ba ka se dirang. ⁵Mme ke tla le tlhagisa ka yo le tswanetseng go mmoifa. Boifang ene yo e reng a sena go bolaya, a nang le taolo ya go latlhela mo diheleng. Ee, ke a le bolelela, boifang ene.⁶A dipeolwane tse tlhano ga di rekisiwe dithebenya tse pedi fela? Le fa go ntse jalo ga gona dipe tsa tsone tse di lebalesegang fa pele ga Modimo. ⁷Mme le palo ya moriri wa tlhogo ya lona e a itsiwe. Le seka la boifa. Le botlhokwa thata go feta dipeolwane.⁸Ke le raya ke re, mongwe le mongwe yo a mpolelang fa pele ga batho, Morwa Motho le ene o tla mmolela fa pele ga baengele ba Modimo, ⁹mme yo a intatolang fa pele ga batho o tla itatolwa fa pele ga baengele ba Modimo. ¹⁰Mongwe le mongwe yo a buang lefoko kgatlhanong le Morwa Motho, o tla itshwarelwa, mme yo a buang bosula ka Moya yo o Boitshepo ga a kitla a itshwarelwa.¹¹Fa ba le tlisa fa pele ga magosi, babusi le mo disinagogeng le seka la tshwenyega ka se le tla se buang go iphemela, ¹²gonne Moya yo o Boitshepo o tla le ruta se le tla se buang ka nako eo.¹³Jalo mongwe mo setlhopheng a mo raya a re, "Moruti raya morwa rre a kgaogane boswa le nna." ¹⁴Jeso a mo raya a re, "Ke mang yo a ntirileng moatlhodi kana motshereganyi fa gare ga lona?" ¹⁵A ba raya a re, "Itiseng gore le ikgaphe mo dikeletsong tsa go ikgagapelela, ka gore botshelo jwa motho ga bo a ikaega ka bontshi jwa dikhumo tsa gagwe".¹⁶Jalo Jeso a ba bolelela setshwantso, a re, " Tshimo ya monna wa mohumi e ne ya ntsha thobo e ntsi, ¹⁷ipotsa a re, 'Ke tla dira jang ka gore ga gona fa ke bayang thobo yame teng?' ¹⁸A re, 'Ke tla dira jaana. Ke tla rutlomolola dirala tsame ke aga tse dikgolwane, ke tla baya thobo le dithoto tsame gone. ¹⁹Ke tla raya moya wame ke re, "Moya, o ipetse dithoto tse dintsi tseo ka di dirisang, dingwaga tse dintsi tse di tlang. Itapolose, ja, nwa, itumele."'²⁰Mme Modimo a mo raya a re, 'Monna wa seeleele, moya wa gago o tla tlosiwa mo go wena bosigong jona, dilo tse o di ipoloketseng di tla nna tsa ga mang? ²¹Go tshwana le motho yo itirelang dikhumo mme a humanegile mo Modimong."²²Jeso a raya barutwana ba gagwe a re, "Jaanong ke a le raya, le seka la tshwenyega ka botshelo jwa lona; se le tla se jang, kana ka mmele wa lona; se le tla se aparang. ²³Gonne botshelo bo botlhokwa go na le dijo, gape le mmele o botlhokwa go na le diaparo.²⁴Lebelelang magakabe, ga a leme ebile ga a robe. Ga a na mabolokelo kana disigo, mme Modimo o a a jesa. Le botlhokwa thata go na le dinonyane! ²⁵Le gone ke mang yo e ka reng ka go tshwenyega a oketsa malatsi a go tshela ga gagwe? ²⁶Ke eng le tshwenyeya ka dilo tse dingwe fa le sa kgone go dira dilo tse di potlana?²⁷Lebelelang dithunya ka fa di golang ka teng. Ga di bereke le fa e le go loga. Ka jalo ke a le raya, le ene Solomone mo kgalalelong ya gagwe o ne a sa apare jaaka nngwe ya tsone. ²⁸Fa Modimo a apesa bojang jo bo teng gompieno, e re kamoso bo tshubiwe, lona o ka le apesa go gaisa, lona ba ba tumelo potlana!²⁹Le seka la tshwenyega le fa e le go batla se le se jang kana se le tla se nwang. ³⁰Gonne ditshaba tsotlhe tsa lefatse di batla dilo tse, le Rraalona o itse fa le tlhoka dilo tse.³¹Mme batlang pele bogosi jwa gagwe, dilo tse tsotlhe le tla di o kelediwa. ³²Se boifeng letsomanenyane lame, gonne Rraalona o itumelela go le neela bogosi.³³Rekisang dithoto tsa lona le neele bahumanegi. Itireleng dikgwama tse di sa kgagogeng; dikhumo kwa legodimong tse di sa feleng, kwa magodu a ka sekeng a atamela le fa e le motlhwa go ka senya. ³⁴Gonne kwa dikhumo tsa gago di leng teng, le pelo ya gago e teng.³⁵Le gagamatse diaparo tsa lona ka lebante le dipone tsa lona di tuke ka dinako tsotlhe, ³⁶le tshwane le batho ba ba letetseng mong wa bone go tswa kwa modirong wa lenyalo, e re fa a goroga a kokota ba bo ba mmulela lebati ka bonako.³⁷Gosego batlhanka bao, ba e tla reng morena wa bone a goroga a ba fitlhele ba lebile. Ammaruri ke a lo raya gore o tla gagamatsa dilwana tsa gagwe ka lebante, a ba fe le bonno go ja, le go ba tsolela dijo tota. ³⁸Go segofetse batlhanka ba e tla reng morena wa bone a goroga bosigogare kana makuku ba fitlhele ba ipaakantse.³⁹Le fa go ntse jalo itse se, gore fa mong wa ntlo a ne a itsile nako e legodu le tlang ka yone, o ne a ka seka a letlelela ntlo ya gagwe go thubiwa. ⁴⁰Le ipaakanyeng, ka gore ga le itse nako e Morwa Motho a tla gorogang ka yone."⁴¹Petere a re, "Morena, a o bua setshwantsho se le rona fela kana le mongwe le mongwe?" ⁴²Morena a re, "Ke mang motlhokomedi yo tshepegang gape a le botlhale yo mong wa gagwe a tla mo laolelang go kgaoganya batlhanka ba bangwe dijo ka nako e maleba? ⁴³Gosego motlhanka yoo, yo mong wa gagwe a tla mo fitlhelang a dira jalo fa a goroga. ⁴⁴Ammaaruri ke a le raya o tla mo dira molebeledi wa dithoto tsotlhe tsa gagwe.⁴⁵Mme fa motlhanka yoo a ka ipolelela mo pelong ya gagwe gore, ' Morena wa me o diega go boa,' a bo a simolola go betsa batlhanka ba bo mme le bo rre , a ja a nwa, a bo a tagiwa, ⁴⁶Morena wa motlhanka yoo o tla tla ka letsatsi le a sa le solofelang,le mo nakong e a sa e itsing, o tla mo kgaola ditokitoki a matele phatlha kwa lefelong le ba ba senang boikanyego.⁴⁷Motlhanka yoo, le fa a ne a itse gorata ga morena wa gagwe, mme a bo a sa dire kana a baakanye ka fa thatong ya gagwe, o tla betswa mo go golo. ⁴⁸Mme yo a neng a sa itse, mme a dira dilo tse a tshwanelwang ke go betswa, o tla betswa go le go nnye. Mongwe le mongwe yo neetsweng go le gontsi, go tla batliwa go le gontsi mo go ene , le yo tshephilweng go le gogolo, go tla solofelwa gole go ntshi mo go ene.⁴⁹Ke tile go tshololela molelo mo lefatsheng, ke eletsa jang gore o ka bo o setse o tuka. ⁵⁰Mme ke na le kolobetso e ke tshwanetseng go kolobediwang ka yone, ke tlhobaela ka metlha go fitlhela e diragala.⁵¹A le akanya gore ke tlile go tlisa kagiso mo lefatsheng? Nnyaa, ke a le bolelela, ke tlisitse kgaogano. ⁵²Go tswa gompieno go ya pele go tla bo go le botlhano mo lwapeng ba kgaogane; ba le bararo ba tla nna kgatlhano le ba le babedi fa ba le babedi ba tla nna kgatlhano le ba le bararo. ⁵³Ba tlaa kgaogana; morwa o tla nna kgatlhanong le rraagwe, fa rre a tla nna kgatlhano le morwa wa gagwe ;mosadi o tla nna kgatlhano le ngwana wa gagwe wa mosetsana, mosetsana a nna kgatlhanong le mmagwe; ngwetsi a nna kgatlhano le matsalaagwe , matsale a nna kgatlhanong le ngwetsi."⁵⁴Jeso o ne a raya setlhopha a re, "Fa le bona leru emelela ko bophirima, gone foo le a re ' Pula e etla,' se se diragale. ⁵⁵Fa phefo e tswang borwa e foka, le a re, ' Go tla nna mogote,' go nne jalo. ⁵⁶Baitimokanyi, le itse go lepa seemo sa loapi le tebego ya lefatshe, ke eng jaanong le sa itse go lepa nako ya gompieno?⁵⁷Ke eng le sa ikatlholele se se siameng ka bo lona? ⁵⁸Gonne fa o ya le moganetsi wa gago fa pele ga lekgotla, mo tseleng leka go rarabolola kgang le ene gore a seka a go isa kwa mosekising, gore mosekisi a seka a go neela ba molao, ba molao ba seka ba go isa kwa kgolegelong. ⁵⁹Ke a go raya, ga o kitla o tswa koo go fitlhela o duela ka madi a gago otlhe.

13¹Ka nako eo, batho bangwe koo ba ne ba mmolelela ka Bagalalea ba Pilate a neng a tlhakanya madi a bone le ditlhabelo tsa bone. ²Jeso a ba araba a re, "A le akanya gore Bagalalea ba ba ne ba leofile thata go na le Bagalalea ba bangwe botlhe ka ntlha ya gore ba bogile ka tsela e? ³Nnyaa, ke a le bolelela. Mme fa le sa ikotlhae, le tlile go nyelela lotlhe ka tsela e e tshwanang.⁴Kana batho ba ba 18 bale mo Siloama ba ba wetsweng ke kago e telele mme ya ba bolaya, a le akanya gore e ne ele baleofi ba ba feteletseng go na le batho ba bangwe mo Jerusalema? ⁵Ka re, nnyaa. Mme fa le sa ikotlhae, le lona le tlile go nyelela lotlhe.⁶Jeso a bolela setshwantsho se, " Mongwe o ne a na le setlhare sa mofeige se lemilwe mo tshimong ya gagwe ya moretlwa a tla go batla leungo mo go sone mme a seka a le bona. ⁷Monna a raya motlhokomedi wa tshingwana a re, 'Bona, dingwaga tse tharo ke ne ke tla ke leka go batla leungo mo setlhareng se sa mofeige mme ga ke a le fitlhela. Se kgaole. Ke eng o se lesa go senya lefatshe?'⁸Motlhokomedi wa tshingwana a araba a re, 'Se tlogele ngwaga o fa ke tla bo ke tlhanolola mmu go se dikologa ke se tsenya menontshane. ⁹Fa se ntsha leungo ngwaga o tlang, go siame; mme fa se sa dire jalo, se kgaole!"'¹⁰Jaanong Jeso o ne a ruta mo nngweng ya disinagoge ka Sabata. ¹¹Bonang, mosadi o ne a le foo yo a neng a na le moya yo o bosula wa bogole dingwaga di le 18, mme o ne a hubaletse a sa kgone go ema a tlhamaletse.¹²Fa Jeso a mmona, o ne a mmitsa a mo raya a re, " Mosadi o golotswe mo bogoleng jwa gago." ¹³O ne a mmaya diatla, ebile gone foo o ne a tlhamalala mme a galaletsa Modimo. ¹⁴Mme molaodi wa sinagoge o ne a galefa ka gore Jeso o ne a fodisa ka Sabata. Molaodi o ne a araba batho a re, "Go na le matsatsi a le marataro a go tlhokagalang gore le bereke. Tlayang ka one gotla go bona pholo, eseng ka letsatsi la Sabata."¹⁵Morena a mo araba a re " Baitimokanyi! Ga se gore mongwe le mongwe wa lona o funolola tonki ya gagwe kana kgomo mo lesakeng mme a e ise go ya go nwa ka Sabata? ¹⁶Fela jalo le morwadia Aborahama, yo Saatane a mmofileng dingwaga tse ditelele tse 18, ga a tshwanelwa go gololwa ka letsatsi la Sabata?"¹⁷Fa a ntse a bua dilo tse, ba ba neng ba mo ganetsa ba ne ba tlhabiwa ke ditlhong, mme setlhopha sotlhe se ne sa ipela mo ditirong tsotlhe tse dikgolo tse a neng a di dira.¹⁸Foo Jeso a re, "Bogosi jwa Modimo bo ntse jang, ke ka bo tshwantshanya le eng? ¹⁹Bo tshwana le peo ya mositare e monna a e tsereng, a e lema mo tshingwaneng ya gagwe, ya gola ya nna setlhare se se tona, le dinonyane tsa loapi tsa aga dintlhaga mo dikaleng tsa sone."²⁰Gape a re, " Ke ka tshwantshanya bogosi jwa Modimo le eng? ²¹Bo tshwana le sebidiso se mosadi a se tlhakanyang le dikilogereme tse 25 tsa borotho go fitlhela se anama le borotho jotlhe."²²Jeso o ne a etela metse le ditoropo tsotlhe tse di mo tseleng go ya Jerusalema a ba ruta. ²³Mongwe a mo raya a re " Morena, a go tla bolokwa batho ba le palo potlana fela?", A ba raya a re ²⁴"Sokolelang go tsena ka kgoro e pitlaganeng, ka gore, Ke a le raya, ba le bantsi ba ya go batla go tsena, mme ga ba na go kgona go tsena.²⁵Fa mong wa ntlo a ema a lotlela lebati, le tla ema kwa ntle le kokota mo lebating le re, Morena, Morena, re bulele.' O tla le araba a re, ' Ga ke le itse le kwa le tswang teng'. ²⁶Fa gontse jalo le tla re, 'Re ne re ja re nwa fa pele ga gago, gape o ne o ruta mo mebileng ya rona.' ²⁷Mme o tla fetola, 'Ke a le raya, ga ke itse kwa le tswang teng. Tswayang fa go nna, lona badirabosula!'²⁸Go tla nna le selelo le khuranyo ya meno fa le bona Aborahama, Isake, Jakoba , le baporofita botlhe mo bogosing jwa Modimo, mme le a kobiwa. ²⁹Ba tla tla go tswa botlhaba, bophirima, bokone le borwa mme ba nna mo tafoleng mo bogosing jwa Modimo. ³⁰Itseng se, ba ba seng botlhokwa thata e tla nna ba ntlha, mme ba ba leng botlhokwa thata e tla nna ba bofelo."³¹Moragonyana, Bafarasai bangwe ba tla ba mo raya ba re, "Tsamaya o tswe fa ka gore Herote o batla go go bolaya". ³²Jeso a re "Tsamaya le boleleleng phokoje yole, 'Bona ke kgarameletsa ntle matimona gape ke a fodisa gompieno le ka moso, ka letsatsi la boraro ke tla fitlhelela maikaelelo a me. ³³Le fa go ntse jalo go botlhokwa gore ke tsweledise gompieno, kamoso le letsatsi le le latelang, ka gore ga go amogelesege go bolaya moporofeta kwa ntle ga Jerusalema.³⁴Jerusalema, Jerusalema, yo o bolayang baporofeta le go kgobotletsa ka matlapa ba le ba romeletsweng. Ke gantsi ke eletsa go kgobokanya bana ba lona jaaka koko e phuthela dikokwana ka fa tlase ga diphuka tsa yone, mme le ne le sa eletse se. ³⁵Bonang, ntlo ya lona e phuagantswe. Ke a le raya, ga le kitla le mpona go fitlhela le re, ' Gosego yo o tlang ka leina la Morena.'"

14¹Gone ga dirafala ka letsatsi lengwe la sabata, fa a ya kwa ntlong ya mongwe wa baeteledipele ba Bafarasai go ja borotho, ka jalo ba ne ba mo etse tlhoko thata. ²Bonang, fa pele ga gagwe ga bo go le monna yo a neng a lwala bolwetsi jwa go ruruga mmele. ³Jeso a botsa baitsaanape ba molao wa Bajuta le Bafarasai, "A go kafa molaong go fodisa ka Sabata, kgotsa nyaa?''⁴Mme ba didimala. Jeso a mo tsaya a mo fodisa, a mo lesa a tsamaya. ⁵A ba raya a re, ''ke mang wa lona yo e kareng a na le morwa kgotsa Poo abo e wela mo sedibeng ka letsatsi la sabata abo a ka seke a e ntshe ka bofefo?'' ⁶Ba ne ba sa kgone go fa dikarabo ka dilo tse.⁷E rile fa Jeso a lemoga go re ba ba laleditsweng ba tlhopha ditilo tsa batlotlegi, a bua setshwantsho a ba raya are, ⁸''Fa lo laleditswe ke mongwe kwa moletlong wa lenyalo, lo seka la nna mo mannong a batlotlegi, ka gore go ka ne go na le mongwe yo o laleditsweng yo o tlotlegang go go feta. ⁹Fa motho yo o le laleditseng lotlhe a goroga, o tla go raya a re, 'neela motho yo manno a gago', mme o tla tlhabiwa ke ditlhong fa oya go tsaya manno a gago a a kwa tlase.¹⁰Mme fa o laleditswe, tsamaya o nne kwa mannong a a kwa tlase, gore e re ene yo a go laleditseng a tla, a go re e a re, ''Tsala, tsamaela kwa mannong a a kwa godimo.' ka jalo otla tlotlega mo boleng teng jwa botlhe ba ba ntseng tafole le wena. ¹¹Go nne le fa e le mang yo a itsholetsang o tla a kokobediwa, le ene yo a ikokobetsang o tla tsholediwa.''¹²Jeso a boa raya monna yo o mo laleditseng a re, ''Fa o dirile dijo tsa motshegare kgotsa tsa maitseboa, o seka wa laletsa ditsala tsa gago, kgotsa bamorwarago, kgotsa masika a gago, kgotsa baagisanye ba gago ba ba humileng, gore le bone ba tla go laletsa, ka jalo o tla abo o amogetseng tuelo ya gago.¹³Mme fa o dira moletlo, laletsa bahumanegi, ba ba digole, le ba ba sa tsamaeng, le ba ba difofu, ¹⁴ke gone o tla a segofala, ka gore ga ba kake ba kgona go go duela. Gonne o tla duelwa ka motlha wa tsogo ya basiami.''¹⁵E rile fa mongwe wa bone yo o ntseng fa tafoleng le Jeso a utlwa dilo tse, a mo raya a re, ''go sego ene yo o tla jang borotho mo bogosing jwa Modimo!'' ¹⁶Mme Jeso a mo raya a re; "Monna mongwe o kile a dira moletlo o mogolo wa dijo a laletsa batho ba le bantsi, ¹⁷Erile dijo di baakantswe, a roma motlhanka wa gagwe go ya go raya ba ba laleditsweng a re, 'tlayang, ka gore sengwe le sengwe jaanong se siame.'¹⁸Ba botlhe ka go tshwana ba dira maipato. Wa ntlha a re 'ke rekile tshimo, ke tshwanetse go ya go e bona.Tswetswe intshwarele.' ¹⁹Le yo mongwe a re, 'ke rekile dipholo tse tlhano, ke ya go di katisa. Tswetswe intshwarele. ²⁰Le monna yo mongwe a re, 'ke sa tswa go nyala mosadi, 'ka jalo ga ke kake ka kgona go tla.'²¹Motlhanka a tla go bolelela morena wa gawe dilo tse. Foo morena wa ntlo a nnna bogale thata, a raya motlhanka, 'Tsamaya ka bofefo o ye kwa ditseleng le mebila ya motse abo o bilitsa kwano bahumanegi, digole, le difofu, le ba ba sa tsamaeng.' ²²Motlhanka a re, 'Morena, se o se laetseng se dirilwe, mme go santse gona le bonno.'²³Morena a raya motlhanka a re, 'tsamaya o ye kwa ditseleng tse dikgolo le mo mebileng o ba kope gore ba tle, gore ntlo yame etle e tlale. ²⁴Gonne ke ya go raya, ga gona ope wa banna ba ba neng ba laleditswe yo o tla jang dijo tsame."'²⁵Jaanong batho ba bantsi bane ba tsamaya le ene, a retologa a ba raya a re, ²⁶''Fa motho mongwe a tla kwa go nna a bo a sa ile yo e leng rraagwe, mmaagwe,mosadi wa gagwe, bana, bo morwa rraagwe le bo kgaitsadie -ee, le botshelo jwa gagwe -ga a kake a nna morutwana wame. ²⁷Le fa ele mang yo a sa tseeng mokgoro wa gagwe a bo atla kwa go nna a ntshala morago ga a kake a nna morutwana wame.²⁸Gonne ke mang wa lona, yo e reng a eletsa go aga kago e e goletseng kwa godimo, a seke a nne fa fatshe pele a bala tlhwatlhwa a bone gore a o na le mo go lekanyeng go e fetsa? ²⁹Esere gongwe a sena go dira motheo a bo a sa kgone go e fetsa, mme botlhe ba ba e bonang ba simolole go mo sotla ba re, ³⁰monna yo o simolotse go aga mme ga a kgona go fetsa.'³¹Kgotsa ke kgosi e fe e e kareng e ya go kopana le kgosi e nngwe mo ntweng, abo a ka seke a nne fa fatshe go tsaya dikgakololo, gore a o ka kgona ka banna ba le 10 000 go lwantsha kgosi e e tlang kgatlhanong le ene ka banna ba le 20 000? ³²Mme fa go sa kgonagale, fa batlhabane ba bangwe ba santse ba le kgakala a romele moemedi go ya go senka mabaka a kagiso. ³³Ka jalo, fa motho a sa tlogele gotlhe mo a nang le gone ga a kake a nna morutwana wame.³⁴Letswai le siame, mme fa letswai le latlhegetswe ke tatso ya lone, le ka dirwa letswai gape jang? ³⁵Ga lena mosola mo mmung, lefa ele go dira dikotla mo mmung. Le a latlhiwa. Yo a nang le ditsebe go utlwa, a a utlwe."

15¹Jaanong bakgethisi botlhe le baleofi ba bangwe bane batla ko go Jeso go mo reetsa. ²Bafarasai le bakwadi ba molao ba nganyisana gammogo ba re, "Monna yo o amogela baleofi ebile o ja le bone."³Jeso a bua le bone ka setshwantsho se a re, ⁴"Ke mang wa lona, yo ekareng ana le dinku dile 100, abo a latlhegelwa ke nngwe ya tsone, a ka seke a tlogele tse di 99 mo sekakeng, a tsamaye go ya go batla e e latlhegileng go fitlhela a e bona? ⁵Yare a sena go e bona, ae sikare mo magetleng le go ipela.⁶E rile a goroga kwa ntlong, a bitsa ga mmogo ditsala le baagisanyi, a ba raya a re, 'itumeleng le nna, gonne ke bone nku yame e e neng e latlhegile.' ⁷Ke ale raya le fa gontshe jalo, gotla nna boitumelo kwa legodimong fa moleofi a le mongwe a ikotlhaya, gona le basiame bale 99 ba ba sa tlhokaneng le go ikotlhaa.⁸kana ke mang mosadi o e kareng a na le dipapetlana tsa selefera tse 10, e kareng a latlhegelwa ke e le nngwe, a seke a tshube lebone, a feele ntlo, a e batle ka matsetseleko go fitlhela a e bona? ⁹E re a sena go e bona, a bitse ga mmogo ditsala le baagisanyi, a re, 'ipeleng le nna, gonne ke bone papetlana e ke neng ke e latlhile.' ¹⁰Hela jalo, ke lo ra ya ke re, gona le boitumelo fa pele ga baengele ba Modimo fa moleofi a le mongwe a ikotlhaa.''¹¹Jaanong Jeso a re, "Monna mongwe o ne ana le barwa ba babedi, ¹²morwa o mmotlana a ra ya rraagwe a re, 'Ntate, nneela bontlha bongwe jwa mahumo bo eleng jwa me.' Ka jalo aba kgaoganya dithoto tsa gagwe.¹³Malatsinyana ase kae morago ga se, morwa yo mmotlana a kgobokanya tsotlhe tse eleng tsa gagwe aya kwa lefatsheng lele kgakala, teng ko feta a fetla tshamekisa madi a gagwe, a reka dilo tse a sa di tlhokeng, a tshamekisa madi a gagwe ka botshelo jwa selefatshe. ¹⁴Yare a sena go kgaritha gotlhe,ga nna leuba le legolo la gasama le lehatsheng leo lotlhe, a simolola go nna motlhoki.¹⁵A tsamaya a ya go bereka monni mongwe wa lefatshe leo, yo aneng amo isa kwa masimo go tlhokomela dikolobe. ¹⁶One a eletsa go ja dinawa tse di nneng di jewa ke dikolobe, gonne gone go sena ope yo o ka mofang dijo.¹⁷Mme yare morwa yo mmotlana a itharabologelwa, a re, ke malata ale kae a ga rre a a nang le dijo tse di fetang selekanyo, mme nna ke fano, ke bolawa ke tlala, ¹⁸Ke tla tswa fa, ke ye ko go Ntate, ke ye go mo raya ke re, ''Ntate, ke leofetse legodimo, fa pele ga gago, ¹⁹Ga ke sa tlhole ke tshwanelwa go bitswa morwa wa gago; ntira jaaka mongwe wa malata a gago."'²⁰Jalo morwa yo monnye a emelela go ya ko go rraagwe. Ya re a santse a le kgakala, rraagwe a mmona, a tlala ka mautlwelobotlhoko, a taboga, a mo atla a mo suna. ²¹Morwa a mo raya are, 'ntate, ke leofetse legodimo fa pele ga gago. Ga kea tshwanelwa go bitswa morwa wa gago.'²²Rraagwe a raya malata a re, 'tlisang seaparo sa maemo a ntlha, le se mo apese, lemo rwese mohitshana mo letshogong, le ditlhako. ²³A bo le tlisa kgongwana ee nonneng le e bolae, Le direng moletlo re ipele! ²⁴Gonne morwaake one a sule, jaanong o a tshela, one a latlhegile jaanong o bonwe.' Ba simolola go ipela.²⁵Jaanong morwa yo mogolo one ale kwa tshimong. Ya re fa a tla a atumela ntlo, a utlwa go opelwa go binwa. ²⁶A bitsa mongwe wa malata a mmotsa gore go diragala eng. ²⁷Mothanka amo raya lare, 'Monnao o boetse gae mme rrago omo tlhabetse kgomo e e nonneng, ka gore o boile a sereletsegile.'²⁸Morwa yo motona a tlala ka bogale, a gana go tsena, mme rraagwe a tswela ko ntle, amo kopa. ²⁹Mme morwaagwe amo araba are, bona, dingwaga tse dintsi ke ntse kego berekela jaaka motlhaka wa gago, ebile ga ke ise ke tlole molao ope wa gago, mme ga o ise ka gope o mphe potsane go ipela le ditsala tsame, ³⁰mme fa morwa wa gago a tla, yo a senyakileng dilo tsa gago le basadi ba di aka, o mo tlhabela kgongwana e e nonneng.'³¹Rraagwe a mo raya a re, 'Morwaake, o nna o na le nna ka nako tsotlhe, tsotlhe tse eleng tsa me ke tsa gago, ³²Mme gone go tswanela gore re dire moletlo re ipele, gonne monnao o ne a sule ,jaanong oa tshela, o ne a latlhegile, jaanong o bonwe.'''

16¹Jeso le ene araya barutwana ba gagwe a re, ''go ne go na le monna mongwe wa mohumi yo a neng a na le motlhokomedi, mme o ne a begelwa gore motlhokomedi yo wa gagwe o senya dithoto tsa gagwe. ²ka jalo monna wa mohumi a mmitsa a mo raya a re, naare ke eng se ke se utwang ka ga gago? Nneele pego ka botlhokomedi ja gago, ka gore ga o kitla o tswelela ka go nna motlhokomedi.'³Motlhokomedi a ipotsa gore, 'ke ka dira jang, ka gore morena wame o tsaya tiro yame ya botlhokomedi? Ga ke na maatla a go epa, mme ebile ke tlhabiwa ke dithong go kopa. ⁴Ke itse se tla se dirang, gore e re ke sena go latlhegelwa ke tiro yame ya botlhokomedi, batho ba nkamogele mo mantlong a bone.'⁵Mme motlhokomedi a bitsa botlhe ba ba neng ba kolota morena wa gagwe, mme a botsa wa ntlha, 'o kolota morena wa wame bokahe?', ⁶A re, lithara di le 3000. Mme a mo raya a re, tsaya dibuka tsa gago, nna fa fatshe ka bonako o kwale dilithara dile 1500,' ⁷Ka jalo motlhokomedi a raya yo mongwe a re, o kolota bokahe? a re di emere di le 1000 tsa korong.' A mo raya a re, 'tsaya buka ya gago o kwale di emere di le 800.'⁸Morena a itumelela motlhokomedi yo o senang tshiamo ka gore o ne a dira jaaka motho yo o botlhale. Gonne bana ba lefatshe le ba botlhale ha ba berekisana le batho ba bone go na le ka fa bana ba lesedi ba leng ka teng. ⁹Ke go raya kere, itirele ditsala ka madi a dirilweng ka tsela e e sa siamang, gore e re a fedile ba kgone go go amogela ka bosakhutleng.¹⁰Yo o boikanyego mo go se se nnye o boa nna boikanyego le mo go se se ntshi, le ene yo o senang tshiamo mo go se se nnye abo a sa nne tshiamo le mo go se ntshi. ¹¹Fa o ne o se boikanyego mo go diriseng madi a a senang tshiamo, ke mang yo o ka go tshephang ka dikhumo tsa boammaruri? ¹²Le fa o ne o se boikanyego mo go diriseng madi a batho, ke mang yo o ka go fang madi a eleng a gago?¹³Ga gona motlhanka yo o ka direlang barena ba le babedi, go nne o ka rata yo mongwe abo a tlhoa yo mongwe, kana a ineele mo go yo mongwe abo a nyatsa yo mongwe. Gao kake wa direla Modimo le dikhumo.''¹⁴Jaanong Bafarasai, ba baneng ba rata madi, ba utwa dilo tse tsotlhe mme ba ikgatlha ka ene. ¹⁵Le go ba raya a re, ''Lea itshiamisa fa pele ga batho, mme Modimo ene o itse dipelo tsa lona. Se se tsholediwang fa pele ga batho,Mo tebong ya Modimo se maswe.¹⁶Molao le baporofeti di ne dile mo taolong go fitlhela Johane a tla. Go tswa mo nakong eo goa pele, efangedi ya bogosi jwa Modimo e a rerilwe, mme mongwe le mongwe o leka go itsenya mo go yone ka dikgoka. ¹⁷Mme go bonolo thata gore legodimo le lefatshe di fete go na le gore le fa e le tlhaka e le nngwe e e tswang mo lokwalong la molao e tlhoke boleng.¹⁸Mongwe le mongwe yo o tlhalang mosadi wa gagwe a bo a nyala o mongwe o direle boaka, le ene yo o nyalang ope yo o tlhadilweng ke monna wa gagwe o dira boaka.¹⁹Ga gontse jalo ga bo go le monna mongwe wa mohumi yo o neng a apara mmala wa segosi le letsela le le turang ebile a ipelela dikhumo tsa gagwe letsatsi le letsatsi. ²⁰Ga bo go le mokopi mongwe a arobetse fa kgorong ya gagwe a bidiwa Lasaro, a tetse dintho, ²¹a eletsa go ja se se wang mo tafoleng ya monna wa mohumi - nte lemoo, dintsa di tla gora dintho tsa gagwe.²²Ga diragala gore mokopi a swe mme a tsewa ke baengele ba moisa ko letlhakoreng la ga Aborahama. Monna wa Mohumi le ene a swa a ka jaalo a fitlhwa, ²³mo bobipong, a le mo tlhokofatsong, a tsholetsa matlho a gagwe a bona Aborahame kgakala, le Lasaro a le mo sehubeng sa gagwe.²⁴Ka jalo a lelela ko godimo a re, 'Ntate Aborahama, nkutwele botlhoko, o rome Lasaro, a ine ntlha ya monwana wa gagwe mo metsing a te a ntimole leleme, gonne ke a thokofadiwa mo kgabong e.²⁵Mme Aborahama a re, 'Ngwanaka, gakologelwa gore o ne o amogela dilo tse di molemo ka nako ya gago ya botshelo, Lasaro ene a amogela dilo tse di bosula, Mme jaanong o a gomodiwa wena o a tlhokofadiwa. ²⁶Le nteng ga seo, phatlha e kgolo e beilweng, gore ba ba batlang go kgabaganya go tswa koo ba tla kwano ba seka, le gore go sena yo o ka kgabaganyang go tswa koo a tla ko go rona.²⁷Monna wa mohumi a re, 'ke a go rapela, Ntate Aborahama, gore o mo romele ko ntlong ya ga Ntate, ²⁸gonne ke na le barwarre ba le batlhano, gore a ye go ba tlhagisa, ba seka ba tla mo lefelong la tlhokofatso le.'²⁹Mme Aborahama a re, 'ba na le Moshe le baporofeti a ba reetse bone.' ³⁰Monna wa mohumi a fetola, 'Nnyaa, Ntate Aborahama, mme fa mongwe a ka ya ko go bone a tswa mo baswing, ba tla ikothaya.' ³¹Mme Aborahame amo raya a re, 'fa ba sa reetse Moshe le baporofeti, ga ba kake ba reetsa le fa mongwe a ka tshoga mo baswing.'''

17¹Jeso o ne a raya barutwa ba gagwe a re, ''Go tla a nna le dilo tse di tla a re dirang gore re leofe, mme go hutsegile ene motho o di tla a tlang ka ene.! ²Go ka nna botoka fa lentswe le le tona le bofelelwa mo molaleng wa gagwe, mme a ba a latlhelwa mo lewatleng, go na le gore a dire gore mongwe wa ba bannye a kgopiwe.³Le itise. Fa mongwe wa lona a leofa, mo kgalemeleng, mme fa a ikotlhaya mo itshwareleng. ⁴Mme fa a go leofela ga supa mo letsatsing ,mme fa a tla kwa go wena ga supa, a re, " ke a ikotlhaa" o tshwanetse wa mo itshwarela!"⁵Baaposetolo ba raya Morena ba re, "Godisa tumelo ya rona." ⁶Morena a ba raya a re, ''Fa tumelo ya lona e ka nna jaaka peo ya mosetara, lo tla a raya setlhare se sa mmulobere lo re, 'Tswa a fa, o ye go tlhoga kwa lewatleng,' mme se tla a le obamela.⁷Mme ke mang wa lona, yo o nang le motlhanka yo o lemang kana a tlhokomela dinku, yo o tla a mo rayang fa a tswa masimo, 'Tlaya o nne fa fatshe ka bonako o je'? ⁸A ga a kake a mo raya a re, 'Mpaakanyetsa sengwe ke je, o apare lebante o ntirele go fitlhela ke fetsa go ja le go nwa. Mme ke gone morago o tla a ja le go nwa'?⁹Ga a leboge motlhanka ka a dirile dilo tse a neng a di laetswe, a o dira jalo? ¹⁰Le lona jalo fa lo dirile sengwe le sengwe se lo se laoletsweng, a lo tla a re, 'Re batlhanka ba ba sa tshwanelweng. Re dirile se re neng re tshwanetse go se dira.'''¹¹Go ne ga diragala gore e re a ya Jerusalema, o ne a tsamaya fa gare ga melelwane ya Samarea le Galalea. ¹²E rile a tsena ko motsing mongwe, a kopana le banna ba le lesome ba ba neng ba lwala lepero. Ba emela kgakala le ene ¹³mme ba tsholeletsa mantswe a bone kwa godimo, ba re, ''Jeso, Mongarona, re utlwele botlhoko.''¹⁴E rile a ba bona, a ba raya a re, ''Tsamayang le ye go ipontsha baperesiti. ''E rile ba tsamaya ba ne ba tlhatswiwa. ¹⁵E rile mongwe wa bone a bona a fodile, a boela kwa morago, ka lentswe le letona a galaletsa Modimo. ¹⁶O ne a khubama mo dinaong tsa ga Jeso, a mo leboga. E ne e le Mosamarea.¹⁷Mme Jeso a re, ''A ba ne ba se lesome ba ba tlhatswitsweng? Ba ba ferangbongwe ba kae? ¹⁸A ga gona ba bangwe ba ba boileng go tla go galaletsa Modimo, fa e se motswakwa yo?'' ¹⁹A mo raya a re, ''Emelela, o tsamae. Tumelo ya gago e go siamisitse.''²⁰Fa a botswa ke Bafarasai gore bogosi jwa Modimo bo tla leng, Jeso a ba araba a re, ''Bogosi jwa Modimo ga bo tle ka go lebelela ka tlhoafalo. ²¹Mme ba tla a re, 'Bonang, ke jo!' kana, ke jole!' Gonne, bonang, bogosi jwa Modimo bo mo go lona.''²⁴A ra ya Barutwa a re, ''Malatsi a e tla a le tla eletsang go bona letsatsi la Morwa motho, mme ga le ka ke la le bona. ²³Mme ba tla a le raya ba re, 'Bona, kwa! Bona, fa!' Mme le seka la tswa la taboga fa morago ga bone, ²² fela jaaka legadima le phatsima mo bontlheng bongwe jwa maru go ya ko bontlheng jo bongwe jwa maru, go tla nna jalo ka morwa motho mo letsatsing la gagwe.'²⁵Mme sa ntlha o tshwanetswe go boga dilo tse dintsi le go ganwa ke kokomane e. ²⁶Jaaka go dirafetse mo malatsing a ga Noa, fela jalo go tla a diragala gape ka malatsi a Morwa Motho. ²⁷Ba ne ba a ja, ba a nwa, ba nyala, ba neelwa mo lenyalong, go fitlhela ka letsatsi le Noa a tsenyeng mo arekeng-mme morwalela wa tla wa ba senya fela botlhe.²⁸fela jaaka go ne ga diragala ka malatsi a ga Lote-ba ne ba a ja ba a nwa, ba reka ba rekisa, ba lema ba aga. ²⁹Mme ka letsatsi le Lote a duleng mo Sotoma ka lone, gone ga na pula ya molelo le sulefura go tswa kwa legodimong mme ya ba senya botlhe.³⁰Morago ga dilo tse ke gone e tla a nnang letsatsi la Morwa Motho go bonahadiwa. ³¹Mo letsatsing leo, le seka la le tlelela oo ko godimo ga ntlo go re a ye ko tlase a ye go tsaya dilwana tsa gagwe mo teng ga ntlo; mme gape o se ka wa letlelela yo o kwa tshimong go boa.³²Gakologelwa mosadi wa ga Lote. ³³Ene yo o batlang go babalela botshelo jwa gagwe bo tlaa mo latlhegela, mm ene yo o latlhegelwang ke botshelo jwa gagwe o tlaa bo boloka.³⁴Ke a le bolelela, mo bosigong joo go tla a bo gole batho ba babedi mo bolaong. Yo o mongwe o tla a tsewa o mongwe o tla a tlogelwa. ³⁵Go tla a bo gole basadi ba le babedi ba thuga mmogo. Yo mongwe o tla a tsewa, yo mongwe o tla a tlogelwa. ³⁶Go tla a nna banna ba le ba bedi mo masimong yo mongwe o tla a tsewa yo mongwe o tla a tlogelwa. ³⁷Ba mmotsa, ''Kae, Morena?'' mme a ba raya a re, ''Fa go nang le setopo teng, manong a a kgobokana.''³⁷Ba mmotsa ba re, ''Kae, Morena?'' A ba raya a re, '' Fa go nang le mmele, go tlabo go na le manong le one a kgobokane mmogo.''

18¹Mme a bua setshwantsho sengwe mogo bone ka fa ba tshwanetseng go nna ba rapela ka teng,le gore ba seka ba kgobega marapo, ²Mo motseng mongwe gone gona le moatlhodi mongwe yo o neng asa boife Modimo mme asa tlotle batho.³Jaanong gone gonale motlholagadi mo motseng oo, mme a etle atle ko go ene ,a re' nthuse ke bone katlholo mo baganetsing bame.' ⁴Mo lebakeng le leleele one asa eletse gomo thusa,mme morago amo raya are ,'le fa ke sa boife Modimo le go tlotla motho, ⁵fela ka gore motlholagadi yo o ntsosetsa mathata,ke tla a mo thusa gore a bone katlholo, gore a seka a nna a ntapisa ka go tla.'''⁶Mme Morena a re, reetsa se moatlhodi o e seng wa nnete a se buang. ⁷Jaanong e seng gore Modimo o tla a tlisa katlholo mo go ba a ba ikgethetseng ba ba lelelang mo go ene bosigo le motshegare?a o tla a diega thata mo go bone. ⁸ke go raya kere o tla a tlisa katlholo ka bofefo mo go bone.le gone,lefa morwa motho a tla ,a o tla a fitlhela tumelo mo lefatsheng?⁹O ne gape a bua ka setshwantsho le bangwe ba ba neng ba latedisa tshiamo mo go bone mme ba nyatsa ba bangwe. ¹⁰Banna ba le babedi ba ya ko tempeleng go rapela,mongwe e le mofarasai o mongwe e le mokgethisi.¹¹Mofarasai a ema a rapela dilo tse ka ga ene, ''Modimo, ke a go leboga ka ga ke tshwane le batho ba bangwe_magodu, batho ba ba sa siamang, baakafadi_ le fa e le ene mokgethisi yo. ¹²Ke itima dijo gabedi mo bekeng. Ke ntsha ditsabosome tsa sotlhe se ke se amogelang.'¹³Mme mokgethisi,a eme kgakala ga a kake a tsholeletsa matlho a gagwe ko legodimong,mme a ititaa sehuba,a re, Modimo nkutlwele botlhoko, ke moleofi,' ¹⁴Ke a go bolelela ka re,monna yo o boetse ko morago ko ntlong ya gagwe a siamisitswe gona le yo mongwe,ka gore mongwe le mongwe yo o itsholetsang o tla a isiwa tlase,mme mongwe le mongwe yoo ikobang o tla a tsholediwa.¹⁵Batho le bone ba ne ba tlisa bana ko go ene,gore a tle a ba ame,mme e rile fa barutwa ba bona, ba ba kgalemela. ¹⁶mme Jeso aba biletsa ko go ene, a re,''Lesang bana ba tle ko go nna le seka la ba kganela.Gonne bogosi jwa Modimo ke jwa bone. ¹⁷Ammaruri ke a lo raya kere,yo o tla a sekeng a amogele bogosi jwa Modimo jaaka ngwana ga a kitla a tsena ka kgoro ya jone.''¹⁸Mmusi mongwe a mmotsa, a re,Moruti yo o molemo,ke dire jang go ja boswa ja botshelo jobo sa khutleng? ¹⁹Jeso a mo raya a re ,ke eng o mpitsa tshiamo? Ga gona mosiami kontle ga Modimo ka esi. ²⁰O itse melao, o seka wa dira boaka,o seka wa bolaya,o seka wa utswa,o seka wa supa maaka,tlotla rraago le mmaago.'' ²¹Mmusi a re,dilo tse tsotlhe tse kedi obametse ke santse ke le monana.''²²Fa Jeso a utlwa se,a mo raya a re,''O santse o tlhaela sengwe.O tshwanetse o rekise tsotlhe tse o nang le tsone mme o abele bahumanegi, mme otlaa nna le dikhumo ko legodimong, mme tlaa, o ntshale morago. ²³Mme fa mmusi a utlwa ka dilo tse, a utlwa botlhoko le go feta, ka a ne a humile thata.²⁴Mme Jeso, a mmona, a hutsafala , a ba a re, ''Go thata gole kae mo bahuming go tsena ka mmuso wa legodimo! ²⁵Ka go motlhofo gore kammela e ka tsena ka phatla ya lomao,go na le motho yoo humileng go tsena ka bogosi ja Modimo''²⁶Ba baneng ba reeditse ba re, ''Jaanong ke mang yo o ka bolokwang?'' ²⁷Jeso a araba, ''Dilo tse di sa kgonafaleng mo bathong ko Modimong di a kgonega.²⁸Petere a re, ''Ee, re tlogetse dilo tsotlhe tse eleng tsa rona re go setse morago.'' ²⁹Jeso a ba raya a re, ''Ammaaruri ke ya lo ra ka re,ga gona yoo tlogetseng ntlo, kana mosadi kana barwarraagwe kana batsadi, kana bana, ka ntlha ya bogosi jwa legodimo, ³⁰yo o tla a sekeng a amogela mo gontsi mo lefatsheng le, mme mo lefatsheng go tla, botshelo jo bo sa khutleng.''³¹Morago ga go ikgobokanyetsa ba ba lesome le bobedi, a ba raya a re, bonang, re ya ko godimo ko Jerusalema, le dilo tsotlhe tsedi kwadilweng ke baporofiti kaga Morwa Motho di tla a diragadiwa. ³²Ka o tla a neelwa mo Baditshabeng, mme o tla a kgobiwa a tlhabisiwa ditlhong, a bo a kgwelwa le mathe, ³³Morago gago betswa, ba tla a mmolaya ,mme o tla a tsoga ka tsatsi la boraro.³⁴Ba ne ba sa tlhaloganye sepe sa dilo tse, mme lefoko le, ba ne ba le fitlhetswe, mme bane ba sa tlhaloganye sepe sa tsedi buiwang.³⁵Go tlile fela jalo ,fa Jeso a atamela Jeriko,monna mongwe one a ntse ha tlase ga tsela a kopa, ³⁶a utlwa bontsi bo feta ka go bapa le ene, o ne a botsa gore go diragalang. ³⁷Ba mmolelela gore Jeso wa Nnasaretha o a feta.³⁸Mme monna wa sefofu a lelela ko godimo, a re ''Jeso morwa Tafite nkutlwela botlhoko,'' ³⁹Bangwe ba ba neng ba tsamaya ka dinao ba mo kgalemela ba re a didimale, mme a lela thata, ''Morwa Tafite nkutlwela botlhoko.''⁴⁰Jeso a ema a laola gore monna a tisiwe ko go ene. Jaanong fa monna wa sefofu a atametse, Jeso a mmotsa, ⁴¹O batla ke go direla eng? ''A re, Morena, ke batla go amogela pono yame.''⁴²Jeso a mo raya a re, ''Amogela pono ya gago. Tumelo ya gago e go fodisitse. ⁴³Ka bofefo a amogela pono ya gagwe mme a mo sala morago, a galaletsa Modimo. Batho botlhe, fa ba bona se, ba galaletsa Modimo.

19¹Jeso a tsena mme a ralala motse wa Jeriko. ²Ga bo go na le monna mongwe yo o bidiwang Sakaio. E ne e le mokgethisi mogolo ebile a humile.³O ne a leka go bona gore Jeso ke mang, mme a sa kgone ka lebaka la bontsi ja batho, ka a ne a le mokhutshwane. ⁴Ka jalo a tabogela ko pele ga batho mme a palama setlhare sa mosikamore gore a tle a kgone go mmona, ka gore Jeso o ne a ya go feta ka tsela eo.⁵ Ya re Jeso a feta fa lefelong la teng, a leba kwa godimo, a mo raya a re, "Sakaio, a itlhaganele o fologele kwa tlase, ka gore ke tshwanetse go tlhola ko ga gago." ⁶A itlhaganelela go fologela kwa tlase, a mo amogela ka boitumelo. ⁷Ya re batho botlhe ba bona se se diragala, ba ngongorega, ba re, "O ile go etela monna yo e leng moleofi."⁸ Sakaio a ema a raya Morena a re, "Morena, bona, sephatlo sa dithoto tsame ke di neela bahumanegi, mme fa ke tsieditse mongwe ka sepe hela, ke tla se busa se menagane gane." ⁹Jeso a mo raya a re, "Letsatsi la gompieno, poloko e tsile mo lapeng le ka gore le ene ke morwa Aborahama. ¹⁰Ka gore Morwa Motho o tletse go batla le go boloka batho ba ba latlhegileng."¹¹Ya re ba utlwa mafoko a, a tswelela a bua le bone ka setshwantsho, ka gore o ne a le gaufi le Jerusalema, mme ba ne ba akanya gore mmuso wa Modimo o tla tla gone foo. ¹²A bua a re "Monna mongwe wa morongwa wa kgosi o ne a ya kwa lefatsheng le le kgakala go ya go amogela bogosi jwa gagwe a bo a boa.¹³ A bitsa batlhanka ba gagwe ba le lesome, a ba neela madi a mantsi, mme a ba raya a re, 'dirang kgwebo go fitlhela ke tla.' ¹⁴Mme banni ba lefatshe la gagwe ba ne ba mo tlhoile, a bo ba romela babueledi kwa go ene ba re, 'ga re batle monna yo a re busa.' ¹⁵Ga diragala gore fa a boa, a sena go amogela bogosi, a laola gore batlhanka ba a neng a ba file madi gore ba tsisiwe kwa go ene, gore a tle a itse gore ba dirile poelo ya bokae.¹⁶ Wa ntlha a tla kwa go ene a re, 'Morena, madi a o a nneetseng a oketsegile ga lesome.' ¹⁷Monna wa morongwa wa kgosi a re, 'O dirile sentle motlhanka yo o molemo. Ka gore o nnile boikanyego mo go se se nnye, o tla busa metse e le lesome.'¹⁸ Wa bobedi a tla kwa go ene a re, 'Madi a gago morena, o oketsegile ga tlhano.' ¹⁹Monna wa morongwa wa kgosi a mo raya a re, 'Busa metse e le metlhano.'²⁰ Yo mongwe a tla kwa go ene a re, 'Madi a gago ke a, a ke neng ke a beile ka pabalesego mo letseleng, ²¹ke ne ke go tshaba ka o le motho yo o bogale. O tsaya dilo tse o sa di bayang fa fatshe, o roba kwa o sa jwalang teng.'²²Morongwa wa kgosi a re, 'Ke tla go atlhola ka mafoko a gago, wena motlhanka ke wena o boikepo. O ne o itse fa ke le motho yo o bogale, ke tsaya se ke sa se bayang fa fatshe, gape ke roba fa ke sa jwalang teng. ²³Jaanong ke eng o ne o sa beeletse madi ame mo bankeng, gore fa ke boa a be a na le morokotso?'²⁴Morongwa wa kgosi a raya batho ba ba neng ba bapile le ene a re, 'Mo tseeleng madi ao, mme le a neeleng yo o nang le madi a le lesome.' ²⁵Ba mo raya ba re, 'Morena, o na le madi a le lesome.'²⁶ 'Ke a le raya ke re, mongwe le mongwe yo o nang le sengwe o tla se okelediwa, mme yo o senang sepe, le se a nang le sone o tla se tseelwa. ²⁷Baba bame ba ba ganneng ke ba busa, ba tsiseng, le ba bolaeng fa pele game."²⁸Fa a sena go bua dilo tse, a tswelela le mosepele wa gagwe a ya kwa Jerusalema.²⁹Ga diragala gore e re a atamela Bethephage le Bethania, ko thabeng e e bitswang ya Lotlhware, a roma barutwana ba gagwe ba le babedi, ³⁰a re, "Yang kwa motsaneng yo o bapileng le o. Fa le tsena ko teng, le tla fitlhela tonki e e iseng e palangwe. Le e bofololeng, le e tsiseng kwa go nna. ³¹Fa mongwe a ka le botsa gore, 'le e bofololela eng?' lo re, 'Morena o a e tlhoka."³²Ba ba neng ba rumilwe ba ne ba fitlhela tonki e bofilwe jaaka Jeso a ne a ba boleletse. ³³Jaaka ba ne ba bofolola tonki, beng ba yone ba ba raya ba re, "Le bofololelang tonki e?" ³⁴Ba re, "Morena o a e tlhoka." ³⁵Ba e tsisa kwa go Jeso, mme ba latlhela diaparo tsa bone mo godimo ga tonki, ba pega Jeso mo godimo ga yone. ³⁶Ya re a tsamaya, ba latlhela diaparo tsa bone mo tseleng.³⁷Ya re a atamela lefelo le Thaba ya Lotlhware fa e fologelang teng, bontsintsi jwa barutwana ba simolola go ipela le go galaletsa Modimo ka lentswe le le kwa godimo ka ntlha ya ditiro tse dikgolo tse ba neng ba bone a di dira, ³⁸ba re, "Go segofetse Kgosi e e tlang ka leina la Morena! Kagiso kwa legodimong le kgalalelo kwa godimo!"³⁹ Bangwe ba Bafarasai ba ba neng ba le mo bontsing jwa batho ba bua ba re, "Moruti, kgalemela barutwana ba gago." ⁴⁰Jeso a ba araba a re, "Fa ba ka didimala, matlapa a tla goela kwa godimo."⁴¹Ya re Jeso a atamela motse, a o lelela, ⁴²a re, "Fa o ne o itsile mo letsatsing le, wena Jerusalema, le dilo tse di go tsisetsang kagiso! Mme jaanong di fitlhegile mo matlhong a gago.⁴³Gonne malatsi a tla tla mo go wena, a baba ba gago ba tla agang lebota le le go dikaganyetsang, ba go pitlaganya mo matlhakoreng otlhe. ⁴⁴Ba tla go iteela fa fatshe, wena le bana ba gago. Ga ba ka ke ba tlogela letlapa lepe le tlhatlaganye le le lengwe, ka gore ga o a ka wa lemoga, fa Modimo a ne a re o a go boloka."⁴⁵Jeso a tsena mo tempeleng a simolola go kobela kwa ntle batho ba ba neng ba rekisa, ⁴⁶a ba raya a re, "Go kwadilwe gotwe, 'Ntlo yame e tla nna ntlo ya thapelo,' mme lona le e fetotse mongobo wa magodu."⁴⁷ Jeso o ne a ruta letsatsi le letsatsi mo tempeleng. Baperesiti bagolo le bakwadi le bagolwane ba batho ba ne ba batla go mmolaya, ⁴⁸mme ba sa kgone go bona tsela e ba ka mmolayang ka yone, ka gore batho botlhe ba ne ba mo reeditse ka tlhoafalo.

20¹Ga diragala gore letsatsi lengwe, ya re Jeso Keresete a ntse a ruta batho le go ba rerela mafoko a a molemo mo tempeleng, baperesiti bagolo le bakwadi ba tla le bagolwane kwa go ene. ²Ba mo raya ba re, "O tsaya kae taolo ya go dira ditiro tse o di dirang? Kgotsa ke mang yo o go fileng taolo e?"³A ba araba a re "Le nna ke tla le botsa potso. Mpoleleleng ka ⁴ga kolobetso ya ga Johane. A e ne e tswa kwa legodimong kana mo bathong?"⁵Ba buisana ka bo bone, ba re, "Fa re ka re, 'kwa legodimong,' o tsile gore, 'Jaanong ke eng le ne le sa mo dumele?' ⁶Mme fa re ka re 'Mo bathong,' batho botlhe ba tsile go re kgobotletsa ka matlapa, ka ba ne ba dumela fa Johane e le moporofiti."⁷Ba mo fetola ka gore ga ba itse ko e tswang teng. ⁸Jeso a ba raya a re, "Le nna ga ke ka ke ka le bolelela gore ke tsaya kae taolo e ke e dirisang."⁹A bolelela batho setshwantsho sengwe a re, "Monna mongwe o ne a lema tshimo ya mofine, a e hirisetsa balemi ba mofine, mme a ya go nna ko lefatsheng le sele ka lebaka le le telele. ¹⁰Ka nako e e tlhomilweng, a roma motlhanka wa gagwe gore a mo tlele ka maungo a a mo tshimong. Mme balemi ba mofine ba ne ba mmetsa, ba mmusa a sa tshola sepe.¹¹A romela motlhanka yo mongwe kwa go bone, mme le ene ba mmetsa, ba mo tshwara makgwakgwa, ba mo tlhabisa ditlhong mme ba mmusa a sa tshola sepe. ¹²A roma motlhanka wa boraro, mme le ene ba mo golafatsa, ba mo latlhela kwa ntle ga tshimo.¹³Morena wa tshimo a re, 'Ke tla dira jang? Ke tla romela morwaake yo ke mo ratang thata. Gongwe ba tla mo tlotla.' ¹⁴Mme ya re balemi ba mofine ba mmona, ba buisana ba re, 'Mojaboswa ke yo. A re mmolaeng gore boswa e tle e nne ja rona.'¹⁵Ba mo kobela kwa ntle ga tshimo ebe ba mmolaya. Mme morena wa tshimo o tla tla a ba dira eng? ¹⁶O tla tla a ba senya a bo a e neela balemi ba mofine ba bangwe." Ya re ba utlwa mafoko ao, ba re, "Modimo a se letlelele seo!"¹⁷Mme Jeso a ba leba, a ba raya a re, "Se se kwadilweng sa reng: Letlapa le baagi ba le ganneng le fetogile lefika la pilara'? ¹⁸Mongwe le mongwe yo o welang mo letlapeng leo o tla robagana. Mme ope yo le tla welang mo go ene, le tla mo sila."¹⁹Go tloga ka nako eo, bakwadi le baperesiti bagolo, ba ne ba batla go mo tshwara ka diatla ka gore ba ne ba itse fa a ne a buile setshwantsho se kgatlhanong le bone. Mme ba ne ba tshaba batho. ²⁰Ba ne ba simolola go mo lebelela ka kelelelo, ba romela batsayaditlholwa ba ba neng ba itira basiami, gore ba tle ba mmone molato mo mafokong a gagwe, gore ba tle ba mo ise ko molaong le ko taolong ya motsamaisi mogolo.²¹Ba mo raya ba re, "Moruti, re a itse fa o bua ebe o ruta sentle, gape o sa tlhotlheletswe ke maemo a ga ope, mme o ruta boammaaruri ka tsela ya Modimo. ²²A go ka fa molaong gore re duele Kaisara lekgetho kana nnyaa?"²³Mme Jeso a tlhaloganya bonokwane ja bone, a ba raya a re, ²⁴"Mpontsheng ledi la dinari. Ke setshwantsho sa ga mang le leina la ga mang mo dinaring?" Ba mo raya ba re, "Kaisara."²⁵A ba raya a re, "Neelang Kaisara dilo tse e leng tsa gagwe, ebe le neela Modimo dilo tse e leng tsa gagwe." ²⁶Ba gakgamalela karabo ya gagwe, mme ba seka ba bona molato mo puong ya gagwe, ba didimalela ruri.²⁷Basedukai ba ba sa dumeleng fa go na le tsogo ya baswi, ²⁸ba tla kwa go ene ba mo raya ba re, "Moruti, Moshe o re kwaletse a re, fa monna yo o nyetseng a swa a sena ngwana , monnawe o ka nyala mosadi yo, mme a mo tsholela ngwana.²⁹Go ne go na le barwarrammogo ba le supa, motsalwapele a nyala mosadi mme a tlhokafala a sena ngwana, ³⁰le wa bobedi ka go latelana. ³¹Wa boraro a mo nyala le ene, mme botlhe ka bosupa ja bone ba nyala mosadi yo mme ba tlhokafala ba sena ngwana. ³²Morago ga moo, mosadi le ene a tlhokafala. ³³Mo tsogong, e tla nna mosadi wa ga mang? Ka botlhe ba ba supa ba ne ba mo nyetse."³⁴Jeso a ba raya a re, "Barwa le barwadi ba lefatshe le ba a nyala ebile ba neelwa mo lenyalong. ³⁵Ba ba kaiwang ba tshwanelwa mo motlheng oo go amogela tsogo mo baswing, ga ba nyale gape ga ba neelwe gore ba nyalwe. ³⁶Gape ga ba ka ke ba tlhola ba swa gape, go nne ba lekana le baengele ebile ke barwa ba Modimo, ele barwa ba tsogo.³⁷Mme gore baswi ba a tsoga, le Moshe o supile ko sekgweng se se neng se tuka, kwa a neng a bitsa Morena Modimo wa ga Aborahama, le Modimo wa ga Isake, le Modimo wa ga Jakoba. ³⁸Jaanong ga se Modimo wa baswi, mme ke wa batshedi, gonne botlhe ba tshelela ene."³⁹Bangwe ba bakwadi ba mo araba ba re, "Moruti o arabile sentle." ⁴⁰Gonne ga ba aka ba tlhola ba leka go mmotsa dipotso gape.⁴¹Jeso a mo raya a re, "Ba raya jang ba re Keresete ke Morwa Tafite? ⁴²Gonne Tafite le ene mo lekwalong la Dipesalema a re, Morena o ne a raya Morena wame a re, 'Nna ka fa letsogong lame la moja ⁴³go fitlhela ke dira baba ba gago bobeo jwa dinao tsa gago.' ⁴⁴Tafite jalo he, o bitsa Keresete a re 'Morena', jaanong, ke Morwa Tafite jang?''⁴⁵Ya re batho botlhe ba mo reeditse, a bua le barutwana ba gagwe a re, ⁴⁶"Elang tlhoko bakwadi, ba ba eletsang go tsamaya ba apare dipurapura tse di telele, ebile ba rata go dumedisiwa mo marekisetsong, le ditilo tsa batlotlegi mo disinagogeng, le ditilo tse di faphegileng mo meletlong. ⁴⁷Ba tlhasela le malapa a batlholagadi, le go itshupa ka dithapelo tse di telele. Batho ba go tshwana le ba, ba ya go amogela katlholo e kgolo."

21¹Jeso a leba kwa godimo a bona bahumi ba tsenya dimpho tsa bone mo mabolokelong . ²A bona motlholagadi mongwe wa motlhoki a tsenya madi a tshipi a le mabedi mo teng . ³A bua a re, ''Boammaaruri jo ke bo le bolelelang ke gore, motlholagadi yo wa motlhoki o tsentse go le gontsi go feta botlhe . ⁴Botlhe ba, ba ntshitse dimpho go tswa mo bontsing jo ba nang le jone. Mme motlholagadi yo, o ntshitse go tswa botlhoking jwa gagwe, tsotlhe tse botshelo jwa gagwe bo ikaegileng ka tsone.''⁵Jaaka bangwe ba ne ba bua ka tempele, ka fa e kgabisitsweng ka teng ka matlapa a mantle le dikabelo, a bua a re ⁶''Fa e le ka ga dilo tse le di bonang tse, malatsi a etla a matlapa a a tla thubaganngwang fatshe mo le tla seke le fitlhele letlapa lepe le tlhatlaganye le le lengwe.''⁷Ba mmotsa ba re ''Moruti, dilo tse di tla diragala leng? Dikai e tla nna dife tsa gore dilo tse di tloga di diragala? ⁸Jeso a araba, ''Elang tlhoko gore le seka la tsiediwa. Gonne ba le bantsi ba tla tla mo leineng lame, ba re, 'Ke Ene,' le, 'Nako e gaufi.' Le seka la ba sala morago. ⁹Fa le utlwalela dintwa le dikhuduego, le seka la tshoga, gonne dilo tse di tshwanetse tsa diragala pele, mme bokhutlo ga bo na go diragala ka bonako.''¹⁰A ba raya a re ''Lefatshe le tla tsogologela lefatshe, le bogosi bo tla tsogologela bogosi . ¹¹Go tla nna dithoromo tsa lefatshe tse dikgolo, le ko mafelong a a farologanyeng go nne mauba le leroborobo la malwetse. Go tla nna ditiragalo tse di boitshegang le dikai tse dikgolo go tswa kwa legodimong.¹²Mme pele ga dilo tsotlhe tse, ba tla le tshwara ba le tlhokofatsa, ba le isa kwa disinagogeng le dikgolegelong, ba le isa fa pele ga dikgosi le balaodi ka ntlha ya leina lame . ¹³Se se tla le fa sebaka sa go fa bopaki ja lona.¹⁴Ka jalo ikaeleleng mo dipelong tsa lona go seka le baakanya boiphemelo jwa lona pele ga nako, ¹⁵gonne ke tla le fa mafoko le botlhale jo baba ba lona ba tla seke ba bo gane le fa e le go ganetsanya le jone.¹⁶Mme le tla neelwa mo babeng ba lona ke batsadi, batsalwa le lona, masika le ditsala ebile ba tla bolaya bangwe ba lona. ¹⁷Le tla tlhoiwa ke mongwe le mongwe ka ntlha ya leina lame. ¹⁸Mme ga gona moriri o mongwefela wa tlhogo o o tla nyelelang. ¹⁹Mo boitshokong jwa lona le tla somarela mewa ya lona.²⁰Fa le bona Jerusalema a dikaganyeditswe ke mephato ya masole, le itse gore o gaufi la go nyelediwa. ²¹Foo a ba ba mo Jutia ba tshabele kwa dithabeng, a ba ba mo gare ga motse ba tswe, mme le seka la letlelela ba ba kwa ntle mo lefatsheng go tsena teng. ²²Gonne a ke matsatsi a ipusolosetso, gore dilo tse di kwadilweng di dirafadiwe.²³Go hutsegile ba ba imileng le ba ba amusang ka matsatsi ao! Gonne go tla nna le pheretlhego e kgolo mo lefatsheng, le kgalefo mo bathong ba . ²⁴Ba tla bolawa ka tshaka ba bo ba gapiwa go isiwa kwa ditshabeng tsotlhe, mme Jerusalema o tla gatakwa ke Baditshaba, go fitlhela nako ya Baditshaba e fela.²⁵Go tla nna le dikai mo letsatsing, mo ngweding mo dinaleding le mo lefatsheng. Ditshaba di tla bo di le mo pheretlhegong, di tlhobaela ka ntlha ya go duma ga lewatle le makhubu. ²⁶Go tla nna le batho ba ba tla idibalang ka poifo le ka tsholofelo ya dilo tse di tlang go diragalela lefatshe. Gonne dinonofo tsa magodimo di tla tshikhinngwa.²⁷Ba tla bona Morwa Motho a tla mo lerung ka thata le kgalalelo e kgolo. ²⁸Mme fa dilo tse di simolola go diragala, emang ka dinao le lebise ditlhogo tsa lona kwa godimo, gonne kgololo ya lona e atametse.''²⁹Jeso a bua le bone ka setshwantsho, "Lebelelang mofeige le ditlhare tsotlhe . ³⁰Fa di tswa matlhogela, le a iponela le be le itse gore selemo se setse se le gaufi. ³¹Gape, fa le bona dilo tse di diragala, le itse gore bogosi jwa Modimo bo atametse.³²Ammaaruri ke a lo raya, kokomane e ga e ka ke ya fela dilo tse di ise di diragale. ³³Legodimo le lefatshe di tla fela, mme mafoko ame ga a kake a fela.³⁴Mme ikeleng tlhoko, gore dipelo tsa lona di seka tsa imelwa ke ditlamorago tsa go nwa le go tagwa, le matshwenyego a botshelo, le bo le welwa ke letsatsi le ka tshoganetso jaaka selaga. ³⁵Gonne le tla tla mo mongwe le mongweng yo o tshelang mo lefatsheng lotlhe .³⁶Mme nnang le tsibogile ka dinako tsotlhe, le rapele gore le nonofele go falola dilo tsotlhe tse di tla diragalang tse, le go ema fa pele ga Morwa Motho.''³⁷Mo motshegareng o ne a ruta mo tempeleng, mme bosigo a ya go nna mo Thabeng ya Letlhware. ³⁸Batho botlhe ba ne ba tla mo mosong o mogolo ba tla go mo utlwa mo tempeleng.

22¹Jaana Modiro wa borotho jo bo sa bidisiwang wa bo o atamela, o o bidiwang Tlolaganyo. ²Ditlhogo tsa baperesiti le bakwadi ba buisanya kafa ba ka bolayang Jeso ka teng, ka ba boifa batho.³Mme satane a tsena mo go Jutase Isekariota, yo e ne e le mongwe wa ba ba lesome le bobedi. ⁴Jutase a ya go buisanya le ditlhogo tsa baperesiti le baeteledipele ka fa o ka mo ba neelang ka teng.⁵Bane ba itumela, mme ba dumalana go mo neela madi. ⁶A dumalana nabo, mme a senka sebaka se a tlaa ba mo neelang ka sone go sena batho ba bantsi.⁷Letsatsi la borotho jo bo sa bidisiwang la tla, le konyana ya Tlolaganyo e tshwanetseng go tlhabiwa ka lone. ⁸Jeso a romela Petere le Johane, a re, ''Tsamayang le baakanyeng sejo sa Tlolaganyo gore re tle re se je.'' ⁹Ba mmotsa ba re, ''O batla reya go baakanya kae?''¹⁰A ba araba a re, ''Reetsang, fa lo sena go tsena mo motsing, lo tlaa kopana le monna a rwele nkgwana ya metsi. Lo mo sale morago lo tsene le ene mo ntlong e a yang mo go yone. ¹¹Lo bo lo raya mong wa ntlo lo re, 'Moruti o botsa jaana gore, ''Ntlwana ya baeng e fa kae, e ke tlaa jelang Tlolaganyo le barutwa bame teng?''¹²O tlaa lo bontsha ntlwana e tona e e kwa godimo. Baakanyang gone koo.'' ¹³Jaana ba tsamaya, mme ba fitlhela sengwe le sengwe se ntse jaaka a se ba boleletse. Ba baakanya dijo tsa Tlolaganyo.¹⁴Mme e rile fa nako e gorogile, a nna fa fatshe le ba aposetolo. ¹⁵Mme a ba raya a re, ''Ke eleditse thata go ja Tlolaganyo e le lona pele ga ke bogisiwa. ¹⁶Mme ke lo raya ke re, ga kena go e ja gape, go fitlhela go rurifadiwa mo bogosing jwa Modimo.''¹⁷Mme Jeso a tsaya senwelo, mme ya re a sena go leboga, a re, ''Tsayang se mme lo se kgaogane. ¹⁸Gonne ke lo raya ke re, ga ke kitla ke enwa ga leungo la mofine gape, go fitlhela bogosi jwa Modimo botla.''¹⁹A ba a tsaya borotho, fa a sena go leboga, a bo a bo kgaoganya, mme a bo ba neela, a re, ''Se ke mmele wame o lo o neetsweng. Dirang mo lo nkgakologelwe ka gone.'' ²⁰Ka tsela e e tshwanang a tsaya senwelo morago ga selalelo, a re, ''Senwelo se ke kgolagano e ntsha mo mading ame, a a tshololetsweng lona.''²¹Mme elang tlhoko, ene yo o ntherang o na le nna mo tafoleng. ²²Gonne Morwa Motho o tla a tsamaya fela jaaka go laotswe.Mme go hutsegile monna yo o ntherang. ²³Ba simolola go buisanyana mo go bone gore ke mang yo o tla a dirang selo se.²⁴Mme go tswa foo ga tsoga kganetsanyo mo gare ga bone mme ba botsana gore ke mang o o tsewang a le motona. ²⁵A ba raya a re, ''Dikgosi tsa Baditshaba di dikgolo mo go bone, le bone ba ba nang le taolo ba lemogiwa e le ba ba direlang batho molemo.²⁶Mme ga go a tshwanela go nna jaana mo go lona. Mme jalo, fa go na le yo mogolo mo go lona a a nne jaaka yo monnye.Mme ene yo o botlhokwa a nne jaaka yo o dirang. ²⁷Gonne ke mang yo mogolo, yo o ntseng mo tafoleng, kana yo o direlang? A ga se ene yo o ntseng mo tafololeng? Le fa go ntse jalo ke na le lona jaaka mongwe yo o direlang.²⁸Mme ke lona ba lo tsweletseng le nna mo dithaelong tsame. ²⁹Ke lo neela bogosi fela jaaka Rre a bo nneetse, ³⁰gore lo tle lo je le bo le nwe ko tafoleng ko bogosing jwa me, gape lo tla a nna mo teroneng le atlhola ditshaba tse di lesome le bobedi tsa Iseraele.³¹Simone, Simone, ela tlhoko, Saatane o batla go go tsaya, gore a go sile jaaka korong. ³²Mme ke go rapeletse gore tumelo ya gago e seka ya palelwa. Mme e re o sena go boa gape, thatafatsa bakaulengwe.³³Petere a mo raya a re ''Morena, ke ipaakanyeditse go tsamaya le wena gotlhe ko kgolegelong le ko lesong''. ³⁴Jeso a mo fetola a re, ''ke a go raya, Petere, mokoko ga o kake wa lela mo letsatsing le, pele ga o itatola ga raro gore ga o inkitse.''³⁵Mme Jeso a ba raya a re, ''Fa ke lo roma le sa tshola sekgwama le kgetsi ya mofago kana ditlhako, a lo ka tlhoka sengwe?'' Ba araba ba re, ''Sepe'' ³⁶Mme a ba raya a re, ''Mme gone jaana, mongwe yo o tshotseng sekgwama, mo tlogeleng a se tsee, le kgetsi ya mofago. Ene yo o senang tshaka a a rekise seaparo sa gagwe a ithekele.³⁷Gonne ke lo raya ke re, se se kwadilweng ka game se tla a rurifadiwa, 'O ne a balelwa mo go ba ba neng ba le molato. 'Gonne se se neng se builweng ka nna se tla a rurifadiwa.'' ³⁸Mme ba ne ba re, ''Morena, bona! Tshaka tse pedi ke tse.''O ne a ba raya ba re, ''Go lekanye.''³⁹Morago ga dijo tsa maitseboa, Jeso a tsamaya, jaaka a tlwaetse, go ya ko thabeng ya Lotlhware, mme barutwa ba mo sala morago. ⁴⁰Mme e rile ba goroga a ba raya a re, ''Rapelang gore le seka la tsena mo thaelong.''⁴¹Mme a tsamaya sekgalenyana go tswa fa go bone a khubama a bo a rapela, ⁴²a re, ''Rara, fa e le go rata ga gago, ntsha senwelo se mo go nna. Mme e seng thato yame, ya gago e dirafadiwe''.⁴³Mme Moengele a tswa ko legodimong a iponafatsa mo go ene, a mo thatafatsa. ⁴⁴O ne a le mo botlhokong, a rapela thata, mme mofufutso wa gagwe wa nna jaaka marothodi a magolo a madi a tshologela fa fatshe.⁴⁵Mme e rile a ema a sena go rapela, a tla ko barutweng, mme o fitlhetse ba robetse ka gore ba ne ba na le kutlobotlhoko, ⁴⁶mme a ba botsa a re, ''Ke eng lo robetse?'' Emelela le rapele, gore lo seka la tsena mo thaelong.''⁴⁷E rile a ntse a bua, bonang, ga bonale bontsi jwa batho ba na le Jutase, mongwe wa ba ba lesome le bobedi a ba eteletse pele. A tla gaufi le Jeso mme a mo atla, ⁴⁸mme Jeso a mo raya a re, ''Jutase a o rekisa Morwa Motho ka go mo atla?''⁴⁹Mme ba ba neng ba na le Jeso fa ba bona se se diragalang, ba re, ''Morena a re kgaole ka tshaka?'' ⁵⁰Mme mongwe wa bone a kgaola motlhanka wa moperesiti yo mogolo, a mo kgaola ka fa tsebeng ya mo ja. ⁵¹Jeso a re, ''Go lekanye!'' A kgoma tsebe ya gagwe, mme a mo fodisa.⁵²Jeso a raya Moperesiti yo mogolo, balaodi ba tempele, le mo bagolwaneng ba ba kgatlhanong le ene ''A lo dule le le kgatlhanong le legodu ka tshaka le ka ditlhopha. ⁵³Erile ke na le lona malatsi otlhe mo tempeleng ga le ise le ko le ntsenye letsogo. Mme ke nako ya lona le balaodi ba lefifi.''⁵⁴Ba mo tshwara, ba mo eteletsa pele, ba mo isa ko ntlong ya moperesiti yo mogolo. Mme morago ga lebaka Petere a mo sala morago. ⁵⁵Mme ya re ba sena go gotsa molelo fa gare ga kgotla ba nna fa fatshe botlhe, Petere a nna fa gare ga bone.⁵⁶Mosadi mongwe wa motlhanka a mmona mo leseding la molelo, mme a mo lebelela ka tlhamalalo a bo a re, ''Monna yo, le ene o ne a na le ene'' ⁵⁷Mme Petere a latola seo, a re, ''Mosadi, ga ke moitse.'' ⁵⁸Morago ga lebakanyana mongwe le ene a mmona, a re'' O mongwe wa bone'' Mme Petere a re '' Monna ga ke ene.''⁵⁹Morago ga selekanyo sa oura, monna mongwe a tlhomamisa a re, ''Ammaaruri monna yo o ne a na le ene, ka gore ke mo Galalea.'' ⁶⁰Mme Petere a re '' Monna, ga ke itse se o se buang''. Ka bofefo e rile a ntse a bua mokoko wa lela.⁶¹A gadima, Morena a lebelela Petere, mme Petere a gakologelwa lefoko la Morena,fa a mo raya a re ''Pele ga mokoko o lela gompieno o tla a be o intatotse ga raro.'' ⁶²Petere a tswela ko ntle a lela mo go botlhoko.⁶³Mme banna ba ba disitseng Jeso ba mo kgoba ba bo ba mmetsa. ⁶⁴Ba ne ba mo khurumetsa mme ba kopa ba re ''porofita'' ke mang yo o go iteileng, ⁶⁵Ba bua dilo di le dintsi kgatlhanong le Jeso, ba mo tlhapatsa.⁶⁶Ka bofefo ka gone go le moso, bagolwane ba batho ba kgobokana botlhe,baperisiti ba ba golo le bakwadi. Ba mo eteletsa pele go ya kwa lekgotleng, ⁶⁷ba re ''Fa o le keresete, re bolelele'' mme a ba raya a re, '' Fa ke le bolelela ga le ka ke la dumela ⁶⁸gape ga ke le botsa ga le kake la nkaraba.⁶⁹Mme go simolola ka nako e, Morwa Motho o tla a nna ka fa letsogong le le golo la nonofo ya Modimo'' ⁷⁰Botlhe ba bua ba re '' Jaanong a o Morwa Modimo?'' Jeso a ba raya a re, ''La re ke ene'' ⁷¹Ba re, ''Ke eng fa re santse re tlhoka mosupi? Gonne rona re utlwile go tswa mo molong wa gagwe.''

23¹Lekoko lotlhe la bone la tsogologa la tsisa Jeso fa pele ga ga Pilato . ²Ba simolola go mo pateletsa, ba re, ''Re fitlhetse monna yo a leswefatsa setshaba sa rona, a itsa gore Kaisara a fiwe tlotlo, a re ene ke Keresete, ke Kgosi.''³Pilato a mmotsa, a re, ''A ke wena kgosi ya Bajuta?'' Jeso a araba a re, ''Wa rialo.'' ⁴Pilato a raya baperesiti bagolo le bontsi jwa batho, a re, "Ga ke bone monna yo molato ope.'' ⁵Mme ba gatelela, ba re, ''O hudua batho, o ruta mo Jutia otlhe, go simolola ko Galalea le go fitlha gone fa.''⁶Fa Pilato a utlwa se, a botsa gore a Jeso ke moGalalea. ⁷Fa a sena go lemoga gore o ka fa tlase ga taolo ya ga Herote, a romela Jeso kwa go Herote, yo le ene a neng a le mo Jerusalema ka matsatsi ao.⁸Fa Herote a bona Jeso, a itumela thata, gonne go ne go le bogologolo a ntse a batla go mmona. O ne a utlwaletse ka ga gagwe, ebile a solofetse go bona motlholo o dirwa ke ene. ⁹Herote a botsa Jeso dipotso tse dintsi, mme Jeso a seka a mo araba le fa e le gangwe fela. ¹⁰Baperesiti bagolo le bakwadi ba ema, ba pateletsa Jeso ba le makgwakgwa.¹¹Herote le masole a gagwe ba roga Jeso ba ba ba mo kgoba. Go tloga foo ba mo apesa diaparo tse dintle ba mo romela gape kwa go Pilato. ¹²Gonne Herote le Pilato ba ne ba nna ditsala gone ka letsatsi leo (pele ga mo, ba ne ba ilana).¹³Pilato a kgobokanya baperesiti bagolo le balaodi le bontsi jwa batho, ¹⁴a ba raya a re, ''Le tsisitse monna yo jaaka ekete o gogela batho kwa go direng bosula, bonang, nna, morago ga go mmotsa dipotso fa pele ga lona, ga ke mmone molato mo dilong tse le mo pateletsang tsone.¹⁵Nnyaa, go ntse jalo le ka Herote, gonne o mo rometse gape kwa go rona, bonang, ga gona sepe se a se dirileng se a ka se atlholelwang leso. ¹⁶Ka jalo ke tla mo otlhaya, ke bo ke mo golola.'' ¹⁷Jaanong Pilato o ne a patelesega go gololela Bajuta mongwe wa magolegwa ka lebaka la moletlo.¹⁸Mme ba goeletsa botlhe kwa godimo ba re, ''Monna yo a tsamaele koo, re gololele Barabbas!'' ¹⁹Barabbas e ne e le monna yo o neng a tsenngwa mo kgolegelong ka ntlha ya tsuololo mo motseng le polao.²⁰Pilato a bua le bone gape, a eletsa go golola Jeso. ²¹Ba goa, ba re, ''A a bapolwe, a a bapolwe.'' ²²A bua le bone laboraro a re, ''Ke eng, ke bosula bofe jo monna yo a bo dirileng? Ga ke a bona sepe mo go ene se se ka atlholelwang leso. Jalo he, morago ga ke sena go mo otlhaya ke tla mo golola.''²³Mme ba gatelela ka mantswe a a goelang kwa godimo, ba re ba batla gore a bapolwe. Mantswe a bone a gatelela Pilato. ²⁴Pilato a tsaya tshwetso ya go dira jaaka ba batla. ²⁵A ba gololela ene yo ba kopileng gore a gololwe, yo o neng a le mo kgolegelong ka ntlha ya lesukuru le polao. Mme a neela Jeso mo thatong ya bone.²⁶Jaaka ba ne ba tswa ka ene, ba tshwara Simone wa moSeria, yo a neng a tswa kwa ntle ga motse, ba mo rwesa sefapaano, a sala Jeso morago.²⁷Bontsi jo bogolo jwa batho, le basadi ba ba neng ba lela ba mo hutsafaletse, ba ne ba mo setse morago. ²⁸Mme Jeso a retologela kwa go bone, a ba raya a re, ''Barwadi ba Jerusalema, se nteleleng, iteleleng lona le bana ba lona.²⁹Gonne bonang, matsatsi a etla a ba tla buang ba re, 'Go segofetse baopa le dibopelo tse di tlhokileng go tshola, le mabele a a tlhokileng go amusa.' ³⁰Go tloga foo ba tla raya dithaba ba re, 'Re weleng,' le dithabana ba re, 'Re khurumetseng.' ³¹Fa ba dira dilo tse setlhare se sa ntse se le setala, go tla diragala eng fa se omeletse?''³²Banna ba bangwe, e le dirukutlhi tse pedi, ba tsewa le ene go ya go bolawa.³³Fa ba fitlha kwa lefelong le le bidiwang ''Legata,'' ba mmapola, le dinokwane - yo mongwe kwa mojeng wa gagwe, yo mongwe kwa molemeng. ³⁴Jeso a re, ''Rara, ba itshwarele, gonne ga ba itse se ba se dirang.'' Go tloga foo ba dira khupelekhupele, ba kgaogana diaparo tsa gagwe.³⁵Batho ba lebelela fa balaodi le bone ba mo kgoba, ba re, ''O bolokile ba bangwe. A a ipoloke, fa e le gore ke Keresete wa Modimo, yo o kgethilweng.''³⁶Masole le bone ba ikgatlha ka ene, ba mo atamela, ba mo fa seno se se bojarara, ³⁷ba re, ''Fa o le kgosi ya Bajuta, ipoloke.'' ³⁸Go ne ga bewa mokwalo fa godimo ga gagwe, ''Yo ke kgosi ya Bajuta.''³⁹Mongwe wa dirukutlhi tse di neng di kaletse fa go ene a mo roga a re, ''A ga o Keresete? Ipoloke le rona.'' ⁴⁰Mme yo mongwe a mo kgalemela, a re ''A ga o boife Modimo, jaaka o le mo kotlhaong e e tshwanang?' ⁴¹Rona re fa re sa gobelelwa, gonne re amogela se se re tshwanetseng ka ntlha ya ditiro tsa rona. Mme monna yo ga a dira sepe se se molato.''⁴²Go tloga foo a re, ''Jeso, o nkgakologelwe fa o tsena mo bogosing jwa gago.'' ⁴³Jeso a mo raya a re, ''Ammaaruri ke a go raya, letsatsi leno o tla bo o na le nna kwa parateiseng.''⁴⁴Jaanong e ne e le oura ya borataro, lefifi la apesa lefatshe lotlhe go fitlha ka oura ya boroba bongwe ⁴⁵jaaka letsatsi le ne la fifala. Ga diragala gore sesiro sa tempele se kgagoge ka bogare.⁴⁶Jeso a lela ka lentswe le le golo, a re, ''Rara, ke neela moya wame mo diatleng tsa gago.'' Morago ga go bua se, a swa. ⁴⁷Moeteledipele wa masole e rile a bona se se diragetseng, a galaletsa Modimo, a re ''E le ruri yo e ne e le monna wa mosiami.''⁴⁸Fa bontsi jwa batho ba ba neng ba tsile go bona tiragalo ba bona se se diragetseng, ba boa ba ntse ba itaya dihuba tsa bone. ⁴⁹Mme ba ba neng ba mo itse, le basadi ba ba neng ba mo setse morago go tswa Galalea, ba ne ba eme kgakajana, ba lebile ditiragalo tse.⁵⁰Bonang, ga bo go na le monna gotwe Josefa, yo e neng e le leloko la khuduthamaga. E ne e le monna yo o molemo wa mosiami. ⁵¹Monna yo o ne a sa dumalana le tshwetso ya khuduthamaga le tiro e ba e dirileng. O ne a tswa mo Galalea mo motseng wa Aremathea; ebile o ne a batla bogosi jwa Modimo.⁵²Monna yo, a ya kwa go Pilato, a kopa mmele wa ga Jeso. ⁵³A o folosa, a o phuthela ka matsela a a boleta, a o baya mo lebitleng le le neng le gabilwe mo lentsweng, fa go neng go ise go bewe ope teng.⁵⁴E ne e le letsatsi la Paakanyo, letsatsi la Sabata le le gaufi le go tlhaba. ⁵⁵Basadi, ba ba tsileng le Jeso go tswa Galalea, ba ya go bona lebitla le ka fa mmele wa gagwe o neng o beilwe ka teng. ⁵⁶Ba boa, ba ya go baakanya dinkgisa monate le ditlolo. Mme ka Sabata ba itapolosa go ya ka fa taolong.

24¹Mo maphakeleng a matona ka letsatsi la ntlha la beke, ba tla ko lebitleng, ba tlisa dinkgisa monate tse ba neng ba di baakantse. ²Ba fitlhela letlapa le sotisitswe mo godimo ga lebitla. ³Ba tsena mo teng ba seka ba fitlhela mmele wa ga Morena Jeso.⁴Ga diragala gore, ba santse ba makaditswe kese, ka bonako, banna ba le babedi ba ema fa go bone ba apere diaparo tse di phatsimang. ⁵Ya re basadi ba santse ba tetse ka letshogo, ba obamisetse ditlhogo, ba raya basadi ba ba re, ''ke eng le batla motshidi mo baswing?⁶Ga a yo fa, o tsositswe, gakologelwang gore o buile jang lona fa santse a le kwa Galalea, ⁷one a re Morwa Motho o tla neelwa mo diatleng tsa baleofi gore a bapolwe, ka letsatsi la boraro, a tsoge gape.''⁸Basadi ba gakologelwa mafoko a gagwe, ⁹ba boa ko lebitleng, ba bolelela ba ba 11 le batho botlhe, dilo tse tsotlhe. ¹⁰Jaanong Marea Magatalena, Joana, Marea mmagwe Jakobe, le basadi ba bangwe ba ba neng ba na le bone, ba begala baposetolo dilo tse tsotlhe.¹¹Mme molaetsa yo wa utwala okare ke boeleele mo baaposetoleng, ba seka ba dumela basadi ba. ¹²Le fa go ntse jalo Petere ene a nanoga, a tabogela ko lebitleng,a huhumela mo teng, a bona matsela a le nosi, Petere a boela ko lapeng la gagwe, a ipotsa gore go diregile eng.¹³Bonang, bobedi jwa bone bane ba tsamaya letsatsi lone leo ba ya ko motseng yo o bidiwang Emase, yo o neng o le dikilomethara di le 11 go tswa mo Jerusalema. ¹⁴Ba buisana ka dilo tsotlhe tse di diragetseng.¹⁵Ga diragala gore, ere ba buisana ba botsana di potso, Jeso ka bo ene a atumela, a tsamaya le bone. ¹⁶Mme matlho a bone a thibilwe gore a seka a mo lemoga.¹⁷Jeso a ba raya a re, ''bobedi ja lona le tsamaya le buaisana ka ga eng?'' Ba ema foo ba lebega ba utule botlhoko. ¹⁸Mongwe wa bone' o bidiwang Teolopase, a mo araba, ''a ke wena motho fela mo Jerusalema yo o sa itseng dilo tse di diragetseng teng kwa mo malatsing a fitileng a?''¹⁹Jeso a ba raya a re, ''dilo dife?'', Ba mo araba, ''dilo tse di amang Jeso wa mo Nasaretha, yo o neng e le moporofiti,ebile ale maatla mo ditirong le mo lefokong, fa pele ga Modimo le batho. ²⁰Le gore baperesiti bagolo le balaodi ba rona ba ne ba mo isa gore a atlholelwe loso, a bo a bapolwa.²¹Mme re ne re solofetse gore ke ene a ka bolokang Iseraela. Ee, ntle le tse tsotlhe, ke letsatsi la boraro dilo tse di ntse di diragetse.²²Mme gape, basadi bangwe mo lekokong la rona ba re makaditse, ba ne ba le ko lebitleng mo mosong. ²³Erile ba sa bone mmele wa gagwe, ba tla, ba re ba bone ponatshegelo ya baegele ba bua gore o a tshela. ²⁴Banna bangwe ba ba neng ba na le rona ba ya ko lebitleng, ba fitlhela go ntse jaaka basadi ba ne ba buile, ba seka ba mmona.''²⁵Jeso a ba raya are, ''Lona banna ba dieleele ba ba bonya mo dipelong go dumela tse tsotlhe tse baporofeti ba di buileng! ²⁶A go ne go se botlhokwa gore Keresete a boge dilo tse, le go tsena mo kgalalelong ya gagwe?'' ²⁷Go simolola ka Moshe go fetla ka baporofeti, Jeso a ba tlhalosetsa dilo tse di mo amang mo ditemaneng tseo tsotlhe.²⁸Jaaka ba ne ba atumela motse o ba neng ba ya ko go one, Jeso a dira okare o fetela ko pele. ²⁹Ba mo kopa, ba re, lala le rona, ka gore go maitseboa ebile letsatsi le a wela.'' Foo Jeso a tsena a nna le bone.³⁰Ga diragala gore, e re a ntshe fa fatshe le bone ba ja, a tsaya borotho, a bo segofatsa, a bo a bo robaganya, a bo a ba bo neela. ³¹Foo matlho a bone a bulwa, ba mo lemoga, a timela mo ponong ya bone. ³²Ba raana ba re, ''a dipelo tsa rona di ne di sa tukele ka ko teng, fa a ne a bua le rona mo tseleng, fa a ne a re bulela ditemana?"³³Ba emelela ka yone oura eo, ba boela Jerusalema, ba fitlhela ba le 11 ba kgobokane ga mmogo, le ba ba neng ba na le bone, ³⁴ba re, "Morena o tsogile ka boammaruri, o iponagaleditse Simone." ³⁵Ka jalo ba bolela dilo tse di diragetseng mo tseleng, le gore Jeso o ne a ba iponagaletsa fa a robaganya borotho.³⁶Yare ba santse bua dilo tse, Jeso ka bo ene a ema magareng ga bone, a ba raya a re, ''Kagiso e nne le lona.'' ³⁷Mme ba ne ba roroma ba tlala ka letshogo, ba akanya gore ba bone sepoko.³⁸Jeso a ba raya a re, ''Le tshwentswe ke eng? Ke eng dipotso di nna teng mo dipelong tsa lona? ³⁹Bonang diatla tsame le maoto ame, le gore ke nna ka sebele, nkgomeng le boneng. Go nne sepoko ga sena nama le marapo, jaaka le bona, nna ke na le tsone.'' ⁴⁰Morago ga go bua se, a ba bontsha diatla tsa gagwe le maoto a gagwe.⁴¹Fa ba ne ba santse ba tetse ka boitumelo, le kgakgamalo, Jeso a ba raya a re, ''a le na le sengwe sa go jewang?'' ⁴²Ba mo fa bontlha ja tlhapi e e besitsweng. ⁴³Jeso a e tsaya, a ja pele ga bone.⁴⁴A ba raya a re, ''Fa ke ne ke na le lona, ke ne ka le bolelela dilo tshotlhe tse di neng di kwadilwe mo molaong wa ga Moshe, baporofeti le dipesalema gore e tshwanetse ya diragadiwa.''⁴⁵A bula ditlhaloganyo tsa bone, gore ba kgone go tlhaloganya ditemana. ⁴⁶A ba raya a re, ''go kwadilwe gatwe, gore keresete otla boga, a bo a tsoga gape mo baswing ka letsatsi la boraro. ⁴⁷Boikothao le maitshwarelo a dibe a tshwanetse go reriwa mo leineng la gagwe mo merafeng yotlhe, go simolola mo Jerusalema.⁴⁸Le basupi ba dilo tse. ⁴⁹Bonang, ke le romelela se Rara a se solofeditseng. Mme le nne mo toropong go fitlhela le tladiwa ka maatla go tswa ko godimo.⁵⁰Jeso a ba etelela pele go tswela ntle go fitlhela ba atumela Bethane. A tsholetsa diatla tsa gagwe, a ba segofatsa. ⁵¹Ga diragala gore, e re a ntse a ba segofatsa, a ba tsholediwa a ya legodimong.⁵²Foo ba mo obamela, ba boela ko Jerusalema ka boitumelo jo bogolo. ⁵³Ba ne ba nna ka nako tshotlhe mo tempeleng, ba segofatsa Modimo.

Johane

1¹Kwa tshimologong Lefoko o ne a le teng, mme Lefoko one a na le Modimo, Lefoko e ne e le Modimo. ²Yo kwa tshimologong o ne a na le Modimo. ³Dilo tsotlhe di ne di dirwa ka ene, mme kwa ntle ga gagwe gone go sena sepe se se dirilweng.⁴Mo go ene gone go na le botshelo, mme botshelo jo ene e le lesedi la batho botlhe. ⁵Lesedi le galalela mo lefifing, mme lefifi la palelwa ke go le fenya.⁶Go ne go na le monna yo o neng a tla a rometswe go tswa kwa Modimong, yo leina la gagwe e neng e le Johane. ⁷O ne a tla e le mosupi a tla go paka ka Lesedi le, gore botlhe ba dumele mo go ene. ⁸Johane e ne e se Lesedi, mme o ne a tsile go supa ka ga Lesedi.⁹E ne e le Lesedi la boammaaruri, le le fang batho botlhe lesedi, le le tlang mo lefatsheng.¹⁰O ne a le mo lefatsheng, mme lefatshe le ne la dirwa ka ene, ¹¹Mme lefatshe le ne le sa mo itse . A tla kwa go ba gagwe, mme ba gagwe ba seka ba mo amogela.¹²Mme ba le bantsi ba ba mo amogetseng, ba ba dumetseng mo leineng la gagwe, a ba fa tshiamelo ya go nna bana ba Modimo. ¹³Ba ba ne ba sa tsalwa ke madi le fa e le ke nama, le fa e le ke thato ya motho, mme ke Modimo.¹⁴Mme Lefoko a fetoga nama a ba a nna mo gare ga rona. Re bone kgalalelo ya gagwe, kgalalelo ya ene yo o tswang kwa go Rara, a tletse tshegofatso le boammaaruri. ¹⁵Johane a supa ka ene a lelela kwa godimo, a re, ''Yo ke ene yo ke buileng ka ene ke re, 'Yo o ntshalang morago o mogolo go mpheta, ka one a le teng pele game.'''¹⁶Gonne go tswa mo botlalong jwa gagwe re amogetse tshegofatso morago ga tshegofatso. ¹⁷Ka molao one o filwe go tswa kwa go Moshe. Tshegofatso le boammaaruri di tsile ka Jeso Keresete. ¹⁸Ga go ope yo o kileng a bona Modimo ka nako epe. Ene Modimo ka nosi, yo o ikaegileng ka sehuba sa ga Rara , o dirile gore a itsiwe.¹⁹Mo ke bopaki jwa ga Johane fa Bajuta ba romela baperesite le Balefi go tswa Jerusalema go mmotsa, ''O mang? ²⁰''A tlhalosa phatlalatsa, a se ka a fitlha sepe, mme a fetola, ''Ga ke Keresete.'' ²¹''Mme ba mmotsa,'' O eng jaanong? A o Elija? ''A re, ''Ga ke ene.'' Ba re, ''A o moporofiti?'' A araba, ''Nnyaa.''²²Mme ba mo raya ba re, ''O mang, gore re tle re bolelele ba ba re romileng karabo? Wa reng ka ga wena?'' ²³A re, ''ke lentswe, le le lelang mo nageng: 'Tlhamalatsang ditsela tsa Morena,' jaaka moporofiti Isaia a buile.''²⁴Ba ba neng ba rometswe ba ne ba tswa kwa Bafarasaing. ²⁵Mme ba mmotsa ba mo raya ba re, ''Ke eng o kolobetsa fa e le gore ga o Keresete kana Elija kgotsa moporofiti?''²⁶Mme Johane a ba araba, a re, ''Ke kolobetsa ka metsi.Mme magareng go lona go eme mongwe yo le sa mo itseng; ²⁷yo o tlang fa morago game, ga ke a lekana go ka hunolola kgole ya setlhako sa gagwe'' ²⁸Dilo tse di ne di dirwa mo Bethane ka fa letlhakoreng le lengwe la Jorotane, kwa Johane a neng a kolobetsa teng.²⁹Letsatsi le le latelang Johane a bona Jeso a tla kwa go ene a re, ''Bonang, yole ke kwana ya Modimo e e tlosang maleo a lefatshe! ³⁰Yo ke ene yo ke buileng ka ga gagwe ke re, '' Yo o ntshalang morago ke yo o mphetang, ka one a le teng pele game.' ³¹Ke ne ke sa mo itse, mme ke ne ke kolobetsa ka metsi gore a tle a senolelwe Iseraele.''³²Johane a paka, a re, ''ke bone mowa o fologela jaaka lephoi le tswa mo legodimong, mme o bo o nna mo go ene. ³³Ke ne ke sa mo lemoge, mme yo o nthometseng go kolobetsa mo metsing o ntheile a re, 'ko ntle ga mowa o o tshologang o bo o salela mo go ene, ke e ne a kolobetsang ka Mowa o o Boitshepo. ³⁴Ke bone ka bo ka paka se, gore yo ke morwa Modimo.''³⁵Gape, letsatsi le le latelang, jaaka Johane a eme le barutwana ba gagwe ba le babedi, ³⁶ba bona Jeso a tla a tsamaya, Johane a re, ''Bona, Kwana ya Modimo!''³⁷Mme barutwana ba gagwe ba babedi ba mo utlwa a bua se, mme ba sala Jeso morago. ³⁸Mme Jeso a gadima a ba bona ba mo setse morago a ba raya a re, ''Le batla eng?'' Ba fetola, ''Rabi ( fa go phuthololwa go tewa moruti), o nna kae?'' ³⁹A ba raya a re, ''tlaang le bone.''Mme ba tla ba bona fa a nnang teng; ba nna le ene letsatsi leo, ka e ne e le oura ya lesome.⁴⁰Mongwe wa ba babedi ba ba utlwileng Johane a bua mme a sala Jeso morago e ne e le Anterea ,monnawe Simone Petere. ⁴¹A bona lantlha mogolowe Simone, mme a mo raya a re, ''Re bone Mesia'' (fa go phuthololwa go tewa Keresete) ⁴²A mo tlisa kwa go Jeso. Jeso a leba kwa go ene a re,''O Simone ngwana wa ga Johane, o tlaa bitswa Sefase''.(Fa go phuthulolwa: Petere).⁴³⁴⁵Letsatsi le le latelang, Jeso o ne a batla go ya Galalea, a bona Filipo mme a mo raya are, ''Ntshale morago.'' ⁴⁴Jaanong Filipo o ne a tswa ko Bethesaita, motse wa ga Anterea le Petere.Filipo a bona Nathaniele a mo raya a re, ''Ke mang Moshe yo o kwadileng molao, le baporofeti, re mmone: Jeso morwa Josefa, go tswa Nazaretha.''⁴⁶Nathaniele a mo raya a re, ''A sengwe se sentle se ka tswa mo Nasaretha?'' Filipo a mo raya a re, ''Tlaya o bone.'' ⁴⁷Jeso o bone Nathaniele a tla ko go ene a bo a bua ka ene a re, ''Bona, Moiseraela wa boammaruri, yo go senang tsietso mo go ene!'' ⁴⁸Nathaniele a mo raya a re, ''O nkitse jang?'' Jeso a mo araba a re, ''Pele ga Filipo a go bitsa, fa o le ka fa tlase ga setlhare sa mofeige, ke go bone.''⁴⁹Nathaniele a fetola, ''Rabi, O Morwa wa Modimo! O kgosi ya iseraela!'' ⁵⁰Jeso a fetola a mo raya a re, ka gore ke go reile ka re, ke go bone ka fa tlase ga setlhare sa mofeige,' a o a dumela? O tla a bona dilo tse dikgolo go feta tse.'' ⁵¹Mme a re, ''Ammaaruri, ammaaruri, ke a lo raya, le tlaa bona magodimo a butswe, baengele ba tlaa tlhatloga e be ba fologela mo go Morwa Motho.''

2¹E rile ka letsatsi la boraro, ga bo gona le lenyalo mo Kana wa Galalea, mme mmaagwe Jeso a bo a le teng. ²Jeso le barutwa ba gagwe ba ne ba laleditswe go tla lenyalong.³Fa mofine o fela, mmaagwe Jeso a mo raya a re, ''Ga bana mofine.'' ⁴Jeso a mo raya a re, ''Mosadi, o tlelang mo go nna? Nako yame ga e ise e goroge.'' ⁵Mmaagwe a raya batlhanka a re, ''Se a se lo rayang, lo se direng.''⁶Ga bo gona le dinkgwana tsa letsopa di le thataro, tse di neng di beilwe kafa mokgweng wa Bajuta wa tlhapiso, nngwe le nngwe ya tsone e lekanye dikgamelo di le thataro go ya kwa go tse di lesome. ⁷Jeso a ba raya a re, ''Tlatsang dinkgwana ka metsi.'' Mme ba di tshela tsa tlala thata. ⁸Mme a bolelela batlhanka, ''Tsayang a mangwe lo a iseng kwa motlhokomeding wa lenyalo.'' Mme ba dira jalo.⁹Motlhokomedi mogolo wa lenyalo a leka metsi a a fetogileng mofine, mme a seka a itse kwa a tswang teng ( mme batlhanka ba ba neng ba tshela metsi bone bane ba itse kwa a tswang teng ). Jaanong a bitsa monyadi ¹⁰a mo raya a re, ''A motho mongwe le mongwe a nwe mofine o o molemo pele, morago banwe o o seng monate fa ba setse ba tagilwe. Mme o beile mofine o o molemo o,go fitlha mo nakong eno.''¹¹ Tshupo ya ntlha e Jeso a e dirileng mo Kana wa Galalea, a bonatsa kgalalelo ya gagwe, mme barutwa ba gagwe ba simolola go dumela mo go ene.¹²Morago ga mo Jeso, mmaagwe, bo monnawe, le barutwa ba gagwe ba ya kwa Kaperenaome ba nna teng malatsinyana.¹³Jaana Tlolaganyo ya Bajuta ya bo e le gaufi, Jeso a ya kwa Jerusalema. ¹⁴A fitlhela teng batho ba ba rekisang dikgomo, dinku le maphoi, le ba ba ananyang madi bane ba ntse gone foo.¹⁵Mme a dira thupa ya megala a ba kobela botlhe kwa ntle ga tempele, ga mmogo le dikgomo le dinku. A phatlalatsa madi a ditshipi a ba ba ananyang madi a pitikolola le ditafole tsa bone. ¹⁶A raya barekisi ba maphoi a re, ''Tlosang dilo tse fa tse. Emisang go dira ntlo ya ga Rre marekisetso.''¹⁷Barutwa ba gagwe ba gakologelwa gore go kwadilwe, ''Tlhwaafalelo ya ntlo ya gago e tlaa nkometsa.'' ¹⁸Jalo balaodi ba Bajuta ba mo fetola ba re, ''A o ka re bontsha tshupo nngwe, ka jaana o dira dilo tse?'' ¹⁹Jeso a fetola, ''Senyang tempele e, mme ke tlaa e emeletsa mo malatsing a mararo.''²⁰Mme balaodi ba Bajuta ba re, ''Tempele e, e agilwe mo dingwageng tse di masome a mane le borataro, mme wena o tlaa e tsosa mo malatsing a mararo?'' ²¹Mme fela, o ne a bua ka tempele ya mmele wa gagwe. ²²Morago fa a sena go tsosiwa mo go ba ba suleng, barutwa ba gagwe ba gakologelwa gore o ne a go buile, mme ba dumela temana le lefoko le Jeso a le buileng.²³Jaanong ya re a le kwa moletlong wa Tlolaganyo mo Jerusalema, bontsi ba dumela mo leineng la gagwe fa ba bona ditshupo tse a di dirileng. ²⁴Mme Jeso a seka a ba tshepa ka gore o ne a ba itse fela botlhe, ²⁵ka gore o ne a sa tlhoke ope go mmolelela ka motho, gonne o ne a itse se se mo mothong.

3¹Ga bo go na le moeteledipele mongwe wa Bafarasai, yo o neng a bidiwa Nikotima. ²Monna yo, o ne a tla kwa go Jeso bosigo, mme a mo raya a re, "Rabi, re itse fa o le moruti yo o tswang ko Modimong, ka gore ga gona ope yo o ka dirang ditshupegetso tse o di dirang fa e se fela Modimo a na le ene.''³Jeso a mo fetola a re, "Ammaaruri, ammaaruri, ke a go raya, kwa ntle ga gore motho a bo a tsetswe sesha, ga a ka ke a bona bogosi jwa Modimo." ⁴Nikotima a mo raya a re, "Motho o ka tsalwa jang gape a setse a tsofetse? A o ka boela labobedi mo sebopelong sa ga mmaagwe gore a tle a tsalwe gape?"⁵Jeso a mo fetola a re, "Ammaaruri ammaaruri ke a go raya, fa e se fela motho a tsetswe ka metsi le ka Mowa, ga a ka ke a bona bogosi jwa Modimo. ⁶Se se tsetsweng ke nama ke nama, mme se se tsetsweng ke Mowa ke mowa.⁷O se ka wa gakgamala ka gore ka re, 'O tshwanetse go tsalwa sesha.' ⁸Phefo e fokela gongwe le gongwe ko e batlang go fokela teng; o utlwa mosumo wa yone, mme ga o ka ke wa itse ko e tswang teng kana ko e yang teng. Le mongwe le mongwe yo o tsetsweng ke Mowa o ntse jalo."⁹Nikotima a mo fetola a re, "Dilo tse di ka nna jang?" ¹⁰Jeso a mo fetola a re, "A o moruti mo Iseraele, mme ga o tlhaloganye dilo tse? ¹¹Ammaaruri ammaaruri ke a go raya, re bua fa re itse gape re paka ka ga dilo tse re di boneng. Mme fela ga lo amogele bopaki jwa rona.¹²Fa ke le boleletse ka dilo tsa lefatshe mme le sa dumele, fa ke ka le bolelela ka tsa legodimo gone? ¹³Ga go na ope yo o tlhatlogetseng kwa legodimong ga e se ene yo o fologileng go tswa kwa legodimong- fa e se Morwa Motho.¹⁴Fela jaaka Moshe a ne a tsholetsa noga mo sekgweng, fela jalo Morwa Motho o tshwanetse a tsholediwa ¹⁵gore botlhe ba ba dumelang mo go ene ba tle ba nne le botshelo jo bo sa khutleng.¹⁶Gonne Modimo o ratile lefatshe mo go kalo, a neela Morwawe yo o esi fela, gore le fa e le mang yo o dumelang mo go ene a se ka a swa mme a bone botshelo jo bo sa khutleng. ¹⁷Gonne Modimo ga wa romela Morwa mo lefatsheng gore a tle a le sekise, mme gore a le boloke ka ene. ¹⁸Yo o dumelang mo go ene ga a sekisiwe, mme yo o sa dumeleng o sekisitswe gale, ka gore ga a ka a dumela mo leineng la Morwa yo o mongwefela wa Modimo.¹⁹Lebaka la katlholo ke gore: lesedi le tsile mo lefatsheng mme batho ba ratile lefifi go na le lesedi ka gore ditiro tsa bone di bosula. ²⁰Gonne mongwe le mongwe yo o dirang bosula ga a rate lesedi, ebile ga a tle ko leseding gore ditiro tsa gagwe di se ka tsa senolwa. ²¹Le fa go ntse jalo, yo o dirang boammaruri o tla ko leseding gore go tle go supafale fa ditiro tsa gagwe di dirilwe mo Modimong."²²Morago ga se, Jeso le barutwa ba gagwe ba ne ba tsena mo lefatsheng la Jutea, ko a neng a tsaya nako ya gagwe a na le bone, a kolobetsa. ²³Johane le ene o ne a kolobetsa ko Ainone go bapa le Salimi ka gore go ne go na le metsi a mantsi ko teng. Batho ba ne ba tla go kolobediwa kwa go ene, ²⁴ka gore Johane o ne a ise a latlhelwe mo kgolegelong.²⁵Mme ga tsoga kganetsanyomagareng ga bangwe ba barutwa ba ga Johane le Mojuta mongwe ka ga moletlo wa tlhapiso. ²⁶Ba tla kwa go Johane ba mo raya ba re, "Rabi, yo o neng o na le ene ko motsheo ga noka ya Jorotane, yo o neng o paka ka ga ene, bona, o a kolobetsa ebile batho botlhe ba ya kwa go ene."²⁷Johane a fetola a re, "Motho ga a ka ke a amogela sepe fa e se fela a se filwe go tswa kwa legodimong. ²⁸Le lona le ka paka ka gore, ke rile, 'Ga ke Keresetse' mme le fa go ntse jalo, 'Ke romilwe pele ga gagwe.'²⁹Monyadiwa ke wa monyadi. Mme tsala ya monyadi, e e emang go bapa le ene, a mo utlwa, o itumela thata fa a utlwa lentswe la monyadi. Ke gone jaanong, boitumelo jwame bo feletseng. ³⁰O tshwanetse gore a tsholediwe mme nna ke ngotlege.³¹Yo o tswang kwa godimo o ko godimo ga sengwe le sengwe. Yo o tswang mo lefatsheng o tswa mo lefatsheng ebile o bua ka lefatshe. Yo o tswang kwa legodimong o ko godimo ga botlhe. ³²O paka ka se a se boneng le se a se utlwileng, mme ga go na ope yo o amogelang bopaki jwa gagwe. ³³Yo o amogetseng bopaki jwa gagwe o rurifatsa fa Modimo a le boammaruri.³⁴Gonne yo Modimo a mo romileng o bua mafoko a Modimo. Ka gore Modimo ga o neele Mowa ka go lekanyetsa. ³⁵Rara o rata Morwa gape o mo neetse dilo tsotlhe mo seatleng. ³⁶Yo o dumelang mo go Morwa o na le botshelo jo bo sa khutleng. Mme yo o sa utlweng Morwa ga a ka ke a bona botshelo, mme bogale jwa Modimo bo mo go ene."

4¹Jaanong fa Jeso a sena go itse gore Bafarasai ba utlwile gore o kolobetsa ebile o dira barutwa go feta Johane ²(lefa Jeso ka sebele a ne a sa kolobetse, go ne go kolobetsa barutwa ba gagwe), ³a tswa mo Jutia a boela morago gape kwa Galalea.⁴Go ne go tlhokega gore a fete ka Samarea. ⁵Ka jalo a tsena mo motseng wa Samarea, o o bidiwang Sikara, gaufi le bontlha ba lefatshe le Jakobe a neng a le file morwawe Josefa.⁶Petse ya ga Jakobe e ne e le foo. Jeso o ne a lapisitswe ke mosepele mme a nna fa fatshe fa petseng. Nako e ne e ka nna ya oura ya borataro. ⁷Mosadi wa Mosamarea a tla go ga metsi, Jeso a mo raya a re ''Mphe metsi ke nwe.'' ⁸Gonne barutwa ba gagwe ba ne ba ile kwa motsaneng go ya go reka dijo.⁹Mosadi wa Mosamarea a mo raya a re, ''Go tla jang gore, o le Mojuta, o nkope, kele mosadi wa Mosamarea, sengwe se se nowang?'' Gonne Bajuta ga ba na tirisanyo epe le Basamarea. ¹⁰Jeso a mo araba a re, ''Fa o kabo o itsile mpho ya Modimo, le gore ke mang yo o go rayang a re, 'mphe ke nwe', o kabo o mo kopile, ebile o kabo a go file metsi a a tshelang.''¹¹Mosadi a mo raya a re, ''Rra, ga o a tshola kgamelo ebile petse e e boteng. Jaanong metsi a a tshelang o na le one a le fa kae? ¹²A o mogolo go feta rrarona Jakobe yo o re fileng petse, e a kileng a nwa mo go yone le dikgomo tsa gagwe le bana ba gagwe?''¹³Jeso a mo fetola a mo raya a re, ''Mongwe le mongwe yo o nwang metsi a o tla nyoriwa gape, ¹⁴mme yo o tla nwang metsi a ke tla a mo fang ga a kitla a nyoriwa gape. Boemong ja mo, metsi a ke tla mo fang one a tla fetoga motswedi wa metsi mo go ene, o o tswelang go isa botshelong jo bo sa khutleng.''¹⁵Mosadi a mo raya a re, ''Rra, mphe metsi ao gore ke tle ke seka ka nyoriwa gape, le gore go seka ga tlhokega gore ke tle go ga metsi.'' ¹⁶Jeso a mo raya a re, ''Tsamaya, o bitse monna wa gago, o tle le ene fa.''¹⁷Mosadi a araba a mo raya a re, ''Ga ke na monna.'' Jeso a mo fetola, ''O bua sentle fa o re, 'Ga ke na monna,' ¹⁸gonne o nnile le banna ba le batlhano, le yo o nnang le ene ga se monna wa gago. Se o se buileng ke boammaaruri.''¹⁹Mosadi a mo raya a re, ''Rra, ke bona gore o moporofiti . ²⁰Borrarona ba ne ba obamela mo thabeng e, mme wena wa re Jerusalema ke gone kwa batho ba tshwanetseng go obamela teng.''²¹Jeso a mo raya a re, ''Mosadi, dumela mo go nna, gore nako e etla e le tla obamelang Rara le se mo thabeng e le fa e le kwa Jerusalema. ²²Le obamela se le sa se itseng. Re obamela se re se itseng, gonne poloko e tswa kwa Bajuteng.²³Le fa go ntse jalo, nako e etla, ebile e setse e le fa, fa baobamedi ba boammaaruri ba tla obamelang Rara ka mowa le ka boammaaruri, gonne Rara o batla batho ba ba ntseng jalo go nna baomabedi ba gagwe. ²⁴Modimo ke Mowa, batho ba ba mo obamelang ba tshwanetse go mo obamela ka mowa le ka boammaaruri.''²⁵Mosadi a mo raya a re, ''Ke itse gore Mesia o etla(ene yo o bidiwang Keresete). Fa a tla, o tla re tlhalosetsa dilo tsotlhe.'' ²⁶Jeso a mo raya a re, ''Ke ene, nna yo ke buang le wena.''²⁷Ka nako eo barutwa ba gagwe ba boa. Ba ipotsa gore ke eng a bua le mosadi, mme ga seka ga nna ope yo o neng a ka re, ''O batla eng?'' kgotsa, ''Ke eng o bua le ene?''²⁸Foo, mosadi a tlogela nkgwana ya gagwe, a ya kwa motsaneng, a bolelela batho a re, ²⁹''tlang, le bone monna yo o mpoleletseng tsotlhe tse ke kileng ka di dira. Yo ga a ka ke a nna Keresete, kana jang?'' ³⁰Ba tswa mo motsaneng ba tla kwa go ene.³¹Mo nakong eo, barutwa ba ne ba mo rotloetsa, ba re, ''Moruti, ja.'' ³²Mme a ba raya a re, ''Ke na le dijo tse ke di jang tse le sa itseng sepe ka tsone.'' ³³Jaanong barutwa ba raana ba re, ''Ga go na ope yo o mo tsiseditseng dijo, kana jang?''³⁴Jeso a ba raya a re, ''Dijo tsame ke go dira thato ya yo o nthomileng le go fetsa tiro ya gagwe . ³⁵A ga le bue le re, 'Go feta dikgwedi tse nne ke gone go roba go bo go tsena?''Ke bua se le lona, lebang masimo, a setse a budule go ka rojwa! ³⁶Yo o robang a amogela tuelo ebile o kgobokanya maungo a botshelo jo bo sa khutleng, gore yo o jwalang le yo o robang ba tle ba ipele botlhe.³⁷Gonne mo go se, seane se, 'Mongwe o a jwala, mongwe o a roba,' se boammaaruri. ³⁸Ke le romile go roba se le sa se berekelang. Bangwe ba berekile, le tsene fa ba berekileng teng.''³⁹Bontsi ba Basamarea mo motseng o, ba dumela mo go ene ka ntlha ya pego ya mosadi yo o neng a paka, a re, ''O mpoleletse dilo tsotlhe tse ke di dirileng.'' ⁴⁰Ka moo fa Basamarea ba tla kwa go ene, ba mo kopa gore a nne le bone, mme a nna koo matsatsi a le mabedi.⁴¹Ba le bantsi ba dumela ka ntlha ya lefoko la gagwe. ⁴²Ba raya mosadi ba re, ''Ga re sa tlhole re dumela ka ntlha ya se o se buileng, gonne rona ka sebele re utlwile, ebile re itse gore yo e le ruri ke ene Mmoloki wa lefatshe.''⁴³Morago ga matsatsi a mabedi ao, a tswa go ya Galalea. ⁴⁴Gonne Jeso ka sebele o ne a bolela fa moporofiti a sena tlotlo mo lefatsheng la ga gabo. ⁴⁵Fa a goroga kwa Galalea, Bagalalea ba mo amogela. Ba ne ba bone dilo tse a di dirileng kwa Jerusalema kwa moletlong, gonne le bone ba ne ba le kwa moletlong.⁴⁶Jaanong a tla gape kwa Kana wa Galalea, kwa a kileng a fetola metsi go nna bojalwa jwa mofine. Go ne go na le modiredi mongwe wa segosi yo o neng a lwalelwa ke morwa kwa Kaperenaume. ⁴⁷Fa a utlwa gore Jeso o tsile mo Galaea go tswa kwa Jutia, a tla kwa go Jeso a mo kopa go tla go fodisa morwawe, yo a neng a le gaufi le go swa.⁴⁸Foo Jeso a mo raya a re, ''Fa le sa bone dikai le dikgakgamatso, ga le na go dumela.'' ⁴⁹Modiredi a mo raya a re, ''Rra, tla pele ga ngwanake a a swa.'' ⁵⁰Jeso a mo raya a re, ''Tsamaya. Morwa wa gago o a tshela.'' Monna a dumela lefoko le Jeso a le mmoleletseng, a tsamaya.⁵¹Jaaka a ntse a tsamaya, batlhanka ba gagwe ba kopana le ene, ba mmolelela fa morwa wa gagwe a tshela. ⁵²Mme a ba botsa gore o tokafetse ka nako mang. Ba mo araba ba re, ''Maabane ka oura ya bosupa, mogote o ne wa tswa mo go ene.''⁵³Foo monna a lemoga gore ke ka yone nako e e buiwang e fa Jeso a mo raya a re, ''Morwao o a tshela.'' Ene ka sebele le botlhe ba ntlo ya gagwe ba dumela. ⁵⁴Se e ne e le sekai sa bobedi Jeso a se dira fa a tswa mo Jutia a tla Galalea.

5¹Morago ga se go ne go na le moletlo wa Bajuta, mme Jeso a ya Jerusalema. ²Mme kwa Jerusalema fa kgorong, go na le lekadiba, le Bahebera ba le bitsang Bethesaita, mme le na le matlwana aa ruletsweng a le matlhano. ³Batho ba bantsi ba ba neng ba lwala, difofu, digole, le ba ba sa kgoneng go tsamaya ba ne ba robetse foo. ⁴''Mme moengele wa Morena a tsamaya aya go kgobera metsi gantsinyana mme yo o gatang metsi a santse a bela o ne a fola mo bolwetsing jo a bo lwalang.''⁵Monna mongwe one a le foo yo o sa bolong go lwala dingwaga di le masome a mararo le boferabobedi. ⁶Fa Jeso a mmona a robetse foo, morago ga go bona gore ontse foo lebaka le leleele, a mo raya a re, ''A o batla go itekanela?''⁷Monna wa molwetse a fetola, ''Rra ga ke na ope yo o ka ntsenyang mo lekadibeng ha metsi a kgoberwa. Fa ke re ke a emelela dikgato di a pala.'' ⁸Jeso a mo raya a re, ''Ema ka dinao, tsaya bolao jwa gago, mme o tsamae.''⁹Ka bofefo monna o ne a fodisiwa mme a tsaya bolao jwa gagwe. Jaanong letsatsi leo ene ele Sabata.¹⁰Mme Bajuta ba raya yo o fodisitsweng, ''Ke letsatsi la Sabata mme ga o a tshwanela go tsaya bolao jwa gago.'' ¹¹A fetola, ''Yo o mphodisitseng ke ene yo o ntheileng a re, 'Tsaya bolao jwa gago o tsamae.'''¹²Ba mmotsa, ''Ke mang monna yo o go reileng a re, 'O tseye o tsamaye'?'' ¹³Le fa gontse jalo, e ne yo o fodisitsweng o ne a sa itse go re ke mang ka gore Jeso o ne a tsamaile mo sephiring, ka go ne go na le bontsi mo lefelong leo.¹⁴Moragonyana, Jeso a mmona mo tempeleng mme a mo raya a re, ''Bona o fodile! O seka wa leofa gape, gore sengwe se se maswe se seka sa go diragalela gape.'' ¹⁵Monna a tsamaya a ya ko Bajuteng a ya go ba bolelela gore ke Jeso yo o mo fodisitseng.¹⁶Jaanong ka gore dilo tsotlhe tse tsa Bajuta di ne di gatelela Jeso, ka gore o dirile dilo tse ka Sabata. ¹⁷Jeso a ba fetola are , ''Ntate o a dira le gone jaana, le nna, ke, a dira.'' ¹⁸Ka se, Bajuta ba senka go mmolaya ka one a sa roba molao wa Sabata hela, le go bitsa Modimo Rraagwe, a itira yoo tshwanang le Modimo.¹⁹Jeso a ba araba, ''Ammaaruri, ammaaruri, morwa ga a kake a itira sepe, kwa ntle ga go re a bone se Rraagwe a se dirang, ntle le se Rraagwe a se dirang, Morwa le ene o dira dilo tse. ²⁰Ka Ntate a rata ngwana o mmontsha tsotlhe tse adi dirang ka bo ene, mme otla a mmontsha tse di kgolo go na le tseo mme otlaa gakgamala.²¹Fela jaaka Ntate a tsosa baswi mme aba fa botshelo, fela jalo ngwana le ene o fa yo a mo eleletsang. ²²Mme Ntate ga a atlhole ope, o neetse morwawe katlholo ²³gore mongwe le mongwe a tlotle morwawe jaaka a mo tlota. Ene yo o sa tlotleng Morwa ga a tlotle Rre yo o moromileng.²⁴Ammaaruri, ammaaruri yo o utlwang lefoko la me a ba a le dumela gore ke botshelo jo bo sa khutleng ga a na go nyadiwa, mme o fitile leso a ya botshelo.²⁵Ammaaruri, ammaaruri, ke a lo raya kare nako e etla, mme ke yone, e baswi ba tlaa utlwang lentswe la Morwa Modimo, mme ba ba utlwang ba tlaa tshela.²⁶Fela jaaka Rara ana le botshelo mo go ene, o neetse le Morwawe gore a nne le botshelo mo go ene, ²⁷mme Rara o neetse Morwa maatla ago atlhola ka ke Morwa Motho.²⁸Lo seka la gakgamatswa ke se, ka gore nako e etla ya gore mongwe le mongwe yo o mo lebitleng o tla a utlwa lentswe ²⁹mme otlaa tswa: bao ba ba dirileng sentle ka tsogo ya botshelo , le ba ba dirileng bosula ka tsogo ya katlholo.³⁰Ga ke kake ka dira sepe ka bo nna. Fa ke utlwa, Kea atlhola, mme katlholo ya me e siame ka gore ga ke batle boswa jwa ga ope fa e se jwa yo o nthomileng. ³¹Fa ke ka paka ka nna, bopaki jwa me e ka se nne ja nnete. ³²Go na le mongwe yo o pakang ka nna, mme ke a itse gore bopaki jo a bo pakang ka nna ke nnete.³³O rometse Johane mme o pakile ka nnete, ³⁴Mme bopaki jo ke bo amogelang ga bo tswe kwa mothong, ke bua dilo tse gore o ka bolokwa. ³⁵Johane e ne e le lebone le le tshubilweng le le galalelang, mme o ne a eletsa go galalela mo leseding ka nakwana.³⁶Ee bopaki jo ke nang le bone bo feta ja ga Johane, ka ditiro tse Rara a di nneetseng go di dira, ditiro tse ke di dirang, di paka ka se Rara a se nthomileng, ³⁷Rara yo o nthometseng o setse a pakile ka nna. Yo o setseng a utlwile lentswe le fa e le go mmona ka nako nngwe. ³⁸Ga ona lefoko lepe la gagwe le le setseng mo go wena, Ka gore ga o dumele mo go yo o go rometseng.³⁹O senka ditemana ka gore o akanya gore mo go tsone go na le botshelo jo bo sa khutleng, mme .ditemana tseo di paka ka nna, ⁴⁰mme ga o eletse go tla le nna gore o nne le botshelo.⁴¹Ga ke amogele dikgalaletso go tswa kwa bathong, ⁴²mme ke a itse gore ga le na lerato la Modimo mo go lona.⁴³Ke tlile mo leineng la ga Ntate, mme ga le a nkamogela. Fa mongwe a ne a tsile a le mo leineng la gagwe ,le ne le mo amogela. ⁴⁴O ka dumela jang, lona ba lo amogelang kgalaletso mo go ba bangwe mme le sa batle kgalaletso e e tswang kwa Modimong.⁴⁵Le seka la akanya gore nna ke tlaa le akisa fa pele ga ga Rara.Yo o le akisang ke Moshe, yo le beileng tsholofelo mo go ene. ⁴⁶Fa le dumetse Moshe, le ka be le ntumetse ka gore o kwadile ka nna, ⁴⁷Fa le sa dumele mekwalo ya gagwe, le a go dumela jang mafoko ame?''

6¹Morago ga dilo tse, Jeso a tswela ntlha e nngwe ya lewatle la Galalea, gape le bidiwa lewatle la Tiberiase. ²Bontsi jwa batho ba tla, ba mo setse morago ka gore ba bonye ditshupo tse a neng a di dira mo go ba ba neng ba lwala. ³Jeso a ya kwa godimo ga thaba a nna fa fatshe le barutwa ba gagwe.⁴(Jaanong Tlolaganyo, moletlo wa Bajuta, wa bo o atametse) ⁵E rile Jeso a leba kwa godimo a bona bontsi jwa batho bo tla ko go ene, a raya Filipo a re '' Re tla ya go reka borotho kae gore ba tle ba je?'' ⁶(Mme Jeso o ne a bua se, go leka Filipo ka a ne a itse se a yang go se dira.)⁷Filipo a mo araba a re,''Madi a re nang le one ga a kake a lekana borotho jo bo tlaa a lekanang gore mongwe le mongwe a tsee le fa go le gonnye.'' ⁸Mongwe wa barutwa, Anterea, monnawe Simone Petere a raya Jeso a re, '' ⁹Gona le mosimane fa yo o tshotseng marotho a le matlhano a korong le di tlhapi tse pedi, mme se ke eng mo bontsing?''¹⁰Jeso a re '' dirang gore batho ba nne fa fatshe'' ( Mme bojang bo ne bo le bontsi mo lefelong leo.) Mme batho ba nna fa fatshe, ba ne ba tshwara dikete di ka nna tlhano ka palo. ¹¹Mme Jeso a tsaa marotho mme morago ga go leboga a neela ba ba neng ba ntse fa fatshe, A dira mo go tshwanang ka ditlhapi,bontsi jo ba neng ba bo tlhoka. ¹²E rile batho ba siame a raya barutwa ba gagwe a re, ''Kgobokanyang tse di robilweng tse di setseng, gore go seka ga latlhiwa sepe.''¹³Mme ba kgobokanya tse di setseng ba tlatsa dimmanki di le lesome le bobedi go tswa mo marothong a le matlhano e le masalela fa ba sena go ja. ¹⁴Mme erile batho ba sena go bona tshupo e a e dirileng, ba re ''Se ka boammaaruri ke moporofiti yo o tla a tlang mo lefatsheng. ¹⁵E rile Jeso a lemoga gore ba tloga ba mo tshwara ka dikgoka go mo dira kgosi, a tswa gape a le nosi a ya ko godimo ga thaba.¹⁸E rile gonna maitseboa, barutwa ba gagwe ba fologela kwa lewatleng. ¹⁷Ba tsena mo mokorong, mme ba tlhatloga lewatle go ya kwa Kaperanaume.Gonne go ne le lefifi ka nako eo,mme Jeso o ne a ise a tle ko go bone. ¹⁶Phefo ee bogale e ne e foka, mme lewatle le ne le nna thata.¹⁹Mme erile ba sena go tsamaya selekanyo sa masome a mabedi le botlhano go ya ko masome a mararo, ba bona Jeso a tsamaya mo lewatleng a tla gaufi le mokoro mme ba ne ba tshogile. ²⁰Mme a ba raya a re, ''Ke nna! se boifeng.'' ²¹Mme ba ne ba eletsa go mo amogela mo mokorong, ka bofefo mokoro wa goroga kwa lefatsheng le ba neng ba ya kwa go lone.²²Letsatsi le le latelang, bontsi jo bo neng bo eme ka fa ntlheng e nngwe ya lewatle ba bona gore ga gona mokoro ope, fa e se o mongwe, o Jeso a sa tsenang le barutwa ba gagwe mo teng mme barutwa ba gagwe ba tsamaile ba le nosi. ²³Mme jalo gone go na le mekoro ee tswang Teberiase go bapa le lefelo le bajetseng borotho teng morago ga Morena a sena go leboga.²⁴E rile fa bontsi bo lemoga gore Jeso kana barutwa ga bao,bone ka bo bone ba tsena mo mokorong mme ba ya ko Kaperaume ba batla Jeso. ²⁵Mme e rile ba sena go mmona ka fa ntlheng e ngwe ya lewatle ba re, ''Rabi o tlile leng fa?''²⁶Jeso a ba fetola, a re, Ammaaruri ammaaruri lo a mpatla, e se ka gore le bone ditshupo mme e le ka gorelo jele borotho la bo la kgora. ²⁷Lo seka lwa direla dijo tse di bolang mme direlang dijo tse di itshokelang go isa ko botshelong jo bo sa khutlheng tse Morwa Motho o tla a lo di neelang,Gonne Modimo Rara o dirile sekano mo go ene.''²⁸Jaana ba mo raya ba re, ''Re tshwanetse ra dira eng,gore re tle re dire ditiro tsa Modimo?'' ²⁹Jeso a fetola mme a ba raya a re,'' Se ke tiro ya Modimo: gore le dumele mo ene yo a mo rumeleng.''³⁰Mme ba mo raya ba re,'' ditshupo tse o tla a di dirang ke dife, gore re tle re bone gape re go dumele?'' O ya go dira eng? ³¹Bo rraarona ba ne ba a ja mana mo sekakeng,jaaka go kwadilwe,'O ba neetse borotho go tswa ko legodimong go ja.'''³²Mme Jeso a ba fetola a re,'' Ammaaruri ammaaruri,e ne e se Moshe yo o lo neelang borotho go tswa ko legodimong,mme ke Rara yo o le neelang borotho jwa boammaaruri go tswa ko legodimong. ³³Gonne borotho jwa Modimo ke jo bo tlang ko tlase bo tswa legodimong mme bo le neela botshelo mo lefatsheng. ³⁴Mme ba mo raya ba re, Rara re neele borotho ka nako tsotlhe.''³⁵Jeso a ba raya a re, Ke nna borotho jwa botshelo:ene yo o tlang ko go nna ga a kitla a tshwarwa ke tlala le yo o dumelang mo go nna ga a kitla a nyorwa. ³⁶Mme ke a lo bolelela gore e le ruri le mpone,mme ga le dumele. ³⁷Mongwe le mongwe yo Rara a mo nneelang o tla a tla ko go nna,mme ene yo o tlang ko go nna e le ruri ga ke kake ka mo latlha.³⁸Gonne ke tlile mo lefatshing ke tswa legodimong, e se gore ke tla go dira thato yame,mme thato ya ene yo o nthumileng. ³⁹Mo ke thato ya yo o nthumileng, gore ke seka ka latlhegelwa ke ope wa ba a ba nneileng, mme ke tla a ba tsosa mo letsatsing la bofelo. ⁴⁰Gonne mo ke gone go rata ga ga Rre, gore mongwe le mongwe yo o bonang Morwa a ba a dumela mo go ene o tla a nna le botshelo jo bo sa khutleng mme ke tla a mo tsosa mo letsatsing la bofelo.⁴¹Mme Bajuta ba tenega ka ga ene ka gore o ne a re, ''Ke nna borotho jwa botshelo jo bo tsileng mo lefatsheng go tswa ko legodimong.'' ⁴²Ba ne ba re, ''A ga se Jeso Morwa Josefa, yo rraagwe le mmaagwe re ba itseng?Jaanong ke eng fa a re, 'Ke tlile mo lefatshing ke tswa legodimong'?''⁴³Jeso a fetola a ba raya a re,'' emisang go tenega mo go lona. ⁴⁴Ga gona ope yo o tla a tlang ko go nna fa e se Rre yo o nthumileng a mo atametse, mme ke tla a mo tsosa mo letsatsing la bofelo. ⁴⁵Go kwadilwe mo baporofiting , mongwe le mongwe o tla a rutwa ke Modimo;mongwe le mongwe yo o utlwang a bo a ithuta mo go Rara o tla ko go nna.⁴⁶E seng gore mongwe le mongwe o bonye Rara, fa e se ene yo o tswang kwa Modimong-o bonye Rara. ⁴⁷Ammaaruri, ammaaruri yo o dumelang o na le botshelo jo bo sa khutleng.⁴⁸Ke borotho jwa botshelo. ⁴⁹Borraalona ba jele mana mo sekakeng, mme ba a swa.⁵⁰Se ke borotho jo bo fologang bo tswa legodimong, gore motho o ka ja bontlha bongwe jwa bone mme a seka a swa. ⁵¹Ke borotho jo bo tshidileng jo bo fologang bo tswa legodimong. Fa mongwe a ja borotho jo ,ga a ke tla a swa, mme o tla a tshelela ruri.Borotho jo ke lo bo neelang ke nama yame ya botshelo jwa lefatshe.''⁵²Bajuta ba ne ba tenega magareng ga bone mme ba simolola go ganetsanya, ba re, ''Monna yo o ka re neela mmele wa gagwe jang gore re o je?'' ⁵³Mme Jeso a ba raya a re, Ammaaruri ammaaruri, fa le sa je nama ya Morwa Motho le nwa madi a gagwe ga le kitla le nna le botshelo mo go lona.⁵⁴Ene yo o jang nama ya me gape a a nwa madi ame o na le botshelo jo bo sa khutleng, gape ke tla a mo tsholetsa mo letsatsing la bofelo. ⁵⁵Gonne nama ya me ke dijo tsa boammaaruri, le madi a me ke seno sa boammaaruri. ⁵⁶Yo o jang nama yame a bo a nwa madi ame o nna mo go nna, le nna mo go ene.⁵⁷Jaaka Rara yo o tshelang a nthomile, ke jaaka ke tshela ka ntlha ya ga Rara, mme yo o njang, le ene o tla a tshela ka ntlha ya me. ⁵⁸Se ke borotho jo bo tlileng mo lefatsheng go tswa ko legodimong, e seng jaaka bo rraarona ba jele ba bo ba swa, Yo o jang borotho jo o tla a tshela ka bosakhutleng.'' ⁵⁹Mme Jeso o ne a bua dilo tse mo senagogeng a ruta mo Kaperenaume.⁶⁰Mme bontsi jwa barutwa ba gagwe ba ba utlwileng se ba re, ''Mo ke thuto ee thata ke mang yo o tla e amogelang?'' ⁶¹Jeso ka gore o ne a itse mo go ene gore barutwa ba gagwe ba ne ba tenwa ke se, a ba raya a re '' A se se a le kgopisa?⁶²Mme jaanong ke eng le tshwanetse go bona Morwa Motho a ya ko godimo ko a neng a le teng pele? ⁶³Ke mowa o o neelang botshelo, nama ga e na tlhwatlha epe e kgolo. Mafoko a ke a buileng le lona ke mowa, gape ke botshelo.⁶⁴Mme go na le bangwe ba lona ba ba sa dumeleng.'' Gonne Jeso ko tshimologong o ne a itse gore ke bo mang ba ba sa se nang go mo dumela gape o ne a itse gore ke mang yo o tlaa morekisang. ⁶⁵A re, ''Ke ka ntlha ya se ke se buileng mo go lona gore ga gona ope yo o ka tlang ko go nna fa e se fela a go neetswe ke Rara.''⁶⁶Ka ntlha ya se, bontsi jwa barutwa ba tsamaya mme baseka ba tlhola ba tsamaya le ene. ⁶⁷Mme Jeso a raya ba ba lesome le bobedi a re, ''A le lona ga lo batle go tsamaya, a lo a batla?'' ⁶⁸Simone Petere a mo araba a re, ''Morena, re tla a ya ko go mang? O na le mafoko a botshelo jo bo sa khutleng, ⁶⁹mme re a dumela gape re a itse gore o yo o Boitshepo wa Modimo.''⁷⁰Jeso a ba raya a re, ''A ga ke a kgetha lona, ba ba lesome le bobedi, mme mongwe wa lone ke satane?'' ⁷¹Mme o ne a bua le Jutase morwa Simone Isekariota, gonne ke ene, mongwe wa ba ba lesome le bobedi, yo o tla a rekisang Jeso.

7¹Morago ga ditiragalo tse Jeso a tsamaela kwa Galalea, ka gore o ne a sa batle go ya kwa Jutea gonne Bajuta ba ne ba batla go mmolaya. ²Moletlo wa Bajuta wa Metlaagana o ne o atametse.³Jalo he bomorwarraagwe ba ne ba mo raya ba re, "Tsamaya o ye kwa Jutea, gore barutwa ba gago ba tle ba bone ditiro tse o di dirang. ⁴Ga go na ope yo e reng a batla go itsiwe phatlalatsa a bo a dira ditiro tsa gagwe mo sephiring. Fa o dira dilo tse, iponafatse mo lefatsheng."⁵Ka gore le bomorwarraagwe ba ne ba sa ba dumele mo go ene. ⁶Ka jalo, Jeso a ba raya a re, "Nako yame ga e ise e goroge, mme ya lona e nna e gorogile. ⁷Lefatshe ga le kake la le tlhowa, mme nna le ntlhoile ka gore ke bua kgatlhanong le ditiro tsa lone tse di bosula."⁸Yang ko moletlong; ga ke tsamaye ka gore nako yame ga e ise e wele." ⁹Morago ga go bua dilo tse, a tswelela a le mo Galalea.¹⁰E rile bomorwarraagwe ba se na go ya kwa moletlong, Jeso le ene a tsamaya, mme ka sephiri, a fitlhegile mo matlhong a batho. ¹¹Bajuta ba ne ba mmatla ko moletlong, mme ba re, "O kae?"¹²Go ne go na le kganetsanyo e ntsi magareng ga bontsi jwa batho. Bangwe ba re, "Ke motho yo o siameng." Ba bangwe ba re, "Nnyaa, o gogela batho kwa thoko." ¹³Le fa go ntse jalo, go ne go sena ope yo o buang ka ga ene phatlalatsa ka lebaka la go boifa Bajuta.¹⁴E rile moletlo o le gaufi le go fela, Jeso a ya kwa tempeleng mme a simolola go ruta. ¹⁵Bajuta ba bo ba makala, ba re, "Monna yo, o itse jang dilo tse dintsi? Ka a sa rutega." ¹⁶Jeso a ba araba a re, "Thuto e ke e rutang ga se yame, mme ke ya ene yo o nthomileng."¹⁷Fa motho ope a eletsa go dira thato ya gagwe, o tla itse ka ga thuto ya gagwe, gore a e tswa kwa Modimong, kana, e tswa mo go nna. ¹⁸Yo o buang dilo tse a di ithomileng o batla kgalalelo ya gagwe, mme yo o batlang kgalalelo ya yo o mo romileng, o boammaruri ebile ga go na tshiamololo mo go ene.¹⁹A Moshe ga a le fa molao? Mme ga go na ope wa lona yo o tshegaetsang molao. Ke eng le batla go mpolaya?" ²⁰Bontsi jwa batho ba re, "O na le letimone, ke mang yo o batlang go go bolaya?"²¹Jeso a ba araba a re, "Ke dirile tiro e le nngwefela, mme lotlhe le gakgamatse ka ntlha ya tiro ya teng. ²²Moshe o le neetse thupiso (e se gore e ne e tswa mo go Moshe, mme kwa go bo rraalonamogolo), mme ka Sabata le rupisa motho.²³Fa monna a rupisiwa ka Sabata mme molao wa ga Moshe o sa robiwe ke go dira jalo, ke eng le ntenegetse, ka gore ke fodisitse motho ka letsatsi la Sabata? ²⁴Se atlholeng go yeng ka tebego ya matlho mme atlholang ka tshiamo."²⁵Bangwe ba bone go tswa kwa Jerusalema ba re, "A ga se ene yo ba batlang go mmolaya? ²⁶Bona, o bua mo phatlalatseng mme ga ba mo reye sepe. A ga e kake ya bo e le gore babusi ga ba itse gore ke ene Keresete yo? ²⁷Mme le gale re itse kwa yo a tswang teng. Mme fa Keresete a tla, ga gona ope yo o tla itseng kwa a tla tswang teng."²⁸A bo Jeso a lela mo tempeleng a ntse a ruta, a re, "Le a nkitse le kwa ke tswang teng. Ga ke a tla ka bonna, mme yo o nthomileng o boammaruri ebile ga le mo itse. ²⁹Ke a mo itse ka ke tswa kwa go ene gape o nthomile."³⁰Ba ne ba leka go mo tshwara, mme ga go na ope yo o neng a mmaya seatla ka gore oura ya gagwe e ne e ise e tle. ³¹Mme bontsi jwa batho ba ba neng ba kgobokane bo ne bo dumela mo go ene, mme ba re, "Fa Keresete a tla, a o tla dira ditshupo tse dintsi tse di fetang tse yo a di dirang?" ³²Bafarasai ba utlwa bontsi jwa batho bo seba ka ga dilo tsa ga Jeso, mme baperesiti bagolo le Bafarasai ba roma masole gore ba ye go mo tshwara.³³Jeso a bo a re, "Ke santse ke na le lona ka nako e khutshwane, go tswang foo ke tla bo ke ya kwa go ene yo o nthomileng. ³⁴Le tla mpatla mme ga le kake la mpona; kwa ke yang teng, ga le kake la kgona go ya teng."³⁵Ka jalo Bajuta ba buisana ka bo bone ba re, "Monna yo o tla ya kae ko e leng gore ga re kake ra kgona go mmona teng? A o tla ya ko Bagerikeng mme a ba rute? ³⁶O raya jang fa a re, 'le tla mpatla mme ga le kake la mpona; kwa ke go yang ga le kake la kgona go ya teng'?"³⁷Jaanong ka letsatsi la bofelo le le golo la moletlo, Jeso a ema a lela a re, "Fa mongwe a nyorilwe, a tle kwa go nna mme a nwe. ³⁸Yo o dumelang mo go nna jaaka temana e bua, dinoka tsa metsi a tshelang di tla elela go tswa mo mpeng ya gagwe."³⁹Mme o ne a bua se ka ga Mowa, o ba ba dumetseng mo ene ba tla o amogelang, Mowa o ne o ise o neelwe ka gore Jeso o ne a ise a galalediwe.⁴⁰Bangwe mo bontsing jwa batho, ya re ba utlwa mafoko a, ba re, "Ele ruri, yo ke ene moporofiti." ⁴¹Ba bangwe ba re, "Yo, ke ene Keresete." Mme bangwe ba re, "A Keresete o tswa mo Galalea? ⁴²A ditemana ga di a bua di re Keresete o tla tswa mo tshikeng ya ga Tafite go tswa ko Bethelehema, legae le Tafite a neng a tswa kwa go lone?"⁴³Ka jalo ga nna le kgaogano magareng ga bontsi jwa batho ka lebaka la gagwe. ⁴⁴Bangwe ba bone ba ka bo ba ne ba mo tshwere mme ga gona ope yo o neng a mmaya diatla.⁴⁵A bo masole a boela kwa baperesiti bagolong le Bafarasaing, ba ba neng ba re, "Ke eng le sa mo tsisa?" ⁴⁶Masole a araba a re, "Ga go na ope yo o kileng a bua jaaka ene."⁴⁷Ka moo Bafarasai ba ba araba ba re, "A le lona le tsieditswe? ⁴⁸A bangwe ba babusi le Bafarasai ba dumetse mo go ene? ⁴⁹Mme bontsi jwa batho ba ba sa itseng molao ba, ba ba hutsegileng, ke bone ba ba dumetseng mo go ene."⁵⁰Nikotima (mongwe wa Bafarasai, yo o neng a tsile kwa go Jeso pele) a ba raya a re, ⁵¹"A molao wa rona o atlhola motho pele ga go utlwiwa gore a reng le go itse se a se dirang?" ⁵²Ba mo araba ba re, "A le wena o tswa Galalea? Batlisisa o bone gore, ga go na moporofiti ope yo o tswang ko Galalea."⁵³[Mme mongwe le mongwe a ya kwa ntlong ya gagwe.

8¹Jeso a ya kwa thabeng ya letlhware. ²Mo mosong o mogolo o ne a ya kwa tempeleng gape, mme batho botlhe ba tla; a nna fa fatshe a ba ruta. ³Bakwadi le Bafarasai ba tla ka mosadi yo o neng a tshwerwe ka tiro ya boaka. Ba mmaya fa gare.⁴Foo ba mo raya ba re, ''Moruti, mosadi yo o tshwerwe mo tirong ya boaka. ⁵Jaanong mo molaong, Moshe o re laotse go kgobotletsa batho ba ba ntseng jaana ka matlapa; wena wa reng ka ene?'' ⁶Ba ne ba bua se gore ba tle ba mo tshware ka mafoko le gore ba nne le se ba ka mo pateletsang ka sone, mme Jeso a inama a kwala fa fatshe ka monwana.⁷Fa ba tswelela go mmotsa dipotso, Jeso a inamologa a ba raya a re, ''Yo o senang boleo fa gare ga lona, a e nne ene wa ntlha go mo ngata ka letlapa.'' ⁸A inama gape, a kwala fa fatshe ka monwana.⁹Fa ba utlwa se, ba tswa ka bongwe ka bongwe, go simolola ka yo mogolo go ba feta. Kwa bofelong Jeso a sala a le nosi, ene le mosadi yo o neng a le fa gare. ¹⁰Jeso a inamologa a mo raya a re, ''Mosadi, ba kae batho ba ba neng ba go pateletsa? A go na le mongwe yo o go boneng molato?'' ¹¹A bua a re, ''Ga gona ope, Morena.'' Jeso a re, ''Le nna ga ke go bone molato. Tsamaya, o seka wa leofa gape.''¹²Gape Jeso a bua le bone a re, ''Ke lesedi la lefatshe; yo o ntshalang morago ga a kake a tsamaya mo lefifing mme o tla nna le lesedi la botshelo.'' ¹³Bafarasai ba mo raya ba re, ''O fa bosupi ka wena; bosupi jwa gago ga se boammaaruri.''¹⁴Jeso a araba a ba raya a re, ''Le fa ke fa bosupi ka nna, bosupi jwame ke boammaaruri. Ke itse kwa ke tswang teng le kwa ke yang teng, mme lona ga le itse kwa ke tswang teng le kwa ke yang teng. ¹⁵Le atlhola go ya ka fa nameng; nna ga ke atlhole ope. ¹⁶Mme fa ke atlhola, katlholo yame e boammaaruri gonne ga ke nosi, ke na le Rara yo o nthomileng.¹⁷Ee, mo molaong wa lona go kwadilwe gore bosupi jwa batho ba babedi bo boammaaruri. ¹⁸Nna ke yo o fang bosupi ka nna, le Rara yo o nthomileng o fa bosupi ka nna.''¹⁹²⁰Ba mo raya ba re, ''Rraago o kae?'' Jeso a araba, ''Ga le nkitse ebile ga le itse Rara; fa le ne le nkitsile, le kabo le itsile Rara.'' O buile mafoko a a le mo mabolokelong, a ruta kwa tempeleng, mme ga se ka ga nna ope yo o mo tshwarang gonne nako ya gagwe e ne e ise e tle.²¹A ba raya gape a re, ''Ke a tsamaya; le tla mpatla mme le tla swela mo boleong jwa lona. Kwa ke yang teng, ga le kake la tla teng.'' ²²Bajuta ba re, ''A o tla ipolaya? A ke sone se a reng, 'Kwa ke yang teng ga le kake la tla teng'?''²³Jeso a ba raya a re, ''Le tswa kwa tlase; nna ke tswa kwa godimo. Le ba lefatshe; nna ga ke wa lefatshe. ²⁴Jalo he, ke rile le tla swela mo maleong a lona. Ka gore fa le sa dumele gore KE ENE, le tla swela mo maleong a lona.''²⁵Ka jalo ba mo raya ba re, ''O mang?'' Jeso a ba raya a re, ''Ke se ke le reileng kwa tshimologong ke re ke sone. ²⁶Ke na le dilo tse dintsi tse ke ka di buang le tse ke ka di atlholang ka ga lona. Le fa go ntse jalo, yo o nthomileng o boammaaruri; dilo tse ke di utlwileng go tswa kwa go ene, ke tsone tse ke di bolelelang lefatshe.'' ²⁷Ba ne ba sa tlhaloganye gore o bua le bone ka ga Rara.²⁸Jeso a re, ''Fa le sena go tsholetsa Morwa Motho, ke gone le tla itseng gore KE ENE, le gore ga ke dire sepe ka bonna. Jaaka Rara a nthutile, ke bua dilo fela jalo. ²⁹Yo o nthomileng o na le nna, ga a ntlogela ke le nosi, gonne ka nako tsotlhe ke dira se se mo itumedisang.'' ³⁰Jaaka Jeso a ne a bua dilo tse, ba le bantsi ba ne ba dumela mo go ene.³¹Jeso a bua le Bajuta ba ba neng ba dumela mo go ene, ''Fa le ka nna mo lefokong lame, foo ka boammaaruri le tla bo le le barutwa bame; ³²ebile le tla itse boammaaruri, mme boammaaruri bo tla le golola.'' ³³Ba mo araba ba re, ''Re dikokomane tsa ga Aborahama, ebile ga re ise re nne makgoba a ga ope; ke eng o re, 'Le tla gololwa'?''³⁴Jeso a ba araba, ''Ammaaruri, ammaaruri ke a le raya, ''Ope yo o dirang boleo ke lekgoba la boleo. ³⁵Lekgoba ga le nnele ruri mo ntlong ka bosakhutleng; morwa o nnela ruri ka bosakhutleng. ³⁶Ka jalo, fa Morwa a le golola, le tla gololwa ga boammaaruri.³⁷Ke a itse gore le kokomane ya ga Aborahama; le batla go mpolaya ka gonne lefoko lame ga le na bonno mo go lona. ³⁸Ke bua se ke se boneng mo go Rara, le dira se le se utlwileng mo go rraalona.''³⁹Ba araba ba mo raya ba re, ''Rraarona ke Aborahama.'' Jeso a ba raya a re, ''Fa le le bana ba ga Aborahama, le kabo le dira ditiro tsa ga Aborahama. ⁴⁰Mme, jaanong le batla go mpolaya, monna yo o le boleletseng boammaaruri go tswa kwa Modimong. Aborahama o ne a sa dire dilo tse. ⁴¹Le dira ditiro tsa ga rraalona.'' Ba mo raya ba re, ''Ga re a tsholelwa mo boleong jwa bosutlha jwa thobalo; re na le Rara a le mongwe: Modimo.''⁴²Jeso a ba raya a re, ''Fa Modimo e ne e le rraalona, le ne le tla nthata, gonne ke tswa kwa Modimong ebile ke fano; gonne ga ke a tla ka bonna, ke romilwe ke ene. ⁴³Ke eng le sa tlhaloganye mafoko ame? Ke gore ga le kgone go utlwa mafoko ame. ⁴⁴Le ba ga rraalona, Satane, le eletsa go dira dikeletso tsa ga rraalona. O ne a le mmolai go tswa kwa tshimologong ebile ga a eme mo boammaaruring gonne boammaaruri ga boyo mo go ene. Fa a bua maaka, o bua go tswa mo tlholegong ya gagwe gonne ke moaki ebile ke rraago maaka.⁴⁵Hela ka gore ke bua boammaaruri, ga le dumele mo go nna. ⁴⁶Ke mang mo go lona yo o ntatofatsang ka go dira boleo? Fa ke bua boammaaruri, ke eng le sa dumele mo go nna? ⁴⁷Yo e leng wa Modimo o utlwa mafoko a Modimo; ga le a utlwe ka gore ga le ba Modimo.''⁴⁸Bajuta ba araba ba mo raya ba re, ''A ga re a bua boammaaruri re re o Mosamarea ebile o na le letimone?'' ⁴⁹Jeso a araba a re, ''Ga ke na letimone, mme ke tlotla Rara, lona ga le ntlotle.⁵⁰Ga ke batle kgalalelo yame; go na le yo o batlang le go atlhola. ⁵¹Ammaaruri, ammaaruri, ke a le raya, fa ope a ka tshegetsa lefoko lame, ga a kitla a bona loso.''⁵²Bajuta ba mo raya ba re, '' Jaanong re a itse gore o na le letimone. Aborahama le baporofiti ba sule; mme wena wa re, 'Fa ope a tshegetsa lefoko lame, ga a kitla a utlwa loso.' ⁵³Ga o motona mo go rraarona Aborahama yo o suleng, kana go ntse jalo? Baporofiti le bone ba sule. Wena o itira mang?''⁵⁴Jeso a ba araba, ''Fa ke ikgalaletsa, kgalalelo yame ga se sepe; ke Rara yo o nkgalaletsang - ene yo le reng ke Modimo wa lona. ⁵⁵Ga le ise le ko le mo itse, mme nna ke a mo itse. Fa ke ne ke ka re, 'Ga ke mo itse', ke ne ke tla tshwana le lona, ke nna moaki. Le fa go ntse jalo, ke a mo itse ebile ke tshegetsa lefoko la gagwe. ⁵⁶Rraalona Aborahama o ne a ipela fa a bona letsatsi lame; o ne a le bona, a itumela.''⁵⁷Bajuta ba mo raya ba re, ''Ga o ise o nne le dingwaga tse masome matlhano, mme o bone Aborahama?'' ⁵⁸Jeso a ba raya a re, ''Ammaaruri, ammaaruri ke a le raya, pele ga Aborahama a nna teng, ke ne ke le teng.'' ⁵⁹Foo ba sela matlapa go mo ngata, mme Jeso a iphitlha a bo a tswa mo tempeleng.

9¹Jaana fa Jeso a feta, a bona monna yo o tsetsweng a le sefofu. ²Barutwa ba gagwe ba mmotsa, ''Moruti, go leofile mang, monna yo kana batsadi ba gagwe, gore a bo a tsetswe a le sefofu?''³Jeso a araba, ''Go le monna yo, le fa ele batsadi ba gagwe, ga gona yo o leofileng, mme e le gore ditiro tsa Modimo di tle di bonafadiwe mo go ene. ⁴Re tshwanetse ra dira ditiro tsa yo o nthomileng go santse go le nako. Bosigo bo etla bo ope a se kitlang a kgona go dira. ⁵Fa ke santse ke le mo lefatsheng, ke lesedi la lefatshe.''⁶Fa Jeso a sena go bua dilo tse, a kgwela mathe fa fatshe, a duba seretse ka mathe, mme a mo tshasa seretse mo matlhong. ⁷A mo raya are, ''Tsamaya, o tlhape mo lekadibeng la Siloame ( le fa go ranolwa e leng: romilwe ).'' Jalo monna a tsamaya, a tlhapa, a boa a tla a bona.⁸Jalo baagisanyi ba monna le ba ba kileng ba mmona pele e le mokopi ba ne ba re, ''A yo ga se ene monna yo o neng a tlwaetse go nna le go kopa?'' ⁹Bangwe ba re, ''Ke ene.'' Ba bangwe bare, ''Nyaa, mme o tshwana le ene.'' Mme ene a re, ''Ke nna.''¹⁰Ba mo raya ba re, ''Jaanong matlho a gago a bulegile jang?'' ¹¹A araba, ''Monna yo o bidiwang Jeso o ne a duba seretse mme a se ntshasa mo matlhong a bo a nthaya a re, 'Tsamaya o ye Siloame mme o tlhape.' Jalo ka tsamaya mme ka tlhapa, mme ka amogela pono yame.'' ¹²Ba mo raya ba re, ''O kae?'' A fetola, ''Ga ke itse.''¹³Ba tlisa monna yo o neng a ntse a le sefofu kwa Bafarasaing. ¹⁴Jaana e ne e le letsatsi la Sabata fa Jeso a duba seretse a bo a budulola matlho a gagwe. ¹⁵Fela jalo gape Bafarasai ba mmotsa gore o amogetse pono ya gagwe jang. A ba raya a re, ''O ntshasitse seretse mo matlhong, ka tlhapa, jaanong ke a bona.''¹⁶Bangwe ba Bafarasai ba re, ''Monna yo ga a tswe kwa Modimong ka ga a tlotle Sabata.'' Ba bangwe ba re, ''Go tla jang gore monna yo e leng moleofi a ka dira ditshupo tse di ntseng jaana?'' Jaanong ga nna le kgaogano magareng ga bone. ¹⁷Mme ba botsa monna wa sefofu gape, ''Wena wa reng ka ene, ka kefa o go butse matlho?'' Monna wa sefofu a re, ''Ke moporofiti'' ¹⁸Le jaana Bajuta ba seka ba dumela ka ga gagwe gore o ne a le sefofu mme o amogetse pono ya gagwe go fitlhelela ba bitsa batsadi ba yo o amogetseng pono.¹⁹Ba botsa batsadi, ''A yo ke ngwana wa lona yo le reng o tsetswe a le sefofu? Go dirafetseng gore a bo a bona jaanong?'' ²⁰Mme batsadi ba gagwe ba ba araba, ''Re a itse gore yo ke morwa wa rona yo o neng a tsetswe a le sefofu. ²¹Gore ke eng a bona jaanong, ga re itse, le gore ke mang yo o budulotseng matlho a gagwe, ga re itse. Mmotseng o godile. O kgona go ipuelela.''²²Batsadi ba gagwe ba bua dilo tse, ka gore ba ne ba tshaba Bajuta. Gonne Bajuta ba ne ba setse ba dumalanye gore mongwe yo o ka bolelang fa e le ene Keresete, o tlaa kobiwa mo sinagogeng. ²³Ka ntlha ya se, batsadi ba gagwe bare, ''O motona, mmotseng.''²⁴Ba boa ba bitsa monna yoo neng a foufetse labobedi ba mo raya ba re, ''Galaletsa Modimo. Re a itse gore monna yo ke moleofi.'' ²⁵Mme monna yoo a fetola, ''Ga ke itse fa e le gore ke moleofi. Selo sengwe se ke se itseng: ke ne ke le sefofu, mme ke a bona.''²⁶Jalo ba mo raya ba re, ''O go dirile eng? O butse matlho a gago jang?'' ²⁷A araba, ''Ke setse ke lo boleletse go le pele, mme ga lo a ka lwa reetsa! Ke eng lo batla go go utlwa gape? Ga lo batle go nna barutwa ba gagwe le lona, kana jang? ²⁸Ba mo roga mme ba re, ''O morutwa wa gagwe, rona re barutwa ba ga Moshe. ²⁹Re itse gore Modimo o buile le Moshe, mme yo ene ga re itse kwa a tswang teng.''²⁸²⁹Ba mo roga ba re,³⁰Monna a araba mme a ba raya a re, ''Mo go a gakgamatsa, gore le bo le sa itse kwa a tswang teng, mme ene a butse matlho ame. ³¹Re a itse fa Modimo a sa reetse baleofi, mme fa mongwe a ineetse mme a dira go rata ga gagwe, o a mo reetsa.³²Fa e sale kwa tshimologong ya lefatshe ga go e se go utlwalelwe mongwe yo o butseng matlho a monna yo o tsetsweng a foufetse. ³³Fa monna yo a ne a sa tswe kwa Modimong, o ne a ka seka a dira sepe.'' ³⁴Ba araba ba mo araba ba mo raya ba re, ''O ne o tsaletswe gotlhelele mo maleong, mme o a re ruta?'' Ba bo ba mo latlhela kwa ntle.³⁵Jeso a utlwa fa ba mo kobile mo sinagogeng. A mo fitlhela mme a re, ''A o dumela mo go Morwa Motho?'' ³⁶A fetola mme a re, ''Ke mang, Morena, ke tle ke dumele mo go ene?'' ³⁷Jeso a mo raya a re, ''O mmonye, mme ke ene yo a buang le wena.'' ³⁸Monna a re, ''Morena, ke a dumela'' a bo a mo obamela.³⁹Jeso a re, ''Ke tletse katlholo mo lefatsheng le gore ba ba sa boneng ba bone le gore bone ba ba bonang ba foufale.'' ⁴⁰Bangwe ba Bafarasai ba ba neng bana le ene ba utlwa dilo tse mme ba mmotsa, ''A le rona re foufetse?'' ⁴¹Jeso a ba raya a re, ''Fa lo ne lo le difofu, lo kabo lo sena boleo bope, mme jaanong la re, 'Re a bona,' mme boleo ba lona bone bo setse.

10¹Ammaaruri, ammaaruri, ke a le raya, yo o sa tseneng ka kgoro mo lesakeng la dinku, a tlolela ka tsela e nngwe, monna yoo ke legodu ebile ke serukutlhi. ²Yo o tsenang ka kgoro ke modisa wa dinku.³Motlhokomela kgoro o a mmulela. Dinku di utlwa lentswe la gagwe, o bitsa dinku tsa gagwe ka leina, a bo a di etelela pele a tswa ka tsone. ⁴Fa a sena go ntshetsa kwa ntle tsotlhe tsa gagwe, o di etelela pele, mme dinku di mo sala morago, ka gonne di itse lentswe la gagwe.⁵Ga di sale motswakwa morago, boemong ja seo di a mo katoga, gonne ga di itse lentswe la batswakwa.'' ⁶Jeso a bua setshwantsho se le bone, mme dilo tse a neng a di bua le bone tse ba ne ba sa di tlhaloganye.⁷Jeso a ba raya gape a re, ''Ammaaruri, ammaaruri ke a le raya, ke nna kgoro ya dinku. ⁸Mongwe le mongwe yo o tsileng pele game ke legodu ebile ke serukutlhi, dinku ga di a ka tsa mo reetsa.⁹Ke nna kgoro. Ope yo o tsenang ka nna o tla bolokwa; o tla tsena mo teng a bo a tswa ebile o tla bona mafulo. ¹⁰Legodu ga le tle fa e se go tla go utswa go bolaya le go senya. Ke tsile gore di tle di bone botshelo, di bo bone ka botlalo.¹¹Ke nna modisa yo o molemo. Modisa yo o molemo o neela botshelo jwa gagwe ka ntlha ya dinku. ¹²Motlhanka yo o hirilweng ga se modisa ebile ga se ene mong wa dinku. Fa a bona phiri e tla o tlogela dinku o a tshaba, mme phiri e tsaya dinku e tsamaya ka tsone e bo e di phatlalatsa. ¹³O a tshaba ka gore ke motlhanka yo o hirilweng ga a kgathale ka dinku.¹⁴Ke nna modisa yo o molemo, ke itse tsame, tsame di a nkitse. ¹⁵Rara o a nkitse, le nna ke itse Rara, ke neela botshelo jwame ka ntlha ya dinku. ¹⁶Ke na le dinku tse dingwe tse e seng tsa lesaka le. Le tsone ke tshwanetse go di tsisa, mme di tla utlwa lentswe lame gore go tle go nne le letsomane le le lengwe le modisa a le mongwe.¹⁷Ke sone se Rara a nthatang; ke neela botshelo jwame gore ke tle ke bo tseye gape. ¹⁸Ga go na ope yo o bo tsayang mo go nna, ke bo neela ka bonna. Ke na le taolo ya go bo neela, ebile ke na le taolo ya go bo tsaya gape. Ke amogetse taelo e go tswa kwa go Rara.''¹⁹Kgaogano ya diragala gape gare ga Bajuta ka ntlha ya mafoko a. ²⁰Bontsi jwa bone ba re, ''O na le letimone ebile o a tsenwa. Ke eng le mo reetsa?'' ²¹Ba bangwe ba re, ''A ga se mafoko a monna yo o tletseng ka matimone. A letimone le ka bula matlho a ba ba foufetseng?''²²Ya bo e le nako ya moletlo wa Go Neelwa mo Jerusalema. ²³Go ne go le mariga, Jeso o ne a tsamaya mo tempeleng fa mathuding a ga Solomone. ²⁴Foo Bajuta ba mo dikaganyetsa ba mo raya ba re, ''O tla re belaetsa ka lebaka le le leele go le kae? Fa o le Keresete, re bolelele phatlalatsa.''²⁵Jeso a ba araba a re, ''Ke le boleletse, mme ga le dumele. Ditiro tse ke di dirang mo leineng la Rara, di paka ka ga nna. ²⁶Mme ga le dumele ka gore ga le dinku tsame.²⁷Dinku tsame di utlwa lentswe lame; ke a di itse, ebile di ntshala morago. ²⁸Ke di neela botshelo jo bo sa khutleng; ga di kitla di swa, ebile ga go na ope yo o ka di phamolang mo seatleng same.²⁹Rara, yo o di nneetseng, o mogolo go feta ba bangwe botlhe, ebile ga go na ope yo o kgonang go di phamola mo seatleng sa ga Rara. ³⁰Nna le Rara re mongwe. ³¹Bajuta ba sela matlapa gape go mo ngata ka one.³²Jeso a ba araba a re, ''Ke le bontshitse ditiro tse dintsi tse di molemo go tswa kwa go Rara. Ke efe ya ditiro tse e le e nngatelang ka matlapa?'' ³³Bajuta ba mo araba, ''Ga re go ngate ka matlapa ka ntlha ya tiro epe e e molemo, re go ngatela go roga Modimo, ka gore wena, motho, o itira Modimo.''³⁴Jeso a ba araba a re, '' A ga go a kwalwa mo molaong wa lona, ' Ke rile, ''Le medimo'''? ³⁵Fa a ba biditse medimo, bone ba lefoko la Modimo le neng le tla kwa go bone(mme dikwalo ga di kake tsa rojwa), ³⁶a le raya yo Rara a mo tlhaotseng a bo a mo roma mo lefatsheng, le re, 'O roga Modimo,' ka go bo ke rile, 'Ke Morwa Modimo'?³⁷Fa ke sa dire ditiro tsa ga Rara, le se ka la dumela mo go nna. ³⁸Fa ke di dira, le fa le sa dumele mo go nna, dumelang mo ditirong gore le tle le itse le bo le tlhaloganye gore Rara o mo go nna le nna ke mo go Rara.'' ³⁹Ba leka go mo tshwara ka diatla gape, mme a swapoga mo diatleng tsa bone.⁴⁰A tswa a tsamaya gape a ya moseja ole wa Jorotane kwa Johane a neng a kolobetsa teng la ntlha, a nna koo. ⁴¹Batho ba le bantsi ba tla kwa go ene ba re, ''E le ruri Johane ga a a ka a dira dikai, mme dilo tsotlhe tse Johane a di buileng ka monna yo ke boammaaruri.'' ⁴²Batho ba le bantsi ba dumela mo go ene.

11¹Jaanong monna mongwe yo a bidiwang Lasaro a bo a lwala. O ne a tswa kwa Bethani, motse wa bo Marea le monnawe Maretha . ²Ene e le Marea yo a neng a tlotsa Morena ka leokwane a bo a mo sutha dinao ka moriri wa gagwe, yo kgaitsadie e bong Lasaro a neng a lwala.³Bokgaitsadie ba romela bangwe ko go Jeso ba re "Morena, bona, yo o mo ratang o a lwala". ⁴Fa Jeso a utlwa se, a re, "bolwetse jo ga se jo bo isang lesong, mme ke bo bo tisang kgalalelo ya Modimo gore Morwa Modimo a tle a galalediwe ka jone".⁵Jalo Jeso a bo a rata Maretha, monnawe le Lasaro. ⁶Fa a sena go utlwa gore Lasaro o a lwala, Jeso o ne a nna malatsi a le mabedi gape kwa lefelong le a neng a le teng. ⁷Moragonyana ga se, a ra ya barutwana a re, "a re eng ko Jutia gape."⁸Barutwana ba mo ra ya ba re, "Moruti gompiemo Bajuta ba batla go go bolaya ka majwe, jaano o boela teng gape? ⁹Jeso a araba "a ga gona dioura tse 12 tsa lesedi mo letsatsing? Fa motho a tsamaya mo leseding, ga ana go kgopiwa ka gore o bona ka lesedi la lefatshe le.¹⁰Le fa go ntse jalo, fa a tsamaya bosigo, o tla kgopiwa ka gore ga a bone ka go sena lesedi. ¹¹O ne a bua dilo tse, morago ga dilo tse, a ba ra ya a re, "Tsala ya rona Lasaro o robetse, mme ke a tsamaya gore ke e go mo tsosa."¹²Barutwana jalo ba mo raya ba re, "Morena, fa e le gore o robetse o tla tsoga." ¹³Jeso o ne a buile ka leso la gagwe, mme ba ne ba akanya gore o bua ka go robala ga go itapolosa. ¹⁴Jeso a bua nabo a thamaletse a re, "Lasaro o thokafetse.¹⁵Ke itumetse, ka ntlha ya lebaka la lona, gore ke ne ke seo fa go diragala, gore le tle le dumele. A re eng kwa go ene." ¹⁶Tomase, yo a bidiwang Dimase, a raya barutwana ka ene a re , "a re tsamaeng le rona gore re tle re swe le Jeso."¹⁷Fa Jeso a goroga, o ne a fithela Lasaro a setse a le mo lebitleng malatsi a le mane. ¹⁸Jaanong Bethani o ne a le gaufi le Jerusalema, mo e ka nnang dikilometara di le 3. ¹⁹Bajuta ka bontsi ba ne ba tlile go gomotsa Marea le Maretha ka lebaka la loso la kgaitsadia bone. ²⁰Maretha, ene ya re a utlwa gore Jeso o a goroga, a ya go mo kgatlhantsa, mme Marea o ne a ntse mo ntlong.²¹Maretha a ra ya Jeso a re, "Morena, fa o ne o le fa kgaitsadiake o ka bo a ne a sa swa. ²²Le gompieno ke a itse gore sengwe le sengwe se o se kopang mo Modimong, o tla go se neela." ²³Jeso a mo raya a re, "kgaitsadio o tla tsoga gape."²⁴Maretha a mo raya a re, "ke a itse fa a tla tsoga mo tsogong ya baswi ka tsatsi la bofelo. ²⁵Jeso a mo raya a re, "ke nna tsogo le botshelo; yo a dumelang mo go nna le fa a swa, o tla tshela; ²⁶Le fa e le yo a tshelang a dumela mo go nna ga a kitla a swa. A o dumela se?"²⁷O ne a mo ra ya a re, "Ee, Morena ke a dumela gore o Keresete, Morwa Modimo, yo a tlang mo lefatsheng." ²⁸Fa a sena go bua se, o ne a ya go bitsa monnawe e bong Marea ka sephiri. A re, "Moruti o fano o a go bitsa." ²⁹Fa a utlwa se, a emelela ka bonako go ya ko go ene.³⁰Jaanong Jeso o ne a ise a goroge mo motseng mme a santse a le ko lefelong le Maretha a neng a mo kopantsha teng. ³¹E ne ya re fa Bajuta ba ba neng ba na le ene mo ntlong ba mo gomotsa, ba bona Marea a emelela ka bonako a ya ko ntle, ba mo sa la morago ba tsaya gore o ya lebitleng o ya go lelela teng. ³²Ya re Marea, a goroga fa Jeso a leng teng a mmona a wela fa fatshe mo maotong a gagwe a re, "Morena, fa o ne o le fa, kgaitsadiake o ka bo a ne a sa swa.''³³Fa Jeso a mmona a lela, le Bajuta ba ba tlileng le ene ba lela, one a utlwa botlhoko thata mo moweng, a tshwenyegile; ³⁴a re, "le mmeile fa kae?" Ba mo ra ya ba re, "Morena, tla o bone." ³⁵Jeso a lela.³⁶Ke fa Bajuta ba re, "Bonang gore o ne a rata Lasaro gole kae!" ³⁷Mme bangwe ba bone ba re, "A monna yo, yo o neng a bula matho a monna wa sefofu, o ne a ka seka a dira gore monna yo a seka a swa?"³⁸Jalo Jeso gape a kgaratha mo go ene, a ya kwa lebitleng. Ga bo gole legaga, le tswetswe ka lentswe. ³⁹Jeso a re, ''ntshang lentswe.'' "Maretha, kgaitsadie Lasaro, ene yo a suleng, a ra ya Jeso a re, "Morena, ka nako e mmele o ka tswa o bola, ka gore o ne a na le malatsi a le mane a sule.'' ⁴⁰Jeso a mo raya a re, ''A ga ke a go raya ke re, fa o dumela, o tla bona kgalalelo ya Modimo?"⁴¹Ka jalo ba ntsha lentswe. Jeso a tsholetsa matho a re, "Rara, ke a go leboga ka gore o nkutule. ⁴²ke a itse gore o a ntheetsa ka nako tsotlhe, mme ke ka baka la sethopha se se ntikaganyeditseng gore ke bue jaana, gore ba tle ba bone gore ke rumilwe ke wena."⁴³Fa a sena go bua se, a gowa ka lentswe le legolo, "Lasaro, tswaa!" ⁴⁴Monna yo a neng a suleng o ne a tswa; maoto a gagwe le matsogo a gagwe a ne a bofilwe ka matsela, le sefathego sa gagwe se bofilwe ka letsela.Jeso a ba ra ya a re, "mmofololeng le motlogele a tsamae."⁴⁵Ka jalo bontsi jwa Bajuta ba ba neng ba tsile ko go Marea ba bone tse Jeso a di dirileng ba dumela mo go ene; ⁴⁶mme bangwe ba bone bane ba ya ko bafarasai ba ba bolelela ka dilo tse Jeso a di dirileng.⁴⁷Jalo Baperesiti bagolo le Bafarasai ba bitsa bokopano ba re, "re tla dira eng? Monna yo o dira ditshupo di le dintsi. ⁴⁸Fa re mo togela jaana, botlhe ba tla dumela mo go ene; Baroma ba tla tla go tsaya gotlhe lefelo la kobamelo le tshaba ya rona."⁴⁹Le mororo, monna mongwe mo ga re ga bone, kaifase, yo e neng e le moperesiti mogolo ka ngwaga o, a ba ra ya a re "ga le itse sepe. ⁵⁰Ga le bone go le botoka mo go lona gore monna a le mongwe a swele batho gona le gore tshaba yotlhe e nyelele.''⁵¹Se o ne a sa se bui go tsweng mo go ene. Ka go bo e ne ele moperesiti mogolo wa ngwaga oo, o ne a porofita gore Jeso o tshwanetse go swela tshaba; ⁵²e seng fela tshaba le gore bana ba Modimo ba ba phataletseng ba tle ba tiswe ga mmogo. ⁵³Ka jalo go tsweng letsatsi leo go ya pele bane ba rulaganya gore ba ka bolaya Jeso jang.⁵⁴Jeso a bo a sa thole a tsamaya a tshosologile mo Bajuteng, mme o ne a tswa fo a ya ko lefatsheng le le gaufi le sekaka mo toropong e bidiwang Eforeimi. Teng koo a nna le barutwana ba gagwe. ⁵⁵Jalo moleto wa tolagago wa Bajuta wa bo o le gaufi, bontsi go tsweng ko mafatsheng ba ya ko Jerusalema pele ga moleto go ya go intlafatsa.⁵⁶Ba ne ba batla Jeso, ba ntse ba buisana ka bongwe ka bongwe jaaka ba eme mo tempeleng, 'le akanya eng? Gore ga a ka ke a tla moletong?" ⁵⁷Baperesiti bagolo le bafarasai ba bo ba ntshitse taolo gore fa mongwe a itse kwa Jeso a leng teng, a ba bolelele gore ba mo tshware.

12¹Matsatsi a marataro pele ga Tlolagano, Jeso a tla Bethani, kwa Lasaro yo Jeso a mo tsositseng mo baswing a neng a le teng. ²Ba ne ba mo apeela dijo tsa maitseboa, Maretha o ne a apeile, Lasaro e ne e le mongwe wa ba ba neng ba ntse fa fatshe mo tafoleng le Jeso. ³Marea o ne a tsaya dikereme tse tharo tsa senkgisa monate se se kgethegileng, a tlotsa dinao tsa ga Jeso ka sone a bo a di sutlha ka moriri wa gagwe. Ntlo e ne e tletse ka lenko la senkgisa monate.⁴Jutase Sekariota, mongwe wa barutwana ba gagwe, ene yo tlileng go mo rekisang, a re, ⁵"Ke eng senkgisa monate se se ne se sa rekisiwe dituelo tsa matsatsi a le 300 mme tsa neelwa bahumanegi?" ⁶O ne a bua jaana e se gore o kgathala ka bahumanegi, mme ka gore o ne e le legodu: o ne a tshotse beke ya madi, o ne a eta a utswa se se neng se tsentswe mo teng.⁷Jeso a re, "Mo letleleng a beele se a nang le sone letsatsi la me la phitlho. ⁸Le tla nna le na le bahumanegi ka dinako tsotlhe. Mme ga le na go nna le nna nako tsotlhe.⁹Jaanong setlhopha se segolo sa Bajuta ba lemoga fa Jeso a le teng, ba tla, ba sa tlele Jeso fela, mme gape go bona Lasaro, yo Jeso a mo tsositseng mo baswing. ¹⁰Baperesita bagolo ba ne ba loga maano ga mmogo ba dumalana gore ba bolaye le Lasaro; ¹¹ka gore e ne e le ka ntlha ya gagwe gore Bajuta ka bontsi ba ne ba kgeloga mo dithutong tsa Sejuta mme ba dumele mo go Jeso.¹²Letsatsi le le latelang setlhopha se se ntsi se ne sa tla moletlong. E rile ba utlwa gotwe Jeso o tla Jerusalema, ¹³ba tsaya dikala tsa setlhare sa palema mme ba ya go mo kgatlhantsa ba goa, "Hosana! Go sego yo o tlang mo leineng la Morena, Kgosi ya Iseraele."¹⁴Jeso a bona tonkana, abo a e pagama; jaaka go kwadilwe, ¹⁵"O seka wa boifa, morwadia Sione; bona, Kgosi ya gago o etla, a pagame tonkana."¹⁶Barutwana ba gagwe ba ne ba sa tlhaloganye dilo tse kwa ntlheng; mme erile Jeso a galalediwa, ba gakologelwa gore dilo tse di kwadilwe ka ga ene, le gore ba mo dirile dilo tse.¹⁷Setlhopha se ne sa paka gore ba ne ba na le ene fa a bitsa Lasaro go tswa mo lebitleng, a mo tsosa mo baswing. ¹⁸E ne e le ka lobaka le gape gore setlhopha se ye go mo kopantsha, ka gore ba ne ba utwile gore o dirile tshupagatso e. ¹⁹Bafarasai ba buisana ba re, "Bona, ga re kake ra dira sepe; bona, lefatshe le mo setse morago."²⁰Jaanong Bagerika bangwe bane ba le karolo ya ba ba neng ba ya go obamela kwa moletlong. ²¹Ba ne ba ya kwa go Filipo yo o tswang Bethesaeda mo Galalea, ba mo kopa gore, "Rra re batla go bona Jeso". ²²Filipo a ya go bolelela Antereo; Antereo a tsamaya le Filipo, ba bolelela Jeso.²³Jeso a ba araba a re, "Nako e tlile ya gore Morwa Motho a galalediwe. ²⁴Ke le bolelela boammaruri, ka re, go fitlhela tlhaka ya korong e wela mo mmung e bo e swa, e sala e le nosi, mme fa e swa, e tla ntsha maungo a mantsi.²⁵Yo o ratang botshelo jwa gagwe bo tla mo latlhegela; mme yo ilang botshelo jwa gagwe mo lefatsheng le o tla bo boloka go ya bosakhutleng. ²⁶Fa mongwe a ntirela, a a ntshale morago; kwa ke leng teng, le motlhanka wa me o tla nna teng. Fa mongwe a ntirela, Rara o tla mo tlotla.²⁷Moya wa me o tshwenyegile jaanong ke tla bua eng? 'Rara, mpoloka mo sebakeng se'? Mme ka lobaka le ke gorogile mo sebakeng se. ²⁸Rara, galaletsa leina la gago." Jalo lentswe la tswa kwa legodimong la re, "Ke le galaleditse, ke tla le galaletsa gape". ²⁹Setlhopha se se neng se eme foo sa utlwa, abo ba re ke legadima . Ba bangwe ba re, "Moengele o buile le ene."³⁰Jeso a araba a re, "Lentswe le ga le a tlela nna, le tletse lona. ³¹Jaanong ke nako ya katlholo ya lefatshe le: ke nako ya gore molaodi wa lefatshe le a kobiwe.³²Fa ke tsholediwa go tswa mo lefatsheng, ke tla gogela mongwe le mongwe kwa go nna." ³³O ne a bua se go kaya ka fa a yang go swa ka teng.³⁴Setlhopha sa mo araba, "Re utlwile mo molaong gore Keresete o tla nnela ruri. Ke eng o re 'Morwa Motho o tla tsholediwa'? Ke mang ene Morwa Motho yo?" ³⁵Jeso a ba raya a re, "Lesedi le tla bo le ntse le na le lona ka nako e khutshwane. Tsamayang le santse le na le lesedi, gore lefifi le seka la le fekeetsa. Yo o tsamayang mo lefifing ga a itse kwa a yang teng. ³⁶Fa le santse le na le lesedi, dumelang mo leseding gore le nne barwa ba lesedi." Jeso o ne a bua dilo tse, abo a tswa mo go bone le go ba iphitlhela.³⁷Le fa Jeso a dirile ditshupegetso tse di ntsi fa pele ga bone, ba ne ba ntse ba sa mo dumele ³⁸gore lefoko la ga moporofeta Isaia le rurifadiwe, fa a ne a re: "Morena ke mang yo dumetseng pego ya rona, le letsogo la Morena le senoletswe bo mang?"³⁹Ba ne ba sa dumele ka lobaka le, gonne Isaia le ene o rile, ⁴⁰"O foufaditse matlho a bone, o thatafaditse dipelo tsa bone; e seng jalo ba ne ba tla bona ka matlho a bone ba bo ba tlhaloganyana ka dipelo tsa bone, ba fetoga, ke ne ke tla ba fodisa."⁴¹Isaia o ne a bua dilo tse ka gore o ne a bone kgalalelo ya ga Jeso jalo a bua ka ene. ⁴²Ntle le moo, babusi ka bontsi ba ne ba dumela mo go Jeso; mme ka ntlha ya Bafarasai, ba ne ba sa amogele gore ba seka ba kobelwa ruri kwa sinagogeng. ⁴³Ba ne ba rata poko e e tswang mo bathong go feta poko e e tswang kwa Modimong.⁴⁴Jeso a goa a re, "Yo dumelang mo go nna, ga a dumele mo go nna fela mme le mo go yo nthomileng, ⁴⁵yo o mponang o bona le yo o nthomileng.⁴⁶Ke tlile jaaka lesedi mo lefatsheng, gore mang kapa mang yo dumelang mo go nna a seka a nna mo lefifing. ⁴⁷Fa mongwe a utlwa mafoko a me mme a seka a a diragatsa, ga ke mo atlhole; gonne ga ke a tla go atlhola lefatshe, mme go boloka lefatshe.⁴⁸Yo o nkganang ebile a sa amogele mafoko a me, o na le yo a mo atlholang. Lefoko le ke le buileng le tla mo atlhola ka letsatsi la bofelo. ⁴⁹Gonne ke ne ke sa ipuelele, mme ke Rara a nthomileng, yo nneetseng taelo ya gore ke bue gape jang. ⁵⁰Ke a itse gore taelo ya gagwe ke botshelo jo bo sa khutleng, jalo ke se ke se buang- fela jaaka Rara a buile le nna, jalo ke bua sone."

13¹Jalo pele ga moletlo wa tlolagano fa Jeso a itse gore nako ya gagwe e gorogile ya gore a tswe mo lefatsheng le go ya kwa go Rara -a ratile ba gagwe ba ba neng ba le mo lefatsheng le, a ba ratile go ya bokhutlong. ²Jaanong satane one a setse a beile mo pelong ya ga Jutase Esekariota morwa Simone, go rekisa Jeso.³O ne a itsile gore Rara o neetse tsotlhe mo diatleng tsa gagwe le gore one atswa kwa Modimong le gore o boela kwa Modimong. ⁴A emelela gotswa fa dijong tsa maitseboa, a apola seaparo sa gagwe se se fa godimo. A bo a tsaa taole a e ithathelela mo lethekeng ka yone. ⁵Jalo a tshela metsi mo mogopong, a bo a simolola go tlhapisa barutwa dinao, a bo a di sutlha ka taole e a neng a e ithatheletse ka yone.⁶Atla kwa go Simone Petere, Petere a mo raya a re, ''Morena, a o ya go ntlhapisa dinao?'' ⁷Jeso a araba a mo raya a re, ''Seke se dirang ga o se tlhaloganye gone jaana, mme otla se tlhaloganya morago.'' ⁸Petere a mo raya a re, ''Ga o kitla o ntlhapisa dinao.'' Jeso a mo araba, ''fa ke sa go tlhapise dinao, ga ona kabelano le nna''. ⁹Simone Petere a mo raya a re, ''Morena, sa tlhapise dinao tsame fela, mme le diatla le tlhogo.''¹⁰Jeso a mo ra ya a re, ''Ene yo o tlhapileng ga a tlhokane lego tlhapa fa e se dinao fela, mme o tlaabo a siame; le phepa, mme e seng lotlhe.'' ¹¹(Gonne Jeso one a itsile gore ke mang yo o tla mo rekisang; ke sone se a neng a re, ''Ga le phepa lotlhe.'')¹²Jalo fa Jeso a sena go ba tlhapisa dinao a bo a tsaa seaparo sa gagwe, a nna fa fatshe gape, a ba raya a re, ''a le itse gore ke le diretse eng?, ¹³Le mpitsa 'moruti' le 'Morena,' le bua sentle, ka gore ke nna. ¹⁴Jalo fa nna ke le Morena le moruti ke tlhapisitse dinao tsa lona, le tshwanetse jalo la tlhapisanya dinao. ¹⁵Ka gore ke le diretse sekai, gore le lona le tle le dire jaaka ke le diretse.¹⁶Ke le bolela boammaruri, motlhanka ga a mogolo go nale morena wa gagwe; le fa e le morongwa ga a mogolo go na le yo a mo rumileng. ¹⁷Fa le itse dilo tse, le segofetse fa le di dira. ¹⁸Ga ke bue ka ga lona lotlhe, ke itse ba ke ba ikgethetseng, mme se e le gore dikwalo ditle di rurifadiwe; 'Ene yo jaang le nna o ntlhanogetse.'¹⁹Ke le bolelela se gone jaana pele ga se diragala, go re fa se diragala, le dumele gore Ke Nna, ²⁰Ke le bolelela boammaruri, e ne yo o amogelang yo ke mo romileng, o amogela nna, e ne yo o nkamogelang, o amogela ene yo o nthomileng.''²¹Erile Jeso a bua se, o ne a tshwenyegile mo moweng, a paka a re, ''ke le bolelela boammaaruri, ''mongwe wa lona otlaa nthekisa.'' ²²Barutwa ba lebana, ba makala gore o bua ka mang.²³Mongwe wa barutwana ba gagwe, o Jeso a neng a mo rata, o ne a patsame fa tafoleng, mo sehubeng sa ga Jeso. ²⁴Ka jalo Simone Petere a leba morutwana oo a re, ''Re bolelele go re o bua ka mang.'' ²⁵Jalo a ikaega ka sehuba sa ga Jeso amo raya a re, ''Morena, ke mang?''²⁶Jalo Jeso a araba, ''ke ene yo ke tla inang borotho a bo ke bo mo neela.'' Jalo fa a sena go ina borotho, a bo neela Jutase morwa Simone Esekariota. ²⁷Jalo morago ga borotho, Satane a tsena mo go ene, Jeso a mo ra ya a re, ''Se o batlang go se dirang, se dire ka bofefo.''²⁸Jaanong go ne go sena ope yo o neng a patsame fa tafoleng yo oneng a itse gore ke eng a mo raya jalo. ²⁹Ba bangwe ba akanya gore, ka gore Jutase o ne a tshotse kgetsana ya madi, Jeso o mo reile a re, ''Reka se re se tlhokang ko moletlong'', kana gore o tshwanetse a fa bahumanegi sengwe. ³⁰Morago ga Jutase a sena go tsaa borotho, a tswela kwa ntle ka pela. Gone go le bosigo.³¹E rile Jutase a sena go tsamaya, Jeso a re, ''jaanong morwa motho o galaleditswe, le Modimo o galaleditswe mo go ene. ³²Modimo o tla mo galaletsa mo go ene, o tla mo galaletsa ka pela. ³³Bana ba bannye, ke santse ke na le lona ka sebakanyana fela. Le tla mpatla, fela jaaka ke buile le bajuta, ''ko ke yang teng, le ka se kgone gotla'. Jaanong le lona ke le raya jalo.³⁴Ke le neela taolo e ntsha, gore le ratane; jaaka ke le ratile, le lona hela jalo le tshwanetse la ratana. ³⁵Fa le dira jalo mongwe le mongwe otla itse go re le barutwa bame, fa le ratana.''³⁶Simone Petere a mo raya a re, ''Morena, o ya kae?'' Jeso a araba, ''Ko ke yang teng, oka se ntshale morago gone jaana, mme o tla tla morago''. ³⁷Petere a mo raya a re, ''Morena, ke eng ke ka se go sale morago gone jaana? ke tlaa go swela.'' ³⁸Jeso a araba, ''a o ka ntshwela? Ke go bolelela boammaaruri, mokoko ga o kitla o lela go fitlhela o intatola ga raro''.

14¹"A pelo tsa lona di se tshwenyege. Le dumela mo Modimong, dumelang le mo go nna. ²Mo ntlong ya ga Ntate go na le dikamore di le dintsi. Fa go ne go sa nna jalo, ke ka bo ke le boleletse, gonne ke ya go le baakanyetsa lefelo. ³Fa ke ya go le baakanyetsa lefelo, ke tlaa boa gape ke le ikamogelela, gore kwa ke leng teng le nne teng.⁴Le itse tsela ya kwa ke yang teng." ⁵Tomase a raya Jeso a re, "Morena, ga re itse kwa o yang teng, re ka itse tsela jang?" ⁶Jeso a mo raya a re, "Ke nna tsela, boammaruri le botshelo; ga gona yo o tlang kwa go Rara fela fa e se ka nna. ⁷Fa le ka bo le ne le nkitse, le ka bo le itse gape le Ntate. Go simolola jaanong le a mo itse gape le mmone."⁸Filipo a raya Jeso a re, "Morena, re bontshe Rara, seo se tla re kgotsofatsa." ⁹Jeso a mo raya a re, "Ke ntse ke na le lona sebaka se se leele thata jaana, o santse o sa nkitse, Filipo? Mang fela yo mponeng o bone Rara. Ke eng o re, 'Re bontshe Rara'?¹⁰A ga le dumele gore ke mo go Rara le Rara o mo go nna? Mafoko a ke le a bolelelang ga ke a bue ka taolo ya me, mme Rara yo o tshelang mo go nna o dira tiro ya gagwe. ¹¹Ntumelang gore ke mo go Rara, le Rara o mo go nna, kana bogolo le dumele ka ntlha ya tsone ditiro.¹²Ke le bolelela boammaruri, ka re, yo o dumelang mo go nna o tla dira ditiro tse ke di dirang, gape o tla dira ditiro tse di kgolo go na le tse ka gore ke ya kwa go Rara. ¹³Sepe fela se le se kopang mo leineng la me, ke tlaa se dira gore Rara a tle a galalediwe mo go Morwa. ¹⁴Fa le nkopa sepe mo leineng la me, ke tlaa se dira.¹⁵Fa le nthata, le tlaa tshegetsa ditaelo tsa me, ¹⁶gape ke tlaa rapela kwa go Rara, o tlaa le neela Mogomotsi yo mongwe gore a tle a nne le lona go ya go ileng- ¹⁷Moya wa boammaruri. Lefatshe ga le kake la mo amogela ka gore ga le mmone gape ga le mo itse. Mme le a mo itse, ka gore o nna le lona gape o tla nna mo go lona.¹⁸Ga ke na go le tlogela le le nosi; ke tlaa boela kwa go lona. ¹⁹Mo nakong e khutshwane lefatshe ga le na go tlhola le mpona, mme lona lea mpona. Ka gore ke a tshela, le lona le tlaa tshela. ²⁰Ka letsatsi leo le tlaa itse gore ke mo go Ntate, le gore le mo go nna, le gore ke mo go lona.²¹Yo o nang le ditaelo tsa me gape a di tshegetsa ke ene yo o nthatang, ebile yo o nthatang o tlaa ratiwa ke Ntate, ke tlaa mo rata abo ke mo itshupegetsa." ²²Jutase (eseng Sekariota) a raya Jeso a re, "Morena, ke eng fa ele gore o tla re iponagaletsa, mme e seng lefatshe?"²³Jeso a mo araba a re, "Fa ope fela a nthata, o tlaa diragatsa lefoko la me. Rara o tlaa mo rata, re tlaa tla kwa go ene abo re dira legae la rona le ene. ²⁴Yo o sa nthateng ga a diragatse mafoko a me. Lefoko le le le utlwang ga le tswe mo go nna mme kwa go Rara yo o nthomileng.²⁵Ke le boleletse dilo tse fa ke santse ke nna le lona. ²⁶Le fa go ntse jalo, Mogomotsi- Moya yo o Boitshepo yo Rara a tla mo romelang mo leineng la me- o tlaa le ruta sengwe le sengwe gape o tlaa le gakolola sengwe le sengwe se ke le se boleletseng. ²⁷Ke le tlogelela kagiso; Ke le neela kagiso ya me. Ga ke e neele jaaka lefatshe le e neela. A dipelo tsa lona di seka tsa tshwenyega, gape le seka la tshoga.²⁸Le utlwile gore ke le reile ka re, 'Ke a tsamaya ebile ke tlaa boela kwa go lona'. Fa le ne le nthata, le ne le tlaa itumela ka gore ke ya kwa go Rara, gonne Rara o mogolo thata go na le nna. ²⁹Jaanong ke le boleletse pele ga go diragala, gore e re fa go diragala le tle le dumele. ³⁰Ga ke na go tlhola ke bua thata le lona, gonne mmusi wa lefatshe le o etla. Ga a na maatla ape mo go nna, ³¹mme fela gore lefatshe le tle le itse fa ke rata Rara, ke dira fela jaaka Rara a ntaetse. A re emeng re tsweng fa."

15¹Ke nna mofine wa boammaruri, Rara ene ke motlhokomedi wa tshingwana. ²O kgaola kala nngwe le nngwe e e mo go nna e e sa ntsheng maungo, le go baakanya kala nngwe le nngwe e e ntshang maungo gore e ntshe maungo a mantsi le go feta.³Le setse le le phepa ka ntlha ya molaetsa o ke o buileng le lona. ⁴Nnang mo go nna, le nna mo go lona. Fela jaaka kala e ka seke e ntshe maungo ka bo yone, kwa ntleng fela fa e le mo setlhareng , fela jaaka lona ko ntleng fela fa le nna mo go nna.⁵Ke mofine, lona lo dikala. Ene yo nnang mo go nna le nna mo go ene, o ntsha maungo a mantsi, gonne kwa ntleng game ga o kake wa dira sepe. ⁶Fa mongwe a sa nne mo go nna, o latlhiwa jaaka kala, a bo e omelela mme ba kgobokanye dikala ba di latlhele mo molelong go fisiwa. ⁷Fa lo nna mo go nna, le mafoko ame a nna mo go lona, kopa sengwe le sengwe se o se eletsang, mme o tla se direlwa.⁸Rara wame o a galalediwa mo go se, gore lo ungwe maungo a mantsi, le gore le barutwana ba me. ⁹Jaaka Rara a nthatile; le nna ke lo ratile, nnang mo loratong la me.¹⁰Fa lo tshegetsa ditaolo tsame, lo tla nna mo loratong lame jaaka ke tshegeditse ditaelo tsa ga Rara le go nna mo loratong la gagwe. ¹¹Ke buile dilo tse le lona gore boitumelo jwame bo nne mo go lona le gore boitumelo jwa lona bo felele.¹²Se ke taolo yame, gore lo ratane, jaaka ke lo ratile. ¹³Ga go ope yo o nang le lerato le legolo go feta le, la go neela botshelo jwa gagwe ditsala tsa gagwe.¹⁴Lo ditsala tsame fa lo dira dilo tse ke di laoletseng. ¹⁵Ga ke sa tlhole ke lo bitsa batlhanka, gonne motlhanka ga itse se morena wa gagwe a se dirang. Ke lo biditse ditsala, gonne sengwe le sengwe se ke se utlwileng mo go Rara ke se lo itsesitse.¹⁶Ga lo a ka la ntlhopha, ke lo itlhophetse le go le tlhomamisa, gore le tle le tsamaye le ntshe maungo, le gore maungo a lona a nnele ruri. Se ke gore sengwe le sengwe se lo se kopang mo go Rara ka leina lame, o tla se lo neela. ¹⁷Dilo tse ke a di lo laela gore lo ratane.¹⁸Fa lefatshe le le ila, itseng se gore le nkidile pele ga le le ila. ¹⁹Fa le ka bo le le ba lefatshe, lefatshe le ka bo le lerata jaaka ba lone. Mme ka gore ga lo ba lefatshe le gore ke lo tlhophile go tsweng mo lefatsheng, ka jalo lefatshe le a lo ila.²⁰Gakologelwang lefoko le ke e buileng le lona, motlhanka ga a mogolo gona le morena wa gagwe, fa e le gore ba bogisitse nna, le lona ba tla a le bogisa, fa e le gore ba ne ba utlwa lefoko lame le lona ba utlwa la lona. ²¹Ba tla dira dilo tse tsotlhe mo go lona ka ntlha ya leina lame ka gore ga ba itse ene yo o nthomileng. ²²Fa ke ne ke sa tla go tla go bua le bone ba ka bo ba sena boleo, mme jaanong ga ba na seipato ka maleo a bone.²³Ene yo o nkilang gape o ila le Rara. ²⁴Fa ke ne ke sa dira ditiro tse ope a sa di dirang magareng ga bone, ba ka bo ba sena boleo, mme jaanong ba bonye e bile ba ila nna le Rara. ²⁵Mme se e ne e le go rurufatsa lefoko le le kwadilweng mo molaong wa bone,Ba ne ba nkila go sena molato.²⁶Fa Mogomotsi yo ke tla mo romelang mo go lona go tsweng kwa go Rara, yo e leng, Mowa wa boammaruri, o o tswang kwa go Rara o tla, o tla supa ka game. ²⁷Le lona le a supa ka gore lone le na le nna go tsweng kwa tshimologong.

16¹Ke buile dilo tse le lona gore le seka la latlhega. ²Ba tla le lathela ko ntle ga disinagoge. Mme nako e etla fa mongwe le mongwe yo a le bolayang o tla akanya gore o direla se Modimo.³Ba tla dira dilo tse ka gore ga ba ise ba itse Rara le fa e le nna. ⁴Ke buile dilo tse le lona gore fa nako ya tsone e tla, le gakologelwe gore ke le boleletse ka tsone. Ga ke a le bolelela ka dilo tse mo tshimologong, ka gore ke ne ke na le lona.⁵Jaanong ke ya ko go ene yo o nthumileng, ga gona ope wa lona yo o mpotsang, o ya kae? ⁶Mme ka gore ke le boleletse dilo tse, kutlobotlhoko e tletse ka dipelo tsa lona. ⁷Ke a le bolelela ka boammaruri, go ka le tswela mosola gore ke tsamae. Gonne fa ke sa tsamae, mogomotsi ga a ka ke a tla ko go lona, mme fa ke tsamaya, ke tla mo romela ko go lona.⁸Fa a tla, Mogomotsi o tla rurifaletsa lefatshe gore ga le dire sentle ka go leofa, ka tshiamo, le ka katlholo, ⁹ka ga boleo ka gore ga ba dumele mo go nna, ¹⁰ka ga tshiamo, ka gore ke ya ko go Rara, le gore ga le kitla le mpona; ¹¹le ka katlholo ka gore mmusi wa lefatshe le o setse a atlhotswe.¹²Ke na le dilo di le dintsi go di le bolelela, mme ga le kake la di tlhaloganya gone jaana. ¹³Mme fa ene, Moya wa boammaruri, a tla, o tla le ruta boammaruri jotlhe, gonne ga a ka ke a bua go tswa mo go ene. Mme o tla bua sengwe le sengwe se a se utlwang, a bo a le bolelela dilo tsotlhe tse di tlang. ¹⁴O tla nkgalaletsa, ka gore o tla tsaya se eleng same a le se bolelela.¹⁵Sengwe le sengwe se Rara a nang le sone ke same. Ka jalo, ke buile gore moya o tla tsaya se eleng same o bo a le se bolelela. ¹⁶Mo nakong e khutshwane ga le kitla le mpona, etlare morago ga nako e e khutshwane le tla mpona."¹⁷Bangwe ba barutwana ba buisana ba re, ''Nare ke eng se a se re bolelelang, 'ka nako e khutshwane le tla seka la mpona, morago ga nako e e khutshwane le tla mpona,' e le ka gore ke ya ko go Rara?'' ¹⁸Ka jalo ba re, ke eng se a se buang, 'ka nako e khutshwane'? Ga re itse se a buang ka ga sone.''¹⁹Jeso a bona gore ba ne ba batla go mmotsa, a ba raya a re, ''a ke sone se le se ipotsang, gore ke rayang fa kere, 'ka sebakanyana le tla seke le mpone, mme ka sebaka se sengwe le tla mpona'? ²⁰Ke a le bolelela ka boaammaruri, le tla lela le bo le hutsafala, mme lefatshe lone le tla itumela, le tla tlala ka kutlobotlhoko, mme kutlobotlhoko ya lona e tla fetolwa go nna boipelo. ²¹Fa mosadi a belega o nna le kutlobotlhoko ka gore nako ya gagwe e abo e gorogile, fa a sena go belega ngwana, ga a sa thola a gakologelwa botlhoko ka lebaka la boitumelo ja gore motho o tisitswe mo lefatsheng.²²Ka jalo le na le kutlobotlhoko jaanong, mme ke tla le bona gape, dipelo tsa lona di tla ipela, ga gona yo o ka tlholang a tsaya boipelo ja lona. ²³Ka letsatsi leo ga le kake la mpotsa sepe. Ke a le bolelela ka boammaruri, gore fa le kopa sengwe mo go Rara ka leina lame, o tla se le neela. ²⁴Go fitlhela gompieno ga le a kopa sepe ka leina lame. Kopang, le tla amogela gore boipelo ja lona bo rurufadiwe.²⁵Ke buile dilo tse le lona ka ditshwantsho, mme nako e tla tla ya gore ke seka ka bua le lona ka ditshwantsho, mme ke tla bua le lona go tlamaletse ka ga Rara.²⁶Ka letsatsi leo le tla kopa ka leina lame mme ga ke re ke tla le rapelela ko go Rara, ²⁷gonne Rara o a le rata ka gore le nthatile ebile le dumetse gore ke tswa ko go Rara. ²⁸Ke tswa ko go Rara, ke tlile mo lefatsheng. Ebile gape, ke tlogela lefatshe, ke ya ko go Rara.²⁹Barutwana ba gagwe ba re, Bona, gompieno o bua fela sentle o sa dirise ditshwantsho. ³⁰Gompieno re a itse gore o itse dilo tshotlhe, le gore ga o tlhoke gore ope a go botse dipotso. Ka lebaka la se, re dumela gore o tswa ko Modimong." ³¹Jeso a ba raya a re, A le a dumela jaanong?³²Bonang, nako e etla, ee, ka boammaruri e gorogile, fa le tla phataladiwang, mongwe le mongwe a ya ko ga gagwe, ebile le tla ntlogela ke le nosi, le ntswa ke se nosi ka gore Rara o na le nna. ³³Ke buile dilo tse le lona gore le nne le kagiso mo go nna, mo lefatsheng le na le matshwenyego, mme kgotlhalang, ke fentse lefatshe.''

17¹Morago ga Jeso a sena go bua dilo tse a tsholeletsa matlho a gagwe kwa legodimong a re, "Rara, nako e gorogile, galaletse Morwa wa gago gore Morwa a tle a go galaletse- ²jaaka o mo neile taolo mo bathong botlhe, gore a neele mongwe le mongwe yo o mo mo neetseng botshelo jo bo sa khutleng.³Botshelo jo bo sa khutleng ke jo: gore ba go itse, wena fela Modimo wa boammaaruri, le ene yo o mo romileng, Jeso Keresete. ⁴Ke go galaleditse mo lefatsheng. Ke feditse tiro e o neng o e nneetse gore ke e dire. ⁵Jaanong, Rara, nkgalaletsa fela jaaka o ikgalaletsa le wena ka kgalalelo ene ke nale yone pele ga lefatshe le dirwa.⁶Ke senotse leina la gago kwa bathong ba o neng o ba nneile go tsweng mo lefatseng. E ne e le ba gago abo o ba nneela, ebile ba tshegeditse lefoko la gago. ⁷Jaanong ba itse gore tsotlhe tse o di nneetseng di tswa kwa go wena, ⁸gonne ke ba neetse mafoko otlhe a o a nneetseng. Ba a amogetse, ka boammaruri ba itse fa ke tswa kwa go wena, gape ba dumetse fa ke rumilwe ke wena.⁹Ke a ba rapelela. Ga ke rapelele lefatshe mme ke rapelela bone ba o ba nneetseng, ka gore ke ba gago. ¹⁰Sengwe le sengwe se e leng same ke sa gago, sa gago ke same, ke galalediwa mo go tsone. ¹¹Ga ke sa tlhole ke le mo lefatsheng , mme batho ba ba mo lefatsheng, le gore ke tla kwa go wena. Rara yo o Boitshepho, ba boloke mo leineng la gago le o le nneetseng gore ba nne seopo sengwe, fela jaaka re le seopo sengwe.¹²Fa ne ke na le bone, ke ne ka ba boloka mo leineng la gago, le o le nneileng. Ke ba sireleditse, ga gona ope wa bone yo latlhegileng, ga e se yo ane a rulaganyeditsweng go ya tatlhegong, gore ditemana di tle di rurifadiwe. ¹³Jaanong ke tla kwa go wena, mme ke bua dilo tse ke le mo lefatsheng gore ba nne le boitumelo jwa me ka botlalo mo go bone. ¹⁴Ke ba neetse lefoko la gago, lefatshe le ba tlhoile ka gore ga se ba lefatshe, fela jaaka ke se wa lefatshe.¹⁵Ga ke kope gore o ba ntshe mo lefatsheng mme gore o ba sireletse mo go yo bosula. ¹⁶Ga se ba lefatshe, fela jaaka ke se wa lefatshe. ¹⁷Ba dire parologanyo ka boammaaruri. Lefoko la gago ke boammaruri.¹⁸Fela jaaka o nthumile mo lefatsheng, ka jalo ke ba rumile mo lefatsheng. ¹⁹Ke ikgaphile ka lebaka la bone, gore le bone ba arologanngwe mo boammaaruring.²⁰Ga ke rapelele ba fela, mme le ba ba tla dumelang mo go nna ka lefoko la bone, ²¹gore ba tle ba nne bangwe botlhe, fela jaaka wena, Rara, o le mo go nna le nna ke le mo go wena. Ke rapela gore le bone ba tle ba nne mo go rona gore lefatshe le tle le dumele fa o nthomile.²²Kgalalelo e o e nneetseng, ke ba e neetse, gore ba tle ba nne bangwe fela jaaka re le bangwe; ²³Ke le mo go bone, wena o le mo go nna. Gore ba tle ba ne mo botlalong bale seopo sengwe, gore lefatshe le tle le itse fa o nthomile, o ba ratile, fela jaaka o nthatile.²⁴Rara, ke batla gore ba o ba nneetseng ba nne le nna kwa ke leng teng gore ba tle ba bone kgalalelong ya me, e o e nneetseng. Gonne o sale o nthatile pele ga tlholego ya lefatshe.²⁵Rara wa Tshiamo, lefatshe le ne le sa go itse, mme nna ke a go itse; ba ba itse fa o nthomile. ²⁶Ke ba itsisitse leina la gago, ke tla dira gore le itsewe gore lerato le o nthatileng ka lone le nne mo go bone, le nna ke tla nna mo go bone."

18¹Morago ga Jeso a sena go bua mafoko a, o ne a tswela kwa ntle le barutwana kwa ntlheng e nngwe ya mokgatsha wa Kitirone, fa go neng gona le tshingwana e ene le barutwana ba gagwe ba neng ba tsena teng. ²Jaana Jutase yo a neng a ya go mo rekisa, le ene o ne a itse lefelo la teng, gonne Jeso o ne a etle a ye teng le barutwana ba gagwe. ³Jaana Jutase, yo a neng amogetse setlhopha sa masole go tsweng kwa moperesiteng yo mogolo le kwa Bafarasaing, le badiredi, batla ka dipone le dibetsa.⁴Jaana Jeso yo a neng a itse sengwe le sengwe se se neng se mo diragalela, a tsamaela kwa pele a ba botsa a re, ''Le batla mang?'' ⁵Ba mo araba, ''Jeso wa Nasaretha,'' Jeso a ba raya a re, ''Ke nna,'' Jutase yo o mo rekisitseng, le e ne o ne a eme le masole.⁶Jalo e rile fa a ba raya a re, ''Ke nna,'' ba boela kwa morago ba wela fa fatshe. ⁷Jalo a ba botsa gape a re, ''Le batla mang?'' Gape ba re, ''Jeso wa Nasaretha.''⁸Jeso a araba ,'' Ke le boleletse gore ke nna. Fa lo batla nna tlogela ba ba tsamaye.'' ⁹Se e ne ele go rurufatsa lefoko le a le buileng a re, ''Mo go botlhe ba o ba nneetseng ga ke a latlhegelwa ke ope.''¹⁰Fo o Simone Petere, yo o tshotseng tshaka a e ntsha, a kgaola motlhanka wa moperesite yo mogolo tsebe. Jalo leina la motlhanka ya bo e le Malekase. ¹¹Jeso a raya Petere a re,'' Ba ya tshaka gape mo kgatlheng, A ga ke a tshwanelwa go nwa senwelo se Rara a se mphileng?''¹²Ka jalo setlhopha sa masole le baokamedi,le badiredi ba Bajuta, ba tshwara Jeso, ba mmofa. ¹³Ba mo isa la ntlha kwa go Annase, gonne e ne e le mogwe wa ga Kaifase, yo e neng e le moperesite yo mogolo mo ngwageng oo. ¹⁴Jaanong Kaifase e ne e le ene yo o fileng Bajuta kgakolo ya gore go botoka gore motho a le mongwe a swele batho.¹⁵Simone Petere a sala Jeso morago, le morutwana yo mongwe a dira jalo. Ka jaana morutwana yo o ne a itsewe ke moperesite mogolo, a tsena le Jeso mo bonnong ja moperesite mogolo, ¹⁶Mme Petere o ne a eme fa lebating kwa ntle. Fa morutwana yo mongwe, yo a neng a itsewe ke moperesite mogolo, a tsamaya a bua le morweetsana wa molebeledi gore a letelele Petere go tsena.¹⁷Jalo morweetsana wa motlhanka, molebeledi, a raya Petere ''A le wena ga o mongwe wa barutwana ba monna yo?'' A re ''Ga ke ene.'' ¹⁸Jaana batlhanka le badiredi ba ne ba eme foo, ba ne ba gotsitse molelo ka magala,gonne go ne go le serame,ba ne ba ithuthafatsa. Petere le ene o ne a na le bone, a eme gone a ithuthafatsa.¹⁹Moperesite o mogolo jalo a botsa Jeso ka barutwana ba gagwe le di thuto tsa gagwe. ²⁰Jeso a mo araba, ''ke buile go sa fitlhega mo lefatsheng. Ke ne ke ruta nako tsotlhe mo disenagogeng le mo tempeleng fa Bajuta botlhe ba ne ba tla mmogo. Ga ke a buela sepe mo sephiring. ²¹Ke eng fa lo mpotsa? Botsang ba ba nkutlwileng ka se ke se buileng.Bona batho ba itse se ke se buileng.''²²Fa Jeso a sena go bua se,mongwe wa badiredi ba ba emeng foo a itaya Jeso a re, ''A ke ka fa o arabang moperesite yo mogolo ka teng?'' ²³Jeso a mo araba, ''Fa ke buile molato, supang ka molato o, mme fa ke buile sentle,o mpeletsa eng?'' ²⁴Jalo Anaise a mo romela a bofilwe kwa go Kaefase moperesite yo mogolo.²⁵Jaana Simone Petere a bo a eme a ithuthafatsa. Batho ba mo raya ba re,'' A ga o mongwe wa barutwa ba gagwe?''A itatola a re, ''Ga ke ene.'' ²⁶Mongwe wa batlhanka ba moperesite mogolo, yo e neng e le losika la monna yo Petere a neng mo kgaotse tsebe. a re,'' A ga ke a go bona o na le ene mo tshingwaneng.'' ²⁷Petere a itatola gape, ka bofefo mokoko wa lela.²⁸Ka jalo ba etelela Jeso pele go tsweng kwa go Kaefase go yeng kwa diofising kgolo tsa puso. Go ne go le phakela thata, ga ba aka ba tsena mo matlong a bogosi a mmusi gore ba seka ba leswafadiwa, gore ba tle ba je moleto wa tlolaganyo. ²⁹Jalo Pilato a ya kwa go bone a ba raya a re,' ''Ke ofe molato o le tlisang kgatlhonong le monna yo?'' ³⁰Ba araba ba mo raya ba re, '' Fa monna yo ene e se modira bosula, re ka bo re sa mo tlisa kwa go wena.''³¹Ka jalo Pilato a ba raya a re, ''mo tseeng lona, le mo atlholeng go yeng ka fa molaong wa lona,'' Foo Bajuta ba mo raya ba re,'' Fa go ka fa molaong mo go rona gore re atlholele motho ope loso.'' ³²Ba buile se gore lefoko la ga Jeso le rurufadiwe le a le buileng go supa gore o tla swa loso la mofuta ofe.³³Jalo Pilato a tsena mo diofising kgolo tsa puso gape a bo a bitsa Jeso a mo raya a re,''Ao o kgosi ya Bajuta?'' ³⁴Jeso a araba, '' A o bua go tswa mo go wena, kgotsa a ba bangwe ba buile le wena ka nna?'' ³⁵Pilato a araba,''Ga ke mojuta, a ke ene? Batho ba ga lona le moperesite mogolo ba go tsisitse kwa go nna. O dirileng?''³⁶Jeso a araba,'' bogosi ja me ga se ba lefatshe le.Fa nne bogosi ba me e le karolo ya lefatshe le,jalo batlhanka ba me ba ka bo ba lwa gore ke seka ka neelwa mo Bajuteng.Mme jaana bogosi ba me ga se jwa kwano.'' ³⁷Pilato jalo a mo raya a re,'' A gone mme o kgosi? Jeso a araba,' ''O buile gore ke kgosi.Ke lone lobaka le ke tshotsweng ka lone, ka jalo ke tsile mo lefatsheng gore ke tle ke nne mopaki mo boammaruring. Mongwe le mongwe yo e leng wa boammaruri o reetsa lentswe lame.''³⁸Pilato a mo raya a re, ''Boammaruri ke eng?''E rile a sena go bua se, o ne a tsamaya gape kwa Bajuteng a ba raya a re, Ga ke bone molato ope mo monneng yo. ³⁹Mme lona le nale ngwao ya gore ke golole motho a le mongwe ka moletlo wa tlolagano. Ka jalo a lo batla ke lo gololela Kgosi ya Bajuta?'' ⁴⁰Foo ba goa gape ba re, ''E seng monna yo, golola Barenabase. Barenabase e ne e le legodu.

19¹Jalo Pilato a tsaya Jeso a bo a mo kgwathisa. ²Masole ba ne ba loga korone ya mitlwa. Ba e baya mo tlhogong ya ga Jeso a bo ba mo apesa letsela la mmala wa segosi. ³Ba tla kwa go ene ba re, "Dumela, Kgosi ya Bajuta!" abo ba mo tlhokofatsa.⁴Foo Pilato a tswela kwa ntle gape a ba raya a re, "Bonang, ke mo ntshetsa kwa ntle kwa go lona gore le tle le itse gore nna ga ke mmone molato". ⁵Jalo Jeso a tswela kwa ntle, a rwele korone ya mitlwa le letsela la mmala wa segosi. Pilato a ba raya a re, "Bonang, monna yo ke yo!" ⁶Fa jaanong baperesita bagolo le badiri ba bona Jeso, ba goa ba re, "Mmapoleng, mmapoleng!" Pilato a ba raya a re, "Mo itseeleng le mmapole, ka gore nna ga ke mmone molato".⁷Bajuta ba mo araba, "Re na le molao, ebile go ya ka molao o tshwanetse a swa ka gore o ipitsa Morwa wa Modimo". ⁸Fa Pilato a utlwa se, o ne a tshoga le go gaisa, ⁹o ne a tsena mo diofising dikgolo tsa puso gape a raya Jeso a re, "O tswa kae?" Mme Jeso a seka a mo araba.¹⁰Foo Pilato a mo raya a re, "A ga o mpuise? A ga o itse gore ke na le maatla a go go golola le maatla a go go bapola?" ¹¹Jeso a mo araba, "Ga o na maatla ape mo go nna, fela fa e se se o se neetsweng go tswa kwa godimo. Ka jalo, yo o go nneetseng ke ene a nang le sebe se se golo".¹²Mo karabong e, Pilato a leka go mo golola, mme Bajuta ba goa ba re, "Fa o golola monna yo, ga o tsala ya ga Kaisara. Mongwe le mongwe yo o itirang kgosi o bua kgatlhanong le Kaisara." ¹³Fa Pilato a utlwa mafoko a, a ntshetsa Jeso kwa ntle abo a nna mo setilong sa katlholo mo lefelong le le bidiwang "Bodilo", mme ka Sehebera ke "Gabatha".¹⁴Jaanong e ne e le letsatsi la paakanyetso Tlolagano, mo tshokologong. Pilato a raya Bajuta a re, "Bonang, ke ye kgosi ya lona!" ¹⁵Ba goa ba re, "Aa tsamaye, aa tsamaye; mmapoleng!" Pilato a ba raya a re, "A ke bapole Kgosi ya lona?" Baperesita bagolo ba araba, "Ga re na kgosi epe fa ese Kaisara fela". ¹⁶Foo Pilato a ba neela Jeso gore a bapolwe.¹⁷Ba ne ba tsaya Jeso, abo a tswa, a itshikaretse sefapaano a ya lefelong le le bidiwang "Lefelo la Legata," le ka Sehebera le bidiwang "Gologota". ¹⁸Ba bapola Jeso teng, a na le banna ba bangwe ba babedi, a le mongwe mo letlhakoreng le lengwe yo mongwe mo go le lengwe, Jeso a le fa gare.¹⁹Pilato le ene a kwala letshwao a le baya mo mokgorong. Go ne go kwadilwe: JESO WA NASARETHA, KGOSI YA BAJUTA. ²⁰Bontsi jwa Bajuta ba ne ba bala letshwao le ka gore lefelo le Jeso a neng a bapotswe mo go lone le ne le le gaufi le toropo. Letshwao le ne le kwadilwe ka Sehebera, Selatini le Segerika.²¹Jalo baperesita bagolo ba Bajuta ba raya Pilato ba re, "O seka wa kwala, 'Kgosi ya Bajuta', mme o re, 'Yo o ne a re, "Ke Kgosi ya Bajuta."" ²²Pilato a araba, "Se ke se kwadileng ke se kwadile."²³Fa masole ba bapola Jeso, ba tsaya diaparo tsa gagwe, ba di kgaoganya ka dikarolo tse nne, mongwe le mongwe a tsaya e nngwe, abo ba tlogela paka ya gagwe. Jaanong paka e ne e sena diphatsa, e ne e na le moroko o le mongwe go tswa kwa godimo. ²⁴Ba ne ba buisana gore, "A re seka ra e kgagola, mme a re latlheng mataese gore re bone gore e tla nna ya ga mang." Se se ne se diragala gore temana e tle e rurifadiwe e e reng, "Ba ne ba kgaogana diaparo tsa me ka bo bone abo ba latlha mataese." Se ke se se neng sa dirwa ke masole.²⁵Jaanong ba ba neng ba eme fa thoko ga sefaapano sa ga Jeso e ne e le mmaagwe, monnawe mmaaagwe, Marea mosadi wa ga Tlopase le Marea Magatalena. ²⁶Fa Jeso a bona mmaagwe le morutwana yo a mo ratang ba eme gautshwane, a raya mmaagwe a re, "Mosadi, bona, morwa wa gago!" ²⁷A bo a raya morutwana a re, "Bona, mmago!" Go tswa mo nakong eo morutwana o ne a mo isa kwa ga gagwe.²⁸Morago ga se, a itse gore sengwe le sengwe jaanong se weditswe le gore Ditemana di tle di rurifadiwe, Jeso a re, "Ke nyorilwe." ²⁹Sekupu se tletse mofine yo botlhoko se ne se beilwe foo, ba ne ba baya lewisi le tletse mofine yo botlhoko mo thobaneng abo ba e tsholeletsa kwa molomong wa gagwe. ³⁰Fa Jeso a sena go nwa mofine yo botlhoko, a re, "Go feditswe." A inamisa tlhogo ya gagwe abo a neela moya wa gagwe.³¹Jalo Bajuta, ka gore e ne e le letsatsi la paakanyo, le gore mebele e seka ya sala mo sefapaanong ka Sabata (Sabata yoo o ne a le botlhokwa thata), ba kopa Pilato gore ba robe maoto a bone le go a ntsha. ³²Masole ba ne ba tla go roba maoto a monna wa ntlha le wa bobedi ba ba neng ba bapotswe le Jeso. ³³Fa ba tla kwa go Jeso, ba bona gore o setse a sule, jalo ba seka ba roba maoto a gagwe.³⁴Le fa go ntse jalo, mongwe wa masole o ne a tlhaba letlhakore la gagwe ka motsu, gone foo madi le metsi tsa tswa. ³⁵Yo o boneng se o pakile, le bopaki jwa gagwe bo boammaaruri. O itse gore se a se buileng se boammaaruri gore le lona le tle le dumele.³⁶Gonne dilo tse di diragetse gore temana e rurifadiwe, "Ga gona marapo ape a gagwe a a tla robegang." ³⁷Gape temana e nngwe ya re, "Ba tlaa lebelela ene yo ba mo tlhabileng."³⁸Morago ga dilo tse, Josefa wa Arimathia, ka gore e ne e le morutwana wa ga Jeso (mo sephiring ka poifo ya Bajuta), a botsa Pilato gore a a tseye mmele wa ga Jeso. Pilato a mo letlelela. Jalo Josefa a tla a tsaya mmele wa ga Jeso. ³⁹Nikotimase le ene a tla, yo o neng a tlile kwa go Jeso lantlha bosigo. O ne a tlisitse motswako wa dinkgisa monate tsa mere le aloe tsa bokete jwa dikilokereme tse 34.⁴⁰Ba ne ba tsaya mmele wa ga Jeso ba o phuthela ka matsela le dinkgisa monate, jaaka e ne e le ngwao ya Bajuta go fitlha mmele. ⁴¹Jaanong lefelo le a bapoletsweng teng le ne le na le tshingwana; mo tshingwaneng go ne go na le lebitla le lesha le go neng go ise go fitlhwe ope. ⁴²Ka gore e ne e le letsatsi la paakanyo la Bajuta, le gore lebitla le ne le le gaufi, ba baya Jeso mo go lone.

20¹Jaana ka maphakela a matona a letsatsi la ntlha la beke, go santse go le lefifi, Marea Magatalena a goroga ko lebitleng mme a bona lentswe le ntshitswe fa lebitleng. ²A taboga a ya ko go Simone Petere le morutwana mongwe a ne Jeso a mo rata, a ba raya a re, ''Ba tsere Morena ba mo ntshitse mo lebitleng,ga re itse gore ba mmeile kae.''³Jalo Petere le morutwana mongwe ba tswela ko ntle, ba ya ko lebitleng. ⁴Ba taboga botlhe, morutwana yo mongwe a taboga ka bonako ko pele ga ga Petere, a bo a goroga pele kwa lebitleng. ⁵Fa a inama a bona matsela a le foo, mme a seka a tsena mo teng.⁶Simone Petoro a goroga morago ga gagwe mme a tsena mo lebitleng. A bona matsela a ane a phuthilwe ka one a le teng foo ⁷le letsela le le neng le le mo tlhogong ya gagwe. Le ne le se golo go le gongwe fela le matsela a mangwe mme le ne le mennwe le le nosi ko thoko.⁸Jalo Morutwana yo mongwe, ene yo o gorogileng ko lebitleng pele, a tsena le ene, a bona abo a dumela. ⁹Ka go fitlha ka nako eo ba ne ba sa itse temana e e reng o tla tsoga mo baswing. ¹⁰Jalo barutwana ba boela ko lapeng gape.¹¹Mme Marea a bo a eme ka fa tlhoko ga lebitla a lela. Jaaka a lela, a okomela mo lebitleng. ¹²A bona baengele ba le babedi ba apere bosweu, yo mongwe mo tlhogong, yo mongwe ko maotong fa ne mmele wa ga Jeso o ne o le teng. ¹³Ba mo raya bare, ''Mosadi, o lelela eng?'' A ba raya a re, ''Gonne ba tsere Morena wame, mme ga ke itse gore ba mmeile kae.''¹⁴Fa a sena go bua jalo, a retologa a bona Jeso a eme foo, mme o ne a sa itse gore ke Jeso. ¹⁵Jeso a mo raya a re, ''Mosadi, o lelela eng? O batla mang?'' O ne a tsaya gore o ke motlhokomedi wa tshingwana, jalo a mo raya a re, ''Rra, fa e le gore le mo tsere, mpoleleleng gore le mmeile kae, ke tlaya go mo tsaya ke mo ise go sele.''¹⁶Jeso a mo raya a re, ''Marea.'' A retologa, a mo fetola ka se Hebere a re ''Raboni'' (se se rayang ''Moruti''). ¹⁷Jeso a mo raya a re, ''o seka wa nkgoma, ka gore ga ke ise ke thatogele ko go Rara, ya ko go bo morwarre o ba bolelele gore ke ya thatogela ko go Rara yo eleng Rrago, eleng Modimo wame le wa gago.'' ¹⁸Marea Magatalena ya kwa barutwaneng abo a baraya are, ''ke bone Morena'' le gore o mmoleletse dilo tse.¹⁹Fa go le maitseboa, ka letsatsi leo, la ntlha la beke, dipati tsa ko barutwana ba neng ba le teng, a ne a tswetswe ba tshaba bajuta, Jeso atla a ema fa gare ga bone a ba raya a re, ''a kagiso e nne le lona,'' ²⁰Morago ga go bua jalo, a ba bontsha diatla tsa gagwe le letlhakore la gagwe. Barutwana ba itumela fa ba bona Morena.²¹Jeso a ba raya gape a re, ''kagiso e nne le lona, jaaka Rara a nthumile, jalo ke a le roma.'' ²²Fa Jeso a fetsa go bua se, a bodulela mo go bone a ba raya a re, ''Amogelang moya o o boitshepo. ²³Ope yo le moitshwarelang dibe, o tla itshwarelwa; ope yo le sa mo itshwarelang dibe, ga kake a itshwarelwa.''²⁴Tomase, mongwe wa ba ba 12, yo o bidiwang Didamase, o ne a sena le bone fa Jeso a tla. ²⁵Moragonyana barutwana ba bangwe ba mo raya ba re, ''re bone Morena,'' a ba raya a re, ''go fitlhela ke bona letshwao la dipekere mo go ene, ke bo ke tsenya monwana wa me mo phatlheng ya dipekere, ke bo ke tsenya letsogo lame mo letlhakoreng la gagwe, ga nkake ka dumela.''²⁶Morago ga malatsi a le 8 barutwana ba gagwe ba bo ba le mo teng gape, Tomase o ne a na le bone, Jeso a tsena mabati antse a tswetswe, a ema magareng ga bone, a re, ''kagiso e nne le lona.'' ²⁷Jalo a raya Tomase a re, kgoma fa ka menwana ya gago o bone diatla tsa tsame. Thapolola letsogo la gago o kgome letlhakore la me Ose kawa sa tlhoka tumelo, mme o dumele fela.''²⁸Tomase a araba a mo reya a re, ''Morena le Modimo wame.'' ²⁹Jeso a mo raya a re, ''O dumetse ka gore o mpone. Go sego ba ba sa bonang, abo ba dumela.''³⁰Foo Jeso a dira ditshupo tse dingwe tse dintsi mo bolenteng ja barutwana, ditshupo tse di sa kwalwang mo bukeng e, ³¹mme tse di kwadilwe gore le dumele fa Jeso e le Keresete, Morwa Modimo, le gore mo go dumeleng le nne le botshelo mo leineng la gagwe.

21¹Morago ga dilo tse Jeso a itshupegetsa Barutwana ba gagwe gape kwa lewateng la Tiberia. O ne a itshupa jaana. ²Simone Petere o ne a na le Tomase e bong Dimase, Nathaneele wa ko Kana wa Galalea, barwa Sebetia le barutwana ba bangwe ba ga Jeso ba le babedi. ³Simone Petere a ba ra ya a re, "ke ya go tshwara ditlhapi." Ba mo ra ya ba re le rona re tsamaya le wena." Ba tsamaya ba tsena mo mokorong, mme ba seka ba tshwara sepe bosigo jotlhe.⁴Jaanong gabo go setse go le mo mosong, Jeso a ema fa thoko ga lewatle barutwana ne ba sa itse gore ke Jeso. ⁵Jalo Jeso a ba ra ya a re, "Makawana a le na le sengwe sa go ja?" Ba mo araba ba re, "nnyaa." ⁶O ne a ba raya a re latlhelang letlowa la lona ka fa mojeng wa mokoro, le tla bona sengwe."Jalo ba tikela letlowa la bone mme ba ne ba seka ba kgona go le goga ka lebaka la ditlhapi tse ditsi tse ditona.⁷Ke fa morutwana yo Jeso a mo ratang a ra ya Petere a re, "ke Morena." Fa Simone Petere a utlwa gore ke Morena, a apara(go nne o ne a sa apara) ,a itlathela mo lewateng. ⁸Barutwana ba bangwe ba ne ba tla mo mokorong ( ka gore ba ne ba se kgakala di metara di le 90) ba goga letlowa le tletse ka dithaphi. ⁹Fa ba goroga kwa ntle ga lewate ba fitlhela molelo wa magala o tuka go besitswe tlhapi, go na le borotho.¹⁰Jeso a ba ra ya a re tlisang bontlha bongwe ba ditlhapi tse le di tshwereng, ¹¹Simone Petere a ya go gogela letlowa mo lefatsheng le tletse ka ditlhapi tse 153. Di ne dile dintsi, mme letlowa le ne le sa kgagoge.¹²Jeso a ba ra ya a re, "tla le jeng dijo tsa maphakela, ga bo go sena ope wa bone yo a neng a mmotsa gore, "O mang?" ka gore bane ba itse fa e le Morena. ¹³Jeso a tla, a tsaya borotho le tlhapi a ba neela. ¹⁴E ne e le laboraro Jeso a iponagaletsa barutwana ba gagwe fa a sa le a tsoga mo baswing.¹⁵Morago ga go ja dijo tsa maphakela, Jeso a ra ya Simone Petere a re, "Simone morwa Johane a o a nthata go feta se?" Petere a mo ra ya a re, "Ee Morena o a itse gore ke a go rata." Jeso a re, "jesa dikonyana tsame." ¹⁶A mmotsa gape labobedi a re, "Simone morwa Johane a o a nthata?" Petere a re "Ee Morena, o a itse gore ke a go rata." Jeso a mo raya a re. "Tlhokomela dinku tsame."¹⁷O ne a mo raya laboraro a re "Simone morwa Johane a o a nthata?" Petere o ne a utlwa bothoko ka gore Jeso o ne a mo ra ya laboraro a re "A o a nthata?" O ne a mo ra ya a re Morena o itse dilo tsotlhe, o itse gore ke a go rata." Jeso a mo ra ya a re "Jesa dinku tsame." ¹⁸Ke le bolelela boamaruri fa o ne o le mmotlana o ne o ikapesa o ya le ko o batlang teng, mme fa o gola, o tla thapolola letsogo mongwe a bo a go apesa, a bo a go isa ko o sa batleng teng."¹⁹Jaanong Jeso o ne a bua se go supa mofuta wa leso le Petere a tla galaletsang Modimo ka lone. Fa a sena go bua dilo tse Jeso a raya Petere a re "Ntshela morago."²⁰Petere a retologa a bona morutwana yo Jeso a mo ratang a ba setse morago; ene yo a neng a robetse mo sefubeng sa ga Jeso ka nako ya dijo tsa maitseboa a bo a re," Morena ke mang yo a tla go rekisang?" ²¹Petere a mmona a raya Jeso a re, "Morena, monna yo o tla diragalelwa ke eng ene?"²²Jeso a mo raya a re," fa ke batla a nna gofitlhela ke tla, mong go raya eng mo go wena? ntshela morago." ²³Mafoko a ne a phatalala mo go bone botlhe, gore morutwana yo, ga a na go swa. Ntswa Jeso a ne a sa ra ya Petere a re morutwana yo ga a na go swa, mme, " fa ke ba tla a nna gofitlhela a swa, mong go raya eng mo go wena?"²⁴Yo ke ene morutwana yo a pakang ka dilo tse, yo a kwadileng dilo tse, re a itse fa bopaki jwa gagwe bo le nnete. ²⁵Gona le dilo dile dintse tse Jeso a di dirileng. Fa ne di kwadile tsotlhe, ke tsaya gore le lefatshe le ne le ka seke le tseye dibuka tse go kwadileng mo tleng.

Ditiro

1¹Mo Lokwalong lame le ke le kwadileng gole pele, Theofilo, kene ka rulaganya dilo tsotlhe tse Jeso ane simolotseng a di dira le go diruta, ²go fitlha letsatsi le a neng a tlhatlogela kwa godimo.Se se ne sa nna morago ga gore a fe barutwana ba gagwe ba a neng a ba itlhopetse taelo ka Mowa o Boitshepo. ³Ene ya re morago ga bogisiwa, a itshupa mo barutwane ba gagwe a tshela, ka ditsela tse di farologanyeng. O ne a ba itshuphegetsa ka malatsi a le masome a mane, a bua le bone ka puso ya Modimo.⁴Ya re a kopane le bone a ba fa taelo ya gore ba seka ba tswa mo Jerusalema go fitlhela ba bona tsholefetso e Rara a ba e solofeditseng, e ne ya re a bua ka ga yone aba raya are " Le utlwile kana gore ⁵Johane o ne a kolobetsa ka metsi hela, mme mo malatsing a makhutswane lona le tla kolobetswa ka Mowa o Boitshepho."⁶E ne ya re ba kopane ba le mmogo ba mmotsa ba re, " Morena, a e ke nako ya gore jaanong Rara a busitse puso mo Israele?" ⁷A ba raya are " Ga le a tshwanna go itse ka dinako le dipaka tse Rara a di beileng ka Taolo ya gagwe. ⁸Mme le tla amogela nonofo, fa Moya o Boitshepho o tla mo go lona, le tla nna basupi bame mo Jerusalema, Jutia, Samarea, le go ya kwa bokhutlong jwa lefatshe."⁹Morago ga gore Morena Jeso a bue dilo tse, fa ba santse ba lebile kwa godimo, a tsholelediwa ko godimo, leru la mofitlha gotswa mo matlhong a bone. ¹⁰Yare ba santse ba mo lebeletse ka kelotlhoko jaaka a tlhatlogela kwa legodimong, ka ponyo ya leitlho ga e ma fa go bone banna ba le babedi ba apere diaparo tse ditsweu. ¹¹Ba re, "Lona banna ba Galalea, le lelaletseng kwa legodimo? Jeso ene yo tlhatlogetseng kwa legodimong, o tla boa a tla ka tsela e e le moneng aya kwa le godimong ka yone."¹²Ba ne ba bowela Jerusalema go tswa ko thabeng ya Letlhware e neng e bapile le Jerusalema, mosepele fela wa letsatsi la sabata. ¹³ba gorogele kwa ntlong e e kwa godimo, kwa ba neng ba nna teng. E ne ele Petere, Johane, Jakobe, Anterio, Filipo,tomase Batelemeo, Mathaeo, Jakobe morwa Alefeose, Simone morwa Selote le Jutase morwa Jakobe. ¹⁴Ba ne ba tshwaragane ba le seopo sengwe ba rapela ka kelelelo ka nako tsotlhe. Bane ba nale le basadi, ebong Marea maagwe Jeso, le Bomorwaraagwe.¹⁵Mo malatsing ao Petere o ne a ema mo gare ga bakaulengwe, ba ba neng ka dipalo ba le lekgolo le masome a le mabedi, a bua jaana a re, ¹⁶"Bakaulengwe, gonne go tshwanela gore dikwalo di rurufadiwe, tse Mowa o Boitshepho a dibuileng ka molomo wa ga Tafita, ka ga Jutase yo o neng a kaela batho ba ba neng ba tshwara Jeso.¹⁷Gonne e ne ele mongwe wa rona, yo o neng a amogela seabe sa gagwe sa bodiredi jo." ¹⁸( Monna yo o ne a reka tshimo ka madi a boneng ka go dira bosula, o ne a wa ka sefatlhego pele, mmele wa gagwe wa phatloga, mala a gagwe otlhe a atsologela kwa ntle. ¹⁹Batho botlhe ba ba neng ba nna mo Jerusalema ba utlwa ka se, ba bitsa tshimo ka teme ya bone ba re "Akeladama" se se rayang "Tshimo ya madi".)²⁰Go nne go kwadilwe mo bukeng ya dipesalema gatwe "A tshimo ya gagwe etswe legola, a go senne motho ope yo a nnang teng; 'ebile maemo a gagwe a boeteledipele atsewe ke yo mongwe'.²¹Go a tlhokafala Jaanong gore mongwe wa banna ba ba tsamaileng le rona fa Morena a ne a santse a na le rona, ²²go simolola ka nako ya kolobetso ya ga Johane, go fitlha nako e a neng a tsewa mo go rona, o tswanetse go tswa mosupi le rona ka ga tsogo ya gagwe." ²³Ba ne ba ntsha banna ba le babedi, Josefa yo o neng a bidiwa gotwe Barabasa, yo a neng gape a bidiwa gotwe Jasetase, le Matease.²⁴Ba ne ba rapela ba re, "Wena, morena ke wena o itseng dipelo tsa batho botlhe, jaanong re supegetse gore mobobedi jo o tlhophile ²⁵mang tsaya bodiredi le boaposetola jo a botlogetseng go ya tatlhegong." ²⁶Ba dira khupelekhupele, ba tlhopha Matiase, yo a neng jaanong a tlatsa ba ba lesome le motso.

2¹Fa letsatsi la pentakosete le tla, ba ne ba le mmogo mo lefelong le le lengwe. ²Ka bonako ga tla mosumo o mogolo go tswa legodimong o utlwala jaaka phefo ee masetla, mme ya apesa ntlo yotlhe e ba neng ba ntse mo go yone. ³Ga tla mo go bone diteme tse di mo tshwanong ya molelo , tsa nna mo go mongwe le mongwe wa bone. ⁴Botlhe ba ne ba tladiwa ka Moya yo o Boitshepo mme ba bua ka diteme tse di farologanyeng, jaaka Moya o ba neetse go bua.⁵Mme ga bo go le Bajuta ba ba nneng ba nna mo Jerusalema, batho ba ba boifang Modimo, go tswa mo tshabeng nngwe le nngwe tlase ga legodimo. ⁶Fa mosumo o o utlwala, bontsintsi jwa batho jwa phuthega mme jwa tsietsega ka gore mongwe le mongwe o ne a utlwa ba bua ka teme ya gagwe. ⁷Ba ne ba hakgamala thata ba re,"Tota! a gase gore botlhe ba ba buang ba ke Bagalalea?⁸Ke ka goreng re ba utlwa, bangwe le bangwe ka puo ya rona e re tshotsweng ka yone? ⁹Bapharatha, Bamedia, le Baelame le ba ba nnang mo Mesopotamia, mo Jutia le Kapatokia, mo Ponto le mo Asia, ¹⁰Mo Feregia le Pamefilia, mo Egepeto le dikarolo tsa Lebia ka Kirene, le baeng go tswa ko Roma, ¹¹Bajuta le Baditshaba ba ba sokologetseng mo sejuteng, Bakereta le Baarabia, re ba utlwa ba bua ka diteme tsa rona ka ditiro tse dikgolo tsa Modimo''.¹²Ba sala ba hakgametse, mme ba raana bare, ''se se rayang eng?'' ¹³Bangwe ba ba sotla mme bare, ''ba tagilwe ke mofine o mosha.''¹⁴Mme Petere a ema le ba ba lesome le motso, a tsholetsa lentswe la gagwe, a ba raya are,'' banna ba Jutea le botlhe ba bannang mo Jerusalema , itseng se, sekegelang mafoko ame tsebe. ¹⁵Batho ba ga baa tagwa jaaka le akanya, ka gore e santse ele oura ya boraro ya letsatsi.¹⁶Mme se ke se se boletsweng ke moporofiti Joele , ¹⁷'Mo malatsing a bofelo,' Modimo are, 'ke tlaa tshela moya wame mo bathong botlhe. Barwa le barwadia lona ba tlaa porofeta, makawana ba tlaa bona diponatshegelo mme bannabagolo ba tlaa lora ditoro.¹⁸Gape mo malatsing ao ke tlaa tshela Moya wa me mo batlhankeng bame ba basimane le basetsana mme ba tla a porofita. ¹⁹Ke tlaa supa dikgakgamatso tsa madi, molelo, le mosi mo lewaping le mo lefatsheng ko tlase.²⁰Letsatsi le tlaa fifala, ngwedi o tlaa nna jaaka madi,pele ga letsatsi le legolo la Morena le tla. ²¹ Mme mongwe le mongwe yoo bitsang leina la Morena o tlaa bolokwa.²²Banna ba Israele utlwang mafoko a; Jeso wa Nnasaretha yo ditiro tsa gagwe tse dikgolo di supilweng ke Modimo mo gare ga lona jaaka lo itse, ²³Ka ntlha ya lenaneo la Modimo le kitso ya pele ya Modimo , o ne a neelwa mo diatleng tsa baba, mme lona, ba le senang molao, la mmapola la mmolaya. ²⁴Yo Modimo a mo tsositseng, a ntsha ditlhabi tsa loso mo go ene, ka gore go ne go sa kgonege gore loso le ka mo rua.²⁵Gonne Tafita o buile ka ga gagwe a re, 'ke bone Morena fa pele ga sefatlhego sa me ka nako tsotlhe, gonne o ka fa letsogong le legolo la me gore ke seka ka suta. ²⁶Ka jalo pelo yame ya itumela, loleme lame la ipela le mmele wame o tla nna ka boitekanelo.²⁷Mme gao kitla o tlogela moya wame go ya diheleng, le gone ga o kitla o letlelela Moitshepi wa gago go bola. ²⁸O ntshupegeditse ditsela tsa botshelo; sefatlhego sa gago se tla ntlatsa ka boitumelo.²⁹Bagaetsho, nka bua le lona ka bopelokgale ka rraetsho Tafita: yo o suleng mme a fitlhwa, le lebitla la gagwe le na le rona gompieno. ³⁰Jalo he, e ne ele moporofiti mme a itse gore Modimo o ikanne, gore o tlaa tlotlomatsa lengwe la leungo la mmele wa gagwe mo teroneng ya gagwe. ³¹O ile a bonelapele selo se, mme a bua ka tsogo ya ga Keresete, 'Ga a tlogelwa mo diheleng, le mmele wa gagwe ga wa bola'.³²Jeso yo- Modimo o mo tsositse, mme le rona re basupi. ³³Jaanong o tsholeleditswe kwa letsogong le legolo la Modimo o amogetse tsholofetso ya Moya yo o Boitshepo go tswa mo Modimong, o re ntsheditse se, se re se bonang re bo re se utlwa.³⁴Gonne Tafita gaa ise a tlhatlogele kwa legodimong, mme are, "Morena o ne a raya morena wame are,"Nna mo letsogong le legolo lame, ³⁵go fitlhela ke dira baba ba gago bobeo jwa dinao tsa gago." ³⁶Jalo he, a botlhe ba ntlo ya Iseraele ba itse gore Modimo o mo dirile Morena le Keresete, ene Jeso yo le mmapotseng.³⁷Fa ba utlwa se, ba tlala ka boikotlhao mo dipelong tsa bone, mme ba raya Petere le botlhe baaposetolo bare" Bagaetsho, re dire eng? ³⁸Petere a ba raya are," A mongwe le mongwe wa lona a ikotlhae, a bo a kolobediwe mo leineng la ga Jeso Kereste gore le itshwarelwe dibe,mme le tla amogela neo ya Moya yo o Boitshepo. ³⁹Gonne tsholofetso ke ya lona, le bana ba lona, le ba ba kgakala, botlhe ba morena modimo wa rona o tla ba bitsang."⁴⁰A paka ka mafoko a le mantsi, a ba gwetlha a re, '' Ipolokeng mo kokomaneng e e bosula e''. ⁴¹Bane ba amogela lefoko la gagwe mme ba kolobediwa, mme ga tladiwa barutwa ka letsatsi leo ka mewa ele dikete tse tharo. ⁴²Ba ne ba tswelela mo thutong ya baaposetolo le botsalano, mo go robaganyeng borotho, le mo thapelong.⁴³Poifo ya tla mo go botlhe, dikgakgamatso le ditshupetso di ne tsa dirwa ka baaposetoli. ⁴⁴Ba ba neng ba dumela ba ne bale mmogo mme ba na le dilo tse di tshwanang. ⁴⁵Ba ne ba rekisa dithoto le tsotlhe tse ba nang natso mme ba abela batho botlhe, mongwe le mongwe go ya ka fa a tlhokang ka teng.⁴⁶Letatsi le letsatsi bane ba tswelela ka tumalano ele nngwe mo tempeleng , mme ba ngathogana borotho mo malwapeng a bone, ba kgaogana dijo ka boitumelo le pelo ee ikokobeditseng; ⁴⁷Ba galaletsa Modimo mme ba bona botsalano mo bathong botlhe. Morena a ba oketsa tsatsi le letsatsi ka bao ba ba neng ba bolokwa.

3¹Jalo Petere le Johane ba ne ba ya tempeleng ka nako ya thapelo ka oura ya boferabongwe. ²Monna mongwe, yoo tsetsweng ka bogole one a isiwa tsatsi le letsatsi fa kgorong ya tempele ee bidiwang Bontle ,go ikopela dimpho mo bathong ba ba tsenang mo tempeleng. ³Ya re a bona Petere le Johane ba tloga ba tsena mo tempeleng, a ba kopa dimpho.⁴Petere a tsepamisa matlho a gagwe mo go ene, ene le Johane ba mo raya ba re, ''re lebe". ⁵Monna wa segole a ba leba, ka tsholofelo ya gore ba tla mofa sengwe. ⁶Mme Petere a mo raya a re, '' selefera le gauta ga ke na natso, se ke nang le sone ke tla a se go neela.Ka leina la Morena Jeso Keresete wa Nnasaretha, tsamaya''.⁷Petere a mo tsaya ka letsogo la moja go mo emisa; mme ka ponyo ya leitlho dinao tsa gagwe le marapo a manyenyana a gagwe a nonofa. ⁸Monna wa segole a tlola, a ema a tsamaya; mme a tsena le Petere le Johane mo tempeleng, a tsamaya, a tlolatlola, ebile a galaletsa Modimo.⁹Batho botlhe ba mmona a tsamaya ebile a galaletsa Modimo. ¹⁰Ba lemoga gore ke monna yo o ntseng a amogela dimpho fa kgorong ya tempele ya Bontle,mme ba ne ba tletse ka kakabalo le kgakgamalo ka se se mo diragaletseng.¹¹Fa a ntse a na le Petere le Johane ,batho botlhe ba ya ko go bone mo motlaaganeng o o bidiwang wa ga Solomone, ba hakgametse thata. ¹²Fa Petere a bona se, a araba a re, ''Lona banna ba Iseraele ke eng le hakgametse? Ke eng le re lebile jaaka ekete ke rona re dirileng gore a eme ka maatla kgotsa bomodimo jwa rona?¹³Modimo wa ga Aborehame,Isake le Jakoba, Modimo wa bo rraetsho ,o galaleditse motlhanka wa gagwe Jeso.Ke ene yo le mo isitseng la bo la mo itatola fa pele ga matlho a ga Pilato,fa ene a ne a re o a mo golola. ¹⁴Le ganne yo o Boitshepo le Tshiamo, mme la kopa go gololelwa mmolai mo boemong jwa gagwe.¹⁵Le bolaile kgosana ya botshelo, yo Modimo a mo tsositseng mo baswing-mme re basupi ba se. ¹⁶Jaanong, ka tumelo e e mo leineng la gagwe-monna yo le mmonang yo ebile le mo itse-leina le ke lone le mo neileng nonofo.Tumelo mo go Jeso ke yone e mo fileng botsogo jo bo feletseng mo matlhong a lona lotlhe.¹⁷Jaanong, bagaetsho, itse gore lona le babusi ba lona le dirile se ka botlhoka kitso. ¹⁸Mme dilo tse Modimo a sa leng a di boletse ka melomo ya baporofiti botlhe,gore Keresete o tla boga,o setse a di diragaditse.¹⁹Jalo hee, ikotlhaeng le bo le sokologe,gore dibe tsa lona di itshwarelwe, gore go tle go tle nako ya go nonotshwa go tswa mo Moreneng. ²⁰Gore a tle a tlise Keresete yo le mo neilweng ebong Jeso.²¹Ke ene yo legodimo le tshwanetseng go mo amogela go fitlhela puseletso ya dilo tsotlhe,ka se Modimo a se buileng bogologolo ka melomo ya baporofiti ba gagwe ba ba boitshepo. ²²Moshe ka nnete o rile, 'Morena o tla ntsha moporofeti yo o tshwanang le nna go tswa mo go bagaeno. Le tla a reetsa sengwe le sengwe se a tla se buang le lona. ²³Go tlaa diragala gore ope fela yo o sa reetseng moporofiti yoo, o tla nyelediwa gotlhelele mo bathong.²⁴Ee, baporofite botlhe go tswa kwa go Samuele, le ba ba tlang fa morago ga gagwe, ba buile ebile ba le itsisitse ka malatsi a. ²⁵Le barwa baporofiti, le ba kgolagano e Modimo a e dirileng leborraeno, jaaka a buile le Aborehama, 'Mo peong ya gago malwapa otlhe a lefatshe a tla segofadiwa.' ²⁶Fa Modimo a sena go tsisa motlhanka wa gagwe, o mo rometse kwa go lona pele, gore a tle a le segofatse ka go le ntsha mo ditseleng tsa lona tsa boikepo.''

4¹Fa Petere le Johane ba bua le batho, baperesiti le balaodi ba tempele le Basadukae ba tla ko go bone. ²Ba ne ba tshwenyegile thata ka gore Petere le Johane bane ba ruta batho ka tsogo ya baswi jaaka Jeso a tsogileng mo baswing. ³Ba ne ba ba tshwara ba ba tsenya mo kgolegelong go fitlhelela mo mosong, ka letsatsi lenele setse le phirima. ⁴Mme banna ba le bantsi baba neng ba utlwile molaetsa ba dumela, mme palo ya ba ba dumetseng ya nna dikete tse tlhano.⁵Ga diragala gore letsatsi le le latelang, babusi ba bone, bagolwane le bakwadi ba kopana ga mmogo mo Jerusalema. ⁶Annase, moperesita o mogolo abo ale teng, Kaifase, Johane,Alekesentera le botlhe ba ba sikanang le moperesita o mogolo. ⁷Fa ba sena go baya Petere le Johane magareng ga bone, ba ba botsa ba re, ''le dirile dilo tse ka nonofo le leina la ga mang ?''⁸Petere a tletse ka Moya oo Botshepo aba raya are, ''lona babusi ba batho, le bagolwane, ⁹fa gompieno re botswa ka tiro e ntle, e e diretsweng monna wa molwetsi - re kare monna yoo o fodisitswe ka tsela efe? ¹⁰A se se itsege mogo lona lotlhe le batho botlhe ba Iseraele gore ka leina la ga Jeso Keresete wa Nasaretha, yo le mmapotseng, yo Modimo a mo tsositseng mo baswing -ke ka ga gagwe gore monna yo a bo a eme fa pele ga lona a itekanetse .¹¹Jeso Keresete ke lentswe le lona jaaka baagi le le nyaditseng, mme lele dirilweng lentswe legolo la motheo. ¹²Ga gona poloko mo mothong ope gape: Ga gona leina lepe ka fa tlase ga legodimo, le le neetsweng batho gore re bolokwe ka lone''.¹³Fa ba bona bopelokgale jwa ga Petere le Johane, ba bona gore ke batho fela, ba ba sa rutegang, ba ne ba gakgamala , ba lemoga gore Petere le Johane ba ne ba na le Jeso. ¹⁴Ba ne ba tlhoka se ba ka se buang kgatlhanong le se, ka ba ne ba bona monna yo o fodisitsweng a eme le bone.¹⁵Fa ba sena go koba baaposetolo go tswa mo bokopanong ba lekgotla, ba buisanya magareng ga bone. ¹⁶Ba re,'' re ka reng banna ba? Ka gore motlholo o ba o dirileng, o itsewe ke mongwe le mongwe yoo nnang mo Jerusalema; ga re kake ra latofatsa seo. ¹⁷Mme go itsa gore e seka ya jwelelela mo bathong, a re ba kgalemele gore ba seka ba tlhola ba bua le ope ka leina le. ¹⁸Ba bitsa Petere le Johane ba ba laela gore ba seka ba tlhola ba bua ka leina le, le eseng go ruta ka leina la Jeso.¹⁹Mme Petere le Johane ba ba araba ba re, '' kanokang gore a go siame go utlwa Modimo kana go utlwa lona . ²⁰Gonne ga re kake ra kgona go emisa go bua ka dilo tse re di boneng le tse re di utlwileng.''²¹Fa ba sena go kgalemela Petere le Johane gape, ba ba golola. Ba ba tlhokela molato wa go ba otlhaya, ka gore batho botlhe bane ba galaletsa Modimo, mogo se se dirilweng. ²²Monna yo o neng a amogetse motlholo o wa pholo one ana le dingwaga di feta masome a mane.²³Morago ga ba sena go gololwa, Petere le Johane ba ya kwa go ba ga bone baba bolelela se baperesiti ba bagolo le bagolwane ba se ba reileng. ²⁴Fa ba utlwa se, ba goeletsa botlhe kwa Modimong, bare ''Morena wena yo o tlhodileng legodimo le lefatshe le lewatle, le tsotlhe tse di mo go tsone, ²⁵wena yo ka Moya oo Boitshepo, ka molomo wa rraarona Tafita, motlhanka wa gago, wa re, 'ke eng baditshaba ba tenega, le batho ba gopola dilo di sele fela?²⁶Dikgosi tsa lefatshe tsa kopana, babusi ba nna ga kopana kgatlhanong le Morena, le Keresete.'²⁷Ammaaruri, Herote le Ponte Pilato, ga mmogo le baditshaba le batho ba Iseraele, ba phuthaganela mo toropong e, kgatlhanong le motlhanka wa gago yo o boitshepo Jeso, yo o mo tloditseng. ²⁸Ba phuthagane ga mmogo go dira se letsogo la gago le keletso ya gago e rulagantseng go le pele gore se tlaa diragala.²⁹Jaanong Morena, lebelela matshosetsi a bone, o bo o neela batlhanka ba gago go bua lefoko la gago ka bopelokgale. ³⁰Gore fa o phutholola letsogo la gago o fodisa , metlholo le dikgakgamatso di tle di diragale ka leina la motlhanka wa gago yo o boitshepo Jeso.'' ³¹Fa ba fetsa go rapela, lefelo le ba neng ba phuthaganetse mo go lone la roroma, botlhe ba tladiwa ka Moya o o Boitshepo, mme ba bua lefoko la Modimo ka bopelokgale.³²Bontsi jwa badumedi, ba bo ba le pelo nngwe le moya o le mongwe: go sena ope yo a reng sepe se a nang le sone ke sa gagwe; mme ba ne ba tlhakanetse dilo tsotlhe. ³³Ka nonofo e kgolo, baaposetolo bane paka ka tsogo ya Morena Jeso, tshegofatso ya Modimo e ne e le mo go bone botlhe.³⁴Go ne go sena motho ope mo go bone yoo tlhokang sepe, ka gore botlhe ba ba neng bana le lefatshe le matlo bane ba a rekisa ba tlisa madi a dilo tse ba neng ba di rekisa, ³⁵ ba a baya fa dinaong tsa baaposetolo.Madi a kgaoganngwa modumedi mongwe le mongwe goya ka fa a tlhokang ka teng.³⁶Josefe, wa Molefi, monna wa Seporase, a neelwa leina la Barenabase ke baaposetolo ( fa go ranolwa ke gore, morwa wa kgothatso). ³⁷Ka a ne a na le tshimo, o ne a e rekisa a tsisa madi fa dinaong tsa baaposetolo .

5¹Jaanong go ne go na le monna mongwe a bidiwa Ananiase , ene le mosadi wa gagwe Safira , ba rekisa lefatshe ²mme a fitlha bontlha bongwe jwa madi a thekiso e ( mosadi wa gagwe o ne a itse ) mme a tsisa bontlha bongwe jwa madi a thekiso e a a baya fa dinaong tsa moaposetolo .³Mme Petere a mo raya a re , '' Ananiase , ke eng Satane a tsene mo pelong ya gago mo ebileng a go dira gore o aketse Moya o o Boitshepo le go fitlha bontlha bongwe jwa tlhwatlhwa ya lefatshe le o le rekisitseng ? ⁴Fa lefatshe le le santse le ise le rekwe a le ne le se la gago? Le fa le sena go rekisiwa , a le ne le se mo taolong ya gago ? Go tsile jang gore o tlelwe ke mogopolo o o ntseng jaana mo pelong ya gago ? Ga o a aketsa motho , o akeditse Modimo '' . ⁵E rile a utlwa se , Ananiase a wela fa fatshe a swa . Mme poifo e kgolo ya wela botlhe ba ba neng ba utlwa mafoko a . ⁶Makawana ba tla kwa pele ba mo tsaya ba mo phutha , ba mo rwala ba tsamaya ba ya go mo fitlha .⁷Morago ga dioura di ka nna tharo , mosadi wa gagwe a goroga , a sa itse gore go diragetseng . ⁸Petere a mo raya a re '' mpolelele gore a le rekisitse lefatshe ka bokana '' . A araba a re '' ee , re le rekisitse bokalo '' .⁹ Petere a mo raya a re , '' Go tsile jang go bo le dumalane mmogo go leka Moya wa Morena ? Bona , dinao tsa ba ba tswang go fitlha monna wa gago di fa kgorong , mme ba tsile go go rwala ba tswa ka wena '' . ¹⁰Ka ponyo ya leitlho a wela fa fatshe fa dinaong tsa gagwe , a swa , makawana ba tsena mme ba fitlhela a sule ; ba mo tsaya ba ya go mo fitlha go bapa le monna wa gagwe . ¹¹Poifo e kgolo ya wela kereke yotlhe , le botlhe ba ba utlwileng mafoko a .¹²Ditshupo le dikgakgamatso tse dintsi di ne tsa diragala mo gare ga batho ka diatla tsa baaposetolo . Ba ne ba ntse mmogo mo motlaaganeng wa ga Solomone ¹³.Mme ga bo go sena yo o pelokgale go nna mongwe wa bone; le fa go ntse jalo ba ne ba tlotlwa ke botlhe.¹⁴Batho ba le bantsi ba ne ba tla mo Moreneng , matshwititshwiti a banna le basadi , ¹⁵mo ba ileng ba rwala balwetse ba bone ba ba baya mo tseleng ka malao le ditilo , gore ere Petere a feta , moriti wa gagwe o wele mo bangweng ba bone . ¹⁶Gone ga ba ga kgobokana palo e kgolo ya batho go tswa ditoropong tse di gaufi le Jerusalema , ba tsisa balwetse le bao ba neng ba bogisiwa ke mewa e e bosula , mme ba fodisiwa botlhe .¹⁷Mme moperesiti mogolo a ema , ga mmogo le ba ba neng ba na le ene , ( ba e leng lekoko la Basadukai ) ; ba tletse ka lefufa ¹⁸mme ba tshwara baaposetolo ba ba tsenya mo kgolegelong ya sechaba.¹⁹Mo bosigong moengele wa Morena a bula mabati a kgolegelo a ba ntshetsa kwa ntle , a ba raya a re ,'' ²⁰tsamayang le eme mo tempeleng le bue le batho mafoko otlhe a botshelo jo '' . ²¹E rile ba utlwa se , ba tsena mo tempeleng ka nako ya fa letsatsi le tswa ba ruta . Mme moperesiti mogolo a tla , mmogo le ba a neng a na le bone , a bitsa lekgotla go kopana , bagolo botlhe ba Iseraele , a roma bangwe go ya go tla le baaposetolo kwa kgolegelong.²²Mme badisa magolegwa ba ba neng ba rongwa kwa kgolegelong ba seka ba ba fitlhela , ba bowa ba tla go bega , ²³'' Re fitlhetse kgolegelo e tswetswe sentle le badisa ba disitse dipati , mme fa re bula kgolegelo ra fitlhela go sena ope '' .²⁴Jaanong e rile molaodi wa tempele le baperesiti bagolo ba utlwa mafoko a , ba gakgamala thata ba ipotsa gore tota go tsile go felela jang . ²⁵Mme mongwe a tla a ba bolelela gore , '' Banna ba le neng le ba tsentse mo kgolegelong ba eme mo tempeleng ba ruta batho '' .²⁶Molaodi wa tempele a tsamaya le badisa magolegwa, ba ba tsaya kwa tempeleng , ba tla le bone kwa ntle ga ntwa , gonne ba ne ba boifa gore batho ba ka ba kgobotletsa ka matlapa . ²⁷Fa ba sena go tla le bone ba ba baya fa pele ga lekgotla . Moperesiti mogolo a ba botsolosa , ²⁸a re , '' Re le laetse thata gore le seka la ruta ka leina le , mme , le tladitse Jerusalema ka dithuto tsa lona , ebile le batla go re kaya molato ka polao ya monna yo '' .²⁹Mme Petere le baaposetolo ba araba ba re , '' Re tshwanetse go nna kutlo mo Modimong go na le go nna kutlo mo mothong . ³⁰Modimo wa borraetsho o tsositse Jesu , yo le mmolaileng ka go mo kaletsa mo setlhareng . ³¹Modimo o mo tsholeleditse kwa godimo a mmaya ka kwa letsogong la moja gore a nne kgosana le mmoloki , go gogela Israele ko boikotlhaong , le boitshwarelo ja dibe . ³²Re basupi ba dilo tse , le Moya o o Boitshepo Yo Modimo a Mo neileng botlhe ba ba mo utlwang '' .³³Fa maloko a lekgotla ba utlwa se , ba tenega mo go golo mo ba neng ba batla go bolaya baaposetolo . ³⁴Mme Mofarasai yo o bidiwang Gamaliele , morutintshi wa molao , yo o neng a tlotlwa ke batho botlhe , a ema ka dinao a laola gore baaposetolo ba ntshediwe kwa ntle ka nakwana .³⁵A ba raya a re , '' Banna ba Iseraele , elang tlhoko thata se le batlang go se dira ka batho ba . ³⁶Gonne nakong e e fetileng , Theudiase o kile a tsogologa a ipolela fa a le motho mongwe mo morafeng , a na le palo ya banna , ba ka nna makgolo mane . O ne a bolawa , botlhe ba ba neng ba mo sala morago ba phatlalala mme se a neng a se dira sa fetoga lefela . ³⁷Morago ga monna yo , Judase wa Galalea a tsogologa ka malatsi a palo ya batho e e fetileng , a gogela batho go mo sala morago . Le ene o ne a swa , botlhe ba ba neng ba mo sala morago ba phatlalala .³⁸Jaanong ke le raya ke re , tlogelang banna ba , fa ele gore lenaneo kgotsa tiro e ke ya batho , e tla fenngwa . ³⁹Fa e le ya Modimo ga le kake la kgona go ba fenya ; boemong jwa moo le tla iphitlhela le tlhabana le Modimo '' . Mme ba mo reetsa .⁴⁰Ke gone ba biletsa baaposetolo kwa go bone , ba ba kgwathisa ba ba kgalemela gore ba se ka ba tlhola ba bua sepe mo leineng la ga Jeso, ba ba lesa ba tsamaya . ⁴¹Ba tswa fa pele ga lekgotla ba ipela ka go bo ba bonwe ba tshwanetse go boga le go tlontlololwa ka ntlha ya leina la Morena . ⁴²Go tloga hoo letsatsi le letsatsi , mo tempeleng le go tswa ntlong go ya kwa go e nngwe , ba ne ba tswelela go ruta le go rera gore Jeso ke Keresete .

6¹Ka malatsi one a, fa palo ya barutwana e ntse e oketsega, go ne ga tlhagoga ngongorego magareng ga batlholagadi ba Bajuta ba Segerika kgatlhanong le Bahebera gonne batlholagadi ba bone ba ne ba ikgatholosiwa mo kabong ya dijo ya letsatsi le letsatsi.²Barutwana ba ba lesome le bobedi ba bo ba bitsa barutwana botlhe mme ba ba raya ba re, "ga go a tshwanela gore re ka emisa go rera lefoko la Modimo mme re ye go laola kgaoganyo ya dijo. ³Jalo he, batlang magareng ga lona banna ba le supa ba ba itsegeng ka ditiro tse di molemo , ba tletse ka Moya le botlhale, ba le ka ba tlhomang go dira tiro e. ⁴Rona re tle re tswelele ka thapelo le bodiredi ja lefoko"⁵Kgang ya bone ya itumedisa botlhe. Ba tlhopha Setefane, monna yo o neng a tletse ka tumelo le Moya yo o Boitshepo, le Felipo, Perokoro, Nikanore, Timone, Paremenase le Nikolao wa moditshaba yo o sokologetseng mo Sejuteng a tlholega ko Antioke. ⁶Badumedi ba tlisa banna ba fa pele ga Ba-apostolo ba ba neng ba rapelela le go ba baya diatla.⁷Lefoko la Modimo le ne la anama le go feta, palo ya barutwana mo Jerusalema le yone ya oketsega go menagane ebile bontsi ja baperesite ba ne ba ineela mo tumelong.⁸Setefane yo o neng a tletse ka tshegofatso le maatla, o ne a dira dikgakgamatso tse dikgolo le ditshupo mo bathong. ⁹Mme le fa go ntse jalo go ne ga nna le bangwe ba ba neng ba nganyisana le Setefane tebang le mafoko a gagwe, bone ya bo ele ba ba tswang ko sinagogeng e e bediwang gotwe Bagololwa, le Bakurunia, le Baalekesanteria, le Bakilikia, le Baasia.¹⁰Mme ba ne ba retelelwa ke go emelana kgatlhanong le botlhale le Moya o Setefane a neng a bua ka one. ¹¹Morago ga seo ba ne ba dira lemena le banna bangwe ka sephiri gore ba tle ba re, "Re utlwile Setefane a bua mafoko a tlhapatsang kgatlhanong le Moshe le Modimo."¹²Morago ga seo ba rotloetsa morafe, le bogolwane, le bakwadi, Ba ne ba latela Setefane, ba mo tshwara mme ba mo isa fa pele ga khuduthamaga. ¹³Ba tlisa basupi ba maaka, mme bone ba feta ba re, "Monna yo ga a emise go bua kgatlhanong le lefelo le le boitshepo lena le molao. ¹⁴Gonne re mo utlwile a re Jeso wa Nasaretha o tla senya lefelo le a be a fetola molao o Moshe a re o fileng." ¹⁵Mongwe le mongwe yo o neng a le mo khuduthamageng, o ne a mo tlhomile matlho mme a bona sefatlhego sa gagwe se ntse jaaka sa moengele.

7¹Moperesite mogolo a mmotsa a re, "A dilo tse di boammaruri?" ²Setefane a re, "Bakaulengwe le bontate, ntheetsang: Modimo wa kgalalelo o ne a iponagaletsa rraarona Aberahame fa a le ko Mesopotamia, pele ga a nna ko Harane; ³o ne a mo raya a re, "Tswaa mo lefatsheng la ga lona o kgaogane le masika a gago, mme o e ko lefatsheng le ke tla le go supegetsang."⁴A tswa mo lefatsheng la Saletea a ya go nna ko Harane; morago ga rraagwe a sena go tlhokafala, Modimo a mo tsisa mo lefatsheng le o nnang mo go lone gompieno. ⁵Ga a ka a le mo neela ele boswa le fa ele fa a ka bayang lenao teng. Mme a mo solofetsa, le fa Aberahame a ne a sena ngwana, o ne a mo solofetsa gore o tla mo fa lefatshe leo ga mmogo le kokomanae ya gagwe.⁶Modimo o ne a mmolelela gore dikokomane tsa gagwe di tla nna mo lefatsheng la seyeng, le gore batho ba lefatshe leo ba tla ba dira makgoba ebile ba sa ba tshware sentle dingwaga di le makgolo a le mane. ⁷Modimo a mo raya a re, "Ke tla a atlhola lefatshe le ba tla bong ba le makgoba mo go lone, mme morago ga seo ba tla tswa mo lefatsheng leo go tla go nkobamela mo lefelong le". ⁸A neela Aberahame kgolagano ya thupiso. Aberahame a tsala Isake, a mo rupisa ka letsatsi la beferabobedi, Isake a tsala Jakoba mme Jakoba ene a tsala borraetsho ba le lesome le bobedi.⁹Borraetsho ba ne ba tlhotlheletswa ke lefufa ba rekisa Josefa kwa Egepeto, mme Modimo a bo a na le ene, ¹⁰a mo golola mo dipogisegong tsotlhe a bo a mo neela lesego le botlhale mo matlhong a ga Faro, Kgosi ya Egepeto. Faro a mo tlhoma mmusi mo Egepeto le mo lwapeng la gagwe.¹¹Borraarona ba ne ba tlhoka dijo gonne go ne ga nna leuba le legolo mo Kanana le Egepeto, mme ba boga mo go golo. ¹²Fa Jakoba a utlwa gore go na le mabele ko Egepeto, a roma bo rraarona la ntlha. ¹³Lekgetho la bobedi, Josefa a ikitsisi bo morwarraagwe, mme Faro le ene a ba itsisiwe.¹⁴Josefa a romela bo morwarraagwe ko Kanana go ya go bolelela Jakoba rragwe le lesika la gagwe lotlhe, le le neng le le masome a supa le botlhano gore ba tle ko Egepeto. ¹⁵Jakoba a ya ko Egepeto, a swela koo ga mmogo le bo rraetsho. ¹⁶Ba ya go ba fitlha ko Shekeme mo phuphung e Aberahame a e rekileng ka selefera mo baneng ba ga Hamore ko Shekeme.¹⁷Fa nako ya tsholofetso e Modimo a e neetseng Aberahame e atamela, kokomane ya gagawe ya gola ya ntsifala mo Egepeto, ¹⁸go fitlhela go busa Kgosi e e neng e sa itse ka ga Josefa. ¹⁹Kgosi e, e ne ya tsietsa ya bo ya bogisa borraetsho, ba tseenya masea a bone mo kotsing, ka tsholofelo ya gore ba tla sireletsega.²⁰ka nako eo, Moshe o ne a tsalwa; o ne a le montle ka sebopego fa pele ga Modimo mme a amusiwa mo ntlong ya ga Rraagwe dikgwedi tse tharo. ²¹Ya re a sena go ntshiwa mo ntlong, morwadie Faro a mo tsaa, a mo ikgodisetsa jaaka ngwana wa gagwe.²²Moshe o ne a rutegile mo dithutegong tsotlhe tsa Egepeto gape o ne a nonofile mo lefokong le ditiro. ²³E ne ya re a le dingwaga di le masome a mane, ga mo tlela mo pelong ya gagwe gore a etele bomorwarragwe e bong bana ba Iseraele. ²⁴Moshe a lwela Moiseraele mongwe morago ga go bona Moegepeto mongwe a mo kgokgontsha; ²⁵o ne a solofetse gore bomorwarraagwe ba tla tlhaloganya gore Modimo o mo dirisa go ba golola mme ba seka ba tlhaloganya.²⁶Letsatsi le le latelang a tla kwa Baiseraeleng bangwe ba neng ba omana; a leka go ba agisanya, a ba raya a re, "Borra, le bana ba motho; le lwela eng?" ²⁷Mme yo o neng a foseditse morwarragwe a mo fetola ka go re, 'Ke mang yo o go dirileng molaodi le moatlhodi wa rona? ²⁸Aa o batla go mpolaya jaaka o bolaile Moegepeto maabane?'²⁹Ya re a sena go utlwa mafoko a, Moshe o ne a siela kwa lefatsheng la Mediane kwa a fetileng a tsala bana ba basimane ba le babedi. ³⁰Morago ga dingwaga di le masome a le mane, moengele o ne a tla kwa go Moshe mo sekakeng mo thabeng ya Senai, a le mo tshwanong ya setlhatshana se se shang.³¹Ya re Moshe a bona molelo, a gakgamalela pono e, fa a atumela, lentswe la Morena la bua nae la re, ³²'Ke Modimo wa bo rraeno, Modimo wa ga Aberahame, le Isake, le Jakoba.' Moshe o ne a boifa mme a tshaba go leba.³³Morena a mo raya a re, ''Rola ditlhako tsa gago, gonne lefelo le o emeng mo go lone le boitshepo. ³⁴Ke bone tshotlego ya batho bame kwa Egepeto, ke utlwile selelo sa bone mme ke fologetse tlase go tla go ba golola; tlaya jaanong, ke tle ke go rome kwa Egepeto''.³⁵Ene Moshe yo, Modimo a mo roma go nna molaodi le moatlhodi wa bone, ba ne ba mo gana ba mmotsa gore, 'Ke mang yo go dirileng molaodi le moatlhodi?'- Modimo o ne a mo roma, a dirisa moengele yo o neng a tla kwa go Moshe mo tshwanong ya setlhatshana se se shang. ³⁶Moshe o ne a ba ntsha mo Egepeto morago a sena go dira metlholo le ditshupo mo Egepeto, le mo lewatleng le lehibidu, le mo sekakeng dingwaga di le masome a mane. ³⁷Ke ene Moshe yo o neng a raya batho ba Iseraele a re, 'Modimo o tla ipiletsa moporofiti yo o tshwanang le nna, e le mongwe wa bana ba lona.³⁸"Yo ke ene monna yo o neng a le mo phuthegong e e neng e le mo sekakeng, yo o neng a na le moengele, yo o neng a bua le ene mo thabeng ya Sione. Monna yo, ke ene yo a neng le bo rraetsho; ke ene yo o amogetse mafoko a tshelang gore a a re neele. ³⁹Ke ene yo borraarona ba ganneng go mo reetsa, ba mo kgaphela ntle go tswa mo go bone; ba boela ko Egepeto mo dipelong tsa bone. ⁴⁰Ka nako eo, ba raya Arone ba re, "Re direle medingwana e e tla re etelelang pele. Fa e le ka ga Moshe yo o re eteletseng pele go tswa Egepeto,ga re itse se se modiragaletseng."⁴¹Ba ne ba dira namane, ba direla modimo wa disetwa setlhabelo, mme ba itumelela tiro ya diatla tsa bone. ⁴²Modimo o ne a ba leseletsa go obamela dinaledi tsa loapi, jaaka go kwadilwe mo baporofeting gotwe, 'lona ba ntlo ya Iseraele, a le kile la ntsisetsa ditlhabelo tsa dipoo mo dingwageng tse di masome a mane fa le le mo sekakeng?'⁴³Le amogetse motlaagana wa ga Moleke le naledi ya modingwana Refane, le ditshwantsho tse le di dirileng go e obamela: mme ke tla le falaletsa kgakala go pota Babilone ka kwa.⁴⁴Borraetsho ba ne ba na le motlaagana wa bopaki mo sekakeng, fela jaaka Modimo a ne a laotse Moshe gore a tle a dire motlaagana o o tshwanang le o a o bontshitsweng. ⁴⁵E keone motlaagana o borraetsho ba tsileng ka one mo lefatsheng le Joshua. Mo go diragetse fa bo rraetsho ba rua boswa ba merafe e modimo a e lelekileng fa pele ga bone. Go ne ga nna jaana go fitlha dinako tsa ga Tafita, ⁴⁶yo o neng a bona lesego fa pele ga Modimo, yo o neng a eleditse go agela Modimo wa ga Jakoba ntlo ya bonno.⁴⁷Mme Solomone o ne a agela modimo ntlo. ⁴⁸Le fa go ntse jalo, Modimo Mogodimodimo ga a nne mo matlong a a agilweng ka diatla; fela jaaka moporofeti a rile, ⁴⁹'Legodimo ke bonno jwame, mme lefatshe ke bobeo jwa dinao tsame. O tla nkagela ntlo e e ntseng jang? le gone Lefelo lame la boitapoloso le kae? ⁵⁰Aa diatla tsame dirile dilo tse tsotlhe?⁵¹Lona batho ke lona ba dingangatlela, ba le sa rupang mo dipelong le mo ditsebeng, le nna le gana Moya wa Modimo; le dira fela jaaka bo rraeno ba ne ba dira. ⁵²Aa go na le moporofeti mongwe yo borraeno ba sekang mmogisa? Ba bolaile baporofiti botlhe ba ba tsileng pele ga yo o boitshepo; le lona le mo sotlile la bo la mmolaya; ⁵³lona batho ba le amogetseng molao go tswa mo baengeleng, ga le aka la o tshegetsa."⁵⁴Fa lekgotla le utlwa mafoko a, ba shakgala ba shenela Setefane meno. ⁵⁵Mme ene ka a ne a tletse ka Moya o o Boitshepo, a leba kwa legodimomg ka kelelelo e kgolo, mme a bona kgalalelo ya Modimo; mme a bona Jeso a eme ka fa letsogong la moja la Modimo. ⁵⁶Setefane a re, "Bonang, ke bona magodimo a bulega, le morwa motho a eme ka fa letsogong la moja la modimo."⁵⁷Fa lekgotla le utlwa mafoko a, ba goa ka lentswe le le kwa godimo, ba ithiba ditsebe, ba mo kgogogela ka mogoro; ⁵⁸ba mo latlhela kwa ntle ga toropo mme ba mo kgobotletsa ka matlapa: mme basupi ba baya diaparo tsa bone fa dinaong tsa lekwana le le bidiwang Saulo.⁵⁹Ya re ba ntse ba kgobotletsa Setefane ka matlapa, o ne a goeletsa kwa Moreneng a re, "Amogela moya wame, Morena Jeso". ⁶⁰A khubama mme a goeletsa ka lentswe le le kwa godimo a re, "Morena, o seka wa ba kaya molato". Ya re a sena go bua se, a robala.

8¹Saulo abo a dumalana le polao ya gagwe. Go simologa letsatsi leo ga nna pogisego e kgolo mo kerekeng ya Jerusalema; badumedi botlhe ba phatlalala le Jutia le samarea, ga sala baaposetolo fela. ²Banna ba ba ineetseng ba fitlha Setefane, ba mo lelela thata. ³Mme Saulo a bogisa kereke; a tsena ntlo e ngwe le e ngwe a tshwara banna le basadi a ba isa kgolegelong.⁴Mme badumedi ba rera lefoko gongwe le gongwe kwa ba neng ba phatlalaletse teng. ⁵Filipo a tsamaya a rerela batho ka Jeso ko toropong ya Samarea.⁶Ya re batho ba le bantsi ba utlwa ba bo ba bona ditshupo tse Filipo a di dirang, ba mo reetsa. ⁷Mewa ee maswe ene ya tswa mo bathong e goa; ba ba neng ba sule mohama le digole ba ne ba fodisiwa. ⁸Ga nna boitumelo jo bogolo mo toropong eo.⁹Ga bo gole monna mongwe mo toropong a bidiwa Simone, e ne e le moloi; O ne a etle a gakgamatse batho ba Samarea, a bolela fa a le mogolo. ¹⁰Basamarea botlhe, bannye le bagolo ba ne ba reetsa monna yo thata ba re, ''Monna yo ke nonofo e kgolo ya modimo''. ¹¹Ba ne ba mo reetsa ka ane a bagakgamaditse ka lobaka, ka boloi jwa gagwe.¹²Mme yare ba dumela se Filipo a se rerileng, efangedi ya bogosi jwa Modimo le leina laga Jeso Keresete, banna le basadi ba ne ba kolobediwa. ¹³Simone le ene a dumela: fa a sena go kolobediwa, a tswelela ana le Filipo; fa a bona ditshupo le dikgakgamatso di diragala, a makala.¹⁴Fa baaposetolo kwa Jerusalema ba utlwa gore kwa Samarea ba amogetse lefoko la Modimo, ba ne ba romela Petere le Johane teng. ¹⁵Fa ba goroga , ba ba rapelelela, gore ba amogele Moya yo o Boitshepo. ¹⁶Go fitlha ka nako eo, Moya yo o Boitshepo o ne o ise o tle mogo ope wa bone, ba ne ba kolobeditswe fela ka leina la Morena Jeso. ¹⁷Petere le Johane ba ba baya diatla mme ba amogela Moya yo o Boitshepo.¹⁸Fa Simone a bona gore Moya yo o Boitshepo o amogelwa ka peo ya diatla tsa baoposetolo, a re o ba neela madi. ¹⁹A ba raya a re, ''Nneelang nonofo ee lenna, gore ope fela yo ke mmayang diatla a amogele Moya yo o Boitshepo."²⁰Mme Petere a mo raya a re, ''Nyelela le selefera sa gago, ka o akantse gore neo ya modimo e a rekwa. ²¹Ka pelo ya gago esa itekanela mo Modimong, ga ona karolo mo bodireding jo. ²²Ikotlhaye mo boikepong jwa gago, gore Morena a tle a go itshwarele mo boikepong jwa pelo ya gago. ²³Ka gore ke bona gore pelo ya gago e tletse bosula ebile e bofilwe ke boleo.²⁴Simone a araba Petere a re, ''Nthapelela gore sepe sa dilo tse o di buileng se seka sa ntiragalela.''²⁵Fa Petere le Johane ba sena go paka ba bo ba bua lefoko la Morena, ba boela Jerusalema; ba tsamaya ba rera mafoko a molemo mo metsaneng ya Samaria.²⁶Moengele wa Morena a bua le Filipo a re, ''Tsoga o tsamaye oye borwa mo tseleng e e yang Jerusalema e fetela ko Gasa'', ( Tsela e emo sekakeng.) ²⁷A tsoga a tsamaya. Ga bo gole monna a tswa Ethopiya, moopahadiwa yo o nang le taolo e kgolo, a le kafa tlase ga Kantase, mohumagadi wa Baethopiya. O ne a tlhokometse lehumo la gagwe lotlhe. O ne a tsile mo Jerusalema go tla go obama. ²⁸O ne a bowa, a le mo koloing ya gagwe a bala lokwalo la ga moporofiti Esaya.²⁹Moya wa bua le Filipo gore, ''Atamela koloi e. ³⁰Filipo o ne a mo tabogela, a utlwa a bala lokwalo la ga moporofiti Esaya, mme a mmotsa gore, ''A o tlhaloganya se o se balang?'' ³¹Moethopiya a mmotsa a re, ''ke ka tlhaloganya jang, go sena yo o ntlhalosetsa?'' A kopa Filipo go pagama koloi, a bape nae.³²Lokwalo le Moethopiya a neng a le bala le ne le re, '' O ne a gogiwa jaaka nku e ya go bolawa; a didimetse jaaka konyana eya go beolwa, a seka a bula molomo. ³³Ba ne ba mosotla ba mo atlhola katlholo e e sa mo lebanang: ke mang yo o tla a buang ka dikokomane tsa gagwe? ka botshelo jwa gagwe bo ile jwa tlosiwa mo lefatsheng.''³⁵Moopahadiwa a botsa Filipo, ''moporofita o bua ka ga mang, ka ene kgotsa ka motho mongwe?'' ³⁴Filipo a simolola a bua; a simolola ka temana e e mo go Esaya go rera ka Jeso.³⁶Fa ba ntse ba le mo tseleng, ba bona metsi; mme moopahadiwa a re, '' Bona metsi ke a, ke eng se se kganelang gore ke kolobediwe?'' ³⁷Filipo are,'' fa o dumela ka pelo ya gago yotlhe o tla a kolobediwa''. Moethopiya a re.''Ke dumela fa Jeso e le morwa Modimo''. ³⁸Moethopiya a emisa koloi. Filipo le moopahadiwa ba tsena mo metsing, Filipo a mo kolobetsa.³⁹Fa ba tswa mo metsing, moya wa Modimo wa tsaya Filipo; moopahadiwa a seka a tlhola a mmona gape, mme le fa go ntse jalo one a tsamaya a itumetse. ⁴⁰Filipo a iponafatsa ko Asatosi. O ne a feta mo mafelong a o a rera mo ditoropong tsotlhe, go fitlha kwa Kaisarea.

9¹Mme Paulo o ne a ntse a bua matshosetsi a go bolaya barutwa ba Morena, aya kwa moperesiteng yo mogolo, ²go kopa makwalo a a tla mo fang tetla ya go ya kwa di senagogeng tsa Damasekase, kwa etlareng a fitlhela mosadi kgotsa monna ope fela yo o dumelang mo tseleng e, a ba tshware, a ba ise kwa Jesrusalema.³E ne yare a santse ale mo mosepeleng, a atumela Damasekase, ka bofefo lesedi le le tona gotswa legodimong la phatsima go modikologa; ⁴a wela fa fatshe mme lentswe la mora ya lare, "Saulo, Saulo o mpogisetsang?"⁵Saulo a araba a re, " Morena, o mang?" Morena a re, " Ke nna Jeso yo o mpogisang; ⁶mme ema, o tsene mo toropong, otla bolelelwa gore o dire eng." ⁷Banna ba ba neng ba tsamaya le Saulo ba felelwa ke mafoko, ka ba utlwa lentswe, mme ba sa bone ope.⁸Saulo a tsoga fa fatshe, fa a bula matlho, a seka a bona sepe, jalo ba mogoga ka letsogo ba mo isa Damasekase. ⁹A nna matsatsi a mararo a sa bone, a sa je, ebile and sa nwe sepe.¹⁰Ga bo go le morutwa ko Damasekase a bidiwa Ananiase; morena a bua le ene mo ponatshegelong a re, "Ananiase". A bo a re, "Bona, ke fano Morena." ¹¹Morena a mo raya a re, "Ema o ye kwa tseleng e bidiwang Tolamo, o ye ko ntlong ya ga Judase, otla fitlhela monna wa kwa Tarasuse yo bidiwang Saulo, o a rapela, ¹²mme o bone mo ponatshegelong monna yo o bidiwa Ananiase, a mmaya matsogo gore a bone gape."¹³Mme Ananiase a araba a re ," Morena ke utlwile ka batho ba le bantsi ka ga monna yo, le ka fa a tlhokofaditseng baitshepi ba gago ka teng kwa Jerusalema. ¹⁴O neetswe taolo ke baperesiti ba bagolo go tshwara botlhe ba ba bitsang leina la gago." ¹⁵Mme Morena a mo raya a re, "Tsamaya, go nne ke mo ikgethetse, go paka ka leina lame mo baditshabeng, dikgosi le bana ba Iseraela; ¹⁶ke tla a mo supegetsa ka fa a tsileng go boga ka teng ka ntlha ya leina lame."¹⁷Ananiase a tsamaya, a tsena mo ntlong. Fa a mmaya matsogo a mo raya a re," Mokaulengwe Saulo, Morena Jeso yo aneng a go iponagaletsa motseleng fa otla, o nthumile gore o tle o kgone go amogela pono ya gago le go tladiwa ka Mowa o Boitshepho." ¹⁸Ka ponyo ya leitlho dikgapetlana tsa wa mo matlhong a ga Saulo, a amogela pono ya gagwe; a ema, a kolobediwa; ¹⁹mme a ja, a nna le nonofo. A nna le barutwa mo Tamasekase malatsi a le mmalwa.²⁰A simolola go rera ka ga Jeso mo di senagogeng, a bolela fa e le morwa Modimo. ²¹Botlhe ba baneng ba mo utlwa ba sala ba gakgametse, ba bua bare, "A monna yo gase ene yo aneng a bolaya batho botlhe kwa Jerusalema ba ba neng ba bua ka leina le? ebile o tsile go ba tshwara a ba bofa a ba isa kwa baperesiting ba bagolo." ²²Mme Saulo a tswela ka go nonofa, a tsisa tlhobaelo mo Bajuteng ba ba mo Tamasekase ka go rurufatsa fa Jeso ele keresete.²³Morago ga malatsi, Bajuta ba loga segwenegwene sa go mmolaya. ²⁴Saulo a itse selo se. Ba nna ba disitse dikgoro bosigo le motshegare gore batle ba mmolaye. ²⁵Mme barutwa ba gagwe bamo tsaya bamo tlodisa lebota bosigo, ba motsentse mo kgamelong.²⁶Fa a tsena kwa Jerusalema, Saulo a leka go kopana le barutwa mme ba mo tshaba, ka bane ba sa dumele fa ele morutwa. ²⁷Mme Barenabase amo tsaya a mo tsisa kwa baaposetolong. A ba bolelela ka fa Saulo a boneng morena mo tseleng ka teng, le gore Morena o ne a bua le ene, le ka fa Saulo a neng a rera ka bopelokgale ko Tamasekase mo leineng la ga Jeso.²⁸A kopana le bone jaaka ba ne ba tswa ba tsena mo Jerusalema. A bua ka bopelokgale ka leina la Morena Jeso, ²⁹a ganetsana le Bajuta ba ba Gerika; mme bane ba tswelela ka go batla go mo mmolaya. ³⁰Yare bakaulengwe ba lemoga se, ba mo isa kwa Kasarea, ba mo romela ko Tarasuse.³¹Ka Jalo, kereke mo Jutia,Galalea le Samarea ya nna le kagiso, ya agiwa; le go tsamaya mo poifong Modimong, le mo kgomotsong ya Moya yo o Boitshepho, kereke ya gola ka dipalo. ³²Ga diragala gore jaaka Petere ane a tsamaya mo kgaolong yotlhe, a ya kwa bakaulengweng ba baneng ba nna mo toropong ya Leyata.³³Gone koo a kopana le monna mongwe yo o bidiwang Anease, a na le dingwaga dile boferabobedi ale mo bolaong, ka ane a sule mohama. ³⁴Petere amo raya are "Anease, Jeso o a go fodisa. Tsoga o alololea bolao ba gago." ³⁵A tsoga ka bonako. Mongwe le mongwe yo nnang mo Layeta le Sharone ba bona monna yo, ba sokologela mo Moreneng.³⁶Gabo gole morutwa mongwe ko Jopa, wa leina la Tabeta gotewa "Tokase". Mosadi yoo o ne a dira ditiro tse di molemo le ditiro tsa boutlwelo botlhoko mo go ba ba humanegileng. ³⁷Ga diragala mo malatsi ao gore a lwale, mme a swa; ba mo tlhapisa, ba mmaya kwa ntlong e e kwa godimo.³⁸Ka gore Layata o ne a bapile le Jopa, barutwa ba utlwa gore Petere o koo, ba roma banna ba babedi ba mo kopa ba re, "Tlaa kwa go rona ka bofefo". ³⁹Petere a ema a tsamaya le bone.Yare a goroga bamo isa kwa ntlong e kwa godimo. Batlholagadi botlhe ba bo ba eme fa go ene ba lela ba mo supegetsa dikobo le diaparo tse Tokase a di dirileng fa a santse a na le bone.⁴⁰Petere a ba ntshetsa kwa ntle ga ntlo, a khubama a rapela; go leba moswi a re, "Tabita, tsoga". A bula matlho a gagwe, mme yare a bona Petere a nna ka marago. ⁴¹Petere amo neela letsogo, amo emeletsa ka dinao; a bitsa badumedi le batlholagi, a ba mo neela a tshela. ⁴²Kgang e ya itsege Jopa otlhe, bontsi ba batho ba dumela mo moreneng. ⁴³Mme Petere a nna malatsi a le mantsi mo Jopa kwa monneng wa mosugi wa matlalo yo a bidiwang Simone.

10¹Ga bo go le monna mongwe kwa toropong ya Kaisaria , a bidiwa Koneliase , molaodi wa mophato wa sesole sa Itale ².E ne e le monna yo o boineelo , a obamela Modimo le botlhe ba ntlo ya gagwe ; o ne a abela Bajuta madi a mantsi ebile a rapela Modimo ka nako tsotlhe .³E ne e ka nna oura ya boferabongwe motshegare, a bona moengele wa Modimo a tla kwa go ene mo ponatshegelong. Moengele a mo raya a re,'' Koronoliase ! '' ⁴Koronoliase a tlhoma moengele matlho ka letshogo a re , '' go rileng , rra ? '' Moengele a mo raya a re , '' merapelo ya gago le dimpho tse o di abelang batlhoki ke segopotso fa pele ga Modimo. ⁵Jaanong roma banna kwa toropong ya Jopa ba go biletse Simone yo o bidiwang Petere . ⁶O nna le Simone, monna wa mosugi wa matlalo, yo ntlo ya gagwe e leng fa letshitshing la lewatle '' .⁷Fa moengele yo o neng a bua le ene a sena go tsamaya , Koronoliase a bitsa batlhanka ba le babedi ba ntlo ya gagwe , le lesole le le obamelang Modimo go tswa mo masoleng a a neng a mo direla. ⁸Konoliase a ba bolelela tsotlhe tse di diragetseng, a ba roma kwa Jopa .⁹Mo letsatsing le le latelang ka nako ya borataro , jaaka ba ne ba le mo loetong ba le gaufi le go tsena mo toropong , Petere a palamela kwa godimo ga ntlo go rapela . ¹⁰A tshwarwa ke tlala mme a batla go ja sengwe , mme e rile batho ba santse ba apeile dijo , a bona ponatshegelo , ¹¹a bona legodimo le bulega go bo go fologa mophuthelo mongwe , sengwe se se tshwanang le kobo e e lefefe e kgolo e fologela mo lefatsheng , e lepelediwa ka memeno ya yone e e kwa dikhutlong tsa yone tse nne . ¹²Mo go yone ga bo go le diphologolo tse di maoto mane ka mefuta ya tsone , dilo tse di gagabang fa fatshe le dinonyane tsa loapi .¹³Lentswe la bua le ene ; '' Emelela , Petere , tlhaba o je .'' ¹⁴Mme Petere a re, '' Nnyaa , Morena ; ga ke ise ke je sepe se leswafetse ebile se se phepa . ¹⁵''Lentswe la bua le ene labobedi ; ''O seka wa kaya sepe se Modimo a se itshekisitseng gore se itshekologile.'' ¹⁶Se se diragetse gararo ; go tloga foo mophuthelo wa tlosiwa wa ya legodimong .¹⁷Fa Petere a santse a tsieditswe ke gore ponatshegelo e a e boneng e raya eng , banna ba ba romilweng ke Koronoliase ba ema fa kgorong , morago ga ba sena go botsa tsela ya go tla kwa ntlong. ¹⁸Ba botsa gore a Simone , yo o bidiwang Petere , o nna gone fa .¹⁹Fa Petere a santse a akantse ka ponatshegelo , Moya wa mo raya wa re, '' Bona , gona le banna ba bararo ba ba go batlang . ²⁰Emelela o fologele ko tlase o tsamaye le bone . O se ka wa tshaba go tsamaya le bone , gonne ke nna ke ba romileng .'' ²¹Petere a fologela kwa tlase kwa banneng a re, '' Ke nna yo le mmatlang . Ke eng le tsile kwano ? ''²²Ba re , ''Molaodi wa masole yo o bidiwang Koronoliase, monna yo o molemo yo o obamelang Modimo,yo o buiwang bontle ke tshaba yotlhe ya Juta, o laetswe ke moengele gore a go bitse, gore otle omo neele molaetsa. ²³Petere a ba kopa go lala nae. Mo mosong o o latelang a tsamaya le bone ana le badumedi bangwe go tswa Jopa.²⁴Letsatsi le le latelang ba goroga kwa Kaisarea. Koronoliase o ne a ba emetse; O ne a biditse masika le ditsala tsa gagwe.²⁵Ya re fa Petere a goroga, Koronoliase a mo kgatlhantsha a khubama fa dinaong tsa gagwe go mo obamela. ²⁶Petere a mo emisa ka dinao , a re,'' Emelela! ke motho fela jaaka wena''.²⁷Fa Petere a bua le ene, a tsena mo ntlong mme a bona batho ba kgobokane ba le bantsi. ²⁸A ba raya a re, ''Le a itse gore ga go ka fa molaong gore mojuta a etela motho wa morafe o sele. Mme Modimo o mpontshitse gore ke seka ka bitsa motho ope ke re ga a phepa kana o leswefaleditswe. ²⁹Ke sone se e rileng ke bidiwa, ka seka ka gana. Jaanong ke botsa gore le mpileditseng''.³⁰³³Koronoliase a re, ''Malatsi a le mane a a fetileng, ka oura yone e, ke ne ke rapela mo ntlong ya me ka oura ya boferabongwe , mme ga ema fa go nna monna a apere diaparo tse ditshweu. ³¹A re, ''Konoliase, Modimo o utlwile merapelo ya gago, le go abela batlhoki dimpho ga gago,go dirile gore Modimo a go gakologelwe. ³²Jaanong romela mongwe ko Jopa a bitse Simone yo o bidiwang Petere. O nna mo ntlong ya ga Simone wa mosugi wa matlalo fa letshitshing la lewatle.³⁴Petere are ke a rurafatsa gore Modimo ga a nke a nna mo letlhakoreng la ga ope. ³⁵Modimo o amogela mongwe le mongwe mo merafeng yotlhe yo o mo obamelang a bo a dira ditiro tse di amogelesegang fa pele ga Modimo.³⁶Lo itse molaetsa yo a o romeletseng batho ba Iseraele, fa a bua dikgang tse di molemo ka kagiso mo go Jeso Keresete, Morena wa botlhe. ³⁷Le itse ditiragalo tse di diragetseng mo Jutea, go simolola fela ko Galalea kwa Johane a neng a kolobetsa batho teng; ³⁸ditiragalo ka ga Jeso wa Nasaretha, ka fa Jeso a mo tlooditseng ka teng ka Moya yo o Boitshepo le nonofo. Ka Modimo ane a na le ene, o ne a tsamaya a dira ditiro tse di molemo a bo a fodisa botlhe ba ba neng ba gateletswe ke mmaba.³⁹Re basupi ba dilo tse a di dirileng ko Juta le ko Jerusalema-Jeso yo ba mmolaileng, ka go mmapola. ⁴⁰Monna yo, Modimo o mo tsositse ka letsatsi la boraro, mme a dira gore a itsewe, ⁴¹e seng ke batho botlhe, mme e leng basupi ba ba tlhophilweng ke modimo, rona, ba re neng ra nwa ra ba ra ja le ene a sena go tsoga mo baswing.⁴²O re laotse go rerela batho le go ba pakela gore ke ene a kgethilweng ke Modimo go nna moatlhodi wa baswi le batshedi. ⁴³Baporofiti ba paka ka ga gagwe gore yo o dumelang mo go ene o tla a bona boitshwarelo jwa dibe mo leineng la gagwe.⁴⁴Fa Petere a bua dilo tse, Moya yo o boitshepo wa wela mo go ba ba reeditseng. ⁴⁵Badumedi ba ba rupileng, botlhe ba ba tsileng le Petere, ba makala go bona baditshaba ba tladiwa ka Moya o o Boitshepo.⁴⁶Ba utlwa baditshaba ba bua ka diteme di sele ba galaletsa Modimo. Petere a re, ⁴⁷''A go na le mongwe yo o ka itsang batho ba go kolobediwa ka metsi, ba ba setseng ba amogetse Moya yo o Boitshepo jaaka rona? ⁴⁸A laola gore ba kolobediwe ka leina la ga Jeso Keresete. Ba mo kopa go nna le bone malatsinyana.

11¹Jaana baaposetolo le bakaulengwe ba ba ko Jutea ba utlwa fa baditshaba ba amogetse lefoko la modimo. ² Fa Petere a sena go tla ko Jerusalema, bao ba e neng e le ba setlhopha sa ba ba rupisang ba mo kgala; ³ba mo raya bare,"o itomagantse le banna ba ba sa rupang ebile o jele le bone!"⁴Mme Petere a simolola go ba tlhalosetsa kgang ka botalo; a re, ⁵ke ne ke rapela ko toropong ya Jopa, ka nna le ponatshegelo ya sejana se fologelela ko tlase, jaaka kobo e tona e fologa e tswa legodimong ka dikhutlo tsa yone tse nne. Ya fologelela mo go nna. ⁶Ka e lebelela ebile ka akanya ka yone. Ka bona diphologolo tse di maato , mane tsa lefatshe, le dibatana tsa naga, le diphologolo tse di gagabang, le dinonyane tsa lewapi.⁷Ka utlwa lentswe le nthaya lere, "tsoga Petere; bolaya o je!" ⁸kare, "ga go a nna jalo Morena: ga go sepe se se seng boitshepho kgotsa se se leswe se se kileng sa tsena ka molomo wame." ⁹Mme lentswe la araba gape gotswa ko legodimong, "se Modimo a boletseng gore se phepa, o seka ware se leswe." ¹⁰Se se diragetse makgetho a le mararo, mme sengwe le sengwe sa busetswa ko legodimong gape.¹¹Bonang, gone foo ga bo gole banna ba le bararo ba eme fa pele ga ntlo e re neng rele mo go yone; ba ne ba romilwe gotswa ko go Kaesara go tla kwa go nna. ¹²Mowa o ne wa ntaolela gore ke tsamaye le bone, le gore ke seka ka ba farologanya. Bakaulengwe ba barataro ba ba tsamaya le nna, ra tsena mo ntlong ya monna. ¹³A re bolelela ka fa a bonyeng moegele a eme ka teng mo ntlong ya gagwe a re, "romelang banna ko Jopa le bo le busa Simone yo o bitswang Petere. ¹⁴O tla bua le lona molaetsa o le ka bolokwang ka one- wena le botlhe ba ntlo ya gago."¹⁵Jaaka ke ne ke simolola go bua le bone, Mowa yo o Boitshepho wa tla mo go bone, jaaka ko go rona mo tshimologong. ¹⁶Ka gakologelwa mafoko a Morena, fa a re," ele ruri Johane o ne a kolobetsa ka metsi; mme lona le tla kolobediwa mo Moweng yo o Boitshepho."¹⁷Jaanong fa Modimo o ba neetse mpho ee tshwanang le ya rona fa re ne re dumela mo go Morena Jeso Keresete, nna ke ne kele mang, yo o ka ganetsang Modimo?" ¹⁸Fa ba utlwa dilo tse, ba seka ba bua sepe, mme ba galaletsa Modimo bare, "jaanong Modimo o neetse baditshaba botshelo ka boikotlhao."¹⁹Jaana ba ba neng ba phatlaletse ka lebaka la dithokofatso tse di simologileng le leso la ga Setefano ba ne ba gasama go ya bokgakala jwa Fenekia, Saeporase, le Antioko, mme ba bua molaetsa wa ga Jeso ko Bajuteng fela. ²⁰Mme bangwe ba bone, banna go tswa ko Saeporase le Saerine, ba tla ko Antioko ba bua le Bagerika, ba ba bolelela dikgang tse di molemo ka ga Morena Jeso. ²¹Jalo letsogo la Morena la bo le le mo go bone; palo e ntsi ya dumela ba retologela ko Moreneng.²²Dikgang ka ga bone tsa goroga ko kerekeng mo Jerusalema: ba romela Banabase go fitlha ko Antioko. ²³E rile a tla a bo a bona mpho ya Modimo, o ne a itumela; a ba kgothatsa bothe gore ba sale le Morena ka dipelo tsa bone tsothe. ²⁴Gonne ene ele monna yo o siameng a tletse ka Mowa yo o Boitshepho le tumelo, le bontsi jwa batho ba okelediwa mo Moreneng.²⁵Banabase a tswa a ya ko Tareso go ya go batla Saulo. ²⁶Fa a sena go mmona, amo tlisa ko Antioko. Ga diragala gore ngwaga otlhe ba phuthagana le kereke go ruta batho bale bantsi. Barutwana ba bidiwa Bakeresete ele lantlha ko Antioko.²⁷Jaana mo malatsing a, baporofiti bangwe ba tla ko Antioko ba tswa Jerusalema. ²⁸Mongwe wa bone, yo o bidiwang Agapase, a supa ka Mowa gore go tla nna leuba lefatshe lotlhe. Mo go diragetse mo malatsing a ga Kelaodiase.²⁹Jaana, barutwana, jaaka mongwe le mongwe wa bone a ne a kgona, ba tsaya tshwetso ya go romela thuso ko bakaulengweng ba ba ko Jutea. ³⁰Ba dira se; ba romelela madi ko bagolwaneng ka diatla tsa ga Banabase le Saulo.

12¹Jaanong ya re ka nako eo kgosi Herote a tshwara bangwe ba e leng ba kereke gore a tle a ba kgokgontshe. ²A bolaya Jakobe morwa rraagwe Johane ka tshaka.³Morago ga go bona fa se se itumedisitse Bajuta, A tswelela a isa le Petere kgolegelong. E ne e le mo malatsing a borotho jo bo senang sebidiso. ⁴Morago ga go mo tlhatlhela, a mmaya mo kgolegelong a bo a laela ditlhophana tse nne tsa masole a le mane go mo disa; o ne a ikaeletse go mo tlisa ko bathong morago ga Tlolagano.⁵Jalo Petere a bewa mo kgolegelong, mme ba ba mo kerekeng ba mo rapelela ka tlhwaafalo mo Modimong. ⁶Letsatsi pele ga Herote a mo ntshetsa kwa ntle, bosigo joo Petere o ne a robetse fa gare ga masole a mabedi, a funetswe ka dikeetane tse pedi, badisa dikago ba ba fa pele ga lebati ba bo ba lebeletse kgolegelo.⁷Bonang, moengele wa Morena ka bonako a iponagatsa fa go ene, mme lesedi la phatsima mo kgolegelong, a betsa Petere mo letlhakoreng a mo tsosa a mo raya a re, ''Emelela ka bonako.'' Dikeetane tsa gagwe tsawa mo matsogong a gagwe. ⁸Moengele a mo raya a re, ''Apara o bo o rwala ditlhako tsa gago.'' Petere a dira jalo.Moengele a mo raya a re, ''Apara kojwana ya gago o ntshale morago.''⁹Ka jalo Petere a sala moengele morago ba tswela ko ntle. O ne a sa itse gore se se neng se dirwang ke moengele se a diragala ka boammaruri. O ne a akanya gore o bona ponatshegelo. ¹⁰Fa ba sena go feta ka modisa magolegwa wa ntlha le wa bobedi, ba tla ko kgoronwaneng ya tshipi e e isang mo toropong; ya ipula. Ba tswela ko ntle ba tsamaya mo mekgwatlheng, moengele a mo tlogela gone foo.¹¹Fa Petere a itharabologelwa, a re, ''Jaanong ke a itse ka boammaruri gore Morena o rumile moengele wa gagwe go nkgolola mo diatleng tsa ga Herote, le mo di tsholofelong tsotlhe tsa Bajuta.'' ¹²Fa a sena go lemoga se, a tla ko ntlong ya ga Marea mmaagwe Johane yo sefane sa gagwe e neng e le Mareko; badumedi ka bontsi ba ne ba kgobokane koo ba rapela.¹³Fa a kokota ko lebating , mosetsana wa lelata yo o bidiwang Roda a tla go araba. ¹⁴Fa a lemoga lentswe la ga Petere, ka boitumelo a palelwa ke go bula lebati; boemong, a tla a tabogetse mo kamoreng; a bolela fa Petere a eme ko lebating. ¹⁵Ba mo raya ba re, ''o a tsenwa.'' Mme a gatelela gore go ntse jalo. Ba re, '' Ke moengele wa gagwe.''¹⁶Mme Petere a tswelela ka go kokota, mme fa ba bula lebati, ba mmona ba hakgamala. ¹⁷Petere a ba supegetsa ka letsogo la gagwe gore ba didimale, a ba bolelela ka fa Morena a mo ntshitseng mo kgolegelong ka teng. A re,''Begelang Jakoba dilo tse le barwarraagwe.'' A bo a tswa a ya ko lefelong le lengwe.¹⁸Jaanong fa go nna motshegare, ga bo go sena le fa e le boitumelo mo masoleng, ka se se diragaletseng Petere. ¹⁹Morago fa Herote a sena go mmatla a bo a sa mmone, a botsa badisa dikago a bo a laola gore ba bolawe. A bo a tswa mo Jutea a ya Kaisarea a ya go nna teng.²⁰Jaanong Herote a tlala bogale le batho ba Ture le Sidoma.Ba ya ko go ene botlhe. Ba pateletsa Bolasetose , mothusa kgosi go ba thusa. Ba bo ba kopa kagiso, ka gore lefatshe la bone le ne le amogela dijo go tswa kwa lefatsheng la kgosi. ²¹Ka letsatsi le le beilweng Herote a apara dilwana tsa gagwe tsa bogosi a bo a nna mo setilong sa bogosi, a bo a ba fa molaetsa.²²Batho ba goeletsa ba re,'' Le ke lentswe la modingwana, ga se la motho!'' ²³Ka bofefo moengele wa Morena a mmetsa, ka gore o ne a sa galaletse Modimo; o ne a jewa ke diboko a swa.²⁴Mme lefoko la Modimo la gola la bo la ntsifala. ²⁵Morago ga gore Banabase le Saulo ba wetse maikaelelo a bone ko Jerusalema, ba bowa teng , ba tsaya Johane yo sefane sa gagwe e neng e le Mareko.

13¹Jaanong kwa Antioke, mo kerekeng gabo gole baporofiti le baruti. Ene ele Banabase, Semeone (o bitswang Nega), Lusase wa Serene, Manaeng (morwa rre oo tsaletsweng Herote wamo teterake), le Saulo. ²Fa ba ntse ba obamela Morena ba itemile dijo, Mowa oo Boitsepo ware "Nkgaoganyetsa Saulo le Banabase go dira tiro e ke e ba bileditseng". ³Fa ba sena go itima dijo, le go rapela, le go ba baya banna bao diatla, baba golola.⁴Mme Saulo le Banabase ba obamela Mowa oo Boitshepo ba gologela ko Selesia; go tswaa foo ba tsamaya ka mokoro goya setlhaketlhakeng sa Saporase. ⁵Fa ba le ko toropong ya Salamise, ba bua lefoko la Modimo modi senagogeng tsa Bajuta. Ba ne bana le Johane Mareko ele mothusi wa bone.⁶Fa ba sena go ralala setlhaketlhake sotlhe go ya Pafose, ba fitlhela maselamose mongwe, moporofiti wa maaka wa Mojuta o leina la gagwe e neng ele Bara Jeso. ⁷Maselamose yo one a dirisanya le molaodi Sediase Paulo o e neng ele monna oo rutigileng. Monna o a laola gore go bitswe Barabase le Saulo ka gore one a batla go utlwa lefoko la Modimo. ⁸Mme Elesemase "wa maselamose" (ke kafa leina la gagwe le ranolwang ka teng) a ba ganetsa; a leka go fetola molaodi gore a seka a nna le tumelo.⁹Mme Saulo, o gape a bitswang Paulo, a tladitswe ka mowa oo Boitshepo a mo tlhoma matlho asa bonye ¹⁰abo are, "Wena ngwana waga satane, o tletse ka tsietso le bosula. O mmaba wa tshiamo yotlhe. A tota otla kitla o emisa go soka tsela ya Morena ee tlhamaletseng?¹¹Ka jalo bona, letsogo la Modimo lemo go wena, mme otla nna sefofu. Gao kake wa bona letsatsi ka sebaka." Ka bonako Elesemase a welwa ke mmuwane le bontso; a semolola go kopa batho gore bamo goge ka letsogo. ¹²Morago ga molaodi a sena go bona sese diragetseng, a dumela, ka gore one a kgatlhilwe ke thuto kaga Morena.¹³Jaanong Paulo le ditsala tsa gagwe ba tsamaya ka mokoro go tswa Fafose a tla Pega mo Pamphelia. Mme Johane aba tlogela a boela Jerusalema. ¹⁴Paulo le ditsala tsa gagwe ba tsamaa batswa Paga batla mo Antioke wa Pisidia. Gone koo ba feta ba ya senagogeng ka Sabata ba dula fa fatshe. ¹⁵Morago ga go balwa ga molao le baporofiti, baeteledipele ba senagogwe ba romela molaetsa bare, "Bakaulengwe, fa lena le molaetsa wa kgothatso go bua le batho, o bueng."¹⁶Mme Paulo a ema ka dinao, a supa ka letsogo la gagwe are "Banna ba Iseraele, le lona bale tlotlang Modimo, reetsang. ¹⁷Modimo wa batho ba ba Iseraele, o kgethile bo rraarona mogolo mme a dira batho bantsi fa bane bale ko lefatsheng la Egepeto, mme ka letsogo lele ko godimo waba etelela pele gotswa mogo lone. ¹⁸Ka dingwaga dika tshwara masome a mane aba itshokela bale mo sekakeng.¹⁹Morago ga a sena go nyeletsa merafe ele supa mo lefatsheng la Kanana, a neela batho ba rona lefatshe la bone go nna boswa. ²⁰Ditiragalo tsena tsotlhe di tsere dingwaga dile makgolo a mane le masome a matlhano. Morago ga dilo tsena tsotlhe, Modimo aba neela baatlhodi go fitlhela moporofiti Samuele.²¹Mme batho ba kopa go nna le kgosi, mme Modimo aba neela Saulo morwa Kishe, monna gotswa morafeng waga Benjamene go nna kgosi dingwaga dile masome a mane. ²²Morago ga Modimo a sena go mo ntsha mo bogosing, a tsholetsa Tafite go nna kgosi ya bone, ene ele kaga Tafite fa Modimo are 'Ke bone Tafite morwa Jese go nna monna yoo fa morago ga pelo yame, o o dirang dilo tsotlhe tse ke batlang a di dira.'²³Go tswa mo dikokomaneng tsa monna yo, Modimo o tlisitse mo Iseraele mmoloki, Jeso hela jaaka a solofeditse go dira. ²⁴Sena se semolotse go diragala leng, pele ga Jeso atla, Johane lantlha one a rera kolobetso ya boikotlhao mo bathong botlhe ba Iseraele. ²⁵Fa Johane a fetsa tiro ya gagwe, are, "Le akanya gore ke mang? Gake ene. Mme reetsang, gotla ko morago ga me ene yo le dikgole tsa ditlhako tsa gagwe kesa lekanang godi hunolola.'²⁶Bakaulengwe, bana ba letso laga Aberehame, leba ba mo go lona baba obamelang Modimo, molaetsa o wa poloko o rometswe mogo rona. ²⁷Gonne bao ba tshelang mo Jerusalema, le balaodi ba bone, gaba aka bamo lemoga, mme ba rurifatsa puo ya baporofiti e e balwang ka Sabata mongwe le mongwe kago mmona molato.²⁸Le fa basa itlhela lebaka lepe lago mmaya molato oo tswannwang ke leso, ba kopa Pilato gore a mmolae. ²⁹Fa ba sena go feleletsa dilo tsotlhe tse di kwadilweng ka ga gagwe, bamo folosa mo setlhareng mme bamo robatsa mo lebitleng.³⁰Mme Modimo o mo tsositswe mo baswing. ³¹O ne a bonwa ke bontsi jwa batho baba neng ba tlile le ene gotswa Galalia goya Jerusalema. Batho ba ke bone basupi ba gagwe mo bathong.³²Re le tlisetsa mafoko aa molemo ka ga ditsholofetso tsedi neng tsa direlwa bo rrarona mogolo. ³³Morena o tshegeditse ditsholofetse tse mo go rona ,bana ba bone, ka gore o tsositse Jeso. Se gape ke sone se se neng se kwadilwe mo Pesalema ya bobedi 'O Morwaake, tsatsi la gompieno ke nna Rrago'. ³⁴Gape ka boammaruri jwa gore omo tsositse mo baswing gore a seka a bola, o buile jaana "Ketla go neela boitshepo le ditshogofatso tsaga Tafite.'³⁵Se ke sone sea buang le mo pesalemeng e nngwe 'Gao kake wa letlelela oo boitshepo wa gago go bola.' ³⁶Gonne morago ga Tafite a sena go dira dikeletso tsa Modimo mo kokomaneng ya gagwe, one a robala, a robadiwa le rraagwe mme a bola', ³⁷mme ene o Modimo amo tsositseng, gaa bona gobola.³⁸Mme a go itsefaleng mo go lona, bakaulengwe, gore lefa ntswa monna o a le bolelela boitswarelo jwa dibe. ³⁹Ka ene mongwe le mongwe yo dumelang o a baakanngwa mo dilong tsotlhe tse molao wa ga Moshe o neng o ka seke o go baakanye.⁴⁰Mme jaanong elang tlhoko gore dilo tse baporofiti ba buileng ka tsone gore di seka tsa le diragalele. ⁴¹'Bonang, lona bale ilang, le makaleng mme le nyeleleng; gonne ke dira tiro mo malatsing a lona, tiro ele ka sekang la kitla le e dumela, lefa motho aka ele bolelela.'''⁴²Erile jaaka Paulo le Banabase ba tsamaya, batho ba ba kopa gore batle go bua gape mafoko a a ntseng jalo ka Sabata oo tlang. ⁴³Erile bokopano jwa senagogwe bo sena go fela, bontsi jwa Bajuta leba ba ntsha mo tumelong bale boineelo ba sala Paulo le Banabase morago, baba neng ba bua le bone baba kgothatsa go tswelela mo leratong la Modimo.⁴⁴Ka letsatsi la Sabata o o latelang, a bo eka nna toropo yotlhe e kgobokane go utlwa lefoko la Morena. ⁴⁵Fa bajuta ba bona matshwititshwiti, ba tlala ka lefufa mme ba bua kgatlhanong le dilo tsedi neng di buiwa ke Paulo mme ba mo tlhapatsa.⁴⁶Mme Paulo le Banabase ba bua ka bogaka bare "Gone gole botlhokwa gore lantlha mafoko a Morena a buiwe le lona. Ka go lebega lea kgarameletsa ntle le bona le sa tshwanelwe ke botshelo jo bo sa khutleng, bona, retla leba ko Baditshabeng. ⁴⁷Ka gore Morena ore laotse are, 'Ke le beile jaaka lesedi mo Baditshabeng, gore le tlise poloko mo dikarolong tsedi ko teng tsa lefatshe.'"⁴⁸Erile Baditshaba ba utlwa se, ba tlala ka boitumelo ba galaletsa lefoko la Morena. Bontsi jobo neng bo lebagwanwe ke botshelo jobo sa khutleng jwa dumela. ⁴⁹Lefoko la Morena la gasiwa mo kgaolong yotlhe.⁵⁰Mme Bajuta ba gakatsa basadi ba ba boineelo bale botlhokwa le banna baba eteletseng toropo pele. Se sa baka dipitlagano kgatlhanong le Paulo le Banabase, mme ba latlhelwa ko ntle ga toropo. ⁵¹Mme Paulo le Banabase ba itlhotlhora lerole mo dinaong kgatlhanong le bone, baya toropong ya Ikoniamo. ⁵²Mme barutwa ba tladiwa ka boitumelo le ka Mowa oo Boitshepo.

14¹Gone ga diragala gore Paulo le Banabase bale mo Ekoname ba tsena mo senagoge ya Bajuta ba bua ka tsela e eleng gore matshwititshwiti jwa Bajuta le Bagerika ba dumela. ²Mme batlhoka kutlo ba Bajuta ba hudua maikutlo a ba ditshaba ba tlala ka kutlo botlhoko kgatlhanong le barwa rraabo.³Ka jalo ba nna foo ka lebaka le leleele, ba bua ka bogaka ka nonofo ya Morena, fa a ntsha bosupi ka molaetsa wa tshegofatso ya gagwe. A dira se ele go dira ditshupo le dikgakgamatso gore di dirwe ka diatla tsa ga Paulo le Banabase. ⁴Bontsi jwa toropo ba kgaogana: bangwe baya ko letlhakoreng la Bajuta, fa bangwe la Baaposetolo.⁵Baditshaba le Bajuta ba leka go pateletsa baeteledi pele ba bone go tlhokofatsa le go kgobotletsa Paulo le Banabase ka matlapa, ⁶ba lemoga seo mme ba siela ko ditoropong tsa Lekonia,Lesetara le Derebe le dikgaolo tse di bapileng le bone, ⁷koo ba bo ba rera mafoko aa molemo.⁸Kwa Lesatara monna mongwe o ne a ntse fa fatshe a sa kgone go ema ka dinao e le bogole bo a tshotsweng ka bone, a ise a tsamae. ⁹Monna yo o ne a utlwile Paulo a bua.Paulo a mo tlhoma matlho mme a bona a na le tumelo ya go fodisiwa.Mme a mo raya a re ka lentswe le le kwa godimo, ¹⁰''Ema ka dinao tsa gago''. Ka jalo monna a tlola a tsamaya mo tikologong.¹¹Matshwititshwiti a bona se Paulo a se dirileng, ba goeletsa, ka puo ya lekonia, ''Badimo ba re gorogetse ba le mo setshwanong sa batho.'' ¹²Ba bitsa Banabase'' Seuse, '' le Paulo ''Heremese'' ka gore ene e le sebui segolo. ¹³Mopereseti wa ga Seuse, yo tempele ya gagwe eneng e le kwa ntle ga toropo, a tlisa pholo le serwalo ko dikgorong. Ene le matshwititshwiti ba ne ba batla go ntsha setlhabelo.¹⁴Mme fa baaposetolo, Banabase le Paulo, ba utlwa ka se, ba ikgagolola diaparo ba tsena mo matshwititshwiting ka bofefo, ba goa ¹⁵bare, ''Bathong, ka go reng le dira dilo tse? Le rona re batho ba ba nang le maikutlo a a tshwanang le a lona. Re le tliseditse dikgang tse di molemo, gore le tswe mo dilong tse di senang mosola tse le ye ko Modimong yo o tshelang, yoo o dirileng Legodimo, lefatshe, lewatle le tsotlhe tse di mo go tsone. ¹⁶Mo dingwageng tse di fetileng, o ne a letleletse ditshaba tshotlhe go tsamaya ka ditsela tsa tsone.¹⁷Mme jalo, a seka a itesa a sena mosupi, ka seo a dira molemo ale neeela dipula go tswa ko legodimong le paka e e nang le maungo a tlatsa dipelo tsa lona ka dijo le boitumelo.'' ¹⁸Ka mafoko a, Paulo le Bananase ba rata go palelwa ke go kganela matshwititshwiti go dira setlhabelo.¹⁹Mme Bajuta bangwe go tswa Antioke le Ekoname ba tla ba pateletsa bontsi jwa batho. Ba ngata Paulo ka matlapa ba mo gogela ko ntle ga toropo, ba akanya gore o sule. ²⁰Ya re Barutwa ba eme ka dinao ba mo dikaganyeditse, a tsoga a tsena mo toropong. Tsatsi le le latelang aya Derebe le Banabase.²¹Morago ga go rera mafoko a a molemo mo toropong eo babo ba dira barutwa ba bantsi, ba boela Lesetera, ko Ekoname le ko Antioke. ²²Ba tswelela ka go nonotsha mewa ya barutwa le go ba kgothaletsa go tswelela mo tumelong, bare, ''Re tshwanetswe go tsena mo bogosing ba Modimo ka dipugisego tse dintsi.''²³Fa ba sena go ba supegetsa bagolwane mo di kerekeng tsotlhe, ba sena go rapelela ba itimile dijo, ba ba tshepisa mo Moreneng yo ba dumetseng mo go ene. ²⁴Ba ne ba ralala Pisidia ba fitlha mo Pamefilia. ²⁵Fa ba sena go bua mafoko mo Perege, ba ya Atalea. ²⁶Go tsweng foo ba tsamaya ka mokoro go ya Antioke, fa ba ntseng bale boineelo go dira mo tlhokomelong ya Modimo tiro e ba setseng ba e feditse.²⁷Fa ba goroga mo Antioke ba tshwaraganya kereke ga mmogo, ba bega tsotlhe tse Modimo a di dirileng ka bone, le ka fa a buletseng baditshaba setswalo sa tumelo ka teng. ²⁸Ba nnile ka lebaka le le leele le barutwa.

15¹ Banna bangwe batswa mo Jutia ba ruta bakaulengwe, bare, "Ga o kake wa bolokwa, fa osa rupisiwa ka fa tsamaisong ya ga Moshe." ²Morago ga puisanyo le kganetsanyo ya ga Paulo le Barenabase le bone, bakaulengwe ba tsaya tshwetso ya gore, Paulo, Barenabase, le bangwe ba bone baye kwa Jerusalema kwa ba aposetoloing le bagolwane ka kgang e.³Bone, ka bane ba rumilwe ke phuthego, ba feta ka Fenekia le Samaria go bolela ka phetogo ya baditshaba. Ba tlisa boitumelo jo bogolo mo bakaulengweng botlhe. ⁴Fa ba goroga mo Jerusalema, ba amogelwa ke phuthego, ba aposetoloi le bagolwane, mme ba ba bolelela dilo tsotlhe tse Modimo o di ba diretseng.⁵ Mme bangwe ba ba neng ba dumela, e le ba setlhopha sa Bafarasai, ba ema ka dinao bare, ''Go botlhokwa gore ba rupisiwe le go ba laola gore ba tshegetse molao waga Moshe." ⁶Ka jalo ba aposetoloi le bagolwane batla ga mmogo go sekaseka kgang e.⁷Morago ga kganetsanyo e kgolo, Petere a ema ka dinao a ba raya are, "Bakaulengwe lo a itse gore mo nakonyaneng e e molemo e e fetileng, Modimo a tlisa boikgethelo mo go lona, gore ka molomo wame baditshaba ba utlwe mafoko a a molemo, mme ba dumele. ⁸Modimo, yoo itseng pelo, a ba pakela, a ba abela Moya oo Boitshepo, hela jaaka a re diretse, ⁹mme ga a dira pharologanyo epe magareng ga rona le bone, a dira dipelo tsa bone dintle ka tumelo.¹⁰Mme jaanong ke eng le leka Modimo, ka go baya joko mo melaleng ya barutwa, e rona lefa ele bo rraarona re sa kgonang go e sikara? ¹¹Mme re dumela gore re tlaa bolokwa ka tshegofatso ya Morena Jeso, fela jaaka bone."¹²12 Matshwititshwiti otlhe a didimala ba reeditse Barenabase le Paulo ba ba bolelela ka ditshupo le dikgakgamatso tse Modimo a di dirileng mo Baditshabeng ka bone.¹³Fa ba sena go emisa go bua, Jakobe a bua, are, "Bakaulengwe, ntheetsang. ¹⁴Simone o re boleletse kafa Modimo o tlhomogetseng Baditshaba pelo ka teng go itseela mo go bone batho ba leina la gagwe.¹⁵Mafoko a baporofeta a dumalana le se, jaaka go kwadilwe, ¹⁶´Morago ga dilo tse ke tlaatla gape, mme ke tlaa aga gape ntlo ya ga Tafite, e e oleng; ke tlaa baakanya kebo ke buseletsa matlotla a yone gape, ¹⁷gore masalela a batho atle a batle Morena, le Baditshaba botlhe ba ba bidiwang ka leina lame.´ ¹⁸Se ke se Morena o se buang, yo o dirileng dilo tse di saleng di itsege gotswa bogologolong.¹⁹Mme jaanong, ka fa ke bonang ka teng, ga re a tshwanela go kgoreletsa Baditshaba ba ba boelang mo Modimong; ²⁰mme re ba kwalele gore ba kgaogane le bosula botlhe ba kobamelo ya medimo ya disetwa, le mo boleong jwa tlhakanelo dikobo, le mo go se se kgamilweng, le mo mading . ²¹Gotswa bogologolong mo toropong nngwe le nngwe go ntse gona le batho ba ba rerang le go bala Moshe mo matlung a thuto le ka Sabata mongwe le mongwe.²²Ga lebega go le molemo mo ba aposetoloing le bagolwane, le phuthego yotlhe, go tlhopha Jutase yoo bidiwang Baresabase, le Silase, ba e neng e le baeteledipele ba phuthego, go ba romela kwa Antioka le Paulo le Barenabase. ²³Ba kwala se: "Ba aposetoloi, bagolwane le bakaulengwe, le bakaulengwe ba Baditshaba mo Antioke, Siria le Kelekia, re a le dumedisa.²⁴Re utlwile ka banna bangwe ba ba duleng mo go rona, re sa ba neela taolo epe, ba lo tshwentse ka dithuto dingwe tse di tshwentseng mewa ya lona. ²⁵Mme jaanong ra bona gole molemo mo go rona go dumalana go tlhopha banna mo go rona go ba romela koo go lona le baratwa ba rona Barenabase le Paulo, ²⁶batho ba ba beileng matshelo a bone mo diphatseng ka leina la Morena Jeso Keresete.²⁷Jalo re rometse Paulo le Silase, ba le bone ba tlaa le bolelelang dilo tse di tshwanang. ²⁸Ka gobo go lebega go le molemo mo Moweng o o Boitshepo le mo go rona, gore re seka ra le rwesa morwalo ope o o bokete fa ese dilo tse di botlhokwa tse; ²⁹gore le kgaogane le dilo tsotlhe tse di neetsweng mo badimong, madi, le mo go tse di kgamilweng, le mo boleong jwa tlhakanelo dikobo. Fa o ikgaoganya le dilo tse tsotlhe o tlaa siamelwa. Salang sentle."³⁰Mme bone, e rile ba setse ba letlelelwa go tsamaya, ba tsena mo Antioka; yare ba sena go phutha matshwititshwiti ga mmogo, ba gorosa mokwalo. ³¹Fa ba sena go o bala, ba itumelela kgothatso. ³²Jutase le Silase, ka e le baporofeta, ba kgothatsa bakaulengwe ka mafoko a mantsi le go ba thatafatsa.³³Fa ba sena go fetsa lobakanyana gone, ba gololwa ka kagiso gotswa mo bakaulengweng go boela kwa go ba ba ba rumileng. ³⁴³⁵Mme Paulo le Barenabase ba nna mo Antioka le ba bangwe ba bantsi , ba ruta le go rera lefoko la Morena teng.³⁶Morago ga malatsinyana Paulo a raya Barenabase a re, "A re boele morago re etele bakaulengwe mo metseng yotlhe e re rerileng lefoko la Morena mo go yone, re tlhole bakaulengwe gore ba tsoga jang. ³⁷Barenabase a batla gore ba tsamae le Johane yo o neng a bidiwa Mareko. ³⁸Mme Paulo a bona gose molemo go tsaya Mareko, yo o neng a kgaogana le bone kwa Pampilia a seka a tswelela le bone mo loetong lwa tiro.³⁹ Mme ga tsoga kgang e e botlhoko ya go tlhoka go dumalana mo gare ga bone, e e neng ya ba kgaoganya, ka jalo Barenabase a tsaya Mareko ba tsamaya ka mokoro go ya Kipero. ⁴⁰Mme Paulo a tlhopha Silase mme a tswa, a sena go neelwa mo tshegofatsong ya Morena ke bakaulengwe. ⁴¹A tswa a ralala Siria le Kilikia, a nonotsha diphuthego.

16¹Paulo le ene a tla ko Derebe le ko Lesitare; mme bonang, morutwana mongwe yo o bidiwang Timotheo a bo a le koo, morwa wa mosadi wa Mojuta yo o dumetseng; rraagwe e ne e le Mogerika. ²O ne a buiwa bontle ke barwarraagwe ba ba neng ba le kwa Lisetara le Ikoniamo. ³Paulo o ne a mmatla gore a tsamae le ene. Ka mabaka a Bajuta ba ba neng ba le mo dikgaolong tseo, a mo tsaya a mo rupisa ka gore botlhe ba ne ba itse gore rraagwe ke Mogerika.⁴Ya re ba le mo ditseleng tsa bone mo gare ga ditoropo, ba neela dikereke ditaelo gore ba di obamele, tse di kwadilweng ke baaposetolo le baeteledipele mo Jerusalema. ⁵Jaanong dikereke tsa nonotshiwa mo tumelong tsa bo tsa gola ka dipalo letsatsi le letsatsi.⁶Paulo le bangwe ka ene ba ralala dikgaolo tsa Firigia le Galatia, ka ba ne ba iditswe ke Mowa o Boitshepo go rera mafoko mo mafelong a Asia. ⁷Fa ba atumela Misia, ba leka go tsena mo Bithinia, mme Mowa wa ga Jeso wa ba kganela. ⁸Jaanong fa ba feta ka Misia, ba tsena mo toropong ya Toroase.⁹Mo bosigong Paulo a bona ponatshegelo; Monna wa Masetonia o ne a eme foo, a mmitsa a re, ''Tlaya jaana mo Masetonia o tle go re thusa.'' ¹⁰Morago ga Paulo a sena go bona ponatshegelo, ka bofefo ra phutha go ya ko Masetonia. Ra tsaya tshwetso ya gore Modimo o re biditse go ba rerela mafoko a molemo.¹¹Ra tswa ka mokoro mo Teroase, ra tlhamalelela ka Samotherase, letsatsi le le latelang ra tla ko Neapolise. ¹²Go tsweng foo ra ya ko Filipi, e e leng toropo ya Masedonia, toropo e e botlhokwa thata mo kgaolong le mo lefelong le le ipusang la Baroma, mme ra nna mo toropong e malatsi. ¹³Ka letsatsi la Sabata ra tswela ko ntle ga kgoro e e fa nokeng, ko re neng re akanya gore gona le lefelo la thapelo. Ra nna fa fatshe ra bua le bomme ba ba neng ba ikgobokantse.¹⁴Mosadi mongwe yo o bidiwang Lidia, a tswa mo toropong ya Thiatira, morekise wa matsela a phepole, yo o obamelang Modimo a re reetsa. Morena a mmula pelo go reetsa dilo tse di neng di buiwa ke Paulo. ¹⁵Fa a kolobediwa le ba ntlo ya gagwe, a re kopa, a re; ''Fa o atlhotse gore ke boikanyego mo Modimong, a re ye ko ntlong ya me le e go nna teng.'' Ra dumalana le ene.¹⁶Ga tla nako eo e re neng re ya ko lefelong la thapelo, kgarejwana nngwe e e nang le mowa wa boloi a re kgathantsha. A isetsa beng ba gagwe khumo e kgolo ka go bua boitseanape. ¹⁷Mosadi yo a sala Paulo le rona morago a goa, a re, ''Banna ba ke batlhanka ba Modimo yo o ko godimo. Ba bua le lona mafoko poloko.'' ¹⁸A dira se malatsi a le mantsi. Mme Paulo ka go tlatswa bogale ke ene,a retologa a raya mowa a re , '' Ke go laela ka leina la ga Jeso Keresete gore o tswe mo go ene.'' Wa tswa gone foo.¹⁹Fa beng ba gagwe ba lemoga gore tsholofelo ya kgolo ya bone e nyeletse, ba tshwara Paulo le Silase ba ba gogela ko marekisetsong fa pele ga baeteledipele. ²⁰Fa ba sena go ba tsisa fa pele ga baatlhodi, ba re, ''Banna ba ke Bajuta, ba tsisa mathata mo toropong ya rona. ²¹Ba ruta dilo tse di seng ka fa molaong mo go rona go di amogela kgotsa go di lebelela re le Baroma. ''²²Mme matshwititshwiti a tsogologela Paulo le Silase; Baatlhodi ba ba kgagolela diaparo,ba ntsha taolo ya gore ba betswe ka dithobane. ²³Fa ba sena go ba betsa mo go botlhoko, ba ba tseya mo kgologelong mme ba laela modisa kgolegelo go ba tlhokomela thata. ²⁴Morago ga go amogela taelo eo modisa kgolegelo a ba isa mo kgolegelong e e ko teng a ba funela maoto mo sesaneng.²⁵Gare ga bosigo Paulo le Silase ba bo ba rapela ba opelela Modimo difela, mme magolegwa a mangwe a ne a ba reeditse. ²⁶Ka bonako ga nna le thoromo e kgolo ya lefatshe e e leng gore motheo wa kgolegelo o ne wa tshikinyega; ka bofefo mabati otlhe a bulwa le dikeetane tsa batho botlhe tsa funololwa.²⁷Modisa magolegwa a tsoswa mo borokong a bo a bona mabati a butsweng a kgolegelo; Ka gore o ne a akanya fa magolegwa a tshabile,a somola tshaka ya gagwe,ya re a re wa ipolaya. ²⁸Paulo a goa ka lentswe le legolo, a re, ''O seka wa ikgobatsa ka gore rotlhe re fa.''²⁹Modisa magolegwa a re a dipone di tle a bo a itlhaganelela go tsena mo kgolegelong,a roroma ke letshogo,a wela fa fatshe fa pele ga ga Paulo le Silase, ³⁰a ba isa ko ntle a re, ''Borra, ke ka dira eng go bolokwa?'' ³¹Ba re, ''Dumela mo go Morena Jeso, o tla bolokwa, wena le ba ntlo ya gago.''³²Ba mmolelela lefoko la Morena, le botlhe ba ba mo ntlong ya gagwe. ³³Ka sone sebaka seo modisa magolegwa a ba tsaya a ba tlhapisa dintho. Ka bofefo ene le bantlo ya gagwe ba kolobediwa. ³⁴A isa Paulo le Silas ko ntlong ya gagwe a bo a ba fa dijo. A itumela mo go golo le ba ntlo ya gagwe, ka gore botlhe ba dumetse mo Modimong.³⁵Jaanong ya re go le motshegare, baatlhodi ba romela molaetsa ko badisa magolegweng ba re, ''Tlogela banna bao ba tsamae.'' ³⁶Modisa magolegwa a bega mafoko ko go Paulo, a re, ''Moatlhodi o nthomeletse molaetsa wa gore ke le tlogele le tsamae; Jaanong ka jalo tswaang le tsamae ka kagiso.''³⁷Mme Paulo a ba raya a re, ''Ba re biditse mo matlhong a setshaba, banna ba ba sa bonwang molato ba Baroma, e bile ba re latlhetse mo kgolegelong; A jaanong ba batla go re ntsha mo sephiring? Nnyaa; a batle ka bo bone ba tle go re ntsha.'' ³⁸Badisa magolegwa ba bega mafoko a ko baatlhoding; Baatlhodi ba ne ba tshoga fa ba utlwa gore Paulo le Silase e ne e le Baroma. ³⁹Baatlhodi ba tla kwa go bone ba ba kopa go tsamaya; Mme ya re fa ba ba ntshitse mo kgolegelong ba ba kopa gore ba tswe mo toropong.⁴⁰Ka jalo Paulo le Silase ba tswa mo kgolegelong ba tla kwa ntlong ya ga Lidia, fa ba bona barwarraabo, ba ba kgothatsa ba bo ba tswa mo toropong.

17¹Jaana e rile ba sena go ralala ditoropo tsa Amfipolisa le Apolonia, ba tla ko toropong ya Theselonika, ko go neng go na le sinagoge ya Bajuta. ²Paulo, ka ana a tlwaetse, a ya ko go bone, a ganetsana le bone ka dikwalo malatsi a bo Sabata ale mararo.³O ne a phutholola dikwalo ebile a ba tlhalosetsa gore go ne go tshwanetse gore Keresete a bogisiwe le gore atsoge gape mo baswing. A re, "Jeso yo ke le mo bolelelang ke ene Keresete." ⁴Bangwe ba Bajuta ba ne ba tlhaloganya mme ba ikopanya le Paulo le Silase, go akaretsa Bagerika ba ba rapelang, bontsi jwa bomme ba ba eteletseng pele le matshwititshwiti.⁵Mme Bajuta ba ba sa dumeleng, ka ba ne ba tlhotlhelediwa ke lefufa, ba tsaya banna ba ba boikepo go tswa ko marekisetsong, ba kgobokanya batho, ba tlisa tlhakatlhakano mo toropong. Ba tlhasela ntlo ya ga Jasone, ba ne ba batla go ntshetsa Paulo le Silase ko bathong. ⁶Mme e rile ba sa ba bone, ba gogela Jasone le bakaulengwe bangwe ko balaoding ba toropo, ba lela, "Banna ba ba tlisitseng mathata mo lefatsheng le bone ba tsile kwano. ⁷Banna ba ba Jasone a ba amogetseng ba dira kgatlhanong le ditaolo tsa ga Kaisara; ba re go nale kgosi e nngwe ebong Jeso."⁸Fa batho le balaodi ba toropo ba utlwa dilo tse, ba ne ba tshwenyegile. ⁹Morago ga go duedisa Jasone le ba bangwe, ba ba tlogela ba tsamaya.¹⁰Bosigo joo bakaulengwe ba romela Paulo le Silase ko Berea. Fa ba goroga koo, ba tsena mo sinagogeng ya Bajuta. ¹¹Jaanong batho ba ba ne ba eletsa go reetsa go nale ba ba ko Theselonika, ka ba amogetse lefoko ka tlhaloganyo yotlhe e e ipaakantseng, ba sekaseka dikwalo malatsi otlhe go bona gore a dilo tse di ntse jalo. ¹²Ka jalo bontsi jwa bone ba dumela, le basadi ba ba tlotlegang ba Bagerika le banna ba ba le bantsi.¹³Mme fa Bajuta ba Theselonika ba utlwa gore Paulo le ene o bolela lefoko la Modimo ko Berea, ba ya teng ba tsisa tlhakatlhakano le letshogo mo bathong. ¹⁴Ka bofefo bakaulengwe ba romela Paulo go ya ko lewatleng, mme Silase le Timotheo ba sala koo. ¹⁵Bao ba neng ba tsamaisa Paulo ba mo isa ko toropong ya Athena. Jaaka ba tlogela Paulo koo, ba amogela ditaolo tsa gagwe gore Silase le Timotheo ba tle ka bofefo jo bo ka kgonegang.¹⁶Jaanong fa Paulo a ba emetse ko Athena, mowa wa gagwe o ne wa tenega fa a bona toropo e tletse medimo ya disetwa. ¹⁷A buisana le Bajuta ba ba obamelang Modimo mo Sinagogeng le bao ba a neng a kopana le bone ko marekisetsong malatsi otlhe.¹⁸Mme gape matlhale a Baepikurea le Basetoika ba kopana le ene. Ba bangwe bare, "Ana mmalabadi yo o leka go reng?" Ba bangwe bare, "O lebega e le moreri wa medimo ya disetwa," ka gore o ne a rera ka Jeso le tsogo.¹⁹Ba tsaya Paulo ba mo isa ko go Areopago, bare, "A re ka itse thuto e ntsha e o neng o e bolelang? ²⁰Gonne o tsisa dilo tse re sa di itseng mo ditsebeng tsa rona. Jaanong re batla go itse gore dilo tse di raya eng." ²¹(Jaanong Baathena botlhe le baeng ba ba nnang teng ba tsaya nako ba sa dire sepe mme e bile ba sa bue sepe kgotsa ba sa reetse sepe se se sesha.)²²Jaana Paulo a ema fa gare ga Areopagose a re, "Lona batho ba Athena, ke bona gore le tletse ka tumedi mo tseleng tsotlhe. ²³Gonne e rile ke feta ke leba dilo tse le di obamelang, ke ne ka fitlhela aletara e na le mokwalo oo reng, "Go Modimo oo sa itseweng." Ka jalo se le se obamelang ka boikgatholoso, se ke a le se bolelela.²⁴Modimo yo o dirileng lefatshe le sengwe le sengwe se se mo go lone, ka gore ke Morena wa legodimo le lefatshe, ga a tshelele mo ditempeleng tse di agilweng ka diatla. ²⁵E bile ga a direlwe ka diatla tsa batho, jaaka o kare o tlhoka sengwe, ka gore ene a neelang batho botshelo le mowa le sengwe le sengwe.²⁶Go tswa mo monneng a le mongwe a dira ditshaba tsotlhe tse di nnang mo godimo ga lefatshe, ka o tlhomamisitse dipaka tsa bone le melolwane e ba tshelelang mo go yone. ²⁷Jalo, ba tshwanetse go batla Modimo gongwe ba tla o fitlhelela a bo ba o bona, mme ka boammaruri ga a kgakala le ope wa rona.²⁸Gonne mo go ene re a tshela, re a tsamaya e bile re batho, jaaka mongwe wa baboki ba lona a buile a re, 'Gonne le rona re bana ba o ne.' ²⁹Ke gone e re ka re le bana ba Modimo, ga re a tshwanela go akanya gore bomodimo bo tshwana le gouta, kgotsa silefera, kgotsa matlapa aa betlilweng ka botswerere le dikakanyo tsa motho.³⁰Ke gone dinako tsa go tlhoka kitso Modimo o ne a di ikgatholosa, mme jaanong o laola batho botlhe gongwe le gongwe gore ba ikotlhae. ³¹Se ke ka gore o tlhomile letsatsi le a tsileng go atlhola lefatshe mo tshiamong ka monna yo a mo tlhophileng. Modimo o rurifaleditse batho botlhe ka o mo tsositse mo baswing.³²Jaanong fa batho ba Athena ba utlwa ka tsogo ya baswi, bangwe ba sotla Paulo; mme ba bangwe bare, "Re tla go reetsa gape ka kgang e." ³³Morago ga mo, Paulo a ba tlogela. ³⁴ Mme batho bangwe ba ikopanya le ene ba dumela, go akaretsa Dionisio wa Moareopago, mosadi a bidiwa Damarise, la ba bangwe ba na le bone.

18¹Morago ga dilo tse Paulo a tswa mo Athenese a ya Korinta. ²Koo a fitlhela monna mongwe wa mojuta a bitswa Akwila, monna wa Pontose ka letso; e ne ele gone a tlang go tswa Etale le mosadi wa gagwe Poresela, Ka gore Telaodiase one a laoletse Bajuta botlhe go tlogela Roma; jaanong Paulo atla kogo bone; ³Paulo a nna abo a bereka le bone ka gore one dira diro e thswanang le ya bone. Ene ele badiri ba di tante.⁴Jaanong Paulo a ntsha mabaka mo Senagoneng Sabata mongwe le mongwe. A dira gore Bajuta le Bagerika ba dumele. ⁵Mme fa Selase le Timotheo ba fologela go tswa Mesedonia, Paulo a dirwa ke mowa go pakela Bajuta gore Jeso ene ele Keresete. ⁶Fa Bajuta ba mo ganetsa ba bo bamo tlhapatsa, Paulo a tlhotlhorela seaparo sa gagwe mogo bone a ba raya are, "A madi a lona a nne mo ditlhogong tsa lona; ga kena molato. Go tswa gompieno ke tla ya ko Baditshabeng.''⁷Jaanong atswa hoo aya ko ntlong yaga Thaethase Jusetose, monna yo obamelang Modimo. Ntlo ya gagwe ene e bapile le Senagoge. ⁸Keresepase, moeteledipele wa Senagoge le botlhe ba ntlo ya gagwe bane ba dumela mo Moreneng. Bontsi jwa Bakorinta ba ba neng ba utlwa Paulo bane ba dumela mme ba kolobediwa.⁹Morena a raya Paulo bosigo ka ponatshegelo are, ''O seka wa boifa, mme bua o seka wa didimala. ¹⁰Gonne kena le wena, mme ga gona ope o o ka lekang gogo utlwisa botlhoko, gonne kena le batho bale bantsi mo toropong e.'' ¹¹Paulo a nna koo ngwaga le sephatlo, a ruta lefoko la Modimo magareng ga bone.¹²Mme yare Galaleo a nna molaodi wa Achia, Bajuta ga mmogo ba tsogologela Paulo, bamo tlisa fa pele ga setilo sa tshekiso; ¹³13 bare, ''Monna oo o dira gore batho ba obamele modimo ntswa go se kafa molaong.''¹⁴Fa Paulo a tloga a bua, Galalio a raa Bajuta are, "lona Bajuta, fa nne ele ka kgang ya molato kana borukutlhi, nkabo go siame gore ke tsenelele. ¹⁵Mme ka gore dipotso tse ke ka ga mafoko le maina le molao wa lona, e buweng kabo lona. Gake eletse go nna moatlhodi wa dikgang tse."¹⁶Galaleo aba dira gore ba tswe mo setileng sa bosekelo. ¹⁷Mme botlhe ba tshwara Sosethese, molaodi wa Senagoge, ba mmetsa fa pele ga setilo sa bosekelo. Mme Galaleo a seka a kgathala kase ba se dirileng.¹⁸Paulo, a sena go nna koo malatsi ale mantsi, a tlogela bakaulengwe a tsamaya ka mokoro goya Seria ana le Poresila le Akwila. Pele ga a emelela fa seemelong sa mekoro, Sencherae, a ipeola tlhogo ka gore one a tsere sekano sa mo Nnasareta. ¹⁹Fa ba tla mo Ephesase, Paulo a tlogela Poresila le Akwila teng, mme ene a tsena mo senagogeng a fana mabaka le Bajuta.²⁰Fa ba kopa Paulo go nna lebakanyana, a gana. ²¹Mme fa a ba tlogela, are, "Ketla boela gape kogo lona fa ele gorata ga Modimo." Jaanong a tswa ka mokoro mo Efesase.²²Fa Paulo a goroga ko Kaesarea, a tsamaa aya go dumedisa kereke ya Jerusalema mme a tsamaa aya ko Antioke. ²³Fa a sena go tsaa nakonyana, Paulo a tsamaa a ralala kgaolo ya Galatea le Pirigia a kgothatsa barutwa botlhe.²⁴Jaanong Mojuta mongwe a bitswa Apoloso, Moalekesanta ka tsalo, atla Efesase. O ne a abetswe puo e bile a itse dikwalo. ²⁵Apolose o ne a laetswe mo thutong ya Morena. A tiile mo moweng, one a bua abo a ruta ka boammaaruri dilo tsedi amanang le Jeso, mme one a itse fela kolobetso yaga Johane. ²⁶Apoloso a simolola go bua ka matlhagatlhaga mo di senagogeng. Yare Poresila le Akwila ba mo utlwa, ba mo dira tsala a bo ba mo tlhalosetsa tsela tsa Modimo ka boammaaruri.²⁷E rile a eletsa go tlolela ko Akia, bakaulengwe ba mo kgothatsa ba kwalela barutwa ko Akia go mo amogela. Fa a goroga, a thusa thata ba ba neng ba dumela ka tshegofatso. ²⁸Apoloso o ne a palela Bajuta mo phatlalatseng ka maatla le kitso, a supa ka dikwalo gore Jeso ene ele Keresete.

19¹Jaanong e rile Apolose ale ko Korinta, Paulo a ralala lefatshe le le ko godimo a fitlha a tla ko Efeso, a bona barutwa bangwe teng. ²Paulo a ba raya are, ''A le amogetse Mowa oo Boitshepo fa le dumela?'' Ba mo raya, ''Nnyaa, ga reise re utlwe ka Moya oo Boitshepo.''³Paulo are, ''le kolobesitswe mo go eng?'' Bare, ''Mo kolobetsong ya ga Johane.'' ⁴Jalo Paulo a fetola are, ''Johane one a kolobetsa ka kolobetso ya boikotlhao. A bolelela batho gore ba batshwanetse go dumela mo go yo o tlaatlang morago ga gagwe, a raya gore, mogo Jeso.''⁵Fa batho ba utlwa se, bane ba kolobediwa mo ineng la Morena Jeso. ⁶Jalo fa Paulo a sena go ba baya diatla, Moya oo Boitshepo wa tla mo go bone mme ba bua ka diteme tse dingwe mme ba porofita. ⁷Botlhe ka palo e ne ele banna bale lesome le bobedi.⁸Paulo a tsena mo Senagogeng a bua ka bogaka ka sebaka sa kgwedi tse tharo. O ne a eteletse pele dipoisanyo a kgothaletsa batho ka ga dilo tsa bogosi jwa Modimo. ⁹Mme fa Bajuta bangwe ba thatafala ba tlhoka kutlo, ba simolotse go bua bosula ka tsela yaga Keresete fa pele ga matshititshiti. Foo Paulo a ba tlogela a etelela badumedi pele go tswa mo go bone. A simolotse go bua tsatsi le letsatsi mo ntlung ya thuto ya Tiranase. ¹⁰Se sa tswelela dingwaga tse pedi, gore botlhe ba ba nnang mo Asia bane ba utlwa lefokola la Morena, botlhe Bajuta le Bagerika.¹¹Modimo one a dira ditiro tse dikgolo ka letsogo la ga Paulo, ¹²le balwetsi tota ba ne ba fodisiwa, le mewa ee bosula ya tswa mo go bone, fa ba tsaya matsela le dikhiba go tswa mmeleng wa ga Paulo.¹³Mme gone gona le Bajuta ba ba kobang mewa ee bosula ba ba tsamayang le mafelo ba tsere leina la ga Jeso go le iterisetsa. Bane ba le bua mo go ba baneng bana le mewa ee bosula; bare, ''Ke go laola ka leina la Jeso le Paulo a rerang gore letswe." ¹⁴Ba baneng ba dira jaana ene ele barwa ba le supa ba Moperesita mogolo Bajuta, Sekefa.¹⁵Mme mowa oo bosula wa ba araba, ''Jeso ke a mo itse, le Paulo ke a mo itse, mme wena o mang?'' ¹⁶Mowa oo bosula wa tlolela banna wa ba fekeetsa wa ba betsa. Ba tswa mo ntlung ba sia ba sa apara bale dintho. ¹⁷Se sa itsewe ke botlhe, Bajuta le Bagerika, ba ba neng ba nna ko Efeso. Ba tshoga fela thata, mme leina la Morena Jeso la tlotliwa.¹⁸Gape, badumedi bale bantsi bane ba tla go ipolela lego amogela bosula jo ba bo dirileng. ¹⁹Ba le bantsi ba maselamose a ditshwantsho ba tlisa dibuka tsa bone ga mmogo ba di tshuba mo ponong ya botlhe. Fa ba tlhakanya palo ya tsone, ene ele dikete tse di masome matlhano ya dipepetlana tsa selefera. ²⁰Lefoko la Morena la anama thata ka tsela ee matla.²¹Mme Paulo morago ga go feleletsa bodiredi jwa gagwe ko Efeso, a tsaya tshwetso mo Moweng go ralala Masetonia le Akhia mo tseleng ya gagwe goya Jerusalema; are, ''Morago ga ke sena go nna koo ke tshwanetse go bona Roma.'' ²²Paulo a romela ko Masetonia barutwa bale babedi, Timotio le Ereseta, ba ba thusitseng. Mme ene ka boene o ne a nnile mo Asia ka lebakanyana.²³Ka nako eo ga tsoga khuduego e kgolo ko Efeso ka Tsela ya bokeresete. ²⁴Monna mongwe wa mmetli wa tshipi ya selefera wa leina la Demeterio, oo dirileng ditshwantsho sa selefera sa ga Diana, a tlisetsa babetli papadi e kgolo. ²⁵Mme a phutha banna botlhe ba tiro eo are, ''Borra, lea itse gore mo kgwebong e re dira madi a mantsi.²⁶O a bona o utlwa se, e seng ko Efeso fela, mme mo Asia otlhe, Paulo o dirile gore bale bantsi ba dumele ba fetoge. A re ga gona badimo baba dirilweng ka diatla. ²⁷Gase fela gore tiro ya rona ga eye go tlhole e batliwa, le gape gore tempele ya ga modimogadi o mogolo Diana eka tseiwa e se sepe. Jaanong a latlhegelwe ke bogolo jwa gagwe, ene yo eleng gore Asia otlhe oa mo obamela.''²⁸E rile ba utlwa se, ba tlala ka bogale ba lela ba goeletsa, bare, ''Go mogolo Diana wa Baefesia.'' ²⁹Toropo yotlhe ene e tletse ka tsietsego, mme batho ba tabogela mo lebaleng la bodiragatsi ga mmogo. Ba ne ba tshwere Gaase le Aristatose ba patile baga Paulo go tswa Masetonia.³⁰Paulo one a batla go tsena mo matshititswiting, mme Barutwa ba mo kganela. ³¹Gape, baeteledipele bangwe ba lefelo la Asia ba eleng ditsala tsa gagwe ba mo romelela molaetsa ba gatelela kopo ya gore a seka a tsena mo lebaleng la bodiragatsi. ³²Batho bangwe bane ba goweletsa selo sengwe, bangwe se sengwe, ka boidiidi bone bole mo tsietsegong. Bontsi ba bone bane ba sa itse le gore ba tletse eng.³³Bajuta ba ba ya Alekesanta mo matshwititshwiting ba mmaya ko pele ga batho. Alekesanta a supa ka diatla tsa gagwe a tlhalosetsa batho. ³⁴34 Mme fa ba lemoga gore ke Mojuta, mme ba goa botlhe ka nako ele nngwe selekanyo sa oura tse pedi, ''Go mogolo Diana wa ba Epheso.''³⁵Yare mokwalediwa motse a sena go didimatsa matshwititswiti, a bua are, ''Lona banna ba Efeso, ke mang mo go lona yoo sa itseng gore toropo ya Efeso ke motlhokomedi wa tempele ya ga Diana yo mogolo le setshwantsho sa yoo oleng ko legodimong? ³⁶Ba bona gore dilo tse ga se tse di ganediwang, le tshwanetse go didimala le se dire sepe ka potlako. ³⁷Gonne le tsisitse banna ba, ba e seng magodu a dilo tsa tempele le eseng batlhapatsi ba modimogadi wa rona.³⁸Jaanong, fa ele gore Dametera le bathudi ba anang le bone ba batla go pateletsa mongwe, makgotla a tshekelo a butswe ana le balaodi. Ba lese ba pateletsanye. ³⁹Mme fa ele kgang e sele e tlaa rarabololawa mo bokopanong bo bo tlwaelesegileng. ⁴⁰Gonne re mo kotsing ya go ka bewa molato ka ntlha ya tsogologelana ya gompieno. Ga gona lebaka lepe go baka tlhakatlakano e bile ga re tlaa seke re kgone go e tlhalosa.'' ⁴¹Yare a sena go bua jalo, a phatlalatsa kgobokano.

20¹Morago ga mekubukubu e sena go fela, Paulo a bitsa barutwa aba kgothata. Jaanong aba laela a tswa go tsena mo Masetonia. ²Fa a sena go ralala dikgaolo tseo a bo a kgothatsa badumedi thata, a ya mo Kerisi. ³Morago gago tsaya dikgwedi tse tharo koo, a beelwa selaga ke Bajuta jaaka ane a tloga a tsamaa ka mokoro goya Seria, jalo tsaa tshwetso go boa ka tsela ee ralalang Masetonia.⁴One a patilwe go fitlha ko Asia ke Sopata morwa Phehusa gotwa Berea; Aresetachose le Sekhuntase, botlhe go tswa badumeding ba Thesalonika; Gayase wa Tebe; Timotheo; le Tasekase le Tofomase go tswa Asia. ⁵Mme banna ba bane ba tsamaetse ko Pele ebile bare emetse ko Toroase. ⁶Ra tsamaa ka mokoro go tswa Philepe morago ga malatsi a senkgwe se se sa bedisiwang, mme mo malatsiang ale tlhano ratla kogo bone mo Toroase. Koo ra nna malatsi a supa.⁷Mo letsatsing la ntlha la beke, fa rene re kgobokane ga mmogo go roba senkgwe, Paulo a bua le badumedi. One a ipaakanyeditse go tsamaya letsatsi lele latelang, jalo a tswelela kago bua go fitlhela bosigo gare. ⁸Gone gona le mabone a mantsi mo kamoreng ee kwa godimo kwa re neng re phuthegile teng.⁹Fa letlhaba phefong gane go ntse mokawana mongwe a bidiwa Ethatase, o neng a thulamela mo go golo. Fa Paulo a bua lebaka, mokawana o, a ntse thulametse, awa go tswa mo ntlong ee ko godimo mme a tshwarwa a setse a sule. ¹⁰Mme Paulo a gologela ko tlase, a ikotlololela mogo ene, amo atla. A bo are, ''Le seka la ultwa botlhoko ka gope, gonne o a tshela."¹¹Mme a boela gape ko godimo a roba senkgwe a ja. Morago ga a sena go bua le bone ka sebaka go fitlhela makuku, a tsamaa. ¹²Ba tlisa gape mokawana a tshedile, mme ba kgothetse hela thata.¹³Rona ra tsamaela ko pele gaga Paulo ka mokoro goya Asose, ko re neng re ipaakanyeditse go pega Paulo teng. ¹⁴Se ke sone se le ene a neng a ikaeletse gose dira, ka gore one a ikemiseditse go tsamaa ka dinao. Fa a kopana le rona ko Asose, ramo tsenya mo mokorong goya Metalene.¹⁵Mme ra tsamaya ka mokoro go tswa foo ra goroga tsatsi lele latelang fa pele ga setlhaketlhake sa Tsekose. Tsatsi le le latelang ra goroga ko setlhaketlhakeng sa Samose, ebile letsatsi morago ga re sena go goroga mo toropong ya Meletase. ¹⁶Gonne Paulo one a ikaeletse go feta mo Efesase ka mokoro, gore a seka a tsaa nako epe mo Asia; ka gore one a tabogetse go goroga ko Jerusalema ka ntata ya letsatsi la Pentakosete fa nne go kgonagala gore a dire jalo.¹⁷Go tswa Meletase a roma banna ko Efesase mme a ipiletsa bagolwane ba kereke. ¹⁸Fa ba sena gotla kogo ene, a ba raya are, ''Le lona lea itse, go tswa letsatsi la ntlha ke baya lenao mo Asia, kafa ke neng ke nna ke tsaa nako le lona ka teng. ¹⁹Ka tswelela ke direla Morena ka tlhaloganyo yotlhe ee ikokobeditseng leka dikeledi, le mo tshotlegong ee ntirageletseng ka ntata ya segwenegwene sa Bajuta. ²⁰Lea itse ka fa ke neng ka seka kale lobela gole bolelela sepe ka teng sese mosola, leka fa ke le rutileng ka teng mo phatlaatseng gape le kafa ke neng ke tsena ntlo le ntlwana. ²¹Le a itse ka fa ke neng ke nna ke tlhagisa Bajuta le Bagerika kaga boikotlhao mo Modimong le tumelo mo go Morena Jeso.²²Jaanong, bonang, ke tsamaa ke bofilwe ke Mowa oo Boitshepo go ya Jerusalema, kesa itse dilo tse di tlaa ntiragalelang teng, ²³fela fa ese gore Mowa oo Boitsepo oa mpakela mo ditoropong tsotlhe, are dikeetane le dipugisego di nkemetse. ²⁴Mme gake akanye ka gope gore botshelo jwame bo tlhotlhwa kgolo mo go nna, gore ke tle ke fetse lebelo le bodiredi jo ke bo amogetseng go tswa mo go Morena Jeso, go tshola bosupi ka mafoko aa molemo a tshogofatso ya Modimo.²⁵Mme jaanong, bonang, ke itse gore lona lotlhe, mogo lona ba ke tsamaileng ke rera bogosi, gale kitla le bona sefatlhego same gape. ²⁶Jalo ke a le ikanela tsatsi leno, gore ga kena molato wa madi aga ope. ²⁷Ka gore ga kea le lobela ka gope gorata mo go feletseng ga Modimo.²⁸Jalo he ikeleng tlhoko, leka letsomane lotlhe le Mowa oo Boitshepo ole dirileng gore le le okamele. Eleng tlhoko go disa kereke ya Modimo, e a e rekileng ka madi a gagwe. ²⁹Kea itse morago ga go tsamaya game, diphiri tsedi gagolakang ditla tsena magareng ga lona, ebile dise sekegele letsomane. ³⁰Kea itse gore lemo go lona tota banna bangwe batla tla ba bua dilo tsedi senyang, gore batle ba phatlalatse barutwana goba itseela.³¹Jalo elang tlhoko. Gakologelwang gore dingwaga dile tharo ga keaka ka emisa go tlhagisa mongwe le mongwe wa lona ke tletse ka kutlo botlhoko bosigo le motshegare. ³²Jaanong kele neela mo Modimong lemo lefokong la tshogofatso ya gagwe, le le nonofileng gole aga le go le neela boswa mo go ba ba itshepisitsweng.³³Ga ke a eletsa selefera, gouta, kana seaparo sa monna ope. ³⁴Le lona lea itse gore matsogo a a ntiretse go kopanya botlhoki jwame le jwa ba ke neng kena le bone. ³⁵Mo dilong tsotlhe kele file sekai sa gore le thuse jang batlhoki kago ba direla, le ka fa le tshwanetseng go gakologelwa mafoko a morena Jeso, mafoko a a builweng ke ene are: ''go molemo thata go neela gona le go amogela.''³⁶Morago ga a sena go bua ka tselae, a khubama a rapela le bone botlhe. ³⁷Botlhe ba lela ba wena mo molaleng waga Paulo bamo suna. ³⁸Ba ne ba utlwele botlhoko segolo jang ke se a se buileng, gore gaba kitla ba bona sefatlhego sa gagwe gape. Mme ba mo pata go ya mokorong.

21¹Morago ga go kgaogana le bone re tlotse Lewatle , ra tsaya tsela e e tlhamaletseng go ya toropong ya Kose, mo letsatsing le le latelang go ya toropong ya Roto, morago ga moo ra ya toropong ya Patara. ²Ra bona sekepe se tlolela ko Fenekia, mme ra kgona go tlola lewatle.³Ha re simolola go bona sekaka sa Kipero, ra tsamaela ka ha molemeng go kgabaganyetsa ko Sirea,mme ra goroga mo toropong ya Tiro, ka gore Sekepe se ne se folosa dithoto. ⁴Morago ga go bona barutwana, ra nna teng malatsi a le supa.Barutwana ba bolella Paulo go tsweng mo moweng gore a seka a tla mo Jerusalema.⁵Morago ga go nna malatsi ra emelela ra tswelela le mosepele wa rona. Ba botlhe ba na le basadi le bana ba bone, bane ba re boledisa go fitlhela retswa mo toropong. Re ne ra khubama ra rapela mo thoko ga lewatle, mme morago ra laelana. ⁶Ra tsamaya goya go pagama sekepe, ha bane ba boela ko malapeng gape.⁷E rile re sena go fetsa mosepele go tswa ko Tiro, ra goroga ko potelemai. Teng koo ra dumedisa bo morwa-rre mme ra nna le bone ka letsatsi le le lengwe. ⁸Mo letsatsing le le latelang ra emelela go ya Kaisarea, ra tsena mo ntlong ya ga Filipo, wa moreri wa efangedi, yo e neng ele mongwe wa baba supa, mme ra nna le ene. ⁹Jaana monna yo ana le barwadie bale bane ba eneng ele makgela mme ba porofesa.¹⁰Jaaka rene re ntse foo malatsi a le mmalwa, ga tla moporofita mongwe a bidiwa Agabo go tswa ko Judea. ¹¹One atla ko go rona go tla go tsaya lebante la ga Paulo. Ka lone o ne a ipofa mo maotong le mo matsogong mme a bua are, ''go bua Mowa yo o Boitshepo, go tshwanetse ga nna le Bajuta mo Jerusalema ba ba tla bofang motho yo e leng mong wa lebantle le, mme ba tla mo isa mo diatleng tsa baditshaba.''¹²Fa re utwa dilo tse, rona le batho ba ba neng ba nna mo lefelong le ra kopa Paulo gore a seka a tsamaela ko Jerusalema. ¹³Mme Paulo a araba ''le dirang fa le lela ebile le thuba le pelo yame?'' Ke ipaakantse, mme ga ke a ipaakanyetsa go bofiwa fela, ke ipaakanyeditse le go swela leina la morena Jeso ko Jerusalema.'' ¹⁴Ka gore Paulo o ne asa eletse go patelediwa, re ne ra emisa go leka ra bua re re, ''A thato ya morena e diragale.''¹⁵Morago ga malatsi a, re ne ra tsaya merwalo ya rona ra ya ko Jerusalema. ¹⁶Bangwe ba barutwana gotswa ko Kaiserea ba ne ba tsamaya le rona. Ba na le monna a bidiwa Menasone, monna yo neng ele morutwana wa pele gotswa Kepero yo re tla nnang le ene.¹⁷Fa re goroga mo Jerusalema, barwarre ba re amogela ka boitumelo. ¹⁸Letsatsi le le latelang Paulo a tsamaya le rona ko go Jakobo, mme bagolo bane bale teng botlhe. ¹⁹Morago ga re fetsa go dumedisa, a tsamaya a tsamaya mo go bone ka bongwe ka bongwe go ba begela dilo tse Modimo a di dirileng magareng ga badichaba go tsweng ka bodiredi jwa gagwe.²⁰Fa ba utwa seo ba galaletsa Modimo, mme ba mo raya bare, ''wa bona, morwarre, gore go dumetse dikete tsa batho ba le kahe magareng ga Bajuta. Botlhe ba bone ba ikemeseditse go tshwarelela molao. ²¹Ba boleletswe ka wena gore o ruta Bajuta botlhe ba ba nnang magareng ga baditshaba go ganana le Moshe, le gore o ba bolelela go seka ba rupisa bana ba bone, mme ba seka ba sala tsamaiso ya pele morago.²²Re tshwanetse ra dira eng? Ba tla felela ba utule gore o tsile. ²³Ka jalo dira se re go se boleletseng gone jaana: Re na le bo rre ba le bane ba ba dirileng maikano. ²⁴Tsaya banna ba o itlhatswe le bone, o ba duelele dituelo tsotlhe, gore ba te ba beole ditlhogo tsa bone. Batho ba te ba itse gore dilo tsotlhe tse ba di boleletsweng ka wena ga dina boammaruri. Ba tla ithuta gore le wena o sala molao morago.²⁵Mme go ama baditshaba ba ba dumetseng, re kwadile ebile ra ba neela ditaelo tsa gore ba tshwanetse go ikgapha mo dithabelong tse di diretsweng medingwana ya disetwa, go tsweng mo mading,le mo go tse di betilweng, le go tsweng mo bogokaganing. " ²⁶Mme Paulo a tsaya banna mo letsatsing le le latelang, a itlhatswa le bone, a ya tempeleng go ya go bolela paka ya malatsi a go tlhatswiwa, go fitlhela moneelo o neelwa ka lebaka la mongwe le mongwe wa bone.²⁷Fa malatsi a le supa a le gaotshwane le go fela, bangwe Bajita go tswa Asia ba bona Paulo mo tempeleng a itumedisa matshwititshwiti, ba mo baya matsogo. ²⁸Ba ne goa, "banna ba Iseraela re thuseng" Yo ke ene monna yo o rutang banna gongwe le gongwe dilo tse di kgathanong le batho, molao le lefelo le. Nte le moo, o tsisitse bagerika mo tempeleng mme ebile o leswefaditse lefelo le le boitshepo.'' ²⁹Ka gore go le pele ba bone Terofimo wa mo Efeso a na le ene mo toropong, bane ba tsaya gore Paulo o mo tisitse mo tempeleng.³⁰Toropo yotlhe ene e itumetse, batho ba taboga botlhe go tshwara Paulo. Ba mo gogela ko ntle ga tempele, ka ponyo ya leitho dikgoro tsa tswalwa. ³¹Fa ba ne ba leka go mmolaya, dikgang tsa goroga ko moeeteledipele mogolo wa batlhokomedi gore Jerusalema otlhe o tlhakatlhakane.³²Ka ponyo ya leitho a tsaya masole le bagolwane ba lekgotla ba tabogela ko bontsing ja batho. Fa batho ba bona moeteledipele mogolo le masole, ba emisa go betsa Paulo. ³³Mme moeteledipele mogolo a atumela go tshwara Paulo, a laolwa gore a bofiwe ka dikeetane di le pedi. A botsa gore ke mang le gone o dirile eng.³⁴Batho bangwe mo bontsing jo bane ba goa se sele ba bangwe le bone ba goa se sele. Ka gore moeteledipele o ne asa kgone go bua ka lebaka la modumo a laola gore Paulo a tisiwe mo pele. ³⁵Ha a simololago ema ka dinao, a tsewa ke masole ka lebaka la go bogisiwa ke batho. ³⁶Bontsi ja batho ba mo sala morago ba goa bare, "Ha a tsamaye!"³⁷Jaaka Paulo ane a atlametswa ko pele, a raya moeteledipele are "a nka bua sengwe?" moeteledipele a bua are "a o kgona go bua segerika?" ³⁸A ga se wena moegepeto, yo o neng a eteletse digogelathoko pele abo a tsaya ditsuulodi ba le dikete di le nne go ba tsenya mo sekakeng?"³⁹Paulo a re, "ke mojuta, go tswa mo toropong ya Tareso ko Kelekia. Ke monni wa toropo e e botlhokwa.Ke a go kopa, ntetelele go bua le batho." ⁴⁰Ha moeteledipele a mo fa teta, Paulo a ema ka dinao mme a bua le batho ka letsogo. Ha go nna tshisibalo, a bua le bone ka sehebero. a re,

22¹´´Bakaulengwe reetsang boikarabelo jwa me´´, ²E rile baphuthegi ba utlwa Paulo a bua Sehebera ba didimala botlhe.A re,³Ke mo juta ke, tsholetswe mo Taresa wa Selisia,mme ke rutetswe mo toropong e,mo dinaong tsa Gamaliele. Ke laetswe go ya ka fa molaong oo thata wa bo rraarona mogolo.Ke nyorotse Modimo jaaka lona lotlhe mo nakong ya gompieno. ⁴Ke bogisitse jaana,go isa ko losong.Ke golegile banna le basadi ka ba tsenya ka kgolegelo. ⁵Baperesita ba bagolo le bagolwane ba ka supa gore ke amogetse dikwalo go tswa ko go barwarre baba ko Damaseko, gore ke ba tseele loeto.Ka tsele e,ke ne ke busa batshwarwa go tswa Jerusalema gore batle ba otlhaiwe.⁶Mme ga diragala go e rile ke le mo loetong gaufi le Damaseko,ka nako ya motshegare ga tla lesedi le legolo le tswa ko legodimong la nkapesa. ⁷Ka wela fa fatshe mme ka utlwa lentswe lere, ´Saulo,Saulo´ o mpogisetsang?. ⁸Mme kare ,´O mang , Morena?´,A re,´ Ke nna Jeso wa Nasaretha, yo o mmogisang".⁹Baba neng ba na le nna ba ne ba bona lesedi, mme ba sa tlhaloganye lentswe la o o neng a bua lenna. ¹⁰Ka re, "ke dire eng, Morena",Morena a nthaya are,"tsoga o ye ko Damaseko, mme ba tla a go bolelela dilo tsotlhe tse o tshwanetseng go di dira". ¹¹Ga ke kgone go bona ka ntlha ya kgalalelo ya lesedi,mme ka ya Damaseko ke eteletswe pele ke ba ba neng ke na le bone.¹²Mme ka Kopana le monna yo o neng a bidiwa Ananiase,yo o ineetseng ka tlhoafalo mo malaong go ya kafa bajuteng baba neng ba nna ko lefatshing leo. ¹³Mme a tla ko go nna are,Saulo ema o amogele pono ya gago,mme ke ne ka amogela pono ka mmona¹⁴Mme a nthaa are,´Modimo wa bo rraarona o go kgethile goitse thato ya gagwe,go bona mosiami wa gagwe,go utlwa mafoko aa tswang mo molomong wa gagwe. ¹⁵O tla a nna mosupi wa gagwe mo bathong botlhe ka ga dilo tse o di boneng gape o di utlwile. ¹⁶Gonne o letile eng?,emelela o kolobe,bitsa leina la gagwe o tle o tlhatswiwe maleo.¹⁷Mme morago ga ke sena go boela ko Jerusalema,mme e rile ke santse ke rapela mo tempeleng ke ne ka fiwa pono. ¹⁸Ke ne ka mmona a nthaa are," tswaa mo Jerusalema ka bofefo, gonne ga ba na go amogela bopaki jwa gago ka nna".¹⁹ Mme ke ne kare,Morena ba a itse gore ke tsentse ke le mo kgolegelong gape ke iteile ba ba neng ba dumela mo go wena mo senagogeng ngwe le ngwe. ²⁰Mme e rile madi a mosupi wa gago Setefani a tshologa ke ne ke lebile ke dumalana, gape ke ne ke disitse diaparo tsa ba ba mmolaileng. ²¹Mme a nthaa a re´tsamaa gonne ke tla a go romela ko baditshabeng.""²²Batho ba mo letlelela go bua go fitlhelela ka lebaka le,Mme ba goeletsa bare,a go tlosiwe monna yo, mo lefatsheng gonne ga go na tshwanelo ya gore a tshele. ²³E rile ba go eletsa ba ikgagola diaparo,ba tshela lerole ko godimo, ²⁴Molaodi wa mophato a laola gore Paolo a tlisewe ko go ene mo lefelong la batlhabani, a tle a bodiwe ka thupa gore a tle a bolele gore ke eng fa batho ba le kgatlhanong le ene.²⁵E rile ba sena go mmofa ka dikeetane,Paulo a raa molaodi oo neng a eme foo are,"A go ka fa molaong itaya Moroma ka thupa yo o senang molato"?. ²⁶E rile molaodi a utlwa se, a ya ko go molaodi wa batlhabani a mo raa are",o batla go dira eng? ka monna yo,ke Moroma".²⁷Molaodi o mogolo a mo raya are,"a o moroma?",Paulo a mo raya are,"ee". ²⁸Molaodi o mogolo a mo raya are,"e ne e le ka tlhotlha e kgolo gore ke nne Moroma",mme Paulo a mo raya are, "ke tshotswe ke le Moroma", ²⁹Mme banna ba ba neng ba tshwanetse go mmotsa dipotso ba mo tlogela ka bofefo.Molaodi o mogolo o ne a tshoga a utlwa fa Paulo e le Moroma ka gore ba ne ba mmofile.³⁰E rile letsatsi le le latelang molaodi o mogolo a batla go itse boammaaruri ka bajuta gore ke eng ba pateletsa Paulo molato,mme ba bofolola Paolo. Mme a bitsa moperesita yo mogolo, le baeteledi pele go kopana, mme a bitsa Paulo go tla mogo bone.

23¹Paulo a tlhoma lekgotla matlho ka tlhwaafalo a ba raya are,"Bagaetsho,ke tshedile fa pele ga modimo ka segakolodi se se phepa go fitlhela letsatsi leno." ²Moperesiti o mogolo Ananiase a laola ba ba mo tlhakoreng la gagwe go mo itaya molomo. ³Mme Paulo a mo raya a re,"modimo o tlaa go itaya,moitimokanyi ke wena.A o nkatlhola ka molao,o re ke itewe,mo go kgatlhanong le molao?"⁴Ba ba mo emeng mo tlhakoreng ba botsa bare,"a ke ka fa o tlhapatsang moperesiti wa modimo ka teng?" ⁵Paulo a ba raya a re ,"ke ne ke sa itse bakaulengwe ,fa ele moperesiti mogolo.Ka go kwadile gatwe,o seka wa bua bosula ka babusi ba batho ba ga lona."⁶Fa Paulo a lemoga fa bangwe ele Basadukai bangwe ele Bafarasai,a bua ka lentswe le le ko godimo mo pele ga lekgotla are, "Bakaulengwe,ke Mofarasai,morwa Bafarasai.Ke ka lebaka la go dumela mo tsogong ya baswi go bo ke sekisiwa." ⁷Fa a bua selo se, ga tsoga kgang mo gare ga Bafarasai le Basadukai,mme batho ba fapaana ka mogopolo. ⁸Ka gore Basadukai bare ga gona tsogo ya baswi,ga gona baengele,le fa ele mowa,mme Bafarasai ba dumela mo go tsone tsotlhe.⁹Mme ga tsoga pheretlhego,mme bakwadi bangwe ba lekoko la sefarasai ba ema ba ganetsa bare,"gare bone molato ope mo monneng yo. Go ka nna jang fa ele gore mowa kgotsa moengele o buile le ene?" ¹⁰Fa go tsoga kganetsanyo e kgolo,motlhabani o mogolo a tshogela gore Paulo o tlaa gagolakwa,mme a laela batlhabani go fologela tlase go mo tsaya ka dikgoka mo go bone,mme ba mo isa mo lefelong la batlhabani.¹¹Bosigo bo bo latelang morena a ema mo tlhakoreng la gagwe a mo raya a re,"o seka wa boifa,fela jaaka o supile ka nna mo Jerusalema,o tshwanetse go ya go supa jalo le ko Roma."¹²Fa letsatsi le setse le tlhabile,Bajuta bangwe ba nna lekoko ba bua phutso mo go bone:ba ikana gore ga ba kake ba ja le fa ele go nwa go fitlhela ba bolaya Paulo. ¹³Ene e ka nna banna ba feta masome a mane ba leano le.¹⁴Ba ya ko go baperesiti ba bagolo le bagolwane bare,"Re itsentse ka fa tlase ga phutso e kgolo,ya gore ga re kitla re e ja le fa ele go nwa go fitlhela re bolaya Paulo. ¹⁵Jaanong,a ba lekgotla ba bolelele molaodi wa batlhabani go mo tsisa mo go lona jaaka ekete le tsile go sekaseka kgang ya gagwe ka tlhwaafalo.Fa ele ka ga rona,re ikemiseditse go mmolaya pele a goroga fa."¹⁶Mme setlogolo sa ga Paulo sa utlwa ka ga leano la bone,a tsena mo lefelong la batlhabani a bolelela Paulo ka ga selo se. ¹⁷Paulo a bitsa mongwe wa batlhokomedi a mo raya are,"tsaya mokawana yo o mo ise ko go molaodi wa batlhani,o mo itsise fa ana le sengwe se a batlang go se mmolelela."¹⁸Mme molaodi a tsaya mokawana a mo isa mo pele ga motlhokomela batlhabani a mo raya a re,"Paulo wa motshwarwa o mpileditse fa go ene,a nthomela go tsisa mokawana yo mo go wena."O na le se a tlhokang go se go itsise." ¹⁹Mookamela batlhabani a mo tsaya ka letsogo go ya ko sephiring go mmotsa gore,"ke eng se o batlang go se mpolelela?"²⁰Mokawana a re,"Bajuta ba dumalane go go kopa go tsisa Paulo kamoso mo pele ga lekgotla,jaaka ekete ba batla go utlwa ka botlalo ka kgang ya gagwe. ²¹Mme o seka wa dumalana le bone,ka gore go na le banna ba feta masome a mane ba ba mo laletseng.Ba buile phutso mo go bone gore,ga ba kitla ba a nwa le fa ele go ja go fitlhela ba bolaya Paulo.Le ka sebaka se ba iketleeleditse gore o ba neye tetla.²²Mme mookamedi wa batlhabani a mo naya tsela,"o seka wa bolelela ope ka se o se mpoleletseng." ²³Mme a ipiletsa balaodi ba le babedi a ba raya are,"tsayang batlhabani ba le makgolo a mabedi go ya go fitlha mo Kaesarea,bapalami ba dipitse ba ba masome a supa,le ba dichaka ba le makgolo a mabedi.Le tlaa emelelela ka nako ya boraro ya bosigo." ²⁴A ba laola gore ba tlamele Paulo ka dipalamo gore ba mo ise ka pabalesego ko go Felekise wa molaodi.²⁵A kwala jaana are: ²⁶"Kelaudise Lisia go molaodi yo o tlotlegang segolo Felekise,madume. ²⁷Monna yo o ne a tshwerwe ke Bajuta ebile ba iketleeleditse go mmolaya fa ke goroga mo go bone ka batlhabani go mo falotsa,ka ke lemoga fa ele moroma.²⁸Ke ne ka batla go itse se ba molatofatsang ka sone,mme ka mo isa mo pele ga lekgotla. ²⁹Ka lemoga fa a latofadiwa ka kgang kgatlhanong le molao wa ga bone,mme ga bo go se molato ope o o tshwanelang ke katlholo ya loso kana kgolegelo. ³⁰Mme ka bolelelwa fa go na le leano kgatlhanong le botshelo ba monna yo,jalo ka mo romela ko go wena le ba ba mmonang molato go tla go mo latofatsa fa pele gago.³¹Batlhabani ba obamela ditaolo;ba tsaya Paulo go le bosigo ba mo isa ko go Antipatirise. ³²Mo letsatsing le le latelang batlhani ka bontsi ba tlogela bapalami ba dipitse go tsamaya le ene mme bone ba boela ko lefelong la bone. ³³Fa bapalami ba dipitse ba goroga mo Kaesarea ba tsisa lokwalo le Paulo mo go molaodi.³⁴Fa molaodi a bala mokwalo,a botsa gore Paulo o tswa ko kae,fa a lemoga a tswa ko Kilikia, ³⁵a re "ke tlaa utlwa kgang ya gago fa balatofatsi ba gago batla".A laola gore a tlhokomelwe mo ntlong ya puso ya ga Herote.

24¹Morago ga malatsi a le matlhano, moperesita o mogolo Ananiase, bagolwane bangwe, le mmueledi o mogoloTeretulo ba bo ba le teng. Banna ba, ba bo ba tlisitse melato ya ga Paulo fa pele ga molaodi. ²Fa Paulo a ema fa pele ga molaodi, mmueledi Teretulo a mmalela melato,¨ka gore bakeng la gago go rena kagiso le kutlwisisano, ponelo pele ya gago e aga lefatshe; ³Ka jalo re lebogela tse o di dirang borara Felekise.⁴Gore ke seka ka go lapisa, o ntheetse sentle, ⁵Re ne ra filthela rre yoo a rotloetsa bajuta gore ba seka ba sala melao morago, ke moeteledipele wa leloko lengwe la banazaretha. ⁶O ne a leka go leswafatsa tempele mme ra motshwara.⁷Fa o botsisisa Paulo ka dikgang tsena, ⁸le ,wena, o ka thaloganya gore re bua ka eng. ⁹"Bajuta le bone ba ne ba dumelana le katlholo e ya ga Paulo, gore tsotlhe tse di builweng ke nnete.¹⁰Mme fa molaodi a laola gore Paulo a bue, Paulo a fetola ka gore, " ke itse gore o nnile molaodi wa morafe ona dingwaga, ka boiutmelo ke ka go araba. ¹¹O ka tlhomamisa gore ga go ise go fete malatsi a le lesome le bobedi ke sa ya go rapela ko jerusalema; ¹²Mme ba re ba mphitlhela mo tempeleng, ka seka ka ba lwantsa, le fa ele go tsosa khuduego, le fa e le mo senagogeng, le mo motseng; ¹³mme ga ba ka ke ba tlhomamisa ka melato e ba e buwang ka ga nna gompieno.¹⁴Mme ke dumela gore, ka fa tseleng e ba bitsang lekoko ka teng, ke ka fa ke rapelang modimo wa borraetsho. Ke boikanyego mo go tsotlhe tsa melao le mo dikwalong tsa baporofita. ¹⁵ke na le tsholofelo mo modimong, fela jaaka banna ba ba e emetse,go tla ga tsogo ya baswi, ya botlhe basiame le basiamolodi; ¹⁶Mme mo go se, ke dira ka segakolodi se se senang molato mo modimong le mo bathong.¹⁷Morago ga dingwaga tse dintsi ka tsisa thuso mo morafeng le dimpho tsa madi. ¹⁸Mo go direng se, Bajuta bangwe go tswa Asia ba fitlhela ke le mo moletlong wa itshekisa mo tempeleng, go sena batho kgotsa modumo. ¹⁹Banna ba, ba itshupe fa pele ga gago, ga ba na le dingongorego kana sekgopi ka nna.²⁰Kgotsa, borre ba ba bue molato yo ke o dirileng fa ke eme fa pele ga lekgotla la bajuta ; ²¹fa ese lentswe le le lengwe le ke le buileng ke eme magareng ga bone, ´ke ka tsogo ya baswi ke sone se ke se sekisetswang mo tsatsing jeno.´´²²Felekise o ne a itse ka botlalo ka tsela, mme a tlosolosa kgang ena. A ba raya are, ¨E tlaa re molaodi wa mophato Lusiase a tsile go tswa Jerusalema, ke tla atlhola kgang. ²³''Mme a laola gore go disiwe Paulo, mme ba nne pelonomi, le gore go se nne ope yo o kganelang gore ditsala tsa gagwe di mo tlhole kgotsa di mmone.²⁴Morago ga malatsi, Felekise a boela gae le mosadi wa gagwe Durusila , yo e leng mojuta, a bitsa Paulo go utlwa ka tumelo mo go keresete Jesu. ²⁵Paulo ya re antse a mo ranolela ka tshiamo, boikgapo, le tsheko, Felekise a boifa a mo raya are, ¨tsamaya, ke tla re ke bone sebaka, ke go bitse.''²⁶Mme o ne a na le tsholofelo ya gore Paulo o tla mo neela madi, mme a nna a mmitsa gore a bue le ene. ²⁷Mme morago ga ngwaga tse pedi di sena go feta, Porekio Feseto o ne a nna molaodi morago ga ga Felekise, Mme Felekise o ne a batla go kgatlha Bajuta a tlogela Paulo a le mo kgolegelong.

25¹Jaana Fesetose a tsena mo kgaolwaneng mme morago ga malatsi a le mararo, a tswa kwa Seseria go ya Jerusalema. ²Moperesiti yo mogolo le Bajuta tota ba pega molato mo go Paulo kwa go Fesetose,mme ba bua le Feseto go nonofile. ³Ba kopa Feseto go dumalana le bone ka Paulo go ya le bone Jerusalema gore batle ba mmolaele mo tseleng.⁴Mme Feseto a araba ka gore Paulo ke legolegwa kwa Kaesarea, mme o tswhanetse go boela teng . ⁵"Ka jalo ba ba kgonang", o ne a bua jalo, "ba tshwanetse ba tsamaya le rona,fa gona le sengwe se se molato ka ene lo tla mmona molato."⁶Morago fa a sena go nna malatsi a le lesome le go feta, one a boela Kaesarea. Mme ka letsatsi le le latelang a nna mo setilong sa katlholo mme a laela gore Paulo a tlisiwe kwa go ene . ⁷E rile fa a goroga , Bajuta go tsweng kwa Jerusalema ba ema gaufi nae ,mme ba tlisa melato e mentsi kwa go ene e ba neng ba sa e tlhomamisi. ⁸Paulo a itshereletsa ka go bua a re, "ga ke a dira sepe se se molato kgatlhanong le molao wa Bajuta,kgotsa kgatlhonong le tempele kgotsa kgatlhonong le Kaesara."⁹Mme Fesetose o ne a batla gore Bajuta ba dumalane le ene, ka jalo a araba Paulo a re, "A o batla goya kwa Jerusalema go ya go atlholwa ke nna ka dilo tse?" ¹⁰Paulo a re "ke eme fa pele ga setilo sa katlholo sa ga Kaesara fa ke tshwanetseng go atlholwa teng. Fa ke a direla Bajuta molato, fela jaaka le wena o itse sentle.¹¹Lefa ke kane ke dirile molato kgotsa ke dirile se ke tshwanetsweng go bolawa, ga ke gane go swa, mme fa go mpateletsa ga bone e se boamaruri, ga go ope yo o ka nkisang kwa go bone. Ke bitsa Kaesara. ¹²Morago ga Fesetose a sena go bua le ba Bogakolodi, a araba, "ka biditse Kaesara; o tla a ya kwa go Kaesara.¹³Morago ga malatsi, Kgosi Ageripa le Berenise ba goroga kwa Kaesarea ba etetse Fesetose semmuso. ¹⁴Morago ga go nna koo malatsi a le mmalwa, Fesetose a bolelela kgosi kgang ya ga Paulo a re, "monna mongwe o ne a tlogetswe fa ke Felisiti e le legolegwa. ¹⁵Fa ke le kwa Jerusalema, moperesiti yo mogolo le bagolwane ba Bajuta ba ne ba tlisa molato kgatlhanong le monna yo ko go nna. ¹⁶Mo ka go araba ka gore ga se tsamaiso ya Baroma go neela motho motho ele letlhogonolo; Fa e se gore yo o molato a ipuelele mo go ba ba mmonang molato.¹⁷Jalo, e rile ba sena go nna mmogo, ka seka ka leta, ka letsatsi le le latelang ka nna mo setulong sa katlholo mme ka laola gore monna a bidiwe. ¹⁸Fa bapateletsi ba ema ka dinao go mo pateletsa, ka akanya gore melato yotlhe e ba e mo pateletsang ga se e e tlhwaafetseng. ¹⁹Boemong, ba ne ba na le dikgotlhang le ene mabapi le tumelo ya bone, le ka Jeso yo o suleng. Yo Paulo a buang fa a tshela'' ²⁰Ke ne ka tsietsega ka go tlhomamisa kgang e, mme ka mo kopa gore a o ka seke a ye Jerusalema go ya go atlholelwa kgang e teng.²¹Mme e rile fa Paulo a sena go kopa go bewa mo tlhokomelong a letetse katlholo ya Kgosi, ka mo laola gore a tshegediwe go fitlhelela ke mo romela kwa go Kaesara . ²²Ágeripa a bua le Fesetose, le nna ke batla go reetsa monna yo, "Kamoso Festose a re, '' o tla mo utlwa.''²³'Ka jalo tsatsi le le latelang. Ageripa le Berenise ba tla ka moletlo o mogolo; ba tla mo ntlo lehalahala le badiredi ba sesole le bagolwane ba motse . Fa Fesetose a ntsha taolo, Paulo o ne a tlisiwa kwa go bone. ²⁴Fesetose a re, ''Kgosi Ageripa le botlhe ba lo leng fano, le bona monna yo; bontsi jwa Bajuta ba buisantse le nna fano le kwa Jerusalema, ba goa gore monna yo ga a tshwanela ke go tshela.²⁵Ke ithutile gore ga a dira sepe se a tshwanetseng go swa; mme ka gore o ikopetse go bona Kaesara, ka mo romela ko go ene. ²⁶Mme ga kena sepe se se tlhomameng se ke ka se kwalelang Kaesara, ka lebaka le, bogolo jang ko go wena, Kgosi Ageripa, gore ke nne le sengwe se ke ka se kwalang ka kgang ya gagwe. ²⁷Go nne ga gona mosola gore ke romele legolegwa ke sa bona molato ope ka ene.''

26¹Mme Agirepa a raya Paulo a re,"O ka go ipuelelela"Mme Paolo a tsholetsa letsogo a ipuelelela. ²"ke ikutlwa ke itumetse, kgosi Agirepa, go tlisa kgang yame fa pele ga gago ya go latofadiwa ke bajuta, ³bogolo jang ka gore o moitseanape mo tsamaisong ya bajuta le dipotso, jalo he,ke kopa o ntheetse ka bo pelotelele.⁴Ka boammaaruri, Bajuta botlhe ba itse gore ke tshidile jang mo bo naneng jwa me ko tshabeng ya me ko Jerusalema. ⁵Ba nkitse go tswa ko tshimologong mme ba tshwanetse go amogela gore ke tshidile jaaka Mofarasai,e le lekoko le le dirang dilo ka fa tlhomamong ya tumelo ya rona.⁶Jaanong ke eme fa go tsena mo katlholong ka re ke lebile dilo tsa tsholofetso tse Modimo a di solofeditseng bo rraarona. ⁷Go nne mo ke tsholofetso ya merafe ee lesome le bobedi,ee solofetseng go amogela jaaka ba obamela Modimo ka tlhwaafalo bosigo le motshegare.Ke ka tsholofetso e, kgosi Ageripa, bajuta ba mpateletsang molato. ⁸Ke ka ntlha ya eng go bo le sa dumele gore Modimo o tsosa baswi?.⁹Ka nako nngwe ke ne ke akanya gore ke tshwanetse go dira dilo di le dintsi tse di kgatlhanong le leina la ga Jeso wa Nnasareta. ¹⁰Ke dirile dilo tse dintsi mo Jerusalema.Ke tswaletse badumedi ba le bantsi mo kgolegelong ka taolo ee neng e tswa mo go moperisita o mogolo,mme e rile ba bolawa ke ne ke dumalana le gore ba bolawe. ¹¹Ke bogisitse ga ntsi mo disenagogeng,ke pateleditse go nyatsa,ke ne ke ba gakaletse thata ke ba ke bogisa le ko merafeng e sele.¹²E rile ke dira se, ke ne ka ya Damaseko ka taolo le tsamaiso ya moperesita yo mogolo, ¹³e rile ke le mo loetong ka nako ya motshegare,kgosi,ke ne ka bona lesedi le tswa legodimong le kgalalelo ya lone e neng e feta letsatsi,mme le ne la nkapesa le banna ba ba neng ke le mo loetong le bone. ¹⁴E rile re wela rotlhe fa fatshe ka utlwa lentswe le bua le nna ka puo ya sehebera lere ´Saulo,Saulo´o mpogisetsang? Go thata go raga lomapo .¹⁵Mme ke ne kare,"O mang Morena?"Morena are,"Ke Jeso yo o mmogisang. ¹⁶Jaanong tsoga o eme ka dinao,gonne ka lobaka le,ke go iponagaleditse,go go kgetha go nna motlhanka le mosupi ka ga dilo tse o di o di itseng ka game le dilo tse ke tla a di go bontshang mo nakong ee tlang. ¹⁷Mme ke tla a go golola mo bathong le mo ba ditshabeng ba ke go romang ko go bone, ¹⁸go ba bula matlho le go ba fetola go tswa mo lefifing go tla mo leseding le mo nonofong ya ga saatane go tla mo nonofong ya modimo,gore batle ba amogele boitshwarelo jwa dibe ga tswa mo Modimong le boswa jo bo tswang mo go nna jo ke neng ke bo filweng ka tumelo¹⁹Gonne, Kgosi Ageripa,ga ke a ka ka tlhoka kutlo mo ponong ya selegodimo, ²⁰mme ka simolola ka ba ko Damaseko, go latele ba ba ko Jerusalema le go yeng ko lefatsheng lotlhe la Jutea le mo ba ditshabeng, ke ba reretse gore ba tle ba ikotlhae ba retologele ko Modimong, ba dira ditiro tse ditshwanelang go ikotlhaa. ²¹Gonne ka lobaka le, bajuta ba ne ba ntshwere mo tempeleng ba bo ba leka go mpolaa.²²Modimo o nthusitse go fitlhelela gompieno, ke ema ke paka mo batho ba, le bagolwane ba bone ka sepe se se sa feteng se baporofiti le moshe ba se buileng gore se tla a diragala,²³gore keresete o tla boga, gape o tla a nna wa ntlha mo tsogo ya baswi go tsoga le go rurufatsa lesedi mo Bajuteng le baditshaba"²⁴E rile Paulo a fetsa go ipuelela, Fesetose a bua ka lentswe le le ko godimo are "Paulo o a tsenwa, thutego e kgolo e go dira setsenwa" ²⁵Mme Paulo are,"ga ke setsenwa, motlotlegi Fesetose; mme ka kgothatso ke bua mafoko a boammaaruri le a tlhaloganyo". ²⁶Gonne kgosi o itse ka ga dilo tse; mme ke bua ka bo pelokgale le phuthologo fa pele ga gagwe;ke tlhomamisa gore ga gona sepe se se fitlhegileng go tswa mo go ene,gonne ga a a direla sepe mo sephiring.²⁷A o dumela baporofiti,Kgosi Ageripa?Ke a itse gore o a dumela." ²⁸Ageripa a raya Paulo a re,"Ka lobaka lo le khutshwane o tla a nkgona a ba ke nna mokeresete" ²⁹Paulo a re,"ke rapela Modimo gore le fa go ka nna lebaka le le khutshwane kgotsa le le telele, e se wena fela, le baba nkutlwang gompieno,ba tla a tshwana le nna ba se mo dikeetaneng tsa kgolegelo".³⁰Mme kgosi le molaodi ba ema ka dinao, Benise le ene, le ba ba neng ba ntse le bone; ³¹rile ba tswa mo ntlong lehalahala, ba raana ba re,"Monna yo,ga a na molato gape ga aa tshwanelwa ke loso kana kgolegelo." ³²Ageripa a raa Fesetose a re,"Monna yo o ka bo a gololwa fa a ka bo a sa ikuela ko go Kaisara".

27¹Fa go tserwe tshwetso ya gore re tshwanetse go kgabaganyetsa ko Italia, Ba baya Paulo le magolegwa a mangwe ka fa tlase ga taolo ya molaodi Juleo wa mophato wa Kaisera. ²Ra pagama Sekepe go tswa Ataramite, Se se neng se le gautshwane le go tlolela go ya ko mafelong a Asia a a ikamileng lewatle. Mme ra ya lewatleng. Arisetego wa ko Thesalonika mo nageng Maketonia a tsamaya le rona.³Letsatsi le le latelang ra goroga mo toropong ya Setone, ko Juleo a tshwereng Paulo ka bopelontle ebile a mo letlelela go ya ko ditsaleng tsa tsa gagwe go amogela tlhokomelo ya bone. ⁴Go tsweng foo, ra ya kwa lewatleng go ya go tlola ko sekakeng sa Kipero e e neng e re sireletsa diphefo, ka gore diphefo di ne di le kgatlhanong le rona. ⁵Fa re sena go tlola metsi go bapa le Kelekia le Pamefila, ra goroga kwa Mira, toropo ya Kekia. ⁶Gone koo, Molaodi a bona sekepe go tswa Alekesentera se se neng se ya go kgabaganyetsa kwa Italia. A re tsenya mo teng.⁷Morago ga go tlola ka iketlo malatsi a le mmalwa re setse re gorogile ka bothata go bapa le Kenito, Phefo e ne e sa thola e re letelela go tsamaya ka tsela eo, Jaanong ra tlola mo letlhakoreng le le sereleditsweng la Korota, go lebagana le Salomone. ⁸Ra tlola mo letshitshing ka bothata go fitlhela re goroga mo go le lengwe le le bidiwa Magorogelo a mantle, e e bapileng le toropo ya Lasea.⁹Re setse re tsere nako e ntsi jaanong, Nako ya itimo dijo ya Bajuta e setse e fitile, Mme go setse go le kotsi go ka tlola, Jaaonong Paulo a ba tsibosa, ¹⁰A re "Banna, Ke bona gore loeto le re tlogang re le tsaya le tla nna le dikgobalo le tatlhegelo e kgolo, e seng fela ya dithoto le sekepe, mme le matshelo a rona tota." ¹¹Mme Molaodi o isitse tsepamo e ntsi ko go morena le mo go mong wa sekepe gona le go e baya mo dilong tse neng di buiwa ke Paulo.¹²Ka gore magorogelo a ne a sa siamela go nna ka mariga, bontsi ja bakgabaganyi ba ne ba gakologelwa gone foo, Fa e le gore ka nngwe sebaka re ka goroga ko toropong ya Fenikise, go nna teng ka mariga. Fenekise ke magorogelo ko Kerete, mme e lebile ko bokone-botlhaba le borwa-botlhaba. ¹³Fa phefo ya borwa e simolola go foka go le bonolo, bakgabaganyi ba akanya gore ba setse ba na le se ba se tlhokang, ba somola dikgoge ba tlola ko Kerata.¹⁴Mme morago ga nako e khutshwane phefo e mashetla, e e bidiwang e e tswang Bokone-botlhaba ya simolola go tla mo go rona go tswa go ralala sekaka. ¹⁵E rile fa sekepe se thatafalelwa se sa kgone go lebagana le phefo, Re ne ra kgona go ineela mo go yone ebile ra laolwa ke yone. ¹⁶Ra tabogela mo letlhakoreng le le sereleditsweng la sekaka se sennye se se bidiwang Kelanta; Mme ka bothata re ne ra kgona go tshegetsa mokoro.¹⁷Ya re ba sena go o tsholetsa, ba dirisa megala ya one go bofa ko tlase ga mokoro. Ba ne ba tshogile gore re tshwanetse ra sianela ko metlhabeng ya Siretise, mme ba folosa disaile ba kgweediwa. ¹⁸Re ne re pitlagantswe ke matsubutsubu, mme mo letsatsing le le latelang bakgabaganyi ba simolola go lathela dithoto ko ntlheng e nngwe.¹⁹Mo letsatsing la boraro bakgabaganyi ba tlodisa didiri tsa mokoro ka diatla tsa bone. ²⁰Fa letsatsi le dinaledi di sa phatsime mo go rona ka malatsi a le mantsi, mme matsubutsubu a matona a santse a re tshwenya, tsholofelo epe fela ya gore re ka bolokwa e setse e gannwe.²¹Fa ba sena go tsamaya sebaka ba sena dijo, Ka jalo Paulo a ema magareng ga bakgabaganyi a re, "Banna, le kabo lene la ntheetsa, la seka la tlola lewatle ko Kereta, gore le seka la gobala ebile la latlhegelwa jaana. ²²Mme jaanong ke le kgothatsa gore le kgothale, ka go bane ga go kitla go nna le tatlhegelo ya botshelo magareng ga lona, mme le tla latlhegelwa ke sekepe.²³Bosigo jo bo fitileng moengele wa Modimo yo ke leng wa gagwe , yo ke mo obamelang gape-moengele wa gagwe a eme fa thoko game. ²⁴A re "O se boife, Paulo. O tshwanetse wa ema fa pele le Kaesare, mme bona, Modimo ka bopelonomi ja gagwe o go neetse batho ba o tla kgabaganyang le wena. ²⁵Jaanong, banna, kgothalang, ka ke tshepa Modimo, gore go tla diragala hela jaaka ke boleletswe. ²⁶Mme re tshwanetse ra tsamaya mo setlhaketlhake sengwe."²⁷Fa bosigo ja lesome le bone bo setse bo gorogile, Jaaka re ne ra kgweelediwa mo tseleng e e mo lewatleng la Ateria, Bosigo gare bakgabaganyi ba akanya gore ba goroga mo lefelong lengwe. ²⁸Ba tsaya dipalo ba fitlhela tse di masome a mabedi, morago ga sebakanyana, ba tsaya dipalo gape ba fitlhela e le lesome le botlhano. ²⁹Ba ne ba tshogile bare gongwe ba tla thula matlapa, mme ba digela dikgoge di le nne ko morago ga sekepe ba rapela gore moso o goroge.³⁰Bakgabaganyi ba ne ba batlana le tsela e ka yone ba ka lathang sekepe mme ba gogela sekepe mo lewatleng, mme ba iketsisa o kare ba tla lathela dikgage ko tlase ga mokoro. ³¹Mme Paulo a raya balaodi le masole a re, "Nteng hela monna yo a nna mo sekepeng, ga le kake la bolokwa" ³²Mme masole a kgaola megala ya mokoro ba o tlogela wa tsamaya.³³Fa motshegare o goroga, Paulo a ba rotloetsa botlhe go tsaya dijo. A re, "Letsatsi le ke la bo lesome le bone le ntse le letlile le sa je, ga le ise le je sepe. ³⁴Jaanong ke le kopa go tsaya dijo, go nne mo ke ga go tshela ga lona, mme ga go ope moriri wa lona o o tla le latlhegelang." ³⁵Fa re sena go bua se, a tsaya senkgwe mme a leboga Modimo fa pele ga mongwe le mongwe. A robaganya senkgwe a bo a simolola go ja.³⁶Jaanong ba botlhe ba kgothala mme ba tsaya dijo. ³⁷Re ne rele batho ba le makgolo a mabedi, masome a supa le borataro mo sekepeng. ³⁸Fa ba sena go ja mo go lekaneng, ba dira sekepe motlhofo ka go latlhela moroko mo lewatleng.³⁹E rile go le motshegare, ba seka ba lemoga lefelo, Mme ba bona segoro se se nang le motlhaba, mme ba buisana gore a ba ka se kgweeletse sekepe mo go one. ⁴⁰Ba kgaola segoro ba se tlogela mo lewatleng. Ka nako e e tshwanang ba repisa megala ya dipati tse di sokololang sekepe; mme ba tsamaela ko lewatleng. ⁴¹Ba goroga mo lefelong le go kgaoganngwang metsi teng, mme sekepe sa tsena mo lefatsheng. Mokoro wa sekepe wa nwela foo mme wa seka wa satisiwa, mme ko morago ga sekepe ga simolola go thubega ka lebaka la bothata ja makhubu.⁴²Lenaneo la masole e ne e le go bolaya magolegwa gore go se ope wa bone yo o ka thumang a kgona go falola. ⁴³Mme balaodi ba ne ba batla go boloka Paulo, Jaanong a emisa lenaneo la bone, mme a laola ba ba kgonang go thuma go tlola pele ba tsene mo lefelong. ⁴⁴Mme banna botlhe ba tla ba sala morago, bangwe ka dipati, ba bangwe ka dilo tse dingwe tse di tswang mo sekepeng. Ka tsela e ga diragala gore botlhe ba rona ba goroge ba gololesegile mo lefelong.

28¹E rile re sena go tlodisiwa ka pabalelo, ra itsesiwa fa setlhakatlhake se bidiwa Maleta. ²Batho ba teng ba ne ba re tshwara ka botho jo bo siameng, ba ne ba re gotsetsa molelo ba re amogela fela rotlhe, ka ntlha ya dipula tse di neng di na kgapetsa kgapetsa le serame.³Mme e rile fa Paulo a sena go kgobokanya ngata ya dikgong a di tsenya mo molelong, noga ya tswa mo molelong ya itshopelela mo letsogong la gawe. ⁴Fa batho ba bona noga mo letsogong la gagwe, ba raana ba re,'' Monna yo e le ruri ke mmolai yo o falotseng mo lewatleng, mme tshiamo ga e letle gore a tshele.''⁵O ne a tlhotlhorela noga mo molelong mmea seka a gobala. ⁶Ba ne ba solofetse gore ba tla a mmona a fufula kana a wela fa fatshe a swa. Morago ga sebakanyana ba mo lebeletse, ga bo go sena sepe se se seng mo mannong, ba fetola megopolo ba re ke modimo.⁷Mo lefelong le le bapileng le gone foo ga bo gole masimo a mookamedi wa setlhakatlhake o a bidiwang Pubilio. O ne a re amogela, a re tshwara sentle malatsi a mararo. ⁸Ga diragala gore rragwe Pubilio a bo a lwala letshoroma le go tshologa madi. Paulo a ya ko go ene, a rapelela, a mmaya diatla, a mo fodisa. ⁹Morago ga se, batho botlhe mo setlhakatlhakeng ba ba neng ba lwala ba tla mme ba fodisiwa. ¹⁰Batho ba re leboga ka dimpho, ya re fa re setse re tsamaya, ba re neela tsotlhe tse re neng re ditlhoka.¹¹Morago ga kgwedi tse tharo, ra tsena mo sekepeng sa Alekesanteria se se neng se nnetse mariga ko setlhakatlhakeng, letshwao la sone e ne ele la mawelana. ¹²Fa re sena go goroga ko toropong ya Sirakuse, ra nna malatsi a mararo.¹³Go tsweng foo ra tsamaya mme ra goroga ko toropong ya Regio. Morago ga letsatsi ga tsubutla phefo e e neng e tswa borwa, mme morago ga malatsi a mabedi ra goroga ko toropong ya Puteoli. ¹⁴Teng ra kopana le bakaulengwe ra lalediwa go nna malatsi a le supa. Ka tsela ena ra goroga ko Roma. ¹⁵Go tsweng foo bakaulengwe, ba sena go utlwa ka rona,ba tswa kgakala go tswa ko mmarakeng wa Apiose le ko mantlong a mararo a baeti. Fa Paulo a bona bakaulengwe a leboga modimo mme a kgothala.¹⁶Fa re tsena ko Roma, Paulo a letlelelwa go nna a le nosi le motlhabani yo o neng a modisitse. ¹⁷ga diragala gore morago ga malatsi a le mararo Paulo a bitse banna botlhe ba e leng e baeteledi pele mo morafeng wa Bajuta. Fa ba sena go phutlhagana a ba raya a re, ''Bakaulengwe, mme le fa ke sa dira phoso epe magareng ga batho le molao wa bo rraetsho-mogolo, ke golotswe ke le legolegwa go tswa Jerusalema ka tsenngwa mo diatleng tsa Baroma. ¹⁸Fa ba sena go mpotsolosa, ba ne ba eletsa go nkgolola, ka gore go ne go sena lebaka mo go nna la katlholelo leso.¹⁹Mme e rile fa Bajuta ba bua kgatlhanong le dikeletso tsa bone , ke ne ka patelesega go ikuela ko go kaisara, mme e ne ese gore ke tlisa molato kgatlhanong le chaba yame. ²⁰Ka boikuelo jwa me, ka jalo, ke kopile go go bona le go buisana le wena. ke katsholofelo ya Baiseraele ya gore ke bo ke golegilwe ka keetane.²¹Ba mo raya ba re, ''Ga re ise re amogele dikwalo go tswa Jutea ka ga wena, kgotsa ope wa bakaulengwe go bua sepe se se sa siamang ka wena. ²²Mme re batla go utlwa mo go wena gore o akanya eng ka lekoko le, ka gore go itsewe ke rona gore e buiwa kgatlhanong gongwe le gongwe.²³Mme e rile ba sena go mmeela letsatsi, batho ka bontsi ba tla ko go ene mo boagong jwa gagwe, a ba rolela kgang, a ba pakela ka bogosi jwa modimo. A leka go ba sala morago ka Jeso, go tsweng mo molaong wa ga Moshe le baporofita, go tswa mo mosong le mo maitseboeng. ²⁴Bangwe ba ne ba dumela mo go tse di buiwang, mme ba bangwe ba ne ba sa dumele.²⁵Ya re ba sa dumalane, ba tsamaya fa Paulo a sena go bua lefoko le le lengwe a re, ''Moya o boitshepo o buile sentle go tsweng mo go moporofite Esaiya ko go bo rraetshomogolo. ²⁶A re, 'Ya ko bathong ba, o ba ree o re, '' go utlwa le tla utlwa, mme le tla seke la tlhaloganye; Go leba le tla leba mme la seka la bona.²⁷Gonne dipelo tsa batho ba di thatafetse, ditsebe tsa bone di utlwela thateng, ba tswetse matlho a bone; gore ba seka bona ka matlho, ba utlwa ka ditsebe, ba tlhaloganya ka dipelo, ba tla a sokologa, mme ke tla ba fodisa.²⁸²⁹Jalo he, le tla a itse gore poloko e ya modimo e rometswe ko baditshabeng, mme ba tla e reetsa.³⁰Paulo o ne a nna dingwaga tse pedi tse di tletseng mo ntlong ya gagwe e a e adimilweng, a amogela botlhe ba ba tlang ko go ene. ³¹O ne a rera bogosi jwa modimo le go ruta ka tsa ga keresete Jeso ka bopelokgale. Go sena ope yo o mo emisitseng.

Baroma

1¹Paulo, motlhanka wa ga Jeso Keresete, o bileditswe go nna moaposetolo, a kgethetswe go rera mafoko a a molemo a Modimo. ²A ke mafoko a a molemo a a solofeditseng pele ka baporofiti mo dikwalong tse di boitshepo. ³Ke ka ga Morwawe, yo e leng kokomane ya ga Tafita ka fa nameng.⁴Moya yo o Boitshepo o ne a bolela fa a na le nonofo ka a tsogile mo baswing-Jeso Keresete Morena wa rona. ⁵Ka ene re amogetse tshegofatso le seaposetolo ka go nna kutlo ya tumelo mo gare ga merafe yotlhe, ka ntlha ya leina la gagwe. ⁶Le lona le biditswe mo merafeng e, gore le nne ba ga Jeso Keresete.⁷Lekwalo le, ke la ba ba kwa Roma, baratwa ba Morena, ba ba biditsweng go nna batho ba ba boitshepo. A tshegofatso e nne mo go lona , le kagiso go tswa mo Modimong rraetsho le Morena Jeso Keresete.⁸Lantlha, ke leboga Modimo wame ka Jeso Keresete ka ga lona, ka tumelo ya lona e bolelwa lefatshe lotlhe. ⁹Gonne Modimo ke mosupi wame, yo ke mo direlang ka mowa wame ka go rera mafoko a a molemo a morwawe, ka fa ke le umakang ka teng gangwe le gape. ¹⁰KE rapela ka nako tsotlhe gore, ka go rata Modimo, ke kgone go tla kwa go lona.¹¹Ke eletsa go le bona, gore ke le neele neo ya semoya, go le nonotsha. ¹²Ke batla gore re kgothatsane, ka tumelo ya mongwe le mongwe, yame le ya lona.¹³Ga ke batle la tlhoka go itse, bakaulengwe gore, ke eletsa go tla ko go lona, ( mme go fitlhelela gompieno gake ise ke kgone go tla ko go lona), gore ke nne le thobo mo go lona, jaaka baditshaba ba bangwe. ¹⁴Ke kolota botlhe Bagerika le Batswakwa, ba ba botlhale le dieleele. ¹⁵Jaanong, nna, ke ipaakanyeditse go rera mafoko a a molemo, ke rerela le lona ba le kwa Roma.¹⁶Ga ke tlhabisiwe ditlhong ke mafoko a a molemo, ka ke nonofo ya Modimo mo go mongwe le mongwe yo o dumelang, lantlha mo Mojuteng, le Mogerika. ¹⁷Mo go yone, tshiamo ya Modimo e supiwa go tswa mo tumelong go ya tumelong, jaaka go kwadilwe ga twe, '' Basiami ba tla a tshela ka tumelo''.¹⁸Bogale ba Modimo bo senotswe go tswa legodimong kgatlhanong le bosenang Modimo le tshiamololo ya batho, ba ka ntlha ya tshiamololo ba lobang boammaaruri. ¹⁹Ka gore se se itsiweng ka Modimo ba a se bona. Modimo o ba butse matlho.²⁰Gonne tse di sa bonaleng tsa gagwe, e leng, nonofo ya gagwe e e sa feleng le bomodimo ja gagwe di bonaditswe sentle fa e sale tlholego ya lefatshe mo dilong tse di dirilweng. Ka jalo ga bana seipato. ²¹Ke ka gore, le fa ba ne ba itse Modimo ga ba aka ba mo galaletse jaaka Modimo, le fa ele go mo neela tebogo. Ba ne ba nna dieleele mo dikakanyong tsa bone, le dipelo tsa bone tsa ntsholofala.²²Ba ne ba ithaya ba re ba botlhale, mme ba nna dieleele. ²³Ba ananya kgalalelo ya Modimo yo o sa nyeleleng le setshwantsho sa motho yo o nyelelang, le dinonyane, le diphologolo le digagabi tota.²⁴Modimo o ba neetse dikeletso tsa dipelo tsa bone tse di maswe gore ba seka ba tlotla mebele ya bone. ²⁵Ke bone ba ba anantseng boammaaruri ba Modimo ka maaka, ba ba obamelang ba bo ba direla lebopo mo boemong jwa Mmopi ,yo o galalediwang go ya bosakhutleng. Amen.²⁶Ka lebaka le, Modimo o ba neetse mo dithatong tsa bone tse di senang tlotlo, gonne basadi ba bone ba anantse botsalano jwa tlholego le jo e seng jwa tlholego. ²⁷Fela jalo, banna le bone ba tlogetse botsalano ja bone ja tlholego le basadi ba tuka mo go eletsaneng . Ba ke banna ba ba dirileng ditiro tsa matlhabisa ditlhong le banna ba bangwe, mme ba amogela kotlhao e e ba lebanyeng ka lebaka la makgaphila a bone.²⁸Ka ba ne ba sa supe fa ba lemoga Modimo, a ba neelela mo kakanyong ya makgapha, gore ba dire dilo tse di sa tlhamalalang.²⁹Ba tladitswe ka tshiamololo, boikepo, bopelotshetlha le bopelompe. Ba tletse ka lefufa, polao, kgotlhang, tsietso le maikaelelo a a bosula. ³⁰Ke basebi, basinyi ba maina a ba bangwe, e bile ba tlhoile Modimo. Ba dikgoka, ba makgakga le boikgantsho. Ke basimolodi ba bosula, e bile ga ba na kutlo mo batsading ba bone. ³¹Ga ba na tlhaloganyo, ga ba tshepege, ga ba na lerato e bile ga ba na boutlwelobotlhoko.³²Ba tlhaloganya melawana ya Modimo, gore ba ba dirang dilo tseo ba tshwanetswe ke leso. Mme ga ba dire dilo tse fela, gape ba amogela ba ba di dirang.

2¹Jalo he ga o na seipato, wena motho yo o atlholang, ka gore, se o atlholang ba bangwe ka sone o a bo o ikatlhola le wena.Ka gore lona ba le atlholang le dira jaaka bone. ²Mme re a itse gore katlholo ya Modimo e boammaaruri mo go ba ba dirang dilo tseo.³Lebaleba se, wena motho yo o atlholang batho mme o dira jaaka bone. A o ka falola katlholo ya Modimo? ⁴Kana o nyatsa mahumo a bomolemo jwa gagwe, le gore o bonya go otlhaya, le bopelotelele jwa gagwe? A ga o itse gore bomolemo jwa Modimo bo tshwanetse go go isa ko boikotlhaong?⁵Ka ntlha ya bothata jwa dipelo tsa lona tse di sa ikaeleleng go ikotlhaa,le ipeela bogale jwa Modimo ka letsatsi la bogale, le e leng letsatsi la tshenolo la katlholo ya Modimo e e siameng. ⁶O tla duela motho mongwe le mongwe go ya ka fa ditirong tsa gagwe: ⁷mo go ba o, ba ka tlhwaafalo le ditiro tse di molemo, ba ba batlileng pako, tlotla, le go sa boleng, o tla a ba neela botshelo jo bo sa khutleng.⁸Mme ba le itebang ka bo lona, ba le tlhokang kutlo mo boammaaruring mme le utlwa tshiamololo, bogale le tshakgalo di etla. ⁹Modimo o tla tsisa dipogisego le ditlhokafatso mo moweng wa mongwe le mongwe yo o dirileng bosula, mo Bajuteng pele, le mo Bagerikeng.¹⁰Mme kgalaletso, tlotlo, le kagiso di tla a tla mo go yo o dirang molemo, mo Bajuteng pele, le mo Bagerikeng. ¹¹Modimo o tsaya mongwe le mongwe ka go lekana. ¹²Mme jaaka ba bantsi ba ba leofileng kwa ntle ga molao ba tlaa nyelediwa go sena molao, le ba bantsi ba ba leofileng ka molao ba tlaa atlholwa ka molao.¹³Gonne ga se bautlwi ba molao ba ba boitshepo fa pele ga Modimo, mme ke badiragatsi ba molao ba ba tla amogelwang ke Modimo. ¹⁴Fa baditshaba ba ba senang molao, ba dira ka tlholego dilo tsa molao, dilo tseo, ke molao mo go bone, le ntswa ba sena molao.¹⁵Mme ka se ba supa fa ditiro tse di batlwang ke molao di kwadilwe mo dipelong tsa bone. Letswalo la bone le a ba pakela, le dikakanyo tsa bone ga di ba bee molato le fa ele go ba sireletsa ¹⁶le mo Modimong. Go tla diragala ka letsatsi le Modimo o tla atlholang diphiri tsa batho botlhe ka lone, go ya ka fa mafokong ame a a molemo mo go Jeso Keresete.¹⁷Fa ele gore o ipitsa Mojuta, o ikaegile ka molao, o ebile o ikgantsha mo Modimong, ¹⁸o itse thato ya gagwe, ebile o amogela se se gaisang ka gore o laetswe go tswa mo molaong; ¹⁹fa ele gore le tlhomamisa gore le bakaedi ba difofu, lesedi mo go ba ba mo lefifing, ²⁰mmaakanyi wa dieleele, morutuntshi wa bana, le gore mo molaong o na le mofuta wa kitso ya boammaaruri, jaanong se se ama jang ka fa o tshelang ka teng?²¹Lona ba ba rutang ba bangwe, a le a ithuta? Ba le rerang kgatlhanong le go utswa, a le a utswa? ²²Lona ba le reng ope a seka a dira boaka, a le dira boaka? Ba le reng ga le rate medimo ya disetwa, a le utswa mo ditempeleng?²³Lona ba le ipelang ka boikgogomoso mo molaong, a le nyatsa Modimo ka ditlolo tsa lona tsa molao? ²⁴' Gonne leina la Modimo ga le tlotlwe mo baditshabeng ka ntlha ya lona'', jaaka go kwadilwe.²⁵Gonne thupiso e le ruri e le solegela molemo fa le utlwa molao, mme fa le roba molao, thupiso ya lona ga e nne yone. ²⁶Fa motho yo o sa rupang a diragatsa molao, a go sa rupa ga gagwe ga go ka ke ga tsewa e le thupiso? ²⁷A mme yo o sa rupang mo nameng ,mme a diraagatsa molao a ga a ka ke a le atlhola? Mo ke ka gore le na le dikwalo ebile le rupile lefa le roba molao.²⁸Gonne ga se Mojuta yo e leng ene ka kwa ntle fela kgotsa yo o rupileng mo nameng fela. ²⁹Mme Mojuta ke yo e leng ene ka kwa teng, mme thupiso ke ya pelo, mo moweng, e seng mo mokwalong. Kgalaletso ya motho yo, ga e tswe mo bathong, e tswa mo Modimong.

3¹Poelo ya go nna Mojuta ke eng? Le poelo ya go rupa ke eng? ²Go go golo ka tsela tsotlhe. Lantlha mo dilong tse, Bajuta ba ne ba tshepiwa ka tshenolo go tswa kwa Modimong.³Fa e ne e le gore Bajuta ba bangwe ga ba na tumelo? A go tlhoka go dumela ga bone go ka latofatsa go ikanyega ga Modimo? ⁴A go seka ga nna jalo. Mo boemong jwa mo, a Modimo a bonale a le boammaruri, le fa motho mongwe le mongwe a le maaka. Fela jaaka go kwadilwe, "Gore o supege o siame mo mafokong a gago, le gore o se direge sepe fa o atlholwa."⁵Mme fa ele gore tshiamololo ya rona e supa tshiamo ya Modimo, re tla reng? A re tla a re Modimo ga a a siama fa a re galefela? (Ke bua sa tlhaloganyo ya setho.) ⁶A go see nne jalo! Gonne jaanong Modimo o ka atlhola lefatshe jang?⁷Mme fa e le gore maaka ame a dira gore boammaaruri jwa Modimo bo mo galaletse, ke eng ke santse ke atlholwa jaaka moleofi? ⁸ke eng re sa re, jaana re buiwa maswe, le jaaka bangwe ba supa fa ba re ra re, "A re direng bosula gore bomolemo bo tle bo itshupe"? Katlholo ya Modimo mo go bone e ba siametse.⁹Ra reng jaanong? A re ntsha seipato? Nnyaa ga go a nna jalo. Gonne re setse re supile ka menwana bobedi jo, Bagerika le Bajuta ba dira boleo. ¹⁰Fela jaaka go kwadilwe gatwe, " Ga gona lefa a le mongwe fela yo o siameng.¹¹Ga gona ope yo o tlhaloganyang. Ga gona ope yo o batlang Modimo. ¹²Botlhe ba tsere tsela e sele. Ga bana mosola botlhe. Ga gona yo o dirang molemo, le fa ele ale mongwe fela.¹³Memetso ya bone ke lebitla le le atlhameng. Maleme a bone atletse tsietso. Botlhole jwa noga bo tletse ka fa tlase ga maleme a bone. ¹⁴Melomo ya bone e tletse bogalaka le phutso.¹⁵Ba itlhaganela go tsholola madi. ¹⁶Ditsela tsa bone di tletse ka tshenyego le pogiso. ¹⁷Batho ba ga ba itse tsela epe ya kagiso. ¹⁸Ga gona poifo Modimo mo matlhong a bone."¹⁹Re itse gore se molao o se buang,o bua le botlhe ba ba ka fa tlase ga molao. Se se raya gore molomo mongwe le mongwe o didimale , lefatshe lotlhe le tle le ikarabele fa pele ga Modimo. ²⁰Mo ke ka gore ga gona motho ope yo o ka siamisiwang ka ditiro tsa molao fa pele ga gagwe. Molao o tsisitse kitso ya boleo.²¹Mme jaanong tshiamo ya Modimo e itsesitswe ntle le molao. Molao le Baporofiti ba supile ka ga se, ²²se e leng tshiamo ya Modimo e e tlang ka tumelo mo go Jeso Keresete mo go botlhe ba ba dumelang. Gonne ga gona pharologanyo.²³Gonne botlhe ba leofile mme ba tlhaetse kgalalelo ya Modimo, ²⁴ba siamisitswe ka tshegofatso ya gagwe ka thekololo e e tswang mo go Keresete Jeso.²⁵Gonne Modimo o ntshitse Keresete Jeso jaaka setlhabelo sa kagiso ka tumelo mo mading a gagwe. O ntshitse Keresete e le sesupo sa tshiamo ya gagwe ka gore o ikgatholositse maleo a rona a pele ²⁶ka bopelotelele jwa gagwe. Tse tsotlhe di diragetse go supa tshiamo ya gagwe mo nakong e. Mo e le go itshupa tshiamo, ebile a itshupa gore o siamisa botlhe ka ntlha ya tumelo mo go Jeso.²⁷Jaanong maikgantsho a kae? A kgaphetswe ntle. Ka go reng? Ka ntlha ya ditiro? Nyaa, ka ntlha ya tumelo. ²⁸Ka jalo re wetsa re re motho o siamisiwa ka tumelo eseng ka go diragatsa molao.²⁹Kgotsa Modimo ke Modimo wa Bajuta bale nosi? A ga se Modimo wa Baditshaba? Ee, ke wa Baditshaba le bone. ³⁰Fa ka boammaaruri Modimo a le mongwe fela, o tla a siamisa ba ba rupileng ka tumelo, le ba ba sa rupang le bone ka tumelo.³¹A jaanong re latola molao ka tumelo? A go se nne jalo! Boemong ja moo, re tshegetsa molao.

4¹Re ka re Aborehama rraarona mo nameng, o lemogile eng? ²Gonne fa Aborehama a ne a siamisitswe ka ditiro tsa gagwe, go ne go ka nna le sengwe se a ka ipelafatsang ka sone, mme e seng fa pele ga Modimo. ³Lekwalo la reng? "Aborehama o ne a dumela Modimo, mme a bonwa a le tshiamo fa pele ga Modimo."⁴Jaanong mo go yo o dirang, tuelo ya gagwe ga e kaiwe e le mpho, mme e kaiwa e le se se mo tshwanetseng. ⁵Mme ene yo o sa direng mme a dumela mo go ene yo o siamisang baleofi, tumelo ya gagwe e kaiwa e le tshiamo.⁶Tafita le ene o bua ka tshegofatso e e mo mothong yo Modimo a mo kayang a le tshiamo e se ka lebaka la ditiro tsa gagwe. ⁷O ne a bua a re, "Go sego batho ba ba itshwaretsweng ditlolo tsa bone le maleo a bone a bipilwe. ⁸Go sego motho yo Morena a sa mo kaeng boleo."⁹Jaanong a se ke tshegofatso mo go ba ba rupileng fela kgotsa le mo go ba ba sa rupang? Gonne ra re, ''Aborehama o ne a bonwa a le tshiamo ka ntlha ya tumelo ya gagwe." ¹⁰Jaanong, o e amogetse jang, a ise a rupe kgotsa a setse a rupile? O e amogetse a ise a rupe.¹¹Aborehama o ne a amogela tshupo ya go rupa. Se e ne ele go kanelwa ga tshiamo ya gagwe e a e supileng pele ga a rupa. Maduo a se, ke go nna rraagwe botlhe ba ba dumelang, go akareditswe le ba ba sa rupang. Se se ne se rurifatsa gore le bone ba tlaa kaiwa tshiamo. ¹²Se se ne se raya gore Aborehama a nna rraagwe batho botlhe, e seng ba ba rupileng fela, mme le bone ba ba tsamayang mo dikgatong tsa ga rraetsho Aborehama tsa tumelo pele ga a rupa.¹³Gonne e ne e se kafa molaong gore tsholofetso e e fiwe Aborehama le dikokomane tsa gagwe gore ba tla nna barua-lefatshe, e ne ya fiwa ka tshiamo e e tlang ka tumelo. ¹⁴Fa ele gore boruaboswa ke ja ba ba leng mo molaong, tumelo e tla bo ele lefela, le tsholofetso e nna lolea. ¹⁵Gonne molao o tsisa bogale, mme fa go senang molao ga go na tlolo molao.¹⁶Ka lebaka le, ke ka tumelo gore tsholofetso e tle e nne ka tshegofatso le gore e tlhomamisediwe dikokomane tsotlhe tsa ga Aborehama_ e seng ba ba ka fa tlase ga molao fela, mme le ba ba kopanetseng tumelo le Aborehama. Ke rraarona rotlhe, ¹⁷jaaka go kwadilwe gotwe, ''Ke go dirile rra ditshabatshaba." Aborehama o ne a le fa pele ga yo a mo tshepileng, e leng Modimo, yo o neelang baswi botshelo a dira dilo tse di seyong di nne teng.¹⁸Le fa go ne go lebega go sa kgonege, Aborehama o ne a tshepa Modimo ka bokamoso jwa gagwe. Mme o ne a nna raditshabatshaba go yeng ka fa go builweng ka teng gotwe, ''Dikokomane tsa gago di tla nna jalo.'' ¹⁹O ne a se bokoa mo tumelong. Aborehama o ne a tlhaloganya gore ga a ka ke a kgona go tshola ngwana (ka gore o ne a le dingwaga di ka nna lekgolo, _100). Gape o ne a amogetse gore popelo ya ga Sara ga e ka ke ya kgona go ima ngwana.²⁰Mme ka ntlha ya tsholofetso ya Modimo, Aborehama ga a ka a belaela, boemong jwa moo, o ne a nonotshiwa mo tumelong mme a galaletsa Modimo. ²¹O ne a dumela gore se Modimo a se solofeditseng, o kgona go se diragatsa. ²²Ka jalo le gone mo a go balelwa a le tshiamo.²³Go ne go sa kwalelwa ene a le nosi, gore o ne a kaiwa tshiamo. ²⁴Go ne go kwalelwa le rona ba re tla amogelang tsholofetso, rona ba re dumelang mo go ene yo o tsositseng Morena wa rona Jeso mo baswing. ²⁵Yo ke ene yo o neng a swela ditlolo tsa rona a bo a tsosiwa gore re siamisiwe.

5¹Ka re siamisitswe ka tumelo, re nale kagiso le Modimo ka Morena Jeso Keresete. ²Ka ene re na le tetla ka tumelo mo tshegofatsong e re emeng mo go yone. Re itumela ka botlhoka poifo jo modimo a re bo fileng mo bokamosong, botlhoka poifo jwa gore re tla nna bontlhabongwe mo kgalalelong ya Modimo.³Eseng fela se, re itumela le mo dipogisegong tsa rona. Re itse gore pogisego e tsisa boitshoko. ⁴Boitshoko bo tsisa kamogelesego, kamogelesego e tsisa botlhoka poifo jwa bokamoso. ⁵Botlhoka poifo ga bo swabise, gonne lorato la Modimo le tshololetswe mo dipelong tsa rona ka Mowa yo o Boitshepo, yo a re o neetseng.⁶Fa re ne re santse re le bokoa, ka nako e e tshwanetseng Keresete a swela baleofi. ⁷Gonne ga go motlhofo gore mongwe o ka swela mosiami. Le gale, gongwe mongwe o ka mpa a swela motho yo o molemo.⁸Mme Modimo o supa lorato la gagwe mo go rona, ka gore e rile re santse re le baleofi, Keresete a re swela. ⁹Godimo ga mo, ka re siamisitswe ka madi a gagwe, re tla a bolokwa ka one mo bogaleng jwa Modimo.¹⁰fa re santse re le baba, re ne ra letlanngwa le Modimo ka leso la Morwawe, go feta mo, morago ga go letlana nae, re tla bolokwa ka botshelo jwa gagwe. ¹¹E seng fela se, re itumela mo Modimong ka Jeso Keresete Morena wa rona, yo ka ene re boneng tetlanyo e.¹²Fela jaaka boleo bo tsene mo lefatsheng ka motho a le mongwe, ka tsela e, leso le tsene ka boleo. Mme leso la anama mo bathong botlhe, ka gore botlhe ba leofile. ¹³Boleo bo sa le bo tsena mo lefatsheng pele molao o nna teng, mme ga gona gore mongwe a ka arabela boleo fa go sena molao.¹⁴Le fa gontse jalo, leso lene la busa go tsweng kwa go Atamo go ya ko go Moshe, le mo go ba ba sa leofang jaaka Atamo mo botlhokakutlong jwa gagwe, yo e leng setshwantsho sa yo o tlang. ¹⁵Le fa go ntse jalo, mpho e ga e tshwane le boleo. Fa e le gore ka boleo jwa motho a le mongwe bontsi bo ile ba swa, go ntse fela jalo, batho ba le bantsi ba amogetse tshegofatso le mpho ya Modimo e e tswang mo mothong a le mongwe, ebong Jeso Keresete.¹⁶Gonne mpho ga e tshwane le maduo a moleofi. Ka mo letlhakoreng le lengwe, katlholo e tsile ka tlolo ya motho a le mongwe. Mo letlhakoreng le lengwe,mpho ya tshiamiso e tsile morago ga ditlolo di le dintsi. ¹⁷Ka boleo jwa motho a le mongwe, leso le laotse ka ene, go tla a nna jalo mo go bao ba ba tla a amogelang letlotlo la tshegofatso le mpho ya tshiamo ya molao ka botshelo jwa ga Jeso Keresete.¹⁸Fela jaana batho ba ile ba atlholwa ka tlolo e le nngwe, batho ba siamisiwa ka tiro ya tshiamo e le nngwe. ¹⁹Jaaka ka go tlhoka kutlo ga motho a le mongwe, bontsi ba batho ba ile ba dirwa baleofi, le ka kutlo ya motho a le mongwe ba tla a dirwa basiami.²⁰Mme molao wa tla gore tlolo e ntsifale. Mme fa boleo bo ntsifala, tshegofatso le yone e ntsifala le go feta. ²¹Mo go diragetse gore jaaka boleo bo ne bo laola mo lesong, tshegofatso le yone e tle e laole mo tshiamong ka botshelo jo bo sakhutleng ka Jeso Keresete Morena wa rona.

6¹Jaanong re tla a reng? ''A re tswelele ka go dira boleo gore tshegofatso e oketsege?'' ²A go seka ga nna jalo. Rona ba re suleng mo boleong, re ka tshela jang mo go bone? ³A ga le itse gore botlhe ba ba kolobeditsweng mo go Keresete Jeso, ba kolobeditswe mo lesong la gagwe?⁴Re ne ra fitlhwa nae ka kolobetso mo lesong la gagwe. Mo go diragetse gore fela jaaka Keresete a tsogile mo baswing ka kgalalelo ya ga Rara, gore le rona re tle re tsamae mo botshelong jo bosha. ⁵Ka re tshwaragane le ene mo tshwanong ya leso la gagwe, o tla re tsosa mo baswing le Ene.⁶Re a itse fa motho wa bogologolo a ne a bapolwa le ene, gore mmele wa boleo o senngwe. Mo go diragetse gore re seka ra nna makgoba a sebe. ⁷Yo o suleng mo sebeng o kaiwa a le tshiamo.⁸Mme fa re sule le Keresete, re dumela gore re tla tshela le ene. ⁹Re itse gore Keresete o ile a tsoga mo baswing, ga a sa tlhole a sule. Leso ga le sa tlhole le busa mo go ene.¹⁰Go ya ka leso le a le suleng mo boleong, ga a kitla a swa gape. Mme botshelo jo a bo tshelang, o bo tshelela Modimo. ¹¹Ka tsela yone e,le lona iponeng le sule mo sebeng, mme le tshelela Modimo mo go Keresete Jeso.¹²Se letlelele sebe go busa mo mebeleng ya lona gore le itetlelele go dira dikeletso tsa sone. ¹³Se abele boleo dikarolo tsa mmele wa gago, go nna didirisiwa tse di dirisiwang mo tshiamololong. Mme tla yang fa pele ga Modimo, jaaka baswi ba jaanong ba tshelang. Mme le tsise dikarolo tsa mebele ya lona kwa Modimong jaaka didirisiwa tsa tshiamo. ¹⁴Se letlelele sebe gore se go laole ka ga o ka fa tlase ga molao, mme ka fa tlase ga tshegofatso.¹⁵Jaanong la reng? a re leofe ka ga re ka fa tlase ga molao, mme re ka fa tlase ga tshegofatso? ¹⁶A go seka ga nna jalo! A ga le itse gore yo le mo ineelelang go nna batlhanka ba gagwe ke ene yo le tla a mo obamelang? se ke boammaaruri, a le batlhanka ba sebe se se isang ko lesong, kana batlhanka ba kutlo e e isang tshiamong.¹⁷A go lebogwe Modimo. Ka le ne le le batlhanka ba boleo, mme le ile la obamela dithuto tse le di neetsweng go tsweng mo dipelong tsa lona. ¹⁸Le golotswe mo sebeng, mme le dirilwe batlhanka ba tshiamo.¹⁹Ke bua jaaka motho ka ntlha ya bokoa ba setho sa lona. Fela jaaka le neetse dikarolo tsa mmele wa lona, go nna makgoba a boleo le bosula, ka tsela e tshwanang, neelang dikarolo tsa mmele wa lona go nna makgoba a tshiamo go ya kgololesegong. ²⁰E rile o le lekgoba la boleo, o ne o golelesegile mo tshiamong. ²¹Ka nako eo, o ne o na le leungo lefe mo dilong tse o ditlhabelwang ke ditlhong? Maduo a dilo tseo ke leso.²²Jaanong ka le golotswe mo boleong le makgoba a Modimo, le na leungo la tshiamiso. Maduo ke botshelo ka letlotlo. ²³Maduo a boleo ke leso, mme mpho ya Modimo ya mahala ke botshelo jo bo sa khutleng jo bo mo go Jeso Keresete Morena wa rona.

7¹A ga le itse bakaulengwe (gonne ke bua le batho ba ba itseng molao), gore molao o laola motho fa a santse a tshela?²Mosadi yo o nyetsweng o tshwarwa ke molao fa monna wa gagwe fa a tshela, mme fa monna a a swa, mosadi o golotswe mo molaong wa lenyalo. ³Jaanong fa monna a tshela,fa mosadi a nna le monna yo mongwe, o bidiwa seaka. Mme fa monna a swa, mosadi o golesegile mo molaong wa lenyalo jaanong ga a sa tlhole ele seaka fa a nna le monna o sele.⁴Jalo he, bakaulengwe, le sule mo molaong ka mmele wa ga Keresete. Gore le kgone go kopanngwa le yo mongwe, ke gore, yo o tsositsweng mo baswing, gore re tle re ntshetse Modimo leungo. ⁵Gonne fa re ne re le mo nameng, dikeletso tsa nama di ne tsa ntshafadiwa mo mebeleng ya rona ka molao go ntsha leungo la leso.⁶Mme re golotswe mo molaong. Re sule mo go se se neng se re tsentse mo botshwarong gore re kgone go direla ka Moya o mosha e seng ka mokgwa wa bogologolo wa molao.⁷Re ka reng jaanong? a molao ka bo one ke boleo? A go se ka ga nna jalo. Nkabo ke sa itse boleo fa e ne e se ka molao. Ke ne ke sa itse gore go eletsa dilo tsa ba bangwe ke boleo go fitlhela ke lemoga gore molao wa re, ''Ga le a tshwanela go eletsa dilo tsa ba bangwe.'' ⁸Mme boleo jwa bona tshono ka se molawana o se buang, ba tsisa keletso nngwe le nngwe e e bosula mo go nna. Fa molao o seo,ga gona sebe.⁹Nako nngwe ke ne ke tshela go sena molao, mme fa molao o tla sebe sa tsosoloswa, mme ka swa. ¹⁰Molao o o neng o tshwanetse go tsisa botshelo wa tsisa leso mo go nna.¹¹Boleo ba bona tshono ka molao mme ba ntsietsa. Ba mmpolaya ka ntlha ya molao. ¹²Molao o boitshepo, taolo e boitshepo, e siame ebile e molemo.¹³A se se molemo se fetogile leso mo go nna?A go se nne jalo. Mme boleo gore bo supiwe ka se se molemo,ba nkgaoganya le Modimo.Se ene ele gore mo molaong sebe e nne sebe se se senang bolekanyetso. ¹⁴Re itse gore molao o semoya, mme nna ke mo nameng. Ke lekgoba la boleo.¹⁵Se ke se dirang, ga ke se tlhaloganye. Gonne se ke batlang go se dira, ga ke se dire, se ke se ilang, ke sone se ke se dirang. ¹⁶Mme fa ke dira se ke sa se batleng, ke dumalana le molao gore o siame.¹⁷Mme ga e sa tlhole ele nna ke dirang, ke boleo jo bo tshelang mo go nna. ¹⁸Gonne ke a itse gore mo go nna, mo nameng yame, ga gona sepe se se molemo. Gonne ke na le keletso ya go dira molemo, mme ga ke e dire.¹⁹Gonne tse dintle tse ke batlang go di dira, ga ke di dire, mme bosula jo ke sa batleng go bo dira, ke bone ke bo dirang. ²⁰Jalo fa ke dira dilo tse ke sa batleng go di dira, ga se nna yo ke diraga, mme ke boleo jo bo mo go nna. ²¹Ke bona maikaelelo a a mo go nna gore ke batla go dira se se molemo, mme bosula bo teng mo go nna.²²Ke ipela mo molaong wa Modimo ka pelo yame yotlhe. ²³Mme ke bona maikaelelo a a pharologano mo go nna. Mme a lwantshanya le maikaelelo a masha mo tlhaloganyong yame. A ntsenya mo botshwarong jwa keletso ya boleo jo bo mo go nna.²⁴Ke motho yo o latlhegileng, ke mang yo o tla nkgololang mo mmeleng yo wa leso? ²⁵Mme a go lebogwe Modimo ka Jeso Keresete Morena wa rona. Ke direla molao wa Modimo ka tlhaloganyo ya me. Le fa go ntse jalo ka nama yame ke dira maikaelelo a boleo.

8¹Ka jalo, ga go na tshekiso mo go bao ba leng mo go Jeso Keresete. ²Gonne tsetlana ya Moya wa botshelo mo go Keresete Jeso e nkgolotse mo tsetlaneng ya leso le boleo.³Modimo o ne a dira se ne molao o retelelwa ke go se dira ka o ne o le bokowa mo nameng. O ne a romela morwae a le mo nameng e e leofang go nna setlhabelo sa boleo, mme a sekisa nama mo nameng e e leofang. ⁴O ne a dira se gore molao o diragatswe mo go rona ba ba sa tsamaeng ka fa thatong ya nama, mme ka fa ketelopeleng ya Mowa. ⁵Ba ba tshelang ka fa thatong ya nama ba nna kutlo mo dilong tsa senama, mme ba ba tshelang go ya ka ketelopele ya Mowa ba nna kutlo mo dilong tsa Moya.⁶Gonne go akanya senama ke leso, mme go akanya ka fa Moweng ke botshelo le kagiso. ⁷Se ke ka gore tlhaloganyo ya senama ga e utlwe Modimo, ga e ka ke ya ikobela le go utlwa molao wa Modimo. ⁸Ba ba mo nameng ga ba ka ke ba itumedisa Modimo.⁹Fa ele boammaruri gore Moya wa Modimo o tshela mo go lona, ga le mo nameng mme le mo Moweng. Mme ope yo o senang Moya wa ga Keresete ga se wa Modimo. ¹⁰Ga Keresete a le mo go wena mmele o sule ka lebaka la boleo, mme moya o a tshela ka lebaka la tshiamo.¹¹Fa Moya wa ene yo o tsositseng Jeso mo baswing o le mo gola, ene yo o tsositseng Keresete mo baswing o tla rudisa mebele ya lona ka Moya wa gagwe o o tshelang mo lona.¹²Jalo he bakaulengwe, re tshwanetse go tshela ka fa Moweng, mme e seng go tshela ka fa senameng. ¹³Go nne fa o tshela ka fa nameng o tla swa, mme fa ka Moya o balaya ditiro tsa senama, o tla tshela.¹⁴Gonne ba ba etelelwang pele ke Moya wa Modimo ke barwa Modimo. ¹⁵Ga le a amogela moya wa poifo go le buseletsa mo bokgobeng, ka jalo le amogetse Moya wa borwa yo o lelang mo go lona o re, ''Aba, Rara!''¹⁶Moya o fa bosupi le mewa ya ron agore re bana Modimo. ¹⁷Fa re le bana, re gape baruaboswa ba Modimo. Mme re baruamoswa mmogo le Kereste, fa ele gore ka bomammaruri re boga le Keresete gore re tla re galalediwe le ene.¹⁸Gonne ke a rurifatsa fa dipogisego tsa nako ena di ka se ke tsa tshwantshwanngwa le kgalalelo e re tla e senolelwang. ¹⁹Gonne lebopo le letile ka tlhwaafalo, le letetse tshenolo ya barwa Modimo.²⁰²²Gonne lebopo le ne la tsenngwa mo botshwarong e se ka thato ya lone, mme le tsentswe ke Modimo. Re na le botlhoka pelaelo ²¹ja gore lebopo le tla gololwa mo bokgobeng jo bo bodisang mme le tla tlisiwa mo kgololesegong ya kgalalelo ya bana ba Modimo. Gonne re a itse fa lebopo lotlhe le le mo diphegelong ebile le le mo ditlhabing tsa pelegi go fitlha ka jaana.²³Mme e seng bone fela, le rona, bao re nang le maungo a pele a Moya, le rona re a lela re letse go amogelwa jaaka barwa, le go rekololwa ga mebele ya rona. ²⁴Re ne ra bolokwa ka botlhoka-pelaelo jo. Mme se ne nang le botlhaka-pelaelo ka sone ga re ise re se bone, gonne ke mang yo o ka solofelang ka botlhoka-pelalelo selo se a se bonang? ²⁵Mme fa re leta ka botlhoka-pelaelo se re sa se boneng, re leta ka bopelotelele.²⁶Le fa go ntse jalo, Moya o re thusa mo makoweng a rona. Moya o re rapelela ka dipheretlhego tse di se keng tsa tlhalosiwa gonne ga re itse gore re ka rapela jang. ²⁷Ene yo o tlhatlhobang dipelo o itse tlhaloganyo ya Moya, gonne o rapela mo boemong ja badumedi go ya ka fa thatong ya Modimo.²⁸Gonne re a itse fa dilo tsotlhe di berekela go ya bomolemong mo go botlhe ba ba ratang Modimo, ebile ba beditswe ka fa thatong ya gagwe. ²⁹Gonne ba a neng a ba itsile pele ga metlha, o ne a ba tlhoma a be a ba bopa mo setshwanong sa Morwa wa gagwe, gore Morwa wa gagwe a tle a nne motsalwa-pele wa bakaulengwe. ³⁰Ba a neng a ba tlhamomisa pele ga metlha o ne a ba bitsa. Ba a ba beditseng o ne a ba siamisa. Ba a neng a ba siamisa, o ne a ba galaletsa.³¹Re tla reng ka dilo tsena? Fa Modimo a le mo letlhakoreng la rona ke mang yo o tla nna ng kgatlhanong le rona? ³²Ene yo o neng a seka a ipeela ngwana wa gagwe mme a mo neela mo boemong ja rona, aa ga a kake a re neela dilo tsotlhe mahala ka ene?³³Ke mang yo o ka pateletsang bao Modimo a ba itlhophetseng? Modimo ke ene a siamisang. ³⁴Ke mang yo o tla atlholang? Keresete ke ene yo o suleng, mme go feta seo, o ne a tsosiwa mo baswing. O busa le Modimo mo lefelong la tlotla le Modimo, mme ke ene a re rapelelang.³⁵Ke mang yo o tla re kgaoganyang le lerato la ga Keresete? Aa ke matshwenyego, kgotsa go tlhokofatswa, kgotsa go kgobiwa, kgotsa tlala, kgotsa go sa ikategeng, kgotsa tshaka? ³⁶Jaaka go kwadilwe gotwe, ''Ka lebaka la gogo re bolawa letsatsi lotlhe. Re tsewa jaaka dinku tse di isiwang matlhabelong.''³⁷Mme ma-gareng ga dilotsotlhe tse, re bafenyi ka ene yo o re ratileng. ³⁸Ke na le botlhoka-pelaelo ja gore le fa ele leso, kgotsa botshelo, kgotsa baengele, kgotsa babusi, kgotsa dilo tse di leng teng, kgotsa dilo tse di tla tlang, kgotsa dinonofo, ³⁹kgotsa bo ko-godimo, kgotsa boteng, kgotsa sepe se se bopilweng, se se ka kgonang go re kgaoganya le lerato la Modimo le le mo go Keresete Jeso Morena wa rona.

9¹Ke bolela boammaruri mo go Keresete. Ga ke ake, mme letswalo la me le a mpakela mo Moweng yo o Boitshepo, ²gore mo pelong ya me go na le khutsafalo e kgolo le botlhoko jo bo sa feleng.³Gonne ke ne ke ka eletsa gore ke ka hutsiwa mme ka kgaoganngwa le Keresete ka ntlha ya bagaetsho, ba lesika la me mo nameng. ⁴Ke Baiseraele. Ba amogetswe, ba na le kgalalelo, ba na le dikgolagano, neo ya molao, kobamelo ya Modimo le ditsholofetso. ⁵Bo rraabonemogolo, ke batsadi ba ga Keresete ka fa nameng , ene yo e leng Modimo godimo go dilo tsotlhe. A a galalediwe ka bosakhutleng. A go nne jalo.⁶Mme ga se gore ditsholofetso tsa Modimo di paletswe. Ka gore ga se mongwe le mongwe mo Iseraele yo e leng Moiseraele ka boammaaruri. ⁷Le gone ga se gore botlhe ba kokomane ya ga Aberehame, ke bana ba gagwe ba boammaaruri. Mme,'' Kokomane ya gago e tla a tswa mo go Isake.''⁸Ka gore, bana ba nama ga se bana ba Modimo. Mme bana ba tsholofetso ba tsewa jaaka dikokomana tsa gagwe. ⁹Gonne se ke lefoko la tsholofetso; ''ka nako e, ke tla a tla, mme Sara o tla nna le ngwana wa mosimane.''¹⁰E seng fela mo, morago ga gore Rebeka a imisiwe ke monna ale mongwe,-raarona Isake- ¹¹bana ba ne ba ise ba tsholwe, mme ba ise ba dire sepe se se molemo kana se se bosula, gore maikaelelo a Modimo a boikgethelo a diragale, e seng ka ditiro tsa rona, mme ele ka ene yo o bitsang- ¹²o ne a tewa ga twe,'' Yo motona o tla a direla yo mmotlana.'' ¹³Go ntse fela jaaka go kwadilwe; ''ke rata Jakoba, mme ke ila Isau.''¹⁴Ke tla a reng jaanong? A gona le tshiamololo mo Modimong? A go seka ga nna jalo. ¹⁵A raya Moshe a re,''Ke tla a utlwela botlhoko yo ke tla a mo utlwelang botlhoko, ke tla a tlhomogela pelo yo ke tla a mo tlhomogelang pelo.'' ¹⁶Gonne, ga se ka ga ene yo o eletsang , kana yo o tabogang, mme ke ka ga Modimo, yo o supang boutlwelo botlhoko.¹⁷Gonne dikwalo di raya Faro di re, '' Ka go tlhomile ka lone lebaka le, gore ke supe thata yame mo go wena, gore leina la me le tle le bolelwe mo lefatsheng lotlhe.'' ¹⁸Ka jalo , Modimo o utlwela botlhoko yo a batlang go moutlwela botlhoko, mme o thatafatsa pelo yo a batlang go mothatafatsa.¹⁹O tla a nthaya ore, ''ke eng a santse a bona molato? Ke mang yo o iseng a ko a emele thato ya gagwe?'' ²⁰O mang o ganetsanang le Modimo? A se se bopilweng se ka raya mmopi se re, '' ke eng o mpopile jaana? ²¹A mmopi wa dipitsa ga ana taolo mo letsopeng le a le tshotseng, go dira ka lone sejana se se kgethegileng, le sejana se sengwe go dirisiwa tsatsi le letsatsi?²²Fa ele gore Modimo, yo o eletsang go supa bogale jwa gagwe le go dira gore maatla a gagwe a itsege, a itshokile ka lebaka mo dijaneng tsa tshakgalo tse di baakanyeditsweng go senngwa? ²³Jaanong fa ele gore o ne a dira gore a tle a supe mahumo a kutlwelo botlhoko mo dijaneng tsa tshegofatso, tse a neng a di baakanyeditse kgalalelo? ²⁴Jaanong fa ele gore o dirile jaana le mo go rona, rona ba a re biditseng, mme e seng fela mo Bajuteng le mo baditshabeng?²⁵Jaaka a buile gape mo go Hosea; '' Ba e neng e se batho ba me ke tla a ba bitsa batho ba me, le baratwa ba e neng e se baratwa. ²⁶Mme gone fa ba neng ba tewa gotwe, '' Ga le batho bame, ba tla a bidiwa barwa Modimo yo o tshelang.''²⁷Esaya a lelela Iseraele, " Fa palo ya bana ba Iseraele e ne e le kanang ka motlhaba wa lewatle, e ka nna masalela a a ka bolokwang. ²⁸Morena o tla a diragatsa lefoko la gagwe gone jaana le feletse. ²⁹Ke jaaka Esaya a buile, ''Fa Morena wa masomosomo a ne a sa re tlogelela kokomane, re ka bo re tshwana le Sodomo, re dirageletswe ke se se diragaletseng Gomora.³⁰Re tla a reng jaanong? Baditshaba ba ba neng ba sa sala tshiamo morago, ba ne ba e bona tshiamo ka tumelo. ³¹Mme Iseraele, yo o ileng a sala molao wa tshiamo morago, ga ba aka ba bona tshiamo.³²Ke eng go sa nne jalo? Ka gore ga ba e batle ka tumelo, mme ka ditiro. Ba kgopilwe ke lentswe la kgopo, ³³jaaka go kwadilwe, '' Ke beile mo Sione lentswe la kgopo le lefika la kgopiso. Yo o dumelang mo go lone ,ga a na go tlhajwa ke ditlhong.

10¹Bakaulengwe, keletso ya pelo yame mo Modimong, le thapelo yame, ke gore ba bolokwe. ²Ke paka ka bone gore ba na le keletso ya go tshelela Modimo, fela ga ba na kitso. ³Ga ba itse tshiamo ya Modimo, jaanong ba batla go itirela tshiamo ya bone. Ga ba a ineela mo tshiamong ya Modimo.⁴Keresete ke pheletso ya molao wa tshiamo mo mongweng le mongwe yo o dumelang. ⁵Moshe o kwadile ka tshiamo e e tswang mo molaong:'' Motho yo o dirang tshiamo ya molao o tla a tshela ka tshiamo e''.⁶Mme tshiamo e e tswang mo tumelong ya re,'' o seka wa bua mo pelong ya gago gore, ''ke mang yo o tla a tlhatlogelang legodimong?'' ( go folosetsa Keresete tlase). ⁷O seka wa re,'' ke mang yo o tla a yang bobipong?'' (ke gore go tsosa Keresete mo baswing.)⁸Mme ya reng? ''lefoko le gaufi le lona, mo melomong ya lona le mo dipelong tsa lona''. Mo ke lefoko la tumelo, le re le buang. ⁹Fa o bua gore Jeso ke Morena ka molomo, a bo o dumela mo pelong ya gago gore Modimo o mo tsositse mo baswing, o tla a bolokwa. ¹⁰Ka gore ka pelo motho o a dumela mme a siamisiwe, mme yo o buang ka molomo gore Jeso ke morena o a bolokwa.¹¹Lekwalo la re, "mongwe le mongwe yo o dumelang mo go ene ga ana go tlhabiwa ke ditlhong." ¹²Ka ga gona pharologano magareng ga Bagerika le Bajuta. Ka gore Morena ke Morena wa botlhe, mme e bile o segofatsa botlhe ba ba mmitsang. ¹³ka gore mongwe le mongwe yo o bitsang mo leineng la Morena o tla a bolokwa.¹⁴Ba ka mmitsa jang yo ba sa dumelang mo go ene? Ba ka dumela jang mo go ene ba sa mo utlwa? ba ka utlwa jang go sena moreri? ¹⁵Ba ka rera jang ba sa rongwa?- jaaka go kwadilwe gore.'' go gontle jang, dinao tsa yo o tsisang mafoko a molemo?''¹⁶Mme ga ba a ka ba reetsa mafoko a a molemo botlhe. Esaya o rile, ''Morena ke mang yo o dumetseng molaetsa wa rona?'' ¹⁷ke gonetTumelo e tla ka go utlwa, go utlwa lefoko la Modimo.¹⁸Mme ka re, ''a ga ba a utlwa''? Ba utlwile. ''Lentswe la bone le utlwetse mo lefatsheng lotlhe, le mafoko a bone ko bokhutlong jwa lefatshe.''¹⁹Mme gape ka re,'' A Iseraele ga a utlwa''? Moshe lantlha o rile, '' ke tla a go gwetlha go fufegela ba eseng morafe wa sepe. Ka morafe yo o senang kitso, ke tla a le gwetlha go galefa''.²⁰Esaya o ne a re, " Ke ne ka bonwa ke ba ba neng ba sa mpatle. Ke iponagaditse mo go ba ba neng ba sa ntshenke.'' ²¹Mme a raya Eseraele a re, '' Ke otlololetse letsogo la me kwa bathong ba ba senang kutlo le ba ba ditatalela.''

11¹Jaanong kare, a Modimo o gane batho ba gagwe? A go seka ga nna jalo. Gonne le nna ke Moiseraele, kokomane ya ga Aberehame,wa letso la ga Benjamene. ²Modimo ga a gana batho ba gagwe,ba a baitseleng gole pele. A ga le itse gore lefoko la modimo la reng ka ga Elija, le ka fa ane a ikuela mo Modimong kgatlhanong le Iseraele? ³"Morena ba bolaile baporofiti ba gago, ba sentse dialetara tsa gago.Nna ke setse kele nosi, ebile ba batla botshelo jwa me."⁴Mme karabo ya Modimo ya nna jang mo go ene? '' ke ipeetse banna ba le dikete tse supa (7000) ba ba ise keng ba khubame fa pele ga ga Baale. ⁵Le fa go ntse jalo le ka nako e, go na le masalela, ka ntlha ya boikgethelo jwa boutlwelo botlhoko.⁶Mme fa ele ka tshegofatso, ga se e sa tlhole e le ka ditiro.Eseng jalo tshegofatso e tla a be e sa tlhole e le tshegofatso. ⁷Jaanong ra reng? Dilo tse Iseraele a neng a di batla, ga a ka a di bona mme ba ba ikgethetsweng ba di bone, Mme ba ba setseng ba thatafaditswe. ⁸Go ntse fela jaaka go kwadilwe: "Modimo o ba neetse mowa wa go tlhoka tlhaloganyo, matlho gore ba seka ba bona, le ditsebe gore ba seka utlwa, go fitlhelela letsatsi le."⁹Jaanong Dafita are, ''A bojelo jwa bone e nne letlowa le selaga, sekgopi le kotlhao mo go bone. ¹⁰A matlho a bone a fifale gore ba seka ba bona, ba robegele mekwatla ya bone ruri.''¹¹Jaanong kare, ''A ba kgopilwe gore ba we?'' A go se ka ga tlhola go nna jalo. Boemong, ka go palelwa ga bone, poloko e tlile mo Baditshabeng, e le go ba gwetlha gore ba fufege. ¹²Gonne fa go palelwa ga bone e le mafumo a lefatshe, le gore go palelwa ga bone ke mafumo a Baditshaba, bogolo ba phelelo ya bone bo tla nna jaang?¹³Jaanong ke bua le lona Baditshaba, fa ke santse kele moapostolewa Baditshaba, Ke ikgatsha mo bodireding jwa me. ¹⁴Gonwe ke tla a gwetlha go fufegela ga ba ba mo letso lame. Gongwe reka boloka bangwe ba bone.¹⁵Fa e le gore go ganwa ga bone go raa go poelano mo Lefatshe, go amogela ga bone e tla a nna eng, mme botshelo mo go baba suleng? ¹⁶Fa maungo a ntlha a bolokilwe, gontse fela jaalo ka borotho jo bodobilweng.Fa medi e bolokilwe le dikala ditla bolokwa.¹⁷Mme fa dikala tse dingwe di robilwe, fa wena, yo leng kala ya naga ya olife, ye e gokelwetseng mo go tsone, le gore o tlhakanetse medi e noneng ya setlhare sa olife, ¹⁸o seka wa ikgantha ka dikala tse dingwe, mme fa o ikgantsha, ga se wena o tshegetsang modi ,mme modi ke one o go tshegetsang.¹⁹Jaanong o tla a re, '' Dikala di robegilwe gore go kgomaretswe tse dingwe.''. ²⁰Ke boammaaruri. Ka ntateng yabo tlhoka tumelo ya bone bane ba kgaolwa, mme lona ema le tsepame ka ntlha ya tumelo ya lona. Le seka la ikgogomosa thata mme le nne le go boifa. ²¹Gonne fa Modimo a sa ane a sa itshwarela dikala tsa boamaruri, le lona ga a kitla a le itshwarela.²²Bonang ,ditiro tse molemo le bogolo jwa Modimo. Mo letsogong le lengwe, bogolo jwa Modimo bo tsile mo Bajuteng ba ba oleng.Mo letlhakoreng le lengwe bopelonomi jwa Modimo bo tla mo go lona, fa le tswelela le le pelonomi, fa le ka tswelelela mo bo pelong ntleng ba gagwe. Eseng jalo le lona letla kgaolwa.²³Le bone, fa bane ba sa tswelela mo go tlhokeng tumelo, nkabo ba kgomareditswe. Gonne Modimo o kgona go ba kgomaretsa gape. ²⁴Fa ele gore one wa kgaolwa gotsweng mo setlhareng sa tlholego sa olife, ebile kgatlanong le tlholego la kgomarediwa mo setlareng se se molemo sa olife, go kana mo go golo jang mo ba Juteng ba, ba eleng dikala tsa tlholego, tse di kgomaretswang gape mo ditlhareng tsa tsone tsa olife?²⁵Gonne ga ke batle le tlhoka kitso, bakaulengwe, ka masaitseweng, gore le seka la nna botlhale mo dikakanyong tsa lona. Masaitseweng a ke go thatafadiwa ka bontlha bongwe mo go diragetseng mo Iseraele, go fitlhelela phelelo ya ba ditshaba e tla.²⁶Se ke gore Iseraele yotlhe e tla a bolokwa, jaaka go kwadilwe: ''Go tswa mo Sione go tla a tla mogolodi. O tla a ntsha boikepo jotlhe jwa ga Jakoba, ²⁷Le se etla nna kgolagano ya me le bone, fa ke tlosa dibe tsa bone."²⁸Mo letsogong le lengwe re lebeletse efagedi, ke ba ba mo boemo jwa lona. Moletsogong le lengwe go eyeng ka ikgetlhelo ya Modimo, ke baratwa ntateng ya borrabomogolo. ²⁹Goneng dimpho le pitso ya modimo ga di fetloge.³⁰Gonne le simologile le se kutlo mo Modimong, mme jaanong le amagetse mautlwelo botlhoko ntateng ya go tlhoka kutlo ga bone. ³¹Ka tsela e tswang, Bajuta bantse ga bana kutlo. Maduo ene ele gore ka ma utlwelo botlhoko a le a supegeditsweng batle le bone ba amogele mautlwelo botlhoko. ³²Gonne Modimo o didimaditse botlhoka kutlo botlhe gore a tle a supe mautlwelo botlhoko mo go botlhe.³³Boteng jwa dikhumo, botlhale le kitso ya Modimo,go palegile go lekanyetsa dikatlholo tsa gagwe, le ditsela tsa gagwe di fitile go ka bonwa. ³⁴" Gonne ke mang yo a itseng tlhaloganyo ya Morena kana yo a tla nnang mogakolodi wa gagwe?³⁵Kana ke mang oo neetseng Modimo sengwe pele, gore Modimo a tle a mo duele. ³⁶Gonne go tswa mo go Ene,go leka Ene, le mo go ene go dilo tsotlhe.A go ye go Ene kgalalelo ka bosakhutleng. Amen.

12¹Ke a le kopa ka jalo, bakaulengwe, ka mautlwelo botlhoko a Modimo, go neela mebele ya lona e le setlhabelo se se tshedileng, se le boitshepho, se amogelesega ko Modimong. Se ke tirelo ya lona e e amogelesegang. ²Le seka la kopa mekgwa ya lefatshe le, mme le fetolwe ka go shafadiwa ga ditlhaloganyo tsa lona. Dirang se go itse se se molemo, se amogelesega, le thato e e feletseng ya Modimo.³Gonne ke a re, ka ntlha ya tshegofatso e ke e filweng, gore mongwe le mongwe magareng ga lona a seka a akanya gore o botoka go feta ba bangwe. Boemong, ba tshwanetse go akanya ka tsela e e botlhale, fela jaaka fa Modimo a neetse mongwe le mongwe selekanyo sengwe sa tumelo.⁴Gonne re nale maloko a le mantsi mo mmeleng o le mongwe fela, mme ga se gore maloko otlhe a na le tiro e e tshwanang. ⁵Ka tsela e e tshwanang, rona ba re leng bantsi re mmele o le mongwe mo go Keresete, le ka bongwe re maloko a ba bangwe.⁶Re nale dimpho tse di farologaneng go ya ka tshegofatso e re e neetsweng. Fa mpho ya mongwe e le seporofito, a se dirwe go ya ka fa selekanyo sa tumelo ya gagwe. ⁷Fa mpho ya mongwe e le go direla, a a direle. Fa mongwe a na le mpho ya go ruta, a a rute. ⁸Fa mpho ya mongwe e le go kgotlhatsa, a a kgotlhatse. Fa mpho ya mongwe e le go neela, a a neele ka bopelotshweu. Fa mpho ya mongwe e le go etelela pele, a go dirwe jalo ka kelotlhoko. Fa mpho ya mongwe e le go supa boutlwelobotlhoko, a a dire jalo ka boitumelo.⁹A lerato le seka la nna le boitimokanyi; Ila se se bosula; tshwarelela seo se se leng molemo. ¹⁰Mo leratong la bakaulengwe, ratanang ka pelo tsa lona tsotlhe. Mo tlotlong, tlotla mongwe ka wena.¹¹Mo tlhoafalong le seka la nna bonya go dira. Mo moweng, itumeleng. Mo Moreneng, mo direleng. ¹²Ipeleng mo bogakeng bo o nang le bone ka bokamoso. Nna pelotelele mo mathateng a gago. Tswelelang le rapeleng. ¹³Kgaoganang mo matlhoking a badumedi. Batlang ditsela di le dintsi go supa go tshwara batho sentle.¹⁴Segofatsang ba ba le tlhokofatsang; segofatsang gape le seka la hutsa. ¹⁵Itumeleng le ba ba itumelang; lelang le ba ba lelang. ¹⁶Nnang ka mogopolo o le mongwe mo go ba bangwe. Le seka la akanya ka tsela tsa boikgogomoso, mme amogelang batho ba ba ko tlase. Se nne botlhale mo dikakanyong tsa gago.¹⁷Se duele bosula ka bosula. Dira dilo tse di siameng mo matlhong a batho botlhe. ¹⁸Fa go kgonega, mo go wena, nna ka kagiso le batho botlhe.¹⁹Le seka la ipusolosetsa, baratwa, mme neelang bogale ba Modimo bo nne mo go bone. Gonne go kwadilwe gatwe,'''Ipusolosetso ke yame; ke tla duela,' go bua Morena.'' ²⁰''Mme fa mmaba wa gago a tshwerwe ke tlala, mo fe dijo. Fa a nyorilwe, mo fe metsi. Gonne fa o dira se, o tlaabo o kokoanya magala a molelo mo tlhogong ya gagwe.'' ²¹Le seka wa fenngwa ke bosula, mme fenya bosula ka bomolemo.

13¹A mowa mongwe le mongwe o nne kutlo mo taolong yotlhe e e kwa godimo, Gonne ga gona taolo epe fa e se e tswa ko Modimong. Balaodi ba ba le teng ba tlhomilwe ke Modimo. ²Jaanong yo o ganang taolo eo o gana taolo ya Modimo; ebile ba ba gananang le yone ba tla amogela katholo mo go bone.³Ka gore babusi ga se basinyi ba ditiro tse di molemo, mme mo ditirong tse di bosula. A le eletsa go sa tshaba taolo? Dira se se molemo, mme le tla nna le dipako go tswa mo go seo. ⁴Ka gore ke motlhanka wa Modimo mo golona go fitlhelela. Mme fa o dira se se bosula, o boife; Ka gore ga a tshwarela tshaka mahala. Ka gore ke motlhanka wa modimo, mmosulosi wa tshakgalo mo go yo o dirang bosula. ⁵Mme jaanong le tshwanetse la nna kutlo, e seng fela ka lebaka la tshakgalo, mme gape ka lebaka la letswalo.⁶Ka lebaka la se le lona le duela lokgetho. Ka gore balaodi ke batlhanka ba Modimo, yo o tsenelelang selo se ba sa emise. ⁷Duelang mongwe le mongwe se ase kolotiwang: neela lokgetho ko go yo o tshwanelwang ke lekgetho; duelang yo o tshwanelwang ke dituelo; boifang yo o tshwanelwang ke poifo; tlotlang yo o tshwanelwang ke tlotlo.⁸O seka wa kolota ope sepe. ko ntleng ga go ratana. Ka gore yo o ratang mabapi a gagwe o diragaditse molao. ⁹Ka, "gore le tla seke le dire boaka, ga le kake la bolaya, ga le kake la utswa, o tka seke wa paka maaka," Mme fa ele gore go na le molao o mongwe gape, o tla akarediwa mo seeleng: " o tla rata mabapi a gago jaaka o ithata." ¹⁰Lorato ga le utlwise mabapi wa motho ope botlhoko. Jaanong, lorato ke godiragatsa molao.¹¹Ka lebaka la se, le itse nako, gore e setse e le nako ya gore le tsoge mo borokong ja lona. Ka gore jaanong poloko ya rona e gaotshwane gona le fa ne re dumela la ntlha. ¹²Bosigo bo setse bo fitile, mme motshegare o setse o gorogile. Mme jaanong a re beeleng ko tlhoko ditiro tsa lefifi, mme re apare kapari ya lesedi.¹³A re tsamayeng sentle, jaaka mo motshegareng, e seng mo menateng kana mo botagweng, a re seka tsamaya mo bogokaganying kana mo keletsong e e tseneletseng ya nama, e seng mo dikgokeng kana mo lefufeng. ¹⁴Mme le beye mo go Morena Jeso Keresete, mme le seka la neela nama sebaka, ka lebaka la keletso ya yone.

14¹Amogela yo bokowa mo moweng, o sa atlhole ka ngangisano. ²Motho o na le tumelo ya go ja sengwe le sengwe, yo o bokowa o ja merogo fela.³A yo o jang sengwe le sengwe a se nyatse yo o sa jeng,le yo o sa jeng sengwe le sengwe a se atlhole yo o jang sengwe le sengwe. Gonne Modimo o mo amogetse. ⁴O mang, wena yoo atlholang motlhanka wa motho o sele? Pele ga monga gagwe a ka mo emisa kana a wa. Mme otlaa dirwa gore a eme, ka morena o kgona go mo emisa.⁵ Mongwe o tlotla letsatsi le lengwe godimo ga le lengwe. Yo mongwe o tlotla malatsi otlhe ka go lekana. A mongwe le mongwe a rurufaletswe mo tlhaloganyong ya gagwe. ⁶Yo o tlhokomelang letsatsi, o le tlhokomelela Morena, yo o jang o jela Morena, ka a tsisa malebo mo Modimong. Yo o sa jeng, ga a jele Morena, le ene o isa maleboga ko Modimo.⁷ Ka gore ga gona ope yo o itshelelang, le yo o itshwelang. ⁸Gonne fa re tshela, re tshelela Morena, gape fa re swa re swela Morena. Jalo fa retshela kana reswa re ba Morena. ⁹Gonne Keresete o sule a bo a tshela ka ntlha ya se gore a nne Morena wa baswi batshidi.¹⁰Mme wena ke eng o atlhola mokaulengwe wa gago? Keeng o nyatsa mokaulengwe wa gago? Gare re ya go ema fa pele ga setilo sa Morena sa katlholo. ¹¹Gore go kwadilwe gatwe, ''Fa ke tshela,'' go bua Morena, ''mangole otlhe a tla a obama, diteme tsotlhe ditlaa galaletsa Modimo.''¹²Ka gore, mongwe le mongwe warona otlaa ikarabela mo Modimong. ¹³Jalo, are setlhole re atlhola, mme re ikatlholele go emisa go kgoreletsa ba bangwe mokaulengwe.¹⁴ Keitse gore ke pateletso mo go Morena Jeso, ga gona se se itshekologileng ka bosone. Yo o dumelang gore sengwe ga sea itsheka, ga se amo itshekela. ¹⁵Fa mokaulengwe wa gago a utlwisiwa botlhoko, ke dijo ga a tlhole a tsamaya mo leratong. Se senye yo Keresete a mo swetseng ka dijo tsa gago.¹⁶ Se letlelele se o kaang se le molemo gore se buiwe bosula. ¹⁷Bogosi jwa Modimo ga se ka ga dijo le dino mme ke ka ga tshiamo, kagiso, boitumelo le Moya o o Boitshepo.¹⁸Yo o direlang Keresete ka mokgwa o o amogelwa ke Modimo le batho. ¹⁹Ka jalo, a re leteleng dilo tsa kagiso le tsa go godisanya.²⁰ Se senyeng tiro ya Modimo ka ntlha ya dijo. Ruri dilo tsotlhe di itshekile,mme go bosula motho yo ojang a ba a kgotswa. ²¹Go molemo gore o seka wa ja nama, le fa e le go nwa bojalwa, kana sepe se se kgopisang mokaulengwe wa gago.²² Tumelo eo nang le yone, e tshegetse fa gare ga gago le Modimo. Go sego yo o sa ikatlholeng ka se se dumelang . ²³Yo o belaelang o atlhotswe fa a ja ka gore ga go motumelong. Sepe se e seng sa tumelo ke boleo.

15¹Jaanong kare nonofile gonale baba sa nonofang ba ba bokowa, gare kgone goka itumedisanya. ²A mongwe le mongwe wa rona a itumedise moagisanyi wa gagwe, ke direla se gore ke mogodise.³Lefa gone Keresete haise a itumele ka bo ene. Go ntse jaka go kwadilwe, ''Matlhapa a ba ba go tlhapaditseng a wetse mo go nna.'' ⁴Ka sengwe le sengwe se se setseng se kwadilwe se kwadilwe ka taelo ya rona, goya ka bopelotelele lego ya ka kgothatso ya ditemana le go tlhoka poifo.⁵Jaanong a Modimo o pelotelele lewa kgothatso ago neele tlhaloganyo go ya ka Jeso Keresete. ⁶A a dire se ka tlhaloganyo ele nngwe yago galaletsa ka molomo ole mongwe go Modimo le Ntate wa rona Jeso Keresete. ⁷Ka jalo amogela yo mogwe fela jaaka, Keresete le ene a go amogetse, ka go galaletsa ya Modimo.⁸Ka gore Keresete one a dirilwe modiredi wa morupisi mo boemong jwa boamaruri jwa Modimo, ka tsela ya go rurufatsa ditsholofetso tse di neetsweng bo rraarona, ⁹Le gore baditshaba ba galaletse Modimo ka mautlwelo botlhoko. A gagwe gontse fela jaaka go kwadilwe, ''Ka jalo ketlaa go neela kgalaletso mo go baditshaba go opela le go galaletsa leina la gagwe.''¹⁰Gape yare, ''Ipele, lona Baditshaba, le batho ba gagwe.'' ¹¹Ebile gape, ''Galaletsang Morena, lotlhe baditshaba; a batho botlhe ba mo galaletse.''¹²Gape,Isaeya are, ''Gotlaa nna le modi wa ga Jesse, leyoo tlaa tsogang a busa baditshaba. Baditshaba batlaa nna le tsholofelo mogo ene.''¹³Jaanong a Modimo wa bopelokgale a le tlatse ka boitumelo le kagiso mo tumelong, gore le tle lenne pelokgale, ka nonofo ya Mowa o o Boitshepo.¹⁴Lenna ga kena pelaelo ka lona, bakaulengwe. Gakena pelaelo kaga lona gore le tletse tshiamo, e tletseng ka kitso. Kenale pelaelo ya gore le lona le kgona go godisana.¹⁵Mme kele kwalela dilo dingwe go le gakolola gape, ka bopelokgale joke bo filweng ke Modimo. ¹⁶Gore ke nne modiredi waga Keresete Jeso mo baditshaba, le moperesite wa efangele ya Modimo, gore baditshaba banne tshupelo e e amogelang, e e itshepisitsweng ke Mowa o o Boitshepo.¹⁷Ke itumela mo go Keresete Jeso le mo dilong tsa Modimo. ¹⁸Ga ke kitla ke bua sepe ntleng le se Keresete a sefitlheletseng mo gonna ka boikobo jwa Baditshaba. Tse ke dilo tse di dirilweng ka lefoko le ketso, ¹⁹ka thata ya ditshupo le dikgakgamatso, le ka thata ya mowa wa Mowa o o Boitshepo. Se e ne le gotswa Jerusalema, le mo tikologong goya go fitlha kwa Ileriko, ke kanna ka tsamaisa efangele yaga Keresete.²⁰Ka tsela e, kene ka itlotla kago rera efangele, kwa Keresete aiseng a bolelwe teng ka leina, gore ke seka ka aga mo motheong wa yo mongwe. ²¹Mme le jaaka go kwadilwe: ''Gatwe baba iseng ba itse kaga gagwe ba tlaa mmona, batlaa bona le baba iseng ba utlwe batlaa tlhaloganya.''²²Ke ka moo keneng ke tshwarega gantsi gotla kogo lona. ²³Jaanong, e re ka kesa tlhole kenale ko keyang teng mo mafatsheng, ano ebile esetse ele dingwga tse dintsi kentse ke tlhwaafaletse gotla ko go lona.²⁴Motlhang keyang kwa Sepania, gonne ke solofela gole bona, fake feta teng koo,lego romelwa teng ka thuso ya lona ke sena go lapolosiwa pelo gose kae mogo lona. ²⁵Mme jaanong ke ya kwa Jerusalema go direla badumedi.²⁶Gonne ba Maketonia le Agaya ba bonye gole molemo go phuthela bahumanegi ba baitshephi ba ba kwa Jerusalema dikatso. ²⁷E ene, e le ka bitumelo jwa bone, le, gape, ke ba dikoloto. Fa e le gore Baditshaba ba ngathogane dilo tsa semoya, ba dikoloto go ba direla dilo tse di tshwaregang tsa bone.²⁸Etlaare ke sena go hetsa jalo le go tsenya maungo a dikabelo mo diatleng tsa bone ke fete ka lona, fa ke ya kwa Sepania. ²⁹Mme ke itse gore mogang ketlang ko go lona ketlaa tla ka lesego le le tletseng la tshegofatso ya ga Keresete.³⁰Bakaulengwe, ke lo rapela, ka Morena wa rona Jeso Keresete, le ka lerato la Mowa, gore le nthuse mo ntweng kago nthapelela mo Modimo. ³¹Rapela gore ke falodisiwe mogo bone ba ba ganang go utlwa kwa Jutia le gore tirelo yame e ke e direlang mo Jerusalema e amogelesege mo badumeding. ³²Rapela gore ketle mo go wena ka thato ya Modimo, gore nna le wena, re bone boikhutso.³³A Modimo wa kagiso o nne le lona lotlhe. Amen.

16¹Ke le tsisetsa kgaitsadia rona Phoebe, yo e leng montlhaka ko Kerekeng e e ko Kenkarea, ²gore le mo amogele mo Moreneng. Le direng se jaaka go tshwanela badumedi, le gone le eme le ene mo kgang ngwe le ngwe ya a ka nnang le botlhoki mo go lona. Gonne ene ka bo ene o thusitse ba ba ntsi le nna tota kele mo teng.³Dumedisang Porosila le Akwiula, ba eleng badiri kanna mo go Jeso Keresete, ⁴ba ba neng ba baya matshelo a bone mo kotsing ka ntateng ya botshelo jwa me. Ke a ba leboga, eseng nna fela, mme le dikereke tsa ba ditshaba tsotlhe. ⁵Dumedisang le kereke e tsenelang kwa ntlung ya bone. Dumedisang Epanetase yo ke moratang, yo eleng le butswa pele la ga keresete kwa Asia.⁶Dumedisang Marea, yo a le bereketseng ka thata. ⁷Dumedisang Andronikase le Joniase, masika ame, ebile ele magolegwa le nna.Ba tlotlegile thata mo ba aposetolong, ba ba tsile mo go keresete pele game. ⁸Dumedisang Amapilitase, moratiwa mo moreneng.⁹Dumedisang Urabanase, mmereki ka rona mogo Keresete, le Satase yo ke moratang. ¹⁰Dumedisang Apelasa, yo a rurufaditsweng mo go Keresete. Dumedisang ba lelwapa la ga Arisetobalase. ¹¹Dumedisang Herotione wa lesika la me. Dumedisang ba lelwapa la ga Narakase, ba ba mo moreneng.¹²Dumedisang Toraphaena le Toraphosa, ba ba berekang ka thata mo Moreneng. Dumedisang Peresise yo a rategang, yo a berekileng mo go golo mo go Moreneng. ¹³Dumedisang Rufase yo a itlhophetsweng mo Moreneng, le mmaagwe le Mme. ¹⁴Dumedisang Asanaritase, Philogase, Heremese, Patrobase, Heremase, le barwarre ba ba nang le bone.¹⁵Dumedisang Philologase, Julia, Neresase le kgaitsadie, Olamapase, le bakaulengwe botlhe ba ba nang le bone. ¹⁶Dumedisanang ka go a tlana mo go boitshepho. Dikereke tsotlhe tsa ga Keresete di a le dumedisa.¹⁷Jaanong ke a le kopa, bomorware, gore le ele tlhoko batho botlhe ba ba tsosang di kgaogano le dikgopi. Ba feteletse go gaisa dithuto tse le di ithutileng. Tswayang mo go bone. ¹⁸Gone batho ba go nna jalo ga ba direle Morena wa rona Keresete, ba direla dimpa tsa bone. Ka maleme a bone a a boreledi ba tsietsa di pelo tsa batho ba ba senang molato.¹⁹Gonne sekao sa lona sa gonna kutlo se bonwa ke mongwe le mongwe. Ke a le itumelela, fa gontse jalo, mme ke batla le nna botlhale go itse se se molemo, le gore fa go tla ka fa bosuleng le nne ba tlhokwang molato. ²⁰Modimo wa kagiso e tlare mo nakong e khutshwane o tla a robelele satane kafa tlase aga dinao tsa lona. A tshegofatso ya Morena wa rona Jeso Keresete e nne le lona.²¹Timotheo, mmereki ka nna, wa le dumedisa, le Lukisio, Jasone le Sosiphata, masika ame. ²²Nna, Titorase, yo a neng a kopolola lekwalo le, re a le dumedisa mo Moreneng.²³Gauise, yo ke nneng ke nna kwa ga gagwe, le Kereke yotlhe, ba a le dumedisa. Erasatuse, yo e leng motswara madi wa toropo, o a le dumedisa, a nale Kuratuse wa mokaulengwe. ²⁴A tshegofatso ya Morena wa rona Jeso Keresete ene le lona lotlhe. Amen.²⁵Jaanong a kgalalelo e ye kwa go ene yo o le kgontshang go tshela go eng ka fa dithutong tsa me, le go reriwa ga ga Jeso Keresete, go yeng ka tshenolo ya ma sa itseweng a saleng a beilwe sephiri go tswa bogologolong, ²⁶mme jaanong bo senotswe, le ka mekwalo ya seporofito e e eneng ya itsesiwe ditshaba tsotlhe, goyeng ka taolo ya Modimo yo o tshelelang ruri ka bosakhuting, gonna boikobo mo tumelong.²⁷Go Modimo yo a botlhale a le nosi, ka Jeso Keresete, a go isewe kgalaletso ka bosakhuting. Amen.

1 Bakuranta

1¹Paulo, jaaka a biditswe ke Keresete Jeso go nna moaposetola go ya ka fa thatong ya Modimo, le Sotenase mokaulengwe wa rona, ²go kerekeng ya Modimo kwa Kuranta, ko go ba ba ntlafaditsweng mo go Keresete Jeso, ba ba biditsweng go nna batho ba ba boitshepo. Gape re kwalela botlhe ba bitsang leina la Morena wa rona Jeso Keresete mo lefelong lengwe le lengwe, Modimo wa bone le wa rona. ³A tshegofatso le kagiso di nne le lona go tswa go Modimo Rara le Morena Jeso Keresete.⁴Ke nna ke isa malebo ko Modimong wa me ka lona, ka ntlha ya tshegofatso ya Modimo e Keresete Jeso a lo e neileng. ⁵O le humisitse ka tsela nngwe le nngwe, ka puo yotlhe le ka kitso yotlhe, ⁶fela jaaka bopaki ka ga Keresete bo rurifaditswe go nna nnete mo go lona.⁷Ka jalo ga le tlhoke neo epe ya semoya jaaka le letile ka botswapelo tshenolelo ya Morena wa rona Jeso Keresete. ⁸O tlaa le nonotsha gape go ya bosakhutleng, gore le bo le sena selabe ka letsatsi la Morena wa rona Jeso Keresete. ⁹Modimo o a ikanyega, yo o le bileditseng mo botsalanong jwa baitshepi jwa Morwa wa gagwe, Jeso Keresete Morena wa rona.¹⁰Jaanong ke a le gwetlha, bakaulengwe, ka leina la Morena wa rona Jeso Keresete, gore lotlhe le dumalane, mme go se ka ga nna makgamu mo go lona. Ke le gwetlha gore le kopanngwe ga mmogo ka tlhaloganyo e tshwanang le ka maikaelelo a tshwanang. ¹¹Ka gonne ke rurifaleditswe, bakaulengwe, ke batho ba ga Tloe gore go na le makgamu mo gare ga lona.¹²Ke raya se: mongwe le mongwe wa lona a re ," ke na le Paulo," kana " ke na le Apolose" kana " ke na le Sephase," kana " ke na le Keresete." ¹³A Keresete o kgaogantswe? A Paulo o bapoletswe lona? A lo ne le kolobeditswe mo leineng la ga Paulo?¹⁴Ke leboga Modimo ka gore ga ke a kolobetsa ope wa lona, ko ntle ga Kirisipase le Gaiase. ¹⁵Se e ne e le gore ope a seka a re o kolobeditswe mo leineng la me. ¹⁶( Ke kolobeditse gape le ba ntlo ya ga Setefanase. Ko ntle ga moo, ga ke itse fa ke kolobeditse bangwe gape.)¹⁷Ka gonne Keresete ga a nthoma go kolobetsa mme go rera mafoko a a molemo. Ga a nthoma go rera ka mafoko a botlhale jwa setho, gore mokgoro wa ga Keresete o seka wa felelwa ke maatla a o ne.¹⁸Gonne molaetsa wa mokgoro ke boeleele mo go ba ba swang. Mme mo go ba Modimo a ba bolokang , ke maatla a Modimo. ¹⁹Gonne go kwadilwe, " ke tlaa senya botlhale jwa batlhalefi." Ke tlaa tlhakatlhakanya go tlhaloganya ga ba ba botlhale.²⁰O kae motho yo o botlhale? O kae morutegi? O kae moganetsi wa lefatshe le? A Modimo ga a fetola botlhale jwa lefatshe go nna boeleele? ²¹Gonne lefatshe mo botlhaleng jwa lone le ne le sa itse Modimo, go itumedisitse Modimo ka boeleele jwa thero go boloka ba ba dumelang.²²Gonne Bajuta ba batla ditshupetso tsa metlholo mme Bagerika ba batla botlhale. ²³Mme re rera Keresete yo o babopotsweng, sekgoreletsi mo Bajuteng le boeleele mo Bagerikeng.²⁴Mme mo go ba ba biditsweng ke Modimo, botlhe Bajuta le Bagerika, re rera Keresete jaaka maatla le botlhale jwa Modimo ²⁵.Ka gonne boeleele jwa Modimo bo tlhalefile go feta batho, mme bokoa jwa Modimo bo nonofile go feta batho.²⁶Lebelelang pitso ya lona , bakaulengwe. Ga se bontsi jwa lona ba lo neng le tlhalefile ka seelo sa setho. Ga se bontsi jwa lona ba lo neng lo nonofile. Ga se bontsi jwa lona ba le tshotsweng mo go tlotlegileng. ²⁷Mme Modimo o tlhophile dilo tsa boeleele tsa lefatshe le go tlhabisa matlhale ditlhong. Modimo o tlhophile se se bokoa mo lefatsheng go tlhabisa ditlhong se se nonofileng.²⁸Modimo o tlhophile se se ko tlase ebile se nyatsegile mo lefatsheng. O ile a tlhopha le dilo tse di lebegang e se sepe, go tlisa tlase dilo tse di tsewang ele tsa tlhwatlhwa. ²⁹O dirile se gore ope a seka a nna le lebaka la go ipoka fa pele ga gagwe.³⁰Ka ntlha ya se Modimo a se dirileng, jaanong le mo go Keresete Jeso, yo o re tliseditseng botlhale go tswa ko Modimong. O nnile tshiamo ya rona, boitshepo, le kgololo. ³¹Ka jalo, jaaka temana e re, "a yo ipokang, a ipoke mo Moreneng.¨

2¹E rile fa ke tla kwa go lona, bakaulengwe, ga ke atla ka kitso ya go itse go bua kana ka botlhale go le senolela dilo tse di fitlhegileng tsa Modimo. ²Gonne ga ke a ikaelela go itse sepe fa ke le gareng ga lona fa e se Jeso Keresete fela, ene yo o bapotsweng.³Mme ke ne ke na le lona mo bokoeng, le mo poifong le mo thoromong e kgolo. ⁴Mme molaetsa wa me le thero ya me e ne e tsa tshupo botlhale. Le fa go ntse jalo, di ne di na le tshupegetso ya Moya le maatla, ⁵gore tumelo ya lona e seka ya nna mo botlhaleng jwa setho, mme mo maatleng a Modimo.⁶Jaanong re bua botlhale mo go ba ba godileng, mme e seng botlhale jwa lefatshe leno, kgotsa jwa babusi ba dingwaga tseno ba ba tlhokafalang. ⁷Le fa go ntse jalo, re bua botlhale jwa Modimo mo boammaaruring jo bo fitlhegileng, botlhale jo bo fitlhegileng jo Modimo a saleng a bo rulagantse pele ga dingwaga tsa kgalalelo ya rona.⁸Ga gona babusi bape mo dingwageng tseno ba ba neng ba itse botlhale jo, ka gore fa ba ne ba bo tlhalogantse ka nako tseo, ba ka ne ba sa bapola Morena wa kgalalelo. ⁹Mme jaaka go kwadilwe, ''dilo tse leitlho lepe le sa di bonang, go sena tsebe epe e e di utlwilweng, go sena tlhaloganyo e e di akantseng, dilo tse Modimo a di baakanyeditseng ba ba mo ratang.''¹⁰Tseo ke dilo tse Modimo a re di senoletseng ka Moya. Gonne Moya o sekaseka sengwe le sengwe, le dilo tse di boteng tsa Modimo. ¹¹Ke mang yo o itseng dikakanyo tsa motho fa e se moya wa motho yo o mo go ene? Mme gape, ga gona ope yo o itseng dilo tse di fitlhegileng tsa Modimo kwa ntleng ga one Moya wa Modimo.¹²Mme ga re a amogela Moya wa Lefatse, mme moya yo o tswang kwa Modimong, gore re tle re itse dilo tse re di filweng mahala ke Modimo. ¹³Re bua ka dilo tse ka mafoko a botlhale jwa motho bo ka se kgonneng go a ruta, mme a re a rutwang ke Moya. Moya o tolokolola mafoko a semoya ka botlhale jwa semoya.¹⁴Motho yo e seng wa semoya ga a amogele dilo tsa Moya wa Modimo, gonne ke boeleele mo go ene. Ga a ka ke a di itse ka gore di kakobiwa semoa. ¹⁵Yo o mo semoeng o atlhola dilo tsotlhe, mme ga a ka fa tlase ga katlholo ya ba bangwe. ¹⁶''Ke mang yo o ka itseng tlhaloganyo ya Morena, yo o ka mo laelang?'' Mme re na le tlhaloganyo ya ga Keresete.

3¹Mme nna, bakaulengwe, ke ne ke ka se bue le lona jaaka batho ba semoya, mme e le jaaka batho ba senama, jaaka masea mo go Keresete. ²Ke le otlile ka masi, e seng dijo tse di tiileng, gonne le ne le sa di nonofela, le gompieno ga lo ise lo nonofe.³Ka gonne lo santse lo le mo senameng. Fa lefufa le dintwa di santse di le mo go lona, a ga lo tshele ka fa senameng, gape a ga lo tsamae ka fa sethong? ⁴Fa yo mongwe a re, "ke wa ga Paulo," yo mongwe a re, "ke wa ga Apolo," a ga lo tshele ka fa sethong? ⁵Apolo ke mang? Paulo ke mang? Batlhanka ba le dumetseng ka bone, yo Morena a abetseng mongwe le mongwe wa bone ditiro.⁶Ke jetse, Apolo o noseditse, mme Modimo ene o godisitse. ⁷Ka jalo, yo o jetseng le yoo noseditseng ga se sepe. Mme Modimo ke ene a godisang.⁸Jaanong yo o jalang le yo o nosetsang ba a lekana, mme mongwe le mongwe o tlaa amogela tuelo go ya ka tiro ya gagwe. ⁹Gonne re badira-mmogo le Modimo, le tshingwana ya Modimo, kago ya Modimo.¹⁰Go yeng ka tshegofatso ya Modimo e ke e neetsweng jaaka moagi yo o nang le maitemogelo, ke beile motheo mme yo mongwe o aga mo go one. Mme a mongwe le mongwe a ele tlhoko ka fa a agang ka teng mo go one. ¹¹Gonne ga go ope yo o ka bayang motheo o sele fa e se one fela yo o thailweng, e bong Jeso Keresete.¹²Jaanong fa mongwe a aga mo motheong ka gauta, selefera, maje a mantle, dikgong, bojang kana lotlhaka, ¹³tiro ya gagwe e tlaa bonatshega, gonne letsatsi le tlaa e bonatsa. Gonne e tlaa senolwa mo molelong. Molelo o tlaa leka boleng jwa se mongwe le mongwe a se dirileng.¹⁵Fa tiro ya mongwe e sa sha, o tla amogela tuelo; ¹⁴mme fa tiro ya mongwe e ka sha, o tla senyegelwa, mme ene ka sebele o tla bolokwa, jaaka yo o falolang molelo.¹⁶A ga lo itse gore lo tempele ya Modimo le gore Mowa wa Modimo o tshela mo go lona? ¹⁷Fa mongwe a senya Tempele ya Modimo, Modimo o tla senya motho yoo. Gonne Tempele ya Modimo e boitshepo, jaaka lona.²⁰A go se nne ope yo o itsietsang. Fa mongwe mo go lona a akanya gore o botlhale mo nakong e, a a nne "seeleele" gore a atle a nne botlhale. ¹⁸Gonne botlhale jwa lefatshe le ke boeleele mo Modimong. Gonne go kwadilwe gatwe, "O tshwara batlhalefi ka boferefere jwa bone." ¹⁹Gape, "Morena o itse gore go ipuelela ga ba ba botlhale ke boithamako."²¹Ka moo a go se nne ope yo o ipokang ka batho! Gonne dilo tsotlhe ke tsa lona, ²²a ke Paulo, kana Apolo, kana Kefa, kana lefatshe, kana botshelo, kana loso, kana dilo tsa gone jaana kana tse di tlang. Dilo tsotlhe ke tsa lona, ²³lona le ba ga Keresete, Keresete ene ke wa Modimo.

4¹Se ke ka fa motho a tshwanetseng a re leba ka teng, jaaka batlhanka ba ga Keresete le batlhokomedi ba boammaruri jo bo fitlhegileng jwa Modimo. ²Ka tomagano e, go a tlhokafala gore batlhokomedi ba tshephagale.³Mme mo go nna ke selo se se nnye gore ke tshwanetse ka atlholwa ke lona kana ke lekgotla lepe fela la setho. Ka gore le nna ga ke ikatlhole. ⁴Ga ke itse ka dikatlholo dipe tse di beilweng kgatlhanong le nna, mme seo ga se reye go re ga ke na molato. Ke Morena a ka nkatlholang.⁵Mme le seka la bolela katlholo ka sepe pele ga nako, pele ga morena atla. O tla tisa mo leseding dilo tse di fitlhegileng tsa lefifi a bo a senola maikaelelo a pelo. Mme mongwe le mongwe o tla amogela pako ya gagwe go tswa kwa Modimong.⁶Jaanong, bakaulengwe, ke dirile ditsetlana tse mo go nna le Apolose ka lebaka la lona, go re go tswa mo go rona le ithute bokao jwa puo, "Lo seka wa feta se se kwadilweng." Se ke gore go se nne ope wa lona yo o ka nnang motlotlo ka lebaka la letlogonolo la yo mongwe. ⁷Go nne ke mang yo o bonang pharologanyo magareng ga lona le ba bangwe? Le na le eng se le sa se amogelang mahala? Fa ele gore le se amogetse mahala, ke eng le ikgantsha o kare ga le a se amogela jalo?⁸Le setse le na le tsotlhe tse le ka di batlang! Le setse le humile! le simolotse go busa - e bile go le kgakalanyana le rona! ka boammaruri, ke eletsa gore le bo le busitse, gore re kgone go busa le lona. ⁹Ka gore ke akanya gore Modimo o re beile rona baapolosetole go nna sekao mo moleng jaaka banna ba ba atlholetsweng loso. Re fetogile go nna ba ba lebelelwang ke lefatshe - mo baengeleng le mo bathong.¹⁰Re dieleele ka lebaka la ga Keresete, mme le botlhale mo go Keresete. Re bokoa, mme le nonofile. Le tshwerwe ka tlotla, mme rona ga re a tshwarwa ka tlotla. ¹¹Go fitlha ka oura e re tshwerwe ke tlala le lenyora, ga re a ikatega ka diaparo tse di siameng, re ketekilwe thata, ga re na bonno.¹²Re bereka ka thata, re bereka ka diatla tsa rona. Fa re utlwisitswe botlhoko, re a segofatsa. Fa re sotlakwa, re a itshoka. ¹³Fa re buisiwa bosula, re bua ka bonolo. Re nnile, e bile re santse re bonwa re le leswe le makgaphila otlhe a lefatshe.¹⁴Ga ke kwale dilo tse go le thabisa ditlhong, mme go le baakanya diphoso le le bongwanake ba ba rategang. ¹⁵Le fa e le gore le na le batlhokomedi ba le dikete tse di lesome (10, 000) mo go Keresete, ga le na bo rraeno ba ba bantsi. Ka go bo ke nnile rraalona mo go Keresete Jeso ka efangedi. ¹⁶Ka jalo ke le gwetlha go nna baetsi ba me.¹⁷Ke ka moo ke le romeletseng Timotheo, morwaake yo o rategang a le boikanyego mo Moreneng, O tla le gakolola ka ditiro tsame mo go Keresete, fela jaaka ke ba ruta gongwe le gongwe le mo dikerekeng tsotlhe. ¹⁸Jaanong bangwe ba lona ba nnile dikgoka, ba itirisa o ka re ga ke tle ko go lona.¹⁹Mme ke tla tla kwa go lona ka bonako, fa Morena a ratile, Mme ke tla itse e seng ka go bua fela ga ba ba dikgoka, mme ke tla bona maatla a bone. ²⁰Gonne bogosi jwa Modimo ga bo mo go bueng mme mo maatleng. ²¹Le batla eng? A ke tle ko go lona ka thobane kana ka lorato le mo moyeng yo bonolo?

5¹Re utlwile pego ya gore go na le bogokagadi mo gareng ga lona, mofuta o e leng gore ga o letlelelwe le mo Baditshabeng. Pego ke gore mongwe wa lona o robala le mosadi wa ga rragwe. ²Le dikgoka mo! Ke eng le sa hutsafale? Yo o dirileng se o tshwanetse go ntshiwa magareng ga lona.³Le fa ke seo ka namana mme ke teng mo semoyeng, ke setse ke atlhotse yo o dirileng se, fela jaaka o kare ke ne ke le teng. ⁴Fa le phuthagana ga mmogo mo leineng la Morena wa rona Jeso, le moya wame o le teng ka maatla a Morena wa rona Jeso, ke setse ke atlhotse motho yo. ⁵Ke dirile se go rolela motho yo kwa go Saatane gore nama e senyakwe, gore moya wa gagwe o tle o bolokwe ka tsatsi la Morena.⁶Go ipoka ga lona ga go a siama. A ga lo itse gore sebediso se sennye se bodulosa borotho jotlhe? ⁷Itlhapiseng mo sebedisong sa bogologolo gore le nne borotho jo bo sha, gore lo nne borotho jo bo senang sebediso. Gonne Keresete, konyana ya rona ya Tlolagano o ntshitswe setlhabelo. ⁸Ka jalo a re ipeleleng mokete, e seng ka sebediso sa bogologolo, sebediso sa maitsholo a a maswe le boikepo. Le fa go ntse jalo a re ipeleng ka borotho jo bo senang sebediso jwa maikaelelo le boammaruri.⁹Ke le kwaletse mo lekwalong lame gore le seka la ikamanya le bagokagadi. ¹⁰Gotlhelele ga ke re ye batho ba ba senang molao ba lefatshe le, kana ba ba ikgagapelelang, kana batsietsi, kana baobamedi ba medingwana ya disetwa, ka gonne go nna kgakala le bone go tla tlhoka gore le fuduge mo lefatsheng.¹¹Mme jaanong ke lo kwalela gore le seka la ikamanya le ope yo o bitswang mokaulengwe mme a tshelela mo bogokagading, kana a ikgagapelela, kana a obamela medingwana ya disetwa, kana a kgokgontsha ka puo, kana a le letagwa, kana e le motsietsi. E bile lo seka la ja dijo le motho wa mofuta o. ¹²Mme jaanong ke amana jang le go atlhola ba ba ko ntle ga kereke? Ka jalo a ga se gore le atlhola ba ba mo kerekeng? ¹³Mme Modimo o atlhola bao ba ba ko ntle. "Ntshang motho yo o bosula mo gare ga lona."

6¹Fa mongwe wa lona a nale ngangisano le yo mongwe, a o ka ya ko kgotla tshekelong go ema pele ga moatlhodi yo o sa dumeleng, go na le fa pele ga badumedi? ²A ga lo itse gore badumedi ba tlile go atlhola lefatshe? Fa go ntse jalo, le tla atlhola lefatshe, a ga le kgone go rarabolola mathata a a senang mosola? ³A ga lo itse gore re tlaa atlhola baengele? Le ka atlhola mathata a botshelo jo botoka go le kae?⁴Fa e le gore le tshwanetse go dira dikatlholo tse di amang botshelo jwa letsatsi le letsatsi, ke eng le baya dikgang tse mo go bao ba ba senang maitsetsepelo mo kerekeng? ⁵Ke bua se go le tlhabisa ditlhong. A ga gona ope mo go lona yo o botlhale go ka rarabolola mathata mo gareng ga barwarre? ⁶Le fa go santse go ntse jalo, modumedi o ya ko kgotla tshekelong kgatlhanong le modumedi yo mongwe, mme kgang eo e neelwa moatlhodi yo o sa dumeleng!⁷Bo nnete jwa gore go nale mathata ape fela gareng ga badumedi bo setse bo le fentse. Ke eng bogolo le sa boge mo bosuleng? Ke eng bogolo le sa iteseletse gore le tsiediwe? ⁸Mme le tsieditse ebile le diretse bangwe phoso, mme bao ke bakaulengwe ba lona.⁹A galo itse gore basiamolodi ga bana go rua bogosi jwa Modimo? Le seka la dumela maaka. Ba ba dirang boaka, barapedi ba medingwana ya disetwa, bagokaganyi, bagwebi ka mmele ba bo rre, baratani ba bong bo le bongwe, ¹⁰magodu, baikgakgapeledi, matagwa, bakgobotletsi le batsietsi- ga go ope wa bone yo o tla ruang bogosi jwa Modimo. ¹¹Ke ka fa bangwe ba bone ba neng ba ntse ka teng. Mme le tlhatswitse, le itshepisitswe, le dirilwe basiami le Modimo mo leineng la Morena wa rona Jeso Keresete le ka Moya wa Modimo wa rona.¹²"Sengwe le sengwe se ka fa molaong mo go nna," mme e se sengwe le sengwe se se ntswelang mosola. "Sengwe le sengwe se ka fa molaong mo go nna," mme ga ke ka ke ka laolwa ke epe ya tsone. ¹³"dijo ke tsa mpa, le mpa ke ya dijo," mme Modimo o tlaa di tlosa tsotlhe. Mmele ga wa direlwa boaka. Le fa go ntse jalo, mmele ke wa Morena, mme Morena o tlaa neela mmele.¹⁴Modimo o tsholeditse Morena mme o tla re tsholetsa ka maatla a gagwe. ¹⁵A ga lo itse gore mebele ya lona ke ntlha ya ga Keresete? A ke tseye dingwe tsa dintlha tsa ga Keresete ke di gokaganye le bagwebi ba mmele? A go se nne!¹⁶A ga lo itse gore yo o gokagantsweng le mogwebi wa mmele o nna nama ele nngwe le ene? Jaaka temana e re," bobedi bo tla nna name ele nngwe." ¹⁷Mme yo o gokagantsweng le Morena e nna Moya ole mongwe le ene.¹⁸Le tshabeng mo boakeng! Le sebe sengwe le sengwe se motho a se dirang kontle ga mmele, mme motho yo o dirang boaka o leofela mmele wa gagwe.¹⁹A ga lo itse gore mmele wa lona ke tempele ya Moya o Boitshepo, yo o tshelang mo go wena, yo o nang le one go tswa ko Modimong? A ga lo itse gore ga le bo lona? ²⁰Ka gore le rekilwe ka tlhatlhwa. Ka jalo galaletsang Modimo ka mebele ya lona.

7¹Jaanong go ya ka se lo kileng lwa nkwalela ka sone: "Go ka nna molemo gore monna a seka a ama mosadi." ²Mme legale go itsa maakafalo, a monna mongwe le mongwe a nne le mosadi yo e leng wa gagwe, mme gape a mosadi mongwe le mongwe a nne le monna yo e leng wa gagwe.³A monna a neele mosadi wa gagwe ditshwanelo tsa segolo tse di mo lebaganeng, mme le mosadi a dire fela jalo ka monna yo e leng gagwe. ⁴Mosadi ga a na thata mo mmeleng wa gagwe fela, mme le monna ga a na thata mo mmeleng wa gagwe fa e se mosadi wa gagwe fela.⁵Lo seka lwa ikgoga yo mongwe mo go yo mongwe, fa e se fela e le tumalano gape e le ga nakwana.Lo ire se go ipha sebaka sa go rapela. Mme morago le boelane gore Satan a seka a bona sebaka sa go lo raele ka go palelwa kego itshoka ga lona. ⁶Ke lo bolelela se e le thagiso fela , e se gore ke taelo. ⁷Tota ke eletsa fa motho mongwe le mongwe a ka bo a ntse fela jaaka nna ke ntse. Mme motho mongwe le mongwe o neetswe ke modimo mo go farologanyeng le ga yo mongwe.⁸Mme mo go ba ba sa nyalang le batlholagadi ke lo raya ke re go ka nna molemo fa lo ka nna fela jaaka nna ke ntse. ⁹Mme fa ba sa kgone go itshoka, a ba nyale. Go nne go ka nna molemo go nyala go na le go itshokodisa.¹⁰Mme go ba ba nyetseng, ke lo laela ke re, tota e se nna mme e le Morena: a mosadi yo o nyetsweng a seka a tlogela monna wa gagwe. ¹¹Mme fela fa eletsa go tsamaya, a tswelele fela a sa nyalwa, fa e se fela gore a boelane le monna wa gagwe; le monna fela jalo a seka a tlogela mosadi wa gagwe.¹²Mme mo go ba bangwe botlhe ke lo raya ke re, e le nna e seng Morena jaanong; fa mokau a nyetse mosadi yo eseng modumedi, fa ba tshela sentle mmogo ba sena bothata bope, a monna a seka a tlogela mosadi wa gagwe. ¹³Le mosadi fa a na le monna yo e seng modumedi, mme ene a sena bothata le mosadi wa gagwe, a seka a tlogela mosadi wa gagwe. ¹⁴Go nne monna yo e seng modumedi o itshepisiwa ke monna wa gagwe, E seng jalo bana ba bone ba ka bo ba sa itsheka; mme jaanong ba itshepile.¹⁵Fa yo e seng modumedi a batla go tsamaya o ka tsamaya, ga gona kgolego mo go yo o salang ka se, go nne Modimo o re bileditse kagiso. ¹⁶O tla itse jang, gongwe o tla boloka monna wa gago? O tla itse jang tlhe monna, gongwe o tla boloka mosadi wa gago?¹⁷Fela ka fa Modimo o abetseng mongwe le mongwe ka teng, le ka fa Modimo a biditseng mongwe le mongwe ka teng, a mongwe le mongwe a tsamaye fela jalo. Ke laela diphuthego tsotlhe fela jalo. ¹⁸A motho mongwe o biditswe a rupile? A seka a eletsa go sa rupa. A mongwe o biditswe a sa rupa? A sekaa eletsa go rupa. ¹⁹Go rupa kana go sa rupa ga se sepe fela se se tlhokafalang, fa e se fela go tshegetsa ditaelo tsa Modimo.²⁰A motho mongwe le mongwe a nne fela mo pitsong e a bileditsweng. ²¹A o biditswe o le mothanka? O seka wa tshwenyega ka seo, mme fela fa o gololwa, dirisa sebaka seo. ²²Go nne yo biditsweng e le mothanka, mo Moreneng o golotswe; fela jalo yo o biditsweng a se mo botshwarongke mothankawa ga Keresete. ²³Lo rekilwe ka tlhwatlhwae kgolo, ka jalo lo seka lwa nna batlhanka ba batho. ²⁴Bakaulengwe, a motho mongwe le mongwe a nne fela mo Modimong a le mo seemong se a biditsweng a le mo go sone.²⁵Jaanong, ka fa makgarejwana a a e seng a kgomiwe, ga ke na taelo epe go tswa go Morena; mme fela ke ntsha katlholo e e leng yame ka ke le mongwe wa ba ba bonyeng mautlwelobotlhoko a go nna boikanyego. ²⁶Ke bona se e le se se molemo mo metlheng e e thata e. Ka re go molemo go re motho a nne fela jaaka a ntse ka gale.²⁷A o golegetswe mo mosading? O se ka wa eletsa go gololwa. A ga o mo kgolaganong epe le mosadi? O se ka wa senka mosadi go nyala. ²⁸Mme legale fa o nyala, ga se go re o a bo o leofa. Fela jalo le lekgarejwana le le sa kgongwang le nyalwa, ga se gore o a bo o leofa. Mme fela ka re bao, ba nna le dikgwetlho mo nameng; mo e ne ele kgakololo fela.²⁹Mme fela bakaulengwe ke ne ke re sebaka se se khutshwane: a ba ba nyetseng ba nne ekete ga ba na basadi. ³⁰A ba ba lelang ba nne ekete ga ba lele, le ba ba itumetseng ba nne jaaka ekete ga ba itumela. A ba ba rekang ba nne ekete ga ba a tshola sepe. ³¹A ba ba itebagantseng le lefatshe ba dire ka kelelelo, gonne sebopego sa lefatshe le se a fela.³²Ke lo tlhagisa fela ke re lo ele se tlhoko; yo o sa nyalang o tlhokometse dilo tsa Morena le gore o ka mo itumedisa jang; ³³Yo o nyetseng o tlhokometse dilo tsa lefatshe le go re o ka itumedisa mosadi wa gagwe jang. ³⁴Go na le pharologano fa gare ga mosadi le lekgarejwana le le sa kgonwang. Mosadi yo o sa nyalwang o tlhokometse dilo tsa Morena, go re a tswelele a itshekile mo nameng le mo moweng. Yo o nyetsweng e ne o tlhokometse dilo tsa lefatshe le go re o ka itumedisa monna wa gagwe jang.³⁵Mme mo ke go bua e le mo go ka lo thusang, e se go reka gongwe ke bo ke lo thaisa ka mogala, mme e le fela go lo gakolola gore lo tsamaye mo tseleng ya Morena go sena tlhakatlhakano, lo sa timelelwe ke tsela.³⁶Mme fa monna a lemoga go re o gatelelwa ke maikutlo mme lekgarejwana le a le beeleditseng le gorogilwe mo dingwageng tsa go nyalwa, a a dire se a ka se kgonang se se siameng; ga a leofe, a ba nyalane. ³⁷Mme fela yo o tlhomameng mo pelong, a se mo kgatelelong epe fela, a kgona go itshokela thato ya gagwe, a dumela mo pelong ya gagwego re o tla itshokela kgarejwana ya gagwe le go ya pele, o tla bo a dira sentle. ³⁸Ka jalo yo o nyalang kgarejwana ya gagwe e a e beeleditseng o dira sentle, mme yo o itlhophelang go sa nyala, o dira botoka le go gaisa.³⁹Mosadi o tshwarwa ke molao fa monna wa gagwe a tshela, mme monna wa gagwe fa a tlhokafetse, o gololesegile go nyalwa ke yo o mo ratang, fela a le mo Modimong. ⁴⁰Mme fela ke lemoga gore o ka itumela thata fa a ka nna fela; ke dumela jalo gore Mowa wa Modimo o mo go nna.

8¹Jaanong ka dijo tse di diretsweng medingwana ya disetwa- re itse gore "rotlhe re na le kitso." Kitso e a godisa, mme lorato le a aga. ²Fa mongwe a akanya go re o itse sengwe, motho yoo ga a ise a itse ka fa a tshwanetseng go itse ka teng. ³Mme fa mongwe a rata Modimo, motho yoo o itsiwe ke ene.⁴Mme ka go ja dijo tse di diretsweng medingwana ya disetwa- re itse gore "modingwana wa disetwa mo lefatsheng le ga se sepe" le gore "ga gona Modimo ope kwa ntleng ga ene a le esi." ⁵Gonne gongwe medimo e e teng, gongwe kwa legodimong kana mo lefatsheng, fela jaaka go na le "medimo" e mentsi le "barena" ba bantsi. ⁶Mme mo go rona, "go na le Modimo o le mongwe fela ebong Rara, go tsweng mo go ene go dilo tsotlhe, mme ka ene re a tshela, le Morena a le mongwe fela Jeso Keresete, Ka ene dilo tsotlhe di teng, le ka ene re nna teng.''⁷Le fa go ntse jalo, kitso e ga e mo mongwe le mongweng. Mme, bangwe pele ba kile ba obamela medingwana ya disetwa, mme ba ja dijo tse o ka re ke sengwe se se neng se tlhabetswe medingwana ya disetwa. Letswalo la bone le senyegile ka lebaka la go re ba bokoa.⁸Mme dijo ga di kake tsa re isa fa pele ga Modimo, ga re maswe maswe fa re sa je, kgotsa botoka fa re ja. ⁹Mme le tlhokomele go re kgololesego ya lona e se ka ya nna lebaka la gore mongwe yo o bokoa mo tumelong a seka a tlhotsa. ¹⁰Ka gore gongwe mongwe o ka le bona, yo o nang le kitso, le e ja dijo mo tempeleng ya medingwana ya disetwa. Ga se letswalo le le bokoa le le rotloeditseng go ja dijo tse di neetsweng medingwana ya disetwa?¹¹Jaanong ka lebaka la go tlhaloganya ka ga tlholego ya boammaaruri jwa medingwana ya disetwa, yo o bokoa, monnawe Jeso yo o suleng, o sentswe. ¹²Fa o leofa kgatlhanong le bakaulengwe o bo o ronkgela letswalo la bone le le bokoa, o leofa kgatlhanong le Keresete. ¹³Ka moo, fa dijo di dira go re mokaulengwe a thatafalelwe, ga ke kitla ke ja nama gape, gore ke seka ka dira gore mokaulengwe wame awe.

9¹A ga ke a gololesega? A ga ke moaposetola? A ga ke a bona Jeso Morena wa rona? A ga le tiro yame mo Moreneng? ²Fa ke se moaposetole mo go ba bangwe, bogolo ke ene mo go lona. Gonne le thurifatso ya aposetole jwa me mo Moreneng.³Se ke itshereletso ya me mo go ba ba ntlhatlhobang. ⁴A ga re na le tshwanelo ya go ja le go nwa? ⁵A ga rena tshwanelo ya go tsaya mohumagadi yo o dumelang, jaaka baaposetola botlhe, le bakaulengwe ba Morena, le Sefase? ⁶Kana ke nna le Baranabase fela ba re tshwanetseng go bereka?⁷Ke mang yo o direlang jaaka lesole le le iperekelang? Ke mang yo o lemang tshingwana ya mofine mme a bo a sa je maungo a yone? Kana yo o tlhokomelang letsomane a bo a sa nwe masi a lone? ⁸A ke bua dilo tse ke beile mo taolong ya setho? A molao le one ga o bue se?⁹Gonne go kwadilwe mo molaong wa ga Moshe,'' O seka wa thiba kgomo molomo fa e batla phulo.'' A ke ka kgomo se Modimo a kgathalang ka ga sone? ¹⁰A ga a bue ka rona? Re ne re kwaletswe, gonne yo o lemang o tshwanetse go lema ka tsholofelo, le yo o phothang o tshwanetse go photha ka tsholofelo ya go arogana thobo. ¹¹Fa re lemile dilo tsa semoya magareng ga lona, a gago go gontsi mo go rona go roba dilo tse di tshwaregang mo go lona?¹²Fa e le gore bangwe ba diragaditse tshwanelo e go tswa mo go lona, ga rena epe gape? Le fa go ntse jalo, ga re a tsaya tshwanelo e. Ka jalo, re itshoketse sengwe le sengwe kwa go na le go thibela thero ya ga Keresete. ¹³A ga lo itse gore ba ba direlang mo tempeleng ba tsaya dijo tsa bone kwa tempeleng? A ga lo a itse gore ba ba direlang kwa aletareng ba arogana se se neelwang kwa aletareng? ¹⁴Mme ka ntlha e, Morena o laotse gore ba ba rerang efangedi ba tshwanetse go tshela go tswa mo efangeding.¹⁵ Mme ga ke ise ke tseye dipe tsa ditshwanelo tse. Mme ga ke kwale se gore ke direlwe sengwe. Ke ka mpa ka swa go na le gore mongwe a nthontshe go ipoka mo. ¹⁶Gonne fa ke rera efangedi, Ga ke na lebaka lepe la go ipoka, ka gore ke tshwanetse go dira se. Mme a phutso e nne mo go nna fa ke sa rere efangedi!¹⁷Gonne fa ke dira se ka go batla, ke na le tuelo. Mme fa ke sa batle, ke santse ke na le maikarabelo a ke tshephilweng ka one. ¹⁸Jaanong tuelo ya me ke eng? Gore fa ke rera, ke ka rera efangedi ke sa duedise le ke sa tseye tshwanelo ya me mo efangeding.¹⁹Le fa ke gololesegile mo go tsotlhe, Ke nnile motlhanka mo go botlhe, gore ke tle ke gape ba le bantsi. ²⁰Go Bajuta ke nnile jaaka Mojuta, gore ke fenye Bajuta. Go ba ba ka fa tlase ga molao, Ke nnile jaaka bone gore ke fenye ba ba ka fa tlase ga molao.Ke dirile se le fa nna ka bo nna ke ne ke se ka fa tlase ga molao.²¹Go bao ba ba kwa ntle ga molao, Ke nnile jaaka yo o kwa ntle ga molao, Le fa nna ke ne ke se ka fa ntle ga molao wa Modimo, mme ka fa tlase ga molao wa ga Keresete.Ke didrile se go re ke fenye ba ba kwa ntle ga molao. ²²Mo go ba ba bokoa ke nnile bokoa, gore ke tle ke fenye ba ba bokoa. Ke nnile dilo tsotlhe mo bathong botlhe, gore ka bo jotlhe ke boloke bangwe. ²³Ke dira dilo tsotlhe ka lebaka la efangedi, gore ke tle ke tseye karolo mo ditshegofatsong tsa yone.²⁴A ga lo a itse gore mo lobelong batabogi botlhe ba taboga lobelo, mme a le mongwe o amogela sekgele? Jaanong tabogelang go fenya sekgele. ²⁵Motabogi o a itlhokomela mo ikatisong ya gagwe. Ba dira se go amogela serwalo se se nyelelang, mme re tabogela go fenya serwalo se se sa nyeleleng. ²⁶Jaanong ga ke taboge ke sena maikarabelo kana ke lwantsha phefo. ²⁷Mme ke neela mmele wa me, ke bo ke o dira lekgoba, gore fa ke sena go rerela ba bangwe, le nna ke seka ka ganwa.

10¹Ke batla le itse se bakaulengwe, gore bo rraetsho botlhe ba ne ba le ka fa tlase ga leru mme botlhe ba ralala lewatle. ²Botlhe ba ne ba kolobeditswe mo go Moshe mo lerung le mo lewatleng, ³mme botlhe ba jele dijo tsa semoya tse di tshwanang. ⁴Botlhe ba nole seno sa semoya se se tshwanang. Ka ba nole gotswa mo letlapeng la semoya le le neng le ba setse morago, mme letlapa leo e ne e le Keresete.⁵Mme Modimo o ne a sa itumedisiwa ke bontsi jwa bone, le ditopo tsa bone di ne di gasagasitswe mo sekgweng. ⁶Jaanong se e ne e le dikai mo go rona, gore re seka ra kgatlhegela tse di maswe jaaka ba dirile.⁷Le seka la nna baobamedi ba medingwana ya disetwa, jaaka ba bangwe ba ne ba ntse. Se se ntse fela jaaka go kwadilwe, "Batho ba nnile fatshe go ja le go nwa, abo ba ema ka dinao go tshameka." ⁸A re seka ra dira boaka, jaaka bontsi jwa bone ba dirile. Mo letsatsing le le lengwe, batho ba le dikete tse masome a mabedi le boraro(2300) ba sule ka baka la se.⁹Mme ebile re seka ra leka Keresete, jaaka bontsi bo dirile mme ba senyakilwe ke dinoga. ¹⁰Gape le seka la ngongorega, jaaka bontsi jwa bone bo dirile mme ba senyakilwe ke moengele wa leso.¹¹Jaanong ba diragaletswe ke se e le dikai mo go rona. Di ne di kwalelwa go kaela rona-rona ba motlha wa bofelo o re fitlhetseng. ¹²Jalo a ope yo o ipolelelang gore o itsetsepetse a ele tlhoko a seka a kgeloga. ¹³Ga gona teko e e go fitileng e e sa tlwaelesegang mo bathong. Boemong jwa moo, Modimo o boikanyego. Ga a ka ke a letlelela gore o lekwe go fetisa bokgoni jwa gago. Ka teko o tla go fa tsela ya go falola, gore o kgone go e itshokela.¹⁴Jalo he, baratiwa bame, le tshabeng go obamela medingwana ya disetwa. ¹⁵Ke bua le lona le le batho ba ba akanyang, gore le atlhole se ke se buang. ¹⁶Senwelo sa ditshegofatso se re se segofatsang, a ga se go abelana ga madi a ga Keresete? Borotho jo re bo robaganyang, a ga se go abelana ga mmele wa ga Keresete? ¹⁷Ka gore go na le borotho bo le bongwe, rona ba re bantsi re mmele o le mongwe. Re ja borotho bo le bongwe rotlhe.¹⁸Lebang batho ba Iseraele: a ga se gore bao ba ba jang setlhabelo ke batsaya karolo mo aletareng? ¹⁹Ka reng jaanong? Gore modingwana wa disetwa ke eng? Kana gore dijo tse di fiwang modingwana wa disetwa ga se sepe?²⁰Mme ke bua ka dilo tse baobamedi ba medingwana ya disetwa ba baditshaba ba dintshang setlhabelo, ka gore ba neela dilo tse matimone e seng Modimo. Ga ke batle gore le nne ba tsaya karolo le matimone! ²¹O ka seke o nwe mo senwelong sa Morena le mo senwelong sa matimone. O ka seke o nne le bokopano jwa baitshepi mo tafoleng ya Morena le mo tafoleng ya matimone. ²²Kana re rumula Morena gore a nne lefufa? A re nonofile go mo feta?²³"Sengwe le sengwe se ka fa molaong," Mme ga se sengwe le sengwe se se mosola. " Sengwe le sengwe se ka fa molaong," mme ga se sengwe le sengwe se se agang batho. ²⁴Ope a seka a batla go itirela bomolemo a le nosi. Boemong jwa moo, mongwe le mongwe wa lona a a batle go direla yo mongwe bomolemo.²⁵Le ka ja se se rekisiwang mo marekisetsong, le sena dipotso tsa letswalo. ²⁶Ka "lefatshe ke la Morena, le botlalo jwa lone." ²⁷Fa yo o sa dumeleng a go laletsa dijo, mme o eletsa go tsamaya, ja se se beilweng fa pele ga gago o sena dipotso tsa letswalo.²⁸Mme fa mongwe a go raya are, "Dijo tse ke setlhabelo sa baobamedi ba medingwana ya disetwa," o se ka wa ja. Se ke ka ntlha ya yo o go tlhagisitseng, le ka ntlha ya letswalo. ²⁹Ga ke reye letswalo la gago, mme letswalo la yo mongwe. Mme ke ka go reng kgololesego yame e tshwanetse go atlholwa bakeng la letswalo la yo mongwe? ³⁰Fa ke ja dijo ka malebogo, ke eng ke rogelwa se ke se amogetseng ka tebogo?³¹Jalo he, le fa o ja kgotsa o nwa, kana sepe se o se dirang, dira tsotlhe go galaletsa Morena. ³²Le seka la kgopisa Bajuta kgotsa Bagerika, kana kereke ya Modimo. ³³Ke leka go itumedisa batho botlhe mo dilong tsotlhe. Ga ke senke go boelwa, mme ke senka gore go boelwe ba bantsi. Ke dira se gore ba tle ba bolokwe.

11¹Nnang baetsi bame, jaaka ke le moetsi wa ga Keresete. ²Jaanong ke a le galaletsa ka gore le nkgakologelwa mo dilong tsotlhe. Ke a le galaletsa ka gore le tshegeditse mekgwa e ke le e fileng. ³Jaanong ke batla le tlhaloganye gore Keresete ke tlhogo ya monna mongwe le mongwe, gore monna ke tlhogo ya mosadi, le gore Modimo ke tlhogo ya ga Keresete. ⁴ Monna mongwe le mongwe yo o rapelang kana a porofita a bipile tlhogo ya gagwe ga a e tlotle.⁵Mme ope mosadi yo o rapelang kana a porofita a sa bipa tlhogo ga a tlotle tlhogo ya gagwe. Ka gonne ke selo se le sengwe le fa a ka bo a beotse tlhogo ya gagwe. ⁶Ka gonne fa e le gore mosadi ga a bipe tlhogo ya gagwe, o tshwanetse a kgaole moriri o nne monnye. Fa ele gore ke matlhabisa ditlhong gore mosadi a kgaole moriri wa gagwe kana a beole tlhogo ya gagwe, a a bipe tlhogo ya gagwe.⁷Gonne monna ga tshwanela go nna a bipile tlhogo, gonne ke setshwano le kgalalelo ya Modimo. Mme mosadi ke kgalalelo ya monna. ⁸Gonne monna ga a dirwa go tswa mo mosading. Ka jalo mosadi o dirilwe go tswa mo monneng.⁹Gonne le fa e le monna o ne a sa bopelwa mosadi. Le fa go ntse jalo, mosadi o ne a bopetswe monna. ¹⁰Ke ka moo mosadi a tshwanetseng go nna le letshwao la taolo mo tlhogong ya gagwe, ka lebaka la baengele.¹¹Le fa gontse jalo, mo Moreneng, mosadi ga a ikemela ka nosi mo monneng, kana le fa ele monna ga a ikemela ka nosi mosading. ¹²Fela jaaka mosadi a tswa mo monneng, fela jalo le monna o tswa mo mosading. Mme dilo tsotlhe di tswa mo Modimong.¹³Ikatlholeleng: a go siame gore mosadi a rapele Modimo a sa ipipa tlhogo? ¹⁴A le tlholego fela ka bo yone ga e le rute gore fa monna a na le moriri yo moleele, ke matlhabisa ditlhong mo go ene? ¹⁵A tlholego ga e le rute gore fa mosadi a na le moriri yo moleele, ke kgalelelo ya gagwe? Gonne moriri wa gagwe o o neetswe ele seipipo. ¹⁶Fa ele gore mongwe o batla go nganga ka se, ga rena thulaganyo epe gape , le fa e le dikereke tsa Modimo.¹⁷Mme mo ditaelong tse, ga ke lo galaletse. Ka gonne fa le tla ga mmogo, ga se ka ga go tokafatsa mme ke ka go direla maswe pele. ¹⁸Ka gonne sa ntlha, ke utlwa gore fa le tla ga mmogo mo kerekeng, go na le makgamu mo gare ga lona, mme ka karolo nngwe ke a dumela seo. ¹⁹Gore go tle go nne le dikgaogano mo gare ga lona, gore ba ba amogetsweng ba tle ba lemogiwe magareng ga lona.²⁰Gonne fa le tla ga mmogo, ga se Selalelo sa Morena se le se jang. ²¹Fa lo ja, mongwe le mongwe wa lona o ja dijo tsa gagwe pele ga ba bangwe baa ja. Mongwe o tshwerwe ke tlala, yo mongwe oa tagwa . ²²A ga le na matlo a le ka jelang la bo la nwela mo go one? A le nyatsa kereke ya Modimo le go tlhabisa ditlhong ba ba senang sepe? Ke lo reye ke reng? Ga ke lo galaletse? Ga ke tlitla ke lo galaleletsa se!²³Gonne ke amogetse mo Moreng se ke se fitiseditseng mo go lona, gore Morena Jeso, mo bosigong jo a itatotsweng ka jone, a tsaya borotho. ²⁴Fa a sena go leboga, a bo roba a re,'' Se ke mmele wa me, yo e leng wa lona. Dirang se go nkgopola.''²⁵Ka tsela eo gape a tsaya senwelo morago ga dijo tsa maitseboa, mme a re , '' Senwelo se ke kgolagano e ntsha mo mading a me. Dirang se gangwe le gape fa le e nwa, go nkgopola.'' ²⁶Gonne nako nngwe le nngwe fa le ja borotho jo le go nwa senwelo se, lo bolela loso lwa Morena go fitlhela a tla.²⁷Ope fela, jalo he, yo o jang borotho kana a a nwa senwelo sa Morena ka boitshwaro jo bo sa tshwanelang, o tlaa bo a le molato mo mmeleng le mo mading a Morena. ²⁸A motho a itshekatsheke bo ene pele, mme ka tsela e mo leseng a je borotho a nwe le senwelo. ²⁹Gonne yo jang abo a a nwa a sa kanoka mmele, o ja a bo a a nwa katlholo ka ga ene. ³⁰Ke ka moo bontsi magareng ga lona ba le bokoa ebile ba lwala, mme e bile bangwe ba lona ba robetse.³¹Mme fa re itlhatlhoba, ga re kitla re a tlholwa. ³²Fa re a tlholwa ke Morena, re abo re tsenngwa mo tseleng, gore re seka ra kgalwa le ba ba mo lefatsheng.³³Ka jalo, bakaulengwe, fa le tla ga mmogo go tla go ja, letelanang. ³⁴Fa mongwe a tshwerwe ke tlala, a a je kwa lapeng, gore fa le tla ga mmogo e bo e se ga katlholo. Mme ka ga dilo tse dingwe tse le di kwadileng, ke tlaa fa ditaelo fa ke tla.

12¹Ka ga dimpho tsa semoya, bakaulengwe, ga ke batle gore le tlhoke go itse. ²Le itse gore fa lo ne le obamela medingwana ya disetwa, le ne la latlhega ka ntlha ya medingwana ya disetwa e e senang lentswe, ka tsela epe fela e ne e le laola. ³Ka jalo ke batla le itse gore ga go ope yo o ka buang ka Moya wa Modimo a re "Jeso o tlile go otlhaiwa." Ga go ope yo o ka reng, "Jeso ke Morena," fela fa e se ka Moya yo o Boitshepo.⁴Jaanong go na le dineo tse di farologaneng, mme Moya yo o tshwanang. ⁵Go na le madiredi a a farologaneng, mme Morena yo o tshwanang; ⁶gape go na le mefuta e e farologaneng ya tiro, mme ke Modimo yo o tshwanang yo o dirang gore di kgonagale mo go mongwe le mongwe.⁷Jaanong mongwe le mongwe o filwe tebego ya Moya go nna mosola mo go botlhe. ⁸Gonne yo mongwe o fiwa ke Moya lefoko la botlhale, mme yo mongwe lefoko la kitso ka Moya yo o tshwanang.⁹Yo mongwe o fiwa tumelo ka Moya yo o tshwanang, yo mongwe dineo tsa go fodisa ka Moya o le mongwe. ¹⁰Yo mongwe o fiwa ditiro tsa maatla, le yo mongwe seporofeto. Yo mongwe o fiwa bokgoni jwa go farologanya fa gare ga mewa, yo mongwe mefuta e e farologaneng ya diteme, le yo mongwe go tonokolola diteme. ¹¹Mme Moya o le mongwe yo o tshwanang o bereka mo go tsotlhe tse, o neela mongwe le mongwe dineo, jaaka a ikgethela.¹²Fela jaaka mmele o le mongwe gape o na le dikarolo tse di ntsi mme tsotlhe ke dikarolo tsa mmele yo o tshwanang, go ntse jalo ka Keresete. ¹³Gonne ka Moya o le mongwe re ne ra kolobediwa mo mmeleng o le mongwe, o le Mojuta kana Mogerika, o bofilwe kana o gololesegile, mme botlhe ba ne ba dirwa go nwa mo Moyeng o le mongwe.¹⁴Gonne mmele ga se karolo e le nngwe, mme di dintsi. ¹⁵Fa lonao le re "Ka gore ga ke seatla, ga ke karolo ya mmele," ga go reye gore ga se karolo ya mmele. ¹⁶Le fa tsebe e ka re, "Ka gore ga ke leitlho, ga ke karolo ya mmele," ga go reye gore ga se karolo ya mmele. ¹⁷Fa mmele otlhe e ne e le leitlho, karolo ya go utlwa e ne e tla bo e le fa kae? Fa mmele otlhe e ne e le tsebe, karolo ya go nkga e ne e tla bo e le kae?¹⁸Mme Modimo o golagantse karolo nngwe le nngwe ya mmele ka fa a e dirileng ka teng. ¹⁹Fa tsotlhe e ne e le karolo e e tshwanang, mmele o ne o tla bo o le kae? ²⁰Jaanong ke dikarolo tse di ntsi, mme mmele o le mongwe fela.²¹Leitlho ga le ka ke la raya seatla le re "ga ke go tlhoke." Le tlhogo ga e reye lonao e re "ga ke go tlhoke." ²²Mme dikarolo tsa mmele tse di lebegang di le bokoa di a tlhokagala, ²³le dikarolo tsa mmele tse re akanyang gore ga di tlotlege thata, re di neela tlotla e kgolo, le dikarolo tsa rona tse di sa lebegeng, di na le seriti se se ntsi. ²⁴Jaanong dikarolo tsa rona tse di lebegang ga di tlhoke go fiwa seriti, ka gore di setse di na le seriti. Mme Modimo o kopantse dikarolo tsotlhe mmogo, mme o file tse di sa tlotlegeng tlotla e ntsi.²⁵O dirile se gore go se ka ga nna le kgaogano mo mmeleng, mme gore dikarolo di tlhokomelane ka maikutlo a a tshwanang. ²⁶Ka jalo fa karolo e le nngwe e boga, dikarolo tsotlhe di boga mmogo; kgotsa fa karolo e le nngwe e tlotlwa, dikarolo tsotlhe di ipela mmogo. ²⁷Jaanong le mmele wa ga Keresete mme le dikarolo tsa one ka bongwe ka bongwe.²⁸Mme Modimo o tlhomile baaposetolo la ntlha mo kerekeng, la bobedi baporofeta, la boraro baruti, le ba ba dirang ditiro tse di maatla, dineo tsa go fodisa, ba ba neelang dithuso, ba ba dirang tiro ya botsamaisi, le ba ba nang le mefuta e e farologaneng ya diteme. ²⁹A botlhe ke baaposetola? A botlhe ke baporofeta? A botlhe ke baruti? A botlhe ba dira ditiro tse di maatla?³⁰A botlhe ba na le dineo tsa go fodisa? A botlhe ba bua ka diteme? A botlhe ba tolokolola diteme? ³¹Batlang dineo tse di kgolo ka tshesego. Mme ke tla le bontsha tsela e e bonokopila le go feta.

13¹A ke re gongwe ke bua ka diteme tsa batho le tsa baengele. Mme fa ke sena lorato, ke nnile diletso tse di tsosang modumo. ²A ke re gongwe ke na le neo ya go porofeta ebile ke tlhaloganya nnete e e bofitlha le kitso, le gore ke na le tumelo yotlhe ya go sutisa dithaba. Mme fa ke sena lorato, ga ke sepe. ³A ke re gongwe ke neela tsotlhe tse ke nang le tsone go jesa batlhoki, le gore ke neela mmele wame go tshubiwa. Mme fa ke sena lorato, ga ke boelwe ke sepe.⁴Lorato le bopelotelele gape le boikobo. Lorato ga le lefufa ebile ga le ipoke. Ga le mabela ⁵kana makgakga. Ga le itirele. Ga le galefisiwe motlhofo, gape ga le bale bosula bo bo dirilweng. ⁶Ga le ipele mo tshiamololong. Le fa go ntse jalo, le ipela mo boammaruring. ⁷Lorato le amogela dilo tsotlhe, le dumela dilo tsotlhe, le na le tshepo mo dilong tsotlhe, le itshokela dilo tsotlhe.⁸Lorato ga le fele. Fa go na le diporofeto, di tla feta. Fa go na le diteme, di tla tla bokhutlong. Fa go na le kitso, e tla feta. ⁹Gonne re itse ka karolo nngwe gape re porofeta ka karolo nngwe. ¹⁰Mme fa ba ba siameng ba tla, se se sa felang se tla feta.¹¹Fa ke ne ke le ngwana, ke ne ke bua jaaka ngwana, ke ne ke akanya jaaka ngwana, ke ne ke ikarabela jaaka ngwana. Fa ke ne ke gola, ke ne ka beela dilo tsa bongwana kgakala. ¹²Ka jaanong ga re bone sentle mo seiponeng, ka jalo re tla lebagana. Jaanong ke itse karolo nngwe, mme jalo ke tla itse ka botlalo fela jaaka ke itsewe ka botlalo. ¹³Mme jaanong boraro jo bo a sala: tumelo, tshepo e e tlang, le lorato. Mme se segolo mo go tse ke lorato.

14¹Batlang lorato le nne le keletso e kgolo ya dineo tsa Semoya, bogolo gore le porofete. ²Gonne yo o buang teme ga a bue le batho mme le Modimo. Ka ga gona ope yo o mo tlhaloganyang ka gore o bua dilo tse di fitlhegileng mo Moyeng. ³Mme yoo porofitang o bua le batho go ba aga, go ba kgothatsa, le go ba gomotsa. ⁴Ene yo o buang ka teme o a ikaga, mme yo o porofetang o aga kereke.⁵Jaanong ke a eletsa gore lotlhe le ka bo le buile ka diteme. Mme le go feta moo, ke eletsa le ka porofeta. Ene yoo porofetang o mogolo gona le yo o buang ka diteme (fa ese fela fa mongwe a tolokolola gore phuthego e agege). ⁶Mme jaanong, bakaulengwe, Fa ke tla kwa go lona ke bua ka diteme, ke ka le tswela mosola jang? Ga ke kake, kwa ntleng ga fa ke bua ka tshenolo, kana kitso, kana seporofeto, kana thuto.⁷Fa diletswa tse di sa tsheleng di dira modumo -jaaka folute kana garepa- mme di sa dire modumo yo o farologanyeng, mongwe o tla a itse jang gore modumo yo go tshameka folute kana garepa? ⁸Ka gonne fa porompeta e tshamekwa ka modumo yo o sa tlwaelesegang, mongwe o tla a itse jang gore ke nako ya go ipaakanyetsa tlhabano? ⁹Gontse fela jalo ka lona. Fa o bua mafoko a a seng botlhale, o tla a tlhalogangwa ke mang ka se o se buileng? O tla a bo o bua, mme ga gona ope yo o tla go tlhaloganyang.¹⁰Go na le diteme di le dintsi tse di sa belaelesegeng mo lefatsheng, e bile ga gona epe e senang bokao. ¹¹Mme fa ke sa itse bokao jwa teme, ke tla a bo ke le motswakwa mo go yoo buang, le sebui se tla a bo sele motswakwa mo go nna.¹²Fela jaaka le lona. Fela jaaka le kgothafaletse go bona tshupagalo ya Moya, eletsang go aga phuthego. ¹³Jaanong yo o buang ka teme o tshwanetse go rapela gore a e tolokolole. ¹⁴Ka gore fa ke rapela ka teme, moya wa me o a rapela, mme tlhaloganyo ya me ga e ungwe.¹⁵Ke eng mo ke ka go dirang? Ke tla rapela ka moya wame, mme e bile ke tla rapela gape ka tlhaloganyo yame. Ke tla a opela ka moya wame, mme gape ke tlaa opela ka tlhaloganyo yame. ¹⁶Fa e le gore, fa lo galaletsa Modimo ka moya, yo o kwa ntle o ka re ''Amen'' jang fa o isa malebogo ka a sa itse gore o ne o reng?¹⁷Gonne ka boammaruri le isa malebogo mo go lekaneng, mme yo mongwe ga agaiwa. ¹⁸Ke leboga Modimo gore ke bua ka diteme go le feta lotlhe. ¹⁹Mme mo kerekeng ke ka mpa ka bua mafoko a le matlhano(5) ka go tlhaloganya ga me gore ke tle ke kaele ba bangwe, go na le mafoko a le dikete tse di lesome (10,000) mo temeng.²⁰Bakaulengwe, le seka la nna bana mo go akanyeng ga lona. Mme, mo boleong, le nne jaaka bana. Mme mo go akanyeng le gole. ²¹Mo molaong go kwadilwe, '' ka batho ba diteme tse di sa tlwaelesegang le ba melomo ee sa tlwaelesegang ke tla a bua le bone batho ba. Le fa ba ka seke ba utlwe,'' go bua Morena.²²Jaanong diteme ke sekao, e seng mo badumeding, mme mo go ba ba sa dumeleng. Mme go porofeta ke sekao, e seng mo go ba ba sa dumelang, mme mo go ba ba sa dumeleng. ²³Fa e le gore, phuthego yotlhe e tle ga mmogo mme botlhe ba bua ka diteme, mme ba ba kwa ntle le ba ba sa dumeleng ba tsena, a ga ba na gore le ditsenwa?²⁴Mme fa lotlhe le ne le porofeta mme yo o kwa ntle kana yo o sa dumeleng a tsena, o tla itemogela ka tsotlhe tse a di utlwang. O tla a atlholwa ke tsotlhe tse di buiwang. ²⁵Diphiri tsa pelo ya gagwe di tla a senolwa. Ka lebaka le, o tla a wa ka sefatlhego sa gagwe mme a obamele Modimo. O tla a bolela gore tota Modimo o magareng ga lona.²⁶Go latela eng jaanong, bakaulengwe? Fa le tla ga mmogo, mongwe le mongwe a na le pesalome, thuto, tshenolo, teme, kana tolokololo. Dirang tsotlhe go aga kereke. ²⁷Fa ope fela a bua ka teme, a go nne ba le babedi (2) kana ba le bararo (3), mme mongwe le mongwe ka tatelano, yo mongwe a tolokolole se se buiwang. ²⁸Mme fa go sena yo o tolokololang, a mongwe le mongwe wa bone mo kerekeng a didimale. A mongwe le mongwe a bue ka bo ene mme le Modimo.²⁹A baporofite ba le babedi (2) kana ba le bararo (3) ba bue, mme ba bangwe ba reetse ka kelotlhoko se se buiwang, ³⁰Mme fa tshenolelo e filwe mongwe yo o mo tirelong, a yo o ntseng a bua a didimale.³¹Gonne mongwe le mongwe wa lona o ka porofeta bongwe ka bongwe gore mongwe a ithute mme botlhe ba kgothadiwe. ³²Gonne mewa ya baporofeta e ka fa tlase ga taolo ya baporofita. ³³Gonne Modimo ga se Modimo wa tlhakatlhakano, mme wa kagiso. Se ke molao mo diphuthegong tshotlhe tsa badumedi.³⁴Basadi ba tshwanetse go didimala mo dikerekeng. Gonne ga ba letlelelwe go bua. Mme jalo, ba tshwanetse go nna mo boineelong, jaaka molao o bua. ³⁵Fa go na le sengwe se ba eletsang go se ithuta, a ba botse banna ba bone kwa malwapeng. Gonne ke matlhabisa ditlhong gore basadi ba bue mo kerekeng. ³⁶A lefoko lwa Modimo le ne le tswa mo go lona? A ke lona fela ba le le fitlheletseng?³⁷Fa mongwe a akanya gore ke moporofete kana wa moya, o tshwanetse a lemoga gore dilo tse ke di le kwalelang ke taolo ya Morena. ³⁸Mme fa ele gore mongwe ga a lemoge se, a a seka a lemogiwa.³⁹Jalo, bakaulengwe, eletsang ka botswapelo go porofeta, mme lo seka lwa itsa ope fela go bua ka diteme. ⁴⁰Mme lesang dilo tsotlhe di dirwe ka fa go siameng le ka fa tshwanelong.

15¹Jaanong ke a le gakolola, bakaulengwe, ka efangedi e ke le e reretseng, e le e amogetseng e bile le ema mo go yone. ²Ke ka efangedi e gore le bo le bolokwa, fa le tshwarelela ka thata lefoko le ke le le reretseng, kwa ntleng ga fa le dumela mo lefeleng.³Gonne ke le neetse se se mosola thata fela jaaka se ke se amogetseng: gore Keresete o swetse dibe tsa rona go ya ka ditemana, ⁴gore o fitlhilwe, le gore o ne a tsosiwa ka letsatsi la boraro go yeng ka ditemana.⁵Keresete o ne a iponagatsa mo go Sefase, le mo go ba ba lesome le bobedi (12), ⁶a iponagaletsa le bakaulengwe ba feta makgolo a matlhano (500) ka nako e nngwe fela. Bontsi ja bone ba santse ba tshela, mme bangwe ba robetse. ⁷Mme a iponatsa mo go Jakoba, le mo go baaposetola botlhe.⁸Morago ga botlhe, a iponagatsa mo go nna, jaaka o kare ke mo ngwaneng yo o tshotsweng ka nako e e seng yone. ⁹Gonne ke nna wa bofelo mo baaposetoleng. Ga ke a tshwanelwa ke go bitswa moaposetola ka gore ke kgobotleditse kereke ya Modimo.¹⁰Mme ka tshegofatso ya Modimo ke se ke leng sone, mme tshegofatso ya Modimo mo go nna e ne e se mo lefeleng. Le fa go ntse jalo ke berekile ka thata go feta botlhe. Le fa ne e se nna, mme e le tshegofatso ya Modimo e e nang le nna. ¹¹Le fa go ntse jalo kwa ntle gore ke nna kana ke bone, re rerile mme le dumetse.¹²Mme fa e le gore Keresete o bolelwa a tsositswe mo go ba ba suleng, bangwe ba lona ba ka bua jang ba re ga gona tsogo ya baswi? ¹³Mme fa go sena tsogo ya baswi, le fa e le ene Keresete ga a tsosiwa; ¹⁴mme fa Keresete a ne a sa tsosiwa, go raya gore thero ya rona e mo lefeleng, le tumelo ya lona e mo lefeleng.¹⁵Gape, re bonwa re le bapaki ba maaka ka Modimo, ka go re re pakile kgatlhanong le Modimo, re bua go re o tsositse Keresete le ntswa a sa dira jalo. ¹⁶Ka gore fa baswi ba sa tsosiwa, le ene Keresete ga a tsosiwa; ¹⁷fa e le gore Keresete ga a tsosiwa, tumelo ya lona e mo lefeleng ebile le santse le le mo maleong a lona.¹⁸Ba ba swetseng mo go Keresete le bone ba nyeletse. ¹⁹Mme fela fa e le gore mo botshelong jo re na le tshepo ya bokamoso mo go Keresete, mo bathong botlhe re tshwanetse go utlwelwa botlhoko thata.²⁰Mme jaanong Keresete o tsositswe mo go ba ba suleng, maungo a ntlha a ba ba suleng. ²¹Gonne loso le tsile ka motho, ka motho gape go tsile tsogo ya baswi.²²Ka gore mo go Adame botlhe ba a swa, ka jalo le mo go keresete botlhe ba tla tshedisiwa. ²³Mme mongwe le mongwe go yeng ka tsamaiso ya gagwe: Keresete, maungo a ntlha, mme ba e leng ba ga Keresete ba tla tshidisiwa ka go tla ga gagwe.²⁴Mme e tla nna phelelo, fa keresete a neela bogosi kwa go Modimo Rara. Mme ke gone a tla emisang melao yotlhe, le taolo yotlhe le maatla. ²⁵Go nne o tshwanetse a busa go fitlhela a baya baba ba gagwe botlhe ka fa tlase ga dinao tsa gagwe. ²⁶Mmaba wa bofelo go fenngwa ke loso.²⁷Gonne "o beile dilo tsotlhe ka fa tlase ga dinao tsa gagwe." mme fa e re "o beile sengwe le sengwe," se se tlhatswegile gore ga go reye le yo o beileng dilo tsotlhe ka fa tlase ga taolo ya gagwe. ²⁸Fa dilo tsotlhe di le mo taolong ya gagwe, jaanong morwa o tla bo a le mo taolong ya yo o beileng dilo tsothe motaolong ya gagwe. Se se tla diragala gore Modimo Rara a nne mo go tsotlhe.²⁹Ntle le jalo ba ba kolobeleditsweng baswi ba tla dira eng? Fa baswi ba sa tsosiwe gotlhelele, ke eng fa ba ba kolobelediwa? ³⁰Ke eng jaanong, re le mo kotsing oura ngwe le nngwe?³¹Letsatsi lengwe le lengwe ke lebagana le loso! Se ke thurifatso jaaka go ipoka game mo go lona, e ke nang le yone mo go Keresete Jeso Morena wa rona. ³²Ke boelwa ke eng, go tswa mo go lebeng ga setho, fa ke lole le setshidi se se boitshegang kwa Efeso, fa baswi ba sa tsosiwe? a re nweng re jeng, gonne kamoso re a swa.³³Le seka la tsiediwa: "ditsala tse di bosula disenya setho se se siameng." ³⁴Itharabologelweng, tshelelang mo tshiamong, se tsweleleng le leofa. Gonne bangwe ba lona ga ba na kitso ka Modimo. Ke bua se go le tlhabisa ditlhong.³⁵Mme mongwe o tla re, "baswi ba tsosiwa jang, le gore ba ya go tla ba le mo mmeleng o o ntseng jang?" ³⁶Le ikgatholosa thata! se le se jwalang ga se kitla se simolola go gola kwa ntleng ga fela se ka swa.³⁷Se o se jwadileng ga se mmele yo o tla tlhogang, mme ke peo fela. Se tla nna mohero kana sengwe fela. ³⁸Mme Modimo o tla se fa mmele jaaka a tlhopha, le peo nngwe le nngwe o tla e neela mmele wa yone. ³⁹Ga se mebele yotlhe e e tshwanang. Le fa go ntse jalo, go na le mmele o le mongwefela wa batho, le mmele o mongwe wa diphologolo, le mmele o mongwe wa dinonyane, le o mongwe wa ditlhapi.⁴⁰Go na gape le mebele ya lefatshe le mebele ya legodimo. Mme kgalalelo ya mmele wa selegodimo ke ya mofuta o mongwe le kgalalelo ya mmele wa selefatshe ke o mongwe. ⁴¹Go na le kgalalelo e le nngwefela ya letsatsi, le kgalalelo e nngwe ya ngwedi, le kgalalelo e nngwe ya dinaledi. Go nne naledi nngwe le nngwe e farologana le e nngwe ka kgalalelo.⁴²Go ntse fela jalo le ka tsogo ya baswi. Se se jwadilweng se a bola, mme se se godisitsweng ga se bole. ⁴³Se jwadilwe mo go tlhokeng tlotla; se godisiwa mo kgalalelong. Se jwadilwe mo bokoeng; se godisiwa mo maatleng. ⁴⁴Go jwadilwe e le mmele wa tlholego, se godisiwa e le mmele wa semoya. Fa go na le mmele wa tlholego, go na gape le mmele wa semoya.⁴⁵Jaanong gape go kwadilwe, "motho wa ntlha Adame o nnile moya o o tshelang." Adame wa bofelo o nnile moya o o neelang botshelo. ⁴⁶Mme semoya ga se atla pele ,go tlile senama, morago ga tla semoya.⁴⁷Motho wa ntlha ke wa lefatshe, o dirilwe ka lerole. Motho wa bobedi o tswa legodimong. ⁴⁸Fela jaaka yo o dirilweng go tswa mo leroleng a ntse, go ntse jalo le ka ba ba dirilweng ka lerole, le ka fa motho wa legodimo a ntseng ka teng, go ntse fela jalo le ka ba legodimo. ⁴⁹Fela jaaka re nnile le setshwano sa motho wa lerole, re tla nna gape le setshwano sa motho wa legodimo.⁵⁰Jaanong ke bua se, bakaulengwe, gore nama le madi ga di kitla di rua bogosi jwa Modimo. Kana se se bolang se rua se se sa boleng. ⁵¹Bonang! ke le bolelela boammaruri jo bo fitlhegileng: ga re kake ra swa rotlhe, mme re tla fetolwa rotlhe.⁵²Re tla fetolwa ka monyetla, ka ponyo ya leitlho, ka porompeta ya bofelo. Gonne porompeta e tla lela, mme baswi ba tla tsosiwa ba sa bola, mme re bo re fetolwa. ⁵³Gonne mebele e e bolang e tla neelwa bo sa boleng, mme mmele o o swang o tla neelwa bo sa sweng.⁵⁴Mme fa mmele o o bolang o o apere bo sa boleng, le fa mmele o o swang o o setse o apere bo sa sweng, re tla tla mo puong e e kwadilweng, "loso le meditswe mo phenyong." ⁵⁵"Loso, phenyo ya gago e kae?" Loso, phenyo ya gago e kae?⁵⁶Phenyo ya loso ke sebe, mme maatla a sebe ke molao. ⁵⁷Mme re leboga Modimo, yo o re neelang phenyo ka Morena wa rona Jeso Keresete!⁵⁸Ka jalo, bakaulengwe ba ba rategang, thatafalang le sa sute.Le nne le tshwere tiro ya Morena, gonne le a itse gore tiro ya lona mo Moreneng ga e mo lefeleng.

16¹Jaanong se se amanang le go kgobokanyetsa badumedi madi, fela jaaka ke kaetse dikereke tsa Galatia, le lona le dire jalo. ²Ka letsatsi la ntlha la beke, mongwe le mongwe wa lona a beele sengwe fa thoko, mme lo se boloke ka fa le kgonang ka teng. Le dire se gore go se ka ga nna le go kgobokanya madi fa ke goroga.³Fa ke goroga, mongwe le mongwe yo le mo dumelelang, ke tlaa mo roma ka makwalo go isa moneelo wa lona kwa Jerusalema. ⁴Fa go tshwanela gore le nna ke tsamaye, ba tla tsamaya le nna.⁵Mme ke tla tla ko go lona fa ke ralala Masedonia. Gonne ke tla ralala Masedonia. ⁶Gongwe ke ka nna le lona kana mariga otlhe, gore le tle le nthuse mo mosepeleng wame, gongwe le gongwe ko ke yang teng.⁷Gonne jaanong ga ke eletse go le bona nako e khutshwane. Gonne ke solofela go nna nakonyana le lona, fa Morena a letlelela. ⁸Mme ke tla nna ko Efeso go fitlha ka Pentekose, ⁹gonne kgoro e tona e mpulegetse, gape baba ba bantsi.¹⁰Jaanong fa Timotheo a tla, bonang gore o na le lona a sena letshogo, ka gonne o dira tiro ya Morena, fela jaaka ke dira. ¹¹A ope a seka a mo nyatsa. Mo thuseng mo tseleng ya gagwe ka kagiso, gore a tle a tle ko go nna. Gonne ke solofetse gore a tle le bakaulengwe. ¹²Jaanong ka ga mokaulengwe Apolose, ke mo rotloeditse thata gore a le etele le bakaulengwe. Mme e ne e se ka thato ya gagwe ka gope gore a tle gone jaanong. Le fa go ntse jalo, o tla tla fa nako e tshwanetse.¹³Nnang kelotlhoko, tshwarelelang thata mo tumelong, itshwareng jaaka banna, nonofang. ¹⁴A tsotlhe tse lo di dirang di direlwe mo loratong.¹⁵Le itse ba ntlo ya ga Setefanase, gore e ne e le bone ba ntlha go sokologa ko Akhaia, le gore ba ineetse mo go direleng badumedi. Jaanong ke a le gwetlha bakaulengwe, ¹⁶gore le nne boineelo mo bathong ba go nna jalo le mongwe le mongwe yo o thusang mo tirong gape a bereka le rona.¹⁷Ke ipela ka go tla ga ga Setefanase, Fotunatase le Akhaikase. Ba tlile mo boemong jwa lona. ¹⁸Gonne ba lapolositse moya wa me le wa lona. Ka jalo, lemogang batho ba go nna jaana.¹⁹Dikereke tsa Asia di romela madume ko go lona. Aquila le Poresila ba le dumedisa mo Moreneng, ka kereke e e kwa lwapeng la bone. ²⁰Bakaulengwe botlhe ba a le dumedisa. Dumedisanang ka katlo e e boitshepo.²¹Nna, Paulo, ke kwala se ka seatla same. ²²Fa mongwe a sa rate Morena, a a otlhaiwe. Morena wa rona, tlaa! ²³Tshegofatso ya Morena Jeso e nne le lona. ²⁴Lorato lame le nne le lona lotlhe mo go Keresete Jeso. Amen!

Bahebera

1¹Bogologolo Modimo o ne a bua le borrarona mogolo ka baporofiti ka dinako tse dintsi le ditsela tse dintsi. ²Mme mo malatsing ano a bofelo, Modimo o buile le rona ka Morwa, yo a mo tlhomileng mojaboswa wa dilo tsotlhe. Ke ka ene gore Modimo gape a bo a dirile lobopo. ³Ke ene lesedi la kgalalelo ya Modimo, setho sa modimo ka sebele. O tshwaraganya dilo tsotlhe ka maatla a lefoko la gagwe. Morago ga go tlhatswa dibe a nna mo letsogong le legolo la yo Mogolo kwa godimo.⁴O nnile godimo go baengele, gonne leina le a le ruileng le legolo go na le la bone. ⁵Ke mo go ofe wa baengele yo Modimo a mo reileng a re, "O morwaake, gompieno ke tla nna rrago" , Mme gape, "Ke tla nna rragwe, e tla nna morwaake"?⁶Mme gape Modimo fa a tsisa maitibilo mo lefatsheng, a re, "Botlhe baengele ba Modimo ba tshwanetse go mo obamela." ⁷Ka ga baengele a re, "Ke ene yo o dirang baengele ba gagwe mewa, le batlhanka ba gagwe kgabo ya molelo."⁸Mme ka ga Morwa a re, "Setilo sa gago sa bogosi, Modimo ,se eme ka bosakhutleng. Lore lwa bogosi jwa gago ke lore lwa tshiamo. ⁹O ratile tshiamo wa ila tlhoko molao. Ka jalo Modimo, Modimo wa gago, o go tloditse ka leokwane la boipelo go feta bao nang nabo."¹⁰Mo tshimologong, Morena, o ile wa thaya motheo wa lefatshe. Magodimo ke tiro ya diatla tsa gago. ¹¹A tlaa nyelela mme wena o tla tswelela, a tla a onala jaaka sekgethe sa diaparo. ¹²O tla a phutha jaaka jase, mme a tla fetoga go nna sekgethe sa diaparo. Mme wena o tshwana fela, dingwaga tsa gago ga di khutle."¹³Ke ofe wa baengele yo Modimo a neng a mo raya a re, "Nna mo letsogong le legolo lame, go fitlhela ke dira baba ba gago go nna bonno ja dinao tsa gago?" ¹⁴A botlhe baengele gase mewa e e direlang , le e e rumilweng go tlhokomela ba ba tlaa ruang poloko?

2¹ Ka jalo re tshwanetse ra ela tlhoko thata tse re di utlwileng, gore re seka ra tswa mo go tsone.²Fa ele gore molaetsa o o neng o builwe ka baengele o boammaaruri, tlolo molao le tlhoko kutlo nngwe le nngwe e tla a amogela kotlhao, ³re ka falola jang fa re ikgatholosa poloko e kgolo e? Poloko e ke e e builweng ke Morena e be ya tlhomamisiwa mo go rona ke ba ba e utlwileng. ⁴Modimo o supile ka ditshupo le dikgakgamatso, le ditiro tse di maatla, le ka go aba dineo tsa Moya ka fa a ratang ka teng.⁵ Ga se baengele ba Modimo a ba neetseng taolo ya lefatshe le le tlang, ka tse re di buang. ⁶Le fa go ntse jalo, mongwe golo gongwe o buile, are, '' Motho ya bo e le mang, yo o akanyang ka ene? Kana morwa motho, yo o kgathalang ka ene?⁷O dirile motho a le ka fa tlase ga baengele; wa mo apesa ka kgalalelo le tlotlo. ⁸O ne wa baya sengwe le sengwe ka fa tlase ga dinao tsa gagwe.'' Ka gore ke ene yo Modimo a beileng dilo tsotlhe ka fa tlase ga taolo ya gagwe. Ga gona sepe se a se tlogetseng, se se ka fa tlase ga taolo ya gagwe. Mme jaanong gare ise re bone tseo tsotlhe tse di ka fa tlase ga taolo gagwe.⁹Mme re a bona gore yo o dirilweng mmotlana mo baengeleng ka nakwana: Jeso, yo, ka ntlha ya tshotlego le loso la gagwe, o apesitswe ka kgalalelo le tlotlo. Jaanong, ka tshegofatso ya Modimo, o re swetse rotlhe. ¹⁰Gonne go ne go siametse Modimo, ka gore dilo tsotlhe di teng ka ene le ka ntlha ya gagwe, go tsisa barwa botlhe kgalalelong. Gone go mo siametse go dirwa moeteledipele wa poloko ya bone ka tshotlego ya gagwe.¹¹Ka gore botlhe yo o itshepisang le ba ba itshepisitsweng ba na le motswedi o le mongwe. Ka jalo ga a tlhabiwe ke ditlhong go ba bitsa barwa rraagwe. ¹²A re, ''Ke tlaa bolela leina la gago mo go barwarre, ke tla a opela ka wena mo diphuthegong.''¹³Mme gape, ''ke tla a mo tshepa.'' Mme gape, ''Bona, ke fa le bana ba Modimo a mphileng bone.'' ¹⁴Mme, ka bana ba Modimo ba kopanetse nama le madi, Jeso le ene a di kopanela le bone, gore ka loso a nyeletse ene yo o nang le maatla a loso, yo e leng saatane. ¹⁵Se e ne e le gore a tle a golole ba ka poifo ya loso ba tshidileng matshelo a bone otlhe mo bokgobeng.¹⁶Ka gonne ga a tshwenyega ka baengele; mme o tshwenyegile ka peo ya ga Aborehama. ¹⁷Jalo, go ne go le botlhokwa gore a tshwane le barwarraagwe ka ditsela tsotlhe, gore a tle a nne moperesiti mogolo yo o kutlwelo botlhoko le boikanyego mo dilong tsa Modimo, le gore a tle a ba itshwarele maleo a batho. ¹⁸Ka gore Jeso ka sebele o bogile a bo a raelwa, ka jalo o kgona go thusa ba ba mo thaelong.

3¹Ka jalo, bakaulengwe ba ba itshepileng, lo kopanetse pitso ya selegodimo. Akanyang ka Jeso, moaposetolo le moperesiti mogolo wa boipolelo jwa rona. ²O ne a ikanyega mo Modimong, yo a mo tlhomileng, fela jaaka Moshe a ne a ikanyega mo ntlong ya Modimo. ³Gonne Jeso o kailwe a tshwanetswe ke kgalalelo e kgolo go feta Moshe, go nne yo o agileng ntlo o nale tlotlo e kgolo go feta ntlo. ⁴Gonne ntlo nngwe le nngwe e agilwe ke motho, mme yo o agileng dilo tsotlhe ke Modimo.⁵Ka ntlha e nngwe, Moshe o ne a ikanyega jaaka motlhanka mo ntlong yotlhe ya Modimo. O ne a le bopaki ka dilo tsotlhe tse di tla a diragalang mo nakong e e tlang. ⁶Keresete ke Morwa yo o mo taolong ya ntlo ya Modimo. Re ntlo ya gagwe fa re tshwarelela mo kgothalong ya rona le mo tshepong e re ikgatlhang ka yone.⁷Ka jalo, go ntse fela jaaka Moya o o boitshepo o buang ka teng o re," Gompieno, fa le utlwa lentswe la gagwe ⁸le seka la thatafatsa dipelo tsa lona mo boingaoding,jaaka nako ya teko mo Sekakeng.⁹Se e ne e le fa borralona mogolo ba ingaola ka go nteka, le fa ba ntse ba bone ditiro tsame dingwaga di le masome mane. ¹⁰Ka jalo, ke ne ka seka ka itumelela kokomane eo. Ke rile," Ba latlhegile mo dipelong tsa bone ka nako tsotlhe. Ga ba ise ba ke ba itse ditsela tsame." ¹¹Go ntse jaaka ke ikana ka tenego yame ke re: ' Ga ba kitla ba tsena mo boitapolosong jwame."¹²Elang tlhoko bakaulengwe, gore go se nne ope wa lona yo o pelo e bosula e e sa dumeleng, e e huraletseng Modimo yo o tshelang. ¹³Le fa go ntse jalo, kgothatsanang "letsatsi le letsatsi," go santse go nale nako, " go re go se nne ope wa lona yo o thatafadiwang ka tsietsego ya boleo.¹⁴Ka gore re nnile batsaya karolo le Keresete fa re tshwarelela ka thata tshepo ya rona mo go ene go simolola kwa tshimologong go ya kwa bofelong. ¹⁵Ka se go builwe gatwe, "Gompieno, fa le utlwa lentswe la gagwe, le seka la thatafatsa dipelo tsa lona mo boingaoding."¹⁶Ke mang ene yo o utlwileng Modimo a bo a ingaola?A ga se ba ba neng ba tswa Egepeto ka Moshe? ¹⁷Bone ba a neng a ba galefetse dingwaga tse di masome mane? A ga se bone ba ba neng ba leofile, ba ditopo tsa bone di wetseng mo sekakeng? ¹⁸Ke bafe ba a ba ikanetseng gore ga ba kitla ba tsena mo boitapolosong, fa e ne e se ba ba mo tlhoketseng kutlo? ¹⁹Re bona gore ba ne ba seka ba kgona go tsena mo boitapolosong ka lebaka la go tlhoka go dumela.

4¹Ka jalo, a re nneng kelotlhoko gore go seka ga nna le ope wa lona yo go lebegang a ka seka a fitlhelela tsholofetso e le e tlogeletsweng go tsena mo boitapolosong jwa Modimo. ²Ka gore re boleletswe dikgang tse di molemo fela jaaka bone. Mme molaetsa o wa seka wa tswela mosola ba ba neng ba seka ba lomagana mo tumelong le ba ba neng ba nna kutlo.³Ka gore rona ba re dumetseng ke rona ba re tla tsenang mo boitapolosong joo, fela jaaka a buile, "jaaka ke ikana mo bogaleng jwame, ga ba kitla ba tsena mo boitapolosong jwame. "Le fa go ntse jalo, ditiro tsa gagwe tse di bopilweng di ne tsa feleletswa ko motheong wa lefatshe. ⁴Ka gore o buile golo gongwe ka letsatsi la bosupa, "Modimo o ne a itapolosa ka letsatsi la bosupa go tswa mo ditirong tsotlhe tsa gagwe." ⁵O buile gape a re, "Ga ba kitla ba tsena mo boitapolosong jwame."⁶Ka jalo, ka gore go santse go beetswe bangwe gore ba tsene mo boitapolosong ja gagwe, le ka gore bontsi jwa BaIseraele ba ba utlwileng mafoko a a molemo ga ba tsena ka lebaka la go tlhoka kutlo, ⁷Modimo gape o tlhomile letsatsi lengwe le le bidiwang "Gompieno." Morago ga malatsi a le mantsi, a bua ka Tafita, jaaka go ne go sa tswa go buiwa, "Gompieno fa o utwa lentswe la gagwe, le seka la thatafatsa dipelo tsa lona."⁸Ka gore fa e le gore Joshua o ba file boitapoloso, Modimo o ka bo a sa bua ka letsatsi le lengwe. ⁹Ka jalo go santse go na le letsatsi la Sabata le le beetsweng batho ba Modimo. ¹⁰Ka gore yo o tsenang mo boitapolosong jwa Modimo o setse a itapolositse mo ditirong tsa gagwe, fela jaaka Modimo a dirile go tswa mo go tsa gagwe. ¹¹Ka jalo a re eletseng go tsena mo boitapolosong joo, gore go se nne ope yo o tla dirang botlhoka kutlo jo ba bo dirileng.¹²Ka gore lefoko la Modimo le a tshela ebile le a dira, le bogale go feta tshaka e e magale mabedi. Le phunyeletsa le tlhabe go kgaoganya maikutlo le moya, le ditokololo le moko. Le kgona go itse dikakanyo le maikaelelo a pelo. ¹³Ga gona sepe se se bopilweng se se fitlhegileng fa pele ga Modimo. Le fa go ntse jalo, sengwe le sengwe se bulegile fa pele ga matlho a ene yo re tshwanetseng go arabela ko go ene.¹⁴Ka jalo, e re ka re na le moperesiti yo mogolo yo o fetileng fa gare ga magodimo, Jeso Morwa Modimo, a re tshwareleleng ka thata tumelo ya rona. ¹⁵Ka gore re na Moperesiti mogolo yo o ka re utlwelang botlhoko mo makoeng a rona. Le fa go ntse jalo, re na le mongwe yo o lekilweng ka ditsela tsotlhe fela jaaka re lekwa, ko ntleng fela ga gore ga a na sebe. ¹⁶A re tsamaeng ka botlhokapoifo ko setilong sa bogosi sa tshegofatso, gore re kgone go amogela mautlwelobotlhoko le tshegofatso go re thusa ka nako ya botlhoki.

5¹Moperesiti mogolo mongwe le mongwe yo o tlhophilweng mo gare ga batho, o tlhomiwa go direla mo boemong jwa batho mo dilong tsotlhe tse di amanang le Modimo, gore a tle a ntshe dimpho le ditlhabelo tsa maleo. ²O ka dirisana bonolo le ba ba senang kitso le digogela thoko ka gore le ene o dikologilwe ke bokoa. ³Ka ntlha ya se, go tlhokafala gore le ene a ntshe ditlhabelo tsa maleo a gagwe, fela jaaka a dira ka maleo a batho.⁴Ga se ka ntlha ya gagwe gore mang le mang a tseye tlotla e. Le fa go ntse jalo, o biditswe ke Modimo fela jaaka Arone. ⁵Ka tsela e tshwanang, le Keresete ga a itlotla ka go itira moperesiti mogolo. Boemong ba moo,yo a neng a bua le ene o ne a re "O Morwaake; gompieno ke nnile Rrago."⁶Go tshwana fela le jaaka a bua gape a re, "O moperesiti go ya bosakhutleng mo tsamaisong ya ga Melekisedeke."⁷Ka matsatsi a fa a le mo senameng, Keresete o ne a isa dithapelo le dikopo ka selelo se se ko godimo kwa Modimong, Ene yo o kgonang go mmoloka mo losong. O ne a reediwa ka ntlha ya tshiamo ya gagwe. ⁸Le fa e ne e le Morwa, o ne a ithuta kutlo mo dilong tse a di bogileng.⁹O ne a siamisiwa mme a nna poloko ya bosakhutleng mo go mongwe le mongwe yo o mo utlwang. ¹⁰O ne a tewa ke Modimo go nna moperesiti mogolo mo tsamaisong ya ga Melekiseteke. ¹¹Go gontsi mo re ka go buang ka Jeso, mme go thata go tlhalosa ka le sa batle go utlwa.¹²Le fa ka nako e le ka bo le le barutintshi, le santse le letlhoka mongwe yo o ka le rutang dithuto tsa ntlha tsa molaetsa wa Modimo. Le tlhoka masi e seng dijo tse di thata. ¹³Ka go nne mongwe le mongwe yo o nwang masi ga a na boitemogelo jwa molaetsa wa tshiamo, ka gore o santse a le ngwana. ¹⁴Mme dijo tse di thata ke tsa bagolo. Ba ke ba ka ntlha ya kgolo ya bone ba katisitseng go tlhaloganya pharologanyo ya bomolemo le bosula.

6¹Jalo, a re tlogeleng tshimologo ya molaetsa wa ga Keresete mme re ye ko pele go gola. A re seka ra baya gape motheo wa go ikotlhaya mo ditirong tse di suleng le wa tumelo mo Modimong, ²kana motheo wa go ruta ka dikolobetso, go baya diatla, tsogo ya baswi le katlholo ya bosakhutleng. ³Re tlaa dira se fa Modimo a letlelela.⁴Ka gago kgonagale mogo bao ba kileng ba bona lesedi, ba utlwile mpho ya selegodimo ebile ba amogane Moya o o Boitshepo, ⁵le bao ba ba utlwileng lefoko le le molemo la Modimo le maatla a nako tse di tlang, ⁶bao ba kgelogileng-ga go kgonagale go ba busetsa gape ko boikotlhaong. Se ke ka ntlha ya gore ba ipapolela Morwa Modimo gape, ba bo ba mo tlhabisa ditlhong mo setshabeng.⁷Lefatshe le le nwang metsi a pula e e tshologelang mo go lone, ebile le ntsha dijwalo tse di mosola mo go ba ba le berekang ke lone le segofadiwang ke Modimo. ⁸Mme fa le tlhoga mitlwa, ga le na mosola mme le gaufi le phutso. Bokhutlo jwa lone ke go sha.⁹Le fa re bua jaana, re lemogile dilo dingwe tse di botoka ka lona ba ba rategang, dilo tse di amanang le poloko. ¹⁰Gonne Modimo ga a bosula mo a ka lebalang tiro ya gago le lorato le o le supileng mo leineng la gagwe, ka gore o diretse badumedi mme o santse o ba direla.¹¹Re eletsa thata gore mongwe le mongwe wa lona a supe bonatla go ya ko phelelong ka lebaka la thurifatso e e tletseng ya botlhokapoifo. ¹²Se ke ka gore lo seka la nna ditshwakga, mme le nne baetsi ba bao ka tumelo le bopelotelele ba jang boswa jwa ditsholofetso.¹³Gonne fa Modimo a ne a dira tsholofetso ya gagwe ko go Aborehama, o ikannne ka ene ka a ne a ka se ikane ka ope yo mogolo go ene. ¹⁴O rile "Ke tsile go go segofatsa e le ruri ebile ke tla go godisa mo go golo." ¹⁵Ka tsela e e ntseng jalo, Aborehama o ne a amogela se a se solofeditsweng morago ga go leta ka bopelotelele.¹⁶Gonne batho ba ikana ka mongwe yo mogolo mo go bone. Ko bokhutlong jwa kganetsanyo nngwe le nngwe, maikano e nna thurifatso. ¹⁷Fa Modimo a ne a tsaya tshwetso ya go supegetsa go sa fetogeng ga boleng jwa maikaelelo a gagwe mo bajabosweng ba tsholofetso,o tlhomamisitse ka maikano a gagwe. ¹⁸O dirile se ka ntlha ya gore dilo tse pedi tse di sa fetogeng, tse eleng gore ga go kgonagale gore Modimo a ake,rona ba re siileng go ya botshabelong, re tla nna le kgothatso e e mashetla go tshegetsa ka thata tshepo e re e beilweng pele.¹⁹Re nale tshepo ele tshireletso e e tlhomameng ya mewa ya rona, tshepo e e tsenang mo felong le le boitshepo ka fa morago ga sesiro. ²⁰Jeso o tsene mo felong leo e le morongwa, o nnile moperesiti mogolo go ya bosakhutleng mo tsamaisong ya ga Melekiseteke.

7¹E ne e le Melekiseteke , kgosi ya Salema , moperesiti wa Modimo Mogodimodimo, yo o neng a segofatsa Aborehama fa a kopana nae a tswa go bolaya dikgosi abo a mosegofatsa. ²Aborehama o ne a mo fa bolesome jwa sengwe le sengwe . Leina le la gagwe ''Melekiseteke'' le raya ''kgosi ya tshiamo''. Maemo a mangwe a gagwe ke '' kgosi ya Salema'' , ke gore '' kgosi ya kagiso''. ³Ga a na rraagwe , mmaagwe , ga a na borragwe mogolo, le fa e le matsalo le yone phelelo ya botshelo . Boemong jwa moo, o tshwana le Morwa Modimo, gonne o ntse moperesiti ka bosakhutleng.⁴Bona ka fa monna yo a ne a le mogolo ka teng . Rraarona Aborehama o mo file bolesome jwa dilo tse a di tsereng kwa ntweng . ⁵Ka fa ntlheng e nngwe , barwa Lifi ba amogela boperesiti ba na le taelo go tswa molaong go tsaya bolesome go tswa mo bathong , ke gore , go tswa mo go barwarraabone ntswa le bone ba tsetswe ke Aborehama . ⁶Ka fa ntlheng e nngwe , Melekiseteke , yo matsalo a gagwe a neng a sa amane le bone , o ne a amogela bolesome mo go Aborehama , a bo a mo segofatsa , ebong ene yo o nang le ditsholofetso .⁷Ga go kake ga latolwa gore motho yo mmotlana o segofadiwa ke yo mogolo . ⁸Mo kgang e, batho ba madi le nama ba amogela bolesome , mme mo kgang ele , go bolelwa gore o tshelela ruri . ⁹Go ka buiwa jaana , Lefi , yo o neng a amogela bolesome , o ne a ntsha bolesome ka Aborehama , ¹⁰ka lebaka la gore Lefi o ne a le mo mmeleng wa ga rraagwe fa Melekiseteke a kopana le Aborehama.¹¹Jaanong fa ele gore go siamisiwa go ne go kgonega ka boperesiti ja seLefi ( gonne ka fa tlase ga bone batho ba ne ba amogela molao) , a go ne go tla bo go tlhokega gore go nne le boperesiti jo bo tshwanang le jwa ga Melekiseteke, jo bo sa tshwaneng le jwa ga Arone? ¹²Gonne fa boperesiti bo fetolwa, molao le one o tshwanetse go fetolwa.¹³Gonne ene yo dilo tse di buiwang ka ene ke wa morafe o sele, o go se nang ope yo o tswang mo go one yo o kileng a dira fa aletareng. ¹⁴Jaanong go a itsege gore, Morena wa rona ke Mojuta, morafe o Moshe a se kileng a bua sepe ka one mabapi le baperesiti.¹⁵Se re se buang se tlhatswega bogolo fa go ka nna moperesiti mongwe yo o tshwanang le Melekiseteka . ¹⁶Ga a nna moperesiti ka lebaka la go tsalwa ga gagwe mo senameng, mme e nnile ka lebaka la thata ya botshelo jo bo sa senyegeng. ¹⁷Gonne dikwalo di paka jaana ka ene: '' O moperesiti ka bosakhutleng jaaka Melekiseteke.''¹⁸Gonne go ne ga fedisiwa taolo ya bogologolo ka gore e ne e le bokoa ebile e sena mosola. ¹⁹Gonne molao o ne o sa siamise sepe. Le fa go ntse jalo, go tsisitswe botlhokapoifo jo bo botoka jo ka bone re ka tlang fa pele ga Modimo.²⁰Se ga se a diragala go sa ikanwa. Mme ba bangwe bone, ba nna baperesiti go se na maikano ape. ²¹Mme Jeso ene, o nnile moperesiti ka maikano a mongwe yo o neng a mo raya a re,'' Morena o ikanne ebile ga a na go fetola mogopolo: "O moperesiti ka bosakhutleng.''²²Ka se Jeso o file tlhomamiso ya kgolagano e e botoka . ²³Mme bontsi bo nna baperesiti ka gore fa ba a swa, ga go kgonege go tsweledisa . ²⁴Mme ka gore Jeso o ntse ka bosakhutleng, o na le boperesiti jo bo sa feleng .²⁵Ka jalo , Jeso o kgona go boloka mo go feletseng botlhe ba ba tlang ko Modimong ka Ene , ka lebaka la gore O tshelela ruri go ba rapelela . ²⁶Gonne moperesiti mogolo yo o ntseng jaana o re siametse . Ga a na boleo , ga a na molato ope , o phepa , ebile o tlhaotswe mo baleofing , ebile o godimo go feta magodimo .²⁷Ga a tlhoke go nna a ntsha setlhabelo sa letsatsi le letsatsi jaaka baperesiti bagolo ba bangwe, ba ba neng ba ntshetsa maleo a bone le a batho. Ene o dirile gangwe a direla botlhe, fa a intsha setlhabelo. ²⁸Gonne molao o tlhoma banna ba ba nang le makoa a bone go nna baperesiti. Mme lefoko la maikano, le le tsileng fa morago ga molao, la tlhoma Morwa, yo o siamisitsweng ka bosakhutleng .

8¹Jaanong kgangkgolo ya se re se buang ke e: re na le moperesiti mogolo yo a ntseng mo letsogong le legolo la Morena mo setilong sa bogosi ko magodimong. ²Ke montlhanka mo felong le le boitshepo, motlaagana wa boammaaruri o Modimo a o agileng, eseng motho.³Gonne moperesiti mogolo mongwe le mongwe o tlhometswe go ntsha dineo le ditlhabelo. Ka jalo go botlhokwa go nna le sengwe se o ka se nayang. ⁴Jaanong fa Keresete a kabo a le mo lefatsheng, a kabo a se moperesiti, gonne go na le ba bangwe ba ba ntshang dineo go ya ka fa molaong. ⁵Ba direla mo motlaaganeng o e leng moriti wa dilo tsa selegodimo. Go ntse fela jaaka Moshe a ne a tlhagisiwa ke Modimo, fa a ne a tshwanetse go aga motlaagana, Modimo a re "Bona gore o dira sengwe le sengwe go ya ka fa o supegeditsweng ka teng fa o le ko thabeng."⁶Mme jaanong Keresete o amogetse bodiredi jo bo botoka.Ka jaana a le motshereganyi wa kgolagano e e botoka, e e ikaegileng ka ditsholofetso tse di botoka. ⁷Gonne fa kgolagano ya ntlha e ne e sena mathata ape, go ne go sa tlhokafale kgolagano ya bobedi.⁸Ya re Modimo a bona batho molato, a re, " Bonang malatsi a etla - go bua Modimo - a ke tla dirang kgolagano e ntsha le ntlo ya Iseraela le ntlo ya Juta. ⁹Ga e kitla e tshwana le kgolagano e ke e dirileng le borrabone mogolo ka letsatsi le ke neng ke ba tshwere ka letsogo go ba etelela pele go tswa mo lefatsheng la Egepeto. Gonne ga ba ka ba tshegetsa kgolagano yame, mme ka ba itlhokomolosa-go bua Morena.¹⁰Gonne e ke kgolagano e ke tlaa e le dirang le ntlo ya Iseraela morago ga malatsi ao - go bua Morena. ke tla baya molao wame mo ditlhaloganyong tsa bone, ebile ke tla e kwala le mo dipelong tsa bone. ke tla nna Modimo wa bone, le bone ba tla nna batho bame.¹¹Ope wa bone ga a kitla a ruta moagisanyi wa gagwe le yo mongwe morwaraagwe, a re, "Itse Morena.'Gonne botlhe ba tla nkitse, go tsweng mo go yo monnye go ya ko go yo mogolo mo go bone. ¹²Gonne ke tla nna kutlwelobotlhoko mo ditirong tsa bone tsa go tlhoka tshiamo, gape ga nkitla ke gakologelwa dibe tsa bone."¹³Fa a ne a re "bontsha" o ne a dira kgolagano ya ntlha go nna kgologolo, mme se se fetilweng ke nako ebile se le segologolo se gaufi le go nyelela.

9¹Jaanong le kgolagano ya pele e ne e na le ditsamaiso tsa kobamelo le lefelo le le boitshepo la selefatshe . ²Ka motlaagana o ne wa baakanngwa. Ntlwana e mo go yone go neng go na le setlhomo sa lebone , tafole, le borotho, e ne e bidiwa lefelo la boitshepo.³Ka fa morago ga sesiro go ne go na le ntlwana e nngwe e bidiwa lefelo le le boitshepo ga boitshepo. ⁴E ne e na le aletara ya gauta ya dinkgisa-monate. Gape e ne e na le letlole la kgolagano, e apesitswe ka gauta. Mo teng go ne go na le sejana sa gauta se tshotse mana, thobane ya ga Arone e e ileng ya tlhoga,le matlapana a kgolagano. ⁵Mo godimo ga letlole la kgolagano , dicheruba tse di galalelang di ne di okame sethibo sa letlole, se re ka se keng ra bua ka sone ka botlalo.⁶Fa dilo tse di sena go baakanngwa, baperesiti ba ne ba tsena mo ntlwaneng e e kwa ntle ya motlaagana go dira ditiro tsa bone. ⁷Mme moperesiti mogolo ke ene fela a neng a tsena mo ntlwaneng ya bobedi gangwe fela mo ngwageng a tshotse madi, a a neng a a iketshetsa le batho, e le a maleo a e seng a kabomo.⁸Moya o o boitshepo o ne wa supa gore tsela ya go tsena mo lefelong le le boitshepo ja boitshepo, e ne e sa supiwa, fa motlaagana wa pele o santse o le teng. ⁹Se e ne ele tlhaloso ya nako eno. Dineo le ditlhabelo tse di ntshiwang gadi kgone go siamisa segakolodi sa moobamedi. ¹⁰Ba kgathala fela ka ga dijo le dino le ka mefuta ya mediro wa go itlhapisa ga go ya ka fa tumeding ya bone. Tse tsotlhe e ne e le ditsamaiso tsa senama tse dineng di beilwe go fitlhelela tsamaiso e ntsha e dirwa.¹¹Keresete o tsile e le moperesiti yo mogolo wa dilo tse dintle tse di tsileng. O raletse motlaagana o mogolo o o siameng o o neng o sa dirwa ka diatla tsa batho, yo o seng wa lefatshe le le dirilweng le. ¹²Ga a tsena ka madi a dipudi , le dinamane , mme o tsene ka madi a gagwe mo lefelong le le boitshepo ja boitshepo, a tsenela botlhe mme a re rekolola ka bosakhutleng.¹³Gonne fa madi a dipodi le dipoo , le go kgatsha molora wa moroba mo go ba ba itshekologileng, go ba tsisa gautshwane le Modimo ka go ntlafadiwa nama ya bone, ¹⁴madi a aga Keresete yo ka Moya o o boitshepo a ikitshitseng setlhabelo se se senang bogole , go tlhapisa letswalo la rona mo ditirong tse di suleng gore re kgone go direla Modimo yo o tshelang, a tla re ntlafatsa bogolo jang? ¹⁵Ke ka moo a leng motshereganyi mo kgolaganong e ntsha. Ka lebaka le,le ka go bo leso lengwe le nnile teng go golola ba ba kafa tlase ga kgolagano ya ntlha mo maleong a bone, ba ba biditsweng ba tla amogela tsholofetso ya boswa jo bo sa feleng .¹⁶Gonne fa go nang le mokwalo wa kabo ya boswa, leso la yo o o dirileng le tshwanetse go rurufadiwa. ¹⁷Gonne mokwalo wa kabo ya boswa o diragadiwa fela fa yo o kwadileng a sule, fa a santse a tshela ga o na thata epe.¹⁸Tota le kgolagano ya ntlha ga e a simololwa kwa ntle ga madi. ¹⁹Gonne fa Moshe a sena go neela batho botlhe taolo mo molaong, o ne a tsaya madi a dipodi le dinamane,metsi le leloba le lehibidu,sethunya se se nkgisang monate a kgatsha lekwalo le batho botlhe. ²⁰O ne a re, "Se ke madi a kgolagano e modimo a le e laoletseng".²¹ Ka mokgwa o o tshwanang, o ne a kgatsha madi mo motlaaganeng le dijana tsotlhe tse di neng di dirisiwa mo tirelong . ²²Go ya ka molao , dilo ka bontsi di tlhapisiwa ka madi. kontle ga tshololo ya madi ,ga gona boitshwarelo.²³Jalo he, go ne go tlhokafala gore meriti ya dilo tse di kwa legodimong di tshwanetse go ntlafadiwa ka madi a ditlhabelo tsa diphologolo. Lefa gontse jalo, dilo tsa legodimo tsone di ne di tshwanelwa ke go tlhapisiwa ka ditlhabelo tse di botoka . ²⁴Keresete ga a tsena mo lefelong le le boitshepo ja boitshepo le le dirilweng ka diatla, se e leng moriti fela wa dilo tsa nnete. Mo boemong jwa seo,a tsene mo legodimong la nnete, gore jaanong a re emele fa pele ga Modimo.²⁵Ga a a ya koo gore a intshe setlhabelo gantsi, jaaka moperesiti yo mogolo yo o neng a tsena mo lefelong la boitshepo ja boitshepo ngwaga le ngwaga ka madi a yo mongwe . ²⁶Fa go ne go ntse jalo, o ne a ka tshwanelwa ke go boga gantsi go tswa kwa motheong wa lefatshe. Mme jaanong ke gangwe fela kwa bofelong jwa metlha, e e kailweng gore a nyeletse sebe ka go intsha setlhabelo.²⁷Mongwe le mogwe o laoletswe go swa gangwe fela mme morago go tla katlholo. ²⁸Ka mokgwa o o tshwanang, Keresete le ene, yo o neng a ntshiwa gangwe fela go phimola maleo a ba le bantsi, o tla a bonala la bobedi a sa tlele sebe , mme a tlela kgololo ya bao ba ba mo letileng ka bopelotelele.

10¹Gonne molao ke moriti fela wa dilo tse di molemo tse di tlang, eseng tsone dilo tseo tota . Bao ba ba atamelang Modimo ga ba kitla ba dirwa boitekanelo ke ditlhabelo tse baperesiti ba di isang ngwaga le ngwaga. ²Fa go ne go ntse jalo, a ditlhabelo tseo di kabo di sa bolo go emisiwa? Ka jalo, fa ba ne ba ntlafaditswe gangwe fela go feletse, baobamedi ba ne ba ka seka ba ba tlhola ba gakologela boleo. ³Ka ditlhabelo tseo go na le kgakologelo ya maleo ngwaga le ngwaga. ⁴Ka go bo go sa kgonege gore madi a dipholo le dipodi a ka phimola maleo.⁵Fa Keresete a tla mo lefatsheng o ne a re, ¨E ne e se ditlhabelo le meneelo tse o di eletsang. Le fa go ntse jalo, ke mmele o ke o baakanyeditsweng. ⁶Ga o itumelele meneelo e e fisiwang le ditlhabelo tsa boleo. ⁷Foo ke ne ka re, ''Bona, ke fano, jaaka go kwadilwe ka game mo lekwalong, go dira thato ya gago.''⁸La ntlha o rile, ''E ne e se ka ditlhabelo kana meneelo kgotsa ditlhabelo tsedi fisitsweng kgotsa meneelo ya maleo tse le di ikgethetseng. Ga o a ka wa di itumelela. Tse ke ditlhabelo tse di neelwang go ya ka molao. ⁹A re,'' Bona, ke fano go dira thato ya gago. ''A tlosa tsamaiso ya ntlha go tlhomamisa ya bobedi. ¹⁰Ka thato eo, re itshepisitswe ka moneelo wa mmele wa ga Jeso Keresete gangwe fela.¹¹Le fa go ntse jalo, moperesiti mongwe le mongwe one a ema letsatsi le letsatsi go direla Modimo. O ne a nna a neela ditlhabelo mme di ka seke tsa tlosa maleo. ¹²Ka jalo, Keresete o ne a neela setlhabelo sa maleo gangwe ka bosakhutleng, a nna mo letsogong le legolo la Modimo. ¹³O eme go fitlhela baba ba gagwe ba dirwa setilo sa dinao tsa gagwe. ¹⁴Gonne ka moneelo o le mongwe o dirile boitekanelo botlhe ba ba itshepisitsweng go ya bosakhutleng.¹⁵Moya o o boitshepo le one o a re pakela. La ntlha wa re, ¹⁶''Mo ke kgolagano e ke tla a e dirang le bone morago ga malatsi ao, go bua Morena. Ke tla a baya melao yame mo dipelong tsa bone, gape ke tla a e kwala mo ditlhaloganyong tsa bone.¹⁷Mme maleo a bone le maikepo a bone ga nkitla ke di gakologelwa.'' ¹⁸ Mme jaanong kwa boitshwarelo jwa tsone boleng teng, gago tlhole go na le setlhabelo ka ntlha ya boleo.¹⁹Jaanong, bakaulengwe, re na le botlhokapoifo go tsena mo lefelong lele boitshepo ja boitshepo ka madi a Jeso. ²⁰E o ke tsela e ntsha ya go tshela e a re buletseng sesiro ka yone, ke gore, ka nama ya gagwe. ²¹Ka gore re na le moperesiti yo mogolo mo ntlong ya Modimo, ²² a re tseneng ka dipelo tse di boammaaruri ka botlalo jwa tlhomamiso ya tumelo, re na le dipelo tsedi tlhatswitsweng mo letswalong le le bosula mebele ya rona e tlhatswitswe ka metsi a a itshekileng.²³A re tshwareng ka thata boipolelo jwa tsholofelo ya rona, ntle le go reketla, ka gore Modimo yo o re solofeditseng, o boikanyego. ²⁴A re lebeleleng ka fa re ka kgothatsanyang ka teng mo leratong le ditiro tse molemo. ²⁵A re seka ra emisa go kopana jaaka ba bangwe ba dirile. Ka jalo, a re kgothatsaneng kgapetsakgapetsa, jaaka re bona letsatsi le atamela.²⁶Gonne fa re ka tswelela re leofa kabomo morago ga go amogela kitso ya boammaaruri, setlhabelo se se ntshediwang maleo ga se tlhole se le teng. ²⁷Boemong ja moo, go na le tsholofelo e e boifisang ya katlholo, le bogale jwa molelo o o tla a nyeletsang baba ba Modimo.²⁸Ope yo o ganang molao wa ga Moshe o swa ntle le mautlwelobotlhoko ka bosupi jwa batho ba le babedi kgotsa bararo. ²⁹O akanya gore katlholo e ka nna bokete go le kae mo go ene yo o gatang Morwa Modimo ka dinao, yo o tshwarang madi a kgolagano jaaka ekete ga a boitshepo, madi a ka one a ntlafaditsweng, mme a tlhapatsa Moya wa tshegofatso?³⁰Gonne re itse yo o rileng, ''Ipusolosetso ke yame; ke tlaa busolosa.'' Gape, ''Modimo o tla a atlhola batho ba gagwe.'' ³¹Ke selo se se boitshegang go wela mo diatleng tsa Modimo yo o tshelang!³²Mme gakologelwang matsatsi a a fetileng, fa le sena go sedimosediwa, ka fa le neng la itshokela go kgaratlha mo go golo mo pogisegong . ³³Le ne la jewa setshego fa gare ga batho ka matlhapa le tlhokofatso, mme le ne le kopanetse se le ba ba raletseng pogisego eo. ³⁴Le ne la tlhomogela pelo ba ba neng ba le magolegwa la ba la amogela go tseelwa dithoto ka boitumelo. Le ne le itse fa le na le dithoto tse di botoka tse di sa khutleng.³⁵Jaanong se latlheng botlhoka poifo jwa lona, jo bo nang le tuelo e kgolo. ³⁶le tlhoka bopelotelele, gore le tle le amogele se Modimo a se solofeditseng, morago fa le sena go dira thato ya gagwe. ³⁷''Gonne ka bonako, ene yo o tlaa tlang, o tla tla mme ga a nke a diega.³⁸Mosiami wame o tla a tshela ka tumelo.Fa a leba kwa morago, ke tla a seke ke mo itumelele.'' ³⁹Mme ga re bao ba ba boelang tshenyegong. Boemong jwa moo, re bangwe ba ba nang le tumelo go boloka mewa ya rona.

11¹Jaanong tumelo ke tlhomamiso ka dilo tse di solofetsweng ka bosenapelaelo. Ke bosupi ka ga ditiragalo tse di iseng di bonwe. ²Gonne ka ntlha ya se, borraaronamogolo ba amogelesegile ka lebaka la tumelo ya bone. ³Ka tumelo re tlhaloganya gore lebopo le tlhodilwe ka taolo ya Modimo gore se se bonalang se be se sa dirwa ka dilo tse di neng di bonala.⁴E ne e le ka tumelo gore Abele a ntshetse Modimo setlhabelo se se botoka mo go sa ga Kaene, ka se, o ne a kaiwa a le tshiamo, mme Modimo a bua sentle ka ga gagwe ka ntlha ya setlhabelo sa gagwe, mme ka tumelo Abele o santse a bua le fa a sule.⁵ E ne e le ka tumelo gore Enoke a tseelwe kwa godimo gore a seka a bona loso la gagwe.'' O ne a seka a bonwa ka gore Modimo o ne a mo tsere.''Gonne pele ga a tsewa go ne go rurifaditswe gore o itumedisitse Modimo. ⁶Jaanong ko ntle ga tumelo ga go kgonafale go mo itumedisa, gonne go tlhokafala gore mongwe le mongwe yo o tlang mo Modimong o tshwanetse gore a dumele gore o teng gape gore ke moduedi wa ba ba mmatlang.⁷E ne e le ka tumelo gore Noa a neelwe molaetsa wa Modimo ka ga dilo tse di iseng di bonale, ka boifa Modimo a aga areka go boloka ba ntlo ya gagwe. Ka go dira jalo, a sekisa lefatshe mme a nna moja boswa wa tshiamo ka ntlha ya tumelo.⁸E ne e le ka tumelo gore Aborahama, fa a ne a bidiwa , a utlwa mme a ya kwa lefatsheng le a neng a tshwanetse go le amogela e le boswa. A tswa, a sa itse gore o ya kae. ⁹E ne e le ka tumelo gore a bo a tshedile jaaka motswakwa mo le fatsheng la tsholofetso. O ne a nna mo tanteng le Isake le Jakoba, bajaboswa mmogo ba tsholofetso. ¹⁰Gonne o ne a lebeletse pele motse o o nang le metheo, motse o motshwantshi le moagi wa one e tla a nnang Modimo.¹¹E ne e le ka tumelo, le fa Sara a ne a le moopa, gore Aberehame a nne le bokgoni jwa go nna le ngwana. Se se diragetse le fa a ne a godile thata, gonne o ne a kaile yo o neetseng tsholofetso a ikanyega. ¹²Jalo he,go tswa mo monneng a le mongwe yo o neng a lebega a sule, go tshotswe ba ba tshwanang le dinaledi mo legodimong ba bontsi jwa bone bo tshwanang le ditlhaka tsa motlhaba go bapa le lewatle, o o sa balegeng.¹³E ne e le mo tumelong gore tsotlhe tse di swe di sa amogela tsholofetso. Jalo he, morago ga go ba bona le go dumedisa ba ba kgakala,ba dumela gore ke batswakwa le batshabi mo lefatshing. ¹⁴Gonne ba ba buang dilo tse, ba bontsha fa ba batla legae.¹⁵Fa ba ne ba akanya ka lefatshe le ba tswang kwa go lone,ba ka bo ba nnile le sebaka sa go boa. ¹⁶Mme ka fa go ntseng ka teng, ba eletsa lefatshe le le botoka, eleng la selegodimo.Ka jalo Modimo ga a tlhabiwe ke ditlhong go bidiwa Modimo wa bone gonne o ba baakanyeditse motse.¹⁷E ne e le ka tumelo fa Aberehama, fa a lekwa, a neela Isake, E ne e le morwa wa gagwe yo o nosi yo a mo neetseng,ene yo o amogetseng ditsholofetso. ¹⁸E ne e le Aberahama yo go neng go buiwa le ene gotwe, ''Dikokomane tsa gago di tlaa bidiwa ka Isake. ¹⁹Aborehama a ipolelela gore Modimo o kgona go tsosa Isake mo baswing, go ka nna gatwe, o mo amogetse go tswa mo go bone.²⁰E ne e ntse e le ka tumelo ka ga dilo tse di tlang gore Isake a segofatse Jakoba le Esau. ²¹E ne e le ka tumelo gore Jakobe fa a swa a segofatse barwa Josefa, Jakoba a obamela a ikaegile mo godimo ga thobane ya gagwe. ²²Ene e le ka tumelo gore Josefa fa bokhutlo jwa gagwe bo atametse, a bua ka go tswa ga bana ba Iseraele kwa Egepeto mme a ba laela ka marapo a gagwe.²³E ne e le ka tumelo gore Moshe, fa a sena go tsholwa, a fitlhwa dikgwedi tse tharo ke batsadi ba gagwe ka ba ne ba bona fa e le ngwana yo montle. Ba ne ba sa tshabe taolo ya kgosi. ²⁴E ne e le ka tumelo gore Moshe fa a sena go gola a gana go bidiwa morwa wa morwadia Faro. ²⁵Boemong ja moo, a ikgethela go sotlega le bana ba Iseraele go na le go ja monate wa nakwana wa boleo. ²⁶O ne a ipolelela gore go rolega seriti sa go sala Keresete morago e ne e le dikhumo tse dikgolo go feta matlotlo a Egepeto.²⁷E ne e le ka tumelo gore Moshe a tlogele Egepeto. O ne a seka a tshaba tshakgalo ya kgosi gonne o ne a itshokile jaaka e kare o ne a bona ene yo o sa bonaleng. ²⁸E ne e le ka tumelo gore a tshegetse moletlo wa tlolaganyo le go kgatshiwa ga madi,gore mosinyi yo o bolaang bana ba ntlha a seka a ama bana ba ntlha ba basimane ba Iseraele.²⁹E ne e le ka tumelo gore ba kgabaganye lewatle le le lehibidu jaaka ekete ke lefatshe le le omeletseng. E rile baegepeto ba leka go dira se,ba komediwa. ³⁰E ne e le ka tumelo gore dipota tsa Jeriko di wele fa fatshe morago ga go di dikologa malatsi a supa. ³¹E ne e le ka tumelo gore Rahabe wa seaka a seka a swa le ba ba neng ba sena kutlo ka gore o ne a amogela ditlhola ka kagiso.³²Ke ka bua eng go feta fa? Nako e tla a mpalela fa nka bua ka Gidione,Baraka,SamesoneJefotha,Tafita,Samoele le ka ga baporofiti ba bangwe. ³³E ne e le ka tumelo gore ba bo ba fentse magosi,go dira go sa gobelelwe le go amogela tsholofetso.Ba tswala melomo ya ditau, ³⁴ba tima nonofo ya molelo, ba falola bogale jwa tshaka, ba fodisiwa malwetse, ba nna bagaka mo ntweng, ba fenya mephato ya ntwa ya merafe e sele.³⁵Basadi ba amogela baswi ba bone ka tsogo ya baswi. Ba bangwe ba bogisiwa, ba sa amogele kgololo gore ba tle ba bone tsogo ya baswi e e botoka. ³⁶Ba bangwe ba lekilwe mo go kgobobiweng le go titewa, le go golegwa ka dikeetane ba tsenngwa mo kgolegelong. ³⁷Ba kgobotlediwa ka matlapa. Ba kgaogangwa ga bedi ka shage. Ba bolawa ka tshaka. Ba apara matlalo a dihutshane. E ne e le batlhoki, ba gateletswe, ba sotlwa. ³⁸Lefatshe le ne le sa ba tshwanele. Ba ne ba kaila kaila mo dikgweng, mo dithabeng, mo dikgageng le mo mesimeng ya lefatshe.³⁹Le fa batho ba ne ba amogelesegile mo Modimong ka ntlha ya tumelo ya bone, ga ba aka ba amogela tsholofetso. ⁴⁰Modimo o re rulaganyditse sengwe se se botoka, gore kwa ntle ga rona, ba ne ba ka seke ba ntlafadiwe.

12¹Jalo he, ka re dikaganyeditswe ke bontsi jwa basupi, a re beeleng kwa thoko bokete bongwe le bongwe le boleo jo bo ka re tswaketsang. A re tabogeng ka bopelotelele lebelo le re le beilweng pele. ²A re tseeng Jeso tsia, mosimolodi le mmaakanyi wa tumelo. Ka lebaka la boitumelo jo a neng a bo beilwe pele, o ne a itshokela sefapaano, a nyatsa ditlhong tsa sone, a nna ka fa letsogong le legolo la setilo sa bogosi sa Modimo. ³Ka jalo akanyang ka ene, yo a neng a itshokela kganetso e e neng etswa mo baleofing kgatlhanong le ene, gore le seka la lapa dipelo mme la ineela.⁴Ga le ise le ganetsanye kgotsa go kgaratlha le boleo go fitlha mo le neng la tshololwa madi; ⁵mme le lebetse kgothatso e e le laelang jaaka barwa: " Morwaaka, se tseye motlhofo kgalemo ya Morena, kana wa lapisega fa o kgalemelwa ke ene." ⁶Gonne Morena o kgalema mongwe le mongwe yo a mo ratang, le go otlhaya ba eleng barwa ba gagwe ba a ba amogelang.⁷Itshokeleng tshotlego jaaka kgalemo. Modimo o dira le lona jaaka barwa. Gonne ke ofe morwa yo rragwe a sa mo kgalemeng? ⁸Mme fa o sa kgalemelwe, se e le se se diragalelang batho botlhe, itse gore ga o ngwana wa gagwe.⁹Mo godimo ga moo, re na le bo rrarona ka fa senameng ba ba nnang ba re kgalemela, le gone re ne re ba tlotla. Jaanong ke eng re sare bogolo ra nna kutlo mo go Rara wa mewa yotlhe ra tshela? ¹⁰Gonne mo letsogong le lengwe, borrarona ba re kgalemile malatsi a se kae ka fa baneng ba bona go siame ka teng. Mme mo letsogong le lengwe Modimo o re direla bomolemo, gore re tle re nne nae mo boitshepong jwa gagwe. ¹¹Ga gona kgalemo e e lebegang e siame, e nna botlhoko. Lefa gontse jalo e tla re ko morago e tsise maungo a kagiso ya tshiamo mo go bao ba neng ba katisiwa ke yone.¹²Ka jalo tlhatafatsang matsogo a a lepeletseng le mangole a lona a a kgwetlhang. ¹³Tlhamalaletsang maoto a lona ditsela, gore mo go bogole go seka ga gobala mme go fole.¹⁴Batla kagiso le batho botlhe, le boitshepo jo kwa ntle ga jone go senang ope yo o ka bonang Morena. ¹⁵Nnang kelotlhoko gore ope wa lona a se tlhaelwe ke tshegofatso ya Modimo, le gore go se nne modi ope wa go tshwara sekgopi o o ka golang go tsisa bogalaka, le gore bontsi bo seka ba leswafadiwa ke one. ¹⁶Elang tlhoko gore go se nne moleofi ope wa maleo a tlhakanelo dikobo kana yo a senang bomodimo jaaka Esau, yo a neng a rekisa botsalwapele jwa gagwe ka mogopo wa dijo. ¹⁷Gonne le a itse gore morago ga se, erile a eletsa go rua tshegofatso, o ne a ganwa, ka gore o ne a tlhoka sebaka sa boikotlhao, le fa a ne a bo tsoma a lela ka dikeledi.¹⁸Gonne ga le a tla kwa thabeng e e ka kgongwang, thaba ya molelo o o tukang, lefifi, khutsafalo e kgolo le matsubutsubu. ¹⁹Ga le a tla kwa go leleng ga torompeta, kana ko lentsweng le le buang mafoko a bautlwi ba one ba kopang gore a seka a buiwa le bone gape. ²⁰Gonne ba ne ba sa kgone go itshokela se se neng se laelwa:" Fa e le gore le phologolo e ka kgoma thaba, e tshwanetse go kgobotlediwa ka matlapa." ²¹Pono e e ne e tshosa mo Moshe a neng a re, "Ke a boifa ke a roroma."²²Boemong jwa se, le tsile kwa Thabeng ya Sione le motse wa Modimo yo o tshelang, Jerusalema wa selegodimo, le kwa boipelong ba dikete tse some tsa baengele. ²³Le tsile phuthegong ya motsalwa pele, e e kwadisetsweng kwa legodimong. Le tsile kwa Modimong, moathodi wa botlhe, le ko meweng ya basiami botlhe ba ba siamisitsweng. ²⁴Le tsile kwa go Jeso, motshereganyi wa kgolagano e ntsha, le kwa mading a a kgatshiwang a a buang dilo tse di molemo go gaisa madi a ga Abele.²⁵Bonang gore ga le gane ene yo o buang. Gonne fa ba ne ba sa kgona go falola yo o neng a ba tlhagisa ba le mo lefatsheng, re ka kgona jang go falola yo o tlhagisang a le kwa legodimong. ²⁶Ka nako nngwe, lentswe la gagwe le ne la tshikhinya lefatshe. Mme jaanong o solofeditse a re, "Gape ke tla tshikhinya, eseng lefatshe fela, mme le magodimo.''²⁷Mafoko a, "Gape gape," a raya go tlosiwa ga dilo tsotlhe tse di ka tshikhinngwang, ke gore, mo dilong tsotlhe tse di tlhodilweng, gore dilo tsotlhe tse di ka seke tsa tshikhinngwa di sale. ²⁸Ka jalo, amogelang puso e e ka sekang ya tshikhinngwa, a re lebogeng, ka tsela e a re obameleng le go tlotla le go tsholetsa Modimo. ²⁹Gonne Modimo wa rona ke molelo o o nyeletsang.

13¹A lorato la bakaulengwe le tswelele. Le seka la lebala go amogela batho ba le sa ba itseng. ²Gonne ka go dira jalo bangwe ba fitlhetse ba amogetse baengele ba sa itse.³Gakologelwang magolegwa, jaaka ekete le tshwerwe le bone. Gakologelwang ba ba sotlwang, jaaka ekete le utlwa botlhoko mo mmeleng le bone. ⁴A lenyalo le tlotlwe ke botlhe. A bolao jwa lenyalo bo itsheke, gonne Modimo o tsile go atlhola ba ba botlhaswa mo thobalong ga mmogo le baakafadi.⁵A boitsholo jwa lona e nne jo bo senang lorato lwa madi. Kgotsofalelang tse le nang le tsone, gonne Modimo ka sebele o rile, ''Ga ke kitla ke le latlha le fa ele go le tlogela.'' ⁶A re nne ka kgotsofalo gore re tle re nne le bopelokgale jwa go bua re re, '' Morena ke mothusi wame; Ga ke kitla ke boifa . Motho o ka ntirang?''⁷Lemogang baeteledipele ba lona, bone ba ba buileng lefoko la Modimo le lona, le bo le lebe maduo a boitsholo jwa bone. Le etse tumelo ya bone. ⁸Jeso Keresete o tshwana maabane, letsatsi leno le ka bosakhutleng.⁹Le seka la tsiediwa ke dithuto tse di sa itsegaleng tse di tswang kwa ntle. Gonne go molemo fa pelo e thatafadiwa ka tshegofatso eseng ka dijo tse di sa thuseng sepe ba ba tshelang ka tsone. ¹⁰Re na le aletara e ope yo o dirang mo motlaaganeng a sa tshwanelweng ke go ja mo go yone. ¹¹Gonne madi a diphologolo tse di bolaetsweng go bipa maleo a isiwa ke moperesiti fa felong fa go boitshepo, fa mebele ya tsone e tshubelwa kwa ntle ga bothibelelo.¹²Ka jalo Jeso le ene one a sotlelwa kwa ntle ga kgoro ya motse, gore a tle a siamise batho ka madi a gagwe ka sebele. ¹³A re yeng kwa go ene kwa ntle ga bothibelelo, re rwele matlhabisaditlhong a gagwe. ¹⁴Gonne ga re na motse wa sennelaruri fa. Boemong jwa moo, re lebeletse motse o o tlang.¹⁵Ka ene, jalo he, a re ntshetseng Modimo ditlhabelo tsa kgalaletso ka nako tsotlhe, kgalaletso e e leng leungo la dipounama le le godisang leina la gagwe. ¹⁶A re seka ra lebala go dira bomolemo le go thusanya, gonne Modimo o itumedisiwa thata ke ditlhabelo tsa mofuta o. ¹⁷Utlwang le bo le ikobele baeteledipele ba lona, gonne ba disa mewa ya lona, fela jaaka ba ba tsileng go fa tlhaloso. Nnang kutlo gore baeteledipele ba lona ba tle ba dire se ka boitumelo, eseng ka go ngongorega, selo se se sa kakeng sa le sologela molemo.¹⁸Re rapeleleng, gonne re ikutlwela mo dipelong gore re na le matswalo a a phepa ebile re eletsa go tshela mo go siameng mo dilong tsotlhe. ¹⁹Ke le kgothatsa mo go golo go dira se, gore ke tle ke busediwe kwa go lona ka bonako.²⁰Jaanong a Modimo wa kagiso, yo o busitseng modisa mogolo wa dinku go tswa kwa go ba ba suleng , Morena wa rona Jeso, ka madi a kgolagano e e sa feleng, ²¹a le siamise ka sengwe le sengwe se se molemo go dira thato ya gagwe. A a dire mo go rona se se mo itumedisang go le go golo, ka Jeso Keresete, a kgalalelo e isiwe go ene ka bosakhutleng. Amen.²²Jaanong ke a le kgothatsa, bakaulengwe go tshola lefoko la kgothatso le ke le le kwaletseng ka bokhutshwane. ²³Itseng gore mokaulengwe wa rona Timotheo, o golotswe, yo ke tla le bonang le ene fa a ka tla ka bonako.²⁴Dumedisang baeteledipele botlhe ba lona le badumedi botlhe. Ba ba ko Itali ba a le dumedisa. ²⁵A tshegofatso e nne le lona lotlhe.

Tshenolo

1¹E ke tshenolelelo ya ga Jeso Keresete e Modimo a e mo fileng go itsise batlhanka ba gagwe se se tla tlogang se diragala,o e mo itsisitse ka go romela moengele wa gagwe ko motlhankeng wa gagwe Johane. ²Johane o pakile ka ga lefoko la Modimo, le ka bopaki jo a bo filweng ka ga Jeso Keresete,le ka dilo tsotlhe tse a di bonyeng. ³Go sego ba ba balang, ba reetsa ba bo ba diragatsa mafoko a kwadilweng a seporofito se, go nne nako e setse e le gaufi.⁴Johane, go diphutego tse supa tsa Asia. A mautlwelobotlhoko a nne le lona, le kagiso go tswa mo go yo o leng, yo o neng a le teng, yo tlang, le go tswa mo meweng e e supang e e fa pele ga setilo sa bogosi ⁵le go tswa ko go Jeso Keresete yo o leng mosupi yo o ikanyegang, yo e leng motsalwapele wa baswi, e le mmusi wa dikgosi tsa lefatshe. Go yo o re ratang a bo a re golola mo maleong a rona ka madi a gagwe. ⁶O re dirile bogosi ,baperesite ba Modimo Rara. Go ene a go nne kgalalelo le thata go ya bosakhutlheng. Amen.⁷Bonang! O etla a le mo marung, matlho otlhe a tla mmona, le a ba ba mo tlhabileng. Merafe yotlhe ya lefatshe e tla hutsafala ka ntlha ya gagwe. Ee, Amen. ⁸''ke nna alefa le omega,'' go bua Morena Modimo, ''ene yo a leng teng, yo a neng a le teng e bile a tla tla, Mothatayotlhe.''⁹Nna Johane, morwa rraalona yo ke tlhakanetseng le lona dipogisego, mmuso wa Modimo le boitshoko mo go Jeso, ke ne ke le mo setlhakatlhakeng sa Patamose ka ntlha ya lefoko la Modimo le bopaki jwa ga Jeso. ¹⁰ke ne ke le mo Moweng ka letsatsi la Morena, ka utlwa lentswe fa morago ga me o ka re torompeta. ¹¹Mme la re ''kwala se o se bonang mo lokwalong o bo ose romelele diphutego tse supa .Go Efeso, go Semaena, go Peregamone, go Taitira, go Saratise, go Filitalefia, le go Laotise.''¹²Ka retologa ka leba gore ke lentswe la ga mang le le buang le nna, fa ke retologa ka bona ditlhomo tse supa tsa gouta ¹³mo gare ga tsone go eme yo o tshwanang le morwa motho, a apere seaparo se se leele se se kgomang ko dinaong le moitlamo wa gouta mo sehubeng.¹⁴Tlhogo ya gagwe le moriri wa gagwe di le bosweu jwa leloba, le bosweu jwa kapoko, matlho a gagwe a tshwana le kgabo ya molelo. ¹⁵Dinao tsa gagwe di tshwana le kgotlho, ele kgotlho e e tlhotlhilweng ke molelo. Lentswe la gagwe ekete mosumo wa metsi a a elelang. ¹⁶O ne a na le dinaledi tse supa mo letsogong la gagwe la moja, le tshaka e e magale mabedi e ne e tswa mo molomong wa gagwe, sefatlhego sa gawe se phatsima jaaka letsatsi le tserema.¹⁷Fa ke mmona , ka wela mo dinaong tsa gagwe jaaka motho yo o suleng, a baya letsogo la gagwe la moja mo go nna a re ''Se boife, ke wa ntlha le wa bofelo, ¹⁸le yo o tshelang. Ke ne ke sule, mme bona ke tshela ka bosakhutleng! Ke na le dilotlele tsa leso le Bobipo.¹⁹Mme ke gone kwala se o se boneng ,se se leng teng gone jaana, le se se tla diragalang morago ga se. ²⁰Fa e le bokao jo bo fitlhegileng ka ga dinaledi tse supa tse o di boneng mo letsogong lame la moja, ditlhomo tsa lebone tse supa tsa gouta, dinaledi tse supa ke baengele ba diphutego tse supa, ditlhomo tse supa tsa lebone ke diphutego tse supa."

2¹Kwalela moengele wa phuthego ya Efeso o re: 'A ke mafoko a yo o tshotseng dinaledi tse supa mo seatleng sa gagwe sa moja, a tsamaya fa gare ga ditlhomo tse supa tsa dipone tsa gouta, ²"Ke itse tiro ya lona, bonatla, le go itshoka ga lona. Ke itse gore ga le bee sebete batho ba ba bosula. Ke itse gore le lekile ba ba ipitsang baaposetole, e se bone, le bone gore ba maaka.³Ke itse gore le itshokile ka bopelotelele, la boga thata ka ntlha ya leina lame, mme la seka la lapa. ⁴Mme ke ngongoregela gore le tlogetse lerato la lona la pele. ⁵Gakologelwang kwa le oleng teng. Ikotlhaeng mme le dire dilo tse le neng le di dira pele. Fa le sa ikotlhae, ke tla tla kwa go lona, ke bo ke ntsha setlhomo sa lebone sa lona mo mannong a sone.⁶Mme le na le se: Le ila se Banikolaitane ba se dirileng, se le nna ke se ilang. ⁷A yo o nang le tsebe a reetse se moya o se buang le diphuthego.Yo o fenyang ke tla a mo neela tshwanelo ya go ja mo setlhareng sa botshelo se se mo bonnong jwa modimo.⁸Kwalela moengele wa phuthego ya Semina o re: 'A ke mafoko a wa ntlha le wa bofelo, yo o neng a sule mme a tshela gape. ⁹Ke itse tshokolo le lehuma la lona, mme le humile. Ke itse ba ba itshotlang ba ipitsa Bajuta, mme e se bone. Ke sinagoge ya ga Saatane.¹⁰Le seka la tshosiwa ke dipogisego tse di tlang. Bonang! Mmaba o tloga a latlhela bangwe ba lona mo kgolegelong, gore le lekwe, mme le tla a boga malatsi a le lesome. Le nne boikanyego go fitlhela le e swa, mme ke tla le neela serwalo sa botshelo. ¹¹A yo o nang le tsebe a reetse se moya o se buang le diphuthego. Yo o fenyang ga ana go angwa ke leso la bobedi.''''¹²Kwalela moengele wa phuthego ya Pekamama o re: ''A ke mafoko a yo o tshotseng tshaka e e magale mabedi: ¹³"Ke itse kwa le nnang teng, teng kwa setilo sa bogosi sa ga Saatane se leng teng. Mme le ingangatletse ka leina lame. Ke itse gore ga le a intatola le faele ka nako ya ga Antipase mosupi wame, yo o boikanyego, yo o neng a bolawa magareng ga lona, koo kwa saatane a nnang teng.¹⁴Mme go na le dingwe tse ke di ngongoregelang mo go lona: Le na le ba ba ngangatletseng dithuto tsa ga Baalame, yo o neng a ruta Balake go beela bana ba Iseraele dikgoreletsi, gore ba je dijo tse di ntsheditsweng medimo ya disetwa ditlhabelo le go dira boaka. ¹⁵Gape, le na le ba ba ngangatletseng dithuto tsa Banikolaitane.¹⁶Ikotlhaeng! Fa le sa dire jalo, ke tla tla kwa go lona ka bonako, ke tla go ba lwantsha ka tshaka e e mo molomong wame. ¹⁷A yo o nang le tsebe a reetse se moya o se buang le diphuthego. Yo o fenyang, ke tla a mo neela mangwe a mana a a fitlhegileng, ke bo ke mo neela letlapa le lesweu le le kwadilweng leina le lesha, le le sa itseweng ke ope fa e se yo o le amogelang.¹⁸Kwalela moengele wa phuthego ya Thaithara o re: A ke mafoko a morwa Modimo, yo o matlho e kareng kgabo ya molelo, maoto e kare tshipi e e phatsimang: ¹⁹Ke itse se le se dirileng: Lerato le tumelo ya lona, boitshoko le go dira ga lona. Ke itse gore se le se dirileng bosheng se feta se le se dirileng pele.²⁰Mme ke ngongoregela se: Le amogetse mosadi yo go tweng Jesebele yo o ipitsang moporofiti. O tsietsa batlhanka bame ka dithuto tsa gagwe gore ba dire boaka le go ja dijo tse di ntsheditsweng medimo ya disetwa ditlhabelo. ²¹Ke mo file sebaka sa go ikotlhaya, mme ga a batle go ikotlhaela boaka jwa gagwe.²²Bonang! ke tla a mo itaa ka bolwetsi, ba ba dirang boaka nae ke tla ba bogisa thata, fa e se fela ba ka ikotlhaela ditiro tsa gagwe. ²³Ke tla a bolaa bana ba gagwe, mme diphuthego tsotlhe di tla a itse gore ke nna yo ke kanokang dipelo le dikakanyo. Ke tla a neela mongwe le mongwe wa lona go ya ka fa ditirong tsa gagwe.²⁴Mme go lotlhe ba le mo Tiatira, go botlhe ba ba sa tshegetseng thuto e, ba sa itse se bangwe ba se bitsang ditiro tse dikgolo tsa ga saatane, ke le raya ke re: 'Ga ke le imetse morwalo ope.' ²⁵Tshwarang thata go fitlhela ke tla.²⁶Yo o fenyang, a ba a dira se ke se dirileng go ya bokhutlong, ke tla a mo neela taolo mo merafeng. ²⁷O tla a ba busa ka lore la tshipi, a ba thubaganya jaaka dijana tsa letsopa. ²⁸Ke tla a mo neela gape naledi ya moso, fela jaaka ke amogetse mo go rre. ²⁹A yo o nang le ditsebe a reetse se moya o se buang le diphuthego.

3¹"Go moengele wa phuthego ya Saradise kwala o re: `A ke mafoko a yo o tshotseng mewa e supa ya Modimo le dinaledi tse supa. "Ke itse se le se dirileng. Le na le seriti sa gore le a tshela, mme le sule. ²Tsogang, le thatafatseng se se setseng, ebile se le gaufi le go swa, ka gore ga ke a bona ditiro tsa lona di le phepa fa pele ga Modimo wame.³Jalo he, gakologelwang se le se amogetseng le se le se utlwileng. Se ikobeleng, mme le ikotlhayeng. Mme fa le sa itisi ke tla tla ko go lona jaaka legodu, mme ga le ka ke la itse motlha o ke tla tlang kgatlhanong le lona ka one. ⁴Mme go na le maina a le mabotlana a ba sa tlatsang diaparo tsa bone leswe mo Saradise. Ba tla tsamaya le nna ba apere diaparo tse di tshweu gonne ba a tshwanelwa.⁵Yo o fenyang o tla apara diaparo tse di tshweu, mme ga ke ka ke ka tlosa leina la gagwe mo Bukeng ya Botshelo, mme ke tla bolela leina la gagwe fa pele ga ga Modimo Rara le baengele ba gagwe. ⁶A yo o nang le tsebe a utlwe se Mowa wa Modimo o se buang le diphuthego.⁷"Go moengele wa phuthego ya ko Filadelephia kwala o re: `A ke mafoko a yo o boitshepo ebile a le boammaruri - yo o tshotseng dilotlele tsa ga Tafite, yo o bulang go se nne le ope yo o ka bulang, a tswale go se nne le ope yo o ka bulang. ⁸Ke itse se le se dirileng. Bonang, ke butse lebati fa pele ga lona le go senang ope yo o ka le tswalang. Ke itse fa nonofo ya lona e le potlana, mme le nnile kutlo mo lefokong lame ebile le sa itatola leina lame.⁹Bonang! Ba e leng ba sinagoge ya ga Satane, ba ba reng ke Bajuta mme e se bone, ba bua maaka. Ke tla ba dira gore ba tle go ikoba fa pele ga lona, gore ba tla ba itse fa ke le ratile. ¹⁰E re ka le itshoketse go tshegetsa taelo yame ka bopelotelele, ke tla le tshegetsa mo nakong ya diteko e e tla tlelang lefatshe lotlhe, go leka ba ba tshelang. ¹¹Ke etla ka bonako. Tshegetsang se le se amogetseng gore go sena ope yo o ka le amogang serwalo sa lona.¹²Yo o fenyang ke tla mo dira pinagare mo tempeleng ya Modimo mme ga a kitla a tswa mo go yone. Ke tla kwala mo go ene leina la Modimo wame, la toropo ya Modimo wame (Jerusalema yo mosha yo tswang ko legodimong la Modimo), le leina lame le lesha. ¹³A yo o nang le tsebe a utlwe se Mowa o se buang le diphuthego.¹⁴"Go moengele wa phuthego ya Laodeshia kwala o re: `A ke mafoko a ga Amen, mopaki o boammaruri, mmusi wa lebopo la Modimo. ¹⁵"Ke itse se le se dirileng, gore ga le tsididi ebile ga le molelo. Ke eletsa gore le ka bo le le tsididi kgotsa le le molelo! ¹⁶Jaanong ka gore le bothitho - le se tsididi ebile le se molelo - ke gaufi le go le kgwela ko ntle ga molomo wame.¹⁷Go nne la re, `Ke humile, ke na le dithoto di le dintsi ebile ga ke tlhoke sepe. Mme ga le itse fa le tletse khutlobotlhoko, le tlhomola pelo, le humanegile, le foufetse, ebile le sa ikatega. ¹⁸Reetsang kgakololo yame: Rekang go tswa mo go nna, gouta e e tlhotlhilweng ka molelo gotre le tle le hume, le apere diaparo tse di galalelang tse di tshweu, gore le seka la supa matlhabisaditlhong a bosaikategeng ja lona, ebe le tlotsa matlho a lona gore le tle le bone.¹⁹Ke kgalemela mongwe le mongwe yo ke mo ratang ebe ke mo ruta gore o tshwanetse gore a tshele jang. Jalo he, tlhwaafalang le ikotlhaeng. ²⁰Bonang ke eme ko lebating ebile ke a kokota. Ga mongwe a utlwa lentswe lame ebe a bula lebati, ke tla tsena mo ntlong ya gagwe ebe ke ja le ene, le ene ebe a ja le nna.²¹Yo o fenyang ke tla mo neela tshwanelo ya go nna le nna mo setilong same sa bogosi, fela jaka le nna ke fentse mme ke dutse le Rre (a dutse mo setilong sa bogosi). ²²A yo o nang le tsebe a utlwe se Mowa o se buang le diphuthego.""

4¹Morago ga dilo tseo ka leba, mme ka bona lebati le bulega ko legodimong. Lentswe la ntlha ke leutlwa lene le bua le nna jaaka torompeta, lere, "Pagamela kwano, mme ketla go supegetsa dilo tse di tshwanetseng tsa diragala morago ga dilo tse." ²Ka pela ka tsena mo moweng, mme ka bona gona le setile sa bogosi se beilwe kwa legodimong, gona le yo o dutseng mogo sone. ³Ene yo aneng a dutse mogo sone one a lebega jaaka teemane. Gone gona le motshe wa modimo o phatsima jaaka lentswe lele botala jwa tlhaga o dikologile setilo.⁴Go dikologa setilo sa bogosi gone gona le ditilo tsa bogosi dile masome mabedi le bone, le bagololwane bale masome mabedi le bone ba dutse mogo sone, ba apere diaparo tse ditshweu, ba rwele dirwalo tsa gouta mo ditlhogong tsa bone. ⁵Gone gotswa kgadimo ya legadima, go duma ga maru mo setilong sa bogosi, mabone ale supa ane a tuka fa pele ga setilo sa bogosi, mabone a eneng ele mewa ee supa ya Modimo.⁶Gone gona le lewatle la galase fa pele ga setilo sa bogosi, le tsabakela. Fa gare ga setilo le tikologo ya setilo sa bogosi gone gona le ditshedi tse nne, di tletse matlho ko pele le ko morago.⁷Setshedi sa ntlha sene se tshwana le tau, setshedi sa bobedi sene se tshwana le namane, setshedi sa bobedi sene se na le sefatlhego sese tshwanang le sa motho, mme setshedi sa bone sene se tswana le ntsu ee fofang. ⁸Sengwe le sengwe sa ditshedi tse nne sene sena le diphuka tse borataro, di tletse ka matlho kwa godimo lekwa tlase. Bosigo le motshegare dine disa emise gore, "Boitshepo, boitshepo, boitshepo ke Morena Modimo Mothata otlhe, ene yo oneng ale teng, le yo o aleng, le yo o tla tlang."⁹Nako le nako fa ditshedi di galaletsa, di tlotla, le go leboga ene o neng a dutse mo setilong sa bogosi, ene yo a tshelang ka metlha le metlha, ¹⁰bagolwane ba ba masome mabedi le bone bane ba itigela fatshe ka sefatlhego fa pelo ga ene yo a dutseng mo setilong sa bogosi. Ba obamela ene yo a tshelang ka metlha le metlha, mme ba latlhela dirwalo tsa bone fa pele ga setilo sa bogosi, bare, ¹¹"oa tshwanelwa, Morena le Modimo wa rona, go amogela kgalalelo le tlotlo, le nonofo. Gonne o tlhodile dilo tshotlhe, ka gorata ga gago, dia tshidile di bopilwe."

5¹Mme ka bona mo letsogong le legolo la yo o dutseng mo setulong sa bogosi, lekwalo le kwadilwe mo pele le morago, le kanetswe ka dikano tse supa. ²Ka bona moengele yo o nonofileng a goeletsa ka lentswe le legolo,"ke mang yo o tshwanelwang ke go phuthulola lekwalo a senya sekano sa lone?"³Ga bo go se ope yo o nonofileng mo legodimong kgotsa mo lefatsheng le fa ele ka fa tlase ga lefatshe go phutholola lekwalo kana go le bala . ⁴Ka lela ka khutsafalo gonne go ne go sena ope yo o fitlhetsweng a tshwanelwa ke go le phutholola kana go le bala. ⁵Mme mongwe wa bagolwane a nthaya are," Se lele. Bona! Tau ya Letso la Juta, tshika ya ga Tafite o fentse.O nonofile go phutholola lekwalo le dikano tsa lone tse supa."⁶Ka bona Kwana a eme mo gare setulo sa bogosi le ditshedi tse nne le bagolwane. A lebega jaaka yo o bolailweng. A na le dinaka tse supa le matlho a a supa; e ke mewa e e supa ya modimo e e rometsweng lefatshe ka bophara. ⁷A nanoga a ya go tsaya lekwalo mo letsogong le legolo la yo o dutseng mo setulong sa bogosi.⁸Fa Kwana a tsaya lekwalo, ditshedi tse nne le bagolwane ba ba masome a mabedi le bone ba obama fa pele ga gagwe. Mongwe le mongwe wa bone a tshotse harepa le sejana sa gouta se tletse maswalo, a e leng merapelo ya badumedi.⁹Ba opela pina e e ntsha: ''O a tshwanelwa ke go tsaya lokwalo le go bula dikano tsa lone. Gonne o ne wa bolawa mme wa reka batho ba Modimo ka madi a gago go tswa mo merafeng, diteme, batho le ditshaba. ¹⁰Wa ba dira bogosi le baperesiti go direla Modimo le go busa mo lefatsheng."¹¹Mme ka leba ka utlwa modumo o mogolo wa baengele ba dikologile setulo sa bogosi ga mmogo le ditshedi le bagolwane. Palo ya bone ya bo e ka nna dikete tse lesome ga dikete tse lesome le diketekete. ¹²Ba bua ka lentswe le legolo bare, "Go tshwanelwa Kwana e e tlhabilweng go amogela thata, letlotlo, botlhale, nonofo, tlotlo, kgalalelo le kgalaletso."¹³Ka utlwa sebopiwa sengwe le sengwe ko legodimong le lefatshe le ka fa tlase ga lefatshe le mo lewatleng le tsotlhe tse di mo go tsone dire, "A poko le tlotlo le kgalalelo le thata le puso di nne le yo o ntseng mo setulong sa bogosi ka bosakhutleng. ¹⁴''Ditshedi tse nne tsare, ''Amen! ''le bagolwane ba khubama ba obamela.

6¹Ke ne ka leba fa kwana e bula nngwe ya dikano tse supa, ka utlwa nngwe ya ditshidi tse nne se bua ka lentswe le le dumang jaaka tladi,'' Tlaya'' ² Ka leba mme gone gona le pitse e tshweu. Mopalami wa yone a tshotse motsu, mme o ne a neelwa korone. A tswa jaaka mofenyi go tla go fenya.³E rile fa kwana e bula sekano sa bobedi, ka utlwa setshidi sa bobedi se re, ''Tlaya'' ⁴Ka jalo pitse e nngwe ya tla e le bohibidu jwa molelo, mopalami wa yone a neetswe teseletso ya go tsaya kagiso mo lefatsheng, gore batho ba lone ba bolaane. Mopalami yo o ne a neetswe tshaka e kgolo.⁵E rile kwana e bula sekano sa boraro, ka utlwa setshidi sa boraro se re, ''Tlaya!'' Ke bonye pitse e ntsho, mme mopalami wa yone o tshotse dikale tse pedi ka letsogo la gagwe. ⁶Ka utlwa se se tshwanang lentswe la ditshidi tse nne tsa lefatshe lere, ''Mogopo o tletse wa korong ele tuelo ya letsatsi lele bereketsweng, le megopo e meraro ya korong e le tuelo. Mme o seka wa senya leokwane le mofine.''⁷E rile kwana e bula sekano sa bone, ka utlwa lentswe la setshidi sere, ''Tlaya!'' ⁸Ka bona pitse ya mmala oo letlobo. Mopalami wa yone a bidiwa Leso, le Bobipo o ne a mo setse morago. Ba ne ba neetswe teseletso ya bongwe mo boneng jwa lefatshe, go bolaya ka tshaka, leuba le bolwetse le mo diphologolong tsa naga tsa lefatshe.⁹E rile kwana e bula sekano sa botlhano, ka bona ka fa tlase ga aletara mewa ya ba ba bolailweng ka ntlha ya lefoko la Modimo le mapaki a ba neng ba na le one. ¹⁰Ba lela ka lentswe le le kwa godimo, ''Go goleele go le kae, Mmusi wa botlhe, yo o boitshepo le boammaaruri, o sa atlhole ba ba nnang mo lefatsheng go fitlhela o busolosetsa madi a rona? ¹¹Ka jalo mongwe le mongwe wa bone o ne a neelwa kojwana e tshweu e telele mme bane ba bolelelwa gore ba lete ka sebakanyana go fitlhela palo e e tletseng malata a a kileng a nna a bone, bakaulengwe go fitlhelelwa go ko go bone baba tshwanetsweng go bolawa, jaaka bane ba bolailwe.¹²E rile kwana e bula sekano sa borataro, ke ne ka leba ka bona thoromo e kgolo ya lefatshe. Letsatsi la nna lentsho jaaka letsela la kutlo botlhoko. Ngwedi oo tletseng wa nna bohibidu jaaka madi. ¹³Dinaledi tsa legodimo tsa wela mo lefatsheng, jaaka setlhare sa mositara se diga maungo a sone aa sa omelelang fa se tshikinngwa ke phefo . ¹⁴Lewapi la nyelela jaaka lokwalo le le menagantswe sentle. Thaba nngwe le nngwe le setlhaketlhake tsa sutisiwa mo mannong a tsone.¹⁵Ka jalo dikgosi tsa lefatshe le batho ba ba botlhokwa, le bagolwane, bahumi, ba ba nonofileng, le mongwe le mongwe, malata le ba bagolotsweng, ba iphitlha mo magageng le mo gareng ga mantswe a dithaba, ba raya dithaba le mantswe bare,'' ¹⁶Re wele, Re fitlhe mo sefatlhegong sa yo o ntseng mo setilong sa bogosi le mo bogaleng jwa kwana. ¹⁷Go nne letsatsi le legolo la tshakgalo le gorogile. Ke mang yoo tlaa kgonang go ema?''

7¹Morago ga se ka bona baengele ba le bane ba eme mo khutlong tse nne tsa lefatshe, ba tshwere ka thata diphefo tse nne tsa lefatshe gore phefo epe e seka ya foka mo lefatsheng, le mo lewatleng, kgotsa kgatlhanong le setlhare sepe. ²Ka bona moengele yo mongwe atla go tsweng kwa botlhaba, yo o nang le sekano sa Modimo yo tshelang.One a lela ka lentswe le le kwa godimo kwa baengeleng ba bane ba ba neng ba letleletswe go tlhokofatsa lefatshe le lewatle ³."O seka wa tlhokofatsa lefatshe le lewatle, kgotsa ditlhare go fitlhela re baya sekano mo diphateng tsa batlhanka ba Modimo wa rona."⁴Ka utlwa gore palo ya ba ba neng ba kanetswe ba ne bale 144,000, ba ba kanetsweng go tswa mo morafeng mongwe le mongwe wa batho ba Iseraele. ⁵12,000 go tsweng mo morafeng wa Juda ba ne ba kanetswe, 12,000 mo morafeng wa Reuben, 12,000 go tsweng mo morafeng wa Gad, ⁶12,000 go tsweng mo morafeng wa Asher, 12,000 go tsweng mo morafeng wa Naphtali, 12,000 go tsweng mo morafeng wa Manasseh.⁷12,000 go tsweng mo morafeng wa Simeon, 12,000 go tsweng mo morafeng wa Levi, 12,000 go tsweng mo morafeng wa Issachar. ⁸12,000 go tsweng mo morafeng wa Zebulun, 12,000 go tsweng mo morafeng wa Joseph le 12,000 go tsweng morafeng wa Benjamin wa kanelwa.⁹Morago ga dilo tse ka leba, mme gabo go le bontsintsi jwa batho bo ope a ka se keng a bo bala, go tsweng mo lefatsheng lengwe le lengwe, letso, batho le puo ba eme fa pele ga setilo sa bogosi le fa pele ga Kwana. Ba ne ba apere diaparo tse di telele tse ditshweu ba tshotse dikala tsa setlhare sa palema mo diatleng tsa bone, ¹⁰mme ba ne ba bitsa ka lentswe le le kwa godimo, "poloko e tswa kwa Modimong wa rona, yo o ntseng mo sitilong sa bogosi le kwa go Kwana.!"¹¹Baegele botlhe ba ne ba eme go dikologa setilo sa Bogosi le go dikologa Bagolwane le ditshidi tse nne, mme ba patsame ba kgomisitse difatlhego tsa bone fa fatshe fa pele ga setilo sa Bogosi. Ba obamela Modimo, ¹²ba re", "Amen! Kgalaletso, kgalalelo, botlhale, malebogo, tlotlo, matla le nonofo kwa Modimong wa rona go tloga fano go ya bosakhutling! Amen"¹³Mme mongwe wa bagolwane a mpotsa, "Ba ke bo mang, ba ba apereng diaparo tse ditelele tse di tshweu, mme ba tswa kae?" ¹⁴Ka mo raya ka re, "Rra o a itse, mme a nthaya a re, "Bake bone ba ba duleng mo dipitlaganong tse dikgolo. Ba tlhatswitse diaparo tsa bone tse ditelele ba di dira ditshweu mo mading a Kwana.¹⁵Ka lebaka le ,ba mo pele ga setilo sa bogosi sa Modimo, mme ba mo obamela motshegare le bosigo mo tempeleng ya gagwe. Ene yo o dutseng mo setilong sa bogosi o tla ba khurumetsa ka tante ya gagwe fa godimo ga bone. ¹⁶Ga ba kitla ba bolawa ke tlala gape, le fa e le lenyora gape. Letsatsi ga lena go kitla le fisa le fa ele mogote ope yo o fisang. ¹⁷Go nne Kwana fa gare ga setilo sa bogosi e tla nna Modisa wa bone, mme o tla a ba etelela pele go ya motsweding wa metsi aa tshelang, mme Modimo o tla phimola keledi nngwe le nngwe mo matlhong a bone."

8¹Fa Kwana a bula sekano sa bosupa, ga nna tidimalo mo legodimong ka sephatlo sa oura. ²Mme ka bona baengele ba le supa ba ba emeng fa pele ga Modimo, ba neelwa diterompeta di le supa.³Moengele yo mongwe atla, a ema fa aletareng ya maswalo, a tshotse sejana sa maswalo sa gouta. A neelwa maswalo a mantsi gore a a neele ga mmogo le dithapelo tsa badumedi botlhe mo aletareng ya maswalo ya gouta fa pele ga setilo sa bogosi. ⁴Mosi wa maswalo le dithapelo tsa badumedi, tsa tlhatlogela fa pele ga Modimo gotswa mo letsogong la moengele. ⁵Moengele a tsaya sejana sa maswalo a se tlatsa ka molelo o o tswang mo aletareng. Jalo a se latlhela fa fatshe mo lefatsheng, mme ga nna le modumo wa tladi, le dikodu, le go phatsima ga dikgadima, le thoromo ya lefatshe.⁶ Baengele ba le supa ba ba tshotseng diterompeta di le supa ba ipaakanyetsa go di letsa. ⁷Moengele wa ntlha a letsa terompeta ya gagwe, mme ga nna sefako le molelo, go tlhakanye le madi. Gone ga latlhelwa mo lefatsheng, gore bongwe mo borarong jwa lone bo tshubiwe, bongwe mo borarong jwa ditlhare jwa tshubiwa, le bojang jo botala jotlhe jwa tshubiwa.⁸ Moengele wa bobedi a letsa terompeta ya gagwe, mme sengwe se tshwana le thaba e kgolo e e sha ka molelo, sa latlhelwa mo lewatleng. Bongwe mo borarong jwa lewatle jwa fetoga madi, ⁹bongwe mo borarong jwa ditshedi tsa lewatle tsa a swa, bongwe mo borarong jwa dikepe tsa senngwa.¹⁰ Moengele wa boraro a letsa terompeta ya gagwe, mme naledi e kgolo ya wa kwa legodimong, e tuka jaaka lebone, mo borarong jwa dinoka le metswedi ya metsi. ¹¹Leina la naledi ke Botlhoko. Boraro jwa metsi jwa nna botlhoko, mme batho ba bantsi ba a swa ka metsi a a nnileng botlhoko.¹² Moengele wa bone a letsa terompeta ya gagwe, bongwe mo borarong jwa letsatsi jwa itewa, ga mmogo le bongwe mo borarong jwa ngwedi le bongwe mo borarong jwa dinaledi. Jalo bongwe mo borarong jwa tsone jwa fetoga lefifi; bongwe mo borarong jwa motshegare le bongwe mo borarong jwa bosigo jwa tlhoka lesedi.¹³ Ka leba, mme ka utlwa ntsu e e neng e fofa mo bogareng jwa loapi, e kua ka lentswe le le kwa godimo e re, ''Ijoo, ijoo, ijoo wee, mo go bao ba ba nnang mo lefatsheng, ka lobaka la tumo ya terompeta e e setseng e e tlogang e letswa ke baengele ba bararo.''

9¹Jalo mongele wa botlhano a letsa terompeta ya gagwe. Ke ne ka bona naledi e e tswang ko legodimong, e e neng e wetse mo lefatsheng .Naledi e ne e neetswe dilotlele tsa bobipo jo bo senang selekanyo. ²O ne a bula bobipo jo bo senang selekanyo mme ga tswa mosi o ya kwa godimo jaaka mosi wa kgotetso e tona. Letsatsi le phefo tsa fetoga tsa nna dintsho di dirwa ke mosi o o tswang mo bobipong.³Mosi o ga tswa tsie mo go one ya tsena mo lefatsheng ebile e ne e neetswe maatla a a tshwanang le a mashibishibi a a mo lefatsheng. ⁴E ne e boleletswe gore e seka ya senya tlhaga le fa e le semela kana setlhare sepe se se tala mme e senye batho ba ba senang sekano sa modimo mo diphatleng tsa bone fela.⁵E ne e sa fiwa tetla ya go bolaya batho ba, mme e ne e filwe tetla ya go ba utlwisa botlhoko lebaka la dikgwedi tse tlhano. Botlhoko jwa yone bo tlaa tshwana le malongo a leshibishibi fa le lomile motho. ⁶Mo malatsing ao,batho ba tlaa batla loso mme ga ba kitla ba lo bona. Ba tlaa eletsa thata go swa mme loso le tlaa tshaba fa go bone.⁷Tsie e e ne e lebega jaaka dipitse di baakanyeditswe ntwa. Mo ditlhogong tsa yone go ne go na le sengwe se lebega jaaka dirwalo tsa gauta, le difatlhego tsa yone di ne di tshwana le tsa batho. ⁸E ne e na le moriri o o tshwanang le wa basadi le meno a a tshwanang le a ditau. ⁹E ne e na le thebe ya tshipi. Modumo wa diphuka tsa yone o ne o ka re wa dikoloi tsa ntwa tse dintsi le dipitse di tabogetse kwa ntweng.¹⁰E ne e na le megatla e e lomang jaaka ya mashibishibi, mo megatleng ya yone go ne gona le maatla a go utlwisa batho botlhoko lebaka la dikgwedi tse tlhano. ¹¹Moengele wa bobipo jo bo senang selekanyo e ne e le kgosi ya yone. Leina le gagwe ka Sehebera ke Abodone ka Segerika ke Apoline. ¹²Sebetso sa ntlha se fetile. Bonang! mme go tlaa nna le dipetso tse pedi tse di tlang.¹³Moengele wa borataro a letsa terompeta ya gagwe mme ka utlwa lentswe le tswa mo dinakeng tsa aletara ya gauta e e fa pele ga Modimo. ¹⁴Lentswe le ne la raya moengele wa borataro yo o neng a tshotse terompeta la re, ´ Golola baengele ba bane ba ba golegilweng kwa nokeng e kgolo ya Eforeitse. ¹⁵Baengele ba bane ba baneng ba baakanyeditswe oura eo, letsatsi leo, kgwedi eo le ngwaga oo, ba ne ba gololwa go ya go bolaya karolo ya bongwe mo borarong ya batho.¹⁶Palo ya masole a a neng a palame dipitse e ne e le 200,000,000. Ke ne ka utlwa palo ya bone. ¹⁷Se, ke ka fa ke boneng dipitse di ntse ka teng mo ponong ya me le bapalami ba tsone. Dithebe tsa bone di ne di le bohibidu jaaka molelo, botala jo bo tlopetsweng le mmala wa salefa.Ditlhogo tsa dipitse di ne di tshwana le tsa ditau,mme mo melomomg ya tsone go ne go tswa molelo , mosi le Salefa.¹⁸Karolo ya bongwe mo borarong ya batho ya bolawa ke dipetso tse tharo tse, molelo, mosi le salefa tse di neng di tswa mo melomong ya dipitse. ¹⁹Maatla a dipitse tse a ne a tswa mo melomong le mo megatleng ya tsone. Megatla ya tsone e ne e tshwana le ya dinoga gape di ne di na le ditlhogo tse di dirang dintho mo bathong.²⁰Batho ba ba neng ba setse, ba ba neng ba sa bolawa ke dipetso tse, ba ne ba seka ba ikotlhaela ditiro tse ba neng ba di dirile, le fa e le go emisa go rapela matimone,medimo ya disetwa ya gauta, selefera le kgotlho, lentswe le legong, dilo tse di sa boneng, tse di sa utlweng le tse di sa tsamaeng. ²¹Ba ne ba seka ba ikotlhoela dipolao tsa bone, le fa e le boloi jwa bone, le fa e le boaka jwa bone, le fa e le bogodu jwa bone.

10¹Ka jalo ka bona moengele yo mongwe yo o mogolo a fologela ko tlase a tswa legodimong. A apesitswe ka leru, ga bo go na le motsewagodimo mo godimo ga tlhogo ya gagwe. Sefatlhego sa gagwe sa bo se ntse jaaka letsatsi mme dinao tsa gagwe tsa bo di tshwana le dipinagare tsa molelo. ²O ne a tshwere lekwalo le butswe mo letsogong la gagwe, a baya leoto la gagwe la moja mo lewatleng, leoto la molema a le baya mo lefatsheng.³Ka jalo a gowa ka lentswe le legolo jaaka tau e e bopang. Fa a goeletsa, ditladi tse supa tsa goeletsa ka medumo ya tsone. ⁴Ke ne ke re ke a kwala fa ditladi tse supa di goeletsa, mme ka utlwa lentswe go tswa legodimong le re, ''Tshegetsa sephiri se se builweng ke ditladi tse supa, o seka wa se kwala.''⁵Ka jalo moengele yo ke mmonyeng a eme mo lewatleng le mo lefatsheng , a tsholeletsa letsogo la gagwe la moja kwa legodimong. ⁶A ikana ka ene yo o tshelang ka bosakhutleng, yo o dirileng legodimo le tsotlhe tse di mo go lone, lefatshe le tsotlhe tse di mo go lone le lewatle le tsotlhe tse di mo go lone, mme moengele a re, '' Ga go kitla go nna le tiego epe. ⁷Mme mo letsatsing le moengele wa bosupa a tlogang a letsa terompeta ya gagwe ka lone, jaanong masaitseweng a Modimo a tla diragadiwa, jaaka a boleletse batlhanka ba gagwe ba baporofita.''⁸Lentswe le ke le utlwileng le tswa kwa legodimong la bua le nna gape: ''Tsamaya, tsaya lekwalo le le butsweng mo letsogong la moengele yo o emeng mo lewatleng le mo lefatsheng.'' ⁹Ka ya ko moengeleng ka mmolelela gore a nneele lekwalo. A nthaya a re , ''Tsaya lekwalo o le je. Le tla dira mala a gago botlhoko, mme le tla nna monate jaaka tswina mo leganong la gago.''¹⁰Ka tsaya lekwalo mo letsogong la moengele ka le ja. Le ne le le monate jaaka tswina mo leganong la me, mme morago fa ke sena go le ja, mala a me a nna botlhoko. ¹¹Mongwe a nthaya a re, ''O tshwanetse wa porofita gape ka batho ba bantsi ,ditshaba, dipuo le dikgosi.''

11¹Ke ne ka neelwa letlhaka go le dirisa jaaka thobane ee tsayang selekanyo sa boleele. Ka bolelelwa gore, "Lekanya tempele ya Modimo le aletara le go bala ba ba mo go yone. ²Mme lelapana le le kwa ntle o seka wa le lekanya ka le neetswe Baditshaba, ba tlaa gataka motse oo boitshepo ka dikgwedi di le masome a mane le bobedi (42).³Ke tlaa naya basupi bame ba le babedi thata ya go rera ka malatsi a le 1260 ba apere letsela." ⁴Basupi bao ke bone ditlhare tse pedi tsa olefa le ditlhomo tse pedi tsa dipone tse di emeng fa pele ga Morena mo lefatsheng. ⁵Fa mongwe a leka go ba tlhokofatsa molelo o tla a tswa mo maganong a bone mme o laile baba ba bone. Mang le mang yo o lekang go ba tlhokofatsa o tlaa bolawa ka tsela e e ntseng jalo.⁶Basupi ba ba tlaa newa thata ya go emisa pula ka nako ya fa ba rera. Ba nne le thata mo metsing go a fetola go nna madi le go itaya lefatshe ka dipetso tsa mefutafuta go ya ka fa go rateng ga bone. ⁷Fa ba feditse thero ya bone, sebatana se se tswang mo bobipong jo bo se nang selekanyo, se tla a tlhatloga se ba tlhasele, se ba fenye mme se ba bolae.⁸Ditopo tsa bone di tla a rapalala mo mmileng wa motse mogolo o bokao jwa bone e leng Sotoma le Egepeto kwa Morena wa bone a bapoletsweng gone. ⁹Ka malatsi a mararo le sephatlo go tswa mo bathong, merafeng, diteme le ditshaba ba tla a lebelela ditopo tsa bone. Ga ba kake ba letlelela ope go ba tsenya mo lebitleng.¹⁰Ba ba tshelang mo lefatsheng ba tlaa itumela ba bo ba ipela.Ba tla a romelana dineo ka lebaka la gore baporofiti ba ba bogisitse batho mo lefatsheng. ¹¹Mme morago ga malatsi a mararo moya wa botshelo go tswa mo Modimong o tla a tsena mo go bone mme ba eme ka dinao.Poifo e kgolo e tla a tsena mo bathong. ¹²Ba tla a utlwa lentswe le legolo le tswa legodimong le re mo go bone,"Tlhatlogelang kwano!"Jalo ba tla a tlhatlogela kwa legodimong ba le mo lerung mo ponong ya baba ba bone.¹⁴Ka nako eo go tla a nna le thoromo e kgolo ya lefatshe mme karolo ya lesome ya motse e ribegele. Dikete tse supa tsa batho di tla a bolawa ke thoromo ya lefatshe mme ba ba falotseng ba tla a tshoga thata mme ba galaletse Modimo wa legodimo. ¹³Sebetso sa bobedi se fetile, Bona!Sebetso sa boraro se tla a tla ka bofefo.¹⁵Moengele wa bosupa a letse terompeta mme lentswe la tswa legodimong le re, "Bogosi jwa lefatshe ke jwa Morena wa rona le Keresete mme o tla a busa ka bosakhutleng."¹⁶Bagolwane ba ba masome mabedi le bone (24) ba ba ntseng mo ditilong tsa bone mo pele ga Modimo ba wela fa fatshe ka difatlhego ba obamela Modimo. ¹⁷Ba re, "Re isa malebogo go wena Mothataotlhe, yo o le teng le yo o neng a le teng le yo o tla a nnang teng, ka gore ka thata ya gago o busa lefatshe.¹⁸Ditshaba di ne di shakgetse mme bogale jwa gago ba tla. Nako e tsile ya gore baswi ba atlholwe le gore o duele batlhanka ba gago e leng baporofiti, ba e leng badumedi ebile ba tlotla leina la gago, botlhe ba ba senang tlotla le ba ba nonofileng. "Nako e tsile ya gago go senya botlhe ba ba senyang lefatshe."¹⁹Tempele ya Modimo ya bulega kwa legodimong mme letlole la kgolagano la bonalo mo teng ga tempele. Ga bonala go tsabakela ga dikgadima, go duma ga maru, thoromo ya lefatshe le matsubutsubu a magolo.

12¹Sesupo se segolo sa bonala kwa legodimong: mosadi a apere letsatsi, le ngwedi ka fo tlase ga dinao tsa gagwe, le serwalo sa dinaledi di le lesome le bobedi (12) mo tlhogong ya gagwe. ²O ne a imile, mme o ne a lela a le mo ditlhabing, mo botlhokong jwa pelegi.³Mme sesupo se sengwe sa bonala kwa legodimong: Bona! Go ne go na le kgwenyape e khibidu e na le ditlhogo tse supa (7) le dinaka di le lesome (10), mme ga bo go na le dirwalo tse supa (7) mo tlhogong ya yone. ⁴Mogatla wa yone wa tlosa karolo ya boraro ba dinaledi kwa legodimong, mme wa di tshololela kwa tlase mo lefatsheng. Kgwenyape ya ema fa pele ga mosadi o neng a tloga a belega, gore e re a sena go belega, e senyake ngwana.⁵O ne a tshola ngwana wa mosimane, o tla busang ditshaba tsotlhe ka lore la tshipi. Ngwana wa gagwe o ne a phamolwa a isiwa ko Modimong kwa setilong sa gagwe sa bogosi, ⁶mme mosadi a siela kwa sekakeng, kwa Modimo a neng a mmaakanyeditse bodulo teng, gore a tle a tlhokomelwe malatsi a le sekete le makgolo a le mabedi le masome a marataro (1260).⁷Jaanong ga nna ntwa kwa legodimong. Mmaekele le baengele ba gagwe ba ne ba lwa le kgwenyape; mme kgwenyape le baengele ba yone ba itwela. ⁸Mme kgwenyape ya bo e sa nonofa go fenya. A seka a tlhola a na le lefelo la go dula kwa legodimong ene le baengele ba gagwe. ⁹Kgwenyape e tona - noga ya motsofe e e bidiwang mmaba kana Satane, o o tsietsang lefatshe lotlhe - a digelwa ko tlase mo lefatsheng, le baengele ba gagwe ba latlhelwa kwa tlase le ene.¹⁰Jalo ka utlwa lentswe le legolo kwa legodimong: "jaanong go tlile poloko, nonofo, bogosi jwa Modimo wa rona, le taolo ya ga Keresete wa gagwe. Gonne mopateletsi wa bakaulengwe ba rona o latlhetswe kwa tlase, ene yo a neng a ba pateletsa fa pele ga Modimo wa rona motsegare le bosigo.¹¹Ba mo fentse ka madi a Kwana le ka mapaki a bone, gonne ga baaka ba rata matshelo a bone le go ya lesong tota. ¹²Jalo he, ipeleng, lona magodimo, le botlhe ba ba nnang teng. Go utlwisa botlhoko wee go lefatshe le lewatle gonne mmaba o fologetse kwa go lona. O tletse ka tshakgalo e maswe, o a itse gore nako ya gagwe e khutshwane.¹³Ya re kgwenyape e lemoga fa e latlhetswe mo lefatsheng, ya senka mosadi yo o neng a tshola ngwana wa mosimane. ¹⁴Mme mosadi a neelwa diphuka tse pedi tsa ntsu e tona, gore a tle a siele kwa lefelong le a le baakanyeditsweng kwa sekakeng. Se e ne e le lefelo le a tla tlhokomelelwang teng, ka nakwana, dinako, le sephatlo sa nako - go tswa mo ponong ya noga.¹⁵Noga ya kgwa metsi go tswa mo leganong la yone jaaka noka, gore e dire morwalela go mo gogola. ¹⁶Mme lefatshe la thusa mosadi. Lefatshe la bula legano la lone la metsa noka e neng kgwenayape e o okgwa ka legano la yone. ¹⁷Mme kgwenyape ya kelemela mosadi ya tsamaya ya ya go bolotsa ntwa kgwatlhanong le dikokomane tsa gagwe, bao ba ba obamelang ditaelo tsa Modimo ebile ba tshwere bopaki ka ga Jeso. ¹⁸Mme kgwenyape ya ema mo motlhabeng fa thoko ga lewatle.

13¹Ebe ke bona sebatana se tswa mo lewatleng. Se ne e na le dinaka di le lesome le ditlhogo (10) di le supa (7). Mo dinakeng tsa sone ga bo go le dirwalo di le supa (7) mme mo ditlhogong tsa sone ga bo go le leina le le tlhapatsang Modimo. ²Sebatana se ke se boneng se ne se tshwana le nkwe, maoto a sone a ne a tshwana le a bera, le molomo wa sone o tshwana le wa tau. Kgwenyape e ne ya e neela maatla a yone, le setilo sa yone sa bogosi, le taolo ya go busa.³Ngwe ya ditlhogo tsa kgwenyape e ne e lebega e kgaotswe, mme ntho ya yone e e masisi ya bo e fodile. Lefatshe lotlhe la gakgamala jaaka le sala sebatana se morago. ⁴Ba ne ba obamela kgwenyape, ka gore e ne e neetse sebatana taolo. Ba ne ba obamela le sebatana, ba nna ba ntse ba re, "Ke mang yo o tshwanang le sebatana?, Ke mang yo o ka se lwantshang?"⁵Sebatana se ne se filwe molomo o o buwang mafoko a boikgogomoso le go tlhapatsa Modimo. E ne e neetswe tetla ya go busa dikgwedi di le masome a mane le bobedi (42). ⁶Jalo he, sebatana se ne sa bua mafoko a a tlhapatsang Modimo: se tlhapatsa leina la Modimo, le ko a nnang teng, ga mmogo le ba ba nnang ko legodimong.⁷Sebatana se ne se letleletswe go bolotsa ntwa kgatlhanong le badumedi le go ba fenya. Gape, se ne se neilwe taolo mo morafeng mongwe le mongwe, mo bathong botlhe, mo ditemeng tsotlhe, le mo ditshabeng tsotlhe. ⁸Botlhe ba ba tshelang mo lefatsheng ba tla se obamela, mongwe le mongwe yo leina la gagwe le sa kwalwang, ko tshimologong ya lefatshe mo Bukeng ya Botshelo, ya Kwana, yo o neng a bolailwe.⁹Fa mongwe a na le tsebe, a a reetse. ¹⁰Yo o tshwanetseng go ya botshwarong, o tla a ya botshwarong. Yo o tshwanetsweng ke go bolawa ka tshaka, o tla swa ka tshaka. Se ke pitso ya bopelotelele le boitshoko le tumelo ya ba ba leng boitshepo.¹¹Mme ka bona sebatana se sengwe se tswa mo mmung. Se ne se na le dinaka tse di tshwanang le tsa konyana, mme se ne se bua jaaka kgwenyape. ¹²Se ne se dirisa taolo ya sebatana sa ntlha mo ponong ya sone, mme se ne gape se dira gore lefatshe lotlhe le obamele, sebatana sa ntlha se ntho ya sone e neng e fodile.¹³Se dira metlholo e megolo. Se ne se dira gore molelo o tswe kwa godimo otle mo lefatsheng fa pele ga batho. ¹⁴E ne e tsietsa batho ba ba nnang mo lefatsheng ka ntlha ya dikgakgamatso tse e neng e letleletswe go di dira. Se ne se laotse batho mo lefatsheng gore ba dire setshwantsho go tlotla sebatana sa ntlha se se neng se na le ntho ya tshaka mme sa tshela.¹⁵Se ne se letleletswe go neela setshwantsho sa sebatana sa ntlha mowa gore se kgone go bua le go dira gore botlhe ba ba sa obameleng sebatana ba bolawe. ¹⁶Se ne se pateletsa mongwe le mongwe; yo o seng botlhokwa, yo o botlhokwa, bahumi le bahumanegi, bagololesegi le batlhanka, gore ba amogele letshwao mo letsong la moja le mo phatleng. ¹⁷Go ne go sa kgonagale gore mongwe a reke, kgotsa a rekise, fa e se fela a na le letshwao la sebatana, gonne letshwao le, le ne le emetse leina la sebatana.¹⁸Go batla botlhale. Fa mongwe a na le kitso, aa tlhakanye palo ya sebatana gonne ke palo ya motho. Palo ya teng ke makgolo a le marataro le masome a le marataro le borataro (666).

14¹Ka leba mme ka bona Kwana a eme mo Thabeng ya Sione . O ne a na le ba ba dikete tse di makgolo a mane le bone (144,000) ba ba kwadilweng leina la gagwe le la ga rraagwe mo diphatlheng. ²Ka utlwa lentswe le tswa legodimong ekete mosumo wa metsi a mantsi le dikgadima. Modumo o e keteng wa moletsi wa harepa.³Ba opela pina e ntsha ha pele ga setilo sa bogosi le ha pele ga ditshidi tse nne le bagolwane.Ga gona ope yo neng a ka ithuta pina e ,fa e se ba ba dikete tse di makgolo a mane le bone(144,000) ba ba rekilweng mo lefatsheng. ⁴Ba ke ba ba sa e itshekololang ka basadi, ka gonne ba ikgapile mo boakeng. Ba ke bone ba ba salang kwana morago gongwe le gongwe kwa a yang. Ke ba ba rekolotsweng mo bathong e le batsalwapele ba Modimo le ba Kwana. ⁵Ga go a fitlhelwa maaka ape mo go bone, ga ba na molato.⁶Ka bona moengele yo mongwe a fofa mo phefong, a tshotse molaetsa wa mafoko a a molemo go ya bosakhutlheng, go bolelela ba ba tshelang mo lefatsheng, morafe mongwe le mongwe, le teme nngwe le nngwe, le batho botlhe ⁷A goeletsa ka lentswe le legolo. ''Boifang Modimo le mo galaletse gonne nako ya katlholo ya gagwe e gorogile. Mo obameleng ene yo o dirileng legodimo, lefatshe, lewatle le metswedi ya metsi.''⁸Moengele yo mongwe, wa bobedi a latela a re '' O ole ,o ole Babelona yo mogolo, yo o nositseng ditshaba bojwala jwa boaka jwa gagwe.''⁹Moengele yo mongwe, wa boraro a ba latela, a kua ka lentswe le le tona a re ''Fa ope a ka obamela sebatana le setshwantsho sa sone, a bo a amogela letshwao la gagwe mo phatleng kana mo letsogong ¹⁰o tla a nwa bojalwa jwa bogale jwa Modimo, e le bojalwa jo bo sa timolwang mo senwelong sa gagwe. Motho yo o bo nwang o tla tlhokofadiwa ka salefa fa pele ga baengele ba ba boitshepo le fa pele ga Kwana.¹¹Mosi wa tlhokofatso ya bone o kuuloga ka bosakhutlheng, mme ba tlhoka boikhutso bosigo le motshegare - baobamedi ba, ba sebatana le setshwantsho sa sone, le mongwe le mongwe yo o amogelang letshwao la leina la gagwe. ¹²Se, ke pitso ya bopelotelele le boitshoko jwa ba ba leng boitshepo, ba ba obamelang ditaolo tsa Modimo le tumelo mo go Jeso.''¹³Ka utlwa lentswe go tswa legodimong le re '' kwala se: Go sego baswi ba ba swelang mo moreneng.'' ''Ee'' go bua Moya, ''gore ba itapolose mo matsapeng a bone gonne ditiro tsa bone di tla a ba sala morago.''¹⁴Ka leba ga bo go le leru le lesweu, mo go lone ga bo go ntse yo eketeng morwa motho. A rwele serwalo sa gouta a tshotse sekele e e bogale mo letsogong la gagwe ¹⁵Moengele yo mongwe a tswa mo tempeleng a bitsa yo o ntseng mo lerung ka lentswe le legolo a re ''Tsaya sekele mme o simolole go roba. Gonne nako ya thobo e gorogile, thobo e bodule'' ¹⁶Foo yo o ntseng mo lerung a tsenya sekele mo lefatsheng, lefatshe la rojwa.¹⁷Moengele yo mongwe a tswa mo tempeleng ya legodimo, le ene a tsere sekele e e bogale. ¹⁸Mme moengele yo mongwe a tswa mo aletareng ya maswalo, yo a nang le thata mo molelong. A bitsa yo o tshotseng sekele e e bogale ka lentswe le legolo, ''Tsaya sekele ya gago e e bogale o robe mofine gonne o budule.''¹⁹Moengele o ne a tsaya sekele ya gagwe a roba maungo a mofine a lefatshe. A e latlhela mo bogamolelong jwa mofine jwa bogale jwa Modimo ²⁰Bogamolelo jo jwa ntshetswa kwa ntle ga motse, madi a elela go tswa mo go jone a le bogodimo jwa molomo wa pitse, e ka nna selekanyo sa mabala a le sekete le makgolo a marataro (1,600).

15¹Ka jalo ka bona tshupegetso e nngwe mo legodimong, e le kgolo e bile e gakgamatsa: Ga bo go na le baengele ba le supa (7 ) ba tshwere ditlhokofatso tse supa ( 7), tse e leng tsa bofelo, gonne ka tsone tshakgalo ya Modimo e tla a bo e felelediwa.²Ka bona se se neng se lebega jaaka lewatle la galase le kopantswe le molelo. Go bapa le lewatle ga bo go eme ba ba fentseng sebatana le setshwano sa sone, le go feta palo e e emetseng leina la sone. Ba ne ba tshwere diharepa ba di neetswe ke Modimo.³Ba ne ba opela dipina tsa ga Moshe, motlhanka wa Modimo, pina ya kwana: ''Ditiro tse di kgolo tse di makatsang ke tsa gago, Morena Modimo, Mothatayotlhe. Tshiamo le boammaruri ke ditsela tsa gago, Kgosi ya ditshaba. ⁴Ke mang yo o ka sekeng a go boife Morena, a bo a galaletsa leina la gago? Gonne wena ka nosi o boitshepo. Ditshaba tsotlhe di tla a tla di obama fa pele ga gago gonne ditiro tsa gago tse di siameng di senotswe.''⁵Morago ga dilo tse ka leba, mme ka bona tempele e e neng e na le bokopano jwa basupi e butswe mo legodimong. ⁶Go tswa mo lefelong le le boitshepo thata ga tla baengele ba ba supa ( 7) ba tshwere ditlhokofatso tse supa ( 7). Ba ne ba apere matsela a a phepa, a phatsima ba ipofeletse letsela la gouta mo dihubeng tsa bone.⁷Nngwe ya ditshidi tse nne (4) ya neela baengele ba ba supa ( 7) megopo ya gouta e le supa ( 7) e tletse ka tshakgalo ya Modimo, yo o tshelang ka bosakhutleng. ⁸ Tempele e ne ya tladiwa ka mosi go tswa mo kgalalelong le maatla a Modimo. Go ne go sena ope yo o kgonang go tsena mo teng go fitlhelela ditlhokofatso tse supa (7 ) tsa baengele ba ba supa (7 ) di feleletswa.

16¹Ke utlwile lentswe le legolo le goa go tswa mo tempelenng le raya baengele ba ba supa (7) le re, '' Tsamaya o ye go tshela kwa lefatsheng megopo e supa (7) ya tshakgalo ya Modimo.''²Moengele wa ntlha ( 1) a tsamaya a ya go tshela mogopo wa gagwe ko lefatsheng; dintho tse di maswe tse di botlhoko tsa tswa mo bathong ba ba nang le letshwao la sebatana, ba ba neng ba obamela setshwano sa gagwe.³Moengele wa bobedi (2) a tshololela mogopo wa gagwe mo lewatleng. Ya nna madi, jaaka madi a motho yo o suleng, mme setshidi sengwe le sengwe se se mo lewatleng sa a swa.⁴Moengele wa boraro (3) a tshololela mogopo wa gagwe mo dinokeng le metswedi ya metsi, ya fetoga madi. ⁵Ka utlwa moengele wa metsi a re, '' O tshiamo, wena yo o teng, le yo o neng o le teng, wena yo o boitshepo, ka gore o atlhotse dilo tse. ⁶Ka gore ba tsholotse madi a badumedi le baporofita, o ne wa ba neela madi go a nwa, ke se se ba tshwanetseng.'' ⁷Ka utlwa aletara e fetola e re,'' Ee, Morena Modimo Mothatayotlhe, dikatlholo tsa gago di tshiamo le boammaaruri.''⁸Moengele wa bone (4) a tshololela mogopo wa gagwe mo letsatsing, o ne a letleletswe go fisa batho ka molelo. ⁹Ba ne ba fisiwa ke mogote o mogolo, mme ba tlhapatsa leina la Modimo, yo o nang le dinonofo go feta ditlhokofatso. Ba seka ba ikotlhaa le fa ele go mo neela kgalaletso.¹⁰Ka jalo moengele wa botlhano (5) a tshololela mogopo mo setilong sa sebatana, mme lefifi la apesa mmuso wa sone. Ba tshotlha maleme a bone ka lebaka la botlhoko. ¹¹Ba tlhapatsa Modimo wa legodimo ka lebaka la botlhoko le dintho, mme ba tswelela ba gana go ikotlhaya mo go se ba se dirileng.¹²Moengele wa borataro (6) a tshololela mogopo wa gagwe mo nokeng e kgolo, ya Efarete. Metsi a yone a ne a omelediwa go baakanyetsa dikgosi tsela e e tla a tswang ko botlhaba. ¹³Ke bonye mewa e e maswe e meraro (3) e tshwana le digogwane di tswa mo melomong ya kgwanyape, sebatana, le moporofeta wa maaka. ¹⁴Gonne ke mewa ya matimona e e diragatsang metlholo ya ditshupegetso. Ba ne baya kwa dikgosing tsa lefatshe lotlhe ba ba phutha go ya ntweng ya letsatsi le legolo la Modimo Mothatayotlhe.¹⁵(''Bona! Ke etla jaaka legodu! Gosego yo o nnang a lebeletse, a baakantse diaparo tsa gagwe gore a seka a tsamaya a sa apara a ba bo ba bona matlhabisa ditlhong a seemo sa gagwe'') ¹⁶Ba ba tsisa ga mmogo ko lefelong le le bidiwang Amakitione mo Hebera.¹⁷Jalo moengele wa bosupa (7) a tshololela mogopo wa gagwe mo phefong. Mme ga tswa lentswe le legolo go tswa mo tempeleng le tswa mo setilong sa bogosi, le re,'' go weditswe!'' ¹⁸Go ne gona le go phatsima ga dikgadima, le ditumo tsa maru, dithoromo tsa lefatshe tse di kgolo, thoromo ya lefatshe e kgolo e e iseng e diragale fa e sale motho a nna mo lefatsheng. ¹⁹Toropo e kgolo e ne ya kgaogana ka karololo tse tharo (3) le ditoropo tsa ditshaba tsa gosomana. Mme Modimo a gopola Babilone yo mogolo, mme a neela toropo e o bojalwa bo dirilwe ka tshakgalo e kgolo.²⁰Setlhaketlhake sengwe le sengwe sa nyelela, dithaba di ne di sa tlhole di bonala. ²¹Sefako se segolo, sa bokete sa tla tlase go tswa lewaping sa wela batho. Ba hutsa Modimo ka ditlhokofatso tsa sefako ka gore ditlhokofatso tse di ne di le dikgolo.

17¹Mongwe wa baengele mo go ba supa (7) yo o neng a tshwere megopo e supa a tla mme a nthaya a re, "tla kwano, ke tla go supegetsa tshekiso ya seaka se segolo se se ntseng mo godimo ga metsi a mantsi. ²E ne ele ka ga ene gore dikgosi tsa lefatshe di dire boaka. Ene e le ka bojalwa jwa boaka jwa gagwe gore baagi ba lefatshe ba nne matagwa."³Mme moengele a ntsaya ke le mo Moweng go ya sekakeng, mme ka bona mosadi a ntse mo godimo ga sebatana se sehibidu se se neng se tletse ka maina a matlhapa. Sebatana se ne se na le ditlhogo tse supa (7) le dinaka di le lesome (10). ⁴Mosadi o ne a apere borokwa le bohibidu mme a kgabisitswe ka gouta le matlapa a mantle le dibaga. O ne a tshotse mo letsogong la gagwe senwelo sa gouta se tletse ka dilo tse makgapha le dilo tse di maswe tsa ditiro tsa boaka. ⁵Mo phatleng ya gagwe gone go kwadilwe leina le le neng le na le bokao jo bo fitlhegileng. Babilone yo mogolo, mmaagwe diaka le dilo tse di makgapha tsa lefatshe."⁶Ka bona gore mosadi o ne a tagilwe ke madi a badumedi le ke madi a baswela tumelo mo go Jeso. E rile fa ke mmona, Ke ne ka gakgamala thata. ⁷Mme moengele a nthaya a re, "O gakgamaletseng? Ke tla go tlhalosetsa bokao jwa mosadi le sebatana se se mo tshotseng, Sebatana se se nang le ditlhogo di supa (7) le dinaka tse di lesome (10).⁸Sebatana se o se boneng se le teng, ga se sa tlhole se le teng jaanong, mme se gaufi le go tla go tsweng kwa bobipong jo bo senang bolekanyetso. Mme e tla a ya kwa tshenyegong. Bone ba ba nnang mo lefatsheng, ba o ba maina a bone a sa kwalang mo Bukeng ya Botshelo fa e sa le mo tshimologong ya motheo wa lefatshe ba tla gakgamala fa ba bona se se neng se le teng, mme se sa tlhole se le teng jaanong, mme se gaufi le go tla.⁹Se se biletsa tlhaloganyo ee nang le botlhale. Ditlhogo tse supa (7) ke dithaba tse supa (7) tse mosadi a ntseng mo go tsone. Go na le dikgosi tse supa (7) gape. ¹⁰Dikgosi tse tlhano (5) di ole, e nngwe e sa ntse e le teng, mme tse dingwe ga di ise di tle, mme ga a tla, o tla nna fela lobakanyana.¹¹Setshedi se se neng sele teng, mme se sa tlhole se le teng jaanong, le sone gape e le kgosi ya boferabobedi. mme ele nngwe ya dikgosi tse supa tseo, mme e ya kwa tshenyegong.¹²Dinaka tse di lesome tse o di boneng ke dikgosi tse lesome (10) ba ba iseng ba amogele bogosi, mme ba tla amogela taolo jaaka dikgosi metsotso e le masome a marataro ga mmogo le sebatana. ¹³Tse ke tsa mogopolo o mongwe fela, mme tsa neela thata le taolo ya tsone sebatana. ¹⁴Ba tla a bolotsa ntwa kgatlhanong le Kwana. Mme Kwana o tla a ba fenya ka gore ke Morena wa Barena le Kgosi ya Dikgosi, mme ba ba nang le ene ke ba ba biditsweng, ba ba ikgethetsweng, le ba ba boikanyego."¹⁵Moengele a nthaya are, ´´metsi a o a bonang, fa seaka se ntseng teng, ke batho, matshwititshwiti, ditshaba, le dipuo.¹⁶Dinaka tse di lesome tse o di bonyeng tsone le sebatana di tla ila seaka. Di tla mo dira gore a nne letlotla le gore a seka a ikatega, batla a ja nama ya mmele ya gagwe, mme ba tla mo fisa gotlhe ka molelo. ¹⁷Gonne Modimo o beile mo pelong tsa bone go diragatsa maikaelelo a gagwe ka go dumalana go neela thata ya tsone ya go busa kwa sebataneng go fitlhelela mafoko a Modimo a diragadiwa.¹⁸Mosadi yo o mmonyeng ke motse o mogolo yo o busang dikgosi tsa lefatshe.''

18¹Morago ga dilo tse ka bona moengele yo mongwe a fologa a tswa kwa legodimong. O ne a na le taolo e kgolo, le lefatshe le ne le bonesitswe ke kgalalelo ya gagwe. ²A lela ka lentswe le le nonofileng, a re, '' O ole, o ole, Babelona o mogolo! O fetogile boago jwa matimona, botshabelo jwa mowa mongwe le mongwe o o maswe, le botshabelo jwa manong. ³Ka gonne merafe yotlhe e nole bojalwa jwa dithato tsa boaka jwa gagwe. Dikgosi tsa lefatshe di dirile boaka le ene. Bagwebi ba lefatshe ba humile ka maatla a bofafalele jwa botshelo jwa gagwe.⁴Mme ka utlwa lentswe le le tswang ko legodimong le re, '' Tswang mo go ene, batho bame, gore le seka la tsaya karolo mo maleong a gagwe, le gore le seka la amogela epe ya dipetso tsa gagwe. ⁵Gonne maleo a gagwe a bontsi jwa selekanyo sa go ya legodimong, mme Modimo o gakologetswe ditiro tsa gagwe tse di bosula. ⁶Mo duele jaaka a duetse ba bangwe, mme le mo duele go le gobedi ga ditiro tsa gagwe; mo koping e a tlhakanyeditseng mo teng, tlhakanyang ga bedi ga selekanyo sa gagwe.⁷Jaaka a ikgalaletsa, a tshela botshelo jwa boikgantsho, mo neele selekanyo sa tlhokofatso le selelo tse di lekanang le boikgalaletso le boikgantsho jwa gagwe. Gonne o bua mo pelong ya gagwe, 'Ke ntse jaaka mohumagadi; ga ke motlholagadi, ebile ga ke kitla ke bona selelo.' ⁸Jalo he, dipetso tsa gagwe di tla a tla ka letsatsi le le lengwe: leso, selelo, le leuba. O tlaa nyelediwa ke molelo, ka gore Morena Modimo o nonofile, ebile ke moatlhodi wa gagwe.''⁹Dikgosi tsa lefatshe tse di dirileng boaka le ene tsa bo tsa tswa mo taolong le ene di tlaa mo lelela di kua fa di bona mosi wa gosha ga gagwe. ¹⁰Di tlaa emela kgakala, di tshaba tlhokofatso ya gagwe, di re, Ijoo, ijoo go toropo e kgolo, Babelona, toropo e e thata! Gonne katlholo ya gago e tsile ka bonako.''¹¹Bagwebi ba lefatshe ba mo lelela le go mo futsafalela, ka gore ga go sa tlhole go na le ope yo o rekang dithoto tsa gagwe- ¹²thoto ya gouta, selefera, majana a turu, dibaga, letsela la tlhwatlhwa e e kwa godimo, phepole, letsela le le phatsimang, le le bohibidu jo bo loileng, le mefuta yotlhe ya dikgong tse dituru, le dijana tsa dinaka tsa tlou, le sejana sengwe le sengwe se se dirilweng ka legong le lentle, le sa kgotlho, le sa tshipi, mmabole, ¹³sinamone, motswako, maswalo, senkgisa monate, setlolo se se nkgang monate, mofine, lookwane, bopi, korong, dikgomo le dinku, dipitse le dikara tsa tlhabano, le makgoba le mewa ya batho.¹⁴Leungo le o le eleditseng ka nonofo ya gago yotlhe le dule mo go wena. Dikhumo tsa gagwe le bontle jwa gagwe di nyeletse, ga di kitla di bonala gape.¹⁵Bagwebi ba dithoto tse ,ba ba ileng ba huma ka ene, ba tlaa emela kgakala le ene ka go bo ba tshaba go tlhokofadiwa, go lela le go futsafala mo go golo ga gagwe. ¹⁶Ba tlaa re, ''Ijoo, ijoo, go toropo e kgolo e e neng e apere letsela le le tlhwatlhwa e kgolo, phepole, le bohibidu jo bo loileng, e kgabisitswe ka gouta, majana a a turu, le dibaga! ¹⁷Gonne ka bofefo khumo yotlhe e ne ya nyelediwa.'' Mong wa sekepe mongwe le mongwe, mopalami mongwe le mongwe wa sekepe, le ba e leng babereki ba sekepe, le botlhe ba ba gwebang mo lewatleng, ba emela kwa kgakala.¹⁸Ba lelela godimo fa ba bona mosi wa go sha ga gagwe. Ba bua bare, '' ke efe toropo e e tshwanang le toropo e kgolo?'' ¹⁹Ba itshela mmu mo ditlhogong, ba lelela kwa godimo, ba kua ba hutsafetse, ''Ijoo, ijoo go toropo e kgolo, e botlhe ba ba nang le dikepe mo lewatleng, ba humileng ka dikhumo tsa gagwe. Ka gobo a ne a senngwa ka bofefo.'' ²⁰''Itumele ka ene, wena legodimo, lona badumedi, baaposetolo, baporofeti, ka gobo Modimo o le mo atlholetse!''²¹Moengele yo o nonofileng a tsaya lentswe le tshwana le tshilo e kgolo a le digela mo lewatleng, a re, ''Ka tsela yone e, Babelona, toropo e kgolo, o tlaa latlhelwa fa fatshe ka thata e kgolo mme ga a kitla o bonwa gape. ²²Modumo o o dirwang ke baletsi ba diharepa, baopedi, baletsi ba seletso le baletsi ba torompeta ga ba ka ke ba tlhola ba utlwiwa ma gareng ga lona. Ga gona mothudi ope yo o tla fitlhwelwang ma gareng ga lona. Ga go ka ke ga tlhola go utlwala modumo wa tshilo mo go lona.²³Lesedi la lebone ga le kitla le phatsima ma gareng ga lona. Mantswe a monyadi le monyadiwa ga a kitla a utlwiwa ma gareng ga lona, bagwebi ba lona e ne e le dikgosana tsa lefatshe, ebile lefatshe le ne le tsieditswe ke boloi ja lona. ²⁴Mo go ene, go fitlhetswe madi a baporofeti, badumedi le batho botlhe ba ba bolailweng mo lefatsheng.

19¹Morago ga dilo tse ka utlwa sengwe se se neng se utlwala jaaka modumo wa batho ba bantsi kwa legodimong ba re, "Haleluja. Poloko, kgalalelo le maatla ke tsa Modimo wa rona. ²Dikatlholo tsa gagwe di boammaaruri ebile di siame. Ka gore o atlhotse seaka se se golo se se neng se sentse lefatshe ka boaka jwa sone. O ne a bosulosetsa madi a batlhanka ba gagwe a a neng a tsholotswe ke seaka."³Ba ne ba bua labobedi ba re: " Haleluja! Mosi o tlhatloga mo go ene go ya ka bosakhutleng." ⁴Bagolo ba ba masome a mabedi le bone (24) le ditshedi tse nne (4), ba wela fa fatshe ba obamela Modimo yo o ntseng mo setilong sa bogosi. Ba ne ba re, "Amen. Haleluja!"⁵Jaanong lentswe la tswa mo setilong sa bogosi la re, "Galaletsang Modimo wa rona, lona batlhanka ba gagwe, lona ba ba mmoifang le lona botlhe ba ba seng botlhokwa le ba ba nang le maatla."⁶Jalo ka utlwa segwe se se neng se utlwala jaaka mantswe a batho ba bantsi, mosumo wa metsi a mantsi le ditumo tsa maru tse di kwa godimo di re, "Haleluja! Gonne Morena o a busa, Ke Modimo yo o laolang gotlhe."⁷A re ipeleng re bo re itumeleng thata, re bo re mo neele kgalaletso ka gore moletlo wa lenyalo la kwana o gorogile le monyadi wa gagwe o ipaakantse. ⁸O ne a letleletswe go apara letsela le le phatsimang, le le phepa" (gobane letsela le le phepa ke ditiro tse di siameng tsa batho ba ba boitshepo).⁹Moengele o ne a nthaya a re, "Kwala o re: go segofetse, bao ba ba laleditsweng moletlo wa lenyalo la Kwana. O ne a nthaya gape a re, "Se ke mafoko a boammaaruri a Modimo." ¹⁰Ke ne ka wela fa fatshe go mo obamela, mme o ne a nthaya a re, "O seka wa dira jalo! Ke mongwe wa batlhanka ka wena le barwarraago ba ba tshwereng bopaki ka Jeso Keresete. Obamela Modimo, ka gore bopaki ka ga Jesu Keresete ke mowa wa seporofeto."¹¹Jalo ka bona legodimo le bulega, ka leba, ga be go na le pitse e tshweu. Mopalami wa yone o bidiwa boikanyo le boammaaruri. O atlhola a bo a tlhabana ka tshiamo. ¹²Matlho a gagwe a tshwana le kgabo ya molelo ebile mo tlhogong ya gagwe go na le dikorone tse dintsi. O na le leina le le kwadilweng mo go ene, le ope a sa le itseng, le le itsweng ke ene fela. ¹³O apara seaparo se se neng se tsentswe mo mading, ebile leina la gagwe ke Lefoko la Modimo.¹⁶¹⁴Mephato ya legodimo e ne e mo setse morago e palame dipitse tse di tshweu, e apere matsela a masweu, a phatsimang, a a phepha. ¹⁵Mo molomong wa gagwe go tswa tshaka e e bogale, e a tlhabang le ditshaba ka yone, mme o tlaa ba laola ka lore la tshipi. A gata segatelo la mofine wa bogale jo bo gaketseng jwa Modimo Mothatayotlhe. O na le leina le le kwadilweng mo seaparong sa gagwe, le mo seropeng sa gagwe: "Kgosi ya Dikgosi le Morena wa barena."¹⁷Ka bona moengele a eme mo letsatsing. O ne a kuela ko godimo a raya dinonyane tse di fofelang ko godimo a re, ¹⁸"Tlayang lotlhe le phuthegele moletlo o mogolo wa Modimo. Le je mebele ya dikgosi, le ya babusi, le ya banna ba ba nonofileng, le ya dipitse le bapalami ba tsone, le ya batho botlhe ba ba golotsweng le ba ba mo bokgobeng, ba ba seng botlhokwa le ba ba nang le maatla."¹⁹Ka bona setshidi se se boitshegang le dikgosi tsa lefatshe le mephato ya tsone. Ba ne ba kgobokanela go tlhabana le yo o neng a palame pitse le mephato ya gagwe. ²⁰Setshedi se se boitshegang se ne sa tshwarwa ga mmogo le moporofeti wa maaka yo o neng a dirile ditshupo fa pele ga sone. Ka ditshupo tse, se ne se tsietsa batho ba ba neng ba amogetse letshwao la setshedi se se boitshegang le ba ba neng ba obamela setshwantsho sa sone. Bobedi ja bone bo ne ba latlhelwa mo letsheng la salefa e e tukang, ba tshela.²¹Ba ba neng ba setse ba ne ba bolawa ka tshaka, e e neng e tswa mo molomong wa yo o palameng pitse. Dinonyane tsotlhe di ne tsa ja nama ya mebele ya bone e e suleng.

20¹Mme ka bona moengele a fologa kwa legodimong. O ne a tshotse selotlele sa bobipo jo bo senang bolekanyetso, a tshotse keetane e kgolo ka seatla. ²A tshwara kgwanyape, noga ya bogologolo, e e leng diabolo kana Saatane mme a mmofa dingwaga tse di lekgolo (1000). ³A mo latlhela mo bobipong jo bo senang bolekanyetso, a bo tswala a bo a bo kanela. Se e le gore a seka a tlhola a tsietsa ditshaba go fitlhela dingwaga tse di sekete (1000) di feta. Morago o tshwanetse go gololwa ka sebakanyana.⁴Foo ka bona ditilo tsa bogosi. Mo go tsone go ntse ba ba filweng taolo ya go atlhola. Gape ka bona mewa ya ba ba neng ba kgaolwa ditlhogo ka ntlha ya go paka ka mafoko a a molemo a ga Jeso le Modimo. Ba ne ba ise ba obamele sebatana le fa ele moriti wa sone, ebile ba ganne go amogela letshwao mo diphatleng kana matsogo a bone. Ba tshela gape mme ba busa le Keresete dingwaga tse di sekete (1000).⁵Baswi ba bangwe ba seka ba tsoga mo baswing go fitlhelela dingwaga tse di sekete (1000) di feta. Se ke tsogo ya ntlha. ⁶Go sego le boitshepo mongwe le mongwe yo o nnang le seabe mo tsogong ya ntlha!Leso la bobedi ga le na thata mo go bone. Ba tlaa nna baperesita ba Modimo, le ba ga Jeso, mme ba tla a busa nae dingwaga tse di sekete(1000).⁷Fa dingwaga tse di sekete (1000) di sena go feta, Saatane o tla a gololwa mo botshwarong. ⁸O tla a tswa a ya go tsietsa merafe khutlong tse nne tsa lefatshe- Kwa Gogo le Magogo go ba phuthela ntweng. Ba tla a bo ba le bantsi jaaka motlhaba wa lewatle.⁹Ba tlhatlogela kwa patlelong ya lefatshe, ba dikaganyetsa bothibelelo jwa badumedi, toropo e e rategang. Mme molelo wa tswa kwa legodimong wa ba nyeletsa. ¹⁰Diaboloso, yo o neng a ba tsieditse a latlhelwa mo letsheng la salefa le le tukang, kwa sebatana le moporofiti wa maaka a latlhetsweng teng. Ba tla a tlhokofadiwa bosigo le motshegare ka bosakhutleng.¹¹Foo ka bona setilo se sesweu sa bogosi se segolo le yo o ntseng mo go sone. Legodimo le lefatshe tsa mo tshaba, mme go sena kwa di ka tshabelang teng. ¹²Ka bona baswi, ba batlotlegi, le bo esemang- ba eme fa pele ga setilo sa bogosi, mme dikwalo tsa bulwa. Ga bulwa lekwalo le lengwe- Lekwalo la botshelo. Baswi ba atlholwa ka se se kwadilweng mo dikwalong, go ya ka ditiro tsa bone.¹³Lewatle la tlhatsa ba ba neng ba le mo go lone. Leso le bobipo tsa tlhatsa ba ba neng ba le mo go tsone, mme baswi ba atlholwa ka tse ba di dirileng. ¹⁴Leso le bobipo tsa latlhelwa mo letsheng la molelo. Le ke leso la bobedi-letsha la molelo. ¹⁵Fa leina la mongwe le sa fitlhelwe le kwadilwe mo lekwalong la botshelo, o ne a latlhelwa mo letsheng la molelo.

21¹Mme ka bona legodimo le lefatshe tse di sha, ka go re legodimo le lefatshe tsa pele di fetile, le lewatle la bo le sa tlhole le le teng. ²Ka bona toropo e ntsha, Jerusalema yo mosha a fologa mo legodimong go tswa kwa Modimong, a baakantswe jaaka monyadiwa a kgabiseditswe monna wa gagwe.³Ka utlwa lentswe le legolo le tswa mo setilong sa bogosi, "Bona! Boago jwa Modimo bo mo bathong, mme o tla a nna le bone. Ba tla a nna batho ba one, mme Modimo ka sebele o tla a nna le bone, a nna Modimo wa bone. ⁴O tla a phimola dikeledi tsotlhe matlhong a bone, mme ga go kitla go nna le loso, bohutsana, selelo le fa ele botlhoko.Dilo tsa bogologolo di fetile.⁵Yo o ntseng mo setilong sa bogosi a re, "Bona! Ke dira dilo tsotlhe disha." A re, ''Kwala se ka gore mafoko a a boikanyego ebile a boammaruri. ⁶"A nthaya a re, "Dilo tse di diragetse! Ke nna Alefa le Omega, tshimologo le bokhutlo. Yo o nyorilweng ke tla a mo nosa mahala go tswa motsweding wa metsi a botshelo.⁷Yo o fenyang o tla a rua dilo tse, mme ke tla a nna Modimo wa gagwe, ene o tla a nna morwaake. ⁸Mme ka ga magatlapa, ba ba senang tumelo, ba ba dirang dilo tse di maswe, babolai, ba boaka, baloi, badiredi ba medimo ya disetwa le baaki, phelelo ya bone ke letsha le le tukang ka salefa. Le ke lone leso la bobedi."⁹Mongwe wa baegele ba ba supa (7) a tla fa go nna, yo o tshotseng megopo e e supa ya dipetso tsa bofelo tse supa, mme a re, ''Tlaya fa. Ke tla a go bontsha monyadiwa, mosadi wa ga Kwana. ¹⁰"Mme a ntsaya mo moweng, a nkisa kwa godimo ga thaba e e kwa godimo thata, mme a mpontsha motse o o boitshepo e leng Jerusalema, o fologa mo legodimong o tswa kwa Modimong.¹¹Jerusalema a bo a tletse kgalalelo ya Modimo, go phatsima ga one ga bo go tshwana le mekgabisa e e tlhwatlhwa kgolo, jaaka letlapa le le galaleng la jasepare. ¹²O na le lebota le le kwa godimo le dikgoro tse lesome le bobedi (12), le baengele ba le lesome le bobedi (12) mo dikgorong. Mo dikgorong ga bo go kwadilwe maina a ditshaba tse di lesome le bobedi (12) tsa bana ba Iseraele. ¹³Mo botlhaba go ne go le dikgoro tse tharo (3), kwa bokone go le tse tharo (3), borwa go le tse tharo (3), le kwa bophirima go le tse tharo (3).¹⁴Lobota la toropo la bo le na le metheo e le lesome le bobedi (12), mme mo go yone ga bo go na le maina a baaposetolo ba Kwana ba lesome le bobedi (12). ¹⁵Yo o neng a bua le nna o ne a tshotse thobane ya selekanyo e dirilwe ka gouta go lekanya toropo, dikgoro tsa yone le lebota la yone.¹⁶Toropo ya bo e agilwe e lekana matlhakore otlhe, boleele jwa yone le bophara di bo di lekana. A lekanya toropo ka thobane e e lekanyang, ya fitlhelwa e le distadia di le dikete di le lesome le bobedi (12000), (ka boleele, bophara, le bogodimo bo lekana). ¹⁷A lekanya le lebota la yone, lwa fitlhelwa le le bokima ba mabogo ale lekgolo le masome a mane le bone (144) ka selekanyo sa motho se eleng gape selekanyo sa moengele.¹⁸Lebota lene le agilwe ka jasepa mme toropo yone ka gouta, e galalela jaaka galase. ¹⁹Motheo wa toropo one o kgabisitswe ka mehuta yotlhe ya matlhapa aa tlhotlwa kgolo. La ntlha ele jasepa, la bobedi ele saphere, la borarro ele agate, la bone ele emeralete, ²⁰la botlhano e le onese, la borataro ele kaneleane, la bosupa ele keresolete, la boferabobedi ele berele, la boferera bongwe ele tofase, la lesome ele keresofase, la lesome le bongwe ele jasethe, la lebosome le bobedi ele amethesete.²¹Kgoro tse di lesome le bobedi ene ele diphele dile lesome le bobedi, ngwe le ngwe ya kgoro edirilwe ka phele ele nngwe fela. Mebila ya toropo ene e dirilwe ka gouta ee feletseng, jaaka galase ee phatsimang. ²²Ka seka ka bona tempele epe mo toropong, gonne Morena Modimo mothata yotlhe le Kwana ke tempele ya yone.²³Toropo ene esa tlhoke letsatsi, kana ngwedi go e phatsimela ka gore kgalalelo ya Modimo ene e phatsima mogo yone, mme lebone la yone ke Kwana. ²⁴Ditshaba ditla tsamaa mo leseding la toropo eo. Dikgosi tsa lefatshe ditla tlisa mahumo a tsone mo go yone, ²⁵Dikgoro tsa yone ga di kake tsa tswalwa motshegare, mme gago kake ga nna bosigo teng.²⁶Batla tlisa mahumo le tlotla ya ditshaba mo go yone, ²⁷mme ga go kitla go nna sepe sese itshekologileng se se ka kitlang se tsena mo go yone. Kana go tsena ope fela yo o dirang se se tlhabisang ditlhong kgotsa sa tsietso, fa ese bape fela ba maina a bone a kwadilweng mo Bukeng ya Kwana ya Botshelo.

22¹Foo, moengele a mpontsha noka ya metsi a botshelo, a bonala jaaka galase. E ne e elela go tswa mo setilong sa bogosi sa Modimo le Kwana ²e ralala mmila wa toropo. Mo thoko ga noka eo ga bo go le setlhare sa botshelo, se ungwa maungo a farologaneng a le lesome le bobedi, mme se ungwa maungo a farologanyeng kgwedi le kgwedi. Matlhare a setlhare se ke a phodiso ya ditshaba.³Ga go ka ke ga tlhola go nna le phutso. Setilo sa bogosi sa Modimo le Kwana se tla nna mo toropong, mme batlhanka ba gagwe ba tla mo direla. ⁴Ba tla bona sefatlhego sa gagwe, ebile leina la gagwe le tla kwalwa mo diphatleng tsa bone. ⁵Ga go kitla go nna le bosigo; ga ba ka ke ba tlhoka lesedi la lebone kgotsa letsatsi ka gore Morena Modimo o tla ba phatsimela. Ba tla busa ka bosakhutleng.⁶Moengela a nthaya a re, "Mafoko a, a tshephagala gape a boammaruri. Morena, Modimo wa mewa ya baporofeti, o romile moengele wa gagwe go bontsha batlhanka ba gagwe dilo tse di tla tlogang di diragala." ⁷"Bona! Ke etla ka bonako! Go segofetse yo o utlwang a bo a dirafatsa mafoko a seporofito sa buka e."⁸Nna Johane, ke nna yo ke utlwileng ka bo ke bona dilo tse. E rile ke di utlwa a bo ke di bona, ka rapama fa dinaong tsa moengele yo o neng a mpontsha dilo tse go mo obamela. ⁹A nthaya a re, "Se dire jalo! Ke motlhanka ka wena, le bo morwarraago baporofeti, ga mmogo le bao ba ba obamelang mafoko a buka e. Obamela Modimo!"¹⁰A nthaya a re, "se kanele mafoko a seporofito sa buka e, gonne nako e gaufi. ¹¹A yo itshekologileng, a tswelele a itshekologile. A yo maitsholo a makgapha, a tswelele ka maitsholo a makgapha. Yo o tshiamo, a tswelele a le tshiamo. A yo boitshepo, a tswelele a le boitshepo."¹²"Bonang! Ke gaufi le go tla. Ke tla ke tshotse tuelo yame, go duela mongwe le mongwe go yeng ka fa a dirileng ka teng. ¹³Ke nna alefa le omega, wa ntlha le wa bofelo, tshimologo le phelelo."¹⁴Go segofetse bao ba ba tla tlhatswang diaparo tsa bone tse di telele gore ba tle ba nne le tshiamelo ya go ja go tswa mo setlhareng sa botshelo le go tsena ka dikgoro tsa toropo. ¹⁵Kwa ntle go na le dintsa, baloi, baakafadi, babolai, ba ba obamelang medimo ya disetwa, le mongwe le mongwe yo o ratang a bo a dira maaka.¹⁶"Nna Jeso, ke romile moengele wame go pakela diphuthego ka ga dilo tse. Ke modi le kokomane ya ga Tafite, naledi e phatsimang ya moso."¹⁷Mowa wa Modimo le Monyadi ba re, "Tlaya!" A yo o utlwang a re, "Tlaya!" A yo o nyorileng, a tle, le ope yo o eletsang, a nwe metsi a botshelo mahala.¹⁸Ke pakela mongwe le mongwe yo o utlwang mafoko a seporofito sa buka ena: fa mongwe a ka a oketsa , Modimo o tla mo okeletsa dipetso tse di kwadilweng mo bukeng e. ¹⁹Fa mongwe a ka ntsha mafoko a seporofito sa buka e, Modimo o tla tlosa karolo ya gagwe mo setlhareng sa botshelo le mo toropong e boitshepo tse go kwadilweng ka tsone mo bukeng e.²⁰Ene yo o pakang ka ga dilo tse a re, "Ee! ke etla ka bonako." Amen! Tlaya, Morena Jeso! ²¹A tshegofatso ya Morena wa rona Jeso e nne le mongwe le mongwe. Amen.

Formatted for Translators

Genesise

Ekesodo

Baatlhodi

1 Samuele

2 Samuele

Dikgosi wa ntlha

Taniele

Hosia

Obadia

Hagae

Malaki

Mathaeo

Mareko

Luke

Johane

Ditiro

Baroma

1 Bakuranta

2 Bakorinta

Bagalatia

Baefeso

Bafilipo

Bakolosa

1 Batheselonika

2 Batheselonika

2 Timotheo

Tito

Filimone

Bahebera

Jakobe

1 Petere 1

2 Petere

1 Johane

2 Johane

3 Johane

Tshenolo