Bible

Mateghusi

1¹Mbapira dhaJesusi Kristusi, mwana David, mwana Abraham. ²Abraham ghakarire wiha Isaki, naIsaki wiha Jakobusi, naJakobusi wiha Judasi nawakurwendi. ³Judasi wiha Perzi na Zerah paTamar, Perezi wiha Hezron, naHezron wiha Ram.⁴Ram ghakarire wiha Amminadab, Amminadab wiha Nahshon, naNahshon wiha Solomoni. ⁵Salomoni ghakarire wiha Boaz paRahab, Boaz wiha Obed paRuth, Obed wiha Jesse. ⁶Jesse ghakarire wiha Davita gho Fumu, Davita wiha Solomon pamunuwendi Uriah.⁷Salomoni ghakarire wiha Rehoboam, Rehoboam wiha Abijah, Abijah wiha Asa. ⁸Asa ghakarire wiha Jehoshaphat, Jehoshaphat wiha Joram, na Joram tukuru twaUzziah.⁹Uzziah ghakarire wiha Jotham, Jothamwiha Ahaz, Ahaz wiha Hezekiah. ¹⁰Hezekiah ghakarire wiha Manasseh, Manasseh wiha Amon, naAmon wiha Josiah. ¹¹Josiah tukuru twaJechoniah no hakurwendi paruvedhe ru hawatwarire ku Babiloni.¹²Kunyima dho kuwatuma kuBabiloni, Jechonia ghakarire wiha Shealtiel tukuru twaZerubbabel. ¹³Zerubbabel ghakarire wiha Abiud, Abiud wiha Eliakim, Eliakim wiha Azor. ¹⁴Azor ghakarire wiha ZZadok, Zadok wiha Achim, Achim wiha Eliud.¹⁵Eliud ghakarire wiha Eleazar, Eleazar wiha Matthan, Matthan wiha Jakobusi. ¹⁶Jacobusi ghakarire wiha Josef muna Maria, oyu gharetire Jesusi, oyu hetha eshi Kristusi. ¹⁷Muhoko ghoghuhe kutunda kwaAbraham kate kwa Davita hakarire dikumi nohane, kutunda kwaDavita kate kumatumene ku Babiloni muhoko dikumi nodhine, no kutunda matumeno kuBabiloni kwaKristusi dhimuhoko dikumi nodhine.¹⁸Mwerekero waJesusi Kristusi wahokokire mundhira dhino. Nyina, Maria, ghamwandekere Josef, ene kughutho ghokwiya pofotji, hamuwanine ye ne mudira kwaMupepo gho Kupongoka. ¹⁹Ene Josef, munuwendi, ghakarire katughuru ghomuhungami, no kadi ghashanine kumushwahura kughutho wahanu, podiyo ghamuthighire muthipore.²⁰Apa ghaghayarire yinu yi, mu engeli waNyambi ghamonekire kukwendi muyirota, nokughamba,''Joseph mwana Davita, wayapa mukushimba Maria ghakare didhiko dyoye, yoyishi oyu ghakushuruka mumwendi kuna kumureta mwaMupepo gho Kupongoka. ²¹Nanyi ghakwereke mukafumu, no nanyi mwakumwithe eshi Jesusi, aye nanyi ghakukunge hanu wendi kumaharwero ghawo.²²Yinu yi yoyihe yahokokire mukukumithamo yi ghaghambire Fumu kupitera mwawaporofeta., ghughamba, ²³Mutaterere, mukamad yu ghadhira kurara namukafumu nanyi ghakureme no kureta munafumu, no nanyi hakumwithe eshe Immanuel''-edi hatoroka eshi,''Nyambi netu.''²⁴Josef ghapindukire muyirara no ghatendire thikadi hamurawere ha engeli waFumu, noghamushimbire ghakare didhiko dyendi. ²⁵Ene kadi ghamudimukire kate ghawanine mukafumu. Podigho ghamutire eshi yodighe Jesusi.

2¹Apa hamushamurukire Jesusi mu Betelehema waJudeya mumayuwa gha Herodesi gho fumu,hanakumine hakafumu hokudiva muJerusalema ghughamba, ²''Kupighadi oyu hana wana Fumu wawaJews? Tuna mono ditungwedhi dyendi mudiva no tuneya mukuna mutumera ye.'' ³Apa ghayiyuvire fumu Herodesi yi, ghapatire, nowahe hakaJerusalema nendi.⁴Herodesi ghethire mafumughana ghomahe no mathimbi ghawanu, no ghawepurire, ''Kupi hakumushamurukera?'' ⁵Haghambire kukwendi,'' MuBetelehema wa Judeya, eyi yodigho hatjangire haporofeta, ⁶'ene we, Betelehema, waJudeya, mumuve wawa Judah, kadi pohahura hapiterithi waJudah, kutunda kukoye nanyi ghakwiye mupiterithi oyu ghakukunga ghanu wange homu Israeli.''⁷Ndani Herodesi mughudhindo ghethire hakafumu ghawepure eshi ruvedhe munye dina moneka ditungwedhi. ⁸Ghawatumine kuBetelehema, muyende, ''Muyende no kashana thiwana mwanuke ghomumbiru. Apa shomukamuwane, mukaniretere mbudhi podigho niye no kuna mutumera ye.''⁹Apa hamanine kuyuva fumu, ghayendire mundhira, ditungwedhi di hamonine mudiva dyayendire paghutho dhagho no kemana paghakarire mwanuke yu. ¹⁰Apa hamonine ditungwedhi, hahafire nothiyaghudhi.¹¹Hengenine mundhugho no hamonine mwanuke yu naMaria gho nyina. Hawire no kumukugha. Hayandhure thimbangu no hamupire shushwi gho ngorondo. ¹²Nyambi ghatongwere muyirota eshi kadi hahuke kwaHerodesi, hatundire no kuyenda kuditunga dimweya mundhira dhimweya.¹³Kunyima dhokufunguruka, mu engeli waNyambi ghamonekire kwaJosef muyirota noghaghambire,''Wimane, shimbe mwanuke na nyina, mutjirere kuEgypt. Mwakakare koko kate nakumutongwere, Herodesi nanyi ghakumushane mwanuke mukumupagha.'' ¹⁴Ghuthiku ghuya Josef gha pindukire no kushimba mwanuke nanyina nokuyenda kuEgypt. ¹⁵Hakakrire koko kate ghafire Herodesi. Eyi yayarithire eyi gha ghambire Fumu kupitera mwamuporofeta,''Kushwagha mu Egypt netha mwanange.''¹⁶Herodesi, apa gha monine eshi kuna kumuheka kwahatutughuru wahakuhonga, ghapatire thikuma. Ghatumine nokupagha hatutughuro ghohanuke awa hakarire muBetelehema no mumikunda dhodhihe awa hakarire myaka dhiwadi kughurumutha, kukutha kunako dhi ghaturirepo ghakonine mwawakafumu wahakuhonga.¹⁷Hayikumithirepo eyi yapwire kughamba kupitera mwamuporofeta Jeremiya, ¹⁸''diywi hadiyuvire mu Ramah, kuna kudira no kudira komwene, Rachel ghadirire kohanendi, noghashwenine kumuhengaghura, yoyishi awo ne kadipo.''¹⁹Apa ghafire Herodes, kutaterera, muengeli wa Fumu ghamonekire kwa Jodeph muyirota muEgypt no ghaghambire,'' ²⁰Wimane no shimbe mwanuke na nyina yende mumuve waIsrael, kwagho wa hamonine eshi moyo wamwanuke ne wafa.'' ²¹Josef ghemanine, ghashimbire mwanuke na nyina, no gheyire mumuve wa Israel.²²Ene apa ghayuvire eshi Archelaus yoghana kuraghura Judeya mudyango dyawihe Herodesi, ghayapire kuyenda ko. Apa ghamanine kushweneka Nyambi muyirota, ghayendire kuGalileya ²³no ghayendire kudoropa dhodhikuru edhi hanakutoya eshi Nazareth. Eyi yakumithiremo eyi ghaghambire kupitera mwawaporofeta, eshi no hakumwithe eshi aye ne Nazarene.

3¹Mogho mayuwa Johanesi gho mukadiyoghero gheyire ghuyaghura mumukunda wa Judeya ghughamba , ²''Mupiruke, ghufumu ghodiwiru ne pepighudi.'' ³Poyi ne yoyu ghaghambire muporofeta Isaya, ghughamba, ''Diywi dyofotji kuna kwitha wahe, 'muroghithe ndhira dhaFumu, mutendemayira ghendi ghaghororoke.'''⁴Johanesi ghavatire yitere yoghuhuki gho ngameno no muya gho thikova mumbunda dhendi. Yidya yendi yakarire mapandangongo no wiki ghomumuthitu. ⁵Jerusalema, Judeya ghomuhe, no mikunda dhodhihe dhakundurukedha rware rwaJordan hayendire kukwendi. ⁶Ghawayoghire murware rwaJordan, mukutongonona maharwero.⁷Ene apa ghamonine haFarasayi na Sadducees kuna kwaiya kukwendi kudiyoghero, ghaghambire kukwagho, '''Amwe mwahana wayiyoka, yidye ghamutongwera mukutjira mughukukutu ghughuna kwiya? ⁸Mwime mbuyo dho mapirukero. ⁹Mwaghayara mughamba mukatji kenu mwathinda,'Twakara na Abraham gho wihetu.' Kona kumutongwera eshi Nyambi ne kukona kupindutha hana Abraham ngambi kutunda mogha mawe.¹⁰Popo kare dikuva hana diyeyi kare kumudhighoyitondo. Podigho kehe thitondo thokudhira kureta mbuyo dhodhiwa hana kuthiteta nokuthivukumena mumudiro. ¹¹Nakumuyogha no meyupodigho eshi mupiruke. Ene yu gheya kupita me ne ghapitakana me, no kadiko mudyo me gho kukona kukwaterera yisandari yendi. Nanyi ghamuyoghe ye no mupepo gho kupongoka no mudiro. ¹²Hanu wendi ne munyara dhendi no mukukenitha pamuve no mukukongwedha mavumbukiro mukashete. Ene nanyi ghakutumekere kehe yino hakudhira kuturamo.''¹³Jesusi gheyire kutundera muGalileya kutamba kurware rwaJordan ghakamuyoghe Johanesi. ¹⁴Ene Johanesi ghakondjire kumushweneka, ghaghambire, ''Nahimi ghuniyoghe yowe, ene ghoghuneya kukwange?'' ¹⁵Jesusi ghamuhuthire no ghaghambire kukwendi,''Yitawedhere popano, yarogha mukuyaritha ghuhunga ghoghuhe.'' NaJohanesi ghamutawedhere.¹⁶Apa ghamanine kumuyogha, Jesusi ghatundire mumeyu popo, noghemanine, diwiru dyayandhurukire kukwendi. Ghamonine mupepo waNyambi kuna kushughumuka yira dikutji nokuna turumuthera papendi. ¹⁷wimane, diywi dyashwaghire mudiwiru ghughamba,''Oyune Mwanange ghoruhakitho. Nahafa nendi.''

4¹Jesusi wamurughanithire mupepo ghokupongoka mumuthiku mukumuyereka shadipinyi. ²Apa ghadhirerekedhe mayuwa makumi mane no maghuthiku makumi mane, noghafire ndhara. ³Mushedhi gheyire noghamuningire eshi,'' Ngeshi gho mwana Nyambi, ninge gha mawe ghakuthitunuke ghuroto.'' ⁴Jesusi ghamuhuthire eshi,''Yapwa kutjanga,'Munu mbadi ghakona kupara paghuroto pithapo, ene mukehe nando dhakutunda mukanwa kaNyambi.''⁵Shadipinyi ghamutwarire kudoropa dhodhiwa dhokupongoka no ghamuturire kuwiru dho tempeli, ⁶noghamutongwere eshi,''Ngeshi ghomwana Nyambi, reghe, yapwa kutjanga, 'Nanyi ghaninge ha engeli wendi hakughamwene,'Nanyi hakuyeyure nomoko ghawo, podigho eshi maghana ghukakupumura dighuru dyoye padiwe.''''⁷Jesusi ghaghambire kukwendi,''Hayitjanga karo,'Mbadi wakona kuyereka Fumu Nyambi ghoye.''' ⁸Karo, shadipinyighamutwarire kudirundu dyodire no kumuneghedha ghushi ghopakaye nomangcamu. ⁹Ghamutongwere,'' Yoyihe yi yinu nanyi nikupe, ngeshi ghuwe no kunitumera me.''¹⁰Jesusi ghaghambire kukwendi,''Tunde popano, shadipinyi! Eyi hayitjanga,''Nanyi mwakurapeprere Fumu Nyambi, no nanyi wakurughanene ngenyi yodiye.'' ¹¹Shadipinyi popo ghamuthighire, no ghemanine, haengeli heyire no hamughamwene.¹²Apa ghayuvire Jesusieshi Johanesi hana mukwata, ghashwenine kuGakileya. ¹³Ghatundire muNazareth noghayendire no katunga muCapernaum, pepi no dikuruviya dyaGalileya mudimbo dyaZebulun na Naphtali.¹⁴Eyi yohokokire mukukumithamo eyi ghaghambire muporofeta Isaya, ¹⁵'' Muve waZebulun no muve waNaphtali, kutamba kudikuruviya, kupitakana Jordan, Galileya wa Gentiles!'' ¹⁶Hanu wahahungumane mudikokore hana mono thishe thothikuru, no kowa hahungumana mumukunda no mumudhidhimbi gho yifa, papagho munyenge ghuna munekera.¹⁷Kutunda paya Jesusi ghatangire kuyaghura no kughamba, ''Mupiruke. ghufumu ghodiwiru ne pepi ghudi.''¹⁸Thikadi ye pakuyenda kumbadi dhodikuruviya dyaGalileya, ghamonine hakaghukurwa hawadi,Simoni oyu hetha ishi Peter, na Andrew gho mukurwendi, kuna kuteya dikwe mudikuruviya, awo hakarire hateyi thi. ¹⁹Jesusi ghaghambire kukwagho, ''Mwiye, munikuthe, no nanyi ni mutende mwaroveri wawatutughuru.'' ²⁰Popo vene hathighire no hamukuthire.²¹Apa ghatundirepo Jesusi ghamonine hakaghurwa hawadi, James mwana Zebedee, na Jahanesi gho wihe. Hakarire muwato na Zebedee wihagho pakuroghithanga makwe. Ghawethire, ²²popo hatundire muwato nawihagho no hamukuthire.²³Jesusi ghayendire muGalileya ghomuhe, ghuhona masinagoge, kuyaghura nando dhoghufumu, kwirukitha kehe dino dihamba endi yikorwa mukatji kawanu. ²⁴Mbudhi dhi dhayeranine muSyria, no hanu haretire hanu hokukorwa kukwendi no mahambo ghokukutjakatjaka no tji, awa hakarire no mupepodhodhimango, hapwereredhi no hakakukara mudyango. Jesusi ghawerurire. ²⁵Mbunga dhodhikuru dhamukuthire kutunda muGalileya, ha Decapolis, Jerusalema, naJudeya, noho kuthambodiya dhaJordan.

5¹Apa ghamonine Jesusi mbunga, ghayendire kuwiru dhomarundu. Apa ghakahungumane, hakathishongero wendiheyire kukwendi. ²Ghayandhure kanwa kendi no ghawahongire, ghughamba, ³'''Awa hatungeka ne waya hakara nomupepo ghoghupu, yagho neghufumu ghodiwiru. ⁴Hatungeki ne waya hana kudira, awo hana kuwaporeritha.⁵Hatungeki ne hayero, awo nanyi hakupinge kaye. ⁶Hatungeki ne awa hakufa ndhara no dinota paghuhunga, awo nanyi ghakuwayarithe. ⁷Awa hatungeka ne ho thinyeke, nanyi hakuwane thinyeke. ⁸Awa hatungeka ne awa hakara ghushemwa mumutjima, nanyi hakumone Nyambi.⁹Awa hatungeka ne hakathiraro, awo nanyi hakuwethe esho hana Nyambi. ¹⁰Awa hatungeka ne awa hapangura pamurandu ghoghushemwa, ghufumu ghodiwiru ne wagho.¹¹Awa hatungeka ne amwe hokumutuka hanu no kumupangura no kughamba yinu yoyimango kukwenu mughumbango pamurandu wange. ¹²Muhafe no kutanara, yiwana yene ne yikuru mudiwiru. Mundhira dhodhi hanu hapangure haporofeta awa hatungire kughutho wenu.¹³''Yowe ghomungwa gho kaye. Ene ngeshi mungwa ghunapu ghutowi wagho, ngepiedighokughuninga ghukare ghutowi karo? Kadiyiwa karo thiwana kupiterera kayivukuma podiyo eshi hayidjate djate hanu nomapadhi. ¹⁴Yamwe mwaramba gho kaye. Doropa dhodhikuru dhi hatura pawiru dhodirundu mbadi wakudhondeka.¹⁵Yirangeshi hanu ghahamuneka munyenge no kughutura kwishi dho thikote, ene paghemananga ramba, no podigho ghana kusheghenyena keheyuno munu mundhugho. ¹⁶Ninge thishe thoghe thimunekere hanu mundhira dhokumona yirughana yoye yoyiwa notumere Wiho gho mudiwiru.¹⁷Mwaghayara eshi ame neya mukunahanyaghura muragho endi haporofita. Kadi neya mukunawaharanganya, ene mukuna wayaritha. ¹⁸Ghushemwa nakumutongwera kate diwiru no kaye yakupite, kadiko yu hatjanga endi oyu gha kupita kumuragho, kate yoyihe twakuyikumithemo.¹⁹Podigho kehe yunoghana kutjora muragho ngambi ghofotji no kuhonga hamwe harughane kemo nanyi hakuwethe kughuhura ghoghufumu gho diwiru. Ene kehe yu gho kughutura no kughuhonga nanyi ghakumwithe thikuma kughufumu gho diwiru. ²⁰Podigho nakumutongwera eshi shimengwa ghuhunga wenu ghupitakane ghuhunga wawafarasayi, nanyi mbo mukakare eshi mbadimuna kangena mughufumu gho diwiru.²¹''Mwayuva eshi ghayiwatngwere mumayugha ghotukuru,'Wapagha,' ndani,'Kehe yuno gho kupagha nanyi ghakukare mughukukutu patheko.' ²²Ene nakumutongwera eshi kehe yunoghokupata namukurwendi nanyi ghakukare mughukukutu patheko; ndani nokehe yu ghokughamba kwamukurwendi,'Owe kadiko mudyo!' nanyi ghakukare mughukukutu mbunga;ndani keheyu ghokughamba,'Owe thiporoporo! nanyi ghakukare mughukukutu mumudiro ghoyinyanda.²³Podigho ngeshi kuna katapa yitapera no kuya vuruke eshi mukuroghe kadighadi notokotoko kehedhino noye, ²⁴thiye yitapea yoye kughutho, noyende mundhira dhoye. Pakutanga mukuthiyerere namukuroghe, no wiye notape yitapera yoye.²⁵Tawe noyu ghakukurundera wangu oku poghadi oku kuna kuyenda kumatheko,endi murunderi ghana kakutapa kwa muheti, namuheti ghana kakutapa kwawamaporitha, no kakuvukumena mudorongo. ²⁶Ghushemwa nakumutongwera, kadi wakashwagha mo kate wakatape masherenyi ghokuhurera awa wakorota.²⁷''Mwayiyuva eshi hayighamba,'Mwa hondera.' ²⁸Ene nakumutongwera eshi keheyu ghokukenga mbuyama kate kumurumbera ne ghana hondera nendi kate mumutjima.²⁹Ngeshi dihodyoye dyorudyo dina kuningitha ghukumbwande, ditjokoremo no divukume dikushwaghe. Yarogha eshi thipo thoye thofotji thipirepo payiramayoye kadipofotji noyiramayoyihe yiyongare ndani yakayende muyinyanda. ³⁰Ngeshi dyoko dyoye dyorudyo dina kuningitha ghuharure, diteteko nodivukume. Yarogha kukoye eshi thipo thofotji thipire payiramayoye kadishi shi yirama yoyihe yakayende murunyando.³¹Hayighambire,'Kehe yu ghokutjidha munuwendi, muninge ghamupe mbapira dho kukushwena.' ³²Ene kehe yu ghokushwena munuwendi,kutundithako yokukara panyama,kutenditha ye muhonderi. Keheyuno gho kumuyeka kunyima dhokumumwagha ghana hondera.³³Karo, mwayiyuvire karo eshi ghayighambire kwatukuru wetu,'Wangereka, ene shimbe ghushemwa ghoye kwaFumu.' ³⁴Ene nakumutongwera, mwatuka kehe pano, ngmbi kudiwiru, yoyishi thothihungumana thaNyambi; ³⁵endi kaye,atho ne thothidjatero tho mapadhighendi; endi mu Jerusalema, edhi dhodoropa dhodhikuru dhaFumu ghomukuru.³⁶Endi kutuka mumutwi, kadiwakukona ghutendekahuki kofotji ghukenu endi wiru. ³⁷Ene yighamba yoye yikare'Yi,yi endi'Ka,ka.' Keheyino yokupitakana pa ne yoyinyanda.³⁸Mwayiyuva eshi hayighamba,' Diho wadiho, no diyego wa diyegho.' ³⁹Ene nakumutongwera,mwashwena yu ghomuyi. Ene, kehe yu ghokukupumura kuditama dyorudyo, mupe karo dimweya.⁴⁰Ngeshi ghumwa ghakushanena kuyenda kutheko noye no kukushwayitha ndjakit ghoye, tawedhere munu yo ghashimbe viri dhoye. ⁴¹Kehe yuno ghokukurawera ghuyende thinema thothire, muyende mwawadi. ⁴²Mutape kwakeheyu ghakumwipura, mwapamughongo keheyuno ghanashana kumuromba kukwenu.⁴³Mwayiyuva eyi haghambire,'Hake hakamaparaghumbo no nyenge hanyathi ghoye.' ⁴⁴Ene nakumutongwera, hake hanyathighoye no raperere awa hakunyenga, ⁴⁵podigho ghukare gho mwana Wiho gho mudiwiru. Aye kutenda diyuwa disheghenye paghumango no ghuwa, kutuma mvura kowa hashana nowa hadhira kumushana.⁴⁶Ngeshi haghuhaka awa hakuhaka, yipi yokuwana po? Ngambi hakakushimba mukudi kukona kutenda kemo ndi? ⁴⁷Ngeshi haghumorora ngenyu haminoye, yipi wakutenda kupitakana hamweya? Ngambi ha Gentiles kutenda kemo ndi? ⁴⁸Podigho wakona kurogha,thika Wiho gho mudiwiru gharogha.

6¹Shimbe thitunde mukughayara eshi kadiwakutenda yoyihe yoyiwa kughutho wahanu podigho eshihakumone, podigho kadi wakuwana ndjambi kutunda kwa Wiho oyu ghakara mudiwiru. ²Pakutapa thidimukitho, kadikuyogheteritha rumbendo kughutho ghoye ghothinda thikadi hayitendanga mu sinagoge no mumandhira,podigho hamutumere hanu. Ghushemwa nakughamba kukwenu, hawanine ndjambi.³Ene pakushiya rumbendo, watawedhera dyoko dyoye dyo rumoho didimuke eshi nyedyakurughana dyoko dyorudyo ⁴podigho eshi yitapera hayitape mughudhindo. Podigho Wiho yu ghamonanga yoghudhindo ghakukufute.⁵Pakuraperera,mwakara yira haharuri, hahaka kwimana no kuraperera musinagoge no mumayira podigho hawamone hanu. Ghushemwa nakumutongwera, hawana yitundamo yagho. ⁶Ene mwe, pakuraperera, mungene mwishi. Muyandhere mathero nomuraperere kwaWihenu, oyu ghakara mughudhindo. Podigho Wiiho yu ghamonanga mughudhindo ghakupe. ⁷Pakuraperera, mwatenda yinu yokupira mudyo yokuhukuruka yira haGentiles, awo kughayara eshi nanyi ghawayuve pamurandu ghomando ghomengi.⁸Podigho, kadi mukare yira wo, podigho Wiho ghadimuka yinu wanyanda kughutho gho kumuromba. ⁹Podigho murapere ngeno: 'Wihetu gho mudiwiru, difumane dina dyoye. ¹⁰Ghufumu ghoye wiye. Mahimeno ghoye ghatende pano pamuve yira mudiwiru.¹¹Tupe yidya yetu yokehe diyuwa. ¹²Tuthigherere murandu dhetu,thika kenge twathigherera wahatuharwera. ¹³Watwingeneka mumayerekero, ene tukomone kughumango.'¹⁴Ngeshi hatuthigherera wahatuharwera, wihetu gho ghomudiwiru ghawathigherere. ¹⁵Ene ngeshi ngeshi kadi twakuthigherera wahatuharwera, na Wihenu kadi ghakuwa thigherera.¹⁶''Pakudhirerekedha, mwakudhekera yira hahayidena, awo kukutjindja marupara ghawo podigho hamoneke yira kuna kudhirerekedha. Ghushemwa nakumutongwera, hawanine ndjambi dhagho. ¹⁷Ene mwe, pakudhirerekedha, muwethere mutwi dhenu no muyoye marupara ghenu ¹⁸podigho eshi kadi mumoneke kwahanu eshi komwa kudhirerekedha, ene kwa Wihenu gho mughudhindo; na Wihenu gho kumona mughudhindo nanyi ghamufute.¹⁹Kadi mukupungwere yiwana yokaye papenu, tuwiwi no thetembwe kuyipitha, kodiyo hedhi hatjoranga no kwidha. ²⁰Ene, mukupungwere ghushwi gho diwiru, kadiko kawiwi no thitembe tho kuyipitha, hedhi mbadi wakutjora no kwidha. ²¹Kodiyo wakara ghushwi wenu, no mutjima ghoye kodiyo.²²Diho ne yoramba ghoyiramma. Podigho, ngeshi diho dyoye diwa,yirama yoyihe yinakukara no thishe. ²³Ngeshi diho dyoye kadi diwa,yirama yoye yina kukara mudikokore. Podigho, ngeshi thishe ethi thidi mumoye no dikokore, ngepi ghukuru gho dikokore di! ²⁴Kadiko ghokurughanena hafumu hawadi, nanyi ghakunyenge ghofotji no kuhaka ghumweya,endi nanyi ghakutokomene kwayofotji no shwena ghumwe. Mbadi wakukona kurughanena Nyambi no ghushwi.²⁵Podiyo nakumutngwera, mwakudhekera kuyipara, yipi yi mwakudya endi yipi sho munwe; endi yokuhatera kuyirama, yipi shovate. Podiyo eshi yipara kadiyapitera yidya, noyidya kupiterera yitere? ²⁶Mukenge yinyunyi mumupepo. Kadi yakuna endi kupokora endi kupungura, ene Wihenu gho mudiwiru kuwaditha. Kadi mwakara mudyo kupiterera yo ndi?²⁷Yidye gho papenu gho kupata no kukona kuwedherera kuyipara yendi? ²⁸Nye mwakukudhekera yokuhatera kuyivata? Ghayare yoyimbiru mumapya, ngepi di yakuranga. Kadi yarughana, kadi yatenda yitere. ²⁹Pona kumutongwera mwe, ngambi Solomoni mumangcamu ghendi ghomahe kadi hamuvatekire yirakengeyi.³⁰Ngeshi Nyambi kuvateka muhonyi mumapya,eyi yakupara pano dyarero no peghundha kukona kuyivukumena mumudiro,ngepi rorwingi edi ghakukuvateka, kwenu mweghomatawero gho mapu? ³¹Podigho mwakudhekera no kughamba,' Nye sho mudye?' endi 'Nye sho munwe?' endi 'Nye shotuvate?'³²Kwawa Gentiles kushana yinu yi, na Wihenu gho mudiwiru ghayidimuka eshi mwanyanda yinu yi. ³³Ene mushane ghufumuwendi noghuhungami, noyoyihe yi nanyi ghayimupe. ³⁴Podigho, mwakudhekera yopeghundha, yopeghundha nanyi yakukudhekere yathinda. Kehe diyuwa dyakara noghukukutu wadyo.

7¹Mwaheta,podiyo kadi hakukuheta. ²Mukuhetamu waheta, nanyi hakukuhete, no yimetithayi wametitha, nanyi hakuyikumetithe nowe.³Ngepi di shomone kapara kokambiri mudiho dyamukuroghe, ene kadi wakudimuka ethi thidi mudiho dyoye? ⁴Ngepi di shoghambe kwamukuroghe,'Nitawedhere ni kutundithe kaparwa mudiho dyoye,' ene thipara ne mudiho dyoye thidi? ⁵Gho muhayidena! Pakutanga wakona kukushwayitha kapara mudiho dyoye, podigho ghuna kumona thiwana nokutunditha kaparwa mudiho dyamukurwendi.⁶Kadi wakona kutapa eyi yapongoka kumbwa,mbadiwakona kuvukuma makunde kumakwi. Kukona haghadjatadjate nomapadhi, nokukupiruka no kukudjadjaghura muyipindhi.⁷''Murombe,no nanyi ghakuyimupe. Shane, no nanyi wakuyiwnane. ⁸Ngongone, nanyi hakukuyandhwere. Kehe yuno gho kuromba, kuwana; kehe yu ghokushana,kuwana; no kwamunugho kungongona, nanyi hakumuyandhwere. ⁹Ene yupi po pawe, ngeshi mwanoye harombo ghuroto, kumupa diwe? ¹⁰Endi ngeshi harombo thi, kumupa thiyoka?¹¹Podigho, ngeshi kukwenu mwe mwayi mudimuke kutapa yoyiwa kwawanenu, yingatji Wihenu gho mudiwiru ghakamupa yinu yoyiwa kowohakumuromba? ¹²Podigho, kehe yino yinu ghunashana hanu hatende kukoye, wakona kuyitenda kukwagho, oghu ne gho muragho no haporofeta.¹³Mwingene mudhero dhodhithorokoto. Dhodhiyaghuyuthero no dhikuru ne ndhira dhokuyipitha, nohengi hanu hokudhiyenda dho. ¹⁴Ene ndhira dhodhithorokoto ndani ndhira dhikukutu adho kutwara kuyipara, no hapu hokudhiwana.¹⁵Mutakamithe haporofeta hombango, awa haneya muyivata yondjwi ene wone hambwawa. ¹⁶Mumbuyo dhawo nanyi mwakuwadimuke. Hanu kukona kuya mandjembere kuthitondo thomughunga? ¹⁷Mundhira dhofotji, kehe thino thitondo thothiwa kureta mbuyo dhodhiwa, ene thitondothothimangokureta mbuyo dhodhimango.¹⁸Thitondo thothiwa mbadi wakureta mbuyo dhodhimango, endithitondo thothimango thirete mbuyo dhodhiwa. ¹⁹Kehethino thitondo thokdhira kureta mbuyo dhodhiwa kuthiteta no kuthivukumena mumudiro. ²⁰Podiyo, nanyi mwakuwadimukithe kumbuyo dhagho.²¹Kadi keheyu ghokughamba kukwange,'Fumu,Fumu.' nanyi ghakangene mughufumu gho diwiru, ene wowa ngenyi harughana mahimeno gha Tate gho mudiwiru. ²²Hengi hakughamba kukwange diyuwa dyo,'Fumu,kaditwapumbire mudina dyoye, mudina dyoye twatjidhire mupepo dhodhimango, no mudina dyoye twtendire yitetukitha yoyingi?' ²³Podigho nakuwatongwera,'Kadi namudimuka me! Mushwaghe kukwange, mwatendi ghuyi!'²⁴Podigho, keheyuno ghokuyuva manando ghange no kughakutha awo nanyi hakukare yira katughuru gho munyanyami oyu ghana kutenda ndhugho dhendipadiwe. ²⁵Mvura pakwiya, , kurowera kwiya,mupepo kupnga,nokukupumura pandhugho, no kadi dhawire,pamurandu ghadhitendere padiwe.²⁶Ene kehe yuno ghokuyuva manando no kadiwakughakutha nanyi yakumuningithe ghakukare katughuru gho kupira mudyo oyu ghatenda ndhugho dhendi mumuheke. ²⁷Mvura gheyire, kurowera kweyire, no mupepo wapungire no kuyundura ndhugho, no dhawire, no kuyipitha kwakuminemo.''²⁸Neyire kuhatera yo apa Jesusi ghamanine kughamba ghano manando, mbunga dhahafire kumahongo ghendi, ²⁹ghawahongire yira yu ghakara no muragho, kadiyira munuvene.

8¹Apa Jesusi gha ghurumukire kutunda kudirundu, mbunga dhamukuthire. ²Mwimane, mukayinondwe ghamwiyere no ghakunyongamene kughutho wendi, ghughamba,''Fumu,ngeshi ghunashana, nitende no mukenu.'' ³Jesusi ghashimbire dyoko dyendi noghamukwatire, ghughamba,'' Na himi. Kushuke.'' Popo yinondwe yamushwayire.⁴Jesusi ghaghambire kukwendi,''Mone kadiko yi ghuna ghamba kwa kehe yuno. Yende mundhira dhoye, kakuneghe kwa mupristeri,no katapa muyambo ghuya ghatapire Mosesi, thikakare thineghedhitho.''⁵Apa gheyire kuCapernaum, kwadi gheyire kwendi, no kumukumbera ⁶no kughamba,''Fumu, murughani wange ghana rara kadiwakuyenda no mutjitju.'' ⁷Jesusi ghaghambire kukwendi,''Nanyi niye no kuna mwirura.''⁸Katughuru ghamu huthire eshi,''Fumu,kadiko mudyo gho kungena kungena me mundhugho dhoghe. Ghambe ngenyu manando namurughani wange nanyi gheruke. ⁹Ame name neghofotji ghoyu hatura pamuragho, nakara nohakayita kwishi dhange. Nakughamba yino,'Yende,' ndani nokuharughani,'Tende yino,' no kuyirughana.'' ¹⁰Apa ghayiyuvire Jesusi yi, ghahafire noghahafire no ghaghambire kowa hamukuthire,''Ghushemwa nakughambakukwenu,kadi nawana keheyuno no makurupero mwaIsrael.¹¹Nakumutongwera, hengi hakwiya kutundera ku diva no ditokera, no nanyi hakukare nange kutishi naAbraham, Isaac, naJakobusi, mughufumu gho diwiru. ¹²Ene hana hoghufumu nanyi hakuwavukume panunda mudikokore,oko hakadira no kukukwetjura mayegho.'' ¹³Jesusi ghaghambire kwakatughuru yu, ''Yende! Kenge ghuna tawa, nanyi ni yikutendere.'' Namupika ya gherukire muviri dhodhiya.¹⁴Jesusi apa gheyire mudimbo dya Petrusi, ghamonine ngumwenya Petrusi ghana rara ghadino mepo. ¹⁵Jesusi ghamukwatira munyara, no mepo dhamutundire. Ghapindukire no ghatangire kumurughanena.¹⁶Apa weyire ghuthiku, hanu haretire kwa Jesusi hengi awa hakarire no mupepo dhodhimango. Gha hingire panunda dhimupepo no nando no kwirura wahe awa hakarire hakorwi. ¹⁷Mundhira dhi moghakumithere mo eyi ghaghambire Isaiah gho muporofeta, ghughamba,''Aye papendi ghana shimbi yikorwa no mahamba ghetu.''¹⁸Apa ghamonine Jesusi mbunga dhina mupongera, ghatapire marawero mukuyenda kumutara ghumwe gho dikuruviya dya Galileya. ¹⁹Munughumwe gheyire kukwendi nokughamba,''Muhongi, nanyi nikukuthe kehe kuno ghuna kuyenda.'' ²⁰Jesusi ghamuhuthire,''Mbindhi ghadi no makwina,noyinyunyi mudiwiru yidi no yitunguru, ene Mwana Munu kadi ghadi nokokutura mutwi.''²¹Ghumwe ghopawakathishongero ghaghambire kukwendi,''Fumu, nitawedhere nikavumbeke tate.'' ²²Ene Jesusi ghamutongwere,''Nikuthe me, nothiye hafu havumbeke hafu wagho.''²³Apa ghadhinine Jesusi muwato, hakathishongero wendi hamukuthire muwato. ²⁴Mwimane, kokutanga dipepo mudikuruviya, wato waghangambwere mangumbi. Ene Jesusi yene ghana rara. ²⁵Hakathishongero wendi heyire kukwendi no kuna mupindutha, ghughamba,''Tughamwene,Fumu; tamba tu fe!''²⁶Jesusi ghawatongwere,''Nye muna yapa, mudi nomatawero gho mapu?'' Ghapindukire no ghashingire mupepo no dikuruviya. Podiyo dyakuturire. ²⁷Hanu hatumere no kughamba.''Munu munye yu, ngambi mupepo no dikuruviya kumukutha?''²⁸Apa gheyire Jesusi kumutara ghumweya no kumutara waGadarenes, harume hawadi awa hakarire no mupepo dhodhimango hamuwanine. Hatundere mumambira no hakarire hapata, podiyo eshi kadiko mukakuyenda ghokupita ndhira dhiya. ²⁹Mwimane, hadirire no kughamba,''Nye shotukone kutenda kukoye, Mwana Nyambi? Ghuneya mukuna tuyuvitha tjitju kughutho gho nako dhi haturapo?''³⁰Popo muraka ghoyinguru wadyerere ko, kadi kayenda nagho. ³¹Mupepo ghoghumango watwikere kushedhaghura Jesusi no kughamba,''Ngeshi ghututjidhe,tutume moyiya yinguru.'' ³²Jesusi ghawatongwera,''Muyende!'' Mupepo dhawatundire nokengena muyinguru; no kwimana, yinguru yoyihe yatjirere ghughurumuka kudikuruvira noyakaferere mumeyu.³³Awa hakungire yinguru hatjirire no hayendire mudoropa no katongora yoyihe, thikumapo nekoyi yahokokire kohatutughuru hawadi awa hakarire no mupepo dhodhimango. ³⁴Mwimane, doropa dhodhihe dheyire nodhikuwane naJesusi. Apa hana mumonine, hamukumbere ghatunde muditunga dyagho.

9¹Jesusi ghangenine muwato, ghareghire, no gheyire ku doropa dhendi. ²Mwimane, hamuretere katughuru ghomurema ghararire padisharo. Pakumona matawero ghawo, Jesusi ghaghambire kwakatughuru gho murema,''Mwana,ninge ghuhafe. Maharwero ghoye ghana pu kuthigherera.''³Mwimane,hanu hamwe haghambire mukatji kagho,''Oyu katughuru ne kuna kushamuna Nyambi wetu.'' ⁴Jesusi ghadimukire yighayara yendi no ghaghambire,''Nye muna kughayarera yinu yoyimango mumutjima dhenu? ⁵Ayo ne yiredhu,mukughamba,'Maharwero ghenu ghanapu kughamuthigherera,' endi mukughamba,'Wimane nokayende'? ⁶Moyo nanyi mwakudimuke eshi Mwana Munu ghakara no ngcamu pamuve mukuthigherera maharwero,...''ghaghambire kwamurema,''Wimane, dhamune disharo dyoye, no kayende kudimbo dyoye.''⁷Katughuru ghemanine noghakayendire kudimbo dyendi. ⁸Apa dhayimonine mbunga yinu yi, hatetukire nohatumere Nyambi, oyu ghatapire mangcamu ghaya kohanu. ⁹Apa gha pitire Jesusi, ghamonine katughuru gho dina Mateghusi ghana hungumana mu tende wawakamukudi. Ghamu tongwere,''Ni kuthe.'' Ghemanine no ghamukuthire.¹⁰Apa ghahungumanine Jesusi mundhugho ghadye, mwimane, thingi thawakamukudi no haharuri heyire nohadye naJesusi no hakathishongero wendi. ¹¹Apa hayimonine haFarasayi, haghambire kwawakathishongero,''Nye muhongi wenu ghana kudyera no hakamukudi no haharuri?''¹²Apa ghayiyuvire Jesusi, ghaghambire,''Hanu wa hagora payirama kadi hanyanda nganga, wowa ngenyu hakukorwa. ¹³Mwakona kuyenda no kukuhonga eyi yatongora: 'Nahaka thinyeke kadi muyambo.' Kadi neya mukunetha hahunga mukuthighuka,ene haharuri.''¹⁴Podigho hakathishongero waJohanesi heyire kukwendi no kughamba,''Nye napo twe nawa Farasayi twadhirerekedhanga,ene hakathishongero ghoyene kadi wakudhirerekedha?'' ¹⁵Jesusi ghawahuthire,''Kukona hakakukara pamayekero hakudhekere oku mukamayekero ne shime nagho ghadi? Ene diyuwa mbodineya apa mbahamushimba mukamayekero kukwagho, podigho hakudhirerekedha.¹⁶Kadiko munu gho kutura thipindhithothitere thothipya pathivata thothikurukuru, thirivo thi nanyi thakudjadjuke kutunda pathitere, no mbothina djadjuka momuyi.¹⁷Ene pamwe hanu kutura vinyu ghomupya mudikende dyodikurukuru. Ngeshi hayitendi,thikova thina kupayuka, no vinyu ghana kunotoka, no dikendediya hana kudiyipitha. Ene, kutura vinyu ghomupya mudikende dyodipya, no yoyihe yina kupwa kupungura.''¹⁸pa ghakarire Jesusi kuna kuwatongwera yinu yi, wimane, mukadikutogheyire no ghakunyongamene kukwendi. Ghaghambire,''Mwanange ne ndani ghakufa, wiye ghukamuture nyara dhoye, no kukona ghapare.'' ¹⁹Jesusi ghemanine noghamukuthire, no hakathishongero wendi nagho.²⁰Mukenge, mbuyama yu ghanyanda rorure kupita manyinga myaka dikumi no dhiwadi gheyire munyima dhaJesusi no ghakwatire kughuhura gho digugho dyendi. ²¹Ghakutongwere thinda esh,'' ngeshi nikwate kuthishupata thendi, nanyi nikare thiwana.'' ²²Ene Jesusi ghathetukire noghamumonine, no ghaghambire,''Mwanange, kare noghudhutjima; matawero ghoye ghana kwirura.'' No mukamadi gherukire muviri dhodho viri.²³Apa gheyire Jesusi mundhugho,ghamonine hapepi no mbunga dhina kuyoghotera. ²⁴Ghaghambire,''Moyendekuya,mwanuke yo kadighana fu,ene kuna rara.'' Ene hamuhekire no kumusemburura.²⁵Apa hadhiturire mbunga dhi panunda, ghangenine mungonda no hanushimbire munyara, no mwanuke ghemanine. ²⁶Mbudhi dhi dhayeranine mumukunda.²⁷Apa ghapitire Jesusi, harume hawadi hohakunga hamukuthire. Hatwikere kumukugha ghughamba,''Tufere nyeke,Mwana David!'' ²⁸Apa ghengenine Jesusi mundhugho, mukuna yu gheyire kukwendi. Jesusi ghawa tongwere,''Mwayitawa eshi kukona niyitende yi ndi?'' Hamuhuthire,''Yi, Fumu.''²⁹NaJesusi gha kwatire meho ghawo no kughamba, ³⁰''Ninge hayitende yi kukutha mumatawero ghenu,'' no meho ghawo ghayandhurukire. NaJesusi ghawarawere no kughamba,''Mumone eshi kadiko yu shoghayidimuke.'' ³¹Ene hatutughuru hawadi wa hashwayire panunda nokayareka mbudhi dhokoyi mumukunda ghuya.³²MMundhira dhohatutughuruwa hawadi hakayenda,mukenge, katughuru gho thipore ghoyu wakarire mupepoghoghumango hamuretire kwaJesusi. ³³Apa haghushwayithire mupepo ghoghumango, katughuru ghothipore ghatangire kughamba. Mbunga dhatetukire no kughamba,''Éyi kadi twayimona rumwaya muIsrae!'' ³⁴Ene haFarasayi haghambire,''Mmwa muhingi mupepo dhodhimango, aye kutjidha mupepodhi.''³⁵Jesusi ghayendire mumadoropa no mumukunda dhodhihe. Ghatwikere kuhonga mu sinagoge, kuhonga mbudhi dhoghufumu no kwirura mahamba no yikorwa yoyihe. ³⁶Apa ghamonine mbunga, ghakarire nodighano dyagho, pamurandu eshi hawanyandekire nohakashire. Hakarire yira ndjwi dhina piri mukungi.³⁷Ghaghambire kwawakathishongerowendi,''Muyangu ne wingi,ene harughani ne hapu. ³⁸Podiyo wangu wangu muraperere kwaFumu gho muyangu,podigho ghatume harughani kumukesho wendi.''

10¹Jesusi ghethire hakathishongero wendi dikumi nohawadi wahe no kuwapa mangcamu gho mupepo ghokupira kukena, mukughuhinga ghushwaghe, no kwirura mahamba noyikorwa yoyihe.²Mena gho haApostoli dikumi no hawadi ne hakarire. Ghokutanga, Simoni(oyu hethire eshi Petrusi), naAndrew gho mukurwendi; James mwana Zebedee, na Jahanisi gho mukurwendi; ³Philip, naBartholomew; Thomas, na Mateghusi mukamutero; James mwana Alphaeus, na Thaddaeus; ⁴Simoni gho Zealot, na Judas Iscariot, oyu ghakananine ye.⁵Awa dikumi nohawadi Jesusi ghawatumine hashwaghe. Ghawarawere no kughamba,''Kadi muyende kukehe kudyango kuhakara haGrntiles, no kadi wakungena mukehe doropa dhawaSamaritans. ⁶Muyende kundjwi dhokuyongara dhomundhugho dhaIsrael; ⁷ndani thika kenge mwakuyenda, muhonge no kughamba,'Ghufumu ghodiwiru ghuneya popepi.'⁸Kwirura hakorwi, kuvumbura hafu,kuyogha, hakayinondwe, ndani kushwayitha mupepo dhodhimango. Panyaranyara mwayitambure, nyaranyara muyitape. ⁹Mwashimba kehe ngorondo, endi siliveri mumandjato ghenu. ¹⁰Mwashimba mandjato ghomuruyendo ghoruyendo, endi yitere yokuvata yimweya, yisandari, endi keheyino, kwamurughani gharoghera yidya yendi.¹¹Kehe dhino doropa endi mukunda mwakungena,wane yomudyo papayo, mwakakare popo kate mwakatundepo. ¹²Apa mwakungena mundhugho, mwakathimorore. ¹³Ngeshi ndhugho ne mudyo,mwakuntawedhere thiraro thakukare papatho. Ene ngeshi kadiko mudyo,ninge thiraro thakuhuke kukwenu.¹⁴Kowa hakudhira kumutambura andi kutegherera kumanando ghenu, apa mwakutunda mudimbo endi mudoropa, mwakona kukukukumuna mbundu kumapadhi ghenu. ¹⁵Ghushemwa nakumutongwera, nanyi yakukare kuyitawedhera mumuve waSodom naGomorrah mudiyuwa dyo matheko nogho doropa.¹⁶''Mukenge, namutumu panunda yira mwandjwi mukatji komambungu, mwakona kukara ghunyanyami yira serpents no kadiko ghukarakathi yira maputukuwa. ¹⁷Mukengurure hanu! Nanyi hakamutware kwawakomiti, no nanyi hakamumwashure mumasinagoge ghawo. ¹⁸No nanyi hakamurete kwanunguru no hafumu pamurandu wange, thakukare thineghedhitho kukwagho nokwawa Gentiles.¹⁹Apa hakamutura, kadi mwakayape eshi ngepi no nye mwakaghamba, kukehe yi mwakaghamba nanyi ghakuyimupe modhodho viri. ²⁰Kadi yamwe mwakughamba, ene Mupepo wa Wihenu oyu ghakughamba kupitera mumwenu.²¹Mukurwa nanyi ghakutware mukurwendi kuyifa, na wihamunu mwanendi. Hanuke nanyi hakwimananyene hakuru wagho no kuwaningitha hawature kuyifa. ²²Nayi hakumunyenge keheyuno mudina dyange. Ene kehe yuno ghakuyenda kate kughuhura,oyo munu nanyi ghakupwe kukunga. ²³Apa hakamupangura mudoropa, mwakona kayenda modhokurandako, ghushemwa nakumutongwera, kadi mwakupita mumadoropa ghaIsrael kughutho waMwana Munu kokwiya.²⁴Mukathishongero ne kadi ghapitakana muhongi wendi,endi murughani kupitana mukuruwendi. ²⁵Yarikanya eshi mukathishongero ghakona kukara yira mitiri wagho, na murughani yira muhona wendi. Ngeshihetha mukuru gho dighumbo Beelzebul, ngepi ghumango ghomena gha ghethithanga hanu homudighumbo dyendi!²⁶Podigho kadi muwayape, kadikoyi yokuhoreka yi yakupira kuyinegha, no kadiko yi yakundeka eyi yakupira kudimuka. ²⁷Eyi naku mutongwera mumakokere,kuyighamba mumutenya, eyi mwakuyuva kamanana mumatwi ghenu, yaroghitha handuraghumbo.²⁸Mwayapa kowa hana kupagha yirama ene mbadi wakukona kupagha mupepo. Ene, muyape koyu ghokukona kupagha yoyihe mupepo no yirama mumudiro. ²⁹Yinu yiwadimbadi wakukona kuyighuritha pamasherenyi ghomambru ndi? ³⁰Ene noyofotji temba ghokuwa pamuve kupira ghudimuki waWihenu. Ene ngambi kehe dhino huki dhokumutwi ghoye ghadhitara. ³¹Mwayapa. Mwakara nomudyo kupiterera.³²Keheyuna gho kunitongonona kughutho wahanu, name nanyi nakamutongonone kughutho waTate ghomudiwiru. ³³Ene keheyuno gho kunikanana kughutho ho hanu, name nanyi nakumukanane kughutho waTate gho mudiwiru.³⁴Mwaghayara eshi ame kweya mukureta thiraro pakaye. Kadi neya mukureta thiraro,ene. ³⁵Neyire mukureta no kunatura katughuru ghakare kadighakukuyuva na wihe, na mwanendi gho mukamadi nanyina, namwanendi ghothidhira na nyina ghothidhira. ³⁶Hanyathi wakatughuru ne wowo ho mudighumbo dyendi.³⁷Kehe yuno ghokuhaka wihe endi nyina kupiterera me ne kadiko mudyo kwange me. ³⁸Kehe yuno gho kupira kushimba thikurushe thendi no kunikutha ne kadiko mudyo kukwange. ³⁹Kehe yuno gho kuwana yipara yendi nanyi gha kughuyongaritha. Ene keheyuno ghokuyongaritha ghuparo wendi pamurandu wange nanyi ghakughuwane.⁴⁰Keheyuno ghokumutambura ghana nitambura name, aye gho kutambura me naye ghana tambura oyu ghanituma. ⁴¹Kehe yuno gho kutambura muporofeta pamurandu eshi yene muporofeta nanyi ghakuwane manandogho ghuporofeta, no keheyuno ghokutambura katughuru ghomuhunga pamurandu ghoghuhunga wendi nanyi ghakuwane ghuhunga kwakatughuru yu.⁴²Kehe yuno shatape kwayofotjo ghowa hanuke ngambi kopi gho meyu ghomatenda pamurandu shi yene mukathishongero, ghushemwa nakumutongwera, kadi gha kuyongaritha yiwana yendi.''

11¹Yeyire yokuhatera ko apa Jesusi ghamanine kurawera hakathishongero wendi, ghatundirepo no kuyenda ghakahonge nokuyuvitha mumadoropa ghawo. ²Apa ghayiyuvire Johanesi oku mudorongo kuyirughana ya Kristusi, ghatumine mbudhi kwawakathishongero wendi ³no kumutongwera,''Yowe ghuna kwiya ndi, endi tukenge ko ghumwe?''⁴Jesusi ghawahuthire no kughamba kukwagho,''Muyende mukamutongwere Johanesi eyi mwakumona nokuyuva. ⁵Hakunga kuna kumona, hakakupira kuyenda kuna kuyenda, hakayinondwe kuna kwiruka,hakakufa matwi kuna kuyuva, hakakufa kuna kuwavumbura no kuwapa moyo, no nando kuna kudhiyuvitha kwawahepwe. ⁶Awa hatungeka ne keheyuno gho kudhira kuniharwera me.''⁷Apa hayendire hatutughuru wa, Jesusi ghatangire kutongwera mbunga kuhatera Johanesi,''Nye muna yendera mumamburundu mukakenge-mbu kuna kudhitutumitha mupepo? ⁸Ene yipi munayendera panunda mukamone- katughuru yu ghanavata yitere yoyirereya? Yashemwa, awa havatanga yitere yoyirereya ne kwatunga mumaghumbo ghawamafumu.⁹Ene yipi muna yendera panunda mukamone-muporofeta? Yi, nakumutongwera,no thingi kupitakana muporofeta. ¹⁰Oyu ne yodiye oyu hatjangire,'Mukenge, kona kutuma munu wange kughutho ghorupara roye, oyu ghakuroyitha ndhira kughutho dhoye.¹¹'Nakumutongwera ghushemwa, pakatjo kowo hereka hambuyama kadiko ghokupitakana Johanesi gho mukadiyoghero. Podigho gho kuhurera kumudyo mughufumu gho diwiru ghapitakana ye. ¹²Kutunda kumayuwa ghaJohanesi mukadiyoghero kate popano, ghufumu ghodiwiru kunyanda kumaghukukutu, no hatutughuru honyakanyaka kudishimba pangcamu.¹³Haporofeta wahe nohakamuragho hapumbire kateJohanesi; ¹⁴no ngeshi ghuna shana kuyitambura,aye ne Elijah oyu ghakwiya. ¹⁵Kehe yu ghakara no matwi ghokuyuva, mumutawedhere ghayuve.¹⁶Kupi sho nighanekerithe muhoko ghuno? Yira hanuke hana kupepera mokughurithera, hokuhungumana no kukwitha ¹⁷no kughamba,'Tuna pepi, ene kadi ghuna kini. Twaguvire, ene kadi wadirire.¹⁸Ápa gheyireJohanesi kad ghadire ghuroto no kunwa temba vinyu, no haghambire,'Ghadi nomupepo ghoghumango.'' ¹⁹Mwana Munu gheyire ghudya no kunwa no haghambire,'Mukenge, oyu ne thiharuri no mungorwi, muyendha wakamutero no haharuri' Ene ghunyanyami ne kutwara kuyirughana.''²⁰Jesusi poghatangire kushwena madoropa ghamwe omu ghatendire yitetukitha yoyingi, yoyishi kadi hapirukire. ²¹''Woe kukwenu, Chorazin! Woe kukwenu, Bethsaida! Ngeshi yitetukitha yoyikuru hana yitendi mu Tyre naSidon eyi hatendire mumwenu, ngo hapiruka kare muthikehetho shaka no mututwi. ²²Ene nanyi twakuyitawedhere kuTyre na Sidon mudiyuwa dyo matheko namwe.²³Amwe, Capernaum, kuna kughayara eshi nanyi mwakuyende mudiwiru? Ka, nanyi hakumurete pamuve kuHades. Ngeshi muSodom hayirughanene yirughana yoyikuru eyi harughane mumwenu, ngo shime poyidi kate dyarero. ²⁴Ene nakumutongwera nanyi yakukare ghuredhu kumuve wa Sodom mumayuwa gho matheko ghenu.''²⁵Paruvedhe ro Jesusi ghaghambire,''Nakukukugha we, Tate, Fumu gho diwiru no kaye, yoyishi washimbire yinu yi kutunda kwawanyanyami no kutjwathana, nokuwaneghedha wo kohanuke hohambiru. ²⁶Yi, Tate, poyo yaroghera mumeho ghoye. ²⁷Yinu yoyihe yi hayitapire mumwange kutunda mwaTate, kadiko yu ghadimuka Mwana kutundithako Wihe, no kadiko yu ghadimuka Wihe kutundithako Mwana no keheyuno kwakeheyuno ghatorora Mwana mukumunegha.²⁸Wiye kukwange, yoyihe yirughana no ghuremu, nanyi nikupe maturumuthero. ²⁹Shimbe joko papoye nokuhongere papange, ame ne mukathinyeke no kwishi mumutjima, no nanyi ghuwane maturumuthero gho midhimu dhenu. ³⁰Joko dhange ne dhiredhu no murongerero wange ne ghuredhu.''

12¹Ruvedhe ro Jesusi ghayendire diyuwa dyo Mapeghu kupitera mudipya dyombuto. Hakathishongero wendi hafire ndhara nohatangire kutjora dhimutwi no kudhidya. ²Ene apa haPharisee hayimnine yi, haghambire kwa Jesusi,''Mukenge, hakathishongero ghoye kurughana yi yina dhiri kuroghera mudiyuwa dyo mapeghu.''³Ene Jesus ghawatongwere,''Kadi mwatoya eyi ghatendire David oku yene ndhara, no hanu awa hakarire nendi? ⁴Ghayendire mundhugho dhaNyambi no ghakadira ghuroto, eyi washweneka muragho kukwendi mukudya no kadipamuragho kowa hakarire nendi,ene pamuragho mupristeri ngenyi pithendi.⁵Kadi mwatoya mumbapira dhomuragho eshi Mapeghu hapristeri mutembeli harughane muMapeghu ene kadiko murandu? ⁶Ene nakumutongwera mwe eshivghofotji ghomukuru kupitakana tembeli ne pwadi pano.⁷Ngeshi wadimuka eshi nye yatamba,'Nahaka neke no kadi muyambo,' ngo kadi munapangura hakamurandu. ⁸Mwana Munu ne yo Fumu ghoMapeghu.''⁹Podiyo jesusi ghawathighire popo no ghayendir muma synagogue. ¹⁰Mukenge, pakarire katughuru yu ghakarire no nyara dhokukukuta. HaPharisee hepurire Jesusi, ghughamba,''Pamuragho vene kwirura muMapeghu?'' podiyo hamuninge eshi ghana harura.¹¹Jesusi ghawatongwere,''Katughuru munye shoghakone kukara mukatji kenu,dye, ngeshi yene ghakara ngenyu no ndjwi yofotji, no ngeshi ndjwi yu hawera mudikwina dyodidhungi mumapeghu, kadi shamuwane no kumushwayithamo? ¹²Mudyo gho ngepi,ndai, aye katughuru no ndjwi! Podigho yakara pamuragho mukurughana yoyiwa mudiyuwa dyomapeghu.''¹³Jesusi ghaghambire kwakatughuru,''Ghorore dyoko dyoye.'' Ghadi ghorore, no ghadihuthere mughundjewandjewa, thika dyoko dimweya. ¹⁴Ene ha Pharisees hayendire no hamwimananyene. Hashanine eshi ngepi d sho hamture muyifa.¹⁵Apa ghayiwanine Jesusi yi, ghashwenine popo. Thingi thawanu hamukuthire, no ghawerure wahe. ¹⁶Ghawa rawere mukudhira kumuyuvitha kwawamweya, ¹⁷eshi kukona yikare mughushemwa, eyi haghambire kupitera mwaIsaiah gho muporofeta, ghughamba,¹⁸Mukenge, mwarughani wange mwe mwapwa kutorora; mwahakwa wange, omu mwakara mudhimu wange wahafa. Nanyi niture Mupepo wange mumwendi, no nanyi ghashuture yoyihe kwaGentiles.¹⁹Kadi shoghatonge endi kudira thikuma; endi ghumweya ghayuve diywi dyendi mumayira. ²⁰Kadi shatjore kehedhino mbu; kadi shakoke dikaya, kate ghatware muragho muyihokoka, ²¹no dina dyendi Gentiles nanyi dikare nomakurupero.''²²Ghumweya mukunga no tete, wamumunine mupepo ghoghumango, hamuretire kwaJesusi. Ghamwirukithire, no yitundamo katughuru gho thipore gha ghambire no kumona. ²³Mbunga dhodhihe dhatetukire no kughamba,''Kukona ghakare yu katughuru eshi Mwana David?''²⁴Ene apa haPharisees hayuvire yitetukithayi, haghambire,''Oyu katughuru kadighana tjidhanga ngenyu mupepo dhodhimango kutundithako Beelzebul, mukuru wa mupepodhodhimango.'' ²⁵Ene Jesusi ghadimukire yighayara yagho no ghawatongwere,''Kehe ghufumu ghokukutaghura wathinda kughutenda ghukashu, no kehe doropa endi dighumbo dyokukutaghura dyathinda kadi dyakwimana.²⁶Ngeshi shadipinyi kutjidha shadipinyi, ghana kutapera thinda nokukwimananyena thinda. Ngepi wa kwimana ghufumu wendi? ²⁷No ngeshi mene kutjidha mupepo dhodhimango mwaBeelzebul, mwadye hanoye hana dhi tjidhanga? Pamurandu ghoyi nanyi hakukare haketi ghoye.²⁸Ene ngeshi mene kutjidha mupepo dhodhimango noMupepo wa Nyambi, no ghufumu waNyambi ne ghuneya papenu. ²⁹Ngepi keheyuno gho kungena mundhugho dhakatughuru ghongcamu no kwidha yinu yendi oku kadi ghana mughanga tango? Ndani poshoghedhe yinu yendi mundhugho dhendi. ³⁰Kehe yuno ghadi shi kadi nange ne ghana nimananyena me, nokeheyuno gho kudhira kukara nange ne ghakutaghura nange.³¹Podiyo nakumutongwera, kehe diharwero nanyi ghakughathigherere katughuru,, ene manyatekero gho kwimanganyena Mupepo kadi hakuthigherera. ³²Kehe yuno gho kughamba kunyenga Mwana Munu, oyo nanyi hakumuthigherere. Ene kehe yuno gho kughamba kunyenga Mupepo ghoKupongoka, oyo kadi hakumuthigherera, ngambi muno mukaye, ngambi oka kakwiya.³³Mutende thitondo thiwana nombuyo dhatho dhodhiwa, endi tende thitondo thimango no mbuyo dhodhimango, thitondo kuthidimukera kumbuyo dhatho. ³⁴Amwe mwahana wawayiyoka, amwe ne mwayipa, ngepi di shomughambe yinu yoyiwa? Kutunda tjitjudhokumutjima kanwa ne kughamba. ³⁵Katughuru gho muwa kutunda kuyiwana yoyiwa yomumutjima kureta yoyiwa, no katughuru ghomyi no mughuyi ghoyiwana mutjima wendi kureta yoyiyi.³⁶Nakumutongwera eshi diyuwa dyo matheko hanu nanyi hakutape yithimwetwedha yokehe nando dhemana ngo edhi haghamba. ³⁷Pamanando ghenu pohakumushupera, no mumanando ghenu nanyi hakumupangure.''³⁸Hakamarukwaro nawa Pharisees hahuthire Jesusi no kughamba,''Muhongi, tuna himi tumone thineghedhitho kutunda koye.'' ³⁹Ene Jesusi ghawahuthire no kughamba kukwagho, ''Ghuyi no ghukurupe ghomuhoko kushana thineghedhitho. Ene kadiko thineghedhitho hakutapa kutundithako thineghedhitho tha Jonah gho muporofeta. ⁴⁰Aye Jonah ghakarire mayuwa mahatu no maghuthiku mahatu mudira dyo thi gho mukuru, podiyo Mwana Munu nanyi ghakukare mayuwa mahatu no maghuthiku mahatu mumutjima ghokaye.⁴¹Hatutughuru homuNineveh nanyi hakwimane mudiyuwa dyo matheko nomuhoko ghu ghohanu no kughupangura. Awo hapirukire mumahongo gha Jonah, no mumone, ghumwe ghokupitakana Jonah ne pwadi pano.⁴²Herekadhi gho kughucuma nanyi ghakwimane mudiyuwa dyo matheko no hatutughuru ghoghuno muhoko no kuwapangura. Ghatundire kughuhura gho kaye mukuyuva ghunyanyami waSolomon, no kumona, ghumwe gho kupitakana Solomon ne pwadi.⁴³Ngeshi mupepo ghoghuyi ghuna tundu mwakatughuru, kupita mumango ghokupira meyu no kushana dyango dyokuturumuthera, ene kadi ghana kudiwana. ⁴⁴No kughamba,''Nanyi nihuke kudighumbo oku natundu.' Pakuhuka, kawana ndhugho ne hana dhikombo no kudhiroyitha. ⁴⁵No kuyenda nokushimba rure nadho no kwoko nodhiwadi dhimupepo dhodhiyi kupiterera wo, nokwiya nokuna tunga mo. Yokuhurera yikara yakatughuru ya kuna kadheka keho kupiterera pakutanga. Dyo mboyikara kengeyo no muhoko ghoghuyi.''⁴⁶Oku shime Jesusi kuna kughamba no mbunga, kenge, nyina nohakurwendi hemanine panunda, ghushana kughamba nendi. ⁴⁷Ghumweya ghaghambire kukwendi,''Kenge, nyoko nohakuroye hanemana panunda,hana shana kughamba noye.''⁴⁸Ene Jesusi ghamuhuthire no kughamba kukwendi dye ghana yimutongwera,''Dye nawe nohadye hakurwange?'' ⁴⁹Ghaghorore dyoko dyendi ditambe kwawakathishongero wendi no kughamba,''Mumone,wano ne hanawe nohakurwange! ⁵⁰Kehe yuno ghokutenda mahimeno ghaTate ghomudiwiru, oyo munu ne mukurwange, mukurwange gho mukamadi, no nawe.''

13¹Diyuwa dyo Jesusi ghashwayire mudighumbo no kuyenda no kahungumana kumbadi dho dikuruviya. ²Mbunga dhodhikuru dhakonganina kukwendi, ghengenine muwato no kuhungumana oku mbunga dhinemana padiya.³Jesusi ghaghambire yinu yoyingi kukwagho mumatadhi. Ghaghambire,''Mukenge,ndjimi ghsyendire mukakuna mbuto. ⁴Apa ghakunine, dhimwe mbuto dhawerere kumbadi dhondhira, ene yinyunyi yeyire no kudhingomaghura. ⁵Dhime mbuto dhawerere mumawe, kadi dhawanine muve mwene. Popo dhakukutire yoyishi muve kadi wadhungire. ⁶Ene apa dyavire diyuwa, dhakukokere yoyishi kadi dhakarire no mudhi, no dhakukutere.⁷Dhimwe mbuto dhawerere mumakona. Makona ghakurire no kudhingambwera. ⁸Dhimwe mbuto dhawerere mumuve ghoghuwa no dharetire yimenwa, yira dithere dyofotji ruvedhe rorwingi, rumwe makumikwoko nodyofotji, no rumwe makumi mahatu. ⁹Kehe yuno ghakara no matwi, ghayuve.''¹⁰hakathishongero hayire no kuna ghamba kwaJesusi,''Nye ghuna kughambera kumbunga mumatadhi?'' ¹¹Jesusi ghawahuthire no kuwatongwera wo,''Ghamupa nako dho kutjwathana yoyihe yokuhatera kughufumu gho diwiru, ene kukwagho kadi gharuwapa. ¹²Keheyuno hapa yoyingi, no nanyi ghakare no matawero. Ene keheyuno ghapira, ngambi eyi ghadi nayo nanyi hakuyimushimbe.¹³Eyi ne yonaghamberanga mumatadhi: Ngambi kenge hana kumona, ene kadi hana kumona; no ngambi kenge hana kuyuva, kadi wakuyuva, endi kutjwathana. ¹⁴Kukwagho yiporofeta yaIsaiah ghayikumithamo, eyi yaghamba,'Oku kuyuva nany mwakuyuve, ene amwe mbadi mwakutjwathana;no kumona nanyi mwakumone, no kadi mwakuyimona.¹⁵Owa hanu dhimutjima dhagho ne dhinayerupa, no ghukukutu kuyuva, nohana yandhera meho ghawo, no kadi hakona kumona nomeho ghawo, endi kuyuva no matwi ghawo, endi kutjwathana no mitjima dhagho, no nanyi hakuhuke karo, no nanyi ni werure.'¹⁶Ene kutungeka ne meho ghenu, ghagho ne kumona; no matwi ,agho ne kuyuva. ¹⁷Ghushemwa nakumutongwera eshi thingi thawaporofeta nohahungami hanu hahaka kumona yinu mwamonanga no kadi wakuyimona. Hahaka kuyuva yinu yimwayuvanga ene kadi hayiyuva.¹⁸Mutegherere kumatadhi gha ndjimi yu ghakunine mbuto. ¹⁹Ngeshi ghumwe hayuvu nando dhoghufumu ene kadi wakudhitjwathana, muyipithi kwiya no kunadhitjombora edhi hanakunu mumutjima. Edhi ne dhombuto edhi ghakunine kuthitavura.²⁰Eyi hakunine payikarawe ne munu gho kuyuva nando ndani popo kudhitambura noruhafo, ²¹ene yene kadiko mudhi papendi kudhirughanitha kamanana. Pakwiya ghukukutu no mapangwero pamurandu gho nando, aye wangu kuwa.²²Eyi hakunine mumakona, oyu ne mnu ghokuyua nando, ene ghukareri ghokaye no ghuhongaghuri ghoghutungi kutjomongora nando, no mbadi wakureta mbuyo. ²³Mbuto dhiya hakunine mumuve ghoghuwa, oyu ne munugho kuyuva nando no kudhitjwathana. Kureta mbuyo no kureta yimenwa, kureta yo mu diyovi, pamwe mu makuni kwoko nodyofotji, endi mumakumi mahatu rorwingi momu hayikunine.''²⁴Jesusi ghawapire ditadhi dimweya. Ghaghambire, ''Ghufumu gho diwiru ne yira katughuru yu ghakunine mbuto dhodhiwa mudipya dyendi. ²⁵Ene oku hanu hana rara, munyathi gheyire no kuna kuna ghuruwa mukatji komavumbukiro nohakayendire. ²⁶Apayakurire no kureta yimenwa yadho, ghuruwa wamonekire nagho.²⁷Harughani hathinda shadipya heyire kukwendi n kuna ghamba kukwendi,'Ghodikuto, kadi wakunine mbuto dhodhiwa mudipya ndi? Ngepi ediyina kara yimuhonyi?' ²⁸''Ghawatongwere, 'Munyathi ghayitenda yi.' ''Harughani hamutongwere,'Ghuna shana tuyende to kayidhuremo ndi?'²⁹Thinda shadyango ghaghambire,'Ka. Yoyishi apa muna kudhura ghuruwa, kukona mudhire mavumbukiro nagho. ³⁰Muninge yikure pofotji kate nako dhokukesha. Panako dhokukesha nanyi nakughambe kwakakukesha,''Pakutanga kutundithamo ghuruwa no kughughanga no kughutumekera, ene mukongwedhe mavumbukiro mukashete.''''''³¹Jesusi ghawapira ditadhi dimwe kukwagho. Ghaghambire,''Ghufumu ghodiwiru ne yira dimbuto edi ghashimbire katughuru nokudikuna mudipya. ³²Dimbuto di ne dyodimbiru mumbuto dhodhihe. Ene apa dyakurire, dyakariredikuru kupire yimenwa yoyihe yomunyamo. Dyakutjindjire thitondo, podiyo eshi yinyunyi yomumupepo yakwiye no kunatenderako yitunguru kumite dhatho.³³Jesusi ghawatongwere mumatadhi,''Ghufumu gho mudiwiru ne yira yifudhumukitha yiya mbuyama ghokushimba no kuyitura mukumeta yihatu yo mushungwa kate ghuna nanumuka.''³⁴Kehe yino Jesusi ghaghambire kumbunga mumatadhi; no ghaghambire kadiko kupira matadhi. ³⁵Eyi pamurandu ghoyi haghambire kupitera mwamuporofeta yikeye mughushemwa, apa ghaghambire,''Nanyi niyandhure kanwa kange mumatadhi. Nanyi nighambe yinu yoghudhindo kutunda kununderero dhokaye.''³⁶Jesusi gha thighire mbunga noghayendire mundhugho. Hakathishongero heyire no kughamba,''Thothonone matadhi gho ghuruwa mudipya.'' ³⁷Jesusi ghawahuthire no kughamba,''Kehe yuno gho kukuna mbuto dhodhiwa ne Mwana Munu. ³⁹Dipya ne kaye;no mbuto dhodhiwa ne hana ghoghufumu. Ghuruwa ne hana wawahayidena, ³⁸no hanyathi waya hakakunine ghuruwa ne hayi. Mukesho ne ghuhura gho myaka,no hakeshi ne ha engeli.⁴⁰Podiyo, ngeshi ghuruwa hanaghupongeka no kughutumekera no mudiro, dyo yakuhokoka kughuhura gho mwaka. ⁴¹Mwana Munu nanyi ghakutume ha engeli, nanyi hakukongane panunda dhoghufumu ghoyoyihe yiyareta maharwero nowa harughananga yoyimango. ⁴²Nanyi hakuwavukumene mumudiro, no mbohana diri no kukukwetjura mayegho. ⁴³No hahungami mbohana rwedhima yira diyuwa mughufumu wa Wihe. Kehe yu ghakara no matwi, muninge ghayuve.⁴⁴''Ghufumu gho mudiwiru wakara yira ghuwa ghuya hahoreka mudipya. Katughuru kuyiwana no kuyihoreka. Muruhafo aye kuyenda,kughuritha yoyihe yi ghakara nayo, no kughura dipya diya. ⁴⁵Ndani, ghufumu gho diwiru ne yira katughuru ya gho mughurithi, ghakushana makunde. ⁴⁶Pakuwana dikunde dyofotji no mudyo ghoghukuru, ghayendire no kaghuritha yoyihe yi ghakara nayo no kadighura.⁴⁷''Karo, ghufumu ghodiwiru ne yira dikwe diya havukumene mudikuruviya, no kakwata keheyino yinu yokehe rudhi. ⁴⁸Apa dyayarire, haroveri hadi kokere kudiya. Hahungumane no hatorore yinu yoyiwa muthitere, ene yokupira mudyo hayivukumine.⁴⁹Dyoyakukara kughuhura gho mwaka. Ha engeli nanyi hakwiye mukuna taghura harodhi kwawahunga. ⁵⁰Nanyi hakuwavukumene mudirara dyo mudiro, oku hakadira no kukukwetjura mayegho.⁵¹''Muna tjwathana yoyihe yi?'' Hakathishongero haghambire kukwendi,''Yi." ⁵²Podiyo Jesusi ghaghambire kukwagho,''Podigho keheyuno mukamarukwaro ghoyu ghana kara eshi mukathishongero mughufumu ghodiwiru ne yira katughuru yu ghadi eshi thinda sha dighumbo, oyu ghana kushwayitha yinu yoyikurukuru no yinu yoyipya kutunda muyiwana.'' ⁵³Noyeyire paya Jesusi ghana mana matadhi, ghatundire padyango diya.⁵⁴Podigho Jesusi ghengenine mumukunda wendi no kuhonga hanu mumasynagogue. Yitundamo neyawatetukithire no kughamba,''Kupi yu katughuru ghawana ngcamu no yitetukitha? ⁵⁵Oyu katughuru ne kadi mwana mukakutenda mayugho? Nyina ne kadi yoMaria? Kadi hakurwendi haJames, Joseph, Simoni, na Judasi? ⁵⁶Hakurwendi hohakamadine kadi netu hadi? Kupi ghawana yinu yoyihe yi?''⁵⁷Ghawa patithire ye. Ene Jesusi ghaghambire kukwagho,''Muporofeta ne kadi yu gho kupira dikuto kutundithako muditunga dyendi no diko dyendi.'' ⁵⁸Kadi ghatendire yitetukitha yoyingi pamurandu ghokupira matawero.

14¹Poro ruvedhe,Herodesi apa ghayuvire mbughi kuhatera Jesusi. ²Ghaghambire kwaharughani,''Oyu ne Johanesi gho Mukadiyoghero;ghana kapinduka muyifa. Podigho agha mangcamu ghana kurughana mumwendi.''³KwaHerodesi gha kwatire Johanesi, kumughanga, no kumutura mukashitiko pamurandu waHerodias, muna mukurwendi Philip. ⁴Kwa Johanesi ghaghambire kukwendi,''Kadi pathina muragho eshi ghukare nendi eshi didhiko dyoye.'' ⁵Herodesi ghashanine kumupagha, ene ghayapire hanu, yoyishi hamturire eshi ayene muporofeta.⁶Ene apa Herodesi diyuwa dyendi dyomushamurukero dyeyire, mwana Herodias ghakinine mukatji no kuhafitha Herodesi. ⁷Mukuhutha, ghakuruperithire no kwedhera mukutapa keheyino shogharombe.⁸Munyima dho kumurawera nyina, ghaghambire,''Nipe me pano, pakaronga, mutwi wa Johanesi gho Mukadiyoghero.'' ⁹Fumu ghapatire kuyikumbera yi, ene pamurandu ghomedhero no pamurandu gho wahewahakire kumurarero nendi, gharawere eshi hakona kuyitenda kemo.¹⁰Ghatumine no kateta mutwi Johanesi gho mukadorongo. ¹¹No mutwi wendi haghuretire nokughutapa kwamukamadi no ghaghutwarire kwanyina. ¹²Hakathishongero wendi heyire, hashimbire yirama, no kayivumbeka. Kutunda pa, hayendire no katongwera Jesusi.¹³Apa ghayiyuvire Jesusi yinu yi, ghatundire muwato no ghakarire kudyango dyopithendi. Apa dhayiyuvire mbunga, dhamukuthire pamapathi kutunda mumadoropa. ¹⁴Jesusi ghana kumine kughutho wagho no ghamonine munga dhodhikuru. Ghakarire noruvedhe papagho no gherure hakorwi.¹⁵Apa weghire ghuthiku, hakathishongero heyiro no kughamba,''Odi dyango ne dya muveve, no diyuwa ne dinapu. Muthiye mbunga, podiyo hayende mumikunda no kaghura yidya yagho.''¹⁶Ene Jesusi ghaghambire kukwagho,''Kadihanyanda kuyenda. ¹⁷Muwape yimwe yokudya.'' Ghaghambire kukwendi,''Tudi ngenyu no maghuroto makwoko no thi dhiwadi.'' ¹⁸Jesusi ghaghambire,''Muyirete kukwange.''¹⁹Jesusi gharawere mbunga mukuhungumana pamuhonyi. Ghashimbire maghuroto makwoko no thi dhiwadi. Ghakengire kuwiru, ghakandadhekire no kugonyona ghuroto noghatapire kwawakathishongero wendi, no hakathishongero wendi hayitapire kumbunga. ²⁰Wahe hadire no hakutire. No hashimbire eyi yathigharire noyipindhi yoyidya-yikote dikumi noyiwadi yayarire. ²¹Awa hadire nehakarire kumayovi makwoko hanu, hakamadi nohanuke.²²Popo ghaningire hakathishongero wendi hadhine muwato nokuyenda kughutho wendi kuthambodiya, oku yene kuna kutuma mbunga dhikayende. ²³Apa ghamanine kutuma mbunga, ghayendire mumarundu pithendighakaraperere. Apa weghire ghuthiku, ghakrire ko pithendi. ²⁴Ene wato wakrire kayenda no ndundu, kughuthindadheka mangumbi, no mupepo wapungura kuwatamba.²⁵Muviri dhoghune mughuthiku Jesusi ghayendire kukwagho, ghuyenda padikuruviya. ²⁶Apa hamumonine hakathishongero wendi ghana kuyenda padikuruviya, yawatetukithire no kughamba,''Othi ne thirumba,'' no hadirire nowoma. ²⁷Ene Jesusi ghaghambire kukwagho no kughamba,''Mukare no ghutjima! Yame! Mwayapa.''²⁸Petrusi ghamuhuthire no kughamba,''Fumu, ngeshi yowe, nirawere me niyekukoye pameyu.'' ²⁹Jesusi ghaghambre,''Wiye.'' Podigho Petrusi ghashwayire muwato no kuyenda pameyu ghayende kwaJesusi. ³⁰Ene apa ghamonine Petrusi mupepo, ghayapire. Apa ghatangire kudhama, gha dirire no kughamba,''Fumu, ni ghamwene!''³¹Jesusi popo ghaghorore dyoko dyendi, ghashimbire Peter, no ghaghambire kukwendi,''Amwe gho ghupu matawero,nye mwakutamangera?'' ³²Apa Jesusi na Petrusi hayendire muwato, mupepo washayekire kupunga. ³³Podiyo hakathishongerohatangire kumukughaJesusi no kughamba,''Ghushemwa gho Mwana Nyambi.''³⁴Apa hatjinane, heyire pamukunda Gennesaret. ³⁵Apa hanu hakarire padyango hadimukire Jesusi, hatumine mambudhi kehekuno mumangoagha ghakundurukedhe dyango diya, nohakamuretere wahe wahakarire tjitju. ³⁶Hamukumbere eshi ghakwate kughuhura ghothiwata thendi, thingi thowa hakwatireko herukire.

15¹Podigho haPharisee no hakamarukwaro heyire kwaJesusi kutunda kuJerusalem. Haghambire, ²''Nye hakathishongero ghoye hana kureghera thitjo thawakuru? Kadihakuyoghanga kunyara pakudya.'' ³Ghawahuthire no kuwatongwera wo,''Yipi muna regheranga miragho dhaNyambi pamurando gho thitjo thenu?⁴Nyambi ghaghambire,'Kutekere wiho nanyoko,' no 'Kehe yu gho kughamba dishawana kwawihe endi nyina nanyi ghakufe.' ⁵Ene mwe kughamba,'Kehe yuno ghokughamba kwawihe nanyina,''Keheghano maghamweno mwawana kukwange ne yitapera yaNyambi,'' ⁶oyo munu mbad ghanyanda kufumaneka wihe.' Mundhira dhi muna kanunutha nando dhaNyambi pamurandu gho thitjo thenu.⁷Amwe mwahayidena! Thiwana Isaiah ghapumbire yokuhatera mwe apa ghaghambire, ⁸'Awa hanu hakutekera me no miromo, ene mutjima dhadho ne kayenda nange. ⁹Hana nikugha nga munyaranyara yoyishi awo kuhonga kukutha muragho dhohanu.''''¹⁰Ghethire mbunga kukwendi no kughamba kukwagho,''Tegherere no tjwathane- ¹¹kadiko thokungena mukanwa thokuyiitha munu. Ene, yokutunda mukanwa, yoyayipitha munu.''¹²Hakathishongero heyire nokuna ghamba kwaJesusi,''Ghuna dimuka eshi haPharisee hapatire apa hayuvire yi?'' ¹³Jesusi ghawahuthire no kughamba,''Kehe thino thitondo ethi ghadhira kutapeka Tate ghomudiwiru nanyi hakuthidhure. ¹⁴Muwathiye pathagho, hafa meho wohapiteri. Ngeshi mukunga ghapiterera mukunga muyendhendi, wahe hana kawera mudikwina.''¹⁵Petrusi ghahuthire no ghaghambire kwaJesusi,''Thothone matadhi gha kukwetu.'' ¹⁶Jesusi ghaghambire,''Namwe karo kadiko matjwathaneno? ¹⁷Kadi mwamona eshi keheyino yokungena mukanwa kupita mudipumba nokashwagha mukasayise?¹⁸Ene yinu yashwaghanga mukanwa kutunderera kumutjima. Eyi yoyayipitha munu. ¹⁹Kumutjima kokwatunda yighayara yoghukore, ghupayi, kunyatjipera, rungu, widhi, ghushupi ghombango, no kukughuritha. ²⁰Eyiyoyayipitha munu. Ene kudya no nyara dyokudhira kukuyogha kadi yayipitha munu.''²¹Jesusi ghatundirepo no ghatundiremuditunga ghatambe mumadoropa gha Tyre naSidon. ²²Mukenge, mukaCanaanite mbuyama ghashwayire mumukunda ghuya. Gha kuyerere no kughamba,''Kare nothinyeke papange, Fumu,Mwana David! Mwanange ne ghuna mumunu mupepo ghoghumango.'' ²³Ene Jesusi ghamuhuthire no nando temba. Hakathishongero wendi heyire no kumukanderera, ghughamba,''Mutume ghakayende, aye kuna kukugherera yatwe.''²⁴Ene Jesusi ghawahuthire no kughamba,''Kadi hanituma kwakeheyuno kutundithako ndjwi dhokuyongara mundhugho dhaIsrael.'' ²⁵Ene gheyire no kuna munyongamena kughutho wendi, ghughamba,''Fumu, ni ghamwene.'' ²⁶Ghahuthire no kughamba,''Kadi yarogha kushimba ghuroto ghomwanuke no kughuvukuma kutumbwaghana.''²⁷Ghaghambire,''Kemo,Fumu, ene ngambi tumbwaghana kudya yigonyogonyo yokutunda kwahakuru' matishi.'' ²⁸Jesusi ghahuthire no kughamba kukwendi,''Mbuyama, ghukuru ne matawero ghoye; ninge ghayikutendere thikadi ghuna yishana.'' Mwanendi gho mukamadi gherukire kutunda modhiya viri.²⁹Jesusi ghatundire padyango no kuyenda pepi nodikuruviya dyaGalileya. Ghayendire pandundu no kahungumana. ³⁰Mbunga dhodhikuru dheyire kukwendi. Haretire hokupira kuyenda, hakakufa meho,hotete, harema, no hengi awa hakarire tjitju. Hawa neghedhire kumaghuru ghaJesusi, no ghawerure. ³¹Mbunga dhahafire apa dhamonine hakakudhira kughamba kuna kughamba, hakakudhira kuyenda haroyire, hakakudhira kuyenda hayendire,no hakunga hamonine. Hatumere Nyambi waIsrael.³²Jesusi ghethire hakathishongero wendi no kughamba,''Nakara no neke kumbunga yoyishi hana kara nange mayuwa mahatu no kadiko yokudya. Kadi nakushana kuwatuma oku kadi hanadi, kukona hapwerere mundhira dhagho.'' ³³Hakathishongero hamutongere,''Kupi kokukona tuwane ghuroto mudyango dyomuveve mukukutitha mbunga dhodhikuru dhi?'' ³⁴Jesusi ghaghambire kukwagho,''Mangatji maghuroto mudi nagho?'' Hamuhuthire,''Kwoko nomawadi, no thi dhodhipu dhodhimbiru.'' ³⁵Jesusi gharawere mbunga mukuhungumana pamuve.³⁶Ghashimbire maghuroto dikumi ghomawadi no thi, no pakumana kutapa ndangi, ghayondaghure ghuroto no ghatapire kwakathishongero. Hakathishongerohatapire kumbunga. ³⁷Hanu hadire no wahe hakutire. No hakongawedhire yikote kwoko noywadi yokuyara yigonyo gonyo yoyi yathigharireko. ³⁸Awa hadire ne hanu mathere mane, hakamadi nohanuke. ³⁹Jesusi ghatumine mbunga dhikayende no ghengenine muwato no kuyenda muditunga dyaMagadan.

16¹HaPharisee noha Sadducee heyire mukuna muyereka mukumwipura mukuwaneghedha kehe thino thidimukitho tho kudiwiru. ²Ene ghawahuthire no kuwatongwera,''Ngeshi ghuthiku, amwe kughamba,'Nanyi kukare mupepo ghoghuwa, kudiwiru ne ghukuhu.'³Pamathikuthiku, amwe kughamba,'Nanyi ghukareko mupepo ghokutenda, kudiwiruko ne kukihi no mavuyikokuhe.' Mwadimuka edi ghokuthothona diwiru, ene kadi wakukona kuthothona yineghedhitho yoruvedhe. ⁴Muyi no ghukurupe ghomuhoko kushana thineghedhitho, ene kadiko thineghedhitho ethi hakuwapa kutundithako thineghedhitho thaJonah.'' Podigho Jesusi ghawathighire nokayenda.⁵Apa hakakumine hakathishongero wendi mutara ghuya, havuramine kushimba ghuroto. ⁶Jesusi ghaghambire kukwagho,''Mushimbe no mukoneke yinanukitha yawa Pharisee naSadducee.'' ⁷Hakathishongero haghamire no kughamba,''Pamurandu shi kadi tuna shimbi ghuroto.'' ⁸Jesusi ghayidimukire yi no ghaghambire,''Amwe gho matawero ghomapu, nye gho kughambera mukatji kenu no kughamba eshi pamurandu kadi munashimbi ghuroto?⁹Kadi mwakutjindji shime endi nokuvuruka maghuroto makwoko ghohanu mayovi makwoko, no yingatji yikote yi mwakongwedhi? ¹⁰Endi maghuroto makwoko gho mayovi mane, no yingatji yikote mwashimbire?¹¹Ngepi di mudi eshi kadi munyitjwathana eshi kadi nakughambanga kukwenu kuhatera ghuroto? Mutegherere n mutakamitha kuyinanumukitha yawa Pharisee noSaddusee.'' ¹²Podiyo hatjwathane eshi kadi ghatambire yinanumukitha yoghuroto, ene makuhongo ghawa Pharisee noSadducee.¹³Apa gheyire Jesusi mumukunda pepi naCeasarea Philippi, ghepurire hakathishongero wendi, ghughamba,''Yidye hanu hana kughambaeshi Mwana Munu?'' ¹⁴Haghambire,''Hamwe kughamba eshi Johanesi gho Mukadiyoghero; pamwe, Elijah; no yimweya, Jeremiah, endi ghofotji gho pawaporofeta.'' ¹⁵Ghawatongwere,''Yidye mwakughamba eshi yame?'' ¹⁶Kuwahuthera, Simoni Petrusi kughamba,''Yowe Kristusi, Mwana ghoyumuyumi Nyambi.''¹⁷Jesusi ghawahuthire nokughamba kukwagho,''Mwatungekamwe, Simoni Bar Jonah, panyama nomanyinga kadi yaneya yi kukwenu, ene Tate gho mudiwiru. ¹⁸Nakughamba koye eshi yowe Petrusi, no podino diwe pona kutendera ngirishe dhange. Mivero dhaHade kadi dhakwimanganyena dho.¹⁹Nanyi nimupe matjapi ghokughufumu gho diwiru. Kehe yino shomukwate pakaye no muwiru namo kuyikwata, no kehe yino yokushutura pakaye no muwiru namo yina kashutura.'' ²⁰Jesusi gharawere hakathishongero eshi kadi hatongwere kehe eshi ayene yo Kristusi.²¹Kutunda poruya ruvedhe Jesusi ghatangire kutongwera hakathishongero wendi eshi ghakona kuyenda kuJerusalema,kunyanda yinu yoyingi mumoko ghawakuru no hakuru wapristeri nawakamarukwaro,kuwapagha, nokawareta mughuparo mudiyuwa dyoghuhatu. ²²Podiyo Petrusi ghashimbire no kumushwena, ghughamba,''Kukona yikare yi ghure nayo,Fumu; eyi mbadi mboyihokoka.'' ²³Ene Jesusi ghapirukire no kughamba kwa Petrusi,''Karemunyima dhange me, Shadipinyi! Yowe wakuni shwena me, kwenu kadimwayipakera thinga yinu yaNyambi, ene koyi yinu yohanu.''²⁴Jesusi ghaghambire kwawakathishongero wendi,''Kehe yuno gho kunikutha me, ghakonakukukanan thinda, ghashimbe thikurushe, no kunikutha. ²⁵Kehe yuno ghana shana kukunga yipara nanyi ghakuyiyongaritha, no keeyuno ghokuyongaritha yipara yendi pamurandu wange nanyi ghakuyiwane. ²⁶Nye yakughamwena munu ngeshi munu hawana kaye kokahe ene kadi wakukwata yipara yendi? Nye gho kukona ghatape munu kughuparo wendi?²⁷KwaMwana Munu nanyi ghakwiye mungcamu dhaWihe no ha engeli. Naynyi hakufute hanu kukutha eyi harughana. ²⁸Ghushemwa nakumutongwera, pomudi mwamweya mwe munemana pano kadi mwakuyereka yifa kate hakumone Mwana Munu kuna kwiya mughufumu.''

17¹Mayuwa kwaoko nodyofotji Jesusi ghashimbire Petrusi, James, na Johanesi gho mukurwendi, ghawaretire kudirundu dodire hathinda. ²Ghamonekire kukwagho kughutho. Rupara rwendi rwasheghenyine yira diyuwa, no yivata yendi yakarire maghano yira thishe.³Kenge, ghamonekire Mosesi naElijah kuna kughamba nendi. ⁴Petrusi ghahuthire noghaghambire kwaJesusi,''Fumu, ghuwa kukwetu mukukara pano. Ngeshi ghuna shana,mutende mumbure dhihatu- thofotji thoye, thofotji tha Mosesi no thofotji tha Elijah.''⁵Oku shime kuna kughamba, kenge, divuyi dyawathikire, no mukenge, diywi dyatundire mudivuyi, ghughamba,''Oyu ne Mwanange ghomuhakwa, omu hanihafitha. Mutegherere kwendi.'' ⁶Apa hayiyuvire yi hakathishongero wendi, hakuyuvire hanaguvu no hayapire. ⁷Jesusi gheyire no kuna wakwata no kughamba,''Mwimane no mwayapa.'' ⁸No hakengire muwiru no kadiko yu hamonine kutundithako Jesusi pithendi.⁹Apa hashurukire kudirundu, Jesusi ghawarawere, ghughamba,''Mwatongora yimona yino kwakeheyuno kate Mwana Munu ghana vumbuka mwafu.'' ¹⁰Hakathishongero wendi hamwipure, ghughamba,''Nye hakamarukwaro hana ghambanga eshi Elijah ghakutanga kwiya?''¹¹Jesusi ghawahuthire no kughamba,''Elijah nanyi ghakwiye no kuna royitha yoyihe. ¹²Ene nakumutongwera, Elijah gheya kare, ene kadi hana kumudimuka. Ene, hatendire yoyihe eyi hashaninekutenda papendi. Mundhira dhofotji, Mwana Munu nanyi ghakunyande mumoko ghawo.'' ¹³No hakathishongero hatjwathanine eshine kuna kughamba kuhatera kwaJohanesi Mukadiyoghero.¹⁴Apa heyire mumbunga, katughuru gheyire kukwendi, ghatongamene kughutho wendi, no kughamba, ¹⁵''Fumu, kare no thinyeke pamwanange, aye ne thipwereredhi no kuna kunyanda thikuma. Aye kehepano kuwera mumudiro endi mumeyu. ¹⁶Namureta kwawakathishongero ghoye, ene kadi hana kono kumwirura.''¹⁷Jesusi ghawahuthire no kughamba,''Hakakupira kutawa no muhoko ghoghuringiringi, ghure gho kukuma kupi nakukara nenu? Ghure ghokukuma kupi nakutawa nenu? Mumurete kuno kukwange.'' ¹⁸Jesusi ghashwenine dhimupepo dhodhimango, noyatundire mumwendi, no mungaghu gherukire viri dhodhiya.¹⁹Podigho hakathishongero wendiheyire kwaJesusi kopithendi nokughamba, ''Nye gho kudhira tuyitundithepo?'' ²⁰Jesusi ghawatongwere,''Pamurandu gho matawero ghenu gho mapu. Ghushemwa nakumutongwera, Ngeshi mudi nomatawere ghomambiru yira nanda, kukona mughambe kodi dirundu,'Yende kutunda pa ghuyende paya,' no nanyi duyende, no kadiko yi yakukara ghukukutu kukwenu.'' ²¹Ene moghu mupepo ghoghumango kadi wakushwagha kutundithako ndapero no kudhirerekedha.''²²Oku muGalilee, Jesusi ghaghambire kwakathishongero wendi,''Mwana Munu nanyi hakumutape mumoko ghawanu, ²³no nanyi hakumupaghe, nomudiyuwa dyoghuhatu mboghana vumbuka.'' Haka thishongero hapatire thikuma.²⁴Apa hana kumine kuCapernaum, hatutughuru wa hashimbire hashimbire mutero heyire kwa Petrusi no kughamba,''Muhongi wenu kadi ghana tapa mutero?'' ²⁵Ghahuthire, ''Kemo.'' Apa Petrusi gheyire mundhugho, Jesusi ghaghambire kukwendi pakutanga nokughamba,''Yipi wakughayara, Simoni? Kwady hafumu hokaye hanashimbanga mutero? Kwa hanawo endi hamweya?''²⁶"Kutunda kwawamwe,''Petrusi ghahuthire. 'No hana ne muhoro hadi,'' Jesusi ghaghambire. ²⁷Podigho eshi kadi turete hadidhi muku harura, muyende kudikuruviya, mukavukumene mo dikwe, mukathiye thi dhi sho keye pawiru pakutanga. Pasho mukayandhure kanwa, nanyi mukawanemo thi. Mukamushimbe no kamutapa kwawadidhi papange namwe.''

18¹Ruvedhe ruya hakathishongero wendi heyire kwaJesusi no kughamba,''Dye gho kupiterera ghufumu ghodiwiru?'' ²Jesusi ghakwithere mwanuke, ghamuturire mukatji kagho, ³nokughamba,''Ghushemwa nakughamba kwenu, kate mwakupiruke no kukara yira mwanuke ghomumbiru, kadimwakangena mughufumu gho diwiru.⁴Podigho, kehe yu gho kukumbirupitha yithinda yira mwanuke gho mumbiru ghapitakana mughufumu gho diwiru. ⁵Kehe yu ghokutambura mwanuke yira kenge mudina dyange ghana nitambura me. ⁶Ene kehe yuno gho kuretedhera hanuke awa hatawa mumwange haharure, hasha papendi hasha kuyenda ghakakughangere muthingo, no ghakona kudhama mughudhungi ghodikuruviya.⁷''Ghukukutu kukaye yoyishi pamurandu ghoyiginda! Yaroghera eyi yiginda kwiya, ene ghukukutu kwamunu kupita mwamunu oyo yiginda yakupitera! ⁸Ngeshi nyara endi dipadhi dyoye hadikugindi, ditete ko no kudivukuma dikushwaye. Hasha ghukangene mughuparo gho ghurema thikuma endi kudhira kuyenda no kakuvukumena mumudiro ghororuhe kukara no manyara mawadi endi mapadhi mawadi.⁹Ngeshi diho dyoye hadikugindi, ditjokore mo no divukume dikushwaye. Hasha ghungene muyipara no diho dyofotji endi mukakuvukumena mumudiro ghororuheya mukukara no meho mawadi.¹⁰Mone kadi wakona kunyenga kehe yino yoyimbiru. Podiyo nakughamba kukwenu eshi mudiwiru ha engeli kehepano kukenga murupara rwaTate gho mudiwiru. ¹¹Mwana Munu gheyire mukuna kunga eyi yayongare.¹²Nye mwakughayara? Ngeshi ghumwe ghadi no ndjwi dithere, no ghofofotji kokuyongara, kadi wakuthigha dhiya makumi kwoko nomane nokwoko nodhine pandundu no kayenda ghakashane ghofotji yu ghana yongara? ¹³Ngeshi kamuwana, ghushemwa nakumutongwera mwe, ghana kahafa thikuma kupitakana makumi kwoko nomane no kwoko nodhine edhi dhina piri kuyongara. ¹⁴Mundhira dhofotji, kadi yihima yaWiho gho mudiwiru eshi ghofotji ghopowa hohambiru ne hakayongare.¹⁵''Ngeshimukuroye ghana kuharwera we, yende nokamutongwera ghukukutu wendi, pakatji koye nendi pithendi. Ngeshi ghana kukutegherera, ghuna muwana mukuroye. ¹⁶Ene ngeshi kadi ghana kukutegherera, shimbe ghofotji endi hawadi ghuyende nagho podiyo eshi pakanwa kohawadi endi hahatu hashupi kehe dhi nando hanakadhitambura.¹⁷No ngeshi ghana shwena mukuwategherera, mutongwere yinu kungirishe. Ngeshighashwena kutegherera kungirishe, muninge ghakare kukoye yira Gentile endi muketethi.¹⁸Ghushemwa nakumutongwera, kehe yino mwakukwata pakaye nanyi yakukwate namo mudiwiru, no keheyino yi hakuthiya pakaye nanyi hakuyithiye namo muwiru. ¹⁹No karo nakumutongwera mwe, ngeshi mwawadi hamutawa pamuve kukeheyino yi hakumwipura, nanyi hakuyirughane kukwagho mwaTate gho mudiwiru. ²⁰Apa po kukara hawadi endi hahatu hana pongo pofotji mudina dyange, name monidi mukatjikagho.''²¹Podiyo Petrusi gheyire no kughamba kwaJesusi,''Fumu, rure rokukuma kupi mukurwange ghakuniharwera me no kumuthigherera? Kate kwoko noruwadi?'' ²²Jesusi ghaghambire kukwendi,''Kadi nakutongwera me kwokonoruwadi, ene kate makumi kwokonoruwadi kuhukuruka rukwako noruwadi.²³Podiyo ghufumu ghodiwiru ne yira fumu ghumwe oyu ghashanine kufuta yikoroti yendi namurughani wendi. ²⁴Apa ghatangire kufuta, murughani ghofotji ghamuretire kukwendi oyu ghamukorotire mayovi dikumi. ²⁵Ene kutunda paghakarire eshi kadiko ndhira dhokufuta, mukuru wendi gharawere mukumughuritha, pofotji nadidhiko dyendi nohanendi no keheyino ghakarire nayo, no futo dhokutapa.²⁶Murughani ghawire pamuve, ghanyongamene kughutho wendi, no kughamba, 'Mukuru, nitatere kamanana nanyi nakukufute yoyihe.' ²⁷Podiyo mukuru wawarughani, kutunda pa hamuyendithire thiwana, hamushwayithire nokumuthiyerera yikoroti.²⁸Ene yo murughani ghayendire panunda no kawana ghofotji murughani muyendhagho, oyughamukorotire dithere denarii. Gha mukwatire, ghamugamine pamudyu, no kughamba,''Nifute eyi wanikorota.' ²⁹"Ene murughani muyendhendi ghawire pamuve no kumukumbera ye, ghughamba,'Kare no mataterera nange, nanyi nakukufute we.'³⁰Ene murughani ghokutangera ghashwenine. Ene, ghayendi no kamuvukumena mudoronga kare ghakumufute eyi ghakorota. ³¹Apa haruwani hayendhendi hayimonine eyi yahokokire, hapatire thikuma. Heyire no kutongwera mukuru wagho yoyihe eyi yahokokire.³²''Mukuru wapika ghamwithire no kughamba kukwendi,'Owe murughani gho murodhi, nakuthigherere kuhatera kuyikoroti pamurandu wanithigherere me. ³³Ngokadi wakarire no thinyeke ko harughani hayendhoye, ngambi yame ngonakarire nonyeke koye?'³⁴Mukuru wendi ghapatire noghamutapire kwawamwashuri kate apa ghakutapa yoyihe eyi ghakorota. ³⁵Podigho naye Tate gho mudiwiru naye nanyi ghakuyimutende ngeshi kadi mwakuthigherera hakurwenu mumutjima dhenu.''

19¹Yeyire apa Jesusi ghamanine gha manando, ghatundire muGalilee no kwiya kuditunga dya Judeya kupitakana rware rwaJordan. ²Dhikuru mbunga dhamukuthire ye, no ghakawerukithire kuya.³HaPharisee heyire kukwendi, mukumuyereka, ghughamba kukwendi, ''Pamuragho katughuru mukushwena didhiko dyendi pakeheyino?'' ⁴Jesusi ghawahuthire no kughamba,''Kadi mwatoya eshi oyu ghawatenda kumatangero ghawatendire mukafumu no mukamadi?⁵Oyughawatenda ghaghambire naye,''Pamurandu ghoyi katughuru nanyi ghakuthiye wihe nanyina no kuna kupakerera nadidhiko dyendi, no hanu wahawadi mbohana kara thirama thofotji.' ⁶Podiyo kadi hadihawadi karo, ene thirama thofotji. Podigho kehe yi Nyambighapakerera, mwatawedhera keheyuno mukuyiyakunutha.''⁷Haghambire kukwendi,''Nako munye Mosesi ghaturawere tutape mbapira dho makushweneno no kumutuma ghakayende?'' ⁸Ghaghambire kukwagho,''Ghuthururu gho mutjima dhenu, Mosesi ghamutawedhere mukushwena hakadidhiko dyenu, enepamatangero kadi yakarire kemo. ⁹Nakumutongwera, keheyu ghokushwena didhiko dyendi, kutundithako yokuhondera; na katughuru ghokuyeka mbuyama oyu hashwena ghana hondera.''¹⁰Hakathishongero haghambire kwaJesusi,''Ngeshi kemo kengeyo katughuru na didhiko dyendi, kadiyaroghera mukuyeka.'' ¹¹Ene Jesusi ghaghambire kukwagho,''Kadi keheyuno kukoona kutambura makuhongo ghano, ene owa ngenyu ghatawedhera mukughatambura. ¹²Kohadi ha eunuch awa hakarire kemokengeyo kutunda mumara ghawanyokwagho, no awo ha eunuch awa hakutenda hathinda eunuch pamurandu ghoghufumu gho diwiru. Oyu gho kukona kutambura ghano makuhongo, muninge ghaghatambure.''¹³No hanuke hawaretire kukwendi podiyo ghawakambeke no kuraperera, ene hakathishongero wendi hawashwenekire. ¹⁴Ene Jesusi ghaghambire,''Mutawedhere hanuke hohambiru, no kadi muwashweneke kwiya kukwange, ghutungi gho diwiru ne wagho watamba.'' ¹⁵Gha turire manyara ghendi pohanuke, no ghatundirepo ghakayende.¹⁶Kenge,katughuru gheyire kwaJesusi no kughamba,''Muhongi, yinu munye yoyiwa shonitende podiyo nakuwana moyo ghororuheya?'' ¹⁷Jesusi ghaghambire kukwendi,''Nye wakunipwera yokuhatera kughuwa? Thofotji ngenyu ghuwa, ene ngeshi washana wakangene mughuparo, ture miragho.''¹⁸Katughuru ghaghambire kukwendi,''Muragho ghupi?'' Jesusi ghaghambire,''Wapagha, wahondera, wedha,wakara ghomushupi ghombango, ¹⁹kutekere hawiho nanyoko, nohake hakamaparaghumbo thika ghothinda.''²⁰Mungawana ghaghambire kukwendi,''Yoyihe yiyinu nayikuthire. Nye shime nashana?'' ²¹Jesusi ghaghambire kukwendi,''Ngeshi ghuna himi kukara ghomuhungami,yende, kaghurithe yi wakara nayo, nokayitape kwakakunyanda, noni nanyiwakukare nodyango mudiwiru; no wiye, nikuthe me.'' ²²Ene apa ghayiyuvire mungaghu yu eyi ghaghambire Jesusi, ghayendire nothinyeke,ghakarire no yinuyoyingi.²³Jesusi ghaghambire kwakathishongero wendi,''Ghushemwa nakumutongwera mwe, ghukukutu kwa katughuru mukungena mughufumu gho diwiru. ²⁴No karo nakumutongwera mwe, ghuredhi kungameno mukupita mudiho dyothonga ndani mwa katughuru ghomutungi gha kengene mughufumu waNyambi.''²⁵Apa hayiyuvire hakathishongero, hatetukire no kughamba,'''Dye keho ghakutughamwena?'' ²⁶Jesusi ghawakengire no kughamba,''Kohanu eyi neyikukutu, ene kwaNyambi keheyino ghuredhu.'' ²⁷Petrusi ghamuhuthire no kughamba,''Kenge, tuna thighi yoyihe notuna kukuthu. Nye keho yi twakuwana?''²⁸Jesusi ghaghambire kukwagho,''Ghushemwa nakumutongwera, mumwaka ghoghupya apa Mwana Munu ghakuhungumana muthipura thendi, amwe mwanikuthire me namwe nanyi mwakuhungumana muyipura dikumi no yiwadi, mukutheka dikumi nodhiwadi muhoko dhaIsrael.²⁹Keheyuno ghathighire mandhugho, hakurwendi,hakurwendi hohakamadi, wihe, nyina, hanuke, no dyango mudina dyange nanyi ghakuwane dithere dyofotji ruvedhe rwingi no kupinga ghuparo ghokuroruheya. ³⁰Thingi thohakakutanga nanyi nanyi hakukare hakaghuhura, nohakaghuhura hakakutanga.

20¹''Ghufumu gho diwiru ne yira thinda shadyango oyu ghayendire mathikuthiku ghakashane harughani muthinyamo thendi. ²Kunyima dhokukuyuva no harughani ku denari ghofotji mudiyuwa, ghawatumine munyamo.³Ghayendire karo muviri dhoghuhatu no kamona harughani hanemana mudyango dyokughurithera. ⁴Kukwagho ghaghambire,'Namwe karo, muyende munyamo, no keheyino yamuroghera nnakumupa.' Podiyo hayendire hakarughane.⁵Karo ghayendire muviri dhoghukwoko nodhofotji no karo dhoghukwoko noghune, no karughana kemo. ⁶Rofotji muviri dhodikumi nodhofotji ghayendire karo no ghakawanine hamwe hanemana. Ghaghambire kukwagho,'Nye munemanena pano diyuwa dyodihe?' ⁷''Hamuhuthire,'Pamurandu kadiko yu ghana tushimbi twe.' ''Ghaghambire kukwagho, 'Namwe muyende munyamo.'⁸Apa runguro rweyire, thinda sha nyamo ghaghambire kwamuyendithi wendi,'Withe harughani wahe nowatamburithe ndjambi dhagho, kutangera kughuhura kate kogho kutamekera.' ⁹Apa heyire harughani awa ghakashimbire muviri dhodikumi nodhofotji, wahe hawanine madenari ghawo. ¹⁰Apa hakakutanga harughani heyire, haghayarire eshi nanyi hawane yoyingi, ene nagho hawanine denari yofotji.¹¹Apa hawanine ndjambi dhagho, haghambirekuhatera thinda sha nyamo. ¹²Haghambire,''Awa harughani hokuhurera hananarughana ngenyi viri dhofotji, ene ghuna warikanyitha netu, atwe tuna pu kughuremu gho diyuwa no kukihera kughupyu.'¹³''Ene thinda ghahuthire no kughamba kwaghofotji ghopapagho,'Mushere, kadi nakutenda yoyimango. Kadi ghuna kuyuvu nange yo denari ghofotji? ¹⁴Shimbe eyi yidi eshi yoye no yende ndhira dhoye. Natorora mukutapa yi kowa hanahurera harughanipofotji yira we.¹⁵Nakara no ngcamu mukurughana eyi nashana koyi yakara kwange? Endi muna pata pamurandu ame ne mughushemwa?' ¹⁶Podiyo hakaghuhura ghombohakara hakakutanga, no hakakutanga ghhura.''¹⁷Oku Jesusi kuna kuyenda kuJerusalema, ghashimbire dikumi no hawadi kumutara, no mundhira ghaghambire kukwagho, ¹⁸''Kenge, kuna kuenda kate kuJerusalema, no Mwana Munu nanyi hakamutape kwamupristeri shokuru nawakamarukwaro. Nanyi hakamuhete no kamupagha ¹⁹no kamutapa kwaGentile podigho haheke, kumupumura,no kumupamarera. Ene mudiyuwa dyoghuhatu nanyi ghaka vumbuke.''²⁰Podigho nyina wahana Zebedee gheyire kwaJesusi no hanendi. Ghanyongamene kughutho wendi no kumwipura yimwe kukwendi. ²¹Jesusi ghaghambire kukwendi, ''Nye ghuna himi?'' Ghaghambire kukwendi,''Rawere wahanange hawadi hahungumane, ghofotji kurudyo no ghofotji kudyokodyoye dyorumoho, mughufumu ghoye.''²²Ene Jesusi ghawahuthire no kughamba,''Kadi muna dimuka eyi munakuromba. Kukona munwe kopi yu nakushana kunwa?'' Haghambire kukwendi,''Kukona.'' ²³Ghaghambire kukwagho,''Kopi wange nanyi mwakunwe. Ene mukuhungumana ku dyoko dyange dyorudyo no kudyoko dyange dyorumoho ne adi dyange dyo kutapa, ene dyowa gha royithera Tate.'' ²⁴Apa hayiyuvire hakathishongero wendi dikumi, hapatire no hakurwagho hawadi.²⁵Ene Jesusi ghawethire kukwendi no kughamba,''Mwadimuka hapiterithi ho Gentiles hawapitakana wo, no hanu homudyo hana rughanithanga muragho papagho. ²⁶Ene, keheyuno ghahima kukara mukuru mukatji kenu ghakona kukara mupika, ²⁷no keheyu ghahima kukara mukakutanga ghakona kukara mupika wenu, ²⁸thika Mwana Munu kadi gheyire mukuna murughanena, ene mukuna ghamwena, no kuna tapa yipara yendi yikarethomononitho thawengi.''²⁹Thikadi hatundire muJericho, mbunga dhodhikuru dhawakuthire. ³⁰Hakarire hatutughuru hohakunga hanahungumana kuthitavura. Apa hayuvire eshi Jesusine kuna kupita, hakugherere,''Fumu,Mwana David. tufere nyeke.'' ³¹Mbunga dhawashwenine wo, ghuwatongwera haporere, ene hadirire ghukuyerera,''Fumu, Mwana David, tufere nyeke.''³²Podiyo Jesusi ghemanine tete no kwitha no kughamba,''Nye muna himi ey sho nimutendere?'' ³³Haghambire kukwendi,''Fumu, meho ghetu ghayandhuruke.'' ³⁴Na Jesusi, ghayendire no neke, ghakwatire meho ghawo. Popo hawanine kumona no hamukuthire.

21¹Apa Jesusi no hakathishongero wendi hakokere Jerusalem no kwaiya kuBethphage, ku dirundu dyaOlives, podiyo Jesusi ghatumine hakathishongero wendi hawadi, ²ghughamba kukwagho,''Muyende kumukunda gho kurandako, nanyi mukawane thidongi hanaghangera, no kakambeghana. Kayishuture no kayirete kukwange. ³Ngeshi kehe yuno ghakaghambe keheyino kuhaterayo, kaghambe,''Fumu ghana yinyanda,' no munu yo popo nanyi ghakakutume nayo.''⁴No yi yeyire moyi ghaghambire kupitera mwawaporofeta yikume mo. Ghaghambire, ⁵''Tongwere mwana Zion,'Kenge,Fumu ghoye kuna kwiya kukoye, Kukumbirupitha no noghudhina padongi-no kakambeghaana,myero gho dongi.''⁶No hakathishongero wendi hayendire nokurughana thikadighawarawere Jesusi. ⁷Haretire thidongi no kakambe ghana nokuyitura mangugho papagho, naJesusi ghahungumane pamangugho. ⁸Thingi thawanu haturire mangugho ghawo kumbadi dhothitavura, hamwe hatetire mite kuyitondo no kuyiyara muthitavura.⁹Mbunga dhi dhayendire kughutho waJesusi no awa hamukuthire hakugherere,''Hosanna kwa mwana David! Ghokukandadheka ne yoya ghokwiya mudina dya Fumu! Hosannane yoghapiterera!'' ¹⁰Apa gheyire Jesusi muJerusalem, doropa dhodhihe dharorere nokughamba,''Dye yu?'' ¹¹Mbunga dhahuthire,''Oyu ne Jesusi muporofeta gho Nazareth muGalilee.''¹²Jesusi ghengenine mu tembeli. Gha tjidhire wahe wa haghurire no kughuritha mutembeli, no ghawithire matishi ghomasherenyi gho kutjindja no yipura yowo haghurithire maputukuwa. ¹³Ghaghambire kukwagho,''Hayitjanga,'Ndhugho dhange nanyi hakudhithe eshi ndhugho dhomandapero,'ene muna tendi dyango dyo hedhi.'' ¹⁴Podigho hakunga no harema heyire kukwendi mutembeli, no ghawerure.¹⁵Ene apa mukuru wapristeri no hakamarukwaro apa hayimonine yitetukitha yi ghatendire,no apa hayuvire hanuke hana kukuyerera mutembeli nokughamba,''Hosanna mwana David,''ha patire thkuma. ¹⁶Haghambire kukwendi,''Eyi ghuyuva eyi hana kughamba?'' Jesusi ghawahuthire,''Kemo! Ene kadi mwatoya,'Kutunda mukanwa kohanuke hohambiru no kukunga tumbututu mwaroyithera ruhaho'?'' ¹⁷Jesusi podiyo ghawathighireno ghayendire panunda dhodoropakuBethany no ghakakarireko ghuthiku ghofotji.¹⁸Pamathikuthiku apa ghakahukire kudoropa, ghafire ndhara. ¹⁹Ghamonine thitondo kuthitavura, ghayendire kukwatho nokadiko yighakawanineko kutundithako mahako. Ghaghambire kukwatho,''Ngowakukare eshi kadiko mbuyo kuroruheyakaro,'' no popo thitondo thi thakukutire.²⁰Apa hayimoninehakathishongero yi,hahafire no kughamba,''Ngepi ethi thitondo thina kukuta kare?'' ²¹Jesusi ghawahuthire no kughamba,''Ghushemwa nakughamba kukwenu, ngeshi mukare no matawero no kadiko matamanyi, kadi mwakutenda yi natendi kuthitondo ngenyu, ene nanyi mwakughambe kumarundu,'Kughashimba no kaghavukumena mudikuruviya,' no nanyi yakuhokoke. ²²Keheyino muna kuromba mumandapero, nanyi mwakuyiwane.''²³Apa Jesusi gheyire mutembeli, mukuruwaprisiteri nohakuru wahanu heyire kukwendi oku yene pakuhonga no kughamba,''No ngcamu munye ghuna kurughana yiynu yi?'' ²⁴Jesusi ghawahuthire no kughamba kukwagho,''Name kuna kumwipura dipwero dyofotji. Ngeshi munitongwere me, nanyi nimutongwere mwe eshi no ngcamu munye nakurughana yinu yi.²⁵Diyoghero dyaJohanesi-kupi dyatunda? Kudiwiru endi kwahanu?'' Hakuvurekire mukatji kagho, ghughamba,''Ngeshi tughambe,'Kutunda kudiwiru,'nanyi ghaghambe kukwetu,'Nye twadhirire kumutawa?' ²⁶Ene ngeshi tughambe,'Kwa hanu,' tuna yapa mbunga, yoyishi wahe hamonine Johanesi yira muporofita.'' ²⁷Podiyo hahuthire Jesusi nokughamba,''Kadi tuna dimuka.'' Naye ghaghambire kukwagho,''Name mbadi shonimutongwere eshi nongcamu munye narughananga yinu yi.²⁸Ene nye mwakughayara? Katughuru ghakarire nohana hawadi. Ghayendire kwaghokutanga nokughamba,'Mwanange, yende ghukarughane dyarero mumandjembere.' ²⁹''Mwanendi ghamuhuthire no kughamba,'Kadi sho ni yitende,' ene kunyima ghakutjindjire maghano ghendi no ghayendire. ³⁰"Nakatughuru ghayendire kwamwanendi ghoghuwadi no kaghamba yinu yofotji. Ghakamuhuthire no kughamba,'Nanyi niyende, ghodikuto,' ene kadi ghayendire.³¹Yipi pakatji kohana hawadi ghatendire yihima yawihe?'' Haghambire,''Gho kutanga.'' Jesusi ghaghambire kukwagho,''Ghushemwa nakughamba kukwenu, haketethi no hakakukughuritha nanyihangene mughufumu wa Nyambi kughutho wenu. ³²Johanesi gheyire kukwenu mundhira dhoghuhunga, ene kadi mwamutawire. Ene haketethi no hakakukughuritha hamutawire. Ene mwe, ngambi pamwamonine yi, kadi mwapirukire kunyima no kumutawa.³³"Mutegherere kumatadhi ghamwe. Pakarire katughuru,thinda shadyango. Ghakunine mandjembere, no kutenda thiginditho, ghathimine mo, ghatendire pokukengerera, no ghathihirithire kohakuni mandjembere. No ghayendire muditungadimweya. ³⁴Apa rwakuminemo ruvedhe rokukesha mbuyo, ghatumine hapika koha kuni mandjembere mukashimba mbuyo.³⁵Ene hakuni wa hashimbire hapika wendi, kupumura ghofotji,kupagha ghumwe, no kukuyipitha ghumwe. ³⁶Karo,thinda ghatumine hapika hamwe, hengi kupitakana hokutanga, ene hakuni wahatendire thikawaya hokutanga. ³⁷Kunyima dhoyiya, thinda ghatumine mwanendi kukwagho, ghughamba,'Nanyi hakakukutekere mwanange.'³⁸"Ene hakuni wa apa hamonine mwanendi, haghambire kukwagho hathinda,'Oyu ne yo mupingi. Mwiye, ninge tumupaghe no kushimba yoyihe yipinga.' ³⁹Podiyo hamushimbire, hamuvukumine panunda dho thinyamo no kumupagha.⁴⁰Apa thinda mukathinyamo shagheye, nye shana tende kowa hakuni?'' ⁴¹Haghambire kukwendi,''Nanyi ghakuwa dhongonone hanu hohayi mundhira dhodhiyi, no nanyi ghakuthihirithe thinyamo kohakuni hamwe, hanu wahakumupa yiyangura yagho yimwe paruvedhe romuyangu.''⁴²Jesusi ghaghambire kukwagho,''Kadi mwatoya mumatjangwa,'Diwe di mukakutenda ghashwenine hana ditendi dyopadishonga. Eyi kwatundire kwa Fumu, no yiwa mumeho ghetu'?⁴³Podiyo nakughamba kukwenu, ghufumu waNyambi nanyi hakughushimbe kukwenu no nanyi ghakughutape kuditunga edi dyakureta mbuyo dhapo. ⁴⁴Kehe yu ghakuwera padiwe pa nanyi hakumutjoraghure muyipindhi. Ene keheyuno apa dyakuwera nanyi dyakumudjame.''⁴⁵Apa mupristeri shokuru no haPharisee hayuvire matadhi, hatjwathane ghaghambire kuhatera wo. ⁴⁶Kushana kumukwata, hayapire mbunga, yoyishi hanu hamushimbire wo eshi muporofeta.

22¹Jesusi ghaghambire nagho mumatadhi,ghaghambire, ²''Ghufumu ghdiwiru ne yira fumu ghumweya ya gharoyithire mayekero gha mwanendi. ³Ghatumine hapika muketha awa hethire kumayekero gha, ene kadi heyire.⁴Karo fumu ghatumine hapika, ghughamba,'Mukatongwere wa twetha,'' Kenge, Naroghitha murarero. Ndwedho wange gho kununa na pagha, no yoyihe yinapu. Mwiye kamayekero.'''⁵Ene kadi haturireko dighano no hayendire, ghofotji kufarama, ghumwe kungeshefa dhendi. ⁶Hamwe hashwenekire hapika wafumu, no hawafithire honyi, no kuwapagha. ⁷Fumu ghapatire, noghatumine mashurundate ghendi ghakapaghe wa hapaghi nokutumekera doropa dhagho.⁸No ghaghambire kwawapika wendi,'Mayekero ne gharogho, ene watwethire kadi mudyo. ⁹Podiyo muyende kuthitavura no ketha hanu hohengi kumayekero.' ¹⁰Hapika hayendire kuthitavura noketha hanu wahe wahawanine, wahe hohamango nohawa. Kenge diyugho dyomayekero dyayarire nohagenda.¹¹Ene apa gheyire fumu mukuna kenga hagenda, ghamonine katughuru oyu ghadhirire kuvata yitere yomayekero. ¹²Fumu ghaghambire kukwendi,'Muyendhange, ngepi dighuneya mo muno okuwene kadiko yitere yo mayekero?' Ene katughuru yune ghapirire manando.¹³Fumu ghaghambire kwahapika,'Mughange katughuru yu moko no maghuru, npmukamuvukumene panunda dhodikokore, oku ghakadira nokukukwetjira mayegho.' ¹⁴Thingi thawanuhawetha, ene hapu hatorora.¹⁵Podiyo haPharisee hayendire no no kurongathana eshingepiedi hakumukwata Jesusi muyighamba yendi. ¹⁶Podiyo hamutumene hakathishongero wagho, pofotji naHerodian. Haghambire kwaJesusi,''Muhongi, twadimuka eshi owene wayara ghushemwa, no wahonganga ndhira dhaNyambi dhoshemwa. Wakara nothinga mukehe dighano dyamunu, no kadi watorora pakatji kawanu. ¹⁷Tutongwere twe, nye wakughayara? Pamuragho vene mukufuta mutero kwaCaesar endi kadi kemo?''¹⁸Jesusi ghatjwathanine ghurodhi wagho no kughamba,''Nye muna kuniyerekera me, amwe mwahayidena? ¹⁹Munineghedhe dipeni dyo mutero.'' Podigho haretire denari kukwendi.²⁰Jesusi ghawatongwere,''Thiperende thadye no dina dyadye di?'' ²¹Haghambire kukwendi,''Caesar.'' Podiyo Jesusi ghawatongwere,''Mukayitape kwaCaesar, no kwaNyambi yinu ya Nyambi.'' ²²Apa hayiyuvire yi, hatetukire. Podiyo hamuthighire nohakayendire.²³Modyo diyuwa haSaddecee hamwe, awa haghamba eshi kadiko muvumbukero, heyire kukwendi. Hamwipure, ²⁴ghughamba,"Muhongi, Mosesi ghanaghamba,'Ngeshi munu kufa, kadiko hana,mukurwendi ghakona kuyeka munuwendi no kuwana hana wamukurwendi.'²⁵Hakaghukurwa hakarire kwoko nohawadi. Ghofotji ghayekire no kufa. Kadighathighire hanuke, ghathighire munuwendi kwa mukurwendi. ²⁶Namukurwa ghoghuwadi ghatendire kemo naye,no ghoghuhatu,kutwara kate kwaghoghukwoko no ghuwadi. ²⁷Kumana wahe, mbuyama ghafire. ²⁸Pamuvumbukero, muna dye ghakakara pakatji kowa hakaghukurwa kwoko nohawadi? Awo ne wahe hamuyekire.''²⁹Ene Jesusi ghawahuthire no kughamba kukwagho,''Muna kwira yoyishi kadi mwadimuka matjangwa gho ngcamu ghaNyambi. ³⁰Mumuvumbukero haka kupirkuyeka mbohana kawapa yiyeka. ene, yira ha engeli ho mudiwiru.³¹Ene kuhatera kumuvumbukero wawafu, kadi mwatoya eyi ghaghambire Nyambi kukwenu, ghughamba, ³²''ame ne yame Nyambi waAbraham, Nyambi waIsaac, no Nyambi waJakobusi'? Nyambi ne kadi Nyambi wawafu, ene wawayumi.'' ³³Apa dhayiyuvire yi mbunga, hatetukire kumakuhongo gha.³⁴Ene apa haPharisee hayiyuvire eshi Jesusi ghana poreritha haSadducee, hakupongekire wahe. ³⁵Ghofotji ghopapagho, mudimuki gho muragho, ghepurire dipwero, mukumuyereka- ³⁶''Muhongi, muragho munye wapitakanena mumiragho dhodhihe?''³⁷Jesusi ghaghambire kukwendi,'''Hake Fumu Nyambi ghoye no mutjima ghoye, no mudhimu ghoye, nomaghano ghoye ghomahe.' ³⁸Oghu ne gho muragho no ghoghoghokutanga muragho.³⁹No ghokurandako muragho ne yira thino-'Hake hakamaparaghumbo thika ghoghinda.' ⁴⁰Podhi dhiwadi dhimuragho podhakurupera muragho dhodhihe no haporofeta.''⁴¹Oku haPharisee shime hapongera, Jesusi ghawepure dipwero. ⁴²Ghaghambire,''Nye muna kughayara kwaKristusi? Mwana dye ye?'' Haghambire kukwendi,''Mwana David.''⁴³Jesusi ghaghambire kukwagho,''Ngepi ye David muMupepo ghana mwithanga Fumu, ghughamba ⁴⁴'Fumu ghaghambire kwaFumu wange, ''Hungumane kudyoko dyange dyorudyo, kate nakutende hanyathi ghoye pokuhungumana''''?⁴⁵Ngeshi David hetha Kristusi'Fumu,'Ngepi ye David hanendi?'' ⁴⁶Noghofotji temba ghakonine kumuhutha nando, no kadiko katughuru hahimine kumwipur

23¹Podiyo Jesusi ghaghambire kumbunga no kwakathishongero wendi. ²Ghahambire,''Hakamarukwaro no haPharisee hahungumane mwaMosesi' thipura. ³Podiyo keheyino hakumurawera kurughana,mutende no muwakengurure. Ene kadi mutemunune yitenda yawo, awo kughamba yinu no mbadi wakuyitenda.⁴Kemo, harongera murongero ghoghuremu ghokadi wakukona kughudhamuna hanu haghuture pamapeghe. Ene awo hathinda kadi hakuyenditha mnwe wagho mukudhamuna. ⁵Awo kutenda yinu yagho podiyo hanu hawamone. Awo kutenda mandhira ghawo ghuyaghuyu, no kukurupitha ghughura ghoyivata yagho.⁶Hahaka dyango dya fumu no fumu kuhungumana musynagogue, ⁷no kumumorora thiwana mumango ghokughurithera, no kumwitha eshi'Rabbi' hanu.⁸Ene kadi hakamwithe'Rabbi,' amwe mwakara no muhongi ghofotji, no mwahe mwakaghukurwa. ⁹No mwakwitha keheyu katughuru pamuve eshi wuhenu, amwe Wihenu ne ghofotji, no aye ne mudiwiru. ¹⁰Endi mukumwitha eshi'muhongi,' amwe mwakara no muhongi ghofotji, Kristusi.¹¹Ene gho mukuru kupitakana mukatjikenu ghakona kukara mupika. ¹²Keheyuno gho kureya thinda nanyi ghakukumbirupithe, no keheyuno kumirupithe ghothinda.¹³Ene ghupata kukwenu, mwakamarukwaro nohaPharisee, mwahayidena! Mwayandhera ghufumu ghodiwiru kwimanganyena hanu. Amwe kadimwakangenamo mwathinda, endi katawedhera awa hakuninga eshi tamba ¹⁴hakungene mukurughana kemo. ¹⁵Ghupata kukwenu mwe, mwakamarukwaro no haPharisee, hahayidena! Kwenu mwe ghokureyadikuruviya no muve mukatenda makutjindjo, no pakukara yofotji, kumutenda ruwadi thikuma mwana ghoghuyi yira we.¹⁶''Ghupata kukwenu, amwe mwapiterithi hohakunga, amwe gho kughamba,''Keheyu ghokutuka kutembeli, ne kadiko. Ene keheyu ghokutuka ngorondo gho mutembeli, aye ghanareghi medhero.' ¹⁷Amwe mwakunga ghohayero! Yipi yoyikuru, ngorondo endi tembeli oyughateda ngorondo ghukenu?¹⁸No, 'Kehe yu gho kutuka kutishi, ne kadiko. Ene keheyu gho kutuka yitapa eyi yidipo, aye ne ghana reghi medhero.' ¹⁹Amwe mwakunga! Oyu ghapitakana, yitapa end tishi oyu ghatenda yitapera ghukenu?²⁰Podiyo, keheyu gho kwedhera kutishi, ghana tuku kehe yiyidipo. ²¹Kehe yu gho kutuka kutembeli ghanatuku oyu ghatunga mo. ²²Noyu gho gho kutuka diwiru ghana tuku kughuturo waNyambi no pendi ghoyughahungumananga po.²³''Ghupata kukwenu, mwakamarukwaro, haPharisee, hahayidena! Muyambo, ene mwe mwathigha kadi hayimana na mumuvihi no yimwe yo veta-ghughu ghomunu no nyeke no matawero. Eyi ne mwaroghera kuyirughana no kadiwakuyithiya kadi hana yitendi. ²⁴Amwe mwapiterithi ghokufa meho, amwe gho kuvukuma dimboha no kumina ngameno!²⁵''Ghupata kukwenu, mwakamarukwaro nohaPharisee, hahayidena! Amwe kuyogha panunda kopi no karonga, ene mwishi ne mwayara ghugu no kukununeka. ²⁶Mwakunga mwe mwaPharisee! Muyoghe tango pakutanga mwishi dhokopi no karonga, podiyo panunda napo pakene.²⁷''Ghupata kukwenu, mwakamarukwaro nohaPharisee, hahayidena! Amwe ne yira mbira dhiya dhodhikenu hayogha, adho panunda kumoneka ghuwa, ene mwishi dhadho ne mwayara hanu hokufa yishokora no yoyihe yanyata. ²⁸Mundhira dhofotji, namwe karo kumoneka panunda mwahunga ghohanu, ene mwishi ne mwayara ghuhayidena noghuringiringi.²⁹Ghupata kukwenu, mwakamarukwaro no haPharisee, mwahayidena! Amwe mwatenda mbira dhamuporofeta no kuroyitha mbira dhawahungami. ³⁰Amwe kughamba,'Ngo twaparire mumayuwa ghawawihetu, ngo twakarire twahateri nawo mukunotora manyinga ghawaporofeta.' ³¹Podiyo nanyi mwakakutongonone mwathinda eshi yamwe mwapayire haporofeta.³²Namwe kuyiyuva yimeta yo hawihenu. ³³Amwe mwapika, amwe mwahana wayiyoka, ngepi di mwa kuhenduka diyuwa dyo matheko ghokunyanda?³⁴Podigho, kenge, kuna kukutumena haporofita no hanu hohanyanyami no hakamarukwaro. Hamwe nanyi wakupaghe no kuwapamarera, no hamwe nanyi wakuwamwashure mumasynagogue no kuwahinga hashwaghe mudoropa yenda doropa. ³⁵Yitundamo ne papoye yakwiya no manyinga ghomahe ghomahunga agha ghanotoka pakaye, kutunda kumanyinga gho mahunga Abel, kumanyinga gha Zachariah mwana Barachiah, oyu mwapayire pakatjikokuheta no altare. ³⁶Ghushemwa nakumutongwera, yinu yoyihe yi nanyi yakwiye pamuhoko ghu.³⁷''Jerusalema,Jerusalema, amwe gho kupagha haporofeta no kupagha awa hatuma kukoye! Ngepi edi nashana kureta hanenu pofotji, yira tutjighotjigho tudi mwishi dhomando, ene kadi mwashanine! ³⁸Kenge, ndhugho hadhithigha. ³⁹Podiyo nakumutongwera, kadi mwakunimona kutunda pano kate mwakughambe,'Kutungeka ne oyu gheya mudina dyaFumu.'''

24¹Jesusighayendire panunda dhotembeli no ghayendire ndhira dhendi. Hakathishongero wendi heyire kukwendi mukuna neya kukwendi dikuma dyotembeli. ²Ene ghawahuthire no kughamba kukwagho,''Kadi mwakumona yinu yoyiheyi? Ghushemwa nakumutongwera, kadiko diwe di hakuthiya padimwe edi hakudhira kumbindumuna.''³Oku ghana hungumana padirundu dyaOlive,hakathishongero wendi heyire no kughamba,''Tutongwere, munye yakuhokoka yinu yi? Yidimukitho munye yakukarapo pamwiyero ghoye no kughuhura?'' ⁴Jesusi ghawahuthire no kughamba,''Mutakamithe eshi kadiko yu shamupemukithe. ⁵Hengi hakwiya mudina dyange. Nanyi hakughambe,'Ame ne yame Kristusi,' no nanyi yakuyongarithe hengi.⁶Nanyi mwakuyuve yita. Mwakukudhekera, eyi yinu ne yakona kuhokoka; ende ghuhura ne shime. ⁷Matunga nanyi ghakukwimanganyene, no ghufumu no ghufumu. Nanyikwakukare ndhara no kukunyunga ko muve mumango ghokukuthiyathiya. ⁸Ene yoyyihe yine ghomatangero gho maretero gho tjitju.⁹Nanyi hakumutape no kumupagha. Nanyi hakumunyeke matunga ghmahe pamurandu ghodina dyange. ¹⁰Hengi hakuyapa, no kukrwitha hamweya nokunyenga hamweya. ¹¹Thingi tho haporofeta hombango nanyi hakwimane no kuyongaritha hamweya.¹²Pamurandu kupira muragho nanyi kwakwingipe, kuhaka kohengi nanyi kwakukure noghutenda. ¹³Ene yu ghakudhidhimeka kate kughuhura nanyi ghakumukunge. ¹⁴Edhi mbudhi ghoghufumu nanyi hakudhiyuvithe mukaye kokahe no makutapo mumatunga ghomahe. No ghuhura ghowakwiye.¹⁵''Podigho, apa mwakumona matjorero no makuyakunukero, eyi ghaghambire Daniel gho muporofeta, wimana mudyango dyokupongoka''(ninge mukakutoya ghatjwathane), ¹⁶''Ninge wa hadi muJudea hatjirere kumarundu, ¹⁷ninge yu ghadi mukuru gho dighumbo kadi ghayende no kashimba keheyino mundhugho, ¹⁸no muninge oyu ghadi mudipya kadi ghahuke ghakashimbe viri dhendi.¹⁹Ene ghupata kowo hadi no hanuke nowa hana kuyamweka hanuke mayuwa gho! ²⁰Muraperere eshi yinu yi kadi yakuhokoke pakufu endi muMapeghu. ²¹Ngo nanyi ghakukare makwirero, yira yi yapirire kumatangero gho kaye kate popano, ka, endi karo. ²²Shimengwa ogho mayuwa ne hakughafupipithe, kadiko nyama edhi hakukunga. Ene pamurandu gho kutorora mayuwa gho nanyi ghaku ghafupipithe.²³Ngeshi kehheyuno haghamba,'Kenge, pano ne Kristusi!' endi,'Oyo ne yo Kristusi!' kadi muyitawe. ²⁴Kwa Kristusi gho mbudhi no haporofeta hombango nanyi hakwiye no kuna neghedha yineghedha no yitetukitha, podiyo hamuyongarithe, ngeshi kukona,ngambi hahunga. ²⁵Kenge, namutongwera kughutho dhoruvedhe.²⁶Podigho,ngeshi haghambe kukwenu,'Kenge, ghana yongara mumuthitu,' watunda mumuthitu. Endi,'Kenge,aye ne mwishi dho ngonda,' kadi muyitawe. ²⁷Thika diwamunekanga mushoro oghu gho kutunda mudiva no kumunekera ghutambeditokera, no mwiyero waMwana Munu. ²⁸Kehe ku thakukara thiyama thokufa, tjihere ne kuponga.²⁹''Ene popo pakupwa yihokoka yi gho mayuwa diyuwa nanyi dyakukare dikokore, kaghonda kadi kakukara no thishe, nungwedhi nanyi dhakuwe kutunda kuwiru, no mangcamu gho diwiru nanyi ghakukunyunge.³⁰Nothineghedhitho thaMwana Munu nanyi gha kumoneke mudiwiru, no muhoko dhodhihe dhopakaye nanyi dhakudire. Nanyi hakumone Mwana Munu kuna kwiya mumavuyi ghodiwiru no ngcamu no ruhafo. ³¹Nanyi ghakutume ha engeli wendi no kudiritha torombita, no nanyi hakuponge pofotji no hahungami ho kutunda kudhimupepo dhine, kutunda kughuhura ghofotji gho diwiru.³²''Kuhonge thikuhonga kutunda kuthitondo tho thiyu. Popo pakuningamite dhikukute no kupurumuna mahako, ghuna dimuka eshi ditenya pepi didi. ³³Podiyo karo, pakumona yoyihe yi, wakona kudimuka eshi pepi ghadi, pathero.³⁴''Ghushemwa nakumutongwera, muhoko kadi wakupita kate yoyiheyi yakuhokoke. ³⁵Diwiru no uve nanyi yakupite, ene nando dhange kadi hakupwa.³⁶Ene kuhatera kudiyuwa no viri edhi ghadhira kudimuka keheyuno, ngambi ha engeli mudiwiru, ngambi Mwana, ene pithendi Wihe.³⁷Thika mayuwa ghaNoah, dyo ghakukara mwiyero waMwana Munu. ³⁸Mogho mayuwa kughutho gho kurowera hadire no kunwa, kuyeka nokutapa muyiyeka kate diyuwa Noah ghangenine muwato, ³⁹no kadiko eyi hadimukire kate kurowera kweyire nokuna washimba wahe- dyo mbokukara mwiyero waMwana Munu.⁴⁰Hanu hawadi wa nanyi hakare mudipya- ghofotji nanyi hamushimbe, noghofotji nanyi ghathighare. ⁴¹Hanu hawadi nanyi hatwange mushungwa- ghofotji nanyi hakumushimbe, noghofotji nanyi ghakuthighare. ⁴²Podiyo mukare muna kukengerera, amwe kadi muna dimuka diyuwa gha kwiya Fumu.⁴³Ene dimuke yino, ngeshi mukuru wendi gho ndhugho ghadimuka eshi nako munye ghakwiya mwidhi, ngo ghakarire ghana kukengerera no ngo kadi ghatawedhere ndhugho dhendi ghadhitjore. ⁴⁴Podiyo namwe mwakona kukuroyithera, Mwana Munu nanyi ghakwiye muviri dhituna piri kutatera.⁴⁵''Oyu ghakara noghutawedhi no ghunyanyami mupika oyu mukuru wendi ghamutura padimbo mukutapayidya paruvedhe roruhunga? ⁴⁶Mutungeki ne ya mupika oyu ghakunawana ghakurughana yinu yo apa ghakwiya. ⁴⁷Ghushemwa nakumutongwera mukuruwendi nanyi ghakumuture kuyoyihe yi ghamuna mukuruwendi.⁴⁸Ene ngeshi mupika ghomuyi haghamba mumutjima,'Mukuru wange ne hanamuranga,' ⁴⁹no kutanga kupumura hayendhendi hapika, no kudya no kunwa nawangorwi, ⁵⁰no mukuru ghoyo mupika nanyi ghakwiye mudiyuwa di hakudhira kutatera no viri dhi hakudhira kudimuka. ⁵¹Mukuru wendi nanyi ghakumutetaghure muyipindhi no kamutura nawahayidena, oku ghakadira no kukukwetjira mayegho.

25¹''Ghufumu gho diwiru nanyi wakukare hakamadi dikumi wahadhira kukupirukera nakafumu awa hashimbire maramba ghawo no hayendire hakawane mayenganyambi. ²Hakwoko hakarire hayero no hakwoko hanyanyami. ³Hayero hashimbire maramba ghawo, kadi hashimbire maghori. ⁴Ene hanyanyami hashimbire tundini tomaghori no maramba.⁵Pano oku mayenganyambi hamurangire, wahe hakarire turo no hararire. ⁶Ene pakatji koghuthiku pakarire madiro, 'Kenge,mayenganyambi! Yende panunda no kamuwane.'⁷Thingi thowahapira kurara nakafumu ghemanine no hamunekire maramba ghawo. ⁸Hayero haghambir kwawanyanyami,'Mutupeko maghori yoyishi maramba ghetu kuna kupwa.' ⁹Ene hanyanyami hahuthire,'Kutunda pa kadishakare ghana rikanya natwe namwe, muyende kowo hanaghurithana no mukaghure ghenu.'¹⁰Oku hana yendi hakaghure maghori, mayenganyambi gheyire, nowa hakarire hana kuroyithera hayendire nendi kumayekero, no muvero haghuyandhere. ¹¹''Munyima hakamadi wa hohayero hakeyire no kughamba,'Mukuru, mukuru, tuyandhwere.' ¹²''Ene ghawahuthire,'Ghushemwa nakumutongwera, kadi namudimuka mwe.' ¹³Murorere popo, amwe kadimwadimukadiyuwa no viri.¹⁴''Eyineyira popa katughuru ghashanine kuyenda muditunga dimwe. Ghethire mupika wendi thinda no kumupa ghutungi wendi. ¹⁵Kwaghofotji ghatapire maghudimuki makwoko, kwaghumwe ghatapire mawadi, no kwaghumwe karo ghatapire yofotji. Keheyuno ghawanine kukutha kughudimuki, no katughuru ya ghayendire muruyendo rwendi. ¹⁶Oyu ghawanine makwoko ghayendire no kaghakuritha popo no ghakatendire makwoko karo.¹⁷Thikadyo ghofotji yu ghawanine mawadi ghatendire mawadi. ¹⁸Ene mupika yu gha wanine dyofotji, ghathimine dikwina mumuve, no ghadihorekire.¹⁹Apa papitire ruvedhe rorukuru mukuru wawapika ghakahukire no kuna tapa mukudi nagho. ²⁰Mupika yu ghawanina masherenyi makwoko gheyire no kureta karo masherenyi makwoko. Ghaghambire,'Mukuru, wanipire masherenyi makwoko. Kenge, natendi masherenyi makwoko karo.' ²¹''Mukuru wendi ghaghambire kukwendi,'Thiwana watenda, thiwana no ghudhughutjima mupika wange! Wakarire ghudhughutjima kuyinu yoyipu. Nanyi nikuture ghupiterithe yinu yoyingi. Ngene muruhafo namukuru ghoye.'²²''Mupika yu ghawanine masherenyi mawadi gheyire no kughamba,''Mukuru, wanipiremasherenyi mawadi. Kenge, nawedhererapo mawadi.' ²³''Mukuru wendi ghaghambire kukwendi,'Thiwana watenda, thiwana ghutjima mupika wange! Wakara no ghudhughutjima kuyinu yoyipu. Nanyi nikuture ghupiterithe yinu yoyingi. Ngene muruhafo rwamukuru ghoye.'²⁴''Podigho murughani oyu ghawanine dyofotji gheyire no kughamba,'Mukuru, nadimuka eshi owene kukengurura thikuma. Kuyangura oku wadhira kukuna, no kukesha oku wadhira kumwagha. ²⁵Nayapire, nayendire no kathima dikwina no kahoreka sherenyi ghoye mumuve. Kenge, ghudi nayo yi yakara yoye.'²⁶''Ene mukuruwendi ghaghambire kukwendi,'Ghomurodhi no ghomukashu we mupika, wadimuka me shine kukesha munadhirirekukuna no kuyangura yi nadhirire kumwagha. ²⁷Podiyo ngowatapire masherenyi gha kumbanga, ngo panakahuka ngonanawana yiwedherera yange.²⁸Podiyo shimbe ghudimuki kukwendi no ghutape kwahapika awa hakara no maghudimuki dikumi. ²⁹Kwakeheyu ghokuwana, yingi ghakumupa- noyingi thikuma. Ene kwakeheyu gho kuyongaritha keheyino, ngambiyighakara nayo nanyi ghakuyimushimbe. ³⁰Vukume mupika ghokupira mudyo mudikokore, oku kwakakara kudira no kukukwetjura mayegho.'³¹''Apa Mwana Munu ghakwiya mumangcamu ghendi no ha engeli nendi, no ghakahungumanepathipura thendi. ³²Kughutho wendi nanyi hakukongane hanu wahe ho mumatunga ghomahe, no nanyi ghakutaghure hanu, yira mukungi ghana kutaghura ndjwi ku nombo. ³³Nanyi ghakuture ndjwi kurudyo rwendi, ene nombo kurumoho rwendi.³⁴Podiyo Fumu nanyi ghakughambe kohokurudyo rwendi, 'Mwiye, amwe mwakadirago kwaTate, mwapingi ghoghufumu hamuroyithera mwe kutunderera kukaye. ³⁵Ame nafire ndhara no mwanipire yokudya; nafire dinota nomwanipire yokunwa; kadi mwanidimukire ene mwanishimbire; ³⁶nafire wira no mwanivatekire; nakorwire no mwanipakere thinga; nakarire mudorongo no mweyire kukwange.'³⁷''No hahungami nanyi hakughambe,'Fumu,nakomunye twakumonine ndhara no twakupire yokudya? Endi dinota no twakupire yokunwa? ³⁸Nako munye twakumonine eshi kaditwakudimuka no twakushimbire?Endi wira no twakuvatekire? ³⁹Nako munye twakumonine tjitji mudorongo notwakupakere thinga?' ⁴⁰Podiyo Fumu mboghana wahutha nokuwatongwera,'Ghushemwa nakumutongwera, eyi mwatendire kwaghofotji ghohakaghukurwa wange, mwayitendire kukwange.'⁴¹No mboghana ghamba kowa hokudyokodyendi dyorumoho,'Mushwaye kukwange, hamukuta, mumudiro ghororuheya oghu hamuroyithera kwenu mwe mwayipithi no ha engeli wenu, ⁴²yoyishi ame nafire ndhara, ene kadi mwanipire yidya; nafire dinota, ene kadi mwanipire yokunwa; ⁴³kadi mwanidimukire, ene kadi mwanitambure; nafire wira, ene kadi mwanivatekire me; nakorwire mudoronga, ene kadimwanipakere thinga me.'⁴⁴''Nagho nanyi hakuhuthe no kughamba,'Fumu,nako munye twakumonine ndhara, dinota, kadiko yitere, endi tjitju, endi mudorongo, no kadi twakughamwene?' ⁴⁵''No mboghana hutha no kughamba,'Ghushemwa nakumutongwera, kadi mwayitendire kukwange.' ⁴⁶Eyi nanyi yakuyende kumahumbithero ghokuroruhe ene hahunga wo ne kumoyo ghororuhe.''

26¹Yeyire apa Jesusi ghamanine manando, ghaghambire kwakathishongero wendi, ²''Mwadimuka shi kunyima dhomayuwa mawadi pasika ne kuna kwiya, Mwana Munu nanyi ghakumutape no kamupamarera.''³Mupristeri shokuru nohakuru wahanu hakonganine mumbara dha mupristeri shokuru, oyu hatire eshi Caiaphas. ⁴Hakuyuvire waheya mukukwata Jesusi muwidhi no kumupagha. ⁵Awo haghambire,''Kadi pamukandi, podiyo yita kadi yakwimanganye mwawanu.''⁶Oku Jesusi shime kuBethany mudimbo dya Simoni gho mukayinondwe, ⁷oku yene pakukenitha tishi,mbuyama ghamwiyere nokopi gho ndhiro nomaghadhi, no ghamunotwere kumutwi. ⁸Ene apa hayimonine hakathishongero wendi yinu yi, hapatire no kughamba,''Pamurandu munye ghoru rupetho? ⁹Eyi ngo kuna yighuritha kumanyinga ghomakuru no kutapa kwawakakunyanda.''¹⁰Ene Jesusi, mukuyidimuka yi, ghawatongwere,''Nye mwakupethera mbuyama yu? Aye ghana tendi yinu yoyiwa kukwange. ¹¹Kehe pano mwakaranga nawa hepwe, ene kadi mwakaranga nange kehepano.¹²Apa ghananotora maghadhi gha payirama yange, ghana yirughanena mahoreko ghange. ¹³Ghushemwa nakumutongwera, kehe pano hayuvithanga mbudhi dhodhiwa mukaye kokahe, keheyi ghana rughana yuno mbuyama nanyi hakuyighambe mumavurukero ghendi.''¹⁴Ghofotjo ghopo dikumi nohawadi, oyu hatire Judas Iscariot, ghayendire kwamupristeri shokuru ¹⁵no kughamba,''Nye muna shana kunipa podiyo nimutape kukwenu?'' Havihire makumi mahatu ghoyipindhi yo siliveri kukwendi. ¹⁶Kutunda po ghawanine ndhira dhokumutapa kukwagho.¹⁷Diyuwa dyokutanga dyokyondaghura ghuroto hakathishongero heyire kwaJesusi no kughamba,''Kupi ghuna shana okushotukaroyithere yidya yo pasika?'' ¹⁸Ghaghambire,''Muyende mudoropa kwakatughuru ghumwe no mukaghambe kukwendi,'Muhongi ghana ghamba,''Ruvedhe rwange ne munyara. Nanyi niture pasika mudighumbo no hakathishongero wange.''''' ¹⁹Hakathishongero harughanine momu ghawa tongwere Jesusi, no hakaroyithire murarero ghopasika.²⁰Apa weghire ghuthiku, ghahungumanine nokudya nawakathishongero wendi dikumi nohawadi. ²¹Apa hadire, ghaghambire,''Ghushemwa nakumutongwera ghofotji gho papenunanyi ghanihamure me.'' ²²Hakashire, no keheyuno ghatangire kumwipura,''Ghushemwa kadi Me, Fumu?''²³Ghahuthire,''Oyu gho kutura dyoko dyendi nange pakaronga ne yoshoghanhete me. ²⁴Mwana Munu ne nanyi ghayende, thikadi hayitjanga kukwendi. Ene yo katughuru Mwana Munu ghana muheti! Hasha koyo katughuru ngo kadihamureta.'' ²⁵Judasi, oyu shoghamuhete kunakughamba,''Yame ndi,Rabbi?'' Ghaghambire kukwendi,''Ghuna yighamba ghothinda.''²⁶Apa hakarire eshikunakudya, Jesusi ghashimbiire ghuroto, ghaghukandadhekire, nokughuyondaghura. Ghaghutapire kwawakathishongero no kughamba,''Mushimbe, mudye. Oyi neyirama yange.''²⁷Ghashimbire kopi nokutapa ndangi, noghaghuwapir no kughamba,''Munwe,mwaheya. ²⁸Agha ne manyinga ghange agha ghanotoka mumathigherero ghomaharwero. ²⁹Ene nakumutongwera, kadi shoninwe karo modhi mbuyo dho vinyu, kate dyo diyuwa apa nakuyinwa ghupya nenu mu ghufumu waTate.''³⁰Apa hembire dimbo, hayendire kudirundu dyaOlives. ³¹Jesusi ghawatongwere,''Mwahe nanyi muwe ghuthiku ghodyarero pamurandu wange,ayo hayitjanga,'Nanyi nimwashure mukungi no ndjwi nanyi dhikuhanye. ³²Ene munyima dho muvumbukero wange, nanyi nakuyende kughutho wenumuGalileya.''³³Petrusi ghaghambire kukwendi,''Ngambi wahe hawe yoyishi we,ame kadi shoniwe.'' ³⁴Jesusi ghghambire kukwendi,''Ghushemwa nakukutongwera,ghuthiku ghoghuno, kughutho ghokwiya ngondovoro, nanyi ghunikanane paruhatu.'' ³⁵Petrusi ghaghambire kukwendi,''Ngambi ngonife noye, kadi sho nikukanane.'' Wahe hakathishongero wendi haghambire yinu yofotji.³⁶Jesusi ghayendire nagho kudyango edi hana kutoya eshiGethsemane no kughamba kwakathishongero wendi,''Muhungumane pano oku mene kuna kuyenda nikaraperere.'' ³⁷Ghashimbire Petrusi no hana hawadi haZebedee noghatangire kututuma no kukara mumaghukukutu. ³⁸Noghaghambire kukwagho,''Mudhimu wange ghuna kasha thikuma, kate kukufa. Mukare kokuno no murorere nange.''³⁹Ghayendire kughutho kamanana, ghawire parupara, no kuraperera. Ghaghambire,''Tate,ngeshi kukona, nonge yu kopi ghapite kutunda kwange. Ene, kadi shine pamahimeno ghange, ene pamahimeno ghoye.'' ⁴⁰Gheyire kwawakathishongero no kuna wawana hana rara, no ghaghambire kwaPetrusi,''Nye, kadi wakukona ghukenge nange ngambi viri dhofotji ndi? ⁴¹Kukengerera no kuraperera eshi kadi wingene mumayerekero. Mupepo ne ghuna himi, eneyirama ne kadiko ngcamu.''⁴²Ghayendire roghuwadi no karapera. Ghaghambire, "Tate, ngeshi kadi shoyipite shimengwa nakona kuyinwa, mahimeno ghoye nanyi nighatende.'' ⁴³Gheyire karo no kuna wawana kuna kurara, meho ghawo ne maremu. ⁴⁴Podiyo kuwathiya karo, ghayendire nokarapera roghuhatu, nokaghamba manando ghofotji.⁴⁵Jesusi gheyire kwawakathishongero wendi nokghamba kukwagho,''Shime ghamurara no kuturumutha? Mukenge, viri ne munyara dhidi, nomwana munu kuna kumutapa mumoko ghawa haruri. ⁴⁶Mupindike, ninge mutuyende. Mukenge, oyu ghakuniheta ne pepi nange ghadi.''⁴⁷Oku shime kuna kughamba, Judasi,ghofotji ghopowa dikumi nohawadi, gheyire. Mbunga dhodhikuru dheyire nendi kutunda kwamupristeri shokuru no hakuru wohanu. Heyire no maghonga. ⁴⁸Katughuru yu ghaningire ghakanane Jesusi hatapire thidimukitho,ghughamba,''Oyu nakungcumita ne yokatughuru, mumukwate ye.''⁴⁹Popo gheyire kwaJesusi no kughamba,''Mumoroke,Rabbi!'' no ghamungcumita. ⁵⁰Jesusi ghambire kukwendi,''Muyendhange,tende yi ghuneghera mukunatenda.'' Podiyo heyire,haturire manyara ghawo paJesusi, no kumukwata.⁵¹Mukenge, ghofotji ghopowa hakarire naJesusi ghaghorore dyoko dyendi, ghashimbire dighonga dyendi noghatwire murughani wamupristeri shokuru, no kuteta ditwi dyendi. ⁵²Jesusi ghamutongwere,''Ture dighonga dyoye mudyango dyadyo,kwagho wahe hokushimba dighonga nanyi hakuyo nanyi ghakuyongare kudighonga dyendi. ⁵³Kughayara eshi pamwe kukona kadi wakukona kwitha Tate, no kukona ghani tumene halegion no ha engeli? ⁵⁴Ene ngepi keho edi twakukumithamo matjangwa,eshi oyi ne yihokoke?''⁵⁵Paruvedhe ro Jesusi ghatongwere mbunga,''Muneya no maghonga mukuna nikwata yira nomwidhi? Kehe diyuwa nahungumanine mutembeli ghuyaghura, kadi mwanikwatire me. ⁵⁶Ene yoyihe yi yahokokire podiyo yitjanga yawaporofeta yikumemo.'' Podigho wahe hakathishongero wendi hamuthighire nohatjirire.⁵⁷Awa hanyengire Jesusi hamutwarire kwaCaiaphas mupristeri shokuru, oku hapongire wahe pofotji. ⁵⁸Ene Petrusi ghawakuthire kushakayenda kudirapa diya dyamupristeri shokuru. Ghayendire mwishi nokahungumana nohakungi mukamona yitundamo.⁵⁹Mupristeri shokuru nohapiterithi wahe hashanine matongweneno ghombango kwaJesusi podiyo hakamupaghe. ⁶⁰Kadi hawanine kehe yino, ngambi kenge shi hengi hashupi hombango hengi heyire kughutho. Ene kunyima hawadi heyire kughutho ⁶¹no kughamba,''Oyu katughuru ghana ghamba,'Aye kukona kuyipitha tembeli waNyambi no kudhitendurura mumayuwa mahatu.''⁶²Mupristeri shokuru ghemanine nokughamba kukwendi,''Kadi ghudi nodihuthero? Nye yi hana kushupa kuhatera kukoye?'' ⁶³Ene Jesusi ghaporere. Mupristeri shokuru ghaghambire kukwagho,''Nakumurawera mwaNyambi gho muyumi, tutongwere ngeshi yowe Kristusi, Mwana Nyambi.'' ⁶⁴Jesusi ghamuhuthire,''Ghuna yighamba ghothinda. Ene nakukutongwera, kutunda pano nanyi mwakumone Mwana Munu ghana hungumana kurudyo ro Ngcamu, nokwiya mumavuyi ghomudiwiru.''⁶⁵Mukuru wapristeri ghadjadjure yitere yendi no kughamba,''Ghana ghamba dishawana! Nye twanyandera hashupi? Kenge, pano muna yuvu dishawana. ⁶⁶Nye muna kughayara?'' Hahuthire no kughamba,''Gharoghera kufa.''⁶⁷Hamuthipere murupara rwendi no kumupumura, kumumwashura nomanyara ghawo, ⁶⁸no kughamba,''Tuporofite twe, owe Kristusi. Yidye yu ghana kupumura?''⁶⁹Petrusi gha hungumane panunda dho dirapa, namurughani gho mukamadi ghamwiyere no kughamba,''Nowe wakarire naJesusi ghomuGalileya.'' ⁷⁰Ene ghayikanane kughutho wagho wahe, ghughamba,''Kadi nadimuka eyi muna kughamba.''⁷¹Apa ghayendire kuthero dhokushwaghera, murughani ghomukamadi ghamumonine no ghaghambire kowako,''Oyu katughuru ghakarire naJesusi wakaNazareth.'' ⁷²Ghayi kanane nokwedhera,''Kadi namudimuka yokatughuru!''⁷³Kapupi kamanana awa hemanine heyire no kughamba kwaPeter,''Ghushemwa nowe karo yowe gho papagho, mundhira mughuna kughamba kuna kutapa ndhira.'' ⁷⁴Noghatangire, kwedhera,'' kadi namudikuka yo katughuru,'' no popo ngondovoro kokudira. ⁷⁵Peter ghavurukire manando ghaJesusi ghaghambire,''Kughutho gho kwiya ngondovoro nanyi ghunikanane me ruhatu.'' No ghayendire panunda nokadira noghupata.

27¹Apa gheyire mathikuthiku, wahe ha mapristeri hohakuru no hakuru awa hakarire hakurwitha Jesusi mukumutura mukufa. ²Hamukwatire,muvukumine kuya,no kamutapa kwaPilatusi gho nunguru.³Apa Judasi, oyu ghamushwedhire ye, ghamonine Jesusi hana mushayekitha,ghapirukire noghahuthire yipindhi makumi mahatu yo siliveri kwamukuru wapristeri no hakuru, ⁴no kughamba,''Na harure mukuheta manyinga gho kukushuka.'' Ene haghambire,''Nye yo kukwetu? Yimone yo papoye.'' ⁵No ghavukumine pamuveyi siliveri mutembeli, no hafungurukire,no kuyenda panunda no kakughangerera yithinda.⁶Mukuru wapristeri ghashimbire yipindhi yosiliveri no kughamba,'' Kadi pamuragho mukutura yiwana pamurandu dho paro dho manyima.'' ⁷Hayighambire yinu yi waheya,nohayighurire no masherenyi mudipya mu havumbekire hanu wahadhira kudimuka. ⁸Pamurandu ghoyi diya dipya kuna kuditha,''Dipya dyo Manyinga'' kate dyarero.⁹No oyiya ghaghambire Jeremiya gho muporofeta ghayikumithire mo, nokughamba,''Hashimbire yipindhi makumi mahatu yo siliveri, paro edhi haturire papendi kwahana waIsrael, ¹⁰nohayitapire kudipya, thikadi Fumu ghayinineghedhire me.''¹¹Jesusi ghemanine kughutho wa nunguru, na nunguru ghamwipure ye,''Yowe Fumu wawaJuda?'' Jesusi ghamuhuthire,''Dyo wakughamba kengeyo.'' ¹²Ene apa ghamurundere mukuru wawapristeri no hakuru,ghawahuthire kadiko. ¹³Pilatusi ghaghambir kukwendi,''Kadi wakuyuva yoyihe yighamba yokoye ndi?'' ¹⁴Ene kadi ghahuthire no nando dhofotji temba,podiyo nunguru gha hafire thikuma.¹⁵Pamudifeste yakarire yirughana ya nunguru yo kushwayitha mukadorongo oyu dhina totrora mbunga. ¹⁶Paruvedhe ro hakarire nomukadorongo ghonyakanyaka ghodina dyo Barabasi.¹⁷Apa hakarire padyango dyofotji wahe, Pilatusi ghaghambire kukwagho,''Yidye munashana ni mushwayithere mwe? Barabasi, endi Jesusi oyu hetha eshi Kristusi?'' ¹⁸Ghayidimukire eshi hatapire Jesusi kukwendi pamurandu gho ghupata. ¹⁹Oku ghana hungumana muthipura tho mapangwero, munuwendi ghatuminenando kukwendi no kughamba,''Kadiko eyi ghadi nayo yokutenda kwakatughuru gho kupira murandu. Ame nanyanda dyarero pamurandu ghoyirota eyi ghana kara nayo kuhatera ye.''²⁰Mukuru wapristeri nohakuru hayendire kumbunga no kwipura Barabasi,naKesusi hana mupagha. ²¹Nunguru ghawepure wo,''Dye powa hawadi yu munashana nishwayithe kukwenu?'' Haghambire,''Barabasi.'' ²²Pilatusi ghaghambire kukwagho,''Nye shonitende naJesusi oyu hethaeshi Kristusi?'' Wahe hahuthire,''Mumupamarere.''²³No ghaghambire,''Nye, murandu ghupighatenda?'' Ene hadirire ghukuyerera thikuma,''Mumupamarere.'' ²⁴Apa ghayimonine Pilatusi yi eshi kadi ghakonine kurughanako keheyino, ene yita kuna katanga, ghashimbire meyu, ghakuyoyire kumoko kughutho gho mbunga, no ghaghambire,''Amene nomukenu mumanyinga ghoyu katughuru. Muyimone kukwenu.''²⁵Hanu wahe haghambire,''Manyinga ghendi ghakare petu no pohanetu.'' ²⁶Podigho ghashwayithire Barabasi kukwagho, ene ghakokire Jesusi no kumutapa hakamupamarere.²⁷Hamaporitha wa nunguru hashimbire Jesusi no kumutwara kumberewa dhodhikuru no kupongeka hakayita wahe. ²⁸Hamumwashure no kumughanga nomughodhi. ²⁹Hatendire nata dhomughunga nokudhimutura kumutwi, no kumutura thinu kudyoko dyendi dyorudyo. Hatongamene kughuthowendi no kumuheka, ghughamba,''Kumukugha,Fumu wawaJuda!''³⁰Hamuthipere, hashimbire tjupa no kumumwashura kumutwi nopa nopa. ³¹Apa hamuhekire, hashimbire nata no kumutura yivata yendi, no hamutwarire hakamupamarere.³²Apa hashwayire, hawanine katughuru kutunda Cyrene hatire Simoni, oyu ghathinenekire kuyenda nagho podigho hashimbe thikurushe thendi. ³³Heyire kudyango hanakutoya eshi Golgotha, kutongora shi'' Dyango dyoMakorongongi.'' ³⁴Hamupire vinyi oyu havungire. Ene apa ghayiyerekire, kadi ghayinwine.³⁵Apa hamupamarere, hataghure thivata thendi pawadi, ³⁶no hahungumane no kutura hakengereri papendi. ³⁷Pawiru dhomutwi wendi haturirepo nata,no kutoya,''Oyu ne Jesusi, fumu wawa Juda.''³⁸Hedhi hawadi hawapamarere pofotji nendi, ghofotji kurudyo noghumwe kurumoho. ³⁹Awa hapitire hamutukire,kunyunga dhimutwi dhagho ⁴⁰no kughamba,''Kwenu mwe mwakuhanyaghura tembeli no kudhitendurura mumayuwa mahatu, kukunge ghothinda! Ngeshi gho Mwana Nyambi, tundu kuthikurushe!''⁴¹Mundhira dhofotji mukuru wapristeri hamuhekire, pofotji no mbunga nohakuru, no ghaghambire, ⁴²''Ghakungire hamweya, ene kadi wakukona ghakukunge thinda. Aye ne Fumu wawaIsrael. Mumuthiye ghashuru kuthikurushe,no nanyi tutawe mumwendi.⁴³Gha kurupera mwaNyambi, muninge Nyambu ghamughamwene, ngeshi Nyambi kukona ghamughamwene. Aye ghaghambire,'Ame no Mwana Nyambi.'''' ⁴⁴Mundhira dhofotji hedhi hawapamarere nagho haghambire matuka kukwendi.⁴⁵Muviri dho ghukwokono dhofotji mumakokore gheyire mudyango dyodihe kate muviri dhoghukwoko noghune. ⁴⁶Muviri dhoghukwoko noghune, Jesusi ghadirire nodiywi dyodikuru no kughamba,''Eli, Eli,lama sabachthani?'' eyi yakutongora,''Nyambi wange,Nyambi wange, nye ghuna kuni mwagherera?'' ⁴⁷Apa hayiyuvire hamwe awa hamanine po, haghambire,''Kuna kwitha Elijah.''⁴⁸Popo ghofotji ghopapagho ghatjirire nokashimba thinwena nokuturamo vinyu ghomururu, nohamupire ghanwe. ⁴⁹Hokuthighrako haghambire,''Mumuthiye pithendi. Ninge tumone pamweya Elijah gheya mukuna mughamwena.'' ⁵⁰Jesusi ghadirire thikuma ghukuyerera no ghatapire mupepo wendi.⁵¹Mukenge, makehe gho mutembeli ghakutapire paruwadi kutunda kuwiru kate pamuve, kaye kakunyungire,nomawe ghapayukire. ⁵²Mambira ghayandhurukire, no yirama yohanu hokupongoka awa hararire hawapinduthire. ⁵³Hatundire mumambira kunyima dhomuvumbukero wendi, ghengenine mudoropa dhokupongoka, noghamonekire kohengi.⁵⁴Apa hamonini awa harorere Jesusi kukunyunga komuve noyinu yiyahokokire, hakarire nowoma no haghambire,''Ghushemwa oyu ne Mwana Nyambi.'' ⁵⁵Thingi thawa mbuyama awa hakuthaJesusi kutunda kuGalileya mukuna mukunga hakarire hana kukenge kokayenda. ⁵⁶Mukatji kagho hakarire Maria Magdalena, Maria nyina James naJoseph, nanyina wahana wazebedee.⁵⁷Apa wakarire ghuthiku, gheyire katughuru ghomutungi kutundera kuArimathea, ghodina Joseph, oyu ghakarire ghofotji ghohakathishongero waJesusi. ⁵⁸Ghayendire kwaPilatusi no kamwipura yirama yaJesusi. NaPilatusi gharawere mukayimupa.⁵⁹Joseph ghashimbire yirama, ghayidhingere padikehe dyodikenu, ⁶⁰no kayitura mumbira dhodhipya edhi ghakatetire mudiwe. Podiyo ghaturireko diwe kuthero dhombira dhiya no ghakayendire. ⁶¹Maria Magdalena na Maria ghumwe pohakarire, hahukumane ghutamba mbira dhi.⁶²Diyuwa dyo kurandako, diyuwa dyokupita pamakuroyithero, mukuru wawapristeri nawa Pharisees hakonganine naPilatusi. ⁶³Ha ghambire,''Ghodikuto, tuna vuruka apa ghakarire yamuhongaghuri oku muyumi, ghaghambire,'Kunyima dhomayuwa mahatu nanyi ghakuvumbuke karo.' ⁶⁴Podigho rawere mukukunga mbira dhiya kate diyuwa dyoghuhatu, yoyishi hakathishongero wendi kukona nahamwidhemo no kughamba kwawanu,'Ghana vumbuka mwawafu,' no mahongawero ghoghuhura mboghana pitakana ghokutanga.''⁶⁵Pilatusi ghaghambire kukwagho,''Mushimbe mukungi. Muyende mukatende yoyi shomukakone.'' ⁶⁶Hayendire no katenda mbira mukadhikunga, haturireko diwe no kuturako mukungi.

28¹Parunguro mudiyuwa dyoSabata, apa dyatangire kutokera mukutamba diyuwa dyokutangera muthivike, Mariya Magdalena na Mariya ghumweya gheyire mukuna kenga mbira. ²Kenge, kwakarire kututuma komuve,kwamu engeli waFumu ghashurukire kutunda mudiwiru, gheyire no ghambindumune diwe, no ghahungumane po.³Mumonekero wendi wakarire yira mushoro, no yitere yendi yamonekire yira makerekeshe. ⁴Hakengereri hakarire nowoma no hakarire yira hanu hokufa.⁵Muengeli yu ghatongwere hambuyama wa no kuwatongwera eshi,''Mwayapa, nayidimuka eshi Jesusi muna kushana, oyu hapamarera pathikurushe. ⁶Kadi ghadipo pano, ene ghana yeyuka,thikadi ghayighambire. Mwiye no mumone mudyango mu Fumu hamurangekire. ⁷Muyende wangu mukatongwere hakathishongero wendi,'Ghana vumbuka mwawafu. Mone, kuna kuyenda kughutho wenu kuGalileya. Okuya nanyimukamumone.' Mukenge, na mutongwera.''⁸Hambuyama hathighire mbira nowoma no ruhafo, nohatjirire hakatongwere hakathishongero. ⁹Mukenge, Jesusi ghawawanine no kughamba,''Mumoroke!'' Hambuyama heyire, hashimbire maghuru ghendi no kumutumera. ¹⁰Jesusi ghawatongwere,''Mwayapa. Mukatongwere hakurwange hayende kuGalileya. Okuya nanyi hakanimone.¹¹Apa hakarire hambuyama kuna kuyenda,mukenge, hamwe hakengereri hayendire mudoropa no katongwera hapristeri kuyoyihe eyi yahokokire. ¹²Apa hahungumanine hakuru napristeri hakuyonge kwayo, hatapire masherenyi ghomengi kwawakayita ¹³no kuwatongwera,''Mukatongwere hamweya,'Jesusi' hakathishongero heyire ghuthiku no kunedha yirama yendi oku twene tuna rara.'¹⁴Ngeshi yino yitundamo yikakume kwanunguru,nanyi tukutjindje no kumushwayitha yikudhekera yenu.'' ¹⁵Podigho hakayita hashimbire masherenyi nokurughana thikadi ghawarawere. Yakuhanyine thikuma kwawaJews nokutwikera n dyarero.¹⁶Ene dikumi noyofotji hakathishongero hayendire kuGalileya, kudirundu oku ghawatongwere Jesusi. ¹⁷Apa hamumonine, hamukughire, ene hamwe hatamangere.¹⁸Jesusi gheyire kukwagho noghaghambire eshi,''Mangcamu ghomahe ghaghanipa gho mudiwiru no pamuve. ¹⁹Muyende podigho no mukatende hakathishongero mumatunga ghomahe. Mukawayoghe mudina dya Wihe, nodyaMwana, no dyaMupepo Ghokupongoka.²⁰Wahonge mukukutha yinu yoyihe eyi namurawera, mukenge,ame nenu naaranga kehepano, ngambi kughuhura gho mwaka.''

Markus

1¹Matangero gho mbudhi dha Jesusi kristus, mwana Nyambi. ²Thika di ghadhitjanga mwaIsaiah gho muporofeta , mukenge,Nakutuma muyuvithi kughutho dhenu,oyu mbogheya mukuroyitha mayira ghenu. ³Diywi dyakukugherera mumaboreya; muroyithe ndhira dhaFumu; mughorore mandhira ghendi.''⁴Johanesi gheyire, ghuyogha nokuyuvitha diyoghero dyo mapirukero no mathiyerero gho maharwero mumamboreya. ⁵Muditunga dyaJudeya no hanu wahe muJerusalema hayendire kukwendi. Ghakawayoyire murware rwaJorodani, no kutongonona maharwero ghawo. ⁶Johanesi nga vatanga baki gho thikukumba tho ngameno, nomuya gho thikukumba mumbunda dhendi,ngadyanga mbathi-mbathi nowiki ghomuka.⁷Ngayuvithanga eshi,''Mboghaneya munu ghumweya noNgcamu kupitakana me; no tukanda toyisandari yendi mbadi nakona kutushutura. ⁸Namuyoyire no meyu ene aye mboghanana muyogho no mupepo gho kupongoka.''⁹Yahokokire mumayuwa gha gheyire Jesusi kutunderera kuNaareti muGalileya no ghamuyoyire Johanesi murware rwa Jorodani. ¹⁰Pakutunda Jesusi mumeyu, ghamonine diwiru dyaku yakukunuka no mupepo weyire kukwendi yira dikutji. ¹¹Diywi dyatundire mudiwiru ,''Owene gho mwanange gho muhakwa . Nashamberera noye.''¹²Mupepo wamuraghurire mukumutwara mumamboreya. ¹³Ghakakarire mumamboreya mayuwa makumi mane,mukumuyereka shatani,ghakarire noyishereka,ene ha engeli hamukungire.¹⁴Kunyima dhokumukwata Johanesi,Jesusi gheyire muGalileya mukuyuvitha mbudhi dhaNyambi. ¹⁵Ghaghambire,''Nako dhinakumumo ,no ghufumu waNyambi pepi ghudi. Mupiruke nomutawe kumbudhi dhodhiwa.''¹⁶Apa ghayendire kumbadi dhodikuruviya dya Galileya, gha monine Simoni na Andriyasi hanakuvukuma dikwe mudikuruviya yoyishi hakarire hakwati thi. ¹⁷Jesusi ghawaningire eshi,''Mwiye munikuthe , nikamutende mwakwati hanu.'' ¹⁸Popo vene hathiyire makwe no hamukuthire.¹⁹Oku shime hayendi kamanana kughutho ghamono kwendi Jakobusi mwana Sebedeusi naJohanesi ghominendi; oku wone muwato okuwone muwato kuna kuroyitha ²⁰makwe.Ghawethire nohathighire wihagho Sebedeghusi muwato nohapika hokuyadhim, nohamukuthire.²¹Hayendire muCapernaum,mudiyuwa dyosabata,Jesus ghayendire kumasinagoge ghakahonge. ²²Awo hatetukire kuyihonga yendi yoyishi ghawahongire yira ghumweya ghomukamuragho ene kadi mukamarukwaro.²³Kapupi kamanana musinagoge mwakarire katughuru yu gha karire no mupepo gho ghumango ghadirire ghukuyerera, ²⁴pakughamba eshi,''Nye shotutende noye ,Jesusi muka Nasareti?'' Ghuneya mukuna tupagha ndi? Nadimuka eshi yowe dye. Yowe mupepo gho kupongoka!'' ²⁵Jesusi ghakanyene mupepo ghoghumango no ghaghambire eshi,''Porere noshwaghe mumwendi.'' ²⁶Mupepo ghoghumango wamuvukumine nowatundire mumwendi okuyene shime pakudira ghukuyerera.²⁷Hanu wahe hatetukire, no hakwipurire hathinda eshi,'Yinye yi? Yihonga yoyipya nomarawero mo. Aye kukona kuraghura mupepo dhodhimango no adho kumuyuva.'' ²⁸Mbudhi dhokuhatera kukwendi dhayeranine kokuheya muditunga dyaGalileya.²⁹Pakutunda mu sinagoge, hayendire kudighumbo dyaSimoni naAndriyasi pofotji noha Jakobusi naJohanesi. ³⁰Ngumwenya Simoni ghararire oku yene tjitju nogha ghenyine thikuma, hayitongwere Jesusi yotjitju dhendi. ³¹Ghamuyendere , ghamukwatire kudyoko,no kumuyeyura, ghuyenyu wamutundire noghatangire kuwarughanena.³²Runguro roro pakuwa diyuwa,hamuretere wahe wa ha korwire nodhimupepo dhodhimango. ³³Mbara dhodhihe dha konganine kufero. ³⁴Gherukithire wahe wa hakarire noyikorwa yo kukutjaka-tjaka no kutjidha mupepo dhodhimango ghadhitjidhire, mbadi ghadhitawedhere dhighambe yoyishi dhamudimukire.³⁵Ghakumenekire, oku shime dikokore;ghashwayire noghayendire kudyango dyothipore ghakaraperere. ³⁶Simoni nohamweya awa ghakarire nagho hamushanine. ³⁷Hakamuwanine no hakamutongwere eshi,''Waheya yowe hana kushana.''³⁸Ghawatongwere eshi,'' Mutuyende kumango ghamwe gho panunda dhodoropa ni kayuvithereko. ³⁹Ghayendaghure muGalileya ghomuheya, ghuyuvitha mumasinagoge ghawo no kutjidha mupepo dhodhimango.⁴⁰Murema gheyire, ghamukumbere,ghatongamene kughutho wendi noghaghambire eshi,''Ngeshi ghuhime,nikenithe.'' ⁴¹Ghayendire no thinyeke, Jesusi ghaghorore nyara dhendi,ghuninga ,''Na himi,ghukushuke.'' ⁴²Popo yinondwe yamutundire noghakenine.⁴³Jesusi ghamukonekethire noghamutumine ghakayende. ⁴⁴Ghamuningire eshi,''Watongore kwakehe yu,ene kayende ghukakuneghe kwamuruti,gho katape makenithero ghoye ghogha gharawere Mosesi,yikare ghushupi kukwagho.⁴⁵Ene ghayendire no ghatangire kughamba muhoro no ghayeranithire mbudhi, podiyo Jesusi kadishayende karo mumambara ene ghakare mumukunda. Ene hanu shime hayendire kukwendi kutunderera kumukunda dhodhiheya.

2¹pa ghakahukire kuCapernaum mumayuwa ghomapu,yayuvekire eshi ayene kudighumbo ghadi. ²Hengi hakonganineko no mbadi kwakarire kambenene,no pathero temba,naJesusi ghaghambire nando kukwagho.³Munyima hanu hamwe heyire kukwendi no haretire katughuru ghomuhwere; hanu hane hamuretire. ⁴Apa hadhirire kukara pepi nendi pamurandu gho mbunga hashwayithireko mutuya oghu wakarire pawiru dha Jesusi, nohatendireko mapitero,hakurukithire disharo di ghakarire muhwere yu.⁵Apa ghamonine matawero ghawo ,Jesusi ghaghambire kwamuhwere yu eshi ,''Mwanange,maharwero ghoye ghanapu kuthigherera.'' ⁶Munyima hakamarukwaro hamwe awa hahungumaninepo hatangire kukwipura mumitjima dhawo,'' ⁷Ngepi oyu katughuru shakone kughamba kenge? Ghana kukutanaghura! Yidye gho kuthigherera maharwero ngeshi kadi Nyambi pithendi?''⁸Popo Jesusi ghadimukire pamupepo eyi haghayarire mukatji kagho. Ghaghambire kukwagho ,''Nye muna kughayarera kemo mumitjima dhenu? ⁹Eyi yidi ghuredhu kughamba kwamuhwere yu,'Maharwero ghenmaharwero ghoye ghanapu kuthigherera,' endi kughamba eshi,'wimane,shimbe disharo dyoye no kayende'?¹⁰Mukuninga mudimuke eshi mwana munu ghakara no ngcamu pano pakaye dhokuthigherera maharwero,''ghaghambire kwamuhwere ,'' ¹¹nakughamba kukoghe,wimane,shimbe disharo dyoye nokayende kudighumbo dyoye.'' ¹²Ghemanine popo kokushimba disharo dyendi,nokushwagha mundhugho kughutho wakeheyuno,podiyo waheya hakare hanatetuka nohatapire difumanekero kwaNyambi,no ha ghambire eshi ,''shime tushemwa kumona yinu yokenge yira yi.''¹³Ghashwaghire karo noghayendire kudithima,nombunga dhodhihe dhayendire kukwendi,noghawahongire. ¹⁴Mukupita kwendi,ghamonine Levi mwana Alpheus oku ghanahungumana kutende wawaketithi nokughamba kukwendi eshi,''Ni kuthe.'' Ghemanine noghamukuthire.¹⁵Jesusi ghakadyerere kudighumbo dyaLevi no haketithi hohengi no hayiharuri hadire nendi pofotji nawakathishongero wendi,hakarire hengi nohamukuthire. ¹⁶Hakamarukwaro hakarire hapharisees,hamonine Jesus ghanakudya no hayiharuri nohaketithi,haghambire kwawakathishongero wendi eshi,''Nye ghana kudyera nawaketithi nohayiharuri?''¹⁷Apa ghayuvire Jesusi yi ghaghambire kukwagho eshi,''Hanu wa hatanara payirama mbadi hanyanda Nganga,hakakukorwa hohanyanda yofotji. Mbadi neya mukunetha hahungami,ene mukunetha hayiharuri ngenyu.''¹⁸Podiyo hakathishongero waJohanesi nawa pharisees hadhirerekedhire. Hanu hamweya heghire no kunaghamba kukwendi''Pamurandu munye hakathishongero waJohanesi nahakathishongero wa waPharisees hana kudhirerekedhera, ene hoye ne mbadiko kudhirerekedha. ¹⁹Jesusi ghaghambire kukwagho eshi,''Kukona eshi hanu awa hadi kumukandi ghomayekero hadhirerekedhe oku hamwenga ne shime nawo hadi ndi? Ngeshi hakawenga ne shime nawo hadi, mbadi hakona kudhirerekedha.²⁰Ene mayuwa mboghaneya apa mbahawashimbako hakawenga kukwagho nommogho mayuwa mbohana dhirerekedha. ²¹Mbadiko oyu gho kufuma thitere thothipya pathitere thokukurupara. Ngeshi kemo atho thina nomatuyutuyu,nothothipya kughukurukuru,thina kutuyuka thikumenena.²²Mbdiko oyu ghokutura vinyu ghomupya mukandimbe kokukurupara. Ngeshi kemo vinyu ghana kutuyura kandimbe noyoyiheya munakuyiyongaritha. Vinyu ghomupya hanakumutura mukandimbe kokapya.²³Mudiyuwa dyosabata Jesusi ghayendire kupita mumpya nohakathishongero wendi hatangire kutjora mbeya. ²⁴HaPharisees haghambire kukwendi,'' Mone, pamurandu munye hana kutendera yinu eyi hapira kutawedhera mudiyuwa dyo sabata?''²⁵Ghaghambire kukwagho eshi,''Mbadi mwatoya eyi ghatendire David apa ghanyandire nokufa ndhara-Yodiye nohanu hamwe awa ghakarire nawo- ²⁶ngepi ghayendire mundhugho dhaNyambi oku Abiathar ne muruti ghomukuru,no hadire ghuroto gho ndupu,eyi yakarire mbadi hayitawedhererire kwakeheyuno eshi ghadye kutundithako haruti hashokuru,nokaro ghapireko awa hakarire nendi ndi?''²⁷²⁸Jesusi ghaghambire eshi,''Sabata ne kwamutendera wamunu,ene mbadi hanu hatendera sabbata. Podiyo ,mwana munu ne fumu, no karo gho Sabatta.''

3¹Munyima dho ruvedhe Jesusi ghayendire musinagoge, omi ghakarire murume ghodyoko dyo direma. ²Hanu hamwe hamurorere no hamukarere popepi hamone eshi nanyi ghamwirure mudiyuwa dyosabata ndi, hamukuyaghuke.³Jesusi ghambire kwamurume gho dyoko dyodirema eshi,''Punduke noghuwimane mukatji kakeheyuno.'' ⁴Podiyo ghaghambire ko wanu eshi,''Watawedhera muragho mukurughana ghuwa mudiyuwa dyosabata ndi mukutenda ghuuyi; kughamwena ghuparo endi kupagha?''' Awo ne hakarire thipore.⁵Ghakenire mumbadi noghupata, no ghandundumenine thikuma kughukaro wagho ghokupira thineke, ghaghambire kwamurume yu eshi,''Ghorore dyoko dyoye.'' Ghadighorore no dyoko dya hukeriremo. ⁶Hafarasayi hayendire panunda nohatangire popo kurongathana nawa Herodesi, eshi ngepi edi hakumupagha.⁷Jesusi nawakathishongero wendi hayendire kudikuruviya , nowingi gho hanunu hawakuthire hashwaghe muGaleleya nokushwagha muJudeya ⁸nohatundire muJorodani pepi na Tyre naSidon. Apa hayuvire yitetukitha yendinmbunga dheyire kukwendi.⁹Ghatongwerire hakathishongero wendi eshi,'' Hakona kumuroghithera komwato ghoghumbiru ghumutatererayoyishi hengi podiyo eshi mbadi hamwimanganyene. ¹⁰Hanu hohengi awa hakarire no maghukukutu hamuhenyene eshi hamukwate.¹¹Kehepano ngadhimumonanga mipepo dhodhimango,ngadhiwangakughutho wendi nokudira ghukugherera, no kughamba,''Owene gho mwana Nyambi.'' ¹²Ghawakonekethire eshi mbadi hamuyukithe.¹³Ghayendire kuwiru dhomarundunoghethire awa ghashanine, no heyire kukwendi. ¹⁴Ghatororire hanu dikumi no hawadi (oyu ghapire dina apostolu), podiyo eshi hakare nendi no kukona ghakawatume hakayuvithe mbudhi ¹⁵no kukara no ngcamu dho kushwayitha dhimupepo dhodhimango. ¹⁶Hatororire hanu dikumi nohawadi: Simoni, oyu ghapire dina Peturusi;¹⁷Jakobusi mwana Sebedeusi naJohanesi mina Jakobusi oyu ghatire dina eshi Baonerges, kuninga eshi mwana ghomushoro; ¹⁸naAndriyasi, Filipus, Batholomeghusi, Mateghus,Tomasa, Yakobusi mwanaAlfeghusi, Tadeghusi, Simoni muka Zealatus, ¹⁹haYudasi skariyoti ngoyodiye ghakumutura mughukukutu²⁰Poghayendire kudimbo no dikidi dyawanu dyeyire pofotji no mbadi hakonine kudya ghuroto. ²¹Apa hayiyuvire hakadiko dyendi hayendire hayendire hakamushaghekithe,,podiyo haghambire,'' Mbadi ghana kurughana maghano ghendi thiwana.'' ²²Hakamarukwaro awa hashwaghere mu Jerusalema ha ghambire eshi,'' Ghadi nongcamu dhaBeeizebu ghatjidhemo mipepo dhodhimango no mukuru gho dho dhimupepo dho dhimango ghana tjidhanga.²³Jesusi ghawethire noghawepurire eshi,'' Ngepi ghokukona shatani ghakatjidhe shatani muyendhendi?'' ²⁴Ngeshi ghufumu ghuna kwimanganyena wathinda ghufumu ghone mbadi wa kukarerapo. ²⁵Ngeshi mudighumbo mudi makutjakero mukatji kawo dighumbo dyo mbadi wakukarerapo.²⁶Ngeshi shatani ghana kwimanganyena thinda no kukuyakunuka mbadi ghakukarapo karo noghoghuhura wendi. ²⁷Ndani noyofotji temba ghokwingena mundhugho dhomurume gho ngcamu ghedhe yinu yendi, hahana kumughanga tango pakutanga noghedhe yinu yendi.²⁸Ghushemwa nakumutongwera ,maharwero ghawanu wahe mboghanapu kuthiyerera no wa haghambanga dishamu kwaNyambi. ²⁹Kehe yu ghokushangapera mupepo gho kupongoka mbadi mboghawana mathigherero, ndani mboghana kara no diharwero dyororuheya.'' ³⁰Jesusi ghaghamire yi yoyishi wohamuningire eshi,'' Ghadi no mupepo ghoghumango.''³¹Munyima nyina nohaminendi hohakafumu heyireno hemanine panunda.hamutumene ghakeye. ³²Dikidi dyawanu dyahungumanine kumbadi dhendi no ghaghambire kukwendi eshi,''Nyoko nohaminoye ghohakafumu pohadi panunda noyowe hana kushana.''³³Ghawahuthire eshi,''Hadye hanawe no hakurwange ghohakafumu?'' ³⁵Ghakengurure mumbadi kowahanu hamuhungumanene mumbadi no kumudhingumutwedha no ghaghambire eshi,''Mukengenge awa ne hanawe no haminange!'' ³⁴Kwa keheyuno ghokutenda mahimeno ghaNyambi munu yo ne minange ghomukafumu ndi namba dhange ndi nawe.''

4¹Ghatangire karo kuhonga kumbadi dho dikuruviya,mbunga dhodhikurundhaponganine pofotji. Aye kokuperama muwato no mbunga dhodhiheya dhahungumanine kumbadi dhodikuruviya. ²Ghahongire yihonga yoyingi mumaghanekero.³''Mutegherere! ''Ndjimi ne ghayendire ghakakune mbuto dhendi. Mundhira dhendi dhokuyenda dhamuwire mbuto dhendi dhimweya mundhira, noyinyunyi dhayidire. ⁴Dhimwe dhawererire mumawe omu mwapira kukara muve ghowingi. ⁵Mbadi dhadhighamine kukura yoyishi mbadi dhakarire mughudhungi.⁶Apa dyavire diyuwa mbuto dhimweya dhakashire, yoyishi mbadi dhakarire no mudhi dhomwene,ghodhakukutere. ⁷Dhimweya hadhiwera mumakona . Makona ghakurire noghafikire mbuto nombadi dhakonine kukura dhishwaghithe mbuyo mwene.⁸Mbuto dhimwe dhawererire mughuyeghave nomuyangu wapo wayeyukire kumakumimahatu, makumi kwoko nodyofotji,ngambi dithere.'' ⁹Kokughamba kwendi eshi,''Keheyu ghakara nomatwi ghokuyuva gha yuve!''¹⁰Apa ghakarire Jesusi pithendi nowahamukarere popepi nohakathishongero wendi hamwipure yokughanekera. ¹¹Ghawatongwere eshi, ''Kukwenu ne natapa thitetu thoghufumu waNyambi ene kowa hadi panunda yoyiheya mumaghanekeritho yidi, ¹²shemwa awo ne kukenga ene mbadi wa kumona, kuyuva ene mbadi wakutjwathana, ngo hana piruka Nyambi mbo ghana wathiyerera.''¹³Kokughamba kwendi eshi, ''Mbadi muna kutjwathana matadhi ghano ndi? Ngepi keho sho mukone kutjwathana kutjwathana matadhi gho mahe?'' ¹⁴Mu kuni gha kunine nando. ¹⁵Ghamwe gha karire kumbadi dhondhira oku hakunine nando popo vene shatani gheyire no kudhiwa kungura.¹⁶Edhi ne mbuto edhi hakunine muyikarawe; ghawo, kuyuva nando popo nokudhitambura ghushamberera. ¹⁷Ene mbadi hakarire no mbudhi mukatji kawo,ene hadhidhimekire kapupi kamanana. Munyima dhopo makuthakuthero ghemanganyine kuhatera nando dhiya,popo vene kuhukera munyima.¹⁸Shime hadhikunine mumakona. Pohadi hokuyuva nando, ¹⁹ene yikudhekera yawo yokaye, noghumbango ghoghutungi noyirumbera yagho yoyinu yimwe kokwiya nokuharanganya nando, no mbadiwakumena. ²⁰Edhi hakunine mumuve ghoghuyeghave nr dhino shi ghowa ne hohakuyuva nando nokudhitambura nokwima mbuyo dhodhingi, makumi mahatu,makumikwoko nodikumi dyofotji no dithere.²¹Jesusi kokughamba nawo eshi,''Amwe kureta munyenge nokughupaka mukakote no mwishi dhoghudidi ndi?'' Amwe kughureta nokughupaka pokutura munyenge. ²²Yoyishi mbadiko thokundeka ethi mbohapira kudimuka nombadiko thokutenda mughudhindo ethi mbothipira kushwagha kughukenu. ²³Kukeheyu ghakara nomatwi ninge ghayuve.²⁴Ghawatongwere eshi,''Mudheghetere koyi munakuyuva, ²⁵yoyishi thiyedhekeritho ethi muna kuyedhekerith mbohana muyedhekeritha namwe,mbohanamuwedherako karo yoyingi.''²⁶Haghamba karo eshi,''Ghufumu waNyambi wakara yira munu yu ghakunine mbuto mumuve. ²⁷Aye kurara ghuthiku nokupinduka pakuva diyuwa,nombuto kukutapathana nokwima,ngambi kemo kengeshi mbadi ghayidimukire. ²⁸Yoyishi kaye kareta kathinda mbuyo;pamutangero kukuna,kwima,nokukura karo ghutapa mbuyo. ²⁹Ngeshi mbuyo dhinapi,popovene kokutuma hakakukesha hakakeshe.''³⁰Poghaghambire karo eshi,''Kupi shotukone kughanekeritha ghufumu waNyambi,maghnekeritho munye shotu ghanekerithe?'' ³¹Awo yira dimbuto dyokutukuwa,odi,dyawererire mundhira yoyishi dyambiripire kupitakana,kumena no kukura kupitakana yitondo yo munyamo. ³²Shime pa kudikuna,kumena no kukura kupitera muyitondo yimweya nomute dhodhikuru,yoyishi yina kutapa mumbure noyinyunyi nayo yina kutenderamo yitunguru yayo.³³Nowingi ghomaghanekeritho gha ghambire nando kukwagho,panaro dhokutjwathana, ³⁴ene mbadi ngaghambanga nagho ghashirughanitha maghanekeritho. Ene apa ngakaranga pithendi ghatapire matjwathanithere ghomaheya kowa hakathishongero thendi.³⁵Mudiyuwa diya,apa weyire ghuthiku,kokuwatongwera kwendi eshi,'' ³⁶Tutjinaghane kuthambo diya.'' Hashwayire mukatji kombunga naJesusi no kuperama muwato. Koghadi mawato agha ghayendire nagho. ³⁷Munyima vene kokwiya dingundunga dyo dikuru thikuma ghodyashanine kurowedha wato no wayarire meyu.³⁸Jesusi thinda ghakarire ghakarire ghana porokera muturo kunyima dhowato pakamuthato kendi. Hammupinduthire, ghughamba eshi,''Muhongi, mbadi muna kuthotera eshi tamba tufe ndi?'' ³⁹Ghapindukire, noghakanyine dingundunga eshi,''Thiraro! Kare tete!'' No dingundunga dyakarire pore,kokuheya kwakarire tete.⁴⁰Munyima dhapo kokughamba kukwagho eshi,''Nye muna yapera?'' Shime kadi mudi nomatawero ndi?'' ⁴¹Woma ghushokuru wakarire mukatji kagho,no kughamba kukwagho eshi,''Yidye yu,yoyishi ngambi dingundunga nodikuruviya kumuyuva?''

5¹Heyire kumutara ghumwe ghodikuruviya, mumukunda waGerasenes. ²Apa gha shwayire Jesusi muwato, popo gha mwiyere katughuru yu gha shawayere mumayendo aye gha karire nomupepo dhodhimango.³Katughuru yu gha tungire mumayendo. Mbadiko oyu gha konine kumushinga karo, ngambi nga nodyenge. ⁴Hamughangangire rorwingi noyikuvo nomenge, ene gha tjinune menge noyikuvo ne yawire ko. Mbadiko oyu gha karire nongcamu dhokumukwata.⁵Kehe ghuthiku nomutenya mumayendo nomumarundu, nga kuremekanga thinda nomawe ghomatwe. ⁶Apa gha kambekedhire Jesusi, gha mutjireghere no kunyongama kughutho wendi.⁷Gha dirire wighuka, "Yinu munye sho ni tende noye, Jesusi, mwana Nyambi shokuru? Na kukanderera mudina dyaNyambi, wani humbitha." ⁸Yoyishi aye gha muningangire eshi, "Shwaye mukatji komurume yo, owe mupepo ghoghumango."⁹Ghamwipurire eshi, ''Yowe dye dina dyoye?'' Pogha muhuthere eshi, ''Dina dyange ne Legion, ene twene twengi.'' ¹⁰Ghatwarire kughutho kumukumbera eshi mbadi gha wa shwayithe mumukunda ghu.¹¹Pakarire yinguru yoyingi eyi ya dyerawere kudirundu, ¹²hamukumbere ghughamba eshi, ''Tutume muyinguru; tungene mumwayo.'' ¹³Ghawa tawedhere; mupepo dhodhimango dhashwayire nodha ngenine muyinguru, noya tjirire yighurumuke kudirundu yikangene mudikuruviya, yinguru yokukuma kumayovi mawadi yafire mudikuruviya.¹⁴Hakungi hoyi nguru yi hatjirire nohaka hetire eyi ya hokokire mudoropa nokumutara ghoditunga, nohanu hayendire haka mone eyi yahokokire. ¹⁵Po heyire kwaJesusi noha monine katughuru oyu gha karire no mupepo dhodhi mango, oyu dha munine mupepo dho dhimango Legion, ghana hungumana ghana vata muwawa, no ha muyapire.¹⁶Awa ha monine eyi ya hokokere katughuru yu dha munine mupepo dhodhimango hawa thothwenemo no kuwatongwera yo kuhatera kuyinguru. ¹⁷Poha tamekire kumu kanderera eshi gha tunde mumukunda wagho.¹⁸Pakungena kwendi muwato, murume yu dha munine mupepo dhodhimango gha kumbere eshi gha kare nendi. ¹⁹Ene Jesusi mbadi gha mutawedhere, ene gha mu tongwere eshi, ''Yende kudighumbo dyoye nokwahapoye, kawa tongwere eyi ghana kurughanena Fumu, no ngepi edi ghana kuneghedha thineke. ²⁰Pogha yendire no katanga kayuvitha muDecapolis yinu yoyikuru eyi ghana murughanena Jesusi, no hanu wahe hatetukire.²¹Apa gha tjinaghanine karo Jesusi kumutara ghumwe nowato, mbunga dhidhikuru dha konganine kukwendi, ayene kumbadi dhodikuruviya. ²²Mupiterithi ghumwe gho musinagoge ghodina eshi Jairus gheyire apa gha mu monine gha mu tongamenine, kumaghuru ghendi. ²³Ghamu kumbere yikandho yoyingi ghughamba eshi, ''Mwanange gho mukamadighana pepi nokufa ghadi. Nakanderera eshi wiye ghu kamukambeke ghekeruke ghapare.'' ²⁴Po gha yendire nendi nombunga dhodhikuru dhamukuthire munyima no ha kuthundire kukwendi.²⁵Pakarire mbuyama oyu gha karire kupita manyinga myaka dikumi nodhiwadi. ²⁶Nga nyandanga thikuma kuma nganga ghomengi no gha yongarithire yinu yendi yoyihe, ene mudyango dyo kuninga eshi gheruke ne kokukuwedherera. ²⁷Apa gha yuvire mbudhi dho kuhatera kwaJesusi, gheyire munyima dhendi mumbunga nogha kwatire kuthikaghushu thendi.²⁸Gha ghambire eshi, ''Ngeshi nikwate ngenyu yitere yendi, nanyi niruke.'' ²⁹Apa gha mu kwatire, kushwagha manyinga kwashayekire, nagha yikuyuvire muyirama yendi eshi ghaneruka kughukukutu wendi.³⁰Jesusi popo gha kuyuvire eshi ngcamu dhina mutundu, gha pirukire mumbunga nogha ghambire eshi, ''Yidye ghana ni kwata kuyitere?'' ³¹Haka thishongero wendi hamu huthere eshi, ''Ghuna mono dhi mbunga dhina kudhingumutwedha, no kughamba eshi yidye ghana kukwata?'' ³²Ene Jesusi ne gha kengure pambunga oyu gha yitendire.³³Aye mbuyama, mukudimuka eyi yina muhokokera ghayapire no kututuma. Gheyire noghana tongamene kughutho wendi nogha mutongwere ghushemwa ghoghuhe. ³⁴Ghamu tongwere eshi, ''Mwanange ghomukamadi, matawero ghoye ghana kwirura. Yende muthiraro nowiruke kumaghukukutu ghoye.''³⁵Shime gha hokwera kughamba kenge, hanu hamwe haka shwayire kwamupiterithi gho sinagoge ghughamba eshi, ''Mwanoye ghomukamadighana ne ghana fu. Eyi wa kumukutha-kuthera muhongi ne nye?''³⁶Ene apa gha yuvire Jesusi mbudhi edhi ha tapire, gha ghambire eshi, ''Wayapa. Kare vene nomatawero.'' ³⁷Mbadi gha tawedhere kehe yuno ghawa kuthe kutundithako Petrusi, Jacobus naJohanesi mina Jacobusi. ³⁸Heyire kundhugho dhaMupiterithi gho musinagoge noghamonine mo hanu awa ha yoghotere thikuma, awo ha dirire thikumenena.³⁹Apa gha ngenine mundhugho, gha ghambire nawo eshi, '''Yinu munye muna tokotera no nye muna kudirera? Mwanuke mbadi ghana fu ene kuna rara.'' ⁴⁰Hamuhekire ene ghawa turire wahe panunda noghengenine nanyina nawiha mwanuke nowa hakarire nendi, hayendire oku gha karire mwanuke yu.⁴¹Gha shimbire dyoko dyamwanuke no kumutongwera eshi, ''Talitha, Koum!'' Kutongora eshi, ''Mukamadigha, kuna kukutongwera pinduke.'' ⁴²Popo vene mwanuke gha pindukire no ghayendire (aye gha karire myaka dikumi nodhiwadi). Hashambererire thikuma. ⁴³Ghawa rawere eshi mbadiko karo munu ghumwe sho gha dimuke eyi yina hokoka, po gha wa ningire eshi ha pe mukamadighana yu kehe yino yokudya.

6¹Ghatundirepo nokuyenda kudoropa dhendi dho kakoghatji, no hakathishongero thendi hamukuthire. ²Apa dyeyire diyuwa dyo Sabata, ghahongire mu sinagoge. Thingi thawanu hamuyuvire no hahafire. Haghambire eshi,''Kupi ghawanine mahongo gha?'' ''Ghudimuki munye oghu hamupa?'' Yitetukitha munye yi ghatendanga no nyara?'' ³''Kadi muyuwaghuri yu, mwana Maria endi mukurwa Jakobus endi Joseph endi Judas endi Simoni? Hakurwendi hohakamadi kadi netu hadi ndi?'' Yitenda ya Jesus yawatokotithire.⁴Jesus ghaghambire nagho ,'' Muporofeta kadi ghapira fumwa, kutundithakomumukunda wendi,hakadiko dyendi no hakadimbo dyendi.'' ⁵Kadi ghakonine kutenda yitetukitha yoyikuru, kutundithako yo kukambeka nyara kohakatjitju no kuwerukitha. ⁶Ghatetukire mukupira matawero kwagho. Ghayendire mumikunda oku moghahonga.⁷Ghethire hakathishongero wendi dikumi no hawadi no ghatangire kuwatuma hawadi hawadi , no ghawapire ngcamu dho kutunditha mupepo dhodhimango, ⁸no ghawarawere eshi mbadi hashimbe kehethino muruyendo rwagho, kutundithako mburo kadiko ghuroto, ndjato endi masherenyi, mumamuya ghawo, ⁹ene hakona kuvata yisandari,ene kadi makaranyana.¹⁰Ghawatongwere eshi, ''Kehe mudimbo mwakungena, mwakona kukara momo kate ku mwakutunderamo. ¹¹Kehe doropa dhakudhira kamutambura endi kumutegherera, pakutunda padyango dyo, kukumune mbundu kumapadhi ghoye thikare ghushupi kukwagho.''¹²Hayendire no kuyuvitha eshi hanu hapiruke. ¹³Hashwayithirepo mupepo dhodhimango, hawethire maghadhi hakatjitju no kuwerura.¹⁴Fumu Herodesi ghayuvire dina dya Jesus dina yerana. Hamwe haghambire eshi,'' Johanesi ghomukadiyoghero ghana kavumbuka, yoyakukarera eshi mangcamu ghoyitetukitha ghana kurughana mumwendi.'' ¹⁵Hamwe haghambire eshi, ''Yodiye Elijah.'' Shime hamwe eshi,'' Ayene muporofeta yira ghofotji ghopakare.''¹⁶Ene apa ghayiyuvire fumu Herodesi ghaghambire eshi, '' Johanesi, oyu natetire mutwi, ghana kavumbuka.'' ¹⁷Herodesi ghatumine hakakwate Johanesi no kumutwara mukashitiko pamurandu waHerodias (Mukurwa muna Filipusi), yoyishi ghamuyekire .¹⁸Johanesi ghatongwere fumu Herodesi eshi,''Mbadi pamuragho eshi owe ghushimbe muna mukuroye.'' ¹⁹Ene Herodias ghandundumanine kughupata noghashanine kumupagha ene mbadi ghakonine, ²⁰yoyishi fumu Herodesi ghayapire Johanesi; ghadimukire eshi Johanesi ne katughuru gho kuhungama nogho kupongoka noghamukungire. Mukutegherera kukwendi yamupatithire thikuma, ene ghamuyuvire thiwana.²¹Diyuwa dyeyire dyo mukandi gho mushamurukero wendi nogha royithire murarero no ghethire hakuru wawakayita no hapiterithi wa Galileya. ²²Mwana Herodias thinda gheyire nokuna wakinena, gha shambererithire Herodesi nohagenda. Fumu ghambaire kwamukamadi,'' Ni rombe kehe thino ghuna shana nanyi nithikupe.''²³Ghedhire kwamukamadi yu ghughamba,''Kehe yino shonirombe, kukona ni yikupe kate kudihenda dyoghufumu wange.'' ²⁴Ghashwayire panunda no ghaghambire kwanyina eshi,''Nye sho ni kamurombe?'' Nyina ghamuhuthire eshi,''Mutwi waJohanesi mukadiyoghero.'' ²⁵Popo ghahukire kwafumu, noghakarombire eshi,'' Nashana ghunipe, popano, mutwi waJohanesi ghomukadiyoghero pakaronga.''²⁶Ngambi kenge shi yamukashithire fumu, mbadi ghakonine kushwena kumakumbero ghaya pamurandu gho medhero agha gha tendire nopamurandu gho hagenda awa hakarire pamurarero ghuya. ²⁷Fumu ghatumine dishurundate noghadirawere mukareta mutwi waJohanesi, mukungi yu ghayendire nokateta mutwi waJohanesi mukashitiko. ²⁸Ghakaretire mutwi pakaronga no kuna ghutapa kwamukamadi, no mukamadi ghaka tapire mutwi kwanyina. ²⁹Apa hayiyuvire hakathishongero yinu yi, hakahukire no kashimba yirama no kayitura mumbira.³⁰Hapostori hakupakere naJesus nokumutongwera yoyihe eyi hatendire no kuhonga. ³¹Noghawatongwere eshi,'' Mwiye mwathinda kudyango dyokupira hanu nomuturumuthe.'' Thingi thagho heyire no kuyenda no mbadi hawanine ruvedhe rokudya. ³²Hengenine muwato nohayendire kudyango dyokupira hanu papagho.³³Apa hawamonine hakufunguruka thingi thawo hawanongonone, hatjirereko pofotji pamapadhi,nohakatangire kakuma kughutho wawo. ³⁴Apa hanakumine padiya, ghamonine mbunga noghakarire nothineke yoyishi hakarire yira ndjwi dhi dhinapiri mudithi. Ghatangire kuwahonga yinu yoyingi.³⁵Kunyima dhoviri, hakathishongere wendi heyire nohaghambire eshi,''Odi ne dyango edi hayevura noviri ne dhinapiti. ³⁶Watume podiyo hayende kumikunda dhopepi hakaghure kehe yino yo kudya kwagho.''³⁷Ghawahuthere no kuwatongwera eshi,''Wape kehe yino yokudya.'' Haghambire kukwendi,''Kukona tuyende tukaghure mathere mawadi denarii ghoghuroto tuwape hadye ndi?'' ³⁸Ghaghambire kukwagho,''Mangatji maghuroto mudi nagho? Muyende mukakenge.'' Apa hakawanine haghambire eshi,''Makwoko maghuroto no thi dhiwadi.''³⁹Ghawarawere hanu wahe hahungumane mumambunga pamuhonyi ghothina mahako. ⁴⁰Hahungumane mumbunga mathere makwoko. ⁴¹Ghashimbire maghuroto makwoko no thi dhiwadi, no ghakengire mudiwiru no ghakandadhekire no kuyondaghura ghuroto noghatapire kwakathishongero wendi kughutho gho hanu. Ghatapere thi dhiwadi mumwagho wahe.⁴²Hadire wahe no kwikuta. ⁴³Hashimbire yigonyo-gonyo yoghuroto, dikumi noyiwadi yikote yayarire , no thi nadho. ⁴⁴Hanu mayovi makwaoko hadire maghuroto gha.⁴⁵Popo ghaningire hakathishongero wendi hengene muwato hapite kughutho wendi kuthambo diya, kuBethsaida, kughutho ghokutuma mbunga dhikayende. ⁴⁶Apa hayendire, ghayendire kuwiru dhodirundu ghakaraperere. ⁴⁷Ghuthiku weghire, nowato wakarire pakatji ko dikuruviya,no pithendi ghakarire pandundu.⁴⁸Ghamonine eshi hakarire noghukukutu gho kutjinanitha wato wagho, yoyishi mupepo wawemanganyene. Pakuwakenga roghune ghayendire kukwagho, ghuyenda pameyu dho dikuruviya, noghashanine kuwapitakana. ⁴⁹Ene apa hamumonine ghana kuyenda pameyu ghodikuruviya, haghayarire eshi ayene thirumba no hadirire ghukuyerera, ⁵⁰yoyishi hamumonine nohayapire. Popo vene ghaghambire nagho eshi,''Mukare no matjokedhero! Yame! Mwayapa!''⁵¹Ghengenine muwato nawo, nomupepo wakuturire. Hakarire hanatetuka. ⁵²Mukudhira kutjwathana eshi nye watambire ghuroto. Mudyango dyo, mitjima dhawo dhandundumene.⁵³Apa hareyire, heyire pandundu dhaGennesaret nokuthekera wato wagho. ⁵⁴Apa hashwayire muwato ,hanu hamunongone wangu, ⁵⁵nohatjirire mumukunda ghoghuhe nohatangire kureta hakorwi keheku hayuvire ghadi.⁵⁶Kehepa ngangenanga mumukunda, endi doropa endi ditunga ngahaturanga hakatjitji mumango gho maghurithero. Hamukumbere matawedhero mukukwata kughuhura ghothikaghushu thendi, nothingi thawa ngahakwatanga ko herukire.

7¹Ha farasayi hnawaka marukwaro hamweya awa ha shwagherire kuJerusalem hapongire mumbadi dhendi.²Hamonine haka thishongero wendi hamweya hana kudya ghuroto nonyara dhodidhiro endi kuninga eshi dho kupira kuyogha. ³Hafarasayi nawa Juda mbadi hadyanga shimengwa hana kuyogho kunyara, yoyishi hakwaterere kuthitjo thawa kuru wagho endi hakerekandongo wagho. ⁴Ngeshi oku hana kashwagha hafarasayi kudyango dyomaghurithero, mbadi wa kudya shimengwa kate kamana ka kuyogha, noha tawire thikuma muyinu eyi ha yuvire , yira kuyogha makopi, mapoto notundimbe to ngoporo noturonga to kudyera.⁵Hafarasayi nawa ka maukwaro hepurire Jesusi eshi, ''Yinu munye hana kupirera ha ka thishongero ghoye kukutha thitjo thawa kerekandongo wawo, ene awo ne kudya oke mbadi hana kuyogho kunyara.''⁶Ene aye gha ghambire nawo eshi, ''Isaya gha mupumbire thiwana mwemwaka difurumeko. Thika edi yapwa kutjanga, 'Hanu wa kunifumaneka no miromo ene mitjima dhawo ne kayenda nange. ⁷Yikugha yonyara-nyara hanipa, kuhonga miragho dhamunu eshi yitawa yawo.'⁸Mwanyatha miragho dhaNyambi nomwa kwaterera thitjo thawanu.'' ⁹Gha ghambire karo kukwagho eshi, ''Ngepi edi sho munyathe miragho dhaNyambi eshi mukumithemo thitjo thenu! ¹⁰Mosesi ghaghambire eshi, 'Kutekere hawiho nanyoko; no kehe yuno gho kughamba yoyimango kwawihe endi kwanyina yoghushemwa mbo ghana fu.'¹¹Ene mwe kughamba eshi, 'Ngeshi ghumwe ghaghamba kwanyina endi kwawihe, ''Kehe ghano maghamweno mwawana kukwange ne thitapera kwaNyambi.'' ¹²No mbadi muna kumutawedhera karo kehe yino kwawihe ngambi nyina. ¹³Muna kutenda nando dhaNyambi ghumango nothitjo ethi mwa piteritha. Noyinu yoyingi eyi mwatendanga.''¹⁴Ghethire karo mbunga nogha ghambire kukwagho eshi, '''Mutegherere kukwange, mwaheya, nomutjwathane. ¹⁵Mbadiko yopanunda dhamunu yokumunyateka pakumwingena. Yokushwagha mwamunu yoya munyatekanga. ¹⁶''Kehe yu ghakara nomatwi gho kuyuvitha, ninge gha yuve.''¹⁷Apa ghathighire Jesus mbunga ghengenine mundhugho, hakathishongero wendi hamwipurire yokuditaghadhi. ¹⁸Jesusi ghaghambire eshi,''Namwe karo shime mwapirera kutjwathana? Mbadi mwakumona eshi keheyino yokwingena kwamunu kutunderera panunda mbadi yamunyateka, ¹⁹yoyishi ayo mbadi wakuyenda mumutjima wendi, ene ayo kuyenda mudira dyendi nokapita yikashwaghe murukukutu.'' Nothighamba thino Jesusi ghafundhwere yidya yoyihe yikushuke.²⁰Ghaghambire eshi,''Thokushwagha mwamunu thothanyatekanga mwimi dha munu. ²¹Kumutjima kokwashwagha yighayara yoyihe yoyiyi,rungu,widhi,ghupayi, ²²nokuhondera,kurumbera,ghuyi,ghumango,yimona mango,nya,mushedho ghokwaNyambi,kukununeka,ghuyero. ²³Ghuyi ghoghuheya kushwagha mwimi ndani yoya nyatekanga munu.''²⁴Ghemamine popo noghayendire kuditunga dyaTyre naSidoni. Oko ghakengenine mundhugho no mbadi ghashanine eshi keheno ghamudimuke eshi kupighadi,ene ngambi kemo aye mbadi wakukuhoreka. ²⁵Ene popovene mbuyama yu ghakarire namwanendi ghomukamadighana oyu ghakarire nomupepo dhodhimango ghayuvire yokuhatera kwendi,gheyire noghanawerere kumapadhi ghendi. ²⁶Mbuyama yu ne muhirika, mukakakoghatji kaSyrophoenia. Ghakanderere ghashwayithe mipepo dhodhimango mwamwanendi ghomukamadighana.²⁷Ghaghambire kukwendi eshi,''Pakutanga mupe tango hanuke hatange kudya. Yoyishi mbadi yaroghera kushimba yidya yawanuke nokuyivukumena kumbwa. ²⁸Ghaye ghahuthire nokughamba kukwendi eshi,''Kemo,Fumu, Ngambi mbwa nadho mwishi dhotishi dhinadyanga yinukumwena yawanuke.''²⁹Aye ghamutongwere eshi,''Pamurandu ghoyi ghuna ghamba,ghuna shutuka mukuyenda. Mipepo dhodhimango dhina tundu mwa mwanoye.'' ³⁰Ghahukire kundhugho dhendi noghakawanine mwanuke ghana rara no mipepo dhodhimango dhina piti.³¹Ghashwayire karo muditunga dyaTyre, ghapitire mu sidoni kudikuruviya dyaGalileya ghayende muditunga dyaDecapolisi. ³²Haretire kukwendi munu ghokufa matwi noghakarire noghukukutu ghokughamba, hamukanderere no kumukambeka nyara dhendi papendi.³³Pakumushwayitha mumbunga kumahemo, ghaturireminwe dhendi mumatwi ghendi,ghathipire mate no kukwata rudimi rwendi. ³⁴Ghoghadighamene ghukengera mudiwiru, no ghaghambire kwendi eshi,''Ephphatha''kuninga eshi,''Yandhuruke!'' ³⁵Popovene matwi ghendi ghayandhurukire,rudimi rwendi rwashutukirenoghatangire kughamba thiwana.³⁶Jesusi ghawarawererire mukupira mukupira kuyitongora kwakeheyuno. Ene ngambi kenge ghawarawere kemo, awo momukayighambo wawo. ³⁷Yawahakamanithire thikuma ghuninga,''Mughuhunga ghana rughana yoyiheya. Noghanatendi hakakufa matwi hayuve,hakakupira kughamba haghambe.''

8¹Mumayuwa gho,pakarire karo mbunga dhodhingi ene mbadi hakarire noyo kudya. Jesus ghethire hakathishongero wendi nokuwaninga eshi, ²Nakufera neke mbunga yoyishi hana kare nange mayuwa mahatu hanamana ene mbadi hawana yokudya. ³Ngeshi niwatume hayende kumaghumbo ghagho, okuwone mbadiko thi anadi, kukona hapwerere mundhira dhagho. Yoyishi hamwe kayenda hanatundu.'' ⁴Hakathishongero wendi hamuhuthire eshi,'' Kupi shotuwane maghuroto ghokukumanenamo mudyango yira di dyo mburundu eshi hekute wa hanu?''⁵Aye ghawepurire eshi,''Mangatji maghuroto mudi nagho?'' Kokuhutha kwagho eshi,''Kwoko nomawadi.''' ⁶Gharawere mbunga dhihungumane pamuve. Ghatumburire maghuroto kwoko nomawadi ghatumerire,noghaghuyondorire. Ghaghutapire kwawa kathishongero wendi hatapere mbunga.''⁷Hakarire notuthighana totupu,no munyima dhokutumera,gharawerire hakathishongero wendi eshi hatapere kumbunga karo. ⁸Hadire nohekutire, nohakongwedhire yigonyo-gonyoaye yathighareko,yikote kwoko noyiwadi. ⁹Hakarire hanu hokukuma yira kumayovi mane. Ndani poghawaningire hahuke . ¹⁰Popovene kokuperama muwato nohakathishongero wendi,nohayendire kuthikota Dalmanutha.¹¹Munyima dhapo kokwiya hafarasayi nohatangire kumukanana,awo hashanine thidimukitho thokutunda mudiwiru,hamuyereke. ¹²Ghahetherire thikuma mumupepo wendi noghaghambire eshi,''Pashanye hanahoka hanakushanena thidimukitho ? Ghushemwa nakumutongwera mbadiko thidimukitho mbawapa wa hanahoka.'' ¹³Ghatundirepo ghawathighe,ghaperamine muwato karo ,noghatjinanine thabo diya.¹⁴Awo mbadi hakarire noghuroto ghokupitakana paghuroto ghofotji muwato. ¹⁵Ghawadimukithire eshi,''Mukoneke nomutakamithe kuyihafitha yawafarasayi no ya Herodesi.¹⁶Hakathishongerowendi hakwipadhurire mukatji kagho eshi, ''Yoyi tuna piri ghuroto ndi.'' ¹⁷Jesusi ghayidimukire mo gha watongwere eshi, ''Pashanye muna kughayarera eshi mbadi tudi noghuroto? Mbadi muna kumona shime ndi? Nombadi muna kutjwathana shime ndi? Namwe mitjima dhenu ne dhina ndundumena?¹⁸Mwakara nomeho, ene mbadi muna kumona? Mwakara nomatwi, ene mbadi muna kuyuva? Mbadi muna kuvuruka ndi? ¹⁹Apa na yondorire maghuroto makwoko mukatji komayovi kwoko, notungatji tukote otu twayarire yigonyo-gonyo otu mwa kongwedhire?'' Awo hamuhuthire eshi, ''Dikumi yiwadi.''²⁰''Apa na yondorire maghuroto kwoko nomawadi mukatji komayovi mane, yingatji yikote yo kuyara yigonyo-gonyo yoghuroto eyi mwa kongawedhire? ²¹Awo hamuhuthire eshi, ''Kwoko notuwadi.'' Gha wa tongwere eshi, ''Mbadi muna kutjwathana shime ndi?''²²Ha kakumine muBethsaida. Hanu hawa retere mukafumu gho mukunga noha kandere Jesusi eshi gha mukwate. Jesusi gha kwatire mukunga padyoko no gha mushwayithire mumukunda. ²³Apa gha manine kuthipera pameho ghendi no kumukambeka nyara, no ghamwipurire eshi, ''Koyidi eyi ghuna kumona ndi?''²⁴Gha diyamenine muwiru, no ghaghambire eshi, ''Kuna kumona hanu yira yitondo yina kuyendaghura.'' ²⁵Kokumukambeka kwendi karo nyara pameho ghendi nomukafumu yu gha yandhurukire meho ghendi, meho ghendi gha konine kumona karo noghamonine yoyiheya thiwana. ²⁶Jesusi gha mu tumine gha yende kudighumbo dyendi, no gha mu ningire eshi, ''Wakangena mudoropa.''²⁷Jesusi gha shwayire nawa ka thishongero wendi hatambe kumukunda waSesareya Filipi. Mundhira dhawo ghepure haka thishongero wendi eshi, ''Ngepi edi hana kughamba hanu eshi yame dye? ²⁸Hamu huthire eshi, ''Johanesi muka diyoyero. Hamwe kughamba eshi, Eliyah; nohamwe eshi ghofotji ghawa porofita.'''²⁹Gha wepurire kwendi eshi, ''Ngepi edi muna kuni toya me?'' Petrusi ghamuhuthire eshi, ''Yowe Kristusi.'' ³⁰Jesusi gha wa konekithire eshi ha kona kutongwerako hamweya eshi yodiye dye.³¹Gha tangire kuwahonga eshi, Mwana Munu mbo ghana nyanda thikuma yoyingi, hakuru no ha kurupristeri no haka muarukwaro, no mbohana mupagha, ene munyima dhomayuwa mahatu mbo ghana vumbuka karo. ³²Gha kenithire mbudhi dhiya thiwana. Petrusi kokumukokoka pambadi no gha tangire kumutughumukera.³³Ene Jesusi gha pirukire no kukenga kwawa kathishongero wendi nogha tughumukere Petrusi ghuninga eshi, ''Shatani huke munyima dhange! Owene mbadi ghuna kughayadhara yinuyinu yaNyambi, ene yinu yawanu.'' ³⁴Po ghethire mbunga nawa ka thishongero wendi pofotji no ghwa tongwerire eshi, ''Ngeshi ghumwe ghana shana kunikutha, gha kona ndani kukunyatha thinda, gha shimbe thikurushe thendi no ghanikuthe.³⁵No kehe yu gho kushana kukunga moyo wendi ne mbo ghuna muyongara, no kehe yu gho kuyongaritha moyo wendi papange nombudhi dhodhiwa mbo ghuna pu kughamwena. ³⁶Nye sho gha wanepo munu ngambi gha yore kaye kokaheya ene moyo wendi ghana ghuyongaritha? ³⁷Yipi sha kone kutapa munu mukutjinditha moyo wendi?³⁸Kehe yu gho kuni fa honyi me nomanando ghange mumuhoko nghuno gho rungu nomaharwero, Mwana Munu naye mbo ghana ka mufa honyi apa mbo gheya ghurwedhima wa wihe noha engeli hokupongoka.''

9¹No gha ghambire kukwagho, ''Ghushemwa na kumutongwera, hamwe mukatji kenu mbadi mbo ha yereka yifa oku mbadi hana mono ghufumu waNyambi oghu mbo wiya nongcamu.'' ²Munyima dhomayuwa kwoko nodyofotji, Jesusi gha shimbire Petrusi naJacobus naJohanesi no gha yendire nawo kudirundu dyodire, , nawo pithagho. No gha ka kuthitunukire thitunumeho. ³Yishupata yendi yarwedhimine yakarire keve-keve nothishe thothikuru thawa munekerire.⁴Munyima Eliyas naMoses ghawa hokokere, no ha ghambaghurire naJesusi. ⁵Petrusi gha huthire nogha ghambire eshi, ''Muhongi (muThiheburayi kuninga eshi Rabbi) ghuhunga twe mukukara kuno, tu tawedhere tutende yishashara yihatu, thimwe thoye, thimwe thaMoses munyima thimwe thaEliyas.'' ⁶(mbadi ghadimukire eshi nye sho ghakone kughamba yoyishi homapire.)⁷Divuyi dyeyire nodyawa ngamwathanine. No diywi dyashwayire mudivuyi eshi, ''Oyu ne yomwanange ghomuhakwa. Mutegherere kukwendi.'' ⁸Kapupi kamanana apa ha kukengathanine, mbadi ha konine kumona ghumwe karo nawo, ene shimengwa Jesusi vene.⁹Opa ha ghurumukire kudirundu, gha wa rawere eshi, mbadi haka tongwere kehe yu koyi hana mono kate mwana munu mbo gha vumbuke mwawafu. ¹⁰Ha pungurire nando dhi kukwagho hathinda, ene ha konine kukwipadhura papawo hathinda nye, ''Yina kutongora muvumbukero wawafu.''¹¹Ha mwipurie eshi, ''Pashanye Hakamarukwaro ha ghamberanga eshi Eliyah yo mbo gheya pamutango?'' ¹²Ghawa huthire eshi, ''Eliyas gheyire pamutangerero mukuna huthedhera yinu yoyihe. Pashanye ha yi tjangera eshi Mwana Munu gha kona kuna nyanda kuyinu yoyingi no kuna mushwaghura? ¹³Ene ghushemwa na kughamba kukwenu eshi Eliyah gheyire no gha konine kurughana eyi gha konine kushana kukwendi, thika kenge edi ha yi mutjangere yo kuhatera kukwendi.¹⁴Apa hana kumine ko hakathishongero, hamonine mbunga dhodhikuru dhina wa dhingi, hakamarukwaro haturire nanani nawo. ¹⁵Apa hamonine Jesusi, mbunga dha tutukwire no apa ha henyenine pepi nendi hatapire dirumeritho kukwendi. ¹⁶Ghepurie hakathishongero wendi eshi, ''Yinu munye muna kukarera munanani nawo?''¹⁷Ghofotji gho mumbunga gha mu huthire eshi, ''Muhongi, na reta mwanange gho katughuru kukoye. Gha kara no mupepo oghu wa muningithanga gha pire kughamba. ¹⁸Agho kumughangeritha no kumuwithera pamuve, no kumutakuritha kafudhi, no kukuhuma mayegho no kughara. Naningi haka thishongero ghoye ha ghu shwayithemo mumwendi, ene mbadi hana ghu kono.'' ¹⁹Gha wa huthire eshi, ''Hana hoka ho kupira matawero mwe, rure ro kukuma kupi dho ni kare nenu? Yo kuhura kupi sho mumone? Mumurete kuno.''²⁰Hamuretire katughurughana yu kukwendi. Apa wa monine mupepo gho ghumango Jesusi, popo vene koku muvukuma ghumuwithe.Mungaghughana yu gha wererire pamuve no kutakura kafudhi. ²¹Jesusi ghepurire wiha eshi, ''Rure rokukuma kupi ghakara kenge yu katughuru ghana?'' Wiha gha huthire eshi, ''kushwagha kuwanuke wendi. ²²Agho wa muwitheranga mumudiro, pamwe mumeyu. Ngeshi kukona kutenda ko thinu ne ghutufere neke ghutu ghamwene.''²³Jesusi gha mu tongwere eshi, ''Ngeshi kukona? Thothiheya ghuredhu kowa hana tawa.'' ²⁴Popo vene wihe gha hutha eshi, ''Natawa ghamwene ghukashu ghomatawero ghange.'' ²⁵Apa gha monine Jesusi mbunga dhina kutjirera kukwagho, gharawere mupepo dhodhimango no kughamba eshi, ''Ghupurupuru ghutunde mumwendi no gha ghu kanyene eshi, ''Mbadi mbo ghukeye mumwendi karo.''²⁶Wakughererire thikuma no kuwitha mungaghu ghana thikuma no wa tundire mo mumwendi. Mungaghu ghana gha piturire yira yoyu ghana fu, wingi wawo haghambathanine eshi, ''Ghana fu.'' ²⁷Ene Jesusi gha mu kwatire kudyoko no kumwimeka, nomungaghu ghana yu ghemanine.²⁸Apa ghengenine Jesusi mundhugho, haka thishongero wendi hamwipurire mughudhindo eshi, ''Pashanye twe tuna pirera kughu tjidha mo?'' ²⁹Aye gha wa huthire eshi, ''Mupepo gho kenge ghuya ne shimengwa pakuraperera.''³⁰Hatundire po noha pitere muGalileya. Mbadi gha shanine ghumwe ghawa dimuke eshi kupi hadi, ³¹aye kwakarire ghana kuhonga hakathishongero wendi. Ghaghambire nawo eshi, ''Mwana munu mbo ghana mutapa mumoko ghawanu, awo mbo hana ka mupagha. Apa mbo ha mana kumupagha, munyima dho mayuwa mahatu mbo ghana vumbuka.'' ³²Ene mbadi hatjwathanine thighamba thi, no hayapire kumwipura.³³Munyima heyire kuCapernaum. Hengenine mundhugho nogha wepurire eshi, ''Yinu munye muna kuyongo mundhira?'' ³⁴Ene haporererire. Yoyishi awo ha karire no nanani mukatji kawo mundhira eshi ngodye gho ngcamu po thikuma. ³⁵Ha hungumanine no ghethire hadikumi nahawadi no gha ghambire kukwagho eshi, ''Ngeshi ghumwe ghana shana kukara kughutho, ghakona kukara munyima dhawahe nomupika wawahe.''³⁶Ha tumburire mwanuke no kumwimeka mukatji kagho. Gha muturire mumoko ghendi no ghwa tongwere eshi, ³⁷''Kehe yu gho kutambura hanuke hokenge mudina dyange yame ghana tumbura; no kehe yu gho kunitambura me mbadi yame ghana tambura ene ghana tambura oyu ghana ni tuma.''³⁸Johanesi gha tongwerire Jesusi eshi, ''Muhongi, thuna mono ghumwe ghana kutjidha mupepo dhodhimango mudina dyoye ene kuna mushingi yoyishi mbadi ghana tukuthu.'' ³⁹Ene Jesusi gha muhuthire eshi, ''Mbadi mwakona kumushinga yoyishi, mbadiko gho kukona kurughana yirughana yoyikuru mudina dyange ghogha ghambe ghuyi mudina dyange.''⁴⁰Kehe yuno ghana piri kutwimanganyena ne wetu. ⁴¹Kehe yunu gho kukupa kopi gho meyu ghunwe mudina dyange eshi mwahatera kwaKristus, ghushemwa na kumutongwera, mbadi mbo gha yongaritha ndjambi dhendi.⁴²Kehe yuno gho kuninga mwanuke gho kutawa mumwange gha tamangere, yina kukara hasha kukwendi mukumughangera diwe muthingo dhendi no kumuvukumena mudikuruviya. ⁴³Ngeshi dyoko dyoye ghadi kurughanitha ghutende ghuyi, ditete ko. Hasha kukoye mukwingena mumoyo nodyoko dyofotji, mbadi yira nomoko mwadi mukuyenda mumudiro, mumudiro ghushidhimana. ⁴⁴Omu gha dhira kufa mavinyo, no mudiro ghushidhimana.⁴⁵Ngeshi dipadhi dyoye hadi kuharuritha, ditete ko. Hasha kukoye kwingena mumoyo noghuhwere, mbadi kukara nomapadhi mawadi nokukuvukuma mudirara diro. ⁴⁶Omu ghadhira kufa mavinyo ghawo nomudiro ghushidhimana.⁴⁷No ngeshi diho dyoye kukuningitha ghuharure, dikorongoremo, hasha kukoye kwingena mughufumu waNyambi nodiho dyofotji mbadi yira kukara nomeho mawadi nokakuvukumena mumudiro, ⁴⁸omu mwakara mavinyo ghashifu no mudiro ghushidhimana.⁴⁹Keheyu mbo ghana pu kuyaritha nomudiro. ⁵⁰Mungwa ne ghuwa, ene ngeshi wahamupa ne, ngepi edi gho kughu tovitha karo? Mukare nomungwa mumwenu no mukare muthiraro nowayendhenu.''

10¹Jesusi ghamatukire ghayende kurware rwaJudea thambo diya dhorware rwaJordan, nombunga dheghire karo kukwendi noghawahongire karo thikadi hayimufundhwere. ²Hafarasayi heyire kukwendi hamuyereke no hamwipurire eshi,''Hayitawedhera pamuragho eshi katughuru ghakuyakunuke nadidhiko dyendi ndi?'' ³Ghawahuthire eshi,''Ngepi di ghamurawere Moses?'' ⁴Awo hahutha eshi,''Moses ghatawedhere katughuru ghatjange mbapira dhomakuyakunukero.''⁵Pamurandu ghoghukukutu mitjima dhenu yoghamutjangere muragho ghu,'' dyoghaghambire Jesusi. ⁶Ene kutunda kumavarekero, 'Nyambi ghatendire katughuru nambuyama.'⁷Pathitambo thi,katughuru ghana kuthiya hawihe nanyina noka kupakerera pofotji nadidhiko dyendi, ⁸nohanu hawadi wano hanakakara thipo thofotji.' Mbadi shimekaro yipo yiwadi,ene thofotji. ⁹Thothihe ethi ghanunga Nyambi, mbadi ghakona munu kuthiyakunutha.''¹⁰Ghopa ghakarire mundhugho, hakathishongero wendi,hamwipurire karo kuhatera kuyinu yi. ¹¹Kukuwahutha eshi,''Keheyuno ghokumwagha mbuyama wendi nokayeka mbuyama ghumweya, ghana kutenda rungu. ¹²Ngeshi mbuyama hamwagha katughuru wendi, nokayeka katughuru ghumweya, ghana kutenda rungu.¹³hamuretere hanuke nawa kwate, ene hakathishongero waJesusi hawashingire. ¹⁴Ene apa ghayimonine Jesusi yi, ghatokotire noghaghambire kukwagho eshi,''Mutawedhere hanuke heye kukwange nomwahashinga, ghufumu waNyambi ne ghowa hapitura yira gho.¹⁵Ghushemwa nakumutongwera, kehe yuno ghokupira kutambura ghufumu waNyambi thikahanuke hohambiru mbadimboghengenamo.'' ¹⁶Ghashimbire hanuke mumoko ghendi no ghawakandedhekire apa ghawakambekire nyara dhendi.¹⁷Mashimurukero ghoruyendo rwendi, katughuru ghamutjirere ghutongamena noghamukumbere eshi,''Muhongi ghomunongo, yongepi naroghera kurughana padiyo nakuwane moyo ghororuheya?'' ¹⁸Jesusi ghamuhuthire eshi,''Pashanye ghuna kunitoyera eshi munongo?Mbadiko muhunga kundundithako Nyambi pithendi. ¹⁹Wadimuka miragho ndi: Wapagha, watjora ghuruwo,wedha,washupa ghumbango,wakara mandjwanda, noghufumaneke hawiho nanyoko.''²⁰Katughuruyughahuthire eshi,''Muhongi oyo ne nayikutha kutunda kughumbiru wange.'' ²¹Jesusi ghamukengururire noruhakitho. Noghaghambire nendi eshi,''Thinu thofotji wapumbwa. Kaghurithe eyi ghudi nayo noghukayitapere hahepwe, pomboghuwana ghushwi ghomudiwiru ;ndani ghowiye ghunikuthe. ²²Kukutha nando dhi noghatokorire nogha tundirepo ghakayende ghana tokota,yoyishi ghakarire noghushwimghowingi.²³Jesusi ghakengururire no ghatongwere hakathishongero wendi eshi,'' ngepi ghukukutu kwa mutungi kwingena mughufumu waNyambi.'' ²⁴Hakathishongero wendi hatutukwire kunando dhi, ene jesusi ghatwarire kughutho shime ; '' hanuke ghukukutu thikuma mukwingena mughufumu waNyambi. ²⁵Ghuredhu kwa ngameno kwingena mudiho dyo thong mbadi yira kwamutungi mukwingena mughufumu waNyambi.²⁶Hatetukire hikuma no haghambathanine, nodye ghokupwa kughamwena? ²⁷Jesusi ghawakengurure noghaghambire eshi; '' kwamunu ne ghukukutu ene mbadi kwaNyambi. kuyoyiheya kwaNyambi ne ghuredhu.'' ²⁸Petrusi ghatamekire kughamba nendi eshi; '' mone twathiya yoyiheya no tuna kukukutha.''²⁹Jesusi hawahutha eshi; '' Ghushemwa nakumutongera, mbadiko yu ghathigha ndhugho, hakurwa no hamina, ndi nyina ngambi wihe no hanuke ndi mango papange nothitambo tho mbudhi dhokupongoka. ³⁰Oyu mboghapira kutambura yikandho dithere muno mukaye; matungo, hakurwa nawa mina, ndi hanyina na wana, nomango, nomakutha kuthero mukaye aka kana kwiya nomoyo ghororuheya.'' ³¹Ene hengi haka kutanga mbo hanakara haka kuhurerera, nohakakuhurerera hakakutanga.³²Mundhira dhawo dho kuJerusalema, Jesusi ghakarire kughutho wawo. Hakathishongero hatutukwire nowa hakuthire hakarire no woma. munyima dhopo Jesusi ghataghurepo hashadikumi no hawadi noghawatongwerire eyi yakuyend yikamuhokokere. ³³Mumone ko tuna kuyenda ku Jerusalema, mwana munu muna kamutapa kwawapristeri hohakuru nokwawakamarukwaro mu ka mutetera ndhango dhoyifa no kamutapa kwayiharuri. ³⁴Mbo hanamusherera, kumuthipera mate, kumumwashura nokumupagha. Ene munyima dho mayuwa mahatu mbo ghana vumbuka mwawafu.³⁵Jacobusi naJohanesi, hana Sebedeusi hohatutughuru hahenyine kukwendi nohaghambire eshi; '' Muhongi, tunashana ghuturughanene keheyi shotukukumbere. ³⁶Ghawepura eshi; '' yinu munye munahimi shonimutendere?'' ³⁷Awo hahuthire eshi; tutawedhere mu ka hungumana mughufumu ghoye, ghumwe kurudyo no ghumwe kuru moho roye.''³⁸Ene Jesusi ghawepura eshi; mbadi munadimuka eyi muna kwipura. Mbo munakono kunwa mukopi yu mboninwa, muyinyanda no diyoghero edi mbo haniyoyitha? ³⁹Awo hahuthire kwendi eshi; mbo tu na kono.'' Jesusi ghawatongere eshi ,'' mu kopi yu mbo ni nwa mbadi mbo mu nwa mo, no diyoghero edi hakuniyoyitha mbadi mbo ha di muyoyitha. ⁴⁰Ene kuhatera eshi; yo kuhatera eshi yidye sho gha hungumane kurudyo endi ku rumoho rwange ne mbadi ya kutapa yame, ene shimengwa kowo haghuturekera.''⁴¹Hashadikumi apa hayuvire yinu yi, hatokotire nawo ha Jacobusi naJohanesi. ⁴²Hawetha kwendi Jesusi no ghawatongwere eshi; '' mwadimuka haraghuri wawahayidena hawawina no ghuraghuri.⁴³Ene mbadi yakona kukara kemo mumwenu. Oyu ghana shana kukara mukuru, ghakare mupika. ⁴⁴Noyu ghahima kukara mukakutangerera mumwenu ghakare mupika wawaheya. ⁴⁵Mwana munu mbadi gheyire eshi namumughamwene ene noghamughamwene, no kutapa moyo wendi ghukare thikomononitho thawahe.''⁴⁶Hakeyire kuJeriko thika di hatundire kuJeriko nawakathishongero wendi nombunga dhodhikuru, mwana Timaghusi, Batolomeusi, makunga ghahungumanine kundhira. ⁴⁷Apa ghayuvire eshi; Jesusi ghomukaNasareti, ghakughererire eshi; ''J esusi ghomwana Davita nifere nyeke. ⁴⁸Awa hakarirepo hakoghaghurire mukunga yu, no kumutongwera eshi gha porere, ene ye ghakughererire shime, ''mwana Davita, nifere neke''⁴⁹Ghemanine Jesusi no ghawa rawere hamwithe, hethire katughuru yu nohamutongwere eshi; ''tjimape! wimane! yamwe hanakwitha.'' ⁵⁰Ghavukumene thishupata thendi kuya , ghemanine ghayende kwaJesusi.⁵¹Ghamuhuthire Jesusi eshi,''Yinu munye ghunashana shonikutendere?'' Mukunga yu ghaghambire eshi,'' Rabbi,nashana kumona.'' ⁵²Jesusi ghambire eshi,''Kayende. Matawero ghoye ghana kwirukitha.'' Popovene kokwiruka noghatangire kumona karo, noghamukuthire mundhira dhagho.

11¹Kutunda po heyire muJerusalema, hakarire pepi naNethphage naBethany kumarundu ghondhwe, naJesusi kokutuma hakathishongero wendi hawadi ²nokughamba kukwawo eshi,''Muyende mumukunda oghu wa tutundakana. Apa shomukakume, nanyi mukawane thidongighana ethi hapira kudhina rumweya. Mukathighangunune nomukathirete kukwange. ³Ngeshi keheyuno ghakone kamwipura eshi,'Nye muna kurughanena kemo?' Mukakone kuhutha eshi,'Fumu ghana thinyanda nonanyi ghakathihuthe popano.''⁴Hayendire no haka wanine thidongighana ethi hawangere kuthero panunda, haathishuturire. ⁵Hanu hamweya awa hemaninepo haghambire kukwagho eshi,''Nye eyi muna kurughana, kughangununa otho thidongighana?'' ⁶Awo hakonine kuhutha thika di ghawatongwerire Jesusi no hanu hawathighire hakayende.⁷Hakaretire thidongighana thiya kwaJesusi nokuvukumenapo myaye dhawo no aye ghahungumanapo. ⁸Thingi thohanu hayarire myaye dhawo mundhira nohamweya mite edhi hatetire mumapya ghawo. ⁹Awa hayendire kughutho wendi no wa hamukuthire hakughererire ghughamba eshi,''Hosanna! Ghufumane oyu ghana kwiya mudina dyaFumu. ¹⁰Ghafumane ghufumu oghu ghuna kwiya wa wihetuDavid! Hosanna mudiwiru!''¹¹Jesusi gheyire muJerusalema noghengenine mutembeli nokukenga mitara dhodhiheya. Apa dhapitire nako, ghayendire kuBethany nowaya dikumi nohawadi. ¹²Mudiyuwa dyokurandako oku wona pakushwagha muBethany aye ghayuvire ndhara.¹³Ghakambekedha kwendi thitondo thoghukuyu ethi thakarire nomahako, ghahenyi kokwendi ghakengeko mbuyo kukwatho, ene kadighawanineko kehe dino dimbuyo shimengwa mahako pithagho,ayo yakarire eshi kadi thivaka thatho thokwima. ¹⁴Ghaghambire kukwatho eshi,''Mbadiko karo keheyu mbo ghadya mbuyo kukoye.'' Hakathishongero wendi hayuvire yighamba yi.¹⁵Gheyire kuJerusalema no kwingena mutembeli ghatangire kuhanyaghura haghurithi nohaghuri wa hakarire mutembeli. Ghapiraghurire matishi ghawakakutjindja manyinga noyipuna yawo haghurithire maputukuwa. ¹⁶Mbadi ghatawedhere kehe yuno mukupitura yinu mutembeli yokughuritha.¹⁷Ghawahongire nokughamba eshi,''Mbadi hayitjanga eshi,'Ndhugho dhange ne mbohana dhitoyo eshi ndhugho mandapero kumako ghamweya ndi?'Ene muna dhitendi eshi dhikare dhawedhi.'' ¹⁸Haruti hashokuru nohakamarukwaro hayuvire eyi ghaghambire nohashanine ndhira dhokumupagha. Awo hamuyapire yoyishi mbunga dhodhiheya dhatetukire kuyihonga yendi! ¹⁹Pakutokera diyuwa hashwayiremo muthitata.²⁰Oku wo pakuyenda mathikuthiku, hamonine thitondo thoghukuyu thina kukuta no midhi dhatho. ²¹Petrusi kokuvuruka nokughamba eshi,''Muhongi,kenge! Thitondo thoghukuyu thiya wakutire ne thina kukutera.''²²Jesusi kokuhutha kukwagho eshi,''Mukare nomatawero mwaNyambi. ²³Ghushemwa nakumutongwera eshi ngeshi keheyuno ghaghambe kodi dirundu,'wimane noghukuvukumene mudikuruviya,'no ngeshi mbadi ghana kutamangera mumutjima wendi ene nomatawero eshi yi ghanakughamba nanyi yihokoke, eyi yogha kutenda Nyambi.²⁴²⁶Podiyo nakughamba kukwenu: Kukehe yinu muna kurapereritha nokwipura, tawe eshi mboghunayiwana no mboyinakara yoye. ²⁵Pakwimana nokuraperera, wakona kuthigherera keheyino wakuharwera nakeheyuno, podiyo eshi wiho ghomudiwiru ghakuthigherere naye maharwero ghoye.''²⁷Gheghire kuJerusalema karo. Oku Jesus pakuyenda mutembeli,haruti hashokuru,hakamarukwaro,no hakuru heghire kukwendi. ²⁸Haghambire kukwendi,''Pangcamu munye ghuna yirughanena yinu yi. no dye ghakupa matawedhero ghuyirughane yinu yi?''²⁹Jesusi ghaghambire kukwagho eshi,''Nakumwipura dipwero dyofotji. Munitongwere no nanyi nimutongwere eshi pangcamu munye nayitendanga yinu yi. ³⁰Diyoghero dyaJohanesi ne kwashwaghere kuwiru ndi endi kwawanu? Munihuthere.''³¹Hakuyongire mukatjikawo nokukukanana no kughamba eshi,''Ngeshi tughambe,'kudiwiru, nanyi ghaghambe,''Nyekeho twapirire kumutawa?' ³²Ene ngeshi tughambe,'Kwa wanu,'....'' Hayapire hanu,no kehe yuno ghadimukire eshi Johanesi ne muporofita. ³³Podiyo ghahuthere Jesusi no kughaba eshi,''Mbadi shoni mutongwere eshi pangcamu munye nayitenderanga yinu yi.''

12¹Jesusi ghatangire kuwahonga nomataghadhi. Ghaningire eshi,''Katughuru ghatendire thinnyamo tho vinyu,ghaturireko ruthito,ghathimine dikwina dyo kutendera vinyu, ghatendire mishoke ghokukungera noghathitapire kwahandjimi kokuyenda kwendi muruyendo. ²Apa rwakuminepo ruvedhe ghatumine mupika kwahandjimi gakashimbeko mbuyo dhimwe mu thinyamo. ³Ene hakamushimbire, kamupuma,nokamituma ghahuke nyara-nyara.⁴Ghatumine karo mupika ghumweya, oyu ne hakamuremekire mumutwi nokamufitha honyi. ⁵Kokutuma shimwe ghumwe, oyu ne hakamupayire. Nohohengi hakatendire kemo,kupuma no kupagha hamweya.⁶Ghakarire noghumwe ghokutumako,mwanendi ghomhakwa. Yo ghoghuhura kutumako. Ghaningire eshi,''Hanakakufumaneka ghomwanange.'' ⁷Ene handjimi hakuyuvire mumwagho hathinda eshi,''Oyu ne yomupingi. Mwiye,tumupaghe,no ghupingwa wendi ghukare wetu.'⁸Hakwatire,kokumupagha,nokumuvukuma ghashwayemo muthinyamo. ⁹Ngepi keho, nye shoghatendeko thinda shathinyamo? Ghana kwiya nokuna hanyaghurapo handjimi nokuthitapa thinyamo kwahamwe.¹⁰Mbadi mwatoya matjangwa ndi? 'Diwe di hanyathire hombi haditenda dikare diwe dyo mudishonga. ¹¹Oyi ne kwaFumu yatunda, noya rogha mumeho ghetu.''' ¹²Munyima hapiterithi wawayuda hashanine ndhira hakwate Jesusi yoyishi hatjwathanine eshi ghana ghamba mataghadhi kukwagho, ene hayapire mbunga. Hamuthiyire ghakayende.¹³Hatumine hamwe hafarasayi nohanyathi hakamukwate kumanando ghendi. ¹⁴Opa heyire,haghambire kukwendi eshi,''Muhongi twadimuka eshi kadiwakukudhekera kuyithinganyekera kuyithinganyeka yokehe yuno, nombadiko mandorwera kwawanu. Owe kuhonga ghushemwa ndhira dhaNyambi. Yahungama eshi kutapa diketo kwafumu ndi? Tutape endi twatapa?'' ¹⁵Ene Jesusi ghadimukire difurumekero dyagho no ghaghambire eshi,''Pashanye muna kuniyerekera? Murete dinyinga nanikengepo.''¹⁶Haretire dinyinga kwaJesusi. Ghawa ningire esh,''Thishwi thadye hafaneka popa?'' Hahuthire eshi,''Thafumu.'' ¹⁷Jesusi ghaghambire eshi,''Mutape kwafumu yoyi yaroghera kwafumu, no ngambi muyi tape kwaNyambi.'' Hatetukire.¹⁹Hayuda, awo haghambire eshi kadiko muvumbukero,heyire kukwendi. Hamwipure ghuninga eshi, ¹⁸''Muhongi, Mosesi ghatutjangere eshi,'Ngeshi minoye gho katughuru gha fu kokuthiya mbuyama wendi oku kadi hawanako mwana, katughuru ghakona kushimba muna minendi,no kukuritha mbuto dhaminendi.'²⁰Pakarire hatutughuru kwoko nohawadi;ghokutanga ghatumbure mbuyama,nogha fire, no mbuto temba ghthiya. ²¹Karo ghokurandako ghamushimbire nokufa kadi ghathighirepo mbuto, noghoghuhatu naye thikadyo. ²²Paghuhura, mbuyama naye ghafire. ²³Kumuvumbukero,ghopa mbohavumbuka, wadye mboghakara yu mukamadi? Waheya wa kwoko nohawadi hakarire nendi eshi munuwagho.''²⁴Jesusi ghaghambire eshi,''Othi mbadi thothitambo muna kwirera, yoyishi mbadi mwatjwathana thiparatjangwa ndi ngcamu dhaNyambi? ²⁵Pamuvumbukero munu mwawafu mbadiko karo kuyeka ndi ghengene muyikuyeka, ene wahe kupitura haEngeli homudiwiru.²⁶Ene kwawafu awa mbohavumbuka, mbadi mwatoya mumbapira dhaMosesi,kukutha kumarawero ghopathipumbu, Nyambi ghamuningire eshi,''Yame nyambi waAbraham noNyambi waIsaka noNyambi waJakopu?' ²⁷Aye mbadi Nyambi wawafu , ene nyambi wahayumi,mwakwira thikuma.''²⁸Ghumwe ghopakamarukwaro gheyire noghanayuvire yikuhonga yawo. Ghamonine eshi Jesusi ghana hutha thiwana. Ghamwipurire eshi,''Muragho munye ghomudyo kupitakana dhimweya?'' ²⁹Jesusi ghahuthire eshi''Ghomudyo pone ghuno,'Muyuve mwakaIsrael,Fumu Nyambi weti,fumu ne ghofotji. ³⁰Hake fumu Nyambi ghoye nomutjima ghoye ghoghuhe,no mudhimu ghoye ghoghuhe,nomaghano ghoye ghomahe,nomangcamu ghoye ghomahe.' ³¹Muragho ghoghuwadi ne ghuno,'Hake muyendhoye thika kenge di wakuhaka ghothinda.' Mbadiko karo muragho ghokupitakana dhi.''³²Mukamarukwaro ghaghambire eshi,''Ghuhunga, Muhongi! Ghuna ghamba ghushemwa eshi Nyambi ne yofotji,nombadiko karo ghumwe kutundithako ye. ³³Mukumuhaka nomutjima ghoghuhe,noyitjwathana yoyihe,nomangcamu ghomahe,nokuhaka muyendhoye thikaghothinda yapiterera yitapa yo muyambo gho kukonera no ndupu.'' ³⁴Apa ghayimonine Jesusi eshi ghanahutha dihuthero dyoghunyanyami ghaghambire kwendi eshi,''Mbadi ghudi ghufumu wanyambi kayenda.'' Munyima dhopombadiko karo yu ghatjimapire kwipura Jesusi kehe ghano mepwero.³⁷Oku shime ghahongo Jesusi mudyango dyo ngirishe ghaningire eshi,''Pashanye haghambera haka marukwaro eshi Kristus mwaknaDavid?'' ³⁶David thinda ghamutoyire eshi ³⁵Fumu,' Ngepi shakare Kristus mwanaDavid?'' Mbunga dhodhikuru dhashambererire apa hamuyuvire.³⁸Muyihonga yendi Jesusi ghaghambire eshi,''Mutakamithe hakamarukwaro owa hayenganga mumapurpure nokuwa morora mumango ghomaghurithero, ³⁹nohakara noyipura yomudyo mumasinagoge nokudyango dyofumwa kumukandi. ⁴⁰Nokaro kukwingenena mumayuwo ghawa didhi,no kuraperera mandapero ghamare podiyo eshi hanu hawamone. Hanu wa mbohanawana ndhango dhodhikuru.''⁴¹Munyima dhapo Jesusi ghahungumanine kumbadi dhothimbangu thomuyambo mudyango dyongirishe. Aye pakukengera hanu oku hana kutura manyinga pathikote thomuyambo. Thingi thawatungi haturirepo manyinga ghomengi. ⁴²Munyima dhopo mudidhi ghomuhepwe gheyire noghaturirepo ghupu ghokurikanya padipeni.⁴³Aye ghethire haksthishongero wendi noghawatongwerire eshi,''Ghushemwa nakumutongwera mudidhi yu ghanatapa kupiterera waheya awa hananatura muthimbangu thomuyambo. ⁴⁴Kwawaheya awa hanana tapa hanatapa kukutha dihayiwana. Ene mudidhi yu, kukutha mughuhepwe wendi,ayene ghana tapa masherenyi ghendi ghomahe gho kukona eshi ngoghaparithe.''

13¹Mukushwagha kwendi Jesusi mungirishe, ghofotji ghopa wakathishongero wendi kokughamba kukwendi eshi,''Kenge kumawe nomuwo ghomawa!'' ²Kokuhutha kwendi eshi,''Yoyi mumona kumayuwo ghomakuru ndi?'' Mbadiko diwe edi dyakuthighara pamuyendhadyo edi dyakupira kupwa kwitha.''³Apa ghahungumanine padirundu dyaOliva kumbadi dhongirishe,Petrusi, Jakobusi, Johanesi naAndriasi hamwipurire mughudhindo ,'' ⁴Tutongwere eshi ruvedhe munye yakuhokoka yinu yi?'' Yidimukitho munye yakukarapo apa yakuninga eshi tamba yihokoke?''⁵Jesusi ghatangire kuwatongwera eshi,'' Murawe podiyo eshi noyofotji temba shogha mupemukithe.'' ⁶Hengi mboheya mudina dyange, nokughamba eshi,''Yame ye,no mbohana pemukitha hohengi.''⁷Opa mwakuyuva yita,no mambudhi ghoyita,mwakudhekera; yinu yi yakona kuhokoka,ene mbadi ghoghuhura shime. ⁸Mako mboghakwimanganyena nomako ghamweya noghufumu nagho mboghuna kwimanganyena noghufumu ghumweya. Makineno ghomuve mboghunakara kumako ghoghengi,noyinyanda. Ghaghane gho matangero gho tjitju dhomushamurukero.⁹''Murawe! Mbohana mutapa kundhango, nakumu mwashwera mu masinagoge no mbohana mutwarawa mangughuru nomafumu, mudina dyange, mboghuna kakara ghothishupo kukwagho. ¹⁰Ene mbudhi dhaNyanbi dhakona kupwa kuyuvitha kumako ghomaheya.¹¹Ngeshi hanakukwata,nokukutapa,wakudhekera eyi shokaghambe, yoyishi muviri dhiya eyi mbokaghamba mboghanayikupa; mupepo ghokupongoka. ¹²Mukurwa munu mboghana tapa minendi kuyifa, nowihamunu ne mwana. Hana mbohanemanganyena hawihawo nohanyokwagho, eyi yaretedherirepo eshi hawapagha. ¹³Hengi mbana munyengi mudina dyange. Ene oyu mboghadhidhimeka kate paghuhura,mboghana pu kughamwena.¹⁴''Apa mbomumona maghukukutu gho mahanyaghukero eshi ghaneya kudyango di ghadhira kuhokokera,'' ¹⁵muthiye ghowa hadi muJudea hatjirere mumarundu, ¹⁶mwatopera oyu ghadi pamutuya ghaghurumukere mundhugho no mbadi ghakona kuhuka mundhugho nokushimbamo kehethino, noyu ghadi mudipya mbadi ghakona kuhuka ghakashimbe yivata yendi.¹⁷Ene ghukukutu keho kwawambuyama awa hadi mughuremu,nowahakukara notumbututu mumayuwa gha. ¹⁸Murapere eshi,yambahokoka pakufu. ¹⁹Mbo ghana kara mayuwa gho makuthakuthero ghomakuru gho ghadhira kukarako kutunda pamatangero, opa ghavarekire Nyambi kaye,kate popano nombadi mboyihokoka karo. ²⁰Ngeshi mbadi ghakufufupitha mayuwa,mbadiko thipo end thirama ethi thakuthiyarapo.²¹Ngeshi haghamba ghumweya eshi,''Mumone Kristusi yu!'ngambi eshi:Oya kuya! Mwayitawa. ²²Yoyishi mbopana kara haKristusi hombango nohaporofeta hombango. ²³Mukoneke! Namana kuyimutongwera yoyiheya yi kughutho ghoruvedhe.²⁴Ene munyima dhomakuthakuthero ghomayuwa ghaya diyuwa dina kukara kumakokore nokaghonda mbadi mbakatapa mwedhi. ²⁵Nungwedhi mbodhinaghu kuwiru nomangcamu ghomudiwiru mboghanashekesha. ²⁶Munyima mbanamono mwanamunu, ghana kwiya mumavuyi nongcamu dhodhikuru nofumwa. ²⁷Munyima mboghanatumu haEngeli wendi nokukongawedha awa hapwa kutorora, kutundakuthiyegheka muto,ghuhura ghokaye endi ghuhura ghodiwiru.²⁸Mukuhongere mudidhidhimbi dyoghukuyu. Kenge vene ghunakukura mute, nokshwaghitha mute,nokushwaghitha mahako,ghoghuna dimuka eshi diyenya pepi didi. ²⁹Kemo dyo mboghadimuka eshi opa mboyihokoka yinu yi,eshi pepi ghadi pathero.³⁰Shemwa nakumutongwera, hanahoka wanomba kupiterera kuyinu badi yina hokoka. ³¹Diwiru nomuve mboyinahuru, ene manando ghange mbadi mboghapwa. ³²Ene yokuhatera diyuwa di endi viri,noghofotji temba ghayidimuka shimenga tate.³³''Murawe! Yoyishi mbadi muna dimuka ruvedhe, no nakomuye mboyikara yi. ³⁴Yakara yira kwamunu gho muruyendo ghoyu ghanathiyi ndhugho dhendi kwawapikendi, kehe yu nothirughana thendi, nokurawera mukungi ghakare ghana rawa.³⁵Mukukunge mwathinda, yoyishi mbadi muna dimuka ruvedhe oru mbogheya thinda shandhugho;kukona gheye runguro,pakatji koghuthiku,murughura ngambi pamathikuthiku. ³⁶Ngeshi ghakutjavukera, mwaninga eshi namuwane muna rara. ³⁷Eyi nakughamba kukwenu kuna kuyighamba kwakeheyuno: Murawe!''

14¹Yakarire keho eshi mayuwa mawadi kughutho ghaPaska nomukandi ghoghuroto ghothuthunyunyi. Hapristeri shokuru nohakamarukwaro ngahanomenanga ruvedhe roruwa oru hakumukwata Jesusi no kumupagha. ²Awo haghambangire eshi,''Mbadi paruvedhe romukandi,yoyishi mbadi hashanine kuretapo ndjoronganyi mukatji kawanu.³Oku shime ghakarere Jesusi muBethani mudighumbo dyaSimoni ghomukayinondwe,oku shime ha hungumanena kutishi,peyire mbuyama nodikende dyendi dyomaghadhi ghondhiro. Ghawithire dikende di no kutera maghadhi kumutwi wendi. ⁴Ene pakarire hamwe awa hapatire. Nohavungutire mumwagho eshi,''Thitambo munye tho kupethera kenge?'' ⁵Oyo sende ne ngokuna kamughuritha nomadenarii ghokupitakana pamathere mahatu nokughatapa kwawahepwe.'' Munyima hamupiraghukithire kemo.⁶Ene Jesusi ghaghambire eshi,''Mumuthiye,yinye muna kumushedhawera? Aye ghana rughana thinu thomudyo kukwange. ⁷Amwe mwakara kare nawahepwe henu, no nge muna shana kukona muwarughanene ghuwa, ene mbadi mwakukarera nange. ⁸Ghana rughana eyi ghana kono. aye ghana wethera yirama yange kumahoreko. ⁹Ghushemwa nakumutongwera, kehe ku hakayuvitha mbudhi dhi muditunga dyodihe, eyi ghana rughana yu mbuyama ne mbohanakayighamba mumavurukero ghendi.''¹⁰Munyima Judas Iscariot, ghumwe ghowa dikumi nohawadi ghayendire kwawapristerishokuru eshi ghakamuhete Jesusi. ¹¹Apa hayiyuvire hapristeri hashokuru, haghamberire nohamukurupethire eshi mbohana mupa manyinga. Ghashanine kushana kambenene ghakumughurithe.¹²Mudiyuwa dyokutanga dyo ghuroto ghathuthunyunyi, apa hatendire muyambo gho ndjwi paPaska, hakathishongero wendi hamutongwerire eshi,''Kupi wakushana tuyende tukarongathane podiyo ghudye nowe murarero ghoPaska?'' ¹³Ghatumine hakathishongero wendi hawadi nokuwatongwera eshi,''Muyende mumbara,nanyi ghukawane katughuru oyu ghadi nokandimbe komeyu. Mukamukuthe. ¹⁴Apa shoghakengene mundhugho,mukamukuthe nomukaghambe nathinda shandhugho eshi,'Muhongi ghana ghamba eshi,''Kupi dhidi ndhugho dhawagenda omushonikadyere Paska nawakathishongero wange?'''¹⁵Nanyi ghaka amuneghedhe ndhugho dhokuwiru edhi dhina pu kuyenga thiwana. Mukaturoyithere yoyiheya koko.'' ¹⁶Hakathishongero hashwayire nohayendire kumbara. Hakawanine yoyiheya thikadi ghayiwatongwere,nohakaroyithire yidya yoPaska.¹⁷Parunguro, ghakeyire nawadikumi mohawadi. ¹⁸Apa hahungumanine kutishi hadye, Jesusi ghaghambire eshi,'' Ghushemwa nakumutongwera, ghumwe ghopapenu oyu ghana kudya nange nanyi ghani hete.'' ¹⁹Wahe haguvire, noyofotji yofotji ghambire nendi eshi,''Ghushemwa mbadi yame?''²⁰Jesusi ghawahuthire ghuninga eshi,''Ghofotji ghopapenu,oyu ghana kudova nange ghuroto papurayiti. ²¹Yoyishi mwana munu mboghana yendi thikadi hayitjanga. Ene dihudhi thikuma kwakatughuru yu ghana kuheta mwana munu. Ngo hasha vene eshi mbadi hamwereka.''²²Apa hadire,Jesusi ghatumburire ghuroto, ghaghu andadheke no kughugonyona. Ghaghuwapire nokughamba eshi,''Mushimbe. Eyi ne yirama yange.'' ²³Ghashimbire kopi,noghatapire matumero,no gha ghuwapire, nowahe hanwine mo. ²⁴Ghawatongwere eshi,''Agha ne manyinga ghange ghothithithatero manyinga agha ghayarekera nawengi. ²⁵Ghushemwa nakumutongwera, mbadi shoni nwe karo mukopi gho mbuyo dhovinyu.,kare modiya diyuwa apa mboni kamunwa mughufumu waNyambi ghoghupya.''²⁶Apa hamanine kwimba dimbo, hayendire kudirundu dyondhwe. ²⁷Jesusi ghawatongwere eshi,''Mwahe mbo muna ghu,thikadi hayitjanga,'mbonahomokera mudidhi no ndjwi dhodhihe mbodhina kuharanganya.'²⁸Apa na kavumbuka, nanyi mbo niyende kughutho wenu muGalileya.'' ²⁹Petrusi ghamuhuthire eshi,''Ngambi ngohakuwe wahe, ame ne mbadi na kuwa.''³⁰Jesusi ghamuhuthire eshi,''Ghushemwa nakukutongwera,dyarero,ghoghuthiku kughutho ghokwiya ngondovoro ruwadi,ghuna kuni hamura paruhatu.'' ³¹Ene Petrusi gha ghambire eshi,''Ngeshi ni fe noye,mbadi shonikone kukuhamura.'' Wahe hatapire mukurupero ghokemo.³²Heyire kudyango edi hatoyire eshiGesthsemane, no Jesusi ghaghambire eshi,''Muhungumane tango popa tango niyende ni karaperere.'' ³³Ghashimbire Petrus,Jacobus,naJohanesi no ghatangire kukudhekera noghandundumene thikuma. ³⁴Ghaghambire kukwagho eshi,''Mudhimuwange ne ghuna tokokota thikuma kushana kufa. Muthiyare popano nomukengerere.''³⁵Ghahenyine kughutho kamanana, Jesusi kokukuvaama pamuve nogharapererire eshi ngeshi kukona edhi viri kukona dhimukeruke . ³⁶Ghaghambire eshi,''Tate wange tate wange yinu yoyiheya yiredhu kukoye. Shwaghithe thinwithi thino kukwange. Mbadi pamahimeno ghange ene ghoye.''³⁷Ghakahukire nokuna wawana hana rara,no kughamba kwaPetrus eshi,''Ghuna rara ndi? Mbadi wakukona we kukenga muviri dhofotji? ³⁸Kenge no raperere podigho shi mbadi wingene mumayerekero. Mupepo ne ghuna shana ene nyama ne dhina kasha. ³⁹Ghashwaghirepo karo noghayendire karo ghakaraperere,gharughanithire manando ghofotji.⁴⁰Apa ghakhukire karo, ghana wawanine karo hana rara, no meho ghawo ne shime muturo. Mbadi hadimukire eshi ngonye shohakone kughamba kukwendi. ⁴¹Ghakahukire karo roghuhatu no kuna ghamba kukwagho eshi,''Shime mwararera no kuturumtha ndi? Keho! Nako ne dhineya. Mukenge! Mwana munu ne ghana pu kutapa mumoko ghawa yiharuri. ⁴²Mwimane;Tuyende. Mumone, mukakuheta ne pepi ghadi.''⁴³Oku shime kuna kughamba, Judasi, ghumweya ghopowa dikumi nohawadi,ghana kumine,mbunga dhodhingi dhakarire nendi nomamende nomamburo,kutangerera kwawaruti hashokuru, hakamarukwaro no mayami. ⁴⁴Mutapi wendi kokutapa thidimukitho, ghughamba eshi,''Oyu shonincumite ne yodiye. Mumukwate no mumutware.'' ⁴⁵Apa ghana kumine Judasi, popo kokuhenya kwaJesusi no kughamba eshi,''Muhongi,'' pogha muncumitire. ⁴⁶Hakambekire moko ghawo no kumukwata.⁴⁷Ghumwe ghopapagho ghapweyure thimende thendi no ghavorire mupika wamupristeri shokuru nokuteta ditwi dyendi. ⁴⁸Jesusi ghawatongwere eshi,''Muna niyera yira noshondoro noyimende nomiramo mukuna ni kwata? ⁴⁹Oku nenu nakarire kehe nadiyuwa no nganihonganga mutembeli, ene mbadi mwani kwatire. Ene yi yina pu kutenda podigho shi matjangwa ne gha kumenenemo.'' ⁵⁰Wahe wa hakarire naJesusi hamuthiyire no hatjirire.⁵¹Mutjaha ghumwe,oyu ghakudhingire dirwakani ghakuthire Jesusi. Apa hatutughuru hamukwatire ⁵²hathighire dirwakani nogha tjirire muherehere.⁵³Hapiterithire Jesusi kwamupristeri shokuru. Hapongire waheya nohapristeri shokuru,mayami nawakamarukwaro. ⁵⁴Petrus ghawa kuthire muthinema, kayenda nodirapa dyamupristeri shokuru. Ghahungumanine mukatji kawakungi,awa hakarire pepi nomudirohana kuyota.⁵⁵Popo hapristeri hashokuru nondhango dhawaJuda hashanine ghushupi waJesusi hakamupaghe. Ene kadi hawanine keheghuno. ⁵⁶Hengi haretire ghushupi gho mbudhi ghokukwendi,ene maghushupi ghagho kadi ghakuwire.⁵⁷Hamwe hemanine nokureta ghushupi ghombudhi kukwendi;nohaghambire, ⁵⁸'Twa muyuva ghakughamba,'Ame nanyi niyungure tembeli dhi hatenda nonyara ,nomumayuwa mahatu mbona tendi tembeli dhokupira kutenda nonyara.''' ⁵⁹Ene ngambi kemo ghushupi nagho kadi wakuwire.⁶⁰Mupristeri shokuru ghemanine noghepurire, Jesusi eshi,''Kadi ghudi nodihuthero? Nyeyi hanakushupa waharume yokukoye?' ⁶¹Ene ghaporere no kadiko yighamuhuthire. Ndani mupristeri shokuru ghamwipure noghaghambire eshi,''Yowe Kristus, mwana mupongoki?'' ⁶²Jesusi ghaghambire eshi,''Yame;Ndani nanyi wakumone mwana munu apa ghakuhungumana kudyoko dyorudyo dyo ngcamu no nanyi ghakwiye nomavuyi ghodiwiru.''⁶³Mupristeri shokuru ghadjadjaghure dirwakani dyendi noghaghambire eshi,''Tuna nyanda shime hashupi ndi? ⁶⁴Muna yuvu dishamu dyendi. Nye muna tokora?'' Wahe hamundhanyine yira munu yu yina roghera yifa. ⁶⁵Hamwe hatangire kumuthipera no kufika rupara rwendi nokumumwashura nokumutongwera ,''Pumbe!'' Hamaporitha hamushimbire nokumupumura.⁶⁶Oku Petrusi yene pamuve mudirapa,mupika ghomukamadi wamupristeri shokuru gheyire kukwendi. ⁶⁷Ghamonine Petrus ghana kukughenyeka, nogha mukengurure pepi nendi noghaghambire eshi,''Yowe ghumwe naJesusi ghomukaNazareti.'' ⁶⁸Ene gha kananine, ghughamba,'' Kadi namudimuka nokutjwathana eyi wakughamba.'' Noghashwaghire panunda dhothero.⁶⁹Ene mupika ghomukamadi ghamumonine no ghatangire kughamba kowa hemanine eshi.''Oyu ne ghofotji ghopapagho!'' ⁷⁰Ene ghakananine karo. Kapupi kamanana awa hemanine paya haghambire kwaPetrusi eshi,''Yoshemwa ghofotji ghopapagho yu, nowe mukaGalileya.''⁷¹Ene ghatangire kukutura muyikuto no medhero.'' Ame mbadi namudimuka yo murume muna kughamba.'' ⁷²Ngondovoro kokwiya roghuwadi. Ndani Petrusi ghavurukire manando ghaJesusi agha ghaghambire kukwendi: ''Kughutho ghokwaya ngondovoro ruwadi,ghuna kunihamura paruhatu,''

15¹Mathikuthiku thikuma, hapristeri shokuru hakuwanine pofotji nohakuru nohakamarukwaro nomayami ghomahe ghaJuda. Nohamughangire Jesusi no hamushwaghithirepo. Hamutapire kwaPilatus. ²Pilatusi ghamwipure eshi,''Yowe fumu wawaJuda ndi?'' Ghamuhuthire eshi,''Thikadi ghana ghamba.'' ³Hapristeri shokuru hamurundere yinu yoyingi.⁴Pilatusi shime ghamwipurire eshi,''Eyighuna kupira kuhutha?'' Mone keho yoyiheya eyi hanakukurundera! ⁵Ene Jesus norofotji temba mbadi ghamuhthere Pilatus,yoyishi yamuhakamanithire.⁶Paruvedhe ro mukandi,Pilatusi ghakawashwaghithere mukadorongo, mukadorongo oyu hakumberire , ⁷pakarire murume oyu hatoyanga eshi Barabbasi oyu ghakarire mukashitiko pofotji nawamashurundate awa hakarire hapaghi muruvedhe ro memanganyeno. ⁸Dikidi dyawanu dyeyire kwaPilatusi noghatangire kumwipura ghayiwatendere thika edi ghayitendie pakutanga.⁹Pilatusi ghawahuthere karo no ghaghambire karo eshi; munashana nimushwayithere Fumu wawaJuda?'' ¹⁰Yoyishi ghayinongononine eshi pamurandu gho nya dhawapristeri hahakuru yohamutapere Jeusi.'' ¹¹Hapristeri hohakuru kuwiru dho dikidi no hakughererire thikuma eshi hawashwayithere barnabasi.¹²Pilatusi ghwahuthere karo noyighamba eshi; yinye karo shonitende nafumu wawaJuda?'' ¹³Hakughererire shime eshi; ''Mumupamarere!''¹⁴Pilatusi gha ghambire kukwagho eshi,''Ghuyi munye nga tendi?'' Ene hakughererire eshi,''Mumupamarere.'' ¹⁵Pilatusi ghashanine kukumithamo yihima yombunga, noghaghuwashwaghithere Barabbasi. Noghashwaghithire Jesusi no kumutapa hamupamarere.¹⁶Hashurundate hamurawere mwishi dhoditete, nohethire mbunga dhodhihe dhawamushurundate. ¹⁷Hamuturire dipurapure Jesusi, hadhingire nata dhomakona nohadhimuvatekire. ¹⁸Hatangire kumusherera no ghughambe eshi,''Heyili, fumu wawaJuda!''¹⁹Hamumwashurire mumutwi no mburo dhombu mohamuthipera. Hatongamenine no hafumberire kukwendi. ²⁰Apa hamutukire,hamushuturire mukata nohadimukurekire dipurapure dyendi nohamupiterethire hakamupamarere. ²¹Katughuru ghumwe, Simoni waCyrene,ghoye ghaye gheyire kutunda muditunga diya (Aye wiha Alexander naRufus), nohamuthinenekire ghashimbe thikurushe.²²Mashurundate ghatwarire Jesusi kudyango dyaGolgota (edi hatoya eshi''Dyango dyo Kateneghere''). ²³Hatapire vinyu oyu havungire no mira, ene mbadi ghayinwine. ²⁴Hamupamarere nohataghure mapurapure muwingi wawo podiyo mashurundate ghakutapere yipindhi yo muthithi wendi.²⁵Dhakarire viri dhoghuhatu apa hamupamarere. ²⁶Pathikurushe hatjangirepo yidimukitho eshi,''Fumu wawaJuda.'' ²⁷Naye hamupamarere no hedhi hawadi, ghumwe kurudyo rwendi noghumwe kurumoho rwendi. ²⁸Matjangwa ghapwire kuyaritha agha ghaninga eshi,''Ghapwire kutara nawa kakupira kukumithamo muragho.'³⁰Ghowa hamupitirepo hamushererire, ghupunga muwi dhagho ghughamba eshi,''Aha ! Owe waghambire eshi kukona kuyungurura ngirishe dhaNyambi nokudhitenda mumayuwa mahatu, ²⁹kughamwene ghothinda noshwaghe pathikurushe!''³¹Thikakenge di hamushererire hakuru wawaruti nawamweya,pofotji nawakamarukwaro nohaningire eshi,''Ghaghamwene hamweya ene mbadi kukughamwena yithinda. ³²Muthiye Kristusi, Fumu wawaIsraeli, ghashuruke popano pathikurushe podiyo tumone notuyitawe. Awa hamupamarerire nawo hamusherere.³³Muviri dhoghukwoko nodhofotji,dikokore dyangambwathane muve ghoghuhe kate viri dhoghukwoko noghune . ³⁴Muviri dhoghukwoko noghune Jesusi ghadirire thikuma noghuyukire ghughamba eshi,''Eloi,Eloi lama sabachthani?'' oyi yakutongora eshi,''Nyambi wange nye ghuna nimwagherera kemo?'' ³⁵Hamwe awa hemanine pepi nendi hayuvire manando ghendi ghana kughamba eshi,''Mumone kuna kwitha Eliya.''³⁶Ghumweya ghatjirire, ghaturire vinyu ghomasheshe pathihina no ghathimupire no ghanwe.. Katughuru ghaghambire eshi,''Ninge tumone ngeshi ghana kwiya Eliya naghamushwagheko. ³⁷Podiyo ghaadirire Jesusi thikuma wiyuka noghafire. ³⁸Dikehe dyongirishe dyapayukire pawadi kutunda kuwiru kate pamuve.³⁹Hakuru wawamashurundate hemanine ghukengerera nohamonine eshi dhondhira ghafire dyo ghaghambire,''Yaghushemwa oyu ne mwanaNyambi ghakarire.'' ⁴⁰Pakarire hambuyama awa hakengireko ene hakarire kayenda. Mukatji kawo mwakarire Maria Magdalena, Maria (Nyina Jacobusi ghomina Joses), naSalome. ⁴¹Apa ghakarire muGlileya hamukuthire nohakamughamwenine. Thingi thawambuyama hamwe nawo heyire kuJerusalema.⁴²Parunguro,diyuwa di dyakarire dyokukuroyithera, dyodiyuwa dyakarire kughutho ghoSabbata, ⁴³Joseph gho mukaArimathea gheyireko. Munu yu ghakutekerire mbunga dhawakareripo awa hatatere ghufumu waNyambi. Ghayendire noghutjima kwaPilatus ghakepurire yirama yaJesusi. ⁴⁴Pilatusi yamutetukithire pakuyuva eshi Jesusi ne ngafu kare; ghethire hakuru wawamashurundate no kuwepura eshi,''Ghana fu Jesusi ndi?'⁴⁵Apa ghayidimukire Pilatus kwaMashurundate eshi Jesus ne ngafu,ghatapire yirama yendi kwaJoseph. ⁴⁶Joseph ghakarire nodikehe. Ghamushwaghithire kuthikurushe nohamudhingire dikehe, no hakamuturire mumbira edhi hatjokire mawe,hoghagharumweneko kufero dhombira. ⁴⁷Maria Magdalena naMaria ghonyina Joses ghamonine oku ghaka muhorekire.

16¹Apa dyapwire diyuwa dyoSabata ,Maria Magdalena, Maria gho nyina Jakobus naSalome haghurire munde eshi heye no kunawetha yirama yaJesusi. ²Mathikuthiku thikuma mudiyuwa dyo kutanga muthivike, hayendire kumbira apa dyashwayire diyuwa.³Hakuningangire hathinda eshi,''Yidye shogha tundandumweneko diwe dishwaghe kuthero dhombira?'' ⁴Apa hakapukire, hamonine eshi diwe dinapu kushwayithako,adyo dyakarire dyodikuru,⁵Hengenine nohamonine katughurughana yughavatire dipurapure dyodikenu, ghahungumanine kumutara ghorudyono hayapire. ⁶Ghaghambire kukwagho ,''Mwayapa. Muna shana Jesusi ghomuka Nasareti, oyu hapamarerire. Ghana pu kuvumbura! Mbadimo muno. Mukenge padyango apa hana murangekire. ⁷Ene muyende, mukatongwere hakathishongero wendi naPetrusi,'Ghana mupiterera kuGalileya. Oko ne nanyi mukamumone, thikakenge ghayimutongwere.⁸Hashwayire mumbira ghutjira; hatutumine nohayapire thikuma.⁹Mathikuthiku thikuma mudiyuwa dyokutanga muthivike apa ghavumbukire,ghatangere kumoneka kwaMaria Magdalena ghoyu ghashwayithire mipepo dhodhimango kwoko no dhiwadi. ¹⁰Ghayendire noghakatongwere kowa hakarire nendi, oku wo hanaguvu nokudira.'' ¹¹Hayiyuvire eshi muyumi ndani ghamumonine, ene mbadi hayitawire.¹²Apa yapitire yi,ghahokokire muthishwi thokukutjaka kwahashawadi oku wone kuna kuyenda hengene muditunga. ¹³Hayendire no hakatonwere hakathishongero hokuthiyarako ene kadi hakayitawire.¹⁴Jesusi ghamonekire kwawadikumi noyofotji oku wo kuna kudya patishi, noghawagcavire kukupira kutawa kwagho no kuku kukutitha mitjima, yoyishi mbadi hatawire wa hamumonine apa ghavumbukire mwawafu. ¹⁵Ghaghambire kukwagho eshi,''Muyende mukaye kokaheya, nomukayaghure mbudhi dhodhiwa kumihoko dhodhiheya. ¹⁶Oyu ghokutawa nokupwa kuyogha mboghanapu kughamwena, noyu ghokupira kutawa mboghana yongara.¹⁷Thidimukitho thino mbothina yendi nowa hokutawa: Mudina dyange mbohanapu kutjidha mipepo dhodhimango. Mbohana ghamba mandimi ghomapya. ¹⁸Mbo hanayeyura yiyoka nonyara dhagho, no ngeshi mbo hanwe kehe yino yokufa mbadi mboyiwepitha. Mbohana kambeka nyara dhawo pawakorwi no mbohaneruka.''¹⁹Pakumana kughamba nagho fumu, hamuyeyurire mudiwiru noghakahugumanine kudyoko dyorudyo dyaNyambi. ²⁰Hakathishongero hayendire no hakayaghurire kokuheya, oku Fumu gharughanine nagho no ghakengurure manando mu thidimukitho ethi hayendire natho.

Lukasi

1¹Thingi thagho hashimbire yirughana yokutura pofotji mayendithitho ghoyinu eyi yaroghera kuyikumithamo mukatji ketu, ²Thikadighawa tapire kukwetu kutundera kowa hatangere hashupi no harughani gho nando. ³Yamonekire ghuwa kukwange name, yoyishi nakengurure yoyihe thiwana kutundera kumatangero, mukutjanga makurando ghoye, thikumenena ghuwa Theophilius, ⁴podiyo mwakudimuke nunderero dhoyinu eyi hamuhonga.⁵myaka dhoghufumu waHerod muJudea, pakarire mupristeri Zechariah ghopadiko dyaAbijah; mukadidhiko dyendi Elizabeth ye ne kerekandongo waAaron. ⁶waheya hakarire ha hungami kughutho waNyambi, mu kukutha miragho nomahimeno ghaFumu. ⁷mbadi ha konine kuwana mwana yoyishi Elizabeth ne mbadi wa kureta, awo ruvedhe ruya ne hana kurupara.⁸Zechariah gheyire kughutho waNyambi no gha rughane yirughana yendi yoghupristeri kukutha edi ha mu torora. ⁹Kukutha muthitjo thomatorwero ghoghupristeri noyirughana yendi, Lot gha mu torore gha ngene mutembeli dhaFumu gha ka tape muyambo. ¹⁰Hanu ha rapererire panunda ruvedhe ruya romuyambo.¹¹Kapupi kamanana muEngeli waFumu gha monekire kwendi kurudyo rothinyaku thomuyambo ghu. ¹²Zechariah gha hakamanine nowoma weyire mumwendi apa gha monine muEngeli yu. ¹³Ene muEngeli gha mu tongwere eshi, "Mbadi ghu yape, Zechariah, yoyishi ndapero dhoye ne dhina pu kutambura. Mukadidhiko dyoye Elizabeth ne mbo ghana reta mwana ghokatughuru. Mbo ghu mu te John.¹⁴Mbo ghuna kara noyishamberera no hanu mbo hana shamberera pamushamurukero wendi. ¹⁵Aye mbo ghana kara muhungami kughutho waFumu. Nokamanana temba mbo gha nwe vinyu endi marovu, aye karo mbo ghana pu kuyaritha naMupepo Ghokupongoka oku ye shime mudira.¹⁶Thingi thohakerekandongo waIsrael mbo hana huka kwaFumu Nyambi wawo. ¹⁷Aye mbo ghana karera po Fumu pamupepo nomungcamu dhaElijah, mu kupirura mitjima dhawakuru kwawanuke no kupirura hathiko hakare hanyanyami mughuhungami-- mu kuroghithera Fumu hanu wendi."¹⁸Zechariah kokuhutha kwendi eshi, "Ngepi sho ni dimuke eshi mbo yina hokoka? ame ne na kurupara, mukadidhiko dyange naye kemo." ¹⁹MuEngeli ko kuhutha eshi, "Yame Gabriel, nemana kughutho waNyambi. Na pu kutuma ni rete mbudhi dhi dhodhiwa kukoye. ²⁰Keho we ne mbo ghuna kara thipurupuru, mbadi sho kone kughamba kare yinu yi mbo yi hokoke. Yoyishi ghuna mbadi ghuna tawa yi na kutongwera, agha mbo gha pwa kukumithamo paruvedhe rokughogheyapo."²¹Hanu wa hakarire panunda ha tatererire Zechariah. Hanu wa ha hakaminine yoyishi gha dhiyamine thikuma mutembeli. ²²Apa gha shwayire mbadigha ghambire nawo. Hanu ha dimukire eshi ghana ka mona thirota mutembeli. Gha rughanithire yidimukitho mbadi gha konine kughamba nawo. ²³Apa gha pwire mayuwa ghendi ghoyighana, gha yendire kudighumbo dyendi.²⁴Munyima dhomayuwa gha, mukadidhiko dyendi Elizabeth gha kariere nodira, ghure tughonda kwoko mbadi gha monekire kwawanu. Gha ghambire eshi ²⁵"eyi ne yo ghana ni rughanena Fumu muneke dhendi yoyishi ghana shana kunidimukitha kwawanu."²⁶Mukaghonda koghukwoko nokofotji, Nyambi gha tumine muengeli Gabriel mudoropa dhomuGalilee dhodina Nazareth, ²⁷kwa mbuyamba ghodjaho yu ghapwa kwandekera kwa katughuru gho dina Joseph, gho kerekandongo waDavid, dina dyo mbuyama yu ne Mary. ²⁸MuEngeli gheyire kwendi no gha ghambire eshi "Ghurumere, ghuna wana neke kwaNyambi, Fumu noye ghadi." ²⁹ene aye gha hakamanine no mbadi gha tjwathanine eshi dirumeritho munye dyo kemo.³⁰MuEngeli gha mu tongwere eshi "mbadi ghu yape, Mary, ghuna wana neke kwaNyambi. ³¹Mbo ghuna kara no dira no mbo ghuna wana mwana ghokatughuru. Mbo ghu mu te 'Jesus.' ³²Mbo ghana kara muhungani no mbo hana mwitha eshi mwana Shokuru. Fumu Nyambi mbo ghana mu pa thipuna thoghufumu thakerekandongo wendi David. ³³Mbo ghana raghura diko dyaJacob kuroreya, ghufumu wendi ne wapira mahurero."³⁴Mary ko kuhutha kwendi eshi "Ngepi keho mbo yi hokoka, ame ne mbadi na kara rumweya na katughuru?" ³⁵MuEngeli naye gha huthire eshi "Mupepo ghokupongoka mbo gha neya papoye, ngcamu dhaShokuru nadho mbo dhi neya poye. Apa mbo gha pwa kushamuruka mwanuke yu ghokupongoka mbo hana mwitha eshi Mwana Nyambi.³⁶Thiro thoye Elizabeth naye ghadi no dira dyomwana ghokatughuru mughukurupe wendi. Aye ne ghadi notughonda kwoko-fotji, aye ne gha karire mbadi wa kureta. ³⁷Yoyishi kwaNyambi ne mbadiko tho kupira kuhokoka." ³⁸Maria kokuhutha kwendi eshi "Nomupika Nyambi me. Yi hokoke thika di ghuna yi ghamba." munyima muEngeli po gha muthiyire.³⁹Munyima, Mary po gha yendire kumarundu muditunga diya, mudoropa dhomu Judea. ⁴⁰Ghengenine mudighumbo dyaZachariah gha ka rumerithepo Elizabeth. ⁴¹Paruvedhe rofotji, apa Elizabeth gha yuvire dirumeritho dyaMary, mwanuke ghomudira dyendi gha reghire, Mupepo Ghokupongoka gheyira mwaElizabeth.⁴²Elizabeth gha kuyererire eshi "ghufumane pakatji kawakathi, gha fumane yu ghadi mudira dyoye. ⁴³Pamurandu munye yina hokoreka eshi nyina Fumu wange ne gha neya kwange? ⁴⁴Yoyishi apa na yuvu dirumeritho dyoye ne, mwanuke ghomudira dyange ne ghana reghi no ghana shamberera. ⁴⁵Gha fumane mbuyama yu gha tawa mayarithero gho yinu yi ha mu tongwere yo kutunda kwaFumu."⁴⁶Mary kokuhutha eshi "Mudhimu wange ghuna kukugha Fumu, ⁴⁷no ghuna shamberera mwaNyambi Mukomononi wange.⁴⁸Yoyishi aye gha monine kunyanda kwamupikendi ghombuyamba. Kutunda pano, hanu waheya mbo hana nitha eshi na fumana. ⁴⁹Yoyishi mukangcamu dhodhiheya gha ni rughanena yinu yoyikuru, dina dyendi dya pongoka.⁵⁰Neke dhendi kuyerana kwaheya ho kutenda mahimeno ghendi. ⁵¹Gha neghedha ghutanavu no dyoko dyendi; gha mana kuhanya hakakukuyeyura muyighayara yomumitjima dhawo.⁵²Gha shwayitha hafumughana payipuna yawo no kuturapo hakakunyanda. ⁵³Gha pa hakakunyanda yinu yoyingi ene hatungine kuwathiya haka yende nyara-nyara.⁵⁴Gha ghamwena Israel mupikendi, no kufera neke ⁵⁵(thikadi gha tongwerire hakerekandongo wetu) Abraham no hanendi waheya kare kuroruheya."⁵⁶Mary gha karire tughonda tuhatu naElizabeth kughutho gho kuhuka kudighumbo dyendi. ⁵⁷Ruvedhe rwaElizabeth rokureta rwakuminepo, gha retire mwanuke ghokatughuru. ⁵⁸Hakamukunda nohapendi ha mu shambererithireko apa ha yuvire eshi Fumu gha ferere neke.⁵⁹Mudiyuwa dyokwoko no dyoghuhatu, ha retire mwanuke yu kumakeneno. Ha shanine kumuta 'Zachariah' dina dyawihe, ⁶⁰ene nyina gha ghambire eshi "Tuna kumuta John." ⁶¹Ha muhuthere eshi "Mbadiko mwapoye gho dina di."⁶²Ha rughanithire yidimukitho hepure wihe eshi ngo dina munye ghana shana ha mu te. ⁶³Ghepurire ko diwe dyokutjangera no gha tjangire po eshi "Dina dyendi ne John." Waheya ha tetukire kuthihokoka thi.⁶⁴Paruvedhe roro rofotji kanwa kendi ka yandhurukire no rudimi rwendi rwa pwire kushutura. Gha ghambire no kukugha Nyambi. ⁶⁵Hakamukunda wawo ha yapire. Yihokoka yi ya kuhanyene muditunga dyodiyeha dyaJudea. ⁶⁶Waheya wa ha yuvire yihokoka yi ha vungutire mumitjima dhawo eshi "Mwanuke yu ne dye mbo gha kara?" yoyishi dyoko dyaFumu dya karire nendi.⁶⁷Wihe Zachariah wa mu yarire Mupepo Ghokupongoka no gha pumbire eshi ⁶⁸"Gha fumane Fumu, Nyambi waIsrael, yoyishi gha neya mukutughamwena no ghana kumithamo makomweneno ghohanu wendi.⁶⁹Ghana reta nyiha dhomakomweneno ghetu mudiko dyamupikendi David ⁷⁰(thikadi gha ghambire kupitera mwa porofeta wendi hokupongoka hokarekare), ⁷¹makomweneno kwawakanore dhenu nawaheya wa ha tu nyenga.⁷²Mbo ghana rughana thikadyo mu kuneghedha hatukuru wetu neke no kukutha thiturithapo thendi thokupongoka, ⁷³medhero ghendi kwawihetu Abraham. ⁷⁴Gha turirepo eshi, munyima dho kutukomonona kwawanyathi wetu ne mbo tuna mukarerapo noghutjima ⁷⁵mughupongoki noghuhungami kuroruheya.⁷⁶Kemo, nowe, mwanuke mbo hana kwitha eshi muporofeta waShokuru, mbo ghuna yendi kughutho waFumu mu kumuroyithera mayira ghendi, kuroyithera hanu kumwiyero wendi, ⁷⁷kutapa ghudimuki ghomakomweneno kwawanu wendi kupitera muma thiyerero ghomaharwero ghawo.⁷⁸Eyi mbo yi na hokoka pamurandu ghoneke dhodhikuru dhaNyambi wetu, pamurandu gho neke dhi kuva kodiyuwa kuneya mu kuna tu ghamwena, ⁷⁹no kutapa munyenge kwawa hahungumana mudikokore no mumumvure ghoyifa. Mbo ghana yi rughana mu kutuneghedha ndhira dhothiraro.⁸⁰Mwanuke yu gha kurire no gha tanarire papupepo, aye gha karire mumamboyeya kare diyuwa dyokwiya no gha moneke kughutho waIsrael.

2¹Ruvedhe ruya, Caesar Augustus gha tapire marawero gho kutara hanu kaye kokaheya. ²Roghokutanga kutara hanu waheya mumayuwa ghoghunguvuru waQuirinius muditunga dyaSyria. ³Hanu waheya ha hakukahukire mumadoropa ghawo kuditjango dyothivarero thi.⁴Joseph naye gha tundire muGalilee, mudoropa dhaNazareth gha yende muJudea, mudoropa dhaDavid dhodina Bethlehem, yoyishi aye ne mukanunderero dhodiko dyaDavid. ⁵Gha yendire pofotji naMary kuditjango di, mbuyama yu hapwire kwandekera kwendi aye karo gha karire nodira.⁶Ruvedhe romushamurukero rwa kumine po oku awo shime muBethlehem. ⁷Gha wanine mwanuke ghokatughuru, mbedi dhendi, gha mu dhingerire dikehe no kumutura muwato gho kunwena ngombe, yoyishi mbadi ha wanine ndhugho.⁸Pa karire hadithi muditunga diya wa ha karire mumapya, kuna kukunga ndjwi dhagho ghuthiku. ⁹MuEngeli waFumu gha monekire kwawo no ghuyerere waFumu wakarire nawo, ene awo ha yapire thikuma.¹⁰MuEngeli gha wa tongwerire eshi "Mbadi mu yape, yoyishi na mu retera mbudhi dhodhiwa dho kureta yishamberera yoyikuru kwawanu waheya. ¹¹Mukomononi ne hana mu shamuruka dyarero mudoropa dhaDavid! Yodiye Kristus ghoFumu! ¹²Muna ka wana thidimukitho thino: nanyi mu ka wane mwanuke muwato ghokunwena ngombe hana mu dhingerera dikehe¹³kapupi kamanana kokumoneka mbunga dhawaEngeli ghu kugha Nyambi eshi ¹⁴"Gha fumane Nyambi, pakaye pakare thiraro mukatji kawanu awa hana kumushambereritha."¹⁵Munyima dho kuhuka haEngeli, hadithi wa hakuyongire eshi "Tu yende kuBethlehem tu ka mone thihokoka thi ghana tu tongwera Fumu." ¹⁶Ha tambukire wangu no ha ka wanine Mary, Joseph namwanuke ghana rara muwato ghokunwena ngombe.¹⁷Munyima dhokumona mwanuke, ha tongorire eyi hawa tongwere haEngeli yokuhatera kwamwanuke yu. ¹⁸Waheya wa ha yuvire yi ha ghambire hadithi ne ha hakamanine thikuma. ¹⁹Mary ne gha kundhundhire yi gha yuvire mumutjima wendi. ²⁰Hadithi ha hukire ghukugha Nyamba kuyoyiheya yi ha yuvire no kumona thika di ha yi wa tongwerire.²¹Munyima dhodikeneno, ha mu tire dina Jesusi, dina di gha mu tire muEngeli oku yene nongagharo temba.²²Apa gha pwire mayuwa ghomakenithero ghendi, kukutha miragho dhaMosesi, ha mu retire mutempeli muJerusalem kughutho waNyambi. ²³Thikadi yapwa kutjanga mumiragho dhaFumu eshi, "Keheyu mbedi ghokatughuturu mbo ghana mu tungeka kwaFumu." ²⁴Ha tapire muyambo thikadi yapwa kutjanga mumiragho dhaFumu "Makutji mawadi ngambi maputukuwaghana mawadi"²⁵MuJerusalem mwakarire katughuru ghodina Simeon ghomuhungami yu gha tatererire mahengawero ghaIsrael, Mupepo Ghokupongoka gha karire papendi. ²⁶Mupepo Ghokupongoka gha mu dimimukithire eshi mbo ghana mono Kristusi waFumu kughutho gho kufa.²⁷Mupepo Ghokupongoka gha muneghedhire no gha yendire mutembeli. Mwanuke Jesus ha mu retire mutembeli no ha tende kukutha thitjo thomiragho. ²⁸Gha mu dhamunine ghukugha Nyambi eshi, ²⁹"Mupikoye kukona gha yende muthiraro, Fumu, kukutha matoyedhero ghoye.³⁰Na mono makomweneno ghoye, ³¹agha ghuna royitha kughutho wawanu waheya: ³²Thishe thomahokwero kwahayidena no ghuyerere kwawanu ghoye hakaIsrael."³³Wihe nanyina ha hakamanine koyi gha ghambire yo kuhatera kwendi. ³⁴Simeon ghawa tungekire no gha tongwere Mary eshi "Oyu mwanuke ne gha pwa kutorora kumawero no matanerero ghohanu hohengi muIsrael no thidimukitha kwawa ha shwena- ³⁵thimende thina kuna kutwa mudhimu ghoye podiyo eshi yighayara yomitjima dhawanu yipwe kuhokora."³⁶Muporofeta ghombuyama ghodina Anna naye mo gha karire. aye ne mwana Phanuel ghonunderero dhodiko dyaAsher. Mbuyama yu ne gha kuruparire thikuma. Gha karire myaka kwoko-wadi pofotji nakatughuru wendi munyima dhoghumadjaho wendi, ³⁷ene mudhike ghure ghomyaka makumi-kwoko nomahatu no myaka ne. Kehepano yene nga karanga mutembeli kudhirerekedha no nokuraperera ghuthiku nomutenya. ³⁸Paruvedhe roro rofotji gha henyine kwawo no gha tangire kutumera Nyambi no gha ghambire yokuhatera yu mwanuke kwakeheyu gha taterera mashutwero ghaJerusalem.³⁹Apa ha manie yoyiheya yi heyere kukutha miragho dhaFumu, ha hukire mudoropa dhawo dhaNazareth muGalilee. ⁴⁰Mwanuke gha kurire, gha tanarire, gha kurire mughunyanyami no neke dhaNyambi dhakarire pendi.⁴¹Hakuru wendi nga ha yendanga kehe mwaka kuJerusalem kuthirika thoPassover. ⁴²Apa gha karire nomyaka dikumi nodhiwadi, ha yendire kuthirika thi thikadi tha karire thitjo thawo. ⁴³Hemanine ha huke kudighumbo munyima dho ka karako mayuwa ghokurikanya. Mwanuke Jesus gha thiyarire muJerusalem ene hakuru wendi mbadi ha yi dimukire. ⁴⁴Ha ghayarire eshi naye kuna kwiya munyima dhawo pofotji nawa ha yendire nawo, ha yendire ghure ghodiyuwa. Ha tangire kumushana, hepurire hapawo nawa yendhawo.⁴⁵Ha mu shanine ene mbadi ha mu wanine, ha hukire kuJerusalem ha ka mu shane. ⁴⁶Munyima dhomayuwa mahatu, ha ka mu wanine mutempeli ghana hungumana pakatji kawahongi kuna kuwategherera no kuwepura mepwero. ⁴⁷Waheya wa ha muyuvire ha tetukire kumahuthero ghendi.⁴⁸Ha yapire apa ha mu monine. Nyina ko kughamba eshi "pamurandu munye ghuna tu tendera kemo? name nawiho ne tuna ghaya kukushanashana." ⁴⁹kokuhutha kwendi eshi, "Pamurandu munye muna ni shanena? mbadi mwa dimuka eshi na kona kurughana yirughana yaTate ndi?" ⁵⁰ene mbadi ha tjwathanine yi gha tambire.⁵¹Gha hukire nawo kuNazareth no gha karire mwanuke ghomutumanithi. Nyina pakuyimona no kuyitura mumutjima wendi. ⁵²Gha kurire shime mumaghano nopayirama, Nyambi nawanu ha mu hakire.

3¹Mumwaka ghodikumi nokwoko ghoghuraghuri waTiberius Caesar- oku Pontius Pilate ne nguvuru ghomuJudea, Herod ne fumu ghoIturaea naTrachonitis, Lysanias yene fumu waAbilene, ²oku Annas naCaiaphas ne shime hapristeri hohakuru- Nyambi gha tumine John mwanaZechariah mumamboreya.³Gha yendire mikunda dhodhiheya dhopepi naJordan ghuyaghura diyoyero dyomapirukero nomathiyerero ghomaharwero.⁴Thikadi ya pwa kutjanga mumbapira dhamuprofeta Isaiah, "diywi dyoyu ghana kwitha mumamboreya, 'Royithe ndhira dhaFumu, ghorore mayira ghendi.⁵Kehe muronga mbo ghuna pu kututhera, kehe dirundu mbo dina pu kumbandangedha, mayira ghomaheya mbo ghana pu kughorora nomambombwera mbo ghana kara mayira, ⁶hanu waheya mbo hana mona makomweneno ghaNyambi.'"⁷John gha tongwere wa heyire kwendi kudiyoyero eshi "Amwe hana yiyoka! Yidye ghana mu yapitha mutjire ghupata ghuna kwiya?⁸Mwa kona tango kuneghedha mbuyo eshi muna piruka, mbadi mu ghayare eshi 'Abraham ne wihetu,' yoyishi Nyambi ne kukona kutjindja gha mawe gha kare hana Abraham.⁹Kamo hana ka tura kumidhi dhoyitondo. Kehe thitondo dhokupira kwima mbuyo dhodhiwa hana kuthiteta no kuthivukumena mudiraradiro."¹⁰Hanu ha mwipaghurire thikuma, "Yinye keho sho tu rughane?" ¹¹Gha wa huthere eshi, "Oyu ghadi noyivata yiwadi gha pe ko yu ghana piri, oyu ghadi noyidya naye gha rughane kemo."¹²Haketethi heyire kudiyoghero no hepurire eshi, "Muhongi, nyinye sho tu tende?" ¹³Gha huthire eshi "Mbadi mwa kona kushimba mutero kupitakana edi hana mu rawera mu ka shime."¹⁴Hakayita hamweya nawo ha mwipurire eshi, "Atwe ne yinye sho tu rughane?" Gha wa huthere eshi, "Mbadi mwakona kushimba manyinga ghawanu mungcamu, mbadi karo mwa kona kurundera hanu. Mu tambure ndjambi dhenu."¹⁵Hanu ha tatererire mwiyero waKristus, ha kundhundhire mumitjima dhawo eshi John kukona gha kare yodiye Kristus. ¹⁶John ghwahuthere eshi, "Ame kuna kumuyogha nomeyu, ene yu ghana kwiya ghokupitakana me, makuha ghendi mbadi na roghera kughashutura. Aye mbo ghana muyogho naMupepo Ghokupongoka nomudiro.¹⁷Ghadi no thikuro munyara dhendi kuna kukomba thindanda gha ture mavumbukiro muthishete thendi. Mungu ghana ka ghu tumekera nomudiro ghopira kudhimana."¹⁸Nomatjokedhero ghomengi, John gha yaghurire mbudhi dhodhiwa kwawanu. ¹⁹Munyima dho kukutununa Herod pamurandu gho kuyeka mbuyama waminendi Herodias noghuyi ghoghuheya ghu gha rughana, ²⁰kupakerera yinu yoyiheya yi, Herod gha tjaperire John mukashitiko.²¹Munyima dho kuyogha hanu waheya, Jesus naye gha mu yoyire, oku aye shime kuna kuraperera, diwiru dya yandhurukire, ²²Mupepo Ghokupongoka gha temberere papendi yira dikutji nodiywi dya shwayire mudiwiru eshi, "Oyu ne mwanange na haka. Na shamberera thikuma mumwendi."²³Jesus gha tangire thirughana thendi nomyaka makumi mahatu. Aye ne mwana (kukutha edi ha ghayarire hanu) Joseph, ghomwana Heli, ²⁴mwana Matthat, gho mwana Levi, mwana Melchi, gho mwana Jannai, gho mwana Joseph.²⁵Joseph gho mwana Mattathias, gho mwana Amos, gho mwana Nahum, gho mwana Esli, gho mwana Naggai, ²⁶gho mwana Maath, gho mwana Mattathias, gho mwana Semein, gho mwana Josech, ghomwana Joda.²⁷Joda ne mwana Joanan, gho mwana Rhesa, ghomwana Zerubbabel, ghomwana, ghomwana Salathiel, ghomwana Neri, ²⁸ghomwana Melchi, ghomwana Addi, ghomwana Cosam, ghomwana Elmadam, ghomwana Er, ²⁹ghomwana Joshua, ghomwana Eliezer, ghomwana Jorim, ghomwana Matthat, ghomwana Levi.³⁰Levi ghomwana Simeon, ghomwana Judah, ghomwana Joseph, ghomwana Jonam, ghomwana Eliakim, ³¹ghomwana Melea, ghomwana Menna, ghomwana Mattatha, ghomwana Nathan, ghomwana David, ³²ghomwana Jesse, ghomwana Obeb, ghomwana Boaz, ghomwana Salmon, ghomwana Nahshon.³³Nahshon ghomwana Amminadab, ghomwana Admin, ghomwana Arni, ghomwana Hezron, ghomwana Perez, ghomwana Judah, ³⁴ghomwana Jacob, ghomwana Isaac, ghomwana Abraham, ghomwana Terah, ghomwana Nahor, ³⁵ghomwana Serug, ghomwana Reu, ghomwana Peleg, ghomwana Eber, ghomwana Shelah.³⁶Shelah ghomwana Cainan, ghomwana Arphaxad, ghomwana Shem, ghomwana Noah, ghomwana Lamech, ³⁷ghomwana Methuselah, ghomwana Enoch, ghomwana Jared, ghomwana Mahalaleel, ghomwana Cainan, ³⁸ghomwana Enos, ghomwana Seth, ghomwana Adam, ghomwana Nyambi.

4¹Jesus ghamwingenine Mupepo Ghokupongoka, munyima dho kutunda kurware rwaJordan no gha mu twarire kumamboreya, ²Satani gha mu yerikire ghure gho mayuwa makumi nomane agha gha karire mumamboreya. Gha dhirerekire apa ghaka karire mumamboreya no gha yuvire ndhara munyima dhomayuwa ghaya.³Satani gha tongwere eshi, "Ngeshi ghomwana Nyambi ne, thitunune gha mawe ghakare ghuroto." ⁴Jesuss gha huthire eshi, "Yapwa kutjanga, 'Munu mbadi wa kupara ghuroto pithagho'"⁵Satani gha twarire Jesus kuwiru no gha mu neghedhire ghufumu ghoghuheya ghokaye muruvedhe rorupu. ⁶Satani gha ghambire eshi, "Ni na ka kupa ngcamu noghuwa ghoghuheya, yoyishi ha yi ni pa, name kukona kuyitapa kwakeheyuno na himi. ⁷Ni na ka yi kupa ngeshi ghu tongamene kughutho wange ghuni kughe."⁸Jesus gha mu huthere eshi, "Yapwa kutjanga, 'Mbo ghuna kughu Fumu Nyambi ghoye, yoyiye pithendi wa kona kukarera.'"⁹Satani gha twarire Jesus muJerusalem no kumutura pawiru dhotembeli, kokumutongwera eshi, "Ngeshi ghomwana Nyambi ne kukuthiyerere ghuwe. ¹⁰Yapwa kutjanga eshi, 'Mbo ghana rawera haEngeli wendi no ha kukunge,' ¹¹no, 'mbo hana kuyeyura mumoko ghawo, podigho eshi mbadi ghuna ka were padiwe'"¹²Mu kumuhuthera, Jesus gha ghambire eshi, "Yapwa kughamba, 'Mbadi wakona kuyereka Fumu Nyambi ghoye.'" ¹³Satani gha manine kuyereka Jesus munyima ko kumuthiya gha ka yende kare ruvedhe rokurandako.¹⁴Jesus gha hukire kuGalilee mungcamu dhaMupepo Ghokupongoka, mbudhi dho kuhatera kukwendi dha kuhanyine mumikunda dhokuthiyarako. ¹⁵Gha tangire kuhonga mumasinagoge, hanu waheya ha mu kuyire.¹⁶Gheyire kuNazareth, omu gha kurera, thikadi tha karire thitjo thendi, gha yendire musinagoge mudiyuwa dyoSabata no gheyukire kutoya wima. ¹⁷Ha mu pire rukwaro rwamuporofita Isaiah. Gha fikurire rukwaro ru apa ha tjanga,¹⁸"Mupepo waFumu ne papange ghu di, yoyishi gha ni tungeka ni tware mbudhi dhodhiwa kwawahepwe. Gha ni tuma mukutongwera mashutukero kwawa ha kwata, hamikunga ha mone no kushutura hapika, ¹⁹no kutongwera mwaka ghoneke dhaFumu"²⁰Gha fikire rukwaro no kurutapa kwamughamweni, munyima ko kuhungumana. Waheya wa hakarire musinagoge ha mu kengurure. ²¹Gha tangire kughamba nawo, "Dyarero ne muna yuvu mayarithero ghomatjangwa." ²²Waheya ha ghambire yoyiwa kuhatera kukwendi no ha tetukire kumanando ghoneke agha gha ghambire, no hepurire eshi, "Mbadi mwanaJoseph yu ndi?"²³Ghawa tongwere eshi, "Shemwa mbo muna ni tongwera dino dithaghano, 'Nganga, kwirukithe ghothinda. yoyiheya yi twa yuva wa tenda muCapernaum, tende kemo mudoropa dhoghukakoghatji koye.'" ²⁴Ene gha ghambire eshi, "Ghushemwa na kumutongwera, mbadiko muporofeta yu ha tambura mudoropa dhoghukakoghatji kendi.²⁵Ghushemwa na kumutongwera, hengi hadidhi hakarire muIsrael ruvedhe rwaElijah, apa kwapwire kuyandhera kwiwiru ghure ghomyaka dhihatu notughonda kwoko nokofotji, diyerenge dyeyire pamuve. ²⁶Elijah mbadi gha mu tumine kwawaheya, ene kwa Zarephath, mudidhi ghomuSidon. ²⁷Hengi hanu ha korwire yinondwe ruvedhe rwaElisha ghomuporofeta, ene mbadi waheya herukire, Naaman pithendi ghomukaSyria."²⁸Hanu waheya musinagoge ha patire apa ha yuvire yinu yi. ²⁹Hemanine no ha mu thiyenekire gha shwaye mudoropa, ha mu twarire kughuhuraghodirundu dyodoropa dhawo, podigho eshi ha ka mu thindeke. ³⁰Gha pitire mukatji kawo gha yende kudyango dimweya.³¹Gha yendire kuCapernaum, doropa dhomuGalilee, no gha tangire kuwahonga muSabata. ³²Ha tetukire thikuma kuyihonga yendi, yoyishi gha ghambire nongcamu.³³Musinagoge mwakarire katughuru yu gha karire no mupepo wasatani, gha kuyererire thikuma eshi, ³⁴"Ah! yinu munye tuna kutendi, Jesus ghomukaNazareth? Ghu neya no tu hanyaghure ndi? Na ku dimuka eshi yowe dye--Mupongoki waNyambi!"³⁵Jesus gha tjidhire mupepo ghu wasatani eshi, "Porere! Shwaye mumwendi!" Munyima dhokuvukumena katughuru yu pakatji kawanu, mupepo wasatani wa shwayire mumwendi, ene mbadi wa mu remekire. ³⁶Hanu waheya ha tetukire no ha twarire kughutho kuyighambaghura mukatji kawo. Ha ghambire eshi, "Manando munye gha? Kurawera mupepo dhodhimango nongcamu, nadho kokushwagha." ³⁷Mbudhi dhokuhatera kwendi dha tangire kukuhanya mumikunda dhokuthiyarako muditunga diya.³⁸Jesus gha shwayire musinagoge no gha kengenine mudighumbo dyaSimon. Ngumwenya Simon gha korwire no ha mu kandererire po kwaJesus. ³⁹Ghemanine pepi nendi no kutjidha yikorwa yi no ya mu shwayire. Popo paruvedhe rofotji ghemanine no gha tangire kuwa yumbura.⁴⁰Pakutokera kodiyuwa, hanu ha retire kwaJesus hakorwi hoyikorwa yokukutjakatjaka. Gha kambekire dyokodyendi pakeheyu no gha werure. ⁴¹Mupepo dhimango dha shwayire mumwawo ghu kuyerera eshi, "Yowe mwanaNyambi!" Jesus gha tjidhire mupepo dhodhimango no mbadi gha dhi tawedhere dhi ghambe, yoyishi ha dimukire eshi yodiye Kristusi.⁴²Mathikuthiku thikuma, gha yendire kudyango dyopithendi. Hanu ha mu shanine no heyire koko kudyango gha karire. Ha kondjire kumushweneka eshi mbadi gha wa thiye. ⁴³Gha wa tongwere eshi, "Na kona kuyaghura mbudhi dhodhiwa dhoghufumu waNyambi mumadoropa ghamweya ghomengi, yoyishi yo ghani tumena." ⁴⁴Gha twarire kughutho kuyaghura mumasinagoge ghomuJudea.

5¹Hanu ha kukongawedhire kwaJesus no ha tegherere kunando dhaNyambi, aye ghemanene kumbadi dhothiviya thaGennesaret. ²Gha monine mato mawadi hana thekera mudiya dyothiviya thi. Haka kushana thi ha shwayire mo no ha karire hana kuyogha makwe ghawo. ³Jesus gha dhinine muwato ghofotji ghopogho mawadi, wato waSimon no gha mu tongwere gha thekurure ha shwaye kudiya. Munyima, gha hungumanine muwato no gha hongire hanu.⁴Apa gha manine kughamba, gha tongwere Simon eshi, "Henyithe wato ghu popadhungi gho teghe makwe ghoye, nanyi ghu kwate." ⁵Simon gha huthire eshi, "Fumu, tuna rughana ghuthiku ghoghuheya, ene mbadi tuna kwata, nanyi ni teghe makwe pamurandu eshi ghuna ghamba kemo." ⁶Munyima dho kurughana kemo, ha kwatire thi dhodhingi, makwe ghawo gha tangire kutjinuka. Hethire hayendhagho homato ghamweya no ha wa ghamwene. ⁷Heyire no ha yarithire mato ghomaheya kare gha tangire kurowera.⁸Apa gha yi monine Simon Peter, gha tongamenine kughutho waJesus ghughamba eshi, "Ni thiye ghuka yende, yoyishi nothiharuri me, Fumu." ⁹Gha tetukire, thika wayeheya wa ha karire nendi apa ha kwatire thi. ¹⁰Pakarire James naJohn, hanaZebedee, ghayendha Simon. Jesus gha tongwere Simon eshi, "Mbadi ghu yape, yoyishi kutunda pano, ghuna ka kwata hanu." ¹¹Munyima dho kuthekera mato ghawo, ha thiyire yoyiheya popo no ha mu kuthire.¹²Oku aye shime mudoropa dhimweya, katughuru ghoyinondwe naye mogha karire. Apa gha monine Jesus, gha kuvamine no kumukanderera eshi, "Fumu, ngeshi ghuna himi ne kukona ghuni kenithe." ¹³Jesus gha ghorore dyoko dyendi, gha mu kwatire no gha ghambire eshi, "Na himi. Ghupwe kukenitha." Popo vene, yinondwe ya mu shwayire.¹⁴Gha mu rawere eshi mbadi gha ka tongwere keheyuno ene gha mu tongwere eshi, "Yende kwamupristeri ghuka tape muyambo ghomakenithero, kukutha marawero ghaMoses, mumamatjangwa."¹⁵Mbudhi dhokuhatera kwendi dha kuhanyine thikuma, no hanu hohengi heyire no ha yuve yihonga yendi no kuwerukira kuyikorwa yawo. ¹⁶Ene kehepano ye nga wa thiyanga gha yende kumango gho pithendi gha ka raperere.¹⁷Diyuwa dimweya oku yene kuna kuhonga, pakarire hafarasayi nawahongi ghomiragho awa ha hungaminine po kutunda mumikunda dhomuGalilee, Judea naJerusalem. Ngcamu dhaFumu dhokwirukitha dha karire nendi.¹⁸Hatutughuru hamweya ha retire katughuru ghokughara yirama padisharo, no ha shanine ndhira dho kumwingeneka mwishi podighoshi ha mu ture kughutho waJesus. ¹⁹Mbadi ha wanine ndhira pamurandu ghombunga dhawanu, ha dhinine pawiru dhondhugho no ha tendire ndhira edhi ha pitithere katughuru yu aye shime padisharo dyendi pakatji kawanu, kughutho waJasus.²⁰Apa gha monine matawero ghawo, Jesus gha ghambire eshi, "Katughuru, maharwero ghoye ne ghana pu kuthiyerera." ²¹Hakamarukwaro nawafarasayi ha tangire kwipura eshi, "Yidye yu gho kukutura mudyango dyaNyambi? Yidye karo gho kuthiyerera maharwero ngeshi mbadi Nyambi pithendi?"²²Ene Jesus gha dimukire yighayara yawo, gha wa huthere eshi, "Pamurandu munye muna kukwipwera yi mumitjima dhenu? ²³Yipi yoyiredhu kughamba, 'Maharwero ghoye ghana pu kuthiyerera' endi kughamba eshi 'Wimane ghuyende'? ²⁴Podigho mu dimuke eshi Mwana Munu ne ha kara nongcamu pamuve dhokuthiyerera maharwero," gha tongwere katughuru ghokughara yirama eshi, "Ghushemwa na kukutongwera, dhamune disharo dyoye ghuyende kudighumbo dyoye."²⁵Popo vene, ghemanine kughutho wawo no gha dhamunine disharo dyendi edi gha rarire. Munyima po gha yendire kudighumbo dyendi, ghu kugha Nyambi. ²⁶Waheya ha tetukire no ha kughire Nyambi. Hakarire nowoma ghughamba eshi, "Tuna mono yinu yokupitakana dyarero."²⁷Munyima dhoyihokoka yi, Jesus gha shwayire padyango di no gha monine muketethi ghodinaLevi ghana hungumana kutende wamuketethi. Gha mu tongwere eshi, "Ni kuthe." ²⁸Levi naye ghemanine gha mu kuthe, kuthiya yinu yoyiheya.²⁹Levi gha tamburire Jesus mudighumbo dyendi no thirika thothikuru. Pakarire haketethi hohengi no hanu hamweya wa ha karire nawo kutishi awa gha dire nawo. ³⁰Ene hafarasayi nohakamarukwaro wawo ha shivanine kwawakathishongero wendi ghu ghamba eshi, "Pashanye muna kudyera nokunwa nawaketethi noyiharuri?" ³¹Jesus gha wa huthere eshi, "Hanu hondjewandjewa ne mbadi ha nyanda nganga; ene awa hana kukorwa. ³²Mbadi neya kukwitha hahunga, ene yiharuri kumapirukero."³³Ha mutongwere eshi, "Hakathishongero waJohn ne kuraperera no kudhirerekedha, no hakathishongero wawafarasayi nawo kurughana kemo. Ene hakathishongero woye ne kunwa nokudya." ³⁴Jesus gha wa tongwere eshi, "Yidye ghokukona kudhirerekedhitha hakareripo wakatughuru yu ghana kuyekitha oku ye ne nawo shime ghadi? ³⁵Ene mayuwa mbo gha neya apa mbo gha mu shwayitha mukatji kawo, ndani mbo hadhirerekedha."³⁶Jesus gha wa tongwere mayedhekeritho. "Mbadiko gho kuteta thivata thendi thothipya podigho eshi gha roghithitheko thivata thendi tho kare-kare. Ngeshi ghana ka rughana kemo, kuteta thivata thothipya, thikehe thokuthivata thothipya mbadi thina kakurikanya nothivata thokarekare.³⁷Mbadiko gho kurokera vinyu ghomupya mumapungwero-vinyu ghokarekare. Ngeshi ghana ka rughana kemo, vinyu ghomupya ghana ka payura mapungwero-vinyu gha, vinyu yu ghana ka notoka no kuyipitha mapungwero-vinyu. ³⁸Ene vinyu ghomupya gha kona kumurokera mumapungwero-vinyu ghomapya. ³⁹Mbadiko gho kushana kunwa vinyu ghomupya munyima dhokunwa vinyu ghomukurukuru, ghana kughamba eshi, 'Hasha yoyu ghomukurukuru.'"

6¹Mudiyuwa dyoSabata, Jesus gha pitere mudipya, hakathishongero wendi kututune no kudya mbuyo. ²Ene hafarasyi hamweya ha ghambire eshi, "Pashanye muna kuraghanena yinu yi ha shweneka kurughana mudiyuwa dyoSabata?"³Jesus gha wa huthere eshi, "Mbadi mwa toya eyi gha rughanine David apa gha yuvire Ndhara, naye nawatutughuru wa ha karire nendi? ⁴Gha yendire mundhugho dhaNyambi gha shimbire ghuroto ghomuyambo no gha dire ghumweya, no gha pire hatutughuru wa ha karire nendi nawo hadye, ngambi kemo eshi hapristeri pithagho ha tawedhera kudya ghuroto ghu." ⁵Munyima koku wa tongwera eshi, "Mwana Munu ne Fumu ghoSabata."⁶Sabata ghumweya gha yendire musinagoge no gha ka hongire hanu. Pa karire katughuru gho kukukuta dyoko dyorudyo. ⁷Hakamarukwaro nawafarasayi ha mu kenegere thikuma ngeshi kukona gherukithe mudiyuwa dyoSabata, podigho eshi ha kone kuwana ngcamu dho kumurundera. ⁸Ene gha dimukire yighayara yawo no gha tongwere katughuru ghodyoko dyokukukuta eshi, "Wimane wiye pakatji kawaheya." Katughuru naye ghemanine.⁹Jesus gha wepurire, "Kuna kumwipura, pathinamuragho kurughuna ghuwa endi kurughana ghuyi mudiyuwa dyoSabata, kuparitha moyo endi kughuyipitha?" ¹⁰Gha kengire kwawaheya no gha tongwerire katughuru yu, "Ghorore dyoko dyore." Gha rughanine kemo, dyoko dyendi dyerukire. ¹¹Ha patire no ha kuyongire mukatji kawo eyi mbo ha kona kurughana Jesus.¹²Mumayuwa agha yendire kudirundu gha ka raperere. Gha twarire kughutho kuraperera ghuthiku ghoghuheya kwaNyambi. ¹³Apa dya vire diyuwa, ghethire hakathishongero wendi no gha tororire po dikumi nohawadi, awa karo ghethirire eshi hatumi.¹⁴Mena wo hatumi wa ne; Simon (oyu gha tire eshi Peter) na minendi Andrew, James, John, Phillip, Bartholomew, ¹⁵Matthew, Thomas, James mwana Alphaeus, Simon yu hethire eshi Zealot, ¹⁶Judas mwana James na Judas Iscariot oyu gha karire muheti.¹⁷Jesusi gha shurukire kudirundu nawo no ghemanine pamuve nombunga dhawakathishongero wendi, pofotji no mbungadhawanu homuJudea naJerusalem nawa ha kara kumbombwa dhomakuruviya gha Tyre naSidon. ¹⁸Heyire mu kuna mu tegherera no kuwerukira kuyikorwa yawo. Hanu wa ha karire no mupepo ghoghumango nawo hapwire kwirukitha. ¹⁹Keheyuno mumbunga dhi gha kondjire kumukwata, yoyishi ngcamu dhomerukithero ne mumwendi dha shwayire no gha werukithire waheya.²⁰Gha kengire kwawakathishongero wendi no kughamba eshi, "Mwakafiyaghudhi mwe mwahepwe, yoyishi ghufumu waNyambi ne wenu. ²¹Mwakafiyaghudhi mwe muna kufa ndhara pano, yoyishi mbo nekuta. Mwakafiyaghudhi mwe muna kudira pano, yoyishi mbo muna heki.²²Mwakafiyaghudhi ngeshi hanu hana mu nyengi, kumushwayitha kuyinu, kumutharuka no kumunyatha eshi mwa yi pamurandu waMwana munu. ²³Mbo mu shamberere mudiyuwa dyo no kuregha ghushamberera, yoyishi mbo muna wana ndjambi dhenu mudiwiru, hatukuru wawo dyo ha rughanine haporofeta kemo.²⁴Diguvo kukwenu mwatungi, yoyishi mwa wana kare mahengawero. ²⁵Diguvo kukwenu mwe mu nekuta pano, yoyishi mbo muna fu ndhara kunyima dhoruvedhe. Diguvo kukwenu mwe muna kuheka pano, yoyishi mbo muna kara muyindhivi no madiro munyima dhoruvedhe.²⁶Diguvo kukwenu mwe, ngeshi hanu waheya kuna kughamba yoyiwa kuhatera kwenu, yoyishi hatukuru wenu dyo ha rughanine kwawaporofeta hombango kemo.²⁷"Ene ni na kumutongwera mwe muna kutegherera eshi, hake hanyathi ghoye no rughane ghuwa kowa ha kunyenga. ²⁸Tungeke awa hana kukukuta no raperere po awa hana kukupetha.²⁹Oyu ghana kungcambura kuditama dyofotji, mu pe dimweya. Ngeshi ghumweya gha shimbi thivata thoye, mbadi wa kona kushwena kutapa thivata thoye shime. ³⁰Tape kwa keheyuno ghana kukuromba, mbadi wa kona kumutongwera eshi gha ka thi huthe.³¹Thika di ghuna shana eyi sho ha kurughanene hanu, wa rughanene thikadyo. ³²Ngeshi we ne kuhaka hanu wa ha kuhaka pithagho, pamurandu munye mbo wanena ndjambi? Yoyishi hayiharuri nawo kuhaka awa ha wa haka. ³³Ngeshi ha ghu rughana ghuwa kowa hana kukurughana ghuwa, pamurandu munye mbo wanena Ndjambi? Yoyishi hayiharuri nawo kurughana kemo. ³⁴Ngeshi ha ghu tapa kwawa ghuna kurupera eshi mbo hana kuhuthera, pamurandu munye mbo wanena ndjambi? Hayiharuri nawo kutapa kwawayiharuri, podiyo eshi ha kuwane dhodho ndjambi dhofotji.³⁵Ene mu hake hanyathi wenu no kuwarughana ghuwa. Tape, ene mbadi ghu kurupere eshi gha kuhuthere, no ndjambi dhoye ne mbo dhina kara dhodhikuru, no mbo muna kara hana waShokuru, yoyishi aye ne munongo kwawanu hokupira kutumera na wayi. ³⁶Mu kare noneke, yoyishi wihenu naye gha kara no neke.³⁷Mbadi wa kona kuteterandhango, nowe mbadi mbo ha kuteterandhango. Mbadi wa kona kushweneka, no mbadi mbo ha kushweneka. Thiyerere po hamweya, nowe mbo ghuna pu kuthiyerera.³⁸Tape, nowe mbo hana kupa. Ndjambi dhoneke dhokupakerera nokuyarera mbo hana dhi notwera pamaghuru ghoye. Kehethino ghuna kurughanitha kwa ghumweya, mbo hana thi rughanitha kukoye.³⁹Munyima gha wa tongwere thiyedhekeritho. "Mukunga ne kukona kukoka mukunga muyendhendi ndi? ngeshi kemo, waheya mbo hana weya mudikwina, endi mbadi mbo ha wera mo? ⁴⁰Mukathishongero ne mbadi mukuru kupitakana muhongi wendi, ene keheyuno apa mbo gha pwa kudeghura ne mbo ghana kara yira muhongi wendi.⁴¹Nye mwakukengera ku kapindhi kokambiru aka kadi mudiho dyamukuroye, ene kadi wakudimuka ethi thidi mudiho dyoye ghothinda? ⁴²Ngepi di shoghambe kwamukuroye, 'Mukurwange, ninge nikushwayithe thipara ethi thidi mudihodyoye,' oku we gho thinda kadi ghuna dimuka ethi thidi mudiho dyoye? Mwahayidena! Pakutanga shimbe thipara ethi thidimudiho dyoye, ndani poshomone thiwana mukushwayitha thipara mudiho dyamukuroye.⁴³Mbadiko thitondo thothiwa tho kwima mbuyo dhokwora, kemo thikadyo eshi, mbadiko thitondo thokwora tho kwima mbuyo dhodhiwa. ⁴⁴Kehe thino thitondo kuthidimukitha kumbuyo edhi themanga. Mbadiko munu gho kuya ghukuyu kumakona endi mandjembere kuthitondo thimweya.⁴⁵Munu ghomuhunga kuneghedha ghuwa wendi gho kutunderera eyi gha pungura mumutjima wendi ghoghuwa, no munu ghomuyi kuneghedha ghuyi wendi gho kutunderera moyi gha pungura mumutjima wendi. Aye kughamba eyi ya yara mumutjima wendi.⁴⁶'Pashanye muna kunithera eshi, "Fumu, Fumu,' ene mbadi muna kukutha eyi na kughamba? ⁴⁷Keheyu munu gho kwiya kukwange no kuyuva manando no kughakutha, ni na ka mu tongwera eshi ngepi gha pitura. ⁴⁸Ghana kupitura na katughuru yu ghana kutenda ndhugho, oyu gha thimine mumuve no kushokekera ndhugho dhi padiwe. Apa dyeyire divavure, kapupo ka pumure ndhugho dhi, ene mbadi dha kunyungire, yoyishi gha dhi tendire thiwana.⁴⁹Ene munu yu gho kuyuva manando ghange no kushwena kughakutha, aye ghana kupitura na katughuru yu gha shokekere ndhugho dhendi pamuve apa pa pira matatekero. Divavure dyeyire no kukupumura kundhugho dhi, dha wire popo no dha yipire thikuma."

7¹Apa Jesus gha manine kughamba yoyiheya yi gha ghambire awo hanu kuna kuyiyuva, gha ngenine muCapernaum.²Mukurughoyita ghumweya gha karire nomupika yu gha mu kutekerire thikuma, aye gha karire ghana kukorwa no tamba kufa. ³Apa gha yuvire yo kuhatera kwaJesus mukurughoyita yu, gha mu tumene hakuru hohayuda mu kumwitha no gherukithe mupikendi. ⁴Apa hana kumina kwaJesus ha mu kandere thikuma ghu ghamba, "Gha royera kuyimurughanena yi, ⁵yoyishi gha haka ditunga dyetu, yoyiye karo gha tu tendera yu sinagoge."⁶Jesus gha yendire nawo mundhira dhendi. Apa gha kumine pepi no dighumbo, mukurughoyita yu gha tumine hayendhendi ha ka mutongwere eshi, "Fumu, mbadi ghu kughayithe ghothinda, yoyishi ame ne mbadi na yoyerera eshi wiye mudighumbo dyange. ⁷Pamurandu gho kemo, shime karo mbadi na royerera mu kwiya koye, ene ghambe ngenyu nando, mupikange nanyi gheruke. ⁸Name no munu yu gha kara no ngcamu dhomarawero, nawa kayita awa na piteritha. kukona kughamba koyu eshi, 'Kayende' naye gha kona ka yenda, kwa ghumweya eshi 'Wiye' naye gha kona kwiya, kwamupikange eshi, 'Rughane kemo' naye gha kona kurughana thikadyo⁹Jesus gha tetukire apa gha yi yuvire, no gha pirukire kumbunga edhi dha mu kuthire ghu ghamba eshi, "Ni na kumutongwera, matawero ghokemo ne mbadi na gha wana nomuIsrael temba." ¹⁰Apa ha ka kumine kudighumbo wa gha tumine, ha ka wanine thipika yu ne gha neruka.¹¹Kapupi kamanana, Jesus gha yendire mudoropa dhaNain, hakathishongero wendi nombunga dhi dha yendire nendi. ¹²Apa gha kumine pepi no thero dyodoropa dhi, gha monine katughuru hana kutwara panunda oyu gha fire, aye ne yo mwana ghopithendi ghokatughuru panyina (ghomudhike), no hanu waheya homudoropa dhi ha karire nendi. ¹³Apa gha mu monine Fumu, gha mu ferere neke thikuma no gha mu tongwere eshi, "Porere." ¹⁴Munyima kokuyenda kwendi gha ka kwate pathitondo ethi ha mushimbere, awa ha mu shimbire hemanine. Gha ghambire eshi, "Katughuru, yowe na kutongwera, pinduke." ¹⁵Mufu katughuru yu gha pindukire, kuhungumana no gha tangire kughamba, Jesus gha mu tapire kwanyina¹⁶Kuyapa kwaretire ghuwa kowahe, nohatwikere kukarera Nyambi, ghughamba, ''Muporofeta hamurera mukatji ketu'' no ''Nyambi ghakengire pohanu wendi.'' ¹⁷Odhi mbudhi kuhatera Jesusi dhakutapire muJudeya ghomuhe no matunga gho kukuhata.¹⁸Hakathishongero wendi hamutongwere yoyihe yinu. ¹⁹Podiyo Johannesi ghethire hawadi hakathishongero nokuwatuma kwaFumu mukaghamba, ''Owe ne yowe ghuna kwiya, endi twakona kukenga ghumweya?'' ²⁰Apa heyire pepi naJesusi, hanu haghambi,''Johannesi gho mukaDiyoghero gha tumine kukwenu nokughanda, 'Yowe ghuna kwiya, endi twakona kushana ghumwe.'''²¹Muviri dhiya gherukithire hanu hohengi kutunda kumatjitju no yimweya nokutunda kumupepo dhodhimango, no kwawakunga ghawamonithire. ²²Jesusi ghahuthire no kughamba kukwagho, ''Apa shomuyende mumandhira ghenu, mukatongore kwaJohannesi eyi muna mono no kuyuva. Hakunga kunakumona, harema kunakuyenda, hakayinondwe kuna kukena, hakakufa matwi kuna kuyuva, hanu wahafa kuna kawavumbura no hayumi, no hanyandi mbudhi dhomoyo kuna kuwatongwera mbudhi dhodhiwa. ²³Munu yu ghokudhira kushayeka kutawamumwange yoyishi yitenda yange ne ghayitungeka.''²⁴Kunyima namutumi waJohannesi ghayendire, Jesusi ghatangire kughamba kumbunga kuhatera Johannesi, ''Nye muna yendera mumamburundu mukamone? Kambu kana kukunyunga kumupepo? ²⁵Ene nyemuna yendera panunda mukamone? Katughuru yu ghana vata yitere yoyirereya? Kenge, awa havatanga yitere yo ndhiro no kupara thiwana yira hafumu mumambara. ²⁶Ene nye muna yendera mukamone panunda? Muporofeta? Kemo, Amenakughaghamba kukwenu, no kupitakana muporofeta.²⁷Oyu ne yodiye oyu hatjangire, 'Kenge, Ame kuna kutuma katumi wange kughutho gho rupara rwenu, oyu ghakumuroyithera ndhira dhenu mwe.' ²⁸Nakughamba kukwenu, mukatji kowo hareta hambuyama kadiko gho kupitakana Johannesi. Ene ngambi kemo yodiye gho mumbiru mughufumu waNyambi.''²⁹(Apa hanu wahe hayiyuvire yi, kupakerera nohaketethi, hatawire eshi Nyambi ne muhunga, yoyishi hawayoyire no diyoghero dya Johannesi. ³⁰Ene haPharisee no hadimuki ho muragho hashwenine thitambo thaNyambi papawo, pamurandu eshi kadi hawayogha mwaJohanessi.)³¹''Kunye keho, ndani, kukona nirikanyithe hanu hoghuno muhoko? Nye hapitura? ³²Hadi yira hanuke hanakupepa mudyango dyomaghurithero, awa hana hungumana no kukwitha hathinda no kughamba, 'Tuna pepi membo kukoye, no kadi ghuna kini. Tunembi membo gho yifa, no kadi ghuna diri.'³³Aye Johannesi ghoDiyoghero gheyire kadiko ghuroto no kunwa no vinyu, no ghuna kughamba, 'Ghakara no mupepo ghoghumango.'' ³⁴Mwana Munu gheyire ghudya no kunwa, no ghuna kughamba, 'Kenge, oyu mukakateri gho katughuru no mungorwi, muyendha waketethi no haharure!' ³⁵Ene ghudimuki ne haghukarera wahe kohanendi wahe.''³⁶Pano ghofotji ghopawa Pharisee ghethire Jesusi ghadye nendi. Podiyo apa Jesusi ghengenine mundhugho dhamuPharisee, ghahungumane kutishi ghadye. ³⁷Kenge, pakarire mbuyama mudoropa oyu ghakarire thiharuri. Apa ghamonine eshi kuna kuhungumana kutishi mundhugho dhamuPharisee, podiyo ghakaretire kopi gho maghadhi gho kunuka thiwana. ³⁸Apa ghemanine kunyima dhendi pepi nomapadhi ghendi, ghudira, ghatangire kuyuritha mapadhi ghendi nomaruhodhi ghendi, no ghaghakuyure no huki dhendi dhokumutwi no ghancumitire mapadhi ghendi no kughawethera no maghadhi gho kunuka thiwana.³⁹Apa haPharisee awa hethire Jesusi hamonine yi, ghaghayarire papendi, ghughamba, ''Oyu katughuru ngo muporofeta, ngo kukona ghadimuke dye no mbuyama munye oyu ghakumukwata, eshi yene thiharuri.'' ⁴⁰Jesusi ghahuthire no kughamba kukwendi, ''Simoni, nidi noyimweya nakughamba kukoye.'' Ghaghambire, ''Yighambe, Muhongi!''⁴¹Jesusi ghaghambire, ''Mukakutapa masherenyi ghumweya ghakarire no hakathikoroti wendi hawadi. Oyu ghofotji ghamukorotire madenarii matherekwoko, no ghumwe makumi kwoko. ⁴²Apa hadhirire kumufuta, ghawathigherere wahe. Podiyo, yupi ghakumuhaka thikuma?'' ⁴³Simoni ghamuhuthire no kughamba, ''Ame ne ngo yo ghapire yoyingi.'' Jesusi ghaghambire kukwendi, ''Ghuna kengi thiwana.''⁴⁴Jesusi ghapirukire kwambuyama no kughamba kwaSimoni, ''Eyi ghumona yu mbuyama. Ame nangeni mudighumbo dyoye. Kadi wanipire meyu gho mapadhi ghange, ene ye ghana yuritha mapadhi ghange no maruhodhi no kughakuyura no huki dhendi. ⁴⁵Kadi wani ncumitire, ene kutunda pa neya mwishi kadi ghana shayeka kuncumita mapadhi ghange.⁴⁶Kadi ghuna wethera mutwi wange no maghadhi, ene ghanawethera mapadhi ghange no maghadhi ghokunuka thiwana. ⁴⁷Podiyo nakughamba kukwenu mwe, maharwero ghendi, agha ghadi shimengi, ghana ghamuthigherera- yoyishi aye ghahakire thikuma. Ene ghofotji yu ghathigherera kamanana, kuhaka kamanana.''⁴⁸Podiyo ghaghambire kukwendu, ''Maharwero ghoye ne ghanapu kuthigherera.'' ⁴⁹Awa hana hungumana pofotji hatangire kughamba kukwagho, ''Yidye yu gho kuningakuthigherera maharwero?'' ⁵⁰Podiyo Jesusi ghaghambire kwa mbuyama, ''Matawero ghoye ghana kwirura. Yende muthiraro.''

8¹Yahokokire popo kamanana kughutho Jesusi ghatangire kuyenda kumadoropa ghomakuru no kumikunda, ghuyuvitha no kughamba mbundhi dhodhiwa dhokuhatera kughufumu waNyambi. Awa dikumi no hawadi aghoghakarire, ²pofotji nawambuyama hamwe awa hapwire kwirura kumupepo ghoghumango no mahamba: Maria oyu hethire eshi Magdalena, kutunda mudhimupepo kwoko nodhiwadi hadhitjidhire panunda; ³Joanna, muna Chuza, Herod mukuru; Susanna; no hanu hohengi, awa, hatundire muyiwana, hatapire kuyinyanda yagho.⁴Oku mbunga dhodhikuru dhawanu dhakonganine, no hanu heyire kukwendi kutunda kudoropa yenda doropa, ghaghambire dithaghano: ⁵''Ndjimi ghayendire ghakakune mbuto dhendi. ⁶Oku yene pakukuna, dhimwe dhawerere kumbadi dhothitavura no hadhidjatire no mapadhi, no yinyunyi yomuwiru yadhingomongorire.⁷Dhimwe dhawerere mukatjikomughunga, no mughunga wakurire pofotji nombuto no wadhitjurire. ⁸Ene dhimwe dhawerere mumuve ghoghuwa no dhamenine eyi yakarire dithere yikandho wingi.'' Kunyima Jesusi ghaghambire yi yinu, ghethire, ''Keheyuno ghakara no matwi ghokuyuva, gha yuve.''⁹Hakathishongero wendi hamwipure eyi yatambire matadhi gha. ¹⁰Ghaghambire, ''Maghano gho ghudhindo gho ghufumu waNyambi haghutapa kukwenu, ene kwawamwe eyi nighamba mumathaghano, podiyoshi 'kumona ene kadi wakumona, no kuyuva ene kadi wakutjwathana.'¹¹Pano eyi ne yoyitongora yoghano maghanekeritho: Mbutone nando dha Nyambi. ¹²Edhi dho kumbadi dho ndhira ne awa hokuyuva, ene mupepo ghoghumango ghuna kwiya no kuna dhishimba nando kutunda kumutjima dhawopodiyo kadi hakutawe no kupara. ¹³Edhi dho pamawe ne awa ho, pakuyuva nando, kudhitambura noruhafo. Ene kadi dhakara no mudhi; kutawa kamanana, no paruvedhe romayerekero awo kuwa.¹⁴Muto dhiya dhawerere mukatji ko mughunga ne hanu ho kuyuva nando, ene pakuyenda mundhira ghawo, hana kudhingomongora awa hakakudhipakera thinga no hatungi no hapepaghuri gho yipara, no mbuyodhapo ne kadi wakugora. ¹⁵Ene mbuto dhi dhawerere mumuve ghoghuwa, awa ne hanu awa, kuyuva nando no ghushemwa no mutjima ghoghuwa, kudhikwata thiwana no kureta mbuyo no mataterero gho mawa.¹⁶''Kadikoyu ghokumuneka ramba no kumufika no thindeyindeyiendi kumutura mwishi dhoghudidi. Ene, ghanakumutura pokutura ramba podiyo keheyu gho kungena ghakona kumona thishe. ¹⁷Kadiko yi yo kuhoreka eyi yakupira kudimukitha, endi keheyino yoghudhindo eshi kadi hakuyidimuka nokwiya kuthishe. ¹⁸Podiyo tegherere thiwana, koyu gho kukona, yingi nanyi hakuyimupe, ene koyu ghapira, ngambi yu ghaghayaranga eshi ghakara nanyi ghaku yishimbekukwendi.''¹⁹Podiyo nyina no hakurwendi heyire kukwendi, ene kadi hakonine kukara nendi popepi pamurandi gho mbunga. ²⁰Hamutongwere, ''Nyoko nohakuroye hanemana panunda, hana shana kukumona yowe.'' ²¹Ene Jesusi ghawahuthire no kughamba kukwagho, ''Nawe no wakurwange ne waya hokuyuva nando dhaNyambi no kuyitenda.''²²Diyuwa dimwe ghangenine muwato nohakathishongero wendi, no ghaghambire kukwagho, ''Ninge mutuyende kuthambo diya dyo dikuruviya.'' Hatangire kuyenditha wato. ²³Oku wone pakuhinga wato ghakothire. Mupepo ghoghukuru weyirepadikuruviya, no wato wagho wakarire ghuna kungena meyu no hakarire mughukukutu.²⁴Podiyo hakathishongero waJesusi heyire kukwendi no kuna mupindutha, ghughamba, ''Mukuru! Mukuru! Tamba tufe!'' Ghapindukire no ghashwenekire mupepo no mangumbi gho meyu, no ghashayekire, no ghakuturire. ²⁵No ghaghambire kukwagho, ''Kupi matwero ghendu?'' Ene hayapire no hatetukire, no hakwipurire hathinda, ''Dye nane yu, eye kurawera ngambi mupepo no meyu, no yina kumutawa?''²⁶Havuyire kuditunga dyawa Gerasene, kutjinana dikuruviya kutunda muGalileya. ²⁷Apa Jesusi ghadjatire pamuve, ghakuwanine na katughuru ghumwe kutunda mudoropa dhodhikuru oyu ghakarireno mupepo dhodhimango. Ruvedhe rorure kadi ghavata yitere, no kadi ghatungire mundhugho ene mukatji komambira.²⁸Apa hamonine Jesusi, ghadirire nokuwa kughutho wendi no kughambano diywi dyodikuru, ''Nye yo kukona ghutende nange, Jesusi, Mwana ghoMukuru Kuwiru Nyambi? Nakukanderera, wanitjitjupitha me.'' ²⁹Jesusi gharawere mupepo ghodidhiro mukutunda mwakatughuru. Ruvedhe rorwingi wamukwata, ngambi kengeshi hamughanga no menge no hamutura mukumukengerera, ghana tjoro menge ghendi no nanyi ghumuhinge mupepo ghoghumango mumuthitu.³⁰Podiyo Jesusi ghamwipure, ''Yowe dye dina dyoye?'' Ghaghambire, ''Legion,'' thingi dho mipepo dhodhimango dhangenine mumwendi. ³¹Dhatwikere kumukumbera eshi ghadhituma mumamboreya.³²Pano muraka ghoghukuru ghoyinguru wakarirepo ghuna kudya mumarundu. Mupepo wakumbere mukughutawedhera ghungene mwayo, no ghadhitawedhere. ³³Podiyo mupepo dhodhimango dhatundire mwakatughuru no kuyenda muyinguru, no muraka watambukire kughurumuka mudiviya no kurowera.³⁴Awa hahayire yinguru hamonine eyi yahokokire, hatjirire nokatongora kuhatera yi mudoropa dhodhihe no kumukunda. ³⁵Podiyo hanu hayendire hakamone eyi yina hokoka, podiyo heyire kwaJesusi no kunamuwana katughuru omu watundire mupepo ghoghumango. Ghahungumane kumapadhi gha Jesusi, hamuvatekire no mumaghano ghendi ghomawa; no hayapire.³⁶Awa hayimonine ghawatongwere ngepi katughuru yu wamuna mupepo ghoghumango edi ghana mwirura. ³⁷Podiyo hanu wahe homumukunda ghuya wa Gerasene hepurire Jesusi ghatundemo, awo hakarire no woma ghoghukuru. Podiyo ghangenine muwato podiyo hatange kuhuka.³⁸Katughuru yu mu watundire mupepo ghoghumango ghakumbere ye mukumuninga ghayende nendi, ene Jesusi ghamutumine, ghughaamba, ³⁹''Huke kudimbo dyoye no katape thishupo tho yinu eyi Nyambi ghana kutendera.'' Katughuru ghayendire mundhira dhendi, ghukutapa mudoropa dhodhihe eyi Jesusi ghana tendi kukwendi.⁴⁰Apa Jesusi ghakahukire, mbunga dhamtambure ye, no wahe hamutatere. ⁴¹Mukenge, katughurugho dina Jairus, oyu ghakarire ghofotji wapawapiterithi gho synagogue, gheyire no ghawerere kumapadhi ghaJesusi, no ghamukumbere mukuyenda kundhugho dhendi ⁴²yoyishi mwanendi pithendi, mushengeteya gho myaka dikumi nodhiwadi, kuna kufa. Oku Jesusi mundhira, mbunga dhawanu dhamudhingire.⁴³Podiyo mbuyama ghakarire po oyu ghapitire manyinga ghure ghomyaka dikumi nodhiwadi no ghatapire masherenyighendi ghomahe, no kadi ghakonine kumwirura keheyuno. ⁴⁴Gheyire kunyima dhaJesusi no ghakwatire kughuhura gho thivata thendi, popo kupita manyinga kwendi kwashayekire.⁴⁵Jesusi ghaghambire, ''Dye yu ghana ni kwata me?'' Wahe hayikanane, Peter ghaghambire, ''Mukuru, mbunga dhawanune dhinakudhingi no hana kwimanganyena.'' ⁴⁶Ene Jesusi ghaghambire, ''Ghumweya ghana ni kwata me, ame nadimuka eshi ngcamu dhina tundumumwange.''⁴⁷Apa ghamonine mbuyama eshi kadi wakukona ghanyetuke, gheyire ghututuma no ghawire kughutho wendi. Kughutho ghohanu wahe ghakutapire nye ghamukwatere no ngepi edi ghamwirrurepopo. ⁴⁸Podiyo ghaghambire kukwendi,''Mwanange, matawero ghoye ghana kwirura. Yende muthiraro.''⁴⁹Oku yene pakughamba, ghumwe gheyire kutundera mudighumbo dyamupiterithi synagogue, ghughamba, ''Mwanoye ne ghana fu. Kadi mupethe muhongi karo.'' ⁵⁰Ene apa Jesusighayiyuvire yi, ghahuthire Jairus, ''Kadi ghuyaoe; tawe ngenyu, no nanyi gheruke.''⁵¹Apa gheyire mundhugho, kadi ghatawedhere keheyuno mukungena nendi, kutundithako Peter na Johannes naJames, na wihe mwanuke na nyina. ⁵²Pano wahe hakarire hana kudira ye mwanuke, ene ghaghambire kukwagho, ''Mwadira; kadi ghana fu ene kuna rara.'' ⁵³Ene hamuhekire, ghudimuka eshi ghana fu.⁵⁴Ene ghamushimbire ye panyara no ghethire, ghughamba, ''Mwanuke, wi mane!'' ⁵⁵Mupepo wendiwakahukire, no ghemanine popo. Ghawarawere mukamuwanena yimwe yokudya. ⁵⁶Hakuruwendi hahafire, ene ghawarawere eshi kadi hakatongwere keheyuno eyi yina hokoka.

9¹Ghethire wa dikumi no hawadi pofotjino kuwapa ngcamu no marawero gho kuhinga mupepo dhodhimango no kwirura mahamba. ²Ghawatumine hakayaghure yoghufumu waNyambi no kwirura hakorwi.³Ghaghambire kukwagho,''Kadiko yi shomushimbe muruyendo- keheyino, kadiko ndjato, kadiko ghuroto, kadikomasherenyi, kadiko yitere yimweya. ⁴Kehe dhino ndhugho mwakungena, mwakukare momo kate mwakutundemo.⁵Kehe kuno hakudhira kumutambura, apa mwakutunda mo mudoropa, kukukumune mbundu kumaghuru thikare thineghedhitho thokukutjaka nagho.'' ⁶Podiyo hafungurukire no kuyenda kupita mumukunda, ghuyuvitha mbudhi dhodhiwa no kwirura kehe kuno.⁷Podiyo Herodesi ghayuvire yoyihe yi yahokokire, ghapimbanine, yoyishi ghayighambire ghumwe eshi Johannesi ghapindukire mukufa, ⁸no hamweya haghambire eshi Elijah ghanamoneka, no shime hamwe eshi ghofotji ghopawa porofeta ghokare ghana vumbuka. ⁹Herod ghaghambire,'' Ame natetire Johannesi. Dye yu gho kuhatera oyu nakuyuva gho yinu yo?'' Podiyo ghayerekire kumumona.¹⁰Apa ha apostoli hakahukire, hana mutongwere yoyihe yi hatendire. Podiyo ghawa shimbire, no hayendire mughudhindo kudoropa dhaBethsaida. ¹¹Apa dhayiyuvire mbunga yinu yi, hamukuthire. Ghawa tambure no kughamba kukwagho kuhatera ghufumu waNyambi, no gherure awa hanyandire merukero.¹²Diyuwa dyakarire pepi noghuhura, nowa dikumi nohawadi heyire kukwendi no kughamba,''Mutume mbunga dhikayende eshi hayende kumikunda dhopepi kashana kokurara noyidya, yoyishi tudi twe kuno kopithetu.'' ¹³Ene ghaghambire kukwagho,''Muwape keheyino yokudya.'' Haghambire,''Kadi tudi nokupitakana mughuroto makwoko no tuthi tuwadi-shimengwa tuyende tukaghure yidya yowa hanu.'' ¹⁴(Hakarire hanu pepi no mayovi kwoko.) Ghaghambire kwawakathishongero wendi,''Mukare muna hungumana mumambunga ghohanu makumi kwoko.''¹⁵Podiyo hatendire yi, hatendire hanu hahungumane. ¹⁶Ghashimbire maghuroto makwoko no tuthi tuwadi, ghakengire mudiwiru, nokuyikandadheka no kughuyondaghura, no ghatapire kwawakathishongero mukutura kughutho gho mbunga. ¹⁷Wahe hadire no hakutire, no oyi yathigharireko hayidhamune-dikumi no yiwadi yindeyindeyi yoyipindhi.¹⁸Yeyire oku Jesusi kuna kurapera papendi, hakathishongero hakarire nendi. Gha wepurire wo, ghughamba,''Nye dhi mbunga dhina kughamba eshi yame dye?'' ¹⁹Hamuhuthire''Johannesi gho muka Diyoghero. Ene hamwe kuna kughamba Elijah, no hamwe kuna kughamba eshi ghumwe ghomuporofete ghokare ghana kavumbuka.''²⁰Podiyo ghaghambire kukwagho,''Ene dye muna ghamba eshi yame dye?'' Peter ghahuthire,''Kristusi gho Nyambi.'' ²¹Ene ghawashwenekire thikuma mukutongwera yi kwakeheyuno, ²²ghughamba,''Mwana Munu ghakona kunyanda kuyinu yoyingi no kumushwena hakuru no hapristeri shokuru nawakamarukwaro, no nanyi ghakumupaghe no mudiyuwa dyo ghuhatu mboghana vumbuka.''²³Podiyo ghaghambire kukwagho wahe,''Ngeshi keheyuno ghana shana kwiya nange, ghakona kukushwena thinda no kushimba thikurushe thendi no kunikutha me. ²⁴Kehe yuno ghokukunga ghuparo wendi nanyi ghakughuyongarithe, ene keheyuno gho kuyongaritha ghuparo wendi pamurandu wange ghana kughutureka. ²⁵Ghuwa munye pamunu mukuwana yoyihe yokaye, ene kuyongaritha endi kukukungura thinda?²⁶Keheyuno ghokufa honyi me no manando ghange,naye Mwana Munu nanyi ghakamufe honyi apa ghakakara mumangcamu gha Wihe no kwawa engeli hokupongoka. ²⁷Ene nakughamba ghushemwa, pohadihana kwimana pano awa hakudhira kuyereka yifa kughutho gho kumona ghfumu waNyambi.''²⁸Kunyima dhomayuwa kwoko no hahatu apa Jesusi ghamanine gha manando, ghashimbire Peter naJohannesi naJakobusi hayendire kudirundu hakaraperere. ²⁹Oku yene pakuraperera, rupara rwendi rwakutjindire, noyitere yendi yakutjindjire yoyikenu.³⁰Kenge, hanu hawadi haghambire nendi, Moses na Elijah, ³¹oyu ghamonekire mungcamu, kuna kughamba nendi kuhatera kuyenda kwendi, oyi ghakarire eshi tamba yikume kughuhura muJerusalema.³²Pano Peter no wo hakarire nendi hakarire hana rara, ene apa hapindukire,hamonine mangcamu no hatutughuru hawadi awa hemanine nendi. ³³Thika di hayendire kutunda kwaJesusi, Peter ghaghambire kukwendi,''Mukuru, thiwana twe kukara pano. Ninge tutende mumvure dhihatu, ghofotji ghoye, ghofotji waMoses, ndani ghumwe waElijah.'' (Kadi ghadimukire eyi ghaghambire.)³⁴Apa ghaghambire yinu yi, divuyi dyeyire no kuwafika wo, no hakarire hanayapa apa hengenine mudivuyi. ³⁵Diywi dyeyire kutunda mudivuyi, ghughamba,''Oyu ne Mwanange, oyu natorora; mutegherere kukwendi.'' ³⁶Apa diywi hadighambire, Jesusi ghakuwanine pithendi. Hakarire hana porera no kutongwera kadiko mugho mayuwa keheyino kuhatera yi hana mono.³⁷Pano diyuwa dyokurandako, apa heyire kutunda kudirundu, mbunga dhodhikuru dhamuwanine. ³⁸Kenge, katughuru mumbunga ghadirire ghukuyerera, ghughamba, ''Muhongi, nakukanderera kenge mwanange, aye ne yo mwanange pithendi. ³⁹Mone, mupepo ghuna shimbi marughaneno papendi no kudira; yina muretera ghakare no mandhingwe podiyo ghakare no difudhi kukanwa. Ghukukutu mukumuthiya no kumurughanitha ghumango. ⁴⁰Nakumbera hakathishongero ghoye mukuthigheneka haghushwayithe panunda, ene kadi hana kono.''⁴¹Jesusi ghahuthire no kughamba,''Amwe mwakakupira kutawa no muhoko ghuhakuta, rure rokukuma kupi sho nikare nenu no kutura nenu? Murete mwanoye kuno.'' ⁴²Oku mungaghu pakwiya, mupepo ghoghumango wamuvukumine pamuve no wamuvukumine no mandhingwe. Ene Jesusi ghashwenine mupepo ghoghumango no gheruthire mungaghu yu, no ghamupire kwa wihe.⁴³Podiyo wahe hatetukire kughukuru waNyambi. Oku wahe hana tetuka kuyoyihe yi ngatetanga, ghaghambire kwawakathishongero wendi, ⁴⁴''Ninge gha manando ghangene mumatwi ghenu: Mwana Munu nanyi hakumuhete mumoko ghawanu.'' ⁴⁵Ene kadi hatjwathane thighamba thi. Thakuhorekire kukwagho, podiyo kadi hadimukire yitongora yatho, no karo hakarire hanayapa mukwipura kuhatera thighamba thi.⁴⁶Podyo dikanyi dyatangire mukatji kagho kuhatera eshi dye pakatji kagho ghakukara mukuru. ⁴⁷Ene Jesusi, ghudimuka ruhuthitho rwagho mumitjima dhawo, ghashimbire mwanuke gho mumbiru no kumutura kumutara wendi ⁴⁸no kughamba kukwagho,''Keheyuno gho kutambura yuno mwanuke mudinadyange, ghana nitambura; no keheyuno gho kunitambura, ghanatambura yu ghanituma me. Keheyu gho mumbiru mukatji kenu ne mukuru.''⁴⁹Johannesi ghahuthire,''Mukuru, tuna mono ghumwe ghana kuthineneka kushwayitha mupepo ghoghumango mudina dyoye no tuna mushweneka, yoyishi kadi ghatukutha twe.'' ⁵⁰''Kadi mumushaghekithe,'' Jesusi ghaghambire,''yoyishi keheyuno oyu ghana dhiri kumwimanganyena mwe ne wenu.''⁵¹Apa mayuwa ghakokore pepi ye mukumushimba, ghaturire rupara rwendi mukuyenda muJerusalema. ⁵²Ghatumine hashimbi mbudhi kughutho wendi, no hayendire no kangena muSmaritan mukaroyitha yoyihe yendi. ⁵³Ene hanu kadi hamutambure ye yoyishi ghaturire rupara rwendi mukuyenda kuJerusalema.⁵⁴Apa hakathishongero wendi haJakobusi naJohannesi hamonineyi, haghambire,''Fumu, ghuna shana turawere mudiro wiye pamuve kutunda mudiwiru no kuna wayungura wo?'' ⁵⁵Ene ghathetukire no kuyiwashwenena, ⁵⁶no hayendire kumukunda ghumwe.⁵⁷Oku wo ne pakuyenda kumbadi dhothitavura, ''nanyi ni kukuthe kehekuno shoyende.'' ⁵⁸Jesusi ghaghambire kukwendi,''Mambungu ghakara no makwina ghawo, no yinyunyi mudiwiru yakara no yitunguru yayo, ene Mwana Munu kadi ghadino kokuthatera mutwi wendi.''⁵⁹Podiyo ghaghambire kwaghumweya,''Nikuthe me.'' Ene ghaghambire,''Fumu, pakutanga nitawedhere tango ni kavumbeke tate.'' ⁶⁰Ene ghaghambire kukwendi,''Thiye hafu hakuvumbeke hathinda. Yoye ko we, yende no karoyithe kayenda no ghuyaghuyu gho ghufumu waNyambi.''⁶¹Ghumweya ghaghambire,''Nanyi ni kukuthe, Fumu, ene pakutanga ninge ni kamorore waya nathighi kudimbo.'' ⁶²Jesusi ghamuhuthire,''Kadiko yu ghokuturanyara dhendi no kukenga kunyima gharoghera mughufumu waNyambi.''

10¹Pano kunyima dhoyi yinu, Fumu gha kutire mathere kwoko no hamweya, no kuwatuma panunda hawadi kughutho wendi mukehe doropa no dyango oku thinda oku ghakarire ghana kuyenda. ²Ghaghambire kukwagho,''Mukesho ne wingi, ene harughani ne hapu. Podiyo murombe Fumu gho mukesho ghatume harughani mumukesho wendi.³Muyende mundhira dhenu. Mumone, Ame kuna kumutuma mwe eshimwandjwighana mukatji ko mambungu. ⁴Kadi mushimbe ndjato dho masherenyi, endi ndjato dhomuruyendo, endi yisandari, no mwamorora keheyuno mundhira.⁵Kehe dhino ndhugho mwakutangerera kungena, pakutanga mwakona kughamba, 'Ninge thiraro thikare modhi ndhugho!' ⁶Ngeshi munu ghothiraro pwadi po, thiraro thenu nanyi thakuturumuthe papendi, ene ngeshi kadipo, nanyi thakumuhukere thinda. ⁷Mwakukare mudhugho dhodho dhofofotji, kudya no kunwa eyi hakumupa, murughani ne mudyo kundjamb dhendi. Kadi mukayendaghure kutunda dighumbo yenda dighumbo.⁸Kehe muno mudoropa mwakungena, no kamutambura mwe, mwakadye keheyino hanamuturera kughutho wenu ⁹no kerura hakorwi awa hakara ko. Mwakaghambe kukwagho,'Ghu fumu waNyambi ghuneya pepi nagho.'¹⁰Kehe pano gho kungena mudoropa no kadi hakumutambura mwe, mushwaghemo muyende mutundhira ghana no kughamba, ¹¹'Ngambi mbundu dho mudoropa dhenu edhi dhina kukukumuka kumaghuru ghetu kuna kudhikukumuna pamurandu wenu! Ene mudimuke yi: Ghufumu waNyambi ghuneya popepi.' ¹²Nakughamba kukwenu eshi mudiyuwa dyomatheko nanyi hakuyitawedhere muSodom ndani modhiyadoropa.¹³Woe kukwenu, Chorazin! Woe kukwenu, Bethsaida! Ngeshi yoyikuru yirughana eyi gharughane mumwenu ghayitendire muTyre naSidon, ngo hapirukire karekare, kuhungumana muyitere no mututwi. ¹⁴Ene nanyi nakuyitawedhere muTyre naSidon mumatheko ene kadi mwe. ¹⁵Amwe, Capernaum, mwakughayara eshi ngahakamutambure mudiwiru? ka, nanyi hakamuhuthe pamuve kwaHade.¹⁶Kehe yu gho kumutegherera mwe kutegherera kukwange, noyu gho kumushwena mwe kushwena me kushwena yu ghanituma me.''¹⁷Awa makumi kwoko nomawadihakahukire no kuhafa, ghughamba,''Fumu, ngambi mupepo ghoghumango ghuna kutapa kukwetu mudina dyoye.'' ¹⁸Jesusi ghaghambire kukwagho, ''Ame narorera Shatani ghakuwa kutunda kudiwiru yira mushoro. ¹⁹Kenge, namupa mangcamu dhina nge, ndani mangcamu ghomahe ghawanyathi, no kadiko keheyino yakumuyuvitha tjitju. ²⁰Ngambi kemo mwahafa ngenyu poyi, eshi mupepo ghuna kutapa kukwenu, ene muhafe thikuma eshi mena kadi hana ghavumbeka mudiwiru.''²¹Paruvedhe rofotji ghahafire thikuma muMupepo gho Kupongoka, no kughamba, ''Nakukugha we, Tate, Fumu gho diwiru no kaye, yoyishi we wakungure yinu yi kwawanyanyami nokwawatjwathani no kuyinegha o kowa hadhira kukuhonga, yira hanuke hohambiru. Kemo, Tate, kemo yakarire thiwana kukuhafitha mumeho ghoye.²²''Kehe yino yinu ghayitura mumwange Tate, no kadiko yu ghadimuka Mwana kutundithako Tate,no kadiko yu ghadimuka Tate kutundithako Mwana no woawa Mwana ghatorora kumunegha ye.''²³Podiyo ghapirukire kwawakathishongero wendi no kughamba mughudhindo, ''Awa hatungeka ne awa hokumona yinu eyi mwamona mwe. ²⁴Nakughamba kukwenu, thingi thawa porofeta no ha fumu hashanine kumona yinu yi mwamonanga, no kadi hayimonine wo, no kuyuva yinu yi mwayuvanga, no kadi hayiyuvire wo.''²⁵Kenge, mudimuki muragho ghemanine podiyo ghamuyereke, ghughamba, ''Muhongi, nye shonitende mukupinga ghuparo ghokuroruheya?'' ²⁶Jesusi ghaghambire kukwendi,''Nye hatjanga mumuragh? Ngepi di waghutoya?'' ²⁷Ghatapire dihuthero no kughamba, ''Mwakona kuhaka Fumu Nymbi wenu no mutjima wenu ghoghuheya, no mudhimu ghoghuhe, no mangcamu ghomahe, no maghano ghenu ghomahe, namukamaparaghumbo henu thika mwathinda.'' ²⁸Jesusi ghaghambire kukwendi,''Ghuna hutha thiwana. Tende yinu yi, no nanyi wakupare.''²⁹Ene ye, kuhaka kukushupera thinda, ghaghambire kwaJesusi, ''Dye muka maparaghumbo ?'' ³⁰Jesusi ghamuhuthire ye no kughamba,''Katughuru ghumwe ghayendire kutunda muJerusalema ghayende kuJericho. Ghawerere mwawatjori, awa hamukungure yinu yendi, no hamupumure, no hamuthighire pakatji kokufa.³¹Paruvedhe mupristeri ghumweya ghaghurumukire dhodhiya ndhira, nopa ghamumonine, ghapitire ndhira dhimweya mutara ghumwe. ³²Ghakupitura naLevite naye, apa gheyire kudyango no kumumona ye, ghapitire ndhira dhimweya.³³Ene ghumwe mukaSamaritan, oku yene muruyendo, gheyire kughakarire. Apa ghamumonine, ghayendire no dikuto. ³⁴Ghakumine kwendi no ghadhingune yitombo yendi,no ghayinotwere maghadhi no vinyu papaya. Ghamuturire pathiyama thendi thinda, noghamuretire yodiye, no kumupakera thinga yodiye. ³⁵Diyuwa dyokurandako ghashimbiremawadi madenarii, no ghaghatapire kwamutamburi, nokughamba,'Mupakere thinga yu, no keheyino yokuwedhera kutapa, apa nakahuka, nanyi nakuna kufute.'³⁶Yidye ghopowa hahatu ghuna kughayara ghakarire mukamaparaghumbo kukwendi oyu ghakarire mukatji kawatjori?'' ³⁷Ghaghambire,''Oyu ghana moneka thineke kukwendi.'' Jesusi ghaghambire kukwendi,''Yende ghukatende yinu yofotji.''³⁸Oku wo ne muruyendo pofotji, hengenine mumukunda ghumwe, no mbuyama ghumwe gho dina Martha ghamutambure ye mundhugho dhendi. ³⁹Ghakarire na minendi ghodina Maria, oyu ghahungumane kumaghuru ghaFumu no ghayuvire nando dhendi.⁴⁰Ene Martha ghakarire no yirughana yo kuroghitha mukutapa yidya. Gheyire kate kwaJesusi no kughamba,''Fumu, kadi wakukudhekera eshi mukurwange nathighi me no kuna tapa pithange? Podiyo mumutongwere nanighamwene.'' ⁴¹Ene Fumu ghamuhuthire no kughamba, ''Martha, Martha,ghunapata no kuna kukupetha yinu yoyingi, ⁴²ene thinu thofotji tharoyera. Maria ghatorora eyi yamuroghera, eyi kadi hakuyishimba kukwendi ye.''

11¹Yahokokire diyuwa dimwe edi Jesusi gharaperere mudyango dimwe. Apa gha manine, ghofotji ghopawakathishongero wendi ghaghambire kukwendi,''Fumu, tuhonge edi gho kuraperera thika Johannesi ghahongire hakathishongero wendi.''²Jesusi ghaghambire kukwagho, ''Pakurapera mughambe, 'Tate, dina dyoye difumane no ghukushuki. Ghufumu ghoye wiye.³Tupe ghuroto wetu gho kehe diyuwa. ⁴Tuthigherere maharwero ghetu, thika kenge tuna thighereranga keheyuno ghatukorota. Watutwara mumayerekero.''''⁵Jesusi ghaghambire kukwagho, ''Dye ghopapenu ghakukara namuyendhendi, no kuyenda kukwendi pakatji koghuthiku, no kughamba kukwendi, 'Muyendhange, nipeko maghuroto mahatu, ⁶kutunda pa muyendhange kengeno ghaneya kutunda kuthitavura, no kadi nidi no keheyino yokutura kughutho wendi'? ⁷No mutaraghumwe oghu wamuhuthire ye ghughamba, 'Wanipetha me. Muvero ne naghuyandhera kare, no hanange, nangehadi, mughudidi hadi. Kadi nakukona kupinduka eshi ni kupe ghuroto.' ⁸Ame nakughamba kukoye, ngambi ngo kadi shoghapinduke no kutapa ghuroto kukoye yoyishi owene gho muyendhendi, ene pamurandi gho honyi dhinakuwana, nanyi ghapinduke nockukupa thingi thagho maghuroto agha ghuna shana.⁹Name nakughamba kukwenu,, murombe, no nanyi hakuyimupe; shane, no nanyi wakuwane; ngongone, no nanyi hakukuyandhwere we. ¹⁰Keheyuno munu ghokuromba kuwana; no mukakushana munu kuwana; no munu gho kungongona, ghana kumuyandhera.¹¹Dye wiha mukatji kenu, ngeshimwanoye kukuromba thi, kokumupa thiyoka mudyango dyo thi? ¹²Endi ngeshi ghana rombo dihonyi, ghuna kamupa nge ye? ¹³Podiyo, ngeshi mwe hohayi kudimuka kutapa yoyiwa kwawanenu, yingatj ye Tate gho mudiwiru ghakutapa Mupepo ghoKupongoka kowa ho kumuromba?''¹⁴Podiyo Jesusi nga hinganga mupepo dhodhimango dhiyendepanunda, katughuruyu ghaporera ghaghambire, no mbunga dhatetukire. ¹⁵Ene hanu hamwe haghambire,''Beelzebul, mupiterithi gho mupepo ghoghumango, kuna kuhinga dhimupepo dhodhimango.''¹⁶Hamwe hamuyerekire no hamonine kutunda kwendi thidimukitho kutunda mudiwiru. ¹⁷Ene Jesusi ghadimukire yighayara yawo no ghaghambire kukwagho,''Keheghuno ghufumu wakutaperewathinda no wakuhanyaghure, no ndhugho dhakutaghure kwathinda.¹⁸Ngeshi Shatani ghana kutapapapendi thinda, ngepi di wakukara ghufumu wendi? ¹⁹Amwe kuhamba eshi ame kutjidha mupepo dhodhimango kwBeelzebul, mwadye awa hanakukuthanga hanatjidhanga dhimupepo? Pamurandu ghoyi, nanyihakukare hakakumutheka. ²⁰Ene ngeshi mene kutjidha dhimupepo dhodhimango no munwe wa Nyambi, podiyo ghufumu waNyambi ghuneya kukwenu.²¹Ngeshi katughuru ghongcamu oyu ghanakuroyithera mundhughodhendi, yinu yendi ne muthiraro, ²²ene ngeshi katughuru ghongcamu hamupitakana ye, katughuru ghongcamu ghana kushimba yiwana yoyu oyi ghawana no kukurupera. ²³Oyu ghadi eshi kadi nange neghannemanganyena me, no oyu gho kudhira kukupakerera nange ne ghana kuhanya.²⁴Mupepo ghodidhiro apa wayendirekutunda mwakatughuru, wapitire mumango gho kupira meyu no kushana kuturumutha. Kadiko eyi wawanine, waghambire,'Nanyi nihuke kundhugho oku natunderera.'' ²⁵Apa wahukire, wakawanine eshi ndhugho hadhikombire nohadhiroyithire. ²⁶Podiyo wayendire no kushimba dhimupepo kwoko nodhiwadi dhodhiyi kupitakana wo no dheyire no kunatunga mo. Podiyo katughuru yu ghukaro wendi gho kuhurera wakarire ghunayipa thikumakupiterera pakutanga.''²⁷Yahokokire eshi, thika di ghaghambire yinu yi, mbuyama ghumwe ghayeyure diywi dyendi kumbunga no kughamba kukwendi,''Ghutungeki ne kudira di dyakuretire we no mere agha ghakuyamwekirewe.'' ²⁸Ene ghaghambire,''Ngambi kemo, hakakutungeka ne awa hokuyuva nando dhaNyambi no kudhipungura.''²⁹Thika mbunga dhakuwedhere, Jesusi ghatangire kughamba, ''Ghuno muhoko ne muhoko ghoghuyi. Agho ne kushana thidimukitho, ngambi kadiko thineghedhitho ethi hatapire kutundithako thidimukitho thaJonah. ³⁰PaJonah gheyire yodiye thidimukitho kwawa Ninevite, nako kwaMwana Munu nanyi kwakukare thidimukitho koghuno muhoko.³¹Herekadhi ghokughucuma nanyi ghakwimane pamatheko no hanu hoghuno muhoko no kuwashweneka, aye ghatunda kughuhura ghokaye mukunayuva ghunyanyam waSolomon, no kumona, ghumweya ghamupitakana Solomon ne pwadi popa.³²Hanu ho munineveh nanyi hakwimane mumatheko no ghumuhoko gho hanu no nanyi ghakuwa shweneke, awohapirukire mumayawero gha Jonah, no kenge, ghumwe gho kupitakana Jonah na pwadi pano.³³No ghofotji temba, kunyima dhokumuneka munyenge, kokughutura kokukuhoreka endi mwishi dhothivani, ene apa wemananga munyenge, podiyo eshi waya hana kungena hamone thishe. ³⁴Diho dyoye ne gho munyenge ghoyirama. Ngeshidiho dyoye diwawa, yirama yoyihe yina kuyara no thishe. Ene ngeshidiho dyoye dimango, yirama yoye yina kuyara dikokore. ³⁵Podiyo,mutakamithe eshi thishe ethi thidi mumwenu kadi thidi mudikokore. ³⁶Ngeshi yirama yoye yoyihe yina yara thishe, no kadiko thipo ethi thidi mumakokore, no yirama yoye yoyihe yina kukara yira munyenge ghuna kumuneka thishe thagho papoye.''³⁷Apa ghamanine kughamba, mPharisee ghamwipure ye mukudya nendi kundhugho dhendi, podiyo Jesusi ghengenine mwishi nokuhungumana. ³⁸HaPharisee hatetukire eshi Jesusi kadi ghatangire kukuyogha kughutho ghokudya.³⁹Ene Fumu ghaghambire kukwendi,''Pano keho, amwe mwaPharisee kukenitha panunda makopi no yivani, ene mwishi dhenu ne mwayara ghugu noghuhayidena. ⁴⁰Amwe kadiko kughayara mwe mwanu! Kadi yu ghatendire panunda ghatendire mwishi? ⁴¹Mutape kwawahepe eyi yidi mwishi, noyinu yoyihe nanyi yikene papenu.⁴²''Ghupata kukwenu mwe mwaPharisee, amwe kufutitha kupeperera no kehethi munyamo thitondo, ene kushwena ghunuwamunu no ruhakithorwaNyambi. Yaroghera mukukara ghushemwa no kuhaka Nyambi, ghupira kuwa kutenda yinu yimweya karo.⁴³Ghupata kukwenu mwaPharisee, amwe mwahaka kuhungumana kughutho musynagoge no kukutekera mamoro mu dyango dyokughurithera. ⁴⁴Ghupata kukwenu, amwe ne yira mambira ghaya ghokupira yidimukitho ghaya hanu hanadjatanga po ghupira kudimuka.''⁴⁵Ghofotji ghopawadimuki muragho ghaghambire kukwendi, ''Muhongi, eyi ghuna kughamba kuna kututuka natwe karo.'' ⁴⁶Jesusi ghaghambi,''Ghupata kukwenu, hahongiho muragho! Amwe kutura hanu munurongero ghoghuremu ghokupira kukona kudhamuna, ene kadi wakukona kukwatakughuremu no munwe ghofotji.⁴⁷Ghupata kukwenu, yoyishi mwe kutenda mabira ghawa porofeta, no hatukuru wenu hawapayire wo. ⁴⁸Podiyo amwe mwa shupi,no kumutura kuyirughana yawatukuru wenu, thika di hawapayirenamwe pakutenda mambira ghawo.⁴⁹Pamurandu ghoyi karo, Ghudimuki waNyambi waghambire,''Nanyi nakuwa tumene muporofeta no mu apostoli,no nanyi ghakuwapangure no kuwapagha hamwe.' ⁵⁰Oghuno muhoko, karo, nanyi ghakughukuthakuthe pamurandu gho manyinga ghawa porofeta agha ghanotokire kutunda pakatangire kaye, ⁵¹kutunda kumanyinga ghaAbel kate kumanyinga ghaZachariah, oyu hapayire pakatji ko altare no kughutho. Kemo, nakughamba kukwenu, ghuno muhoko ne nanyi hakughuthakuthe.⁵²Woe kwenu mwe mwadimuka muragho, yoyishi washimbire ditjapi dyo maghano; kadi wakungena moye ghothinda, no kushweneka awa hana kungena.''⁵³Apa Jesusi ghayendire, hakamarukwaro nawa Pharisee hamukananine no hakukanane nendi kuhatera yinu yoyingi, ⁵⁴kushana hamukwate mumanando ghendithinda.

12¹Poruno ruvedhe, oku thingi tho mayovi hanu hakonganine pofotji no hatutumine, no hatangire kughamba kwawakathishongero wendi pakutangerera,''Mudimuke yinanumukitha yawa Pharisee, ayo ne yaghushatani.²Kadiko yi hondeka eyi hakupira kunegha, no kadiko yi hondeka eyihakupira kudimuka. ³Keheyino mwaghamba mumakokore nanyi hakuyiyuve muthishe, no eyi mwaghamba muditwi mwishi dho mangonda nanyi hakuyirete pawiru dho mandhugho.⁴Nakughamba kukwenu, mwayendhange, mwayapa kowa hokupagha yirama, kunyima dhoyi kadiko karo wo yoykukona kutenda. ⁵Ene nakumu konekitha mwe eshidye sho muyape. Muyape ghoyu ghoku, kunyima dhokupagha, ghakara no ngcamu mukukuvukumena mukunyanda. Kemo, nakughamba kukwenu mwe, mumuyape ye.⁶Kadi yinyunyi yikwoko kuyighuritha kumasherenyi gho mambiru? Ene noyofotji temba ghopapawo oyu ghokuvurama mumeho ghaNyambi. ⁷Ene ngambi huki dho kumutwi hadhitara. Mwayapa. Amwe ne mudyo kupitakana yinyunyi yoyingi.⁸Nakughamba kukwenu, kehe yuno ghokukutapa, kughutho wahanu, Mwana Munu nanyi ghakukutape kughutho wa engeli waNyambi, ⁹ene keheyu gho kukanana me kughutho wahanu nanyi ghakumukanane kughuthowa engeli waNyambi. ¹⁰Kehe yu gho kughamba kukutangawera na Mwana Munu, nanyi ha kuyimuthigherere, ene kwakeheyu gho kushwahura Mupepogho Kupongoka, kadi hakumuthiyerera.¹¹Apa hakumureta kughutho gho synagigue, hakakupiteritha, hakamuragho, mwakukudhekera eshi nye mwakughamba mukukughamwena, endi nye mwakughamba, ¹²mupepo gho Kupongoka nanyi wakumuhonge muviri dho eshi nye mwakaghamba.''¹³Podiyo ghumwe kutunda mumbunga ghaghambire kukwendi, ''Muhongi, tongwere mukurwange mukutapera ghushwi nange.'' ¹⁴Jesusi ghaghambire kukwendi,''Katughuru, dye ghanitenda eshi ame no mukengururi no mukareri pakatji koye?'' ¹⁵Ghaghambire kukwagho, ''Mukenge eshi mukuture mwathinda kutunda ghugu gho yirumbera, yoyishi yipara yamunu kadi yakara no nye yi ghawana.''¹⁶Podiyo Jesusi ghawatongwere mumathaghano,ghughamba,''Dipya dyakatughuru gho mutungi dya menine thiwana, ¹⁷no gha ghambire kukwendi thinda, ghughamba, 'Nye shonitende, yoyishi ame kadi nidi nodyango dyokupungura yimenwa yange?' ¹⁸Ghaghambire,'Eyi ne yosho ni tende. Nanyi nakudhure kashete kange no kutenda kokakuru, omuya nanyi nakupungure mombuto no yimweya. ¹⁹Ame nanyi nakughambe kumudhimu wange,''Mudhimu, ghudi no yinu yoyingi eyi hapungura mumamwaka gho mengi. Turumuthe thiwana, dye, nwe, kare ghuna hafa.'''²⁰Ene Nyambi ghaghambire kukwendi,''Munu gho muyero,ghuthiku ghuno mudhimu ghoye ghuna nyanda we, no yinu yi wakuroyithera, yadye shoyikare?' ²¹Oyo ne yodiyo yira ghumwe ghatureka mapungwero ghendi thinda no kadi mutungi kwaNyambi.''²²Jesusi ghaghambire kwawakathishongero wendi,''Podiyo nakughamba kukwenu, mwakudhekera kuhatera kuyipara yenu, nye sho mudye; endi kuhatera yirama yenu, no nye sho muvate. ²³Yipara ne yapitakana yidya, no yirama ne yapitakana yitere.²⁴Mupake thinga kumanyunyi ghomakuru, eshi kadi yakukune no kukesha. Kadi hakara nondhugho dhokupungwera endi thishete, ene Nyambi ne kuwaditha. Ngepi mudyo wenu mwe no yinyunyi! ²⁵Dye gho papenu ghokukara ghanapata kukona ghawedherere kamanana kughuparo wendi? ²⁶Ngeshi keho mwe kadi mwakukona kutenda yinu yoyimbiru, nye mwakukudhekera kuhatera yokuthiyarako?²⁷Mutokomene hohambiru- ngepi di hakukura. Kadi harughananga, ngambi kukumbirumuna. Podiyo nakughamba kukwenu, ngambi Solomon mumangcamu ghendi kadi hamuvatekire yira hodiyo. ²⁸Ngeshi Nyambi kuvateka muhonyi mudipya, eyi yakuhokoka pano, no peghundha kumuvukumena muthighenyitho, rwwingirokukuma kupi ghakumuvateka mwe, O amwe ghoghupu matawero!²⁹Kadi kushana eshi nye mwakudya no nye mwakunwa, no kadi mwakupate. ³⁰Kehe ditunga dyomukaye mukenge yinu yi, no Wihenu ghadimuka eshi mwawanyanda.³¹Ene shane ghufumu wendi, no yinu yi nanyi ghakuyi wedhererekukoye. ³²Mwayapa, mbunga dhodhimbiru, yoyishi Wihenu ne ghana haafa mukumupa ghufumu.³³Ghurithe yiwana yoye no mutape kwawahepwe. Mukutendere mwathinda tundjato otu twakudhira kudjovoka- kupungura mudiwiru edidya kudhirakutjira panunda, oku kadikomwidhi ghokwiya popepi, no kadiko thimbumburu thakuyipitha. ³⁴Kehe kuno kwakara ghupungwero, no mutjima nagho koko.³⁵''Muninge yitere yenu yoyire muyishuteke mumamuya ghenu, ³⁶muninge minyenge dhenu dhimuneke, no mukare yiramwanu waya hana kushana mukuru wagho apa ghana kahuka kumukandi gho mayekero, podiyo eshi apa ghakwiya no kungongona, hakumuyandhwere thero aye.³⁷Awa hatungeka ne awa harughani aye mukuru ghakuna wana hakukenga apa ghakwiya. Ghushemwa nakughamba kukwenu, nanyi ghakushuteke yitere yendi yoyire mumuya wendi no kughungumana kutishi, no nanyi ghakwiye ghakuna watapere. ³⁸Ngeshi mukuru ghakwiye mughuthiku ghoghuwadi ghokukenga, endi ngambi mughuthiku ghoghuhatu gho kukenga, no kuna wawana hana kuroyithera,hatungeka wa harughani.³⁹Ene mutjwathane yino, eshi ngo mukuru ghondhugho viri edhi mwidhi ghakwiya, ngo kadi ghathighire ndhugho dhendi hadhitjore. ⁴⁰Mukare muna kuroyithera namwe, yoyishi kadi munadimuka viri edhi Mwana Munughakwiya.''⁴¹Peter ghaghambire,''Fumu, kunakutongwera gha mathaghano kukwetu ngenyu, endi kwakeheyuno?'' ⁴²Fumu ghaghambire,''Dye keho gho kukara ghana tokomena no munyanyami mupiterithi oyu fumu wendi ghakutura kwawarughaniwendi mukuwapa mutara wagho gho yidya paruvedhe roruhunga? ⁴³Hakakutungeka ne oya murughani oyu fumu wendikamuwana ghana kurughana yiya pamwiyero wendi. ⁴⁴Ghushemwa nakumutongwera eshi nanyi gha kumuture kuyiwana yendi.⁴⁵Ene ngeshi murughani haghamba mumutjima wendi,'Fumu wange ne kuna kukuranga kahuka,' no kutanga kupumura hakafumu no hakamadihoharughani no kudya no kunwa no kukara hana terera, ⁴⁶fumu wawarughani nanyi ghakwiye mudiyuwa edi hakudhira kutatera no muviri dhi hakudhira kudimuka no nanyi gha kumutete muyipindhi no kunegha dyango dyendi dyo kupira matawero.⁴⁷Oya murughani, aye ghadimuka fumuyihima yendi no kadi ghana kuroyithera endi kurughana kukutha muyihima yendi, nanyihakumupumurenomangomi ghomengi. ⁴⁸Ene oyu ghadhira kuyidimuka no kurughana yi yaroghera kumupumura, nanyi hakumupumure no mangomi ghomapu. Ene kehe yuno hakupa ghomengi, kukwagho yingi hakunyanda, no oyu hana tawedhera rorwingi, yingi hakumwipura.⁴⁹''Neyere mukuna vukuma mudiro pakaye, no ngepi di nahimi eshi ngo naghuhanyine kare. ⁵⁰Ene nidi no diyoghero edi nakuyogha nadyo, nongepi di ni di nothinga kate yakukumenemo!⁵¹Amwe kuna kughayara eshi neyire mukureta thiraro pakaye? Ka,nakumutongwera, ene makutavano. ⁵²Kutunda pano nanyihakare hakwoko kehemuno mundhugho kuwatapera- hahatu hemanganyene hanu hawadi, no hanu hawadi hemanganyene hahatu. ⁵³Nanyi hakuwatapere, wiha kukwimanganyena na mwanendi na mwanendi kwimanganyena wihe, nyina kwimanganyena mwanendighothidhira na mwanendighothidhira kwimanganyena nyina ghothidhira.''⁵⁴Jesusi ghaghambire kumbunga karo,''Ngeshi mwakumone divuyi dina kuyeyuka mudiva diyende muditokera, popo mwakona kughamba,''Mvura ne kuna kwiya,' no nanyi yakuhokoke. ⁵⁵Ngeshimupepo gho kughucuma kuna kupunga, mughambe,'Nanyi ghukare ko ghuyenyu,' no yina kuhokoka. ⁵⁶Mwahayidena, mwadimuka edi gho kutoroka edikapitura kaye no diwiru, ene ngepi eshi kadi mwadimuka kutoroka ruvedhe runo?⁵⁷Nye mwadhiranga kutheka eyi yidi ghuhunga mwathinda? ⁵⁸Apa muna yendanga no yinu yenu kughutho wamangasitarata, mundhiramutende mutende muyikoshonone yinuyo nendi podiyo eshi kadi ghamukoke mwe kumatheko, podiyomutheki kadi ghakumutapemumoko ghawamaporitha, no hamaporitha kadi hakumuvukumene mudorongo. ⁵⁹Nakughamba kukwenu, kadi mwakashwaghamo muya kate mwakatape masherenyi ghoghuhura.''

13¹Paruvedhe ruya, hanu hamweya kuya hamutongwere kuhatera hakaGalilee awa manyinga ghawo ghakuvungire naPilate no yiyambitha. ²Jesusi ghawahuthire no kughamba kukwagho, ''Mwakughayara eshi wa hakaGalileya na haharure kupitakana hamwe hamwe hakaGalileya pamurandu hanayandire mundhira dhi? ³Ka, na kumutongwera mwe. Ngeshi kadi sho mupiruke, mwahe nanyi mwakuyongare mudnhira dhofotji.⁴Endi owo dikumi nokwoko nohahatu hanu muSiloam oku ndhugho dhodhire dhawire no kupagha hamwe, kughayara mwe shi awa ne haharuri hohakuru kupitakana hanu hamwe muJerusalema? ⁵Ka, nakughamba. Ene ngeshi kadi sho mupiruke, mwahe mwe nanyi mwakuyongare.''⁶Jesusi ghaghambire mumathaghano, ''Ghumwe ghakarire no thitondo ethi hatapekire munyamo dhoyitondo yo mandjembere no gheyire mukuna kenga mbuyo dhayo ene kadighawanine ko. ⁷Katughuru ghaghambire kwamukanyamo,'Kenge, mwaka dhihatu neya no kushana mbuyo kothi thitondo thoghukuyu ene kadi nawanako keheyino. Thitete. Nye wakuthitawedhera thipethe muve?'⁸Mukanyamo ghahuthire no kughamba,'Thithiye pithatho ghuno mwaka oku mene kuna kuthima kuthidhingumutwedha nokuturako rutoko. ⁹Ngeshi thakumene mbuyo mwakumwa, thiwana; ene ngeshi kadiko, kuthiteta!'''¹⁰Pano Jesusi oku kuna kuhonga musynagogue mudiyuwa dyoMapeghu. ¹¹Kenge, mbuyama ghakarire kuya oyu mumyaka dikumi no kwoko nodhihatu ghakarire no mupepo gho kukasha. Wamupetekire no kadi ghakonine kughororoka.¹²Apa ghamumonine Jesusi, ghamwithire no kughamba kukwendi, ''Mbuyama, ghuna shutuka kughukashu ghoye.'' ¹³Ghaturire manyara ghendi papendi, no popovene ghaghororokireno ghatumere Nyambi. ¹⁴Ene haka synagogue hapiterithi hapatire yoyishi Jesusi gherure mudiyuwa dyo Mapeghu. Podiyo mupiterithi ghahuthire nokughamba kumbunga,''Mayuwa kwoko nodyofotji omu yaroghera kuyirughana. Mwiye no kuna mwirura keho, kadi mudiyuwa dyo Mapeghu.''¹⁵Aye Fumu ghamuhuthire no kughamba,''Mwahayidena! Kadi keheyuno mwe kukona kughutuna hove endi thidongikudjoko no kuthitwara thikanwe mudiyuwa dyo Mapeghu? ¹⁶Podiyo nayo yi mwana Abraham,oyu ghakwatire Shatani mumyaka dikumi no kwoko nodhihatu, eyi yamukwata kadi wakukona kuyimushutura ndi mudiyuwa dyo Mapeghu?''¹⁷Apa ghaghambire yinu yi, kehe wa hamushwenene ghawafithirehonyi, ene mbunga dhodhihe dhahafire kuyinu yoyiwa eyi ghatendire.¹⁸Podiyo Jesusi ghaghambire, ''Ngepi edi wapitura ghufumu waNyambi, no nye yokukona ni yighanekerithe yi? ¹⁹Yira dimbuto dyodiwa edi katughuru ghashimbire no kudivukuma munyamo dhendi, no dyakurire thitondo thothikuru, no yinyunyi yo mudiwiru yatendereko yitunguru kumite dhatho.''²⁰Karo ghaghambire, ''Kunye shonighanekerithe ghufumu waNyambi? ²¹Yira yinanumukitha eyi ghashimbire mbuyama no kuyitura pofotji no mushungwa kate yakutapire kumushungwa ghoghuhe.''²²Podiyo Jesusi ghayendire kupita mudoropa no mukunda, ghuhonga no kutenda ndhira kutamba kwaJerusalema. ²³Ghumweya ghaghambire kukwendi, ''Fumu, hanu hohapu ngenyu wa ghakukunga?'' Podiyo ghaghambire kukwagho, ²⁴''Mukondje mukupita muthero dhodhimbiru, yoyishi, Ame nakughamba kukwenu, hengi hakushana kungena, ene kadi hakukona kungena.²⁵Pakuninga thinda mukandhigho ghana pinduka no kutjapera mathero, no nanyi wakwimane panunda no kungongona no kughamba, 'Fumu, Fumu, tutawedhere mwishi.' ''Nanyi gha kuhuthe no kughamba kukwenu,'Kadi namudimuka mwe no kupi mwatunda.' ²⁶''Podiyo mwakughamba, 'Twadire no kunwa pofotji kughutho ghoye no watuhongire mumandhira.' ²⁷''Ene nanyi ghakumuhuthe, 'Nakughamba kukwenu mwe, kadi namudimuka oku mwatundera. Mutunde kukwange, amwe mwatendi ghuyi!'²⁸Nanyi pakukare madiro no kukukwetjura mayegho apa mwakumona Abraham, Isaac, Jakob, no wahe haporofeta mughufumu waNyambi, ene mwe ne hana muvukumako. ²⁹Nanyi hakutundere kudiva, ditokera, mbunda no ghucuma, no kuhungumana kutishi mughufumu waNyambi. ³⁰Mudimuke yi, awa hokupira mudyo hombohakara hakakutanga, nowo ho mudyo nanyi hakukare hakaghuhura.''³¹Kamanana kunyima, hamwe haPharisee heyire no kughamba kukwendi, ''Yende no tundepo pano yoyishi Herod ghana shana kukupagha.'' ³²Jesusi ghaghambire, ''Muyende mukawatongwere, 'Mukenge, ame kutjidha mupepo dhodhimango no kwirura no kutenda merukithero dyarero no peghundha, no mudiyuwa dyoghuhatu nanyi nakukumithemo yinyanda yange.' ³³Mukehe thino,yaroghera kukwange mukutwikera dyarero, peghundha, no diyuwa dyokurandako kuninga kadi hayitawedhera mukupagha muporofeta kayenda naJerusalema.³⁴Jerusalema, Jerusalema, oyu gho kupagha muporofeta no mawe agha hakutuma kukwenu. Ngepi di nashana kehepano mukukongwedha hanuke wenu thika shushwa edi ghana kongwedhanga tutjighotjigho mumando, ene kadi mwayirumbera yi. ³⁵Kenge, ndhugho dhenu ne hadhi mwagherera. Nakughamba kukwenu, kadi mwakunimona kate mwakughambe, 'Mukandadheki ne oyu gho kwiya mudina dyaFumu.'''

14¹Yahokokire muSabbata ghumwe, apa gha yendire mudighumbo dyamupiterithi ghumwe wawaFarasayi gha kadye ghuroto, awo ha munoghomene thikuma. ²Kamanana, kughutho wendi kwakarire katughuru oyu gha karire noyikorwa yo kutugumana payirama. ³Jesusi ghepurire hadimuki homuragho waha Yudah nowa Hafarasayi, ''Yahungama mumuragho kwirura muSabata endi mbadi yahungama?''⁴Ene awo hakarire thipore. Podigho Jesusi gha kwatire katughuru yu, nokumwirura noghoghama muningire ghakayende. ⁵Ghaghambire nawo eshi, ''Yidye ghopapenu ghakara nomwana ghomungaghughana endi hove oyu ghana wera mudithima mudiyuwa dyoSabata mbadi mbo mukokamo popo wangu ndi?'' ⁶Mbadi ha konine kuhutha dipwero di.⁷Apa Jesusi gha monine awa hapwire kwitha edi hana kutorora yipura yofumwa, ghaghambire mumashendende nawo eshi, ⁸Ngeshi ghana kwitha ghumwe kumukandi ghomayekero, wahungumana kudyango dyofumwa, yoyishi pamwe nga hetha karo munu gho fumwa kupitakana we. ⁹Pakuna kuma munu oyu nga mwitha mwahe, nanyi ghakuna kuning eshi, 'tape dyango dyoye koyu ghumwa,' nohonyi mboghuna yendi ghuka hungumane kudyango dyokupira fumwa.¹⁰Ene ngeshi kuhana mwitha, yende ghukahungumane mudyango dyokupira fumwa, podigho eshi pakwiya oyu ghana mwitha, nanyi gha kukutongwere eshi, 'Mushere, yende kughutho.' Apa mbo ghuna kara nofumwa kwawahe awa hakuhungumana kutishi noye,' ¹¹Kwakehe yu gho kukuyeyura thinda mboghana pu kumbirupitha, no yu ghokukumbirupitha thinda mbo ghana pu kuyeyura.''¹²Jesusi ghaghambire kwakatughuru ghamwithire eshi, ''Ngeshi kughuna kutapa murarero endi yidya, wetha hashere endi hamina endi hapoye ngambi hamaparaghumbo ghoye hohatungi, yoyishi nawo mbohana kwitha, no mbo ghuna pu kuruwera.¹³Ene ngeshi kuna kutapa yidya, withe hahepwe, harema, haka kupira kuyenda, hamukunga, ¹⁴no mboghuna pu kutungeka, yoyishi awone ne mbadi hakukuruwera. Owene mbughuna pu kuruwera mumuvumbukero wawahungami.''¹⁵Apa ghumwe ghopapawo oyu gha hungumanine kutishi naJesusi gha yuvire yinu yi, gha ghambire kukwendi eshi, ''Oyu ghapwa kutungeke ne oyu gha kadya ghuroto mughuFumu waNyambi!'' ¹⁶Ene Jesusi gha mutongwere eshi, ''Katughuru ghumwe gha rongathanine murarero ghoghukuru noghethire hanu hohengi. ¹⁷Pakumana kurongathana murararero, gha tumine murughani wendi gha ka tongwere awa nga hetha eshi, 'Mwiye yoyishi yinu yoyihe ne yina rogho.'¹⁸''Wahe hatangire kutapa yitambo. Gho kutanga ghamutongwere eshi, 'Naghuru dipya, nonashana niyende niyende nikadi mone. Muni kwaterepo vene.' ¹⁹''Ghumwe gha ghambire eshi, Ame naghuru yipani yikwoko yomahove, kuna kuyenda ni kaghayereke. Munikwaterepo vene.' ²⁰''Katughuru ghumwe karo ghaghambire karo eshi, 'Nayeka mbuyama, mbadi sho ni kone kwiya.'²¹''Murughani ghayire noghana tongwere muhona wendi yinu yi. Muhona gho ndhugho dhi gha tokotire thikuma noghaghambire kwamurughani wendi eshi, 'Tambukerere wangu muyitata yomudoropa nokashimbe kuno hahepwe, hayirema, hamukunga, noakakupira kuyenda.' ²²''Murughani ghaghambire eshi, ''Muhona, eyi ghuna raghura ne yina pu kutenda, ene shime podidi dyango.'²³''Muhona ghaghambire kwamurughani wendi, 'Yende kumapitero nokumemaneno nokawa tjokedhe hakeye, podigho eshi ndhugho dhange ne dhiyare. ²⁴Ame kuna kukutongwere, mbadiko katughuru ghopowaya nga twitha sho gha yereke murarero wange.''²⁵Apa ne mbunga dhodhikuru dhayendire nendi, no ghapirukire no kuwa tongwera eshi, ²⁶''Ngeshi kehe yuno gho kwiya kwange ene mbadi ghana nyengi wihe, nyina, mbuyama wendi, hanendi, haminendi endi hakurwendi hoha ngaghu nohohakamadi, noyipara yendi thinda, mbadi wa kukona ghakare muka thishongero wange. ²⁷Kehe yu gho kupira kukukambeka thikurushe thendi nokuni kutha mbadi wa kukona ghakare muka thishongero wange.²⁸Yidye ghopa penu oyu gha haka kutenda ndhugho dhodhire ene mbadi wa kuhungumana tango gha varere ngeshi ghakara noyinu yoyihe eyi ghanyanda ghakudhimanithe? ²⁹Shimengwa, pakumana kutenda ditateko dyendi nombadi gha kukona kudimanitha, wahe awa hakudimona nanyi ha kutange kumusherera, ³⁰ghughamba eshi, 'Oyu katughuru ne ghatangire kutenda ene mbadi ghana kukona kumanitha.'³¹Endi fumu munye, omu gha kuyenda gha ka kuwane nafumu ghumwe muyita, gha kupira kuhunguma no kutambura maghano ngeshi nanyi gha kukone noha tutughuru mayovi dikumi kurwitha fumu ghumwe oyu ghana kumwiyera noha tutughuru mayovi makumi mawadi? ³²Ngeshi mbadi kemo, popa eshi mashurundate kayenda ghadi, ghana kutuma mukareripo gha karongathane ghukaro ghothiraro. ³³Podigho eshi, kehe yu ghopapenu ghokupira kuthigha yinu yendi yoyihe mbadi wa kukona gha kare muka thishongero wange.³⁴Mungwa ne ghuwa, ene ngeshi mungwa gha ghuyongaritha kutoveka kwagho, ngepi gho kughutoveka karo? ³⁵Mbadi karo ghudi mudyo kumuve endi kuthirambo thorutoko. Agho ne kughuvukuma. Oyu ghakara nomatwi gho kuyuvitha, ninge gha yuve.''

15¹Pano haka kushimba mutero wahe nohaharuri wahe heyangire kwa Jesusi mukuna mutegherera. ²Pofotji haFarasayi nawa kamarukwaro hakuvoyongire mukatjikawo ghughamba eshi, ''Oyu katughuru ne kutambura hayiharuri, no kudya karo nawo.''³Jesusi ghaghambire ditadhi dino kukwagho, ⁴''Yidye ghopapenu, ngeshi ghakara nondjwi dithere no kuyongarithapo ndjwi ghofotji, gha kupira kuthigha dhi makumi kwokone nokwone mumburundu, no kuyenda ghakashane oyu ghana yongara kare kamuwana? ⁵Nopa kamuwana, kughukukambeka pathivudhi no kushamberera.⁶Pakuna kuma kudighumbo, ghana kwitha hashere wendi nohama paraghumbo ghendi, ghughamba nawo eshi, 'Muni shoghereritheko, ame nakawana ndjwi wange oyu nga yongara.' ⁷Kuna kumutongwera eshi ngambi kemo, kushamberera mudiwiru kwathiharuri ghofotji oyu ghana piruka, kupitakana makumine none hakushuki awa hana piri kupiruka.⁸Endi mbuyama munye oyu ghadi no muwayawaya dikumi gho siliveri, ngeshi ghana kuyongarithapo ghofotji, ghana kupira kumuneka munyenge, no kukomba ndhugho no kushna thiwana kare kughuwana? ⁹Nopa kughuwana, ghana kwitha hashere wendi pofotji nawaka maparaghumbo wendi ghughamba eshi, 'Muni shambereritheko, ame nawana muwayawaya wange oghu ghuna niyongara.' ¹⁰Thika dyo, kuna kumutongwera eshi, kukara yishamberera kughutho wawa engeli waNyambi kwathiharuri ghofotji oyu ghana piruka.''¹¹Po ghaghambire Jesusi eshi, ''Katughuru ghumwe ghakarire nahanendi hohangaghu hawadi, ¹²gho mwanuke po ghaghambire kwawihe eshi, 'Tate, nipe ghushwi wange oghu wani tawera,' Pogha watawerere ghushwi wagho pakatji kawo.¹³Mbadi papitirepo mayuwa ghomengi, kaughurighana yu gha kongawedhire yinu yendi eyi gha karirenayo nogha yendire kuditunga dyokayenda thikuma, no gha kapethire ghushwi wendi noghumbondo. ¹⁴Apa gha ka manine kupetha yinu yoyihe, rukukutu rorukuru rwa kuhanyene muditunga diya, no gha tangire kunyanda.¹⁵Gha yendire na gha ka kukutithire thinda ko mukaka koghatji ghumwe ghomo muditunga, oyu gha mutumine mudipya gha kadithe yinguru. ¹⁶Aye nga dyanga noyinguru muyiwato yoyishi mbadiko oyu nga mupanga yidya.¹⁷Ene apa gha yi kundhundhire katughurughana yu, gha ghambire eshi, Hangatji harughani ha tate awa kara noyidya yokurikanya, amene konidi kuno, kuna kufa kundhara! ¹⁸Nanyi ni shwaghe kuno no kuyenda kwatate, no ka mutongwera eshi, 'Tate, naharura kudiwiru no kukoye. ¹⁹Mbadi na rikanya karo kunitha eshi nomwanoye; Ni ture name ni kare yira ghumwe gho harughani ghoye.'''²⁰No katughurughana yu gha shwayire no gheyire kwawihe. Apa gha karire eshi shime kayenda, wihe gha mumonine no thamuyarere thineke, gha mu tjireghere ghumushamberera no kumuncumita. ²¹Mwanendi gha mu tongwere eshi, 'Tate, naharura mudiwiru no kukoye. Mbadi na rikanya karo kunitha eshi nomwanoye.'²²''Wihe gha ghambire kwawarughani wendi, Murete wangu dirwakani dyodiwa, nomudimuvateke, nomuture kadeya kunyara dhendi, no yisandari kumapadhi ghendi. ²³No mukarete ndana gho kununa nomumupaghe. Tushogherere no mukandi! ²⁴Oyu mwanange ne gha fire, ene pano ne ghana para. Gha yongarire, no nga tumuwana.' Po ha tangire kushamberera.²⁵''Pano mukurwendi ghashwayire mudipya. Mukwiya kwendi pepi nodighumbo, gha yuvire membo no yikina. ²⁶Ghethire murughani ghumwe eshi yinu munye yakuhokoka. ²⁷Murughani ghamuhuthire eshi, 'Minoye ghana kahuka kudighumbo nowiho ghana pagha ndana gho kununa thikuma yoyishi ghana kahuka thiwana.'²⁸''Mukurwa munu gha tokotire nombadi ghengeninemo, no wihe gheyire kwendi noghana mukumbere. ²⁹Ene mwanendi gho mukuru gha muhuthire ghughamba eshi, 'Kenge, Mamwaka ghomengi gha ame nakurughanena, nombadi nareya muragho ghoye, ene mbadi wanipa nomboghana nishamberere nawashere wange, ³⁰ene apa nga na kumu mwanoye, oyu gha kapetha ghushwi ghoye nohambuyama hokukughuritha, nga ghu mu paghera ndana gho kununa thikuma.'³¹Wihe gha mutongwere eshi, 'Mwanange, owene nange wakara kehe pano, noyoyihe yange ne yoye. ³²Ene yatu roghere kushogherera no kushamberera, yoyishi oyu minoye ne ghafire, nopano ne ghana para; ghayongarire no ngatumuwana.'''

16¹Jesusi ghaghambire karo nawaka thishongero wendi, ''Pakarire katughuru ghumwe oyu gha karire no mupiterithi, ghapwire kumu tongwere eshi mupiterithi wendi ne nga pethanga yiwana yendi. ²Podigho katughuru ghomutungi ghethire mupiterithi wendi nogha mutongwerire eshi, 'Yinu munye eyi nina kuyuva kuhatera koye? Tape thishupo thoghupiterithi ghoye, mbadi sho kone karo kukara mupiterithi wange.'³''Mupiterithi gha kutongwerire thinda eshi, 'Yinu munye sho ni kone kutenda, kenge eshi muhona wange kuna kuni shwayitha mughupiterithi wange? Mbadi na kara nongcamu dho kuthima, no ame honye kukumbera. ⁴Nadimuka eshi yipi sho ni tende, podigho eshi apa shoha nishwayithe muyirughana yange yoghupiterithi, hanu mbo hana ni tambura mumaghumbo ghawo.'⁵Mupiterithi poghethire wahe hakamakongo wamuhona wendi, no ghepurire gho kutanga, 'Ghungatji wa korota kwamuhona wange?' ''Gha ghambire eshi, ⁶'Makende dikumi gho maghadhi gho olive. ''Gha mu tongwerire, 'Shimbe mukudi ghoye, hungumane wangu, notjange makumi kwoko.' ⁷''Mupiterithi gha ghambire kwaghumwe, 'Ghungatji wakorota?' ''Gha huthire, 'Mashaka dithere ghomavumbukiro.' Ghamutongwerire eshi, 'Shimbe mukudi ghoye, no tjange kwokohatu.'⁸Muhona pogha roghurire mupirerithi gho kupira kukushuka yoyishi rughanine thiwana. Hanu hokaye kano kurughana thiwana nohanu wagho kupitakana nohanu homunyenge. ⁹Kuna kumutongwera, mutende hashere murupe rughutungi gho kupira kukushuka podigho eshi paka pwa, ha ka mutambure mudyango dyo kukarererapo.¹⁰Kehe yu gho kukara no makurupero muyinu yoyimbiru ghana kukara karo nomakurupero muyinu yoyingi, no yu ghokupira kukara nomakurupero muyinu yoyimbiru ne mbadi mbadiko makurupero muyinu yoyingi. ¹¹Ngeshi ghuna kara nomakurupero mukurughanitha ghushwi ghushikushuka, yidye mbo gha kukurupera noghushwi ghoshemwa? ¹²Ngeshi mbadi ghuna kara no makurupero mukurughanitha yinu yawanu, yidye gha kukupa manyinga ghoye?¹³Mbadiko murughani gho kurughanena hahona hawadi, nanyi gha kunyenge po ghofotji no kuhaka po ghumwe, endi nanyi gha kukutape kwaghumwe nokushwenako ghumwe. Mbadi wa kukona kurughanena Nyambi noghushwi panako dhofotji.¹⁴Pano haFarasayi, awa hahakire masherenyi, hayuvire yinu yoyihe yi, haghambire yinu yoyimango kwendi. ¹⁵Gha ghambire kukwagho, ''Kukushupera mwathinda kumeho ghawanu, ene Nyambi ne ghadimuka dhimi tjima dhenu. Ethi hayeyura mukatji kawanu ne yinyatha kughutho waNyambi.¹⁶Muragho noha porofeta yakarire nongcamu kate gheyire Johannesi. Kutunda ruvedhe ruya, mbudhi dhodhiwa ghoghufumu waNyambi kuna kudhiyaghura, no wahe kuna kukondja hakengenemo. ¹⁷Ene ghuredhu kudiwiru no kaye kupita munyima nonando dhofotji dho mumuragho dhakukare eshi mbadiko mudyo.¹⁸Kehe yuno gho kumwagha munuwendi no kuyeka ko ghumweya ne kutenda ruhonda, no oyu gho kuyeka oyu hamwagha katughuru wendi ne kuhondera.¹⁹''Pakarire katughuru ghumwe ghomutungi oyu gha vatire yitere yoyiwa thikuma no nga ndjobwananga kehe diyuwa noghushwi wendi. ²⁰Mukakukumbera ghumwe gho dina dyo Lazarusi nga raranga kuheka dhendi, ghayarire yitombo, ²¹no ghashanine kudya eyi yawire kutishi wakatughuru ghomutungi. Nombwa nadho dheyire nodhirathe payitombo yendi.²²Yakarire keho eshi mukakukumbera yu ne ghafire nohana mushimbire haengeli hamutware kumutara waAbrahamu. Katughuru ghomutungi naye ghafire noha muvumbekire, ²³muyinyanda, kukara muyinyanda yishokuru, gha kengire kuwiru no ghamonine Abrahamu kokayenda naLasarusi kumbadi dhendi.²⁴Pogha kuyererire ghughamba eshi, 'Tate Abrahamu, nifere neke notume Lasarusi, ghature munwe wendi mumeyu no gha ndokithere parudimi rwange, amene muyinyanda nidi muno muno mumudiro.'²⁵''Ene Abrahamu gha muhuthire eshi, 'Mwanange, vuruke eshi muyipara yoye wawanine yinu yoye yoyiwa, naLasarusi thikadyo yinu yoyimango. Ene dyaro ne ghana pu kuhengaghura kuno, owene muyinyanda ghudi. ²⁶Mutara gho yi, dyango dyo dikuru dyakara pakatji ketu, podigho eshi awa hana kushana kuregha kutanda kuno kate ko ne mbadi hakone, no mbadiko gho kukona kutunda ko gheye kuno.²⁷''Katughuru gho mutungi ghaghambire eshi, 'Kuna kumukumbera, Tate Abrahamu, eshi ghumutume kudighumbo dyatate - ²⁸ame nakara nohaminange hakwoko-podigho eshi ghaka wakonekithe, podigho eshi mbadi ya kukare eshi nawo hakeye kuno kudyango dyoyinyanda.²⁹''Ene Abrahamu ghamuhuthire eshi, 'Hakara naMosesi nawaporofeta; hakona kuwategherera.' ³⁰Katughuru ghomutungi gha huthire eshi, 'Ka, Tate Abrahamu, ene ngeshi ghumwe wawafu ghayendere ne, nanyi haka piruke.' ³¹Ene Abrahamu ghaghambire eshi, 'Ngeshi mbadi sho ha tegherere kwaMosesi nokwawaporofeta, mbadiko oyu gha kuwahonga ngeshi ghumwe ghavumbuke kwawafu.'''

17¹Jesusi gha ghambire kwawaka thishongero wendi, ''Ghushemwa vene eshi mbo pana kara yinu eyi yakutuningitha twakuharure, ene dihudhi koyo munu gha kuyituritha yihokoke! ²Kukara hasha kukwendi ngeshi kumughangerera thinu thothiremu muthingo no ka muvukumena mudikuruviya kupitakana eshi ghaningithe wano hohambiru haharure.³Mukukengurure mwathinda. Ngeshi ghumwe ghana harura, kutunune, ngeshi ghana piruka, muthighererepo. ⁴Ngeshi ghana kuharwera rukandho kwoko noruwadi mudiyuwa, rukondho kwoko noruwadi runa kuhukera, ghughamba eshi, 'Na piruka,' wakona kumuthighererapo.''⁵Ha apostoli haghambire kwaFumu, ''Wedherere matawero ghetu.'' ⁶Fumu ghawa huthire eshi, ''Ngo mwakara nomatawero yira nanda dho dhimbiru, ngo kukona mughambe kuthitondo, 'Dhuruke, no kakutapeke mudikuruviya,' no mbo thina tendi kemo.⁷Ene yidye gho papenu, oyu gha kara nomurughani ghana kupurura endi kuna kukunga ndjwi, gha kughamba nendi apa gha ka shwagha kumapya, 'Wiye wangu nohungumane nodye?' ⁸Mbadi gha kumuninga eshi, 'Niroyithereko yinu yokudya, no ture muya mumbunda dhoye no ni rughanene kare nimane kudya nokunwa'?⁹Mbadi ghana kutumera murughani yoyishi ghana rughana yoyihe eyi ghana raghura, endi ngepi? ¹⁰Ngambi nga yamwe, ngeshi oku ghuna mana kurughana yoyihe eyi ghana kurawera eshi ghurughane, ghambe eshi, 'Atwene twa rughani ghokupira kufumana. Atwene tuna tendi ngenyu eyi twa roghera kutenda.'''¹¹Yakarire kemo apa gha yendire kuJerusalema, ghapitire dhomururani waSamaria naGalileya. ¹²Apa ghengenine mumukunda ghumweya, gha kuwanine nohatutughuru dikumi awa hakarire noyinondwe. Hakarire kayenda nendi ¹³nohayuyure maywi ghawo ghughamba eshi, ''Fumu Jesusi, tufere neke.''¹⁴Apa ghawa monine, ghawa tongwere eshi, ''Muyende muka kuneghe mwathinda kwawaruti.'' Apa ha kayendire hapwire kwirura. ¹⁵Apa gha kumonine ghumwe ghopa pawo eshi gheneruka, ghapirukire munyima, nodiywi dyo kuyeyuka gha kuyire Nyambi. ¹⁶Gha nyongamine kumaghuru ghaJesusi, ghumu tumera. Aye gha karire mukaSamarita.¹⁷Pogha ghambire Jesusi eshi, ''Awo dikumi ne mbadi haneruka ndi? Kupi hadi hakwoko nohane? ¹⁸Mbadiko karo hamwe awa hana piruka no hatumere Nyambi ndi, kushwayithako yu mutundakure?'' ¹⁹Gha mutongwerire eshi, ''Wimane, ghukayende. Matawero ghoye ghana kwirura.''²⁰Pakumwipura haFarasayi eshi ruvedhe munye wakwiya ghuFumu waNyambi, Jesusi gha wa huthire ghughamba eshi, ''Ghufumu waNyambi ne mbadi kwiya noyidimukitho. ²¹Nombadi mbo ha ghamba eshi, 'Mukenge, ogho ne ghu!' endi 'Agho ne ghuya!' Mukenge, ghuFumu waNyambi ne mumwenu wakara.''²²Gha ghambire kwawakathishongero wendi, ''Mayuwa ne ghana kumu apa mwa kushana kumona mayuwa ghamwe ghaMwana Munu, ene mbadi mwa kughawana. ²³Poha kumutongwera eshi, 'Mukenge kuya! Mukenge kuno! Ene mwa kushwagha panunda endi mwa kuwa tjirere, ²⁴thika edi wavyathanga mushoro kumitara dhodhihe muwiru, kemo dyombo dikara diyuwa dyaMwana Munu.²⁵Ene pamutangerero gha kona kunyanda nowakona kumushwena ghuno muhoko. ²⁶Thika edi yahokokire mumayuwa ghaNowa, kemo dyo mbo yihokoka mumayuwa ghaMwana Munu. ²⁷Hadire, hanwine, hakuyengire, nohawa tapire muyiyeka kate diyuwa edi ghengenine Nowa mudiwato-ruhandjo rweyire norwana hanyanyughure wahe.²⁸Kemo, kenge yahokokire mumayuwa ghaLoti-hadire nokunwa, kughura nokughuritha, kutapeka no kutenda. ²⁹Ene diyuwa edi gha tundire Loti muSodomu, warokire mudiro kutunda mudiwiru nowahanyaghure hanu wahe.³⁰Pakupwa yikara yokemo mumayuwa gho Mwana Munu mboghana hokoka. ³¹Mudiyuwa dyo mwakutawedhera oyu gha kukara pawiru dhondhugho gha kughurumuke ghaka shimbe yinu yendi mundhugho, mwakutawedhere oyu gha kukara mudipya ghaka huke.³²Muvuruke muna Loti. ³³Kehe yu gho kukondja eshi gha kunge yipara yendi nanyi gha kuyiyongarithe, ene kehe yu gho kuyongaritha yipara yendi ne mbo ghana yiwana.³⁴Kuna kumutongwera, mughuthiku gho hanu hawadi mbo hana kara paghudidi ghofotji, ghumwe ghopapagho nanyi hakumushimbe, ghumwe nanyi ha kumuthighe. ³⁵Mbo pana kara hambuyama hawadi hana kutwa. Ghumwe ghopapagho nanyi ghakumushimbe, noghumwe mboghana thighara.'' ³⁶Mbo hana kara hawadi mudipya, ghumwe mbo hana mushimbi, noghumwe mbo ghana thighara.³⁷Hamwipurire, ''Kupi, Fumu? Gha wa huthire eshi, ''Kokukara mwimba, makwi nagho kogha kuku kongawedhera koko.''

18¹Pogha ghambire ditadhi nawo eshi ngo ngepi edi haroghera kuraperera nombadi hakuyongarithe matjokedhero, ²ghughamba eshi, ''Mumbara dhimweya mwakarire mupanguri oyu gha pirire kuyapa Nyambi no mbadi gha kutekerire hanu.³Mwakarire mudidhi mumbara dhi, aye ngeyanga kukwendi kehe pano, ghughamba, 'Ni ghamwene niwane mashutukero kwawaka nore dhange.' ⁴Munako dhodhire mbadi gha himine kumughamwena, ene paruvedhe rumwe gha kutongwere thinda eshi, 'Ngambi kenge eshi mbadi nayapa Nyambi endi kukutera hanu, ⁵ene yoyishi oyu mudidhi ne kuna kuni tjukumitha, nanyi ni mughamwene ghawane mashutukero, podigho eshi mbadi ghani ghayithe kehe pano noyinu yofotji.'''⁶Pogha ghambire Fumu eshi, ''Mutegherere eyi ghana kughamba mupanguri gho kupira thinga. ⁷Kenge Nyambi naye mbadi mbo gha kareta mashutukero kwawa ghatorora awa hamudirera ghuthiku no mutenya ndi? Nanyi mbo gha dhiyame kuwahuthera ndi? ⁸Kuna kumu tongwera eshi ghana kuwapa mashutukero pawangu-wangu. Kenge, apa gha kwiya Mwana Munu, nanyi gha kuna wane shime matawero pamuve ndi?''⁹Pogha ghambire ditadhi dino kwawamwe awa ha tawire hathinda eshi awo ne hakushuki no ha nyathire hanu hamwe, ¹⁰'''Ha tutughuru hawadi hayendire mutembeli haka raperere-ghumwe muFarasayi no ghumwe ne muka kukongawedha mutero.¹¹MuFarasayi ghemanine no kuraperera yino yinu kuhatera kwathinda, ''Nyambi, na kutumera eshi amene mbadi yira hanu hamwe-hakawidhi, hakakupira ghukushuki, hakarungu-endi yira kenge yuno muka kukongawedha mutero. ¹²Ame kudhirerekedha ruwadi muthivike. Ame kutapa thofotji kudikumi kukehe yi nawananga.'¹³Ene muka kukongawedha mutero, ghemanine kokure, mbadi gha konine karo kuyeyura meho ghendi kudiwiru, ene ghakwatire pamuyidi wendi, ghughamba eshi. 'Nyambi, nifere neke me nothiharuri.' ¹⁴Kuna kumutongwera, katughuru yu gha hukire kudighumbo dyendi nomashutukero kupitakana muyendhendi, yiyishi kehe yuno gho kukuyeyura thinda mbo hana mumbirupitha, ene kwakehe yu gho kukumbirupitha thinda mbo hana muyeyura.''¹⁵Hanu hamureterangire karo hanawo podigho eshi ghawa kwate, ene apa ha yimonine haka thishongero wendi, hawa shwenekire. ¹⁶Ene Jesusi ghethire hanuke wa kukwendi, ghughamba eshi, ''Mutawedhere hanuke hohambiru heye kukwange, nomwawa shweneka. GhuFumu waNyambi kwagho haghutoyedhera. ¹⁷Ghushemwa na kumu tongwera, kehe yu gha kupira kuwana ghuFumu waNyambi yira mwanuke mbadi gha kughungena.''¹⁸Muraghuri ghumwe ghamwipurire eshi, ''Muhongi ghomuwa, Yinu munye shoni kone kutenda na shore yipara yororuheya?'' ¹⁹Jesusi ghamu huthire eshi, ''Pashanye ghuna kunithera eshi no muwa? Mbadiko ghomuwa, shimengwa Nyambi thinda. ²⁰Mwadimuka miragho-wahondera, wapagha, wedha, waghamba ghumbango, kutekere wiho nanyoko.'' ²¹Muraghuri ghaghambire, ''Yoyihe yi yinu na yi kuthanga kutunda kuwanuke wange.''²²Apa gha yiyuvire Jesusi, gha mutongwerire eshi, ''Thinu thofotji ethi thina kupumbwa. Wakona kughuritha yoyihe eyi wakara nayo no kuyitapera kwawahepwe, no mbo ghuna ka wana maghuwa mudiwiru-no wiye noni kuthe.'' ²³Ene apa gha yiyuvire muraghuri yi, gha kashire thikuma, yoyishi aye gha karire mutungi thikuma.²⁴Munyima Jesusi, kumumona edi ghana kasha ghaghambire eshi, ''Ghukukutu kwawa tungi kungena mughuFumu waNyambi! ²⁵Ayo ne ghuredhu kwangameno kungena mudiho dyothonga, kupitakana mutungi gha ka ngene mughFumu waNyambi.''²⁶Awa hayiyuvire haghambire, ''Yidye keho ghokupwa kughamwena?'' ²⁷Jesusi ghawahuthire eshi, ''Yinu eyi yakara ghukukutu kwamunu ghuredhu kwaNyambi.''²⁸Peturusi ghaghambire eshi, ''Thiwana, atwe twa thigha yinu yetu yoyihe no tuna kukukutha.'' ²⁹Pogha ghambire Jesusi kukwagho, ''Ghushemwa na kumutongwera mbadiko oyu ghana thighi ndhugho, endi munuwendi, endi hakurwendi endi haminendi, endi hakuruwendi, endi hanendi pamurandu ghoghuFumu waNyambi, ³⁰oyu gha kupira kwana yinu yoyingi muno mukaye, nomukaye aka kakwiya, moyo ghororuheya.''³¹Apa ghamanine kukongawedha hadikumi nohawadi kukwendi, ghaghambire kukwagho, ''Mukenge, atwe kuna kuyenda kuJerusalema, no yoyihe eyi hatjanga haporofeta kuhatera kwaMwana Munu yina kakuyaritha. ³²Aye mbo hana kamutapa kwawa hayidena, nombohana musherera, nokumufitha honyi, no kumuthipera. ³³Apa ha kumana kumumwashura, nanyi ha kumupaghe, ene mudiyuwa dyoghuhatu ne mbaghana kavumbuka karo.''³⁴Mbadiko ethi hatjwathanine poyi yinu, no dhi edhi nando hadhihoreka kukwagho, nombadi ha tjwathanine yinu eyi gha ghambire.³⁵Yahokokire eshi, oku Jesusi pakukokera muJericho, katughuru ghumwe ghomukunga gha hungumanine kumbadi dhondhira ghukumbera, ³⁶no ghuyuva dikuta dyohanu dina kupita, ghepurire eshi nye yina kuhokoka. ³⁷Ha mu tongweghere eshi Jesusi mukaNazareth ghana kupita.³⁸Mukunga yu podigho keho gha kuyere eshi, ''Yesusi, mwana David, nifere neke.'' ³⁹Awa ha karire kughutho dhodikuta di hashingire mukunga yu, ghumutongwera eshi gha porere. Ene ye ko kukuyera kwendi karo thikuma eshi, ''Mwana David, ni fere neke.''⁴⁰Jesusi ko kwimana kwendi nokurawera eshi ha mu retere mukunga yu. Pakukokera popepi mukunga, Yesusi gha mwipure eshi, ⁴¹''Nye wa kushana ni kutendere?'' Ko kughamba eshi, ''Fumu, na shana kumona,''⁴²Jesusi ko kughamba eshi, '' Wane merukithero ghoye. Matawero ghoye ghana kwirura.'' ⁴³Wangu-wangu mukunga gha monine no gha kuthire Yesusi, ghukugha Nyambi. Hanu wahe ha shoyerere Nyambi pakumona thihokoka thi.

19¹Jesusi ghengene no gha pitire muJericho. ²Mwa karire katughuru ghodina Zacchaeus. Gha karire mukuru wawaketethi no gha karire mutungi.³Gha kondjire kumona eshi dye napo Jesusi, ene mbadi gha konine kumona mudifwa, yoyishi mufupi. ⁴Podiyo keho gha dhondokire kughutho no ka dhina kuthitondoto gha ka mu mone, yoyishi dho ndhira gha tambire Jesusi.⁵Apa gha ka kumine po Jesusi, gha kengire kuwiru no gha ghambire eshi, Zacchaeus, shuruke popano, yoyishi dyarero na kona ka kara mudighumbo dyoye. ⁶Ko kushuruka kwendi wangu-wangu noghamutamburire ghushamberera. ⁷Apa ha yi monine yi, wahe ko kunyeghenya kwawo, ghughamba eshi, ''Jesusi ghana piti mudighumbo dyothiharuri gha ka dhingure.''⁸Zacchaeus kokwimana no kughamba kwaJesusi eshi, ''Mone, Jeususi, dihenda dyo yiwana yange yoyihe nina kutapa kwawahepwe, no ngeshi nedha ko keheyu thinu, mbona ruwera rune mukuhutha kehe yi na shimba ko kehe munu.'' ⁹Jesusi gha ghambire eshi, ''Dyarero makomwenone gha neya mudighumbo dino, yoyishi nowe ghomwana Abraham.'' ¹⁰Yoyishi Mwana Munu gheya mukunashana nokuna komonona hanu wa hayongara.''¹¹Oku awo pakuyuva yoyihe yi, gha twarire kughutho no kuwatongwera ditadhi, yoyishi gha karire pepi naJerusalem, no ha ghayarire wo eshi ghufumu waNyambi ne tamba ghumoneke wangu-wangu. ¹²Podigho keho gha ghambire eshi, '' Pakarire katughuru ghokuhungama yu gha yendire muruyende rokuditunga dyokayenda ghana kushanene thinda ghufumu munyima kadya muthighu.¹³Ko kwitha kwndi hapika wendi no kuwapa didhimawe nokuwarawera eshi, 'Muyendithe ngeshefa kare pa na ka hukera.' ¹⁴''Ene hakaditunga dyendi hamunyengire no ha mu tumene hakareripo wawo, ghughamba eshi, 'Mbadi sho gha tu raghure yu katughuru.' ¹⁵Yahokokire eshi ghana ka huka karo, noghufumu, no gha rawere hapika wa gha pire didhimawe heye kukwendi, podiyo eshi gha dimuke yiwana mo yomungeshefa.¹⁶Mupika ghokutanga ko kwiya kwendi, ghughamba eshi, 'Jesusi, didhimawe dyenu ne nga ni diwedherera mumuyendero ghodikumi.' ¹⁷''Katughuru ghomuhungami yu gha ghambire kukwendi eshi, 'Ghuhunga, mupika ghomuwa. yoyishi ghuna kara ghutawedhi muyoyipu, mbo ghuna kara keho nongcamu dhokuraghura mumambara dikumi.'¹⁸Mupika ghoghuwadi ko kwiya, ghughamba eshi, 'Didhimawe dyenu ne, dina kwerukura muyikokwo.' ¹⁹''Katughuru ghokuhungama yu gha mu huthere eshi, 'Owene raghure mambara makokwo.'²⁰Mupika ghumwe ko kwiya ghughamba eshi, 'Jesusi, didhimawe dyenu ne dino, na di horekire pakakehe, ²¹na kuyapire, yoyishi owene kughamba thikuma, wa kara yira ghomunu ghokukesha mu wa pira kukuna.²²''Muraghuri shokuru gha mutongwerire eshi, 'Mumanando ghoye ghothinda nanyi ni kupangure, owe gho murughani gho mukarakathi. Wadimukire eshi amene nomunu gho kushana yinu yihokoke dyodi nashana, ame ghokushimba eyi napiri kuturamo, ame gho kuyangura eyi napira kukuna. ²³Munyima eyi wapirire kutura manyinga ghange mumbanga, podigho eshi ngo mukwiya kwange na kuna wane ko ghana kuwedherera?'²⁴Katughuru yu gha ghambire kwawa hemanine popepi, 'Mushimbe yo sherenyi ghadi nendi, no mumutape koyu ghadi no masherenyi dikumi.' ²⁵Hamuhuthire eshi, 'Fumu, ghadi no masherenyi dikumi.'²⁶'''Kuna kumu tongwera eshi, kehe yu gha kara nayo nanyi hakumupe yoyingi, ene koyu ghapira kukara nayo, noyi gha kara nayo nanyi mbo ha yi mukungure. ²⁷Ene wa ha ka nore dhange, awa hadhirire kushana eshi niwa piterithe, muwa rete kuno no muwa paghe kughutho wange.'''²⁸Apa gha manine kughaghamba yinu yi, gha twikere kuyenda kuJerusalema.²⁹Yakarire kemo eshi apa gha kokere muBethipage naBetani, pandundu edhi ha toya eshi Oliveti, gha tumine haka thishongero wendi hawadi, ³⁰ghughamba eshi, ''Muyende mumukunda gho kurandako, nanyi muka wane dongighana oyu ha pira kudhina rumweya. Muka mushuture no muka murete kukwange. ³¹Ngeshi kehe yuno gha ka mwipure eshi, 'Pashanye muna kumushutwera?' muka huthe eshi, 'Fumu ghana kumushana.'''³²Awa gha tumine hayendire no haka muwanine dongighana thika edi gha yi wa tongwere Jesusi. ³³Mukumushutura kwawo, hathinda haghambire kukwagho eshi, ''Pashanye muna kumushutwera dongighana?'' ³⁴Hahuthire eshi, ''Fumu ghana kumushana.'' ³⁵Haka muretire kwaJesusi, haturire po yishupata yagho padongighana naJesusi ghadhinine po. ³⁶Apa gha yendire, ha yarire karo yitere yagho pamuve ghapiterepo.³⁷Apa gha kokerire padyango apa dyaghurumukera dirundu dyoOLiveri, mbunga dhidhihe dhawaka thishongero hatangire kushogherera no kushogherera Nyambi nomaywi gho kuyeyuka kuyinu yoyikuru eyi hamona, ³⁸ghughamba eshi, ''Ghapwa kutengeka ne fumu oyu gho kwiya mudina dyaFumu! Thiraro mudiwiru nodifumanekero dyo kuyeyuka!''³⁹HaFarasayi hamwe mumbunga haghambire kukwendi eshi, ''Muhongi, kutunune haka thishongero ghoye.'' ⁴⁰Jesusi ghawa huthire eshi, ''Kuna kumu tongwera, ngo hana porera ne, gho nanyi gha ni shogherere mawe.''⁴¹Pakukokera Jesusi mumbara, ghadhiferere neke, ⁴²ghughamba eshi, ''Ngo mwa dimuka eshi muno mudiyuwa, ngambi nga yamwe yinu eyi ya kumuretera thiraro! Ene pano ayo ha yihorka kumeho ghenu.⁴³Mayuwa ne mbo ghana neya apa ha ka nore dhenu ha kumutendera dikuma kumbadi dhenu no kumudhingumutwedha no kumuthunda kumitara dhodhihe. ⁴⁴Nanyi mbo hana muwithera pathirambo, pofotji nohanenu. Mbadi mbo ha thiya kehe diwe pawiru dhamuyendhadyo yoyishi mbadi mwa yi nongononine apa gha kondjire Nyambi kumughamwena.''⁴⁵Jesusi ghenengenine mutembeli no gha tangire kuhanyaghura awa ha ghurithire, ⁴⁶ghuwa tongwera eshi, ''Yapwa kutjanga, 'Ndhugho dhange ne dhugho dho mandapero,' ene muna dhi tendi dho kwidhera yinu.''⁴⁷Podigho Jesusi nga honganga kehe nadiyuwa mutembeli. Mukuru wawaruti nohaka marukwaro nohapietrithi wahanu hashanine kumupagha, ⁴⁸ene mbadi ha wanine kambenene yoyishi hanu wahe hamu tegherere kukwendi ghudheghetera.

20¹Mudiyuwa dimweya apa gha ha hongire Jesusi hanu mutembeli ghuyaghughura mbudhi dhodhiwa poha mwiyere harutishokuru nohaha marukwaro nahakuru hongirishe. ²Haghambire kukwendi eshi, ''Tutongwere eshi pamangcamu ghadye wakuyitenda yinu yi, endi yidye gha kupa dhino ngcamu.''³Gha wa huthire ghughamba eshi, ''Name karo nanyi ni mwipure dipwero, no munitongwere. ⁴Diyoghero dyaJohannesi: Mudiwiru dyashwaghere endi kwamunu?''⁵Hakuyuvire pofotji, ghughamba eshi, ''Ngeshi tughaghambe eshi, 'Kutunda mudiwiru,' nanyi ghaghambe eshi, 'Ghenye keho mwadhirire kumutawa?' ⁶Ene ngeshi tughambe eshi, 'Kwawanu,' Hanu wahe nanyi ha tupaghe nomawe, awo ha tawire eshi Johannesi ne muporofeta.''⁷Poha huthire eshi mbadi ha dimukire eshi kupi dhashwaghere. ⁸Jesusi ghawa tongwerire eshi, ''Name shi mbadi sho ni mutongwere eshi pamangcamu ghadye nakuyitenda ndi.''⁹Gha tongwerire hanu ditadhi di, ''Katughuru gha kunine dipya dyomandjembere, nga dihirithanga kwawaka kutenda vinyu, no ghayendire kuditunga dimweya oku gha ka dhighamine. ¹⁰Muruvedhe rokurogherera gha tumine murughani kwawa kutenda vinyu, eshi ha kumupeko mbuyo dho mudipya. Ene hatendi ho vinyu haka mupumine no kumuhutha nyara-nyara.¹¹Gha tumine karo mrughani ghumwe ene naye karo haka mupumine, no kumufitha honyi kokumuhutha nyara-nyara. ¹²Shime karo ghana tumine murughani ghoghuhatu ene haka muremekire karo, no kumutjidha mo.¹³Mukuru ghodipya gha kwipurire eshi, 'Yinu munye sho ni kone kutenda? Nanyi tume mwanange ghodirura. pamwe nanyi haka mukutekere.' ¹⁴''Ene apa ha ka mumonine haka kutenda vinyu, ha kuyongire mukatji kawo, ghughamba eshi, 'Oyu ne yo gha kupinga. Tumu paghe, podigho eshi ghupingwa ne wakukare wetu.'¹⁵Hamu shwayithire mudipya noha mupayire. Yinu munye keho gha kuwatenda thinda shadipya? ¹⁶Nanyi gha kwiye no kuna hanyaghura haka kutenda vinyu wa, no kutapa dipya kwawamweya.'' Apa ha yiyuvire, haghambire eshi, ''Ngo mbadi ya kuhokoke!''¹⁷Ene Jesusi ghawa kengire no kughamba eshi, ''Yinu munye yatamba eyi hatjanga: 'Diya diwe hashwenine haka kutenda didi keho diwe dyomudyo thikuma'? ¹⁸Kehe yu gho kuwera padiwe di mbo ghana pu kuharanganya muyipindhi, no poyu dyakuwera ne mbo ghana fu.¹⁹Podigho hakamarukwaro naha kuru wawaruti hashanine kumukwata dhodho viri, awo hadimukire eshi aye kuna tambithera ditadhi di kwawo. Ene hayapire hanu. ²⁰Kumunoghomena noghundondoro, ha tumine hanu ha thughu awa ha kuningithire eshi hakushuki, eshi haku wane ghumbondo mumanando ghendi, podigho eshi ha kumutape kumuragho no kumangcamu gha nguvuru.²¹Hamwipurire eshi, ''Muhongi, twa dimuka eshi owene kughamba no kuhonga ghushemwa, no mbadi wa kukohongaghura kehe yuno munu, ene wene kuhonga ghushemwa ghondhira dhaNyambi. ²²Yahunguma pamuragho eshi atwene turuwere mutero kwaMuketithi shokuru, endi mbadi yahungama?''²³Ene Jesusi gha tjwathanine yighayara yowo, no ghawahuthire eshi, ²⁴''Muni neghedhe dipeni. Thiperende thadye nodina dyadye didipo?;; Hahuthire eshi, ''Dyamuketithi shokuru.''²⁵Ghawahuthire eshi, ''Mutape kwaMuketithi shokuru yinu yendi, no mutape kwaNyambi yinu yaNyambi.'' ²⁶Mbadi ha konine kuwana ghumbondo moyi ghaghambire kumeho ghawanu, ene mukutetuka kudihuthero dyendi, haporerire.²⁷Apa hamwiyere haSadusayi hamwe, awa haghamba eshi mbadiko muvumbukero, ²⁸hamwipurire eshi, ''Muhongi, Mosesi ne gha tu tjangera eshi ngeshi mukuruye gho mukafumu ghana fu, oyu ghakara nambuyama nombadiko mwana, minendi gha kona kushimba muna mukurwendi no kuturapo mwana mudina dyamukurwendi.²⁹Hakarire hakaghukurwa kwoko nohawadi no gho kutanga ghayekire, ³⁰no ghafire kupira mwana, no ghoghuwadi naye kemo. ³¹Ghoghuhatu ghamushimbire mbuyama, thikadyo ghoghukwoko no ghuwadi kadi ghathighire hana, no ghafire. ³²Apa ghafire naye mbuyama. ³³Mumu vumbukero, muna dye ghakukara? Awa kwokonohawadi hakarire nendi eshi didhiko dyagho.''³⁴Jesusi ghaghambire kukwagho, ''Hana hokano kaye kuyeka no kuwatapa muyiyeka. ³⁵Ene awa hashimba eshi mudyo modho taka kuwana muvumbukero kutunda mwawafu ngambi ghayeka endi kwamutapire kukuyeka. ³⁶Kadi wakufa karo, awo pofotji nawa engeki no hana Nyambi, kukara hana ho muvumbukero.³⁷Eshi hafu ne ghanawavumbura, ngambi Moses ghaneyire,mudyango kuhatera mumuthitu, oku ghetha eshi Fumu waNyambi waAbraham no Nyambi waIsaac no Nyambi waJacob. ³⁸Pano ne kadi yodiye Nyambi wawafu, ene wawayumi,yoyishi wahe hayumi kukwendi.''³⁹Hamwe hakamarukwaro hahuthire, ''Muhongi, ghuna hutha thiwana.'' ⁴⁰Awo kadi hakoninekwipura ye kehe ghano mepwero.⁴¹Jesusi ghaghambire kukwagho, ''Ngepi di shohaghambe eshi Kristusi ne mwanaDavid? ⁴²Aye David thinda kunakughamba mumbapira dhaPsalm, Fumu ghaghambire kwaFumu wange,'Hungumane kudyoko dyange dyorudyo, ⁴³kate nakutende hanyathi ghoyeghuna wadjata.' ⁴⁴David podiyo kwitha Kristusi 'Fumu,' podiyo ngepi di shoghakare eshi mwana David?''⁴⁵Mumatheko ghawanuwaheya haghambire kwawakathishongero wendi, ⁴⁶''Mutakamithe kwawakamarukwaro, awa hahaka kuyenda mumughodhi ghoghure no hahaka kumorora noghufughuri mumango gho kughurithera no mahungumano ghawa fumu mumasynagogue nomumango ghawa funu. ⁴⁷Awo ne kudya mandhugho ghowa hafitha, no pamaneghedhero ao kuraperera rure. Hanu hokenge nanyi hakuwane mamwashwero gho makuru.''

21¹Jesusi ghakengire kuwiru no kumonahanu hohatungi awa haturire yitapera yawo mothokutura. ²Ghamonine mbuyama yu ghafitha mukafumu wendi ghomuhepwe ghatapire tuwaditumbumburu. ³Podiyo ghaghambire, ''Ghushemwa nakumutongwera mwe, oyu mbuyama gho muhepwe ghana tura kupitakana waheya. ⁴Wahe wa kuna tapa kutunderera kughutungiwagho. Ene yu mbuyama, kutunda mughuhepwe wendi, ghanatura yoyihe yighakarire nayo kutunga pano.''⁵Shika hamwe haghambire kutembeli, ngepi di hadhiyengire no mawe ghomawa no kutapa, gha ghambire, ⁶''Poyi yinu yi muna kumona, mayuwa nanyi ghakwiye okudiwe dyofotji nanyi ghakuthithiye kwaghumwe edi ghakudhira kudjovora pamuve.''⁷Podiyo hamwipure ye, ghughamba, ''Muhongi, nako munye yahokokire yinu yi? Thineghedhitho munye thakukara apa yakuhokoka yinu yi?'' ⁸Jesusi ghawahuthire, ''Mutakamithe eshi kadi hamuhongaghure. Hengi hakwiya mudina dyange, ghughamba, ame yodiye, 'Ruvedhe ne pepi ghudi.' Mwakuwa kutha hanu wo. ⁹Apa mwakuyuva yita no marwanamvo, no kadimwakuyape, eyi yinu yakona kuhokoka pakutanga, ene ghuhura kadiwakuhokoka popo.''¹⁰Podiyo ghaghambire kukwagho, ''Matunga nanyi ghaku kwimanganyene no matunga ghamwe, no ghufumu no ghufumu. ¹¹Nanyi kwakukare kututuma muvekokukuru, nomumango ghakukara no mburundu. Nanyi yakukare yihokoka yo kuyapitha no yineghedhitha kutunda mudiwiru.¹²Ene kughutho ghoyi yinu, nanyighakuture manyara papenu mukuna mutheka mwe, mukumushutura mumasynagogue no madorongo, mukumureta kughutho wamafumu no nunguru yoyishi pamurandu gho dina dyange. ¹³Nanyi yakukutware kumaghuwa gho matongwenena.¹⁴Podiyo mukoshonone mumitjima dhenu kadi mukukuroyithera mukukukandana kughutho gho ruvedhe, ¹⁵nanyi nakumupe manando no ghudimuki no kadi wakukona kushwena endi kukudhina.¹⁶Ene nanyi ghakumushuture nawa kuru, hakurwenu, hapenu, no hayendhenu, no nayi hakuture mwamweya mukufa. ¹⁷Nanyi hakumunyenge kehewanopamurandu gho dina dyange. ¹⁸Ene kadiko kahuki kokumutwi wenu kakuyongara. ¹⁹Mumakutureromo ghenu nanyi mwakuwane mudhimu wenu.²⁰''Apa mwakumona Jerusalema ghana mudhingumwetedha hakayita, mwakona kudimuka eshi mahanyawero ne pepi ghadi. ²¹Mwakona kutawedhera awa hadi muJudeya mukutjirera mumarundu, muninge awa hadi mumadoropa hatundemo, nowa hadi panunda dhoditunga kadi hangene mudoropa dhi. ²²Agha ne gho mayuwa ghorunyando, podiyo eshi yoyihe eyi hatjanga yikumenemo.²³Ghupata kowa hadimudira no kowa hana kuyamweka mogho mayuwa! Awo nanyi hakukare noyikudhekera pakaye, no ghupata kowa hanu. ²⁴Nanyi hakuwere kughuhura gho thimende, no nanyi ghakuwapiterithe munwato mumatunga gho mahe, na Jerusalema nanyi ghakututume kwawa Gentile kate ruvedhe rwaGenitel hakurukumithemo.²⁵''Nanyikwakukare yineghedhitha kudiyuwa, mukaghonda, no kumatungwedh, no pakaye. Matunga nanyi ghakukare muyikudhekera, ghupata pamurandu gho kupuka ko dikuruviya no mangumbi. ²⁶Nanyi hakukare hanu hana kupwerera kutunda kuwoma no kuyitaterera kuyinu yi yina kwiya mukaye. Mangcamu gho diwiru ne nanyi ghakughanyunge.²⁷Podiyo nanyi hakumone Mwana Munu ghana kwiya mumavuyi no ngcamu no ghukuru gho ngcamu. ²⁸Ene apa yi yinu yakutanga kuhokoka, mwakwimane no kuyeyuraa dhimutwi dhenu, yoyishi mashutwero ghenu ne kuna kwiya pepi.''²⁹Jesusi ghawatongwere dithaghano, ''Mukenge kuthitondo thoghukuyu, no yitondo yoyihe. ³⁰Apa yina yunukanga mayura, kuyimona mwathinda no kudimuka eshi ditenya ne pepi didi. ³¹Napo karo, apa mwakumona yi yinu yina kuhokoka, mwakona kudimuka eshi ghufumu waNyambi ne pepi ghudi.³²Ghushemwa nakumutongwera mwe, ghuno muhoko kadi wakufa kate yoyihe yi yinu yakuhokoke. ³³Diwiru no kaye nanyi yakupwe, ene manando ghange kadi ghakufa ngambi ngepi.³⁴"Ane mwakona kukutegherera mwathinda, podiyo mitjima dhenu kadi dhina remupa pamurandu gho kuna kupitakana endi yikudhekera yo yipara, no diyuwa dyo kadi dyakuyandhera mwe popo yira thiraha. ³⁵Adyo nanyi dyakwiye kwakeheyuno ghana kupara kurupara rokaye kokahe.³⁶Ene mwakona kukara muna taterera kehe ruvedhe, kuraperera podiyo mwakukare munatanara mukuhenduka yinu yoyihe yi yakuhokoka, no kwimana kughutho waMwana Munu.''³⁷Podiyo mogho mayuwa ghahongire mutembeli, no paghuthiku ghayendire panunda no ghakakrire kudirundu dya Olive. ³⁸Wahe hanu heyire mathikuthiku mukuna muyuva mutembeli.

22¹Podiyo Mukandi gho Mayondawero Ghuroto wakokere, oghu hana kwitha eshi Pasika. ²Mukuru waprisiteri nawa kamarukwaro hakuvurekire ngepi edi hakutura Jesusi mukufa, awohayapire hanu.³Podiyo Shatani ghengenine mwaJudas Iscariot, oyughakarire ghofotji ghopowa dikumi nohawadi. ⁴Judas ghayendire kwa mukuru waprisiteri no hakuru no kakuvureka nagho ngepi edi hakuheta Jesusi kukwagho.⁵Hahafire no hatawire kutapa masherenyi. ⁶Ghashanine no kukenga kambenene mukamutapa ye kukwagho kutunda mumbunga.⁷Dyeyire diyuwa dyo ghuroto, diyuwa dyoPasika ndjwi muyambo. ⁸Podiyo Jesusi ghatumine Peter na Johannes, ghughamba, ''Yende no karoyithe Pasika murarero, podiyo tu kadye.'' ⁹Haghambire kukwendi, ''Kupi ku ghuna shana shotukaroyithere?''¹⁰Ghawahuthire, ''Kenge, apa muna ngeni mudoropa, katughuru ghana kwaterera dikandina dyo meyu nanyi mumuwane mwe. Mukamukuthe kate kudighumbo kushakangene. ¹¹No mukaghambe kwathinda shadighumbo, 'Muhongi ghana ghamba kukoye, ''Kupi ngonda dhawagenda, oku sho nidyere Pasika nawaka thishongero?'''¹²Nanyi gha kumuneghedhe ghukuru gho ngonda dhi haroyitha. Mukatende maroyithero kokuya.'' ¹³Podiyo hayendire, no hakawanine yoyihe thika di ghayighambire kukwagho. Podiyo hakaroyithire yo murarero ghoPasika.¹⁴Apa rweyire ruvedhe,ghahungumane nawa apositoli. ¹⁵Podiyo ghaghambire kukwagho, ''Ame nahimi kukuma kudya yino Pasika nenu kughutho gho kunyanda. ¹⁶Ame nakughamba kukwenu, Ame kadi nakudya karo kate kuyikumithamo mughufumu waNyambi.''¹⁷Podiyo Jesusi ghashimbire kopi, no apa ghatapire ndangi, ghaghambire, ''Mushimbe thi, no mukutapere mukatji kenu mwathinda. ¹⁸Ame nakughamba kukwenu, Ame kadi nakunwa kumbuyo dho vinyu kate ghufumu waNyambi wakwiye.'''¹⁹Podiyo hashimbire ghuroto, no paghamanine kutapa ndangi, ghaghuyondore, no ghaghutapire kukwagho, ghghamba, ''Eyi ne yirama yange, eyi nakutapa kukwenu. Mutendange yi mumavurukero ghange me.'' ²⁰Ghashimbire kopi mundhira dhofotji pakupwa murarero, ghughamba, ''Oyu kopi ne thothineghedhitho thothipya mumanyinga ghange, agha ghakunotoka mumwenu.²¹Ene mukare muna tegherera. Oyughakuniheta me ne nendi nidi kutishi. ²²MwaMwana Munu nanyi ghakuyende thikadighayihima. Ene ghupata koya katughuru kupitera moyu ghamuheta!'' ²³Hatangire kukuvureka mukatji kagho eshi dye mukatji kagho oyu ghakutenda yinu yi.²⁴Podiyo patamekire dikanyi mukatji kawo eshingo dye oyu sho ghakare mukuru. ²⁵Ghaghambire kukwagho, ''Hafumu wawaGentile ne hakuru papawo, noyu ghakara no muragho pakatji kagho ne awa harughananga ghuwa ko hanu wawo.²⁶Ene kadi yakukare kenge nenu. Ene, muninge oyu ghomukuru mukatji kenu ghakare yodiye mwanuke,no muninge oyu gho mudyo ghakare oyu ghana tapanga. ²⁷Oyu gho mukuru, oyu gho kuhungumana kutishi, endiyu gho kurughanena? Endi kadi yu ghana hungumana kutishi? Ene amene mukatji kenu nidi mwe muna kurughanena.²⁸Ene yamwe mwakutwikera nange mumayereko ghange. ²⁹Nakumupa ghufumu, ngambi kenge Tate ghatapire ghufumu kukwange, ³⁰eshi amwe mwakudye no kunwa kutishi wange mughufumu wange, nonanyi mwakuhungumane kuthipura ghutheka marughi dikumi no mawadi ghawa Israel.³¹''Simon, Simon, takamithe, Shatani ghana shana ghakushimbe we, ghana shana ghakutjipe yira mavumbukiro. ³²Ene nakuraperera we, eshi matawero ghoyekadi ghawe. Kunyima apa wahukire munyima karo, tanarithe hakuroye.''³³Peter ghaghambire kukwendi, ''Ame nakuroyithera mukuyenda noye kokuhe mudorongo no mukufa.'' ³⁴Jesusi ghamuhuthire, ''nakukutongwera, Peter, ngondovoro kadi shoghadire dyarero, kughutho ghuna nikanana ruhatu eshi wanidimuka.''³⁵Podiyo Jesusi ghaghambirekukwagho, ''Apa namutumanga panunda mwapira ndjato, ndjato dho maghamweno, endi makuha, mwanyandire keheyino?'' Hahuthire, ''Kadiko.'' ³⁶Podiyo ghaghambire kukwagho, ''Ene pano, oyu ghadi no ndjato, ninge ghakashimbe, no ndjato dho maghamweno. Keheyuno ghanapiri thimende ghakona kughuritha viri dhendi no kaghura thofotji.³⁷Ame nakughamba kukwenu, eyi hatjanga kuhatera me yakona kukuma mo, 'Hamutarire nowa hokupira muragho.' Eyi hathinganyekere kuhatera me ne kuna kuyikumithamo.'' ³⁸Podiyo haghambire, ''Fumu, kenge! Yino ne yimende yiwadi.'' Ghaghambire kukwagho, ''yina rikanya.''³⁹Jesusi ghayendire, thikadi ngayitendanga, kudirundu dyaOlive, no hakathishongero hamukuthire. ⁴⁰Apahakakumine, ghaghambire kukwagho, ''Muraperere eshi kadi mwakungene mumayerekero.''⁴¹Ghawatundire ghure ghokuvukuma diwe, no ghatongamene no kuraperera, ⁴²ghughamba, ''Tate, ngeshighuna himi, tundutheko kopi yu kukwange. Ngambi kenge eshi kadi mahimeno ghange, ene ghoye ghatende.''⁴³Podiyo mu engeli kutundera mudiwiru ghamonekire kukwendi, ghumutanaritha ye. ⁴⁴Kukara mukunyanda, gharapere thikuma, no diyuywa dyendi dyakarire yira kundoka ko manyinga ghana kuwa pamuve.⁴⁵Apa ghamanine kutunda mumandapero, gheyire kwawakathishongero no kuna wawana shime hararera pamurandu ghokukasha ⁴⁶no ghawepure, ''Nye muna kurarera? Mupinduke no kuraperera, eshi kadimungene mumayerekero.''⁴⁷Oku shime kuna kughamba, kenge, mbunga dhamonekire, naJudas, ghofotji ghopowa dikumi nohawadi, kuna kuwapiteritha. Gheyire pepi na Jesusi no kuna muncumita, ⁴⁸ene Jesusi ghaghambire kukwendi, ''Judas kuna kunyandeka Mwana Munu no kumuncumita?''⁴⁹Apa wa hakarirepo hamonine Jesusi eyi yahokokire, haghambire, ''Fumu, tuwamwashure no makatana ndi?'' ⁵⁰Podiyo ghofotji ghopapawo gha mwashure mupika wamupristeri shokuru, no kumuteta ditwi dyendi dyorudyo. ⁵¹Jesusi ghaghambire, ''Oyo ne yina rikanya!'' Ghakwatire ditwi dyendi, no ghamwirure.⁵²Jesusi ghaghambire kwamupristeri shokuru, kwawakuru ho tembeli, nokwawakuru awa hakarire hana mwimanganyena, ''Amwe kwiya no kwimanganyena yira mwidhi, no maghonga no yingandekitha? ⁵³Apa nakarire nenu mayuwa gho mahemutembeli, kadi mwaturire manyara ghenu papange. Ene dhino ne dhhoviri dhenu, no mangcamu gho dikokore.''⁵⁴Ghumwimeka ye, hamutwarire no kumureta kudighumbo dyamupristeri shokuru. Ene Peter ghamukuthire kokayenda. ⁵⁵Apa hamanine kukonera mudiro mukatji komukunda no hahungumanine, Peter ghahungumanine mukatji kagho.⁵⁶Ghumwe mbuyama gho mupika ghamumonine oku ghana hungumana muthishe tho mudiro no ghakengire ghumughororoka no kughamba, ''Oyu katughuru naye nendi ghana kara.'' ⁵⁷Ene Peter ghakanane yi, ghughamba, ''Mbuyama, kadi namudimuka yo me.'' ⁵⁸Kapupi kamanana ghumweya naye ghamumonine, no ghaghambire, ''Nowe ghofotji gho papagho.'' Ene Peter ghaghambire, ''Katughuru, kadi name.''⁵⁹Kunyima dho viri katughuru ghumwe ghathinenekire no ghaghambire, ''Ghushemwa oyu katughuru naye nendighana kara, aye ne muka Galileya.'' ⁶⁰Ene Peter ghaghambire, ''Katughuru, kadi nadimuka eyi ghuna kughamba.'' Popo, oku yene pakughamba, ngondovoro gheyire.⁶¹Ghuthetuka, Fumu ghakengire Peter, naPeter ghavurukire nando dhaFumu, apa ghaghambire kukwendii, ''Kughutho gho kwiya ngondovoro dyarero ghuna kunikanana paruhatu.'' ⁶²Peter ghayendire panunda no ghakadirire.⁶³Nakatughuru yu gha kungire Jesusi ghamuhekire no kumupumura. ⁶⁴Hamuturire tho kufika no kumwipura, ghughamba, ''Muporofeti! Dye yu ghana kupumura?'' ⁶⁵Haghambire yinu yoyingi kwimanganyena Jesusi, no kumushwahura.⁶⁶Popo vene padyakarire diyuwa, hakuru wahanu hakonganine pofotji, wahe na hakuru wapristeri nawakamarukwaro. Hamutwarire kumbara ⁶⁷no kughamba, '''Ngeshi yowe Kristusi, tutongwere.'' Ene ghaghambire kukwagho, ''Ngeshi ni mutongwere, kadi shomutawe, ⁶⁸no ngeshi ni mwipure, kadi shomunuhuthe.⁶⁹Ene kutunda pano, Mwana Munu nanyi ghakuungumane kurudyo rodyoko dyo ngcamu dhaNyambi.'' ⁷⁰Wahe haghambire, ''podiyo owe gho Mwana Nyambi?'' Jesusi ghaghambire kukwagho, ''Amwe kuna kughamba eshi ame.'' ⁷¹Haghambire, ''Nye twanyandera mushupi? Atwe twathinda tuna yuvu mukanwa kendithinda.''

23¹Mbunga dhodhihe dhemanine no kureta Jesusi kughutho waPilatusi. ²Hatangire kumurundera, ghughamba, ''Tuna muwana yu katughuru ghana kuyipitha ditunga dyetu, kushweneka kutapa yitapa kwaMuketethi, no kughamba eshi aye yithinda ne Kristusi, fumu.''³Pilatusi ghamwipure, ghughamba, ''Yowe gho Fumu wawaJuda?'' Jesusi ghamuhuthire noghahambire, ''Dyo makughamba kengeyo.'' ⁴Pilatusi ghaghambire kwa mukuru wapristeri no hohengi, ''Kadi nawana murandu moyu katughuru.'' ⁵Ene hathinenekire, ghughamba, ''Aye kudhongera hanu, kuhonga muJudeya gho muhe, kutangerera kuGalileya kate kodino dyango.''⁶Podiyo apa ghayuvire Pilatusi yinu yi, ghepure ngeshi yu katughuru ne mukaGalileya. ⁷Apa ghayiwanine eshi ghakarire mungcamu dhaHerodesi, ghatumine Jesusi kwaHerodesi, aye yithinda ghakarire muJerusalema mogho mayuwa.⁸Apa Herodesi ghamonine Jesusi, hakutumere, yoyishi ghashanine mukumumona kare. Aye ghayuvire kuhatera ye o gha himine kumona yitetukitha yi ngatendanga ye. ⁹Herodesi ghepurire Jesusi no manando gho mengi, ene Jesusi kadiko yi ghamuhuthire. ¹⁰Mukuru wawaprisiteri ghemanine, mughupata no kumurundera.¹¹Herodesi nohakayita wendi hatukire Jesusi no hamuhekire. No hamuvatekire muyitere no kumutuma kwaPilatusi. ¹²Herodesi na Pilatusi hakarire hakaghuyendha kutunda diya diyuwa, kunyima hakarire hakaghukore.¹³Pilatusi podiyoghethire pofotji hakuru waprisiteri no hapiterithi no mbunga dhawanu ¹⁴no kughamba kukwagho, ''Muna ni retera yu katughuru oyu ghakupiteritha mbunga dhikare mughumango, no mukenge, ame, apa namwipura kughutho wenu, kadi nawana ghuyi moyu katughuru kuhatera yinu yi muna kumurundera ye.¹⁵Ka, endi naye Herodesi, podiyo ghana kamutumena kukwetu, no mukenge, kadiko eyi yapita yifa eyi gha rughana yu katughuru. ¹⁶Nanyi ni mu humbithe no kumuthiya.'' ¹⁷Pano Pilatusi ghashanine kuwashwaghithera ha Juda mukadorongo ghofotji pamukandi.¹⁸Ene wahe hadirire pofotji, ghughamba, ''Ghatushwaghe yu katughuru, no yushwayithere Barabbasi!'' ¹⁹Barabbasi ghakarire katughuru oyu haturire mudorongo pamurandu ghoharura yo mudoropa no ghupayi.²⁰Pilatusi ghawatongwere karo, nahaka kushwayitha Jesusi. ²¹Ene hakuyere, ghughamba, ''Mumupamarere, mumupamarere.'' ²²Ghayighambire karo paruhatu, ''Nye, nye yoyimango eyi ghatenda? Kadiko yi nawana eyi yoroghera kumupagha aye. Podiyo munyima dho kumuhumbitha nanyi ni mushwayithe.''²³Ene hathinenekire no maywi gho makuru, ghushana aye hamupamarere. Maywi ghawo ghangerekire Pilatusi. ²⁴Podiyo Pilatusi mukutenda yihima yawo. ²⁵Ghashwayithire oyu harombire oyu ghakarira mudorongo pakutenda ghumango no kupagha. Ene gha tapire Jesusi mumahimeno ghawo.²⁶Oku pakumutwara mundhira dhendi, hemekire Simoni waCyrene, kutunderera muditunga, nohaturire thikurushe thendi papendi ghathidhamune, ghukutha Jesusi.²⁷Mbunga dhodhikuru dhawanu, no dhawambuyama hakashire no hadirire ye, no hamukuthire ye. ²⁸Ene kuhuka kukwagho, Jesusi ghaghambire, ''Mwahana wa Jerusalema, mwadira me, ene mukudire mwathinda no haanenu.²⁹Mumone, mayuwa ne kuna kwiya omu mbohaghamba, 'Hatungeki na wa hadhira kureta no mara ghokudhira kureta, no mere agha ghadhira kuyamweka.' ³⁰No nanyi hakutange kughamba kumandundu, 'We papetu,' no kuyighuru, 'tufike twe.' ³¹Ngeshi kuyitenda yi oku thitondo ne shime thina mahako, nye yakuhokoka ngeshi tho thina kukuta?''³²Hamwe hanu, hamatjotji hawadi, ghawatwarire nendi mukawapagha.³³Apa hana kumine kudyango edi hana kwitha eshi ''Dikorongongi,'' okuya hawapamarere nendi nohamatjotji- ghofotji kurudyo rwendi no ghumweya kurumoho rwendi. ³⁴Jesusi ghaghambire, ''Tate, wathigherere, kadi hana dimuka eyi hana kutenda.'' Podiyo hamuvukumine, no kudjadjaghura yivata yendi.³⁵Hanu hemanine ghurorera hapiterithi okukuna kumuheka ye, ghughamba, ''Gha parithire hamwe. Mumuthiye ghakuparithe thinda, ngeshi yodiye Kristusi waNyambi, oyu ghatorora.''³⁶Hakayita nawohamupumure ye, ghumuwana, kumuwethera mungwa, ³⁷nokughamba, ''Ngeshi yowe Fumu wawaJuda, kuparithe ghothinda.'' ³⁸Thakarire karo thidimukitho papendi, ''Oyu ne yoFumu wawaJuda.''³⁹Ghofotji ghopowa matjotji oyu ghandhendhere ghamutukire ghughamba, ''Kadi yowe Kristusi? Kuparithe ghothinda natwe.'' ⁴⁰Ene humwe ghamushenekire, ghughamba, ''Kadi wayapa Nyambi, oku mwe mwahe muthighamba thofotji mudi? ⁴¹Atwe ne tudi pano kamanana, atwe kuna kuwana eyi yaturoghera kuyirughana yetu. Ene yu katughuru kadiko yi ghana tendi yoyimango.'''⁴²Podiyo ghaghambire, ''Jesusi,wakunivuruke apa wakwiya ghufumu ghoye.'' ⁴³Jesusi ghaghambire kukwendi, ''Ghushemwa nakukutongwera we, dyarero nanyi ghukare nage muparadisa.''⁴⁴Yakarire yira viri dhoghukwoko nodhofotji, no makokore gheyire pamuve ghoghuhe kate viri dhoghukwoko no ghune ⁴⁵apa thishe thodiyuwa thawire. Podiyo makehe gho tembeli ghadjadjukire paruwadi.⁴⁶Kudira no diywi dyodikuru, Jesusi ghaghambire, ''Tate, mumoko ghoye natapa mupepo wange.'' Apa ghayighambire yi, gha fire. ⁴⁷Apa hanu hamonine eyi hatendire, gha tumere Nyambi, ghughamba , ''Ghushemwa oyu ne katughuru ghomuhunga.''⁴⁸Apa mbunga dhoghihe dhakonganine mukushupa yimona eyi hatendire, hahukuire ghupumura mere ghawo. ⁴⁹Ene wahe wa hamudimukire, nahambuyama wahamukuthire kutunda muGalileya, hemanine kokayenda, ghurorera yinu yi.⁵⁰Mukenge, pwadi katughuru gho dina dyo Joseph, oyu ghakarire muhati gho mbunga. Ghakarire katughuru gho muwa no ghomuhunga. ⁵¹Oyu katughuru kadi ghatawire yitokora yombunga no yitenda yawo. Aye kwatundere kuJudeya mudoropa dha Arimathea, no ghashanine ghufumu wa Nyambi.⁵²Oyu katughuru, kukokera kwaPilatusi, hepurire yirama yaJesusi. ⁵³Ghayitwarire pamuve, no kuyidhingera mudikehe dyodirereya, no ghakayiturire mumbira edhi hatetire diwe, oku kwakarireeshikadiko ghumwe oyu havumbeka ko.⁵⁴Dyakarire Diyuwa dyo Makuroyithero, no diyuwa dyoMapeghu dyakarire pepi matangero ghadyo. ⁵⁵Hambuyama awa heyire naJesusi kutunda muGalileya hakuthire no kamonambira no ngepiedi hayirangekire yirama yendi. ⁵⁶Hakahukire no kunaroyitha maghadhi. Podiyo muMapeghu haturumuthire kukutha kumarawero.

24¹Murughura mudiyuwa dyokutanga muthivike, heyire kumbira, hapiturire nagho munde oghu ha royithire. ²Ha kawanine diwe dina pu kughandumuna kumbira. ³Hengenine mwishi, ene mbadi haka wanine yirama yaFumu Jesusi.⁴Yahokokire eshi, shime hapimbanena kuyinu yoyihe yi, popo, ha tutughuru hawadi hemanine pepi nawo mumarwakani gho kuvembera. ⁵Hambuyama wa hatutukwire thikuma noha fumbere mumuve, haghambire kwawambuyama wa eshi, ''Yinye muna kushanena hayumi mwawafu?⁶Mbadimo mu, ene aye ne ghana vumbuka! Muvuruke eyi ya gha mu tongwere apa gha karire muGalileya, ⁷ghughamba eshi, Mwana Munu mbo hana mutapa kwawa yiharuri nombo hana mupamarera, no mudiyuwa dyoghuhatu mbo ghana vumbuka karo.''⁸Hambuyama wa ha vurukire manando gha ⁹no ha hukire ha ka tongwere yinu yi kwawadikumi noyofotji nokwawaheya. ¹⁰HaMaria ghoMagadalena, Johanna, Maria ghonyina Yacobusi, nohambuyama hamwe awa ha karire nawo ha tongorire yinu yi kwawa Apostoli.¹¹Ene mbdhi dhi dhamonekire yira mbango kwawaApostoli, nombadi hatawire yighamba yawa mbuyama wa. ¹²Petrusi ghemanine no gha tjirere kumbira, ghurera ghamonine yikehe papayo yathinda. Petrusi ghahukire kudighumbo dyendi, ghukundhundha eyi yina hokoka.¹³Munyima, mughuwadi wawo hayendire dyodyo diyuwa kumukunda gho dina dyoEmmaghusi, oghu wakarire ma kilomiteri makumi kwoko nodyofotji kutunda kuJerusalema. ¹⁴Hakuvurekire hawadi eyi yina hokoka.¹⁵Yahokokire eshi, shime hahokwera mukukuyonga nokukwipaghura, Jesusi thinda ghawa henyene nokuyenda nawo. ¹⁶Ene meho ghawo mbadi hakonine kumudimuka.¹⁷Jesusi ghaghambire kukwagho eshi, ''Yinu munye muna kukuyonga mwe mwawadi omu muna kuyenda.'' Hemanine ghumoneka eshi hana kasha. ¹⁸Ghumwe ghopapagho, gho dina dyoKleghopasi, gha muhuthire eshi, ''Yowe pithoye munu muJerusalema oyu ghana piri kudimuka eyi yina hokoka ghano mayuwa?''¹⁹Jesusi ghawa huthire eshi, ''Yinu munye?'' Ha muhuthire eshi, ''Yiya yo kuhatera kwaJesusi gho muka Nasareti, oyu gha karire muporofeta, muhungami muyitenda no mumanando kughutho waNyambi nokwawanu wahe, ²⁰no ngepi haruti shokuru noha piterithi wetu hamu tapire hamughatwere kuyifa no kumupamarera.²¹Ene twa kuruperire eshi ngo yodiye oyu gha kupindutha Israeli. Ghushemwa, yoyingi ne dyaro ne diyuwa dyoghuhatu kutunda apa yahokokire yoyihe yi.²²Ene shime, hambuyama hamwe homukatji ketu hana tutetukitha, pakashwagha kumbira mathiku-thiku. ²³Apa hana ka pira kawana mwimba wendi, hana kahuka ghughamba eshi, hana kamona yimoneka thawa engeli awa hana kaghamba eshi aye ne muyumi. ²⁴Hatutughuru hamwe awa hana kara netu hana yendi kumbira, hana kadhiwana thika edi hana na yighamba hambuyama. Ene mbadi hana ka mumona.''²⁵Jesusi ghawa tongwerire eshi, ''Mawe hatutughuru hohayero no mitjima dhokupia kutjwathana wangu no kutawa yoyihe eyi haghamba haporofeta! ²⁶Mbadi ya roghere eshi Kristusi gha nyande yinu yi, no kwingena mughufumu wendi ndi?'' ²⁷Kutunda kwaMosesi nokwawa porofeta wahe, Jesusi ghawwa tjwathanithire yinu yoyihe eyi yahatera kwendi mumatjangwa ghomahe.²⁸Pakukokera mumukunda omu hatambire, Jesusi gha karire yira kuna kupitakana. ²⁹Ene hamu kumbere eshi, ''Kare netu, tamba runguro nodiyuwa ne tamba ditokere.'' Podigho Jesusi gha yendire ghaka kare nawo.³⁰Yahokokire eshi, apa gha hungumanine nawo hadye, ghashimire ghuroto, kughutungeka, no kughuyondora, nogha ghuwapire. ³¹Meho ghawo pogha vishukire, nohamu dimukire nogha dhongonokire mukatji kagho. ³²Haghambire mukatji kagho, ''Mbadi dhina pi mitjima dhetu, apa ghana ghamba netu mundhira, apa ghana tufikwera matjangwa?''³³Hemanine hogho ghuthiku hahuke kuJerusalema. Haka wanine hadikumi noyofotji hana pongo pofotji nowa hakire nawo, ³⁴ghughamba eshi, ''Fumu ne yashemwa ghana vumbuka, noghana ka moneka kwaSimoni.'' ³⁵Poha thimwetedhire eyi yawa hokokere mundhira, no ngepi edi ghana ghu wa neghedha Jesusi muku yondora ghuroto.³⁶Apa ha ghambire yinu yi, Jesusi thinda ghemanine mukatji kawo, no kughamba eshi, ''Thiraro thikare nenu.'' ³⁷Ene hatutukwire nodhawa yarere woma, no haghayarire eshi hana mono thirumba.³⁸Jesusi ghawa huthire eshi, ''Pashanye muna yapera? Pashanye ghana kutundera mepwero mumitjima dhenu? ³⁹Mumone nyara dhange nomaghuru ghange, yame. Muni kwate no mumone. Thirumba ne mbadiko yirama noyishokora, kenge muna kunimona.'' ⁴⁰Apa gha manine kughamba yinu yi, ghawa neghedhire nyara dhendi nomapadhi ghendi.⁴¹Mbadi ha konine karo kuyitawa pamurandu gho yishamberera, ha tetukire. Jesusi ghaghambire nagho eshi, ''Mudi noyokudya ndi?'' ⁴²Hamupire thi gho kupona, ⁴³gha mushimbire nogha dire kughutho wagho.⁴⁴Ghaghambire kukwawo eshi, ''Apa na karire nenu, na mutongere eshi yoyihe eyi hatjanga mumuragho waMosesi nawa porofeta nomaPisalemi yakona kuyarera.''⁴⁵Podiyo ghayandhure maghano ghawo, eshi hakone kutjwathana matjangwa. ⁴⁶Ghaghambire kukwagho, ''Ayo ne hayitjanga, eshi Kristusi ghakona kunyanda no kuvumbuka karo mwawafu mudiyuwa dyoghuhatu. ⁴⁷Mapirukero no mathigherero gho maharwero ghakona kughayuvitha mudina dyendi kumatunga ghomahe kutunderera kuJerusalema.⁴⁸Amwe mwashupi ghoyi yinu. ⁴⁹Kenge, ame kuna kumutumena yi Tate ghanikuruperitha. Ene mukare mudoropa kate ku mwakuvatera no mangcamu kutunda kokure.''⁵⁰Podiyo Jesusi ghawapitere kushwagha kate pepi na Bethany. Ghadhamune manyara ghendi no kuwatungeka. ⁵¹Yahokokokire padiyo, oku kuna kuwatungeka, ghawathighire no hamushimbire mudiwiru.⁵²Podiyo hamurapere ye no kuhuka kuJerusalema no ruhafo rorukuru. ⁵³Hakarire kehepano mutembeli ghukugha Nyambi.

Johanesi

1¹Pakutanga kwakarire Nando, no Nando dhakarire naNyambi, no Nando ghakarire Nyambi. ²Ethi thofotji thakarire kumatamekero na Nyambi. ³Yinu yoyihe hayitendire kupitera mwendi, no kupira ye kadiko no thofotji temba ethi hatenda eshi hathitende.⁴Mumwendi mwakarire kupara, no yipara yakarire munyenge gho hanu. ⁵Thishe kumunekera mumakokore, no makokore kadi ghakonine kughawina.⁶Kwadikatughuru oyu hatumine kutunda kwaNyambi, dina dyendi yodiye Johannesi. ⁷Gheyire yira mushupi mukuna tongora yo thishe, podiyo wahe hatawe kupitera mumwendi. ⁸Johannesi ne kadi ghakarire yodiye thishe, ene gheyire podiyo naghatongore kuhatera thishe.⁹Ghushemwa gho thishe, oghu watapa thishe kowaheya hanu, theyire mukaye.¹⁰Ghakarire mukaye, no kaye ghakatendire kupitera mumwendi, no kaye kadi kamudimukire. ¹¹Gheyiyere kukwendithinda, no yithinda mbadi ghamutambure.¹²Ene kohengi awa hamutambure ye, awa hatawiremudina dyendi, ghatapire matawedhero mukwiya hana Nyambi. ¹³Awa ne kadi hawareta no manyinga, endi pamahimeno gho yirama, endi pamahimeno ghamunu, ene mwa Nyambi.¹⁴Nando dhakarire yirama no dhaparire mukatji ketu. Twamonine mangcamu ghendi, ngcamu yira ghofotji oyu ghatundere kwaTate, ghayara thinyeke no ghushemwa. ¹⁵Johannesi ghakutapire kuhatera ye no ghadirire ghukuyerera, ghughamba,''Oyu ne ghofotji oyu naghambire,'Oyu gha kwiya kunyima dhange ne gha ni pitakana me, aye ghakarire kughutho dhange.'''¹⁶Kutunda mumakumitheromo twahe twatambura thinyeke kunyima dho thinyeke. ¹⁷Muragho haghutapire kupitera mwaMosesi. Thinyeke no ghushemwa weyire kupitera mwaJesusi Kristusi. ¹⁸Kadiko yu ghamona Nyambi; pithendi Nyambi, aye ghakara kumutara waWihe, ghatenda Nyambi hamudimuke.¹⁹Ogha ne gho makutongweneno ghaJohannesi apa haJuda hatumine hapristeri no Levite kukwendi kutunda kuJerusalema mukuna mwipura,''Yowe dye?'' ²⁰Ghakutongonone- kadi ghakanane, ene ghakutongonone- ''Ame ne kadi yame Kristusi.'' ²¹Podiyo hamwipure,''Yowe dye ne keho? Yowe Elijah?'' Ghaghambire,''Kadi yame.'' Haghambire,''Yowe muporofeta?'' Ghawa huthire,''Ka.''²²Podiyo haghambire kukwendi,''Yowe dye, podiyo tukatape dihuthero kowa hana tutumu? Nye wakughamba kuhatera kukoye ghothinda?'' ²³Ghaghambire,''Ame ne no diywi, kudira mumuthitu: 'Kutenda ndhira dhaFumu dhighororoke,'thika Isaiah gho muporofeta ghaghambire.''²⁴Popano hamwe haPharisee hawatumine, ²⁵no hamwipure no kughamba kukwendi,''Nye ghuna wayoyeranga ngeshi wene kadi yowe Kristusi endi Elijah endi muporofeta?''²⁶Johannesi ghawahuthire, ghughamba,''Nayoghanga no meyu. Ene mukatji kenu munemana ghumwe yu mwadhira kudimuka. ²⁷Yodiye gheya kughutho wange, mughodhi gho yisandari yoyu mbadi nakara mudyo mukuyishutura.'' ²⁸Yinu yi hayitendere muBethany kumutara ghumwe waJordan, oku Johannesi ngayoyeranga.²⁹Diyuwa dyokurandako Johanesi ghamonine Jesusi ghakwiya kukwendi no kughamba,''Kenge,oya ne Ndjwi wa Nyambi oyu ghashwayitha maharwero mukaye! ³⁰Oyu ne yofotji ya naghambire,'Oyu ghakwiye kunyima dhange ne ghanipitakana, aye kughutho dhange.' ³¹Kadi namudimukire, ene yakarire podiyo ghakumuneghe kwaIsrael eshi ame neyire ghuyogha no meyu.''³²Johanesi ghatongonone,ghughamba,''Namono mupepo ghunakughurumuka yira diputukuwa dyakutunda mudiwiru, no dina turera papendi. ³³Kadi namudimuka ye, ene ghoyu ghananitumu me niyoghe mumeyu ghana ghamba kukwange,'Poyu wakumona mupepo ghuna kughurumuka no kwimana papendi, yodiye ghakuyogha muMupepo gho Kupongoka.' ³⁴Nayimona yoyihe no kuyitongonona eshi oyune Mwan Nyambi.''³⁵Karo, diyuwa dyokurandako, Oku Johanesi shime ngemanena nohakathishongero wendi hawadi, ³⁶hamonine Jesusi ghana kuyenda ghupita, na Johanesi ghaghambire,''Kenge, Ndjwighana waNyambi!''³⁷Hawadi hakathishongero wendi hamuyuvire ghakuyighamba yi no hakuthire Jesusi. ³⁸Na Jesusi ghapirukire no kuwamona hana kumukutha no ghaghambire kukwagho,''Nye muna kushana?'' Hamuhuthire,''Muhongi'', ''kupi ghuna karanga?'' ³⁹Ghaghambire kukwagho,''Mwiye no mumone.'' No heyire no kumona oku ghatungire; hakarire nendi dyo diyuwa, kwakarire pepi no viri dhodikumi.⁴⁰Ghofotji ghopowa hawadi oyu ghayuvire Johanesi kuna kughamba no ghakuthire Jesusi ne Andrew, mukurwa Simoni Petrusi. ⁴¹Pakutanga ghawanine mukurwendi thinda Simoni no ghaghambire kukwendi,''Tuna wana Messiah'' (eyi hatoroka eshi: Kristusi). ⁴²Ghamuretire kwaJesusi, na Jesusi ghamukengire no ghaghambire,''Yowe Simoni mwana Johanesi. Nanyi hakwithange Cephas'' (eyi hatoroka eshi Petrusi).⁴³Diyuwa dyokurandako, apa Jesusi ghashanine kuyenda kuGalilee, ghawanine Philip no kughamba kukwendi,''Nikuthe me.'' ⁴⁴Oku Philip kuna katundera kuBethsaida, doropa dhaAndrew na Petrusi. ⁴⁵Philip ghawanine Nathaniel no kughamba kukwendi,''Oyu yodiye Mosesi ghatjangire mumuragho, no haporofeta,tuna muwana: Jesusi mwana Jeseph, gho muka Nazareth.''⁴⁶Nathaniel ghaghambire kukwendi,''Kukona yinu yoyiwa yishwaghe muNazareth?'' Philip ghaghambire kukwendi,''Wiye no mone.'' ⁴⁷Jesusi ghamonine Nathaniel ghakwiya kukwendi no kughamba kuhatera ye,''Kenge, ghushemwa mukaIsraelite, mumwendi mwapira kuhongaghura!'' ⁴⁸Nathaniel ghaghambire kukwendi,''Ngepi di wanidimuka?'' Jesusi ghamuhuthire no kughamba kwendi,''Kughutho gho kukwitha Philip, oku wene ne kwishi dhothitondo thothiyu,nakumono we.''⁴⁹Nathaniel ghahuthire,''Fumu, yowe gho Mwana Nyambi! Yowe gho Fumu waIsrael!'' ⁵⁰Jesusi ghahuthire no kughamba kukwendi,''Yoyishi naghamba kukoye,'Nakumono kwishi dhothitondo,' eyi ghuyitawa? Nanyi wakumone yinu yoyikuru kupitakana yi.'' ⁵¹Podigho ghaghambire,''Ghushemwa, ghushemwa,nakughamba kukwenu, nanyi mwakumone mawiru ghana kuyandhuruka, no ha engeli waNyambi kuna kukanduka no kughurumuka pa Mwana Munu.''

2¹Kunyima dho mayuwa mahatu, ghakarire mayekero mu Cana wa Galileya, na nyina Jesusi kwakakarire. ²Jesusi no hakathishongero wendi hawethire kumayekero gha.³Apa vinyu ghapwire, nyina Jesusi ghaghambire kukwendi,''Kadi hadi no vinyu.'' ⁴Jesusi ghaghambire kukwendi,''Mbuyama, nye ghneyera kukwange? Ruvedhe rwange ne shime kadi runeya.'' ⁵Nyina ghaghambire kwawapika,''Keheyino shakaghambe kukwenu, mukayitende.''⁶Pakarire kwoko noyofotji diwe meyu poto kuya agha harughanithanga haJuda pamukandi gho kuyogha, keheyuno ghakarire no yiwadi kate kuyihatu yimeteri. ⁷Jesusi ghaghambire kukwagho,''Mutere poto gho meyu no meyu.'' Podiyo hamuyarithire kate kughuhura. ⁸Podiyo ghatongwere hapika,''Mushimbe yimwe popano no mutware kwamukuru wawataperi.'' No hayitendire.⁹Mukuru wawataperi ghayerekire meyu agha ghakutjindjire vinyu, ene kadi ghadimukire oku yatundere (ene hapika awa hakashimbire meyu hayidimukire). No ghethire katughuru ¹⁰no kughamba kukwendi,''Kehe katughuru ghakona kutapa vinyu ghomuwa thokutangerera no gho mbiriha vinyu kunyima dhokuterera. Ene ghuna tureka vinyu ghomuwa kate popano.''¹¹Thidimukitho thokutangera Jesusi ghatendire muCana waGalileya, no ghaneghedhire mangcamu ghendi, no hakathishongero wendi hatawire mumwendi.¹²Pakupwa yi Jesusi, na nyina, hakurwendi, no haka thishongero wendi haghurumukire kuCapernaum no hakakrire kuya mayuwa ghomapu.¹³Pasika wawaJuda ne pepi, naJesusi ghayendire kuJerusalema. ¹⁴Ghawanine haghurithi ho mahove no ndjwi no maputukuwa mutembeli, no hakakutjindja masherenyi hahungumane po.¹⁵Ghatendire mughodhi gho kumwashuritha podiyo ghawashwayithire mutembeli, kupakerera yoyihe ndjwi no ngombe. Gha hanyaghuremuwayawaya ghohanu hokutjindja masherenyi no kuvukuma matishi ghawo. ¹⁶Kwahaghurithi homaputukuwa ghaghambire kukwagho,''Mushimbe yinu yi yishwaghe popano. Mushagheke kutenda ndhugho dhaTate dyango dyokughurithera.''¹⁷Hakathishongero wendi havurukire eshi hayitjangire,''mahanyawero gho ndhugho ghoghakunidya me.'' ¹⁸Podiyo haJuda hakamangcamu hahuthire no kughamba kukwendi,''Thineghedhitho munye wakutu neghedha twe, kutunda pawakurughana yinu yi?'' ¹⁹Jesusi ghawahuthire,''Muyungune dhino tembeli, no mumayuwa mahatu nanyi nakudhipinduthe karo.''²⁰Podiyo haJuda hakamangcamu haghambire,''Odhi tembeli ne kwadhitendire mumamyaka makumi mane no kwokonoghofotji, no nanyi wakudhipinduthe mumwayuwa mahatu?'' ²¹Ngambi kemo, ghaghambire kuhatera kutembeli dhoyirama yendi. ²²Apa ghakapindukire mwawafu, hakathishongero wendi havurukire eshi ghayighambire yi, no hatawire matjangwa no thighamba eshi Jesusi ghayi ghambire.²³Apa ghakarire muJerusalema paPasika, thingihatawire mudina dyendi apa hamonine yidimukithoeyi ghatendire. ²⁴Ene Jesusi kadi ghawakurupere yoyishi ghawadimukire wahe, ²⁵yoyishi kadi ghashanine keheyuno mukukutongona kukwendi kuhatera katughuru, aye ghadimukire eshi nye yakara mwakatughuru.

3¹PakariremuPharisee ghodina dyo Nikodemusi, mupiterithi wawaJuda. ²Katughuru yu gheyire kwaJesusi ghuthiku no kughamba kukwendi,''Muhongi. twadimuka eshi owene gho muhongi ghoyu ghatunda kwaNyambi, kadiko gho kukona kutenda yineghedhithayi watendanga shimengwa Nyambi nendi ghadi.''³Jesusi ghamuhuthire,''Ghushemwa, ghushemwa, shimengwa ghanamushamuruka paruwadi, kadi wakukona kumona ghufumu waNyambi.'' ⁴Nikodemusi ghaghambire kukwendi,''Ngepi edi katughuru gho kumwereka oku yene mukuru? Kadi wakukona kungena roghuwadi mudira dyanyina no kamwereka, kukona ye?⁵Jesusi ghawahuthire,''Ghushemwa, ghushemwa, shimengwa ghumweya hamwereka mumeyu no mumupepo, kadi gha kangena mughufumu waNyambi. ⁶Oyu hereka panyama ne nyama, noyu hereka paMupepo ne mupepo.⁷Kadi mutetuke eyi naghambire kukwenu,'Hakona kukwerukura karo.' ⁸Mupepo kupunga keheku ghuna himena; kuyuva mughuma wagho, ene kadi wakudimuka oku ghuna kutundera noku ghuna kuyenda. Podiyo keheyuno hereka muMupepo.''⁹Nikodemusi ghahuthire no kughamba kukwendi,''Ngepi edi shoyikare yi yinu?'' ¹⁰Jesusi ghawahuthire no kughamba kukwendi,''Owe ne ghomuhongi waIsrael, no kadi watjwathana yinu yi? ¹¹Ghushemwa, ghushemwa, nakumutongwera, atwe kughamba eyi twadimuka, no kutongonona eyi twamona. Ene ngambi kemo kadi mwatambura makutongonono ghetu.¹²Namutongwere yinu yokaye nokadi wakuyitawa, ngepi di mwakutawa ngeshi nimutongwere kuyinu yodiwiru? ¹³Kadiko yu ghadhina kudiwiru kutundithako ye ghaghurumukire kutunda kudiwiru- Mwana Munu.¹⁴Thika Moses ghayeyure mumuthitu, podiyo Mwana Munu naye ghakona kumuyeyura, ¹⁵podiyo wahe wa hatawa mumwendi hakukareno moyo ghororuheya.¹⁶Nyambi gha hakirekaye, podiyo ghatapire Mwanendi, eshi kehe yuno gho kutawa kadi ghakayongara ene ghakona kukara no moyo ghororuhe. ¹⁷Nyambi kadi ghatumine Mwanendi mu kaye mukuna theka kaye, ene mukuna wakunga kupitera mumwendi. ¹⁸Keheyu ghokutawa mumwendi kadi ghakumutheka, ene yu ghadhira kutawa ne ghamutheka kare yoyishi kadi ghatawa mudina dya Mwana Nyambi.¹⁹Othi ne tho thitambo tho matheko: Thishe theya mukaye, no hanu hahakire dikokore mundhira dhothishe yoyishi yirughana yagho ne yimango. ²⁰Kehe yu ghokurughana ghumango ghanyenga thishe, no kadi wakwiya kuthishe, pamurandu ghoyitenda yendi maghana hayineya. ²¹Ngambi kemo, kehe yu ghokutenda ghushemwa kwiya kuthishe podiyo eshi hayimone eshi yirughana yendi kwayirughana mwaNyambi.''²²Kunyima dhoyi, Jesusi no hakathishongero wendi hayendire muJudeya. Kuya ghakakaireko ruvedhe nagho no kayogha. ²³Johannesi naye ngayoghanga muAenon pepi na Salim yoyishi ghakarire meyu ghomengi kuya. Hanu heyire kukwendi no hawayoyire, ²⁴kwaJohannesi oku shime kadi hamuvukumena mudorongo.²⁵Pakarire ndwa pakatji kawa kathishongero waJohannesi nawa Juda kuhatera kumukandi gho diyoghero. ²⁶Hayendire kwaJohanessi no kughamba kukwendi,''Muhongi, ghumweya oyu ghakakarire noye kuthambo diya dho rware rwaJordan, kuhatera yu mwatongonona, kenge, aye kuna kuyogha, nowahe kuna kuyenda kukwendi.''²⁷'Johannesi ghahuthire,''Munu kadi wakukona kutambura yoyihe shimengwa hayimupa kutunderera mudiwiru. ²⁸Yamwe mwathinda kukona muyeyure eshi naghambire,''Ame kadi yame Kristusi,'ene ngambi kemo,'Ame kwanituma kughutho wendi ye.'²⁹Katughuru yu ghakuyeka ghahatera kwambuyama yu ghana kuyeka. Muyendha katughuru yu ghana kuyeka, gho kwimana no kumuyuva, kuhafa thikuma pamurandu gho diywi dyakatughuru yu ghana kuyeka. Oyi, karo, yareta ruhafo rwange rukumenemo. ³⁰Gha kona kuwedherera, ene ame nakona kutepura.³¹Oyughatundera kuwiru ne ghapiterera yoyihe. Kehe yu gho kutunda pakaye ayene mukakaye no kughamba kuhatera yokaye. Oyu gho kutunda mudiwiru ghapitakana yoyihe. ³²Aye kutongonona kuhatera eyi ghamona no kuyuva, ene noyofotji temba gho kutambura matongweneno ghendi. ³³Keheyuno ghatambura matongweneno ghendi ghatambura eshi Nyambi ne ghushemwa.³⁴Keheyu ghatuma kwaNyambi kughamba manando ghaNyambi. Kadi ghatapa Mupepo mukughumeta. ³⁵Wiha munu ghahaka Mwana munu no ghatapire yinu yoyihe munyara dhendi. ³⁶Kehe yuno gho kutawa mwaMwana ghana kukara no moyo ghororuheya, ene keheyu ghokudhira kumukutha Mwana kadi ghakumona moyo, ene thikuto tha Nyambi mbo thina kara papendi.''

4¹Apa Jesusi ghadimukire haPharisee hana yuvu eyi ngatendanga nokuyogha thingi thawakathishongero kupiterera Johannesi ²(ngambi kenge Jesusi thinda kadi ngayoghanga, ene hakathishongero wendi ngahayoghanga), ³ghatundire muJudeya no ghahukire kuGalilee.⁴Ene yorogherire kukwendi mukupita mu Samariya. ⁵Podiyo gheyire mudoropa dhaSamariya, dhodina Sychar, pepi no dyango edi gha tapire Jakobusi kwa mwanendi Joseph.⁶Thikorongwa thaJacobusi pothakarire. Jesusi ghaghayire muruyendo no ghahungumane kuthikorongwa thi. Kwakarire viri dho ghukwoko nodhofotji. ⁷Mbuyama ghomuSamaritan gheyire mukuna veta meyu, na Jesusi ghaghambire kukwendi,''Nipeko meyu ni nwe.'' ⁸Hakathishongero wendi hanapiti mudoropa hakaghure yidya.⁹Podiyo mbuyama ghomukaSamaritan ghaghambire kukwendi,''Ngepi di ghudi we, kukara gho muJuda, kuna kuniromba me, ame mbuyama ghomuSamaritan, yimwe yokunwa?'' HaJuda kadi hakudya thidhiro nawaSamaritan. ¹⁰Jesusi ghamuhuthire no kughamba kukwendi,''Ngo wadimuka yitapa yaNyambi, no dye oyu ghana kughamba kukoye,'Ni pe yokunwa,' ngo ghuna mwipura ye, no ngo ghanakupa meyu gho moyo.''¹¹Mbuyama ghaghambire kukwendi,''Ghodikuto, kadi ghudi no thivani ndi thiviya thi thidi ghudhungi. Kupi ghadi meyu gho moyo? ¹²Kadi wapitakana, endi ngepi, kupiterera wihetu Jakobusi, oyu ghatupa diviya di no kunwa mo thinda,thika mwanendi no yimuna?''¹³Jesusi ghahuthire no kughamba,''Keheyu gho kunwa kogha meyu nanyi ghakufe dinota karo, ¹⁴ene keheyu gho kuna meyu agha nakumupa kadi ghakufa karo dinota. Ene, meyu gha nakumupa ye nanyi ghakukare matundero gho meyu mumwendi, ghakuyenda kate kuyipara yokuroruheya.''¹⁵Mbuyama ghaghambire kukwendi,''Ghodikuto, nipe gha meyu podiyo kadinakufe dinota no kadi wakwiya kuno nonivete meyu.'' ¹⁶Jesusi ghaghambire kukwendi,''Yende, kethe katughuru ghoye, no kahuke popano.''¹⁷Mbuyama ghahuthire no kughamba kukwendi,''Kadi nidi no katughuru.'' Jesusi ghahuthire,''Ghuhunga muyighamba,'kadi nidi no katughuru,' ¹⁸owe wakarire no hatutughuru hakwoko, no yu ghudi nendipano ne kadi mukafumu ghoye. Eyi ghuna ghamba ne ghushemwa.''¹⁹Mbuyama ghaghambire kukwendi,''Ghodikuto, nakukumona ne ghomuporofeta. ²⁰Hatukuruwetu harapererangire padirundu pa, ene we kuna kughamba eshi Jerusalema ne dyango edi hanu ghokukona kuraperera.''²¹Jesusi ghaghambire kukwendi,''Tawe mumwange,mbuyama, viri ne kuna kwiya edhi sho rughanene Tate yikare podi dirundu endi muJerusalema. ²²Owe kuraperera eyi wapira kudimuka. Atwe kuraperera eyi twadimuka, mashutukero ne kwatunda kwaJuda.²³Ngambi kemo, viri ne kuna kwiya, no podhidi pano, apa hakukara hakakuraperera ghushemwa hakuraperere Tate mumupepo no ghushemwa, naTate yene kuna kushana hanu hokengeyo mukukara hakakumuraperera. ²⁴Nyambi ne Mupepo, no hanu wa hamurapereranga ne hakona kuraperera mumupepo no ghushemwa.''²⁵Mbuyama ghahambire kukwendi,''Nadimuka eshi Messiah ne kuna kwiya (oyu hetha eshi Kristusi). Apa mbo gheya, nanyi gha kuthothone yoyihe kukwetu.'' ²⁶Jesusi ghaghambir kukwendi,''Yame yodiye, oyu ghana kughamba kukoye.''²⁷Poruno ruvedhe hakathishongero wendi hakahukire. No hatetukire eshi pashanye ghaghambere no ya mbuyama, ene no yofotjitemba ghaghambire,''Nye ghuna kushana?'' endi ''Nye ghuna kughambera nendi?''²⁸Mbuyama ghathighire poto wendi gho meyu, ghahukire mudoropa, no kaghamba kohanu, ²⁹''Mwiye, nomukamonekatughuru yughana ni tongwera yoyihe eyi na tenda. Oyu ne kadi kukona ghakare Kristusi, endi ngepi?'' ³⁰Hathighire doropa no heyire kukwendiye.³¹Paruvedhe roro, hakathishongero hamukanane ye,ghughamba,''Muhongi,dye.'' ³²Ene gha ghambire kukwagho,''Nidi noyidya yokudya eyi mwadhira kudimuka.'' ³³Podiyo hakathishongero haghambire kukwagho hathinda,''Kadiko yu ghana muretera yokudya, endi hana muretera?''³⁴Jesusi ghaghambire kukwagho,''Yidya yange me ne kutenda mahimeno ghendi oyu ghanituma no kukumithamo yirughana yendi. ³⁵Kadi mwaghambanga,'Tughonda tune totwingi tunathigharako podiyo mukesho wakwiya'? Na kaughamba kukwenu, mukenge kuwiru no mumone mapya, agho ne ghapya no ghana taterera mukesho! ³⁶Oyu gho kukesha ne kuwana ndjambi no kukongawedha mbuyo dho moyo ghororuheya, podiyo keheyu gho kukuna noyu gho kukesha ghakona kohafa pofotji.³⁷Podiyo yi moyi yighamba,'Ghofotji kukuna, no ghumwe kukesha,'ndi ghushemwa. ³⁸Namutuma mukuna kesha eyi mwadhira kurughanena. Hamwe ne harughana, no munengena muyirughana yawo.''³⁹Thingi thawa kaSamaritan mu doropa hatawire mumwendi pamurandu ghoyitongora yambuyama oyu ghatongonone,''Ghana ni tongwera yoyihe eyi natenda.'' ⁴⁰Apa haSamaritan heyire kukwendi, hamurombire ye mukukara nawo, noghakarireko mayuwa mawadi.⁴¹Thingi thawo hamutaawire pamurandu gho nando dhendi. ⁴²Haghambire kwambuyama,''Kadi twakutawa pamurandu ghoyi waghambire, atwe twathinda twayuva, notuna dimuka eshi oyu ne Mushuturi gho kaye.''⁴³Kunyima dho mayuwa mawadi, ghayendire kuGalileya. ⁴⁴Jesusi thinda ghaghambire eshi muporofeta kadi ghakara no dikuto muditunga dyendi. ⁴⁵Apa gheyire kuGalileya, hakaGalileya hamutambure ye. Hamonine yinu yoyihe eyi ghatendire mJerusalema pamukandi, awo nawo hayendire kumukandi ghuya.⁴⁶Gheyire karo kuCana muGalileya, omu ghaka tendire meyu vinyu. Pakarire mukadikutogho mumbara mwanendi muCapernaum ghakarire tjitju. ⁴⁷Apa ghayuvire eshi Jesusi ghaneya kutunda kuJudeya ghatambe kuGalileya. ghayendire kwaJesusi no kamwipura mukughurumuka no kerura mwanendi ghokatughuru, oyu ghashanine kufa.⁴⁸Jesusi podiyo ghaghambire kukwendi,''Kate ghumone yidimukitho no yitetukitha, kadi sho tawe.'' ⁴⁹Mukadikuto yu ghaghambire kukwendi,''Muhongi, ghurumuke kughutho mwanange shafe.'' ⁵⁰Jesusi ghamuhuthire,''Yende. Mwanoye kupara.'' Katughuru ghatawire nando edhi ghaghambire Jesusi kukwendi, no ghakayendire.⁵¹Oku yene pakughurumuka, hapika wendi hamuwanine, ghughamba eshi mwanendi ne kuna kupara. ⁵²Podiyo ghawepure viri dhighana tanga kukara hasha. Hamuhuthire,''Peghundha paviri dhokwoko noghuwadi ghupyu wamutundire.''⁵³Podiyo wihe ghanongonone eshi dhodiyo viri Jesusi ghaghambire nendi,''Mwanoye kupara.'' Podiyo ye thinda no wahe hakadighumbo hatawire. ⁵⁴Othi ne thothidimukitho thoghuwadi ethi Jesusi ghatendire apa ghatundire muJudeya ghayende kuGalileya.

5¹Kunyima dhoyi kwakarire mukandi wawaJuda, naJesusi ghayendire kuJerusalema. ²Pano muJerusalema pathero dho ndjwi padi tishi, oyu hetha muAramaic eshi Bethesda,no dhakara no ndhugho dhodhimbiru. ³Mbunga dhodhikuru dhohanu hokukorwa, hakunga, harema nowa hadjokuvama hakarire hana rara po. Kutatera mayendithero gho meyu. ⁴Mu engeli waFumu ghaghurumukire no gha dhungire meyu ghaya manako ghamwe no kehe yu ghadjatire mumeyu oku ghone pakughadhora gherukire kukehe dihamba gha nyandire.⁵Katughuru ghumwe ghakarire po oyu ghakariretjitju myaka makumi mahatu no myaka kwoko nodhihatu. ⁶Apa Jesusi ghamumonine ghana rara po, no apa ghanongonone eshi ghakarire po rure, ghaghambire kukwendi,''Ghuna shana ghukare ndjewa-ndjewa?''⁷Katughuru gho mukorwi,''Mukadikuto, kadi nidi nokeheyuno gho kukona ghaniture mukandhugho omu meyu hanakughadhunga. Apa neya, thinema thimwe pamuve kughutho wange me.'' ⁸Jesusi ghaghambire kukwendi,''Wimane, shimbe ghudidi ghoye, no kayende.''⁹Popo katughuru gherukire, noghashimbire ghudidi wendi nokayenda. Diyuwadi kwakarire dyoMapeghu.¹⁰Podiyo haJuda haghambire kukwendi oyu gherukire,''Dyarero ne Mapeghu no kadi hakutawedhera mukushimba disharo dyoye.'' ¹¹Ghahuthire,''Oyu ghana nitendinikare ndjewa ndjewa ghana ghamba kukwange,''Dhamune disharo dyoye no kayende.'''¹²Hamwipure ye,''Yidye katughuru yu ghana yighamba kukoye,'Dhamune no kayende'?'' ¹³Ngambi kemo, oyu herure kadi ghadimukire eshi yidye yoyishi Jesusi ghayendire mughudhindo, pakarire mbunga padyango paya.¹⁴Kunyima, Jesusi ghamuwanine mutembeli no ghaghambire kukwendi,''Kenge, ghuna kara ndjewa-ndjewa! Kadighuharure karo, podiyo yinuyokupiterera yakukuhokokera we.'' ¹⁵Katughuruya ghayendire kwaJuda no katongora eshi Jesusi yodiye ghamwirure.¹⁶Pano pamurandu ghoyinu yi haJuda haketire Jesusi, yoyishi ghatendire yinu yi muMapeghu. ¹⁷Jesusi ghawahuthire,''Tate ne kuna kurughana ngambi kengeno, name,karo,kuna kurughana.'' ¹⁸Pamurandu ghoyi, haJuda haghayare yingi mukumupagha kadi ghatjorire diyuwa dyo Mapeghu, ene karo ghethire Nyambi gho Wihe thinda, mukukutenda thinda pofotji kwaNyambi.¹⁹Jesusi ghawahuthire,''Ghushemwa, ghushemwa, Mwana kadiko yokutenda yithinda,kutundithako eyi ghamonanga Wihe ghana kutenda, kukehe yino ghana kutenda Tate, Mwana naye ghakona kuyitenda. ²⁰KwaTate ghahaka Mwana no kumuneghedha yoyihe eyi yithinda ghana tendanga, no kumuneghedha yinu yoyikuru kupitakana yi yakumutetukitha.²¹Thika Tate kupindura hafu nokuwapa moyo, na Mwana naye kutapa moyo kwakeheyuno kowa ghana himi. ²²Tate ne kadi mukakutheka noyofotjitemba, ene ghatapa mathekero ghomahe kwa Mwana ²³podiyo keheyuno ghamukutekere Mwana thika di hakutekera Tate. Kehe yuno ghokupira kukutekera Mwana kadi ghakutekera Wihe oyu ghamutuma.²⁴Ghushemwa, ghushemwa, keheyuno gho kuyuva manando ghange no kutawa oyu ghanituma aye kuwana moyo ghororuheya no kadi hakumutetera ndhango, ene gha pita kutunda mukufa kukupara.²⁵Ghushemwa, ghushwemwa, nakumutongwera eshi ruvedhe ne kuna kwiya, no popano, apa hafu hakuyuva diywi dya Mwana Nyambi, nowa hakumuyuva nanyi hakupare.²⁶Thika Tate ghakara no moyo mumwendi thinda, podigho ghatapire karo kwaMwanendi podiyo ghakare no moyo mumwendi thinda, ²⁷na Wihe ghamupire Mwanendi muragho mukushimba makengwerero yoyishi aye ne yo Mwana Munu.²⁸Mwatetuka kuhatera yi, porudi ruvedhe runa kwiya oru keheyuno gho mumbira nanyi ghakuyuve diywi ²⁹dyendi no nanyi nakushwaghe: kowa harughana ghuwa kumuvumbukero gho yipara, no kowo hatenda ghuyi kumuvumbukero gho matheko.³⁰Kadiko yokutenda papange. Apa nakuyuva,ame kukengurura, no makengwerero gho mahunga yoyishi kadi nakushana yihima yange nothinda ene yihima yoyu ghanituma me. ³¹Ngeshi ni kutongonone kuhatera nothinda, matongweneno ghange kadi wakukona ghakare ghushemwa. ³²Poghadi makutongweneno kuhatera me, no nadimuka matongweneno agha ghanipa kuhatera me ne ghushemwa.³³Hamutuma kwa Johanessi, no ghatongonona ghushemwa. ³⁴Ene matongweneno agha nawana kadi ghokutunda kwakatughuru. Ame kuna kughamba yinu yi podigho mwe mupwe kughamwena. ³⁵Johanessi ghakarire ramba oyu ngamunekanga no kusheghenyena, no mwahimine kuhafa muthishe thendi paruvedhe.³⁶Matongweneno gha nidi nagho ghapitakana ghaJohannesi, payirughana yi ghanipire Tate no kumithemo, yirughana yi narughananga, kushupa kuhatera me eshi Tate yoghani tuma me. ³⁷Tate yu ghanituma me thinda ghakutongora kuhatera kwange. Pamwe mwayuva diywi dyendiendi kumumona ye kutunda kehe ruvedhe. ³⁸Kadi mwakara no nando dhendi dhamuthigharera mumwenu, amwe kadi muna kutawa koyu ghatuma.³⁹Ame kushana matjangwa yoyishi amwe kughayara eshi mumwagho amwe kuwana moyo ghororuheya, no matjangwa ghofotji ghatongonona me, ⁴⁰no kadi muna shana kwiya kukwange podiyo eshi muwane myo.⁴¹Ame kadi nawana nga mangcamu kwawanu, ⁴²ene nadimuka eshi kadi mwakara noruhakitho rwaNyambi mumwenu mwathinda.⁴³Ame neya mudina dyaTate, no kadi mwanitambura me. Ngeshi ghumwe ghakwiye mudina dyendi thinda, ngomwa mutambura. ⁴⁴Ngepi di sho mutawe, amwe gho kutambura mangcamu ghokutunda kwenu mwathinda no kadi mwakushana mangcamu agha ghatunda kwaNyambi?⁴⁵Mwaghayara eshi ame nothinda nanyi nakumurundere kughutho waTate. Oyu gha murunderanga ne Mosesi, omu mwakurupere. ⁴⁶Ngeshi mwatawire Mosesi, nanyi munitawe me, yoyishi ghatjangire kuhatera me. ⁴⁷Ngeshi kadi mwatawa matjangwa ghendi, ngepi di mwakutawa manando ghange?''

6¹Kunyima dhoyi yinu, Jesusi ghayendire kumutara ghumwe gho dikuruviya dyaGalileya, hadithire eshi dikuruviya dyaTiberia. ²Mbunga dhodhikuru dhamukuthire pamurandu hamonine yineghedhitha eyi ghatendire kowo hakarire tjitju. ³Jesusi ghayendire kumarundu no ghakahungumane no hakathishongero wendi.⁴(Pano Pasika, mukandi waJuda, pepi wakarire.) ⁵Apa Jesusi ghakengire kuwiru gha monine mbunga dhina kamwiyera, ghaghambire kwaPhilip,''Kupi shotukaghure ghuroto oghu shonohadye?'' ⁶(Ene Jesusi ghaghambire yi mukuyereka Philip, aye papendi ghadimukire eshi nyeghana kutenda.)⁷Philip ghamuhuthire ye,''Mathere mawadi gho denari gho ghuroto kadi shoghurikanye kwakeheyuno ghawane kokambiru.'' ⁸Ghofotji ghopawakathishongero, Andrew, mukurwa Simoni Peter, ghaghambire kwaJesusi,'' ⁹Pwadi mungaghu ghadi no maghuroto makwoko no tuthi tuwadi, ene nye yi mukatji kohanu hohengi?''¹⁰Jesusi ghaghambir,''Muninge hanu hahungumane.''Pakarire muhonyi ghowingi padyango paya. Podiyo hanu hahungumane, hakarire mayovi makwoko muyitara. ¹¹Podiyo Jesusi ghashimbire maghuroto no pakumana kutapa ndangi, ghaghutapire kowo hahungumane. Ghatendire kemo ku thi, wingi ghoghu hashanine. ¹²Apa hanu hakutire, ghaghambire kwawa kathishongero wendi,''Mukongwedhe yigonyogonyo yoghuroto eyi yina thigharako, podiyo eshi kadiko eyi shoyiyongarepo.''¹³Podiyo hayikongwedhire no kuyaritha yikote dikumi no yiwadi yoyigonyogonyo kutunda kumaghuroto makwoko yokuthigharako koyo hadire. ¹⁴Podiyo, apa hanu haomonine thineghedhitho thi, haghambire,''Oyu ne yo muporofeta oyu ghakwiya mukaye.'' ¹⁵Apa Jesusi ghamonine eshi tamba heye no kuna mushaghekitha pangcamu no kuna mutura fumu, ghayendire kudirundu papendi.¹⁶Apa weyire ghuthiku, hakathishongero wendi haghurumukire kudikuruviya. ¹⁷Hengenine muwato, nohatjinane dikuruviya kutamba Capernaum. Kwakarire makokore ruvedhe ru, na Jesusi kadi gheyire kukwagho roruvedhe. ¹⁸Mupepo ghongcamu wapungire, no dikuruviya dyakarire mangumbi.¹⁹Apa havuyire ghure gho thinema tho makumi mawadi nokwoko endi makumi mahatu rure, hamonine Jesusi ghana kuyenda padikuruviya nokuna kwiya pepi nowato, no hayapire. ²⁰Ene ghaghambire kukwagho,''Mwayapa.'' ²¹Podiyo hashanine kumutambura muwato, popo wato wakakumine pandundu oku hatambire.²²Diyuwa dyo kurandako, mbunga dhiya dhemanine kuthambo diya dyodikuruviya hamonine kadiko karo wato ghumweya kutundithako ghuya ghofotji, naJesusi kadi ghengenine mo nawakathishongero wendi ene hakathishongero wendi hayendire pithagho. ²³Ngambi kemo, pakarire mato agha ghatundere kuTiberia pepi no dyango edi hadyerere maghuroto kunyima Fumu ghatapire ndangi.²⁴Apa mbunga dha dimukire eshi ngambi Jesusi endi hakathishongero wendi hakarirepo, hathinda hengenine mumato no hayendire kuCapernaum mukushana Jesusi. ²⁵Apa hakamuwanine kuthambodiya dho dikuruviya, hakaghambire kukwendi,''Muhongi, ruvedhe munye ghuneyako kuno?''²⁶Jesusi ghawahuthire, ghughamba,''Ghushemwa, ghushemwa, kunishana mwe, kadi pamurandu muna mono yidimukitha, ene pamurandu muna di ghuroto no muna kuta. ²⁷Kadi murughane pamurandu ghoyidya eyi yokuyongara, ene mwakona kurughanena yidy eyi yokutapa moyo ghororuheya oghu ghakumupa Mwana Munu,mwa Nyambi gho Wihe ghatura thirameka papendi.''²⁸Podiyo haghambire kukwendi,''Nye sho tutende, podiyo eshi turughane yirughana yaNyambi?'' ²⁹Jesusi ghahuthire no kughamba kukwagho,''Eyi ne yirughana yaNyambi: Podiyo eshi mutawe moyu ghatuma.''³⁰Podiyo haghambire kukwendi,''Yidimukitho munye wa kutenda, podiyo twakumone no kutawa moye? Nye wakutenda? ³¹Hawihetu hadire maka mumuthitu, thika di hayitjanga, 'Ghawapire ghuroto ghokutunda kudiwiru hadye.'''³²Podiyo Jesusi ghawahuthire,''Ghushemwa, ghushemwa, kadi yame Moses oyu ghamupire ghuroto ghokutundamudiwiru, ene Tate oyu ghakumupa ghuroto ghoshemwa kutunda mudiwiru. ³³Ghuroto wa Nyambi ne ghuya ghokughurumuka kutunda kudiwiru no kutapa moyo mukaye.'' ³⁴Podiyo haaghambire kukwendi,''Ghodikuto, tupange ghuroto ghu kehepano.''³⁵Jesusi ghaghambire kukwagho,''Ame ne yame ghuroto ghomoyo; keheyu gho kwiya kukwange kadi mbaghafa ndhara, no keheyu ghokutawa mumwange kadimboghafa dinota. ³⁶Ene namutongwere eshi kenge mwanimona me, no kadi mwakutawa. ³⁷Keheyu Tate ghanipa me nanyi ghakwiye kukwange, noyu gho kwiya kukwange kadi na kumuvukuma panundaa.³⁸Ame kwaghurumuka kutunda mudiwiru, kadi mukuna tenda yihima yange,ene yihima yendi yu ghanituma. ³⁹Eyi ne yihima yendi oyu ghanituma, eshi kadi nakuyongarithe noghofotji temba powa ghanipa me, ene mukawa yeyura mudiyuwa dyoghuhura. ⁴⁰Eyi ne yoyihima yaTate, eshi keheyuno gho kumona Mwana no kutawa mumwendi nanyi ghakukare no moyo ghororuheya no nanyi nakumuyeyure mudiyuwa dyoghuhura.''⁴¹Podiyo haJuda hakukanane kuhatera ye yoyishi ghaghambire,''Ame yame ghuroto oghu watunda kuwiru.'' ⁴²Haghambire,''Kadi Jeusi mwana Jeseph, oyu twadimuka wihe na nyina? Ngepi keho edi shoghaghambe,'Ame neya pamuve kutundera kudiwiru'?''⁴³Jesusi ghahuthire no kughamba kukwagho,''Mushagheke kukushivanena mukatji kenu mwathinda. ⁴⁴Noghofotji temba gho kwiya kukwange shimengwa Tate oyu ghanituma ghana mushimbi ye, no nanyi nakumuyeyure me mudiyuwa dyoghuhura. ⁴⁵Hayitjanga mwawaporofeta,'Keheyuno nanyi ghakumuhonge Nyambi.' Keheyuno oyu ghayuva no kukuhonga kutundera kwaTate kwiya kukwange.⁴⁶Kadi keheyuno eshi ghamona Tate, kutundithako oyu ghatunda kwa Nyambi- aye ghamona Tate. ⁴⁷Ghushemwaa, ghushemwa, oyu ghokutawa ghana kuwana moyo ghororuheya.⁴⁸Ame ne yame ghuroto gho moyo. ⁴⁹Hawihenu hadire maka mumuthitu, no hafire.⁵⁰Oghu ne ghoghuroto oghu watunda kuwiru, podiyo munu ghakona kudyako no kadi ghakufa. ⁵¹Ame ne yame ghuroto gho kupara oghu waghurumuka kutunda kudiwiru. Ngeshi kehe yuno kudya koghu ghuroto, nanyi ghakupare kuroruheya. Ghuroto ghu nakutapa ne yirama yange muyipara yokaye.''⁵²HaJuda hapatire mukatji kawo hathinda no hatangire kukukanana, ghughamba,''Ngepi yu katughuru shatupe yirama yendi tudye?'' ⁵³Podiyo Jesusi ghaghambire kukwagho,''Ghushemwa, ghushemwa, shimengwa mwakudye yirama yaMwana Munu no kunwa manyinga ghendi, kadi mwakukara noyipara mumwenu mwathinda.⁵⁴Kehe yu gha kudya yirama yange no kunwa manyinga ghange ghana kukara no kupara kororuhe, no nanyi nakumuyeyure mudiyuwa dyokuhurera. ⁵⁵Yirama yange ne yoyidya yo shemwa, no manyinga ghange ne yoyinwa yoshemwa. ⁵⁶Kehe yu gho kudya yirama yange no kunwa manyinga ghange ghana kukara mumwange, no name mumwend.⁵⁷Thika dighanituma Tate gho kupara me, no thikakenge napara pamurandu waTate, no kehe yuno ghokunidya me ghana kupara pamurandu wange. ⁵⁸Oghu ne gho ghuroto oghu watundera kudiwiru, kadi thika hawiha hadire no kufa. Kehe yu gho kudya ghuroto ghu nanyi ghakupare kuroruheya.'' ⁵⁹Ene Jesusi ghaghambire yinu yi mu synagogue oku yene pakuhonga muCapernaum.⁶⁰Ap thingi thawa kathishongero wendi hayuvire yi haghambire,''Agha ne makuhongo gho makukutu; yidye gho kukona kughatambura?'' ⁶¹Jesusi, yoyishi ghakudimuka thinda no hakathishongero wendi hashivane kuhatera yi, ghaghambire kukwagho,''Eyi ne yina mupatitha mwe?⁶²Podiyo nye ngeshi mwe mumone MwanaMunu ghana kuyenda kuwiru oku ghatundere? ⁶³Mupepo ghodiyo gho kutenditha kupara; panyama kadipo yiwanapo. Manando agha naghamba kukwenu ne ghomupepo, no aghone moyo.⁶⁴Podiyo pohadi hamwe papenu awa hadhira kutawa.'' Aye Jesusi ghayidimukire kutundera kumatangero eshi hadye wo hakudhira kumutawa nodye oyu mbagha muheta. ⁶⁵Ghaghambire,''Pamurandu ghoyi ponaghambera kukwenu eshi kadiko oyu shogheye kukwange shimengwa ghana mutawedhera Tate.''⁶⁶Pamurandu ghoyi, thingi thawakathishongero hamuyakunukire no kadi hayendangir nendi karo. ⁶⁷Podigho Jesusi ghaghambire kowa dikumi nohawadi,''Kadi mwakushana kayenda namwe, endi munashana?'' ⁶⁸Simon Peter ghahuthire,''Fumu, kwadye shotuyende? Wakara no manando ghomoyo ghororuheya, ⁶⁹no twatawa no kwiya mukudimuka eshi owe Wapongoka Ghofotji waNyambi.''⁷⁰Jesusi ghaghambire kukwagho,''Kadi namutorora mwe, amwe dikumi nohawadi, noghofotji gho papenu ne muhayidena?'' ⁷¹Pano ghaghambire kwa Judas mwana Simon Iscariot, aye gharire yodiye, ghofotji ghopawa dikumi nohawadi, dye yu shoghakanane Jesusi.

7¹Kunyima dhoyi yinu Jesusi ghayendire kuGalilee, kadi ghashanine kuyenda kuJudea yoyishi haJuda hamushanine hamupaghe. ²Podiyo haJuda Mukandi gho Mumvure pepi wakarire.³Hakurwendi haghambire kukwendi,''Thiyedyango di no yende kuJudea, podiyo hakathishongero ghoye hakamone yirughana yi watendanga. ⁴Kadiko yu ghatendanga yinu mughudhindo ngeshi ye thinda ghana shana hamudimuke mukuyandhuruka. Ngeshi ghutende yinu yi, wakona kukunegha ghothinakukaye.''⁵Kwawakurwendi nagho kadi hamutawire. ⁶Jesusi podiyo ghawatongwere,''Ruvedhe rwange shime kadi runa kumumo, ene ruvedhe rwenu ne aro ne rwakara. ⁷Kaye kadi wakukona kamunyenge mwe, ene kunyenga me yoyishi menakutongonona kuhatera kuyirughana yoyimango.⁸Muyende kumukandi; Ame kadi nakuyenda ko yoyishi ruvedhe rwange shime kadi runa kumumo.'' ⁹Apa ghamanine kughamba yinu yi kukwagho, ghakarire muGalilee.¹⁰Apa hayendire hakurwendi kumukandi, naye ghayendire kundundu, kadi mumbunga ene mughudhindo. ¹¹HaJuda hamushanine pamukandi no kughamba,''Kupi ghadi?''¹²Pakarire yikuvureka yoyingi mukatji ko mbunga kuhatera ye. Hamwe haghambire,''Aye nekatughuru gho muwa.'' Hamwe haghambire,''Ka, ghana yongaritha mbunga.'' ¹³Ene kadiko yu ghaghambire ghushutuka kuhatera kukwendi kuyapa haJuda.¹⁴Apa wakarire mukandi eshi pakatji no kupwa, Jesusi ghayendire mu tembeli no katanga kuhonga. ¹⁵Podiyo haJuda hahafire, ghughamba,''Ngepi yu katughuru ghadimuka yoyingi? Kadi gha kuhonga.'' ¹⁶Jesusi ghawahuthire no kughamba,''Yihonga yange ne kadi yange, ene yoyu ghanituma.¹⁷Ngeshi kehe yuno ghahima mukurughana mahimeno ghendi, mboghana dimuka ghano mahongo, ngeshi kwatunda kwaNyambi, endi ame kuna kughamba kutunda mumwange. ¹⁸Keheyuno gho kughamba kutunda mumwendi kushana mangcamu ghendi, ene keheyu ghokushana ngcamu dhendi yu ghanituma, oyo munu ghushemwa, no kadiko ghumango mumwendi.¹⁹Kadi ghamupa Moses muragho? Ene noghofotji temba ghatura muragho. Nye muna kushanena kunipagha?'' ²⁰Mbunga dhahuthire,''Ghudi no mupepo ghoghumango. Dye yu ghana kushana kukupagha?''²¹Jesusi ghahuthire no kughamba kukwagho,''Narughana thinu thofotji, nomwahe munahafa pamurandu wayo. ²²Moses ghamupire dikeneno (kadi shine ngwa kwaMoses yatunda, ene kwawatukuru), no mudiyuwa dyo Mapeghu katughuru ghakona kumukena.²³Ngeshi katughuru ghatambura makeneno mudiyuwa dyoMapeghu podiyo muragho waMoses kadi hanaghutjoro, nye muna patera nange pamurandu nerura katughuru mudiyuwa dyoMapeghu? ²⁴Mwanitetera pamurandu ghodi nakumoneka, ene mukenge mughuhunga.''²⁵Hamwe hokutunda kuJerusalema haghambire eshi,''Oyu ne kadi yodiye hana kushana kupagha? ²⁶Mone, aye kughamba ghana shutuka, no kadiko yokughamba kukwendi. Kadi shine kwa hapiterithi nawo hanadimuka eshi oyu ne yodiye Kristusi, kukona? ²⁷Ene tuna dimuka eshi oyu ne kupi ghatundera. Ene apa ghakwiya Kristusi, kadiko yu ghakudimuka eshi kupi ghana tundera.''²⁸Podiyo Jesusi ghadirire ghukuyerera mutembeli, ghuhonga no kughamba,''Mwahe mwanidimuka no mwadimuka ku natundera. Kadi neya papange, ene oyu ghanituma ne ghushemwa, no kadi mwamudimuka. ²⁹Namudimuka yoyishi kukwendi natundera no yoghanituma me.''³⁰Hashanine kumukwata, ene kadiko yu ghaturire nyara dhendi papendi yoyishi viri dhendi kadi dhakumenemo. ³¹Ene thingi ho mumbunga hamutawire, no haghambire,''Apa ghakwiya Kristusi, nanyi ghakutende yidimukitha yoyingi kupitakana eyi ghana tendi yu katughuru?'' ³²HaPharisee hayuvire mbunga hakukuhohotera yinu yokuhatera Jesusi, no mukuru wapristeri naPharisee hatumine hamaporitha mukamukwata.³³Jesusi podiyo ghaghambire,''Shime nenu nidi kamanana, podiyo niyende koyu ghanituma. ³⁴Nanyi munishane ene kadi shomuniwane me; oku nakuyenda, kadi wakukona mwiyeko.''³⁵HaJuda podiyo haghambire mumwagho hathinda,''Kupi yu katughuru oku ghakuyenda oku twakudhira kumuwana? Nanyi ghakukuhanye mukatji kawa Greek no kuhonga haGreek? ³⁶Nye dhi nando ghanaghamba,' Amwe nanyi mwakunishane ene kadi mwakuniwana; oku nakuyenda,kadi mwakukona kwiyako'?''³⁷Paghuhura, diyuwa dyodikuru dyomukandi,Jesusi ghemanine no ghadirire, ghughamba,''Ngeshi keheyuno ghakufa dinota, ninge gheye kukwange na nwe. ³⁸Keheyuno gho kutawa mumwange, thikadi ghaghamba matjangwa, marware gho meyu gho kupara nanyi ghakupuke mudira dyendi.''³⁹Ene ghaghambire yi kuhatera Mupepo, owa hatawa mumwendi nanyi hakutambure; Mupepo shime kadi ghana ghutapa yoyishi Jesusi ne shime kadi ghana mutungeka.⁴⁰Mbunga dhimwe,apa hayuvire manando gha,haghambire,''Oyu neyodiye muporofeta.'' ⁴¹Hamwe haghambire,''Oyu ne Kristusi.'' Ene hamwe haghambire,''Kristusi ne kutundera kuGalilee? ⁴²Matjangwa ne kadi ghaghamba eshi Kristusi ne nanyi ghakushuruke mumughurumukero waDavid no kutundera kuBethlehem, mukunda oku ghakarire David?''⁴³Podiyo patangire makutawero gho mambunga pamurandu wendi. ⁴⁴Hamwe hashanine kumukwata, ene kadiko yu ghaturire nyara dhendi papendi.⁴⁵Podiyo hamaporitha hakahukire kwamupristeri shokuru nawaPharisee, owa haghambire kukwagho,''Nye muna pirikumureta?'' ⁴⁶Hamaporitha hahuthire,''Kadiko yu ghaghamba kengeyo.''⁴⁷Podiyo haPharisee hahuthire kwagho,''Namwe hamuhongaghura? ⁴⁸Keheyu muraghuri ghatawa mumwendi, endi keheyu muPharisee? ⁴⁹Ene dhi mbunga dhapira kudimuka muragho, ghawa kuta.''⁵⁰nikodemusi (ghofotji ghopawa Pharisee, oyu ghamwiyere pakutanga) ghaghambire kukwagho, ⁵¹''Muragho wetu ne kutheka katughuru kughutho ghokuyuva kukwendi no kudimuka eyi ghana tendi?'' ⁵²Hahuthire no kughamba kukwendi,''Nowe gho mukaGalilee? Mufukunye no mukenge eshi kadiko muporofeta ghokutunda muGalilee.''⁵³[Podiyo keheyuno ghayendire kundhugho dhendi.

8¹Jesusi ghayendire kudirundu dyaOlives. ²Mathikuthiku gheyire kutembeli karo, nohanu wahe heyire; ghahungumane no ghawahongire. ³Hakamarukwaro nawa Pharisee haretire mbuyama oyu hanawanine ghana kuhondera. Hamuturire pakatji.⁴Podiyo haghambire kukwendi,''Muhongi, oyu mbuyama ne hana mukwata ghana kuhondera. ⁵Pamuragho, Moses gharawere mukuwapawa hanu hokenge; nye wakughamba kuhatera ye?'' ⁶Haghambire yoyihe yi podiyo eshi hamukwate podiyo eshi hakare noyimwe yokumurundera, ene Jesusi ghanyongokire no kutjanga pamuve no munwe wendi.⁷Apa hatwikere kumwipura mepwero, ghemanine no kughamba kukwagho,''Ghofotji mukatji kenu oyu ghapira kuharura, ninge ghatangere kumuvukuma diwe yo mbuyama.'' ⁸Podiyo ghahungumane, no kutjanga pamuve no munwe wendi.⁹Apa hayiyuvire yi, ghatundirepo ghofotji ghofotji, katangera nohakuru. Paghuhura Jesusi hamuthighire pithendi, nambuyama yu ghakarire pakatji. ¹⁰Jesusi ghemanine no kughamba kwambuyama,''Mbuyama, kupi hadi wahana kurundera? Kadiko yu ghana kurundera?'' ¹¹Ghaghambire,''Kadiko, Fumu.'' Jesusi ghaghambire,''Name nokukurundera shi. Yende no wakaharura karo.''¹²Karo Jesusi ghaghambire kukwagho,''Ame ne no munyenge gho kaye; keheyu ghokunikutha kadi gha kukara mumakokore ene nanyi ghakukare muthishe.'' ¹³HaPharisee haghambire kukwendi,''Wakona kukara ghushupi papoye ghothinda; mughupi ghoye ne kadi ghushemwa.''¹⁴Jesusi ghawahuthire no kughamba kukwagho,''Ngambi ngonirete hashupi wange nothinda, hashipi wange ne ghushemwa. Nadimuka oku nakutunda noku nakuyenda, ene kadi mwadimuka oku natunda endi oku nakuyenda. ¹⁵Amwe ne kukengurura panyama; kadi wakutheka me keheyuno. ¹⁶Ngeshi nitheke, matheko ghange ne ghushemwa yoyishi kadi pithange, ene naTateoyu ghanituma.¹⁷Kemo, pamuragho hayitjanga eshi yishupa yo hanu hawadi ne yashemwa. ¹⁸Ame ne yame ghokutenda hashupi hange nothinda, na Tate oyu ghanituma kutenda hashupi kuhatera me.''¹⁹Haghambire kukwendi,''Kupi wiho?'' Jesusi ghawahuthire,''Mwadimuka me ndi Tate; ngo mwanidimuka me, ngo mwadimuka naTate naye.'' ²⁰Ghaghambire yinu yi muruhafo oku yene pakuhonga mutembeli, noyofotji temba ghamukwatire yoyishi viri dhendi shime kadi dheyire.²¹Podiyo karo ghaghambire kukwagho,''Ame ne kuna kuyenda; nanyi mwakunishane me no nanyi mwakufe mumaharwero ghenu. Okunakuyenda, kadi wakukona mwiye.'' ²²HaJuda haghambire,''Nanyi ghakupaghe thinda? Yoghana kughambera,'Oku nakuyenda amwe kadi wakuyendako'?''²³Jesusi ghaghambire kukwagho,''Amwe ne kwatunda kwishi; ame ne kwatunda kuwiru. Amwe ne mwakakakaye; ame ne kadi nomuka ka kaye. ²⁴Podiyo, nakughamba kukwenu eshi nanyi mwakufe mumaharwero ghenu. Shimengwamwakutawe eshi ame ne yame, nanyi mwakufe mumaharwero ghenu.''²⁵Haghambire yino kukwendi,''Yowe dye?'' Jesusi ghaghambire kukwagho,''Yoyihe yi naghamba kukwenu kutundera kumatangero. ²⁶Nidi noyinu yoyingi yokughamba no kukukengurura we. Ene ngambi kemo, oyu ghanituma ne ghushemwa; no yinu yi nayuva kukwendi, yinu yi naghambanga kukaye.'' ²⁷Kadi hayidimukire eshi kwaghambire kukwagho kuhatera Wihe.²⁸Jesusi ghaghambire,''Apa mwayeyure Mwana Munu, podiyo mwakudimuka eshi yame, no kadiko eyi natendanga papange. Thika Tate ghanihongire me, ame kuna kughamba yinu yi. ²⁹Oyu ghanituma ne nange ghadi, no kadi ghanithiya me pithange, yoyishi me kehepano kutenda eyi yamuhafithanga.'' ³⁰Oku Jesusi pakughamba yinu yi, hengi hamutawire.³¹Jesusi ghaghambire kwaJuda awa hamutawire,''Ngeshi muthighare munando dhange, no ghushemwa mwakathishongero wange; ³²no nanyi mwakudimuke ghushemwa, no ghushemwa nanyi wakumushuture.'' ³³Hamuhuthire,''Atwe ne twahanhoka waAbraham no kaditwakara twapika wakeheyuno; ngepi di shoghambe,'Nanyi mwakushutuke'?''³⁴Jesusi ghawahuthire,''Ghushemwa, ghushemwa,nakughamba kukwenu, keheyu gho kuharura ne thipika kumaharwero. ³⁵Mupika ne kadi wakuthighara mundhughokehepano; ene mwana kehepano kuthighara ye. ³⁶Podiyo, ngeshi Mwana kumushutura, nanyi mwakushutuke yoshemwa.³⁷Nadimuka eshi amwe ne mwahanahoka waAbraham; kuna kushana kunipagha pamurandu manando ghange kadi ghadi nodyango mumwenu. ³⁸Ame kughamba eyi namona naTate, amwe namwe kutenda eyi mwayuva kwawihenu.''³⁹Hahuthire no kughamba,''Wihetu ne Abraham.'' Jesusi ghaghambire kukwagho,''Ngeshi mwe mwakarire mwahana Abraham, ngo kuna kurughana yirughana yaAbraham. ⁴⁰Keho, amwe muna shana kunipagha me, katughuru yu ghana mutongwera ghushemwa oghu nayuva kwaNyambi. Abraham kadi ghayitendire yiynu yi. ⁴¹Amwe kutenda yirughana yawihenu.'' Haghambire kukwendi,''Kadi hatureta twe mukuhondera; tudi no Wihetu ghofotji: Nyambi.''⁴²Jesusi ghaghambire kukwagho,''Ngo Nyambi ne yo Wihenu, ngo mwanihaka me, ame kwatunda kwaNyambi no yame no; ame kadi neya papange, ene kwanituma me. ⁴³Nye mwapira kutjwathana manando ghange? Pamurandu eshi kadi wakukona muyuve manando ghange. ⁴⁴Amwe ne nawihenu, muyipithi, no mwahima kurughana mahimeno ghawihenu. Ghakarire mupayi kumatangerero no kadi ghemana mughushemwa yoyishi kadimo ghushemwa mumwendi. Apa ghaghambanga ghumbango, kughamba kutunda kukwendi yoyishi aye ne mukambudhi no wiha mbudhi.⁴⁶Keho, pamurandu ame kughamba ghushemwa, kadi wakunitawa mwe. ⁴⁵Yidye yu ghaniwanine diharwero me? Ngeshi me kughamba ghushemwa, nye gho kupira kunitawa me? ⁴⁷Keheyu waNyambi ghayuve manando ghendi; kadi mwaghayuva yoyishi kadi mwaNyambi.''⁴⁸HaJuda hahuthire nokughamba kukwendi,''Kadi wakukona tughambe vene ghushemwa eshi ghomuSamaritan no ghudi nomupepo ghoghumango?'' ⁴⁹Jesusi ghawahuthire,''Kadi nidi no mupepo ghoghumango, ene nakutekera Tate, no mwanishamuna mwe.⁵⁰Kadi nashana kuhafa kwange; pwadi ghofotji ghana kushana no kukengurura. ⁵¹Ghushemwa, ghushemwa, nakughamba kukwenu, ngeshi kehe yuno ghapungura nando dhange, kadi ghakumona kufa.''⁵²HaJuda haghambire kukwendi,''Tuna dimuka eshi ghudi no mupepo ghoghumango. Abraham no haporofita hafire; ene we kuna kughamba,'Ngeshi kehe yuno ghatura manando ghange, kadi ghakuyereka yifa.' ⁵³Kadi wapiterera wihetu Abraham oyu ghafa, endi we? Muporofeta naye ghafire. Owe ne yowe dye wakutendaghothinda?''⁵⁴Jesusi ghawahuthire,''Ngeshi nikungcamupithe nothinda, ngcamu dhange ne kadiko; Tate ne yoghani pa ngcamu- oyu mwaghambanga mwe eshi yo Nyambi. ⁵⁵Kadi mwamudimuka ye, ene mene namudimuka. Ngeshi nighambe,'Kadi namudimuka,'nanyi nikare yira mwe, hakambango. Ngambi kemo, namudimuka no natura nando dhendi. ⁵⁶Wihenu Abraham ghahafire pakumona diyuwa dyanga; ghadimonine no ghahafire.''⁵⁷HaJuda haghambire kukwendi,''Kadiwakuma shime kumyaka makumi kwoko, no wamona Abraham?'' ⁵⁸Jesusi ghaghambire kukwagho,''Ghushemwa,ghushemwa, nakughamba kukwenu, kughutho waAbraham ne, Yame.'' ⁵⁹Podiyo hashimbire mawe no kumuvukuma, ene Jesusi ghakuhorekire thinda no ghayendire ghatunde mutembeli.

9¹Podiyo Jesusi ghapitire, ghamonine katughurughomukunga kutunda kumushamurukero. ²Hakathishongero wendi hamwipure,''Muhongi, yidye ghaharura, oyu katughuru endi hakuruwendi, podiyo hamushamuruke ghafa meho?''³Jesusi ghawahuthire,''Ngambi yu katughuru kadi ghaharura, ngambi hakuru wendi, ene pamurandu yirughana yaNyambi hakuyihokore kupitera mumwendi. ⁴Twakona kurughana yirughana yendi oyu ghanituma oku shime diyuwa. Ghuthiku kwiya oku noyofotji temba ghokukona kurughana. ⁵Oku mene shime mukaye,ame yame thishe thokaye.''⁶Kunyima Jesusi ghaghambire yinu yi, ghathipere pamuve, ghatendire thighuru no mate, noghathirambire pameho ghendi. ⁷Ghaghambire kukwendi,''Yende, kakuyoye muSiloam'' (eyi hatoroka eshi''Kutuma''). Podiyo katughuru ghakayendire, gha kakuyoyire, no ghakahukire ghumona.⁸Haka maparaghumbo wakatughuru nowa hamumonine eshi aye ne mukakurombaghura haghambire,''Oyu ne kadi yokatughuru yu ghana hungumananga no kuromba?'' ⁹Hamwe haghambire,''Yodiye.'' Hamwe haghambire,''Ka, ene kuna kumoneka yira yodiye.'' Ene ghaghambire ye,''Yo yame.''¹⁰Haghambire kukwendi,''Ngepi edi ghana yandhuruka meho ghoye?'' ¹¹Ghawahuthire,''Katughuru yu hetha eshi Jesusi ghana tendi thighuru no kuthiramba tho pameho ghange no kughamba kukwange,'Kayende kuSiloam no kakuyoghe.' Podiyo nayendi no kakuyogha, no nawana mamoneno ghange.'' ¹²Haghambire kukwendi,''Kupi ghadi?'' Ghahuthire?'' Ghahuthire,''Kadi sho nidimuke.''¹³Haretire katughuru yu ghakarire mukunga kwawaPharisee. ¹⁴Pano kwakarire diyuwa dyoMapeghu apa Jesusi ghatendire mughundumuki no kuyandhurura meho ghendi. ¹⁵Podiyo karo haPharisee hamwipure eshi ngepi di gherukire. Ghaghambire kukwagho,''Ghashimbire thighuru no kutura mumeho ghange, nakuyoghire, no pano kukona kumona.''¹⁶Hamwe haPharisee haghambire,''Oyu katughuru ne kadi kwaNyambi ghatunda yoyishi kadi ghatureka diyuwa dyoMapeghu.'' Hamwe haghambire,''Ngepi katughuru ghothiharuri gharughane yidimukitha ?'' Pakarire makutawero mukatji kagho. ¹⁷Podiyo hepure katughuru gho mukunga karo,''Nye ghuna kughamba kuhatera ye, kutunda pa ghana yandhurura meho ghoye?'' Katughuru ghomukunga ghaghambire,''Aye ne muporofeta.'' ¹⁸Pano haJuda oku shime kadi hatawa mwendi eshi aye ghakarire mukunga no ghana wana mamoneno kate pahethire hakuru wendi oyu ghawanine merukero.¹⁹Hepurire hakuruwendi,''Oyu ne yomwanenu yu mwaghambanga shi hamwereka okuyene mukunga? Ngepi edi ghana kumona pano?'' ²⁰Hakuru wendi hahuthire,''Tuna dimuka eshi oyu ne mwanetu no kwamuretire ye mukunga. ²¹Ngepi pano kuna kumona, kadi tuna dimuka, no dye ghana yandhurura meho ghendi, kadi tuna dimuka. Mumwipure, aye ne mukuru. Kukona ghaghambe papendi.''²²Hakuru wendi haghambire yinuyino, pamurandu hayapire haJuda. HaJuda wo ne hatawire kare eshi ngeshi ghumwe ghatawe eshi oyu ne Kristusi, nanyi hamuvukuma ghatunde mu synagogue. ²³Pamurandu ghoyi, hakuru wendi haghambire,''Aye ne mukuru, mumwipure.''²⁴Paroghuwadi hethire katughuru yu oyu ghakarire mukunga no kughamba kukwendi,''Tape ngcamu kwaNyambi. Tuna dimuka eshi oyu katughuru ne thiharuri.'' ²⁵Katughuru ya ghahuthire,''Kadi nayidimuka ngeshi thiharuri. Thinu thofotji nadimuka: Ame nakarire no mukunga,ene pano ne kumona.''²⁶Podiyo haghambire kukwendi,''Nye ghana tendi kukoye? Ngepi edi ghana yandhura meho ghoye?'' ²⁷Ghahuthire,''Namutongwera kare, no kadi muna tegherera! Nye muna shanena kuyiyuva karo? Kadi muna kushana kukara mwakathishongero wendi namwe, endi munashana?²⁸Hamutukire no kughamba,''Amwe mwakathishongero wendi, ene atwene twakathishongero waMoses. ²⁹Twadimuka eshi Nyambi ne ghaghambire kwaMoses, ene kadi tuna dimuka yu eshi kupi ghatunda.''³⁰Katughuru ghaghambire no kughamba kukwagho,''Eyi ne kutetukitha, amwe kadi mwadimuka oku ghatunda, no ghana yandhurura meho ghange. ³¹Twadimuka eshi Nyambi ne kadi ghateghereranga kwawaharuri, ene ngeshi ghumwe hakumbirupitha no kurughana yihima yendi, aye kumutegherera.³²Kutunda kumatangero gho kaye kadi hayiyuva eshi ghumwe ghana yandhura meho ghamukunga. ³³Ngeshi yu katughuru ngo kadi kwatunda kwaNyambi, ngo kadiko yi ghatendire.'' ³⁴Hahuthire no kughamba kukwendi,''Amwe kwamureta mumaharwero, nowe kuna kutuhonga?'' Podiyo hamuvukumine panunda.³⁵Jesusi ghayuvire eshi hana mutjidha mu synagogue. Ghamuwanine no kughamba,''Watawa mwaMwana Munu?'' ³⁶Ghahuthire no kughamba,''Dye yo,Fumu, podiyo nitawe mumwendi?'' ³⁷Jesusi ghaghambire kukwendi,''Wamumona, noyodiye yu ghana kughamba noye.'' ³⁸Katughuru ghaghambire,''Fumu,natawa,'' no gha mutumere.³⁹Jesusi ghaghambire,''Makengwerero neya mukaye kano podiyo kowa ghokudhira kumona hamona podiyo awa hokumona hakukare hakunga.'' ⁴⁰Hame haPharisee awa hakarire nendihayuvire yinu yi nohepurire ye,''Atwe natwe ne twakunga ndi?'' ⁴¹Jesusi ghawahuthire,''Ngo mwakunga, ngo kadiko maharwero, ene pano kughamba,'Atwe kumona,'podiyo maharwero ghenu ghemana.''

10¹''Ghushemwa, ghushemwa, nakughamba kukwenu, kehe yu gho kupira kwingenena kuthero kuthikora tho ndjwi, ene ghana kudhina mundhira dhimwe, oyo katughuru ne mwidhi no mutjori. ²Oyu gho kungena kuthero ne mukungi gho ndjwi.³Mukakuyandhura muvero ghamuyandhwere. Ndjwi dhayuvire diywi dyendi, no kwitha ndjwi dhendi pamena no kudhishwayitha panunda. ⁴Pakushwayitha dhodhihe dhendi, kokuyenda kughutho dhadho, no ndjwi dhina kumukutha, adho dhadimuka diywi dyendi.⁵Kadi wakukutha yu dhadhira kudimuka ene kumuthiya, kadi dhadimuka maywi ghohanu hahonagho.'' ⁶Jesusi ghaghambire mumathaghano, ene kadi hamutjwathane nye yatambire yinu yi eyi gha ghambire kukwagho.⁷Podiyo Jesusi ghaghambire kukwagho karo,''Ghushemwa, ghushemwa, nakughamba kukwenu, ame ne yame thero dho ndjwi. ⁸Kehe yu gheya kughutho dhange ne mwidhi no mutjori, no ndjwi kadi dhawategherere.⁹Ame yame thero. Ngeshi keheyuno ghengena kupitera mumwange, nanyi ghakupwe kukunga; nanyi ghakungene no kushwagha no nanyi ghakuwane yinu. ¹⁰Mwidhi kadi gheyanga kutundithako kwidha no kupagha no kuyipitha. Ame neya podiyo hakuwane moyo no kukara nagho kehe pano.¹¹Ame ne no mukungi gho muwa. Mukungi ghomuwa kutapa yipara yendikundjwi. ¹²Mukungi gho kuhira ne kadi mukungi no kadi wakumuna ndjwi dho. Pakumona windhi ghana kwiya ghana kudhithiya no kutjira, no windhi ghuna kutjombora dho no kudhihanyaghura. ¹³Aye kutjira yoyishi kwamuhira mupika yu no kadiko thinga tho ndjwi.¹⁴Ame ne yame mukungi ghomuwa, no nadimka yange, no yange yanidimuka me. ¹⁵Tate ghanidimuka me, no nadimuka Tate, no natapa yipara yange kundjwi. ¹⁶Nakara no ndjwi edhi dhakara eshi kadi dhomu muthikora. Nakona kudhireta nadho,no nanyi dhiyuve diywi dyange podiyo dhikare muraka ghofotjino mukungi ghofotji.¹⁷Eyi ne yoghanihakera Tate me: Amekutapa yipara yange podiyo nakuyishimbe karo. ¹⁸Kadiko gho kukona kughushimba kukwange, ene me ne kughutapa nothinda. Nakara no ngcamu dhokughutapa, no nakarano ngcamu dhokughushimba karo. Natambure marawero gha kutunda kwaTate.''¹⁹Makutaghuro ghakarire mwawaJuda pamurandu ghogha manando. ²⁰Thingithagho haghambire,''Ghadi no mupepo gho ghumango no ghana ghundumuka. Nye mwakumutegherera ye?'' ²¹Hamwe haghambire,''Aghane kadi manando ghakatughuru yu ghuna munu mupepo ghoghumango. Mupepo gho ghumango kukona kuyandhurura meho ghamukunga?''²²Podiyo yakarire ruvedhe romukandi gho kutapera Jerusalema. ²³Kwakarire pakufu, naJesusi ghakarire ghana kuyenda mutembeli mundhugho dhaSolomon. ²⁴Podiyo haJuda hamudhingire no kughamba kukwendi,''Rure rokukuma kupioru shotukwatetuna kukutamangera? Ngeshi yowe Kristusi, tutongwere ghuna yandhuruka.''²⁵Jesusi ghawahuthire,''Na mutongwere mwe, ene kadi mwanitawire. Yirughana yi natendanga mudina dyaTate, agha matongweneno ne kuhatera kukwange. ²⁶Ene shime kadi muna kutawa yoyishi kadi mwandjwi dhange.²⁷Ndjwi dhange ne kuyuva diywi dyange;nadhidimuka, no adho kunikutha me. ²⁸Nadhipa moyo ghororuheya; kadi dhakufa, no kadiko yu ghaku dhini tjombora munyara dhange.²⁹Tate, oyu ghawanipire me, ghapitakana wahe, no kadiko ghokukona kuwanishimba kutunda munyara dhaTate. ³⁰Ame na Tate ne twayofotji.'' ³¹Podiyo haJuda hashimbire mawe nokumuvukuma.³²Jesusi ghawahuthire,''Ame namuneghedha yirughana yange yoyiwa kutunda kwaTate. Oyu yirughana yo muna kunipumwera me?'' ³³HaJuda hamuhuthire,''Kadi tuna kukupumura we kukehe yirughana yoyiwa, ene kudishamu, yoyishi owe, kathughuru,kunakukutenda ghothinda Nyambi.''³⁴Jesusi ghawahuthire,''Kadi hayitjanga mumuragho wenu,'Na ghamba,''Amwe ne mwa nyambi'''? ³⁵Ngeshighawethire ha nyambi, oku dhatunda nando Nyambi (no matjangwa kadi wakukona kughatjora), ³⁶Kughamba kukwendi kwa Mihe oyu ghana tura mutara ghumwe no kumutuma mukaye,'Amwe muna tetuka,'yoyishi ame naghamba,Áme no Mwana Nyambi'?³⁷Ngeshi me kadi nakurughana yirughana yaTate, mwani tawa. ³⁸Ene ngeshi kuna kuyitenda, ngambi ngokadi sho munitawe me, mutawe muyirughana podiyo mwakudimuke no kutjwathana eshi Tate ne mumwange no ame nemwaTate.'' ³⁹Hayerekire kumushaghekitha karo, ene ghayendire kutunda munyara dhagho.⁴⁰Ghayendire karo kupitakana Jordan kudyango oku Johannesi ghatangerekuyogha, noghakakarire ko. ⁴¹Thingi thawanu heyire kukwendi no kughamba,''Johannesi kadi ghatendire yidimukitha, ene yoyihe yi Johannesi ghaghambire kuhatera yu katughuru ne yashemwa.'' ⁴²Thingi thawanu hamutawire kuya.

11¹Podiyo katughuru ghumwe gho dina Lazarus gha korwire. Ghatundire kuBethany, mukunda waMaria no mukurwendi Martha. ²Maria yodiye ghawethere Fumu no maghadhi no kukuyura mapadhi ghendi no huki dhendi, oku mukurwendi Lazarus ne tjitju.³Hakurwendi podiyo hatumene Jesusi, ghughamba,''Fumu, kenge, oyu mwahakane tjitju.'' ⁴Apa ghayiyuvire Jesusi yi, ghaghambire,''Odhi tjitju ne kadi dho kukufa, ene dhongcamu dha Nyambi podiyo Mwana Nyambi ghamutanarithe pamurandu wayo.''⁵Podiyo Jesusi ghahafire Martha namukurwendi ndani Lazarus. ⁶Apa gha yiyuvire eshi Lazarus netjitju, Jesusi ghakarire mayuwa mawadi mudyango dyodyo omu ghakarire. ⁷Kunyima dhoyi, ghaghambire kwawakathishongero wendi,''Mutuyende kuJudea karo.''⁸Hakathishongero haghambire kukwendi,''Muhongi, pano kengeno haJuda kuna kushana kukupagha we, no ghuna kuhuka kokuya karo?'' ⁹Jesusi ghawahuthire,''Kadi maviri dikumi no mawadi gho thishe mudiyuwa? Ngeshi ghumwe hayendi mutenya, kadi shogha punduke, yoyishi aye kumona thishe tho kaye kano.¹⁰Ngambi kemo, ngeshi ghayendi ghuthiku,nanyi ghapundukeyoyishi thishe ne kadi nothishe ghadi.'' ¹¹Ghaghambire yinu yi, no kunyima dhoyinu yi, ghaghambire kukwagho,''Muyendhetu Lazarus ghana rara, ene me ne kuna kuyenda podiyo ni kamupinduthe.''¹²Hakathishongero podiyo haghambirekukwendi,''Fumu, ngeshi ghana kotho, nanyi gheruke.'' ¹³Podiyo Jesusi ghaghambire kuhatera yifa yendi, ene haghayarire eshi kuna kughamba kuhatera kurara kokuturumutha. ¹⁴Podiyo Jesusi ghaghambire kukware,''Lazarus ne ghana fu.¹⁵Ame nahafa, pamurandu ghoye, ame kadi nakarirekopodiyo mutawe. Ninge tuyende kukwendi.'' ¹⁶Thomas, oyu ghethire eshi Didymus, ghaghambire kwa wayendhendi haka thishongero,''Ninge natwe tuyende podiyo tukafe naJesusi.''¹⁷Apa gheyire Jesusi, ghawanine Lazarus oku yene ghana kara mumbira mayuwa mane. ¹⁸Pano pepi na Bethany hakarire pepi na Jerusalema, pepi no dikumi no kwoko kutunda ko. ¹⁹Thingi thawa Juda heyire kwaMartha na Maria, mukuwa hengaghura kuhatera kwamukurwagho. ²⁰Podiyo Martha, apa ghayuvire eshi Jesusi kuna kwiya,ghayendire kukwendi, ene Maria ghahungumanine mundhugho.²¹Martha podiyo ghaghambire kwaJesusi,''Fumu, ngeshi kowa karire kuno, ngo kadi ghafire mukurwange. ²²Ngambi popano, nadimuka keheyino mwakuromba kwaNyambi, nanyi ghakuyikupe.'' ²³Jesusi ghaghambire kukwendi,''Mukuroghe nanyi ghakupinduke karo.''²⁴Martha ghaghambire kukwendi,''Nadimuka eshi nanyi ghakupinduke karo mudiyuwa dyo muvumbukero gho diyuwa dyoghuhura.'' ²⁵Jesusi ghaghambire kukwendi,''Ame ne yame muvumbukero no moyo; keheyu gho kutawa mumwange, ngambi kufa ye, nanyi ghakupare; ²⁶nokehe yuno ghokupara no kutawa mumwange kadi ghakufa. Muna yitawa yi ndi?''²⁷Ghaghambire kukwendi,''Kemo, Fumu, natawa eshi owe ne yowe Kristusi. Mwana Munu, oyu ghakwiya mukaye.'' ²⁸Apa gha ghambire yi, ghatundirepo ghakayende no ketha mukurwendi Maria kopithagho. Ghaghambire,''Muhongi ne pwadi pano no yowe ghana kwitha.'' ²⁹Apa ghayiyuvire yi, ghemanine wangu no kuyenda kukwendi.³⁰Pano Jesusi kadi gheyiremumukunda ene shime ghakarera kudyango oku Martha ghakuwanine nendi. ³¹Apa haJuda, awa hakarire nendi mundhugho nowa hamuhengaghure, hamonine Maria ghana kwimana wangu no kushwagha, hamukuthire, ghughayara eshi kuna kuyenda kumbira ghakadire. ³²Apa gheyire Maria kudyango oku Jesusi ghakarire ghamumonine, ghawire kumaghuru ghendi no kughamba kukwendi,''Fumu, ngo poghuna kara pano, mukurwange ngo kadi ghana fu.''³³Apa Jesusi ghamonine kuna kudira, no haJuda awa heyire nendi kuna kudira, yamuyendire thikuma mumupepo nayamushedhire; ³⁴ghaghambire,''Kupi muna kamurangeka?'' Haghambire kukwendi,''Fumu, wiye no mone.'' ³⁵Jesusi ghadirire.³⁶Podiyo haJuda haghambire,''Kengeeshi ngepi di ghahakire Lazarus!'' ³⁷Ene hamwe haghambire,''Kadikukona yu katughuru, oyu ghayandhure meho ghamukunga, karo ngoghanatendi yu katughuru ghapire kufa?''³⁸Podiyo Jesusi karo, wa muyendithire karo thinda, ghayendire kumbira. Apano ne pakarira dingengera, nodiwe haturireko. ³⁹Jesusi ghaghambire,''Shwayitheko diwe.'' Martha, mukurwa Lazarus, oyu gha fire, ghaghambire kwaJesusi,''Fumu, poruno ruvedhe yirama ne kuna kwora, ayo ne yina kara mughufu mayuwa mane.'' ⁴⁰Jesusi ghaghambire kukwendi,''Kadi naghambire kukoye me eshi, ngeshi watawa, nanyi wakumone mangcamu ghaNyambi?''⁴¹Podiyo hatundithireko diwe. Jesusi ghayeyure meho ghendi no kughamba,''Tate, nakutumera eshi ghuna ni tegherera me. ⁴²Nayidimuka eshi owe kehe pano kunitegherera, ene pamurandu ghombungaedhi dhinemana papange ponayighambere yi, podiyo eshi hatawe eshi yowe wanituma me.''⁴³Apa ghamanine kughamba yi, ghadirire ghukuyerera no diywi,''Lazarus, shaye panunda!'' ⁴⁴Katughuru ghomufu gheyire panunda; mapadhi no nyara dhendi yapwire kudhinga no makehe, no rupara rwendi rwakarire ghana rudhingi no thikehe. Jesusi ghaghambire kukwagho,''Mumushuture no mumuthiye ghakayende⁴⁵Thingi thawaJuda heyire kwaMaria no kuna mona eyi ghatendire Jesusi, hatawire mumwendi. ⁴⁶Ene hamwe hayendire kwawaPharisee no kawatongwera yinu eyi Jesusi gharughane.⁴⁷Podiyo mupristeri shokuru no haPharisee hakukongawedhire no kughamba,''Nye shotutende? Oyukatughuru ne ghatenda yidimukitho yishawingi. ⁴⁸Ngeshi tumuthiye pithendi kenge, wahe nanyi hakumutawe; hakaRoman nanyi hakwiye no kunashimba yoyihe dyango dyetu no ditunga dyetu.''⁴⁹Ngambi kemo, katughuru ghumwe mukatji kagho, Caiaphas, oyu ghakarire mupristeri shokuru ghuya mwaka, ghaghambire kukwagho,''Kadiko yi mwadimuka. ⁵⁰Kadi mwakuyimona eshi hasha koya katughuru ghofotji ghafe pawanu mukuningera eshi hanu wahe hakayongare.''⁵¹Eyi ghayighambire kadi kutunda mumwendi. Ene, kukara eshi yo mupristeri shokuru ghuya mwaka, gha pumbire eshi Jesusi ghakona kufera ditunga; ⁵²nokadi paditunga ngenyu, ene podiyo hana Nyambi awa hakuhanya podiyo hakuwapongeke pofotji. ⁵³Kutunda modiya diyuwa haghayare eshi ngepi edi hakupagha Jesusi.⁵⁴Kadikaro Jesusi ghayendire ghushutuka mukatji kawaJuda, ene ghatundire ko ghayende muditunga dimweya dyopepi no muthitu mudoropa dhaEphraim. Okuya ghakarire nawaka thishongere. ⁵⁵Oku pepi noPasika wawaJuda, thingi thawo hayendire kuJerusalema kutunda muditunga kughutho ghoPasika podiyo hakakuyoghe hathinda.⁵⁶Hashanine Jesusi, ghukughambitha hathinda oku hanemana mutembeli,''Nye muna kughayara? Eshikadi ghakwiya kumukandi ndi?'' ⁵⁷Mupristeri shokuru nawaPharisee hatapire marawero eshi keheyuno ghadimukire Jesusi oku ghakarire, ghakona kutongora podiyo ha mushaghekithe.

12¹Mayuwa kwoko nodyofotji kughutho gho Pasika, Jesusi gheyire kuBethany, oku ghakarire Lazarus,Oyu ghakapinduthire Jesusi mukufa. ²Podiyo hamutendere murarero kokuya, naMartha ghatapire, naLazarus ne yofotji ghopowa ghararire kutishi naJesusi. ³Podiyo Maria ghashimbire sende oyu hatenda no mono, ghawethere mapadhi ghaJesusi nendi, no kukuyura mapadhi ghendi no huki dhendi. Ndhugho dhayarire munuko gho sende yu.⁴Judas Iscariot, ghofotji ghopa wa kathishongero wendi, oyu gha hetire ye, ghaghambire, ⁵''Nye yu sende yi ghadhirire kumughuritha kumadenari mathere mahatu no kughatapa kwawahepwe?'' ⁶Podiyo ghaghambire yi, kadi shighakarire no thinga kwawahepwe, ene pamurandu shi ghakarire mwidhi. Ghakarire no ndjato dho masherenyi no ghashanine kwidha eyi haturiremo mwishi.⁷Jesusi ghaghambire,''Mutawedhere ghatureke eyi ghadi nayo yange yo padiyuwa dyo mahoreko ghange. ⁸Ame nanyi mwakukare kehepano nawa hepwe. Ene kadi mwakukara nange kehepano.''⁹Podiyo mbunga dhodhikuru dhawaJuda hakuhongire eshi Jesusi ne poghakarire, podiyo heyire, kadi kwaJesusi pithako, ene no mukumona Lazarus, oyu Jesusi ghapinduthire mukufa. ¹⁰Hakuru wapristeri waheya hakuyuvire wahe podiyo eshi hakupaghe Lazarus; ¹¹pamurandu wendi thingi thawaJuda hayendire nokutawa mwaJesusi.¹²Mudiyuwa dyo kurandako mbunga dhodhikuru dheyire kumukandi. Apa hayuvire eshi Jesusi kuna kwaya kuJerusalema, ¹³hashimbire mite dho kakoma no hayendire hakamuwane nohadirire ghukuyerera,''Hosanna! Oyu ghapwa kutungeka ne oyu ghokwiya mudina dyaFumu, Fumu waIsrael.''¹⁴Jesusi ghawanine kadongighana no ghahungumane papako; thika di hayitjangire, ¹⁵''Wayapa, mwana Zio; mone, Fumu ghoye ne kuna kwiya, ghana hungumana pamughongo gho dongi.''¹⁶Haka thishonero wendi kadi hatjwathane yinu yi pakutanga; ene Jesusi hamufumanekire, havurukire eshi yinu yi yapwire kutjanga kuhatera ye no hatendire yinu yiya kukwendi.¹⁷Podiyo mbunga dhakutapire eshidhakarire nendi apa ghethire Lazarus mumbira no kumupindutha mwawafu. ¹⁸Pamurandu ghoyi mbunga dhi dhayendire dhikamuwane, yoyishi hayuvire eshi ghana tendi yidimukitha yi. ¹⁹HaPharisee podiyo haghambire mukatji kagho,''Mukenge, kadiko yi shomutende; kenge, kaye kuna kumukutha ye.''²⁰Podiyo hamwe haGreek hakarire mukatji kowo awa hayendire hakaraperere pamukandi. ²¹Awa hayendire kwaPhilip, oyu ghatundere kuBethsaida muGalilee, no kumwipura, ghughamba, ''Ghodikuto, tuna shana tumone Jesusi.'' ²²Philip ghayendire no katongwera Andrew; Andrew ghayendire naPhilip, no hakatongwere Jesusi.²³Jesusi ghawahuthire wo no kughughamab, ''Viri ne dhina kumumo naMwana Munu hakamutumere. ²⁴Ghushemwa, ghushemwa, naku mutongwera, shimengwa dimbutodyo mavumbukiro dyakuwere pakaye no kufa, dyakona kukara papadyo pithadyo; ene ngeshi dina fu, nanyi dya kwime mbuyo dhodhingi.²⁵Kehe yu ghokuhaka ghuparo wendi nanyi ghakughuyongarithe; ene keheyu ghokunyenga ghuparo gho kaye ghana kutureka ghuparo gho kuroruheya. ²⁶Ngeshi keheyuno ghanirughanena me, mutawehere ghanikuthe; no oku nidi me, nako hapika wange kohakakara. Ngeshi kehe yuno ghanirughanena me, Tate nanyi gha kumukutekere.²⁷Pano ghuparo wange ne ghuna nyanda ndani nye sho nighambe? 'Tate, nikunge modhino viri'? Ene pamurandu ghoyi neya modhino viri. ²⁸Tate, difumane dina dyoye.'' Podiyo diywi dyeyire kutundera mudiwiru no kughamba,''Na difumaneka no nanyi nidi fumaneke karo.'' ²⁹No mbunga dhi dhemane no kuyuva yi haghambire eshi yina rendi. Hamwe haghambire,''Muengeli ghana ghamba kukwendi.''³⁰Jesusi ghahuthire no kughamba,''Edi diywi ne kadi dineya kukwange, ene kukwenu. ³¹Agha ne matheko ghokaye kano: Pano mupiterithi ghokaye kano kuna kamutundithako.³²Pakuniyeyura kuwiru pano pa kaye, nanyi nakurete keheyuno kukwange.'' ³³Ghaghambire yinu yi mukunegha rudhi ro yifa eyi ghakufa.³⁴Mbunga dhamuhuthire ye, ''Twayuva kumuragho eshi Kristusi nanyi ghakutunge kuroruheya. Ngepi di shoghambe,'Mwana Munu hakona kumuyeyura'? Dye yuMwana Munu?'' ³⁵Jesusi podiyo ghawatongwere, ''Thishe ne shime nanyi thikare nenu paruvedhe rorufupi. Muyende oku shime mudi no thishe, podiyo dikokore kadi dimupitakane mwe. Keheyu gho kuyenda mudikokore kadi wakudimuka oku ghana kuyenda. ³⁶Oku mudi no thishe, mutawe muthishe podiyo mwakukare mwahana gho thishe.'' Jesusi ghaghambire yinu yi no ghatundirepo no kakundeka kukwagho.³⁷Ngambi kenge Jesusi ghatendire yidimukitho yoyingi kughutho wagho, kadi hatawire mumwendi ³⁸podiyo manando gha Isaiah gho muporofeta ghakumenenemo, omu ghaghambire: ''Fumu, oyu ghatawire yitongora yetu, no koyu oku dyoko dya Fumu ghadinegha?''³⁹Pamurandu ghoyi kadi hakonine kumutawa, Isaiah ghaghambire, ⁴⁰''Ghawafikire pameho ghawo, no ghakukuterithire mitjima dhawo; ene ngo kukonahamone no meho ghawo no kutjwathana no mitjima dhawo, no kupiruka, no nanyi nakewerure.''⁴¹Isaiah ghaghambire yinu yi yoyishi ghamonine matungekero gha Jesusi noghaghambire kukwendi. ⁴²Ene kutundithako yi, thingi thawapiterithi hatawire mwaJesusi; ene pamurandu waPharisee, kadi hakutapire koyi maghana hakuwatundithako kusynagogue. ⁴³Hahakire kurughanena oku ngakutundanga kwahanu kupiterera kokutunda kwaNyambi.⁴⁴Jesusi gha dirire no kughamba, ''Oyu ghokutawa mumwange, tawe kadi mumwange pithamo ene karo mumwendi oyu ghanituma me, ⁴⁵noyu ghokumona me nokumona ye oyu ghanituma me.⁴⁶Ame neya muthishe muno mukaye, podiyo kehe yuno gho kutawa mumwange kadi ghakukara mumakokore. ⁴⁷Ngeshikeheyuno kuyuva manando ghange no kadi wakughapungura, kadi wakumutheka me; ame kadi neya mukuna theka kaye, ene mukuna ghamwena kaye.⁴⁸Oyu gho kushwena me noyu gho kupira kutambura manando ghange, ghakara noghumwe gho kuwatheka. Nando dhi naghamba nanyi dhakumutheke mudiyuwa dyoghuhura. ⁴⁹Kadi naghambire kukwange nothinda, ene Tate yu ghani tuma me, oyu ghani pire marawero eshi nye shonighambe no yipi yokughamba. ⁵⁰Nadimuka eshi marawero ghendi ne moyo ghororuheya, podiyo eyi yona kughamba-thika Tate ghaghambire kukwange, dyona kughamba.''

13¹Kughutho gho mukandi gho Pasika. Jesusi ghadimukire eshi viri dhendi dhineya dhokushwagha muno mukaye no kuyenda kwaWihe. Omu ghahakire hanuwendi awa hakarire mukaye, ghawahakire kate kughuhura. ²Pano ne ne muyipithi ghana yitura kare mumutjima waJudas Iscariot mwana Simon, mukuheta Jesusi.³Ghayidimukire eshi Wihe hatapire yoyihe mumoko ghendi no aye ghatunda kwaNyambi no kuna kuhuka kwaNyambi. ⁴Ghatundire mumurarero no ghatundithireko yitere yendi yopawiru. Podiyo ghashimbire handuka no ghaghukudhingere thinda. ⁵Podiyo ghaturire meyu pathivani noghatangire kuyogha mapadhi ghawakathishongero no kughakukutitha no handuka oyu ghakudhingere.⁶Gheyire kwaSimoni Peter, naPeter ghaghambire kukwendi,''Fumu, kuna kuyenda ghukayoghe maghuru ghange?'' ⁷Jesusi ghahuthire no kughamba kukwendi, ''Eyi nakutenda kadi shoyitjwathane pano, ene nanyi ghuyitjwathane kunyima.'' ⁸Peter ghaghambire kukwendi,''Kadi wakuyogha mapadhi ghange.'' Jesusi ghahuthire,''Ngeshi kadi shonikuyoghe we, kadikoyi wakutapera nange me.'' ⁹Simon Peter ghaghambire kukwendi, ''Fumu, kadi ghuyoghe ngenyu maghuru ghange, ene no nyara dhange no mutwi.''¹⁰Jesusi ghaghambire kukwendi,''Keheyu ghana yogho kadi ghanyanda, kutundithako kuyogha mapadhi, ene yene ghana keni; ghuna keni, ene kadikeheyuno.'' ¹¹(Jesusi ghadimukire eshi dye ghakumuheta; podiyo ghaghambire yi,''Kadi mwahe mwakenu.'')¹²Apa Jesusi ghayoyire mapadhi no ghashimbire dipurapure dyendi no kuhungumana karo, ghaghambire kukwagho, ''Mwadimuka eyi namutendera mwe? ¹³Amwe kunitha me 'muhongi'no 'Fum,' no muna kughamba ghuhunga, yoyishi ame yame. ¹⁴Ngeshi me keho, Fumu no Muhongi, nayogho mapadhi ghenu, mwakona kuyogha mapadhi ghawayendhenu. ¹⁵Ame namupa thitamenedhi podiyo namwe mutende thika di natendi kukwenu.¹⁶Ghushemwa, ghushemwa, nakughamba kukwenu, mupika ne kadi ghapitakana mukuru wendi; endi mukambudhikadi ghapiterera yughana mutumu. ¹⁷Ngeshi kudimuka yinu yi, ghuna kutungeka ngeshi kurughana yi. ¹⁸Kadi nakughamba kuhatera mwahe; nadimuka awa natorora-ene yi podiyo matjangwa gha kumenenemo: 'Kehe yu gho kudya ghuroto wange ghughuyeyura aye ne nange ghadi.'¹⁹Naku mutongwera yi kughutho gho kuhokoka podiyo apa yakuhokoka, mwakutawe eshi ame ne YAME. ²⁰Ghushemwa, ghushemwa, nakughamba kukwenu, keheyu ghokutambura keheyu natuma ne ghana tambura me, no keheyuno gho kutambura me noyu ghanituma.''²¹Apa Jesusi ghaghambire yi,yamupethire mumupepowendi. Ghatawire no kughamba,''Ghushemwa, ghushemwa, nakumutongwera ghofotji ghopapenu nanyi ghanihete me.'' ²²Hakathishongero hakukengatane, no kutetuka eshi dye yu ghatambire no kughamba.²³Ghofotji ghopawakathishongero wendi, oyu Jesusi ghahakire, ghararire patishi kumutara waJesusi'. ²⁴Simon Peter ghaghambire kwakathishongero wendino kughamba,''Mumwipure eshi dye yu ghana kughamba ye.'' ²⁵Podiyo ghayeghamene kumutara waJesusi no kughamba kukwendi,''Fumu, dye yo?''²⁶Podiyo Jesusi ghahuthire, ''Pamurandu wendi oyu nanyi nidheke thipindhi thoghuroto no nanyi nimupe ye.'' Apa ghadhekire ghuroto, ghaghutapire kwamwanaJuda Simon Iscariot. ²⁷Kunyima dhoghuroto, Shatani ghamungenine,podiyo Jesusi ghaghambire kukwendi,''Nye ghuna kutenda, yitende wangu.''²⁸Pano kadiko oyu ghararire patishi ghadimukire eshi pamurandu munye ghayighambere yi. ²⁹Hamwe haghayare, kutunda Judas apa ghakarire no kandjato ko masherenyi, Jesusi ghaghambire kukwendi, ''Kaghure eyi tuna nyanda pamukandi,'' end wakona kutapa yimwe kwawahepwe. ³⁰Apa gha manine Judas kutambura ghuroto, popo ghayendire panunda. Kwakarire ghuthiku.³¹Apa Judas ghayendire, Jesusi ghaghambire,'' Pano Mwana Munu ne ghana mutungeka`, Nyambi ne gha mukandadheka mumwendi. ³²Nyambi nanyi ghaku mukandadheke mumwendi yithinda, no nanyi ghakumukandadheke popo. ³³Hanuke hohambiru, shime nenu nidi muruvedhe rorumbiru. Nanyi mwakunishane, no thikadi naghamba kwawaJuda, 'Oku na kuyenda, kadi wakwiyako mwe.' Pano nakuyighamba karo kukwenu.³⁴Kuna kumupa muragho ghoghupya, eshi mwakona kukuhakathana mwathinda; thika di namuhakire mwe, thikadyo mwakona kukuhaka mwathinda. ³⁵Moyi keheyuno nanyi ghakuyidimuke eshi mwakathishongero wange, ngeshi mudi noruhakitho kwakehe yuno.''³⁶Simon Peter ghaghambire kukwendi, ''Fumu, kupi ghuna kuyenda?'' Jesusi ghamuhuthire, ''Oku na kuyenda, kadi wakukona ghunikuthe pano, ene nanyiwakunikuthe munyima.'' ³⁷Peter ghaghambire kukwendi, ''Fumu, nye gho kudhira ni kukuthe popano? Nanyi ni tape yipara yoye mumwange.'' ³⁸Jesusi ghahuthire, ''Nanyi ghutape yipara yoye papange? Ghushemwa, ghushemwa, nakughamba kukoye, ngondovoro kadi shoghadire kughutho gho kunikanana me paruhatu.''

14¹''Mwatawedhera mitjima dhenu hadhishedhaghure. ²Mutawe mwaNyambi, mutawe mumwange name. Mundhugho dhaTate mwakara mangonda ghomengi. ³Ngo kadi kemo, ngo namutongwere, ame kuna kuyenda ni kamuroyithere dyango dyenu, nanyi nakahuke karo no kuna kunamutambura nothinda, podiyo eshi oku nidi namwe karo.⁴Mwadimuka ndhira dhoku nakuyenda.'' ⁵Thomas ghaghambire kwaJesusi, ''Fumu, kadi tuna dimuka oku ghuna kuyenda, ngepi dishotudimuke ndhira?'' ⁶Jesusi ghaghambire kukwendi, ''Ame ne yame no ndhira, ghushemwa, no moyo; kadiko ghokwiya kwaTate kupira kupitera mumwange me. ⁷Ngo mwa nidimukire me, ngo mwadimuka naTate naye. Kutunda pano muna mudimuka no mwamumona ye.''⁸Philip ghaghambire kwaJesusi, ''Fumu, tuneghedhe Tate, noyo yina kurikanya kukwetu.'' ⁹Jesusi ghaghambire kukwendi,''Nakara nenu rure no shime kadi mwanidimuka, Philip? Kehe yu ghanimona me ghamona Tate. Ngepi di shoghambe, 'Tuneghedhe twe Tate'?¹⁰Mwayitawa eshi ame ne mwaTate nakara naTatene mumwange me? Manando agha naghambanga kukwenu kadi naghaghambanga kutunda mumangcamu ghange, ene Tate yu ghatunga mumwange ne kuna kurughana yirughana yendi. ¹¹Mutawe mumwange eshi ame ne monidi mwaTate, no naTate ne mumwange, endi mutawe pamurandu ghoyirughana pithayo.¹²Ghushemwa, ghushemwa, nakumutongwera mwe, kuheyu gho kutawa mumwange nanyi ghakutende eyi narughananga me, no nanyi ghakutende yoyikuru yirughana kupitakana yi yoyishi ame kuna kuyenda kwaTate. ¹³Kehe pa mwarombanga mudina dyange, ame kuyitenda podiyo Tate ghamuhafithe mwaMwana. ¹⁴Ngeshi murombe keheyino mudina dyange, nanyi ni yitende.¹⁵Ngeshi mwanihaka me, nanyi mwakukumithemo dhimuragho dhange, ¹⁶no nanyi nakuraperere kwaTate, nanyi ghakumupe yihengaghura podiyo ghakukare nenu kuroruheya ¹⁷muMupepo gho ghushemwa. Kaye ne kadi wakukona kamutambure ye yoyishi kadi hamumona nokadi hamudimuka ye. Ene mwe mwamudimuka ye, ngeshi yene kupara nenu no nanyi ghakukare nenu.¹⁸Kadi nakumuthiya pithenu; nanyi nakahuke kukwenu. ¹⁹Paruvedhe rorufupi no kaye kadi kakunimona karo, ene mwe nanyi mwakunimone. Yoyishi me ne kupara, namwe karo nanyi mwakupare. ²⁰Diyuwa dyo nanyi mwakudimuke eshi ame ne mwaTate nakara, namwe ne mumwange mudi me, no ame mumwenu.²¹Keheyu gho kukara no miragho dhange no kudhitura ne yoghanihaka me, no keheyu ghanihaka mbaghana muhaka naye Tate, name mbona muhaka no nanyi nakukuneghe kukwendi.'' ²²Judas (kadi Iscariot) ghaghambire kwaJesusi,''Fumu, nye wakukuneghera ghothinda kukwetu kadi kukaye?''²³Jesusi ghamuhuthire no kughamba kukwendi,''Ngeshikeheyuno ghanihaka, nanyi ghakupungure manando ghange. Tate nanyi ghakumuhake, no nanyi twakwiye kukwendi, no nanyi twakutende dighumbo dyetu nendi. ²⁴Kehe yu ghadhira kunihaka me kadi wakutura manando ghange. Manando gha mwayuva ne kadi kukwange ghatunda ene kwaTate yu ghanituma me.²⁵Naghamba yinu yi kukwenu, oku me ne nenu nakutunga. ²⁶Ngambi kemo, Muhengaghuri- Ghokupongoka Mupepo oghu ghakutuma Tate mudina dyange- nanyi ghakumuhonge yoyihe no nanyi ghakumuvurukithe yoyihe eyi naghambire kukwenu. ²⁷Kuna kumuthiya muthiraro; Nakumupa thiraro thange. Kadi nakutapa yi thika kaye omu katapanga. Mwatawedhera mitjima dhenu dhimushedhaghure, no kadi muyape.²⁸Mwayuvire eyinaghambire kukwenu,'Ame kuna kuyenda, no mbonakahukakukwenu.' Ngeshi mwanihakire me, nanyi mwakuhafe yoyishi ame ne kuna kuyenda kwaTate, Tate ne yoghapiterera kukwange. ²⁹Pano nayimutongwera kare kughutho ghokuhokoka yi podiyo, apa yakuhokoka, mwakutawe.³⁰Kadinakuyenda nikaghambe thikuma nenu, mupiterithighokaye kano ne kuna kwiya. Kadi ghakara no ngcamu papange me, ³¹ene podiyo eshi kaye kayidimuke eshiame nahaka Tate, ame kutenda thika Tate edi ghana nirawera. Ninge twimane no tutunde pano.''

15¹''Ame ne no thitondo thoshemwa, naTate ne yo mukanyamo. ²Aye kushimba keheghuno mute mumwange oghu wadhiranga kureta mbuyo, no kupangaghura kehe mute ghuya ghunemanga mbuyo podiyo dhime mbuyo dhodhingi.³Ame ne mwakenu pamurandu ghombudhi dhi naghambire kukwenu. ⁴Muthighare mumwange, name mumwenu. Thika mute kadi wakuretambuyo pithagho shimengwa ghuthighare kuthitondo, podiyo namwe, shimengwa muthighare mumwange.⁵Ame ne no thitondo tho mandjembere, amwe ne mwamite. Keheyu gho kuthighara mumwange name mumwendi, ghana kureta mbuyo dhodhingi, kupirame kadiko eyi mwakutenda. ⁶Ngeshi ghumwe kadi ghanathighara mumwange, ghana kamuvukuma yira mute ghuya wakukuta, nohana kakongawedha dhimute no kadhivukumena mumudiro, no kadhitumekera. ⁷Ngeshi haghuthighara mumwange me, no ngeshimanando ghange ghana kuthighara mumoye, rombekeheyino ghunashana, no yina kupwa kutenda kukoye.⁸Tate ne ghana hafa koyi, eshi amwe kutenda mbuyo dhodhingi no mwakona kuneya eshi mwakathishongero wange. ⁹Thika Tate ghanihakire me, namekaro namuhakire. Muthiyare muruhakitho rwange.¹⁰Ngeshi muture dhimuraghodhange, nanyi mwakukare muruhakitho rwange, thikadi naturadhimuragho dhaTate nokukara muruhakitho rwendi. ¹¹Naghambire yinu yi podiyo ruhafo rwange rukare mumwenu noruhafo rwenu rukumenenemo.¹²Oghune ghomuragho wange, eshi mukuhakathane thika di namuhakire me. ¹³Kadiko oyu ghakara noruhakitho kupitakana yi- oyu gho kutapa yipara yendi pamuyendhendi..¹⁴Amwe mwayendhange ngeshi hamrughana yinu yi nakumurawera mwe. ¹⁵Kadi nakumwitha karo eshi mwapika, hapika kadi hadimuka eyi ghatendanga mukuru wagho. Kuna kumwitha eshi mwayendhange, kuyoyihe yi nayuva kwaTate nayidimukitha kukwenu.¹⁶Kadi mwanitorora me, ene namutorora mwe no kumukuta mwe podiyo eshimuyende mukarete mbuyo, no mbuyo dhenu dhakona kukarerapo. Oyi ne podiyo keheyino mwakuromba kwatate mudina dyange, nanyi ghakuyimupe. ¹⁷Eyi yinu nakumurawera mwe, podiyo mukuhakathane.¹⁸Ngeshi kaye kamunyenge mwe, muyidimuke eshi kana ninyengi me kughuthoghokumunyenga mwe. ¹⁹Ngo mwakarire gho kaye, kaye ngokamuhaka eshi mwakako. Ene pamurandu eshi kadi mwakakaye no pamurandu namutorora kutunda mukaye, podiyo kaye kamunyenga mwe.²⁰Muvuruke nando dhi naghambire kukwenu,'Mupika kadi ghapitakana mukuru wendi.' Ngeshi mene hana nipangura, namwe nanyi hakumupangure; ngeshi hakuture manando ghange, nanyihakuture karo ghenu. ²¹Nanyihakutende yinu yi kukwenu pamurandu gho dina dyange, pamurandu kadi hadimuka yu ghanituma me. ²²Ngo kadi neya no kughamba kukwagho, ngokadi haharura, ene panokadi hadi no dihuthero kuhatera kumaharwero ghawo.²³Keheyu ghaninyenga me ghanyenga naTate. ²⁴Ngo kadi natenda yirughana eyi noghofotji temba ghayitenda mukatji kagho, ngo kadi haharura, ene pano hamona no kunyenga wahe name na Tate. ²⁵Ene yino ne pamurandu gho kukumithamo nando edhihatjangire mumuragho wagho, 'Haninyengire ne kupira yi yayiretedherapo.'²⁶Apa muhengaghuri gheyire- oyu namutumena kukwenu kutunda kwaTate, yodiye, Mupepo ghoghushemwa, oghuwatunda mwaTate-nanyi ghakukutongonone kuhatera me. ²⁷Amwe namwe mwakona kutongonona, yoyishi mwakarire nange kutundera kumatangero.

16¹''Naghambire yinu yi kukwenu podiyo mwe kadi mwakuwe. ²Nanyi hakumuvukume panunda dho masynagogue. Ene viri ne kuna kwiya apa keheyuno gho kumupagha kughayara eshi kuna kutapa muyambo gho thirughana thaNyambi.³Nanyi hakutende yinu yi pamurandu kadi hamudimuka Tate endi me. ⁴Naghambire yinu yi kukwenu podiyo apa dhakwiya viri, nanyi mwakuvuruke eshi namutongwere kuhatera wo. Kadi nakumutongwera kuhatera yi kumatangero, yoyishi nenu nakarire.⁵Ene pano ame kuna kwendi yu ghanituma, ene noghotji temba ghanipura me, 'Kupi ghuna kuyenda?' ⁶Ene pamurandu naghambire yinu yi kukwenu, ghupata wayarire mumutjima dhenu. ⁷Ene ghushemwa nakumutongwera, hasha kukwenu mukayende. Ngeshi kadi shoniyende, Muhengaghuri kadi ghakwiya kukwenu, ene ngeshi nakuyende,nanyi nakumutume kukwenu.⁸Apa ghakwiya, aye Muhengaghuri nanyi nakuneghedhe kaye kughuyi gho diharwero, kuhatera ghuyi, no kuhatera matheko- ⁹kuhatera maharwero, yoyishi kadi hatawa mumwange; ¹⁰kuhatera ghuwa, yoyishi ame kuna kuyenda kwaTate, no kadi mwakunimona karo me; ¹¹no kuhatera matheko, yoyishi mupiterithigho kaye ne ghana mutheki.¹²Nidi noyinu yoyingi yo kughamba kukwenu, enekadi shomuyitjwathane pano. ¹³Ene apa ye, Mupepo gho Ghushemwa, wakwiya, nanyi wakumuneghedhe mughushemwa ghoghuhe, nokadi ghakughamba papendi. Ene nanyi ghakughambe kehe yino ghakuyuva, no nanyi ghakumutongwere yinu eyi yakwiya. ¹⁴Nanyi ghakunifumaneke me, yoyishi nanyi ghakushimbe koyi yakara eshi yange no nanyi ghakuyimutongwere kukwenu.¹⁵Kehe yino ghakara nayo tate ne yange. Podiyo, nakughamba eshi Mupepo nanyi wakushimbe koyi yakara eshi yange no nanyi ghakuyi mutongwere. ¹⁶Muruvedhe rorufupi kadi shomunimoneme, no kunyima dhoruvedhe rorufupi nanyi mwakunimone.''¹⁷Podiyo hamwe hakathishongerowendi ghaghambire kukwagho,''Nye nane yi ghana kughamba kukwetu, 'Ruvedhe rorufupi kadi shomunimone no kunyima dhoruvedhe rorufupi nanyi mwakunimone,'ndani, 'Yoyishi amekuna kuyenda kwaTate'?'' ¹⁸Podiyo haghambire,''Nye yi ghana kughamba, 'Ruvedhe rorufupi'? Kadi tuna dimuka eyi ghana kughamba.''¹⁹Jesusi ghayimonine eshi hashanine hamwipure, no ghaghambire kukwagho,''Eyi ne yomuna kukwipura ndi, eyi natamba yinaghamba, 'Muruvedhe rorupu kadimwakunimona karo, no karo muruvedhe rorufupi kadi shomunimone'? ²⁰Ghushemwa, ghushemwa, nakughamba kukwenu, nanyimwakudire no kukukwetjura, ene kaye ne nanyikakuhafe. Nanyi mwakuyare ghupata, ene kuguva kwenu nanyi kwakukutjindje kuruhafo. ²¹Ngeshi mbuyama kuna kushamuruka kukara noghupata pamurandu virine dhineya, ene pakumana kushamuruka mwanuke, kadi wakuvurukakaro tjitju yoyishi ruhafo roya katughuru ghanereka muno mukaye.²²Podiyo mudi no ghupata, ene nanyi nakumumone karo, no mutjima wenu ne nanyi wakuhafe, no kadiko yu ghakushimba ruhafo rwenu. ²³Mudiyuwa dyo kadi mwakuniromba keheyino. Ghushemwa, ghushemwa,nakumutongwera, ngeshi hamurombo keheyino kwaTate mudina dyange, nanyi ghakuyimupe mwe. ²⁴Kate popano kadiko yimwaromba mudinadyange. Murombe no muna kuyiwana, podiyo ruhafo rwenu rwakuyarere.²⁵''Naghambire yinu yi mumatadhi, ene viri ne kuna kwiya apakadi nakukona kughamba kukwenu mumatadhi, ene nanyi nakumutongwere ghukenu kuhatera Tate.²⁶Mudiyuwa diya nanyimwakarombe mudina dyange no kadi nakughamba kukwenu eshi nanyi nakuraperere kwaTate papenu, ²⁷Tate papendi ghamuhaka yoyishi amwe mwanihakire no pamurandu mwanitawire eshi ame natundire kwaTate. ²⁸Natundire kwaTate, no neyire mukaye. Karo, ame kunakuthiya kaye no kunakuhuka kwaTate.''²⁹Hakathishongero wendi haghambire, ''Kenge, pano kuna kughamba thiwana no kadi ghuna kurughnitha matadhi. ³⁰Pano yuna dimuka eshi wadimuka yinu yoyihe, nokadi ghuna shana keheyuno ghakwipure mepwero. Pamurandu ghoyi, tuna tawa eshi owe kwaNyambi watunda.'' ³¹Jesusi ghawahuthire,''Munatawa keho pano?³²Mone, viri ne dhinakumu, kemo, nayekaro ghana kumu, apa hakumu hanyaghura, keheyuno kudighumbo dyendi, no nanyimunithiye pithange. Ngambi kemo ame kadi pithange yoyishi Tate ne nange ghadi. ³³Naghambire yinu yi kukwenu yoyishi mukare no thiraro mumwange. Mukaye mu mudi mayereko, mukare no ghutanavu, natjwathana kaye.''

17¹Pakumana Jesusi kughamba yinu yi, ghayeyure meho ghendi kuwiru no kughamba,''Tate, viri ne dhineya, yeyure Mwanoye podiyo Mwanoye ghakuyeyure we- ²thika di wamupire mangcamu gho panyama podiyo eshi ghatape yipara yokuroruheya kwa keheyuno oyu wamutapera.³Eyi ne yipara yokuroruheya: Eshi hakudimuka we, pithoye ghoghushemwa Nyambi, no yu wauma, Jesusi Kristusi. ⁴Na kutumera we gho pakaye. Namana yirughana eyi wanipire ni tende. ⁵Pano, Tate, niyeyure papoye no matumero agha nakarire noye kughutho gho kaye hakatendire.⁶Naneghedhire dina dyoye kohanu wa wanipire kutundamukaye. Hakarire hoye, no wahatapire kukwange, no haturire nando dhoye. ⁷Pano hana dimuka eshi yoyihe eyi wanipire kukoye yatunda, ⁸ame nawapire manando ghomahe agha wanipire. Hagha tambure no ghushemwa hadimukire eshi ame kukoye natundire, no hatawire eshi yowe wanitumine.⁹Nakuwa raperitha wo. Kadi narapereranga kaye ene kowo wanipire me, hadimuka yoye. ¹⁰Keheyino yange ne yoye, no yoye ne yange, no ame haniyeyura mumwagho. ¹¹Ame ne kadi nidi karo shime mukaye, ene wa hanu ne mukaye hadi, ame kuna kwiya kukoye. Wapongoka Tate, wature mudina dyoye edi wanipire me podiyo podiyo hakare yofotji, thika kenge twe eshi twayofotji.¹²Apa nakarirenagho, nahaturire mudina dyoye, edi wanipa. Nawa kungire, no yofotji temba ghayipire, kutundithako mwana muyipithi, podiyo matjangwa ghakukumenemo. ¹³Pano kuna kwiya koye, ene kuna kuyighamba yinuyi mukaye podiyo hakukare no ruhafo rokuyarera mumwagho. ¹⁴Na wapa wo nandodhoye, no kaye kawanyengire wo pamurandu eshi awo ne kadi haka kaye, thika me kadi no mukakaye.¹⁵Kadi nakumuromba mwe mukawashwayitha mukaye, ene kukwenu mukawashwayitha mughuyi. ¹⁶Awo ne kadi haka kaye, yira kenge name eshi kadi no mukakaye. ¹⁷Hature kumutara ghoghushemwa. Nando dhoye ne ghushemwa.¹⁸Thikadi wanitumine mukaye, name dyonawatuma mukaye. ¹⁹Pamurandu wagho nakushwaghithako me, podiyo nawo hathinda hakuwature mughushemwa.²⁰Nakuraperera kadi poyi ngenyu, ene mowa hakutawa mumwange kupitera ²¹munando dhagho podiyo eshi wahe hakukare yofotji, yira we, Tate, ghudi mumwange, no ame mumoye. Ninge nagho hakare mumwetu podiyo kaye kakutawe eshi wanitumine me.²²Mangcamu gha wanipa, naghatapa kukwagho, podiyo ghakukare ghofotji, yira kenge tudi yofotji. ²³Ame mumwagho, nowe mumwange-podiyo hakuwarete kughuhura ghomakupakerero, podiyo kaye kakudimuke eshi yowe wanituma me, no wawahakire wo yira kenge wanihakire.²⁴Tate, nashana waya watapire kukwange hakare nange oku nidi, hamone mangcamu ghange, mangcamu awa wanipire pamurandu wanihakire kughutho ghokuvareka kaye.²⁵Muhunga Tate,kaye mbadi kakudimukire, ene nakudimuka me; no yino wadimuka eshi wanitumine. ²⁶Natendire dina dyoye hadidimuke kukwagho, no nanyi nakuditende hakudidimuke podiyo ruhakitho oru wahakire me rwakukare mwagho, name nakukare mumwagho.''

18¹Apa ghamanine Jesusi kughamba manando gha, ghayendire panunda no hakathishongero wendi kudiviya dyaKidron, oku kwakarire thinyamo omu ye no hakathishongero wendi hakengenine. ²Pano Judas, oyu ghayendire mukaheta ye, ghadimukire dyango diya, Jesusi ngayendanga kudyango diya kehepano nawakathishongero wendi. ³Podiyo Judas, ghapiterithire mbunga dhawakayita no hamaporitha hamwe hokutunda kwawapristeri shokuru nawaPharisee, hayendireko no maramba gho makende, ramba, no yirwitha.⁴PodiyoJesusi, oyu ghadimukire yinu yoyihe eyi yakahokoka kukwendi, ghayendie kughutho no kawepura,''Dye muna kushana?'' ⁵Hamuhuthire ye,''Jesusi gho muka Nazareth.'' Jesusi ghaghambire kukwagho,''Yame.'' Judas, oyu ghahetire ye, naye ghemanine nawakayita.⁶Apa ghaghambire kukwagho,''Yame,'' hahukire munyima no kuwa pamuve. ⁷Podiyo karo ghawepurire,''Dye muna kushana?'' Karo haghambireeshi,;;Jesusi gho mukaNazareth.''⁸Jesusi ghahuthire,''Namutongwera eshi yame. Podiyongeshi yame muna kushana, muninge yi yende.'' ⁹Eyi podiyo eshi dhikumenemo nando edhi ghaghambire:''Powa wanipire me, kadi nayongaritha noghofotji temba.''¹⁰Podiyo Simoni Petrusi, oyu ghakarire no thimende, ghathivukumne no katwa mupika wamupristeri shokuru no kamuteta ditwi dyokurudyo. Dina dya mupika yu dyakarire eshi yo Malchus. ¹¹Jesusi ghaghambire kwa Petrusi,''Ture thimende thoye muthirungo thatho. Kadi kukona ninwe mukopi oyu Tate gha nipa me?''¹²Mbunga dhawakayita na mukuru wadho, no hamaporitha wawaJuda, hemekire Jesusi no kumughanga. ¹³Hamutwarire pakutanga kwaAnnas, oyu ghakarire hemwenya Caiaphas, oyu ghakarire mukuru wapristeri ghuya mwaka. ¹⁴Caiaphas yodiye ghatapire dighano kwaJuda eshi kutughuru ghofotjiya hasha ghafere hanu waheya.¹⁵Simoni Petrusi ghakuthire Jesusi, no hakathishongero wendi hamwe harughanine kemo. Mukuninga eshi hakathishongero wendihadimukire kwamupristeri shokuru, apa ghengenine naJesusi mudyango dyamupristeri shokuru; ¹⁶ene Petrusi ghemanine pathero panunda. Podiyo hamwe hakathishongero wendi,awa hapwire kudimuka kwamupristeri shokuru, hashwaghire no hakaghambire kwamushengeteya oyu ghakengere pathero, no ghengenekire Petrusi mwishi.¹⁷Podiyo mupika ghomukamadi, mukengeri pathero, ghaghambire kwaPetrusi,''Owe ne kadi ghofotji ghopa wakathishongero ghoyu murume?'' Ghaghambire,''Kadi me.'' ¹⁸Podiyo hapika no hamaporitha hemanine popo, podoyo hatendire mudiro ghomakara yoyishi kwakarire ghutenda, no hakughenyekire hathinda. Petrusi naye nagho ghakarire, kwimana nagho no kukughenyeka thinda.¹⁹Mupristeri shokuru ghepurire Jesusi kuhatera hakathishongero wendi no yihongayendi. ²⁰Jesusi ghamuhuthire,''Naghambire nayandhuruka kukaye. Ngani honganga muma synagogue no mutembeli oku heyire haJuda waheya. Kadiko yi naghambire mughudhindo. ²¹Nye ghuna nipwera me? Wipure kowa haniyuva eyi naghamba. Kenge, awa hanu hadimuka eyi naghambire.''²²Apa Jesusi ghamanine kughamba yi, muporitha ghofotji ghamwashure Jesusi no kughamba,''Dyo waroghera kuhutha mupristeri shokuru kengeyo ndi?'' ²³Jesusi ghamuhuthire,''Ngashi naghamba ghumbumba,kukutongona kughumbondo, ene ngeshi ghuhunga, nye wakunipumwera?'' ²⁴Podiyo Annas ghamutumine mukumughanga kwaCaiaphas mupristeri shokuru.²⁵Simoni Petrusi ghemanine no kukughenyeka thinda. Podiyo hanu haghambire kukwendi,''Kadi nowe ghofotji ghopawakathishongero wendi?'' Ghakananine no ghaghambire,''Kadiyame.'' ²⁶Ghofotji ghopawapika wa mupristeri shokuru, ghoyu ghakarire mwapa ghoyu katughuru ghatetire ditwi, ghaghambire,''Kadi nakumonine nendi muthinyamo?'' ²⁷Podiyo Petrusi ghakananine karo; no popo ngondovoro gheyire.²⁸Podiyo hamutwarire Jesusi kutunda ku Caiaphas kughuhurumende ghonurumbara. Pamathikuthiku, no kadi hangenine mughuhurumende nurumbara podiyo podiyo kadi ghamupite ene ghakona kudya Pasika. ²⁹Podiyo Pilatusi ghayendire kukwagho no kughamba,''Yirundera munye muna kureta yoyu katughuru?'' ³⁰Hamuhuthire no kughamba kukwendi,''Ngeshi yu katughuru kadi ghakarire mutendi ghoyoyimango, ngo kadi tuna mutapa kukwenu yu.''³¹Pilatusi podiyo ghaghambire kukwagho,''Mumushimbe mwathinda, no kumutheka kukutha kumuragho.'' HaJuda haghambire kukwendi,''Kadi pamuragho papetu mukutura yu katughuru mukufa.'' ³²Haghambire yi podiyo nando dhaJesusi dhakukumene eyi ghaghambire mukunegha rudhi royifa eyi ghakufa.³³Pilatusi ghengenine mughuhurumende nurumbara karo no kwitha Jesusi no ghaghambire kukwendi,''Yowe Fumu wawaJuda?'' ³⁴Jesusi ghahuthire,''Kuna kughamba kutunda koye ghothinda, endi kohadi haghambire kuhatera me?'' ³⁵Pilatusi ghahuthire,''Ame kadino muJuda, endi me? Hanu ghoye ghothinda no hapristeri shokuru hakutapire kukwange. Nye watendire?''³⁶Jesusi ghahuthire,''Ghufumu wange ne kadi ghokano kaye. Ngo ghufumu wange wahatere kokano kaye, hapika wange ne ngo kuna kurwa eshi ngo kadi hanitape kwawaJuda. Ene ghufumu wange ne kadi kowatunda kuno.'' ³⁷Pilatusi podiyo ghaghambire kukwendi,''Gho fumu keho ndi?'' Jesusi ghahuthire,''Kuna kughambawe eshi nofumu. Thitambo thi tho hanishamurukera, no thitambo thi neya mukaye, podiyo eshinonirete hashupi hokughushemwa. Keheyu ghahatera kughushemwa kutegherera kudiywi dyange.''³⁸Pilatusi ghaghambire kukwendi,''Nye ghushemwa?'' Apa ghayighambire yi, ghayendire karo kwawaJuda no kaghamba kukwagho,''Kadi nawana murandu moyukatughuru. ³⁹Ene mwakara no thitjo eshi nakona kumushwayithera munu yofotji paPasika. Muna shana me nakumu shwayithere Fumu wawaJuda kukwenu?'' ⁴⁰Podiyo hadirire ghukuyerera no kughamba,''Kadi yoyu katughuru,ene Barabbas.'' Ene Barabbas ne ghakarire mukaghupolitika.

19¹Podiyo Pilatusi ghashimbire Jesusi no kumumwashura. ²Hakayita hatendire nata dhomughunga. Hadhiturire kumutwi waJesusi nokumuvateka dithithi. ³Heyire kukwendi no kughamba,''Owe, Fumu wawaJuda!'' no hamumwashure.⁵NaPilatusi ghayendire Panunda karonokughamba kukwagho,''Kenge, kuna kumureta panunda kukwenu podiyo no mudimuke eshi ame kadi nawana murandu mwakatughuru yu.'' ⁴Podiyo Jesusi gheyire panunda, ghuvata hutji gho mughunga no dithithi. Pilatusi ghaghambire kukwagho,''Mukenge,oyu ne yokatughuru! ⁶Apa hakuru wapristeri no hamaporitha hamonine Jesusi, Hadirire thikuma ghughamba,''Mumu pamarere, mumu pamarere!'' Pilatusi ghaghambire kukwagho,''Mumushimbe mwathinda no kamupamarera, ame kadi nawana murandu mwakatughuru yu.''⁷HaJuda hamuhuthire,''Twakara no muragho, nokukutha kumuraho ghakona kufa yoyishi ghana kuningithaeshi Mwana Nyambi.'' ⁸Apa ghayiyuvire Pilatusi yi, ghayapire thikuma, ⁹no ghengenine mumbara dhodhikuru karo nokughamba kwaJesusi, ''Kupi watundera?'' Ene Jesusi ghatapire kadiko kehedino dihuthero.¹⁰Podiyo Pilatusi ghaghambire kukwendi,''Kadi wakughamba kukwange? Kadi wadimuka eshi nakara no ngcamu dhokukushwayitha, no ngcamu dhokuku pamarera?'' ¹¹Jesusi ghamuhuthire,''Kadi wakara no ngcamu papange kutundithako eyi ghakupa kutunda kuwiru. Podigho, oyu ghanitapa me pakatji koye ghadi nodiharwero dyodikuru.''¹²Apa padihuthero, Pilatusi ghayerekire kumuthiya, ene haJuda hadirire, ghughamba,''Ngeshi ghumushwayithe yu katughuru, kadi gho muyendha waCeasar. Kehe yuno ghokukutenda thinda fumu ghana kughamba kuregha Ceasar.'' ¹³Apa ghayi yuvire Pilatusi manando gha, gharetire Jesusinpanunda no kuna hungumana mumapangwero mudyango di hetha''Dyango edi hayenderanga kumbadi dhothitavura,'' ene muthiAramaic,''Gabbatha.''¹⁴Dyakarirediyuwa dyomaroghithero gho Pasika, muviri dhoghukwoko. Pilatusi ghaghambire kwawaJuda,''Mukenge, oyu ne yofumu wenu!'' ¹⁵Hadirire,''Ghakayende kuya, ghakayende kuya; mumupamarere!'' Pilatusi ghaghambire kukwagho,''Ni pamarere Fumu wenu?'' Mukuru wapristeri ghahuthire,''Kadiko twe Fumu ene Ceasar.'' ¹⁶NaPilatusi ghatapire Jesusi hakamupamarere.¹⁷Podiyo hashimbire Jesusi, no hayendire panunda, ghushimba thikurushe thendi thinda, kudyango edi hanakutoya''Dyango dyo Makorongongi,'' odi hetha mundimi dhothiAramaic eshi''Golgotha.'' ¹⁸Hakapamarere Jesusi kuya, nendi nohatutughuru hawadi, ghofotjikehe kumuttara, naJesusi pakatji.¹⁹Pilatusi ghatjangire thidimukitho no kuthitura pathikurushe. Atho ghathitjangire: JESUSI GHO MUKAnAZARETH,FUMU WAWAJUDA. ²⁰Thingi tha waJuda hatoyire thidimukitho thi yoyishi dyango edi hamupamarere Jesusi nepepi no doropa. Thidimukitho thi hathitjangire muthiAramaic, muLatin, no muGreek.²¹Mukuru wapristeri wawa Jew ghaghambire kwaPilatusi,''Kadi mutjange,'Fumu wawaJew,' ene,'Oyu ghaghambire,''Ame no Fumu wawaJew.''''' ²²Pilatusi ghamuhuthire,''Eyi na tjanga ne natjanga.''²³Apa hakayita hapamarere Jesusi,hashimbire yitere yendi, hayitapere parune, thofotji kwakeheyuno; no dishupata. Dipurapure dyapirire mudyo, hadirukire mutara ghofotji kutunda kuwiru. ²⁴Podiyo haghambire kwahathinda,''Kadi tuyidjadjaghure, ene tuninge tumone eshi dyadye dyakukara.'' Eyi yohokokire podiyo eshi matjangwa ghakumene mo mukatji kagho hathina agha ghaghambire,''Hatapere yivata yange mukatji kagho no kutapera yitere yange.'' Eyi yohatendire hakayita.²⁵Kwimana kuthikurushe thaJesusi oku nyina, mukurwa nyina, Maria muna Clopas, naMaria Magdalena. ²⁶Apa Jesusi ghamonine nyina no hakathishongero awa ghahakire hanemana pepi, ghaghambire kwanyina,''Mbuyama, mone,mwanoye!'' ²⁷No ghaghambire kwawakathishongero,''Mukenge, nyokwenu!'' Kutunda modhiya viri hakathishongero hamushimbire kudighumbo dyendi.²⁸Kutunda koyi, hadimukire eshi yoyihe yina pu no matjangwa ghakumene mo, Jesusi ghaghambire,''Dinota nakufa.'' ²⁹Dikende dyokuyara vinyu gho muhatu hadimuturere,haturire kopi ghokuyaa vinyu gho mururu no hayidhamune kukanwa kendi. Apa ³⁰Jesusi ghanwine vinyu ghomururu, ghaghambire,''Yina pu.'' Ghanyongamene no ghatapire mupepo wendi.³¹Podiyo ha Jew, yoyishi diyuwa dyomakuroghithero, no podiyo eshi yirama kadi yikare payikurushe mudiyuwa dyo Mapeghu, hepure Pilatusi mukutjora maghuru ghawo no kuwatunditha po. ³²Hakayita heyire nokutjoraghura maghuru ghakatughuru gho kutanga, no ghoghuwadi oyu happamarere naJesusi. ³³Apa hanakumine kwaJesusi, hamonine eshi ayene ghana fu kare, no kadi hamutjoraghure maghuru ghendi.³⁴Ngambi kemo, ghofotji ghopakayita hatuyure kwendi no dighonga, no popo manyinga no meyu gheyire panunda. ³⁵Oyu ghamonine yi ghatongonone, no makutongono ghendi ghushemwa. Ghadimuka eshi eyi ghaghambire ne ghushemwa podiyo namwe mwakutawe.³⁶Eyi yinu yahokokire mukuyarithera matjangwa, ''Kadiko ghofotji yu ghakutjora yishokora yendi.'' ³⁷Karo, matjangwa ghamwe kuna kughamba,;;Nanyi hakumukenge oyu hakutuyura.''³⁸Pakupwa yinu yi, Joseph waArimathea, oku yene mukathishongero waJesusi, ghepure Pilatus ngeshi kukona hashimbe yirama ya Jesusi. Pilatus ghatawedhere. Podiyo Joseph gheyire nokuna shimbayirama yendi. ³⁹Nicodemusi naye gheyire, aye gho kutanga gheyire kwaJesusi paghuthiku. Gharetire yinu yokuvungavunga, maliteri dithere.⁴⁰Podiyo hashimbire yirama yaJesusi no kuyivungavuga pathikehe no yivungitha, oy ne yirughana yopathitjo thawa Jew mukahoreka yirama. ⁴¹Mudyango mu hakamupamarere ne munyamo; no munyamo mwakarire mbira dhodhipya omu mwakarire eshi munu gho fotji kuna kamuvumbeka mo. ⁴²Pamurandu eshi diyuwa dyomarongathano ghawa Jew no yoyishi mbira dhi dhakarire pepi, havumbekire Jesusi mumwadho.

20¹Pano mathikuthiku thikuma diyuwa dyokutangera muthivike, oku shime makokore, Mari Magdalena gheyire kumbira no ghana monine diwe hana dighandumunako kumbira. ²Ghatjirire no gheyire kwaSimoni Petrusi no kwawamwe hakathishongero awa ghahakire Jesusi, noghawatongwere,''Hana mushimbi Fumu kutunda mumbira, no kadi shotudimuke eshi kupi hana kamutura.''³Podiyo Petrusi nohakathishongero hayendire panunda, no hayendire kumbira. ⁴Wahe hatjirire pofotji, no hamwe hakathishongero wangu hatjirire kughutho waPetrusi no kakuma kumbira hokutanga. ⁵Nokakunyongamena, hamonine yitere yina kara paya, ene kadi ghangenine mwishi.⁶Simoni Petrusi ghana kumine kunyima dhendi no kuyenda kumbira. Ghakamonine yitere ngenyi yidipo ⁷no thitere ethi thakarire kumutwi wendi. Kadi thararire no yitere yiene yakupetekire mudyango yathinda.⁸No hamwe hakathishongero, ghokutana yu ghana kumine kumbira, ghengenine mo, no ghakamonine nokutawa. ⁹Kate ruya ruvedhe oku kadiko yi hadimukire yomatjangwa eshi nanyi ghakuvumbuke mwawafu. ¹⁰Podiyo hakathishongero hahukire kudimbo karo.¹¹Ene Maria ghemanine kumbira ghudira. Oku yene pakudira, ghaghurumukire kumbira. ¹²Ghamonine ha engeli hawadi mughukenu hana hungumana, ghofotji kumutwi, no ghofotji kumaghuru oku yirama ya Jesusi hayiturire. ¹³Hahambire kukwendi,''Mbuyama,Nye ghuna kudirera?'' Ghaghambire kukwagho,''Pamuranduhana shimbi Fumu wange, no kadi nadimuka eshi kupi hana kamutura.''¹⁴Apa ghayighambire yi, ghathetukire no kumona Jesusi ghanemana, ene kadi ghayidimukire eshi oyane Jesusi. ¹⁵Jesusi ghaghambire kukwendi,''Mbuyama, nye ghuna kudirera? Dye ghuna kushana?'' Ghaghayarire eshi ngwa mukanyamo, podiyo ghaghambire kukwendi,''Ghodikuto, ngeshi ghuna mutwara kumwe, nitongwere eshi kupi ghuna kamutura,no nanyi nikamushimbe.''¹⁶Jesusi ghaghambirekukwendi,''Maria.'' Ghapirukire, no kughamba kukwendimuAramaic,''Muhongi''. ¹⁷Jesusi ghaghambire kukwendi,''Wanikwata, ame shime kadi nadhini kwaTate, ene yende kohakurwange no kaghambekukwagho eshi ame nanyi nidhine kwaTate naWiho, no Nyambi wange no Nyambi ghoye.'' ¹⁸Maria Magdalena gheyire no kunatongwera hakathishongero,''Namono Fumu,'' no ghana ghamba yino yinu kukwange.¹⁹Mughuthiku ghodiya diyuwa, diyuwa dyokutangera muthivike, mathero haghatjapere oku hakathishongero hayapireha Juda, Jesusi gheyire no kwimana mukatji kagho no kughamba kukwagho,''Thiraro papenu.'' ²⁰Pakumana kughamba yi, ghawaneghedhire manyara ghendi nomutara wendi. Hakathishongero hahafire apa hamonine Fumu.²¹Jesusi karo ghaghambire kukwagho,''Thiraro papenu. Thika Tate ghayitumine kukwange, name kuna kumutuma mwe.'' ²²Apa Jesusi ghaghambire yi, ghawatothere no kughamba kukwagho,''Mutambure Mupepo ghoKupongoka. ²³Keheyu gho kumuharwera mumuthiyerere, hawathiyerere; kehe yu gho kumuharwera muwature, hawatureka.''²⁴Thomas, ghofotji ghopowa dikum nohawadi,heyire Didymus, kadi ghakarire nagho apa Jesusi gheyire. ²⁵Hamwe haka thishongero haghambire kukwendi,''Tunamono Fumu.'' Ghaghambire kukwagho,''Shimengwa ni mone munyara dhendi thineghedhitho tho mandwara, no kutura munwe pathidimukitho tho mandwara kumutara wendi, kadi sho nitawe.''²⁶Kunyina dhomayuwa kwoko nomawadi hakathishongero hakarire mwishi karo, na Thomas nawo ghakarire. Jesusi gheyire oku dhimuvero shime hadhiyandhera, no ghemanine mukatji kagho, no kughamba,''Thiraro kukwenu.'' ²⁷No ghaghambire kwaThomas,''Kume kuno no munwe ghoye no mone manyara ghange. Kume kuno no nyara dhoye nodhiture kughunyonga wange. Kadi ghudhire ghatawedhi, ene wakona kutawa.''²⁸Thomasi ghahuthire no kughamba kukwendi,''Fumu no Nyambi wange.'' ²⁹Jesusi ghaghambire kukwendi,''Pamurandu ghuna nimono, ghuna tawa. Hakakutungeka ne waya hadhira kumona, no hatawa.''³⁰Jesusi ghatendire yidimukitha yoyingi kughutho wawakathishongero, yineghedhotho yi hapira kutjanga modhi mbapira, ³¹ene yino ne hayitjangire podiyo eshi mwakutawe eshiJesusi neKristusi, Mwana Nyambi, no karo kutawa,nanyi mwakukare no ghuparo mudina dyendi.

21¹Kutunda poyi yinu Jesusi ghakuneyire karo kwawakathishongero kudikuruviya dyaTiberia. Edhi ne dho ndhira ghakuneghire thinda: ²Simoni Petrusi ghakarire pofotji na Thomas hethire Didymus, Nathaniel kutundera kuCana muGalileya, hana Zebedee, no hawadi hakathishongero waJesusi. ³Simoni Petrusi ghaghambire kukwagho,''Ame kuna kuyenda nikakwate thi.'' Haghambire kukwendi,''Natwe, karo, nanyi twiye noye.'' Hayendire no hengenine muwato, ene kadiko eyi hakwatire ghuthiku ghoghuheya.⁴Popo,apa dyakarire diyuwa kumurughura, Jesusi ghemanine kudiya, ene hakathishongero wendi kadihayidimukire eshi Jesusi. ⁵Podiyo Jesusi ghaghambire kukwagho,''Mwatutughurughana, mudi no keheyino yokudya ndi?'' Hamuhuthire,''Ka.'' ⁶Ghaghambire kukwagho,''Muvukume dikwe dyenu kurudyo ro wato wenu, no nanyi muwane yimwe.'' Havukumine dikwe dyagho no kadi hadi hokonine kuditeghura pamurandu gho thi dhodhingi.⁷No mukathiishongero yu ghahakire Jesusi ghaghambire kwaPetrusi,''Aye ne Fumu.'' Apa Simoni Petrusi ghayiyuvire eshi ayene Fumu,ghaghangire thiwata thendi9ghakushuture), no ghakuvukumene thinda mudikuruviya. ⁸Hakathishongero hamwe heyire muwato(kadi hakarire kayenda pandundu, yira dithere dyomameteri), no hakokire dikwe edi dyayarire thi. ⁹Apa hakakumine pandundu, hamonine mudiro ghomakara no thi hana mutura po, no ghuroto.¹⁰Jesusi ghaghambire kukwagho,''Murete thi edhi muna kwata.'' ¹¹Simoni Petrusi ghayendire no kakurura dikwe pandundu, dyayarire thi dhodhikuru, 153 thi, ene nodhodhingi, dikwe kadi dya djadjukire.¹²Jesusi ghaghambire kukwagho,''Mwiye no mudye mukuthuko.'' Kadiko mukathishongero yu ghahimine kumwipura, ''Yowe dye?'' Hayidimukire eshiaye ne Fumu. ¹³Jesusi gheyire, ghashimbire ghuroto, noghawapire, no thi nadho. ¹⁴Oru ne ruvedhe roghuhatu Jesusi ghakuneyire thinda kwawakathishongero kunyima dho muvumbukero wendi mwawafu.¹⁵Apa hamanine kudya mukuthuko,Jesusi ghaghambire kwaSimoni Petrusi, ''Simoni mwana Johanesi, wanihaka kupiterera yi ndi?'' Petrusi ghaghambire kukwendi,''Yi Fumu, wayidimuka eshi nakuhaka.'' Jesusi ghaghambire kukwendi,''Dithe ndjwighana dhange.'' ¹⁶Ghaghambire karo paruwadi,''Simoni mwana Johanesi, wanihaka me?'' Petrusi ghaghambire kukwendi,''Yi Fumu, wadimuka eshi ame nakuhaka.'' Jesusi ghaghambire kukwendi,''Kunge ndjwi dhange.''¹⁷Ghaghambire kukwendi roghuhatu,''Simoni mwana Johanesi, wani haka?'' Petrusi ghakashire yoyishi Jesusi ghaghambire roghuhatu kukwendi,''Dithe ndjwi dhange. ¹⁸Ghushemwa, ghushemwa, nakughamba kukwenu, apa mwakarire mwahanuke, mwakarire mwakukuvateka mwathinda nokuyenda kehe ku mwahimine, ene apa mwakukurupara, nanyi mwakughorore moko ghenu, no ghumweya nanyi ghakumuvateke no kumudhamuna kehe kuno muna shana kuyenda.''¹⁹Popo Jesusi ghaghambire mukunegha eshi yifa yongepi Petrusi ghakutapa Nyambi. Apa ghamanine kughamba yi, ghaghambire kwaPetrusi,''Ni kuthe me.''²⁰Petrusi ghapirukire no ghamonine mukathishongero oyu Jesusi ghahakire kuwakutha, oyu ghayeghamine kunyima kwimanganyena Jesusi kumurarero no ghaghambire,''Fumu, dye yu sho ghakuhete?'' ²¹Petrusi gha mumonine no ghaghambire kwaJesusi,''Fumu, nye shatende yu katughuru?''²²Jesusi ghaghambire kukwendi,''Ngeshi ghuna shana ghakare kate nakeye, nye yi kukoye? Nikuthe me.'' ²³Thighamba thi thakuhanyine mukatji kawakurwa, eshi hakathishongero kadi hakufa. Ene Jesusi kadi ghaghambire kwaPetrusi eshi hamwe hakathishongero ne kadi hakufa, ene, ''Ngeshi nashana ghakukare kate nakahuke, nye yi kukoye?''²⁴Awa ne hakathishongero awa hakutongone kuhatera yinu yi, no oyu ghayitjangire yinu yi, tuna dimuka eshi yitongora yendi ne yashemwa. ²⁵Yingi yinu yimwe eyi Jesusi ghatendire. Ngo kehe yino ghayitjangire, ngambi ngo kaye ngokadi kadi no mambapira agha gho kutjanga.

Yitenda yawapostoli

1¹Ghushupi gho kupwa natjangire, Theophilus, gha tongwerire yoyiheya oyi gha tangire kutenda no kuhonga Jesusi, ²kate mudiyuwa edi ha mushimbire mudiwiru, pakumana kutapa marawero kupitera mwa mupepo gho kupongoka kwawa-apostoli awa gha torora. ³Munyima dhoyinyanda yendi, gha kuniyire thinda eshi muyumi kukwagho, noghushupi gho kupira kukanana. Mumayuwa makumi mane gha hokokire kukwagho nogha ghambire yo kuhatera kughufumu waNyambi.⁴Apa nga kuwanekeranga nawo, gha ghawa rawere eshi mbadi ha kushwaye muJerusalema, ene hakona kutaterera yitoyedhera yokwawihe, oyi gha ghambire eshi, ''Mwayuva kukwange ⁵eshi Johanesi yashemwa gha yoyire nomeyu, ene mbi muna pu kuyogha pamupepo gho kupongoka mumayuwa ghomapu.''⁶Apa ha kukongwedhire pofotji, ha mwipurire eshi, ''Fumu, oru ne roruvedhe wa kutendurura ghufumu waIsraeli ndi?'' ⁷Gha ghambire kukwagho eshi, ''Mbadi yenu yo kudimuka maruvedhe endi yivaka eyi gha tokora Tate pamangcamu ghendi. ⁸Ene mbo muna wana ngcamu apa mbo gheya mupepo mupongoki papenu, no mbo muna kara mwashupi wange kutunderera muJerusalema noJudeya ghomuheya nomuSamaria n kughuhura gho kaye.''⁹Apa gha manine Fumu Jesusi kughamba yinu yi, apa gha diyamenine kuwiru, nodivuyi dyamungambwathanine kumeho ghawo. ¹⁰Oku shime hanungurukera thikuma kudiwiru oku aye pakayenda, kapupi kamanana hatutughuru hawadi hawemanene muyitere yoyikenu.'' ¹¹Haghambire kukwagho eshi. ''Amwe mwarume ghomu Galileya, pashanye munemanena pano ghukengerera mudiwiru, mbo ghana ka huka karo dyodiya muna mumono ghana kayenda mudiwiru.''¹²No ha hukire kuJerusalema kutunderera kudirundu edi hetha eshi dirundu dyondhwe, edi dyakara pepi naJerusalema, ruyendo ro mudiyuwa dyoSabata. ¹³Apa ha ka kumine, ha kengenine mundhugho dhokuwiru, omu nga ha karanga. Awo ne Petrusi. Johanesi, Jacobusi, Andreyasi, Simon ghomuZiloti, naJudasi ghomwana Jacobusi. ¹⁴Wahe ha kuturirewmo nothitambo thofotji tho kuraperera, pofotji nawa mbuyama, haMaria gho nyina Jesusi no ha kurwendi.¹⁵Mumayuwa gho Petrusi ghemanine mukatji kawa mina nawa kurwendi, hanu hokukuma ku120, no gha ghambire eshi, ¹⁶''Mwamina nomwakurwa , yakarire mudyo eshi matjangwa gha kumemo, eyi ghaghambire mupepo gho kupongoka kughutho mukanwa kaDavida, yo kuhatera kwaJudasi oyu gha pitere awa ha ka kwatire Jesusi.¹⁷Aye gha karire ghofotji gho papetu nogha wanineko thitapa muthishongero thetu.'' ¹⁸(Katughuru yu gha ghurire dipya noyiwana eyi gha wanine mughuyi wendi, popo vene kokuwa kwendi nomutwi, noyirama yendi yapayukire, yihoye yendi yoyihe yashwayire. ¹⁹Wahe awa ha tungire muJerusalema hayi yuvire yinu yi, nga ha toyanga dipya diya mundimi dhawo eshi, ''Akaldema'', kutongora eshi, ''Dipya dyothinyinga.''²⁰''Ayo yapwa kutjanga mumbapira dhawaka Pisalemi eshi, ''Ninge dipya dyendi dipire matungo, mwa tawedhera noyofotji temba munu kutunga mo'; 'Muninge munughumwe gha shimbe dyango dyendi dyoghupiterithi.'²¹Mudyo keho eshi, ghofotji ghopatutughuru wa oyu nga yendanga netu ruvedhe roruheya aye Fumu Jesusi ne nga yendanga mwishi nopanunda mukatji ketu. ²²Kutunderera kudiyoghero dyaJohanesi kudiyuwa edi ha mushimbire muwiru kutunderera kukwetu, kare gho mushupi netu kumuvumbukero wendi.'' ²³Ha turire kughutho ha tutughuru hawadi, Josef oyu hetha eshi Barsabbasi, oyu ha tire karo eshi Justus endi Matiyasi.²⁴Harapererire no kughamba eshi, ''Yowe, Fumu, wadimuka mitjima dhawanu wahe, hokore eshi katughuru munye pakatji kowa hawadi oyu ghuna torora, ²⁵mu kushimba dyango muthishongero thetu nothituma thetu mudyango dyaJudasi oyu gha pirukire gha huke kudyango dyendi.'' ²⁶Hawa tendere fungu-fungu, no fungu-fungu dhi dhawerere paMatiyasi, no ha mutarire pofotji no ha-apostoli.

2¹Apa dya kumine mo diyuwa dyoPendekosita, wahe ha pongire mudyango dyofotji. ²Kapupi kamanana weyire mughuma kushwagha mudiwiru yira mupepo gho kukona kuhanyaghura, wayarire mundhugho mu ha hungumanine. ³Ha tangire kughamba mandimi yira gho mudiro ogha hawapire, no wa karire pakehe yu. ⁴Wahe ha yarire noMupepo gho kupongoka no ha tangire kughamba ghamwe, dyodi wawapiterithire Mupepo mupongoki.⁵Hakarire haJuda awa ha tungire muJerusalema, ha tutughuru waNyambi, kukehe diko dyo pamuve. ⁶Apa hayuvire mughuma, hanu hohengi heyire pofotji no ha karire thivunganyi yoyishi kehe yuno gha yuvire hana kughamba kehe yunu mundimi dhendi. ⁷Ha tetukire nohayapire; ha ghambire eshi, ''Awa wahe mbadi hana kughamba ruGalileya?⁸Pashanye tuna kuwa yuvere? Kehe yu mundimi dhetu dho ka koghatji? ⁹Partianus naMedesi naElamitesi, nowa hatunga muMesopotamiya naJudeya na Cappadosiya, naPontusi naAsia, ¹⁰Phrygia naPamphlia muEgipute nomutara waLibya ghutambe kuSirene no hadhinguri ho kuRoma, ¹¹haJuda no hama Proselytesi, Cretansi no haka Arabiya, kuwa yuva hana kughamba mundimi dhetu yo kuhatera kungcamu dhoyirughana yaNyambi.¹²waahe ha tetukire no kuyovara; ha ghambathanine mukatji kawo eshi, ''Yinye yina kutongora yi?'' ¹³Hamwe hawa hekire no kughamba eshi, ''Hana terera novinyu ghomupya.''¹⁴Ene Petrusi ghemanine no hasha dikumi noyofotji, gha yeyure diywi dyendi, no kughamba kukwagho eshi, ''Mwanu homuJudeya no mwahe mwe mwa tunga muJerusalema, mudimuke yinu yino; mu tape thinga kunando dhange. ¹⁵Hanu wane mbadi hana terera dyodi mwa kuyithinganyeka, yoyishi viri dho ghuhatu ngenyu mudiyuwa.¹⁶Ene eyi ne yo ha ghambire kupitera mwamuporofeta Juweli: ¹⁷'Dyoya kukara mumayuwa ghoghuhura,' Nyambi ha ghamba eshi, mbo na tumu mupepo wange pakehe yu. Hanenu ho ha tutughurughana na ho hakamadighana mbo hana pumbu, hoha tutughurughana mbo hana roto yirota.¹⁸Ghushemwa poha pika wange no ha pika wange hohambuyama mumayuwa gho mbona mbona tumu mupepo wange, nonanyi ha kupumbe. ¹⁹Mbo na negfhedha yitetukitha muwiru no yidimukitho pamuve, manyinga, mudiro nomwithi gho kududumuka.²⁰Diyuwa nanyi dya kukutjindje kumakokore nokaghonda kumanyinga kughutho gho kwiya diyuwa dyaFumu dyongcamu nodyodikuru. ²¹Nga ya kukare eshi kehe yu mbo ghetha dina dyaFumu mbo ghana pu kughamwena.'²²Mwanu ho muIsraeli, muyuve manando ghano: Jesusi gho muka Nasareti kwakarire katughuru oyu gha tumine kukwenu Nyambi nongcamu dhokutombora, noyitetukitho noyidimukitho eyi gha rughane Nyambi kupitera mumwendi mukatji ketu, dyo di mwayi dimuka mwahe. ²³Katughuru yu gha tapire Nyambi no ya pwire kurongeka no kudimuka kughutho gho kahokoka; ene mwe, munyara dho ha tutughuru ho hayi, mwa mutwarire kuyifa pakumu pamarera pathikurushe. ²⁴Ene Nyambi gha mu tumune, gha mu shuture kutjitju dhoyifa, yoyishi mbadi ya konine kumukwata.²⁵Davita gha ghambire yino kukwendi, 'Ame kehe pano kumona Fumu kughutho wange, Aye kehe pano kumutara gho rudyo rwange podigho eshi mbadi hani henyithe. ²⁶Podigho mutjima wange washambererire norudimi rwange rwa kuyire. Munyima yirama yange yina kupara muma kurupero.²⁷Owe mbadi mbo mwayerera mudhimu wange mumamboreya, no mbadi wa kutawedhera hapongoki hoye horwe. ²⁸Wani dimukitha mayira gho ghuparo; mbo ghuna ni tendi ni yare no yishamberera kurupara roye.'²⁹Mwashere, ghuwa thikuma kukwange ni ghambe kukwenu noghutjima yo kuhatera kwakerekandongo wetu Davita, naye ghafire nohamuvumbekire, nombira dhendi nadho tudi kudyarero. ³⁰Podigho eshi, gha karire muporofeta nogha dimukire eshi Nyambi gha tenda mawethero kukwendi eshi nanyi gha kuture yofotji gha padiko dyendi mukukara padipuna diyuwa dimwe. ³¹Gha monine eyi ya ka hokoka kughutho no gha ghambire yo kuhatera kumuvumbukero waKristusi, eshi mbadi ha mu mwayerera kuyifa, endi yirama yendi kukufuta.³²Oyu Jesusi-Nyambi gha mu tumune, eyi yidi eshi twahe twashupi wayo. ³³Podigho, ghana muyeyura kughutho kurudyo rwaNyambi no ghana kutambura makuruperitho gho Mupepo gho kupongoka kutunderera kwaWihe no gha tutumena keho eyi mwa kumona no kuyuva.³⁴Kukwendi Davita mkbadi gha dhinine mudiwiru, ene gha ghambire eshi, 'Fumu gha ghambire kwaFumu wange, ''Hungumane kurudyo rwange ³⁵kate na kutende ha ka nore dhoye yidjatero yo kumapadhi ghoye.''' ³⁶Podigho eshi, ninge kehe dhino ndhugho dhawa ka-Israeli ha dimuke eshi Nyambi gha mutenda Fumu noKristusi, yoyu Jesusi mwa pamarere.''³⁷Apa ha yiyuvire yi, yawa twire kumitjima dhawo, na ha ghambire kuwaPetrusi no kwawa apostoli wahe eshi, ''Mwayendhange yipi sho tutende?'' ³⁸Munyima Petrusi ghaghambire kukwagho eshi, ''Mupiruke no mupwe kuyogha, no keheyu gho pakatji kenu, mudina dyaJesusi Kristusi ghomathiyerero gho maharwero ghenu, munyima mbo muwana yitapera yaMupepo mupongoki. ³⁹No makuruperitho ne kukwenu no kwahanenu nokawa hadi kayenda, nothingi thawanu awa mbo ghetha Fumu Nyambi.''⁴⁰No manando ghomengi gha nongononithire no kuwatjokedha ghuninga eshi, ''Mupwe kughamwena koghu muhoko gho ghumango.'' ⁴¹Ha tamburire nando dhendi no ha pwire kuyogha, no hawa wedherere kuthivarero thomidhimu dyo diyuwa tho kukuma kumayovi mahatu. ⁴²Ha kuturiremo hathinda kuyihonga yawa apostoli nokukupakerera pofotji nomakupakerero, mukuyondora ghuroto nomumandapero.⁴³Woma weyire mukehe mudhimu, noyitetukitha noyidimukitho yoyingi yapwire kutenda kupitera mwa wa apostoli. ⁴⁴Wahe awa ha tawire hakarire pofotji noha kuwire muyitambo yawo, ⁴⁵noha ghurithire yiwana yawo no hayi kutapere mumwawo hathinda, kukutha kuyinyanda yawo.⁴⁶Kemo diyuwa tunda diyuwa ha kuturiremo hathinda nothitambo thofotji mungirishe. Ha yondorire ghuroto mumaghumbo ghawo, no ha kutapere yidya pofotji noyi shamberera nomitjima dhokukumbirupitha, ⁴⁷kukugha Nyambi no ha karire ghuwa nawnu wahe, no kehe diyuwa Nyambi ghawedhere kuthivarero thawo awa ha pwire kughamwena.

3¹Munyima Petrusi naJohanesi hayendire kuwiru dhongirishe paviri dhomandapero, paviri dhoghukwoko nodhoghune. ²Munyima katughuru oyu gha karire murema kushwayera mumukogha wanyina oyu nga ha retanga kungirishe paheka apa hethangire eshi, Ghuwa. Awo nga ha muturanga popo kehe nadiyuwa eshi ngo gha kumbere masherenyi kwawa hana kwingena mungirishe. ³Apa gha monine Petrusi naJohanesi hana kushana kwingena mungirishe, gha wepure ko maghamweno.⁴Petrusi, gha topere meho ghendi papendi, naJohanesi gha ghambire eshi, ''Tukenge.'' ⁵Katughuru gho murema gha wa kengire, ghutaterera kuwana maghamweno kukwawo. ⁶Ene Petrusi gha ghambire eshi, ''Siriveri no ngorondo mbadi nidi nayo, ene eyi nidi nayo nanyi nikupe. Mudina dyaJesusi Kristus ghomuka Nasareti, yende.''⁷Hamukwatire kudyoko dyorudyo, Petrusi gha mwimekire, popo vene maghuru nomangongotji gha katughuru yu gha tanarire. ⁸Katughuru yu ghemanine no kuregha muwiru no gha tangire kuyenda; ghengenine naPetrusi naJohanesi mungirishe, ghuyenda no kukugha Nyambi.⁹Hana wahe ha mumonine ghana kuyenda noha kuyire Nyambi. ¹⁰Ha nongononine eshi yo katughuru oyu nga karanga ghukumbera hanu maghamweno kuheka dhodhiwa dhongirishe.'' Awo hayarire nothitetu yoyishi koyoyi ya hokokire kukwendi.¹¹Kenge gha gorere paPetrus nopaJohanesi, hanu wahe ha tjirere kukwagho mukara oghu hethangire eshi, Solomon ghukuru ghothitetu. ¹²Apa gha yi monine Petrusi, gha wa huthire eshi, ''Amwe mwa hanu waIsreali, pashanye muna kutetukera? Pashanye muna kutu nungurukera twe, yira yatwe tuna mu ningitha eshi gha yende pamangcamu ghetu endi paghukushuki wetu?¹³Nyambi waAbraham, no waIsaaki, no waJakop, Nyambi wawakerekandongo wetu, ghana fumaneka muruwaneni wendi Jesusi. Oyu mwa tapire no kuhamura kughutho waPilatus, apa gha tokore eshi gha mu shuture. ¹⁴Mwa shwenine mupongoki nomuhungami, no mwa kumberire hamushwayithere mupayi mudyango dyendi.¹⁵Mwa payire mutangeri gho yipara, oyu gha vumburire Nyambi mwawafu, no atwene twashupi kuyinu yi. ¹⁶Nopa didhi dyomatawero mudina dyendi, dina dyendi dina shutura yu katughuru mwa kumona no kudimuka. Matawero gho kupitera mwaJesusi ghana mupa ghundjewa-ndjewa wendi gho kuyarerera kughutho wene mwahe.¹⁷Keho, mwashere, na dimuka eshi mwa yitendere mukunyatha, thika edi mwa tendire kwawaraghuri wenu. ¹⁸Ene yinu yaNyambi eyi ha mu tongwera kupitera mutunwa twawa pumbi wahe, eshi Kristusi wendi gha kona kunyanda ne, ghana yikumithamo.¹⁹Mupiruke, podigho eshi mirandu dhenu dhipwe kuthiyerera, podigho eshi dha kwiye nako dho kupeperera kughutho waFumu. ²⁰no gha kutume Kristus oyu ghapwa kutorora kukwenu Jesusi.²¹Aye yodiye ghofotji oyu dya kona katambura diwiru kate ruvedhe romarughuthururo gho yoyiheya, koyi gha ghambire Nyambi pakare kupitera mutunwa twawaporofeta wendi ho kupongoka. ²²Mosesi ghushemwa gha ghambire eshi, 'Fumu Nyambi mbo ghana yeyura muporofeta yira yame mukatji kenu mwashere. Mwa kona ka tegherera kuyoyihe eyi mbo ghaka mu ghambitha. ²³Mbo yina kahokoka eshi kehe yuno munu gha ka pira kategherera muporofete yu mbo ghana pu kuharanganya mukatji kawanu.'²⁴Nhii, noha porofeta wahe kutunderera kwaSamuwel nowa heyire munyima dhendi, ha ghambire no kuyuvithya ghano mayuwa. ²⁵Yamwe mwahana wawaporofeta noho ghundambo oghu gha tendire Nyambi nawa kerekandongo wenu, dyodi gha ghambire kwa-Abraham eshi, ''Murunanda roye mako ghomahe pamuve mbo ghana pukutungeka.' ²⁶Nyambi munyima gha yeyurire murughani wendi, gha mu tumine kuwenu pamutango, podigho eshi mu pwe kutungeka mukushwayitha kehe yu gho papenu kughuyi wenu.''

4¹Oku shime gha karera Petrusi naJohanesi kuna kughambitha hanu, hapristeri namukuru gho tembeli nawaSadusayi heyire kukwagho. ²Ha tokotire thikumenena, yoyishi Petrusi naJohanesi kwa karire kuna kuhonga hanu no kuyuvitha mbudhi dhaJesusi no muvumbukero wawafu. ³Ha wa kwatire no kuwa tura mukashitiko kate mathiku-thiku gho kurandako, ruvedhe ru ne runguro. ⁴Ene wingi wahanu awa ha yuvire mbudhi dhi hatawire; thitara thawa ha tawire tha kumine kumayovi kwoko.⁵Nodiyuwa dyo kurandako haraghuri wagho, mayami, nawaka marukwaro hapongire pofotji muJerusalema. ⁶Annas mupristeri shokuru pogha karire, naKayifasi, naJohannesi, ndani naAlesanderi no wahe ha ka diko dya mupristeri shokuru. ⁷Munyima dho kureta haPetrusi naJohannesi mukatji kawo, hawepurire eshi, ''Pangcamu dhadye, nomudina dyadye, muna yirughana yi?''⁸Petrusi, gha yarire nomupepo gho kupongoka, no ghawa tongwerire eshi, ''Amwe mwa raghuri ghowanu, namwe mwa piterithi, ⁹ngeshi twene munwato tudi dyarero kuhatera yoyiwa kwamurume yu gha karire noyikorwa, nopangcamu dhadye murume yu gherukere, ¹⁰mwa kona kuyitjwathana mwahe nokwahanu wahe homu Israeli eshi, ghono katughuru ghanemana kughutho wenu mundjewan-djewa mudina dyaJesusi Kristusi gho muka Nasareti oyu mwa pamarere, oyu gha vumbure Nyambi mwawafu.¹¹Jesusi Kristusi ne yodiye diwe edi hanyathire hambi, ene dyo ha ditendire mudishonga. ¹²Mbadiko makamweneno mwa kehe yuno munu, nombadiko dina mwishi dhodiwiru ha tapa mukatji kohanu omu sho tupwe kushutura.''¹³Apa ha monine matjimapero ghaPetrusi naJohanesino kunongonona eshi awo hanu honyara-nyara, mbadi ha kuhonga ene hanu vene, ha tetukire, no kunongonona eshi eshi haPetrusi naJohanesi hakarire pofotji naJesusi. ¹⁴Yoyishi ha monine murume oyu gherukire ghanemana nawo, mbadiko eyi gha konine kughamba kuyinu yi.¹⁵Munyima dho kuraweera ha apostoli ha shwaye mundhango, ha kuyongire mumwagho hathinda. ¹⁶Ha ghambire eshi, ''Yinu munye sho tu tende na wanu wa? Ghushemwa eshi thitetu tho thikuru thina hokoka kowa hatunga muJerusalema nombadi twa kona kuthiwa shwenena. ¹⁷Ene mu kuninga eshi mbudhi dhi mbadi kuhanye mwawanu, twa kona kuwashinga kughamba kwakehe yu no kughamba karo mu dina di.'' ¹⁸Munyima ha wethire no kuwa rawera eshi mbadi ha kona karo kughamba endi kuhonga yinu mudina dyaJesusi.¹⁹Petrusi naJohanesi hawa huthire eshi, ''Yarogha kughutho waNyambi kufumaneka munu endi yodiye amwe mwa panguri. ²⁰Mbadi sho tukone kushayeka kughamba yinu eyi twa mona no kuyuva.''²¹Pakumana kuwashinga haPetrusi naJohanesi, hawa thiyire ha ka yende. Mbadi ha konine kuwana kehe ghuno, murandu mukuwahumbitha, yoyishi hanu wahe ha tumerire Nyambi kuyinu eyi ya hokokire. ²²Katughuru yu gha wanine thitetu tho merukero gha karire no myaka kupitakana makumi mane.²³Munyima dho kuwashutura haPetrusi naJohanesi heyire kohanu wawo nohana thimwetwedhire yoyihe eyi haghambire hapristeri nawa mayami kukwawo. ²⁴Apa ha yiyuvire, ha yeyurire maywi ghawo nothitambo thofotji tho kutumera Nyambi ghuninga eshi, ''Fumu, watendire diwiru nomuve nodikuruviya noyo yiheya eyi ya karamo. ²⁵Owene wa ghambire naMupepo gho kuponga kupitera mukanwa kamupikoye Davida kerekandongo wetu, pashanye hana karera hahayidena thivunganyi, nohanu hana pemukitha maghano ghawo?''²⁶Waghambire eshi, ''Hafumu hopamuve ha kukwatire pofotji, nawa raghuri ha kukongwedhire pofotji hemanganyene Fumu, no kwimanganyena Kristusi.²⁷Ghushemwa, wahe haHerodesi naPontius, pofotji nawa hayidena nohanu homuIsaraeli ha kupakerire pofotji modhi mbara no kwimanganyena mupongoki ghoye Jesusi mukareri ghoye oyu wa wethere. ²⁸Ha kukongwedhire pofotji mukutenda yoyihe eyi waruwane nonyara dhoye, no yi turithapo waghayarire kughutho eyi mbo yi hokoka.²⁹Keho, Fumu, kenge kumashingero hana tapa kwawa kareri ghoye mukughamba nando ghutjimapa. ³⁰Ghonyonone dyoko dyoye no kwirukitha no kutapa yidimukitho noyitetukitho kupitera mudina dyamupongoki ghoye no mukareri ghoye Jesusi.'' ³¹Munyima dho kumana kuraperera, dyango edi ha pongire pofotji dyandandamene, no hayarire wahe no mupepo gho kupongoka noha ghambire nando dhaNyambi nongcamu.³²Wingi wawaheya awa ha tawire ha karire nomutjima nomudhimu ghofotji. Mbadiko oyu gha ningire eshi eyi ghadi nayo ne yendi, ene hayi kuyarekere wahe pofotji. ³³No ngcamu dhodhikuru ha-apostoli ha hongire ghushupi wagho no muvumbukero waFumu Jesusi no thineke thothikuru ethi thakarire papawo wahe.³⁴Karo mbadiko munu pakatji kawo oyu gha nyandire thinu, wahe ha karire nodipwa ngambi ndhugho gha ghurithire no kureta manyinga kuyinu eyi gha ghurithire, ³⁵nohana yiturire kughutho wawa-apostoli, na ha yi kutaperire dyodi ha yi nyandire.³⁶Joseph, oyu hethangire eshi apostoli Barbabasi (oyu ha shingonone eshi mwana gho matjimapero), mu Livite katughuru gho mu Syprus, ³⁷gha ghurithire dipya dyendi no gha retire manyinga naghana gha tapire kwawa apostoli.

5¹Pano keho, katughuru gho dina Ananiyasi, naSapphirasi mundambo wendi, haghurithire dyango dyagho, ²no ha horekire dihenda mughuro (munuwendi naye gha yidimukire), no haretire dihenda dimweya no kuna ditura kumapadhi wa apostoli.³Ene Petrusi gha ghambire eshi, ''Ananiyasi, pashanye gha nengenena shatani mumutjima ghoye eshi wangereke Mupepo gho kupongoka no kuhoreka dihenda dyo paro dho dyango? ⁴Apa dya karire mbadi ghuna dighuritha dya karire dyoye nopa dya pwire kughuritha mbadi mungcamu dhoye dyan karire? Yidye yu ghana tura yirughana yo kemo mumutjima ghoye? Mbadi ghu nangereka munu, ene Nyambi.'' ⁵Pakuyuva manando gha, Ananiyasi ghawire pamuve no kufa, nowoma weyire kwawahw awa ha yiyuvire. ⁶Ha tutughurughana hemanine no kumudhinga, ha mu shwayithire panunda no kamuvumbeka.⁷Munyima dhomaviri mahatu munuwendi ghanengenine, mbadi gha dimukire eyi ya hokokire. ⁸Petrusi gha mu ningire eshi, ''Ni tongwere dhoparo dhodhi muna ghuritha dyango ndi?'' Gha huthire eshi, ''Nhii, dhodiyo.''⁹Petrusi gho gha ghambire kukwendi eshi, ''Ngepi eshi muna kughun pofotji mu kwangera Mupepo waFumu?Mone mapadhi ghawa tutughuru wa hana ka vumbeka munughoye ne muthero ghadi, nonanyi ha kushimbe ha kushwayithe.'' ¹⁰Popo vene gho gha wire pamapadhi ghendi gho gha fire. Apa hengenine ha tutughurughana hana munine ghanafu, hamushimbire hamushwayithe no haka muvumbekire kumbadi dha katughuru wendi. ¹¹Woma gho ghukuru weyire kungirishe dhodhodhiheya no kwawahe awa ha yuvire yinu yi.¹²Yidimukitho no yitetukitha yishawingi ya hokokire mukatji kawanu kupitera mwawa apostoli. Wahe ha karire mumukara gho maghundhi ghaSolomoni. ¹³Ene mbadiko gho pa wamweya gha karire no matjimapero mukuku pakerera nawo; ngambi kemo, hanu hawa pire fumwa dho dhikuru.¹⁴Shime hatawi hohengi ha kuwedherere kwaFumu, mbunga dhawa tutughuru nawa mbuyama, ¹⁵podigho karo ha shimbire hakorwi mumikunda no kuwatura pamaghudidi nopa matemba, podigho eshi pakudhipita Petrusi, mudhidhimbi wendi ghuwa fugherere. ¹⁶Theyire karo thitara tha wanu hohengi awa ha shwayerere mumadoropa ghomumbadi dhaJerusalema, ghureta hakorwi nawa dhapethire mipepo dhodhimango, no wahe herukire.¹⁷Ene mupristeri shokuru ghemanine nawahe awa ha karire nendi (odhi dha karire mbunga dhawa Sadusayi); no hayarire nonya ¹⁸no hakwatire ha apostoli no kuwa tura mukashitiko.¹⁹Ngambi kemo, mughuthiku mu engeli waFumu gha yandhurure mathero gho kashitiko no ghawa shwayithire no gha ghambire esh, ²⁰''Muyende, mukemane mu tembeli no mukaghambe kwawanu manando gho moyo.'' ²¹Apa ha yi yuvire yi, ha kengenine mungirishe mudiyuwa dyodyo no hakahongire. Ene mupristeri shokuru gheyire nowa ha karire nendi, hethire haka muragho pofotji, hakuru wawaIsraeli waheya, no hawa tumine kukashitiko haka rete ha apostoli.²²Ene hamaporitha wa hayendireko mbadi ha ka wawaninemo mukashitiko, no haka hukire no kurapota eshi, ²³''Tuna ka wana kashitiko shime ha ka yandhererera thiwana no hakungi hanemana kuthero, ene apa tuna kayandhurura ko, no yofotji temba tuna ka wana mwishi.''²⁴Apa gha yiyuvire mukuru gho ngirishe nohakuru wawapristeri manando gha, yawa dhodhengire thikuma kuhatera hanu wa eshi ngo yinu munye sho yi randeko. ²⁵Po gheyire ghumwe no ghawa tongwere eshi, ''Ha tutughuru wa mwa turire mukashitiko ne hanemana no kuna kuhonga hanu.''²⁶Mukuru gho tembeli ghayendire nawa ka muragho, ha ka wahuthire, ene mbadi nonyanya, yoyisi awo hayapire eshi pamweya hana kawa vukuma mawe. ²⁷Apa ha ka waretire kukwagho, hawa hungumekire kughutho ghondhango. Mupristeri sho kuru gha wepurire ghuninga ²⁸eshi, ''Twa muraweree nomuragho mukupira kuhonga mudina di, ene shime muna yaritha Jerusalema noyihonga yenu no muna shana kureta thinyinga thoyu katughuru papetu.''²⁹Ene Petrusi nawa apostoli ghawa huthire eshi, ''Twa kona kufumaneka Nyambi mbadi munu. ³⁰Nyambi wawakerekandongo wetu gha vumburire Jesusi, oyu mwa payire pakumukureka kuthitondo. ³¹Nyambi gha muyeyurire kudyoko dyendi dyo rudyo ghakare Fumu ghana noMukomononi, kutapa mapirukero kwaIsraeli no kuthigherera maharwero. ³²Twa shupi muyinu yi, kemo naMupepo gho kupongoka, oghu ghatapa Nyambi kwawa hakara ghutawedhi kwendi.''³³Apa hayiyuvire ha ka ndhango yi, hapatire thikuma no hashanine kupagha ha apostoli. ³⁴Ene muFarasayi gho dina Gamaliyeli, muhongi gho muragho oyu ha kutekerire hanu wahe, ghemanine mwaka ndhango gha rawerire ha apostoli hawa shwayithe panunda kapupi kamanana.³⁵Gho gha ghambire kukwagho eshi, ''Mwaka Israeli, mutegherere thiwana koyi muna shana kutenda nowa hanu. ³⁶Mayuwa agha ghana kapita, Tadeghusi ghemanganyine noghunu mwene, nothitara thawanu mathere mane, ha kupakerere nendi. Ghapwire kupagha nowahe wa ha mukuthire ha kuharanganyine no hakarire nyara-nyara. ³⁷Munyima dho yu katughuru, Judasi gho muka Galileya ghemanganyine mumayuwa gho kutara no ghakughongawedhere hanu hongandji. Naye karo ghafire, no wahe awa ha mu kuthire ha kuharanganyine.³⁸Pano keho kuna kughamba nenu eshi, mushwaye kwawanu wa no muwathiye pithagho, ngeshi dighano di ngambi yirughana yamunu, mbo yina pu kuwitha. ³⁹Ene ngeshi yaNyambi, mbadi sho mukone kuwawitha; no nanyi muka kuwane eshi kuna kurwitha Nyambi.'' Dyo ha pwire kuhongaghura.⁴⁰Po hethire ha apostoli no kuwamwashura no kuwa rawera eshi, mbadi ha kughambe karo mudina dyaJesusi, no hawa thiyire ha kayende. ⁴¹Ha shwayire kughutho wawakandhango ghushamberera eshi hana wa tara mudyo mukunyanda no honyi mudina dyendi. ⁴²Kutunda po kehe diyuwa, mutembeli no kutunda ndhugho yenda ndhugho, ha twarire kughutho kuhonga no kughambughura mbudhi dhodhiwa eshi Jesusi ne Kristusi.

6¹Mogho mayuwa, apa thakuwedhere thivarero tha wa ka thishongero, haGresian hohaJuda ha tangire kushivana kwawa Heburayi, yoyishi mbadi hathotere mukughamwena hadidhi no yinu yo kehe nadiyuwa.²Hasha dikumi nahawadi dhawa kathishongero kukwagho no kuwa tongwera eshi, ''Mbadiko kurogha kukwetu mukuyongaritha nando dhaNyambi mukutapera yikoreritha. ³Podigho eshi mwa kona kutorora mumwenu ha tutughuru kwoko noha wadi, hatutughuru ho mi mwene, ho kuyara noMupepo gho kupongoka, homaghano awa sho yupe thirughana thi. ⁴Ene twe, nanyi tu tware kughutho mumandapero no kuyuvitha nando dhaNyambi.''⁵Thighanba thawo tha shambererithire mbunga dhodhihe. Ha tororire Stefanus, katughuru gho matawero gho kuyara noMupepo mupongoki, naFilipusi, Prokorasi, Nikanori, Timoni, Paramenasi naNikolaghusi, oyu gha tundire muAntiyokiya. ⁶Hatawi haretire ha tutughuru wa kughutho wawa apostoli, awa ha wa reperere no kuwa kambeka moko ghawo.⁷Nando dhaNyambi dha kutapathanine kokuheya, nothivarero thawa kathishongero tha kuwedherere thikuma, nohapristeri hohengi ha karire ghutawedhi kumatawero.⁸Stefanusi yu, gha yarire noneke nongcamu, gha tendire yitetukitha yo yikuru noyidimukitho mukatji ka wanu. ⁹Ene pakarire hahati hamwe homu Sinagoge oyu hetha eshi sinagoge waka horo, homu Sirene nomuAleksandriya, hamweya homuSilisiya naAsiya. Hanu wa ha karire munanani naStefanusi.¹⁰Ene mbadi ha mukonine kughunyanyami oghu gha wanine kwaMupepo mupongoki oghu gha ghambithire Stefanusi. ¹¹Kokuruwera kwawo hanu no kuwa ninga ha ghambe ghumbango eshi, ''Tuna muyuvu Stefanusi ghana kushwahura Mosesi naNyambi.''¹²Hatjoka-tjokire hanu, mayami, nawa kamarukwaro, hahenyene Stefanusi no kumukwata no ha muretire kughutho ghondhango. ¹³Ha ka retire kwawo hashupi hombango awa ha ghambire eshi, ''Katughuru yu ne mbadi ghana kushayeka kughamba manando gho kwimanganyena dyango dino dyokupongoka no miragho. ¹⁴Tuna muyuvu ghana ghamba eshi oyu Jesusi gho muka Nasareti mbo ghana yungununa dino dyango no kutjindja miragho edhi gha tupire Mosesi.'' ¹⁵Waheya wa hahungumanine mundhugho hamu kengururire nohamonine rupara rwendi yira rupara rwa mu-engeli.

7¹Mupristeri shokuru gha ghambire eshi, ''Oyi yinu ne yashemwa ndi?'' ²Stephanusi gha mu huthire eshi, ''Mwayendhange nomwatate, muni tegherere thiwana: Nyambi gho Fumu gha hokokere kwakerekandongo wetu Abraham oku yene shime muMesopotamiya, kughutho gho kuna tunga muHarani; ³gha mu tongwerire eshi, 'Tunde muditunga dyoye nodiko dyoye, no ghuyende kuditunga edi mbo ni kuneghedha.'⁴Aye ghashwayire mu ditunga dyawaka chaldian no katunga mu Harani; munyima dho kupwa wihe, Nyambi ghamuretire muditunga di omu muna kutunga pano. ⁵Mbadiko yi ghakonine kumupa eshi yoghupingwa kukwendi, no dyango dyoghuturo. Ene ghamukuruperithire ngambi kenge Abraham mbadi ghakarire no mwana temba oku mboghakona kutapa ditunga dikare dyoghupingwa kukwendi no kohanahoka ho munyima dhendi.⁶Nyambi ghaghambire kukwendi ngeno eshi, hanahoka wendi mbohanatungu kapupi kamanana muditunga dyo ghutjwayuki, no muditunga di mbohatunga mbo hanawatura hakare mughupika no kuwapetha momumango mumyaka mathere mane. ⁷'Ene mbona pangura muhoko oghu hana kurughanena,'' dyo ghana kughamba Fumu. Munyima dhopo mbo hana tundumo no kunanikugha me modi dyango. ' ⁸NaNyambi gha tapire kwa Abrahamu gho makeneno, Abrahamu ghakarire wiha Isaki no ghamukenyine mudiyuwa dyoghukwoko nodyoghuhatu. isaki ghakarire wiha Jakopu, no Jakopu wiha wawa kerekandongo wetu dikumi no hawadi.⁹Yoyishi hakerekandongo wetu hakarire nonya kwaJoseph, hamughurithire mu egiputena ene Nyambi ghakarire nendi ¹⁰no ghamughamwenine kumaghukukutu. ghamupire Nyambi ghuwa no manongwahu kughuthio waFaragho, fumu wa egiputena oyu ghakamutendire nguvuru waegitena nomudighumbo dyendi.¹¹Podyeyire diyerenge mu egiputena ghomuheya no mukanani, noyinyanda yoyikuru, hakerekandongo wetu mbadi hakonine kuwana yokudya. ¹²Ene apa ghayiyuvire Jakopu eshi kuegiputena ne koghadi mavumbukiro ne, ghatumineko hakerekandongo wetu ruyendo ro kutanga. ¹³Muthiyendo thawo thoghuwadi, Josefu ghakakudimukithire kwawakurwendi, no diko dyaJoesfu dyapwire kudimukitha kwaFaragho.¹⁴Josefu ghatumine hakurwendi hahuke ha katongwere wihe Jakopu ghakeye ku egiputena, pofotji nohapendi wahe, hanu makumi kwoko nohanu hakwoko kuwapakerera. ¹⁵Jakopu ghaghurumukire kuegiputena noghakafire nawakerekandongo wetu. ¹⁶Hawashimbire kudyango dya shechemu nokawarangeka mumbira odhi ghaghurire Abrahamu noparo dhosiliveri kwa wana Hamori mushechemu.¹⁷Apa rwakokere ruvedhe ro matoghedhero, matoghedhero gha Nyambi ghatendire kwa Abrahamu, hanu hakurire no hakuwedherere mu Egiputena, ¹⁸kare pemanine karo fumu ghumeya , fumu yu ghapirire kudimuka yo kuhatera kwaJosefu. ¹⁹Ghapemukithire hanu wetu no ghathinenekire hakerekandongo wetu mu kushwayitha tumbututu twawo podiyo mbadi hatuthiye ghuyumi.²⁰Paruvedhe ruya Mosesi hamushamurukire; ghamonekire ghuwa kughutho waNyambi no hamuyamwekire tughonda tuhatu mundhugho dhawihe. ²¹Apa hamuturire panunda, mwana Faragho ghombuyama ghamushimbire noghakamurerire yira mwanendi.²²Mosesi ghakuhongire mumanongwahu ghomaheya gha Egiputena, ghakarire ghongcamu mumanando ghendi no muyirughana. ²³Ene paghakarire myaka makumi mane, yeyire mumutjima wendi mu kadhingura hakurwendi, hanahoka waIseraelite. ²⁴Kumona muka Israelite hana kupetha, Musesi ghamughamwenine no kumurwerapo yu hanapethi haka egiputena mukumupumura muka egiputena: ²⁵Ghaghayarire eshi nganyi hatjwathane Nyambi, eshi mudyoko dyendi ghana kuwaghamwenena, ene mbadi hayitjwathane.²⁶Mudiyuwa dyokurandako ghamonine hatutughuru hawadi hana kurwa no ghashanine kureta thiraro pakatji kawo ghuninga eshi; 'tutughuru, mwakaghukurwa mwe; pashanye munakukutjitjupithera mwathinda?' ²⁷Ene oyu ghayipithere muyendhendi ghamuthindekere kuya, nokughamba eshi, ' yidye ghunakutendi muraghuri no mupanguri pakatji ketu? ²⁸Ghunashana kunipagha me, kenge ngaghupagha muka Egiputena peghundha?'²⁹Mosesi ghatjirire apa ghayuvire yinu yi; ghakakarire mutunda kure muditunga dya Midiya, omu ghaka karirwe wiha ghohana hawadi hohatutughuru. '' ³⁰Apa dhapitire myaka makumi mane, muengeli ghamuhokokere mumamboreya ghomudirundu dya Sinayi, mumudiro ghokutumbuka pathipumbu.³¹Apa ghamonine Mosesi mudiro ghu, ghatetukire thikuma kuyimona yi; no apa ghahenyineko ghathikenge, podyeyire diywi dyaFumu, ghuninga eshi; ³²Yame Nyambi wakerekandongo ghoye, Nyambi waAbrahamu, naIsaki, naJakopu, 'Mosesi ghatutumine no mbadi ghakonine karo kukengako.³³Fumu ghaghambire kukwendi eshi, 'Shutureko yisandari kumapadhi ghoye, nodyango di ghunemana ne dyapongoka. ³⁴Namono yinyanda yawanu wange wa hadi muEgiputena; nayuvu madiro ghawo, nonashuruka mukawaghamwena; wiye keho, nganikutume kuEgiputena.³⁵Yoyu Mosesi ghofotji hashwenine, apa ghaghambire eshi; 'Yidye ghakutenda muraghuri nomupanguri?' -Yodighe ghofotji ghatumine Nyambi pofotji muraghuri no mughamweni. Nyambi ghamutumine nodyoko dya muEngeli yu ghakahokokere Mosesi mumuthitu. ³⁶Mosesi ghakawashwayithire muEgiputena, pakamana katenda yitetukitho noyidimukitho muEgiputena, nodikuruviya dyo mbu, nomumamboreya myaka makumi mane. ³⁷''Yo Mosesi ghofotji ghaghambire kwawa Israeli eshi, Nyambi mbo ghana mutendera muporofeta mukatji kawakurwenu, muporofeta yira yame.'³⁸Oyu ne yo katughuru oyu gha karire mumbunga dhawanu mumburundu na mu-engeli oyu gha ghambire nendi kudirundu dyaSinayi, oyu gha karire nawa kerekandongo wetu, awa ha tamburire manando gho ghuparo mukutupa twe. ³⁹''Ene hakerekandongo wetu ha shwenine kukara ghutawedhi; ha mu shwayithire kukwawo hathinda, no mitjima dhawo dha hukire kuEgipute. ⁴⁰Paruvedhe ruya ha ghambire kwaAroni eshi, 'Tutendere twe hanyambi hombango awa sho ha tupitere twe. Koyu Mosesi gha tushwayithire muditunga dyaEgipute, mbadi sho tudimuke eshi yipi ya kumuhokokera.'⁴¹No hatendire ndana ghana mogho mayuwa no ha retire ndupu kuthitjwandjo, no kushamberera eshi yirughana yo nyara dhawo. ⁴²Ene Nyambi ghawa tapire mu kukuvumana tutumwedhi tomudiwiru, thika kenge edi hayi tjanga mumambapira ghawa porofete eahi, 'Muna nipa mwe miyambo dhoyiyama eyi muna pagha muyaka makumi mane mumburundu, ndhugho dhaIsraeli?⁴³Muna tambura ndhugho dhaMoleki nodinungwedhi dyonyambi gho mbango Rafani, noyitjwandjo eyi mwa kutendere mukarere: no mbona mushwayithamo kupitakana muBabiloni.'⁴⁴Hakerekandongo wetu ha karire nondhugho dhoghushupi mumburundu, thika kenge edi gha yirawere Nyambi apa gha ghambire kwaMosesi, eshi ghakona kutendurura thika kenge edi gha yimonine. ⁴⁵Munyima, hakerekandongo wetu muma piteritho ghaJoshwa, ha tamburire ndhugho no hadhiretire pofotji nawo apa gha ka tambure no kupinga ditunga. Nyambi gha shimbire ditunga kumuhoko no kuwa tjidha mo kughutho wawo ha kerekandongo wetuNdhugho dhiya dha karire muditunga kate ruvedhe rwaDavita, ⁴⁶oyu gha wanine neke kughutho waNyambi, no ghepurire ngeshi kukona kuwana matendero gho ndhugho dhaJakobu.⁴⁷Ene Solomoni yogha tendire ndhugho dhaNyambi. ⁴⁸"Kemo kengeyo, Fumu oyu gha piterera yoyihe mbadi ghatunga mumayugho agha hatenda hanu nonyara, thika kenge edi ngha yi ghambire muporofeta, ⁴⁹'Diwiru ne dipuna dyange , no kaye ne madjatero gho dipadhi dyange. Ndhugho munye edhi sho mukone kuni tendera? Dyo ghana kughamba Fumu, endi dyango munye dyo maturumuthero ghange? ⁵⁰Nane mbadi nyara dhange dha tendire yinu yi ndi?'⁵¹''Mwakukutu ghomwanu mwe, mwapira makeneno mumitjima no mumatwi, amwe kehe pano kushwena Mupepo gho kupongoka; Muna kurughana thika kenge edi harughanine ha kerekandongo wenu. ⁵²Haporofete munye hakerekandongo wenu ha pirire kukutha-kutha? Hapayire haporofeta awa ha hokokire kughutho gho kwiya oyu gha Hungama; no muna kara mwaheti nomwapayi wendi karo, ⁵³mwanu mwe mwa tamburire veta edhi gha tungekire mu engeli, ene mbadi mwadhipungura.''⁵⁴Apa ha yuvire yinu yi hahati hondhango, ha kuyuvire tjitju kudhimitjima dhawo no ha humine mayegho ghawo kwaStefanus. ⁵⁵Ene ye gha yarire noMupepo gho kupongoka, gha kengire no kutopera kuwiru no ghamonine ghufumu waNyambi; no gha monine Jesusi gha nemana kurudyo rwaNyambi. ⁵⁶Stefanusi gha ghambire eshi, ''Mone, namono diwiru dina yandhuruka, noMwana munu ghanemana kurudyo rwaNyambi.''⁵⁷Hahati hondhango hafikire bmatwi ghawo, no kukugherera nodiyi dyodikuru no ha tambukere kukwendi wangu nothitambo thofotji. ⁵⁸Hamushwayithire panunda dhombara no ha muvukumine mawe. Hashupi hashuturire yishupata yawo yo peghuru no kuyitura kumaghuru gha mutjaha gho dina dyoSaghulu.⁵⁹Pakumu vukuma Stefanusi, gha kuyererire nodiywi dyodikuru kwaFumu no kughamba eshi, ''Fumu Jesusi, tambure mudhimu wange.'' ⁶⁰Gha tongamenine no kwithya nodiywi dyodikuru eshi, ''Fumu, mbadi wa kona kuwatetera ndhango kughuyi oghu.'' Pakumana kuyighamba yi gha wire nogha fire.

8¹Saulusi gha karire nomatawero gho yifa yendi. Mudiyuwa dyo poghatangire makuthakuthero gho makuru mu kwimanganyena ngirishe dho muJerusalema;no hatawi waheya ha kuharanganyine mumatungaghana ghaJudea naSamaria,kutundithako haApostoli. ²Hatutughuru wa hakutapa kwaNyambi ha horekire Staphanus no hakarire nothindhivi thikuma. ³Ene Saulusi ghayerekire kuhanyaghura ngirishe. Aye ngayendanga tunda dighumbo yenda dighumbo ghukokakoka hatutughuru nawambuyama,no kuwa tura mukashitiko.⁴Shime hatawi awa hakuhanyanganin ha twikerire kuyuvitha nando dhendi. ⁵Philipusi ghayendire munurumbara dhaSamariya no kuwa yuvithera kuhamena Kristusi.⁶Mbunga dhawanu dhadheghetere ghutegherera ku koyi gha yuvithire Philipusi;nodighano dyofotji hamuyuvire,no hamonine yidimukitho eyi gha tendire. ⁷Dhimupepo dhodhimango dhashwaghire mo hohengi awa dhanyikire,ghudira nowighuka maywi ghawo,no hakakughara pofotji nawakakupira kuyenda hohengi hapwire kwirura. ⁸Yishamberera yoyikuru yakarire munurumbara dhiya.⁹Ene pakarire katughuru ghumweya munurumbara dhiya gho dina dyoSimoni,oyu gha karire nokare murodhi;aye ngatetukithanga thikuma hanu homuSamariya ghumutanaghura eshi aye ne munu gho mudyo. ¹⁰Haka Samaritani waheya kutangera kohambiru kare kohakuru,nga ha muteghereranga; haghambire eshi,''Oyu katughuru ne yo ngcamu dhaNyambi dhakahurako.'' ¹¹Hamutegherere yoyishi kare gha katangire kuwa tetukitha noghurodhi wendi.¹²Ene apa hamutawire philipus apa ghahongire mbudhi dhodhiwa dhoghuFumu waNyambi nodina dya Jesusi Kristusi, hapwire kuyogha wahe hatutughuru nawambuyama. ¹³Ngambi Simoni naye thinda ghatawire, no munyima dhokupwa kumuyogha gha twikere kukara na Philipusi. Apa ghamonine yitetukitho noyitenda yongcamu yinakuhokoka, ghatetukire.¹⁴Apa hayuvire ha apostoli homuJerusalema eshi Samariya ne ghana tambura nando dha Nyambi, hawatumene Petrusi naJohannesi. ¹⁵Apa hanakumine, hanawaraperere hatambure mupepo ghokupongoka. ¹⁶Kare poro ruvendhe, oku mupepo ghokupongoka mbadi weya shime papawo; hapwire ngenyu kuyogha mudina dyaFumu Jesusi. ¹⁷Ndani Petrusi naJohannesi haturire moko ghawo papawo, no hatamburire mupepo ghokupongoka.¹⁸Apa ghamonine Simoni eshi mupepo ghokupongoka ne haghutapire pakukambeka nyara dhawapostoli, ghawapire manyinga. ¹⁹Ghaghambire eshi, '' Mudhinipe name dhi ngcamu podiyo eshi kehe yuno name mbonikambeka ne mboghatambure mupepo ghokupongoka.''²⁰Ene Petrusi ghaghambire kukwendi eshi; ''Hanyaghuke nowe nomasiliveri ghoye, yoyishi ghunaghayara eshi kukona we kuwana thitapera thaNyambi nomasherenyi. ²¹Mbadimo dyango dyoye muno, yoyishi mutjima ghoye mbadi ghunahungama naNyambi. ²²Podiyo, piruke kughuyi ghiye, no raperere kwaFumu, podiyo pamwe ghanakukuthiyerera kudidovo dyo mutjima ghoye. ²³Nakumono eshi ghudi noghuhungu ghonduru nomunotwa dho diharwero.''²⁴Simoni ghahuthire no kughama eshi; ''Nirapererepo kwaFumu, podiyo eshi mbadiko eyi shoyinihokokere poyi ghuna ghamba²⁵Apa hanongononine no kughamba nando dhaFumu, Petrusi noJohannesi hahukire kuJerusalema, ghuhonga mbudhi dhodhiwa mumikunda dhodhingi dhomuSamaritani.²⁶Muengeli waFumu gha ghambire kwa Philipusi eshi;''Matuke noyende mughucuma mundhira dhokughurumuka kushwagha kuJerusalema dhiyende kuGaza.'' (Ndhira dhi dhakara dhomumamboreya.) ²⁷Ghemanine noghayendire. Kapupi kamanana, pakarire katughuru ghomuka Ethiopiya, ghomutungi noghuraghuri ghoghukuru mwishi dhaCandee, herekadhi waka Ethiopiya. Yiwana yendi yoyiheya yakarire mumoko ghendi. Gheyire muJerusalema mukunaraperera. ²⁸Ghahukire oku ghanahungumana muditemba dyendi, no ghutoya mwamuporofeta Isaya.²⁹Mupepo waghambire kwaPhilipusi eshi, ''Yende nokakare pepi noditemba di.'' ³⁰Podigho Philipusi ghatjirere kukwendi, no ghamuyuvire ghana kutoya mwaIsaya ghomuporofeta, no ghaghambire eshi, '' yoyi ghuyitjwathana yi ghuna kutoya ndi?'' ³¹Ghoghaghambire eshi, ''Ngepi shonitjwathane, shimengwa ghumwe ghanighamwena?'' Ghethire Philipusi ghaye muditemba noghahungumane nendi.³²Nothimingwa tho matjangwa thi ghatoyire muka Ethiopiya yu ne eshi; ''Hamutwarire yira ndjwi kukatomeno, no yira ndjwi ghana kughutho wamukururi wendi muthipore, mbadi ghayandhurure kanwa kendi. ³³''Mumashwanhwero ghendi, ghuhungami haghumushwayithire. Yidye ghokukona kupathurura mawero ghendi? Yipara yendi hayishwayitha pakaye.''³⁴Podiyo katughuru yu ghepurire Philipusi, no ghaghambire eshi, ''Nakukanderera, yidye ghana kughambaghura muporofeta, thinda ndi, endi ghumweya?'' ³⁵Philipusi ghatangire kughamba, nokutanga no matjangwa gha ghamuhongire matjangwa kuhatera Jesusi.³⁶Mukuyenda kwawo mundhira, heyire komeyu ghamweya no mutungi yu ghaghambire eshi, ''Mone, poghadi meyu pano. Yinu munye shoyinishinge mukupira kupwa kuyogha?'' ³⁷Philipusi ghahuthire eshi, ''Ngeshi ghuna tawa nomutjima ghoye ghoghuheya, kukona ghupwe kuyogha.'' ³⁸MukaEthiopiya ghahuthire eshi, ''Natawa eshi Jesusi Kristusi ne mwana Nyambi.''' MukaEthiopiya gharawere ditemba dimane. Hayendire mumeyu wahe, Philipusi na mutungi, ndani Philipusi ghamuyoyire.³⁹Apa hashwayire mo mumeyu, mupepo waFumu wamushwayithirepo Philipusi, nomutungi yu mbadi ghamumomnine karo, ene ghayendire mundhira dhendi ghushamberera. ⁴⁰Ene Philipusi ghakamonekire muAzotusi noghakayendire dhowowo mukunda, ghughamba mbudhi dhodhiwa mumambara ghomaheya kare ghakeyire kuCaesareya.

9¹Ene Saulusi, oku shime haghamba yokuthineneka kupagha haka thishongero waFumu, ghayendire kwamupristeri ghomukuru ²no kamwipura mambapira ghomumasinagoge ghomu Damasikusi, podigho eshi ngeshi ghakawane kehe yuno ghahatera kundhira, yikare katughuru ndi mbuyama, ghana kawareta munwato muJerusalema.³Oku muruyendo ghadi, yahokokire ngeno eshi pakukokera kuDamasikusi, popo vene thamusheghenyene thishe thokudiwiru; ⁴no ghawire pamuve noghayuvire diywi dina kughamba kukwendi eshi, ''Saulusi, Saulusi, pashanye ghuna kunikutha kuthera?''⁵Saulusi ghahutha eshi; ''Yowedye, Fumu?'' Fumu ghaghambire eshi; ''Yame Jesusi, oyu ghuna kukuthakutha; ⁶ene wimane, wingene mumbara, nonanyi hakayikutonwere eshi yinu munye shokakone kutenda.'' ⁷Katughuru yu ghayendire na Saulusi ghemanine noghapirire yokughamba, kuyuva diywi ene mbadiko ghokumona.⁸Saulusi ghemanine po pamuve, nopa ghayandhurure meho ghendi, mbadi ghakonine kumona kehe thino; hamukokire kudyoko no hamuretire muDamaskusi. ⁹Ghakarire mayuwa mahatu mbadi wakumona, mbadi ghadire nokunwa temba.¹⁰Pakarire mukathishongero muDamasikusi ghodina Ananiyasi. Fumu ghaghambire nendi muyimona meho, ''Ananiyasi!'' ghaghambire, ''Mone, yameno Fumu.'' ¹¹Fumu ghaghambire kukwendi, ''Wimane, ghuyende murukanda ru hana kutoya eshi Strayiti, no kundhugho dha Judasi kepure katughuru ghoku Tarsiusi ghodina Saulusi, kuraperera ghana kuraperera. ¹²Ghanamono muyimona meho katughuru ghodina Ananiyasi ghanakwiya nokukambeka moko ghendi papendi, podiyo eshi ghakone kumona karo.¹³Ene Ananiyasi ghahuthire eshi , ''Fumu, nayuva kwawengi yo kuhatera murume yu , yoyingi ghayipitha kwahanu ghoye hokupongoka mJerusalema. ¹⁴Aye ghawana mangcamu ghokutunda kwawa pristeri hashokuru mukukwata keheyuno pano ghana kwitha mudina dyoye. ¹⁵Ene Fumu ghamutongwere eshi , ''Yende, ghapwa kutorora mukukara thirughanitha thange , ghatware dina dyange kughutho wawa hayidena nawa fumu , nawanuke ghomu Israelite . ¹⁶Mbona muneghedha eshi ngepi ghakunyanda pamurandu ghodina dyange .''¹⁷Ananiyasi ghashwayirepo, no kengena mundhugho. ghakakambekire moko ghendi papendi no ghaghambire eshi, ''Muyendhange Saulusi, Fumu Jesusi, oyu ngakuhokokera mundhira apangawiya, yana nitumu podiyo eshi,'' ghukone kumona no ghuyare na mupepo ghokupongoka. ¹⁸Popo vene yinu yokupitura yira nadhi yawire mumeho gha Saulusi, ghatangire kumona, ghemanine noghapwire kuyogha. ¹⁹No ghadire yidya no yamutanarithire. Ghakarire mayuwa ghongandji nawa kathishongero mu Damascusi.²¹Popo vene ghatangire kuyuvitha Jesusi mumasinagoge, ghughamba eshi ayene mwana Nyambi. ²⁰Wahe awa hamuyuvire yawa tetukithire no haghambire eshi, ''Oyune mbadi yoyu murume ghahanyaghuranga haka Jelusalema awa ngahatoyanga dina di? Ngeya mukuna wa kwata no kuwa twara kwawa pristeri hashokuru ²²Ene Saulusi gheyire no ngcamu thikuma . No gharetedherire toko-toko mukatji kawa Juda awa hatungire muDamascusi pakuneghedha eshi Jesusi ne Kristusi.²³Munyima dhomayuwa ghomengi, haJuda hakuyuvire pofotji mukamupagha. ²⁴Ene dighano dyawo dyayuvekire kwa Saulusi. Ngakevereranga kumivero mutenya noghuthiku nothitambo thokumupagha ²⁵Ene hakathishongero wendi hamushimbire ghuthiku, no hamughurumune panunda dhodikuma muthikote.²⁶Apa ghakumine mu Jerusalema, saghulusi ghakondjire kukupakerera nawa kathishongero, Ene waheya hamuyapire, mbadi hayitawire shi mukathishongero. ²⁷Ene Barnabasi gha mushimbire no ghamutwarire kwa hapostoli. No ghawa hatongwere eshi ngepi di ghamonine Saghulusi Fumu, okuyene mundhira, no yi gha ghambire kwendi, Saghulusi ghayuvithere muDamascusi no ghudhughutjima mudina dya Jesusi.²⁸Ghakarire nagho, kushwagha no kuhuka mu Jerusalema. Ghaghambire noghudhughutjima mudina dya Fumu Jesusi. ²⁹No hakukananine nawa Juda gho hahirika; ene shime ngahakondjanga hamupaghe. ³⁰Apa hayiyuvire hapostoli hayendhendi hamuretire ku Caesareya no hamutimine ku Tarsius.³¹Kundunda pa, ngirishe muJudeya, Galileya no muSamaria mwakarire no thiraro no thakurire; Haparire mukuyapa Fumu no mumahengawiro ghamupepo ghokupongoka, no ngirishe dhakurire muthitara ³²Kemo yahokokire eshi, panga yendanga Peturusi kumango ghomahe, gha keyire shime karo kwawanu haNyambi hokupongoka awa hatungire mudoropa dha Lydda.³³Oku ghakawanine murume ghumweya gho dina Aeneyasis, oyu ghakarire pa thiraro ghure gho myaka kwoko nodhihatu, noyikorwa yokughara. ³⁴Petrusi ghaghambire kukwendi eshi, ''Aeneyas, Jesusi Kristusi ghakwirukithe. Wimane no yare ghudidi ghoye,'' popo ven ghemanine. ³⁵Wahe wa hatungire mu Lydda nomu Sharoni, hamumonine katughuru yu no hapirukire kwa Fumu.³⁶MuJoppa mwa karire mukathishongero ghumweya ghodina dyo Tabitha (odi hapathurura eshi ''Dorcasi''). Mbuyama yu ghayarire thikuma noyirughana yoyiwa no yitenda yothinyeke oyi gharughanine kwawahepwe. ³⁷Yakarire ngeno eshi mumayuwa gha ne ghakorwire no kufa; Apa hamuyoyire, hakamuturire mungonda dhokuwiru.³⁸Mukukara shi Lydda ne pepi naJoppa, nohakathishongero hayuvire eshi Petrusi ne moghadi momo, hatumine hatutughuru hawadi kukwendi, hakamukumbere eshi; ''Wiye kukwetu mukupira kukuranga.'' ³⁹Petrusi ghemanine noghayendire nawo. Apa ghanakumine, hamuretire mungonda dhokuwiru, no hadidhi wahe hemanine pepi nendi ghudira, ghumuneghedha yivata no mapurapure agha ghatendire Dorcasi apa ghakarire nawo.⁴⁰Peetrusi ghawashwayithiremo wahe mungonda, ghatongamene, nogharaperere; ghapirukire kuyirama, ghaghambire eshi, ''Tabitha, wimane.'' Ghoghayandhurure meho ghendi, mukumona Petrusi, ghahungumanine. ⁴¹Petrusi ghamupire dyoko dyendi noghamwimekire; no apa ghethire hanu waNyambi hokupongoka nohadidhi, ghamuneyire kukwawo mughuyumi. ⁴²Thihokoka thi thapupanine muJoppa ghomuhe, no hanu hohengi hatawire mwaFumu. ⁴³Yahokokire ngeno eshi Petrusi ne ghakarire mayuwa ghomengi muJoppa nakatughuru ghodina Simoni, ghomunyuki yikumba.

10¹Ndani pakarire katughuru ghongandji munurumbara dhaCaesareya, Corneliusi padina mupiterithi ghomashurundate awa ngahethanga eshi hakaItali. ²Ghakarire katughuru ghodikuto, ghoyu ghayapire Nyambi nawakadighumbo dyendi dyodiheya, ghatapire manyinga ghomengi kwawakakunyanda no gharapere kwaNyambi kehe pano³Paviri dhoghukwoko noghune dhodiyuwa, ghamonine thiwana muthimona meho muengeli waNyambi ghana kwiya kukwendi. Muengeli ghaghambire kukwendi eshi; '''Cornelius!'' ⁴Cornelius ghanungurukire muengeli no ghayapire thikuma nokughamba eshi; ''yinu munye mukadikuto?'' Muengeli ghaghambire kukwendi eshi; mandapero ghoye nomaghamweno ghoye kwawahepwe ghanayendi muwiru ghakakare mavurukero ghothitapera thitapera kughutho waNyambi. ⁵Pano keho tume keho hatutughuru kunurumbaraa dhaJoppa hakarete katughuru ghodina Simon ghoyu hana kwitha eshi Petrusi. ⁶Aye kuna kutunga namukakutenda yikumba, oyu dhakara ndhugho dhendi kudikuruviya.''⁷Apa ghatundirepo muengeli yu ghaghambire nendi, Cornelius ghethire hawadi hopawapika homudighumbo dyendi, no dishurundate dyo pawamwe wa hamughamwenanga. ⁸Corneliusi ghawatongwerire yoyihe eyi yahokokire nokuwatuma kuJoppa.⁹Mudiyuwa dyo kurandako paviri dhoghukwoko nodhofotji, oku muruyendo rwawo no kuna kukokera mumbara, Petrusi ghayendire mundhugho dhokuwiru ghakaraperere. ¹⁰Ghakayuvire ndhara noghashanine yokudya, ene oku hanu hamwe kunakutereka yidya, hamupire thimona meho, ¹¹no ghamonine diwiru dinayandhuruka noghamonine thipungwero thongandji thina kughurumuka, thinu yira dikehe dyodikuru dina kwiya pakaye, ghuthighurumuna pamashonga ghatho mane. ¹²Mumwatho mwakarire yiyama yoyihe yomaghuru mane noyinu yokukokawa pamuve, noyinyunyi yomuwiru.¹³Ndani diywi dyaghambire kukwendi: ''Wimane, Petrusi, paghe nodye.'' ¹⁴Ene Petrusi ghambire eshi, ''Mbadi kemo fumu; mbadi nadya rumweya thokunyata nothokupira kukushuka.'' ¹⁵Ene diywi dyeyire kukwendi karo roghuwadi: ''Eyi ghatenda Nyambi ghukushuki, mbadi wakona kuyitha eshi yanyata.'' ¹⁶Oyi yahokokire ruhatu; ndani thipungwero thi popo vene hathihuthire mudiwiru.¹⁷Ndani okushime ghakarera Petrusi mudidhongiri kuhatera eshi ngoyinu munye yina kutongora kukwendi yinu yi ghamonine muthimona meho thi, kapupi kamanana, hatutughuru wa ghatumine Cornelius hemanine kuthero dhodhikuru, apa hawanine matawedhero kumengeneno mundhugho. ¹⁸Hethire nohepurire ngeshi moghadi Simon, ghoyu hethire eshi Petrusi, oyu ghatungire mo.¹⁹Oku shime Petrusi haghayara kuhatera kuthimomna meho thi, mupepo waghambire kukwendi eshi; ²⁰''Mone, hatutughuru hahatu hanakukushana, wimane ghughurumuke nokayende nawo. Wakuranga mukuyenda nawo yoyishi yame nawatumu.'' ²¹Petrusi ghawaghurukere hatutughuru wa no ghaghambire eshi; '' Yame munakushana, pashanye muneghera?''²²Ha ghambire, ''Mukuru wamashurundate ghodina Corneliusi, murume ghomuhungami noghumwe yu ghayapa Nyambi, ndani hamughamba thiwana mumako ghomahe ghawaJuda , muengeli ghokupongo waNyambi ghamutongwere ghakwithe ghuyende kundhugho dhendi, podiyo ghakateregherere kumbudhi dhokutunda kukoye.'' ²³Petrusi ghawethire hangene hakakare nendi, ndani mathikuthi ghokurandako ghemanine noghayendire nawo, no hatawi hamwe hokuJoppa hakupakerere nendi.²⁴Mudiyuwa dyo kurandako hanakumine hanakumine kuCaesareya. Corneliusi ghawataterere; ghethire waheya hapendi nawashere wendi.²⁵Yakarire ngeno eshi apa ghengenine Petrusi, Corneliusi ghakuwanine nendi noghawererire kumapadhi ghendi nokumukugha. ²⁶Ene Petrusi ghamughamwenine ghemane ghuninga eshi, ''Wimane! name nomunu.''²⁷Oku Petrusi kuna kughamba nendi, ghayendire mwishi noghakawanine hanu hohengi hana pongo pofotji. ²⁸Ghakaghambire kukwawo eshi; ''Namwe mwathinda mwayidimuka eshi mbadi yakara pamuragho kwamunu ghomuJuda ghakupakerere nokadhingura kehe yuno ghomuditunga dimweya. Ene Nyambi ghananineghedha eshi mbadi nakona kwitha keheno munu eshi ghanyata endi mbadi ghakushuka. ²⁹Yonakeyera ghupira kukanana, apa munanitumena. keho nakumwipura eyi munanithera.''³⁰Corneliusi ghaghambire eshi; ''Mayuwa mane ghanakapita muviri dhodhi, naraperere paviri dhoghukwoko noghune mundhugho dhange; namonine katughuru ghemanine kughutho wange muyitere yokutwedhima. ³¹Ghaghambire eshi; 'Corneliusi, ndapero dhoye ne dhinapu kuyuvera kwaNyambi, no yitapa yoye kwawahepwe ne yina muvurukitha Nyambi kuhatera koye. ³²Tume hamwe kuJoppa , nohakakwithere katughuru ghodina Simon yu hetha eshii Petrusi. Ghatunga mudighumbo dya mutendi yikumba ghodina Simon kudikuruviya.' ³³Popo vene podiyo nakutumene. Yinahungama ghunakeya. Pano keho twaheya tudi kughutho ghomeho ghaNyambi mukuyuva yoyiheya eyi ghakurawera Fumu mukughamba.''³⁴Ndani Petrusi ghayandhurure kanwa kendi nokughamba eshi; '' Ghushemwa, nadimuka eshi Nyambi mbadi ghashimba mutara wamunu ghofotji. ³⁵Ene, mumatunga ghomaheya kehe yuno ghamuyapa nokutenda ghuhungami ne ghamana kumutambura.³⁶Mwadimuka mbudhi odhi ghatumine kohanu waIsraeli, apa ghayuvithire mbudhi dhodhiwa dhothiraro kupitera mwaJesusi Kristusi, ghoFumu wawahe- ³⁷namwe mwathinda mwadimuka yihokoka yoyihe yi yahokoka oyi yakarire muJudeya ghomuheya, kutangerera muGalileya, munyima dhodiyoghero edi ghayuvithire Johannesi; ³⁸yihokoka kuhatera Jesusi ghomukaNasareti, edi ghamutororire Nyambi no Mupepo Ghokupongoka nongcamu dhendi. Ghayendire ghurughana yoyiwa nowirukitha wahe awa ghanyika shadipinyi, naNyambi ghakarire nendi.³⁹Twashupi twaheya kuyinu yoyiheya yi ghatendire Jesusi, kokuheya muditunga dyawaJuda nomuJerusalema. Hamupayire pakumukureka kuthitondo, ⁴⁰ene Nyambi ghamuyeyurire mudiyuwa dyoghuhatu nokumutenda hamumone, ⁴¹mbadi hanu waheya ene kwawashupi wa ghatororire Nyambi kughutho ghoyinu yi- natwe twadire nokunwa nendi munyima dhokuvumuka mwawafu.⁴²Haturawerire mukughamba kwawanu no kunongonona eshi oyu ne yodiye ghatorora Nyambi mukukara mupanguri wawayumi nawafu. ⁴³Kukwendi haporofeta wahe hatapa ghushupi, podiyo eshi kehe yuno ghokutawa mumwendi mbo ghanawana mathiyerero ghomaharwero kupitera mudina dyendi.''⁴⁴Oku shime Petrusi haghamba yinu yi, Mupepo Ghokupongoka wawerere pa wahe wa haterere kumbudhi dhendi. ⁴⁵Hanu wa hahaterire kumbunga dhomakyeneno ghawatawi- wahe wa heyire naPetrusi- hatetukire, yoyishi Mupepo Ghokupongoka ghaghukumwene karo nopawahayidena.⁴⁶Awo hayuvire hahayidena wa hana kughamba mumandimi ghamweya ndani ghushogherera Nyambi. Petrusi ghoghahuthire eshi; ⁴⁷''Kukona ghumwe ghashweneke meyu ko hanu wa eshi mbadi hapwe kuyogha, hanu wa hatamburire Mupepo Ghokupongoka yira kenge twe?'' ⁴⁸Ghoghawarawerere hapwe kuyogha mudina dya Jesusi Kristusi. Ghohamwipurire mukukara nawo mayuwa ghongandji.

11¹Hapostoli nohatawi hamweya wa hakarire muJudeya hayiyuvire eshi hahayidena nawo hatmburire nando dhaNyambi. ²Apa eyire Petrusi muJerusalema, awa hahatererire kumbunga dhawakamakyeneno hamuningaghurire; ³haghambire eshi, ''Ghunakukara nawatutughuru ghokupira kukyena nokudya nawo!''⁴Ene Petrusi ghatangire kuwatjwathanitha yinu yi mukuyarerera, ghughamba eshi, ⁵''Naraperere mu muthitata thaJoppa, nakarire nothimona ethi namonine thipungwero thakughurumuka, yira dikehe dyodikuru hana kughurumutha kutunda kudiwiru mumashonga ghadyo mane. Thanighurumukere. ⁶Nathikengururire nokuthighayara. Namonine yiyama yomaghuru mane yopamuve, yishereka yomumuthitu, yiyama yokukokawa, noyinyunyi yomuwiru.⁷Ghonayuvire diywi dina kughamba kukwange eshi; ' Wimane, Petrusi; paghe nodye!' ⁸Naghambire, eshi; mbadikemo Fumu; mbadiko thokupira kupongoka endi thokunyata thangena rumwe mukanwa kange.' ⁹Ene diywi dyahuthire karo kutunda mudiwiru, eshi ''Oyi ghatenda nyambi ghukushuki, mbadi wakona kuyitha eshi yanyata.' ¹⁰Oyi yahokokire yikandho yihatu pohayihuthire mudiwiru.¹¹''Kapupi kamanana, hatutughuru hahatu hemanine kughutho ghondhugho dhi twakarire; hapwire kutuma kutunda kuCaesareya kukwange. ¹²Mupepo wanirawererire mukuyenda nawo, eshi mbadi nakoka kuteta nanani kukwawo. Owa hatawi kwoko noyofotji hayendire nange, no twayendire mundhugho dhakatughuru. ¹³Ghatutongwerire edi ghamonine muengeli ghemanine mundhugho dhendi no kughamba eshi; ''Tume hatutughuru kuJoppa no mukarete Simoni yu hetha eshi Petrusi. ¹⁴Ghana kughamba kukoye mbudhi odhi dhakukughamwena- nowe nawakadighumbo dyoye.''¹⁵Apa namukandererire mukughamba kukwawo, mupepo ghokupongonga weyire papawo, yira kenge papetu kumatangero. ¹⁶Navurukire manando ghafumu, edi ghaghambire eshi, 'Johannesi ghayoyire nomeyu; ene mboghunapu kuyogha mwamupepo ghokupongoka.'¹⁷Ngeshi Nyambi hatapa thitapera thofotji thika di ghatapire kukwetu apa twatawire mwaFumu Jesusi Kristusi, yamedye eshi nikanane Nyambi?'' ¹⁸Apa hayuvire yinu yi, mbadiko yi haghambire mukuhuthako, ene hashoghererire Nyambi no haghambire eshi, ''Ndani Nyambi ghatapa mapirukero ghomoyo kwawahayidena nawo.''¹⁹Awa hakuharanganyine kumakuthakuthero agha ghakarire kwaStephanus yakuhanyini kare ghure ghokuPhoenicia, Cyprusi, naAntioch, ghughamba nando kwaJuda pithako. ²⁰Ene hamweya hopapawo, hatutughuru hokuCyprusi naSirene, heyire kuAntioch nokaghamba karo kwawaHirika, ghuwatongwera mbudhi dhodhiwa kuhatera Fumu Jesusi. ²¹Nyara dhaFumu dhakarire nawo; thitara thothikuru thatawire nokupiruka kwaFumu.²²Mudhi dhokukwawo dheyire mumatwi ghongirishe dhomuJerusalema, no hatumine Barnabasi ghure ghokupiterere Antioka. ²³Apa gheyire nokunamona thineke thaFumu, ghashambererire no ghawatjokedhire wahe hakare naFumu nomitjima dhawo dhodhiheya. ²⁴Ghakarire katughuru ghomuwa no ghayarire no mupepo ghokupongoka no matawero, no hanu hohengi hakuwedherere kwaFumu.²⁵²⁶Barnabasi poghayendire kuTarsiusi ghakashane Saulusi. Apa ghakamuwanine, ghakamuretire ku Antioka. Yakarire ngeno eshi, mwaka ghoghuhe hapongire pofotji nongirishe no hahongire hanu hohengi. Hakathishongero hakatangerere kawetha shi hakriste muAntioka.²⁷Pano keho mumayuwa gha haporofeta hamweya heyire kuAntioka kutunda kuJerusalema. ²⁸Ghumwe ghopapawo, Agabusi padina, ghemanine noghaghambire pamupepo eshi diyerenge dyodikuru mbodineya mukaye kokaheya. Oyi yahokokire mumayuwa ghaClaudiusi.²⁹Podigho hakathishongero, thika di hakarire wahe shi kukona, hatokorire kutuma maghamweno kwawatawi homuJudeya. ³⁰Hayitendire yi; hatumine masherenyi kwawakuru mudyoko dya Barnabasi naSaulusi.

12¹Apa dha kuminemo nako fumu Herodesi gha kambekire nyara dhendi pawa hati hamweya homungirishe podigho eshi ghawa pethe. ²Gha payire Jacobusi mina Johanesi no thimende.³Ghopa ghamomine eshi yina washambereritha haJuda, gha rundurukere no gha kwatire Petrusi. Mayuwa gha ghakarire mayuwa ghoghuroto ghothuthunyunyi. ⁴Munyima dhokumukwata hamuturire munwato, nogha mutapire kumambunga mane gho mashurundate ghamukunge; dodighano eshi gha kumuhokore munyima dhopaska.⁵Petrusi ha muturire munwato, ene hamuturire mumandapero kughutho waNyambi kwawaka ngirishe. ⁶Ghuthiku, kughutho Herodesi gha ka mureta kundhango, Petrusi gha rarire pakatji komashurundate mawadi, ghana pu kughanga nomenge mawadi, oku hakungi ne pathero kuna kukunga kashitiko.⁷Yahokokire eshi, popo vene muengeli waNyambi gha hokokire kukwendi nothishe tha mumunekire mungonda dho kashitiko. Gha pyatire Petrusi no kumu pindutha ghu ghamba kwendi eshi, ''Pinduke wangu,'' no menge gha shutukire kumoko ghendi. ⁸Mu-engeli ghaghambire kukwendi eshi, ''Vate yitere yoye novate yisandari yoye.'' Petrusi gha tendire kemo. Muengeli gha muningire eshi, ''Vate dirwakani dyoye no nikuthe.''⁹Kemo, Petrusi gha kuthire mu-engeli kate kashwagha. Mbadi gha dimukire eyi gha tendire mu-engeli eshi ghushemwa. Gha ghayarire eshi kuna kurota. ¹⁰Munyima dho kupita mukungi gho kutanga, noghoghuwadi ha kumine kuthero dhothikuvo edhi dha tamba kuthi thitata; dhawa yandhurukere dhathinda. H shwayire ha kayende muthitavura, popo vene mu-engeli gha muthiyere.¹¹Apa gha hukire Petrusi mumaghano ghendi, ghaghambire eshi, ''kate popano nadimuka eshi Fumu ghana tumu mu-engeli nanishuture mumoko ghaHerodesi, nokuyoyiheya eyi ha ghayara haJuda.'' ¹²Apa gha yi nongonone yi, gha yendire kundhugho dhaMaria gho nyina Johanesi oyu nga hethanga karo eshi, Marukusi, oku ha pongire hanu ghu raperera.¹³Apa gha ngongonine kuthero, mukadhipika gho dina eshi, Rhoda gheyire. ¹⁴Apa gha nongononine diywi dyaPetrusi, dyamukangire kuyandhurura dikungu pamurandu ghoyi shamberera, mudyango dyo kuyandhurura gha hukire ghutjira mundhugho, gha ka tongwerire eshi Petrusi ne ghaneman pathero. ¹⁵Awo ha muhuthire eshi, ''Ghuna ghundumuka.'' Ene yene gha konomekire thikuma. Ha ghambire eshi, ''Oyo ne mu-engeli wendi.''¹⁶Ene Petrusi yene gha konomekire kungongona, apa ha yandhure thero, ha mumonine na ha tetukire. ¹⁷Petrusi ghawa neghedhire nodyoko eshi haporere, no gha wa tongwere eshi ngepi edi ghana mushwayitha Fumu mu ka shitiko. Gha ghambire eshi, ''Mukatongore yinu yi kwaJacobusi no kwawaminendi.'' Gha shwayire po nogha yendire kudyango dimwe.¹⁸Apa dyavire diyuwa, mbadi mwakarire nyungango dhongandji mukatji kawa mashurundate koyi ya hokokire kwaPetrusi. ¹⁹Apa gha mu shanashanine Herodesi mbadi gha muwanine, pogha tangire kwipudhura hakungi no kuwa rawera eshi ha wa paghe. Po gha tundire muJudeya gha yende kuKayesariya no kogha ka karire koko.²⁰Munyima dhopo Herodesi gha torokire nawanu homuTyre nomuSidoni. Ha yendire kukwendi nothitambo thofotji, nopakumana kuhongaghura Blasitusi, mughamweni waFumu, gha wa ghamwene, hepurire thiraro yoyishi awo nga ha wananga yidya yawo kwafumu gho ditunga. ²¹Mudiyuwa edi ha turirepo, Herodesi ghavatire yitere yothifumu nogha hungumanine padipuna; nogha tapire thighamba kukwagho.²²Hanu ha kuyererire eshi, ''Edi ne diywi dyanyambi no mbadi dyamunu!'' ²³Popo vene mu-engeli waNyambi gha mwandurire, yoyishi mbadi gha tapire fumwa kwaNyambi; Mavinyo gha mu dire kate kufa.²⁴Ene nando dhaNyambi dha kuwedhere nodha yeranine kokuhe. ²⁵Apa ha manine haBarnabasi naSaghulusi thitambo thagho, ha hukire kuJerusalema, hashimbire Johanesi oyu hethire karo eshi Marukusi.

13¹Mungirishe dhomuAntokia, mwa karire haporofeta nawa hongi. Mwakarire Barnabasi, Simiyoni (oyu hethire eshi Nigeri), Lusiusi waSirene, Manaeni (oyu gha karire mushere ghomukuru waherodi), naSaghulusi. ²Oku shime ha karera mukukugha Fumu no kudhirerekedha, Mupepo gho kupongoka waghambire eshi, ''Muni shwayitheremo Barnabasi naSaghulusi, ha ka rughane yirughana eyi na wethera.'' ³Munyima dhokudhirerekedha no kuraperera, ha kambekire moko poha tutughuru wa, no hawa shwayithiremo.⁴Munyima Barnabasi naSaghulusi ha karire ghutawedhi kuMupepo gho kupongoka no ha yendire kuSeleusia; kushwagha po ha voyethire ndhira kuCyprus. ⁵Apa ha karire mumbara dhaSalamisi, ha yuvithire manando ghanyambi mumasinagoge ghawaJuda. Ha karire karo naJohanesi Marukusi mukuwa ghamwena.⁶Apa ha pitere muthirudhi thothihe kuPafosi, ha wanine murodhi ghumweya, muporofeta ghombango gho muJuda, ghodina eshi Bar-Jesusi. ⁷Murodhi yu ne gha karire ghushere nanduna Sergighusi Paghulusi, murume ghomaghano. Katughuru yu ghethire haBarnabasi naSaghulusi, yoyishi gha shaninen kuyuva manando ghaNyambi. ⁸Ene Elymasi gho murodhi (kemo ha di torokire dina dyendi) gha wa shwenekire, gha kondjire mukupirura matawero gha nduna.⁹Ene Saghulusi, oyu hethire eshi Paghulusi, ghayarire noMupepo mupongoki, gha munungurukire thikuma ¹⁰no kughamba eshi, ''Owe mwana shadipinyi, wayara noyinu thikuma naghumbango noghuyi. Gho mukanore gho kehe rudhi ro ghupongoki. Mbadi mbo ghukona kushinga kupirura ndhira dhokughororoka dhaFumu, kukona wendi ndi?¹¹Kenge, dyoko dyaNyambi ne papoye didi, no mbo ghuna kara mukunga. Mbadi mbo mona diyuwa pakanako kokafupi.'' Popo vene mume nomakokore kokuwera pameho ghaElymasi; gha tangire kuyendaghura gha shane hanu ha mukoke kudyoko. ¹²Munyima apa gha monine nduna eyi ya hokokire, gha tawire, yoyishi gha tetukire kuyihonga yo kuhatera kwaFumu.¹³Munyima Paghulusi nawashere wendi ha turirepo ruyendo kutunda muPafosi no heyira kuPerga muPamphylia. Ene Johanesi gha hukire kuJerusalema. ¹⁴Paghulusi nawayendhendi hashwayire muPerga no hayendire kuAntiyokia muPisidia. Oku shime momo hayendire kusinagoge mudiyuwa dyosabata no haka hungumanine. ¹⁵Munyima dho kumana kutoya miragho nawa porofeta, hapiterithi homu sinagoge hawa tumemene mbudhi eshi, ''Mwashere, ngeshi mudi nombudhi dhomatjokedhero kohanu pano ne, mudhi ghambe.''¹⁶Paghulusi ghemanine no ghawa ravire nodyoko dyendi; no gha ghambire eshi, ''Mwanu ho muIsraeli na mwe mwa fumaneka Nyambi, mutegherere. ¹⁷Nyambi wawanu waIsraeli gha tororire ha kerekandongo wetu no ghawengipithire apa nga ha karanga muEgipute, no ghaneyire dyoko dyendi ghawa piterere ha shwayemo. ¹⁸Mamwaka makumi gha tungire nawo mumamboreya.¹⁹Munyima dho kudhimitha mako kwoko nomawadi muKanaan, gha tapire kwawanu wetu ditunga dyagho dyoghupingwa. ²⁰Yinu yi ya hokokire mumamyaka mathere mane nomyaka makumi kwoko. Munyima dho yoyiheya yi, Nyambi ghawa pire Hapanguri kate muporofeta Samuweli.²¹Munyima hanu pohepurire fumu, naNyambi ghawapire Saghulusi mwana Kish, katughuru gho diko dyaBenjamin, gha kare fumu mamyaka makumi mane. ²²Munyima Nyambi gha mushwayithiremo, pogha yeyure Davita gha kare fumu. Yo kuhatera kwaDavita, pogha ghambire Nyambi eshi, 'Nawana Davita ghomwana Jessie ghakare katughuru munyima dho mutjima wange, oyu gha tendanga kehe yi namushanena gha tende.'²³Mudiko dyoyu katughuru Nyambi ghareta Mushuturi kwaIsraeli, Jesusi, dyodi ghayikuruperithire. ²⁴Kughutho gho kuna kuma Jesusi, Johanesi gha yuvithire diyoyero nomapirukero ghawanu wahe, kwawanu waIsraeli. ²⁵Johanesi pakumanitha yirughana yendi, gha ghambire eshi, ''Yame dye muna kuni ghayara me?'' Amene mbadi yame yo. Ene mutegherere, oyu gha kwiya munyima dhange, makuha gho kumapadhi ghendi name mbadi nafumana kughashutura.'²⁶Mwayendhange, mwahana hoka waAbraham namwe mwayapa Nyambi, yo kushwagha mumwetu eshi edhi mbudhi dhomashutukero gha dhi tuma. ²⁷Kowa ha tunga muJerusalema, noharaghuri wagho, mbadi ha mudimukire, no ha yarithire yighamba yawa porofeta eyi hana toyanga kehe sabata mukumupangura.²⁸Ngambi kenge hapirire kuwana murandu gho kumughatwera kuyifa, hepurire Pilatus gha mupaghe. ²⁹Apa ha manine yoyiheya yi hamutjangera, hamushwayethire pathikurushe no kumutura mumbira.³⁰Ene Nyambi gha muvumbure mwawafu. ³¹Ha mumonine mayuwa ghomengi kowa ha keyire nendi kutunda kuGalileya kate kuJerusalema. Hanu wane hohashupi wendi kwawanu.³²Podigho tuna kumutongwera mbudhi dhodhiwa edhi ha toyedhere kwawakerekandongo wetu ³³ghana yi tuyarithera, twahanawo, mukuyeyura Jesusi. Thika edi yapwa kutjanga mumbapira dhoghuwadi dhawaPisalemi: 'Yowe mwanange padyarero, dyarero nakara nowiho.' ³⁴Ghapwire kutumuna mwawafu podigho eshi yirama yendi mbadi mbo yore, Nyambi dyo ghana kughamba modhi ndhira: 'Nanyi na kukupe ghupongoki no matungekero kumatoyedhero ghaDavita.'³⁵Eyi yo ghagha ghambera karo muPisalemi ghumweya eshi, 'Mbadi mbo ghu tawedhera karo mupongoki ghoye gha mone yishinyeha.' ³⁶Apa Davita gha rughanine yihima yaNyambi no muhoko wendi, gha fire; hamu vumbekire noyirama yawihe noyirama yawo ya yipire. ³⁷Ene oyu gha vumburire Nyambi mbadi ya yipire yirama yendi.³⁸Podigho eshi muyidimuke , mwayendhange, eshi kupitera moyu katughuru hamuyuvithera hathiyerero ghomaharwero. ³⁹Mumwendi kehe yu gho kutawa ghana kupwa kushutura kuyinu eyi wa pirire kushutura muragho waMosesi.⁴⁰Mukoneke keho kuyinu eyi ha ghambire haporofeta eshi yamuhokokera: ⁴¹Mukenge, mwakadinyatho nomutetuke no mbo muna yongara; ame kuna kurughana yirughana mumayuwa ghenu, yirughana eyi mbo mupira kutawa, ngambi ngo ghumwe gha yi muyuvithere kukwenu.'''⁴²Apa ha shwayirepo haPaghulusi naBarnabasi, hanu hawa kumbere eshi ngo ha kughambe manando gho kemo karo musabata gho kurandako. ⁴³Munyima dho kupwa thirughana tho musinagoge, thingi thawa Juda nowa ha kuyire nawo hakuthire Paghulusi naBarnabasi, awa hawa tjokedhire mukutwara kughutho thineke thaNyambi.⁴⁴Musabata gho kurandako, thingi tha wanu homumbara ha konganine mukunayuva nando dhaFumu. ⁴⁵Pakumona mbunga dhi haJuda, hayarire nonya noha ghambire yoyimango kuhatera koyi gha hongire Paghulusi noha mutharukire.⁴⁶Ene Paghulusi naBarnabasi noghudhighutjima eshi, Yina kara mudyo eshi nando dhaNyambi hadhighambe pakutanga kukwenu. Nokumumona mwa kudhi mwayera kuya no kukumona mwathinda eshi no kughayara eshi mbadiko mudyo kwingena mumoyo ghororuheya, mumone, atwe mbo tuna huka kwawahayidena. ⁴⁷Dyo gha tu rawera Fumu eshi, 'Amene namutura mukare munyenge mwawahayidena, podigho eshi mukarete makomweneno kumango ghomahe pakaye.'''⁴⁸Kenge edi ha yiyuvire hahayidena yi, hashambererire no ha kuyire Nyambi. ⁴⁹Nothingi thawo hapwire kutorora kumoyo ghororuheya hatawire. Nando dhaFumu dhayeranine kokuhe mumukunda.⁵⁰Ene haJuda hayendire kwawa mbuyama homudyo nokwawa tutughuru awa hapitererithire mbara. Harongathanine yinyandeka yaPaghulusi naBarnabasi no kuwa tjidha mumukunda wawo. ⁵¹Ene Paghulusi naBarnabasi ha kukumunine mbundu kumapadhi ghawo kukwagho no hayendire kumbara dhaIkoniyum. ⁵²Hakashishongero hayarire noyishamberera no Mupepo gho kupongoka.

14¹Apa hakarire muIkonighumbu haPaghulusi naBarnabasi hengenine musinagoge wawaJuda, mundhira edhi dhaningithire hanu hohengi haJuda nawaHirika hatawe. ²Ene haJuda awa hapirire kutawa hadhongere maghano hawaJuda nohawa tendire hatjitjupithe hatawi.³Ha karirepo nako dhodhingi, ha ghambire ghudhundeka ngcamu dhaFumu, nokutapa ghushupi gho kuhatera kumbudhi dhothineke. Ha rughanine mukutapa yidimukitho noyitetukitho kupitera munyara dhaPaghulusi naBarnabasi. ⁴Ene hanu homumbara ha kutaghurire; hamwe hahatere kwawaJuda, hamwe kwawa apostoli.⁵Wahe haHayidena nawa Juda (pofotji nawa piterithi wawo) hayerekire kuwapetha no kuwa vukuma mawe, ⁶ene apa ha yi nongonone yi, hatjirere kumbara dhaLycanaonian naDerbe nokudhimikunda edhi dhakarire pepi, ⁷oku ha ka twarire kughutho kuyuvitha mbudhi dhodhiwa.⁸KuLystra katughuru ghumwe ghahungumanine, ghapirire ngcamu mumaghuru ghendi, thirema kutunda mushamurukero, aye shime gha shemwa kuyenda. ⁹Murume yu gha yuvire Paghulusi ghana kughamba. Paghulusi gha munungurukire no ghamumonine eshi gha karire nomatawero gho kumwirura. ¹⁰Ghaghambire nendi nodiywi dyo kwiyuka eshi, ''Wimane pamapadhi ghoye.'' Murume yu gha reyire muwiru nogha tangire kuyenda.¹¹Apa dhamonine mbunga eyi ghabtendire Paghulusi, hayeyure maywi ghawo no kughamba mundimi dhomuLycaonia eshi, ''Hanyambi hombango hana twiyera muthishwi thomunu.'' ¹²Hethire Barnabasi eshi ''Zeus'' no Paghulusa ''Hermes,'' yoyishi yodiye gha karire mughambi shokuru. ¹³Mupristeri waZeus, awa hakarire no ngirishe panunda dhonurumbara, haretire mahove nomitemo kuthero; naye nombunga kwashanine kutapa muyambo.¹⁴Ene apa ha yi yuvire ha apostoli , Barnabasi naPaghulusi, hadjadjaghure yishupata yawo no kutjirera wangu mumbunga, ghudira, ¹⁵''Mwanu, nye muna kuyitendera yi? natwe twahanu, yira yamwe. Kuna kumuyuvithera mbudhi dhodhiwa, shi mushwaye mushwaye kuyinu yoyimango muhuke kwaNyambi, oyu ghavarekire diwiru, kaye, dikuruviya noyoyihe eyi yakara mo. ¹⁶Pakare, gha tawedhere dhimuhoko dhodhihe dhipare dyodi dhahimine.¹⁷Ene shime, ghatapire ghushupi kuyinu yoyihe eyi gha tendire, omu gha tendire yoyihungu mukumupa mvura no kutapa thivaka thomuyangu dhodhikuru, kuyaritha mitjima dhenu noyidya noyishamberera.'' ¹⁸Ngambi nomanando gha, Paghulusi naBarnabasi mbadi ha konine kushinga mbunga dhiya eshi mbadi ha djumbere muyambo kukwagho.¹⁹Ene haJuda hamwe ho kuAntioka nokuIkonium heyire nohahongaghure mbunga dhiya. Havukumine Paghulusi nomawe no hamupurundundire panunda dhombara, ghughayara eshi ghana fu. ²⁰Oku shime hana mwimanena hakathishongero kumbadi dhendi, ghemanine no ghaka ngenine mumbara. Diyuwa dyo kurandako, gha yendire kuDerbe naBarnabasi.²¹Munyima dhokuyuvitha mbudhi dhodhiwa nokuwana haka thishongero, ha hukire kuListra, Ikonium, no kuAntioka. ²²Ha twarire kughutho kutanaritha midhimu dhawa kathishongero no kuwa tjokedha mukukara mumatawero ghughamba eshi, ''Twa kona kwingena mughuFumu waNyambi kupitera muyinyanda.''²³Pakumana kutorora hapiterithi mukehe ngirishe, harapererire no kudhirerekedha, ghawa tapire kughutho waNyambi, omu ha tawire. ²⁴Po ha pitire mumukunda waPisidia no heyire kuPamphylia. ²⁵Apa ha ka yivithire nando dhendi muPerga, ha ghurumukire kuAttaliya. ²⁶Kushwagha po ha voghedhire hayende kuAntiok, oku ha kutapire kuthineke thaNyambi kuyirughana eyi hamanine kurughana.²⁷Apa ha ka kumine kuAntiok no kaghongawedha ngirishe pofotji, ha ka tongorire yinu yoyihe eyi gha wa ruwanene Nyambi, no ngepi edi gha yandhwere ndhira kwawahayidena. ²⁸Ha ka dhighaminemo nawa kathishongero.

15¹Hanu hamwe hatundire muJudeya kuAntioka no kuhonga hatawi ghughamba eshi, ''Shimngwa oyu ha kena kukutha muragho waMosesi, mbadi mbo pwa kughamwena.'' ²Eyi ya turire Paghulusi naBarnabasi munanani dhodhikuru pakatji kawo. Podigho haPaghulusi naBarnabasi hawa torore hayende kate kuJerusalema ha ka kuwane nawa apostoli nawamayami kudipwero di.³Podigho awo, pakuwatuma ngirishe, hapitire muFonisiya naSamaria hayuvithire mapirukero ghawa Hayidena. Ha retire yishamberera kwawa tawi wahe. ⁴Apa heyire kuJerusalema, dha ka watumburire ngirishe, ha apostoli nawa mayami, noha yuvithire yoyihe eyi ghawa tendera Nyambi wahe.⁵Hatutughuru hamwe awa ha tawire, awa ha hatere kumbunga dhawa Farasayi, hemanine no kughamba eshi, ''Yaroghera kuwa kena no kuwarawera ha kuthe miragho dhaMosesi.'' ⁶Podigho ha apostoli nawa mayami hapongire mukukengurura yinu yi.⁷Munyima dho nanani, Petrusi ghemanine ghaghambire kukwawo eshi; ''Mwatawi, mwadimuka eshi kapupi kamanana panakapita Nyambi ghatapire thitorora mumwenu kupitera mukanwa kange hahayidena hayuve mbudhi dhodhiwa, nohatawe. ⁸Nyambi yu ghadimuka mutjima ghatapire ghushupi kukwawo pakuwapa Mupepo Ghokupongoka thika kenge ghayitendire kukwetu. ⁹Mbadi ghaturire makutjakero pakatji ketu nawo, mukukenitha mitjima dhawo pamatawero.¹⁰Napo pashanye munakuyerekera Nyambi, pakukutera djoko pamathingo ghawakathishongero edhi hapirire kukona hakerekandongo wetu natwe? ¹¹Ene twatawa eshi mbotunapu kughamwena kupitera muthinyeke thafumu Jesusi, thika kenge hakarire wo.¹²Mbunga dhodhihe dhaporere ghutegherera kwaBarnabas na Paulusi ghatapire yidimukitho no yitetukitho yi ghrughanine Nyambi mukatji kawahayidena kupitera mumwawo.¹³Munyima dhokushagheka kughamb, Jacobusi ghahuthire, ghamba eshi, ''Mwatawi, munitegherere. ¹⁴Simoni ghatongore ngepi ghaghamwene Nyambi hahayidena muthineke thendi nothitambo eshi ghatumburemo hanu kudina dyendi.¹⁵Manando ghawaporofeta ghanakughu noghano thika di hayitjanga, ¹⁶munyima dhoyinu yi mbonahuka, no mboninatendi karo thidyero thaDaviti thi thawa ; mbonemeka nokuhutherapo yoyihe yi yayipa. ¹⁷Awa hakuthiyarako mbohanashana Nyambi pofotji nawa hayidena awa netha mudina dyange.' ¹⁸oyi ne yoghaghambire Fumu eshi, koyu ghadimuka yitenda yendi kutunda ruvedhe rokare.¹⁹Podigho thiturithapo thange eshi mbadi twakona kuhumbitha hahayidena owa hana piruka kwaNyambi. ²⁰Ene mbotunawatjangera eshi hakona kushwagha kudidhiro dyoyitjwandjo, kurungu, kunyama dhoyiyama yokukufera, nokughunyinga. ²¹Mosesi ghayiyuvithire mukehe thitata muruvedhe rokare noghayiyaghurire muma sinagoge kehe sabata.²²Nani ghoyamonekire ghuwa kwawapostoli nokwawamayami, nongirishe dhodhiheya, mukutorora Judasi yuhethire shi Barnabasi, naSilasi owa hakarire hakuru ghongirishe, nokuwatuma ku Antiokiya naPaulusi na Barnabas. ²³Hatjangire yino eshi; '' kwawapostoli nomayami, hatawi haghendhenu, nokwawahayidena ghohawawi muAntiokiya, Siriya, nomu Ciliciya: Dirumeritho!²⁴Yoyishi twayuvire eshi hanu hamweya mbadimo mukatji ketu, no hamupetha noyihonga yi yakupambanitha midhimu dhenu. ²⁵Yamoneka ghuhunga kukwetu, twe twakara nomaghano ghofotji, mukutorora hanu hokutuma kukwenu nawayendhetu hohahakwa Barnabas na Paulusi, ²⁶harume wa hata moyo dhawo pamurandu ghodina dya Fumu wetu Jesusi kristus.²⁷Podiyo tunakutuma Judasi na Silasi, awa hakunamutongwera hathinda yinu yofotji mumanando ghawo. ²⁸Yamonekire ghuwa kwa Mupepo Ghokupongoka nokukwetu, mukudhira kumupa murongero ghoghukuru kupiterera yi yidi mudyo; ²⁹eshi muyakunuke kuyinu yi hatupura kuyitjwandjo, ghuninga, yinu yokukufera, no rungu. Ngeshi ghamukuyakunutha mwathinda kuyinu yi, mboyinakara ghuwa nenu. Muthiyarepo.''³⁰Awo opa hawathiyire heyire kuAntiokiya; munyima dhokughongawedha mbunga dhawanu pofotji, hawapire mbapira. ³¹Pakumana kudhitoya, hashambererire thikuma pamurandu ghomatjokedhero. ³²Judasi naSilasi, nohaporofeta, hatjokedhire hatawi no manando ghomengi no kuwatanaritha.³³Munyima dhokanako ghana, hawatumine hashwaghe mwawatawi hahuke kowa hawatumine. ³⁴Silasi ghashanine eshi ghathiyare. ³⁵Ene paulusi na Barnabas hakarire muAntiyokiya, ghuhonga nokuyuvitha (nohanu hamweya) nando dhaFumu.³⁶Munyima dhomayuwa ghongandji Paulusi ghaningire kwa Barnabasi eshi, ''Tuyende keho no kadhingura hatawi mu yitata yoyihe mu twayuvithere nando dhaFumu, notukamone eshi ngepi hadi.'' ³⁷Barnabasi ghashanine eshi ngo hashimbire naJohanesi yu hethire shi Markusi. ³⁸Ene Paulus mbadi ghayighayarire eshi thiwana kushimba Markusi yu ghakawathiyire mu Pamphylia nombadi ghatwikere karo kurughana nawo.³⁹Dhakarirepo nanani dhodhikuru pakatji kawo podigho eshi hakuyakunuke, na Barnabas ghashimbire Markusi noghakakuthekire hayende kuCyprusi. ⁴⁰Ene Paulusi ghatororire Silasi no hashwayirepo munyima dhokuwakuruperitha hatawi kuthinyeke thaFumu. ⁴¹Ghoghayendire dha Syria na Cilicia, ghutanaritha mangirishe.

16¹Paulusi naye ghakeyire kuDeibe nokuLisitra, namukathishongero ghumweya ghodina Timoteusi moghakarire naye momo, katughuru ghomana mbuyama ghomuJuda ghomutawi; ene wihe ne ghakarire muhirika. ²Haghambathanine hatawi kuhatera kukwendi yoyiwa wa hakarire muLisitra nomuIkoniyumu. ³Paulusi ghashanine kuyenda nendi, ghamushimbire noghakamukenyine pamurandu wawaJuda wa hakarire mumango gho, wahe hayidimukire eshi wihe ne muhirika.⁴Oku wo ne pakuyenda mundhira dhawo ghupita dho yitata, hatapire madimukithero kumangirishe podiyo eshi hatawe, madimukithero gha hapwire kutjanga Hapostoli nawamayami muJerusalema. ⁵Mangirishe ghapwire kutanaritha pamupepo nokukuwedherera muthitara kehe diyuwa.⁶Paulusi nawaghendhendi hayendire ghupita mu yiko ya Phrygia na Galatiya, kutunda pa wawashwenekire Mupepo Ghokupongoka mukuyuvitha manando mu thiko thaAsia. ⁷Ghopa hakumine pepi nothiko thMysiya, hayerekire kwingena muBithyniya, ene Mupepo waJesusi wawashwenekire. ⁸Mukupita dhaMysia, haghurumukire muthitata thaTroasi.⁹Paulusi gharotire mughuthiku; katughuru ghomu Masedoni ghemanine paya, ghana kumukumbera eshi; '' Mwiye muMasedoniya namutughamwene.'' ¹⁰Ghapa ghamonine Paulusi yirota yi, popo vene twapakire mo mukuyenda ku Masedoniya, mukuyimanitha eshi Nyambi ghanatwitha mukayuvitha mbudhi dhodhiwa kukwawo¹¹Twavoghedhire kutunderera muTroyasi, ghotwa yendire ndhira dho kughororokera kuSamathrase, nomudiyuwa dyo kurandako tweyire kuNeopolisi. ¹²Kutunda ko twayendire kuFilippi, thitata tha Masedoniya, thitata thomudyo muthiko no thawarawero waRoma, notwakakarire muthitata thi mayuwa ghongandji. ¹³Mudiyuwa dyo Sabata twayendire panunda dhombombwa dhorware, oku twaghayarere kukara dyango dyo mandapero. Twakahungumanine ghotwakaghambire nawambuyama wa heyire pofotji.¹⁴Mbuyama ghumweya oyu hatire shi Lydia, mughurithi ghomakehe ghothina ndhirure muthitata tha Thyatira, yu ghakarere Nyambi, ghatutegherere. Fumu ghayandhurure mutjima wendi ghategherere koyi ghaghambire Paulusi. ¹⁵Apa ghapwire kuyogha naghe nawakadighumbo dyendi ghatukumbere ghuninga shi; '' ngeshi munanimono eshi nakara noghutawedhi kwaFumu, mwiye no mukakare mundhugho dhange.'' no ghatukandere.¹⁶Yahokokire ngeno oku twe ne pakuyenda kudyango dyo mandapero, mukamadi ghana yu ghakarire nomupepo ghokupumba ghatumonine. Gharetere mukuru wendi yiyeramo kupitera mu kupumba yokughutho. ¹⁷Mbuyama yu ghakuthire munyima dhetu naPaulusi no ghakughererire ghuninga eshi, '' Hatutughuru wa ne hapika waNyambi Shokuru. Hanakumuyuvithera ndhira dho makomweneno.'' ¹⁸Ghayirughanine yi mayuwa ghomengi. Ene Paulusi mukukara shi yamuyedhire thikuma, ghapirukire nokughamba kumupepo ghu shi, '' Nakukurawera mudina dya Jesusi Kristus mukushwagha mwendi.'' nowamushwayire popo vene.¹⁹Apa ghayimonine mukuru wendi esh makurupero ghawo ghokutenda masherenyi ne ghana shwaghamo, hawashaghekithire haPaulusi naSilasi nokuwakokera mudyango dyo maghurithero kughutho wakamuragho. ²⁰Apa hakawaretire kwawapanguri, haghambire eshi; Awa hatutughuru ne ho hana kureta maghukukutu muthitata thetu. Awo ne Hayuda. ²¹Kuna kuyuvitha muhingo wapira kukara muveta dhokupira kutambura endi kutenda hakaroma²²Mbunga dhemanganyene haPaulusi naSilasi; mupanguri hapayaghurire mapurapure ghawo no hawarawerire hawamwashure nomatjupa. ²³Apa hamanine kuwamwashura, hawavukumene mukashitiko no kurawera mukungi ghawakunge thiwana. ²⁴Munyima dhokuwana marawero gha, mukungi ghawavukumene mukashitiko kokwishi nokughangerera maghuru ghawo kumaghundhi.²⁵Pakatji koghuthiku Paulusi naSilasi harapererire wimba membo kwaNyambi nohanu hamwe homukashitiko hawateghererire. popo vene kokukara makineno ghomuve ghomakuru, nokashema ndhugho kokashitiko kashekeshire; ²⁶Popo vene makungu ghomahe ghayandhurukire, nomenge ghomahe ghayomuhe ghashutaghukire.²⁷Mukungi gho kashitiko ghayakumukire muturo no ghamonine mathero ghanayandhuruka; ghashimbire thimende thendi noghashanine ghakupaghe thinda, yoyishi ghaghayarire shi hakakashitiko ne hanomboroka. ²⁸Ene Paulusi ghakughererire nodiywi dyodikuru, ghuninga eshi; '' Wakwipitha ghothinda, yoyishi twahe motudi.''²⁹Mukungi ghamunekire munyenge noghengenine mwishi ghututuma kuwoma, no ghakuvamine kughutho waPaulusi naSilasi, ³⁰noghawaretire panunda no kughamba eshi, '' Mwakamakuto, yipi shonikone kutenda nipwe kughamwena?'' ³¹Haghambire, ''Tawe mwaFumu Jesusi, noghunakupwa kughamwena, nowe nodighumbo dyoe.''³²Haghambire nando dhaFumu kukwendi nawakadighumbo dyendi. ³³Mukungi ghawashimbire dhodho viri dhofotji dhoghuthiku, no kayogha yitombo yawo, ndani naye no dighumbo dyendi dyodiheya hapwire kuyogha popo vene. ³⁴Ndani apa gharetire ha Paulusi na Silasi mundhugho dhendi ghanawaturere yokudya. Ghashambererire thikuma nawakadighumbo dyendi eshi, ghana tawa mwaNyambi.³⁵Apa dyavire diyuwa, hapanguri hatumine mbudhi kwawakungi, ghuninga eshi, '' Muthiye waya hatutughuru hayende.'' ³⁶Mukungi ghanatongore kwa Paulusi, ghuninga eshi, '' haraghuri hanatumu mbudhi mukumuthiya muyende. Pano keho mushwaghe no kuyenda muthiraro.''³⁷Ene Paulusi ghawahutha eshi; ngahatupumura thitunu meho nokutupangura temba, ngambi kemo atwene twatungimo homuRoma no hatupakire mukashitiko. Gho hanashana kututuma tuyende mughudhindo? Mbadi kemo! mukawatongwere hakeye hathinda nohatushwayithe.'' ³⁸Hakungi hakatapire manando gha kwawapanguri, apa hakayuvire eshi haPaulusi naSilasi ne hakaRoma ne hayapire. ³⁹Haraghuri hakeyire no hanawarombire mathiyerero no kunawashwayitha, nokuwaninga hashwaghe muthitata.⁴⁰HaPaulusi naSilasi hashwayire mu kashitiko no hakeyire kundhugho dha Lydia. Apa hana monine haPaulusi naSilasi hatawi, hanawatjokedhire ndani ghohashwayire muthatata.

17¹Apa ghapitire mumambara gha Amufipolis na Apoloniya, hakumine mumbara Tesalonika, oku dyakarire dyango dyo mapongero ghawaJuda. ²Thika dyodi yakarire mumihingo wa Paulusi, ghayendire kwawo, no maSabata mahatu ghakuwire nawo mumatjangwa.³Ghayandhururire matjangwa noghatjwathanithire eshi yakarire mudyo kwaKristusi ghanyande mukufa no kuvumbuka mwawafu. Ghaghambire eshi; ''Oyu Jesusi nakuyuvitha kukwenu ne yodighe Kristusi. ⁴HaJuda hamwe yawaningithire mukukupakerera kwa Paulusi na Silasi, pofotji no thivarero thothikuru tho hatawi hohahirika, nombadi hapiterithi hohapu hohambuyama.⁵Ene haJuda wa hapirire kutawa, hakarire nonya, hashimbire hanu hohamango mumaghurithero, ha kongwedhire mbunga pofotji, no ha dhongere mbara dhodhiheya. Ha homokere ndhugho dhaJason, ha shanine kushwayitha Paghulusi naSilasi kughutho wawanu. ⁶Apa ha dhirire kuwawana kwawo, ha purundundire Jason no hatawi hamweya kughutho wawakamuragho mumbara, ghukuyererire eshi, ''Harume wahareta maghukukutu mukaye hanana kumu karo muno mumwetu. ⁷Harume awa gha tamburire Jason hana reya muragho wafumu; awo kuna kughamba eshi poghadi fumu ghumweya -Jesusi.''⁸Mbunga nawa kamuragho ha tanganine pakuyuva yinu yi. ⁹Ene ha ka muragho haruwerithire Jason masherenyi, no kuwa thiya ha kayende.¹⁰Ghuthiku ghogho hatawi ha tumine haPaghulusi naSilasi kuBeregha. Apa ha ka kumine, ha ka yendire musinagoge wawaJuda. ¹¹Hanu wa ha karire nodikuto kupitaka ho mu Tesalonika, awo ha tamburire nando no makuroyithero mumaghano, ha konakonine matjangwa kehe diyuwa no kukengurura eshi eyi yinu ne kemo. ¹²Wingi wawo hatawire, rambanga ko nowa hakarire nongcamu hambuyama nawa tutughuru hohengi.¹³Ene apa ha yuvire haJuda homuTesalonika eshi Paghulusi ne kuna kayuvitha nando dhaNyambi muBeregha, hayendire ko ha ka dhongere no katokotitha mbunga. ¹⁴Popo vene, hatawi hatumine Paghulusi gha yende kudikurtuviya, ene Silasi naTimoteghusi ha thiyarire. ¹⁵Awa hapiterithire Paghulusi ha mu shimbire kupitakana mbara dho muAtenisi. Nopa ha kamuthiyire Paghulusi koko, hawanine marawero kukwendi kuhatera kwaSilasi naTimoteghusi eshi heye pawangu-wangu.¹⁶Oku shime Paghulusi shime gha wa taterera muAtenisi, mupepo wendi wamupethire mwimi dhendi apa gha monine thitata thina yara noyitjwandjo. ¹⁷Nga kongathananga musinagoge nawa Juda nawa mwe awa nga ha kugha nga Nyambi, nomumango gho kughurithera no wa nga ha karangamo.¹⁸Ene hamweya homuEpikuriyeni nawa porofeta homu Stoyiki ha kuwanekerire nendi, Hamwe ha ghambire eshi, ''Yinu yongepi ghana kushana kughamba yu thiyavingeri?'' Hamwe eshi, ''Aye kumoneka yira ghumwe ghna kwitha hanu ha karere nyambi ghombango,'' yoyishi aye kwayuvithire mbudhi dhaJesusi no muvumbukero.¹⁹Hashimbire Paghulusi no kumutwara kuAreghopangusi, ghughamba eshi, ''Kukona tudimuke twe yihonga yoyipya eyi ghuna kuhonganga ndi? ²⁰Eyi ghureta yinu yoyipya mumatwi ghetu. Podigho eshi, tuna shana kudimuka eshi nye yina kutongora yinu yi.'' ²¹(Haka Ateniyasi wahe nawa mutundakure awa ha tungiremo mbadiko eyi nga ha ruwananga shimengwa kuthimwetwedha no kutegherera kuyinu yoyipya.)²²PAghulusi ghemanine mukatji kawa Areghopangusi no gha ningire eshi, ''Amwe mwanu ho mu Atenisi, na mono eshi amwe mwa kara nomatawero mundhira dhenu. ²³Apa na kupitanga no kukengurura yinu yenu yo kuraperitha, nawana thiyambero apa hatjanga eshi, ''Nyambi gho Kupira Kudimuka.'' Amwene kuna rapereranga ghupira thinga, eyi kuna kuyimutongwera.²⁴Nyambi oyu gha tendire kaye noyoyiheya eyi yakara mo, apa gha kara eshi ayene Fumu gho diwiru nomuve, mbadi gha tunga mumangirishe gho kutenda nonyara. ²⁵No karo yene mbadi hamukareranga nonyara dhamunu, yira aye gha nyanda kehe yino, yoyishi eye thinda yo gha tapa moyo nomunu no kehe yino kwawanu.²⁶Mwamunu ghofotji gha tendire kehe dino diko no kutunga pano peghuru dhomuve, gha rikanyithire no kuturithapo yivaka nomayindha mumatungo ghawo ghomango, ²⁷podigho eshi ha kone kushana Nyambi no pamweya ha ghayare mundhira dhawo dho kukwendi no kumuwana. No karo mbadi ghakara kayenda kwakehe yu gho papetu.²⁸Mumwendi twa para, no kuyenda, no kuwana ghunu wetu, thika kenge edi gha yi ghambire mutunuri wetu eshi, 'Natwe karo twa hana ho kwendi.' ²⁹Ene kenge twe eshi twa hana hoka waNyambi, mbadi twa kona kughayara eshi ngcamu dhoghunyambi ne dhapitura ne dhapitura ngorondo endi siliveri, endi diwe - yishwi eyi ha tenda muyighanekera yawanu.³⁰Ene Nyambi gha kengurura kupitakana ruvedhe rokupira thinga, ene yene kuna kurawera hanu kokuhe hapiruke. ³¹Yoyishi aye gha turapo diyuwa edi mbo gha pangura kaye mughuhunga mwa katughuru oyu ga torora. Nyambi ghatapa thishupo tho katughuru kwakeheyu pakumu tumuna muyifa.''³²Pakuyuva hanu homu Atenesi muvumbukero wawafu, hamewe hamuhekire Paghulusi, ene hamwe ha ghambire eshi, ''Mbo tuna tegherera karo kukoye kuhatera koyi.'' ³³Kutunda po Paghulusu ghawa thiyire. ³⁴Ene harume hamwe ha kupakere nendi no kutawa, pofotji naDighonisius ghomu Areghopagie, no mukamdi ghodina Damaris, nohamweya kengeyo.

18¹Kutunda payinu yi Paghulusi gha shwayire muAtenesi no kuyenda kuKorinte. ²Gha ka kuwanine no muJuda ghodina eshi Akwila, muJuda gho mu kakoghatji kapontusi, oyu nga ka tunda muItaly na didhiko dyendi Prisila, yoyishi Klaghudighusi gha rawere haJuda waheya ha shwaye muRoma. Paghulusi ghawa yendere, ³ene yoyishi gha ruwanine kuyirughana yofotji, gha karire nawo no kurughana, awo ha karire harughani homatende.⁴Podigho Paghulusi gha yuvithire musinagoge kehe yuno sabata, ghu yerekerako kukondjitha haJuda nawa Hirika. ⁵Nopa haSilasi naTimoteghusi ha ghurumukire kutunda muMasedoniya, Paghulusi gha kutapire kunando, ghutapa ghushupi kwawaJuda eshi Jesusi ne yo Kristusi. ⁶Ene haJuda hamu kananine no kumutuka, Paghulusi ghawa yaghumwene dirwakani dyendi no kughamba kukwagho eshi, ''Kukona manyinga ghenu ghakare padhimitwi dhenu mwathinda; Ame ne nakeni. Kutunda pano nanyi ni yende kwawaHayidena.''⁷Munyima gha shwayirepo nu kuyenda kundhugho dhaTitusi Justusi, katughuru yu gha kuyire Nyambi. Ndhugho dhendi dha karire pepi nosinagoge. ⁸Krispusi, mupiterithi gho mkusinagpoge, ghatawire mwaFumu, pofotjio nawa dighumbo dyendi waheya; nothingi thawa Korinte awa ha yiyuvire hatawire no hapwire kuyogha.⁹Fumu gha ghambire kwaPaghulusi ghuthiku muthimona meho eshi, ''Wayapa, ene ghambe no waporera. ¹⁰Ame noye nidi, no mbadiko oyu sha kone kukuyuvitha tjitju, no ame na kara nohanu hohengi muno mumbara.'' ¹¹Paghulusi gha tungire mo ghure ghomwaka ghofotji no tughonda kwoko nokofotji, ghuhonga nando dhaNyambi mukatji kawo.¹²Ene apa gha karire Gallio nduna wawaAchaia, haJuda hemanganyene Paghulusi nodighano dyofotji noha mutwarire kuthipuna thomapangwero; ¹³ha ghambire eshi, ''Katughuru yu ne kukondjitha hanu hakughe Nyambi mumuhingo gho kukutjaka kumuragho.''¹⁴Ene apa gha shanine kughamba Paghulusi, Gallio gha ghambire kwawaJuda eshi, ''Amwe mwaJuda, ngeshi yikare eshi, ghukaro ghoghumngo endi ghukarakathi ghoghuyi, nanyi yikare yina hungama kurughana nenu. ¹⁵Ene apa yina kara eshi ogha ne ghomepwero nomena nomuragho wenu, muyi koshonone mwathinda. Mbadi nahimi ni kare mupanguri gho yinu yi.''¹⁶Gallio gha waningithire hashwaye mundhango dhomapangwero. ¹⁷Podigho waheya ha gahukere Sosthenes, muraghuri gho musinagoge, no ha mupumine kughutho ghothipura thomapangwero. Ene Gallio mbadi gha karire nothinga koyi ha tendire.¹⁸Paghulusi, munyima dho kutunga mo mayuwa gho mengi, gha thiyire hayendhendi no kuvoghedha kuSiriya naPrisilia na Akwila. Kughutho gho kushwagha padiya, Cenchrea, gha kukururire huki dhendi pamurandu gho medhero agha ghedhere. ¹⁹Apa heyire kuEfesusi, Paghulusi gha thiyire haPrisilla naAkwila popo, ene yene gha yendire musinagoge no kakondjitha haJuda.²⁰Apa ha mwipurire Paghulusi gha ka kare rure, gha shwenine. ²¹Ene pakushwagha kukwagho gha ghambire eshi, ''Nanyi na kahuke karo kukwenu pamahimeno ghaNyambi.'' Gha kuthekire gha shwaye muEphesus.²²Apa Paghulusi gha ka kavere kuCaesarea, gha ka yendire no gha ka tapire dirumeritho kungirishe dhaJerusalema no ghaka ghurumukire kuAntiok. ²³Munyima dho kakarako kanako ghana, Paghulusi gha tundireko no kupitera muyiko yaGalatiya naPhrygia no katanaritha hakathishongero waheya.²⁴Podigho muJuda ghumweya gho dina dyoApollos, mukaAlexandria mukakoghatji, gheyire kuEfesus. Ayene muhunga muyighamba nongcamu muyiparatjangwa. ²⁵Apollos hamu rawere mumakuhongo ghaFumu. Mukukara mutanavu pamupepo, gha ghambire no kuhonga thiwana yinu kuhatera kwaJesusi, ene gha dimukire ngenyu yo kuhatera kudiyoyero dyaJohanesi. ²⁶Apollos gha tamekire kughamba noghutjima musinagoge. Ene apa ha muyuvire haPrisilla na Akwila, ha mukokere kumbadi no ka mutjwathanithera ndhira dhaNyambi mughuhunga.²⁷Apa gha himine kupitera muAchiya, hayendhendi ha mutjokedhire pa kutjangera kwawaka thishongero muAchiya ha ka mutambure. Apa gha ka kumine, ha ka mughamwenine awa hatawire pathineke. ²⁸Apollos gha neghedhire haJuda nongcamu munambwe gho mumbunga, ghu neghedhanga kutwara muyiparatjangwa eshi Jesusi ne Kristusi.

19¹Oku shime Apollos muKorinte, Paghulusi gha pitire kumutara ghoditunga nogha keyire kumbara dhaEfesus, na ghana wanine ko haka thishongero hamwe. ²Paghulusi gha ghambire nagho eshi, ''Apa mwa tawire ne mwa tamburire Mupepo ghokupongoka ndi?'' ha muhuthire eshi, ''Mbadi kemo, mbadiko eyi twa yuva shime kuMupepo gho kupongoka.''³Paghulusi gha ghambire eshi, ''Diyoghero munye ha muyoyire mwe? ⁴Ha muhuthire eshi, ''Johanesi gha yoyire diyoyero dyo kupiruka. Gha tongwere hanu eshi hatawe kwayofotji oyu mbo gheya munyima dhendi, oyu gha di eshi, Jesusi.''⁵Apa hayuvire hanu yinu yi, hawa yoyire mudina dyaFumu Jesusi. ⁶Apa gha manine kuwa kambeka Paghulusi, Mupepo gho kupongoka weyire papawo noha tangire kughamba mandimi gho kukutjaka-tjaka no kuporofeta. ⁷Waheya pofotji ha karire dikumi nohawadi.⁸Paghulusi gha yendire musinagoge noghaka ghambangire mutughonda tuhatu, kutjwathanitha no kuneghedha hanu yo ghuFumu waNyambi. ⁹Ene haJuda hamweya ha thururu, mbadiko makuyuvero, ha tangire kughamba ghuyi mumbunga. Paghulusi ghawa thiyire no gha shimbire ha kathishongero wendi, ghawa hongire no kuwatjwathanitha kehe diyuwa mudikuruyugho dyaTyranus. ¹⁰Oyi ya karire ghure gho myaka dhiwadi, kate waheya awa ha tungire muAsia hayuve nando dhaFumu, haJuda nawa Hirika.¹¹Nyambi gha tendire yitetu yoyikuru thikuma munyara dhaPaghulusi, ¹²noya karire eshi ngambi yikehe yomunyara eyi ya mukundamine hayitwarire kwawakatjitju no yi korwa yawo ya watundire.¹³Ene haJuda hamweya hoghuyendaghudhi ha yendaghurire mudyango diya. Hethangire mudina dyaFumu Jesusi podiyo eshi hawane ngcamu dhokuwitha mipepo dhodhimango apa haghambire eshi; ''PaJesusi yu ghahongire Paulusi, nakukurawera ghushwaye.'' ¹⁴Mupriateri shokuru wawaJuda ghodina Skeva, ghayuvire hana hotutughuru kwoko nohawadi awa hayitendire yi.¹⁵Mupepo ghoghumango wawahuthire eshi, ''Jesusi ne namudimuka, na Paulusi namudimuka; ene yamwedye?'' ¹⁶Mupepo ghoghumango wawareghere nokuwashwayitha ngcamu nokuwapumura. Hashwayire mundhugho dhi ghutjira thiheha noghurema. ¹⁷Oyi yapwire kudimuka mwawaheya haJuda nawaHirika, awa hatungire ku Efesiusi. Hayapire thikuma, nodina dyaFumu Jesusi hadifumanekire.¹⁸Hengi karo hatawi wa hanatongononine nokunatawa yinu yoyimango eyi harughanine. ¹⁹Hengi wa harughanine yirughana yoghurodhi haretire mambapira ghawo pofotji nokunaghatumekera kughutho wawaheya. Apa hatarire mudyo wayo, yapitire masiliveri mayovi makumi kwoko. ²⁰Nando dhaFumu dhakuhanyine kokuhe mumayira ghongcamu.²¹Apa ghamanine Paulusi thirughana thi muEfesiusi, ghatokorire mumupepo ghapite dhaMesedoniya naAchaia mundhira dhendi dhokuJerusalema; ghaghambire eshi, ''Munyima dho kakara kuya nakona karo kamona Roma.'' ²²Paulusi ghatumine haghamweni wendi hawadi kuMesodeniya, haTimothy naErastus. Ene aye thinda ne ghakarire muAsia kamanana.²³Poro ruvedhe rofotji mbadi pakarire mepithero ghongandji muEfesius kuhatera ndhira dhi. ²⁴Katughutru ghumwe yu ngarughananga yiperende yokutura pamasiliveri ghodina Dometriusi, gharetire ngesheva dhodhingi kwawatendi. ²⁵Ghaghongawedhire pofotji harughani hothirughana thi nokughamba eshi, ''Mwakamakuto, mwadimuka eshi modhi ngeshefa ne twatendanga masherenyi ghomengi.²⁶Yoyi mumona nokuyiyuva eshi, mbadi pithako kuEfesiusi, ene ambara Asiya ghomuheya, oyu Paulusi ne ghahongaghura no kupirura hanu hashawingi. Ghana kughamba eshi mbadiko hanyambi hokutenda nonyara. ²⁷Mbadi ghukukutu pithowo shi yirughana yetu shohapire kunyanda ene kemo karo notembeli wanyambi wetu ghomukuru Artemisi nanyi ghakare mbadiko mudyo. Nokaro ghana kuyongaritha ghukuru wendi, oyu hakugha haka Asiya wahe nawakakaye.''²⁸Apa hayiyuvire yi, hayarire noghupata ghoghukuru nohakugherire ghughamba eshi; ''Ghomukuru ne Artemisi wawaka Efesius.'' ²⁹Mbara dhodhihe dhayarire no didhongi, nohanu ghatambukere nomaghano ghofotji mudiyugho dyoyigongi. Hakwatire hakaruyendo rwaPaulusi, Gaiusi na Aristarchus, ghoyu ghatundere ku Mesedoniya.³⁰Paulusi ghashanine kwingena mukatji ko mumbunga dhawanu, ene hakathishongero hamushingire. ³¹Nawakamakuto hamwe hothiko thaAsiya awa hakarire haghendhendi hamutumene mbudhi ghumukanderera eshi mbadi ghakwingene mudiyugho dyoyigongi. ³²Hanu hamwe hakughererire thinu thofotji, nohamwe thimweya, oku mbunga muthivunganyi. Wingi wawo mbadi hadimukire eshi yinu munye hana kughongawedhera pofotji³³Mbunga dhimwe dhapire maghano Alexander, oyu hathindekire haJuda kughutho. Alexander ghayeyurire dyoko dyendi, ghushana kutapa maghamweno kumbunga. ³⁴Ene apa hayinongononine eshi aye ne muJuda, wahe hakughererire ghure gho maviri mawadi nodiywi dyofotji, ghughamba eshi, ''Shokuru ne Artemis wakaEfesiusi.''³⁵Apa ghaporerithire mukuru ghodoropa mbunga, ghaghambire eshi, ''Amwe mwatutughuru waEfesiusi, munu munye yu ghanapiri kudimuka eshi mbara dha Efesiusi ne hapunguri hotembeli wa shokuru Artemisi no thishwi othi thawire mudiwiru? ³⁶Mukumona yinu eshi mwayidimuka, mwaroghera kuporera nokupira kupetha ruvedhe. ³⁷Munareta hatutughuru wa kutheko dhi owa hadi shi hedhi homutembeli endi ghakamushedho ghokwanyambi wetu.³⁸Keho, ngeshi Demetriusi no hayuwi awa hadi nendi hadi noyighayarera keheyuno, mapangwero ghanayandhuruka no pohadi haturithipo muragho. Muninge haghayarere keheyuno. ³⁹Ene ngeshi mushana keheyino kuyinu yimweya, yipwe kukuvureka mumbunga. ⁴⁰Muthirughana tudi thokutughayarera kuhatera yita yodyaro. Mbadiko thitambo thodidhongi di, nombadi shotukone kuyitjwathanitha.'' ⁴¹Pakumana kughamba yinu yi, ghashwayithire mbunga dhi.

20¹Munyima dho kupwa didhongera, Paghulusi gha tumene ha ka thishongero wendi munyima dho kuwatjokedha, gha tapire dirumeritho no kuyenda kuMesidoniya. ²Apa gha manine kuyendaghura modho mikunda no gha ghambire manando ghomengi ghaNyambi no kuwatjokedha, gheyire kwawaHirika. ³Munyima dho kakarako tughonda tuhatu, haturithirepo nungathano dhodhimango kwendi haJuda, oku yene mundhira dho kutamba kuSiriya., gha tokorire gha huke kuMesadoniya.⁴Ha yendire nendi kokayenda yira kuAsia, Sopateri mwana Pirus gho mu Bergha; Aristakus naSecondus, wahe ho muTesalonika hatawi; Gayiyus ghomuderbe; Timoteghusi; Tychicus and Tromphimus gho kutunda muAsia. ⁵Ene harume wa ne ha karire kughutho dhetu no ha ha tutaterere kuTrofas. ⁶Twa vuyire kutunda muFilipi munyima dho mayuwa gho ghuroto gho ghuroto ghothuthunyunyi, mukatji ko mayuwa kwoko twa na kumine muTrofas. Muya twana karire keho mayuwa kwoko nomawadi.⁷Mudiyuwa dyo kutanga dyomuthivike, apa twa pongire pofotji no kuyondora ghuroto, Paghulusi gha ghambire nawa tawi. Gha kuroyithere mu kuyenda diyuwa dyo kurandako, podigho gha repithire mbudhi dhendi kate pakatji koghuthiku. ⁸Mwa karire maramba ghomengi mungonda dhokuwiru omu twa pongire pofotji.⁹Pathitarero pahungumanine mungaghu ghana gho dina dyoEutychus, oyu gha karire muturo totukuru paruvedhe ru gha ghambire Paghulus rure, mungaghu ghana yu shime muturo, gha wire kutunderera kungonda dho ghuhatu, ha mumonine yira ghana fu. ¹⁰Ene Paghulusi gha ghurumukire, gha ghu kundhondhere, no kumutura mumoko ghendi. No gha ghambire eshi, ''Mwa tokota, eyene muyumi.''¹¹Gha hukire karo kuwiru no kuyondora ghuroto no kudya. Apa gha manine kughamba nawo rure thikuma kate kukya diyuwa, gha yendire. ¹²Ha huthire mungaghughana okuyene muyumi no hana pu kuhengaghura.¹³Atwe twa thinda twa yendire kughutho waPaghulusi nothikepa notwaka voghedhire dhaAsis, no twa ghayarire kupirura Paghulusi netu. Eyi ne yo gha himine thinda kutenda, yoyishi gha ghayarire kuyenda pamuve. ¹⁴Apa gha ka tuhangane muAssos, twa ka mudhinekire muthikepa no kuyenda kuMitylene.¹⁵¹⁶No twa voyedhire kutunderera koko no twana kumine diyuwa dyo kurandako thambo diya dhothirudhi Tjighas. Diyuwa dyo kurandako twa ka djatere kuthirudhi thaSamos, diyuwa dyo kurandako twa ka kumine mumbara dhaMiletus. Paghulusi gha tokorire kuvoghedha dhaEfesusi, podigho eshi gha pire kupetha ruvedhe muAsiya; yoyishi gha karire mukapipi muka kuma muJerusalema, mudiyuwa dyoPentecosta, ngeshi ngo yi muroyere mu kuyikumithamo.¹⁷Kutunderera kuMiletusi gha tumine harume kuEfesusi muka mwithera mayami gho ngirishe. ¹⁸Apa hana kumine kukwendi, ghaghambire nawo kukwagho eshi, ''Namwe mwathinda mwa yidimuka, kutunderera mudiyuwa dyokutanga nana djatire dipadi dyange muAsiya, ngepi edi na karire kehe pano nenu. ¹⁹Ame na karere Fumu, mukukumbirupitha no maghano ghange nomaruhodhi, no muyinyanda eyi ya ni hokokere pamurandu ghomakanyeno ghawaJuda. ²⁰Munadimuka eshi ame mbadi namudhindire mukupira kughamba kukwenu keheyino eyi yakarire mudyo, no ngepi namuhongire mumbunga tunda ndhugho yenda ndhugho, ²¹ghunongononitha wahe haJuda nawaHirika kuhatera mapirukero kughutho waNyambi no matawero mwaFumu wetu Jesusi.²²Mukenge shi, ame kuna kuyenda Jerusalema, marawero ghamupepo, no kupira kudimuka shi nye yakanihokokera ko. ²³Kushwayitha ko yo mupepo ghokupongoka ghana kuni nongononitha mukehe mbara eshi menge noyinyanda ne yina nitaterera. ²⁴Ene mbadi nakutandha mudyo ghoyi para yange, ngeshi nakumanithe mushupu nokumanitha thirughana ethi nawanine kwaFumu Jesusi, mukutapa mbudhi dhodhiwa dhothineke thaNyambi.²⁵Mumone shi, nadimuka mwahe, mukatji kenu amwe nayendire nenu ghuyuvitha nando dhoghufumu, mbadi mbo muni mona karo. ²⁶Podiyo nakushupa dyarero, ame napira murandu gho kumanyinga ghakeheyu. ²⁷No mbadi nadhindire kumutongwera yoyihe yomahimeno ghaNyambi.²⁸Podiyo shi mukoneke kuhatera kukwenu mwathinda, nokuhatera mutanga oghu ghamutura mupepo ghokupongoka mukare mwakengereri. mukoneke kukunga ngirishe dhaNyambi, edhi ghaghurire nomanyinga ghendi. ²⁹Nadimuka shi munyima dho kuyenda me, mambungu ghomakenya mbo gheneya mukatji kenu no mbadi mbogha thiyamo mutanga. ³⁰Nadimuka shi ngambi mukatji kenu hanu hamwe mbo hana tjindji ghushemwa nothitambo thokupemukitha hakathishongero munyima dhenu.³¹Podiyo shi mukukunge. Muvuruke eshi mamwaka mahatu mbadi nashayekire kukonekitha kehe yuno ghopakatji kenu nomahodhi ghuthiku nomutenya. ³²Kenge no nakumutapa kwaNyambi nonando dhendi dho thineke, odhi shodhi kone kumukuritha, nokumupa ghupingwa mukatji kagho awa hakutapa.³³Mbadi narumbere silveri, ngorondo noyitere yamunu temba. ³⁴No mwathinda mwadimukire eshi odhi nyara dhange dha ghamwene yinyanda yange noyinyanda yawahe hakarire pofotji nange. ³⁵Muyinu yoyihe natapire me thitamenedhi kukwenu ngo ngepi sho mukone kughamwena hakashu pakurughana, no ngo ngepi shomukone kuvuruka manando ghaFumu Jesusi, manando ogha ghaghambire thinda; Fiyaghudhi thikuma mukutapa kupitakana kutambura.³⁶Munyima dhokughamba kemo, ghatongamenine no gharapererire nawo wahe. ³⁷Pakarire madiro ghomengi no hamudhingire Paulusi no hamucumitire. ³⁸Hatokotire thingi thawo wahe pamurandu ghomanando gha ghambire eshi, mbadi mbo hamona rupara rwendi karo. Po hamuthindekedhire kuthikepa.

21¹Opa twa kuyakunukire nawo twayendire kudiya twashimbire ndhira kutamba kuthitata tha Cosi, nodiyuwa dyo kurandako kuthitatatha Rhodes, no kushwagha po kuthitata tha Patara. ²Apa twakawanine thikepa thina kutjinaghana ghutamba ku phonicia; twayendire kudiya notwakuthekire.³Munyima dho kukambekedha Cyprusi, kumuthiya kumutara ghorumoho dho thikepa, twakuthekire ku Syria no kathekera ku Tyra, oku thakashuruthere thikepa murongero wath. ⁴Munyima twawanine hakathishongero, twakariremo mayuwa kwoko nomawadi; Kupitera mwamupepo ghokupongoka natwikere kumu kumbera Paulusi mukupira kuyenda ku Jerusalema.⁵Apa ghakapwire mayuwa ghetu, twashwayire nokutwikera ndhira dhetu no nawo wahe, nawambuyama wawo nohanawo hakupakerere netu tushwaghe muthitata . Ghotwakatongamene kumbombwa, twarapere, ⁶no twakupire dirumeritho . Potwakuthekire nothikepa, na hahukire kudighumbo.⁷Opa twamanine kuvoghedha kushwagha Tyre, twakakumine ku Ptolemaisi. Oko twakarumerithire hatawi nokakara nawo diyuwa dyofotji. ⁸Diyuwa dyo kurandako twashwayire no tuyenda ku Caesareya. Twa kengenine mudighumbo dyaPhilipusi, muevangeliste, oyu ghakarire ghofotji ghopawakwoko no hawadi; no twakarire nendi. ⁹Katughuru yu ghakarire no hana hane hohakamadighana wa hapirire kukundama kwawatutughuru wa hapumbire.¹⁰Apa twakarire mo mayuwa, peyire katughuru yu ghatundere ku Judeya muporofeta ghodina Agabusi. ¹¹Gheyire kukwetu no ghashimbire muya wa Paulusi. Ghakughangithireko maghuru ghendi nomoko nokughamba eshi, ''Dyoghunakughamba Mupepo Ghokupongoka, dyombohaghanga haJuda homu Jerusalema katughuru ghothinda shamuya, no mbo hanamutapa mumoko ghawahayidena.''''¹²Apa twa yi yuvire yinu yi, natwe nawanu awa ha tungire padyango diya twa mukumbere Paghulusi eshi mbadi gha yende kuJerusalema. ¹³Munyima Paghulusi gha huthire eshi, ''Yipi muna kutenda, kudira no kuhayaghura mutjima wange? Ame na kuroyithera, mbadi mu kunighanga ngenyu, ene kufa ngenyu muJerusalema mudina dyaFumu Jesusi.'' ¹⁴Dyodi ya karire eshi mbadiko oku ya gha konine kumuhongaghura, atwe twa karire teghete po twa ghambire eshi, ''Ninge mahimeno ghaFumu ha gha tende.''¹⁵Munyima dhomayuwa gha, twa shimbire mandjato ghetu no twa yendire kuJerusalema. ¹⁶Oku ko ha yendire netu ha ka thishongero kutunda kuCaesarea. Heyire na katughuru gho dina Mnason, katughuru ghomu Cyprus, mukathishongero gho kare. oyu sho tu kare nendi.¹⁷Apa twa ka kumine muJerusalema, hashere ha ka tambure no yishamberera. ¹⁸Diyuwa dyo kurandako Paghulusi gha yendire na Jacobusi, nawa mayami wahe awa ha karirepo. ¹⁹Apa gha wa morore, gha tongorire thofotji-thofotji yoyihe eyi gha tendire Nyambi kwawaHayidena kupitera muyiruwana yendi.²⁰Apa ha yiyuvire yi, ha kuyire Nyambi, no ha ghambire kukwendi eshi, ''Mone shi mushere, mayonvi mangatji ha tawire mukatji kawa Juda. Nawo wahe hashanine kupungura muragho. ²¹Hawa tongwera yo kuhatera kukoye, eshi kuhonga haJuda wahe awa ha tunga mukatji kawa Hayidena mu kuthiya miragho dhaMosesi, no wa wa tongwera eshi mbadi hakona kenena hanawo, no mbadi ha kuthakuthe thitjo thawo.²²Yipi sho tutende? Nawo nanyi ha kuyiyuve eshi namwe mweya kuno. ²³Podigho eshi tende eyi tuna kutongwera. Tudi na ha tutughuru hahatu awa hana mana kwedhera. ²⁴Shimbe ha tutughuru wa no kukenithe ghothinda munyima nawo hathinda, noghuruwere yirughanitha yawo podigho eshi ha kukurure mitwi dhawo. Podigho eshi kehe yu nanyi ghadimuke eshi eyi ha wa tongwera kuhatera kukoye ne mbango. Nanyi ha kuyitjwathane eshi nowe kukutha muragho.²⁵Ene kuhatera kwawaHayidena awa hatawa, twa wa tjangera mu kuwa rawera eshi ha kushwayithe kuyinu eyi ha yambitha kuyitjwandjo, kumanyinga, yothiikokotera norungu.'' ²⁶Munyima Paghulusi gha shimbire hatutughuru wa, no diyuwa dyo kurandako gha kukushukithire pofotji nawo. Munyima pohengenine mungirishe, no kuwadimukitha mayuwa gho kukukushukitha ha kughakumithemo no muyambo ha kughuwa tendere wahe.²⁷Munyima dhomayuwa kwoko nomawadi. haJuda hamwe hokuAsiya, ha monine Paghulusi mungirishe, hadhodhengire mbunga no ha turire manyara ghawo papendi. ²⁸Awo ha kuyererire eshi, ''Mwa tutughuru waIsraeli, mutughamwene. Oyu ne yo katughuru oyu gha honganga hanu yo kuhatera kunyatha hanu muragho modi dyango. Kushwayithako yo, aye karo gha reta ghaHirika mungirishe no karo gha nyateka dino dyango dyo kupongoka.'' ²⁹Awo hamonine pakutanga Trophimus mukaEfesusi nendi munurumbara, no ha ghayarire eshi Paghulusi gha mu retire mungirishe.³⁰Nurumbara dhodhihe dhashambererire, no hanu hatjirire pofotji no haka kwatire Paghulusi. Awo ha mu kokire panunda dho ngirishe, nomathero ha gha yandhere. ³¹Apa ha yerekire kumupagha, mbudhi dheyire bkwamukuru wawakungi eshi Jerusalema ne muthivunganyi ghadi.³²Popo vene gha shimbire hakayita no mukuru wawamashurundate no ha tjirire kumbunga, apa ha monine hanu mukuru wawakayita nawa kayita, hashayekire kupuma Paghulusi. ³³Munyima mukuru wawa mashurundate gha henyine no kukwata Paghulusi no gha warawere eshi ha mu ghange nomenge mawadi. No gha mwipurire eshi yodiye dye no nye gha tenda.³⁴Hamwe mumbunga ha kuyererire thinu thofotji no hamwe yayo. Apa gha yimonine mukuru wawamashurundate mbadi ghana kumona mo ghushemwa pamurandu gho muyoyo, no gha kumbere Paghulusi ha murete mumondo. ³⁵Apa gheyire pathidhineno, ha mu shimbire hama shurundate pamurandu gho divoshera dyawanu. ³⁶Mbunga dhawanu dha kuthire munyima ghu kuyerera eshi, ''Mushwaye kukwendi!''³⁷Paghulusi mukumureta mumondo, gha ghambire kwamukuru wawamashurundate eshi, ''Kukona ni ghambe yinu kukoye ndi?'' Mukuru wawamashurundate gha muhuthire eshi, ''Kughamba we Thihirika? ³⁸Mbadi yowe ya muka Egipute ghumwe oyu ghemanganyene no kupiteritha hanu mayovi mane mu kupagha hanu mumaboreya?³⁹Paghulusi gha ghambire eshi, ''Amene no muJuda munurumbara dhaTarususi muSilisiya. Amene no mu kakakoghatji ko nurumbara dhomudyo. Na kukanderera, ni tawedhere ni ghambe nawanu.'' ⁴⁰Mukuru wawamashurundate gha mupire matawedhero, Paghulusi ghemanine pathidhineno no gha ravire dyoko dyendi kwawanu, Apa ha porere wahe, gha ghambire nawo mundimi dhoThiheburayi. Gha ghambire eshi,

22¹"Mwayendhange nomwawiha, mu teghere kumatjwathanithero ghange agha sho ni ghambe kukwenu.'' ²Apa dha yuvire mbunga Paghulusi ghana kughamba kukwagho mundimu dhoThiheburayi, ha karire muthipore. Gha ghambire eshi,³"No muJuda, na pwire kushamuruka muTasusi ghomuSiliya, ene na kuhongera momuno mumbara kumapadhi ghaGamaliyeli. Ame na pwire kurawera no kukutha thiwana miragho dhawa kerekandongo wetu. Ame na kara nodirura dyo kwaNyambi, thika edi mudi dyaro mwahe. ⁴Nakuthakuthire ndhira ndhi kate kuyifa, kughanga no kutapa mukashitiko wahe hatutughuru nawambuyama, ⁵dyodi mupristeri shokuru nawamayami wahe kukona hanongonone. Nawanine mambapira kushwagha kukwawo ghawatawi homu Damasikusi, no nayendire ko mukawahutha munwato muJerusalema mukunawahumbitha.⁶Yahokokire ngeno eshi opa nakarire muruyendo ro pepi naDamaskusi, kapupi kamanana kokunisheghenyena pamutwe katji thishe thothikuru thomudiwiru. ⁷Nawerere pamuve no kuyuva diywi dina kughamba kukwange eshi, "Saulusi, Saghulusi, nye ghuna kuni kuthakuthera?" ⁸Nahuthire eshi, ' yowedye ne fumu?' gha ghambire kukwange eshi, 'Yame Jesusi ghomukaNasareti yoyame yu ghuna kukuthakutha.⁹Hanu wa hakarire pofotji nange ha monine thishe thi, ene mbadi hatjwathanine diywi dyo yu gha ghambire kukwange. ¹⁰Naghambire eshi; ''nye shonitende Fumu? Fumu gha ningire kukwange eshi, "Wimane no yende kuDamaskusi, oko ngaghuka pwe ngatongwera yinu yoyiheya eyi sho ka tende.'' ¹¹Mbadi na konine kumona pamurandu ghothishe thothikuru thanisheghenyene. No napwire kuyenditha panyara dhoea nayendi nawo, nakahukire muDamaskusi.¹²Kuya nakawanine katughuru ghodina Ananiasi, katughuru yu ghayapire Nyambi mukukutha kumuragho no hamughambire thiwana kukutha mwawaJuda wa hatungire mo. ¹³Gheyire kukwange, noghanememanine kumbadi dhange, noghaghambire eshi; '' Mughendhange Saulus, ninge ghumone.' Dhodho viri dhofotji ghonamumonine.¹⁴Ghaghambire eshi; ' Nyambi wawakerekandongo wetu gha kutorora ghudimuke mahimeno ghendi, mukamona Ghomuhunga, nokuyuva diywi dyendi dyakushwagha mukanwa kendi. ¹⁵Yoyi mbo ghunakara ghomuushupi wendi kwawanu wahe kuhatera yi wamonine noyi wayuvire. ¹⁶Pashanye ghunakutaterera? Wimane, ghupwe kuyogha nokuyogha maharwero ghoye, witha dina dyendi.'¹⁷Munyima dhokahuka kuJerusalema, no kume pakuraperera mungirishe, yahokokire eshi gha ni pire thimona. ¹⁸Na mumonine ghana kughamba kukwange eshi, 'Tambuke no shwaye muJerusalema popano, yoyishi mbadi sho ha kone kutambura ghushupi ghoye gho kukwange.'¹⁹Gho na muningire eshi, ''Fumu, naho hathinda ha yidimukire eshi yame nawaturire munwato no kupuma awa hatawire kukoye mukehe sinagoge. ²⁰Apa gha notokire manyinga gha Stefanus gho kanonga koye, name nothinda po na karire na yimonine, nemanine po ghukwatithako, no na kungire yivata yowa ha mupayire.' ²¹Ene gha ningire kukwange eshi, 'Yende, yoyishi na himi kukutuma kokayenda kwawaHayidena.'''²²Ha mutegherere kate gha ghambire yi. Munyima po ha kuyerere ghughamba eshi, ''Muyakunuke kwamunu gho kenge mukakaye, mbadi gha royera eshi gha kare no moyo.'' ²³Apa ha kuyererire, ghushutura yivata yawo, ghuyerutha rukungu mumupepo, ²⁴mukuru wawa kayita gha rawere eshi, Paghulusi ghapwe kureta mumondo. Gha tapire marawero eshi ghapwe kwipudhura no kumwashura, no podiyo eshi yithinda gha dimuke eshi pashanye hana kumwimanganyena hanu kengeyo.²⁵Apa ha manine kumughanga nomughodhi, Paghulusi gha ghambire kwamukuru wawamashurundate awa hemaninepo eshi, ''Ha yi mufundhwera mu kumwashura katughuru oyu ghakara eshi muka Roma ndi oku mbadi hana mupangura?'' ²⁶Apa gha yiyuvire mukuru wawamashurundate yi, gha yendire kwamukurun wawakayita no kughamba eshi, ''Yipi ghuna kushana ghu tende? Oyu katughuru ne mukakakoghatji kaRoma.''²⁷Mukuru wawakayita gheyire no kughamba kwendi eshi, ''Ni tongwere, gho mukakakoghatji kaRoma ndi?'' Petrusi gha huthire eshi, ''Kemo.'' ²⁸Mukuru wawakayita gha huthire eshi, ''Manyinga ghomengi natapire mukuwana kakoghatji ko.'' Ene Paghulusi gha ghambire eshi, ''Amene no mukakakoghatji ka.'' ²⁹Munyima ha tutughuru wa ha shanine kumwipudhura ha muthiyire wangu-wangu. Na mukuru wawa kayita naye gha tutukwire, apa dimukire eshi Paghulusi ne mukakakoghatji kaRoma, yoyishi yodiye gha mu ghangire.³⁰Diyuwa dyokurandako, mukuru wawakayita gha shanine kudimuka ghushemwa kuhatera kwawaJuda kuyirundera yaPaghulusi. Paghulusi gha pwire kushutura no gha rawere hapristeri hashokuru nowahe ha kandhango mukukuwana. Munyima gha retire Paghulusi no kumwimeka pakatji kawo.

23¹Paghulusi gha kengururire hakandhango no gha ningire eshi, ''Mwayendhange, ame na para kughutho waNyambi mughukaro ghoghuwa kate diyuwa di.'' ²Mupristeri shokuru Ananiyasi gha rawere awa ha mwimanene ha mu pumure kukanwa. Munyima, ³Paghulusi gha ningire eshi, ''Nyambi nanyi gha kupumure, owe mbadi dhodhikenu. Ghuna hunguma ghu ni pangure pamuragho, shime karo kuna kunirawera hani pume, wimanganyena muragho?''⁴Awa hemanine po ha ghambire eshi, ''Kenge ghuna kutharuka mupristeri shokuru waNyambi?'' ⁵Paghulusi gha wa huthire eshi, Mbadi na dimuka, mwayendhange, eshi aye ne mupristeri shokuru. Ayo yapwa kutjanga eshi, mbadi wa kona kughamba ghuyi kwamuraghuri gho hanu wenu.''⁶Apa gha monine Paghulusi mbunga dhimweya dhawakandhango eshi haSadusayi nodhimwe ne haFarasayi, gha ghambire ghu kuyerera mundhango eshi, ''Mwayendhange, amene nomuFarasayi, nomwana wawaFarasayi. Yoyishi nidi no makurupero gho mavumbukero wawafu yodiyo hana kuni pangwera.'' ⁷Apa gha yi ghambire yi, dikanyi dya tangire pakatji kawa Farasayi nawa Sadusayi, no mbunga dhakutaghurire. ⁸Awo haSadusayi kughamba eshi mbadiko muvumbukero, mbadiko ha engeli, no mbadiko dhimupepo, ene ha Farasayi ha tawire muyinu yoyiheya yi.⁹Thivunganyi thothikuru tha hokokire, munyima ha ka marukwaro hamwe awa hahatera kwawaFarasayi hemanine no kukanana ghughamba eshi, ''Mbadi tuna wana murandu moyu katughuru. Ngepi keho ngeshi mupepo endi mu engeli ghana ghambe nendi?'' ¹⁰Apa dya tangire po dikanyi dishokuru, mupiterithi shokuru gha yapire eshi Paghulusi kukona ha muhanyaghure muyipindhi, no gha rawere mashurundate gha ghurumuke no ka mushimba pamathineneko mukatji kawa ka ndhango, no ka mureta mumondo.¹¹Ghuthiku gho kurandako Fumu ghemanine kumbadi dhendi no kughamba eshi, ''Kare no ghutjima thika edi wa tapire ghushupi gho kukwange muJerusalema, thika karo wakona kushupa muRoma.''¹²Apa dyavire diyuwa, haJuda hamweya hatendire makuyuvero, no kukwithera thikuto papawo hathinda nomedhero mukupira kudya nokunwa keheyino kare hakumane kupagha Paulusi. ¹³Hakarire wingi ghokupitakana makumi mane wa hatendire makuyuvero gha.¹⁴Hayendire kwapristeri hohakuru nokwawa mayami nokaghamba eshi; ''Tunatendi medhero ghomakuru mukupira kudya kehe yino kare tupaghe Paulusi. ¹⁵Pano keho muninge hakandhango hepure mukuru wawakayita ghamurete kukwenu yira munashana kunatokora thiwana murandu wendi. Kukwetu keho twe , tunakuroyithera mukumupagha kughutho ghokwiya kuno.''¹⁶¹⁷Ene mwepa paghulusi ghokatughuru ghayuvire eshi hana rara ghutaterera, ghayendire nokengena thishashara nokatongwera Paulusi. Paulusi ghethire mukamiti ghofotji noghaghambire eshi; ''Tware yu mungaghu kwamukuru wamashurundate ghadi noyinu yokamutongwera.''¹⁸Mukamiti wawamaporitha ghashimbire mungaghu yu no ghamuretire kwawamashurundate nokaninga eshi; ''Paulusi ghomukakashitiko ghananitha kukwendi, no kunininga nirete yu mungaghu yu kukwenu. Ghadi no yinu yokughamba kukwenu.'' ¹⁹Mukuru wamashurundate ghamukokire kudyoko ghutware kopithawo nokamwipura eshi, ''Yinu munye ghunashana kunitongwera?''²⁰Mungaghu ghaningire eshi; '' HaJuda ngahamukumbera mwakughurumuthe Paulusi peghundha kwawakandhango, yira kohakushana kunamwipura thiwana kuhatera murandu wendi. ²¹Ene mnbadi mwakuyitawe yoyishi kohadi hatutughuru hokupitakana makumi mane hanakumutaterera. Ngahakwedhera hathinda mukupira kudya ngambi kunwa kehe yino kate hakupaghe Paulusi. Ngambi pano hana kuroyithera , kunakutaterera matawedhero ghenu.''²²Mukuru ghomashurundate ghathiyire mungaghu yu ghayende, munyima dho kumurawera eshi; '' perere poye ghutongwere kehe yuno eshi ghunana rapota yinu yi kukwange. ²³Ghethire hakamiti wawamaporitha hawadi nokuninga eshi; '' Muroyitheko mashurundate mathere mawadi gha yende kuGesereya, nohatutughuru hotukambe makumi kwoko no makumi mawadi, nohatutughuru homaghonga mathere mawadi. Nanyi muyende paviriu dhoghuhatu ghoghuthiku.'' ²⁴Ghawarawere karo mukutapa yimuna oyi shoghadhine Paulusi mukumutwara thiwana kwaFelix ghonguvuru.²⁵Noghatjangire mbapira ngeno: ²⁶''Claudiusi Lisiyasi kwangu ghodikuto Felix, dirumeritho. ²⁷Oyu katughuru hamukwatire haJuda ndani momu hamupaghe opa neyire kukwawo nomashurundate nonamughamwene, kutunda apa nadimukire eshi naye mukaRoma.²⁸Nayuvire eshi kunakumurundera kuhatera miragho dhagho, ²⁹ene mbadi pakarirwe marunderio ghokukwendi ogha gharoghera yifa ndi kashitiko. ³⁰Yapwire kunarapota kukwange eshi podidi dighano dyodiyi kwakatughuru yu, nonamutumine popo vene kukoghe nona tonwere hakakumurundera eshi harete yinyeghenya yawo kukoye. Thiyarepo.³¹Mashurundate ghakuthiore marawero ghawo. Hashimbire Paulusi nokumureta mughuthiku kwaAndiparisi. ³²Diyuwa dyokurandako, mashurundate ghomaheya hathiyire hakatukambe hayende nendi. Ndani awo hathinda ne hahukire kumondo. ³³Apa hakakumine hatutughuru hotukambe kuSasareya no hakatapire mbapira kwanguvuru, hakatapire karo Paulusi kukwendi.³⁴Apa ghatoyire nguvuru mbapira dhi, ghepurire eshi thiko munye ghatunda Paulusi. Apa ghadimukire ghadimukire eshi aye ne kwatunda ku Silisiya, ³⁵ghaningire eshi; ''Nganyi nikuyuve thiwana apa shoheye hakakukurundera kuno.'' Noghawarawere hamutware mumarombe ghaHerodesi.

24¹Munyima dho mayuwa makwoko, Ananiasi mupristeri ghomukuru, mayami ghamweya na mughambi ghomukuru ghodina Tertullusi hayendire ko. Katughuru yu gharetire murandu gho kwimanganyena Paulusi kwa nguvuru. ²Apa ghemanine Paulusi kughutho wa nguvuru, Tertullusi ghatangire kumurundera no kughamba eshi, ''Yoyishi papoghe twawana thiraro thothikuru noyimona yoghe, kureta matendwerero ghomawa kuditunga dyetu. ³Nomatumero ghomakuru twatambura yoyihe yi watenda, ghomuhunga Felix.⁴Mukupira kukutatereroiyha, nakukanderera mughuhungami ghoye ghutuyuvere paghufupi. ⁵Tunawana yu katughuru mukukara muyipithi noghumweya yu ghatenda haJuda mukaye kokaheya hakakwimanganyena. Aye mukuru ghombunga dhawemanganyeni ghomuNasareti. ⁶Ghashanine kwipitha tembeli, potunakamukwata. Tunashana kumupangura kukutha muragho wetu.⁷Ene Lysiasi, mukuru wawakayita, gheyire no kuna mushimba mumoko ghetu nongcamu, ghu rawera ha ghayareri wendi heye kukwenu. ⁸Apa sho wipure Paghulusi kuhatera kuyinu yoyiheya yi, nanyi ghu nongonone yinu yoyiheya eyi tuna kumughayarera.'' ⁹HaJuda ha kupakerere nawo muyighayarera yi ghutanaritha eshi murandu ghu ne waghushemwa.¹⁰Ene apa gha pire nguvuru Paghulusi gha ghambe, Paghulusi gha huthire eshi, ''Na yitjwathana eshi mwaka dhodhingi ghuna kara gho mupanguri muditunga di, na yi hafera mukukupathurura nothinda kukoye. ¹¹Kukona ghuyi nongonone gho thinda eshi mbadi ghana pitakana mayuwa dikumi nomawadi kutunda apa neyendire ni ka raperere muJerusalema. ¹²Apa ha ka niwanine mutembeli, mbadi na ka kukananine na kehe yuno, no mbadi na ka dhongerire mbunga nomuma sinagoge temba ngambi muthitata. ¹³Mbadi sho ha mupe ghushupi gho yighayarera yi hana kutenda pano yo kunimanganyena.¹⁴Ene kuna kutongonona kukoye eshi, kukutha mundhira edhi hana kwitha eshi dho memananyeno, dho ndhira dhodho na kareranga Nyambi wawa kerekandongo wetu. Na tawa yoyihe eyi yina kukuyenda no muragho noyi ha tjanga mwawaporofeta. ¹⁵Ni di no makurupero mwa Nyambi yira wowa hanu, eshi mbo ghuna kara muvumbukero pofotji hahunga nawayi. ¹⁶Kehe pano ame kukondja mu kupira murandu kughutho waNyambi no kwawanu.¹⁷Munyima dho myaka dhodhingi neyire mukunatapa furufende kuditunga dyange no kunatapa muyambo. ¹⁸Apa nayitendire yi, haJuda hamweya ho kuAsiya hananiwanine muthirika tho makushwero mutembeli, mbadi nombunga ngambi kayoghototo. ¹⁹Hanu wa hana shana kukara kughutho ghoye nokunighayarera ngeshi hadi nokeheyino.²⁰Ngeshi mbadi kemo, hanu wowa hofotji haghambe murandu ghu hawanine mumwange apa nemanine kughutho wawakandhango dhawaJuda, ²¹shimengwa kuhatera thinu thofotji ethi nakughererire apa nemanine mukatji kawo, 'Thokuhatera kumuvumbukero wawafu yona kukarera mumbangwiriro kughutho ghoye dyarero.'''²²Ndani Felix yu ghapwire kupukurura thiwana kundhira dhi, gharundurure matheko. Ghaghambire eshi, ''apa gha kughurumuka Lysiasi gho muraghuri kushwagha kuJerusalema, nanyi nakunatokore murandu ghoye.'' ²³Gharawerere mukuru wakayita eshi Paulusi hakona kumutura mukashitiko, ene ghakona kukara muhoro podigho mbadiko ghopawaghendhendi shapwe kukandana mukupira kupakera thinga yinyanda yendi.²⁴Munyima dho mayuwa ghomapu, Felix ghakahukire na Drusilla ghomunu wendi, ghomuJuda, noghatumene Paulusi no ghanayuvire kukwendi yo kuhatera matawero ghendi mwaKristusi Jesusi. ²⁵Ene apa ghana kuwire nendi Paulusi kuhatera ghuhungami, kukukona kona ghothinda, no dhango dhi dhina kwiya, Felix yamuyapithire thikuma noghaghambire eshi; ''Yende tango pano, ene apa shoniwane ruvedhe munyima, nanyi nikutumene.''²⁶Paruvedhe roro rofotji ghakurupere eshi Paulusi nanyi ghamupe manyinga, ghamutumenatumene nokughamba nendi. ²⁷Ene apa dhapitire myaka dhiwadi, Porcius Festus ghakarire nguvuru munyima dhaFelix ene Felix ghashanine kuwana maghamweno mwawaJuda, no ghathiyire Paulusi munotwa.

25¹Festusi ghangenine mumukunda munyima dhomayuwa mahatu, ghayendire kushwagha kuCaesareya kate kuJerusalema. ²Haruti hohakuru nawaJuda haretire mirandu dhaPaulusi, no hanakumbere Festusi- ³hamwipurire mukuwatenderako thinu kwaPaulusi- mukumurundwerera kuJerusalema, hakuroyithere mukumuhomokera hamupaye mundhira.⁴Festusi ghawahuthire eshi Paulusi ne ngahakamukwata kuCaesareya, ndani naye thinda ghana kuyenda koko kapupi kamanana. ⁵Podigho, kowa hana kukona , ''ghaghambire'', kukona hayendeko netu. Ngeshi noghukukutu wendi yo katughuru, mukamurundere.⁶Festusi mbadi ghakarire mayuwa kupitakana mayuwa kwoko nomahatu endi mayuwa dikumi noghaghurumukire kuCaesareya, nomudiyuwa dyo kurandako ghakahungumanine pathipuna thokupangwera no ghakarawerere hamuretere Paulusi. ⁷Pakunakuma, haJuda hokushwagha kuJerusalema hanemanene pepi nendi, noharetire mirandu dhodhikuru odhi dhapirire ghushupi wadho. ⁸Paulusi ghakughamwenine thinda nokughamba eshi; ''Mbadiko yoyimango natenda kwimananyena veta dhawaJuda endi kwimananyena tembeli endi kwimananyena fumu shokuru.''⁹Ene Festusi ghashanine maghuwa mwaJuda no ghahuthere Paulusi no kughamba eshi; ''Ghunashana kuyenda kuJerusalema no nakakupangure yame koko kuhatera yinu yi?'' ¹⁰Paulusi ghaghambire eshi, ''Nemana kughutho ghothipuna thomapangwero ghafumu shokuru omu shohanipangwere. Mbadi nayipithera keheyuno muJuda thika di mwayidimuka thiwana namwe.¹¹Ngeshi kemo eshi natenda ghuyi no natenda eyi yaroghera yifa, mbadi nakushwena kufa. ene ngeshi yirundera yawo ne yaghumbango ne mbadiko yu sho ghanitape kukwawo. Nakumbera kwafumu shokuru.'' ¹²Pakumana kughamba Festusi nawakandhango, ghahuthire eshi, ''Ghuna kumbera kwafumu shokuru. kwafumu shokuru shoyende!''¹³Munyima dho mayuwa ghongandji, fumu Agrippa na Bernice hanakumine kuCaesareya mukunatapa mudhingu gho pamuragho kwaFestusi. ¹⁴Munyima dhokunakarako mayuwa ghomengi, Festusi ghatapire murandu waPaulusi kwafumu; ghaghambire eshi, '' Katughuru ghumweya ghathiyire Felix muno eshi mukanotwa. ¹⁵Apa nakakarire muJerusalema, haruti hohakuru nawamayami ghawaJuda haretire kwange murandu ghoyu katughuru, no hepurire mukunamupangura kumurandu wendi. ¹⁶Nahuthire kukwawo eshi, mbadi muhingo wawakaRoma mukutapa kwakeheyu thiharuri ghakare nawa ghaharwera nokukara no kambenene kokukutanaritha thinda kumurandu.¹⁷Podiyo, apa haneya pofotji pa, mbadi nataterera, ene diyuwa dyokurandako nahungumanine pathipuna tho ndhango nokurawera haniretere katughuru yu. ¹⁸Apa hemanine hakakumughayarera hatape yighayarera yawo, naghayarire eshi mbadipo murandu ghu wakarire ghoghukuru. ¹⁹Ene hakarire nodikanyi thikuma nendi kuhatera kumatawero ghawo no Jesusi ghumweya yu ghafa, ghoyu ghana kughamba Paulusi eshi muyumi. ²⁰Mbadi nadimuka eshi ngepi ghokukona kukengurura ghukukutu ghu, no namwipura ngeshi kukona ghakuyende kuJerusalema ghakawane matheko ghendi koko kuhatera mirandu dhi.²¹Ene apa ghakumberire Paulusi mukumutura mukashitiko oku kuna kutaterera matokwero ghawakayita, namurawere mukukara mukashitiko kare nakumutume kwafumu shokuru.'' ²²Agrippa ghaghambire kwa Festusi eshi; ''Nashana name kutegherera koyu katughuru. ''Peghundha.'' Festusi ghaghambire eshi, ''Nanyi wakumuyuve.''²³Diyuwa dyokurandako, Agrippa na Bernice heyire noyinu yishawingi, heyire mudikuruyugho nawakayita nohanu homumbara. Apa ghaghambire Festusi marawero, Paulusi hamuretire kukwawo. ²⁴Festusi ghaghambire eshi, '' Fumu Agrippa, namwe mwahanu mwahe mwe mudi netu muno, yoyi mumumona yu katughuru; mbunga dhodhihe dhawaJuda awa hakuwire nange muJerusalema nomuno karo, no hakugherere kwange eshi mbadi ghakona kupara karo.²⁵Nananongononine eshi mbadiko yi gharughana yokuroghera yifa; ene pamurandu eshi ghana kumbera kwawakayita, natokora mukumutuma. ²⁶Ene mbadi nidi nokehe yino yokutjanga kwawakayita. Nothitambo thi, namureta kukoye, pamuragho kukoye, Fumu Agrippa, podiyo eshi pamweya kukona niwaneko yimweya yokutjanga kuhatera murandu ghu. ²⁷Mbadi wakumoneka mudyo kukwange kutuma mukanotwa nokupira kukenitha murandu wendi.''

26¹Podyo Agrippa ghaghambire kwaPaulusi eshi, ''Kukona ghughambe ghothinda.'' Podiyo Paulusi ghaghonyonine dyoko dyendi ghakughamwene thinda. ²''Nakutura nothinda eshi nomukayishamberera, fumu Agrippa, mureta murandu wange kughutho wenu kuhatera yirundera yoyiheya yawaJuda, ³thikumapo, yoyishi ghomuwawa thiwana mu thitjo thawaJuda no mepwero. Podiyo nakukukanderera mukuniyuvera thiwana.⁴Ghushemwa, haJuda waheya hanidimuka edi napara kutunda kughumurereya wange muditunga dyange no kuJerusalema. ⁵Hanidimuka kutunda kumatangero ndani hayitawe eshi ame ne napara yira nomuPharasayi, mbunga dhi hashweneka muthiko thetu.⁶Pano nemana muno mukunipangura pamurandu ghomakurupero ghange ghomuyitoghendera yi ghatendire Nyambi kwawakerekandongo wetu. ⁷Ghogha matoghedhero mako ghetu dikumi nomawadi hakurupera mukughawana thika di hana kukugha Nyambi thikuma ghuthiku no mutenya, no ghogha makurupero ghofotji, fumu, haJuda gho hana kunirundera. ⁸Pashanye shanye shohaghayarere hamwe hopapenu eshi mbadi yatawa eshi Nyambi ne kuvumbura mwawafu?⁹Ene kemo, name nothinda naghayarire eshi nakona kutenda yinu yishawingi kwimanganyena dina dyaJesusi gho mukaNasereti. ¹⁰Nayitendire yi muJerusalema. Natjaperere mudorongo hanu waNyambi hokupongoka pangcmu dhi nawanine kwawaruti hohakuru; no apa hawapayire, nayitawire mukuwemanganyena. ¹¹Nawahumbithire maruvedhe ghomengi mumasinagoge ghomaheya no nakondjire kuwathineneka hatende mushedho ghokwaNyambi. Nakarire noghupata wange ghoghukuru mukuwemanganyena nonawakutha kuthire ngambi kare kumambara ghomutunda kure¹²Oku pakuyitenda yi, nayendire kuDamaskusi no nangcamu no marawero ghokutunda kwawaruti hohakuru; ¹³no mundhira dhange dhoko, pamutwe katji, fumu, namonine thishe thokushwagha mudiwiru thokusheghenya kupitakana diyuwa, thanisheghenyenine mitara dhange dhodhihe no hatutughuru wa hayendire nange. ¹⁴Apa twawire twaheya pamuve, nayuvire diywi dina kughamba kukwange odi dyaghambire mundimi dhothihirika eshi, 'Saulusi, Saulusi, pashanye ghuna kunikuthakuthera? Ghukukutu kukoye kuthita muthithiki.'¹⁵Ghoghambire eshi, 'Yowedye, Fumu?' Fumu ghoghahuthire eshi, 'Yame Jesusi oyu ghuna kukutha kutha. ¹⁶Wimane pamapadhi ghoye; Yoyishi pathitambo nakuhokokera, mukukutorora ghukare ghomupika no mushupi kuhatera yinu yi wadimuka yokukwange noyinu eyi nakukuneghedha munyima; ¹⁷no mbona kughamwene kwawanu no kwawahayidena oku nakukutuma, ¹⁸mukayandurura meho ghawo nokawapirura hakashwaghe mumakokore hakengene kuthishe no kushwagha kumangcamu ghaSatani hayende kwaNyambi, podiyo eshi mbo hatambure mathigherero ghomaharwero kwaNyambi no mayorero agha natapa kukwawo awa hataghura pamatawero mumwange.'¹⁹Yodiyo keho, fumu Agrippa, mbadi nanyathire yimona yomudiwiru; ²⁰ene, kowo homuDamaskusi pakutanga, nda kuJerusalema, no mumatunga ghomaheya ghaJudeya, nohahayidena, nawapire mbudhi eshi hakona kupiruka nokuhuka kwaNyambi, ghutenda yirughana yaroghera mapirukero. ²¹Oyi yaningithire haJuda hanikwate mutembeli no kukondja hanipaghe.²²Nyambi ghanighamwena kare popano, podiyo nemana nokunongonona kwawanu vene no kohohakuru mbadiko yoyingi yira eyi haghambire haporofeta na Mosesi yakuhokoka- ²³eshi Kristusi ghakona kunyanda no mukukara shi yohokutanga kuvumbuka mwawafu, mbo ghanayuvitha thishe kwawanu wetu nokwawahayidena.²⁴Pakumana Paulusi mutara wendi, Festusi ghaghambire nodiywi dyokuyeyuka eshi; ''Paulusi, waghundumuka; yikuhonga yyoye yoyikuru yakughundumuna.'' ²⁵Ene Paulusi ghaghambire eshi, ''Mbadi naghundumuka, ghodikuto Festusi, ene oyi nakughamba ne yaghushemwa noyahungama. ²⁶Fumu ghadimuka yinu yi; no nakughamba ghushutuka kukwendi, natawa eshi mbadipo poyi yokumuhoreka; oyi mbadi ypwa kutenda mughudhindo.²⁸Watawa haporofeta, fumu Agrippa? nayidimuka eshi watawa.'' ²⁷Agrippa ghaghambire kwaPaulusi eshi; ''Muruvedhe rorufupi, nanyi ghunitawe nokunitenda nomuKriste?'' ²⁹Paulusi ghaghambire eshi; ''Naraperere kwaNyambi, eshi ngambi muruvedhe dhorufupi endi rorure, mbadi yowe pithoye, ene waheya karo wa hanakuniyuva dyarero, nanyi hakare yira yame, ene nokupira gha menge gho dorongo.''³⁰Podiyo fumu ghemanine, na nguvuru naBernice naye, nowa hahungumanine nawo; ³¹apa hashwayire mudikuru yugho, haghambathanine kukwawo hathinda nokughamba eshi, ''Katughuru yu ne mbadiko yi ghatenda yokuroghera yifa endi nwato.'' ³²Agrippa ghaghambire kwaFestusi eshi, ''Oyu katughuru ne ngo hamushutura ngo mbadi ghakumbere kwafumu shokuru.''

27¹Apa hatokorire kukutheka kuItali, haturire Paulusi nawakadorongo hamwe mumoko ghamukuru wawakayita ghodina Juliusi ghokamba dhokushwaghanga. ²Twadhinine muthikepa thokushwagha ku Adramyttiumu othi thashanine kukutheka mudivigha dya Asia. Twayendire kudikuruviya. Aristarchus ghoku Thessalonica muMasedoniya ghayendire netu.³Mudiyuwa dyokurandako twakathekerire mudiya dyomuthitata tha Sidoni, oku ghakatekurire Juliusi Paulusi thiwana no kamutawedhera ghakayende ghakamone ghaghendhendi mukawana thinga thawo. ⁴Kutunda po, twayendire kudikuruviya no kakutheka dhothivigha tha Cyprusi, pepi no thirudhi, yoyishi mupepo watuthindekire. ⁵Apa twakuthekire tutjinaghane dikuruvigha ghupita Ciliciya na Pamphyliya, twakathekerire kuMyra, thitata tha Lycia. ⁶Oko, mukuru wakayita ghakawanine thikepa thokuAlexandria othi thakuthekire kuItaly. Ghatuturiremo.⁷Apa twakuthekire kamanana mayuwa ghomengi, no twakakumine noghukukutu pepi na Cnidusi no mupepo mbadi wakatutawendhire karo kapita ndhira dhiya, twakakuthekire dho divigha dhokupira mupepo dhaCrete, thambo diya dhaSalmone. ⁸Twakakuyhekire dhodiviya noghukukutu, kare twana kumine kudyango dimweya hatoya eshi Fair Havenis, odi dyakarire pepi nothitata tha Laseya.⁹Twashimbire ruvedhe rorure, nako dhawaJuda nadho dhapitire ghutambuka, no dhakarire ghukukutu mukukutheka. Paulusi ghawanyangerekedhire, ¹⁰nokughamba eshi, ''Mwatutughuru, nakumona eshi ruyendo ru twakushana tushimbe nanyi rukare roghurema noyiyongaritha yoyikuru, mbadi mutwaro pithawo nothikepa ene no moyo dhetu.'' ¹¹Ene mukuru wawakayita ghapakerire thinga thothikuru kwamupiterithi no kwathinda shathikepa kupitakana yinu yi ghaghambire Paulusi.¹²Yoyishi dyango mbadi dyakarire ghuredhu kukarapo pakufu, wingi wawavuyi hatotokorire kukutheka hashwaghepo, no ngeshi mukehe muhingo tukakume muthitata tha Phoenix dyango dyokupira mupepo, ghupirukera kokuhe, ghucuma ditokera no mbunda ditokera. ¹³Apa watangire kupunga mupepo ghokughucuma kamanana, Havuyi haghayarire eshi hanawana yoyihe yi hanyandire. Hakokire mitwaro no havuyire dha Crete, pepi no rungengera.¹⁴Ene munyima dhoruvedhe rorufupi mupepo ghodingundunga dyongcamu, di hetha eshi ghucumadiva, dyatangire kupupana kutunda muthirudhi. ¹⁵Apa dyakwatire dingundunga thikepa no mbadi wakukona karo kughupita mupepo wapo, twakona kutapa ndhira kudingundunga no watuhingire mupepo. ¹⁶Twakuthekire dho thivigha thothirudhi ghana hetha shi Kauda, no ghukukutu twakonine kughamwena wato.¹⁷Apa hayeyurire wato muwiru, harughanithire mughodhi watho mukughanga yirama yothikepa. Hayapire eshi ngo hatjirere kughukandami waSyrtisi, podiyo haghurumuthire mahina ghothikepa nohahingire ghutambapo. ¹⁸Twashimbire ndhira dhodhikukutu mukutuhinga mupepo eshi mudiyuwa dyo kurandako, hatangire kuvukuma mutwaro muthikepa.¹⁹Mudiyuwa dyoghuhatu, havuyi havukumine murongero ghoyhikepa no nyara dhawo hathinda. ²⁰Apa dyapirire diyuwa nokaghonda kutusheghenyena mayuwa ghomengi, nodingundunga dyodikuru dyakarire papetu shime, makurupero eshii tuwane maghamweno ne twaghayongarithire.²¹Apa hayendire rure mbadiko yidya, podiyo Paulusi ghemanine mukatji kawavuyi nokughamba eshi, ''Mwatutughuru, ngomunanitegherera, no kupira kuvugha tushwaghe muCrete, mukupira kuwana ghu ghurema nomayongarithero. ²²Pano nakumutjokedha mukwate mutjima, mbadi shoghakare mayongarithero ghomoyo mukatji kenu, ene mayongarithero ghothikepa²³Mughuthiku, muengeli waNyambi oku nahatera, oyu karo nakareranga- muengeli wendi ghanemana kumbadi dhange ²⁴no ghana ghamba eshi, 'Wayapa Paulusi. Wakemane kughutho wafumu shokuru, no mone, Nyambi mughuhungami wendi ghanakupa wahe wa ghunakukutheka nawo.' ²⁵Podigho keho, mushamberere, mwatutughuru! Nakurupera Nyambi eshi yihokoke thika di ghanayinitongwera. ²⁶Ene tuvughere tukakanduke kuyirudhi yimweya.''²⁷Apa weyire ghuthiku ghodikumi no ghune, pakutuhinga mundhira dhi no eshi mudikuruviya dya Adriatic, mughuthiku havuyi haghayarire eshi kuna kukokera dhimuve dhimweya. ²⁸Hametire ghudhungi no hawanine mameteri makumi mane; munyima dho kanako ghana, hametire karo nohawanine mameteri makumi mahatu. ²⁹Hayapire eshi pamweya kukona tukumbwande mumawe, hayeyurire mahina ghothikepa mumeyu noharapererire eshi mathiku-thiku ne gheye wangu.³⁰Havuyi hashanine ndhira dhokuthigherera thi kepa nohaghurumuthire wato mudikuruviya, no hakutendithire eshi ngohavukumene mahina kughutho. ³¹Ene Paulusi ghaghambire kwamukuru wakayita no kwawa mashurundate eshi; ''Shimenwa hatutughuru wa hakare muthikepa, mbadi shomupwe kughamwena.'' ³²Mashurundate ghoghatetire mughodhi ghowato no kughuthiya ghukayende.³³Apa theyire thishe thodiyuwa, Paulusi ghawakumbere waheya hashimbe yidya yimweya. Ghaghambire eshi; ''odi diyuwa ne diyuwa dyodikumi noghune odi munakara mughukaro ghofotji nokuyenda mbadiko yidya,- mbadiko thi munadi. ³⁴Namukumbera mukuyarekere yidya, oyi ne yamuroghera mukupara. Noghofotji temba ghopapenu shoghayongarithe kahuki kokumutwi wendi.'' ³⁵Pakumana kughamba yinu yi, ghashimbire ghuroto no ghatumere Nyambi mumeho wawaheya. Ghoghatjorire ghuroto no kutanga kudya.³⁶Pohapwire kutjokedha wahe nawo pohashimbire yidya. ³⁷Twakarire mathere mawadi nohanu makumi kwokowadi nokwoko noyofotji muthikepa. ³⁸Apa hadire yokurikanya, Haredhupithire thikepa mukuvukumena mavumbukiro mudikuruviya.³⁹Apa dyavire diyuwa, mbadi haghudimukire mukunda, ene hamonine diya, nohakuvurekire ngeshi kukona hahingereko thikepa. ⁴⁰Pohatetire nokushutura thikepa nokuthithiya mudikuruviya. Roro ruvedhe rofotji hashuturire yihingitha yothikepa nohayeyurire dikehe mumupepo; ghohatambire kudiya. ⁴¹Ene thikepa thakekatere muruheke no hatjirere pandundu. Ghutho ghothikepa wakakatere popo nowakarire mbadi wakuyendaghura, nonyima dhothikepa dhatjokire kungcamu dhomangumbi⁴²Dighano dyawamashurundate ne dyokupagha hakadorongo podigho shi noghofotji temba ghopapagho shoghayoghe no kwomboroka. ⁴³Ene mukuru wawakayita ghashanine kughamwe Paulusi, noghawashaghekithire dighano dyawo; no gharawere hokukona kuyogha hareghe muthikepa nokakanduka kundundu. ⁴⁴Ndani hokuthigharako hakuthe, hamwe payipurangi, nohamwe payinu yimweya yomuthikepa. Mundhira dhi, twaheya twana kumine thiwana pandundu.

28¹Apa hana tukumithire thiwana, twana dimukire eshi thirudhi thapo kwathitoya eshi Malta. ²Hatungimo wapo ne mbadi ghunongo pithagho hatuneghedhire ene hatumekire mudiro nokututambura twaheya pamurandu ghomvura ghothitwikerera nomepo.³Ene apa ghaghongawedhire Paulusi thitungu thoyaghara no kuyitura pamudiro, thiyoka thashwayirepo pamurandu ghoghughenyu no thamudhingerire kudyokom dyendi. ⁴Apa hathimonine hanu homuthirudhi thina mundhendherera kudyoko dyendi, haghambathanine kukwawo hathinda eshi; ''Murume yu ne shemwa mupayi yu ghana kapwa kughamwena mudikuruviya , muragho mbadi ghuna kumutawedhera mukupara.''⁵Ene ghathikukukumwene mudidhiko nombadi thamwipithire. ⁶Hamutaterere hamumone ghanatughumana noghupyu ghoghukuru endi ghawe mughufu. Ene apa hamukengerere muruvedhe rorure no hamonine eshi mbadi ghadi noghukukutu kehe ghuno, hatjindjire maghano ghawo no kughamba eshi aye ne kanyambi.⁷Mudyango dyopepi mwakarire mango gha ghahatere kwa fumu ghothirudhi, katughuru hatire Publiusi. Ghakatutamburire no ghuhunga ghakatughamwene mayuwa mahatu. ⁸Yahokokire ngeno eshi wiha Publiusi ne ghakarire pathiraro notjitju dho kupyaghana nodihamba dyo kureta ghupyu nodira. Apa ghayendire Paulusi kukwendi , ghakaraperere, ghakambekire nyara dhendi papendi noghamwirukithire. ⁹Munyima dhokuhokoka yinu yi, hanu hokuthiyarako homuthirudhi thi wa hakorwire heyire nohanerukire. ¹⁰Hanu karo hatufumanekire nofumwa dhodhingi. Apa twa kuroyithere mukukutheka , hatupire yi twanyandire.¹¹Munyima dhotughonda tuhatu twakuthekire nothikepa thi thakarire kufu ghomuhe muthirudhi, thikepa tha Alexandria, no ''tunyambi tomayovu'' thika di thakarire mutwi watho. ¹²Apa twakumine muthitata tha Syracuse, twakarire mo mayuwa mahatu¹³Kutunda ko twakuthekire no kakuma muthitata tha Rhegiumu. Munyima dhodiyuwa dyofotji, mupepo ghokughucuma wapungire, nomumayua mawadi twakeyire muthitata tha Puteoli. ¹⁴Oko twakawanine hatawi no haturayire mukakara nawo mayuwa kwoko nomawadi. Mundhira dhi, twakeyire kuRoma. ¹⁵Kutunda po hatawi, munyima dho kuyuva yokuhatera kukwetu, heyire mukunatuwana ghure ghokudyango dyomaghurithero gha Appiusi no haTavini hahatu. Apa ghamonine Paulusi hatawi, ghatumere Nyambi no ghakarire no ghudhughutjima.¹⁶Apa twengenine muRom,a Paulusi hamutawedhire mukupara papendi no mashurundate wa hamukungire. ¹⁷Ghoya hokokire ngeno eshi munyima dho mayuwa mahatu, Paulusi ghethire pofotji hatutughuru wa hakarire hapiterithi mukatji kawaJuda. Apa heyire pofotji ghaghambire kukwawo eshi; ''Mwaghendhange, ngambi kenge eshi mbadiko yoyimango narughana kwawanu endi kumihingo dhawakerekandongo wetu, hakanitapire eshi nomukanotwa ghokutunda kuJerusalema munyara dhawaka Roma. ¹⁸Munyima dhokunipaghura, hahimine kunishutu yoyishi mbadipo thitambo thokunikandwera kuyifa mumurandu wange.¹⁹Ene apa haghambire haJuda wimananyena yirumbera yawo, hanithinenekire mukamoneka kwa fumu shokuru ngambi nga shi mbadi yira kwaretere yighayarera keheyino yokwimananyena ditunga dyange. ²⁰Kuthitambo thino, podigho keho namwithera eshi nimumone nokughamba nenu, pamurandu ghomakurupero gha Israeli, yona kuvatera di dyenge.''²¹Haghambire kukwendi eshi; ''Mbadi twawana twe mambapira ghokushwagha kuJudeya kuhatera koye, endi kehe mutawi mukwiya no kuna rapota kuhatera kukoye ngambi kunaghamba kehe yino yoyimango. ²²Ene tunashana kuyuva mumoye eyi ghuna kughayara kuhatera mbunga dhi, yoyishi tunayidimuka eshi kunakuyighambaghura kokuhe.²³Apa hamuturerepo diyuwa, hanu hohengi heyire kukwendi mumatungo ghendi. Ghatapire ghukukutu wendi kukwawo noghashupire kuhatera ghuFumu waNyambi, ghayerekire kuwatjwathanitha kuhatera kwaJesusi, kutangerera kuveta dha Mosesi nokwawaporofeta kutunda mathiku-thiku kare runguro. ²⁴Hamwe hatawire kuyinu yi ghaghambire, oku hamwe mbadi hayitawire.²⁵Apa hapirire kukuwa pofotji, hashwayirepo munyima dhokughamba Paulusi dhino nando dhofotji eshi; ''Mupepo waghambire thiwana kupetera mwamuporofeta Isaya kwawakerekandongo wenu. ²⁶Ghaghambire eshi, 'Yende ko hanu wa, nokaghambe eshi; ''Mukuyuva nanyi muyuve, ene mbadi shomuyitjwathane; no kumona nanyi mumone , ene mbadi mbomuyikwata.²⁷Yoyishi mitjima dhawanu wa dhinakara ghukukutu, nomatwi ghawo ghanakara ghukukutu no hanayandhera meho ghawo. Ngombadim kemo ngokukona hamone nomeho ghawo nokuyuva nomatwi ghawo, kutjwathana nomitjima dhawo nokupiruka karo, nonakuwerura.'''²⁸Podiyo, mudimuke eshi agha makomweneno ghaNyambi ne ghapwa kutuma kwayiharuri, no hana kutegherera.'' ²⁹Pakumana kughamba yinu yi, haJuda hashwayirepo. Hakarire nodikanyi dyodikuru mukatji kawo.³⁰Paulusi ghatungire myaka dhodhiheya dhiwadi mundhugho dhendi dhi ghahirire, no ghatamburire yomuhe ghikwiya kukwendi. ³¹Ghayuvithire ghufumu waNyambi noghahongire yinu yokuhatera kwaFumu Jesusi Kristusi noghundhughutjima ghoghuhe mukupira kumuyipithera.

Hakaroma

1¹mbapira dha paghulusi , mupika wayesusi kristusi , oyu hetha eshi mupostoli no ha mupongwera thirughana tho kuyuvitha ²mbudhi dha Nyambi, mbudhi edhi dha pwire kutoghedhera kupiterera no haporofete wa Nyambi mu makurando gho kupongoka , ³kuhatera kwa mwanendi gho mwana mwanahoka wa David kukutha pamushamurukero ghopanyama .⁴Kupiitera mwamupepo gho mapongwero , Jesusi kristusi fumu wetu, ghapwa kuneghedha eshi yo mwana Nyambi pamuvumbukero ghohafu . ⁵Mumwendi mo twawana thineke tho thirughana thoghupostoli tu tongwere dhimihoko dhodhiheya dhikare ghutawedhi kukwendi no kutapa dikuto ku dina dyendi ⁶Modhi dhimuhoko dhino namwe momudi .Namwe karo shimwe karo mwapwa kwitha muhatere kwa yesusi kristusi.⁷Hashere wahe homu R oma ;nyambi ghamuhaka thikuma , no ghamwitha eshi mukare hanu wendi ho kupongoka . thineke no thiraro tha Nyambi wihetu na fumu yesusi Kristusi thikare nenu .⁸Pakutanga ,nikatumere Nyambi mwa mwanendi Jesusi Kristusi ku kwenu mwaheya .Yoyishi matawero ghenu ne ghayuveke mukaye kokaheya . ⁹Nyambi ne mushupi wange kehepano kumutura memumandapero , mutenya no ghuthiku kureta yinyanda yenu mumandapero kwa NYAMBI , Yuna rughanenanga no mutjima wange ghighuhe mukuyuvitha mbudhi dhodhiwa dha wanendi waheya. ¹⁰Kehepano kukumbera Nyambi mu mandapero ghange ,niwane kambenene, ngeshi Nyambi kuhima , paghuhura ngona kunamuwane.¹¹Naruru kumumona , nothitambo nakumupe thitapa tho pamupepo thakumutanarithe. ¹²nahaka kumutjokedha mamatawero ghenu ,ene namekaro nanyanda matjokedhero ghana kutunda ku kwenu . podigho keho shi twahe tuwanenemo maghuwa gho matungero gha Nyambi .¹³Nashana mudimuke mwayedha , eshi na rongathana ngona kuna muwane .Ene kwanishinga kate popano . Nahakashi NI rughane nenu thirughana thothiwa ,yira kenge nakarughanine thirughana no hamweya ho kukara mbadi ha Juda . ¹⁴Thinga thange ne koha Hirika wa heya ndani no ha mutundakure , ko ha nya nyami no hayero . ¹⁵Ame kumutara wange ne na himi no na kuroghithera kwiya kuRoma no ni muyuvithe namwe mbudhi dhodhiwa.¹⁶Kadi nakara no honyi me kuytuvirtha mbudhi dho dhiwa ,yoyishi mo mwakara mangcamu . ghaNyambi ghomakomweneno kwa waheya wa hatawa , kutangera ne haJUda ndani keho ha Hahirika . ¹⁷Mbudhi dhodhiwa mogha neghedha Nyambi ghu hungami wendi kukutha kumatawero , thikadi yapwire kutjanga .Hahungami mbo hana para mumatawero .¹⁸Ghupata wa Nyambi gha ghuhokora kutunderera mudiwiru ghutambe kwa wa he wa harughanenanga yo ghuNyambi gho mbango no maghuyi ghawanu , mughiruwana yawo yo yimango ya yashweneka ghushemwa .Ghupata waNyambi gha ghuhokora kutunderera mudiwiru ghutambe kwa wa he wa harughanenanga yo ghunyambi ghombango no maghuyi gho wanu , miyiruwana yawo yo yimango yasheneka ghushemwa . ¹⁹Ghushemwa wa Nyambi ne wahokoka kukwawo .Nyambi ne ghayiwanongononithire²⁰Kutunderera kumavarekero gho kaye , hanu hamona no maghuyi no kutjwathana yitenda ya Nyambi . Kupiterera muyivareka yendi . mangcamu ghendi ghashokuru ne kughamona kehe munu . Podiyo shi mbadi hakara no manyetukero . ²¹K eho ne ngambi kemo shi ha dimukire Nyambi , kadi ha fumanikire eshi yoNYAMBI wawo , shimekaro mbadi hamutumeranga . mudyango dyoyi ,yo hakarire ghuyero muyighayara yawo no dhimutjima dhawo muyighayara yawo no dhimutjima dhawo dhakarire mumakokore²²Hakunegha ghunya nyami , ene awo ne hayero . ²³Mudyango dyokufumaneka Nyambi ghoshemwa ,GHO hapiruka ha karere yitjwandjo yo kupitura munu ghokudhongonoka , ngambi yira yinyunyi no yiyama endi ngambi yiyoka .²⁴Podigho ghawa tapera Nyambi kumadovo gho dhimitjima dhoyinu yokupira ghukushuki , eshi ha tende yinu yo kudhira kuroghera kuyirama yowo hathinda . ²⁵Hanu wano hodigho hatjindja ghushemwa wa Nyambi kumbango . Yoha fumaneka no nokukarera yivareka mudyango dya muvareki , oyu ghafumana kuroruheya . Amen²⁶Podigho shine karo gha watapera Nyambi kuyirumbera yomutjima yothihonyi . Hhakamdiwawo ghayi nyatha yokukara muyiyeka no hakafumu , ene hayeke hakamadi hayendhawo . ²⁷Harume nawo kemo , mudyango dyokuyeka hakamadi , hakarire no didovo dishokuru dyo kuyeka harume hayendhawo . shime karo harume tendire yothihonyi mukurara no harume hayendhawo . yinu yino yawa reterire mahumbithero ghomakuru agha ghawa roghra .²⁸Noyoyishi mbadi hayitawedherire endi hashwenine kudimuka Nyambi , yo ghawatapa kuyighayara yowo yo yimango eshi hatende eyi ya dhira kuroghera .²⁹awo ne hayara maghuyi ghomahe ghomumutjima , maghuyi , yirumbera , kukununeka ,hayara difupa , ghupaghi , mvo , mbango no ghupata , dishanga no hahothi . ³⁰Hanyenga Nyambi hakadihuna , hapira ghutawedhi , makununeko no kughayarera hanu ghuyi . ³¹Hapira maghano , hashikurupera , hapira ruhakitho no hakanyinya.³²Hanu wa ha tjwathana mayendithitho gha Nyambi thiwana , eshi kehyu ghokutenda thinu thokemo ghapwa kutetera kukufa . Ngambi kenge hayidimuka yinu yi eshi yimango , Ene karo kutjokedha hamweya , hatende maghuyi ghano .

2¹Podigho eshi mbadi wa kara no mathigherero, owe munu, ghokutetera ndhango, pakutetera ndhango ghumweya, dimuke vene eshi yowe ghuna kukutetera ndhango ghothinda. Yoyishi owe muka kutetera ndhango, nowe ghothinda yowatendanga yoyo. ²Ene twa dimuka mathekero ghaNyambi eshi ghoghushemwa kowa ha tendanga yinu yo kemo.³Ene ndhundhe yino, owe munu, owe ghokutetera ndhango hayendhoye wa hana kutenda kemo, oku nowe pakuyitenda. Ghuna kughayara eshi owene mboghuna shwagha mundhango dhaNyambi ndi? ⁴Endi ghuna nyatha ghutungi ghoghunongo wendi, maranga ghomahumbithero ghendi, no madhidhimekero ghendi ndi? Mbadi wadimuka shi ghunongo wendi ne wa tamba kukutwara kumapirukero ghoye ndi?⁵Ene paghukukutu wenu nomtjima dhenu dhokupira kupiruka po muna kukukongwethera mahumbithero mudiyuwa dyoghupata, adyo ne, dyo diyuwa dyoyihokoka yo yandho dhendi dhoghuhunga. ⁶Mbo ghana ruwera kehe yu payitenda yendi: ⁷kowa ha dhidhimekire mukutenda ghuwa ne makughero, dikuto, no kupira kuyipa, mbo ghana kawa pa moyo ghokuroruheya.⁸Ene kwawa haka kukununeka, ho kupira kukutha ghushemwa ene kukuyi ghuyi, ghupata ghoghukuru mbo ghu neya kukwagho. ⁹Nyambi mbo ghana reta yinyanda noyikudhekera mumoyo wa kehe yu ghana kutenda ghuyi, kutangerera kwamuJuda, ndani kwamuHirika.¹⁰Ene makughero, dikuto, no thiraro mbo yineya kwa kehe yu gha tendanga ghuwa, kutangerera kwamuJuda, ndani karo kwamuHirika. ¹¹Nyambi ne mbadiko mandorwera. ¹²Wahe wa haharurithe oku mbadiko muragho ne mbo hana yongara nagho oku mbadiko muragho, no wahe awa haharurire mumuragho ne mbo hana wa tetera ndhango nomuragho.¹³Mbadi awa hayuvanga eshi ho ghoghuhunga kughutho waNyambi, ene hakumithimo muragho mbo hana hungeka. ¹⁴Ngeshi mbadi haJuda, awa hapira muragho, hatendi yinu yi wahima muragho, yarikanya kukwagho eshi muragho, ngambi kenge hapira muragho.¹⁵Yirughana yawanu ho kemo, kuneghedha eshi muragho dha pwa kutjanga mu mutjima dhawo. Maywi ghawo makumbwerero gho ghana kuyinongonona, no makunungero muyighayara yo kurundera, endi yiwaghamwene kukwawo ha thinda, no ¹⁶kemo karo kwaNyambi. Eyi ne mbo yina kumu mudiyuwa di mbo gha tetera ndhango Nyambi hanu mwaKristusi Jesus, kuyinu eyi yonda, kukutha mu mbudhi dhodhiwa dhaJesusi Kristusi.¹⁷Ene ngeshi kuninga shiwene gho muJuda owene wa kutapa kumuragho. Wakununeka eshi , Nyambi ne ghoye pithoye. ¹⁸Dimuke mahimeno ghendi no kutawedhera eyi yarikanyena, yoyishi wawana marawero kumuragho; ¹⁹Nongeashi ghunatawa papoye ghothinda eshi owene gho mukamiti wawakunga, nomunyenge wawahadi mumakokore. ²⁰Ngeshi ghomuraghuri wawayero, muhongi wawanuke nowakara no muragho ghoghudimuka no ghushemwa, ngepi yina kukundama noyipara yoghe?²¹Amwe mwahongi wahamweya, mbadi mwakuhonganga mwathinda ndi? Amwe mwakuyuvitha yo memananyeno ghowidhi, munedhanga ndi? ²²Amwe ghokughamba eshine ghumweya mbadi ghakarare namuna muyendhendi . owene mbadi wararanga namuna muyendhoye ndi? amwe mwanyenga yitwandjo, munedhanga mundhugho dhaNyambi ndi?²³Amwe mwakununeka mumuragho, mwashamunanga Nyambi pakuregha muragho ndi? ²⁴Dina dya Nyambi dyapwa kushamuna mwawa hakara eshi mbadi haJuda pamurandu wenu thikadi yapwa kutjanga .²⁵Makeneno kuwanamo maghuwa ngeshi ghaghu koneka muragho, ene ngeshi haghu reghanga muragho roruhe, makeneno ghana kuhukera kughupumuru. ²⁶Ngeshi hakoneka muragho yu ghadhira kupwa kukena, mbadi mbogha fa yaNyambi ghupumuru wendi eshi makeneno ndi? ²⁷Ngeshi yu gha kara nothidimukitho thoghupumuru ghakneka muragho, mbadi mbo gha mutetera ndhango ndi? Yoyishi wakara nomuragho patjangwa nomakeneno, ene shime ghaghuregha regha muragho.²⁸Ayene mbadi muJuda pakakoghatji, endi yoyishi wawana makeneno ghawa Juda. Mbadikemo muJuda ghushemwa ne oyu ghakara nomutjima ghokuhungama naNyambi, makenenoghoghushemwa ²⁹mbadi ghokuteta ghirama ene mapirukero ghokutunderera mumutjima, keheyu ghakara nomapirukero gho kemo. Kushana mashogherero kwaNyambi mbadi kwawanu.

3¹Mudyo munye hakara nawo haJuda? Endi maghuwa munye gho makeneno? Athone thinu thimweya thothikuru. ²Pamutango, yihokora yomanando ghanyambi haghi kurupere mwawaJuda.³Ngepi ngeshi haJuda hamwe mbadi hakarire nomatawero ? kukona keho kupira komatawero ghawo kushwaghithapo ghuhunga wanyambi ndi? ⁴Mbadi wakukona . Ene , ninge nyambi ghakare ghushemwa ngambi kenge eshi kehe munu ne mwangeri. Thika edi yapwa kutjanga mumbapira eshi ''podigho eshi ghuneghedhe ghuhunga wa nyambi mumanando ghoye no kukona kufunda opa mbokuma kumatetero gho ndhango''.⁵Ene ngeshi kupira ghuhungami wetu , kuna kuneghedha ghuhunga wa Nyambi , ngepi keho shoyughambe ? kukona tughambe eshi Nyambi ne mbadi muhunga mukureta ghupata wendi papetu ? [ Ame ne kuna kurughanitha dikanyi dyopaghunu]. ⁶Mbadi yakukare kemo ngo ngepi ghakupangura keho nyambi kaye?⁷Ene ngeshi ghushemwa wa Nyambi, kutwara mumbango dhange ghuna kwimgipitha difumanekero dyendi. Pashanye sho hani pangwere yira nothiharuri? ⁸Nye ghokupira kughamba eshi mudishwahu dyoghighamba yetu thikadi edi yapwa kunongonona kwawa mwe. Ninge tutende ghuyi podigho eshi ghuwa ne wiye? Matetero ghondhango ghawo ne mahunga.⁹Ngepi ne keho? Kotunakukushwaghithako twathinda ndi? Mbadikemo. Ene twapwa kurundera haJuda hoha Hirika, wa eshi hakara mumaharwero. ¹⁰Eyi ne ha yitjangire eshi ''Mbadiko ghomuhunga noyofotji temba.¹¹Mbadiko oyu ghokukona kutjwathana. Mbadiko oyu ghanakukutha nyambi . ¹²Waheya hayinyathire. Pofotji mbadi hadi mudyo. Mbadiko oyu ghokutenda ghuwa, mbadiko noyofotjitemba.''¹³Dhimidyu dhawo ne yira mbira dho mukunguru. Marudimi ghagho ne ghaghangera. Ghuhungu gho thiyoka ne wakara kwishi dhomiromo dhawo. ¹⁴Tunwa twawo twayara yikuto noghupata.¹⁵Mapadhi ghawo ghuredhu mukunotora manyinga. ¹⁶Mahangawero no yinyanda ne mundhira dhawo. ¹⁷Hanu wa mbadi hadimuka ndhira dho thiraro. ¹⁸''Mbadiko ghoma gho kwanyambi mumeho ghawo.''¹⁹Twadimuka yoyihe waghamba muragho, waghamba nowa wa hakara mwishi dhomuragho . Ogha ne marawero eshi kehe kanwa kapwe kumuma no kaye kokahe kakare no thinga kwaNyambi. ²⁰Pamurandu eshi mbadiko nyama dhi mbodhihungama paghiruwana yomuragho no mumeho ghendi. Mumuragho mwashwagha ghudimuki ghodiharwero.²¹Ene pano kupira muragho , ghuhungami wanyambi wapwa ku nongononitha kwakeheyu . kumuragho no Haporofeta. ²²Oghu ne gho ghuhungami wa nyambi kupitera mumatawero gha hekudyetu Jesusi kristusi kwakehe oyu ghatawa . mbadi kwakara makutjakero .²³Kehe yu ghahura no mbadi ghayaritha ghufumu wa nyambi . ²⁴No awo ne hapwa kuhungameka muthineke tho makomweneno agha ghakara mwa kristusi yesusi.²⁵Nyambi ghatambire kristusi yesusi ghakare eshi matjindjero ghoghupata wendi mu matawero ghomanyinga . Aye ghatapire kristusi mukukara thineghedhitha eshi aye mupanguri ghomuhunga yoyishi mbadi ghathotere kumaharwero ghokare . ²⁶Mudhughutjima wendi . oyi yahokokire mukuneghedha ghuhunga wendi pananyi podigho mukukonekitha thinda eshi ayene muhunga , nokuneghedha mukuhungeka kehe yu pamurandu gho matawero ghawo gho mwa Jesusi kristusi.²⁷Kupi keho ne makununekero ? ghapwa kutaghurako . padyango munye? ghoyiruwana ndi? mbadiko , ene padyango dyo matawero . ²⁸Atwe kukona kughoya eshi munu ne ghamuhungamitha matawero mukupira kukoneka yirughana yo muragho.²⁹Endi Nyambi ne ngambi wa Juda ngenyu pithawo ? Nane nyambi naye mbadi ghowa hakara eshi mbadi haJuda . ³⁰Ngeshi yoshemwa eshi nyambi ne ghofotji nanyi mboghahungameke awa hapwa kukena pamatawero no wakaghupumuru mumatawero ghawo.³¹Ngepi ne keho , kukona tukadhimithe muragho mumatawero ? Ninge eshi mbadi yakukare kemo , ene kukwaterera vene kumuragho.

4¹Nyekegho shotughambe eyi gha wanine kerekandongo wetu Abrahamu panyama . ²Ene ngeshi Abrahamu ghapwire kuhungamena paghiruwana , ngo ghakarire no thitambo tho kukununeka ene mbadi kughutho wa Nyambi . ³Ene nye thina kughamba thiparatjangwa ? ''Abrahamu ghatawire mwa Nyambi ''., noyapwire kumutoghedhera eshi muhungami.⁴Ndjambi dhoyu gharughana mbadi hadhimupera pathitapa ene mamukudi . ⁵Ene koyu ghokupira kurughana ngambi kenge ghatawa mwamuhungamithi , nomatawero ghendi ghapwa kutoghedhera mughuhungami .⁶Kemo dyoghana ghambire naye Davita eshi mukafiyaghudhi oyu ghatoghedhera nyambi kughuhunga gho kupira yiruwana. ⁷Ghaghamba eshi '' hakafighaghudhi ne awa ha thigherera mukupira kukutha muragho no wahondeka maharwero ghawo''. ⁸Mukaruviya ne munu mboghapira kuwanena Nyambi diharwero.⁹Ndani ogha matungekero kwaghatoghedhera ngenyu kowa ha kena endi no kwa wa pumuru ? tuna kughamba eshi '' matawero ghapwire kutoghedhera kwa Abrahamu yira ghuhungami ''. ¹⁰Ngepi hayi toghedherire kukwendi ? kughutho ndi endi munyima dhomakeneno ? mbadi kughutho ene munyima .¹¹Abrahamu ghawanine thineghedhitho thomakeneno gho ghuhunga agha ghawanine pamatawero okushime mughupumuru . thitambo thendi thino eshi mboghakare wiha wawakakutawa ene mbadi hapwa kukuna , podiyo eshi ghuhunga haghu watoghedhere . ¹²Aye karo no yowiha ghowa hapwa kukena , mbadi hapwa kukena ngenyu ene nowa hana kukutha matawero agha ghakarire nagho wihetu Abrahamu kughutho ghokamukena.¹³Kumakuruperithero agha ghawanine Abrahamu no hanahoka wendi eshi nanyimbo ghayore kaye , mbadi ghashwaghire mumuragho ene ghashwaghire mughuhungami gho matawero . ¹⁴Ene ngeshi owa hana kupara pamuragho awo hakakare eshi hapingwa , matawero ghadi mukunguru no makuruperitho ghonyara nyara . ¹⁵Muragho waretanga ghupata wa nyambi ene okukwakara eshi mbadiko muragho , mbadi kwakara mareghero gho dhimuragho.¹⁶Nothitambo thi pamatwero , mukuninga eshi makuruperiyho ghaturumuthe muthineke no kutumbukera hana hoka wa Abrahamu wahe . mbadi haka mwishi dhomuragho ngenyu , ene nowa hashemwathana matawero ghaAbrahamu . Ayene wihetu twaheya . ¹⁷Yapwa kutjanga eshi '' nakutorora eshi ghowiha ghodhimuhoko ''. Abrahamu ghakarire mumakarero ghanyambi , oyu gha kuruperire , mutapi moyo kwawafumu ndani aye kwitha yinu eyi yapira kukarapo noyina kukarapo .Mumakurupero ghatawire mukukananitha makurupero eshi mbo ghana kara wiha ghdhimuhoko dhodhingi. Kukutha koyi hamutongwere '' dyo mbodhikara mihoko dhoye''. Mukupira ghukashu mumatawero , ghakengururire yirama yendi yira yafa [yoyishi momughana kumyaka dithere] noSara gha karire mbumi.²⁰Pamurandu ghomakuruperitho gha Nyambi , Abrahamu mbadi ghakukatakatire mukupira mumatawero . Ene ghatanarire mumatawero nakutapa fumwa kwanyambi . ²¹Aye gh dimukithire eshi eyi gha kuruperitha nyambi ghakonine naye kuyikumithamo. ²²Eyino ne yoha mutoyedhera karo kughuhungami .²³Ene manando gha toghedherire , mbadi hagha tjangire papendi pithendi . ²⁴Ghapwire kutjangera karo no kukwetu , nonanyi hakuyitoghedhere kukwetu atwe twa tawa mwa Jesusi ghohekudyetu oyu gha pwire kutumuna mwawafu . ²⁵Aye ne ghapwire kutapa pamurandu ghamaharwero ghetu , nogha tumukire mumahungamithero ghetu .

5¹Kutunderera pa twa hungama mumatawero twakara no thiraro nanyambi kupiterera mwafumu wetu Jesusi Kristusi . ²Kupiterera mwendi natwe twawana ndhira pamatawero no pathineke ghopa twemana ghotwa shamberera mumakurupero ghodifumanekero dya nyambi .³Mbadikeho yoyi ,ene twashamberera karo mumaghukukutu ghetu . ghomutwadimuka shi maghukukutu ghetu kureta ⁴no ghudhughutjima kureta yikaritha . ⁵No yikaritha kureta makurupero no makurupero mbadi ghareta thihonyi pamurandu shi ruhathiko rwa nyambi gharu pingwerera mumutjima dhetu kupitera mwamupepo ghokupongoka ghu ghatupire .⁶Opa patwakarire twakashu paruvedhe roruwa kristusi gha fererire hakakudhira kutawa mwa nyambi . ⁷Kwaghumweyu ghukukutu kufera ghuhunga , pamweya ghumwe kona ghatjimape kufera muhunga .⁸Ene nyambi ghatuneghedha ruhakitho rwendi mumwetu , yoyishi oku twene shime twayiharuri Kristusi ghatuferere . ⁹yoyingi kate popano twahungama pamanyingaghendi , mbotuna pu kughamwena kwendi kughupata wanyambi .¹⁰Ghokushime twakarera twakanore atwe twawanine mathigherero kwa nyambi kupiterera payifa ya Kristusi yoyingi ghopa twawana mathighererao mbotunapu kughamwena kwendi kughupata wanyambi . ¹¹Mbadi yoyi karo ene shime karo twadjobwana mwanyambi kupitera mwafumu Jesusi kristusi kupitera mwendi kristusi twawana mashemwashanitho .¹²shimekaro pamunu yofotji dyeyire diharwero mukaye hodhira dho diharwero dharetire yifa . noyifa yakuhanyene mwawanu wahe , yoyishi waheya ghaharurire . ¹³Diharwero dyakarire kate mukaye kughutho ghokutapa muragho , ene mbadiko mawanekero ghodiharwero ngeshi mbadipo muragho .¹⁴Ngambi kemo yifa yakarire ko kutundera kwa adami kate kwa Mosesi ngambi kogha ghapirire kuharura thikadi gha reghire Adami miragho pano poghadi makuyuvero pakatji ka Adami noyo mbogheya ¹⁵Ene thitapera mbadi yira mareghero . nopa mareghero ghoyofotji hafefererepo hanu hengi parungatji keho thineke tha nyambi ngambi thitapera thendi thendi pathineke thamunu yofotji , Jesusi Kristusi hakwata hengi.¹⁶Thitapa thanyambi ne mbadi yira diharwero dyamunu yofotji . ndhango dhakutha mareghero nodhareta mapangwero , ene pamirandu dhodhingi patundire thitapa thoneke ghatha retire ghuhunga . ¹⁷Mareghero ghofotji yifa yaraghure kiptera mwendi rungatji keho shomuwane thuneke thothikuru no thitapera thoghuhungami mukufunda muyipara kupitera mwendi pithendi .¹⁸Thikadi mareghero ghofotji haretedherepo matetero kwawanu wahe kemo karo tharetire thitenda thoghuhungami ghuhunga no myo kwawahe . ¹⁹Kupiterera mwamunu yofotji gho muthughuru ghareta diharwero mwahengi ngambi kemo kupitera mughutawedhi wamunu ghofotji hareta ghuhunga mwahengi.²⁰Ene muragho weyire mukwingipitha murandu . kehepa dyavurire diharwero thineke natho thavurire thikuma . ²¹Ghoyi yahokokere podiyo diharwero mwakarire yifa ngambi kemo thineke tha raghurire kupitera mwawahungami kumoyo ghororuheya kupitera mwa Jesusi Kristusi hekudyetu .

6¹Nyekeho shotughambe ? tu tware kughutho keho mumaharwero podiyo eshi thineke tha nyambi thiku wedherere ndi?. ²mbadikemo , atwe twafu kumaharwero , ngepi shotupare mo karo . ³Endi mwene mbadi mwadimuka eshi wahe awa hapwa kuyogha mwa kristusi Jesusi ne kwawa yoghera mukufa kwendi ndi?.⁴Padiyoghero ne , twapwire kuvumbeka pofotji nendi mukufa . Eshi thika kenge di ghavumbekire Kristusi mwamwa fu mungcamu gho ghofumu wa wihe , ⁵podigho eshi ngo natwe tupare yipara yoyipya . Ngeshi twene twakara mu mumakupakerero ghoyifa yendi , shime karo mbotuna kupakerera mu muvumbukero wendi .⁶Atwe twa dimuka eshi, munu gho yipara yo maharwero gho karekare ne gha pwa kupamarera na Kristusi, no thitambo eshi yirama yo maharwero yi tundepo. Eyi yahoka po digho eshi mbadi tu kare karo twa pika diharwero. ⁷Munu yu gha fire naKristusi gha shutuka kudiharwero no ku mangcamu ghadyo.⁸Ene ngeshi twa fa pofotji naKristusi twa tawa karo eshi mbo tuna para nendi pofotji. ⁹Twa dimuka eshi kutunda pa gha vumbuka Kristusi mwa wa fu, mbadi mbo gha fa karo; YIfa ya pira ngcamu ku kwendi.¹⁰Yo kuhatera yoyifa eyi ghafire kudiharwero, gha fire rofotji kwayomuhe. Ene, yipara eyi ghana kupara, kuna kupara mwaNyambi. ¹¹Mundhira dhofotji, Namwe karo muninge mukukunge mwathinda eshi mwa fa diharwero, ene kupara mwaNyambi kupitera mwa Kristusi Jesus.¹²Podiyo eshi watawedhera diharwero dikuraghure muyirama yoye , mukaninga eshi ghukakuthe didovo dyado. ¹³Watapa yipo yoye kudiharwero ,eshi yikakare thirughanitho thoyitenda yo kupira ghuhungami. Ene mukatape kwanyambi no ghudimuki ghu eshi gha mutunditha muyifa mwiye kumoyo , ndani shime karo eshi mutape yipo yenu kwa Nyambi yikare yirughana yo yinu yo kuhungama . ¹⁴watawedhera maharwero gha kumune . Yoyishi wene mbadi wakara mumwapiteritho ghomuragho , ene mumapiteritho gho thineke .¹⁵Yinumunye yina kuninga yi ? tutende keho maharwero yoyishi twene kadi muragho ghuna kutupirera , ene thineke ndi? mbadi kemo. ¹⁶Kadi mwadimukashi ngeshi kukara ghutawedhi thunukehethi ghuina kukara thipika ghothinu tho ndi? owe ne ghomupika ghodiharwero dyo kutwarerekedha kuyifa , endi ghupika gho ghutawedhi wa nyambi ghokutwarerekedha kughuhungami .¹⁷Matumero kwa nyambi . Yoyishi mwakarire hapika gho maharwero pa mutango , ene pananyi nanyi ne munakara no ghutawedhi gho kumutjima kuyihonga ya nyambi eyi ghamupa . ¹⁸Mwapwa kushutura kuma harwerero no ghamuninga mukare mwapika ghoghuhungami.¹⁹Pamurandu ghoghukashu ghopanyama dhenu yoyina kughambera yira munu . Thikadi mwakutapire pamutango kughupika gho yiruwana yokupira ghukushuki no kudhira kukutha maveta , pomwa karerire no yipara yo kupumbwa muragho . Padyarero ne mukutape yipara yenu kughupika ghoyiruwana yo ghuhungami podigho shi muwane ghupongoki . ²⁰Apa mwa karire mwapika hodiharwero mwa karire horo kughuhungami . ²¹Paruvedheruya mbuyo munye mwawanena muyinu yi ya kumufitha honyi pashadyarero ? ghuwa ghinu yiya ne yifa .²²Ene kenge mudi eshi mwashutuka kumaharwero , ghomuna kara hapika wa nyambi , mbuyo dhenu ne ghupongoki . paghuhura ne moyo ghororuheya . ²³Yiruwera yomaharwero ne yifa , thitapa tho neke thanyambi ne moyo ghorororuheya mwaKristusi ghohekudyetu.

7¹Mbadi muna dimuka mwahakwa [ame kuna kughamba kowa hadikuka muragho ],eshi muragho kuraghura munu muruvedhe roruheya ru ghana kupara ndi?.²Kwamukamadi ghokuyeka ghapwa kununga pamuragho kwamuka fumu wendi oku shime ghapara , ene ngeshi mukafumu wendi ghanafu ghana kushutuka kumuragho ghomayerekero . ³Munyima dhapo oku shime katughuru wendi ghapara , ngeshi ghakakara nakatughuru ghumweya , ghana kumutoya mukarungu . ene ngeshi ghafu katughuru wendi ghana shutuka kumuragho , mbadi mukarungu ngeshi ghakara nakatughuru ghumweya.⁴Podigho mwahakwa meafire namwe kumuragho kupitera muyirama ya kristusi. Oyine podigho eshi ghupwe kupakera kwaghumweya , oyo ne kukwendi oyu ghapwire kutumuna kuyifa , mudyango eshi twime mbuyo dhanyambi . ⁵Opa twakarire panyama , maharwero ghoyirumbera yomutjima , agha ghapindutha muragho , gharughanine , no ghemine mbuyo muyifa .⁶Ene pano twa shutuka kumuragho . Twafire okuhatupakere. Oyine yoyishi kukona turughane mumupepo ghokupongoka ghoghupya , no mbadi mumuhingo ghoghukurukuru gho mbapira.⁷Nye shotughambe ne keho ? muragho wathinda ne diharwero ndi? mbadikemo. Ngambi kemo , ngo mbadi na dimukire diharwero , ngombadi kupitera mumuragho . Ngombadi na dimukire kurumbera ne kuharura shimengwa muragho wa ghamba eshi ''mbadi ghurumbere ''. ⁸Ene diharwero ghashimbire ruvedhe kupitera mumahimeno nodya retire yirumbera yoyiheya mumwange . mbadiko nomuragho , diharwero ne yifa.⁹Paruvedhe rofotji naparire kupira yihima ene apa gheyire mahimeno , diharwero dyawanine moyo , no nafire . ¹⁰Mahimeno agha ghashanine kureta moyo ghapirukire yifa kukwange.¹¹Diharwero dya shimbire ruvedhe kupitera mumahimeno nodyani hongaghure . Dyani paghire kupitera mumahimene . ¹²Podiyo muragho ne wapongoka , no yihima ne yapongoka , ghuhunga no ghuwa.¹³Podiyo yoyiwa yakarire yifa kukwange ndi? Mbadi kemo. Ene diharwero mundhira dhokuninga dikuneghedhe eshi diharwero dyareta yifa mumwange kupitera muyoyiwa, no kupitera muyihima diharwero kukona dikare diharwero dyo kupitakana . ¹⁴Atwe twadimuka eshi muragho ne mupepo , ene ame ner no mukanyama . Napwa kughuritha kughupika ghodiharwero.¹⁵Oyinatendanga , mbadiko kuyitjwathana . Oyi nashana kutenda mbadi nayi tendanga , no eyi na nyenga kuyitenda . ¹⁶Ene ngeshi kutenda eyi napiri kushana , na kwatithako muragho rshi muragho ne ghuwa .¹⁷Ene pananyinanyi mbadi yame karo nayitendanga , ene diharwero edi dyapara mumwange . Yoyi nadimuka mumwange panyama mbadi mwapara yinu yoyiwa . ¹⁸Yoyirumbera yoyiwa ne nange yidi , ene mbadiko kuyitenda.¹⁹Yoyi ghuwa oghu nashana mbadi kughutenda , ene ghuyi oghuna napira kushana ghokutenda . ²⁰Podigho ngeshi kutenda eyi napiri kushana kutenda , mbadi yame karo nayitenda , ene diharwero edi dyakupara mumwange. ²¹Podigho , nawana muragho ghu ; Ngeshi nashana kutenda ghuwa , ghuyi nagho nange ghudi.²²Ame kushamberera mumuragho weaNyambi nomunu yughadi mumwange . ²³Ene namono muragho ghumweya mwahayendhange . Agho kurwa no mughambo ghoghupya mumaghano ghange . Awo wa natura mudorongo dhomuragho ghodiharwero edi di di mwahayendha .²⁴Ame nomunu ghokunyanda . yidye ghidye ghakunishutura kuyirama yoyifa yi? ²⁵Ene matumero kwa nyambi kupitera mwa Jesusi n ghomushuturi wetu . podiyo , ame nothinda kukarera muragho wanyambi no maghano ghange . Ngambi kemo , panyama ame kukarera muragho ghodiharwero .

8¹Yodigho shi mbadiko matetero kowa hakara mwa Kristusi Jesusi . ²Kumuragho ghokwa mupepo ghomoyo mwa Kristusi wapwa kushutura kumuragho ghoghuyi noyifa .³Koghiwapirire kuruwana muragho pamurandushi wakarire ghukashu kupiterera munyama , Nyambi ghayiruwanine . Ghatumine mwanendi ghopithendi muthishwi tho ghuyi ghomaharwero mukukara muyambo gho murandu , no ghapwire kutetera mudiharwero munyama . ⁴Hayiruwanine yi muthitambo eshi muragho ghuipwe kuyarithera mu mwetu , Atwe mbadi twa ruwana kutwara munyama ene kutwara mupepo . ⁵Owa hapara kutwara payikara yopanyama hatura maghano ghawo panyama , ene owa hakara kutwara mwa mupepo hatura maghano ghawo muyinu ya mupepo .⁶Maghano ghopanyama ne yifa , ene mwa mupepo . ene maghano ghopamupepo ne ne moyo no thiraro . ⁷Maghano ghopanyama ghukare kwa Nyambi , ogho mbadiwakukona kutapa ku muragho wa Nyambi nayo shi mbadi wa kukona kutenda kemo . ⁸Wahe wa hakara panyama mbadi wa kuhafitha Nyambi .⁹Ene mwene , mbadi mwakara panyama ene mwamupepo . ngeshi ghumwe mbadi ghakara no mupepo wa Nyambi watunga mumwenu . Ene ngeshi ghumwe mbadi ghakara no mupepo wa Kristusi .Mbadi ghahatera kukwemdi . ¹⁰Ngeshi Kristusi mu mwenu yirama ne yafa no dikuto dyo diharwero , ene mupepo ne ghuyumi nodikuto dyo ghuhunga .¹¹Ngeshi mupepo wendi oghu watumine Jesusi muyifa watunga mumwenu , oyu ghatumine Kristusi muyifa mboghanatapa karo moyo kuyirama yenu kupitera mwamupepo wendi , oyu ghatunga mu mwenu¹²Shime karo , mwayedhange , twamukudi , ene mbadi panyama pakupara kukutha panyama . ¹³Ene ngeshi haghupara panyama ghuna kufa pawangu , ene ngeshi pamupepo ghuna tura yifa yoyirama muyiruwana , nanyi wakupare¹⁴Wahe wa wapiteritha mupepo waNyambi , owa ne hana Nyambi . ¹⁵Mbadi mwa tamburire mupepo gho ghupika eshi mupare karo muwoma ;ene mwa wanine mupepo gho matambwero , omutuna kudira , ''Abba, kuninga shi tate''.¹⁶Mupepo wathinda watapa ghushupi no mupepo wetu eshi atwe twahana Nyambi . ¹⁷Ngeshi atwene twahana , natwe twa yori , twayori wa Nyambi . Atwe ne twakupakera ghuyori na Kristusi . ngeshi atwe ne twa nyandire pofotji nendi podigho shi mbotuna kashamberera pofotji nendi .¹⁸Amene nakughayara eshi kunyanda kopashadyarero mbadi kwa pitakana no fumwa edhi mboha neghedha kukwetu . ¹⁹Thinga thoyivareka kuna kutatera maneghedhero gho hana Nyambi .²⁰Kuyivareka yakutapire ku kupira mudyo , mbadi payihima yawo . ene kukwendi thinda yu ghayitapire , mumakurupero . ²¹Eshi yivareka yathinda mboyinapu kushutuka kughupika ghohoro , no ayo mboyinareta mashutukero ghofumwa dho hana Nyambi . ²²Atwene ne tuna dimukashi yivareka yoyihe kuna kutongora no matatero mutjitju pofotji kate popano .²³Mbadi yoyiya pithako , ene ngambi twathinda , tudi no mbuyo dhokutangera dhamupepo . kuna kutongor mwishi , omu tuna kutaterathikuma matambwero ghetu , makomweneno ghoyirama yetu . ²⁴Mogha makurupero twakukomonona . panone makurupero ghokumona ne mbadi makurupero . ghidye ghokukurupera eyi kumona. ²⁵Ene ngeshi hatukurupera koyitwa kudhira kumona, tuna kutaterera ghudhidhimeka .²⁶Nomudhira dho dhodhofotji , mupepo ghuna kutughamwena mughukashu wetu . Atwe mbadi twadimuka ngepi edi shoturaperere , ene mupepo wathinda ghuna kutukarerapo no ghuna kutuhemenapo kumatongero . ²⁷Oyu ghakona konanga mutjima ghadimuka maghano ghamupepo , yoyishi ghana kukarerapo hanu wa Nyambi hokupongoka mukukutha mahimeno gha Nyanu .²⁸Twa dimuka shi kowa ha haka Nyambi, ha ruwana yinu yoyihe mu ghuwa, kowa hetha mukukutha ku thitambo thendi. ²⁹Yoyishi kowa ha torore karo hawa tendire muku kara mu thishwi thamwanendi , mukakara eshi aye yombedi mukatji kaha mina hohengi . ³⁰Kowa hapwire kutorora , nawo hapwire kwitha . owa hakushukire , awo hawa fumanekire .³¹Nyesho tughambe kuhatera kuyinu yino ? ngeshi Nyambi ne wetu , yidye oyu shogha twimananyene ? ³²Aye mbadi ghakupungwere mwanendi ene ghamutapire kukwetu twahe , ngepishapir karitwe kutupa pofotji nendi yinu eyi nyara nyara?.³³Yidye mbogharundera hatorori wa Nyambi ? Nyambi thinda yo ghahungeka . ³⁴Yidye yu mbogha tetera ?Kristusi Jesusi ne yoghafire kupiterera , oyu ghavumbukire , oyu ghadikurudyo rwa Nyambi , no yoghana kutukarerapo twe .³⁵Yidye oyu shoghatuyakunuthe kuruhakitho rwa Kristusi ? kunyanda , endi tokotoko , endi makutha kuthero , endi ndhara , endi wira ., maghukukutu , endi dimende ? ³⁶Thika kenge dyapwa kutjanga ,'' pamaghuwa ghenu potuna kufera . ''twa pwa kughayarera yira ndjwi dhokupagha ''.³⁷Muyinu yoyihe yitwa wini kupitera moyu ghatu haka twe . ³⁸Ame napwa kunigitha eshi ngambi yifa , ngambi moyo , ngabi ha engeli, ngambi hakamuragho , ngambi kuyinu yidipo , kuyinueyi mboghiya ngambi mangcamu . ³⁹Ngambighure , ngambi ghudhungi , ngambi kehethino havareka , thikone kutuyakunutha kuruhakitho rwa Nyambi , Eyi ne mwa Kristusi gho fumu wetu.

9¹Nakumutongwera ghushemwa mwa kristusi. No mbadi naku mwangera , noyighayara yange yakunongwenena mwamupepo ghokupongoka . ²Yodiygho mumwange yitokota yoyikuru no tjitju dhokudhira kupwa mumutjima wange³Nahimi kukwange nothinda ngona kukuta ngopa hayakunuka kwa kristusi , pamahimeno ghawayedhange , nawa kadiko dyange dyopa nyama . ⁴Aghone haka Israghelite . hawana matambwero , fumwa , ghundambo , ghundambo ,thitapera thomuragho , no thirughana thomutembeli nomatjokedhero . ⁵Awo ne hakerekandongo wa kristusi hopa nyama oyu ghadi shine Nyambi ghowaheya . hamukughe kuroruheya . Amen.⁶Ene mbadi yakuuninga eshi nando dha nyambi ne mbadi dhakumitheremo mbadi keheyuno ghomuka Isragheli, mughushemwa ghahatera kwaka Isragheli . ⁷Ngambi eshi , hanahoka wa Abraham ne hanendi hoshemwa . Ene, '' kupitera mwa Isssc hanahoka mboha wetha''.⁸Yodigho eshi hana ghopanyama ne mbadi hana Nyambi . Ene hana ghomatoghedhero ne hodiyo hanahoka . ⁹Edhino ne nando dhomatoghedhero ;Nakodhi mboniya na Sara , mbo ghana wana mwanuke ghomukatughuru .¹⁰Mbadi yoyikeho , ene munyima Rebeka karo gharemine kwamukatughuru ghfotji , kwa wihetu Isaac ¹¹ghokushime mbadi ghapwa kushamuruka mwanuke no mbadi ghatenda kehe thino thothiwa ndi thothiyi. podighoshi thitambo tha Nyambi kukutha muthitorora ghemane mbadi pathirughana , ene yoyishi hamwitha . ¹²Haghighamba kukwendi eshi'' mbedi yombo gharuwanena nomba ''. ¹³Thikadi yapwa kutjanga eshi ''Jakobusi namuhaka , ene nadhimba Esaghu''.¹⁴Ngepidi shotughambetwe ? kwanyambi ne mbadiko ghuhunga ndi? mbadi shoghikare kemo. ¹⁵Aye ne ghaghambire kwa Mosesi eshi '' amene kufera neke koyu nafera neke , nombona nongopa kowa nahima kunongopera ''. ¹⁶Yiyishi mbadi kukutha mumahimeno ghoyu ghana shana , ngambi kuthitambo , ene yoyishi Nyambi ne ghaneghedha thineke.¹⁷Yitjanga yaghamab ngeno kwa Faragho eshi , tho thitambo thene thene nakutorwera , podigho nineghedhe ngcamu dhange mumoye , no dina dyange mboha difumaneke mukaye kokahe. ¹⁸Podiyoshi Nyambi kufera neke koyu ghanahimi ; noyu ghana himi , ghana kumutenda ghuthuta .¹⁹Podigho mbomu ghamba kwange eshi ''nyeshime ghana wanena murandu ? yidye ghemanganyenine mahimeno ghendi?''. ²⁰Owene ghomunu , yowedye ghokuhuthera Nyambi? kukona kuninga thivareka kwa muvarekieshi''nye wanivarekere kemo ndi?''. ²¹Nane mumbi mbadi ghakara no ngcamu kughumaghorororudhi rofotji kutendapo thirughanitho tho fumwa ndi ,no thimwe tho kupira fumwa?.²²Ngeshi Nyambi oyu ghahima kuneghedha ghughdhi wendi nokutenda ngcamu dhendi hadhi dimuke . kupita thirughanitho thoghughadhi no madhidhimekero gharoghithera kuma hanyaghukero ? ²³Ngo dyosha dimukithe ghushwi ghokudifumanekero kuyiruwanitho yo thineke , oghu gharoyithere pakare kudifumanekero ?. ²⁴Ngo dyogha rughanine kukwetu , kowa karo ghetha mbadi mwawa Juda keho , ene nomarudhi ghowa hapira kukara haJuda.²⁵Thikadi ghayighamba karo Hoseya; mbohanetha awa hapira kukara hakadiko dyange hakare haka diko dyange, no hahakwa wange awa hapirire kukura hahakwa wange . ²⁶Ndani pombo yirikanya thikadi ghaghambire kukwagho eshi''Amwe ne mwakadiko dyange ; pombo hawetha eshi hana Nyambi ghomuyumi''.²⁷Na Isaiah ghakugherere kwaka Israghelite eshi''Ngambi kenge havurire hana waka Israghelite yira diheke dyoku dikuruviya , hohapu mbo hapwa kughamwena . ²⁸Fumu ne mboghana tura nando dhendi pakaye muku kumenenamo wangu ''. ²⁹Thikadi ghayi ghambire Isaiah pakare eshi ''Ngeshi fumu ghomuka ngcamu ngombadi ghatuthigherepo hanahoka ne , ngo natwe thika Sodoma tudi , no thikadi ghadhimana Gomora .³⁰Nyeshotughambe ? awa hapira kukara haJuda , no mbadi hakuthire ghuhunga , hawanine ghuhunga , ghuhunga kupiterera mumatawero . Ene ha Isragheli , Awao hahuthire muragho ghoghuhunga . ³¹Ene mbadi haghu kumithiremo .³²Nye yakarere kemo ? yoyishi mbadi haghukuthire pmatawero , ene yira paghiruwana . hapudukire mudiwe . ³³Thikadi hayitjamga eshi ''mumone Ame narangeka diwe dyasiyoni dyoku ginditha no diwe dyomurandu . Ene yu ghokutawa mwendi mbadi mbogha fa honyi .

10¹Mwandenge , yirumbera yomutjima wange no yikumbera kwa yange kwa Nyambi yokukwagho , yokuhatera kuma komweneno ghawo . ²Yoyi nakutapa ghushupi kuhatera kukwagho eshi hakara no ghutoghoro kwa Nyambi , ene mbadi kutwara ghudimuki . ³Mukupira kutjwathana ghuhungami oghu watunda kwa Nyambi , no mukushana kutenda ghuhungami wawo hathinda , mbadi hakuthire ndhira dho ghuhungami wa Nyambi .⁴Kristusi yo makumitheromo gho muragho gho ghuhungami kwa keheyuno ghokutawa . ⁵Mosesi ghatjanga ghuhungami ghopamuragho eshi ; Munuyu ghokutenda ghuhungami gho muragho mbogha para paghuhungami .⁶Ene ghuhungami oghu watunda ku matawero kuna kughamba eshi ,;mbadi ghukwipure mumutjima , yidye mboghadhina kudiwiru ?{ oyimboyikareta Kristusi pamuve ]; ⁷no mbadi ghu ghambe , yidye mbogha shuruka ? [oyu mbogha , vumbura Kristusi mwa Fumu ].⁸Ene ngepi ya ghamba ? ''nando ne pepi noye , mukunwa koye no mutjima ghoye ''.Nando dhine dho matawero , edhi tunakuyuvitha . ⁹Ngeshi hanongonona no kanwa koye eshi Jesusi ne fumu , hatawa no mutjima ghoye eshi , Nyambi ghamutumine mwawafu mboghuna wana makomweneno . ¹⁰No mutjima munu ne kutawa no ghankukara muhungami , ene no kanwa ghana kunongonona no ghana kupwa kukomonona .¹¹Matjangwa ghaghamba eshi , mbadiko yu ghokutawa mumwendi mboha fitha honyi . ¹²mbadiko karo makutjakero pawanu ghokare muJuda endi muhirika . waheya fumu wagho ne yofotji no mutungi kwawahe awa ho kwitha dina dyendi . ¹³Kehe yu ghokwitha dina fumu nbo ghana pu kukomonona .¹⁴Ngepi ne kehowa tuma disho hethe mumwendi omu hadhira kutawa . Ngepi ne keho shoha tawe mumwendi oyu hadhira kuyuva ? Ngepikeho shohayuve oku kadiko muyuvithi ? ¹⁵Ndani ngepi shohayuvithe , shimengwa kwawatuma ? thikadi hayitjanga ,''ngepi ghuwa ghomapadhi ghawa hayuvithanga mbudhi dhohiwa ''.¹⁶Ene mbadi wahe hakuthire kumbudhi dho dhiwa edhi Jesaya kunaghamba eshi ''Fumu , yidye ghatawa muyiyaghura yetu ? ¹⁷matawero ghone kwiya mukutegherera , no kuyuva nando dha Kristusi .¹⁸Ene ghona kughamba eshi , ''hayuvire ndi?'' ghi, mughushema . mughuma dhawo dha shwagha mwishi dhokaye kokahe , no manando ghawo ghakakuma kughuhura gho kaye.¹⁹Muyoyingi , nakughamba aye Isragheli ne mbadi ghadimukire ndi?? pakutanga Mosesi ghaghambire eshi ''mbona kukokera kudifupa poyi yondhira kukara eshi mbadi yodiko mukutwara mudiko dyokupira makutjwathaneno , mbona mudhungu mughupata '.'²⁰Ndani Jesaya ghakarire no ghutjima apa gha ghambire eshi , ''haniwanine awa ghadhirire kunishana . namonekire kwawa hadhirire kunipura '' . ²¹Ene kwawa Israeli gha ghambire eshi , '' ghukuru ghodiyuwa dyodiheya nakumithire dyoko dyange kohokupira ghutawedhi nokupira kuyuva .

11¹Amene kughamba shi , Nyambi ghamwagha haguva wendindi ? kadikemo . Amene name nomuka Isaragheli , mwa nahoka wa Abrahamu,ghodiko dya Benjamen. ²Nyambi ghomukadiko dyendi , owahadimukere pakare. mbadi mwadimuka matjangwa ghaninga kuhatera kwa Eliya ngepi ghakanderire ye kwa Nyambi yokwa Israeghelite ? ³Fumu, awa hapayire haporofeta ghoye , awo hatjora thinyaku thoye , yame pithange nathiyarapo no awo kuna kushana kupagha.⁴Ene ngeshi di ghahuthire Nyambi ? Ame nathiyako nothinda hatutughuru mayovi kwoko nomawadi owa hapira kutongamena nomanwi kwa Baal. ⁵Ngambi kemo poruno ruvedhe karo pohadi hohapu pamurandu ghothitorora thoneke.⁶Ene ngeshi pathineke mbadi , yopaghiruwanakaro shimengwa thineke mbadi shothikare thineke. ⁷ngepikeho ? yinu yihashanine haka Isragheli, mbadi hayiwanine . ene owa hatorora nayiwanine nowahoku thiyarako yawakukutere . ⁸Thikadihaghitjanga eshi nyambi ghatapire kukwawo mupepo ghodikokore , meho mbadi mbogha mona , nomatwi ghokudhira kuyuva ngambi kudyarero dino.⁹Na Davita ghaningire eshi ninge tishi ghakare dikwe no thiragha no thinginditho no mahumbithero kukwagho . ¹⁰Ninge meho ghawo ghakare mudikokore podighoshi mbadi hamone nokupeta mughongo dhawo kuroruheya.¹¹Amene kughmbashi nawo hapundukire nokunwa mbadikemo. Ene mukureghakwawo muragho , makomweneno gheya kwaka kupira haJuda. mukuwashedha kudifupa dyawo. ¹²Mukuregha kwagho muragho muragho kughutungi ghokaye , ene ngeshi mayongarithero ghawo ne ghutungi kwakakupira haJuda ghukuru ghongepi mboghukara mukughikumitheramo?¹³Ene ame kunakughamba kukwenu mwakupira haJuda no ngambi ngoni kare shi nomuApostoli kwakupira haJuda Ame kukuyuva fumwa muthiruwana thange . ¹⁴Pamwe ame nanyi nakashedhe difupa kwawa hadi kukwange panyama pamwe nanyi twa kughamwene hamwe.¹⁵Ngeshi ngo hapwa kumwagha mumakushemwathanitha ghokaye , nye shohawa tambwere ene yipara kwashwagha kukufa. ¹⁶Ngeshi mbuyo dhokutangera ne dhapongoka. othine thimingwa thoghuroto ngeshi mudhi ne wapongoka . nomite nadho kemo .¹⁷Ene ngeshi mite dhimweya ne hathiteta ko ngeshi we , mutwe ghoghuywe , kwapatama pakatji kadho , no ngeshi we kukuyarekera nawo mudhi ghoghutungi kuthitondo thoghuywe . ¹⁸Mbadi wakona kukununeka mumite . ene ngeshi hagu kununeka oku mbadi yowe waghamwena mudhi . ene mudhi ghowakughamwena .¹⁹Owe nanyi wakughambe mite kwatjokire. Podiyo nikone kupatamamo. ²⁰Oghune shemwa. Pamurandu ghokupira matawero ghapwire kutjokako ene wemanine ndjikiti yoyishi pamatawero ghoye. Wakughayara thikuma ghothinda, ene yape. ²¹Ngeshi ngo Nyambi mbadi ghapungure mute ngo nowe karo mbadi ghakutokomena.²²Mone , keho , kuyitenda no kughuhunga waNyambi. Ghuhunga weyire kwawaJuda owa hawire, ene ghuno ngowaNyambi weya kukwenu. Ngeshi ghutwarekughutho mughunongo wendi. Pamwe ngonowe ngonanyi nowe hakuteteko.²³Ngambi hodiyo, ngeshi ngombadi shatwikere mukupira matawero, mbohana patama mo. Kwa nyambi kukona kumupatekamokaro. ²⁴Ngo ngeshi wene wapwire kutetako ghushwagheko ngoghu mute munye ghoghuywe, nowe karo kwakupateka mughuywe ghoghuwa rungatji mbo ghahokithera ye kumite dhodhiwa, ninge ghuhuke ghukupateke muthitondo thoghuywe.²⁵Podigho ame mbadi nashana ghukare mbadighunadimuka mwayendha, ghudhindo, poghigho mbadi ghukare ghu nyanyami mughighayara yoye ghothinda. Maghukukutu gheyire kumutara ghumweya waIsragheli kate thitara thokuyara mbadi haJuda heyemo.²⁶Kemo dyo mbo ghapwa kughamwena Isragheli yomuhe, kemo yapwa kutjanga eshi: ''Musiyoni mo mbo ghatunda mughamweni no mbo ghana tunditha ghunyambi ghoghumbango wa Jacobu.'' ²⁷no ghundambo ghu mbo na ghunungu nawo me, apa mboni wa thiyerera maharwero ghawo .²⁸Kukutha mbudhi dhodhiwa, awo ne hakarire pamurandu ghoye. Ene kukutha kuhatera matorwero, hakara nawo hahakwa yoyishi pamurandu wakerekandongo wetu. ²⁹Kuyitapera noku methero gha Nyambi mbadi ghakutjindjanga.³⁰Thikadi mwakarire kupira ghutawedhi kwaNyambi pano keho mwawana thineke yoyishi pamurandu ghokupira ghutawedhi wawo. ³¹Momo mundhira dhofotji. HaJuda nawo mbadi nakarire ghutawedhi. Yitundamo ne thineke thokunegha kukwenu podigho nawo karo hawane thineke . ³²Thika Nyambi ghayandhere wahe mukupira ghutawedhi. Podigho mboghanedhe thineke thendi kwawahe.³³Owe, ghudhungi no ghutungi pofotji mughunyanyami no ghudimuki waNyambi. Ngepi di ghokakokonakona yipangura yendi, ndani no mandhira ghapiterera yinongonona. ³⁴Yidye ghadimuka maghano ghafumu endi oyu ghakara mutapi maghano.³⁵Endi yidye yu ghokutanga kutapa thinu kwa Nyambi na Nyambi ghakone kuydhingumwetwedha kwendi ? ³⁶Podigho mumwendi no kupitera mumwendi no mumwendi yinu yoyiheya mumwendi . mumwendi difumanekero kuroruheya Amen.[yikare kemo ]

12¹nakumukone kitha, mwayedhange, muthineke tha nambi, mukutape yirama yenu yikare yira muyambo ghoghu yumi, ghokupongoka, ghutawedhi waNyambi. ethine tho thitumbukera thoye. ²Mbadi wakona kukuytha yo kaye, ene wakona kukuroghuthura maghano ghoye. Mukutenda mboghuna dimuka ghushemwa, ghutawedhi, no ghuhunga mwaNyambi.³Ene muthineke tha Nyambi ethi ghanipire me nakumutongwera kehe yuno ghadi mukatji kenu; Mbadi wakona kukughayara ghothinda muku kuyeyura kupiterera eyi watorora, ene, ghayara thiwana kumbanguriro, kukutha mumatawero ghomakuru agha ghakupa Nyambi.⁴Twakara nawahateri hohengi hohengi muyirama yofotji, ene mbadi wahe hakara no thitumbukera tho ⁵Mundhira dhofotji dho dho, atwe hohengi twahe twaghirama ya Kristusi, kehe hakara muma mbunga ghawo ghokukutjaka tjaka.⁶Twakara noyitapera yoyingi kutwara muthi neke ethi hatupa twe. Ngeshi thitapera thofotji ethi hapumba, yakona kukara kemo mumahungamenoo ghomuma tawero ghendi. ⁷Ngeshi ghumwe ghanapa thitapera yakona kupitamo. Ngeshi poghadi ghumwe ghapa oyu ghapa thitapera thoghuyuvithi, mumutawedhere ghayuvithe. ⁸Thitapera thaghumwe ne matjokedhedhero, mumutawedhere ghatjokedhe. Ngeshi thitapera thaghumweya ne thokutapa, mumuthiye ghayitende mughuhima. No ngeshi thitapera thaghumwe thoghupiterithi, muninge ghayitende no mangcamu gho makuru. Ngeshi ghumweya ghakara no thitapera tho thineke, mumutawedhere ghayiruwane mukushamberera.⁹Ninge ruhakitho rupire nya. Mununamuyendhe ndi. Abhor wadimuka eshi nye ghuyi; waterere kuyinu yoyiwa. ¹⁰Kupakera thinga tho ruhakitho washere wetu, wakona kukushemwa thanitha kwakehe munu namuye ndhe ndi.¹¹Kukutha mufumwa, mukuku kutekera munu namuyedhendi. Kukutha ghutawedhi, mwakudhima. mukuthotera pamupepo, nomuma kurupero. Kukutha mwa fumu, mukumughamwena ye. ¹²kushogherera mughushemwa, mukutanara mumapethero, kukara mughushemwa mumandapero. ¹³Mukuyareka yinyanda yohanu gho kupongoka waNyambi. Shane mandhira ghomengi ghomakungero.¹⁴Mutumere awa hamukutha kutha mwe; kutumera mbadi wa kukuta. ¹⁵Muhogherere nowa hana kukushogherera. Mumwashure nowa ha mwashuranga. ¹⁶Mwakona kukuwa maghano ghenu mwahe pofotji. Kutambura nowa hakumbirupitha. Mbadi wakona kunyanyama muyighayara yoghe.¹⁷Mbadiko ghokuruwera kughuyi no kughuyi. Tende ghuwa kughutho wa hanu ¹⁸ngeshikukona, ghure wo kukutha mumwenu, mukupara muthiraro no hanu.¹⁹Mukumbirupithe mwathinda mwahakwa, nomutape dhira dho ghupata waNyambi. Thika edi ghayi tjanga, yinuyi yahatera kukwange; mbona kufutu gha ghamba Fumu; ²⁰No ngeshi munyathi ghoye ndhara, mupe yokudya, nongeshi dinota ghana kufa, mupe meyu ghanwe. Ngeshi haghuyiruwana yi mboghuna mbadi mbohakupaka makara pamutwi ghoye; Mbadi ghumukone ghuyi, ²¹ene ghumukone ghuwa.

13¹Ninge kehe ghuno mudhimu ghukare kwishi dho ghuraghuri gho ngcamu dhishokuru , mbadiko ngcamu dho ghuraghuri shimengwa dhokushwagha kwa Nyambi. ngcamu dhoghuraghuri oghu ghudipo wapwa kuneya kare kwa Nyambi. ²podigho kehe yuno okwimananyena ngcamu dho ghuraguri ghu ghana ku kanunutha mbo ghana wana mapangwero pa pwo.³Haraghuri mbadi wakuyapa ngeshi kughuna kutenda yirughana yoyiwa, ene shimengwa ghuyi. Wahima mukupira woma koyu ghakara noma ngcamu ghoghuharuri ndi? Tende keho yoyiwa, no mboghuna wana makuyero ghendi. ⁴Podigho ye mupika waNyambi kukwenu ghokurogherera. Ene ngeshi ha ghutendi ghuyi, wakona kuyapa; Aye mbadi wakushimba dimende kupira thitambo. Yoyishi mupika waNyambi, Aye ne ghakara no nyinya no ghupata kwakeheyu okutenda ghuyi. ⁵Podigho wakona kukara kwishi, mbadi pamurandu gho ghupata, ene yoyi pamurandu gho yiyedhekera.⁶Pamurandu oyinu yi po muna ruweranga namwe diketo. Haraghuri ghoma ngcamu ne ghapika waNyambi, oyu ghayenda werangako kehepano koyi yinu. ⁷Mutape kwawahe yiya wafumaneka; ngeshi diketo kuditapa kudyaroghera, mukudi ghoku waroghera, ngeshi woma oku waroghera, nodikuto oku dyaroghera.⁸Mwakara nomurandu kwa keheyuno, shimengwa mukuhaka ghumweya. Kehe yuno ghokuhaka muyendhendi ghana rikanyitha muragho. ⁹Dhimuragho, watjora ghuro, wa pagha, wedha, warumbera, ngeshi ngo poghudi muragho gha kamununa muyinu yi, Hake muyedhoye thika ghothinda. ¹⁰Ruhakitha nembadi rwa tenda ghuyi kwamuyendha. Podigho, ruhakitho ne marikanyithero ghomuragho.¹¹Pamurandu oyi, mwadimuka ruvedhe nakone dhina kumupo dho kumupindutha. Podigho mashutukero ghetu ne pepi ghadi yira popa twa tangire kutawa. ¹²Ghuthikune ghunapiti nodiyuwa ne pepi didi. Tuninge keho tuthiye yirughana yodikokore, ghotuninge tushupate yingandekitho yo thishe.¹³Ninge tuyende thiwana ghushongomene thika mutenya, kadimuyiterera yo yishamberera endi mughudakwi; Ninge mbadi tuyende murungu (kuhaka kumayuwo) endi kupira kukukunga kudidovo, mbadi no mvo mbadi no mvo endi nya. ¹⁴Ene mukuyenge mwe naFumu Jesusi Kristusi, no mwatokomena yirumbera yo nyama, endi mukushambereritha yo didovo.

14¹Tambure keheyu ghakasha mumatawero, mukupira kumupangura kumananani. ²Munu ghofotji ghakara no matawero mukudya kehe yino, ghumwe ghomukashu kudyavene rwidhi.³Oyu ghadya yoyihe ghashamuna oyu ghokupira kughidya; no oyu ghadhira yoyiheya gha pangura ghokupira kudya yoyiheya. Yoyishi nyambi ghana mutambura . ⁴Yowe dye, owe ghokupangura muyedhoye oyu gha kara waghumweya? Eyine kutwra kughutho wa thinda hekudyendi eshi ghemane endi ghawe. Ene mbo hana mutendi ghemane, yoyishi kukona kumutenda ghemane.⁵Munu ghofotji ghafumaneka diyuwa dyofotji kughutho ghodimweya. Ghumweya gharikanyitha mayuwa ghomaheya pofotji. Kehe yu munu ghakona kuyitawa thinda muyighayara yendi. ⁶Oyu ghana kukutekera diyuwa di, Nyambi ghana kudikutekera; no keheyu ghokudya kwanyambi ghanakuyidyera, yoyishi ndangi ghana kutapa kwaNyambi. Oyu gho kupira kudya kwanyambi ghana kushwenena kuyidyera. karo kuna kutapa matumero kwaFumu.⁷Noyofotjitemba mumwetu ghukupara mu mwendi thinda, no mbadi ghokufera thinda. ⁸Ngeshi kotunakupara mwanyambi tuna kuparera, no ngeshi hatufu mwanyambi tuna kufera. Ngambi ngotupare endi ghatufu ghatwe ne twakara kwanyambi. ⁹Payinu yino Kristusi ghafire no ghaparire karo, eshi ghakarire nyambi wawafumu no wawayumi.¹⁰Ene we, pashanye ghuna kupangwera muyedhoye? Nowe pashanye ghuna kunyathera muyedhoye? Twahe mbotunemana kughutho gho yipangura kudipuna dya nyambi. ¹¹Yapwa kutjanga shi ngeshi ghani para ghaghamba Nyambi kukwange kehe dinwi mbodina tongamena, no kehe rudimi mbo runa tongonona kwa Nyambi.¹²Podiyoshi keheyughopapetu mboghana tapa yirughana yendi kwanyambi. ¹³Keho ne mbadi tukupangure twthinda, eshi mbadiko yu ghokutura thirimbeka ndi kuteghera kashaka kwamuyendhendi.¹⁴Nadimuka kuyinogononitha mwaFumu Jesusi eshi mbadiko thokupira ghukushuki papatho thathinda. Koyungenyu haghara eshi kehethinu mbaditha kushuka. ¹⁵Ngeshi hotokotitha muyendhoye koyi ghunakudya mbadi ghuna ghuna kupara karo muruhakitho. wahanyaghura muyedhoye yu ghaferere kristusi pathidya thoye.¹⁶Mwatawedhera koyi mwatawa eshi yiwa mukuyighamba eshi yimango. ¹⁷Yoyishi ghufumu wanyambi ne mbadi yidya ndi yinwa, aghone wa hungami, thiraro no yishamberera mwa mupepo ghokupongoka.¹⁸Oyu ghokukarera Kristusi pamuhingo ghuno ghapwa kutambura kwaNyambi no kutawedhera kwawanu. ¹⁹Muninge tu toghorope muyinu yo thiraro no kuyinu yo kukuyeyura twathinda.²⁰Mwayipitha yiruwana ya Nyambi pamurandu ghoyidya. Yinu yoyiheya yakushuka, ene mbadi ghuhunga munu mukudya kehethinu thokutwarerekedha ghumwe ghakaharure. ²¹Mbadi ghuwa mukupira kudya nyama, endi kunwa vinyu, endi kutenda kehethinu tho kutwarerekedha muyedhoye ghakaharure.²²Matawero wakara nagho ghature pakatji koye na Nyambi. Fiyaghudhi ne yu gha dhira kukukutekera thinda koyi ghatawedhera. ²³Oyu ghokudya nomatamanyi ghana kukuteteva ngeshi ghadi, yoyishi mbadi ya mumatawero. No keheyi ya pira kutunda mumatawero ya diharwero.

15¹Kukwetu twe twa tanara yatwe twakona kughamwena maghukashu ghowa hapira kutanara , no mbadi twaroghera kukuhafitha twathinda. ²Ninge keheyu gho papetu gha hafithe mukamaparaghumbo oyi yidi shi yiwa muku mukumutanaritha naye.³Kemo naye Jesusi mbadi gha kushambererithire thinda. Ene yakarire vene thika edi hayitjanga, matuka ghowa ha mutukire gha werere papange. ⁴Koyi hatjangire munyima ya pwa kutjangera kukwetu eshi tuyikuthe pamurandu shi kupitera mu madhidhimikero nomu matjokedhero gho manbapira atwe tuna kukara nomakurupero.⁵Ngo ghamupe Nyambi gho madhidhimekero no matjokedhero maghano ghofotji kukutha mwa Jesus Kristusi. ⁶Ngo ghayitende kemo podigho shi mukare no maghano podigho mufumaneke no kanwa kofotji Nyambi nowiha Fumu Jesusi Kristusi. ⁷Podigho shi mukutambure mwathinda, thika edi gha mutamburire Kristusi, kufumwa dhaNyambi.⁸Yona kughamba eshi Kristusi ne ha mutura mupika wawa ka kukena ghu karera po ghushemwa waNyambi, podigho shi mboghakumemo makuruperitho agha hapire kwawa kerekandongo. ⁹No kwawa kakupira haJuda ha kufumaneke Nyambi kunyeke dhendi. Thika edi hayitjanga, podighoshi mboni mupa makughero mukatji kawa kakupira haJuda nokwimba makughero mudina dyoghe.¹⁰Yoyi na kughamba karo eshi, muhafe amwe mwapira kukura haJuda, nohanu wendi. ¹¹Kemo karo mukughe Nyambi mwimane mwe mwa pira kukara haJuda no hanu wahe hakone kumukugha.¹²Kemo karo, Isaya ghakughamba eshi, ''Nunderero dhaJesse mbo dhineya, oyu mbo ghemana mukuraghura wahadhira kukara haJuda mbo hana kara no makurupero.¹³Podigho Nyambi ghomakurupero gha muyarithe noyishamberera roruheya no thiraro mukutawa, podigho shi mungcamu ghaMupepo gho Kupongoka muna kutanara mu makurupero.¹⁴Name karo nakurupera mumwenu, mwayedhange. Name nakurupera karo mumwenu eshi mwayara mughudimuki ghomahe. Ame nakurupera karo eshi muna kukonakukupiteritha munu naghumweya.¹⁵Ene karo ame nakutjanga ghutjimapa thikuma kukwenu mukumuvurukitha karo, pamurandu gho thinyeke thighani pa me Nyambi. ¹⁶Thitapera thine nakona kukara mupika waKristusi Jesusi oyu hatuma kwawa kakupira haJuda, No kuna kutapa ghakare muruti no kuyuvitha dhodhiwa dhaNyambi. podigho shi muyambo ghowa hapira kukara haJuda pamwe hana ghutambura, kughupongora kwaMupepo ghoKupongoka.¹⁷Mwa Jesusi kristusi nakara no dihuthero dyo kukununeka muthirughana thange mwaNyambi. ¹⁸Podigho eshi mbadi shoni kone kughamba keho yino yinu kutundithako eyi gha kumithamo kristusi kupitera mumwange no mu ghutawedhi gho ha ka kupira haJuda. Oyi ne yoyinu yapwa kutenda munando no muthirughana, ¹⁹Pangcamu dho yidimukitho no noyitetukitho, no mungcamu dho mupepo. Oyi ne yoyina kukara shi kutunderera muJerusalema, ghuyendaghura kate kuIllycum, ngopodigho mbo nikona kukumithamo mbudhi dho dhiwa dhaKristusi.²⁰Mundhira dhi, yirumbera yange ne yakarire yo kuyuvitha mbudhi dhodhiwa, ene mbadi koyihamudimukaire Kristusi padina, ngo podigho mboni pira kukona kushokokera pakashema ndhugho kamunu ghumwe. ²¹Dyo yidi vene thikadi hayitjanga; awa hokupira kutapa yitundamo yo kukwendi mbohana mumono, nokukowa hadhidhirire kuyiyuva mbo hana yitjwathana.²²Eyi ne yoya nishingeka rorwingi mu kupira kwiya ku kukwenu. ²³Ene pano, ame mbadi nidi karo no kehe dyango modhi dhimukunda, no nga niruranga mamwaka gho mengi mu kwiya kukwenu.²⁴Ame nakurupera eshi mbo nakumono apa mbo nina pita mundhira dhange ku Spain, no mbo nighamweme yowe mundhira dhange dho ko, opa gha kunitowara rofotji matawero ghoye. ²⁵Ene ame ne kuna kuyenda kenge kuJerusalema, nika rughanene hanu waNyambi ho kupongoka.²⁶Ayo yakarire yikuyuva yoyiwa ya Macedonia na Archaia muku ghamwena yinu yimwe kwa wa hepwe awa ha karire pofotji no hanu waNyambi ho kupongoka awa ha di muJerusalema. ²⁷Kemo, yakarire yikuyuva yoyiwa no nidi no mukudi kukwawo. Podigho ngeshi haka kupira kukara haJuda ha kutaperire yinu yawo yo mumupepo, ha di no mukudi kwa waJuda muku wayuvithera no yiwana yawo.²⁸Podigho eshi, apa mbo nimana thirughana thi no kungangera mbuyo dhi mumwawo,, ame mbona yendi ku spain no mbona mudhingura mundhira dhange. ²⁹Nadimuka eshi opa mbo niya kukwenu mbo neya no matungekero gho kukumenenamo gha Kristusi.³⁰Podiyo na kumutjokedha, mwa yendhange, mwa fumu Jesus Kristusi, no mu ruhakitho rwa mupepo, podiyo mbo tukondja pofotji mu mandapero ghenu kwaNyambi gho kwange. ³¹Muraperere podiyo shi nipwe kughamwena kowa hapira ghutawedhi muJudea, no thirughana thange tho muJerusalema po shi ha thitambure hanu waNyambi ho kupongoka. ³²Mu raperere podiyo shi nakwiye ku kwenu no yishamberera kupitera mu yihima yaNyambi, no pamwe pofotji nenu, mbo tuna wana maturumuthero.³³Na Nyambi gho thiraro gha kare nenu.(Amen) Yikare kemo.

16¹Ame nakutapa numbu kukoye febe nambadhetu oyu ghakara mupika gho ngirishe mukengeriye. ²Podiyo shi mwakumutambure mwafumu. Tendi yinu yi mumuhingio ghoghuwa ghohana Nyambi ghokupongoka, nomumughamwene noyoghiheya oyi ghana kushana kukwenu yoyishi ghakarire mughamweni ghomukuru kwawengi nokwange karo.³Dirumeritho Prisila naAkwila, hashere wange muthiruwana thahekudyetu Jesusi Kristusi. ⁴Ogha hatura yipara yawo mumaghukukutu wange .nawatumera gho mbadi yame pithange ene karo homangirishe ghomahe agha hakarashi mbadi ghawa Juda. ⁵Dirumeritho kungirishe edhi ghakara mundhugho dhagho.⁶Dirumeritho Mariya oyu ghamuruwanene thikuma. ⁷Dirumeritho Andronkus naJuniya, no hapange no hashere wange hakanotwa. Amwe mwafumu tuka kwawapostoli, nohakare mwa kristusi kughuthowange. ⁸Dirumeritho Ampliaths, muhakwa wange mwafumu.⁹Dirumeritho, Urbanus, hashere wetu muthiruwana mwa kristusi na Stachuys, ghomuhakwa. ¹⁰Dirumeritho Apelles oyu hatambura mwa kristusi. Dirumeritho kwawa kadidhiko dyaAristobulus. ¹¹Dirumeritho Herodion mwapange. Dirumeritho kwawa kadidhiko dya Ngrcissus awa hakara mwafumu.¹²Dirumeritho Tryphaerr na Tryphosa gharuwani mwafumu. dirumeritho Persis ghomuhakwa, oyu gharuwanine thikuma mwafumu. ¹³Dirumeritho Rufus, ghamutorora mwafumu nayina name karo. ¹⁴Dirumeritho Asyncritus, phlegon, Herms, Patrobas, Hermas no hakurwa ogha hadi nagho.¹⁵Dirumeritho philologus na Julia, Nerews nawanamba dhendi na Olympas, waheya hana nyambi ghokupongoka awa hadinagho. Mukurumerithe mwaheya nomakumithero gho kukushuka. ¹⁶Mangirishe ghomahe mwakristusi hana murumeritha.¹⁷Opano nakumutjokedha mwayendhange, mukughayara kwawa ghana kureta makutaghukero no hapemukitha. Agho kuna kuhonga kupitakana kuyihonga yi mwakuhongire. Mushwaghe keho. ¹⁸Hanu hokengeyo mbadi hakarera kristusi ghohekudyetu. Ene kumapumba ghawo vene. mughundondo wagho no pamanando ghomawa awo kupemukitha mitjima dha wakakupira murandu.¹⁹Pathitamenedhi thoghutawedhi wakuma kwakeheyu nadjobwana, keho ne, papoye ene nashana shi ghunyanyame kuyinu yoyiwa, no ghupire murandu kughuyi. ²⁰Nyambi ghothiraro tamba gha tunyanyune shadipinyi kughutho gho mapadhi ghoye. Thineke thafumu Jesusi Kristusi thikarenenu.²¹Timoteghusi, mushere wange payiruwana namurumeritha na lucius, Jasoh, naSosipita, nawapange. ²²Yame Tertius, oyu ghatjangire episteli namumororithamwa fumu.²³Giyus, mukwati wange no ngirishe dhodhihe dirumeritho Erastus, mupanguri munurumbara, hana mumorora po ha Kwarutusi mukurwa. ²⁴Thineke thafumu Jesusi Kristusi thikare nenu mwahe. [amen] Yikare kemo.²⁵Kukoyu ghakona kukutanaritha kukutha kumanando no yiyaghura yaJesusi Kristusi, kukutha kuyipumba yoghudhindo oyi hatureka mukahorehore pakare. ²⁶Enepano ghayi hokora noghayidimukitha kupitera muyitjanga yo ghupumbi. Kumuhoko dhodhihe, pamarawero ghororuhe mwanyambi mukureta ghutawedhi gho matawero.²⁷KwaNyambi pithendi ghomunya-nyami, kupitera mwa Jesusi Kristusi, fumwa kuroruheya. [ Amen] Yikare kemo.

1 Hakorinte

1¹Paghulusi, oyu ghethire Jesusi Kristusi ghakare mupostoli pamahimeno ghaNyambi, naSothenesi ghominetu, ²kungirishe dhaNyambi muKorinte, awa hapwa kukushura mwaJesusi Kristusi nohawetha hakare hapongoki, pofotji nawahe kumango ghomahe awa hokwitha dina dyaFumu wetu Jesusi Kristusi, oyu ghadi eshi Fumu wagho noFumu wetu. ³Thineke nothiraro yikare nenu kutunda kwaWihetu nokwaFumu Jesusi Kristusi.⁴Roruheya nakutura Nyambi wange kukwenu yoyishi neke dhaNyambi edhi ghatapire kwaJesusi Kristusi kwenu. ⁵Ghamutungeka mukehe yinu, mumanando nomuyidimuka yoyihe, ⁶nongonodhi dho kwaKristusi dhakara ghushemwa mukatji kenu.⁷Pano mbadiko ethi shomunyande kuyitapera yokumupepo, apa munakutaterera meyero gha fumu wetu Jesusi Kristus, eshi mbomupire murandumudiyuwa edi mbogheya fumu Jesusi Kristus. ⁸Aye mboghanamutendi mukare ghutawedhi kate paghuhura. ⁹Nyambi ne ghahungumana, aye ghamwitha kumakukupakerero ghamwanendi Jesusi Kristusi ghofumu wetu.¹⁰Pano nakumukumbera mwayendhange mudina dya fumu Jesusi Kristusi, eshi mukare nodighano dyofotji, nopakara makuyakunukero. Nakumukumbera eshi mukununge pofotji no dighano dyofotji nopathitambo thofotji. ¹¹Napwa kudimukitha koyokuhamena kukwenu mwayendhange, Hakakoloye hathimwetwedha kare eshi mbadipo makuyuvero pakatji kenu.¹²Eyi natamba ne yino: Ghumweya ghanakuninga eshi ''amene waPaulusi", endi "amene waAppolos", endi " amene waKeyifasi", endi " amene waKristusi". ¹³Oyu Kristusi ne muyipindhi akara ndi? Paghulusi ghakufera pathikurushe ndi? Mudina dyaPaghulusi ghakuyogha ndi?¹⁴Nakutumera Nyambi eshi noyofotji temba ghopapenu oyu nayoyire,kutundithako Kristusi na Gayusi. ¹⁵Podiyo eshi noyofotji temba ghokughamba eshi ghapwire kuyogha mudina dyange. ¹⁶Nayoghire karo didhiko dyaStefanusi, kutundithako gho , mbadinakudimuka eshi nayoghire hamweya.¹⁷Kristusi ne mbadighanitumine kukuyogha ene kukutapa mbudhi dhodhiwa, mbadi munando dhoghunyanyami, podiyo thikurushe thaKristusi thipire kuyongoritha mangcamu ghatho.¹⁸Mbudhi dho thikurushe thaKristusi ne mbadiko mudyo kwawa hayongara,ene kwawa hapwa kughamwena ne ngcamu dhaNyambi. ¹⁹Yapwa kutjanga eshi: "mbonayungurura ghudimuki wawanyanyami, nombonerwitha yitjwathana yawadimuki".²⁰Kupi ghadi munyanyami? Kupighadi mukakukuhonga? Kupi ghadi muka nanani ghomukaye? mbadighanapirura Nyambi ghomukaye kukupira mudyo? ²¹Kaye mughudimuki wako kadikadimukire Nyambi, Nyambi ghaghamwenine awahatawa kupitera muyiyaghura yoghuthuta.²²HaJuda haromba yitetukitho, Hahirika ne ghunyanyami. ²³Ene atwene tunakuyuvitha Kristusi yu hapamarire, kwawaJuda ne thinu thothiyi, kwawa hayidena ne mbadiko mudyo.²⁴Ene kwawa ghetha Nyambi, muJuda endi Muhirika twakuyuvitha Kristusi yo ngcamu no ghunyanyami waNyambi. ²⁵Kupira mudyo kwaNyambi ne kunyanyami kupiterera hanu,ndani ghukashu waNyambi ne ngcamu kupiterera hanu.²⁶Mukenge methero ghenu mwayendhange, wingi wenu mbadi mwakarire ghunyanyami paghunu wenu, mbadi mwakarire nomangcamu no mbadi mwakarire nohakamakuto. ²⁷Ene Nyambi ghatorora eyi yashwahuka mukaye yafitha honyi hanyanyami , noghatorora eyi yakasha mukayeyifithe honyi eyi eyi yakara ngcamu.²⁸Nyambi ghatorora eyi yakara pamuve noyi hanyatha mukaye. Noghatorora yinu eyi hashwahura, mukureta yinu eyi yapira dina yikare yikare yinu yokupira mudyo. ²⁹Ghayiruwanena podigho mbadiko thinu ethi shothikumonekithe kughutho wendi.³⁰Pamurandu ghoyi gharuwanine Nyambi,podiyo munakara mwaJesusi Kristusi, oyu ghadi ghudimuki wetu mwaNyambi aye ghakarire kwetu muhungami, ghupongoki no mashutwero. ³¹Dyodi yemana mumatjangwa eshi, "muka kukununeka ne ghakununekere mwaFumu".

2¹Apa neyire kwenu mwayendhange, mbadi neyire nomanando ghomakuru ngambi yitwetha yoyikuru apa nana muyuvithire ghushemwa oghu wonda kuhamena kwaNyambi. ²Ponanatokwerire eshi mbadi nakona kughamba nenu kehe thinu shimengwa Jesusi Kristusi oyu hanapamarire.³Nakarire nenu mughukashu, nomughoma, ndani natutukwire thikuma. ⁴Mbudhi edhi namuyuvithire mbadi dhakarire muyighamba mwene endi muyitwetha, ene pathirughana tha mupepo no ngcamu. ⁵Podiyo matawero ghenu mbadi ghakare paghudimuki wamunu, ene pa ngcamu dhaNyambi.⁶Pano kunakughamba no ghudimuki mukatji kawa hatawa mumatawero, mbadi noghudimuki gho kaye, mbadi noghudimuki wawa raghuri ho nako dhino, awa hankutundapo pano. ⁷Ene tunakuyuvitha ghudimuki ghoshemwa waNyambi oghu wonda, ghudimuki oghu ghondekireNyambi no ghaghuturekere kudifumanekero dyetu.⁸Mbadiko muraghuri yu ghatjwathanine yi, yoyishi ngohatjwathanine ne ngombadi hapamarerire fumu gho difumanekero. ⁹Dyodi yenema yitjanga eshi, "mbadiko diho edi dyamonine, no mbadiko ditwi dya yuvire, nombadiko mutjima wandhundhire koyi gharoyithera Nyambi wa hamuhaka.¹⁰Ene Nyambi ghahokorire yi kupitera mumupepo, Mupepo warondonona yoyiheya, ngambi yoghudhungi waNyambi. ¹¹Yidye yu ghadimuka yighayara ya munu ,shimengwa mupepo wa munu wakara mumwendi?Kemo karo mbadiko yu ghadimuka eyi yonda mwaNyambi, shimengwa mupepo waNyambi.¹²Kemo atwe mbadi twawana mupepo ghokaye kano, ene mupepo ghu watunda kwaNyambi, podigho tukone kudimuka yinu eyi ghatupa Nyambi nyara-nyara. ¹³Tunakughamba yinu yino mumanando agha ghapira kushwagha payihonga yoghunyanyami wamunu, ene pamupepo oghu ghunakupathurura yinu yopamupepo kwawanu ho pamupepo.¹⁴Oyu ghakara mbadi pamupepo ne mbadi ghakona kuwana yinu eyi yahatera kumupepo waNyambi, yoyishi mbadiko mudyo kwendi, mbadi yatjwathana ye yoyishi mumupepo yemana. ¹⁵Oyu ghakara pamupepo nekutetera yinu yoyiheya, ene mbadiwakupwa kutetera ye. ¹⁶Yidye ghadimuka yighayara ya Nyambi, noyidye ghokumupa maghano? Ene atwe twakara no yighayara ya Kristusi.

3¹Mwayendhange mbadi nakughamba nenu yira hanu wa wayenditha mupepo, ene nakughamba nenu yira hanu hopanyama, yira twanuke tomwa Kristusi. ²Ame namukorerire no manhwe, mbadi noyidya yoyikukuktu, yoyishi ngombadi mwakonine kuyidya, nodyarero dino mbadi mwakona kuyikumithamo.³Amwene shime panyama mudi, yodiyo nya no mvo moyidi mukatji kenu, mbadi munakupara panyama ndi, no mbadi munakuparitha yipara yo pathina ghunu ndi? ⁴Ngeshi ghumweya haningi eshi, amene "waPaghulusi", ghumweya naye eshi amene waAppolos, haka kaye ne mbadi dyohaghambanga ndi? ⁵Yidye ne Appolos? yidye ne Paghulusi? Awo ne haruwani vene kupitera mwagho mwakarire no kutawa dyodi ghatapire fumu thiruwana kwakeyu pakatji kagho.⁶Amene natapekire, Appolos ne ghaveterire, Nyambi yene ghogha kurithire. ⁷Yikare mukakutapeka endi mukakuvetera , waheya hanu vene, ene shimengwa Nyambi mukurithi keho.⁸Mutapeki na muveteri ne waheya pofotji vene, keheyu mboghanawana yiruwera yendi kutwara kuyiruwana yendi. ⁹Yoyishi twene twaruwani wa fumu Nyambi. Amwene mwa thikwinino thaNyambi, amwene mwa ndhugho dhaNyambi.¹⁰Pathineke thaNyambi ethi ghanipire eshi no mushokeki mwene, natendi thishokeka no ghumweya ghan kushokekerapo naye, ene keheyu ghanakushokekerapo ne ghakoneke eshi ngepi edi shogha shokekerepo. ¹¹Yoyishi no yofotji temba ghokukona kushokekera thishokeka kupitakana thishokeka thi hashokekire , athone Jesusi Kristusi.¹²ngeshi ghumweya hatenderapo pa thishokeka no ngorondo ,siliva no mawe ghomawa ,yitondo ,muhonyi ngambi yitengetjiv13thiruwana thakeheyu mbothina shwagha mudiyuwa dyoghuhura , yoyishi mbothina hokoka mumudiro,mudiro mboghuna yereka dhothiruwana tha keheyuno.¹⁴no ngeshi thiruwana tha ghumweya mbadi mbo thipya ,mboghanapu kuruwera.v15Ene ngeshi thiruwana thaghumweya mbo thipwe,mbadi mboha muruwera ,Ene mbohanapu kughamwena yira yu hana kuyokora mumudiro.¹⁷¹⁶mbadi mwaghidimuka eshi mwa ndhugho dha Nyambi no mupepo wa Nyambi ne mwenu . watunga.v17Ngeshi ghumweya hayu ngurura ndhugho dha Nyambi , nyami ne mboghana yungurura munu ghokemo, ndhugho dha Nyambi ne dha pongonga ,namwe karo kemo.²⁰¹⁸Mbadiko yu shakwangere thinda ,ngeshi ngeshi ghumweya mukatji kenu haghaya eshi mu nyanyami , ghakare muyero podiyo ghaku nya nya me ¹⁹.Ghunya nyami ghokaye kano kwa Nyambi ne ghuyero .yapwa kutjanga eshi''Nyambi ghana kukwata hanya nyami mughu nya nyami wagho.V20karo eshi", Fumu ghadimuka yighayara yawa nya nyami,eshi'' yapira mudyo''.²¹yodigho ghakutanawera ghumweya pawanu ,yoyiheya yine yakara yenu .Ngambi paghulusi ngambi apollos ,keyifasi ,kaye, ²²ngambi moyo ngambi kufa ngambi yo nanyi nanyi ngambi yokughutho .yoyiheya yenu. ²³Enewmwe ,mwakara mwa , kristusi ne wa Nyambi

4¹Dyo dyosho hatumone hanu eshi twakareri wa kristusi no twayendithi hoghushemwa wa Nyambi oyu wonda.v2Yoyina kuninga eshi kehe muyendithi ghapwe kukurupera roruhe.³Ene kwange no kamanana temba eshi nipwe kutetera papenu endi pandhango dho pa thina ghunu,yoyishi mbadi nakukutetera ndhango no thinda. ⁴Mbadi nadimuka murandu ghu nidi nagho, karo mbadi yina kuninga eshi mene mbadiko murandu, muka kuni pangura mene fumu.⁵Yodigho mbadi mwakona kutetera keheyino kughutho gho ruvedhe ,kughutho gho kwiya fumu. Aye mbo ghana tetat kuthishe Yoyihe eyi yonda mudikokore no kuhokora yo mumutjima.⁶Mwayendhange nakarire thitamenedhi pofotji na apollos, podiyo mumwetu mukone kukuhongeramo eyi yaninga yighamba eshi,"mbadi wakona kupitakana eyi hatjanga".Podiyo mbadiko oyu sho ghakumonekithe eshi gha piterera muyendhendi. ⁷Yidye ghamona makutjakero ghoye pakatji koye na ghumweya? Nye wamuna eyi wapira kutambura? Ngeshi wayitambura nye waku kuyikununekera yira mbadi wayitambura?⁸Kare mwawana yoyihe yi mwanyanda, kare mwawana ghutungi, no mwatameka kuraghura,kutunditha ko twe, keho nahimi eshi ngo mwaraghurire, podiyo ngo turaghure nenu. ⁹Ame nakughayara eshi Nyambi ghatupakire twa apostoli mudyango dyo ghuhura no yira hanu awa ha kandwerire mukufa [Kuyifa].¹⁰Atwe ne twayero pamurandu wa kristus, ene mwene mwanya-nyami mwa kristus, twa kashu, amwene mwa mwa tanara,hamu kutekera atwe ne mudishamu twa kara. ¹¹No ruvedhe runo ndhara no dinota nayo tudi, mu wira tudi no twapira mararo {maghumbo}¹²Thikumenena tuna kurughana no nyara dhetu, opa hama kutusherera, atwe kuna kuwa kandadheka no fiyaghudhi, hana kutukutha -kutha atwe ne pa kudhidhimeka. ¹³Pa kutushamuna atwe ne pa kuwanongopa, tuna kara kwa yinu yoyimango pano pakaye.¹⁴Mbadi nakutjangera yinu yino muku mufitha honyi, ene muku mukonekitha mwa hanange ho hahakwa. ¹⁵Ngambi ngo mukare na wahongi mayovi dikumi mwa kristus, mbadi mwakara na wa wihenu hohengi, podiyo nakarerire no wihenu mwa kristus Jesus kupitera mu mbudhi dhodhiwa. ¹⁶Yo nakumu tjokedha eshi mushimbe thitamenedhi thange.¹⁷Yona mutumenine Thimothy ghomuhakwa wenu, mwanuke ghomutawedhi mwa fumu. Aye mboghana muvurukitha yomayira ghange mwa Kristusi yira dyodi nayiwahongire kokuhe nomukehe ngirishe. ¹⁸Hamweya hopapenu hanatameka kunyeghenya yoyi haghayarire eshi mbadi nakwiya kwenu.¹⁹Ene tamba nakwiye kukwenu ngeshi ghakuyihime fumu. Pombo nonidimuka hakakukununeka, no mbonamono mangcamu ghawo. ²⁰Ghufumu waNyambi ne mbadi wemana mumanando ene mungcamu. ²¹Yipi munashanapo? Nakwiye notjupa endi noruhakitho no mupepo ghoghuhunga?

5¹Twawna madimukithero eshi yipara yorungu yidi mukatji kenu, rudhi rorungu oru hadhira kutawedhera ngambi mwawahayidena eshi mwana ghashimbe didhiko dyawihe. ²Yomunakukumonekitha! ngomwa kona kuguva, podiyo munu yu gharuwanine kemo mumushwayithemukatji kenu.³Ngambi kenge nidi mbadi nenu panyama, ene pamupepo nenu nidi. Ame kare napita matateroghoyu ghatendire yinu yokemo, yira name pona karire. ⁴Pamakonganeno ghenu ghomudina dyafumu Jesusi name nenu pamupepo, nongcamu dhahekudyetu Jesusi modhidi mukatji . ⁵Tutape murume yu kwa shatani kumahanyaghukero ghoyirama,podiyo mudhimu wendi mboghupwe kughamwena mudina dyafumu.⁶Yikununeka yenu ne mbadi yiwa,mbadi mwadimuka eshi tuhingo totupu ne kuhahitha ghuroto ghoghuhe? ⁷Mukukenithe mwathinda kuhingo dhodhikuru-kuru, podiyo mukare mwaghuroto ghoghupya, ghomukare yamwe shemwa Kristusi, ndjwighana wetu gho paska ghapwa kuyamba kare. ⁸Podiyo tushamberere mukandi mbadi no hingo dhodhikuru-kuru, hingo dho dishamu no ghukashu, ene tukushamberere noghuroto ghoghukushuki noghushemwa.⁹Namutjangerire mumambapira eshi norofotji temba mukupakerere nawakarungu. ¹⁰Yino mbadi nakuninga eshi hakarungu homukaye ,haka ghunu ngambi kwakambango ngambi kwa kareri hawa Nyambi hombango hokaye kano, mukashwagha kuyinu yoyiheya yine shimengwa muyakunuke koyo kaye.¹¹Pano nakumutjangera podiyo mbadi mwakona kukupakerera nawa hakutoya eshi hayendha ene agho ne pakupara murungu ,ngambi mu ghumu, ngambi haka yishewe, no hadakwi. Nomwadya pofotji namunu ghokemo. ¹²Ngepi di nakupakererea mukutetera wa hakara panunda dhongirishe? Kene mbadi twakona kutetera wa hadi mwishi dhongirishe. ¹³Nyambi ne kutetera awa hadi panunda dhongirishe, mushwayithe hanu hokemo mukatji kenu.

6¹Ngeshi ghofotji ghopapenu ghadi nonando namuyendhendi, yaroyera kutwara nando dhendi kwawapanguri awa hapira kutawa, endi ghana kudhitwara kwakwawanu waNyambi awa hapongoka? ²Mbadi mwadimuka eshi hakakupongoka waNyambi ne mbohana pangura kaye? no ngeshi kemo ne mbadi wakukona mwe kutetera tundhangoghana tu ndi? ³Mbadi muna dimuka eshi mbotunapangura haEngeli? ngshi kemo ne rungatji rokukona twe kutetera yinu yoyiparitha yino?⁴Ngeshi kukona mwe kupangura yinu yokehe diyuwa, yipi karo eyimwakutwarera nando dhenu kwawa hadhira kukara mu ngirishe? ⁵Eyi nakuyighambera ne kukumufitha honyi . Napo kadipo pakatji kenu mukamaghano ghokukona kupangura nando dhenu ndi? ⁶Muyendha ghumweya ghanakuyenda kundhango ghakapangure muyendhendi, kughutho wawakskudhira kutawa.⁷⁸Ngeshi ghumweya hatwara muyendhendi kundhango dhawa kakupira kutawa ne ghanayongaritha, endi ngwa hasha kuthiya ghunyande? endi kuthiya ghukwangere ghothinda? Owe nowene watenda ghuyi no wanngereka, watendanga yinu yi kwawayendhoye!⁹Mbadi wadimuka eshi hayi ne mbadi mbohayora ghutungi waNyambi? Mwakwangera mwathinda,mbadiko hakarungu, hakakukarera hanyambi hombango, hakakutjora yiyeka, hatutughuru no hayikumbu, ngambi hakakukutapa kuyishamberera yodidhiko. ¹⁰Ngambi hakawidhi, ngambi yidakwi,, ghumu, hapata nawakambango mbadi mbohayora ghufumu waNyambi. ¹¹Kemo dyohakarire hamwe hopapenu, ene mwapwa kukushura, hamupongokitha nomwapwa kuthigherera mudina dya hekudyetu Jesusi Kristusi nopamupepo wa wihetu Nyambi.¹²Yoyihe hayifundhwera , ene mbadi yoyiheya mudyo,. Yoyiheya hayinifundhwera, ene mbadi nakona kupakera pa kehe thino thayo. ¹³Yidya ne ya dira, no dira ne dyayidya, kemo Nyambi ne mbwana tundithapo yinu yoyiheya yi, yirama yamunu ne mbadi yayirumberitha yorungu, ene yirama ne yaNyambi, naNyambi ne mbwanatapa yinu kuyirama.¹⁴Nyambi ghatumunine fumu mukufa, mboghana tutumuna natwe karo pa ngcamu dhendi. ¹⁵Mbadi mwadimuka eshi yirama yenu ne kwaKristusi yahatera? Nishimbe keho thipo thaKristusi ghonipakerere namukarungu ndi? Mbadi kemo!¹⁶Mbadi mwadimuka eshi kehe oyu ghokukupakerera namukarungu ne ghana kukara yirama yofotji nendi? Yitjanga yemana eshi mughuwadi wagho hana kukara yirama yofotji. ¹⁷Ene yu ghakupakerera nafumu ne ghakara mumu pepo ghofotji nendi.¹⁸Muyakunuke kurungu,yiharura yoyiheya eyi ghaharuranga munu ya ghakara peghuru dhoyirama yendi, ene yiharura yorungu ne payirama ya munu yakara.¹⁹Mbadi mwadimuka eshi yirama yenu ne tembeli wa mupepo ghokupongoka , oyu ghatunga mumwenu, oyu mwa wana kwaNyambi? Mbadi mwadimuka eshi mbadi mumwenu mwa thinda? ²⁰Amwe mwapwa kughura . Mufumaneke Nyambi keho noyirama nomupepo wenu oghu wahatera kwaNyambi.

7¹Pano kutwara kuyinu eyi mwa ni tjangere: ''Ayone ghuwa thikuma eshi katughuru ngo mbadi wa kukundama mbuyama.'' ²Ene pamurandu gho mayerekero ghomengi gho yirughana yorungu, kehe yu katughuru ghakare nadidhiko dyendi nokehe no mbuyama ghakare na katughuru wendi.³Katughuru gha kumithemo thitumbukera thendi mukukara panyama nadidhiko dyendi, nomundhira dhodho dhofotji mukamadi naye kwakatughuru wendi. ⁴Mbadi eshi mbuyama yogha kara nomarawero kuyirama yendi, ene katughuru wendi. Mundhira dhodho, katugfhuru mbadi ghakara no marawero kuyirama yendi thinda, ene mbuyama wendi.⁵Mwa kushingeka mwathinda, shimwngwa pana kara makuyuvero nopathinema tho ruvedhe rongandji. Muyi rughane yi podigho eshi mukutape mwathinda mumandapero. Munyima posho mukare pofotji karo, podigho eshi shatani ghapire kumuyereka mwe mwakara noghukashu gho kukukoneka mwathinda. ⁶Ene kuna kuyighambera yi mukumupa dighano nombadi marawero. ⁷Na kara nodirura yira ngo keheno katughuru yira me. Ene kehe yuno ghakara nothitapera thendi thokwaNyambi. Ghumweya ghakara nothitapera thi no ghumwe thatho.⁸Kwawa hapira kuyeka nadidhi ame kuna kughamba eshi ghuwa kukwawo ngeshi hakara mughudhike, yira yame. ⁹Ene ngeshi mbadi hana kukona kukukunga hathinda, hakona kuyeka. Hasha kukwawo kuyeka mbadi yira pofotji nokwana noyirumbera.¹⁰Pano kwawaka kuyeka nakutapa marawero ghano-mbadi yame, ene Fumu-mukamadi gho kuyeka mbadi ghakona kukuyakunuka kwadidhiko dyendi ¹¹(ene ngeshi gha yakunukakwakatughuru wendi, gha kona kukara mudhike, endi gha kona kukushemwathanitha kwadidhiko dyendi), no katughuru mbadi gha kona kumwagha didhiko dyendi.¹²Ene koho kuthigharako kuna kughamba eshi-yame, mbadi fumu-ene ngeshi poghadi katughuru oyu ghakara nodidhiko dyendi oyu ghakara eshi mbadi mutawi, no aye ghana shana kukara nendi, mbadi gha kona kumumwagha. ¹³Ngeshi mbuyama ghakara no katughuru gho mbadi mutawi, ene aye ghana himi eshi hapare pofotji nendi. Mbadi gha kona kumumwagha. ¹⁴Kwakatughuru gho kupira ghutawi hamupungwera pamurandu wambuyama wendi, nambuyama gho kupira matawero ghamupungwera pamurandu wakatughuru wendi. Yo kuthigharako hanenu mbo hana kara eshi mbadi ha kushuki, ene hawa kushura.¹⁵Ene ngeshi muka kupira kutawa ghana kuyakunuka, muthiye ghayende. Muyikara yokemo, katughuru endi mbuyama mbadi hakwedhera medhero ghawo. Nyambi ghatwitha atwe mukupara muthiraro. ¹⁶Ngepi edi ghuna yidimuka, mbuyama, eshi pamwe kukona ghu ghamwene didhiko dyoye? Endi ngepi edi ghuna yidimuka, katughuru, eshi pamwe kukona ghughamwene didhiko dyoye?¹⁷Kehe yinu, Fumu ghatapa kwakehe yuno hamupa yendi, kehe yuno ghakare thika edi ghamwitha Nyambi. Oghu ne ghomuragho wange mumangirishe ghomahe. ¹⁸Kehe yuno ghapwire kukena kughutho gho kumwitha eshi kughutawi? Mbadi gha kona kumoneka eshi mbadi ghamu kena. Keheyu mbadi hamu kenine apa hamwithire kumatawero? Mbadi ha kona kumukena. ¹⁹Yikare eshi hamu kena endi mbadi hamu kena mbadiko mudyo. Eyi yakara mudyo ne kukutekera muragho waNyambi.²⁰Kehe yuno ghakona kukara mumethero ogha ghakara apa hamwithire Nyambi mumatawero. ²¹Mwakarire mwapika apa ghamwithire Nyambi ndi? Mbadi mwa kona kupakera thinga yinu yi. Ene ngeshi ghuna shana kushutuka, shimbe ghuwa wap. ²²Koyu ghetha Nyambi yira mupika Nyambi ghamughamwena. No mundhira dhodho, koyu hashutura apa ghamwithire kughutawi oyo ne mupika waKristusi. ²³Mwapwa kughura noparo, no mbadi mwakona kukara mwapikamunu. ²⁴Mwahakwa, mukehe ghuno ghukaro twakarire apa gha twithire kumatawero, kehe yuno ghakare mwaNyambi.²⁵Pano kowa hapira kukara panyama, mbadi nidi nomarawero kwaNyambi. Ene kuna kutapa dighano dyange yira koyu, pathineke thaFumu, gha kona kukurupera. ²⁶Podigho keho, na kughayara me eshi pamurandu gho yinyanda eyi yina kwiya, ghuhunga kwakatughuru ghkare dyodi ghakara.²⁷Mwa kukundama namukadidhiko dyoye? Mbadi mwa kona karo kukumwagha. Ngeshi mbadi wayeka, washana karo mbuyama. ²⁸Ene ngeshi haghuyeki, mbadi ghuna harura, no ngeshi oyu ghapira kukundama panyama naye mbadi ghana harura. Ene kowa mbo hatenda kemo mbo hana kara nomaghukukutu ghomengi panyama, no mbadi mbo ni mushwayithako koyi.²⁹Ene koyi kuna kughamba, mwahakwa: Ruvedhe ne rupu. Kutunda pano, ninge awa hadi nomadhiko ghawo hapare yira hapira madhiko. ³⁰Kowa hana kudira haninge nawo yira awa hana kupira kudira, nowa hana shamberera hakare yira mbadi hana shamberera, nowa hana kughura yira awa hana piri yinu, ³¹nowa hana kurughanitha kaye mbadi hakona kurughana yira wowa hapira kurughanitha rumwe mukuyarerera. Kaye kodyarero ne mbo ka nahuru.³²Ame nashana eshi mukare muhoro ghupira yikudhekera. Hatutughuru hokupira kuyeka kupakera thinga yinu yaFumu, eshi ngepi edi gho kumushambereritha. ³³Ene kwamukakuyeka kupakera thinga kuyinu yokaye, yo kushambereritha munuwendi- ³⁴nomathotero gho kukutjaka-tjaka. Kwambuyama gho kupira kuyeka no koyu ghapira kukundama katughuru panyama awo kupakera thinga yinu yaFumu, ngepi edi gho kukushuka payirama nopamupepo. Ene kwambuyama gho kuyeka kukara thinga kuyinu yokaye, ngepi edi shogha shambererithe katughuru wendi.³⁵Ame kuna kughamba yi kumaghuwa ghenu, mbadi nimuture mumaghukukutu. Ame kuna kuyighamba yi yoyishi yaroghera, podigho eshi mukare mumakurupero ghaFumu ghupira kehe ghano maghukukutu.³⁶Ene ngeshi ghumwe ghana kughayara eshi mbadi ghana kutekura munuwendi nodikuto- ngeshi ghapitakana mwaka dho kuyeka yakona kukara kemo- thika edi ghana himi. Mbadi ghana harura. Hakone kuyeka. ³⁷Ene ngeshi ghunemana ndjikiti mumutjima wendi, ngeshi mbadi yina kungambwathana ene kukona ghu kukunge ghothinda, ngeshi ghana tokora kukutha mutjima wendi kumutongwera eshi ghayitende kemo, mukukutura yithinda mukupira kukara panyama, mbo yina hungama. ³⁸Koyu ghana kuyeka gho kupira kukara panyama thiwana ghana kutenda nokwaghumwe oyu ghana torora mukupira kuyeka nanyi gha kutende thiwana.³⁹Mbuyama oyu gha kupakerera na katughuru wendi oku shime haghapara. Ene ngeshi katughuru wendi kokufa, mbuyama ghana shutuka mukuyekerako ghumwe oyu ghana himi, ene yikare mwaFumu. ⁴⁰Shime muyi pangura yange ngo ghakare noyishamberera ngeshi ghapara thika edi ghadi. Na kughayara eshi name karo nidi noMupepo waNyambi.

8¹Yokuhatera kuyidya eyi ghaghambire kuyitjwandjo ; Twadimuka shi twahe twa he twakara no ghudimuki . Ghudimuki wareta makununeko , ene ruhakitho ne kutendurura . ²Ngeshi ghumweya ghaghayarashi ghadimuka yimweya , oyo munu mbadi ghadimuka shime thikadi ghakona kudimuka . ³Ene ngeshi ghumweya ghahaka Nyambi , oyo munu ghamudimuka ye .⁴Kemo kuhatera kuyidya yo muyambo kuyitjwandjo; Twadimuka yitwandjo yo muno mukaye ne mbvadiko no mbadiko karo Nyambi ghumweya ene yofotji. ⁵Ngambi ngo kohadi ghamwe hakwitha shi haNyambi, ngambi muwiru endi mukaye [thikadi dyodi ghakara gha Nyambi ghohengi no mafumu ghohengi]. ⁶Podigho kukwetu twe Nyambi wetu ne ghofotji, na wiha, kushwagha yoyiheya no omu tuna kuraperera, no ghofotji Fumu wetu Jesusi kristusi, yoyiheya ya karapo kupitera mumwendi kupitera mumwendi potuna kuparera.⁷Ngambi kemo , oghu ghudimuki ne mbadi mwakehe yuno . Ene munyima hamweya ngaha kureranga kukugha yitjwandjo , no ngaha dyanga yidya yira yimweya yokuyambitha kuyitjwandjo . Ghighayara yawo yapwa kunyateka pamurandu ghoghukashu .⁸Ene yidya ne mbadi mbo yitureta kwa nyambi . Mbadi tuna kuyipa ngeshi mbadi tuna kudya , hasha ngeshi kuyidya . ⁹Ene mukukunge shi mashutukero ghenu mbadi ghakare thitambo thaghumweya oyu ghakara ghukashu mumatawero gho kupundaghuka . ¹⁰Tuninge eshi ghumweya ghana kumono , oyu ghakara no ghudimuki mukudya yidya mutembeli dho yitjwandjo. Mbadi yighayara yendi napo yoyikashu hanatanaritha mukudya yi hatapa kuyitjwandjo?.¹¹Pamurandu ghoyitjwathana yenu yo ghukaro ghoyitjwandjo, hakashu hayendha owa haferere Kristusi hana hanyaghuka . ¹²Pakuharwera kemo hayendhenu no maghukashu ghagho ooyikara, munakuharura kwa kristusi. ¹³Munyima dhopo , ngeshi yidya yina kukwitha hayendhange , mbadi mbonidya karo nyama , podigho mbadi na kutendithe hayendhange eshi hawe.

9¹Mbadi nashutuka me ndi? mbadi no mupostoli me? mbadinapo namona Jesusi ghofumu wetu me? ²Ngeshi mbadi no mu Apostoli kwawamwe ne hasha kukwenu ne no mu apostoli . Amwene yamwe mwa thingangera thoghopostoli wange mwafumu.³Ethi ne thothikughamwenitho thange kowa hani kengurura ; ⁴Mbadi twa kara nongcamu dhokudya no kunwa ndi ? ⁵mbadi twakara no ngcamu dhokushimba netu mukamadi ghokuyeka, thika kenge ha Apostoli hamwe , no hayendha homwa fumu , na Keifasi ndi?. ⁶Endi yame ngenyu na Barabasi twapira ghuraghuri gho kupira kurughana?⁷Yidye ghokurughana eshi mashurundate papendi thinda ? yidye yu gho kutapeka dipya dyovinyu no mbadi wa kudya mbuyo dhapo ? Endi oyu ghokukunga yimuna no, mbadi wakunwa ko manhwe? ⁸Pamarawero ghamunu na kughambera gha manando ? mbadikemo nagho muragho waghamba?⁹Ayone yapwa kutjanga mumuragho wa Mosesi ''Watura tumo kupuru oku ghana kudya muhonyi ''. puru yoshemwa ghapakera thinga Nyambi? ¹⁰Mbadi kukwetu ghana ghughamba ? kukwetu hayi tjangerire yoyishi oyu gho kupurura ne ghakona kupurura mumakurupero , no oyu gho kukesha ne ghakona kukesha mumakurupero eshi mboghana tapa mumuyangu wendi. ¹¹Ngeshi twa kunine yinu yopamupepo mumwenu ne , yikuru kukwetu eshi tuyangure yinu yopanyama ndi?¹²Ngeshi hamwe ne harughanithire ngcamu dhi kukwenu, mbadi twakara twe no ngcamu dhodhiwa papenu ? Ene mbadi twashimbire twe ngcamu dhi. Mudyango di twa dhidhimekire muyoyiheya mbadi yira kukara thishingeka kumbudhi dho dhiwa dha kristusi . ¹³Mbadi mwadimuka eshi awa ha rughananga yirughana yo ghupongoki ne kwa wananga yidya yagho mutembeli ? mbadi mwadimuka eshi hakareri ho thinyaku ne kuwana koyi ha kutapa kuthinyaku ? ¹⁴Mundhira dhofotji, nyambi gharaghurire eshi awa hana kuyuvitha mbudhi dhodhiwa hakona kuwana ghuparowagho mumbudhi dhodhiwa.¹⁵Ene me mbadi nepurire po thimweya payinu yi. No mbadi nakuyitjanga yi podiyo eshi munitendereko thinu thimweya. Hasha kukwange eshi nife noyofotji temba shoghanishinge mukukununeka . ¹⁶Ngeshi niyuvithe mbudhi dhodhiwa , mbadi nidi no thitambo thokukununeka yoyishi nakona kuyitenda. Ghukukutu keho kukwange ngeshi mbadi shoni yuvithe mbudhi dhodhiwa.¹⁷Ngeshi ni tende yi mughuhima, nidi nondjambi. Ene ngeshi mbadi mughuhima ,nidi shime no thirughana ethi hanipire . ¹⁸Yiruwera yange yiruwera munyekeho? Eshi ngo pa ghokuyuvitha , ngo nakona kutapa mbudhi dhodhiwa ghupira kudhitapitha no mbadi kurughanitha mangcamu ghange ghomahe ghomumbudhi dhodhiwa.¹⁹Ngambi kenge eshi nashutuka kwawahe , nakukara mupika kwawahe podigho eshi ni wine thikuma. ²⁰Kwawa Juda ne kukura me yira muJuda , podigho eshi niwine haJuda.Kowa hakara kwishi dhomuragho, name kukara yira ghumwe yu ghakarakwishi dhomuragho.Natendire yi ngambi kenge eshi ame nothinda ne mbadi nakarire kwishi dhomuragho.²¹Kowa hakara panunda dhomuragho nowe kukara yira ghumwe ghopanunda dhomuragho , ngambi kenge eshi mbadi nakarire panunda dhomuragho . ²²Kwawakashu name kukasha , podigho eshi ni wine hakashu. Nakara keho yinu yoyihe kwawanu wahe , podigho eshi ni komonone ko hamweya ²³.Ame kutenda yoyiheya yi pamurandu ghombudhi dhodhiwa, podigho eshi nakukupakerere mumatungekero ghadho.²⁴Mbadi mwadimuka eshi mumutangu ne hatjiri wahe ne kutjira mumutangu, ene munu ngenyu ghofotji ghokuwana futo? ²⁵Kehe mutjiri ne kukukoneka thinda mukehe yinu. Kuyitenda wo hawane ndjambi dhokupwa ,ene atwene kuyitenda twa kawane ndjambi dhokupira kupwa. ²⁶Podigho eshi ame ne kenge na kutjira, mbadi ghupira thitambo; Ame ne kenge napumuranga mbadi yira ghumwe yu ghana kupumura mumupepo. ²⁷Ene me ne kudeghura yirama yange yikare ghupika, podigho eshi opa mboni yuvitha kwawa mwene, ame nothinda ne ngombadi ni kutunditheko.

10¹Mbadi nahaka eshi mbadi nimudimukithe, mwayendhange, hakerekandongo wetu hakarire kwishi dho divuyi no wahe hatjinaghanine dikuruviya. ²Waheya ha pwire kuyogha mwa Mosesi mudivuyi nomudikuruviya, ³no waheya hadire yidya yofotji yomudhimu. ⁴No wahe hanwine yinwa yofotji yomudhimu, yoyishi hanwine mudimuwe dyomudhimu edi dyayendire pofotji nagho, dimuwe dine Kristusi.⁵Ene Nyambi mbadiyamuhafithire thiwana muwingi wagho gho papagho, no mwimba dhaghodhakuhanyine mumamboreya. ⁶Yinu yi ne yakarire thitamenedhi kukwetu, kemo mbadi tukupiture yira wa ya thinenekire yirumbera yagho yoyimango.⁷Mbadi mwakona kukarera haNyambi hombango, yira keng hakarire hamweya hopapagho. yira kenge hayitjangire , '' hanu wa hahungamine hadye no kunwa , no hemananyine hatape ghuyi wagho.'' ⁸Twatenda karo rungu,yira kenge hatendire muwingi wagho. Mudiyuwa dyofotji, hafire hanu mayovi makumi mawadi no mahatu pamurandu wayo.⁹Twatura Kristusi mumayerkero , yira kenge hatendire homweya hopapenu no hafire kuyiyoka. ¹⁰Karo mbadi mwimananyene , yira kenge hatendire hamweya hopapenu no ghafire kwa mu Engeli ghoyifa.¹¹Keho yinu yi yahokokire kukwagho yira thitamenedhi kukwetu. Hayitjangire mukutapa mashingero ghokukwetu, atwe tudi eshi ghuhura ghokaye ne ghunakumu. ¹²Podiyo kehe yu ghana kughamba eshi ghanemana ghatakamithe eshi mbadi ghawe. ¹³Mbadiko mayerekero agha ghakurughanitha thikuma we agha ghapira kukupitura no gha hanu hwaheya. Nyambi ne muhunga, aye mbadi ghakumuthiyerera hamuyereke kupiterera mangcamu ghenu. Ngeshi mumayerekero , naye mboghana tapa ndhira dhokunyetuka, yoyishi mwakukone kudhidhimeka mumwagho.¹⁴Podigho, mwahakwa, mutunde kwawa Nyambi ghombango. ¹⁵Ame nakughamba nenu yira hanu awa hakara no maghano, keho mukukutekere mwathinda koyi nakughamba. ¹⁶Thinwitho thomatumeritho ethi tuna kutumeritha, eyi ne mbadighomakupakerero mumanyinga ghaKristusi ndi? Ghuroto oghu tuna kutjora , mbadi ghomakurupero muyirama yaKristsi ndi? ¹⁷Podiyo ghuroto ghofotjoi, atwe twahengi ene twathirama thofotji . Twaheya twashimba ghuroto ghofotji pofotji.¹⁸Mumone kwa waEsraeli. Eyine kukutha panyama. Mbadi ghowa hokudya yo kuyambitamuthinyaku ndi? ¹⁹Nye nakughambera ne? Endi thitjwandjo ne thathonatho? no yidya yokutapera muyambo thitjwandjo ne thathonatho.²⁰Ene kunakughamba yokuhatera kuyinu eyi hahayidena hatupuranga ndupu, Hatupuranga yinu yi kwashatani no mbadi kwaNyambi. Mbadi nahaka eshi mumukupakerere nawashatani! ²¹Mbadi mwakona kunwa thinwitho thaNyambi no thawashatani. Mbadi mwakona kuhatera kuthidyero tha fumu no karo thowashatani. ²²Endi kotuna kushedhaghura Nyambi mudifupa? no yatwe twakara no ngcamu dhokupitakana dhendi?²³Yoyiheya hayifundhwera , '' ene mbadi yoyiheya yahungama.'' ''yoyiheya hayifundhwera.'' ene mbadi yoyiheya kutenda hanu hayeyuke. ²⁴Ghashana munu yokumuroyera thinda. Kehe yu gha shane ghuwa ghokwamuyendhendi.²⁵Dye yoyiheya yi ghaghurithanga mudyango dyokughurithera, mukupira kwipura mepwero ghoyighara. ²⁶Kaye ka kara kafumu, noyoyiheya yi yakaramo. ²⁷''Ngeshi muhayidena ghana muragha mukadye yidye, nomuna shana kuyenda, mudye keheyi hanamuturerakughutho wenu mukupira rwipu-rwipu ro maghayadharo.²⁸Ene ngeshi ghamutongwera ghumweya eshi'' eyi ne kwayitapa ndupu dhomuyambo'', mwadyako, pamurandu ghoyu ghanayitongora no ghoyighayadhara -yinu yokare eyi hatjanga hapunguri,muthihirika, kaye noyinu yoyiheya yomumoko ghaNyambi ya hatera. ene yitjanga yokuhungamayokare oyi hatemuneninemu thihirikambadi yakarire noyi. Thingi thawa kakuhonga hamona yi yitjanga yira yakutemununa muthiparatjangwa thomakumi mawadi no kwoko nothotji. ²⁹Yirumbera yaghumweya, kuna tamba, no mbadi yoye, pashanye ghunakwipwera eshi ngepi shoghakone ghumweya horo dhange muyihima yange? ³⁰Ngeshi ghanikara ghumwe ghombunga dho wa hana kudya yidya, nye keho yokuni yodhonganena ko thi natapa matumero?³¹Podigho eshi, ngambi hamudi endi ha munu, endi keheyi munakutenda, muyitende yoyiheya mufumwa dhaNyambi. ³²Mwatapa murandu kwawaJuda nokwawahirika, no kumbunga dhaNyambi. ³³Mumuhingo ghu ghofotji na yereka kuhafitha hanu muyinu yoyiheya.

11¹Mukare mwa temununi wange thika edi nidi no mutemununi waKristusi. ²Pano kuna kumukugha yoyishi mwa kwaterera thikuma kuyitjo thika edi na yimupire. ³Pano nashana mutjwathane eshi Kristusi ne yo mutwi wa kehe katughuru, no katughuru ne yo mutwi wambuyama, noNyambi ne yo mutwi waKristusi. ⁴Kehe katughuru gho kuraperera endi kupumba nomutwi wendi ghana ghufiki ne ghana nyatha mutwi wendi.⁵Ene kehe mbuyama gho kuraperera endi kupumba no mutwi wendi mbadi ghana ghufiki ne ghana nyatha mutwi wendi. Ayo yinu yofotji yira mutwi wendi ha ghukurura. ⁶Ngeshi mbuyama mbadi sho ghafike mutwi wendi, gha kona kuteta huki dhendi dhifupipe. Ngeshi honyi thikuma kwambuyama gha tete huki dhendi endi gha kurure mutwi wendi, ninge gha fike mutwi wendi.⁷Katughuru mbadi gha kona kufika mutwi wendi, aye ne yo thishwi tho difumanekero dyaNyambi. Ene mbuyama ne difumanekero dyakatughuru. ⁸Katughuru ne mbadi ha mu tendire kutunderera kwambuyama. Ene, mbuyama ha mutendire kutunderera kwakatughuru.⁹Shime karo katughuru mbadi ha mu tendere mbuyama, ene mbuyama kwamutendere katughuru. ¹⁰Eyi ne yo ya ningitha mbuyama ghakare no thineghedhitho thongcamu pamutwi wendi, pamurandu wawaengeli.¹¹Ngambi kemo, mwaFumu, mbuyama mbadi gha kukurupera papendi kwakatughuru, endi katughuru naye mbadi gha kukurupera papendi kwambuyama. ¹²Thika edi gha shwagha mbuyama kwakatughuru, thikadyo naye katughuru ghashwagha kwambuyama. No yinu yoyihe yashwagha kwaNyambi.¹³Mukutetere ndhango mwathinda: Ya roghera kwambuyama gha raperere kwaNyambi no mutwi wendi mbadi ghana ghufiki ndi? ¹⁴Mbadi ka muhonga kaye kathinda eshi ngeshi katughuru ghadi no huki dhodhire ne dinyatho kukwendi? ¹⁵Mbadi ka muhonga kaye eshi ngeshi mbuyama ghadi no huki dhodhire ne dyo difumanekero dyendi ndi? Huki dhendi kwadhimupa eshi thikukavitho thendi. ¹⁶Ene ngeshi poghadi ghana kushana kukanana yinu yi, mbadi twakara no yitenda yimwe, no mangirishe ghaNyambi temba.¹⁷Ene moghano marawero ghana karandako, mbadi na kumutanaghura. Pakwiya pofotji, mbadi pahasha ene paghuyi ghoghukuru. ¹⁸Mudyango dyo kutanga, na yuvu eshi apa mweyanga pofotji mungirishe, poghadi ma kutawero mukatji kenu, no mutara ghumwe nayitawa. ¹⁹Pakona kukara mambunga mukatji kenu, podigho eshi awa hapwa kutambura hamoneke mukatji kenu.²⁰Pakwiya pofotji, mbadi murarero waFumu mwakudya. ²¹Pakudya, kehe yuno kudya yidya yagho kughutho hamwe gho kuwana yidya yagho. Ghumwe ne ndhara no ghumwe kokuterera. ²²Mbadi mwa kara no mandhugho gho kudyera no kunwena ndi? Kunyatha mwe ngirishe dhaNyambi no kufitha honyi awa ha pira yinu ndi? Yinu munye sho ni ghambe nenu? Ni mu tanaghure ndi? Mbadi sho ni yi mutanawere yi!²³Na wanine kwaFumu eyi na tapire kukwenu, podigho Fumu Jesusi, mughuthiku oghu ha muhetire, gha shimbire ghuroto. ²⁴Apa gha manine kutapa matumero, gha ghuyondore no kughamba eshi, ''Eyi ne yirama yange, ayo ne yenu. Mutendange yi mukunivuruka.''²⁵Mundhira dhofotji gha shimbire kopi munyima dho murarero, no gha ghambire eshi, ''Oyu kopi ne ghoghundambo ghoghupya mumanyinga ghange. Mutendange yi kehe pano mwakumunwa, mu ku ni vuruka.'' ²⁶Kehe nako mwa kudya ghuroto ghu no kunwa kopi yu, kuna kuyuvitha yifa yaFumu kate mbo gha kegha.²⁷Keheyu, keho, gho kudya ghuroto endi kunwa kopi waFumu mundhira dhokupira kuroghera mbo ghana kara no murandu gho yirama nomanyinga ghaFumu. ²⁸Ninge munu gha kukengurure thinda pakutanga, no mundhira dhi ninge gha dye kughuroto no kunwa kukopi. ²⁹Oyu gho kudya no kunwa oku mbadi ghana kukengurura yirama yendi kudya no kunwa mapangwero kukwendi thinda. ³⁰Yodigho eshi hengi hopapenu hana kasha no tjitju, no mwamwe ne muna kotho.³¹Ene ngeshi tukukengurure twathinda, mbadi sho tupwe kupangura. ³²Ene ngeshi Fumu ghana tupangura, tuna pu kuhonga, podigho eshi mbadi ha tuwane murandu pofotji no kaye.³³Podigho keho, mwayendha, pakwiya pofotji nomudye, mukutaterere. ³⁴Ngeshi poghadi ghana kuyuva ndhara, ninge gha dye kudighumbo, podigho eshi apa sho mwiye pofotji mbadi yikare yo kutetera ndhango. Munyima kuyinu eyi mwa tjangire, mbo nana tapa marawero pa mbo niya.

12¹Yokuhatera kuyitapera yamupepo,mwayendhange, ame mbadi nashana mukare mbadi munadimuka. ²Mwayidimuka apa mwakarire mwahayidena, namwe hamutwarie kuyitjwandjo yokupira kughamba. endi no ndhira dhongepi hamutwarire wo. ³Podiyo nashana ghudimuke eshi mbadiko ghokughamba yokwa mupepo waNyambi ghaghambe eshi Jesusi ne hamurundere . mbadiko ghokughmba eshi Jesusi ne fumu. shimengwa pamupepo ghokupongoka.⁴Pano poghadi makutjakero ghoyitapera, ene mupepo ghofotji. ⁵Poyidi yiruwana yakutjaka , ene fumu ne ghofotji. ⁶ndani poyidi yiruwana yokukuthiya thiya, ene Nyambi yoyu ghofotji yoghana kuruwana moyoyiheya yi.⁷Pano kehe yu hamupa mupepo oghu wakuneya panunda kumaghuwaghawahe. ⁸Kwaghumwe hamupa mupepo ghomanando ghoghunyanyami , nokwaghumweya ne ghadimuki kumanando kwa mupepo ghofotji.⁹Kwaghumwe kwamupa matawero mwamupepo ghofotji, no kwaghumweya yitapera yo merukithero mwa mupepo ghofotji. ¹⁰Kwaghumwe ghamupa yiruwana yoyitetukitho, no kwaghumweya ghupumbi. no kwaghumwe kwamupa ngcamu dhokutaghura yopamupepo . kwaghumweya mandimi gho kukutjaka tjaka, no kwaghumweya kupathurura mandimi. ¹¹Yoyiheya yi yiruwana yofotji mwamupepo oghu watapanga yitapera kwa kehe yu pa mundinda wendi.kukutha di ghayitorora.¹²Thika di yakara thirama thofotji noyakara yipo yoyingi no yipo yine thirama thofotji, mwaKristusi. ¹³Mwamupepo ghofotji twahe twapwire kuyogha kuyirama yofotji, Yikare eshi ghomuJuda endi ghomuhirika , yikare shi ghomupika endi ghomukahoro, ndani twaheya hatutenda mukunwa mwamupepo ghofotji.¹⁴Kuyirama kadi thipo thofotji, ene yingi ngeshi ¹⁵dipadhi dighambe eshi , ame mbadi no dyoko, amene kadinahatera kuyirama'' mbadi nothipo thoyirama , ¹⁶no ngeshi ditwi dighambe eshi kadi no diho. ame kadi thipo thoyirama , ame kadi nothipo thoyirama. ¹⁷Ngeshi ngoyirama yoyihe ngoha karire diho, ngokupi yakarire yiyuva yaditwi? ngeshi ngoyirama yoyihe yikare ditwi, ngoku yakarere yinuka?¹⁸Ene Nyambi ghatororire kehe thipo, kehe thofotji thopa yinu yi, kwa turire payirama thika di ghayihimine. ¹⁹Ngeshi ngoya karire thipo thofotji, ngokupi keho yakarire yirama. ²⁰pano ne yipo yingi, ene thirama thofotji.²¹Diho mbadi dyakona kughamba kwa dyoko, ame mbadi nakunyanda , endi mutwi ghughambe kwadipadhi shi ame mbadi nakunyanda. ²²Ene yipo yoyirama yakasha yoyanyanda. ²³ndani yipo yoyirama eyi twaghayaranga dikutodyodipu, atwe kuyipa dikuto dyodikuru dyo twatendanga yipo yodikuto thikuma. ²⁴Mukukarera thipo kadithakara no mudyo, kemo , Nyambi gha pakakererire yirama noghatapire dikuto kuthipo tho thothihepwe.²⁵Ghayitendire yi mukutenda yirama yikare makuyakunukero , ene yipo yikone kukukunga yathinda podiyo yikoneke yathinda. ²⁶ngeshi thipo thimweya kunakunyanda , yipo yoyiheya yakona kunyanda pofotji , no ngeshi thipo thakuwana dikuto, yipo yoyiheya kushamberera pofotji. ²⁷Pano ghoyirama ya Kristusi ndani ghothipo pamundinda.²⁸Nyambi ghatorore mungirishe hokutanga paruwadi kwawa profeta, paruhatu kwawa hongi ndani nawa hatendire yitetukitho, kwawa ghokuruwana mayendithitho , no kwawa hakara no mandimi ghokukutjaka. ²⁹Waheya wa ne hapostoli ndi? waheya ne haporofeta , wahe hahongi ndi? endi wahe hatendire yitetukitho?³⁰Wahe wa hakarire noyitapera yokwirukitha ndi? wahe wa kughamba mandimi ndi? wahe wa kupathurura mandimi ndi? ³¹Mutoghorope thikuma kuyitapera . ene ame nanyi nakumuneghedhe ndhira dhoghuhunga.

13¹Ngambi nighambe mandimi ghawanu no gho haEngeli. Ene ngeshi ame kadi nakara noruhakitho , nakara vene yira ngendjo dho kungerengendja. ²Ngambi nikare no thitapera thokupumba no kutjwathana maghushemwa ghomahe hahoreka no ghudimuki, endi nikare nomatawero ghomahe ghokudhirutha marundu. Ene ame mbadinakara noruhakitho , amene mbadiko vene. ³Ngambi ngonitape ghushwi wange ghoghuhe mukuparitha hahepwe, nokutapa yirama yange hayitumeke, Ene ngeshi kadi nakara noruhakitho ne, mbadiko yi shonikawane.⁴Ruhakitho ne madhidhimekero no ghunongo. Ruhakitho ne kadi nya, no mbadiko kukununeka. Mbadi rwaghamba thikuma, ⁵endi ghupata. mbadi rwashana rwayo. gharo mbadiko kushedhaghura, ende kutureka yitenda yoyimango.Gharo mbadiko kushamberera mughumango, Ene, ⁶gharo kushamberera mughushemwa. ⁷Ruhakitho ne rwatambura yinu yoyihe, rwatawa yinu yoyiheya, rwakurupera yinu yoyiheya no rwa dhidhimeka yinu yoyiheya.⁸Ruhakitho mbadiko mahurero. ngeshi koghudi ghupumbi, nanyi mboghupwe . Ngeshi koghadi mandimi , nanyi mboghahure , ngeshi koghudi ghudimuki, nanyi mboghupwe. ⁹Pano ghudimuki wetu mbadi warikanya mo. no ngambi yitapera yoghupumbi ya hokora ngenyu yomutara ghumwe ghothinu. ¹⁰Ene opo mbogheya maraghero, ogha ghapira kuyarera ne mboghana pu.¹¹Apa nakarire nomwanuke , naghambire yira mwanuke, naghayare yira mwanuke, nakundhundhire yira nomwanuke . ¹²Opano tunakumona yinu mundhira dhimweya , ene mbonakayidimuka thiwana thiwana panunu thika edi ghanidimuka Nyambi popahe. ¹³Ene yinu yino yihatu ne mboyinakarako:matawero , makurupero, ndani ruhakitho. Ene thothikurupo ne ruhakitho.

14¹Mukutha-kuthe ruhakitho nomutoghorope kuyitapera yopamupepo, thikuma poyi mboha pumba. ²No koyu ghana kughama mumandimi aye kughamba naNyambi mbadi namunu. No mbadiko oyu oku mutjwathana yoyishi aye kughamba mughudhindo pamupepo. ³No ghomuhe oyu ghana kupumba aye ghana kughamba kwahanu mukuwakuritha, mukuwatjoketha,no mukuwaturitha thiwana. ⁴Oyu ghana kughamba mumandimi ghana kuku kuritha thinda vene ,kehe yu ghana kupumba aye ghana kutanaritha ngirishe.⁵No pano nidi nodirura kwakeyeyu mukughamba mumandimi .Ene ngambi kupitakana po,nidi nodirura eshi ngomupumbe.Oyu gho kupumba ghapiterera mukakughamba mandimi (Ene ngwa ghumwe hana kutorokera hakangingishe mukuwana makurero). ⁶Ene pano ,manduna ,gheshi ni ghambe kwenu mumandimi,Ngo ngepi shomuwane maghuwa?mbadiko maghamweno,ene ngwa nighambe nenu mughupumbi,nomughudimuki, nomuyipumba, nomuyiyaghura.⁷Mundhira dhofotji, thika di yakara yishika yishiwana yishiwana moyo eshi mbadi wakutapa mughuma ,yira kashiya edi thivandjero. ⁸No ngeshi dipori hadi tapa mbudhi dhokudhira kuyuvitha,yidye yu mbo hga kona kukuroyithera muyita? ⁹No yinu yofotji owe wadimuka mandimi.Ngeshi ghoshwayitha diywi dhokupita ghukenu,ngeshi ghutjwathane diywi dyokupira ghukenu,ngepi shotjwathane yokughamba?no mbo ghuna ghuna ghambera munyara -nyara.¹⁰Po hadi wa hadimuka eshi,mangatji mandimi apno pakaye.Ho kehe dhi dhakara nomapethero. ¹¹Ene ngeshi ngombadi nadimuka mapethero,mbona kara nomutundakure kwamughambi,no mughambi mbo ghana mutundakurekwawaghambi,no mughambi mbo ghana kara mutundakure koye.¹²No kukweno karo shime, kushwaghapa ghudi nothinga dhomaneghedhero ghomupepo, shane makushukero gho ngirishe podiyo eshi mukare pofotji. ¹³Yodigho, oyu ghokughamba mandimi ,gha rapere thitapa thokughapathurura. ¹⁴Ngeshi ghani raperera pamandimi,mupepo wanga ghuna kurapera,ene maghano ghange mbadi mbuyo.¹⁵Yinye shonitende ?nanyi ni raperere pamupepo,ene nanyi ni raperere karo nomaghano ghange.Mbo nimbe karo nomupepo wange. ¹⁶Ngambi kemo, ngeshi tutungeke Nyambi nomupepo,ghepi sho ghakone kughamba ha kanunda ,''Amem''Ngeshi kughana kutumera gheshi mbadi ghanadima yi hanu hana kughamba?¹⁷Ene watapanga matumero thiwana, ene munu gumwe mbadi yakumuritha. ¹⁸Natumera Nyambi yoyishi namupiterera mwahe kumandimi . ¹⁹Ene mungirishe nanyi ni kone kughamba manando makwoko noghudimuki wange po digho mboni nedhe ghamwe,no mbadi yira manando mayovi mumandimi.²⁰Manduna mwakara mwahanuke muyighayra.Ngwa kuyitenda yoyimango,mukare yira tumbututu. Enem muyiyedhekera yenu mukare munakuru. ²¹Mumuragho ghayitjanga,''Pa munu mahana ghomandimi no pamiromo dhawanu awa mbo hana ghamba kwawanu wo. Ngambi ngo mbadi mbo gha yiyuva,ghana kughama Nyambi.²²Kemo karo,mandimi ne thidimukitho,mbadi kwawatawi. Ene ko hapumbi ne thothidimukitho ,kwawakupira kutawa ,ene kwawakakutawa. ²³Ngeshi ngirishe dhikupakere mukughamba mandindi no ghopanonda no kwawa kakupira heya mo,mbadi mbo ghamba shi mwayero?²⁴Ene ngeshi mwahe mwapumbi no ha ka kupira kutawa no ha ka nunda heya mo,awo mbo ghana pu kughamwena. No kupangura muyighamba yoghupumbi. ²⁵Yunda yo mutjima mbo yina pu kuhokora. Munyima mo,mbo ghana ngodyama mukughamba Nyambi. No mbo ghana ghamba shi Nyamb netu ghadi.²⁶Yipi yo kuranda ko,mwakunwa?ngeshi ghamwiya pofotji ,kehe yu gha kone kukara nopisalimi,no hihonga ,no yipumba ,no mandimi ,endi nokupathurura. tende yoyiheya yi mukukuritha ngirishe. ²⁷Ngeshi munu ghumweya ghana kughamba mumandimi ,ninge hakarepo hawadi endi hahatu ,no kehe yu gha kare norufo no ghumwe ghana kupathurura yighamba yawo. ²⁸Ene ngeshi kadipo mutoroki,no kehe yu ghakone kuporera mungirishe. No ghomuhe ghakone kughamba pithendi no naNyambi.²⁹Muninge hawadi endi hahatu hapumbim mukughamba,no ghumwe gha tegherere thiwana nomupepo mukudimuka kuyighamba yawo. ³⁰Ene koyidi yipumba kukoye kukoyu ghana hengetera ,oyu ghokutanga ghakona kuporera.³¹No keheyu gho papenu ghapumbe yofotji noyofotji podigho eshi keheyu dyo sho ghakona kukuhonga no hehe yu gha wane matjokedhero. ³²No mupepo wamupumi ne thihonga kughupumbi. ³³No ngambi ne mbadi Nyambi ghoyipumba,ene ghothiraro.Ethi ne dhoveta mumangirishe gho hanu waNyambi hokupongoka.³⁴No hambuyana ha kona kuporera mungirishe . mbadi ha kara nomatawedhero mukughamba . Ene ha kare hana kutapa, dyo waghamba muragho. ³⁵No ngeshi koyidi yi ghana kurumbera kukuhunga. no ghakona kepura manduna ghawo kudighumbo.No mbadiko ngeshi mbuyama kughamba mungirishe . ³⁶No nando dhaNyambi dhatunda koye ndi? Yowe pithoye dhakumena ndi?³⁷No ghumone oyu ghana kukughayaya thinda eshi mupumbi nopamupepo, gha kona kudimuka eshi yinu numutjangera marawero ghaNyambi. ³⁸Ene no ghomuhe oyu ghana kudhira kutjwathana yinu yi ,namwe karo mwamutjwathana.³⁹Karo yoyingi,mwakurwa ,mukare nodirura dyoghupumbi ,no mwashinga ghumwe oyu ghana kughamba ghupumbi. ⁴⁰Ene mutende yoyiheya no huyirongathana thiwana.

15¹Pano nashana kumuvurukitha mwayendhange,yokuhatera kumdudhi dhodhiwa edhi namuyuvithira,edhi mwatambura nopa mwemanine . ²No kukomonoka ngeshi,hamu kwaterera nganganga kunando dhi na muyuvithera ,shimengwa nyara nyara mwatawa.³Namupa mudyo ghokutangerera oghu na tamburire,kukutha mumatjangwa ne ,Kristus ne gha ferere pamurandu gho maghuyi ghetu,. ⁴Hamuvumbekire ,nohamu tumue mwawafu mudiyuwa dyoghuhatu.⁵Popo vene ghahokokere kwaCephas, ndani kwawashadikumi nohawadi ;. ⁶Ndani kuna kuhokora karo kwawayendhetu mathere kwoko ,hamweya hopapagho ne hafu ghoku hamweya ne hayumi ⁷.Noghahokokire karo kwajakubusi,ndani kwawaapostoli wahe.⁸Pakuhurera ne ghana nihokokere name ,yira yu hashamurukere mughunhwere. ⁹yoyishi yame nomupostoli ghokuhureghera pawa postoli.Mbadi nafumana kunitoya eshi nomu apostoli yoyishi na kuthakuthire hana Nyambi.¹⁰Ene kupitera muneke dhaNyambi ne,na kara thikadi nidi no neke dhendi ne mbadi dhanyaranyara .ene,narughana thikuma kupiterera hamweya .Karo mbadi yame ,ene neke dhaNyambi edhi dhidi mwange. ¹¹Podigho shi yane ndi hodigho ,eyi ne yotwa yuvitha no mwatawa.¹²Ngeshi Kristus ne kumuyuvithako eshi ghambukire mwawafu ,ngepi edi hana kughamba hamweya hopapenu eshin mbadiko muvumbukero wawafu? ¹³Ene ngeshi mbadiko muvumbukero mwawafu,Kristus naye mbadighavukire;. ¹⁴No ngeshi Kristus mbadi hamutumine ne,yanyara-nyara twakuyuvitha no matawero ghetu karo ne ghanyara-nyara.¹⁵Karo, ngo hana kuwana mumwetu ghumbango twa shupa kwaNyambi, yoyishi twa shupire eshi Nyambi gha tumunine Kristusi mwawafu. Ene mbadi gha mu tumunine, ngeshi ghushemwa hafu ne mbadi havumbuka. ¹⁶Ngeshi hafu ne mbadi hawa tumunine, ngambi Kristusi naye mbadi ha mutumunine; ¹⁷no ngeshi Kristusi ne mbadi ha mu tumunine, matawero ghenu ne ghonyara-nyara noshime mwa karera mumaharwero ghenu.¹⁸Shime karo ngo nowa hafera mwaKristusi ne ngo hayongara. ¹⁹Ngeshi tukurupere mwaKristusi, ngo mwawanu wahe atwe mbo tuna wana thineke thishokuru.²⁰Ene pano Kristusi, oyu ghadi eshi mbuyo dhokutangerera kwawafu, ghapwa kutumuna mwawafu. ²¹Thika edi yeyire yifa mwamunu, dyoweyire muvumbukero wawafu karo mwamunu.²²Thika edi hakununga wahe mwaAdamu mukufa, kemo karo mwaKristusi dyombo hawa tumuna. ²³Ene gha karepo makurando kukutha mwakehe yu: Kristusi, you ghadi eshi dimbuyo dyo kutangerera, ndani kurandako awa hahatera kwaKristusi mbo hana wa tumuna pamwiyero wendi.²⁴Munyima pombo gheya mahurero, apa mbo ghatapa ghufumu kwaNyambi ghowihe, apa mbo gha hanyaghurapo miragho nomarawero ghomaheya nomangcamu. ²⁵Mbo ghana raghura kate kuwitha haka nore dhendi waheya kumapadhi ghendi. ²⁶Mukanore gho kuhurerera oyu mbo gha hanyaghura ne yifa.²⁷Aye ''ghatura yoyihe kwishi dhomapadhi ghendi.'' Ene pakughamba kemo eshi, ''ghatura yoyihe,'' ya kena eshi oyu ghatapa yoyiheya ne mbadi nayeko kumarawero ghendi. ²⁸Ngeshi yinu yoyihe ne mumarawero ghendi, Mwana thinda sharaghure kupitera moyu ghatapa marawero gho kuyinu yoyiheya, podigho eshi Nyambi gha rikanye momuheya.²⁹Endi yipi sho ha kone kutenda awa hana yoghanga diyoyero dyawafu? Ngeshi hafu ne mbadi hakuwatumuna, ngo pashanye hana wayoyeranga diyoyero? ³⁰Pashanye tuna kukarera muma ghukukutu kehe pano?³¹Ame kufa kehe diyuwa! Oghu ne ghushemwa yira yikutanaghura yange mumwenu, oghu nakara nagho mwaKristusi Jesusi ghoFumu wetu. ³²Yinu munye nawanenapo, kukutha yimona yawanu, ngeshi narwire noyishereka yomuEfesusi, ngeshi hafu ne mbadi hawa tumuna? '' Mutudye nokunwa, yoyishi peghundha twa kufa.''³³Mbadi muku yongarithe: ''Muyendha ghomuyi ghashinya yikara.'' ³⁴Muhuke kumaghano mwene! Mupare mughuhungami! No mwarundurura ghuyi wenu. Hamweya hopapenu ne mbadi hadi noghudimuki ghokwaNyambi. Na kuyighambera yi kuthihonyi thenu.³⁵Ene ghumwe ne kuna kwipura eshi, ''Ngepi edi hawa tumunanga hafu, noyirama yongepi mbo hawana?'' ³⁶Mwa thuta! Eyi ghuna kukuna mbadi wakwimana ngeshi mbadi yina kutanga kufa.³⁷Eyi muna kukuna ne mbadi yombo yiakarapo, ene dimbuto. Mbo dina kareta dinanda dyotumbi endi dyo yinu yimweya. ³⁸Ene Nyambi ne ghayipa thishwi ethi ghahima, no kukehe dimbuto thishwi thadyo. ³⁹Mbadi nyama dhoyinu yoyihe ne dha kupitura. Ene, pakara nyama dhawanu, nodhimweya ne dhoyiyama, nodhimwe dhoyinyunyi, ndani nodho thi.⁴⁰No pakara karo yirama yomudiwiru noyopa muve. Ru twedhimitho dhoyirama yomudiwiru ne rwa kutjaka noyopa muve. ⁴¹Diwiru kurwedhima kupiterera, no kaghonda nako mwamonamo, nonungwedhi nadho dhakutjaka.⁴²Kemo karo dyombo ghukara muvumbukero wawafu. Eyi ha kunine muma yowero, nopa muvumbukero ne yokupira mayowero. ⁴³Eyi ha kunine nodishamu; Katumuka mumaghuwa. Eyi ha kunine mughukashu; katumuka mungcamu. ⁴⁴Kukuna yirama yonyama; katumuka yirama yopamupepo. Thika edi pakara yirama yopanyama, pakara karo yirama yopamupepo.⁴⁵Thika edi hayitjanga karo eshi, ''Munu gho kutangerera Adamu oyu gha karire mudhimu gho kupara.'' Adamu gho ghuhura ne gha pirukire mupepo ghokuparitha. ⁴⁶Ene mupepo mbadi watangire kwiya ene yirama, munyima mupepo.⁴⁷Munu gho kutanga ne ghopakaye, hamutenditha kumuve. No munu ghoghuwadi ne kudiwiru gha tundire. ⁴⁸Thika edi ghadi oyu gha tunda kumuve, nomunu ghomudiwiru, dyo hapitura nagho awa ha tunda mudiwiru. ⁴⁹Thika edi twakara nothishwi thopamuve, dyombo tukara nothishwi thomu diwiru.⁵⁰Pano kuna kumutongwera, mwayendhange, nyama nomanyinga ne mbadi wa kuyora ghuFumu waNyambi. Endi yomayowero kyipingitha yo kupira mayowero. ⁵¹Mukenge! Kuna kumutongwera thithithatero: Mbadi mbo tufa twaheya, ene twahe mbo hana tuthitununa.⁵²Mbo hana tuthitununa pakapupi kamanana, mumuvindjwera, padipori dyoghuhura. Apa mbo di hataghuka, no hanu mbo hana tumuka yira mbadi hayowa, no mbo tuna thitunuka. ⁵³Eyi yirama yomayowero mbo yinapu kushupeka noyirama yokupira mayowero, noyirama yonyama mbo yina thitunuka yikare yomudhimu.⁵⁴Ene apa mbo yirikanya eshi yirama yomayowero ne hana yishupeka noyirama yokupira mayowero ne, no kuthitununa yirama yonyama kumudhimu, pombo yirikanya yitjanga eshi, ''Kufa ne kuna dhingunuka po keho mumawithero.'' ⁵⁵''Kufa, kupi mawineno ghoye? Kufa, kupi rudi runonga roye?''⁵⁶Runonga royifa ne diharwero, nongcamu dho diharwero ne miragho. ⁵⁷Ene matumero kwaNyambi, oyu ghatupa mawithero kupitera mwaFumu Jesusi Kristusi!⁵⁸Podigho, mwayendhange ghomwahakwa, mutanare mbadi ghu kunyunga-nyunga. Roruhe mukare muthirughana thaFumu, yoyishi mwa dimuka eshi yirughana yenu yomwaFumu ne mbadi yanyara-nyara.

16¹Yokuhatera kuyighongawedha yowakakupongoka waNyambi.Shikadi nayihongire mumangirishe ghomu Galasiye, namwe nomwakona kutenda kemo. ²Mudiyuwa dyokutanga muthivike , kehe yu ghopapenu ghana kona kukupungwera tunu thikadi ghanatuwana. muyiruwaneyi podiyo shi mbadi pakunakare maghongawedhero oku name po.³Apa mbonikuma ,keheyu mwakutorora nanyi nakuwape mbapira dho madikuthero kukwagho no mbononiwatuma pofotji noyi tapa yenu ku Jerusalema. ⁴Ngeshi yakutawedhe eshi ngeshi nakuyende name, ngonanyi twakuyende pofotji.⁵Ene mboneya kukwenu, apa mbonipita dha masedoniya, yoyi mbonayendi dha masedoniya. ⁶Mbonanakara kwenu, ngambi kufu yomuhe , podiyo mbonanimughamwene muruyendo rwange , no kehemuno mboniyenda.⁷Mbadi nashana kumudhingura pakupita vene keho, ene nakurupera kuna kara rure nenu ngeshi fumu ghayitawedhere. ⁸Ene nakukara tango muEfesisu kate ku perife koste. ⁹Thero dhodhikuru dhina niyandhurukera, ene hana vuru hakanore.¹⁰Apa mbogheya Timoteghusi ne, mudimuke eshi nenu ghadi mukupira ghoma, yoyishi naye kuna kunakuruwana yiruwana yafumu yira yame. ¹¹Mbadiko yu ghakona kumunyatha , mumughamwene mundhira dhendi muthiraro, podiyo ghakuna kume kukwange. Kutaterera nakumutaterera mukwiya nawamweya. ¹²Kuhatera kwamuyendhetu Apolosi, nakumutjokedha ghudhundeka eshi ghakunamudhingure pofotji nawayendha, ene mbadi payihima yendi eshi eye popano, ene mboghaneya apa mborurikanya ruvedhe, paruvedhe roruwa.¹³Murawe, mwimane mumatawero, mukare mwandwarume, nomutanare. ¹⁴Yoyi heya muyitende muruhakitho.¹⁵Mwadimuka didhiko dyaStefanusi , hohapiruki hokutanga muAgaye, hakupakire muthirughana thawatawi waNyambi, namukanderera mwayendhange. ¹⁶Mukare ghutawedhi kwawanu hokemo , no kwawahe awahanakughamwena thiruwana no kwawa tuna kurughana nagho.¹⁷Nashamberera kumwiyero waStefanusi na Fotunatusi na Agayikusi, yoyishi mukukara nagho ne hatendire yinu oku mwe mbadipo. ¹⁸Awo harakithithire mudhimu wange no dhenu, mudimuke harume hokemo.¹⁹Mangirishe ghomu Asiya ghanatumu dirumeritho kwenu. Akwila na Prisila hanamurumeritha mwa fumu, pofotji no ngirishe dho mumwagho. ²⁰Hayendhenu wahe hana murumerithapo,mukurumerithe nomancumitero ghoghukushuki.²¹Yame paghulusi nakutjanga nonyara dhange. ²²Ngeshi ghumweya hapiri kuhaka fumu, ghapwe kukuta, fumu wetu wiye. ²³Neke dha fumu Jesusi dhikare nenu. ²⁴Ruhakitho rwange rukare mumwenu mwahe mwa Jesusi Kristusi.

Hakorinte

1¹Mbapira dhaPaghulusi, muapostoli waKristusi Jesusi pamahimeno ghaNyambi, pofotji na muyendhetu Timoteghusi. Kungirishe dhaNyambi dhi dhidi muKorinte, ndani no ko waheya hapokongi waNyambi muthiko tho thihe thaAkayiya. ²Thineke no thiraro thaNyambi ghoWihetu naHekudyetu Jesusi Kristusi thikare nenu.³Ha mukughe Nyambi ghoWiha Hekudyetu Jesusi Kristusi. Aye yo Wiha ghomaneke ghomahe, no yoNyambi ghomahengawero ghomahe. ⁴Aye gha tu hengaghura kumaghukukutu ghetu ghomahe, podiyo eshi natwe tukone kuhengaghura hamweya awa hadi nomaghukukutu. Tuna kuhengaghura hamweya wa no mahengawero agha gha tu hengaghurithire Nyambi.⁵Yoyishi thika di yina kukuwedherera yinyanda yaKristusi mumwetu, kemo dyo ghana kukuwedherera mahengawero ghaKristusi mumwetu karo. ⁶Ene ngeshi gha tunyanda, yi muretere mwe mahengawero no makomweneno; ngeshi tuwane mahengawero twe, yamwe namwe ghana kuhengaghura. Podiyo eshi mukare noghudhughutjima ghokudhidhimeka yinyanda yo kenge yi twanyandire natwe. ⁷Makurupero ghetu ne mumwenu ghadi, yoyishi tuna dimuka eshi thika di mudi netu mukunyanda, dyomudi netu mumahengawero.⁸Mwayendhetu, mbadi tuna himi eshi mudhire kudimuka maghukukutu twa kuwanekere muAsiya. Ghukukutu ghuya wapiterire mangcamu ghetu, kate twa tovohire eshi mbadi mbo tupara karo. ⁹Ene shemwa, twa wanine matungwero ghokufa. Ene yaningithire yinu yi tudhire kukukurupera twathinda, ene mwaNyambi oyu gha tumuna hafu no kuwapa moyo. ¹⁰Aye ne gha tu shwayitha muyifa yishokuru, no shime karo mbo ghana tu ghamwena. Mu mwendi twa tura makuruperonghetu eshi mbo ghana tu ghamwena.¹¹Nanyi gha tu ghamwene ngeshi mututure namwe mumandapero ghenu. Kemo dyo mbo ha yi tapa ndangi, mukutukwateramo kuthitapa thoneke thi hatupa kupitera mumandapero ghowahe.¹²Thitambo thoyitanaghura yetu ne thino: ghudimuki wetu kuna kutapa ghushupi eshi yikaritha yetu mukaye ka ne yo ghupongoki ndani no ghukaro ghothinyambi no mutjima ghoghuhe, mbadi makurupero mudighano dyawanu ene pathineke thaNyambi. ¹³Atwe ne mbadi twamutjangera eyi mwa dhira kutoya nokutjwathana, gho na kukurupera eshi mudiyuwa dimweya ne mbo muna yi tjwathanena yoyihe ¹⁴thika di mwa tjwathana kamanana, eshi mudiyuwa dyaFumu Jesusi mbo muna shamberera thika di mbo tushamberera natwe.¹⁵Yoyishi na kara nothidimuka thi, na hakire kuna mundhingura eshi mbo no mu wane neke paruwadi. Ame nahakire kumupita muruyendo rwange ro kuMesadonia. ¹⁶Ndani shime karo nahakire karo kunamupita pakahuka kuMesadonia, ndani mwe ne ngo mwa nighamwene mu ni tumene mundhira dhange dhokuJudeya.¹⁷Apa nakarire nodighano dino, kwakarire nomatamanyi ndi? Endi ngwa me ne kutetanga yinu muyindhundha yothighunu, podiyo me kughamba eshi, ''Kemo'' ndani ''Mbadi kemo'' paruvedhe rofotji ndi? ¹⁸Ene shemwa yira momu ghakara shi Nyambi ne muhunga, nando dhetu kukwenu ne mbadi shi ''Kemo'' no ''Mbadi kemo'' vene.¹⁹Yoyishi Jesusi Kristusi ghomwana Nyambi, oyu twamuyuvithe naSilivanusi naTimoteghusi ne mbadimo mumwendi ''Kemo'' endi ''Mbadi kemo.'' Ene ye ne kehe pano ''Kemo.'' ²⁰Matoyendhero ghomahe ghaNyambi ne ''Kemo'' mumwendi. Shime karo kupiterera mumwendi kughamba twe eshi, ''Ameni'' kufumwa dhaNyambi.²¹Nyambi thinda gha ghatutura pofotji mwaKristusi nenu, no gha tu pongwera kukwendi, ²²gha tutarekire nothidimukitho thendi noghatupire mupepo ghokupongoka mumitjima dhetu eshi thitureka thi mbo thiya.²³Ene, na kwitha Nyambi eshi ngo yo munongononi gho moyo wange eshi thitambo thi napirere kwiya kuKorinte ne nimuthiye ko kuma humbithero ghaNyambi. ²⁴Mbadi tuna kuninga shi turaghure matawero ghenu. Keho ne kuna kurughana nenu muyihafa yenu, kenge muna kwimana mumatawero ghenu.

2¹Na tokorire eshi kumutara wange eshi mbadi karo nakwiya kukwenu mumaghukaro ghotjitju. ²Ngeshi na muyuvithire tjitju, yidye gho kuni shambereritha ene yoyu ghofotji na yivithire tjitju ndi?³Na tjangire dyodi na tendire podigho eshi apa na kwiya kukwenu ne mbadi ha kuna niyuvithe tjitju awa ha roghera kuni shambereritha. Ni di no makurupero gho kuhatera kukwenu mwahe eshi yishamberera yange ne yodiyo yofotji mudi nayo mwahe. ⁴Na mu tjangere muyinyanda yoyikuru, notjitju dho mutjima, nomaruhodhi ghomengi. Mbadi nashanine kumuyuvitha tjitju. Ene, nashanine mudimuke ghudhungi ghoruhakitho oru nakara naro kukwenu.⁵Ngeshi kehe yuno gha mu retedherapo tjitju, mbadi kukwange ngenyu gha dhiretethera, ene mumanaro ghamwe-mbadi kumutura mupango-kukwenu mwahe. ⁶Ogha mahumbithero ghoya munu mwawengi ne ghana rikanya. ⁷Mukuninga eshi ngo mbadi mahumbithero, mumu thighererepo no kumuhengaghura. Muyitende yi podigho eshi mbadi yi mungambwathane yitokota.⁸Po na kumutjokedha muneghedhe ruhakitho rwenu ro kukwendi. ⁹Ethi ne thothitambo na tjangere, podigho eshi ngo ni muyereke no kudimuka ngeshi mwa tawedhi muyinu yoyihe.¹⁰Ngeshi ha muthigherera kehe yuno, name karo namu thigherera yo munu. Eyi na thigherera-ngeshi na thigherera kehe yino-yina pu kuthigherera pamahimeno ghenu mughukareri waKristusi. ¹¹Eyi ne kemo podigho eshi Shatani ne mbadi gha tuhongaghure. Atwe mbadi twa topeghera yighayara yendi.¹²Fero gha dhini yandhwere Fumu apa neyire munurumbara dhaTuroghasi noni yuvithe mbudhi dhodhiwa dhaKristusi. ¹³Mbadi na yuvire hasha mumupepo wange yoyishi mbadi na ka wanine ko muyendhange Titusi. Nawa thighire nona yendire kuMesedoniya.¹⁴Ene matumero ghakare kwaNyambi, oyu mwa Kristusi gha tutwara mukufunda. Kupitera mumwetu gha hokora kunuka kokuwa koghudimuki wendi kehe kuno. ¹⁵Atwe ne yatwe kwaNyambi twa kunuka kokuwa kwaKristusi, mukatji kowa hapwa kughamwena nowa ha kufa.¹⁶Kwawanu awa hana kufa, kunuka kutunda kuyifa no kuyifa. Kwawa hana kupwa kughamwena, kunuka kutunda kughuparo no kughuparo. Yidye oyu gha fumanena yinu yi? ¹⁷Atwene mbadi yira thingi thawanu awa ha ghurithanga nando dhaNyambi hawane k ndjambi, ene no yighayara yo kukushuka, kughamba twe mwaKristusi, thika edi ha tutuma kutunderera kwaNyambi, mumeho ghaNyambi.

3¹Kuna kutanga kukutanaghura twa thinda ndi? Mbadi twa nyanda marukwaro ghoghushupi gho kukwenu endi gho kukwetu, thika kenge hamweya, twa shana ndi? ²Amwe mwathinda ne yamwe marukwaro gho ghushupi oghu ha tjanga mumitjima dhetu, haghadimuka no kughatoya hanu wahe. ³Mwa kuneya kare eshi amwene mwarukwaro rwaKristusi, yoyitundamo yoyirughana yetu. Mbadi hayi tjangire no Ingi ene paMupepo waNyambi ghomuyumi. Mbadi hagha tjangerire payikwere yo diwe, ene payikwere yomitjima dhawanu.⁴Oghu ne ghoghutjima ghu twakara nagho kupitera mwaKristusi kughutho waNyambi. ⁵Mbadi twa kumenenamo twathinda yo kukupa keheyi yira kukwetu yatunda. Ene yikumithamo yetu ne kwaNyambi yatunda. ⁶Nyambi vene yogha tutenda tukare twapikendi gho ghundambo ghoghupya. Oghu ghundambo ne mbadi gho rukwaro ene waMupepo. Yoyishi rukwaro ne kupagha ene Mupepo ne kutupa moyo.⁷Pano yirughana yayifa- hayitjangire mumarukwaro pamawe- kweyire noghurwedhima ghoghukuru kare hakaIsragheli mbadi hakonine kukungurukera kurupara rwaMosesi. Yoyishi rupara rwendi rwa rwedhimine thikuma, kurwedhima kwadhingunukire. ⁸Ngepi ne keho mbo ghukara ghurwedhima ghushokuru gho yirughana yaMupepo?⁹No ngeshi yirughana yo kutetera ndhango yakarire noghurwedhima, ngepi ne keho edi wa kukara ghurwedhima gho yirughana yo ghuhungami! ¹⁰Ghushemwa, koyiya gha tendire ya karire no ghurwedhima ghushokuru ene pano ne mbadi yina kufrwedhima shime, pamurandu gho kurwedhima oghu waghupitakana. ¹¹No ngeshi yiya yo kudhongonoka yakarire no ghurwedhima, ngepi keho ne kughukuru wakukara gho ghurwedhima gho kukarererapo!¹²Thika edi tudi no makurupero gho kengeya, tudi no ghutjima ghushokuru. ¹³Atwene mbadi yira Mosesi, oyu gha fikire rupara rwendi podigho eshi haka Isragheli hapire kukenga nunu kughuhura ghothishe ethi thadhongonokire.¹⁴Ene maghano ghawo gha karire ghuthuta. Kate pashadyarero, apa hana toyanga ghundambo ghoghukurukuru ne, thihina thiya tho rudhi rofotji shime thakarera. Mbadi hathi shwayithako, yoyishi shimengwa mwaKristusi pithamo moha thishwayithererapo. ¹⁵Ene ngambi pashadyarero, apa hana kutoya Mosesi, thikehe thi kufika mitjima dhawo. ¹⁶Ene neshi munu ghahuka kwaFumu, thikehe ghana kuthi tundithapo.¹⁷Pano Fumu ne Mupepo. Oku ghudi Mupepo waFumu ne, kwakara mashutukero. ¹⁸Pano twaheya, nomarupara gho kupira kufika, kumona ghurwedhima waNyambi. Hatu tjindjurura noghurwedhima gho kupitura kutunda kunaro dhimweya no kuyenda panaro dhimweya, thika edi ya tunda kwaFumu, ayene yo Mupepo.

4¹Pamurandu shi twakara no ghu minisiteri, no thika di twa tambura neke, mbadi tuna kukasha. ²Mudyango dyo, twa shwena mandhira ghoghudhindo no ghothihonyi. Mbadi tuna kuyenda mughumbango, no mbadi tuna kupemukitha nando dhaNyambi. Mukuneghedhitha ghushemwa, tuna kukushupera twathinda kuyighayara ya kehe yuno mu meho ghaNyambi.³Ene ngeshi mbudhi dhetu dhodhiwa ne hadhifika, kwadhifika ngenyu ko wa hana kufa. ⁴Mumwagho keho, Nyambi ghokaye kano ne ghafika maghano ghawo ghokupira kutawa. Yitunda mo keho ne, mbadi hana kukona kumona thishe thombudhi dhodhiwa tho ghurwedhima waKristusi, oyu gha kara eshi yo thishwi thaNyambi.⁵Atwe ne mbadi twa thinda tuna kuyuvithanga, ene Kristusi Jesusi eshi Fumu, no twathinda eshi twa pikenu pamurandu waJesusi. ⁶Nyambi ne yoghaghambire eshi, ''Thishe mbo thina muneka mudikokore.'' Gha muneka mumitjima dhetu gha tape thishe thoghudimuki thofumwa dhaNyambi mumakarero ghaJesusi Kristusi.⁷Atwe twakara noghushwi ghuno mutundimbe toghuma, podiyo eshi yina keni eshi ngcamu dhokupitakanena ne dhahatera kwaNyambi no mbadi kukwetu. ⁸Tuna kunyanda mukehe ndhira, ene mbadi tuna tovoha. Tuna pambana, ene mbadi tuna tovoha. ⁹Hana kutukutha-kutha ene mbadi gha tu mwagha, kutuwithera pamuve ene mbadi kutudhongonona; ¹⁰kehe pano twe kushimba muyirama yetu yifa yaJesusi, podiyo eshi ghuparo waJesusi ne ngo ghupwe kuneghedha muyirama yetu.¹¹Atwe twayumi ne kehe pano kututapa kuyifa pamurandu waJesusi, podiyo eshi ghuparo waJesusi ne ngo ghu kuneghe muyirama yetu yokufa. ¹²Yifa keho ne kuna kurughana mumwetu, ene moyo ne kuna kurughana mumwenu.¹³Ene twakara nomupepo ghofotji ghomakurupero kukutha koyi ha tjangire: ''Na tawa, no naghambire.'' Natwe karo twatawa, no tuna kughamba, ¹⁴yoyishi twa dimuka eshi oyu gha tumine Fumu Jesusi ne mbo ghana tu tumuna pofotji naJesusi no ka tureta nenu mumakarero ghendi. ¹⁵Yoyihe ne pamurandu wenu, podiyo eshi thineke thi thina kuwana huna ho hengi ne ngo thitendithe matapero ghondangi ghakuwedherere kufumwa dhaNyambi.¹⁶Podiyo tuna kupira kutovoha. Ngambi kenge tuna kuyonda panunda, mwishi ne kuna kututendurura kehe diyuwa. ¹⁷Poruno ruvedhe, yinyanda yi ne kuna kuturoyithera yinu yofumwa yokuroruheya eyi ya piterera yimetithera yoyihe. ¹⁸Atwe mbadi tuna kukambedheka yinu yokumona, ene ko yinu yokupira kumona. Yinu yokumona ne yopopano ngenyu, ene yokupira kumona ne yokuroruheya.

5¹Twa dimuka eshi ngeshi mandhugho ghetu ghopakaye ne ghana yipa, twa kara nondhugho dho kwaNyambi. Adho ne ndhugho dhi ha pira kutenda nonyara dhamunu, ene ndhugho dhokuroruheya, dhomudiwiru. ²Mundhughodhi twe ne kudira, kurura kutuvateka nomatungo ghetu ghomudiwiru. ³Atwe kurura yi yoyishi ne pakughavata mbadi ha kutuwana nyara-nyara.⁴Paghushemwa, oku shime mumandhugho tudi, atwe kudira, mukutupa yoyingi. Mbadi tuna shana ha tu shuture. Ene, tuna shana kutuvateka, podiyo eshi yo kupira kundhiyama ne mbo yipwe kuyimina po moyo. ⁵Oyu ghaturoghitherire ku yinu yi ne Nyambi, oyu gha tupire mupepo eshi thineghedhitho tho yi yakwiya.⁶Podiyo kehe pano keho mutjimape. Mudimuke eshi ngeshi kudighumbo tudi muyirama ne, kayenda naNyambi tudi. ⁷Atwe kuyenda pamatawero, ene mbadi pakumona. ⁸Tudi keho noghutjima. Hasha tu kare kayenda no yirama no kudimbo tukare naFumu.⁹Atwe kutenda yi yikare thitambo thetu, yikare shi kudighumbo tudi endi mbadi kudimbo, tu mushambererithe. ¹⁰Twahe twa kona kamoneka kudipuna dyondhango dyaKristusi, podiyo eshi kehe yuno gha ka wane eyi ya muroghera kukutha kuyinu yi gha tenda panyama, yikare shi yiwa endi yimango.¹¹Podiyo, kudimuka woma ghokwaFumu, kuhongaghura twe hanu. Nyambi ne kutumona dyodi twa kara, no mukuruperere eshi yina keni karo muyighayara yenu. ¹²Mbadi tuna kumuhongaghura eshi mutumone shi twa roghera. Ene, ko tuna kumupa thitambo mukuyuve fumwa kukwetu, podiyo eshi ngo mbo mukara nodihuthero ko wa hana kukununeka pamurandu ghoyivata ene mbadi shi eyi yidi mumutjima.¹³Ngeshi atwe ne mbadi tuna kughayara thiwana, yaNyambi; no ngeshi eyi tughayara thiwana ne, pamurandu wenu. ¹⁴Ruhakitho rwaKristusi ne kuturaghura, yoyishi twa tawa yi eshi: Munu ghofotji ghaferere waheya, podiyo keho shi wahe hafire. ¹⁵Gha fererire waheya, podiyo eshi awa ha para ne mbadi hapare karo hathinda, ene oyu ghawafererire no ghamutumunine.¹⁶Pathitambo thi, kutunda pano mbadi tuna kupangura kehe yu kukutha kudhimuragho dhawanu, ngambi kenge eshi dyotwa pangurire Kristusi kenge. Ene pano keho ne mbadi tuna kupangura kehe yu mundhira dhi. ¹⁷Podigho, ngeshi kehe yu gha kare mwaKristusi, aye ne thivareka thothipya keho. Yinu yokare ne yina piti.Mone, yina kara yipya.¹⁸Yinu yoyihe yi ne kwaNyambi yashwagha. Ghatughambwerera kukwendi kupirera mwaKristusi noghatupa ghuminisiteri ghoghughambwereri. ¹⁹Ayo ne, mwaKristusi Nyambi ne kuna kughambwerera kaye kukwendi thinda, ghupira kutara maharwero ghawo ghokukwendi. Aye ghana kunu kurupera mukutupa mbudhi dhokukughambwera.²⁰Hatutorora mukukara twa kareri waKristusi, yira kuna kutenda Nyambi manonekero kupitera mumwetu. Tuna kumukanderera, pamurandu waJesusi: ''Mukughambwere kwaNyambi!'' ²¹Gha tendire Kristusi ghakare muyambo ghomaharwero. Yodiye gha pirire kuharura. Gha tendire yi podiyo eshi twakukare twahungami waNyambi mumwendi.

6¹Kurughana pofotji nedi, karo kuna kumukumbera eshi mbadi mutambure thineke thaNyambi nyara-nyara. ²Aye ngeno ghana kughamba eshi, ''Munako dhodhihunga na kuyuvire, nomudi yuwa dyo makomweneno na kughamwenine.'' Mone, nako dhino ne dhihunga. Mone, dyaro ne diyuwa dyo makomweneno. ³Mbadi tuna tura thiginditho kughutho waghumweya, mbadi tuna shana eshi yirughana yetu yakupire mudyo.⁴Tunongonone twathinda kuyikara yetu, eshi atwe twapika Nyambi. Atwe twa pikendi mughudhughutjima, muyinyanda, muyikudhekera, kurughana thikuma, ⁵kumupumura, kumutura makashitiko, muyirughana yoyikukutu, mbadi wa kurara thiwana turo, mumandhara, ⁶mughukushuki, pamaghano, mukudhidhimeka, mughuhunga, mwaMupepo ghoKupongoka, muruhakitho ro kuyarerera. ⁷Atwe twa pikendi mumanando nomughushemwa, mumangcamu ghaFumu Nyambi. Twakara nothirwitha thoghuhunga kudyoko dyorudyo nodyo rumoho.⁸Atwe kurughana mufuma nomudishamu, mukumangopitha nomukukugha, yira hapemukithi, ene twaka ghushemwa. ⁹Twa rughana yira mbadi ha tudimuka ene shime ha tu dimuka thiwana. Twa rughana yira hafu ene- mone- shime ghatupara. Kotuna kurughana yira kuna kutuhumbitha kuyitenda yetu ene mbadi ha tu pangwera kuyifa. ¹⁰Atwe kurughana yira twa tokota, ene twa kara no yishamberera kuroruheya. Atwe kurughana yira twa ka kunyanda, ene twatenda hohengi hatungi. Atwe kurughana yira mbadiko eyi twawana, ene twawana yinu yoyiheya.¹¹Twamana kughamba ghushemwa ghoghuhe kukwenu, haKorinte, nomitjima dhetu dhayandhuruka thikuma. ¹²No mbadi twa mudhindire, ene mwakudhinda mwathinda mumitjima dhenu. ¹³Mukughamba ghushemwa- kuna kughamba yira kohanuke- mukuyandhurure mwathinda karo.¹⁴Mbadi mukukureke djoko dhofotji nawayiharuri. Ngepi edi gho kukara ghundambo pakatji kamukushuki nathiharuri? ¹⁵No ngepi edi gho kukara ghundambo pakatji ko thishe nodikokore? Yikuyuva yongepi yo kukara pakatji kaKristusi naBeliya? Endi yikutapera munye yakara pakatji kamutawi nowa hakakupira kutawa? ¹⁶Nomakuyuvero munye gho kukara pakatji ko tembeli waNyambi? Atwe twa tembeli waNyambi ghomuyumi, thika kenge gha ghamba Nyambi eshi: ''Nanyi na kukare mumwagho no kuyenda nawo. Nanyi na kukare noNyambi wawo, no mbo hana kara hanu wange.''¹⁷Podigho keho, ''Mutunde mumwawo, nomukukarere pithenu,'' Dyo ghana kughamba Nyambi. ''Mbadi mukwate kehe thino tho kunyata, no nanyi ni mutambure. ¹⁸No nanyi na kukare nowihenu, no namwe mwa kukare mwahanange nawanage hohakamadi,'' Dyo ghana kughamba Fumu ghomukamangcamu.

7¹Mwahakwa, thika edi tudi no gha makuruperitho, ninge tu kukushure twathinda kuyoyihe eyi ya haruritha yirama nomupepo wetu. Ninge tu kuthe ghupongoki no mayapero ghaNyambi.²Mututendere dyango! Mbadiko yu twaharwera endi kudhundeka kehe yuno. ³Eyi ne mbadi mukumu tetera ndhango pakughamba yinu yi. Namana kuyimutongwera kare eshi amwene mumitjima dhetu mwakara, kukwetu mukufa pofotji no kupara pofotji. ⁴Ni di no makurupero ghomakuru mumwenu, no yitanaghura yange yoyikuru kukwenu. Nayara no yihengaghura. Nayara no yishamberera ngambi mukehe ghano maghukuktu ghetu.⁵Apa tweyire muMesedoniya, yirama yetu mbadi ya turumuthire. Ene, twomapire mukehe ndhira kuyita yopanunda nowoma gho mwimi. ⁶Ene Nyambi, oyu gha hengaghura awa hana kasha, gha tu hengaghure pamwiyero waTitusi. ⁷Mbadi pamwiyero wendi ngenyu gha tu hengaghure Nyambi. Ene no pamahengawero agha gha wanine Titusi kukwenu. Gha tutongwere yodirura dyenu dyodikuru, yinyanda yenu, no thinga thenu thothikuru kukwange. Po na shambererire keho thikuma.⁸Ngambi kenge mbapira dhange dhamukashithire, mbadi na kuyikwera. Ene na yi kwerire apa na monine eshi mbapira dhange ne dha mukashithire, ngambi kenge eshi pakanakoghana ngenyu. ⁹Pano ne nashamberera, mbadi yoyishi mwakashire, ene yoyishi yikasha yenu ne yamu retere mapirukero. Mwa kuwanekere no yikasha yaNyambi, mwa nyandire no mbadiko ethi mwa yongarithire pamurandu wetu. ¹⁰Yikasha yomwaNyambi ayo kureta mapirukero agha twaranga kumaghamweno gho kupira kukwera. Yikasha yo mukaye, ayo, kureta yifa.¹¹Mumone mangcamu gho ngepi yikasha yomwaNyambi ghareta mwenu. No ngepi ghukuru gho yirughana mumwenu mukumu neghedha eshi amwene mwadhira murandu. Ngepi ghukuru gho ghupata, woma wenu, dirura dyenu, no yikuyuva yenu noyihima yenu mukumona eshi ngepi edi ghuhungami ne haghutende! Muyoyihe yi mwa neghedha eshi amwene mbadiko murandu kuyinu yi. ¹²Ngambi kenge na mutjangere, mbadi na yi mutjangere pamurandu gho yitenda yenu yoyimango, endi ghumwe gha nyandire paghuyi, ene ghuwa wenu gho kukwetu ghupwe kudimuka kurupara rwaNyambi.¹³Payinu yi potuna pwera kutjokedha. Kuwedhera kuma hengawero ghetu, twa shambeghere karo thikuma pamurandu gho yishamberera yaTitus, yoyishi mupepo wendi wapwire kukushukitha kukwenu mwahe. ¹⁴Ngo na kununekire kwendi kuhatera mwe, ngo mbadi mwa ni fithire honyi. Ngambi kenge, dyo di ya karire eshi yoyihe eyi twa mutongwere ne yashemwa, yi kutanaghura yetu yo kwa Titus ne ya kuneyire eshi ghushemwa.¹⁵Ruhakitho rwendi rokukwenu ne rukuru shemwa dyodi ghana kuvuruka ghutawedhi wenu mwahe, edi mwana mutambure nowoma no kututuma. ¹⁶Nashamberera yoyishi nidi no ghudhughutjima mumwenu.

8¹Tuna shana mudimuka, mwahakwa, thineke thaNyambi ethi gha tapire kumangirishe ghomu Masedoniya. ²Muruvedhe romayerekero ghoyinyanda yoyikuru, thingi tho yishamberera yawo no ghuhura ghoyinyanda yawo yaretire ghutungi ghushokuru mughutapi wagho.³Podigho hakumutongwera eshi hatapire thikuma dyodi ghakarire, noghawedhererire noyi gha konine, nopayihima yagho, ⁴hatukumberire thikuma mughuwa gho kukuyarekera muthirughana tho hanu ho kupongoka waNyambi. ⁵Eyi ne mbadi ya hokokire dyodi twa yikuruperire, ene hatangire kukutapa hathinda kwaFumu no kukwetu pamahimeno ghaNyambi.⁶Twa tjokedhire Titusi, oyu gha tangire ethi thirughana, mukuyimanitha papenu yirughana yothineke. ⁷Ene mwe mwakara muyinu yoyihe- mumatawero, muyighamba, mughudimuki, nomumakonekitho, nomuruhakitho rokukwetu. Muninge karo eshi muvure muyirughana yothineke.⁸Kuna kughamba yi ene mbadi marawero. Podigho, na kughamba yinu yi mukuyereka ghushemwa ghoruhakitho rwenu mukuyipakerera muyihima yo hanu hamwe. ⁹Amwe mwa dimuka thineke tha Hekudyetu Jesusi Kristusi. Ngambi kenge gha karire mutungi, gha karire muhepwe pamurando wenu, kupitera mughuhepwe wendi amwe mwa kona kukara mwatungi.¹⁰Apano kuna kumupa matjokedhero ogha sho gha mughamwene. Mwaka ghofotji ghuya nga ghupu, mbadi mwa konine ngenyu kutenda yinu, ene mwahimine mukuyitenda. ¹¹No muyimanithe. Thika dyodi pakarire ghuhima no ruhakitho rokuyitenda, ninge namwe myirete kumamanithero, kukutha edi mwa kuyikona. ¹²Ngeshi kuna kumukumbera mukutenda ghuwa, ayo ne yiwa no ghayitambura. Yakona kurikanya koyi ghawana munu, ene mbadi poyi ghapira kuwana.¹³Ene yine mbadi ghuredhu kwawamweya noyinyanda kukwenu. Ene pakara noghufwiki temba. ¹⁴Wingi wenu poruno ruvedhe mbo ghana yitapa mbo hanyanda. No karo eshi muwingi wayo nanyi mwakuwane eyi mwakunyanda, nombo pakare kupira ghufwiki. ¹⁵Yapwa kutjanga: ''Oyu ghadi noyoyingi ghana kuthighara nyara-nyara, noyu ghadi noyoyipu mbadiko eyi ghanyandire.''¹⁶Ene matumero kwaNyambi, oyu gha turire mumutjima waTitusi ghushemwa ghothinga nenu nidi kukwenu. ¹⁷Ene mbadi gha tamburire ngenyu yikumbera yetu, ene gha karire noghushemwa gho kuhamenako. Gheyire kukwenu nomahimeno ghendi gho kukushuka.¹⁸Pofotji nendi twa tumine karo muyendhendi oyu ha tanaghura mumangirishe ghomahe kuyirughana yendi yo kuyuvitha mbudhi. ¹⁹Ene mbadi yoyi pithako, ene hamu tororire mumambunga mukukara muyendha gho kuyenda nendi nothirughana thothineke. Agha ghayuvithire kukwetu padifumanekero dyaFumu yithinda noyihima yetu yoyiwa yokughamwena.²⁰Kotwa kushwena makoneno eshi kehe yuno gha kone kushivana yo kuhatera kughukaro ghoghutapi oghu tuna kushimba. ²¹Twa kara nothinga mukurughana yoyiwa, mbadi kughutho waFumu pithako, ene kughutho wahanu.²²Kotuna kutuma karo muyendha ghumweya nawo. Rwingi twa muyerekire mumandhira ghomengi notwa monine ghutoghoro gho yirughana yendi mumandhira ghomengi. Aye gha yitokomena thikuma pamurandu ghoghudhughutjima ghoghukuru oghu ghakara nawo mwenu. ²³KwaTitusi, aye muyendhange nomukuthi gho murughani wenu. Kwawayendhetu, awo ne hatumi homangirishe. Awo ne fumwa dhaKristusi. ²⁴Podigho, wa neghedhe ruhakitho, no kuneye kumangirishe thitambo thetu tho kukutanaghura kuhatera kukoye.

9¹Yo kuhatera kuyirughana yo hanu waNyambi hokupongoka, mbadi mudyo kukwange eshi ni mu tjangere. ²Na dimuka yokuhatera kuyirumbera yenu, eyi na kutanawere kwawanu ho muMesadoniya. Nawa tongwerire eshi Akaye ne ghana kuroyitheranga kutunda mwaka ghuya ghuna kapita. Ghu hima wenu watjokedhire hengi ha rughane.³Pano na tumu hayendhetu podiyo eshi yi kutanaghura yange yo kukwenu ne mbadi yi kare yanyara-nyara, no podiyo eshi mukuroyithere, thika di na ghambire eshi dyo mwa kukara. ⁴Shimengwa, ngeshi kehe yuno mukaMesadoniya gheye nange no kuna kuma ne shime mbadi mwakuroyithera ne, ngo nanyi twa kuna fe honyi-Ame mbadiko na kughamba yo kukwenu-mumakurupero ghange mumwenu. ⁵Na ghayarire eshi mudyo mukutjokedha hayendha mukwiya kukwenu no kuna royitha yoyiheya kuthitapa thi mwakuruperithire. Oyi ne podiyo eshi ngo yiroghe eshi matungekero, no mbadi yira thinu thimweya thokuthiyeneka.⁶Thitambo ne thi; Oyu gho kukuna ghupu ne mbo ghana pokora ghupu, no yu ghokukuna pamurandu ghomatungekero ne mbo ghana pokora matungekero. ⁷NInge kehe yu gha tape thika di ghana yi rongeka mumutjima wendi, mbadi mumathineneko endi muyitokota, Nyambi ne gha haka yu ghokutapa muruhafo.⁸No Nyambi kukona gha tendithe fumwa dhidhihe dhi muvurere, podiyo eshi, kehe pano, mu kehe yinu, mu wane yoyihe eyi mwa nyanda. Oyi yina kukara kemo podiyo eshi mwingipithe kehe yino yirughana yoyiwa. ⁹Kemo yidi thika di ha yi tjanga: ''Gha taperire ghushwi wendi no kughutapa kwawahepwe. Ghuhungami wendi ne ghokuroruheya.''¹⁰Oyu gha tapa mbuto kwamundjimi oyu gha kuna no ghuroto ghokudya mbo ghana tapa no kuwedherera muyangu ghoghuhungami wenu. ¹¹Mbo muna pu kutungeka mukehe ndhira podiyo eshi mwakukare ghutapi. Oyi ne mbo yina reta matapero ghomatumero kwaNyambi kupiterera mumwenu.¹²Mukerughana yinu yi ne mbadi ngenyu yina kukumutatha mo yo hanu waNyambi ho kupongoka, ene nayo kuna kukuwedherera muyirughana yo yingi yomatapero ghondangi kwaNyambi. ¹³Pamurandu gho kumuyereka no kumutawedhera pathirughana thi, mbo muna kughu Nyambi mughutawedhi kumanongweneno ghenu ghombudhi dhodhiwa dhaKristusi. Mbo muna kughu karo Nyambi paghutapedhi wenu kukwagho no kwa kehe yuno. ¹⁴Awo kuna kumurura, no kuna kumuraperitha. Awo kutenda yi pamurandu ghithineke thothikuru thaNyambu ethi thidi papenu. ¹⁵Ngo matumero gha kare kwaNyambi kuyitapa yendi yoyikuru.

10¹Ame, Paghulusi, kuna kumutjokedha, mughukumbirupitha nomakuturero ghaKristusi. Ame kukumbirupitha ngeshi pofotji nenu nidi, ene ame kukara ghutjima nenu ngeshi kayenda nenu nidi. ²Ame kuna kumu kumbera eshi, ngeshi nenu nidi, mbadi nanyanda kukara ghudhughutjima no kutjimapa papange nothinda. Ene kuna kughayara eshi mbona nyanda kukara ghutjima apa mbo nimanganya nowa haghayaranga eshi atwene kuna kupara panyama.³Ngambi kenge eshi atwene kuyenda panyama, mbadi twa rwanga yita panyama. ⁴Yoyishi yirwitha eyi twa rwithanga ne mbadi yopanyama. Ene yakara nongcamu dhishokuru dho kuharanganya mangcamu ghomahe. Agho kuwitha yikuanyeka yoyihe yokupemukitha.⁵Atwe karo kuharanganya kehe thino thinu thokukuyeyura thimanganyene ghudimuki waNyambi. Atwe kutura mukashitiko kehe yino yighayara mukukuhema kwaKristusi. ⁶No atwe kuna kukuriyithera mukuhumbitha kehe yino yirughana yokupira kukuhema kwaFumu, makuhemeno ghenu ghayarerere.⁷Mukenge eyi yina kenenena kughutho wenu. Ngeshi ghumwe ghana tawa mukuyarerera eshi ayene mwaKristusi ghadi; ninge gha kuvurukithe eshi thika edi ghadi ye mwaKristusi, natwe karo kemo. ⁸Ngambi ngo ni kutanaghure kamanana kumangcamu agha twakara nagho, agha gha tupa Fumu mukumu tenda nombadi kumuyipitha, mbadi sho ni kuyuve honyi.⁹Mbadi na kushana yimoneke yira kuna kumuyapitha nomambapira ghange. ¹⁰Hanu hamwe kughamba eshi, ''Mambapira ghendi ne kutokomena nongcamu shemwa, ene panyama ne mukashu. Manando ghendi ne mbadi ghakara mudyokughagherera.''¹¹Ninge hanu ho kemo hakare nokudimuka eshi edi twa kara mumanando gho yitjanga ngeshi mbadi tuna moneka yombo yikara karo muyitenda yetu ngeshi potudi. ¹²Mbadi tuna yendanga kayenda eshi tuka ponge pofotji endi tuku rikanyithe nowa hokukukugha hathinda. Ene apa hana kumetanga hathinda hathinda no kukurikanyitha kwawayendhagho, mbadiko hakara noghunongonodhi.¹³Atwe, mbadi wa kukutana kupitakana. Ene, kuyitenda kemo kukutha marawero agha gha tupa Nyambi, marawero gho kukuma kukwenu. ¹⁴Yoyishi atwe mbadi twa kukutaghura thikuma twa thinda apa twa muwanine. Yatwe twa tangire kuna kuma kukwenu nombudhi dhodhiwa dhaKristusi.¹⁵Mbadi twa kutanaghura thikuma ghupira mahurero kuyirughana yawamwe. Ene, makurupero ghetu ne thika kenge ghana kukura matawero ghenu, yirughana yetu mumwenu mbo yina kuhanya yingipe. ¹⁶Atwene kuna kukurupera yi, podigho eshi mbo tuka yuvithe mbudhi dhodhiwa mumatunga gho kayenda nenu. Mbadi sho tukone kukutanawera yirughana eyi hana kurughana kudyango dimweya.¹⁷''Ene ninge oyu ghana kukutana, ghakutane mwaFumu.'' ¹⁸Yoyishi mbadi oyu ghokukushupera thinda ghokutambura. Ene, ene oyu gha shupera Nyambi.

11¹Ame na himi ngo muniture kukwange mughuthuta. Ene yoghushemwa muna kunitura nange. Ame ne difupa kukwenu. ²Na kara no difupa dyoghunyambi kukwenu, kutunda pa namukuruperithire muyiyeka kwakatughuru ghofotji. Na kuruperithire mukumutapa mukare mwane ghokupira kukara rumwe panyama na kehe yu kwaKristusi.³Ene nayapa eshi pamwe, thika di thangere thiyoka Eva noghundondoro watho, yighayara yoye ne kukona hayitware yiyemburuke kughushemwa no kuthirughana thokukushuka thaKristusi. ⁴Ngo ngeshi ghumwe gheye no kuna kuvitha Jesusi ghumwe mbadi yu twa yuvitha twe. Endi tuninge shi ghutambure mupepo ghumwe mbadi ghu twatambura. Endi ghutambure mbudhi dhimwe mbadi dhi watamburire. Amwe kukupakerera noyinu yi thiwana.⁵Ame na kughayara eshi nomumbiru wo wa hedha eshi ngo ho ha apostoli. ⁶Ene ngambi kenge shi mbadi hani deghura mughamba, Ame ne hani deghura mughudimuki. Mukehe ndhira no mukehe yino ne twa yi mudimukitha yi.⁷Naharurire pakukumbirupitha noyhinda podiyo eshi ngo mupwe kuyerura ndi? Ame ne nayuvithire mbudhi dhodhiwa kukwenu nyara-nyara. ⁸Nedhire mangirishe ghamweya mukutambura maghamweno kukwagho podiyo eshi ni mughamwene. ⁹Apa na karire nenu no natjandire thinu, mbadi napire ghumweya rupokotwa. Yinyanda yange ne hayi kumithire mo hayendhange awa ha tunderire kuMesadoniya. Mukehe yino nakushwayithire ko nothinda podiyo eshi mbadi ni kare mupango kukwenu, no nanyi ni twikere kutenda kemo.¹⁰Thika di ghudi ghushemwa waKristusi mumwange, yikununeka yange ne mbadi mbo hayiporeritha kudhimutara dhaAkayiya. ¹¹Pamurandu munye? Yoyishi mbadi namuhaka ndi? Nyambi ghayidimuka.¹²No oyi natendanga ne nanyi ni twikere kuyitenda, podiyo eshi ngo ni shwayithepo yi ghamba yo kunisherera no yighamba eyi hana kushana kukununeka-eshi ghawa wananga hana kutenda yirughana yofotji noyi twakutenda. ¹³Hanu ho kenge wa ne haapostoli hombango no harughani hoghumbango. Kukutura hathinda eshi haapostoli waKristusi.¹⁴Ethi ne mbadi thitetu, ngambi Satani thinda ghakuneya yira muengeli ghomunyenge. ¹⁵Mbadi thitetu thothikuru ngeshi hapikendi hakuneghe nagho yira hapika gho ghuhungami. Ndjambi dhagho ne mbo dhina kara yoyi yaroghera yitenda yagho.¹⁶Ame kuna kughamba karo: Mbadiko yu shogha ghayare eshi ame ne nomuyero. Ene ngeshi mughayare kemo, munitambure kenge podiyo eshi nikutanaghure kamanana. ¹⁷Eyi nakughamba nokukununeka noghutjima-mbadi na kughamba kenge gha ghambanga Fumu-Ame kuna kughamba yira nomuyero. ¹⁸Kenge yidi shi hanu hohengi hakutanaghura kukutha kunyama, name mbo na kutanaghura.¹⁹Amwe ne kukutura ghushamberera nohayero. Amwe mwathinda ne mwanyanyami! ²⁰Kukutura na ghumweya ngeshi ha mutendi mwapika wendi, ngeshi hamumini, ngeshi ha wana maghuwa mumwenu, ngeshi ha kukengi thinda shi hasha kupiterera mwe, endi ngeshi gha kupumure murupara. ²¹Mbo naghamba kuhonyi dhetu eshi twa karire twakashu mukuyitenda. Ene ngeshi ghumwe ghakutanaghura-Ame keho ne kuna kughamba yira muyero-Name mbona kutanaghura.²²Awo ne haHeburayi ndi? Name karo. Awo ne hakaIsragheli ndi? Name karo. Hanahoka waAbrahamu ndi? Name karo. ²³Hapika waKristusi ndi? (Ame kughamba yira napira maghano.) Name karo. Na kara muyirughana yoyikuru kupiterera yenu, mumanotwa ghomengi, muyipuma yokupeterera, mukukuwanekera no ma ghukukutu ghomengi ghoyifa.²⁴KwawaJuda ne nawanine muyendero kwoko gho ''matjupa makumi mane kutundithamo dhofotji.'' ²⁵Ruhatu hani pumurire nomburo. Pamwe ghani fukumine no mawe. Paruhatu na rowere nothikepa. Na kara diyuwa dyofotji noghuthiku ghofotji kudikuruviya. ²⁶Na kara mumaruyendo kehe pano, mughukukutu kumarware, mughukukututu kwawamatjotji, mughukukutu kwawanu wanu, mughukukutu kwawa kupira haJuda, mughukukutu mumbara, mughukukutuku mumamboreya, mughukukutu kudikuruviya, mughukukutu kwawayendha hombango.²⁷Na karire nothiruwana thothikuru no mumaghukukutu, mumaghuthiku ghomengi ghokupira kurara, mundhara nodinota, rorwingi mumadhidhimekero, mumepo nothiheha. ²⁸Kutundithako yoyihe, koyidi yikudhekera yange yo kehe diyuwa yomangirishe. ²⁹Yidye gha kasha, Ame ne mbadi na kasha ndi? Yidye yu ha tendithire gha putunde, no mbadiko kupya?³⁰Ngeshi nikutanaghure, nanyi nikutanaghure koyi yaneghedhanga ghukashu wange. ³¹Nyambi noWiha waFumu Jesusi, oyu hakugha kuroruheya, gha dimuka shi Ame mbadi nakughamba ghumbango.³²KuDamasikusi, nguvuru yu gha karire kwishi dhaFumu Aretasi naye ghakungire mbara dhaDamasikusi gha ni kwate. ³³Ene hani ghurumuthere muthikote kupiterera padikende dyomudikuma, no naparire mumoko ghendi.

12¹Na kona kukununeka, ene mbadiko meghero mo. Ene nanyi ni yende kuyimonekera noyihokora yo kwaFumu. ²Na dimuka katughuru waKristusi oyu mumyaka makumi dikumi nodhine dhina kapita gha-yikare muyirama endi mbadi muyirama, mbadi shonidimuke, Nyambi ghayidimuka-hamutwarire kudiwiru dyoghuhatu.³No nadimuka eshi oyu katughuru-yikare eshi muyirama, endi ghashwayire muyirama, Nyambi ghayidimuka- ⁴ha mutwarire kuparadishi no ghakayuvire yinu yo kuyapa kehe yuno kutongora. ⁵Mudyango dyo munu ghokenge ne nyanyi nikutanaghure. Ene mudyango dyange nothinda mbadi shonikutanaghure, shimengwa yoghukashu wange.⁶Ngeshi nitorore yikutaghura, mbadi shonikare nomuyero, yoyishi ngo ghushemwa shonighambe. Ene mbadi shomikununeke, podiyo eshi mbadiko oyu shoghaghayare thikuma yokukwange kupiterera eyi gha mona mumwange endi ghayuva kukwange. ⁷Mukunishaghekitha kukutanaghura pamurandu ghokupitakana ghukuru ghoyihokora, munga muthirama hani pire, mutumi waShatani ghani nyandeke-podiyo eshi mbadi nikuyeyure nothinda.⁸Paruhatu na kumberere kwaFumu ko yi, podiyo eshi ngo ghayi ni tundithe. ⁹Ene ghani huthire eshi, ''Thineke thange ne thakurikanya, ngcamu ne dhapwa kuroyitherera mughukashu.'' Hasha nikutanaghure mughukashu wange, podiyo eshi ngcamu dhaKristusi ngo dhi tunge pamwange. ¹⁰Podiyo narikanya pamurandu waKristusi mughukashu, mumatuka, mumaghukukutu, mumakuthakuthero no muyikudhekera. Kehe pano ghokukasha me ne, na tanara.¹¹Na kara keho nomuyero! Mwa ni thiyenekire ko yi, ngo mwa ni tanaghure. Mbadi nakutjakire nowa mwatoya eshi haspostle, ngambi shi ame ne mbadiko yange. ¹²Yineghedhitho yoshemwa yaapostoli ne yana pwire kuna rughana mukatji kenu noghudhughutjima ghokuyara, yineghedhitho noyitetukitho no yirughana yongcamu. ¹³Ngepi di mwakarire eshi mbadi mudyo yira mangirishe ghomaheya, kutundithako shi mbadi nakarire mupango kukwenu? Munithiyerere po kughumango ghu!¹⁴Mumone! Nakuroyithera niye karo kukwenu roghuhatu. Mbadi nakuna kara mupango kukwenu, mbadi nakushana me yinu yenu. Nashana yamwe. Hana ne mbadi ha kona kuturekera hakuru wawo. Ene, hakuru ne hosho hatureke hana wo. ¹⁵Nanyi nakunatape noyishamberera nokuni tapa kumidhimu dhenu. Ngeshi namuhaka thikuma ne, ame ne kunihaka kamanana?¹⁶Ene thika di yidi, mbadi namupire mupango. Ene kenge yidi shi nomuringi-ringi. Yame na muhongaghurire. ¹⁷Namurughanithire mowa namutumene ndi? ¹⁸Na kumberire Titusi gheye kukwenu, no natumine muyendhetu ghumwe nendi. Ghana murughanithire Titusi? Mbadi napo twayendire twahe mundhira dhofotji? Mbadi twayendire twahe mumanutu ghofotji?¹⁹Muna kughayara shi ruvedhe roruhe ru ne ko tuna kukughamwena twathinda kukwenu? Mumeho ghaNyambi, kwa ghambanga twe yoyihe mwaKristusi tu mutanarithe.²⁰Na kuyapa eshi apa mbo niya ne mbadi nakuna muwana thika di nakuyihima. Na kuyapa eshi mbadi mwakuna niwana thika di muna kuyihima. Na kuyapa shi kukona pakukare yikughambera, nya, matumukero ghoghupata, ghungwenya kughungwenya, kukurundera, kukuhopa, ndhino, nokupira makuyuvero. ²¹Na kuyapa eshi apa mbo niya, Nyambi mbo ghana ni mbirupitha kughutho wenu. Na kuyapa eshi mbo hana niguvitha wa kunyima kate popano no mbadi hapiruka kuyinu yokupira kukena norungu nodidovo edi hatendire.

13¹Oru ne roghuhatu nakwiya kwenu. ''kehe ghuno kukukutu twakona kughuturapo paghushupi ghohawadi endi hahatu.'' ²Na ghambire kare kowa haharurire kare no kwawaheya apa nanakarire ko roghuwadi, no nakuyighamba karo eshi: Apa mbo niya, mbadi mbo no niwa thiyerera.³Ame na kumutongwera yinu yi yoyishi muna shana ghushupi eshi Kristusi ne kuna kughamba kupiterera mumwange. Aye ne mbadi mukashu kukwenu. Ene, ghatanara mumwenu. ⁴Aye ne hamupamarerire mughukashu, ene muyumi pangcamu dhaNyambi. Atwe natwe ne twakashu mumwendi, ene mbo tuna para nendi pangcamu dhaNyambi mumwenu.⁵Mukukengurure mwathinda, mumone eshi mumatawero mudi. Mukukonakone mwathinda. Mbadi muna kuyi nongonona yi mwathinda, eshi Jesusi ne mumwenu ndi?-shimengwa, yashemwa, mwawa makonakono. ⁶No nakurupera eshi mbo muna nongonona eshi mbadi twawa makonakono.⁷Pano twakurapera kwaNyambi eshi ngo mbadi mutende ghuyi. Mbadi nakurapera eshi ngo tumoneke yira tuna piti makonakono. Ene, Na kurapera eshi ngo mutende eyi yahungama, ngambi tu moneke yira tuna ghu makonakono. ⁸Atwe ne mbadiko yokutenda yokwimanganyena muragho, ene yoghushemwa vene.⁹Atwe ne kushamberera ngeshi tuna kasha nomuna tanara. Tuna kurapera karo eshi ngo hamutende mukumenenemo. ¹⁰Na kutjanga yinu yi oku me ne kayenda nenu podiyo eshi ngeshi nenu nidi ne mbadi nimutokomene thikuma mumarughanithero ghoghuraghuri wange- oghu ghani pire Fumu podiyo eshi ngo ni mutendurure, ene mbadi nimughurumune.¹¹Paghuhura, mwayendha, mushamberere! Murughanene marughuthwero, mupwe kutjokedha, mukutawitheko, mupare muthiraro. NoNyambi ghoruhakitho nothiraro nanyi ghakare nenu. ¹²Mukumorore nodirumeritho dyokupongoka.¹³Hanu waNyambi wahe hokupongoka hana mumorora. ¹⁴Neke dhaFumu Jesusi Kristusi, ruhakitho rwaNyambi, no makupakerero ghaMupepo Ghokupongoka ghakare nenu.

Haheburayi

1¹Pakare-kare Nyambi nga ghambanga kwawa kerekandongo wetu kupitera mwawa porofeta pama ruvedhe ghomengi no mumandhira ghomengi. ²Ene mumayuwa ghano ghoghuhura, ghana ghamba kukwetu kupitera mwaMwana, oyu gha tororire muku kara mupingwa ghoyinu yoyiheya. Kupiterera mumwendi pogha varekire Nyambi kaye. ³Yodiye munyenge gho kurwedhima waNyambi, mukareripo ghoghushemwa gho ghunu waNyambi. Gha kwaterera yinu yoyihe pofotji pangcamu dhonando dhendi. Apa gha manine kukushutura maharwero, gha hungumana kurudyo rwaNyambi muka ngcamu dhodhiheya.⁴Ayene ghakara muraghuri kwawa engeli wahe yoyishi dina edi ghayora dihunga kupiterera mena ghawo. ⁵Kwamu engeli munye pakatji kawa engeli oyu ghetha Nyambi eshi, ''Owene ghomwanange, dyarero nakara nowiho''? Endi kwamu engeli munye gha ghambire Nyambi eshi, ''Nanyi gha kukare ye wihe, ndani aye gha kukare mwanendi'''?⁶Ene karo, pakureta Nyambi mwanendi ghombedi mukaye, gha ghambire eshi, ''Haengeli wahe hakona kumukugha.'' ⁷Kuhatera kwawa engeli gha ghambire eshi, ''Yodiye ghatenda mupepo wawa engeli wendi, nomaretha ghomudiro ghawa pikendi.''⁸Ene kwaMwana ghana kuninga eshi, ''Dipuna dyoye, Nyambi, kuroruheya nokuroruheya. Mutagha ghoghufumu ghoye gho mutagha gho ghuhungami. ⁹Owe wahaka ghuhungami no wa dhimba ghuyi. Nyambi ghoye, gha kuwethera nomaghadhi gho yishamberera kupitakana hayendhoye.''¹⁰Pamatamekero, Fumu, watendire ditateko dyokaye. Nomawiru ne yirughana yonyara dhoye. ¹¹Mbo ghana yongara, ene mwe mbo muna twara kughutho. Yoyihe mbo yina kurupara yira thipindhi thothitere. ¹²No mbo ghuna yipeta-peta yira yivata no mbo yina kuthitunuka yira yivata. Ene mbadi mbo ghukutjindja, myaka dhoye mbadi mbodhipwa.''¹³Kwamuengeli munye ghaghamba Nyambi kukehe ruvedhe eshi, ''Hungumane kurudyo rwange kate mbo niture haka nore dhoye mbo hakare thidjatero thoye''? ¹⁴Haengeli wahe ne mbadi mipepo edhi dhina kukarera, awa gha tuma muku kara no thinga kowa mbo haka yora mashutukero?

2¹Podigho twa kona kutapa thikuma thinga koyi twayuva, podigho eshi mbadi tupemuke.²Ngo ngeshi mbudhi edhi gha ghambire kwawaengeli ghadhi tanarithire eshi dhoghushemwa, no kehe ghuno murandu endi no kupira ghutawedhi kuwana mahumbithero, ³ngepi ne keho gho kukona tuka keruke ngeshi tunyathe makomweneno ghomakuru? Agha ne makomweneno agha ha tangere kuyuvitha Fumu nohagha tanarithire kukwetu kupitera mowa hagha yuvire. ⁴Paruvedhe rofotji Nyambi ghayi shupire muyi neghedhitho, noyitetukitha, nomuyitenda yongcamu, no pakutapera yitapera yoMupepo Mupongoki kukuthamahimeno ghendi.⁵Yoyishi Nyambi mbadi gha tapire kwawaengeli eshi mbo haraghure kaye aka kakeya, oka tuna kughamba. ⁶Ene ayo ne, ghumwe kudyango dimwe gha kashupire ghughamnba eshi, ''Munu ne dye, eshi ghumu ghayare? Endi mwana munu, eshi ghumu pakere thinga?⁷Watenda munu ghakare kwishi kamanana kwaengeli; wamutungekire noghurwedhima nodikuto. ⁸Watura yoyihe kwishi dhomapadhi ghendi.'' Papendi podigho ghatapere Nyambi yinu yoyihe muthinga thendi. Mbadiko ethi gha pirire kumupa. Ene keho mbadi tuna kumona yoyiheya eyi yidi kwishi dhendi.⁹Ene tuna kumona oyu gha tendire kwishi dhawa engeli pakapupi kamanana, Jesusi, oyu gha tungekire noghurwedhima nodikuto pamurandu ghoyinyanda noyifa yendi, podigho pathineke thaNyambi gha kona kufera hanu wahe. ¹⁰No yaroyire kwaNyambi, yoyishi yoyihe yakarerapo papendi nokupitera mumwendi, mukureta hana hohengi kughurwedhima. Yaroyire kukwendi mukutenda mupiterithi wogho gho ma komweneno ghayarere muyinyanda yendi.¹¹Kwawo wahe oyu gho kupongora nowa hapongora hakara nondunderero dhofotji. Payinu yi aye mbadi ghana kukuyuva honyi pakuwatoya eshi mwayendhange. ¹²Ghana kughamba eshi, ''Ame mbo na yuvitha dina dyoye kwawayendhange, mbona kukughu we mwishi dho mbunga dhawatawi.''¹³Karo shime, ''Mbona kurupera mumwendi.'' No karo shime, ''Mone yameno pano no hana awa hanipa Nyambi.'' ¹⁴Podigho eshi, thika edi ha kuyarekera hanuke panyama nopamanyinga, ghakuyarekere moyo yinu mundhira dhofotji, podigho shi kupiterera muyifa gha kona kuhanyaghura no yu ghakara no ngcamu dho yifa, aye ne shatani. ¹⁵Oyi ne ya karire kemo podigho shi gha kone ku shutura owa gha kara mughupika kupitera mughoma oyifa gha parire wo ghuparo wawo mughupika.¹⁶Mughushemwa aye ne mbadi ghahamwene gha engeli, ene Abrahamu no hana hoka wendi. ¹⁷Podigho shi ya royire kukwendi mukukupitura nawayendhendi muyoyi heya, podigho shi gha kare mupristeri Shokuru gho thi neke no mughunga kughatera kuyinu ya Nyambi, ndani podigho gha kutenda makurupero gho kushemwathanitha maharwero gha wanu. ¹⁸Yoyishi Jesusi naye thinda gha nyandire no ghamuyerekire, aye kukona kughamwena awa ghadi mumayerekero.

3¹Yodiyo, mwayendhange ghokupongoka, mwa yerana kumethero ghomudiwiru. Mwakona kughayara yokuhamena kwaJesusi, mupostoli nomupristeri shokuru ghomatongweneno ghetu. ²Aye ghakarire ghutawedhi kwaNyambi, oyu ghamutororire, thika di ghakarire naye Mosesi ghutawedhi mumatungo ghomaheya ghaNyambi. ³No fumwa dhaJesusi ne ghapitakana dhaMosesi, yoyishi muka kushokeka ndhugho ghakara nofumwa kupiterera ndhugho dhathinda. ⁴Kehe dhino ndhugho ghadhishokeka munu ghumweya, ene oyu ghatenda yoyiheya ne Nyambi.⁵Yoyishi Mosesi ghakarire mupaka ghomutawedhi mu kehe ndhugho dhaNyambi, ghakarire mushupi kuhamena kuyinu eyi ha kughamba kughutho. ⁶Ene Kristusi ne mwana ghomutawedhi oyu ghakara noghuraghuri ghomundhugho dhaNyambi. Atwe ne twandhugho dhendi ngeshi ku tuna tanara muma tjimapero no muma nongweneno agha twakununeka.⁷Yodigho, ya kara thika di gha yighamba mupepo ghokupongoka: ''Dyarero, ngeshi muyuve diywi dyendi ⁸mwakukutitha dhimutjima dhenu thika di hanimanganyenine, muruvedhe romayerekero mumamboreya.⁹Eyi ne popa hanimanganyene hakerekandongo wenu mukuniyereka, nomumamwaka makumi mane , ha monine yiruwana yange. ¹⁰Podiyo napatire nodiya diko. Na ghambire eshi, 'Mitjima dhagho dhakara kehe pano mumapemukero. Mbadi ha dimukire madhira ghange.' ¹¹Po nedhere mughupata wange eshi: 'Mbadi mbohangena mumaturumuthero ghange.'''¹²Mutakamithe, mwayendhange, podiyo eshi papenu mbadi pakare ghumweya ghomutjima ghoghuyi ghokupira kutawa, mutjima ghu wa thiya Nyambi ghokupara. ¹³Ene mukutjokedhe kehe diyuwa, kenge yikara shi kuna kuditha eshi, ''dyarero,'' podiyo eshi noyofotji temba ghopapenu shoghapemuke kughuyi ghombango dhomaharwero.¹⁴Atwe ne tuna kara keho mumakupakerero ghaKristusi ngeshi hatukwaterera kumatjimapero ghetu ghomumwendi kutunda kumatangero kate kughuhura. ¹⁵Koyi ghaghambire eshi, ''Ngeshi muyuve diywi dyendi dyarero, mwakukutitha dhimitjima dhenu, thika di mwa nimanganyene.''¹⁶Hadye keho wa hayuvire Nyambi no kumwimanganyena? Mbadi wowa hatundire muEgiptena kupiterera mwaMosesi? ¹⁷No hadye ghapatire mumyaka makumi mane? Mbadi nowa ha harurire, awa ya wererire yirama yagho yokufa mumamboreya ndi? ¹⁸Kwadye ghedhere eshi mbadi mbo ha ngena mumaturumuthero ghendi, ngeshi ngo mbadi kowa hapirire ghutawedhi kukwendi? ¹⁹Po tuna kumonena eshi mbadi hakonine kungena mumaturumuthero ghendi pamurandu ghokupira matawero.

4¹Munyima dhopo, thika di ghakara makuruperitho ghokungena mudyango dyendi dyomakuruperitho hapwa shime kutawedhera, tukoneke keho eshi ngo mbadiko ghumweya ghopapenu yu shoghathiyareko. ²Atwe ne hatutongwera mbudhi dhodhiwa thika wo. Ene mbudhi dhi ne mbadi dhaghamwenine wa ha hapirire kukara mumatawero pofotji nowa hadhi tawire.³Atwe twatawa ne kungena mumaturumuthero, thika di ghaghambire eshi, '' Thika di nedhere mughupata wange, mbadi mbo hangena mumaturumuthero ghange.'' Ngambi kemo, yirughana yendi yapwire kutunda kumavarekero ghokaye. ⁴Popadi pa ghaghambire yokuhamena kudiyuwa dyoghukwoko noghuwadi: ''Nyambi ghaturumuthire mudiyuwa dyoghuko noghuwadi kuyirughana yendi. ⁵Gha ghambire karo muthiparatjangwa thi eshi, ''Mdadi mbo hangena mumaturumuthero ghange.''⁶Munyima dhopo, yina kukara kemo kwawamwena hakangene mumaturumuthero ghaya, nowa ha tangere kuyuva mbudhi dhodhiwa edhi hawayuvithere mbadi hakangeninemo pamurandu ghokupira ghutawedhi. ⁷Podiyo Nyambi karo ghatororire diyuwa dimweya, nokuditha eshi, ''Dyarero,'' opa ghaghambire kupitera mwaDavita mumanando gha ghapwire kughamba eshi, '' Ngeshi muyuve diywi dyendi dyarero, mwakukutitha mitjima dhenu.''⁸Ngo ghawa pire Joshuwa maturumuthero ne ngo mbadi gha ghambire karo Nyambi yodiyuwa dimweya. ⁹Ghathiyarako keho maturumuthero ghosabata ghohanu waNyambi. ¹⁰Oyu ghokungena mumaturumuthero ghaNyambi ne ghana kuturumutha karo kuyirughana yendi, thika di ghatendire Nyambi kuyighurana yendi. ¹¹Ninge keho natwe tuhafere kangena maturumuthero ghaya, podiyo eshi noyofotji temba shoghawerere mumayerekero ghokupira ghutawedhi yira wo.¹²Nando dhanyambi ne dhiyumi noshime ghadhipara no dhitwe kupitakana kehe dimende dyokurora kuwadi. Kuteta dyo ngambi pamakutawero ghomudhimu nomupepo, nomakunungero ghomushukwaghongo, no adho kukona kunongonona yighayara noyitambo yomutjima. ¹³Mbadiko thivareka thokundeka kughutho waNyambi. Ene yoyihe yayandhuruka kumeho ghoyu twakanongwenena ghushemwa.¹⁴Kenge tudi nomupristeri shokuru oyu ghapita mumawiru, Jesusi mwana Nyambi, ninge tukwaterere kumatawero ghetu. ¹⁵Mbadi twakara nomupristeri ghokupira kuyuva neke kughukashu wetu. Ene tudi nomunu ghumweya yu hayerekekire mumadhira ghomahe yira twe, aye ngenyu ne mbadiko diharwero. ¹⁶Mutuyende keho noghutjima kudiputa dyoneke, podiyo eshi tu kawane neke dhokutughamwena mumanako ghoyinyanda.

5¹Kehe mupristeri shokuru, ghapwa kutorora mukatji kawanu, ghapwa kutorora mukukarerapo hanu muyinu yimwe yo kuhatera kwaNyambi, podigho ye gha kona kutapa yoyiheya yitapa nomuyambo gho maharwero. ²Aye kukona kuhumbitha thiwana no wa gha kara dinyatho noyu ghapwa kupemukitha, yoyishi naye thinda ne ghukashu wamupetha. ³Pamurandu ghoyinu yi, naye karo gha kona kutapa muyambo kudiharwero dyendi thinda, thika edi gha tenda kumaharwero gha wanu.⁴Mbadi papendi thinda shi kehe yuno gha shimbe dikuto. Shimengwa, yu ghapwa kwitha kwaNyambi, thika Aroni. ⁵Mundhira dhofotji, kemo Kristusi mbadi gha kufumanekire mukukutenda thinda mupristeri shokuru. Kemo, ghofotji ghana kughamba kukwendi ghuninga eshi, ''Yowe Mwanange; dyarero nakara nowiho.''⁶Thika dyodi naye ghaghambire pamango ghamweya, ''Owene gho mupristeri kuroruheya munyima dho thika Melgisedeki.''⁷Mumayuwa ghendi gho kupara, Kristusi ghatupire yoyiheya nomandapero noyikumbera nodiywi dyo kukugherera ghudira nomaruhodhi kwaNyambi, oyu ghapwire kumughamwena nokuyifa, gha muyuverire pamurandu ghoghuparo ghoghu Nyambi wendi. ⁸Ngambi kenge gha karire mwana, gha kuhongire ghutawedhi payinyanda yendi.⁹Ghapwire kutenda mughushemwa nogha karire kemo, keheyu ghana kukara ghutawedhi nendi, muyipara yo mashutukero gho kuroruheya. ¹⁰Ghamu turire po Nyambi mukukara mupristeri shokuru thika Melgisedeki. ¹¹Tudi noyoyingi yo kughamba kuhatera kwaJesusi, ene ghukukutu mukuyitjwathanitha thika edi muna kara ghuthururu mukutuva.¹²Ngami kemo poruno ruvedhe ne ngo mwa hongi, mwa nyanda ghumweya gho kumuhonga maveta nomayendithitho ghonando dhaNyambi. Mwanyanda manhwe mbadi yidya yo kukukwata! ¹³Kehe yuno gho kunwa manhwe pithagho, mbadi gha kara noghudimuki gho kumbudhi dhodhihunga, yoyishi shime mwanuke. ¹⁴Ene yidya yokukukwata ne shemwa yawakuru. Awa ne wa yoyishi hakuru no hakara nomadewero ghoku tjwathana no kuyakunutha ghuwa noghuyi.

6¹Podigho eshi, muninge tuthiye matamekro ghombudhi dhaKristusi notutware kughutho makurero. Mbadi tuturepo karo nunderero dhomapirukero kuyirughana yokufa nomatawero ghomwa Nyambi, ²ngambi nunderero dhoyihonga kuhatera kumayoghero, makambero ghonyara , muvumbukero wawafu no matetero ndhango dhororuhe. ³Natwe nanyi mbotuyitende ngeshi kuyitawedhera Nyambi.⁴Ayo yina kukangera kowa hapwa kuyuvithera, owa hayereka yitapa yomudiwiru, owa hakuyarekire mupepo ghokupongoka, ⁵nowa hayereka nando dhaNyambi dhodhiwa nomangcamu gho kaye kokughutho. ⁶Ene awo hanakuwako yira yina kukangera kuwahutha karo kumapirukero. Yoyishi ha pamarera mwana Nyambi kukwagho hathinda karo, nokumu sherera thitunu meho.⁷Kumuve ghuya ghuya ghuna kunwa meyu ghokushwagha kumvura , no ghunakureta mukesho mwene kowa hana kuvunda muve, aghone muve ghokuwana matungekero kwNyambi. ⁸Ene ngeshi yina kareta mighunga no ghuruwa , yina kupira mudyo nokukokera kuthikuto. Ghuhura wayo ne yina kupyera.⁹Ene mwatutawitha kuyinu yoyiwa yokuhatera kukwenu, mwahakwa, yinu yokutawitha makomweneno , ngambi kenge tunakughamba kemo. ¹⁰Nyambi ne mbadi muyi. Aye mbadi mboghavurama yiruwana yenunoruhakitho ghoru ghaneghedha padina dyendi, yoyishi mwakomonona hapongoki wendi, no shime hamuwakarera.¹¹Twa hima thikuma eshi kehe yuno ghakone kuneghedha manongwahu ghogho kate kughuhura, podiyo makurupero ghenu ghakashemwape. ¹²Eyi yimuningithe eshi mbadi muvape, ene tukare twatemununi ghowaya homatawero no kudhidhimeka kughupingwa oghu ghatuturekera.¹³Apa ghatapire Nyambi maturekero kwaAbrahamu, ghakwedhire thinda , yoyi mbadi ghedhire kwaghumweya gho kumupiterera . ¹⁴Ghaghambire ''eshi ame mughushemwa mbona kufiyadhokitha no kuvurukitha thivarero thoye.'' ¹⁵Mundhira dhi Abrahamu ghawanine eyi ghamuturekerire munyima dho kutaterera ghudhidhimeka.¹⁶Hanu kwedha kwaghumweya ghokuwapirera . Kughuhura gho kehe nananidhagho , medhero ghemanenapo yira matanaritho ghonando. ¹⁷Apa ghatokorire Nyambi mukuneghedha yokukenena kwawapingwa hokutoyedhera ngcamu dhokupira makutjindjero kuthitambo thendi, ghayikuruperitha nomedhero. ¹⁸Ghayitendire podiyo yinu yishi kutjindji yiwadi no ayo ne yina kukangera Nyambi mukwangera- atwe, tjirera kumondo, nanyi mbotukare nongcamu dhomatjokedhero mukukwaterera nganganga kumakurupero agha hatu turera kughutho wetu.¹⁹Atwe tudi yira mondo nomakurupero ghokuturumuthitha moyo, makurupero agha ghangena mudyango dyomwishi munyima dho dhothifikitho, ²⁰Omu ghayendire Jesusi kughutho wetu, ghengenine mudyango diya muku tukarerapo. Aye ghakarire mupristeri shokuru kuroruheya yira Melgisedeki.

7¹Aye Melchizedeki, fumu waSalema, mupristeri waNyambi Shokuru, yoghawnine Abrahamu ghana kahuka oku ghaka paghere nafumu ghamukandadhekire. ²No kukwendi Abrahamu gha tapire thofotji kudikumi ghoyinu yoyiheya. Pakutanga, dina dyendi kutongora eshi, ''Fumu ghoghuhungami''; ndani aye karo ne ''fumu waSalemu,'' eyi yina kutongora eshi, ''fumu ghothiraro.'' ³Aye mbadi ghakara nawihe, mbadi ghakara nanyina, mbadi hakara nohakerekandongo, endi matangero ghomayuwa endi ghuhura ghomoyo. Ene, ghapitura mwana Nyambi, yoyishi aye mbo ghana kara mupristeri kuroruheya.⁴Kenge kughutungi gho katughuru yu oku ghana tapa Abrahamu thofotji kudikumi kuyinu eyi ghana kashimba muyita. ⁵Hanahoka waLevite awa ha tambura yipuna yoghu pristeri hadi nomarawero kukutha kumuragho gho kukongwedha thofotji kudikumi kwawanu, yikare, kwawakurwagho, endi kwawakerekandongo ho kutunga kwaAbrahamu. ⁶Ene Melichizedeki, hakerekandongo wendi mbadi ha wanine kwaAbrahamu, hawanine thofotji kudikumi kwaAbrahamu, noghamu tungekire, oyu gha karire nomakuruperitho.⁷Mbadiko mahamwero kwamunu ghomumbiru ngeshi ghawana matungekero kwamunu ghomukuru. Yodiyo pano, ⁸kehe yu munu ghopanyama kuwana thofotji kudikumi, ene yapwa kushupa eshi aye shime ghapara. ⁹Nomughukaro ghorughambitho, haLevite, awa hatamburire thofotji kudikumi, nokaro haruwere thofotji kudikumi kupitera mwaAbrahamu, ¹⁰pamurandu Levite gha karire pathirama thawa kerekandongo wendi apa ha kuhangane Melichizedeki naAbrahamu.¹¹Ngeshi maroghero ne kukona kupitera mughupristeri waLevite (mumwagho hanu hawanine muragho), ngo yinu munye yakarera eshi mupristeri ghakeyemo munyima dhoghukaro waMelichezedeki, nombadi wakumunongononitha kughukaro waAroni? ¹²Ngeshi kutjindja ghupristeri, muragho nagho wakona kughutjindja.¹³Koyu ha tongwerire yinu yi eshi yakara kudiko dimweya, oyu ghapira kurughana rumwe kuthinyaku. ¹⁴Pano yakenenena eshi kutunda kwaJuda hanerekamo Fumu wetu, mukadiko edi gha pirire kutoya Mosesi kuhatera kughupristeri.¹⁵Eyi tuna kughamba ne yakenenena eshi ngeshi mupristeri mbo ghaneya muthishwi thaMelichedeki. ¹⁶Mbadi yadhemenena pamuragho ghoyirughanitha eshi ghakarire mupristeri, ene yadhemenena pamangcamu ghomoyo ghororuhe. ¹⁷Matjangwa ghashupa eshi, ''Gho mupristeri kuroruhe kukutha kumarawero ghaMelichizedeki.''¹⁸Mbadi eshi marawero ghakare pithagho hatundithako yoyishi, mbadiko ngcamu nombadiko mudyo, ¹⁹muragho mbadi watenda kehe thi ghuhunga ene hasha eshi makurupero na hayiyareka, kupitera mumeghero ghetu pepi naNyambi.²⁰Ndani no kupira medhero! Hamwe hakarire hapristeri ghupira medhero, ²¹ene aye gha karire mupristeri kupitera medhero koghaghatamburire koyu ghayi ghambire kukwendi, ''Hekudyetu gha kwedhera nombadi mbo gha tjindja maghano ghendi: 'Ghomu pristeri kuroruhe.'''²²Poyino Jesusi gha tapire makuruperithogho ghundambo mwene. ²³Hapristeri hokare hakarire hengi muthivarero, no pamurandu ghoyifa eyi yawashwayithire mukutwara kughutho yirughana yawo. ²⁴Ene pamurandu eshi Jesusi shime kupara kuroruhe, ghakara noghupristeri gho kukarererapo.²⁵Podigho eshi aye shime kukona kukomonona awa hana kuhenya kwaNyambi kupitera mumwendi, kuna kupara mukuwaghamberera. ²⁶Yarikanyine kemo eshi tukare nomupristeri ghokemo, oyu ghapongoka, mbadiko murandu, ghakushuka, ghayakunuka kwawayiharuri, nohamuyeyura kuwiru dhomawiru.²⁷Mbadi ghanyanda, mbadi yira hapristeri hoshokuru, mukutapa muyambo gho kehe diyuwa, kutangerera ghomaharwero ghendi, ndani nomaharwero ghawanu. Gha konine kuyitenda rofotji mumakutapero ghendi thinda. ²⁸Muragho wanegha yira hapristeri hashokuru awa hakara nomaghukashu. Ene nando dhomedhero, edhi dheya munyima dhomuragho, watorore Mwana, oyu ghapwire kuhungamitha kuroruheya.

8¹Ndani kuthitambo koyi twaruwananga. Atwe twakara na mupristeri shokuru, oyu ghahungumana kurudyo ro dipunadya dyoghufumu mudiwiru. ²Aye mukareri noyinu mudyango dyokupongoka. Kudhugho dhokupongoka dhoghushemwa mwafumu. kadi munu ghaturapo.³Kukehe mupristeri shokuru kumutorora mukutapa yoyihe, yitapera nomuyambo. Podiyo eshi mudyo mukuwana thinu thimweyamukutapa. ⁴Ngeshi Kristusi ne ghana karire pakaye, ngombadi shakare mupristeri karo kutunderera kwawa hatapanga yitapera kukutha kumuragho. ⁵Agho harughanine yokukupitura ndani mudhidhimbi ghoyinu yomudiwiru. Thika di Nyambi ghakonekithire Mosesi opa ghashanine kutenda ndhugho dhokupongoka; Nyambi kokughamba ''eshi mone watenda kehe thinu kukutha kuthitamenedhiethi naku neghedhire padirundu.⁶Ene Kristusi ghawanine yiruwana yoyiwa, Aye karo yodiye mitakatji kughundambo ghoghuwa, oghu wemanena pamatoyedhero mwene. ⁷Ngeshi ghundambo ghokutanga mbadi pakarire makwirero , nga mbadi hanyandire po karo ghundambo ghoghuwadi.⁸Ngeshi Nyambi ghawana makwirero mohanu, aye kunakughamba eshi mone , mayuwa ghanakumu, dyoghana kughamba fumu opa nakutenda ghunambo ghoghupya no kundhugho dha Israghelite no kundhugho dha Juda. ⁹Mbadi mbo kare yira ghundambo ghu noghu natendire nawa kerekandongo wagho mudiyuwa dinawakwatire kumoko ghagho kuwapitetera niwashwayithe muditunga dya Egypte. yoyi agho mbadi hakumithiremo mumukutha ghundambo wange. name ghona wamwayerire, dyoghana kughamba Nyambi.¹⁰Oghune ghundambo oghumbonitenda no ndhugho dha Isragheli , munyima dhogha mayuwa dyoghana kughamba fumu. Ame nanyi nakuture miragho dhange mumaghano ghagho, no amene nanyi karo nakuyitjange nanyi karo nakudhitjange karo mumutjima dhagho. Mbonanakara noNyambi wagho , nombohana kara haguva wange.¹¹Mbadi mboha honga karo hakakakoghatji kagho endi kuhonga hayendhagho kuninga mudimuke fumu; yoyi agho wahe hadimuka me kushwayera ko hanuke kate kwawakuru. ¹²Ame nanyi nakukare thineke kughutho ghoyiruwana yagho yoyingi, no maharwero mbadi mboni ghavuruka karo.¹³Kumethero ghoghundambo ghoghipya ghaghambire kughundambo ghokutangerera mboghuna kurupara , no thi thakurupara no thapwa mudyo no mbothina dhongonoka.

9¹Ngambi kenge ghundambo gho kutanga wakarire nomayendithitho ghomakuyero nodyango dyokupongoka dyopamuve. ²(Tabanekeri) Ngonda dhokupongoka dhopamuve dhapwire kuroyitha. Ngonda dhokutanga, omu mwakarire yimaneno yomashera, tishi, nomaghuroto ghomuyambo, hayitoyire eshi dyango dyokupongoka³Munyima dhodikehe dyoghuwadi mwakarire ngonda dhimweya edhi dhapiterire kughupongoki. ⁴Dya karire nothinyaku tho ngorondo thothiwe thomuyambo. Dya karire karo nodimbangu dyoghundambo, edi dyapwire kuyenga nongorondo. Mwishi dhadyo mwakarire kandimbe ko ngorondo omu mwakarire mana, mutagha waAroni oghu wahokire, nomawe ghoghundambo. ⁵Pawiru dhodimbangu dyoghundambo, hakerabimu hokurwedhima hambire mando ghawo kumuhuko gho mashemwathanitho, eyi sho tupire kukuyonga pano mumatemweneno.⁶Munyima dho kuroyitha yinu yi, haruti kehe pano nga hengenanga mungonda dhopanunda dhokupongoka ghaka rughane ghukareri. ⁷Ene muruti shokuru ngenyu ngengenanga mungonda dhoghuwadi, rofotji mukehe mwaka, ene mbadi wa kuthigha manyinga agha ghaku djumbera thinda nokumaharwero ghawanu ghashipiri kuhima.⁸Mupepo gho kupongoka wa neghedhire eshi kenge yikara shi ngonda dho kutanga dhokupongoka shime dhemanena mundhira dhodyango dhokupiterera ghupongoki mbadi dhina hokoka. ⁹Eyi ne kwaneghedhire yonako dhonanyi-nanyi. Yoyihe, ndupu nomuyambo eyi tuna kutapa kengeno mbadi wakukona kughorora yighayara yamukuyi. ¹⁰Awo thinga thagho ne yidya noyinwa noyirika yokukuyogha, mayendithitho ghoyirama kate ruvedhe romarawero ghomapya.¹¹Kristusi kweyire eshi muruti shokuru muyinu yoyiwa eyi yineya. Aye gha piterere mungonda dhokupongoka dhodhikuru edhi ghapira kutenda munu, kuninga eshi mbadi dhopakaye. ¹²Mbadi nomanyinga ghonombo endi ghondana, ene mumanyinga ghendi thinda ghengenine mudyango dyokupiterera kupongoka rofotji kuroruheya no gha rikanyithire makomweneno gho roruheya.¹³Ene ngeshi manyinga ghonombo noghomandwedho no kuwatuna mututwi ghomandema powa hadhiropa kuwapongora nokukushura yirama yawo, ¹⁴parungatji keho manyinga ghaKristusi, oyu gha piterire pamupepo ghokupongoka ghakutapire thinda mukupira maharwero kwaNyambi, mukukushura yighayara yetu yitunde kuyirughana yokufa turuwanene Nyambi ghomuyumi? ¹⁵Pathitambo thino, Aye yomitakatji ghoghundambo ghoghupya. Eyi ne kemo, kutunda apa yahokoka yifa mukukomonona awa hakara mwishi dhoghundambo ghokutanga kutunda kumareghero ghawo ghomuragho, awa hapwa kwitha mbo hana wana makuruperitho ghomayorero ghororuhe.¹⁶Apa padi mahimeno, yifa yamuka kutenda mahimeno gha ghakona kukara mughushemwa. ¹⁷Yoyishi ndhagho mudyo ngenyu ngeshi yifa yina hokoka, yoyishi mbadi dhakara nongcamu oku thinda oyu gha dhitendire ne shime muyumi.¹⁸Ngambi ghundambo gho kutanga mbadi ha ghupakire po pahana manyinga. ¹⁹Ngambi apa gha tapire Mosesi marawe gho kehe muragho kwawanu wahe, ghashimbire manyinga ghondana noghonombo, nomeyu, wanda ghoghukihu, ndani kukutuna mbapira dhathinda nohanu wahe. ²⁰Poghaghambire eshi, ''Agha ne manyinga ghoghundambo oghu ghana murawera Nyambi.''²¹Mundhira dhofotji, ghatjakerire manyinga mungonda ghokupongoka ndani yindini yoyihe eyi ngaha ruwanithanga muyirughana yo ngirishe. ²²Kukutha mumugho, yira kehe yinu yapwire kukushura mumanyinga. Ngeshi mbadiko manotokero ghomanyinga mbadiko mathigherero.²³Podigho yakarire mudyo yipitura yoyinu yomudiwiru hayikushure nondupu dhoyiyama yi. Ngambi kemo, yinu yomudiwiru yathinda hayi kushukithire nondupu dho hashako. ²⁴Kristusi mbadi ghengenine mudyango dyokupingoka thikuma edi hatenda nonyara, eyi yidi eshi yipituritha yodyango dyoghushemwa ngenyu. Aye ghengenine mudiwiru dyathinda, gha kuhokore kughutho waNyambi pamurandu wetu.²⁵Aye mbadi ghayendireko muka kutapa thinda rorwingi, yira thika edi gha yitendanga muruti shokuru, oyu gha ngenanga mungonda dho kupongoka kehe ghu mwaka nomanyingaghothimweya. ²⁶Ngo kemo yakarire, Aye ngo ghanyandire rorwingi kutunderera kumatatekero ghokaye.Ene pananyi-nanyi Aye ghana kuhokora kughuhura ghomahurero mukushwayithapo maharwero pakukara thinda ndupu.²⁷Yira kenge hamuhimena munu mukufa rofotji, ndani keya matetero ndhango, ²⁸kemo, Kristusi hamuyambire parofotji mukutundithapo maharwero ghawengi, ndani nanyi gha kuhokoke paruwadi, mbadi mukuna tunditha maharwero, ene makomweneno kowa hana kumutaterera.

10¹Muragho ne mudhidhimbi ngenyu ghoyinu yoyiwa eyi yakwiya, mbadi yineghedhitho yoshemwa ghoyo yinu yathinda. Awa ho kuhenya kwaNyambi ne mbadi mbo hawa royithera pandupu edhi ha retanga hapristeri kehe mwaka. ²Shimengwa, ngo mbadi dha shayekire ndupu kudhitapa? Awa haka kundupura ne ngo hawa kushura parofotji no ngo mbadi wakukara noyighayadhara yodiharwero. ³Ene nondupu dhi ne kutuvurukitha maharwero kehe ghuno mwaka. ⁴Ghukukutu shemwa manyinga ghomandwedho nonombo ghashwayithepo maharwero.⁵Apa gheyire Kristusi pakaye, ghana ghambire eshi, ''Mbadi washanine ndupu nomiyambo , ene yirama eyi wani royithere; ⁶mbadi wahakire ndupu dhokutumekera nondupu dhomaharwero. ⁷Kokuninga kwange eshi, 'Mone, yame yuno-thika edi hayitjanga yo kukwange mumbapira-nitende, Nyambi, mahimeno ghoye.'''⁸Pakutanga ghaghambire eshi, ''Mbadi wahakire ndupu, endi miyambo, endi miyambo dhokutumekera, endi miyambo dhomaharwero. Owene mbadi wadhihakire.'' Edhi ne miyambo edhi hayambanga kukutha kumuragho. ⁹Kokuninga kwendi eshi, ''Mone, yame yuno nitende mahimeno ghoye.'' Ghashwayithapo miyambo dho kutanga podigho eshi gha turepo muyambo ghoghuwadi. ¹⁰Pamahimeno ghaya twapa kukushura kupitera mumuyambo ghoyirama yaJesusi Kristusi parofotji nokuroruheya.¹¹Kehe mupristeri ghemana kehe diyuwa ghayuvithe, ghutapa miyambo dhofotji kehe pano-miyambo dhokupia kutundithapo maharwero. ¹²Ene apa gha tupire Kristusi muyambo ghofotji ghomaharwerokuroruheya, gha hungumanine kurudyo rwaNyambi. ¹³Aye kuna kutaterera kate gha ture hanore dhendi kuthidjatero thomapadhi ghendi. ¹⁴Pamuyambo ghofotji gharoyitha kuroruheya awa hapwa kukushura.¹⁵Mupepo gho kupongoka naye ghashupa kukwetu. Pakutanga ghaghamba eshi, ¹⁶''Oghu ne gho ghundambo nakutenda nawo kughutho ghomayuwa gho, ghaghamba Fumu. Mbo na tura miragho dhange mumitjima dhawo, no mbo na dhitjanga mumaghano ghawo.''¹⁷Gha wedhera karo eshi, ''Mbadi mbo ni vuruka no kamanana temba maharwero ghawo nomaghuyi ghawo.'' ¹⁸Pano oku kudi mathiyerero gho yinu yi ne, mbadiko keho kehe ghuno muyambo ghodiharwero.¹⁹Apano keho, mwayendha, tuna wana matjimapero gho kungena mudyango dyokupongoka thikuma pamanyinga ghaJesusi. ²⁰Odhi ne dhondhira dhodhipya dhomoyo odhi gha tuturitherapo kupitera padikehe, ayo ne, kupitera payirama yendi. ²¹Yoyishi twakara nomupristeri shokuru mundhugho dhaNyambi, ²²ninge mutuhenye kwaNyambi nomitjima dho kukushuka nomatawero gho kuyara, ghukenitha dhimitjima dhetu dhikene kuyighayara yoyimango no kukenitha yirama yetu nomeyu ghokupira kunyata.²³Ninge natwe tukwaterere ghupira kutamangera kumakurupero agha twa tongonona, oyu gha tu kuruperithire ne wamakurupero. ²⁴Muninge tukenge eshi ngepi edi sho tukutjokedhe twathinda mukuhaka hoyirughana yoyiwa. ²⁵Twashagheka kukuwana pofotji, thika edi hatenda hamweya. Ene, mutuku tjokedha tjokedhe rorwingi, opa muna kumona diyuwa dina kuhenya popepi.²⁶Ngeshi tutwikere kuharura muwina oku ne twawana ghudimuki ghoghushemwa, mbadi twa kukara karo nomuyambo ghomaharwero. ²⁷Ene, kothidi ngenyu thitatereramo thowoma thomapangwero, noghupata gho mudiro oghu wakumina hakanore dhaNyambi.²⁸Kehe yuno ghashwena muragho waMosesi ne ghana kufa kupira thineke paghushupi gho hawadi endi hahatu. ²⁹Mahumbithero gho kuhura kupi ghuna kughayara gha roghera yu gha djata nomapadhi Mwana Nyambi, oyu gha tendire manyinga ghoghundambo yira mbadi gha pongoka-nokutharuka mupepo honeke?³⁰Twa dimuka twe oyu ghaghambire eshi, ''Amene nakara nongcamu dhokuhutha awa hani yipithera; mbo na hutha.'' No karo, ''Fumu Fumu mbo ghana pungura hanu wendi.'' ³¹Kuyapitha shemwa ngeshi ghuwere munyara dhaNyambi ghokupara!³²Ene muvuruke mayuwa ghokare, apa gha mukumithire Nyambi kuthishe, ngepi edi mwa dhidhimekire muyikondja yoyikuru muyinyanda. ³³Hamushererire mumatuka nomumakutha-kuthero, nomwakutaperire no mwa pitire mumanyando ghofotji. ³⁴Mwa fererire neke haka notwa, nomwatamburire noyishamberera awa hashimbire yinu yenu. Mwa dimukire eshi amwe mwathinda ne mwakara noyinu yohasha yokutotuheya.³⁵Mbadi mumwaghe keho ghutjima wenu, oghu wakara nondjambi dhodhikuru. ³⁶Amwe mwa nyanda madhidhimekero podigho eshi apa mwakutenda mahimeno ghaNyambi, nanyi mwa kuwane eyi gha mu toyedhera. ³⁷''Kapupi kamanana, oyu ghana kwiya mbo ghaneya yashemwa nombadi sho gha dhiyame.³⁸Hahungami wange mbo hana para pamatawero. Ngeshi hana huka munyima, mudhimu wange mbadi sho ghu shamberere nendi.'' ³⁹Ene atwe ne mbadi yatwe ya twa hukanga munyima kumaharanganyeno, ene twe ne pofotji nowa ha kara no matawero no kukunga midhimu dhawo.

11¹Matawero ne ghodiyo makurupero agha ghatanarera payinu eyi tuna kutaterera, noghushemwa ghoyinu eyi tuna kupira kumona. ²Yodiyo modyiyo hawanene hakerekandongo wetu ghuhungami kwaNyambi. ³Pamatawero twa dimuka eshi kaye gha kavarekire pamarawero ghaNyambi, Yodiyo eshi, yinu yokumona ne mbadi ya tundire kuyinu neyi tuna kumona.⁴Matawero ne ghodigho waningithire Abeli gha tape muyambo mwene kwaNyambi kupiterera waKayini, pamatawero ghamuyire eshi munu gho muhunga, Nyambi ne gha menya-menyene muyambo dhendi, no pamatawero ghogho ghofotji ghana kumughambitha pashadyarero ngambi kenge ghafa kare.⁵Pamatawero ghodigho hashimbirepo Henoku ghuyumi mbadi ghawanine kufa. ''Mbadi ha muwanine kumweya, yoyishi Nyambi ghamu shimbire.'' Kughutho gho kumushimba, hanongononine eshi gha shambererithire Nyambi. ⁶Ngeshi ha ghupiri matawero ghukukutu muku mushambereritha ye. Yoyigho eshi keheyu ghana kwiya kukwendi ghakona kutawa eshi koghadi no aye karo eshi kuruwera awa hana kumushana.⁷Pamatawero ghaNowa, ghafumanekire Nyambi nogha karire ghutawedhi kumatjokedhero gho kuhatera yokughutho eyi ya pirire kuhokoka, eye gha karire ghutawedhi kwaNyambi, pogha tendire dyato edi dyaparithire hendi. Payitenda yo kemo, pogha katetere kaye pogha wanene ghuyori ghoghuhungami kukutha matawero.⁸Pamatawero ghogha muningithire Abrahamu, apa ghamwithire, ghakare ghutawedhi ghayendire kuditunga edi gha shanine kumupa dikare ghupingwa wendi. Gha yendire, oku mbadi gha dimukire eshi kupi ghana kuyenda. ⁹Pamatawero pogha ghatungire muditunga dyomatoyedhero yira mutundakure. Gha tungire muyishashara naIsaki naJakopu, awa ha yorire pofotji nendi matoyedhero ghofotji. ¹⁰Aye gha rurire thikuma mbara edhi dha tanara kashema ndhugho kadho, naNyambi yomatangero nomutendi wadho.¹¹Pamatawero, naSara thinda gha karire mbumi, Abrahamu gha konine kuwana ngcamu dho kukara wiha. Eyi yakarire ngambi kenge eshi myaka dhendi kupitakana ruvedhe rwendi rokureta, dyo gha dimukire eshi aye ne gha kuruperire Nyambi oyu ghayi mutoyedherire. ¹²Yodiyo, kutunda kwamunu ghofotji-no momu ghafe-gherekire hanahoka hohengi yira tutumwedhi totwingi muwiru no mbadi nombadi wa kukona kuwatara yira muve gho kumbadi dho dikuruviya.¹³Mumatawero wahe hafire nombadi ha wanine matoyedhero ghawo. Mudyango dyo kuninga eshi hayimone no kumorora oku shime kayenda hadi, awo hayitamburire eshi hanumaghana no hamutundakure pakaye. ¹⁴Kowa hokughamba yinu yi kuyikenitha eshi kuna kushana wo ditunga dyo kakoghatji.¹⁵Ngeshi ha ghayarire ditunga edi ha shwayire, ngo roruvedhe hawanine rokuhuka. ¹⁶Ene thika edi yidi, harumberire ditunga dyohashako, adyo ne, dyomuwiru. Podigho Nyambi mbadi ghana kukuyuva honyi mukumwitha ye eshi Nyambi wawo, thika edi ghawa royithera mbara.¹⁷Pamatawero ghaAbrahamu, ruvedhe oru hamukonakonine, gha tapire Isaka. Yomwanendi ghokatughuru ghopithendi yogha tapire, oyu ne yogha wanine matoyedhero. ¹⁸Aye ne Abrahamu yu hayi tongwere eshi, ''Kupitera mwa Isaka hanahoka ghoye dyombo hawetha.'' ¹⁹Abrahamu gha ghayarire eshi Nyambi kukona kutumuna Isaka muyifa, muyighamba yimweya, kutunderera kukwagho gha muwanine karo.²⁰Pamatawero karo yinu yi yeyire eshi Isaka gha kandadheka Jakopu naEsaghu. ²¹Pamatawero pogha Ninga Jakopu, ruvedhe ro kuyenda kuyifa, gha kandadhekire kehe yu mwana Josefu. Jakopu gha fumanekire, oku ghana fumbera kumutagha wendi. ²²Pamatawero gha Josefu, ruvedhe roghuhura gho yipara yendi eshi pepi rudi, gha ghambire yo mashwaghero gho hana waka Israeli gho kutunda muEgiptena no kuwarawera yo kuhatera kuyishokora yendi.²³Pamatawero gha Mosesi, ruvedhe ro kumushamuruka, gha pwire kuhoreka tughonda tuhatun kwawakuru wendi yoyishi hamonine eshi mwanuke ghomuwa. Awo mbadi hayapire marawero ghaFumu. ²⁴Pamatawero ghaMosesi, munyima dho kukura kwendi, gha shwenine kumwitha eshi mwikurwa Faragho. ²⁵Gha torore muku mupetha pofotji nohanu waNyambi kupiterera yishamberera yo maharwero yo kapupi kamanana. ²⁶Gha ghayarire eshi dishamu dyo kukutha Kristusi gho ghushwi gho kupiterera kupitakana ghutungi waEgiptena. Aye gha kambekedhire meho ghendi kuyiruwera.²⁷Pamatawero ghaMosesi gha shwayire muEgiptena. Mbadi gha yapire ghupata wafumu, gha dhidhimekire yira kuna kumona yu ghana kudhira kumona. ²⁸Pamatawero gha pungurire Pasika nokutjakera manyinga, podigho eshi muyipithi wawambedi maghana gha kundama hambedi wawa kaIsraeli.²⁹Pamatawero hapitire kupitera mudikuruviya dyombu yira parundanda. Ruvedhe ro hayerekire haka Egiptena hadhipite, hapwire kumina kumeyu. ³⁰Pamatawero ghokemo dikuma dyaJeriko dyawire, munyima dho kudhinguruka mayuwa kwoko nomawadi. ³¹Pamatawero gho kemo Rahabu gho mukarungu mbadi ghafire nowo hapirire ghutawedhi, yoyishi gha tamburire tundhaya muthiraro.³²Yinu munye yoyingi eyi shoni ghambe? Ruvedhe runa kunipwera ngeshi nighambe yo kuhatera kwaGidiyoni, Baraka, Samusoni, Jefuta, Davidi, Samuweli, ndani kuhatera haporofeta. ³³Mumatawero hawanine maghufumu, hakuturire mughuhungami, nohawanine matoyedhero. Hayendherire tunwa to nyime, ³⁴hadhimithire mangcamu gho mudiro, hombire mamende, herukire kuyikorwa, hatanarire muyita, no ha withire mashurundate ghawa mutundakure.³⁵Hakamadi hawa hutherire hafu wagho mumuvumbukero. Hamwe ne hawa shinyine, mbadi ha tamburire eshi hawa shwayith, yoyishi hawane muvumbukero gho hashako. ³⁶Hamwe hawa sherere no kuwa mwashura no kuwaghanga nomenge no kuwakwata munwato. ³⁷Hawa paghire nomawe. Hawa tetire notjaha pakatji. Hawa paghire noyimende. Hayendaghurire muyikukumba yondjwi noyikukumba yonombo. Hakarire mukunyanda. Hawa nyekererire no kuwapetha momumango. ³⁸Kaye mbadi ka karire mudyo kukwagho. Hakarire kuna kurenda-renda mumamboreya nomumarundu nomumangurungoma nomumakwina.³⁹Ngambi kenge eshi hanu wahe wa hapwire kutambura kwaNyambi pamurandu ghomatawero ghawo, mbadi ha wanine matoyedhero. ⁴⁰Nyambi gha rongathanine yinu yo hashako yokukwetu, podigho eshi kupirapo twe ngo mbadi mbo yi kumenenamo.

12¹Yodiyo, karo twapa kudhingumutwedha nodivuyi dyodikuru dyawatunonga, tuthiye kehe ghuremu nomaharwero agha ghatudhingumutwedha. Tutjire nomadhidhimekero kumushupu ghu ha tu turekera ko kughutho. ²Tutape thinga thetu kwaJesusi, yodiye mutoti no muhungeki gho matawero ghetu. Kuyishamberera eyi hamu turerapo kughutho wendi, gha dhidhimekire kuyifa pathikurushe, mbadi gha pakireko thinga kuhonyi edhi ha muretere, nogha hungumana kurudyo rodipuna dyaNyambi. ³Yodiyo eshi mughayare kuhatera kukwendi, ghofotji oyu gha dhidhimekire eyi hamwimanganyine haraghuri, podigho eshi mbadi mwa kona kukasha nokukashitha mitjima dhenu.⁴Mbadi muna shayekitha endi kurwa nodiharwero kate panaro dhomanyinga; ⁵nomuna vurama matjokedhero agha hamu rawera shi mwahana: ''Mwanange, mwa shimba mahumbithero ghaNyambi ghuredhu, endi kughaya ngeshi kuna kukughorora ye. ⁶Fumu ne kuhumbitha yu ghahaka no kuhumbitha kehe mwana oyu gha tambura.''⁷Dhidhimeke yinyanda yira yihumbithitha. Nyambi gha mutenda yira hana. Endi poghadi mwana oyu ha dhiranga kuhumbitha kwawihe? ⁸Ene ngeshi mwene mbadiko mahumbithero, omu hana pitanga waheya, gho mukare eshi mbadi mwahanendi gho ghushemwa.⁹Kughutho, twa kara no ha wihetu ho pakaye awo kutuhumbitha twe notwawa kutekera. Ngepi keho sho tukare ghutawedhi kwawihetu gho mupepo notupare! ¹⁰Hawihetu ho pakaye kutuhumbitha pakanakoghana momuhana kughayarera eshi ghuwa. Ene Nyambi kutuhumbitha momumaghuwa ghetu, yodiyo shi tukuyarekere ghupongoki wendi. ¹¹Mbadiko mahumbithero poro ruvedhe gho kureta yishamberera, ene kutera tjitju. Ene munyima ghuna kuyangura mbuyo dhothiraro dhoghuhungami kowa hapwa kudeghura.¹²Yodiyo eshi tanarithe nyara dhoye edhi dhina kasha no manwi ghoye agha ghana kasha. ¹³Tende mapadhi ghoye gha ghororoke mundhira, podigho eshi hayirema ne mbadi haremane ene heruke.¹⁴Shane thiraro nakeheyu, noghupongoki, kupira yi mbadiko yu gha kamona Fumu. ¹⁵Mutakamithe eshi mbadiko yu sho ghapire thineke thaNyambi, no eshi dhakura midhi dhodhiruru dhirete ghukukutu, podigho eshi hohenge mbadi hayipe kukwadho. ¹⁶Mukoneke eshi keheyu gho rungu endi kupira dikuto kuyinu yo kupongoka, tuninge shi Esaghu, oyu ghaghurithire ghumbedi wendi diyuwa dyofotji pamurandu gho mughondhera. ¹⁷Tuna yidimuka eshi kutunda po, apa gha rurire kuyora matungekero ghendi, ghapwire kushweneka, yoyishi mbadi ghawanine kambenene kokukuthighura, ngambi kenge ghayi shanine nomahodhi.¹⁸Mbadi mweya kudirundu dyo kukona kukundama, dirundu dyo kwekeshera mudiro, dikokore, kupira makurupero, nodingundunga. ¹⁹Mbadi mweya kukushigha marumbendo, endi kudiywi dyo kughamba haka kuyuva hana kukumbera eshi mbadiko nando dhimweya edhi hawa ghambitha wo. ²⁰Mbadi ha konine kudhidhimeka kumarawero: ''Ngeshi ngambi gha thikundama thiyama kudirundu, ha kona kuthipagha nomawe.'' ²¹Eyi ne yiyapithitha dyo gha yimonine Mosesi dyo ghayighambire eshi, ''Amene nayapa nokuna kututuma.''²²Mundyango dyo, muneya kudirundu dyaZiyoni nombara dhaNyambi ghomuyumi, Jerusalema gho mudiwiru, nomayovi dikumi ghawa engeli muyishamberera. ²³Mweya kumakupakerero ghawa mbedi, awa hapwa kutjangitha mudiwiru. Mweya kwaNyambi, mupanguri wawahe, nokudhimipepo dhawahungami awa hapwa kuhungeka. ²⁴Mweya kwaJesusi, mitakatji ghoghundambo ghoghupya, no kumatjakero ghomanyinga agha ghana kughamba kupitakana manyinga gha Abeli.²⁵Mone eshi mbadi ghushwene koyu ghana kughamba. Ngo mbadi homborokire apa ha shwenine kuwa konekitha wo pakaye, mbadi sho tukona kwomboroka ngeshi tushwaghe koyu ghana kutukonekitha mudiwiru. ²⁶Paruvedhe rumwe, diywi dyendi kunyunga kaye. Ene pano ghana tutoyedhera no kughamba eshi, ''Paruvedhe rumweya mbadi na kunyunga kaye pithako, ene nodiwiru karo.''²⁷Agha manando, ''Ruvedhe rumweya,'' kuna kutamba kushwayithapo yinu yokukunyunga-nyunga, yodiyo, yinu eyi yapwa kuvareka, podigho eshi yinu yo kupira kukunyunga-nyunga ya kukarerepo. ²⁸Podigho eshi, mutambure ghufumu gho kupira kukunyunga-nyunga, tukare nomatawero nomuhingo ghu tufumaneke Nyambi nowoma noyitetu. ²⁹Oyu Nyambi wetu ne gho mudiro gho kwanitha.

13¹Mutware kughutho noruhakitho roghuyendha. ²Mbadi mwa kona kuvurama kutamburanga hagendaKupitera moyi, hamweya ha tamburire ha engeli ghupira kuyidimuka.³Muvuruke hakanotwa yira pofotji hamuwanga nawo. Muvuruke awa hana kunyandeka yira yoyamwe hana kupetha. ⁴Muninge yomuheya gha kutekere yiyeka, nomutende ghudidi gho yiyeka ghukare ghuna kushuka, yoyishi Nyambi mbo ghana ka pangura hanu ho rwiho no horungu.⁵Muninge yiparitha yenu yiyakunuke kukuhaka masherenyi. Muhedhumuke koyi mudi nayo, yoyishi Nyambi thinda ghaghambire eshi, ''Mbadi mbo ni muthiya me, no mbadi mbo ni mumwagherera me.'' ⁶Twa kona kuhedhumuka podigho eshi tukare noghutjima gho kughamba eshi, ''Nyambi ne mughamweni wange, mbadi thi shoniyape. Yinye gho kunitenda me munu?''⁷Muvuruke hapiterithi wenu, awa ha muyuvithre manando ghaNyambi, nomushimbe thitamenedhi kuyiparitha yawo. Mutamenene matawero ghawo. ⁸Jesusi Kristusi ne yodiye peghundha, dyarero, nokuroruheya.⁹Mbadi mwa eshi hamu pemukithe kukeheyihonga yo yayonayo. Ene ghuhunga eshi mutjima ghupwe kutanaritha pathineke, nombadi payidya eyi yina kupira kughamwena awa hana kuyikutha. ¹⁰Twakara nothinyaku (Altare) thokowa hana kurughana mutembeli (Tabanakeri) mbadi hakara mukudya. ¹¹Nomanyinga gho yimuna eyi hapagha yomaharwero kughareta mupristeri shokuru mudyango dyokupongoka, oku yirama yayo ne kuyitumekera panunda dhombara.¹²Podigho Jesusi ghanyandire panunda dho dikorogho dyombara, podiyo gha kushurire hanu kupitera mumanyinga ghendi thinda. ¹³Tuyendene keho kukwendi panunda dhaombara, mukushimba dishamu dyendi. ¹⁴Podiyo eshi mbadi twa kara nombara dhokukarererapio pano. Ene kuna kutaterera kodhi dhina kwiya.¹⁵Kupitera mumwendi, mutuninge roruheya tutape miyambo dho makughero kwaNyambi, makughero ghombuyo ghopamiromo edhi dhina kunongonona dina dyendi. ¹⁶Mbadi twa kona kuvurama mukutenda ghuwa no kukuyarekera, payikudjambera yokengeyo yogha menya-menyena Nyambi. ¹⁷Mukare ghutawedhi no mukutape kwawapiterithi wenu, agho ne ho hana kukoneka midhimu dhenu yira awa mbo ha katapa ghushupi. Muwatawe podigho eshi hapiterithi wenu hayi rughane yi noyishamberera ene mbadi ghutonga, eyi mbo yipira mudyo kukwenu.¹⁸Muturapererithe, atwe tuna tjwathana eshi twa kara noyighayara yoyiwa notwashana tupare mughuhungami muyinu yoyiheya. ¹⁹Na kumutjokedha thikuma mukuyirughana yi podigho eshi naka huke wangu kukwenu.²⁰NaNyambi ghothiraro, oyu gha tumunine mukufa mudithi shokuru ghondjwi, Fumu wetu Jesusi, pamanyinga ghoghundambo gho roruheya, ²¹gha mutende nokehe thinu thothiwa eshi tutende mahimeno ghendi, mukurughana mumwetu eyi ya mushambereritha, mwaJesusi Kristusi kukwendi dikuto kuroruheya nororuheya. Ameni.²²Pano kuna kumutjokedha, mwahakwa, mukushimba manando gho matjokedhero agha nga ni mutjangera nanyi-nanyi. ²³Mudimuke eshi minetu Timoteghusi ne ngaha mushutura, oyu nakuna mona nenu ngeshi ghakwiye wangu.²⁴Mutape dirumeritho kwawa piterithi wenu waheya ndani nokwawanu ho kupongoka wahe haNyambi. Haka Itali hana mumororapo. ²⁵Muninge thineke thaNyambi thikare nenu mwahe.

Yihokora

1¹Eyi ne yihokora ya Jesusi Kristusi ghatapire Nyambi kukwendi mukuneghedha mupikendi yinu eyi shoyi hohokoke pawangu-wangu. Ghayitendire mukumudimukitha pakutuma muEngeli wendi kwa mupikendi Johanesi. ²Johanesi ghatapire ghushupi ghokuhatera kunando dhaNyambi no ghushupi ghokuhatera kwa Jesusi Kristusi, kuyinu yoyihe eyi ghamonine. ³Mukaruviya oyu ghana ghana kutoya wiyuka yipumba yi no kukowa hana kutegherera kumbudhi edhi dhoghupumbi nokukara ghutawedhi koyi hatjangamo, yoyishi ruvedhe pepi rudi.⁴Johanesi, kumangirishe kwoko no mawadi muAsia: Thineke thikare nenu nothiraro kukoyu ghadiko no ghakarireko, noyu ghana kwiya, nokumupepo kwoko no dhiwadi edhi dhakara kughutho gho dipuna , ⁵no kwa Jesusi Kristusi, oyu gho mumatawero ghoghushupi, yombedi mwawafu no yomuraghuri kumafumu ghomahe pa kaye. Kukoyu ghatuhakire twe no ghatushutura twe kughuyi wetu pamanyinga ghendi. ⁶Ghatutenda tukare twadiko dyothifumu, ha pristeri waNyambi wendi na wihe difumanekero kukwendi no mangcamu kuroruheya no roruheya. Amen.⁷Kenge , aye ghanakumupa mavuyi; kehe diho mbodinamumono, nowa hamutwire dighonga. Mako ghomahe mboghana kara nothindhivi pamurandu wendi . Ghii, Amen. ⁸"Yame matamekero no ghuhura", dyoghana kughamba fumu Nyambe. "oyughadko noyu ghakarireko, noyu ghakwiyako, mukamangcamu ghokuyarera." Yame alfa na omega, matamekero no mahurero, dyoghana kughamba fumu Nyambi.⁹Yame , Johanesi-ghomuhakwa no ghumwe oyu gha kuyarekere nenu muyinyanda yoghufumu nopa madhidhimekero ngcamu agha ghakara mwa Jesusi-pathirudhi ethi hanakwitha eshi Patmos pamurandu ghonando dhaNyambi noghushupi kuhatera kwa Jesusi. ¹⁰Nakarire pamupepo mudiyuwa dya fumu. Nayuvire diywi dyokwiyuka munuima dhangeyira dipori. ¹¹dina kughamba ashi, "tjange eyi ghunakumona mumbapira no ghuyitume kuma ngirishe kwoko no mawadi ko ha Efesusi, ko haka Simirna, kohaka Pergamum, kohaka Tiyatira, kohaka Saradisi, kohaka Filadefiya no kohaka Laghodisiya".¹²Napirukire nokukenga eshi diywi dyadye edi dina kughamba kukwange, no shime naporukera hanimono mangorondo kwoko no mawdi ghothikuro thomashera. ¹³Pakatji thithikuro thomashera pakarire yira mwana Nyambi, ghashupatire thivata thotire ethi thakumine kumapadhi ghendi no ngorondo dhamudhingumwetwedhire pamuyidi wendi.¹⁴Mutwi wendi nohuki dhendi dha kenaghanine yira ghuhuki ghoghukenu yira makerekeshe no meho ghendi yira maretha ghomudiro. ¹⁵Mapadhi ghendi yira thikuvo ethi ghana kukumuna, yira thikuvo ethi hana tura mumudiro, no diywi dyendi yira mughuma ghomeyu ghokutjira. ¹⁶Ghakwatererire matungwedhi munyara dhendi dho rudyo no dimende dyoghutwe kuwadi dyashwayire mukanwa kendi. Rupara rwendi rwatwedhimine yira diyuwa dinakusheghenya thikuma.¹⁷Pakumumona kwange , nawererire kumapadhi ghendi yira munu ghokufa, ghakambekire nyara dhendi papange noghaghambire eshi, "mbadi wakonakuyapa, yame matangero no mahurero, ¹⁸nonakupara .nafire, ene kenge, kunakupara kuroruheya no roruheya! Nonakara nomatjapi gho yifa no ghodirara.¹⁹Yodiyo eshi tjange eyi ghunamono, eyi yidipo, no eyi mboyikarapo munyima dhoyi. ²⁰Yira koghu ghudhindo ghokuhatera matungwedhi kwoko nomawadi ghuna mono munyara dhange dhorudyo , no yikuro kwoko noyiwadi yomangondo; matungwedhi kwokono mawadi haEngeli gho mangirishe kwoko no mawadi, no yikuro kwoko no yiwadi yomaramba mangirishe kwoko nomawadi."

2¹Kwamu Engeli gho ngirishe dha Efesusi tjange eshi: Munando oyu ghakwaterera matungwedhi kwoko no mawadi munyara dhendi rudyo noyughanakuyendaghura mukatji komangorondo kwoko no mawdi ghoyikuro. ²Ndimuka yiruwana yoye , ngcamu dhoyiruwana yoye, no mudhidhimekero ghoghukuru, no mbadi wakutawedhera owo ho hayi, ene hayerekire owo hakutoyire eshi ha Apostole ene mbadi hodigho, no wa wanine eshi hakambango.³Ghunadhidhimeka thikuma no kuruwana mudina dyange, no mbadi wakonine kughayara. ⁴Ene nidi no toko toko noye , yoyishi wathiya munyima ruhakitho roye ro kutanga. ⁵Vuruke pakutanga opa wa wera. Piruke no ruwane yiruwana wa ruwanine pakutanga. Shimengwa ghukuthighure , Nanyi niye kukoye nokunatunditha ramba padyango dyendi.⁶Ene wakara noyi wanyenga yiruwana yaka Nikolayite, eyi nanyenga name. ⁷Koyu ghaya kara nomatwi,ghuyuve eyi ghuna kughamba mupepo kumangirishe. Koyu mboghawitha, mbona mutawedhera mukudya kuthitondo thomoyo, ethi thakara muparadishi waNyambi.⁸Kwamu Engeli ghongirishe dha Samarina: tjange "Manando ghoyu ghokutanga no mukakumanithera oyu gha fire no ghana karire nomoyo karo: ⁹"Nadimuka yinyanda yoye no ghuhepwe ghoye,ene ghomutungi. Nadimuka manyathero kowa hanakukutoya eshi ne haJuda, ene mbadi hodiyo. Awo ne ma sinagoge gha shatani.¹⁰Mbadi wa kona kuyapa koyi shonyande. Kenge! shatani ghanakuvukumena hamweya ghopa penu mukashitiko. podiyo shi mupwe kuyereka, nomunakunyanda mayuwa dikuma. dhidhimeke kate kuyifa, no mbonakupa nata dhomoyo. ¹¹Nokeheyu ghakara no matwi, gha yuve eyi ghunakughamba mupepo ku mangirishe. oyu ghanakwina ,mbadi ghoyuva tjitju kuyifa yoparuwadi.¹²k wamu engeli mu perigani tjange ;manando kuyu ghakara no dimende dyo ghutwe ¹³;nadimuka oku watunga , okukwakara dipuna dya shatani .ene shime wakwaterera no ngcamu kudina dyange . Nadimukashi mbadi wa nikanana mumatawero ghoye ,ngambinga mayuwa gho Antipasi kanonga kange ,hatawi wange ,owa hapayire mukatji kenu ,hatawi wange hakarire yipara yawo ya shatani.¹⁴Ene nidi notoko toko noyinu yoyipu noye , wakara no hamwe awa hakwaterera kuyihonga ya Balamu, owa hatongwerire Balaka mukuvukuma matanganithero kughutho gho hana wa Israelite mukudya yidya eyi hanayamba kuyitjwandjo no kukara norungu . ¹⁵Nomundhira dhofotji, wakara no hamweya owa hakwaterera kuyihonga yawa Nikolayitas.¹⁶Kuthighure, nothitambo! ngeshi mbadi shoyitende, nakwiya pawangu wangu kukoye, nonakutenda yita nagho nodimende dyomukanwa kange ¹⁷.Ninge koyu ghakara nomatwi , ghayuve eshi yinye ghunakughamba mupepo makungirishe. koyu ghanakuwitha, nakumupa manna, ghoyu ghonda, nakumupa diwe dyodikenu no dina dyodipya edi ghatjanga padiwe, dina edi ghadhira kudimuka hamwe, ene yoyu hatambura.¹⁸Kwamu Engeli ghongirishe dhaTiyatira, tjange: Oghane manando ghamwana Nyambi oyu ghakara nomeho yira maretha ghomudiro, no mapadhi ghendi yira thikuvo ethi hanawetha. ¹⁹Nadimuka yitenda yoye : no ruhakitho roye no matawera no yiruwana no madhidhimekero ghoghukuru. Nadimuka eyi waruwanine pasha nanyi nanyi yingi kupitana yokutanga.²⁰Ene nidi no tokotoko noye: watawedhere mbuyama Jezebel, oyu ghakwitha thinda eshi muporofete. Payihonga yendi ghapemukithire hakareri wange mukutenda rungu no kudya yidya yo koha Nyambi hombango. ²¹Namupire ruvedhe mukukthighura, ene mbadi ghana kushana kukuthighura kurungu rwendi.²²Mone! mbona mumwaghera mukafungo koyikorwa. nowa hana kutenda nendi rungu murunyando rorukuru, shimengwa ghakuthighure kuyitenda yendi. ²³Mbona pagha hanendi, no mangirishe ghomaheya mbohanadimukashi yame nakengururanga yighayara nodhimutjima. Mbonatapa kwakehe yuno kukutha muyitenda yendi.²⁴Ene kukwenu mwahe ghokuthiyarako mu Tiyatira, kwakehe yuno ghadhira kukwaterera kuyihonga no mbadi ghadimuka yimwe eyi hetha eshi yokwishi dha shatani , kukwenu kunakughanba eshi mbadi mbonitura mupango papenu. ²⁵Mukehe ghuno ghukukutu, mukwaterer kengeyo kate mboniye.²⁶Koyu mboghawitha no kutura kate kughuhura , kukwendi mbohana mupa ghuraghuri kumako ghomahe. ²⁷Mboghana waraghura nomburo dho thikuvo yira tundimbe to ghuma, mboghanawahanyaghura muyipidhi. ²⁸Thika dyodyi nayitambura kwa tate, no mbona mupa nota ghomurughura. ²⁹Koyu ghakara nomatwi, ghayuve eyi ghunakughamba mpepo kumangirishe.

3¹Kwa mu Engeli gho ngirishe dha dha Sardis gha tjangire eshi :Manando ghoyu gha kwaterera mipepo kwoko no dhiwadi dha Nyambi no tutumwedhi kwoko no tuwadi . "Nadimuka eshi kupara ghuna kupara ene wa fa. ²Pinduke no tanarithe wa hana thiyarako, owa hana kushana kufa, yoyishi mbadi nawana yiruwana yoye eshi yina kumenena mo kughutho wa Nyambi.³Vuruke keho, eyi wa tambura no yi wa yuva, Yikuthe no piruke. Ene ngeshi mbadi sho pinduke, mbo nineya yira mwidhi ndani mbadi mbo dimuka eshi nako munye nakwiya no kukwimanganyena . ⁴Ene we ghudi no mena gho mapu mu Sardisghawa ha dhira kudhiropitha yitere yawo no diharwero mbo hana yendi nange, mbo hana shupata yoyikenu, yoyishi hapongoka.⁵Oyu gho kuwina, mbo hana mushupatitha dirwakani dyo dikenu, no mbadi mbo nidhingununa dina dyendi mu mbapira dho moyo no mbona yuvitha dina dyendi kughutho wa tate, no kughutho wa ha Engeli wendi. ⁶Muninge wa hakara no matwi hayuve eyi ghuna kughamba mupepo ku mangirishe.⁷Kwa mu Engeli gho ngirishe dha philadephia gha tjangire eshi , Manando ghoyu gha pongoka no mughushemwa , oyu gha kwata matjapi gha davita. oyu gho kuyandhurura no mbadiko gho kukona kuyandhera, gho kuyandhera no mbadiko gho kukona ku yandhurura. ⁸Nadimuka yitenda yoye. mone, natura kughutho ghoye dikororo dyo thiyahi no mbadiko gho kukona ku diyandhera. Nadimuka eshi wa kara no ngcamu dhodhipu, ene wakutha nando dhange no mbadi wa hamura dina dyange.⁹Mone! nanyi nakutende awa ha hatera ku mbunga dha shatani awa ha kwitha ha thinda eshi ha Juda ene mbadi wodiyo, ene awone haka ghumbango, mbo nawa ningitha heye naha tongamene kughutho ghomapadhi ghoye no mbo hana yidimuka eshi nakuhaka. ¹⁰Thikadi wa kunga marawero ghange no kudhikonotwedha ghu dhidhimeka, name karo mbo nakukungu ku viri dho mayekero agha mbo gheya mu kaye kokahe, muku nayereka awa ha kara pa kaye. ¹¹Tamba nakwiye. Kwaterere koyiwa kara nayo podiyoeshi mbadiko mbo ghakona kushimba thi karoni thoye.¹²Oyu mbo ghawina mbo namutura gha kare dighundhi mu ngirishe dha Nyambi wange. mbadi karo mbo gha shwagha mo ene mbo natjanga pa pendi dina dya Nyambi wage, dina dyo mbara dha Nyambi wange Jerusalema gho mupya, edhi dha kutunda mu diwiru kwa Nyambi wange dho Jerusalema gho mupya. ¹³Muninge wa hakara no matwi ha yuve eyi ghuna kughamba mupepo ku mangirishe.{Mango gho mapongero}¹⁴Kwa mu Engeli gho ngirishe dha Laodicea gha tjangire eshi. "manando gho yikare kemo {Amen} mushupi gho makurupero no ghushemwa, muraghuri gho yivareka ya Nyambi. ¹⁵Nadimuka yitenda yenu ndani mbadi gho mughenyu endi gho mutenda . Ngo gho mughenyu ngambi gho mutenda ne mgo hasha! ¹⁶Ene, pamurandu shi owene wa rembuka no kadi gho mughenyu no ghutenda temba, tamba nikuruthe mukanwa kange.¹⁷Owe kughamba shi no mutungi, nakarire no yiwana yoyingi, kadiko thi nakunyanda. Ene mbadi ghuna dimuka eshi mbadi wa hungama, wa yawa thinyeke, gho muhepwe no ghudi thiheha. ¹⁸Tegherere ku matjokedhero ghange:Ghure kukwange ngorondo gho kuruyitha no mudiro ghu kare gho mutungi, ghunyanyami no nikuvateke dirwakani dyo dikenu, no honyi dho thitumbatumba thoye, no kukuwetha maghadhi mumeho ghoye podiyo eshi wakumone.¹⁹Ame ne kuhonga kehe yuno mahaka, no kuwahonga eshi ngepi gho kupara . Podigho , mudhidhimeke no mupiruke. ²⁰Mone, Ame nemana pa thero no nina kungongona . Ngeshi koghadi sho gha niyuve diywi dyange no kuyandhurura thero dhendi, nakwingena mu dighumbo dyendi no na kudya nendi aye gha dye nange.²¹Koyu mbo gha wina, mbo namutawedha kuhungumana pofotji nange pa dipuna, thika kenge name na wina no nahungumana pofotji na tate pa dipuna dyendi. ²²Muninge wa hakara no matwi hayuve eyi ghuna kighamba mupepo ku mangirishe.

4¹pakupwa yinuyi na kengire , ,no namonine thero dhina yandhuruka mudiwiru.natangire kuyuva diywi dina kughamba kukwange ghera torombita .ghughamba eshi ,'wiye kuno kukwange , no mbonakuneghe dha eyi yakuhokoka apa yakupwa yinu yi. ²roro aye ghakarire pamupepo , noghamonine thipuratho ghufumu ethi haturire mudiwiru , ³no munugha hunguma ninepo .no oyu gha hungu maninepo ghamonekire ghera Jaspa na carnelian.nomuto ghomvura wangambwa thanine ghufumu ghoghuhe .muto gho mvura wamonekire kurwedhima .⁴ kumbadi dhoghufumu kwakarire ha fumu makumi mawadi no hane,awa hahungumanine kuthipura thoghufumu hakarire hakuru ,no hashupatire dirukwani dyodikenu ,no ghashupatire hutji ghothifumu ku mitwi dhagho.v5muthipura thoghufumu thamunekeremo thishe ,mudikitero ,no mudikitero .Pakarire maramba kwoko no mawadi agha ghamunekere kughutho dhoghufumu ,maramba gha karire no mupepo wa Nyambi.⁶kughutho gho thipuna kwakarire dikuruviya dyo dikende ,odi dyakarire eshi kumonena .No pakatji koghufumu no kumbadi dho ghufumu pakarire yivareka yine ,no yakarire no meho ghomengi kughutho no kunyima .⁷Thivareka thokutanga thapiturire yira nyime , thivareka thoghuwadi thapiturire yera ndana, thivareka thoghune thapiturire ghera kutuka ko nwanyi . ⁸Muyivareka yine yoyihe no mando kwoko no dyofotji ,ghayara meho pawiru no pamuve .Ghuthiku no mutenya mbadi wakushagheka kughamba eshi;mupongoki , mupongoki , mupongoki ne fumu Nyambi gho muka ngcamu , oyu ghakarireko ,noyu ghakwiya .'⁹kehepano yivareka yine yatapanga makughero , kushogherera no matumero kowa hahungumana mudipuna dyo ghufumu ,owa hapara kuroruheya no kuroruheya ¹⁰,Hakuru makumi mawadi no hane awa hawire kughutho wa fumu ,no kumukugha oyu ghapara kuroruhe no kuroruheya. ¹¹H akuturire thikoroni thawo kughutho wa fumu.ghughamba eshi;wapongoka we fumu wetu ,mukuwana makughero no mukushogherera no mangcamu ,yoyishi yowe watenda yoyihe ,no mughighayara yoghe yatombokire no wayitendire ;.

5¹Podiyo namonine mudyoko dyo rudyo dyo yu ghahungumana padipuna mbapira dhokutjanga kughutho nomunyima , dhapwa kungangera no yingangera kwoko noyiwadi. ²Namonine mu engeli ghomangcamu ghashokuru ghukugherera no diywi dyodikuru , eshi ''yidye ghoyu ghafumana gho kukona kuyandhurura pambira dhi nokushutununa yingangera yapo?³Noghofotji temba ghomudiwiru ngambi ghopakaye ngambi ghomumwishi dhokaye oyu ghakonine kuyandhurura mbapira dhi endi kudhitoya. ⁴Nadirire thikuma yoyishi mbadi nawanine oyu ghafumana ghokukuona kudhiyandhurura ngambi kudhitoya. ⁵Ene mukuru ghumwe gha ghambire eshi, ''wadira. mone shi! Nyime yu ghatunda mudiko dya waJuda, mudhi waDavita, ne wawina. yogho kukona kuyandhurura mbapira dhi nokushutununa tungangera twadho.⁶Namonine ndjwighana ghanema mukatji ko dipuna, yikamoyo yine no mayami. Ghamonekire yira kunamupagha. Ghakarire no manyiha kwoko no mawadi, no meho kwoko nomawadi, odhi ne dho mupepo kwoko no dhiwadi odhi ghatuma Nyambi mukaye kokahe. ⁷Podiyo ghayendire nokushimba mbapira dhi munyara dho rudyo dhoyu ghahungumanine padipuna.⁸Pakumana kushimba mbapira dho, yikamoyo yine nomayami makumi mawadi no hane hatongamenine kughutho gho Ndjwighana. Keheyu ghakarire no thivandjero no karonga ko ngorondo kokuyara mungongwera, Ogha ne ghomandapero ghawa pongoki.⁹Hembire dimbo dyodipya: ''yowe wafumana kushimba mbapira dhi no kushutununa tungangero twadho. Owe wapwire kupagha, no manyinga ghoye waghurire hanu waNyambi ho kehe diko, ndimi, hanu no matunga ghomahe. ¹⁰Watutendire ghufumu noghu pristeri mukukarera Nyambiwetu, no mbotuna rawera pakaye.''¹¹Pakukenga kwange nayuvire mighuma dho haEngeli awa hadhingumwetwedhere dipuna noyikamoyo no mayami. Thivarero thagho tha karire mayovi dikumi no mayovi no mayovi hokupira kukona kutara. ¹²Haghambire nodiywi dyokushindhuka, ''oyu ghafumana ne ndjwighana, oyu ha paghire, mukwana ngcamu, ghu tungi, ghunya-nyami, dikuto, fumwa no makughero.¹³Nayuvire kehe thi thivareka tha karire mu diwiru no pa kaye no mwishi dho kaye no pa dikuruviya no kehe yinu ya kara mumwayo ghughamba eshi, " Koyu gha hungumana pa dipuna na ndjwighana, tuwa kughe, tuwa kutekere no ghu fumu wawo ku roruhe no roruheya. ¹⁴Yikamoyo yine ya ghambire eshi, "Yikare kemo{Amen} Ha mayami ha tongamenine no kuraperera.

6¹Ame namono ghopa Ndjwighana ghana yandhurura thofotji thoyikwoko noyiwadi thoyingangera, ndani nayuvu ghofotji thoyine yivareka yoyiyumi yinakughamba no diywi dyokuyuveka yira mushoro, "wiye" . ²Namonine ndani pakarire kakambe kokakenu, nomudhini ghanakwaterera ndamba, ndani hamupire thikoroni. Ghashwayire panunda yira yira mufundi , mukuninga naghafunde.³Apa ndjwighana ghayandhure thingangera thoghuwadi, nayuvire roghuwadi thivareka thoghuwadi thakughamba ,"wiye!'' ⁴Munyima kakambe kamwe kashwayire- kokakihu. Mudhini wako hamupire matawedhero mukushwayitha thiraro mukaye, Podiyo haguva hakuphaghathane. Mudhini yu, hamupire dimende dishokuru.⁵Opa ndjwighana ghayandhure thingangera thoghuhatu , nayuvire thivareka thothiyumi thoghuhatu thakughamba, ''wiye!'' namonine kakambe kokeru nomudhini wako ghakwaterire yiyedhekerero yiwadi munyara dhendi. ⁶Nayuvire yira maywi ghokukupitura mukatji koyivareka yoyiyumi yine yinakughamba eshi , kandjato kotumbi kupita dinyinga dyofotji, ene wa kuyipitha maghadhi no vinyu''.⁷Opa ndjwighana ghayandhurure thingangera thoghune, nayuvire diywi dyothivareka thothiyumi thoghune thakughamba ''wiye!''. ⁸Kokumona kakambe kothina ghumbundu. Nomudhini wapo hamutire dina yifa, no ditungwedhi dyamukuthire. Hawapire ghuraghuri kuthofotji thoyine yopakaye, mukupagha nodimende, nodiyerenge, nomahamba ndani noyishereka yomukaye.⁹Opa ndjwighana ghayandhurure thingangera thoghukwoko, kokumona mwishi dhothinyaku mudhimu dhowa hapayire pamurandu ghonando dhaNyambi. noghushupi oghu hakarire nagho. ¹⁰Hadirire nodiywi dyodikuru , ''rure rokukuma kupi, muraghuri ghoyinu yoyiheya, mupongoki noghushemwa, kate kupangura wahe awa hatunga pakaye, nokate kuwahumbitha kumanyinga ghetu?'' ¹¹Munyima kehe hamupire thivata thothikenu, ndani hawatongwere eshi, hataterere muruvedhe rorufupi kamanana kate thirikanyethitara thowa haruwani hayendhagho nohaminagho owa nagho hakuwapaye. Thika nagho hapwire hapwire kupagha, hayitendire kemo.¹²Opa ndjwighana ghayandhurure thingangera thoghukwoko nothofotji, namonine kwakarire makineno gho muve. Diyuwa dyakarire dinerupa yira ketji ghothikukumba nokaghonda kokuyara kavindiyere yira manyinga. ¹³Nungwedhi dhokuwiru dhawire pamuve yira thitondo thoghukuyu ethi tharundumukire mbuyo dhodhishu kudingundunga dishokuru. ¹⁴Diwiru dyakuhanyine yira mbapira edhi hanapeteka. Marundu ghomahe noyirudhi yahanyaghukire mumango ghayo.¹⁵Hafumu wahe hopamuve, hakamakuto, haraghuri, hatungi hakamangcamu no keheyu mupika endi ghohoro ghakuhorekire mwishi dhomawe mumarundu. ¹⁶Haghambire kumarundu nokumawe eshi, muwere papetu mutundeke kurupara rwa yofotji royu ghahungumana padipuna , nokughupata wandjwighana. ¹⁷Yoyishi diyuwa dishokuru dyoghukenya wendi ne ghuneya.

7¹Munyima dhoyinu yi ko kumona kwange haengeli hane ha nemana mumashonga ghokaye, awa ha karire hana kwaterera dhimupepo dhine dhomukaye podiyo eshi mbadiko mupepo shoghupungere mukaye, padikuruviya, endi mukehe thitondo. ²Ko kumona karo kwange muengeli ghumweya ghana kushwayerera kumavero ghodiyuwa, oyu gha karire nothitareka thaNyambi ghomuyumi. Gha kuyererire no diywi dyodikuru kwawaengeli hane awa hapire matawedhero mukuyipitha kaye nodikuruviya: ³''Mwayipitha kaye, dikuriviya, endi yitondo kare tu ture thitareka mutuhungupara twawa pika Nyambi.''⁴Na yuvire nomora dhowa ha pwire kutareka: 144,000, awa hapwire kutareka mu kehe mushovo gho hanu homuIsragheli: ⁵mayovi dikumi nomawadi awa ha tundire mudiko dyaJuda, mayovi dikumi nomawadi awa ha tundire mudiko dyaRubeni, mayovi dikumi nomawadi awa hatundire mudiko dyaGadi, ⁶mayovi dikumi nomawadi awa hatundire mudiko dyaAseri, mayovi dikuma nomawadi awa hatundire mudiko dyaNaftali, mayovi dikumi nomawadi awa hatundire mudiko dyaManase,⁷mayovi dikumi nomawadi awa hatundire mudiko dyaSimiyoni, mayovi dikumi nomawadi awa hatundire mudiko dyaLevi, mayovi dikumi nomawadi awa hatundire mudiko dyaIsakari, ⁸mayovi dikumi nomawadi awa hatundire mudiko dyaSebuloni, mayovi dikumi nomawadi awa hatundire mudiko dyaJosefu, no mayovi dikumi nomawadi awa hatundire mudiko dyaBenyamini ghapwire kutareka.⁹Munyima dhoyinu yi nakengire, no namonine hanu hohengi gho kupira kutara kehe yuno-mukehe mushovo, mako, mwawaguva nomandimi-hanemana kughutho ghodipuna no kughutho ghondjwi. Gha shupatire yivata yoyikenu nogha kwatererire mite dho makindhu muma nyara ghawo, ¹⁰no hethire nodiywi dyo dikuru: ''Makomweneno gha kara kwaNyambi ghowihetu, oyu gha hungumana padipuna, nokwaNdjwi!''¹¹Haengeli wahe hadhingumwetwedhire nawa mayami no yikamoyo yine, no ha nyongamine marupara ghawo kughutho ghodipuna. Hakuyire Nyambi, ¹²ghuninga eshi, ''Ameni! Makuyero, difumanekero, ghunyanyami, matumero, dikuto, nomangcamu kwaNyambi kuroruhe nororuheya! Ameni!''¹³Kokunipura yofotji ghopawamayami eshi, ''Hadye napo wa, hapwa kuvateka noyitere yoyikenu, no kupi ha tunda?'' ¹⁴Ame namuhuthire eshi, Hekudyange, wadimuka,'' no haningi kwange eshi, ''Awo ne howa hashwayire muyinyanda yoyikuru. No ha yoyire yivata yagho no kuyitenda ghukenu mumanyinga ghoNdjwi.¹⁵No thitambo thi, ghadi kughutho ghodipuna dyaNyambi, hamukuyire mutenya noghuthiku mutembeli wendi. Oyu gha hungumana padipuna nanyi haka yamba yambere thishasha yuwo papawo. ¹⁶Mbadi mbo hafa karo ndhara, nodinot temba. Nothishe tho diyuwa mbadi mbo thiwa tumeka. ¹⁷Ndjwighana oyu ghakara mukatji kudipuna mbo ghana wakungu, no mboghana wa neghedha kumeyu gho divetu-vetu dyomuparo, naNyambi mbo ghana kuyura kehe dihodhi edi dya kushorondonda mumeho ghawo.''

8¹Ndjwighana apa ghayandhurire mbapira dho kwoko noghuwadi, mudiwiru mwakarire thipore dihenda dyo viri. ²Munyima hanimono haEngeli kwoko nohawadi, awa hemanine kughutho waNyambi, hawapire mapori kwoko nomawadi.³MuEngeli ghumweya gheyire , oyu ghakwatererire karonga ko ngorondo no ghemane kuthinyaku . Ghungongwera ghowingi haghutapire podiyo shi haghukandadheke nomandapero. kuhanu wahe hokupongoka kundhugho dhokutapera mandapero kughutho ghodipuna dyaNyambi. ⁴Mwidhi ghoghungongwera nomandapero gho hanu waNyambi hokupongoka, ⁵muEngeli ghatumburire karonga ko ghungongwera noghakayarithire mudiro kuthinyaku. Munyima ghakavukumene pakaye, ene pakarire mughuma ghomudikitero, methero no makineno gho muve.⁶Ha Engeli kwoko no hawadi owa hakarire nomapori kwoko no mawadi hakuroyithere haghafudhe. ⁷Mu Engelighokutanga ghafudhire dipori dyendi, kwa karire mbwe no mudiro ghu wakuvungire no manyinga. Hathivukumene pakaye yoyishi mutara ghoghuhatu wadho, haghutumekire, thitondo thoghuhatu hathitumekerire no muhonyi gho thinamahako haghutumerire nagho.⁸Mu Engeli ghoghuwadi ghafudhire dipori dyendi, no thinu thokukupitura yira dirundu edi dina kupya mudiro hadivukumeghene mudikuruviya, ⁹mutara ghoyinu yokupara yomudikuru viya ya fire, no mutara ghoghuhatu ghoyikepa yoyikuru yapwire kuyipa.¹⁰Mu Engeli ghoguhatu gha fudhidhire dipori dyendi, katumwedhi kokakuru kawire muwiru, kasheghenyine yira munyenge , kumutara ghoghuhatu gho marware no maviya. ¹¹Dina dyo ditumwedhi di ne ghuhunga. mutara ghoghuhatu gho meyu wa karire ghuhungu, hanu hohengi ha fire hafire kumeyu agha ghakire masheshe.¹²Mu Engeli ghoghune ghafudhire dipori, mutara ghoghuhatu gho diyuwa haghu pumumrire, no mutara ghoghuhatu ghoghuthiku mbadi wakarire thishe.¹³Nakengire, no nayuvire diywi dyodikuru dyonwanyi ghana kudira no diywi dyodikuru , yira kodinakupita ghutuka pawira ; pamurandu ghomatorombita ''agha ghanathiyara kwawa Engeli kughafudha.

9¹Podigho muengeli gho ghukwoko ghashighire dipori dyendi. Namonine ditungwedhi edi dyawerere pakaye. Ditungwedhi di hadipire matjapi gho kudikwina dyodidhungi. ²Gha yandhururire thero dho kudikwina dyodidhungi, nomwithi washwayiremo mwithi oghu wathimutukere muwiru kutunda muthero yira mwithi ghodidiro dishokuru. Diyuwa nomupepo ya bwipire kumwithi oghu wa shwayire muthero.³Mumwithi ne mwatundire mbathi-mbathi edhi dheyire pakaye, hadhipire ngcamu yire dha nge pakaye. ⁴Hadhi tongwere eshi mbadi dhi hanyaghure muhonyi gho pakaye endi kehe thino thimena endi thitondo tho thina mahako, ene hanu ngenyu awa hapira thitareka thaNyambi pamarupara ghawo.⁵Mbadi hadhipire matawedhero dhipaghe hanu wo, ene kuwahumbitha ngenyu mutughonda tukwoko. Yinyanda yawo mbo yina kara yira kenge runonga ronge pakungengena munu. ⁶Mumayuwa gho hanu mbo hana shana yifa ene mbadi mbo hayiwana. Mbo hana rumbera thikumenena kufa, ene yifa mbo yina watjira.⁷Mbathi-mbathi dhi dhamonekire yira tukambe otu hana royithera yita. Pamitwi dhadho pakarire yinu yira hutji ghothifumu tho ngorondo, nomarupara gho yira ghawanu. ⁸Dha karire nohuki yira dhwawa mbuyama, nomayegho ghadho yira ghonyime. ⁹Dha karire noyishupata yoyikuvo pamuyidi, mupughumeno ghomando ghadyo, yira mupughumeno gho mbi edhi dhina kutjirera kuyenda kuyita.¹⁰Dha karire nomithira norunonga yira nge; mumithira dhagho dha karire nongcamu dhokuhumbitha hanu mutughonda tughonda tuhatu. ¹¹Dha karire nofumu oyu ghawa piterere, muengeli gho dikwina dishokuru. Dina dyendi muThiheburayi ne Abbadoni, muThihirika ne gha karire nodina eshi Apollioni. ¹²Yihumbitha yo kutanga ne yinapu. Mukenge! Kutunda yi yina kumu karo yihumbitha yiwadi.¹³Muengeli gho kwokofotji ghashighire naye dipori dyendi, nona yuvire diywi edi dya shwaghire mumanyiha ghothinyaku thongorondo ethi thakara kughutho waNyambi, ¹⁴ghughamba kwamu engeli ghokwokofotji oyu gha karire nodipori eshi, ''Shuture ha engeli hane awa hakara munwato kurware dhishokuru dhaEupharatesi.'' ¹⁵Ha engeli ha ne owa hakuroyithera nako dho, diyuwa dyo, kaghonda ko, nomwaka gho hawa shwayithire haka paghe rudhi ro hanu ruhatu.¹⁶Thivarero thawa kayita bwa hakarire patukambe kwakarire mamiriyona mathere mawadi. Nayuvire nomora dhawo. ¹⁷Omu ne monamonine tu tukambe muyirota yange nawa ha tudhinine: yishupata yagho yakarire yoyikihu, thina diwiru, nothina dihenga. Mitwi dho tukambe dha piture yira dhonyime, nomutunwa twato mwashwayire mudiro, mwithi, nomudiro gho kwekeshera.¹⁸Rudhi ruhatu rwahanu rwapwire kupagha kumahumbithero mahatu: kumudiro, kumwithi, nokutuwe tomudiro otu twa tundire mutunwa to tukambe. ¹⁹Mangcamu ghato kwakara mutunwa twato nomithira dhato-dha karire yira yiyoka nomitwiko, no kumithira kwakarire yinyandekitha kwawanu.²⁰Hanu awa hathigharireko, kuyihumbitha yihatu mbadi ha thighukire kuyipara yomuyitenda yawo eyi ha tenda, karo mbadi ha shayekire kuraperera ma demoni nohaNyambi ho mbango ho ngorondo, noyoyikuvo, mawe, noyitondo-yinu yo kupira kumona, kuyuva, no kuyenda temba. ²¹Karo mbadi ha thighukire kughupayi wawo, ghurodhi wawo, rungu rwagho endi yiperemeka yagho yowidhi.

10¹Podigho namonine muengeli ghumweya ghomangcamu gha kushuruka mudiwiru. Ghapwa kuyenga nomavuyi, nomuto ghomvura pamutwi wendi. Rupara rwendi yira diyuwa nomapadhi ghendi yira maghundhi ghomudiro. ²Ghakwaterere mbapira dhi ha fikwere munyara dhendi. Kokutura kwendi dighuru dyendi dyorudyo mudikuruviya no dyorrumoho ne pandundu.³Podigho ghakuyerere nodiywi dyodikuru yira nyime ghokuvuma. Mukukugherera kwendi, dhi mishoro kwoko nothiwadi dha ghambire no mighuma dhadho. ⁴Pakughamba dhimushoro kwoko nothiwadi dhi, na shanine kutjanga, ene nayuvire diywi dina kushwagherera mudiwiru ghughamba eshi,'' Ghundeke yi dhina ghamba dhimushoro. Mbadi ghuyi tjange.''⁵Muengeli yu na monine ghanemana padikuruviya no pandundu ghayeyurire dyoko dyendi dyorudyo kudiwiru. ⁶Ko kwedha kwendi koyu gha para kuroruhe nokuroruheya, oyu gha tendire diwiru noyoyihe eyi yakara mo, kaye no yoyihe eyi yakara mo, dikuruviya no yoyihe eyi yakaramo, no muengeli kokughamba eshi,'' Mbadi shoghakare po karo maranga. ⁷Ene mudiyuwa oku muengeli ghoghukwoko noghuwadi ne tamba gha shiye dipori dyendi, mbo yina rikanya eyi ghondekire Nyambi, thika di ghayuvithire mbudhi dhodhiwa kwawapikendi haporofeta.''⁸Diywi edi na yuvire dyokushwagherera mudiwiru dya ghambire karo nange eshi,''Yende, kashimbe mbapira dho kuyandhuruka edhi dhidi munyara dhamuengeli yu ghanemana padikuruviya nopandundu.'' ⁹Podiyo nayendire kwamuengeli yu nokamutongwera eshi gha nipe mbapira dhi dhodhimbiru. Gha ghambire kwange eshi,'' Shimbe mbapira dhi ghu dhi dye. Nanyi dhi tende dira dyoye ghururu, ene mukanwa koye ne nanyi dhi kare ghutowi yira wiki.''¹⁰Na shimbire mbapira munyara dhamuengeli yu no nadhidire. Dhakarire ghutowi yira wiki mukanwa kange, ene apa namanine kudhidya ne dira dyange dyakarire ghururu. ¹¹Ghumweya ghaghambire kukwange eshi, ''Pumbere karo kumako, mandimi, no kumafumu.''

11¹Hanipire kambu nimetitheko. Ghanitongwere she " wimane ghumete tembeli wanyambi no thinyaku, nowa hakughangamo. ²Ene wameta ditete dyopanunda dho tembeli, yoyishi adyo ne haditapa kwawanu awa hakara eshi mbadi haJuda. Nanyi hakudjate tembeli dhokupongoka mutughonda makumi mane notuwadi.³Nanyi nakupe hashupi wange hawadi ghuraghuri ghokupumba mumayuwa 1,260, nanyi hakuvate yiketji yothikukumba. ⁴Awa hashupi ne hohayitondo yondhwe yiwadi noyikuroyiwadi eyi yemana kughutho gho fumu wa kaye. ⁵Ngeshi kuwayuvitha tjitju , kushwagha mudiro mutunwa twagho nokumina hakanore dhagho. Kehe yuno ghokushana kuwayuvitha tjitju ne, hakona kumupagha mundhira dhi.⁶Hashupi wa ne hakara no ghuraghuri ghokuyandhera diwiru podiyo shi mbadi gharoke mvhura mumayuwa gha hana kupumba. Hakara nongcamu dhokuthitununa meyu ghakare manyinga nokunyandeka kaye no kehe yino yinyandekitha kehe pano hana himi. ⁷Apa hakumana ghushupi wagho, nanyi thakuwarwithe thishereka thi thakushwagha mudikwina dyodidhungi. Nanyi ghakughawithe no kuwapagha.⁸Mwimbwa dhagho nanyi dhakurare mumukara ghombara dhishokuru(edhi hetha mumaghanekero eshi Sadoma na Egiptena) oku hapamarere fumu wagho. ⁹Mumayuwa mahatu no dihenda hanu hamwe homukehe diko, ndimi, no mushovo mbohana kengi kumwimba dhagho. Mbadi mbohawatawedhera kuwatura muthipiro.¹⁰Awa hatundanga pakaye mbohana shamberera kukwagho no kudjabwana. Mbohana kutuma tumena maghushwi yoyishi haporofeta hawadiwa ne hanyandekire hakakaye. ¹¹Ene pakupwa mayuwa mahatu no dihenda munu ghomoyo gho kwaNyambi mboghunawangeni, no nanyi hakwimane. Ghoma ghoghukuru mboghuna wera powa hakuwamona. ¹²Mbohanayuvu diywi dyodikuru dyomudiwiru dinakughamba eshi ''Mwiye kuno!'' mbohanayendi mudiwiru padivuyi, oku hanyathi wagho ne pakuwakerera.¹³Nanyi pakukare makineno gho muve panako dhiya nothofotji kudikumi dho mbara mbodhina ghu. Hanu mayovi kwoko nomawadi mbohafu kumakineno gho muve, no owa hakupara ne mbohana yapa thikuma nokutapa makughero kwaNyambi ghomudiwiru. Yinyanda yoghuwadi ne yinapiti. ¹⁴Yinyanda yoghuhatu ne yinakumu ghutambuka.¹⁵Mu Engeli ghoghukwoko noghuwadi ghashiyire dipori dyendi, no maywi ghomakuru ghaghambire mudiwiru ghughamba eshi ''ghufumu ghokaye ghunakara keho ghufumu wa fumu wetu na Kristusi wendi, no nanyi ghakuraghure kuroruheya no kuroruheya.''¹⁶Hakuru makumi mawadi no hane, awa hahungumana pama puna ghagho mughukareri waNyambi, ha kurumanine nokukugha Nyambi. ¹⁷Haghambire eshi, kutapa ndangi twe kukoye fumu gho ngcamu, oyu ghakarireko , noyu ghadiko yoyishi washimba ngcamu dhoye nowatanga kuraghura.¹⁸Dhimushovo dhanyeghenyire , ene ghupata ghoye ne ghuneya. Runakumumo ruvedhe rokupangura hafu nokuruwera hapikoye haporofeta no hanu waNyambi hokupongoka, no awa hayapire dina dyoye, wahe hakakupira mudyo nohakamangcamu. Runakumumo ruvedhe roye rokuhanyaghura kaye nohanu awa hana kuhanyaghura kaye.¹⁹Kokuyandhuruka tembeli dhaNyambi mudiwiru nodimbangu dyo ghundambo wendi hadimonine mutembeli.Kwakarire dhimushoro, tuyoghototo , mudikitero, makineno ghomuve no mbwe dhodhikuru.

12¹Hamonine thidimukitho thothikuru mudiwiru: mbuyama ghapwire kuyenga no diyuwa, nokaghonda kwishi dhomapadhi ghendi, nonata dhomanungwedhi dikumi nomawadi pamutwi wendi. ²Ghakarire yirama yiwadi, nogha kughererire pakunyatitha.³Nothidimukitho thiweya thahokokire mudiwiru: mone! pakarire dikongoro dishokuru dyodikinhu dyo mitwi kwoko-wadi nomanyiha dikumi no manatakwoko-wadi pamitwi. ⁴Muthira wadyo wakokire ditungwedhi dyoghuhatu mudiwiru diwere pamuve. Dikongoro dyemanine kughutho wambuyama oyu ghanyatithire , podiyo eshi apa shoghawane kakeke ne ghodimine mwanendi.⁵Hashamuruka mwana ghomukatughuru, oyu mbogharaghura marudhi ghomaheya nomutagha ghothikuvo. Mwanuke yu hamuyeyura Nyambi kudipuna dyendi. ⁶Nombuyama yu hatjirera mumamboreya kudyango di ghamuroyithera Nyambi, eshi ghakakuhorekemo mayuwa 1260.⁷Mudiwiru mwakarire yita. Mishaghere nawaEngeli wendi hemananyene dikongoro, dikongoro nawaEngeli wendi hahuthire nyara. ⁸ene dikongoro mbadi dyakarire nongcamudhokuyarera mukuwitha , nombadi hawaninedyango mudiwiru. ⁹Dikongoro dishokuru - Dikuruyoka edi hetha eshi shadipinyi oyu ghapemuna kaye kokaheya hamuvukumene pakaye, nawaEngeli wendi.¹⁰Kokuyuva kwange diywi dyokwiyuka mudiwiru: ''eshi ghaneya makomweneno nongcamu dhoghufumu waNyambi noghuraghuri waKristusi. Murunderi wawaghendhetu ghanapu kwitha,oyu ghawarundera kughutho waNyambi mutenya no ghuthiku.¹¹Ghapwire kuwitha nomanyinga ghondjwighana no nando dho manongweno, nombadi hahakire yipara yagho kate kukufa. ¹²Yodiyo eshi mushamberere, mwaka diwiru nawaheya awa hatungamo! Ene kunyanda kunamutaterera mwaka pamuve nodikuruviya, yoyishi shatani hanamuwithera pamuve! Ghadi nonyinya dhodhikuru noghanadimuka eshi ruvedhe wendi ne rupu runathiyarako!¹³Apa dyamonine dikongoro eshi hanadivukumena pamuve ne, dyakutha kuthire mbuyama oyu ghashamurukire mwana ghomukatughuru. ¹⁴Ene mbuyama yu ne hamushupekire mando mawadi ghodishambakodhi ghatuke ghatjirere wangu mumamboreya ghakakuhoreke, ruvedhe no ruvedhe no dihenda kumayakunukero gho diyoka.¹⁵Diyoka dyathipadhanene mategho yira rware ghupoposha eshi rumine mbuyama. ¹⁶Ene muve ne waghamwenenine mukamadi . Muve wayandhurire kanwa kagho no kumina rware oru rwashwaghire mukanwa kadikongoro. ¹⁷Kokunyeghenya dikongoro namukamadi no hadiyendi dikatende yita nawana hoka wendi, kowa hakarire ghutawedhi kumuragho waNyambi nokukwata manongweneno ghaJesusi Kristusi . ¹⁸Ndani dikongoro hadi kemana pambombwa dhodiheke dyodikuruviya.

13¹Hanimono kwange thishereka thinakukanduka mudikuruviya . Thakarire no manyiha dikumi no mitwi kwoko nodhiwadi, nopamanyiha pakaarire manata dikumi, no kehe mutwi dhatho pakarire dina dyomushedho. ²Thishereka thi namonine thapitura yira ndhogho. mapadhi ghatho thapitura yira mapadhi gho didjidjikwe, nokanwa katho yira kanwa ko nyime. Dikongoro ghadipire ngcamu, mudipuna dyendi, no hamupire ghuraghuri ghoghukuru gharaghure.³Mutwi ghothishereka thofotji waremanine thikuma, ene thiremana thi thapwire kwirukitha. Kaye kokahe katetukire nagho hakuthire thishereka thi. ⁴Nagho karo hakughire dikongoro , yoyi hamupire ghuraghuri ko thishereka. Hakuyire thishereka ,karo hatwikere kughamba eshi yidye ghoyira thishereka thi? no dye ghokutenda natho yita?⁵Thishereka ghathipire kanwa kokukona kughamba manando ghokukununeka nomushedho. hathitawedhire mukuruwana ghuraghuri tughonda makumi mane notuwadi. ⁶Thishereka tayandhurire kanwa mukughamba manando ghomushedho kwaNyambi, kushedha dina dyendi, no thinyaku thendi, nowa hatunga mudiwiru.⁷Thishereka hathitawedhere kufuta yita no haguva waNyambi hokupongoka, nokuwawitha. shime karo hathipire ghuraghuri kukehe mako, hanu, ndimi no muhoko. ⁸Wahe watungire pakaye nanyi hakuthikarere, kehe ghokupira dina dyendi mumbapira dho moyo, Owa hahatera kundjwighana oyu hapagha kutunda kukashema ndhugho dho kaye.⁹Oyu ghadi no matwi, ghategherere. ¹⁰Ngeshi kehe yuno ghafumanena kumutwara mu nwato, mbohana mutwara munwato. Ngeshi wa hafumanena kuwapagha no dimende, mbohanawapagha nodimende vene. Ghano ne methero kughudhughutjima , kuyinyanda nomatawero kohaguva waNyambi hokupongoka.¹¹Hanimono thishereka thakushwagha mukaye, tha karire nomanyiha mawadi yira ndjwighana, no kughamba yira dikongoro. ¹²Aye gharuwana ghuraghuri ghoghuhe kuthishereka thokutanga mughukareri wendi, noyu ghatendire kaye nowa hatungamo mbohanakarera thisherka thi thokutanga , thitombo thothikuru thi thaporire.¹³Natho thatendire yitetukitho yoyikuru. natho karo thatendire mudiro ghushwaye mudiwiru wiye pakaye kughutho dhawanu. ¹⁴Hathipire ngcamu kukwateramo thishereka, mukughamba mbango kowa hatunga kapaye , nokuwatongwera mukuturapo thishwi thothishereka ethi tharemane kudimende, no thaparire.¹⁵Hathipire matawedhero mukutapa munu kuthwishwi tho thishereka podiyo thishwi thikone kughamba nokurawera wahe awa mbohashwena kukarera kuthishereka ghakona kuwapagha. ¹⁶Karo thathinenekire keheyu, ghokupira mudyo no hakamangcamu , hatungi no hahepwe, hakahoro nawa pika, mukuwana thitareka kudyoko dyorudyo endi parupara. ¹⁷Yakarire ghukukutu kwakehe yuno mukughura endi kughuritha shimengwa ghakare no thitareka thothishereka, thitara thi ne thinemanenapo dina dyatho.¹⁸Ogha ne methero ghoghunyanyami, oyu ghadi nomatjwathaneno ninge ghatare thitara thothishereka shi. Othi ne thitara tha munu, thitara thi ne 666.

14¹Hanikengi kwange no kumona ndjwi ghanemana padirundu dya Siyoni. Nendi hakarire 144,000 owa hakarire no dina dyendi no dina dya wihe patuhungu para twagho. ²Haniyuvu diywi dina kushwayerera mudiwiru no mughuma ghushokuru yira meyu no mughuma yira mushoro. Mughuma ghu nayuvire ne yira yihumba hanakushika haka yihumba.³Hembire dimbo dyodipya kughutho gho dipuna no kughutho ghoyivareka yine yoyiyumi ghomayami. Noghofotji temba ghakonine kukuhonga dimbo di shimengwa owa 144,000 owa hapwire kughura mukaye. ⁴Owa ne ghowa hapirire kukunyateka hathinda na mbuyama, Awo hapwire kukukongora hathinda kurungu. Owa ne ghowa hakuthire ndjwighana keheku ngayendanga. Agho ne hapwire kukomonona mukatji kohanu wahe, no hambuyo hokutanga waNyambi no gho ndjwighana. ⁵Mbadiko mbango dhi ghawanine mutunwa twagho; hapirire murandu.⁶Namonine muEngeli ghanakutuka mukatji komawiru, oyu ghakara no mbudhi dhodhiwa mukuyuvitha kowa hatunga mukaye- kukehe muhoko, diko, ndimi, no hanu. ⁷Ghethire nodiywi dyodikuru,''kuyapa Nyambi nokutapa fumwa. Ruvedhe romapangwero ne runeya. Mumu kughe, koyu ghatendire diwiru no kaye, dikuruviya no meyu gho mavetu-vetu.⁸Mu Engeli ghumweya-ghoghuwadi-ghakuthire ghughamba, ''ghunaghu, ghunaghu Babyloni eshi ghomukuru, oyu ghaningithire ghoghuhe mukunwa kuvinyu ghorungu rwendi noyirumbera.⁹Mu Engeli ghumweya-ghoghuhatu-ghawakuthire ghughamba nodiywi dyodikuru, ''Ngeshi poghadi ghatongamena thishereka, no thishwi thatho nokuwana thitareka pakahungupara. endi kudyoko dyo rudyo. ¹⁰Naye karo mbwananu kuvinyu ghoghupa waNyambi, vinyu yu hapingwira mbadiko yihavungiremo mukopi ghoghupata. Kwa munu oyu mboghanwako mboghana wana tjitju kumudiro no maretha kughutho wawaEngeli waNyambi ghokupongoka no kughutho gho ndjwighana.¹¹Mwithi gho ku mahumbithero ghawo mbo ghuna karera po kuroruhe no roruheya, no mbadi mbo haturumutha ghuthiku no mutenya-Owa mbo haraperera thishereka no thishwi thendi, no wa ha tareka thitareka tho dina dyendi. ¹²Ogha ne gho methero gho hanu wa Nyambi wa ha dhidhimeka no ha pongoka, owa ha turekire miragho dha Nyambi no matawero ghawo mwa Jesus kristusi."¹³Haniyuvu kwange mudiwiru dinakughamba eshi, ''Tjange yi: Hakaruviya wa hana kufera mwa fumu. ''Ghi,'' dyoghunakughamba mupepo'', mbohana katurumutha kuyiruwana yagho. yiruwana yagho mboyinawakuthu.''¹⁴Hanimono kwange, no pakarire divuyi dyodikenu. Yira mwana munu ghanahungumana. Ghakarire no nata dho mangondo pamwitwi wendi nodikerevere dyoditwe munyara dhendi. ¹⁵Mu Engeli ghumwe ghaswhayire mutembeli wendi witha no diywi dyodikuru koyu ghahungumanine pamavuyi: ''Shimbe dikerevere dyoye no tameke kukesha. Ruvedhe romukesho ne runakumu. Thika muyangu ghokaye ghuna pi. ¹⁶Noyu ghahungumanine padivuyi ghawithere dikerevere dyendi pakaye, nokaye kapwire kukesha.¹⁷Mu Engeli ghumwe ghashwayire mutembeli mudiwiru: Naye karo ghakarire nodikerevere dyendi dyoditwe. ¹⁸Shime mu Engeli ghumwe ghatundire kuthinyaku, oyu ghakarire nomarawero kumudiro. Ghethire nodiywi dyodikuru koyu ghakarire no dikerevere dyoditwe, shimbe dikerevere dyoye dyodi twe no ghongawedhe mashokambwa ghomandjembere mudipya dyo kaye, mandjembere ghapo ghanapi.''¹⁹Mu Engeli ghavukumine dikerevere dyendi mudipya dyo kaye. Ghavukumenine kwendi muthikamitho thoghukenya ghoghuru waNyambi. ²⁰Yishokombwitha hayidjovithire panunda dho mbara, manyinga ghapingurukire muthikamitho kate kumayuru gho mbi, ghomakilo metera 296(stadia).

15¹Hanimono karo thineghedhitho thimwe mudiwiru thothikuru nothothiwa: kwakarire ha Engeli kwoko nohawadi noyinyandekitha kwoko noyiwadi, ayo ne yoyinyandekitho yokumanithera. Ghupata waNyambi ne mboghuna kumenenamo mumwayo.²Namonine eyi yamonekire yira dikuruviya dyokutwedhima dyakuvunga no mudiro. Kumbadi hemanineko awa hawitha thishereka no thitjwandjo no nomora dhi dhemanena po dinadyatho. Hakwatererire yivandjero eyi ghawapire Nyambi.³Hembangire membo gha Mosesi, mupika waNyambi no dimbo dya ndjwighana: ''yiruwana yoye ne yikuru noyiwa, fumu Nyambi mukamangcamu. Mandhira ghoye ne ghahungama no ghashemwa, fumu ghodhimushovo . ⁴Yidye shoghapire kukuyapa fumu no kukugha dina dyoye? yowe pithoye wapongoka . Dhimushovo dhodhihe mbodhineya nokuna kukugha yoyishi yirughana yoye yoyihunga ne hayineghedha.⁵Apa yapwire yinu yi ne, namonine tembeli gho tende ghoghushupi ghanayandhuruka mudiwiru. ⁶Mutembeli mune mwashwayire haEngeli kwoko nohawadi ghukwaterera yinyandeka kwoko noyiwadi. Hawavateka makehe ghokutwedhima no hakarire no dhimukata dhongorondo padhimuyidi.⁷Ghofotji ghopa yikamoyo yi ne ghatapire kwawaEngeli kwoko nohawadi turonga tongorondo tokuyara ghupata waNyambi oyu ghapara kuroruheya nokuroruheya. ⁸Mutembeli mwayarire mwithi ghokushwagha kumakughero ghaNyambi noku ngcamu dhendi. Mbadiko ghokungena mo kate yinyandeka kwoko noyiwadi yawaEngeli ne yinapu.

16¹Nayuvire diywi dyodikuru dina kwitha ghushogherera mu tembelino kughamba kwaEngeli kwoko nohawadi eshi '''muyende no mukanotwere pa kaye turonga kwoko no tuwadi to ghupata waNyambi.''²Mu Engeli ghokutanga ghayendire no kanotwerakaronga kendi pakaye , noyimburu yoyimango no tjitju thikuma ya manine hanu awa hakarire no thidimukitho thothishereka, awa haraperire thishwi thatho.³Mu Engeli ghoghuwadi ghanotwerire karonga kendi mudikuruviya. Dyakuthitunukire manyinga , yira manyinga ghomunu ghokufa , no kehe thinu thokupara mudikuruviya tha fira.⁴Mu Engeli ghoghuhatu gha notwerire karonga kendi murware no muma vetu vetu ghomeyu, no yakuthitunukire manyinga. ⁵Nayuvire muEngeli ghomumeyu ghakughamba eshi '' Owe ne ghomuhunga- yowe ghudiko no yowe wakarireko, yowe mupongoki - pamurandu shi yowe ghunapangura yinu yi. ⁶Pamurandu shi hanotwerire manyinga gho hanu waNyambi no kupongoka no hapumbi, wa wapire manyinga ha nwe; yodigho yawa roghera.'' ⁷Nayuvire thinyaku thina kuhutha eshi, ''kemo, fumu Nyambi gho mangcamu dhodhihe, yipangura yoye ne yaghushemwa no yihunga.''⁸Mu Engeli ghoghune ghanotwerire karonga kendi pa diyuwa, no hadipire matawedhero mukutumeka hanu no dyekeshera dyo mudiro. ⁹Hanu hapwire kuvavura no dyekeshera dishokuru , no hashedhaghurire dina dyaNyambi, oyu ghakarire no marawero ku mahumbithero gha. mbadi ha pirukire ngambi kumupa fumwa.¹⁰Ene mu Engeli ghoghukwoko ghanotorire karonga kendi padipuna dyo thishereka, no dikokore dyafikire ghufumu wagho. Hatafunine marudimi ghagho pamurandu gho tjitju. ¹¹Hashedhaghurire Nyambi ghomudiwiru pamurandu gho tjitju no yironda, no hashwenine shime kupiruka ku yitenda yagho yoyimango.¹²Mu Engeli ghoghukwoko-fotji ghanotwerire karonga kendi murware dhishokuru dhaEupharates. Meyu ghamo ghapwererire mukuroyitha ndhira dhawa fumu hokudiva. ¹³Namonine dhimupepo dhokunyata edhi dhapiturire yira manyudya, dhina kushwagherera mutunwa to dikongoro, to thishereka, no mutunwa to haporofeta ho mbango. ¹⁴Adho ne dhi mumpepo dho dhimango edhi dha tendire yitetukitho. Adho mbo dhina yendi mukaye kokahe mu kuwa kongwedha pofotji kuyita yo diyuwa dyo dikuru yaNyambi gho muka ngcamu dhodhihe.¹⁵[ ''Kenge! ame nakwiya yira mwidhi! Mukaruviya ne muka kurawa, gho kukunga yitere yendi podigho shi maghana gha yendaghura thiheha no maghana hamona yothihonyi yendi''] ¹⁶Hawa kongwedherire pofotji mudyango edi hatoya muThihiburayi eshi: Armageddon.¹⁷Ene muengeli gho ghukwoko no ghuwadi gha notwerire karonga kendi muwiru. No diywi dyo dikuru dya shwaghererire mutembeli no kudipuna ghughamba eshi, '' Yina pu keho! '' ¹⁸Ghakarire methero gho mishoro, tuyoghototo, madikitero gho mushoro, no makineno gho muve gho makuru-makineno gho muve gho makuru agha ghapira kuhokoka rumweya kutunderera pa heya hanu pakaye, gho ghukuru gho makineno gho muve ghu. ¹⁹Mbara dho dhikuru dhapwire kuyakunutha mu yipindhi yihatu, no mambara gho muhoko dhodhihe ghadhingunukire. Babylon shokuru gha mughayarire Nyambi, no gha dhipire mbara dhiya kopi gho vinyu gho kuyara ghupata waNyambi gho ghukuru.²⁰Yirudhi yoyihe ya dhongonokire, no marundu mbadi gha wana karo. ²¹Mbwe dhodhingi dhina kuviha yira {34.2Kg}, dheyire kushwagherera muwiru dhiwere hamu. Hanu hanyeghenyine Nyambi pamurandu gho mahumbithero gho mbwe gho mukuru.

17¹Mu engeli ghumweya poha engeli kwoko nohawadi oyu gha kwaterera turonga kwoko no tuwadi gheyire no ghaghambire kwange eshi, '' Wiye, nanyi nikuneghedhe matetero ndhango gho mukarungu ghoghukuru oyu ghahungumana pa mararware, ²no yu ghatendire rungu no mafumu gho pakaye, no haka kaye hatererire ku rungu rwendi.³Mu engeli gha nishimbire pa mupepo mumamboreya, no namonine mukamadi ghana hungumana pa thishereka tho rudhi ro ghukihu othi tha karire no mena gho kushedhaghura. Thishereka thi tha karire no mitwi kwoko no dhiwadi no manyiha dikumi. ⁴Mukamadi yu gha kwatererire munyara dhendi kopi gho ngorondo gha yara yinu yo kunyata no yinu yo kupira kupongoka yo rungu rwendi. ⁵Pa rupara rwendi ha tjanga po dina edi hahoreka yitongora eyi dyatongora: '' Babylon gho mukuru, nyina gho rungu no yinu yoyiheya yoyimango pakaye.''⁶Namonine eshi mukamadi yu ne ghaterera no manyinga gho hanu hokuponga waNyambi no manyinga gho wa hatawa mwa Yesusi. Apa namumonine mukamadi yu, natetukire thikuma. ⁷Ene mu engeli ghaghambire kwange eshi, '' Pashanye ghuna tetukera? Nanyi nikutjwathanithe yitongora eyi hahoreka yo mukamadi yu no thishereka ethi thina shimbi mukamadi yu, thishereka ethi thidi no mitwi kwoko no dhiwadi no manyiha dikumi.⁸Thishereka ethi ghuna mono, mbadi thidiko pano, no tamba thiye kutunderera mudikwina dyo kupira mahurero. No ghana kuyenda gha kaharanganye, awa hatunga pakaye, owa hakara eshi mena ghawo mbadi ha ghatjange mu mbapira dhomoyo kutunda ku matatekero gho kaye-nanyi ha kutetuke pa kumona thishereka thi, yoyishi ghakarire ko, mbadi ghadiko, no mbo ghaneya karo.⁹Oyi yethha maghono ghoghunyanyami.Dhi mitwi kwoko no dhiwadi ne marundu kwoko no mawadi opa ghahungumana mukamadi yu. ¹⁰Shime karo koghadi mafumu kwoko. Mafumu kwoko ne ghawa, ghofotji ne poghadi, no ghumweya ne shime mbadi gheya, no apa mbo gheya, nanyi mbo ghakare mo kamanana ngenyu.¹¹Thisheka thi thakarire ko, no mbadi thidiko, aye fumu gho ghukwoko no ghuhatu. Gha hatera ko hakwoko no hawadi ndani kuna kuyenda naye kumaharanganyeno ghendi.¹²Manyiha dikumi ogha ghuna mono ne mafumu dikumi owa hapira kuwana ghufumu, ene mbo ghana wana ghuraghuri hafumu muviri dhofotji pofotji no thishereka thi. ¹³Owa ne ho maghano ghofotji, no mbohana tapa ngcamu dhagho no ghuraghuri wagho ku thishereka. ¹⁴Nanyi mbo hatange yita nondjwi . Ene ndjwi ghana kuwa wina, yoyishi aye ne Nyambi wawa Nyambi no fumu wawa fumu - no owa hadi nendi ho hetha, hawatorora , ndani ho hahunga. ''¹⁵Mu engeli ghaghamba kwange eshi, '' Meyu gha ghuna mono, opa gha hungumane mukamadi gho rungu , ne hanu hohengi, hawatorora, ndani mandimi.¹⁶Manyiha dikumi agha ghuna mono - awo no thishereka nanyi ha kunyenge mukarungu. Nanyi hakunine yirama yendi, no nanyi hakumutumekere no mudiro. ¹⁷Nyambi mbo ghatura mitjima dhagho mukutwara thitambo thendi mu kutawa kutapa mangcamu ghawo ku thishereka kare mbo gharikanye mo manando gha Nyambi.¹⁸Mukamadi yughuna mono ne mbara dhodhikuru edhi dha kara no ngcamu mukupiteritha mafumu pa kaye. ''

18¹Munyima dho yinu yino kokumona kwange muEngeli ghana kushuruka gha shwaghe mudiwiru. Gha karirre no ngcamu dhodhikuru, no muve ghoghuhe wa mumunakerire thishe thofumwa dhendi. ²Gha kughererire no diywi dyo ngcamu thikuma ghuninga eshi, '' Gha wa, gha wa Babiloni shokuru! Ghakarire dyango dyo matungo gho dhi mupepo dho dhimango, no kehe mupepo gho ghuyi no thinyunyi tho kunyata. ³Marudhi ghomaheya gha nwine vinyu gho didovo dyendi dyo rungu. Hakamighuro gho pa muve ha karire ghutungi kumangcamu ghoyipara yo rungu rwendi. ''⁴Kokuyuva kwange diywi dimweya dina kushwagherera mudiwiru ghughamba eshi, '' Mutunde mumwendi, mwa guva wange, podigho shi maghana mukupakerera mumaharwero ghendi, podigho shi maghana muwana ku kehe mahumbithero ghendi. ⁵Maharwero ghendi gha kupongeka muwiru yira diwiru, naNyambi gha vuruka yiperemeka yendi yoyimango. ⁶Mumuhuthere thika di ghahutherire hamweya, no mumu ruwerithe paruwadi pa yitenda yendi, mu kopi yu ghavunga, kughumuvungera pa ruwadi.⁷Thika di ghakufumaneka thinda no ghatunga mughushwi, mumupe matjitjupithero no yinyanda yokurikanya . No ghana kughamba kukwendi thinda, ''Ame nahungumana yira herekadhi ; Ame ne mbadi no mudidhi, no mbadi mbo nimona yitokota.'' ⁸Podigho eshi, diyuwa dimweya yikorwa yendi mbo yineya;Kufa, toko- toko, no diyerenge. Aye nanyi mbo gharokote ku mudiro, yoyishi hekudyetu ne ngcamu, no aye ne mupanguri wendi. ''⁹Hafumu ho pa muve awa ha tendire rungu nendi no mbadi ha kukungire nanyi mbo ha dire no kumutokotera opa mbo ha mona mwithimgho kupyera kwendi. ¹⁰Nanyi mbo hemane kokayenda mu kuyapa tjitjudhendi, no kughamba eshi, '' mawe ghukukutu gho mbara dhishokuru, Babiloni, mbara dho ngcamu! pa ruvedhe rofotji mahumbithero gha neya. ''¹¹Haghurithi ho pa muve mbo hana diri no kumutokotera yoyi hana piri gho kughura mighuro dhawo karo - ¹²mighuro dho ngorondo, siliveri, tuwe totuwa, makwarara, makehe ghomawa, no ghokukihuruka, ¹³yitondo yoyihe yo thiwe tho thiwa, yikote yoyihe yo yishokora yothindhovu, no yoyitondo yoyiwa, borozi, yikuvo, tuwe to ndhiro.Yitovitha yothina mahako,vinyu,maghadhi ,mushungwa ghofunufunu, mavumbukiro ngombe no ndjwi,tukambenoyihingitho yapo, yirama no midhimu dho hanu.¹⁴Mbuyo edhi mwa rumberire no mangcamu ghenu ghomahe dha mutunda. Ghushwi ghoghuhe no yoyihe yi yakutwedhimenine ya ndhongonoka, no kumutokotera wiyuka.¹⁵Ha ghurithi ho yinu yo yiwa yi awa ha karire hatungi papendi mbo ha nemana kayenda nendi yoyishi woma ku tjitju dhendi, kumudirera no kumutokotera wiyuka. ¹⁶Ghuninga eshi, '' mawe, ghukukutu gho mbara dhishokuru edhi dha pwire kuyenga no makehe gho makenu, noghukihu , no ghokurwedhima no mangorondo gho makwarara, no yipako yoyiwa! ¹⁷Pa ruvedhe rofotji ghushwi ghoghuhe ghuna kuhanyaghuka. Ha hingi yikepa wahe, ha rughani kumakuruviya, hemanine ko kayenda.¹⁸Kokudira kwawo pa kumona mwithi gho kupyera kwendi. Kokughamba kwawo eshi, '' mbara munye dhodhikuru yira mbara dhi? '' ¹⁹Ha kutunu kwawo rukungu pa mitwi dhawo noghukugherera, kumudirera no kumutokotera, '' mawe, ghukukutu gho mbara dhishokuru oku ha karire wahe no yikepa yawo kudikuruviya ha karire ghutungiku ghushwi wendi. Pa ruvedhe rofotji ghayi haranganyine. ²⁰Ghu shogherere ghudiwiru papendi, hanu ho kupongoka nawa postoli nawa porofeta, Nyambi ghareta mapangwero papendi! ''²¹Mu Engeli gho ngcamu gha dhamunine diwe dyo kuninga yira kakundhu kokakuru no kudivukumena mudikuruviya ghuninga eshi, '' mundhira dhi, babiloni mbara dhishokuru, nanyi mbo ha muvukume no ngcamu dho kuharanganya no mbadi mbo ha mumona karo. ²²Mughuma oghu hatenda ha shiki tungoma , nawa tumbimbi, haka mishigho, nawa ka mapori , mbadi mbo ha yuveka karo mumoye. No mbadiko ha yuwi ho kehe yino mbo hamoneka mumoye.No mbadiko mughuma gho tukundhu mbo ghu yuveka mumoye.²³Thishe tho munyenge, mbadi mbo thi musheghenyena karo, maywi gha herekadhi na mukawenga, mbadi mbo ghayuveka karo, ko haghurithi hohapitereri ho pa muve, no marudhi ghapwire kupemukitha kughurodhi. ²⁴Mumwendi manyinga ghawa porofeta no hanu waNyambi ho kupongoka hapwire kupagha pa muve, ha gha wanine mumwendi. ''

19¹Munyima dhoyinu yi kokuyuva kwange thinu ethi thandukire yira diywi dyodikuru dyo hanu hohengi awa hana kwitha mudiwiru ghukugherera.''haleluya''. Makomweneno , fumwa ,nongcamu ghakara kwa nyambi. ²Ghupanguri wendi wa ghushemwa no wahungama`, yoyishi gha pangurire mukarungu no mukuru oyu gha dhongerire kaye no rungu rwendi. Gha huthire manyinga ghawa pikendi mumanyara ghendi.³Haghambire roghuwadi ;Haleluya. Mwidhi wayeyukire mumwendi kuroruhe no kuroruheya . ⁴Mayami makumi mane nohane no yikamoyo yoyivareka yawire pamuve no hakandererire kwa nyambi oyu ghahungumanine mudipuna.kemo Haleluya,haningire eshi,⁵Kokushwagha ndjwi mudipuna ghuninga eshi''mukughe nyambi wetu,mwahe amwemwayapa ,waheya hanuke nawakuru''.⁶Haniyuvu diywi dyokuninga yira mbunga dhishokuru no yira noyira mupughumo ghomeyu ghomengi ,no madikitero ghongcamu ghomushoro , ghuninga eshi ''Nyambi ne muraghuri,fumu wetu ghomukangcamu.⁷Tumushamberere no kuhafa no tumupe difumankero . Yoyishi wenga wandjwighana ne ghuneya , na mukamadi wendi ghana kuroghitha. ⁸Hamutawedhire mukukuyenga yivata yo kurwedhima yokupira didhiro. (Yoyishi makehe ghomakenu ne yoyitenda yoghuhunga yo hanu wa nyambi yoghupongoki).⁹Mu Engeli kokuninga kwange eshi ''tjange yino; hakaruviya awa hana kuragha kuyidjabwana yowenga wa djwighana '' ghaningi karo kukwange eshi ''Aghane ghomanado ghoshemwa gha nyambi''. ¹⁰Natongamine kumapadhi ghendi no kumukamderera ene ghaningire kukwange eshi waghitenda yo. Nomupika muyedhoye no wawayendhoghe awa hakara no maghumbangi gho kuhatera kwa kristusi pamupepo ghoyipumba.¹¹Hani mono kwange diwiru dina yandhuruka , no na kengire no kumona kwange kakambe kokakenu . Noyu gha kadhinine hamu tire eshi makurupero no ghushemwa . Ayene muhunga mukupangura no kutuma yita. ¹²Meho ghendi gha pitura yira maretha ghomudiro, no pamutwi wendi pakara no manata ghomengi . Ghakara nodina di hatjanga papendi eshi mbadiko yu ghadidimuka shimengwa thinda . ¹³Ghakuyenga no thivata ethi ha dhekire momanyinga ,dina dyendi ne nado dhanyambi.¹⁴Hakayita homudiwiru hamu kuthire patukambe totukenu. Hatuyengire noyivata yoyikenu yo kupira didhiro. ¹⁵Kununda dhokanwa kendi mwa shwaghire dimende dyoditwe edi gha keshaghurithire marudhi ghawanu,no mboghana waraghura nomutagha ghothikuvo no kudjata kakundhu ko vinyu koghukore noghupata waNyambi ghomuka ngcamu. ¹⁶Ghakarire no dina edi ha tjanga pamukata wendi no paditami; Fumu wawafumu noNyambi wawaNyambi.¹⁷Ko kumona kwange muEngeli gha nemana mudiyuwa. Ghethire ghukugherera mudiywi dyidikuru kuyinyunyi yoyiheya eyi ya yendera pawiru dhidiwiru eshi ''Mwiye mukukongwedhe pofotji kumukuyarekero ghashokuru ghoyidjabwana yanyambi. ¹⁸Mwiye namudye nyama dhawafu, nyama dhawaraghuri, nyama dhwanu ho ngcamu ,nyama dhotukambe no hadhini wato, no nyama dhawanu wahe, waheya hashutuki nawapika, hanuke nawakuru.''¹⁹Namonine thishereka nawaFumu hopamuve nawa kayita wawo . Hakukongwedhire eshi ha turithepo yita no ghofotji oyu gha dhinine pa kakambe nawakayita wendi. ²⁰Thishereka thi hathikwatire namuporofeta ghombango yu gha tendire yiperemeka kughutho watho.No yiperemeka yi tha pemukithire wahakarire nothidimukitho thothishereka no waha kandeghere kuthitjwandjo thatho. Mughuwadi wayo yapwire kuvukumena ghuyumi mudirara dyo mudiro.²¹Thingi thawo hapwire kupagha nodimende di dya shwaghire mukanwa koyu ghadhinine pakakambe . yinyunyi yoyihe yakudire nyama dhayo dhokufa.

20¹Ponamonine muEngeli ghana kushuruka mudiwiru. Ghakarire no matjapi ghokukudikwina dyo dyokupira mahurero , Aye ghakwatererire dyenge dishokuru munyara dhendi. ²Ghakwatire dikongoro , thiyoka thokare , athone yo shatani endi shadipinyi no ghapwire kughanga myaka mayovi. ³Ghapwire kuvukumena mudikwina dishihuru. Ghayandhereriko no ghamungangeriremo. Yakarire kemo podigho eshi ghapire kupemukitha mihoko karo kare myaka diyovi dhikapwe. Munyima pombo hamu hutura pa kapupi kamanana.⁴Ponamonine mapuna . apa hahungumanine po awa hapire ngcamu dho kupangura . Namonine karo mudhimu dhowa hapwire kuteta mitwi pamurandu ghokunongonona yokwa Jesusi no kunando dha Nyambi. Awo mbadi hakotamenine thishereka endi thishwi thatho , no haswenine kutambura thitareka pamarupara ghagho endi pa nyara. Hatumukire mukufa , no haraghurire na kristusi myaka mayovi.⁵Wingi wawafu nbadi hatumukire mukufa kare ndani dha pwire myaka diyovi. Oghune ghomuvumbukero ghokutanga . ⁶Mukafiyaghudhi no mupongoki oyu ghana kukuhamithera mu muvumbukero ghokutanga . kuyifa yoghuwadi ne mbadi yakara no ngcamu . Nanyi hakukare hapristeri waNyambi nowa kristusi nombo hana karaghura myaka diyovi.⁷Apa dhapwire myaka diyovi , shatani mbogha mushutura munotwa . ⁸Mboghana yendi ghakapemukithe mihoko mumitara dhine dhokaye gogo na magogo mukareta pofotji harweyita wingi wagho mbohana kara yira muve gho mudikuruviya.⁹Awo hadhinine padyango diya ghuyupa pakaye no hadhingwemwetekedhirire kamba dhohanu ha Nyambi hokupongoka mbara dhoruhakitho . Ene mudiro watundire mudiwiru no kuwambandawera . ¹⁰Shatani ghoyu ghawa pemukithire , ghapwire kuvukumena mudiviya dyo mudiro , ghomu mo havukumenine thishereka na muporofeta gho mbango . hawa nyandekire mutenya no ghuthiku kuroruhe no kuroruheya.¹¹Pona monine dipuna dishokuru dyodikenu noyu ghahungumaninepo . Kaye no mawiru yamuyakunukire, ene mbadi hawanine dyango kushohayende. ¹²Hani mono hafu hakamakuto no hokupira dikuto hanemana kughutho ghodipuna . nohafikurire mbapira hanayandhuruka . no hafikurire mbapira dhimweya , mbapira dho moyo. Hafu hawa pangururire kukutha koyi hawa tjangeramo muma mbapira , kukutha kuyitenda yagho.¹³Dikuruviya dyatapire hafu awa hakariremo. Yifa no dyango dyawafu yatapire hafu wa hakariremo , no hafu hawa pangurire kukutha kuyirughana yagho. ¹⁴Yifa no dyango dyawafu yapwire kumwaghera mudiviya dyo mudiro . Eyine yoyifa yoghuwadi diviya dyo mudiro . ¹⁵Ngeshi kuwana ghumweya eshi dinadyendi ne mbadimo mumbapira dho moyo , ghapwire kumwaghera mudirara dyo mudiro.

21¹Munyima haniyuvu diwiru dyodipya no kaye kokapya, yoyishi diwiru dyokutanga no kaye kokutanga ne yadhongonokirepo, nodikuruviya mbadi dyakarirepo karo. ²Namonine mbara dhokupongoka , Jerusalema ghomupya , ghoyu ghatundire mudiwiru kwaNyambi, ghapwa kuyenga yira mwenga kwa katughuru wendi.³Nayuvire diywi dishokuru dina kushwagha kudipuna ghuninga eshi, ''Look! dyango dyo dyo matungo ghaNyambi ne pa hanu didi, aye mboghanatungu nagho. no mbohanakara haguva wendi, naNyambi thinda mboghana kara mumwagho no mboghana kara Nyambi wagho. ⁴Aye mboghana kuyura maruhodhi ghokumeho ghagho ghomaheya. no yifa mbadi mboyikarapo karo, no diguvo temba, nomadiro temba, no matjitju temba. yoyishi yinu yokutanga ne yinakapita.⁵Oyu ghahungumanine padipuna ghaghambire ''eshi Mone! kunakutendurura yoyiheya ghupya'', ghaningire eshi tjange yoyishi manando gha ne ghamakurupero no ghaghushemwa. ⁶Ghaningi kukwange ''eshi yinu yine yinapu kutenda! Yame matangero no mahurero. Kwamukakufa dinota nanyi nimupe yinwa nyara-nyara yokushwagha muma vetu-vetu meyu gho moyo.⁷Mukakuwina nanyi ghakuyore yinu yi, ndani nanyi nakukare noNymbi wendi, naye nanyi ghakukare mwanange gho katughuru. ⁸Ene kwawa kaghoma, hakakupira matawero, hakakupotathana, hapayi, hakarungu, harodhi, hakaghunyambi ghombango, no hakambango waheya, dyango dyagho mbodina kara diviya dyomudiro ghokweshera. Eyi ne yoyifa yoghuwadi⁹MuEngeli ghopa wa kwoko no hawadi gheyire kukwange , oyu ghakirire no turonga kwoko no tuwadi otu twayarire no yinyandekithakwoko no yiwadi, noghaningire ''eshi wiye kuno, nanyi nikuneghedhe mwenga, muna ndjwighana.'' ¹⁰Munyima ghanishimbirepo mupepo kudirundu dyodikuru no dyodire no ghanineghedhire mbara dhokupongoka Jerusalema ghana kushuruka mudiwiru kwaNyambi.¹¹Jerusalema no ghurwedhima waNyambi, no thishe thamo thakarire yira kawe kondhiro, yira diwe dyo Kristari-Jaspera ghokumonenena. ¹²Dhakarire no dirapa dyodikuru dyodire no yero dikumi no mawadi, no haEngeli dikumi nohawdi karire ku yero. Pama korogho hatjangirepo mena gho mako dikumi nomawdi gho hana Isragheri. ¹³Kudiva kwakarire makorogho mahatu ,kughucuma end ghuturo) makorogho mahatu, nokuditokeramakorogho mahatu.¹⁴Dirapa dyo mbara dyakarire no tushema ndhugho dikumi notuwadi, apa pakarire mena dikumi nomawadi ghawa postoli ho ndjwighana. ¹⁵Oyu ghaghambire nange ghakarire nothimetitho thongorondo ghamete mbara, makorogho ghadho no dirapa dyadho.¹⁶Mbara hadhitendire mushongane, munaghure wakurikanyine pofotji no ghuyaghuyu , ghametire mbara nothimetitho thomutagha, mayovi dikumi nomawadi stadigho 1220km mughure(muna ghure, ghuyaghuyu, noghure yakurikanyine). ¹⁷Aye karo ghametire dirapa dhadyo , 144- kubitsighukanyu pamametero gha munu(aghone ghomameteroghamu Engeli karo.¹⁸Dirapa kwaditendithire ku Jasiperi, dho mbara dho ngorondo ghokupira kuvunga vunga, kumonenena yira dikende. ¹⁹Tushema ndhugho to dirapa twa pwire kuyenga no kehe kawe kondhiro . Kokutanga ne Jasiperi, koghuwadi ne Safire, koghuhatu ne Agate, koghune ne Emerarindi, ²⁰Koghukwoko ne Onoxi, koghukwoko fotji ne Karinerian, koghukwoko wadi ne Krisorite, kwoko hatu ne Beril, kwokone ne Topazi, kodikumi ne Krisoprase, kodikumi nokofotji ne Jasinth ndani kodikumi notuwadi ne Amethisiti.²¹Makorogho dikumi nomawdi kwakarire makwarara dikumi nomawadi, kehe dikorogho kwaditendithire no dikwarara dyadyo. Dhimikara dho mbara dha karire dho ngorondogho peya-peya, yira dikende dyo kumonenena. ²²Mbadi namoninemo tembeli mu mbara dhi, yoyishi fumu Nyambi ghomukangcamu dhodhiheya na ndjwighana ne yo tembeli wadho.²³Mbaradhi mbadi dhanyanda diyuwa endi kaghonda mukudhimunekera , yoyishi ghurwedhima waNyambi wamunekeramo ndani maramba ghadho ne ndjwighana. ²⁴Mishovo mboghanayendi pamunyenge gho mbara. Hafumu gho kaye mboghana tapa dikuto mumwadho. ²⁵Makorogho ghadho mbadi mboghayandhera mutenya noghuthiku.²⁶Mishovo mbodhinatapa dikuto no fumwa kukwadho. ²⁷Ene mbadiko thokunyata ethi mbohingenamo, noyu ghakutenda yokupotathana endi mbango, ene ghowa pithagho owa hapya kutjanga mena ghagho mumbapira dho moyo dha Ndjwighana.

22¹Na muEngeli ghani neghedhire rware ro meyu gho moyo, roshenene yira kristari. Rwapukire rutunde kudipuna dya Nyambi no dya Ndjwighana. ²Kupitera mumukara gho mbara . kehe kumbadi dho rware kwa karire thitondo moyo , thokwima mbuyo dhokuku tjaka tjaka dikumi no dhiwadi, ayone kwima mbuyo yadho mukehe kaghonda, mahako ghokuyitondo yapo ne gho merukithero gho mishovo.³Thikuto mbadi mbothikaramo karo. Ddipuna dya Nyambi no dya ndjwighana mbodikara mumbara dhi, no hapikendi ne mbohana muruwanena. ⁴No mbohanamono rupara rwendi , no dina dyendi mbodinakra patuhungupara twagho. ⁵Ghuthiku mbadi mboghukarako, mbadi mwanyanda munyenge gho ramba endi ghodiyuwa yoyishi fumu Nyambi yomboghakaraghura kuroruhe no kuroruheya.⁶Mu Engeli ghaningire kukwange ''eshi, manando gha ne ghamakurupero no ghushemwa. Fumu Nyambi ghodhi mipepo dha waporofeta ghana tumu mu Engeli mukuneghedha hapikendi eyi mboyihokoka pawangu. ⁷Mone nakumu wangu! mukafiyaghudhi kumanando gho ghupumbi ghomupmbapira dhi''.⁸Yame Johanesi, oyu ghayiyuvire no kuyimona yinu yi.Apa nayiyuvire nokuyimona ne, nakuvamine kumapadhi gha mu Engeli nitape fumwa dhomakughero koyu ghanineghedhire yinu yi. ⁹Aye ghaniningire eshi wayitenda ! Ame namene no muraghuri muyedhoye , no hayendhoye haporofita ndani nowa hadi ghutawedhi kumanando ghomu mbapira dhi. Karere Nyambi.¹⁰Noghanitongwerire ''eshi wafika manando ghoghupumbi ghomumbapira dhi. yoyishi ruvedhene pepi rudi. ¹¹Mukakupira ghuhungami, ghawedherereko kupira ghuhungami. Koyu ghapotathana, ghawedherereko kupotathanena, muhunga gha hungamenene. Oyu ghana pongoka, ghapongokerere.¹²Mone! nakumu pawangu. yiruwera ne nayo nidi me, eyi shoniruwere kwa kehe yu kukutha kuyiruwana yendi. ¹³Yame Alfa na Omega, matangero no mahurero, mashimurukero no mamanithero..¹⁴Hakafiyaghudhi awa hana kuyogha yivata yaghoyoyi mboghana wana matawedhero mukudya kuthitondo tho moyo no kwingena mumakorogho ghombara. ¹⁵Ene panunda podhidi mbwa na warodhi , nawakarungu, nawapayi, nawa kaNyambi gho mbango nakeheyu ghahaka no kutenda ghumbango.¹⁶Yame Jesusi natumu muEngeli wange mukunongonona kukoye yokuhamena kuyinu yo mangirishe. Amene yame mudhi no mwanahoka wa Davita, nota ghomurughura.¹⁷Mupepo namwenga kughamba ''éshi Wiye!'' mukakuyuva ghaghambe eshi ''Wiye!'' mukakufa dinota , ninge gheye no kwa kehe yu ghana shana , ninge heye nawane meyu gho moyo nyara-nyara.¹⁸Nakunongonona kwakehe yu ghanakuyuva manando ghoghupumbi ghomu mbapira dhi: ngeshi ghumwe ghawedhererako , Nyambi mbwana kamuwedhererako kuyinyandekitha eyi hatjanga mu mbapira mu. ¹⁹no ngeshi ghumwe ghatundithako kumanando ghomumbapira dhi dhoghupumbi, Nyambi mbwana katepura kuyiyora yendi kuthitondo tho moyo noyo mumbara eyi hatjanga mumbapira dhi.²⁰Oyu ghanongononine yinu yi, ghaningire eshi yoghushemwa amene nakumu wangu.''Amen! wiye fumu Jesusi. ²¹Thineke thaNyambi thikare nenu mwaheya.Amen.

Formatted for Translators

Mateghusi

Markus

Lukasi

Johanesi

Yitenda yawapostoli

Hakaroma

1 Hakorinte

Hakorinte

Hakagalasiye

Hakaefesiusi

Hakaphilipusi

Hakakolose

Hakatesalonika 1

2 Hakatesalonika 1

1 Timoteus

2 Timoteghusi

Titusi

Filemoni

Haheburayi

Jakobusi

1 Petrusi

2 Peturusi

1 Johanesi

2 Johanesi 1

3 Johanesi

Jude

Yihokora