Bible

Maciu

1¹Nai vola ni kawa ni Jisu Karisito, na luve i Tevita, na luvei Eparaama. ²Na tamai Aisake o Eparaama; ka tamai Jekope o Aisake; ka tamai Juta vata ki iratou na tuakana vata ki iratou na tacina o Jekope; ³ka tamai Feresi vata ki Sera o Juta, na jinadrau o Tema; ka tamai Esiromi o Feresi; ka tamai Erami o Esiromi;⁴ka tamai Aminatapi o Erami; ka tamai Nasoni o Aminatapi; ka tamai Salimoni o Nasoni; ⁵ka tamai Poasi o Salimoni, ka jinana o Reapi, ka tamai Opeti o Poasi ka jinana o Ruci; ka tamai Jese o Opeti; ⁶ka tamai Tevita na tui o Jese. Na tamai Solomoni o Tevita na tui, na jinana o koya ma wati Uraia i liu;⁷ka tamai Riopoami o Solomoni; ka tamai Epaia o Riopoami; ka tamai Asa o Epaia; ka tamai Josafati o Asa; ⁸ka tamai Josafati; ka tamai Jorami o Josafati; ka tamai Usaia o Jorami;⁹ka tamai Jocami o Usaia; ka tamai Aasi o Jocami, ka tamai Esekaia o Aasi; ka ¹⁰tamai Manasa o Esekaia; ka tamai Emoni o Manasa; ka tamai Josaia o Emoni; ¹¹ka tamai Jekonaia vata ki ratou na wekana o Josaia, ni sa ra yacovia na gauna sa yadji yani kinia vakaukauwa i Papiloni.¹²Ia n ra sa yadji yani kinia i Papiloni, sa qai sucu o Salacieli, na tamana o Jekonaia, ka tamai Serupepeli o Salacieli; ¹³ka tamai Epiuta o Serupepeli; ka tamai Elaiakimi o Epiuta; ka tamai Asori o Elaiakimi; ¹⁴ka tamai Setoki o Asori; ka tamai Akeimi o Setoki; ka tamai Iliuta on Akeimi;¹⁵ka tamai Iliesa o Iliuta; ka tamai Macani o Iliesa; ka tamai Jekope o Macani; ¹⁶ia o Jekope na tamai Josefa na wati Meri, o koya ka sucu mai vua o Jisu, o koya sa vatokai o Karisito. ¹⁷Sa qai jinikava taucoko nai tabatamata me vatekivu sara mai vi Eparaama ka yaco sara vi Tevita; ka jinikava voki nai tabatamata mai vi Tevita me yaco sara na nodra sa yadji yani i Papiloni; ka jinikava voki nai tabatamata mai na nodra yadji yani Papiloni me yacovi Karisito.¹⁸Sa vakoto ke na nona sucu o Jisu Karisito: Sa musuki iliu o Meri na jinana me waji Josefa, ni rau se bera madaliga ni viyacovi, sa votu na nona bukete mai vua na Yalo Tabu. ¹⁹Sa yalododonu o Josefa na wajina, ka reva ni vatakila vi dua, a sa vagaluya liga.²⁰Ni sa vananumakia jiko o koya na vi ka kece sa yaco, sa qai basika mai e dua na agilosi ni Turaga vua ina tadra ka tukunia, "I Josefa, na luvei Tevita, kua ni rere ni tauri Meri me wajimu; balejia ni sa na tubu mai vua na Yalo Tabu na ka sa kunekunetakia jiko: ²¹ni na vasucuya o koya e dua na gonetagane, ia mo vayacani koya o JISU; ni o koya liga ke na vabulai ira na tamata mai na nodrai valavala ca."²²Na ka kece e yaco jiko ke, me caka liga kinia na vosa ni Turaga, ka se ma tukunia oji tu mai na parofita ka tukunia, ²³"Raicia ena bukuete e dua na goneyalewa, ka na vasucuya e dua na gonetagane, ka na vatokai o Imanueli:" na kenai balebale, "Na Kalou sa jiko vata ki kita."²⁴Sa yadra mai o Josefa, a sa caka sara na ka sa tukunia oji vua na agilosi ni Turaga, sa yadjia vata ki koya na wajina: ²⁵ni rau sebera madaliga ni viyacovi, sa sucu mada na nona ulumatua na gonetagane; a sa vayacani koya o JISU.

2¹Ia ni sa sucu oji o Jisu mai Peceliema i Jutia ina gauna sa tui kinia o Eroti, raicia sa so na tamata vuku mai natuicake, ra sa qai mai Jerusalemi, ²a ra sa tarogia, " I vi o koya sa sucu me nodra tui na kai Jutia? ni kitou sa raicia na nona kalokalo mai na natuicake, ka kitou sa qai mai me kitou mai cuva vua. ³Ni sa rogocia o Eroti na tui, sa kidroa vata ki Jerusalemi taucoko:⁴Ni sa vakumuni ira vata keceliga na bete levu vata ki ira na vu-ni-vola ni tamata, sa tarogi ira o koya se na sucu beka i vi na Karisito, ⁵Sa ra tukunia vua, "Mai Peceliema ina vanua o Jutia: ni ra sa volai va ke na parofita, ⁶O iko Peceliema, ina vanua o Juta, Ko sa reva ni lailai sara mai vi ira na viyasana i Juta, Ni na tubu mai vi iko e dua na Turaga, O koya na lewai ira na noqu tamata na Isireli.⁷Ia o Eroti, sa kacivi ira lo na tamata vuku, sa qai tarogia matua vi ira na gauna cava sa na rairai mai kinia na kalokalo. ⁸A sa vatalai ira i Peceliema ka tukunia vi ira, "Dou qai varaicia matua sara na gone lailai; ia ni nu sa raicia, nu tukunia mai vi au, me'u qai cuva vokiliga vua."⁹Ia ni ra sa rogocia na nona vosa na tui, ra sa qai; ka ra sa varaicia na kalokalo ni sa tu mai naituicake ka sa liutaki ira, sa qai tu vadua, ni sa donumakia na jikina sa davo kinia na gone lailai. ¹⁰Ni ra sa raicia na kalokalo, a ra sa marau sara valevu.¹¹Ni ra sa curu i vale, ra sa raicia na gone lailai vata ki Meri na jinana, a ra sa cuva sobu ka varokoroko vua; sa ra qai serekia na nodrai oloolo kamunaga, ra sa vacaboya vua e so nai solisoli; na koula vata ki na drega me vayavui, vata na mura. ¹²Sa qai vasala vi ira i na tadra na Kalou me ra kua ni qai voki vi Eroti, me ra sa lesu voki i na nodra vanua i na sala tani.¹³Ni ra sa lesu voki, raicia sa qai rairai vi Josefa ina tadra na agilosi ni Turaga, ka tukunia, "Mo cavu tu, ka yadjia na gone lailai vata ki jinana ka tuba i Ijipita, ka warakia mai kinia na noqu vosa vi iko, ni sa varaicia jiko na gone lailai o Eroti me vamatea. ¹⁴Sa qai cavu tu o koya, ka yadjia na gone lailai vata ki jinana ina bogi ka qai i Ijipita: ¹⁵Sa jiko mai kinia ka yacovia na nona mate o Eroti: me qai vayacori kinia na nona vosa na Turaga sa vosatakia na parofita, ka tukunia, "Au ma kacivia na luvequ mai Ijipita."¹⁶ia ni sa qai kila ko Eroti ni ra ma vidabuitaki koya na tamata vuku, sa cudru valevu sara, ka sa talatala yani, me ra vamatei keceliga na gonetagane lalai ra jiko mai Pecileema, vata na kena viyasana keceliga, o ira ra yabaki yarua ka qai sobu, me donuya na gauna ma tarogia matua kinia o koya vi ira na tamata vuku.¹⁷Sa qai vayacori kinia naka sa vosatakia o Jeremaia na parofita ka tukunia, ¹⁸Sa dua na domo sa rorogo mai Rama, "Na qoqolou vata na tagi vata na somate levu, Sa tagicaki ira na luvena o Reijeli, sa sece ni vacegui, ni ra sa yali ."¹⁹Sa mate o Eroti, sa qai basika vi Josefa mai Ijipita ina tadra, e dua na agilosi ni Turaga, ²⁰ka tukunia, "Cavu tu, mo yadjia na gone lailai vata ki jinana, ka qai ina nodra vanua na Isireli, ni ra sa mate o ira ma vaqara na gone me ra vamatea. ²¹Sa qai cavu tu o koya, ka yadjia na gone lailai vata ki jinana, rau sa qai mai ina nodra vanua na Isireli.²²Ni sa rogocia na tui mai Jutia o Arikeleo nai sosomi ki Eroti na tamana, a sa rere ni qai kinia; ia ni sa vasalataki koya na Kalou ina tadra, sa lesu voki o koya i na yasayasa va-Kalili. ²³A sa qai jiko vadua ina koro na yacana o Nasareci, sa vayacori kinia na ka ra a vosatakia o ira na varovita, ni na vatokai o koya, a kai Nasareci.

3¹Ia ina gauna gona sa qai mai o Joni na dauvivapapitaisotaki, ka dauvunau ina loma ni vanua o Jutia, ²ka tukunia, Nu vivutuni! ni sa voleka na matanitu valomalagi. ³O koya gona sa vosa kinia o Aisea na parofita, ka tukunia, Na domona e dua sa kacikaci i loma ni vikau, Nu caramakia na sala i Jiova, Caka me dodonu na nona salatu.⁴O Joni ke sa vaisulu ina sulu vuji ni kameli, ka buki i tolona na wa kuli-ni-manumanu; ka sa kena kakana na vodre vata na oni ni vikau. ⁵Sa qai mai vua o ira mai Jerusalemi vata ki Jutia taucoko, vata ki na yasana taucoko sa voleka i na Joritani, ⁶sa papitaisotaki ira o koya i na Joritani, ni sa ra vatusa jiko na nodra i valavala ca.⁷Sa raicia o koya ni sa le levu na Farisi vata ki ira nai tokani ni Setoki, ra sa qai mai ina nona papitaiso, sa tukunia vi ira, Ikodou na kawa ni gata, o cei sa vasalataki ikodou mo dou tuba tani mai na cudru sa qai jiko mai? ⁸O koya mo dou vuatakia na vua sa kilikili vata na vivutuni: ⁹dou kua ni nanumia mo dou kaya ina lomamudou, A tamai kimamu o Eparaama: au sa tukunia vi ikodou, sa rawarawa vua na Kalou me vatubuya na vivatu ke me ra luvei Eparaama.¹⁰Na matau sa ta toka ena vunikau ni kua: sa na ta dai tani kinia na kau keceliga sa reva ni vuatakia na vua vinaka, ka dai ina bukawaqa: ¹¹E djina au sa papitaisotaki ikodou ina wai ni dou sa qai vivutuni: ia o koya ena muri au mai sa levu cake vi kirau, ia na nona i vava sa reva ni yaga vi au meu yadjia: na papitaisotaki ikodou o koya ina Yalo Tabu vata ki na buka waqa: ¹²sa tu i ligana nai sivi ni sila, ka na vasavasavatakia sara o koya na sila ni nona rara, ka kumunia vata na nona sila ina lololo; ka na visa o koya na betena ina bukawaqa reva ni bokoci rawa.¹³Sa qai mai Kalili o Jisu ina Joritani vi Joni, me papitaisotaki vua. ¹⁴Sa via tarovi koya o Joni ka tukunia, "Sa yaga vi au mo nu papitaisotaki au, ia ikonu o nu sa qai tu mai vi au? ¹⁵Sa vosa o Jisu, ka tukunia, Mo vosojia mada ni kua; ni sa kilikili vata ki kita me da vabaujia vake nai valavala dodonu keceliga. Sa qai duavata kinia o koya.¹⁶O Jisu ni sa papitaisotaki oji, sa cabe sara mai wai: ka raicia, sa qai wase rua na vua na lomalagi, a sa raicia o koya na Yalo ni Kalou ni sa qai sobu mai me vaka na ruve, ka sa mai ro toka vua: ¹⁷ka raicia, sa dua na domo mai lomalagi, sa tukunia, O koya ke na noqu Gone ni toko, au sa dau vinakajia valevu

4¹Sa qai yadji Jisu i colo na Yalo Tabu i vikau, me qai vatovolei koya kinia na tevoro. ²Me va ni lolo jiko o koya, me siga vasagavulu ka bogi vasagavulu, sa qai via kana. ³Sa qai mai vi koya na dauvivatovolei, ka tukunia, "Ke o sa Luve ni Kalou, mo tukunia mada me vuki me buli madrai na vivatu ke," ⁴Sa vosa o koya, ka tukunia, Sa volai, "Ena reva ni bula na tamata ina madrai duadua liga, sa bula liga ina vosa keceliga sa qai mai na gusu ni Kalou."⁵Sa qai yadji koya na tevoro ina koro tabu, ka vajikori koya i dela ni vale ni soro. ⁶Sa qai tukunia vua, "Ke o sa Luve ni Kalou, mo rika sobu: ni sa volai, Ena vasalataki ira na nona agilosi o koya ina vukumu, ia ena roqoji iko ina ligadra, De dua na siga sa tavutu na yavamu ina vatu."⁷Sa tukunia vua o Jisu, Sa volai vokiliga, "Mo kua ni vatovolei Jiova na nomu Kalou." ⁸Sa yadji koya voki na tevoro ina dua na ulu-ni-vanua cecere sara, sa varaitakia vi koya na matanitu keceliga i vuravura, vata na kedra i ukuuku; ⁹sa tukunia vua, "Na ka keceliga ke au na solia vi iko, ke o na cuva sobu ka varokoroko vi au."¹⁰Sa qai tukunia vua o Jisu, Mo qai tani, Setani, ni sa volai, "Mo varokoroko vi Jiova na nomu Kalou, ia mo qaravi koya duadualiga." ¹¹Sa qai daini koya na tevoro, ka raicia, sa qai mai eso na agilosi ka qaravi koya.¹²Ni sa rogocia o Jisu ni sa bala i vale ni vivesu o Joni, sa qai voki i Kalili; ¹³sa daini Nasareci, ka sa qai jiko vadua i Kapenaumi, o koya sa tu ina baravi, ina i yalayala vata ki Sepuloni vata ki Nafitalai:¹⁴me vayacori kinia na vosa i Aisea na parofita, ka tukunia, ¹⁵"A vanua o Sepuloni, vata na vanua o Nafitalai, I na yasayasa ni wai, i na tai kadua ni Joritani, o Kalili ni vimatanitu tani," ¹⁶o ira na tamata ka jiko ina butobuto, ra sa raicia na rarama levu; Ia vi ira ka jiko ina vanua ni mate vata na kena yaloyalo, sa cabe cake vi ira na rarama.¹⁷Mai na gauna gona sa vatekivu kinia o Jisu me dauvunau, ka tukunia, "Nu vivutuni! ni sa voleka na matanitu valomalagi."¹⁸Sa qai jiko o Jisu ina baravi mai Kalili, sa raicia e le rua na vitacini, o Saimoni sa vatokai o Pita vata ki Adriu na tacina, rau sa cavotakia na lawa i wai: ni rau sa gonedau. ¹⁹Sa tukunia vi rau o koya, "Drau muri au mai, au na djigitaki ikodrau mo drau gonedau ni tamata." ²⁰Rau sa dainia sara tu na nodrau lawa, ka muri koya.²¹Sa qai tani mai vanua gona o koya ka qai i liu, sa raicia e le rua voki rau vitacini, o Jemesa na luvei Sepete, vata na tacina o Joni, ratou sa toka vata ki Sepete na tamadrau mai waqa, a rau sa ovenia jiko na nodratou lawa; sa kacivi rau o koya. ²²Rau sa dainia sara tu na waqa vata ki tamadrau, ka muri koya.²³Sa viqaiyaki jiko i Kalili taucoko o Jisu, sa vatavuvuli ina nodra vivale ni lotu, sa vunautakia nai tukutuku vinaka ni matanitu; a sa vabulai ira na tamata mai na mate keceliga, vata ki ira na malumalumu keceliga. ²⁴Sa rogovaki yani na kena i rogorogo i Siria taucoko: ra sa yadji vua o ira keceliga na tauvimate, ira sa tauvia na mate tani eso, ira na yaluma, ira sa curumi ira na tevoro, ira na tauvi-lialia, ira na tauvi-paralasi; sa vabulai ira o koya. ²⁵Sa ra le levu sara, sa muri koya mai Kalili vata ki Tikapoli, vata ki Jerusalemi vata ki Jutia vata na tai kadua ni Joritani.

5¹Ia ni sa raici ira na le levu o koya, sa cabe i na ulu-ni-vanua; ia ni sa jiko sobu, sa qai mai vi koya o ira na nona tisaiveli: ²a sa vosa ka vatavulici ira ka tukunia: ³"Sa kalougata o ira sa yalo malumalumu ni sa nodra na matanitu valomalagi." ⁴"Sa kalougata o ira sa dautagi: ni ra na vacegui."⁵"Sa kalougata o ira sa yalo malua: ni ra na taukenia na vanua." ⁶"Sa kalougata o ira sa viakania se via somia nai valavala dodonu: ni ra na vakuvai." ⁷"Sa kalougata o ira sa dauloloma: ni ra na lomani." ⁸"Sa kalougata o ira sa yalosavasava: ni ra na raicia na Kalou."⁹"Sa kalougata o ira sa dautataro: ni ra na vatokai me luve ni Kalou." ¹⁰"Sa kalougata o ira sa vacacani ina vuku ni valavala dodonu: ni sa nodra na matanitu valomalagi."¹¹Dou sa kalougata, ni dou sa vasewasewani, ka vacacani, ka vosavacacataki vaseseni ina ka keceliga e ca, ina vukuqu:" ¹²"Dou reki ka marau valevu: ni sa levu na kena i sau vi ikodou mai lomalagi: ni sa vake na nodra ma vacacani o ira na parofita ra ma bula iliu vi ikodou."¹³O ikodou na masima i vuravura, ia ke sa yali na masima mai na kena kokona, na vakokonataki voki ina cava? Sa qai reva ni yaga ina dua na ka, me dai liga i tuba, ka me ra butukia sobu o ira na tamata. ¹⁴O ikodou na rarama i vuravura. Na koro sa tara toka ina ulu-ni-vanua sa reva ni vunitaki rawa.¹⁵Sa reva vokiliga ni vawaqai na cina, ka me qa dai toka i na ruku ni varau sila, ina kena i tutu liga; sa qai cinavi ira keceliga sa jiko i vale. ¹⁶Me waqa vavokiliga kinia na nomunu rarama i na matadra na tamata, me ra raicia kinia nomunu i varau vinaka, ka varokorokotakia na Tamamunu sa jiko mai lomalagi.¹⁷Dou kua ni vakasamatakia, ni'u sa qai mai me'u vaojia na vunau, se na nodrai vavuvuli na parofita, au reva ni qai mai me'u vaojia, me'u vayacoya liga. ¹⁸Ni'u sa tukunia vaidjina vi ikodou, Na takali mada o lomalagi vata ki vuravura, ia na reva ni takali mai na vunau e dua na mata-ni-vola lailai se dua na jikina lailai sara, na yaco mada keceliga.¹⁹O koya ke na vatokai kinia me lailai sara i na matanitu valomalagi, o koya yadua sa talaimama i na dua nai vunau ke sa lailai sara, ka vatavuvuli vakinia vi ira na tamata; ia o koya ena vabaujia ka vatavuvulitakia; na vatokai me levu ina matanitu valomalagi. ²⁰Ni'u sa tukunia vi ikodou, Ke sa reva ni vinaka cake na nomunu i varau dodonu mai vi ira na vu-ni-vola vata ki ira na Farisi, Dou na reva sara ni curu ina matanitu valomalagi.²¹Dou sa rogocia ni ma tukuni vi ira i liu, "Mo kua ni laba; ia o koya na laba, na cudruvi koya na matavilewai;" ²²ia, o au sa tukunia vi ikodou, "O koya yadua sa cudru laliga vua na wekana, na cudruvi koya na matavilewai:" ia "O koya na vosavacacatakia na wekana, ni na beitakia me ca, na cudruvi koya na matavilewai levu:" ia "O koya na rurulaki koya;" na cudruvi i na buka waqa mai eli.²³O koya gona, ke o sa mani yadjia na nomu madrali i nai cabocabo-ni-soro, sa ko nanumia mai kinia e dua ma bilitaki iko kinia na wekamu, ²⁴dainia tu na nomu madrali i na mata ni cabocabo-ni-soro, qai, drau vivinakaji mada i liu vata na wekamu, ka qai mai vacaboya na nomu i madrali.²⁵Kusarawa mo drau vivinakaji vata mada ki koya sa beitaki iko, ni drau sa qai vata kaya i na tolo-ni-sala; de soli iko o koya vua na turaga-ni-lewa, ka soli iko na turaga-ni-lawa vua na ovisa, o na qai dai i vale ni vivesu. ²⁶Au sa tukunia vaidjina vi iko, O na reva sara ni sereki mai kinia, o na saumia kece mada na i lavo.²⁷"Dou sa rogocia sa tukuni vi ira i liu, Mo kua ni dauyalewa:" ²⁸ia au sa tukunia vi ikodou, O koya na raicia na yalewa ka domonia, sa dauyalewa oji kaya i lomana.²⁹Ia ke sa vacalai iko na matamu i matau, ceujia tani ka dainia tani vi iko; ni sa vinaka me yadji tani vi iko e dua na jikimu ka me kua ni dai i eli na yagomu taucoko. ³⁰Ia ke sa vacalai iko na matamu i matau, ceujia tani ka dainia tani vi iko, ni sa vinaka me yali tani e dua na jikimu, ka me kua ni dai i eli na yagomu taucoko.³¹Sa tukuni vokiliga, "O koya sa vatala tani na wajina, me soli vua nai vola ni visere:" ³²ia au sa tukunia vi kodou, O koya sa dainia na wajina, ke sa reva ni dautagane; sa vavuna na nona dautagane; ia o koya rau sa viwajini vata ni sa vidai mai, sa dauyalewa.³³Dou sa rogocia vokiliga, ni sa tukuni vi ira iliu," Mo kua ni yalayala vaseseni, ia mo caka vua na Turaga na ka o sa yalayala kinia:" ³⁴ia au sa tukunia vi kodou, Nu kua sara ni yalayala: kua i lomalagi; ni sa jikojiko vaturaga ni Kalou: ³⁵kua, i vuravura; ni sai tutu ni yavana: kua i Jerusalem; ni sa nona koro na Tui Levu.³⁶Mo kua ni yalayala ina ulumu; ni ko sa reva ni vukicia rawa e dua na drauna me vulavula se loaloa. ³⁷Ia me "io, na io," me "reva, na reva," na nomunu vosa: ia na ka sa levu cake, sa tubu ina ca³⁸"Dou sa rogocia ni sa tukunia, Me kenai sau ni mata na mata, ka me kenai sau na baji na baji." ³⁹Ia, au sa tukunia vi ikodou, Dou kua ni visausaumitakia na ca: ia ke sa dua sa sabicia na balumu i matau, vagolea voki vua na kena i karua.⁴⁰Ia ke dua sa via yadji iko vi ira na matavilewai, ka yadjia tani na nomui curucuru, dainia liga ka me yadjia tani vokiliga na nomui tutuvi. ⁴¹Ia ke dua sa via vasaurarataki iko mo drau qai vata kaya ina dua na maile, qai vata kaya voki na kenai karua. ⁴²Solia vua sa mai kerekere vi iko, ka kua ni vuki tani vi koya sa via mai kerekere vi iko.⁴³Dou sa rogocia ni sa tukuni, Mo lomania na wekamu, ka cajia na nomu meca: ⁴⁴ia au sa tukunia vi ikodou, dou lomani ira na nomudou meca, vosavinaka vi ira sa rulaki ikodou, caka vinaka vi ira sa caji ikodou, ka masulaki ira sa valialiai ikodou, ka vacacani ikodou; ⁴⁵mo dou luvena na Tamamunu sa jiko mai lomalagi; ni sa vacabea o koya na nona mata-ni-siga vi ira na tamata ca vata ki ira na tamata vinaka, sa vataucia mai na uca vi ira na tamata yalododonu, vata ki ira na tamata reva ni yalododonu.⁴⁶Ia ke dou lomani ira sa lomani ikodou, na cava na saumi vi ikodou? ma reva beka ni caka va ke o ira sa dau kumunia nai vacavacava? ⁴⁷Ia ke dou vikidavaki duadualiga vata ki ira na wekamud0u, cava dou sa uasivi cake kinia? ra reva beka ni caka vake o ira na lewe ni vimatanitu tani? ⁴⁸O koya mo dou qai vinaka sara, me vaka sa vinaka sara na Tamamudou sa jiko mai lomalagi.

6¹Dou raici Ikodou vinaka mo dou kua ni caka na nomudou i loloma i matadra na tamata, me ra raici ikodou kinia; ke sa vake, na reva ni saumi ikodou na Tamamunu sa jiko mai lomalagi. ²O koya gona, ni ko sa caka nai loloma, mo kua ni uvucia na davui i matamu, me vaka ra dau caka na dauvivakaisini ina vivale ni lotu vata i na vi tolo-ni-sala, me ra dokai kinia vi ira na tamata. Au sa tukunia vaidjina vi ikodou, Sa tu liga vi ira na kena i sau.³Ia o iko, ni o sa soli ka ni loloma, me kua ni kila na ligamu i mawi na ka sa caka na ligamu i matamu: ⁴me vuni kinia na nomui loloma: ia na Tamamu sa raicia na ka e vuni, na saumia votu vi iko.⁵Ia ni o sa masu, mo kua ni vataki ira na dauvivaisini: ni sa vinakatakia me ra tu i na vivale ni lotu vata na vitutu-ni-sala ni ra masu, me raici ira kinia o ira na tamata. Au sa tukunia vaidjina vi ikodou, Sa tu liga vi ira na kenai sau. ⁶Ia o iko, ni o sa masu, curu i na nomu logi, ia ni ko sa sogojia na kena darava, masu vua na Tamamu sa tabogo; ia na Tamamu sa raicia na ka e vuni ena saumia votu vi iko. ⁷Ia ni nu sa masu, kua ni vosa balabalavu laliga. me vataki ira na reva ni lotu; ni ra sa nanumia ni ra na rogoci ni ra sa vosa balabalavu.⁸O koya mo dou qai kua ni vataki ira; ni sa kila iliu na Tamamudou na vi ka sa yaga vi ikodou, qai muri na nomudou kerekere vua. ⁹O koya mo dou qai masu vake: Tamai kimamu mai lomalagi, me varokorokotaki na yacamunu, ¹⁰Me yaco na nomunu lewa i vuravura me vaka sa caka jiko mai lomalagi.¹¹Solia mai vi kimamu ina siga ke na kakana e yaga vi kimamu. ¹²Ia kua ni cudruvi kimamu ina vuku ni vnmamu i valavala ca, me vaka kimamu sa reva ni cudruvi ira sa i valavala ca vi kimamu. ¹³Ia kua ni yadji kimamu i na vere, ka mo nu vabulai kimamu mai na ca: Ni sa nomunu na lewa, vata na kaukauwa, vata na varokoroko, ka reva ni mudu. Emeni.¹⁴Ia ke dou sa reva ni cudruvi ira na tamata caka cala, ena reva vokiliga ni cudruvi ikodou na Tamamunu valomalagi: ¹⁵ia ke dou sa cudruvi ira na tamata sa caka cala, na cudruvi ikodou vokiliga i na vuku ni nomudou caka cala na Tamamudou.¹⁶Ia ni dou sa lolo, kua ni vaveveku mata, me vataki ira sa dauvivaisini; ni ra sa vatanitakia na matadra, me rairai vi ira na tamata na nodra lolo. Au sa tukunia vaidjina vi ikodou, Sa tu liga vi ira na kenai sau. ¹⁷Ia o iko, ni o sa lolo, lumujia na ulumu, ka tavoya na matamu: ¹⁸me kua ni rairai vi ira na tamata na nomu lolo, vua liga na Tamamu sa tabogo: ia na Tamamu sa raicia na ka sa vuni ena saumia votu vi iko.¹⁹Dou kua ni kumunia vata vi ikodou nai yau ni vuravura, sa dauvacacania kinia na sarasara vata na veveka, sa reva ni ra basukia kinia na daubutako me butakocakia: ²⁰ia mo dou kumunia vata na nomudou i yau mai lomalagi, sa reva ni vacacania kinia na sarasara se na veveka, sa reva vokiliga ni ra basukia na daubutako me ra butakocakia: ²¹ni na jiko voliliga na yalomudou ina yasana sa jiko kinia na nomudou i yau.²²Na cina ni yago na mata, o koya gona ke sa vinaka na matamu, ena rarama kinia na yagomu taucoko. ²³Ia ke ca na matamu, ena butobuto na yagomu taucoko. Ia ke sa butobuto na rarama sa tu i lomamu, sa na vacava na kena levu ni butobuto gona. ²⁴Sa reva ni dua na tamata sa qaravia rawa e le rua na turaga; ni na seceyakia e dua ka lomania koya ka dua; se na kabijia e dua, ka beci koya ka dua. Dou sa reva ni qaravia rawa na Kalou vata nai yau.²⁵O koya au sa tukunia kinia vi ikodou, Mo dou kua ni lomaocaoca ina vuku ni nomudou bula, ina ka mo dou kania, se na ka mo dou somia: se ina vuku ni yagomudou, ina ka mo vaicurucuru kinia. Sa ka levu na bula, na kakana na ka lailai, se reva? Na yago vokiliga na ka levu, a ka lailai nai curucuru se reva? ²⁶Dou raicia na manumanu vuka; ni ra sa reva ni daukakaburaki, se tatamusuki se kumunia vata i na lololo; sa vakani ira na Tamamudu valomalagi. Dou sa reva beka ni yaga valevu cake vi ira?²⁷Ia o cei vi kodou, ni sa lomaocaoca, sa rawa me vakuria valailai liga na siga ni nona bula? ²⁸Ia dou sa lomaocaoca ina vuku ni curucuru? Dou vananumakia na viavia ni vikau, ra sa tubu vacava: ra sa reva ni daucakacaka, se dau tali. ²⁹ia au sa tukunia vi ikodou, O Solomoni vata na nona i ukuuku keceliga sa reva ni vaicuurucuru me vaka e dua vi ira ke.³⁰Ia ke sa vaicurucurutakia vake na Kalolu na co ni vikau, sa tu ni kua, sa qai dai i na lovo ina savulaci na reva beka ni gu valevu cake me vaicurucurutaki kodou, kodou sa lailai na nomunu vabaujia? ³¹O koya mo dou qai kua ni lomaocaoca ka tukunia, "Cava ta na kania?" se,? Cava ta na somia? se Cava ta na vaicurucuru kinia?"³²ni sa dau vaqara na ka keceliga ke o ira na le ni vivanua: ni sa kila na Tamamunu valomalagi sa yaga vi ikodou na ka keceliga ke. ³³Ia dou vaqara mada iliu na matanitu ni Kalou vata ki na nona yalododonu; ia na qai soli me kenai kuri vi ikodou na ka keceliga ke. ³⁴O koya mo dou qai kua ni lomaocaocatakia na siga ni vulaci vata kei na kena ogaoga. Na visiga sa tu vata na kena ca vakataki koya.

7¹"Dou kua ni daulelewa , de dou lewai. ²Na lewa dou na caka, nu na lewai kinia; vata nai varau dou sa varautakia, na varautaki voki vi ikodou."³Ia ka vacava, ni ko sa raicia na kau ina mata ni wekamu, ka o sa reva ni nanumia na kau i matamu? ⁴Se o na tukunia vacava vua na wekamu, "Me'u leujia mada na kau mai na matamu; ka raicia, sa tu i matamu na kau?" ⁵O iko na dauvivakaisini, mo cavujia mada iliu na kau mai na matamu; ia o na qai raicia vinaka mo leujia na malamala mai na mata ni wekamu.⁶Dou kua ni solia na ka tabu vi ira na koli; se dainia na nomudou mata-ni-civa imatadra na vuaka, de ra butukia sobu i yavadra, ka vuki mai ka basuraki ikodou.⁷"Dou kerekere ka na soli vi ikodou: nu vaqara, ka dou na raicia; nu tukituki, ka na dola vi ikodou: ⁸ni sa soli vi koya vayadua sa kerekere; ka sa raicia o koya sa vaqara ka dolavi vua sa tukituki. ⁹O cei mada vi ikodou, ke kere madrai na luvena, na solia vua e dua na vatu? ¹⁰se kere ika, na solia vua e dua na gata?"¹¹Ia ke dou sa kila o ikodou na tamata ca, mo dou solia na ka vinaka vi ira na luvemudou; sa na gu valevu me solia na vi ka vinaka na Tamamudou mai lomalagi vi ira sa kerekere vua. ¹²O koya gona, na ka keceliga dou vinakatakia me caka vi ikodou na tamata, dou caka vokiliga vakinia vi ira, ni sai koya liga ke na vunau vata na parofita.¹³"Dou curu i na matamata ni koro qiqo: ni sa galala na matamata-ni-koro, ka rabailevu na kena sa basika i na rusa, ka ra sa le levu sara na curu kinia. ¹⁴Ni sa qiqo na matamata-ni- koro, ka rabalailai na sala, sa basika i na bula, ka sa le lailai ra sa raicia."¹⁵"Dou qarauni ikodou vinaka mai vi ira nai vavuvuli vaseseni, ra sa qai mai vi ikodou, ka vaicurucuru va na sipi, a ra woliva dau kaji na lomadra. ¹⁶Dou na kilai ira ina vuadra. Sa beji beka na vua ni vaini mai na wa-vavotona, se na lolo mai na soni? ¹⁷Sa vakinia sa vuatakia na vua vinaka na kau vinaka keceliga, sa vuatakia na vua ca na kau ca."¹⁸Reva na kau vinaka me vuatakia rawa na vua ca, se na kau ca me vuatakia rawa na vua vinaka. ¹⁹Na kau keceliga sa reva ni vuatakia na vua vinaka sa ta tani ka dai i na bukawaqa. ²⁰E djina liga, dou na kilai ira i na vuadra.²¹Na reva ni curu i na matanitu valomalagi o ira keceliga sa tukunia vi au, "Turaga, Turaga; o koya liga sa caka na loma i Tamaqu sa jiko mai lomalagi. ²²Ra na le levu na tukunia vi au i na siga gona, Ikonu na Turaga, na Turaga, kimamu ma reva ni vatavuvuli i na yacamanu? ka vacemuri ira na tevoro i na yacamunu? ka vayacoya na cakacaka mana e levu i na yacamunu?" ²³Ia au sa tukunia vi ira, "Au sa reva sara ni kilai ikodou; dou qai tani vi au, o ikodou sa daucaka na i valavala ca."²⁴"O koya yadua sa rogocia a noqu vosa ke, ka muria, au na vatautauvatatakia vata ki na tamata vuku ma tara na nona vale i na dela ni vatu. ²⁵Sa tau mai na uca, ka coka na dobui, ka liwa na cagi ka tabakia na vale gona, sa reva ni rawa ni bale, ni sa yavutaki vinaka i na vatu."²⁶O koya yadua sa rogocia na noqu vosa ke, ka reva ni muria, na vatautauvatataki vata ki na tamata sa tara na nona vale i na dela ni nuku: ²⁷Sa tau mai na uca, ka coka mai na dobui ka liwa na cagi, ka tabakia na vale gona, a mani bale sara kinia: sa ka levu na kena bale.²⁸Sa yaco ni sa jinia na nona vosa ke o Jisu, a ra sa kidacala sara na le levu ina nonai vavuvuli. ²⁹Ni sa vatavulici ira me va e dua sa tu liga vua na lewa, ka reva ni vataki ira na nodra vunivola.

8¹Ia ni sa qai sobu mai na ulunivanua o koya, ra sa le levu sara sa muri koya. ²Ka raicia, sa dua na tamata vukavuka sa qai mai ka cuva vua, ka tukunia, "Ikonu na Turaga, Ke nu sa vinakatakia, mo nu sa vasavasavataki au rawa." ³A sa dodokia na lgana o Jisu ka tarai koya, ka tukunia. "Au sa vinakatakia; mo savasava mai." A sa savasava vasauri na nona vukavuka,⁴Sa tukunia vua o Jisu, Raicia, mo kua mada ni tukunia vua e dua; ia mo qai varaitaki iko liga vua na bete, ka vacaboya nai madrali sa varojia o Mosese, me kenai vadjinadjina vi ira.⁵Ni sa curu o koya i Kapenaumi, sa qai vua e dua na turaga ni vale, ka masujia, ⁶ka tukunia vua, "Ikonu noqu Turaga, sa davo koto mai nitou na noqu tamata sa tauvi paralasi, sa rarawa valevu sara." ⁷Sa tukunia vua o Jisu, "Au na qai vabulai koya."⁸Sa qai vosa na turaga ni vale, ka tukunia, Ikonu na Turaga, sa reva ni yaga mo nu curu i noqu vale: mo nu cavujia laliga na vosa, na bula kinia na noqu tamata: ⁹ni'u sa turaga lailai liga o au, kau sa lewa na sojia eso: ke'u sa tukunia vua e dua, "Mo qai, sa qai, vi koya voki e dua, Mo qai mai, sa qai mai; vi koya na noqu tamata, Mo caka ke sa caka o koya." ¹⁰Ia ni sa rogocia o Jisu sa kidacala, sa tukunia vi ira ra sa muri koya jiko, Au sa tukunia vaidjina vi ikodou, "Au sa reva ni raicia vi ira na Isireli e dua na vabaujia me levu vake."¹¹Au sa tukunia vokiiga vi ikodou nira na le levu na qai mai na colo, mai ra vokiliga; ka jiko sobu vata ki Eparaama, ki Aisake, ki Jekope, i na matanitu valomalagi: ¹²ia o ira na gone ni matanitu ra na dai i na butobuto i tuba; ra na dautagi kinia ka vasequruquru baji. ¹³Sa qai tukunia vua na turaga ni valu o Jisu, "Mo qai liga; me va o sa vabaujia, me yaco vi iko." Sa bula na nona tamata i na auwa vata sarab liga gona.¹⁴Sa qai i na vale ni Pita o Jisu, sa raicia na jinai wajina, ni davo toka, ka tauvi katakata. ¹⁵Sa tara na ligana o koya, sa yali vua na katakata: sa tucake o koya, ka qaravi iratou.¹⁶Ni sa qai raiyavi, sa yadji mai vi koya e le levu sa curumi ira eso na tevoro: sa vacemuri ira na tevoto o koya ina vosa, sa ra vabulai o ira keceliga sa tauvi-mate. ¹⁷Sa vayacori kinia na vosa ni Aisea na parofita ni tukunia, "O koya liga ke da na yadjia vua na noda malumalumu ka na colajia na noda mate."¹⁸Ni sa raicia o Jisu ni ra sa le levu sara ra sa vavolivoliji koya, sa tukunia me ra qai yasana kadua. ¹⁹Sa qai mai vua e dua na vunivola, ka tukunia vua, "Vavuvuli, au na muri ira i na viyasana keceliga o na qai kinia." ²⁰Sa tukunia vua o Jisu, "Sa vaqara na vokisi, sa vairoro na manumanu vuka; ia na Luve ni tatmata, sa reva na vanua me vadavoya kinia na uluna."²¹Sa dua voki na nona tisaipeli sa tukunia vua," Ikonu na Turaga, daini au meu qai mada me'u buluji tamaqu." ²²Sa tukunia vua o Jisu, "Mo muri au; ka dainia na mate me ra bulujia na nodra mate."²³Ni sa vodokia na waqa o koya, ra sa muri koya na nona tisaipeli. ²⁴Ka raicia sa tubu na cava levu i wasawasa, a sa luvu na waqa ina levu ni ua, sa moce liga o koya. ²⁵Sa ra qai mai o ira na nona tisaipeli ka vayadraji koya ka tukunia vua, "Ikonu na Turaga, vabulai kita; ta sa na mate."²⁶Sa tukunia vi ira o koya, "Dou sa rere ina vuku ni cava, ikodou sa lailai na nomunu vabaujia?" Sa qai qiri o koya ,ka vunaucia na cagi vata ki na waitui; a sa maravu sara mai. A sa reucala o ira na tamata ka tukunia, ²⁷"E vacava tu beka nai varau ni tamata ke,ni sa talairawarawa vua na cagi vata ki na waitui!"²⁸Ni sa yaco o koya i yasana kadua, i na nodra vanua na kai Kerikesa, sa sota kinia o koya e le rua sa curumi rau eso na tevoro, a rau sa qai mai nai bulubulu, a rau sa yalo cudrucudru sara, sa reva kinia ni dua na tamata me qai rawa i na sala gona. ²⁹Ka raicia , ra sa qoqolou, ka tukunia, "E vacava o kitatou, Ikonu Jisu na Luve ni Kalou?" Ikonu sa qai beka mai vanua ke me vararawataki kimamu ni se reva ni yaco na kena gauna?³⁰A sa dua na qele ni vuaka levu ra kana sara tu mai vayawa. ³²A ra sa vamasuji koya o ira na tevoro ka tukunia, "Ke o sa tovoci kimamu, vacala me kimamu curumi ira na qele ni vuaka." ³¹Sa tukunia vi ira o koya," Dou qai liga." A ra sa qai tani ka ra curumia na qele ni vuaka; ka raicia sa ra cici na qele ni vuaka taucoko ke ina dua na baba i na wai, ka ra mate kece i wai.³³Ia o ira ra sa dau vakania na vuaka, ra sa tuba, ka qai i na koro, ka tukunia keceliga na vi ka sa yaco vi rau vakinia na nodra curumi rau o ira na tevoro, ³⁴Ka raicia, ra sa qai kece yani na le levu me ra sota ki Jisu: ia ni ra sa raici koya, ra sa masuji koya me qai tani yani i na nodra vanua.

9¹Sa vodo o koya i waqa, ka qai ii yasana kadua, ka yaco ina nona koro. ²Ka raicia sa yadji mai vua e dua na tamata sa tauvi-paralasi, sa davo toka ina dua nai mocemoce: ia ni sa raicia o Jisu na nodra vabaujia, sa tukunia vua sa tauvi-paralasi, "Na luvequ, mo vacegu; sa bokoci na nomu i valavala ca."³Ka raicia, sa so na vunivola sa tukunia i lomadra, "O koya ke sa vosavacacatakia na Kalou." ⁴Sa kila na nodra nanumia o Jisu, ka tukunia, "A cava dou sa vanananu ca kinia i lomamudou?" ⁵A cava vi rau e rawarawa cake, me tukuni "Sa bokoci na nomu i valavala ca;" se me tukuni, "Mo tucake ka qai?" ⁶ia mo dou kila kinia ni sa rawajia na Luve ni tamata i vuravura me bokocia nai valavala ca, (sa qai tukunia o koya vua sa tauvi-paralasi) "Mo tucake, ka yadjia na nomu i mocemoce, ka qai i nomu vale".⁷Sa tucake o koya, ka qai nona vale. ⁸Ia ni ra sa raicia o ira na le levu, ra sa kurabui, ka varokorokotakia na Kalou, ni sa solia o koya na kaukauwa vake vi ira na tamata. ⁹Sa qai tani mai kinia o Jisu, sa raicia e dua na tamata na yacana o Maciu, sa jiko i na vale ni soli vacavacava; sa tukunia vua, "Muri au". Sa tucake ka muri koya.¹⁰Ni sa kana jiko mai vi Maciu o koya, raicia, sa le levu na dau kumunia nai vacavacava vata ki ira na tamata i valavala ca ra sa qai mai, ka jiko me ra kana vata ki Jisu vata ki ira na nona tisaipeli. ¹¹Ia ni ra sa raicia o ira na Fairi, ra sa tukunia vi ira na nona tisaipeli. "A cava sa kana vata kinia na nomudou i Vavuvuli vata ki ira sa kumunia nai vacavacava vata ki ira na tamata i valavala ca?"¹²Ia ni sa rogocia o Jisu, sa tukunia vi ira, "Sa reva ni yaga na vuniwai vi ira sa bula vinaka, vi ira liga sa tauvi-mate:" ¹³ia dou qai dou vulicia nai balebale ni vosa ke, "Au sa vinakajia na yaloloma, ka reva na i soro; au sa reva ni qai mai me'u kacivi ira na yalododonu, o ira liga nai valavala ca, me ra vivutuni."¹⁴Sa qai mai vua o ira na tisaipeli ni Joni, ka tukunia, "A cava sa lolo valevu kinia o ikodou vata ki ira na Farisi, ia na nomu tisaipeli, ra sa reva ni lolo?" ¹⁵Sa tukunia vi ira o Jisu. "Ra sa tagi rawa beka na weka ni tagane sa qai vawaji, ni sa jiko vata ki ira na tagane sa qai vawaji? Ni na yaco mai na siga, na yadji tani kinia vi ira na tagane sa qai vawaji, ka ra na qai lolo."¹⁶Sa reva na tamata sa cula vata na jiki ni sulu vou vata na ka makawa, ni sa dreskia nai sulu na jikina sa botani kinia, sa qai kadresu valevu kinia.¹⁷Sa reva vokiliga ni dua sa talocia na waini vou i na tavaya kuli-ni-manumanu makawa: de kacabote na tavaya, qai tasova na waini, ka ca na tavaya: ra sa talocia na waini vou i na tavaya vou, sa maroroi ruarua kinia.¹⁸Ni sa tukunia jiko vi ira o koya na vi ka ,e, raicia, sa dua na turaga sa qai mai, ka cuva vua ka tukunia, "Sa ciba na luvequ yalewa: mo dou qai liga mai mo dou tabaki koya ina ligamudou, na bula kinia." ¹⁹Sa qai tucake tu o Jisu, ka muri koya vata ki ira vokiliga na nona tisaipeli.²⁰Ka raicia, sa dua na yalewa sa turidrabalavu ka yabaki jinikarua, sa qai mai i tovuna, ka tara na tutu ni nonai sulu: ²¹ni sa tukunia i lomana, "Ke va la liga au tara na nona i sulu, au na vabulai." ²²Sa rai vuki o Jisu ka raici koya ka tukunia, Na luvequ-yalewa, mo vacegu: sa vabulai iko na nomu vabaujia. Sa bula na yalewa gona mai na jiki ni siga ke.²³Ia ni sa yaco yani o Jisu i na vale ni turaga, sa raici ira ra sa dauuvu bitu, vata ki ira na le levu ni ra sa tagiyaso, ²⁴sa tukunia vi ira o koya, "Dou qai mada yani; ni sa reva ciba na goneyalewaa ke, sa moce laliga. A ra sa dredrevakia koya.²⁵Ia ni ra sa vatalai na le levu, sa curu o koya, sa tauria na liga, sa tucake na goneyalewa. ²⁶Sa kuruvakia ina vanua taucoko gona na kena i rogorogo.²⁷Ni sa qai tani mai kinia o Jisu, sa muri koya e le rua na tamata mataboko, a rau sa kaci ka tukunia, "Na luve i Tevita, lomani kirau mai." ²⁸Ia ni sa curu i vale o koya, sa qai mai vua o rau na tamata mataboko; sa tukunia vi rau o Jisu, "Drau sa vadjinajia ni'u sa caka rawa na vi ka ke?" A rau sa tukunia vua, "Io, na Turaga."²⁹Sa qai tara na matadrau o koya, ka tukunia, "Me yaco vi kodrau me va na nomudrau vabaujia." ³⁰A sa rai na matadrau; sa varojia matua vi rau o Jisu, ka tukunia, "Raicia, me kua ni kila e dua." ³¹Ia ni rau sa qai yani, sa rogotaki yani na kenai rogorogo i na vanua taucoko gona.³²Ia ni ra sa qai i tuba ka raicia, sa yadji mai vua e dua na tamata sa galu ka curumi koya tu e dua na tevoro. ³³Ia ni sa tovocia tani na tevoro, sa vosa na galu; ra sa kurabui sara na le levu, ka tukunia, "Sa reva ni yaco na vi ka ke i Isireli ina dua na gauna. ³⁴A ra sa tukunia na Farisi, "Sa tovoci ira na tevoro o koya ina kaukauwa ni nodra turaga na tevoro."³⁵Sa qai wavoki o Jisu ina vikoro keceliga vata ina vikoro lalai, ka vatavuvuli ina nodra vivale ni lotu, ka vunautakia nai tukutuku vinaka ni matanitu ka vabula keceliga na mate vata na malumalumu. ³⁶Ia ni sa raici ira na le levu o koya, sa lomani ira, ni ra sa malumalumu, ka ra dai tu me vaka na sipi sa reva na nodrai vatawa.³⁷Sa qai tukunia vi ira na nona tisaipeli, "E djina sa valewe na yabaki, ra sa le lailai liga nai vatawa ni teitei; ³⁸o koya mo dou masuji koya nai Taukei ni teitei, me tala yani eso nai vatawa ni teitei i na nona i teitei.

10¹Sa kacivi ira mai na nona tisaipeli ra le jinikarua o koya, sa solia vi ira na kaukauwa me ra rawai ira na yalo velavela me ra tovoci ira, ka vabula na mate, vata ki na malumalumu keceliga.²Ke na yacadra nai apositolo e le jinikarua: Kenai matai o Saimoni, na yacana vokiliga o Pita, vata ki Adriu na tacina; o Jemesa na luvei Sepeti, vata ki Joni na tacina; ³o Filipi, vata ki Pacolomiu, o Tomasi, vata ki Maciu na dau kumunia nai vacavacava; o Jemesa na luvei Alifio vata ki Cateo; ⁴o Saimoni e dua vi ira sa vatokai Na gumatua, vata ki Jutasa Isikarioti, koya ma soli koya yani.⁵Sa talai ira na le jinikarua ke o Jisu, sa varojia vi ira ka tukunia, "Dou kua ni qai i na nodra sala na vimatanitu tani, kua vokiliga ni sucu ina dua na nodra koro na kai Samaria. ⁶Ia dou qai liga vi ira na sipi ni mataqali ni Isireli ra sa yali tu." ⁷Ia ni dou sa qai jiko, mo dou vunau, ka tukunia, "Sa voleka na matanitu valomalagi."⁸Dou vabulai ira na tauvi-mate, vasavasavataki ira na vukavuka, ka va tucake ira voki na sa mate, vatovoci ira na tevoro: dou ma rawajia laliga, mo dou solia la liga. ⁹Kua ni yadjia na koula, se na siliva, se na varasa ina nomudou taga; ¹⁰se na taga ni vaqa i tolo-ni-sala, se rua nai curucuru, se nai vava, se nai jitoko: ni sa dodonu me soli vua na tamata daucakacaka na kena kakana.¹¹ia na koro vata na korolailai vayadualiga dou na curu kinia, tarogia se o cei sa yaga kinia, ka qai jiko vata ki ira ka yacovia na nomudou qai tani. ¹²Ia ni dou sa curu i vale, dou kidavaki ira; ¹³ia ke sa yaga na vale gona, me yaco kinia na nomudou vivacegui: ia ke sa reva ni yaga, me suka voki vi ikodou na nomudou vivacegui.¹⁴ia o koya sa reva ni vacegui ikodou, se rogocia na nomudou vosa, ni dou sa qai tani ina vale se na koro gona, kuretakia tani na kuvu ni qele mai na yavamunu. ¹⁵Au sa tukunia vaidjina vi ikodou, Ena ca valailai na vanua o Sotoma vata ki Komora ina siga ni lewa, na ca valevu na koro gona.¹⁶Raicia, au sa talai ikodou yani me va na sipi ina kodra maliwa na oliva: o koya mo dou qai vuku me va na gata, ka yalo vinaka me va na ruve. ¹⁷Ia dou qarauni ikodou mai vi ira na tamata, ni ra na soli ikodou yani ina matavilewai, ra na rubilaki ikodou ina nodra vivale ni lotu; ¹⁸ia dou na yadji ina matadra na kovana vata na tui ina vukuqu, mei vadjinadjina vi ira, vata vi ira vokiliga na vimatanitu tani.¹⁹Ia ni ra sa soli ikodou yani, kua ni lomaocaoca se dou na vosa vacava se cava dou na tukunia; ni na soli vi ikodou ina jiki ni siga gona na ka mo dou vosatakia: ²⁰ni na reva ni vosa o ikodou, ia na vosa liga na Yalo ni Tamamudou, ina lomamdou.²¹Ia ra na dui soli ira yani na vitacini me vamatei, vata ki tamana, na luvena: ia ra na tucake na gone vi ira na qase, ka vavunia na nodra mate: ²²ia dou na caji vi ira na tamata keceliga ina vuku ni yacaqu: ia o koya na vosojia me yacovia nai vataojioji, na vabulai, ²³ia ni ra vacacani ikodou ina dua na koro, dou dro ina dua voki: ni'u sa tukunia vaidjina vi ikodou, dou na reva ni vaojia na vikoro i Isireli, ena qai mada mai na Luve ni tamata.²⁴Sa reva na tisaipeli me daumaki vua na nonai vavuvuli, se na tamata vua na nona turaga: ²⁵sa raujia na tisaipeli, ke rau sa tautauvata ki na nonai vavuvuli, vua vokiliga na tamata ke rau sa tautauvata ki na nona turaga. Ke ra vakatoka nai taukei ni vale o Pielisipupi, ra na vayacani valevu cake vi ira na nona le ni vale!²⁶O koya mo dou qai kua ni rerevaki ira: ni sa reva na ka vuni me na reva ni varairaitaki; se yali me na reva ni kilai. ²⁷Na ka au sa tukunia vi ikodou ina butobuto, dou tukunia ina rarama: vata na ka dou rogocia loa ina daligamunu, vunautakia ina dela ni vale.²⁸Kua ni rerevaki ira ra sa vamatea na yago, ra reva ni rawajia me vamatea na yalo; ia mo dou rerevaki koya liga sa rawajia me varusa na yalo vata ki na yago vokilia mai eli. ²⁹Sa reva ni volitaki na separeo e rua ina dua na facigi? ia ka reva ni dua vi rau na lutu laliga ina qele, me tabogo vua na Tamamudou. ³⁰Sa wiliki vayadua liga na drau ni ulumudou. ³¹O koya mo dou qai kua ni rere: dou sa daumaki cake vi ira na separo e levu.³²O koya yadua na tukuni au i matadra na tamata, au na tukuni koya vokiliga i matai Tamaqu sa jiko mai lomalagi. ³³Ia o koya yadua na cakitaki au i matadra na tamata, au na cakitaki koya vokiliga i matai Tamaqu sa jiko mai lomalagi.³⁴"Dou kua ni nanumia ni'u sa qai mai me'u yadjia mai i vuravura na vivinakaji: au sa reva ni qai mai me'u yadjia mai na vivinakaji, nai seleiwau liga. ³⁵Au sa qai mai me'u tawasei rau na vitamani-tagane, vata na vijinani-yalewa, vata na vivugoni-yalewa vokiliga. ³⁶Ia na nona meca na tamata o ira na nona le-ni-vale.³⁷O koya sa loloma valevu vi tamana se jinana ka valailai vi au, sa reva ni yaga vi au: ia o koya sa loloma valevu vua na luvena-tagane se na luvena-yalewa ka valailai vi au, sa reva ni yaga vi au. ³⁸Ia o koya sa reva ni cola na nona kauveilatai, ka muri au, sa reva ni yaga vi au. ³⁹O koya sa maroroya na nona bula ena vayalia: ia o koya sa vayalia na nona bula ina vukuqu, ena maroroya.⁴⁰O koya sa vacegui ikodou sa vacegui au; ia o koya sa vacegui au sa vacegui koya sa talai au mai. ⁴¹O koya sa vaceguya e dua na parofita ni sa vatokai me parofita, ena rawa na kena i sau; o koya sa vaceguya na tamata yalododonu ni sa vatokai me tamata yalododonu, ena rawa na kena i sau.⁴²O koya sa solia vua e dua vi ira na lalai ke, ke dua laliga na bilo wai liliwa me somia, ni sa vatokai me tisaipeli, au sa tukunia vaidjina vi ikodou, Ena reva sara ni yali vua na kena i sau."

11¹O Jisu ni sa oji na nona varojia vi ratou na nona tisaipeli le jinikarua, sa qai dainia na vanua gona, ka qai vatavuvuli ka vunau ina nodra vikoro. ²Ni sa rogocia o Joni mai na vale ni vivesu na cakacaka ni Karisito, sa qai tala e le rua na nona tisaipeli, ³me tukunia vua, "O iko beka o koya e qai mai, se da warakia voki e dua?"⁴Sa vosa o Jisu, ka tukunia vi rau, "Drau qai, ka tukunia vi Joni na vika drau sa rogocia ka raicia: ⁵Ni ra sa rai na mataboko, sa qai rawa na lokiloki; sa vasavasavataki na vukavuka, rogo rawa na didivara; sa ra wiri voki mai na mate, sa vunatakia nai tukutuku-vinaka vi ira na dravudravua. ⁶Sa kalougata o koya ena reva ni tacaqe ina vukuqu."⁷Ni rau sa qai tani, sa tukunia o Jisu vi ira na le levu ina vukui Joni, "A cava nu sa qai via i na vanua lala mo dou raicia? na gasau beka sa yavalaji ina cagi? ⁸Na cava dou qai via mo dou raicia? Na tamata beka sa vaicurucuru i nai sulu malumalumu? Raicia, o ira sa vaicurucuru i na i sulu malumalumu, ra sa jiko ina nodra vivale na tui.⁹Na cava nu sa qaivia mo nu raicia? Na varovita beka? Io, au sa tukunia vi kodou, e dua sa daumaki vua na varovita. ¹⁰Ni sai koya sa volai va ke, "Raicia, au sa tala na noqui talai me liu i matamu. Ena caramakia o koya na nomu sala i matamu."¹¹Au sa tukunia vaidjina vi ikodou, Sa reva ni ni tubu e dua vi ira sa sucu mai na yalewa me daumaki vi Joni na dauvivavitaiso; ia o koya sa lailai sara ina matanitu valomalagi sa daumaki vi koya. ¹²Mai na gauna ni Joni na dauvivavitaiso ka yacovia na siga ke, sa rawa na matanitu valomalagi na gugumatua, ia o ira sa gugumatua sara, ra sa taukenia.¹³Ni ra sa dauvatavuvuli keceliga na varovita vata na vunau ka yacovia na siga ni Joni. ¹⁴Ke dou sa via vabaujia, sai koya ke o Ilaija, o koya sa dodonu me qai mai. ¹⁵O koya sa vadaligana me rogocia , me mani rogocia sara.¹⁶Na cava me'u vatautauvatatakia kinia nai taba tamata ke. Sa tautauvata ki ira na gone ka ra jiko ina vanua ke. Sa tautauvata ki ira na gone sa jiko ina rara ni vivoli, ka kaci yani vi ira sa jiko vata ki ira, ¹⁷ka tukunia, Kitou ma uvu bitu vi ikodou, ka dou ma reva ni meke; kitou ma tagi vi ikodou, ka dou ma reva ni tagiyaso.¹⁸Ni sa qai mai o Joni ka reva ni daukana se dausomi, ra sa tukunia, "Sa jiko vua e dua na tevoro." ¹⁹Sa qai mai na Luve ni tamata, sa kana ka somi, ra sa tukunia, "Raicia, na tamata daukana ka dausomi waini, na nodrai tau na daukumunia nai vacavacava, vata ki ira na tamata ivalavala ca. Ia sa vadonui na vuku o ira na luvena.²⁰Sa qai vatekivu o koya me vunaucia na vikoro ka ma caka kinia e levu na cakacaka mana, ni ra ma reva ni vivutuni. ²¹O na ca o iko, Koresini! O na ca o iko Peciseita! ke ma caka mai Taia vata ki Saitoni na cakacaka mana ma caka vi kodrau, ke rau sa vivutuni makawa ina dravusa vata nai sulu taga. ²²Au sa tukunia vokiliga vi ikodrau, Ni na ca valailai o Taia vata ki Saitoni ina siga ni lewa, ia o ikodrau, drau na ca valevu cake.²³O iko vokiliga Kapenaumi, o na laveji cake i lomalagi? O na dai sobu voki i Etesi, ia ke sa caka mai Sotoma na vika mana ka caka vi iko,ke se tu liga ke me yacovia na gauna ke. ²⁴Au sa tukunia vokiliga vi iko, ni na ca valailai o Sotoma ina siga ni lewa, o iko, o na ca valevu sara.²⁵Ina gauna gona, sa vosa kinia o Jisu, ka tukunia, "Au sa vavinavinaka vi ikonu Tamaqu, na Turaga ni lomalagi vata na vuravura, ni ikonu sa vunia na via ke vi ira na vuku vata ki ira na yalomatua ka vatakila liga vi ira na gone lalai: ²⁶sai koya ke Tamaqu, ni sa vinaka e matamuni me vake. ²⁷Sa solia mai vi au o Tamaqu na ka keceliga: ka sa reva ni dua voki e kila na Luvena, na Tamana duadua liga vata ki koya sa vinakatakia na Luvena me varaitaki koya vua.²⁸Nu qai mai vi au, kodou vayadua sa oca ka colajia nai colacola bibi, au na vacegui ikodou. ²⁹Vataqa vi ikodou na noqu i vua, ka vuli vi au, ni'u sa yalomalua ka yalomalumalumu: dou na qai raicia kinia na vacegu ni yalomunu. ³⁰Ni sa rawarawa na noqu i vua, ka mamada na noqui i colacola.

12¹Ina gauna gona, sa qai o Jisu ina loma ni viteitei ni sila ina dua na siga ni vacecegu, sa ra via kana na nona tisaipeli, ka sa tekivu me dolokia na sila me kania. ²Ni ra sa raicia o ira na Farisi, ra sa tukunia vua,"Raicia, sa ra caka o ira na nomu isaipeli na ka sa reva ni dodonu me caka ina siga ni vacecegu.³Sa tukunia vi ira o koya, "Dou sa reva beka ni wilikia na ka sa caka o Tevita, ni sa viakana, o koya vata ki ira ra ma tu vata." ⁴Sa curu o koya ina vale ni Kalou, ka kania na madrai dauraici, ke sa reva ni dodonu me ra kania, se vi ira sa jiko vata kaya, vi ira duadua liga na bete?⁵Se dou ma reva beka ni wilikia ina vunau, ni ra sa vacacania na siga ni vacecegu o ira na bete ni vale ni soro, ka ra sa reva ni cala kinia? ⁶Ia au sa tukunia vi ikodou, ni dua e jiko sa cecere cake mai na vale ni soro.⁷Ke dou ma kila nai balebale ni vosa ke, "Au sa vinakatakia na yalololoma, ka reva nai soro, ikodou ma reva ni beitaki ira ra ma reva ni cala. ⁸Ni sa Turaga vokiliga ni siga ni vacecegu na Luve ni tamata."⁹Sa qai tani mai kinia o koya, ka curu i na nodra vale ni lotu: ka ¹⁰raicia, sa jiko kinia e dua na tamata sa mate na ligana. A ra sa tarogi koya, "Sa tara beka me caka an vivabulai ina siga n ivacecegu, se reva?" balejia ni ra sa via beitaki koya.¹¹Sa tukunia vi ira o koya, O cei vii kodou, ke dua na nona sipi ke sa lutu ina qara ina siga ni vacecegu, ena reva beka ni qai tauria, ka tuberia cake mai? ¹²Ka cava na kena yaga na tamata mai vua na sipi! Koya gona ke, sa dodonu kinia me caka na ka vinaka ina siga ni vacecegu.¹³Sa qai tukunia o koya vua na tamata, Dodokia mai na ligamu. Sa dodokia yani; sa vabulai; ka yaco me vakinia na ligana kadua. ¹⁴Sa ra qai curu i tuba na Farisi, ka ra bosea, se me ra vamatei koya vacava.¹⁵Ia ni sa kila o Jisu, sa qai tani mai vanua kinia: a ra sa muri koya na le levu, ¹⁶ka sa vabulai ira yadudua o koya: a sa varojia vi ira me ra kua ni tukuni koya: ¹⁷me vayacori kinia na vosa ni Aisea na parofita, ka tukunia,¹⁸"Raicia na noqu i talatala o koya au sa digitakia; Na noqu gone ni toko, au sa vinakaji koya valevu ina vu ni lomaqu:"¹⁹Ena reva ni vileji, se domo levu; Ena reva ni dua ena rogocia na domona ina loma-ni-koro: ²⁰Ena reva ni musukia na gasau sa bibivoro o koya, se bokocia na wa-ni-cina e kuvu tu liga, ka yacovia ni liutakia na lewa dodonu ina qaqa. ²¹Ra na vararavi i na yacana o ira na vimatanitu tani."²²Sa qai yadji mai vua e dua sa curumi koya e dua na tevoro, a sa mataboko ka galu vokiliga: sa vabulai koya, Ni sa vosa ka rai rawa na mataboko ka galu. ²³A ra sa kurabui o ira keceliga na le levu, ka tukunia, "O koya ke na luvei Tevita, se reva?"²⁴Ni ra sa rogocia o ira na Farisi, ra sa tukunia, O koya ke e reva ni tovoci ira na tevoro i ka tani, ina kaukauwa liga ni Pielisepupi na nodra turaga na tevoro. ²⁵Sa kila na nodra vanananu o Jisu, ka tukunia vi ira, "Na matanitu kece sa vivala vataki koya ena varusai; vata na koro kece se na vale sa visei vaikoya, ena reva ni tu dei."²⁶Ke sa tovoci Setani o Setani, sa qai vivala vataki koya: ena qai tudei vacava na nona matanitu? ²⁷Ia ke'u tovoci ira na tevoro i na kaukauwa ni Pielisipupi, sa tovoci ira ina kaukauwa ni cei o ira na wekamudou? O koya gona ra na valewai ikodou kinia.²⁸Ke'u sa tovoci ira na tevoro i na kaukauwa ni Yalo ni Kalou, sa qai yaco djina vi ikodou na matanitu ni Kalou. ²⁹Se na rawa vacava vua e dua me curumia na nona vale e dua na tamata qaqa, me kovea na nona i yau, ena reva beka ni vesukia mada i liu na tamata qaqa?ka oji ena qai kovea i muri na nona i yau. ³⁰O koya sa reva ni totaki au, sa to tani, ia o koya sa reva ni kumunia vata vi au, sa dui daidainia tani.³¹Koya gona, au sa tukunia kinia vi ikodou, sa rawa me ra kua ni vosoji na tamata i na vuku ni nodra i valavala ca, vata ki na nodra vosa ca keceliga; ia sa reva ni rawa me ra kua ni vosoji na tamata era sa vosavacacatakia na Yalo Tabu. ³²O koya yadua sa vosavacacatakia na Luve ni Tamata ena rawa me kua ni vosoji: ia o koya yadua sa vosavacacatakia na Yalo Tabu, ena reva sara ni rawa me kua ni vosoji, i na gauna ke, se na gauna mai muri.³³Dou valewa ni vinaka na kau, ka vinaka vokiliga kinia na vuana: se valewa ni sa ca na kau, ka ca vokiliga kinia na vuana: ni sa kilai na kau ina vuana. ³⁴O ikodou na kawa ni gata! dou na rawa vacava, ni dou sa tamata ca, mo dou vosatakia na ka vinaka? ni sa vosatakia na gusuda na ka sa sinai tu i lomada. ³⁵Na tamata vinaka sa yadjia mai na ka vinaka mai na lololo vinaka ni lomana; vata na tamata ca sa yadjia mai na ka ca mai na lololo ca.³⁶Au sa tukunia vi ikodou, Na vosa ca yadudua ra na cavujia na tamata, ra na tarogi kinia ina siga ni lewa: ³⁷ni ko na vadonui ina vuku ni nomu vosa, ka o na cudruvi ina vuku ni nomu vosa.³⁸Sa vosa eso na vunvola vata ki ira na Farisi, ka tukunia, "Vavuvuli, kitou via raicia e dua nai vatakilakila mai vi ikonu" ³⁹Sa vosa o koya ka tukunia vi ira, "Sa ra dauvaqara nai vatakilakila nai taba tamata ca kai varau vatani: ia na reva nai vatakilakila me soli kinia, nai vatakilakila liga ni Jona na varovita:" ⁴⁰ia me vaka ni ma siga tolu ka bogi tolu o Jona ina kete ni ika levu; e na siga tolu ka bogi tolu vokiliga na Luve ni tamata ina loma ni qele.⁴¹Ra na tucake ina vilewai na kai Ninive ka vadjinadjinatakia na nodra cala nai tabatamata ke, ni ra ma vivutuni ina vunau ni Jona; ka raicia, sa dua ke sa cecere cake mai vi Jona.⁴²Ena tucake na radi ni ceva ina vilewai ka vadjinadjinatakia na nodra cala nai tabatamata ke, ni sa qai sara mai vayawa mai na i yalayala ki vuravura me rogocia na vuku ni Solomoni; ka raicia sa dua ke sa cecere cake mai vi Solomoni.⁴³Ia ni sa qai tani mai vua na tamata na yalo velavela, sa viqaiyaki tu ina vanua talasiga, ni sa vaqara na vanua me cegu kinia ka reva ni raicia: ⁴⁴sa qai tukunia o koya, "Au na lesu voki i na noqu vale, au ma qai tani mai kinia; ia ni sa yaco, sa raicia ni sa lala tu, sa samaki ka ukutaki vinaka. ⁴⁵Sa qai o koya ka yadjia vata ki koya e le vitu voki na yalo sa cecere vi koya ina ca, ratou sa curu ka jiko kinia; sa ca valevu i muri na tamata gona, ka ca valailai i liu. Ena vavokiliga kinia vi ira nai tabatamata ca ke.⁴⁶Ia ni sa vosa jikoliga o koya vi ira na le levu, sa ratou tu i tuba na jinana vata ki ratou na tacina, ratou sa via vosa vua. ⁴⁷Sa qai tukunia vua e dua, Raicia, sa tu i tuba o jinamu vata ki ratou na tacimu, ratou sa via vosa vi iko."⁴⁸Sa qai vosa o koya ka tukunia vi koa ma mai tukutuku vua, "O cei na jinaqu? se o cei o ratou na taciqu? ⁴⁹Sa qai dodokia na ligana vi ira na nona jisaiveli ka tukunia vi ira, "Raicia na jinaqu vata ki ira na taciqu!" ⁵⁰O koya duadua liga na caka na loma i Tamaqu sa jiko mai lomalagi, o koya liga ke na taciqu, ganequ ka jinaqu vokiliga."

13¹I na siga gona, sa qai tani mai vale o Jisu, ka qai sobu i matasawa. ²Sa le levu sara ra soqoni vata vi koya, sa vodokia dua na waqa o koya, ka jiko sobu: ra sa tu kece mai matasawa na le levu.³Sa levu na ka sa vosatakia vi ira o koya ina vosa- vatautauvata ka tukunia: "Raicia, sa dua na daukabukaburaki sa qai kabukaburaki; ⁴ia ni sa qai kabukaburaki jiko; Sa lutu eso ina i tutu ni sala, sa qai mai na manumanu vuka ra sa kania. ⁵Sa lutu voki eso ina vanua vivatu, sa reva ni levu kinia na qele" sa tubu cake vatotolo sara, ni sa reva ni vavaku na kena qele. ⁶Ia ni sa cabe na siga, sa malai; ka ni sa reva na wakana, sa raqosa sara.⁷Sa lutu eso i na viwa-vavotona; sa tubu cake na viwa-vavotona ka varugujia. ⁸Sa lutu voki eso ina vanua vinaka, sa vuavuai vinaka, sa vuai drau eso, sa onosagavulu eso, sa tolusagavulu eso. ⁹O koya sa vadaligana me rogocia, me mani rogocia sara."¹⁰Sa ra qai mai o ira na tisaipeli, ka tarogi koya, "O sa vosa jikoliga vi ira i na vosavatautauvata ina vuku ni cava? ¹¹Sa qai vosa o koya ka tukunia vi ira, "Ni sa soli vi ikodou mo dou kila na vika vuni ni matanitu valomalagi, ia ka reva liga ni soli vi ira. ¹²Ni sa tu vua na tamata e dua na ka, na qai soli valevu vua ka na levu na nona; ia na tamata sa reva ni tu vua e dua na ka, na qai yadji tani mai vua na ka sa tu vua."¹³O koya gona au sa vosa kinia vi ira ina vosa-vatautauvata ni ra sa varaicia ka reva ni raicia; ra sa rogocia ka reva ni rogocia, ka guilecavia tu. ¹⁴Sa qai vayacori kinia na nona varovisai o Aisea, ka vake, "Dou na daurogocia jikoliga, ka nanulecajia tu; ia dou na dauraicia jikoliga ka reva ni raicia;"¹⁵Ni sa uro mai na lomadra na tamata ke, sa djidjivara na daligadra, sa bobo na matadra; De dua na siga na rai na matadra, ka rogo na daligadra, ka kila na lomadra, ra na saumaki mai, ia au na vabulai ira.¹⁶Sa kalougata na matamunu , ni dou sa raicia, vata na daligamudou, ni dou sa rogocia. ¹⁷Niu sa tukunia vaidjina vi ikodou, ra le levu na parofita vata na tamata yalododonu ra ma via raicia ka dou sa qai raicia, ka ra ma reva ni raicia ka rogocia na ka dou sa qai rogocia, ka ra ma reva ni rogocia.¹⁸O koya mo dou qai rogocia na vosa vatautauvata ni dauvikaburaki: ¹⁹Ni sa dua e rogocia na vosa ni matanitu, ka guilecavia jiko, sa qai mai na vu-ni-ca, sa kovea na ka sa kaburakia i lomana. Sai koya ke sa kaburakia ina tutu ni sala.²⁰Ia o koya sa kaburakia ina vanua vivatu, koya ke sa rogocia na vosa, sa vabaujia sara ina marau. ²¹ia ni sa reva na wakana i lomana, sa tu dede valailai liga: ni sa tubu na rarawa, se na vivacacani ina vuku ni vosa sa tarabe sara.²²Ia o koya sa kaburakia ina viwa-vavotona, koya ke sa rogocia na vosa: ia na lomaocaoca ina vuku ni vuravura ke, vata nai yau e dauvivakaisini, sa varugujia na vosa, sa reva kinia ni vua. ²³Ia o koya sa kaburakia ina vanua vinaka, koya ke sa rogocia na vosa, sa kila na kenai balebale, sa vua, ka vuai drau eso, sa onosagavulu eso, sa tolusagavulu eso.²⁴Sa dua voki na vosavatautauvata sa tukunia vi ira o koya, sa vatautauvatatakia na matanitu valomalagi vata dua na tamata sa kaburakia na sila vinaka ina nona i teitei; ²⁵ia ni ra sa moce o ira na tamata, sa qai mai na nona meca ka kaburakia vata na sila ca i na loma ni viwiji, mani qai sara yani. ²⁶Ni sa tubu mai na sila ka vua, sa qai vua vokiliga mai na sila ca.²⁷Sa qai mai vua na kena i taukei o ira na nona tamata, ka tukunia vua, "O ma reva beka ni kaburakia na sila vinaka ina nomu teitei? Sa yadji mai ke vi au na sila ca?" ²⁸Sa qai tukunia vi ira o koya, "Na ka ke sa caka e dua na meca." Ra sa tukunia vua o ira na tamata, "O sa vinakatakia beka me kitou qai cavurakia tani?"²⁹Sa tukunia o koya, Se kua mada, de nu cavurakia vokiliga na wiji vata na sila ca. ³⁰Dainia liga me rau tubu vata ruarua me se cava mada na yabaki: ia ni sa cava na yabaki au na tukunia vi ira na dautatamusuki, Dou kumunia vata mada na sila ca, ka vesukia vata me visa; ia dou kumunia vata na wiji ka dainia ina noqu lololo.³¹Sa dua voki na vosavatautauvata sa tukunia vi ira o koya, Sa tautauvata na matanitu valomalagi vata na dua na sore ni mosita, o koya sa yadjia e dua na tamata, ka tea ina nona teitei: ³²ia o koya sa lailai sobu ina sore ni kau keceliga; ni sa tubu cake, sa levu cake na kena mataqali gona, sa yaco me kau djina, sa qai ro i tabana na manumanu vuka.³³Sa dua voki na vosavatautauvata sa tukunia vi ira o koya: Sa tautauvata na matanitu valomalagi vata na leveni, sa tauria e dua na yalewa, ka vunia i loma ni madrai droka e tolu nai varau, me valevenitaki kece mada.³⁴Na ka keceliga ke sa tukunia o Jisu vi ira na le levu ina vosavatautauvata; sa reva ni vosa laliga vi ira, sa vosavatautauvata jikoliga. ³⁵O koya gona sa vayacori kinia na vosa ni parofita ka tukunia, "Au na vosa liga ina vosavatautauvata; Au na tukunia eso na ka sa vuni tu mai na gauna se qai buli kinia na vuravura."³⁶Sa qai vatalai ira yani na le levu o Jisu, ka curu i vale; sa qai mai vua o ira na nona jisaiveli ka tukunia, "Dou vamacalatakia mai vi kitou na vosavatautauvata ni sila ca mai nai teitei. ³⁷Sa vosa o koya ka tukunia vi ira, O koya sa kaburakia na sila vinaka, gona na Luve ni tamata; ³⁸ia nai teitei gona na vuravura; na sila vinaka gona o ira na gone ni matanitu; ia na sila ca ke o ira na luve ni vu-ni-ca: ³⁹ia na meca sa kaburakia sai koya na tevoro: ia na yabaki nai vataojioji ki vuravura: ia na dautatamusuki ke o ira na agilosi.⁴⁰Ia me vaka sa kumuni vata na sila ca ka visa ina buka, na vavokiliga kinia i na vataojioji ki vuravura ke: ⁴¹na talai ira yani na nona agilose na Luve ni tamata, me ra soqonia vata mai na nona matanitu na ka keceliga sa dau vivacalai, vata ki ira sa caka jiko na ka ca; ⁴²ra na balaji ira i na lovo buka waqa; ra na dautagi kinia ka vasequruquru baji. ⁴³sa na qai serau na tamata yalododonu, me vaka na siga i na matanitu ni Tamadra. O koya sa vadaligana me mani rogocia sara.⁴⁴Sa dua voki, sa tautauvata na matanitu valomalagi ki nai yau sa vuni tu i na dua nai teitei; a sa dua na tamata sa raicia, ka reva ni via tukunia, ia ni sa marautakia, sa qai volitakia na ka keceliga sa tu vua, sa mani qai volia na teitei gona o koya. ⁴⁵Sa dua voki sa tautauvat na matanitu valomalagi ki na tamata dauvivoli, sa vaqara eso na nona mata-ni-civa vinaka: ⁴⁶ia ni sa raicia e dua na mata-ni-civa talei sara, sa qai ka volitakia na ka keceliga sa tu vua, ka sa volia o koya na ka gona.⁴⁷Sa dua voki sa tautauvata na matanitu valomalagi ki na lawa ni yavi, sa kolotaki i wai, sa rawa mai kinia eso mai na vimataqali keceliga; ⁴⁸ia ni sa sinai, ra sa yavia i matavura, ra sa jiko sobu, ka tawania na ka vinaka i na sova, ka dainia tani na ka ca.⁴⁹Na vakinia nai vataojioji ki vuravura: ra na qai mai na agilosi, ka tawasei ira tani na tamata ca mai vi ira na yalododonu, ⁵⁰ka daini ira tani i na lovo ni buka waqa: ra na dautagi kinia ka vasequruquru baji.⁵¹Dou sa kila nai balebale ni ka keceliga ke? Ra tukunia, Io. ⁵²Sa qai tukunia vi ira o koya, ia na vu-ni-bola keceliga s vatavuvuli i na vi ka ni matanitu valomalagi, sa tautauvata ki na tamata sa taukenia e dua na vale, o koya sa yadjia mai na nona loloma na vika vou vata na makawa vokiliga. ⁵³Sa yaco ni sa vaojia o Jisu na vosa-vatautauvata kece ke, sa qai tani mai kinia.⁵⁴Ia ni sa yaco i na nona vanua, sa vatavulici ira o koya i na nodra valenilotu, a ra sa kurabui kinia, ka tukunia, E rawajia vacava o koya ke na vuku, vata na cakacaka mana ke? ⁵⁵Sa reva beka ni luve ni matai o koya ke? Sa reva beka ni yaca i jinana o Meri? Vata na tacina o Jemesa, ki Josefa, ki Saimoni, ki Jutasa? ⁵⁶Ki na ganena, ratou ma reva beka ni jiko vata kece ki kita? Sa qai rawajia vacava o koya na ka keceliga ke?⁵⁷A ra sa tarabe i na vukuna. Sa tukunia vi ira o Jisu, Sa varokorokotaki na varovita i na vivanua tani, ia sa reva liga i na nona vanua, se na nona vale. ⁵⁸Sa reva ni caka o koya e levu na cakacaka-mana i vanua gona, balejia ni ra reva ni vabaujia.

14¹I na gauna gona sa rogocia o Eroti na turaga nai rogorogo ki Jisu; ²sa tukunia vi ira na nona tamata, Ke o Joni na dauvipapitaiso; sa tucake voki mai na mate o koya; sa vu mai vua na kaukauwa mana.³Ni sa tauri Joni iliu o Eroti, sa vesukia, ka dainia i na vale ni vivesu ina vuku i Erotiasa, na waji Filipi na tacina: ⁴ni sa tukunia vua o Joni, E reva ni rawa mo drau viwajini vata. ⁵Ia ni sa via vamatea o koya, sa rerevaki ira na le levu, ni ra sa vasamatakia ni sa parofita o koya.⁶Ia ni sa caka na magiji ni siga ni sucu ni Eroti, sa meke i matadra na goneyalewa na luvei Erotiasa, sa marautakia o Eroti. ⁷O koya ke sa yalatakia vua o koya ka bubului kinia me solia vua na ka keceliga ena kerea.⁸ia ni sa vavulici koya mada iliu o jinana, sa tukunia vua, "Solia mai vi au i vanua ke i na dua na sedre na ulu i Joni na dauvivavitaiso." ⁹Sa qai rarawa na tui: sa tukunia liga me soli, i na vuku ni nona bubului, i na vukudra vokiliga ra sa kana vata ki koya.¹⁰Sa talatala yani o koya me musu mai na ulu i Joni mai na vale ni vivesu. ¹¹Sa yadji mai na uluna i na dua na sedre, sa soli vua na goneyalewa: sa yadjia o koya vi jinana. ¹²Sa qai mai o ratou na nona tisaipeli, a ratou sa yadjia na yagona, ka bulujia; a ratou sa qai tukunia vi Jisu.¹³Ia ni sa rogocia o Jisu, sa soko vajikijiki tani i na waqa i na dua na vanua lala: ia ni ra sa rogocia o ira na le levu, ra sa taubale i vanua mai na vikoro ka muri koya. ¹⁴Sa qai mai o Jisu, ka raici ira ni ra sa le levu sara, sa lomani ira, sa vabulai ira mai na nodra tauvimate.¹⁵Ia ni sa raiyavi mai, sa qai mai o koya vi ira na nona tisaipeli, ka tukunia, "Ke na vanua lala, sa kala na siga; mo vatalai ira yani na le levu, me ra qai i na vikoro lalai, me ra volia mai kinia na kedra."¹⁶Sa tukunia vi ira o Jisu, E reva ni yaga me ra qai; mo dou solia mada e dua na kedra." ¹⁷Ra sa qai tukunia vua, "E reva saraliga vi kitou i vanua ke, e lima liga nai buli madrai ka rua na ika." ¹⁸Sa tukunia o koya, "Nu yadjia mai vi au."¹⁹Sa qai vosa o koya vi ira na le levu me ra jiko sobu i na co, sa tauria nai buli madrai e lima, vata na ika e rua, sa ta cake i lomalagi, ka lotutakia, sa dovia na vibuli madrai, ka solia vi ira na tisaipeli, ia o ira na tisaipeli ra sa solia vi ira na le levu. ²⁰A ra sa kana keceliga, ra sa kuva, a ra sa tomikia vata na vo ni ka sa dovi, sa jinikarua nai su sa sinai kinia. ²¹Ia o ira sa kana, ra sa le lima beka na udolu, na tagane, ia o ira na yalewa vata ki ira na gone ra sa reva ni wili.²²Sa qai varojia sara o Jisu vi ira na nona tisaipeli, me ra vodokia na waqa, me ra liu vi koya i yasana kadua, ka vatalai ira yani na le levu o koya. ²³Ia ni sa vatalai ira oji yani na le levu, sa cabe taudua o koya i na ulu-ni-vanua, me masu; ia ni sa raiyavi mai, sa jiko duadua liga kinia o koya. ²⁴Sa qai jiko i loma ni wasawasa na waqa, sa suaigelegele i na ua, ni sa kaukauwa na cagi.²⁵I na i kava ni wase ni bogi sa qai vi ira o Jisu, sa qai jiko o koya i dela ni wai. ²⁶Ia ni ra sa raicia o ira na tisaipeli, ni sa qai jiko o koya i dela ni wai, a ra sa reucala, ka tukunia, Sa dua na yalo; a ra sa qoqolou, ni ra sa rere. ²⁷Sa vosa sara vi ira o Jisu, ka tukunia, "Dou vacegu; o au liga; dou kua ni rere."²⁸Sa vosa vi koya o Pita, ka tukunia, "na Turaga, ke o ikonu, kacivi au meu baki qai yani vi ikonu i na dela ni wai. ²⁹"Sa tukunia o koya, "Qai liga mai." Ia ni sa sobu mai waqa o Pita, sa qai i na dela ni wai, me qai vi Jisu. ³⁰Ia ni sa raicia sa kaukauwa na cagi, sa qai rere; ia ni sa vatekivu me lutu dromu, sa kaci sara, ka tukunia, "Na Turaga, nu vabulai au."³¹Sa qai dodokia sara na ligana o Jisu, sa tauria, ka tukunia vua, O iko sa lailai na nomu vabaujia, o sa vajijiqa i na vuku ni cava? ³²Ia ni rau sa vodo i waqa, sa ruru na cagi. ³³Ia o ira sa jiko mai waqa, ra sa qai mai ka cuva vua, ka tukunia, "Sa dina sara ikonu sa Luve ni Kalou."³⁴A ra sa qai ki yasana kadua, a ra sa yaco i na vanua o Kenisareti. ³⁵Ia ni ra sa kilai koya o ira na tamata mai na yasana gona, ra sa talatala i yasana keceliga sa vavolivolijia, a ra sa yadjia keceliga mai vua o ira sa tauvi-mate; ³⁶a ra sa masuji koya me ra tara madaliga na tutu ni nonai sulu; a ra sa bula o ira keceliga na sa tara.

15¹Sa qai mai vi Jisu o ira na vunivola vata ki ira na Farisi mai Jerusalemu, ka tukunia, ²"Na cava sa talaimama kinia o ira na ikonu tisaipeli i na nodrai vavuvuli na qase?" Ni ra sa kania na madrai era reva mada ni vuluvulu; ³Sa vosa o koya ka saumia vi ira, :Na cava dou sa talaimama vokiliga kinia i na vunau ni Kalou i na nomudou i vavuvuli?:⁴Ni sa varojia na Kalou, ka tukunia, "Varokoroko vi rau na tamamu vata na jinamu: ia, "O koya sa vosavacacatakia na tamana se na jinana, me sa vamatei." ⁵Ia nu sa tukunia, "O koya yadua na tukunia vi tamana se jinana, Sa vatabui me nona na Kalou, na noqu vi ka sa yaga vi iko: ⁶me sa qai reva ni varokoroko vi tamana se jinana. Ia dou sa vatanitakia nai vunau ni Kalou ina nomudou i vavuvuli."⁷Na dauvivakaisini o ikodou! Sa tukuni ikodou vavinaka i liu o Aisea, ni sa tukunia, ⁸"O ira na tamata ke ra sa varokorokotaki au i na gusudra, ia na yalodra sa yawa tani vi au: ⁹Sa reva ni yaga na nodra masuji au, ni ra sa vatavuvulitakia na vunau ni tamata mei vavuvuli."¹⁰Sa kacivi ira na le levu o Jisu ka tukunia vi ira, "Dou rogocia ka vasamatakia: ¹¹na vika sa curu i na gusuna sa reva vadukadukalitakia na tamata; na ka liga sa qai mai gusuna, sai koya gona sa vadukadukalitakia na tamata."¹²Sa ra qai mai o ira na nona tisaipeli, ka tukunia vua, "Ikonu sa kila beka ni ra sa lomaca na Farisi, ni ra sa rogocia na vosa gona? ¹³Sa vosa o Jisu, ka tukunia vi ira, "Na kau keceliga e reva ni tea o Tamaqu valomalagi, ena cavu tani. ¹⁴Dou daini ira liga, ra sa mataboko, ra sa tuberi ira na mataboko. Ia ke tuberia na mataboko na mataboko, rau na sikalutu ruarua i na qara."¹⁵Sa qai vosa o Pita ka tukunia vua, "Ikonu ma tukunia mai vi kitou na vosavatautauvata ke." ¹⁶Sa tukunia o Jisu, "O ikodou vokiliga, dou sa reva beka ni kila rawa? ¹⁷Dou sa reva beka ni kila na ka keceliga sa curu i na gusu sa lutu i na kete, sa dai yani i nai benubenu?"¹⁸Ia na vika sa qai mai na gusu, sa qai dina mai na yalo; na vika liga ke sa vadukadukalitakia na tamata. ¹⁹Ni sa curu mai na yalo na vanananu ca, na daulaba, na dauyalewa, na daudara, na daubutako, na vibeitaki vaseseni, na vosa vibeci: ²⁰na vika liga ke sa vadukadukalitakia na tamata: ia ka reva ni vadukadukalitakia na tamata, ni sa kana ka reva mada ni vuluvulu.²¹Sa qai tani mai kinia o Jisu, ka qai i na viyasana va-Taia vata ki Saitoni. ²²Ka raicia sa dua na yalewa ni Kenani sa qai mai na yasana gona, sa tagi vua, ka tukunia, "Ni lomani au mai na Turaga, na Luve i Tevita; na luvequ yalewa sa rarawa valevu ni sa curumi koya e dua na tevoro. ²³Sa reva ni tukunia vua e dua na vosa o koya, Ra sa qai mai na nona tisaipeli ka masuji koya, ka tukunia vua, "Vatalai koya tani; ni sa mai tagi muri kita jikoliga."²⁴Sa vosa o koya ka tukunia, "Au sa reva ni talai vi ira na tani, vi ira liga na sipi ni mataqali i Isireli ra yali tu." ²⁵Sa qai mai na yalewa, ka cuva vua, ka tukunia, "Ikonu na Turaga, ni vukei au mai." ²⁶Sa vosa o koya ka tukunia vua, Sa reva ni vinaka me yadji na kodra na gone, ka me dai vi ira na koli."²⁷Sa tukunia na yalewa, "E djina liga, na Turaga; ia o ira na koli ra kania na meme ni kakana sa lutu mai na teveli ni nodra turaga." ²⁸Sa qai vosa o Jisu ka tukunia vua, "Yalewa, sa levu na nomu vabaujia: me yaco vi iiko me va na ka o sa vinakatajia." Sa bula na luvena yalewa ina jiki ni siga gona.²⁹Sa qai tani mai kinia o Jisu, ka qai voleka i na wasawasa o Kalili; sa cabe i na ulu-ni-vanua, ka jiko sobu kinia, ³⁰Ra sa le levu sara sa qai mai vua, ra sa yadjia mai na lokiloki, na mataboko, na galu, na gera, ka le levu voki; ra sa vadavori ira sobu i yava i Jisu; sa vabulai ira o koya: ³¹Ra sa kurabui kinia o ira na le levu, ni ra sa raicia sa vosa rawa na galu, sa bula na gera, sa qai rawa na lokiloki, sa rai rawa na mataboko: ra sa vacaucautakia na Kalou ni Isireli.³²Sa qai kacivi ira mai na nona tisaipeli o Jisu, ka tukunia, "Au sa lomani ira na le levu, sa qai bogi tolu ke ra sa jiko liga vata ki au, sa reva na ka me ra kania: ia au sa reva ni via vatalai ira yani ni ra se reva ni kana, de ra malumalumu i tolo ni sala." ³³Sa tukunia vi ira na nona tisaipeli, "Ta sa rawajia mai vei na madrai ina lekutu, me ra kuva kinia o ira na le levu ke?" ³⁴Sa tukunia vi ira o Jisu, "E vica nai buli madrai sa tu vi ikodou," a ra sa tukunia, "E vitu ka so na ika lalai." ³⁵Sa vosa o koya vi ira na le levu me ra jiko sobu i na qele.³⁶Sa tauria o koya nai buli madrai e vitu vata na ika, a sa vavinavinakatakia, sa dovia, ka solia vi ira na nona tisaipeli, ia o ira na tisaipeli ra solia vi ira na le levu. ³⁷A ra sa kana keceliga, ra sa kuva; a ra sa tomikia vata na vo ni ka sa dovi, sa vitu na sova sa sinai kinia. ³⁸Ia o ira sa kana ra sa le va na udolu na tagane, ia o ira na yalewa vata ki ira na gone ra sa reva ni wili. ³⁹Sa talai ira yani na le levu o koya, sa qai vodokia na waqa ka qai i na yasayasa vamakitala.

16¹Sa ra qai mai o ira na Farisi vata ki ira nai tokani ni Setoki, me ra vatovolei koya, ra sa masujia me varaitakia vi ira e dua nai vatakilakila mai lomalagi. ²Sa vosa o koya ka tukunia vi ira, "Ni sa raiyavi, nu sa tukunia, Ni sa siga vinaka; ni sa damudamu na lomalagi."³Ia na savulavi, ena draki ca ni kua; ni sa damudamu ka loaloa na lomalagi. "O ikodou na dauvivakaisini, nu sa kila rawa na mata ni lomalagi; ia dou sa reva beka ni kila na vi vatakilakila ni gauna ke? ⁴Nai tabatamata ca ka dauyalewa sa dauvasaqara e dua na i vaitakilakila; ka na reva ni soli kinia e dua nai vatakilakila, nai vatakilakila liga ni Jona na parofita." Sa qai daini ira o koya, ka qai tani yani.⁵Ni sa yaco o ira na nona tisaipeli i yasana kadua, ra sa guilecavia me ra yadjia na madrai. ⁶Sa qai tukunia vi ira o Jisu, Dou raicia ka qarauni ikodou mai na nodra leveni na Farisi vata ki ira nai tokani ni Setoki. ⁷Ra sa vivosakitakia vaira, ka tukunia, "Sa ka beka ni da sa reva ni yadjia mai na madrai." ⁸Ni sa kila o Jisu, sa tukunia vi ira, "O ikodou sa lailai na nomudou vabaujia, na cava dou sa vinanuyakia kinia i lomamudou, ni dou sa reva ni yadjia mai na madrai?⁹Dou sa reva beka ni kila rawa mai, se nanumia nai buli madrai e lima vi ira na le lima na udolu, ka vitu nai su nu ma vasinaijia? ¹⁰"Se nai buli madrai e vitu vi ira na le va na udolu, ia ka vica na sova dou ma vasinaijia?"¹¹E vacava ni dou sa reva ni kila rawa niu sa reva ni vosatakia na madrai, na nodra leveni liga na Farisi vata nai tokani ni Setoki au sa tukunia mo dou qarauni ikodou mai kinia?" ¹²Ra sa qai kila ni sa reva ni vosa o koya me ra qarauni ira mai na leveni ni madrai, mai na nodrai vavuvuli liga na Farisi vata nai tokani ni Setoki.¹³Ni sa yaco o Jisu i na yasayasa va-Sisaria-Filipai, sa tarogi ira na nona tisaipeli, ka tukunia, "Ra sa tukunia na tamata se o cei o au na Luve ni tamata?" ¹⁴So voki ra sa tukunia , "O Joni na dauvipapitaiso: ka so, o Ilaija; ka so voki o Jeremaia, se dua voki na parofita. ¹⁵Sa qai tukunia vi ira o koya, "Ia dou sa tukunia se o cei o au?" ¹⁶Sa qai vosa o Saimoni Pita, ka tukunia, "O Ikonu na Karisito, na Luve ni Kalou bula."¹⁷Sa vosa o Jisu, ka tukunia vua, "O sa kalougata, Saimoni Pa-Jona: ni sa reva ni vatakila vi iko na lewe vata na dra, na Tamaqu liga sa jiko mai lomalagi. ¹⁸Au sa tukunia vokiliga vi iko, O iko Pita, ena dela ni vatu ke, au na tara kinia na noqui soqosoqo le ni lotu; ia ena reva ni rawajia na matamata-ni-koro mai Etesi."¹⁹Au na solia vokiliga vi iko nai dola ni matanitu valomalagi: ia na ka keceliga o na vaucia i vuravura, na vauci mai lomalagi; ia na ka keceliga o na serekia i vuravura, na sereki mai lomalagi. ²⁰Sa qai varojia vi ira na nona tisaipeli, me ra kua ni tukunia vua e dua ni sai Jisu Karisito o koya.²¹I na gauna gona sa tekivu kinia o Jisu me vatakila vi ira na nona tisaipeli, ni sa dodonu me qai i Jerusalemi, ka vosojia na ka e levu mai vi ira na matua, vata ki ira na bete levu vata ki ira na vunivola, ka me vamatei ka me vaturi voki mai nai katolu ni siga. ²²Sa qai yadji koya o Pita ka tekivu me vunauci ira ka tukunia, "Me kua vi Ikonu na Turaga: na ka ke na reva ni yaco vi ikonu." ²³Sa vuki o koya ka tukunia vi Pita, Qai tani i tovuqu Setani: o sa via bukiveretaki au; ni o sa reva ni vananumakia na ka ni Kalou, na ka liga ni tamata."²⁴Sa qai tukunia vi ira na nona tisaipeli o Jisu, "Ke dua sa via muri au, me kua ni muria na lomana, ia me cola na nona kauvelatai, ka muri au. ²⁵Ia o koya yadua sa via maroroya na nona bula, ena vayalia: ia o koya yadua sa vayalia na nona bula i na vukuqu, e na maroroya. ²⁶Ia ka cava na kena yaga vua na tamata, ke rawaji vuravura taucoko, ka vayalia na yalona? Se cava na solia na tamata mei sau ni yalona?²⁷Ni na qai mai na Luve ni tamata i nai ukuuku ni Tamana, ki ira vata kaya na nona agilosi; ena qai saumia o koya vi ira na tamata yadua me va na nodrai valavala. ²⁸Au sa tukunia vaidjina vi ikodou, sa tu ke eso , ra na reva ni mate, ra na raicia mada na Luve ni tamata ni sa yaco mai na nona matanitu."

17¹Sa oji e ono na bogi, sa qai yadji Pita vata ki Jemesa, vata ki Joni na tacina, o Jisu, sa yadji ratou vajikijiki i na dua na ulu-ni-vanua cecere. ²A sa matalia na yagona i matadratou, sa serau na matana me va na matanisiga, ka sa vulavula mai na nonai sulu me va na rarama.³Sa rairai vi ratou o Mosese vata ki Ilaija, a ratou sa vivosaki vata. ⁴Sa qai vosa o Pita, ka tukunia vi Jisu, Na Turaga, sa vinaka na nodatou jiko ke, ke dou sa vinakajia, me kitou tara e tolu na vale-vacevaceva; e dua me nomudou, ka dua me ni Mosese, ka dua me ni Ilaija.⁵Ni sa vosa jiko o koya, raicia sa dua na o lumilumisa sa varurugi ratou: ka raicia, sa rogo e dua na vosa mai na o, sa tukunia, "Ke na noqu Gone ni toko, au sa dauvinakatakia valevu; dou varogoci koya." ⁶Ia ni ratou sa rogocia na tisaipeli. ratou sa cuva vatoboicu, ka ra sa rere valevu. ⁷Sa qai mai o Jisu ka tarai ratou, ka tukunia, "Tucake, kua ni rere." ⁸Ia ni ratou sa rai cake, ratou sa reva ni raicia e dua voki, o Jisu duadua liga.⁹Ia ni ratou sa qai sobu jiko mai na ulu-ni-vanua, sa varojia vi ratou o Jisu, ka tukunia, "Kua ni tukunia vi dua na vika sa rairai, ka wawa me tucake voki mai na mate na Luve ni tamata. ¹⁰Sa tarogi koya o ratou na nona tisaipeli, ka tukunia, "Na cava ra tukunia kinia na vunivola ni dodonu me liu mada mai o Ilaija?"¹¹Sa vosa o Jisu ka tukunia vi ratou, "Sa qai djina mada mai o Ilaija, me vukicia na ka kece me vinaka voki. ¹²Ia au sa tukunia vi ikodou, Sa lesu i vanua ke o Ilaija, ra sa reva ni kilai koya, sa caka vua na ka keceliga ra sa vinakajia: ra sa vararawatakia va vokiliga kinia na Luve ni tamata." ¹³Ratou sa qai kila na tisaipeli ni sa tukuni Joni na dauvipapitaiso vi ratou o koya.¹⁴Ni ratou sa yaco vi ira na le levu, sa qai mai vua e dua na tamata, ka tekiduru vua, ka tukunia, ¹⁵Ikonu na Turaga, nu lomani koya na luvequ tagane: ni sa tauvi koya na lialia, sa rarawa valevu: sa bale valevu i na bukawaqa, ka valevu i wai: ¹⁶ia au sa yadjia vi ratou na nomunu tisaipeli, ratou sa reva ni vabulai koya rawa."¹⁷Sa qai vosa o Jisu, ka tukunia, "Nai tabatamata reva ni vabaujia ka yalo vatani! Na cava na kena dede meu jiko ki ikodou? Na cava na kena kena dede meu vosoji ikodou? Yadji koya mai vi au i vanua ke." ¹⁸Sa qai vunaucia na tevoro o Jisu; sa qai tani mai vua: sa mani bula na gone i na jiki ni siga gona.¹⁹A ra sa qai vajikijiki na tisaipeli vi Jisu, ra tukunia, "Na vuku ni cava kitou sa reva ni tovoci koya tani rawa kinia"? ²⁰Sa tukunia vi ira o Jisu, Na vuku ni dou sa reva ni vabaujia: niu sa tukunia vaidjina vi ikodou, "Ke tu vi ikodou na vabaujia e va na sore ni mosita, dou na tukunia vua na ulu-ni-vanua ke, Qai tani i vanua, ena qai tani: sa reva na ka ena mama vi ikodou." ²¹I na kaukauwa liga ni masu vata ki na dau lolo, sa na rawa ni ra tovocia tani rawa kinia.²²Ni ra sa qai jiko i Kalili, sa tukunia vi ira o Jisu, "Ena soli yani na Luve ni tamata i ligadra na tamata: ²³ka ra na vamatei koya, ka na vaturi cake voki mai o koya i na i katolu ni siga." Sa rarawa valevu na lomadra.²⁴Ni ra sa yaco i Kapenaumi, sa qai mai vi Pita o ira sa kumunia vata na soli i na vale ni Kalou, ka tukunia, "sa reva beka ni ia na soli i na vale ni Kalou na nomudoui vavuvuli?" ²⁵Sa tukunia o koya, sa solia. Ia ni sa curu i vale, sa vosa iliu o Jisu, ka tukunia, "Na cava o lewa, Saimoni? Ra sa tarogia vi cei nai vacavacava se na soli o ira na turaga vavuravura? Vi ira na nodra gone, se vi ira liga na tani?:²⁶Sa tukunia vua o Pita, "Vi ira liga na tani," Sa tukunia vua o Jisu, "Sa qai galala na gone:" ²⁷ia me da kua ni vacalai ira, mo qai i matasawa, ka viritakia na siwa, ka yavia mai na ika, ia ni ko sa basukia na gusuna, o na raicia kinia e dua nai lavo: gona mo yadjia ka solia vi ira me nodaru i tavi."

18¹Na gauna sa qai mai kinia o Jisu vi ira na tisaipeli, ka tarogia, "O cei sa levu cake i na matanitu valomalagi?" ²Sa kacivia mai e dua na gone lailai o Jisu, ka vaturia i na kodra maliwa, ³ka tukunia, "Au sa tukunia vaidjina vi ikodou, Ke dou sa reva ni visau mai, me va na gone lailai ke, dou na reva sara ni curu i na matanitu valomalagi.⁴Ia o koya sa vamalumalumutaki koya me vaka na gone lailai ke, koya liga sa levu cake i na matanitu valomalagi. ⁵Ia o koya yadua sa vinakatakia e dua na gone laiai vake i na vuku ni yacaqu, sa vinakaji au: ⁶ia o koya sa vacala e dua vi ira na lalai ke ra sa vabauji au, sa vinaka vua ke ka me valiligi i domona e dua na vatu i qaqi levu, ka valutudromutaki i wasaliwa jitobu,⁷"Sa ca o vuravura i na vuku ni vivacalai! Ni sa mama me reva ni yaco mai na vivacalai; ia sa ca vua na tamata sa vayacoya na vivacalai! ⁸Ia ke sa vacalai iko ligamu se na yavamu, musukia tani, ka dainia tani vi iko: sa vinaka vi iko mo curu i na bula ka yava dua se liga dua, ka ca me rua na ligamu se yavamu ka mo dai i na bukawaqa sa reva ni cava.⁹Ia ke sa vacalai iko na matamu, ceujia tani, ka dainia tani vi iko: sa vinaka vi iko mo curu i na bula ka dua liga na matamu, ka ca me rua na matamu ka mo dai i eli sa waqa kinia na buka.¹⁰"Lewai ikodou vinaka mo dou kua ni becia e dua vi ira na lalai ke, niu sa tukunia vi ikodou, Na nodra agilosi mai lomalagi ra sa raicia jikoliga na mata i Tamaqu sa jiko mai lomalagi. ¹¹Ni sa qai mai na Luve ni tamata me vabulai koya sa yali.¹²Dou lewa vacava? Ke dua na tamata sa dua na drau na nona sipi, sa yali e dua, na reva beka ni dainia tu mai na ciwasagavulu ka ciwa, ka qai i na viulunivanua me vaqarai koya sa yali? ¹³Ia ke sa raicia, au sa tukunia vaidjina vi ikodou, ena marau valevu i na vuku ni sipi ke, ka valailai liga i na vuku ni ciwasagavulu ka ciwa sa reva ni ra yali. ¹⁴Sa va vokiliga o Tamamudou sa jiko mai lomalagi, ni sa reva ni vinakatakia me yali e dua vi ira na lalai ke.¹⁵Ia ke sai valavala ca vi iko na wekamu, qai ka vunaucia ni drau sa jiko vataki kodrau liga, ke na rogoci iko, o sa qai rawai koya na wekamu. ¹⁶Ia ke sa reva ni rogocia, me qai le dua se le rua voki mo yadjia vata ki iko, me vadjinadjinatakia na vosa keceliga i na gusu ni dautukutuku e le rua se le tolu.¹⁷Ia ke bese ni rogoci ratou, tukunia vi ira nai soqosoqo le ni lotu; ia ke bese o koya ni rogoci ira na le ni lotu, me qai va na reva ni lotu vata ki koya sa kumunia nai vacavacava vi iko o koya.¹⁸Au sa tukunia vaidjina vi ikodou, na ka keceliga dou na vaucia i vuravura, na vauci mai lomalagi: ia na ka keceliga dou na serekia i vuravura, na sereki mai lomalagi. ¹⁹Au sa tukunia voki vi ikodou, ke le rua vi kodou sa lomavata i vuravura, me kerea e dua na ka, na vayacoya vi rau na Tamaqu sa jiko mai lomalagi. ²⁰Ia na jikina sa soqoni vata kinia e le rua se le tolu, i na yacaqu, au sa jiko kinia i na kedratou maliwa."²¹Sa qai mai vua o Pita ka tukunia, "Ikonu Turaga, mei valavala ca vavica mada vi au na wekaqu, au na kua liga ni cudruvia? Me vavitu?" ²²Sa tukunia vua o Jisu, "Au sa reva ni tukunia vi iko me vavitu laliga, me vavitusagavulu na vitu."²³Koya ke sa vatautauvatataki kinia na matanitu valomalagi vata ki na dua na tui, sa vinakajia me tarogi ira na nona tamata. ²⁴Sa tekivu me tarogia e dua na nona tamata sa djinautakia e jini na udolu na taledji ka sa reva ni rawa ni saumia. ²⁵Ia ni sa reva ni rawa ni saumia, sa tukunia vua na nona turaga me volitaki koya, vata na wajina, o ratou na luvena, vata na ka keceliga sa tu vua, me saumi kinia.²⁶Sa cuva sobu na nona tamata ka vamasuji koya, ka tukunia vua, "Ikonu na Turaga, nu vosoji au mada liga, au na saumia keceliga vi ikonu." ²⁷Sa lomani koya na nona turaga na tamata gona, ka bokocia ka dainia liga me kua ni saumia.²⁸Ia na tamata gona sa curu i tuba ka raicia e dua na nonai tokani, sa reva ni saumia vua e dua na drau na pene: sa tauri koya ka kidomokia, ka tukunia vua, "saumia mada mai vi au na nomu dinau." ²⁹Sa cuva sobu na nonai tokani i na yavana, ka tukunia vua, "Mo vosoji au mada liga, au na saumia kece vi iko."³⁰Sa vusekatakia o koya, ka sa qai ka daini koya i na vale ni vivesu, me saumia mada na nona djinau. ³¹Ia ni ra sa raicia na nona i tokani na ka sa caka, ra sa rarawa valevu, ka ra tukunia vua na nodra turaga na ka keceliga sa yaco.³²Ni sa rogocia na nona turaga, sa kacivi koya mai ka tukunia vua, "Tamata lawaki ca, au ma sereki iko mai na nomu djinau levu, ni o ma vamasuji au. ³³Sa reva beka ni rawa mo loma vinaka vua na nomui tokani, me vaka noqu ma loma vinaka vi iko?"³⁴Sa cudru valevu na nona turaga, ka soli koya vi ira na ovisa ni vale ni vivesu me ra vararawataki koya me yacovia ni saumia oji mada na nona djinau. ³⁵Ena caka va vokiliga kinia vi ikodou o Tamaqu mai valomalagi, ke dou sa reva ni vosoji ira na wekamudou, mai na vu ni yalomunu, mei nai sau ni nodra caka cala.

19¹Sa yaco na vika ke ni sa oji na nona vosa o Jisu, ka sa qai tani i Kalili, ka yaco i na yasayasa va-Jutia i na tai kadua ni Joritani. ²Ra sa le levu sara ra sa muri koya, sa vabulai ira mai kinia o koya.³Sa qai mai vi koya o ira na Farisi, ka vatovolei koya, ka tukunia, "Sa tara vua na tagane me dainia na wajina i na vuku ni ka keceliga, se reva?" ⁴Sa vosa o koya, ka tukunia vi ira, "Dou ma reva beka ni wilikia, o koya sa buli rau i nai vatekivu sa buli liga na tagane vata na yalewa?⁵Sa tukunia, "I na vuku ni ka ke ena daini tamana vata na jinana na tagane ka kabijia na wajina: rau sa na le dua liga? ⁶Koya gona ra sa reva kinia ni le rua, rau sa le dua liga, na ka sa vaucia na Kalou, me kua ni tawasea rua na tamata,."⁷Ra sa tukunia vua, "Cava sa tukunia o Mosese me soli vua nai vola ni visere, ka qai tani?" ⁸Sa tukunia vi ira o koya, "I na vuku ni nomudou lomaqa sa vosoji ikodou kinia o Mosese mo dou dainia tani na wajimudou ia ma reva ni vake i nai vatekivu. ⁹Au sa tukunia vi ikodou, O koya na dainia na wajina, ke sa reva ni dautagane, ka qai vawaji vata e dua voki, sa dauyalewa o koya vokiliga vata ki rau sa qai viwajini kaya sa dainia, sa dauyalewa."¹⁰Sa tukunia vua o ira na nona tisaipeli, "Ke sa vake na lewa vua na tagane vata na wajina, sa vinaka me kua liga ni vawaji. ¹¹Sa tukunia viira o Jisu, Sa reva ni rawa na ka ke na tamata keceliga, o ira liga sa soli vi ira. ¹²So e ra reva ni vawaji, ni ra sa sucu vakinia mai na kete i jinadra, ka so sa ra reva ni vawaji, ni sa selevi ira o ira na tamata: ka so sa kua ni vawaji, ni ra sa lewa me vakinia i na vuku ni matanitu valomalagi. O koya sa rawa me ciqomia, me ciqomia."¹³Sa qai yadji mai vua eso na gone lalai, me tabaki ira o koya i na ligana, ka masulakia: a sa vunauci ira o ira na tisaipeli. ¹⁴Sa tukunia o Jisu, "Daini ira na gone lalai, kua ni tarovi ira, ni ra sa qai mai vi au; ni sa nodra na matanitu valomalagi." ¹⁵Sa qai tabaki ira i na ligana o koya, ka qai tani mai kinia.¹⁶Ka raicia, sa qai mai e dua, ka tukunia vua, "Vavuvuli vinaka, na cava na ka vinaka meu caka me'u rawajia kinia na bula reva ni mudu?" ¹⁷Sa tukunia vua o koya. "Na cava o sa tarogi au kinia i na vuku ni ka vinaka? Sa dua liga sa vinaka; ia ke o sa via curu i na bula, mo muria na vunau."¹⁸Sa tukunia vua o koya, "Na cava na vunau?" Sa tukunia o Jisu, "Mo kua ni laba, Mo kua ni ia na vibutakoci, Mo kua ni butako, Mo kua ni vibeitaki vaseseni, ¹⁹Varokoroko vi rau na tamanu vata na jinamu: ka mo lomania na kai nomu me vaka o sa lomani iko,"²⁰Sa tukunia vi koya na cauravou, Na ka keceliga qori au ma vabaujia niu ma se gone ka yacovia na siga ke, cava voki se vo vi au?" ²¹Sa tukunia vua o Jisu, "Ke o sa vinakatakia mo vinaka sara, mo qai mo volitakia na nomui yau, ka solia vi ira sa dravudravua, o na qai vaiyau mai lomalagi: ia mo qai mai, mo muri au. ²²Ia ni sa rogocia na vosa ke na cauravou, sa qai tani, sa rarawa na lomana; ni sa levu na nonai yau,²³Sa tukunia vi ira na tisaipeli o Jisu, "Au sa tukunia vaidjina vi ikodou, "Na mama vua na tamata vutuniyau me curu i na matanitu valomalagi: ²⁴ka au sa tukunia voki vi ikodou, sa rawarawa me curu i na mata ni cula na kameli, ia ka mama vua na vutuniyau me curu i na matanitu ni Kalou,²⁵Ni ra sa rogocia na nona tisaipeli, ra sa reucala ka tukunia, "O cei na qai vabulai rawa?" ²⁶Sa varaici ira o Jisu ka tukunia vi ira, "Ke sa mama sara vi ira na tamata; sa rawarawa vua na Kalou na ka keceliga." ²⁷Sa qai vosa o Pita, ka tukunia vua, Raicia, kitou sa dainia na ka kece, ka muri ikonu, na cava na qai nitou?"²⁸Sa tukunia vi ira o Jisu, "Au sa tukunia vaidjina vi ikodou, o ikodou sa muri au, ni na yaco na vivadodonutaki, ni na jiko na Luve ni tamata i nai jikojiko vaturaga ni nonai ukuuku, dou na qai jiko vokiliga i nai jikojiko vaturaga e jinikarua, me lewai ira na mataqali ni Isireli e jinikarua.²⁹O koya yadua sa dainia na vale, se na tacina, se na ganena, se na tamana, se na jinana, se na luvena, se na vanua, ena vuku ni yacaqu, na yadrau na rawajia; na taukenia vokiliga na bula tawa cava. ³⁰Ra le levu sa liu ra na muri; vata ki ira vokiliga sa muri ra na liu.

20¹Sa tautauvata na matanitu valomalagi vata na tamata sa nona e dua na vale, sa qai o koya i na savulaci caca me voli ira eso na tamata me mai cakcaka i na nona teitei ni vivaini. ²Ni sa vivosaki vata ki ira na tamata cakacaka me ra yadua na pene i na dua na siga me kedrai sau, sa qai talai ira i na nona teitei ni vivaini.³Sa qai o koya i na i katolu ni auwa, sa raici ira eso voki ra tu la liga i na vanua ni vivoli, ⁴ka tukunia vi ira, Nu qai vokiliga i na i teitei ni vivaini, au na solia vi ikodou na ka e dodonu me soli vi ikodou. A ra sa qai sara.⁵Sa qai voki o koya i nai ka ono vata nai ka ciwa ni auwa, sa caka vakinia. ⁶Sa qai o koya i nai kajinikadua ni auwa, sa raici ira voki eso sa tu la tu liga, sa tukunia vi ira, "Dou sa tu laliga vacava i vanua ke ina siga ka bogivakia?" ⁷A ra sa tukunia vua, "Ni sa reva ni dua e via vacakacakataki kitou." Sa tukunia vi ira o koya, "Dou qai vokiliga i nai teitei ni vivaini."⁸Sa raiyavi mai na vanua, sa tukunia na turaga nai taukei ni vivaini vua na nona tamata, "Kacivi ira mai na tamata cakacaka, ka solia vi ira na kedrai sau, me tekivu vi ira sa muri, ka yaco vi ira sa liu." ⁹Ni sa ra qai mai o ira na tamata na kena i kajinikadua ni auwa, ra sa saumi i na dua na pene. ¹⁰Ni sa qai mai o ira ra ma liu mai, ra sa nanumia ra na tauria e levu cake; ia ra sa tau yadua liga na pene¹¹Ia ni ra sa tauria, a ra sa djidji vi koya nai taukei ni vale, ¹²ka tukunia, O ira ke ra sa muri mai, sa dua liga na auwa ra sa cakacaka kinia, ia o sa vatautauvatataki kimamu vata ki ira, ia kimamu sa cola na kena bibi vata na todra ni siga.¹³Sa vosa o koya vua e dua vi ira ka tukunia, "Noqui tau, au sa reva ni vacacani ikodou: daru sa reva beka ni vivosaki me dua liga na nomu pene?" ¹⁴Mo yadia qori sa nomu, ka qai; sa lomaqu me'u solia vi koya sa muri, me tautauvata ki ikodou;¹⁵sa reva beka ni dodonu me'u vavitaliatakia na ka e noqu? se sa ca beka na matamu ni'u sa yalovinaka? ¹⁶Ena vakinia, na liu o ira ka muri, ka na muri o ira ka liu."¹⁷Sa qai cake i Jerusalemi o Jisu, sa yadji ira tani vajikijiki na tisaipeli le jinikarua mai sala, qai tukunia vi ira, ¹⁸"Raicia, ta sa qai cake i Jerusalemu, na soli yani na Luve ni tamata vi ira na bete levu vata ki ira na vunivola; ia ra na lewai koya me mate, ¹⁹ra na qai solia vi ira na matanitu tani me ra valialia, ka rubilakia, ka vakojia i na kauveilatai; na qai wiri voki mai o koya i nai katolu ni siga."²⁰Sa qai mai vua na jinadrau na luvei Sepete, vata ki rau na luvena tagane, ka cuva, ka kerea vua e dua na ka. ²¹Sa tukunia vua o koya, Na cava ko sa vinakajia? Sa tukunia vua o koya, Mo dou lewa me rau jiko na luvequ ke, dua i na ligamu i matau, ka dua i na ligamu i mawi, i na nomudou matanitu.²²Sa qai vosa o Jisu ka tukunia, "Dou sa reva ni kila na ka dou kerea: drau sa rawa beka mo drau somia na bilo au na somia?" Rau sa tukunia vua, "Kirau sa rawa." ²³Sa tukunia o koya vi irau, "Drau na somi djina i na mequ bilo; ia me jiko i na ligaqu i matau, vata na ligaqu i mawi, sa reva ni noqu me'u solia vailoa, vi ira liga sa varautakia o Tamaqu me nodra." ²⁴Ia ni ra sa rogocia o ira na le jini, ra sa cudruvi rau na vitacini.²⁵Sa kacivi ira mai o Jisu, ka tukunia, Dou sa kila, ni ra sa lewai ira na vimatanitu na nodra turaga, ka vitalia vi ira o ira qaqa. ²⁶Sa na reva ni vakinia vi ikodou; ia me nomudou tamata liga o koya yadua vi ikodou sa viavialevu, ²⁷ka me nomudou tamata o koya yadua vi ikodou sa viavia turaga, ²⁸me va sa reva ni qai mai na Luve ni tamata me qaravi, me dauviqaravi liga, ka me solia na nona bula me kedra i sau na le levu.²⁹Sa ra qai tani mai Jeriko, sa le levu sara sa muri koya. ³⁰Raicia, e le rua na tamata mataboko sa jiko i na baji ni sala, ia ni rau sa rogocia sa qai jiko yani o Jisu, rau sa kacikaci, ka tukunia, "Mo dou lomani kirau mai, na Turaga, na Luve i Tevita." ³¹Sa ra qai karaci rau o ira na le levu me rau jiko lo, a rau sa qai kaci liga valevu kinia, ka tukunia, "Mo dou lomani kirau mai, na Turaga, na Luve i Tevita."³²Sa qai tu vadua o Jisu, ka kacivi rau, ka tukunia, "Na cava drau sa vinakajia me'u caka vi kodrau?" ³³A rau sa tukunia vua, "Ikonu na Turaga, me rai rawa na mata i kirau." ³⁴Sa qai yaloloma o Jisu, sa tara na matadrau, sa rai vinaka vasauri na matadrau, rau sa muri koya.

21¹Ni ra sa qai volekaji Jerusalemi, ka yaco i Pecifaki, i na ulunivanua ni violive, sa tala e le rua na tisaipeli o Jisu, ²ka tukunia vi rau, "Drau qai i na koro lailai sa donui kodrau, drau na raicia sara e dua na asa sa vesu tu, sa tu vata na luvena; drau serekia ka yadjia mai vi au; ³ke dua sa vosa kinia vi kodrau, drau tukunia, sa yaga vua na Turaga; na qai solia sara kinia o koya.⁴Sa caka ke me vayacori kinia na vosa sa tukunia na parofita, ⁵"Tukunia vua sa jiko mai Saioni, Raicia, sa qai mai vi iko na nomu Tui, sa yalomalua, sa vodokia e dua na asa vata ki na dua na luve ni asa."⁶Rau sa qai na tisaipeli, ka caka me va sa varojia vi rau o JIsu, ⁷rau sa yadjia mai na asa vata na luve ni asa, ka tevukia kinia na nodrau i sulu, ka vavodoki koya kinia. ⁸Sa le levu sara sa tevukia na nodra i sulu i tolo ni sala; sa so voki ra musukia eso na taba ni kau, ka dainia i tolo ni sala.⁹Ia o ira na le levu sa liu, vata ki ira sa muri, ra sa kaci ka tukunia, "Osana vua na Luve i Tevita! Sa kalougata o koya sa qai mai i na yaca ni Turaga! Osana i colo sara!" ¹⁰Ia ni sa yaco i Jerusalemi o koya, ra sa yavala keceliga na lewe ni koro, ka tukunia, "O cei beka ke?" ¹¹Ra sa tukunia na le levu, "Ke o Jisu na parofita mai Nasareci i Kalili."¹²Sa curu o Jisu i na valenisoro ni Kalou, ka tovoci ira keceliga ra sa vivoli i na valenisoro; sa vukicia vokiliga na nodra teveli ra sa visau i lavo vata ki na nodrai jikojiko ra sa volitaki ruve; ¹³sa tukunia vi ira o koya, "Sa volai, Na noqu vale sa vatokai me vale ni masu, ia dou sa caka me nodra qara na daubutako." ¹⁴Sa qai mai vua i na valenisoro so na mataboko vata ki ira na lokiloki; sa vabulai ira o koya.¹⁵Ia ni ra sa raicia o ira na bete levu vata ki ira na vunivola na vika vivakurabuitaki sa caka o koya, vata ki ira na gone lalai ra sa kaci i na valenisoro, ka tukunia, "Osana vua na Luve i Tevita!" a ra sa cudru sara kinia, ¹⁶ka tukunia vua, "O sa rogocia na ka ra sa vosatakia o ira ke, se reva?" Sa tukunia vi ira o Jisu, "Io; dou sa reva beka ni wilikia, mai na gusudra na gone lalai vata ki ira sa sucu jiko, o sa caka me vinaka sara na varokoroko?" ¹⁷Sa daini ira o koya ka qai yani i na koro o Pecani, ka moce kinia.¹⁸Ni sa savulaci sa lesu voki o koya i na koro, a sa via kana. ¹⁹Sa raici e dua na vu ni lolo i na tolo ni sala, sa reva ni raicia kinia e dua na ka, na drauna la liga, sa tukunia o koya, "Mo kua voki ni vua ka reva cava." Sa malai sara vasauri na vuni lolo.²⁰Ni ra sa raicia na tisaipeli, ra sa kurabui ka tukunia, "Sa caka vacava ni sa malai vasauri na vuni lolo ke? ²¹Sa vosa o Jisu ka tukunia vi ira, "Au sa tukunia vaidjina vi ikodou, ke tu vi ikodou na vabaujia ka reva ni vajijiqa, dou na reva ni caka laliga na ka sa yaco i na vu ni lolo, ia ke dou na tukunia vokiliga vua na ulunivanua ke, mo cavu tani, ka dai i na wasaliwa; ena yaco liga, ²²vata na ka kece sara dou na kerea i na masu, ni dou sa vadjinajia, dou na rawajia.²³Sa curu o koya i na valenisoro ni sa vatavuvuli jiko, sa qai mai vua o ira na bete levu vata ki ira na nodra matua na tamata, ka tukunia, "O sa lesi mai vei mo caka na vika ke? O cei sa solia vi iko nai lesilesi ke?" ²⁴Sa qai vosa o Jisu ka tukunia vi ira, "Au na tarogi ikodou vokiliga i na dua na ka; ke dou na tukunia vi au, au na qai tukunia vokiliga vi ikodou se au sa lesi mai vei meu caka na vika ke:²⁵Sa vu mai vi na papitaiso i Joni? Mai lomalagi, se mai vua na tamata?" A ra sa vivosakitakia vata ki ira, ka tukunia, "Ke da tukunia, E vu mai lomalagi, na qai tukunia o koya vi kita, ia dou sa reva ni vadjinaji koya i na vuku ni cava? ²⁶Ia ke da tukunia, E vu mai na tamata, da sa rerevaki ira na le levu; ni ra sa vasama keceliga sa parofita o Joni." ²⁷Sa ra vosa vi Jisu ka tukunia, "Kitou sa reva ni kila." Sa qai tukunia vi ira o koya, "Au na reva vokiliga ni tukunia vi ikodou se au sa lesu mai vi meu caka na vika ke."²⁸"Ia cava dou sa nanumia? Sa dua na tamata sa le rua na luvena tagane; sa qai vi koya qase, ka tukunia, "Na luvequ, qai cakacaka ni kua i na noqu teitei ni vivaini." ²⁹Sa vosa o koya ka tukunia, "Au sa reva ni vinakajia;" sa qai vivutuni i muri ka qai. ³⁰Sa qai vi koya gone ka vosa vokiliga vua, sa vosa o koya ka tukunia, "Au sa qai beka;" ia ka reva ni mani qai.³¹O cei vi rau sa muria na loma i tamana? Ra sa tukunia vua, "O koya qase." Sa tukunia vi ira o Jisu, "Au sa tukunia vaidjina vi ikodou, O ira sa kumunia nai vacavacava vata ki ira na dautagane, ra sa curu iliu vi ikodou i na matanitu ni Kalou." ³²Ni sa qai mai vi ikodou o Joni i nai valavala ni yalododonu, ia dou sa reva ni vadjinajia; ia o ikodou ni dou sa raicia, dou sa reva ni vivutuni i muri, mo dou vadjinajia.³³"Dou rogocia dua voki na vosa vatautauvata; sa dua na tamata sa dua nona vale, ka tea e dua na vivaini, sa vabaitakia wavoki, ka kelia kinia na waisa ni vaini, sa tara na nodra vale nai vatawa ni vaini, ka lisitakia vi ira, ka qai tani yani. ³⁴Ia ni sa voleka mai na vulai matumatua, sa talai ira na nona tamata o koya vi ira na vatawa ni teitei, me ra yadjia mai na vuana.³⁵Sa tarai ira na nona tamata o ira nai vatawa ni teitei, ra sa vamavoatakia e dua, ka vamatea e dua voki, ka virikia vokiliga na kedratou i katolu. ³⁶Sa tala voki yani eso na tamata, ra le levu cake vi ira ra ma liu, a ra sa caka vakinia vi ira. ³⁷Sa oji sa qai tala na luvena vi ira, ka tukunia, "Ra na varokorokotakia na luvequ."³⁸Ia ni ra sa raicia na luvena o ira nai vatawa ni teitei, ra sa tukunia vata ki ira, "O koya ke nai taukenia i muri, tu mai vamatea, me da tu sugujia na vanua me noda." ³⁹Ra sa tauria ka bilirakia i na bili ni vi were ni vaini, ka vamatea.⁴⁰Ia ni sa qai mai na taukei ni were ni vivaini, na cava na caka vi ira nai vatawa ni teitei ke? ⁴¹A ra sa tukunia vua, "Ena vararawataki ira ka vamatei ira na tamata ca ke, ka lisitakia na vi vaini vi ira voki eso nai vatawa ni teitei, ra na solia vua na vuana e na kena yabaki.⁴²Sa tukunia vi ira o Jisu, "Dou sa reva beka ni wilikia nai Vola Tabu, Na vatu ra sa cajia o ira na matai ni vale, sa yaco me kenai vadei i na tutu ni vale; Ke na cakacaka i Jiova, sa vivakurabuitaki i matada?"⁴³O koya gona au sa tukunia kinia vi ikodou, "Na yadji tani vi ikodou na matanitu ni Kalou, me solil vi ira na lewe ni vanua ra na vuatakia na vuana. ⁴⁴O koya na lutu i na vatu ke, na dasila kinia; ia o koya na lutukia, na vurumemea me va na nuku."⁴⁵Ia ni ra sa rogocia o ira na bete levu vata ki ira na vunivola na vosa vatautauvata ke, ra sa kina ni sa vosataki ira o koya. ⁴⁶Ni ra sa via tauri koya, ra sa rerevaki ira na le levu, ni ra sa vasamatakia sa parofita o koya.

22¹Sa vosa voki o Jisu ka tukunia vi ira na vosa vatautauvata ke ka tukunia, ²"Sa tautauvata na matanitu valomalagi ki na dua na tui, sa caka e dua na magiji ni vawaji ni luvena tagane." ³Sa tala na nona tamata me ra visureji mai ina kana magiji ni vawaji; a ra sa reva ni via qai mai.⁴Sa qai tala voki o koya eso na tamata, ka tukunia, "Qai tukunia vi ira ra sa sureji, Raicia, au sa varautakia oji nai vasigalevu: sa mate eso na noqu bulumakau vata na noqu manumanu uro, sa varautaki oji tu na ka keceliga; dou qai mai i na kana magiji ni vawaji."⁵A ra sa wele liga, ka ra dui qai, dua i na nona i teitei, ka dua voki sa qai vivoli; ⁶ia o ira na kena vo, ra sa vesuki ira na nona tamata ka vamaduatakia ka vamatea. ⁷Ni sa rogocia na tui, sa cudru o koya, sa talai ira na nona mataivalu, ka vakawabokotaki ira na daulaba gona, ka visa na nodra koro.⁸Sa qai tukunia o koya vi ira na nona tamata, "Sa varautaki oji tu na magiji ni vawaji, sa reva ni yaga kinia o ira ra ma sureji. ⁹Koya gona dou qai i na visaqata tu gona, o ira keceliga dou sa raicia, dou sureji mai me ra mai i na magiji ni vawaji." ¹⁰Sa ra qai yani na nona tamata i na visaqata ka vasoqoni ira keceliga ra sa raicia, se ra ca se ra vinaka, me ra mai jiko ka kania na magiji ni vawaji.¹¹Sa qai curu mai na tui me raici ira ra sa jiko me ra kana, sa raicia kinia e dua na tamata sa reva ni vaicurucuru i nai curucuru ni vawaji. ¹²Sa tukunia vua, "Noqui tau, konu curu mai vacava i vanua ke, balejia ni konu reva ni dara mai nai curucuru ni soqo ni vawaji?" Sa galu liga o koya na tamata gona.¹³Sa qai tukunia na tui vi ira na nona tamata, "Nu vesukia na yavana vata na ligana, ka yadji koya tani, nu daini koya i na vanua butobuto i tuba, me qai tagi tu kinia, ka vasequruquru baji. ¹⁴Ni ra sa le levu ra sa kacivi, ra sa le lailai ra sa djigitaki."¹⁵Sa ra qai na Farisi , sa ra qai bosea me ra na vesuki koya vacava i na vuku ni nona vosa. ¹⁶Sa ra qai talai ira na nona tisaipeli, vata ki ira nai lala ni Eroti, me ra tukunia vua, "Vavuvuli, kitou sa kila ni o sa djina, o sa vatavuvulitakia vaidjina nai valavala sa vinaka vua na Kalou, ia ikodou sa reva ni rerevakia e dua; ni ko sa reva ni doka na matadra na tamata." ¹⁷Ia mo qai tukunia sara vi kitou, "Na cava o lewa?" E tara me da soli i na matanitu vi Sisa se reva.?"¹⁸Sa kila na nodra yaloca o Jisu, ka tukunia, "Dou sa dauveretaki au i na vuku ni cava, ikodou na dauvivakaisini? ¹⁹Vatakila mai vi au nai lavo ni soli." A ra sa yadjia mai vua e dua na pene.²⁰Sa tukunia vi ira o koya, "Na matai cei, vata na yaca i cei sa volai tu ke?" ²¹A ra sa tukunia vua, "Na ni Sisa," sa qai tukunia vi ira o koya, "Mo dou qai solia vi Sisa na ka sa ni Sisa, vua na Kalou na ka sa nona na Kalou." ²²Ia ni ra sa rogocia, ra sa kurabuitakia, ra sa daini koya tu ka qai yani.²³I na siga jikoliga gona, sa ra qai mai vi koya eso nai lala ni Setoki, ke o ira sa dau tukunia ni na reva ni na tucake voki mai na mate o koya, a ra sa tarogia, ²⁴ka tukunia, "Vavuvuli, sa tukunia o Mosese, Ke sa mate e dua na tamata vawaji, ka reva na luvena, me rau qai viwajini vata na nona yada na tuakana se na tacina, me vakawa kinia o koya vua na tacina se tuakana²⁵Sa jiko vata ki kitou na matavitacini ratou le vitu; sa vawaji jiko o koya sa matua, sa mate, ka reva na luvena, sa qai dainia tu mai na wajina vua na tacina; ²⁶sa vavokiliga kinia nai karua, vi ratou na vitacini vata na kenai katolu, ka yacovia sara nai kavitu ni tacidratou. ²⁷Sa qai mate i muri na yalewa. ²⁸Ia, na gauna e na tucake voki kinia mai na mate, ena waji cei vi ratou na le vitu ke o koya? ni sa vawajitaki ratou keceliga o koya.²⁹Sa vosa o Jisu, ka tukunia vi ira, "Dou sa lialia, ni dou sa reva ni kila nai Vola Tabu, se na kaukauwa ni Kalou: ³⁰ni ra na tucake voki mai na mate, ra na reva ni vawaji, se vimusumusukitaki me ra vawaji; ra na vataki ira liga na agilosi mai lomalagi.³¹Ia i na vuku ni nodra tucake voki mai na mate, dou sa reva beka ni wilikia na ka sa tukunia vi ikodou na Kalou, ni sa tukunia, ³²"O au na Kalou ni Eparaama, vata na Kalou ni Aisake, vata na Kalou ni Jekope? Na Kalou sa reva ni nodra Kalou na mate, sa nodra Kalou liga o ira sa bula jiko." ³³Ni ra sa rogocia na le levu, sa dua na ka nodra kurabuitakia na nonai vavuvuli.³⁴Ni ra sa rogocia na Farisi ni sa vagalui ira nai lala ni Setoki o koya, ra sa qai vasoqoni vata. ³⁵Sa dua vi ira, e dua na vunivunau, sa tarogi koya, ni sa vatovolei koya, ka tukunia, ³⁶"Vavuvuli, na cava nai varo levu i na vunau?"³⁷Sa tukunia vua o Jisu, "Mo lomani Jiova na nomu Kalou i na lomamu taucoko, vata na yalomu taucoko, vata i na nomu nanumia keceliga." ³⁸Ke nai matai ni vunau levu.³⁹Sa tautauvata na kena i karua, "Mo lomania na kai nomu me va nomu lomani iko." ⁴⁰Sa vu ni vunau kece ke vata ki ira na parofita nai vunau e rua ke."⁴¹Ni ra sa qai soqoni vata jiko na Farisi, sa tarogi ira o Jisu, ⁴²qai tukunia, "Na cava ikodou lewa i na vuku i Karisito? Na luvei cei o koya?" Ra sa tukunia vua, "Na luvei Tevita."⁴³Sa qai tukunia vi ira o koya, "Vacava ni sa kacivi koya me Turaga o Tevita, ni sa vavunia na Yalo Tabu, qai tukunia vi ira o koya, ⁴⁴"Sa tukunia o Jiova vua na noqu Turaga, Mo jiko liga ina ligaqu i matau, me'u caka mada vi ira na nomu meca mei tutu-ni-yavamu?"⁴⁵Ke sa kacivi koya o Tevita me "Turaga, sa na qai luvena vacava?" ⁴⁶Sa reva ni dua e vosa rawa vi koya me tukunia e dua na ka; sa reva ni dua voki e doudou me tarogi koya i na visiga mai muri.

23¹Sa qai vosa o Jisu vi ira na le levu, vata vi ira vokiliga na nona tisaipeli, ²ka tukunia, "Sa jiko i nai jikojiko ni Mosese o ira na vunivola vata ki ira na Farisi; ³ia na ka keceliga ra sa tukunia vi ikodou mo dou vabaujia liga dou caka; ia dou kua liga ni muria na nodrai varau, ni ra sa vosa liga ra qai reva ni caka.⁴Ni ra sa vaucia nai colacola bibi sa mama sara ni ra colaji, ka vataqara ina usouso ni domodra na tamata; ra sa reva ni via vayavalajia e dua na nodrau i qaqalo. ⁵Ia na nodra cakacaka kece liga ra sa caka me ra raici ira kinia na tamata; ra sa qai dau varabailevutakia na nodra vivananumi tabu, ka ra valevutakia na bele ni nodra i sulu.⁶Ra dau vinakatakia nai dabedabe vaturaga ni ra kana vata, me ra dabe i na nodra i dabedabe na matua i na vivale ni lotu, ⁷vata me ra kidavaki ina vanua ni vivoli, me ra kacivi vokiliga vi ira na tamata, 'Vavuvuli'⁸ia o ikodou, dou kua ni kacivii mo dou i 'Vavuvuli; balejia ni sa dua liga na nomudoui vavuvuli; ia dou sa viwekani keceliga. ⁹Dou kua vokiliga ni vayacania e dua me tamamudou i vuravura; ni sa dua liga na tamamudou, o koya sa jiko mai lomalagi. ¹⁰Ikodou kua vokiliga ni dou dau kacivi 'Turaga', ni sa dua liga na nomudou Turaga, o Jisu Karisito.¹¹Ia o koya sa uasivi cake vi ikodou, me nomudouu tamata o koya. ¹²O koya na valevulevui koya, na vamalumalumutaki, ia o koya na vamalumalumutaki koya, na valevulevui.¹³Ia na ca vi ikodou, na vunivola vata na Farisi, dou dauvivakaisini! Ni dou sa sogojia na matanitu valomalagi vi ira na tamata, ni dou sa reva ni curu rawa kinia o ikodou, se daini ira ra sa curu jiko me ra curu kinia. ¹⁴E ca vi ikodou na vunivola vata na Farisi, dou dauvivakaisini! Ni dou sa masu vabalavu jiko me vivakaisini; o koya ke dou na cudruvi valevu cake kinia. ¹⁵E ca vi ikodou, na vunivola vata na Farisi, nu dauvivakaisini, ni dou sa qai i wasawasa vata i vanua mo dou vukicia e dua me lotu vataki ikodou; ia ni sa rawa, ikodou sa caka me varuataki me luve ni eli vataki ikodou.¹⁶"E ca vi ikodou, nai vavuvuli mataboko! 'Dou sa tukunua, O koya na bubului i na valenisoro, sa ka wale o koya, ia o koya na bubului i na koula ni valenisoro, sa vauci kinia o koya.' ¹⁷Tamata lialia ka mataboko! Na cava e levu cake vi rau, na koula se na valenisoro sa vatabui kinia na koula?¹⁸Ia 'O koya na bubului i nai cabocabo ni madrali, sa ka wale o koya; ia o koya na bubului i na madrali sa toka kinia, sa vauci kinia o koya.' ¹⁹Tamata lialia ka mataboko! Na cava e levu cake vi rau, nai madrali se nai cabocabo ni madrali sa vatabuya nai madrali?²⁰O koya sa bubului i nai cabocabo ni madrai, sa bubului vata na keceliga sa jiko kinia; ²¹ia o koya sa bubului i na vale ni soro, sa bubului kinia, vata vi koya voliliga sa jiko kinia: ²²ia o koya sa bubului i lomalagi, sa bubului i nai jikojiko vaturaga ni Kalou vata vi koya vokiliga sa jiko kinia.²³"E ca vi ikodou, na vunivola vata na Farisi, dou dauvivakaisini! Ni dou sa solia nai kajini ni botebotekoro vata na vico vake, ia dou sa dainia tani na vika bibi i nai vunau, nai varau dodonu vata na dina; o koya sa dodonu mo dou caka, ka me kua vokiliga ni dai tani. ²⁴Dou vavuvuli mataboko! Dou sa tavulonia na nana me daitani ia na kameli dou sa jilomia liga.²⁵"E ca vi ikodou, na vunivola vata na Farisi, dou dauvivakaisini! ni dou sa vasavasavatakia na tovu ni bilo vata na dari, ia i loma sa sinai i na daubutako vata na garogaro. ²⁶Ikodou na Farisi mataboko! mo douu vasavasavatakia mada na loma ni bilo vata na dari, me qai savasava vokiliga kinia na tovuna.²⁷" E ca vi ikodou na vunivola vata na Farisi! Dou daivivakaisini! ni dou sa va na vivale ni bulubulu sa boro vualvula, sa rairai vinaka i tuba, ia i loma sa sinai i na sui mate vata na ka keceliga sa velavela. ²⁸Sa vavokiliga kinia ikodou sa rairai dodonu i tuba vi ira na tamata ia i loma dou sa sinai i na dauvivakaisini vata na caka na ka e reva ni dodonu.²⁹"E ca vi ikodou na vunivola vata na Farisi, dou dauvivakaisini! ni dou sa tara na nodra vivale ni bulubulu na parofita, ka vaiukuukutakia na nodra vivale ni bulubulu na tamata yalododonu, ³⁰ka tukunia, Ke da sa bula i na gauna na noda matua, da na bese ni duavata ki ira ina nodra vamatei na parofita. ³¹Ia koya ke dou sa tukuni ikodou kinia, ni dou sa luvedra ra sa vamatei ira na parofita.³²Ia mo dou vasinaijia nai varau nodra na nomudou matua. ³³Dou va na gata, dou luve ni gata loaloa! dou na tuba rawa vacava mai na siga ni vilewai mai eli?³⁴Ka raicia, au na tala yani vi ikodou eso na varovita, vata na tamata vuku vata na vunivola; ia so vi ira dou ma vamatea ka vakojia i na kauveilatai; ka so dou ma rubilakia i na nomudou vivalenilotu, ka tovoci ira mai na koro i na dua voki na koro; ³⁵me yaco kinia vi ikodou nai sau ni nodra dra na tamata yalododonu vokiliga ka vadavei i vuravura; mai na dra ni Epeli na yalododonu ka yaco i na dra ni Sakaraia na luvei Parakaia, o koya dou ma vamatea i na tadrua ni vale ni soro vata nai cabocabo-ni-madrali. ³⁶Au sa tukunia vaidjina vi ikodou, Na ka keceliga gona na yaco i na tabatamata ke.³⁷"Isa! Jerusalemi, Isa! Jerusalemi, o iko sa vamatei ira na parofita, ka cavoki ira sa talai yani vi ikodou, au nanumia vavica meu vasoqoni ira vata na nomdonu gone, me va na jina ni toa yalewa sa vasoqoni ira na luvena ina ruku ni tabana, ia dou sa reva ni vinakajia. ³⁸Raicia, nomudou vivale sa lala djidji; ³⁹niu sa tukunia vi ikodou, "Dou na reva ni raici au voki, yacovia ni dou sa tukunia mada, 'Sa kaloutaga o koya sa qai i na yaca ni Turaga."

24¹Sa curu yani o Jisu ka qai tani mai na valenisoro; ra sa qai mai na nona tisaipeli me ra varaitakia vua na vivale i na valenisoro. ²Sa tukunia vi ira o Jisu, "Dou sa raicia na ka keceliga ke? Au sa tukunia vaidjina vi ikodou, Na reva ni vo tu i vanua na vivatu sa vitaqataqai ke, ni na talaraki sobu keceliga."³Ni sa jiko o koya mai na ulunivanua ni violive, sa qai vavunivuni vua o ira na tisaipeli ka tukunia, "Dou tukunia mai vi kitou se na yaco ninaica na vika ke? Ia na cava nai vatakilakila ni nomudou na qai mai, vata nai vataojioji ki vuravura?" ⁴Sa vosa o Jisu, ka tukunia vi ira, "Qarauni ikodou vinaka de vacalai ikodou e dua. ⁵Ni ra na le levu ra na qai mai ra cavuji au, ka tukunia, 'O au na Karisito,' ia ka le levu ra na vacala.⁶Dou na rogocia nai valu, vata nai rogorogo ni valu; mo dou kua ni kidroa ni sa dodonu me yaco na ka ke, ia se bera ni yaco nai vataojioji. ⁷Ni na vibolebolei na vivanua, vata na vimatanitu eso, na yaco vokiliga na dausiga vata na uneune na vivanua. ⁸Ia na ka keceliga ke sa kenai vatekivu ni ka rarawa.⁹Dou na qai soli yani me vararawataki ka dou na vamatei; ia dou na caji vi ira na le ni vanua keceliga ina vuku ni yacaqu. ¹⁰Ia na le levu ra na vuki tani, ra na viliumuritaki ka ra na vicaji vataki ira. ¹¹Ra na le levu vokiliga na parofita seseni na tubu mai ia ka le levu ra na vacalai.¹²Ia ni sa tubu valevu nai valavala ca, sa na batabata mai na nodra loloma na le levu. ¹³Ia o koya na vosojia me yacovia nai vataojioji, na vabulai o koya. ¹⁴Ia na vunautaki mada i vuravura taucoko nai tukutuku vinaka ke vata na matanitu, mei vadjinadjina i na vivanua keceliga; sa na qai yaco i muri nai vataojioji.¹⁵Ia ni dou sa raicia ni sa tu ina vale tabu na ka vasisila sa dauvivarusai, o koya sa vosa kinia o Taniela na parofita, (me kila mada o sa wilikia:) ¹⁶me qai tuba i na viulunivanua o ira ra sa jiko i Jutia; me kua ni qai sobu mai o koya sa jiko i dela ni vale, ¹⁷me yadjia tani na ka mai nona vale; ¹⁸ia me kua ni lesu voki o koya sa jiko i nai teitei, me yadjia na nonai curucuru.¹⁹Ka na ca vi ira sa bukete, vata ki ira ra sa vasucu gone, ina gauna gona! ²⁰Ia dou masu me kua ni yaco vi ikodou i na vula i liliwa se ina siga ni vacecegu: ²¹ni na qai levu sara na rarawa, ka reva ni vakinia mai nai vatekivu ka yacovia na gauna ke, ka na reva sara vokiliga i muri. ²²Ia na reva ni valekalekataki na gauna gona, na reva na tamata me bula rawa: ia ina vukudra na djigitaki ena valekalekataki na gauna gona.²³Ke na qai tukunia vi ikodou e dua, 'Raicia, sa jiko ke na Karisito; se, sa jiko mai vaka; me kua ni vadjinajia. ²⁴Na tubu mai na Karisito seseni eso, vata na parofita seseni eso, ra na vatakila na vivatakilakila lelevu vata na vika e vivakurabuitaki; ia ke rawa, ke ra na vacalai ira vokiliga na djigitaki. ²⁵Raicia, au sa tukunia oji vi ikodou ni se bera ni yaco.²⁶Ke ra na tukunia vi ikodou, 'Raicia sa jiko o koya mai vikau!' Kua ni qai kinia: 'Raicia, sa jiko mai na loqi!' Kua ni vadjinajia ²⁷Me vaka sa jibi na liva mai na tokalau, sa vakinia mai na ra, ena vavokiliga kinia na nona qai mai na Luve ni tamata. ²⁸Ni ra na soqoni vata na ikeli ina vivanua keceliga sa tu kinia na manumanu sa mate.²⁹"Ia ni sa oji mada na gauna ni rarawa gona, sa na qai butobuto vasauri na mata-ni-siga, na reva vokiliga ni cila na rarama ni vula, ka na lutu mai lomalagi na vikalokalo, ka na vitosoyaki na vika kaukauwa ni lomalagi:³⁰na qai rairai mai nai vatakilakila ni Luve ni tamata mai lomalagi; ena qai tagi na vimataqali keceliga i vuravura, ra na qai raicia na Luve ni tamata ni sa qai mai ina vio mai lomalagi i na kaukauwa vata ki nai ukuuku levu. ³¹Ia na talai ira na nona agilosi o koya vata na davui sa rogolevu, ka ra na vasoqoni ira vata na nona djigitakia mai na mata ni cagi e va, mai na vu ni lomalagi e dua ka yacovia na vu ni lomalagi kadua.³²"Mo dou kila mada na vosa vatautauvata ina lolo: Ni sa qai lavouvou na tabana, sa tubu na drauna, nu sa kila kinia sa voleka na vula i katakata. ³³Sa vavokiliga kinia o ikodou, ni dou sa raicia na ka keceliga ke, dou kila sa voleka o koya io mai na mata ni darava.³⁴Au sa tukunia vaidjina vi ikodou, Na reva ni yali nai tabatamata ke, na yaco iliu na ka keceliga ke. ³⁵Na oji mai o lomalagi vata ki vuravura; ia na noqu vosa ena reva ni oji rawa.³⁶Na siga gona vata na jiki ni siga gona, ena reva nidua e kila, o ira mada liga na agilosi mai lomalagi ra na reva ni kila, se o koya na Luvena, o koya duadualiga na Tamaqu.³⁷Me va na nona siga o Noa, sa na vavokiliga kinia na nona qai mai na Luve ni tamata: ³⁸ni sa bera ni waluvu ra sa na kana na tamata, ra na somi, ra na vawaji, ka ra na vimusumusuki me ra vawaji, me yacovia na siga sa vodo kinia o Nona ina nona waqa; ³⁹ra sa reva mada ni kila iliu, ni sa na qai yaco djina na waluvu, ka yadji ira kece yani; na vavokiliga kinia na nona qai mai na Luve ni tamata.⁴⁰Na qai le rua na tagane rau na jiko i nai teitei; na yadji tani e dua, na dai tu mai e dua. ⁴¹Na le rua na yalewa rau na qaqi sila, na yadji tani e dua, ka dai tu mai e dua. ⁴²Koya gona mo dou qai vatawa; ni dou sa reva ni kila na jiki ni siga sa qai mai kinia na nomudou Turaga.⁴³Mo dou kila liga ke, ke kila nai taukei ni vale na bogi na qai mai kinia na daubutako, sa na wawa toka liga, ni na reva ni na dainia voki liga na nona vale me ra mai basukia. ⁴⁴Mo dou qai varau jiko, o ikodou voki liga; ni na qai mai na Luve n i tamata ina jiki ni siga dou na reva ni kila kinia.⁴⁵Ia o cei na tamata yalododonu qai tamata vuku, sa lesia na nona turaga, me lewai ira na nona le ni vale, me solia vi ira na kedra ina kena gauna donu. ⁴⁶Sa kalougata na tamatan gona, ni na qai mai na nona turaga, qai raici koya ni sa caka vakinia. ⁴⁷Au sa tukunia vaidjina vi kodou, sa na lesi o koya me na lewa na ka keceliga e nona.⁴⁸Ia ke na tukunia i lomana na tamata ca gona, sa vaberaberatakia na nona qai mai na noqu turaga: ⁴⁹sa na qai tekivu me vesuki ira na nonai lala, me dau kana vokiliga qai somi vata ki ira na daumateni; ⁵⁰na qai mai na turaga ni tamata gona ina siga sa na reva ni nanumia kinia, vata na jiki ni siga sa reva ni kila kinia; ⁵¹na qai musukia rua, qai wasea vua me nona vata ki ira na dauvivakaisini: ra na dautagi kinia ka vasequruquru baji.

25¹Ena qai vatautauvatataki na matanitu valomalagi vata ki ratou na le jini na goneyalewa, ratou sa dui yadjia na nodratou dui cina, me ratou qai sota vata na tagane sa qai vawaji. ²Le lima vi ratou sa vuku, le lima vi ratou sa lialia. ³O ratou na lialia ratou yadjia na nodratou cina, qai reva ni ratou yadjia vata na kena waiwai. ⁴Ia o ratou na vuku, ratou sa yadjia na waiwai i na nodratou tavaya vata ki na nodratou cina.⁵Ia ni sa dede mai na tagane me vawaji, ratou sa sosovu ka moce keceliga. ⁶Ni sa qai lomaloma ni bogi na vanua, sa rogo na kacikaci, 'Raicia, sa qai mai ke na tagane sa qai vawaji, dou qai viwaraki kinia.'⁷Ratou sa qai tucake keceliga na goneyalewa ke, ratou sa varautakia sara na nodratou cina. ⁸Sa qai tukunia o ratou na lialia vi ratou na vuku, 'solia mada mai vi kitou e dua na nitou waiwai, balejia ni sa boko na nitou cina.' ⁹Sa qai tukunia o ratou na vuku, 'dou vosojia de qai reva ni virauji vi kita; e vinaka liga mo dou qai vi ira na dauvolitaki waiwai mo dou qai volia mai kinia na nomudou.'¹⁰Gauna ratou sa qai oji kinia me ratou qai volivoli, sa yaco vokiliga mai na tagane sa qai vawaji; ia o ratou sa varau oji tu, ratou sa mani curu vata yani ina kana magiji ni vawaji, sa qai sogo na darava. ¹¹Ratou sa qai yaco mai muri o ratou na goneyalewa gona, ratou sa tukunia, Noqu Turaga, Noqu Turaga, dola mada vi kitou na darava. ¹²Sa qai vosa o koya ka tukunia, Au sa tukunia vaidjina vi ikodou au sa reva ni kilai ikodou. ¹³O koya gona mo nu qai vatawa, ni nu sa reva ni kila na siga se na jiki ni siga sa qai mai kinia na Luve ni tamata.¹⁴"Ni sa tautauvata o koya vata e dua na tamata sa qai mai vanua tani, sa kacivi ira mada na nona tamata, qai mani solia vi ira na nona i yau: ¹⁵e dua e soli vua e lima na taledji, dua voki e rua, vata e dua voki e dua liga; vata vi ira vokiliga eso sa dui rauji ira yadua; sa qai voki yani o koya. ¹⁶O koya sa tauria e lima na taledji, sa qai mani cakacakatakia me qai vivoli kinia, sa qai mani rawa voki mai kinia e lima voki na taledji.¹⁷Sa vavokiliga kinia o koya sa tauria e rua, sa rawa voki mai e rua voki na taledji. ¹⁸Ia o koya sa tauria e dua, mani qai kelia e dua na qara ka bulujia kinia me vunitakia kinia nai lavo gona vua na nona turaga.¹⁹Sa dede sara na gauna sa qai lesu voki mai na nodra turaga vi ira na tamata gona, sa qai tarogi ira. ²⁰Ia o koya ma tara e lima na taledji, sa qai mai sa yadjia voki mai o koya e lima voki na taledji, sa tukunia, 'Noqu Turaga, e lima na taledji konu ma solia mai vi au; raicia, au sa rawa voki mai e lima voki me kena i kuri.' ²¹Sa tukunia vua na nona turaga, 'Sa vinaka, o sa tamata vinaka ka djina, o sa djina i na ka e vica liga, au na lesi konu mo lewa na ka keceliga; curu i na marau ni nomu turaga.'²²"O koya vokiliga ma tauria na rua na taledji, sa qai mai o koya ka tukunia vua na nona turaga, 'Ikonu na Turaga, na rua na taledji konu ma solia vi au; raicia au sa rawa voki mai kinia e rua voki na taledji me kenai kuri.' ²³Sa tukunia vi koya na nona turaga, 'Sa vinaka, o sa tamata vinaka ka djina: o sa djina i na vika e vica liga, au na lesi iko mo lewa na ka keceliga: curu i na marau ni nomu turaga.'²⁴"O koya ma tauria e dua na taledji, sa qai mai o koya vua nona turaga ka tukunia vua, 'Noqu turaga, au sa kilai konu, ni konu sa tamata lawaki mama, o sa tamusukia i na vanua o ma reva ni kaburakia kinia, ka kumunia mai na vanua o ma reva ni vidaiyakia kinia: ²⁵ia au sa rere kinia, ka qai vunitakia na nomu taledji i na qele, raicia, ke na nomu sa tu voki vi iko.'²⁶"Sa qai vosa vi koya na nona turaga ka tukunia, 'Tamata ca qai vucesa! O sa kila vinaka ni'u sa tamusukia ina vanua au ma reva ni kaburakia kinia, qai kumunia mai na vanua au ma reva ni vidaiyakia kinia: ²⁷koya gona vinaka cake mo ma yadjia na noqui lavo vi ira nai taukei ni baqe, balejia meu lesu mai meu na qai tauria voki na noqui lavo vata na kena tubu.²⁸Dou qai yadjia tani mai vua na taledji, doou solia vi koya ma rawa e jini na taledji. ²⁹Ni dua na tamata sa tu vua e dua na ka, ena qai soli voki vua na ka e levu sara mai na ka e nona: ia na tamata sa reva ni tu vua e dua na ka, sa na qai yadji tani mai vua na ka sa tu rawa vua. ³⁰Ia na tamata reva ni dua na kena yaga, dou daini koya tani i na vanua butobuto i tuba, me na tagi tu kinia, ka vasequruquru baji.'³¹"Ia, na siga sa na qai mai kinia na Luve ni tamata ina nona i ukuuku vata ki ira vata kaya na agilosi yalosavasava keceliga, sa na qai jiko ina i jikojiko vaturaga vaiuikuuku: ³²ra qai soqoni vata i matana na le ni vivanua keceliga, sa na qai waseruataki ira o koya, me vaka nai vatawa ni sipi sa wasei ira na sipi mai vi ira na me; ³³sa qai vajikori ira na sipi ina ligana i matau, vata ki ira na me ina ligana i mawi.³⁴Sa na qai tukunia na Tui vi ira na jiko i na ligana i matau, 'Dou qai mai ikodou sa vakalougatataki vi Tamaqu, mo dou rawa na matanitu sa varautakia me nomudou mai nai vatekivu ki vuravura: ³⁵ni'u ma viakana, dou ma solia vi au na kakana: niu ma via somi, dou ma vasomi au: au vulagi, dou ma yadji au i vale: ³⁶televuwa, dou ma vaicurucurutaki au: au ma tauvimate, dou mai raici au, au ma curu i vale ni vivesu, dou mai sikovi au.'³⁷"Sa qai vosa vua o ira na yalododonu ka tukunia, 'Na Turaga, kimamu ma raici ikonu mada ni naica ni dou ma viakana, ka kimamu vakani ikonu, se dou ma via somi, kimamu vasomi ikonu? ³⁸se kimamu ma raici ikonu na gauna cava ni ikonu ma vulagi, ka yadji ikonu i vale? se televuwa ka vaicurucurutaki ikonu? ³⁹se kimamu ma raici ikonu ninaica ni ikonu ma tauvi-mate, se jiko i vale ni vivesu, kimamu ma qai yani vi ikonu?' ⁴⁰Sa qai vosa na Tui, ka tukunia vi ira, 'Au sa tukunia vaidjina vi ikonu, Na ka o dou sa caka vi dua sa lailai vi ira na wekaqu ke, o dou sa caka jiko vi au.'⁴¹Sa qai vosa voki o koya vi ira na ligana i mawi, 'Dou qai tani vi au, ikodou sa cudruvi, i na buka waqa sa reva ni boko rawa, sa varautaki tu me nona na tevoro vata ki ira na nona agilosi: ⁴²ni'u ma viakana, dou reva ni solia mai vi au na kakana: au ma viasomi, dou ma reva ni vasomi au: ⁴³au ma vulagi, nu reva ni yadji au i vale: televuwa, dou reva ni vaicurucurutaki au: au tauvimate, au jiko i vale ni vivesu, dou reva ni mai raici au.'⁴⁴"Qai vosa vua o ira vokiliga ka tukunia, 'Na Turaga, kimamu ma raici ikonu ni naica ni konu ma viakana, se viasomi, se vulagi, se luvawale, se tauvi-mate, se jiko i vale ni vivesu, ka reva ni qaravi ikonu?' ⁴⁵Sa qai vosa vi ira o koya ka tukunia, 'Sa vosa vi ira o koya, ka tukunia, 'Au sa tukunia vaidjina vi ikodou, Ni donu sa reva ni ma caka e dua na ka vi dua sa lailai vi ira ke, dou sa reva ni caka jiko vi au. ⁴⁶Ra na qai o ira ke i na cudruvi reva ni cava; ia o ira na yalododonu i na bula reva ni cava."

26¹Ni sa vaojia o Jisu na vosa keceliga ke, sa tukunia vi ira na nona tisaipeli, ²"Dou sa kila sa vo liga e rua na bogi me qai caka na kana vata ni qai sivia: na qai soli yani na Luve ni tamata me lauvako i na kauveilatai."³Ra sa qai soqoni vata o ira na bete levu vata ki ira na vunivola, vata ki ira na nodra matua na tamata, i na vale ni bete levu o Kaiafa na yacana, ⁴a ra sa bose me ra bukiveretaki Jisu me ra tauria ka vamatea. ⁵A ra sa tukunia, "Me kua ni ia jiko na kana vata, de ra maue kinia na tamata"⁶Ia ni sa jiko o Jisu mai Pecani i na vale ni Saimoni na vukavuka, ⁷sa qai mai vi koya e dua na yalewa sa tauria e dua na tavaya alapasita waiwai talei sara, sa sova i uluna, ni sa jiko o koya me kana. ⁸Ia ni sa raicia o ira na nona tisaipeli, ra sa cudru sara ka tukunia, "Sa dainia la liga ke i na vuku ni cava? ⁹Sa rawa ni volitaki na waiwai ke me rawa mai kinia e levu nai lavo ka me soli vi ira na dravudravua."¹⁰Ia ni sa kila o Jisu sa tukunia vi ira, "Dou sa vasaga na yalewa ke ina vuku ni cava? Sa caka vi au o koya e dua na cakacaka vinaka. ¹¹Ni sa jiko vadua ki ikodou o ira na dravudravua; ia o au, na reva ni jiko vadua ki ikodou."¹²Ni sa sova o koya nai lumu ina yagoqu, sa caka me noqui lumu ni bulu. ¹³Au sa tukunia vaidjina vi ikodou, "Na viyasana keceliga i vuravura taucoko na vunautaki kinia nai tukutuku-vinaka ke, na baki tukuni vokiliga kinia na ka sa caka na yalewa ke, me kenai divi."¹⁴Sa qai dua vi ira na le jinikarua, na yacana o Jutasa Isikarioti, sa qai vi ira na bete levu, ¹⁵ka tukunia, 'Na cava nu na via solia vi au, ke'u na soli koya yani vi ikodou?' Sa ra varautakia vua e tolusagavulu na jiki ni siliva. ¹⁶Ia mai na siga gona sa varaicia o koya na gauna e rawarawa me na soli koya kinia.¹⁷Ia i nai matai ni siga ni kana madrai sa reva ni valeveni, sa qai mai vi Jisu o ira na tisaipeli, ka tukunia vua, "Ivei na jikinia ikonu sa vinakatakia me kitou varautakia mo nu kana kinia na ka ni qai sivia?" ¹⁸Sa tukunia o koya, "Qai vua na tamata gona i na koro, ka tukunia vua, " Sa tukunia nai Vavuvuli, Sa voleka na noqu siga; o au vata ki ira na noqu tisaipeli, kitou na ia na kana vata ni qai sivia ina nomu vale." ¹⁹A ra sa caka na tisaipeli me vaka sa varojia vi ira o Jisu, ra sa varautakia me ra caka na kana vata ni qai sivia.²⁰Ni sa raiyavi mai, sa jiko sobu o koya vata ki ira na le jinikarua. ²¹Ia ni ra sa kana jiko, sa tukunia o koya, "Au sa tukunia vaidjina vi ikodou, ni na soli au yani e dua vi ikodou." ²²Ra sa qai rarawa valevu, ra sa tekivu vayadua me ra tukunia vua, "Noqu Turaga, o au beka?"²³Sa vosa o koya, ka tukunia, "O koya kirau sa tokocia vata kaya na ligana i na bilo, sai koya gona na soli au yani: ²⁴sa qai na Luve ni tamata me va sa volai i na vukuna, ia sa ca vua na tamata gona sa solia yani na Luve ni tamata! ke sa reva ni sucu mai na tamata gona, ke sa vinaka vua" ²⁵Sa qai vosa o Jutasa, o koya sa solia yani, ka tukunia, "Vavuvuli, o au beka?" Sa tukunia vua o koya, "O sa tukunia djina mai."²⁶Ia ni ra sa kana jiko sa tauria n amadrai o Jisu, ia ni sa lotutakia oji, sa dovia, ka solia vi ira na tisaipeli, ka tukunia, "Tauria, kania; ke na yagoqu."²⁷Sa qai tauria na bilo o koya, ia ni sa vavinavinakatakia oji, sa solia vi ira, ka tukunia, "Dou somi kece kinia; ²⁸ke na noqu dra ni viyalayalaji vou sa liviraki i na vukudra na le levu, me bokoci kinia nai valavala ca. ²⁹Ia au sa tukunia vi ikodou, Au na reva ni somia i muri na vua ni vaini ke, ka malua me yaco mada na siga au na somia vou kinia vata ikodou i na matanitu ni Tamaqu."³⁰Ni ra sa sere oji, ra sa qai yani i na ulu-ni-vanua ni violive. ³¹Sa qai tukunia vi ira o Jisu, "Nu na tarabe keceliga i na vukuqu i na bogi ni kua: ni sa volai, Au na yavijia nai vatawa ni sipi, a ra na dui vasesei na qele ni sipi. ³²Ia ni'u sa tucake voki mai, au na qai liutaki ikodou i Kalili."³³Sa qai vosa o Pita, ka tukunia, "Ke na tarabe o ira keceliga ina vukumunu, o au, au na reva ni tarabe." ³⁴Sa tukunia vua o Jisu, "Au sa tukunia vi Ikonu, I na bogi liga ni kua, ni se bera ni tagi mada iliu na toa, o na cakitaki au vatolu." ³⁵Sa tukunia vua o Pita, "Ke daru na mate vata, au na reva sara ni cakitaki konu." Sa vosa vavokiliga kinia o ira keceliga na tisaipeli.³⁶Sa qai mai o Jisu vata ki ira i na dua na yasana sa vatokai o Kecisemani. sa tukunia vi ira na tisaipeli, "Nu jiko liga i vono ke, meu qai mada i vaka meu masu." ³⁷Sa yadji Pita o koya vata ki rau na luvei Sepete, sa tekivu me rarawa na lomana ka yaluma sara. ³⁸Sa qai tukunia vi iratou o koya, "Sa rarawa valevu na yaloqu, me vaka au na mate: dou jiko liga i vono ke, me datou vatawa,³⁹Sa qai valailai va i liu o koya, sa cuva sobu vatoboicu, sa masu, ka tukunua, "I, Tamaqu, ke rawa, mo nu yadjia tani mada vi au na bilo ke; ia me kua ni liga ni vaka na noqu lewa, me vaka liga nomunu lewa." ⁴⁰Ni sa lesu voki mai vi ratou na tisaipeli, sa raici ratou ni ratou sa moce, sa tukunia vi Pita, "Oi! nu sa reva ni rawa me datou vatawa vata me dua la liga na auwa, beka?" ⁴¹"Nu vatawa, ka masu, me kua ni rawai ikodou na vere: e djina liga sa gu na yalo, ia na yago sa malumalumu."⁴²Sa qai varua o koya ka masu, ka tukunia, "I, Tamaqu, ke reva ni rawa me yali tani vi au na bilo ke, meu somia liga, me yaco liga na nomunu lewa" ⁴³Sa qai mai o koya sa raici ratou ni ratou sa moce voki: ni sa bibi na matadratou. ⁴⁴Sa daini ratou o koya, sa baci qai voki yani. ka masu vatolu, sa cavujia voki na vosa gona.⁴⁵Sa qai mai vi ratou na nona tisaipeli, ka tukunia vi ratou, "Dou moce liga, ka dou vacegu; raicia, sa voleka na gauna, sa na soli yani na Luve ni tamata i na ligadra na tamata ca: ⁴⁶"Tucake, me tu qai raicia, sa voleka mai o koya sa na soli au yani."⁴⁷Ia ni sa vosa jiko o koya, raicia, sa qai mai o Jutasa e dua vi ira na le jinikarua, vata ki ira vata kaya e le levu sara ra sa vaiseleiwau, ka vaiwau, mai vi ira na bete levu vata ki ira na nodra matua na tamata. ⁴⁸Ia o koya sa soli koya yani sa tukunia oji vi ira e dua nai vatakilakila, ka tukunia, "O koya liga au na regucia, sai koya gona; "vesukia matua."⁴⁹Sa qai sara mai vi Jisu, ka tukunia, "Sa loloma, vavuvuli! sa regucia." ⁵⁰Sa tukunia vua o Jisu, "Noqui tau, o sa qai mai i na vuku ni cava?" Ra sa qai mai ka tauri Jisu matua.⁵¹Ka raicia, e dua vi ira sa jiko vata ki Jisu sa ucunia mai na nonai seleiwau, sa yavijia na nona tamata na bete levu, sa takia tani na daligana. ⁵²Sa qai tukunia vua o Jisu, "Daramakia voki na nomui seleiwau i na kena taga, ni ra na mate i nai seleiwau o ira kece ra tauria nai seleiwau." ⁵³"O sa nanumia beka e reva ni rawa vi au meu masuji Tamaqu, ka na solia sara mai vi au o koya na agilosi e jinikarua nai vavakoso ka mani vakacaca. ⁵⁴Na qai vayacori vacava nai Vola Tabu sa tukunia na kena yaco me vake?"⁵⁵I na jiki-ni-bogi gona sa tukunia o Jisu vi ira na le levu, "Dou sa qaivia beka e dua na daubutako, ni dou sa vaseleiwau ka vaiwau, mo dou tauri au? Au ma dau jiko sobu vata ki ikodou i na visiga, ka vatavuvuli i na valenisoro, ia dou ma reva ni tauri au. ⁵⁶Ia sa caka keceliga na ka ke, me vayacori kinia na nodrai vola na parofita." Sa qai daini koya o ira keceliga na tisaipeli, ka tuba.⁵⁷Ia o ira sa tauri Jisu ra sa yadji koya yani vi Kaiafa na bete levu, i na yasana ra sa soqoni vata kinia na vunivola vata ki ira na matua. ⁵⁸Sa muri koya vayawa o Pita i na vale ni bete levu, sa curu kinia, sa jiko sobu vata ki ira na ovisa, me raicia mada na kenai ojioji.⁵⁹Ia o ira na bete levu vata ki ira keceliga na matavilewai, ra sa vaqara eso me ra mai beitaki Jisu vaseseni, me mate kinia o koya: ⁶⁰ka mani reva ni raicia: ia, sa le levu ra beitakia vaseseni ra qai mai. Ka oji sa qai mai e le rua, ⁶¹rau sa tukunia, "O koya ke sa tukunia, Au sa rawa meu basukia na vale ni soro ni Kalou, ka tara voki i na bogi tolu.⁶²Sa qai tucake tu na bete levu, ka tukunia vua, "Sa reva na ka mo tukunia beka mai? Na cava ke rau sa beitaki iko kinia o rau ke?" ⁶³Sa galu liga o Jisu. Sa qai vosa na bete levu ka tukunia vua, "Au varoji iko matua ina mata ni Kalou bula, mo tukunia mai vi kitou se o iko na Karisito, na Luve ni Kalou se reva." ⁶⁴Sa tukunia vua o Jisu, "O sa tukunia djina mai: ia au sa tukunia vokiliga vi ikodou, i na gauna mai muri, dou na raicia na Luve ni tamata ni sa jiko i na liga i matau i Koya sa kaukauwa, ni sa qai vokiliga mai i na vi o ni lomalagi."⁶⁵Sa qai dresulakia na nonai sulu na bete levu, ka tukunia, "Sa qai vosavacacatakia na Kalou o koya: sa yaga vacava me so voki nai vadjinadjina? raicia, dou sa rogocia liga na nona vosavacacatakia na Kalou: ⁶⁶na vacava dou sa lewa?" Ra sa vosa ka tukunia, "Sa dodonu liga me mate."⁶⁷Ra sa qai kasuvia na matana, ka qova; sa sabicia ira voki eso, ⁶⁸ka tukunia, "Tukunia mai vi kitou, Ikonu na Karisito, se o cei sa sabici iko?"⁶⁹Sa jiko i tuba o Pita i na rara ni vale, sa dua na vada sa qai vua, ka tukunia, "Konu vokiliga ma jiko vata ki Jisu na kai Kalili." ⁷⁰Sa cakitakia o koya i matadra keceliga ka tukunia, "Au sa reva ni kila na ka o sa tukunia."⁷¹Ni sa qai o koya vake, i darava, sa dua voki sa raicia, sa tukunia vi ira sa jiko kinia, "O koya vokiliga ke ra ma jiko vata ki Jisu na kai Nasareci." ⁷²Sa cakitakia voki o koya ka bubului kinia, ka vake, "Au sa reva ni kila na tamata gona."⁷³Sa dede valailai liga sa qai mai o ira ra ma tu kinia, ra sa tukunia vi Pita, "Sa djina liga sa dua vi ira o ikonu; ni sa tukuni konu na nomunu vosa." ⁷⁴Sa qai tekivu o koya me ruru ka bubului, ka vake, "Au sa reva ni kila na tamata gona." Sa qai tagi sara na toa. ⁷⁵Sa qai nanumia na vosa ni Jisu o Pita, ni sa tukunia vua, "Na reva mada ni tagi iliu na toa, o na cakitaki au vatolu." Sa curu i tuba ka tagi sara valevu.

27¹Ni sa savulaci, ra sa bosei Jisu o ira keceliga na bete levu vata ki ira na nodra matua na tamata, me ra vamatea; ²ia ni ra sa vesukia, ra sa yadjia tani, ka soli koya vi Ponitio Pailato na kovana.³Ia o Jutasa, o koya ma soli koya yani, ni sa raicia sa lewai o koya me mate, sa qai vivutuni, sa vasuka na jiki ni siliva e tolusagavulu vi ira na bete levu vata ki ira na matua, ⁴ka tukunia, "Au sa cala ni'u ma soli koya sa reva nona cala me mate." A ra sa tukunia, "Sa bale vacava vi kitou? Sa baleji iko liga." ⁵Sa dainia o koya na vijiki ni silia i na vale ni soro, sa curu yani; ka qai kunaji koya.⁶A ra sa yadjia na vijiki ni siliva o ira na bete levu, ka tukunia, "Sa reva ni tara me dai i na kato ni kamunaga ni vale ni soro, ni sai sau ni mate." ⁷A ra sa qai bosea, ka volia kinia na jiki ni vanua ni dautuli kuro, me ra bulu kinia na vulagi. ⁸O koya gona sa vatokai kinia na jiki ni vanua gona, na jiki ni vanua ni dra, ka yacovia na siga ni kua.⁹Sa qai vayacori na ka sa vosatakia o Jeremaia na parofita, ka tukunia, "Era na yadjia na jiki ni siliva e tolusagavulu, mei voli ki koya sa volitaki, o koya ra sa volia o ira eso na luve i Isireli, ¹⁰a ra sa solia mei voli ni jiki ni vanua ni dautuli kuro; me vaka sa vosa vi au na Turaga."¹¹Sa tu o Jisu i na mata ni kovana, sa tarogi koya na kovana ka tukunia, "O sa nodra Tui na kai Jutia, se reva?" Sa tukunia vua o Jisu, "O sa tukunia djina mai." ¹²Ia ni ra sa beitakia o ira na bete levu vata ki ira na matua, sa reva ni vosa o koya. ¹³Sa qai tukunia vua o Pailato, "O sa reva beka ni rogocia na kena levu ni ka ra sa beitaki ikonu kinia?" ¹⁴Sa reva voki ni saumia o koya e dua na nona vosa; sa kurabui valevu kinia na kovana.¹⁵Sa dau nonai varau na kovana i na kana vata ni qai sivia gona me sereki vi ira na le levu e dua na tamata vesu, o koya ra sa djigitakia. ¹⁶Sa jiko vi ira e dua sa vesu tu, sa vairogorogo sara, o Parapa na yacana.¹⁷O koya, ni ra sa soqoni vata mai, sa tukunia kinia vi ira o Pailato, "O cei dou sa vinakatakia meu serekia vi ikodou? O Parapa se o Jisu, o koya sa vatokai na Karisito?" ¹⁸Ni sa kila o koya ra ma soli koya yani ni ra sa vuvutaki koya. ¹⁹Ia ni sa jiko sobu o koya i nai jikojiko ni vilewai, sa yadjia yani vua na wajina nai tukutuku, ka tukunia; "Me kua ni dua na ka mo caka vua na tamata dodonu ke: au sa rarawa valevu ni kua ni'u sa tadrai koya.²⁰Sa qai vamasuji vi ira na le levu o ira na bete levu vata ki ira na qase, me ra kerei Parapa, ka me mate o Jisu. ²¹Sa qai vosa na kovana ka tukunia vi ira, "O cei vi rau na le rua ke, dou sa vinakatakia meu serekia vi ikodou?" Ra sa tukunia, "O Parapa." ²²Sa tukunia vi ira o Pailato, "Na cava meu qai caka vi Jisu, o koya sa vatokai na Karisito?" Ra sa tukunia keceliga vua, "Me lauvako liga i na kauveilatai."²³Sa qai tukunia na kovana, "Na cava na ka ca sa caka o koya?" A ra sa qai qoqolou valevu i colo ka tukunia, "Me lauvako liga i na kauveilatai." ²⁴Ni sa raicia o Pailato ni sa reva ni yaco na nona vosa, ka sa mauwe mai o ira na tamata, sa qai yadjia e dua na wai, sa vuluvulu i matadra na le levu, ka tukunia, "O au, au na reva ni tarogi i na vuku ni nona mate na tamata dodonu ke: sa baleji konu liga."²⁵Sa ra qai vosa kece na tamata, ka tukunia, "Me baleji kimamu vata ki ira vokiliga na luvei kimamu, na nona mate." ²⁶Sa qai sereki Parapa vi ira o koya, ia ni sa rubilaki Jisu oji, sa qai solia yani me vakoji i na kauveilatai.²⁷Ia o ira na sojia ni kovana ra sa yadji Jisu i na vale ni turaga, ka vasoqoni ira vata kinia na mata sojia taucoko. ²⁸A ra sa luvajia na nonai curucuru, ka vacuruya e dua nai sulu damudamu. ²⁹Ka ra sa qai talia e dua nai sala i na wa-votona, ra sa vaisalataki koya kinia, ka dainia i ligana i matau e dua na dravo, ra sa tekiduru i matana, ra sa valialiai koya, ka tukunia, "Sa loloma, na nodra Tui na kai Jutia!"³⁰A ra sa kasuvia, ka tauria na dravo, ka warocia i uluna. ³¹Ia ni ra sa valialia oji, ra sa luvajia vua na nonai curucuru, ka daramakia vua na nonai curucuru djina, ka yadjia yani me ra vakojia i na kauveilatai.³²Ia ni ra sa qai yani, ra sa raicia e dua na kai Kirini, o Saimoni na yacana: o koya ra sa vasauraratakia me cola na nona kauveilatai. ³³Ia ni ra sa yaco i na vanua sa vatokai o Kolikoca, ( kenai balebale, Na vanua ni qavokavoka,) ³⁴ra sa solia vua na wai wiwi sa viwaki vata na ka gaga me somia: ia ni sa tovolea o koya, sa bese ni somia.³⁵Ra sa qai vakojia i na kauveilatai, ra vota na nonai curucuru, i na vawiri madigi: me vayacori kinia na ka sa vosatakia na varovita, "Ra sa vota vi ira na noqui curucuru, ia na noqui tutuvi ra sa ia kinia na vawiri madjigi." ³⁶Ra sa jiko sobu ka vatawai koya mai kinia. ³⁷A ra sa vakojia i colo donuya na uluna nai vola ni ka sa beitakia vua: "KE O JISU NA NODRA TUI NA KAI JUTIA."³⁸Sa qai lauvako vata ki koya i na kauveilatai e le rua na daubutako, dua i na ligana i matau, ka dua i na ligana i mawi. ³⁹Ia o ira na qai jiko, ra sa vosavacacataki koya, ni ra sa kuretakia na uludra, ⁴⁰ka tukunia, "O Ikonu sa basukia na vale ni soro ka tara i na bogi e tolu, vabulai ikonu mada: ke o sa Luve ni Kalou, mo siro sobu mai na kauveilatai."⁴¹Sa vavokiliga kinia o ira na bete levu vata ki ira na vunivola, vata ki ira na matua, ra sa valialia, ka tukunia, ⁴²"O koya sa dau vabulai ira na tani; sa reva ni vabulai koya rawa: Sa nodra Tui na Isireli o koya, me siro sobu ni kua mai na kauveilatai, kimamu na qai vabauji koya"⁴³Sa dau vararavi o koya vua na Kalou; me vabulai koya ni kua, ke vinakaji koya; ni sa tukunia, "O au na Luve ni Kalou." ⁴⁴O rau vokiliga na daubutako, ratou ma vakoji vata i na kauveilatai, rau sa valialiai koya vokiliga.⁴⁵Sa qai butobuto na vanua taucoko, sa vatekivu mai nai kaono ni aua ka yacovia nai ka ciwa ni aua. ⁴⁶Ia i nai ka ciwa ni aua, sa kaci o Jisu i na domo levu, ka tukunia, "Ilai, Ilai, lama sa sapakicani?" na kenai balebale, "Noqu Kalou, noqu Kalou, o sa daini au i na vuku ni cava?" ⁴⁷Ia ka so vi ira sa tu voleka, n i ra sa rogocia, ra sa tukunia, "Na tamata ke sa kacivi Ilaija jiko."⁴⁸Sa cici sara e dua vi ira, sa tauria e dua na vutovuto, ka vasuasua i na wai wiwi, ka vivigia i na dua na dravo, sa vasomi koya kinia. ⁴⁹Sa tukunia o ira na kena vo, "Dainia mada; me da raicia se na qai mai o Ilaija me mai vabulai koya se reva." ⁵⁰Ia o Jisu ni sa kaci voki i na domo levu, sa qai daini koya na yalona.⁵¹Ka raicia, sa wase rua nai laji ni vale ni soro mai na jikinia i colo ka yadjia ira; sa tavuki na vanua, sa kavida rua na vivatu lelevu; ⁵²sa tadola na vibulubulu; sa levu vokiliga na yagodra na yalododonu ra ma moce tu, sa tucake voki mai; ⁵³ia ni sa tucake voki mai na mate o koya, ra sa qai mai na vibulubulu, ka qai i na koro tabu, sa qai rairai vi ira na le levu.⁵⁴Ia na turaga ni valu, vata ki ira ra sa jiko vata me vatawai JIsu, ni ra sa raicia na tavuki ni vanua, vata na vika sa yaco, ra sa rere valevu, ka tukunia, "Sa djina liga sa Luve ni Kalou o koya ke." ⁵⁵A ra sa le levu vokiliga na yalewa ra sa vararai tu mai vayawa, o ira ma muri Jisu mai Kalili, ni ra sa dauqaravi koya: ⁵⁶ma dua vi ira o Meri na yalewa ni Makitala, vata ki Meri na jinai Jemesa vata ki Josese, vata ki na jinadrau na luvei Sepete.⁵⁷Ia ni sa raiyavi, sa qai mai e dua na tamata vutuniyau, na kai Arimacea, na yacana o Josefa, o koya vokiliga ma tisaipeli ni Jisu: ⁵⁸sa qai vi Pailato o koya, ka kerea na yagoi Jisu. Sa qai tukunia o Pailato me soli na yagona.⁵⁹Sa yadjia na yagona o Josefa, ka ologia i na dua nai sole lineni sa savasava, ⁶⁰sa vadavoa i na nonai bulubulu vou, ka taya o koya i na vatu: sa vaqiqicia e dua na vatu levu i na darava ni bulubulu, ka qai voki yani. ⁶¹Sa jiko mai kinia o Meri na yalewa ni Makitala, vata ki Meri kadua, rau sa dabe ka donuya nai bulubulu.⁶²ia i na savulaci i na siga sa taravia na siga Varau, ra sa soqoni vata vi Pailato o ira na bete levu vata ki ira na Farisi, ⁶³ra sa tukunia, "Ikonu na Turaga, kitou sa nanumia ni sa tukunia na dauvicalai gona, ni sa bula jiko, 'Me oji mada e tolu na bogi na qai tucake voki mai.' ⁶⁴O koya mo dou qai lewa me sogo vakaukauwa nai bulubulu me oji mada nai katolu ni bogi, de ra qai mai na nona tisaipeli, ka butakocakia ka qai tukunia vi ira na tamata, "Sa tucake voki mai na mate o koya: na qai levu cake kinia na vivacalai i muri, ka ca valaiali koya iliu."⁶⁵Sa qai tukunia vi ira o Pailato, "Sa tu liga vi Ikodou nai vatawa eso: dou qai, dou vadeitakia me va dou sa kila." ⁶⁶A ra sa qai, ra sogojia vakaukauwa nai bulubulu, ka dregajia na vatu, ka lesia eso na sojia me ra yadravia.

28¹Ni sa oji na siga ni vacecegu, sa kida nai matai ni siga ni wiki, sa qai mai o Meri na yalewa ni Makitala vata ki Meri kadua, me rau mai raicia nai bulubulu. ²A rau sa raicia sa tavuki valevu na vanua, ni sa dua na agilosi ni Turaga sa qai sobu mai lomalagi, sa vaqiqicia tani na vatu, ka mai dabe toka i delana.³Sa va na liva na matana, sa vulavula na nonai curucuru me va na uca vulavula. ⁴A ra sa sautaninini na sojia ra ma yadravia jiko ni ra sa rerevakia, a ra sa vataki ira sa mate.⁵Sa qai vosa na agilosi, ka tukunia vi rau na yalewa, "Drau kua ni rere; au sa kila drau sa vaqarai JIsu, o koya ma lauvako i na kauveilatai." ⁶Sa reva i vono ke o koya, sa tucake voki, me va na nona vosa. Drau qai mai, mo drau raicia na vanua ma davo kinia na Turaga. ⁷Ia drau qai vatotolo, ka tukinia vi ira na nona tisaipeli ni sa tucake voki mai na mate o koya; ka kila, sa liutaki ikodou i Kalili: dou na raici koya kinia: Raicia, au sa tukunia vi ikodrau."⁸A rau sa qai vatotolo i nai bulubulu ni rau sa rere ka marau valevu; rau sa cici ka tukunia vi ira na nona tisaipeli. ⁹Ka raicia, sa tavaki rau o Jisu, ka tukunia, "Sa loloma." Rau sa qai toso vua ka tara na yavana ka varokoroko vua. ¹⁰Sa qai tukunia vi irau o Jisu, "Drau kua ni rere, drau qai tukunia liga vi ira na wekaqu me ra qai i Kalili; ni ra na raici au mai kinia."¹¹Ia ni rau sa qai yani, raicia sa so vi ira nai vatawa ra sa qai i na koro, ra sa tukunia vi ira na bete levu na ka kece sa qai yaco. ¹²Ia ni ra sa soqoni vata, ki ira na matua, ra sa bosea, ra sa qai solia valevu nai lavo vi ira na sojia, ¹³ka tukunia, "Dou vake, "Sa qai mai i na bogi o ira na nona tisaipeli, ka butakocakia na yagona, ni kimamu sa moce tu."¹⁴Ia ke na rogocia na kovana, kitou na valomavinakataki koya, ka maroroi ikodou." ¹⁵Sa ra qai tauria nai lavo, ka sa caka me va ra sa vatavulici kinia : sa dautukuni jikoliga na vosa ke vi ira na kai Jutia me yacovia mai na siga ni kua.¹⁶Sa qai i Kalili o ira na tisaipeli na le jinikadua, i na ulu-ni-vanua ka ma tukunia vi ira o Jisu. ¹⁷Ia ni ra sa raici koya, ra sa varokoroko vua: ia ka so sa reva ni vadjinajia.¹⁸Sa qai mai o Jisu ka vosa vi ira, ka tukunia, "Sa soli mai vi au na lewa keceliga mai lomalagi vata ki vuravura. ¹⁹O koya mo dou qai ka valotutaki ira na le ni vivanua keceliga, ka papitaisotaki ira i na yaca ni Tamamudou vata na Luvena vata na Yalo Tabu;²⁰me vavulici ira me ra vabaujia na ka kece au ma vosa kinia vi ikodou: ka mo dou kila, au sa jiko vata ki ikodou i na visiga keceliga, ka yacovia nai vataojioji ki vuravura." Emeni.

Marika

1¹Ai vatekivu ni tukutuku-vinaka ki Jisu Karisito, na Luve ni Kalou; ²me va sa vola na parofita: Raicia, au sa tala na noqu talai me liu e matamu, Ena caramakia o koya na nona sala e matamu: ³A domo ni dua sa kacikaci e loma ni vikau, Dou caramakia na sala i Jiova, Caka me dodonu na nona visalatu.⁴Sa dauvipapitaisotaki o Joni e loma ni vikau, ka varojia na nodra papitaiso era vivutuni me bokoci nai valavala ca. ⁵A sa qai yani vua na lewe ni vanua taucoko o Jutia, vata ki ira na kai Jerusalemi, a sa papitaisotaki ira keceliga o koya i na uciwai o Joritani, ni ra sa vatusa na nodrai valavala ca. ⁶Sa vaisulu o Joni nai sulu vuji ni kameli, ka sai vau ni tolona na wa kuli-ni-manumanu; ia sa kena jiko na vodre vata ki na oni ni vikau.⁷Sa dauvunau, ka tukunia, E dua sa muri au mai sa levu cake vi kirau, ia na wa ni nonai vava au sa reva ni yaga meu cuva sobu meu serekia. ⁸E dina kau sa papitaisotaki ikodou i na wai: ia i na papitaisotaki ikodou o koya, i na Yalo Tabu.⁹Sa yaco i na gauna o ya, sa qai mai Nasareci i Kalili o Jisu, a sa papitaisotakia o Joni i na Joritani. ¹⁰Ia ni sa cabe sara o koya mai na wai, sa qai raici lomalagi ni sa wase rua, vata ki na Yalo Tabu ni sa qai sobu vua me va na ruve; ¹¹a sa rogo mai lomalagi i dua na vosa: O iko na noqu Gone ni toko, au sa dauvinakaji iko valevu.¹²A sa vayadji koya vasauri na Yalo Tabu i vikau. ¹³Sa jiko i loma ni vikau ka bogi vasagavulu, sa dauveretaki koya o Setani; sa jiko vata ki na manumanu kila; a sa qaravi koya o ira na agilose.¹⁴Ia ni sa biu i na vale ni vivesu o Joni, sa qai mai ki Kalili o Jisu, sa dauvunautakia nai tukutuku vinaka ni matanitu ni Kalou, ¹⁵ka tukunia, Sa qai yaco na gauna, sa voleka na matanitu ni Kalou; dou vivutuni, ka vabaujia nai tukutuku-vinaka.¹⁶Sa qai voli o koya e na baravi mai Kalili, sa raici Saimoni vata ki Adriu na tacina, erau sa cavotakia na lawa i wai: ni rau sa gonedau. ¹⁷Sa tukunia vi rau o Jisu, Drau muri au mai, au na qisi ikodrau mo drau yaco me gonedau ni tamata. ¹⁸A rau sa dainia sara na nodrau lawa, ka muri koya.¹⁹Ia ni sa qai valailai i liu o koya, sa raici Jemesa na luve i Sepete, vataki Joni na tacina, rau sa jiko mai waqa ka onevia na lawa. ²⁰Sa kacivi rau sara o koya: rau sa dainia na tamadrau o Sepete i na waqa, vataki iratou na tamata, ka muri koya.²¹A ratou sa qai i Kapenaumi; ia e na siga ni vacecegu sa curu sara o koya ki na vale ni lotu, ka vatavuvuli. ²²Ra sa kurabui i na nonai vavuvuli; ni sa vatavulici ira me va i dua sa tu vua na lewa, ka reva ni vataki ira na vunivola.²³Sa jiko i na nodra vale ni lotu i dua na tamata ka curumi koya i dua na yalo velavela; a sa qoqolou, ²⁴ka tukunia, Ule! a cava vi kitatou, i Jisu na kai Nasareci? o sa qai beka mai me rawai kitou? au sa kilai iko, na nona Le Dua Yalosavasava na Kalou. ²⁵Sa vunauci koya o Jisu, ka tukunia, Mo galu liga, ka qai tani mai vua. ²⁶Ia ni sa bitalaki koya na yalo velavela, ka qoqolou ena domo levu, sa qai qai tani mai vua.²⁷Ra sa kurabui keceliga, ka vitarogi kinia vai ira, ka tukunia, A ka cava beka ke? a cava beka nai vavuvuli vou ke? ka ni sa varojia vaturaga o koya vi ira na yalo velavela, a ra sa talai rawarawa vua. ²⁸A sa rogovaki sara na kenai rogorogo ki na vi yasana keceliga sa vavolivoliji Kalili.²⁹Ia ni ratou sa qai tani i na vale ni lotu, ratou sa curu sara i na vale i Saimoni vataki Adriu, o iratou vata ki Jemesa vataki Joni. ³⁰A sa davo na tina ni wati i Saimoni ni sa tauvi-katakata, a ra sa tukuni koya sara vua. ³¹A sa qai vua o koya ka tauria na ligana, ka vaduria cake: a sa takali vasauri na nona katakata, a sa qaravi iratou o koya.³²Ia ni sa raiyavi mai, ni sa dromu na siga, sa yadji mai vi koya o ira keceliga sa tauvi-mate, vataki ira ka curumi ira na tevoro eso. ³³A ra sa soqoni vata keceliga na lewe ni koro I na mata ni darava. ³⁴A sa vabula o koya na lewe levu sa duidui na mate sa tauvi ira, ka vasevi ira na tevoro e lewe levu, a sa reva ni laivi ira na tevoro me ra vosa, ni ra sa kilai koya.³⁵Ia ni savulaci caca sa cavu tu o koya, a sa qai i tautuba, ka qai i na dua na yasana lala, ka masu kinia. ³⁶A ratou sa muri koya ko Saimoni, vataki iratou ratou sa jiko vata kaya. ³⁷Ni ratou sa qai raicia, eratou sa tukunia vua, Sa vasaqarai ikonu na tamata keceliga.³⁸A sa tukunia vi iratou, Tou qai i na vikoro sa voleka, meu vunau vokiliga kinia: sa ka liga ke kau sa qai mai kinia. ³⁹A sa dauvunau o koya i na nodra vivale ni lotu mai Kalili taucoko, ka vasevi ira tani na tevoro.⁴⁰A sa qai mai vi koya i dua na vukavuka, ka vamasujia, ka tekiduru vua, ka tukunia vua, Kevaka o ni sa vinakajia, o ni sa vasavasavataki au rawa. ⁴¹A sa yalololoma o Jisu, ka dodoka na ligana, ka tarai koya, ka tukunia vua, Au sa vinakajia; mo savasava mai. ⁴²Ia ni sa vosa oti, sa takali vasauri vua na vukavuka, a sa savasava mai.⁴³A sa varojia matua vua o koya, ka vatala sara yani; ⁴⁴a sa tukunia vua, Raicia, mo kua ni tukunia vua i dua: ia mo laki varaitaki iko vua na bete, ka vacaboria na ka sa varojia o Mosese me nomui vasavasavataki, mei vadjinadjina vi ira.⁴⁵A sa qai yani o koya, ka vatekivu me tukunia valevu, ka cacavaka, a sa dredre kina vi Jisu me curu votu i na koro, sa jiko liga i nai bili i na vi yasana lala: a ra sa qai mai na viyasana keceliga vi koya.

2¹Sa bogi vica, sa qai curu voki i Kapenaumi o koya; sa qai rogovaki ni sa jiko i vale. ²Ra sa lewe levu sa soqoni vata sara mai, a sa reva kinia na vanua me rauti ira, e reva i na mata ni darava: a sa vunautakia na vosa vi ira o koya.³Sa qai mai vi koya eso, ratou sa yadjia mai i dua sa tauvi-paralasi, sa colaji koya i le va. ⁴Ia ni ratou sa reva ni torovi koya rawa i na vukudra na lewe levu, ratou sa basukia na dela ni vale sa jiko kinia o koya: ia ni ratou sa basukia sara, ratou sa tukucia sobu nai mocemoce sa davo kinia o koya sa tauvi-paralasi.⁵5Ia ni sa raicia o Jisu na nodratou vakabaujia, sa kaya vua sa tauvi-paralasi, Na luvequ, sa bokoci na nomui valavala ca. ⁶6Ia ka so na vunivola ra sa jiko kinia, a ra sa veinanuyakia e lomadra, ka va ke, ⁷7Sa vosavacacatakia na Kalou o koya ke i na vuku ni cava? ko cei tale sa bokocia rawa nai valavala ca, a Kalou duadualiga?⁸Sa kila sara i yalona o Jisu ni ra sa vinanuyakia vakoya i lomadra, ka sa tukunia vi ira, A cava dou sa vinanuyakia kinia na ka va ke i na lomamudou? ⁹a cava vi rau e rawarawa cake, me tukunia vua sa tauvi-paralasi, Sa bokoci na nomui valavala ca; se me tukunia, Mo tu cake, ka yadjia na nomui mocemoce, mo qai?¹⁰Ia mo dou kila kinia ni sa rawajia na Luve ni tamata i vuravura me bokocia nai valavala ca, (sa qai kaya o koya vua sa tauvi-paralasi,) ¹¹Au sa tukunia vi iko, Mo tu cake, ka yadjia na nomui mocemoce, ka qai ki na nomu vale. ¹²A sa tu cake sara o koya, ka yadjia nai mocemoce, ka qai yani ena matadra keceliga; Ra sa kurabui keceliga kinia, ka varokorokotakia na Kalou, ka tukunia, Eda sa reva ni raicia eliu na ka e vake na kenai valavala.¹³A sa qai voki yani o koya ki matasawa, a ra sa qai vi koya o ira keceliga na lewe levu, a sa vavulici ira o koya. ¹⁴Ia ni sa qai yani, sa raici Livai na luve i Alifio sa jiko i na vale ni soli vacavacava, a sa tukunia vua, Muri au. A sa cavu tu ko koya, ka muri koya.¹⁵Ia ni sa jiko o koya i na nona vale me kana, ra sa lewe levu na kumunia nai vacavacava vataki na tamatai valavala ca ra sa jiko me kana vata ki Jisu vataki ira na nona tisaipeli: ra sa lewe levu, ra sa muri koya. ¹⁶Ia ni ra sa raicia o ira na vunivola vataki ira na Farisi ni sa kana vata o koya ki ira sa soqonia nai vacavacava ki ira na tamatai valavala ca, ra sa tukunia vi ira na nona tisaipeli. A cava sa kana vata ka gunu vata kinia o koya ki ira sa soqonia nai vacavacava vata ki ira na tamatai valavala ca?¹⁷Ia ni sa rogocia ko Jisu, satukunia vi ira, Sa reva ni yaga na vuniwai vi ira sa bula vinaka, vi ira liga sa tauvi-mate: au sa reva ni qai mai meu kacivia ira sa yalododonu, o ira ga nai valavala ca, me ra vivutuni.¹⁸Ra sa daulolo o ira na tisaipeli i Joni vataki na nodra tisaipeli na Farisi: ra sa qai mai ka tukunia vua, A cava sa lolo kinia o ira na tisaipeli i Joni vataki na nodra tisaipeli na Farisi, ia na nomu tisaipeli ra sa reva ni lolo? ¹⁹Sa tukunia vi ira o Jisu, ra sa lolo rawa li na weka ni tagane sa qai vawaji, ni sa jiko vata ki ira na tagane sa qai vawati? Ni sa jiko liga vataki ira na tagane sa qai vawati, ra sa reva ni lolo rawa.²⁰Ia na yaco mai na siga, na yadji tani kinia vi ira na tagane sa qai vawaji; ka ra na qai lolo ina gauna o ya. ²¹Ia sa re va na tamata sa cula vataki na tiki ni sulu vou ki nai sulu madra: ke sa vakinia, ina dresukia na kena dede na tikina vou sa botani kinia, sa kadresu valevu kinia.²²Sa reva vokiliga na tamata sa vatalocia na waini vou ki na tavaya kuli-ni-manumanu dede; ke sa vakinia, na vakacabotetakia na tavaya na waini vou, ka na dave yani na waini, ka rusa na tavaya; e vinaka liga me vatalocia na waini vou ki na tavaya vou.²³2Sa qai o koya i loma ni viwere ni sila i na siga ni vacecegu; ia ni ra sa qai voli na nona tisaipeli, ira doloka na visola ni sila. ²⁴Sa tukunia vua o ira na Farisi, Raicia, a cava ira sa caka kinia o ira i na siga ni vacecegu na ka e reva ni tara?²⁵Sa qai tukunia vi ira o koya, Dou sa reva beka ni wilikia na ka sa caka o Tevita, ni sa reva na kena, ka sa viakana, o koya ki ira sa jiko vata kaya: ²⁶Ni sa curu o koya i na vale ni Kalou, i na gauna i Epaiaca na bete levu, a sa kania na madrai dauraici, gona sa reva ni tara me laukana, sa tara duadualiga vi ira na bete, a sa solia vokiliga vi ira ira sa tiko vata kaya?²⁷Sa tukunia vokiliga vi ira, Sa caka na siga ni vacecegu i na vukudra na tamata, e reva ni caka na tamata i na vuku ni siga ni vacecegu: ²⁸Sa Turaga voki liga ni siga ni vacecegu na Luve ni tamata.

3¹A sa curu voki o koya ki na vale ni lotu; a sa jiko kinia i dua na tamata sa malai na ligana. ²A ra sa varaici koya, se na vabulai koya i na siga ni vacecegu, se reva; me ra qai beitaki koya.³Sa qai tukunia o koya vua na tamata sa malai na ligana, Tucake mai. ⁴A sa tarogi ira, Sa tara beka me caka na ka vinaka i na siga ni vacecegu, se me caka na ka ca? me ia na vivabulai, se na vivamatei? A ra sa galu liga.⁵Ia ni sa rai voli vacudrucudru vi ira o koya, ni sa rarawa na lomana ena vuku ni kaukauwa ni yalodra, sa tukunia vua na tamata, Dodoka mai na ligamu. A sa dodoka yani: a sa vabulai na ligana ka yaco me va na ligana kadua. ⁶A ra sa qai yani na Farisi, ka bosei koya sara o ira vata ki ira nai tokani i Eroti, se ra na vamatei koya vaevei.⁷A sa qai tani o Jisu va ki wai ki ira vata kaya na nona tisaipeli: a ra sa lewe levu sara sa muri koya mai Kalili, ki Jutia, ⁸mai Jerusalemi vokiliga, ki Itumia, ki na tai kadua ni Joritani; o ira vokiliga i na viyasana i Taia kei Saitoni, era lewe levu sara, ni ra sa rogocia na levu ni vika sa caka o koya, era sa qai mai vi koya.⁹A sa tukunia o koya vi ira na nona tisaipeli, me toka i dua na waqa lailai o koya i na vukudra na lewe vuqa, de ra drigiji koya. ¹⁰Ni ra sa lewe levu sa vabula o koya; a ra sa drigiji koya kinia me ra tarai koya, o ira keceliga era sa tauvimate.¹¹O ira voki liga na yalo velavela, ni ra sa raici koya, era sa cuva sobu i matana, a ra sa qoqolou, ka tukunia, O iko na Luve ni Kalou. ¹²A sa varota matua vi ira o koya, me ra kakua ni tukuni koya.¹³A sa cabe i na ulu-ni-vanua, ka kacivi ira mai sa djigitakia: a ra sa qai mai vua. ¹⁴A ra sa lewe tinikarua sa lesia o koya, me ra jiko vata kaya, ka me vatalai ira o koya me ra vunau, ¹⁵me tu voki liga vi ira na kaukauwa me ra vasevi ira na tevoro: ¹⁶A sa vayacani Saimoni o koya me o Pita:¹⁷ki Jemesa na luve i Sepete, ki Joni na taci i Jemesa, a sa vayacani rau o koya mei Poanaji, i kenai balebale, A luve ni kurukuru: ¹⁸ki Adriu, ki Filipi, ki Pacolomiu, ki Maciu, ki Tomasi, ki Jemesa na luve i Alifio, ki Cateo, ki Saimoni i dua vi ira sa vatokai Na gumatua, ¹⁹ki Jutasa Isikarioti, o koya sa soli koya yani. A sa curu o koya ki na dua na vale.²⁰A ra sa lewe levu sa soqoni vata voki, a ra sa reva kinia ni kania rawa na kedra. ²¹Ia ni ratou sa rogocia ko iratou na wekana, eratou sa qai mai me ratou tauri koya: ni ratou sa tukunia, Sa lialia o koya. ²²Ia o ira na vunivola ka qai sobu mai Jerusalemi, era sa tukunia, Sa jiko vua o Pielisipupi, a sa vasevi ira na tevoro i na kaukauwa ni nodra turaga na tevoro.²³A sa kacivi ira mai o koya, ka tukunia vi ira i na vosa vatautauvata, E rawajia vaevei ko Setani me vasevi Setani? ²⁴Ia kevaka sa dua na matanitu sa visei vai koya, ena reva ni tu dei rawa na matanitu o ya: ²⁵ia kevaka sa dua na vale sa visei vai koya, ena reva ni tu dei rawa na vale ko ya.²⁶Ia kevaka sa ia ko Setani me vivala vai koya, ka visei, ena reva ni tu dei rawa, ena oji liga. ²⁷Sa reva na tamata me curumia rawa na vale ni qaqa, ka kovea na nonai yaya, keva sa reva mada ni vesukia na qaqa, ena qai kovea imuri na nonai yau.²⁸Au sa tukunia vaidina vi ikodou, Sa rawa me bokoci laivi na nodrai valavala ca keceliga na luve ni tamata, ki na nodra vosa ca keceliga era sa vosavacacatakia kinia na Kalou: ²⁹ia o koya sa vosavacacatakia na Yalo Tabu ena reva jikoliga ni bokoci na nonai valavala ca, ia sa tu vua na nona cala ka reva ni mudu: ³⁰ni ra tukunia, Sa dua na yalo velavela sa jiko vua.³¹Sa qai mai o iratou na tinana, ki na tacina, a ratou sa tu e tuba, ka talaki vua me qai mai. ³²ia era sa lewe levu sa jiko vavolivolijia; ka ra sa tukunia vua, Raicia, na tinamu ki iratou na tacimu eratou sa tu e tuba, eratou mai qarai iko.³³A sa vosa vi ira, ka tukunia, O cei na jinaqu se ko iratou na taciqu? ³⁴A sa varaici ira era sa jiko vavolivoliti koya, ka tukunia, Raicia na jinaqu ki ira na taciqu! ³⁵o koya yadua ena muria na loma ni Kalou, sai koya ke na taciqu, se na ganequ, se na tinaqu.

4¹A sa caka voki o koya me vatavuvuli e matasawa: a sa lewe levu sara era sa soqoni vata vua, a sa vodokia kinia na waqa o koya, ka jiko sobu kinia mai wai; a ra sa tu kece liga na lewe levu mai matasawa. ²A sa levu na ka sa vavulici ira kinia o koya ena vosa vatautauvata, ka tukunia vi ira ena nonai vavuvuli:³Dou rogocia; Sa dua na dauvikaburaki sa laki kabukaburaki: ⁴a sa yaco, ni sa kabukaburaki lako, sa lutu eso ena tutu ni sala, a sa qai mai na manumanu vuka ka kania. ⁵A sa lutu eso ki na vanua vivatu, sa reva ni levu kina na qele; a sa tubu cake vatotolo sara, ni sa reva ni vavaku na kena qele;⁶ia ni sa cabe na siga, sa malai; ia ni sa reva na wakana, sa raqosa sara. ⁷A sa lutu eso ki na viwa-vavotona, a sa tubu cake na viwa-vavotona, ka varugujia, a sa reva kinia ni vua.⁸A sa lutu eso ki na vanua vinaka, a sa vuavuai vinaka ka tubu cake me levu; a sa vuai tolusagavulu eso, ka onosagavulu eso, ka drau eso. ⁹A sa tukunia vi ira o koya, O koya sa vadaligana me rogocia, me mani rogocia sara.¹⁰Ia ni sa jiko duadua liga o koya, era sa tarogi koya ena vosa vatautauvata ko ira na lewe tinikarua, ki ira era sa dau jiko vata kaya. ¹¹A sa tukunia vi ira o koya, Sa soli vi ikodou mo dou kila na ka vuni ni matanitu ni Kalou: ia vi ira liga etaudaku, sa tukunia na ka keceliga ena vosa vatautauvata; ¹²me ra raicia jiko, ka reva ni kila; ka me ra rogocia jiko, ka lecava tu; de dua na siga era saumaki mai kinia, ka me bokoci na nodrai valavala ca.¹³Sa tukunia vokiliga vi ira, Dou sa reva li ni kila na vosa vatautauvata ke? ia dou na kila rawa vaevei na vosa vatautauvata keceliga? ¹⁴Sa kaburakia na vosa na dauvikaburaki. ¹⁵Ia o ira ke era vaka na tutu ni sala, sa kaburaki kinia na vosa; ia ni ra sa rogocia oji, sa qai sara mai o Setani, a sa yadjia tani na vosa sa kaburakia e lomadra.¹⁶o ira vokiliga ke sa kaburaki ki na vanua vivatu: era rogocia na vosa, ka vabaujia sara ena reki; ¹⁷ia ka reva liga na wakana e lomadra, a ra sa tu dede valailai liga: ia ni sa tubu emuri na rarawa se na vivacacani ena vuku ni vosa, era sa tarabe sara.¹⁸Ia o ira ke sa kaburaki ki na viwa-vavotona: o ira ke era sa rogocia na vosa; ¹⁹ia na lomaocaoca ena vuku ni vuravura ke, ki nai yau e dauvivaisini, ki na daugadrevia na ka tani eso sa curu kinia ka varugujia na vosa, a sa reva kinia ni vua. ²⁰Ia o ira ke sa kaburaki ki na vanua vinaka: era sa rogocia na vosa, ka vabaujia, ka vua, sa vua i tolusagavulu eso, ka onosagavulu eso, ka drau eso.²¹Sa tukunia voki liga vi ira o koya, Sa dua beka na cina sa kau mai, me viritoka e ruku ni varau ni sila, se ruku ni mocemoce? e reva beka ni viritoka ena kenai tutu liga? ²²Ni sa reva na ka e tabogo, me na reva ni varairaitaki mai; se na ka sa vuni, me na reva ni vavotui. ²³Kevaka i dua e vadaligana me rogocia, me mani rogocia sara.²⁴Sa tukunia voki liga vi ira, Dou qarauni ikodou ena ka dou rogocia; ai varau dou na varautakia, ena varautaki voki liga vi ikodou: ena soli valevu voki liga vi ikodou. ²⁵Ni sa tu vua na tamata e dua na ka, ena qai soli vua; ia ke sa reva ni tu vua na tamata e dua na ka, ena qai yadji tani mai vua na ka sa tu vua.²⁶Sa tukunia vokiliga o koya, Sa tautauvata na matanitu ni Kalou, ki na tamata sa qai i kaburakia na sila ki na qele; ²⁷a sa moce ka tu cake, e na bogi ki na siga, a sa lavouvou na sila ka tubu cake, a sa reva ni kila o koya na kenai valavala. ²⁸Ni sa vua vai koya liga na qele; sa liu mada na buroro, sa taravia na sola, a sa qai muri na vuana e matua ena sola. ²⁹ia ni sa matua mai na vuana, sa qai vacurumia o koya nai sele takelo, ni sa cava na yabaki.³⁰A sa tukunia o koya, Tou na vatautauvatatakia na matanitu ni Kalou ki na cava? se cava na ka vaibalebale me da vatautauvatataka kinia? ³¹Sa va e dua na sore ni musita, o koya ni sa tei ena qele, sa lailai sobu vi ira keceliga na sore ni kau ena qele: ³²ia ni sa tei, sa tubu cake, a sa yaco me levu cake vi ira keceliga na kau lalai, a sa vatabana vaidina, a sa ro rawa na manumanu vuka ena kena rurugu.³³A sa levu na vosa vatautauvata va ke sa tukunia kinia o koya na vosa vi ira, me va era sa rogocia rawa. ³⁴A sa reva ni vosa waleliga vi ira, sa vosa vatautauvata jikoliga; a sa vatakila nai balebale ni ka keceliga vi ira na nona tisaipeli, ni ra sa jiko vai ira.³⁵Ia ena siga o ya, ni sa yakavi mai, sa tukunia vi ira o koya, Me da qai yani ki tai kadua. ³⁶Ia ni ra sa laivi ira mada na lewe levu, era sa qai yadji koya sara va o ya ena waqa. Ka so voki na waqa lalai era sa qai vata kaya. ³⁷A sa tubu e dua na cagi levu sara, a sa seva na waqa na biau, a sa qai luvu kinia.³⁸A sa jiko o koya ena mua emuri, a sa moce e nai lokoloko; a ra sa vayadrajia, ka tukunia vua, Vavuvuli, o sa wele beka liga ni da sa mate? ³⁹A sa tu cake o koya, ka vunaucia na cagi, a sa tukunia ki na wasawasa, Mo cegu, mo maravu mai. A sa ruru na cagi, a sa maravu levu mai.⁴⁰A sa tukunia vi ira o koya, Dou sa rere ena vuku ni cava? e vaevei ni sa reva na nomudou vabaujia? ⁴¹A ra sa rere valevu, a ra sa vitukuniyakia vai ira, O cei beka ke, ni sa talairawarawa vua na cagi ki na wasawasa

5¹Ra sa mani yaco yani i na tai ni drano kadua, i na nodra vanua na kai Katara. ²Ia ni sa sobu yani i vanua o Jisu, sa sota kaya sara i dua na tamata ka curumi koya jiko e dua na yalo velavela, sa qai mai na i bulubulu³na vanua e dau jiko voli kinia. E reva ni dua na tamata e vesukia rawa; na sinucodo mada liga qai reva ni yaga. ⁴Sa dau vesu wasoma o koya ena i vesu ni yava vataki na sinucodo, ia e qai dau gutugutulakia na sinucodo ka drutidrutilaka na i vesu ni yava, ka reva ni bau dua e tarovi koya rawa.⁵Sa dau qoqolou voli ena bogi vataki na siga ena viulunivanua vataki na i bulubulu, ka sa tavatavalakia na yagona ena vatu. ⁶Sa tu mai vayawa o koya ena gauna sa raici Jisu kinia; ka sa qai cici yani, ka tekiduru e matana,⁷ka sa kaci ena domo levu, “I Jisu, na Luve ni Kalou Cecere sara! A cava o nu sa vinakatakia vi au? Au sa kerei ikonu ena yaca ni Kalou, ni kakua ni vararawataki au!” ⁸(A sa tukunia vake balejia ni sa tukunia oji vua o Jisu, “Yalo velavela, mo qai ⁸tani mai vua na tamata ke”)⁹Sa qai tarogia o Jisu, “O cei na yacamu?” E a saumia o koya ka tukunia, “Na yacaqu o ‘Vavakoso’, ni kimamu sa lewe levu!” ¹⁰Sa qai vamasuji Jisu vagumatua o koya me kua ni vatalai ira tani na yalo velavela mai na vanua o ya.¹¹Ra a kakana voli ena yasa ni delana sa voleka e kea e dua na qele ni vuaka levu. ¹²Era sa qai vamasuji Jisu na yalo velavela, ka tukunia, “Ni vatalai kimamu vi ira na vuaka, me kimamu curumi ira.” ¹³Sa mani laivi ira ko Jisu me ra qai, ka ra sa qai yani na yalo velavela ka curumi ira na vuaka. Era sa qai ciciva sobu na baba ena yasa ni drano o ira na vuaka ka lutu kece ki na loma ni drano ka luvu kece sara liga. E raujia jiko ni 2,000 na kedra levu.¹⁴Ra sa qai dro na kedra i vatawa, ka la'ki tukunia na kena i tukutuku ki na koro, ki na vivanua era volekatia. Ra sa qai na tamata, me ra la'ki raicia na ka sa yaco e kea. ¹⁵Ra sa qai vi Jisu, ka raici koya ka a curumia tu e levu na yalo velavela ni sa dabe jiko e kea, sa vaisulu tu, ka sa tu vinaka na nona vakasama; ka ra sa rere sara.¹⁶Era sa qai tukunia vi ira na qai yani o ira ka a raicia na ka a yaco vua ka curumi tevoro ki na ka e baleji ira na vuaka. ¹⁷Ra sa mani kerei Jisu me qai tani mai na nodra vanua.¹⁸Ia ena gauna sa vodo kinia ki waqa o Jisu, a sa qai kerei koya na tamata ka a curumi yalo velavela, ka tukunia, “Au kerea me'u qai vata yani ki ikonu!” ¹⁹Ia, a sa reva ni vadonuya o Jisu. Sa qai tukunia liga vua, “Mo lesu voki ki na nomu vale vi ira na wekamu, ka tukunia vi ira na levu ni ka sa caka vi iko na Turaga, ki na levu ni nona yalololoma vi iko.” ²⁰Sa mani qai yani na tamata o ya ka tekivu vacurumia yani na Koro e jini, ka tukunia voli na vika sa caka vua o Jisu. Ra sa qoroqoro na tamata keceliga ra sa rogocia.²¹A sa lesu voki o Jisu ena waqa ki tai kadua ni drano. Era sa soqoni vata yani vua na lewe levu ena bati ni drano. ²²Sa qai qai yani vua o Jairo, e dua na i valesilesi ni valenilotu. Ni sa raici Jisu, sa qai bale sobu ki yavana ²³ka vamasuji koya vabibi, ka tukunia, “Na luvequ yalewa lailai sa tauvimate levu sara. Au kerea mo ni qai mada mai ka tabakia ena ligamunu ,me sereki tani kinia na nona tauvimate, ka bula!” ²⁴24E rau sa mani qai vata yani kei Jisu. Era sa salavata ki Jisu e lewe levu sara na tamata, ka ra sa vidrigidrigi kaya mai na viyasana keceliga.²⁵E jiko ena kedra maliwa e dua na yalewa, sa turudrabalavu ka sa yabaki jinikarua na kena dede. ²⁶Sa lewe levu na vuniwai era sa qaravi koya oji ka sa vayalia kinia na nona i yau, ia sa reva ni vinaka cake kinia na nona bula, ka sa toro sobu jikoliga. ²⁷A sa rogocia o koya na i tukutuku me baleti Jisu, ka sa qai qai mai kinia e tovuna ena kedra maliwa na lewe levu, ka tara na nona i sulu,²⁸ni sa kaya e lomana o koya, “Kevaka waleliga au tara na nona i sulu, au na bula.” ²⁹A sa tara na i sulu i Jisu, ka sa mudu sara vasauri na kena qai jiko na dra; ka sa kila sara e yagona ni sa vabulai mai na mate ca o ya.³⁰I na gauna vata o ya, sa kila e lomana o Jisu ni sa qai tani mai vua na kaukauwa, a sa qai vuki vi ira na lewe levu, ka tukunia, “O cei e tara na noqu i sulu?” ³¹E ratou sa qai tukunia vua na nona tisaipeli, “O ni sa raicia na nodra vidrigidrigi kei ikonu na tamata, a cava o ni qai tarogia voki kinia se o cei e tarai ikonu ?” ³²Ia sa viraiyaki voliliga o Jisu me raici koya ka a caka na ka o ya.³³Ia na yalewa, ni sa kila na ka sa yacovi koya, sa qai qai mai, ka sa sautaninini ena levu ni rere, ka bale sobu ki na yava i Jisu, ka tukunia vua na kena dina taucoko. ³⁴Sa qai tukunia vua o Jisu, “Na luvequ, sa vabulai iko na nomu vabaujia. Mo qai ena vacegu ka sereki mai na nomu leqa.”³⁵Ia ni sa vosa jikoliga o Jisu era sa qai mai eso mai na vale ni vailesilesi ni valenilotu, ka kaya, “Sa mate na luvemu; kua ni vaoga voki na i Vavuvuli.”³⁶Ia ni sa rogocia o Jisu na vosa era tukunia, sa tukunia sara vua na turaga ni vale ni lotu, Kakua ni yalo lailai, vadinajia liga. ³⁷A sa reva ni laiva e dua me muri koya, o iratou liga o Pita, ki Jemesa, ki Joni na taci i Jemesa. ³⁸A sa yaco o koya ki na vale ni turaga ni vale ni lotu, a sa raicia na nodra tagiyaso, era sa tagi ka qoqolou valevu.³⁹Ia ni sa curu yani o koya, sa tukunia sara vi ira, “Na cava o ni sa mamaue ka tagi jiko kinia? E reva ni mate na goneyalewa gona, e moce jikoliga!” ⁴⁰Era sa qai dredrevaki koya, ka sa qai vatalai ira kece kinia ki tautuba o koya. A sa yadji rau liga na i tubutubu ni gone vataki iratou na nona jisaipeli e tolu ka ratou curu ki na rumu sa davo koto kinia na gone.⁴¹Sa qai tauria na ligana, ka tukunia vua, “Talica, kumi!” (A kena i balebale, “Goneyalewa lailai, au sa tukunia vi iko mo tucake mai!”) ⁴²Ena gauna vata gona, a tucake sara kinia na goneyalewa ka tekivu viqaiyaki. (Sa yabaki tinikarua o koya.) Ni sa yaco na ka ke, era sa kurabui valevu sara kinia. ⁴³Ia sa varoti ratou matua ko Jisu me ratou kua sara ni tukunia voki vua e dua na vika sa yaco, ka sa qai tukunia, “Dou solia vua e dua na ka me kania.”

6¹Sa qai qai tani mai vanua gona o koya, ka qai i na nona vanua; sa muri koya o ira na nona tisaipeli. ²Ni sa yaco na siga ni vacecegu, sa vatekivu o koya me vatavuvuli i na vale ni lotu: ra le levu ni ra sa rogocia ra sa kurabui, ka tukunia, Sa rawa mai vei o koya na vika ke? se na vuku cava ke sa soli kinia vua, me sa caka kinia i na ligana na vika-mana vake? ³3sa reva li ni matai o koya ke, a luve i Meri, vata na tuaka i Jemesa, vata ki Josese, vata Juta, vata Saimoni? vata na ganena, ratou sa reva liga ni jiko vata ki keda? ra sa tarabe i na vukuna.⁴A sa tukunia vi ira o Jisu, Sa varokorokotaki na parofita i na vanua tani, i na nona vanua duadualiga e reva, se vi ira na kai nona, se i na nona vale. ⁵Sa reva ni caka rawa mai vanua gona e dua na cakacaka mana, sa tabaki ira la liga i na ligana e le vica sa tauvi-mate, sa vabula. ⁶Sa kurabui o koya i na vuku ni nodra reva ni vabaujia. Sa qai voli i na vikoro lalai, sa vatavuvuli.⁷Sa kacivi ira mai na le jinikarua o koya, sa vatekivu me talai ira me ra qai yarua; sa solia vi ira na kaukauwa me ra rawai ira na yalo velavela. ⁸Sa varojia vi ira me ra kua ni yadjia e dua na ka i na gau-ni-sala, na jitoko la liga; me kua na taga ni vaqa, se na madrai, se nai lavo i na taga: ⁹me ra vaivava i nai vava vatakele liga; me ra kua ni vaisulu i nai curucuru e rua.¹⁰Sa tukunia vi ira o koya, Ni dou sa curu ki na dua na vale i na dua na yasana, dou jiko liga kinia ka yacovia na nomudou qai tani mai na jikina gona. ¹¹O ira keceliga sa reva ni vacegui ikodou, se rogoci ikodou, ni dou sa qai tani i na yasana gona, dou kuretakia tani na kuvu ni soso mai na yavamudou, mei vatakilakila vi ira. Au sa tukunia vaidjina vi ikodou, Ena ca valailai o Sotoma vata ki Komora i na siga ni lewa, ena ca valevu na koro gona.¹²Ra sa qai yani, ka dauvunau me vivutuni na tamata. ¹³Sa le levu na tevoro ra sa vaseva tani; ra sa le levu sa tauvimate ra sa walia i na waiwai, sa vabula.¹⁴Sa rogocia o Eroti na tui; ni sa kuruvaki na yacana: a sa tukunia, Sa tu cake voki mai na mate o Joni na dauvipapitaiso; o koya liga sa caka kinia o koya na kaukauwa mana ke. ¹⁵Ra sa tukunia eso tani, ke o Ilaija. Ra sa tukunia eso tani, Sa dua na parofita, se sa va e dua vi ira na parofita.¹⁶Ni sa rogocia o Eroti, sa tukunia, o Joni liga ke, o koya au ma tamusukia na uluna; sa tucake voki mai na mate o koya. ¹⁷Ni sa talaki i liu o Eroti, me tauri Joni, me vesukia i na vale ni vivesu, i na vuku i Erotiasa na waji i Filipi na tacina; ni rau sa viwajini vata.¹⁸Ni sa tukunia vi Eroti o Joni, Sa reva ni tara mo drau viwajini vata ki na waji ni tacimu. ¹⁹Sa cati koya kinia o Erotiasa, sa vinakatakia me vamatea; ka reva ni rawajia: ²⁰ni sa rerevaki Joni o Eroti, ni sa kila sa tamata yalododonu ka yalosavasava sa varurugi koya; Ni sa rogocia o koya, sa levu na ka sa caka o koya, sa vinakatakia me rogoci koya.²¹Ni sa yaco e dua na siga sa yaga kinia, na siga ni sucu i Eroti, sa caka o koya na kedra magiti na matua ni vanua, vata ki na turaga ni valu, vata ki ira na qase ni Kalili; ²²ni sa curu na yalewa na luve i Erotiasa, me meke, sa vinakajia o Eroti vata ki ira ra sa kana vata jiko, sa qai tukunia na tui vua na goneyalewa, Kerea vi au na ka o sa vinakatakia, au na solia vi iko.²³Sa bubului vua, na ka o na kerea vi au, au na solia vi iko, keva au na wasea rua kinia na noqu matanitu. ²⁴Sa curu yani o koya, ka tarogi jinana, na cava meu kerea? Sa tukunia o koya, Na ulu i Joni na dauvipapitaiso. ²⁵Sa curu kusarawa voki vua na tui o koya, me masujia, ka tukunia, au sa vinakatakia mo ni solia mada mai vi au na ulu i Joni na dauvipapitaiso i na dua na dari.²⁶Sa rarawa valevu sara na tui; i na vuku ni nona bubului, vata ki na vukudra vokiliga ra sa jiko vata, sa reva ni via bureitakia vua. ²⁷Sa tala sara na tui e dua vi ira na sotia i vatawa, sa tukunia me yadji mai na uluna: sa qai ka musukia na uluna i na vale ni veivesu, ²⁸sa yadjia mai na uluna e i na dua na dari, ka solia vua na goneyalewa: sa solia na goneyalewa vi jinana. ²⁹Ni ra sa rogocia o iratou na nona tisaipeli, ratou sa qai mai ka yadjia na yagona, me ratou bulujia.³⁰Ra sa soqoni vata vi Jisu o ira nai apositolo, mera tukunia vua na ka keceliga, na ka era sa caka, vata ki na ka vokiliga ra sa vavuvulitakia. ³¹Sa tukunia vi ira o koya, Dou qai mai ka vajikijiki i na dua na vanua lala, mo dou vacegu mada valailai: ni ra sa le levu ra qai mai ka qai yani, ra sa reva kinia ni lalaga me ra kana. ³²Ra sa vodokaia na waqa, me qai vajikijiki tani i na dua na vanua lala.³³O ira na le levu ra sa raicia ni ra sa qai yani, ra sa le levu sa kilai ira, ra sa cici i na vanua mai na vikoro kece, sa siviji ira. ³⁴A sa qai mai o Jisu, me raici ira ra sa le levu sara, sa lomani ira, ni ra sa va na sipi sa reva na nodrai vatawa: sa vatekivu me vavulici ira i na ka e levu.³⁵Ni sa kala na siga, sa qai maivi koya o ira na nona tisaipeli, me tukunia, ke na vanua lala, sa kala na siga: ³⁶mo vatalai ira mada, me ra qai i na viyasana vata ki na veikoro lalai, sa vavolivoliti kita, me ra volia na kedra madrai: ni sa reva na ka vi ira me ra kania.³⁷Sa vosa o koya, me tukunia vi ira, Dou solia vi ira me ra kana. Ra sa qai tukunia vua, Me kitou qai volia beka na madrai, i na pene e rua na drau, me solia vi ira me ra kania? ³⁸38Sa tukunia vi ira o koya, E vica nai buli madrai sa tu vi ikodou? dou qai raicia. Ni ra kila, ra sa tukunia, E lima, vata e rua na ika.³⁹Sa tukunia o koya me ra jiko sobu keceliga vaivavakoso, i na co drokadroka. ⁴⁰Ra sa jiko sobu, ra sa yatuni, sa yayadrau se yayalimasagavulu. ⁴¹Ni sa tauria o koya nai buli madrai e lima vata na ika e rua, sa rai cake i lomalagi, me lotutakia, ka dovia na vibuli madrai, me solia vi ira na nona tisaipeli me ra taucia i matadra na tamata; sa vota o koya na ika e rua vi ira keceliga.⁴²Ra sa kana keceliga, ra sa mamau. ⁴³Ra sa tomitomikia vata na madrai sa vo, vata na ika vokiliga, sa jinikarua nai su sa sinai kinia. ⁴⁴Ko ira ra sa kania na vibuli madrai ra lewe lima beka na udolu na tagane.⁴⁵Sa qai varota sara o koya vi ira na nona tisaipeli me ra vodokia na waqa, me ra liu i tai kadua i Peciseita, me sa vatalai ira mada yani na lewe vuqa o koya. ⁴⁶Ni sa vatalai ira oji, sa qai o koya ki na ulu-ni-vanua, me masu. ⁴⁷Ni sa reavi mai, sa jiko na waqa i loma ni wai, a sa jiko duadualiga o koya i vanua.⁴⁸Sa raici ira ni ra sa oca na voce; ni sa cagi ca: ni sa yaco mada nai kava ni wase ni bogi, sa qai qai vi ira o koya, sa qai voli i dela ni wai; sa qai me vaka me sivi ira. ⁴⁹Ni ra sa raicia ni sa qai voli o koya i dela ni wai, ra sa nanumia sa dua na yalo, ra sa qoqolou: ⁵⁰ni ra sa raici koya keceliga, ra sa kidroa. Sa vosa sara vi ira o koya, me tukunia vi ira, Dou vacegu: sai au liga; dou kua ni rere.⁵¹Sa cabe vi ira ki waqa, sa ruru na cagi: ra sa reucala valevu sara i lomadra, sara kurabui: ⁵²ni ra sa reva ni vasamatakia na vibuli madrai; ni sa kaukauwa na lomadra.⁵³Ni ra sa qai ki tai kadua, ra sa yaco ki na nodra vanua na kai Kenisareti, ra sa udu ki matasawa. ⁵⁴Ni ra sa sobu mai waqa, ra sa kilai koya sara, ⁵⁵Ra cici ki na viyasana kece sa vavolivolijia, ra sa vatekivu me ra colaji ira i nai mocemoce ra sa tauvimate, ki na yasana ra rogocia sa jiko kinia o koya.⁵⁶I na yasana kece sa qai kinia o koya, se na vikoro lalai, se na vikoro lelevu, se vanua, ra sa vakotori ira sa tauvimate i na visala, me masuji koya me ra bau tara la liga na tutu ni nonai sulu: o ira keceliga sa tara, ra sa vabulai.

7¹Sa qai soqoni vata vua o ira na Farisi, ki na vunivola eso, era sa qai mai Jerusalemi.²Ia ni ra sa raicia na nona tisaipeli eso era kana ni sa dukadukali na ligadra, ka ni sa reva ni vuluvulu mada, era sa vakaucacataka. ³Ia o ira na Farisi, ki ira keceliga na kai Jutia, era sa reva ni kana ni ra sa reva ni vuluvulu vavinaka mada, ni ra sa vabaujia na nodrai vavuvuli na qase. ⁴Ia ni ra sa lesu voki mai na vivoli, era sa vuluvulu mada, a ra sa qai kana. A sa levu voki na ka tani era sa vabaujia me ra muria, na dere bilo ni gunu, ki na bilo i varau, ki na bilo parasa, ki nai jikojiko.⁵Sa qai tarogi koya o ira na Farisi, ki ira na vunivola, Ena cava era sa reva ni muria na nodrai vaavuvuli na qase o ira na nomu tisaipeli, ni ra sa kana ka reva mada ni vuluvulu?⁶A sa vosa o koya, ka tukunia vi ira, Sa tukuni ikodou vinaka eliu o Aisea, oi ikodou na dauvivaisini, me va sa volai, O ira na tamata ke, era sa varokorokotaki au ena belenigusudra, Ia na yalodra sa yawa tani vi au; ⁷A sa reva ni yaga na nodra masuji au, Ni ra sa vatavuvulitakia na vunau ni tamata mei vavuvuli.⁸Ni dou sa dainia tani na vunau ni Kalou, ka vabaujia nai vavuvuli ni tamata. ⁹A sa tukunia vi ira o koya, Sa dina sara ni dou dainia na vunau ni Kalou, mo dou vabaujia na nomudoui vavuvuli. ¹⁰Ni sa tukunia ko Mosese, Varokoroko vi rau na tamamu ki na jinamu; ia, o koya sa vosavacacatakia na tamana se na jinana, me sa vamatei.¹¹Ia dou sa tukunia, Keva sa dua na tamata ena tukunia vi tamana se jinana, Sa Koripani a kenai balebale, Sa tabu me nei koya na Kalou na noqu ka sa yaga vi iko; ¹²dou sa qai tarovia me kakua ni caka e dua na ka me yaga vua na tamana se na jinana: ¹³dou sa vatawayagatakia kinia na vunau ni Kalou ena nomudoui vavuvuli dou sa dauvatavulica: a sa levu na ka vake dou sa caka.¹⁴Ia ni sa kacivi ira keceliga mai na lewe levu o koya, sa tukunia vi ira, Dou rogoci au oi ikodou keceliga, ka mo dou kila: ¹⁵Sa reva na ka e taudaku ni tamata, ni sa curumia sa vadukadukalitakia rawa; ia na veika sa curu yani mai vua, gona liga sa vadukadukalitakia na tamata. ¹⁶Keva e dua na tamata sa vadaligana me rogocia, me mani rogocia sara.¹⁷Ia ni sa daini ira na lewe levu o koya, ka curu ki vale, sa tarogi koya o ira na nona tisaipeli ena vuku ni vosa vatautauvata. ¹⁸A sa tukunia vi ira o koya, Oi ikodou talega, dou sa reva ni kila rawa k, ne? Dou sa reva beka ni kila, na ka keceliga etaudaku sa curumia na tamata, sa reva ni vadukadukalitakia rawa; ¹⁹ni sa reva ni curu djina ki na yalona, ki ketena waleliga, a sa qai qai tani ki nai benubenu, a sa caka kinia me savasava na kakana keceliga?²⁰Sa tukunia vokiliga o koya, A ka sa curu yani mai na tamata, gona liga sa vadukadukalitakia na tamata. ²¹Ni sa curu yani mai loma, mai na yalodra na tamata, na nanumia ca, na dauyalewa, na daudara, na daulaba, ²²na daubutako, na daukocokoco, nai valavala ca, na dauvivaisini, na daugagano, na mata ca, na vosa vacaca, na viavialevu, na lialia: ²³a ka ca keceliga ke sa curu yani mai loma, a sa vadukadukalitakia na tamata.²⁴Sa qai cavu tu o koya, ka qai tani maikeri va ki na viyasana i Taia ki Saitoni, a sa curu ki na dua na vale, ka reva ni vinakajia me dua na tamata me kila: ia e reva ni vuni rawa o koya. ²⁵Ni sa dua na yalewa ka curumia na luvena sa goneyalewa e dua na yalo velavela, sa rogocia na kenai tukutuku, a sa qai mai ka cuva ki na yavana: ²⁶a yalewa mai na dua na matanitu tani, a yalewa ni Sairo-finisia; a sa masuji koya me vaseva tani na tevoro mai na luvena-yalewa.²⁷A sa tukunia vua o Jisu, Me ra mamau mada o ira na gone; ni sa reva ni vinaka me kau na kedra na gone, ka dainia vi ira na koli. ²⁸A sa vosa na yalewa, ka tukunia vua, E dina liga, Turaga; ia o ira na koli e ruku ni tepeli era kania na meme ni kedra na gone.²⁹Sa qai tukunia vua o koya, ena vuku ni vosa ke, mo qai liga; sa qai tani mai na luvemu-yalewa na tevoro. ³⁰Ia ni sa yaco ki nona vale, sa raicia ni sa qai tani na tevoro, a sa davo e nai mocemoce na luvena-yalewa.³¹A sa lesu voki o koya mai na viyasana i Taia ki Saitoni, a sa qai e loma ni vanua va-Tikapoli, ki na wai mai Kalili. ³²A ra sa yadjia mai vi koya e dua sa djidjivara, a sa kaka; a ra sa masuji koya me tabakia ena ligana.³³A sa yadji koya vajikijiki maivi ira na lewe levu, a sa daramakia na nonai qaqalo ki na daligana ruarua ni tamata, ka kasu, ka tara na yamena; ³⁴34sa qai ta cake ki lomalagi, ka vutugu, ka tukunia vua, Efaca, a kenai balebale, Mo rogo mada. ³⁵A sa qai rogo na daligana ruarua, a sa sereki na wa ni yamena, ka sa vosa macala mai.³⁶Sa qai varojia vi ira ko koya, me ra kakua ni tukunia vua e dua na tamata: ia ni sa varojia valevu vi ira o koya, era sa dautukunia valevu sara kinia; ³⁷ka sa kurabui valevu sara o ira, ka tukunia, Sa caka vavinaka na ka keceliga o koya; sa cakaji ira na djidjivara me ra rogo, ki ira vokiliga na galu me ra vosa.

8¹l na gauna gona ni ra sa lewe levu sara, ka reva na kedra, sa kacivi ira mai na nona tisaipeli o Jisu, ka tukunia vi ira, ²Au sa lomani ira na lewe levu, ni sa qai bogi tolu ra sa jiko liga vi au, sa reva na kedra; ³keva au vatalai ira tani i na nodra vivale ka ra reva mada ni kana, ra na malumalumu i gau-ni-sala; ni sa so vi ira ra sa qai vayawa mai. ⁴Sa qai tukunia vua o ira na nona tisaipeli, Ena rawa maivei na madrai me ra mamau kinia o ira i na lekutu ke?⁵A sa tarogi ira o koya, E vica nai buli madrai sa tu vi ikodou? A ra sa tukunia, E vitu. ⁶Sa tukunia o koya vi ira na lewe levu me ra jiko sobu i na qele; sa tauria nai buli madrai e vitu, ka vavinavinaka, sa dovia, ka solia vi ira na tisaipeli me ra taucia i matadra; a ra sa taucia i matadra na lewe levu.⁷E vica vokiliga na ika lalai sa tu vi ira; sa lotutakia o koya, ka tukunia me ra taucia i matadra. ⁸Ra sa kana, ra sa mamau; ra sa tomitomikia na vo ni ka sa dovi, sa vitu na sova sa sinai kinia. ⁹Ia o ira era sa kana ra sa lewe va beka na udolu: sa qai vatalai ira yani o koya. ¹⁰Sa vodokia sara na waqa o koya vata ki ira na nona tisaipeli, ka qai i na yasayasa va-Talimanuca¹¹Sa ra qai mai o ira na Farisi, ka vatekivu me ra vileti , ra sa tarogia vua e dua nai vatakilakila mai lomalagi, ra vatovolei koya. ¹²Sa vutugu sara o koya i na vu ni yalona, ka tukunia, A cava ra sa vasaqara kinia e dua nai vatakilakila o ira na tabatamata ke? au ma tukunia vakaidjina vi ikodou, Ena reva sara ni soli e dua na vatakilakila i nai tabatamata ke. ¹³Sa daini ira, ka vodokia voki na waqa, sa qai yani ki tai kadua.¹⁴Era sa nanulevajia me ra yadjia na madrai, sa reva liga ni tu vi ira i na waqa, e dua la liga nai buli. ¹⁵Sa vakarojia vi ira o koya, ka tukinia, Dou raica, dou qarauni ikodou mai na nodra leveni na Farisi, vata na leveni nei Eroti.¹⁶Ra sa qai veivosakitakia va i ira, ka tukunia, Sa ka beka ni sa reva vi kita na madrai. ¹⁷Ni sa kila o Jisu, sa tukunia vi ira, A cava dou sa veivosaki kinia, ni reva vi ikodou na madrai? dou sa reva beka ni kila rawa, se vakasama? sa kaukauwa jiko beka na yalomudou?¹⁸dou sa vamatana, ka reva beka ni rai rawa? ka vadaligana, ka reva beka ni rogocia rawa? se dou sa reva beka ni nanumia? ¹⁹Niu ma dovia nai buli madrai e lima vi ira na lewe lima na udolu, e vica nai su dou ma vatawa i na kena vo? Ra sa tukunia, E jinikarua²⁰20Ni sa vitu vi ira na lewe va na udolu, e vica na sova dou ma vakatawnia i na kena vo? Ra sa tukunia, E vitu. ²¹Sa tukunia vi ira o koya, E vaevei ni dou sa reva ni kila rawa?²²Ra sa yaco i Peciseita. Ra sa yadjia mai vi koya e dua na mataboko, ra sa masuji koya me tara. ²³Sa tauria na liga ni mataboko o koya, ka tuberia i nai bili ni koro; ni sa qai kasivija na matana ruarua, ka tabakia i na ligana, sa tarogia se sa raicia e dua na ka se reva.²⁴Sa rai cake, ka tukunia, Au sa raicia na tamata ra vaka na kau, ra sa qai voli. ²⁵Sa tabakia voki na matana o koya i na ligana, ka tukunia, me rai cake: sa qai vabulai sara, sa raicia vavinaka na ka keceliga. ²⁶Sa vatalai koya o koya i na nona vale, ka tukunia, Kua ni ko qai voki i na koro.²⁷Sa qai yani o Jisu, vata ira na nona tisaipeli, i na vikoro vata ki Sisaria-Filipai: sa tarogi ira na nona tisaipeli i na gau-ni-sala, ka tukunia vi ira, Ra sa tukunia na tamata se o cei o au? ²⁸Ra sa tukunia, o Joni na dauvipapitaiso: e so, o Ilaija: ka so voki, E dua vi ira na parofita.²⁹Sa tukunia vi ira, dou sa tukunia se o cei o au? Sa qai vosa o Pita, ka tukunia, oi ikonu na Karisito. ³⁰Sa varoji ira matua me ra kua ni tukunia vua e dua.³¹Sa vatekivu me vavulici ira, ni sa kilikili vua na Luve ni tamata me vosojia na ka e levu, me ra daini koya vokiliga o ira na matua, vata ki ira na bete levu, vata ki ira na vunivola, ka me vamatei, ka qai tucake-i na i katolu ni siga. ³²Sa tukunia vamacala na vosa gona o koya. Sa yadjia koya o Pita, sa vatekivu me vunaucia.³³Ni sa vuki mai o koya, sa varaici ira na nona tisaipeli, sa vunauci Pita, ka tukunia, qai tani ki dakuqu, Setani; ni o sa reva ni vananumia na ka ni Kalou, na ka liga ni tamata. ³⁴Ni sa qai kacivi ira mai na le levu vata ki ira vokiliga na nona tisaipeli, sa tukunia vi ira, O koya yadua sa via muri au, me kua ni muria na lomana, me cola liga na nona kauveilatai, ka muri au.³⁵O koya duadua liga sa via maroroya na nona bula, ena vayalia; o koya duadua ena vayalia na nona bula i na vukuqu vata nai tukutuku-vinaka, ena maroroya. ³⁶Ka cava na kena yaga vua na tamata, keva e rawaji vuravura kece, ka vayalia na yalona? ³⁷se cava ena solia na tamata mei sau ni yalona?³⁸O koya ena maduataki au vata na noqu vosa i nai tabatamata ke ka dauyalewa ka ca; ena maduataki koya na Luve ni tamata, ni sa qai mai o koya i nai ukuuku nei Tamana vata ki ira vata kaya na agilose yalosavasava.

9¹Sa tukinia vokilga vi ira o koya, au sa tukunia vaidjina vi ikodou, Sa tu i vanua eso, ra na reva sara ni mate, ra na raicia mada na matanitu ni Kalou ni sa yaco vakaukauwa mai. ²Sa bogi ono, sa qai yadji Pita, vata ki Jemesa, vata ki Joni, o Jisu, sa yadji ratou vajikijiki i na dua na ulu-ni-vanua cecere, o ratou vai ratou liga; a sa matalia na yagona i matadratou. ³Sa lumilumisa mai na nonai sulu, sa vulavula sara me va na uca-vulavula; sa reva na dausavai sulu e vuravura e vavulavulatakia rawa me vagona.⁴Sa rairai vi ratou o Ilaija vata ki Mosese: ratou sa vivosaki vata kiJisu. ⁵Sa vosa o Pita, ka tukunia vi Jisu, Vavuvuli, sa vinaka na nodatou jiko i vanua; me kitou tara mada na vale vacevaceva e tolu: e dua me nomunu, e dua me ni Mosese, e dua me ni Ilaija. ⁶Ni ma reva ni kila na ka me; tukunia ni ratou sa rere valevu.⁷Sa dua na o sa varurugi ratou: sa dua na vosa sa qai mai na o, sa tukunia, Ke na noqu Gone ni toko: dou rogoci koya. ⁸Ratou sa viraiyaki vasauri, sa reva na tamata tani eratou sa raicia, o Jisu duadua liga.⁹Ni ratou sa qai sobu jiko mai na ulu-ni-vanua, sa varojia o koya vi ratou me ratou kua ni tukunia vua e dua na ka ratou a raicia, ka malua me tu cake voki mai na mate na Luve ni tamata. ¹⁰A ratou sa vunia na vosa gona me tu liga vi ratou, ratou sa vitarogi, se cava beka na tu cake voki mai na mate.¹¹11A ratou sa tarogia, ka tukuniya, ra kaya e na cava o ira na vunivola ni sa dodonu me liu mada mai o Ilaija? ¹²12Sa vosa o koya, ka tukunia vi iratou, Sa qai djina mai ko Ilaija, me vukica na ka kece me vinaka voki; ka vaevei na ka sa volai kinia na Luve ni tamata, ni sa dodonu me vosojia o koya na ka levu, ka me valialiai? ¹³13Au sa tukunia vi ikodou, Sa tadu djina mai o Ilaija, ra sa caka vua na ka keceliga ra sa vinakatakia, me va na ka sa volai i na vukuna.¹⁴Ni sa yaco o koya vi ratou na tisaipeli, sa raicia ra sa le levu sara sa voliti ratou, vata ki ira na vunivola eso ra sa vileji vata ki ratou. ¹⁵O ira kece na le levu, ni ra sa raicia , ra sa kurabui sara, ra sa cici mai ka vikidavaki vata ki koya. ¹⁶Sa tarogi ira na vunivola o koya, na cava dou vileji kinia vata ki iratou?¹⁷E dua vi ira na lewe levu sa vosa, ka tukunia, Vavuvuli, au sa yadjia mai vi ikonu na luvequ-tagane, sa curumi koya e dua na yalo galu; ¹⁸I na yasana keceliga sa tauvia kinia, sa waburaka: sa qai busebuse kasivi o koya, ka vasequruquru bati, sa ciba yani: au ma vosa vi ratou na nomunu tisaipeli me ratou vaseva tani; ratou sa reva ni rawa. ¹⁹Sa qai vosa o koya, ka tukunia, Ai tabatamata reva ni vabaujia! na cava na kena dede meu jiko vata ki ikodou? na cava na kena dede meu vosoti ikodou? yadji koya mai vi au.²⁰Ra sa yadjia mai vi koya: ni sa raici koya o koya, sa bitabitalaka sara na yalo; a sa bale ki na soso o koya, ka vatatoqitoqi sa tuburaki vuso. ²¹Sa tarogia na tamana o koya, Sa vaevei na kena dede ni sa tauvi koya na ka ke? sa tukunia, Ni sa gone liga: ²²sa daini koya valevu i na bukawaqa, i na wai vokiliga, me vamatea; keva o ni sa rawa e dua na ka, mo ni lomani kirau mai, ka vukei kirau.²³Sa qai tukunia vua o Jisu, Keva o sa vabaujia rawa, sa rawarawa na ka keceliga vua sa vabaujia. ²⁴qai tabalakia vasauri na domona na tama ni gone, ka tukunia, ka vawai na matana, Ikonu na Turaga, au sa vabaujia; vukea na noqu reva ni vabaujia. ²⁵Ni sa raicia o Jisu ra sa cici vata mai na le levu, sa vunaucia na yalo velavela, ka tukunia vua, na yalo galu ka djidjivara, au sa varojia vi iko, mo qai tani mai vua, ka mo kakua ni curumia voki.²⁶Sa qoqolou, ka bitabitalaka valevu, sa qai qai tani; sa va e dua sa mate o koya; ra sa tukunia kinia na le levu, Sa mate o koya. ²⁷Sa tauria na ligana o Jisu, ka vaduria cake; sa qai tu cake mai.²⁸Ni sa curu i vale o koya, sa tarogi koya lo o ira na nona tisaipeli, i na vuku ni cava kitou sa reva ni vasevi koya tani rawa kinia? ²⁹Sa tukunia vi ira o koya, O ira vake ra sa reva ni vasevi tani wale, sa rawa liga i na daumasu.³⁰Sara qai tani mai kiniai, ka qai voli i Kalili; a sa reva ni vinakatakia o koya me dua na tamata me kila. ³¹Ni sa vavulici ira na nona tisaipeli o koya, ka tukunia vi ira, sa voleka na nona soli yani na Luve ni tamata i na ligadra na tamata, ra na vamatea; ni sa vamatei, ena qai tu cake voki mai i nai katolu ni siga. ³²Ra sa reva ni kila nai balebale ni vosa gona, ra sa rere ni tarogi koya.³³Ra sa qai yaco i Kapenaumi; ni sa curu i vale sa tarogi ira, A cava dou sa vileji kinia i na gau-ni-sala? ³⁴Ra sa vagagalu liga: ni ra vileji vai ira i na gau-ni-sala, se o cei sa levu cake vi ira. ³⁵Sa jiko sobu o koya, ka kacivi ira na lewe jinikarua, ka tukunia vi ira, Keva e dua sa via liu, ena muri sara, ka na qaravi ikodou vokiliga.³⁶A sa yadjia e dua na gone lailai, ka vatura i na kedra maliwa: ni sa keveta, sa tukunia vi ira, ³⁷O koya yadua ena vinakatakia e dua na gone lailai vake i na vuku ni yacaqu, sa vinakaji au; o koya yadua sa vinakaji au, sa reva ni vinakaji au liga, sa vinakaji koya vokiliga sa talai au mai.³⁸Sa qai vosa vua o Joni, ka tukunia, Vavuvuli, kitou ma raicia e dua sa vaseva tani na tevoro eso i na yacamuni, ia ka reva ni muri kita o koya: ka kitou sa tarovia, ni sa reva ni muri kita. ³⁹Sa tukunia o Jisu, kua ni tarovia, ni sa reva e dua sa caka e dua na cakacaka-mana i na yacaqu, me qai vosacataki au rawa.⁴⁰Ni sa nodai to o koya sa reva ni noda meca. ⁴¹O koya yadua ena solia vi ikodou e dua na bilo wai mo dou somia, ni dou sai tokani i Karisito, au sa tukunia vaidjina vi ikodou, ena reva ni yali vi koya na kenai sau.⁴²Ia o koya yadua ena vacala e dua vi ira na lalai ke era sa vabauji au, sa vinaka cake vua keva sa varubeci i domona e dua na vatu i qaqi, ka qai biu ki loma ni wasaliwa. ⁴³Ia keva sa vacalai iko na ligamu, mudukia tani: sa vinaka vi iko mo curu ki na bula ka liga dua, ka ca me rua na ligamu ka mo qai i eli, ki na bukawaqa e reva ni bokoci rawa: ⁴⁴sa reva ni mate kinia na nodra baca, sa reva ni bokoci kinia na bukawaqa.⁴⁵Keva sa vacalai iko na yavamu, muduka tani: sa vinaka vi iko mo curu ki na bula ka yava dua, ka ca me rua na yavamu ka mo biu ki eli, ki na bukawaqa e reva ni bokoci rawa: ⁴⁶sa reva ni mate kinia na nodra baca, sa reva ni bokoci kinia na bukawaqa.⁴⁷Keva sa vacalai iko na matamu, vecuka tani: sa vinaka vi iko mo curu ki na matanitu ni Kalou ka dua la liga na matamu, e ca me rua na matamu ka mo biu i eli sa waqa kinia na buka: ⁴⁸sa reva ni mate kinia na nodra baca, sa reva ni bokoci kinia na bukawaqa.⁴⁹Ni na vakamasimatakia o koya duadua i na bukawaqa, e na vakamasimatakia nai madrali kece i na masima. ⁵⁰E ka vinaka na masima: ia kevaka sa takali mai na masima na kena tuituina, ena vatuituinatakia voki i na cava? Me tu liga i na lomamudou na masima, dou vilomani vokiliga vai ikodou.

10¹1Sa cavu tu maikea o koya, ka qai i na yasayasa va-Jutia mai na tai kadua ni Joritani: ra sa lewe levu sa soqoni vata voki vua; sa vavulici ira voki o koya, me va na nonai valavala. ²Sa qai maivei koya o ira na Farisi, ka tarogia, E tara vua na tagane me dainia na watina, se reva? balejia ni ra sa vatovolei koya. ³Sa vosa o koya, ka tukunia vi ira, A cava sa vakarota vi ikodou o Mosese? ⁴Sara qai tukunia, Sa vosojia liga o Mosese me vola nai vola ni vibiu, me qai dainia tani.⁵Sa qai vosa o Jisu, ka tukunia vi ira, i na vuku ni nomudou lomakaukauwa sa vola vi ikodou o koya na vunau ke. ⁶6 nai vatekivu ni ka sa buli, sa buli rau na Kalou me dua na tagane ka dua na yalewa.⁷I na vuku ni ka ke ena daini tamana vata ki tinana na tagane, ka kabita na watina; ⁸oi rau erau na lewe dua: rau sa reva ni lewe rua jiko, rau lewe dua liga. ⁹Na ka sa vaucia vata na Kalou, me kua ni tawasea na tamata.¹⁰Balejia mai vale ra tarogi koya voki na nona tisaipeli i na ka gona. ¹¹Sa tukunia vi ira o koya, O koya yadua sa dainia na wajina, me qai viwajini vata ki na dua tani, sa dauyalewa. ¹²Keva sa dainia na wajina na yalewa, me qai veiwajini vata ki na dua tani, sa dautagane.¹³Ra sa yadjia mai vua eso na gone lalai, me tarai ira o koya: sa vunauci ira era ma yadjia mai o ira na tisaipeli. ¹⁴Ni sa raicia o Jisu, sa cudru sara, sa tukunia vi ira, Dou daini ira na gone lalai me ra qai mai vi au, ka mo dou kua ni tarovi ira: ni sa vataki ira na lewe ni matanitu ni Kalou:¹⁵au sa tukunia vaidjina vi ikodou, O koya ena reva ni vabaujia na matanitu ni Kalou. ¹⁶Sa keveti ira, ka tabaki ira i na ligana, ka vosavakalougatataki ira.¹⁷Ni sa qai yani o koya i gau-ni-sala, sa cici mai e dua, mai tekiduru vua, ka tarogi koya, Vavuvuli vinaka, na cava meu caka meu rawa kinia na bula reva ni mudu? ¹⁸Sa tukunia vua o Jisu, O sa vatokai au meu vinaka i na vuku ni cava? sa reva e dua tani e vinaka, na Kalou dua la liga. ¹⁹O sa kila na vunau, kua ni caka na vibutakoci, kua ni laba, kua ni butako, kua ni vibeitaki vailasu, kua ni kovekove, varokoroko vi rau na tamamu vata ki na jinamu.²⁰Sa qai vosa o koya, me tukunia vua, vavuvuli, na ka keceliga ke au sa vabaujia ni au se gone ka yacovia mai na siga ke. ²¹Sa varaici koya o Jisu, sa lomania, sa tukunia vua, E dua na ka sa teva vi iko: mo qai, mo volitakia na ka keceliga sa tu vi iko, qai solia vi ira sa dravudravua, o na qai vaiyau mai lomalagi: mo qai mai, ka muri au. ²²Sa vaveveku mata i na vuku ni vosa gona, sa qai tani sa rarawa na lomana; ni sa levu na nonai yau.²³Sa viraiyaki o Jisu, a sa tukunia vi ira na nona tisaipeli, E dredre sara vi ira sa vutuniyau me curu i na matanitu ni Kalou! ²⁴Ra sa reucala o ira na tisaipeli i na nona vosa. Sa qai vosa voki o Jisu, ka tukunia vi ira, Ragone, e dredre sara vi ira era sa vararavi i nai yau me curu i na matanitu ni Kalou! ²⁵Sa rawarawa me curumia na mata ni cula na kameli, sa dredre vua na tamata vutuniyau me curu i na matanitu ni Kalou.²⁶A ra sa reucala valevu sara, ka tukunia vua, o cei ena qai vabulai rawa? ²⁷Sa varaici ira o Jisu, ka tukunia, Sa dredre sara vi ira na tamata, ia ka reva liga vua na Kalou; ni sa rawarawa vua na Kalou na ka keceliga. ²⁸Sa qai vatekivu o Pita me tukunia vua, ni raicia, kitou sa dainia na ka kece, ka muri ikonu.²⁹Sa qai vosa o Jisu, me tukunia, au sa tukunia vaidjina vi ikodou, Sa reva e dua na tamata sa dainia na vale, se na vitacini, se na ganena, se na tamana, se na tinana, se na luvena, se na vanua, i na vukuqu, vata i na vuku ni tukutuku-vinaka, ³⁰me qai reva ni saumi, ena rawajia yadrau i na bula ke, na vivale, vata na vitacini, vata na ganena, vata na tinana, vata na luvena, vata na vanua, vata na vivacacani vokiliga; i na gauna maimuri, na bula reva ni mudu. ³¹Era lewe levu sa liu ra na muri; vata ki ira vokiliga sa muri ra na liu.³²Ra sa qai liga i na salatu ni ra sa qai i Jerusalemi; sa liutaki ira o Jisu: ra sa reucala, ka ni ra sa muri voli, ra sa rere. A sa yadji ira voki na le tinikarua, ka vatekivu me tukunia vi ira na ka ena yaco vua, ³³ka tukunia, raicia, da sa qai cake i Jerusalemi; sa na soli yani na Luve ni tamata vi ira na bete levu, vata ki ira na vunivola; ra na lewai koya me mate, ra na soli koya vi ira na vimatanitu tani: ³⁴ra na valialiai koya, ka vakanakuitataki koya, ra kasuvia, ka vamatea: ena qai tu cake voki mai o koya i nai katolu ni siga.³⁵Sa qai mai vua o Jemesa vata ki Joni, oi rau na luve i Sepete, me rau tukunia, vavuvuli, kirau sa vinakatakia mo ni caka vi kirau na ka kirau na kerea. ³⁶Sa tuunia vi rau o koya, A cava drau sa vinakatakia meu caka vi kodrau? ³⁷A rau sa tukunia vua, ni solia vi kirau, me kirau jiko i na nomunu i ukuuku, e dua i na ligamunu i matau, ka dua i na ligamunu i mawi.³⁸Sa qai tukunia vi rau o Jisu, Drau sa reva ni kila na ka drau sa kerea: drau sa rawa beka mo drau somia na bilo au ma somia? ka mo drau papitaisotaki i na paitaiso au ma papitaisotaki kinia? ³⁹Rau sa tukunia vua, Kirau sa rawajia. Sa qai tukunia vi rau o Jisu, Drau na somia djina na bilo au na somia; drau na papitaisotaki vokiliga i na papitaiso au na papitaisotaki kinia: ⁴⁰ia me jiko i na ligaqu i matau vata na ligaqu i mawi sa reva ni noqu meu solia vailoa, vi ira liga sa varautakia me nodra.⁴¹Ni sa rogocia o ira na lewe tini, ra sa cudru sara vi Jemesa vata vi Joni. ⁴²Sa kacivi ira mai o Jisu, me tukunia vi ira, dou sa kila, ni ra ma lewai ira na vimatanitu o ira ra sa kainaki me nodra turaga; sa vitalia vi ira o ira na nodra qaqa.⁴³Sa reva ni vakinia vi ikodou; ena nomudou tamata liga o koya vi ikodou sa viavialevu; ⁴⁴ka na nomudou tamata wale o koya vi ikodou sa viaviaturaga. ⁴⁵Ni sa reva ni qai mai na Luve ni tamata me qaravi, me dauviqaravi liga, me solia na nona bula me kedrai voli e lewe levu.⁴⁶Ra sa yaco i Jeriko: ni ra sa qai tani i Jeriko o koya vata ki ira na nona tisaipeli vata ki ira e lewe levu sara, sa jiko i na tutu-ni-sala me kerekere o Patimeo na mataboko, na luve i Timeo. ⁴⁷Ni sa rogocia o koya ni sai Jisu na kai Nasareci, sa vatekivu me kaci, ka tukunia, I Jisu, na Luve i Tevita, ni lomani au mai. ⁴⁸Ra sa le levu ra vunauci koya me jiko lo: sa qai kaci valevu cake kinia o koya, Na Luve i Tevita, ni lomani au mai.⁴⁹Sa qai tu vadua o Jisu, me tukunia me kacivi mai. Ra sa qai kacivia na tamata mataboko, ra sa tukunia vua, Mo vacegu, tu cake; sa kacivi iko o koya. ⁵⁰Sa dainia na nonai tutuvi o koya, sa tu cake, ka qai vi Jisu.⁵¹Sa vosa o Jisu, me tukunia vua, na cava o sa vinakatakia meu caka vi iko? Sa tukunia vua na tamata mataboko, Ikonu na Turaga, meu rai rawa. ⁵²Sa tukunia vua o Jisu, Mo qai liga; sa vabulai iko na nomu vabaujia. Sa rai rawa sara o koya, sa muri Jisu

11¹Ni ra sa toro voleka i Jerusalemi, ki Pecifaki vata ki Pecani, i na ulu-ni-vanua ni violive, sa tala o koya e le rua na nona tisaipeli, ²sa tukunia vi rau, drau qai i na koro lailai sa donui korau: ni drau sa curu kinia, drau na raicia sara e dua na luve ni asa sa vesu tu, sa reva ni vodokia e dua na tamata; drau serekia, ka yadjia mai. ³Keva sa dua e tukunia vi kodrau, drau sa caka na ka ke i na vuku ni cava? drau tukunia sa yaga vua na Turaga; ena qai talai koya sara mai vanua ke.⁴Rau sa qai, ka raicia na luve ni asa, sa vesu tu i na mata ni darava i na tikina sa sota vata kinia e rua na sala; rau sa serekia. 5 ⁵Ka so vi ira era sa tu kinia, ra sa tukunia vi rau, na cava drau sa serekia kinia na luve ni asa? ⁶A rau sa tukunia vi ira me va ka varojia o Jisu: ra sa qai daini rau me qai.⁷Rau sa yadjia na luve ni asa vi Jisu, ka tevukia kinia na nodraui sulu, sa vodokia o koya, ⁸sa lewe levu ra sa tevukia na nodrai sulu i na gaunisala: ka so vokiliga ra tamusukia eso na taba ni kau, ka dainia i na gaunisala. ⁹Ko ira sa liu, vata ki ira sa muri, ra sa kaci, ka tukunia, Osana! sa kalougata o koya sa qai mai i na yaca ni Turaga! ¹⁰sa kalougata na matanitu ni Tevita na noda qase, o koya sa yaco mai! Osana i colo sara!¹¹Sa curu o koya i Jerusalemi, i na vale ni soro vokiliga: ni sa varaicia voli na ka keceliga, sa qai reavi mai, sa qai yani o koya i Pecani, vata ki ira na lewe tinikarua. ¹²Ni se bogi jiko liga, ni ra sa qai mai Pecani, sa viakana o koya:¹³ni sa raicia vayawa e dua na vu ni lolo sa vadrauna, sa qai, de raicia kinia e dua na ka: ni sa yaco kinia, sa reva ni raicia e dua na ka, na drauna la liga; ni sa reva ni yaco na vula i lolo. ¹⁴Sa vosa o Jisu, ka tukunia kinia, me kua na vuamu e kani emuri ka reva ni mudu. Ra sa rogocia na nona tisaipeli.¹⁵Sa yaco i Jerusalemi: sa curu i na vale ni soro o Jisu, sa vatekivu me vasevi ira tani kinia ra sa vivoli i na vale ni soro; sa vukicia vokilga na nodra teveli ra sa veisau i lavo, vata na nodra vijikojiko ra volitaki ruve; ¹⁶sa reva ni dainia e dua me cola e dua na ka ina loma ni vale ni soro.¹⁷Sa vavulici ira, ka tukunia, Sa reva liga ni volai, A noqu vale ena vatokai me nodra vale ni masu, na vimatanitu keceliga? dou sa caka me nodra qara na daubutako. ¹⁸Ra sa rogocia o ira na vunivola vata ki ira na bete levu, ra sa saga me ra vamatei koya: ni ra sa rerevakia, ni ra sa kurabui ko ira keceliga na lewe levu i na nonai vavuvuli. ¹⁹I na reavi, sa qai tani i na koro o koya²⁰I na savulaci, ni ra sa qai voli, ra sa raicia sa malai sara mai na wakana na vu ni lolo. ²¹Ni sa nanumia o Pita sa tukunia vi koya, vavuvuli, raicia, na lolo o sa lewa me ca sa malai sara.²²A sa tukunia vi ira o Jisu, Dou vadjinajia na Kalou. ²³Niu sa tukunia vaidjina vi ikodou, Keva sa dua e tukunia i na ulu-ni-vanua ke, mo cavu tani, ka dai i na wasaliwa, ka reva ni vajijiqa na yalona, sa vadjinajia liga ni na yaco na ka sa tukunia; ena rawa na ka keceliga sa tukunia o koya.²⁴O koya ke au ma tukunia kinia vi ikodou, na ka keceliga dou sa kerea, ni dou sa masu, dou vadjinajia ni dou sa rawa, ena qai nomudou liga. ²⁵Ni dou sa tu me masu, kua ni cudruvi koya sa cala vi ikodou; me kua liga ni cudruvi ikodou i na vuku ni nomudoui valavala ca na Tamamudou sa jiko mai lomalagi. ²⁶Ia keva dou sa cudruvia liga, ena reva vokiliga ni bokocia na nomudoui valavala ca na Tamamudou sa tiko mai lomalagi²⁷Ra sa qai voki mai i Jerusalemi: ni sa qai voli o koya i na vale ni soro, sa qai mai vua o ira na bete levu, vata ki ira na vunivola, vata ki ira na matua, ²⁸ra sa tukunia vua, o sa lesi maivi mo caka na vika ke? o cei sa solia vi iko nai lesilesi ke mo caka kinia na vika ke?²⁹Sa vosa o Jisu, ka tukunia vi ira, Au na tarogi ikonu vokiliga i na dua na ka, raicia dou tukunia vi au; au na qai tukunia vokiliga vi ikodou se au ma lesi maivei meu caka na vika ke: ³⁰Na papitaiso i Joni, sa ka mai lomalagi, se ka liga mai na tamata? tukunia mai vi au.³¹Ra sa vivosakitakia vai ira, ka tukunia, Keva eda na tukunia, Sa vu mai lomalagi; ena qai tukunia o koya, dou a reva ni vadjinajia koya i na vuku ni cava? ³²Ia keva eda na tukunia, sa vu mai na tamata; ra sa rerevaki ira na tamata; ni ra sa vasama keceliga sa parofita djina o Joni. ³³Ra sa vosa, ka tukunia vi Jisu, Kitou sa reva ni kila. Sa qai vosa o Jisu, me tukunia vi ira, Au na reva vokiliga ni tukunia vi ikodou se au ma lesi maivei meu caka na vika ke.

12¹Sa vatekivu o koya me tukunia vi ira i na vosa vatautauvata, Sa dua na tamata sa tea e dua na were-ni-vaini, a sa viribaijia vavolivolijia, sa kelia na keli-ni-waini, sa tara na nodra vale nai vatawa, sa lisitakia vi ira eso nai vatau-ni-were, sa qai qai ki na vanua tani. ²Ni sa yaco na kena gauna sa tala o koya e dua na tamata vi ira nai vatau-ni-were, me yadjia maivi ira nai vatau-ni-were eso na vua ni were-ni-vaini. ³Ra sa tauria, ka yaviti koya, me vatala tani wale.⁴Sa qai tala voki vi ira o koya e dua na tamata tani; ra sa vamavoatakia na uluna, ka vacacania valevu. ⁵Sa tala voki o koya e dua tani; ra sa vamatei koya, vata ki ira na le levu tani; eso era sa yavita, e so ra sa vamatea.⁶Sa vo liga e dua la liga na luvena, na nona gone ni toko, sa talai koya vokiliga imuri vi ira, sa tukunia, Era na varokorokotakia na luvequ. ⁷Ko ira nai vatau-ni-were ko ya ra sa tukunia vai ira, O koya ke nai taukei imuri; tou mai vamatea, ena qai noda liga na were-ni-vaini.⁸Ra sa tauria, ka vamatea, ka dainia ki taudaku ni were-ni-vaini. ⁹Na cava beka ena qai caka na turaga ni were-ni-vaini? ena qai liga mai me vamatei ira nai vatau-ni-were, me solia na were-ni-vaini vi ira na tani.¹⁰Dou sa reva beka ni wilikia na jiki ni Vola Tabu ke: Na vatu ra sa cajia o ira na matai ni vale, Sa yaco me kenai vadei i na tutu-ni-vale: ¹¹Ke na cakacaka i Jiova, sa ka e vivakurabuitaki vi kita? ¹²Ra sa via tauri koya, ra sa rerevaki ira na le levu; ni ra sa kila sa vosataki ira o koya i na vosa vatautauvata gona; ra sa qai daini koya, me qai yani.¹³Ra sa tala vua eso na Farisi, vata ki ira nai tokani i Eroti, me ra coriti koya i na nona vosa. ¹⁴Ni ra sa yaco mai, ra sa tukunia vua, vavuvuli, kitou sa kila o sa djina liga, sa reva ni rerevakia e dua; ni o sa reva ni doka na matadra na tamata, o sa vatavuvulitakia vaidjina liga nai valavala sa vinaka vua na Kalou: sa tara me da soli ka ni matanitu vi Sisa, se reva? ¹⁵me da solia, se me da kua ni solia? sa kila o koya na nodrai lawaki, sa tukunia vi ira, Dou sa dauveretaki au i na vuku ni cava? yadjia mai vi au e dua na pene, meu raicia.¹⁶A ra sa yadjia mai. Sa tarogi ira o koya, na mata i cei ke, vata na yaca i cei sa volai tu? ra tukunia vua, A nei Sisa. ¹⁷Sa qai tukunia vi ira ko Jisu, Mo dou solia vi Sisa na ka sa nei Sisa, vi koya vokiliga na Kalou na ka sa nona na Kalou. Ra sa kurabuitaki koya.¹⁸Era sa qai qai mai vi koya eso nai tokani i Setoki, o ira ra sa dau tukunia ena reva ni tu cake voki na mate: ra sa tarogia, ka tukunia, ¹⁹Vavuvuli, sa vola vi kita o Mosese, Keva sa dua na tamata sa mate na tuakana se tacina, me dainia na watina, ka reva na luvena, me rau qai viwajini vata na nona yada na tacina se tuakana, me vaivakawa kinia vua na tuakana se tacina.²⁰Sa jiko na matavitacini ratou lewe vitu: a sa vawaji o koya sa qase, sa mate, ka reva na luvena: ²¹erau sa qai viwajini kaya nai karua, sa mate liga, ka reva na luvena: sa va vokiliga kinia nai katolu: ²²ratou sa viwatini kaya o iratou na lewe vitu, ka reva na luvedratou: sa qai mate vokiliga i muri na yalewa: ²³ni sa tu cake voki na mate, ena wati i cei vi iratou o koya? ni ratou sa curuma o iratou na lewe vitu.²⁴Sa vosa o Jisu, ka tukunia vi ira, Sa reva li ni vu ni nomudou sese ke, ni dou sa reva ni kila nai Vola Tabu, se na kaukauwa ni Kalou? ²⁵Ni ra na tu cake voki mai na mate, ra na reva ni vawaji, se vimusumusukitaki me ra vawaji; ra na vataki ira na agilose mai lomalagi.²⁶Ni ra na tu cake voki na mate, dou sa reva liga ni wilikia i nai vola i Mosese, ni sa vosa na Kalou vi koya, mai na kau, ka tukunia, Oi au na Kalou i Eparaama, vata na Kalou i Aisake, vata na Kalou i Jekope? ²⁷27Sa reva ni nodra Kalou na mate o koya, na nodra Kalou liga ra sa bula jiko: dou sa sese valevu kinia.²⁸Sa dua na vunivola, ni sa rogocia na nodra vileji, sa raicia ni sa vosa vavuku vi ira o koya, sa qai qai mai ka tarogia , Ai varo cava sa kenai matai i nai varo keceliga? ²⁹Sa tukunia vua o Jisu, Sai matai ni varo keceliga, Mo rogocia, na Isireli: O Jiova na noda Kalou O Jiova sa dua la liga: ³⁰mo lomani Jiova na nomu Kalou i na lomamu taucoko, vata ki na yalomu taucoko, vata ki na nomu nanumia kece, vata na nomu kaukauwa kece. ³¹Na kenai karua ke, Mo lomania na kai nomu me va o sa lomani iko. Sa reva e dua nai varo sa uasivi i nai varo ruarua ke.³²Sa tukunia vi koya na vunivola, e vinaka, vavuvuli, o sa tukunia djina ni sa dua la liga na Kalou; sa reva voki e dua me rau le rua vata; ³³me da lomani koya i na lomada taucoko, vata na noda vasama kece, vata na yaloda keceliga, vata na noda kaukauwa kece, ka me lomania na kai noda me va da sa lomani kita, ke na ka levu, ia na ka lailai nai soro keceliga, vata nai soro keceliga. ³⁴Ni sa raicia o Jisu ni sa vosa vavuku o koya, sa tukunia vua, O sa reva ni yawa i na matanitu ni Kalou. Sa reva e dua sa doudou imuri me vatarogi koya.³⁵Sa vosa o Jisu ni sa vatavuvuli jiko i na vale ni soro, ka tukunia, Sa vaevei ni ra tukunia o ira na vunivola sa luve i Tevita na Karisito? ³⁶Ni sa tukunia o Tevita, sa vuna na Yalo Tabu, sa tukunia o Jiova vua na noqu Turaga, mo jiko i na ligaqu i matau, Meu vamalumalumutaki ira mada na nomu meca me ra sai tutu-ni-yavamu. ³⁷Sa vatokai koya o Tevita me Turaga; sa qai luvena vaevei? Ra sa lewe levu vi ira na tamata, sa vinakatakia me ra rogoci koya³⁸Sa tukunia vi ira i na nonai vavuvuli, dou qarauni ikodou maivi ira na vunivola, ra sa vinakajia me ra qai voli i nai sulu balabalavu, vata na vikidavaki i na rara ni vivoli, ³⁹vata nai jikojiko ni qase i na vivale ni lotu, vata nai jikojiko vaturaga i na kana magiti; ⁴⁰ra sa kovea na nodrai yau na yada, ra masu vabalavu jiko me vivaisini; o ira ke era na cudruvi valevu.⁴¹Sa jiko o Jisu i na yasana sa donuya na kato ni lavo, sa raici ira na le levu ni ra sa dainia nai lavo i na kato ni lavo: ka le levu ra sa vutuniyau ra sa dainia valevu. ⁴²Sa qai qai mai e dua na yada dravudravua, a sa dainia kinia e rua nai lavo lalai sara, sa raujia e dua na facigi.⁴³Sa kacivi ira na nona tisaipeli o koya, ka tukunia vi ira, Au sa tukunia vaidjina vi ikodou, na yada dravudravua ke sa dainia valevu i na kato ni lavo, o ira keceliga ra sa dainia valailai liga: ⁴⁴ni ra ma dainia kinia eso o ira keceliga mai na nodra ka e levu: o koya ke, sa dravudravua, ka sa dainia na nona ka keceliga, io na nona ka kece e bula kinia.

13¹Ni sa qai tani o koya i na vale ni soro, sa tukunia vua e dua vi ira na nona tisaipeli, vavuvuli, raicia, na kenai rairai ni vivatu, vata na vivale ke! ²Sa vosa o Jisu, me tukunia vua, O sa raicia na vivale lelevu ke? ena reva ni vo e dua na vatu me vitaqataqai, ena talaraki sobu keceliga.³Ni sa jiko o koya mai na ulu-ni-vanua ni violive sa donuya na vale ni soro, ratou sa tarogi koya lo o Pita vata ki Jemesa vata ki Joni ki Adriu vokilga, ⁴4Mo nu tukunia mai vi keitou, se na yaco ninaica na vika ke; ka cava na kenai vatakilakila ni sa voleka ni yaco na ka keceliga ke.⁵Sa qai vosa vi iratou o Jisu, ka tukunia, Raicia vinaka de vacalai ikodou e dua: ⁶Era le levu ena qai mai ka vacavutaki au, me ra tukunia, Sai au; ia ka le levu ra na vacala.⁷Ni dou na rogocia nai valu, vata nai rogorogo ni valu, dou kua ni kidroa; ni sa kilikili me yaco; ia sa bera liga nai vataotioti. ⁸Ni ra na vibolebolei na vivanua eso, vata na vimatanitu eso; ena tavuki na vanua i na viyasana e levu, ena yaco vokiliga na dausiga: ke nai vatekivu liga ni ka rarawa.⁹Dou qarauni ikodou vinaka: ni dou na soli yani i na matavilewai, dou na vakanakuitataki i na vivale ni lotu: dou na yadji vokiliga i na matadra na kovana, vata na tui, i na vukuqu, mei vadjinadjina vi ira. ¹⁰Ena vunautaki dina mada iliu nai tukutuku-vinaka i na vivanua keceliga.¹¹Ni dou sa yadji yani, ka soli me lewai, dou kua mada ni lomaocaoca se cava mo dou tukunia, dou kua vokilga ni vanananu iliu; na ka keceliga ena soli vi ikodou i na tiki-ni-siga gona, sai koya liga mo dou vosatakia: ni dou sa reva ni vosa o ikodou, sa vosa liga na Yalo Tabu. ¹²Era na dui soli ira yani na vitacini me vamatei, vata na tama ni gone ena solia na luvena; era na tu cake na gone vi ira na nodra qase, ka vavunia na nodra mate. ¹³Era na cati ikodou o ira na tamata keceliga i na vuku ni yacaqu; o koya ena vosojia me yacovia nai vataojioji, ena vabulai o koya.¹⁴Ni dou sa raicia i na yasana sa tabu ni tu kinia na ka vasisila sa dauvivarusai, o koya sa vosa kinia o Taniela na parofita, (me kila o koya sa wilikia,) me qai dro i na viulu-ni-vanua o ira ra sa jiko i Jutia; ¹⁵15 me kua ni qai sobu i vale o koya sa jiko i delana, se curu kinia, me yadjia tani e dua na ka mai na nona vale; ¹⁶me kua ni lesu voki o koya sa jiko i na were, me yadjia na nonai sulu.¹⁷Ka na ca vi ira sa bukete, vata ki ira era sa vasucumia na gone, i na gauna gona! ¹⁸Dou masu me kua ni yaco na nomudou dro i na vula i liliwa. ¹⁹Ni na yaco na ka rarawa i na gauna gona; sa reva ni vakinia mai nai vatekivu ni nona buli ka na Kalou ka yacovia na siga ke, ka na reva vokiliga imuri. ²⁰Keva sa reva ni valekalekatakia na gauna gona na Turaga, sa reva na tamata me bula rawa: i na vukudra na djigitaki, o ira sa djigitakia o koya, sa valekalekatakia o koya na gauna gona.²¹Keva ena qai tukunia vi ikodou e dua, Raicia, eke na Karisito; se, Raicia, mai vanua gona; kua ni djinajia: ²²ni na tubu mai na Karisito vailasu eso, vata ki na parofita vailasu eso, ra na vatakila mai na vivatakilakila vata ki na vika e vivakurabuitaki, me vacalai ira kinia na djigitaki, keva e rawa. ²³Dou qarauni ikodou vinaka: raicia, au sa tukuna eliu vi ikodou na ka keceliga.²⁴I na gauna gona, ni sa oji mada na ka rarawa gona, ena qai vabutobutotakia na mata-ni-siga; ena reva vokilga ni cila na rarama ni vula; ²⁵ka na lutu mai na vikalokalo ni lomalagi, ka na vitosoyaki na vika kaukauwa ni lomalagi: ²⁶ra na qai raicia na Luve ni tamata ni sa qai mai i na veio, i na kaukauwa levu vata nai ukuuku. ²⁷Ena qai talai ira na nona agilose o koya, ka vasoqoni ira vata na nona djigitaki mai na mata ni cagi e va, mai nai yalayala ki vuravura vata nai yalayala ki lomalagi.²⁸Mo dou kila mada na vosa vatautauvata ni lolo; Ni sa qai lavovou na tabana, sa tubu na drauna, dou sa kila sa voleka na vula i katakata: ²⁹me va vokiliga kinia oi ikodou, ni dou sa raicia sa yaco na vika ke, dou kila sa voleka o koya, io mai darava.³⁰Au sa tukunia vaidjina vi ikodou, Ena reva ni takali nai tabatamata ke, ena yaco mada eliu na ka keceliga ke. ³¹Ena takali o lomalagi vata ki vuravura; ia na noqu vosa ena reva ni takali. ³²I na siga gona vata na jiki-ni-siga gona sa reva e dua e kila, o ira na agilose mai lomalagi e reva, se na Luvena, na Tamaqu dualaliga.³³Dou qarauni ikodou vinaka; dou vatawa, ka masu: ni dou sa reva ni kila na kena siga. ³⁴34Sa va e dua na tamata e qai ki na vanua tani, o koya sa dainia na nona vale, a sa lesia vi ira na nona tamata me ra lewa, ka lesia vi ira yadua na nodra cakacaka, a sa tukunia vokiliga vua nai vatawa me vatawa jiko.³⁵O koya mo dou qai vatawa: ni dou sa reva ni kila na jiki-ni-siga ena qai mai kinia nai taukei ni vale; se ni sa reavi, se ni sa lomaloma-ni-bogi, se ni sa tagi na toa, se ni savulaci; ³⁶de qai vasauri mai, ka kunei ikodou ni dou sa moce liga: ³⁷na ka au ma tukunia vi ikodou, au ma tukunia vi ira keceliga, Dou vatawa.

14¹Sa vo e rua na bogi me qai caka na kana vata ni lako-sivia vata na kana madrai sa reva ni valeveni: ra sa vasaqara o ira na bete levu vata ki ira na vunivola me ra lawakitaki koya me ra tauria, me ra vamatea. ²Ra sa tukunia, Me kua i na gauna ni kana vata, de ra ue kinia na tamata.³Ni sa jiko o koya mai Pecani na vale i Saimoni na vukavuka, ni sa kana jiko, sa qau mai e dua na yalewa sa tauria e dua na tavaya alapasita waiwai, na narita dina, sa talei sara; a sa voroka na tavaya, ka livia ki na uluna. ⁴Sa cudru sara eso vai ira, ka tukunia, Sa biu la liga na waiwai ke i na vuku ni cava? ⁵sa rawarawa me volitaki liga i na pene e tolu na drau ka vacaca, me soli vi ira na dravudravua. Ra sa kasejia na yalewa.⁶Sa tukunia o Jisu, daini koya liga; dou sa saga i na vuku ni cava? sa caka vi au e dua na cakacaka vinaka: ⁷sa jiko vadua vata ki ikodou o ira na dravudravua; ni dou sa via caka na ka sa yaga vi ira, sa rawarawa liga: ia o au, au na reva ni jiko vadua vata ki ikodou. ⁸Sa caka o koya na ka sa rawajia: sa qai mai eliu o koya me lumujia na yagoqu me bulu. ⁹Au sa tukunia vaidjina vi ikodou, Ena viyasana keceliga i vuravura taucoko ena vunautaki kinia nai tukutuku-vinaka ke, ena baki tukuni vokiliga kinia na ka sa caka na yalewa ke, me kenai djivi.¹⁰O Jutasa Isikarioti, e dua vi ira na lewe jinikarua, sa qai vi ira na bete levu, me soli koya vi ira. ¹¹Ni ra sa rogocia, ra sa reki, ra sa yalayala me ra soli lavo vua. Sa qai vasaqara o koya na gauna e rawarawa me soli koya kinia.¹²E nai matai ni siga ni kana madrai sa reva ni valeveni, ni ra sa vamatea na lami ni qai-sivia, sa tukunia vua o ira na nona tisaipeli, i vi na jikina o sa vinakatakia me kitou qai kinia me varautaka me caka kinia na kana vata ni qai-sivia? ¹³Sa tala o koya e lewe rua vi ira na nona tisaipeli, ka tukunia vi rau, drau qai i na koro, drau na qai sota e dua na tamata sa cola e dua na saqa wai: muri koya; ¹⁴i na vale ena curu kinia o koya, drau tukunia vua na kenai taukei, Sa tarogia nai vavuvuli, ivi na jiki-ni-vale meu caka kinia na kana vata ni qai-sivia vata ki ira na noqu tisaipeli?¹⁵Ena qai vatakila vi ikodrau e dua na jikina levu i colo i na vale sa varautaki tu na kenai yaya: drau varautakia kinia na kita. ¹⁶Rau sa qai yani na nona tisaipeli, ka yaco ki na koro; rau sa kunea me va ka tukunia vi rau o koya: a rau sa varautakia na kakana ni qai-sivia.¹⁷Ni sa reavi mai, sa qai mai o koya vata ki ira na le tinikarua. ¹⁸Ni ra sa jiko ka kana, sa tukunia o Jisu, Au sa tukunia vaidjina vi ikodou, ena soli au yani e dua vi ikodou, o koya sa kana vata ki au. ¹⁹Sa qai rarawa na lomadra, ka ra dui tukunia yadua vi koya, Oi au beka? e dua voki, Oi au beka?²⁰Sa tukunia vi ira o koya, E dua vi ikodou na lewe tinikarua, o koya sa tokocia vata ki au na kena i na bilo. ²¹Sa qai na luve ni tamata, me va sa volai i na vukuna: ka ca vua na tamata gona sa solia yani na luve ni tamata! ke sa reva ni sucu na tamata gona ke sa vinaka vua.²²Ni ra sa kana jiko, sa tauria na madrai o Jisu, ka lotutakia, ka dovia, ka solia vi ira, ka tukunia, Dou tauria, kania: ke na yagoqu. ²³Sa qai tauria na bilo o koya, ni sa vavinavinaka oji, sa solia vi ira; a ra sa somi kece kinia. ²⁴Sa tukunia vi ira, Sa noqu dra ke ni viyalayalaji vou, sa liviraki i na vukudra e le levu. ²⁵Au sa tukunia vaidjina vi ikodou, Au na reva ni somia voki na vua ni vaini, ka malua me yaco mada na siga au na somia vou kinia i na matanitu ni Kalou.²⁶Ni ra sa sere oji, ra sa qai yani i na ulu-ni-vanua ni violive. ²⁷Sa tukunia vi ira o Jisu, Dou na tarabe keceliga i na vukuqu i na bogi nikua; ni sa volai, Au na yavita nai vatawa ni sipi, ka ra na dui vasesei na qele ni sipi.²⁸Ni au sa tu cake voki, au na qai liutaki ikodou i Kalili. ²⁹Sa qai tukunia vua o Pita, Keva ena tarabe ko ira keceliga, o au, au na reva.³⁰Sa tukunia vua o Jisu, Au sa tukunia vaidjina vi iko, i na siga ke, i na bogi liga nikua, ni sa reva ni tagi mada varua na toa, ko na cakitaki au vatolu. ³¹Sa qai tukunia vayalokatakata mai o koya, Keva e drau na mate vata, au na reva sara ni cakitaki ikonu. Sa tukunia vokiliga vi ira keceliga.³²Ra sa qai i na dua na yasana na yacana o Kecisemani: sa tukunia o koya vi ira na nona tisaipeli, Dou jiko liga i vanua, meu masu mada. ³³Sa yadji Pita vata kaya o koya, vata ki Jemesa vata ki Joni, sa vatekivu me reucala sara, ka yaluma sara. ³⁴Sa tukunia vi ira o koya, Sa rarawa valevu na yaloqu, me va au na mate; dou jiko liga i vanua, ka vatawa.³⁵Sa qai valailai iliu o koya, sa cuva ki na soso, a sa masu, keva e rawarawa, me qai tani na gauna gona vi koya. ³⁶Sa tukunia; Apa, Tamaqu, sa rawarawa vi ionu na ka keceliga; ni yadjia tani vi au na bilo ke; me kakua liga ni va na lomaqu, me va liga na lomamunu.³⁷Sa baci qai voki mai, ka raicia ira ni ra sa moce tu, sa tukunia vi Pita, I Saimoni, o sa moce, ne? o sa reva ni rawajia mo vatawa me dua la liga na aua, ne? ³⁸Dou vatawa ka masu, me kua ni rawai ikodou na vere: e djina liga sa gu na yalo, ia na yago sa malumalumu. ³⁹Sa qai voki o koya, me masu, ka sa cavujia voki na vosa gona.⁴⁰Ni sa lesu voki mai, sa raici ira ni ra sa moce jiko, ni sa bibi na matadra, ra sa reva ni kila e dua na ka me ra tukunia vua. ⁴¹Sa qai vatolu mai, sa tukunia vi ira, Dou qai moce ga, ka dou vacegu; sa levu liga, sa yaco na gauna; raicia, sa soli yani na luve ni tamata i na ligadra na tamata ca: ⁴²tu cake, me da qai; raicia, sa voleka mai o koya sa soli au yani.⁴³Ni sa vosa jiko o koya, sa qai sara mai o Jutasa, e dua vi ira na le tinikarua, vata ki ira vata kaya e le levu sara ra sa vaiseleiwau ra vaiwau, maivi ira na bete levu vata ki ira na vunivola vata ki ira na matua. ⁴⁴O koya sa soli koya yani sa tukunia oji vi ira e dua nai vatakilakila, ka tukunia, O koya au na regucia, sai koya; tauria, ka yadjia vavinaka yani. ⁴⁵Ni sa yaco o koya, sa qai sara vua, sa tukunia, Vavuvuli: sa regucia. ⁴⁶Ra sa qai tauri koya ka yadjia yani.⁴⁷Sa dua vi ira sa tu voleka sa ucunia na nonai seleiwau, sa yavijia na nona tamata na bete levu, a sa taya laivi na daligana. ⁴⁸Sa tarogi ira ko Jisu, ka tukunia, Dou sa qai via beka mai e dua na daubutako, ni dou sa vaiseleiwau ka vaiwau, mo dou tauri au? ⁴⁹Au ma jiko vata ki ikodou i na visiga i na vale ni soro ka vatavuvuli, dou ma reva ni tauri au: nai Vola Tabu ena vayacoria liga. ⁵⁰Sa qai daini koya o ira keceliga, ka dro.⁵¹Sa muri koya e dua na cauravou, a sa vaitutuvi wale na yagona i nai tutuvi lineni; ra sa tauri koya: ⁵²sa dainia nai tutuvi lineni o koya, ka tuba luvawale tani.⁵³Ra sa yadji Jisu vua na bete levu: ra sa soqoni vata kinia o ira keceliga na bete levu vata ki ira na qase vata ki ira na vunivola. ⁵⁴Sa muri koya vayawa o Pita, sa yaco sara i na vale ni bete levu; sa jiko sobu vata ki ira na ovisa, sa tatalai i na buka.⁵⁵Ko ira na bete levu, vata ki ira keceliga na matavilewai, ra vasaqara eso me ra beitaki Jisu, me mate kinia o koya; ra sa reva ni raicia: ⁵⁶ni ra sa le levu sa beitaka vailasu, ia sa reva ni qai vata na nodrai tukutuku.⁵⁷Sa qai tu eso, a ratou sa beitaka vailasu, ka tukunia, ⁵⁸Kitou sa rogocia ni sa tukunia, Au na basukia na vale ni soro ke sa caka ena liga, ia au na tara e dua voki sa reva ni caka i na liga, e na bogi e tolu. ⁵⁹Sa reva vokiliga ni qai vata na nodratoui tukutuku.⁶⁰Sa qai tu cake na bete levu i na kedra maliwa, ka tarogi Jisu, ka tukunia, Sa reva na ka o tukunia mai? a cava ke ratou sa beitaki iko kinia o ratou ke? ⁶¹A sa galu tu liga o koya, ka sa reva na ka sa tukunia. Sa tarogi koya voki na bete levu, ka tukunia vua, O iko beka na Karisito, na Luve i Koya sa nona na varokoroko, se reva? ⁶²Sa tukunia o Jisu, O au liga: ia dou na raicia na Luve ni tamata ni sa jiko i na liga i matau i Koya sa kaukauwa, ni sa qai vokilga mai i na veio ni lomalagi.⁶³Sa qai dresulakia na nonai sulu na bete levu, ka tukunia, Sa yaga vacava me so voki nai vadjinadjina? ⁶⁴dou sa rogocia liga ni vosavacacatakia na Kalou; na cava dou lewa? Ra sa lewai koya keceliga, ni sa dodonu me vamatei. ⁶⁵Ra sa qai eso me kasuvia, ka tabonakia na matana, ka qova, ka tukunia vua, tukunia mai se ko cei; a ra sa sabicia o ira na ovisa.⁶⁶Sa jiko e ra o Pita ena rara ni vale, sa qai mai e dua na vada ni bete levu; ⁶⁷ni sa raici Pita ni sa tatalai, sa varaici koya, ka tukunia, o iko vokilga sa jiko vata ki Jisu na kai Nasareci. ⁶⁸Sa cakitakia o koya, ka tukunia, au sa reva ni kila, au sa lecavia na ka ko sa tukunia. Sa qai yani vaka ki na darava; sa tagi na toa.⁶⁹69 Sa raici koya voki na vada, sa tukunia vi ira sa tu voleka, Sa dua vi ira o koya ke. ⁷⁰Sa cakitakia voki o koya. Sa dede valailai liga, ra sa tukunia vi Pita o ira sa tu voleka, Sa djina liga sa dua vi ira o iko; ni o sa kai Kalili.⁷¹Sa qai vatekivu o koya me ruru ka bubului, ka vaka, Au sa reva ni kila na tamata ke dou sa vosa kinia. ⁷²Sa qai tagi varua na toa. Sa qai nanumia o Pita na vosa ma tukunia vua o Jisu, Ni sa reva ni tagi mada varua na toa, o na cakitaki au vatolu. ni sa vasama, sa tagi.

15¹I na savulaci ra sa qai bose vata o ira na bete levu vata ki ira na matua vata ki ira na vunivola vata ki ira kece na matavilewai, sa vesuki Jisu, ka yadjia tani, sa solia vi Pailato. ²Sa tarogi koya o Pailato, o sa nodra Tui na kai Jutia, se reva? Sa vosa o koya, ka tukunia vua, o sa tukunia djina mai. ³A sa levu na ka ra sa beitaki koya kinia o ira na bete levu.⁴Sa qai tarogi koya voki o Pailato, ka tukunia, o sa reva ni tukunia e dua na ka ne? raicia na kena levu ni ka ra sa beitakia vi iko. ⁵Sa reva na ka sa tukunia o Jisu; sa kurabui kinia o Pailato.⁶Sa dau nonai valavala i na solevu gona me serekia vi ira e dua na tamata vesu, o koya ra sa djigitakia. ⁷Sa jiko e dua, na yacana o Parapa, sa vesuki vata ki ira eso na tamata ra sa ue, ka laba kinia. ⁸Ra sa kaci jiko na lewe levu, ka vamasuta me caka vi ira me va sa dau nonai valavala.⁹Sa vosa vi ira o Pailato, ka tukunia, Dou sa vinakatakia meu serekia vi ikodou na nodra Tui na kai Jutia, se reva? ¹⁰ni sa kila o koya ra sa soli koya yani o ira na bete levu ni ra sa vuvutakia. ¹¹Ra sa vauqeti ira na lewe levu o ira na bete levu, me sereki Parapa liga vi ira o koya.¹²Sa qai vosa ko Pailato, ka tukunia voki vi ira, A cava dou sa qai vinakajia meu caka vua dou sa vatoka me nodra Tui na kai Jutia? ¹³A ra sa qoqolou voki, Vakojia ki na kauveilatai.¹⁴Sa qai tukunia vi ira o Pailato, na cava na ka ca sa caka o koya? Ra sa qai qoqolou valevu cake, Vakojia i na kauveilatai. ¹⁵Ni sa vinakatakia o Pailato me valomavinakataki ira na lewe levu, sa sereki Parapa vi ira, sa soli Jisu yani, ni sa vakanakuitatakia mada eliu, me vakoji i na kauveilatai.¹⁶Ra sa yadjia tani o ira na sotia i na yasana ni vale ni turaga, sa vasoqoni ira vata na mata sotia taucoko. ¹⁷Ra sa vasulumi koya i nai sulu lokaloka, ra sa talia e dua nai sala i na viwa-vavotona, ka vaisalataki koya kinia. ¹⁸Ra sa vatekivu me kidavakia, Sa loloma, na nodra Tui na kai Jutia!¹⁹Ra sa warolakia na uluna i na dua na dravo, ra sa kasuvia, ka tekiduru ka varokoroko vua. ²⁰Ni ra sa valialia oji, ra sa luvajia vua nai sulu lokaloka, ka vasulumia i na nonai sulu djina, ra yadjia yani me ra vakojia i na kauveilatai. ²¹Sa dua na kai Kirini, o Saimoni, a tamadrau o Alekisada vata ki Rufo, o koya sa qai tu, ni sa qai jiko mai vanua, ra sa vasaurarataki koya me colajia na nona kauveilatai.²²Ra sa yadji koya i na dua na yasana, o Kolikoca, a kenai balebale, na vanua ni qavokavoka. ²³Ra sa solia vua na waini sa viwaki vata ki na mura me somia; sa reva ni somia o koya. ²⁴Ni ra vakojia i na kauveilatai, ra sa qai vota na nona visulu, ni ra vawiri madigi, me ra dui kila nodrai votavota.²⁵Sa kenai katolu ni aua, ni ra sa vakojia i na kauveilatai. ²⁶Sa volai e colo na ka sa beitaki vua: A NODRA TUI NA KAI JUTIA. ²⁷Ra sa vakojia vata kaya i na kauveilatai e le rua na daubutako; e dua i na ligana i matau, ka dua i na ligana i mawi. ²⁸Sa vayacori kinia nai Vola Tabu, sa tukunia, Sa wili vata ki ira na tamatai valavala ca o koya.²⁹O ira sa qai voli, ra sa vosavakacacatakia , ni ra sa kuretakia na uludra, ka tukunia, Drasa, ko iko sa basukia na vale ni soro, ka tara i na bogi e tolu, ³⁰vabulai iko mada, ka kevu sobu mai na kauveilatai.³¹Sa va kinia o ira na bete levu, ra sa valialia vai ira, vata ki ira vokiliga na vunivola, ra tukunia, O koya sa dauvabulai ira na tani; sa reva ni vabulai koya rawa: ³²me kevu sobu nikua mai na kauveilatai na Karisito na nodra Tui na Isireli, me kimamu raicia ka vabaujia. O rau vokiliga ratou a vakoji vata kaya i na kauveilatai, rau sa valialiai koya.³³Ni sa yaco nai kaono ni aua, sa butobuto na vanua taucoko, ka yacovia nai kaciwa ni aua. ³⁴I nai kaciwa ni aua sa kaci o Jisu i na domo levu, ka tukunia, Ilai, Ilai, lama sapakicani? a kenai balebale, Noqu Kalou, Noqu Kalou, ko sa daini au i na vuku ni cava? ³⁵E so vi ira sa tu voleka, ni ra sa rogocia, ra sa tukunia, Raicia, sa kacivi Ilaija o koya.³⁶Sa cici e dua, ka tonisua e dua na vutovuto i na wai wiwi, ka vivia i na dua na dravo, a sa vasomi koya, ka tukunia, dainia mada; me da raicia se na qai mai o Ilaija me kevutaki koya sobu mai, se reva ³⁷O Jisu, ni sa kaci i na domo levu, sa qai ciba yani. ³⁸Sa sei rua nai laji ni vale ni soro mai na jikinia e colo ka yadjia i ra.³⁹Ni sa raicia na turaga ni valu, o koya sa tu voleka ka donui koya, ni sa kaci vake o koya, ka qai ciba yani, sa tukunia, E djina liga sa Luve ni Kalou na tamata ke. ⁴⁰Eso vokiliga na yalewa ra sa varaicia vayawa; e dua vi ira ko Meri na yalewa ni Makitala, vata ki Meri na jinadrau o Jemesa ka gone vata ki Josese, ko Salomi vokiliga; ⁴¹ratou a daumuria, ka dauqaravia, ni sa jiko mai Kalili o koya; vata ki ira vokiliga na yalewa e le levu ra sa qai vata kaya i Jerusalemi.⁴²Ni sa reavi mai, ni sa siga varau, na siga sa taravia na Siga ni Vakacecegu, ⁴³sa qai mai o Josefa, na kai Arimacea, na matanivanua, sa dua vi ira na matavilewai, sa warakia na kena yaco na matanitu ni Kalou, sa qai doudou vi Pailato, ka kerea na yago i Jisu. ⁴⁴Sa reucala o Pailato ni sa mate o koya; sa kaciva na turaga ni valu, ka tarogia se sa mate vadede o koya, se reva?⁴⁵Ni sa kila vua na turaga ni valu, sa solia na yagona vi Josefa: ⁴⁶sa volia o koya e dua nai sole lineni, sa kevutaki koya sobu, ka solegia kinia, sa vadavoria i na dua nai bulubulu sa ta i na vatu; sa vaqiqicia e dua na vatu i na darava ni bulubulu. ⁴⁷Rau sa raicia na yasana sa vadavori kinia o koya, o rau o Meri na yalewa ni Makitala vata ki Meri na tina i Josese.

16¹Ni sa oti na siga ni vacecegu, o iratou o Meri na yalewa ni Makitala, vata ki Meri na tina i Jemesa, vata ki Salomi, ratou sa volia na waiwai vaisaluaki, me ratou qai lumuji koya. ²I na savulaci caca i nai matai ni siga ni wiki, ratou sa qai mai i nai bulubulu ni sa qai cabe na siga³Ratou sa tukunia vai iratou, o cei ena vaqiqica tani na vatu i na vukuda mai na darava ni bulubulu? ⁴Ni ratou sa rai yani, ratou sa raicia ni sa vaqiqici tani na vatu: ni sa vatu levu sara.⁵Ni ratou sa curu i nai bulubulu, ratou sa raicia e dua na cauravou sa jiko i na jikina i matau, sa vaisulu i nai sulu balavu ka vulavula; ratou sa rere. ⁶Sa tukunia vi iratou o koya, Dou kua ni rere: dou sa vasaqarai Jisu na kai Nasareci, o koya ma lauvako i na kauveilatai: sa tu cake voki o koya: sa reva i vanua: raicia na jikina ra ma vakotoria kinia! ⁷dou qai, tukunia vi ira na nona tisaipeli, vi Pita vokiliga, ni sa liutaki ikodou o koya i Kalili; dou na raici koya kinia, me va na nona vosa vi ikodou.⁸A ratou sa qai kusarawa yani, ka tuba mai nai bulubulu; ratou sa sautaninini ka kidroa; ratou sa reva vokiliga ni tukunia e dua na ka vua e dua; ni ratou sa rere.⁹Ni sa tu cake voki o koya i na savulaci caca i nai matai ni siga ni wiki, sa rairai i liu o koya vi Meri na yalewa ni Makitala, o koya ka vaseva tani vua o koya e lewe vitu na tevoro. ¹⁰Sa qai qai o koya ka tukunia vi ira ra daujiko vata kaya i liu, ni ra sa rarawa ka tagi. ¹¹O ira, ni ra sa rogocia sa bula o koya ka sa rairai vi koya, ra sa reva ni vadjinajia.¹²Sa qai rairai o koya ia sa dua tani na yagona i na le rua vi ira, ni rau sa qai jiko i na dua na yasana i vanua: ¹³rau sa qai ka tukunia vi ira sa vo; ra sa reva vokiliga ni vadjinaji rau.¹⁴Sa oji, sa rairai o koya vi ira na lewe tinikadua ni ra sa kana jiko, sa vunauci ira i na vuku ni nodra reva ni vabaujia vata ki na nodra lomakaukauwa, ni ra sa reva ni vadinaji ratou sa raici koya ni sa tu cake voki. ¹⁵Sa tukunia vi ira, Dou qai yani ki vuravura taucoko, ka vunautakia nai tukutuku-vinaka kivi ira na tamata keceliga. ¹⁶O koya sa vabaujia ka sa papitaisotaki ena bula: ena cudruvi liga o koya sa reva ni vabaujia.¹⁷Na vivatakilakila ke ra na caka o ira sa vabaujia: ra na vaseva tani na tevoro eso i na yacaqu; ra na vosatakia na vosa ni vivanua tani; ¹⁸ra na tomikia na gata eso; ia keva ra somia na ka gaga sara, ra na teva ni ca kinia; ra na tabaki ira vokiliga sa tauvi-mate i na ligadra, ra na bula kinia.¹⁹Ni sa vosa oji vi ira na Turaga o Jisu, sa yadji cake i lomalagi, sa jiko sobu i na liga i matau ni Kalou. ²⁰O ira, ra sa qai yani, ka vunau i na viyasana keceliga, sa cakacaka vata ki ira na Turaga, sa vadjinadjinatakia na vosa i na vivatakilakila sa muri.

Joni

1¹Nai vatekivu sa bula o koya na Vosa, a rau sa tiko vata ki na Kalou o koya na Vosa, a sa Kalou o koya na Vosa. ²Nai vatekivu erau sa tiko vata o koya ke ki na Kalou, ³Sa caka na ka keceliga o koya; a sa reva e dua na ka sa caka, me reva ni caka o koya.⁴Sa tu vi koya na bula, na rarama ni tamata na bula. ⁵Sa cilavia na butobuto na rarama, na butobuto sa reva ni laurai.⁶Sa dua na tamata sa talai mai vua na Kalou na yacana o Joni. ⁷O koya ke sa qai mai me dautukutuku, me tukunia na rarama, me ra vabauji na tamata keceliga ina vukuna. ⁸Sa reva ni rarama o koya, sa nonai tavi liga me tukunia na rarama.⁹Sa o koya liga ke na rarama dina, sa qai mai i vuravura me vararamataki ira na tamata keceliga.¹⁰Sa jiko i vuravura o koya, sai koya sa caka kinia o vuravura, ia sa reva ni ra kilail koya o ira na kai vuravura. ¹¹Sa qai mai o koya vi ira na kai nona, a ra sa reva ni vabauji koya o ira na kai nona.¹²O ira keceliga sa vabauji koya, sa solia vi ira o koya me ra yaco me ra luve ni Kalou, o ira sa vabaujia na yacana. ¹³A ra sa reva ni sucu ina dra se ina sucu ina lewe, reva ina vuku ni tamata, mai vua liga na Kalou.¹⁴Sa yaco me tamata o koya na vosa ka sa jiko vata ki kita. Ni kitou sa raicia na nonai ukuuku ni sa vaka nai ukukuku ni Le duabau liga, sa tubu mai vi Tamana, sa sinai ina loloma vata na djina. ¹⁵Sa tukuni koya o Joni ka kacivakia i colo, ka tukunia, "Sai koya ke au sa vosatakia, 'O koya sa muri mai vi au sa levu cake vi au, ni sa liu vi kirau o koya."¹⁶Ni da sa vasinaiji ina vika keceliga eda sa rawa mai vua, sai koya na loloma sa vaikuritaki. ¹⁷Sa soli vi Mosese nai vunau. Na loloma vata na djina sai mai vi Jisu Karisito. ¹⁸E reva ni dua na tamata sa raicia na Kalou; na Luvena e duabau liga, sa jiko i na lomaisere I Tamana, sa tukuni koya.¹⁹Sai koya ke nai tukutuku ni Joni, ni sa tala eso bete vata so na luvei Livai o ira na kai Jutia mai Jerusalemi me ra tarogi koya, "O cei beka o Ikonu? ²⁰sa vadjinadjinatakia o koya, ka reva ni cakitakia; ka tukunia liga, "E reva ni mai o koya na Karisito o au."

²¹Sa ra tarogi koya, "O cei liga o Ikonu? O Ilaija beka?" Sa qai tukunia o koya, "Reva ni o au." Sa ra tukunia, "O Ikonu beka na varovita?" Qai saumia o koya, "A reva."²²Ra sa qai tukunia vua, "O cei beka o Ikonu?, me rawa ni qai tukunia vi ira na talai kitou mai? Na cava ko sa tukunia me baleji konu?" ²³Sa tukunia o koya, "O au na domo ni dua sa kacikaci ina loma ni vico: 'Vadodonutakia na sala i Jiova," me vaka sa tukunia na parofita o Aisea.²⁴Sa so voki sa talai mai vi ira na Farisi, a ra sa tarogia vua, ²⁵O sa vipapitaisotaki ina vuku ni cava ke ko nu sa reva ni o koya na Karisito se o Ilaija se parofita?²⁶Sa vosa o Joni ka tukunia, "Au sa vipapitaisotaki ina wai. Ia e dua tu maliwai kodou ka nu sa reva ni kila. ²⁷O koya ke sa muri mai vi au, na wa ni nona i vava sa reva ni yaga vi au meu serekia." ²⁸Sa caka na vika ke mai Pecani ina tai kadua ni Joritani, na vanua sa vipapitaisotaki jiko kinia o Joni.²⁹Na savulaci sa raici Jisu o Joni ni sa qai jiko mai vi koya, sa tukunia, "Racia, na Lami ni Kalou o koya na yadjia tani na nodra i valavala ca na kai vuravura! ³⁰Koya ke au ma tukunia jiko, "O koya sa muri mai levu cake vi au, ni sa liu mai vi kirau o koya.; ³¹Au sa reva ni kilai koya, ia sa vayacori ke me rawa ni kilai koya o ira na Isireli, o koya ke au sa qai mai kinia meu vipapitaisotaki ina wai."³²Sa vosa o Joni ka tukunia, "Au sa raicia na Yalo Tabu ni sa qai sobu mai lomalagi me vaka na ruve, sa mai toka vua. ³³Au sa reva ni kilai koya, ia o koya sa talai au mai meu vipapitaisotaki ina wai, sa tukunia vi au, "O koya o na raicia ni sa qai sobu mai ina Yalo Tabu, sa mai toka vua, O koya ke na mai vipapitaisotaki ina Yalo Tabu.' ³⁴Au sa raicia ka tukunia ni sai koya ke na Luve ni Kalou."³⁵Ina siga voki kadua, sa wiri tu o Joni vata ki na rua na jisaiveli, ³⁶ratou sa raici Jisu ni sa qai jiko mai, sa tukunia o Joni, "Raicia, na Lami ni Kalou!"³⁷Sa rua na nona jisaveli sa rogocia na nona vosa, a rau sa muri koya. ³⁸Sa raivuki o Jisu ka raici rau ni rau sa muri koya jiko sa mani tukunia vi rau, "Na cava drau sa vaqara?" Rau sa tukunia vua, "Rapai" (kenai balebale, "Vavuvuli"), "o sa jiko mai vei?" ³⁹Sa tukunia vi rau o koya, "Qai mai mo raicia." Rau sa qai mai ka raicia na vanua sa jiko kinia o koya; ratou sa jiko vata ina siga gona; ni sa voleka nai ka jini ni auwa.⁴⁰Sa dua vi rau sa rogoci Joni, sa muri koya o Adriu, na taci Saimoni Pita. ⁴¹Sa vaqara na tuakana o Saimoni ka tukunia vua, "Kitou sa raicia na Mesaia, (sa kenai balebale "Karisito"). ⁴²Sa qai yadji koya vi Jisu, sa varaici koya o Jisu ka tukunia, "O iko Saimoni na luvei Jona. O sa na vatokai me o Kifa" (kenai balebale o Pita.)⁴³Ni sa savulaci, sa via qai i Kalili o Jisu, sa raici rau o Filipi, ka tukunia vua, "Muri au." ⁴⁴Sa kai Peciseita o Filipi, na nodrau koro o Adriu vata ki Pita. ⁴⁵Sa raici Nacanieli o Filipi, sa tukunia vua, "O koya ke ma volavola kinia o Mosese ina vunau, vata ki ira na Parofita, kitou sa raici koya: o Jisu na luvei Josefa na kai Nasareci.⁴⁶Sa tukunia o Nacanieli vi koya, Sa rawa ni dua beka na ka vinaka e tubu mai Nasareci?" Sa tukunia vua o Filipi, "Qai mai mo raicia." ⁴⁷Sa raici Nacanieli o Jisu ni sa qai jiko mai vua, ni sa tukuni koya, Raicia, sa dua na luvei Isireli djina ke, sa reva vi koya na vivakaisini!" ⁴⁸Sa tukunia o Nacanieli vi koya, "O sa kilai au mai vei?" Sa vosa o Jisu, ka tukunia vua, "Ni se bera ni kacivi konu o Filipi, ni ko ma jiko ina ruku ni vuni lolo, au sa ma raici konu."⁴⁹Sa vosa o Nacanieli ka tukunia vua, "Vavuvuli, konu na Luve ni Kalou! Konu na nodra Tui na Isireli!" ⁵⁰Sa vosa o Jisu ka tukunia vua, "Niu sa tukunia vi konu, 'Au ma raici konu ina ruku ni vuni lolo,' Konu sa vabaujia beka? O na raicia e levu na vika uasivi mai vi koya ke." ⁵¹Sa tukunia vua o koya, E djina, e djina, au sa tukunia vi kodou, nu na raicia na lomalagi ni sa tadola, vata ki ira na agilosi ni Kalou ni ra sa qai colo vata ra qai sobu mai vua na Luve ni tamata."

2¹Sa oji e bogi tolu, sa qai caka e dua na soqo ni vawaji mai Kena i Kalili, sa jiko kinia na jinai Jisu. ²Sa sureji o Jisu vata ki ratou na nona tisaipeli ina soqo na vawaji.³Ni sa oji na waini; sa tukunia vi Jisu na jinana, "Sa reva vi ira na waini." ⁴Sa tukunia vua o Jisu, "Yalewa, na cava o qai mai kinia vi au? Se bera ni yaco mai na noqu gauna." ⁵Sa tukunia vi ira na tamata o jinana, "Na ka keceliga sa tukunia o koya, dou caka."⁶Ia sa tu kinia e ono na saqa vatu ni wai; sa dau vasavasavataki ira na kai Jutia, sa rawa ni kinia tau ya rua se tolu na mita nai varau ni wai. ⁷Sa tukunia vi ira oJisu, "Dou vasinaijia na saqa ni wai." Sa ra qai vasinaijia me vuabale sara. ⁸Sa qai tukunia vi ira na tamata, "Dou takia mai eso ka yadjia vi koya sa lewa na magiji.: Sa ra caka vakinia.⁹Ia ni sa tovolea na wai sa vuki me waini o koya sa dau lewa na magiji, ni sa reva ni kila o koya se sa yadji mai vei: (ia o iratou liga na tamata ratou sa takia na wai sa kila). Sa qai kacivia na wajina na yalewa ¹⁰ka tukunia vua, "Kita dau somia iliu na waini vinaka, ia ni ra sa mateni na tamata, sa qai muri na waini sa vinaka valailai liga. Ia o iko o sa maroroya na waini vinaka me yacovia mai na gauna ke."¹¹Ke sa kena i matai ni cakacaka mana me caka o Jisu mai Kena, i Kalili, sa vatakila kinia na nonai ukuuku, ka ratou sa vabauji koya na nona tisaipeli.¹²Ni sa oji gona, sa qai sobu i Kapenaumu o Jisu, na jinana, ratou na tacina, vata ki ratou na nona tisaipeli ka ratou jiko mai kinia me vica na siga.¹³Sa voleka na nodra kanavata ni qai-sivia na kai Jutia, sa qai Jerusalemi o Jisu. ¹⁴Sa raicia eso sa dauvolitaki bulumakau vata na sipi vata na ruve ni ra sa dabe jiko ina vale ni soro, ra sa ra visau i lavo jiko.¹⁵Sa caka o koya eso na kuita waqaliqali, sa tovoci ira tani keceliga mai na vale ni soro, na nodra sipi vata na bulumakau. Sa kaburakia na nodra i lavo na dau visau i lavo vata sa vatoboicutakia na nodra tepeli. ¹⁶Sa tukunia vi ira na dauvolitaki ruve, "Yadjia tani na ka kece ke. Kua ni caka na vale ni Tamaqu me vale ni vivoli."¹⁷Sa qai vananumakia o iratou na nona tisaipeli ni ma volai, :Sa kani au na loloma katakata ni nomunu vale." ¹⁸Sa qai vosa o ira na kai Jutia ka tukunia vua, "Nai vatakilakila cava o na vatakila mai vi kitou, ni o sa caka jiko na vika ke?" ¹⁹Sa vosa o Jisu ka tukunia,"Nu talarakia na vale ke, ia au na tara voki ina loma ni tolu na siga."²⁰Sa ra qai tukunia na kai Jutia, "Na vale ni soro ke sa vasagavulu ka ono na yabaki na kena tara jiko, ia o nu na tara i na loma ni tolu na siga?" ²¹Ia, na vale sa vosatakia jiko ke o koya sai koya na yagona. ²²Ni sa qai tucake voki mai na mate, sa ra qai vananumakia na nona tisaipeli na vika ma tukunia vi ira, sa ra qai vadjinajia nai Vola Tabu vata na vika sa tukunia o Jisu.²³Ia ni sa jiko o koya mai Jerusalemi ina kanavata ni qai-sivia, sa levu sa vabaujia na yacana ni ra sa raicia na vika mana sa vayacoya o koya. ²⁴Ia sa reva ni vadjinaji ira o Jisu balejia ni sa kilai ira keceliga o koya, ²⁵balejia sa reva vokiliga ni yaga vua me dua me vatakilai koya vi ira na tamata, ni sa kila o koya na ka sa tu i na loma ni tamata.

3¹Sa dua na Farisi na yacana o Nikotimo, sa dua na nodra turaga na kai Jutia. ²Sa qai mai vi Jisu ina bogi ka tukunia vua, "Vavuvuli, kimamu sa kila ni konu sa qai mai vua na Kalou mo nu mai vivavulici, ni sa reva ni dua sa caka rawa na vika mana ko nu sa caka jiko vavo ke rau sa reva ni jiko vata kaya na Kalou."³Sa vosa o Jisu ka tukunia vua, "E djina, e djina, ke sa reva ni sucu voki na tamata, na reva ni raicia na matanitu ni Kalou." ⁴Sa tukunia vua o Nikotimo, "Sa curu rawa vacava na tamata ni sa matua mai o koya? Me curu voki varua ina kete i jinana, me sucu voki mai?"⁵Sa tukunia vua o Jisu, "E djina, e djina, au sa tukunia vi kodou, ke sa reva ni sucu e dua ina wai vata na Yalo Tabu, na reva ni curu i na matanitu ni Kalou. ⁶Sa vayago o koya sa sucu ina yago, vata sa vayalo o koya sa sucu i na yalo.⁷Kua ni dou kurabui ni'u sa tukunia vi ikodou, 'Ni dodonu mo dou sucu voki.' ⁸Sa liwa na cagi i na yasana sa djigitakia me liwa kinia; nu sa rogocia na kena rorogo, ia nu sa reva ni kila na vanua sa qai mai kinia se sa qai jiko kinia. Sa vavokiliga kinia o koya yadua sa sucu i na Yalo Tabu.⁹Sa vosa o Nikotimo ka tukunia vua, "Sa rawa beka vacava na vika ke?" ¹⁰Sa vosa o Jisu ka tukunia vua, "O ikodou na nodra i vavuvuli na Isireli, ko dou sa reva ni kila na vika beka ke? ¹¹E djina, e djina, au sa tukunia vi ikodou, kitou sa vosatakia na vika kitou sa kila, ka tukunia na vika kitou sa raicia. Ia dou sa reva beka ni vabaujia na nitou i tukutuku.¹²Ke'u sa tukunia na vika vavuravura vi ikodou, ka dou reva ni vabaujia, dou na qai vabaujia vacava ke'u sa tukunia vi ikodou na vika ni lomalagi. ¹³Se reva ni dua na tamata sa qai cake i lomalagi, o koya liga sa qai sobu mai lomalagi, na Luve ni tamata, koya liga sa jiko mai lomalagi.¹⁴Ia me vaka sa lave cake na gata o Mosese mai vikau, e dodonu me laveji cake vavokiliga kinia na Luve ni tamata, ¹⁵me kua ni rusa o ira yadua sa vabauji koya, me ra rawa liga na bula reva ni mudu.¹⁶Ni sa lomani ira na kai vuravura vake na Kalou, me solia kinia na luvena e dua bulu liga sa vatubuya, me kua ni rusa o ira yadua sa vabauji koya, me ra rawa liga na bula reva ni mudu. ¹⁷Ni sa reva ni tala mai na Luvena i vuravura na Kalou me cudruvi ira na kai vuravura, me ra bula liga na kai vuravura i na vukuna. ¹⁸O koya sa vabauji koya sa reva ni cudruvi, ia o koya sa reva ni vabaujia sa qai cudruvi, balejia ni sa reva ni vabaujia na yaca ni Luve ni Kalou, e dua bulu liga sa vatubuya o koya.¹⁹Sai koya gona ke na vuna sa yaco kinia na vilewai: ni sa qai mai na rarama i vuravura, ia ra sa vinakatakia na butobuto na tamata ka ra cajia na rarama, ni sa ca na vika ra vayacoya. ²⁰Ni sa cajia na rarama o ira keceliga sa i valavala ca, a ra sa sece ni qai mai i na rarama, de qai votu mai na i varau ra dau vayacoya. ²¹Koya gona, o koya sa vayacoya na i varau sa djina sa qai mai ina rarama, me varaitakia kinia na nonai varau, ni sa vinaka vua na Kalou.²²Sa oji na vika ke, sa qai o Jisu vata ki ratou na nona tisaipeli i na vanua o Jutia. Sa jiko mai kinia o koya vata ki ira ka vipapitaisotaki. ²³Sa vipapitaisotaki vokiliga o Joni mai Inoni, volekaji Selimi, balejia ni sa levu kinia na wai. Sa ra qai mai vi koya eso vi ira, a ra sa papitaisotaki, ²⁴ke ni se bera ni bala i vale ni vivesu o Joni.²⁵Sa ratou qai vicudruvi o iratou na tisaipeli vata ki so na kai Jutia ina vuku ni nodra i varau ni vivasavasavataki. ²⁶Sa ra qai vi Joni ka tukunia vua, "Vavuvuli, o koya kodou ma jiko vata mai na yasana kadua ni Joritani, o koya konu ma tukunia, raicia, sa vipapitaisotaki jiko o koya, sa ra qai vua o ira keceliga na tamata."²⁷Sa vosa o Joni ka tukunia, "E reva ni dua na tamata sa rawa e dua na ka vavo ke reva ni soli vua mai lomalagi. ²⁸Dou sa tukuni au niu sa tukunia vi ikodou, 'Au sa reva ni Karisito o au, ia au sa talai mai meu liu vi koya.'²⁹Sa nona na tagane sa qai vawaji na wajina. O ira na wekai tagane, koya ra tu ka rogocia na nona vosa, sa ra marautakia valevu na domo i tagane. Koya gona ke, sa qai taucoko kinia na noqu marau. ³⁰Sa dodonu me levu cake jiko o koya, ka lailai sobu o au.³¹O koya sa qai mai colo sa sivi kimamu keceliga. O koya sa tubu mai vuravura sa vavuravura ka sa vosatakia na vika vavuravura. O koya sa qai mai lomalagi sa sivi ira keceliga na kai vuravura. ³²Sa tukunia keceliga o koya na vika sa raicia ka rogocia, ia sa reva ni dua na tamata sa vabaujia na vika sa tukunakia o koya. ³³Koya liga sa ciqomia na nona i tukutuku ka vadjinadjinatakia ni sa djina na Kalou.³⁴O koya sa talai mai vua na Kalou sa vosatakia na Vosa ni Kalou. ³⁵Sa lomania na Luvena o Tamana, sa solia na ka keceliga i ligana. ³⁶O koya a vabaujia na Luvena sa rawa na bula reva ni mudu, ia o koya sa reva ni vabaujia na Luvena, na reva ni raicia na bula, ia na tu vi koya na cudru ni Kalou."

4¹Ni sa qai kila o Jisu ni ra sa rogocia o ira na Fairisi ni sa le levu sa papitaisotaki o Jisu ka le lailai o Joni ²(djina liga ni reva ni vipapitaisotaki jiko o Jisu, o ratou liga na nona tisaipeli), ³sa daidai mai Jutia o koya ka qai i Kalili.⁴Ia sa na gaunisala me na muria, ena qai curumia na vanua o Samaria. ⁵Sa mani yaco mai o koya ina dua na koro mai Samaria, yacana o Saika, volekajia na jiki ni vanua ma solia o Jekope vi Josefa na luvena.⁶Sa tu kinia na toevu ma ni Jekope. Ni sa oca o Jisu mai na nonai qaiqai, sa dabe sobu i na yasa ni toevu. Sa voleka jiko nai ka ono ni auwa. ⁷Sa qai mai e dua na yalewa ni Samaria me mai taki wai, sa tukunia vua o Jisu, Solia mada mai vi au eso na wai me'u somi." ⁸Ratou se qai na nona tisaipeli i na koro me qai voli kakana.⁹Sa qai tukunia vua na yalewa ni Samaria, "E rawa vacava, Ikonu sa kai Jutia, mo kerea mai vi au, niu sa yalewa ni Samaria, ni ikonu sa via somi?" Ni rau sa reva ni viriji o ira na kai Jutia vata ki ira na kai Samaria. ¹⁰Sa vosa o Jisu ka tukunia vua, "Ke o kila laliga nai solisoli ni Kalou, vata ki koya sa tukunia vi konu, 'Solia mai vi au me'u somi; o na qai kerea vua, na qai solia vi iko o koya na wai bula."¹¹Sa tukunia vua na yalewa, "Sa reva beka na nomunu i takitaki , ni sa rui jitobu na toevu. Ko nu na yadjia mai vei na wai bula qori? ¹²ko sa via inaka cake beka vei Jekope, na tamai kimamu, o koya ma solia vi kimamu na toevu ke, ka ma somi kinia o koya, ratou na luvena vata na nona manumanu?"¹³Ss vosa o Jisu ka tukunia vua, "O ira keceliga na somia na wai ke ra na via somi voki, ¹⁴ia o ira keceliga na somia na wai au na solia vua, ra na reva ni via somi voki vadua, ia na wai au na solia vua na tu i lomana me mata ni wai tovure i na bula reva ni vaicavacava."¹⁵Sa tukunia vi koya na yalewa, "Ikonu beka, solia mai vi au na wai qori me rawa niu kua ni via somi voki, se qai mai vanua ke meu mai taki wai." ¹⁶Sa tukunia o JIsu, Qai, kacivia mai na wajimu, drau qai mai vanua ke."¹⁷Sa vosa na yalewa ka tukunia vi koya, "Sa reva ni dua na wajiqu." Sa tukunia vua o Jisu, "O sa tukunia djina mai, 'Ni sa reva na wajimu,' ¹⁸ni sa lima oji na wajimu iliu, o koya drau jiko vata ke e reva ni wajimu. O sa vosa djina mai ina ka gona."¹⁹Sa tukunia vua na yalewa, "Ikonu beka, Au sa qai kila ni o Ikonu sa dua na varovita. ²⁰O ira na nimamu matua ra ma soro vi ikonu i na viulu-ni-vanua ke, ia konu sa tukunia ni sa jiko mai Jerusalemu na jikina me kimamu na lotu kinia."²¹Sa tukunia vua o Jisu, "Yalewa, vadjinajia na noqu vosa: na yaco mai na gauna nu na reva ni lotu vi Tamada se ina viulu-ni-vanua ke, se mai Jerusalemi. ²²Nu lotu vi koya nu sa reva ni kila. Kimamu sa kilai koya kimamu sa lotu vua, ni sa tubu mai vi ira na kai Jutia nai Vabula.²³Ia, na qai mai na gauna , sa qai yaco mai ke, ni ra na lotu vayalo ka vaidjina vi Tamada o ira sa lotu djina, ni sa vaqara o Tamada me vake o ira sa lotu vua. ²⁴Sa yalo na Kalou, o ira sa via lotu vua me ra lotu vayalo ka vaidjina."²⁵Sa tukunia vi koya na yalewa, "Au sa kila ni sa qai iko mai na Mesaia (o koya sa vatokai na Karisito). Ni sa yaco mai o koya, na qai mai vamacalatakia keceliga vi o koya." ²⁶Sa tukunia vua o Jisu, "O au liga ke, sa vosa jiko yani ke vi konu."²⁷Ina gauna gona sa ra yaco mai na nona tisaipeli. Ara sa kurabui ni rau sa vitalanoa jiko vata dua na yalewa, ia sa reva ni dua e tukunia e dua na ka, "Cava nu sa varaicia?" se "Cava drau sa vivosakitakia?"²⁸Sa qai dainia tu na yalewa na nona ka ni taki wai, ka qai yani ina koro, ka tukunia keceliga vi ira na tamata, ²⁹Nu qai mai, me da baki qai raicia dua na tamata, sa tukunia mai vi au na ka keceliga au ma caka. Sai koya beka ke na Karisito se reva? ³⁰A ra sa qai tani yani ina koro ka qai mai vua.³¹Ia ina gauna gona, sa ratou cikevia na nona tisaipeli, ka tukunia vua, "Vavuvuli, nu kana mada." ³²Ia sa tukunia vi ratou o koya, "Sa tu ke vi au na kakana me'u kania, dou sa reva ni kila." ³³Sa ratou qai vitarogi na tisaipeli vataki ratou, "Sa dua beka na tamata sa yadji kakana mai vi koya?"³⁴Sa tukunia vi ira o Jisu, "Na kequ kakana sai koya meu caka na loma i koya sa talai au mai vata meu vaojia na nona cakacaka. ³⁵Nu sa reva ni ma tukunia, 'Sa vo e va na vula me qai cava na yabaki'? Au sa tukunia vi kodou, Nu rai i colo, ka nu na qai raicia na viteitei, ni sa matua na yabaki! ³⁶Ia o koya sa tatamusuki sa visaumi, ka na binia vata na vuana i na bula reva ni mudu; me marau vata ki koya sa kaburakia vata ki koya sa tamusukia.³⁷Sa qai djina kinia na vosa ke, 'Dua sa kaburakia sa duatani voki sa tamusukia. ³⁸Au ma talai kodou mo dou tamusukia na ka dou ma reva ni cakacakatakia. Sa so tani voki sa cakacakatakia, ia dou sa rawa na vua ni nodra cakacaka."³⁹Sa ra le levu na kai Samaria i na koro gona ra sa vabauji koya balejia ina vuku ni vika sa tukunia na yalewa, o koya sa vatakila, 'Sa tukunia mai vi au o koya na ka keceliga au ma caka." ⁴⁰Ia ni ra sa qai mai vua na kai Samaria, ra sa vamasuji koya me jiko liga vata ki ra, sa mani jiko mai kinia me bogi rua.⁴¹Sa le levu vokiliga sa vabaujia balejia na nona vosa. ⁴²Sa ra tukunia vua na yalewa, Ke kimamu sa reva ni vabaujia balejia na vuku ni nomu vosa, ni kimamu sa rogocia, ka kimamu kila ni sai koya djina liga ke na nodrai Vabula na kai vuravura."⁴³Sa oji na bogi rua, sa qai tani mai kinia o koya ka yaco i Kalili. ⁴⁴Sa qai varojia o Jisu, ni sa reva ni dua na varovita sa dokai i na nona vanua. ⁴⁵Ni sa yaco yani i Kalili, a ra sa kidavaki koya na kai Kalili. Ni ra sa raicia na vika keceliga sa vayacoya o koya mai Jerusalemi i na gauna ni solevu, ni ra ma qai vokiilga yani o ira i na solevu.⁴⁶Sa qai voki mai o Jisu i Kena mai Kalili, na koro ma vukicia kinia na wai me waini. Sa dua na turaga sa tauvi-mate na luvena mai Kapenaumi. ⁴⁷Ni sa rogocia ni sa qai mai Jutia i Kalili, sa qai vi Jisu ka kerei koya me qai sobu mada mai me mai vabula na luvena, ni sa varau me ciba.⁴⁸Sa qai tukunia vua o Jisu, Ke nu sa reva ni raicia eso na ka-mana vata na ka e vuvakurabuitaki, nu na reva ni vabaujia." ⁴⁹Sa tukunia vi koya na turaga, "Ikonu beka, nu qai sobu mai, ni se bera ni mate na luvequ." ⁵⁰Sa tukunia vua o Jisu, "Qai, sa bula na luvemu." Sa vabaujia na vosa ni Jisu na Turaga gona, sa qai sara yani o koya.⁵¹Ia ni sa qai sobu jiko, sa ratou mai sotavi koya na nona nona tamata, ratou sa tukutuku vua ka tukunia, ni sa bula na luvena. ⁵²Sa qai tarogi iratou o koya na auwa cava sa tekivu me vinaka cake mai kinia o koya. Ratou sa tukunia vua, "Na siga i nana ina i kavitu ni auwa sa seavu vua na katakata."⁵³Sa qai kila na tamana ni ke na auwa vataliga ma tukunia kinia vua o Jisu, "Sa bula na luvemu." O koya vata ki ratou na nona le ni vuvale ratou sa vabaujia. ⁵⁴Ke nai karua ni ka-mana sa caka o Jisu, ni sa qai mai Jutia i Kalili.

5¹Sa oji na vika ke sa dua na nodra so-levu na kai Jutia, sa qai o Jisu i Jerusalemi. ²Sa tu mai Jerusalemi ina yasa ni matamata ni koro ni sipi e dua na i silisili, na yacana va-Iperiu o Peceseita, sa lima na kena vale va-varada. ³Sa le levu sara vi ira na tamata ra sa tauvi-mate, ra lokiloki, se paralase ra dau qai dadavo tu kinia. ⁴Sa dua na agilosi sa dau qai sobu mai i nai tobu ni sisili ina so na gauna me dau mai vayavalajia na wai: ia o koya sa qai sobu mai kinia i liu ni sa dau vayavalaji na wai, sa vabulai mai na mate keceliga sa tauvi koya.⁵Sa jiko kinia e dua na tamata sa tauvi-mate tu sa yabaki vasagavulu ka walu na yabaki. ⁶Ni sa raici koya o Jisu ni sa davo toka, sa kila ni sa balavu na nona davo toka, sa mani tukunia vua, "O sa vinakatakia mo bula, se reva?"⁷Sa tukunia vua na tamata tauvi-mate, "Ikonu beka, Sa reva ni dua na tamata sa yadji au i na tobu ni sisili ni sa vayavalaji na wai. Niu sa qai jiko yani, sa dua voki sa liu vi au." ⁸Sa tukunia vua o Jisu, "Tucake, tauria na nomui davodavo, ka qai."⁹Sa bula vasauri na tamata, ka sa tauria na nona i davodavo ka qai. Na siga ke sa Siga ni Vacecegu,¹⁰Sa ra qai tukunia vua na kai Jutia vi koya sa na tamata sa vabulai, "Ni kua na siga ni Vacecegu, sa reva ni vatarai vi iko mo cola na nomui davodavo." Sa tukunia vi ira o koya, ¹¹"O koya sa vabulai au sa tukunia vi au o koya, Tauria na nomui davodavo, ka qai."¹²Sa ra qai tarogi koya, "O cei na tamata sa tukunia vi iko, 'Tauria na nomui davodavo ka qai'?" ¹³Ia o koya sa vabulai sa reva ni kila se o cei o koya balejia ni qai vailo yani o Jisu, ka ni ra sa le levu ra tu i na vanua gona.¹⁴Sa oji gona, sa raici koya o Jisu ni sa jiko ina vale ni soro, sa tukunia vua, "Raicia, o sa bula, vinaka! Kua ni valavala ca voki; de na qai yaco vi iko e dua na ka e levu cake." ¹⁵Sa qai tani na tamata gona ka tukunia vi ira na kai Jutia ni o JIsu koya ma vabulai koya,¹⁶Ia me balejia na vika kece ke sa vacacani Jisu kinia o ira na kai Jutia, balejia ni sa caka keceliga o koya na vika ke ina siga ni Vacecegu. ¹⁷Sa tukunia vi ira o Jisu, "Sa cakacaka jikoliga ke o Tamaqu, o au vokiliga, au sa cakacaka." ¹⁸Balejia gona na vuku ni vika ke, sa ra saga vakaukauwa me ra vamatei koya balejia ni sa reva laliga ni vacacania o koya na siga ni vacecegua, ia sa tukunia vokiliga o koya ni sa Tamana djina na Kalou, ka sa vatautauvatataki koya kinia vata na Kalou.¹⁹Sa qai vosa o Jisu, ka tukunia vi ira, "E djina, e djina, au sa tukunia vi ikodou, na reva ni rawa vataki koya liga e dua na ka na Luvena, vavo ke sa raicia mai vi Tamana ni sa vayacoya o koya, sa na vayacoya vokiliga kinia na Luvena. ²⁰Ni sa lomania na Luvena o Tamana, sa na varaitakia vua na vika keceliga sa vayacoya o koya, vata na varaitakia vokiliga na vika e levu cake mai na vika ke, mo dou kurabui kinia.²¹Me vaka sa vaturi ira na mai na mate o Tamana, ka vabula, sa vavokiliga kinia na Luvena o koya sa vabulai ira sa vinakatakia. ²²Ni sa reva ni lewa e dua o tamata o Tamana, ia sa lesia na Luvena me lewai ira keceliga, ²³me ra varokorokotakia na Luvena na tamata keceliga, me vaka nodra varokoroiotaki Tamana. O koya sa reva ni varokorokotakia na Luvena, sa reva ni varokorokotakia na Tamana sa talai koya mai.²⁴E djina, e djina, au sa tukunia vi ikodou, O koya sa rogocia na noqu vosa ka vabauji koya sa talai au mai, sa rawa na bula reva ni mudu, ni na reva ni cudruvi, ia sa qai mai na mate i na bula.²⁵E djina, e djina, au sa tukunia vi ikodou, Sa voleka mai na gauna, ia sa yaco ni kua, me ra rogocia na domo ni Kalou na mate, ia o ira sa rogocia ra na bula.²⁶Me vaka ni sa bula vataki koya liga o Tamana, sa solia vokiliga vua na Luvena me bula vokiliga vataki koya, ²⁷sa lesia o Tamana vua na Luvena na vayacoya na vilewai, i na vuku ni sa Luve ni tamata.²⁸Dou kua ni kurabi ina vuku ni vika ke, ni sa qai mai na gauna ra na rogocia kinia na domona o ira kecelilga sa jiko ina i bulubulu, ²⁹ara na qai mai kinia: o ira sa i valavala vinaka, ni ra na tucake voki me ra bula; ia o ira nai valavala ca, ra na tucake voki me ra cudruvi.³⁰Au sa reva ni caka rawa e dua na ka vataki au. Me vaka niu sa rogocia, au sa lewa me vataki au, na lewa niu sa reva ni muria, niu sa reva ni muria na lomaqu, na loma i Tamaqu liga koya sa talai au mai. ³¹Ke o au liga sa tukuni au, na noqui tukutuku sa na reva ni djina. ³²Sa dua tani voki sa tukuni au, ia au kila na nona i tukutuku sa tukunia me baleji au e ka djina.³³Dou ma talai vi Joni, sa tukunia na djina o koya. ³⁴Ia sa reva ni yaga vi au me ra tukuni au na tamata, Au sa tukunia liga na vika ke, mo dou bula kinia. ³⁵O Joni sai koya na rarama sa caudre tu ka rarama mai, ia mo dou vinakatakia vadede valailai liga mo dou rawa ni marautakia kinia na kena rarama.³⁶Ia nai tukutuku au sa tukuni kinia sa levu ka lailai o nai tukutuku ni Joni, na cakacaka sa solia mai vi au o Tamaqu meu vaojia, na cakacaka vata liga ke au sa caka jiko, sa tukuni au ni sa talai au mai o Tamaqu. ³⁷Ia o Tamaqu koya sa talai au mai, sa dau tukuni au. Dou sa reva ni rogocia na domona ina dua na siga se raicia na nona i tovo. ³⁸Sa reva ni jiko i na lomamudou na nona vosa, ni dou sa reva ni vabauji koya sa tala mai o koya.³⁹Dou sa vaqara i na i Vola Tabu ni dou sa naumia dou sa rawa na bula reva ni mudu, ia nai vola vataliga ke sa tukuni au, ⁴⁰ia dou sa reva ni via qai mai vi au, mo dou rawa kinia na bula.⁴¹Sa reva ni yaga vi au me ra varokorokotaki au na tamata, ⁴²ia au sa kilai ikodou ni sa reva ni jiko i lomamudou na loloma ni Kalou.⁴³Au sa qai mai i na yaca i Tamaqu, ia dou sa reva ni vabauji au. Ke sa qai mai e dua tani voki i na yacana laliga, nu na vabauji koya. ⁴⁴Nu sa vabaujia rawa vacava, ni dou sa vivarokorokotaki vataki ikodou ka reva ni gadrevia na varokoroko sa qai mai vua na Kalou?⁴⁵Dou kua ni nanumia niu na beitaki ikodou vi Tamaqu. Sa dua sa beitaki ikodou jiko, gona o Mosese, ni dou sa dau vararavi kinia. ⁴⁶Ke dou sa vabauji Mosee, dou na vabauji au, ni sa volai au o koya. ⁴⁷Ia ke dou sa reva ni vadjinajia na nona i vola, dou na vadjinajia vacava na noqu vosa?"

6¹Sa oji na vika ke, sa qai o Jisu i na tai ni wasawasa mai Kalili, sa yacana vokiliga o Taiperia. ²Ra sa le levu sa muri koya jiko balejia ni ra sa raicia ni sa caka na vika mana vi ira sa tauvi-mate. ³Sa qai cabe i na ulu-ni-vanua o JIsu, a sa jiko sobu vata ki ratou na nona tisaipeli.⁴(Sa voleka na kana vata ni qai-sivia, a ra dau soqo kinia na kai Jutia.) ⁵Ni sa qai rai i colo o Jisu, sa raicia ni ra sa le levu sa qai jiko mai vua, sa tukunia vi FIlipi, "Ta na volia mai vi na kedra kakana o ira ke, me ra mai kana kinia?" ⁶(Ia sa tukunia na vosa ke o Jisu vi Filipe, me vatovolei koya kinia, ni sa kila o koya na na ka sa nakijia me caka.)⁷Sa tukunia vua o Filipi, "Na rua na drau na pene ke na reva ni raujia me voli kinia na madrai me ra yadua se me ra valalai madaliga kinia." ⁸Sa dua vi ratou na tisaipeli, o Adriu, na taci Saimoni Pita, sa tukunia vi Jisu, ⁹"Sa tu ke dua na gonetagane laiali sa jiko vua e lima nai buli madrai vata e rua na ika, ia sa na takiviyaga vi kita ni ra sa rui le levu?"¹⁰Sa tukunia o Jisu, "Vosa vi ira na tamata me ra dabe sobu," Sa levu na vico i na vanua gona. A ra sa dabe sobu na tagane, era sa le lima beka na udolu na kedra i wiliwili. ¹¹Sa qai tauria o Jisu na vibuli madrai, sa vavinavinakatakia, sa viwaseyakia vi ira na tisaipeli, me ra vota vi ira na sa dabe jiko. Sa vavokiliga kinia na ika, sa wasea vokiliga vi ira me va na ka ra vinakatakia. ¹²Ni ira sa kuva na tamata, sa tukunia o koya vi ratou na nona tisaipeli, "Kumunia vata kece mai na meme ni kakana sa vo tu gona, me kua yali e dua na ka."¹³Ra sa qai tomikia vata mai ka vasinaijia e jinikarua nai su ina vijiki ni madrai parile e lima, koya sa vo tu mai vi ira sa kana. ¹⁴Ni ra sa raicia na tamata na cakacaka mana sa vayacoya o koya, ra sa tukunia, "Sai koya djina liga ke na parofita gona koya dodonu me qai mai i vuravura." ¹⁵Ni sa kila o Jisu ni ra sa nakijia me ra varau mai tauri koya vakaukauwa me ra bulia me tui, sa qai taudua voki yani o koya i na ulu-ni-vanua.¹⁶Ni sa qai raiyavi mai, sa ra qai sobu na nona tisaipeli i matasawa. ¹⁷Sa ra vodo i na waqa, ka ra qai ina wasawasa i Kapenaumi. Sa buto mai na vanua, sebera liga ni yaco yani o Jisu vi ratou. ¹⁸Sa liwa mai na cagi kaukauwa vata sa voravora mai na wasawasa.¹⁹Ia ni ratou sa voce yani raujia ni lima kina ono na kilomita vacaca, sa ratou raici Jisu ni sa taubale jiko i dela ni wai, sa toso voleka mai na waqa, ratou sa rere. ²⁰Sa tukunia vi ira o koya, "O au liga ke! Kua ni rere." ²¹Ratou sa qai vinakatakia me vodo i waqa o koya, sa udu vasauri na waqa i na vanua ratou sa qai jiko kinia²²Sa savulaci, sa ra tucake tu na le levu mai na tai ni wai kadua ka reva ni raicia e dua voki na waqa e tu kinia, vavo liga na waqa ma vodokia o ira na tisaipeli ia sa reva ni vodo vata ki ira na nona tisaipeli o Jisu ka ratou sa soko liga vataki ira liga. ²³Ia sa so na waqa sa qai mai Taiperia ka voleka i na vanua ra ma kana madrai kinia ni sa vavinavinakatakia oji na Turaga.²⁴Ni ra sa raicia na le levu ni sa reva kinia o Jisu se o ratou na nona tisaipeli, ra sa vodo vokiliga i na waqa ka qai yani i Kapenaumi me vaqarai JIsu. ²⁵Ni ra sa raici koya mai tai kadua ni wai, ra sa tukunia vua, "Vavuvuli, Ikonu qai mai vanua ke ni naica?"²⁶Sa qai vosa o Jisu ka tukunia vi ira, "Edjina, e djina, au sa tukunia vi ikodou. Dou sa reva ni vaqarai au balejia ni nu sa raicia na vika mana, ia dou sa kania liga na vibuli madrai, mo dou kuva kinia. ²⁷Dou kua ni oca i na kakana sa ca varawarawa, ia mo dou oca i na kakana sa tu kinia na bula reva ni mudu koya sa na solia mai vi ikodou na Luve ni tamata, ni sai koya sa vadjinadjinatakia na Kalou o Tamana."²⁸Ara sa qai tukunia vua, "Na cava me kimamu vayacoya, me kitou caka kinia na cakacaka sa vinaka vua na Kalou?" ²⁹Sa vosa o JIsu ka tukunia vi ira, "Ke na cakacaka sa vinaka vua na Kalou: Mo dou vabauji koya sa tala mai o koya."³⁰A ra sa tukunia vua, "Na cava nai vadjinadjina ikonu sa caka, me rawa ni kitou raicia ka vabaujia Ikonu? Na cava Ikonu na vayacoya? ³¹O ira na noda matua ra ma kana mana mai vikau, me vaka sa volai, 'Sa solia vi ira o koya na madrai mai lomalagi me ra kania.'"³²Sa qai vosa o Jisu ka tukunia vi ira, "E djina, e djina au sa tukunia vi ikodou, sa reva ni o Mosese ma solia vi ikodou na madrai gona mai lomalagi, o Tamaqu liga sa solia vi ikodou na madrai djina mai lomalagi. ³³Ni sai koya ke na madrai mai vua na Kalou sa qai sobu mai lomalagi ka sa solia na bula vi ira na kai vuravura." ³⁴Sa ra tukunia vua, "Ikonu beka na Turaga, solia jikoliga mai vi kimamu na madrai ke."³⁵Sa tukunia vi ira o Jisu, "O au na madrai ni bula, o koya sa qai mai vi au na reva ni viakana, o koya sa vabauji au na reva ni via somi voki. ³⁶Ia au sa tukunia vi ikodou, dou ma raici au, ia dou ma reva ni vabaujia. ³⁷O ira keceliga sa solia mai vi au o Tamaqu ra na qai mai vi au, ia o koya sa qai mai vi au na reva sara ni kolotakia tani.³⁸Au sa reva ni qai sobu mai lomalagi, meu vayacoya na lomaqu, meu vayacoya liga na loma i koya sa talai au mai. ³⁹Ni sai koya ke na loma i koya sa talai au mai, me kua ni yali e dua vi ira sa solia mai vi au o koya, me tucake voki mai i na siga maimuri. ⁴⁰Ni sai koya ke na loma i Tamaqu, me ra rawa na bula reva ni mudu o ira keceliga sa raicia na Luvena ka vabauji koya ni na tucake voki mai na siga maimuri."⁴¹Sa ra qai vosakudrukurutaki koya o ira na kai Jutia balejia ni sa tukunia o koya, "O au na madrai sa qai sobu mai lomalagi." ⁴²Ara sa tukunia, "Sa reva beka ni luvei Josega o koya ke, na tamana vata na jinana da sa kila? Sa qai tukunia vacava mai o koya, "Au sa qai sobu mai lomalagi?"⁴³Sa vosa o Jisu ka tukunia vi ira, "Dou kua ni vosakudrukudru vai ikodou. ⁴⁴E reva ni dua na qai rawa mai vi au ke reva ni vayarayarataki koya mai o Tamaqu sa talai au mai, ia au na vatucaketaki koya i na siga maimuri. ⁴⁵Sa vola eso na parofita, Ena vavulici ira keceliga na Kalou.' O ira keceliga sa rogocia ka sa vavulici ira kinia o Tamaqu a ra na qai mai vi au.⁴⁶Ni sa reva ni dua na tamata sa raici Tamaqu, o koya duadua liga sa qai mai vua na Kalou-sa raici Tamaqu o koya. ⁴⁷E djina, e djina, au sa tukunia vi ikodou, o koya sa vabauji au sa rawa na bula reva ni mudu.⁴⁸O au na madrai ni bula. ⁴⁹Sa kania na mana mai vikau o ira na nomudou matua, ra sa mate liga.⁵⁰Sai koya ke na madrai sa qai sobu mai lomalagi, me ra kania na tamata ka reva ni mate. ⁵¹O au na madrai ni bula, sa qai sobu mai lomalagi, ke sa dua e kania na madrai ke, ena bula ka reva ni mudu. Na madrai au na solia sa lewequ o koya au na solia me bula kinia o ira na kai vuravura."⁵²Sa ra qai viba vata ki ira na kai Jutia, ka tukunia, "Sa rawa vacava me solia mai na lewena na tamata ke me da kania?" ⁵³Sa qai tukunia vi ira o Jisu, E djina, e djina, au sa tukunia vi ikodou, ke dou sa reva ni kania na lewe ni Luve ni tamana ka somia na nona dra, sa reva vi ikodou na bula.⁵⁴O koya sa kania na lewequ ka somia na noqu dra sa rawa na bula tawa mudu, au na vawiri koya voki ina i katolu ni siga. ⁵⁵Ni sa kakana djina na lewequ, sa ka ni somi djina na noqu dra. ⁵⁶O koya sa kania na lewequ ka somia na noqu dra sa tu vi au, o au vokiliga sa tu vi koya.⁵⁷Me vaka sa bula jiko o Tamaqu koya sa talai au mai, au sa bula vokiliga i na vuku i Tamaqu, sa vavokiliga kinia o koya sa kani au, au na bula vokililga i na vukuqu. ⁵⁸Sai koya ke na madrai sa qai sobu mai lomalagi, sa reva ni tautauvata ki na mana sa kania o ira na nomudou matua ka ra sa mate kinia. O koya sa kania na madrai ke, ena bula ka reva mudu." ⁵⁹Sa vosatakia na vi ka ke o koya i na vale ni lotu ni sa vivatavulici jiko mai Kapenaumi.⁶⁰Era le levu sara vi ira na nona tisaipeli ni ra sa rogocia, ra sa tukunia, "Sa vosa mama ke, o cei sa rogocia rawa? ⁶¹O Jisu, ni sa kila vata i lomana, ni ra sa vosakudrukudru na nona tisapeli i na ka ke, sa tukunia vi ira, "Sa dua vi ikodou sa reva ni taleitakia?"⁶²Ia na vacava beka ke dou sa na raicia na Luve ni tamata ni sa qai i colo ina vanua sa jiko mai kinia iliu? ⁶³Na yalo sa solia na bula; ia na lewena sa reva ni yaga. Na vosa au sa vosatakia vi ikodou sa vayalo, ka sa vu-ni-bula.⁶⁴Ia ka so vi ikodou sa reva ni vabaujia" Ni sa kilai ira o Jisu mai nai vatekivu ni ra sa reva ni vabauji koya vata ki koya sa na soli koya yani. ⁶⁵Sa tukunia, "O koya gona ke au sa tukunia kinia vi ikodou, ni sa reva ni dua na tamata sa qai mai vi au ke reva ni solia mai vua o Tamaqu."⁶⁶Balejia gona ke, sa le levu vi ratou na tisaipeli sa qai tani yani ka reva voki ni qai vata ki koya. ⁶⁷Sa qai tukunia o Jisu vi ratou na le jinikarua, "Nu sa reva ni via qai tani vokiliga, o ikodou?" ⁶⁸Sa qai tukunia vua o Saimoni Pita, "Ikonu na Turaga, Me kitou qai voki vi cei? Sa tu liga vi Ikonu na vosa ni bula tawa mudu, ⁶⁹ia kitou sa vabaujia ka kila ni sai Ikonu liga na Karisito, na Luve ni Kalou bula."⁷⁰Sa tukunia vi ira o Jisu, Au sa reva ni djigitaki ikodou, na le jinikarua, ia sa dua vi ikodou sa nona i to na tevoro?" ⁷¹Sa talanoataki Jutasa na luvei Saimoni Isikarioti, ni sai koya ke na soli koya yani, sa dua vi ratou na le jinikarua o koya

7¹Ni sa oji na vika sa qai wavoki o Jisu i Kalili, ni sa reva ni via qai i Jutia balejia ni ra sa via vamatei koya na kai Jutia. ²Sa voleka na nodra soqo levu na kai Jutia, na solevu ni vale vacevaceva.³Sa qai tukunia vi koya o iratou na tacina, "Qai tani vanua ke ka qai i Jutia, me ra raicia vokiliga na nomu tisaipeli na cakacaka o sa vayacoya. ⁴Sa reva ni dua e vayacoya vavuni e dua na ka, ke sa vinakatakia o koya me kilai. Ke o sa via vayacoya e dua na ka, varaitaki iko vi ira na kai vuravura."⁵Ni ratou sa reva vokiliga ni vabauji koya o iratou na tacina. ⁶Sa qai tukunia vi ratou o Jisu, "Sebera ni yaco mai na noqu gauna, ia sa tautauvata vi ikodou na gauna keceliga. ⁷Sa reva ni caji ikodou rawa ira na kai vuravura, ia ra sa caji au balejia niu sa vatakila ni sa ca na nodrai varau.⁸Dou qai cake i na solevu ke, au na reva ni qai i na solevu balejia ni se bera ni yaco mai na noqu gauna." ⁹Ni sa vosatakia oji na vika ke vi iratou, sa jiko liga o koya i Kalili.¹⁰Ia ni ratou sa qai cake na tacina, sa qai cake vokiliga o koya i na solevu, sa reva ni vararai sa vuni liga. ¹¹Sa ra qai vaqarai koya na kai Jutia ina solevu ka tukunia , "Sa ivei o koya?"¹²Sa ra vitalanoataki koya lo valevu na tamata. Sa tukunia eso, "Sa tamata vinaka o koya." Eso voki sa tukunia, "Reva, sa yadji ira vatani na tamata o koya." ¹³Sa reva ni dua vivosataki koya votu, ni ra sa rerevaki ira na kai Jutia.¹⁴Ia ni vimama na gauna ni solevu, sa qai cake o Jisu i na vale ni soro ka vatavuvuli. ¹⁵Sa ra kurabui na kai Jutia, ka tukunia, "Sa kila vacava na tamata ke e levu na ka?" O koya e sebera vadua ni baki vuli." ¹⁶Sa vosa vi ira o Jisu, ka tukunia, "Sa reva ni noqu na noqui vavuvuli, sa nona liga o koya sa talai au mai."¹⁷Ke dua na tamata sa via caka na loma i koya, ena kila se sa mai vua na Kalou nai vavuvuli, se sa vosa liga vata ki koya. ¹⁸O koya sa vosa vata ki koya liga, sa vinakatakia na dokai, ia o koya sa vinakatakia me dokai o koya sa talai koya mai, sa djina ka sa reva na ka cala vua.¹⁹Sa reva ni solia ma solia vi ikodou na vunau o Mosese? Sa reva ni dua vi ikodou sa muria na vunau. Dou sa via vamatei au i na vuku ni cava?" ²⁰Ara sa vosa na le levu ka tukunia, "Sa curumi Ikonu e dua na tevoro. O cei sa via vamatei Ikonu?"²¹Sa vosa o Jisu ka tukunia vi ira, "Sa dua laliga na cakacaka au sa caka ka ko dou sa kurabui keceliga kinia. ²²Sa solia vi ikodou na viteve o Mosese (sa reva ni vu mai vi Mosese, sa vu liga mai vi ira na matua), ia dou sa tevea na tamata i na siga ni Vacecegu.²³Ke sa teve na tamata i na siga ni Vacecegu me kua ni vorokia kinia nai vunau ni Mosese, nu sa cudruvi au niu sa vabula taucoko e dua na tamata i na siga ni Vacecegu? ²⁴Dou kua ni lewa me vaka na ka sa laurai, dou lewa vadodonu liga."²⁵Sa qai tukunia eso mai Jerusalemi, "Sa reva beka ni o koya ke ra sa via vamatea? ²⁶Raicia, sa vosa doudou, ka ra reva ni tukunia vua e dua na ka. Sa ra reva beka ni kila na turaga ni sai koya djina ke na Karisito se reva? ²⁷Ia na tamata ke, da sa kila na vanua sa qai mai kinia. Ia na Karisito ni sa qai mai, sa reva ni dua e kila se qai mai vi o koya."²⁸Sa qai kaci o Jisu ni sa jiko i na vale ni soro ka vatavuvuli jiko ka tukunia, "Dou sa kilai au, dou sa kila vokiliga na vanua au sa qai mai kinia. Au sa reva ni qai mai vata ki au liga, ia sa djina o koya sa talai au mai, ia dou sa reva ni kilai koya. ²⁹Au sa kilai koya balejia niu sa qai mai vi koya ka sa talai au mai o koya."³⁰Sa ra qai via vesuki koya, ia sa reva ni dua sa tarai koya ni se bera ni yaco mai na nona gauna. ³¹Sa le levu vi ira na tamata ra sa vabauji koya, ka tukunia, "Ni sa qai mai na Karisito, ena vayacoya beka na cakacaka mana e levu cake mai na vika sa vayacoya o koya ke?" ³²O ira na Farisi ra sa rogocia ni ra sa vivosakitaki Jisu lo jiko vake o ira na le levu, sa ra qai tala eso na ovisa o ira na Farisi vata na bete levu me ra vesuki koya.³³Sa qai tukunia vi ira o Jisu, "Au sa jiko valaiali liga vata ki kodou, au na qai vi koya sa talai au mai. ³⁴Nu na vaqarai au ia nu na reva ni raicia; na vanua au sa jiko kinia, nu sa reva ni qai rawa kinia."³⁵Sa ra qai vitukuniyakia o ira na kai Jutia, "Na qai beka i vi o koya me da na reva kinia ni rawa raici koya kinia? Ena qai beka vi ira na duiviseyaki vi ira na kai Kirisi ka vavulici ira na kai Kirisi?" ³⁶Na vosa cava beka ke sa tukunia o koya, 'Nu na vaqarai au ia nu na reva ni raici au; na vanua au na jiko kinia, nu sa reva ni qai rawa kinia'?"³⁷Ina ojioji ni siga ni solevu, sa wiri tu o Jisu ka kaci ka tukunia, "Ke dua sa via somi, me qai mai vi au ka somi. ³⁸O koya sa vabauji au, me vaka sa tukunia nai Vola Tabu, na dave mai ketena na viuciwai ni wai bula."³⁹Na vika sa vosatakia ke o koya sai koya na Yalo Tabu, koya na yaco vi ira sa vabauji koya; ni se bera ni soli na Yalo Tabu ni se bera ni varokorokotaki o Jisu.⁴⁰A so vi ira na le levu ni ra sa rogocia na vivosa ke, ra sa tukunia, "Sai koya djina ke na varovita gona." ⁴¹Sa tukunia voki eso, "Sai koya ke na Karisito." Ia sa so tani voki sa tukunia, "Sa qai beka mai Kalili na Karisito? ⁴²Sa reva beka ni tukunia nai Vola Tabu ni sa qai mai na Karisito mai na kawa i Tevita, mai Peceliema, na koro sa jiko kinia o Tevita?"⁴³A ra sa vilejitaki koya na le levu. ⁴⁴Sa so vi ira sa via vesuki koya, ia sa reva ni dua e tarai koya.⁴⁵A ra sa qai mai na ovisa vi ira na bete levu vata ki ira na Farisi, a ra sa tukunia vi ira, "Nu sa reva ni yadji koya mai i na vuku ni cava?" ⁴⁶Sa tukunia o ira na ovisa, "Sa reva ni dua na tamata sa vosa me vaka na tamata ke,"⁴⁷Ara sa qai tukunia na Farisi vi ira, Nu sa vacalai beka o ikodou vokiliga? ⁴⁸Sa vabauji koya e dua vi ira na Farisi se reva? ⁴⁹Ia o ira na le levu ra sa rusa ni ra sa reva ni kila na vunau."⁵⁰Sa tukunia vi ira o Nikotimo (sa dua vi ira sa qai mai vua i liu, ka sa dua vi ira) ⁵¹Sa cudruvia beka na tamata na noda vunau, ni sa reva ni rogoci koya mada iliu ka kila na ka sa vayacoya?" ⁵²A ra sa tukunia vua, "O iko vokiliga na ka Kalili? Nu vaqara ka raicia ni sa reva ni dua na varovita sa tubu mai Kalili."⁵³A ra sa dui qai keceliga i na nodra vivale.

8¹Sa qai o Jisu i na ulu-ni-vanua ni violive. ²Ni sa savulaci caca sa qai voki mai o koya i na vale ni soro, sa ra qai mai vi koya o ira keceliga na tamata; a ra dabe sobu ka vavulici ira. ³O ira na vunivola vata ki ira na Farisi sa yadjia mai vi koya e dua na yalewa sa tobo ni sa dau-tagane. Sa ra qai daini koya i na kedra maliwa.⁴A ra sa tukunia vua, "Vavuvulil, na yalewa ke sa tobo mai ni sa dau-tagane, ni sa caka jiko. ⁵Ia nai vunau, sa vosa vi kita o Mosese me vaviriki i na vatu o ira sa vake; cava ikodou sa vosa kinia me baleji koya?" ⁶Ra sa vosa vake me ra veretaki koya kinia ka me rawa ni ra beitaki koya, ia sa cuva sobu o Jisu ka vola i na qele i na nona i qaqalo.⁷Ia ni ra sa tarogi koya jikoliga, sa tucake o koya ka tukunia vi ira, O koya vi ikodou sa reva ni valavala ca, me viriki koya mada iliu i na vatu." ⁸Sa qai cuva sobu voki o koya ka vola na qele i na nonai qaqalo.⁹Ni ra sa rogocia, ra sa qai yadudua i tuba, tekivu vi ira na matua ka ra qai vimuri keceliga yani na tamata. Sa jiko duadua liga o Jisu, sa qai tucake tu na yalewa i matana. ¹⁰Sa wiri o Jisu ka tukunia vua, "Yalewa, sa ivi o ira ke ma beitaki iko? Sa reva beka ni dua e via lewai iko mo cudruvi?" Sa tukunia vua o koya, "Sa reva ni dua, Turaga." ¹¹Sa tukunia vua o Jisu, "Au sa reva vokiliga ni lewai iko mo cudruvi. Mo qai, kua ni valavala ca voki."¹²Sa qai vosa vi ira o Jisu ka tukunia, "O au na rarama ki vuravura; o koya sa via muri au me kua ni qai i na butobuto ia na tu liga vi koya na rarama ni bula." ¹³O ira na Farisi sa qai tukunia vua, "O sa tukuni iko; sa reva ni djina na nomui tukutuku."¹⁴Sa vosa o Jisu ka tukunia vi ira, "Keu sa mani tukuni au, sa djina na noqui tukutuku. Niu sa kila na vanua au sa qai mai kinia, ka qai yani kinia, ia ko nu sa reva ni kila se qai mai vei, seu qai ivei. ¹⁵Dou sa lewa me vaka na ka sa laurai; au sa reva ni lewa e dua na tamata. ¹⁶Ia keu sa lewa, sa djina na noqu lewa, balejia niu sa reva ni jiko duadua liga, ia o au vata ki Tamaqu, o koya sa talai au mai.¹⁷Io, ni sa volai vokiliga i na nomunu vunau ni sa djina nai tukutuku ni tamata e le rua. ¹⁸Sa dua o au sa tukuni au, sa tukuni au o Tamaqu koya sa talai au mai.¹⁹A ra sa qai tukunia vua, "I vi o Tamamu?" Sa tukunia o Jisu, "Dou sa reva ni kilai au se o Tamaqu; ke dou sa kilai au, dou sa kilai Tamaqu vokiliga." ²⁰Sa cavujia na vosa ke o koya ni sa jiko i na vale ni yau ni sa vatavuvuli jiko i na vale ni soro, sa reva ni dua sa vesuki koya balejia ni se bera ni yaco mai na nona gauna.²¹Sa qai tukunia voki vi ira o koya, "Au sa na qai yani; dou na qai vaqarai au, ia ni dou na mate i na nomudou i valavala ca. Na vanua au na qai kinia, dou sa reva ni qai rawa kinia." ²²Ra sa qai tukunia na kai Jutia, "Ena vamatei koya beka vataki koya? Ni sa tukunia, 'Na vanua au sa qai kinia, dou sa reva ni qai rawa kinia'?"²³Sa tukunia vi ira o Jisu, "Dou sa qai mai ra; au sa qai mai colo. Dou sa vavuravura; au sa reva ni vavuravura. ²⁴O koya gona ke, au ma tukunia vi ikodou ni nu na mate i na nomudou i valavala ca. Ia ke dou sa reva ni vadjinajia ni SAI AU, dou na mate i na nomudou i valavala ca."²⁵A ra sa qai tukunia vua, "O cei o iko?" Sa tukunia vi ira o Jisu, "Sai koya liga na ka au ma tukunia vi ikodou mai nai vatekivu. ²⁶Sa levu na ka meu tukunia ka lewai ikodou kinia. Ia sa djina o koya sa talai au mai; ia au sa tukunia vi ira na kai vuravura na vi ka au sa rogocia mai vi koya." ²⁷A ra sa reva ni kila ni sa vosatakia na Tamana vi ira o koya.²⁸Sa qai tukunia vi ira o Jisu, "Ni nu sa sa na lavejia oji i colo na Luve ni tamata, nu na qai kila ni SAI AU, niu sa reva vokiliga ni vayacoya e dua na ka vataki au. Na ka sa vatavulici au kinia o Tamaqu, koya au sa vosatakia. ²⁹Sa jiko vata ki au o koya sa talai au mai, sa reva ni daini au meu jiko taudua, niu sa vayacoya jiko na ka sa vinakatakia o koya." ³⁰Ni sa cavujia jiko na vosa ke o Jisu, ra sa le levu ra sa vabauji koya.³¹Sa qai tukunia o Jisu vi ira na kai Jutia ara sa vabauji koya, "Ke dou sa muria jikoliga na noqu vosa, dou sa qai noqu tisaipeli djina; ³²ni dou sa kila na ka djina, ia na ka djina na sereki ikodou." ³³A ra sa tukunia vua, "Ikodou na kawa i Eparaama, kimamu ma reva ni ma bobula i na dua na gauna; sa rawa vacava mo tukunia, 'Dou na sereki'?"³⁵Sa tukunia vi ira o JIsu, "E djina, e djina, au sa tukunia vi ikodou, O koya yadua sai valavala ca sa bobula i nai valavala ca. ³⁴Sa reva ni jiko vadua i vale na bobula; na luvena sa jiko vadua. ³⁶Ia, ke na sereki ikodou na Luvena, dou na qai sereki vaidjina.³⁷Au sa kila ni dou sa kawa vi Eparaama; ia dou sa via vamatei au balejia ni sa reva ni jiko i lomamudou na noqu vosa. ³⁸Au sa vosatakia na ka au sa raicia vi Tamaqu, ikodou vokiliga dou vayacoya na ka dou sa rogocia mai vua na tamamud0u."³⁹Ara sa vosa ka tukunia vua, "Na tama i kimamu o Eparaama." Sa tukunia vi ira o Jisu, Ke nu sa luve i Eparaama, nu na vayacoya na cakacaka ni Eparaama. ⁴⁰Ia ke, dou sa qai via vamatei au, na tamata sa tukunia vi kodou na ka djina sa rogocia mai vua na Kalou. Sa reva ni vayacoya na ka ke o Eparaama. Nu vayacoya na nona cakacaka na tamamunu." ⁴¹Ara sa qai tukunia vua, Kimamu sa reva ni sucu i veidauci, sa dua liga na tama i kimamu, na Kalou."⁴²Sa qai tukunia vi ira o Jisu, Ke sa Tamamunu na Kalou, dou na lomani au, niu sa tubu mai vua na Kalou, au sa qai mai kinia, au sa reva ni qai laliga mai vataki au, ia o koya sa talai au mai. ⁴³Na cava nu sa reva kinia ni kila na noqu vosa? Balejia beka ni nu sa reva ni rogocia na noqu vosa. ⁴⁴Na tamamunu na tevoro, nu sa via vayacoya na gagadre ca ni tamamudou. O koya na dauvivamatei mai nai vatekivu ka reva ni vabaujia na djina ni sa reva vi koya na djina.Ni sa vosa seseni, sa vosatakia na ka sa tu vua; ni sa dauseseni ka tamadra na dauseseni⁴⁵Ia, o au, balejia niu sa tukunia vi kodou na ka djina, nu sa reva ni vadjinaji au. ⁴⁶O cei vi kodou sa vadjinadjinatakia niu sa cala? Keu sa vosa djina jiko, nu sa reva ni vadjinaji au i na vuku ni cava? ⁴⁷O koya sa nona na Kalou sa rogocia na Vosa ni Kalou; ke dou sa reva ni rogocia balejia ni d0u sa reva ni nona na Kalou."⁴⁸Ara sa qai vosa o ira na kai Jutia ka tukunia vua, "Ma reva beka ni kimamu ma tukunia djina ni ko nu sa kai Samaria, sa curumi konu e dua na tevoro? ⁴⁹Sa tukunia o Jisu, "Sa reva ni curumi au na tevoro, ia au sa varokorokotakia na Tamaqu, ia nu sa valialiai au liga.⁵⁰Au sa reva ni vaqara meu varokorokotaki; sa dua liga sa vaqara ka lewa. ⁵¹E djina, e djina, au sa tukunia vi ikodou, ke dua sa vabaujia jikoliga na noqu vosa, na reva sara ni mate."⁵²Ara sa qai tukunia vi koya na kai Jutia, Kimamu sa qai kilasa curumi iko na tevoro. Sa mate o Eparaama vata ki ira vokiliga na varovita; ia o sa tukunia, 'Ke dua sa maroroya na noqu vosa, na reva sara ni mate.' ⁵³O sa levu cake beka ka laiali sobu na tamada o Eparaama koya sa mate? Ara sa mate vokiliga o ira na varovita. O sa qai vatautauvatataki vata ki cei?"'⁵⁴Sa tukunia o Jisu, Ke dou sa varokorokotaki au, sa ka wale na noqu vivarokorokotaki; sai koya na Tamaqu sa varokorokotaki au o koya dou sa tukunia sa nomudou Kalou. ⁵⁵Dou sa reva ni kilai koya, ia au sa kilai koya. Ia keu sa tukunia, 'Au sa reva ni kilai koya,' au sa dauseseni liga me vataki ikodou. Ia, au sa kilai koya ka vabaujia jikoliga na nona vosa. ⁵⁶Sa gadrevia na tamamudou o Eparaama me raicia na gauan ke; sa raicia ka rekitakia."⁵⁷A ra sa qai tukunia vi koya o ira na kai Jutia, "Se reva ni limasagavulu na nomu yabaki, ia o ma sa raici Eparaama beka?" ⁵⁸Sa tukunia vi ira o Jisu, E djina, e djina, au sa tukunia vi kodou, Ni se bera o Eparaama, au sa bula." ⁵⁹Ara sa qai tomikia eso na vatu me ra vaviriki koya kinia, ia sa vunitaki koya o Jisu, sa qai tani mai na vale ni soro.

9¹Ia ni sa qai jiko yani o Jisu, sa raicia e dua na tamata sa sucu mataboko. ²Sa ra tarogi koya o ira na nona tisaipeli ka tukunia, "Vavuvuli, o cei sai valavala ca, na tamata ke se tamata se jinana, sa sucu mataboko kinia o koya?"³Sa tukunia vua o Jisu, "Sa reva ni valavala ca o koya ke, se tamana se jinana, me vatakilai liga na cakacaka ni Kalou ina vukuna. ⁴Sa dodonu me da vayacoya na cakacaka ni koya sa talai au mai, ni se siga toka. Sa voleka mai na bogi sa reva ni cakacaka rawa kinia e dua na tamata. ⁵Niu sa jiko i vuravura, au sa rarama ki vuravura."⁶Ni sa vosa vake o koya, sa kasuvia na qele, ka ulia vata na sosomo vata na nona kasu, ka boroya kinia na matana na tamata mataboko. ⁷Sa qai tukunia vua, "Qai tavoi i nai silisili mai Sailoama, (kenai balebale, Sa talai"). Sa qai yani, ka tavoi, sa qai voki yani ni sa rai rawa.⁸Sa ra qai tukunia kinia na le ni koro, vata ki ira sa raicia koya mai liu ni sa daukerekere, "Sa reva beka ni koya ke ma dau dabe jiko ka daukerekere?" ⁹Sa tukunia eso voki, "O koya saraliga ke." So voki ra tukiunia, Reva, e via vataki koya." Sa qai tukunia o koya, "O au liga ke."¹⁰Sa ra qai tukunia vua, "Sa rai rawa vacava na matamu?" ¹¹Sa tukunia vi ira o koya, "Na tamata sa vatokai o Jisu sa ulia na sosomo, ka boroya na mataqu, ka tukunia vi au, 'Qai i Saloama ka tavoi.' Au sa mani kinia ka tavoi, au sa qai rai rawa." ¹²A ra sa qai ka tukunia vua, "Ivei o koya?" Sa tukunia o koya, "Au sa reva ni kila."¹³Ara sa qai yadji koya na tamata mataboko iliu vi ira na Farisi. ¹⁴Ia me vaka ni siga ni Vacecegu ni sa ulia kinia na sosomo o Jisu, ka dola na matana. ¹⁵Ara sa qai tarogi koya voki na Farisi, se sa rai rawa vacava. Sa tukunia vi ira o koya, "Sa boroya na mataqu o koya i na sosomo, au sa tavoi, au sa qai rai rawa."¹⁶Sa so vi ira na Farisi, ra sa qai tukunia, "Na tamata ke sa reva ni tamata ni Kalou ni sa reva ni vatabuya na siga ni vacecegu." Sa so voki sa tukunia, "Sa rawa vacava na cakacaka-mana vake e dua na tamata sa i valavala ca?" ¹⁷Ara sa reva ni duavata kinia. Ra sa qai tukunia voki vua na tamata mataboko, "Na cava o sa tukunia me baleji koya ni sa dola rawa na matamu?" Sa tukunia na tamata mataboko iliu, "Sa varovita o koya." ¹⁸Ia o ira na kai Jutia ra sa reva ni vadjinajia, ni sa mataboko iliu o koya, sa qai rawa, a ra sa kacivia na tamai koya sa rai rawa vata na jinana.¹⁹Sa ra qai tarogi rau ka tukunia, "Na luvemudrau ke drau sa tukunia ni sa sucu mataboko mai? Sa qai rai rawa beka vacava ke?" ²⁰Rau sa vosa vi ira o tamana vata ki jinana ka tukunia, " kirau sa kila ni sa luve i kirau ke, ma sa sucu mataboko. ²¹Ia kirau sa reva ni kila se sa rai rawa vacava, se o cei sa dola na matana, kirau sa reva ni kila. Tarogia, koya sa tamata uabula. Sa rawa ni tukunia o koya.²²Rau sa vosa vake i tamana vata ki jinana, ni rau sa rerevaki ira na kai Jutia. Ni ra sa qai duavata na kai Jutia me vatabui mai vale ni lotu o koya yadua sa vatusa ni sa Karisito o koya ke. ²³I na vuku gona ni ka ke, rau sa tukunia kinia o tamana vata ki jinana, "Sa tamata uabula o koya, tarogi koya."²⁴Ra sa qai kacivia voki na tamata mataboko ka tukunia vua, "Varokorokotakia na Kalou. Kitou sa kila sa tamata i valavala ca o koya qori." ²⁵Sa vosa o koya ka tukunia, "Au sa reva ni kila se sa tamata i valavala ca o koya se reva. Sa dua liga na ka au sa kila: niu ma mataboko tu iliu ia ke au sa rai rawa."²⁶Ra sa qai tukunia voki vua, "Na cava sa vayacoya vi iko o koya? Sa dola vacava na matamu?" ²⁷Sa tukunia vi ira o koya, "Au sa tukunia laliga ke vi ikodou, ia dou sa reva ni varogocia! Dou sa reva ni varogocia ia dou sa via rogocia voki i na vuku ni cava? Dou sa vinakatakia beka mo dou yaco vokiliga mo dou nona tisaipeli?"²⁸Ra sa qai valialiai koya ka tukunia, "O iko sa nona tisaipeli, ia kimamu sa tisapeli ni Mosese. ²⁹Kimamu sa kila ni sa vosa vi Mosese na Kalou, ia na tamata ke kimamu sa reva ni kila se sa qai mai vi o koya."³⁰Sa vosa na tamata ka tukunia vi ira, "Sa qai dua na ka vivakurabui ke, ni nu sa reva ni kila se sa qai mai vei o koya, ia sa dola na mataqu o koya. ³¹Da sa kila sa reva ni rogoci ira na tamata i valavala ca na Kalou, ia ke sa daulotu vua na Kalou e dua na tamata, ka vayacoya na nona lewa, na rogoci koya vokiliga o koya.³²Se ma da reva ni rogocia mai nai vatekivu ki vuravura ni dua sa dola rawa na matana e dua sa sucu mataboko. ³³Ke sa reva ni qai mai vua na Kalou o koya ke, sa reva ni rawajia e dua na ka." ³⁴Ra sa vosa ka tukunia vua, "Konu ma sucu sara i nai valavala ca, ia o sa vavulici kimamu voki?" Ra sa qai cavotaki koya i tuba.³⁵Sa rogocia o Jisu ni sa cavotaki i tuba mai na vale ni soro. Ia ni sa sotavi koya sa tukunia vua, "O sa vabaujia beka na Luve ni Kalou?" ³⁶Sa vosa o koya ka tukunia vua, "O cei o koya, Turaga, meu vabauji koya?" ³⁷Sa tukunia vua o Jisu, "O sa raici koya oji ia sai koya saraliga drau sa vivosaki vata tu ke." ³⁸Sa qai tukunia o koya, "Noqu Turaga, au sa vabaujia," a sa cuva vi koya.³⁹Sa tukunia o Jisu, "Au sa qai mai i vuravura ke meu lewa, me ra rai rawa o ira sa reva ni rai rawa, ia me ra mataboio o ira sa rai. ⁴⁰O ira na Farisi ka ra jiko kinia ra sa rogocia na vika ke ra sa tukunia vua, "Sa mataboko beka o kitou vokiliga?" ⁴¹Sa tukunia vi ira o Jisu, "Ke nu sa mataboko, sa reva na nomudou cala, ia nu sa qai tukunia, KItou sa rai, o koya sa tu liga kinia na nomudou cala."

10¹E djina, e djina, au sa tukunia vi ikodou, o koya sa reva ni curu i darava ni ba ni sipi, ia sa kaba cake i na jikina tani, sai koya ke na daubutako ka daukovekove. ²Ia o ioya sa curu i darava o koya ke nai vatawa ni sipi.³Sa dola vi koya nai vatawa ni darava. Sa varogocia na domona o ira na sipi, sa kacivi ira na nona sipi i na yacadra o koya ka tuberi ira i tuba. ⁴Ia ni sa yadji ira na nona sipi i tuba, sa liutaki ira, a ra sa muri koya o ira na sipi, ni ra sa kila na domona.⁵Ia ra na reva ni muria na vulagi ra na tuba tani liga vi koya, ni ra sa reva ni kila na domo ni vulagi. ⁶Sa vosatakia vi ira na vosa vatautauvata ke o Jisu, ia ra sa reva ni kila na vika sa vosatakia vi ira o koya.⁷Sa qai tukunia vi ira o Jisu, "E djina, e djina, au sa tukunia vi kodou, O au na darava ni sipi. ⁸O ira kece sa liu mai vi au ra sa daubutako ka daukovekove, sa reva ni varogocia na nodra vosa na sipi.⁹O au na darava. Ke sa curu kinia e dua na tamata i na vukuqu, na vabulai; na daucuru mai ka daucuru yani ka na raicia na kakana. ¹⁰Sa reva ni qai laliga mai na daubutako me butako liga, sa ravuravu ka varusa. Au sa qai mai me rawa na bula ia me rawa valevu sara.¹¹Oi au na vatawa vinaka. Sa solia na nona bula nai vatawa vinaka i na vukudra na sipi. ¹²Ia o koya sa voli na nona cakacaka sa reva ni koya nai vatawa, ka sa reva ni nona na sipi. Ni sa raicia na woliva ni sa qai jiko mai, sa daini ira na sipi o koya ka tuba, sa kaji ira na woliva ka sa vacemuri ira. ¹³Sa tuba o koya sa voli na nona cakacaka ka reva ni dau qaravi ira vinaka na sipi.¹⁴Oi au nai vatawa vinaka, au sa kilai ira ra sa noqu, ia o ira sa noqu ra sa kilai au. ¹⁵Me vaka sa kilai au o Tamaqu, au sa kilai Tamaqu vokiliga, au sa solia vokiliga na noqu bula ina vukudra na sipi. Sa so tani voki na noqu sipi, ra sa reva ni jiko i na ba. ¹⁶Sa dodonu meu yadji ira vokiliga mai, ra na rogocia na domoqu ni sa dua bau liga na qele ni sipi ka dua bau liga nai vatawa.¹⁷Na ka ke sa lomani au kinia o Tamaqu: niu sa solia na noqu bula meu yadjia voki. ¹⁸Sa reva ni dua sa kovea ke vi au, ia au sa solia vataki au liga. Au sa rawajia meu solia, ia au sa rawajia meu yadjia tani. Nai vunau ke sa solia mai vi au o Tamaqu."¹⁹Ara sa qai viba voki na kai Jutia i na vuku ni vosa ke. ²⁰Sa le levu vi ira sa tukunia, "Sa curumi koya e dua na tevoro, sa lialia. Nua sa varogoci koya i na vuku ni cava?" ²¹So voki ra sa tukunia, "Sa reva ni vake na vosa ni tamata sa curumi koya e dua na tevoro. Sa rawa beka e dua na tevoro me dola na mata ni mataboko?"²²Sa qai caka mai Jerusalemi na solevu ni vasavasavataki ni vale ni soro. Ke sa vula i batabata, ²³sa qai jiko o Jisu i na vale ni soro ni varada ni Solomoni . ²⁴Ra sa qai wavokiji koya na kai Jutia ka tukunia vua, "Na cava na kena dede o sa reva ni vadeitakia i loma i kimamu? Ke o Ikonu sai koya na Karisito, tukunia mai me kimamu kila."²⁵Sa tukunia vi ira o Jisu, Au ma tukunia vi ikodou ia dou sa reva ni vadinajia. Na cakacaka au sa vayacoya i na yaca i Tamaqu, o koya ke sa vadjinadjina vi au. ²⁶Ia dou sa reva ni vadjinajia, ni dou sa reva ni noqu sipi.²⁷Sa rogocia na noqu vosa o ira na noqu sipi, ia au sa kilai ira, ira sa muri au. ²⁸Au sa solia vi ira na bula reva ni mudu; ia ra na reva sara ni rusa, se dua me kaliraki ira mai na ligaqu.²⁹Na Tamaqu, o koya sa soli ira vi au, sa uasivia na ka keceliga, sa reva ni dua sa rawajia me kaliraki ira mai na liga i Tamaqu. ³⁰"Kirau sa duabau liga ki Tamaqu." ³¹Sa qai tomikia mai na vatu o ira na kai Jutia me ra vaviriki koya.³²Sa tukunia vi ira o Jisu, "Sa levu na cakacaka vinaka au ma vatakila vi kodou mai vi Tamaqu. Na cava na cakacaka vi ira ke nu sa vaviriki au kinia." ³³Sa tukunia vua o ira na kai Jutia, "Kimamu sa reva ni vaviriki Ikonu i na vuku ni nomu cakacaka vinaka, i na vuku ni nomunu vosavacacatakia na Kalou, vata ni o tamata liga ka o sa viavia Kalou."³⁴Sa tukunia vi ira o Jisu, "Sa reva ni volai i na nomudou vunau, 'Au sa tukunia, "Nu sa kalou'"? ³⁵Ke sa vatokai ira me Kalou o koya, ni sa yaco vi ira na vosa ni Kalou (a sa reva ni dai laliga nai Vola Tabu), ³⁶ni nu sa tukunia beka vua sa lesia o Tamaqu ka tala i vuravura, 'Konu sa vosavacacatakia na Kalou,' balejia niu sa tukunia, 'Oi au na Luve ni Kalou'?³⁷Keu sa reva ni vayacoya na cakacaka mai vi Tamaqu, dou kua ni vabauji au. ³⁸Ia keu sa vayacoya dou vadjinajia na cakacaka ke dou sa reva ni vabauji au, mo dou kila kinia ka vadjinajia ni sa jiko vi au o Tamaqu, au sa jiko vi koya o au." ³⁹Ra sa qai via vesuki koya voki, sa qai tani o koya mai na ligadra.⁴⁰Sa qai voki yani o koya i tai kadua ni Joritani, i na yasana sa vivavitaisotaki kinia iliu o Joni, sa jiko mai kinia. ⁴¹Sa le levu ra sa qai vua, ka ra tukunia, "Sa reva ni vayacoya e dua na ka-mana o Joni, ia sa djina liga na ka keceliga sa vosatakia o Joni me balejia na tamata ke." ⁴²A ra sa le levu sa vabauji koya mai kinia.

11¹Sa dua na tamata sa tauvi-mate o Lasarusa na yacana. Sa kai Pecani o koya, ka nodrau koro o Meri vata ki Marica na tuakana. ²Ia o Meri ke ma lumujia na Turaga i na waiwai ka quwa na yavana i na drau ni uluna, a sa tauvi-mate na ganena o Lasarusa.³Rau sa qai talatala kinia vi Jisu o rau na ganena ka tukunia, "Ikonu na Turaga, raicia , o koya ko nu sa lomania sa tauvi-mate." ⁴Ia ni sa rogocia o Jisu sa tukunia, "E reva ni ciba i na mate ke o koya, ia me varokorokotaki kinia na Kalou ka me na varokorokotaki vokiliga kinia na luve ni tamata."⁵Sa dau lomani Marica o Jisu vata ki tacina vata ki Lasarusa. ⁶Ni sa rogocia o koya ni sa tauvi-mate Lasarusa, sa jiko o Jisu me bogi rua voki i na vanua sa jiko kinia o koya. ⁷Sa oji gona sa qai tukunia vi ira na tisaipeli, "Me ta qai voki i Jutia,"⁸Sa tukunia vua o ira na tisaipeli, "Vavuvuli, ra ma via vaviriki ikonu ni kua laliga i na vatu o ira na kai Jutia, ia konu sa baci qai voki i na vanua gona?" ⁹Sa tukunia o Jisu, "Sa reva beka ni jinikarua na auwa i na dua na siga? Ke sa qai e dua i na siga, na reva ni tacaqe o koya, ni sa raicia na rarama ki vuravura ke.¹⁰Ia, ke sa qai e dua i na bogi, sa tacaqe o koya ni sa reva ni tu vua na rarama." ¹¹Sa vosatakia na ka ke o koya, ia ka oji sa qai tukunia vi ira, "Sa moce na wekada o Lasarusa, ia au sa qai mai meu vayadraji koya."¹²Sa qai tukunia o ira na nona tisaipeli, "Ikonu na Turaga, ke sa moce liga o koya, ena bula." ¹³Ia sa vosatakia na nona mate o Jisu, ka ra sa nanumia sa vosatakia o koya na nona vacegu ni moce. ¹⁴Sa qai tukunia ka vamacala vi ira o Jisu, "Sa mate o Lasarusa."¹⁵Au sa marau i na vukumudou, niu ma reva ni jiko kinia, mo nu vabaujia. Me ta qai liga vua." ¹⁶Sa qai tukunia o Tomasi o koya sa vatokai o Titimo, vi ira na nona i caba na tisapeli, "Me ta qai vokiliga ka me ta rawa ni mate vata ki Jisu."¹⁷Ni sa qai mai o Jisu, sa qai kila ni sa davo bogi va o Lasarusa i nai bulubulu. ¹⁸Sa voleka i Jerusalemi o Pecani, na kena yawa e rua beka na maile. ¹⁹Sa le levu na kai Jutia ra ma qai mai vi Marica vata ki Meri, me ra mai vacegui rau me balejia na ganedrau. ²⁰Ni sa rogocia o Marica ni sa qai mai o Jisu, sa qai tavaki koya, ia o Meri sa dabe jikoliga i vale.²¹Sa qai tukunia o Marica vi Jisu, :Ikonu na Turaga, ke konu ma jiko i vono ke, ke reva ni ciba na ganequ. ²²Ia ke, au kila na solia vi ikonu ni kua na Kalou na ka keceliga ikonu sa kerea vua." ²³Sa tukunia vua o Jisu, "Na tucake voki na ganemu."²⁴Sa tukunia vua o Marica, "Au sa kila ni na tucake voki mai o koya ina gauna mai muri ra na tucake voki kinia na mate." ²⁵Sa tukunia vua o Jisu, "Oi au na vu ni tucake voki vata na vu-ni-bula, o koya sa vabauji au, ke sa mate, ena bula liga; ²⁶ia o koya yadua sa bula ka vabauji au, ena reva sara ni mate. Dou sa vadjinajia na ke se reva?"²⁷Sa tukunia vua o koya, "Io, Turaga, au sa vadjinajia ni sa Karisito o Ikonu, na luve ni Kalou, o koya me qai mai i vuravura." ²⁸Ia ni sa vosa vake o koya, sa qai yani ka kacivia lo na tacina o Meri. Sa tukunia vua, Sa qai mai nai Vavuvuli, sa tarogi iko jiko." ²⁹Ni sa rogocia o koya, sa tacavu sara vatotolo ka qai yani vua.³⁰Ke ni se bera ni curu i na koro o Jisu, sa jiko liga i na vanua rau ma tavaki koya kinia o Marica. ³¹O ira na kai Jutia, koya ra ma jiko vata ki koya i vale ka vacegui koya, ni ra sa raici Meri ni sa wiri ka curu i tuba, ra sa nanumia sa qai i nai bulubulu o koya me qai tagi i vaka. ³²Ni sa qai yaco mai o Meri i na vanua sa jiko kinia o Jisu, sa raicia koya, sa cuva sobu i yavana ka tukunia vua, "Ikonu na Turaga, ke ikonu ma jiko i vono ke, ke reva ni ciba na ganequ"³³Ni sa raicia oJisu na nona tagi, vata na nodra tagi na kai Jutia ra sa qai vata mai, sa tara valevu na yalona ka sa rarawa na lomana; ³⁴ka tukunia, "Ivei na vanua dou ma buluji koya kinia?" Ara sa tukunia vua, "Turaga, ikonu qai mai mo nu raicia." ³⁵Sa tagi o Jisu.³⁶Ara sa qai tukunia na kai Jutia, "Raicia ke na kena levu ni nona lomani Lasarusa!" ³⁷Ia eso vi ira sa tukunia, "Sa reva beka ni rawajia o koya ke, o koya ma dola na mata ni mataboko, me lewa vokiliga me kua ni mate na tamata ke?"³⁸Sa qai vusolo voki na yalo i Jisu, ka qai mai i nai bulubulu. Ia sa dua na qara-vatu, sa kenai sogo e dua na vatu. ³⁹Sa tukunia o Jisu, "Dou yadjia tani na vatu." Sa tukunia vua o Marica, na ganei Lasarusa o koya sa mate, "Ikonu na Turaga, sa na bona o koya ni sa bogi va na nona mate." ⁴⁰Sa tukunia vua o Jisu, "Au ma reva beka tukunia vi ikodou, ni ikodou na raicia na kaukauwa ni Kalou, ke ikodou sa vabaujia?"⁴¹Ara sa qai yadjia tani na vatu. Sa ta cake o Jisu, ka tukunia, "Tamaqu, au sa vavinavinaka vi Ikonu ni ko nu ma rogoci au mai. ⁴²Au sa kila ni ko nu sa dau rogoci au tikoliga, ia au sa vosa i na vukudra na tamata sa jiko ke, me ra vadjinajia ni ko nu sa talai au mai."⁴³Ia ni sa vosa oji vake, sa kaci i na domo levu, "Lasarusa, qai mai!" ⁴⁴Ia o koya ka mate sa qai mai; ka viviraki tu na ligana vata na yavana i nai sulu ni mate, ka viviraki na uluna ina dua nai tavoi. Sa tukunia vi ira o Jisu, "Nu sereki koya, ka dainia me qai."⁴⁵Sa le levu vi ira na kai Jutia sa qai mai vi Meri ni ra sa raicia na ka sa vayacoya o Jisu, ra sa vabauji koya. ⁴⁶Ia o ira eso sa qai yani vi ira na Farisi ka tukunia vi ira na ka sa caka o Jisu.⁴⁷Sa qai soqoni vata o ira na bete levu vata ki ira na Farisi me ra bose, ara sa tukunia, "Na cava mada me da vayacoya? Na tamata ke sa caka e levu na cakacaka-mana. ⁴⁸Ke ta sa vaweleweletaki koya vake, ra na vabauji koya na tamata keceliga; ra na qai mai na kai Roma ra na kovea na noda koro vata na noda matanitu."i ⁴⁹Sa dua vi ira, o Kaiafa o koya sa bete levu i na yabaki gona, sa tukunia vi ira, "Dou sa reva ni kila e dua na ka. ⁵⁰Ikodou sa reva ni nanumia ni sa yaga me mate e dua na tamata i na vukudra na tamata keceliga, ka me kua ni rusa na matanitu taucoko."⁵¹Sa reva ni vosatakia na ka ke o koya me baleji koya. Me vaka ni sa bete levu i na yabaki ke o koya, sa parofisai o koya ni na mate o Jisu i na vuku ni matanitu gona; ⁵²ka reva i na vuku ni matanitu duadualiga gona, me vasoqoni ira vata vokiliga na luve ni Kalou ra sa duiviseyaki me ra dua bau. ⁵³Mai na siga gona ra sa qai bosei koya me ra vamatea.⁵⁴O koya gona sa reva kinia ni qai varairai jiko o Jisu i na kedra maliwa na kai Jutia, sa qai tani mai kinia i na vanua sa voleka i na vikau, i na dua na koro na yacana o Ifireimi. Sa jiko kinia o koya vata ki ratou na nona tisaipeli. ⁵⁵Sa voleka na nodra solevu ni qai-sivia na kai Jutia, ra sa le levu sa qai cake i Jerusalemi ni se bera na solevu ni qai-sivia me ra qai vasavasavataki ira.⁵⁶A ra sa qai vaqarai Jisu, ka vivosaki vata ki ira liga ni ra sa tu i na vale ni soro, "Na cava dou nanumia? Na qai mai o koya i na solevu se reva?" ⁵⁷Ia sa solia na lewa o ira na bete levu vata ki ira na Farisi ke dua e kila na vanua e jiko kinia o Jisu, me tukunia mai me ra qai tauri koya.

12¹Ni se vo e ono na bogi me qai caka kinia na kana vata ni qai-sivia, sa qai o Jisu i Pecani, sa jiko kinia o Lasarusa, koya ma mate iliu ka qai vaturi cake voki mai na mate o koya. ²A ra sa caka kinia e dua na kena i varaiyavi, sa qaravi koya o Marica, a sa dua vi ira sa kana vata ki Jisu o Lasarusa. ³Sa qai yadjia mai o Meri e dua na paudji na waiwai talei sara, na narita djina, ka lumujia na yava i Jisu ka quwa na yavana i na drau ni uluna. Sa curuoso na vale i nai boi ni waiwai.⁴O Jutasa Isikarioti, e dua vi ira na nona tisaipeli, o koya na soli koya yani, sa tukunia, ⁵"Na cava sa reva ni volitaki kinia na waiwai ke i na tolu na drau na pene ka me qai soli vi ira na dravudravua?" ⁶Sa vosa kinia vake o koya reva ni nona nanumi ira na dravudravua, i na vuku liga ni sa daubutako. Sa dau tauria na taga i lavo o koya ka butako i na ka sa daini kinia.⁷Sa qai tukunia o Jisu, "Vacalai koya liga ni sa maroroya na ka ke o koya i na siga au na bulu kinia. ⁸Ko nu na dau jiko vataliga ki ira na dravudravua. Ia o au na reva ni jiko vadua vata ki ikodou."⁹Ia sa le levu sara vi ira na kai Jutia, ni ra sa kila sa jiko mai kinia o JIsu, ra sa qai mai, reva i na vuku i Jisu liga, ra sa via mai raici Lasarusa vokiliga o koya sa wiri voki mai na mate. ¹⁰Ia o ira na bete levu ra sa bose vata me ra vamatei Lasarusa vokiliga; ¹¹ni ra sa le levu na kai Jutia sa qai yani i na vukuna ka vabauji Jisu.¹²I na siga taravia sa le levu sara ra sa qai mai i na kana vata. Ni ra sa rogocia ni sa qai mai o Jisu i Jerusalemi, ¹³ra sa yadjia na drau ni niu ka kacivakia, "Osana! Sa kalougata na nodra Tui na Isireli, o koya sa qai mai i na yaca ni Turaga.¹⁴Ia o Jisu sa raicia e dua na luve ni asa sa vodokia; me vaka sa volai, ¹⁵"Kua ni rere, Ikonu na luvei Saioni; raicia, na nomudou Tui sa vodo tu i na dua na luve ni asa."¹⁶Ia o ira na nona tisaipeli ma reva ni matata vi ira na vika sa yaco ke, ia ni sa varokorokotaki oji o JIsu, ra sa qai nanumia ni sa volai o koya i na vika ke, ni ra sa vayacoya vua na vika ke.¹⁷Sa ra qai vadjinadjinatakia o ira na le levu ra ma jiko vata ki koya ni sa ma kacivi Lasarusa mai nai bulubulu ka tucake koya voki mai na mate. ¹⁸I na vuku ni ka ke ra tavaki sara waraki koya kinia na le levu, ni ra sa rogocia sa caka na ka-mana ke o koya. ¹⁹O ira na Farisi ra sa qai tukunia vata ki ira, "Sa reva ni dua na ka vinaka dou caka beka; raicia, o vuravura sa muri koya."²⁰Ia sa so na kai Kiriki sa maliwai ira na qai i colo i na vanua ni solevu me ra soro. ²¹O ira ke ra sa qai mai vi Filipi, na kai Pecisaita i Kalili, ka tarogi koya, ka tukunia, Au beka, kitou via raici Jisu." ²²Sa qai o Filipi ka tukunia vi Adriu: ia o Adriu vata ki Filipi, rau sa tukunia vi Jisu.²³Sa vosa vi rau o Jisu ka tukunia, "Sa qai yaco mai na gauna me varokorokotaki kinia na Luve ni tamata. ²⁴E djina, e djina, au sa tukunia vi ikodou, Ke na reva ni mate na vua ni sila ni sa lutu i na qele, sa jiko duadualiga; ia ke sa mate, sa vua valevu.²⁵Koya sa lomania na nona bula ena vayalia; ia o koya sa cajia na nona bula i na vuravura ke ena maroroya i na bula reva ni mudu. ²⁶Ke sa qaravi au e dua, me muri au liga; ia na vanua au sa jiko kinia, ena jiko vokiliga kinia o koya sa qaravi au. Ia ke sa qaravi au e dua, ena varokorokotaki koya o Tamaqu.²⁷Sa qai luluvu na lomaqu ia na cava meu tukunia? 'Tamaqu, vabulai au mai na gauna ke'? Ia na ka ke au sa qai mai kinia i na gauna ke. ²⁸Tamaqu, me varokorokotaki na yacamunu." Sa qai rogo mai e dua na vosa mai lomalagi ka tukunia, "Au na varokorokotakia, au na varokorokotakia voki." ²⁹O ira na le levu ka ra jiko ka rogocia ra sa tukunia na kurukuru. Eso voki sa tukunia, "Sa dua na agilosi sa vosa mai vi koya."³⁰Sa vosa o Jisu ka tukunia, "Sa reva ni qai mai na vosa gona ina vukuqu, i na vukumudou liga." ³¹Sa qai lewai o ira na kai vuravura ke: Sa na qai dai i tuba na turaga ni vuravura ke.³²Niu sa na laveji i colo mai vuravura, au na vayarayarataki ira na tamata keceliga vi au." ³³Sa vosatakia na ka ke o koya me vatakila na nona i matemate.³⁴Sa ra tukunia vua na le levu, "Kimamu ma rogocia mai nai vunau ni na jiko vadua na Karisito. Ikonu sa tukunia vacava, 'Ena laveji i colo na Luve ni tamata'? O cei na Luve ni tamata ke?" ³⁵Sa qai tukunia vi ira o Jisu, "Sa jiko valaiali liga vi ikodou na rarama. Dou qai ni sa tu vi ikodou na rarama, de yacovi ikodou na butobuto. Ia o koya sa qai i na butobuto sa reva ni kila se sa qai jiko i vi. ³⁶Ni sa tu vi ikodou na rarama, nu vabaujia na rarama mo dou yaco me dou luve ni rarama." Sa vosatakia na vika ke o Jisu ka qai yani ka vunitaki koya vi ira.³⁷E djina liga ni sa caka i matadra o Jisu e levu na ka mana, ra se reva liga ni vabauji koya ³⁸me vayacori kinia na ka sa vosatakia o Aisea na varovita, ka vake, "I Jiova, o cei sa vabaujia na nitou i tukutuku, ka na vatakilai vi cei na liga i Jiova?"³⁹Koya gona ke ra reva kinia ni vabaujia rawa, ni sa tukunia voki o Aisea, ⁴⁰"Sa vamatabokotakia na matadra, ka vakaukauwatakia na lomadra o koya, me kua ni rai na matadra se kila na lomadra, ka saumaki mai, au na qai vabulai ira."⁴¹Sa vosatakia na vika ke o Aisea ni sa raicia na nonai serau ni Jisu ka sa tukuni koya. ⁴²Ia sa le levu vi ira vokiliga na turaga ra sa vabauji Jisu; ia i na vukudra na Farisi, ra sa reva ni tukunia de ra qai vatabui mai vale ni lotu. ⁴³Ni ra sa vinakatakia valevu me varokorokotaki ira o ira na tamata ka valailai liga na varokoroko mai vua na Kalou.⁴⁴Sa qai kaci o Jisu, ka tukunia, "O koya sa vabauji au, sa reva ni vabauji au liga, sa vabauji koya vokiliga sa talai au mai, ⁴⁵ia o koya sa raici au sa raici koya sa talai au mai.⁴⁶Au sa qai mai i vuravura meu kena rarama, me kua ni jiko i na butobuto o koya yadua sa vabauji au. ⁴⁷Ke dua sa rogocia na noqu vosa ka reva ni vabaujia, au sa reva ni lewai koya; niu sa reva ni qai mai mai meu lewa ira na kai vuravura, meu vabulai ira liga na kai vuravura.⁴⁸O koya sa reva ni vabauji au ka reva ni ciqomia na noqu vosa, sa dua sa lewai koya. Na vosa au sa vosatakia ena lewai koya i na siga mai muri. ⁴⁹Niu sa reva ni vosa vataki au, ia o Tamaqu sa talai au mai, sa varojia vi au na ka meu tukunia. ⁵⁰Au sa kila na nonai varo sa vu ni bula tawa mudu, o koya liga na ka au sa vosatakia me vaka na ka sa tukunia vi au o Tamaqu."

13¹Ni se bera na kana vata ni qai-sivia, sa kila o Jisu ni sa yaco mai na auwa me qai tani yani i vuravura ke vua na Tamana. Ni sa lomani ira na nona ra sa jiko i vuravura, sa lomani ira i kenai cavacava. ²Ia na tevoro sa dainia oji ina lomai Jutasa Isikarioti na luvei Saimoni, me soli Jisu yani. Ke ni ra sa varaiyavi jiko.³O Jisu-ni sa kila sa solia o Tamana na ka kecelilga i ligana ka ni sa qai mai vua na Kalou o koya ka sa qai voki yani vua na Kalou - ⁴sa tucake mai nai varaiyavi ka luvajia na nona i sulu. Sa qai tauria e dua nai tawelu ka vesukia i tolona. ⁵Sa qai livia na wai ina dua na beseni ka tekivu me savuya na yavadratou na nona tisaipeli ka quwa i nai tawelu sa vesu i tolona.⁶Sa qai mai o koya vi Saimoni Pita, sa tukunia Pita vua, "Turaga, Ikonu na savuya beka na yavaqu? ⁷Sa vosa o Jisu, ka tukunia vua, Na ka au sa vayacoya ko dou sa reva ni kila ni kua ia maimuri liga dou na qai kila." ⁸Sa tukunia vua o Pita, Ikonu na reva sara ni savuya na yavaqu." Sa tukunia vua o Jisu, "Keu na reva ni savui iko, ko dou sa reva ni rawajia e dua na ka vi au." ⁹Sa qai tukunia vua o Saimoni Pita, "Turaga, mo dou kua liga ni savuya na yavaqu, na ligaqu vokiliga vata na uluqu."¹⁰Sa tukunia vua o Jisu, "O koya sa sili oji, sa yaga vua me savuya na yavana liga, a sa savasava taucoko; ia nu sa savasava, ka reva ni ikodou kece." ¹¹(Ni sa kila o Jisu o koya ena soli koya yani; koya gona sa tukunia kinia o koya, "Dou sa reva ni savasava kece.")¹²Ni sa qai savuya oji na yavadra o JIsu ka daramakia voki na nona i sulu ka dabe sobu voki, ka tukunia vi ira, "Dou sa kila na ka au sa vayacoya vi ikodou? ¹³Dou sa vatokai au meu i 'Vavuvuli' ka 'Turaga,' ia dou sa vosa djina mai, niu sa vakinia. ¹⁴Ke sa savuya na yavamunu oi au na Turaga vata nai Vavuvuli, sa dodonu vokiliga mo dou vivuiyava. ¹⁵Niu sa solia vi ikodou e dua nai varau mo nu vayacoya me vaka au sa vayacoya vi ikodou.¹⁶E djina, e djina, au sa tukunia vi ikodou, sa reva ni levu na tamata ka lailai na nona turaga; se levu o koya ka lailai o koya sa talai koya. ¹⁷Ke dou sa kila vika ke, nu sa kalougata ke dou sa vayacoya. ¹⁸Au sa reva ni vosataki ikodou keceliga; au sa kilai ira au sa djigitakia - ia me vayacori kinia nai Vola Tabu: 'O koya kirau sa kana madrai vata kaya sa na lavejia cake na bukubuku ni yavaqu.'¹⁹Au sa qai tukunia vi kodou ni se bera ni yaco mai, ka mo dou vabaujia ni SAI AU. ²⁰E djina, e djina, au sa tukunia vi ikodou, o koya sa vacegui ira yadua au sa tala, sa vacegui au vata o koya sa vacegui au sa vacegui koya sa talai au mai."²¹Ni sa vosa oji vake o Jisu, sa rarawa na lomana. Sa vatakila ka tukunia, "E djina, e djina, au sa tukunia vi ikodou, sa dua vi ikodou ena soli au yani." ²²Ra sa viraici na tisaipeli, ni ra sa vakilakila se sa tukuni cei jiko o koya.²³Sa dua vi ratou na tisaipeli, koya sa lomania o Jisu sa davo toka i yasa ni teveli ka vibasai ki Jisu. ²⁴Sa qai deguvacutaki koya o Saimoni Pita ka tukunia, "Tarogia se vosataki cei o koya." ²⁵Ia o koya sa varaviravi i na yasana sa vibasai ki Jisu sa tukunia vua, "Ikonu na Turaga, o cei beka gona?"²⁶Sa tukunia o Jisu, "Sai koya au na solia vua na jiki ni madrai niu sa tonia." Ia ni sa tonia oji na jiki ni madrai, sa solia vi Jiutasa Isikarioti na luvei Saimoni Isikarioti. ²⁷Ia ni sa oji na jiki ni madrai, sa qai curumi koya o Setani, sa qai tukunia vua o Jisu, "Na cava mo vayacoya, vayacoya vatotolo."²⁸Sa reva ni dua vi ira na sa dadavo jiko i na teveli sa kila se cava sa vosa kinia vake vua o koya. ²⁹Sa so vi ira sa nanumia, me vaka ni sa tauria jiko na taga ni lavo, sa tukunia vua o Jisu, "Volia na vika na yaga vi kita i na kana vata," se me solia eso na ka vi ira na dravudravua. ³⁰Ni sa tauria oji na jiki ni madrai o Jutasa, sa curu sara i tuba. Sa qai bogi mai.³¹Ni sa qai yani o Jutasa, sa tukunia o Jisu, "Sa qai varokorokotaki na Luve ni tamata, sa varokorokotaki na Kalou i na vukuna. ³²Ke sa varokorokotaki i na vukuna, sa varokorokotaki na luvena vataki koya, ia ena varokorokotaki koya sara. ³³Na luvequ, au na jiko liga valailai liga ki ikodou. Dou na vaqarai au, ia me vaka au ma tukunia vi ira na kai Jutia, 'Vanua au sa qai kinia, dou na reva ni qai yani kinia.' Au sa tukunia vokiliga kinia vi ikodou.³⁴Sa dua nai vunau vou au sa solia vi ikodou, mo dou vilomani, me vaka au sa lomani ikodou, mo dou vilomanu vokiliga vakinia. ³⁵Na ka ke ra na kila kinia na tamata ni dou sa noqu tisaipeli, ke dou sa vilomani."³⁶Sa tukunia vua o Saimoni Pita, "Ikonu na Turaga, ko nu sa qai vei?" Sa tukunia vua o Jisu, "Na vanua au sa qai kinia ke, o sa reva ni rawa ni muri au rawa kinia ni kua, ia mai muri liga, o na muri au." ³⁷Sa tukunia vua o Pita, "Ikonu na Turaga, au reva ni muri ikonu rawa ni kua i na vuku ni cava? Au na solia na noqu bula i na vukumunu." ³⁸Sa tukunia vua o JIsu, "O na solia beka na nomu bula i na vukuqu? E djina, e djina, au sa tukunia vi iko, ni se bera ni tagi na toa, o na cakitaki au vatolu."

14¹Me kua ni rarawa na lomamudou. Ni dou sa vabaujia na Kalou; dou vabauji au vokiliga. ²Sa levu na jikina i na vale ni Tamaqu. Ke sa reva, au sa tukunia vi ikodou, niu sa qai meu varautakia na jikina me nomudou. ³Ia keu sa qai ka varautakia na jikina me nomudou, au na qai voki mai ka yadji ikodou vi au, mo dou jiko vokiliga i na vanua au sa jiko kinia.⁴Ia dou sa kila na vanua au sa qai kinia, dou sa kila vokiliga na kena sala." ⁵Sa tukunia vua o Tomasi, "Ikonu na Turaga, kitou sa reva ni kila se ikonu sa qai ivei; ia me kitou kila rawa vacava na sala?" ⁶Sa tukunia vua o Jisu, "Oi au na sala, na vu ni djina, na vu-ni-bula; sa reva ni qai rawa vi Tamaqu laliga e dua na tamata, i na vukuqu liga. ⁷Ke dou sa kilai au, dou sa kilai Tamaqu vokiliga. Mai na siga ke dou sa kilai koya ka raici koya."⁸Sa tukunia vua o Filipi, "Turaga, vatakilai Tamamunu vi kitou, kitou na qai vacegu." ⁹Sa tukunia vua o Jisu, "Au sa jiko vadede vata ki iko ka ko se reva liga ni kilai au, Filipi? O koya sa raici au sa raici Tamaqu. O sa tukunia vacava, 'Vatakilai Tamamu vi kitou'?¹⁰O sa reva ni vadjinajia niu sa dua vata ki Tamaqu, sa dua vata ki au o Tamaqu? Na vosa au sa vosatakia vi ikodou, au sa reva ni vosatakia vata ki au liga, ia o Tamaqu kirau sa dua vata kaya, sa vayacoya na cakacaka. ¹¹Dou vadjinaji au niu sa dua vata ki Tamaqu, sa dua vata ki au o Tamaqu, se vadjinaji au i na vuku ni cakacaka liga.¹²E djina, e djina, au sa tukunia vi ikodou, o koya sa vabauji au sa vayacoya vokiliga na cakacaka au sa vayacoya, ia ena vayacoya na cakacaka e levu cake i na ka ke i na vuku niu sa qai mai vi Tamaqu. ¹³Na ka keceliga nu na kerea i na yacaqu, au na vayacoya, me varokorokotaki na Tamaqu i na vuku ni Luvena. ¹⁴Na ka keceliga nu na kerea ena yacaqu, au na vayacoya.¹⁵Ke dou sa lomani au, dou talairawarawa ki na noqu i vunau, ¹⁶ia au na masuji Tamaqu, na qai solia vi ikodou e dua na Daunivivacegui me jiko liga vata ki ikodou ka reva ni mudu - ¹⁷na Yalo Tabu na vu ni ka dina. O koya sa reva ni vabaujia rawa na kai vuravura balejia ni ra sa reva ni raici koya se kilai koya. Ia sai ikodou liga sa kilai koya, ni sa jiko vata ki ikodou ka na curumi ikodou.¹⁸Au na reva ni daini ikodou mo nu luveniyali; au na qai mai vi ikodou. ¹⁹Dede mada valailai ra na qai reva ni raici au voki na kai vuravura, ia dou sa raici au. Dou sa raici au niu sa bula, dou na bula vokiliga. ²⁰Na siga gona dou na kila niu sa dua vata ki Tamaqu, ka dou sa dua vata ki au, au sa dua vata ki ikodou.²¹O koya sa nanumia na noqu vunau ka talairawarawa kinia sai koya ke sa lomani au, ia o koya sa lomani au sa lomani koya o Tamaqu, ia au na lomani koya ka vatakilai au vua." ²²Sa tukunia vua o Jutasa (reva ni o Isikarioti) vi Jisu, "Ikonu na Turaga, ko nu sa vatakilai konu vi kitou i na vuku ni cava, ka reva vi ira na kai vuravura?"²³Sa vosa o Jisu ka tukunia vua, "Ke sa lomani au e dua, ena talairawarawa i na noqu vosa. Na qai lomani koya o Tamaqu, ka kirau na qai mai vi koya ka jiko liga vua. ²⁴O koya sa reva ni lomani au sa reva ni talairawarawa i na noqu vosa. Na vosa nu sa rogocia sa reva ni noqu laliga sa ni Tamaqu sa talai au mai.²⁵Au sa vosatakia na vika ke vi ikodou, niu sa jiko vata ki ikodou. ²⁶Ia, na Daunivivacegui - na Yalo Tabu o koya sa tala mai o Tamaqu i na yacaqu - ena vavulici ikodou i na ka keceliga au ma vosatakia vi ikodou. ²⁷Au sa dainia vi ikodou na vacegu, au sa solia vi ikodou na noqu vacegu. Au sa reva ni solia vi ikodou me vaka sa solia o vuravura. Me kua ni rarawa na yalomudou se rere.²⁸Dou ma rogocia niu ma tukunia vi ikodou, 'Au sa qai yani, ka qai voki mai vi ikodou.' Ke dou sa lomani au, dou na marau niu sa qai vi Tamaqu, ni sa uasivi cake vi au o Tamaqu. ²⁹Au sa qai tukunia i liu vi ikodou ni se bera ni yaco mai, mo dou vadjinajia, i na gauna sa yaco kinia.³⁰I na visiga mai muri au na reva ni vivosaki valevu vata ki ikodou, ni sa qai mai na turaga ni vuravura ke. Sa reva ni laurai e dua na ka vi au, ³¹ia me kila liga o ira na kai vuravura niu sa lomani Tamaqu, me vaka sa vosa vi au o Tamaqu, au na vayacoya vakakinia. Tucake tou qai yani."

15¹"Oi au na vaini djina, sa i vatawa ni were o Tamaqu. ²Na tabaqu keceliga sa reva ni vua sa yadjia tani o koya, ia na tabaqu keceliga sa vua sa samakia o koya me vua valevu sara.³Dou na qai samaki i na vuku ni vosa au sa vosatakia vi ikodou. ⁴Dou tu vi au, au na tu vi ikodou. Me vaka sa reva ni vua na tabana vata ki koya ke sa reva ni tu vata ki na vaini, ena vavokiliga kinia o ikodou, ke dou sa reva ni tu vi au.⁵Oi au na vaini, o ikodou na tabaqu. O koya sa tu vi au o au vokiliga vi koya, sa vua valevu, ke nu sa tawase tani vi au dou na reva ni rawa e dua na ka. ⁶Ke sa reva ni tu vi au e dua, sa dai tani me vaka na taba ni vaini sa malai, a ra sa tomikia ka dainia i na bukawaqa, ka visa. ⁷Ke dou sa tu vi au, ka sa tu vi ikodou na noqu vosa, dou na kerea na ka dou sa vinakatakia, ia ena yaco vi ikodou.⁸Na ka ke sa varokorokotaki kinia o Tamaqu, ni dou sa vua valevu ka dou sa noqu tisapeli. ⁹Me vaka sa lomani au o Tamaqu, au sa lomani ikodou vavokiliga kinia. Dou jiko liga i na noqu loloma.¹⁰Ke dou sa talairawarawa i na noqu vunau, dou na jiko liga i na noqu loloma, me vaka au sa talairawarawa i na vunau ni Tamaqu ka jiko liga i na nona loloma. ¹¹Au sa vosatakia na vika ke vi ikodou meu sa marau jikoliga i na vukumunu ka me sinai na nomudou marau.¹²Sa noqu vunau ke, Mo dou vilomani me vaka au sa lomani ikodou. ¹³Sa reva na nona loloma e dua na tamata me uasivi cake i na ka ke - me solia na nona bula i na vukudra na wekana.¹⁴Dou sa wekaqu ke, dou sa vayacoya na ka keceliga au sa varojia vi ikodou. ¹⁵Au sa reva ni vatokai ikodou voki me noqu tamata, ni sa reva ni kila na tamata na ka sa vayacoya na nona turaga. Au sa vatokai ikodou me wekaqu, niu sa vatakila vi ikodou na ka keceliga au sa rogocia mai vi Tamaqu.¹⁶Dou sa reva ni djigitaki au, ia au sa djigitaki ikodou ka lesi ikodou mo dou qai ka vua, ka me jiko vokiliga na vuamudou. Me solia kinia vi ikodou o Tamaqu na ka keceliga, dou na kerea vua i na yacaqu. ¹⁷Na vika ke au sa varojia vi ikodou, mo dou vilomani.¹⁸Ke sa caji ikodou o vuravura, dou sa kila ni ra sa caji au iliu ra sa caji ikodou imuri. ¹⁹Ke dou sa vavuravura, na lomania na kai nona o vuravura. Ia ni dou sa reva ni vavuravura ka niu sa djigitaki ikodou mai vuravura balejia sai koya ke sa caji ikodou kinia o vuravura.²⁰Dou nanumia na vosa au sa vosatakia vi ikodou, 'Sa reva ni levu na tamata ka lailai na nona turaga.' Ke ra ma vacacani au, ra na vacacani ikodou vokiliga; ke ra sa talairawarawa i na noqu vosa, ra na talairawarawa vokiliga i na nomunu vosa. ²¹Ia na ka keceliga ke ra sa vayacoya vi ikodou i na vuku ni yacaqu, ni ra sa reva ni kilai koya sa talai au mai. ²²Keu ma reva ni qai mai ka vosa vi ira, sa qai reva na nodra i valavala ca, ia sa qai reva na nodra ulubale i na nodrai valavala ca.²³O koya sa caji au sa caji Tamaqu vokiliga. ²⁴Keu ma reva ni vayacoya vi ira na cakacaka sa reva ni vayacoya e dua na tamata tani, sa reva na nodrai valavala ca, ia ra sa qai raici au ka caji au vata ki Tamaqu vokiliga. ²⁵Me vayacori kinia na vosa ka vola i na nodra vunau, 'Ara sa caji au laliga.'²⁶Ia ni sa qai mai na Daunivivacegui - o koya au sa tala vi ikodou mai vi Tamaqu, na Yalo Tabu na vu ni ka djina, o koya sa qai mai vi Tamaqu - ena tukuni au o koya. ²⁷Ia nu na dautukutuku vokiliga o ikodou, ni nu sa jiko vata ki au mai nai vatekivu.

16¹Au sa vosakia na vika ke vi ikodou mo dou kua ni tarabe kinia. ²Ra na kolotaki ikodou mai na vale ni lotu. Ia na yaco mai na gauna ra na nanumia kinia o ira yadua sa vamatei ikodou ni ra sa qaravia kinia na Kalou.³Na vika ke ra na vayacoya vi ikodou ni ra sa reva ni kilai Tamaqu se o au. ⁴Na vika ke au sa tukunia vi ikodou ka ni sa yaco mai na gauna, dou na nanumia kinia niu ma tukunia vi ikodou. Au ma reva ni tukunia iliu vi ikodou na vika ke, balejia niu sa jiko vata ki ikodou.⁵Ia ke au sa qai yavi vi koya sa talai au mai, sa reva mada ni tarogi au e dua vi ikodou, 'O sa qai ivei?' ⁶Ia niu sa tukunia vi ikodou na vika ke, sa luvuci ina rarawa na lomaunu. ⁷Ia niu sa tukunia vi ikodou na ka djina, e yaga vi ikodou meu qai yani. Ni na reva ni qai mai vi ikodou na Daunivivacegui, kevaka sa reva ni qai yani, ia ke au sa qai yani, au na talai koya vi ikodou.⁸Ia ni sa qai mai o koya, na Daunivivacegui ena vatakila vi ira na kai vuravura nai valavala ca, na ka dodonu vata na lewa - ⁹nai valavala ca ni ra sa reva ni vabauji au; ¹⁰vata na ka dodonu, sa qai vi Tamaqu, ka dou sa reva ni raici au voki; ¹¹vata na lewa, ni sa lewai na turaga ni vuravura ke.¹²Sa levu na ka sa vo meu tukunia vi ikodou, ia dou sa reva ni tauria rawa ni kua. ¹³Ia ni sa qai mai o koya na Yalo Tabu na vu ni ka djina, na tuberi ikodou i na ka keceliga e djina, ni na reva ni vosa vataki koya. Ia na ka keceliga na rogocia, ena vosatakia ka na vatakila vi ikodou na vika ena yaco maimuri. ¹⁴Ena varokorokotaki au o koya, balejia ni na yadjia na ka e noqu, ka vatakila vi ikodou.¹⁵Na ka keceliga e ni Tamaqu sa noqu. Koya gona, au sa tukunia kinia ni na yadjia o koya na ka e noqu ka vatakila vi kodou. ¹⁶Sa vo valaiali nu na qai reva ni reva ni raici au, ka vo valailai voki nu na qai raici au."¹⁷Sa so vi ira na nona jisaiveli ra sa tukunia vata ki ira, "Na cava na ka ke sa tukunia vi kita o koya, 'Sa vo valailai nu na qai reva ni raici au ia ka vo valaiali voki nu na qai raici au,' vata, 'Niu sa qai vi tamaqu'?" ¹⁸Na ka ke ra sa tukunia kinia, "Na cava na ka ke sa tukunia o koya, 'Sa vo valailai? Da sa reva ni kila na ka sa tukunia o koya."¹⁹Sa kila o Jisu ni ra sa via tarogi koya, sa qai tukunia vi ira, "Dou sa vitarogi beka i na ka au ma tukunia, 'Sa valaiali dou na qai reva ni raici au , ka vo valaiali dou na qai raici au'? ²⁰E djina, e djina, au sa tukunia vi kodou, dou na tagi ka tagiyaso ia na vuravura ena marau. Na rarawa ni lomamudou i na ena vuki me marau. ²¹Ni sa taratara na yalewa sa rarawa balejia ni sa yaco na nona siga, ia ni sa sucu na gone sa reva ni nanumia voki na nona rarawa, ni sa marau ni sa sucu mai e dua na tamata i vuravura.²²Ia sa qai rarawa na lomamudou, ia au sa raici kodou voki ka na qai reki na lomamudou ni sa reva e dua na kovena na nomudou marau. ²³I na siga gona dou na reva ni tarogi au i na dua na ka. E djina, e djina, au sa tukunia vi kodou, na ka keceliga dou na kerea vi Tamaqu i na yacaqu, ena solia vi kodou o koya. ²⁴Dou ma reva ni kerea iliu i na dua na ka. Dou kerekere nu na qai rawa, me levu sara na nomudou marau.²⁵Au ma tukunia vi kodou na vika ke i na vosa vatautauvata, ia sa na qai mai na gauna au na reva voki ni vosa vi kodou i na vosa vatautauvata, ia au na tukunia vamatata vi kodou na vika e baleji Tamaqu.²⁶E na siga gona dou na kerekere i na yacaqu ia sa reva ni yaga meu tukunia vi kodou niu sa masuji Tamaqu i na vukumudou, ²⁷ni sa lomani kodou na Tamaqu balejia ni dou sa lomani au ka vadjinajia niu sa qai mai vua na Tamaqu. ²⁸Au sa qai mai vi Tamaqu, ka qai mai i vuravura. Au sa daini vuravura voki ka qai vi Tamaqu."²⁹Sa tukunia vua o ira na nona tisaipeli, "Raicia, o sa qai vosa vamatata ka reva ni vosatakia na vosa vatautauvata. ³⁰Kitou sa qai kila na ka keceliga, ka reva ni yaga vua e dua na tamata me tarogi ikonu. Na ka ke kitou sa vadjinajia kinia ni ko sa qai mai vua na Kalou." ³¹Sa tukunia vi ira o Jisu, "Nu sa qai vabaujia beka?³²Raicia, sa qai mai na gauna, io, sa qai yaco mai, dou na qai viseyaki kinia na tamata yadua, na nona vale, ka dou na daini au meu jiko duadualiga. Ia au sa reva ni jiko duadualiga ni kirau sa jiko vata ki Tamaqu. ³³Na vika ke au sa tukunia vi kodou mo dou rawa na vacegu i na vukuqu. Dou na raicia i vuravura na rarawa, ia mo dou vacegu au sa vamalumalumutaki vuravura."

17¹Sa vosatakia na vosa ke o Jisu, sa rai icolo i lomalagi ka tukunia, "ITamaqu, sa yaco mai na gauna, varokorokotakia na Luvemu me varokorokotaki Ikonu vokiliga na Luvemu. ²me vaka ko dou sa solia vua me lewa vi ira na tamata keceliga me solia o koya na bula reva ni mudu vi ira yadua ko dou sa solia vua.³Ia sai koya ke na bula reva ni mudu: Me ra kilai ikonu, na Kalou djina duadualiga, ki Jisu Karisito o koya ko nu ma tala mai. ⁴Au sa varokorokotaki ikonu i vuravura, niu sa vaojia na cakacaka ko nu sa solia vi au meu caka. ⁵Ia, ke Tamaqu, nu varokorokotaki au ni se reva ni caka o vuravura.⁶Au sa vatakina na yacamunu vi ira na tamata ko nu sa solia mai vi au mai vuravura. Ara sa nomunu, ia ko nu sa solia ira mai vi au, a ra sa talairawarawa i na nomunu vosa. ⁷Ara sa qai kila ni sa vu mai vi ikonu na ka keceliga ko nu sa solia mai vi au, ⁸niu sa solia vi ira na vosa ko nu ma solia mai vi au, ara sa vabaujia ka kila djina niu sa qai mai vi ikonu, ka ra sa vadjinajia ni ikonu ma talai au mai.⁹Au sa masulaki ira. Au sa reva ni masulaki vuravura ia o ira liga ko sa soli mai vi au, ni ra sa nomunu. ¹⁰Sa nomunu na noqu ka kece, sa noqu na nomunu ka kece, ia au sa varokorokotaki i na vukudra. ¹¹Au sa reva ni jiko i vuravura, ia o ira ke ra sa jiko i vuravura, ia o au, au sa qai yani. Tamaqu yalododonu, maroroi ira i na yacamunu o ira ko nu ma solia mai vi au me ra duabau liga, me vataki kedaru.¹²Niu ma jiko vata ki ira i vuravura, au ma daumaroroi ira i na yacamunu, o ira ko nu sa solia mai vi au, au sa maroroya. Sa reva ni yali e dua vi ira, o koya liga sa dodonu me rusa, me vayacori kinia nai Vola Tabu. ¹³Au sa qai yani vi kodou, ia na vika ke au sa vosatakia i vuravura me levu sara na nodra marau i na vukuqu. ¹⁴Au sa solia vi ira na nomunu vosa, sa caji ira o vuravura ni ra sa reva ni vavuravura me vaka au sa reva ni ni vavuravura,¹⁵Au sa reva ni masu mo nu yadjia ira tani i vuravura, mo nu maroroi ira liga mai na vu-ni-ca. ¹⁶Ara sa reva ni vavuravura me vaka au sa reva ni vavuravura.

¹⁷Vatabui ira i na nomunu vavuvuli djina. Sa ka djina na nomunu vosa.¹⁸Me vaka ko nu ma talai au i vuravura, au sa talai ira vakinia i vuravura. ¹⁹Ia au sa vatabu au i na vukudra, me ra vatabui vokiliga i nai vavuvuli djina.²⁰Au sa reva ni masu i na vukudra laliga ke, ia i na vukudra vokiliga ra na vabauji au i na vuku ni noqu vosa ²¹me ra dua bau keceliga, me vaka ni daru sa dua bau, Tamaqu, me ra dua bau vata ki kitaru. Me vadjinajia o vuravura ni ikonu sa talai au mai.²²Na varokoroko ko nu ma solia mai vi au, au sa solia vi ira, me ra dua bau me vaka e daru sa dua bau: ²³Meu tu vi ira, ka mo nu tu vi au - me ra vayacori sara me ra dua bauliga, ia me kila kinia o vuravura ni konu sa talai au mai, ka ni ikonu sa lomani ira me vaka ko nu sa lomani au.²⁴I Tamaqu, au sa vinakatakia me ra jiko vokiliga ki au i na vanua au sa jiko kinia, o ira ko nu sa solia vi au, me ra raicia na noqui ukuuku ko nu ma solia mai vi au ni konu ma lomani au ni sa reva ni tekivu na vuravura.²⁵I Tamaqu yalododonu, sa reva ni kilai ikonu o vuravura, ia au sa kilai ikonu; a ra sa kila o ira ke ni ikonu sa talai au mai. ²⁶Ia au sa vatakila vi ira na yacamunu, ia au na vatakila jiko me tu vi ira na loloma ko nu ma lomani au kinia meu jiko vokiliga vata ki ira."

18¹Ni sa vosatakia oji na vika ke o Jisu, sa qai yani o koya vata ki ira na nona tisaipeli i na tai kadua ni soniwai o Kitironi, sa dua kinia na were, sa curu kinia o koya vata ki ira na nona tisaipeli. ²Ia o Jutasa, o koya sa soli koya yani, sa kila na vanua ke, ni sa qai valevu kinia o Jisu vata ki ira na nona jisaiveli. ³Ia ni sa qai mai o Jutasa vata ki ira na mata sojia vata ki ira na eso na ovisa, mai vi ira na bete levu vata ki ira na Farisi, sa yaco kinia ka so sa yadjia eso na tabucagi vata na cina livaliva, vata nai yaragi ni vale.⁴Ia ni sa kila o jisu na ka keceliga e na yaco vi koya, sa qai yani ka tukunia vi ira, "Dou sa vaqarai cei?" ⁵Ara sa tukunia vua, "O Jisu, na kai Nasareci." Sa tukunia vi ira o Jisu, "O au." Sa tu vata ki ira o Jutasa, o koya sa soli koya yani.⁶Ni sa qai tukunia vi ira o koya, "Sai au ," ra sa vasukasuka ka bale sobu i na qele. ⁷Sa qai tarogia voki o koya, "Dou sa vaqarai cei?" A ra sa tukunia, "O Jisu, na kai Nasareci."⁸Sa tukunia o Jisu, "Au sa tukunia oji vi ikodou ni sai au. Ia ke dou sa vaqarai au, daini ira ke me ra qai tani." ⁹Me vayacori kinia na vosa sa tukunia o koya: "Au sa reva ni vayalia e dua vi ira ko ma solia mai vi au."¹⁰Sa qai ucunia o Saimoni Pita nai seleiwau sa tu vua ka yavijia kinia na nona tamata na bete levu ka taya dai na daligana i matau. Na yaca ni tamata o Maliko. ¹¹Sa qai tukunia vi Pita o Jisu, Daramakia na nomui seleiwau i na kena taga. Na bilo sa solia mai vi au o Tamaqu au na reva beka ni somia?"¹²O ira na mataivalu vata ki ira na kena turaga vata ki ira na nodra ovisa na kai Jutia, ra sa qai tauri Jisu ka vesuki koya. ¹³Ara sa yadjia mada iliu vi Anasa, na vugoi Kaiafa, o koya na bete levu i na yabaki gona. ¹⁴Ia o Kaiafa ke sai koya ka vavulici ira na kai Jutia ni sa yaga me mate e dua na tamata i na vukudra na tamata.¹⁵A rau sa muri Jisu o Pita, vata ki dua voki na tisaipeli. A sa kilai na tisaipeli gona vua na bete levu, a rau sa curu vata ki Jisu i na vale ni bete levu; ¹⁶a sa tu i tuba i o Pita ka voleka i na mata ni darava. Sa qai curu yani na tisaipeli kadua, koya sa kilai vua na bete levu, a sa vosa vua na yalewa sa vatawa na darava, a sa vacurumi Pita.¹⁷Sa qai tukunia vi Pita na vada sa vatawa na darava, "O iko beka vokiliga na tisaipeli ni tamata ke?" Sa tukunia o koya, "O au, a reva." ¹⁸A sa tu mai kinia o ira sa dauviqaravi vata ki ira na ovisa, a ra sa vawaqa na buka, ni sa batabata, a ra sa tatalai. Sa tu vata ki ira o Pita, sa tucake tu ka tatalai¹⁹Sa qai tarogi Jisu na bete levu i na vukudra na nona tisaipeli vata i na nona i vavuvuli vokiliga. ²⁰Sa tukunia vua o Jisu, "Au ma vosa votu i vuravura. Au ma vavuvuli jikoliga i na vivale ni soro ra sa dau qai kinia o ira kece na kaiJutia. Ia au sa reva ni tukunia vavuni e dua na ka. ²¹Na cava o sa tarogi au kinia? Tarogi ira ra sa dau rogocia se cava au ma tukunia vi ira. Ara sa kila na ka au ma dau tukunia."²²Ia ni sa vosa oji vake o koya, sa dua vi ira na ovisa sa tu voleka kinia sa sabici Jisu i ligana ka tukunia, "O sa vosa vacava vake vua na bete levu?" ²³Sa tukunia vua o Jisu, "Keu sa vosa vacaca, vatakila na kena ca, ia ke vinaka, o sa sabici au i na vuku ni cava?" ²⁴Ia o Anasa sa talai koya ni sa vesu tu, vi Kaiafa na bete levu.²⁵Ia sa tu o Saimoni Pita ka tatalai. Ra sa qai tukunia vua, "O iko beka vokiliga sa dua vi ira na nona tisapeli?" Sa cakitakia o koya, ka tukunia, "O au, a reva." ²⁶E dua vi ira na tamata ni bete levu, sa weka i koya sa taya tani na daligana o Pita, sa tukunia, "Au ma reva beka ni raici ikodrau vata kata i na were?" ²⁷Sa qai cakitaki koya voki o Pita; sa qai tagi sara na toa.²⁸Ara sa qai yadji Jisu tani mai vi Kaiafa i na vale ni vilewai. Ni sa savulaci caca, ia o ira ra sa reva ni curu i na vale ni vilewai me ra kua ni vadukaduka ka me ra rawa ni ia na kana vata ni qai-sivia. ²⁹Sa qai curu yani vi ira o Pailato ka tukunia, "Na cava na ka ca nu sa beitakia vua na tamata ke?" ³⁰Ara sa vosa ka tukunia vua, "Ke sa reva ni tamata ca o koya ke, sa reva ni soli koya yani vi konu."³¹Sa qai tukunia vi ira o Pailato, "Dou yadji koya, ka lewai koya me vaka na nomunu lawa." O koya ra sa tukunia kinia vua o ira na kai Jutia, "E reva ni tara vi kimamu me vamatea e dua na tamata." ³²Me vayacori kinia na vosa ka tukunia o Jisu ni sa vatakila nai valavala ni mate ena mate kinia.³³Sa qai curu voki i vale ni vilewai o Pailato ka kacivi Jisu ka tukunia vua, "O iko na nodra Tui na kai Jutia se reva?" ³⁴Sa tukunia vua o Jisu, "O sa vosatakia beka na ke vataki iko, se sa tukuni vake vi konu o ira na tani?" ³⁵Sa tukunia o Pailato, "O au beka na kai Jutia? "O ira na kai nomu vata ki ira na bete levu ra sa soli konu mai vi au. Na cava o na caka?"³⁶Sa tukunia o Jisu, "Sa reva ni vavuravura na noqu matanitu. Ke sa vavuravura na noqu matanitu, ra na qai vala na noqu tamata me kua ni soli yani vi ira na kai Jutia. Ia ke na noqu matanitu sa reva ni mai vonoke," ³⁷sa tukunia vua o Pailate, "O Ikonu bagi na tui?" Sa tukunia o Jisu, "O sa tukunia niu sa tui. Na ka ke au sa sucu mai kinia, ia na ka ke au sa qai mai kinia i vuravura ke, meu na dau tukunia na ka djina. O koya yadua sa vabaujia na ka djina sa rogocia na noqu vosa."³⁸Sa tukunia vua o Pailato, "Na cava na ka djina?" Ia ni sa vosa oji vake, sa curu voki yani vi ira na kai Jutia ka tukunia vi ira, "Au sa reva ni raicia vua e dua nai valavala ca. ³⁹Ia sa dua na nomunu i valavala meu serekia e dua vi kodou i na kana vata ni qai-sivia. Nu sa vinakatakia kinia se reva meu serekia vi kodou na nodra Tui na kai Jutia?" ⁴⁰A ra sa qai qoqolou voki ka tukunia, "Me kua liga na tamata ke, o Parapa liga." Ia o Parapa sa dua vi ira na daubutoka.

19¹Sa qai yadji Jisu o Pailato ka vakanakuitatakia. ²Sa talia e dua nai sala wa-vavotona o ira na sojia. Ara sa vaisalatakia kinia na ului Jisu ka vasulumi koya i na dua nai sulu lokaloka. ³Ara sa qai mai vi koya ka tukunia vua, "Sa loloma na nodra Tui na kai Jutia!" ara sa sabici koya i na ligadra.⁴Sa qai curu voki yani o Pailato ka tukunia vi ira, "Raicia, au sa yadji koya mai vi kodou mo nu kila niu sa reva ni raicia e dua nai valavala vi koya." ⁵Sa qai curu yani o Jisu sa vaisala tu i nai sala wa-vavotona ka daramakia nai sulu lokaloka. A sa tukunia vi ira o Pailato, "Raicia, na tamata!" ⁶Ni ra sa qai raici Jisu o ira na bete levu vata ki ira na ovisa, ra sa qoqolou ka tukunia, "Vakojia i na kauveilatai, vakojia i na kauveilatai. Sa tukunia vi ira o Pailato, "Nu yadji koya ka vakojia i na kauveilatai, niu sa reva ni raicia vua e dua nai valavala ca."⁷O ira na kai Jutia ra sa tukunia vua, "Sa dua na nimamu vunau, ka sa dodonu i na nimamu vunau me mate o koya ni sa tukuni koya me Luve ni Kalou." ⁸Ni sa qai rogocia na vosa ke o Pailato, sa levu cake kinia na nona rere, ⁹a sa curu voki i na vale ni vilewai ka tukunia vi Jisu, "O sa qai mai vei?" Ia sa reva ni vosa vua o Jisu.¹⁰Sa qai tukunia vua o Pailato, "O sa reva beka ni vosa mai vi au?" O sa reva beka ni kila ni sa rawa niu vakoji konu i na kauveilatai, au sa rawa vokiliga niu sereki konu?" ¹¹Sa tukunia vua o Jisu, "O sa reva ni rawa e dua na ka vi au ke sa reva n i soli vi Ikodou mai colo. Na ka ke sa levu cake kinia na nonai valavala ca o koya sa soli au yani vi ikodou."¹²Sa qai vatovolea jiko o Pailato me sereki koya, ia o ira na kai Jutia ra sa qolou, ka tukunia, "Ke o sa sereki koya ke, o sa reva ni totaki Sisa. O koya yadua sa tukuni koya me tui sa vosavacacataki Sisa." ¹³Ni sa qai rogocia na vosa ke o Pailato, sa yadji Jisu yani ka dabe sobu i nai jikojiko ni vilewaii na jikina sa vatokai "Na Raravatu," ia i na vosa va-Iperiu, "O Kapaca."¹⁴Na siga ke nai Vavarau i na kana vata ni qai-sivia, ia sa kenai kaono ni auwa. Sa tukunia vi ira na kai Jutia o Pailato, "Raicia na nomudou tui!" ¹⁵A ra sa kailavakia, "Yadjia tani, vakoji koya i na kauveilatai!" Sa tukunia vi ira o Pailato, "Meu vakojia beka i na kauveilatai na nomunu Tui?" O ira na bete levu ra sa tukunia, "Sa revani nimamu tui, o Sisa duadua liga." ¹⁶Sa qai soli Jisu yani o Pailato vi ira me vakoji i na kauveilatai.¹⁷Sa qai cola na nona kauveilatai o Jisu, ka qai yani i na vanua sa vatokai "Na vanua ni qavokavoka," sa vatokai i na vosa va-Iperiu me o "Kolikoca." ¹⁸A ra sa vakoji koya mai kinia i na kauveilatai vata e le rua voki, rau sa tataisautaki koya ka toka ina kodrau maliwa o Jisu.¹⁹Sa dua nai vatakilakila sa vola o Pailato. Sa vola toka i colo i na kauveilatai. Sai koya ke na kenai vola: O JISU NA KAI NASARECI, NA NODRA TUI NA KAI JUTIA. ²⁰A ra sa le levu na kai Jutia ra sa wilikia nai vatakilakila ke ni sa voleka i na koro na vanua sa vakoji kinia i na kauveilatai o Jisu. Sa volai i na vosa va-Iperiu vata na vosa va-Kirisi vata na vosa va-Roma.²¹Ra sa qai tukunia vi Pailato o ira na nodra bete levu na kai Jutia, "Kua ni vola, 'Na nodra Tui na kai Jutia,' ia ni sa tukunia o koya, 'Oi au na nodra Tui na kai Jutia.''' ²²Sa tukunia o Pailato, "Na ka au sa vola, au sa vola."²³Ia o ira na sojia ni ra sa vakoji Jisu i na kauveilatai, ra sa yadjia na nonai sulu ka wasea va-va, me ra yadua na jikina o ira na sojia ia nai tutuvi vokiliga. Ia na nonai tutuvi sa reva ni baki cula, sa tali taucoko mai na jikina i colo ka yadjia ira. ²⁴O koya ra sa vitukuniyakia kinia, "Me da kua ni dresukia, ia me da vawiri madjigi se na ni cei." Me vayacori kinia nai Vola Tabu o koya sa tukunia, "Era sa vota na noqui sulu ia na noqui tutuvi era vawiri madjigitakia.²⁵Ia sa tu voleka i na kauveilatai i Jisu o jinana, vata ki ratou na taci jinana, o Meri na waji Kilopa, vata ki Meri na yalewa ni Makitala. ²⁶Ni sa qai raici rau o Jisu, na jinana vata ki ira na tisaipeli ka tu voleka, koya sa lomania o koya, sa tukunia vi jinana, "Yalewa, raicia na luvemu!" ²⁷Sa qai tukunua vua na tisaipeli, "Raici jinamu! Ia mai na jiki ni siga gona sa yadji koya na tisaipeli gona i nona vale.²⁸Ni sa oji ke, sa kila o Jisu sa oji na ka keceliga, me vayacori kinia nai Vola Tabu, sa tukunia, "Au sa viasomi." ²⁹Ia sa tu i na dua na bilo sa sinai i na wai wiwi, a ra vasuasuatakia e dua na vutovuto i na wai wiwi ka vaciqia i na dua na taba ni isopi ka vayadjia i na gusuna. ³⁰Ni sa qai somia na wai wiwi o Jisu, sa tukunia, "Sa oji." A sa vacuva na uluna ka solia yani na yalona.³¹Ia o ira na kai Jutia, ra sa masuji Pailato me musu na yavadratou ka me ratou yadji tani i na vuku ni sa siga varau me kua ni rube tu na yagodratou i na kauveilatai i na siga ni vacecegu, (ni sa rui bibi na siga ni vacecegu gona.) ³²Sa qai o ira na sojia ka musukia na yavana nai matai ni tamata vata na yavana kenai karua koya ratou ma vakoji vata i na kauveilatai. ³³Ia ni ratou sa qai mai vi Jisu, ratou sa raicia ni sa mate tu, ra sa reva ni musukia na yavana.³⁴Ia sa suakia na sarisarina e dua na sojia i na dua na moto, sa jiri sara mai kinia na dra vata na wai. ³⁵Ia o koya ka raicia sa tukunia, ka sa djina na nonai tukutuku. A sa kila o koya ni sa vosa djina mo nu vabaujia.³⁶Ni sa caka na vika ke me vayacori kinia nai Vola Tabu, "Me kua ni ramusu e dua na suina." ³⁷Ia e dua voki na jiki ni Vola Tabu sa tukunia, "Era na raici koya ara sa suakia."³⁸Ia ni sa oji na vika ke, sa masuji Pailato o Josefa na kai Arimacea, na tisaipeli ni Jisu (ia sa vuni liga ni sa rerevaki ira na kai Jutia), me yadjia tani o koya na yago i Jisu. Sa vatara o Pailato. Sa qai o Josefa ka yadjia tani na yagona. ³⁹Sa qai vokiliga mai o Nikotimo, o koya sa qai iliu vi Jisu i na bogi. Sa yadjia mai na mura vata na yasiyasi sa viwaki vata, e dua na drau na paudi.⁴⁰A rau sa qai yadja na yago i Jisu ka ologia vata ki nai sole lineni eso vata ki na ka boi vinaka, me vaka nai valavala ni nodra vibulu na kai Jutia. ⁴¹Ia sa dua na were e na jikina sa vakoji kinia i na kauveilatai o koya; sa dua nai bulubulu vou i na were, sa reva ni bulu kinia e dua na tamata. ⁴²Me vaka ni sa nodra siga ni varau na kai Jutia, sa voleka i nai bulubulu, a rau sa buluji koya kinia.

20¹Ia i nai matai ni siga ni wiki, sa qai mai o Meri na yalewa ni Makitala i na savulaci caca, ni sa butobuto tu, i nai bulubulu ka raicia ni sa biligi tani na vatu mai nai bulubulu. ²Sa qai cici o koya ka qai yani vi rau o Saimoni Pita vata ki na dua voki na tisaipeli sa dau lomania o Jisu, ka tukunia vi rau, Ra sa yadjia na Turaga mai nai bulubulu, kitou sa reva ni kila na vanua ra sa vadavoi koya kinia."³Arau sa qai yani o Pita vata na tisapeli kadua, a rau sa qai i nai bulubulu. ⁴A rau sa cici vata ruarua, a sa siviji Pita na tisaipeli kadua sa liu i nai bulubulu. ⁵Sa cuva sobu o koya, sa rai i loma ka raicia nai sole lineni, ia sa reva ni curu o koya.⁶Sa qai muri mai o Saimoni Pita ka curu i nai bulubulu ka raicia nai sole lineni sa toka ⁷vata nai tavoi ma viviraki i uluna. Ia sa reva ni davo vata ki nai sole lineni, sa lobi duadua tokaliga ka toka taudua i yasana.⁸Sa qai curu vokiliga na tisaipeli kadua, koya ma liu i nai bulubulu, sa raicia o koya ka vadjinajia. ⁹(A rau sa reva liga ni kila nai Vola Tabu ni sa dodonu me wiri voki mai na mate o koya.) ¹⁰O ira na tisaipeli ra sa qai voki yani i nodra vivale.¹¹Ia o Meri sa wiri tu i tuba mai nai bulubulu ka sa tagi jiko. Ni sa tagi jiko, sa iro sobu ka rai i loma ni bulubulu. ¹²Sa raicia e le rua na agilosi rau sa sulu vulavula sa dabe jiko, dua i ulluna ka dua i yavana i na vanua ma davo toka kinia na yagoi Jisu. A rau sa tukunia vua na yalewa, "Yalewa, o sa tagi i na vuku ni cava?" ¹³Sa tukunia vi rau o koya, "I na vuku ni sa yadji tani na noqu Turaga, au sa reva ni kila na vanua ra sa qai daini koya kinia."¹⁴Ni sa qai vosa vake, sa vuki vanadaku sa raici Jisu ni sa tucake tu, ia sa reva ni kila ni o Jisu gona. ¹⁵Sa tukunia vua o Jisu, "Yalewa, o sa tagi i na vuku ni cava? O cei o sa vaqara?" Sa nanumia o koya ni sai vatawa ni were, sa tukunia vua, "Ke ko sa yadji koya tani, tukunia mai vi au na vanua o sa vadavoi koya kinia, meu qai yadji koya tani."¹⁶Sa tukunia vua o Jisu, "Meri!" Sa vuki o koya ka tukunia vua, "Raponai" (kenai balebale 'Vavuvuli"). ¹⁷Sa tukunia vua o Jisu, "Kua ni tarai au mai, niu se bera ni qai cake vi Tamaqu, ia mo qai vi ira na wekaqu ka tukunia vi ira niu sa qai cake vi Tamaqu ka Tamamunu; o koya sa noqu Kalou, ka nomudou Kalou." ¹⁸Sa qai on Meri na yalewa ni Makitala ka tukunia vi ira na tisaipeli, "Au sa raicia na Turaga," ka sa vosatakia vua na vika ke o koya.¹⁹I na bogi ni siga gona, i nai matai ni ni siga ni wiki, ni sa raiyavi mai, sa sogo tu na darava ni vale ka ra sa soqoni vata kinia na tisaipeli ni ra sa rerevaki ira na kai Jutia, sa curu mai o Jisu ka tu i na kedra maliwa ka tukunia vi ira, "Dou vacegu." ²⁰Ia ni sa vosa oji vake, sa varaitakia na liga vata na sarisarina. Sa ra qai marau na tisaipeli ni ra sa raicia na Turaga.²¹Sa qai tukunia vi ira o Jisu, "Nu vacegu. Me vaka sa talai au mai o Tamaqu, au sa talai ikodou vavokiliga kinia." ²²Ia ni sa vosa vake o koya, sa ceguvi ira ka tukunia, "Me curumi ikodou na Yalo Tabu. ²³Nai valavala ca ni tamata yadua nu sa bokocia, ena bokoci; nai valavala ca ni tamata yadua nu sa reva ni serekia, ena reva ni sereki."²⁴Sa dua vi ira na le jinikarua o Tomasi, sa vatokai o Titimo, ma reva ni ma jiko vata ki ira ni ma qai mai o Jisu. ²⁵Ra sa tukunia vua o ira na vo ni tisaipeli, "Kitou sa raicia na Turaga." Sa tukunia vi ira o koya, "Ke'u na reva ni raicia na we ni vako i ligana, ka daramakia na noqui qaqalo i na we ni vako, ka daramakia na ligaqu i sarisarina, au na reva ni vadjinajia."²⁶Sa oji e bogi walu sa ra jiko voki i loma ni vale o ira na tisaipeli, vata ki Tomasi. Sa curu mai o Jisu ni sa sogo tu na darava, ka wiri tu i na kedra maliwa, ka tukunia, "Dou vacegu." ²⁷Sa qai tukunia vi Tomasi, "Dodogia mai na nomui qaqalo ka raicia na ligaqu. Dodogia na ligamu ka daramakia i sarisariqu. Mo kua kinia ni vatitiqa, mo vadjinajia liga."²⁸Sa vosa o Tomasi ka tukunia vua, "Noqu Turaga, ka noqu Kalou." ²⁹Sa tukunia vua o Jisu, "Ni o sa raici au, mo vadjinajia. Sa kalougata o ira ra sa reva ni raicia, ka ra sa vadjinajia.³⁰Sa levu voki na cakacaka-mana sa caka djina o Jisu i matadra na nona tisaipeli, a ra sa reva ni volai i nai vola ke, ³¹ia sa volai ke mo nu vadjinajia ni sa Karisito o Jisu, na Luve ni Kalou, ia mo dou rawa na bula i na yacana, ni dou sa vabaujia.

21¹Sa oji na vika ke sa varaitaki koya voki o Jisu vi ratou na tisaipeli mai na wai mai Taiperia. Sa varaitaki koya vake o koya: ²O Saimoni Pita sa jiko vata ki ratou o Tomasi sa vatokai o Titimo, vata ki Nacanieli na kai Kena i Kalili, vata ki rau na luvei Sepete, vata le rua voki na nona tisaipeli o Jisu. ³Sa tukunia vi ratou o Saimoni Pita, "Au sa qai qoli." Ratou sa tukunia vua, "Kitatou na qai vokiliga yani vata ki konu." Ratou sa qai yani ka vodo i na waqa, ia a reva ni dua na ka e rawa i na bogi gona.⁴Ia ni sa qai savulaci mai, sa tu i matasawa o Jisu, ia o iratou na tisaipeli sa reva ni kila ni gona o Jisu. ⁵Sa qai tukunia vi ratou o Jisu, "Ragone, sa tu vi ikodou eso na kakana?" Ratou sa tukunia vua, "E reva." ⁶Sa tukunia vi ira o koya, "Dou kolotakia na lawa i nai matau ni waqa, ka dou na raicia kinia eso." Ra sa qai kolotakia ka ra sa reva ni yavia rawa ni sa levu sara na ika.⁷Sa tukunia kinia vi Pita na jisaiveli koya dau lomania o Jisu, "Na Turaga bagi ke." Ni sa rogocia o Saimoni Pita ni sai koya na Turaga, sa vaicurucurutaki koya i na nona i curucuru vagonedau (ni sa luvawale), ka rika i wai. ⁸Ia o ira na vo ni jisaiveli ra sa qai mai na waqa (ni sa reva ni yawa mai vanua, me vaka liga e katu limasagavulu), a ra sa yaratakia na lawa sa sinai tu i na ika. ⁹Ia ni ra sa sobu i vanua, ra sa raicia tu na qilaiso sa waqa tu vata na ika sa tu kinia vata na madrai.¹⁰Sa tukunia vi ira o Jisu, "Yadjia mai e so na ika dou sa rawa." ¹¹Sa qai cake o Saimoni Pita ka yavia mai na lawa i vanua, sa sinai i na ika lelevu, sa dua na drau limasagavulu ka tolu, ia na kena levu sa reva ni kabote kinia na lawa.¹²Sa tukunia vi ira o Jisu, "Dou mai katalau." Ia sa reva ni dua vi ira na tisaipeli sa doudou me tarogi koya, "O cei o Ikonu?" Ni ra sa kila ni ke liga Turaga. ¹³Sa qai mai o Jisu, ka tauria na madrai, vata na ika ka solia vi ira. ¹⁴Sai koya ke na kenai katolu ni gauna sa varaitaki koya kinia o Jisu vi ira na nona tisaipeli ni oji na nona tucake voki mai na mate.¹⁵Ni ra sa katalau oji, sa tukunia vi Saimoni Pita o Jisu, "Saimoni na luve i Jona, o sa lomani au valevu ka valailai o iratou ke se reva?" Sa tukunia vua o Pita, "Io Turaga, ko nu sa kila niu sa lomani ikonu." Sa tukunia vua o Jisu, "Vakani ira na noqu lami." ¹⁶Sa tukunia voki varua vua, "Saimoni na luve i Jona, o sa lomani au se reva?" Sa tukunia vua o koya, "Io Turaga, ko nu sa kila niu sa lomani ikonu." Sa tukunua vua o Jisu, "Vatawa na noqu sipi."¹⁷Sa tukunia vatolu vua, "Saimoni na luve i Jona, o sa lomani au se reva?" Sa rarawa na loma i Pita ni sa tukunia vatolu vua o Jisu "O sa lomani au se reva?" Sa tukunia vua o koya, "Ikonu na Turaga, ko nu sa kila na ka keceliga, ko nu sa kila niu sa lomanu ikonu." Sa tukunia vua o Jisu, "Vakani ira na noqu sipi. ¹⁸E djina, e djina, au sa tukunia vi konu, ni ko ma gone, au ma dauvauci konu ka qai vavitalia tu liga, ia ni o na qase mai, o na dodokia na ligamu, ka na vauci konu e dua voki, ka yadji konu i na vanua konu na reva ni vinakatakia."¹⁹Ia sa vosa vake o koya me vatakila na mate ena varokorokotakia kinia na Kalou o koya. Ia ni sa vosa oji vake o koya, sa tukunia vua, "Muri au."²⁰Sa qai vuki o Pita ka raicia na tisaipeli sa lomania o Jisu ni sa muri jiko, o koya ka ma ravi vokiliga i na lomaserena i na gauna ni varaiyavi ka tukunia, "Ikonu na Turaga, o cei o koya ena soli iko yani?" ²¹Ni sa raicia koya o Pita, sa tukunia vi Jisu, "Na Turaga, ena cava o koya ke?"²²Sa tukunia vua o Jisu, "Ke'u na vinakatakia me bula jikoliga o koya ka yacovia na siga au na qai voki mai kinia, na cava ke vi konu? Muri au" ²³Sa qai rogo yani vi ira na viwekani na vosa ke, ni na reva ni mate na tisaipeli gona. Ia o Jisu ma reva ni tukunia vi Pita ni na reva ni mate na tisaipeli gona, ia, "Ke'u vinakatakia me bula jikoliga o koya ka yacovia na siga au na qai voki mai kinia, na cava na betena vi ikodou?"²⁴Sai koya ke na jisaiveli sa tukunia na vika ke, ka vola na vika ke, ia da sa kila sa djina na nonai tukutuku. ²⁵Sa levu vokiliga na ka sa caka o Jisu. Ia ke ra volai kece, au sa kila ni na oso o vuravura i na vivola ena volai. Emeni.

Cakacaka

1¹I, Ceofilo, au ma vola nai vola iliu, vata na ka keceliga sa vatekivu me caka ka vatavuvulitakia o Jisu, ²ka yacovia na siga sa yadji cake kinia o koya, ni sa vataucia oji i na Yalo Tabu na nona i varo vi ira nai apositolo koya sa djigitakia o koya. ³Sa varairaitaki koya vokiliga vi ira ka sa levu na kenai vadjinadjina ni sa bula voki mai na nona mate. Ni sa daurairai vi ira ka bogi vasagavulu ka vosatakia na vika ni matanitu ni Kalou.⁴Ia ni soqoni vata ki ira, sa varojia me ra kua ni qai tani i Jerusalemi, me ra warakia liga na vosa ni yalayala ni Tamana, ka tukunia. "Dou ma rogocia mai vi au, ⁵e djina sa dauvipapitaisotaki o Joni ina wai, ia sa bogi vica liga dou na qai papitaisotaki i na Yalo Tabu."⁶Ni ra sa qai soqoni vata ra sa qai tarogi koya ka tukunia, "Ikonu na Turaga, ko nu na vayacori ira na Isireli me ra matanitu voki ina gauna cava se reva?" ⁷Sa tukunia vi ira o koya, "Sa reva ni nomudou mo dou kila na kena gauna se na kena yabaki sa lewa duadualiga kinia o Tamaqu. ⁸Ia dou na rawa na kaukauwa ni sa qai mai vi ikodou na Yalo Tabu dou na qai dautukuni au mai Jerusalemu, vata ki Jutia taucoko, vata ki Samaria, ka yacovia nai yalayala ki vuravura."⁹Ia ni sa tukunia oji na vika ke o koya, sa qai yadji cake, ni ra sa varaicia jiko sa dua na o sa tabonaki koya mai na matadra. ¹⁰Ia ni ra sa rai matua i lomalagi ni sa qai yani o koya, raicia e le rua na tamata sa tu voleka vi ira rau vaicurucuru vulavula. ¹¹A rau sa tukunia, " Ikodou na kai Kalili, dou sa tu ka rai matua i lomalagi i na vuku ni cava? O Jisu ke o koya sa yadji tani cake vi ikodou i lomalagi, na qai voki mai vakinia me va dou sa raici koya ni sa qai i lomalagi."¹²Ara sa qai lesu voki i Jerusalemu mai na ulu-ni-vanua sa vayacani i na violive sa voleka i Jerusalemi me vaka liga na kena yawa sa dau qaivi i na dua na siga ni vacecegu. ¹³Ia ni ra sa curu i loma, ra sa cabe i na taba loma ni vale icolo, ra sa daujiko kinia. Ratou o Pita, o Joni, o Jemesa, o Adriu, o Filipi, o Tomasi, o Pacolomiu,o Maciu, vata ki Jemesa na luvei Alifio, vata ki Saimoni e dua vi ira sa vatokai Na gumatua, vata ki Jutasa na taci Jemesa. ¹⁴Ara sa gumatua keceliga o ira ke, ra sa lomavata i na kerekere vata na daumasu, vata ki ratou vokiliga na yalewa, vata ki Meri na jinai Jisu vata ki ratou na tacina.¹⁵Ia i na gauna gona sa wiri kinia o Pita i na kedra maliwa na viwekani, ni sa wili vata na yacadra ra sa le dua beka na drau ka ruasagavulu, sa tukunia, ¹⁶"Ikodou na viwekani, e dodonu me vayacori na jiki ni Vola Tabu ke, sa vosatakia iliu na Yalo Tabu i na gusu i Tevita i na vuku i Jutasa, o koya ma liutaki ira na tauri Jisu.¹⁸Ni sa wili vata ki kita o koya ka sa lesu i na cakacaka ke." ¹⁷(Ia na tamata ke sa volia e dua na jiki ni vanua i nai voli ni nonai valavala ca, sa lutu ka saumaki lesu ira, sa kacabote na boto ni ketena, sa kasabura keceliga na nona wawa. Sa kilai na ka ke vi ira keceliga sa jiko mai Jerusalemi, ¹⁹sa vatokai kinia na jiki ni vanua gona i na nodra vosa, "Akelitama," o koya gona, "Na Vanua ni Dra.")²⁰Ni sa volai i na vola ni Same, 'Me lala djidji na nona vale, ia me reva na tamata me jiko kinia'; ia, 'Me dua tani me tauria na nonai tavi.'²¹O koya gona sa dodonu kinia, me dua mada vi ira na tamata ra sa jiko vata ki kita i na gauna keceliga sa jiko kinia vata ki kita na Turaga o Jisu, ²²sa vatekivu mai na papitaiso ni Joni ka yacovia na siga sa yadji kinia icolo vi kita o koya, me lesi o koya me tukunia vata ki kita na nona sa tu cake voki mai na mate." ²³A ra sa lesia e le rua, o Josefa sa vatokai o Parisapa, na yacana vokiliga o Jusitu, vata ki Mataiasa.²⁴Ara sa qai masu ka tukunia vua, "Ikonu na Turaga, ko nu sa kila na yalo ni tamata keceliga, mo nu vatakila mai se o cei vi rau ke nu sa djigitakia ²⁵me nonai tavi na cakacaka va-apositolo ke ni sa sivo tani mai kinia o Jutasa me qai i na nona yasana." ²⁶A ra sa qai vawiri madjigi i na vukudrau, sa bale vi Mataiasa, sa wili vata kinia o koya vata ki ira nai avositolo e le jinikadua.

2¹Ia ni sa yaco sara na siga ni Penitiko, ra sa jiko lomavata o ira keceliga i na dua na vanua. ²Sa qai vasauri mai lomalagi e dua na rorogo, sa va na cagi vacevaruru kaukauwa, sa vasinaijia na vale taucoko ra sa jiko kinia. ³Sa rairai vi ira na ka e va na viyameyame ni bukawaqa sa dui vibaleyaki, sa jiko yadua vi ira vayadualiga. ⁴A ra sa vasinaiji keceliga i na Yalo Tabu ka ra sa vatekivu me ra vosatakia na vosa tani eso, me va sa solia vi ira na Yalo Tabu me ra cavujia.⁵Sa jiko mai Jerusalemi eso na kai Jutia, ra sa tamata lotu, mai na vivanua keceliga i ruku i lomalagi. ⁶Ia ni sa rogovaki yani na ka ke, ra sa soqoni vata na le levu ka ra sa kurabui ni ra sa dui rogoci ira na tamata yadua ni ra sa vosatakia na nona vosa. ⁷A ra sa reucala keceliga ka kurabui; ka vitukutukunitakia vataki ira , "Raicia, ra sa reva beka ni kai Kalili o ira keceliga ke ra sa vosa?"⁸Ia ka vacava ke ni da sa rogocia o kita keceliga, na noda vosa da ma sucu kaya? ⁹O ira na kai Paricia, vata ki Mitia, ki Ilama, vata ki ira sa jiko mai Mesopotemia, ki Jutia, ki Kapatosia, mai Ponita, vata ki Esia, ¹⁰mai Firijia, ki Pamifilia, mai IIjipita, ki na yasayasa va-Lipea ka voleka i Kirini, vata ki ira na vulagi mai Roma, o ira na kai Jutia, vata ki ira sa vuki i na lotu va-Jiu, ¹¹o ira na kai Kiriti vata ki Arepea, da sa rogoci ira ni ra sa tukunia i na noda vosa na nona cakacaka e vivakurabuitaki na Kalou.¹²A ra sa kurabui keceliga ka taqaya; ka ra sa vitukutukunitakia vataki ira, "Na cava nai balebale ni ka ke?" ¹³Sa valialiai ira eso tani ka tukunia, "Ira sa mateni i na waini vou."¹⁴Sa qai tu cake o Pita vata ki ira na le jinikadua, ka sa tabalakia cake na domona, ka tukunia vi ira, "Ikodou na kai Jutia, vata ki ikodou keceliga sa jiko i Jerusalemi, mo dou kila na ka ke; ka rogocia na noqu vosa. ¹⁵Ni ra sa reva ni mateni o ira ke me va na ka dou sa nanumia, ni sa qai kenai katolu liga ni auwa.¹⁶Ia sai koya liga ke na ka ma tukunia na parofita o Joeli: ¹⁷'Ni na yaco i na gauna mai muri,' Sa tukunia na Kalou, 'Au na sovarakia na Yaloqu vi ira na tamata keceliga. Ra na parofisai kinia, o ira na nomudou gonetagane vata ki ira na nomudou goneyalewa, ia ra na raicia na raivotu eso o ira na nomudou cauravou ka ra na tadra na tadra eso o ira na nomudou matua.¹⁹Io vi ira vokiliga na noqu tamata vata ki ira na noqu vada au na sovarakia na Yaloqu i na gauna gona, ra na parofisai kinia. ¹⁸Ia au na vatakila na ka e vivareucalataki eso mai lomalagi icolo, vata nai vatakilakila eso i vuravura ira, na dra vata na bukawaqa vata na o kubou.²⁰Ka na vuki na mata-ni-siga me butobuto vata na vula me dra ka na qai yaco imuri na siga i Jiova, sa levu ka rogo jiko. ²¹Ia na yaco o koya yadua na masujia na yaca i Jiova na bula.²²Ikodou na tamata na Isireli, rogocia na vosa ke: o Jisu na kai Nasareci na tamata sa vadjinadjinatakia vi ikodou na Kalou i na cakacaka mana vata na ka e vivakurabuitaki eso vata nai vatakilakila eso sa solia na Kalou vi koya me caka i na kemudou maliwa, me va dou sa kila. ²³O koya ni sa soli oji yani vi ikodou me va ka sa nakijia na Kalou ka lewa iliu; dou sa tauria ka vakojia i na kauveilatai ka vamatea i na ligadra na tamata ca. ²⁴Ia o koya sa vaturia cake na Kalou, ni sa serekia nai vau ni mate, ni sa reva ni rawa me vauci jikoliga kinia o koya.²⁵Ni sa vosa me baleji koya o Tevita, ka kaya, 'Au ma raici Jiova jikoliga ni sa tu i mataqu, ni sa tu o koya i na ligaqu i matau me'u reva kinia ni yavalaji. ²⁶O koya sa marau kinia na yaloqu, sa marau kinia na yamequ. Ena vacegu vokiliga na lewequ i nai nuinui.²⁷Ni konu na reva ni dainia na yaloqu mai etesi, se dainia na nomu Le dua yalosavasava me vuca mai.

²⁸Konu sa vatakila mai vi au na sala ni bula; konu na vasinaiji au i na marau mai na matamunu.'²⁹Ikodou na viwekani, dou vosojia me'u doudou ni'u sa tukuni Tevita na matua vi ikodou, ni sa mate o koya ka bulu ka sa tu liga vi kita na nonai bulubulu ka yacovia na siga ke. ³⁰Ia ni sa parofita o koya, sa kila ni sa bubului vua na Kalou, ni na tubu mai vua o ira na vatubuya mai kinia o koya na Karisito, me va na lewena me jiko i na nonai jikojiko vaturaga. ³¹Ia ni sa kila iliu sa tukunia na nona tu cake voki mai na mate na Karisito, ni na reva ni dai tu mai etesi, se na vuca mai na lewena.³²O Jisu ke - sa vaturia cake na Kalou, ka sai vadjinadjina ni ka ke o kitou keceliga. ³³Ia ni sa yadji icolo i na liga i matau ni Kalou, ka rawa o koya mai vi Tamana na Yalo Tabu ka yalatakia, sa qai sovarakia mai na ka ke mo dou sa qai raicia ka rogocia.³⁴Ni sa reva ni qai cake i lomalagi o Tevita, ia sa tukunia o koya, 'Sa tukunia o Jiova vua na noqu Turaga, "Mo jikoliga i na ligaqu i matau, ³⁵me'u vamalumalumutaki ira mada na nomu meca mei tutu-ni-yavamu.'" ³⁶O koya ke, me qai kila sara kinia na mataqali taucoko ni Isireli ni o Jisu ke o koya dou ma vakojia i na kauveilatai, sa lesia na Kalou me Turaga ka Karisito vokiliga.³⁷Ia ni ra sa rogocia, sa laucoka na yalodra, a ra sa tukunia vi Pita vata ki ira nai apositolo sa vo, "Ikodou na viwekani, na cava me kimamu caka?" ³⁸Sa qai tukunia vi ira o Pita, "Dou vivutuni ka papitaisotaki ikodou yadua i na yaca i Jisu Karisito ka me bokoci kinia na nomudou i valavala ca, ka dou na rawa na Yalo Tabu mei solisoli. ³⁹Ni sa caka vi ikodou na vosa ni yalayala vata vi ira vokiliga na nomudou gone vata ki ira keceliga ra sa tu vayawa, vata ki ira keceliga sa kacivi ira vua na Turaga na noda Kalou."⁴⁰Ia sa levu voki na vosa sa tukunia o koya ka varojia ka tukunia, "Dou vabulai ikodou mai nai tabatamata takelo ke." ⁴¹Ia o ira sa vabaujia na nona vosa, ra sa papitaisotaki ka sa kenai kuri vi ira sa lotu i na siga gona e le tolu beka na udolu na tamata. ⁴²A ra sa qaravia matua na nodrai vavuvuli nai apositolo ka ra vilomani i na dovi madrai vata ki na masumasu.⁴³Sa kani ira keceliga na rere, sa levu na ka e vivakurabuitaki vata nai vatakilakila ra sa caka o ira nai apositolo. ⁴⁴Ia o ira keceliga sa vabaujia ra sa jiko vata, a ra sa dui solia na nodrai yau yadua me ra taukenia vata, ⁴⁵a ra sa volitakia na nodra vanua vata na nodrai yau, a ra sa vota vi ira keceliga me vaka na nodra dui dravudravua.⁴⁶A ra sa gumatua sara i na qai i na vale ni soro i na visiga. A ra sa lomavata, a ra sa dovi madrai i na vivale, a ra sa kania na kedra i na marau vata ki na yalo djina, ⁴⁷ni ra sa vavinavinaka jiko vua na Kalou, a sa vinakaji ira o ira na tamata keceliga, ia na Turaga sa vaikuritakia vi ira nai soqosoqo le ni lotu i na visiga na tamata ra sa vabulai jiko.

3¹Ia a rau sa qai vata o Pita vata ki Joni i na vale ni soro i na auwa sa daucaka kinia na masumasu, i na kenai kaciwa. ²Sa dua na tamata sa lokiloki mai na kete i jinana sa colaji jiko, sa vadavori i na visiga i na mata ni darava ni vale ni soro sa vatokai o Lagilagi. Me kere ka-ni-loloma vi ira sa curu i na vale ni soro. ³O koya ni sa raici Pita vata ki Joni ni rau sa voleka ni curu i na vale ni soro, sa kerekere me dua na nona ka-ni-loloma.⁴A rau sa varaici koya o Pita vata ki Joni, ka tukunia, "Raici kirau mai." ⁵Sa varaici rau o koya, ni sa nanumia ni na rawa mai vi rau e dua na ka. ⁶Sa qai tukunia o Pita, "Na siliva vata na koula e reva ni tu vi au, ia na ka liga sa tu vi au kau na solia vi iko. I na yaca i Jisu Karisito na kai Nasareci mo tu cake ka qai."⁷Sa qai tauria na ligana i matau, sa tuberia icolo sa qai vakaukauwataki sara na yavana vata na nona qurulasawa. ⁸Sa qai rika icolo o koya, ka wiri tu ka qai wavoki; sa curu vata ki rau i na vale ni soro, sa qai ka rika ka varokorokotakia na Kalou.⁹Sa raici koya o ira na tamata keceliga ni sa qai wavoki ka varokorokotakia na Kalou. ¹⁰A ra sa kila ni sai koya ma dau jiko i na mata ni darava mai Lagilagi, mai na vale ni soro; me kere ka ni loloma ka ra sa kurabui sara i na vuku ni ka sa qai yaco vua.¹¹Ia ni sa tauri Pita vata ki Joni na tamata lokiloki sa qai vabulai, ra sa cici vata o ira keceliga na tamata vi ratou i na varada sa vatokai Na ni Solomoni, a ra sa kurabui valevu. ¹²Ia ni sa raicia o Pita sa tukunia vi ira na tamata, "Ikodou na tamata na Isireli, dou sa kurabui i na ka ke i na vuku ni cava? Se cava dou sa varaici kirau matua kinia, me va sa nirau kaukauwa se yalododonu, kirau sa vayacoya kinia vi koya ke me qai rawa?¹³Na Kalou ni Eparaama, ni Aisakei, ni Jekope, na nodra Kalou na noda matua, sa varokorokotakia na Luvena o Jisu. O koya dou ma solia yani ka cakitakia i na mata i Pailato, ni sa lewa o koya me serekia. ¹⁴Ia dou ma cakitaki koya na Yalosavasava, ka masujia me soli vi ikodou e dua na daulaba.¹⁵Dou ma vamatea na Vu-ni-bula, o koya sa vaturi voki mai na mate na Kalou - ia kitou sai vadjinadjina i na ka ke. ¹⁶Ia na yacana, i na vuku ni sa vabauji na yacana, sa vakaukauwataki kinia o koya ke, o koya dou sa raicia ka kila. Ni dou sa vabauji koya, sa soli vua na bula vinaka sara, i na matamudou keceliga.¹⁷Ia ke, ikodou na viwekani, au sa kila ni dou ma caka ni dou sa reva ni kila, me vataki ira vokiliga na nomudou turaga. ¹⁸Ia na vika ke sa vatakila iliu na Kalou i na gusudra keceliga na nona parofita, ni na mate na nona Karisito, sa qai vayacoya vakinia o koya.¹⁹O koya mo dou qai vivutuni ka saumaki mai, ²⁰me bokoci kinia na nomudou i valavala ca ka me yaco kinia na gauna ni vacegu mai na mata ni Turaga; ka talai o Karisito o koya sa djigitaki vi ikodou, o Jisu.²¹O koya e dodonu me jiko mada liga mai lomalagi me yaco mada na gauna e na caka voki me vinaka kinia na ka keceliga, ka vosa kinia na Kalou i na gusudra kece na nona parofita yalosavasava i na gauna makawa. ²²Ni sa djina sa tukunia o Mosese, 'Na vatubuya cake vi ikodou o Jiova na nomudou Kalou mai vi ira na wekamudou, e dua na parofita me vataki au. O koya dou na rogocia na ka keceliga na vosatakia vi ikodou. ²³Ia na yaco na tamata yadua sa na reva ni rogocia na parofita gona, ena varusai tani mai vi ira na tamata.'²⁴Ia o ira vokiliga na parofita keceliga sa kenai vatekivu o Samuela vata ki ira vokiliga sa ra taravia, o ira keceliga ra sa vosa, ra sa ma tukunia oji jiko mai na gauna ke. ²⁵Ikodou sa luvedra na parofita vata ki na vosa ni viyalayalaji ka caka na Kalou vi ira na noda matua, ni sa tukunia vi Eparaama, 'Na kalogata na vimataqali keceliga i vuravura i na vuku ni nomu kawa.' ²⁶Sa tala na Luvena o Jisu na Kalou, ka liu vi ikodou, ni sa vaturia cake me vakalougatataki ikodou ni sa saumaki ikodou yadua mai na nomudou i valavala ca."

4¹Ia ni rau sa vosa jiko vi ira na tamata, sa qai mai vi rau o ira na bete vata ki ira na turaga ni vale ni soro vata ki ira nai tokani ni Setoki. ²Ni ra sa cudruvi rau o Pita vata ki Joni ni sa vavulici ira na tamata ka vunautakia na tu cake voki mai na mate i na vuku i Jisu. ³Ra sa tauri rau ka daini rau i na vale ni vivesu me savulaci mada ka ni se qai raiyavi na vanua. ⁴Ia ka le levu ra sa rogocia na vunau ra sa vabaujia, ia na kedrai wiliwili na tagane sa le lima beka na udolu.⁵Ia ni sa savulaci ra sa soqoni vata mai Jerusalemi o ira na nodra turaga, vata ki ira na matua, vata ki ira na vunivola. ⁶O Anasa na bete levu sa jiko kinia vata ki Kaiafa, vata ki Joni, vata ki Alekisada, vata ki ira keceliga na mataqali ni bete levu. ⁷Ia ni ra sa vaturi rau i na kedra maliwa, ra sa tarogia, "Na kaukauwa cava se na yaca i cei, drau sa caka kinia na ka ke?"⁸Sa qai sinai o Pita i na Yalo Tabu, sa tukunia vi ira, "Ikonu na nodra turaga na tamata vata na nodra matua na Isireli, ⁹ke kirau sa tarogi i na siga ni kua i na cakacaka vinaka vua na tamata lokiloki, se cava sa qai bula kinia, ¹⁰mo dou kila keceliga vata ki ira keceliga na Isireli ni sa yaca i Jisu Karisito na kai Nasareci, o koya ikodou ma vakojia i na kauveilatai, sa vaturi cake na Kalou mai na mate i na vukuna liga sa tu kinia ke o koya ke i na matamudou ka sa bula vinaka.¹¹O koya na vatu ikodou ma cajia sara ikodou na matai ni vale, koya sa yaco me kenai vadei ni yavu i na tutu vale. ¹²Sa reva na bula i na vukuna e dua tani, ni sa reva sara ni dua voki na yaca i na ruku i lomalagi sa soli vi ira na tamata me da bula rawa kinia.¹³Ia ni ra sa raicia na nodrau doudou o Pita vata ki Joni ni rau sa kila vokiliga ni rau sa reva so ni vuku, se tamata vuli, ra sa kurabui kinia, ra sa qai nanumia ni ratou ma dau jiko vata ki Jisu. ¹⁴Ia ni ra sa raici ira na tamata ni ra sa vabulai, ni sa wiri tu vata ki rau, ra sa reva ni tukunia rawa e dua ka me baleji erau.¹⁵Ia ni ra sa vatalai rau me rau qai tani i na vale ni bose, ra sa qai bose vataki ira. ¹⁶Ara sa tukunia, "Na cava me da vayacoya vi rau na tamata ke? Ni ra sa kila o ira keceliga sa jiko i Jerusalemi, ni sa dua na cakacaka-mana rogo rau sa caka, ia da sa reva ni rawa ni vajijiqatakia rawa. ¹⁷Ia de tukuni valevu vi ira na tamata, me da tukunia liga ka me rau cudruvi sara ke rau vavuvuli voki vua e dua na tamata i na yaca ke." ¹⁸A ra sa kacivi rau ka varojia vi rau me rau kua sara ni vosa se vatavuvuli i na yaca i Jisu.¹⁹Sa qai vosa o Pita vata ki Joni ka tukunia vi ira, "Mo dou lewa liga se sa dodonu se reva i na mata ni Kalou me kirau varorogo vi ikodou, ka kua vua na Kalou. ²⁰Ni sa mama vi kirau me kirau kua ni tukunia na vika kirau sa raicia ka rogocia."²¹Ia ni ra sa reva ni raicia e dua na ka me rau cudruvi kinia, ra sa vosavacudrucudruya voki vi irau, a rau sa qai sere me rau qai, O ira na tamata ni ra sa varokorokotakia na Kalou o ira keceliga i na vuku ni ka sa qai caka. ²²Ni sa vasagavulu vacaca na nona yabaki o koya na tamata sa caka vua na cakacaka-mana ke ka bula kinia.²³Ia ni rau sa sereki o Pita vata ki Joni, rau sa qai vi ira na nodrau i tokani ka tukunia na ka keceliga ra ma vosatakia vi rau o ira na bete levu vata ki ira na matua. ²⁴Ia ni ra sa rogocia, ra sa lomavata ka tabalakia icolo na domodra vua na Kalou ka tukunia, "Ikonu na Turaga, Ikonu na Kalou, ko nu ma bulia na lomalagi vata na vuravura, vata ki na waitui, vata ki na ka kecelilga sa tu kinia. ²⁵I na gusui Tevita na nomudou tamata, ni sa tukunia, 'Sa daucudru na vimatanitu i na vuku ni cava, a ra sa vananumakia na ka wale o ira na le ni vivanua?²⁶Ra sa tuva i valu na tui i vuravura, ra sa soqoni vata na turaga me ra vivala ki Jiova vata ki na nona Karisito.'²⁷Ni sa djina ra sa soqoni vata i na koro ke me ra vivala vata na Luvemuni yalosavasava o Jisu, o koya dou ma lumujia, o rau o Erotii vata ki Ponitio Pailato vata ki ira na vimatanitu vata ki ira na Isireli. ²⁸Me ra vayacoya keceliga na ka ikodou ma lesia iliu me caka me va na nomudou kaukauwa vata ki na nomudou i naki.²⁹Ia ke, Ikonu na Turaga, mo dou raicia na nodra vosa vacudrucudruya ka solia vi ira na nomudou i talatala me ra doudou valevu ni tukunia na nomudou vosa. ³⁰Ni ikodou sa dodokia jiko na ligamudou me ia na vivabulai me caka vokiliga nai vatakilakila eso vata na ka e vivakurabuitaki i na yaca ni Luvemunu yalosavasava o Jisu." ³¹Ia ni ra sa masu oji, sa vayavalaji na vale ra sa soqoni vata kinia, a ra sa dui vasinaiji keceliga i na Yalo Tabu ka ra sa doudou kinia ni ra tukunia na vosa ni Kalou.³²Ia o ira na le levu ra sa vabaujia ra sa lomavata ka yalovata. Sa reva ni dua e tukunia me nona duadualiga na ka sa tu vua, a ra sa taukenia vata na nonai yau yadua. ³³Sa levu na nodra kaukauwa nai apositolo ni ra sa tukunia sa tucake voki mai na mate na Turaga o Jisu, sa vinakaji valevu o ira keceliga.³⁴Ni sa reva e dua vi ira sa dravudravua, o ira keceliga sa taukenia na vanua se na vivale ra sa volitakia ka ra sa yadjia nai voli ni ka era volitakia, ³⁵ra sa taucia i na yavadra nai apositolo, sa votai vi ira keceliga me vaka na nodra dui dravudravua.³⁶O Josese vokiliga, o koya ra sa vatoka o ira nai avositolo me o Panapasa, (kenai balebale, Na gone ni Vacegu,) na luvei Livai, na kai Kipiro, ³⁷o koya sa taukenia e dua na jiki ni vanua sa volitakia ka yadjia na kenai sau, ka taucia i na yavadra nai apositolo.

5¹Sa dua na tamata o Ananaiasa na yacana, vata ki Safaira na wajina, sa volitakia e dua na nona jiki ni vanua, ²sa vunia eso na kenai sau (sa kila vokiliga na wajina), sa yadjia eso ka taucia i na yavadra nai apositolo.³Sa tukunia o Pita, "Ananaiasa, e vacava ni sa vasinaijia na yalomu o Setani mo seni kinia vua na Yalo Tabu ka mo vunia eso nai sau ni nomu qele. ⁴Ni sa tu liga iliu, sa reva beka ni ma nomu liga, ia ni sa volitaki oji, o sa reva beka ni lewa liga o iko? E vacava ni ko sa vananumakia kinia na ka ke i na lomamu? O sa reva ni seni vi ira na tamata, o sa seni liga vua na Kalou." ⁵Ia ni sa rogocia na vosa ke, sa bale sobu o Ananaiasa ka ciba, a ra sa rava valevu kinia o ira keceliga sa rogocia na ka ke. ⁶Sa tucake o ira na cauravou ka ologii koya, ka cola i tuba ka bulujia.⁷Ia ni sa oji e tolu beka na auwa, sa qai curu mai na wajina, sa reva ni kila na ka sa yaco. ⁸Sa tukunia vua o Pita, "Tukunia mai vi au se drau sa volitakia na qele i nai lavo va gona" Sa tukunia o koya, "io, e va liga gona."⁹Sa qai tukunia vua o Pita, "E vacava ni drau sa lomavata mo drau vatovolea vaca na Yalo ni Turaga? Raicia, sa tu i darava na yavadratou o ratou sa bulujia na wajimu, ratou na colaji iko vokiliga i tuba." ¹⁰Sa qai bale sobu sara i yavana o koya ka ciba. Ratou sa cola yani ka bulujia vata ki na wajina. ¹¹A ra sa rava valevu kinia o ira kece nai soqosoqo le ni lotu vata ki ira keceliga ra sa rogocia na vika ke.¹²Sa caka nai vatakilakila vata na ka e vivakurabuitaki e levu i na ligadra nai apositolo vi ira na tamata, A ra sa jiko lomavata keceliga i na varada ni Solomoni. ¹³Sa reva ni dua vi ira sa vosa doudou me to vata ki ira; sa varokorokotaki ira o ira na tamata.¹⁴Sa vaikuritaki valevu vua na Turaga na tamata eso ra vabaujia, ra le levu na tagane vata na yalewa vokiliga, ¹⁵ra sa yadji ira kinia ka ra sa tauvi-mate i na vitolo-ni-sala ka sa vadavoya i nai davodavo lelevu vata nai mocemoce lalai, me varurugia eso vi ira na yaloyalo i Pita ni sa qai yani kinia. ¹⁶Ara sa le levu vokiliga sa qai mai na vikoro sa vavolivoliji Jerusalemi, ra sa yadjia mai eso sa tauvi-mate vata ki ira sa vararawataki ira na yalo velavela eso, ra sa vabulai keceliga.¹⁷Sa qai tucake na bete levu vata ki ira keceliga ra sa daujiko vata ki koya (o ira nai tokani i Setoki); ¹⁸a ra sa sinai i na cudru ka ra sa tauri ratou nai avositolo, ka daini ratou i na vale ni vivesu.¹⁹Ia ni sa qai bogi sa dola na darava ni vale ni vivesu e dua na agilosi ni Turaga ka yadji ratou mai kinia, ka tukunia, ²⁰"Dou qai ka tu i na vale ni soro ka tukunia vi ira na tamata na vosa keceliga ni bula ke." ²¹Ia ni ratou sa rogocia, ratou sa curu i na vale ni soro ni sa savulaci caca ka vatavuvuli. Sa qai mai na bete levu vata ki ira sa dau jiko vata ki koya, a ra sa vasoqoni ira vata na matavilewai, vata ki ira keceliga na nodra matua na luve i Isireli, ra sa tala eso i na vale ni vivesu me yadji ratou mai.²²A ratou sa yaco na ovisa ka ratou sa reva ni raici ratou i na vale ni vivesu, ka ratou sa lesu voki ka tukunia, ²³"Kitou sa raicia djina ni sa sogo vakaukauwa tu na vale ni vivesu ka ra sa tu vokiliga nai vatawa i na mata ni darava i tuba, ia ni kitou sa dola, sa reva ni dua kitou sa raicia i loma."²⁴Ia ni ra sa rogocia na vika gona na turaga ni vale ni soro vata ki ira na bete turaga, ra sa kidroa kinia se na tubu beka me vacava na ka ke. ²⁵Sa qai mai e dua ka tukunia vi ira, "Raicia, o ratou na tamata dou ma dainia i na vale ni vivesu ratou sa tu i na vale n i soro ka vatavulici ira na tamata."²⁶Sa qai na turaga vata ki ratou na ovisa ka yadji ratou mai, ia ratou sa reva ni caka vakaukauwa ni ratou sa rerevaki ira na tamata, de ra vavocaki iratou i na vatu. ²⁷Ia ni ratou sa yadji ratou mai, ratou sa vaturia i na matadra na matavilewai. Sa tarogi ratou na bete levu, ²⁸ka tukunia, "Kitou ma reva beka ni varojia matua vi ikodou mo dou kua ni vatavuvuli i na yaca ke? Ia ka raicia dou sa vasinaiji Jerusalemi i na nomudou i vavuvuli ka dou sa nakijia vokiliga me kitou tarogi i na dra ni tamata ke."²⁹Sa qai vosa o Pita vata ki ratou nai apsitolo, ka tukunia, "Sa kilikili ki kitou me kitou talairawarawa vua na Kalou ka me kua liga vi ira na tamata. ³⁰Na nodra Kalou na noda matua sa vaturi Jisu voki mai, koya dou ma vamatea ni dou ma valiligia i na dua na kau.

³¹O koya sa vaceceretakia na Kalou i na ligana i matau me Turaga kai Vabula, me solia kinia na vivutuni vi ira na Isireli vata na vabokoci ni valavala ca. ³²Kitou sa yaco vokiliga me i vadjinadjina i na vika ke, ka sa vakinia na Yalo Tabu, o koya sa solia na Kalou vi ira sa talairawarawa vua."³³Ia ni ra sa rogocia ra sa cudru valevu ka ra sa bose me ra vamatei iratou. ³⁴Sa qai tucake i na kedra maliwa na matavilewai e dua na Farisi o Kamelieli na yacana, sa vu-ni-vunau ka sa rogorogo vinaka vi ira na tamata keceliga; ka tukunia me yadji vamalua i tuba o ratou na apositolo.³⁵Sa qai tukunia vi ira, "Ikodou na tamata ni Isireli, dou lewai ikodou vinaka i na vuku ni ka dou sa nanumia mo dou vayacoya vi ratou na tamata ke. ³⁶Ni sa tubu cake iliu o Cuta, sa dautukutukuni koya ma ra qai to vata ki ira na tamata eso, ra sa wili vata ra sa le va beka na drau. Sa qai vamatei koya ke vata ki ira keceliga ra sa talairawarawa vua ka ra sa vasesei ka oji yani. ³⁷Sa oji ke sa qai tubu cake o Jutasa na kai Kalili i na gauna sa volai kinia na tamata ka ra sa le levu sa yadjia tani o koya me ra muri koya. Sa rusa vokiliga o koya ke, vata ki ira keceliga ra sa talairawarawa vua ra sa vasesei.³⁸Ia ke, au sa tukunia vi ikodou, Dou kua soji ni vacalai ratou na tamata ke, dou daini ratou jiko, ia ke ka va tamata nai naki ke se na cakacaka ke, ena varusai liga. ³⁹ia ke ka mai vua na Kalou, dou na reva ni varusa rawa; de dou na raicia beka ni dou sa vivala vata ki na Kalou."⁴⁰Ra sa qai yalovata ka tukunia ia ni ra sa kacivi ratou nai apositolo ka kanakuitataki ratou, ra sa varojia matua vi ratou me ratou kua sara ni vosa i na yaca i Jisu, a ra sa qai sereki ratou me ratou qai. ⁴¹Ia ni ratou sa qai tani i matadra na matavilewai ka ratou sa marau ni ratou sa yaga me ratou vacacani i na vuku ni yacana. ⁴²Ia i na visiga keceliga, i na vale ni soro vata i na vivale keceliga, ra sa reva ni cegu na vatavuvuli ka vunautaki Jisu ni sa koya na Karisito.

6¹Ia i na gauna gona, ni sa le levu ra sa lotu, ra sa djidji o ira na vulagi ni vimatanitu tani vi ira na Iperiu ni sa reva ni nanumi o ira na nodra yada i na wase ni yau i na visiga,²Sa qai vasoqoni ira vata na le levu sa lotu o ira na le jinikarua ka tukunia, "Sa reva ni dodonu me kitou dainia na vosa ni Kalou ka qaravia na teveli. ³Ikodou na viwekani, mo dou qai djigia vi ikodou e le vitu na tamata sa rogorogo vinaka, ratou sa sinai i na Yalo Tabu vata ki na vuku, me kitou lesi ratou i na cakacaka ke. ⁴Ia o kitou, me kitou na gumatua sara i na masu vata i na vunautakia na vosa."⁵Sa vinaka vi ira keceliga na le levu na vosa ke. A ra sa djigitaki Sitiveni, e dua na tamata sa sinai i na vabaujia vata na Yalo Tabu, vata ki Filipi, ki Pirokoro, ki Nikanori, ki Taimoni, ki Parimina, ki Nikola, na tamata lotu va-Jiu mai Anitioki. ⁶Sa ra vaturi ratou i na matadra nai apositolo, ia ni ra sa masu oji ra sa tabaki ratou i na ligadra.⁷Sa vatetei sara na vosa ni Kalou, ka sa valevutakia sara na kedrai wiliwili ra sa lotu mai Jerusalemi, sa le levu vokiliga na bete ra sa talairawarawa i na vabaujia.⁸Sa sinai i na vabaujia vata na kaukauwa o Sitiveni, sa vayacoya eso na ka e vivakurabuitaki vata ki na cakacaka-mana levu i na kedra maliwa na tamata. ⁹Ia ni sa tucake eso mai na nodra vale ni lotu, na yacadra o ira na Sereki vata ki na kai Kirini eso vata na kai Alekisadria eso, vata ki ira eso mai Silisia, vata ki Esia. Ra sa vileji vata ki Sitiveni.¹⁰Sa reva ni qaravia rawa na nona vuku vata ki na Yalo sa vosa kinia o koya. ¹¹A ra sa qai yadjia lo mai na tamata eso ra sa tukunia, "Kitou sa rogoci koya ke ni sa vosa vacacataki Mosese vata ki na Kalou."¹²Sa ra qai vauqeji ira na tamata, vata ki ira na matua, vata ki ira na vunivola, ara sa qai vakaukauwa vua ka tauri koya ka ra yadjia vi ira na matavilewai. ¹³Sa ra qai kacivi ira na dauvibeitaki vaseseni, ka ratou sa tukunia, "Sa reva ni cegu na tamata ke ni sa vosavacacatakia na vanua tabu ke vata ki na vunau. ¹⁴Ni kitou ma rogocia ni sa tukunia ni na varusa na vanua ke o Jisu na kai Nasareci ka na vukicia sara nai valavala sa solia vi kita o Mosese." ¹⁵Ia o ira keceliga sa jiko i na vale ni vilewai ni ra sa varaicia matua ra sa raicia na matana ni sa tautauvata na mata ni agilosi.

7¹Sa qai tukunia na bete levu, "Sa djina na vika ke se reva?" ²Sa qai tukunia o Sitiveni, "Ikodou na mataviwekani, vata ki ikodou na matua, dou varorogo mada: "Na Kalou vaiukuuku sa rairai iliu vua na noda matua o Eparaama ni sa jiko mai Mesapotemia, ni sebera na nona jiko mai Karana; ³sa tukunia vua, 'Qai tani i na nomu vanua ka daini ira na wekamu, ka qai i na vanua au na vatakila vi iko.'⁴Sa qai tani o koya mai na vanua o Kalitia ka qai jiko i Karana; sa jiko kinia, ni sa mate o tamana, sa tuberi koya tani mai kinia na Kalou ka sa vajikori koya i na vanua ke, dou sa qai jiko kinia ni kua. ⁵Sa reva ni solia kinia vua o koya e dua na jiki ni vanua me taukenia, se me butukia i yavana. Sa yalayala liga vua me solia vi koya me taukenia, vi ira vokiliga na nona kawa ka ni sa reva ni dua na luvena.⁶Sa tukunia vake vua na Kalou, ni ra na jiko vulagi na nona kawa ina vanua sa reva ni nodra ka na vabobulataki ira ka vararawataki ira me va na drau na yabaki. ⁷Sa tukunia na Kalou, 'Na matanitu ra na bobula kinia, au na lewa,' sa tukunia na Kalou, 'ra na qai tani mai ka qaravi au i na vanua ke.' ⁸Sa solia vi Eparaama na Kalou na viyalayalaji ni vicili, sa tamai Aisake o Eparaama, sa bogi walu sa qai cilivi o koya; sa tamai Jekope o Aisake, sa tamadra na le jinikarua o Jekope.⁹Ia ni ra sa vuvutaki Josefa o ira na matua vua, ra sa volitaki koya i Ijipita; ia sa jiko vata ki koya na Kalou ¹⁰ka vabulai koya mai na nona rarawa keceliga. Sa solia vua me vinaka ka vuku i na mata i Fero, na tui Ijipita, sa lesi koya me kovana me lewai Ijipita vata ki ira keceliga na nona le ni vale.¹¹Sa qai yaco na dausiga vata na rarawa levu i na vanua taucoko o Ijipita vata ki Kenani, ra sa reva ni raicia na kakana o ira na noda matua. ¹²Ia ni sa rogocia o Jekope ni sa tu mai Ijipita na sila, sa qai talai ira taucoko kinia na noda matua. ¹³Ia nai karua ni nodra qai sa vatakilai koya o Josefa vi ira na tuakana, sa vatakilai na mataqali ni Josefa vi Fero.¹⁴Sa qai talatala o Josefa me qaivi o Jekope na tamana vata ki ira kece vokiliga na nona mataqali, ra sa le vitusagavulu ka lima taucoko. ¹⁵Sa qai sobu i Ijipita o Jekope, sa mate, o koya vata ki ira na nodra matua. ¹⁶A ra sa yadjia i Sikemi ka sa bulu i nai bulubulu koya ma volia o Eparaama i na jiki ni siliva eso vi ira na luvei Emori mai Sikemi.¹⁷"Ia ni sa voleka na gauna me vayacori kinia na vosa ni yalayala, ka bubului kinia na Kalou vi Eparaama, ra sa qai tubu o ira na tamata me ra le levu mai Ijipita, ¹⁸ka yacovia na gauna sa buli kinia e dua tani na tui koya sa reva ni kilai Josefa. ¹⁹Sa lawakitaki ira na wekada o koya ke, ka sa vacacani ira na nodra matua, me ra sa daini ira kinia na nodra gone i tuba me ra kua ni bula.²⁰Sa sucu o Mosese i na gauna gona; sa mata vinaka sara i na mata ni Kalou ka sa susugi vula tolu ina vale ni tamana. ²¹Ia ni sa dai i tuba o koya, sa keveji koya na luvei Fero yalewa ka susugia me luvena.²²Sa vavulici o Mosese i na nodra vuku keceliga na kai Ijipita, sa kaukauwa i na nona vosa vata i na cakacaka. ²³Ia ni sa vasagavulu na nona yabaki, sa qai tubu i lomana me via qai raici ira na wekana na luve i Isireli. ²⁴Ia ni sa raicia e dua vi ira sa vacacani, sa totakia, ka cudruvakia sa vararawataki, ka sa vamavoatakia na kai Ijipita: ²⁵ia sa nanumia o koya ra na kila na wekana ni sa ligana e na vabulai ira kinia na Kalou, a ra sa reva liga ni kila.²⁶Ia i na siga taravia sa basika vi koya e le rua rau sa vivala, sa via vavinakajitaki rau voki, sa tukunia, 'Ikodrau na turaga; drau sa viwekani liga; na cava drau sa vivacacani kinia?' ²⁷Ia sa biligi koya tani o koya sa vacacania na wekana, ka tukunia, 'O cei sa lesi iko mo turaga mo mai lewai kimamu? ²⁸O sa via vamatei au beka, me va na nomu ma vamatea na kai Ijipita i nana?'²⁹Sa qai tuba o Mosese i na vuku ni vosa gona; sa qai vulagi jiko i na vanua o Mitiani, sa mani sucu kinia e le rua na luvena tagane. ³⁰"'Ia ni sa oji e vasagavulu na yabaki, sa qai basika vi koya mai vikau e dua na agilosi ni Turaga i na ulu-ni-vanua o Saineai, i na yameyame ni buka i na dua na kau.³¹Ia ni sa raicia o Mosese, sa reucalatakia na ka sa raicia; ia ni sa torovia me varaicia sa rogo mai vua na vosa ni Turaga, ka tukunia, ³²'Oi au na nodra Kalou na nomu matua, na Kalou ni Eparaama, vata na Kalou ni Aisake, vata na Kalou ni Jekope.' Sa sautaninini o Mosese ka sa rava ni varaicia.³³"Sa qai tukunia vi koya na Turaga, 'Luvajia tani na nomui vava mai na yavamu, ni sa qele tabu na vanua o sa tu kinia. ³⁴Au sa raicia djina sara na nodra rarawa na noqu tamata ra sa jiko mai Ijipita; ia au sa rogocia na nodra vutugu, ia au sa qai sobu mai meu vabulai ira; ia ke, mo qai, au sa talai iko i Ijipita.'³⁵"O Mosese ke o koya ra sa cajia, ka tukunia, 'O cei sa lesi iko mo turaga ka mo lewa?' - o koya liga ke sa tala na Kalou me turaga kai vabula i na ligana na agilosi sa basika mai vua i na kau. ³⁶Sa yadji ira yani o Mosese ni sa vayacoya oji eso na ka e vivareucalataki vata nai vatakilakila i na vanua o Ijipita, vata na wasa damudamu vata na vikau ka yabaki vasagavulu. ³⁷"'O Mosese ke sai koya ma tukunia vi ira na Isireli, 'Ena vatubuya vi ikodou o Jiova na nomudou Kalou mai vi ira na wekamudou e dua na parofita me vataki au.'³⁸O koya ke sa jiko ki ira nai soqosoqo le ni soro i na vikau vata ki ira na agilosi sa vosa vua i na ulu-ni-vanua o Saineai, vata ki ira na noda matua, sa rawa o koya na vunau bula me solia vi kita. ³⁹"Ra sa sece ni talairawarawa vua o ira na noda matua, ra sa biligi koya tani vi ira, sa suka voki na yalodra i Ijipita. ⁴⁰Ra sa tukunia vi Eroni, 'Caka eso na noda Kalou me ra liutaki kita. O Mosese ke o koya ka yadji kita mai na vanua o Ijipita, da sa reva ni kila se cava yaco beka vua.'⁴¹Ra sa caka e dua na luve ni bulumakau i na gauna gona, ra sa vacaboya nai soro i na matakau, ra sa marautakia na cakacaka ni ligadra. ⁴²Sa qai vuki tani na Kalou ka daini ira tu me ra qaravia na vikalokalo ni lomalagi, me va na ka sa volai i na nodrai vola na pavofita, 'Ikodou na mataqali ni Isireli, dou sa vacaboya vi au na manumanu sa vamatei vata nai madrali, i na vikau me vasagavulu na yabaki se reva?⁴³Dou sa cola na vale ni Moloke vata na kalokalo ni nomudou Kalou o Remifani, vata na matakau dou ma caka mo dou soro kinia: ia au na yadji ikodou yani me sivi o Papiloni.'⁴⁴Sa tu liga vi ira na noda matua i vikau na vale ni Kalou sa tu kinia nai vunau, me va sa vosa kinia o koya ni sa tukunia vi Mosese, me caka me va na kena i vatakarakara sa raicia. ⁴⁵O koya vokiliga ra sa tauria i muri na noda matua ka ra sa qai yadjia mai o ira vata ki Josua i nodra na vimatanitu tani. Sa vatovoci ira tani na Kalou i na matadra na noda matua. Sa jiko vi ira nai vunau me yacovia na gauna ni Tevita, ⁴⁶o koya sa lomani mai vua na Kalou, ka sa kerea me nonai tavi e dua na vale me ni koya na Kalou i Jekope.⁴⁷Ia o Solomoni liga sa tara na vale me nona. ⁴⁸Ia, sa reva ni jiko o Koya sa cecere sara i na vale sa caka i na liga, me va na vosa ni parofita, ⁴⁹'Na noqui jikojiko vaturaga o lomalagi, vata nai tutu-ni-yavaqu o vuravura, Na vale cava dou na tara me noqu? sa tarogia o Jiova, se na vanua cava me na noqui vavacegu?

⁵⁰Sa reva beka ni caka na ka keceliga qori na ligaqu?'⁵¹"Ikodou na yalokaukauwa, ka reva ni cili na yalomudou vata na daligamudou, dou sa dauvorajia jikoliga na Yalo Tabu; ia o ikodou dou sa vayacoya me vataki ira na nomudou matua. ⁵²O cei vi ira na parofita ra sa reva ni vacacania o ira na nomudou matua? Ra sa vamatei ira ra ma tukunia iliu ni na qai mai o koya na Yalododonu; o koya dou sa qai solia yani ka vamatea, ⁵³ia sa soli vi ikodou na vunau ni sa tukunia eso na agilosi ia dou sa reva liga ni vabaujia."⁵⁴Ia ni ra sa rogocia na vika ke, sa laucoka na yalodra, ra sa vasequruquru baji vi Sitiveni. ⁵⁵Ia o koya ni sa sinai tu i na Yalo Tabu, sa rai matua i lomalagi ka sa raicia nai ukuuku ni Kalou; vata ki Jisu ni sa tu i na ligai matau ni Kalou. ⁵⁶Sa tukunia o Sitiveni, "Raicia, au sa qai raicia sa wase rua na lomalagi, ka sa wiri tu na Luve ni tamata i na liga i matau ni Kalou."⁵⁷Ara sa qai qoqolou i na domo levu ka tabonakia na qara ni daligadra, ka cici vakaukauwa vua ni ra sa lomavata. ⁵⁸A ra sa daini koya i nai bili ni koro ka cavokia i na vatu. Ia o ira ra sa beitakia, ra sa vadavoya na nodrai curucuru i na yavana e dua na cauravou na yacana o Saula⁵⁹A ra sa vacavoki Sitiveni i na vatu ni sa masu jiko ka tukunia, "Ikonu na Turaga Jisu, tauria na yaloqu." ⁶⁰Sa tekiduru sobu o koya ka kaci i na domo levu, "Ikonu na Turaga, kua ni cudruvi ira i nai valavala ca ke." Ia ni sa vosa oji vake, sa qai moce.

8¹Sa vinakatakia na nona mate o Saula. I na gauna gona ra sa vacacani valevu kinia nai soqosoo le ni lotu ra jiko mai Jerusalemi; a ra sa viseyaki kinia i na viyasana i Jutia, vata ki Samaria, vavo liga o ira nai apositolo. ²Ra sa buluji Sitiveni so na tamata daulotu, ara sa caka na somate levu i na vukuna. ³O Saula sa vacacani ira valevu nai soqosoqo lewe ni lotu. Sa curu i na nodra vivale keceliga, sa yarataki ira na taqane vata ki ira na yalewa, sa daini ira i na vale ni vivesu.⁴Ia o ira ra sa viseyaki ra sa qai i na viyasana keceliga, ara sa vunautakia na vosa. ⁵Sa qai sobu o Filipi i na koro o Samaria sa vunautaki Karisito vi ira.⁶Ia o ira na tamta ra sa lomavata me ra varogocia na ka sa tukunia o Filipi; ara sa rogocia, ra sa raicia na vika mana sa vayacoya o koya. ⁷Ni sa qai tani mai vi ira na lewe levu eso na yalo velavela sa curumi ira, ni ra sa qoqolou jiko i na domo levu, vata ki ira vokiliga ra lewe levu sa tauvi ira na mate ni ninini vata na lokiloki ara sa vabulai. ⁸Sa levu kinia na marau i na koro gona.⁹Sa dua na tamata o Saimoni na yacana, sa dauvatevoro dede i na koro gona; sa vareucalataki ira valevu kinia na kai Samaria ni sa dautukuni koya ni dua sa cecere sara. ¹⁰O ira na kai Samaria, mai vi koya e lailai duadua me yaco vi koya e levu duadua, ara sa varogoci koya; ara sa tukunia, "O koya ke na kaukauwa levu ni Kalou." ¹¹A ra sa varogoci koya ni sa vareucalataki ira vadede o koya i na nonai vatevoro.¹²Ni ra sa vadjinaji Filipi ni sa vunautakia na vika ni matanitu ni Kalou vata i na yaca i Jisu Karisito, ara sa qai papitaisotaki, o ira na tagane vata ki ira na yalewa. ¹³Sa qai vadjinajia vokiliga o Saimoni, ni sa papitaisotaki oji rau sa daujiko vata ki Filipi. Ni sa raicia nai vatakilakila vata i na cakacaka mana levu, sa caka jiko.¹⁴Ni ra sa qai rogocia o ira nai apositolo ra sa jiko mai Jerusalemi ni ra sa vadjinajia na vosa ni Kalou o ira na kai Samaria, ra sa talai Pita vata ki Joni vi ira. ¹⁵Ni rau sa qai sobu, rau sa masulaki ira, me ra rawa na Yalo Tabu. ¹⁶Ni sa reva ni yaco vua e dua vi ira o koya; ra sa papitaisotaki liga ina yaca ni Turaga o Jisu. ¹⁷A rau sa qai tabaki ira i na ligadrau, sa yaco kinia vi ira na Yalo Tabu.¹⁸Ni sa raicia o Saimoni sa soli na Yalo Tabu i na vitabaki ni ligadra nai apositolo, sa qai via solia vi rau nai lavo. ¹⁹Sa tukunia, "Solia mai vi au na kaukauwa ke, me yaco kinia na Yalo Tabu vi ira yadua au na tabakia i na ligaqu."²⁰Sa tukunia vua o Pita, "Mo drau rusa vata i na nomu siliva, balejia o sa nanumia sa voli rawa nai solisoli ni Kalou i nai lavo. ²¹Sa reva na nomu jikina se nomui votavota i na ka ke, ni sa reva ni dodonu na yalomu i na mata ni Kalou. ²²O koya mo qai vivutunitakia na nomui valavala ca ke, masu vua na Kalou, de sa qai rawa beka mo reva ni cudruvi i na nanumia ni yalomu. ²³Ni'u sa raicia o sa tu liga i na ka sa gaga sara, o sa vesuki i nai valavala ca."²⁴Sa qai vosa o Saimoni sa tukunia, "Drau masulaki au vua na Turaga, me kua ni yaco vi au e dua na ka drau sa vosa kinia."²⁵O rau ni rau sa tukunia oji sa vunautakia na vosa ni Turaga, rau sa lesu voki i Jerusalemi, a rau sa vunautakia nai tukutuku vinaka i na levu na vikoro lalai mai Samaria.²⁶Sa vosa vi Filipi e dua na agilosi ni Turaga sa tukunia, "Mo tu ka qai vake i na ceva i na sala sa qai mai Jerusalemi vake i Kesa." (Ke na sala i vikau.) Sa wiri o koya ka qai. ²⁷Sa qai wiri o koya sa qai, sa raicia sa dua na kai Iciopea, na matanivanua, sa tamata levu ni Kadasi, na nodra ranadji na kai Iciopea. Sa nona dauniyau o koya. Sa qai mai Jerusalemu me mai lotu. ²⁸Sa lesu tu, sa wilikia nai vola ni Aisea na parofita ni sa dabe jiko i na nona qiqi-ni-turaga.²⁹Sa qai tukunia vi Filipi na Yalo Tabu, "Qai voleka, mo drau qai jiko vata ki koya i na qiqi-ni-turaga gona." ³⁰Sa qai cici yani o Filipi, sa rogoci koya ni sa wilikia nai vola ni Aisea na parofita, sa tukunia, "O sa kila na ka o sa wilikia, se reva?" ³¹Sa tukunia vua o koya, "Au na rawa vacava ke sa reva ni dua sa tuberi au?" Sa vamasuji Filipi me cabe cake vua me rau dabe vata ki koya.³²Ke na jiki ni Vola Tabu sa wilikia o koya na kai Iciopea, "Sa tuberi o koya me va na sipi me vamatei, ia me va na lami sa galu i na mata i koya sa kojia, sa vavokiliga kinia o koya ni sa reva ni vosa. ³³Ni sa malumalumu jiko o koya, sa reva ni lewai vadodonu. O cei na tukunia na nona kawa? Ni sa yadji tani i vuravura na nona bula."³⁴Sa qai vosa vi Filipi na matanivanua, sa tukunia, "Au tarogi iko mada se sa vosataki cei na parofita i na vosa ke, o koya liga, se dua tani voki?" ³⁵Sa qai dalaga o Filipi, sa qai tekivu i jiki ni Vola Tabu gona, sa vunautaki Jisu vua.³⁶Ia ni rau sa qai tu i sala levu, rau sa yaco i na dua na wai, sa tukunia na matanivanua, "Raicia, sa tu na wai. Na cava sa tarovi au me'u kua ni papitaisotaki?" ³⁷Sa tukunia o Filipi, "Ke o sa vadjinajia i na yalomu taucoko, sa tara liga. Sa vosa o koya sa tukunia, "Au sa vadjinajia ni sa Luve ni Kalou o Jisu Karisito. ³⁸Sa qai tukunia o koya me tu vadua mada na qiqi-ni-turaga. A rau sa qai sobu ruarua i wai, o Filipi vata ki na matanivanua, a sa papitaisotaki koya.³⁹Ia ni rau sa cabe cake mai wai, sa yadji Filipi tani na Yalo ni Turaga, sa reva ni raicia voki na matanivanua, sa qai i na nona sala o koya sa mamarau yani. ⁴⁰Sa basika o Filipi mai Asoto, sa qaivia na vikoro keceliga, sa vunautakia nai tukutuku vinaka yaco sara i Sisaria.

9¹O Saula, sa cavujia jiko na vosa cudrucudru vata na vivamatei vi ira sa lotu vua na Turaga, ²sa qai vua na bete levu sa tarogia vua nai vola nodra na vivale ni lotu mai Tamasiko, ke raicia o koya eso ra sa muria nai varau gona, se ra tagane se yalewa, me vesuki ira, me qai yadji ira i Jerusalemi.³Ia ni sa qai tu, sa yaco voleka i Tamasiko, sa cila vavolivoliji koya vasauri dua na rarama mai lomalagi; ⁴sa bale sobu i na qele, sa rogocia dua na domo sa tukunia vua, "I Saula, I Saula, o sa vacacani au i na vuku ni cava?"⁵Sa tukunia vua o Saula, "O cei o Ikonu, Na Turaga?" Sa tukunia na Turaga, "Oi au o Jisu, o sa vacacania; ⁶sa sautaninini o koya, sa reucala, sa tukunia, "Ikonu na Turaga, Na cava me'u caka?" Sa tukunia vi koya na Turaga, "Cavu tu, qai i na koro, na tukuni vi iko na ka e dodonu mo caka." ⁷O ira na tamata sa qai vata ki koya ra sa tu ka vagagalu liga: ra sa rogocia liga na domo, a ra sa reva ni raicia e dua.⁸Sa wiri mai na qele o Saula, ni sa dola na matana, sa reva ni raicai e dua na ka; ra sa tuberi koya, sa yadji koya i Tamasiko. ⁹Sa bogi tolu sa reva ni rai rawa, sa reva vokiliga ni kana se somi.¹⁰Sa dua na tisaipeli mai Tamasiko, o Ananaiasa na yacana. Sa tukunia vi koya na Turaga, i na raivotu, "I Ananaiasa!" Sa tukunia o koya, "Raicia, oi au, Turaga." ¹¹Sa tukunia vi koya na Turaga, "Mo tu yani,ka qai i sala levu na yacana o Dodonu, tarogia na kai Tarisu, o Saula na yacana i na vale ni Jutasa, ni sa masu jiko. ¹²Ni o sa raicia i na raivotu e dua na tamata o Ananaiasa na yacana, sa curu mai, tabakia i ligana, me rai rawa o koya."¹³Sa qai tukunia o Ananaiasa, "Ikonu na Turaga, ra sa le levu au sa rogocia kinia nai tukutuku ni tamata ke, na levu ni ka ca sa vayacoya vi ira na nomunu tamata yalosavasava mai Jerusalemi. ¹⁴Ke vokiiga sa lesia o ira na bete levu me vesuki ira keceliga sa masujia na yacamunu." ¹⁵Sa tukunia vi koya na Turaga, "Mo qai liga, o koya ke na tamata djigitaki vi au, me yadjia na yacaqu i na matadra na vimatanitu tani vata vi ira na tui eso vata vi ira na luvei i Isireli; ¹⁶ni'u na vatakila vua na levu ni ka ina vosojia i na vuku ni yacaqu."¹⁷Sa qai o Ananaiasa, sa curu i vale. Sa tabakia o koya na ligana, sa tukunia, "Na wekaqu, Saula, na Turaga o Jisu, o koya sa rairai vi iko i na tolo-ni-sala o ma qai mai kinia, sa talai au mai mo rai rawa, mo vasjinaiji vokiliga i na Yalo Tabu." ¹⁸Sa lutu vasauri mai matana na ka e vaka na vari ni ika, sa rai rawa sara o koya; sa tucake ka sa papitaisotaki; ¹⁹Ni sa kana oji, sa kaukauwa mai. Sa jiko o Saula me vica liga na bogi vata ki ira sa lotu mai Tamasiko.²⁰Sa vunautakia sara i na vivale ni lotu, ni sa Luve ni Kalou na Karisito. ²¹A ra sa kurabui keceliga ni ra sa rogocia, a ra sa tukunia, "O koya beka ke se reva ma dau vacavani ira mai Jerusalemi, ara sa masujia na yaca ke? Sa qai volikiga mai vanua ke me vayacoya vakinia, me yadji ira sa vesu tu vi ira na bete levu?"

²²Sa kaukauwa cake mai o Saula, sa vataqayataki ira na Jiu ra sa jiko mai Tamasiko, ni sa vadjinatakia sara ni sa Kaarisito o koya ke.²³Sa oji e vica na siga, sa ra qai bosea o ira na Jiu me ra sa vamatei koya. ²⁴Sa kila o Saula na nodra sa bukiveretaki koya. A ra sa yadravia na vi-matamata ni koro i na siga vata na bogi me ra rawa ni vamatei koya. ²⁵Sa qai yadji koya i na bogi o ira na nona tisaipeli, ra tukucia sobu i daku ni bai i na dua na sova.²⁶Ni sa yaco i Jerusalemi, sa via qai jiko vata ki ira na sa lotu o Saula, a ra sa rarataki koya keceliga, ni ra sa reva ni vadjinajia ni sa lotu o koya. ²⁷Sa qai yadji koya o Panapasa, sa yadji koya vi ira nai apositolo, sa tukunia vi ira na nona raicia na Turaga i na tolo-ni-sala, sa vosa vokiliga vua, vata na nona vunau vadoudou mai Tamasiko i na yaca i Jisu.²⁸Sa jiko vata ki ira, sa qai wavoki vata ki ira o koya mai Jerusalemi. Sa vosa vadoudou i na yaca ni Turaga o Jisu ²⁹sa vosa ka sa vileji vata ki ira na vulagi mai na vimatanitu tani; a ra sa saga me ra vamatei koya. ³⁰Ni sa kila o ira na viwekani, ra sa yadji koya i Sisaria, ni ra sa vatalai koya sara yani i Tarisu.³¹Sa ra qai cegu nai soqosoqo lewe ni lotu mai Jutia taucoko vata ki Kalili vata ki Samaria ni ra sa vakaukawataki cake; sa dau nodrai varau me ra ravatakia na Turaga, sa vacegui ira na Yalo Tabu, ra sa tubu kinia me ra le levu. ³²Ni sa qai wavoki i na viyasana keceliga o Pita, sa qai sobu vokiliga vi ira na tamata lotu ra sa jiko mai Lita.³³Sa raicia kinia e dua na tamata o Inia na yacana, sa davo liga inai davodavo sa yabaki walu, ni sa tauvi koya na mate ni paralase. ³⁴Sa tukunia vua o Pita, "Inia, sa vabulai iko o Jisu Karisito. Tu cake, vivigia na nomui davodavo," sa tu cake sara o koya. ³⁵Sa raici koya o ira keceliga ra sa jiko mai Lita vata ki Sarona, a ra sa visau mai vua na Turaga.³⁶Sa jiko mai Jopa e dua sa lotu o Tapaica na yacana (kenai balebale o Tokasa"). Sa dauoga sara na yalewa ke i na cakacaka vinaka vata na cakacaka ni loloma sa vayacoya jiko vi ira na dravudravua. ³⁷Sa yaco na gauna gona sa tauvi-mate o koya, sa ciba; ni ra sa savaji koya oji, ra sa vadavoya i na dua nai taba ni loma ni vale i colo.³⁸Me va ni rau sa vivolekaji o Lita vata ki Jopa, ra sa rogocia o ira sa lotu ni sa jiko kinia o Pita, ra sa tala e lewe rua na tamata vi koya, me vamasuji koya "Mo qai vatotolo sara mai" vi ira. ³⁹Sa qai tu o Pita sa qai vata ki rau. Ni sa yaco yani o koya, ra sa yadji koya ina taba ni loma ni vale icolo, sa tu voleka vua o ira na yada keceliga, a ra sa tagi, sa varaitakia na nonai curucuru eso vata i nai curucuru sa cula o Tokasa ni ma se bula vata ki ira.⁴⁰Sa vatalai ira kece yani o Pita mai na rumu, sa tekiduru, sa masu; sa vukicia vake i na yagona, sa tukunia, "Tapaica, tucake." Sa dola na matana, ni sa raici Pita sa mata cake o koya. ⁴¹Sa dodogia vua na ligana o Pita sa tuberi koya cake; ni sa kacivi ira na tamata lotu vata ki ira na yada, sa varaitaki koya ni sa bula. ⁴²Na ka ke sa kilai mai Jopa taucoko, ra sa le levu ra sa vabaujia na Turaga. ⁴³Sa jiko voki me bogi vica o koya mai Jopa vata ki Saimoni na matai ni kuli-ni-manumanu.

10¹Sa dua na tamata mai Sisaria, o Konilio na yacana, sa nodra turaga na mata sojia sa vayacani va-Itali. ²Sa tamata daulotu, sa ravatakia na Kalou o koya vata ki ira keceliga na nona lewe ni vale, sa dau solia valevu na ka ni loloma vi ira na tamata, sa daumasu vua na Kalou i na visiga.³I nai kaciwa ni auwa, sa raicia o koya ina raivotu e dua na agilosi ni Kalou ni sa curu vua. Sa tukunia na agilosi, "I Konilio!" ⁴Ni sa varaicia na agilosi, sa ravatakia sa tukunia, "Sa vacava, noqu Turaga?" Sa tukunia vua o koya, "Na nomu masu vata na nomu ka ni loloma sa qai cake i na mata ni Kalou mo nanumi kinia. ⁵Mo tala eso na tamata i Jopa vi Saimoni me ra qai yadji koya mai sa yacana vokiliga o Pita. ⁶Rau sa jiko vata ki Saimoni na matai ni kuli-ni-manumanu i na nona vale i matasawa."⁷Ni sa qai tani na agilosi gona ma vosa vi Konilio, sa qai kacivia e lewe rua na nona lewe ni vale, e dua na sojia sa daulotu, e dua voki sa dauqaravi koya. ⁸Sa tukunia keceliga vi rau o Konilio na ka sa yaco, sa qai vatalai ratou i Jopa.⁹Ia i na siga taravia, i nai kaono ni auwa, ni ratou sa qai tu i na tolo-ni-sala sa voleka i na koro, sa cabe cake i dela ni vale o Pita me masu. ¹⁰Sa viakana sara sa garovia me kania e dua ka, ni ra sa varau jiko, ¹¹sa raicia na raivotu, sa raici lomalagi sa tawase rua, sa dua na ka sa qai sobu mai vua, sa va nai tutuvi levu sa buki na tutuna vava, sa tukuci sobu mai i vuravura. ¹²Sa jiko kinia na manumanu ni vanua yavai va i na kedra dui vimataqali keceliga, vata na vika sa dauqasi wavoki i vuravura vata na manumanu vuka ni maliwa lala.¹³Sa qai rogo mai vua na vosa: "Tu cake, Pita, mo vamatea, mo kania." ¹⁴Sa tukunia o Pita, "Me'u kua noqu Turaga; ni'u ma reva ni kania na ka sa tabu se reva ni savasava." ¹⁵Sa varua voki vua na vosa: "Na ka sa vasavasavatakia na Kalou, mo kua ni tukunia ni tabu." ¹⁶Sa yaco vatolu na ka ke; sa qai yadji voki na ka i lomalagi.¹⁷Ia ni sa taqaya jiko na lomai Pita se cava nai balebale ni raivotu, o ratou na tamata ma tala o Konilio sa ratou tu i na matamata ni koro, ni ratou sa tarogia na vale ni Saimoni. ¹⁸Sa ratou kaci me tarogia se sa jiko kinia o Saimoni, sa yacana vokiliga o Pita se reva.¹⁹Ia o Pita ni se vananumakia jiko na raivotu, sa tukunia vua na Yalo Tabu, "Raicia, e lewe tolu na tamata sa vaqarai iko. ²⁰Mo tucake ka qai sobu kinia, ia mo qai vata ki ratou. Me kua ni vileji na lomamu, ni'u sa vatalai ratou mai." ²¹Sa qai sobu o Pita vi ratou na tamata, sa tukunia, "Raicia, o au liga ke dou sa vaqara. Na cava na vu ni nomudou qai mai?"²²A ratou sa tukunia, "Sa dua na agilosi yalosavasava sa vatakila vi Konilio, e dua na turaga ni valu, sa tamata yalododonu, sa ravatakia na Kalou, sa rogorogo vinaka vi ira keceliga na kai Jutia, sa varoji koya na agilosi yalosavasava mo qai i na nona vale, me rogocia nai tukutuku mai vi iko." ²³Sa qai kacivi ratou mai o Pita sa vacegui ratou. Ina savulaci taravia sa qai vata ki ratou o Pita, vata so na viwekani mai Jopa.²⁴Ia i na bogi rua ratou sa curu i Sisaria. Sa waraki iratou o Konilio; sa vasoqoni ira vata oji na kai nona vata na wekana djina.²⁵Ni sa curu o Pita, sa tavaki koya o Konilio, sa cuva sobu i yavana sa varokoroko vua. ²⁶Sa vamata koya cake o Pita sa tukunia, "Tucake! O au sa na tamata liga"²⁷Ia ni sa vosa jiko o Pita vi koya, sa curu i loma ka raici ira na le levu ra sa soqoni vata mai. ²⁸Sa tukunia vi ira o koya, "Dou sa kila ni sa ka tabu vua na kai Jutia me jiko vata se me viriji vata na tamata sa matanitu tani. Sa vatakila vi au na Kalou me'u kua ni vatoka e dua na tamata me tabu se reva ni savasava. ²⁹O koya gona ke au sa qai mai kinia, au reva ni vileji, ni'u sa qaivi yani. Au sa tarogia kinia se cava dou sa qaivi au yani kinia."³⁰Sa tukunia o Konilio, "Sa qai oji liga e va na bogi ina auwa ke, au ma lolo ka yacovia nai kaciwa ni auwa, au sa masu i na noqu vake ka raicia, sa dua na tamata sa tu i mataqu sa vaicurucuru lumilumisa. ³¹Sa tukunia o Konilio, 'sa rogocia na nomu masu na Kalou, sa vananumakia na nomu ka ni loloma i na mata ni Kalou. ³²O koya gona, mo qai tala e dua i Jopa, me qaivi Saimoni sa yacana vokiliga o Pita. Sa jiko o koya i na vale ni Saimoni na matai ni kuli-ni-manumanu, mai matasawa, sa qai mai o koya me vosa vi iko.' ³³O koya liga ke au sa talatala yani kinia vi iko. Ia o sa yalo vinaka ni ko sa qai mai. Kimamu sa jiko keceliga ke i na mata ni Kalou, me kimamu rogocia na ka keceliga sa varojia vi iko na Kalou."³⁴Sa qai vosa o Pita ka tukunia, "E djina au sa qai kila ni sa reva ni djigitaki ira vailoa na tamata na Kalou. ³⁵Ia, i na vivanua keceliga o koya liga sa ravatakia na Kalou, sa caka na ka dodonu, sa vinakatakia o koya.³⁶Nai vavuvuli sa tukunia o koya vi ira na luve i Isireli, ni sa vunautaki na vivinakaji i na vuku i Jisu Karisito, (o koya liga sa Turaga vi ira keceliga) ³⁷nai vavuvuli gona dou sa kila, ni sa vunautaki mai Jutia taucoko, sa tekivu mai Kalili, ni sa oji na papitaiso ka vunautakia o Joni; ³⁸ni sa lumuji Jisu na kai Nasareci, na Kalou i na Yalo Tabu vata i na kaukauwa. O koya sa qai wavoki sa daucaka vinaka, sa vabulai ira keceliga sa vasaurarataki ira na tevoro, ni sa jiko vata ki koya na Kalou.³⁹Kitou sa yaco me i vadjinadjina i na ka keceliga sa caka o Jisu, i na nodra vanua na kai Jutia mai Jerusalemu vokiliga. O koya ra sa vamatea ni ra sa varubea i na dua na kau, ⁴⁰sa vaturi koya icolo na Kalou i nai katolu ni siga, sa vatakilai votu, ⁴¹ni reva vi ira na tamata, vi ira liga nai vadjinadjina sa djigitakia iliu na Kalou, io vi kitou, o kitou ma kana, ma somi ni sa tucake voki mai na mate o koya.⁴²Sa varojia vi kitou me kitou vunautakia vi ira na tamata ka vadjinadjina ni sai koya liga ka lesia iliu na Kalou me lewai ira na bula vata ki ira na mate. ⁴³O koya ra sa dautukunia o ira keceliga na parofita ni na bokoci i na vuku ni yacana na nodrai valavala ca na tamata keceliga ra sa vabauji koya."⁴⁴Ni sa tukunia jiko na vosa ke o Pita, sa lutu mai na Yalo Tabu vi ira kece ra sa rogocia na vosa. ⁴⁵O ratou sa cili sa vabaujia - o ira kece sa qai vata mai ki Pita -ratou sa kurabui ni sa sovaraki na Yalo Tabu vi ira vokiliga ra sa kai matanitu tani.⁴⁶Ni ratou sa rogoci ira ni ra sa vosatakia na vosa ni vivanua tani ka varokorokotakia na Kalou. Sa qai tukunia o Pita, ⁴⁷"Sa dua beka na tamata sa vusekatakia na wai, me kua ni papitaisotaki o ira na tamata ke, ra sa rawa na Yalo Tabu me vataki kita?" ⁴⁸Sa qai tukunia me ra papitaisotaki i na yaca i Jisu Karisito. A ra sa vamasuji koya me jiko mada vata ki ira me vica voki na siga.

11¹Ra sa rogocia o ira nai apositolo vata ki ira na viwekani mai Jutia ni ra sa vabaujia na vosa ni Kalou o ira vokiliga ra sa kai matanitu tani. ²Ni sa qai cake mai Jerusalemi o Pita, ra sa vileji vata ki ira sa cili; ³ra sa tukunia, "O sa curu vi ira na tamata ra sa reva ni cili, sa kana vata ki ira!"⁴Sa vatekivu o Pita me vamacalatakia vamatata vi ira, sa tukunia, ⁵"Au ma jiko i na koro o Jopa ka masu, au ma raicia i na raivotu, sa dua na ka sa qai sobu mai, sa va e dua nai tutuvi levu, sa valutulututaki sobu mai lomalagi i na tutuna vava ka yaco sara mai vi au. Ia ni'u sa varaicia matua, au sa vananumakia. ⁶Au sa raicia kinia na manumanu ni vanua vata na manumanu kila, vata na vika sa dauqasi wavoki, vata na manumanu ni maliwa lala.⁷Au sa qai rogocia dua na vosa sa tukunia vi au, 'Tu cake, Pita; vamatea, kania.' ⁸Au sa qai tukunia, 'Kua, noqu Turaga; ni sa reva na ka tabu se na ka sa reva ni savasava sa curu i na gusuqu i na dua na siga.' ⁹Sa rogo voki vi au na vosa mai lomalagi, 'Na ka sa vasavasavatakia na Kalou, mo kua ni vatabuya.' ¹⁰Sa caka vatolu na ka ke, sa qai yavi kece voki i lomalagi.¹¹Ka raicia e lewe tolu na tamata sa qai yaco i na vale au sa jiko kinia, a ratou sa talai mai Sisaria vi au. ¹²Sa tukunia vi au na Yalo Tabu me'u qai vata ki ratou, me kua ni vileji na lomaqu. Kitou sa qai vata vokiliga vata ki ira na viwekani ke e le ono, kitou sa curu i nona vale na tamata gona. ¹³Sa tukunia vi kitou o koya, ni sa raicia na agilosi i na nona vale ni sa wiri tu sa tukunia vua, ' Mo talatala i Jopa, me qaivi o Saimoni sa yacana vokiliga o Pita. ¹⁴O koya na tukunia vi iko na vosa o na bula kinia - o iko vata ki ira keceliga na nomu lewe ni vale.¹⁵Ni'u sa tekivu me'u vosa vi ira, sa curumi ira na Yalo Tabu, me va vi kita i nai matai ni gauna. ¹⁶Au sa qai vananumakia na vosa ni Turaga, ni ma tukunia, 'Sa djina ni sa vipapitaisotaki o Joni i na wai; ia dou na papitaisotaki i na Yalo Tabu.'¹⁷Sa qai solia vi ira na Kalou nai solisoli me va vi kita ni da sa vabaujia na Turaga o Jisu Karisito, o cei o au, me'u tarovia rawa na Kalou?" ¹⁸Ni ra sa rogocia na vika ke, ra sa galu liga, ra sa varokorokotakia na Kalou sa tukunia, "Sa djina sa qai solia na Kalou vi ira vokiliga na vimatanitu tani na vivutuni me ra bula."¹⁹Ke o ira sa dui viseyaki i na vivacaca ni sa tubu i na vuku i Sitiveni sa qai vake i Finiasi, i Kipiro vata ki Anitioki, ra sa tukunia na vosa vi ra duadualiga na Jiu. ²⁰Sa so vi ira, ra sa kai Kipiro vata ki Kirini, ni ra sa yaco i Anitioki, ra sa vosa vi ira ra sa vulagi mai na vimatanitu tani, a ra sa vunautakia na Turaga o Jisu. ²¹Sa jiko vata ki ira na liga ni Turaga; ra sa lewe levu kinia sa vabaujia, ra sa visau mai vua na Turaga.²²Sa qai yaco na kedra i tukutuku vi ira nai soqosoqo lewe ni lotu mai Jerusalemu, a ra sa talai Panapasa me qai sara i Anitioki. ²³Ni sa tadu o koya, sa raicia na cakacaka loloma ni Kalou, sa reki kinia, sa vayaloqaqataki ira keceliga me ra kabijia na Turaga i na loma e gumatua. ²⁴Ni sa tamata vinaka o koya, sa sinai i na Yalo Tabu vata na vabaujia, sa le levu kinia na tamata sa vaikuritaki vua na Turaga.²⁵Sa qai o Panapasa i Tarisu me vaqarai Saula. Ni sa raici koya, sa yadji koya i Anitioki. ²⁶Sa dua na yabaki taucoko ra sa dau vasoqoni vata kinia ki ira nai soqosoqo lewe ni lotu, ra sa le levu ra sa vatavulici. Mai Anitioki ra ma vayacani mada kinia iliu o ira ma sa lotu me ni Karisito.²⁷Ke i na gauna gona, sa qai mai na parofita eso mai i Anitioki. ²⁸Sa dua vi ira, o Akapo na yacana, sa tu cake sa vatakila vi ira ni sa vavuna na Yalo Tabu, ni na yaco na dausiga mai muri i vuravura taucoko. Na yaco na ka kece ke i na gauna sa na tui kinia o Kilotiu.²⁹O ira na tisaipeli, ra sa lewa me ra sa solia yadua na nodra ka-ni-loloma me va ra dui rawa, vi ira na viwekani ra sa jiko mai Jutia. ³⁰Ra sa vayacoya va vokiliga kinia, ra sa vatalai Panapasa vata ki Saula me rau yadjia vi ira na matua.

12¹I na gauna gona sa caka o Eroti na tui me vararawatakia eso vi ira nai soqosoqo lewe ni lotu. ²Sa vamatei Jemesa na tuakai Joni i nai seleiwau.³Ni sa raicia sa vinakatakia o ira na Jiu, sa qai vesuki Pita vokiliga. Ke ni sa gauna ni kana madra sa reva ni valeveni. ⁴Ni sa oji nodra vesuki koya, sa dai i na vale ni viviesu, sa soli koya vi ratou e lewe va na sojia me ratou yadravi koya; ni sa nanumi ni na yadji vi ira na tamata ni sa oji na kana vata ni qai-sivia.⁵Sa jiko o Pita i vale ni vivesu, ra sa daumasulaki koya jiko vua na Kalou o ira nai soqosoqo lewe ni lotu. ⁶I na bogi ni bera na nona qai yadji koya mai o Eroti me mai vilewai, sa moce o Pita i na kedrau maliwa e rua na sojia, sa vesu tu i na sinucodo e rua, a ra sa tu nai vatawa i na mata ni darava me ra yadravia na vale ni vivesu.⁷Ka raicia, sa dua na agilosi ni Turaga sa qai mai, sa cila yani e dua na rarama i na vale ni vivesu. Sa tavia na sarisari Pita o koya, sa vayadraji koya sa tukunia, "Tu cake vatotolo," sa taluva tani na sinucodo mai ligana.

⁸Sa tukunia na agilosi vi koya, "Vaucia na nomui curucuru, dara na nomui vava." Sa caka va kinia o Pita. Sa tukunia vua na agilosi, "Mo vaitutuvitaki iko mada qai muri au."⁹Sa muria na agilosi o Pita a rau curu yani i tuba. Sa reva ni kila o koya ni ka sa caka na agilosi e ka djina. Sa nanumia liga ni sa raicia jiko ina raivotu. ¹⁰Ni sa siviji ratou nai matai ni vatawa vata na kenai karua, rau sa yaco mai i na bai kaukaumea sa basika mai i na koro; sa tadola vata ki koya liga. A rau sa curu i tuba sa sivijia e dua na tolo-ni-sala, sa qai daini koya vasauri na agilosi.¹¹Ia ni sa qai kilai yalona mai o Pita, sa tukunia, "Ke au sa qai kila djina sara ni sa tala mai na nona agilosi na Turaga, sa vabulai au mai na ligai Eroti, mai na nodrai naki keceliga na kai Jutia." ¹²Ni vananumakia jiko, sa yaco o koya i na vale ni Meri na jinai Joni, sa yacana vokiliga o Marika, ra sa lewe levu ra sa soqoni vata kinia me ra masu.¹³Ni sa tukituki o Pita i nai sogo ni matamata-ni-koro, sa qai e dua na vada me varorogo na yacana o Rota. ¹⁴Ni sa kila na domo i Pita, sa marau ke se reva mada ni dola nai sogo; sa cici i loma sa tukunia ni sa tu o Pita i na matamata-ni-koro. ¹⁵Ra sa tukunia vua, "Iko sa lialia." Sa cikevi ira jiko liga o koya ni sa va kinia. A ra sa qai tukunia, "Qori na nona agilosi."¹⁶Ni sa tukituki jikoliga o Pita, ni ra sa dola na darava, ra sa raici koya ra sa reucala. ¹⁷Sa vatabataba vi ira o koya me ra jiko lo, sa tukunia vi ira ni sa yadji koya mai na vale ni vivesu na Turaga. Sa tukunia, "Qai tukunia na vika ke vi Jemesa vata ki ira vokiliga na viwekani." Sa qai daini ira o koya sa qai i na dua voki na vanua.¹⁸Ni sa siga na vanua, sa reva ni lailai na nodra kidroa na sojia se sa qai beka i vei o Pita. ¹⁹Ni sa vaqarai koya o Eroti, sa reva ni raici koya, sa vatarogi ira nai vatawa, sa solia na lewa me ra vamatei. Sa qai sobu o Eroti mai Jutia i Sisaria me jiko kinia.²⁰Ke sa cudru valevu o Eroti vi ira na kai Taia vata ki Saitoni. A ra sa qai vi koya ni ra sa lomavata, ra sa vamasuji Pilasito, o koya sa lewa na vale ni moce ni tui, me vukei ira, ra sa masujia na vivinakaji i na vuku ni nodra vanua ni dau yadji mai na kedra mai na nona vale na tui. ²¹Ni sa yaco na siga sa lokuci, sa vaicurucuru o Eroti ina curucuru vaturaga, sa dabe i na nonai jikojiko vaturaga, sa vunauci ira.²²Sa ra kailavakia o ira na tamata, "Sa domo ni kalou ke, sa reva ni domo ni tamata!" ²³Sa yaviji koya vasauri e dua na agilosi ni Turaga. ni sa reva ni varokorokotakia na Kalou o koya; sa kani koya na baca sa mate yani.²⁴Na vosa ni Kalou sa tubu sa levu sara mai. ²⁵O rau o Panapasa vata ki Saula rau sa vaojia na nodrau cakacaka, rau sa lesu i Jerusalemi, rau sa yadji Joni sa yacana vokiliga o Marika.

13¹Ke i nai soqosoqo lotu mai Anitioki, sa jiko kinia eso na parofita vata nai vavuvuli. O ratou o Panapasa, o Simioni (sa yacana vokiliga o Nikeri), o Lusiu na kai Kirini, o Manaini (o koya rau susu vata ki Eroti na turaga), vata ki Saula. ²Ni ratou cakacaka vua na Turaga ka lolo, sa tukunia na Yalo Tabu, "Lesi rau mai vi au o Panapasa vata ki Saula i na cakacaka au sa kacivi rau kinia." ³Ni ratou sa lolo, ka masu oji, ratou sa tabaki rau i na ligadratou, a ratou sa vatalai rau yani.⁴O rau o Panapana vata ki Saula, ni sa vatalai rau na Yalo Tabu, rau sa qai i Selusia; mai vanua gona rau soko tani mai ka qai ki Kipiro. ⁵Ni rau sa jiko mai Salamisa, rau sa vunautakia na vosa ni Kalou i na nodra vivale ni lotu na Jiu. Sa vivuke vi rau o Joni.⁶Ni ratou sa qaivia taucoko na yanuyani sa yaco i Pafo, ratou sa raicia e dua na dauvadraunikau, sa parofita vailasu, na kai Jutia sa yacana o Pari-Jisu.

⁷Rau sa jiko vata i na turaga ni vanua o Serikiu Paula, sa tamata yalomatua. Sa kacivi Panapasa vata ki Saula o koya, ni sa via rogocia na vosa ni Kalou.

⁸O Elima "na dauvadraunikau" (ke nai balebale ni yacana) sa reva ni duavata kinia; sa vatovolea me vagolea tani na turaga me kua ni vabaujia.⁹O Saula, o koya vokiliga sa kacivi me o Paula, ni sa sinai i na Yalo Tabu, sa varaici koya vamatua ¹⁰sa tukunia, "O iko sa luve ni tevoro, sa sinai vi iko na dauvivakaisini vata na ca. O sa meca ni vi ka keceliga e dodonu. Na reva beka ni oji na nomu vukicia nai naki dodonu ni Turaga?¹¹Ke, raicia, sa bikai iko na cudru ni Turaga, o na mataboko. O na reva ni raicia na matanisiga me oji mada e vica na siga." Sa lutu vasauri vi koya na kabukabu vata na butobuto; sa vayayamo jiko me vaqara eso me ra tuberi koya. ¹²Ni sa qai raicia na turaga na ka sa yaco, sa vabaujia, ni sa kurabui i nai vavuvuli ni Turaga.¹³Ke o Paula vata ki ratou sa qai vata, sa ratou daini Pafo me qai i Perika mai Pamifilia. O Joni sa lesu voki i Jerusalemi. ¹⁴O Paula vata ki ratou na nonai lala ratou sa qai mai Perika, ratou qai i Anitioki mai Pisita. Rau sa curu i na vale ni lotu i na siga ni vacecegu, a rau sa dabe sobu. ¹⁵Ni sa wiliki oji nai vola ni lawa vata ki ira na parofita, sa so na turaga ni vale ni lotu sa talatala yani sa tukunia, "Ikodrau na viwekani, ke tu vi ikodrau e dua na vosa ni vavuvuli vi ira na tamata, tukunia liga mai."¹⁶Sa qai tu cake o Paula sa vatabataba; sa tukunia, "Ikodou na Isireli vata ki kodou sa ravatakia na Kalou, dou varorogo mai. ¹⁷Na nodra Kalou na tamata ke, io na nodra na Isireli sa djigitaki ira oji na noda matua, sa valevui ira na tamata ni ra sa jiko vulagi mai na vanua o Ijipita, sa yadji ira mai kinia i na ligana kaukauwa. ¹⁸Ni sa vosojia o koya na nodrai valavala i na vikau me yabaki vasagavulu.¹⁹Ni sa oji na nona vakawabokotakia na vitu na matanitu i na vanua o Kenani, sa qai vota vi ira na nodra vanua. Sa yaco ke ni sa oji e va na drau limasagavulu na yabaki. ²⁰Sa oji ke sa qai lesia eso na ka yabaki va na drau limasagavulu, sa qai yacovi Samuela na parofita.²¹Sa ra qai vinakatakia me dua na nodra tui, na Kalou sa qai soli Saula na luvei Kisi, na tamata i na yavusa i Penijamini, me nodra tui me vasagavulu na yabaki. ²²Ni oji na nona yadji koya tani mai nai tutu vatui na Kalou, sa qai vatuburi Tevita me nodra tui. Sa tukuni koya vokiliga sa tukunia, 'Au sa raici Tevita na luvei Jese ni sa tamata sa va na lomaqu, o koya na vayacoya keceliga na noqu lewa.'²³Mai na nona kawa na tamata ke na Kalou sa vatubuya i Isireli nai Vabula, o Jisu, me va na nona vosa ni yalayala. ²⁴Ni se bera na nona yaco mai o Jisu, o Joni sa vunautakia na papitaiso ni vivutuni vi ira keceliga na Isireli. ²⁵Ni sa vaojia jiko na nona cakacaka o Joni, sa tukunia, 'Ikodou sa nanumia se o cei o au? Au sa reva ni o koya. Ia dou rogocia, e dua sa muri au mai, nai vava i yavana au sa reva ni yaga me'u serekia.'²⁶Ikodu na viwekani, na kawa ni Eparaama, vata ki ira keceliga vi kodou sa ravatakia na Kalou, sa talai mai vi kita na vosa ni bula ke. ²⁷O ira sa jiko mai Jerusalemi vata ki ira na nodra turaga ra sa reva ni kilai koya, se na nodra vosa na parofita sa wiliki i na visiga ni vacecegu ni ra sa vacacani koya a ra sa lewai koya me mate.²⁸Ka djina ni ra sa reva ni raicia e dua na ka sa dodonu me mate kinia, ra sa vamasuji Pailato me vamatei o koya. ²⁹Ni ra sa vayacoya oji na ka keceliga sa volai me baleji koya, ra sa qai roqoji koya sobu mai na kau ka ra bulujia i na dua nai bulubulu.³⁰Sa vaturi koya cake mai na mate na Kalou. ³¹Sa rairai me vica na siga vi ira, ra sa qai vata ki koya mai Kalili i Jerusalemi. O ira ke ra sa dau tukuni koya vi ira keceliga na tamata me ra vadjinadjinataki koya kinia.³²Ke kirau sa tukunia vi ikodou nai tukutuku vinaka: Na yalayala ma caka vi ira na noda matua ni sa vayacoya ³³na Kalou vi kita, vi ira na luvedra, ni sa vatuburi Jisu cake o koya. Me va na ka sa volai i karua ni Same: 'O iko na Luvequ, au sa vatuburi iko i na siga ke.' ³⁴Ina vuku ni sa vaturi koya cake mai na mate, me kua ni vuca voki, sa tukunia vake o koya: 'Au na solia vi ikodou na vika sa yalataki djina vi Tevita.'³⁵Ni o koya ke sa tukunia vokiliga kinia o koya e dua voki na Same, 'Au na reva ni vatara na Le Dua yalosavasava me vuca mai.' ³⁶O Tevita ni sa qaravia oji na nonai tabatamata me va na lewa ni Kalou, sa qai moce; sa bulu vata ki ira na nona matua, sa vuca mai na yagona. ³⁷O koya sa vaturia cake voki na Kalou, sa reva ni vuca mai.³⁸O koya mo dou qai kila; na viwekani, i na vukuna na tamata ke sa bokoci kinia nai valavala ca me va sa vunautaki vi ikodou. Na vunau ni Mosese sa reva ni rawa ni dou vadonui kinia. ³⁹I na vukuna vokiliga sa vadonui rawa kinia na tamata keceliga sa vabaujia.⁴⁰O koya mo dou qai raici ikodou vinaka, de yaco vi ikodou na ka sa vosa kinia o ira na parofita: ⁴¹'Raicia, o ikodou sa daubeci, ia mo dou reucala ka rusa; Ni'u sa vayacoya e dua na cakacaka i na nomudou gauna, na cakacaka dou na reva sara ni vadjinajia, ke sa dua e tukunia vi ikodou."'⁴²Ni rau sa qai yani o Paula vata ki Panapasa, ra sa kerekere o ira ra sa soqoni vata me vunautakia vi ira na vosa ke i na siga ni vacecegu sa taravia mai. ⁴³Ni ra sa suka tani o ira sa soqoni vata, sa le levu na Jiu vata ki ira na tamata sa lotu va-Jiu ra sa muri Paula vata ki Panapasa, a rau sa vosa vi ira a rau sa varojia vi ira me ra tauria deivaki na loloma ni Kalou.⁴⁴Ia i na siga ni vacecegu taravia, sa vo valailai me ra oji kece mai na lewe ni koro ni ra sa soqoni vata mai me ra rogocia na vosa ni Kalou. ⁴⁵Ni ra sa raicia o ira na Jiu ni ra sa le levu, ra sa sinai i na vuvu a ra vasenitakia na vika sa tukunia o Paula, a ra sa vosavacacataki koya.⁴⁶A rau sa qai vosa doudou o Paula vata ki Panapasa ka tukunia, "E dodonu liga me vunautaki iliu vi ikodou na vosa ni Kalou. Ni dou sa dainia tani vi ikodou ka lewai ikodou mo dou reva ni rawa mo dou bula tawa mudu, raicia, kirau sa na qai vi ira sa kai matanitu tani. ⁴⁷Ni sa varojia vakinia vi kitou, na Turaga, sa tukunia, 'Au sa vaturi iko mo nodra rarama na vimatanitu, mo yaco mo vu ni bula i nai yalayala ki vuravura."'⁴⁸Ni ra sa rogocia o ira sa kai matanitu tani, ara sa marau, a ra sa varokorokotakia na vosa ni Turaga. Sa vabaujia o ira kece ra sa varau tu me vinakatakia na bula tawa mudu. ⁴⁹Sa kuruvaki na vosa ni Turaga i na viyasana keceliga ke.⁵⁰O ira na kai Jutia a ra sa vauqeji ira na yalewa lotu vata ki ira na marama vata ki ira na turaga ni koro. A ra sa vatubuya na dauvivacacani vi rau o Paula vata ki Panapaa, a ra sa vatalai rau tani mai na nodra vanua. ⁵¹Rau sa kuretakia vi ira na kuvu ni qele mai na yavadrau, a rau sa qai i Ikiniona. ⁵²O ira sa lotu ra sa sinai i na marau vata i na Yalo Tabu.

14¹Sa yaco i Ikoniona ni rau sa qai vata o Paula vata ki Panapasa i nodra vale ni lotu na Jiu, a rau sa vosa, a ra sa vabaujia kinia e lewe levu na Jiu vata ki ira na sa matanitu tani. ²O ira na Jiu ra sa vajijiqa ra sa vauqejia i lomadra ra sa matanitu tani me ra lomaca vi ira na viwekani.³Rau sa jiko vadede kinia, sa vosa doudou i na vuku ni Turaga, o koya sa vatakila ni sa djina na vosa ni nona loloma. Sa solia me caka rawa i na ligadrau eso nai vatakilakila vata na vika e vivakurabuitaki. ⁴Ra sa wase rua o ira na le levu i na koro; so sa totaki ira na Jiu, so sa totaki rau nai apositolo.⁵Ni ra sa qai vakaukauwa o ira sa kai matanitu tani vata ki ira vokiliga na Jiu (vata ki ira na nodra turaga) me ra vacacani rau, ra sa vacavoki rau i na vatu, ⁶rau sa kila mada iliu, a rau tuba tani i Lisitira vata ki Tapi, a rau sa koro va-Likeonia, i na yasana vokiliga sa volekajia, ⁷a rau sa vunautakia vokiliga mai kinia nai tukutuku vinaka.⁸Sa jiko mai Lisitira e dua na tamata, sa malumalumu na yavana, sa lokiloki o koya ni sa sucu mai, se reva ni qai rawa vadua. ⁹Sa rogoci Paula ni sa vosa jiko. Ni sa varaici koya matua o koya, sa raicia ni sa tu vua na vabaujia me vabulai kinia. ¹⁰Sa vosa i na domo levu, "Tu cake vadodonu na yavamu." Sa rika o koya sa qai wavoki.¹¹Ni ra sa raicia o ira na tamata na ka sa vayacoya o Paula, ra sa tabalakia icolo na domodra, a ra sa tukunia i na vosa va-Likeonia, "O rau na kalou rau sa lia tamata mai rau sa qai sobu mai vi kita." ¹²Sa ra vatokai Panapasa me o "Jupita" vata ki Paula me o "Makuri," balejia ni sa dau vosa o koya. ¹³O koya vokiliga na bete ni Jupita, sa jiko i na mata ni koro, na nona bure kalou eso na bulumakau vata na salusalu, sa vinakatakia vata ki ira na le levu me ra vacabo- i-soro.¹⁴Ni rau sa rogocia o rau nai avositolo o Panapasa vata ki Paula, rau sa dresulakia na nodrau i curucuru, a rau sa cici sara vi ira na tamata, qoqolou, ¹⁵ka tukunia, "Ikonu na turaga, na cava konu sa vayacoya kinia na vika ke? Eda sa tamata vata kai tovo vata vokiliga ki ikodou. Kirau sa vunau vi ikodou mo dou saumaki tani mai na vika ke sa reva ni yaga vi koya na Kalou bula o koya sa bulia na lomalagi, na vuravura, na wasawasa, vata na ka keceliga sa tu kinia. ¹⁶O koya sa vosojia na lewe ni vanua keceliga ina gauna iliu me ra qai liga i na nodra sala.¹⁷Ka reva liga ni dainia me reva na nonai vatakilakila ni sa caka vinaka jiko o koya, sa solia mai vi kita na uca mai lomalagi vata na yabaki sa levu na vuata, sa vakuva na lomada i na kakana vata na marau." ¹⁸I na vuku ni vosa ke, rau sa reva ni tarovi ira na lewe levu me ra kua ni vacabo i soro vi rau.¹⁹Sa qai mai eso na Jiu mai Anitioki vata ki Ikoniona a ra mai vauqeji ira na tamata. Ni ra sa vacavoki Paula i na vatu, a ra sa yarataki koya i nai bili ni koro, ni ra sa nanumia sa mate o koya. ²⁰Ni sa wavokiji koya o ira sa lotu, sa tu cake o koya sa qai i na koro. I na savulaci, rau sa qai ki Panapasa i Tapi.²¹Ni rau sa vunautakia oji nai tukutuku vinaka i na koro gona, rau sa valotutaki ira kinia e le levu, rau sa qai voki i Lisitira, i Ikoniona vata i Anitioki. ²²Rau sa vataudeitakia na yalodra ra sa lotu, ni rau sa varojia vi ira me ra tu dei i na vabaujia, rau sa tukunia, "Ni sa kilikili me levu na ka rarawa eda na curu kinia i na matanitu ni Kalou."²³Ni rau sa lesia eso me nodra matua nai soqosoqo lewe ni lotu, ni rau sa masu vokiliga ka lolo, rau sa tataunaki ira vua na Turaga, o koya ra sa vabaujia.

²⁴Ni rau sa qaivi Pisitia ka yaco i Pamifilia. ²⁵Ni rau sa vunautakia na vosa mai Perika, rau sa qai i Atalia. ²⁶Rau sa soko mai vake i Anitioki, rau ma vatonaki kinia me nodrau na loloma ni Kalou i na vuku ni cakacaka rau sa qai vaojia.²⁷Ni rau sa yaco i Anitioki sa vasoqoni ira vata nai soqosoqo le ni lotu, rau sa tukunia na ka keceliga sa caka na Kalou ni sa vivuke vi rau, ra sa dola na darava ni vabaujia vi ira na vimatanitu tani. ²⁸A rau sa jiko vadede vata ki ira sa lotu.

15¹Sa qai sobu mai eso na tamata mai Jutia i Anitioki sa vavulici ira na viwekani, sa tukunia, "Ke dou sa reva ni cili me va nai valavala ni Mosese, dou na reva ni vabulai rawa." ²Ni rau sa vileji valevu ka viba vata ki rau o Paual vata ki Panapasa. Ra sa lesi Paula vata ki Panapasa, vata ki ratou voki eso mai vi ira, me ratou qai icolo i Jerusalemi vi ratou nai avositolo vata ki ira na matua i na vuku ni taro ke.³Ra sa talatala vi ira nai soqosoqo lotu, ratou sa qai siviji Finaisi vata ki Samaria, a ra sa tukunia jiko ni sa saumaki mai o ira sa kai matanitu tani. Ra sa vamarautaki ira valevu na viwekani keceliga. ⁴Ni ratou sa yaco i Jerusalemi, sa mai vacegui ratou o ira nai soqosoqo lewe ni lotu, vata ki ira nai apositolo, vata ki ira na matua, a ratou sa tukunia na ka keceliga sa caka na Kalou ni sa vivuke vi ratou.⁵Sa tu cake so nai tokani na Farisi ra sa vabaujia ra sa tukunia, "Sa dodonu me cilivi o ira qori, me varoji vokiliga vi ira me ra talairawarawa i nai vunau ni Mosese." ⁶A ra sa soqoni vata mai o ira nai apositolo vata ki ira na matua me ra bosea na ka ke.⁷Ni sa levu na vileji, sa tu cake o Pita sa tukunia vi ira, "Ikodou na viwekani, dou sa kila sa djigitaki au mai vi kita na Kalou, i na gauna makawa sara me ra rogocia kinia na vosa ni tukutuku-vinaka o ira na kai vimatanitu tani, me ra vabaujia. ⁸Na Kalou, o koya sa kila na yaloda, sa vadjinadjina vi ira ni sa solia vi ira na Yalo Tabu, me va liga vi kita. ⁹Sa reva ni vinakataki kita cake mai vi ira, ia sa vasavasavatakia na yaloda i na vabaujia.¹⁰Na cava dou sa qai vatovolea vaca kinia na Kalou mo dou vataqa nai vua i na domodra ra sa lotu, da sa reva ni cola rawa o kita se o ira na noda matua? ¹¹Da sa vadjinajia ni da bula i na loloma ni Turaga o Jisu, me va vokiliga kinia o ira qori."¹²Sa ra qai galu o ira keceliga na le levu ni ra sa rogoci Panapasa vata ki Paula ni rau sa tukunia na vivatakilakila vata na vika vivakurabuitaki sa caka na Kalou i na kedra maliwa na kai vimatanitu tani.¹³Ni rau sa jinia na nodrau i tukutuku, sa vosa o Jemesa ka tukunia, "Ikodou na viwekani, dou rogoci au mai. ¹⁴Sa tukunia oji o Saimoni se sa qai yadjia vacava iliu na Kalou eso na tamata mai vi ira na kai vimatanitu tani me jiko vi ira na yacana.¹⁵Na ka ke sa bale vata i na nodra vosa na parofita, me va na ka sa volai, ¹⁶'Ni sa oji na vika ke au na lesu mai, au na vaturia voki na vale ni Tevita, koya sa bale sobu; au na vaduria voki na kena sa rusa, au na vaduria vokiliga mai, ¹⁷me ra vaqara na Turaga o ira na tamata sa vo, vata ki ira keceliga na kai vimatanitu tani ra sa vatokai i na yacaqu.' ¹⁸Sa tukunia vua na Turaga, o koya sa vatakila na ka keceliga ke mai nai vatekivu ki vuravura.¹⁹O koya au sa lewa kinia me da kua ni vaocai ira, ra sa saumaki mai vua na Kalou, mai vi ira na kai vimatanitu tani. ²⁰Me da volavola liga vi ira, ka me tabu vi ira na qaravia na matakau, na daudara vokiliga, vata na na lewe ni manumau sa kuna, vata i na dra. ²¹Ni ra sa jiko dede i na vikoro keceliga o ira sa vunautaki Mosese ni ra sa wilikia i na vivale ni lotu i na siga ni vacecegu."²²Sa ra qai vinakatakia o ira nai avositolo vata ki ira na matua, vata ki ira kecceliga nai soqosoqo le ni lotu, me djigitaki Jemesa o koya sa yacana vokiliga o Parisapa, na tamata rau sa liu vi ira na viwekani, me vatala me ratou qai vata ki Paula, ki Panapasa i Anitioki. ²³A ra sa volavola vake i na ligadratou, "Ikodou nai apositolo vata na matua, kimamu sa loloma yani vi ikodou na viwekani sa matanitu tani mai Anitioki, i Siria vata ki Sisilia: Dou bula!²⁴Ni kimamu sa rogocia ra sa qai tani vi ikodou eso ra sa kidroataki ikodou i na nodra vosa, ra sa vukicia tani na lomamudou, ia kimamu sa reva ni talai ira, ²⁵sa qai vinaka vi kimamu, ni kimamu sa soqoni vata sa lomavata, me djigitaki eso na tamata sa talai vi ikodou me ratou qai vata ki rau dou sa daulomania o Panapasa vata ki Paula, ²⁶na tamata rau sa bolea na mate i na vuku ni yacana na noda Turaga o Jisu Karisito.²⁷O koya kimamu sa talai Jutasa vata ki Sailasa yani, rau na tukunia vokiliga na vika ke mai na gusudrau. ²⁸Ni sa vinaka vua na Yalo Tabu vata vi kimamu vokiliga, me kimamu kua ni taucia vi ikodou nai colacola levu ke: ²⁹me tabu vi ikodou na vika sa cabo i na vimatakau, na dra vokiliga, vata na ka sa kuna, na daudara. Ke dou qarauni ikodou mai na vika ke, dou na caka vinaka. Sa loloma."³⁰Ni ratou sa talai, ratou sa qai i Anitioki; ratou sa vasoqoni ira vata na le levu, ratou sa solia nai vola. ³¹Ni ra sa wilikia oji, ra sa marau i na vivacegui. ³²O Jutasa vata ki Sailasa, rau sai vavuvuli vokiliga, rau sa vavulici ira na viwekani i na levu na vosa sa vataudeitaki ira.³³Ni ratou sa jiko bogi vica, ra sa qai vatalai ratou o ira na viwekani i na vacegu vi ira nai apositolo. ³⁴Sa vinakatakia o Sailasa me jikoliga mai kinia. ³⁵O Paula vata ki Panapasarau sa jiko mai Anitioki, a rau sa vavuvuli ka vunautakia na vosa ni Turaga vata ki ira voki eso ara sa le levu.³⁶Sa bogi vica sa qai tukunia o Paula vi Panapasa, "Me daru sa qai voki me raicia se ra sa vacava o ira na wekada i na vikoro keceliga daru ma vunautakia kinia na vosa ni Turaga." ³⁷Sa nanumakia o Panapasa me sa yadji Joni, sa yacana vokiliga o Marika. ³⁸Sa reva ni vinakatakia o Paula me rau yadji koya, ni ma daini rau iliu mai Pamifilia o koya ni sa reva ni qai vata ki rau i na cakacaka.³⁹Sa katakata kinia na vileji, rau sa dui qai kinia, sa yadji Marika o Panapasa, a rau sa soko i Kipiro. ⁴⁰Sa djigitaki Sailasa o Paula, rau sa qai yani, ni sa tataunaki rau i na loloma ni Kalou vi ira na viwekani. ⁴¹Sa qai wavoki o koya i Siria vata i Sisilia, sa vataudeitaki ira kinia na visoqosoqo le ni lotu.

16¹Sa qai yaco o Paula i Tapi vata i Lisitira, sa raicia, sa jiko e dua o Timoci na yacana, sa dau lotu, sa luve ni yalewa ni Jutia, sa vabaujia, ia sa kai matanitu tani o tamana. ²Sa rogo vinaka o koya vi ira na viwekani mai Lisitira vata i Ikoniona. ³Sa vinakatakia o Paula, me rau qai, sa yadjia mada sa cilivi koya, i na vukudra na Jiu ra sa jiko i na vanua gona, ni ra sa kila keceliga ni sa kai matanitu tani na tamana.⁴Ni rau sa qaivia na vikoro, rau sa tukunia vi ira me ra vabaujia nai varo sa lesia o ira nai apositolo vata ki ira na matua sa jiko mai Jerusalemi. ⁵Sa vataudeitakia va kinia i na visoqosoqo le ni lotu i na vabaujia ni ra sa tubu vokiliga i na visiga me ra lewe levu.⁶Ni rau sa qaivi Firijia vata na vanua o Kalatia, sa tarovi rau na Yalo Tabu me rau kua ni vunautakia na vosa i Esia. ⁷Ni rau sa yaco mada i Misia, rau sa vatovolea sara me qai i Picinia, sa tarovi rau na Yalo i Jisu. ⁸Rau sa sivi Misia, rau sa qai sobu i Tiroa,⁹Sa rairai vi Paula i na bogi na raivotu: Sa tucake tu e dua na kai Masitonia, sa vamasuji koya sa tukunia, "Qai mai i Masitonia, mai vukei kimamu." ¹⁰Ni sa raicia oji na raivotu o Paula, sa vatovlea sara me qai i Masitonia, ni kitou sa vananumakia e djina sara sa kacivi kitou na Turaga me kitou vunautakia vi ira nai tukutuku-vinaka.¹¹Ni kitou sa varewa mai Tiroa, kitou sa mua yani i Samoceresa, sa yaco i na savulaci i Niapoli. ¹²Mai vaka i Filipai, e koro levu i na yasayasa va-Masitonia o koya, sa koro va-Roma, kitou sa jiko i na koro gona me vica na bogi. ¹³Ni na siga ni vacecegu kitou sa qai i nai bili ni koro i na baji ni uciwai, i na vanua kitou sa nanumia sa dau caka kinia na lotu masumasu. Sa kitou dabe sobu ka vosa vi ira na yalewa ra sa soqoni vata kinia.¹⁴Sa varogocia e dua na yalewa o Litia na yacana, mai na koro o Caetaira, sa dauvolitakia na kalokalo sa daulotu vua na Kalou. Sa dola na yalona na Turaga, sa vabaujia kinia o koya na vika sa tukunia o Paula.

¹⁵Ni sa papitaisotaki o koya vata ki ira vokiliga na nona le-ni-vale, sa vamamasu o koya, ka tukunia, "Ke dou sa lewa niu sa djina vua na Turaga, curu i na noqu vale mo dou jiko kinia." Sa cikevi kitou sara o koya.¹⁶Sa yaco, ni kitou sa qai i na vanua sa caka kinia na masumasu, kitou sota ki na dua na vada sa jiko vua na yalo i Paiconi. O koya sa dauvavutuniyautaki ira valevu na nona turaga i na nona parofisai vaseseni. ¹⁷Sa muri Paula vata ki kitou o koya ke, sa kailavakia, sa tukunia, "Sai talatala cecere ni Kalou sara o ratou na tamata ke. Ratou na vatakila vi ikodou na sala ni bula." ¹⁸Sa vica na bogi na nona caka jiko na ka ke. O Paula, sa qai rarawa na lomana vi koya, sa rai vua sa tukunia vua na yalo, "Au sa varoji iko i na yaca i Jisu Karisito mo qai tani mai vua." Sa qai tani sara i na gauna vata liga gona.¹⁹Ni sa raicia o ratou na nona turaga ni sa yali na ka ratou ma vararavi kinia na nodratou i yau, ratou sa tauri Paula vata ki Sailasa, ra sa yarataki rau i na rara ni vivoli vi ira na turaga. ²⁰Ni ra sa yadji rau i na matavilewa, ra sa tukunia, "O rau na tamata liga ke, rau sa vavu leqa jiko i na noda koro. ²¹Rau sa kai Jutia. Rau sa vunautakia nai valavala eso sa reva ni dodonu vi kita me da vabaujia se muria ni da sa kai Roma."²²Ra sa qai tucake vata taucoko vi rau o ira na le levu; ra sa luvajia na nodrau icurucuru o ira na matavilewai, ra sa tukunia me rau warolaki. ²³Ni ra sa warolaki rau, ra sa qai daini rau i vale ni vivesu, ra sa varojia vua nai vatawa me yadravi rau vakaukauwa. ²⁴O koya sa varoji ke, sa biliraki rau i na loma ni vale ni vivesu, sa vesukia vakaukauwa na yavadrau i na i vesu kau.²⁵Ni sa lomaloma ni bogi na vanua rau sa masumasu jiko o Paula vata ki Sailasa, ka sere vua na Kalou, ra sa rogoci rau o ira na vo ni kaivesu. ²⁶Sa dua na uneune levu sa yaco vasauri i na vanua gona, sa yavala kinia na yavu ni vale ni vivesu, sa tadola vasauri keceliga na darava, sa tasere yadua na kedrai vesu na tamata.²⁷Sa yadra mai na moce nai vatawa ni vale ni vivesu, sa raicia sa tadola tu nai sogo ni darava ni vale ni vivesu, sa ucunia mai na nonai seleiwau, ni sa nakijia me vamatei koya, ni sa nanumia ra sa tuba o ira na tamata sa vesu tu. ²⁸Sa kaci i na domo levu o Paula, sa tukunia, "Kua ni o vamavoataki iko, kitou sa jiko keceliga ke."²⁹Sa qai kaci o koya me yadji mai na cina, sa rika i loma sa sautaninini mai, sa cuva sobu vi Paula vata ki Sailasa, ³⁰sa yadji rau i tuba sa tukunia, "Ikodrau na turaga, cava meu vayacoya meu bula kinia?" ³¹Rau sa tukunia, "Vabaujia na Turaga o Jisu Karisito, o na bula kinia vata ki ira vokiliga na nomu le ni vale.³²Rau sa tukunia vua na vosa ni Turaga, vi ira kece vokiliga ra sa jiko i na nona vale. ³³Sa yadji rau o koya i na bogi gona sa quarakia na we ni kuita, sa papitaisotaki sara o koya vata ki ira keceliga na wekana. ³⁴Ni sa yadji rau i nona vale sa taucia na kakana i matadrau, sa marau valevu ni sa vabaujia na Kalou vata ki ira keceliga na nona le ni vale.³⁵Ia ni sa siga mai, ra sa tala na ovisa o ira na matavilewai ka tukunia, "Sereki rau na tamata qori me rau qai." ³⁶Sa tukunia vi Paula na vosa ke nai vatawa ni vale ni vivesu, "Sa tala mai na matavilewai mo drau sa sere ka mo drau qai. Drau qai cavu tu ka qai i na vacegu."³⁷Sa tukunia vi ira o Paula, "Ra sa warolaki kirau i matamudou ka ra sebera ni ra lewai kirau mada iliu, kirau sa kai Roma, ra sa daini kirau i vale ni vivesu. Dou sa via vatalai kirau vavuni beka? Reva! Me ra qai mai ra mai yadji kirau yani i tuba." ³⁸Ra sa tukunia na vosa ke o ira na ovisa vi ira na matavilewai, ra sa qai rava ni ra sa rogocia ni rau sa kai Roma. ³⁹Ra sa qai mai na matanivilewai ra sa mai kere vivosoti vi rau ka yadji rau i tuba, ra sa vamasuji rau me rau qai tani i na koro.⁴⁰Rau sa qai tani i na vale ni vivesu, rau sa curu i na vale ni Litia. Ni rau sa raici ira na viwekani, rau sa vacegui ira ka qai yani.

17¹Ia ni ratou sa qai vi rau o Amifipoli vata ki Apolonia, ratou sa yaco i Cesalonaika, sa tu kinia e dua na nodra vale ni lotu na kai Jutia. ²Sa curu i loma o Paula, me va na nonai varau, sa tolu na siga ni vacecegu sa vavulici ira kinia mai nai Vola Tabu.³Ni sa vatakila ka vadjinadjinatakia ni sa kilikili ki Karisito me vosojia na mate ka tucake voki mai na mate. Sa tukunia, "Ni sai koya na Karisito, o Jisu ke, o koya au sa vunautakia vi kodou." ⁴Sa vabaujia o ira eso ka ra qai vitokani vi Paula vata ki Sailasa, vata ki ira na le levu na kai Kirisi ra sa lotu va-Jiu vata ki ira na marama ra sa reva ni le lailai.⁵Sa qai vuvu o ira na Jiu, ra sa yadjia eso vi ira na kaisi botoboto mai na vanua ni vivoli, ra sa vasoqoni ira vata na le levu ka vatubu mawe i na koro, Ra sa cici vakaukauwa i na vale ni Jesoni, me ra saga me ra yadji rau mai o Paula vata ki Sailasa vi ira na le ni koro. ⁶Ia ni ra sa reva ni raici ratou, ra sa yarataki Jesoni vata ki ira na viwekani eso vi ira na turaga ni koro, ka tagi, "O ratou ke ratou sa vukici vuravura me ca, ratou sa qai vokiliga mai vanua ke. ⁷Sa yadji ratou o Jesoni i na nona vale ka ra sa talaimama o ira keceliga ke i na vunau ni Sisa, ra sa tukunia sa dua voki na tui-o Jisu."⁸Ra sa kidroataki ira na le ni koro vata ki ira na kena turaga ni ra sa rogocia na vika ke. ⁹Ia ni ra sa vabaujia na yalayala ni Jesoni vata ki ira na tani, ra sa sereki ira me ra qai.¹⁰Ia o ira na viwekani ra sa vakusakusa me talai rau o Paula vata ki Sailasa i Peria i na bogi. Ia ni rau sa yaco kinia, rau sa qai i na nodra vale ni lotu na kai Jutia. ¹¹Ra sa uasivi vi ira na kai Cesalonaika o ira ke, i na yalo vaturaga, ni ra sa varogocia na vosa i na loma e vinaka sara, ra sa dauvasaqaqara i nai Vola Tabu i na visiga se sa vakinia na ka ke se reva. ¹²O koya liga ke ra sa le levu kinia ra sa vabaujia, vata ki ira volikiga na marama ni Kirisi vata ki ira na tagane ra sa reva ni le lailai.¹³Ia ni ra sa kila o ira na Jiu mai Cesalonaika ni sa vunautakia na vosa ni Kalou o Paula mai Peria, ra sa qai vokiliga kinia ka vayavalaji ira na le levu. ¹⁴Ra sa vakusakusa kinia na viwekani me ra vatalai Paula yani me qai vake i wasawasa, ia rau sa jiko liga mai o Sailasa vata ki Timoci. ¹⁵Ia o ira sa varaici Paula ra sa yadji koya i Aceni. Ia ni sa tau vi ira nai varo vi Sailasa vata ki Timoci me rau sa vakusakusa vua, rau sa qai sara.¹⁶Ia ni sa waraki rau jiko o Paula mai Aceni, sa katakata valevu na lomana ni sa raicia sa oso na koro i na vimatakau. ¹⁷Koya gona sa vileji kinia o koya vata ki ira na kai Jutia i na nodra vivale ni lotu vata ki ira vokiliga na tani ra sa lotu, vata ki ira vokiliga ra sa sota vata i na rara ni vivoli i na visiga.¹⁸Sa qai vileji vata eso na nodra vuku nai tokani ni Epikuro vata ki Sitoike. Sa tukunia eso, "Na cava mada sa via tukunia o ka na dauvosa ke?" Eso tani sa tukunia, "O koya ke sa va e dua sa vatakila mai eso na kalou vou," ni sa vunautaki Jisu vi ira o koya vata ki na nona tucake voki mai na mate.¹⁹Ra sa qai tauri Paula ka tuberi koya i na vanua cecere ni Arisi, ka tukunia, "Ena rawa beka me kimamu kila se cava nai vavuvuli vou ke o sa mai tukunia? ²⁰Ni o sa yadjia mai eso na vika e vivakurabuitaki i daligai kimamu. Sa kimamu via kila se cava nai balebale ni vika ke." ²¹(Ni sa reva na ka tani ra sa dauvayacoya o ira keceliga na kai Aceni, vata ki ira na vulagi ra sa jiko kinia ia me ra vitukutukunitakia liga se rogocia e dua na ka vou.)²²Sa qai wiri tu o Paula i na loma ni vanua cecere i Arisi, ka tukunia, "Ikodou na kai Aceni, au sa raicia i na ka keceliga ni konu sa dausoro valevu. ²³Io, niu sa qai wavoki ka raicia na vika konu sa soro kinia, au sa raicia vokiliga e dua nai cabocabo ni soro sa volai kinia, 'VUA NA KALOU E TAWA KILAI.' Ia o koya konu sa soro kinia ni konu sa reva ni kila, au sa qai tukunia ke vi konu.²⁴Na Kalou ka bulia na vuravura vata na ka keceliga sa tu kinia, sa Turaga liga o koya mai lomalagi vata ki vuravura, sa reva ni jiko i na vivale ni soro sa caka i na liga. ²⁵Sa reva vokiliga ni qaravi i na liga ni tamata, me vaka me baki yaga vua e dua na ka, ni sa solia vi kita keceliga na bula vata nai cegu, vata ka na keceliga.²⁶Sa buli ira da sa dra vata, na lewe ni vivanua keceliga me ra jiko i na dela ni vuravura taucoko, sa lesia na vigauna ka djigitaki iliu vata nai yalayala ni nodra vivanua, ²⁷me ra vasaqara na Kalou de ra vayayamo beka vua ka raicia. Ia sa reva liga ni yawa o koya vi kita yadua.²⁸Ni da sa bula vi koya ka yavala ka rawa mai vua na noda bula, me va vokiliga sa tukunia o ira na nomudou dau-ni-vucu eso, 'Sa nona kawa vokiliga o kita.' ²⁹'"Ke, ni da sa kawa ni Kalou, e reva ni dodonu me da nanumakia sa tautauvata na Kalou vata i na koula, se na siliva, se na vatu-sa ceujia na matai se na tamata vuku.³⁰Ia na gauna ni lialia sa vosojia oji na Kalou, sa varojia i na gauna ni kua vi ira na tamata keceliga i na vivanua keceliga me ra vivutuni. ³¹Ni sa lokucia o koya na siga na lewai vuravura kinia na lewa dodonu vi koya na tamata sa lesia o koya. Sa vadjinadjina kinia vi ira na tamata keceliga i na nona vaturi koya cake voki mai na mate."³²Ia ni ra sa rogocia na tucake voki mai na mate, sa valialiai Paula eso vi ira; ka so sa tukunia, "Kitou na rogoci iko voki i na ka ke." ³³Sa qai tani yani i na kedra maliwa o Paula. ³⁴Ia sa kabiji koya eso na tamata ra sa vabaujia, sa dua vi ira o Tainonisio mai na matavilewai mai na vanua cecere ni Arisi, vata na yalewa sa vatokai o Tamarisi, vata ki ira voki eso.

18¹Sa oji na vika ke sa qai tani i Aceni o Paula ka yaco i Korinica. ²Sa raicia kinia e dua na kai Jutia na yacana o Akuila, sa sucu mai Ponito, sa qai liga mai Itali vata na wajina o Pirisila, ni sa varojia o Kilotiu me ra qai tani i Roma na kai Jutia keceliga. Sa qai vi rau o Paula, ³ka ni ratou sa matai vata, sa jiko vata ki rau o koya ka cakacaka, ni ratou sa matai ni vale-laca.⁴Sa vunau i na vale ni lotu i na visiga ni vacecegu keceliga, sa rawai ira na kai Jutia vata ki ira na kai Kirisi. ⁵Ia ni sa qai mai Masitonia o Sailasa vata ki Timoci, sa vauqeji o Paula, sa dautukunia vi ira na kai Jutia ni sa Karisito liga o Jisu. ⁶Ni ra sa vorajia ka vosa vacacataki koya, sa kureitakia na nonai curucuru o koya ka tukunia vi ira, "Ena baleji ikodou liga na nomudou rusa; au sa reva ni cala kinia. Au sa qai vi ira na kai vimatanitu tani."⁷Sa qai tani kinia, ka curu i na nona vale e dua na yacana o Taito Jusitu, na tamata sa lotu vua na Kalou. Sa voleka i na vale ni lotu na nona vale. ⁸Sa vabaujia na Turaga o Kirisipo, na turaga ni vale ni lotu, vata ki ira keceliga na nona le ni vale; sa le levu na kai Korinica ni ra sa rogocia, ra sa vabaujia, ka ra sa papitaisotaki.⁹Sa qai tukunia vi Paula na Turaga i na bogi i na raivotu, "Kua ni rava, mo vosa liga ka kua ni ko galu.

¹⁰Niu sa jiko vata ki iko, ka na reva ni dua me sagai iko, me vacacani iko, ni sa le levu na noqu tamata i na koro ke." ¹¹Sa jiko mai kinia o koya ka yabaki dua ka vula ono, sa dauvavulici ira i na vosa ni Kalou.¹²Ia ni sa turaga mai Akaia o Kalio, ra sa lomavata na Jiu me ra tauri Paula vakaukauwa, ra sa yadjia i na mata ni jikojiko ni vilewai; ¹³ka tukunia, "O koya ke sa vavulici ira na tamata me ra masu vatani vua na Kalou ka reva ni va na vunau."¹⁴Ia ni sa varau vosa o Paula, sa tukunia vi ira na Jiu o Kalio, "Ikodou na Jiu, ke sa dua na ka e kovei se dua na ca levu, e dodonu meu vosoji ikodou. ¹⁵Ia ke vilejitaki nai vavuvuli vata na yaca eso vata na nomudou vunau, dou lewa liga. Au sa reva ni via lewa na e dua na ka vake."¹⁶Sa vatalai ira tani i na mata ni jikojiko ni vilewai. ¹⁷Ra sa qai tauri Sosiceni na turaga ni vale ni lotu, ka vaculakia i na mata ni jikojiko ni vilewai. Sa vawelewele liga o Kalio ka reva ni via kauwaitakia.¹⁸Sa oji qori sa jiko liga o Paula ka vica voki na siga, sa qai tatau vi ira na viwekani ka soko i Siria vata ki rau o Pirisila vata ki Akuila. Sa tasia mada na uluna mai Kenikiria, ni sa bubului kinia o koya. ¹⁹Sa yaco i Efeso, sa daini rau kinia o koya, sa curu i na vale ni lotu o koya, ka vavulici ira na Jiu.²⁰Ia ni ra sa vamasju koya me jiko voki vadede vi ira, sa reva ni vinakatakia o koya. ²¹Sa tatau liga vi ira, ka tukunia, "Au na lesu voki mai vi ikodou ke vinakatakia na Kalou." Sa soko tani mai Efeso o koya.²²Ia ni sa sobu mai Sisaria, sa qai cake ka vikidavaki vata ki ira nai soqosoqo le ni lotu mai Jerusalemi ka qai sobu i Anitioki. ²³Ni sa jiko dede valailai mai kinia, sa qai tani ka qai vadodonu ka wavokijia na vanua o Kalatia vata ki Firijia, sa vataudeitaki ira keceliga ra sa lotu.²⁴Sa dua na Jiu na yacana o Apolosa, sa sucu mai Alekisadria, sa qai mai Efeso. Sa tamata dauvosa vavuku ka rawa sara me tukunia nai Vola Tabu o koya. ²⁵Sa vivatavulici o koya i nai vavuvuli ni Turaga. Ia sa loma katakata na yalona, sa tukunia o koya ka vunautakia vagumatua na vika ni Turaga, ia sa kila liga na papitaiso ni Joni. ²⁶Sa tekivu me vosa doudou i vale ni lotu o Apolosa. Ia ni rau sa rogocia o Pirisila vata ki Akuila, rau sa yadji koya vajikijiki ka tukunia vadodonu vi koya nai vavuvuli ni Kalou.²⁷Ia ni sa via qai yani i Akaia o koya, ra sa vauqeji koya kinia o ira na viwekani ka ra sa volavola ka masuji ira me ra vacegui koya. Ia ni sa yaco yani o koya, sa vukei ira valevu ra sa vabaujia i na loloma. ²⁸O Apolosa ni sa gumatua sara na nona rawai ira votu na Jiu i na vileji, sa vatakila mai nai Vola Tabu ni sa Karisito o Jisu.

19¹Ia ni sa jiko mai Korinica o Apolosa, sa qai o Paula i na colo ni vanua ka yaco i Efeso, sa raicia eso sa lotu. ²Sa tukunia vi ira, "Sa yaco vi ikodou na Yalo Tabu ni dou sa vabaujia?" A ra sa tukunia vua, "Reva, kitou se bera ni rogocia se sa soli na Yalo Tabu se reva."³Sa tukunia vi ira o koya, "Dou sa papitaisotaki beka i na cava?" Ra sa tukunia, "I na papitaiso ni Joni." ⁴Sa qai tukunia o Paula, "E djina liga sa dauvipapitaisotaki o Joni i na papitaiso ni vivutuni. Sa tukunia vi ira na tamata me ra vabauji koya ena muri koya mai, o koya ke, o Jisu."⁵Ia ni ra sa rogocia ra sa papitaisotaki i na yaca ni Turaga o Jisu. ⁶Ia ni sa tabaki ira o Paula, sa yaco vi ira na Yalo Tabu ka ra sa vosatakia na vosa ni vanua tani ka parofisai. ⁷O ira kecelilga na tagane ra sa le jinikarua beka.⁸Sa qai o koya i na vale ni lotu ka vosa doudou jikoliga ka vulatolu, sa vatavuvuli ka vadjinadjinatakia na vika ni matanitu ni Kalou. ⁹Ia eso vi ira na Jiu sa lomaqa ka reva ni vabaujia, ka vosavacacatakia na Lotu i na matadra na le levu. Sa qai tani mai vi ira o Paula, ka tawasei ira tani ra sa lotu, sa dauvatavuvuli jiko i na visiga i na vale ni wili vola mai Tirano. ¹⁰Sa yaco jiko ke me rua na yabaki, ia ra sa rogocia kinia na vosa ni Turaga o Jisu o ira keceiliga ra sa jiko mai Esia, o ira na kai Jutia vata ki ira vokiliga na kai Kirisi.¹¹Sa vayacoya na Kalou eso na ka-mana djina eso i na ligai Paula, ¹²ra sa yadjia tani mai na yagona nai tavoi eso vata nai curucuru eso vi ira ra tauvi-mate, sa yali kinia na nodra mate ka sa qai tani mai vi ira na yalo velavela.¹³Ia ka so na kai Jutia ra sa dauviqaiyaki ka daucaka me tovoci ira na tevoro. Ratou sa bolea me ratou kacivia na yaca ni Turaga o Jisu vi ira sa curumi ira tu na yalo velavela ka ratou sa tukunia, "Kitou sa vatalai ikodou tani i na yaca i Jisu, o koya sa vunautakia o Paula." ¹⁴Ratou sa le vitu na luvei Siva na kai Jutia ka bete levu, ratou sa vayacoya na ka ke.¹⁵Sa qai vosa na yalo velavela ka tukunia, "O Jisu au sa kila, o Paula vokiliga au sa kila; ia o cei o ikodou?" ¹⁶Sa rika vi ratou na tamata sa jiko vua na yalo velavela, sa rawai ratou ka sa kaukauwa vi ratou. Ratou sa tuba tani kinia mai na vale gona, ratou sa luvawale ka mavoa. ¹⁷Sa kila na ka ke o ira keceliga na kai Jiu vata na kai Kirisi vokiliga, ra sa jiko mai Efeso. Sa kani ira keceliga na rava, sa vacecerei na yaca ni Turaga o Jisu.¹⁸Sa le levu vokiliga vi ira sa vabaujia ra sa qai mai vatusa ka tukunia na vika keceliga ra sa caka. ¹⁹Sa le levu vokiliga vi ira ra sa dauvayacoya iliu nai lawaki vatevoro eso, ra sa kumunia vata na nodrai vola ka visa i matadra keceliga, ra sa wilikia vata na kedrai sau, sa ra raicia ni sa limasagavulu na udolu nai lavo siliva.

²⁰Sa tubu vakaukauwa kinia na vosa ni Turaga ka sa vatetei raraba yani²¹Ia ni sa oji na vika gona, sa nakijia o Paula i lomana me qai mada i Masitonia vata k iAkaia ka qai i Jerusalemi; ka tukunia, "Ni oji na noqu jiko mai kinia, meu qai raici Roma vokiliga." ²²Sa qai tala i Masitonia e le rua vi ira sa dauqaravi koya, o Timoci vata ki Irasito. Ia sa jiko vadede valailai mai Esia o koya.²³I na gauna gona, sa tubu valevu na mawe i Efeso i na vuku ni Lotu. ²⁴Sa dua na matai ni siliva, o Timitirio na yacana, sa daucaka i na siliva nai vatakarakara ni bure ni Kalou ni Taiana, sa valevutakia kinia na nodrai yau na matai. ²⁵Sa kacivi ira vata ki ira na tamata sa daucakacaka vata kinia ka tukunia, "Ikodou na turaga, dou sa kila na cakacaka ke, eda sa vailavo kinia.²⁶Dou sa qai raicia, ka rogocia, ni sa reva ni i Efeso duadualiga, sa vo lailai me ojivi Esia taucoko, o Paula ke, sa le levu sa rawa, ka saumaki ira tani na tamata. Ni sa tukunia sa reva ni kalou na ka sa caka i na liga. ²⁷Ia sa voleka ni beci kinia na noda cakacaka ke, ka reva ni koya duadualiga ke, sa voleka me vakawaletaki na bure ni Taiana na kalouyalewa ke, ka me lutu mai na nonai tutu lagilaig, o koya ka soro vua o Esia taucoko vata ki vuravura."²⁸Ni ra sa rogocia, sa duatani sara na nodra cudru ka ra sa qoqolou, ka tukunia, "Sa levu liga o Taiana na kalou ni kai Efeso." ²⁹Sa ka levu na mawe i na koro taucoko, a ra cici yani i na duavata na vakasama i na loma ni bure levu. Ra sa tauri Keio vakaukauwa vata ki Arisitako, rau sa dau qai vata ki Paula, rau sa kai Masitonia, ra curu vakaukauwa vata i na bure levu.³⁰Ia ni sa via curu o Paula i na kedra maliwa na tamata, ra sa tarovia koya o ira ra sa lotu. ³¹O ira vokiliga eso ra sa turaga mai Esia, ra sa nonai to, ra sa vayadji tukutuku vua ka vamasuji koya me kua ni doudou me curu i na bure levu. ³²Ra sa dui qoqolou, ni ra sa mawe i nai soqosoqo ra sa le levu. Ia sa le levu vi ira ra sa reva ni kila se cava ra sa soqoni vata kinia.³³Eso vi ira na le levu ra vaturi Alekisada cake, ni sa cikeci koya o ira na Jiu. Sa vatabataba o Alekisada, sa via tusanaki koya vi ira na tamata. ³⁴Ia ni ra sa kila sa kai Jutia koya, sa ra sa tagicakia vata na domodra me raujia ni rua na auwa ka qolouvakia, "Sa levu liga o Taiana na nodra kalou na kai Efeso."³⁵Ia ni sa tarovi ira na le levu na vunivola ni koro, sa tukunia, "Ikodou na kai Efeso, o cei na tamata sa reva ni kila ni sa vatau i na le ni koro o Efeso na bure kalou ni kalouyalewa levu o Taiana, vata ki na matakau sa lutu sobu mai vi Jupita? ³⁶Ia ni sa reva ni vajijiqataki rawa na vika ke, sa dodonu mo dou jiko vamalua, ka kua ni vayacoya vailoa e dua na ka. ³⁷Ni dou sa yadji ira mai vanua ke na tamata ke, ka ra sa reva ni daubutako mai na vale ni soro, se vosavacacatakia na noda kalouyalewa.³⁸Ia ke sa via beitakia e dua o Timitirio, vata ki ira na matai ra sa nonai to, me caka na vilewai, ni sa jiko na turaga ni lewa. Me ra qai vibeitaki. ³⁹Ia ke sa dua tani na ka dou sa tarogia ena lewai i na dua na soqoni me va na vunau. ⁴⁰Ni na beitaki beka vi kita na mawe, i na vuku ni ka sa yaco ni kua, ka ni da sa reva ni tukunia rawa e dua na ka e vavuna na soqoni vata ni kua." Ia ni sa vosa oji vake, sa qai vasukai ira nai soqosoqo.

20¹Ia ni sa oji na mawe, sa kacivi ira ra sa lotu vata o Paula, sa tatau ka qai tani yani vake i Masitonia. ²Ni sa qai vi ira oji na vivanua ke o koya, ka vavulici ira valevu, sa qai sara i Kirisi. ³Sa jiko mada kinia me vula tolu, ra sa bukia kena vere o ira na Jiu, ni sa varau soko i Siria, sa nakijia o koya me qai i Masitonia i na nona lesu voki.⁴Ratou sa qai vata ki koya i Esia o Sopatero na kai Peria; o Arisitako vata ki Sekudu, o rau na kai Cesalonaika; o Keio na kai Tapi, vata ki Timoci, ki Tirofimo rau na kai Esia. ⁵O ratou ke ratou sa qai iliu ka waraki kitou mai Tiroa. ⁶Ia ni sa oji mada na gauna ni kana madrai reva ni valeveni, sa qai soko tani i Filipai ka bogi lima kitou sa qai yaco mai Tiroa. Kitou sa jiko kinia me vitu na siga.⁷Ia i nai matai ni siga ni wiki, ni sa soqoni vata o ira sa lotu me ra dovi madrai, sa vunau vi ira o Paula. Ni sa varau me qai i na savulaci, sa vunau jiko ka yacovia ni sa lomaloma ni bogi levu. ⁸Sa levu na cina i nai taba loma ni vale icolo, kimamu sa soqoni vata kinia.⁹Sa dua na cauravou na yacana o Utiko, sa voleka i na darava icolo, sa moce lutu sara. Ia ni sa vunau vadede o Paula, sa bi na nona moce, sa lutu sobu mai na katolu ni taba loma ni vale, ia ni sa laveji icolo sa mate tu. ¹⁰Sa qai sobu o Paula, sa davo i delana, ka mokolakia. Sa tukunia, "Dou kua ni kidro, ni sa jiko vua na yalona."¹¹Ni sa qai voki icolo o koya sa dovia na madra ka kana. A ra sa vivosaki vadede ka yacovia ni sa kida na savulaci, sa qai yani o koya. ¹²Ra sa yadjia mai na cauravou ni sa bula ka sa vacegui valevu.¹³Kitou sa liu yani ka vodokia na waqa ka soko i Aso, ni kitou sa nanumia me kitou vavodoki Paula kinia. Sa vake na nona lewa, ni sa via taubale o koya. ¹⁴Ia ni kitou sa sota vata mai Aso, kitou sa vavodokia ka yaco i Mitilini.¹⁵Ni kitou sa soko tani yani i vanua ke, ka yaco me donui Kio . I na siga taravia kitou sa bogi dua mai Samo, ka bogi dua voki kitou sa yaco i Milito. ¹⁶Ni sa lewa oji o Paula me soko baleji Efeso, ka me kua ni jiko vadede mai Esia; ni sa variri, ke rawa vua, me jiko mada mai Jerusalemi ka yaco na siga ni Penitiko.¹⁷Mai Milito sa talai eso na turaga i Efeso, me qai vi ira na nodra matua nai soqosoqo le ni lotu. ¹⁸Ni ra sa yaco vua, sa tukunia vi ira o koya, "Dou sa kila na noqui valavala, i na visiga keceliga, au ma jiko kinia ki ikodou, me vatekivu i nai matai ni siga au ma qai mai kinia i Esia. ¹⁹Au sa qaravia na Turaga i na yalo e malumalumu sara, ka levu na waini ni mataqu, vata na dauvere sa yaco vi au ni ra sa bukia na kequ vere o ira na Jiu. ²⁰Au ma reva ni rava meu kua ni tukunia e dua na ka sa yaga vi ikodou, au vavulici ikodou, ni dou sa soqoni vata i na vivale vokiliga, ²¹niu ma varojia jiko vi ira na Jiu vata vi ira vokiliga na kai vimatanitu tani, na vivutuni vua na Kalou vata na vabaujia na noda Turaga o Jisu Karisito.²²Ka raicia, au sa qai i Jerusalemi ka ni sa uqeji au na yaloqu, niu sa reva ni kila se cava na yaco kinia vi au, ²³ke liga ni sa vatakila vi au na Yalo Tabu i na vikoro keceliga ka tukunia sa waraki au nai vesu vata ki na rarwa. ²⁴Ia au sa reva sara ni nanumakia na noqu bula me ka talei vi au ka me'u vaojia liga na noqu cakacaka vata nai tavi sa solia mai vi au na Turaga o Jisu, meu vatakila nai tukutuku-vinaka ni loloma ni Kalou.²⁵Ka raicia, au sa kila dou na reva ni raicia voki na mataqu, o ikodou keceliga au ma qai vata i na kemudou maliwai ka vunautakia na matanitu. ²⁶O koya liga au sa vadjinadjina kinia vi ikodou i na siga ni kua, niu sa reva ni cala i na vukuna e dua sa cudruvi. ²⁷Niu sa reva ni rava ni tukunia vi ikodou na loma ni Kalou taucoko.²⁸O koya liga mo dou varaici ikodou vata ki ira keceliga na qele-ni-sipi sa lesi ikodou kinia na Yalo Tabu mo dou nodrai vatawa. Mo dou vakania nai soqosoqo le ni lotu ni Kalou, o ira sa volia o koya i na nona dra liga. ²⁹Niu sa kila ke, niu sa qai tani i vanua ke, na qai curu mai vi ikodou eso na woliva ca sara, ka ra na reva ni lomani ira na qele-ni-sipi. ³⁰Ena tubu vokiliga icolo eso na tamata vi ikodou ka ra na vosatakia na ka e vivacalai, me mari ira kinia ra sa lotu me ra muri ira.³¹O koya mo dou qai vatawa ka nanumakia ni sa tolu na yabaki au reva ni cegu kinia na vunauci ikodou keceliga i na siga vata na bogi ka vawai jiko na mataqu. ³²O ikodou na viwekani, au sa qai tataunaki ikodou vua na Kalou vata ki na vosa ni nona loloma o koya sa rawa me vakatataki ikodou ka solia vi ikodou mo dou i votavota vata ki ira keceliga sa vasavasavataki.³³Au sa reva ni kocovia na siliva, se na koula, se nai curucuru ni tamata e dua. ³⁴Dou sa kila vokiliga ni sa daucakacaka na liga ke me so na ka e yaga vi au, vata ki ratou vokiliga ratou sa jiko vi au. ³⁵I na ka keceliga au sa vatakila vi ikodou, ni sa kilikili mo dou daucakacaka vake mo dou vukei ira sa malumalumu, mo dou nanumakia vokiliga na vosa ni Turaga o Jisu, ni sa tukunia o koya, "Sa ka ni vivakalougatataki valevu me soli ka, ka valailai liga me tauria na ka."'³⁶Ia ni sa vosa oji va gona o koya, sa tekiduru ka masu vata ki ira vayadualiga. ³⁷Ara sa tagi kece saraliga, ka mokoji Paula ka reguci koya. ³⁸Sa rarawa valevu na lomadra i na vuku ni vosa sa tukunia o koya, ni ra sa reva ni raici koya voki. A ra sa qai vitalatala vua i waqa.

21¹Ni kitou sa daini ira ka kitou sa varewa ka mua yani vadodonu i Kosa, i na siga taravia i Roti, ia mai vaka i na koro o Patara. ²Ni kitou sa raicia e dua na waqa sa soko yani i Finiasi, kitou sa vodokia ka soko yani.³Ni kitou sa raici Kipiro, kitou sa soko balejia na yasa i mawi ni waqa, ka kitou sa soko i Siria ka kele yani i Taia, ni sa sobu kinia nai usana ni waqa. ⁴Ia ni kitou sa raici ira sa lotu, kitou sa jiko kinia me vitu na siga. Ni sa vavuna na Yalo Tabu, ra sa tukunia vi Paula me kua ni qai voki o koya i Jerusalemi.⁵Ni kitou sa vaojia na visiga kinia, kitou sa qai cavu tu ka qai yani, sa vitalatala vi kitou o ira keceliga vata ki ira na wajidra vata ki ira na luvedra. Kitou sa yaco mada i nai bili ni koro, kitou sa qai tekiduru i matasawa, ka masu, ⁶ia kitou sa vitataunaki vataki kitou. Kitou sa vodo i waqa, a ra sa suka voki i nodra vivale.⁷Ni kitou sa soko mai Taia, kitou sa yaco i Toleme. Sa kitou vikidavaki vata ki ira na viwekani ka jiko vata ki ira me dua na siga. ⁸I na siga taravia kitou sa qai vata ki Paula ka yaco i Sisaria. Kitou sa curu i na vale ni Filipi, nai vavuvuli, o koya sa dua vi ira na le vitu, ka kitou sa jiko vata ki koya. ⁹Sa le va na luvena goneyalewa, ratou sa dauparofisai.¹⁰Ia ni kitou sa jiko me vica na bogi mai kinia, sa qai sobu mai Jutia e dua na parofita o Akapo na yacana. ¹¹Nii sa curu mai vi kitou o koya, sa tauria nai beleji ni Paula. Sa vesukia na ligana vata na yavana ka tukunia, "Sa vake na vosa ni Yalo Tabu, 'Ara na vesukia vake na kai Jutia mai Jerusalemi nai taukei ni beleji, a ra na solia i na ligadra ra sa reva ni lotu.'"¹²Ni kitou sa rogocia na vika ke, o kitou vata ki ira vokiliga nai taukei, kitou ma vamasuji koya me kua ni qai cake i Jerusalemi. ¹³Sa qai tukunia o Paula, "Na cava dou sa vayacoya, ni dou sa tagi ka vamosia na lomaqu? Niu sa reva ni varau meu vesu laliga, meu mate vokiliga mai Jerusalemi i na vuku ni yaca ni Turaga o Jisu. ¹⁴Ia ni sece ni varogocia o koya, kitou sa galu liga ka tukunia, "Me yaco liga na nona lewa na Turaga."¹⁵Ia ni sa oji na visiga gona, kitou sa vasosolo na nitou i yaya ka qai cake i Jerusalemi. ¹⁶Eso vokiliga ra sa lotu mai Sisaria, ra sa qai vata ki kitou. A ra sa yadjia e dua sa lotu makawa o Nasoni, na kai Kipiro, me kitou moce i nona vale.¹⁷Ni kitou sa yaco i Jerusalemi, ra sa vacegui kitou i ina reki o ira na viwekani. ¹⁸Ni siga taravia sa qai vata ki kitou o Paula vata ki Jemesa, a ra sa jiko kinia o ira keceliga na matua. ¹⁹Ni sa vikidavaki vata ki ira o koya, ra sa qai tukunia yadudua na vika sa caka na Kalou i na kedra maliwa na vimatanitu i na nona vunau jiko.²⁰Ni ra sa rogocia, ra sa vavinavinaka vua na Kalou, ra sa tukunia vua, "Ikodou na wekai kitou, o sa raicia, ra sa le vica na udolu na Jiu ra sa vabaujia. A ra sa gumatua keceliga me ra muria na vunau. ²¹Ia ka so sa tukuni iko vi ira, ni o sa vavulici ira keceliga na Jiu, ra sa jiko i na kedra maliwa na kai vimatanitu tani, ka me ra daini Mosese, ni o sa tukunia me ra kua ni cilivi ira na gone, se muria nai valavala makawa.²²Na cava beka me da caka? Ni ra na rogocia djina ni o sa yaco mai. ²³O koya mo dou qai vayacoya na ka ke kitou sa tukunia vi iko. E le va na tamata sa jiko vata ki kitou, ratou sa bubului. ²⁴Mo yadji ratou ka vasavasavataki iko vata ki iratou, ka volia na nodratou i madrali, me ratou tasia na uludratou. Me ra kila keceliga kinia ni sa reva ni djina ka keceliga o sa tukuni kinia vi ira. A ra na vulicia vokiliga ni o sa muria vokiliga na vunau i na nomui valavala.²⁵Ia i na vukudra na kai vimatanitu tani ra sa vabaujia, da sa vola oji kinia ka lewa, me ra maroroi ira liga mai na ka sa cabo ina vimatakau, mai na dra vokiliga, vata na ka sa kuna, vata na daudara." ²⁶Sa qai yadji ratou na tamata o Paula, ia ni sa vasavasavataki koya vata ki iratou i na savulaci. Sa curu i na vale ni soro, me tukunia na siga ena oji kinia na vasavasavataki ka me cabori nai madrali i na vukudratou yadua.²⁷Ni sa varau oji na vitu na siga, ni ra sa raici koya i na vale ni soro o ira na Jiu mai Esia, ra sa vauqeji ira na tamata keceliga ka tauri koya. ²⁸A ra sa qoqolou, "Ikodou na Isireli, dou vivuke mai. O koya ke na tamata sa dauvavulici ira na tamata kece, i na vivanua keceliga, me ra caji ira na kai noda vata na vunau, i vanua ke. Sa yadjia vokiliga eso ra sa kai matanitu tani i na vale ni soro, ka sa vadukadukalitakia na jikina tabu ke." ²⁹Ni ra ma raicia iliu ni ra ma jiko vata i na koro o Timofilo na kai Efeso, a ra sa nanumakia sa yadji o Paula i na vale ni soro.³⁰A ra sa mawe keceliga na le ni koro, a ra sa cici vata o ira na tamata ka tauri Paula. A ra sa yaratakia mai na vale ni soro, i tuba ka sogojia sara na darava. ³¹Ia ni ra sa saga me ra vamatei koya, sa yaco vua na turaga levu ni mata sojia nai tukutuku, ni sa mawe o Jerusalemi taucoko.³²Sa yadjia sara o koya eso na sojia vata so na turaga lalai, ka cici sobu vi ira. Ia ni ra sa raicia na turaga levu vata ki ira na sojia, ra sa cegu na vaculaki Paula. ³³Sa qai toso voleka na turaga levu ka tauri koya, sa tukunia me vesu i na sinucodo. Sa tarogia se o cei o koya vata ka cava vokiliga sa vayacoya.³⁴A ra sa dui kacivakia na ka tani o ira na le levu. Ia ni sa reva ni kila o koya na kena djina i na vuku ni mawe, sa qai tukunia me yadji o Paula i na bure ni valu. ³⁵Ia ni sa yaco o koya i nai kabakaba, sa yaco ni ra sa vibiliyaki koya o ira na sojia balejia na nodrai valavala kaukauwa na le levu. ³⁶Ni sa le levu na tamata ra sa muria, ka qolouvakia, "Yadji koya tani!"³⁷Ni sa tuberi jiko o Paula i na bure ni valu, sa tukunia o koya vua na turaga ni valu, "E tara meu vosa mada vi ikodou?" Sa qai tukunia o koya, "O sa kila na vosa va-Kirisi? ³⁸O sa reva beka ni o koya na kai Ijipita o koya ka vere i na gauna sa oji ka yadji ira i vikau e le va na udolu na Daulaba?"³⁹Sa qai tukunia o Paula, "O au na Jiu, na kai Tarisu mai Sisilia. Sa reva ni koro kaisi na noqu koro. Ia au sa masuji ikodou mo dou daini au mada meu vosa vi ira na tamata." ⁴⁰Ia ni sa vatara o koya, sa tucake o Paula i nai kabakaba ka vatabataba vi ira na tamata. Ia ni ra sa jiko lo sara, sa vosa vi ira o koya i na vosa va-Iperiu. Sa tukunia,

22¹"Ikodou na viwekani vata ki ikodou na matua, dou varorogo mai niu sa tukuni au vi ikodou." ²Ia ni ra sa rogocia sa vosa o koya vi ira i na vosa va-Iperiu, ra sa jiko lo sara. Sa tukunia o koya,³"O au djina na Jiu, au ma sucu mai Tarisu mai Sisilia, ia au ma susugi i na koro ke ka sa vatavulici au vadodonu o Kamalieli me va na nodra vunau na matua. Ia au ma gumatua i na vuku ni Kalou, me vataki ikodou keceliga i na siga ni kua. ⁴Ia au ma vacacani ira na Lotu vake me ra mate, ia au ma vesuki ira ka daini ira i vale ni vivesu eso na tagane vata eso na yalewa, ⁵sa noqui vadjinadjina na bete levu vata ki ira keceliga na matua. Au ma tauria na nodrai vola vi ira na viwekani ka qai i Tamasiko, meu yadji ira ra sa jiko kinia i Jerusalemi ni ra sa vesuki,me ra cudruvi.⁶Sa yaco niu sa qai yani ka volekaji Tamasiko, ni sa siga levu tutu, sa dua na rarama levu sa cila vasauri mai lomalagi ka vavolivoliji au. ⁷Au sa bale sobu i na qele ka rogocia e dua na vosa sa tukunia vi au, 'I Saula, I Saula, o sa vacacani au i na vuku ni cava?' ⁸Au sa qai tarogia, 'O cei beka o Ikonu, Turaga?' Sa tukunia vi au o koya, 'Oi au o Jisu na kai Nasareci, o koya o sa vacacania.'⁹A ra sa raicia djina na rarama o ira sa qai vata ki au, a ra sa reva ni rogocia na vosa ni koya sa vosa mai vi au. ¹⁰Au sa qai tarogia, 'Na cava meu vayacoya, noqu Turaga?' Sa tukunia mai vi au na Turaga, 'Cavu tu, ka qai i Tamasiko. Ia ena tukuni kinia vi iko na ka keceliga sa lesi vi iko mo vayacoya.' ¹¹Ia niu sa reva ni rai rawa i na vuku ni kena remoremo na rarama gona, ra sa tuberi au o ira sa qai vata ki au, au sa yaco kinia i Tamasiko.¹²Sa dua na tamata o Ananaiasa na yacana, sa tamata lotu djina me va na vunau vata sa rogo vinaka vi ira keceliga na Jiu ra sa jiko mai kiinia. ¹³Sa qai mai vi au, sa tu ka tukuni vi au, 'Na wekaqu Saula, mo rai vinaka.' Ia i na jiki ni siga gona, au sa raici koya.¹⁴Sa tukunia o koya, 'Sa djigitaki iko na nodra Kalou na noda matua, mo kila na lomana, ka raici Koya na Yalododonu, ka rogocia na vosa ni gusuna.' ¹⁵Ni ko na dautukuni koya vi ira na tamata keceliga i na ka o sa raicia ka rogocia. ¹⁶O sa qai vaberabera voki i na vuku ni cava? Tucake, mo papitaisotaki, ka savajia tani na nomui valavala ca, ni o sa masujia na yaca ni Turaga.'¹⁷Ni oji na noqu lesu voki mai Jerusalemi, niu sa masu jiko i na vale ni soro, au sa raicia na raivotu. ¹⁸Au sa raici koya ni sa tukunia vi au, 'Kusa mo qai tani vatotolo i Jerusalemi, ni ra sa reva ni vabaujia na nomui tukutuku baleji au.'¹⁹Au sa qai tukunia, 'Ikonu na Turaga, ra sa kila niu ma daini ira i na vale ni vivesu ra sa vabauji ikonu ka vakanakuitaki ira i na vale ni lotu keceliga. ²⁰Ni sa vadavei na dra ni Sitiveni o koya ma dautukuni ikonu, au ma tu voleka vokiliga kinia, ka vinakatakia na nona mate, ka maroroya na nodrai curucuru ra sa vamatea.' ²¹Sa qai tukunia vi au o koya, 'Qai tani yani, niu na talai iko vayawa vi ira na kai vimatanitu tani.'"²²Ra sa qai rogoci koya ka yacovia mada na vosa ke. A ra sa qai tabalakia icolo na domodra ka tukunia, "Me yadji tani i vuravura na tamata sa vake, ni sa reva ni dodonu me bula." ²³Ni ra sa qoqolou, ka vidaiyakia na nodrai curucuru, ka viritakia na kuvu ni qele i na cagi, ²⁴sa tukunia na turaga levu ni valu me ra yadji koya i na bure ni valu. Sa tukunia me tarogi ni sa vakanakuitataki, me kila o koya se cava ra sa qolouvaki koya kinia va gona.²⁵Ni ra sa vesukia jiko na wa, sa tarogia o Paula vua na turaga sa tu kinia, "E tara beka vi ikodou mo dou vakanakuitatakia na kai Roma, ni se bera mada ni vilewai?" ²⁶Ni sa rogocia na turaga gona, sa qai tukunia vua na turaga levu ni valu ka tukunia, "Mo lewai iko vinaka i na ka o na varau vayacoya? Ni sa kai Roma na tamata ke."²⁷Sa qai mai na turaga levu ni valu ka tukunia vua, "Tukunia mai vi au, se o sa kai Roma se reva?" Sa tukunia o koya, "Io." ²⁸Sa qai tukunia na turaga levu ni valu, "Sa ka levu nai lavo au sa volia kinia meu lewe ni vanua gona. Sa tukunia o Paula, "Au sa sucu mai kinia." ²⁹Ara sa qai tani sara o ira sa lesi me ra tarogi koya. Sa rava vokiliga na turaga levu ni valu ni sa kila ni kai Roma o koya, i na vuku ni nona vesuki koya.³⁰Ia i na savulaci, ni sa via kila o koya na kena djina ni ka ra sa beitaki koya kinia o ira na Jiu. Sa serekia na kenai vesu ka tukunia vi ira na bete levu vata kina nodra matavilewai keceliga me ra qai mai. Sa qai yadji Paula sobu ka vaturia i matadra.

23¹Sa varaici ira matua na matavilewai o Paula ka tukunia, "Ikodou na viwekani, au sa muria jiko ka yacovia na siga ke na ka au sa nanumakia sa dodonu i na mata ni Kalou." ²Sa tukunia o Ananaiasa na bete levu vi ira sa tu voleka vua me ra tavia na gusuna. ³Sa qai tukunia vua o Paula, "Ena tavi iko na Kalou, o iko na lalaga sa boro vulavula. O sa jiko beka me va na vunau, ia dou sa tukunia vi au meu tavi, i na ka sa reva ni vana vunau?"⁴Sa qai tarogia o ira sa tu voleka, "O sa vosavacacatakia beka na bete levu ni Kalou?" ⁵Sa qai tukunia o Paula, "Au sa reva ni kila, ikodou na viwekani, ni sa bete levu o koya. Ni sa volai, 'Mo kua ni vosavacacataki koya sa lewai ira na kai nomu."'⁶Ni sa raicia o Paula ni sai tokani ni Setoki eso vi ira, ka so voki ra Farisi, sa kaci o koya i na matadra na matavilewai, " Ikodou na viwekani, au na Farisi, na luve ni Farisi. I na vuku niu sa vadjinajia ni na tucake voki na mate au na tarogi kinia." ⁷Ni sa vosa oji vake o koya, sa tubu na vileji vi ira na Farisi vata ki ira nai tokani ni Setoki, sa tawase rua kinia na le levu. ⁸Ni sa dautukunia o ira nai tokani ni Setoki sa reva na tucake voki mai na mate, se agilosi, se yalo, sa dautukunia o ira na Farisi, sa djina ruarua.⁹Sa levu na qoqolou, sa qai tucake o ira na vunivola ra nodrai tokani na Farisi, ra sa viba, ka tukunia, "Kitou sa reva ni raicia e dua na ka ca vua na tamata ke. Ia ka vacava ke sa vosa vua e dua na agilosi se na yalo?" ¹⁰Ni sa qai tubu na vileji levu, sa rava na turaga levu ni valu de ra basuraki Paula, sa vosa vi ira na sojia me ra qai sobu me ra kalirakia mai vakaukauwa vi ira, ka me ra yadjia i na bure ni valu.¹¹I na bogi taravia sa tu voleka vua o koya na Turaga ka tukunia, "Mo vacegu liga Paula, ni sa kilikili mo tukuni au mai Roma vokiliga, me va o sa tukuni au i Jerusalemi."¹²Ni sa siga mai, sa bukia vere eso vi ira na Jiu, ka ra sa vivadreji i na bubului, ka tukunia me ra kua ni kana se somi me rawa mada na nodra vamatei Paula. ¹³A ra sa le vasagavulu vacaca ra sa bukia na vere gona.¹⁴A ra sa qai mai vi ira na bete levu vata ki ira na matua ka tukunia, "Kitou sa vivadreji i na bubului levu me kitou kua ni kania e dua na ka me rawa mada na nitou vamatei Paula. ¹⁵Ia, o ikodou vata ki ira vokiliga na matavilewai, me yadji koya sobu mai vi ikodou me va dou sa via tarogia vadodonu i na vukuna. Ia o kitou, ni sebera ni yaco o koya, kitou sa varau tu me vamatea."¹⁶Sa rogocia na vere ke na luvena-tagane na ganei Paula, sa qai ka curu i na bure ni valu ka tukunia vi Paula. ¹⁷Sa qai kacivia e dua vi ira na turaga ni valu o Paula ka tukunia, "Yadjia na cauravou ke vua na turaga levu ni valu, sa dua na ka sa tu vua me tukunia vi koya."¹⁸Sa qai yadjia me rau qai vua na turaga levu ni valu, sa tukunia vua, "Sa kacivi au o Paula na tamata sa vesu tu, ka tukunia meu yadjia mai vi iko na cauravou ke. Ni sa dua na ka sa tu vua me tukunia vi iko." ¹⁹Sa qai tauria na ligana na turaga levu ni valu ka rau sa qai vajikijiki vataki rau, sa tarogia, "Na cava beka na ka sa tu vi iko o sa via tukunia vi au?"²⁰Sa qai tukunia o koya, "Sa ra lomavata o ira na Jiu me ra vamasuji iko mo yadji Paula sobu ni vulaci vi ira i na matavilewai, me va o sa via tarogia vadodonu eso na ka i na vukuna. ²¹Ia mo kua ni varogocia na nodra vamamasu, ni ra sa le vasagavulu vacaca ra sa lawavakia. Ra sa vivadreji vataki ira i na bubului me ra kua ni kana se somi me ra vamatei koya mada iliu. A ra sa qai varau tu, ra sa warakia liga mo vadonuya vi ira."²²Sa qai vacala na caravou na turaga levu ni valu me qai yani, sa varojia, "Mo kua ni tukunia vua e dua ni o sa mai vatakila vi au na ka ke." ²³Sa kacivi rau e le rua na turaga ni valu o koya, ka tukunia, "Varautakia na sojia e le rua na drau, vata na tamata e le vitusagavulu ra vodo ose, vata ki ira na tamata e le rua na drau sa vaiyaragi i na moto, me ra qai i Sisaria. Me ra qai i Sisaria i nai katolu ni bogi." ²⁴Me varautaki vokiliga eso na ose me vodo kinia o Paula me yadji vavinaka i Sisaria vi Filikesa na kovana.²⁵Sa vola nai vola o koya ka vake: ²⁶"Oi au o Kilotiu Laisiasa vua na turaga vinaka sara o Filikesa, sa loloma. ²⁷Na tamata ke ra ma tauria na Jiu, a ra voleka ni ra vamatea; ia au sa qai yadji ira na sojia ka vabulai koya, niu sa kila sa kai Roma o koya.²⁸Ia niu sa via kila se cava ra sa beitaki koya kinia, au sa yadjia i na nodra matavilewai. ²⁹Au sa raicia ni sa beitaki o koya i na ka eso e vilejitaki i na nodra vunau, ia ka reva na ka sa beitaki vua sa dodonu me mate kinia se me vesu. ³⁰Ia ni sa tukuni mai vi au ra sa lawavaki koya o ira na Jiu, au sa variri meu vatala yani vi iko, au sa vosa vokiliga vi ira ra beitakia me ra tukunia i matamu na vika sa beitaki kinia o koya. Sa loloma."³¹Sa qai yadji Paula o ira na sojia, me va sa varoji vi ira. A ra sa yadjia i na bogi i Adipatiri. ³²I na savulaci, ra sa daini ira sa vodo ose me ra qai vata ki koya, a ra sa lesu voki i na bure ni valu. ³³Ia ni sa yaco i Sisaria o ira ke, ra sa solia nai vola vua na turaga ka varaitaki Paula vokiliga vua.³⁴Ni sa wilikia oji na turaga, sa tarogia se o cei na nona vanua. Ni sa qai kila sa kai Sisilia, ³⁵sa tukunia, "Au na rogoci iko ni ra sa yaco mai o ira ra sa beitaki iko." Sa varojia me vatawai i na vale ni vilewai ni Eroti.

24¹Sa oji e lima na siga, sa qai sobu o Ananaiasa na bete levu vata ki ira na matua, ka dua na tamata sa vuku i na vosa o Teritulu. Ara sa beitaki Paula vua na turaga. ²Ni sa kacivi mai o koya sa tekivu o Teritulu me beitakia ka tukunia, "Kitou sa vacegu valevu i na vukumunu, sa yaco me vinaka na matanitu ke i na nomunu lewa vavuku; ³ka kitou sa vavinavinaka kinia i na visiga keceliga vata na vivanua keceliga; I Filikesa vaturaga sara, ni kitou sa rekitakia.⁴Ia de balavu la liga vi konu na noqu vosa, au masuji konu mo nu yalovinaka mo nu rogoci kitou mada valailai. ⁵Ni kitou sa raicia e dua na tamata ke e dauvivacalai ka dau vatubu ca o koya vi ira keceliga na Jiu i vuravura. Sa liu vi ira nai tokani ni Nasareci. ⁶Sa saga me vacacania vokiliga na vale ni soro, ka kitou sa vesuki koya ka via lewai koya me va na nitou vunau.⁷Ia o Laisiasa na turaga levu ni valu sa qai vakaukauwa mai ka kaliraki koya mai na ligai kitou. ⁸Sa vosa vi ira ra sa beitaki koya me ra qai mai vi konu." ⁹Ia ni konu sa tarogi koya ka konu na kila rawa na ka keceliga kitou sa beitakia vua.¹⁰Ia ni sa deguvacu na turaga vi Paula me vosa, sa qai tukunia o koya, "Niu sa kila sa levu na yabaki konu sa turaga ni lewa kinia i na vanua ke, au sa vinakatakia valevu meu tukuni au. ¹¹Ko nu sa kila sa qai oji laliga e jinikarua na bogi niu ma qai cake kinia i Jerusalemi meu lotu. ¹²A ra sa reva ni raici au ni kirau sa vileji vata e dua na i na vale ni soro, se niu sa vatubu ca vi ira na le levu, e reva i na vale ni lotu, se i na koro. ¹³A ra sa reva vokiliga ni vatakila rawa ni sa djina na vika ra sa beitaki au kinia.¹⁴Ia na ke au sa vatusa vi konu, nai valavala ra sa vatoka mei vavuvuli vatani, au sa lotu kinia vua na nodra Kalou na noqu matua, ka vadjinajia na ka keceliga sa volai i na vunau vata ki ira na parofita. ¹⁵Au sa vanuinui vua na Kalou, ni na tucake voki o ira na mate, o ira na yalododonu vata ki ira na reva ni yalododonu, o koya ra sa nuitakia vokiliga o ira. ¹⁶Ia na ka ke au sa gumatua kinia me kua ni na dua na siga me cala kinia na lewa-ni-lomaqu vua na Kalou se vi ira na tamata.¹⁷Ni sa oji e levu na yabaki au sa qai mai meu yadjia na ka-ni-loloma i na noqu vanua vata ki nai madrali eso. ¹⁸Ia ka so, na Jiu mai Esia ra sa raici au niu sa vasavasavataki i na vale ni soro, kitou sa reva ni le levu se kitou mawe. ¹⁹E dodonu vokiliga me ra mai tu i matamunu i vanua ke ka tukunia ke ra sa kila e dua na ka ca vi au.²⁰Se me ra tukunia o ira ke, ke ra sa raicia e dua na ka ca vi au niu sa tu i na matadra na matavilewai, ²¹i na vuku liga ni vosa e dua liga sa vake, niu sa tu i na kedra maliwa ka kaci, 'I na vuku ni nodra tucake voki mai na mate dou sa qai tarogi au kinia i na siga ni kua."'²²Ia ni sa rogocia na vika ke o Filikesa, sa kila vinaka na Lotu, sa vasukai ira ka sa tukunia, "Ni sa qai sobu mai Jerusalemi o Laisiasa na turaga levu ni valu, au na qai lewa na ka dou sa vilejitakia." ²³Sa vosa o koya vua e dua na turaga ni valu me vatawai Paula, me dainia liga me qai wavoki ka me kua ni tarovia e dua na wekana me qaravi koya se qai mai vua.²⁴Ni sa oji e vica na siga, sa qai mai o Filikesa vata na wajina o Tarusila, na yalewa ni Jutia, ka sa talaki me qai mai o Paula ka sa varogoci koya ni sa vosatakia na vabauji Karisito Jisu. ²⁵Ia ni sa vunautakia jiko o koya nai valavala dodonu, nai valavala malua, vata na na vilewai sa bera mai, sa sautaninini o Filikesa ka tukunia, "Qai mada ni kua. Ia niu sa galala i na dua na gauna, au na kacivi iko mai."²⁶Sa nuitakia voliliga ni na soli lavo vua o Paula, o koya ke sa talai vua me rau vivosaki vata ki koya. ²⁷Ni sa oji e rua na yabaki, sa qai mai o Porisiu Fesito mei sosomi ki Filikesa, ka ni sa vinakatakia o Filikesa me vayalovinakataki ira na Jiu vua, sa daini Paula me vesu tu liga.

25¹Ni sa tadu i vanua o Fesito, ni sa oji e tolu na siga, sa qai cavu tu i Sisaria me qai cake i Jerusalemi. ²Sa qai beitaki Paula vua o ira na bete levu vata ki ira na nodra turaga na Jiu, a ra vamasujia - ³ka kerekere vua me lomani ira i na vukuna, me tokitakia me qai mai i Jerusalemi o koya, a ra sa lawakia me ra vamatea i na tolo ni sala.⁴Ia sa tukuniao Fesito ni sa vatawai jiko mai Sisaria o Paula, sa varau me qai yani kinia o koya. ⁵Sa tukunia, "Ikodou na turaga, me da qai sobu vata, ia ke dua na ca sa tu vua na tamata ke, mo dou qai beitaki koya kinia."⁶Sa jiko vata liga ki ira o koya ka bogi walu se bogi jini sa qai sobu i Sisaria, i na siga taravia sa jiko o koya i nai jikojiko ni vilewai, a sa tukunia me yadji mai o Paula. ⁷Ni sa yaco mai o koya, ra sa tu wavokijia o ira na Jiu ra sa qai sobu mai Jerusalemi, ra sa beitaki Paula i na ka ca sara e levu, ia ra sa reva ni vadjinadjinatakia rawa. ⁸Ia sa tukuni koya o Paula, "Au sa reva ni vayacoya e dua na ka ca i na nodra vunau na Jiu se i na vale ni soro se vi Sisa."⁹Ni sa vinakatakia o Fesito me vayalovinakataki ira na Jiu, sa vosa vi Paula ka tukunia, "O sa vinakatakia mo qai cake i Jerusalemi ka mo lewai kinia i mataqu i na vika ke se reva?" ¹⁰Sa qai tukunia o Paula, "Au sa tu i na mata ni jikojiko ni vilewai ni Sisa na jikina e dodonu meu lewai kinia. Au ma reva ni vayacoya e dua na ka ca vi ira na Jiu, ke o sa kila vinaka sara.¹¹Keu sa tamata i valavala ca, seu vayacoya e dua na ka e dodonu meu mate kinia, au sa reva ni bese ni mate. Ia ke reva na vika ke ra sa beitaki au kinia, sa reva e dua e rawa me soli vi au ira. Au sa cavuji Sisa me lewai au." ¹²Ia o Fesito ni sa vivosaki oji vata ki ira na matavilewai, sa tukunia, "O sa cavuji Sisa. Ia o na yadji vi Sisa!"¹³Sa oji e vica na siga, rau sa qai mai o Akaripa na tui vata ki Perinaise i Sisaria me rau vikidavaki vi Fesito. ¹⁴Ia ni rau sa bogi vica kinia, sa tukuni Paula o Fesito vi koya na tui; ka tukunia, "Sa dua na tamata sa vesu tu, o koya sa dainia tu o Filikesa. ¹⁵Niu ma jiko mai Jerusalemi, ra sa beitaki koya o ira na bete levu vata ki ira na nodra matua na Jiu, ra sa tukunia meu lewai koya me cudruvi. ¹⁶Au sa qai tukunia vi ira, e reva ni nodrai valavala na kai Roma me solia liga e dua na tamata me vamatei, ni sebera ni virai mada ki ira sa beitaki koya, me rawa vokiliga na nona tukuni koya i na vuku ni ka ca sa beitaki vua.¹⁷Ia ni ra sa yaco mai vanua ke, au sa reva ni vaberabera, i na siga taravia au sa jiko i nai jikojiko ni vilewai ka tukunia me yadji mai na tamata ke. ¹⁸Ia ni ra sa tucake o ira ra sa beitaki ra sa reva ni beitaki koya i na ka ca me va na ka au ma nanumakia. ¹⁹Ia ka so liga na ka sa vilejitaki vata ki koya i na nodra lotu vata ki na dua na tamat o Jisu o koya sa mate ia sa tukunia o Paula ni sa bula jiko o koya. ²⁰Ia niu sa kila sa reva ni kila vinaka meu lewa na vika ke, au sa tarogia se via qai cake i Jerusalemi o koya ka me lewai kinia i na vika ke se reva.²¹Ia ni sa kerekere o Paula me jiko mada me lewai koya o Akusitio, au sa qai tukunia me vatawai jiko ka malua meu vatalai koya yani vi Sisa." ²²Sa qai tukunia vi Fesito o Akaripa, "O au vokiliga au sa via rogocia na tamata ke." "Vulaci," sa tukunia o Fesito, "o na rogoci koya."²³I na siga taravia, ni rau sa qai mai o Akaripa vata ki Perinaise rau sa ukucavu mai, a rau curu i na vale ni vitarogi vata ki ira vata na turaga levu ni valu vata ki ira na turaga ni koro. Ia ni sa varojia o Fesito, sa yadji mai o Paula. ²⁴Sa tukunia o Fesito, "Ikonu Akaripa na tui, vata ki ikodou keceliga na tamata sa jiko ki kitou i vanua ke, dou sa raicia na tamata ke; i na vuku i koya ra sa cikevi au o ira na Jiu e le levu mai Jerusalemi, i vanua ke vokiliga, ka ra sa tukunia e reva ni dodonu me bula o koya.²⁵Ia niu sa raicia sa reva ni caka o koya e dua na ka ca sa dodonu me mate kinia; sa cavuji Akusito o koya me lewai koya, au sa qai lewa meu vatalai koya kinia i Roma. ²⁶Ia ka reva na ka e macala meu volai koya kinia vua na noqu turaga. O koya liga ke au sa yadjia mai kinia i na matamudou, ia ka vaidjina vi ikonu, Akaripa na tui, me tarogi mada me macala kinia na ka meu vola. ²⁷Ni sa rarai vi au me ka lialia me tala e dua sa vesu ka reva ni vatakila vokiliga na ka ca sa beitaki vua."

26¹Sa qai tukunia vi Paula o Akaripa, "Sa qai tara mo vatusai iko mai." Sa qai dodokia na ligana o Paula ka tukuni koya. ²"Au sa nanumakia niu sa kalougata, vi Ikonu Akaripa na tui, niu na tukuni au ni kua i matamunu i na vuku ni ka keceliga ra sa beitaki au kinia na Jiu, ³ia ni konu sa kila keceliga na nodrai valavala na Jiu vata na vika ra sa dauvilejitakia. O koya gona, au sa masuji ikonu kinia mo nu vosojia mada liga mo nu rogoci au.⁴Na noqui valavala niu ma gone ka yacovia na siga ke niu ma jiko vata ki ira na kai noqu mai Jerusalemi. ⁵Ra sa kila keceliga na Jiu mai liu, o ira ra sa kilai au iliu, ke ra sa via tukunia mai, niu sai valavala va-Farisi me vataki ira ra sa daumuria vatamailalai sara na noda lotu.⁶Au sa qai tu vokiliga meu lewai i na vuku ni ka au sa vanuinuitakia na vosa ni yalayala ka solia na Kalou vi ira na nimamu matua. ⁷Sai koya na ka ke ra sa vakasama me ra rawa o ira na nimamu yavusa e jinikarua, ra dau soro vagumatua i na siga vata na bogi, ia i na vuku ni nuinui ke, i Akaripa na tui, ra sa beitaki au kinia o ira na Jiu. ⁸E vacava dou sa nanumakia beka ni sa ka e dauvivajijiqataki, me vaturi ira cake voki na mate na Kalou?"⁹O au vokiliga, au ma nanumakia i lomaqu ni sa dodonu meu vimecaki i na ka e levu vata ki na yaca i Jisu na kai Nasareci. ¹⁰Ia na ka vokiliga ke au ma vayacoya mai Jerusalemi. A ra le levu ra sa lotu au ma sogoji ira i na vale ni vivesu, ni ra sa lesi au kinia na bete levu; ia ni ra sa vamatei, au sa tukunia me vakinia. ¹¹Ia au ma cudruvi ira valevu i na vivale ni lotu keceliga ka vasaurarataki ira me ra dainia na lotu. Ia niu sa cudru valevu sara vi ira, au sa vacaca vokiliga i na vikoro tani.¹²Ia niu ma qai jiko kinia i Tamasiko ni ra ma lesi au ka talai au na bete levu; ¹³ni sa siga levu toka liga, na tui, au sa raicia e dua na rarama mai lomalagi, sa uasivia na kena remoremo na mata ni siga, sa cila vavolivoliji au vata ki ira keceliga ra qai vata ki au. ¹⁴Ia ni kitou sa bale keceliga i na qele, au sa rogocia e dua na domo sa vosa vi au i na vosa va-Iperiu, ka tukunia, 'I Saula, I Saula, o sa vacacani au i na vuku ni cava? E ca vi iko mo caqejia na mata ni moto.'¹⁵Au sa qai tukunia, 'O cei o Ikonu, Turaga?' Sa tukunia na Turaga, 'O au o Jisu, o koya o sa vacacania. ¹⁶Mo tucake liga; ka tu i yavamu; niu sa rairai vi iko i na vuku ni ka ke, meu lesi iko mo italatala vata ki na dautukutuku vokiliga i na vika o sa raici au kinia, vata ki na vika au na rairai kinia vi iko; ¹⁷niu na vabulai iko mai vi ira na Isireli vata ki ira na kai vimatanitu tani, o ira au sa qai talai iko kinia, ¹⁸mo qai basukia na matadra, ka me ra saumaki mai na butobuto i na rarama vata mai na kaukauwa vokiliga ni Setani ki vua na Kalou, me ra kua ni cudruvi i nai valavala ca ka me ra itaukei vata vokiliga imuri vata ki ira ra sa yalosavasava ni ra sa vabauji au.'¹⁹Ia ni sa oji ke, i Akaripa, na tui, au sa reva ni talaimama i na raivotu valomalagi; ²⁰au sa tukunia mada iliu vi ira mai Tamasiko, vata i Jerusalemi, vata i na yasayasa kece va-Jutia, vi ira vokiliga na kai vimatanitu tani, me ra vivutuni ka saumaki mai vua na Kalou, ka vayacoya nai valavala e kilikili vata na vivutuni. ²¹O koya gona, ra sa tauri au kinia na Jiu i na vale ni soro ka saga me ra vamatei au.²²Ia sa vukei au na Kalou meu bula kinia ka yacovia na siga ke, ia au sa tukunia jiko vi ira ra lalai vata ki ira vokiliga ra sa cecere ni sa reva na ka tani au sa tukunia koya liga ra ma tukunia, na parofita vata ki Mosese ni na yaco mai, ²³ni na mate na Karisito , ni na kedrai matai ra na tucake voki mai na mate ka na vatakila na rarama vi ira na tamata na Isireli, vi ira vokiliga na kai vimatanitu tani."²⁴Ia ni sa tukuni koya jiko vake o koya, sa vosa i na domo levu o Fesito, "I Paula, o sa lialia; sa valialia iko na nomu vuku." ²⁵Sa tukunia o koya, "I Fesito, vaturaga sara, au sa reva ni lialia, au sa cavujia liga na vosa djina ka vuku. ²⁶Ni sa kila na vika ke na tui; ia au sa vosa doudou kinia vua, niu sa kila sa reva ni vuni vi koya e dua na ka; ni sa reva ni caka na ka i na dua na yasana vuni.²⁷I Akaripa na tui, o nu sa vadjinaji ira na parofita se reva? Au sa kila konu sa vadjinajia liga." ²⁸Sa qai tukunia vi Paula o Akaripa, "Sa vo va lailai mo rawai au meu lotu va-Karisito?" ²⁹Sa qai tukunia o Paula, Au sa masu vua na Kalou, e reva i na vukumu duadualiga, i na vukudra kece vokiliga ra sa rogoci au ni kua, se me vo valailai se me kua liga ni vo, mo udo vataki au, ia me kua liga i na sinucodo ke"³⁰Sa qai tucake na tui, vata na kovana, vata ki Perinaise, vata ki ira ra sa jiko vata ki ratou; ³¹ia ni ra sa qai vajikijiki tani, ra sa vivosaki vataki ira ka tukunia, "Na tamata ke sa reva ni vayacoya e dua na ka sa dodonu me mate kinia se me vesu." ³²Sa qai tukunia vi Fesito o Akaripa, "Na tamata ke sa reva ni cavuji Sisa me lewai koya, sa dodonu liga me sereki."

27¹Ia ni sa lewai oji me kitou soko i Itali, ra sa soli Paula ka so voki na tamata sa vesu vua e dua na turaga ni mata sojia ni Akusitio, na yacana o Juliase.

²Ni kimamu sa vodo i na dua na waqa mai Atiramitio ka kimamu sa varewa ka nakijia me kimamu soko ravijia na baravi ki Esia. Sa dua na kai Masitonia mai Cesalonaika o Arisitako, sa qai vata ki kimamu.³Ia i na siga taravia kimamu sa yaco i Saitoni, sa lomavinaka vi Paula o Juliase, sa sereki koya me qai vi ira na wekana me vacegui kinia. ⁴Kimamu sa qai soko tani yani i vanua ke, ka soko raviji Kipiro, ni sa draki ca. ⁵Ia kimamu sa soko i na wasawasa i Sisilia, vata ki Pamifilia, ka yaco sara i Maira mai Lisia. ⁶Sa raicia kinia na turaga ni valu e dua na waqa ni Alekisadria sa soko i Itali. Sa vavodoki kimamu kinia.⁷Ia ni kimamu sa soko vamalua me vica na bogi, sa mama ni kimamu donui Nito ni sa tarogi kimamu na cagi, ka kimamu sa soko raviji Kiriti ka donui Salimoni. ⁸Sa vo valailai me mama ni sivia, na nimamu soko muria na baravi, ka yaco i na dua na vanua na yacana na Toba Vinaka, sa voleka kinia e dua na koro o Lasea.⁹Ia ni sa qai bogi vica, sa mani mama na soko ka ni sa qai oji na gauna ni Lolo. Sa qai vasalataki ira o Paula, ¹⁰ka tukunia, "Ikonu na turaga, au sa kila na levu na ka e ca vata na ka eda na dainia i na soko ke, ena reva ni ca laliga nai usana vata na waqa, o kita vokiliga." ¹¹Ia na turaga ni valu sa vabauji rau na turaga ni waqa vata ki na i taukei ka saga na vika sa tukunia o Paula.¹²Ia ni sa reva ni vinakatakia na toba gona me kele kinia i na vula i liliwa, ra sa le levu vi ira sa lewa me ra soko yani ni ra sa nanumakia de sa rawa i Finaisi, me ra kele kinia i na vula i liliwa, koya na toba i Kiriti sa donuya na ceva ira vata i na tokalau vokiliga. ¹³Ni sa qai liwa vamalua na ceva, ra sa vakasama ni ra sa rawa na ka ra ma nakijia ra sa cavui kelekele ka soko raviji Kiriti.¹⁴Sa reva ni dede mada sa qai laba na cava levu, na yacana o Urokilitoni. ¹⁵Ia ni sa cagina na laca ni waqa ka reva kinia ni tau rawa i na mata ni cagi, kimamu sa dainia liga me savu yani. ¹⁶Sa savu kinia ka volekajia e dua na yanuyanu na yacana o Kilota, sa vo lailai sara me kimamu reva ni rawa na velovelo.¹⁷Ia ni ra sa varewatakia cake mai vake, ra sa caka na vatukutuku, a ra sa vatukutukutakia kinia na waqa. ia ni ra sa rava de ra kasa i na nuku, ra sa serekia na gacagaca ka savu yani. ¹⁸Ia ni kimamu sa suaigelegele valevu sara i na cava, i na savulaci ra dainia nai usana.¹⁹I na katolu ni bogi, kimamu sa dainia na ligai kimamu na gacagaca ni waqa. ²⁰Ni sa qai vica na bogi sa reva ni rairai na mata-ni-siga se na vikalokalo, sa laba na cava levu, sa yali sara vi kimamu na nuitakia na bula.²¹Ia ni sa dede na nodra reva ni kana, sa tucake o Paula i na kedra maliwa ka tukunia, "Ikonu na turaga, sa dodonu mo nu varogoci au iliu, me da ma se kua ni cavui kelekekel mai Kiriti, me kua ni yaco kinia na vacalaka vata na rarawa. ²²Ia ke au sa masuji kemunu mo nu kua ni yalolailai ni na reva ni dua vi kemunu na yali na nona bula, na ca liga na waqa.²³Ni sa voleka vi au i na bogi e dua na agilosi ni Kalou, o koya au sa nona, o koya vokiliga au sa qaravia ²⁴sa tukunia, 'Kua ni rere, Paula. O na yadji liga vi Sisa, ka raicia, sa soli ira keceliga vi iko na Kalou o ira dou sa soko vata. ²⁵O koya gona, ikonu na turaga! Mo nu vacegu niu sa vadjinajia na Kalou ni na yaco liga me va sa tukuni mai vi au. ²⁶Ia sa da na dai liga i na dua na yanuyanu."²⁷Ia ni sa yaco mai nai kajinikava ni bogi, ni kitou sa visavuyaki jiko i na wasawasa o Atiria, ni sa lomaloma ni bogi ra sa nanumakia na le ni waqa ra sa volekajia e dua na vanua. ²⁸Ra sa varautakia na wai, ra sa kila sa katu ruasagavulu ia ni ra sa savu yani valailai sa varautakia voki na wai, ra sa kila sa katujinikalima. ²⁹Ni ra sa rava de kimamu kasa i na vivatu, ra sa dainia nai kelekele e va mai na mua ni turaga ka ra sa vinakatakia tu me siga na vanua.³⁰Ni ra sa varau me ra tuba tani i na waqa o ira na kai mua, ni ra sa tukucia na velolevo i wai, me va ra sa caka me dainia nai kelekekel mai na mua iliu. ³¹Sa tukunia o Paula vua na turaga ni valu, vi ira vokiliga na sojia, "Ke ra sa na reva ni jiko liga i na waqa, o ira ke, kemunu na reva ni bula rawa." ³²Ra sa qai seledrujia nai nona velovelo o ira na sojia, ra sa vacala me ciri yani.³³Ia ni sa voleka mai na siga, sa cikevi ira keceliga o Paula me ra kana. Sa tukunia, "Ke na kenai kajinikava ni bogi kemunu sa wawa liga ka lolo ka reva ni kania e dua na ka. ³⁴O koya gona, au sa masuji kemunu mada, ena yaga mo nu bula kinia. Ni sa reva e dua vi kimamu ena lutu mai e dua na drau ni ululuna. ³⁵Ia ni sa vosa oji vake sa tauria na madrai sa vavinavinakatakia vua na Kalou i na matadra keceliga. Ia ni sa dovia sa vatekivu me kana.³⁶A ra sa qai vacegui keceliga ka ra kana vokiliga o ira. ³⁷Ia o kimamu keceliga sa jiko i waqa kimamu sa le rua na drau ka vitusagavulu ka ono. ³⁸Ia ni ra sa kana oji ka kuva, ra sa vamamadatakia na waqa ka dainia na sila i wai.³⁹Ni sa siga mai, ra sa reva ni kila na vanua, a ra sa raicia e dua na toba sa vamatasawa, a ra sa bosea me ra vakasa kinia na waqa ke rawa. ⁴⁰Ia ni ra sa drujia tani nai kelekele ni waqa ra sa dainia tu i wai. A ra sa serekia nai nona ni uli ka varewa na laca levu i na cagi ka soko vake i vanua. ⁴¹A ra sa ciri i na yasana sa sota vata kinia e rua na drodro, a ra sa vakasa na waqa, a sa coba sara na mua iliu, ka reva ni yavala rawa ni sa kasere na mua turaga i na kaukauwa ni ua.⁴²A ra sa bose o ira na sojia me ra vamatei o ira na tamata ra sa vesu tu de ra qalo bula eso ka tuba. ⁴³Ia sa vinakatakia na turaga ni valu me vabulai Paula, sa tarovi ira kinia mai na ka ra sa nanumakia; sa tukunia me rika iliu o ira sa qalo rawa me ra liu i vanua. ⁴⁴Ia o ira na kena vo, eso i na rara eso, ka so i na ka tani ni waqa. Sa vake ,ara sa cabe bula keceliga i vanua.

28¹Ia ni kimamu sa cabe bula , kimamu sa qai kila sa yaca ni yanuyani gona o Melita. ²A ra sa lomani kimamu valevu o ira nai taukei, ni ra sa vawaqa nai binibini buka, ra sa yadji kimamu yadua i vale i na vuku ni uca sa qai tau vata na liliwa.³Ni sa caka mai e dua nai vaubuka o Paula, sa qai tuva i na buka sa waqa tu, sa dolo mai na katakata e dua na gata, sa vivigia na ligana. ⁴Ia ni ra sa raicia o ira nai taukei, ni sa lili i ligana na gata, ra sa vitukuniyakia vataki ira, "E djina sa tamata daulaba ke, ia ni sa cabe bula mai na waitui, sa reva ni daini koya o Saumia me bula."⁵Sa qai kureitakia na gata i na bukawaqa o koya ka sa reva ni ca kinia. ⁶Ia ra sa qai nanumakia ni na vuce mai o koya se bale sobu vasauri ka ciba. Ia ni ra sa warakia vadede ka reva ni raicia e dua na ka ca sa yaco vua, sa qai visau na lomadra ka ra tukunia sa dua na kalou o koya.⁷Ia sa jiko i na yasana gona eso na jiki ni vanua sa nona na turaga ni yanuyanu o Pupiliu na yacana. Sa vacegui kitou o koya ka vakani kitou vinaka me siga tolu. ⁸Ia ni sa tauvi-mate na tamai Pupiliu, sa katakata ka veka dra. Sa curu vua o Paula ka masu ka sa tabakia i na ligana ka vabula. ⁹Ia ni sa caka ke, sa qai mai o ira vokiliga ra sa tauvi-mate i na yanuyanu ka ra sa vabulai. ¹⁰Sa levu na ka ra sa varokorokotaki kitou kinia. Ia ni kitou sa varau soko tani, ra sa yadjia i waqa na vika e yaga vi kitou.¹¹Sa oji e tolu na vula kimamu sa soko i na dua na waqa i Alekisadria, sa kele i na yanuyanu gona i na vula i liliwa, na kena matakau na "Drua tagane." ¹²Kimamu sa sobu i Sairakuse, ka jiko kinia me tolu na siga.¹³Ia kimamu sa qai tani vanua ke ka yaco i Rijio. Ni sa oji e bogi dua, sa qai liwa na ceva ka kimamu sa yaco i na rua na siga i Putioli. ¹⁴Ia kitou sa raicia kinia na viwekani eso, ra sa masuji kitou me kitou jiko liga ka bogi vitu. Kitou sa qai yaco i Roma. ¹⁵A ra sa rogocia mai kinia na kitou i tukutuku o ira na viwekani ka sa qai mai i na Rara ni Apio vata Na Bure e Tolu, me ra mai tavaki kitou. Ia ni sa raici ira o Paula, sa vavinavinaka vua na Kalou ka sa doudou mai.¹⁶Ia kimamu sa curu i Roma, sa dai o Paula me jiko duadualiga vata ki na dua na sojia sa vatawai koya. ¹⁷Ia sa oji e bogi tolu, sa qai vasoqoni ira vata na nodra turaga na Jiu o koya. Ia ni ra sa soqoni vata mai, sa tukunia o koya vi ira, "Ikodou na viwekani, au sa reva ni caka e dua na ka ca vi ira na kai noda se i na nodrai valavala na noda matua, ia au ma vesuki liga ka soli yani i na ligadra na kai Roma mai Jerusalemi. ¹⁸O ira, ni ra sa lewai au, ra sa vinakatakia me ra sereki au, ni sa reva na ka vi au meu mate kinia.¹⁹Ni ra sa tukunia o ira na Jiu me kua ni uqeji au ina lomaqu, meu cavuji Sisa, me lewai au; e reva ni dua na ka meu beitaki ira kinia na kai noqu. ²⁰O koya gona au sa vasoqoni ikodou vata kinia, mo dou raici au ka vosa kinia vi au niu sa vesu i na sinucodo ke i na vuku ni nodrai nuinui na Isireli."²¹A ra sa tukunia vua, "Sa reva ni dua mai Jutia sa volai iko vi kitou, sa reva vokiliga ni dua vi ira na viwekani sa qai mai sa vatakila se tukunia e dua na ka ca i na vukumu. ²²Ia kitou sa via rogoci iko se cava o sa nanumia, ni kitou sa kila sa vosavacacataki na lotu tani ke i na vivanua keceliga."²³Ra sa lokucia vua e dua na siga, ra le levu sa qai mai i na nona vale. Sa serekia vi ira o koya ka tukunia na matanitu ni Kalou. Sa vadjinadjinataki Jisu vi ira mai na vunau ni Mosese vata ki na parofita sa vatekivu i na savulaci ka yacovia na raiyavi. ²⁴Ia sa vadjinajia o ira eso na vika sa vosatakia, ka so sa reva ni vadjinajia.²⁵²⁶Ni ra sa reva ni lomavata vataki ira, ra sa qai tani ni sa vosatakia oji o Paula e dua na vosa: "Sa vosa djina na Yalo Tabu ni sa tukunia o Aisea na parofita vi ira na nomudou matua. Ka tukunia, 'Qai vi ira na tamata gona, ka tukunia, "Dou na rogocia jikoliga, ka lecavia tu; ia dou na dauraicia jikoliga ka reva ni raicia. ka dou na reva ni kila.²⁷Ni sa uro mai na lomadra na tamata ke, sa djidjivara na daligadra, sa bobo na matadra. De dua na siga na rai na matadra, ka rogo na daligadra, ka kila na lomadra, a ra na qai saumaki mai, ia au na vabulai ira."'²⁸²⁹O koya gona mo dou qai kila niu sa bula mai vua na Kalou vi ira na vimatanitu tani, ia ra sa varogocia." Ia ni sa vosatakia oji o koya na vika ke, ra sa qai tani o ira na Jiu, a ra sa vileji valevu vataki ira.³⁰Sa jiko o Paula me yabaki rua taucoko i na vale sa volia jiko o koya, ka sa vacegui ira keceliga ra sa qai vua. ³¹Sa vunautakia na matanitu ni Kalou, sa vatavuvulitakia vadoudou sara na vika baleji Jisu Karisito na Turaga ka sa reva na tamata e tarovia.

Roma

1¹Oi au o Paula, nai talatala i Jisu Karisito, sa kacivi mei apositolo, ka lesi me'u tukunia nai tukutuku-vinaka ni Kalou, ²o koya ma yalatakia iliu o koya ka ra vosatakia na nona parofita i nai Vola Tabu, ³ina vuku ni Luvena o Jisu Karisito na noda Turaga, o koya sa sucu mai na kawa i Tevita me va na yagona;⁴o koya gona ma vatakilai vakaukauwa ina tu cake voki mai na mate, ni ma Luve ni Kalou, me va na yalona savasava: ⁵o koya kitou ma rawajia vokiliga kinia na loloma vata ki na cakacaka vaiapositolo, me ra vabaujia ka talairawarawa kinia o ira na lewe ni vivanua keceliga, ina vuku ni yacana: ⁶dou ma kacivi oji va vokiliga kinia oi ikodou mo dou nei Jisu Karisito:⁷Vi ikodou keceliga sa jiko mai Roma, oi ikodou sa daulomania na Kalou, oi ikodou ma kacivi me yalosavasava: Me nomudou na loloma vata ki na vacegu mai vua na Kalou na Tamada vata ki Jisu Karisito na Turaga.⁸Me'u vatekivu, o Jisu Karisito au ma vavinavinakatakia kinia vua na noqu Kalou ina vukumudou keceliga, ni ma tukunia e vuravura taucoko na nomudou vabaujia. ⁹Ni ma noqu i vadjinadjina na Kalou, o koya au ma qaravia ina vu ni yaloqu i nai tukutuku-vinaka ni Luvena, ni'u ma reva ni mudu ni cavuji ikodou ina visiga ina noqu masu; ¹⁰ni'u ma daumasu, me dua na gauna me'u kalougata kinia ina lewa ni Kalou me'u yaco yani vi ikodou.¹¹Ni'u ma gadrevia valevu me'u raici ikodou, me'u solia vi ikodou nai solisoli vayalo eso, mo dou vataudeitakia kinia; ¹²me da dui vacegui ina vuku ni nomudou vabaujia vata ki na noqu vokiliga.¹³Ia, oi ikodou na viwekani, au ma reva ni vinakajia mo dou nanulevajia, ni'u sa nakijia valevu me'u qai yani vi ikodou, (ia au sa tarovia liga ka yacovia na siga ke,) me dua na noqu yaga ina ikodou maliwa, me va vokiliga ina kodra maliwa na vimatanitu tani. ¹⁴ma dodonu beka liga vi au me'u sai talatala vi ira na kai Kirisi, vi ira vokiliga na lewe ni vivanua la liga; vi ira na vuku, vi ira vokiliga era sa reva ni vuku. ¹⁵A sa vakinia, me va au sa rawajia me yaloqu sara me'u vunautakia nai tukutuku-vinaka vi ikodou vokiliga mai Roma.¹⁶Ni'u ma reva ni maduatakia nai tukutuku-vinaka ki Karisito: ni sai koya ke na kaukauwa ni Kalou me vabulai kinia o ira yadua era sa vabaujia: sa liu vi ira na Jiu, vi ira vokiliga sa matanitu tani. ¹⁷Ni sa vatakilai kinia, ni sa vadonui ira na Kalou ina vabaujia me ra sa vabaujia: me va na ka sa volai, Ena bula ina vabauja o koya sa yalododonu.¹⁸Ni sa vatakilai mai lomalagi na cudru ni Kalou vata ki na nodra i valavala ca keceliga vata ki na nodra reva ni dodonu na tamata, era sa tarovia nai vavuvuli djina i nai valavala reva ni dodonu; ¹⁹ni sa rairai ina kodra maliwa na ka ni Kalou sa kilai rawa; ni sa varaitakia vi ira na Kalou:²⁰ni ma raici kinia na vika ni Kalou e vuni tu, io, na nona kaukauwa reva ni mudu vata ki na nona tu Vakalou, ni sa kilai oji ina vika sa buli, mai na gauna sa buli kinia o vuravura; o koya ke ma reva kinia na nodra ulubale. ²¹Io, ni ra sa kila jiko na Kalou, era sa reva ni varokorokotakia me va sa Kalou, se vavinavinakatakia; ia sa lialia mai na nodra nanumia, a sa butobuto mai na yalodra sa sesewa vokiliga.²²Ni ra ma tukunia jiko era sa vuku, era sa lialia mai; ²³a ra sa vaisosomitakia na serau ni Kalou sa reva ni mate rawa, ina matakau me va na tamata sa ra mate la liga, vata ki na manumanu vuka, vata ki na manumanu e yavai va, vata ki na vika sa qasi voli.²⁴O koya sa daini ira kinia na Kalou me ra qeleqelewa ina dodomo ni yalodra, me ra vavelavelatakia kinia na yagodra vai ira: ²⁵ia era sa vaisosomitakia nai vavuvuli djina ni Kalou, ina ka e lasu la liga, a ra sa soro kinia ka qaravia na ka sa buli ka reva o koya sa bulia, o koya sa nona na varokoroko ka reva ni mudu. Emeni.²⁶O koya sa daini ira kinia na Kalou me ra muria na dodomo vasisila; ni ra sa vaisosomitaka ko ira na nodra yalewa nai valavala sa lesi ina dua tani e reva ni lesi: ²⁷sa va vokiliga kinia o ira na tagane, ni ra sa dainia nai valavala sa lesi vata ki na yalewa, sa waqa na nodra vidomoni vai ira: a ra sa caka o ira na tagane na ka velavela sara liga vata ki ira na tagane, ma yaco kinia vi ira nai sau dodonu ni nodra caka cala.²⁸Ia ni ra sa reva ni vinakatakia me ra kila jiko na Kalou, sa daini ira na Kalou me ra lomavatani, me ra caka na vika e reva ni kilikili ki ira;²⁹me ra sinai ina ka keceliga e ca, ina yaloca, ina daukocokoco, ina dauvivacacani; me ra sinai ina vuvu, ina laba, ina veileti, ina dauvivakaisini, ina yalocudrucudru; me ra dauvasolokakana, ³⁰me ra daukakase, me ra daucajia na Kalou, me ra vosalevu, me ra viavialevu, me ra daudokai ira, me ra dauvavunia na ca, me ra dautalaidredre kivi ira na nodra qase, ³¹me ra reva ni yalomatua, me ra yalayala ka seseni vokiliga, ka ra sa caca viwekani, era reva ni yalololoma:³²ia ni ra sa kila jiko na lewa ni Kalou, ni sa dodonu me mate o ira era sa caka na vika vake, era sa reva ni caka la liga o ira, era sa dauvinakaji ira vokiliga era sa daucaka.

2¹O koya ke sa reva kinia na nomu ulubale, o iko na tamata yadua sa daulewa: ni o sa beitaki iko i na nomu lewa na tani; ni o sai valavala iko vakinia o iko sa daulewa. ²Ia ita sa kila sa djina na lewa ni Kalou vi ira era sa caka na vika vake.³Ia o iko na tamata, sa lewai ira era sa caka na vika vake, ka sai valavala vakinia, o sa nanumia beka o na dro rawa mai na lewa ni Kalou? ⁴se o sa beca beka na nona loloma levu vata ki na nona vosojia vadede, vata ki na nona cudru vamalua; ka o sa reva ni vakasama ni sa tuberi iko ki na vivutuni na loloma ni Kalou?⁵Ia o iko, me va na nomu yalokaukauwa vata ki na lomamu sa reva ni vivutuni, o sa binia jikoliga vi iko na cudru ki na siga ni cudruvi, ina varaitakia kinia na lewa dodonu ni Kalou; ⁶o koya ena saumia na tamata yadua me va na nonai valavala: ⁷na bula reva ni mudu, vi ira era sa gumatua jiko i nai valavala vinaka ka vasaqara nai ukuuku vata ki na varokoroko vata ki na reva ni mate rawa:⁸ia na cudru vata ki na lesavi vi ira era sa dauvileti, ka talaidredre ki nai vavuvuli djina, ia ka talairawarawa ki nai vavuvuli reva ni dodonu; ⁹na rarawa vata ki na yaluma, vi ira na tamata keceliga sai valavala ca jiko, sa liu vua na Jiu, vi koya vokiliga sa matanitu tani;¹⁰ia nai ukuuku, vata ki na vakarokoroko, vata ki na vacegu, vi ira keceliga sai valavala vinaka, sa liu vua na Jiu, vi koya vokiliga sa matanitu tani. ¹¹Ni sa reva ni vinakaji ira vailoa na tamata na Kalou: ¹²ni na rusa me va sa reva na vunau o ira keceliga sai valavala ca ka reva vi ira na vunau: ia ena lewai i na vunau o ira keceliga sai valavala ca ka sa tu vi ira na vunau,¹³ni ra ma reva ni dodonu i na mata ni Kalou o ira era sa rogocia laliga na vunau, o ira liga era sa muria na vunau era na vadonui: ¹⁴ni ra sa caka vai ira liga na ka ni vunau o ira na vimatanitu tani, sa reva vi ira na vunau, era sa qai nodra vunau vai ira liga, ia sa djina sa reva vi ira na vunau:¹⁵o ira era sa vatakila sara ni sa volai i na yalodra nai valavala ni vunau, ka ni sa vadjinadjina jiko na nodra lewa-eloma vokiliga, ka ra sa dui lewa ni sa cala, se sa dodonu na nodra i valavala ¹⁶i na siga ena lesi Jisu Karisito kinia na Kalou me lewa na nodra vika e vuni tu na tamata, me va na noqu i tukutuku-vinaka.¹⁷Ia kevaka o sa vatokai mo Jiu, ka o sa vararavi i na vunau, ka sa dokadokai iko i na vuku ni Kalou, ¹⁸ka o sa kila na lomana, ka vinakajia na vika sa vinaka sara, ni o sa vatavulici mai na vunau; ¹⁹o sa vararavi vokiliga vi iko mo tuberi ira na mataboko, mo nodra rarama era sa jiko i na butobuto, ²⁰mo nodra i vavuvuli era sa sesewa, mo nodra i vavuvuli na gone lalai, ni sa nomu i na vunau nai vatakarakara ni vuku djina;²¹ia o iko, ko sa dauvatavulicia na tani, o sa reva li ni vatavulici iko? o iko, o sa dauvunau me kakua na butako, o sa bau butako o iko? ²²o iko, ko sa dautukunia me kakua na dauyalewa, o sa bau dauyalewa o iko? o iko, o sa daucajia na vimatakau, o sa bau butako mai na valenisoro?²³o iko, o sa dokadokai iko i na vuku ni vunau, o sa bau valialiai koya na Kalou ni o sa talaidredre ki na vunau ko ya? ²⁴Ni sa dauvosavacacatakia na yaca ni Kalou vi ira na vimatanitu i na vukumudou, me va sa volai.²⁵Ni sa djina sa yaga na vicili, kevaka o sa talairawarawa ki na vunau: ia kevaka o sa talaidredre ki na vunau, sa yaco kinia na nomu cili me reva ni cili. ²⁶Ia kevaka e dua sa reva ni cili ka sa muria nai valavala dodonu ni vunau, ena reva li ni wili na nona reva ni cili me cili? ²⁷Ia o koya sa reva ni cili vayago, ke sa muria na vunau, ena reva li ni lewai iko, o iko sa talaidredre ki na vunau, ka sa tu vi iko nai vola vata ki na vicili?²⁸Ni sa reva ni Jiu o koya sa vakinia varairai laliga; ia sa reva ni vicili na ka sa rairai laliga i na yago: ²⁹ia sa Jiu o koya sa vakinia eloma; a sa vayalo na vicili, sa ka ni yalo, ka sa reva ni ka ni vosa laliga; o koya sa reva ni doka o ira na tamata, sa doka liga o koya na Kalou.

3¹A cava na ka sa vinaka cake kinia, na Jiu? se cava na betena na vicili? ²E levu i na ka kece; e levu sara, ni sa lesi vi ira me ra maroroya na vosa ni Kalou.³Ia ka vaivei, kevaka sa reva ni vabaujia o ira eso? me vatawayagatakia li na nona djina na Kalou na nodra reva ni vakabaujia? ⁴E reva sara liga: me djina liga na Kalou, ka me seseni na tamata keceliga; me va na ka sa volai, Mo vadonui ni o sa vosa, Ka gumatua ni o sa vileti.⁵Ia kevaka sa vadjinadjinatakia nai valavala dodonu ni Kalou i na nodai valavala reva ni dodonu, a cava me da tukunia? sa reva beka ni dodonu na Kalou, ni sa saumia? (Au sa vosa me va liga na tamata.) ⁶E reva sara liga: kevaka sa vake, ena qai lewai vuravura vaevei na Kalou?⁷Io, kevaka sai koya na noqu seseni sa uasivi cake kinia na nona djina na Kalou, me varokorokotaki o koya, i na cava ka'u sa cudruvi jiko kinia me va na tamata ca? ⁸ia ena reva li ni vaka (ni kitou sa seseni, ka sa kainaki ni kitou sa vosa vaka ne,) Me da caka nai valavala ca, me yaco kinia na ka vinaka? ia o ira ke era na cudruvi vadodonu.⁹Ia ka vaevei? ita sa uasivi cake li? E reva sara liga i na dua na ka: ni kitou sa vadinadinatakia iliu ni ra sa cala keceliga, o ira na Jiu, vata ki ira sa matanitu tani;¹⁰me vaka na ka sa volai, Sa reva e dua sai valavala dodonu, sa reva sara e dua:¹¹Sa reva e dua sa kila, Sa reva e dua sa vasaqara na Kalou. ¹²Era sa lesu tani keceliga, era sa yaco vata me reva ni yaga; Sa reva e dua sai valavala vinaka, sa reva sara liga e dua.¹³Ai bulubulu sa dola tu na nodra i jilojilo; Era sa dauvivakaisini i na gusudra; Sa tu e ruku ni tebe ni gusudra na weli gaga ni gata: ¹⁴Sa sinai na gusudra i na ruru vata ki na vosa daugaga:¹⁵Sa kusarawa na yavadra me vadavea na dra: ¹⁶Sa tu i na nodra sala na rusa vata ki na rarawa: ¹⁷Ia era sa reva ni kila na sala ni vivacegui; ¹⁸Sa reva vi ira na rerevakia na Kalou.¹⁹Ia ita sa kila na ka keceliga sa tukunia na vunau, sa tukunia vi ira sa tu vi ira na vunau; me vagalui kinia na gusudra keceliga, ka me beitaki i na mata ni Kalou na kai vuravura keceliga: ²⁰Ena reva ni vadonui vua e dua na tamata i nai valavala ni vunau: ni sai koya na vunau sa kilai kinia nai valavala ca.²¹Ia ka sa qai vatakilai mai i na gauna ke na ka sa vivadonui kinia na Kalou, ka ni sa reva ni yaco i na vuku ni vunau, ia sa vadjinadjina kinia na vunau vata ki ira na parofita; ²²io, sa caka na vivadonui na Kalou i na vuku ni vabauji Jisu Karisito, vi ira keceliga era sa vabaujia; ni da sa tautauvata keceliga:²³ni sai valavala ca o ira keceliga na tamata, ka ra reva ni yacovia na ka e varokorokotaki kinia na Kalou: ²⁴a ra sa vadonui laliga i na nona loloma ni sa volia na bula o Jisu Karisito:²⁵o koya sa lesia kinia na Kalou mei bulubulu vi ira sa vabaujia, i na nona dra, me vatakila na nonai valavala dodonu ni sa reva ni saumia nai valavala ca sa caka oji, ka ni sa vosojia na Kalou; ²⁶io, me vatakila i na gauna ke na nona yalododonu: me sa dodonu o koya, ka vadonui koya sa vabauji Jisu.²⁷Sa qai evei beka na ka ni vidokadokai? Sa takali sara liga. E na vuku ni vunau cava? na vunau ni cakacaka li? E reva: i na vuku liga ni vunau ni vabaujia. ²⁸O koya kitou sa va sa vadonui na tamata i na vuku ni vabaujia, ia ka reva liga i na vuku ni cakacaka ni vunau.²⁹Sa nodra duadua liga na Jiu o koya na Kalou? sareva beka ni nodra vokiliga na vimatanitu tani? Io, sa nodra vokiliga na vimatanitu tani: ³⁰kevaka sa dua bau liga na Kalou, ka na vadonui ira sa cili, i na vuku ni vabaujia, vata ki ira vokiliga sa reva ni cili, i na nodra vabaujia.³¹Kitou sa qai vatawayagatakia na vunau i na vabaujia, se reva? E reva sara liga: kitou sa vataudeitakia liga na vunau.

4¹A cava me da qai tukunia ni sa rawajia o Eparaama na tamada, i nai valavala vayago? ²Kevaka sa vadonui o Eparaama i na vuku ni cakacaka, sa qai dua na ka vua me dokai koya kinia; ia ka reva liga i na mata ni Kalou. ³A cava e tukunia nai Vola Tabu? Sa vabaujia na Kalou o Eparaama, a sa okaji vua mei valavala dodonu.⁴Ia na kenai sau vua na tamata daucakacaka, sa reva ni okaji me loloma, sa kenai voli liga. ⁵Ia o koya sa reva ni cakacaka, a sa vabauii koya sa vadonuya na tamata i valavala ca, sa okaji vua na nona vabaujia mei valavala dodonu.⁶Sa va vokiliga kinia o Tevita ni sa tukunia na kena kalougata na tamata, sa okajia vua na Kalou nai valavala dodonu, ia ka reva i na vuku ni cakacaka: ⁷Sa kalougata o ira sa bokocia na nodra i valavala ca, A sa bulujia na nodra caka cala: ⁸Sa kalougata na tamata sa reva ni beitakia vua nai valavala ca o Jiova.⁹Era sa kalougata beka vake o ira liga era sa cili, se ra va vokiliga kinia o ira sa reva ni cili? ni da sa tukunia sa okaji vi Eparaama na nona vabaujia mei valavala dodonu. ¹⁰Sa qai okaji beka ni sa vaevei? ni sa cili oji o koya, se ni sa reva ni cili? Sa reva liga ni sa cili oji, ni sa reva liga ni cili.¹¹A sa soli vua na vicili mei vatakilakila, me vadjinadjinatakia ni sa vadonui o koya i na vuku ni nona vabaujia, ni sa reva tu ni cili; me yaco kinia o koya me tamadra keceliga era sa vabaujia, ia ka ra reva ni cili; me okaji vi ira vokiliga nai valavala dodonu: ¹²me tamadra vokiliga era sa cili, vi ira era sa reva ni cili laliga, era sa muria vokiliga nai varau ni vabaujia o ya sa nei Eparaama, na tamada ni sa bera ni cili.¹³Ni sa reva ni yalatakia vi Eparaama, se vi ira na nona kawa, mei taukei ni vuravura, i na vuku ni vunau, i na vuku ga ni vivadonui sa yaco i na vabaujia: ¹⁴ni sa mai vatawayagatakia na vabaujia, ia sa ka la vokiliga na vosa ni yalayala, kevaka sa taukenia o ira era sa muria na vunau: ¹⁵ni sa vavunia na cudruvi na vunau: ni sa reva nai valavala ca, kevaka sa reva na vunau.¹⁶I na vuku ni ka ke sa ka ni vabaujia, me sa rawa kinia me ka ni loloma: me tu dei kinia na vosa ni yalayala vi ira keceliga na kawa; e reva vi koya laliga sa tu vua na vunau, vi koya vokiliga sa tu vua na vabaujia i Eparaama: koya sa tamada keceliga, ¹⁷(me va sa volai, Au sa qisi iko mo tamadra na vivanua e levu,) i na matana sa vabaujia o koya, io, na Kalou, o koya sa vabulai ira voki na mate, a sa kacivia na vika sa reva me va era sa tu:¹⁸ia ni sa reva na ka me nuinui kinia, sa vabaujia o koya, ka vanuinui, me yaco me tamadra na vivanua e levu, me va sa tukuni, Ena vakinia na nomu kawa. ¹⁹Ia ni sa reva ni malumalumu na nona vabaujia, sa reva ni vakasama kinia na kena mate na yagona ka ni sa dua beka na drau na nona yabaki, se na kena mate na kete i Sera:²⁰a sa reva vokiliga ni lomalomarua me reva ni vabaujia na vosa ni yalayala ni Kalou; sa kaukauwa liga na nona vabaujia, a sa varokorokotakia kinia na Kalou; ²¹a sa vadinajia sara, ni sa rawarawa vi koya, me vayacoria na ka sa yalatakia. ²²O koya ke sa okaji kinia vua mei valavala dodonu.²³Ia sa reva i na vukuna duadua liga sa volai kinia ni sa okaji vua; ²⁴i na vukuda vokiliga, ni na okaji va vokiliga kinia vi kita, kevaka eda sa vabauji koya sa vatuira cake voki na noda Turaga o Jisu mai na mate; ²⁵o koya ka soli yani i na vuku ni nodai valavala ca, a sa vaturi cake voki me da vadonui kinia.

5¹O koya ke, ni da sa vadonui i na vabaujia, me da sa qai vivinakaji vata ki na Kalou i na vuku ni noda Turaga o Jisu Karisito: ²i na vukuna vokiliga eda sa torovia rawa kinia, i na vabaujia na loloma ke ita sa qai tu kinia; me da sa marau vokiliga ni da sa nuitakia na vivakalougatataki ni Kalou.³A sa reva ni koya laliga, me da sa dau marau vokiliga i na vuku ni vika rarawa: ni da sa kila sa tubu na dauvosojia mai na ka rarawa; ⁴ia na dauvivatovolei mai na dauvosojia; ia nai nuinui mai na dauvivatovolei. ⁵Ia sa reva na madua i na vuku ni nuinui; ni sa sovarakia ki na yaloda na loloma ni Kalou ni sa soli vi kita na Yalo Tabu.⁶Ni sa mate na Karisito me nodra i sosomi na tamata i valavala ca i na gauna sa lokuci iliu, ni da sa malumalumu jiko. ⁷Ni sa reva beka e dua me mate mei sosomi ni tamata yalododonu: ia ka sa dua beka sa doudou me mate mei sosomi ni tamata dauloloma.⁸Ia na Kalou sa vatakila na nona loloma vi kita, ni sa mate na Karisito me nodai sosomi ni da sa tamata ca. ⁹Ia ni da sa qai vadonui i na vuku ni nona dra, ena qai rawarawa cake me da vabulai mai na cudru i na vukuna.¹⁰Io, kevaka ita sa vivinakaji vata ki na Kalou i na vuku ni nona mate na Luvena, ni da sa vimecaki, ena qai rawarawa cake, ni da sa vivinakaji tu, me da vabulai jiko i na vuku ni nona bula. ¹¹A sa reva ni koya laliga, ia kita sa daureki vokiliga i na Kalou i na vuku ni noda Turaga o Jisu Karisito, o koya kita sa yaco kinia me da vivinakaji tu.¹²Ia me va sa curu ki vuravura nai valavala ca i na vuku ni tamata e lewe dua, vata ki na mate i na vuku ni valavala ca; a sa yaco vakinia na mate ki na tamata keceliga, ni sa cala na tamata keceliga: ¹³Sa tu iliu e vuravura nai valavala ca, sa yaco imuri na vunau: a sa reva ni okaji nai valavala ca ni sa reva na vunau.¹⁴Ia mai na gauna i Atama ka yacovia na gauna i Mosese sa dauvitalia o mate vi ira vokiliga ra sa reva ni valavala ca me va na talaimama i Atama, o koya sa nonai vatakarakara sa qai mai imuri. ¹⁵Ia rau sa reva ni tautauvata sara na talaimama, vata ki nai solisoli laliga. Ia kevaka sa mate na lewe levu i na vuku ni nona talaimama na lewe dua, sa qai rawarawa cake sara me yaco valevu vi ira na lewe levu na loloma ni Kalou, vata ki nai solisoli ni loloma, i na vukuna liga na tamata e le dua, o Jisu Karisito.¹⁶Rau ma reva ni tautauvata na ka sa yaco i na vuku ni nona cala e dua bau, vata ki nai solisoli: ni sa dua bau liga sa yaco kinia na lewa me da cala, ia nai solisoli laliga sa yaco vi ira sa levu na nodra i valavala ca me ra vadonui kinia. ¹⁷Ia kevaka sa gumatua na mate i na vukuna na lewe dua, i na talaimama ni le dua; ena qai rawarawa valevu cake vi ira sa yacovi ira na loloma levu vata ki nai solisoli ni vivadonui, me ra gumatua i na bula i na vukuna na le dua, o Jisu Karisito.¹⁸O koya ke, me va sa lewai me cudruvi na tamata keceliga i na vuku ni dua bau liga na cala; sa va vokiliga kinia i na vuku ni dua bau liga nai valavala dodonu sa rawa me ra vadonui na tamata keceliga me ra bula: ¹⁹ka me va sa vacalai na lewe levu i na nona talaimama e dua bau na tamata, sa vadonui va vokiliga kinia na lewe levu i na vuku ni nona talairawarawa na le dua.²⁰A sa qai kau mai na vunau, me vinaka kinia nai valavala ca. Ia ni sa vinaka mai nai valavala ca sa qai vinaka cake valevu sara na loloma: ²¹me va ni sa gumatua nai valavala ca ki na mate, me gumatua va vokiliga kinia na loloma, i na vadonui, ki na bula reva ni mudu, i na vuku i Jisu Karisito na noda Turaga.

6¹A cava me da qai tukunia? me da sai valavala ca jiko li, me tubu valevu kinia na loloma? ²E reva sara liga. Oi kita sa mate ki nai valavala ca, kita na caka jiko vaivei nai valavala ca? ³Dou sa reva beka ni kila, oi kita kece sa papitaisotaki vi Jisu Karisito, kita sa papitaisotaki vokiliga ki na nona mate?⁴O koya eda sa bulu vata kaya kinia, ni da sa papitaisotaki vokiliga ki na nona mate: me va sa vaturi cake voki mai na mate na Karisito i na kaukauwa ni Tamana, me da sai valavala va vokiliga kinia i na bula vou. ⁵Ia kevaka kita sa duavata me da vataki koya i na nona mate, kita na vataki koya vokiliga i na nona tucake voki mai na mate:⁶ni da sa kila ke, ni rau sa lauvako vata kaya ki na kauveilatai na noda tamata makawa, me takali kinia na yago ni valavala ca, me da reva voki ni bobula ki nai valavala ca. ⁷Ni sa sereki mai nai valavala ca o koya sa mate tu.⁸Ia kevaka eda sa mate vata ki Karisito, kita vadjinajia ni da na bula vata kaya vokiliga: ⁹ni da sa kila ni sa vaturi cake voki mai na mate na Karisito, ena reva ni mate voki; sa reva voki ni rawai koya na mate.¹⁰Ni sa mate o koya, sa mate vadua i na vuku ni valavala ca; ia ni sa qai bula sa bula vokiliga vua na Kalou. ¹¹Mo dou va vokiliga kinia ni dou sa vakasami ikodou mo dou sa mate sara ki nai valavala ca ka bula vua na Kalou i na vuku i Jisu Karisito.¹²O koya me qai reva ni gumatua nai valavala ca i na yagomudou sa mate rawa, mo dou muria na kena gagadre ca. ¹³Reva vokiliga ni solia na vijikimudou ki nai valavala ca me caka kinia na ka ca: dou soli ikodou liga vua na Kalou, me va dou sa bula mai na mate, vata ki na vijikimudou vua na Kalou me caka kinia na ka e dodonu. ¹⁴Ni na reva ni vitaliataki ikodou nai valavala ca: ni dou sa reva voki ni lewai i na vunau, i na loloma liga.¹⁵Ia ka vaivei? me da sai valavala ca jiko li, ni da sa reva ni lewai i na vunau, ka i na loloma liga? E reva sara liga. ¹⁶Dou sa reva beka ni kila, o koya yadua dou sa soli ikodou vua mo dou nona tamata mo dou talairawarawa vua, dou sa nona tamata liga dou sa talairawarawa kinia; se ki na caka cala mo dou mate kinia, se ki na caka dodonu mo dou vadonui kinia?¹⁷Ia me caka na vavinavinaka vua na Kalou, ni dou sa muria, mai na vu ni yalomudou, oi ikodou ka bobula ki nai valavala ca, nai varau ni vavuvuli dou sa vatavulici kinia. ¹⁸Ia ni dou sa qai sereki mai nai valavala ca, dou sa qai qaravia nai valavala dodonu.¹⁹Au ma vosa vatamata liga, ni sa malumalumu na yagomudou: ia me va dou a solia iliu na vijikimudou me ra qaravia na ka dukadukali, vata ki nai valavala ca me levu kinia na ca; mo dou qai solia vakinia na vijikimudou me ra qaravia na ka dodonu me caka kinia na ka savasava. ²⁰Ni dou a bobula jiko ki nai valavala ca, dou a yawa tu ki nai valavala dodonu. ²¹Ia ka cava na vuana dou sa rawajia, i na gauna ko ya, mai na vika dou sa qai madua kinia? ni sa kenai ojioi ni vika gona na mate.²²Ia ni dou sa qai sereki mai nai valavala ca, ka yaco me tamata ni Kalou, dou sa qai rawajia na vuana i nai valavala savasava; vata ki nai ojioji, na bula reva ni mudu. ²³Ni sa kenai sau ni valavala ca na mate: ia sai solisoli laliga ni Kalou na bula reva ni mudu, i na vuku i Jisu Karisito na noda Turaga.

7¹Dou sa reva li ni kila, ikodou na viwekani, (ni'u sa vosa vi ira liga era sa kila na vunau,) ni sa vaucia na tamata na vunau i na visiga ni nona bula?²Ia na yalewa sa vawaji, sa vauci koya na vunau vua na wajina, ni sa bula jiko o koya; ia ke sa mate na wajina; sa qai sereki kinia na yalewa mai na vunau ni viwajini. ³O koya ena vatokai kinia me dautagane, ke sa laki vawaji vata ki na dua na tagane tani, ni sa bula jiko na wajina: ia ke sa mate na wajina, sa qai sereki liga mai na vunau ko ya; ka na reva kinia ni dautagane, ke na laki vawaji voki vata ki na dua na tagane tani.⁴Dou sa vakinia, na viwekani ni dou sa qai sereki mai na vunau i na vuku ni yago i Karisito; me dua tani mo dou viwajini kaya, io ko koya sa vaturi cake voki mai na mate me da vua kinia vua na Kalou. ⁵Ni da sa jiko vayago liga, sa dautubu vakaukauwa i na vijikida na gagadre ca, sa tubu mai na vunau, me vuatakia kinia na mate.⁶Ia kita sa qai sereki mai na vunau, ni da sa qai mate ki na ka sa vauci kita; me da caka na viqaravi i nai tovo vou ni yalo, ka reva e nai tovo makawa ni vunau.⁷A cava me da qai tukunia? Sa ca li na vunau? E reva sara liga. Au ma reva djina ni kila se cava nai valavala ca, ke'u reva ni kila na vunau: ni'u sa reva ni kila se cava na daukocokoco, ke ma reva ni tukunia na vunau, Kakua ni kocokoco. ⁸Ia na ca, ni sa kaukauwa i na vuku ni vunau, sa vatuburia i lomaqu na gagadre ca keceliga. Ni sa mate na ca ni sa reva na vunau.⁹Ia au a bula liga iliu ni sa reva na vunau; ia ni sa qai mai na vosa ni vunau, sa bula voki na ca, au sa qai mate kinia. ¹⁰Ia na vosa ni vunau, o koya sa yaco rawa kinia na bula, au sa raicia sa yaco kinia na mate.¹¹Ni sa kaukauwa na ca, i na vuku ni vosa ni vunau, a sa temaki au kinia, ka vamatei au. ¹²Ia sa savasava na vunau, sa savasava vokiliga nai varo, sa dodonuvokiliga, ka vinaka.¹³Sa qai yaco beka na ka vinaka me ka me'u mate kinia? E reva sara liga. A ca liga, me rairai kinia ni sa ca, sa tauria na ka vinaka me cakaji au kinia me'u mate; me rairai kinia na ca me ca djina sara i na vuku ni vosa ni vunau. ¹⁴Ni da sa kila sa ka vayalo na vunau: ia oi au, au sa vayago laliga, au sa volitaki ki na ca.¹⁵A ka au sa caka jiko, au sa reva ni vinakajia: ia na ka au sa vinakatakia, au sa reva ni caka; ia na ka au sa cajia, au sa caka jiko. ¹⁶Ia ke au sa caka na ka au sa reva ni vinakajia, au sa tukunia kinia ni sa vinaka na vunau.¹⁷A sa reva ni oi au djina sa caka, a ca liga sa jiko vi au. ¹⁸Ni'u sa kila sa reva sara liga ni jiko vi au na noqu i tovo vayago e dua na ka vinaka; ni sa jiko liga vi au na vinakatakia na ka vinaka; ia na kaukauwa me'u caka kinia, au sa reva ni raicia.¹⁹Ia na ka vinaka au sa vinakajia, au sa reva ni caka; ia na ka ca au sa reva ni vinakajia, au sa caka liga. ²⁰Ia ke au sa caka na ka au sa reva ni vinakajia, sa qai reva ni oi au djina ma caka, na ca liga sa jiko vi au. ²¹Ia au sa raicia kinia e dua na vunau, sa jiko kinia vi au na ca ni'u sa via caka na vinaka.²²Ni'u sa vinakajia nai vunau ni Kalou i na lomaqu djina: ²³ia au ma raicia e dua tani na vunau i na vijikiqu, a rau sa vivala kei na vunau sa tu e na lomaqu, a sa vakabobulataki au ki na vunau ni ca, o koya sa tiko e na veitikiqu.²⁴A tamata valoloma oi au! o cei ena sereki au mai na yago ni mate ke? ²⁵Au sa vavinavinaka vua na Kalou i na vuku ni noda Turaga o Jisu Karisito. Ia sa qai vake, au sa qaravia na vunau ni Kalou i na lomaqu djina, ia na vunau ni valavala ca i na noqu i tovo vayago.

8¹O koya ke era sa reva kinia ni lewai me cudruvi o ira era sa tu vata ki Karisito Jisu, era sa reva ni muria jiko nai tovo vayago, era sa muria liga na Yalo Tabu. ²Ni sa sereki au mai na vunau ni ca vata ki na mate, na vunau ni Yalo ni bula vi Karisito Jisu.³Ia ni sa reva ni rawarawa ki na vunau, ni sa malumalumu i na vuku ni tovo vayago, sa qai lewa na Kalou me mate na ca i na yago, ni sa tala na Luvena i nai tovo ni yago sa tu kinia na ca, ka mei soro ni valavala ca: ⁴me da caka rawa kinia nai valavala dodonu ni vunau, ni da sa reva ni muria jiko nai tovo vayago kita sa muria liga na Yalo: ⁵ni ra sa gadrevia na vika vayago o ira era sai tovo vayago; ia na vika vayalo o ira era sai tovo vayalo.⁶Ni sa vu ni mate na gadrevia ni tovo vayago; ia sa vu ni bula vata ki na vacegu na gadrevia ni tovo vayalo. ⁷Ni sa vimecaki nai tovo vayago vata ki na Kalou: ni sa reva ni varogocia na vunau ni Kalou, ia sa mama sara liga me vakinia. ⁸Ia o ira era sai tovo vayago, era sa reva ni caka rawa na ka e vinakatakia vua na Kalou.⁹Ia ma reva ni vakayago na nomudou i tovo, sa vayalo liga, ke sa djina ni jiko i na lomamudou na Yalo ni Kalou. Ia ke sa dua na tamata sa reva ni jiko i lomana na Yalo i Karisito, ma reva ni nona o koya ke. ¹⁰Ia ke sa jiko i na lomamudou na Karisito, sa djina liga sa mate na yago i na vuku ni valavala ca; ia na yalo sa bula i na vuku ni vivadonui.¹¹Ia ke sa jiko vadua i na lomamudou na Yalo i koya ma vaturi Jisu cake voki mai na mate, o koya ma vaturi Karisito voki mai na mate, ena vabula voki na yagomudou sa mate rawa, i na Yalona sa jiko vadua i na lomamudou.¹²O koya, ikodou na viwekani, kita ma reva kinia ni vauci ki nai tovo vayago, me da muria nai tovo vayago: ¹³ni dou na mate ke dou sa muria nai tovo vayago; ia ke sa vivuke vata ki ikodou na Yalo Tabu me vaojia nai valavala vayago, dou na bula kinia.¹⁴Ia o ira liga sa tuberi ira na Yalo ni Kalou era sa luve ni Kalou. ¹⁵Ni dou sa reva ni rawajia voki na yalo ni bobula mo dou rere; ia dou sa rawajia na Yalo Tabu dou sa vabau kinia me gone, o koya kita sa kaci kinia, Apa, Tamada.¹⁶A Yalo ke sa tukunia mai ki na yaloda, ni da sa luve ni Kalou: ¹⁷ia ke kita sa gone, kita na qai taukei; kita na taukenia na vika ni Kalou, kita sai taukei vata ki Karisito; ke kita sa vosotia vata kaya na ca, kita na vakalougatataki vata kaya vokiliga.¹⁸Ni'u sa va sa reva ni yaga me rau vatauvatani na ka ca sa vosojia i na bula ke ki na kalougata ena varairaitakia vi kita emuri. ¹⁹Ni sa gadrevia valevu o vuravura ka wawa tikoliga me ra varairaitakia o ira na luve ni Kalou.²⁰Ni sa vamalumalumutakia o vuravura me ca, ma reva ni vinakatakia,i na vuku i koya liga sa vamalumalumutakia, ni ma vanuinui jiko ²¹ni na sereki vokiliga o vuravura mai na kena vabobulataki ki na rusa, ka me lalaga tu ka vaiukuukutakia vata ki ira na luve ni Kalou. ²²Ni da sa kila, sa vutugu vata o vuravura taucoko, ka sa yaluma i na rarawa, ka yacovia na siga ke.²³A sa reva ni koya laliga, oi kita vokiliga, kita sa rawajia nai sevu ni Yalo Tabu, kita sa vutugu jiko e lomada ni da sa warakia me da vabaujia me gone, ni na vabulai na yagoda. ²⁴Ni da sa bula i nai nuinui: ia nai nuinui sa bale ki na ka sa qai raici sa reva ni nuinui djina: ni sa nuitakia vacava na tamata na ka sa qai raicia? ²⁵Ia ke kita sa nuitakia na ka kita sa reva ni raicia, kita sa vosojia liga me warakia jiko.²⁶Ia na Yalo Tabu vokiliga sa vukea na noda malumalumu: ni da ma reva ni kila na ka e kilikili vata ki kita me da kerea: a sa masulaki kita na Yalo Tabu i na vutugu e reva ni cavujia rawa. ²⁷Ia o koya sa daudikevia na yaloda sa kila na loma ni Yalo Tabu, ni sa masulaki ira na tamata lotu me va na loma ni Kalou.²⁸Ni da sa kila ma vivuke na ka keceliga me ra vinaka kinia era sa lomana na Kalou, o ira era sa kacivi me va na ka sa nakijia oji. ²⁹Ia o ira kece sa kilai ira eliu o koya, sa lesi ira iliu me ra tautauvata ki na Luvena, me ulumatua kinia o koya vi ira na tacina era lewe levu: ³⁰ia o ira sa lesi ira eliu o koya, sa qai kacivi ira: ia o ira sa kacivi ira o koya, sa vadonui ira: ia o ira sa vadonui ira o koya, sa vaiukuukutaki ira.³¹A cava me da qai tukunia i na vika ke? Ke sa totaki kita na Kalou, o cei me noda meca? ³²Ena vaivei o koya sa reva ni bureitakia na Luvena djina, ia sa soli koya yani me kita sosomi keceliga, ena mama vacava vua me solia laliga vi kita na ka keceliga vata kaya?³³O cei me beitaki ira sa djigitaki ira na Kalou? Na Kalou sa vadonuya. ³⁴O cei ena lewa me ra cudruvi? O Karisito Jisu liga sa mate, io, sa bula cake voki, ma iko vokiliga i na liga i matau ni Kalou, ka sa masulaki kita.³⁵O cei me na tawasei kita mai na loloma i Karisito? a ka rarawa li, se na yaluma, se na dauvivacacani, se na dausiga, se na luvawale, se na dauvivarerei, se nai seleiwau? ³⁶Me va na ka sa volai, I na vukumuni kitou sa vamatei kinia i na siga taucoko ka bogi: Kitou sa vatauvatani vata ki na sipi ena vamatei.³⁷E reva, i na ka keceliga ke kita sa gumatua sara kinia, i na vuku i koya sa lomani kita. ³⁸Ni'u sa kila vaidjina, ni na reva ni rawajia na mate, se na bula, se o ira na agilose, se o ira sa liu, se o ira sa kaukauwa, se na vika sa yaco ni kua, se na vika ena yaco imuri, ³⁹se na ka cecere, se na ka jitobu, se dua tani na ka, me tawasei kita mai na loloma ni Kalou, sa yaco i na vuku i Karisito Jisu na noda Turaga.

9¹Au sa vosa djina i na mata i Karisito, au sa reva ni vosa lasu, sa vadjinadjina vokiliga vi au na noqu lewa-eloma i na Yalo Tabu, ²ni'u sa rarawa valevu, a sa yaluma jikoga na lomaqu.³Ni au sa dau gadrevia me'u tawase tani vi Karisito, i na vukudra na wekaqu, o ira era sa wekaqu djina vayago: ⁴era sa luve i Isireli; sa nodra vokiliga na vabau me ra gone, vata ki nai ukuuku, vata ki na viyalayalati, vata ki na soli vunau, vata ki nai valavala ni soro vua na Kalou, vata ki na vosa ni yalayala: ⁵sa nodra o ira na qase, a sa tubu maivi ira na Karisito me va na yagona, o koya sa lewa na ka keceliga, na Kalou sa varokorokotakia ka reva ni mudu. Emeni.⁶Ia ma reva ni vaka sa reva ni yaco na vosa ni Kalou. Ni ra sa reva ni Isireli djina o ira kece sa maivi ira na Isireli: ⁷era sa reva vokiliga ni luvena o ira keceliga na kawa i Eparaama: ia Na kawa i Aisake liga ena vatokai me nomu kawa.⁸Sa kenai balebale ke, O ira na luvena vayago, era sa reva ni luve ni Kalou; ia na luve ni yalayala liga era sa vabau me kawa. ⁹Ni sa vake na vosa ni yalayala, I na gauna vake au na qai mai, ka na sucu vi Sera e dua na gonetagane.¹⁰A sa reva ni koya la liga; ia o Repeka vokiliga ni sa kunekune mai vua e dua, a tamada ko Aisake; ¹¹ni rau sa bera ni sucu, se rau caka na ka vinaka se na ka ca, me tu dei kinia na ka sa lesia iliu ka djigitakia na Kalou, sa reva liga i na vuku ni cakacaka, i na vukuna liga sa kacivia, ¹²sa kainaki vua na yalewa ko ya, O koya sa qase vi rau ena qaravi koya sa gone. ¹³Sa vakinai na ka sa volai, Au sa vinakaji Jekope, ia au sa caji Iso.¹⁴A cava me da qai tukunia? Sa tu beka vua na Kalou nai valavala reva ni dodonu? E reva sara liga. ¹⁵Ni sa tukunia vi Mosese o koya, Au na lomani koya au sa lomana, ia au na yalovinaka vua au sa yalovinaka kinia. ¹⁶Sa qai reva ni yaco i na vukuna sa gadrevia, se na vukuna sa cici, ia i na vukuna liga na Kalou sa yalovinaka mai.¹⁷Ni sa tukunia vi Fero nai Vola Tabu, "I na vuku ni ka ke au sa vaturi iko cake kinia, me'u vatakila vi iko na noqu kaukauwa, me tukunia vokiliga na yacaqu ki vuravura taucoko. ¹⁸O koya ke sa yalovinaka kinia o koya vua sa yalona kinia, a sa vadomoqataki koya sa yalona kinia.¹⁹O na qai tukunia vi au, "I na vuku ni cava sa ia tiko kina na veibeitaki ko koya? ia ko cei sa vorata na nona lewa?" ²⁰Kakua ni vake, o iko na tamata; o cei o iko mo vileji kaya na Kalou? Ena tukunia beka na ka sa caka vi koya sa cakaji, O sa cakaji au vake i na vuku ni cava? ²¹E reva beka ni vitaliatakia na tete o koya sa dautuli kuro, me caka kinia i na dua bauliga nai buli tete, e dua na bilo me talei, ka dua voki me reva ni talei.²²Ia ka vaivei ke sa vinakajia na Kalou, me varaitakia na nona cudru, me vatakila vokiliga na nona kaukauwa, a sa vosojia vadede sara kinia na vibilo ena cudruvi sa varau tu me rusa: ²³me vatakila vokiliga na kena levu ni nona vinaka ki na vibilo sa lomani, o koya sa varautakia iliu o koya ki nai ukuuku, ²⁴io vi kita liga, sa kacivi kita o koya, sa reva laliga maivi ira na Jiu, maivi ira vokiliga sa matanitu tani.²⁵Me va vokiliga na ka sa tukunia o koya i nai vola i Osea, Au na vatokai ira era sa reva ni noqu tamata iliu, me ra noqu tamata; O koya vokiliga ka reva ni lomani iliu, me qai lomani: ²⁶Ena yaco vokiliga i na vanua sa kainaki kinia iliu vi ira, Sa reva ni noqu tamata oi ikodou; Era na qai vatokai kinia me ra luve ni Kalou bula.²⁷Sa kacivaki ira na Isireli o Aisea vokiliga, Ke sa tautauvata na kedrai wiliwili na Isireli ki na nuku ni waitui, ia ena bula liga na kena vo: ²⁸ni na vayacoria na nona vosa o Jiova e vuravura, ka na vaojia ka valekalekatakia. ²⁹Me va vokiliga na ka sa tukunia iliu o Aisea, Ke ma reva ni dua na kawa sa valaivia vi kita o Jiova ni lewe levu, Kita sa vataki Sotoma, kita sa tautauvata vokiliga vata ki Komora.³⁰A cava me da qai tukunia? O ira na vimatanitu tani, o ira era sa reva ni muria na vivadonui, era sa yaco me ra vadonui, ni ra sa vadonui i na vabaujia. ³¹Ia o ira liga na Isireli, o ira era sa muria na vunau me ra vadonui kinia, era sa reva ni yaco ki na vunau ko ya.³²I na vuku ni cava? ni ra sa reva ni muria i na vabaujia, i na cakacaka liga ni vunau: ni ra sa tarabe i na vatu e dauvivakatarabetaki; ³³me va na ka sa volai, "Raicia, au sa taucia mai Saioni na vatu e dauvivatarabetaki vata ki na vatu ni vivalomacataki: Ia o koya yadua sa vabaujia ena reva ni vamaduataki."

10¹O ikodou na viwekani, au sa gadrevia i na vu ni yaloqu, au sa masu vokiliga vua na Kalou i na vukudra na Isireli, me ra bula. ²Ni'u sa tukuni ira ni ra sa lomakatakata vua na Kalou, ia era sa reva ni yalomatua. ³Ni ra sa reva ni kila na vivadonui sa vu mai vua na Kalou, a ra sa qara me dua na vivadonui vataki ira, a ra sa reva kinia ni vamalumalumutaki ira me ra vadonui mai vua na Kalou.⁴Ni sa vayacoria na Karisito na ka sa nakiji i na vunau, me vadonui o ira kece era sa vabaujia. ⁵Ni sa tukunia o Mosese na vivadonui sa yaco i na vuku ni vunau, Na tamata sa caka, ena bula kinia.⁶Ia na vivadonui sa yaco i na vabauta sa tukunia vake, Mo kakua ni vosa i na yalomu, O cei me qai cake ki lomalagi? [ka me yadji Karisito sobu mai:] ⁷se va ne, O cei me qai sobu ki na Yasana-vuni? [ka me yadji Karisito cake mai na mate.]⁸Ia ka cava e tukunia? Sa voleka vi iko na vosa, io i na gusumu, vata ki na yalomu: a vosa ni vabaujia, o koya kitou sa vunautakia. ⁹Ke o na vatusa i na gusumu na Turaga o Jisu, a vadjinajia i na vu ni yalomu ni sa vaturi koya cake voki mai na mate na Kalou, o na bula. ¹⁰Ni sa vadjinajia na tamata i na vu ni yalona me sa vadonui kinia, ia na gusuna sa vatusa kinia me bula.¹¹Ni sa tukunia nai Vola Tabu, O koya yadua sa vabauji koya ena reva ni vamaduataki. ¹²Ni sa tautauvata na Jiu vata ki koya sa matanitu tani: ni sa dua bauliga na Turaga vi ira keceliga, o koya sa vutu ni ka vinaka vi ira keceliga era sa masuji koya. ¹³Ni na bula o ira vayadua liga era sa masujia na yaca i Jiova.¹⁴Era na qai masu vacava vua era sa reva ni vabaujia? a ra na vabauji koya vacava era sa reva ni rogocia kinia? a ra na rogocia vacava, ke reva e dua me tukunia? ¹⁵Ia era na tukunia vacava, ke ra sa reva ni talai? me va na ka sa volai, Sa lagilagi sara liga na yavadra ra sa tukunia nai tukutuku-vinaka ni vika vinaka!¹⁶A ra sareva ni vabaujia keceliga nai tukutuku-vinaka; ni sa tukunia o Aisea. I Jiova, o cei sa vabaujia na nitou i tukutuku? ¹⁷Kita sa kila kinia ni sa rawa na vabaujia i na varorogo, vata ki na varorogo i na vosa i Karisito.¹⁸Ia au sa tarogia, Era sa reva li ni rogocia? E dina sa vakina, Sa qai na kodrai rogorogo ki vuravura taucoko, vata ki na nodra vosa ki nai yalayala ki vuravura.¹⁹Ia a'u sa tarogia, Sa reva beka ni kila o ira na Isireli? Sa tukunia iliu o Mosese, Au na vavuvutaki ikodou i na vukudra era reva ni noqu tamata: Au na vacudrui ikodou i na matanitu sesewa.²⁰A sa doudou sara liga o Aisea, ka sa tukunia, Era sa raici au o ira era a reva ni qarai au: Au sa varairaitaki vi ira era a reva ni tarogi au. ²¹Ia ka sa tukunia vi ira na Isireli, i na visiga keceliga au sa dodoka yani na ligaqu kivei ira na tamata dautalaimama ka dauvajijiqa.

11¹Au sa qai tarogia, Sa dainia tani na nona tamata na Kalou, se reva? E reva sara liga. Oi au na luve i Isireli, a kawa i Eparaama, mai na yavusa i Penijamini. ²Sa reva ni dainia na nona tamata na Kalou, o ira sa kila iliu o koya. Dou sa reva li ni kila na ka sa tukunia nai Vola Tabu ni sa tukunia Ilaija? ni sa beitaki ira na Isireli o koya vua na Kalou, a sa tukunia, ³"I Jiova, ra sa vamatei ira na nomuni parofita, a ra sa kelirukujia sobu na nomuni vicabocabo-ni-soro; ia oi au duadualiga, au sa bula, ka ra sa qarai au me'u mate?"⁴Ia ka cava sa tukunia vua na vosa ni Kalou? Au sa maroroya me noqu e le vitu na udolu na tamata, era sa reva ni tekiduru vi Peali. ⁵Sa va vokiliga kinia i na gauna ke, sa tu liga na kena vo era sa djigitakia i na loloma.⁶Ia ke sa ka ni loloma, sa qai reva ni ka ni cakacaka: ke sa reva ni vake, sa reva ni loloma na loloma. ⁷Sa qai vaivei? Sa reva ni rawajia na ka ra sa vasaqara o ira na Isireli; ia o ira na djigitaki era sa rawajia; a sa vadomoqataki na kena vo, ⁸me va na ka sa volai, Sa solia vi ira na Kalou na yalo sa daumoce, na mata sa reva ni rai rawa, vata ki na daliga sa reva ni rogo rawa; ka yacovia na siga ke.⁹Sa tukunia vokiliga o Tevita, Me yaco na nodra tepeli me kodrai cori, vata ki na tudai, vata ki na ka me ra tarabe kinia, me kedrai sau vokiliga ni ca. ¹⁰Me vabutobutotakia na matadra, me ra reva ni rai rawa, Ka mo vakalairorotaka jikoliga na dakudra.¹¹Au sa qai tarogia, ra sa tarabe me ra bale sara, se reva? E reva sara liga: ia i na nodra bale, sa rawa na bula vi ira na vimatanitu tani, me vavuvutaki ira. ¹²Ia ke sa vutuniyau mai o vuravura i na vuku ni nodra bale, a sa vutuniyau mai na vimatanitu tani ni sa valailaitaki o ira gona; ena qai vatanievei ni ra sa valevui mai?¹³Ni'u sa qai vosa vi ikodou sa matanitu tani; ni'u sa nodra i apositolo na vimatanitu tani, au sa doka na cakacaka ka'u sa lesi kinia: ¹⁴de au vavuvutaki ira na wekaqu vayago, ka me'u vabulai ira kinia eso.¹⁵Ia ke sa vinakaji mai o vuravura ni sa dai tani o ira gona, ena reva li ni va na bula mai na mate na nodra lomani voki? ¹⁶Ia ke sa savasava nai sevu, ena va vokliga kinia na kena taucoko; ia ke sa savasava na vuna, ena va vokiliga kinia na vitabana.¹⁷Ia ke sa ta dai eso na tabana ia o iko, na taba ni olive ni vikau, sa mai sema vata ki ira, mo bula vata ki ira i na vu ni olive sa uro; ¹⁸mo kakua ni valevulevui iko cake vi ira na tabana djina. Ia ke o sa valevulevui iko, sa reva ni bula na vuna i na vukumu, o iko liga sa bula i na vuku ni vuna.¹⁹O na qai tukunia, Sa ta dai na vitabana djina, me'u sema kinia. ²⁰E djina; sa ta dai o ira ni ra sa reva ni vabujia, ia o iko o sa tu dei liga ni o sa vabaujia. Kakua ni yalolevu, mo rere liga. ²¹Ke sa reva ni vosojia na vitabana djina na Kalou, de qai reva vokiliga ni vosoji iko.²²O koya mo qai raicia ruarua, na loloma, vata ki na cudru, ni Kalou: a cudru vi ira sa bale: vata ki na loloma vi iko, ke o sa tu dei i na nona loloma: ia ke reva o na ta dai vokiliga o iko.²³O ira vokiliga, ke ra sa reva ni reva vabaujia jiko, ra na sema vata: ni sa rawarawa vua na Kalou me vasemai ira vata voki. ²⁴Ia ke o sa musuki mai na olive sa ka liga ni vikau, ia o sa sema vata ki na olive vinaka drau sa reva ni tovo vata kaya: ena qai rawarawa cake, me sema vata ki na nodra vu ni olive djina o ira sai tovo vata kaya.²⁵Ni'u sa reva ni vinakatakia, na viwekani, mo dou nanulevajia na ka vuni ke, de dou vakasami ikodou ni dou sa vuku; ni ra sa yaco na Isireli eso me ra domoqa, ka malua me curu mada na lewe levu maivi ira na vimatanitu tani.²⁶Ia sa vake, ra na vabulai o ira keceliga na Isireli: me va na ka sa volai, Ena qai mai Saioni o koya nai Vabula, Ka na yadjia tani nai valavala ca maivi ira na Jekope; ²⁷Ia sa noqu viyalayalaji ke vi ira, Ni'u sa yadjia tani na nodra i valavala ca.²⁸i nai tukutuku-vinaka, ra sa vimecaki o ira i na vukumudou: ia i nai lesilesi liga, era sa vinakajia i na vukudra na qase. ²⁹Ni sa reva ni vivutuni voki na Kalou i na vuku ni nonai solisoli se nona kacivi ira.³⁰Me va ni dou ma reva ni vabaujia na Kalou iliu, a sa qai yaco vi ikodou na loloma i na vuku ni nodra vajijiqa: ³¹sa na va vokiliga kinia o ira era sa reva ni vabaujia i na vuku ni sa yaco vi ikodou na loloma me yaco kinia vi ira vokiliga na loloma. ³²Ni sa sogolajia ira vata na Kalou i na vajijiqa, me lomani ira keceliga o koya.³³A ka vaidjina na kena jitobu ni nona vutu ni vuku vata ki na nona yalomatua na Kalou! sa reva ni kilai rawa na nona lewa, a sa reva ni raicia na nonai valavala! ³⁴O cei sa kila na loma ni Turaga? se o cei me nonai vavuvuli?³⁵se o cei sa solia mada vua, me na qai saumi voki vua? ³⁶Ni sa vu mai vua na ka keceliga, i na vukuna vokiliga, ka me nona vokiliga; me varokorokotaki o koya ka reva ni mudu. Emeni.

12¹O koya ke, au sa vamamasu vi ikodou, na viwekani, i na vuku ni loloma valevu ni Kalou, mo dou solia na yagomudou mei madrali bula, me savasava, me vinaka vua na Kalou, me nomudou i soro vayalo. ²Ia dou kakua ni vatauvatani ikodou vata ki ira ra sa vavuravura: ia dou mataliatakia liga ni sa vavoui na yalomudou, mo dou kila rawa kinia na loma ni Kalou, sa yaga, ka vinaka, ka dodonu sara liga.³Ia i na loloma sa soli mai vi au, au sa tukunia vi ira na tamata yadua vi ikodou, me kakua e dua me dokai koya me va sa reva ni dodonu me dokai koya; me yalomatua liga na nona nanumia, me va nai varau ni vabaujia sa vota na Kalou vi ira yadua.⁴Me va sa dua bauliga na yagoda, ka levu na jikida, ia ka sa reva ni vaitavi vata na jikida keceliga; ⁵sa vakinia oi kita, na lewe levu, kita sa yago vata ni da tu vata ki Karisito, kita sa vijikina va vokiliga vai kita.⁶Ni da sa rawajia na visolisoli sa duidui me va na loloma sa soli vi kita: ke sa parofisai, me da parofisai me va nai varau ni noda vabaujia; ⁷se na dauvivota, me da caka na vivota; se o koya sa dauvatavuvuli, me vavuvuli jiko; ⁸se o koya sa dauvunau, me vunau jiko; o koya sa caka na dausolisoli, me djina na lomana; o koya sa daulewa, me gumatua kinia; o koya sa dauloloma, me caka i na reki.⁹Me reva ni seseni na loloma. Mo dou cajia sara na ka ca; mo dou kabijia sara liga na ka vinaka. ¹⁰Dou vilomani sara i na vilomani ni vitacini; dou viuasiviji i na vivarokorokotaki;¹¹i na gumatua mo dou kakua ni vucesa mai: me katakata na yalomudou; mo dou qaravia na Turaga; ¹²dou reki i nai nuinui; vosojia na ka rarawa; caka jikoliga na masu: ¹³vivotayakia vi ira na dravudravua ra sa lotu; dauvacegui ira na vulagi.¹⁴Dou vosavakalougatataki ira ra sa vacacani ikodou: vosavakalougatatakia liga, ka reva ni rukaka. ¹⁵Dou reki vata ki ira era sa reki, ka tagi vata ki ira era sa tagi. ¹⁶Dou lomavata jiko vai ikodou. Kakua ni nanumia na vika vaturaga, ia mo dou viriti vata ki ira na tamata lalai. Dou kakua ni vakasami ikodou ni dou sa vuku.¹⁷Kakua ni visausaumitakia na nona ca e dua. Nakijia iliu na vika sa dodonu i na matadra na tamata keceliga. ¹⁸Ke sa rawa, mo dou vatovolea me vilomani vata ki ira na tamata keceliga.¹⁹Oi ikodou sa lomani dou reva ni saumia na ca sa caka vi ikodou, ia mo dou dainia vua na Kalou me saumia; ni sa volai; A noqu i tavi me'u cudruvakia; au na saumia liga oi au, sa tukunia na Turaga. ²⁰O koya mo qai vakania na nomu meca, ke sa viakana; ke sa viasomi, mo vasomicia koya: o na binia kinia ki na uluna na qilaiso sa waqa tu ni o sa caka vake. ²¹Me kakua ni rawai iko na ca, mo rawa liga na ca i na vinaka.

13¹Me ra talairawarawa vi ira na turaga levu o ira na tamata keceliga. Ni sa reva na turaga sa tubu laliga, mai vua liga na Kalou: o ira era sa turaga tu, sa lesi ira na Kalou. ²Ia o koya sa vorajia na turaga, sa vorajia nai lesilesi ni Kalou: ia ena cudruvi o ira era sa vorajia.³O ira na turaga era sa reva ni vu ni rere vi ira sa caka vinaka, vi ira liga sa caka ca: o sa qai gadrevia li mo reva ni rerevakia na turaga? mo caka na ka e vinaka, ena qai dokai iko kinia o koya: ⁴ni sa nona talai na Kalou o koya vi iko mo vinaka kinia. Ia ke o sa caka ca, mo rere liga; ni sa reva ni tauria laliga nai seleiwau o koya: ni sa nona talai na Kalou, me cudruvi koya sa caka ca. ⁵O koya ke ma dodonu kinia mo dou talairawarawa, e reva vokiliga i na vuku ni cudru, i na vuku vokiliga ni lewa-eloma.⁶O koya mo dou qai caka vokiliga na soli: ni ra sa nona talai na Kalou, ra sa qaravia jiko na ka ke. ⁷O koya mo dou qai solia vi ira keceliga na ka e dodonu: na soli vi ira sa nodra nai solisoli; ai sigana vi ira sa nodra nai sigana; dou rerevaki ira e dodonu me ra rerevaki: varokorokotaki ira e dodonu me ra vakarokorokotaki.⁸Me reva na nona ka e dua o sa reva ni saumia, na dauvilomani liga me caka jiko; ni sa muria na vunau taucoko o koya sa daulomania na tani. ⁹Io, ke: Mo reva ni caka na vibutakoci, Mo reva ni laba, Mo reva ni butako, Mo reva ni kocokoco; ia ke sa dua voki nai varo, sa tu vata keceliga i na vosa ke, Mo lomania na kai nomu me va o sa lomani iko. ¹⁰O koya sa dauloloma sa reva ni caka ca vua na kai nona: o koya ke sa caka kinia na vunau taucoko o koya sa dauloloma.¹¹Ia ke, ni da kila na gauna, ni sa gauna ke mo dou yadra kinia mai na moce; ni sa qai voleka na noda bula, ka yawa i na gauna ni noda vabaujia. ¹²Sa varau oji na bogi, a sa voleka na siga: o koya me da qai luvajia tani nai valavala ni butobuto, ka me da vaiyaragi tu i na rarama.¹³Me da qai voli me va e kilikili, me va i na siga; me reva nai soqosoqo lialia, se na mateni, me reva na daudara se nai valavala velavela, me kakua na vileji se na vuvu. ¹⁴Ia dou vaisulu i na Turaga o Jisu Karisito, ka reva ni caka me varau ki na gagadre ca ni yago.

14¹O koya sa malumalumu na nona vabjaujia dou yadjia vi ikodou, ia me reva liga ni lewai jiko na vika e dauvilejitakia. ²E dua sa doudou me kania loa na ka keceliga: ia o koya sa malumalumu, sa daukania na rourou liga.³Me reva ni beci koya sa reva ni kana o koya sa kana: ia me reva ni lewai koya sa kana o koya sa reva ni kana: ni sa vinakaji koya na Kalou. ⁴O cei o iko mo lewa na tamata ni turaga tani? ena tu o koya, se bale, vua na nona turaga. Io, ena tu dei liga: ni sa rawarawa vua na Kalou me vataudeitaki koya.⁵E dua sa doka e dua na siga ka reva nai kadua: ka dua tani sa doka na siga keceliga. Me dui lewa deivakia na tamata yadua i na lomana. ⁶O koya sa nanumia na siga, sa ka liga vua na Turaga na nona nanumia; ia o koya sa kana, sa ka liga vua na Turaga na nona kana, ni sa vavinavinakatakia o koya vua na Kalou; ia o koya sa reva ni kana, sa ka vokiliga vua na Turaga na nona reva ni kana, a sa vavinavinakatakia o koya vua na Kalou.⁷Ni sa reva e dua vi kita sa bula i na vukuna liga, se dua sa mate i na vukuna liga. ⁸Io, ke kita sa bula, kita sa bula i na vuku ni Turaga; se da mate, kita sa mate i na vuku ni Turaga: o koya ke kita sa nona kinia na Turaga, se da bula se da mate. ⁹O koya ke sa mate kinia na Karisito, ka sa bula voki, me nodra Turaga era sa mate vata ki ira ra sa bula.¹⁰Ia o iko, o sa lewai koya na wekamu i na vuku ni cava? se o iko voki, ko sa beci koya na wekamu e na vuku ni cava? ni da na tu keceliga i na mata ni jikojiko ni vilewai ni Kalou. ¹¹Ni sa volai, Sa tukunia na Turaga, me vaa au sa bula, ena tekiduru vi au o ira na tamata keceliga, Ia ena vatusa vua na Kalou na yame keceliga.¹²O koya ke kita na dui vatusai kita keceliga vua na Kalou. ¹³O koya me da qai reva voki ni dauvivalewai jiko; ke liga, mo dou lewa, me reva e dua me caka e dua na ka me tarabe kinia se bale kinia na wekana.¹⁴Au sa kila, ka sa vadjinadjinatakia vi au na Turaga o Jisu, ni sa reva na ka e dukadukali vai koya liga; ia vua sa nanumia sa dukadukali na ka, sa qai dukadukali vi koya. ¹⁵Ia ke sa rarawa na lomana na wekamu i na vuku ni kakana, o sa qai reva ni valavala me va na loloma. Kakua ni varusai koya e na kemu kakana, o koya sa mate i na vukuna na Karisito.¹⁶O koya me reva kinia ni vosavacacatakia na nomudou ka vinaka: ¹⁷ni sa reva ni kakana se ka ni gunu na matanitu ni Kalou; na yalododonu liga, vata ki na vacegu, vata ki na marau i na Yalo Tabu.¹⁸Ni sai koya sa qaravi Karisito i na vika ke, sa vinaka vua na Kalou, a sa vinakaji koya vokiliga o ira na tamata. ¹⁹O koya ke me da muria kinia na vika ni vivinakai, vata ki na vika kita na dui vivatavulici kinia.²⁰Kua ni varusa na cakacaka ni Kalou i na vuku ni kakana. E djina liga sa savasava na ka keceliga; ia sa ca vua na tamata sa kana ka sa tarabe kinia eso. ²¹E vinaka mo reva ni kania na lewe ni manumanu, se gunu waini, se caka e dua na ka sa bale kinia na wekamu.²²Na vabaujia sa tu vi iko, me tu liga vi iko i na mata ni Kalou. Sa kalougata na tamata sa reva ni beitaki koya i na ka sa vatara o koya. ²³Ia o koya sa reva ni djinajia ni sa tara vua, sa lewai me cudruvi ke sa kana, i na vuku ni sa kana ka reva ni djinajia: ia na ka keceliga kita sa reva ni djinajia ni tara vi kita, sai valavala ca gona.

15¹Sa kilikili vokiliga vata ki kita, oi kita sa kaukauwa, me da vosojia na nodra malumalumu ra sa reva ni kaukauwa, me da reva vokiliga ni caka na ka sa vinaka vi kita liga. ²Me da caka yadua na ka e vinaka vua na kai noda, na ka e yaga me vatavulici kinia o koya.³Ia na Karisito vokiga sa reva ni caka na ka sa vinakajia liga o koya; ia me va liga sa volai, Sa tau vi au na nodra vosa ca ra sa vosavacacataki iko. ⁴Io, na ka keceliga sa volai eliu sa volai me da vatavulici kinia, me noda na vosojia vata ki na vacegui sa vu mai nai Vola Tabu, me rawa kinia nai nuinui.⁵Ia me solia mada vi ikodou na Kalou, o koya na vu ni vosojia vata ki na vivacegui, mo dou lomavata vai ikodou me vataki Karisito Jisu: ⁶mo dou lomavata ka domovata ni dou sa varokorokotakia na Kalou, o koya na Tama i Jisu Karisito na noda Turaga. ⁷O koya mo dou qai vivacegui vai ikodou, me va sa vacegui ikodou na Karisito, me varokorokotaki kinia Kalou.⁸Ia au sa tukunia ni sai talatala o Jisu Karisito vi ira era sa cili, me vatakila ni sa dina na Kalou, me vadinadinatakia na vosa ni yalayala vi ira na qase: ⁹me ra varokorokotakia na Kalou o ira vokiliga na vimatanitu tani i na vuku ni nona loloma; me va sa volai, E na vuku liga ni ka ke, au na vatusai iko kinia i na kedra maliwa na vimatanitu tani, Ka sere ki na yacamuni.¹⁰A sa tukunia voki, Dou marau vata na vimatanitu tani, vata ki ira na nona tamata. ¹¹11Sa dua voki. Dou varokorokotaki Jiova, na vimatanitu keceliga: Ia dou varokorokotaki koya valevu, oi ikodou na vivanua keceliga.¹²Ma tukunia vokiliga o Aisea, Ena tubu na waka i Jese, vata ki koya ena tu cake me lewa na vimatanitu tani; Era na vararavi vi koya o ira na vimatanitu tani.¹³Ia me vasinaiji ikodou mada na Kalou, o koya na vu ni nuinui, i na marau keceliga vata ki na vacegu ni dou sa vabaujia, me levu sara na nomudou i nuinui i na vuku ni nona kaukauwa na Yalo Tabu.¹⁴Ia oi au vokiliga, au sa vakasami ikodou, na wekaqu, ni dou sa sinai i na yalololoma, ni dou sa sinai i na vuku keceliga, ni dou sa rawajia vokiliga me dui vivatavulici vai ikodou.¹⁵Ia au sa doudou liga, me'u volavola valailai yani vi ikodou, na viwekani, me'u vananumi ikodou voki, i na vuku ni loloma sa solia mai vi au na Kalou, ¹⁶me'u yaco mei talatala i Jisu Karisito vi ira na vimatanitu tani, me'u caka na cakacaka i nai tukutuku-vinaka ni Kalou, me vinakajia nai cabocabo ni vimatanitu tani, ni sa vasavasavataki ira na Yalo Tabu.¹⁷O koya sa tu kinia vi au na ka me'u valevulevui au kinia i na vuku i Jisu Karisito i na vika ni Kalou. ¹⁸Ni'u na reva ni doudou laliga me'u cavujia na ka tani; na ka liga sa vayagataki au kinia na Karisito, me vatalairawarawataki ira na vimatanitu tani, i na vosa vata ki nai valavala, ¹⁹i na vuku ni sa kaukauwa na vika-mana vata ki na vika ma vivakurabuitaki, sa caka i na kaukauwa ni Yalo Tabu, ia au a vatekivu kinia mai Jerusalemi, ka qai voli ka yaco ki Iliriko, ni'u sa vunautakia kece nai tukutuku-vinaka ki Karisito.²⁰Ia au sa gumatua sara vakinia, me'u vunautakia nai tukutuku-vinaka, ia ka reva liga i na vanua sa tukunia oji kinia na yaca i Karisito de'u tara laliga na ka e dela ni yavu ni tamata tani: ²¹ia me va liga sa volai, O ira sa reva ni tukunia mada vi ira o koya, era na raicia: Ia o ira era sa reva ni rogocia, era na kila,²²O koya ke sa tarovia valevu kinia na noqu qai vi ikodou. ²³Ia ni sa qai reva na ka me'u jiko kinia i na yasana ke, ka sa yabaki levu au a gadrevia kinia me'u qai vi ikodou;²⁴ni na yaco na noqu qai ki Sipeini: ni'u sa nanumia me'u raici ikodou i na noqu qai, ka mo dou yadji au i na noqu i qaiqai kinia, ni sa oji mada na nomudou vacegui au valailai ni da jiko vata. ²⁵Ia au sa qai qai ki Jerusalemi, me'u yadjia na soli vei ira ra sa lotu.²⁶Ni ra sa vinakajia o ira na kai Masitonia vata ki Akaia, me ra caka e dua nai solisoli loloma me nodra na dravudravua era sa lotu mai Jerusalemi: ²⁷io, ra sa vinakatakia; a sa dodonu me ra soli ka vi ira. Io, ke ra sa rawajia maivi ira na nodra vika vayalo o ira na vimatanitu tani, sa qai dodonu kinia vi ira me ra solia vi ira na vika vayago.²⁸Ia, i na gauna au sa caka oji mada nai tavi ke. ka vadeitakia ni ra na ciqomia kece na ka sa kumuni mai. Au na qai ki Sipeini ka sikovi iko dou ena loma ni qaiqai ke. ²⁹Ia au sa kila, ni'u na qai yani vi ikodou, au na qai yani i na vivakalougatataki taucoko i Karisito.³⁰Ia au sa vamasuji ikodou, na viwekani, i na vuku ni noda Turaga o Jisu Karisito, i na vuku talega ni loloma ni Yalo Tabu, me da gumatua vata i na masu vua na Kalou i na vukuqu; ³¹me'u vabulai maivi ira mai Jutia ra sa reva ni talairawarawa; me ra vinakajia vokiliga o ira era sa lotu na noqu cakacaka ena caka mai Jerusalemi; ³²me'u qai kinia vi ikodou i na marau i na lewa ni Kalou, ka me'u vacegui vata ki ikodou.³³Ia me jiko vata ki ikodou keceliga na Kalou ni vivacegui. Emeni.

16¹Ia au sa tataunaki Fipi yani vi ikodou, o koya na wekada, o koya sa dauqaravia nai soqosoqo lewe ni lotu mai Kenikiria: ²mo dou vacegui koya i na vuku ni Turaga, me va sa kilikili vata ki ira era sa lotu, ka mo dou vukei koya i na cakacaka keceliga dou na yaga kinia vua: ni sa dau vukei ira na lewe levu o koya, vata kei au vokiliga.³Me tukuni yani na noqu loloma vi rau o Pirisila vata ki Akuila, oi rau sa cakacaka vata ki au i na vika i Karisito Jisu: ⁴ka rau sa bolea na mate me'u bula kinia: kitou sa vavinavinaka kinia vi rau, kitou vata ki ira kece na visoqosoqo lewe ni lotu vi ira na vimatanitu tani: ⁵Au loloma vokiliga vi ira nai soqosoqo lewe ni lotu i na nodrau vale. Au sa loloma vi Epinito, na tamata au sa daulomana, o koya nai sevu vi Karisito mai Esia.⁶Au sa loloma vi Meri, o koya sa daucakacaka valevu i na vukumudou. ⁷Au sa loloma vi Adroniko vata ki Junia, na wekaqu, kitou a vesu vata ki rau, a rau ma rogo vi iratou nai apositolo, erau ma ni Karisito iliu, au sa muri oi au. ⁸Au sa loloma vi Abilia, o koya au sa daulomana i na vuku ni Turaga.⁹Au sa loloma vi Uripenu, o koya sa dauvukei kitou i na cakacaka i Karisito, vata ki Siteki, o koya au sa daulomana. ¹⁰Au sa loloma vi Apeli sa dauvinakaji i na vika i Karisito. Au sa loloma vi ira na lewe ni vale i Arisitopulo. ¹¹Au sa loloma vi Irotioni na wekaqu. Au sa loloma vi ira na lewe ni vale i Narikiso, era sa nona liga na Turaga.¹²Au sa loloma vi Taraifina vata kei Taraivosa, erau daucakacaka i na vika ni Turaga. Au sa loloma vi Perisi sa daulomani, o koya sa daucakacaka valevu i na vika ni Turaga. ¹³Au sa loloma vi Rufu o koya sa djigitakia me nona na Turaga, vata ki na jinana o koya sa jinaqu vokiliga. ¹⁴Au sa loloma vi Asinikirito, vata ki Filekoni, vata ki Erima, vata ki Patiropa, vata ki Erimi, vata ki ira na viwekani ma jiko vata ki iratou.¹⁵Au sa loloma vi Filoloko, vata ki Julia, vata ki Niriu, vata ki na ganena, vata ki Olimipa,vata ki ira keceliga ra sa lotu, ra sa jiko vata ki iratou. ¹⁶Dou caka na loloma vai ikodou i na vireguci i na yalosavasava. Sa loloma yani vi ikodou na visoqosoqo lewe ni lotu keceliga ni Karisito.¹⁷Ia au sa vamasuji ikodou, na viwekani, mo dou kilai ira ra sa vatekivunia na visei vata ki na vika eso e dauvivatarabetaki, sa reva ni va nai vavuvuli dou sa vatavulici kinia; ia kakua ni virii vata ki ira. ¹⁸O ira era sa vake, ra sa reva ni qaravia na noda Turaga na Karisito, na ketedra liga; ia i na vosa vinaka ka kamikamica, ra sa lawakitakia na lomadra ra sa wele.¹⁹Ni sa kuruvaki ki na tamata keceliga na nomudou talairawarawa. O koya ke au sa marautaki ikodou kinia: ia sa yaloqu liga mo dou vuku i na ka vinaka, mo dou reva vokiliga ni cala i na ka ca. ²⁰Ia na Kalou ni vivacegui ena butuki Setani vakusarawa i ruku ni yavamudou. Me jiko vi ikodou na loloma ni noda Turaga o Jisu Karisito. Emeni.²¹Sa loloma yani vi ikodou o Timoci na noqu i tokani, vata ki Lusiu, vata ki Jesoni, vata ki Sosipeta, o iratou na wekaqu. ²²Oi au o Teritiu, ka vola nai vola ke, au sa loloma yani vi ikodou i na Turaga.²³Sa loloma yani vi ikodou o Keio, o koya ka'u sa daujiko i nona vale, vata ki ira keceliga nai soqosoqo lewe ni lotu. O Erasito na dauniyau ni koro ke sa loloma yani vi ikodou, vata ki Kuaritu na wekada. ²⁴Me jiko vi ikodou keceliga na loloma ni noda Turaga o Jisu Karisito. Emeni.²⁵Ia vi koya sa kaukauwa me vataudeitaki ikodou me va na noqu i tukutuku-vinaka, vata ki na kena vunautaki Jisu Karisito, me va ni sa qai vatakilai mai na ka vuni, sa vuni tu mai na gauna makawa sara liga, ²⁶ia ka sa qai varaitakia mai, ka sa vatakilai i na nodra i vola na parofita, me va na vosa ni Kalou reva ni mudu, ki na vivanua keceliga me ra vabaujia ka talairawarawa kinia:²⁷io, vua na Kalou sa vuku duadualiga, me ia na varokoroko na vuku i Jisu Karisito, ma reva ni mudu. Emeni.

1 Korinica

1¹Oi au o Paula, ma kacivi mei apositolo i Jisu Karisito, i na lewa ni Kalou, vata ki Sosiceni na wekaqu, ²vi ira nai soqosoqo lewe ni lotu ni Kalou ra ma jiko mai Korinica, vi ira sa tu vata ki Karisito Jisu ka sa vasavasavatakia, ra sa kacivi me ra yalosavasava, vata ki ira keceliga i na viyasana keceliga ra sa masujia na yaca i Jisu Karisito na noda Turaga, io, na noda vata ki na nodra vokiliga: ³Me yaco vi ikodou na loloma, vata ki na vacegu, mai vua na Kalou o Tamada, vata ki na Turaga o Jisu Karisito.⁴Au ma vavinavinaka i na visiga vua na noqu Kalou i na vukumudou, i na vuku ni loloma ni Kalou sa soli vi ikodou i na vuku i Karisito Jisu; ⁵ni dou sa vavutuniyautaki i na ka keceliga i na vukuna, i na vosa keceliga vata ki na vuku keceliga; ⁶me va ni sa vadjinadjinatakia vi ikodou nai tukutuku vata ki Karisito:⁷ka dou ma reva kinia ni vinaka sobu i na dua nai solisoli vayalo: ni dou sa warakia na kena varairaitaki ni noda Turaga o Jisu Karisito: ⁸o koya ena vataudeitaki ikodou me yacovia na kenai vataojioji, mo dou reva ni cala i na siga ni noda Turaga o Jisu Karisito. ⁹Sa djina na Kalou, o koya ma kacivi ikodou mo dou nonai tokani ni Luvena o Jisu Karisito na noda Turaga.¹⁰Ia au sa vamasuji ikodou, na viwekani, i na yaca ni noda Turaga o Jisu Karisito, mo dou tauvata keceliga i na vosa, ia me reva vi ikodou na visei; mo dou vivinakaji sara ni dou sa lomavata ka lewa vata. ¹¹Ni sa tukuni ikodou mai vi au, ikodou na viwekani, o ira na lewe ni vale i Kiloi, ni dou sa dauvileji vai ikodou.¹²Ia na ka ke kau sa vosa kinia, ni dou sa tukunia yadua, Oi au sa ni Paula; ia, Oi au sa ni Apolosa, ia, Oi au sa ni Kifa; ia, Oi au sa ni Karisito. ¹³Sa tawase beka na Karisito? sa vakoji beka ki na kauveilatai i na vukumudou o Paula? se dou sa papitaisotaki beka i na yaca i Paula?¹⁴Au sa vavinavinaka vua na Kalou niu sa reva ni papitaisotakia e dua vi ikodou, oi rau liga o Kirisipo vata ki Keio; ¹⁵de tukunia e dua ni dou sa papitaisotaki i na yacaqu. ¹⁶Au sa papitaisotaki ira vokiliga na lewe ni vale i Sitifana: ia au sa reva ni nanumia ni au sa papitaisotakia e dua tani voki.¹⁷Ni sa reva ni talai au na Karisito meu vipapitaisotaki, meu vunautakia liga nai tukutuku-vinaka: ia ka reva liga i na vosa sa vuku, de vatawayagataki kinia na kauveilatai i Karisito.¹⁸Ni sa ka lialia vi ira sa rusa na kena vunautaki na kauveilatai, ia sa kena kaukauwa liga ni Kalou vi kita sa vabulai. ¹⁹Ni sa volai, Au na varusa na nodra vuku era sa dauvuku, Ka vatawayagatakia na nodra yalomatua era sa dauyalomatua.²⁰Ivei na vuku? Ivei na vunivola? Ivei na dauvileji ni vuravura ke? sa reva beka ni valialiatakia na vuku ni vuravura ke na Kalou? ²¹Io, ni sa vuku tu na Kalou, ra sa reva ni kila na Kalou na kai vuravura i na nodra vuku, sa qai vinakajia na Kalou me vabulai ira ra sa vabaujia, i na vosa valialia.²²Ni ra sa tarogia nai vatakilakila o ira na Jiu, a ra sa vasaqara na vuku o ira na kai Kirisi: ²³ia kitou sa vunautaki Karisito ni sa lauvako ki na kauveilatai, a ka ra sa tarabe kinia o ira na Jiu ka sa ka lialia vi ira na kai Kirisi:²⁴ia vi ira liga era sa kacivi, se ra Jiu se ra kai Kirisi, na Karisito na kaukauwa ni Kalou, vata ki na vuku ni Kalou. ²⁵Ni sa ka vuku na sesewa ni Kalou ka sa vinaka vi ira na tamata; a sa kaukauwa na malumalumu ni Kalou me vinaka vi ira na tamata.²⁶Ni dou ma raicia, na viwekani, na kenai valavala ni nomudou kacivi, ni sa reva ni lewe levu ra sa vuku vayago, sa reva ni lewe levu ra sa kaukauwa, sa reva ni lewe levu ra sa turaga me sa kacivi: ²⁷ia sa djigitakia na Kalou na vika valialia i vuravura, me vamaduataki ira na vuku; ia na vika sa malumalumu i vuravura sa djigitakia na Kalou me vamaduatakia na vika sa kaukauwa;²⁸vata ki na vika vakaisi e vuravura, vata ki na vika e beci, sa djigitakia na Kalou, vata ki na vika sa reva laliga, me varusa na vika sa tu dei; ²⁹me reva kinia na tamata me dokai koya i na mata ni Kalou.³⁰Ia maivi koya liga dou sa tu vata kinia ki Karisito Jisu, o koya sa caka na Kalou me vu ni vuku vi kita, ka vu ni vadonui, ka vu ni vasavasavataki, ka vu ni bula; ³¹me yaco kinia na ka sa volai, O koya sa vosa doudou, me vosa doudou i na vuku ni Turaga.

2¹Ia oi au, niu sa qai yani vi ikodou, na viwekani, au ma reva ni qai i na vosa vinaka se na vuku, niu sa vunautakia vi ikodou na vosa sa tukunia kinia na Kalou. ²Ni sa dei na yaloqu meu reva ni kila i na ikodou maliwa e dua na ka tani, o Jisu Karisito duadualiga, vata ki na nona lauvako ki na kauveilatai.³Ia au ma jiko vata ki ikodou i na malumalumu, vata ki na rere, vata ki na sautaninini levu. ⁴Ia na noqu vosa, niu sa vunau, sa reva ni caka i na vosa vavitemaki ni vuku vatamata, sa caka liga i na kena vadjinadjinatakia ni Yalo Tabu, vata ki na kaukauwa mana: ⁵me reva kinia ni tu na nomudou vabautia i na nodra vuku na tamata, i na kaukauwa liga ni Kalou.⁶Ia kitou ma tukunia na vuku i na kodra maliwa ra sa yalomatua sara: ma reva liga na vuku ni vuravura ke, se na nodra vuku na turaga ni vuravura ke, o koya sa yaco me ka la liga: ⁷ia na vuku liga ni Kalou kitou sa tukunia i na ka vuni, io, gona ka vunitakia iliu, ka lesia na Kalou ni sa bera ni caka o vuravura me da vakalougatatakia kinia;⁸ia ma reva e dua na turaga ni vuravura ke sa kila: ia ke ra sa kila, ra ma reva ni vakojia ki na kauveilatai na Turaga vaiukuuku. ⁹Ia sa va nai vola, Ma reva na mata sa raicia, se na daliga sa rogocia, Ka sa reva ni curu ki na loma ni tamata, Na vika sa varautakia na Kalou me nodra ra sa lomani koya.¹⁰Ia vi kita liga sa vatakila mai na Kalou i na Yalo Tabu; ni sa dikevia na ka keceliga na Yalo Tabu, io, na vika jitobu ni Kalou. ¹¹11Io, o cei na tamata sa kila na ka ni tamata, a yalo ni tamata liga sa jiko e lomana? sa va vokiliga kinai na vika ni Kalou sa reva e dua sa kila, sa kila liga na Yalo ni Kalou.¹²Ia kita sa reva ni rawajia na yalo ni vuravura, na Yalo liga sa mai vua na Kalou; me da kila kinia na vika sa solia laliga mai vi kita na Kalou. ¹³A vika gona kitou sa tukunia vokiliga, ia ka sa reva liga i na vosa sa vatavulicia na vuku ni tamata, o koya liga sa vatavulicia na Yalo Tabu; ni kitou sa vatautauvatatakia na vika vayalo vata ki na vika vayalo.¹⁴Ia na tamata sa vayago sa reva ni vabaujia na vika ni Yalo ni Kalou: ni sa ka lialia vua, ma reva ni kila rawa o koya, ni ra sa kilai vayalo liga. ¹⁵Ia o koya sa vayalo sa kila na ka keceliga, a sa reva e dua sa kilai koya. ¹⁶Io, o cei sa kila na loma ni Turaga, me vatavulici koya kinia? Ia sa tu vi kita na lomai Karisito.

3¹Ia oi au, au sa reva ni vosa rawa vi ikodou, na viwekani, me va vi ira ra sa vayalo, me va vi ira ra sa vayago liga, me va vi ira era sa gone lalai eina nodra tu vata ki Karisito. ²Au sa vasomici ikodou i na wainisucu, ka reva i na kakana djina; ni dou a reva ni rawajia, ni kua vokiliga dou sa reva ni rawajia.³Ni dou sa vayago jikoliga: dou sa reva li ni vayago tu kai valavala vatamata, ni sa tu vi ikodou na vuvu, vata ki na vileji? ⁴Dou sa reva li ni vayago, ni sa tukunia jiko e dua, Oi au sa nei Paula; ka dua tani, Oi au sa nei Apolosa? ⁵Ia o cei o Apolosa? se o cei o Paula? ai talatala laliga dou sa vabaujia i na vukudrau, me va sa solia na Turaga ki na tamata yadua.⁶Au sa tea oi au, sa vasuasuatakia o Apolosa; ia na Kalou liga sa vatubura. ⁷Sa qai ka laliga kinia o koya sa tea, vata ki koya sa vasuasuatakia; ia sa levu duadualiga na Kalou, o koya sa vatuburia.⁸Erau sa tautauvata sara liga o koya sa tea vata ki koya sa vasuasuatakia: ia na tamata yadua ena rawajia na kenai sau me va na nona cakacaka. ⁹Ni da sa daucakacaka vata ki koya na Kalou; dou sa were ni Kalou, dou sa vale ni Kalou.¹⁰Me va na loloma ni Kalou sa soli mai vi au, me va na matai ni vale sa vuku, au sa viritakia na yavu, a sa tara kinia e dua tani. Ia na tamata yadua me sa lewa vinaka nai valavala ni nona tara kinia. ¹¹Ni sa reva ni rawajia e dua na tamata me viritakia na yavu tani, o ya liga sa viritakia tu, o Jisu Karisito liga.¹²Ia ke dua na tamata sa tara cake i na yavu ke na koula, na siliva, na vatu talei, na kau, na co malai, se na vu-ni-sila; ¹³ena vatakilai na cakacaka ni tamata yadua: ni na vatakila mai na siga ko ya, ni na vatakilai i na bukawaqa; ia ena vatovolei i na bukawaqa na cakacaka ni tamata yadua se sa vaevei na kenai valavala.¹⁴Ke sa tu dei na nona cakacaka e dua na tamata, sa tara cake o koya, ena rawajia na kenai sau. ¹⁵Ke ena vakamai na nona cakacaka e dua, ena yali vua na kenai sau; ia o koya liga ena vabulai; ia sa na va liga na bula mai na bukawaqa.¹⁶Dou sa reva beka ni kila ni dou sa vale ni Kalou, ka sa jiko vi ikodou na Yalo ni Kalou? ¹⁷Ke dua na tamata sa varusa na vale ni Kalou, ena varusai koya na Kalou; ni sa savasava na vale ni Kalou, ia sai ikodou ke.¹⁸Me reva e dua e vakaisini koya vai koya. Ke dua vi ikodou sa nanumia sa vuku vavuravura, me sesewa mada o koya me vuku mai kinia. ¹⁹Ni sa ka sesewa vua na Kalou na vuku ni vuravura ke. Ni sa volai, Sa rawai ira na vuku o koya i na nodra i lawaki. ²⁰Ka va voki, Sa kila o Jiova na nodra nanumia na vuku, ni sa reva ni yaga.²¹O koya ke me reva kinia e dua me vosa doudou i na vukudra na tamata. Ni sa nomudou na ka keceliga; ²²se o Paula, se o Apolosa, se o Kifa, se o vuravura, se na bula, se na mate, se na vika sa tu ni kua, se na vika ena yaco emuri; ke keceliga sa nomudou; ²³ia dou sa ni Karisito; ia sa ni koya na Kalou na Karisito.

4¹Me vakasami kitou na tamata yadua, ni kitou sa nona tamata cakacaka na Karisito, vata ki nai talatala i na vika vuni ni Kalou. ²Ia eke sa kilikili vata ki ira nai talatala, me ra raici ni ra tamata djina.³Ia sa ka lailai sara liga vi au mo dou lewai au, se me ra lewai au na tamata; io, au sa reva djina ni lewai au vai au. ⁴Niu sa reva ni kila e dua na ka au sa cala kinia; ia au sa reva ni vadonui kinia: ia sai koya liga na Turaga ka lewai au.⁵O koya mo dou reva ni lewa e dua na ka ni sa bera na kena gauna, dou wawa mada me qai mai na Turaga, o koya ena varaitakia na vika ni butobuto sa vuni tu, ena vavotuya vokiliga na nanumia ni yaloda: ia ena qai dokai liga na tamata yadua mai vua na Kalou.⁶Ia na vika ke au sa vayagatakia vi kirau vata ki Apolosa i na vukumudou, na viwekani; mo dou vatavulici kinia maivi kirau mo dou reva ni vinaka i na ka sa volai tu, mo dou reva kinia ni doka cake e dua, ka becia e dua. ⁷Io, o cei sa qisi iko mo vinaka cake? se cava sa tu vi iko sa reva ni soli vi iko? ia ke sa soli vi iko, o sa dokai iko kinia i na vuku ni cava, me va sa reva ni soli vi iko?⁸Dou sa qai mamau dou sa qai vutuniyau, dou sa lewa va na tui ni kitou sa takali: ia au sa vinakajia ke dou sa lewa djina, me da lewa vata vokiliga vata ki ikodou. ⁹Ni kau sa nanumia sa lesi kitou nai apositolo na Kalou me kitou muri sara liga, me kitou vataki ira ra sa lesi me mate: ni kitou sa varaitakia ki vuravura, vi ira vokiliga na agilose, vata ki ira na tamata.¹⁰Kitou sa lialia i na vuku i Karisito, ia oi ikodou dou sa vuku ni dou sa tu vata ki Karisito; kitou sa malumalumu, ia dou sa kaukauwa; dou sa varokorokotakia, ia kitou sa beci. ¹¹Ka yacovia na gauna ke kitou sa viakana, ka viasomi, ka televua, ka sa vamavoataki, ka reva na nitou i jikojiko;¹²kitou sa oca, ni kitou sa daucakacaka i na liga i kitou: ni kitou sa vasewasewani, kitou sa vosa vinaka; ni kitou sa vacacani, kitou sa vosojia: ¹³ni kitou sa vosavacacataki, kitou sa vamamasu liga: kitou sa yaco me va na soqosoqo ni vuravura ke, io, na duka sa quarakia mai na ka kece, ka yacovia na siga ni kua.¹⁴Au sa reva ni vola na vika ke meu vamaduataki ikodou, ia au sa vatavulici ikodou ni dou sa vataki ira na noqu gone ni toko. ¹⁵Ia ke sa udolu vatini na nomudou i vavuvuli vi Karisito, sa reva ni lewe levu na tamamudou; niu sa vatuburi ikodou mo dou ni Karisito Jisu i nai tukutuku-vinaka. ¹⁶O koya au sa masuji ikodou kinia, mo dou vadamurimuri au.¹⁷Au sa talai Timoci vi ikodou i na vuku ni ka ke, o koya na noqu gone ni toko ka yalodina i na Turaga, ia ena vananumi ikodou o koya i na noqu i valavala vi Karisito, me va na ka au sa vatavulicia i na viyasana keceliga i na visoqosoqo lewe ni lotu keceliga. ¹⁸Sa viavialevu o ira eso, me va niu na reva ni qai yani vi ikodou.¹⁹Ia au na qai vatotolo vi ikodou, ke sa vinakajia na Turaga, ia au na reva ni kila na nodra vosa ra sa viavialevu, na kena kaukauwa liga. ²⁰Ni sa reva ni ka ni vosa laliga na matanitu ni Kalou, sa ka liga ni kaukauwa. ²¹A cava dou sa vinakajia? meu qai vi ikodou niu sa tauria na kuita, se meu qai i na loloma, vata ki na yalo malua?

5¹Sa rogo sara ni sa dua vi ikodou sa dauyalewa, ia na dauyalewa va ko ya sa reva ni vosatakia vi ira ra sa reva ni lotu, ni sa dua sa tauria na wati i tamana. ²Ia dou sa viavialevu, ka reva ni tagicakia, me dai tani kina vi ikodou o koya sa caka na ka ke.³Ia oi au, niu sa yali vayago, ia sa jiko vata ki ikodou na yaloqu, au sa lewai koya sa caka na ka ke, me va au sa jiko kinia, ⁴i na yaca ni noda Turaga o Jisu Karisito, ni dou sa soqoni vata tu, ki na yaloqu, vata ki na kaukauwa ni noda Turaga o Jisu, ⁵me soli koya sa vake vi Setani me varusai kinia na yagona, me vabulai na yalona i na siga ni Turaga o Jisu.⁶Sa reva ni vinaka na nomudou vosa doudou. Dou sa reva beka ni kila sa dauvalevenitakia nai buli taucoko na leveni lailai? ⁷O koya mo dou qai dainia tani na leveni makawa, mo dou yaco kinia mei buli vou, me va dou sa reva ni valevenitakia. Ni sa vamatei oji i na vukuda na noda qai-sivia, io na Karisito. ⁸O koya me da qai caka na soqoni, me reva liga i na leveni makawa, se na leveni ni yaloca, vata ki nai valavala ca; i na yalosavasava liga vata ki na yalodina sa reva ni valeveni.⁹Au a vola vi ikodou i nai vola mo dou reva ni daujiko vata ki ira na dauyalewa: ¹⁰ia ka sa reva liga vi ira na dauyalewa ni vuravura ke, se vi ira na daukocokoco, se na daukovekove, se na dausoro ki na matakau, ni sa rawa liga ke dou qai tani i vuravura.¹¹Ia ke liga, au sa vola vi ikodou, mo dou reva ni daujiko vata ki na dua sa vatokai me wekada, o koya sa dauyalewa jiko, se daukocokoco, se dausoro ki na matakau, se dauvivasewasewani, se daumateni, se daukovekove: mo dou reva ni kana vata kaya sa vakinia. ¹²Sa noqu i tavi li meu lewai ira era sa liga ni curu? Ia o ira ra sa curu dou sa lewa se reva? ¹³Ia o ira sa reva ni curu sa lewa na Kalou. O koya mo dou qai dainia tani vi ikodou na tamatai valavala ca ko ya.

6¹E dua beka vi ikodou sa doudou, ni rau sa vicudruvi vata ki na dua tani, me rau qai lai lewai i na matadra na reva ni yalododonu, ka reva liga i na matadra na lotu? ²Dou sa reva beka liga ni kila ni na lewai ira na kai vuravura o ira ra sa lotu? ia ke dou na lewai ira na kai vuravura, dou sa reva beka liga ni yaga mo dou lewa na ka lalai sara? ³Dou sa reva beka liga ni kila ni da na lewai ira na agilose? ia ka reva li ni valevu cake me da lewa na vika vavuravura ke?⁴Ia ke dou sa caka na vilewai i na ka vavuravura, dou lesi ira kinia ra sa dokai valailai sara i nai soqosoqo lewe ni lotu? ⁵Au sa vosa, mo dou madua kinia. E djina beka ni sa reva sara liga e dua vi ikodou sa vuku, me lewai ira rawa na wekana? ⁶ra sa qai na viwekani me ra vilewai, io, i na matadra ra sa reva ni vabaujia?⁷Ia sa qai ka ca vaidina vi ikodou ke, ni dou sa dauyadjia na ka ki na vilewai. E vaivei ni dou sa reva ni vosojia ni dou sa vacacani? e vaivei ni dou sa reva ni vosojia ni dou kovei? ⁸Ia oi ikodou, dou sa dauvivacaca, dou sa daukovekove, io, vi ira na wekamudou.⁹Dou sa reva beka ni kila, ni na reva ni rawajia na matanitu ni Kalou o ira sa reva ni yalododonu? Dou kakua ni vakaisini ikodou: o ira na daudara, vata ki ira na dausoro ki na matakau, vata ki ira na dauyalewa, vata ki ira na viavia vaa na yalewa, vata ki ira na vimoceri vatagane, ¹⁰vata ki ira na daubutako, vata ki ira na daukocokoco, vata ki ira na daumateni, vata ki ira na dauvivasewasewani, vata ki ira na daukovekove, ra na reva ni rawajia na matanitu ni Kalou. ¹¹Ia dou sa vakinia iliu oi ikodou eso: ia dou sa sili, dou sa vasavasavataki, dou sa vadonui, i na yaca ni Turaga o Jisu Karisito, vata ki na Yalo ni noda Kalou.¹²Sa tara vi au na ka keceliga, ia ka sa reva ni yaga na ka keceliga; sa tara vi au na ka keceliga, ia au na reva ni dainia me rawai au e dua na ka. ¹³Sa ka ni kete na kakana, ka sa ka ni kakana na kete: ia ena varusai rau ruarua na Kalou. Ia na yago sa reva ni ka me daudara, ia me nei koya liga na Turaga; ka sa yaga na Turaga ki na yago.¹⁴Ia na Kalou ka vaturia cake na Turaga, ena vaturi kita cake vokiliga, i na nona kaukauwa. ¹⁵Dou sa reva beka ni kila ni sa vijiki i Karisito na yagomudou? ia meu yadjia beka na vijiki i Karisito, ka caka me vijiki i koya na yalewa dautagane? Me reva sara liga.¹⁶E vaivei? dou sa reva beka ni kila, o koya sa vitau vata ki na yalewa dautagane erau sa yago e dua bau? ni sa tukunia o koya, Oi rau na lewe rua, erau na yago e dua bau. ¹⁷Ia o koya sa kabijia na Turaga erau sa yalovata.¹⁸Dou dro tani mai na daudara. Sa ka e taudaku ni yago nai valavala ca keceliga sa caka na tamata, ia o koya sa daudara sai valavala ca ki na yagona.¹⁹E vaivei? dou sa reva beka ni kila ni sa vale ni Yalo Tabu na yagomudou, o koya sa curumi ikodou, o koya dou sa rawajia mai vua na Kalou, ia dou sa reva ni nomudou? ²⁰ni dou sa voli i nai voli; o koya ke mo dou qai varokorokotakia na Kalou, i na yagomudou.

7¹Ia i na vuku ni vika dou sa volavola kinia vi au: Sa vinaka vua na tagane me kakua ni viyacovi vata ki na yalewa. ²Ia me reva ni caka na vibutakoci, me sa bau vawaji na tagane yadua, ka me sa bau vawaji na yalewa yadua.³Me caka vua na yalewa na tagane na ka sa dodonu i na vilomani: me va vokiliga kinia na yalewa vua na tagane. ⁴Sa reva ni vitaliatakia na yagona na yalewa sa vawaji, sa lewa liga na wajina: a sa va vokiliga kinia sa reva ni vitaliatakia na yagona na tagane sa vawaji, sa lewa liga na wajina.⁵Dou kua ni tarovia na viyacovi vai ikodou, me caka liga ni sa vinakajia ruarua i na gauna lekaleka, mo dou lalaga ki na lolo vata ki na masu; ia dou qai viyacovi voki, de dauveretaki ikodou o Setani i na vuku ni nomudou dauvidomoni. ⁶Ia au sa vosatakia ke, ni sa tara tu ka reva ni sa varoji. ⁷Ia au sa vinakajia me vataki au na tamata keceliga: ia sa rawajia mai vua na Kalou na tamata yadua nai solisoli e dui yaga, e dua sa vake, e dua tani sa va o ya.⁸Ia au sa vosataki ira sa reva ni vawaji ki ira na yada, E yaga vi ira me ra jiko vakinia me vataki au: ⁹ia ke ra sa dredre ni tarovi ira, me ra vawaji: ni sa vinaka na vawaji ka ca me daugagano.¹⁰Ia au sa vosataki ira sa vawaji jiko, ia ka sa reva ni vai au, na Turaga liga, Me kua ni dainia na wajina na yalewa sa vawaji: ¹¹(ia ke sa dro, me kua ni vawai voki o koya, se me rau vivinakaji voki vata ki na wajina;) ia na tagane sa vawaji me kua vokiliga ni dainia na wajina.¹²Ia vi ira liga sa vo au sa tukunia vai au, sa reva na Turaga: Ke e dua na wekada, sa reva ni lotu na wajina, a sa via jiko vata kaya na wajina, me kakua ni dainia tani. ¹³Ke sa loma ni tagane reva ni lotu me rau jiko vata ki na wajina, me kua ni drotaki koya na yalewa. ¹⁴Ni sa vasavasavatakia na tagane reva ni lotu na wajina, a sa vasavasavatakia vokiliga na yalewa sa reva ni vabaujia o koya na wajina; ia ke sa reva ni vake, ra sa reva ni savasava na nomudou gone; ia ke, ra sa savasava.¹⁵Ia ke sa dro o koya sa reva ni lotu, me dro liga. Me qai vitalia liga na tagane se na yalewa sa lotu ni sa vake: ia sa kacivi kita na Kalou me da jiko vacegu liga. ¹⁶O sa kila vaivei, o iko na yalewa se o na vabula na wajimu, se reva? se o sa kila vaivei, o iko na tagane, se o na vabula na wajimu, se reva?¹⁷Ia me va sa solia yadua vi ira na tamata na Kalou, me va na nona jiko ni sa kacivi koya na Turaga, me jiko liga vakinia. Au sa lewa me vakinia i na visoqosoqo lewe ni lotu keceliga. ¹⁸Ke dua sa kacivi ni sa cili me kua ni dainia na cili. Ke dua sa reva ni cili ni sa kacivi, me kua ni cilivi. ¹⁹A ka laliga na cili, a ka la vokiliga na reva cili, ia sa reva ni vakinia na talairawarawa ki nai varo ni Kalou.²⁰Me jiko liga na tamata yadua me va na nona jiko ni sa kacivi. ²¹O sa bobula beka ni o sa kacivi? kua ni vuturi kinia: ia ke e rawa mo serekia, mo vayagatakia liga. ²²O koya sa bobula ni sa kacivi koya na Turaga sa qai nona tamata sere na Turaga; sa va vokiliga kinia o koya sa lalaga ni sa kacivi, sa bobula vi Karisito. ²³Dou sa voliliga i nai voli; dou kua liga ni nodra bobula na tamata. ²⁴Na viwekani, me jiko na tamata yadua vata ki na Kalou, i nai tutu sa jiko kinia ni sa kacivi.²⁵Ia i na vukudra ra reva ni vawaji, sa reva ni tu vi au nai varo ni Turaga: ia au sa lewa vai au liga, me va e dua sa rawajia na loloma ni Turaga meu djina kinia. ²⁶A ka ke au sa nanumia sa yaga i na gauna ni ca ke, me jiko laliga na tamata sa vakinia.²⁷Sa dua beka na wajimu o sa vauci kinia? kua ni vatovolea mo sereki voki. Sa reva beka ni dua na wajimu, o sa vauci kinia? kua ni vasaqara e dua me wajimu. ²⁸Ia ke o sa caka na vawaji, o sa reva ni cala kinia; ia ke sa caka na vawaji e dua na goneyalewa, sa reva ni cala kinia. Ia o ira sa vake ena vararawatakia na yagodra: ia oi au, au sa lomani ikodou.²⁹Ia na ka ke au sa tukunia, oi ikodou na viwekani, Sa valekalekatakia na gauna sa vo: ia ke me ra vataki ira ra sa sega ni vawaji o ira na tagane sa vawaji: ³⁰vata ki ira ra sa tagi, me ra vataki ira ra sa reva ni tagi: vata ki ira ra sa marau, me ra vataki ira ra sa reva ni marau; vata ki ira ra sa vivoli, me ra vataki ira sa reva na nodra ka; ³¹vata ki ira era sa vayagatakia na vika ni vuravura ke, me ra vataki ira ra sa reva ni vayagatakia vaca: ni sa qai tani yani nai valavala ni vuravura ke.³²Ia au sa vinakajia mo dou kua ni lomaocaoca. Na tagane sa reva ni vawaji sa daunanumia liga na vika ni Turaga, se me vinaka vaivei vua na Turaga: ³³ia na tagane sa vakawaji sa daunanumia ki na vika ni vuravura ke, me vayalovinakataki koya vaivei na wajina. ³⁴Sa dua tani na goneyalewa vata ki na yalewa sa vawaji. A yalewa sa reva ni vawaji sa daunanumia ki na vika ni Turaga, me savasava jiko na yagona vata ki na yalona vokiliga: ia na yalewa sa vawaji sa daunanumia ki na vika ni vuravura, se na vinakaji koya vaivei na wajina.³⁵Ia na ka ke au sa tukunia me yaga vi ikodou; au sa reva ni via vataotaki ikodou, au tukunia liga na ka sa kilikili vata ki ikodou, mo dou dauqaravia na Turaga ka reva ni lomaocaoca.³⁶Ia ke dua na qase sa nanumia sa reva ni lewa vinaka i na vuku ni luvena yalewa, ke sa oji na gauna ni gone, a sa mama ni jiko la, me vitalia liga; sa reva ni cala o koya: me ra vawaji. ³⁷Ia o koya sa dei sara na lomana, a sa reva ni mama vua me jiko la, a sa rawajia liga na yalona, ka sa lewa liga i na yalona me tauria jiko na luvena yalewa, sa caka vinaka. ³⁸Sa qai vake, o koya sa solia na luvena yalewa me vawaji sa caka vinaka liga; ia o koya sa reva ni solia me vawaji sa caka vinaka cake.³⁹Sa vaucia na yalewa na lawa, ni sa bula jiko na wajina; ia ke sa mate na wajina, sa qai tara vua me vawaji voki ki na tagane sa vinakajia o koya; ka me caka liga ki koya sa nona na Turaga. ⁴⁰Ia sa noqu lewa sa kalougata cake o koya ke sa jiko liga va o ya: ia au sa vakasama vokiliga ni sa jiko vi au na Yalo ni Kalou.

8¹Ia i na vuku ni ka sa vacaboria ki na matakau, kit sa kila sa tu vi kita keceliga na vuku. Na vuku sa vu ni viavialevu, a loloma liga sa vu ni vatataki cake. ²Ia ke dua sa nanumia sa kila e dua na ka, sa reva ni kila na ka me va e dodonu me kila. ³Ia ke dua sa lomania na Kalou, sa kilai vua o koya.⁴I na vuku ni kana ka sa vacabori ki na vimatakau, kita sa kila sa ka la duadualiga i vuravura na matakau, a sa dua bauliga na Kalou ka reva voki e dua tani. ⁵Io, sa djina sa tu na vika sa vatokai me kalou, mai lomalagi se e vuravura, me va ni ra sa lewe levu na kalou, ka lewe levu vokiliga na turaga, ⁶ia vi kita sa dua bauliga na Kalou, na Tamada sa vu vi koya na ka keceliga, kita sa nona liga oi kita; a sa dua bauliga na Turaga o Jisu Karisito, sa caka kinia na ka keceliga, ia oi kita i na vukuna.⁷Ia ka sa reva ni nodra keceliga na tamata na vuku ke: io, sa so ra sa nanumia sa djina na matakau, a ra sa kania me va sa vacabori ki na matakau, a sa dukadukali kinia na yalodra ni sa malumalumu.⁸Ia na kakana sa reva ni ka kita vinaka kinia vua na Kalou: ia kita sa kana, kita sa reva kinia ni vinaka cake; ke kita sa reva ni kana, kita sa reva kinia ni ca sobu. ⁹Ia mo dou raicia vinaka de yaco na nomudou vitalia vake me ka ra tarabe kinia o ira ra sa malumalumu. ¹⁰Ia ke dua sa raici iko sa tamata vuku ni o sa jiko i na vale ni matakau mo kana, ena qai reva li ni doudou cake kinia na loma i koya sa malumalumu me kania na vika sa vacabori ki na matakau?¹¹ia na nomu vuku ena vu ni nona rusa na wekada sa malumalumu, sa mate kinia na Karisito. ¹²Ia ni dou sa cala vake, vi ira na viwekani, ka vacacana na lomadra sa malumalumu, dou sa cala vi Karisito. ¹³O koya, ke sa tarabe na wekaqu i na kakana, au na reva sara ni kania na lewe ni manumanu ka reva ni mudu, de tarabe i na vukuqu na wekaqu.

9¹Au sa reva li ni lalaga? au sa reva li ni apositolo oi au? au a reva li ni raici Jisu Karisito na noda Turaga? oi ikodou, dou sa reva li ni noqu cakacaka i na Turaga? ²Ke au sa reva ni apositolo vi ira eso tani, au sai apositolo djina vi ikodou: ni sai vadjinadjina niu sai apositolo na nomudou tu vata ki na Turaga.³Au sa tukunia vake vi ira ra sa tarogi au, ⁴Kitou sa reva beka ni vitalia me kitou kana, se gunu? ⁵kitou sa reva beka ni vitalia me kitou yadjia voli e dua na yalewa lotu, sa waji i kitou, me vataki ira nai apositolo tani, vata ki iratou na taci ni Turaga, vata ki Kifa? ⁶se kirau liga vata ki Panapasa, kirau sa reva beka ni vitalia me kirau kua so ni cakacaka?⁷O cei na sojia sa laki valu i na dua na siga, ka sa saumi koya vai koya? o cei sa tea na were-ni-vaini, ka sa reva ni somicia na vuana? se o cei sa vakania na qele-ni-sipi, ka sa reva ni gunu i na wainisucu ni qele ni sipi? ⁸Au sa vosatakia li na vika ke me vaka liga na tamata? sa reva beka ni tukunia vakina na vunau?⁹ni sa volai i na vunau i Mosese, Mo kua ni vaucia na gusu ni pulumokau ni sa buturakia na sila. Sa daunanumia beka na pulumokau na Kalou? ¹⁰se sa vosa beka o koya i na vuku i kitou liga? Io, sa volai ke i na vuku i kitou; ni sa dodonu me cuki were i nai nuinui o koya sa daucuki; vata ki koya sa buturakia na sila me buturakia i nai nuinui ni na rawajia na ka. ¹¹Ke kitou sa kaburakia oji vi ikodou na vika vayalo sa ka levu beka me kitou kumunia na nomudou vika vavuravura?¹²Ke sa vitaliataki ikodou o ira na tamata tani eso, e reva beka ni dodonu sara vi kitou? Ia kitou sa reva ni vitalia vake; kitou sa vosojia na ka keceliga, de kitou tarovia nai tukutuku vinaka ki Karisito. ¹³Dou sa reva beka ni kila, ni ra sa kana i na ka ni valenisoro o ira sa dauia na cakacaka tabu? era sa rawajia na kodra mai nai cabocabo ni soro o ira ra sa dauqaravia nai cabocabo ni soro? ¹⁴Sa lesia vakinia na Turaga me ra bula i nai tukutuku-vinaka o ira ra sa tukunia nai tukutuku-vinaka.¹⁵Ia au sa reva ni vayagatakia e dua na ka ke; au sa reva vokiliga ni vola na vika ke, me sa caka vakinia vi au: ni sa vinaka vi au meu mate, ka ca me dua e tarovia na ka au sa dokai au kinia. ¹⁶Ia ke au sa vunautakia nai tukutuku-vinaka, sa reva na ka meu dokai au kinia: ni au sa vasaurarataki; io sa ca sara liga vi au, ke au sa reva ni vunautakia nai tukutuku-vinaka!¹⁷Ia ke au sa caka na ka ke ni sa vinakajia na yaloqu, au sa saumi; ia ke reva ni vinakajia na yaloqu, sa qai soli vi au e dua na cakacaka vaitalatala. ¹⁸A cava sa qai kenai sau vi au? Na noqu vunautakia nai tukutuku-vinaka meu kua ni vaivolitakia, meu kua ni caka me va sa dodonu vi au i nai tukutuku-vinaka.¹⁹Ni sa djina liga niu sa lalaga maivi ira keceliga na tamata, ia au sa qisi au meu nodra bobula na tamata keceliga, meu rawai ira kina na lewe levuqa. ²⁰20Ia kau sa yaco meu vaka e dua na Jiu vei ira na Jiu, meu rawai ira kinia na Jiu; vi ira sa vauci i na vunau, meu va e dua sa vauci i na vunau, ia au sa reva ni vauci i na vunau, meu rawai ira kinia ra sa vauci i na vunau;²¹vi ira sa reva kinia na vunau, meu va e dua sa reva vua na vunau, meu rawai ira kinia sa reva vi ira na vunau, ia ka sa reva ni yali vi au na vunau ni Kalou, au sa muria liga na vunau i Karisito; ²²vi ira ra sa malumalumu au sa yaco meu vaka e dua sa malumalumu, meu rawai ira kinia ra sa malumalumu: au sa yaco meu ka keceliga vi ira keceliga na tamata meu vabula eso i na ka keceliga. ²³Ia au sa caka na ka keceliga i na vuku ni tukutuku-vinaka, meu rawajia vata kinia vata ki ikodou na kenai sau.²⁴Dou sa reva beka ni kila ni ra sa cici keceliga o ira sa cicivia na cere, ia sa dua bauliga sa taucia na cere? Dou cici vakinia, mo dou taucia. ²⁵Ia o koya yadua sa via gumatua, sa jiko malua i na ka keceliga; ia era caka o ira gona, me nodra e dua nai sala sa ca rawarawa; ia oi kita, me dua sa reva ni ca rawa. ²⁶Au sa cici vakinia, ia sa reva ni va e dua e reva ni kila: au sa vacu vakinia, ia ka reva ni va e dua sa vacukia na cagi: ²⁷ia au sa vamalumalumutakia na yagoqu, ka vabobulatakia, de dua na ka, niu sa vunau vi ira na tamata tani, au sa qai dai la tu.

10¹Ia au sa reva ni vinakajia, oi ikodou na viwekani, mo dou lecavia ni ra a tu e ruku ni o, o ira keceliga na noda qase, a ra sa qai keceliga i loma ni waitui: ²a ra sa papitaisotaki keceliga vi Mosese i na o vata ki na waitui; ³a ra sa kania vata keceliga na kakana vayalo; ⁴a ra sa somicia vata keceliga na wai ni gunu vayalo: ni ra sa gunu mai na Vatu vayalo sa muri ira: ia na Vatu o ya na Karisito.⁵Ia sa lewe levu vi ira sa reva ni vinakaji ira na Kalou; ni ra sa duibiubiu e loma ni vikau. ⁶Ia na vika ke sai vatakarakara vi kita, me da kua kinia ni daugadreva na veika ca, me vaka na nodra daugadrevIa.⁷Dou kua vokiliga ni qaravia na matakau, me vataki ira eso; me va sa volai, "Ra sa jiko sobu na tamata me ra kana ka somi, a ra sa qai tu cake voki me ra qito. ⁸Me da kua vokiliga ni dauyalewa, me va ra sa caka eso, a sa bale kinia i na siga e dua bau e lewe ruasagavulu ka mani tolu na udolu.⁹Me da kua vokiliga ni dauvatovolei Karisito, me va ra sa dauvatovolea eso, a sa kaji ira mate na vigata. ¹⁰Dou kua vokiliga ni daudidi, me va ra sa djidji eso a ra sa varusai i na dauvivarusai.¹¹i na ka keceliga ke sa yaco vi ira mei vatakarakara: a ra sa volai me da vatavulici kinia, oi kita sa yacovi kita nai vataojioji ni vigauna. ¹²O koya me qai varaici koya o koya sa nanumia sa tu dei, de bale liga mai. ¹³Sa reva na vere tani sa yaco vi ikodou, o koya liga sa vorajia rawa na tamata: ia sa yalodina na Kalou o koya ena reva ni daini ikodou mo dou dauveretaki valevu cake, me va liga na nomudou kaukauwa; ka na caka vokiliga vata ki na vere na sala mo dou dro kinia, mo dou vosojia rawa.¹⁴O koya ke, oi ikodou sa lomani, mo dou dro tani mai na qaravia na matakau. ¹⁵Au sa vosa me va vi ira na tamata vuku; dou lewa na ka au sa tukunia. ¹⁶A bilo ni vavinavinaka kitou sa vatonakia, sa reva li ni ka sa noda vata kinia na dra i Karisito? Ai buli madrai kita sa dovia, sa reva li ni ka sa noda vata kinia na yago i Karisito? ¹⁷Ni sa dua bauliga na madrai, sa qai yagona e dua bauliga oi kita e lewe levu, ni sa noda nai votavota ni madrai ko ya e dua bauliga.¹⁸Dou raici ira na Isireli vayago: o ira ra sa kania na vimadrali, sa reva li ni nodra nai votavota vata ki nai cabocabo ni soro? ¹⁹A cava na ka au sa tukunia? ni sa dua li na ka djina na matakau, se na ka djina na ka sa vacabori ki na matakau?²⁰Ia na vika ra sa vacaboria o ira ra sa reva ni lotu, ra sa vacaboria vi ira na tevoro, a sa reva liga vua na Kalou: ia au sa reva ni vinakajia mo dou votai vata ki ira na tevoro. ²¹Dou sa reva ni somia rawa na bilo ni Turaga, vata ki na nodra bilo vokiliga na tevoro: dou sa reva ni kana rawa i na tepeli ni Turaga, vata ki na nodra tepeli vokiliga na tevoro. ²²Kita vacudruya na Turaga, ne? kita sa uasivi beka vua i na kaukauwa?²³Sa tara liga vi au na ka keceliga, ia sa reva ni yaga na ka keceliga: sa tara na ka keceliga, ia sa reva ni ka ni vatataki cake na ka keceliga. ²⁴Me kua e dua me qara na ka sa yaga duadualiga vi koya, a ka vokiliga sa yaga vi koya na tani.²⁵A ka keceliga sa volitakia i na rara ni vivoli, mo dou kania, ka kua ni tarogia e dua na ka i na vuku ni lewa eloma: ²⁶ni sa nona na Turaga o vuravura, vata ki na ka keceliga sa sinai kinia. ²⁷Ke ma reva ni lotu sa sureji ikodou, ka dou sa vinakajia me qai, dou kania liga na ka keceliga sa tauci e matamudou, ka kua ni tarogia e na vuku ni lewa eloma.²⁸Ia ke sa tukunia vi ikodou, Ke sa vacabori ki na vimatakau, dou kakua ni kania i na vuku i koya sa tukunia, i na vuku ni lewa eloma vokiliga: ²⁹au sa cavujia na lewa eloma, ia ka sa reva ni nomu, a nona liga na tani: ni sa lewai vacava na noqu vitalia i na lewa eloma ni dua tani? ³⁰Ia ke au sa kana ka vavinavinaka kinia, meu sa vosavacacatakia i na vuku ni cava i na ka au sa vavinavinaka kinia?³¹O koya liga, se dou kana, se dou somi, se cava na ka dou sa caka, mo dou caka keceliga me varokorokotakia kinia na Kalou. ³²Dou kua ni vacala e dua, vi ira na Jiu, se vi ira na lewe ni vimatanitu tani, se vi ira nai soqosoqo lewe ni lotu ni Kalou: ³³me va au sa caka na ka keceliga me vinakajia o ira na tamata keceliga, ia au sa reva ni qara na ka sa yaga duadualiga vi au, na ka vokiliga sa yaga vi ira na lewe levu, me ra vabulai kinia.

11¹1Dou vadamurimuri au, me va au sa muri Karisito. ²Ia au sa dokai ikodou, na viwekani, ni dou sa nanumi au i na ka keceliga, ka vabaujia nai vavuvuli, me va au a solia vi ikodou. ³Ia au sa vinakajia mo dou kila ni sa ulu ni tamata yadua na Karisito; ia na ulu ni yalewa na tagane; vata ki na ulu i Karisito na Kalou. ⁴A tagane yadua, sa masu se parofisai, ni sa ubi na uluna, sa reva ni doka na uluna.⁵Ia na yalewa yadua sa masu se parofisai ni sa reva ni ubi na uluna, sa reva ni doka na uluna: ni sa tautauvata liga ni sa tasi. ⁶Ia ke sa reva ni ubi na yalewa, me tasi vokiliga: ia ke sa ka ni vivamaduataki me koji na yalewa se tasi, me qai ubi.⁷Ni sa reva sara liga ni dodonu vua na tagane me ubia na uluna ni sai yaloyalona vata ki na kenai ukuuku ni Kalou o koya: ia na yalewa nai ukuuku ni tagane. ⁸Sa reva ni vu mai vua na yalewa na tagane; sa vu mai vua na tagane na yalewa.⁹Ni sa reva ni buli na tagane me nona na yalewa; sa buli liga na yalewa me nona na tagane. ¹⁰O koya ke sa dodonu kinia me tu nai ubi i na ulu ni yalewa mei vatakilakila ni kena malumalumu, i na vukudra na agilose.¹¹Ia sa reva ni tu duadualiga na tagane ka me tu tani na yalewa, se tu duadualiga na yalewa me tu tani na tagane i na Turaga. ¹²Ni sa vu mai vua na tagane na yalewa, sa va vokiliga kinia na tagane i na vuku ni yalewa; ia sa vu mai vua na Kalou na ka keceliga.¹³Dou lewa vai ikodou: sa kilikili kaya na yalewa li me reva ni ubi ni sa masu vua na Kalou? ¹⁴Sa reva li ni vavulici ikodou na nodai tovo vatamata, ke sa balavu na drau ni uluna na tagane, sa ka ni vivamaduataki vua? ¹⁵ia ke sa balavu na drau ni uluna na yalewa, sa nonai ukuuku liga: ni sa soli vua na drau ni uluna me kenai ubi? ¹⁶Ia ke sa via dauvileji e dua, sa reva ni nitou i valavala ke, se na nodra na visoqosoqo lewe ni lotu ni Kalou.¹⁷Ia niu sa varojia jiko ke, au sa reva ni dokai ikodou, ni dou sa reva ni vinaka cake ni dou sa soqoni vata, ia dou sa ca sobu kinia. ¹⁸Io, na kenai matai, ni dou sa soqoni vata vaisoqosoqo lewe ni lotu, au sa rogocia ni dou sa dauvisei; ia au sa vadjinajia eso: ¹⁹ni sa dredre me reva ni tubu na dauviba vi ikodou me rairai kinia o ira vi ikodou ra sa vinakaji.²⁰Ia ni dou sa soqoni vata i na dua na yasana, dou sa reva ni caka djina nai vayakavi ni Turaga. ²¹Ia ni dou sa kana, dou sa dui kania yadua eliu na kenai vayakavi: a sa viakana kinia e dua, ka mateni e dua. ²²Oi? sa qai reva beka na nomudou vivale mo dou kana ka somi kinia? se dou vamaduataki ira beka sa reva na nodra, ka beca nai soqosoqo lewe ni lotu ni Kalou? A cava meu tukunia vi ikodou? meu dokai ikodou li i na ka ke? Au sa reva ni dokai ikodou.²³Niu a rogocia mai vua na Turaga na ka au a tukunia vokiliga vi ikodou, Ni sa tauria nai buli madrai na Turaga o Jisu i na bogi sa soli yani kinia o koya: ²⁴ia ni sa vavinavinaka oji sa dovia, ka tukunia: Ke na yagoqu sa dovi i na vukumudou; caka ke mo dou vananumi au kinia.²⁵Sa va vokiliga kinia na bilo, ni sa kania oji nai vayakavi o koya, sa tukunia, "Na bilo ke na viyalayalati vou i na noqu dra; i na gauna keceliga dou sa somia kinia, dou caka ke mo dou vananumi au kinia. ²⁶Io, i na gauna keceliga dou sa kania kinia na madrai ke, ka somia na bilo ke, dou sa vatakila kinia na nona mate na Turaga, ka yacovia na nona qai mai.²⁷Ia ina tarogia kinia i na vuku ni yago ni Turaga vata ki na nona dra, o koya yadua ena kania na madrai ke, ka somia na bilo ni Turaga, ka reva ni doka. ²⁸Ia me dikevi koya mada na tamata vai koya, me qai kania na madrai o ya, ka somi i na bilo ko ya. ²⁹Ni sa kania ka somia na nona cudruvi o koya sa kania ka somia ka reva ni doka, ni sa reva ni kila na yago ni Turaga. ³⁰I na vuku ni ka ke sa lewe levu kinia vi ikodou sa malumalumu ka tauvimate, ka lewe levu sa moce.³¹Ia, ke kita sa lewai kita, kita na reva ni lewai. ³²Ia ni da sa lewai, sa qai cudruvi kita na Turaga, me da kua kinia ni lewai me cudruvi vata ki ira ra sa vavuravura.³³O koya ke ikodou na wekaqu, ni dou sa soqoni vata mo dou kana, dou viwaraki mada. ³⁴Ia ke sa viakana, me kana liga mai vale; mo dou kakua kinia ni soqoni vata mo dou cudruvi. Ia na ka sa vo au na vadodonutakia niu sa qai yani.

12¹Ia i na vuku ni vika vayalo, oi ikodou na viwekani, au sa reva ni vinakajia mo dou reva ni kila. ²Dou sa kila ni dou ma jiko reva ni lotu, dou sa au yani ki na vimatakau galu, me va ni dou sa tuberi voli vaka ka vaka. ³O koya ke au sa vatakila kinia vi ikodou, ni sa reva ni dua na tamata sa vosa i na Yalo ni Kalou, me sa vosavacacataki Jisu: a sa reva e dua sa tukunia rawa ni sa Turaga o Jisu, ke reva ni vavuna na Yalo Tabu.⁴Ia sa duidui na ka sa soli, ia sa dua bauliga na Yalo Tabu. ⁵Sa duidui vokiliga na kena cakacaka, ia sa dua bauliga na Turaga. ⁶Sa duidui vokiliga nai valavala ni ka sa caka, ia sa dua bauliga na Kalou, o koya sa caka na ka keceliga vi ira keceliga.⁷A sa soli vi ira na tamata yadua nai vatakilakila ni Yalo Tabu me yaga kinia. ⁸Sa soli vua e dua i na cakacaka ni Yalo Tabu na vosa ni vuku; vua voki e dua na vosa ni kila ka, i na cakacaka vokiliga ni Yalo Tabu;⁹vua voki e dua na vadinajia, i na cakacaka vokiliga ni Yalo Tabu; vua voki e dua nai solisoli me vabulai ira sa tauvimate, i na cakacaka vokiliga ni Yalo Tabu; ¹⁰vua voki e dua me caka na ka mana; vua voki e dua me parofisai; vua voki e dua me kila na viyalo; vua voki e dua na vosa tani eso; vua voki e dua me lavejia na vosa tani eso: ¹¹ia na Yalo Tabu e dua bauliga sa caka na ka keceliga ke, ni sa vota vi ira na tamata yadua me va sa vinakajia o koya.¹²Me va sa dua bauliga na yago, ka sa levu na kena jikinia, ia na jiki ni yago keceliga, sa levu liga, ka sa dua bauliga na yago: sa va vokiliga kinia na Karisito. ¹³Ni da sa papitaisotaki keceliga ki na yago e dua bauliga i na Yalo Tabu e dua bauliga, se da kai Jutia se da kai tani, se da bobula se dai taukei; kita sa vasomici vokiliga i na Yalo Tabu e dua bauliga.¹⁴Ni sa reva ni dua laliga na jikinia i na yago, sa levu liga. ¹⁵Ke ena tukunia na yava, Oi au, au sa reva ni jiki ni yago, niu sa reva ni liga; sa reva ni ka ke sa reva kinia ni jiki ni yago. ¹⁶Ia ke ena tukunia na daliga, Oi au, au sa reva ni jiki ni yago, niu sa reva ni mata; sa reva ni ka ke sa reva kinia ni jiki ni yago. ¹⁷Ke sa mata na yago taucoko, ena qai ivei na ka me rogo kinia? Ke ka ni rogo na jikina kece, ena qai ivei na ka me boi kinia?¹⁸Ia ke, sa caka na Kalou na vijiki ni yago me tu yadua, me va na nona lewa. ¹⁹Ia ke sa dua bauliga na jikinia keceliga, ena qai ivei na yago? ²⁰Ia ke, sa levu na jikinia, a sa dua bauliga na yago.²¹A sa reva ni tukunia rawa na mata ki na liga, "O sa reva ni yaga vi au;" se na ulu ki na yava, "Drau sa reva ni yaga vi au." ²²Ia sa valevu cake vokiliga gona, a vijiki ni yago kita sa nanumia ni ra sa malumalumu, ra sa yaga sara liga: ²³ia na vijiki ni yagoda, kita sa nanumia sa matavinaka valailai, gona kita sa vaiukuukutakia valevu cake: ia na vijikida sa reva ni lagilagi sa valagilagitakia valevu cake. ²⁴Ni sa reva ni yaga ki na vijikida sa lagilagi vai ira liga: ia na Kalou sa caka me virauji na vijiki ni yago, a sa lewa me nanumi valevu cake gona sa vinaka sobu:²⁵me kua kinia ni visei na yago; ka me vinanumi vatautauvata na vijikinia vai ira liga. ²⁶Ia ke sa rarawa e dua na jikinia, sa rarawa vata na jikinia keceliga; se dua na jikinia sa dokai, sa marau vata na jikinia keceliga. ²⁷Ia oi ikodou na yago i Karisito, ka dui jikinia yadua kinia.²⁸A sa lesi ira eso na Kalou i nai soqosoqo lewe ni lotu, a kenai matai o ira nai apositolo, ai karua na parofita, ai katolu nai vavuvuli, sa qai muri o ira sa daucakamana, vata ki ira, sa soli vi ira me ra vabula na tauvimate, o ira ra vivuke, o ira ra lewa, o ira ra kila na vosa tani eso. ²⁹Ra sai apositolo keceliga li? ra sa parofita keceliga li? ra sai vavuvuli keceliga li? ra sa daucaka mana keceliga li?³⁰ra sa rawajia keceliga li nai solisoli me ra vabula na tauvimate? ra sa vosa keceliga li i na vosa tani e levu? ra sa lave vosa li o ira keceliga? ³¹Ia dou gadrevia valevu na visolisoli vinaka sara: ia au sa vatakila vi ikodou nai valavala sa vinaka cake na kena vinaka.

13¹Ke au sa vosatakia na nodra dui vosavosa na tamata vata ki na vosa ni agilose, ka reva vi au na loloma, au sa va laliga na kaukamea sa rorogo, se na lali sa tataqiriqiri. ²Ia ke au sa parofisai rawa, ka kila vokiliga na ka keceliga sa vuni, vata ki na vuku keceliga; ia ke sa tu vi au na vabaujia keceliga, meu yadjia tani kinia na viulunivanua, ka reva vi au na loloma, au sa ka laliga. ³Ia ke au sa vota na noqu ka keceliga, meu vakani ira kinia na dravudravua, ia ke au sa solia na yagoqu meu vakamai, ka sa reva vi au na loloma, sa reva ni yaga vi au.⁴Sa dauvosojia vadede na loloma, sa yalovinaka; sa reva ni vuvu na loloma; sa reva ni vosa doudou na loloma, sa reva ni viavialevu, ⁵sa reva ni cakaji na ka sa reva ni kilikili kaya, sa reva ni qara na ka me nona liga, sa reva ni cudrucudru, sa reva ni daulomaca; ⁶sa reva ni marautakia na ca, ia sa marautakia na djina; ⁷sa ubia na ka keceliga, sa vabaujia na ka keceliga, sa vanuinuitakia na ka keceliga, sa vosojia na ka keceliga.⁸Sa reva ni mudu na loloma: ia na parofisai, ena takali liga; na vosa tani e levu, ena mudu liga; na vuku, ena takali liga. ⁹Ni da sa kila vajikina liga, ia kita sa parofisai vajikinia liga. ¹⁰Ia ni sa yaco na ka taucoko, ena qai takali na ka sa vatikinia liga.¹¹Niu a gone, au a dauvosa me va na gone, au a kila ka me va na gone; au a dauvanananu me va na gone; ia niu sa yaco me tamata bula, au sa dainia tani na ka vagonegonea. ¹²Io, ni kua kita sa raicia me va na jijiro i nai iloilo buawa; ia maimuri ena va na virai i na matanavotu: ni kua au sa kila vajikinia liga; ia maimuri, au na kila me va au sa kilai. ¹³Ia ke, sa tu na vabaujia, nai nuinui, na loloma, a ka tolutolu ke; a sa vinaka cake vi iratou na loloma.

14¹Dou vasaqara na loloma: dou gadrevia vokiliga na vika vayalo, ka valevu mo dou parofisai. ²Ia o koya sa vosa i na dua na vosa tani, sa reva ni vosa vi ira na tamata, vua liga na Kalou; ni sa reva e dua sa kila; a sa cavujia o koya na vika i vuni i na lomana. ³Ia o koya sa parofisai sa vosa vi ira na tamata me vatataki ira, ka vatavulici ira, ka vacegui ira. koya sa vosa i na dua na vosa tani, sa vatataki koya liga; ⁴ia o koya sa parofisai, sa vatataki ira nai soqosoqo lewe ni lotu.⁵Ia au sa vinakajia mo dou vosa keceliga i na vosa tani e levu, ka valevu cake mo dou parofisai; ni sa uasivi cake o koya sa parofisai vi koya sa vosa i na vosa tani e levu, ke sa reva ni vatakila na kenai balebale o koya, me vatataki kinia o ira nai soqosoqo lewe ni lotu. ⁶Ia sa vakinia, na viwekani, ke au sa qai vi ikodou ka dauvosa i na vosa tani e levu, au na yaga vacava vi ikodou, ke au sa reva ni vosa vokiliga vi ikodou i nai vatakilakila, se i na vuku, se i na parofisai, se i nai vavuvuli?⁷Ia na vika sa reva ni bula ka sa daurorogo, se na bitu ni vatagi se na api, ke sa reva ni duidui na kena rorogo, ena kilai vaivei se sa cava nai balebale ni ka sa laga i na bitu ni vatagi se na api? ⁸Ia ke ena rorogo na davui ni valu ka reva ni kilai na kena rorogo, o cei ena varautaki koya me qai ki valu? ⁹Sa vakinia oi ikodou, ke dou sa reva ni cavujia na vosa sa kilai rawa, ena kilai vaivei na ka sa vosataki? dou na vosa laliga ki na cagi.¹⁰E djina beka, ni sa levu na vosa sa duidui e vuravura, a sa reva e dua sa reva ni vaibalebale. ¹¹Ia ke au sa reva ni kila nai balebale ni vosa, au na kai tani vua sa vosa, ena kai tani vokiliga vi au o koya sa vosa.¹²Sa vakinia oi ikodou, ni dou sa gadrevia na vika vayalo, dou vasaqara vokiliga mo dou vinaka cake i na ka sa vatataki kinia o ira nai soqosoqo lewe ni lotu. ¹³Ia o koya sa vosa i na dua na vosa tani, me masu vokiliga me vatakila rawa na kenai balebale. ¹⁴Io, ke au sa masu i na dua na vosa tani, sa masu na yaloqu liga, ka sa reva ni vavuana na noqu nanumia.¹⁵Sa qai vaivei? au na masu i na yaloqu, au na masu i na noqu kila vokiliga; au na sere i na yaloqu, au na sere i na noqu kila vokiliga. ¹⁶Ke sa reva ni vakinia, ni o sa vavinavinaka i na yalomu liga, ena vaemeni vaivei i na nomu vavinavinaka o koya sa jiko i na nodra jikina na tamata sa reva ni vuku, ni sa reva ni kila na ka o sa tukunia?¹⁷Sa djina liga o sa vavinavinaka vadodonu, ia sa reva ni vatataki kinia o koya. ¹⁸Au sa vavinavinaka vua na Kalou, niu sa vinaka cake vi ikodou keceliga i na vosatakia na vosa tani e levu: ¹⁹ia au sa vinakajia valevu meu vosatakia i na noqu kila e lima laliga na vosa i na kodra maliwa nai soqosoqo lewe ni lotu, meu vavulici ira vokiga kinia na tani, ia au cajia meu cavujia na vosa e tini na udolu i na vosa tani.²⁰Oi ikodou na viwekani, dou kua ni gone lalai i na vuku; i na lomaca liga mo dou gone lalai, ia i na vuku mo dou tamata bula. ²¹Sa volai i na vunau, Au na vosa vi ira na tamata ke i na gusu ni kai tani, vata ki na tebenigusu ni vulagi; ia ni sa vakinia ra na qai reva ni rogoci au, sa tukunia na Turaga.²²O koya ke sai vatakilakila vi ira sa reva ni vabaujia na vosa tani e levu, ia ka sa reva vi ira sa vabaujia; ia na parofisai sa reva ni ka vi ira sa reva ni vabaujia, vi ira liga sa vabaujia. ²³Ia ke sa soqoni vata i na dua na yasana nai soqosoqo lewe ni lotu taucoko, a ra sa dui vosa keceliga i na vosa e levu, a sa qai mai eso sa reva ni vuku, se ra reva ni vabaujia, ra na reva li ni tukunia dou sa lialia?²⁴Ia ke ra sa parofisai keceliga, a sa qai mai e dua sa reva ni vabaujia, se sa reva ni vuku, sa vacalai kinia o koya vi ira keceliga, sa lewai o koya vi ira keceliga: ²⁵ka sa varaitakia vake na vika e vuni i na yalona; ena cuva vatoboicu o koya, ka masu vua na Kalou, ka na tukunia ni sa djina sa jiko vi ikodou na Kalou.²⁶Sa qai vaivei, ikodou na viwekani? ni dou sa soqoni vata, dou sa dui tauria yadua na sere, ai vavuvuli, ai vatakilakila, a vosa tani, na lave vosa. Me caka na ka keceliga mo dou vatataki kinia. ²⁷Ke sa vosa i na vosa tani, me lewe rua, se lewe tolu liga, me ra vitaravi yadua liga; ia me dua e lave vosa. ²⁸Ia ke reva e dua me lave vosa, me galu liga i nai soqosoqo lewe ni lotu; me vosa vi koya liga vai koya, vua vokiliga na Kalou.²⁹Ia me lewe rua se lewe tolu na parofita me vosa, ka me lewa liga o ira sa vo. ³⁰Ia ke sa vatakilai e dua na ka vua e dua sa jiko voleka, me galu mada o koya sa liu.³¹Ni sa rawa mo dou parofisai keceliga, ia dou caka yadua liga, me vatavulici keceliga, ka vacegui keceliga. ³²Ia sa dui rawa na yalo ni parofita o ira na parofita. ³³Ni sa reva ni vu ni visei na Kalou, sa vu ni vacegu liga, me va sa yaco i na nodra i soqosoqo keceliga era sa lotu.³⁴Me ra galu liga o ira na nomudou yalewa i na visoqosoqo lewe ni lotu: ni sa reva ni tara vi ira me ra vosa; ia me ra yalomalumalumu liga, me va na vosa ni vunau. ³⁵Ia ka ra sa via kila e dua na ka, me ra dui tarogia na wajina mai nodratou; ni sa ka ni vivamaduataki me ra vosa na yalewa i nai soqosoqo lewe ni lotu. ³⁶Oi ikodou beka sa taka mai kinia na vosa ni Kalou? se sa yaco vi ikodou duadualiga?³⁷Ke sa nanumi koya ni sa parofita, se tamata vayalo, me kila mada ni sai varo ni Turaga na vika au sa vola vi ikodou. ³⁸Ia ke dua sa reva ni kila, ia me kua liga ni kila.³⁹O koya ke, na viwekani, mo dou qai gadrevia mo dou parofisai, kua vokiliga ni tarovia na vosatakia na vosa tani e levu. ⁴⁰Ia me caka me rairai vinaka na ka keceliga, ka vadodonu vokiliga.

15¹Ia au sa vatakila vi ikodou, na viwekani, nai tukutuku-vinaka au ma vunautakia vi ikodou, o koya dou ma vabaujia vokiliga, dou sa tu dei vokiliga kinia; ²o koya vokiliga dou sa bula kinia, ke dou sa tauria jiko na ka au ma vunautakia vi ikodou, ke sa reva ni ka laliga na nomudou vabaujia.³Niu ma tukunia taumada vi ikodou na ka au ma rawajia, ni sa mate na Karisito i na vuku ni nodai valavala ca me va nai Vola Tabu: ⁴ni sa bulu vokiliga, ka ni sa tu cake vokiliga i nai katolu ni siga me va nai Vola Tabu;⁵ni sa rairai vokiliga vi Kifa, vi ira imuri na le tinikarua; ⁶ka rairai imuri vi ira vata na viwekani era lewe lima na drau ka vacaca; e lewe levu vi ira ra sa bula ka yacovia na siga ke, a sa moce tu eso. ⁷Sa rairai imuri o koya vi Jemesa; sa qai rairai vi ira keceliga nai apositolo.⁸Sa rairai imuri sara vi au vokiliga, me va vua e dua sa lutu dole. ⁹Niu sa vinaka sobu ei ira keceliga nai apositolo, au sa reva ni yaga meu vatokai mei apositolo, niu ma vacacania nai soqosoqo lewe ni lotu ni Kalou.¹⁰Ia na loloma liga ni Kalou au sa yaco kinia ki na noqu jiko ni kua: ia na nona lomani au sa reva ni reva yaga; ia au sa vinaka cake vi ira keceliga i na cakacaka; ia ka sa reva ni oi au laliga, na loloma liga ni Kalou sa jiko vi au. ¹¹Ia ke oi au, se o ira, kitou sa vunau vakinia, ia dou sa vabaujia vokiliga vakinia.¹²Ia ke sa vunautakia na Karisito ni sa vaturia cake voki mai na mate, ra sa tukunia vacava eso vi ikodou ni sa reva na tu cake voki mai na mate? ¹³Ia ke sa reva ni tu cake voki o ira na mate, sa qai reva ni tu cake voki mai na Karisito: ¹⁴ia ke sa reva ni tu cake voki mai na Karisito, sa qai ka laliga na nitou vunau, a ka la vokiliga na nomudou vabaujia.¹⁵Ia kitou sa raicia kinia me dauseseni ni kitou sa tukunia na Kalou; ni kitou sa tukuni koya na Kalou ni sa vaturi Karisito cake mai; ia ka sa reva ni vaturi koya cake voki, ke sa reva ni tu cake voki o ira na mate. ¹⁶Io, ke sa sega ni tu cake voki o ira na mate, sa qai reva ni vaturi cake voki na Karisito: ¹⁷ia ke sa reva ni vaturi cake voki na Karisito, sa reva ni yaga na nomudou vabaujia; sa tu vi ikodou ni kua na nomudou i valavala ca:¹⁸era sa rusa vokiliga o ira ra sa nei Karisito, ka sa moce tu. ¹⁹Ke kita sa vanuinui me yaga vi kita na Karisito i na bula liga ke, kita sa qai valoloma valevu cake vi ira keceliga na tamata.²⁰Ia ka sa qai tu cake voki mai na mate na Karisito, a sa yaco me kodrai sevu era sa moce tu. ²¹Ni sa qai vu ni mate na tamata, sa qai vu ni tu cake voki mai na mate na tamata vokiliga.²²Ni sa qai mate keceliga i na vuku i Atama, ena vabulai kece vokiliga i na vuku i Karisito. ²³Ia na tamata yadua me va sa lesi vua: na Karisito nai sevu; ka qai muri o ira ra sa nei Karisito, ni sa qai voki mai o koya.²⁴Sa qai muri na kenai vataojioji, ni sa solia o koya na lewa vua na Kalou, o Tamana; ni sa vaojia o koya na lewa keceliga vata ki na vitalia keceliga, vata ki na kaukauwa. ²⁵Sa na lewa jikoliga o koya me vamalumalumutakia sobu mada na meca keceliga e ruku ni yavana. ²⁶Na meca ena vaoji imuri sara o mate.²⁷Ni sa vamalumalumutakia na ka keceliga o koya e ruku ni yavana. Ia ni sa kainaki sa vamalumalumutakia na ka keceliga, sa macala sara sa reva ni cavuji o koya sa vamalumalumutakia vua na ka keceliga. ²⁸Ia ni sa vamalumalumutakia oji vua na ka keceliga, ena qai vamalumalumutaki vokiliga na Luvena vi koya sa vamalumalumutakia na ka keceliga vi koya, me sa lewa duadualiga na Kalou i na ka keceliga.²⁹Kevaka sa reva ni vake, ra na vaivei o ira sa papitaisotaki i na vukudra na mate? ke sa reva sara ni tu cake voki o ira na mate, a cava ra sa papitaisotaki kinia i na vukudra na mate? ³⁰Ka cava me kitou bolea vokiliga kinia na mate i na tiki ni siga keceliga?³¹Au sa tukunia djina sara na noqu rekitaki ikodou na viwekani i na vuku i Karisito Jisu na noda Turaga, au sa mate jiko i na visiga. ³²Ke sa vatamata liga na noqu vivala vata ki na manumanu daukata mai Efeso, a cava na betena vi au? ke sa reva ni tu cake voki o ira na mate, me da kana liga ka gunu, ni da na mate ni mataka.³³Dou kua ni vakaisini ikodou vataki ikodou: sa vacala nai valavala vinaka na daujiko vata ki ira ra sa ca. ³⁴Dou yadra mai me va sa dodonu, ka mo dou reva ni valavala ca; ni sa jiko eso ra sa reva ni kila na Kalou; au sa vosa vake mo dou madua kinia.³⁵ena tukunia e dua, "Ena vaturi cake voki vaivei o ira na mate? ia na yago cava ra na qai vata kaya mai?" ³⁶O iko o sa reva ni vuku, na ka o sa tea sa reva ni bula cake, ke sa reva mada ni mate:³⁷ia na ka o sa tea, o sa reva ni tea na yago ena tubu cake mai, a sila laliga, se witi beka, se dua na sila tani: ³⁸ka sa solia na yagona na Kalou me va sa vinaka vua, ki na sila yadua na yagona vai koya. ³⁹Sa reva ni tautauvata na lewe ni ka keceliga: sa dua na lewe ni tamata, ka dua tani na lewe ni manumanu e yavai va, ka dua tani na lewe ni ika, ka dua tani na lewe ni manumanu vuka.⁴⁰Sa valomalagi na yago eso, ka sa vavuravura na yago eso; ka sa dua tani nai ukuuku ni yago valomalagi, ka sa dua tani nai ukuuku ni yago sa vavuravura. ⁴¹Sa dua tani nai ukuuku ni matanisiga, ka sa dua tani nai ukuuku ni vula, ka sa dua tani nai ukuuku ni vikalokalo: ni sa vinaka cake na serau ni kalokalo e dua i na kena serau na kalokalo e dua tani.⁴²Sa va vokiliga kinia na tu cake voki mai na mate. Ni sa tei, sa vuca; ni sa vaturi cake voki, sa reva ni vuca: ⁴³ni sa tei, sa vasisilatakia; ni sa vaturi cake voki, sa vaiukuukutakia: ni sa tei, sa malumalumu; ni sa vaturi cake voki sa kaukauwa: ⁴⁴ni sa tei, sa yago djina ni tamata; ni sa vaturi cake voki, sa qai yago vayalo. Ke sa dua na yago sa va na bula vatamata, sa dua vokiliga na yago sa va na bula vayalo.⁴⁵Me va na ka sa volai, O Atama sa taumada sa caka me tamata bula; O Atama sa muri, sa caka me yalo sa vu ni bula. ⁴⁶Ia ka sa reva ni taumada ko ya sa vayalo, ko ya liga sa bula vatamata; ka sa qai muri na ka sa va na bula vayalo.⁴⁷Na tamata sa taumada sa mai vuravura, ka sa vavuravura; ia sa mai lomalagi na tamata sa kenai karua, na Turaga. ⁴⁸Sa ra vataki koya sa vavuravura o ira ra sa vavuravura: sa ra vataki koya vokiliga sa valomalagi o ira ra sa valomalagi. ⁴⁹Ia me va ni da sa vataki koya sa vavuravura, kita na vataki koya vokiliga sa valomalagi.⁵⁰Ia au sa tukunia ke, oi ikodou na viwekani, ni sa dredre ni rawajia na matanitu ni Kalou na yago sa valewe ka vadra; ena reva vokiliga ni yaco me reva ni vuca rawa na ka sa vuca rawarawa. ⁵¹Raici!, au sa vatakila vi ikodou e dua na ka vuni: Kita na reva ni moce kece, ia kita na vamataliataki keceliga,⁵²ena vasauri sara, ena va na sauriva ni matada, ni sa uvu na davui sa muri sara: ena uvuci na davui, ena qai vaturi cake voki o ira na mate me reva ni vuca voki, ia oi kita ena vamataliataki vokiliga. ⁵³Sa na vaisulu na yago vuca ke me reva voki ni vuca rawa, ka sa na vaisulu na yago sa mate ke me reva voki ni mate rawa.⁵⁴Ia ni sa vaisulu oji na yago vuca ke me kua voki ni vuca rawa, ka sa vaisulu oji na yago mate ke me kua voki ni mate rawa, ena qai vayacoria kinia na vosa sa volai, Sa gu ce o mate, a sa muduki sara kinia. ⁵⁵O iko mate, sa ivei na nomu baji gaga? O iko bulubulu, sa ivei na nomu gumatua?⁵⁶Sa kena baji gaga ni mate nai valavala ca: ka sa kena kaukauwa ni valavala ca na vunau. ⁵⁷Ia me da vavinavinaka vua na Kalou, o koya sa solia vi kita me da gumatua sara i na vuku ni noda Turaga o Jisu Karisito.⁵⁸O koya liga ke, oi ikodou na wekaqu lomani, mo dou qai tu dei sara liga, mo dou kua ni yavala, mo dou vinaka cake i na cakacaka ni Turaga i na gauna keceliga, ni dou sa kila sa reva ni ka laliga na nomudou cakacaka i na vuku ni Turaga.

16¹Ia i na vuku ni soli me nodra ra sa lotu, me va au sa varojia vi ira na visoqosoqo lewe ni lotu mai Kalatia dou caka vakinia oi ikodou vokiliga. ²I nai matai ni siga ni wiki, mo dou dui tawania nai yau eso me tu, me va sa vakalougatatakia kinia o koya, me kua kinia ni caka na soli ni au sa qai yani.³Ia ni au sa tadu yani, o iratou dou na vinakajia au na talai iratou me ratou yadjia nai vola eso vata ki na nomudou i loloma vokiliga ki Jerusalemi. ⁴Ia ke sa yaga meu qai vokiliga oi au, ratou na qai vata ki au.⁵Ia au na qai vi ikodou, niu sa qaivi Masitonia: ni au na qaivi Masitonia. ⁶Ia au na jiko beka vi ikodou, io, au na jiko beka vata ki ikodou i na vivula i liliwa, mo dou yadji au kinia i na noqu qai tu ki na vanua au na qai kinia.⁷Niu sa reva ni via jiko vi ikodou i na noqu qai tu ke; ia au sa nakijia meu jikojiko mada vata ki ikodou, ke sa vinakajia na Turaga. ⁸Ia au na jiko liga mai Efeso me yaco mada na siga ni Penitiko. ⁹Ni sa dola tu vi au na darava levu ka yaga, a ra sa lewe levu vokiliga na dauvivoraji.¹⁰Ia ke sa tadu o Timoci, dou raicia me jiko reva ni rere vi ikodou; ni sa caka o koya na cakacaka ni Turaga, me vataki au vokiliga. ¹¹O koya me kua kinia na tamata me beci koya: ia mo dou yadji koya i na nona qai tu i na vacegu, me qai mai kinia vi au: niu sa waraki koya vata ki iratou na viwekani. ¹²Ia i na vuku i Apolosa na wekada, au sa masuji koya valevu me qai yani vi ikodou vata ki iratou na viwekani: a sa reva sara ni lomania me qai vi ikodou i na gauna ke; ia ni dua na gauna vinaka vua, ena qai qai yani.¹³Dou vatawa, dou tu dei ei na vabaujia, dou tamata qaqa, dou gumatua. ¹⁴Me caka na ka keceliga dou caka i na yalololoma.¹⁵Ia au sa masuji ikodou, na viwekani, (dou sa kila na lewe ni vale i Sitifana, ni sai sevu mai Akaia, a ratou sa soli iratou me ratou qaravi ira ra sa lotu:) ¹⁶mo dou vamalumalumutaki ikodou vi ira sa vake, vi ira yadua vokiliga ra sa vivuke, ka daucakacaka.¹⁷Ia au sa reki i na nodratou qai mai o Sitifana vata ki Forituneto vata ki Akaiko: ni ratou sa caka na ka sa reva ni rawa vi ikodou. ¹⁸Ni ratou sa vaceguya na yaloqu vata ki na yalomudou vokiliga; o koya mo dou qai kilai ira ra sa vake.¹⁹Sa loloma yani vi ikodou na visoqosoqo lewe ni lotu mai Esia. Sa loloma valevu yani vi ikodou o Akuila vata ki Pirisila i na Turaga, vata ki ira nai soqosoqo lewe ni lotu i na nodrau vale. ²⁰Ra sa loloma yani vi ikodou na viwekani keceliga. Dou dui vireguci yadua vai ikodou i na yalosavasava.²¹Oi au o Paula, au sa vola i na ligaqu djina na noqu loloma yani. ²²Ke sa dua sa sega ni lomania na Turaga o Jisu Karisito, me cudruvi o koya. Sa qai mai na Turaga. ²³Me jiko vata ki ikodou na loloma ni Turaga o Jisu Karisito. ²⁴Me jiko vata ki ikodou keceliga na noqu loloma i na vuku i Karisito Jisu. Emeni.

2 Korinica

1¹Oi au ko Paula, nai apositolo Jisu Karisito ina lewa ni lotu ni Kalou mai Korinica, vata ki ira kece liga ra sa lotu mai Akaia taucoko. ²Me nomudou na loloma vata na vacegu mai vua na Kalou ko Tamada, vata na turaga o Jisu Karisito.³Me vavinavinakatakia na Kalou, o koya na tama ni noda turaga ko Jisu Karisito, na tama ni loloma, vata na Kalou ni vacegui keceliga. ⁴O koya sa vacegui kitou ina nitou rarawa keceliga, me kitou vacegui ira rawa sa rarawa i na dua na ka, ina vi vacegui sa vivacegui kinia mai vua na Kalou.⁵Ia me vaka sa yaco valevu sara vi kitou na rarawa i na vukui Karisito, sa vacegui , sa vacegui kitou valevu sara va kinia na Karisito. ⁶Ia kevaka kitou sa vararawataki , sa ka mo dou vacegui kinia ka vabulai, ka sa yaco ke ni dou sa vosoia voki liga na vi ka rarawa kitou sa vararawa taki kinia, se kitou vacegui, sa ka mo dou vacegui kinia ka vabulai. ⁷Ia sa tudei na nitou nuitaki ikodou , ni kitou sa kila, dou sa votai ina vi vararawataki, dou vota voki liga kinia.⁸Ni kitou sa reva ni vinakatia, vi wekani, mo dou nanulevajia na nitou rarawa sa yacovi kitou mai Esia, ni kitou sa bilitaki valevu sara, sa mama kinia na vosotia, ka kitou ni djinajia ni kitou sa ⁹bula. Ia sa va ni kitou sa lewai me kitou mate, me kitou kakua ni vararavi kinia vi kitou, vua liga na Kalou o koya sa vabulai ira voki mai na mate. ¹⁰Okoya ka vabulai kitou mai na mate levu gona, ka na vabulai kitou voki liga; o koya voki liga kitou sa vararavi kinia ni na vabulai voki liga.¹¹Ni dou vivuke voki liga i na masulaki kitou, me lewe levu kinia ra va vinavinaka i na vukui kitou, i na vuku ni ka soli v kitou ina vukudra na lewe levu.¹²Ia ke na ka kitou sa marau kinian nai tukutuku ni nitou lewa e loma, ni sa ia na nitou i valavala e vuravura ke e loma e dua la liga, vata na loma e dina vua na Kalou, ka valevu sara vi ikodou, sa reva in avukui vuravura, ina loma liga ni ¹³Kalou. Ni sa reva na ka tani kitou vola vi ikodou, gona liga dou sa wilikia se kila, ia kau sa vabautia dou na kila, ka yacovia nai vataotioti. ¹⁴Me va na nomudou kilai kitou liga i na ka eso, ni kitou sa nomudou mo dou reki kinia, me va dou sa nitou ka marau voki liga, i na siga ni Turaga ko Jisu.¹⁵Ia ni kau a vadjinajia kau nanumia meu qai liu vi ikodou me yaco varua vi ikodou nai solisoli loloma. ¹⁶Ka meu qai daini ikodou ka qai ki Masitonia ka lesu voki mai Masitonia vi ikodou, mo dou yadji au i na noqu qai i Jiutia.¹⁷Ia ni kau a nanumia me vake, au sa qai lomalomarua kinia, se reva? Se na ka kau sa nakijia vavuravura beka, me tu kinia vi au na io io, vata na reva reva? ¹⁸Ia me va na nona dina na Kalou, sa va voki liga sa reva ni io ka reva ni reva na nitou vosa vi ikodou.¹⁹Ni sa reva ni io, ka reva ni reva na nitou vunautakia vi na luve ni Kalou, o Jisu Karisito, io kitou vata i Silivenuse vata Timoci, a sa coka liga o koya me io. ²⁰Ni sa io na vosa yalayala kece ni Kalou i na vukuna, ra sa vamenemenei voki liga i na vukuna, me vacaucautaki na Kalou i na vuku i kitou.²¹Ia sa i koya na Kalou sa vakataudeitaki kitou vata i ikodou meda tu vata i Karisito, a sa lumui keda; ²²O koya voki liga sa dregaii keda, ka sa solia ki lomada na Yalo Tabu me kena i sevu.²³Ia kau sa kacivia na Kalou me lewa na yaloqu kevaka kau sa reva ni dina, ni sa noqu lomani ikodou liga kau sa vaberaberatakia kinia na noqu qai ki koronica. ²⁴Sa reva sara ni kitou sa vitaliatakia na nomudou vabauia, kitou sa veivuke liga i na nomudou marau ni dou sa tudei liga i na vabauiia.

2¹Ia kau sa lewa va ke i na lomaqu, meu kakua ni qai voki vi ikodou i na vivararawataki. ²Ia kevaka kau sa vakararawatakia na lomamudou, o cei sa vamarautaki au, o koya duadua liga au sa vakararawatakia?³Ia kau sa vola vakinia vi ikodou, de vararawataki na lomaqu, niu qai yani i na vukudra meu marau kinia, kau sa vararavi liga vi ikodou kece ni sa nomudou kece liga na noqu marau. ⁴Ni sa rarawa valevu ka yaluma na lomaqu niu a vola vi ikodou, a sa va wai valevu na mataqu, sa reva ni dou rarawa kinia, ia mo dou kila liga ni sa levu sara na noqu loloma vi ikodou.⁵Ia kevaka e dua sa ia na vivararawataki, sa reva ni vararawataki au liga o koya, ia (meu kakua ni bilitaki valevu) oi ikodou kece voki liga. ⁶Sa rauii koya vakinia na kena i sau ke, sa yaco vua mai vi ira na lewe levu. ⁷Ka sa kilikili cake kinia mo dou kua soii ni cudruvia, ka mo dou vaceguya, de luvuci koya sa va ke na nona rarawa levu sara.⁸O koya ke kau sa masuji ikodou kinia, mo dou vadjinadjinatakia na nomudou loloma vi koya. ⁹Ni sa ka voki liga ke au sa vola yani kinia, meu kilai ikodou kinia, se dou talairawarawa i na ka kece liga, se reva?¹⁰Ia kevaka dou sa reva ni cudruvia e dua i na dua na ka, au sa va voki liga oi au, ia kevaka au sa reva ni cudrutakia e dua na ka, sa i ikodou liga au sa reva ni cudrutakia kinia, i na mata i Karisito. ¹¹Me kakua ni rawai kita o Setani: ni da sa reva ni nanulevajia na noda dau lawaki.¹²Ia niu a qai i Tiroa e na vuku ni tuktutuku vinaka i Karisito, a sa dola vi au na turaga. ¹³Sa reva ni cegu na yaloqu niu sa reva ni raici Taito na wekaqu: au sa qai tatau vi ira, ka qai tani ki Masitonia¹⁴Me caka na vavinavinaka vua na Kalou, o koya sa tuberi kitou iiko liga i na marau i na yaca i Karisito, ka sa vatakila vata vi kitou i na yasana kece liga ni sa boi vinaka na kilai koya. ¹⁵Ni sai Karisito kitou sa boi vinaka kinia i na mata ni Kalou, vi ira sa vabulai iiko, vi ira voki liga ra sa varusai iiko.¹⁶Vi ra ke sa boiboi vivamatei me ra mate kinia, vi ra qori sa boiboi vivabulai me ra bula kinia, ia o cei sa rawajia na vika ke? ¹⁷Ni kitou sa reva ni dau vatanitakia na Vosa ni Kalou me vataki ira na lewe levu, ia kitou sa vataki ira sa djina sara, me vaka sa mai vua na Kalou, i na mata ni Kalou, kitou sa vosa i na yaca i Karisito.

3¹Kitou sa vatekivu beka me tukuni kitou? Se sa yaga beka vi kitou me kitou tukuni vi ikodou ena i vola e so, me vataki ira e so, se me kitou tukuni va kinia mai vi ikodou? ²O ikodou liga na nitou i vola sa voli i na loma i kitou, era sa kila ka wilikia o ira na tamata kece liga; ³Sa varaitaki liga ni dou sa i vola i Karisito kitou sa caka, sa reva ni volai i na wa ni volavola, sa volai liga i na vola ni Kalou bula; sa reva liga i na dela ni vatu, i na dela ni yalomudou sa malumu.⁴Ia sa va ke na nitou vararavi vua na Kalou i na vuku i Karisito. ⁵Ni kitou sa reva ni rawajia va i kitou e dua na ka, ia sa vu mai vua na Kalou liga na nitou kaukauwa. ⁶O koya sa varautaki kitou me kitou sa i talatala ni viyalayalaii vou; a sa reva ni va sa volai, a ka vayalo liga ni sa ia na vivamatei na ka sa volai, ka sa caka na vivabulai na ka vayalo.⁷Ia keva sa caka vata na rarama na cakacaka sa caka kinia na vivamatei, sa volai ka ceuji ki na vatu, a ra sa reva ni varaicia na matai i Mosese o ira na luve i Iisireli i na vuku ni rarama ni matana, ia sa qai tani ke. ⁸Na reva beka ni uasivi cake kinia na rarama ni cakacaka vayalo?⁹Io kevaka sa dua na rarama ni cakacaka sa cudruvi, na uasivi cake valevu na rarama ni cakacaka ni vivadonui. ¹⁰Ia na ka ka rarama, sa qai reva so na kena rarama, sa vatauvatataki na rarama sa uasivi cake. ¹¹Ia kevaka sa rarama na ka sa dai iiko yani, na qai iina valevu cake ni sa rarama iiko na ka sa tu vadua.¹²Ia ni sa tu vi kitou na i nuinui va ke, kitou sa qai vosa vamacala sara. ¹³Ia kitou sa reva ni vataki Mosese ni sa ubia na matana i na tutuvi, me ra kakua ni varaicia matua o ira na luve i Isireli na i ojioji ni ka sa dai jiko yani.¹⁴Ia ka sa valomaqataki na lomadra, ni sa tu liga na tutuvi gona ka yacovia na siga ke, ni sa wili na viyalayalaii makawa, sa reva liga ni yadji tani, ni sa i Karisito sa yadi tani kinia na tutuvi. ¹⁵Ia ka sa yacovia na siga ke, ni sa wili o Mosese, sa tu liga i na lomadra na tutuvi. ¹⁶Ia ni na saumaki ki vua na turaga, na qai yadji tani na tutuvi.¹⁷Ia na turaga sa i koya na Yalo Tabu, ia sa sereki koya, sa tu vua na yalo ni turaga. ¹⁸Ia oi keda kece liga, ni sa reva ni tabonaki jiko na matada, da sa raicia na rarama ni turaga me va i na iloilo, ka sa vamataliatakia me da vataki koya, ni sa tubu cake jiko na rarama me uasivi, me va na turaga o koya na Yalo Tabu.

4¹O koya ni sa soli v kitou na cakacaka ke me vaka sa yaco vi kitou na loloma, kitou sa reva ni datuvu kinia; ²Ka kitou sa dainia na vi ka sa vi vamaduataki, a sa reva ni dau lawaki na nitou i valavala , se kitou vatanitakia na vosa ni Kalou; ia ni kitou sa tukunia na ka e dina, kitou sa vadonui kitou kinia i na lomadra na tamata kece liga na mata ni Kalou³Ia kevaka sa vuni na nitou tukutuku vinaka, sa vuni tu liga vi ira era sa rusa: ⁴Vi ira sa vamatabokotakia na lomadra na Kalou ni vuravura ke, ra sa reva ni vabauiia, me kakua kinia ni cilavi ira na rarama ni tukutuku vinaka ni serau i Karisito, o koya liga na yaloyalo ni Kalou.⁵Ni kitou sa reva ni vunautaki kitou, ko Jisu liga na turaga; vata ki kitou na nomudou tamata i na vuku i Jisu. ⁶Ni sa i koya na Kalou, o koya sa kaya e liu me cila mai na butobuto na rarama, sa cila mai i na loma i kitou, me cila yani ki na i serau ni Kalou, o koya sa vatakilai rawa i na mata i Jisu Karisito.⁷Ia sa waqa qele sa tu kinia vi kitou na i yau ke, me sa taka mai vua na Kalou kaukauwa mana levu, ka me reva mai vi kitou. ⁸Sa buku na druadrua, ia kitou sa reva ni drigijia; kitou sa lomaocaoca liga, ia kitou sa reva ni yalo lailai. ⁹Kitou sa vacacani, ia kitou sa reva ni dai tani; kitou sa vabalei, ia kitou sa reva ni varusai. ¹⁰Kitou sa cola na yago i kitou i na visiga kece liga na mate i Jisu, me varaitakia voki liga kinia na bula i Jisu i na yago i kitou.¹¹Ni kitou sa soli jiko i na visiga, oi kitou sa bula voli, me kitou mate e na vuku i Jisu, me varaitaki voki liga kinia na bula i Jisu, i na yago i kitou sa mate rawa. ¹²A sa vakinia sa dau cakacaka vi kitou na mate, ia na bula liga vi ikodou.¹³Ia ni Jiko vi na yalo ni vabauiia ko gona, me va na ka sa volai, au sa vabauiia o koya kau sa vosa kinia, kitou sa vabauiia voki liga, o koya kitou sa vosa kinia. ¹⁴Ni sa kila , o koya ka va tucake taki kitou vata voki liga ki Jisu, ka varaitaki keda vata ki ikodou. ¹⁵Ni sa yaco i na vukumudou na ka kece liga me varokorokotaki valevu cake na Kalou i na loloma sa levu sara, ni sa vavinavinaka o ira na lewe levu.¹⁶E na vuku ni ka ke, kitou sa reva ni datuvu kinia, ia kevaka sa rusa mai na yagoda i sau, sa vavoui na tamata i loma i na visiga kece liga. ¹⁷Ia na noda rarawa mamada, sa dede valailai sara liga, sa vayacoria vi keda na i serau levu, sa uasivi cake valevu sara, ka reva ni mudu. ¹⁸Ni da sa reva ni vananumakia iiko na vi ka sa rairai mai; ia sa reva ni mudu na vi ka sa rairai mai.

5¹Ni kitou sa kila, ni sa rusa na nitou vale vavuravura o koya sa vacevaceva, sa dua na nitou mai vua na Kalou, na vale sa reva ni caka i na liga, sa reva ni rusa rawa mai lomalagi: ²Io kitou sa vutugu i na yago ke, ni kitou sa vinakaiia sara iiko me vaisulutaki i na nitou vale mai lomalagi: ³Ke sa vaka ni kitou sa vaisulu, kitou sa reva ni raicia me kitou televua.⁴Ni kitou sa vutugu, oi kitou sa iiko i na valevacevaceva ni kitou sa bilitaki;, ni kitou sa via luvaiia ke, me kitou vaisulu mai, me iilomia na ka sa mate rawa na bula. ⁵Ia ni sai koya na Kalou sa varautaki kitou kina ka ke, o koya sa solia voki liga vi kitou na Yalo Tabu me kena i sevu.⁶O koya ke kitou sa dodonu tiko liga kinia, ni kitou sa kila ni kitou sa iiko i na yago, kitou sa tawase vata na turaga. ⁷Kitou sa qai iiko i na vabauiia, ka reva liga i na raicia. ⁸Kitou sa doudou iiko, ka kitou sa vinakaiia cake me kitou tawase vata na yago, ka iiko vata na turaga.⁹O koya ke kitou sa dau vatovolea kinia se kitou sa iiko vata, se tawase tani, me kitou vinaka liga vua. ¹⁰Ni da na rairai ko i keda kece liga i na mata ni ikoiko ni vilewai nei Karisito, me da rawaiia yadua na i sau ni vi ka sa caka i na yagona, me vaka na vi ka sa caka o koya, se vinaka se ca.¹¹Ia ni kitou sa kila na vivarerei ni turaga, kitou sa vamasuii ira na tamata; ia kitou sa varaitakia vua na Kalou, au sa dinaiia voki liga ni kitou sa varaitakia i na nomudou lewa - i - loma. ¹²Ia kitou sa reva ni tukuni kitou voki vi ikodou, ia kitou sa solia liga vi ikodou na ka mo dou rekitaki kitou kinia, me so kinia na ka mo dou kaya vi ira sa dokai ira i na ka vakarairai la liga ka sa reva i na ka ni yalo.¹³Ia kevaka kitou sa sesewa, sa ka liga vua na Kalou; kevaka kitou sa yalomatua, sa ka liga i na vukumudou. ¹⁴Ni sa rawai kitou sara na loloma i Karisito: ni kitou sa lewa va ke, kevaka sa mate e dua i na vuku ni tamata kece liga, e ra sa mate kece liga. ¹⁵Ka sa mate o koya i na vuku ni tamata kece liga, me ra kakua ni bula iiko me yaga vi ira liga, ko ira sa bula me ra yaga vua sa mate i na vukudra ka tucake voki.¹⁶O koya ke kitou sa qai reva voki ni doka e dua na tamata e na vuku ni ka vayago; ia kitou sa qai reva voki ni dokai koya kinia. ¹⁷Ia kevaka sa tu vata i Karisito, e dua na tamata, sa qai buli vou, sa qai tani na vi ka makawa, raicia sa yaco me vou na vi ka kece liga.¹⁸A sa vu mai vua na Kalou na ka kece liga, o koya sa vi vinakaiiataki keda vata i koya i na vuku i Karisito. A sa solia vi kitou me kitou vunautakia na vi vinakaii; ¹⁹Me va ke, sa ia na Kalou, na vi vinakaiitaki vuravura vata vi koya liga i na vuku i Karisito, ka sa reva ni wilikia vi ira na nodra i valavala ca; ka sa solia vi kitou na i tukutuku ni vivinakaii.²⁰Kitou sa yaco kinia me kitou talatala i Karisito, me vaka sa vamasuii ikodou na Kalou, i na gusu i kitou, kitou na sosomi i Karisito, kitou sa vamamasu, mo dou vinakaii vata na Kalou. ²¹O koya sa reva vua na cala sa qisia o koya me i soro ni noda i valavala ca; me vayacori kinia vi keda na vivadonui i na vukuna.

6¹Ia ko i kitou ni kitou sa cakacaka vata kaya, kitou sa cikevi ikodou mo dou kakua ni vatawayagatakia na loloma ni Kalou. ²Ni sa kaya o koya au sa rogoci iko i na gauna ni vinakaii; ia na gauna ni bula kau a vukei iko, raicia, ke na gauna ni vinakaii, raicia na siga ni bula ni kua. ³Kitou sa reva ni vatarabetakia e dua i na dua na ka me kakua ni bilitaki kinia na cakacaka va i talatala.⁴Ia na ka kece liga kitou sa vadiinadiina ni kitou sa i talatala ni Kalou, i na dau vosoiia sara, i na ka rarawa, i na vivasauraratki, i na yaluma. ⁵i na vivakanakuitataki, i na dai ki vale ni veivesu, ia qolou, i na dau cakacaka, i na dau yadra, i na dau lolo; ⁶i na i valavala savasava, i na vuku, i na vosoiia vadede, i na yalo loloma, i na yalo tabu, i na loloma sa reva ni vivakaisini; ⁷i na i vavuvuli diina, i na kaukauwa ni Kalou, i na yaragi ni valavala dodonu, i na liga i matau vata na i mawi.⁸ni kitou sa varokorokotaki iko se kitou sa reva ni dokai, ni kitou sa rogo vinaka iiko se sa rogo ca, ni kitou sa va na dauvivacalai, ia kitou sa diina liga. ⁹Sa va kitou sa reva ni kilai, ia ka sa kilai vinaka; sa vataki ira na mate, ia ka raicia, kitou sa bula iiko; kitou sa vataki ira sa cudruvi, ia ka reva ni vamatei; ¹⁰Kitou sa va kitou sa dau rarawa, ia kitou sa reki iiko liga; sa va kitou sa dravudravua, ia kitou sa vavutuniyautaki ira na lewe levu; sa vaka ni sa reva vi kitou e dua na ka, ia ka sa tu vi kitou na ka kece liga.¹¹O ikodou na kai Koronica sa dalaga na gusu i kitou vi ikodou sa valevutaki na yalo i kitou. ¹²Dou sa reva ni leqa i na vuku i kitou, dou sa leqa liga i na lomamudou. ¹³Ia me veisautaki na ka ke, au sa qai vosa me va vi ira na luvequ, dou yalo levu voki liga oi ikodou.¹⁴Dou kakua ni vitokani vata vatani ki ira ra sa reva ni vabauiia. Sa vitokani vaevei na yalo dodonu vata na reva ni yalo dodonu? Se rau sa viwekani vaevei na rarama vata na butobuto? ¹⁵Se rau sa vivinakaii vaevei na Karisito vata i Piliali? Se rau sa vaitavi vata vaevei o koya sa vabauiia vata i koya sa reva ni vabauiia? ¹⁶Se rau na to vata vaevei na vale ni kalou vata na vimatakau? Ni da sa vale ni kalou bula, me va sa kaya na kalou, au na iiko i na lomadra, ka qai iiko kinia, ia kau na nodra kalou, ka ra na noqu tamata.¹⁷O koya ke mo dou qai tani mai vi ira, ia dou tawasei tu, sa kaya na turaga, ka dou kakua ni tara na ka sa reva ni savasava, au na qai vabauii ikodou. ¹⁸Ia kau na yaco me tamamudou, ka dou na yaco me luvequ tagane vata na luvequ yalewa, sa kaya na turaga kaukauwa sara.

7¹O koya ke ikodou na dau lomani, ni sa qai tu vi kita na vosavosa ni yalayala ke, me da vasavasava taki keda mai na dukadukali kece liga ni yago vata na yalo, me da ia sara na ka savasava, i na rere vua na Kalou.²Mo dou dola na yalomudou vi kitou, kitou sa reva ni vacala e dua, kitou sa reva ni vacacania e dua, kitou sa reva ni kovea na nona i yau e dua. ³Sa reva ni vosa ni vibilitaki na noqu vosa ke, niu sa kaya oii i liu, dou sa iiko i na yalo i kitou me da bula vata ka mate vata. ⁴Sa levu na noqu doudou niu sa vosa vi ikodou, au sa marautaki ikodou valevu, au sa sinai sara i na vacegu, au sa marau valevu sara i na nitou rarawa kece liga.⁵Ia ni kitou sa yaco ki Masitonia, sa reva ni cegu na yago i kitou, ia kitou sa vararawataki liga i na ka keceliga i sau, sa ia na vivala, i loma sa jiko na rere. ⁶Ia na Kalou, o koya sa vacegui ira sa vabalei sobu, sa vacegui kitou ni sa qai mai o Taito; ⁷A reva laliga i na nona qai mai, i na vivacegui voki liga sa vacegui kinia o koya i na vukumudou, ni sa tukunia vi kitou na nomudou gagadre, na nomudou tagi, na nomudou loloma katakata vi au, kau sa reki valevu cake kinia.⁸E djina liga kau a vararawataki ikodou i na i vola, ia au sa reva ni vivutuni kinia, ia au sa vivutuni liga i liu, niu sa qai raicia ni sa vivararawataki ikodou na i vola gona, ia ka sa dede valailai liga. ⁹Au sa qai reki, ka reva liga ni dou a vararawataki, ni dou sa rarawa liga ki na vivutuni; ni dou sa vararawataki. Me va na loma ni Kalou, me kua ni yali vi ikodou e dua na ka i na vuku i kitou. ¹⁰Ia na rarawa sa va na loma ni Kalou sa vayacoria na vivutuni ki na bula o koya sa reva ni vivutunitaki voki; ia na rarawa vavuravura sa vayacoria na mate.¹¹Ia ka raicia na ka liga ke, io, na nomudou vararawataki vaka na loma ni kalou, ni sa vatabuya vi ikodou na gugumatua, io, io na vasavasavataki ikodou, io, io na cudrucudru, io, ka rere, io, na gagadre valevu, io, na loma katakata, io, na via saumia na ca. E na ka kece luiga dou sa vadiinadiinatakia ni dou sa reva ni cala i na ka gona. ¹²O koya ke niu sa volavola vi ikodou, au sa reva ni volavola i na vukuna sa caka na ka ca ko gona, se na vukuna sa vacacani , me varaitaki liga vi ikodou na nitou dau nanumi ikodou i na mata ni Kalou.¹³O koya ke kitou sa vacegui kinia; ia na niotu vivacegui voki liga kitou sa reki valevu cake i na vuku ni reki i Taito ni sa vacegui na yalona i na vuku i ikodou kece liga. ¹⁴Ia kevaka kau a vacaucautaki ikodou ki vua i na vi ka eso, au sa qai reva ni madua kinia, ia me vaka sa diina na ka kece liga kitou sa tukunia vi ikodou, sa laurai vaka voki liga kinia me diina na nitou vivacaucautaki i na mata i Taito.¹⁵Ia sa ka levu sara na noan loloma vi ikodou, ia sa nanumia o koya na nomudou talairawarawa kece liga, ni dou sa vacegui koya i na rere vata na sautanini. ¹⁶Au sa reki niu sa qai vararavi vi ikodu vi na ka kece liga.

8¹Ia kitou sa vatakila vi ikodou, na viwekani, na loloma ni kalou sa soli vi ira na visoqosoqo lewe ni lotu mai masitonia. ²Ni ra sa vatovolei tiko i na ka rarawa sara sa levu sara na nodra marau, ka sa ka tani na nodra dravudravua, ia sa uasivi cake valevu kinia na nodra loma soli.³Niu sa vadiinadiina ni ra solia, me vaka na ka e ra rawa, ia sa uasivi cake i na ka ira rawa, ka ni sa yalodra kinia; ⁴Ra sa vamamasu ka cikevi kitou valevu me kitou yadia na ka ni loloma, ka vi tokani vata ki ira na cakacaka ni loloma vi ira sa lotu. ⁵Sa reva ni vaka na nitou vakasama, ia ira sa soli ira mada vua na turaga, vi kitou voki liga vakla na loma ni Kalou;⁶Ia kitou sa masuii Taito kinia, me vaka sa vatekivunia o koya, me tinia vaka voki liga kinia vi ikodou na cakacaka loloma voki liga ke. ⁷Ia me vaka sa levu sara vi ikodou na ka kece liga, na vabauiia, vata ki na vosa, vata ki na vuku, vata ki na gugumatrua kece liga, vata ki na nomudou loloma vi kitou, me levu sara vi ikodu na cakacaka loloma voki liga ke.⁸Au sa reva ni tukunia na i vasala, au vosa liga i na vukudra e so era sa gumatua cake, meu vatovolea voki liga na kena dina ni nomudou loloma. ⁹Ni dou sa kila na loloma ni nodra turaga o isu Karisito, ni sa vutniyau o koya, ia sa yaco me dravudravua e na vukumudou, mo dou vutuniyau mai e na vuku ni nona dravudravua.¹⁰Ia au sa vavuvuli lioga i na ka ke: ni sa kilikili vata ki ikodou na ka ke, dou ma vatekivunia i liu, ia dou ma reva ni ma caka la liga, dou ma gumatua cake voki liga kinia ka sa oti yani e dua na yabaki. ¹¹Ia ke, mo dou qai vayacoria sara me vaka dou na gumatua i na via caka me qai ini vaka kinia me vaka sa rawa. ¹²Kevaka sa tu na via caka, i na vinakaii, me vaka sa tu vua e dua, ka reva ni vaka na ka sa tu vua.¹³E reva sara me ra vacegui ira na tamata tani, ka vakabibitaki o ikodou. ¹⁴Me vatautauvata liga, me rauiia me nodra dravuadravua me nomuodu yau levu i na gauna ke me na rauiia na nomudou dravudravua voki liga na nomuodu yau levu; me rawa kinia na nodra vatautauvata taki. ¹⁵Me vaka na ka sa volai, koya sa kumunia valevu sa reva na ka e vo vua; vavta ki koya sa kumunia valailai sa reva na ka e yali vua.¹⁶Ia me caka na vavinavinaka vua na Kalou koya sa vatubuya i na loma i Taito na dau nanumi ikodou va ke. ¹⁷E dina liga sa vabauiia na nitou vamamasu, ia me sa gumatua sara vakai koya lia, sa qai kinia vi ikodou.¹⁸Ia kitou sa tala vata ki koya na wekada, o koya sa rogo vinaka vi ira kece liga na visoqosoqo lewe ni lotu e na vuku ni tukutuku vinaka; ¹⁹Ia sa reva ni koya la liga ke, sa diigitaki koya voki liga o ira na visoqosoqo lewe ni lotu me qai vata ki kitou me kitou sa caka na cakacaka loloma ke, me varokorokotaki kinia na turaga, ka me rairai kinia na noda gumatua voki liga.²⁰Ia kitou sa via tarovia ke, me kua ni dua e beitaki kitou e na vuku ni yau levu ke kitou sa oga kinia. ²¹Ni kitou sa vananumia na ka dodonu, e reva laliga i na mata ni Turaga, i na matadra voki liga na tamata.²²Kitou sa tala na wekda voki liga avta ki kirau, o koya kitou sa raicia valevu ni sa gumatua e na ka e vuqa, ia ka sa qai gumatua valevu cake, ia sa vadiinati ikodou valevu. ²³Ke tarogi o Taito, a noqu tokani o koya sa vukei au na cakacaka i na vukumudou; ko i rau voki liga na wekada, e rau sa i talatala ni soqosoqo lewe ni lotu, o i rau sa varokorokotaki kinia na karisito. ²⁴Koya ke dou qai varaitakia vi iratou, i na matadra voki liga na i soqosoqo lewe ni lotu, me i vadiinadiina ni nomudou loloma, vata na nitou vacaucautaki i kodou.

9¹E na vuku ni cakacaka loloma, vi ira e sa lotu, sa reva ni yaga meu volavola kinia vi ikodou. ²Niu sa kila na nomudou gumatua, au ma vacaucautaki ikdou kinia vi ira na kai masitonia, io, ni sa varau oti tu ko Akaia, sa vataki ira na lewe levu na nomudou loma katakata.³Ia au sa talai ratou yani na viwekani, qai vakawaletaki na nitou vacaucautaki ikodou e na vuku ni ka ke; io me vaka liga na ka au ma kaya, ni dou sa varau tu. ⁴De qai vata ki au e so na kai masitonia, ka raici ikodou ni dou sa reva ni varau, ia kitou ((me kua ni cavuti ikodou) kitou na madua i na vuku ni vivacaucautaki doudou ke. ⁵O koya gona, au sa vaka ni sa dodonu meu masuii iratou na viwekani , me ratou liu yani vi ikodu, me ratou varautakia mada e liu na nomudou loloma, sa vosataki i liu, me varau tu mada gona, me vaka sa ka ni loloma, ka me kua ni vaka na ka ni domo ni koco.⁶Ia gona, o koya sa kaburakia valailai, e na tamusukia voki liga valailai, ia o koya sa kaburakia valevu, e na tamusukia voki liga valevu. ⁷Me ra dui solia me vaka na ka sa vinakaiia o koya yadua ena yalona; me kakua i na voraki, se ni sa vasaurarataki: i o koya sa solia e na marau sa vinakaiia na kalou.⁸A sa rarawa vua na kalou me valevutakia vi ikodou na ka ni loloma kece liga: me tu vi ikodou e na visiga na i yau kece liga e yaga e na ka kece liga, ka mo dou uasivi cake kinia e na cakacaka vinaka kece liga: ⁹Me vaka na ka sa volai, sa dui daidainia o koya; sa dau soli ka vi ira na dravuadravua: sa tudei ka reva ni mudu na nona valavala dodonu.¹⁰Ia o koya sa dau solia na sila vua na dau vikaburaki vata na madrai me kakana, e na solia mada na sila vi ikodou me levu, ka valevutakia na vua ni nomuodu valavala dodonu; ¹¹Mo dou vavutuniyautaki e na ka kece liga, mo dou ia kinia na i loloma kinia, sa vayacori kinia vi kitou na vavinavinaka vua na kalou.¹²Ni sa ia na cakacaka ke sa reva ni varauiia la liga na nodra dravudravua era sa lotu, ia sa tubu cake valevu voki lia kinia na vavinavinaka valevu vua na kalou; ¹³Ni dou sa vatovolei e na cakacaka ke, era sa varokoroko taki na kalou ni dou sa tukunia kinia na nomudou talairawarawa i na i tukutuku vinaka kei karisito, ena vuku voki liga ni cakacaka loloma levu ke vi ira, vi ira voki liga na tamata kece liga; ¹⁴Ia ko ira voki liga e ra sa masulaki ikodou sa dau lomani ikodou e na vuku ni loloma levu ni kalou sa tu vi ikodou ¹⁵me ia na vavinavinaka vua na kalou i na vuku ni nona i solisoli sa reva ni tukuni rawa.

10¹Oi au o Paula, au sa masuji ikodou i na yalo malumalumu vata na yalo malua i Karisito, oi au sa malumalumu niu sa jiko vi ikodou, ia au sa doudou vi ikodou niu sa jiko tani. ²Oi, au sa vamasuji ikodou meu kua ni doudou niu sa jiko vata i na kaukauwa, au sa nanumia meu doudou kinia vi ikodou eso, o ira sa vakasami kitou ni kitou sa i valavala me va na ka vayago.³Sa djina liga sa vayago na nitou bula, ia kitou sa reva me va na ka vayago: ⁴( Ni sa reva ni ka vayago na nitou yaragi, ia sa kaukauwa liga i na vuku ni Kalou me talarakia kinia na bai ni valu kaukauwa:)⁵Sa talarakia sobu kinia na vinanuyaki , kei na ka cecere kece liga sa valevulevui me vorotia na vuku ni kalou, ka sa malumalumu takia na nanumia kece liga me talairawarawa vi Karisito: ⁶Ia kitou sa varau tu me saumia kece liga na talaidredre, ni na vayacori diina na nomudou talairawarawa.⁷Dou sa lewa beka me vaka na ka sa rairai? Kevaka e dua sa vadiinaia ni sa nei karisito o koya, me nanumia voki liga ke o koya, me vaka sa nei karisito o koya, kitou sa nei karisito vaka voki liga kinia. ⁸Ia kevaka kau sa dokai au valevu cake e na vuku ni lewa (sa solia mai vi kitou na turaga, mo dou vatataki cake kinia, ia ka reva liga mo dou varusai kinia), au na reva ni vamaduataki.⁹Meu kua ni vaka ni kau sa via varerei ikodou, e na noqu i vola; ¹⁰Ni ra sa kaya, sa bibi ka kaukauwa na nona i vola; ia sa malumalumu liga ni sa tiko vi keda, ka sa ka la liga na nona vosa;¹¹Me qai nanumia na ka ke, o koya sa va kinia, ni rau na tautauvata liga, na nitou vosa e na i vola ni kiotu sa tiko tani, vata na nitou i valavala ni da sa tiko vata liga. ¹²Ni kitou sa reva ni doudou me wiliki kitou vata ki ira eso, ka vatautauvatataki kitou vata ki ira ra sa dau tukuni ira vataki ira; ia o ira ni ra sa varauti ira vai ra, ka vatautauvatataki ira vai ira, ra sa reva ni vuku.¹³Ia o kitou, kitou na reva ni valevulevui kitou e na vi ka sa vinnaka na i varau, me va liga na i varau ni yalayala sa vota vi kitou na Kalou, ma i varau me kitou yaco djina vi ikodou. ¹⁴Ni kitou sa reva ni vinaka na nitou yalayala, ia ke kitou sa reva ni yacovi ikodou: ni kitou sa yacovi ikodou voki liga i na i tukutuku vinaka ki Karisito:¹⁵Ia kitou sa reva ni dokai kitou ina vika ka vinaka na i varau, i na vuku ni nodra cakacaka na tamata tani; ia kitou sa nuinui liga, ni sa valevutaki iiko na nomudou vabauiia, kitou na valevulevui kinia vi ikodou me va na nitou yalayala me kitou vinaka, ¹⁶me kitou vunautakia na i tukutuku vinaka i na yasana sa vinaka ikodou, me kitou kua ni valevulevui kitou i na vuku ni yalayala ni tamata tani, i na vika sa varau tu vi kitou.¹⁷Ia o koya sa vosa doudou, me vosa doudou e na vuku ni turaga. ¹⁸Ni sa reva ni vabau o koya sa tukuni koya, sa vabau liga o koya sa tukunia na turaga.

11¹Au sa va mo dou vosoji au mada liga niu lialia valailai: io, dou vosoji au mada liga. ²Niu sa lomani ikodou sara liga me va na loloma ni Kalou: niu ma musuki ikodou vua e dua me wajimudou, meu varaitaki ikodou vi Karisito e dua na goneyalewa savasava.³Ia au sa rere, de dua na ka ena vacalai kinia na lomamudou mai na kena djina vata ki na kena savasava vi Karisito, me va ka vacalai Ivi kinia iliu na gata i na nonai lawaki ca. ⁴Ia sa dodonu liga mo dou vosoji koya sa qai qai mai, ke sa vunautakia e dua tani voki na Jisu, o koya kitou sa reva ni vunautakia iliu, se sa yaco vi ikodou e dua tani na Yalo, o koya sa reva ni yaco vi ikodou iliu, se dua tani nai tukutuku-vinaka, dou ma reva ni vabaujia iliu.⁵Niu sa vakasama niu sa reva sara liga ni vinaka sobu vi iratou nai apositolo ratou sa vinaka cake. ⁶Ia ke au sa reva ni matai ni vosa, sa tu liga vi au na vuku; ia kitou ma varaitakia sara liga vi ikodou i na ka keceliga.⁷Au sa qai cala beka niu sa vamalumalumutaki au mo dou valevutakia kinia, niu sa vunautakia vi ikodou nai tukutuku vinaka ni Kalou ka reva ni voli kinia? ⁸Au ma vadravudravuataki ira nai soqosoqo lewe ni lotu tani eso, niu sa voli vi ira, meu caka kinia na cakacaka vi ikodou. ⁹Ia niu ma jiko vadravudravua vata ki ikodou, au ma reva ni vaogai koya e dua: ni ra sa soli ka me rauji au i na noqu dravudravua o ira na viwekani ra ma qai mai Masitonia: ia i na ka keceliga au ma varaici au meu kua ni vaogai ikodou, au na va jikoliga kinia.¹⁰Me va au sa djina i na mata i Karisito, ena reva sara ni tarovi na noqu vosa doudou i na ka ke i na yasayasa va-Akaia. ¹¹I na vuku ni cava? niu sa reva li ni lomani ikodou? Sa kila na Kalou.¹²Ia na ka au ma caka, au na caka jikoliga, meu muduka tani kinia na vuna maivi ira ra gadrevia na vuna: me ra raici liga me ra vataki kitou i na ka ra sa valevulevui ira kinia. ¹³Ni ra sai apositolo seseni o ira sa vake, ra sa tamata daucakacaka vavivakaisini, ra sa vamataliataki ira me rai apositolo ki Karisito.¹⁴Ia ka sa reva ni ka e vivakurabuitaki ke; ni sa vamataliataki koya o Setani me agilose ni rarama. ¹⁵O koya ke sa reva kinia ni ka levu me vamataliatakia vokiliga o ira na nonai talatala me ra vataki ira nai talatala ni valavala dodonu: ia na kodrai jinijini ena va na nodra cakacaka.¹⁶Au sa tukunia voki, Me kua na tamata me nanumia au sa lialia; ia ke sa nanumia vakinia e dua, mo dou vosojia liga na noqu lialia, meu valevulevui au vokiliga valailai. ¹⁷A ka au sa tukunia, au sa reva ni tukunia me va na ka ni Turaga, me va liga na ka lialia, niu sa valevulevui au i na vosa doudou ke. ¹⁸Ni ra sa lewe levu ra valevulevui ira vayago liga, oi au vokiliga au na valevulevui au.¹⁹Ni dou sa marau mo dou vosoji ira ra sa lialia, ni dou sa vuku. ²⁰Ni dou sa vosojia liga, ke sa vabobulataki ikodou e dua, ke sa vadravudravuataki ikodou e dua, ke sa lawakitaki ikodou e dua, ke dua sa valevulevui koya, ke sabica na matamudou e dua. ²¹Au sa vosa, me va au sa beci, me va kitou ma malumalumu. Ia ke e dua sa doudou i na dua na ka, (au sa vosa valialia,) au sa doudou va vokiliga kinia.²²O ira beka liga ra sa Iperiu? au sa vakinia. Ra sa luve i Isireli? au sa vakinia. Ra sa kawa i Eparaama? au sa vakinia. ²³Ra sai talatala i Karisito? (au sa vosa me va na lialia,) au sa vinaka cake; au ma daucakacaka valevu cake, au ma yaviji valevu sara, au ma jiko valevu cake i na vale ni vivesu, au ma voleka ni mate valevu.²⁴Sa yaviji au valima o ira na Jiu ma sa tau na kuita vayatolusagavulu ka ciwa. ²⁵Au ma warolaki vatolu, au ma vaviriki vadua i na vatu, i na noqu visokoyaki au ma mate vatolu, au ma jiko i na wai jitobu ka bogi dua ka siga dua; ²⁶au ma viqaiyaki voli valevu, au ma ca i na viuciwai, au ma ca maivi ira na daubutako, au ma ca maivi ira na kai noqu, au ma ca maivi ira ra sa reva ni lotu, au ma ca e loma ni koro, au ma ca i loma ni vikau, au ma ca e loma ni wasawasa, au ma ca maivi ira na viwekani seseni.²⁷au ma dauoca ka daurarawa, au ma dauyadra valevu, au ma dauviakana ka dauviagunu, au ma daulolo valevu au ma liliwa ka luvawale. ²⁸Ia ka sa reva ni wili na vika sa vo, gona vokiliga sa bitaki au i na visiga, na daunanumi ira keceliga na visoqosoqo lewe ni lotu. ²⁹O cei beka sa malumalumu au sa reva ni malumalumu? o cei sa vacalai, au sa reva ni lomakatakata kinia?³⁰Ke dodonu meu valevulevui au, au na valevulevui au i na vuku ni noqu malumalumu. ³¹A Kalou na Tama ni noda Turaga o Jisu, o koya sa varokorokotaki ka reva ni mudu, sa kila niu sa reva ni vosa seseni.³²Mai Tamasiko, na Kovana ni Arita na tui sa vatawa na koro o Tamasiko, ni sa via tauri au; ³³ia au sa tukuci sobu e loma ni dua na sova, mai na darava i cake i taudaku ni bai, ka bula kinia mai na ligana.

12¹E djina liga meu valevulevui au, ia sa reva beka ni yaga: ia au na cavujia na viraivotu vata ki na vivarairai ni Turaga. ²Au sa kila e dua na tamata o koya sa tu vata ki Karisito, ni sa kau cake mada o koya ke ki nai katolu ni lomalagi, a sa qai oji na yabaki e jinikava, (se vayago beka, se reva, au sa reva ni kila; sa reva beka ni vayago, au sa reva ni kila; sa kila na Kalou;)³io, au sa kila na tamata sa vake, (se vayago liga, se reva ni vayago, au sa reva ni kila; sa kila na Kalou;) ⁴ni sa yadji cake ki Parataisi, a sa rogocia na vosa sa reva ni tukunia rawa, sa reva ni tara me tukunia na tamata. ⁵Au na valevulevui au i na vukuna sa vake; ia i na vukuqu liga, au na reva ni valevulevui au; i na vuku liga ni noqu malumalumu⁶Ia ke au sa vinakajia meu dokai au, au na reva ni lialia kinia; niu na tukunia liga na ka e djina: ia au sa kua so liga, de dua sa vakasami au niu sa vinaka cake i na ka sa raicia vi au, se rogoca vi au. ⁷Ia deu valevulevui sara ni sa levu sara na vivarairai, sa dua na voto ni kau sa valauji kinia na lewequ, e dua nai talaki i Setani me vararawataki au, deu valevulevui sara.⁸I na vuku ni ka ke, au ma masu vatolu vua na Turaga, me au tani vi au. ⁹A sa tukunia vi au o koya, Sa rauji iko na noqu loloma: ni sa valevui na noqu kaukauwa, ni sa malumalumu e dua. O koya ke sa yaloqu sara liga kinia meu rekitakia na noqu malumalumu, me jiko kinia vi au na kaukauwa i Karisito. ¹⁰O koya ke au sa vinakajia kinia na malumalumu, na vasewasewani, na vadravudravuataki, na vivacacani, na vivararawataki, i na vuku i Karisito: ia niu sa malumalumu, au sa qai kaukauwa.¹¹Au sa yaco meu lialia; oi ikodou liga sa vavuna; ni ka dodonu mo dou vosavavinakataki au; niu sa reva ni vinaka sobu vi ira nai apositolo ra sa vinaka cake; ia sa djina liga niu sa ka laliga. ¹²E djina sa vayacori i na ikodou maliwa na vivatakilakila ni apositolo i na dauvosojia keceliga, i na vika-mana, vata ki na vika ma vivakurabuitaki, vata ki na cakacaka mana. ¹³A cava beka dou sa vinaka sobu kinia vi ira na visoqosoqo lewe ni lotu tani, i na vuku liga ni ka ke, niu sa reva ni vaogai ikodou? ia mo dou kua ni cudruvi au i na vuku ni ka ca ke.¹⁴Raicia, au sa varau meu qai vatolu yani vi ikodou; ia au na reva ni vaogai ikodou: ni au sa reva ni vasaqara na nomudou ka, oi ikodou liga: ni sa reva ni kilikili vata ki ira na gone me ra binia nai yau me nodra na qase, o ira liga na qase, me nodra na gone. ¹⁵Ia sa yaloqu sara liga meu soli au vata ki na ka sa tu vi au i na vuku ni yalomudou; io ke sa ka levu na noqu loloma vi ikodou au na lomani kinia valailai beka?¹⁶Ia me va liga ko ya, au ma reva ni bitaki ikodou: ia niu a yaloqaseqase, au sa rawai ikodou i nai lawaki. ¹⁷Au sa vaiyau maivi ikodou li vi ira au ma tala vi ikodou? ¹⁸Au ma masuji Taito, ka tala vata kaya e dua vi ira na viwekani. Sa vaiyau maivi ikodou li o Taito? kirau ma reva li ni valavala i na yalovata? kirau ma reva li ni muria e dua bauliga nai varau?¹⁹Dou sa vakasama jiko beka ni kitou sa vosavinakataki kitou vi ikodou? kitou sa vosa i na mata ni Kalou, ni kitou sa tu vata ki Karisito: ia na ka keceliga, ikodou sa daulomani, mo dou vatataki cake kinia.²⁰Niu sa rere, deu qai yani ka reva ni raici ikodou me va au sa vinakajia, ia au na qai raicia vi ikodou me va dou sa reva ni vinakajia: de sa jiko na vileji, vata ki na vuvu, vata ki na cudrucudru, vata ki na viba, vata ki na kakase, vata ki na vasolo kakana, vata ki na viavialevu,vata ki na ue; ²¹de vamalumalumutaki au i na matamudou na noqu Kalou, niu sa qai voki yani, ka deu tagicaki ira kinia ra lewe levu ra sai valavala ca oji, ka reva ni vivutunitakia na dukadukali vata ki na dauyalewa, vata ki na daudara, ra ma caka.

13¹Ke nai katolu ni noqu qai yani vi ikodou. Ena vadjinadjinatakia na vosa keceliga i na gusu ni vadjinadjina e lewe rua, se lewe tolu. ²Au ma vasalatakia iliu, au sa qai vasalatakia, me va i nai karua ni noqu jiko vi ikodou; ia ke, niu sa jiko tani, au tukunia vi ira sai valavala ca iliu, vata ki ira keceliga na tani, ke au na qai voki yani, au na reva ni vosojia:³ni dou sa qara e dua nai vadjinadjina ni sai Karisito au sa vosa kinia, o koya sa reva ni malumalumu vi ikodou, ia sa kaukauwa liga vi ikodou: ⁴ni sa vakoji ki na kauveilatai o koya ni sa malumalumu, ia sa qai bula i na kaukauwa ni Kalou. Kitou vokiliga, kitou sa malumalumu vata kaya, ia kitou na bula vata kaya i na kaukauwa ni Kalou vi ikodou.⁵Dou dikevi ikodou, se dou tu i na vabaujia, se reva; vatovolei ikodou. Dou sa reva beka ni kilai ikodou, ni sa jiko vi ikodou o Jisu Karisito? de dou sa reva djina ni vabau. ⁶Ia au sa djinajia ni dou na kila ni kitou sa reva ni reva ni vabau.⁷Ia kitou sa masu vua na Kalou, mo dou kua sara liga ni valavala ca; e reva me kitou rairai kinia ni kitou sa vinakajia kinia, mo dou caka liga na ka e dodonu, io, ke kitou sa reva ni vabau. ⁸Ni kitou sa reva ni rawajia e dua na ka me tarovi kinia na djina, me totaka liga na dina.⁹Ni kitou sa reki, ni kitou sa malumalumu tu, ka kaukauwa oi ikodou; ia na ka vokiliga ke kitou sa masulakia, mo dou vinaka sara kinia. ¹⁰O koya ke au sa vola kinia na vika ke niu sa jiko tani, deu caka na lewa rarawa ni da sa jiko vata, me va na kaukauwa sa solia mai vi au na Turaga me caka kinia na vivatataki, me kua liga na vivarusai.¹¹Meu tinia, oi ikodou na viwekani, mo dou vinaka! Mo dou vinaka taucoko, mo dou vacegui sara liga, mo dou lomavata, mo dou vivinakaji jiko; ia ena jiko vata ki ikodou na Kalou ni loloma vata ki na vacegu. ¹²Dou vilomani ka vireguci i na yalosavasava.¹³Sa loloma yani vi ikodou o ira keceliga ra sa lotu. Me jiko vi ikodou keceliga na yalololoma ni Turaga o Jisu Karisito, vata ki na loloma ni Kalou, vata ki na vilomani ni Yalo Tabu. Emeni.

Iperiu

1¹Sai ira na parofita ka vosa kinia iliu na Kalou vi ira na matua, i na levu na gauna, vata nai valavala: ²ia sai koya na Luvena sa vosa kinia vi kita o koya, ena gauna mai muri ke; o koya sa lesia o koya mei taukei ni ka keceliga, o koya sa bulia vokiliga kinia na vuravura keceliga; ³o koya sa cila kinia na nona rarama vata na iyaloyalo ni nonai tovo, a sa tokonia na ka keceliga ena nona vosa mana, a sa tiko sobu i na liga i matau i Koya sa levu sara mai colo, ni sa savajia tani oti vataki koya na nodai valavala ca;⁴ni sa yaco me vinaka cake vi ira na agilosi, ni sa taukenia na yaca sa vinaka cake na mai na yacadra.

⁵Io, o cei vi ira na agilosi sa kaya kinia o koya i na dua na siga, na Luvequ o iko, au sa vatuburi iko nikua? Se me kaya, oi au na Tamana, na Luvequ o koya?⁶Ia ni sa yadia mai o koya na Ulumatua i vuravura, sa tukunia, Me cuva vua o ira kece liga na agilosi ni Kalou. ⁷Ia ena vukudra na agilosi sa tukunia o koya, O koya sa lesi ira na nona agilosi me cagi, vata ki ira na nonai talatala me yameyame ni buka.⁸Ia ena vuku liga ni Luvena, Ena reva ni oji na nomunu itikotiko-vaturaga, oi ikonu na Kalou: Sai titoko ni caka dodonu nai titoko ni nomunu matanitu: ⁹o ikonu sa vinakatia nai caka dodonu, ka catia nai caka ca, ma lumuti ikonu kinia na Kalou, na nomunu Kalou, ena waiwai ni marau mo nu vinaka cake kinia vi ira na nomunu i tokani.¹⁰Ia, o ikonu na Turaga, o nu ma tauyavutakia na vuravura mai nai vatekivu; ia na cakacaka ni ligamunu o lomalagi: ¹¹Ena rusa gona; ia o ikonu o nu na tikoliga: Ia ena madra kece mai gona me va nai sulu: ¹²O nu na lobia vokiliga me vaka nai tutuvi, ka na vaisosomitaki me va nai sulu: Ia o ikonu sai ikonu tikoliga, ka na reva ni oji na nomunu viyabaki.¹³Ia o cei vi ira na agilosi sa tukunia vua o koya e na dua na siga, Mo tiko i na ligaqu i matau, Ka me'u lesi ira oti mada na nomu meca mei tutu-ni-yavamu? ¹⁴Ra sa reva beka ni yalo dauviqaravi ko ira keceliga, sa talai yani me qaravi ira ka ra na yaco imuri mei taukei ni bula?

2¹O koya ke, e dodonu me tu vananumakia valevu sara na ka eda ma rogocia, de dua na siga ena yali kinia vi kita.²Ia kevaka ma vadinadinataki na vosa ka ra ma tukunia na agilose, ka sa saumi vadodonu nai valavala ca vata na talaimama keceliga; ³Sa bula vacava o kita, kevaka eda sa vaweleweletakia na bula levu ke; o koya sa vatekivutakia na Turaga me tukunia, ka vadinadinatakia mai vi kita o ira era ma rogocia; ⁴ni sa vadinadina tiko vi ira na Kalou, e nai vatakilakila eso vata na ka e vivakurabuitaki eso vata na cakacaka mana kece vata nai votavota ni Yalo Tabu, me vaka na lomana⁵Ni sa reva ni solia o koya vi ira na agilosi me ra lewa na vuravura ena muri mai, o koya kitou sa vosatakia. ⁶A sa vatakila e dua na tikina, ka tukunia, A cava na tamata, mo nanumi koya kina? Se na luve ni tamata, mo dautalevi koya kinia⁷O a buli koya me levu sobu valailai liga mai vi ira na agilosi. O sa vaisalataki i nai ukuuku vata na varokoroko, Ka lesia me lewa na cakacaka ni ligamu: ⁸O sa vamalumalumutakia na ka kece liga me tu i ruku ni yavana. Ni sa vamalumalumutakia vua na ka kece me lewa kinia, sa reva ni vo e dua na ka me reva ni vamalumalumutakia vua. Ia eda na reva ni raicia ni kua ni sa vamalumalumutakia vua na ka keceliga me lewa kinia.⁹Eda sa raici Jisu liga, sa caka me levu sobu valailai liga mai vi ira na agilosi, sa qai vaisalataki i nai ukuuku ki na varokoroko, ni sa vosotia oti na mate: me sa mate o koya ena vuku ni tamata kece liga, me va na loloma ni Kalou. ¹⁰Ni sa dodonu vi koya, nai taukei ni ka keceliga, ka sa vavuna na ka keceliga, ni sa vayadjia na luvena e lewe levu, ki na vanua vaiukuuku, me varautaki koya i na dau vosojia me sa nodra vu ni bula.¹¹Ni sa dualaliga na Tamadra, o koya sa vasavasavatakia vata ki ira era sa vasavasavataki: ia ena vuku ni ka ke sa reva kina ni madua o koya me vatokai ira me ra tacina; ¹²ni sa tukunia, Au na tukunia na yacamunu vi ira na taciqu; Ena kedra maliwa nai soqosoqo lewe ni lotu ka'u na varokorokotaki ikonu i na sere.¹³Sa tukunia voki, Au na vararavi vi koya. Sa kaya vokiliga, Raici au, ki ira na gone sa solia mai vi au na Kalou. ¹⁴Ia ni sa lewe vata ka dra vata o ira na gone, sa yaco vokiliga o koya me vakinia; me vamalumalumutaki koya kinia sa lewa na mate, o koya na tevoro, ena vuku ni mate; ¹⁵me sereki ira vokiliga era va na bobula ena nodra bula voli taucoko ni ra sa rerevakia na mate.¹⁶Ni sa reva sara ni mai vukei ira na agilose o koya; sa mai vukei ira liga na kawa i Eparaama. ¹⁷O koya ke sa dodonu kinia ki koya, me yaco me vataki ira na wekana ena ka keceliga, me bete levu yalovinaka ka lomadina ena vika ni Kalou, me sorovakia na nodra i valavala ca na tamata. ¹⁸Ni sa vosotia na ka ca o koya, ni sa dau lawakitakia, sa qai rawa kinia me vukei ira era sa dau lawakitaki.

3¹O koya ke, ikodou na viwekani yalosavasava, sa kacivi mei taukei ni ka valomalagi, dou vananumia nai Apositolo vata na Bete Levu o koya da ma vatusa tiko, o Jisu: ²o koya sa yalodina vua sa lesi koya, me vataki Mosese ka a yalo dina vokiliga i na nona vale taucoko na Kalou. ³sa dodonu me dokai valevu o koya ka valailai o Mosese, ni sa dokai valevu o koya sa tara na vale, ia ka valailai liga na vale. ⁴N i sa dua e tara na vale yadua; ia o koya sa tara na ka keceliga na Kalou.⁵Ia ke sa yalodina o Mosese ena nona vale taucoko na Kalou, me va sai talatala, me vatakilai kinia na vi ka ena qai tukuni mai muri; ⁶ia na Karisito sa yalodina me va ni sa da luvena ka da sa nona vale o kita kevaka da sa tauria matua na noda doudou vata na marau ni nuinui me tu dei, me yacovia nai vataotioti.⁷O koya ke, me va sa tukunia na Yalo Tabu, Ena siga ke kevaka dou sa via rogocia na domona, ⁸Kua ni vakaukauwatakia na yalomudou, me vaka ena vivacudrui, Me va na dauvere i na vanua lala:⁹Era sa dauveretaki au kinia o ira na nomudou matua, era sa vatovolei au va ca, Ni ra sa raicia tiko na noqu cakacaka ka yabaki vasagavulu. ¹⁰O koya ke au a cudru kinia vi ira nai tabatamata gona, Ka tukunia, Era sa cala tikoliga i lomadra; ka ra sa reva ni kila na noqu i valavala. ¹¹Au ma bubului kinia e na noqu cudru, Ni ra na reva sara ni curu i na noqu i vavacegu.¹²Dou raici ikodou vinaka, na viwekani de tiko e na lomadra eso vi ikodou na yalo sa ca vata na reva ni vabautia, dou sa dainia tani kinia na Kalou bula. ¹³Ia dou dui vivavulici liga vai ikodou na visiga kece liga, ni sa va liga, na siga nikua; de vayalokaukauwatakia e dua vi ikodou ena vuku ni sa dauvivakaisini nai valavala ca.¹⁴Ni sa noda liga na Karisito, kevaka eda sa tauria matua nai tekitekivu ni noda dinatia me dei, me yacovia nai vataotioti. ¹⁵Ni sa tukuni tiko va ke, i na siga ke, kevaka dou sa via rogocia na domona, Dou qai kua ni vakaukauwatakia na yalomudou, me va i na siga ni vivacudrui.¹⁶Ia o cei o ira ra ma vacudruya ni ra sa ma rogocia oti? o ira keceliga era sa qai vata ki Mosese mai Ijipita se reva? ¹⁷Ia sa cudruvi cei o koya a yabaki vasagavulu? vi ira sai valavala ca, ka bale na yalodra mai na vanua lala se reva? ¹⁸Ia o cei sa yalatakia o koya me ra kua ni curu i na nonai vavacegu, vi ira liga sa reva ni vabautia? ¹⁹Ia eda sa raicia, ni ra sa reva ni curu rawa kinia, ni ra reva ni vabautia.

4¹O koya ke me da qai rava, ni sa solia tu na vosa ni yalayala me da curu i na nonai vavacegu, de na reva beka ni yaco dina kina eso vi ikodou. ²Ni sa tukuni mai vi kita e dua na ka vinaka, ka va voki liga vi ira: ia sa reva ni yaga vi ira na vosa ra sa rogocia, ni ra sa reva ni dua vata i na vabautia vata ki ira ra sa varogocia³3Ni da sa qai curu ki nai vavacegu, o kita sa vabautia, me va sa vosa kinia o koya, “Me va au ma bubului kinia i na noqu cudru, ra na reva sara ni curu i na noqu i vavacegu:” ka dina liga ni sa oti na nona cakacaka ena nona tauyavutaki vuravura oti. ⁴Ni sa dua na tikina sa vosa oti va ke o koya nai kavitu ni siga, A sa vacegu na Kalou mai na nona cakacaka kece liga e na kenai kavitu ni siga. ⁵ia ke voki liga, Era na reva sara ni curu ki na noqu i vavacegu.⁶Ia ni sa qai macala me curu kinia eso, ia o ira ma tukuni iliu vi ira na ka vinaka era sa reva ni curu kinia, i na vuku ni nodra talaimama: ⁷a sa qai lokucia voki e dua na siga o koya, ka sa tukunia o Tevita I na dua na gauna mai muri ka tukunia, Ni kua ke ni sa oti na gauna dede; me va sa kainaki,

Ena siga ke, ke va dou sa via rogocia na domona,

kua ni vakaukauwatakia na yalomudou.

⁸Io, ke va sa solia vi ira nai vavacegu o Josua, ena reva ni vosatakia voki o koya e dua tani na siga. ⁹Ia ke sa vo tiko e dua nai vavacegu me nodra na tamata ni Kalou. ¹⁰Ia o koya sa curu ki na nonai vavacegu, me vacegu mai na nona cakacaka, me va sa vacegu voki liga na Kalou mai na nona.

¹¹O koya ke me da qai vakaukauwa tiko me da curu ki nai vavacegu gona, de bale e dua na tamata ni sa talaimama vakinia.¹²Ni sa bula na Vosa ni Kalou, ka kaukauwa, ka gata valevu ka mucu liga nai seleiwau batirua, ka suakia me wasea rua kinia na lomada ki na yaloda, ki na nodai sema ki na uto ni sui, a sa valewa sara na ka vananumakia tu nai naki ni yaloda. ¹³A sa reva voki liga e dua na ka e reva ni rairai e matana: ia sa luvawale liga na ka kece liga, ka varairaitaki sara, ena mata i koya eda na vakatusai kita vua.¹⁴1Me va ni sa dua na noda bete levu cecere, o koya ka curu ki lomalagi, o Jisu na Luve ni Kalou, tou tauria matua kinia na noda lotu. ¹⁵Ni sa reva ni noda bete levu o koya sa reva ni lomani kita rawa ni da sa malumalumu; ia o koya sa dauveretaki vatautauvata ena ka kece liga o koya, ia ka reva na nona cala. ¹⁶1Ena vuku ni ka gona tou toro doudou kinia i nai tikotiko-vaturaga ni yalololoma, me da ciqomia kinia, me da lomani voki liga ka vukei ena gauna da na vinakatia kinia.

5¹Ia na bete levu yadua sa djigitaki mai vi ira na tamata, sa lesi vua na Kalou ena vukudra na tamata, me vacaboi madrali ki nai soro ena vuku ni valavala ca: ²sa rawarawa vua me lomani ira ra sa sesewa, ka cala; ni sa tiko voki liga vi koya na malumalumu. ³Ia ena vuku ni ka ke, me va ena vukudra na tamata sa va voki liga kinia ena vukuna, sa dodonu me vacaboi soro o koya ena vuku ni valavala ca.⁴A sa reva e dua sa tauria vai koya na cakacaka dokai ke, o koya liga sa lesi koya na Kalou, me vataki Eroni. ⁵Sa va voki liga kinia na Karisito sa reva ni dokai koya me via bete levu vataki koya; ena vukui koya liga sa tukunia vua, O iko na Luvequ: Au sa vatuburi iko i na gauna ke.⁶sa va voki liga na nona vosa ena yasana kadua, Na bete reva ni mudu o iko me va nai valavala ni Melikiseteki⁷7 O koya ke i na visiga ni nona tiko vatamata, ni sa cabori oti na kerekere, vata na masumasu, vata na tagi vararawa, ni sa vawai na matana, vua sa rawatia me vabulai koya mai na mate, a sa rogocia liga ena ka sa rerevakia o koya; ⁸8 ia sa dina liga sa Luvena o koya, a sa vatavulici liga e nai valavala ni talairawarawa, ni sa vosotia tiko na ka rarawa;⁹ia ni sa varautaki oti, sa yaco me vu ni bula reva ni mudu vi ira kece liga sa talairawarawa vua; ¹⁰sa kacivia na Kalou me bete levu me va nai valavala i Melikiseteki. ¹¹E levu na ka sa vo me kitou tukunia, ka sa mama liga ni vamacalataki, ni sa reva vi ikodou na daliga rogorogo.¹²Ni sa dodonu mo dou rawa dede mo dou i vavuvuli, ia dou sa vinakatakia me dua me vavulici ikodou voki ina i tekitekivu ni vavuvuli me balejia na Vosa ni Kalou; sa yaga voki liga vi ikodou na wai-ni-sucu, ka reva na kakana dina. ¹³Ni o ira ka ra ma bula liga ina wai-ni-sucu ni ra se gone dramidrami, ka ra se bera ni kila vinaka nai vavuvuli ni yalododonu. ¹⁴ia sa yaga liga vi ira sa matua na kakana dina, o ira era sa varautakia na yalodra e nai varau, me ra valewa rawa na ka se vinaka se ca.

6¹O koya ke me da qai maroroya nai vatekivu ni vavuvuli i Karisito me da toro cake me da matua sara; me tou kakua ni lesuvia voki na yavu ni vabaujia, na vivutuni ena vuku ni tovo eda mate kinia, vata na vabautia na Kalou, ²Nai vavuvuli ni vipapitaisotaki, vata na vitabaki i na liga, vata na nodra tucake voki mai na mate, vata na vilewai reva ni mudu. ³ena caka na ka ke kevaka e vatara na Kalou.⁴Ni sa mama sara me vavoui voki me ra vivutuni o ira ra ma vararamataki oti, ka ra sa tovolea nai solisoli valomalagi, ka vaivotavota i na Yalo Tabu, ⁵ka tovolea na vosa vinaka ni Kalou, ki na kaukauwa ni bula ena muri mai, ⁶a ra sa qai vuki voki; ni ra sa vakotia voki tiko na luve ni Kalou vataki ira ka beci koya I na matana votu.⁷Ni sa vakalougatatakia na Kalou na qele sa somia na uca sa qai wasoma kinia, sa vatuburia na kau sa yaga vi ira era sa kelia: ⁸ia sa reva ni vabau ka sa vo e lailai me dai tani sa vatuburia na kau vavotona vata na soni,ka na kena I jinijini me visa.⁹Ia o ikodou liga, sa lomani, ka dina liga ni kitou sa vosa va ke, ia kitou sa nanumi ikodou ni dou sa vinaka cake, baletia ni sa tu vi ikodou na ka sa salavata na bula. ¹⁰Ni sa reva ni dau cakacaka va reva ni dodonu na Kalou, ka na reva ni nanulecajia na nomudou cakacaka vata na loloma, dou a ma vatakila i na yacana I na nomudou qaravi ira o ira sa lotu, ka dou se viqaravi tiko liga ke.¹¹Ia kitou sa vinakajia mo dou dui vakaukauwa vakinia, mo dou vanuinui matua sara ina ka me yacovia nai vataojioji: ¹²mo dou kua ni vucesa, mo dou muri ira liga ka ra sa itaukei vika a yalataki ni ra a vabaujia ka vosojia vadede.¹³Ia ni sa yalayala vi Eparaama na Kalou, ka ni sa reva ni cavujia rawa e dua sa levu cake, sa qai cavuji koya liga i na nona bubului, ¹⁴ka tukunia, E djina au na vakalougatataki iko valevu, ka valewevuqataki iko valevu sara. ¹⁵Sa va liga kinia, ni sa vosotia vadede mada o koya, sa qai yaco me taukenia na ka sa yalataki.¹⁶Ia ni sa bubului o ira na tamata, ka ra sa dau cavujia na ka sa levu cake,ka sa oti vi ira na vileji i na bubului mei vadjinadjina. ¹⁷Sa vakinia na Kalou, ni sa vinakajia o koya me vatakila djina sara vi ira ni ra na taukenia na ka ma yalataki ni sa tu dei na nona lewa, ka sa vadjinadjinatakia ena yalayala: ¹⁸me rua kinia na ka sa tu dei sara, sa reva ni rawa kinia me vosa seni na Kalou, me da vacegui sara kinia, o kita eda sa qai varuru ni da sa tauria nai nuinui sa dai oti tu i matada:¹⁹koya gona sa tu vi kita na I nuinui ke mei kelekele ni yaloda, sa jina ka kaukauwa, ia sa curu sara i loma ni laji: ²⁰ina tikinia gona sa curu sara kinia i na vukuda o Jisu, me noda i liuliu, ni sa lesi me bete levu ka reva ni oji me vatakia nai valavala i Melikiseteki.

7¹Ia o Melikiseteki ke, sa tui Selemi, a bete ni Kalou sa Cecere sara, sa tavaki Eparaama ni sa lesu mai na nona valuji ira na tui, a sa vosa vakalougatataki koya; ²Sa solia voki liga o Eparaama vua nai kajini ni ka kece liga: (nai balebale ni yacana na Tui ni caka dodonu,ka ni o koya voki liga na Tui Selemi, na kenai balebale na Tui ni vivacegui; ³E reva ni tukuni na tamana, se na jinana, se na nona kawa, ka sa reva ni vaitekivu na nona gauna, se oti na nona bula; ia e vataki koya ligan a luve ni kalou, o koya ena bete jiko liga ka reva ni oti rawa.⁴Dou vasamatakia na kena cecere na tamata ke, ni sa solia vi koya o Eparaama na turaga qase nai katini ni kamunaga sa tokitakia. ⁵A sa dina vei ira na luve i Livai, a ra sa bete, ni sa vakaroti vei ira i na vunau, me ra vaisigana mai vi ira na tamata, io, mai vi ira na wekadra, ia sa djina liga ni ra sa qai mai na kawa vi Eparaama: ⁶Ia o koya ke sa vaisigana mai vei Eparaama, ka sa reva ni wili vata ki na nona kawa ka sa vosavakalougatataki koya ka cavujia vua na vosa ni yalayala.⁷Ia sa reva ni vajijiqatakia rawa ke, ni sa vosavakalougatataki koya sa cecere sobu o koya sa uasivi cake vi rau. ⁸Ia ke ra sa tauria kinia nai sigana o ira na tamata a ra sa dui mate; ia mai vanua gona sa tukuni ni sa bula tiko. ⁹Ia, kevaka e tara me'u vosa vakinia, o Livai voki liga, o koya sa dautauria nai sigana, erau sa solia vata ki Eparaama nai sigana; ¹⁰Ni sa bera ni sucu o koya ni sa tavaki Melikiseteki o tamana.¹¹Kevaka sa rawa me ra vinaka sara i na vuku ni cakacaka va bete va-Livai, (ni sa kainaki vata kaya na vunau vi ira na tamata,) ena yaga vacava me tucake e dua voki na bete me va nai valavala i Melikiseteki, ka me reva ni vatokai me va nai valavala i Eroni? ¹²Ni sa qai vaisosomitaki na bete, sa dodonu voki liga me vaisosomitaki na vunau.¹³Ia o koya sa tukuni va ke, sa dua tani na nona yavusa, sa reva mai kinia na tamata sa qaravia nai cabocabo-ni-soro. ¹⁴Ni sa macala sara ni a tubu mai vi ira na Juta na noda Turaga; ia na yavusa gona e reva ni vosa kinia o Mosese me ra bete.¹⁵Ia sa macala valevu sara; ni sa tubu e dua tani voki na bete me vataki Melikiseteki, ¹⁶O koya ka lesi, ka reva ni vaka na vunau vavuravura,o koya liga me vaka na vunau ni bula reva ni mudu. ¹⁷Ni sa tukunia o koya, O iko na bete reva ni mudu, me va nai valavala i Melikiseteki.¹⁸Sa jiko i na dua na yasana sa muduki ni vunau sa liu mai ni sa malumalumu ka reva ni yaga: ¹⁹Ni sa reva ni vataucokotaki me vinaka sara e dua na ka i na vuku ni vunau, ka sa jiko I na yasana ka dua na vatututaki ni nuinui cake, o koya da sa toro voleka kinia vua na Kalou..²⁰Ka ni sa vadeitakia ke i na bubului, ni o ira ka ra sa lesi me ra bete ka ra sa reva ni bubului. ²¹Ia o koya ke sa yaco me bete i nai bubului i na vukui koya sa kaya vua. “Sa bubului ko Jiova, ka na reva ni vivutuni o iko na bete reva ni mudu.”²²Na ka ke sa yaco kinia o Jisu me i vadei ni viyalayalati sa vinaka cake. ²³Ia o ira gona ka ra sa lesi me ra bete, a ra sa lewe levu, ni sa tarovia na nodra tiko na mate: ²⁴Ia o koya ke, sa reva ni vaisosomitaki na nona cakacaka va bete, ni sa tiko liga ka reva ni mudu²⁵O koya ke sa rawarawa kinia vua me vabulai ira sara era sa qai mai vua na Kalou i na vukuna, ni sa bula tiko liga o koya me masulaki ira. ²⁶Ni sa dodonu me noda e dua na bete sa va ke, sa yalosavasava, sa yalovinaka, ka reva ni ca, sa tawasei koya tani mai vi ira na tamata ivalavala ca, a sa caka voki liga me cecere cake i lomalagi na nona cecere:²⁷O koya e reva kinia ni yaga i visiga, me vacaboria taumada nai soro ni nonai valavala ca, ia i muri nai soro ni nodra i valavala ca na tamata, me vataki ira na bete levu: ni sa caka liga vadua ni sa vacabori koya. ²⁸28 Ia sa buli i na vunau na tamata ra sa malumalumu me bete levu; ia na Luve ni Kalou sa caka me vinaka sara ka reva ni oti na bubului sa taravia na vunau.

8¹Ia sa kena levu ni vi ka sa vosatakia oti: Sa va ke na noda bete levu, sa tiko ena liga i matau ni tikotiko i Koya sa levu mai lomalagi; ²Ai talatala I na tikina tabu,vata i na vale tabu jina, sa reva ni tara na tamata, sa tara liga na Turaga.³Ni ra sa lesi kece liga na bete levu me vacaboria nai madrali vata nai soro: o koya ke sa dodonu voki liga kinia vi koya na bete levu ke me dua na ka me vacaboria. ⁴Kevaka sa tiko liga i vuravura o koya, ena reva ni bete, ni ra tiko na bete era vacaboria nai madrali me va na vunau: ⁵5 o ira sa caka nai vatakarakara ni yaloyalo ni vi ka valomalagi, me vaka sa varaitakia vi Mosese na Kalou ni sa voleka ni tara na vale tabu: sa tukunia, Raicia, mo caka na ka kece liga me tautauvata kei na kenai vatakarakara ka vatakilai vi iko i na ulu-ni-vanua.⁶Sa qai nona na cakacaka vabete e uasivi cake, me va sa dautataro voki liga o koya me dua na viyalayalati e uasivi cake, o koya sa vataudeitakia i na vosa ni yalayala e uasivi cake. ⁷Kevaka sa vinaka qori taumada, e reva voki ni vasaqarai e dua tani⁸Ia ni sa reva ni vinakajia, sa tukunia o koya, Sa Ia ni sa reva ni vinakajia, sa tukunia o koya, Sa Vosa o Jiova, ena yaco na siga, au na caka kinia na viyalayalati vou vi ira na mataqali i Isireli vata na mataqali i Juta: ⁹Ena reva ni vaka na viyalayalaji au a caka vi ira na nodra qase i na siga au a tauria kinia na ligadra meu yaji ira tani mai na vanua o Ijipita; Era a reva ni yalo jina i na noqu viyalayalaji vi ira au a rev ani kawaitaki ira kinia.¹⁰Sa tukunia o Jiova, Sa va ke na viyalayalaji au na caka vi ira na mataqali i Isireli ni sa oti na gauna gona, Au na dainia na noqu vunau i na lomadra, Ka vola i na yalodra: Au na yaco me nodra Kalou, era na qai noqu tamata¹¹Ia era na reva ni vavulici ira yadua me nona lewe-ni-koro vata na wekana, ka tukunia mo kila na Turaga: Ni ra na kilai au keceliga, o ira sa tamata lalai vata ki ira voki liga sa turaga. ¹²Ni'u sa yalovinaka vi ira sa reva ni dodonu, kau na reva ni nanumia voki na nodra i valavala ca ki na nodra talaimama.¹³Ni sa cavutia o koya e dua sa vou, sa vamadratakia gona ka liu. Ia na ka sa qai madra mai na ka dede sa voleka ni yali sara.

9¹Sa djina sa tu na na viyalayalati i liu eso nai varo ni lotu, i na vale-ni-soro vavuravura. ²Ni sa caka liga na vale tabu; o iko sa liu, sa tu kinia nai tutu-ni-cina, na teveli,, na madrai dau raici; a yacana ke na jikina tabu.³Sa sivi nai karua ni laji, sa qai tu na vale tabu sa vatokai na loqi tabu sara; ⁴Sa tu kinia na miqa koula, vata na kato ni veiyalayalati sa botani na yasana kece i na koula, sa tu kinia na bilo koula sa tawa i na mana, vata nai jitoko voki liga i Eroni o koya sa kubu, ki na vatu raraba ni viyalayalati; ⁵Sa tu liga i colo oi rau na jerupi vaiukuuku sa varurugia nai cabocabo-ni-bulubulu; ia ka sa mama ni kua me tukuni yadua na vi ka ke.⁶Ia ni sa varautaki oji na vi ka ke, sa curu o ira na bete i na visiga i nai matai ni vale tabu, ka ia kinia na lotu: ⁷Sa curu i na kena i karua na bete levu duadua liga, vadua liga i na viyabaki, ka yadia na dra, ka vacaboria i na vukuna, ena vuku voki liga ni nodra vacala na ka na tamata⁸Sa vatakila na Yalo Tabu na ka ke, ni sa reva ni varaitakia mai na sala i na loqi tabu sara, e na gauna sa tu liga kinia na vale tabu i liu. ⁹A kenai vatakarakara wale liga gona, me yacovia na gauna ke, sa vacabori kinia nai madrali vata nai soro, o koya sa reva ni vasavasavatakia rawa na nona lewa-e loma o koya sa mai lotu; ¹⁰(I na kakana vata na ka-ni-somi, vata na vuivui valevu) na vivaro vavuravura, sa lesi me yaco mada na gauna ni vivadodonutaki.¹¹Sa qai mai na Karisito, a sa bete levu e na ka vinaka ena muri mai, i na vale tabu levu sa uasivi cake na kena vinaka, e reva ni tara i na liga, ni sa reva ni caka vakinia; ¹²E reva voki liga i na dra ni me vata na luve ni pulumokau, i na nona dra liga sa curu vadua i na loqi tabu sara, ni sa rawatia me solia na bula reva ni mudu.¹³Ia kevaka sa yaga na dra ni bulumakau vata na me, vata na dravusa ni bulumakau yalewa ni sa kureitakia vi ira sa dukadukali, me sava kinia na yagodra: ¹⁴Ena vatani i vi na dra ni Karisito, o koya sa vacabori koya vua na Kalou e na vuku ni Yalo Tabu reva ni mudu, ia a reva vua na ca, ena reva beka ni rawarawa sara me vui tani kinia na nomudou lewa-I loma mai na cakacaka sa ka ni mate, mo dou qaravia na Kalou bula? ¹⁵O koya gona sa yaco kinia o koya me dautataro e na viyalayalaji vou, me ra rawajia kinia o ira ra kacivi nai votavota reva ni mudu ka yalataki, e na vuku ni nona mate, me soro ni valavala ca ka caka oji e na gauna ni viyalayalati i liu.¹⁶Ia kevaka sa dua na viyalayalaji, sa yaga me mate o koya sa ia kinia na viyalayalaji: ¹⁷Ka ni sa qai rawa wale liga ni vayacori na vi ka e tu kinia ni sa yaco oti na mate ni sa reva na kena yaga kevaka se bula jiko liga o koya e vola.¹⁸O koya gona sa reva kinia ni vatabui wale na viyalayalaji i liu, sa caka liga i na dra: ¹⁹Ni sa cavutia oji o Mosese nai vavuvuli keceliga ni vunau vi ira keceliga na tamata, sa qai yadia o koya na kedra dra na luve ni bulumakau, na me, na wai, vata na vuti ni sipi sa vadamudamutaki, vata na i sopa, ka kureitakia i nai vola, vi ira kece voki liga na tamata, ²⁰Sa tukunia ke na dra ni viyalayalaji sa caka vi ikodou na Kalou.²¹Sa kureitakia vata vokiliga kinia na dra i na vale tabu, vata na bilo kece liga ni lotu. ²²Ia ka vica na ka sa reva ni vasavasavataki i na dra me va na vunau; ia kevaka sa reva ni vadavei na dra, sa reva ni bokoci nai valavala ca.²³Ia sa dodonu kinia me vasavasavataki nai vatakarakara ni vi ka mai lomalagi ena vi ka ke; ia na vi ka jina sa valomalagi sa vasavasavataki e nai soro e vinaka cake vi ira. ²⁴Sa reva ni curu na Karisito i na loqi tabu sa caka i na ligana, qori sai vatakarakara liga ni ka jina sa curu i na lomalagi jina liga, me rairai nikua i na mata ni Kalou i na vukuda;²⁵Sa reva voki liga ni vacabori koya valevu, me va sa curu na bete levu ki na loqi tabu ena viyabaki, ka yadia na dra ni ka tani; ²⁶Ia ke sa vakinia ke sa dodonu me mate valevu mai nai vatekivu ki vuravura: sa qai varairaitaki vadua o koya i nai vataojioji ni vigauna sa loku me yajia tani nai valavala ca ni sa vacabori koya.²⁷Ia me va sa lesi me mate vadua o ira na tamata, me qai muri na siga ni lewa: ²⁸Sa vacabori vadua vaka voki liga kinia na Karisito me cudruvi e na vuku ni valavala ca ni le levu; ka na rairai mai varua o koya vi ira sa waraki koya me ra bula, ia ena reva liga mei soro.

10¹Sa tu liga ina vunau nai vatakarakara ni vika vinaka me muri mai, ia ka reva ni koya na yaloyalo dina, ka reva vaka liga ni rawa inai soro era sa va cabori tiko ina vi yabaki, me vasavasavataki ira era jiko kinia. ²Ia kevaka sa rawa, sa reva li ni mudu na nodra vacaboria, ni ra sa reva ni beitaki jiko ina valavala ca o ira sa dau soro, nira sa vasavasavataki vadua. ³Ia enai soro gona sa vananumi voki kinia nai valavalaca ina vi yabaki. ⁴Ni sa dredre sara me yaji tani nai valavalacaa na dra ni bulumakau vata na me.⁵.O koya ke sa tukunia kinia o koya ni sa qai mai i vuravura nai soro vata nai madrali o sa reva ni vinakajia, ia o sa varautakia liga vi au na yago. ⁶Ai soro kama, vata nai soro vokiliga sa sorovaki kinia nai valavala ca o sa reva ni reki kinia. ⁷Au sa qai tukunia, raicia, au sa qai mai (Au a vola inai vola vivigi) meu caka na ka sa vinakatakia na Kalou.⁸Sa tukunia i liu o koya, ai soro vata na madrali vata nai soro sa sorovakia kinia nai valavalaca, o sa reva ni vinakajia, se rekitakia, (o koya sa vacaboria me vaka nav unau). ⁹Satukunia o koya raicia au sa qai mai meu caka na ka o sa vinakajia, na kalou. Sa yajia tani o koya nai matai, me vayacoria na kena I karua. ¹⁰Ia eda sa vasavasavataki ina vukuni lewa ke, ena yago I Jisu Karisito ni sa vacabori vadua.¹¹Ia o ira keceliga na bete era a tu ka cakacaka ina visiga ka ciboria va wasoma nai soro gona, sa reva ni yajia tani rawa nai valavalaca. ¹²Ia o koya gona, ni sa vacabori oji vadua nai soro e dua liga ina vuku ni valavalaca, sa qai jiko sobuina ligai matau ni Kalou; ¹³A sa qai warakia jiko me vayacoro o ira na nona meca mei tutu-ni-yavana. ¹⁴Ni sa vacabori vadua nai soro sa caka kinia o koya na ka kece liga e yaga vi ira era sa vasavasavataki jko.¹⁵Ia sa vaidjinadjina voki liga ni kita na yalotabu: ia, ni sa tukunia oji o koya. ¹⁶Ke na viyalayalaji au na caka vi ira ni sa oji na gauna gona, sa qai tukunia na turaga au na tukunia na noqu vunau i na yalodra, ka vola ina lomadra;¹⁷Ia na nodra i valavala ca vata na nodra talaimama au na reva ni nanumia voki. ¹⁸Ia kevaka sa bokoci na vika gona, sa reva ni vacabori voki nai soro ni valavala ca.¹⁹O koya gona, ikodou na viwekani, ni sa qai doudou rawa me da curu ina loqi tabu sara ena vuku ni dra I Jisu. ²⁰Ina sala vou ni bula, o koya sa qai vatara vi kita o koya, ia sa ka e curu kinia nai laji, gona na yagona; ²¹Ka ni sa dua voki ligana noda bete levu ina vale ni Kalou; ²²Me da toso voleka yani ina yalodjina vata na vabaujia jina sara ni sa kureitakia tu na yaloda me da kakua ni beitaki keda ina ca, ka sa vasilimi tu na yaloda ina wai makare.²³Datou tauria matua na vatusai ni nodatou vabaujia me kua ni yavala, ni sa yalojina o koya sa yalatakia. ²⁴24.Medatou vananumi kita vakai kita medatou vivakatakatai me dau loloma kai valavala Vinaka. ²⁵25.Medatou kua ni dainia na vasoqoni vata, me vaka nai valavala ni tamata eso, meda vivamasuji jiko: Ia me valevu ni dou sa raicia sa toso voleka mai na siga.²⁶Ia, kevaka datou sa i valavala ca ka sa yaloda dina kinia, ni da sa kila oji nai vavuvuli djina, sa qai reva voki ni dua tani nai soro ni valavala ca. ²⁷Sa vo liga na noda warakia ena rere na siga ni lewa, vata na cudru waqawaqa voki liga, gona ena kani ira na meca.²⁸O koya sa becia nai vunau I Mosese sa mate liga, sa reva voki ni lomani, ni sa beitaki vi koya ni lomani, ni sa beitaki vi koya e le rua se le tolu nai va djinadjina. ²⁹Dou vasamatakia se na vai vi na kena levu cake ni cudruvi, sa dodonu me yaco vua, sa butukia na luveni Kalou, sa vawaletakia na luveni Kalou, sa vawaletakia na dra ni viyalayalaji sa vasavasavataki kinia, sa beci koya na yalo ni loloma.³⁰Ni da sa kilai koya sa tukunia sa noqu ii tau meu cudruvakia au na saumia liga. Ka sa tukunia voki ena lewai ira na nona tamata o Jiova. ³¹Sa ka rerevaki me lutu ina liga ni Kalou bula.³²Ia dou vananumia na visiga iliu dou a vararamatakia kinia dou qai vosojia na vivale ina rarawa vaidjina. ³³Eso, ni dou a vasevevotani ina vivalialiai vat ana vivararawataki ka so, ni dou a jiko vata ki ira era sa vakinia. ³⁴Ni dou a lomani ira liga era sa vesuki ka reki ni sa kovei na lomamudou sa tu liga mai lomalagi na nomudou i yau e vinaka cake kinia ka viqaji.³⁵O koya ke mo dou qai kakua ni dainia na nomudou djinatia ina ka sa kena I sau. ³⁶Ni sa yaga vi ikodou na vosojia, mo dou caka na ka sa lewa na Kalou, ka me nomudou ina ka sa yalatakia. ³⁷Ni dede va lailai, ena qai mai o koya, ena qai mai ka reva ni dede sara.³⁸Ia ena bula na tamata yalo dodonu ena vabaujia: Ia, kevaka sa suka lesu voki ena rev ani vinakaji koya na yaloqu! ³⁹Ia o kita, kita reva ni varaitaki ira sa suka voki yani ina rusa, eda sa vataki ira liga era sa vabaujia jiko me bula na yalo:

11¹Na vabaujia sai koya na noda vadjinadjinatakia ni yaco na vi ka eda nuitakia, vata na noda kila ni ra sa jiko vaidjina na vi ka da reva ni raicia. ²Ni sa vadonui ira na tamata i na gauna i liu na Kalou i na vuku ni nodra vabaujia. ³Na vabautia da sa kila kinia ni sa buli na vuravura i na vosa ni Kalou, me yaco rawa kinia me caka na vi ka sa raici rawa mai na vi ka sa reva ni raici.⁴Ni sa vabaujia sa vacaboria kinia o Epeli nai soro e vinaka cake mai na soro ni Keni. I na vuku ni nona vabaujia sa vadonui koya kinia na Kalou me tamata yalo dodonu, balejia ni sa vadonuya na Kalou va ikoya na madrali.⁵Ina vuku ni vabaujia sa maroroi kinia o Inoke me kua ni mate. Ia, sa yaji cake liga vua na Kalou, ia ni se bera ni yaji yani, sa tu liga vua nai vadjinadjina ni sa vinakaji koya na Kalou. ⁶Kevaka sa reva na vabaujia, ena mama sara me da vinakati: o koya liga sa torovia na Kalou e dodonu me vabaujia ni sa bula o koya, ni sa saumi ira voki liga o ira sa dau vaqarai koya.⁷Ni sa vabaujia sa rere kinia o Noa, ni sa vasalatakia oti na Kalou i na vuku ni vi ka sa bera ni rairai mai, a sa taya e dua na waqa o koya me vabulai ira kinia na nona lewe-ni-vale; a sa valewai ira kinia na kai vuravura, ka yaco mei taukei ni vivadonui sa yaco i na vabautia.⁸Ni sa vabaujia sa talairawarawa kinia o Eparaama, ni sa kacivi me qai ki na vanua sa bera ni soli vua me taukenia; ka sa qai yani, ia sa reva ni kila na vanua sa qai kinia. ⁹Ni sa vabautia sa qai tiko vulagi kinia i na vanua a yalataki, me vaka sa reva ni nona, qai tiko la liga ena vivale laca, o Aisake voki liga vata ki Jekope, e ratou taukenia vata e muri na ka gona a yalataki: ¹⁰ni sa nuitakia o koya na koro sa tauyavutaki, ka tara na Kalou sa qai caka.¹¹Ni sa vabaujia sa vakaukauwataki kinia o Sera me kunekunetakia na kawa, a sa vasucu gone ni sa oji na kena gauna, ni sa nanumia liga sa yalodjina o koya a yalatakia: ¹²O koya sa tubu kinia vua e lewe dua, o koya e va sa mate, e lewe levu me va na vikalokalo ni lomalagi, e va voki liga na nuku mai matasawa e reva ni wili rawa.¹³Sa mate i na vabaujia o ira keceliga ke ia a sa reva ni nodra djina na vi ka a yalataki, era sa raica vayawa, ka ciqomia, ka kainaki ira ni ra a tiko vulagi liga ka viqaiyaki voli e vuravura. ¹⁴Ia o ira sa vosa va ke ra sa vatakila sara ni ra sa vaqara na vanua sa nodra.¹⁵E djina liga, kevaka ra sa nanumia na vanua gona ra a dainia tani tu, sa rawarawa liga me ra lesu voki kinia. ¹⁶Ia ra sa qai gu sara i na dua na vanua sa vinaka cake, gona sa valomalagi: o koya gona ke e reva kinia ni madua na Kalou me vatokai me nodra Kalou: ni sa tara o koya e dua na koro me nodra.¹⁷Ni sa vabaujia sa vacabori Aisake kinia o Eparaama, ni sa vatovolei, ia o koya ka vosatakia kinia nai yalayala sa vacabori koya na le duabauliga o koya a vatubuya o koya ¹⁸1ia ka sa kainaki ena vukuna I liu, Na kawa i Aisake ena vakatokai me nomu kawa: ¹⁹Ni sa vadjinajia o koya sa rawarawa vua na Kalou me vabulai koya voki mai na mate; sa tauri koya voki vakinia i nai vatakarakara.²⁰Ni sa vabaujia sa vosavakalougatataki Jekope vata ki Iso kinia o Aisake i na vi ka sa bera. ²¹Ni sa vabaujia sa vosavakalougatataki rau kinia na luve i Josefa o Jekope, ni sa voleka ni mate; sa cuva sobu e na nonai jitoko. ²²Ni sa vabaujia sa tukunia kinia o Josefa, ni sa voleka ni mate, ni na qai tani ko ira na luve i Isireli; a sa tataunakia na suina.²³Ni sa vabaujia sa vunitaki Mosese ka vula tolu oi rau na nona matua, ni sa sucu o koya, ni rau sa raicia sa matavinaka na gone; a rau sa reva ni rerevakia nai varo ni tui. ²⁴Ni sa vabaujia sa sece kinia o Mosese, ni sa qai tamata bula mai, me vatokai me luvena na luve i Fero na goneyalewa; ²⁵Ni sa digitakia me vosotia na vivacacani vata ki ira na tamata ni Kalou, ia ka cajia ni bau marau wale liga i nai valavala ca i na siga eso ²⁶Ni sa vadjinatia sai yau levu me valialiai ena vuku i Karisito, ia na ka lailai nai yau mai Ijipita: ni sa varaicia tu na kenai sau.²⁷Ni sa vabaujia sa dai ni Ijipita kinia o koya, a reva ni rerevakia na cudru ni tui; ni sa gumatua me va sa ra raici koya sa reva ni laurai. ²⁸Ni sa vabaujia sa ia kinia o koya na kana vata ni qai-sivia, vata na kureitaki ni dra, me kua ni tarai ira o koya sa vamatei ira na ulumatua.²⁹Ni sa vakaujia ra sa qai kinia e loma ni Wasawasa Damudamu me va sa vanua mamaca: ia ni sa vatovolea o ira na kai Ijipita me ra bau vakinia, ra sa luvu. ³⁰Na vabautia sa bale kinia na bai mai Jeriko, ni sa buku na druadrua ka bogi vitu. ³¹Ni sa vabaujia sa reva kinia ni rusa vata ki ira sa reva ni vabaujia o Reapi, na yalewa dautagane, ni sa yadi rau i na vivacegui rau sa yamata.³²Ia a cava voki me'u tukunia? ni sa dede sara kevaka au sa tukuni Kijioni, Peraki,Samisoni, Jefica, Tevita, Samuela, vata ki ira na parofita: ³³O ira, ni ra sa vabaujia, ra sa vamalumalumutakia na matanitu eso, ra sa caka na ka e dodonu, ra sa rawajia me nodra na vi ka a yalataki, ra sa tabonakia na gusu ni laioni, ³⁴Ra sa bokocia na bukawaqa rerevaki, ra sa bula mai nai seleiwau, ra sa vakaukauwataki voki liga ni ra sa malumalumu, ra sa qaqa enai valu, ra vasavi ira nai valu ni kai tani.³⁵Sa tauri ira voki o ira na yalewa eso na kai nodra, ra sa tu cake voki mai na mate: ia ka so sa vararawataki valevu, ra sa bese liga ni bula; me vinaka cake kinia na nodra tu cake voki mai na mate; ³⁶ia sa vatovolei eso ena vivalialiai ki na vakanakuitataki, ki na vesu voki liga vata na dai i na vale ni vivesu; ³⁷era sa lauviri i na vatu, ra sa varomusuki rua, ra sa dauveretaki, ra sa vamatei nai seleiwau: ra sa viqaiyaki voli sa vaisulu na kuli ni sipi vata na kuli ni me; ra sa dravudravua sara, ra sa vararawataki, ra sa vakacacani; ³⁸(ia sa reva ni yaga o ira na kai vuravura me ra tiko vata ki ira:) ra sa se ki na vivanua liwa lala, ki na viulu-ni-vanua, vata na qara eso, vata na viqaravatu e vuravura.³⁹Ia o ira keceliga ke ra sa rogo vinaka ena vuku ni vabaujia, ia ka reva ni nodra dina na ka ka yalataki: ⁴⁰40 Ia sa vakarautakia na Kalou vi kita na ka e vinaka cake, me ra kakua kinia ni vavinakataki sara duadua liga me da vavinakataki sara vata liga.

12¹Ena vuku ni ka ke, ni sa vavolivoliji kita vokiliga e lelevu e vaka na O sa varaici kita, me da dainia tani tu na ka bibi kece ki nai i valavala ca da sa tao rawarawa kinia, ka da cicivia tikoliga na cere e tu e matada. ²Ka me da varaici Jisu,o koya sa tekivutakia ka na saumia vokiliga na noda vabaujia; o koya i na vuku ni marau sa laurai tu i matana, sa vosotia na kauvelatai, ka sa reva ni madua ni sa valialia kinia, sa qai tiko sobu o koya na liga i matau ni tikotiko vaturaga ni Kalou. ³Dou qai vananumi koya sa vosojia ni sa vacacataki koya valevu o ira na tamata ca, de o na qai waicala na lomadratou.⁴dou sa reva tu ni voratia mo dou vamatei, i na nomudou i vala vata nai valavala ca. ⁵ia dou sa nanulevajia nai vavuvuli ni sa vosa vi ikodou me va vi ira na gone. Na luvequ, mo kua ni becia ni sa cudruvi iko o Jiova, se yalowai ni sa vunauci iko o koya. ⁶o koya sa lomania o Jiova, sa cudruvi o koya ka sa yaviti ira keceliga na luvena sa vinakajia o koya.⁷Kevaka dou sa cudruvia o koya , sa qai vayacoria vi ikodou na Kalou me va vi ira na luvena; io o cei na gone sa reva n cudruvi koya o tamana? ⁸Ia kevaka dou sa reva ni cudruvia, sa dau ia vi ira keceliga, dou sa qai vaka na gone e reva ni vatamani ka reva ni va na luvena djina.⁹Ia a dau cudruvi kita na tamada vayago, ia dau doka: na reva li ni levu cake sara na noda talairawarawa vi koya na tama ni yaloda, ka da bula kinia? ¹⁰Ia o ira gona ra daucudruvi kita na visiga eso me vaka ra sa vinakajia: ia o koya me bau yaga vi kita, me da vataki koya kinia na yalo savasava. ¹¹Ia a reva ni marau na dau vi cudruvi ni sa jiko na ka rarawa liga ia emuri sa qai vuatakia na vua ni yalododonu ra sa vacegui kinia o ira sa caka vi ira.¹²O koya mo dou qai vakaukauwataki na liga sa wadamele, na duru sa malumalumu: ¹³Qai vadodonutakia na sala ina yavamudou, me kua ni vabulai liga.¹⁴Dou tovolea mo dou vivinakajivata ki ira na tamata keceliga vata na yalosavasava, ni sa reva e dua sa raicia na turaga kevaka e reva vua na ka ke; ¹⁵Dou qarauni ikodou vinaka de bale e dua mai na loloma ni Kalou de dua na waka gaga e tubu cake qai yaco kinia na rarawa, qai vaqeleqeletaki kinia na lewe levu; ¹⁶De dua daudara, se dua sa becia na ka tabu, me vataki iso, o koya a volitakia na nona ulumatua ina kakana e dua liga: ¹⁷Ni dou sa kila, sa vinakaji imuri o koya me vosavakalougatataki; ia sa vusekataki vua:( ni reva ni raicia na ka e rawa kinia me vuki me duatani), ia sa vaqara matua, ka vawai na matana.¹⁸Ni dou sa reva ni qai mai ki na ulunivanua sa tarai rawa a sa caudre ena buka, vata na butobuto, vata na o loaloa, vata na butobuto, vata na varorogo. ¹⁹Ki na rorogo ni davui, ki na domo ni vosa; o ya sa masu kinia o ira era a rogocia, me kakua ni vosatakia tale vi ira; ²⁰Ni ra sa reva ni vosajia rawa na ka sa varojia, kevaka e tara na ulu-ni-vanua e dua na manumanu e yavai va, ena vaviria ena vatu; ²¹Ia sa ka rerevaki sara na kenai rairai ni ka o ya, ka sa tukunia kinia o Mosese, Au sa domobula ka sautaninini valevu:²²Ia dou sa qai mai kinia na ulu-ni-vanua o Saioni liga, vata na koro ni Kalou bula, ki Jarusalemi valomalagi, ki na nodrai soqosoqo na agilosi e reva ni wili rawa. ²³Ki na nodrai soqosoqo na ulumatua, sa volai mai lomalagi vua vokiliga na Kalou sa lewai ira keceliga na tamata yalododonu sa yaco kece kinia na nodra vakalougatataki. ²⁴Kivi Jisu vokiliga na dau tataro ni viyalayalaji vou ki na dra kureitakia o gona liga sa cavujia jiko na ka vinaka sa cavujia na ka ca na drai Epeli.²⁵Dou raicia, mo dou kakua ni bese vua na vosa. Ia kevaka era a reva ni dro bula ko ira era a bese vua sa vosa e vuravura ena dredre valevu cake vi kita, kevaka eda sa vuki tani mai vua na vosa mai lomalagi. ²⁶O koya vayavalataki vuravura ena domona ena gauna koya: a sa qai yalatakia , ka tukunia, sa va dua voki, sa reva ni vayavalataki vuravura liga, ko lomalagi voki liga.²⁷Ia ke, sa vadua voki, sa vatakila mai kinia ni na yadji tani yani na vika sa vayavalatakia, me va na vika sa caka, me tu dei kinia na vika sa reva ni vayavalatakia rawa. ²⁸Ia ni da sa rawajia na matanitu sa reva ni vayavalatakia rawa, meda tauria matua na loloma sa soli, eda sa qaravia vinaka kinia na Kalou ena yalomatua ki na rere: ²⁹Ni sa buka waqa caucaudre na noda Kalou. .

13¹Me tikoliga na vilomani vavitacini. ²Kua ni nanulevajia na vakani ira na vulagi: ni sa so ra a vakania na agilose eso ka nanulevajia liga.³Mo dou nanumi ira ra sa vesu tu; me va dou sa vesu vata, ki ira voki liga sa valoloma, me va dou sa vayago vokiliga. ⁴Sa dodonu vata ki ira na tamata keceliga na vawati, vata nai mocemoce e reva ni vibutakoci: ia o ira na daudara vata ki ira na dauyalewa ena lewai ira na Kalou.⁵Mo dou kua ni daukocovia nai lavo: ia dou lomavinaka i na ka sa tu vi ikodou: ni sa tukunia o koya, Au na reva sara ni daini iko, se vacalai iko. ⁶I na vuku ni ka ke sa da na doudou kinia me da tukunia, A noqu i vukevuke o Jiova, ia au na reva ni rere, na cava na ka ra na caka vi au na tamata?⁷Dou nanumi ira ra liutaki ikonu, ra ma tukunia vi ikonu na vosa ni Kalou; vadamurimuria na nodra vabautia, qai nanumia nai otioti ni nodra i valavala. ⁸Sai koyakoya tikoliga o Jisu Karisito, i na siga sa oti, vata na siga nikua, vata na visiga muri mai.⁹Dou kakua ni viyadjiyakia i nai vavuvuli e levu sa qai vatani. Ni sa yaga me vataudeitaki na yalo i na loloma sa soli, ia me kakua liga i na kakana, sa reva ni yaga vi ira ra sa oga kinia. ¹⁰Sa dua na nodai cabocabo-ni-soro, sa reva ni dodonu me kana kinia o ira sa qaravia na vale tabu. ¹¹Ni sa vayavui ina bili ni koro na yago ni manumanu gona, sa yadia na kedra dra ina loqi tabu o koya na bete levu mei soro ni valavala ca.¹²O koya liga gona sa mate kinia o Jisu i daku ni matamata ni koro, me vasavasavataki ira na tamata ina nona dra. ¹³13 Ina vuku ni ka gona me da qai kinia vi koya i na bili, ka vosojia vata kaya a vivalialiai. ¹⁴14 Ni sa reva ni noda koro ke me da jiko vadua kinia, ia, da sa vasaqara liga e dua na qai muri mai¹⁵Ia o koya gona me da qai vacaboya jiko liga nai madrali ni vavinavinaka vua na Kalou ina vukuna, o koya gona na vua ni tebe-ni-gusuda ni da tusanakia na yacana. ¹⁶Kua voki liga ni nanulevajia na caka Vinaka vata na dausoli ka: ni sa vinakajia sara na Kalou nai madrali va gona. ¹⁷Dou talairawarawa vi ira sa liutaki ikodou, ka mo dou vamalumalumutaki ikodou: ni ra sa yadravia na yalomudou, me vataki ira ra na tukuni ira kinia, me ra vayacora kinia ina marau, ka reva ina vutugu: ni sa reva ni yaga vi iko dou me va gona.¹⁸Dou masulaki kitou: ni kitou sa dinajia ni sa vinaka na nitou lewa-iloma, me va kitou sa vinakajia nai valavala dodonu i na ka kece liga. ¹⁹Ia au sa vamamasu me caka liga na ka ke, meu vatotolotakia yani kinia vi ikodou.²⁰Ia na Kalou ni vivacegui, o koya ka yadjia voki mai na mate na noda turaga o Jisu, na nodrai vatawa levu na sipi, ina vuku ni dra sa ia kinia na viyalayalati reva ni mudu. ²¹Me vavinavinataki ikodou mada o koya i nai valavala vinaka keceliga mo dou vayacoria na nona lewa, ka me vayacoria o koya ina lomada na ka sa vinaka vua, ina vuku i Jisu Karisito; me vayacori vu ana varokoroko ka reva ni mudu. Emeni.²²Ia au sa masujia ikodou, na viwekani, mo dou vosojia na vosa ni vivadreji ni'u sa vola vi ikodou nai vola, ina vosa e vica la liga. ²³Dou kila, sa sereki voki liga na wekada o Timoci; kevaka voki liga sa yaco kusarawa mai o koya, kirau na raici ikodou vata voki.²⁴Au sa loloma yani vi ira kece sa liutaki ikodou, vata ki ira keceliga ra sa lotu. Sa loloma yani vi ikodou o ira mai Itali. ²⁵Me jiko vi ikodou keceliga na loloma. Emeni.

Ai vatakila sa vola ko joni

1¹Nai Vatakila ki Jisu Karisito, ma solia vua na Kalou me varaitakia vi ira na nona tamata dau viqaravi, na ka sa voleka ni yaco mai sa tala o koya na nona agilosi me tukunia vi Joni na nona tamata. ²O koya ma tukunia na vosa ni Kalou vata nai tukutuku ki Jisu Karisito, vata na ka keceliga sa raicia o koya. ³Sa kalougata o koya sa wilikia vata ki ira ra rogocia na vosa ni parofisai ke, ka vabaujia na ka sa volai tu kinia, ni sa voleka na kena gauna.⁴O Joni, ki vi ira nai soqosoqo lotu mai Esia. Me nomudou na loloma vata na vacegu mai vi koya sa bula jiko ke, ka bula mai liu, ka bula vokiliga mai muri, mai vi iratou vokiliga na yalo e vitu, ka ratou sa jiko ina mata ni jikojiko vaturaga. ⁵Mai vi Jisu Karisito vokiliga, na dautukutuku yalodina na ulumatua vi ira sa tucake voki mai na mate, vata na nodra turaga levu na Tui ni vuravura, vi koya ka lomani kita ka vasavasavataki kita mai na nodai valavala ca ina nona dra djina. ⁶Sa lesi kita meda tui ka bete vua na Kalou vata ki Tamana me sa caka vua na varokoroko vata na lewa ka reva ni mudu. Emeni.⁷Raicia, sa qai mai o koya ena o; ka ra na raicia na mata keceliga, o ira vokiliga ra ma suwaki koya ena tagi na viyavusa keceliga i vuravura ina vukuna, Sa na yaco me va liga ke. Emeni. ⁸Sa tukunia na Turaga na Kalou, "Oi au na Alifa vata ki na Omeka," (mai nai vatekivu vata nai vataojioji), "o koya ma bula mai liu, a bula ni kua, ka na bula vokiliga mai muri, o koya sa kaukauwa."⁹Oi au o Joni, na wekamudou vokiliga, au i tokani ni vivacacani, vata na matanitu na vosojia i Jisu. O au ma jiko mai na yanuyanu o Patimo, i na vuku ni Vosa ni Kalou, vata ki na tukutuku ki Jisu. ¹⁰Kirau ma tu vata ki na Yalo Tabu i na siga ni Turaga, au qai rogocia ni rogo mai dakuqu e dua na domolevu, ka va na davui. ¹¹Ni sa tukunia, o sa raicia, mo vola i nai vola, ka vayadjia i nai soqosoqo lotu mai Esaia, i Efeso vata ki Simurina, vata ki Perikamo,vata ki Caetira, vata ki Sariti, vata ki Filadelafia vata ki Leotisea.¹²Au qai raivuki meu raici koya ma vosa mai vi au, niu sa rai vuki, sa vitu na tutu ni cina koula au sa raicia. ¹³Ia sa tu e dua i na kedra maliwa na tutu ni cina e vitu, ka vataki koya na luvei ni tamata, sa vaisulu ina sulu sa yaco sara i yavana, ka buki i mabuna nai buki koula.¹⁴Sa vulavula na uluna ki na drau ni uluna me va na vujika ni sipi, me va na vulavula ni uca vulavula; ka sa va na yameyame ni buka na matana. ¹⁵Ia na yavana sa va na parasa makumakualiliva me va ni sa taqiri ina kuro; a sa va na vadugu ni wai e levu na domona. ¹⁶Sa tauria ina ligana i matau e vitu na kalokalo: ia ka sa qai mai na gusuna nai seleiwau gata batirua; ia na matana sa va na matanisiga ni sa cila vakaukauwa.¹⁷Ia ni'u sa raici koya, ka'u sa bale sara ki yavana me va e dua sa ciba. A sa tabaki au ena ligana i matau, ka tukunia vi au, "Kakua ni rere; Oi au o koya sa liu sara, o koya ena muri sara vokiliga, ¹⁸o koya sa qai Bula; ka'u a mate eliu, ka raicia, au sa bula ka reva ni mudu, Emeni; au sa tauria vokiliga nai dola ki etesi ki na mate.¹⁹Ia na vika o sa raicia oti mo vola, ki na vika sa tu, ki na vika ena yaco maimuri; ²⁰na ka vuni ni kalokalo e vitu, o a raicia ena ligaqu i matau, ki nai tutu-ni-cina koula e vitu: A kalokalo e vitu sa nodra i talatala nai soqosoqo lewe ni lotu e vitu: ia nai tutu-ni-cina e vitu o a raicia, nai soqosoqo lewe ni lotu e vitu."

2¹Mo volavola vua nai talatala ni soqosoqo lewe ni lotu mai Efeso; Sa tukunia na vika ke o koya sa tauria na kalokalo e vitu ena ligana i matau, o koya sa qai voli ena maliwa ni tutu-ni-cina koula e vitu: ²"Au sa kila na nomu i valavala, ki na nomu oca ki na nomu dauvosojia, ni o sa reva voki ni vosoji ira era sa ca; o sa vatovolei ira vokiliga era sa tukunia era sai apositolo, a ra sa reva, o sa kilai ira ni ra sa dauseseni liga.³Ia o sa lomavinaka liga, ka vosojia jiko, ka oca ina vuku ni yacaqu, ka reva ni guca. ⁴Ia ka so liga na ka o sa ca kinia, ina vuku ni o sa dainia na nomu loloma ka tu vi iko iliu. ⁵Mo nanumia liga na ka o sa lutu tani mai kinia; ia mo vivutuni, ka caka na cakacaka taumada; ia ke reva, au na qai vasauri mai vi iko, ka yadjia tani na nomu i tutu-ni-cina mai na kena jikina, ke o sa reva ni vivutuni.⁶Ia na ka liga ke sa tu vi iko, ni o sa cajia na nodra i valavala nai tokani i Nikola, gona ka'u sa cajia vokiliga koi au. ⁷O koya sa vadaligana, me mani rogocia sara na ka sa tukunia na Yalo Tabu vi ira na visoqosoqo lewe ni lotu: Vi koya sa gumatua, a'u na solia me kania na kau ni bula, ko ya sa tu ina loma ni Parataisi ni Kalou."⁸Mo volavola vokiliga vua nai talatala ni soqosoqo lewe ni lotu mai Simurina: "Sa tukunia na vika ke o koya sa liu sara ka muri sara, o koya ka mate, a sa qai bula voki: ⁹"A sa kila na nomu cakacaka, vata ki na nomu dauvararawataki, vata ki na nomu dravudravua (ia o sa vutuniyau liga), vata ki na nodra vosa vacaca ra tukunia ra sa Jiu, ka ra sa reva liga, ra sai vavakoso i Setani liga.¹⁰Kakua ni rerevakia e dua na ka o na vosojia. Raicia! Na tevoro ina daini ikodou eso ki na valenivivesu, mo dou vatovolei kinia; ia dou na vararawataki ka bogi tini: dou gumatua mo dou yacovia na mate, au na qai solia vi ikodou nai sala ni bula. ¹¹O koya sa vadaligana, me mani rogocia sara liga na ka sa tukunia na Yalo Tabu vi ira na visoqosoqo lewe ni lotu. O koya sa gumatua sara liga ina reva ni ca i nai karua ni mate."¹²Mo volavola vokiliga vua nai talatala ni soqosoqo lewe ni lotu mai Perikamo: Sa tukunia na ka ke o koya sa tauria nai seleiwau batirua: ¹³Au sa kila na nomu cakacaka, vata ki na yasana o sa jiko kinia, sa jiko vokiliga kinia nai tikotiko i Setani: ia o sa tauria matua na yacaqu, ia o sa yali ni cakitakia na noqu lotu ina siga sa vatusai au djina kinia o Anitipasa, o koya sa vamatei ina ikodou maliwa, a yasana sa jiko kinia o Setani.¹⁴Ia ka so liga na ka o sa ca kinia, ina vuku ni sa jiko vi iko o ira ra sa vabaujia nai vavuvuli i Pelami, o koya ma vavulici Pelaki me dainia na vivacalai ina matadra na luve i Isireli, me ra kania na ka sa vacabori ki na vimatakau, me ra dauyalewa vokiliga. ¹⁵Sa jiko vokiliga vi iko o ira sa vatavulicia jiko na nodra i vavuvuli nai tokani i Nikola, gona na ka au sa cajia.¹⁶Mo vivutuni mada; ke reva, au na qai vatotolo sara liga yani vi iko, ka vivala vata ki ira i nai seleiwau ni gusuqu. ¹⁷O koya sa vadaligana, me mani rogocia sara liga na ka sa tukunia na Yalo Tabu vi ira na visoqosoqo lewe ni lotu: Au na solia vi koya sa gumatua, me kania na mana vuni, au na solia vokiliga vua na vatu vulavula, a vatu liga o ya ina volai kinia na yaca vou ma reva ni dua me kila, o koya liga sa tauria sara."¹⁸Mo volavola vokiliga vua nai talatala ni soqosoqo lewe ni lotu mai Caetaira: 'Sa tukunia na vika ke na Luve ni Kalou, o koya sa va na yameyame ni buka na matana, ki na yavana e va na parasa makumakualiliva: ¹⁹"Au sa kila na nomu cakacaka, ki na dauloloma, ki na dauviqaravi, ki na vadjinajia, ki na nomu dauvosojia, ki na nomu daucakacaka; ia ke emuri sa vinaka cake ko ya sa liu.²⁰Ia sa vica liga na ka o sa cala kinia, ni o sa vosojia na yalewa koya o Jesepeli, o koya sa vatokai koya vokiliga me parofita, me vavulici ira ka vecei ira na noqu tamata me ra dauyalewa, ma kania na ka sa vacabori ki na vimatakau. ²¹Ia a'u ma solia vua na gauna me vivutunitakia kinia na nona dautagane; a sa reva ni via vivutuni.²²Raicia! Au na daini koya ki nai mocemoce, ki ira era sa dauyalewa vata kaya ki na rarawa levu, ke ra sa reva ni vivutunitakia na nodra i valavala. ²³Ia a'u na vamatei ira na luvena ina mate; ia ina kila kinia na visoqosoqo lewe ni lotu keceliga ni'u sa ilovia na ivi vata ki uto ni tamata; ia au na solia vokiliga vi ikodou yadua me va na nomudou i valavala.²⁴Ia au sa tukunia kivi ikodou, ki ira sa vo mai Caetaira, o ira kece ra reva ni vabaujia nai vavuvuli ke, o ira ra sa reva ni kila na ka titobu ki Setani, me va na ka ra sa vosatakia; 'au na reva ni dainia vi ikodou na ka tani e bibi.' ²⁵Ia na ka sa tu vi ikodou, dou tauria matua ka malua au na qai voki yani.²⁶Ia o koya sa gumatua sara, ka vabaujia na noqu cakacaka me yaco mada nai vataojioji, au na solia vua me lewa na vimatanitu: ²⁷ia na lewai ira o koya i nai jitoko kaukamea: na vorolaki ira me ra matailalai me va na vibilo ni dautuli bilo: io, me va na ka au sa rawajia maivi Tamaqu. ²⁸Ia au na solia vokiliga vua na kalokalo i vola siga. ²⁹O koya sa vadaligana, me mani rogocia sara na ka sa tukunia na Yalo Tabu kivi ira na visoqosoqo lewe ni lotu.

3¹Mo volavola vokiliga vua nai talatala ni soqosoqo lewe ni lotu mai Sariti: 'Sa tukunia na vika ke o koya sa tauria na Yalo ni Kalou e lewe vitu, vata ki na kalokalo e vitu: "Au sa kila na nomu cakacaka, ni sa yacamu waleliga na bula, o sa mate liga. ²Mo vatawa, ka vakaukauwatakia na ka sa vo vi iko, o koya sa voleka ni mate; ni'u sa reva ni raicia na nomu cakacaka me vinaka sara liga ina mata ni Kalou.³Vananumia, na nomu vabaujia ki na nomu rogocia, ka tauria matua, ka vivutuni. Ia ke o na reva ni vatawa, au na qai yani vi iko me va na daubutako, ia o na reva ni kila na jiki ni siga au na qai yani kinia vi iko. ⁴Sa tu liga vi iko mai Sariti e lewe vica liga ra sa reva ni vadukadukalitakia na nodra i sulu; ra na qai voli vata ki au i nai sulu vulavula: ni ra sa yaga.⁵O koya sa gumatua, ena vaisulu enai sulu vulavula; au na reva ni bokocia na yacana mai nai vola ni bula, ia au na tukunia na yacana na mata i Tamaqu, ena matadra vokiliga na nona agilose. ⁶O koya sa vadaligana, me mani rogocia sara na ka sa tukunia na Yalo Tabu vi ira na visoqosoqo lewe ni lotu."⁷Mo volavola vokiliga vua nai talatala ni soqosoqo lewe ni lotu mai Filatelifia: 'Sa tukunia na vika ke o koya sa yalosavasava, o koya sa djina, o koya sa tauria nai dola i Tevita, o koya sa dolavia, ka reva na tamata me sogojia; ka sogojia, ka reva na tamata me dolavia: ⁸Au sa kila na nomu cakacaka: (raicia, au sa dolavia e matamu e dua na darava, ka reva na tamata sa sogojia rawa:) sa tu valailai liga vi iko na kaukauwa, ia o sa tauria jikoliga na noqu vosa, ka sa reva ni cakitakia na yacaqu.⁹Raicia! Au na lewai ira nai vavakoso i Setani, ra sa tukunia ra sa Jiu, ia ka reva liga, ra sa seseni liga; raicia, au na lewa vi ira me ra qai mai me ra cuva ki yavamu, me ra kila ni au a lomani iko. ¹⁰Ni o sa vabaujia na noqu vosa mo vosojia liga, au na maroroi iko vokiliga ina gauna ni dauvivatovolei, koya ina qai mai ki vuravura taucoko, me vatovolei ira sa jiko i vuravura. ¹¹Raicia! Au na qai vatotolo yani: tauria matua na ka sa tu vi iko, me reva ni yadjia na nomu i sala vaturaga na tamata tani.¹²Au na lesi koya sa gumatua me duru ina vale ni noqu Kalou, ia na reva ni qai tani yani ki tautuba: ia au na volai koya ina yaca ni noqu Kalou, ki na yaca ni koro ni noqu Kalou, o Jerusalemi vou, o koya sa qai sobu mai lomalagi mai vua na noqu Kalou: ia na yacaqu vou. ¹³O koya sa vadaligana, me mani rogocia sara liga na ka sa tukunia na Yalo Tabu vi ira na visoqosoqo lewe ni lotu."¹⁴Mo volavola vokiliga vua nai talatala ni soqosoqo lewe ni lotu mai Leotisea: 'Sa tukunia na vika ke na Emeni, o koya sa dautukunia na ka dodonu ka djina, ai vatekivu ni cakacaka ni Kalou: ¹⁵"Au sa kila na nomu cakacaka, o sa reva ni batabata se katakata: au sa vinakajia mo batabata se katakata! ¹⁶Ni o sa katakata valailai liga, ka reva ni batabata se katakata, au na luwaraki iko mai na gusuqu.¹⁷Ni o sa tukunia tiko, "Au sa vutuniyau, ka levu tu na noqu i yau, ka reva na ka au sa dravudravua kinia; ia o sa reva ni kila ni sai iko liga na ka lomani, ka valoloma, ka dravudravua, ka mataboko, ka luvawale. ¹⁸Au sa vavulici iko mo mai volia vi au na koula sa vatovolei iena bukawaqa, mo vutuniyau kinia, vata ki nai sulu vulavula, mo vaisulu kinia, me kakua ni rairai na nomu televuwa ma vivamaduataki; mo lumujia vokiliga na matamu i nai lumu ni mata, mo rai rawa¹⁹O ira keceliga au sa lomania, au sa vunaucia ka cudruvia: mo gumatua kinia, ka vivutuni. ²⁰Raicia, au sa tu ena mata ni darava, ka tukituki: ke sa rogocia na domoqu e dua na tamata, ka dolavia na darava, au na curu vua, ka vayakavi vata kaya ka na vayakavi vata vokiliga ki au o koya.²¹Au na solia vua sa gumatua sara me jiko vata ki au ena noqu i jikojiko vaturaga, me va au sa gumatua, ka jiko sobu i nai jikojiko vaturaga ni Tamaqu. ²²O koya sa vadaligana, me mani rogocia sara liga na ka sa tukunia na Yalo Tabu vi ira na visoqosoqo lewe ni lotu.

4¹Sa oji ke au sa qai raicia voki, ka raicia, sa dola e dua na darava mai lomalagi: ia na vosa taumada au ma rogocia sa vosa vi au na davui; ka tukunia, Qai cake mai ki ke, au na vatakila vi iko na ka ina yaco ina gauna mai muri. ²Sa qai curumi au vasauri na Yalo Tabu: ka raicia, sa caka nai jikojiko vaturaga mai lomalagi, a sa dua sa jiko kinia. ³Ia o koya sa jiko kinia, sa rairai me va na vatu jasipa vata ki na satiusa: sa dua na drodrolagi sa vavolivolijia nai jikojiko vaturaga, sa rairai me va na emeralita.⁴A sa ruasagavulu ka va nai jikojiko sa vavolivolijia nai jikojiko vaturaga: ia au sa raicia e lewe ruasagavulu ka va na qase sa jiko inai jikojiko, ra sa vaisulu i nai sulu vulavula; a sa vaisala na uludra i nai sala koula. ⁵A sa qai mai nai jikojiko vaturaga na livaliva vata ki na kurukuru vata ki na vosa; a sa vitu na cina ni buka sa caudre jiko ina mata ni jikojiko vaturaga, o ira ke na Yalo ni Kalou eratou lewe vitu.⁶A sa tu ina mata ni jikojiko vaturaga na wasa iloilo e va na karisitala: a sa tiko e va na ka bula e loma ni jikojiko vaturaga, ka vavolivolijia, a sa vamatana keceliga na yagodra na matadra vata ki na dakudra.⁷Ia sa va na laioni nai matai ni ka bula, a sa va na luve ni pulumokau nai karua, a sa mata vatamata nai katolu, a sa va na ikeli vatabana nai kava. ⁸O iratou ke na ka bula eratou sa lewe va eratou sa tauyaono na tabadratou; a sa robojia na lomadratou na matadra; ia ratou reva ni bau cegu ina siga se na bogi, ra tukunia jikoliga, E dodonu, e dodonu, e dodonu, na Turaga na Kalou Kaukauwa, o koya ma bula iliu, ka sa bula ni kua, na bula vokiliga mai muri.⁹Ia ni ratou sa varokoroko o iratou na ka bula o ya vi koya sa jiko i nai jikojiko vaturaga, o koya sa bula reva ni mudu, ka ratou sa dokai koya, ka vavinavinaka vua, ¹⁰sa qai cuva sobu o ira na qase e lewe ruasagavulu ka va ina mata i koya sa jiko i nai jikojiko vaturaga, ka varokoroko vi koya sa bula liga ka reva ni mudu, ka dainia na nodra i sala ina mata ni jikojiko vaturaga, ka tukunia, ¹¹"Ikonu na nitou Turaga vata ki na nitou Kalou, sa dodonu me caka vi ikonu na varokoroko vata ki na vidokadokai, vata ki na kaukauwa: ni sai ikonu ka bulia na ka keceliga, ra sa buli liga ka tu dei vokiliga ina nomuni lewa."

5¹Au a qai raici koya sa jiko enai jikojiko-vaturaga ka tauria nai vola na ligana i matau, o ya sa volai eloma e dakuna vokiliga, sa dregajia tu na drega e vitu. ²Au a raicia na agilose kaukauwa vokiliga, o koya sa kaci ina domo levu, ka tukunia, "O cei sa yaga me tevukia nai vola, ka cecegia na kena drega?"³Sa reva e dua mai lomalagi, se e vuravura, se e ruku i vuravura, sa rawajia me tevukia nai vola, se rai kinia. ⁴Ia au ma tagi valevu sara liga, ni sa reva ni raicia e dua e yaga me tevukia nai vola, se rai kinia. ⁵Sa qai tukunia vi au e dua na qase, Mo reva ni tagi: raicia, sa gumatua na Laioni ni yavusa i Juta, na Waka i Tevita, me tevukia nai vola me cecegia vokiliga na kena drega e vitu.⁶Au a qai raicia e loma ni jikojiko vaturaga ki na kodratou maliwa na ka bula e lewe va, ki na kodratou maliwa na qase, e dua na Lami sa va sa qai vamatei, e vitu na nonai leu e uluna, ka vitu na matana, o iratou liga ke na Yalo ni Kalou e lewe vitu ratou sa talai ki vuravura taucoko. ⁷A sa qai mai o koya ka yadjia nai vola mai na liga i matau i koya sa jiko i nai jikojiko vaturaga.⁸Ni sa yadjia nai vola o koya, sa cuva sobu ina mata ni Lami o iratou na ka bula e le va, vata ki ira na qase e le ruasagavulu ka va era tauyadua na api, vata ki na vibilo koula sa sinai ina ka boi vinaka, gona na nodra masu na tamata yalosavasava.⁹Ra sa meketakia na meke vou, ka tukunia, Oi ikonu sa yaga me yadjia nai vola, me cecegia vokiliga na kena drega: ni ikonu a vamatei, ka voli kimamu ina nomuni dra maivi ira keceliga na vimataqali, vata ki na duivosavosa, vata ki na vimatanitu, vata ki na vivanua, me kimamu nona na Kalou: ¹⁰ia ikonu sa lesi kimamu me kimamu tui, me kimamu bete vokiliga, vua na nimamu Kalou; ia kimamu na lewa jiko i vuravura.¹¹Au a qai raicia, ia au a rogocia na domo ni agilose e lewe levu, o ira ra sa vavolivolijia nai jikojiko vaturaga, vata ki iratou na ka bula vata ki ira na qase: ia na kodrai wiliwili sa oba vatini na udolu, ka levu voki na udolu; ¹²ra sa tukunia ina domo levu, "Sa yaga na Lami ka vamatei, me soli vua na kaukauwa, vata ki nai yau, vata ki na vuku, vata ki na qaqa, vata ki na vidokadokai, vata ki na varokoroko, vata ki na vavinavinaka."¹³Ia au a rogocia na ka bula kece mai lomalagi, vata ki vuravura, vata ki na ruku i vuravura, vata ki na wasawasa, vata ki na ka keceliga sa tu kinia, ni ra tukunia, Me caka vua sa jiko i nai jikojiko vaturaga, vi koya vokiliga na Lami, na vavinavinaka, vata ki na varokoroko, vata ki nai ukuuku, vata ki na kaukauwa, ka reva ni mudu. ¹⁴Ka ratou sa va "Emeni" o iratou na ka bula e le va. A ra sa cuva sobu o ira na qase e lewe ruasagavulu ka va, ka varokoroko vi koya sa bula jikoliga ka reva ni mudu.

6¹Ia au a raicia ni sa cecegia e dua na drega na Lami, ia au a rogocia e dua vi iratou na ka bula e le va, sa va na kurukuru na domona, ka tukunia, "Qai mai!" ²Ka raicia, au a qai raicia na ose vulavula: ia sa tauria na dakai jiji o koya sa vodo jiko kinia; a sa soli vua e dua nai sala vaturaga; a sa qai yani o koya ina gumatua, ka me gumatua valevu.³Ia ni sa cecegia o koya nai karua ni drega, au sa rogocia nai karua ni ka bula sa tukunia, "Qai mai!" ⁴A sa dua tani voki na ose sa qai yani, sa damudamu: a sa soli vua sa vodo jiko kinia me yadjia tani e vuravura na sautu, ka me ra viraravui jikoliga: a sa soli vua nai seleiwau levu.⁵Ia ni sa cecegia o koya nai katolu ni drega, au sa rogocia nai katolu ni ka bula sa tukunia, "Qai mai!" Ia au a raicia, ka raicia, sa dua na ose loaloa; ia o koya sa vodo jiko kinia, sa taura nai varau ina ligana. ⁶Au ma rogocia e dua na domo ina kodratou maliwa na ka bula e le va, sa tukunia, Me volitaki nai varau witi ina dua na pene, ka tolu nai varau parile ina dua na pene; ka raicia mo reva ni vacacania na waiwai se na waini.⁷Ia ni sa cecegia o koya nai kava ni drega, au sa rogocia nai kava ni ka bula sa tukunia, "Qai mai!" ⁸Ia au a varaicia, ka raicia, sa dua na ose vulavula ca: ia na yaca i koya sa vodo jiko kinia o Mate, ka sa muri vata kaya o Etesi. A sa soli vua me rawa nai ka va ni kena wase o vuravura, me vamatei i nai seleiwau, vata ki na viakana, vata ki na mate ca, vata ki na manumanu kila ki vuravura.⁹Ia ni sa cecegia o koya nai kalima ni drega, au sa raicia e ruku ni cabocabo ni soro na yalodra ra vamatei ina vuku ni vosa ni Kalou, vata ki na vuku ni nodra i tukutuku; ¹⁰Ra sa kaci ina domo levu, ka tukunia, sa vaevei na kena dede, na Turaga yalododonu ka djina, ni o sa reva ni lewa ka cudruvakia na nimamu dra vi ira ra sa jiko e vuravura? ¹¹A sa soli vi ira yadua nai sulu vulavula; a sa kainaki vi ira, me ra cegu jiko liga mada valailai, me oji mada liga mai o ira na nodra i tokani vata ki na wekadra, ra na vamatei mada me vataki ira.¹²Ia au sa raicia ni sa cecegia o koya nai ka ono ni drega, ka raicia! sa tavuki valevu na vanua: a sa loaloa sara liga na matanisiga me va nai sulu vujika ni manumanu loaloa, a sa lia dra na vula; ¹³a sa qeqera ki vuravura na vikalokalo ni lomalagi, e va na lolo sa qeqera na vuana ni sa reva ni dreu, ni sa kureitakia na cagi kaukauwa. ¹⁴A sa qai tani yani na lomalagi me va nai vola balavu sa vivigi vata; a sa yadji tani mai na nodra i tutu na ulunivanua keceliga ki na yanuyanu keceliga.¹⁵Ia o ira na tui ki vuravura, vata ki na tamata ra kena turaga, vata ki na tamata vutuniyau, vata ki ira na vu-ni-valu, vata ki ira na tamata qaqa, vata ki ira kece na bobula, vata ki ira keceliga nai taukei, ra sa vunitaki ira ina viqara ki na viuluvatu ina viulunivanua; ¹⁶Ra sa tukunia ki na viulunivanua vata ki na viuluvatu, "Lutuki kimamu! Ka vunitaki kimamu mai na mata i koya sa jiko i nai jikojiko vaturaga, mai na nona cudru vokiliga na Lami: ¹⁷ni sa qai yaco mai na siga djina ni nona cudru; ia o cei na yatedei me na tu dei rawa?

7¹Ia ni sa oji na vika ke au a raicia na agilose e le va eratou sa tu ina tutu i vuravura e va, ka tauria na cagi e va ki vuravura, me reva ni liwa ki vuravura na cagi, se ki na wasawasa, se ki na dua na kau. ²Ia au a raicia e dua tani voki na agilose sa qai mai natuicake, a sa tu vua na vatu ni drega ni koya na Kalou bula; a sa kaci ina domo levu o koya vi iratou na agilose e le va, o iratou sa soli kinia me ratou vacacani vuravura vata ki na wasawasa, ³ka tukunia, "Tei reva mada ni vacacani vuravura, se na wasawasa, se na kau, ka malua me kitou vola mada na yadredra na tamata ni noda Kalou."⁴Au a rogocia na kedrai wiliwili era sa volai: sa le dua na drau ka vasagavulu ka va vokiliga na udolu, sa volai vi ira keceliga na nodra viyavusa na luve i Isireli. ⁵Vi ira na yavusa i Juta sa volai e le tinikarua na udolu. Vi ira na yavusa i Rupeni sa volai e le tinikarua na udolu. Vi ira na yavusa i Kata sa volai e le tinikarua na udolu. ⁶Vi ira na yavusa i Aseri sa volai e le tinikarua na udolu. Vi ira na yavusa i Nafitalai sa volai e le tinikarua na udolu. Vi ira na yavusa i Manasa sa volai e le tinikarua na udolu.⁷Vi ira na yavusa i Simioni sa volai e le tinikarua na udolu. Vi ira na yavusa i Livai sa volai e le tinikarua na udolu. Vi ira na yavusa i Isaka sa volai e le tinikarua na udolu. ⁸Vi ira na yavusa i Sepuloni sa volai e le tinikarua na udolu. Vi ira na yavusa i Josefa sa volai e le tinikarua na udolu. Vi ira na yavusa i Penijamini sa volai e le tinikarua na udolu.⁹Sa oji ke, au sa varaicia, ka raicia, sa dua nai soqosoqo levu sara, e reva e dua na tamata e wilikia rawa, mai na vivanua kece, vata ki na vimataqali, vata ki na vimatanitu, vata ki na duivosavosa, ra sa tu ina mata ni jikojiko vaturaga, vata ki na mata ni Lami, ra vaisulu i nai sulu vulavula, ka tauria nai viu ina ligadra; ¹⁰Ra sa kaci ina domo levu, ka tukunia, A vu ni bula na noda Kalou, o koya sa jiko i nai jikojiko vaturaga, vua na Lami vokiliga.¹¹O ira keceliga na agilose ra sa tucake tu ka vavolivolijia nai jikojiko vaturaga, vata ki ira na qase vata ki na ka bula e le va, ka cuva vatoboicu ina mata ni jikojiko vaturaga, ka varokoroko vua na Kalou, ¹²ka tukunia, "Emeni! Na vamolimoli, vata ki nai ukuuku, vata ki na vuku, vata ki na vavinavinaka, vata ki na varokoroko, vata ki na kaukauwa, vata ki na qaqa, me nona liga na noda Kalou ka reva ni mudu. Emeni."¹³Sa qai vosa e dua na qase, ka tarogi au, "O cei beka o ira ke sa vaisulu i nai sulu vulavula? Ra qai beka maivi?" ¹⁴Au sa qai tukunia vua, "O iko, saka, o sa kila." A sa tukunia vi au o koya, "O ira ke ra sa qai mai na vivararawataki levu, ia ra sa sava nodra i sulu, ka vavulavulataka ina dra ni Lami.¹⁵O koya ra sa jiko kinia ina mata ni jikojiko ni Kalou, ra sa qaravi koya ina siga vata ki na bogi i nona valenilotu; ia na jiko vata ki ira o koya sa jiko i nai jikojiko vaturaga. ¹⁶Ra na reva voki ni viakana, se viagunu voki; na reva ni kati ira na siga, se dua tani na katakata. ¹⁷Ni na vakani ira na Lami sa jiko ina loma ni jikojiko vaturaga, ka na tuberi ira ki nai vurevure ni wai bula: ia na tavoya keceliga na Kalou na wai ni mata mai na matadra.

8¹Ia ni sa cecegia oji o koya nai kavitu ni drega, sa vanomodi sara liga o lomalagi ka oji e dua na afanaua. ²Au sa raicia na agilose e le vitu ratou sa tu i na mata ni Kalou; a sa soli vi iratou e vitu na davui.³A sa dua tani voki na agilose sa qai mai ka qai tu ina mata ni cabocabo ni soro, ma tauria voli na miqa koula; ma soli valevu vua na ka boivinaka, me caboria vata ki na masumasu ni tamata yalosavasava keceliga i nai cabocabo ni soro koula sa tu ina mata ni jikojiko vaturaga. ⁴Ia sa kuvu cake vata na kubou ni ka boivinaka, vata ki na masumasu ni tamata yalosavasava, mai na ligana na agilose ki na mata ni Kalou. ⁵A sa yadjia na miqa na agilose, ka vasinaiji ina bukawaqa ni cabocabo ni soro, ka dainia ki vuravura: ka sa tubu na makudru ni vosa, vata ki na kurukuru, vata ki na livaliva, vata ki na tavuki ni vanua.⁶Ia o iratou na agilose e le vitu, ratou sa tauria na davui e vitu, ratou sa varautaki iratou me ratou uvucia. ⁷O koya na kenai matai sa uvucia, ka sa qai muri mai na uca cevata sa viwaki vata ki na bukawaqa vata ki na dra, a sa biu ki vuravura: a sa vakamai kinia nai katolu ni wase vata ki vuravura, vata ki nai katolu ni wase ni kau, a sa vakamai keceliga na co drokadroka.⁸Sa qai uvucia nai karua ni agilose, a sa va e dua na ulunivanua levu sa caudre tu ina bukawaqa; sa dai ki na wasawasa a sa vuki kinia me dra nai katolu ni wase ni wasawasa; ⁹a sa mate kinia nai katolu ni wase ni ka keceliga sa bula ina wasawasa; a sa varusai vokiliga nai katolu ni wase ni viwaqa.¹⁰Sa qai uvucia nai katolu ni agilose, a sa dua na kalokalo levu sa lutu mai lomalagi, a sa caudre me va na cina, a sa lutu ki nai katolu ni wase ni viuciwai, vata ki na vivurevure ni wai; ¹¹ia na yaca ni kalokalo o Gagaduvaduva; a sa gaga kinia nai ka tolu ni wase ni wai; a sa le levu kinia na tamata sa mate ina wai ni sa vagagataki.¹²A sa uvucia nai kava ni agilose, a sa yavijia kinia nai katolu ni tiki ni matanisiga, vata ki nai katolu ni tiki ni vula, vata ki nai katolu ni wase ni vikalokalo: ia nai katolu ni kena wase vi ira sa vabutobutotaki a sa reva vokiliga ni rarama nai katolu ni wase ni siga, ka sa va vokiliga kinia na bogi.¹³Ia au a raicia, ka rogocia e dua na ikeli sa vuka ina maliwa ki lomalagi, a sa tukunia ina domo levu, E ca, e ca, e ca, vi ira sa jiko i vuravura, ina vuku ni domo ni nodratou davui na agilose e le tolu, o koya sa bera ni uvu!

9¹A sa uvucia nai kalima ni agilose, ia au a raicia e dua na kalokalo sa lutu mai lomalagi ki vuravura: sa soli vua nai dola ki bulubulu e reva ni vabotona. ²Sa dolavia o koya nai bulubulu e reva ni vabotona; sa kuvu cake na kubou mai bulu, me va na kubou ni lovo levu; sa butobuto na matanisiga, ki na macawa, ina vuku ni kubou sa kuvu cake mai bulu.³Sa qai tani mai na kubou na vodre me jiko i vuravura: a sa soli vi ira na kaukauwa, me va na nodra kaukauwa na batibasaga ki vuravura. ⁴Sa varojia vi ira me ra reva ni vacacania na co i vuravura, se dua na ka karakarawa, se dua na kau; o ira liga na tamata e reva ni volai ina yadredra nai vatakilakila ni Kalou.⁵Sa soli vi ira me ra reva ni vamatei ira, ka me ra vararawataki ira liga ka vula lima: ia na nodra rarawa e va na rarawa ni sa kajia na tamata na bajibasaga. ⁶Ina siga gona ra na domomate o ira na tamata, ia na reva ni yacovi ira: ra na vinakajia me ra mate, ia na dro tani maivi ira na mate.⁷Ia na kodrai rairai na vodre sa va na ose sa varau me qai nai valu: ia sa toka i uludra na ka sa va nai sala koula, ia na matadra sa va na mata ni tamata. ⁸Ia na drau ni uludra sa va na drau ni ulu ni yalewa, ia na batidra sa va na batidra na laioni. ⁹Ia nai sasabai ni lomaseredra, sa va nai sasabai kaukamea ni seredra; ia na cakucaroba ni tabadra sa va na vadugu ni qiqi-ni-valu, vata ki na ose e levu ni ra sa cici ki nai valu.¹⁰Ia na buidra sa va na bui ni bajibasaga, sa jiko i buidra na bajidra: ra sa rawajia kinia me vararawataki ira na tamata ka vula lima. ¹¹Ia sa dua na nodra tui, na agilose ni bulubulu e reva ni vabotona, a yacana ina vosa va Iperiu o Apatoni, ia na yacana ina vosa va Kirisi o Apolioni. ¹²Sa dua na ka ca sa oji; ia ka raicia, sa rua voki na ka ca sa bera ni qai mai.¹³Ia sa uvucia nai kaono ni agilose, ia au sa rogocia e dua na vosa mai na tutuna momoto vava ni cabocabo ni soro koula sa tu ina mata ni Kalou, ¹⁴sa tukunia vua nai kaono ni agilose sa tauria na davui, "Sereki iratou na agilose e lewe va, eratou sa vesu tu mai na uciwai levu o Uferetisi." ¹⁵Sa sereki o iratou na agilose e lewe va, a ratou sa varau me dua na nodratou yauwa, ka dua na nodratou siga, ka dua na vula, ka dua na yabaki, me ratou vamatea nai katolu ni wase ni tamata.¹⁶Ia na kodrai wiliwili nai valu sa rua na drau na milioni ra sa vodo ose: ia au a rogocia na kodra wiliwili. ¹⁷Ia au a raici ira na ose vake ina raivotu, vata ki ira sa vodo jiko kinia, ai sasabai ni lomaseredra na bukawaqa, vata ki na vatu damudamu, vata ki na sulifure: ia na ulu ni ose e va na ulu ni laioni; a sa qai tani mai na gusudra na bukawaqa vata ki na kubou vata ki na sulifure.¹⁸Ra sa vamatei o ira nai katolu ni wase ni tamata, ina ka ca tolutolu ke, ina bukawaqa, vata ki na kubou, vata ki na sulifure, sa qai mai na gusudra. ¹⁹Ni sa tu na nodra kaukauwa ina gusudra, vata ki na buidra: ni sa va na gata na buidra, a ra sa vaulu, a ra sa caka kinia na ka ca.²⁰Ia o ira na tamata sa vo ra sa reva ni vamatei ina mate ca ke, ra sa reva ni vivutunitakia na cakacaka ni ligadra, me ra reva ni varokoroko ki na tevoro eso, vata ki na matakau koula, vata ki na siliva, vata ki na parasa, vata ki na vatu, vata ki na kau: gona sa reva ni rai rawa, se rogo rawa, se qai voli. ²¹Ra sa reva voki liga ni vivutunitakia na nodra daulaba, se na nodra cakacaka vatevoro, se na nodra dauyalewa, se na nodra daubutako.

10¹Ia au raicia e dua voki na agilose kaukauwa sa qai sobu mai lomalagi, sa vaisulu ina o: a sa vaisala ina drodrolagi, sa va na matanisiga na matana, a sa va na duru bukawaqa na yavana; ²sa tauria nai vola lailai ina ligana, ka sa tevukia tu: sa butukia na dela ni wasawasa o koya ina yavana i matau, vata ki na dela ni vanua ina yavana i mawi.³Sa kaci ina domo levu, me va na laioni sa tagi: ia ni sa kaci oji o koya, sa qai tukunia na nodratou vosa na kurukuru e vitu. ⁴Ia ni ratou sa tukunia na nodratou vosa na kurukuru e vitu, au sa varau me'u volavola: au qai rogocia na vosa mai lomalagi, sa tukunia vi au, "Mo dregajia na ka sa tukunia na kurukuru e vitu. Mo reva ni vola."⁵Ia na agilose au a raicia ni sa tu ina wasawasa vata ki na vanua, sa dodoka cake na ligana ki lomalagi. ⁶Sa bubului vi koya sa bula reva ni mudu, o koya ka buli lomalagi, vata ki na veika sa tu kinia, vata ki vuravura, vata ki na vika sa tu kinia, vata ki na wasawasa, vata ki na vika sa tu kinia, ni na reva voki e dua na gauna me vo: ⁷ia ina gauna ni domo i koya nai kavitu ni agilose, ni sa vatekivu o koya me uvucia, na vaojia vinaka na ka vuni ni Kalou, me va na nona vosa vinaka vi ira na nonai talatala na parofita."⁸Sa qai vosa voki vi au na domo au a ro'gocia mai lomalagi, ka tukunia, "Mo qai ka yadjia nai vola lailai sa tevu tu, o koya sa tauria na liga ni agilose sa tu ena wasawasa ki na vanua." ⁹Au sa qai qai vua na agilose, ka tukunia vua, Solia mai vi au nai vola lailai. A sa tukunia vi au o koya, "Mo tauria, ka kania sara; ia na gaga e ketemu, ka na kamikamica liga e gusumu me va na oni."¹⁰Au sa qai tauria nai vola lailai mai na liga ni agilose, au sa kania sara; a sa kamikamica e gusuqu me va na oni: ia ni'u sa kania oji, sa gaga sara liga ina ketequ. ¹¹A sa tukunia vi au o koya, "O na parofisai voki vi ira na vimatanitu e levu, vata ki na vivanua, vata ki na duivosavosa, vata ki na tui eso."

11¹A sa dua na gasau sa soli vi au e va nai jitoko; a sa tu na agilose, ka tukunia, "Mo tu cake, ka varaujia na vale ni Kalou, ki nai cabocabo ni soro, vata ki ira ra sa lotu kinia." ²Ia na lomanibai e taudaku ni vale, mo reva ni varaujia: ni sa soli gona kivi ira na vimatanitu tani: ia ra na butukia na koro tabu ka vula vasagavulu ka rua.³Au na solia vi rau na noqu i talatala, me rau parofisai rawa ka siga e dua na udolu ka rua na drau ka onosagavulu, ka rau na vaisulu ina i sulu taga. ⁴Na kau ruarua ke na yacana na olive vata ki nai tutu ni cina e rua sa tu i na mata ni Turaga vata ki vuravura. ⁵Ia ke dua na tamata sa via vacacani rau, sa qai mai na gusudrau na bukawaqa, ka kania sara liga na nodrau meca: ia ke dua na tamata sa via vacacani rau, ina vamatei liga vake.⁶Rau sa rawajia me sogojia na lomalagi, me reva ni tau na uca i na gauna rau sa vunau kinia: rau sa rawajia vokiliga me vukicia na wai kece me dra, me rau yaviji vuravura vokiliga i na mate ca kece, me va na nodrau vitalia. ⁷Ia ni rau sa vaojia na nodrau i tukutuku, ina vivala vata ki rau na manumanu sa qai mai bulubulu sa reva ni vabotona, ina kaukauwa vi rau o koya, ka vamatei rau.⁸Ia ina dai laliga tu na yagodrau sa mate i na sau la ni koro levu, sa vatokai vaibalebale o Sotoma vata ki Ijipita, sa lauvako vokiliga kinia i na kauveilatai na nodrau Turaga. ⁹Ia o ira na vimatanitu vata ki na vimataqali vata ki na duivosavosa vata ki na vivanua, era na raicia na yagodrau sa mate ka tolu na siga vata ki na vimama ni dua voki na siga, a ra na reva ni dainia me buluji na yagodrau i nai bulubulu.¹⁰O ira vokiliga ra jiko i vuravura ra na reki ni rau sa mate, ka marau valevu, a ra na dui visoliyakia na nodra ka ni loloma; ni rau sa vararawataki ira ra sa jiko i vuravura oi rau na parofita ke. ¹¹Sa oji e tolu na siga vata ki na vimama ni ka va ni siga, sa qai curumi rau na Yalo ni bula mai vua na Kalou, a rau sa tucake tu kinia; a sa ka levu na rere sa kani ira ra sa raici rau. ¹²Rau sa rogocia e dua na domo levu mai lomalagi ma tukunia vi rau, "Drau qai cake mai ki ke." Rau sa qai cake ki lomalagi ina o; sa raici rau o ira na nodra meca.¹³Ina jiki ni siga liga ko ya sa tavuki valevu kinia na vanua, sa bale nai katini ni wase ni koro, sa le vitu na udolu na tamata sa vamatei, ni sa tavuki na vanua: o ira sa vo ra sa rere vokiliga, ka vavinavinaka vua na Kalou ki lomalagi. ¹⁴Sa qai oji nai karua ni ka ca; ka raicia, sa qai vatotolo sara mai nai katolu.¹⁵Sa qai uvucia na davui nai kavitu ni agilose; sa muri eso na vosa sa domo levu mai lomalagi, sa tukunia, Na matanitu vata ki na vuravura ke sa qai yaco me nona na noda Turaga, a nei koya na nona Karisito; ia na lewa o koya ka reva ni mudu.¹⁶O ira na qase e le ruasagavulu ka va, ra sa jiko ina nodra i jikojiko ina mata ni Kalou, ra sa cuva vatoboicu, ka varokoroko ki na Kalou, ¹⁷ka tukunia, Kitou sa vavinavinaka vi ikonu, na Turaga na Kalou Kaukauwa, ikonu sa bula ni kua, ikonu a bula iliu, ikonu na bula vokiliga mai muri; ni ikonu sa yadjia vi ikonu na nomudou kaukauwa levu, ka lewa jiko.¹⁸O ira na vimatanitu ra sa cudru, ia sa yaco djina mai na nomudou cudru vata ki na nodra gauna na mate, me ra saumia kinia, mo dou solia vokiliga vi ira na nomudou i talatala na parofita na kodrai sau, vi ira vokiliga na tamata yalosavasava, vi ira vokiliga ra rerevakia na yacamunu, se ra turaga se ra tamata lalai; mo nu vakawabokotaki ira ra sa vakawabokotaki vuravura.¹⁹Sa dola na valenilotu ni Kalou mai lomalagi, sa rairai i na nona vale na kato ni vola ni viyalayalati: sa qai muri na livaliva vata ki na vosa vata ki na kurukuru vata ki na tavuki ni vanua vata ki na uca cevajia levu.

12¹A sa dua na ka levu vivakurabuitaki sa rairai mai lomalagi; sa dua na yalewa sa vaisulu ina matanisiga, sa tu i ruku ni yavana na vula, a sa vaisala ina kalokalo jinikarua: ²ia ni sa bukete sa qoqolou, ni sa taratara me vasucu.³Sa dua vokiliga na ka vivakurabuitaki sa rairai mai lomalagi; sa dua na gata levu damudamu, sa vitu na uluna ka jini na nonai leu, ka vitu nai sala vaturaga sa toka i uluna. ⁴Sa yaratakia nai katolu ni wase ni kalokalo ni lomalagi na buina, ka daini ira ki vuravura: Sa tu ina mata ni yalewa na gata levu ni sa varau me vasucu, ka me kania sara na luvena ni sa qai sucu mai.⁵Sa vasucumia o koya na gonetagane, sa lesi me lewai ira na vimatanitu keceliga i nai jitoko kaukamea: sa kau yani na luvena vua na Kalou, ki na nonai jikojiko vaturaga vokiliga. ⁶Sa dro na yalewa ki vikau, ki na dua na jikinia ka varautakia na Kalou, me nona me ra vakani koya kinia ka dua na udolu ka rua na drau ka onosagavulu na siga.⁷Sa tubu nai valu mai lomalagi; o Maikeli vata ki ira na nona agilose era sa vivala vata ki na gata levu; a sa caka vata nai valu na gata levu vata ki ira na nona agilose. ⁸Ra sa reva ni gumatua: sa reva voki ni raicia e dua na nodra jikinia mai lomalagi. ⁹Sa dainia tani na gata levu, na gata makawa, a yacana na Tevoro vata ki Setani, o koya sa temaki ira keceliga na kai vuravura: sa dai ki vuravura, ra sa dai vata kaya na nona agilose.¹⁰Au sa rogocia e dua na domo levu mai lomalagi, sa tukunia, Sa qai yaco na bula vata ki na kaukauwa vata ki na matanitu ni noda Kalou vata ki na kaukauwa ni nona Karisito: ni sa dai sobu o koya sa daubeitaki ira na wekada, o koya ke sa beitaki ira jikoliga ina mata ni Kalou ina siga vata ki na bogi.¹¹Ra sa rawai koya ina vuku ni dra ni Lami vata ki na vuku ni vosa ra sa tusanakia; ia ra reva ni vinakajia na nodra bula, ra sa bole mate liga. ¹²O koya ke mo reki kinia na lomalagi vata ki ikodou sa jiko kinia. Dou na ca oi ikodou sa jiko i vuravura vata ki na wasawasa: ni sa qai sobu vi ikodou na tevoro, sa cudru sara valevu, ni sa kila o koya ina reva ni dede na nona gauna.¹³Ia ni sa raicia na gata ni sa dai o koya i vuravura, sa qai vacacania na yalewa sa vasucumia na gonetagane. ¹⁴Sa rua na taba ni ikeli levu sa soli vua na yalewa, me vuka kinia o koya ki na vikau ki na nona tikinia, sa qai maroroi kinia i na dua na gauna vata ki na gauna voki eso vata ki na vimama ni gauna, mai na mata ni gata.¹⁵Ia na gata levu sa luwarakia na wai mai na gusuna e va na dobui, me davemuria na yalewa, me vacirimia tani ina waluvu. ¹⁶Sa vukei koya na yalewa o vuravura, ni sa dalaga na gusuna o vuravura, ka sa tilomia na dobui sa luwarakia na gata levu mai na gusuna. ¹⁷Sa cudru vua na yalewa na gata levu, ka qai caka na vivala vata ki ira na kena vo ni nona kawa, o ira sa vabaujia na vosa ni Kalou, ka tauria jikoliga nai tukutuku ki Jisu. ¹⁸Ia, na gata levu sa tucake tu ina nuku ni matasawa

13¹Ia sa tu ina vinukunuku mai matasawa o koya, ia au raicia voki e dua na manumanu sa qai cake mai na wasawasa, e vitu na uluna ka jini na nonai leu, sa toka ina nonai leu nai sala vaturaga e jini, sa tu liga ina uluna na yaca ni dauvosavacacataki. ²Ia na manumanu au raicia sa va na lepate, a yavana sa va na yava ni pera, na gusuna e va na gusu ni laioni: sa solia vua na nona kaukauwa djina na gata levu vata ki na nonai jikojiko vaturaga, me mai turaga levu.³Ia au raicia voki e dua na uluna e va sa vuetaki me mate kinia: sa bula voki mai na nona vue ka voleka ni mate kinia: ra sa kurabui keceliga na kai vuravura ina vuku ni manumanu. ⁴Ra sa varokoroko vua na gata levu, o koya sa solia na kaukauwa vua na manumanu: ra sa varokoroko vua na manumanu, ka tukunia, "O cei sa va na manumanu ke?" ia "O cei sa rawajia me rau vivala vata kaya?"⁵Sa soli vua na gusu me vosatakia na ka levu vata ki na vosa vacaca sara; sa soli vua me turaga ka vula vasagavulu ka rua. ⁶Sa dalaga me vosa ca ki na Kalou, me vosavacacatakia na yacana vata ki na nona vale vata ki ira ra sa jiko mai lomalagi.⁷Sa soli vua me vivala vata ki ira na tamata yalosavasava, ka me rawai ira: sa soli vua me turaga vi ira na vimataqali keceliga vata ki na vimatanitu vata ki na duivosavosa vata ki na vivanua. ⁸Ia na varokoroko vua o ira keceliga ra sa jiko i vuravura, o ira sa reva ni volai na yacadra i nai vola ni bula ni Lami sa vamatei mai nai vatekivu ki vuravura.⁹Ke dua sa vadaligana, me mani rogocia sara. ¹⁰O koya sa daucaka na vivabobulataki ina vabobulataki; o koya sa caka na vivamatei i nai seleiwau ina mate vokiliga i nai seleiwau. Ke na nodra vosojia vata ki na nodra vabaujia na tamata yalosavasava.¹¹Ia au raicia e dua tani voki na manumanu sa qai cake mai vuravura; ia sa rua na nonai leu me va na luve ni sipi, sa vosa me va na gata levu. ¹²Sa tu vua na kaukauwa keceliga ni manumanu sa liu vua, ka vasaurarataki vuravura kinia vata ki ira sa jiko kinia me ra varokoroko vua na manumanu sa liu, o koya ka bula ina nona vue ka voleka ni mate kinia.¹³Ia sa caka na ka levu e vivakidacalataki o koya, sa yadjia mai lomalagi ki vuravura na bukawaqa ina matadra na tamata. ¹⁴Sa temaki ira ra sa jiko i vuravura ina vuku ni cakacaka mana sa caka o koya ina mata ni manumanu; sa tukunia vi ira ra sa jiko i vuravura, me ra caka na matakau me nona na manumanu sa laujia i nai seleiwau, ka sa bula jikoliga.¹⁵Sa rawajia o koya ke me solia na bula ki na matakau ni manumanu, me vosa rawa kinia na matakau ni manumanu, ka vavuna vokiliga na nodra mate o ira ra sa reva ni via varokoroko ki na matakau ni manumanu. ¹⁶Sa vasaurarataki ira keceliga, na tamata lalai vata ki na turaga, o ira sa vutuniyau vata ki ira sa dravudravua, ai taukei vata ki na bobula, me volai e dua nai vatakilakila i na ligadra i matau, se na yadredra: ¹⁷ka me reva ni vivoli e dua, o koya liga sa tu vua nai vola, se na yaca ni manumanu, se nai wiliwili ni yacana.¹⁸Ke liga na vuku. O koya sa yalomatua me mani wilikia nai wiliwili ni manumanu; ni sai wiliwili ni tamata; ka sa kenai wiliwili e ono na drau ka onosagavulu ka ono.

14¹Ia au a varaicia, ka raicia, e dua na Lami sa tu i na ulunivanua o Saioni, sa tu vata kaya e le dua na drau ka vasagavulu ka va na udolu, sa volai i na yadredra na yacana vata ki na yaca i Tamana. ²Ia au ma rogocia voki e dua na domo mai lomalagi, e va na domo ni wai e levu, ia sa va na domo ni kurukuru levu: au a rogocia vokiliga na domodra ra qiria na nodra api:³Ra sa meketakia na meke vou ina mata ni jikojiko vaturaga vata ki na matadratou na ka bula e va vata ki na matadra na qase: sa reva e dua sa kila rawa na meke ko ya, o ira liga na le dua na drau ka vasagavulu ka va na udolu, ra sa vabulai tu mai vuravura. ⁴O ira ke ra sa reva ni ca vata ki na yalewa; ni ra sa reva ni viyacovi kaya e dua. O ira ke ra sa muria na Lami ina viyasana sa qai kinia o koya. O ira ke ra sa vabulai maivi ira na tamata, me rai sevu vua na Kalou vata ki na Lami. ⁵Sa reva ni raicia e gusudra na seseni: ka ra sa reva ni cala.⁶Ia au raicia e dua tani voki na agilose sa vuka ina maliwa vata ki lomalagi vata ki vuravura, a sa tauria nai tukutuku vinaka reva ni oji rawa, me vunautakia vi ira ra sa jiko i vuravura, vi ira kece vokiliga na vimatanitu vata ki na vimataqali vata ki na duivosavosa vata ki ira na tamata, ⁷ka sa kaci ina domo levu, "Dou rerevakia na Kalou, ka varokoroko vi koya; ni sa yaco na nona gauna me lewa: ia dou varokoroko vi koya ka buli lomalagi vata ki vuravura vata ki na wasawasa vata ki na vivurevure ni wai.⁸Sa dua tani voki, nai karua ni agilose sa muri, ka tukunia, Sa bale, sa bale o Papiloni, na koro levu, ina vuku ni sa vasomici ira keceliga na vimatanitu ina waini ni cudru ni nona dautagane.⁹Sa muri rau nai katolu ni agilose, sa tukunia ina domo levu, "Ke sa dua na tamata sa varokoroko vua na manumanu vata ki na nona matakau, ka rawajia na nonai vatakilakila ina yadrena, se na ligana, ¹⁰ina gunuvia o koya na waini ni cudru ni Kalou, o koya sa sovaraki ka reva ni vawai ki na bilo ni nona cudru; ina vararawataki valevu vokiliga ina bukawaqa vata ki na sulifure ina matadra na agilose yalosavasava vata ki na mata ni Lami.¹¹Sa kuvu cake na kubou ni nodra yaluma ka reva ni mudu: ra sa reva ni cegu ina siga se na bogi, o ira sa varokoroko vua na manumanu vata ki na nona matakau vata ki ira ra sa vatakilakilataki i nai vatakilakila ni yacana. ¹²Ke gona na nodra vosojia na tamata yalosavasava: sa tu eke o ira ra sa vabaujia na vosa ni Kalou, ka tauria jikoliga na vabauti Jisu."¹³Ia au a rogocia e dua na vosa mai lomalagi, sa tukunia mai vi au, "Vola, Sa kalougata mai na gauna ke, o ira na mate ra sa mate ni ra sa tu vata ki na Turaga:" Sa tukunia na Yalo Tabu," "Io," "me ra vacegu mai na nodra cakacaka; ka sa muri ira na nodra i valavala."¹⁴Ia au varaicia, ka raicia voki, sa dua na o vulavula, ia sa dua sa dabe jiko eia o e vaka na Luve ni tamata, sa dua nai sala koula vaturaga sa toka e uluna, sa tauria i ligana e dua nai sele takelo gata. ¹⁵Sa dua tani voki na agilose sa qai mai na valenilotu, a sa kaci i na domo levu vi koya sa jiko ina o, "Vacurumia na nomu i sele takelo, ka tamusukia: ni sa yaco na gauna ni tatamusuki; ni sa rui dreu matua na sila vata ki vuravura." ¹⁶Sa vacurumia na nonai sele takelo ki vuravura o koya sa jiko ina o; sa tamusukia kinia na vuana vata ki vuravura.¹⁷Sa dua tani voki na agilose sa qai mai na valenilotu sa tu mai lomalagi, sa tauria vokiliga o koya e dua nai sele takelo gata. ¹⁸Sa dua tani voki na agilose sa qai mai nai cabocabo ni soro, sa lewa rawa na bukawaqa; sa kaci i na domo levu vi koya sa taura nai sele takelo gata, ka tukunia, Vacurumia na nomu i sele takelo gata, ka cebejia nai soso vua ni vaini vata ki vuravura; ni sa dreu matua sara na vua ni vaini.¹⁹Sa vacurumia na agilose na nonai sele takelo ki vuravura, ka cebejia nai soso vua ni vaini vata ki vuravura, ka dainia ki nai keli ni waini levu ni cudru ni Kalou. ²⁰Sa butuki nai keli ni waini i nai bili ni koro, sa qai mai nai keli ni waini na dra, sa yala ki na wa tarovi ni ose, me rua na drau na maili.

15¹Ia au raicia e dua tani voki nai vatakilakila mai lomalagi, na ka levu e vivareucalataki, e le vitu na agilose sa tauria e vitu na mate ca sa kenai ojioji sara liga; ni sa vayacori sara vi ira na cudru ni Kalou.²Ia au ma raicia voki e dua na ka e va na wasa iloilo sa viwaki vata ki na bukawaqa; ia o ira ra sa gumatua vua na manumanu vata ki na nona matakau vata ki nai wiliwili ni yacana, ra sa tu ina wasa iloilo, ra sa tauria na viapi ni Kalou.³Ra sa meketakia na meke i Mosese nai talatala ni Kalou vata ki na meke ni Lami, ka tukunia, A ka levu ka vivakurabuitaki na nomunu cakacaka, na Turaga na Kalou Kaukauwa; sa dodonu ka djina na nomunu valavala, oi ikonu na Tui ni vigauna keceliga. ⁴O cei me reva ni rerevaki ikonu, na Turaga, ka varokorokotakia na yacamunu? Ni sai ikonu liga sa yalosavasava: o ira keceliga na vivanua ra na qai mai ka cuva ina matamuni; ni sa vatakilai mai na nomunu cakacaka dodonu.⁵Ia ma oji au sa varaicia voki ni ma dola tu na vale ni jikina tabu ni viyalayalati mai lomalagi. ⁶Ia o iratou na agilose e le vitu ratou sa qai mai na valenilotu, ratou sa tauria na mate ca e vitu, ratou vaisulu ina lineni savasava sara ka vulavula, sa vau na lomaseredratou ina wa koula.⁷A sa dua vi iratou na ka bula e le va sa solia vi iratou na agilose e le vitu na bilo koula e vitu sa sinai ina cudru ni Kalou, o koya sa bula liga ka reva ni mudu. ⁸Sa sinai na valenilotu ina kubou mai nai ukuuku ni Kalou, mai na nona kaukauwa vokiliga; sa reva na tamata sa curu rawa ki na valenilotu, ina vayacori mada eliu na mate ca e vitu sa tauria o iratou na agilose e le vitu.

16¹Ia au ma rogocia voki e dua na domo levu mai na valenilotu, sa tukunia vi iratou na agilose e le vitu, "Dou qai, ka sovarakia yani na bilo e vitu ni cudru ni Kalou ki vuravura."²Sa qai na kenai matai, sa sovarakia na nona bilo ki vuravura; sa tauvi ira na tamata na vidikoso ca e rarawa sara, o ira sa tu kinia nai vatakilakila ni manumanu vata ki ira sa varokoroko ki na nona matakau.³Ia nai karua ni agilose sa sovarakia na nona bilo ki na wasawasa; sa vuki kinia me va na dra ni tamata mate: ia sa mate na ka keceliga sa bula voli ina wasawasa.⁴Ia nai katolu ni agilose sa sovarakia na nona bilo ki na viuciwai vata ki na vivurevure ni wai; ra sa vuki kinia me dra. ⁵Ia au ma rogocia na agilose ni viwai ni sa tukunia, Oi ikonu na yalododonu, ikonu sa bula ni kua, ikonu ma bula eliu, ikonu sa yalosavasava, ikonu sa lewa vake. ⁶Ni ra sa vadavea na dra ni tamata yalosavasava vata ki na dra ni parofita o ira ke, ikonu sa qai solia vi ira na dra me ra somicia; sa dodonu me vakinia vi ira. ⁷Ia sa dua tani voki au ma rogocia mai nai cabocabo ni soro, sa tukunia, E va liga ke, na Turaga na Kalou Kaukauwa, sa djina ka dodonu na nomunu lewa.⁸Ia nai kava ni agilose sa sovarakia na nona bilo i na matanisiga; sa soli vua me vavisai ira na tamata ina bukawaqa. ⁹Ra sa visa na tamata ni sa katakata valevu, Ra sa vosavacacatakia na Kalou, o koya sa lewa rawa na vimate ca ke: Ra sa reva ni vivutuni me ra varokorokotaki koya.¹⁰Ia nai kalima ni agilose sa sovarakia na nona bilo ki nai jikojiko ni manumanu; sa butobuto na nona matanitu; ra sa kajia na yamedra ina vuku ni rarawa, ¹¹ka vosavacacatakia na Kalou ni lomalagi ina vuku ni nodra rarawa vata ki na nodra vidikoso, ra sa reva ni vivutunitakia na nodra i valavala.¹²Ia nai kaono ni agilose sa sovarakia na nona bilo ki na uciwai levu o Uferetisi; sa dji kinia na kena wai, me caramaki na nodra sala na tui mai natuicake. ¹³Ia au ma raicia voki e le tolu na yalo velavela ratou sa va na boto, ratou sa qai mai na gusu ni gata levu, mai na gusuna vokiliga na manumanu, mai na gusuna vokiliga na parofita seseni. ¹⁴Ni ratou sa yalo ni tevoro o iratou, ratou sa caka na cakacaka mana, ratou sa qai yani vi ira na tui ni vivanua vata ki vuravura taucoko, me vasoqoni ira vata ki nai valu ni siga djina ko ya ni Kalou Kaukauwa.¹⁵("Raicia! Au sa qai mai me va na daubutako! Sa kalougata o koya sa vatawa, sa tauria jiko na nonai sulu, de qai voli ka televua, ia ka ra raicia na nona televuwa.") ¹⁶A ratou sa vasoqoni ira vata i na vanua na yacana i na vosa va Iperiu o Amaketone.¹⁷Ia nai kavitu ni agilose sa sovarakia na nona bilo ina macawa; sa rogo mai na domo levu, mai na valenilotu mai lomalagi, mai nai jikojiko vaturaga, sa tukunia, "Sa caka oji." ¹⁸Sa rogo na domo ni vosa vata ki na kurukuru, ka tibi na livaliva; sa tavuki valevu na vanua, sa reva ni vakinia mai nai vatekivu ni nodra jiko i vuravura na tamata, ka me tavuki vakaukauwa, ka valevu vakinia. ¹⁹Sa tawase vajikitolu na koro levu, ia sa bale na vikoro i na vivanua; sa mai vananumi o Papiloni na koro levu i na mata ni Kalou, me soli kinia na bilo ni waini ni nona cudru waqawaqa.²⁰Sa dro tani yani na viyanuyanu keceliga, ia na viulunivanua sa reva ni raicia. ²¹Sa lutuki ira na tamata na uca cevajia levu mai lomalagi, a kena bibi e dua na taledi. Ra sa vosavacacatakia na Kalou o ira na tamata i na vuku ni mate ca ni uca cevajia; ni sa ka levu sara na mate ca ke.

17¹Sa qai voki mai e dua vi iratou na agilose e le vitu sa tauria na bilo e vitu, ka kirau vivosaki, ka tukunia vi au, "Qai mai ki ke; au na vatakila vi iko na nona cudruvi na yalewa ke sa dautagane valevu sa jiko ina bati ni wai levu. ²O koya ra sa vibutakoci vata ki ira na tui ki vuravura, ra sa vamatenitaki o ira na kai vuravura ina waini ni nona dautagane."³Sa qai yadjia na yaloqu o koya i na vikau; ia au raicia voki e dua na yalewa sa vodo jiko ina dua na manumanu kulakula, ka sa levu na yacana sa vosavacacatakia kinia na Kalou, sa vitu na uluna ka jini na nonai leu. ⁴Sa vaisulu na yalewa ke, i nai sulu lokaloka vata ki nai sulu kulakula, sa vaiukuuku ina koula vata ki na vatu mama vokiliga vata ki na mataniciva, sa tauria i ligana e dua na bilo koula sa sinai ina kena ca vata ki na kena dukadukali ni nona dautagane. ⁵Sa volai ina yadrena na yacana vake, "SA REVA NI KILAI, O PAPILONI NA KA LEVU, MA JINADRA NA DAUTAGANE VATA KI NA VIKA VASISILA VATA KI VURAVURA."⁶Ia au ma raicia voki na yalewa sa mateni ina kodra dra na tamata yalododonu vata ki na kodra dra na tamata ra sa mate ina vuku i Jisu: ia ni au ma raicia, au ma reucala valevu kinia. ⁷A sa tukunia vi au na agilose, O sa reucala ina vuku ni cava? Au na tukunia vi iko na kenai balebale vuni ni yalewa ke vata ki na manumanu sa vodo kinia o koya, o koya sa vitu na uluna ka jini na nonai leu.⁸Na manumanu o ma raicia voki sa bula iliu, sa qai reva voki; ia ina qai cake mai bulubulu e reva ni vabotona, ina qai liqa ina rusa: ia ra na kurabuia kinia o ira sa jiko i vuravura, o ira sa reva ni volai na yacadra i nai vola ni bula mai nai vatekivu vata ki vuravura, ni ra raicia na manumanu sa bula iliu, sa reva voki, ia na qai voki mai.⁹Ke na loma sa tu kinia na vuku. Na uluna e vitu na ulunivanua e vitu, sa jiko kinia na yalewa ke. ¹⁰Ia sa lewe vitu na tui: e le lima sa bale, e dua sa jiko, e dua voki sa bera ni qai mai: ia ni sa qai mai o koya, na jiko vadede valailai liga.¹¹Ia na manumanu sa bula iliu, sa qai reva voki, o koya ke nai kawalu, sa dua vi ira na lewe vitu o koya, ka sa qai ki na rusa.¹²Ia nai leu e jini o ma raicia, ratou sa le jini na tui, ratou sa reva liga ni vamatanitu ni kua, ratou sa kaukauwa vata ki koya na manumanu, me va na tui, ina dua liga na yauwa. ¹³O iratou ke ratou sa lomavata, ia ratou na solia na nodratou qaqa vata ki na nodratou kaukauwa vi koya na manumanu. ¹⁴O iratou ke ratou na vivala vata ki na Lami, ia sa na rawai iratou na Lami: ni sa Turaga vi ira na turaga o koya vata ki na nodra Tui na tui: ia ina gumatua voki liga o ira sa jiko vata kaya, ra sa kacivi, ka djigitaki, ka lomadina.¹⁵Sa tukunia vi au o koya, Na viwai o ma raicia, sa jiko kinia na yalewa dautagane, gona na vivanua vata ki na mataqali e levu vata ki na vimatanitu vata ki na duivosavosa.¹⁶Ia nai leu e jini o a raicia vata ki na manumanu, ratou na cajia na yalewa dautagane, ratou na daini koya me dai ka me televuwa; ia ratou na kania na lewena, ka varusai koya sara voki ina bukawaqa. ¹⁷Ni sa vavulicia na yalodratou na Kalou me ratou vayacoria na nona lewa, me ratou lomavata, me ratou solia na nodratou matanitu vua na manumanu, me vayacori mada kinia na vosa ni Kalou.¹⁸Ia na yalewa o ma raicia, na koro levu o ya, sa lewa vi ira na tui ki vuravura.

18¹Sa oji na vika ke, au ma raicia e dua tani voki na agilose sa qai sobu mai lomalagi, sa levu na nona kaukauwa; sa rarama o vuravura i na nonai ukuuku. ²Sa kaci ina domo levu sara o koya, ka kacivakia, Sa bale o Papiloni na koro levu, sa bale, sa yaco me nodra i jikojiko na tevoro vata ki na qara ni yalo velavela keceliga vata ki na qara ni manumanu vuka keceliga ma reva ni savasava ka sevaki. ³Ni ra sa bale na vivanua keceliga ni ra somicia na waini ni cudru ni nona dautagane, ra sa vibutakoci vata kaya na tui ki vuravura, ra ma vutuniyau na tamata dauvivoli i na vuku ni nona daugarogaro.⁴Ia au ma rogocia e dua tani voki na vosa mai lomalagi, sa tukunia, Dou qai tani mai vua, oi ikodou na noqu tamata, mo dou reva ni cala vata kaya, ka me reva voki ni tauvi ikodou na nona mate ca. ⁵Ni sa yacovi lomalagi na nonai valavala ca, a sa nanumia na nonai valavala ca na Kalou. ⁶Cudruvi koya me va na nona cudruvi ikodou, ka caka varua vua me varua me va na nonai valavala: ia na bilo sa vasinaijia o koya, vasinaijia varua vua.⁷Me va na nona dokai koya vata ki na nona daugarogaro, solia vakinia vua na yaluma vata ki na rarawa: ni sa tukunia e lomana o koya, Oi au na kuini au sa jiko ke, au ma reva ni yada, au na reva ni kila na rarawa. ⁸O koya ke ina yaco vata kinia vua na mate ca ina dua na siga, a mate vata ki na tagi vata ki na dausiga; ia ina vavisai ina bukawaqa: ni sa kaukauwa na Turaga na Kalou sa cudruvi koya.⁹Ia o ira na tui ki vuravura, ra sa vibutakoci vata kaya ka daugarosa vata kaya, ra na tagicaka, ka yasovakia, ni ra sa raicia na kubou ni kena visa. ¹⁰Ra na tu vayawa ni ra sa rerevakia na nona yaluma, ka tukunia, "Isa! Isa! Na koro levu o Papiloni, na koro kaukauwa ko ya! Ina dua bauliga na yauwa sa yaco na nomu cudruvi."¹¹O ira vokiliga na dauvivoli vata ki vuravura ra na tagicakia ka yasovakia: ni sa reva na tamata me volia voki na nodra i yau: ¹²Ai yau ni vivoli na koula vata ki na siliva vata ki na vatu talei vata ki na mataniciva vata ki na lineni matailalai vata ki na ka lokaloka vata ki na silika vata ki nai sulu kulakula vata ki na kau boi vinaka keceliga vata ki na bilo tabua keceliga vata ki na bilo kau mama sara keceliga vata ki na parasa vata ki na aironi vata ki na vatu vivolavolai, ¹³vata ki na sinamoni vata ki na macou vata ki na ka boi vinaka vata ki nai lumu vata ki na drega me vakamai vata ki na waini vata ki na waiwai vata ki na madrai droka vinaka vata ki na witi vata ki na pulumokau vata ki na sipi vata ki na ose vata ki na qiqi ni tamata vata ki ira na bobula vata ki na yalo ni tamata.¹⁴Ia na vuata sa garovia na yalomu sa takali yani vi iko vata ki na ka talei vata ki na ka vinaka sa qai tani vi iko, ia o na reva sara liga ni raicia voki.¹⁵A tamata ra dauvivoli ina vika ke, ra sa vavutuniyautakia ina vukunia, ra na tu vayawa ni ra sa rerevakia na nona yaluma, ra na tagi ka yaso, ¹⁶ka tukunia, "Isa! Isa! Na koro levu ko ya! Ka vaisulu e na lineni matailalai vata ki nai sulu lokaloka vata ki nai sulu kulakula, ka vaiukuuku i na koula vata ki na vatu mama vata ki na mata-ni-civa! ¹⁷Sa vaqeavutakia na ka keceliga ke ina dua bauliga na yauwa." O ira keceliga nai taukei ni waqa vata ki ira keceliga e vodo ina waqa vata ki ira na lewe ni waqa, o ira keceliga sa dausoko me ra vivoli, ra sa tu vayawa liga,¹⁸ka ni ra sa raicia na kubou ni kena kama, ra qolouvakia ka tukunia, A koro cava beka ke rau tautauvata ki na koro levu ke? ¹⁹Ra sa kabua ki na uludra na kuvu ni soso, ka qoqolou, ka tagi, ka yaso, ka tukunia, "Isa! Isa! na koro levu ko ya! sa vavutuniyautakia i na vukunia o ira keceliga nai taukei ni waqa sa soko voli e loma ni wasawasa i na vuku ni nona ka vaturaga! a sa vaqeavutakia i na dua bauliga na yauwa." ²⁰Mo dou reki sara ina vukunia, na lomalagi vata ki ikodou nai apositolo vata ki na parofita; ni sa qai cudruvaki ikodou na Kalou ni sa ca o koya.²¹Sa dua na agilose kaukauwa sa lavejia cake e dua na vatu e va na vatu levu qaqi, sa dainia ki loma ni wasawasa, ka tukunia, Na vabalei vakaukauwa vake na koro levu ko ya o Papiloni, ka na reva sara ni raicia voki. ²²Ia na reva sara ni rogocia voki e jikimu na domona sa dauqiri api vata ki na daunivucu vata ki na dau uvu bituniatagi vata ki na davui; na reva vokiliga na matai, e mataitakia e dua na ka, me raici voki e jikimu; na reva vokiliga ni rogo voki e jikimu na rorogo ni vatu i qaqi.²³Ena reva vokiliga ni caudre voki e jikimu na rarama ni cina; na reva vokiliga ni rogo tale e tikimu na domo ni tagane sa qai vawati, se na domo ni yalewa sa qai vawati: o ira na nomudou tamata dauvivoli eliu era sa tamata turaga ki vuravura; ni sa nomudou i lawaki sa vacalai kece kinia na vivanua. ²⁴Sa raici e jikina na kodra dra na parofita vata ki ira na tamata yalosavasava vata ki na kodra dra o ira kece ra a vamatei i vuravura.

19¹Sa oji na vika ke, au ma rogocia na domodra na lewe levu mai lomalagi, era sa tukunia, Aleluya: A bula vata ki na vavinavinaka vata ki na varokoroko vata ki na kaukauwa me vata vua na noda Kalou: ²ni sa djina ka dodonu na nona lewa: ni sa lewai koya na yalewa ka dautagane valevu, o koya sa vadukadukalitaki vuravura i na nona dautagane, a sa saumia vi koya na kodra dra na nona tamata.³Ra sa qai tukunia voki, "Aleluya! Sa kuvu cake na kena kubou me reva ni mudu." ⁴Sa cuva sobu na qase e lewe ruasagavulu ka va vata ki na ka bula e le va, ra sa varokoroko vua na Kalou o koya sa jiko i nai jikojtiko-vaturaga, ka tukunia, "Emeni; Aleluya!".⁵Sa dua na vosa sa qai mai nai jikojiko vaturaga, sa tukunia, "Vavinavinaka ki na noda Kalou, oi ikodou keceliga na nona tamata vata ki ikodou sa rerevaki koya, se dou tamata lalai se dou turaga."⁶Au sa rogocia na ka e va na domo ni lewe levu, ka va na domo ni wai e levu, ka va na domo ni kurukuru levu, sa tukunia, "Aleluya!" Sa lewa na Turaga na Kalou Kaukauwa sara.⁷Tou marau ka reki, ka caka na varokoroko vi koya; ni sa yaco na vawati ni Lami, sa varautakia koya vai koya na watina-yalewa. ⁸Sa soli vua me vaisulu ina lineni matailalai, sa savasava ka lumilumisa: ia na lineni matailalai na nodra i valavala dodonu na tamata yalosavasava.⁹Sa tukunia vi au o koya, "Mo vola, Sa kalougata o ira ra sa kacivi ki nai vayakavi ni vawati ni Lami. Sa tukunia vi au o koya, Ke gona na vosa djina ni Kalou." ¹⁰Ia au ma cuva ki yavana me'u varokoroko vi koya. Sa tukunia vi au o koya, "Raicia, mo reva: oi au na nomu i tokani, ka dua vi ira na wekamu ra sa tauria jiko nai tukutuku vata ki Jisu; varokoroko vua na Kalou: ia nai tukutuku vata ki Jisu na yalo ni parofisai.¹¹Ia au ma raicia na lomalagi ni sa dola tu, ka raicia voki sa dua na ose vulavula; o koya sa vodo kinia sa vatokai o Dodonu ka Dina, sa lewa vadodonu o koya ka caka nai valu. ¹²A matana e va na yameyame ni buka, sa toka i na uluna nai sala-vaturaga e levu; a sa volai na yacana, ia sa reva na tamata e kila, o koya duadualiga. ¹³A sa vaisulu i nai sulu sa kureitakia kinia na dra; a sa vatokai na yacana Na Vosa ni Kalou.¹⁴Ia o ira na matai valu mai lomalagi ra sa muri koya, ni ra sa vodo ina viose vulavula, ra sa vaisulu ina lineni matailalai, e vulavula ka savasava. ¹⁵Sa dara mai na gusuna e dua nai seleiwau gata, me yaviti ira kinia na vimatanitu o koya: ia ina lewai ira i nai jitoko kaukamea: sa sikarakia ko koya nai keli ni waini ni cudru waqawaqa ni Kalou Kaukauwa. ¹⁶Ia na yacana sa volai i na nonai sulu vata ki na sagana vokiliga, "NODRA TUI NA TUI VATA KI NA NODRA TURAGA NA TURAGA."¹⁷Ia au ma raicIa e dua na agilose sa tu ina matanisiga. Sa kaci ina domo levu o koya, ka tukunia vi ira keceliga na manumanu ra vuka ina maliwa ki lomalagi, "Dou vasoqoni ikodou vata mai ki nai vayakavi ni Kalou levu. ¹⁸mo dou kania na lewedra na tui vata ki na lewedra na turaga ni valu vata ki na lewedra na tamata qaqa vata ki na lewedra na ose vata ki ira ra sa vodo kina vata ki na lewedra keceliga, se rai taukei se ra bobula, se ra tamata lalai se ra turaga."¹⁹Ia au ma raicia na manumanu vata ki ira na tui ki vuravura vata ki na nodra i valu, ra sa soqoni vata mai me ra vivala kaya sa vodo ina ose vata ki ira na nonai valu. ²⁰Sa tauria na manumanu, ka sa tauri vata kaya na parofita vailasu, o koya sa caka na cakacaka mana e matana, o koya sa daulari ira kinia ra sa volai i nai vatakilakila ni manumanu vata ki ira ra sa varokoroko ki na nona matakau. Oi rau ruarua ke rau sa biu bulabula ki na drano bukawaqa sa caudre ina sulifure.²¹Ia o ira na kena vo ra sa vamatei i nai seleiwau i koya sa vodo ina ose, ai seleiwau sa daramakia mai na gusuna: ia o ira keceliga na manumanu vuka ra sa mamau ina lewedra.

20¹Ia au ma raicia voki dua na agilose sa qai sobu mai lomalagi, sa tauria ina ligana nai dola ki bulubulu sa reva ni vabotona ka dua na sinucodo levu. ²Sa laki tauria na gata levu, a gata makawa, o koya ke na Tevoro vata ki Setani, sa vesuki koya me ojj mada e dua na udolu na yabaki. ³Sa daini koya ki bulubulu sa reva ni vabotona, sa sogolaji koya eloma, sa dregajia nai sogo vi koya, me kakua ni temaki ira voki na vivanua o koya, ka me oji mada na yabaki e dua na udolu: ia ni sa oji ke, na qai sereki valailai voki.⁴Ia au ma raicia eso nai jikojiko vaturaga, ka ra jiko kinia eso, sa soli vi ira me caka na vilewai: au ma raicia na yalodra vokiliga e tamusuki na uludra ni ra sa vatusai Jisu, ina vuku vokiliga ni vosa ni Kalou, o ira ra sa reva ni varokoroko vua na manumanu, se vua na nona matakau, sa reva vokiliga ni volai nai vaakilakila ina yadredra, se na ligadra: ra sa bula ka lewa vata ki Karisito ka dua na udolu na yabaki.⁵Ia na kena vo ni mate ra sa reva ni bula voki ka me oji mada na yabaki e dua na udolu. Ke nai matai ni bula voki mai na mate. ⁶Sa kalougataka ka yalosavasava o koya sa vaturi cake i nai matai ni bula voki mai na mate: na reva ni kaukauwa vi ira nai karua ni mate, ia ra na bete ni Kalou vata ki Karisito, ka ra na lewa vata kaya ka dua na udolu na yabaki.⁷Ia ni na sa oji voki e dua na udolu na yabaki, na qai sereki voki o Setani mai na valenivivesu sa jiko kinia, ⁸na qai qai tani yani o koya me temaki ira na vivanua ra sa jiko ina yasa i vuravura e va, o Koki vata ki Mekoki, me vasoqoni ira vata me ra vala: na kodrai wiliwili sa va na mata ni nuku ni matasawa.⁹Ia ra ma qaiva na raraba ki vuravura, ka vavolivolijia na nodra koro na tamata yalododonu vata ki na koro daulomani, me buku na druadrua: sa lutu sobu mai lomalagi na bukawaqa, ka kani ira. ¹⁰Ia sa biu na tevoro sa temaki ira ki na drano bukawaqa sa vasulifure, sa jiko kinia na manumanu vata ki na parofita seseni; ia ratou na vararawataki ina siga vata ki na bogi ka reva ni mudu.¹¹Ia au ma raicia voki e dua nai jikojiko vaturaga e levu ka vulavula vata ki koya vokiliga sa jiko kinia, sa dro tani mai vua o vuravura vata ki lomalagi; sa reva na vanua e raici me rau jiko kinia. ¹²Ia au ma raici ira ra a mate, na tamata lalai vata ki na turaga, ra sa tu ina mata ni Kalou; sa tevukia nai vola eso: e dua tani voki nai vola sa tevukia, ai vola ni bula: ia na mate ra sa lewai mai na ka sa volai i nai vola, me va na nodra i valavala.¹³Ia na wasawasa sa soli ira na mate ra sa jiko kinia, o mate vokiliga vata ki bulu rau sa soli ira na mate ra sa jiko kinia; sa lewai o ira na tamata yadua me va na nodra i valavala. ¹⁴Ia o mate vata ki bulu voiliga rau sa dai ruarua ki na drano bukawaqa. Sai koya ke nai karua ni mate, io na drano bukawaqa. ¹⁵Ia sa biu ki na drano bukawaqa o koya yadua sa reva ni volai i nai vola ni bula.

21¹Ia au ma raicia voki na lomalagi vou vata ki na vuravura vou; ni sa takali na lomalagi makawa vata ki na vuravura makawa; ia sa reva sara liga na wasawasa. ²Ia oi au o Joni, au ma raicia na koro tabu, o Jerusalemi vou, sa qai sobu mai vua na Kalou mai lomalagi, sa ukucavu me va na goneyalewa sa ukucavu me qai vua na wajina.³Ia au ma rogocia e dua na domo levu mai lomalagi, sa tukunia, Raicia! Na vale ni Kalou sa tu vi ira na tamata, ia na jiko vata ki ira o koya, ia ra na nona tamata, ia o koya na Kalou ina jiko vata ki ira, me nodra Kalou. ⁴Ia na Kalou na tavoya tani keceliga na wai ni mata mai na matadra; ia na reva voki na mate, se na rarawa, se na tagi, ka na reva voki na vutugu: ni sa takali tani na ka makawa.⁵Sa qai vosa o koya ma jiko i nai jikojiko vaturaga, "Raicia! Au sa vavouya na ka keceliga." Sa tukunia vi au o koya, "Vola mada: ni sa vosa mana ke ka djina." ⁶Sa tukunia vi au o koya, "Sa caka oji! Oi au na Alifa vata ki na Omeka, na kenai vatekivu vata ki na kenai vataotioti. Au na solia laliga vua sa viagunu, mai nai vurevure ni wai ni bula.⁷O koya sa gumatua ina rawajia na ka keceliga ke. Au na nona Kalou oi au, ia na luvequ o koya. ⁸Ia o ira na daurere vata ki ira ma vajijiqa vata ki ira ra vasisila vata ki ira na daulaba vata ki ira na dauyalewa vata ki ira ra kila ka vatevoro vata ki ira sa dausoro ki na vimatakau vata ki ira na daulasu keceliga, sa votai vi ira na nodra i votavota i na drano sa caudre kinia na buka vata ki na sulifure: ia ke nai karua ni mate.⁹Sa qai qai mai vi au e dua vi iratou na agilose e lewe vitu, ratou sa tauria na bilo e vitu sa sinai ina mate ca ina muri sara mai, sa vosa vi au, ka tukunia, Q"ai mai ki ke. Au na vatakila vi iko na goneyalewa, na wati ni Lami." ¹⁰Sa yadjia na yaloqu o koya ki na dua na ulunivanua levu ka cecere, sa vatakila vi au na koro levu, o Jerusalemi savasava, sa qai sobu mai lomalagi mai vua na Kalou,¹¹Sa tu kinia nai ukuuku ni Kalou: ia na kena rarama e va na vatu dredre sara, e va na vatu jasipa, e varaitayaloyalotakia me vaka na karisitala; ¹²ia na kena bai e levu ka cecere, a sa tinikarua na kena matamata-ni-koro, a sa lewe tinikarua na agilose sa tu i na matamata-ni-koro, a sa volai kinia na yacadra, ia gona na yacadra na nodra mataqali e tinikarua ni Isireli: ¹³e tolu na matamata-ni-koro sa donuya natuicake; e tolu na matamata ni koro sa donuya na tokalau; e tolu na matamata ni koro sa donuya na ceva; e tolu na matamata ni koro sa donuya na ra.¹⁴Ia na kena yavu na bai ni koro sa tinikarua sa tu kinia na yacadra nai apositolo ni Lami e lewe tinikarua. ¹⁵Ia sa tauria e dua na gasau koula o koya sa vosa vi au, me varautakia kinia na koro vata ki na kena matamata ni koro vata ki na kena bai.¹⁶Ia sa va na yasa ni koro, a kena balavu e tautauvata vata ki na kena raraba: sa katumia na koro o koya ina gasau, ka sa tjnikarua na udolu na kena falogi. Ia sa tautauvata na kena balavu vata ki na kena raraba vata ki na kena cecere. ¹⁷Sa katumia o koya na kena bai, A kena kiupiti e dua na drau ka vasagavulu ka va, ia nai varau ni tamata, sai koya nai varau ni agilose.¹⁸Ia na kena bai sa jasipa; ia na koro sa koula djina sara liga, me va nai iloilo makare. ¹⁹Ia na yavu ni bai ni koro sa vaiukuukutakia ina vivatu talei keceliga. Ai matai ni kena yavu na jasipa; ai karua, na safairi; ai katolu, na kalisetoni; ai kava, na emeralita; ²⁰ai kalima, na satonikisa; ai kaono, na satiusa; ai kavitu, na karisolita; ai kawalu, na perili; ai kaciwa, na topasa; ai katini, na karisopiraso; ai katinikadua, na vatu karakarawa; ai katinikarua, na amecisita.²¹Ia na matamata ni koro sa caka ina mata-ni-civa e jinikarua: sa dua na mata-ni-civa sa caka kinia na matamata-ni-koro yadua; a sala koula vinaka sara na sala ni koro, me va nai iloilo makare sara. ²²Ia sa reva na valenilotu au ma raicia kinia: ni sa kena valenilotu na Kalou Kaukauwa vata ki na Lami.²³Sa reva ni yaga ina koro ke na matanisiga, se na vula, me cila kinia: ia nai ukuuku ni Kalou sa vararamatakia, ka sa kena rarama na Lami. ²⁴Na qai voli ina kena rarama o ira na lewe ni vimatanitu: o ira na tui ki vuravura ra sa yadjia mai na nodra i ukuuku me tu kinia. ²⁵Ia na kena vimatamata ni koro na reva ni sogo ina siga; (ni na reva kinia na bogi.)²⁶Ia ra na yadjia mai me tu kinia nai ukuuku vata ki na varokoroko ni vimatanitu. ²⁷Ka sa reva sara e dua na ka kita vasisilatakia na curu kinia, se dua e caka na ka ca, se daulasu: o ira liga ra sa volai ina nonai vola ni bula na Lami.

22¹Sa qai vatakila mai vi au o koya na uciwai ni bula, sa makare sese sara me va na karisitala na kena wai, sa drodro mai nai jikojiko vaturaga ni Kalou vata ki na Lami. ²Na loma ni kena sala vata ki na tutuna ruarua vokiliga, sa tei kinia na kau ni bula, sa vuatakia na vuana ina vivula e jinikarua ka sa duidui na vuana: ia na drau ni kau ke sa medra wai ni bula na lewe ni vivanua.³Ia ra na reva voki ni cudruvi kinia: na tu liga kinia nai jikojiko-vaturaga ni Kalou vata ki na Lami: ka na qaravi koya o ira na nona tamata. ⁴Ra na raicia na matana, ka na volai ina yadredra na yacana. ⁵Ka na reva kinia na bogi; na reva vokiliga ni yaga vi ira na cina, se na rarama ni siga; ni sa vararamataki ira na Turaga na Kalou; ia era na vaturaga jiko ka reva ni mudu.⁶A sa tukunia vi au o koya, A vosa ke sa mana ka djina: ia na Turaga na nodra Kalou na yalo ni parofita sa tala na nona agilose me vatakila vi ira na nonai talatala na ka sa voleka ni caka. ⁷Ka raicia, au sa qai vatotolo mai: sa kalougata o koya sa tauria matua na vosa ni parofisai i nai vola ke.⁸Ia oi au o Joni au ma raicia ka rogocia na vika ke. Ia ni'u rogocia voki, ka raicia, au ma cuva sobu ki na yavana na agilose sa vatakila mai vi au na vika ke me'u varokoroko. ⁹Sa qai tukunia vi au o koya, "Raicia mo reva liga: ni daru sai talatala vata ki ira vokiliga na wekamu na parofita vata ki ira ra sa tauria na vosa ni vola ke: mo varokoroko vua na Kalou!"¹⁰Sa tukunia vi au o koya, Kakua ni dregajia na vosa ni parofisai ni vola ke: ni sa volejia na kena gauna. ¹¹O koya sa reva ni dodonu, me reva ni dodonu jikoliga vata ki koya sa dukadukali, me dukadukali jikoliga vata ki koya sa dodonu, me dodonu jikoliga vata ki koya sa yalosavasava, me yalosavasava jikoliga.¹²Ka raicia, au sa qai vatotolo mai; a sa tu liga vi au na ka, me'u solia vi ira na tamata yadua me va na nonai valavala. ¹³Oi au na Alifa vata ki na Omeka, na kenai vatekivu vata ki na kenai vataotioti, na kenai liuliu vata ki na kenai murimuri.¹⁴Sa kalougata na tamata ra sa sava na nodra i sulu, me ra kania vaitaukei na kau ni bula, me ra curu ina matamata ni koro ki loma ni koro. ¹⁵Sa tu e taudaku o ira na koli vata ki ira ra sa caka na ka vatevoro vata ki ira na dauyalewa vata ki ira na daulaba vata ki ira ra sa daumasu ki na vimatakau vata ki ira kece ra sa vinakajia na seseni ka caka jikoliga.¹⁶Oi au o Jisu au sa tala na noqu agilose me vatakila na vika ke vi ikodou i na visoqosoqo lewe ni lotu. Oi au na kena vu vata ki na kawa ni Tevita vata ki na kalokalo i vola siga e serau tu.¹⁷Oi au o Jisu au sa tala na noqu agilose me vatakila na vika ke vi ikodou ina visoqosoqo lewe ni lotu. Oi au na kena vu vata ki na kawa nei Tevita vata ki na kalokalo i vola siga e serau tu.¹⁸Au sa vatakila vi ira na tamata keceliga ra sa rogocia na vosa ni parofisai ni vola ke, Ke dua na tamata ina vaikuritakia na vika ke, na vaikuritakia vi koya na Kalou na mate ca sa volai tu i nai vola ke; ¹⁹ia ke sa dua na tamata sa yadjia tani eso na vosa mai nai vola ni parofisai ke, na yadjia tani na Kalou na nonai votavota mai na kau ni bula, mai na koro savasava, ka mai na vika vokiliga sa volai tu i nai vola ke.²⁰Sa tukunia o koya sa vatakila na vika ke, E djina au sa qai vatotolo mai. Emeni. Ni qai mai, Turaga Jisu. ²¹Me nomudou keceliga na loloma ni noda Turaga ko Jisu Karisito. Emeni.

AI TINITINI NI VOLA NI VIYALAYALATI VOU.

Lovoni: Bible for 1 Joni, 1 Korinica, 1 Pita, 1 Timoci, 2 Cesalonaika, 2 Joni, 2 Korinica, 2 Pita, 2 Timoci, 3 Joni, Ai vatakila sa vola ko joni, Cakacaka, Efeso, Filimoni, Filipai, I cesalonaika, Iperiu, Jemesa, Joni, Juta, Kalatia, Maciu, Marika, Roma

Formatted for Translators

Maciu

Marika

Joni

Cakacaka

Roma

1 Korinica

2 Korinica

Kalatia

Efeso

Filipai

I cesalonaika

2 Cesalonaika

1 Timoci

2 Timoci

Filimoni

Iperiu

Jemesa

1 Pita

2 Pita

1 Joni

2 Joni

3 Joni

Juta

Ai vatakila sa vola ko joni