Bible

متّی

1¹عیسىٰ مسیح ابنِ داوٗد ابنِ ابراھیم سُند نسبٕ نامہٟ.

²ابراہمَس نِش زاۆ اِسحاق تہٕ اِسحاقس نِش زاو یعُقوب تہٕ یعُقوبس نِش زاۆ یہوُداہ تہٕ تمسندٟی بٲؠٔ.

³تہٕ یہوُدس نِش زاۆ فارص تہٕ زارح زاۆ تمَرس نِش، فارصس نِش زاۆ حصرُون تہٕ حصرُونس نِش زاۆ رام.⁴تہٕ رامس نِش زاۆ عمینداب، عمیندابس نِش زاۆ نحسُون، تہٕ نحسُونس نِش زاۆ سلمون.

⁵سلمونس زاۆ بوعز راحبس نِش،بوعزس نِش زاۆ عوبید روتس نِش ، تہٕ عوبیدَس نِش زاۆ یسی؛

⁶یسیِ ہَس نِش زاۆ داۆد بادشاہ. تہٕ داۆدس زاۆ سُلیمان تس زنہِ نِشہٟ یُوسہٟ گوڈہٟ اوریاہ سنٔز زنان ٲس.⁷تہٕ سُلیمانس نِش زاۆ راحُبعام، تہٕ راحُبعامس نِش زاۆ ابیاہ تہٕ ابیاہس نِش زاۆ آساء؛

⁸تہٕ آساہس نِش زاۆ یہوسفط،تہٕ یہوسفطس نِش زاۆ یُورام، تہٕ یُورامس نِش زاۆ عُزِیاہ.⁹.عُزِیاہس نِش زاۆ یُوتام، یُوتامس نِش زاۆ آخز تہٕ آخزس نِش حزقیاہ؛

¹⁰تہٕ حزقیاہس نِش زاۆ مُنسی، مُنسیس نِش زاۆ امُون تہٕ امُونس نِش زاۆ یُوسیاہ؛

¹¹تہٕ گرِفتار سپدِتھ بابُل گژھنکِس زمانس منز زاۓ یُوسیاہس نِشٕ یکونیاہ تہٕ تسنٕدؠ بٲؠٔ،¹². تہٕ گرِفتار سپدِتھ بابُل گژھنہ پتہٟ زاۆ یکونیاہس نِشٕ سیالتی ایل تہٕ سیالتی ایلس نِشہٟ زاۆ زُرباُبل؛

¹³تہٕ زُرباُبلس نِشہٟ زاۆ اَبِہیُود، تہٕ اَبِہیُودس نِش زاۆ اِلیاقیِم تہٕ اِلیاقیِمس نِش زاۆ عازور؛

¹⁴تہٕ عازورس نِش زاۆ صدوق تہٕ صدوقس نِش زاۆ اخِیم تہٕ اخِیمس نِش زاۆ لِیہُود.¹⁵تہٕ لِیہُودس زاۆ الیعزر تہٕ الیعزرس نِش زاۆ مَتان تہٕ مَتانس نِش زاۆ یعُقوب؛

¹⁶تہٕ یعُقوبس نِش زاۆ یوُسف، یہ اُوس تس مریم سنُد خاندار یس نِش عيسىٰ زاۆ، یِمس زَن میسح چُھ وننہٟ یوان؛

¹⁷ادہٟ سآریِ پُشت ابراھیمسٕ پیٹھ داوٗدَس تام چھِ ژوداہ پُشت، داوٗد سنٔدِ پیٹھ گرِفتار سپدِتھ بابُل گژھنہس تام چھِ ژوداہ پُشت تہٕ گرِفتار سپدِتھ بابُل گژھنہ پیٹھ چھِ میسحس تام ژوداہ پُشت.¹⁸ونیٟ سُپد عيسىٰ میسح سُند زیُون یتھ کنؠٟ زِ تَس ہٕنزِ ماجِہ مریمَس ٲس یُوسفَس سٲتؠ نشٲنؠ سپٕزمٕژ تہٟ یہندِ یکوٹہٟ سپدنہٟ بُرونٹھؠٟ ٲس سُو رُوح القُدسہٟ سسٕندِہ د قُدرتہٟ سٲتؠٕ گُوبہِ ِکُھور رُوزمژ.

¹⁹ادہٕ ٲمسنٔد خاندارن یُوسفن یُوس زن نیک اُوس .تہٕ اُوسنہٟ تمِس بدنام کُرن یژھان، تِمس مُوکلاوُنک کُورن لُوتہٕ پاٹھؠٕ ارِادہ.²⁰سُہ اُوس یمہٕ کتھٟ وُنہِ سُونچٲنؠٟ زِ خداوند سُند فرشتہٟ آو اَمِس خوابس منز تہٕ وُننس " ہیے یُوسف داوٗد سنٔدِ فرزندٕہ پٕننؠٟ زنانہٕ مریم یُور پانس نِش اَننس مٔہ کُھوژ، تکیازہِ یُوس تمسٔندِس شِکمس منز چُھ سُہ چُھ روحالقُدسہٕ سنٔدِ قدرتہِ سٲتؠٕ.

²¹تمسِ زییہِ نیُچو تہٕ تس تھأیزِ ناۆ عيسىٰ.تکیازہِ سُہ دیِیِہ پننٟس اُمتَس گنہُو نِشہٟ نجات.²²یہِ سورؠٟ کہنہ سَپدِ امہٕ مُوجوب زِ یہِ خداوندن نبی سٔندِ ذریعہٕ وُنمُت اُوس تہِ سپدِ پُورہٟ زِ.

²³وُچٕھیُو، اکھ اَنہٕ ہرِش سپدِ گُوبہِ کُھور. تَس زییہِ نیُچو تسُہنٔد ناۆ تھأوُن عمانوٲیل، یمیوک مطلب گو خدا چُھ اَسہِ سٲتؠٟ.²⁴ادہٕ نِنیٕدِرِ وَتھتھِ کُور یُوسفن یتھہ کنؠ تمسِ خداوند سنٔد فرشتن حکم دیوتُمت اُوس . تہٟ پننؠٟ زنانہٟ اننؠٟ پانس نِش.

²⁵تہٕ توتام گو نہٕ تمسِ نِش یُوتام نہٕ تمسِ نیُچو زاۆ تہٕ تس تھُوون ناۆ عيسىٰ.

2¹ییلہِ عيسىٰ ہیروُدیس پادشاہ سنٔدِس زمانس منز یہودیاکِس بیتُ لحمس منز زاۆ.تہٟ وچُھیو کینہہ مجوسی آےٲ یہ ونتھِ مشرقہٕ پیٹھٟ یروُشلم.

²یہودین ہنُد پادشاہ یُوس پٲدہٟ سُپد، سُہ کتہِ چُھ؟.تکیازِہ مشرقس منز تمسُند ستارٕہ وُچِھتھ آۓ ٲسؠ تس سجٔدہ کرنہِ.

³یہ بُوزِتھ کھوژؠٕ ہیروُدیس پادشاہ تہٟ بیہ تمِس ساتؠٕ یُرشلمکؠٕ ساریٕ لُوکھ.⁴تہٟ تؠمؠٕ پرُوژھ جمع کرِتھ قومکین سارنؠٟ زِٹھؠن تہٟ عٲلمن، مسیح کتہِ گژِھ پادہٟ گژُھن؟ .

⁵تِمووُن تس، یہودیاکِس بیتُ لحمس منز تکیازِ نبیِن ہندِ زریعہٕ چُھ یتھہٟ پٲٹھؠٟ لیکھنہٟ آمُت.

⁶ہیے بیتُ لحم، یہودیکہِ علاقہٟ، ژۂ چُھکنہٟ ہر گزِ تہِ یہوداہ سندیُو حاکمو منزٟ ساروٟؠ کھوتہٕ لوکٹ کینٛہہ.تکیازِ ژے منز نیرِ اَکھ زیُوٟٹھ یُوس میانہِ اُمژ اسرایٔلیچٟ پہلؠٟ گیِ کرِ.⁷اَتھ پیٹھ سُوز ہیروُدیسن لوتہِ پاٹھؠٟ مجُسوسین ناد تہٟ تمن نشِ کورُن معلوم زِ سُہ ستارہٟ کر اُوس اَتھِ آمُت.

⁸تہٟ تِم سُوزِن یہ ونِتھ بیتُ لحم زِ گژِھیو تمِس بَچس مطلق کریو ٹھیک پاٹھؠٟ معلوم تہٕ ییلہِ سُہ لبہِ ووُن تہٕ مےٟ دیزُیو خبر تاکہ بُوتہِ یمہٟ تہٟ کرس سجدہٟ.⁹تِم دراۓ پادشاہ سنزٔ یہِ کتھ بُوزتھ؛ وچھُیو، یُوس ستارٟہ تمُو مشرقس منزٟہ اُوس وچھُمت، سُہ پوک تمِن برُونٛہہ برُونٛہہ، یوتانؠ زن سُہ ٹھ جایہ ہنزِ کنہِ ٹھہریو، یتہِ سہُ بچہٟ اُوس.

¹⁰تِم گے ستارہٟ وُچھتھ بڑٟہ خُوش .¹¹تتٕہ تَتھ گھرس منز وٲتِتھ وُچھ تمو . بچہ پننہِ ماجہ مریمس نِشہٟ؛تہٕ تمس بُرونہہ کنہِ پیتھ کُورکھ سجدٟہ. تہٟ پننؠٟ ڈبہ کُھولتِھ کورہس سُون، لُوبان تہٟ مُر نزرانہٕ.

¹²تہٟ ہیرودیسس نِش دوبارہ نہ گژھنک ہدایت خوابس منز رٹتھ گے تِم بیکہِ وَتہِ پنُن مُلک واپس.¹³ییلہِ تِم دراۓ تہٟ وچھُیو، خوابس منز وچھتھ وُن خدایہ سنٔد فرشتن یُوسفس، وَتھ بچہٟ تہٕ أمہِ سنٔز مُوج ہیتھ ژَل مصر تہٕ یوتام نہٕ بُو ونے توتام رُوزؠٟ زِہ ٹھؠٟ . تکیازِہ ہیرودیسس ژھانڈِ امِس بچَس تاکہ اَمِس مارِہ.

¹⁴ادہٟ سُہ وُتھ رات کیُوت بچہ تہٕ تمسٔنز مُوج ہیتھ تہٟ سُپد مصر کُن روانہٕ.

¹⁵تہٟ روُد ہیرودیسس سنٔدِس مَرنس تام تِتھؠ.یُوتھ زن تہِ پورہٟ سپدِ ِیہ خداوندن نبی سنٔد ذریعہ وُنمت اُوس. زِمؠے اُون مصرہٟ پیٹھٟ پنُن فرزند واپس.¹⁶ییلہِ ہیرودیسن وُچھ زِ مجُوسؠو کُور مؠے ساتؠٕ مزاق تہٕ کھوتُس سخت شرارت، تہٕ سُوزِن نفر بیت لحم تہٟ تمکین تمام علاقن ہنٔدؠ لڑکہٕ کرنٲیِن قتل یِم دُو وُہرؠ یا ٲمہ کُھوتہٕ لوکٹؠٕ ٲسؠٕ، تیمہِ وقتکہٟ حِسابہٕ یہِ تیمؠٟ مجُوسؠن نِش تحقِیق کورُمت اوُس.¹⁷تمہٟ وقتہٟ سٔپذ سُو کتھ پورہٟ یُوسہٟ یرمیاہ نبی سنٔدِ ذریعہٟ وننہٟ آس آمٔژ.

¹⁸راماہس منز آو شُور بوزنہٕ، ودنُک تہٕ شدید ماتم دٲری ہنُد راخل چھے پننین شُرین ودان تہٕ دِلاسہ ٲسنہٟ قبول کران، تکیازِ تِم ٲسؠٕ نہٟ زندہٟ.¹⁹ییلہِ ہیرودیس مُود، تہٟ وچھُیو خداوند سُند فرشتہٟ آۆ مصرس منز یُوسفس خوابس منز تہٟ وُننس.

²⁰وَتھ یہ بچہٟ تہٟ أمہِ سنٔز مُوج ہیتھ گژَھ مُلکِ اسرایل، تکیازِ یِم بَچس مارن والؠٟ ٲسؠ تِم مُودؠٟ.

²¹ادہٟ وُوتھ سُہ بچہ تہٟ تمسنٔز مُوج ہیتھ وُوت مُلکِ اسرایل.²²مگر ییلہ بوزُن زِ ارخلاۆس چُھ پننِس مالِس ہیرودیسس سنٔزِ جایہ یہُودیایہِ منز پادشاہی کران. تہِٟ سُہ کُھوژ تُور گژھنس، تہٕ خوابس منز ہدایت حاصِل کرِتھ دراۆ سُہ گلِیلِ کین علاقن کُن.

²³تہٕ ناصرت ناوٕکسِ اکسِ شہرس منز گو بسنہِ، تکیازِ یہ نبین ہٕندِ ذریعہ وننہٕ اُوس آمت تہِ سپدِ پورٕہ، زِ سُہ ییہِ ناصرِی وننہِ".

3¹تِمن دُوہن منز آۆ یُوحنا بپتسمہ دنہٟ وول تہٟ یہودیا کین وُجارَن منز لُوگ یہٕ تبلیغ کرنہِ زِ.

²تُوبہٟ کریو"تکیازِ آسمانٟچ پٲدشٲہی وٲژ نزدیک.

³یہ چُھ سُوی یمسٔنز ذِکر یسعیاء نبی سنٔدِ ذریعہ یتھٟ کنؠ سپٔز مژٔ ٲس،زِ وُجارَس منز ییہِ اعلان کرن وٲلؠ سٔنٔز آواز، زِ خدایہ سنٔز وَتھ شِہیریُو! تمسنٔزٕٕہ وتہٟ بنایُو سیزٕہ.⁴یہِ یُوحنا اُوس وُونٹہٕ جتھِ ہندٕؠ پَلو لاگتھِ ِتہٕ چمرُو کمربند کمرس گنڈِتھ رُوزان. تمسنُد کھِین اُوس ہالو تہِ جنگلیٟ ماچھ.

⁵تمہِ ساتہٟ دراۓ یروشلمکؠ تہٕ تمام یہودیاہکؠ تہٕ یردنکؠ بیہٟ تمیکؠٟ اندٟ پتؠٟ ساری لوکھ تہٟ گے تس نش.

⁶تہٟ پننین گنُہن ہنُد اقرار نیوک یردن کوُلہِ منز تس نش بپتسمہ.⁷مگر ییلہِ تیمؠٕ وُچھ واریاہ فریسی تہٕ صدُوقی بپتسمہِ خٲطرٕہ پانس نِش یوان تہٟ وُننکھ زِ "ہو سرُفہٕ بچُو"تُوہہِ کؠمؠٟ وُنو ینہٟ وٲلکہِ غضبہٟ نِشہٕ ژلؠُو.

⁸اوہ کؠنؠٟ کرؠُو تُوبہ مُطابق پننہِ کامہِ.

⁹تہٟ پنین دلِن منز مَہ سُونچیو زِ ابراھیم چُھ سُون مُول تکیازِ بُو چُھسَو تُوہہ ونان زِ "خدا" ہیکہِ ؠمو کنُؠو منزٟہ تہِ ابراھؠمہ سنٔدِ خٲطرٕہ ہ اَولاد پٲدہٟ کرِتھ.¹⁰ونی چھے کالُین ہندٕ مُول پؠٹھ مکٔژ تھٲیِتھ، اَدٕہ یُوس کُل اصل میوہٕ دِؠنہٕ سُہ یؠہِ ژٹنہٟ تہٟ ییہٕ نارس منز ژھٔننہٕ.

¹¹بُو چُھسو تُوہہ توبہ خاطرٕہ آبُک بپتسمہ دِوان ، مگر یُوس مؠے پتہٕ ییہِ سُہ چُھ میانہٟ کھوتہٟ طاقتور،بُو چُھسنہ تمسُند کُھوربانہ تُلنس لایٔق تہِ.سُہ دیُؠو تُوہہِ روُح الُقدسہٟ تہٕ نارٟہ ساتیٟ بپتسمہ.

¹²تس چُھ اتھس منز شُپ تہٟ سُہ کرِ پنؠنِ کَھل صاف تہٕ پنُن کنٔکھ کرِ کُچھن منز جمع مگر کِسرِ زالِہ تَتھ نارَس منز یُوسنہٕ ژھیتہٟ گژِھہ.¹³تیمہ ساتہٟ آۆ عيسىٰ گِلیلِ پیٹھٟ یُردنکہِ بٹھہٕ کؠن یوحناہس نِش بپتسمہٟ نِنہٟ.

¹⁴مگر یوحناہن کُور تَس یہِ ونتِھ منع،زِ بُو چُھس ژے نِش بپتسمہٟ نِنُک محتاج،تہٟ ژہ آکھٟ مؠے نِش؟.

¹⁵عيسىٰ ہن وُن تَس درجواب. ونؠٟ سپدِن یہِ تکیازِ اَسہِ چُھ مُناسِب یتٔھے پاٹھؠٟ نیکؠ پورہٟ کرنؠٟ.اَتھ پیٹٕھ دیُوت تؠمؠٟ سپدنہٟ.¹⁶تہٟ عيسىٰ" کھوت بپتسمہٟ نتھِ دستؠِ آبہٟ منزٟہ ہُیور. تہٟ وچُھیو تمسنٔدٟہ خاطرٟہ گو آسمان یلہٟ تہٟ تیمؠٕ وُچھ خدایہٟ سنُد رُوح پانس پیٹھ کُوترہٟ سٔنزِ شکلہِ منز وسَان.

¹⁷تہٕ وچُھیو آسمانہ پیٹھٟ آیہِ آواز" یہ چُھ میُون ٹوٹھ گوُبر یمِس بُو خُوش چُھس.

4¹تیمہٟ ساتہٕ نیُو رُوحن عيسىٰ جنگلس منز یُوتھ زَن ابلیس سنٔدِ دَسؠٟ آزماونہٕ ییہِ.

²تہٟ ژتجہن دُوہن تہٟ ژتجہن رٲژن فاقےٟ رُوزِتھ آخرس لجؠٟ تَس بُوچھٟ.

³تہ آزماون والؠ وُن تس برونہہ کُن یِتھ"اگر ژہ خدایہ سُند گوبُر چُھکھ تہٟ وَن زِ یمہٟ کنہِ بنَن ژُوچہِ.

⁴تیمؠ وُن درجواب."لیکتھ چُھ زِ انسان رُوزنہٟ صرف ژُوچہٟ ساتھؠٟ زندہٟ بلکہ پرتھٟ کتھِ ساتؠٟ یُوسہٟ خدایہ سنٔدِ ٲسہ نیران چھہٟ.⁵پتہٟ نؠو سُہ ابلیسن مقدُس شہرس منز تہٕ ہیکلِ ہندِس کُبَس پیٹھ استادہ کرِتھ وُننس.

⁶اگر ژٔہ خدایہ سنُد گوبُر چھُکھ:" تہٟ پنُن پان ژھٔن بُون دٲرِتھ تکیازِہ لیکتھ چُھ زِ سُہ دِؠہِ چانہِ باپت فرشتن حکم تہٕ تِم تُلنےٟ ژےٕ پنین اتھن پؠٹھ یُوتھنہ چانین کھُورن کینوساتؠٟ لگہِ.⁷عيسىٰ ہن وُن تمِس، یتہِ چُھ لیکتِھ، ژِ مٔہ آزماۆن پنُن خدا.

⁸پتہٕ نُیو سُہ ابلیسن اکِس تھدِس پہاڑس پیٹھ.تہٕ ہاوٟۂنس دنیاہچ سارے سلطنتہِ بیِہِ تِہنزٟ شان و شوکت.

⁹تہٕ وُنس زِ اگر ژۂ نمتِھ مؠے سجدہ کرکھ تہٕ یہٕ سُورٕؠ کؠہنہ دمےٟ بُو ژے.¹⁰عيسىٰ ہن وُن تمِس"اے شیطان دوُر گژھ،تکیازِہ لیکتھ چُھ" زِ ژۂ کر پننِس خدایس سجدہٟ تہٕ صرف کر تمسٟنزٟؠ عبادت.

¹¹پتہٕ ژوُل ابلیس تمِس نِش،تہٟ وچُھؠو فرشتہٕ آے تہٟ لگؠٕ ٲمسنٔز خدٔمت کرنہِ.¹²یؠلہِ تؠمؠٟ بُوز زِ یُوحنا چُھ گرفتار کرنہٕ آمُت تہٕ گو گلیلِ کُن روانہٕ.

¹³تہٕ ناصرت ترایِھ گو کفرنحوم بسنہِ.یُوس سمندر بٹِھس زبولون تہٟ نفتالؠ کِس سرحدس پیٹھ چُھٟ.¹⁴یوتھ زن تہِ سپدِ پورُہٟ یہ یسعیاہ نبی سنٔدِ ذریعہ وننہٟ اوُس آمُت.

¹⁵زبولونکہ علاقہٟ تہٟ نفتٔالؠ یوک علاقہٟ.

¹⁶یعنی یم لُوکھ انہٟ گٹہِ منز بِہتھ ٲسؠ تمو وُچھؠٟ بُوڑ گاش.تہٕ یم مُوتِکس مُلکس تہٟ سایَس منز بِہتھ ٲسؠ تمِن پیٹھ پرزلیُو گاش.¹⁷تمہِ وقتہِ پیٹھ لوگ عيسىٰ اعلان کرِتھ یہِ وننہِ زِ توبہٟ کریو تکیازِ آسمانچ پادشاہی وٲژ نزدیک.¹⁸تؠمؠٕ وچھؠ گلیلکہِ سمندرہٟ بٹھِ کؠن پکان پکان زۂ باۓ یعنی شمعون یمس پطرس چھِ ونان، بؠہِ تمسُند بُوۓ اندریاس،سمندرس منز زال تراوان، تکیازِ تِم ٲسؠ گاڈہٟ رٹن وٲلؠٟ.

¹⁹تہٟ وُنَنکھ، مؠے پتہٟ پکؠو، بُو بناووُ تُوہی انسان رٹن وٲلؠٕ.

²⁰تمو ژھُون فوراً زال ترٲوتھ تہٟ دراۓ ٲمِس پتہٟ.²¹تتہٟ برُونہہ کُن نیرِتھ وُچھ تؠمؠٟ بیہِ زۂ باۓ یعنی زبدی سنٔدؠٟ نیچؠِ یعقوب تہٟ تِمسند بوۓ. یم پننِس مالِس زبدیِ یس ساتی ٲس نایہ پہٹھ پننین زالَن مرمت کران.تہٟ کورنکھ آلو.

²²تِم گے فوراً ناۆ تہٟ پنُن مول ترٲوتھ تمِس پتہ.²³تہٕ عيسىٰ روُد تمام گلیلِ منز پھیران تہٟ تہندہن عبادت خانن منز تعلیم دِوان پادشاہی ہنذِ خوشخبری ہنٔز پارے دوان تہٟ لوکن روُد پرتھ بیمار تہٟ پرتھ کمزوریِ دوُر کران.

²⁴تہٕ تمسنزٔ شُہرت پھہلیٔے یہِ تمام سُوریاہس منز تہٕ لوُکو اَنؠٟ ساری بیمار ؠم الگ الگ بیمارین تہٕ تکلیفن منز مبتلا ٲس بؠہ تِم یمن منز بدرُوح ٲسؠ تہٟ مِرگیِ لد تہٟ فالجہ لد تمِن نِش تہٕ تؠمؠٟ کرؠٟ تِم ٹھیک.

²⁵تہٟ گلیلِ تہٟ دِکُپلُس تہٟ یرُوشلم تہٟ یہوُدیا تہٟ یرَدن اپارِ پیٹھ آو تمِس پتہٟ بوڈ ہُجوم

5¹ہُجوم وُچھِتھ کھوت سُہ تھزرس پیٹھ بُؠوٹھ تہٟ پنِن شاگرد آے تمس برونہہ کُن.

²تہٟ پننؠٕ زیو مُژرتِھ لوگ تِمن یتھٟ کنؠ تعلیم دِنہٟ.

³مبارک چھٟ تِم یم دلہٟ کینؠٟ غریب چھ تکیازِہ آسمانچٕ پادشاہی چھے تِہنزٟی.

⁴مبارک چھٟ تِم یم غمگین چھ تکیازِہ تِم لَبن تسلؠِ.⁵مبارک چھٟ تِم یم حلیم چھ تکیازِہ تِم آسن زمینِہ ہندؠٟ وٲرث.

⁶مبارک چھٟ تِم یم پزِ وَتہِ ہندیٟ بُوچھٟ ہتؠٕ تہٕ تریشہِ ہتؠ آسن تِم سپدن سیِر.

⁷مبارک چھٟ تِم یم رحم دل چھٟ تکیازِہ تمن پیٹھ سپدِ رحم.

⁸مبارک چھٟ تِم یم پاک دل چھٟ تکیازِہ تِم وُچھن خداؠی.⁹مبارک چھٟ تِم یم صلاح کرناوان چھٟ تکیازِہ تمِن ییِہ خدایہ سند فرزند وننہٟ.

¹⁰مبارک چھٟ تِم یم نیکؠ ہندِ وجہ ساتؠ ستاونہٕ آے تکیازِہ آسمانچٕ پادشاہی چھے تمنؠٟ ہنٔز.¹¹ییلہ لوکھ میانہِ وجہ ساتؠٟ تُوہہِ لعن طعن کرنَو. تہٕ ستاونَو تہٟ پرتھٕ رنگہ تو یہِ نسبت ناحق وُلٹٕہ کتھٟ ونن تہٕ تُوہؠ چُھیو مبارک.

¹²خوشیٟ منایُو تہٕ سؠٹھا شادمان سپدؠُو تکیازِہ آسمانس پیٹھ چُھ تُہند اَجر بُوڈ.امہِ موجوب زِ لوکو ستایؠ یتھے کنؠ تِم نبی تہِ یمِ توہہ بُرونہہ ٲسؠٕ.¹³تُوہؠ چھؠو زمینکؠٕ نُون. وَ اگر نُونس مزٕہ موکلہِ سُہ کؠمہ چیزٕہ ساتؠٕ سپدِ نمکین؟ سُہ یینہٕ کونےٕ بکار تہٕ یؠہِ دارتھِ ژھننہٟ تہٕ گژِھ لوکن ہندؠٟ ساتؠ لتہٟ مونجہِ.

¹⁴توہہ چُھؠو دُنؠاہکؠ نُور، یُوس شہر پہاڑس پیٹھ بِستھ چُھ سُہ ہؠکنہٟ ژھایہِ رُوزتھ.¹⁵تہٟ ژۆنگ زالِتھ چُھنہٟ یوان سُہ زُۆرِ تل بلکہ چُھ یوِان زۆرِ پیٹھ تھاونہٕ.تہٟ امہٟ ساتؠٕ چُھ گھرکین سارنؠٕ بٲژن گاش واتان.

¹⁶یتھے کنؠٟ چمکہِ تُہند گاش تہِ لوکن برونہہ کنہِ. تاکہ تُہنزٟہ نیک کامہِ وُچھِیتھ کرن تِم تُہندِس ببہِ سندٕی تعریفٕ یُوس آسمانس پیٹھ چُھ.¹⁷یہ مۂ سوچُؠو زِ بو آس تورات یا نبین ہنزٕ کتابہٕ منُسوخ کرنہِ، منُسوخ کرنہِ نۂ بلکہ آس بُو تمہِ مکمل کرنہِ.

¹⁸تکیازِ بُو چُھسو تُوہہ پُوز ونان،یوتام نہٕ زمین تہٕ آسمان ٹلہِ، توتام ٹلنہِ توراتُک اکھ حُرف یا فُیور تہٟ.یوتام نہٟ سُوری کؠنہ پورہٟ سپدِ.¹⁹ادہٟ یُوس اکھاہ یمُو لکٹیو کھوتہٟ لوکٹیو حکمو منزہٟ کانہہ حکم فٹرایہ تہٟ ییِ ہچھنأیہ لوکن. سُہ یؠہ آسمانچِ پادشاہی منز ساروؠٟ کھوتہٟ لوکٹ وننہٟ مگر یوس تمن پیٹھ عمل کرِ، تہٟ تمن ہنز تعلیم دییہِ سُہ ییہِ آسمانچِ پادشاہی منز بوڑ وننہٕ.

²⁰تکیازِ بو چُھسو توہہ ونان، زِ اگر تُہنز نیکؠ،عالمن تہٟ فریسین ہنزِ نیکؠ کھوتہٟ زیادہ آسنہٕ. تیلہ سپدیو نہٟ تُوہی آسمانچِہ پادشاہی منز ہرگز تہٕ داخل گژِتھ.²¹توہہ چُھو بُوزمت زہ تُوہہِ بُروہمِین اُوس وننہِ آمت زِقتل گژھنہٟ کُرن، یوُس قتل کرِ، سُہ آسہ عدالتکِس سزاہس لایق.

²²مگر بُو چُھسو توہہ یہِ ونان زِ یوُس اکھاہ پننِس بایِس رُوب کرِ سُہ آسہِ عدالتکِس سزاہس لایق، یوُس اکھاہ پننِس بایِس وَنہ ژہ چُھہک پاگل ، سُہ آسہِ صدرِ عدالتکِس سزاہس لایق، تہِ یوُس تَس بےوقوف ونہِ سُہ آسہِ نارِ جہنمُک سزاوار.²³ادہٟ اگر ژۂ قربان گاہس پیٹھ پنُن نیاز نِکھ تہٕ ٹہِ پؠؠِ ژے یاد زِ چانسِ بایسِ چھے ژے ساتؠ کہنہ ملال دارِی .

²⁴ژۂ تراۆ پنُن نیاز تتی قربان گاہس نِش تہٕ گوڈہٟ گژھ تہٟ کر پننِس بٲیِس ساتیٟ صلاح.پتہٟ کر پنُن نیازہ پیش .²⁵یوتام ژۂ پننِس مخالفِس ساتیٟ وتہِ منز چُھکھ تس ساتیٟ کر دستؠٟ صُلح. یُوتھنہٟ تہٟ سپدِ زِ مخالف کری ژے مُنصِفس حوالہٟ تہٕ مُنصِف کری ژے پُلسٟہ والس حوالہٟ تہٕ ژۂ یکھ قادخانس منز تھاوٟنہٟ.

²⁶بُو چُھسے ژے پُوز ونان زِ یوتام نہٟ ژہٟ رَژھ رَژھ ادا کرکھ توتام گژھکنہٕٕ ژۂ تتہ ہرگزِ تہٟ ییلہٕ.²⁷تُوہیٟ چُھو بوزمت زِ زنا گژھنہٟ کرُن.

²⁸مگر بُو چُھسےٟ ژے یہِ ونان زِ یُوس اکھا کانسہِ زنہِ کُن شہوژ ہنزٟ نظرِ وُچھِ تؠمؠٟ کور پننہِ دلہٕ منزٕی تس ساتؠٟ زِنا.²⁹ادہٟ اگر ژے دچھنؠٟ ٲچھؠ گنُاہ کرناؠی تہٟ یہٕ ژھنُن کڑِتھ تہٕ کڈُس کش،تکیازِ چانہِ خاطرٟہ چھِ یہِ بہتر زِ ژے رٲوؠٟ اکھ وُستہٟ خان تہٟ چُون سوری پان گژھنہٟ جہنمس

³⁰ونؠٟ اگر ژے دچھن اتھِ گنُاہ کرناؠی تہِ ییتہ ژھنُن ژٹتھ تہٕ کڈُس کش تکیازِ چانہِ خاطرٟہ چھِ یہِ بہتر زِ چون اکھ وُستہٟ خان تہٟ باقی پان گژھنہٟ جہنمس.³¹یتہ اُوس وننہٟ آمُت زِ یوس اکھاہ پننؠٟ زنانٟ تراوٟ تہٕ تمِس طلاق نامہٟ لیکتھ.

³²مگر بُو چِھسُو توہیِ ونان زِ یُوس اکھاہ پننہِ زنانہِ بدکاری ورٲؠ بؠہِ کُنہِ وجہ کؠنؠٟ تراوٟہ. سُہ چھِ تمِس زناہ کرناوان.تہٕ یُوس اکھاہ تس ترایہ مژِ ساتؠٕ ٕخاندر کرِہٟ سُہ چُھ زنا کران.³³یتہٟ چُھو توہیِ بوزمت توہیِ بُرہمین اُوس وَننہ آمُت زِ اُپز قَسم گژھنہٟ کھؠون بلکہ کریو خدایس ساتیٟ پننؠٟ قَسم پورہٟ.

³⁴مگر بُو چُھسے ژے یہِ ونان زِ بلکل گژھنہٟ قسم کھؠن "نہٟ آیمانک" تکیازِ سُہ چُھ خدایہِ سُند تختہٕ.

³⁵"نہٟ زمینُک" تکیازِ سُو چھے تمسندِین کھورن ہن چُوکؠٟ"نہٕ یروشلُمک" تکیازِ سُہ چھِ عظیم پادشاہ سُند شہر.³⁶"نہٕ پننہِ سرُک" تکیازِ ژۂ ہکؠکنہٟ اکھ مس وال نہِ سفید یا کریُوہن کرِتھ.

³⁷بلکہ چُون کلامہٟ ٲسن"اوہٟ اوہٟ یا نہَ نہَ. تکیازِہ یہ ٲمہ کھوتہٕ زیادہِ چُھ تہِ چُھ بدؠٟ ساتؠٟ.³⁸تُوہیٟ چُھو بوزمت زِ وننہٟ چُھ آمُت. ٲچھ ہندِ بدلہٟ ٲچھ تہٟ دندٟہ بدلہٟ دندٟہ.

³⁹مگر بُو چِھسُو توہیِ ونان زِ بدؠٟ ہنُد مقابلہ گژھنہٟ کرُن.بلکہ یُوس اکھاہ ژۂ دٔچھنہِ بُوتھؠٟ لبہِ چپاتھ لایؠِ دُوؠم یتھؠٟ لب فِر تمس کُن.⁴⁰تہٟ اگر کاہنہ ژے مقدمہٕ کرِتھ کُرتنؠٟ یژھی نیون تہٟ چُوغہٟ تہِ کُرس پیش.

⁴¹تہٟ یوُس اکھاہ ژے اکھ کُوس بیگارِ نیِیِؠ ژۂ گژھ تمس ساتؠٟ ژۂ کُوس.

⁴²یوُس اکھاہ ژے منگؠِ تمس دِہ تہٕ یوُس قرض منگؠِ تمس نش مہ پِھر بُتھ.⁴³توہہ چُھو بوزمت زِ وننہٟ چُھ آمُت"زِ پننس ہمسایس ساتؠٟ تھاو محبت تہ پننِس دُشمَنس ساتؠٕ دشمنی.

⁴⁴مگر بُو چِھسُو توہہ یہِ ونان زِ پننِس دُشمَنس ساتؠٕ تھایو محبت تہٟ پنین ستاۆن والین ہندِ خاِطرٟہ کریُو دُعا.

⁴⁵تاکہ توہہ ییو پنِنس ببہِ سندؠٟ یُوس آسمانس پیٹھ چُھ اولاد ماننہٟ، تکیازِ سُہ چُھ پنُن آفتاب بدن تہِ نیکن دُنونیٟ پیٹھ چمکاوان ، تہٟ پزؠ زیارس تہٟ اُپز زیارس دُنونیٟ پیٹھ چُھ رُود تراوان.⁴⁶تکیازِ اگر توہہ پنِین محبت تھاون والین ساتی یوت محبت تھایو تہِ تہُندِ خاطرِہ کیا اجر چُھ؟ کیا گُزر رٹن والؠٟ تہِ چھنا ییؠ کران؟.

⁴⁷اگر توہہ صرف پنیس بایہس یوتؠ سلام کرؠو تہٟ کیا زیادہ چُھو کران؟ کیا غیٔر قومکؠٕ لوکھ تہِ چِھنا یتھے کنؠ کران.

⁴⁸ادہٟ توہہ بنیو کامِل یتھہٟ کنؠٟ تہند آسمانیٟ بَب کامِل چُھ.

6¹خبردار! پننہِ نیک کامِہ مَہ کرؠو لوکن بُرونہہ کنہِ ہاونہٕ خاطرہٟ.یہِ کرنہ ساتؠٟ مؠلؠو نہٟ توہہ کانہہ اجر تہندِس ببس نش یُوس آسمانس پیٹھ چُھ.

²ادہٟ یؠلہٕ توہؠ خٲرات کرؠُو پانس بُرونہہ کنہٕ مَہ واؠناؠُو بِگُل یتھ کنؠٟ ریاکار عبادت خانن تہٕ کوچن کران.تاکہ لوکھ تھیکن تُہند، بو چُھسو توہہ پوز ونان زِ تمو لُوُب پنُن اجر.³بلکہ ییلہ توہیٟ خیرات کرؠو اگر ژہ پننہِ دچھنہِ اتھِ کرکھ تہٟ چانِس کھورس اتھس گژھنہِ پے لگنؠٟ.

⁴تاکہ زُون خارات روزِ پُوشید.اتھ صورتس منز دییؠٟ ژے بدلہ چُون آسمانؠ بب یُوس پُوشیدگی منز وچھان چُھ.⁵ییلہ توہؠ دُعا، کرؠو تہٟ ریاکارن ہندی یپاٹھیٟ مآہ بنؠو،تکیازِ تِم چُھ عبادت خانن منز تہِ بازرن ہندہن موڑن پیٹھ اِستادہ رُوزتھ دُعا کرُن پسّند کران، ؠوتھ تمِن لوکھ وُچَھن، بو چُھسو توہہ پوز ونان زِ تمو لُوُب پنُن اجر.

⁶بلکہ ییلہ ژہ دُعا کرکھ تہِ گژھ پنین کُوٹھِس منز تہٟ دروازہ بند کرِتھ کر دُعا پننِس آسمانی ببس یُوس پوشیدگی منز چُھ.اتھ صورتس منز دییؠٟ ژے بدلہ چُون آسمانؠ بب یُوس پُوشیدگی منز وچھان چُھ.

⁷تہٕ دُعا کرنہٕ مَہ کرِؠو غٔار قومکین لوکن ہندیٟ پاٹھؠٕ بک بک تکیازِ تِم چِھ دپان زِ سانہِ واریاہ وننہِ ساتؠِ بوزِ سُہ سُون.⁸ادہ توہؠ مَہ بنؠو تمِن ہؠؠٕ،تکیازِ تُہند آسمانی بب چُھ تُہندِ منگنہٟ بُرونٹھؠٕ زانان زِ توہؠ کمن کمن چیزن ہندیٟ محتاج چُھؠو.

⁹ادہ کرؠو توہؠ یتھ پاٹھؠٕ دُعا" ہے سانہِ ببہٟ ،ژۂ یُوس آسمانس پیٹھ چُھکھ، چُون ناۆ ییِن پاک ماننہٟ".

¹⁰چاینؠٟ پادشاہیٕ ییِن، چانؠٟ مرضی یتھٟ کنؠٟ آسمانس پیٹھ پورٟہ چھے سپدان، زمینہِ پیٹھ تہِ سپدِن.¹¹اسہِ کر از دُہ دِش ہنز ژوٹ عطا.

¹²تہِ یتھٟ کنؠٟ اَسہِ پنین قصور وارن معاف کُور.ژۂ تہٟ کر سانؠ قصور اَسہِ معاف.

¹³بیہِ ترایزینہِ اَسہِ آزمایشہ منز. بلکہ بچایزِ برایی نشہِ،تکیازِ پادشاہی تہٟ قدرت تہِ جلال چُھ ہمیشہ چُونیٟ،آمین.¹⁴امہِ موجوب زِ اگر ِژۂ لوکن ہندیٟ قصور معاف کرکھ.تہِ چُون آسمانی بب تہِ کری ژے معاف.

¹⁵وَ اگر ژۂ لوکن ہندیٟ قصور معاف کرکھنہِ تہِ چُون آسمانی بب تہِ کرینہٟ ژے معاف.¹⁶ییلہ ژۂ روزہٟ تھاوَکھ تہٟ ریاہ کارن ہندیٕ پاٹھؠ مَہ بناو پننؠ شکل اُداس،تکیازِ تِم چُھ پنُن بُتھ الوُنت تراوان ،تاکہ لوکھ ونَن ؠِم چِھ رُوزہٟ دار، بو چُھسو توہہ پوز ونان زِ تمو لُوُب پنُن اجر.

¹⁷بلکہ ییلہِ ژۂ روزہٟ تھاوَکھ تہٟ پنِنس کلس متھ تیل بیہِ چَھل بُتھ.

¹⁸تاکہ لوکھ نہِ کہنہ بلکہ گژھؠ ژۂ آسمانی بب روزہٟ دار مانُن.اتھ صورتس منز دییؠٟ ژے اجر چُون آسمانؠ بب یُوس پُوشیدگی منز وچھان چُھ.¹⁹پننہ خاطرہٟ مہِ کر یتھ زمینہ پیٹھ مال جمع .یتہِ کیمؠٟ تہٟ زنگارہٕ اَتھ خراب چُھ کران. تہٟ یتہِ ژوُر نقاب دَیتھ ژورِ نِوان.

²⁰ملکہ کر پننہِ خاطرہٟ آسمانس پیٹھ مال جمع،ٹتہ نُو چھ کیمؠٟ نہَ چِھ زنگارہٟ خراب کران. بیہ نَہ چھ ٹہِ ژُور نقاب دِتھ ژُورِ نؠوان.

²¹تکیازِہ یتہِ چون مال چُھ ٹتہِ روزِ چُون دِل تہِ.²². بدُنک ژُونگ چھے ٲچھؠ، ادہٕ اگر چانؠٟ ٲچھ ٹھیک آسہ تہِ چُون سُوری بدن آسہِ رُوشن.

²³اگر چانؠٟ ٲچھؠ گاشہٟ روژھ آسہِ چون سوری بدن آسہِ تاریک. ونؠٟ اگر سُہ گاش یُوس ژے منز چُھ انہِ گوٹ سپدِ تہٟ انہِ گٹہٟ کاژا بڑ آسہ.

²⁴کانہہ نفر ہیکنہ دوُن مالکن ہنز خدمت کرِتھ.تکیازِ یا تھایہ اکس ساتؠٟ محبت تہٕ بیکس ساتؠٕ دشمنی.یا اکس ساتؠٟ رُوزِہ رلِتھ تہٟ بیکس زانہٟ ناچیز توہیہ ہیکؠو نہٟ خدایس تہٕ دولتچ دونونؠٟ ہنز خدمت کینٛہہ کرتھ.²⁵امہِ موجب چُھسو بُو توہہ ونان، پننہِ زُووٕچ فکر مہ کرؠو کہ ٲسؠ کیا کھؠمو یا کیا چیمُو.بیہٟ پننہِ پانچٕ زِ کیا لاگو.کیا زُو چُھنا کھؠنہٟ کھوتہٕ تہٕ پان پلوؤ کھوتہٟ اصل کینٛہہ؟.

²⁶آسمانی جانور وچھؠو نۂ چِھ وَوان نہَ لُونان بؠہِ چھِنہ تِمن کھؠوان، کیا توہہ چھؠونا تمو نِشہ زیادہ قدٕر کؠنہ.²⁷توہہ منز کُوس چُھے سُو، یُوس فکر کرِتھ پننہِ وٲنسہِ اکھ گرٔ بڑایتھ ہیکہِ.

²⁸تہِ پلوو خاطرٟہ کیازِ چُھؠو فکر کران جنگلی سُوسنکؠٕ کُلیٟ وچھؠو غورہٟ سان زِ تم کتھ کنؠٟ چھ بڑان، تِم نَہ چِھ محنت کران نَہ چِھ کَتان.

²⁹تُوتہِ چُھسو بُو توہہ ونان،زِ سلیمان تہِ اُوسنہٟ پننہِ سارےٕشان و شوکت کینؠٕ یمو کالؠو منز کانسہِ ہندیٟ ہیؠ پلو لاگان.³⁰ادہٟ ییلہ "خدا" میدانکس گھاسس یُوس از چُھ پگاہ یؠہِ گجہِ زالنہٟ.یتھؠٟ پلو لاگان، تہٟ اے کم ایمان والؠو، توہہِ کیازِ لاگیو نہٟ.

³¹اوہٟ کینؠٟ مٔہ ونیو فکرمند سپدتھ یہٟ زِ، ٲسؠ کیا کھؠمو،یا کیا چمَو، یا کیا لاگو.³²تکیازِہٟ یمن چیزن ہندس تلاشس منز چُھ غٲر قوم روزان،تہٕ تُہند آسمانؠٟ بب چُھ زانان زِ توہی چُھؠو یمن سارنیٟ چیزن ہندؠ محتاج.

³³بلکہ کرؠو توہی گوڈہٟ تمسٔند پادشاہی تہٕ پزر تلاش، تہٟ یِم ساری چیز تہٟ میلنو توہہ.

³⁴ادہٟ مہِ کرؠو پگہچ فکر تکیازِ پگہُک دُہ کرِ پننینی فکر پانے ازکہِ خاطرہٟ چُھ ازؠوک دُکھ کافیِ.

7¹غٲبتھ مَہ کرؠو،ؠُوتھ زن تُہنذ غٲبتھ تہِ یینہٟ کرنہٟ.

²تکیازِہٟ یتھ کنؠ توہی غٲبتھ کران چُھو تِتھے کنؠ ییہِ تُہنذ تہِ غٲبتھ کرنہٟ تہٕ ؠمہ مِیژہٟ ساتؠٟ توہی مینان چُھو تمے ساتؠٟ یؠِیو توہیٟ تہٕ میننہٟ.³ژہ کیازٟ چُھکھ وچھان پننِس باہی سنذِ ٲچھ ہند کِٹُر تہٟ پننہِ ٲچھ ہُند کِٹُر چُھکھنہٟ وُچھانؠٟ.

⁴تہٟ ییلہِ چانہ ٲچھ منز چُھ کِٹُر تہٟ ژہ کتھٟ کنؠ ہکہک پنِنس بٲیِس ونتھ، ولہٟ چانہِ ٲچھ منزہٟ کڈٟہ بو کِٹُر.

⁵ہُیو ریاکارا گوڈہٟ کدنا پننہِ ٲچھ منزہٟ کِٹُر.پتہٟ ہا ہیکہکھ ژہ پننِس بٲیؠ سنزِ ٲچھ منزہٟ کِٹُر اصلؠ پاٹھیٟ وچھتھ تہٟ کڈتھ.⁶پاک چیز مَہ دیُہو ہُونین تہٟ پنُن موُختہ مَہ تراؠو سُورن برونہ کنہِ،یُوتھنہٟ تِم اتھ لتہِ منجہ کرن تہٟ پُوت فیرتھ لِتھٟ ونَو تُوہہ.⁷منگؠو تہٟ توہہ یُیو دِنہٟ.ژھانڈؠو لبیُو، ٹُھک ٹُھک کرؠو تہٕ دروازہٟ یہہ تُہندِ موکھہ کھولنہٟ.

⁸تکیازِ ؠوس اکھا منگان چُھ،تس چُھ میلان. ؠُوس ژھانڑان چُھ سُہ چُھ لبان، تہٟ ؠُوس ٹُھک ٹُھک چُھ کران تمسند خاطرہٟ چُھ ؠوان دروازہٟ کھولنہٟ.

⁹توہیٟ منزہ کُس چُھ سُہ نفر زِ اگر تمِس پنُن نیچُیو ژُوٹ منگہِ تہٟ سُہ دییہِ تمِس کنؠٟ؟.

¹⁰یا اگر گاڈ منگِس تہٟ سُرف دیَس؟.¹¹ادہٟ ییلہ تُوہہ بَد آستھ پنین شُرین اصلؠٕ چیز دِنؠٟ زانان چُھو تہٕ تُہند بب ؠُوس آسمانس پیٹھ چُھ کیازِ دیینہٟ پنین منگن والؠن اصلؠٕ چیز.

¹²ادہٟ یہ توہی یژھان چُھؠو زِ لوکھ گژھن توہہ ساتؠٟ کرنیٟ تہٟ تی کرؠو توہہ تہِ تمن ساتؠ.تکیازِ تواتچ تہٟ نبین ہنز چھے یہے تعلیم.¹³تنگ دروازہٟ کینؠ سپدؠو داخل.تکیازِہٟ سُہ دروازہٟ چُھ کُھول بؠہِ چھے سُہ وَتھ سہل ؠوسُہ ہلاکتس کُن چھے واتناوان تہِ تؠمہِ کؠنؠٟ چھِ داخل سپدن ؤالؠ واریاہ.

¹⁴تکیازِہٟ سُہ دروازہٟ چُھ تنگ بؠہ چھے سُہ وَتھ سُکڑہٟ ؠُوسہٟ زندگی کُن چھے واتناوان تہٟ حاصل کرن والؠ چھِ واریاہ کم.¹⁵اُپزؠاری بنین نِش رُوزِؠو خبردار! یِم توہہ نشہِ تیرن ہندِ شکلہِ منز چھِ ؠوان،مگر اندریٟ کؠنؠٟ چھِ تِم ژپل رامہِ ہُونؠن ہندٟ پاٹھؠٟ.

¹⁶تہِنذَو کامؠو ساتؠٕ پرزہٟ نایہِ وُوکھ توہہی تِم،کیا کنڈؠن چھا دچھ وسان یا مِژر کنڈؠن چھا انجؠر وسان؟.

¹⁷یتھے کنؠ چُھ پرتھٟ کانہہ جان کُل جان مؠوہٟ دِوان تہٕ خراب کُل چُھ خراب مؠوہٟ دِوان.¹⁸اصل کُل ہؠکنہٕ خراب مؠوہٟ دِتھ. نہٟ ہؠکہِ خراب کُل اصل مؠوہٟ دِتھ.

¹⁹ؠُوس کُل نہٕ اصل مؠوہٟ دِییِہ سُو ہؠہِ ژٹتھِ نارس منز تراونہٟ

²⁰یتھےٟ کنؠ پہچانِ وُوکھ توہہ تِم تہنِذوَ کامؠو ساتؠ.²¹ؠِم مؠے ہے خداوند! ہے خداوند ونان چھِ. تمو منزہٕ گژھنہ ہرکا نہہ آسمانچہِ پادشاہی منز داخل کؠہنہ، مگر تِم گژِھن ؠم میٲنسِ آسمانی ببہٕ سنذِ مرضی پیٹھ پکن.

²²تمہِ دُہ ونن واریاہ مؠے ہے خداوند! ہے خداوند کیا اَسہ کِرنا چانہٟ ناوہٕ ساتی نبوت، تہٕ چانہٟ ناوہٕ ساتی کڈٟنا بدروح،تہٕ چانہٟ ناوہٕ ساتی ہٲینا واریاہٟ معجزہ؟.

²³تمہِ ساتہٕ ونہٟ بُو تمِن صاف پٲٹھؠٟ زِ مؠے ٲسنہٕ تُوہہِ ساتؠٟ زانہہ وقفیت اے بدکارو ژلؠُو مے نِش.²⁴ادہٟ ؠُوس اکھاہ میانہ ؠمہٟ کتھہٟ بُوزان چُھ تہٟ ؠمن پیٹھ عمل چُھ کران سُہ چُھ تس عقلمند نفرٟہ سندی پٲٹھؠ ؠمؠٟ پنُن گھرٟہ کنہِ پیٹھ بنُومُت چُھ.

²⁵تہٟ روُد پیُو تہٟ آب کُھوت تہٟ طوفان آو تہِ ٹتھ گھرس آۆ چھاونہٟ مگر سُہ پؠُونہٕ وسؠٟ، تکیازِ تمؠچ بنیاد ٲس کنہِ پیٹھ تراونہٟ آمژ.²⁶تہٟ ؠُوس اکھاہ میانہ ؠمہٟ کتھہٟ بُوزان چُھ تہٟ ؠمن پیٹھ چُھہنہ عمل کران.سُہ چُھ تس بیوقوف نفرٟہ سندی پٲٹھؠ ؠمؠٟ پنُن گھرٟہ سیکہِ پیٹھ بنوُمت چُھ.

²⁷تہٟ روُد پؠوُو تہٟ آب کُھوت تہٟ طوفان آو تہِ ٹتھ گھرس وُوت نقصان تہٟ سُہ پؠوُو وسؠٕ،تہٟ سپُد بلکل ختم.²⁸ییلہِ عيسىٰہن ؠمہ کتھٟ موکلایہ ونِتھ تہٟ سُپد یتھ کنؠٟ زِ ہُجوم گو تمسنذٕہ تعلیم ساتؠٟ حٲران.

²⁹تکیازہٟ سُہ اُوسنہ تہندین عالمن ہندؠ پاٹھؠٟ تعلیم دِوان بلکہ اُوس اختیار تھاون وٲلؠ سندہٟ پاٹھؠٟ تعلیم دِوان.

8¹ییلہِ سُہ پہاڑٕ پیٹھ وُوتھ تہٕ واریاہ ہجوم سُپد تس پتہ پتہ.

تہِ وچُھؠو:اکؠٟ میند لدن کورُس بُرونہہ کن یتِھ سجدٟہ تہٟ وُننس ہے

²خداوند اگر ژہٟ یژکھ مے ہکیکھ ژہٟ پاک صاف کرِتھ.

³تیمؠ نیو اَتھٟ تس کُن تہٟ فش دیِتھ وُننس، زِ بُو چُھس یژھان ژۂ سپِد پاک صاف سُہ گو تمے ساتہٟ میندہٟ نِش پاک صاف.⁴عيسىٰ ہن وُن تمِس.خبردار! ینہِ کانسہِ وَنکھ، بلکہ گژھ تہٕ پَنُن پان ہاو کاہنس.تہٟ یُوس نیازٕہ مُوسہن چُھ مُقرر کورُمت سُہ دِتَس یُوتھ زن تہندِ خاطرٟہ گواہی روزِ،.⁵ییلہ سُہ کفرنحومس منز داخل سپُد تہٟ اکھ صُوبیدار آۆ تس نِش تہٟ زارہٟ پار کرِتھ وُوننس.

⁶ہے خداوند، میون خادم چُھ فالجہِ ساتؠٟ گھرِہ پیتھ، تہٟ واریاہ تکلیفس منز چُھ.

⁷تؠمؠ وُننَس، بُو ؠمہٟ تہٟ سُہ کرن بُو ٹھیک.⁸صُوبیدارن وُنس درجواب،ہے خداوند، بُو چُھس نہٟ اتھ لایٔق زِ ژہ یکھ مؠون گھرٟہ،بلکہ وَن ژۂ صرف زییہِ ساتیٟ مُؠون خادم لبہ شفاء.

⁹تکیازِ بُوتہِ چُھس بیکِس ماتحت، تہٟ سپاہ چھِ مے ماتحت.ییلہِ اکِس چُھس ونان گژھ؛ تہٟ سُہ چُھ گژھان. تہٟ بیکِس چُھس چُھس ونان ولہٟ! تہٟ سُہ چُھ یوان، تہٟ پننِس نوکرس چُھس ونان یہِ کر، تہٟ سُہ چُھ کران.

¹⁰عيسىٰ گو یہٟ بُوزِتھ حٲران تہٕ ؠِم تَس پتہٕ پتہٕ ٲسؠٕ تمن ونُن، بُو چُھسو توہہِ پوز ونان زِ مے چُھہنہ یُوتھ ایمان اسرایٔہلس منز تہِ وچُمت.¹¹تہٕ بُو چُھسو توہہِ ونان زِ واریاہ سپدن مشرقہٟ تہٕ مغربٕ پیٹھ یِتھ ابراھیم،اصحاق تہٟ یعقوبس ساتیٟ آسمانچہِ پادشاہی ہنذِ ضیافژ منز شریک.

¹²مگر پادشاہی ہندؠٟ فرزند یِن نیبٔر کنہِ انہِ گٹہِ منز تراونہٕ ٹتہِ آسہِ ودُن تہٟ دندن ہُند ٹکُن.

¹³تہٟ عيسىٰ ہن وُن صُوبیدارس، گژھ یتھٟ کنؠٟ ژے یقین کُورتھ چانہِ خاطرٟہ سپدِن تؠتھےٟ کنؠٟٟ، تہٟ تمے ساتہٕ لُوب خادِمن شِفاء.¹⁴تہٟ عيسىٰ ہن وچُھ پطرس سُند گھرٟہ یِتھ تمسنِذ ہَشِ اُوس تَپھ.

¹⁵تؠمؠٟ لُووگ تس اتھٟ تہٕ تمِس ووُتھ تَپھ سُو وژھٟ تھود تہٟ لجؠٟ تس ہنز خدمت کرنہِ.¹⁶ییلہٟ شام وُوت انکھؠٟ واریاہ لُوکھ یمن منز بدروح اُوس تیمؠٟ کڑٟؠ زییہِ ساتؠٕ ونتِھ بدروح، تہٕ ساری بیمار کرنؠٟ ٹھیک.

¹⁷یُوتھ زن تہِ سپدِ پورہ یہِ یسعیاہ نبی سند ذریعہ وننہٕ اُوس آمت.تیمؠ ہیژہ سانہٕ کمزوریہِ تہٟ بیمارہِ تُجین نکھس.¹⁸ییلہ عيسىٰ ہن پانس اندی پتؠٟ واریاہ ہُجوم وُچھؠٟ.تؠمؠ دیُوت اپُور ترہُ نک حکم.

¹⁹تہٟ اکؠٟ عالمن ووُن تس بُرونہہ کن یتھ."ہے وَستادہٟ" یُوت تہِ ژہ گژٔھک بُو پکے ژے پتہٕ پتہٕ.

²⁰عيسىٰ ہن ووُن تس"پوُژھٟ لَہؠن چھے گوُپھٟ آسان تہِ آسمانؠٟ جانورن عٲلؠٟ.مگر ابن آدمس چھہؠنہٟ سَر تراونس سُونب تہِ جاۓ.²¹بیکؠ شاگردن وُن تس "ہے خداوند مؠے دِہ اِجازت زِ بو گژھ تہِ کرن گوڈہ پنُن مول دفن.

²²عيسىٰ ہن وُن تمِس ژہ یکھ مؠے پتہٟ پتہٟ تہٟ مُوردن دِہ پننؠٟ مُوردہٟ دفن کرنہٟ.²³یؠلہِ سُہ نایہ منز کھوت تہٕ تمسند شاگرد تہٟ گے تس ساتؠٟ.

²⁴تہٕ وچُھؠو سمندرس منز آو تیوتھ بوڑ طوفان زِ ناۆہ گے لہَرن منز غٲب مگر سُہ رؤد شؠنگتھِ.

²⁵تِم آےۡ تہِ کورکھ ہُوشإر تہٟ وُنہس، ہے خداوند، اسہِ بچاو، ٲسؠ گژھو مارہٟ.²⁶تؠمؠ وُن تمِس، ہے کم ایمان والؠو، کھوژان کیازِ چُھؠو.پتہٟ وُتھ سُہ تہ کورُن واوس تہٕ آبس روب تہٟ سپُد بُوڈ اَمن.

²⁷تہٟ لوکھ لگؠٟ حٲران گژِتھ وَننہِ،یہِ کؠوتھ سنَا نفر چُھ.زِ واو تہٟ آب ساریٟ چِھ امسنُد حکم مانان.²⁸ییلہ سُہ اپُور گدرِینُؠو مُلکس منز وُوت تہِ زہِ نفر یمن منز بدروح ٲسؠ آے قبرو منز نیرتھ سمکھے تس. تِم اسؠ تِتھ ووُکھٟ زِ کانہہ اوُسنہ تیمہِ وتہ ہیکان پکتھِ.

²⁹۲ تہٟ وچُھؠو تمو وُن کرؠکھ دِتھ"ہے خدایہِ سندِہ فرزندہٟ.اَسہِ کیا کٲم ژے ساتیٟ؟ کیا ژۂ آکھاہ یُور امہِ موجُوب زِ اسہِ تراَوکھ بُرونٹھؠٟ عذابس منز؟.³⁰تمو نِشہ کؠہنہ دوُر اُوس سُورَن ہُند اکھ بوڑ کھؠول گاسہٟ کھؠوان.

³¹ادہٟ بدروحُو وُن تس زارہٕ پارہٟ کرِتھ "اگر ژہٕ اَسہِ کڈان چُھکھ تہٕ اَسہِ سُوز ہُتھ سورہٟ کھؠلِس منز.

³²تؠمؠٟ وُن تِمن گژھُؠو تِم گے نیرِتھ.گے سُورن منز. تہٟنوچُھؠو سُوریٕ کھؠول گو بٹھِ پؠٹھٟ وُٹھ لأیتھ سمندرس منز پھٹؠٟ آبس منز تہٟ مودیٟ.³³تہٟ پہلؠٟ ژلؠٟ تہٕ شہرس منز گژِتھ وُنکھ سوریٟ تہٕ تہنز حالت تہِ ونکھؠٕ ؠمن منز بدرُوح ٲسؠٟ.

³⁴تہٟ وچھؠو سوری سہر دراۆ عيسىٰ ہس سمکھٟنہ، تہٟ وچھتؠ کُورہس زارپارہٟ زِ سانؠو سرحدو نش ژَل نیبر.

9¹پتہٟ کھوت سُہ نایہ تور اَپوُر.تہٟ آۆ پنِنس شہرس منز.

²تہِ وچھؠو، لوکو اوُن اکھ فالجہِ لد چارپایہ پؠٹھ تمِس نِش.عيسىٰ ہن وُن تمسُند ایمان وُچھتھ فالجہٟ لَدس."گوُبریا" دل تھاو ڈنجہ"چانؠ گناہ گے معاف".³تہٟ کینژھو عالمووُن پننِس دلس منز "یہِ چُھ کُفر بکان.

⁴عيسىٰ ہن وُن تِہندٟؠ خیال زانِتھ."توہؠ کیازِ چُھؠو پننِس دِلس منز غلط خیال اَنان؟.

⁵سہل کیا چُھ؟ یہ ونُن ہا زِ چانؠ گناہ گے معاف، یا یہ زِ وَتھ تُھود تہٟ پکھ.

⁶مگر امہٟ موجُوب زِ تو زانُیو زِ ابنِ آدمس چُھ زمینہ پیٹھ گناہ معاف کرنُک اختیار، اتؠِ وُن تیمؠ فالجہ لدَس"وَتھ پنؠنؠٟ چار پاؠی تُل تہٟ گژھ پنُن گھرٟہ.⁷سُہ وُوتھ تہٟ گو پنُن گھرٟہ.

⁸لوکھ کھوژؠٟ یہ وُچِھتھ؛ تہٟ مگر خدایہ سندٟ تعریف کرنہِ، ؠمؠ زَنن انسانن بخُش یُوتھ اختیار.

⁹عيسىٰ ہن وُچھ تَتہٟ برونہہ کُن پکتھ،متیِ ناوُک اکھ شخص یوُس گزر وانس پیٹھ بِہت اُوس.¹⁰ییلہٟ سُہ گھرِہ کھِؠن کھؠنہ بؠوٹھ، تہٟ سپُد یہِ زِ واریاہ گزُر رَٹن وٲلؠٟ تہٟ گنہگار آے تہٟ بیٹھؠٟ عيسىٰ ہس تہٟ تمسندؠن شاگردن ساتؠٟ کھِؠن کھؠنہ.

¹¹فرِسیؠو وُن ؠہ وُچھؠتھ تمسندِؠن شاگردن" تُہند ووُستاد کیازِ چُھ گزر رٹن والؠن تہٟ گنہگارن ساتؠ کھؠوان؟.¹²یہٟ بُوزِتھ وُن تؠمؠٟ"صحت مندن چھؠنہٟ حکیم سنز ضرورت بلکہ چھے بیمارن .

¹³مگر گژِتھ کرؠو توہی امؠوک معنی معلوم زِ بُوچُھسنہٟ قربانی کؠنہ بلکہ رحم پسند کران، تکیازِ بُوچُھسنہٟ نیک لوکن کؠنہ بلکہ گنہگارن ناد دنِہ آمُت.¹⁴تمہٟ ساتہٟ وُن یوحنا سندؠُو شاگردو تس نِش یتھ. کیا وجہ چُھ زِ ٲسؠٟ تہٟ فریسی چِھ اکثر روزٟہ دار آسان تہٟ چانؠٟ شاگرد چِھنہٟ روزہٟ تھاوان؟.

¹⁵عيسىٰ ہن وُن تمِن، کیا سالٟر ہیکنا توتام ماتم کرِتھ یوتام مہرازہ تمن ساتؠٟ چُھ؟مگر سُہ دُہ واتہِ زِ مہرازہٟ یؠہِ تمِن نِش جُدا کرنہٟ، تمہ ساتہٟ تھاون تِم رُوزٟہ.¹⁶ٔو دجؠٟ چُھنہٟ پُرانِس پَلوس کانہہ لاگان.تکیازِہ سُو دجؠٟ لاگنہٟ ساتیٟ یؠہِ تَتھ چار تہٟ سُہ ژھؠنہ زیادے.¹⁷تہٟ تازٟہ دچھہِ رَس چھنہٟ پُرانین مشکن منز تھاونہٟ یوان تکیازِ مشکہٟ پھٹن تہٟ دچھہِ رَس پؠؠہِ وسؠٟ تہٟ مشکہٟ سپدن تباہ بلکہ چُھ تازٟہ دچھہِ رَس نَین مشکن منز تھاونہٟ یوان تہٟ تِم دونوے چِھ محفوظ رُوزان.¹⁸سُہ اوُس تمِن ؠمہٟ کتھہٟ ونانؠٟ زِ وُچھؠو اکھ زیوُٹھ آۆ تہٟ کورنس سجدٟہ.تہٟ وننس میانؠٟ کُور مُویہِ وُنؠ مگر ژہٟ پَکھ تمِس پیٹھ تھاۆ پنُن اتھٟ تہٟ سُو گژِھ زندہٟ.

¹⁹عيسىٰ وُتھ تہٟ دراۆ تمِس پتہٟ پتہٟ پنین شاگرد ہؠتھ.²⁰تہٟ وچُھؠو اکھ زنؠٟ یمِس بَہو وریُو پیٹھٟ خون جارٟی اُوس آیہِ تمِس پتہٟ تہٟ لوگُن تمسندِس دامنس اَتھٟ.

²¹تکیازِ سُہ ٲس پنِنس دلِس منز ونان زِ اگر بُو صرف تمسنٔدِس دامنسؠٟ یُوت تہِ اتھٟ لاگہٟ تہٟ بُو گژھٟ ٹھیک.

²²عيسىٰ ہن وُچھ پتھ کُن تہٟ وُننس گوبری بھروسہٟ تھاۆ.چانؠ ایمانن کرکھ ژہ ٹھیک. ادہٟ سُو زنؠٟ گیؠہِ تمے ساتہٟ ٹھیک.²³تہٟ ییلہٟ عيسىٰ زِٹھؠٟ سُند گھرٟہ آۆ تہٟ وچُھن نٔے واین ؤالؠٟ تہٟ ہجُوم شُور تُلان.

²⁴تہٟ وُننکھ روُزؠو یوکُن تکیازِ کُور چھینہٟ مومژ بلکہ چھے شِؠنگِتھ. تِمو لُوگ اسُن تس پیٹھ.²⁵مگر ییلہِ ہُجوم ٹتِہ کڑنہٟ آۆ تہٟ سُہ گواندر تہٟ کرن تمسندِس اَتھس تھپ تہٟ کُور وژٔھ.

²⁶تہٟ امہٟ کتھِ ہنز شُہرت پھہلؠہٟ تَتھ سارسیٟ علاقس منز.²⁷ییلہِ عيسىٰ ٹتِہ بُرونہہ کُن دراۆ تہٟ ٲے تمِس پتہٟ پتہٟ ناد لایان زِ ہے اِبن داۆد اَسہِ پیٹھ کر رحم.

²⁸ییلہ سُہ گھرٟہ ووُت تہٟ تِم اَنؠٟ آے تس نِش تہٟ عيسىٰ ہن ووُن تِمن کیا تُوہہِ چُھووٟہ یقین زِ بُو ہیکہٟ یہ کرِتھ؟ تمووُن تس اَوے خداوند.²⁹پتہِ تہنزن ٲچھن اتھٟ ڈالتھِ وُنن تُہندِ یقینہٟ مطابق سپدِن تہندِ خاطرٟہ.

³⁰پتہٟ آیہ تہنذٟہ ٲچھؠ مُژرنہٟ تہٟ عيسىٰ ہن وُن تمن زُور دِتھ خبردار، کانسہِ گژھنِہ ؠمہِ کتھِ ہنز پے لگنؠٟ.

³¹مگر نیرِتھ پھہلأۆ تمو تَتھ سأرسی علاقس تمسنز شُہرت.³²ییلہِ تِم درٲے نیبر تہِ وچُھؠو لوکو اوُن اکھ کوُل تِمس نِش یِمس منز بدُروح اُوس.

³³تہٟ ییلہِ سُہ بدُروح کڈنہٟ آۆ تہٟ کُول لوگ کتھٟ کرنہِ تہٟ لوکو وُن حاران گژِتھ، اسرایٔلس منز چُھنہٟ زانہہ تہِ یتھٟ کنؠ وُچھنہٟ آمت.

³⁴مگر فریسیووُن یہ ہا چُھ بدروحن ہندِس زٹھؠٟ سنٔدِ مدتہٟ ساتؠٟ بدروحن کڈان.³⁵عيسىٰ روُد سارنیٟ شہرن تہٟ گامن منز پھیران، تہٟ تہندہن عبادت خانن منز رتعلیم دِوان تہٟ پادشاہی ہنز خوشخبری ہُند اعلان کران. تہٟ پرتھِ قسمکؠٟ دٲدؠٟ تہٟ پرؠتھ قسمچ کمزوری دور کران.

³⁶تہٟ ییلہِ تیمؠ ہجُوم وُچھ تہٟ تمِس آۆ لوکن پیٹھ عار، تکیازِ تِم ٲسؠ تمن تیرن ہندؠ پاٹھؠٟ یمن نہٟ رٲچھدرؠٟ چُھ تہٟ خستہٟ حالیِ منز ٲسؠ پیمتؠٟ.³⁷اتؠٟ وُن تؠمؠٟ پنین شاگردن "فصل چُھ واریاہ" مگر مُزور چھ کم.

³⁸امہٟ موکھہ کرؠؠو فصلکِس مالکِس زارپارہ زِ سُو سُوزِ پنُن فصل لُوننہٟ خاطرٕہ مُزور.

10¹پتہ ٲنؠ تؠمؠ پننؠٟ باہ شاگرد پانس نِش ناد دِتھ تہٟ تمن بخشُن اختیار بدروحن کڈنک.تہٟ پرؠتھ قسمٔچہِ بیمارہ تہٟ پرؠتھ قسمٔچہِ کمزوری کرن دُور.²تہٟ بَہن رسولن ہندٟؠ ناۆ چِھ ؠِم. گوڈنیوک شمعوُن یمس پطرس ونان چھِ، تہٟ تمسنُد بُوے اندریاس، زبدی سُند نیچیو یعقوب تہٟ تُہند بُوے یوحنا.

³فِلپُس،برتُلماہی.توما تہٟ متی گزر رٹن ووُل.

⁴حلفی سنُد نیچیو یعقوب تہٟ تدیّ شمعوُن قنانی تہٟ یہودا اسکرؠوتی یمؠٟ سُہ رٹنوۆ تہِ.⁵یِم باہ سوزیٟ عيسىٰ ہن تہٟ یمن وُنن حکم دِت غٲرقومن کن گژھذؠو نہٟ تہٟ سامریِن ہندِس کونہِ تہِ شہرس منز گژھذؠو نہٟ دٲخِل.

⁶بلکہ گژھزؠو اسرایٔلکین گھریلو رٲیمتن تیرن نِش.

⁷تہٟ پکان پکان کرزؠو یہ اعلان زِ آسمانچ پادشاہی وٲژ نزدیک.⁸بیمار ٹھیک کرنؠٟ،موردہٟ زندٟہ کرنؠٟ، میندی لد پاک صاف کرنؠٟ،بدروح کڈنؠٟ میُولو تُوہہ مفُت، تہِ مفُت دیزُیو تہِ.

⁹نہٟ تھایزؠو سُون پننِس کمر بندس منز.نۂ رُوف تہٕ نہ پٲنسہٟ.

¹⁰وتہِ باپت نیزیونہٟ ٹھیلہٟ.نۂ زۂ زۂ کُرتنہٟ، نہٟ بوٹ،نہٟ لُور تکیازِ مزور چُھ پنِنہ خوراکک حقدار.¹¹یتھ شہرس یا گامس منز داخل سپدؠو.معلوم کرزیو زِ تَتہِ کُس چُھ جان زِ یوتام نہٟ تَتِہ روانہٟ گژھؠو. تہندٟے روذ زؠو.

¹²تہٟ گھرس منز داخل گژھنہٟ وزِ کرز ؠو تَتھ دعاءِ خیر.

¹³اگر سُہ گھر آسہِ جان تہ تُہنذ سلام واتہٟ تس،وَ اگر نہ جان آسہ تُہنذ سلام ییُو توہہ واپس.¹⁴بیہ اگر نہ توہہ کانہہ قبول کرؠونہ. بؠہ بُوز نہِ تُہنذہ کتھٟ. تہٟ تؠمہ گھرٟہ یا شہر منزٟہ نیبر نیرنہ وِزِہ دنزیُِو پنین کھورن ہنز گرد.

¹⁵بُو چُھسو توہہ پوز ونان زِ آخرتکہٟ دُہ آسہِ تؠمہِ شہرکہ نسبتہ سدُوم تہٟ عموُرا کہِ علاقُک حال زیادہ برداشس لایق.¹⁶وچھؠو، بُو چُھسو تُوہؠٟ سُوزان، گویا تیر رامہٟ ہُونین منز ادہٟ بنزِؠو سُرفن ہندؠٟ پٲٹھؠٟ ہوشیار تہٟ کُوترن ہندؠ پٲٹھؠٟ سُؠودھ.

¹⁷مگر لوکن نِش روُز زؠو خبردار، تکیازِ تِم کرنو توہہ عدلتن حوالہٟ تہٟ پنین عبادت خانن منز دینو توہہ چُوب.

¹⁸.تہٟ تُوہی یؠُو میانہِ وجہ ساتؠ حاکمن تہِ پادشاہن بُرونہہ کنہہِ حاضر کرنہٟ، تاکہ تہندِ تہٟ غٲرقومن باپت بنؠو گواہ.¹⁹مگر ییلہِ تو توہہ ؠِم رٹہٟ ناونُو، تہٟ فکر کرزؠو نہٟ زِ، ٲسؠِ کتھ پاٹھؠ ونَو یا کیا ونو، تکیازِ یہِ کؠنہہ ونُن آسہِ تمے ساتہٟ یؠُو توہہ وننہٟ.

²⁰تکیازِ کتھِ کرن والؠٟ آسؠونہٟ توہی،بلکہ آسہِ تہندِس آسمانؠٟ ببہٟ سُند روُح یوُس توہہ منزہ کتھٟ کرِ.²¹بوے کر بایس قتلہ باپت حوالہ،تہٟ نیچو مٲلِس تہٟ اولاد گِژھ پنِنس مالِس ماجہ خلاف کھڑا تہٟ مارناوہٟ تِمن.

²²تہٟ میانہِ ناو کہِ ذریعہ تھاون ساری لوکھ توہی ساتی دشمنی.مگر یُوس آخرس تام برداشت کر سُویٟ لبہ نجات.

²³مگر ییلہ توہہ اکھ شہر سَتایُو تہٟ بیکس شہرس ژلیُو، تکیازِ بُو چُھسو توہہ پوز ونان زِ توہی فیِرؠونہ اسرایٔلکین سالمن شہرن منز زِ ابنِ آدم ییہِ.²⁴شاگرد چُھینہ پنِنس وستادس کھوتہٟ تھود آسان تہٕ نۂ نوکر پنِنس مالکَس کھوتہٟ.

²⁵شاگرد سنٔدِ خاطرہ چُھ یہ کافی زِ پنِنس وستادس ہُیو آسہ.تہٟ نوکر سنٔدِ خاطرہ یہٟ پنِنس مالکَس سنٔدٟ پاٹھؠٟ.ییلہِ گھرکِس مالکَس بعلزبول وُن تمسندین گھرکیِن لوکن کیازِ ونن نہٟ.²⁶ادہٟ تمن تہٟ کھوژزؠو تکیازِ کاہنہ چیز آسنہٟ ٹھانڈ دِت یُوسنہ کُھولنہٟ ییہِ تہٟ نہٟ چھ کانہہ چُھپتھ یُوسنہ زاننہٟ ییِہہ.

²⁷یہ کؠنہہ بُو توہہ اَنہِ گٹہِ چُھسو ونان گاشس منز تہِ ونُو تؠ تہٟ یہِ کؠنہہ توہی کنن منز بوزان چُھو تمؠوک اعلان کرؠو پشن پیٹھ.²⁸تمن مَہ کھوژؠو ؠم جسمس قتل چھ کران تہٟ روحس چھنہٟ ہیکان قتل کرِتھ بلکہ کھوژؠو تس یُوس روحس تہٟ جسمس دونونؠٟ جہنمس منز تباہ کرِتھ ہیکہ.

²⁹کیا سا زۂ ژرِ چِھینا اَکِس پٲنسس کننہٟ ؠوان؟ اماپوز تمو منزٟہ ہیکنہ اکھ تہِ تُہندِس ببہ سنزٟ مرضی ورٲے زمینہ پیٹھ وسؠ پیتھ.

³⁰بلکہ تہنُدِ کلکؠٟ مَس وٲل تہِ چھ گنزرِتھ.

³¹ادہٟ مہ کھوژؠو تُہنذ قدر چھے واریاہو ژرؠو کُھوتہٟ زیادہٟ.³²ادہٟ یُوس اکھاہ انسانن بُرونہہ کنہِ میون اقرار کرِہ بُوتہِ کرہٟ پننس ببس بُرونہہ کنہِ یُوس آسمانس پیٹھ چُھ تمسُند اقرار.

³³مگر یُوس اکھاہ انسانن بُرونہہ کنہِ میون انکار کرِہ بُوتہِ کرہٟ پننس ببس بُرونہہ کنہِ یُوس آسمانس پیٹھ چُھ تمسُند انکار.³⁴یہ مۂ زانُیو زِ بُو چُھس زمینہ پیٹھ صُلح کرناونہِ نہٟ کؠہہ بلکہ چُھس تلوار چلاو نہِ آمُت.

³⁵تکیازِ بُو چُھس ٲمہِ مُوجوب آمُت زِ انسان کرن تمسندس مالِس نِش، تہٟ کوُر تمسنزِہ ماجہِ نِشہٟ تہٟ نُوش تمسنذِہ ہشہٟ الگ.

³⁶تٕہ انسان سٕندؠ دُشمن آسَن تَسٕندِی گھرٕکؠ بٲژ.³⁷یَس مول یا موج میانہ کھوتہٟ زیادہ ٹھاٹھؠ چھِ،سُہ چُھنہٟ مے لایق تہٟ پَس نیچو یا کُور میانہٟ کھوتہٟ زیادہ ٹھاٹھؠ چھِ سُہ تہِ چُھنہٟ مے لایق.

³⁸یُوس اکھاہ پننؠٟ صلیِب تُلنہٟ تہٟ مے پتہٟ پکنہٟ سُہ چُھنہٟ مے لایق.

³⁹یُوس اکھاہ پنُن زُو بچایہِ سُہ راوہٟ راوٟ تَتھ، تہٟ یُوس اکھاہ میانہ باپت پنُن زُو راوہٟ راوٟ سُہ بچایہِ تَتھ.⁴⁰یُوس تُوہہ قبول کران چُھو سُہ چِھ مے قبول کران تہٟ مے قبول چُھ کران سُہ چِھ میٲنِس سُوزن وٲلِس قبول کران.

⁴¹یُوس نبی سنٔدِ ناوہٟ ساتؠ نبین چُھ قبول کران سُہ لبہ نبی سُنٔد ٲجر تہٟ یُوس نیک سنٔدِ ناوہٟ ساتؠ نیکس قبول چُھ کران سُہ لبہ نیک سُنٔد ٲجر.⁴²تہٟ یُوس اکھاہ شاگِرد سنٔدِ ناوہٟ ساتؠ ؠمو لوکٹیو منزٟہ کانسہِ صرف اکھ پیالہ تُورنؠ تریش چیٲوٟہ،بُو چھُسو توہہ پوز ونان سُہ راوہٟ راونہٟ ہرگز تہِ پنُن ٲجر

11¹ییلہ عيسىٰ ہن پنین بہن شاگردن حکم دِتھ موکلوو سپُد یہ زِ سُہ دراۆ تَتہِ تاکہ تہندین شہرن منز دیہہ تعلیم بیہِ کرِ اعلان .

²تہٟ قٲدخانس منز مسیح سنٔذن کامین ہُند حال بُوزِتھ پُرژھنُو یُوحناہن تس پنین شاگردن ہندِ ذریعہ.

³زِ ینہٟ وۆل چُھکھا ژیٟ کِنہٟ ٲسؠ وچُھو بیہِ کانسہِ ہنز وِتھ؟⁴عيسىٰ ہن وُن درجواب تِمن یہ کیژھا توہی بُوزان یا وچھان چُھؠو، گژھؠو کرؠو یوحناہس نِش بیان.

⁵زِ ٲنؠٟ چھِ وچُھان تہٟ لنگؠٟ چھ پکان ٹِکان، میند لد چھ ؠوان پاک صاف کرنہٟ. تہٟ زرؠٟ چھ بوزان تہٕ موردہ چھ ؠوان زٔندہ کرنہٟ تہِ غریبن چھے ؠوان خوشخبری بُوزناو نہٟ.

⁶تہٟ مبارک چُھ سُہ یُوسنہ میانہٟ وجہ ساتؠٟ ٹھوکرٟہ کھیِہِ.⁷ییلہِ تِم دراے تہٟ عيسىٰ لوگ لوکن یوحناہس مطلق وننہِ"زِ تُوہی کیا آسؠو وُجارس منز وُچھنہِ گمٔتؠٟ؟کیا واوہٟ ساتؠ الہ ڈلہٟ گژھُون نرٕہ کُون ہا؟

⁸تیلہِ کیا وُچھنہِ آسیُو گمٔتؠٟ؟ کیا زٲوِل پَلو لاگتِھ شخص ہا؟وچُھؠو ؠِم زٲوِل پَلو چھِ لاگان تِم پادشاہن ہندہن گھرن منز آسان.⁹تیلہِ کیازِ آسیُو گمٔتؠ؟کیا اکھ نبی وچُھنِہ ہا؟ آ بُو چُھسو تُوہہ یہِ ونان بلکہ نبین کھوتہٟ تہِ بڈِس.

¹⁰یہِ چُھ سُوی یَس مطلق لیکتھ چُھ زِ وُچھ بُو چُھسن پنُن پیغمبر ژے بُرونہہ سُوزان یُوس چٲنؠٟ وَتھ ژے بُرونہہ شیہرٟہ.¹¹بُو چُھسو توہہِ پُوز ونان، ؠِم زنین پادہٟ چھ سپِد متؠٟ تِمو منز سپُد نہِ یُوحنا بپتِسمہ دنہٟ وٲلِس کھوتہٟ بُوڈ کاہنہ.مگر یُوس آسمانچہ پادشاہی منز لوکُٹ چُھ سُہ چُھ تِمس کھوتہٟ تہٟ بُوڈ.

¹²تہٟ یُوحنا بپتسمہ دنہ وٲلؠ سنٔدِؠو دوُہو پیٹھٟ چُھ ونؠوک تام آسمانچہ پادشاہی پیٹھ زوُر سپدان روُزان، تہٟ زوُرہٟ وُول چُھ تَتھ تھپہ نیوان.¹³تکیازِ سارویٟ نبیو تہٟ توراتن کٔر یُوحناہس تام نبوت.

¹⁴تہٟ اگر تُوہی مانِن یژھان چُھو، ایلیآس یُوس ینہِ وُول اُوس چُھ یُوہے.

¹⁵یِمس بُوزنکؠٟ کَن آسن سُہ بُوزِ.¹⁶ادہٟ یمہ زمانکین لوکن کس ساتؠٟ دِمہ بُو تشبیِد؟ ؠِم چِھ تِمن شُرین نہدؠٟ پٲٹھؠٟ ؠِم بازرَن منز بہتھ پننین ساتِھین آلو کرِتھ ونان چِھ.

¹⁷اَسؠِ واؠی تُہندِ باپت نٔے تہٟ تُوہی نژِؠُونہٟ. اَسہِ کور ماتم تہٟ تُوہہ دُوگونہٟ سینہٟ.¹⁸تکیازِ یُوحنا اُوس نہ کھؠوان نہ چیوان تہٟ تِم چِھ ونان زِ تس منز چُھ بدرُوح.

¹⁹ابنِ آدم آۆ کھیون چیوان تہٟ تِم چِھ ونان وچُھیو یَڈل تہٟ شرٲبی نفر گزرٹن والین تہٟ گنہگارن ہُند یار! مگر حکمت سپٔز پننیو کامؠو سٲتؠٟ پیز ثابت.²⁰سُہ لوگ تمہٟ ساتہٟ تمن شہرن ہنز مزمت کرنہِ.یمن منز تمسند معجزٟ اکثر ظاہر ٲسؠ سپدان تکیازِ تِمو اُوسنہ توبہ کورُمت.

²¹ہُؠو خرُازیِن ژے پیٹھ افسوس! ہُؠو بیتِ صیدا ژے پیٹھ افسوس! تکیازِہ ؠِم معجزٟہ توہہ منز ظٲہر سپد اگر صُورس تہٟ صیداہس منز سپدے متؠٟ آسہن تہٟ تمو آسہے کرتام ٹاٹ ولِتھ تہٟ لژٟھ منز بہتگ' توبہ کورُمت.

²²مگر بُو چُھسو توہہِ پُوز ونان صُورک تہٟ صیداہُک حال آسِہ قیامژ دُہ تُہندِ حالہ کھوتہٟ زیادہ برداشس لایق.²³تہٟ ہُؠو کفرِنُحوما کیا ژہٟ یِکھا آسمانس تام تُھود کرنہٟ.ژہٟ ہا وسکھ ستمِس زمینس تکیازِ ؠِم معجزٟہ ژے منز ظاہر سپٔد اگر سدُومس منز سپدہٟ ہن تہٟ از تام روُزہے قٲیم.

²⁴مگر بُو چُھسو توہہِ ونان زِ قیامژ دُہ آسہِ سدوُمکہِ علاقک حال چانہِ حالہ نشہِ زیادہ برداشس لایق.²⁵تمہٟ ساتہٟ وُن عيسىٰ ہن ہُؠو بباٟ آسمان تہٟ زمینکہِ خداوندٟا بُو چُھس چُون شُکر کران زِ ژے چُھپایتھ یمہٟ کتھہٟ دانہِ ہن تہٟ عقل مندن نِش تہِ شُرؠن پیٹھ کریِتھ ظاہر.

²⁶آ. ہے ببہٟ تکیازٟہ یتھے کنؠٟ آیؠ ژے پَسند .

²⁷میانؠٟ بَبن کور مے سوری کہنہ حوالہ.مٲلِس وراے زانِہ نٕہ کانٛہہ نیچوِس تٕہ نیچوِس ورٲۓ زانِہ نٕہ کانٛہہ مٲلِس. بیہ تس ورٲے یس پیٹھ نیچو تمِس ظاہر کرِہ.²⁸ہُؠو محنت تُلن والیُو تہٟ بُورس تَل دبیمتُیو لوکو سارؠٟ یُیو مے نِش. بُو دِمو توہہ آرام.

²⁹میٲنؠ یپٹ تُلیو پانس پیٹھ تہٟ مے نِش ہچُھیو.تکیازِ بُو چُھس حلیم تہٟ دلہٟ کنؠٟ نرم تہٟ تُہندؠ زُو لبن سکون.

³⁰تکیازہٟ میٲنؠ یپٹ چھے نرم تہٟ میون بُور چُھ لُوت

12¹تیمہ وقتہٟ دراۆ عيسىٰ سبتکہٟ دُہ کھَہَو منزؠٟ تہٟ تمسندین شاگردن لجؠٟ بُوچھٟ،تِم لگؠٟ ہیلؠٟ ژٹؠٟ ژٹؠٟ کھینِہہ.

²فرسیوں وُچھ تہٟ وُنکھ تس، وُچھچانؠٟ شاگرِد چھ سو کام کران یُوس سبتکہ دُہ کرنؠٟ چھینہ جایٔز.³تؠمؠ وُن تمن تُوہہ چُھونا یہِ پُورمت زییلہِ داۆد تہٟ تمسند ساتھیٟ فاقےٟ ٲسؠ تہٟ تؠمؠٟ کیا کُور؟

⁴سُہ کتِھٟ کنؠ گو خدایہ سندِس گھرس منز تہٟ کھییِن نیاز چہ ژُوچہِ،یمہٟ زن کاہنو ورٲۓ جٲئیز آسنٕہ کھؠنِہ نَہ تمِس نَہ تمسندؠن ساتھؠن.⁵یا تُوہہ چُھونا توراتس منز پُورمت زِ کاہِن چِھ سبتکہٟ دُہ ہیکلِ منز سبتچ بے حرمتی کران تہٟ بے قصور روُزان؟

⁶بُو چُھسُو توہہ ونان زِ یتہِ ُھ سُہ یُِوس ہیکلِ کُھوتہٟ تہِ بُوڑ چُھ.⁷اگر توہی امؠوک مطلب سمجیو زِ بو چُھسنہٟ قربٲنی بلکہ چُھس رحم پسند کران.تہٟ بے گناہ گنزرٔاؠو کھنہٟ مجُرم.

⁸تکیازِ ابنِ آدم چُھ سبتُک مالِک.⁹تَتہِ نیرتھ گو سُہ تہندِس عبادت خانس منز.

¹⁰.تہٟ وچھُؠو! تَتہِ اُوس اکھ نفر ؠمؠٟ سنُد اَتھٟ ہوکُھمت اُوس،تمو پُروژھ تِمس پیٹھ الزام لگاو نکِہ ارادہٟ یہ،کیا سبتکہِ دُوہ چھا شفاء دیُن جاؠٔز.¹¹تؠمؠٟ وُن تمن،توہہ منزہٟ کُس چُھ سُہ یمس اکوُیٟ کٹھ آسہِ تہٟ سبتکہِ دُوہ فٹِیس دُوبس تہٟ سُہ کھالنہٟ تس؟

¹²ادہٟ انسانہٟ سنز قدر چھے کٹہٟ سنٔدِ کُھوتہٟ واریاہ زیادہٟ، ٲمہِ مُوجوب چھے سبتکہِ دُوہ نیک کأم کرنؠٟ جاؠٔز.¹³پتہٟ وُن تؠمؠٟ تس نفر"اَن پنُن اتھٟ یُورؠٟ،تؠمؠٟ اُۆن تہٟ گوُس دوؠمہٟ اتھکؠٟ پٲٹھؠٟ ٹھیک.

¹⁴اَتھ پیٹھ کوُر فریسیو نبیر نؠِرتھ تِمس خلاف مشورہٟ زِ سُہ کتھٟ کنؠٟ کرہٟ ووُن مارہٟ.¹⁵عيسىٰ گو یہ زانِتھ تَتِہ روانہٟ،واریاہ لوکھ دراے تمِس پتہٟ پتہٟ تہٟ تؠمؠٟ کرٟی ساری ٹھیک.

¹⁶تہٟ تؠمؠٟ کوُر تاکید تمِن زِ مؠون ونزؠونہٟ کانسہِ.

¹⁷تکیازِ یہِ یسعیاہ نبی سندِ زریعہ وننہٟ اُوس آمُت تہِ سپدِ پوُرہٟ.¹⁸وچھُؠو، یہ چُھ مؠُن نوکر یوُس مے ژورمُت چُھ.مؠون ٹھوٹھ ؠمِس مؠون دل خوش چُھ، بُو تراوہٟ پنُن روُح ٲمِس پیٹھ تہٟ یہِ دییہ غٲرقومن انصافچ خبر.¹⁹یہٟ نہٟ کرِہ لڑٲؠی نہٟ شُور، بیہِ بُوزنہِ بازرن منز کاہنہ ٲمہ سنٔذ آواز.

²⁰یہِ فُٹرٲونہٟ زلٔنہٟ آمُت نرکُون کینہہ،تہٟ نہٟ ژھیوراوہٟ دزوُن ژُونگ، یوتام نہٟ سُہ انصافس زِؠنہٟ نایہِ.

²¹تہٟ اَمہِ سندِ ناوہٟ ساتؠٟ تھاوَن غٲرقوم اُمید.²²تؠمہٟ ساتہٟ آے لوکھ تمِس نِش اکھ اوُن کوُل ہیتھ یمِس منز بدروُح اُوس،تؠمؠٟ کور سُہ ٹھیک، ییلہ زن سُہ کُول لُوگ کتھِ کرنہِ تہِ وچھنہِ.

²³تہٟ سُوری ہُجوم لوگ حٲران سپدتھ وننہِ کیا یہِ چھا ابنِ داۆد؟²⁴فریسیو وُن بوزتِھ یہٟ چُھنہٟ بدرحُن ہندس زیھٹِس بعلزبُلہٟ سنٔدِ مدتہٟ وراے بدرُوحن کڈان.

²⁵تمؠٟ وُن تمِن تہِندٟؠ خیال زانِتھ،یتھ پادشاہی منز پھُوٹ ییہِ سُو چھے تباہ سپدان. تہٟ یتھ شہرس یا گھرس منز پھُوٹ ییہِ سُہ رُوزنہٟ قٲیم.²⁶گر شیطانیٔ کڈِ شیطانس تیلہ گو سُہ پنِنسؠٟ پانس مُخالف، پتہِ کِتھ کنؠٟ روُزِ تمسنذ پادشاہی قٲیمٟ؟

²⁷اگر بعلزِبُول سندِ مدتہٟ ساتؠٟ بدرُوح کڈان چُھسک تہٟ تُہندؠٟ نیچِؠ کاہندِ مدتہٟ ساتؠٟ چھِ کڈان؟ تیلہ آسن تمےٟ تُہندؠٟ مُنصف.²⁸و اگر بُوخدایہ سندِہ روحکہ مدتہٟ ساتؠٟ کڈان چُھس تیلہ چھے خدایہ سنٔز پادشاہی توہہِ تام وٲژمٔژ.

²⁹یا کِتھ کنؠٟ ہیکہ کاہنہ نفر کانسہِ زُوروار سندِس گھرس منز ٲژِتھ تمسنُد مال لُوٹہٟ نِتھ. یوتام نہٟ سُہ تمِس زُوروارس گنڈِتھ تھایہِ؟ پتہ ہیکہ سُہ تمسُند گھرہ لُوٹِتھ.

³⁰یُوس نہٟ مے ساتؠٟ چُھ سُہ چُھ مے خلاف. تہٟ یُوس نہٟ مے ساتؠٟ جمع چُھ کران سُہ چُھ چٔھکران.³¹امہٟ موجوب چُھسو بُو توہہ ونان زِ انسانہٟ سنٔدؠٟ پرتھٟ گناہ تہٟ کُفر ییہِ صاف کرنہِ.مگر یُوس کُفر روح کِس حقس منز آسہِ سُہ یینہٟ صاف کرنہٟ.

³²بؠہِ یُوس اکھاہ ابنِ آدمس بر خلاف کنہہ کتھ ونہِ تہِ یؠہ تَس معاف کرنہٟ.مگر یُوس اکھاہ روُحالقدسس بر خلاف کنہہ کتھ ونہِ تہِ یؠنہ تَس معاف کرنہٟ نہٕ یتھ عالمس منز نہٟ تَتھ عالمس منز.³³یاتہِ ونیو کُلِس تہِ اَصل تہِ تمکِس میوَس تہِ اَصل،یاتہِ ونیو کُلِس تہِ خراب تہِ تمکِس میوَس تہِ خراب،تکیازِ کُل چُھ یوان مؠوہٟ ساتؠ پہچاننہٟ.

³⁴ہیُو سُرفہٟ بچُو! تُوہؠ کتِھ کنؠ ہیکؠو بد ٲستھ اَصل کتھ وَنِتھ؟ تکیازِ یہِ دِلس منز آسہِ تؠِ چُھ زبانؠٟ پیٹھ تہِ یوان.

³⁵اَصل نفر چُھ اَصل خزانہٟ منزہ اَصلؠٟ چیز کڈان؛ تہٟ خراب نفر چُھ خراب خزانہٟ منزہ خرابؠٟ چیز کڈان.³⁶بُو چھسو توہہ ونان، زِ یُوسہٟ بے فایؠدہ کتھ لُوکھ وَنن،تمیوک حساب دِن تِم قیامژ دُوہ.

³⁷تکیازِ ژہ یِکھ پننیو کتھو ساتؠٟ نیک گنزراونہٟ، تہٟ پننیوی کتھو ساتؠٟ یِکھ قصوروار تہِ گنزرنہٟ.³⁸اتھ پیٹھ وُن تمِس عالمو تہٟ فریسیو درجواب، ہے وُستاد ٲسؠ چھ ژے نِش اکھ نشان وچُھن یژھان.

³⁹تؠمؠ وُن جواب دِتھ تمِن، ؠمہ زمانک بَد تہٟ بے ایمان لوکھ چھ نشانٟ منگان مگر یوناہ نبی سنٔدن نشانہٟ وراے یینہٟ تمِن کانہہ نشان دِنہِ.

⁴⁰تکیازِ یتھؠ کنؠ یوناہ ترین دُوہن ترین رٲژن گاڈِہ ہندِس شکمس منز رُود.ٹِتھے کنؠ رُود ابنِ آدم ترین دُوہن ترین رٲژن زمینہِ اندر.⁴¹نینوا شہرکؠٟ لوکھ گنزرن قیامژ دُوہ ؠمہ زمانکین لوکن ساتؠ اِستاد سپدِتھ یمن مجرم . تکیازِ تمو کوُر یوناہ سنذِ مُنادی پیٹھ تُوبہ. تہِ وچھؠو یتہِ چُھ سُہ یُوس یوناہ سندِ کھوتہٟ تہٕ بوڈ چُھ.⁴²جنُوبچ پادشاہ باے گنزرہٟ قیامژ دُوہ ؠمہ زمانکین لوکن ساتؠ اِستاد سپدِتھ یمن مجرم.تکیازِ سُو آیہ دنیاہکہ اندہٟ پیٹھ سُلیمان سنز داناؠی بوزنہِ تہِ وچُھؠو یتہِ چُھ سُلیمانس کھوتہٟ تہٕ بوڈ چُھ.⁴³ییلہ انسانس منزہ چُھ ناپاک روح نیران تہٟ خشک جاین منز چُھ آرام ژھانڈان روزان تہٟ میلان چُھسنہٟ.

⁴⁴پتہٟ چُھ ونان بُو گژھٟ پننِس تَتھ گھرس منز واپس یتہِ بو درامُت اُوسس.تہٟ یتھ چُھ تَتھ خالی تہٟ ڈوبتھ تہٟ سجٲوتھ وُچھان.

⁴⁵پتہٟ چُھ گژھان تہٟ اَنان پانس ساتؠٟ پننِہ کھوتہٟ بد سَتھ رُوح بیہ تہٟ داخل سپدِتھ چُھ تَتہِ بسان تہٟ تِمس نفرہ سنُد حال یمہ حالہ کھوتہٟ تہِ بدتر سپدان. ؠمہ زمانکین بَد لوکن ہند حال تہِ آسہِ یتھے کنؠ.⁴⁶ییلہ سُہ ہجومس اُوس یہ ونان، تمسنذ مُوج تہِ باؠی چھ نیبر کنہِ استادہٟ تہٟ یژھان ٲسؠ تمِس ساتؠٟ کتھ کرنؠٟ.

⁴⁷کؠمتام وُن تمِس وُچھ چانؠ مُوج تہِ باؠی چھ نیبر کنہِ استادہٟ تہٟ ژے ساتؠٟ چھ یژھان کتھ کرنؠٟ.⁴⁸تؠمؠ وُن شیچھ ونن والِس درجواب،کُوسہٟ چھے میٲنؠ موج تہٟ کٔم چِھ میانؠ بٲے؟

⁴⁹تہٕ اتھٟ ساتؠ ہُوون پنین شگردن کُن تہٟ ونُن میٲنؠٟ موج تہٟ میٲنؠٟ باے چِھ یِم.

⁵⁰تکیازِ یُوس اکھاہ میانس آسمانؠ ببہ سنزہ مرضی پیٹھ پَکن سُوی چھ میون بُوے تہِ میٲنؠ بینہ تہِ مُوج.

13¹تمے دوُہ گو عيسىٰ گھرِہ نیرِتھ تہٟ بؠوٹھ سمندر بٹھِس پیٹھ.

²تٕہ تؠمِس گو تیوتا بُوڑ ہُجوم جمع زِ سُہ کھوت نایہ منز تہٟ بؠوٹھ.تہٟ سُوری ہُجوم روُد بٹھِس پیٹھ استادہٟ.³تہٟ تؠمؠٟ ونہِ تِمن واریاہ کتھ مثِالن منز زِ وچھؠو اکھ ووُن وول دراۆ بیُول وَونِ.

⁴تہٟ وونہِ وزِہ پے کؠنہ پھلؠٟ وتہِ بٹھِس پیٹھ تہٟ جانور آے تہٟ نؠوکھ تُلتِھ.

⁵تہٟ کؠنہ پے کنؠو زمینِہ پیٹھ یتِہ نہٟ تَتھ واریاہ میژ میجؠ تہٟ سرینؠٟ میژ نہ میلنہٟ کینؠٟ کھوت سُہ ساروؠ کھوتہٟ جلدی.

⁶تہٟ ییلہ آفتاب کھوت تہٟ سُہ دوُد تہٟ مُول نہ آسنکہِ وجہ کؠنؠ ہُوکھ.⁷تہٟ کؠنہ پؠُو کنڈٟؠ زنڑن منز تہٟ کنڈٟؠ زنڑو دیوتنہٟ تَتھ پھلنہٟ.

⁸تہٟ کؠنہ پؠُو اصل زمینس منز تہٟ بنیوس فصل .کونہٟ ہتھ گنہٟ،کونہٟ شیٹھ گنہٟ،کونہٟ ترہ گنہٟ.

⁹یس کَن آسن سُہ بُوزِ.¹⁰شاگردو وُن تس بُرونہہ کُن یِتھ زِ ژہ کیازِ چُھکھ یمن ساتؠ مِثالن منز کتھہٟ کران؟

¹¹تؠمؠٟ وُن درجواب تِمن زِ آسمانچہِ پادشاہی ہندِ رازُک سمجھ اُو تُوہہِ دِنہ مگر تمن آونہٟ دنہٟ کؠنہ.

¹²تکیازِ یمس نِش چُھ تمِس یؠٟہ بیٟہ دِنہٟ تہِ تمِس نِش گژھِ واریاہ جمع.تہِ ؠمِس کہین چُھنہٟ تمِس یؠٟہ تِتہ نِنہٟ یہٟ تمِس نِش چُھ.¹³بُو چُھس تِمن ساتؠٟ مثالن منز ٲمہِ موجوب کتھٟ کران زِ وُچھِتھ تہِ چھِنہٟ تِم وچُھان تہٟ بُوزتھ تہٟ چھنہٟ بوزان تہٟ نۂ چُھکھ فکرے تران.

¹⁴تہٟ تہندِس حقس منز چھے یسعیآء نبی سنز پیشن گوؠی پورہ سپدان زِ کنو ساتؠٟ بُوزیو تُوہؠ مگر فکرٟہ تریو نہٟ کؠنہ.ٲچھَو ساتؠٟ وُچھؠو مگر پہچان کرؠونہ کؠنہ.¹⁵تکیازِ یتھ اُمتس چھے دِلس چرٟبی کھژمژ،تہٟ تِم چھِ کنو ساتؠٟ گُوب بُوزان تہٟ تمو چھ پننہِ اچھ بند کرِ مژٟہ. یُوتھنہٟ زِ ٲچُھو ساتؠٟ پہچانن تہٟ کنو ساتؠٟ بُوزن تہٟ دلہٟ ساتؠٟ سمجھن تہٟ کرَن رجُوع تہٟ بُو بخشہ تمن شفاء.¹⁶مگر مُبارک چھے تُہنذِ ٲچھ امہٟ موجوب زِ تِمہٟ چھے وُچھان تہٟ تُہند کَن امہ موجوب زِ تِم چھ بُوزان.

¹⁷تکیازِ بُو چُھسو ؠُوہہ پُوز ونان. زِ واریاہن نبین تہٟ پزؠزیِٲرن اُوس تماہ زِ یہِ تُوہہ وُچھان چُھؠو تہِ وُچھہن مگر وُچھکنہٟ تہِ ؠمہٟ کتھِ تُوہی بُوزان چُھؠو بُوزٟہ ہن مگر بُوزکھنہٟ.¹⁸ونؠ بُوزیُو ووَن وٲلؠ سنز مِثال.

¹⁹ییلہِ کاہنہ پادشاہی ہند کلام چُھ بُوزان تہٟ فکرِہ چُھسنہ تران تہٟ یہ تمسندِس دِلس منز ووُنہٟ اُوس آمُت تَتھ چُھ سُہ شیطان تھہہِ نِوان. یہ چُھ سُہ یُوس وتہ بٹھِس پیٹھ وونہ اُوس آمُت.²⁰تہِ یُوس کنؠو زمینِہ منز وونہ آۆؠم چھِ تؠِم کلام چھِ بوزان، تہٟ فوراً چھ تَتھ خوشی سان قبول کران.

²¹مگر پانس منز چُھسنہ مُول دوان کؠنہ نلکہ چُھ کیژس کالَس روُزان تہٟ ییلہِ کلامکہِ وجہ ساتؠٟ مُصیبت یا ظلم برپا چُھ سپدان تہٟ دستؠ چُھ ٹھوکرٟہ کھؠوان.²²تہٟ یُوس کنڈٟؠ زنڈن منز وونہٟ آۆ.ؠم چِھ ِتم ؠم کلام بُوزان چھ تہ دنیاہچ فکر تہٟ دولتُک دھونکہ چُھنہٟ تَتھ کلامس پھبنہ دِوان تہٟ سُہ چُھ بے پھل روزان.

²³تہٟ یُوس اصلِس زمینس منز وونہٟ آۆ ؠِم چِھ ِتم ؠم کلام بُوزان چِھ تہ سمجھان تہٟ فصل تہِ چُھکھ وپدان،کُنہِ ہتھ گنہٟ فصل وپدان،کُنہِ شیٹھ گنہٟ تہِ کُنہِ ترہ گنہٟ.²⁴تیمؠ وُن بیاکھ اکھ مِثال تِمن برونہ کنہِ پیش کرِتھ"آسمانچ پادشاہی چھے تِمس نفرٟہ سندؠ پاٹھؠٟ ؠمؠ پننِس کھس منز اصل بُیول وُو.

²⁵مگر ییلہ لوکھ شُونگؠٟ تہٟ امسُند دشمن آۆ. تہٟ کنکس منز گو ہامہٟ بیُول ووٟتھ.

²⁶پتہٟ ییلہ وتھرٟ دراے تہٟ ہلؠ کھتٟؠ تہٟ سُہ ہامہ تہٟ گو ظاہر.²⁷نوکرو وُن گھرٟہ یِتھ مالکس، ہے آغہ کیا ژے اُوسینا پنِنس کھہس منز اصل بُیول وۆمت کہنہ؟اتھ کتِھٟ کُھوت ہامہٟ؟

²⁸تؠمؠ وُن تِمن، یہ چھے کامسہِ دشمن سنز کٲم. نوکرو وُن تِمس کیا ژہ چھکھہ یژھان زِ اسؠٟ گژھَو تہٟ کڑو تہٟ کَرو جمع.²⁹تؠمؠ وُنکھ نا. یُتھنہ تہِ سپدِ زِ ہامہ جمع کرنس ساتؠ کڈؠو تُوہی کنٟک تہِ مُولہ.

³⁰لوننس تام دیِوو دوشونؠٟ بُوڈ گژھنہ تہٟ لوننہ وِزِ وَنہ بُو لُونن والیس زِ گوڈہ کرؠو ہامہ جمع تہٟ زالنہٟ خاطرہ گنڈِوس گیجہ تہٟ کنک کرؠو میٲنس کھکس منز جمع.³¹تیمؠ وُن بیاکھ اکھ مِثال تِمن برونہ کنہِ پیش کرِتھ"آسمانچ پادشاہی چھےتمِہ آسرٟی دانکؠ پٲٹھؠ یُوس کانِسہ نفرن نیو تہ ووُن پننِس کھہس منز.

³²سُہ زَن چُھ ساروؠٟ بیالؠو منز لوکٹ مگر ییلہ بڑان چُھ تہٟ سارے سبزی منز چُھ تیوتا بوڈ گژھان زِ آسمانؠ جانور چِھ تیمہ چین لنجن پیٹھ ٲلؠ ییران.³³تؠمؠٟ بوزناؠی تِم بیاکھ اکھ مِثال زِ آسمانچ پادشاہی چھےتمِہ خمیرِ ہندِ پاٹھؠٟ یُوس زن کانسہ زنہِ نِتھ ترین ٲٹؠٟ دُوگلن منز رَلو تہٟ یوتام سُہ سُوری خمیرٟہ بنُیو.³⁴ؠمہ سارے کتھہٟ ونہِ عيسىٰ ہن ہجُومس مثالن منز.تہٟ مثالو ورٲے اُوسنہ سُہ تمن کہین تہِ ونان.

³⁵تکیازِ یہ نبی سندِ ذریعہ وننہٟ اُوس آمُت، تہِ سپدِ پورٟہ زِ بُو کھولہٟ پنُن ٲس مثالن منز. بُو کر تمہِ کتھِ ظاہر ؠمہٟ دُنیا بننہٟ پیٹھ کٹتِھ چھے روُزٟہ مژٟہ.³⁶تمہ ساتہ گو ہجوم تراوتھِ گھرہٟ.تہٟ تمسندؠو شاگردو وُن تس برونہہ کُن یتِھ زِ اسہِ سمجھاۆ کھہکہِ ہامچ مِثال.

³⁷تؠمؠٟ وُن تمن درجواب"اصل بیول ووُن وُول چُھ ابنِ آدم.

³⁸تہٟ کھاہ چُھ دنیاہ تہٟ اصل بؠُول چُھ پادشاہی ہندؠٟ شُرٟؠ تہٟ ہامہ تِمس دُشمن سندؠ شُرٟؠ.

³⁹.ؠمؠٟ دُشمنن یہ وُوچُھ اِبلیس تہٟ لوننک وقت چُھ آخرت،تہٟ لوُنن والؠ چِھ فِرِشتہ.⁴⁰ادہ یتھ کنؠ ہامہ چُھ جمع کرنہ یوان تہ نارس منز چُھ یوان زالنہ تِتھے کنؠ سپدِ آخرتس منز تہِ.

⁴¹ابنِ آدم سُوزہِ پنین فرشتن، تہٟ تم کرن سارنؠ ٹھوکر دنہٟ والین چیزن بدکارن تمسنٔذِہ پادشاہی منز جمع.

⁴²تہٕ تمن ژھٔنن نارہٕ کوُندِہ، تَتہِ آسہ ودُن تہٟ دندہ ٹکُن .

⁴³تمہ ساتہٟ چمکہِ نیکوکار آفتابکؠٟ پاٹھؠ پننِس ببہٟ سنزِ پادشاہی منز یَس کن آسن سُہ بُوزِن.⁴⁴آسمانٕچ پادشاہی چھے کھہَس منز چُھپِتھ خزانٕکؠ پٲٹھؠ یُوس کٲنسِہ نفرن لبِتھ چُھپوۄ تٕہ خوش سپدِتھ ہؠوتُن سُورٔی کینٛہہ کٕنِتھ سُہ کھاہ مُوٚلؠ۔ .

⁴⁵پتہٟ چھے آسمانچ پادشاہی تمِس سوداگر سنٔد پاٹھؠ یِوس قیمتی مِوختہ اُوس ژھانڈان.

⁴⁶ییلہِ تمِس اکھ سؠٹھا قیمتی مِوختہ مُیول سُہ گو تہٟ سورُی کؠنہ کنِتھ ہیوتن سُہ مُولؠ.⁴⁷پتہٟ چھے آسمانچ پادشاہی تؠمہِ بڑِ زالکؠٟ پاٹھؠٟ یُوس دریاوس منز تراونہ آۆ تہ تؠمؠ اَنہِ پرتھ قسمچہ گاڈٟہ وٹِتھ.

⁴⁸تہٟ ییلہِ بُک آۆ تہ لمِتھ اُونُکھ سُہ بٹِھس کُن. تہِ بہتھ کرؠکھ اصل اصل بانس منز جمع تہ ؠمہ خراب آسہٟ ژھنیکھ ترٲوتِھ.⁴⁹دنیاکِس آخرس پیٹھ سپدِ یتھے کنؠ،فرشتہ نیرن تہٟ بدَن کَرن نیکو نِشہٟ الف، تہ تمن تراون نارچہِ کوندِ منز.

⁵⁰تَتہ آسہِ ودُن تہٟ دندہ ٹکُن.⁵¹کیا تُوہہ آؠؠو ؠمہ سارے کتھہ سمجھ؟تمو وُن تس، آ.

⁵²تؠمؠٟ وُن تمن،اوہٟ موجوب چُھ پرتھ عالم یُوس آسمانچ پادشاہی ہُند شاگرد چُھ بنیُومُت آسان چُھ تمہِ گھرکس مالکہ سندؠٟ پاٹھؠٟ یوس پننہ خزانہ منزہ نٔی تہٟ پُرانؠٟ چیز کڈان چُھ.

⁵³ییلہ عيسىٰ ہن یہ مثال ختم کٔر تہٟ سُپد یہ زِ سُہ درسۆ تَتہِ.⁵⁴تہٟ پنِنس وطنس منز یِتھ لوگ سُہ تہندیِن عبادت خانن منز تمن تِژھ تعلیم دِنہٟ.زِ تم لگؠ حٲران سپدِتھ وننہِ امِس منز کتہِ آیہِ یہ دانٲؠیٟ تہٟ معجزہ؟

⁵⁵کیا یہ چُھنا چھانہٟ سُند نیچُوو؟ تہٟ ٲمہِ سنز ماجہِ ہنُد ناۆ چُھنا مریم تہٟ ٲمسندٔ بھاؠی چھِنا یعقوب تہِ یوسف، شمعون تہٟ یہوداہ.

⁵⁶تہٟ کیا ٲمہِ سنزٟہ سارے بینہِ چھینا اَسہِ نِش ؟ پتہ کتہِ آۆ یہ سُوری ٲمِس منز؟⁵⁷تہٟ ؠمُو تُلؠٟ اَمسندٟہ وجہ ساتیٟ مشکلات.مگر عيسىٰ ہن وُن تمن زِ نبی چھنہ پننہِ وطنہٟ تہٟ پننہِ گھرہٟ ورٲے بؠؠہ کنہِ جایہ بے عزت گژھان.

⁵⁸تہٟ تہندِہ بے اعتقادیٟ ہندِ وَجہ ہٲینہ تیمؠ تَتہِ زیادہ معجزہ کؠنہہ.

14¹تؠمہِ وقتہٟ بوز مُلککؠٟ ژورُمہِ حصکؠٟ حاکم ہیرودیسن عيسىٰ سنز شہرت.

²تہٟ ونُن پنین نوکرن زِ یہ چُھ یوحنا بپتسمہٟ دِنہ وُول.یُوس مُوردو منزٟہ زندہ وُوتھ توے چھ ٲمہ سنٔدِ ساتؠٟ یِم معجزہ سپدان.³تکیازِ ہیرودُیسن رٹنو یوحنا پننِس بٲیس فلپس سنزِ زنانہِ ہیرودیاس سندِ وجہ کینؠ تہِ گنڈِتھ اُوسن تُروُومت قٲدخانس منز.

⁴تکیازِ یوحناہن اُوس ونمُت زِ ٲمِس ساتؠٟ خاندر کرُن چھینہٟ ژے جٲیز.

⁵تہٟ سُہ اُوس تس ہروزِ قتل کرُن یژھان.مگر عام لوکن اُوس کھوژان تکیازِ تِم ٲسؠ تس نبی مانان.⁶مگر ییلہ ہیرودیسس زایہ دُوہ وُوت تہ ہیرودیاس سنز کوُر محفل منز نژِتھ ہیرودیس خوش.

⁷اتھ پیٹھ کور تیمؠ قسم کھیِتھ تمِس وعدہٟ زِ یہ کؠنہ ژہ منگکھ بُو دمے ژے.⁸تیمِہ ووُن پننِہ ماجہِ ہندس ہچھناونس پیٹھ مے دِ یوحنا بپتسمہ دِنہٟ والؠٟ سُند سر تھالہِ منز یُوتی انتھ.

⁹پادشاہ سپُد غمگین مگر پننیو قسمو تہٟ پژھؠو ہندِ وجہ ساتؠٟ دُؠوت تؠمؠ حُکم زِ دیووُس.¹⁰تہٟ قٲدخانس منز نفر سُزِتھ ژٹہٟ نُوون یُوحناہس سَر

¹¹اتؠ آۆ سُہ سر تھالِہ منز اننہٕ تہٕ لڑکؠٕ آۆ دِنہٕ تہٕ تیمِہ نیُو سُہ پننِہ ماجہ نِش._.

¹²اَتؠ تُجٟ تمسندؠو شاگردو یِتھ لاش تہٟ سُو کرُکھ دفن تہٟ گژِتھ دؠُوتکھ عیسیٰ ہَس اطلاع.¹³ییلہٟ عيسىٰ ہن بُوز یہِ تہٟ سُو دراۆ تَتہِ نایہ پیٹھ الگ اکس ویران جاے کن تہٟ لوکھ گے یہ بُوزِتھ شہرہٟ شہرہٟ پیٹھ پیدلؠٟ تمِس پتہٟ پتہٟ.

¹⁴بُون وسِتھ وُچھ تؠمؠ بوڑ ہُجوم تہٟ تمِس آۆ تمن پیٹھ عار تہِ تؠمؠ کر تہندؠٟ بیمار ٹھیک.¹⁵ییلہٟ شام ووُت تہٟ شاگرد لگؠٟ تس نِش یِتھ وننہِ زِ یہ جاے وچھے ویران تہ وقت تہِ گو ژیر.لوکھ کرووکھ رخصت تاکہ گامن منز گژِتھ ہین مُولؠٟ پنِنہ باپت کھِؠن.¹⁶عيسىٰ ہن وُن تمن یوہنُد گژھُن چُھہنہ ضروری.توہیؠؠ دیُو یمن کھِؠنہ باپت.

¹⁷تمو وُن تس زِ یتہِ چُھنہٟ اسہِ نِش پانژو ژوُچیو تہٟ دوُیو گاڈو ورٲے کہین تہِ.

¹⁸تؠمؠ وُنکھانیو تمہ یُورؠ مے نِش.¹⁹تہٟ تؠمؠ دیُوت حکم لوکن گھاسس پیٹھ بہنُک.پتہٟ رچہ تؠمؠ تمہٟ پانژھ ژوچہِ تہٟ گاڈہ تہٟ آسمانس کن وِچھتھ دِژنک برکت تہٕ ژوچہِ دِژن پُھٹرِت شاگردن تہٟ شاگردو دِژہٟ لوکن.

²⁰تہٟ سٲری گے کؠتھ سیر تہٟ ہوُریمژَو کھنجیُو ساتؠٟ تُجِہ تمو بھرِت بٲہ ٹُوکرِ.

²¹تہٟ تَتہِ ٲسؠٟ کھینہٟ واجنُؠو زنُؠو تہٟ بچُو ورٲے پانژھ ساس مرد.²²تہٟ تؠمؠ کرٕؠ دستؠٟ شاگرد مجبور زِ نایہ منز سوار سپدتھ ؠرُؠو مے برونہہ اپُور.یوتام بُو لوکھ رخصت کرکھ.

²³تہٟ لوکن رخصت کرتھ کھوت پہاڈس پیٹھ تنہا دُعا کرنہٟ باپت تہٟ ییلہِ شام سپُد سُہ اُوس تَتہِ کونؠٟ زُون.

²⁴مگر ناو ٲس تیمہِ ساتہٟ جِھیلس منز باگ تہٟ لہرو ساتؠ اورٕہ یُور گژھان تکیازِ واۆ اُوس اَتھ مخالف.²⁵تہٟ سُہ آۆ راژ ہندٟ ژورمہِ پہرہ جِھیلہ پیٹھؠٟ تمن نش پکان پکان.

²⁶شاگرد کھوژؠٟ سُہ وچھتھ جِھیلہ پیٹھؠٟ پکان تہٟ وننہِ لگؠ زِ بھُوت چُھ تہٟ کھوژتھ تجیکھ کریکہٟ.

²⁷عيسىٰ ہن وُن فوراً تمن"دل تھایو ڈنجہِ" بُو چُھس،کھوژؠومٔہ.²⁸پطرسَن ووٚن تِمن درجواب، ہے خداوند، اگر ژٕہ چُھکھ تیلہِ دِہ مے حُکم زِ بُو یِمٕہ آبٕہ پیٹھؠ پکان پکان ژے نِش۔.

²⁹تیمؠ وُننس؛"ولہٟ" پطرس لوگ نایہ منز بُون وسِتھ آبہ پیٹھؠ پکنِہ عيسىٰ ہس نِش گژھنہ باپت.

³⁰مگر ییلہِ واۆ وچُھن تہٟ کھوُژ تہٟ ییلہِ ڈُبنہِ لوگ تہِ دِژن کریکھ ہے خداوند، مے بچاۆ!³¹عيسىٰ ہن پِلناؠی جلدیِ اتھ تہ کرنس تھپ.تہٟ وُننس ہُؠو کم ایمانا ژے کیازِ کورُکھ شک.

³²ییلہِ تِم نایہِ منز کھتؠ تہٟ واۆ گو بند.

³³یِم نایہِ پیٹھ ٲسؠ تمووُن سجدٟہ کرتِھ"پزؠ پٲٹھؠ چُھکھ ژہ خدایہ سُند نچُیو.³⁴تہٟ کولہِ اپُور ترِتھ وٲتؠٟ تِم گنُیسرتکِس علاقس منز.

³⁵تہٟ تَتکؠُو لوکو واتنٲو سُہ پہچانِتھ تمام علاقس منز خبر. تہٟ ساری آے بیمار ہیتھ تمس نِش.

³⁶تہِ لگِس زارپارہ کرنہِ زِ تمسندِس پلوہِ کِس دامنسؠٟ لاگن اتھٟ. تہٟ ییِتہَو تمِس اتھ لوگ تِم گے ٹھیک.

15¹تمہٟ وقتہٟ وُن یرشلمہ پیٹھ یتھ عالمو تہٟ فریسیو عيسىٰ ہس نِش یتِھ.

²چانؠٟ شاگرد کیازِ چھ سانین بزرگن ہنز روایتہ فٹران زِ کھیِن کھؠنہ وزِہ چھنہٟ اتھے چھلان؟

³تؠمؠ وُن درجواب تمن تُوہی کیازِ چھُؠو پننیُو ریوایژو ساتؠ خداے سنٔدی حکم فُٹران؟⁴تکیازِ خداین چُھ فرمُومت، ژۂ کرپننِس مالِس تہٟ ماجہ عزت، تہٟ یُوس مالِس یا ماجہ بَدہٟ رد ونہِ سُہ گژِھ ضرور زُوہ نِش مارہٟ.

⁵مگر تُوہی چھؠو ونان زِ یُوس اکھاہ مالِس یا ماجہ ونہ،زِ ؠمہ چیزُک توہی مے نِش فایدہ ہؠکؠو وٲتِتھ سُہ چُھ خدایہ سُند نیازِ.

⁶تہٟ سِہ کرنہ پننِس مالِس عزت؛ ادہٟ کورُو توہہ پننیُو ریوایتو ساتؠ خدایہ سُند کلام باطل.⁷اے ریاکارو! یسعیاہ ہن کیا خُوب نبوت کر؟تُہندِس حقس منز.

⁸زِ یہ اُمت چھے مے زبانؠ ساتؠٟ عزت کران مگر یمن ہنُد دل چُھ مے نِش دور.

⁹تہٟ ؠم بےفایدہ میانؠ عبادت کران تکیازِ انسانی حکمن ہنز تعلیم چھِ دِوان.¹⁰پتہ وُن تؠمؠ لوکن پانس نِش ناد دِتھ"بوزُؠو تہٟ سمجھیُو.

¹¹یُوس چیز ٲسس منز چھ گژھان،سُہ چُھنہ انسانس ناپاک کؠنہ کران مگر یہ ٲسہ منزہ چُھ نیران سُوی چُھ انسانس ناپاک کران.¹²اتھ پیٹھ وُن تمِس شاگردو بُرونہ کُن یِتھ. کیا ژے چھؠیہِ پے زِ فریسی گے یہ کتھ بُوزتھ ناراض.

¹³تؠمؠ وُن درجواب، یُوس کُل میانؠٟ ببن لُوگ،سُہ یؠہِ مُلہ کڈنہٟ.

¹⁴تِم ترایہٟ وُوکھ. تِم چھ ٲنؠٟ وَتھ ہاۆن والؠٟ تہٟ اگر ٲنِس ہایہِ اُون وَتھ تہٟ دونوے گژھن دوُبس منز.¹⁵پطرسن وُن درجواب تس یہ مثال سمجھاوتہٟ اَسہِ.

¹⁶تیمؠ ونُس کیا ژٔتہِ چُھکا ونیوک تام ناسمجھ؟

¹⁷کیا ژہ چُھکنا سمجھان زِ یہ کینژھا أسس منز چُھ گژھان تہِ چُھ یڈ منز گژھان تہٟ گندگی منز چُھ ترٲیِتھ یوان ژھننہٟ.¹⁸مگر ؠمہ کتھہٟ ٔسہِ منزہ چھے نیران تیمہِ چھے دلہٟ منزہ نیران تہٟ تمے چھے انسانس ناپاک کران.

¹⁹تکیازِہ غلط خیال خون ریزی،زناکاری،حرامکاری،ژوُور،اُپزگواہی،غٲبت،چھے دلہٟ منزے نیران.

²⁰.ؠمے کتھہٟ چھے ؠمہٟ انسانس چھے ناپاک کران مگر اتھہٟ چھلنے کھؠن کھؠون چُھنہ انسانس ناپاک کؠنہ کران.²¹پتہ دراۆ عيسىٰ تَتہِ گو صورتہٟ صیداکِس علاقس کُن روانہ.

²²تہٟ وچھؠو، اکھ کنعانؠٟ زنؠٟ درایہ تموسرحدو کینؠ تہٟ لہجؠٟ کریکھ دِتھ ونِنہ."ہے خداوند ابنِ داۆد" بے پیٹھ کر رحم. اکھ بدرُوح چُھ میانہِ کورِ واریاہ تنگ کران.

²³مگر تیمؠ دیوتنہٟ تس کانہہ جواب.تمسندیُو شاگردو کر تس بُرونہہ کُن یِتھ عرض زِ ٲمس دِؠو رخصت، تکیازِ یہ چھے اَسہِ پتہ پتہ کریِکہٟ دِوان.²⁴تؠمؠ وُن درجواب، بُو چُھسنہ اسرایلؠ رٲومتیو تیرو وراے کانسہِ نِش سُوزنہِ آمُت.

²⁵مگر سُو آیہِ تہِ سجدہ کرتھ وننس ہے خداوند مےکر اَتھٟہ روٹ.

²⁶تؠمؠ وُن درجواب، شُرین ہنز ژوٹ نِتھ ہونیِن ترواٟن چھنہ جان کؠنہ.²⁷تیمہِ ونُس"آخداوند. تکیازِ ہُونؠ تہٟ چھِ تمویٟ کنھجیُو منزہ کھیوان یمہ تہندین مالِکن ہندِ میزِہ پیٹھ وسؠ چھِ پیوان.

²⁸تیمہِ ونُس"آخداوند. تکیازِ ہُونؠ تہٟ چھِ تمویٟ کنھجیُو منزہ کھیوان یمہ تہندین مالِکن ہندِ میزِہ پیٹھ وسؠ چھِ پیوان.²⁹پتہ دراۆ عيسىٰ تَتہِ تہٟ ووُت گلیلِ ہندِس جھیلس نزدیک تہٟ کھوت پہاڈس پیٹھ بیوٹھ تَتؠِ.

³⁰تہٟ اکھ بُوڈ ہجُوم آۆ تس نِش.لنگؠ،ٲنؠ.کَلؠ،ٹُنڈٟہ تہٟ بیہ واریاہ بیمار ہتھ.تہِ تِم تراوٟکھ تمسندین کھورن نِش تہٟ تؠمؠ کرؠٟ تِم ٹھیک.

³¹ادہٟ ییلہِ لوکو وُچھ زِ کلؠٟ چھ کتھہ کران،ٹُنڈٟہ گے تندرست،لنگؠ چھ پکان تہٟ ٲنؠ چھ وچھان سپد حاران تہ کرکٟھؠ اسرایلکِس خدایہ سندؠ تعریف.³²تہٟ عيسىٰ ہن وُن پنین شاگردن پانس نۆش ناد دِتھ."مے چُھ یتھ ہجُومس پیٹھ عار یوان.تکیازِ ؠم لوکھ چھِ تریو دوُہو پیٹھ برابر مے ساتؠٟ تہٟ یمن نِش چُھنہٟ کھینس خاطرہ کہین تہٟ بُو چھسنہ یژھان یِم فاقے رخصت کرنؠ.یُوتھنہ یہ سپدِ زِ یم روُزن تھکِتھ وتہِ منزِی.

³³شاگردو وُن تس سُنسانس منز کتہِ انَو ٲسؠ ییژا ژوچہ،زِ یوتا بُوڈ ہجُوم کرووُن سیر.

³⁴عيسىٰ ہن وُن تِمن توہہ نِش کاژا ژوچہ چھے. تمووُن سَتھ تہٟ بیہ چھے کؠنہہ لوکچہ گاڈہٟ.

³⁵تؠمؠ دیُوت لکن حُکم زِ پتھر بیِہیو.³⁶تہِ تِمہ سَتھ ژوچہ تہٟ گاڈہٟ رٹِتھ کورن شُکر تہٟ تمِہ فُٹرِتھ شاگردن دِوان تہٟ شاگرد لوکن.

³⁷تہٟ ساری گے کھیِتھ سیِر. تہٟ بغیر استعمال ہوُریِمژو کھنجیُو ساتؠ تجہ تِمو ستھ ٹوکرہٟ برِتھ.

³⁸تہٟ کھینہ والؠ ٲسؠ زنیُو تہٟ شریو وراے ژوُر ساس مرد.

³⁹پتہ سپُد سِہ ہجومس رخصت کرِتھ نسیہ پیٹھ سوار تہٟ ووُت مگدنکین سرحدن منز.

16¹فریسیو تہٟ صدوقیوں کور عيسىٰ ہس نِش یتھ تمس آزماونہ باپت درخواست کہ اَسہِ ہآو کانٛہہ آسمانی نشان.

²تیمؠ وُن درجواب تمن، زِ شامس چُھو تُوہی ونان، دُورٟی روُزِہ تکیازِ آسمان چُھ وُزل.³تہٟ صبحس چُھو تُوہی ونان یہِ زِ از کڑیس واۆ طوفان تکیازِ آسمان چُھ وُزل تہٟ بؠہ چھیس وُنل سِش. تُوہی چھیو آسمانی صورتن منز تمیز کرُن زانان مگر زمینچن علامتن منز چھونہٟ ہیکان تمیز کرِتھ.

⁴ؠمہِ زمانکؠٟ بَد تہٟ زِناکار لوکھ چھِ ِنشان منگان.مگر یونآہ سندِ نشانہٟ ورٲے یینہ تِمن بیہ کانہہ نِشان دِنہ، تہِ سُہ دراۆ تِم ترٲوِتھ.⁵تہٟ شاگردن آسہٟ اپُور ترنہ وزِ ژوچہ ساتؠٟ نِنہٟ مشتھیٟ گمژٟہ.

⁶عيسىٰ ہن وُن تِمن خبردار فریسین تہِ صدوقین ہنذِ خمیِر نِش روُز زؠو ہوشیار.

⁷تِم لگؠ پانس ساتؠٟ ونِنہ زِ اَسہِ ٲننہٟ ژوٹیٟ.

⁸عيسىٰ ہن وُن یہِ معلوم کرِتھ "ہیو کم اعتقادو توہی کیازِ چُھو پانہٟ وانؠٟ بحث کران زِ اَسہِ نِش چھینہ ژُوٹؠٟ.⁹کیا ونیوک تام ترووُنا تُوہیہ فکرِہ تہٟ تِمن پانژن ساسن نفرن ہنزٟہ پانژھ ژوچہ چھُیونا توہیہ یادی؟بیہ نہٟ یہِ زِ کاژا ٹوکرِہ تُجیو.

¹⁰بیہ نہٟ تِمن ژورن ساسن نفرن ہنزٟہ سَتھ ژوچہ؟ بیہ نہٟ یہِ زِ کژٔ ٹوکرِہ تُجیو.¹¹کیا وجہ چُھ توہی چُھیو نہٟ یہ سمجھان زِ مے ونونہٟ توہہ ژوچین مطلق زِ توہی رُوزؠو فریسین تہٟ صدوقین ہنذِ نِش ہوشیار.

¹²یلہِ نہ تمن سمجھؠٟ آۆو زِ تیمؠ وننہ ژوچین ہنز خمیرِ نِش کؠنہ بلکہ اُوسن ونمت فریسین تہٟ صدوقین ہنز تعلیم نِش روزُن ہُوشیار.¹³یلہ عيسىٰ وُوت قیصریہ فِلپی سندس علاقس منز. تہٟ تؠمؠ پُروژھ پنین شاگردن یہ زِ لوکھ کیا چھ ابنِ آدمس ونان؟

¹⁴تمو ونُس، کؠہنہ چھِ ونان یُوحنا بپتسمہ وُول،کؠہنہ ایِلیاہ تہِ کؠہنہ یرمیاہ یا نبیو منزہ کانژھا.

¹⁵تؠمؠ وُن تمن "مگر توہی کیا چُھو ونان؟

¹⁶شمعون پطرسن وُن درجواب، ژہ چُھکھ زندٟہ خدایہ سُند نیچُو مسیح.¹⁷عيسىٰ ہن وُن درجواب ثمِس مُبارک چھک ژہ شمعون بر یوناہ،تکیازِ یہ کتھ کرٔنہٟ جسمن تہ خونن بلکہ کرٔیہ میانؠ ببن یُس آسمانس پیٹھ چھُ ژے پیٹھ ظاہر.

¹⁸تہٟ بُوتہ چُھسے ژے ونان.زِ ژہ چُھکھ پطرس،تہٟ بُو بناوہ اتھ کنہِ پیٹھ پنین کلیسیاء.تہٟ عالمہ ارواحکؠ دروازہ سپدن نہ اَتھ پیٹھ غالب کؠنہہ.¹⁹بُو دمے ژے آسمانچہ پادشاہی ہنزہ کُنز تہٟ یہ کینژھا ژہ زمینہ پیٹھ گنڈکھ تہِ ییہِ آسمانس پیٹھ گنڈنہ تہٟ یہِ کینژھا ژہ زمینہ پیٹھ کھولکھ تہِ ییہِ کُھولنہ آسمانس پیٹھ.

²⁰تمہِ ساتہٟ دیوت تؠمؠ شاگردن حُکم زِ کانسے ونزیونہٟ بُو چُھس مسیح.²¹تیمہ وقتہٟ پیٹھٟ لوگ عيسىٰ پنین شاگردن پیٹھ ظاہر کرنہِ زِ دُہ گژِھ ضرور یروشلم تہٟ بزرگن تہٟ زیٹھؠ کاہنن تہٟ عالمن ہندِ ساتؠ تُلہ دُکھ تہٟ ییہِ قتل کرنہٟ ترؠمہِ دُوہ وتھِ زندٟہ.

²²اتھ پیٹھ نیو سُہ پطرسن الگ کُن تہٟ لوگس اعتراض کرنہ،ہے خداوند، خدابُوزن یہِ مہ سپدِن ہر گز تہِ ژے پیٹھ.

²³تؠمؠ وُن ہوکن فیرتھ پطرسس" ہؠو شیطانا، مے نِش گژھ دوُر، ژہ ہا چُھکھ میانہ باپت ٹُھور، تکیازِ ژہ چھکُنہ خدایہ سنذن کتھن ہُنذ بلکہ چُھکھ انسان سنزن کتھن ہُنذ خیال تھاوان.²⁴تؠمہ ساتہٟ وُن عيسىٰ ہن پنین شاگردن، اگر کاہنہ یژِھ مے پتہ یُون سُہ مژاین پنُن پان، پننؠ صِلیب تُلِن تہِ یین مے پتہٟ پتہٟ.

²⁵تکیازِ یُوس پنُن زُو بچاوُن یژِھ سُہ راوٟ راوٟ تَتھ تہٟ یُوس اکھاہ میانہٟ خاطرٟہ پنُن زُو راوٟ راوٟ سُہ لبہ تَتھ.

²⁶اگر انسان سورُی دنیا حاصل کرِ تہٟ پنِنس زُوس واتِیس نقصان تہٟ تمِس کیا فایٕدہ چُھ.²⁷تکیازِ اِبن آدم ییہِ پننس ببہ سندِس جلالس منز پننین فرشتن ساتؠٟ تمہ ساتہ دیِہ سُہ پرتھ کانسِہ تہنذن کامین مطابق بدلہٟ.

²⁸بُو چُھسو توہی پوز ونان ؠم یتین اِستادہٟ چِھ ؠمن منز چِھ کؠنہ تِتھ زِ ؠوتام نہٟ ابنِ آدمس تمسنذ پادشاہی منز یوان وُچھن، توتان مَرن نہ تِم ہر گزِ تہِ.

17¹شیِہ دوُہ پتہٟ نِؠ عيسىٰ ہن پطرس تہٕ یعقوب تہٟ تمسُند بُوی یُوحنا پانس ساتؠٟ اکس تھدِس پہاڈس پیٹھ.

²تہٟ تمن برونہہ کنہِ بدلےتمسنز شکل تہٟ تمسُند بُتھ چمکؠو آفتابکؠ پاٹھؠٟ تہٟ تمسند پلو گے نُورکؠٟ پاٹھؠٟ سفید.³تہٟ وچھؠو،موسىٰ تہٟ اِیلیاہ آۆ تِمن اَتھِ تمس ساتؠ کتھہٟ کران.

⁴پطرسن وُن عيسىٰ ہس "ہے خداوند " سُون یتہِ روُزن چُھ اصل، اگر چانؠ مرضی آسہِ تہٟ بُو بناوہ یتہِ ترے کوٹھرِہ، اکھ چانہٟ خاطرٟہ، بیاکھ موسىٰ ہس خاطرٟہ تہٟ بیاکھ اِیلیاہس خاطرٟہ.⁵سُہ اُوس یہ ونانؠٟ زِ وچُھیو، اکؠ نورانیٟ اُوبرن کور تِمن پیٹھ سایہِ تہٟ تیمہِ اُوبرہ منز آیہ آواز،"یہ چُھ مؠون ٹوٹھ فرزند یمس بُو خوش چُھس ٲمسنُد بوزُیو.

⁶شاگرد پے یہ بوزتھ بُتھہِ کینؠٟ پتھر تہٟ سَکھ کُھوژؠٟ.

⁷عيسىٰ ہن ڈوُل تمن بُرونہہ کُن یتِھ اَتھہ تہٟ وُننکھ وَتُھیو کھوژُیو مہ.

⁸ییلہِ تمو پننہ ٲچھؠ تُجہِ تہٟ عيسىٰ ہس وراے وچُھکھنہٟ بیہ کہنؠٟ.⁹ییلہِ سُہ پہاڈہ پیٹھ بوُن اوُس وسان تہٟ عيسىٰ ہن چیوت تمن حکم"یوتام نہٟ ابنِ آدم موردو منزہٟ زندہ وَتھہِ، یہ کینژھا توہہ وچھؠو تہِ ونزؠونہٟ کانسےٟ.

¹⁰شاگردو پروژھ تَس ،"تیلہ کیازِ چھ عالم ونان زِ گوڈہ چُھ اِیلیاہ سُند یُون ضروری".¹¹تیمؠ وُن درجواب، البتہٟ اِیلیاہ ییہِ تہٟ کرِسُوری کؠنہ بحال.

¹²مگر بُو چُھسو توہہ پُوز ونان،زِ اِیلیاہ تہِ چُھ آمُت مگر تمو پہچوننہٟ سُہ کؠنہہ بلکہ یہ یژُھکھ تہِ کُورکھ تس ساتؠٟ تِتھے پاٹھؠ تُلہِ ابنِ آدم تہِ تکلیف تہندِ دَسؠٟ.

¹³تہٟ شاگردو سمُجھ، زِ تیمؠ وُن تمِن یُوحنا بپتِسمہ دنہٟ والِس مطلق.¹⁴تہِ ییلہِ سُہ ہجومس نِسش ووُت تہٟ اکھ نفر آۆ تمِس برونہہ کُن تہٟ کوٹھؠٟ نمرِتھ لوگ وننہِ.

¹⁵ہے خداوندٟہ،میانِس نیچوِس پیٹھ کر رحم.تکیازِ تمِس چھے مِرگی یوان تہٟ سُہ چُھ سؠٹھا تکلیف تُلان، تکیازِ سُہ چُھ اکثر نارَس تہٟ آبس منز وسؠ پیوان.

¹⁶تہٟ مے انیُو سُہ چانین شاگردن نِش مگر تمو ہیُوکنہ سُہ ٹھیک کرِتھ.¹⁷عيسىٰ ہن وُن درجواب، ہیُو بے! اعتقادو تہٟ گمراہ نسلو بُو کوتام روُزو تُوہہ ساتھؠٟ؟ کوتام کرہ بُو تُہند برداشت؟ اَنِوُن سُہ یُوریٟ مے نِش.

¹⁸عيسىٰ ہن کور تمِس روُب تہٟ بدروح دراۆ تمِس نِشہ،سُہ لڑکہِ گو تمے وِزِ ٹھیک.¹⁹پتہ وُن شاگردو عيسىٰ ہس نِش یتِھ الگ کُن، اسہِ کیازِ ہؠوکنہ یہ کڑِتھ؟

²⁰تؠمؠ وُن تمن، پننِہ ایمانکہ کمی ہند وجہ ساتؠٟ،تکیازِ بو چُھسو توہہ پُوز ونان زِ اگر تُوہہ منز آسر دانس برابر تہٟ ایمان آسہؠو تہٟ یتھ پہاڈس ہیکؠو ونِتھ،یتہِ پیٹھ گژھ ہُوت اندس، تہ سُہ گژِھ ہے، بیہ کانہہ کتھ آسہینہ تُہندِ خاطرہ مُمکن.

²¹پُوز یہ قسٕم ہیکہینہ دُعا ۆو تہٟ روُزو ورٲے بیہ کونے پاٹھؠٟ نیِرتھ.²²ییلہِ تِم گلیلِ منز ٲسؠ ٹھہرِتھ عيسىٰ ہن وُن تمن،ابنِ آدم ییہِ انسانن حوالہٟ کرنہ.

²³تہٟ تِم کرن تمِس قتل.تہ تریمہِ دوُہ یؠہِ زندہ کرنہٟ" اتھ پیٹھ گے تِم سٹؠھا غمگین.²⁴تہٟ ییلہِ کفرنحوم وٲتؠٟ زۂ درہم ننہِ ولؠو وُن پطرسس نِش یِتھ کیا سا چُون وستاد چُھنا زۂ درہم دِوان.

²⁵تؠمؠ وون،آ دوان چُھ، تہٟ ییلہِ سُہ گھرہ ووُت تہٟ عیسیٰ ہَن ووٚن تمسٕندِ وننٕہ بروٹٔھی، ہیُو شمعون ژے کیا چُھکھ سمجھان؟ دنیاہک پادشاہ کس چُھ گزر یا باج ہیوان پنین اولادن ہا کِنہ غٲرن.²⁶ییِلہ تؠمؠ وُن، غٲرن تہٟ عيسىٰ ہن وُن تس تیلہِ گے اولاد بریِ.

²⁷مگر ٲسؠ چھنہٟ یژھان تِم ناراض کرنؠٟ.لہٰزا تراوٗ جِھیلَس پؠٹھ گژِھتھ بِسلٲۓ تہٟ یُوسہ گاڈ گوڈہ لگؠٟ سُو اَنُن تہٟ ییلہِ ژہ تمسند ٲس کُھولَکھ تہٟ ژہ لؠکھ چاندِ ہنز رپے، سُہ نِہ تہٟ دِہ تمن میانہِ تہٟ پننہ خاطرہ.

18¹تمہٟ ساتہٟ آے شاگرد عيسىٰ ہس نِش تہِ لگِس وننہِ زِ آسمانچہ پادشٲہی منز کُس چُھ بُوڈ؟

²تؠمؠ اُون پانس نِش اکھ بچہ ناد دِتھ تہٟ کورن تمن منز باگ استادہٟ.

³تہٟ وننکھ بُو چھُسو توہہ پُوز ونان زِ اگر نہِ تُوہی تُوبہٕ کرؠو تہٟ شُرین ہندی پاٹھؠٟ بنیو نہٟ تہٟ آسمانچہ پادشاہی منز سپدیونہ داخل.⁴ادہٟ یُوس اکھاہ پانؠ پانس ؠمن شُرین ہندیٟ پاٹھؠٟ لوکٹ بنایہ، سُوی آسہِ آسمانچہ پادشاہی منز بُوڈ.

⁵تہِ یُوس اکھاہ یِتھِس شُرِس میانِ ناوہ قبول چُھے کران، سُہ چھ مے قبول کران.

⁶مگر یُوس اکھاہ ؠمو لوکٹیو منزٟہ ؠمن مے پیٹھ ایمان چُھ کانسہ گُناہ کرنایہ، تمسندٟہ خاطرٟہ چُھ بہتر یہِ زِ بڑٔ گرٹہٟ کنؠٟ ییہ تمِس نٲلؠ ژھننٕہ تہٟ سُہ ییہِ سرینس سمندرس منز فاٹناونہ.⁷ٹھوکرن ہندِ وجہ ساتؠٟ دنیاہس افُسوس تکیازِ ٹھوکرن ہنُد سپدن چُھ ضروری، مگر تمس نفرس پیٹھ افُسوس ؠمہ سند وجہ ساتیٟ ٹھوکرہ لگہِ.

⁸ادۂ اگر چُون اتھہ یا کھور ژے زکھ واتناؠؠٟ سُو ژھُنُن ژٹتِھ تہٟ دِن دٲرتھ ٹنڑہٟ یا لونگؠٟ روزُن چھؠ زندگی منز بہتر امہ نِش زِ زٟہ اتھہ یا زٟہ کھور آستھ یِکھ ہمیشہ خاطرہ جہنمس ژھننہٟ.⁹تہٟ اگر چانؠٟ ٲچھؠ ژے گناہ کرنایؠؠ سُو ژھنن کڈِتھ تہٟ دِن دٲرِتھ، کُون روُزتھؠ چھؠ جان زندگی منز روزن امہِ نِشہ زِ زٔہ ٲچھ ٲسِتھ یِکھ جہنمَس تراونٕہ.¹⁰خبردار! ؠمو لوکٹؠو منزہٟ ینہٟ کانہہ حقیر زٲنِون، تکیازِ بُو چُھسو توہہ ونان،زِ آسمانس پیٹھ چھ یہندٕؠ فرشتہ میانِس آسمانؠ بَبس پرؠتھ وِزِ بُتھ وُچھان.

¹¹تکیازِ اِبن آدم چُھ رٲوٕ متین ژھانڑنِہ تٕہ نجات دِنِہ آمُت.¹²تُوہی کیا چُھؠو سمجھان؟اگر کٲنسِہ نفرَس ہتھ تیر آسہ تہٟ تمو منزہٟ راوہِ اَکھ! تہِ سُو تراینا نمنمتھ اتؠِ تہٟ گوڈہٟ گژِھ پہاڈو کنؠٟ تمس رٲومتِس ژھانڈنہِ.

¹³تہِ اگر یہ سپُد زِ سُہ لبِہ تمِس. تہ بُوچُھسو توہہ پُوز ونان، زِ سُہ کرِ تمو نمنمتو کھوتہٟ ؠِم نہٟ روٲمتؠ ٲسؠ امِس تیرہ سنز زیادہ خوشی.

¹⁴یتھے کنؠ چُھنہ تُہند آسمانی بب یہ یژھان زِ ؠمو لوکٹؠو منزہ گژِھ اکھ تہِ ہلاک.¹⁵اگر چون بُوؠی گناہ کرِ تہٟ گژھ الگ کُن سمجھاون سُہ کتھِ باتھ ساتؠ،تہٟ اگر تؠمؠ چُون بُوز تیلہ زیُونتھن ژے پنُن بُوے.

¹⁶ونؠ اگر نہ بوزُن، تیلہ نِکھ اکہ؛ زٟہ نفر پانس ساتؠٟ تہٟ گژھ یُوتھ زن پرہتھ کتھ دوُن ترین گواہن ہنذِ زبٲنؠ ساتؠ ثابت سَپدِ.¹⁷و اگر تؠمؠ تہندِس بُوزنس تہِ انکار کور، تیلہ وَن کلیسیاء تہٟ اگر کلیسیاء ہنُد تہِ بُوزن نہ کؠنہہ تیلہ زانُن ژہ بے ایمان بالس تہٟ گزُر رٹن وٲلِس برابر.¹⁸بُو چُھسو توہہ پوز ونان زِ یہ کینژھا توہی زمینہِ پیٹھ گنڈؠو تہِ ییہِ آسمانس پیٹھ گنڈنہِ،تہِ یہ کینژھا توہی زمینہِ پیٹھ کھو لیُو تہِ کُھلِ آسمانس پیٹھ.

¹⁹بتہِ چُھسو توہہ ونان زِ اگر توہہ منزہ زۂ شخص زمینہِ پیٹھ یژھَن کُنہِ کتھِ باپت اتفاق کرُن تہٟ میانِس آسمانی ببہِ سندِ طرفہِ سپدِ تہِ تہندِ خاطرٕہ.

²⁰تکیازِ یتہِ زٔہ یا ترے میانہٟ ناوہ جمع سپدن تَتہِ چُھس بو تمن منز حاضر.²¹تمہِ ساتہٟ وُن پطرسن تمس نِش یتھ.ہے خداوند! اگر مؠون بُوے کانہہ گناہ روُزِ کران تہٟ بُو کژِ لٹہ کر تِمس معاف؟ کیا ستھِ لٹہِ تام؟

²²عيسىٰ ہن وُن تمِس بُو چھینہ ونان یہ ژے زِ ستہِ لٹہِ، بلکہ ستہِ فرِہ ستَتھِ لٹہِ تام.²³آسمانی پادشاہی چھے تمِس پادشاہ سندؠ پاٹھؠ ؠمؠ پنُن نوکرن حساب ہیُون یُوژھ.

²⁴تہٟ ییلہ حساب ہؠون ہؠوتُن، تہٟ اکھ قرض دار آۆ ٲمِس بُرونہہ کُن، یمِس ٲمسنٔد دہ ساس چاندِ ہنذِ روپہہ قرض آسہٟ.

²⁵مگر ٲمِس نِش اُوس نہٟ نکھہٟ والنہٟ باپت کہین تہِ.لہذا سیُوت مالکن حکم زِ یہِ تہٟ ٲمسنذ زنانہ تہٟ شُرٕؠ بیہ ٲمِس چُھ سُوری گژھ یُون کننہ تہٟ قرض گژِھ یُون وصول کرنہٟ.²⁶ادہہ نوکرن کوُر ٲمس نمتِھ سجدہ. آقا مے دِہ مُہلت بُو کرہ چون سُوری قرض ادا.

²⁷تمِس مالِکس آۆ امِس نوکرس پیٹھ عار تہٟ ترووُن یلہٟ بیہ کورُنس سُوریٟ قرض معاف.²⁸ییلہِ سُہ نوکر نیبر دراۆ تہٟ باقی نوکرو منزہٟ سُمکھ تِمس اکھاہ یُوس ٲمِس ہَتھ دینار داران اُوس. ٲمؠٟ رُوٹ سُہ تہٟ چُیورنس ہوُٹ تہٟ وننس یہِ مُیون چھؠ تہِ کر ادا.

²⁹مگر ٲمؠ نوکرن کور ٲمِس نمِتھ زارپار تہٟ ونُنس مے دِ مُہلت بُو کرے ژے ادا.³⁰مگر ٲمؠ مونُس نہٟ بلکہ گو تہٟ کرنون قٲد خانس منز بند دوُپنس یوتام نہٟ قرض نکھہ والکھ توتام روُز قٲدس منز.

³¹ادہ باقی نوکر گے سیٹھا غمگین یہِ حال وُچھتھ تِم آے تہٟ وُنکھ مالکِس تہِ سُوری یہ سپِدمت اُوس.³²اَتھ پیٹھ اُننو سُہ مالِکن پانس نِش ناد دِتھ تہٟ ونُنس ہیو رزیل نوکرا! مے ہا کوری ژے سُوری قرض معاف ٲمہ موجوب زِ ژے کورُتھ مے زارپار.

³³کیا ژے پیٹھ اُوس نا لازِم زِ یتھ کنؠ مے ژے پیٹھ رحم کور تِتھے پاٹھؠ کرہکھ ژۂ امِس نوکرس پیٹھ تہِ رحم؟³⁴تٕہ امؠ مٲلِکَن کُوٚر سُہ ناراض گژِھتھ جلادَن حوالٕہ،زِ یوتام نہٟ سوری قرض ادا کرکھ روُز قٲد توتام.

³⁵میون آسمانی بب تہِ کرِ تُوہہ ساتی یتھے پاٹھؠٟ اگر نہٟ توہہ منز تہِ ہرکانہہ پنِنس بٲیس دلہ ساتؠٟ معاف کرِ.

19¹ییلہ عيسىٰ ہن یمہ کتھہٟ سپدایہ، تہٟ سپُد یہ زِ گلیلِ پیٹھ روانہٟ گژِتھ ووُت سُہ یردُن اپور یِہودیاکین سرحدن منز.

²تہٟ اکھ بوڈ ہجوم آۆتس پتہٟ پتہٟ تہٟ کرِن تَتہِ ٹھیک.³تہٟ فریسی آے تمس آزماونہِ تس نِش تہٟ وننِہ لگِس کیا پرتھ کنُہ وجہ کینؠ چھا پننیٟ زنانہِ موکلاونؠٟ جٲیٔز.

⁴تؠمؠ ونکھ درجواب، کیا تُوہہ چھونا پُورمت زِ یمؠ تِم بناؠی، تیمؠ وُن گوڈے تِم زنیٟ تہٟ مرد بنٲیتھ زِ.⁵امہٟ سنٔدِ باپت تروہٟ مرد مالِس تہٟ ماجہ الگ تہٟ روُز پننہِ زنانہِ ساتیٟ تہٟ تِم دونوے آسن اکھ جِسم؟

⁶ونؠ چھنہٟ تِم زٔہ کؠنہ بلکہ چھِ اکھ جِسم.امہِ موجُوب یمس خدا جُوڑِ تمس کرنہٟ انسان جدا.⁷تمِو وُن تَس تیلہِ کیازِ دیُوت موسىٰہن حکم زِ طلاق نامہٟ دِتھ گژِھ ینیٟ تراونہٟ.

⁸تؠمؠ وُن تِمس زِ موسىٰہن دیُوت تسہندِ سخت دلیِ ہندِ وجہ کینؠ توہہ پننہِ زنانہٟ تراوُنک اجازت مگر گوڈہٟ پیٹھ اُوسنہ یتھ کنؠٟ.

⁹تہٟ بو چُھسو توہہ ونان زِ یُوس اکھاہ پننہِ زنانہ حرامکاریِ ورٲے بیہ کونہِ وجہ کینؠٟ ترایہ تہٟ کرِ دوؠم خاندر سُہ چُھ زِنا کران تہٟ یُوس اکھاہ ترایہ مژِہ زنہِ ساتؠ خاندر کرِ سُہ تہِ چُھ زنا کران.¹⁰شاگردو وُن تس اگر مرد سنُد یُوتھ حال چُھ زنانہِ ساتؠٟ تیلہ چُھنہ خاندریٟ کرُن جان.

¹¹تؠمؠ وُن تمن زِ ساری ہیکن نہٟ یہ کتھ مانِتھ مگر تمے ؠمن یہ قدرت دنہٟ آیہ.

¹²تکیازِ کینہ لانژھ چھ تِتھ ؠِم ماجہ ہنذِ یٔڈ منزی چھ یتھ زؠوان.تہٟ کؠنہہ لانژھ چھ تِتھ ؠِم لوکوہٟ بناؠی لانژھ.تہِ کؠنہہ لانژھ چھ تِتھ ؠِمو آسمانچہ پادشاہی خاطرٟہ پٲنیٟ پانس لانژھ بنُوۆ یوس مانِتھ ہیکہ سُہ مانِن.¹³تمہ ساتہٟ اَنؠٟ لوکو شُرؠٟ تس نِش تاکہ سُہ تھایہ تمن پیٹھ اتھہ تہٟ کریکھ دُعا مگر شاگردو کور تِمن اعتراض.

¹⁴مگر عيسىٰ ہن وُن تمن شُرین دِؠو مے نِش ینہٟ ؠمن مہ کرؠو منع،تکیازِہ آسمٲنچ پادشاہی چھے یتھنی ہنز.

¹⁵تہِ تمن پیٹھ اتھہ تھایتھ دراۆ سُہ تَتِہ.¹⁶تہِ وچُھؠو، اکھ شخص آۆ تمس نِش تہٟ ونُنس، بُو کوسہٟ نیکؠ کرہٟ، یُوتھ زن ابدی زندگی حاصل کٟرہ.

¹⁷تیمؠ وُننس، ژۂ کیازِ چُھکھ مے نیکؠ ہند وجہ پرژھان؟ نیک چُھ اکوی ونی اگر ژہ زندگی منز داخل سپدن چُھکھ یژھان تیلہ کرہ حکمن پیٹھ عمل.¹⁸تؠمؠ وُن کمن حکُمن پیٹھ؟ عيسىٰ ہن وُنس یہ زِ قتل مس کر، زنا مہ کر، ژوُر مہ کر.اپُز گواہی مَہ دِہ.

¹⁹پنِنس مالِس تہِ ماجہ کر عزت، تہ منِنس ہمسایس ساتؠٟ ورتاۆ پانَس ہیُو لول.²⁰تؠمؠ جوانن وُن تَس مے ؠمن سارنی پیٹھ عمل کرٔمژ ونی کیا کمی چھے مے منز؟

²¹عيسىٰ ہن وُن تس، اگرژہ کامل بنُن چھکھ یژھان تہٟ گژھ پنُن مال و اسباب کٔن تہٟ دِ غریبن. ژے میلؠ آسمانس پیٹھ خزانہ، پتہِ یہ مے پتہ پتہ.

²²مگر سُہ جوان گو یہ کتھ بُوزِتھ دلملول تہٟ دراۆ تکیازِ سُہ اُوس واریاہ دولت مند.²³عيسىٰ ہن وُن پنین شاگردن بُو چُھسو توہہ ونان زِ دولتمند سنُد چُھ مشکل آسمانچہ پادشاہی منز داخل سپُدن.

²⁴بُو چُھسو توہہ ونان زِ اُونٹہ سنُد سژٔنہِ پہِہ کینؠ نیُرن چُھ سہل امہٟ کھوتہٟ زِ دولتمند گژِھ خدایہ سنزِ پادشاہی منز داخل.²⁵شاگرد یہ بوزتھ واریاہ حٲران تہٟ وننہِ لگؠ" تیلہ کُس ہیکہ نجات لبتھ.

²⁶عيسىٰ ہن وُن تمن کُن نظرا کرتھ.یہ زن ہیکنہ انسانہ سندِ ساتؠٟ سپدتھ مگر خدایہ سندِ ساتؠٟ ہیکہ پرتھ کؠنہہ سپدتھ.

²⁷اتھ پیٹھ وُن پطرسن درجواب تس. وُچھ حض اسؠٟ دراے سُوری کؠنہہ ترٲوِتھ ژے پَتھ.ادٕہ اسہِ کیا میلہ؟²⁸عيسىٰ ہن وُن تمس بُو چھسے ژے پُوز ونان زِ ییلہ ابنِ آدم نیِس تخلیقس منز پننِس جلالکِس تختس پیٹھ بہیہِ تہ توہی تہٟ ؠم مے پتہ دراے کرن بہن تختن پیٹھ بِہتھ اسریلکین بہن قبلین ہند انصاف.²⁹بیہ یمؠ تہِ کانسہ میانہ باپت گھرٟہ.باؠی، بینہ،مول،موج، کُھل تہٟ کھاہ ترٲوؠٟ تمِس میلہ ہتھ گنہ بیہ آسہِ ابدی زندگی ہُند وٲرث.

³⁰مگر واریاہ ؠم بُرونٹھ آسن گژھن یٹھ تہِ ؠِم پتھ آسن گژھن بُرونٹھ.

20¹تکیازہِ آسمانچ پادشاہی چھے تمس گھر کِس مالکس ہش، یُوس صبحاؠی دراۆ تاکہ پنِنس دچھِ باغس لاگہِ مزور.

²تؠمؠ سُوزی مزور باغس منز اکھ دینار دوُہس لفظ کرِتھ.³پتہ دراۆ سُہ اکہِ پہرٟہ نزدیک تہٟ وُچھِن بیہِ تہِ کؠنہہ بازرس منز بیکار بہتھ.

⁴تہٟ تمن وُنن، توہی تہِ گژھؠو باغس منز، یہ واجب آسہِ تہِ دمو تُوہہِ.اتؠٟ گے تِم.⁵پتہ کور تیمؠ یتھے پاٹھؠٟ دوپہرٟہ تہٟ یمہ پہرٟہ نیرتھ.

⁶تہِ دُہ لوسُنس روُد اکھ گانٹہٟ تہٟ دراۆ وچھنہ بیہ کؠنہہ استادہٟ. تمن وُنن توہی کیازِ چھویتین دہے دُہس بیکار استادہٟ.

⁷تمو ونُس، امہ موجوب زِ اسہِ نیینہ کانسے مزورِ پیٹھ، تؠمؠ وُننکھ گژھؠو توہی تہِ باغس منز.⁸یوتھؠ شام سپُد تہ باغکؠ مزلکن وُن پنِنس منشَس، مزور اَنُکھ ناد دِتھ تہٟ پتیمو پیٹھ گوڈ نکین تام زِہ ؠمن مزوریٟ.

⁹ییلہ تم آے تہ اکھ گانٹہ بُرونہہ ؠم آمتؠ آسؠ تمِن میجؠٟ اکھ اکھ دینار.

¹⁰.ؠِم گوڈٟہ مزور آمتؠٟ ٲسؠٟ تمو دوُپ اسہِ میلہ شاید زیادے مگر تمن تہِ میجؠٟ اکھ اکھ دینار.¹¹ییلہ مزوری رٹکھ تہ کرکھ مالِکس یہ ونتِھ شکایت.

¹²زِ ؠمو پتیمو کٔر اکسؠٟ گانٹس کٲم تہٟ ژے کرِتھکھ ؠِم اَسہِ برابر ؠمو دہے دوُہس بُور تل بیہ کرکھ تاپہٟ کراے برداشت.¹³تیمؠ وُن درجواب یُمو منز اکِس.یارا، بُونا چُھسنہ ژے ساتؠ نا انصافؠٟ کؠنہہ کران،کیا ژے اُوسینا مے اکھ دینار لفظ کؠنہہ؟

¹⁴یہ چُون چُھ تُل تہِ نیر، یہ چھے میانؠ مرضی یوتا بو توہہ چُھسو دِوان تِہ دمٕہ بُوو یمس تہِ یُوس پتہ آۆ.¹⁵کیا ے چُھنا جایز زِ پنِنہ مالہٟ ساتیٟ یہ یژھ تہِ کرہٟ؟ کیا ژۂ چھکھا مے توے بد چشمو وچھان زِ بُو چُھس نیک.

¹⁶یتھے پاٹھؠ گژھن پتِم برونٹھ تہٟ بُروہم پتھ.¹⁷تہِ یروشلم گژھنہ وزِ نؠٟ عيسىٰ ہن بہہ شاگرد الگ کن تہٟ وتہ منز وُننکھ.

¹⁸وچھؠُو اَسؠٟ چِھ یروشلم گژھان. تہٟ ابنِ آدم ییہ زیٹھؠ کاہنن تہٟ فقیہن حوالہ کرنہ تہٟ تم سِن تس قتُلک حکم.

¹⁹تہ سُہ ییہ غٲر قومن حوالہ کرنہ تاکہ تمِس وڑاون مذاق،تہِ کوڈہ والنس تہٟ مصلوب کرنس تہٟ سُہ یؠہ ترییہِ دوُہے زندٟہ کرنہٟ.²⁰تؠمہ آیہ زبدی سنز زنانہٟ ہنز نچیؠِ ہیتھ تہ کورنس بُرونہہ کنہِ سجدہ تہٟ کورنس کؠنہہ عرض.

²¹تیمؠ ونُنس زِ ژہ کیا چھیکھ یژھان؟ تیمہ ونُس فرماۆ زِ یِم میانؠٟ دونوے نیچؠ بہن چانہ پادشاہی منز دچھنؠٟ تہٟ کھووریٟ کینؠٟ.²²عيسىٰ ہن وُنس درجواب. ژے چھینا پے کہ کیا چھیکھ منگان.یُوس پیالہ بُو چینہ ووُل چُھس کیا ژہ ہؠکہ کھا چیِتھ؟ تیمہ وُنس،ٲسؠ ہیکو چیِتھ.

²³تؠمؠٟ وُن تمِن مؠون پیالہ زن چیُیو توہی مگر پانس دچٔھنؠ کھورؠ کانہہ بہناوم چھینہٟ میٲنی کٲم کؠنہ.یہ چُھ تمن خاطرٕہ ؠم میانؠ ببن مقڑ چِھ کٔرمتی.

²⁴تہٟ ییلہ شاگردو بُوز تہٟ گے تمِن دوُشونؠٟ باین پیٹھ ناراض.²⁵مگر عيسىٰ ہن وُن تمن پانس برونہہ کُن نادتھ.زِ تُوہہ چھیوا پے زِ غٲرقومن ہندٟی زٹھؠٟ چھے تمن پیٹھ حکم چلاوان تہِ امیر چھ تمن پپیٹھ پننہِ اختیارک غلط استعمال کران.

²⁶توہہ منز سپدینہٟ یہِ، بلکہ یُوس تُوہہ منزہ بوڈ بنِن یژِھ سُہ بنہِ تُہند خادِم.

²⁷تہ یُوس توہہ منزٟہ اول بنُن یژھ سُہ بنہِ تُہند غُلام.

²⁸تکیازِ ابنِ آدم آۆ نہٟ امہ موجوب زِ خدمت کرنہ یہِ پانؠٟ بلکہ امہ موجوب زِ باقین کرِ خدمت تہٟ پنُن زُو دییِہِ واریاہن ہندِ بدلہ قُربان.²⁹ییلہ سُہ یریحو منز اوس نیران تہٟ اکھ بوڈ ہجوم آۆ تس پتہٟ پتہٟ.

³⁰تہٟ وچھؠو دویو ٲنیو ؠم وتہِ اندس پیٹھ بہتھ ٲسؠ یہ بُوزتھ زِ عيسىٰ چُھ پکان کریکھ دِت وُنکھ ہے خداوند ابنِ داۆد اسہ پیٹھ کر رحم.

³¹لوکو کُور تمن روُب زِ ژھوپہِ کرؠو.مگر تِم لگؠ توتہِ کریکھ دِت وننہِ ہے خداوند ابنِ داۆد اسہ پیٹھ کر رحم.³²عيسىٰ وُتھ اِستاد تہٟ ناد دِتھ ونُنکھ، توہی کیاہ چھُو یژھان زِ بُو کرٟہ تہندِ خاطرٟہ؟

³³تمو وُن تمِس ہے خداوند اسہِ گوژھ ٲچھن گاش.

³⁴عيسىٰ ہس آۆ عار تہٟ تیمؠ ڈول تہنذن ٲچھن اتھہٟ تہٟ تِم لگؠ فوراً وچھنِہ تہٟ درآے تمِس پتہٟ پتہٟ.

21¹ییلہِ تِم یروشلمس نزدیک واتی، تہٟ آے تیون کِس پہاڈس پیٹھ بیتِ فُگیہس نِش، تہٟ عيسىٰ ہن سوزی زٔہ شاگرد یہ ونِتھ.

²تُوہی گژھیو پانس بُرونہہ کنیؠ یُوس گام چُھو، تور واتِتھی وُچھؠو توہی اکھ کھرِنؠؠ گنڈِتھ بیہ تس کھَر بچہٟ تِم انِووُکھ کھو لِتھ مے نِش.

³اگر توہہ کانہہ ونیو کؠنہہ تہٟ ونزؠوک خداوندس چھے یمن ہنز ضرورت، تہٟ سُہ سُوزِ جلدی یِمن واپَس.⁴یہ سپُد امہِ موجوب زِ یہِ نبی سندِ دریعہ وننہ اُوس آمت تہِ سپدِ پورہٟ.

⁵صیُون سنزِ کورِ ونیو زِ، وُچھ چون پادشاہ چُھ ژے نِش یوان سُہ چُھ حلیم تہٟ کھَرس پیٹھ چُھ سوار، بلکہ کھرنِہ بچس پیٹھ.⁶اتیٟ گے شاگرد تہٟ کوُرکھ تیِ یہ تمن عيسىٰ ہن حکم اُوس دیوتُمت.

⁷کھرنیٟ تہٟ کھرنہِ بچہ انوکھ تہٟ تراوہس پننؠ پلو پیٹھ تہِ سُو گو تس پیٹھ سوار.

⁸تہِ ہجومہ منز وتھراؠی اکثر لوکو پننؠ پلو وتہ منز،باقیو وتھراہہ کُلین ہنزہ لنجہِ ژٹتھ وتہِ پیٹھ.⁹تہٟ ہجوم اوُس تمِس بُرونہہ بُرونہہ تہٟ پکان تہٟ پتہٟ پتہٟ تہٟ اوُس یوان. تہٟ نعرہ دی دی ٲسؠ ونان،ابن داۆد "ہوشعانا" مُبارک چُھ تس یُوس خداوند سٕندِس ناوَس پؠٹھ چُھ یِوان.عالم بالاہس پیٹھ"ہوشعانا".

¹⁰تہِ ییلہ سُہ یرشلمس منز داخٟل سپُد تہٟ سارسی شہرس منز سپُد ہنگامہٟ ، تہِ لوکھ لگؠ وننہٟ "یہ کُس چُھ"

¹¹ہجومکؠو لکو وُن"یہ چُھ گلیلِ ہندِ ناصرتک نبی عيسىٰ.¹²تہٟ عيسىٰ سپُد خدایہ سنزِ ہیکلِ منز داخل تہٟ کڈنی ساریِ تَتہِ ؠم ہیکل منز ٲسؠ کاروبارۆٟ کران.تہ صرافن ہندٟی تختہ تہٟ کوتر فروشن ہنزہ چوکہِ فِرن دُبہ.

¹³تہٟ تمن ونُن لیکتھ چُھ زِ مُؠون گھرٟہ آسہِ دُعاءِخیُرک گھرٟہ مگر توہہ چِھوُوُن یہ ڈاکووَن ہند اڈہ بناوان.

¹⁴تہٟ ٲنؠ تہِ لنگؠٟ آے ہیکلِ منز تمِس نِش تہِ تمؠ کریٟ تم ٹھیک.¹⁵مگر ییلہِ زیٹھؠ کاہنو تہٟ فقؠِہو تمہِ عجیب کامہِ وچھ ؠمہ تمؠٟ کرِ بیہ وُچھکھ شُری ہیکل منز ابنِ داۆد ہوشعنا نعرٕہ دِوان تہٟ ناراض سپِدتھ لگِس وننہِ.

¹⁶ژہ چھکھہٟ بوزان ؠِم کیا چھِ ونان؟ عيسىٰ ہن وُن درجواب_آ_ کیا توہہ چھِؠونا زانہہ پورُمت شُرین تہٟ دوُدہ شُرین ہنز زؠِو چھے ژے تیار کرٔمژ تاکہ تِم کرن چٲنیٟ حمدو ثٲنیٟ.

¹⁷تہٟ سُہ گو تم ترٲوتھ شہرہ نیبر بیتِ عنیاہ ہس منز تہٟ راتس روُد تَتھؠٟ.¹⁸ییلہ صحبٲؠی سُہ واپس شہر اُوس گژھان تمِس لجی بُوچِھہ .

¹⁹تہِ وتہِ اندس وچھن اَکھ اِنجیر کُل تہِ گو تَتھ نِش.تہِ پنہِ ورٲے وچُھن نہ تَتھ کہین پیٹھ تہ ونُنس ژے مٔہ وسٔنے زانہہ تہٟ پؠوہٟ تہٟ انجیر کُل ہُوکھ امے وِزِ.²⁰شاگردو کور یہ وچھتھ تعجب تہٟ ونکھ یہ انجیر کُل کیازِ ہوکھ یکدم.

²¹عيسىٰ ہن وُن درجواب تمن بُو چھِسو توہہ پُوز ونان زِ اگر ایمان تھایُو تہ شک کریُونہ. توہی کرؠو نہ صرف یوتی یہ انجیر کُلس ساتی سپِد بلکہ اگر ہُوت پہاڈس تہِ ونُیو وَتھ تہٟ سمندرس منز گژھ تہ تیِ سپُد.

²²بیہِ یہ کینژھا دُعاہس منز ایمان ساتی منگؠو تہِ سُوری میلؠو تُوہہ.²³ییلہٟ سُہ ہیکل منز یتھ تعلیم اوُس دِوان. تہِ زیٹھؠ کاہنو تہِ قومکؠو بُزرگو وُن تس نِش یتھ. ژہ کیمہِ اختیارٟہ چُھکھ ؠمہ کامہِ کران، تہٟ یہِ اختیار کؠمؠٟ چھؠ ژے دیوتُمت؟

²⁴عيسىٰ ہن وُن درجواب تمن "بُو تہِ پرژھو توہہ اکھ کتھ"اگر سُومے ونیو تہِ بُوتہِ ونو توہہ.زِ ؠمہ کامہ کیمہ اختیار چُھس بُو کران.²⁵یوحنا سنُد بپتسمہٟ کتہِ پیٹھ اوُس ؟ آسمانکہ طرفہ اُوسا کِنہ انسان سندِ طرفہ. تِم لگؠ پانہ وانی وننہٟ اگر اسؠ ونو آسمانکہ طرفہ تہِ یہ ونہ اَسہ، تیلہ کیازِ کوُرونہٟ تُوہہ تس پیٹھ یقین.

²⁶وٟہ اگر انسان سندِ طرفہ تہٟ ٲسؠ تؠمؠ ٲسؠ عوامس کھوژان تکیازِ ساری ٲسؠ یُوحناہس نبی مانان.

²⁷اتیٟ وُن تمو عيسىٰ ہس درجواب، "اَسہِ چھؠنہٟ پتہٟ"تؠمؠ تہِ وُن تِمن بُوتہِ وَنونہِ تُوہہ کؠنہہ زِ بُو کؠمہِ اختیار چُھس ؠمہ کامہِ کران.²⁸توہی کیازِ چُھو سمجھان؟ اَکِس نفرس ٲسؠ زٔہ نیچی. تؠمؠ وُن گوڈ نِکس نِش گژتھ گوبُریا گژھ از کر باغس منز کٲم.

²⁹تؠمؠ ونُس درجواب،بُوگژھنہٟ، مگر پتٕہ پَشتوۄُن تٕہ گُو.

³⁰پتہ گو بیکس نِش تہٟ ونُنس یتھے پاٹھؠ.تیمؠ ونُس درجواب. اَدسا جناب مگر گو نٔہ کؠنہہ.³¹ؠمو دوؠو منزہٟ کؠمؠ کٔر پنِنس مالؠؠ سنز مرضی پورُہ؟تمو وُن گُوڈنکؠٟ.عيسىٰ ہن وُن تمن،بُو چھِسو توہہ پُوز ونان زِ گزر رٹن وٲلؠ تہ گانہِ گژھن توہہ بُرونہہ خدایہ سنذِ پادشاہی منز داخل.

³²تکیازِہ یُوحنا آۆ نیکؠ ہنز وَتھ ہاونہِ توہہ نِش تہٟ توہہ کورُونہ تس پیٹھ یقین مگر گزر رٹن والؠُو تہٟ گانؠو کورتس پیٹھ یقین ،تہٟ یہ وچھتھ پھچتووُو تیِنہٟ تُوہہِ.زِ تس پیٹھ کرِؠو یقین.³³بیاکھ مِثال بوزؠو، اکھ اُوس گھرک مالِک یمؠ دچھہ باغ لُوگ تہِ ژُورو طرفو کھولنس دیوار بیہِ کھونُن اَتھ منز حوض بیہ بنُون بُرج تہٟ باغوانن ٹھیکس پیٹھ دِتھ گو بیس مُلکس.

³⁴ییلہ مؠوٟہ کال وۆت نزدیک تہٟ تمؠٟ سُوزیٟ پنِن نوکر باغبانن نِش پننؠٟ مؠوٟہ نِنہ.³⁵تہٟ باغبانو رٹی تمسندٟؠ نوکر اکِس لویُوکھ، بیاکھ مُورکھ تہٟ بیاکھ کورکھ سنگسار.

³⁶پتہ سوزؠ تیمؠٟ بیہ نوکر ؠم گوڈنکؠو کھوتہٟ واریاہ ٲسؠ تہ تمو کور یمن ساتیٟ تہِ سُوؠٟ سلوک.

³⁷آخرکار سوز تیمٟؠ پنن نیچو یہ زانِتھ زِ تِم کرن میانِس نیچؠؠ سُند لحاظ.³⁸ییلہ باغبانو سُہ وُچھ تہ پانہٟ وانؠٟ وُنکھ یہ چُھ وارث در.ولؠو یہ کرون قتل تہٟ ٲمسندٟس میراثس پیٹھ کرو قبضہ.

³⁹تہٟ کوڈکھ باغہ منز نیبر تہٟ مورُکھ.⁴⁰پتہِ ییلہ باغُک مالک ییہِ تہٟ تمن باغبانن ساتھؠ کُس سلوک کرِسُہ؟

⁴¹تمو وُن تمِس تمن بدکارن کرِ سُہ بے دردی سان ہلاک.تہٟ بدلایہ باغبانن ؠم وقتس پیٹھ تمس مؠوہ دِن.⁴²عيسىٰ ہن وُن تمن،کیا توہہ چُھونہ کلامِ مُقدَسس منز زانہہ پورمُت زِ یُوسہٟ کنؠ دسلو دارتھ ژھنیٟ سُوؠیٔ سپزٔ کُونہٟ کنؠ،یہ سپُد خداوند سندٟ طرفہٟ تہٟ سانین نظرن منز چُھ عجیب؟⁴³توہہہ چھؠسو بو ونان زِ خدایہ سنز پادشاہی یؠہِ توہہ نِش نِنہ تہ تَتھ قومس ییہ دِنہ یوُس تمؠوک مؠوہٟ وَپدایہ.

⁴⁴تہ یوس تَتھ کنہ پیٹھ پییہِ تہٟ ٹکرٟہ ٹکرٟہ گژھنس مگر یس پیٹھ پییہِ تس کرِ سُوت.⁴⁵یہ ییلہ زیٹھؠ کاہنو تہ فقیہو تمسنذٟہ مثالہٟ بُوزہ تہٟ سمُجھکھ زِ یہ چُھ سانِس حقس منز ونان.

⁴⁶تہٟ تم ٲسؠ تس رٹنچہ کوششہِ منز مگر لوکن ٲسؠ کھوژان تکیازِ تم ٲسؠ تس نبی مانان.

22¹تہٟ عيسىٰ لوگ تمِن ساتیٟ مِثالَن منز کتھہٟ کرنہِ.

²آسمانچ پادشاہی چھِ تس پادشاہس ہش یمؠ پنِنس نیچوِس خاندر کُور.

³تہِ پننؠٟ نوکر سُوزِن زِ تِم اَنن سالرن ناد دِتھ، مگر تنو مُوننہ یُون.⁴پتہ سوزی تیمؠ بیہِ نوکر یہ ونِتھ،زِ وچھؠُو، مے چھے نعمت تیار کرمژٔ میٲنؠ داند تہٟ صحت مند ہکھر ٲے ذبح کرنہٟ تہٟ سوری کؠنہہ چُھ تیار، یُیو سالَس.⁵مگر تمو کورنہٟ امؠوک کاہنہہ پرواے تہٟ دراے پننِہ پننِہ کامِہ کاہنہ گو پنِنس کھہس منز، کاہنہ گو پنِنس کاروبارس.

⁶تہٟ باقیو رٹیٟ تمسند نوکر تہٟ کرکھ بے عزت تہٟ مارِکھ.

⁷پادشاہس کھوت زبردست شرارت تہٟ پنُن فوج سُوزتھ مارن تِم قاتل تہ تُہند شہر ژھنُن زالتِھ.⁸پتہ وُن تیمؠٟ پنین نوکرن زِ خاندرچ نعمت تہِ چھے تیار مگر یمن ناد آیٔو سوزنہٟ تِم آسنہٟ اتھ لایٔق.

⁹ونؠٟ گژھؠو سڑکہِ پیٹھ ییتیا تُوہہ سمکھنو تم انیوکھ سالس.

¹⁰تہٟ تِم نوکر گے سڑکہِ پیٹھ ؠِم تہِ تِمن سمکھے اصل یا خراب سٲریِ انِکھ کرٟکھ جمع تہٟ خاندرچ محفل آیہ مہمانو ساتی بھرِت¹¹تہٟ ییلہ پادشاہ آۆ اندر مہمان وُچھنہِ تہٟ تیمؠ وُچھ تَتہِ اکھ نفر یمس نہٟ خاندر پلوٟ ٲسؠ لاگتھہِ.

¹²تیمؠ وُن تمِس"یارا" ژہ کتھٟ کنؠ آکھ یُور خاندر پلولاگنہ ورٲے. مگر تیمس گیہِ ژھُوپہ.¹³اتھ پیٹھ وُن پادشاہن نوکرن زِ یہ ژھینۆن نرِ زنگہٟ گنڈِتھ نیبر انہِ گٹِس منز.تَتہِ آسہ ودُن تہٟ دندہ ٹکُن.

¹⁴تکیازِ سالر چھِ واریاہ مگر عزتٟ وٲلؠ چھِ کموُؠٟ.¹⁵تیمہ وزِ کور فریسیو گژِتھ مشورہ زِ سُہ کِتھ پاٹھؠ فھساوُن.

¹⁶اتیٟ سوزُی تمو پنینیٟ شاگرد ہیرودیسس ساتؠٟ تمس نِش تہٟ تمو وُن ہے وُستاد اسہ چھے پے زِ ژہ چُھکھ پزٟی زیُور تہٟ پزرہس ساتؠٟ چُھکھ خدایہ سنزِ وتہِ ہنز تعلیم دوان تہٟ کانسہِ سنُد پرواے چُھکھنہ کران تکیازِ ژہ چُھکھنہ کانسہِ نفرٟہ سنُد طرفدار.

¹⁷ادہٟاَسہ وَنتہٟ، چون خیال کیا چُھ؟قیصرس چھا زکوٰة دِنیٟ جایز کنِہ نہٟ.¹⁸عيسىٰ ہن وُن تِہُند شرارت وُچھتھ ہیُو ریاکارو مے کیازِ چھُو آزماوان؟

¹⁹تلسا مے ہاؠو زکوٰتُک پونسہ تمو اَنؠ اکھ دینار تمِس نِش.²⁰تمؠ وُن تمن"یہ شکل تہٟ ناۆ کوہُند چُھ.

²¹تِمُو ونُس "قیصر سنُد"اَتؠٟ وُننکھ یہ قیصر سنُد چُھ تہِ دیُو قیصرس یہ خدایہ سنُد چُھ تہِ دیُو خدایس.

²²تِم گے یہ بُوزِتھ حٲران، تہِ سُہ ترٲوِتھ دراے.²³تمےٟ دُہ آے تِم صدوقی تِمس نِش ؠِم قیامتکؠٟ مُنکرِ چھ تہٟ کوُرہس یہ سوال.زِ.

²⁴ہے وستاد، موسىٰہن اُوس ونمت زِ اگر کانہہ لاولد مرِ،تہٟ تمسُند بوُی کریٟ تس باؠی کاکنِہ ساتیٟ خاندر یوتھ پنِنس باؠی سنٔدِ خاطرٟہ اولاد پادٟہ کرِ.²⁵ادہٟ ٲسؠ ٲسؠٟ سَتھ باؠی بارنؠٟ، خاندر کرِتھ موُد گوڈنیوک، تہٟ تمِس اُوسنہٟ کانہہ اولادؠٟ امہ موجُوب ترٲون پنِن زنان پنِنس باؠی سنٔدِ خاطرہ.

²⁶یتھے کنؠ کوُر دویم تہِ تریم تہِ ستمِس تام.

²⁷سارنؠٟ پتہ مُویہ سُو زنؠٟ تہِ.

²⁸ونؠ کہنز زنانہ بنہِ یمو ستو منزہٟ قیامژ دُوہ؟ تکیازِ ساروؠٟ اُوس تمِس ساتؠ خاندر کورُمت.²⁹عيسىٰ ہن وُن تِمن درجواب، توہی چُھو گمراہ. امہ موجوب زِ نہٟ چُھو کلامِ مقدس زانان نہ خدایہ سنزٟ قُدرت.

³⁰تکیازِ قیامژ منز آسنہٟ خاندر واندر کؠہنہ. بلکہ آسن لوکھ آسمانکین فرشتن ہندؠٟ پاٹھؠٟ.³¹کیا توہہ پُورونا تہِ؟ یہ خداین اُوسو تُوہہ موردہٟ زندٟہ وتھنس مطلق ونُمت.

³²بُو چُھس ابراہیم سنُد خدا،تہٟ اسحاق سنُد خدا، تہٟ یعقوب سنُد خدا؟ سُہ چُھنہ مُوردن ہند خدا کؠنہہ بلکہ چُھ زندن ہُند.

³³لُوکھ گے تمسنزٔ تعلیم بُوزِتھ حٲران.³⁴ییلہٟ فریسیو بُوز زِ تمسندٟہ ساتھؠ گیہِ صدوقین ہنز بولتؠ بند، تہٟ تِم گے جمع.

³⁵تہٟ تمو منز پروژھ اکؠٟ شرعی عالمن تس آزماونہٟ مُوکھہٟ.

³⁶ہے وستاد، توراتس منز کُس حُکم چُھ بُوڈ؟.³⁷تمؠٟ وُن تمن. خداوند پنِنس خدایس ساتیٟ پننہِ سارے دلہٟ، تہٟ پننہِ سارے زُو وٟہ تہٟ پننہِ سارے عقلہ ساتیٟ محبت تھاوُن.

³⁸یُوہے چُھ بُوڈ تہٟ گوڈنیوک حُکم.³⁹تہٟ دوؠم چھ یہ زِ پنِنس ہمسایس ساتؠٟ تھاوُن پانس برابر محبت.

⁴⁰یمنؠ دُون حکمن پیٹچ چُھ تمام توراتک تہ نبین ہندین صحیفن ہنُد دارومدار.⁴¹ییلہ فریسیی جمع سپٔد تہٟ عيسىٰ ہن پُروژھ یہِ تمن.

⁴²توہی کیا چُھؠو مسیحس مطلق سمجھان؟ سُہ کُہند فرزند چُھ. تمو وُنس "داۆد سُند".⁴³تیمؠ وُن تِمن، ادہٟ داۆد کتھہ پاٹھؠٟ چُھ تس روحکہ ہدایژ ساتؠ خداوند ونان.

⁴⁴خداوندن وُن میٲنِس خداوندس، مے دچھنؠٟ کینؠ بیہہ یوتام نہٟ بِو چانؠٟ دشمن چانین کھورن تل انکھ.⁴⁵ادٟہ ییلہ داۆد تس خداوند چُھ ونان تہٟ سُہ کتھہ کنؠ بنیو تمسُند فرزند؟

⁴⁶کانسہِہ ہیوکنہٟ تمِس جوابس منز اکھ حرف تہِ ونتھ تہٟ نہ کور تَتہ پیٹھ کانسہِ بؠہِ تمس سوال کرُنک جُرٲت.

23¹تؠمِہ ساتٕہ ونِہ عيسىٰ ہن ہُجومس تہ پنین شاگردن یمہ کتھہٟ.

²فقیہی تہِ فریسیی چھ موسىٰ سنٔذِ شریعتچہ کُرسی پیٹھ بِہتھ.

³ادہٟ یہ کؠنژھا تم تُوہہ ونَنو تہِ سُوری کرزؠو تہٟ مٲنزِؠو مگر تِہنذٟ ہشہِ کامہ کرذُیونہ تکیازِ یہ تِم ونان چھ تہِ چھنہ کران.⁴تِم چھ لوکن ہندین شانن پیٹھ تیوتھ گُوب بُور گنڈِتھ تھاوان یُوس مُشکل چُھ تُلن.مگر پانہ چھنہ تَتھ اُنگجہِ ساتیٟ زیِر تہِ دِنؠ یژھان.

⁵تِم چھ سارے پننہِ کامہٟ لوکن ہاونہ خاطرٟہ کران.تکیازِ تِم چھ پننؠٟ تعویز بڑیٟ بناوان تہٟ پنین پلَون ہندؠٟ دامنہٟ چھ کھلٟؠ تھاوان.⁶تہِ چھِ دعوتن تہٟ عبادت خانن منز تھذن کُرسین پیٹھ بہیوان.

⁷بیہِ چھِ بازارن منز لوکن آتھِ پانس سلام کناونؠٟ تہٟ پانس "ربی" ونناوُن پسند کران.⁸مگر توہی مہ وننہ نٲیو پانس "ربی"، تکیازِ تُہند وستاد چُھ اکوُی تہٟ تُوہی ساری چُھو بارنؠٟ.

⁹تہِ زمینہ پیٹھ مہ ونیو کانسہ پُنن بب، تکیازِ تُہند بب چُھ اکُوی یُوس آسمانس پیٹھ چُھ.

¹⁰بیہ مہ ونہ نایُو ہادی، تکیازِ تُہند ہادی چُھ اکوی یعنی مسیح.¹¹مگر توہہ منزہ چُھ سُوی بُوڑ یُوس تُہند خادم بنہِ.

¹²یُوس پننِس پانس تھذر دییہِ سُہ ییہ پست کرنہٟ.تہٟ یُوس پنِنس پانس پست کرِ تِمس ییہِ تھذر دنہٟ.¹³ہیُو ریاکارو عالمو تہٟ فریسیو توہہ پیٹھ افُسوس زِ توہی چُھو آسمانچ پادشاہی لوکن پیٹھ بند کران تکیازِ نہٟ چھو پانہٟ داخل سپدان تہٟ نہ چُھو داخل سپدن والین داخل گژھنہ دِوان.

¹⁴ہیُو ریاکارو عالمو تہٟ فریسیو توہہ پیٹھ افُسوس زِ توہی چُھو مُوڈن ہندیٟ گھرٟہ تباہ کران، تہ ہاونہ خاطرٟہ چُھو زینچھہِ نمازٟہ پران توہہ آسؠُو زیادہ سزا.

¹⁵ہہؠو ریاکار عالِمو تٕہ فریسیو توہہ پیٹھ افُسوس زِ اکھ مرید بناونہٟ باپت چُھؠو آبؠ تہ خشکؠ ہند سفر کران.تہ ییلہ سُہ مرید بنان چُھ.تہ چُھووُن سُہ پنِنہ کھُوتہ دُوگنہ جہنمی بناوان .¹⁶ہیُو اَنؠٟ وَتھ ہاون والیُو.توہہ پیٹھ افُسوس! یہِ ونان چُھؠو زِ اگر ہیکلِ ہند قسم کھیہ تہٟ کؠنہ چُھنہ و اگر کانہہ بیت المقدسک قسم کھؠہ تہِ تَتھ پیٹھ چُھس پابند روُزن.

¹⁷ہیُو احمقو تہِ انیُو سُون گژھیا تھود کنہٟ المقدس یمؠ سُو پاک کوُر.¹⁸تہِ پتہٟ چُھیو ونان زِ اگر کانہہ قربان گاہکُ قسم کھیہ تہِ کؠنہہ چُھنہٟ مگر یُوس نیاز تَتھ پیٹھ کھالنہ یؠہِ اگر تمیوک قسم کھؠہہ تہ تَتھ چُھس پابند روزُن.

¹⁹ہیُو انیُو نیاز چھا تھود کِنہ قربان گاہ یُوس نیازس چُھ پاک کران؟²⁰ادہ یُس قربان گاہُک قسم چُھ کھؠوان سُہ چُھ تمن سارنی چیزنو ہند قسم کھؠوان ؠم تَتھ پیٹھ آسان چھ.

²¹تہٟ یُوس بیت المقدسُک قسم چُھ کھیوان سُہ تیموک تہٟ بیہ یہ تَتھ منز چُھ آسان تمیوک تہِ قسم کھوان.

²²بیہ یُوس آسمانک قسم چُھ کھؠوان سُہ چُھ خدایہ سندِ تختُک بؠہ تَتھ پیٹھ بہن والؠ سند تہِ قسم کھؠوان.²³ہیُو ریاکار فقیہو تہٟ فریسیو توہہ پیٹھ افُسوس زِ پُودنک، بادیانک تہ زیِرُیوک دُہم حصہ چھؠو زکوٰة دوان،مگر شریعثح بجہِ کتھ یعنی انصاف، رحم تہٟ ایمان چُھو تروُومت، لازِم چھا یہِ تہِ چُھو کران تہٟ ہوتہِ چُھو نہ تراوان.

²⁴ہیُو اَنؠٟ وَتھ ہاون والیُو مۆہ چھُوون واون تہٟ اُونٹ چُھوون ننیگلاوان.²⁵ہیُو ریاکارو عالمو تہٟ فریسیو توہہ پیٹھ افُسوس زِ پیالہ تہٟ رکابؠ چُھو نیبرء کینؠٟ صاف کران مگر اندرؠٟ کینؠٟ چُھ سِہ لُوٹہٟ تہٟ ناپرہیزگی ساتیٟ برِتھ.

²⁶ہیُو اَنؠٟ فریسیو، گوڈہ کرؠُو پیالہٟ رکابؠ اندرؠٟ کنؠٟ صاف یوتھ زن نیبرٟ تہٟ صاف گژِھ.²⁷ہیُو اَنؠٟ فریسیو توہہ پیٹھ افُسوس زِ توہی چُھؠو تِمن قبرن ہندؠٟ پاٹھؠ یمن نیبر کینؠٟ چھے سفیدؠٟ متِھتھ مگر اندرہٟ چھے موردن ہندو ٲڈ حوتہٟ پرتھ قسمچیو ناپاکؠُو ساتی بھرِت.

²⁸تِتھے پاٹھؠ چُھؠو توہی تہِ لوکُن ظاہراً پرہیز گاریٟ ہاوان، مگر باطنی چُھو توہی ریاکٲری تہٟ بے دینی ساتؠٟ بھرِت.²⁹ہیُو ریاکارو عالمو تہٟ فریسیو توہہ پیٹھ افُسوس زِ توہی چُھؠو نبین ہنز قبرہٟ بناوان تہٟ پرہیزگارن ہنٔدیٟ مرگُذار چُھؠو سجاوان.

³⁰تہٟ ونان چُھؠو اگر اسؠٟ پنین آباواجدادن ہندس زمانس منز آسہو تہٟ ٲسؠ آسہونہ نبین ہندس قتلس منز شریک کؠنہہ.

³¹یتھے کنؠ چھؠو توہی پننہ باپت گوہی دِوان زِ توہی چھؠو نبین ہندین قاتلن ہندؠٟ اولاد.³²غرض پنین آباواجدادن ہندیٟ پیالہ کرؠُو بُک.

³³ہیُو زہریلہ سُرفہ سندیو بچۆ توہی کِتھٟ کنؠ بچیو جہنمکِہ سزا نِشٟہ؟³⁴وُچھؠو امہٟ موُجوب چھؠُو بُو توہہ نِشہ نبی، تہٟ دانا تہٟ عالِم سوزان، تمو منزہٟ کرِوُوکھ توہی کؠنہہ قتل تہٟ مصُلوب کرِووُکھ، تہٟ کینژھن والؠو عبادت خانن منز گوڈہٟ تہٟ شہرٟ پتہ شہرٟہ ستاؠوُکھ تِم.

³⁵یوتھ زن تمام صاحبِ پرہیزن قتلٕکؠ توہؠ زِمٕہ دار بنیو.صاحبِ پرہیز ہابیل سندِ قتلہ پیٹھٟ تا برکیاہ سندِس نیچوس زکریا سندِس قتلس تام یِم تُوہہ مقدسس تہٟ قربان گاہس درمیان قتل کرؠوُوکھ.

³⁶بُو چُھسو توہہ پوز ونان زِ یُہ سُوری کؠنہہ کَھسِہ ؠمہ زمانکؠن لوکن نکھس.³⁷ہے یروشلم،ہے یروشلم _ژہ یُوس انبیاہن قتل کران آکھ تہٟ یم ژے نِش سوزنہ آے تِم کرِتھک سنگسار، کاتیاہ لٹہ یُوژھ مے زِ یتھہٟ کنؠ کوکر پنین پوُتین پکھن تل جمع چھ لران، تِتھے کنؠ کرکھ بُو چیانؠ شُریٟ تہِ جمع، مگر ژے یُوژھتھنہ.

³⁸وُچھ چُون گھرہٟ چُھ یوان چانہ باپت تنہاہ تروانہٟ.

³⁹تکیازِ بُو چُھسے ژے ونان. ونکہِ پیٹھ وُچھیکھنہ ژہ مے ہرگز تہِ.یوتام نہ ژہ وَنکھ مُبارک چُھ تس یُوس خداوند سندِ ناۆہٟ چُھ یوان.

24¹تہٟ عيسىٰ اُوس ہیکلِ منز نیرتھ پکان، زِ تمسند شاگرد آے تس نِش تاکہ تمِس ہاون ہیکلِ ہنز عمارت.

²تؠمؠ وُن درجواب تمن. کیا توہی چھؠونا ؠِم سارؠ چیز وچھان؟ بُو چُھسو توہہ پوز ونان یتہِ رُوزنہٟ کُنِہ کُنِہ پؠٹھ کَنؠ مُوجود یُوسنہ دارِتھ دِنہ یؠہ.³ییلہ سُہ زیتونکِس پہاڈس پیٹھ بہتھ اُوس تمسندؠو شاگردو وُن تس نِش الگ کُن یِتھ اَسہِ ونتہ یِمٕہ کتٕھہ کر سپدَن؟تہٟ چانہِ یُنوک تہٟ دنیا ختم گژھنک کیا نِشان آسہِ؟

⁴عيسىٰ ہن وُن تمن درجواب" خبردار ینہٟ کانہہ توہہ گمراہ کرؠُو.

⁵تکیازِ میانہ ناو کؠٟ یِن واریاہ تہٟ ونن "بُو چُھس مسیح"⁶بیہِ بوزؠُو تُوہی لڑایہ تہٟ لڑاین ہندیٟ افواہ، خبردار، کھوژِہ زیونہ کؠنہہ، تکیازِ ؠمن کتھن ہند سپُدن چُھ لٲزِم.

⁷تکیازِ قومس پیٹھ کرِ قوم تہٟ سلطنتس پیٹھ کرِ سلطنت قبضہ.تہٟ جایہ جایہ وتِھہ قحط. تہٟ بِنلؠ گژھن.

⁸مگر یہ سُوری آسہ مُصیبتن ہُند شُروعاتیٟ.⁹تیمہ وقتہٟ رٹناونو تُوہہِ لُوکھ تہٟ دیِاونو تکلیف تہٟ کرنو قتل، بیہ تھاون ساری قُوم میانہِ ناۆہٟ ساتی دشمنی.

¹⁰تہٟ تیمہ وقتہٟ ڈلن واریاہ ایمانہٟ نِشہٟ تہٟ اکھ اکِس رٹہٟ ناون بیہِ تھاوَن اکھ اکِس ساتی ضِد.

¹¹بیہِ وَتھن واریاہ اَپُزیٟ نبی تہٟ واریاہن کرن گمراھ.¹²بیہ گژھِ بے دینی زیادہ گژھنہٟ ساتیٟ واریاہن ہنُد لوُل کم.

¹³مگر یُوس آخرس تام برداشت کر سُوؠ لبہِ نجات.

¹⁴بیہ سپدِ پادشاہی ہنز خوشخبری ہنُد اعلان تمام دنیاہس منز تاکہ سارے قومہ خاطرہ روزِ گوہی پتہ آسہ آخرت.¹⁵ادہٟ ییلہِ توہی وچھؠو تباہ کرن والؠ مکرو چیز یمچ ذکر دانیل نبی سندِ ذریعہ سپز مژ چھے، مقدس جاین منز استادہٟ.

¹⁶تہٟ یم یہودیاس منز آسن تِم ژلن پہاڈن پیٹھ.

¹⁷یم پشس پیٹھ آسن تِم وسن نہ بُون پننِہ گھریُوک مال ساتیٟ نِنہ باپت.

¹⁸تہٕ یم کھہس منز آسن تِم فیرن نہٟ یِتھ پننؠٟ پلو نِنہ.¹⁹مگر تِمن پیٹھ چُھ افسوس یمہ تمن دُوہن گُوبہ کھورہ آسن بیہ ؠمہ شُرین دوُدھ آسن چیاوان.

²⁰ادہٟ کریو دُعا توہہ گوژھونہ پیُون وندس منز یا سبتکہٟ دوہ ژلُن.

²¹تکیازِ تمہ وقتہ آسہِ تیوتھ بوڈ مصیبت زِ تیوتھ نہ سپُد دنیا بننہٟ پیٹھٟ ونیوک تام نہٟ سپدِ زانہہ.

²²اگر نہ تِم دُہ کم آسہن کرنہِ آمتیٟ تہٟ کانہہ ہکہینہ بچِت مگر نیک لوکن ہندِ باپت یِن تِم دوُہ کم کرنہٟ.²³تمہ وقتہٟ اگر کانہہ توہہ ونیو"وُچھیو" مسیح چُھ یتین یا ہوتین تہٟ یقین کرزؠونہٟ.

²⁴تکیازِ اُپزؠ مسیح تہٟ اُپزؠ نبی وتھن تہٟ تِتھ بڑؠٟ نشانہٟ تہٟ عجیب کامہ ہاون زِ ممکن آسہ تہٟ صاحبِ متقین تہِ کرن گمراہ.

²⁵وچھؠُو مے ونُو تُوہہ گوڈے.²⁶ونؠٟ اگر تِم ونو توہہ زِ وچھو سُہ چُھ سنُسانن منز، تہٟ نیبر نیرزیونہٟ، یا وچُھیو سُہ چُھ کوٹھریِن منز تہٟ یقین کرزیُونہٟ.

²⁷تکیازِ یتھہٟ کنؠٟ وُزملہٟ مشرقہٟ نِشہ چمکِتھ مغرِب تام اَتھِ چھے یوان.

²⁸یتہِ موکُر آسہِ تَتہِ گژھن گریِد تہِ جمع.²⁹تمو دوُہ کؠُو مصیبتو پتہِ گژِھ فوراً آفتابس تہِ انہِ گوُٹ. تہٟ زون تہِ دینہٟ گاش. بیہ پیِن تارکھ آسمانہ پیٹھ وَسؠٟ.تہٟ آسمانیٟ طاقتن سپدِ الہٟ ڈلہٟ.³⁰تہٟ تؠمہِ ساتہٟ نیرِ آسمانہٟ پیٹھ ابنِ آدمہٟ سنُد نشانہٟ نۆن.تہٟ زمینہِ ہندیٟ ساری قوم دگن سینہ تؠمہِ وِزِ.تہٟ وُچھن اِبنِ آدمس ؠوان بڈٟہ قدرتہٟ تہٟ جلالہٟ سان آسمانِکس اُوبرس پیٹھ.

³¹سُہ سوزِ پنین فرشتن تھزِ آوازِ منز بِگُل وایان.تہٟ تِم کرن تمسندین مُنتخب کرمتین جمع آسمانکہ ہُومہِ اندہٟ پیٹھ یتھ اندس تام.³²ونؠ ہیچُھیو انجیر کُلِ نِشہ اکھ مثال. یُوتھؠٟ ٲمچ لنجہِ نرم چھے سپدان تہٟ پَن چُھس نیران تُوہی چُھو دپان زِ ریتہٟ کول چُھ نزدیک.

³³تِتھے پاٹھؠٟ ییلہ توہی یہ سوری کؠنہہ وچُھؠو تہٟ زٲنزیُو سُہ چُھ نزدیک بلکہ چُھ دروازس پیٹھ.³⁴بُو چُھسو توہہ پوز ونان.زِ یوتام نہٟ یہ سُوری کؠنہہ سپدِ یہِ زُری یاتھ واتنہِ ہرگز تہِ اند.

³⁵آسمان تہٟ زمین واتہِ اندِ مگر میانہ کتھٟ رُوزَن تا ابد قایم.³⁶مگر تَتھ دوُہس تہٟ تَتھ وقتس مطلق آسہِ نہِ کانسہِ پے، نہ آسمانکین مَلکن تہٟ فرزندس صرف ببس.³⁷یتھ پاٹھؠ نوح سندیِن دوُہن منز سپُد تِتھے پاٹھؠ سپدِ ابن آدمہٟ سندِ ینہِ وزِ.

³⁸تکیازِ یتھ کنؠ طوفان بُرونہہ ٲسؠ لوکھ کھیوان چیوان تہٟ خاندر واندر کران تَتھ دوُہس تام یوتام نوح نایہ منز داخل سپُد.

³⁹اتؠٟ یوتام طوفان آۆ تہٟ تِم ساری نیِین یرہٟ توتام لجنہٟ تِمن پتہٟ ہی تِتھے پاٹھؠ یؠہِ ابنِ آدم تہِ.⁴⁰تؠمہ وقتہٟ آسن زۂ نفر کھہس منز، اکھ ییہِ نِنہٟ تہٟ بیاکھ ییہِ تراونہٟ.

⁴¹زۂ زنہِ آسن گریٹس اُوٹ پیسان،اکھ ییہِ نِنہ تہٟ بیاکھ ییہِ تراونہٟ.

⁴²ادہٟ ہُوشیار روُزؠو، تکیازِ تُوہہ چھیونہ پتہٟ زِ تُہند خداوند کؠمہ دُوہ ییہِ.⁴³مگر یہ تھایُو یاد، زِ اگر گھرکِس مالکِس پے آسہے رات کیُوت کؠمہِ پہرہ ییہِ ژُور تہٟ سُہ رُوزِ ہے ہوشار تہٟ پنِس گھرس دیہینہٟ سُہ ژوُر گژھنہٟ.

⁴⁴توے روُزؠو توہی تہِ تیار، تکیازِ یمہِ وقتچ نِہ تُوہہ پتہ تہِ آسؠو، زِ ابنِ آدم ییہِ.⁴⁵اتی کُس چُھ سُہ ایماندار تہٟ عقلمند نوکر.یُوس پنِنس مالکس پنین نوکرن چاکرن پیٹھ مقر ر چُھ کوُرمت تاکہ تمن دیِہِ وقتس پیٹھ کِھین.

⁴⁶مبارک چُھ تمِس نوکرس یمس پنُن مالِک وُھہ ینہِ وِز تی کران.

⁴⁷بُو چُھسو توہہ پوز ونان زِ سُہ بنایہ تس پننہِ سارے جایدادک مُختار.⁴⁸ونؠ اگر خراب نوکر پننِس دِلس منز وَنہِ زِ میانِس مالکس چُھ ونہ یِنس تام واریاہ کال.

⁴⁹اتیٟ لاگہِ سُہ پنیِن ہم خدمتن لایُن تہ شرابین ساتی کھیہِ چییہہِ.

⁵⁰تہٟ تِمس نوکر سنُد مالکییہ تؠمہِ دوُہ ییلہ نہِ تس اُمیدؠ آسہِ تہِ تیمہ ساتہٟ یمہ وقتچ تہِ تمس پتہٟ ہی آسہ.

⁵¹تہٟ سُہ والہِ تمِس زبردست کوڈہٟ تہٟ کریس ریاکارن منز شامِل تَتہِ آسہ ودُن تہٟ دندٟہ ٹکُن.

25¹تمہ ساتہ آسہِ آسمانچ پادشاہی تمن دَہن انہرِشین ہند پٲٹھؠ ؠمہ پننہِ مشعالہِ ہیتھ مہرازس استقبالس درایہِ.

²تمو منزہٟ آسہِ پانژھ بیقٟل تہِ پانژھ عٲقل.

³یمہ بیقٟل آسہ تِمو نیِہ پانس ساتیٟ پننہِ مشعالہِ مگر تیِل نیوُک نہِ ساتیٟ کؠہنہ.

⁴مگر عقلمندو نیُو پننین مشعالین ساتیٟ تیِل تہِ کونپین منز پانس ساتیٟ .⁵تہٟ ییلہ مہرازن ینِس منز ژیر لوگ تہٟ سارنے آیہِ نیندرِ ٹھولہٟ تہٟ شُونجہِ.

⁶نصِف رٲژ وُتھ شور! وچھیو مہرازہٟ آۆ نیریُو تس استقبالس.⁷تیمہ وزِ وژھٟ تِمہ سارے انہرشہِ تھود لجہِ پننہِ پننہِ مشعالہ شہرنہِ.

⁸تہِ بیقلو وُن عٲقلن زِ پننہِ تیلہِ منزہ دیِتو اَسہِ تہِ کؠنہہ، تکیازِ سانہِ مشعالہِ ہیژھن ژھیتہِ گژھنہِ.

⁹عٲقلو ونکُھو درجواب شاید نے پوشنِہ یہ اَسہِ دوشوُنیٟ کؠنہ، بہتر چُھ یہِ زِ تُوہی گژھؠو تیِلہٟ دوکانس پیٹھ تہِ انیو پننہِ خاطرہٟ مُولؠٟ.¹⁰ییلہِ تِم مُولؠٟ ہینہ گژھان آسہ.تہٟ مہرازٟہ ہؠو واتِتھ. تہِ یِمہٟ تیار آسہٟ تِمہ گؠہ خاندرچہِ محفلہٟ منز داخل.تہٟ دروازٟ آۆ ہند کرنہٟ.

¹¹پتہٟ آیہِ تِمہٟ باقی انہرشہِ تہِ وننہِ لجہِ ہے خداوند، ہے خداوند سانہِ مُوکھہٟ ترٲؠو دروازہٟ یلہِ.

¹²تیمؠ ونُکھ درجواب.بُو چُھسو توہہ پوز ونان زِ بُو زانُو نہٟ تُوہی.

¹³اوہٟ موکھہٟ روزُؠو ہوشیار، تکیازِہ توہہ نو چُھو سُہ دوُہ پتہ نۂ سُہ وقت.¹⁴تکیازِ یہ چُھ تمِس نفرٟہ سنُد ہیُو حال، یمؠ بیکس ملکس گژھنہٟ وزِ پننہ پننہ گھریکؠ نوکر ناد دِتھ ٲنؠ تہٟ کُورنکھ پنُن مال حوالہ.

¹⁵اکِس دِتن پانژھ قنِطار،دوُیمِس زۂ تہٟ تریمِس اکھ. یعنی پرتھ کانسہِ دیوُتن پننہِ قابلیتہٟ مطابق تہٟ گو بیکس مُلکس.

¹⁶یمس پانژھ قنِطار میلؠ سُہ گو فوراً کورن کارووبار تہٟ زیِنین بیہ پانژھ.¹⁷یتھے پاٹھؠٟ یمس زۂ میلِؠ تیمؠ تہِ زینؠ بیہ زۂ.

¹⁸مگر یمس اکھ اُوس میولمُت سُہ تہٟ تھوون پنیِن مالکہِ سنُد پونسہ زِمینہ چُھپایتھ.¹⁹واریاہ کالہ پتہ آۆ یمن نوکرن ہنُد مالک تہِ لوگ یمن حساب ہینہِ.

²⁰یمس پانژھ قنِطار ٲسؠٟ میلمتؠ سُہ آۆ بیہ پانژھ قنِطار ہیتھ.تہِ وُنن ہے آغہ ژے ٲسِتھ مے پانژھ قنِطار دِتمتؠٟ وُچھ مے زینؠ بیہِ پانژھ قنِطار.

²¹تمسندؠٟ مالکن وُن تس ہیُو جان تہٟ ایماندار نوکرا، شاباش، ٟژہ ہا روُدکھ کمس منز ایماندار، بُو ہا بناوتھ ژہ واریاہن چیزن ہُند مُختار.ولہٟ گژھ مالکہٟ سنزہٟ خوشی منز شامِل.²²تہِ یمس زۂ قنِطار ٲسؠٟ میلِمتؠ تیمؠ تہِ وُن برُونہہ کن یتھ"ژے ٲسِتھ مے زۂ قنِطار حوالہ کرمتؠٟ وُچھ مے زیِنؠٟ بیہ زۂ قنِطار.

²³تمسندؠٟ مالکن وُن تس ہیُو جان تہٟ ایماندار نوکرا، شاباش، ٟژہ ہا روُدکھ کمس منز ایماندار، بُو ہا بناوتھ ژہ واریاہن چیزن ہُند مُختار.ولہٟ گژھ مالکہٟ سنزہٟ خوشی منز شامِل.²⁴تہِ یمس اکھ قنِطار اُوس میولمُت. سُہ تہِ لوگ برُونہہ کن یتھ وننہِ. ہے آغہ بُو زانتھ ژہ زِ ژہ چُھکھ وُوکھ نفر، یتہ ووان چُھکھ لونان، تہ یتہ نہ چھکُرتھ تَتہ چُھکھ سونبران.

²⁵ادہٟ بُو کھوژُس تہِ گوس تھاوٟم چانؠ قنِطار زمینِ منز چُھپایتھ، وچھ یِہ چُون چُھ تِہ چُھ موجود.²⁶تمسند مالکن وُن تس درجواب ہیُو ذلیلہ تہٟ کامہِ ژوُر نوکرا ژے ہا ٲسیٟ پے زِ یتہِ نہِ مے وُو تَتہِ چُھس لونان،تہٟ یتہِ نہ مے چھوکُر تَتہِ چُھس بُو سونبران.

²⁷ادہٟ ژے ہا اُوسؠ لٲزِم زِ میانہِ روپؠہ دیِکھ سُود خارس تہ بُو یمہ ہا تہٟ نمہِ ہا پنُن مال سُود ہیتھ واپس.²⁸ادہٟ نُییوٟ ٲمِس یہ قنِطار تہٟ دِیتُن تس یمس نِش داہ قنِطار چُھ.

²⁹تکیازِ یس نِش چُھ تس ییہِ دِنہ. تہِ تس نِش آسہِ واریاہ. مگر یس نِش کہین چُھنہ تس ییہ تِتہِ نِنہ یہ تس نِش چُھ.

³⁰تہ ترایہ وُن یہ کامہِ ژوُر نیبر کنہِ انہ گٹِس منز تَتہِ آسہ وُدن تہٟ دندہ ٹکُن.³¹ییلہ ابنِ آدم ییہِ پنِنس جلالس منز.تہٟ ساریٟ فرشتہِ یِن تس ساتیٟ.پتہٟ بہیہِ سُہ پنینہ جلالکس تختس پیٹھ.

³²تہٟ ساری قوم سپدن تس برونہہ کنہ جمع. تہٟ سُہ کرِ اکِس بییِس نِشہ الگ یتِھ کنؠ پُوہل چُھ تیرن ژھاولیو نِشہ الگ کران.

³³تہٟ شرِن چھ پانس دچھنؠ تہٟ ژھاولین چُھ کھووُریٟ کینؠ کھڑا کران.³⁴تیمہ ساتہٟ ونہِ پادشاہ پانس دچھُنہِ اندہٟ کینؠٟ، ولُؠو میانِس ببہٟ سندُؠو مبارک لوکو.یہ پادشاہن دنیا بناونہٟ برونٹھ تہندِہ خاطرِہ تیار چُھ کرنہِ آمت تہِ رٹیو میراثس منز.

³⁵تکیازِ بُو اُوسس بُوچھہ ہُوت توہہ کھؠوۆس بُو کھیِن، بُو اُوسس تریشہٟ ہُوت توہہ چیوۆس بُو تریش. بُو اُوسس مسافر توہہ نیوۆس بُو پنُن گھرہ.

³⁶ننگےٟ اُوسس توہہ لاگہِ ووُم پلو.بیمار اُوسس توہی اُۆوُم خبِر. بُو اُوسس قٲد توہی اُو مے نِش.³⁷پتہِ ونن نیکُوکار تس درجواب.ہے خداوند اسہِ کر وچِھکھ ژہ فاقےٟ کھیِاوُکھ ژہ فاقے اسِتھ کھین؟ یا تریشہ ہُوت وچھتھ کر چُووکھ تریش؟

³⁸اَسہ کر نیوکھ ژۂ پنُن گھرٟہ مُسافِر وچِھتھ؟ یا کر لاگؠ ننگےٟ وچھتھ پلُو.

³⁹اَسہ کر وچُھکھ بیمار یا قٲدس منز تہٟ ٲسی آے ژے نِش.

⁴⁰پادشاہ ونہِ تمن درجواب. بُو چھُسو توہہ پُوز ونان.زِ اگر توہہ میانیو سارویٟ کھوتہٟ کم یا یہِ بایو منز کانسہٟ تہِ خاطرٟہ یہ کورُو زَن کورُو میانے خاطرٟہ.⁴¹پتہٟ وَنہ سُہ کھوورِہ اندہ کؠنؠٟ. ملعُونو مے نِش گژھؠو تَتھ ابدی نارس منز یُوس شیطانس تہٟ تمسندین ملکن ہند خاطرٟہ تیار چُھ آمُت کرنہ.

⁴²تکیازِ، بُو اُوسس فاقے، تُوہہ کھیُووس نہٟ بُو کھیِن تہِ، ترؠشٕہ ہُوٚت اُوسُس، توہہ چیووس نہٟ بُو تریش.

⁴³مسافِر اوُسس، تو نیووس بُو گھرٟہ.ننگے اُوس توہہ لاگہِ ووُم نہٟ پلَو.بیمار یا قٲدس منز اُوس تہٟ خبر ہؠژٟہ ووُم نہٟ.⁴⁴پتہِ ونن تِم تہِ درجواب. ہے خداوند.اسہِ کروچُھکھ ژہ فاقے، تریشہٟ ہُوت، مسافر، ننگے، بیمار یا قٲدس منز تہٟ چانیٟ خدمت کرنہ.

⁴⁵تیمہ ساتہٟ ونہِ سُہ تمن، بُو چُھسو توہہ پوز ونان زِ ییلہ نہٟ تُوہہ یمن سارنؠ کم ہایو منزہ کانسہِ ہندہ خاطرہ یہ کرونہ کؠنہہ تہِ زن کورُونہٟ میانے خاطرہٟ.

⁴⁶تہٟ ؠم تُلن، ہمیشہ ہند سزا، مگر پیزٟؠ زیٲرؠ ہمیشہ ہنز زندگی.

26¹ییلہِ عيسىٰ یمہ سارے کتھہٟ ونِتھ سپُد،پتہٟ وُن تیمؠ پننین شاگردن.

²توہہ چُھؠو پے زِ دوُؠو دوہُو پتہ آسہ عیدِ فصح تہٟ ابنِ آدم ییہِ مصلُوب کرنہ باپت رٹہ ناونہ.³تیمہِ ساتہ گے زیٹھؠ کاہن تہٟ قومکؠ بزرگ کایفا ناۆ زیٹھؠ کاہن سندِس دیوان خانس منز جمع.

⁴تہ کوُرکھ مشورٟہ زِ عيسىٰ رٹہ ووُن دھونکہ ساتؠٟ تہِ کرووُن قتل.

⁵مگر ونان ٲسؠٟ. عیدِ پیٹھ نۂ بنان چُھ لوکھ مَا تُلن فسادہٟ.⁶تہِ ییلہ عيسىٰ بیت عُنیاہس شمعون میندٟؠ لدٟہ سنٔدِ گھرِ اُوس.

⁷تہ اکھ زنؠٟ آیہ سنگ مرمر کِس عطرِہ دانس منز قیمتؠ عطر ہیتھ تمِس نِش.ییلہ سُہ کھؠن کھینہ بیُوٹھ تہ ترٲونس کُلِس پؠٹھ.

⁸شاگرد گے یہ وُچھتھ ناراض تہٟ وُنہس یہ کؠمہ خاطرہ کورُتھ ضایعہ.

⁹یہ ہیکہ ہو تھدِ قیمتہ کنِتھ تہ غریبن دِتھ.¹⁰عيسىٰ ہن وُن تمِن یہ زانِتھ کیازِ چھؠو وُن دُکھؠ کران امؠ کُور میانہ خاطرہ رُت.

¹¹تکیازہ غریب غرباء چِھ ہمیشہ تُوہہ ساتی مگر بُو روُزٟہ نہ توہہ نِشہ ہمیشہ کؠنہہ.¹²تہ ٲمہ ترٲو میانِس بدنس پیٹھ عطر میانہِ دفن کرنچِ تیاریِ خاطرٟہ.

¹³بُو چُھسو توہہ پُوز ونان، زِ تمام دنیاہس منز یتہِ تہِ یمہ خوشخبری ہنُد اعلان ییہِ کرنہِ یہ تہِ ٲمہ کُور یہِ گژھِ یُون ٲمسندِ یادگاری موکھہ وننہٟ.¹⁴تؠمہ ساتہ وُن تمو بہو منز اکؠ یمسند ناۆ یہوداہ اِسکریُوتی اُوس، زِٹھؠ کاہنن نِش گژِتھ.

¹⁵اگر بُو توہہ سُہ حوالہ کرناوَن تہٟ مے کیا دیِوُو؟ تمو دژہٟ تمِس تولِتھ ترِہ رُوپیہِ.

¹⁶تہٟ تیمہ ساتہ پیٹھہ لوگ سُہ تمِس رٹناونُک موقع ژھانڈنہِ.¹⁷عیدِ فطیرکہ گوڈنِکہ وُن شاگردو عيسىٰ ہس نِش یتھ. ژہ کتہِ چُھکھ یژھان زِ ٲسؠ کرو چانہٟ خاطرہ فصحہ کھینچ تیاری.

¹⁸تیمؠ وُن شہر گژِتھ ونیو فلانؠ شخصس وُستاد چُھ ونان، زِ مؠون وَکھ چُھ نزدیک بُو ؠمہ پنینؠ شاگرد ہیتھ تہ مناوہ تُہندِ عیدِ فصح.

¹⁹تہٟ یتھ کنؠ عيسىٰ ہن شاگردن اُوس حکم دیو تُمت تمو کور تیِ تہٟ کُورکھ فصح تیار.²⁰شام ووت تہٟ سُہ لوگ بہن شاگردن ساتؠ کھین کھیِنہِ.

²¹ییلہِ سُہ کھؠوان اُوس. تہٟ تیمؠ وُن بُو چُھسو تُوہہ پُوز ونان زِ توہہ منزہ رٹہٟ نایہ مے اکھ.

²²تِم سپد واریاہ غمگین تہٟ پرتھ کانہہ لوگُس وننہِ خداوند، کیا بُو چُھسا.²³تیمؠ وُن درجواب. یمؠ مے سٲتھؠٟ ٹُورِس منز اَتھٟ وُول سُویٟ رٹہ نایہ مےٟ.

²⁴ابنِ آدمس سپدِ تی یہ تس ہندِس حقس منز لؠکتھ آسہ مگر تس نفرس پیٹھ افسوس ؠمہ سندؠٟ دسؠ ابنِ آدم رٹہ ناونہ ییہِ تمسندہ خاطرہ اُوس جان زِ اگر نہ سُہ پٲدے آسہے گوُمت.

²⁵اتی وُن سُہ رٹہ ناون والؠ یہوداہن درجواب. ہے ربی کیا بُو چُھسا؟ تیمؠ وُن تس، ژے ونُتھ پانے.²⁶ییلہٟ تِم کھؠوان ٲسؠ، تہٟ عيسىٰ ہن رٔٹ ژوُٹ تہٟ برکت دِتھ فُٹرٔن تہٟ ونُن شاگردن رٹیو کھیوۆ، یہ چُھ میون بدن.²⁷پتہٟ روُٹن پیالہ تہٟ شُکر کرِتھ ونُن تِمن، توہی سٲریِ چییو امہ منزٟہ.

²⁸تکیازِ یہ چُھ میانہِ عیدُک خون یُوس واریاہن ہندیِن گناہن ہنزِ معافی خاطرہ دنہ چُھ ؠوان.

²⁹بُو چُھسو توہہ ونان، زِ دچھہِ ہنُدیہ رَس چینہ پتہٟ بُو زانہہ بیہ.تَتھ دُوہس تام زِ توہہ ساتی چیمہ. ببہ سنزِ پادشاہی منز نیہِ.³⁰پتہٟ گو سُہ حُمد کرِتھ زینونِکس پہاڑس پیٹھ.

³¹تیمہ ساتہٟ وُن عيسىٰ ہن تِمن. تُوہہِ ساریٟ گژھؠو برگشتہ یمِہ رٲژ میانِہ وجہ ساتی، تکیازِ لیکتھ چُھ زِ بُو مارن یُوہل تہٟ تیِرن گژِھ چھلہٟ چھانگٟر.

³²مگر بُو گژھٟ زندٟہ وتھنہ پتہٟ تُوہہ برونہہ گلیِل.³³پطرسن وُن تس درجواب اگر ساری چانہ وجہ ساتی برگشتہ سپُدن مگر گژھنہ زانہہ.

³⁴عيسىٰ ہن وُن تس، بُو چُھسے ژے پُوز ونان، ؠمے رٲژ کرتھ ژہ کوکر بانِگہ برُونٹھ تریہِ لٹہِ مؠون انکار.

³⁵پطرسن وُن تس. اگر ژے ساتیٟ مے مرُن تہِ پییہ توتہِ کرنہ بُو ہرگِز تہِ چُون انکار. بیہ وُن سالمُو شاگردو تہِ یتھے کنؠٟ.³⁶تیمہ ساتہٟ ووُت عيسىٰ تِمن ساتی گتسمنی ناوِہ اکس جایہ تہِ وُنن پنین شاگردن، یتؠ بہزؠو یوتام بُو ہُوۆر گژِتھ دُعا کرٟہ.

³⁷تہِ پطرس بیہِ زبدی سندؠ دونوے نیچیٟ ساتؠٟ نِتھ لوگ غمگین تہٟ بے قرار سپدنہٟ.

³⁸تیمہ ساتہٟ وُن تمؠ تمِن، مُِون زُو چُھ سؠٹھا غمگین.یوتام زن زِ مرنچ نُوبت زٲژ. توہی رُوزؠو یتی تہ مے ساتؠٟ رُوزؠو.³⁹پتہ کموی بُرونہہ یتھ پیُو سُہ بُتِھ کنؠ کورن دُعا تہِ ونُن. ہے میانہ ببہ اگر ممکن چُھ یہ دُکھک پیالہ ہٹہِ مے نِش توتہِ سپدیِنہ تہِ یہ بُو یژھان چُھس بلکہ سپدِ تہِ یہ ژہ یژَھکھ.

⁴⁰واپس یِتھ وچھن شاگرد شونگِتھ تٕہ پطرسس ونُن کیا ہیککھنا مے ساتؠ اکس گنٹس تہِ ہوشہار رُوزِتھ؟

⁴¹روز ہوشہار تہِ دُعا کران یُوتھنہ آزمایشہ منز پیِکھ، رُوح چُھ تیار مگر جسم چُھ کمزور.⁴²پتہ دوبارہ گژِتھ کورُن یتھٟ کنؠ دُعا.ہے میٲنہِ ببہٟ اگر نہٟ یہ میانہِ چینہ ورٲے ٹلِتھ ہیکہِ تیلہ سپدِن چانی مرضی پورٟہ.

⁴³اتیٟ یِتھ وُچھِن تِم بیہ شونگتھ، تکیازِ تہنذٟہ ٲچھؠ آسہِ نندرہٟ ہژٟہ.

⁴⁴پتہ گو تِم ترٲوِتھ سُہ بیہِ. ترؠمہ لٹہِ کورُن تیِ ونتھ دُعا.⁴⁵پتہٟ وُنن شاگردن نِش یِتھ تمِن. وُنہ چِھوا شُونگتھؠ تہٟ آرام کران.وچھؠو وَکھ وُوت تہٟ ابنِ آدم ییہِ گُناہ گارن حوالہٟ کرنہٟ.

⁴⁶وتھیو پکَو، وچھؠو مے رٹناوَن وُول وُوت نزدیک.⁴⁷سُہ اُوس یہ ونٲنی زِ یہوداہ یُوس بہو منزہ اکھ اُوس .آۆ تہٟ تمس آۆ اکھ بوڈ ہُجوم تلوارٟہ تہٟ ڈنڈہ ہیتھ زیٹھؠ کاہن تہٟ قومکین بزرگن ہندِ طرفہٟ وٲتیٟ.

⁴⁸تمِس رٹن والؠٟ اُوس یہ نشان دیُوتمت زِ یمس بُو میٹھؠ کر سُوی رٹہِ زیوُن.⁴⁹تہِ فوراً وُن تیمؠ عيسىٰ ہس نِش گژتھ"ہے ربی سلام" تہٟ کرِنٔس میٹھؠ.

⁵⁰عيسىٰ ہن وُن تس، یارا ؠمہ کامہِ خاطرہ آمُت چھکھ سُو کر. اتھ پیٹھ آے تِم برونہہ کُن تہ دژٟکھ عيسىٰہس تھف تہ رُٹکھ سِہ.⁵¹تہٟ وچُھؠو، عيسىٰ سندِؠو ساتھیو منزہ کڈ اکؠ تلوار زِٹھؠ کاہن سندِس نوکرس ژُوٹن کَن.

⁵²عيسىٰ ہن وُن تمِس. پننؠ تلوار تھاۆ بند تکیازِ ؠِم تلوار کڑن تِم ساری گژھن تلوارِ ساتؠ ہلاک.

⁵³کیا توہی چُھونا زانان زِ بُو ہیکہ پنِنس ببس زارٟہ پارٟہ کرِتھ، تہ سُہ سوزِہ وُنی فرشتن ہندی بہہ پلٹن مے نِش.

⁵⁴مگر لیکتھ چُھ تہِ کتھہٟ کنؠ سپدِ پُورہ لہذا چُھ یہ سُپدن ضرور.⁵⁵تیمہ ساتہ وُن عيسىٰ ہن ہُجومس کیا تُوہی چُھیوا تلوارہ تہٟ ڈنڈہِ ہیتھ مے ڈاکو سندِؠ پاٹھؠ رٹنہِ آمتؠ.بُو اوسُس پرہتھ دُوہ ہیکلِ منز بہتھ تعلیم دِوان تہِ توہہ رُوٹوۆس نہ بُو.

⁵⁶مگر یہ سُوری کینہہ سپُد امہ موجوب زِ نبیین ہنُد نوشتہٟ سپدِ پُورہ اتھ پیٹھ ژلی داری شاگرد سُہ تراچِتھ.⁵⁷تہِ عيسىٰ نؠو رٹن والؠو سُہ کایفا ناوہ زیٹھؠ سردارس نِش یتہ عالم تہِ بزرگ جمع ٲسؠ.

⁵⁸تہ پطرس ووُت دورِ دورِ تمِس پتہ پتہ زیٹھؠ کاہن سندِس دیوان خانس تام تہِ اندر ازتھ بُیوٹھ محافظن ساتھؠ نتیجہ وُچھنہِ.⁵⁹زیٹھؠٟ کاہن تہ ساری صدرِ عدالت والؠ لگؠ عيسىٰ ہس مارنہ خاطرہ تمس خلاف اپُز گواہی ژھانڈنہِ.

⁶⁰مگر تہِ سپُد نہ ییلہ زن واریاہ گواہ آے مگر آخرس وُن دوُؠو گواہو یِتھ.

زِ

⁶¹ٲمؠ وُن، زِ بُو ہیکہ خدایہِ سند ہیکل لُوہرتِھ تہ ترین دوہن منز ہیکن سُو بو نیہ بنایِتھ.⁶²تہِ زیٹھؠ کاہنن وُن استادہٟ وتھتِھ تس ژہ چُھکنہ جوابی دِوان یہ کیا گواہی چھ یم ژے خِلاف دوان.

⁶³مگر عيسىٰ ہن کرٔ ژھُوپہ.زیٹھؠ کاہنن وُن تس، بُو چھسے ژے زندہ خدایہ سنُد قسم دوان، زِ اگر ژہ خدایہ سنُد فرذند چُھکھ تہِ اسہِ وَن؟

⁶⁴عيسىٰ ہن وُن تس. ژے ونُتھ پانے بلکہ چُھسے پُوز ونان زِ وُنکہ پتہ وُوھہن ژہ ابنِ آدم قادرِ مُطلقس دچھنؠ کینؠ بہتھ تہِ آسمانکہِ اُوبرہ پیٹھی یوان.⁶⁵اتھ پیٹؠھ ژٹؠٟ زِٹھؠ کاہنن یہ ونِتھ پانس پلَو زِ امؠٟ وُن کفُر.ونؠ کیا ضرورت چھے اسہِ گواہن ہنز؟ وچھیو، تُوہہ بُوزوٟہ ونؠٟ یہ کُفر.

⁶⁶تُنہذ کیا راے چھے؟ تمو وُن درجواب، یہِ چُھ قتلس لایق.⁶⁷اتھ پیٹھ وُنہس بُتھِس تُھوکہِ لٲیِتھ تہ مُوشِہ لایتھ تہ کینژھو تھپیرہ والتِھ.

⁶⁸ہیُو مسیحا! اسہِ وَن نبوتہٟ سٲتیٟ زِ ژے کیمؠ لوییی.⁶⁹پطرس اوس نیبر کنہ آنگنس منز بہتھ.زِ اکہِ دایہ وُن تس نکھہ یِتھ ژتہ اوُسکھ عيسىٰ گلیِلیس ساتؠٟ.

⁷⁰تِم کور سارنؠ برونہہ کنہِ انکار یہ ونتھ، مے چھؠنہ پے ژہ کیا چھیکھ ونان.⁷¹تہِ ییلہ سُہ برہ نیبر دراۆ تہ دوؠمہ دایہ وچُھ سُہ اتِؠ ونُن تِمن ؠم تَتہِ ٲسؠ. یہ تہِ اوُس عيسىٰ ناصرِؠس ساتؠِ.

⁷²تِمؠ کُور قسم کھؠتھ بیہ انکار، زِ بُو زانن نہ یِہ نفر.⁷³کؠنہہ کالہ پتہ ؠم تَتہِ استادہ ٲسؠ وُنک پطرسس نِش یِتھ" بے س؛ک چُھکھ ژتہِ تموی منزہ، تکیازہ چانہ وننہ تلہ تہِ چُھ باسان.

⁷⁴اتھ پیٹھ لوگ سُہ لعنت کرِتھ تہ قسم کھیتھ وننہِ، زِ بُو چُھسن نہ یہِ نفر کؠنہہ زانان. تہ امے ساتہ دیژ کوکُرن بانگ.

⁷⁵پطرسس پیہ سُہ کتھ یاد یُوسہ عيسىٰ ہن تس ونمژ ٲس زِ کوکرِہ سنزِ بانگِ برونٹھ کرکھ ژہ تریِہ لٹہ مؠُون انکار، تہ لوگ نیبر نیرت زار زار ودنہِ.

27¹ییلہ صبح پُھول تہِ ساروی زیٹھؠ کاہنو تہِ قومکؠو بزرگو عيسىٰ ہس خلاف مشورہ زِ سُہ ماروُن.

²تہٟ نیوکھ سُہ گنڈِتھ کورُکھ پیلاطُس حاکمس حوالہٟ.³ییلہ تس رٹن والؠ یہوداہن یہ وُچھ.زِ سُہ سپُد مجرم ثٲبت تہ افسوس کرِتھ انیِن تِمہ چاندِ ہنزٟ تِرہ رُوپیہِ زِٹھؠ کٲہِنَن تہِ بزرگن نِش واپس تہٟ وُننکھ.

⁴مے کور گُناہ زِ بے قصور رٹنووُم قتل کرنہ موکھہٟ. تمو ونُس اسہِ کیاہ یہِ زانکھ ژۂ.

⁵اتؠ دراۆ سُہ ہیکل منز دٲرِتھ ژھنِتھ. گو تہ دِژن پانس پھاسؠ.⁶زیٹھؠ کاہنو وُن تِم چاندِہ ہندی پُونسہ تُلِتھ، زِ ؠم چھنہ ہیکلِ ہندِس خزانس منز تراون جایز کؠنہہ، تکیازِ یہ چُھ خُونک قیمت.

⁷پتے ہیُوت تمو مشورہ کرِتھ یمن چاندہ ہندین پُونسن کرالہ سنُد کھا پردیسین ہندِ دفن کرنہ باپت.

⁸امے وجہ کینؠ چھ تَتھ کھہس ونیوک تام"رتہ کھا" ونان.⁹تیمہ ساتہ سپُد تہِ پورہ یہ یرمیاہ نبی سندِ ذریعہ وننہ اُوس آمُت.زِ یمؠوک قیمت مقر ر کرنہ اوُس آمُت بنی اسرایلین ہندِ دسیٟ تمو روُٹ تمیوک تِمہ ترہ روپؠہِ.

¹⁰تہ اتھ آۆ کرالہ سند کھاہ مُولی ہینہ. یتھ کنؠ خداونان مے حکم دُیوتمت اوُس .¹¹عيسىٰ اوس حاکمس برونہہ کنہِ استادہ. تہ حاکمن پُروژھ تس کیا ژہ چُھکھا یہُودین ہند پادشاہ؟ عيسىٰ ہن وُن تس زِ ژہ چُھکھ یہ پانے ونان.

¹²ییلہ زیٹھؠ کاہن تہ بزرگ تمِس پیٹھ اسؠ الزام کھالان، تیمؠ دیُوتنہ کانہہ جواب.

¹³اتھ پیٹھ وُن پیلاطسن تمِس. کیا ژہ چُھکھنا بوزان، ؠِم کاژا گواہی چھِ ژے خلاف دِوان؟

¹⁴تؠمؠ ونؠ تس اکھ کتھ تہِ درجواب، یوتام زن خاکمن بڑہ تعجب کور.¹⁵تہ حاکمہٟ سنُد دستور اُوس زِ عید پیٹھ لوکن ہندِ خاطرہ اکھ قٲدیِ یُوس تِم یژھہن یلہ تراوُن.

¹⁶تؠمہ ساتہ اوُس اکھ مشہور قیدیِ برابا ناوُک.¹⁷ییلہ تِم جمع سپد تہ پیلاطُسن وُن تِمن. توہی کُس چُھوۆن یژھان زِ بُو تراون سُہ تُہندِ باپت یلہ. برابا کنہ عيسىٰ یس زن مسیح چھِ ونان.

¹⁸تکیازِ تِمس ٲس پتہ زِ ؠمو چُھ ضِدس پیٹھ رٹنومُت.

¹⁹تہ ییلہ سُہ تخت عدالتس پیٹھ بِہتھ اوُس تہ پننہ زنانہِ سوزٔس شیِچھ زِہ ٲمس نیک انسانس مہ کر کینہ تکیازِ مے تُل از خوابس منز امہ سندٟ ساتؠ سیٹھا دُکھ.²⁰مگر زیٹھؠ کاہنو تہ بزرگو اُکساؠؠ لوکھ زِ برابا منگہِ ووُن تہ عيسىٰ کرنایون قتل.

²¹حاکمن وُن تمن ؠمو دوُؠو منز کُس چُھو توہی یژھان زِ تُہندِ خاطرہ تراوَن بُو سُہ یلہٟ؟ تمو ونُس برابا.

²²پیلاطسن وُن تمن، ادہ یمس عيسىٰ ہس یمس مسیح چُھ وننہ یوان کیا کرہ بُو؟ ساروی وُن، سُہ کھالیون پھاسہِ.²³تیمؠ وُن "کیازِ"؟ ٲمؠ کیا بدیِ چھے کرمژ؟ مگر تمو تُل بیہ کریکہ ناد تہ وُنکھ، امس دیِو پھاسؠ.

²⁴ییلہ پیلاطسن وُچھ زِ کہہن چُھنہ ہیکان سپدِتھ بلکہ چُھ ہنگامہ زیادے سپدان تہ انہ نووُن آب تہ چھلِن لوکن روبرو پنین اتھہ. تہ ونُن بُو چُھس یمس نیک انسانہ سندِ خونہ نِشہ بری. ونؠ زاینُو تُوہی.²⁵،ساروٟی لوکو وُن درجواب امسنُد خون سانہ تہ بیہ سانین اولادن ہندِ ذِمہ.

²⁶اتھ پیٹھ ترۆو تیمؠ برابا تہندِہ مُوکھہ یلہ. تہ عيسىٰ کوُرن کوڈہ دیایِتھ حوالہ یُوتھ زن پھاسہِ ییہِ کھالنہ.²⁷اتھ پیٹھ نیو حاکمہ سندؠو سپاہؠو عيسىٰ قلعس منز تہ سُوری فوج کورکھ امِس اندؠ پتؠ جمع.

²⁸تہ تس آے پلو کڈنہ تہ آس قرمزی چُوغہ نالی تراونہ.

²⁹تہ کنڈین ہنُد تاج بنایتھ تھوہس کلس پیٹھ. تہ کنڈیُو لُور دِژہس دچھنِس اتھس منز تہ لگِس کوٹھؠ نمرِتؠھ مذاق کرنہِ زِ ہے یہودین ہندِہ پادشاہ "سلام"³⁰تہ لایہس تُھوکہ بیہ ہُیوتہس تمے کنڈی لُورِ ساتی کلس لایُون.

³¹ییلہ مزاق کرِتھ سپدے چُوغہ نیبر کڑِتھ ترٲوِہس پننی پلو نالؠ تہ نیوک پھٲسؠ دِنہِ.³²ییلہ نیبر آے تہ وچھکھ شمعون ناوُک اکھ کُرینی نفر تہ بیگارِ رٹتھِ نیوکھ زِ امسنذ صلِیب تُلہ.

³³تہ گُلگُتا جایہ وٲتِتھ یتھ زن کلہ کھوپرین ہنز جاے چھے وننہ یِوان.

³⁴دُیوتہس ٹؠوٹھ شراب چینہ خاطرہ، مگر مزہ وُچِھتھ یژھن نہ چیُون.³⁵ییلہِ تمو تس پھٲسؠ دِژہ چیرِہ ترٲاوتھ باگرِکھ تمسند پلو.

³⁶تٕہ تَتِہ بِہِتھ لگؠ تمس نظر گزر تہاونہ.

³⁷تہ تمسُند اِلزام تھوک تس کلہ پیٹھؠ کینؠ مشکہِ لیکتھ زِ یہ چُھ یہُودین ہنُد پادشاہ عيسىٰ.³⁸تؠمہ ساتہ گے تمِس ساتیٟ زہ ڈاکو تہِ مصلوب اکھ دچھنؠ کینؠ تہ بیاکھ کھورؠ کینؠ.

³⁹تہ وتہ پکن والؠ ٲسؠ تس کلہ گلہ وِتھ لعن تعن کران تہ ونان ٲسؠ.

⁴⁰ہیو ہیکلِ لوہُرن والیا تہ ترین دوہن منز بناوَن والیا. بچاۆو پنُن پان، اگر ژہ خدایہ سنُد فرذند چُھکھ تہ وس پھاسہِ پیٹھ بُون.⁴¹یتھے پاٹھؠ ٲسؠ زِٹھؠ کٲہِن تہِ فقیہن تہ بزرگن ساتؠؠ رِلتھ مذاق کرِتھ ونان.

⁴²ٲمؠ بچای باقی، مگر پنُن پان ہُیوکن نہ بچایتھ. اگر یہ اسرایلک پادشاہ چُھ وَسِن تیلہ پھاسہ پیٹھ بُون تہ ٲسؠ انو ٲمس پیٹھ اؠمان.⁴³امِس چُھ خدایس پیٹھ بھروسہ اگر سُہ یژِھ تہ ونکیس بچاین امِس، تکیازِ امؠ اوُس ونُمت بُو چُھس خدایہ سنُد فرذند.

⁴⁴یتھے پاٹھؠٟ ڈاکو تہِ ؠِم تمِس ساتھؠ مصلوب سپدؠ تمن پیٹھ تہ ٲسؠ لعن تعن کران.⁴⁵تہِ دوپہر پیٹھ گو انہ گوٹ تریمس پہر تام سارسی ملکس منز.

⁴⁶تہ ترؠمہ پہرہ نزدیک وُن عيسىٰ ہن بڑِہ کریکھ دِتھ" ایلؠ ایلؠ لما شبقتنی" ہے میانہ خدایہ، ہے میانہ خدایہ ژے کیازِ تُرووتھس بُو.

⁴⁷ؠم تَتہ کھڑا ٲسؠ تمو منزہ وُن کینژھو یہ بُوزتھ، زِ یہ چُھ ایلیاہس ناد لایان.⁴⁸تہ تمو منزہ گو یقدم اکھ نفر دُور تہ اُنن سرکس بوڈوِتھ دجِہ ہُر تہ لوُرِ پیٹھ تھایتھ دیوتُس چینہ باپت.

⁴⁹مگر باقیو وُن ٹھہریو گوڈہ وچھو امس ییِاہ ایلیاہ بچاونہ کنہ نہِ.

⁵⁰تہ عيسىٰ ہن دیُوت پتہ بڑِہ آوازِ منز کریکھ دِتھ جان.⁵¹تہ ہیکلِ ہند پردہ پھُوٹ ہیرہ پیٹھ بُون تام گایس زہ حصہ. تہ زمین لرزیہِ تہ کنہِ پھچہِ.

⁵²تہ قبرہ آیہ مژر رنہ تہ واریاھن ،قدسیِنن ہندؠ جسم آے زندہ کرنہ.

⁵³تہ تِم زندہ گژھنہ پتہ قبرو منزہ نیرِتھ گے تِم مقدس شہرس منز تہ واریاھو وُچھؠ تہِ.⁵⁴ادہ صوبیدار تہ ِم ٲمس ساتؠ عيسىٰ ہس راچھؠ کرن والؠ ٲسؠ تِم کھوژیٟ بِنیُول تہ سُوری قصہ وُچھتھ، وننہ لگؠٟ بیشک اوُس یہ خدایہ سند فرزند.

⁵⁵تہ تَتہ آسہ واریاہ مستورات یمہ گلیِلِ پیٹھ عيسىٰ سنذ خدمت کران تس پتہ پتہ آسہ آمژہ. تِم آسہ دُورہ پیٹھ وچھان.

⁵⁶تمن منز ٲسؠ مرؠم مگدلینؠ تہ یعقوب تہ یُوسیس سنز موج مرؠم تہ ذبدی سندین شرین ہنز موج.⁵⁷ییلہ شام سپُد تہ ارمتیاہُک یُوسف اکھ دولتمند نفر آۆ یُوس پانہ تہِ اوُس عيسىٰ سنُد شاگرد.

⁵⁸تہ پیلاطُسس نِش گژِتھ منجن تس عيسىٰ سنز لاش. اتھ پیٹھ دیوت پیلاطُسن حکم تس لاش دینُک.⁵⁹یوسفن نییِہ عيسىٰ سنز لاش سفید زٲیجہ ژادرِ ولِتھ.

⁶⁰تہ کورن پننہِ قبر منز یُوسہ تِمؠ کنین منز کھنِتھ آس تھاومژ دفن تہ بڑ کنؠ قبرِ ہندِ گلِس پیٹھ تھایتھ دراۆ.

⁶¹تہ مرؠم مگدلینی تہ دوؠم مریم آسہ تَتیِ قبرِ نِش بہیتھ.⁶²دوؠمہ دوُہ یُوس تیاری ہند پتم دوُہ اوُس تہ زیٹھؠ کاہن تہ فریسی گے پلاطسس نِش جمع تہ ونُکھ.

⁶³عالی جناب اسہِ چُھ یاد زِ دؠمؠ دھونکہ بازن اوُس زندہ پانے ونمت زِ بُو گژھ ترییہِ دُوہے پتہ زندہ.

⁶⁴ادہ ژہ دِہ حکم زِ ترین دوُہن تام گژھِ ینؠ قبر ہنذ راچھ کرنہ. یوتھنہ تہ سپدِ زِ تمسند شاگرد ین تہ نِن تس ژورِ. تہ لوکن ونن، زِ سُہ وُتھ مردو منز زندہ تہ یہ آخری دھونکہ آسہ گوڈنکہِ کھوتہ بتہ وُلٹہ.⁶⁵پیلاطُسن ون تمن، توہہ نِش چھنا رٲچھدر،گژھؠو یوتام تہندِہ اتھ ییہِ توتام کرؠو رٲچھ.

⁶⁶اتی گے تِم راچھدر ہیتھ تَتھ کنہِ پیٹھ مُہر کرِتھ رودؠ قبرِ رٲچھ کرنہِ.

28¹سبتہٟ پتہ، ہفتکہِ گوڈنکہِ دوہ آفتاب کھستی آیِہ مریم مگدلینی تہ دوؠم مرؠم قبر وچھنہِ.

²تہ وچھؠو،اکھ زبردست بنُؠول سپُد، تکیازِ خدایہ سنُد فرشتہ وُوتھ آسمانہ پیٹھہ تہ نکھہ یِتھ دیوتُن کنہِ ہوکن دکہ پتہ بیُوٹھ اتھؠ پیٹھ.³تمسنذ شکل ٲس وذُملہ ہش تہِ پلو ٲسس سفید شین ہیؠ.

⁴تہ تمسندِ خوفہ کھوژی رٲچھدر تہ فیرکھ مُوتٕنؠ ژَھٹ.⁵فرشتن وُن تِمن مستوراتن، توہی مہ کھوژیو تکیازِ مے چھے پتہ زِ توہی چھُیو عيسىٰ ہس ژھانڈان یُوس مصلوب سپُدمت اُوس.

⁶سُہ چھُنہ یتہِ، تکیازِ پننہ وننہ مطابق ووُتھ سُہ زندہ ولؠو وچھیو یہ Jاے یتہ خداوند سر تراوتھ اُوس.

⁷تہِ جلدی گژیِو ونؠو تمسندین شاگردن زِ سُہ ووُتھ مُوردو منز زندہ. وچھؠو سُہ واتہ توہہ بُرونہہ گلیل، تَتہِ وچُھوۆن سُہ توہی، وچُھؠو مے وُنمو تُوہہ.⁸تِمہ گیہِ خوفہ تہ حُوشی سان قبرِ نِشہ روانہ تہِ دوُرییِہ تمسندین شاگردن خبر دِنہ.

⁹وچھیو، عيسىٰ سمکھؠو تمن، تہِ وننکھ سلام، تمہ آیہ تمِس بُرونہہ تہ کھور رٹتھ کورہس سجدہ.

¹⁰اتھ پیٹھ ون عيسىٰ ہن تمن. کھوژِومہ گژھیو.میانؠن بایَن ونیو گلیلِ واتُن تَتیِ وُچھن مے تِم.¹¹ییلہِ تِمہ گژھٲنؠ آسہ، تہ وچُھیو، رٲچھدرو منزٕہ ووٚن کینژھو شہر یتھ سوری معاملہ زِٹھؠ کٲہِنَن.

¹²تہِ تمو کور بزرگن ساتی جمع سپدتھ مشورہ تہ سِپاہن دِتکھؠ واریاہ پُونسہ تہ ونہکھ.

¹³توہی ونزیُو یہ زِ ییلہ ٲسی راتھ کیوتھ شونگتھ اسؠ تہ تمسندؠ شاگرد آے تہ نیوک ژوُرِ.¹⁴تہ اگر یہ کتھ حاکمن ہندین کنن تام واژ تہ سُہ سمجھایِتھ بچاوو اسؠ توہی خطرہ نِشہ.

¹⁵ادہ پونسہ رٹتھ کور تمو تؠِ یہ تِم ہچھناونہ آمتؠ ٲسؠ تہ یہ کتھ سپز یہودین منز مشہور.¹⁶تہ کاہ شاگرد گے گلیلِ ہندس تَتھ پہاڈس پیٹھ یُوس عيسىٰ ہن تہنذِ خاطرہ مقر ر کُورمت اوُس.

¹⁷تِمو کوٚر سُہ وُچِھتھ سجدٕہ، مگر کینژھو کور شک.¹⁸عيسىٰ ہن کرِ نزدیک یتھ تمِن ساتؠ کتھہِ تہ وننکھ آسمانُک تہ زمینک کُل اختیار چُھ مے دنہٟ آمُت.

¹⁹ادہ گژِتھ بنایوکھ تُوہی ساری قوم شاگرد تہ تمن دیُِو بب، نیچُو تہ روح القدس سندِ ناوہ بپتسمہ.²⁰تہ تمن دیُیو یہ تعلیم زِ تِم کرن تِمن سارنی کتھن پیٹھ عمل یمن ہند مے توہہ حکم دیوتمُو، تہ وچُھیو بُو چُھس دنیاہ ختم گژھنس تام ہمیشہ توہہ ساتی.

مرقس

1¹عيسىٰ مسیح ابن خدا ۓ سنٔزِ خوشخبری ہنزٔ شروعات ۔

²یتھ کنی یسعیاہ نبی سنٔزِ کتا بِ منز لیکتھ چُھ، وُچھیو، بوُ چھسو تُوہہ نِش گوڈہٕ پنن پیغمبر سوزان، یُوس تُہندِ خٲطرٕوتھ شہرتھ تھایہ

³جنگلہ منزٕہ چھے ناد دِنہٕ وٲلی سنٔزآوازیوان زِ خدا وندہٕ سنٔدِ خاطرٕہ کربُو وتھ تیار، تہٕ تمسٔنزٕہ وتہٕ بنایو سیود⁴یُوحنا آوٚ تہٕ جنگلس منز دیوتُن بپتسمہٕ تہٕ گناہن ہنزٔ معافی خاطرہٕ کورُن توبکہِ بپتسمہُک اعلان

⁵تہٕ یہُود یہ مُلککیٕ سٲری لوکھ تہٕ یروشلمکیٕ ساری روزن والیٕ دراۓ تہ گے تؠمِس نِش تہٕ پننین گناہن ہُند اقرار کرِتھ نیُوکھ تس نِش بپتسمہ

⁶یہِ یوحنا اُوس اُونٹہٕیئرٕکؠ پلو تہٕ چمرُوکمر بند گنڈِتھ رُوذان۔بیہ اُوس سُہ جنگلی ماچھ تہٕ ہالو کھیوان۔⁷تہ یہِ اعلان اُوس کران۔ زِ مےٕپتہٕ چھُ سُہ شخص ینہٕ ووُل یُوس میانہِ کھوتہٕ تہِ طاقتور چُھ، بُوچھسنہٕ تمسندِ س کھوربانس فِیتہٕ کھولنس لایٔق تہِ

⁸مؠےدؠوتمو توہہ آبہ ساتیٕ بپتسمہٕ مگر سُہ دؠُو توہہِ روح القدسہ ساتی بپتسمہٕ⁹تمن دوہن سپُد یتھٕ کنی زِ عیسیٰآوٚگِلیلِ ہندِ ناصرتٕ جاۓ پؠٹھٕ تہٕ نیون یردُن دریا منز یوحناہس نِش بپتِسمہ

¹⁰تہٕ ییلہِ سُہ آبہٕ منزہٕ نبرآوٚ تہٕ فوراً وُچھیٕ تیمی آسمان یلہٕ گژِھتھ پانس پیٹھ رُوح کوترہٕ سنٔد پاٹھٕی یوان

¹¹تہٕ آسمانہٕ پیٹھٕ آیہِ یہِ آواز" ژۂ چھُٕکھ میون ٹوٹھ فرزند، ژے ، چُھسٔے بُو خُوش¹²تہٕ امہ پتہٕ سُوز سُہ روحُن جنگلس منز

¹³تہٕ سُہ آوٚ تَتھ سُنسانجایہ ژتجہن دُوہن تام شیطانہٕ سنٔدِ ذریعہ آزماونہٕ، سُہ رُود جنگلی جانورن ساتیٕٕ تہٕ فرشتہٕ ٲسی تس خدمتکران¹⁴یوحنا سنٔدٕ گِرفتار سپد نہٕ پتہ آوٚ عیسیٰ گِلیل منز۔تہٕ لوگ خدا ۓ سنٔزِ خوشخبری ہُند اعلان کرنہ

¹⁵تہٕ ونُن زِ وَکھ سپُد پُورہٕ،خداۓ سنٔز پادشٲہی وٲژ نزدیک، توبہ کر ؠو تہٕ خوشخبری پیٹھ انیُو ایمان¹⁶گِلیلِ ہندِ جھِیلہٕ بٹھیٕ بٹھیٕ گژھان وُچھُ تیمی شمعون تہٕ شمعون سُند بُوئئ اندریاس جھیلس منز زال تراوان، تکیازِ تِم ٲسی گاڈہٕ رٹن والیٕ۔

¹⁷تہٕ عیسیٰ ہن وُن تمن، مؠے پتہٕ پتہٕ ییُو تہٕ بُو بناوَوتوہی انسان رٹن والیٕ۔

¹⁸تہٕ فوراً زال دٲرِتھ ژھٔنِتھ دراۓ تِم تس پتہٕ پتہٕ¹⁹بیہ ہنادور گژِتھ وُچھیٕ تیمیٕ زبدی سنٔدیٕ نیچِی یعقوب تہٕ ٲمہِ سُند بویٔی یوحنا نایہِ پیٹھ زالن ہنٔز مرمت کران

²⁰تیمیٕ کور تِمن فوراًپانس نِش آلو ۔تہٕ تِم دراۓ پنُن مول زبدی نایہ پیٹھی مزورن ساتیٕ ترٲوِتھ تس پتہٕ پتہٕ ۔²¹پتہ سپُد سُہ کفرنحومس منزدٲخل ،تہٕ فوراً لوگ سبتکہٕ دُوہ عبادت خانس منز گژھتِھ تعلیم دِنہ

²²تہٕ لوکھ سپٔد تٕمسنزٔہ تعلیم ساتیٕ حیران تکیازِسُہ اُوسنہٕ تمن علماءہن ہندی پَاٹھٕ کؠہنہ بلکہ اوسُکھ اختیار سان تعیلم دِوان²³تہٕ فوراً سمکھؠوک تیوتھ نفرا تہندِس عبادت خانس اندر یمِس منزٕ بدرُح اُوس،سُہ وُتھ یہِ ونِتھ تُھود

²⁴ہے عیسیٰ ناصریا، اَسہِ کیا کام ژے ساتیٕ؟ کیا ژہ آ کھا اَسہِ ہلاک کرنہِ ؟ بُوہا زانتھ ژۂ زِ کُس چھکھ ژۂ ؟ خدایہ سُند قدُوس

²⁵عیسیٰ ہن وُن تس روٛب کرِتھ'' ژھوپہٕ کرتہٕ ٲمِس منزٔہ نیر نیبر

²⁶پتہٕ دراوٚ سُہ بدروح تمِس مُرن دِتھ بڈِہ کریکہٕ دوان²⁷تہٕ ساری لوکھ گے حیران، تہٕ پانہٕ وانیٕ لگیٕ یہِ بحث کرِتھ وننِہ '' یہٕ کُس چھُ ''یہ ہے چھے نؤ ویٕ تعلیما ۔؟ سُہ ہے چُھ بدرُحس تہِ اختیار سان تعلیم دوان تہٕ تِم چِھ تمسُند حکم مانان

²⁸تہٕ فوراً پھہلییہ تمسنٔز شہرت گِلیلِ ہندین آس پاس پرؠتھ جایِہ۔²⁹تہٕ فوراً ووُت عبادت خانہٕ منزٔ نیرتھ شمعون تہِ اندریاس سُند گھرٕہ

³⁰شمعون سنٔز ہش ٲس تَپہٕ ساتیٕ پیتھ ،تہٕ تمیٕ ونیٕ فوراً تمسنز خبر ٲمِس

³¹سُہ گو تس نِش تہٕ تُجِن اتھس تھپ کرِتھ تھود تہٕ تس ووُتھ تمے ساتہٕ تَپھ تہٕ تھود وتھِتھ لجی تمٔسنز خدمت³²شامس آۓآفتاب لُوستِھ لوکھ واریا ہ بیمار ہیتھ تس نِش

³³تہٕ شہرٕ کؠ تمام لوکھ گے دروازس پیٹھ جمع

³⁴تہٕ تٕمی کرٕیٕ واریاہ ٹھیک ؠِم مختلف بیمارین منزمبتلا ٲسیٕ ۔تہٕ واریا بدروح کڑِن ۔تہٕ بدروحن دِژٔن نہٕ کتھ کرنہٕ ،تکیاز تِم ٲسیٕ اَمِس پہچانان³⁵تہٕ صبح پھولنہٕ بُرونٹھی ووُتھ سُہ تہٕ گو اکِس سُنسان جایہ تہٕ تتہِ کورُن دُعا

³⁶شمعون تہٕ تمسٕند ساتھیٕ گے تس پتہٕ پتہٕ

³⁷ییلہٕ سمکھیو کھ تہٕ وُنہس،ساری لُوکھ چھی ژے ژھانڈان³⁸تیمیٕ ونُکھ ، ولؠو ٲسی گژھو آس پاس کین شہرن منزٔ تاکہ بُو کرہٕ تتہِ اعلان تکیازِ بُو چُھس امےٕخاطرہٕ درامُت

³⁹تہٕ رُود پورہٕ گلِیلِ منز تہندین عبادت خانن منز گژِھتھ اعلان کران تہٕ بد روحن کڈان⁴⁰تہٕ اکیٕ میندٕی لدن کوُر بُروہنہ کن یِتھ تس زارپارہٕ۔ تہٕ کو ٹھیٕ نمرِتھ وُننس ''اگر ژہ یژھکھ تہٕ مؠے ہکؠکھ پاک صاف کرِتھٕ

⁴¹تمِس آوٚتس پیٹھ آر تہٕ اتھ لٲگِتھ وُنَنس '' بُوچھس یژھان ژہ گژھ پاک صاف

⁴²تہ فوراً ژول تس میُوند تہٕ سُہ سپُد پاک صاف⁴³تہٕ تؠمیٕ کور سُہ ہدایت کرِتھ فوراً رخصت

⁴⁴تہٕ وُننس خبدار یوتھنہ کانسہِ کؠنہ وَنکھ ۔ گژھ تہٕ پنُن پان ہاوٚ اِمامن ، تہٕ پنِنہ پاک صاف گژھنکیٕ تِم چیز کرنیاز یِم موسٰہن چھ مقرر کرمتیٕ تاکہ تِہندِ خاطرہٕ آسہِ گواہی⁴⁵مگرنیبر یِتھ لوگ سُہ یہ کتھ سارنیٕ وننہِ ۔ تہٕ یہٕ کتھ کرنٔ تیژا مشہور زِ عیسیٰ ہؠو کنہ پتہ عام پأٹھؠٕ شہرس منز دٲخل سپدِتھ کؠنہہ ۔ بلکہ رُود سُنسان جاین منز تہٕ لوکھ ٲسیٕ ژُو رَو طرفو تمِس نِش ؠوان۔

2¹کینٛہہ دوہہ پتٕہ آوٗ عیسیٰ بیہِ کفرنحوم تہٕ بوزنہٕ آۆ ز ِسُہ چُھ گھرِ

²پتہٕ سپدِیٕ تیتیاہ لوکھ جمع زِ دروازس نِش تِہ روزنہٕ جاۓتہٕ سُہ اوس تمن کلام بوزناوان³تہ لوکھ آۓ ژورن نفرن آتھِ تُلتھِ اکھ فالجہ لد ہیتھ تس نِش ۔

⁴مگر ییلہ ہجومکہِ وجہ ساتی تمس نزدیک ہیکنہٕ یِتھ تہٕ کھولوکھ تَتنس پَش تہٕ ترووکھ الوُنت سُہ چار پاۓ ہیتھ یتھ پیٹھ فالجہ لد لرٔ ترا یِتھ اُوس ۔⁵عیسیٰ ہن وُن تمن لوکن ہند ایمان وُچِھتھ فالجہ لدس ''۔گو بریا '' چانیٕ گناہ گے معاف۔

⁶مگر تتہٕ ؠم علماء ٲسیٕ بِہتھ ، تِم لگیٕ پننؠن دلن منز سُو چنہِ ۔

⁷یہ کیاز چھُ یتھٕ کنیٕ ونان ، کفُر چھُ بکان ، خدایس ورٲے کُس ہیکہِ گناہ معاف کرِتھ۔⁸تہٕ فطراً لوگ رُوح ساتی وننِہ زِ تم کیا چھِ پننین دِلن منز سُو چان تہٕ وُ ننکھ ۔ توہی کیازِ چھُو پننین دِلن منز ؠمہٕ کتھہٕ سوچان؟

⁹سہل کیا چُھ ، فالجہ لدس یہ ونُن زِ چانی گناہ گے معاف ،یا یہ ونُن زِ وَ تھ تہٕ پننیٕ چار پٲۓ تُل تہٕ نیر ؟¹⁰مگر امہِ موجوب زِ توہی زانیو زِ ابِن آدمس چُھ ز مینہِ پؠٹھ گناہ معاف کرنک اختیار ۔ تیمیٕ وُن تس فالجہ لدس ۔

¹¹بُو چھسے ژے ونان وتھ تُل پنِن چار پاۓ تہٕ گژ گھرہ۔

¹²تہٕ سُہ وُتھ فوراً پنٕن چار پاۓ تلتھ دراوٚ نیبر تمن بُرونہہ کینیٕ ۔ حلانکہ تِم ساری گے حیران تہٕ لگیٕ خدایہ سنزٔ تمجید کرِتھ وننہِ زِ اَسہِ اُوسنہ یتھ کنیٕ زاہنہ وچھمُت۔¹³پتہٕ گو سُہ نیبر جھیل بٹِھس پیٹھ ۔ تہٕ سوری ہجوم آوٚ تس نِش تہٕ سُہ لوگ تمن تعلیم دنہِ۔

¹⁴ییلہٕ سہُ گژھان اُوس ،تہٕ تیمیٕ وُچھ حلفایٔ سُند نیچُو لآوِس گزروانس پیٹھ ۔تہٕ تمس ونُن ، مؠے پتہٕ پتہٕ پکھ ادہٕ سُہ وُوتھ تہ د راوٚ تس پتہٕ پتہٕ ۔¹⁵سپُد یہ زِ سُہ بیُوٹھ تمسندِ گھرہٕ کھین کھینہ تہٕ واریا گزر رٹن والیٕ تہٕ گنہگار بیٹھؠٕ عیسیٰ ہس تہٕ تمسنٕدین شاگردن ستیٕ کِھین کھینہِ ، تکیازِ تم ٲسیٕ واریاہ تہٕ ٲسیٕ تمِس پتہٕ پتہٕ آمتیٕ۔

¹⁶فریسیو تہٕ فقیہو وُن سُہ گنہگار ن تہٕ گزررٹن ولین ساتیٕ کھین کھیوان وُچھیتھ تمسدِین شاگردن ، یہ ہا چھُ گزررٹن ولین تہٕ گنہگارن ساتیٕ کھین کھیوان ۔¹⁷عیسیٰ ہن وُن یہِ بوزِتھ تمن ۔ صحت مندن چھینہ حکیم سنٔز ضرورت بلکہ چھے بیمارن۔ بو آسنہٕ نیکو کارن بلکہ آس بُو گنہگارن ناد دِنہ باپت۔¹⁸تہٕ یُوحنا سنُد یٕ شاگرد تہٕ فریسی آسیٕ روزدار۔ تمو وُن تس نِش یِتھ زِ یوحنا سنٔدیٕ شاگرد تہٕ فریسین ہنٔدیٕ شاگرد چھُ روزہٕ تھاوان ۔ مگر چانیٕ شاگرد کیازِ چھینہٕ روزہٕ تھاوان ۔

¹⁹عیسیٰ ہَن ووٚن تمن کیا سالرٕ ہیکنا توتام روزہٕ تھٲیِتھ یوتام تِمن ساتیٕ مہراز چھُ؟ یوتام تِمن سٲتؠ مہراز چُھ تِم ہیکن نہٕ روزہٕ تھٲیِتھ۔²⁰مگر تِم دُوہ یِن زِ مہراز ییہِ تمِن نِش جُدا کرنہٕ تؠمہٕ ساتہٕ تھاون تِم رُوزہٕ ۔

²¹نیِہ کپرچ دجیٕ چُھنہ کنہہ لاگان پرانِس پلوس ۔ تہٕ سو دجٔ چھے تَتھ پلَوس بیہ ہَن یعنی نیہِ ساتیٕ پھٹِہ پرُون بیہ تہٕ زیادٕہ ۔²²تہٕ دچھہِ رس چُھنہٕ کانہہ تھاوان پُرانین مشکَن منز نتہٕ پھٹن مشکے دچھ رسہٕ ساتیٕ تہٕ دچھِ رس تہٕ مشکہٕ گژھن دونوے ضایعہ بلکہٕ چھُ یوان نو دچھہِ رس نیین مشکنیٕ منز تھاونہٕ ۔²³پتہ سپُد یہِ زِ سُہ اُوس سبتکہٕ دوہ کھہو منزی پکان ، تہٕ تمسند یو شاگردو لاگی وتہِ پکان ہیلیٕ ژٹنیٕ۔

²⁴فریسیو وُن تِمن ، وُچھ یم کیازِ چھِ سبتکہِ دوہٕ سُو کٲم کران یوسنہٕ جٲیزٔ چھے۔ تؠمیٕ وُن تِمن ، کیا تُوہہِ چُھونا پورمت زِ داوُدن کیا کور ییلہ تِمن تہٕ²⁵تمسند ین سا تھین ضرورت پییہ تہٕ تم ٲی فاقٔے ۔

²⁶سہُ کیازِ گو ابیاّتر زیٹھ کاہن سندین دوہن منز خدایہ سندسِ گھرس منز تہٕ کھِییَن نیا زچہِ ژُو چہِ ؠم نہٕ کاہنو ورٲ ۓ کا نسے کھؠنہِ جایٔز آسہٕ ۔ بؠہ دِژَن پنین سٲتھِین تہِ۔²⁷تہٕ تیمیٕ وُن تمن ، سبت بنیو انسان سنٔدِ خاطرہٕ نہٕ کہ انسان سبتٕکہ خاطرہٕ ۔

²⁸توۓ چُھ ابن آدم سبتک تہِ مالِک۔

3¹سُہ سپُد پتہ بیہ عبادت خانس منز دٲخل تہٕ تتہِ اُوس اکھ نفر یمسنُد اَتھٕ ہُو کھمت اُوس ۔

²تہٕ کؠہنہ رودیٕ تِمس زاگہِ اگر زِ تؠمؠ سُہ سبتکہِ دُوہ ٹھیک کور تہٕ تس پیٹھ لگاوَو الزام ۔³تؠمیٕ وُن تس نفرس یَس اَتھٕ اُوس ہُوکھمت '' منزباگ رُوزاِستادہٕ

⁴تہ ونُن ، سبتکہِ دوہ چھا نیکیٕ کرنیٕ جایٔز کنہٕ بدی ۔؟ جان بچاون یا قتل کرُن ؟ تمو کٔر ژھُوپہٕ۔⁵تیمیٕ کرٔ تِہنزِ سخت دِلیٕ کینیٕ غمگین سپدِتھ ژ کھ سان ژورو طرفو تمن کُن نظر تہٕ ونُن تس ۔'' پنُن اتھٕ اَن '' تیمیٕ اُون ،تہٕ تمسند اتھٕ گو ٹھیک ۔

⁶پتہٕ لگِٕی فریسی فوراً نیبر نیرتھ ہیرودیسِیّن ساتھی تس خلاف مشورٕہ کرنہِ زِ سُہ کتھ پاٹھیٕ کر ووُن ہلاک ۔⁷تہٕ عیسیٰ گو پننین شاگردن سٲتیٕ جھیلس کُن ۔ تہٕ گلیِل پیٹھ آوٚ اکھ بوڈ ہجوم تس پتہٕ پتہٕ ۔

⁸تہٕ یہودیہ تہٕ یروشلم تہٕ ادومیا پیٹھٕ بؠہٕ یردن اپا رہِ صورتہٕ صیدا ہیکیو شہر و آس پاس پیٹھ آ وٚ اکھ بُوڈ ہجوم یہ بوتھ زِ سُہ کژِھٕ بجہِ کامہِٕ چُھ کران ، تس نِش ۔⁹اَ تیٕ وُن تیمیٕ پنین شاگردن ہجومکِہ وجہ تھا یُو میانہ موکھٕ اکھ لکٹیٕ ناوٚ تیا ر، یُو تھنہ بُو لتہٕ مونجہِ گژھہٕ۔

¹⁰تکیاز تؠمیٕ ٲسیٕ واریاہ لُکھ ٹھیک کرٔمتیٕ ،حلانکہ ییتیأ لوکھ یم سخت بیمارین منز مبتلا ٲ سی ، تِم ٲسی تس کھورن تل پیوان ، ز تمِن ڈالہٕ اتھٕ۔¹¹تہٕ بدروح ییلہ تس ٲسیٕ وچھان تہٕ ٲسیٕ تس برونٛہہ کنِہ پؠوان تہٕ کرِیکھ دِتھ ٲسیٕ ونان ۔ ژہ چھکھ خدایہ سُند فرزند ۔

¹²تہٕ سہُ اُوس تمن تاکید کران زِ مےٕٕ کر ز ؠو نہٕ ظاہر۔¹³پتہٕ کھوت سُہ پہاڈس پیٹھ تہٕ یمس سُہ یژھان اُوس تس اوس پانس نِش آلو کران ۔ تہ سُہ اُوس گژھا ن تس نِش ۔

¹⁴تہٕ تؠمیٕ کری بَہہ مقرر، تاکہ تمِس ساتیٕ روُزن بیہٕ سُوزِ تِمن مُنادی کرنہٕ باپت۔

¹⁵بیہ تھا ون بدروح کڑنک اختیار۔

¹⁶تِم چھ نُوم شمعون یسہند ناوٚ پطرس تھووُن ۔¹⁷تہٕ زبدٔی سُند نیچو یعقوب تہٕ یعقوب سُند بو ۓ یوحنا یمن ہند ناوٗ بوانرگس یعنی وُزملہٕ ہندِیٕ نیچِی تھووُن۔

¹⁸بیہٕ انریاس، فلپس، برتُلمایٔ تہٕ متی، بیہِ توما بیہ حلفٲیٔ سُند نیچو یعقوب تہٕ تّدِی تہٕ شمعون کنعانی۔

¹⁹بیہِ یہوداء اسکریوتی یمیٕ سُہ رٹنووٗ تہِ۔²⁰سُہ آوٚ گھرہٕ تہٕ ییتیاہ لُوکھ گے بیہِ جمع زِ سُہ ہؠو کنہٕ کھین تہِ کِیتھ۔

²¹ییلہ تمسندٔ ؠو عزیزو یہِ بوز تہٕ دراۓ تمِس ژھا نڑنہِ۔ تکیازِ سُہ اوس ونان ، بُو چُھس بے خودٚ

²²تہٕ ؠمِ عالم یروشلمہٕ پیٹھٕ آمتی ٲسیٕ ۔ ونان ٲسیٕ ٲمِس ساتیٕ چُھ بعلزبوٗل بیہ چُھ یہ بدروحن ہندِس سردار سنِد مددٕ ساتیٕ بدروحن کڑان۔²³سہُ لوگ تمن پانس نِش بُلا یِتھ مِثالن منز وننہِ۔ زِ شیطانس کتٕھ کنیٕ ہیکہِ شیطان کڑِتھ۔

²⁴بیہِ اگر پادشاہی منز پُھوٹ وتھ سُو پادشاہی گھر روزنہٕ قٲیم ۔

²⁵بیہٕ اگر کو نہِ گھرس منز پُھوٹ وتھِ سُو تہِ روزنہِ قٲیم۔²⁶بؠہِ اگر شیطان پانسیٕ مخالف سپدتھ پانس منز پھُوٹ ترایہٕ سُو تہِ روزنہٕ قایٔم ۔ بلکہ سپدِتمسنُد خاتمہ۔

²⁷مگر کانہہ نفر ہکینہ کانسہِ طاقتور سنٔدِس گھرس منز دٲخِل گژِ تھ تمسُند جا یٔداد لُوٹہٕ ننہٕ باپت۔یوتام نہٕ سُہ تمِس طاقتورس گنڈِتھ تھا یہ پتہ ہیکہ سُہ لوٹ کرِتھ ۔²⁸بوچھسُو تو ہہ پُوز ونان زِ بن آدم سنٔد تمام گناہ تہٕ یوتا سُہ کفُر بکہِ ییہ معاف کرنہٕ۔

²⁹مگر یُوس اکھا ہ رُوح القدسہ سنٔدِس حقس منز کُفر بکہِ سُہ لبنہ ہمشہ تام معافی کہنہ بلکہ سپدِ ہمیشتام گناہک قصوروار۔

³⁰تکیازِ تم ٲسیٕ ونان زِ ٲمِس منز چُھ بدرُوح ۔³¹پتہ آۓ تمسنز موج تہٕ بٲۓ تہٕ سوزہس نیبرکنہِ استاد روزتھ ناد ۔

³²تہٕ ہجوم اُوس تمسِ آس پاس بہتھ۔ تموون تَس وُچھ ،چانی موج تہٕ چانیٕ بٲۓ چھیٕ ژے نبیر کنہ ژھانڑان۔³³تؠمیٕ وُن تِمن در جواب۔ میٲنی موج تہٕ میٲنی بٲ ۓ کٔم چھ؟

³⁴تہٕ ؠم ٲمِس آس پاس بہتھ ٲسی تمن نظر ا کرتھ ونُن وچھؠو میانیٔ مُوج تہٕ میٲنیٕ بٲۓ چھِ یِم ۔

³⁵تکیازِ یوس اکھا ہ خدا یہ سنٔز مرضی پیٹھ پکہِ سُوی چُھ میون بُو ۓ تہٕ میٲنی بینہِ تہٕ مُوج۔

4¹سُہ لوگ بیؠہ جھیل بٹھسٕ پؠٹھ تعلیم دِنہِ تہٕ تس نِش گو اکھ بُوڈ ہجوم جمع ، سُہ بیوٹھ جھیلس منز اکِس نایہ منز تہٕ سُوریٕ ہجوم رُود جِھیلکِس خوشک بٹھِس پیٹھ۔

²تہٕ سہُ لوگ ؠمن مثالن منز واریا ہ کتھٕ ہیچھناونہٕ تہٕ ونُن پننہِ تعلیم منز تِمن۔³بوزیُو ، وچھیُواکھ ووَن ووُل دراوٛ بیُول وونہٕ ۔

⁴تہٕ وونہٕ وزِ سپُد یہِ زِ کؠہنہ بیُول پُیو وتہِ بٹھِس پیٹھ تہٕ جانور آۓ تہٕ نیو کھ سُہ تُلِتھ ۔

⁵تہٕ کیہنہ پیُو کینو ز مینہِ پیٹھ،پتہٕ ییلِہ نہٕ تتھ واریا ہ میژ میج تہٕ تیمہٕ وجہ کھوت جلدی۔⁶تہٕ ییلہٕ آفتاب کھُوت تہٕ دُود بیہٕ ہُوکھ یہِ مُول نہٕ آسنکہِ وجہ ساتی۔

⁷تہٕ کؠنہہ پیو کنڈیٕ زنڈن منز ۔ تہٕ کنڈیٕ زنڈو ولُس نال بوڈ گژتھ تہٕ فصل بنیوسنہٕ۔⁸تہٕ کؠنہ پیو اصل زیمینس پیٹھ، تہٕ سُہ کھُوت تہٕ گو بو ڈ تہٕ بنیوس فصل کُنہِ ترہ گنہِ ، کُنہ شیٹھ گنہٕ تہٕ کُنہ ہتھ گنہ۔

⁹پتہٕ وُن تیمیٕ یِمس بُوزنکی کن آسن سُہ بُوزِ۔¹⁰ییلہ سُہ کن زوٗن اُوس تہٕ تمسنٕد یو ساتھیو پُروژھ تس تِم بہہ ہیتھ سا تیٕ یمن مِثا لن مطلق ۔

¹¹تیمی وُن تمن ، توہِہ اُوٚ خدایہ سنٛز پادشاہی ہُند تہِ راز دِنہٕ ، مگر تِہندِ خاطرہ یم تَتِہ نیبر چِھ ، چھے سارے کتھہٕ مِثالن منز سپدان

¹²یُوتھ زن وچھنہٕ کینیٕ وچھن مگر پہچانن نہ کؠنہہ بوزنہٕ کینیٕ بُوزن تہٕ سمجھن نہٕ کؠنہہ یوتھنہٕ یہ سپدِ زِ تم زانن تہٕ لبن معٲفیٕ۔¹³پتہٕ وُن تیمیٕٕ تمن، کیا توہہ ترٕونا یہ مثال فکرہٕ ؟ پتہٕ کتھٕ کنیٕ ترنَو تو ہہ باقی سارے مثالہ فکرہٕ۔

¹⁴وون ووُل چھُ کلام ووان۔

¹⁵یوس وتہِ بٹِھس پیٹھ چُھ یوان ۔ ؠِم چھ تِم زِ ییلہ تمو کلام بوزتہٕ شیطان آوٛتہٕ نیون تُلتھ سُہ کلام یُوس تمن منز وونہٕ اُوس آمُت۔¹⁶بیہٕ یتھے پاٹھیٕ یوس کنیو زمینہٕ منز وونہ آوٚ۔ چھِ تِم یِم کلام چھ بوزِتھ فوراً خوشی سان قبول کران۔

¹⁷مگر پانس منز چھنہٕ مول دوان کؠہنہ ، بلکہ چھِ کمویٕ کا لکیٕ آسان۔ پتہ ییلہ کلامکہِ وجہ ساتی مصیبت یا ظلم چُھکھ برپا سپدان تہٕ فوراً چھِ ٹھو کر کھیوان ۔¹⁸بیہ یُوس کنڈیٕ زنڈن منز وونہٕ آوٚ ۔ چھ تِم یمو زن کلام بوز۔

¹⁹تہٕ دنیاہچ فکر تہٕ دولتُک دھونکہ، تہٕ بیہِ چیزن ہنٔز لالچ چھینہٕ کلامس پھبنہٕ دِوان تہٕ تہٕ سُہ چھ بے پھل روزان۔

²⁰تہٕ یُوس اصلِس زمینس منز وونہٕ آوٚ۔ چھ تم یِم کلام چھِ بوزان تہٕ قبول کران تہٕ فصل تہٕ چُھکھ نیران کُنہِ ترہٕ گنہِ ، کُنہِ شیٹھ گنہٕ تہٕ کُنہِ ہتھ گنہٕ۔²¹بیہ وُن تیمیٕ تمن، کیا ژُو نگ چھا یوان ٲمہِ موجوب زا لنہٕ زِ زُورِتل یا چار پایہ تل ییہِ تھاونہٕ ۔کیا امہٕ موجوب نا زِ زورِ پیٹھ ییہ تھاونہٕ ۔

²²تکیازِ کانہہ چیز روزنہٕ چُھپِت یُسنہٕ ظاہر سپدِ، تہٕ ژُورِ رُوزنہٕ کؠہنہ ییہ بُرونہہ کُن اننہٕ۔

²³اگر کاسنہِ بوزنکی کَن آسن تیلہ بوزِن۔²⁴پتہٕ وُننکھ یمہ میژہٕ ساتی توہی مینان چھو تمے ساتیٕ ییہِ تہُند باپت تہِ میننہٕ ۔ تہٕ توہہِ ییُو زیاہ دِنہٕ۔

²⁵تکیازِ یَس نِش چھُ تَس ییہِ دِنہ۔ تہٕ یَس نہٕ چھُ تس ییہِ تُتہٕ ننہِ یہ تس نِش چُھ ۔²⁶بیہٕ ون تنمیٕ ، خدایہ سننٔز پٲدشاہیٔ چھے تِژھ زِ یتھ کنیٕ کاہنہ نفر زمینس منز بیول تریہٕ ۔

²⁷تہٕ راتس شونگہِ تہٕ دُوہس وَتھِ تہٕ سُہ بیول کھسہ تتھے پاٹھیٕ تہٕ گژھ بُوڈ تِمن ترنہٕ فکر ے۔

²⁸زمین چھے تتھ پانے پھلہٕ راوان ۔ گوڈہٕ پترٕ پتہٕ ہیلیٕ ، پتہٕ ہیلین منز پھلیٕ۔

²⁹پتہٕ ییلہ فصل چُھ پپَان تہٕ سُہ چھُ فوراً تتھ دُروت لاگان تکیاز لو نُنک وَکھ چُھ ووتمُت آسان ۔³⁰پتہٕ وُن تؠمیٕ ٲسیٕ کوسہٕ مثال دِمَو خدایہٕ سنٛزِ پادشاہی تہٕ کتھ مثال منز کرو سُو بیان۔

³¹سُو چھے آسرٕی دانکیٕ پاٹھیٕ زِ ییلہ زمینِہ منز چُھ وونہٕ یوان۔ تہٕ چھُ زمینہِ ہندؠو سالمو بیٲ لیو منزہٕ لوکُٹ آسان ۔

³²مگر ییلہ وونہٕ آوٛ تہٕ چھ سٲلم سبز ؠو منزہٕ بوڈ گژھان بیہِ چُھ تیتیٕ بڑیٕ شاخ کڈان زِ آسمانیٕ جانور چِھ تِمن ہندس سایٔس منز ٲلیٕ ہیکان ییرِ تھ ۔³³تہٕ سُہ اُوس تمن امہٕ قسمچہ واریاہ مثالہٕ دِتھ تہندِ سمجھِ مطابق تمن کلام بوزناوان ۔

³⁴تہٕ مثالہٕ ورٲۓ اُوسنہٕ تِمن کہین ونان ۔مگر تنہایٔ منز اُوس پننین خاص شاگردن تمام کتھن ہند معنی بیان کران۔³⁵تمہ دوہ شامس وُن تؠمی تمن ولؠو اَپُور ترَو۔

³⁶تہٕ ہجومس رخصت کرِتھ نیو سُہ تِمو نایہ کُن تہٕ اتھ ساتیٕ آسہٕ بیہ تہٕ کؠہنہ ناوہٕ ۔

³⁷پتہ آوٗ واوہٕ طوفان تہٕ لہرٕہ آیِہ تتھ کنیٕ زِ نایہٕ منز گو آب لجیٕ پھٹنہِ۔³⁸تہٕ سُہ اوس پانہٕ پتمہِ اندہ شُونِگتھ وتھر نس پیٹھ ۔ اَتی نندرِ تُلِتھ وُنہس ؟ ہے وُستا د کیا ژے چھینا فِکرِی ، زِ اسی ہیتن ہلاک سپدنیٕ۔

³⁹سُہ ووُتھ تہٕ کورُن واوس رُوب تہٕ آبس ونُن ژھُوپہ یعنی "ٹھہر " اتیِ گو واو بند تہٕ بلکل سپُد اَمن ۔⁴⁰پتہٕ ون تؠمی،توہی کیازِ چھُو کھوژان ؟ ونیوک تام چھیو نا ایمانیٕ تھاوان ۔

⁴¹بیہِ کھوژیٕ تِم سخت تہٕ پانہٕ وانی لگیٕ وننہ یہ کُس چُھ '' زِ واوتہٕ آب تہٕ چھُ ٲ مسنُد حُکم منان ۔

5¹تہٕ سُہ ووت جھیلہٕ اپُو ر گراسینوٕ کس علاقس منز ۔

²ییلِہ سُہ نایہ منزہٕ بُونووٚتھ تہٕ فوراً آوٛ قبرو منز نیرتھ اکھ نفر یس منز بدروح ٲسیٕ سمُکھ تس ۔³سُہ اُوس قبرن منز روزان نہٕ ونیٕ اُوسنہٕ تمس کانہہ زنجیرو ساتیٕ تِہ گنڈِتھ ہیکان ۔

⁴تکیازِ سُہ اوس آمُت باربار بیڑیو تہٕ زنجیرو سانیٕ گنڈنہٕ۔ مگر تیمیٕ آسہ ز نجیرہٕ فُٹرا یمژہٕ تہٕ بیڑیٔن آسِن ٹکرہ ٹکرہٕ کرمتیٕ تہٕ کانٛہہ اُوسنہٕ تِمس ہیکان قابو کرِتھ ۔⁵سُہ اُوس ہمیشہ راتس دُوہس قبرن تہٕ پہاڈن منز کرِیکہٕ دِوان ۔ تہ پنُن پان اُوس کنیو ساتیٕ زخمی کران۔

⁶ییلہ تؠمیٕ دُورے وچھ تہٕ سُہ آوڈیہِ تہٕ کورنس سجدہٕ۔⁷تہٕ بڑہ آوازمنز کریکھ دتھ ونُنس '' ہے عیسیٰ '' خداتعالیٰ سندٕ فرزند مے کیا کٲم ژے ساتی ؟۔ بُو چھُسے ژے خدایہ سنُد قسّم دِوان، مےٕ مۂ تراوٗ عزابس منز۔

⁸تکیازِ تؠمیٕ اُوس تس ونمُت '' ہے بدروح'' ٲمِس منزہٕ نیر نیبر۔⁹پتہٕ پرُ وژھ تؠمیٕ تس ژۓ کیا چھی ناوٗ،،؟ تیم وُن تورہٕ مے چُھ ناوٚ لشکر ، تکیازِ ٲسیٕ چھِ واریا۔

¹⁰پتہ کور تیمیٕ عیسیٰ ہس زار پار، زِاَسہِ مٔہ سُو ز یمہٕ علاقہ نیبر ۔¹¹تہٕ تتہ اُوس پہاڈ س پیٹھ سُورن ہنداکھ بوڑ کھیول گاسٕہ کھوان ۔

¹²اَتی وُن تؠمیٕ عیسیٰ ہس زار پار کرِتھ زِ ''اَسہٕ سُوز ہومن سُورن منز تاکہ اسیٕ گژھو تِمن منز داخل۔

¹³اَتیٕ دیوت تؠمیٕ تمن اجازت تہٕ بدروح درٲے تہٕ گے سُورن منز داخٔل۔ تہٕ سُہ کھؠول یُوس قریبن زِہ (۲) ساس تام اُوس گے بٹھٕ پیٹھ وُٹھ لایتھ جھیلس منز ، تہٕ مُودیٕ ۔¹⁴تہٕ تنہدیٕ پہلیٕ ژلیٕ تہٕ واتنا وکھ شہروگام یہ خبر۔

¹⁵اتیٕ دراۓ لوکھ یہٕ قصّہٕ وُچھنہِ واتیٔ عيسٰى ہس نِش ، تہٟ یمس منز بدروح ٲسیٟ یعنی بدروحن ہُند لشکر سُہ ییلہ وُچھکھ بہتھ تہٕ پلو لگتِھ تہٕ ہوشس منز۔ تہٕ تِم کھو ژیٕ۔¹⁶وُچھن والیو کور بدروح لد سند تہٕ سُورن ہند سورے حال تِمن بیان۔

¹⁷تِم لگیٕ تس زارہٕ پارہ کرنہِ زِ سانہِ سر حدہٕ نِشہٕ نیر۔¹⁸ییلہِ سُہ نایہٕ ہؠوتن کھسُن تہٕ یمن منز بدروح ٲسیٕ تیمیٕ کورُس زارہٕ پارہٟ زِ بُو روزہٟ ژےٟ سٲتیٕ ۔

¹⁹مگر تؠمی دیو تُسنہٕ اجازت کؠہنہ بلکہ ونُنس گژھ پننین لوکن نِش پنُن گھرہٕ تہٕ تمن ون زِ خداوندن کِژھ بڑ کام کر چانہِ خاطرہ۔ بیہ کورن ژےپیٹھ رحم ۔

²⁰سُہ گو تہٕ دِکُپلسّ منز لوگ ٲ مہٕ کتھ ہنز بارے دِنہ ۔ زِعیسیٰ ہن کِژھٕ بجہ کامہِ کر تمسند خاطرہٕ ۔ تہٕ ساری لوکھ ۔ ٲسیٕ تعجب کران۔²¹ییلہ عیسیٰ پتہ نایہ منز یپور تور تہٕ بُوڈ ہجوم سپُد تس نِش جمع تہٕ سُہ اُوس جھیل بٹھِس پیٹھ ۔

²²تہ عبادت خانکؠو زِ ٹھیو منزہٕ آو اکھ شخص یایِٔر ناوک تہٕ پیوس قدمن منز ۔

²³تہٕ یہ ونِتھ کورنس زارہ پارہٟ ''زِ میٲنیِ لو کٹیٕ کور چھے مرنس تیار ژہٕ ولہ پنُن اتھ تھاو تس پیٹھ تاکہ سُو گژِھ ٹھیک بیہ رُوزِہ زندہٕ ۔

²⁴اتی دراوٛ سُہ تِمس ساتی تہٕ واریاہ لوکھ آۓ تس پتہٕ پتہٕ جمگوٹھ کرِتھ ۔²⁵پتہٟ ٲس اکھ زنیٟ یمِس بہو ور یُوپیٹھ خون جٲری اُوس ۔

²⁶تہٕ واریا ہو حکیمو ہندِدسی اُسن تکلیف تُلمت بیہ پُنن سوری مال خرچایٔتھ تہٕ ٲسنہٟ تِمس فرق گمٔژ ۔ بلکہ ٲس زیاد ے بیمار گمٔژ ۔

²⁷عیسیٰ سنز خبر بوزِتھ آیہِ سُو ہجومہٕ منزٕی تہٕ لوگنس پلون آتھ ۔²⁸تکیاز سُو ٲس ونان ۔ اگر بُو صرف تمسٔندین پلونے یُوت اتھٕ لاگہٟ تہٟ بو گژھ ٹھِیک ۔

²⁹تہٕ فوراً سپُد تمِس خونِ جاری بند پننہ پانہ نِشہ سپُد تِمن پے زِ مے لوب امہِ دادہ نِشہٕ شفاء³⁰عیسیٰ ہس تہ سپُد پننِہ پانہٕ سٲتی پنُنہ زِ مے منزہٟ درا مٚیہِ قُوت۔ تتھ ہجومس منز پتھ کُن پھیرِتھ وُنن ، میانین پلون کیمیٕ لوگ اَتھٕ؟

³¹تِمس وُن پننؠُو شاگردو ۔ ژہٕ چُھکھ وُچھان ہجوم چُھ ژے ساتیٕ جمہ گوٹ کرِتھ ، بیہ چُھکھ ژہ ونان مؠےکیمیٕ لُوگ اَتھٟ؟

³²تیمیٟ تراوٚ ژو پٲریٕ نظر زِ تس وُچھ یمیٕ یہِ کٲم کٔر ۔³³اَتیٟ آیہ سُو زنیٟ کھوژان تہٟ تمِس برو ہنہ کنہِ پیہ پتھر تہٟ وُننس سُوری حال پُوز پُوز ۔

³⁴عیسیٰ ہن وُنس، گو برِی ژے ہے میُو لیٟ پننِہ ایمانہٕ سٲتی شفاء ۔³⁵سُو اُوس یہ ونٲنیٟ زِ عبادت خانکِس زِٹھس نِش ووٚن لُوکو تَس چٲنؠ کُور حض گزرییہِ ۔ ونیٕ کیازِ چُھکھ وَستادس تکلیف دیوان ؟³⁶عیسیٰ ہن کورنہٟ اتھ کن توجہ کؠہنہ یُوسہ کتھ تِم ونان ٲسی ، بلکہ ونُن عبادت خانکس زٹھِس ، کھو شمۂ صرف تھاوٚ اعتقاد ۔

³⁷پتہٕ دیُو تنہٕ تیمی پَطرسس تہٕ یعقُوبس تہٟ یعقوب سندِس بٲیِس یُوحناہس ورٲے بیہ کانسہِ پانس ساتی یِنُک اجازت۔

³⁸تہٟ سُہ ووت عبادت خانکس زِٹھیٕ سُند گھرہٟ تہٟ تؠمیٟ وچُھ تتہٟ واریاہٟ شور تہٕ لوکھ ٲسیٕ ودان تہٕ بُتھِ بُتھِ دوان ۔³⁹تہٟ اندر گژِ تھ وُن تیمیٟ ۔ تُوہی کیازِ چُھو شور تُلان تہٟ ودان ۔ لڑکی چھینہٕ مومژ بلکہ چھے شونگِتھ ۔

⁴⁰تمو تروو اَتھ پیٹھ اَسُن ۔ مگر تیمیٟ کڑیٟ سٲری نیبر تہٟ لڑکی ہند مول موج تہٕ پننیٟ سٲتھی ہیتھ گو اندریتینس لڑکی ٲس پیمژٔ ۔⁴¹تہٟ لڑکی ہندِس اَتھس تَھپ کرِتھ وُننس تلیتاقومی یمیوک ترجمہ چُھ ۔ ہے کُوری بُچھسے ونان ژے وَتھ ۔

⁴²سُو لڑکی وژھ فوراً تہٟ لجٕؠ پکنہِ ٹکنہ ۔ تکیاز سُو ٲس بہہ ورِش اتھ پیٹھ سپٕد لوکھ وریا حیران ۔

⁴³پتہ دیُوت تؠمی تمن تاکید کِرتھ حکم ۔ زِ یہ ونزیُونہٟ کانسہِ۔ تہ وننکھ کورِہ دیُو کؠہنہ کھینہٟ خاطرہٟ۔

6¹تَتِہ نیرتھ ووت عیسیٰ پنِنس شہرس منز ۔ تہٟ تمسند شاگرد، تہٟ آۓ تَس پتہ پتہ ۔

²ییلہ سبتُک دوہ ووت تہٟ سُہ اُوس عبادت خانس منز تعلیم دوان ۔تہٕ واریاہ لوکھ سپٔد بوزِتھ حیران تہٟ وننہِ لگیٕ ۔''ؠمہ کتھ کتہ آیہ ٲمِس منز ؟ تہٟ یہ کژِھ دٲنایٔ چھے ٲمِس بخشنہٟ آمژٔ تہٟ ٲمہِ سنٔد اَتھ کِتھ معجزہٟ چھِ ظاہر سپدان۔

³کیا یہ چُھُنا سُوی چَھان یُوس مریم سُند نیچو تہٟ یعقوب تہٟ یوُسیس تہٟ یہوداہ تہٟ شمعون سنُد بُوے چُھ ؟ تہٟ کیا ٲمہِ سنزہ بینہٟ چِھینا یتہِ اَسہِ ساتیٟ؟ ادہٟ تمو کھے ٲمہِ سنٔدِہ وجہ ساتیٟ ٹھوکر ۔⁴عیسیٰ ہن ون تمن، نبی چُھنہ پننہٟ وطنہ تہ پننؠو رشتہ دارو تہٟ پننؠو گھرہٟ کؠو ورٲے کُنے بے عزت گژھان ۔

⁵پتہ ہیوکنہ تتہِ سُہ کانہہ تہِ معجزہ ہٲیتھ ، صرف کرنیٟ کؠہنہ بیمار پُنن اتھ تِمن پیٹھ تھٲیٟتھ ٹھیک۔

⁶تہٟ عیسیٰ ہن کور تہندِ بے اعتقادِی پیٹھ تعجُب ۔ تہٟ سُہ رُود ژوپٲری گامن منز تعلیم دِوان ۔⁷تیمیٟ ٲنیٟ بہہ پانس نِش بُلایتھ تہٟ ہیتن دُویہ دُویہ سُوز نیٟ تہٟ تِمن دیوتن بدروحن پیٹھ اختیار۔،

⁸تہٟ حکم دیُو تُنکھ ، زِ وتہِ خاطرہٟ مَہ نیُو لورہِ ورأۓ کؠہنہ ساتیٟ۔ نہٟ ژوٹ ، نہٟ ٹھیلہٟ نہٟپننِس کمر بندس منز پُو نسہٟ۔

⁹مگر کھورہٟ بانہٟ لاگؠو تہٟ زۂ زۂ کُرتٕنِہ مَہ لاگؠُو ۔¹⁰بیہ وُن تیمی تمن یتِہ تہِ توہی کونہ گھرس منز دٲخٟل سپُدؠو تہٟ تتھیٟ روزِ زؠو یوتام نہٟ تتہٟ نیرؠُو

¹¹یمہ جایہ ہندیٟ توہہ قبول کرنونہٟ ، تہٟ تتہِ نیرنہٟ وِزِہ دٕنزؠو پننین تَل پدین ہنز گردٔ تاکہ تِمن پیٹھ روزِ گواہی ۔¹²تہٟ بہو شاگردو کُور روانہ سپدتھ اعلان زِ توبہٟ کُرؠُو ۔

¹³بیِہ کٔڑِکھ واریا بدرُوح تہٟ واریاہ بیمار کرِکھ تیل ملِتھ ٹھیک۔¹⁴تہٟ ہیرودیس پادشاہن ییلہ یہ زکر بُوز ۔ تکیازِ۔ تکیازِاَمہِ سُند ناوٚ اُوس مشہور گومُت۔ تہٟ تیمیٟ ون'' یُوحنا بپسمہٟ دنہٟ وول چُھ مُوردو منز زندہٟ وتُھمت اوےٟ چِھ امہٟ سٔندہِ ساتیٟ معجزٕہ سپدان ۔

¹⁵مگر کؠہنہ ٲسیٟ ونان ، یہ چُھ ایلیاہ، تہٟ کؠہنہٟ ٲسی دپان یہ چُھ نبین ہندیٟ پاٹھیٟ اکھ نبی۔¹⁶مگر ہیُرویس وُن تِہ بوزِتھ،، زِ یمس یُوحناسُند سر مےٟ ژٹہٟ نُوو سُوؠٕ چُھ زندہ وتُھمُت ۔

¹⁷تکیازِ زِ ہیرودیٔن اُوس پننیٟ نفر سوزتھِ یُوحنا رٹنومُت تہٟ پنِنس بٲیِس فِلپُس ہنٕزِ زنانہِ ہیرودیاس سنٔدِ وجہ کینیٟ سُہ قید خانس منز بند تھومت ۔ تکیازِ ہیرودؠسن اُوس تس ساتیٟ خاندار کورمُت¹⁸تہٟ یوحناہن اُوس تس ونمُت پننہِ باۓ سنٔز زنانہٟ ساتیٟ خاندر کُرن چِھینہ ژے جٲیٟز ۔

¹⁹امےٕ موجوب ہیرودیاس تمِس ساتی دشمنی تھا یِتھ تہٟ یژھان ٲس تس قتل کرناوُن ، مگر تہِ ہیُوکنہٟ سپدِتھ ۔

²⁰تکیازِ ہیرودیس اُوس یوحناس نیک تہٟ مقدس نفر زٲنِتھ تس کھو ژان تہٟ اُوسس بچا وان ۔ تہٟ تمنٔز کتھٟٟ بوزِتھ اُوس سیٹھا حیران سپدان مگر بوزان اُوس خوشیٟ سان ۔²¹تہٟ اَکِہ دوہ ییلہِ ہیرودیسن پننہِ زایہ دوہ امیرن تہٟ فوجی زِٹھین تہٟ گلیل ہندکین ریٔسن دعوت کور ۔

²²تہٟ تیمسیٟ ہیرودیاسِ ہنزکُور آیہ اندر تہٟ نژٟتھ کُورن ہیرودیس تہٟ تمسُند مہمان خوش ۔ اتیٟ وُن پادشاہن تِمس لڑکیہِ ۔یہِ ژہ یژھکھ منگ بو دمےٟ ژے تہِ۔²³تیمیٟ کھؠو قسم ، یہ کیژھا ژۂ مے منگکھ بودمے ژے پننیٟ نصف ریاست تام تہِ ۔

²⁴تہٟ نیبر نیرتھ وُن تیمہِ پننہ ماجہ' زِ بُو کیا منگہٟ ؟ تیمہِ ونس یُوحنا بپتِسمہ دِنہ وٲلیٟ سُند سر۔

²⁵سُہ آیہٟ فوراً انرر پادشاہس نِش تہٟ کورنس عرض ۔ زِ بُو چھیس یژھان ژہ دِکھ مے یُوحنا بپتسمہٟ دنہٟ والی سُند سر اکِس تھالہِ منز سوتہِ وُنیٟ۔²⁶پادشاہ سپُن واریا غمگین مگر پننیو قسمو تہٟ مہمانن ہندِ وجہ کؠنیٟ ہیوکنہ تؠمیٟ تس انکار کؠہنہ کِرتھ ۔

²⁷اتیٟ سوز پادشاہن فوراً اکھ سپاہ حکم دِتھ زِ سُہ اَنہ تسہُند سر ژٹتھ ۔ سُو گو تہٟ ژوٹن قید خانس منز تسہُند سر ۔

²⁸تٟہ اکِس تھالہِ منز انتھ دیُوتن لڑکؠہ تہٟ لڑکی دیوت پننہٟ ماجہٟ ۔

²⁹پتہ آے تمسُند شاگرد تہٟ تمسنٔزلاش تُجِکھ تہٟ کرکھ دفن۔³⁰تہٟ رسول گے عیسیٰ ہس نش جمع ۔ تہٟ ییہٟ تمو کورمُت یا ہیچھناومتیٟ ٲسیٟ تہِٕ سوری کورکھ تس بیان ۔

³¹تیمیٟ وُن تمن ۔ ولیو ٲسیٟ گژ ھہو کُنہ الگ سُنسان جایہ کُن تہٟ کرو تھوڈا آرام ۔ امہِ موجوب زِ واریاہ لوکھ ٲسیٟ یوان گژھان تہٟ تِمن ٲسنہٕ کھینس چینس تہِ فرصت میلان۔

³²اَتی گے تم نایہ منز الگ کُن اکِس سُنسان جایہ ۔³³لوکو وچھیٟ تِم گژھان ۔ تہٟ ساریٟ درایہٟ شہرو منز یکہ وٹہٟ سپدٟتھ دُرے پیدلیٟ تہٟ تمن بُرونہہ واتیٟ توُر۔

³⁴تہٟ نایہ منزہ بون وستھ وُچھ تیمیٟ بُوڈ ہجوم ۔ تہٟ تمِس آوٗ عار تمن پیٹھ ۔ تکیازِ تِم ٲسیٟ تمِن تیرن ہندیٟ پاٹھیٟ یمن نہٟ کانہہ پُوہلیٟ چُھ آسان ۔ تہٟ سُہ لوگ تمن واریا ہن کتھن ہنٔز تعلیم دِنہٟ ۔³⁵ییلہِ دُوہ واریاہ ژیر گو۔ تہٟ شاگرد آے تس نِش تہٟ وننہِ لگِس ۔ یہ چھے سُنسان جاۓ ۔ تہٟ دوہ تہِ گو واریاہٟ ژیر۔

³⁶یم کُر کھ رخصت تاکہ اندیٟ پتیٟ گامن منز گژِتھ انن پننہِ خاطرہٟ کؠنہ کھینہٟ خاطرہٟ مُولیٟ ۔³⁷تؠمیٕ ونکھ درجوب ۔ توہییٟ دؠُوو یمن کھینہٟ خاطرہٟ کؠہنہ ۔ تمو وُنس کیا ٲسیٟ انوادوُن ہتن دینارن ژوچہٟ مولیٟ تہٟ دمویمن۔

³⁸تؠمی پرژھکھ ۔ توہہ نِش کٔژ ژوچِہ چھے ۔ تمو کُور معلوم تہٟ ونُکھ پانژھ ژوچہِ تہٟ زہٟ گاڈہٟ³⁹تیمیٟ دیُوت تمن حکم ۔ زِ ساری بِہؠو درمنس پیٹھ لٲنہِ لٲنہِ ۔

⁴⁰اتیٟ بیٹھیٟ تِم ہتھ ہتھ تہٟ پنژاہ پنژاہ کرِتھ لٲنہِ منز ۔

⁴¹پتہٟ رچہ تؠمیٟ تِمہٟ پانژھ ژوچہِ تہٟ زۂ گاڈہٟ تہٟ آسمانس کُن وُچھِتھ دِژنَکھ برکت ۔ تہٟ ژو چہِ لوگ فٹرِتھ شاگردن دوان تہِ تِم رودی باگران تہٟ تِمہٟ زۂ گاڈہٟ تہٟ با گِریکھ تمن سالمن منز ۔⁴²اتیٟ گے تِم سٲری کِھیتھ سیر۔

⁴³بیہ تُجہِ تِمو ہُریمژ وَ ژو چین تہٟ گاڈن ہنٔزہ بہہ بھرِتھ ٹوکرِہ تھود۔

⁴⁴تہٟ کھینہٟ والیٟ مرد ٲسیٟ پانژھ ساس۔⁴⁵تہٟ تؠمیٟ کرٟی فوراً پننیٟ شاگرد مجبور زِہ نایہ منز بہتھ واتِن تِم تس بُرو نٹھ بیِت صیدا یوتام بولوکھ رخصت کرکھ ۔

⁴⁶تِم رخصت کرِتھ گو سُہ پہاڈس پیٹھ دعا کرنہِ ۔

⁴⁷ییلہٟ شام ووُت تہٟ ناوٗ ٲس منز باگ جھیلس منز ۔ تہٟ سُہ اُوس پانہٟ کون زُون خشکیِ پیٹھ ۔⁴⁸ییلہِ تؠمیٟ وچھ زِ تِم چھنہٟ ہیکان نایہ لٔمِتھ تکیازِ واو اُوس بُوتھِ زبردست ۔ تہٟ رٲژ ہنٔد پتمہٟ پہرٟہ قریب آوٗ سُہ جھیلہٟ پیٹھی پکان تمن نِش ۔ تہٟ یژھان اُوس تمن برونہہ نیرُن۔

⁴⁹مگر تمو وچھ سُہ جھیلہِ پیٹھ پکان تہٟ تِمن باسیو سُہ زنتہِ بُھوت تہٟ تجِکھ کریکھ ۔

⁵⁰تکیازِ تس وچھتھ کھوژیٟ تِم ساری ۔ مگر تیمیٟ کرہ فوراً تمن ساتیٟ کتھٟ تہٟ دُوپنکھ ۔مطمعن روزؠُو، بوچُھس۔ کھوژیومٔہ ۔⁵¹پتہ آوٗ سُہ نایہ پیٹھ تمن نِش تہٟ واو گو بند۔ تہٟ تِم گے دلن منز واریاہ حیران ۔

⁵²امہِ موجوب زِ تمو اُوسنہٟ ژوچین ہندِس بارس منز کہین سمجھمُت۔ بلکہٟ ٲسیٟ تہندیٟ دِل سخت گٔمتیٟ ۔⁵³تہٟ اپور ترتھ واتیٟ تِم گنیسرتکِس علاقس منز۔ تہٟ ناوٗ لٲجکھ بٹھِس کن۔

⁵⁴تہٟ ییلہٟ نایہ منز بُون واتیٟ تہٟ لوکو پہچون سُہ فوراً ۔

⁵⁵تہٟ تمام علاقو منزٔہٟ آے ڈوان تہٟ بیمار انکھ چار پایٔن منز یتہِ یتہِ بوزکھ سُہ چھُ ۔⁵⁶بیہِ یوت سُہ گامن، شہرن تہٟ بستین منز گژھان اُوس۔لوکھ ٲسیٟ بیمارن وتہٟ منز ترٲیتھ تس زارپار کران زِ یم لاگن چانِس دامنسیٟ اتھٟ۔ تہٟ ییتیاہٟ تس اتھٟ ٲسیٟ لگان تِم ٲسی شفاء لبان ۔

7¹پتہٟ سندیٟ فریسی تہٟ کؠہنہ عالم تس نِش جمع' تِم ٲسی یروشلمہٟ پؠٹھ آمتیٟ ۔²تہٟ تمووچھیٟ اَمیٟ سنٔدیٟ کؠہنہ شاگرد ناپاک یعنی اتھ چھلنےٟ ٲسیٟ کھین کھؠوان

³تکیازِ فریسی تہٟ تمام یہودی بزرگن ہندٔ روایتہٟ مطابق یوتام نہٟ تم اتھٟ ٲسیٟ پورہٟ پاٹھیٟ چھلان توتام ٲسنہٟ کھؠوان ۔

⁴بیہِ یوتام نہٟ بازرہٟ پیٹھ یتھ غسُل کرہن توتام ٲسنہٟ کھیوان ۔ بیہِ تہٟ واریاہٟ روایتہٟ یمہٟ تمن واژ مژہٟ آسہٟ ٲسیٟ پاپند، مثلاً پیالہ، لوٹہٟ تہٟ تراموبانہٟ چھلنیٟ۔⁵اَتیٟ پُروژھ فریسیو تہٟ عالمو تس۔'' کیا وجہ چُھ زِ چٲنیٟ شاگرد چھنہٟ بزرگن ہنٔزن روٲیژٔن پیٹھ پکان ، بلکہٟ چھ ناپاک اَتھو کھین کھیوان ؟⁶تیمیٟ پرُژھ تمن۔ یسعیاّہن کیا خوب نبوت کرٔ تُہندِس حقس منز، یتھ کنیٟ زن لیکِھتھ چُھ زِ یم لوکھ چھ وٹھو ساتیٟ مےٟ عزت کران مگر یہندیٟ دل چِھ مؠے نِش دُور۔

⁷ِیِم چھ بے فیٔدہٟ میٲنیٟ عبادت چھ کران تکیازِ ؠم چھ انسانیٟ احکامن ہنزٔ تعلیم دِوان ۔⁸توہی چُھو خداسندیٟ حکم ترٲوِتھ انسانن ہنٔزہٟ روایتہٟ قٲیم تھاوان ۔

⁹تؠمیٟ ون تمن، تُوہی چُھو پننین روایتن ماننہٟ خاطرہٟ خدایہٟ سندیٟ حکم بلکل رد کران ۔

¹⁰تکیازۃٟ موسٰہن فرمو، پننِس مٲلس ماجہٟ کریُو عزت۔ تہٟ یوس اکھاہ مالِس یا ماجہٟ بُرٕہ ونِہ سُہ گژِھ ضرور زوہٟ نِشہٟ مارہٟ ۔¹¹مگر توہی چُھو ونان ،اگر کانہہ مالِس یا ماجہِ ونہٟ، زِ یمیوک ژے میانہٟ ساتیٟ فایٔدہ ہیکہ ہی وٲتتھ ،سُہ گو قربان یعنیٟ خداۓ سُند نیازہٟ ۔

¹²تہٟ توہیٟ چُھو نہٟ پتہٟ مالِس یا ماجہِ کانہہ مدد کرنہٟ دِوان ۔

¹³یتھٟ کنیٟ چُھو توہی خدایہ سُند کلام پننیُو روایتو ساتیٟ بیکار کران ۔ تہٟ ؠژھٟ چُھو توہی واریاہ کامہِ کران۔¹⁴پتہٟ اَنیٟ تیمیٟ لوکھ پانس نِش یؠہِ ناد دِتھ تہٟ وننہِ لوگُکھ توُہی ساری بوزؠُو مؠون تہٟ سمجھیو۔

¹⁵کاہنہ چیز نؠبرہٟ داخٟل سپدتھ ہؠکنہٟ انسانس ناپاک کرِتھ مگر یُوس چیز انسانس منزہٟ نؠران چُھ سٔویٟ چُھ تس ناپاک کران ۔

¹⁶گر کانسہِ بوزنکیٟ کن آسن تیلہِ بُونیٟ ۔¹⁷ییلہٟ سُہ ہجومہٟ نِشہٟ گھرہٟ دراوٚ تہٟ تمسٔندیو شاگردَوپُروژھ تس ٲمہِ مِثالہِ ہُند معنی ۔

¹⁸تؠمیٟ وُن تمن کیا توہی تہِ چُھوا یِؠتا نا سمجھ ؟۔ کیا توہہ چھیونا پے زِ کانہہ چیز ؠوس نؠبرہٟ انسانس منز داخٟل چُھ گژھان ہؠکنہٟ تس ناپاک کرِ تھ ۔

¹⁹امہٟ مجوب زِسُہ چُھنہٟ تمسنٔدِس دِلس منز بلکہ چُھ یٔڑ منز گژھان ۔ تہٟ چُھ ژکجِہ کنؠ نیران ۔ یہ ونِتھ گنزرٲے تیمیٟ سٲرِی کھؠنہٟ چیز ناپاک ۔²⁰پتہ وُن تؠمیٟ، یہ کینژھا انسانس منزٟہ چُھ نیران تیِ چُھ تمِس ناپاک کران ۔

²¹تکیازِ اندرہٟ چھِ ینعی انسانہ سندِ دلہٟ منزہٟ چھےنیران حرام کاری۔

²²ژوٚر، خون ریزی، زناہ کاری ، لالٔچ، بدی،مکٲری۔ شہوت پرستی ، بدنظری، غٲبت ،ٹھٹھبازی تہٟ بے وقوفیٟ ۔

²³یمہ سارے بدِی ہنٔزہٟ کٟتھ چھےأندرٕہ نِیرتھ انسانس ناپاک کران ۔²⁴پتہٟ ووُتھ سُہ تتہِ تہٟ گو صُور تہٟ صدا کین سرحدن منز تہٟ سپُد اکِس گھرس منز دٲخل ۔ تہٟ یژھان اُوسنہٟ زِ کانسہِ لگہِ پے مگر چھپتھ ہیوکنہٟ رُوزِتھ ۔

²⁵بلکہ فوراً اکھ زنیٟ یمسنٔزہ کورہِ منز بدرُوح اُوس تمسنٔز خبر بُوزِتھ آیہِ تہٟ پیِپَس پاَدن ۔

²⁶یہ زِنیٟ ٲس یونٲنیٟ تہٟ سُور فینیکی قومچ ۔تیمہٟ کور تس درخواست زِ ٲمسنٔزہٟ کورِ نِش کڑبدروح ۔²⁷تتؠمؠ ووٚن تَس گوڈ دِہ لڑکَن سیر گژھنٕہ تکیازِ لڑکَن ہٕنز ژوٚٹ ہونؠن تراوٕنؠ چھؠنٕہ جان کینٛہہ۔

²⁸تیمہٟ وُن درجواب ۔آ۔خداوند،ہوٗنیٟ تہِ چھِ میزہٟ تلہٟ لڑکن ہندیُو ژوچہِ پھلؠو منزہٟ کھؠوان۔²⁹تؠمیٟ وُن تس۔ یمہ کلامکہِ خاطرہٟ گژھ ، چانہٟ کورہٟ نِشہٟ دراوٗ بدروح۔

³⁰تہٟ تیمہِ وُچھ پنُن گھرہٟ گژِتھ زِ لڑکی ٲس چار پایہِ پیٹھ تہٟ تمِس نِش اُوس بدروح درامُت۔³¹اتٟی دراوٗ سُہ صور شہر کؠو سرحدو نِشہٟ صیدہ شہرچہ وتہِ کینیٟ دِ کپلوس کہ سرحدہٟ کینیٟ گژِتھ ووُت گلِیل ہندِس جھیلس پؠٹھ ۔

³²تہٟ لوکو اُن اکھ زُور یُوس فوف تہِ اُوس تس نِش تہٟ کورہس زار پار زِ پنُن اتھٟ تھاوٗ اِمِس پؠٹھ ۔³³تؠمؠ نِیُو سُہ ہجوم نِشہٟ الگ کُن تہٟ پننہٟ اُنگجِہ تراینس کَنن منز تہٟ زِییہِ پیٹھ ترونس لعبِ دہن ۔

³⁴تہٟ آسمانس نظر کرِتھ ترووُن ووُش تہٟ ونُنس ''افتع'' یعنی یَلہٟٟ گژھ ۔

³⁵تہٟ تس آۓ کن مژُرنہٟ تہٟ زبانیٟ ہُند اڈہٟ کجَر تہِ ژُولُس تہٟ لوگ اصل پاٹھیٟ کتھٟ کرنہِ۔³⁶تؠمیٟ دیوت تس حکم زِ کانسے ونزینہٟ ۔ مگر یوتا سُہ تمن حکم دِوان رُود تیوت رُودؠ تِم پھہلاوان ۔

³⁷تہٟ تمووُن سؠٹھا حیران سپدِتھ ، یہ کینژھا تؠمیٟ کور سوریٟ کورن اَصل زِ زرین چُھ دوان بوزُنک تہٟ کُلؠن چُھ دِوان کتٕھہ کرنُک طاقت ۔

8¹تِمن دوہن ییلہٟ ہجوم بیہِ جمع سپُد ۔تہٟ تمن نِش اُوسنہٟ کہین کھینہ خاطرہٟ ۔ تہٟ تؠمیٟ وُن پنین شاگردَن پانس نِش ناد دِتھ ۔

²مے چُھ ؠتھ ہجومس پیٹھ عار یوان۔ تکیازِ یِم رُودیٟ برا برا ترؠودوہو پیٹھٟ مؠے ساتیٟ تہٟ یمن چھنہٟ کہؠن تہِ کھؠنہٟ مُوکھٟ ۔

³اگر بوؠِم فاقے گھرہٟ رخصت کر کھ تہٟ ؠِم تھکن تہٟ رُوزن وتہِ منزے تٕہ کینٛہہ چِھ یِمو منزٕہ دُورِم ۔

⁴تمسندٟ ؠو شاگردو وُن تس درجواب۔ یتھ سُنسان جا یہٟکَس کتِہ انِہ یژا ژُوچہِ زِ یمن ہیکہ کِھیٲ یِتھ ؟⁵تؠمؠ پرُوژھ تمن توہہ نِش کاژا ژوچُہ چھے، تمووُن ''سَتھ '' ۔

⁶پتہٟ دؠوت تؠمیٟ لوکن حکم ۔ زِ پتھر بِہیو ۔تیمیٟ رچہٟ تِم سَتھ ژوچہٟ تہٟ شکر کرِتھ فٹرِین ۔تہٟ رُود پنین شاگردن دِوان زِ تمن برُونہہ کنہِ تھاون ۔ تہٟ تمو تھایہٟ لوکن برونہہ کنہِ۔⁷تمن نِش آسہٟ کؠہنہ لو کچہٟ گاڈہٟ تہِ۔ تیمیٟ دژ تِمن پیٹھ برکت تہٟ وننکھ تھاؠُو ؠمہٟ تہِ یمن بُرونہہ کنہِ ۔

⁸اتیٟ گےٟ تِم کؠتھ سیر تہٟ ہوریمژَن کھنجَن منزٕہ تُجؠکھ سَتھ ٹوکِرہ۔

⁹تہٟ تِم ٲسیٟ قریباً ژُور ساس لُوکھ ۔پتہٟ کرٟنیٟ تِم رخصت ۔

¹⁰تہٟ سُو گو پتہ فوراً پننؠن شاگردن ساتیٟ نایہ منز دَلمَنوتِکس علاقس منز ۔¹¹پتہ دراے فریسی تہٟ لگیٟ تِمس ساتیٟ بحث کرنہِ۔

¹²تؠمیٟ وُنپننِس رُوحَس منزووُ ش ترٲیتھ ۔؟ بُو چھُسو تُوہہ پوزونان زِ ؠمہِ زمانکین لوکن گژھنہٟ کانہہ نشان ؠون دِنہٟ ۔

¹³تہٟ تِم ترٲوِتھ بیٹھیٟ تِم نایہِ منز تہٟ تریٟ اپُور ۔¹⁴تِمن گے ژوُٹ ساتیٟ نِن مشتھیٟ ۔ تہٟ نایہِ منز ٲسنہٟ تمن نِش اکہِ ژوچہِ ورٲے کہین ۔

¹⁵تہٟ تیمیٟ دیوت تمن یہ حکم۔ زِخبردار فریسین ہنٔزِ تعلؠمہِ تہٟ ہیرودیس سنٔزِ تعلؠمہِ نِش رُوز زؠو ہوشیار ۔¹⁶تِم ٲسی پانہٟ وٲنیٟ بحث کران تہٟ ونان ٲسی ''اسہِ نِشہٟ چھؠنہٟ ژُوٹیٟ ۔

¹⁷مگر عیسیٰ ہن وُن معلوم کرِتھ تمن ۔توہی کیازِ چھؠو یہ بحث کران زِ اسہِ نِش چہؠنہٟ ژوُٹیٟ ، کیاو نیوک تام زونُونا تُوہہِ یا تروُنا فکرہٟ ۔؟ کیا تہندی دل چھا دریٟ گٔمتیٟ ۔¹⁸ٲچھ چھیُو مگر وچھان چھُیونہٟ، کن چھُؠو مگر بوزان چھؠونہٟ ۔ بیہ کیا تُوہہِ چھؠونا یادیٟ ۔

¹⁹یمہ وقتہٟ مے تمہٟ پانژھ ژوچہِ پانژن ساسن ہندِ خاطرہ" فُٹرِ ،تہٟ توہہ کاژا ٹوکرہٟ تُجِوبھرِت ہور یمژو ژوچُو ساتیٟ،تمووُن باہ۔²⁰بیہٟ یمہِ وقتہٟ مؠے سَتھ ژُوچہ ژورَن ساسن ہندِ خاطرہٟ فُٹرِہٟ تہٟ توہہ کاژا ٹوکرِ تُجیُو ہُور یمژ وَژوچو ساتیٟ ۔تِمو ووٚن سَتھ

²¹تؠمؠ ووٚن تِمن ،کیا تُوہہِ اُونا ونیوک تام سمجھ ؟²²پتہ آوٗ سُہ بیتِ صیداہس منز تہٟ لوکھ آۓ اکھ اُون ہؠتھ تمِس نِش تہٟ کورہس زارپارہٟ زِ امِس ڈال اتٕھہ۔

²³تؠمی تھو تمِس ٲنِس پؠٹھ اتھٟ تہٟ نؠوُن گامہٟ نیبر کُن ۔تہٟ تمسنٔزن ٲچھن منز تُھک لٲیِتھ تھووُن پنُن اَتھٟ تس پؠٹھ تہٟ پرُژھنس ،کیا اَتھِ چِھیَا ؠوان کؠہنہ²⁴تؠمیٟ وُن ٲچھ تھود تُلِتھ ۔بُو چُھسَکھ انسان وُچھان ۔تکیازِ مے چھِ تِم ؠمےٟ کُلیٟ ہییٟ زن باسان پکان ۔

²⁵تیمیٟ تھٲ یٟ پتہٟ دوبارہ تمسنٚزن ٲچھن پیٹھ پننیٟ اَتھٟ ۔تہٟ تؠمیٟ کر غورہٟ سان نظر تہٟ گو ٹھیک ۔تہٟ سٲرِی چیز لوگ صاف صاف وُچھنہِ ۔

²⁶پتہٟ کور سُہ تیمیٟ تٔمسنُد گھرہ کن روانہٟ تہٟ ونُنس،یتھ گامَس منز تھأ یزؠنہٟ قدم ۔²⁷پتہ گے تمسند شاگرد قیصریہ فلپی کِس گامس منز ۔تہٟ وتہِ منز پرُوژھ تیمیٟ پنین شاگردن،،''لوکھ کیا چھہ مے ونان؟

²⁸تمو ونُس درجواب ۔یُوحنا بپتسمہٟ دِنہ ووُل ،کؠنہہ ایّلیاہ، تہٟ کؠنہہ نبؠو منزہٟ کانژھا ۔²⁹تؠمیٟ پروژھ تمن ، مگر توہی کیا چُھو مؠے ونون ؟ پظرسن ونُس درجواب ''ژہ چُھکھ مسح'' ۔

³⁰پتہٟ کور تؠمیٟ تاکید تمن زِ مے مطلق ونزیونہٟ کانسے ۔³¹پتہٟ لوگ سُہ تمن تعلیم دِنہِ، زِ ظرور چُھ زِ اِبن آدم تُلہِ دُکھ ۔ تہٟ بزرگ کٲہِن تٕہ فقی کرَن تَس رَد تٕہ سُہ یِیِہ قتل کرنٕہ تٕہ ترؠیِہ دُوہے پتٕہ وتِھہ زندٕہ۔

³²تؠمیٟ ونیٟ یہِ کتھ صاف ،مگر پطرسن کور تمِس الگ کُن نِتھ اعتراض ۔³³مگر پتھ فیرِ تھ کرٔ تیمیٟ پنین شاگردن کُن نظر کرِتھ پطرسس بے عزتی تہٟ وننُس ۔ ہیُو شیطانا مےٟ نِش گژھ دُور تکیازِ توہی چھؠو نہٟ خدایہ سنٔزن کتھن ہُند بلکہ چُھو انسانَن ہٕنزَن کتَھن ہُند خیال تھاوان ۔

³⁴پتہِ بلُو تیمیٟ ہُجوم پننیٟ شاگردہیتھ پانس نِش ۔ تہٟ وننکھ ۔اگر کانہہ مے پتٕہ یُوٛن یژِھ تیلِہ کرنیٟ پننہِ پانُک انکار ۔تہٟ پنٟنیٟ صلیِب تُلِن تہٟ ییِن مے پتہ پتہٟ³⁵کیازِ یُوس اکھاہ پُنن ز و بچاوُن یژِھ سُہ راوٟرِایہ تَتھ ۔ تہٟ یُوس اکھاہ میانہِ تہٟ انجیلِ ہندِ باپت پنُن زُو راوہٟ راوہٟ سُہ بچایہِ تَتھ ۔

³⁶اگر انسان سوری دنیا حاصل کرِہ تہٟ تُلِہ پتٕہ زُووُک نقصان تہٟ تس کیا فایٔدہ آسہِ ۔

³⁷تہٟ انسان کیا دِیہِ پننہِ زُو کہِ بدلہٟ ؟³⁸تکیازِ یُوس اکھا ہ ؠمہِ بے ایمان تہٟ بَد قومہٟ منزہٟ میانہِ ساتیٟ تہٟ میا نیو کتھو ساتیٟ شرمندہٟ گژِھ ۔ تہ ابنِ آدم تہِ سپدِ پنِنس ببہٟ سنٔدس جلالس منز پاک فرشتن ساتیٟ یِتھ تس نِش شرمندہٟ ۔

9¹تہٟ تیمیٟ ون تمن ۔ بوچھسو توہہ پُوز ونان ۔ یِم یتین استادہٟ چھ یِمن منز چھ کؠنہہ تِتھ ییُوتام نٕہ تِم قُدرتٕہ سان یِوان وُچَھن توتام چؠن نٕہ تِم موتُک پیلالہ ہر گِزتہِ ۔

²شیہہ دوہ پتہٟ نیِ عیسیٰ ہن پانس سٲتؠ پطرس تہٟ یعُقوب تنہایٟ منز اکس تھدِس پہاڈس پیٹھ تہٟ تمن برونہہ کنہِ بدلے تس شکل ۔

³امہٟ سنٔدیٟ پلَو سپٔدیٟ تِتھ نورانیٟ تہٟ ورایا سفید زِ دُنیاہس منز ہیکنہ تِتھ سفید کانہہ تہِ دُھوب کرِتھ ۔⁴تہٟ تمِس ساتیٟ آے اَتھِ موسیٰ تہٟ ایلیاہ تہِ ۔ تِم ٲسیٟ عیسیٰ ہس ساتیٟ کتھٟ کران ۔

⁵پطرسن وُن عیسیٰ ہس ''ربّی ! یتیِ چُھ سُون روزُن ٹھیک ادہٟ ٲسیٟ بناوو تریہِ خؠمہٟ، اکھ چانہِ خاطرہٟ ، اکھ موسیٰ سنٔدِ خطرہٟ تہٟ بیاکھ ایلیاہٟ سندِ خاطرہٟ ۔

⁶تکیازِ سُہ اُوسنٕہ زانان زِ کیا ونو امِہ موجُوب زِ تِم أسیٕ سیٹھاہ کھوژمٕتیٕ۔⁷پتہٟ کوُر اکیٟ اُوبرن تمن پیٹھ شُہل ۔ بؠہِ آیہ تیمہِ اوبرہٟ منزہٟ آواز ''یہ چُھ میون ٹُوٹھ فرزند ،اَمہ سُند بوزیُو ۔

⁸تہٟ تمو ترٲوٗ فوراً ژوپٲریٟ نظراہ تہٟ عیسیٰ ہس ورٲۓ وُچھکھنہٟ پانس سٲتیٟ کانہہ ۔⁹ییلہ تِم پہاڑ پؠٹٕھہ وسان ٲسؠ ۔تہٟ تؠمیٟ دیوت تمن حکم زِ یوتام نہٟ ابنِ آدم موردو منزہٟ زندہٟ وَتِھ یہ کیژھا تو ہہِ وُچُھو ونزؠونہٟ کانسہِ ۔

¹⁰تمو تھووامسنُد کلام یاد تہٟ ٲسیٟ پانہٟ وانی بحث کران ۔زِ موردو منزہٟ زندہٟ وتھنک کیا مطلب چُھ ۔¹¹پتہٟ پُروژھ تمو تس۔ زِعالِم کیازِ چھُ ونان زِ گوڈہٟ چُھ ایلیّاہ سُند یُون ضروری۔

¹²تیمیٟ وُن تمن ۔ زِ ایلیاہ کرِ البتہٟ یِتھ سوری کؠنہہ بحال۔ مگرکیاوجہ چُھ زِ ابن آدم سنُدِس حقس منز چُھ لیکِتھ زِ سُہ تُلہِ واریاہ دُکھ تہٟ ییہِ ذلیل کرنہٟ ۔

¹³مگر بُو چھسو توہہ ونان،زِ ایلیاہ چُھ آمُت ۔تہٟ یتھ کنیٟ تمسنٔدِس حقّس لیکتِھ چُھ زِ تمو یہ کینژھا یژھُک تہِ کورکھ تس ساتیٟ ۔¹⁴ییلہِ سُہ شاگردن نِش آوٗتہٟ وُچھن زِ تمِن اندیٟ اندیٟ چُھ بوڈ ہجوم تہٟ عالم لوکھ ٲسؠ ٲیٟ تمن ساتیٟ بحث کران ۔

¹⁵تہٟ فوراً سپُد سوری ہجوم تس وچھِتھ سؠٹھا حیران ۔تہٟ تمس کن دُورِتھ لگِس سلام کرنہِ

¹⁶تؠمیٟ پروژھ تمِن توہی کیا بحث آسیو یمن ساتیٟ کران ؟۔¹⁷تہٟ ہجوم مہٟ منز وُن اکیٟ درجواب '' ہے وستاد ! مےٟ اُوس اُونمت پنُن نیچو یمس منز کلیٟ سند روح چُھ ژے نِش ۔

¹⁸سُہ یتن اَمس پؠٹھ غالب چُھ سپدان ،تہٟ چُھس دَب کڑان بیہ چُھ پُوس کھسان ،بیہ دندٹکان تہٟ کمزور سپدان ۔مؠے ونیِیُو چانین شاگردن زِتِم کڑن ٲمس مگر تم ہؠکنہٟ کڈِتھ

¹⁹تؠمیٟ وُن تمن درجواب ۔ہیُو بے اعتقادو ! بُو کوت تام رُوزہٟ توہہ ساتیٟ ۔کوٚت تام کرہٟ بُو تہُند برداشت۔ انوِٗن سُہ مے نِش ۔²⁰ادہٟ تمو اون سُہ تس نِش ۔تہٟ ییلہٟ تؠمیٟ سُہ وُچھ ۔تہٟ فوراً دِژ رُوحن تس مُرَن تہٟ پیُو پتھر تہٟ لوگُس ٲسہٟ کؠنیٟ پُوس کھسنہٟ ۔

²¹تؠمیٟ پروژھ تہنٔدِس مٲلس یہ کر پیٹھٟ چُھ اَمِس ،تیمیٟ ون،' بچپن پیٹھےٟ۔

²²تہٟ سُہ اُوس ٲمِس اکثر نارس تہٟ آبس منز تراوان تاکہِ ٲمِس کرہے ہلاک ۔مگراگرژہٟ کؠنہہ کرِتھ ہیککھ ،تیلہِ یینےٟ اَسہِ پیٹھ عار تہٟ کَر اَسہِ مدد ۔²³عیسیٰ ہن وُن تس ۔''کیا اگر ژۂ کرِتھ ہیککھ ''۔ یُوس اعتقاد چُھ تھاوان ؟ تہنٔدِ خطرہٟ ہیکہِ پریتھ کؠنہہ سپدتھ ۔

²⁴تمٔسد مالیٟ وُن فوراً کریکھ دِتھ ۔بُوچُھس اعتقاد تھاوان، تہٟ ژہٟ کر میانہِ بے اعتِقادیِ ہُند علاج۔

²⁵ییلہ عیسیٰ ہن وُچھ زِ لوکھ چھ دوان دوان یتِہ جمع سپدان ۔تہٟ تمِس بدروحس وُنن روب کرِتھ ، بُو چھسے ژے ونان ، نیر امِس منزہٟ تہٟ بیہ دوبارہ گژھزؠنہٟ اَمِس منز داخل ۔²⁶اِتیٟ دراوٚ سُہ کریکھ دِتھ تہٟ تس مُرن دِتھ ۔سُہ گوموردہٟ پہؠُو یِتٕھہ کٕنؠ سالمو دُوپ زِ سُہ مُود ۔

²⁷مگر عیسیٰ ہن تُل سُہ اَ تھس تھپ کرِتھ تھود تہٟ سُہ وُتھ تہٟ سُہ وُتھ استادہ²⁸ییلہ سُہ گھرہٟ آوٗ تہٟ شاگردو پروژھ تس الگ کُن ۔زِ اَسہ کیازِ ہیوکنہ اَمِس یہ کڑتھ؟

²⁹تؠمیٟ ون تمن ۔یہ ہیکہینہٟ دعا ورٲۓ بیہِ کونے ساتیٟ نِیرتھ ۔³⁰پتہٟ تتہِ پیٹھ روانہٟ سپدِتھ تہٟ گلیلہِ منزہٟ نیِرتھ اُوس نہٟ یژھان سُہ زِ کانسہ گو ژھ پے لگُن۔

³¹تکیازِ سُہ اُوس پنین شاگردن تعلیم دوان تہٟ تمن ۔اُوس ونان''ابن آدم ییہِ انسانن حوالہٟ کرنہٟ تہٟ تم کرن تس قتل تہٟ قتل گژھنہٟ پتہ ترِیہ دوہے وَتھِ سُہ زندہٟ ۔

³²مگر تمن آسنہٟ یہ کتھ سمجھ یوان ۔ تہٟ تس پرژھنس تہ ٲسیٟ کھوژان³³پتہ واتی تِم کفر نحوم تہٟ ییلہِ سُہ گھرِ اُوس تہٟ تؠمیٟ پروژھ تمن ۔ زِ توہی کیا بحث آسؠُو وتہٟ منزکران؟

³⁴تمو کرٔژھوپہٟ۔ تکیازِ تمو اُوس وتہِ منز اکھ اکِس ساتیٟ یہ بحث کورمُت زِ بُوڈ کس چُھ ۔

³⁵پتھر بہیتھ بُلٲیِن پتہٟ تِم باہ تہٟ وننکھ '' اگر کانہہ گوڈٕہ نؠوک سپُدن یژھان چُھ تہٟ سُہ بنہِ سالمن پتِم تہٟ سالمن ہُند خادِم ۔³⁶تہٟ لکھ لوکٹ شُر انِتھ کورن تمن منز باگ اِستادہٟ۔ پتہٟ سُہ کھونہِ منز رٹتِھ ونُن تمن ۔

³⁷یُوس اَکھاہ میٲنِس ناوس پؠٹھ یتھیو شرؠو منز اکِس قبول چُھ کران تٕہ یُوس مے قبول چُھ کران چُھ یمیٟ بُو سوزمُت چُھس قبول کران ۔³⁸یوحناہن وُن تس ، ہےوستاد، اَسہِ وچھ چانس ناوس پؠٹھ اکھ شخص بدروحن کڑان تہِ اَسہِ ہیوت تمس منع کرُن ،تکیازِ سُہ اُوسنہٟ سانیٟ پیروی کہؠنہ کران

³⁹مگر عیسیٰ ہن وُن تس کرزیو نہٟ منع تکیازِتُؠوتھ چُھنہٟ کانہہ یُوسنہٟ میانہِ ناوہٟ ساتیٟ معجزہٟ ہایہٟ تہٟ جلد ہیکہ مے وہی تباہی ونِتھ⁴⁰تکیازِ یوسنہ اَسہِ خلاف چُھ سُہ چُھ سانہِ طرفہٟ ۔

⁴¹یوس اکھاہ توہہ اکھ پیالہ تریش امہٟ موکھٟ چیٲ وہِ زِ توہی چھیٔو مسیح سنٔدی ۔بُو چھُسوتوہہ پوزونان زِ تَس راوٟنہٟ پنُن اجر ہرگز۔⁴²تہٟ یُوس اکھا ہ یمو لوکٹیو منزہٟ یمو مے پیٹھ چُھ ایمان اونمُت کانسہ ٹھوکر کھیاوہٟ ۔تمسند خٲطرٕہ چُھ بہتر یِہ زِ اکھ بوڑ گرَٹٕہ کٔنؠ گژِھ یِن تَس نٲلؠ ژھننہٟ تہٟ سُہ گژِھ سمندرس منز لگاونہٟ یُون ۔

⁴³اگرژے پنُن اتھ ٹھو کرہٟ کھیاویٟ تہٟ سُہ ژھٔنُن ژٹتِھ ،چانہِ خاطرہٟ چھُ بہتر ٹُنڈہٟ آستھیٟ زندگی منز دٲخِل سپُدن اَمہِ نِشہ زِ زٕہ اَتھ ٲستِھ گژھکھ ژہ جہنمکس نارس منز یُو سنہٟ زاہنہ ژھیتے گژِھ ۔

⁴⁴یتہٟ نہٟ چُھ تِہُند کیوم مران تہٟ نہٟ ناریٟ ژھیتہٟ گژھان ۔⁴⁵بیہ اگر ژے پنُن کھوَر ٹھو کرہٟ کھیٲ ویٟ تہ سُہ ژھٔنُن ژٹتھِ چانہٟ خاطرہٟ چُھ بہتر لُونگ ٲستھیٟ زندگی منز داخٟل سپُدن امہِ نِشہ زِ ژہ یِکھ دونوۓ کھورہیتھ جہنمس منز تراونہٟ

⁴⁶یتہِ نٔہ چُھ تہِنُد کیوم مران تہٟ نٕہ چُھ نار ژھیتہٟ گژھان ۔⁴⁷بؠیِہ اگر ژے پننیٟ أچھیٟ ٹھوکرہٟ کھیٲوی تہٟ سُو کڑُن نیبر، کُون ٲسِتھ چُھ چون زندگی منز داخٟل سپُدن بہتر امہِ نِشہٟ زِ زٕہ ٲچھ آسِتھ یکھ جہنمس منز تراونہٟ۔

⁴⁸پتہٟ نۂ چُھ تِہُندکؠومٔی مران تہٟ نہٟ ناریٟ ژھیتہٟ گژھان۔⁴⁹تکیازِ پریتھ کانہہ شخص ییہِ نارہٟ ساتیٟ نمکین کرنہٟ ۔ تہٟ پرؠتھ کانہہ قربانیٟ ییہِ نونہٟ ساتیٟ نمکین کرنہٟ

⁵⁰نون چُھ اصل واگر تتھ نونہٟ مزے موکلہِ تہٟ سُہ کؠمہِ چیزہٟ ساتیٟ کرِووُن توہی مزہ دار؟ پانس منز تھٲیُو نوٚن تہٟ اکِس بیکس ساتیٟ روزُیو رلِتھ ۔

10¹پتہٟ تتہِ نیرِتھ آے تِم یہودیاکین سرحدن منز تہٟ یردُن یپُور۔ تہٟ ہجوم سپُدییہِ تس نِش جمع ۔ تہٟ سُہ لوگ تمن پننہِ دستورہٟ مطابق تعلیم دِنِہ۔

²تہٟ فریسیٟ آۓ تس نِش تہٟ پرُ وژھک تمِس آزماونہٟ باپتھ ۔کیا یہ چَھا جایٔز زِ مرد موکلایہ پننیٟ زنانہٟ ۔

³تیمیٟ وُن تمن درجواب زِ موسٰہن کیا حکم چُھو توہہ دیتمُت؟

⁴تمووُن ، موسٰہن چُھ اجازت دیوتمُت زِ طلاقہ نامہٟ لیکتھ موکلٲیون پننیٟ زنانہٟ۔⁵مگر عیسیٰ ہن وُن تمن ،تؠمیٟ اُوس تہنزِ سنگ دلیٟ کؠنیٟ تہندِ خاطرہٟ یہِ حکم لیُوکھمُت ۔

⁶مگر پیدایٔشیٟ پیٹھے ٲسی تِم خداین مردتہٟ زنیٟ بنٲیٔمتیٟ۔⁷توۓ روزِ مرد پنینس مٲلِس نِشہٟ تہٟ ماجہ نِشہٟ جُدا سپدِتھ زنانِہ سٲتؠ ۔

⁸تہٟ سُہ تہٟ بؠہِ تؠمسٕنز زنانہٟ دونوے آسن اکوے جسم ۔

یعنی تم چھٟنہ زہٟ بلکہ چھِ اکھ جسم ۔

⁹لہزا یُوس خداین آسہِ جوڑمُت تس مَہ کرٟنیٟ انسان جدا۔¹⁰تٕہ گھرِ پُروژھ شاگردو تَس بؠیِہ اَتھ کتِھہ مطلق۔

¹¹تمیٟ ونُنکھ ۔ یوُس اکھاہ پنٟنیٟ زنانہٟ موکلاوہِ تہٟ دُوؠمہٟ ساتیٟ کرِ خاندر سُہ چُھ گوڈنچِہ برخلاف زناہ کران۔

¹²واگر زنیٟ پننِس خامدس موکلایہ تہٟ بیکِس ساتیٟ کرِ خاندرسُتِہ چھے زناہ کران ۔¹³پتہٟ لگی لوکھ شریٟ اننہٟ تمِس نِش ۔تاکہ سُہ لاگہِ تمِن اَتھ مگر شاگردو کور تمن اعتراض۔

¹⁴عیسیٰ گو یہ وچھتھ ماؠوس تہٟ وُنکھ ، شرین دؠو مؠے نِش ینہٟ یمن مَہ کریو منع تکیازِ خدایہ سنٔز پادشاہی چھے یتھنیٟ ہنزٔ ۔¹⁵بُو چُھسوتو ہہ پُوز ونان ،زِ یوس اکھا تِہ خدایہ سنٔز پادشٲہی شُریٟ سندیٟ پاٹھیٟ قبول کرِنہٟ سُہ گژھنہٟ اتھ منز ہرگِز تِہ دٲخٟل۔

¹⁶پتہٟ رٹِن تِم کھو نہِ تہٟ تمن پیٹھ اَتھ تھایِتھ دژنکھ برکت ۔¹⁷ییلہ سُہ نیرتھ وتہِ اُوس پکان۔ تہٟ اکھ شخص آوٗ دوان تس نِش تہٟ تس برونہہ کنہ کوٹھیٟ نمرِتھ لوگس پرژھنِہ۔ہے نیک وستاد بُو کیا کرہٟ زِ ابدی زندگی ہُندوارِث بنہٟ ؟

¹⁸عیسیٰ ہن وُن تس، ژہ کیازِ چھکھ مے نیک ونان ؟ کانہہ چُھنہٟ خدایس ورٲۓ نیک ۔

¹⁹ژہٟ چُھکھ حکمو نِش وٲقف ،قتل مَہ کر،ژوٗرمَہ کر،اپُز گوہی مَہ دِہ ،دھونکہ دِتھ مہ کر نقصان ،پننِس مٲلِس تہٟ ماجہ کر عزت۔²⁰تیمیٟ وُن تس ۔ہے وستاد مے کٔر لوکچارہٟ پیٹھےٟ یمن سارنیٟ کتھن پؠٹھ عمل ۔

²¹عیسیٰ ہن کرٔ تس نظراہ تہٟ ٹھا ٹھِنِیار کرِتھ وُننس ''اکہِ کتھِ ہنٔز چھے ژے منز کمی۔ گژھ یہ کینژھا ژے چھی تیِ کٔن تہٟ دِہ غریبن ۔ژے میلیٟ آسمانس پؠٹھ خزانہٟ ۔تؠمہٟ پتہٟ ییہ مے پتہٟ پتہٟ ۔ ²²اَمہِ لتھٟ ساتیٟ گو سُہ اداس تہٟ غمگین سپدِتھ دراوٗ ۔ تکیازِ سُہ اۃوس بوڈ مالدار ۔²³پتہ وُن عیسیٰ ہن ژوپاری نظراہ کرِتھ پنین شاگردن دولتمند سُند کوتا مشکل چُھ خدایہ سنٔزِ پٲدشاہی منز داخِل سپُد ۔

²⁴شاگرد گے تمسنزٔو کتھو ساتیٟ حیران،عیسیٰ ہن وُن تمن بیہ درجواب۔ بچُو!یم لوکھ دولتس پیٹھ بھُروسہٟ چھ تھاوان تہندِ خاطرہٟ کوتا مشکل چُھ خدایہ سنزٔ پادشاہی منز داخل سپُدن ۔

²⁵سژنہِ پہیہ منزیٟ اُونٹ ترُن چُھ سہل بنسبت دولتمند سُند خدایہ سنٔزِ پادشاہی منز دٔاخٟل سپُدن ۔²⁶سُہ لوگ سیٹھا حیران سپدِتھ وننہِ زِ تیلہ کُس ہیکہ نجات لبتھ ؟

²⁷عیسیٰ ہن وُن تمن کُن نظراہ کِرتھ ۔زِیہ ہیکنہ انسانن ہند ساتی سپدِتھ مگر خدایہ سنٔدِساتی ہؠکہ سپدِتھ ۔

²⁸پطرس لوگ تمِس وننہِ ۔وچھ اَسہِ تروو سوری کؠہنہ تہٟ ژے پتہٟ پتہٟ دراۓ ۔²⁹عیسیٰ ہن ون،بو چھسو توہہ پوز ونان ۔زِ تیوتھ چُھنہ کانہہ یمیٟ میانہِ خٲطرٕہ تہٟ انجیلِ ہندِخٲطرٕہ تروُو،گھرہٟ۔باۓ یا بینہ یا مول موج یا شُرء یا کھاہ۔

³⁰تہٟ ونیٟ یتھ زمانس لبہِ نہٟ ہَتھ گنہ۔گھرہٟ تہٟ باۓ تہٟ مبؠیِہ تہِ ماجہِ تہٟ شُریٟ تہٟ کھاہ مگر ظلمہ ساتیٟ تہٟ ینہٟ والِس عالمس منز ابدی زندگی۔

³¹مگر وریاہ یِم بُرنہہ آسن سپدن پَتھ تہٟ ؠم پتھ آسن سپدن بُرونہہ۔³²تہٟ یروشلم گژھنہٟ وزِ ٲسی تِم وتہِ منز ۔ تہٟ عیسیٰ اُوس تمن برونہہ پکان تِم لگی حیران گژھنہِ تہٟ یِم پتہٟ پتہٟ ٲسی پکان تِم لگی کھوژنہِ ۔پتہ تِمن بہن پانس ساتیٟ نِتھ تِمہٟ کتھٟ وننہِ ؠمہٟ تس پؠٹھ ینہٟ واجنہِ آسہٟ

³³وچھؠوٲسی گژھو یروشلم تہٟ ابنِ آدم ییہِ زیٹھیٟ کاہنن تہٟ فقیہن حوالہٟ کرنہٟ ۔تہٟ تِم دن سُہ قتل کرنک حکم بؠہٟ کرنس غیرقومن حوالٕہ۔

³⁴تہٟ تِم وُڑاوان تس مزاق بؠہِ لاینس تھوکہٟ ۔بؠہِ لایٔس کوڈہٟ تہٟ کرنس قتل۔ پتہٟ وتھ سُہ تریہِ دوہے بعد زندہٟ³⁵پتہٟ وُن زبدی سندیو نیچیو یعقوبَن تہٟ یوحناہن تِمس نِش یِتھ تس ہے وستاد، ٲسیٟ چھ یژھان زِ یمہِ کتھہِ ہُند ٲسیٟ ژے درخوست کرہٟ ووُۓ ،ژہ کرکو سانہٟ باپتھ ۔

³⁶تؠمیٟ وُنکھ توہی کیا چُھو یژھان زِ بُو کرہٟ تُہندِ خاطرہٟ ؟

³⁷تِمو ون تس ،زِ سانہ باپتھ کریہ زِ چانِس جلالس منز بہیہِ اَسہِ منزہٟ اکھ ژے دچھنیٟ کینیٟ تہٟ بیاکھ کھُووریٟ کینی ۔³⁸عیسیٰ ہن وُن تمن ۔توہہ چھؠو نہٟ پے زِ کیا چھو منگان؟ یُوس پیالہ بُو چینہٟ وول چُھس ،کیا توہی ہیکوا چِیتھ ؟ تہٟ یُوس بپتسمہٟ پُو ننہٟ وول چُھس ،کیا توہی ہیکوا نِتھ ؟

³⁹تمو وُن تس ۔سانہِ سٲتیٟ ہیکہِ سپدِتھ ۔ عیسیٰ ہن وُن تمن۔یُوس پیالہٟ بُوچینہٟ وول چُھس کیا توہی چیوا ؟ تہٟ یُوس بپتسمہٟ بُو ننہٟ وول چُھس توہی نِیوا ۔

⁴⁰مگر پانس دچھنی یا کھووریٟ کینیٟ بہناون چھؠنہٟ میٲنیٟ کٲم کؠنہ سواۓ تِہندِ یِہندِ باپتھ تیار کرنہٟ آمت چُھ ۔⁴¹ییلہ تمو دہو یہ بُوز تہٟ یعقوب تہٟ یوحناہس سپٔدیٟ تِم ناراض۔

⁴²عیسیٰ ہن وُن تمن پانس نِش ناد دِتھ ۔توہی چُھو ازانان یم غیر قومن ہندیٟ زٹھیٟ چھ ماننہٟ یوان تِم چِھ تمن پؠٹھ حکومت چلاوان تہٟ تہندیٟ امیر چھ تمن پیٹھ اختیاز تھاوان ۔⁴³مگر توہہ منزہٟ کُس چُھ تیوتھ بلکہ یُوس توہہ منزہٟ بوڈ آسُن یژھان چھُ سُو بنہ تہُند خادم ۔

⁴⁴تہٟ یُوس توہہ منزٔہٟ اوٚل آسُن یژھان چُھ سُہ بنہ سارنیٟ ہنُد غلام ۔

⁴⁵تکیازِابنِ آدم تہِ چھنہٟ ٲمہِ مو جوب آمُت خدمت کرنایہ پانس بلکہ امہِ موجوب زِ خدمت کرہِ تہٟ پُنن زودیہِ واریاہن ہندِ بدلہ چھپہِ ۔⁴⁶پتہ آوٗ سُہ یریحُوہس منز تہٟ ییلہ سُہ تہٟ تمسُندیُ شاگرد تہٟ لکھ بوڈ ہجوم یریحُوپیٹھٟ نیران اُوس ، تہٟ تِمایٔ سُند نیچیو برتِمایٔ اُوٗن فقیر اُوس وتہِ اندس پؠٹھ بِہتھ ۔

⁴⁷سُہ لوگ عیسیٰ ناصری سُندبوزِتھ کریکھ کرِتھ وننہِ ، ہے ابن داوٗد ،ہے عیسیٰ مؠے پؠٹھ کر رحم !۔

⁴⁸تہٟ واریاہو کورتمس رُوب زِ ژھوپہٟ کر ۔مگر تؠمیٟ تجہِ زیادے کریکہٟ ۔ہے ابن داوٗد مے پؠٹھ کر رحم ۔⁴⁹عیسیٰ ہن ووٚن تھود وَتِھتھ ،یہ انِووُن یُوریٟ ،اتیِ بُلووتموسُہ اُون یہ ونتھ زِ اطمینان تھاوٚ،وتھ سُہ چھی ژے ناد دِوان ۔

⁵⁰پنُن چُوغہٟ دٲرِتھ ژھٔنِتھ تُجیٟ تؠمیٟ وُوٹھ تہٟ آوٗ عیسیٰ ہس نِش ۔⁵¹عیسیٰ ہن ون تس، ژہ کیا چُھکھ یژھان زِ بُو کرٕہ چانہِ باپتھ ؟ اَنیٟ وُن تمس ''ہے ربّویٟ ''یِہ زِ بُو گژٕھ وُچُھن ۔

⁵²عیسیٰ ہن وُن تمِس ،گژھ چٲنیٟ ایمانن کورکھ ژہ ٹھیک ،تہٟ سُہ لوگ فوراً وُچھنہٟ ،تہٟ وتہِ منزی درٲو سُہ تس پتہ پتہ ۔

11¹ییلہ تِم یروشلم نزدیک زیتون پہاڈس پیٹھ بیتِ فُجے تہٟ بیتِ عَنِیاہس نِش وٲتیٟ تہٟ تؠمی سُوزیٟ پننیو شاگردہ منزہٟ زہٟ ۔

²تہٟ تمن ونُن ،بروہِمِس گامَس منز گژھؠو ،توروٲ تتھیٟ میلؠو توہہِ اکھ جوان کھٔرنہِ بچہ گنڑتھ ۔ یمس نہٟ ازتام کانہہ نفر آسہِ سوارِ کھوتمت ،سُہ انیُون مُژرتھ یُوریٟ ۔

³تہٟ اگر کانہہ توہہ ونیُو ،توہی کیازِ چُھو یہ کران ؟ تہٟ وَنزِیُوس خداوندس چھے ٲمسنزٔ ضرورت ۔سُہ سوزِ جلدی ٲمِس بیہ یُوریٟ ۔⁴اتیِ گے تم تہٟ لوبک سُہ بچہ دروازس نِش نیبرکنہِ کوچس منز گنڈتھ ،تہٟ لگِس کھولنہِ ۔

⁵مگر یِم لوکھ تتہِ استاد ٲسیٟ تمو منزہٟ وُن کینژھو تمن ،یہ کیا چُھو کران ؟ زِ کٔھر نہِ بچہ چُھوُون کھولان ؟

⁶تمو وُن تمِن تتھے کنیٟ یتھٟ کنی عیسیٰ ہن اُوس وُنمت تہٟ تمو دیوت تمِن گژھنہٟ ۔⁷اتیٟ اُون تمو کھرٔ نہِ بچہ عیسیٰ ہس نِش تہٟ پننیٟ پلو ترٲوِکھ تس پیٹھ تہٟ سُو گوتس پیٹھ سوار ۔

⁸بیہ تہِ واریاہو لوکو ترٲیے پننیٟ پلو وتھرنیٟ وتہِ پیٹھ ۔ باقیو اَنہِ کھہو منزہٟ لنجہ ژٹِتھ تہٟ ترایکھ وہرتھ ۔

⁹یِم تس برونہہ برونہہ تہٟ پتہٟ پۃٟ پکان ٲسی تِم ٲسی کریکہ دِی دِی ونان ،ہوشعنا'' مبارک چُھ تس یُوس خداوند سندِس ناوس پیٹھ چُھ یوان ۔

¹⁰مبارک چُھ سٲنِس بب داوٗدسنزِ پادشاہی یوسہٟ یوان چھے ،عالِم بالہس پیٹھ ''ہوشعنا'' ۔¹¹تہٟ یروشلمس منز داخل سپدتھ ووت سُہ ہیکل منز۔ تہٟ ژوپٲری سارنیٟ چیزن ہند معایٔنہٟ کرِتھ گو سُہ یمن بہن ساتی بیتِ عَنِیاہ، تکیازِ شام اُوس گومُت ۔

¹²دویمہ دوہُ ییلہِ سُہ بیت عَنِیاہ پیٹھ دراوٗ تہٟ تس لجیٟ بُوچِھہ ۔¹³تہٟ سُہ گو دورِ وُچھِتھ اکِس انجیرکُلِس نِش یتھ پنہٟ وتھٔر ٲسی زِ اَتھ آسن انجیر مگر تتھ برونہہ کن واتِتھ وچھُنہٟ تیمیٟ تتھ کہین تہِ ،تکیازِ انجیرن ہند موسم اُوس ختم گومُت ۔

¹⁴تیمیٟ وُن تتھ ،برونہہ کُن مَہ کھیؠن زانہہ تہِ کانہہ میوہٟ چُون ۔تٕہ تؠمسُندؠو شاگردو بُوز ۔¹⁵پتہ واتیٟ تِم یرشلمس منز ۔ تہٟ عیسیٰ لوگ تمن تتہِ نبیر کڑنہِ یم ہیکل منز کا روبار ٲسی کران ۔تہٟ صرافن ہندِیٟ تختہٟ تہٟ کوتربازن ہنٔزہٟ چوکہ فِرین دُوبہٟ ۔

¹⁶کانسہِ اکِس تہِ دیوتُن نہٟ ہیکلِ منزٕہ ٲسِتھ کانہہ بانٕہ نِنٕہ۔¹⁷تہٟ پننہِ تعلیمہ منز ونُن تمن ۔ کیا یہ چُھنا لیکتھ زِ میون گھرٕہ آسہِ سارنی قومن خاطرہٟ دعاہن ہند گھرہٟ مگرتوہِہ چھووُن یہ ڈوکوَن ہُند اڈہٟ ببنومُت ۔

¹⁸تہٟ زیٹھیٟ کاہنو تہٟ فقیہو لوگ یہ بُوزِتھ تمسنٔدِ قتلک موقع ژھانڑُن۔ تکیازِ تِم ٲسی تمِس اوہ موکھ کھوژان زِ ساری لوکھ ٲسیٟ تمسنزِ تعلیمہ ساتیٟ حیران ۔

¹⁹تہٟ پرتھٟ دُوہ شامس اُوس سُہ شہرہ نبیر گژھان کران ۔²⁰پتہ ییلہِ تِم صبحَس تپاری دراۓ تہٟ تتھ انجیرکُلِس ٲسی مول تام ہُو کھمتیٟ ۔

²¹پطرسس پییہ سُو کتھ یاد تہٟ وننس،ہے ربّی وچُھ یہ انجیر کُل یتھ ژے لعنت ٲسی کرمژچُھ ہوکھمُت۔²²عیسیٰ ہن ون تمن درجواب، خدایس پیٹھ تھایُو ایمان ۔

²³بو چُھسو توہہ پوز ونان ۔ زِ یوس اکھاہ یَتھ پہاڈس ونہِ وتھ تھود تہٟ گژھ سمندرَس منز تہٟ پنِنس دِلس منز کرنہ شک بلکہ کرہٟ یقین زِ یُوس ونان چُھ سُو سپدِن ۔تہٟ تمسنٔدِ خاطرہٟ سپدِتیٟ ۔²⁴توے چُھسو بوتوہہ ونان زِ یہ کینژھاتوہی منگان چھُو یقین کریو توہہ میولو تہٟ تہِ میلیو تُوہہ ۔

²⁵بؠہِ ییلہٟ توہی استاد سپدِتھ دُعا چھوکران۔ اگر توہہ کانسہِ ساتیٟ کانہہ شکایت آسیو تس کریومعاف تاکہ تہُند بب یوس آسمانس پؠٹھ چُھ کر تہٕدؠ گناہ معاف

²⁶اگر توہی معاف کریو نہٟ تہٟ تہند بب یُوس آسمانس پیٹھ چُھ کرنہٟ تُہندیٟ گناہ تہٟ معاف ۔²⁷تم آۓ پتہٟ یروشلم ۔ تہٟ ییلہ سُہ ہیکل،فیران اُوس تہٟ زیٹھیٟ کاہن تہٟ فقؠہہ تہٟ بزرگ آۓ تس نِش ۔

²⁸تہٟ لگِس وننہِ ۔ژہ کؠمہ اختیار چُھکھ ؠمہٟ کامہِ کران ۔یا کؠمیٟ چُھو نے ژے اختیار دیوتمُت ۔یمہ کامہِ کرنہٟ باپت؟²⁹عیسیٰ ہن ون تمن۔ بو پرُژھو توہہ اکھ کتھ تتھ دیو جواب تیلہ ونہٟ بو زِ کیمہ اختیار چُھس بُو یمہ کامہِ کران ۔

³⁰یوحناسُند بپتسمہ اُوسا آسمانکہ طرفہٟ کنہٟ انسانہٟ سٔندِ طرفہِ ،مے دِیوُوجواب ۔³¹تم لگیٟ پانہٟ وٲنیٟ وننہِ۔''اگر ٲسیٟٟ ونو آسمانکہ طرفہٟ تہٟ یہ ونہِ تیلہ کیازِ کورونہٟ توہہ تس پیٹھ یقین ۔

³²واگر ٲسیٟ ونو انسانہٟ سندِ طرفہٟ ؟ مگر تِم ٲسی کھوژان لوکن ،امِہ موجوب زِ ساری لوکھ ٲسیٟ واقعی یوحناہس نبی مانان ۔

³³اتی وُن تمو عیسیٰ ہن جواب، زِاَسہِ چھینہٟ پیییٟ ،عیسیٰ ہن وُن تمن ۔ بُوتہِ ونونہٟ توہہ زِ ؠمہٟ کا مہِ کؠمہِ اختیار چھس بو کران ۔

12¹پتہ لوگ سُہ تمن مثالن منز کتھٟ کرنہِ ۔اکیٟ شخصن لوگ دچھہِ باغ،تہٟ اتھ اندؠ اندؠ دیواربندی کرِتھ کھونن اتھ منز حوض بیہِ بنوۄُن بُرج تہٟ باغبانن ٹھیکس پیٹھ دِتھ گو بیکس مُلکس۔

²پتہ سوز تیمیٟ مؠوہٟ کالس منز اکھ نو کر باغبانن نِش،تاکہ باغبانن نِش اَنہِ باغکہِ میووک حصّہ ۔

³مگر تمو روٹ سُہ تہٟ لُویہس تہٟ کوڑکھ ژھوریٟ واپس ۔⁴پتہ سوز تؠمیٟ بیاکھ نوکرتمن نِش۔ مگر تمو پھاٹو تس کلہٟ تہٟ کورُکھ بے عزت۔

⁵پتہ سوز تؠمیٟ بیاکھ ۔ تمو کور سُہ قتل۔ پتہ سوزی تیمیٟ بیہ واریاہ تمو لوے کینژھن تمو منزہٟ تہٟ کؠہنہ کٔرِکھ قتل⁶ونی اُوس اکھ باقی یُوس تس ٹوٹھ نیچو اُوس ۔آخر سوزتؠمیٟ سُہ یہ ونتھ زِ میانس نیچیٟ سُند کرن تو تہِ لحاظہٟ

⁷مگرتمو باغبانو وُن پانہ وانی یوہے چُھ وٲرِث ولیو یہ مارہٟ ووُن تہٟ میراث بنِہ سُون۔⁸پتہ روٹک تہٟ مورک تہٟ ژھنُک باغہٟ نیبر ۔

⁹ونی کیا کرِہ باغُک مالِک ؟ سُہ ییہِ تہٟ مارہِ تمن باغبانن تہٟ باغ دیؠہِ بدلیِن ۔¹⁰کیا تو ہہ چُھونایہ لؠکھنہٟ آمت پُورمُت ، کہ یُوسہٟ کنیٟ دِسلَو رد کرٔ سوۓ بنیہِ کونہٟ کنیٟ ۔

¹¹یہ سپُد خداوند سنٔدِ طرفہٟ ،تہٟ سانیٟ کؠنیٟ چُھ عجیب ۔

¹²اتھٟ پیٹھ لگی تِم سُہ رٹنچ کوشِش کرنِہ مگر لوکن کھوژیٟ، تکیازِ تمو اُوس سّمجھمت زِ یہ مثال ونی ؠمی سانے موکٕھہ ۔ اتیِ دراۓ تِم سُہ ترٲوِتھ ۔¹³پتہ سوزیٟ تمو کؠنہ فریسی تہٟ ہیرودی تس نِش تاکہ کتھن منز پھساوٗن تس۔

¹⁴تم آے تہٟ وُنہس ''ہے وستاد '' اَسہِ چھے پے زِ ژہٟ چھکھ پُوزیٟ زیُور۔تہٟ کانسہٟ ہند چھکھنہ پرواے کران تکیازِ ژہ چھکھنہ کانسہِ نفرٕہ سٕندؠ پٲٹھؠ طرفداری کران بلکہ چھکھ پزرہٟ ساتیٟ خدایہ سنزِ وتہِ ہنز تعلیم دِوان ۔

¹⁵ادہٟ قیصّرس چھا باج دیُون جایٔز کنہٟ نہٟ ؟ ٲسی دِمووہٟ کِنہٟ نہٟ ؟ تہنزیٟ ریاکاری وُچھتھ وُنن تمن زِ تُوہی کیازِ چُھو مؠے آزماوان ؟۔ اکھ دنیا انیو مؠے نِش بووُچھہٟ ۔¹⁶تمو اُون تہٟ وُننکھ یہ شکل تہٟ ناوٗ کؠمیٟ سُند چھُ ؟ تمو ون قیّصرسُند ۔

¹⁷عیسیٰ ہن وُن تمن یہ قیصر سنُد چُھ تہِ دِیُیو قیصّرس تہٟ یہِ خدایہ سُند چُھ تہِ دییُو خدایس ۔تمو کور اَتھ پیٹھ سخت تعجُب ۔¹⁸پتہ آے صدُوقی تس نِش یم ونان ٲسی قیامت گژھنہٟ تہٟ کورہس یہ سوال۔

¹⁹ہے وُستاد ! سانہِ باپتھ چھ موسیٰ ہن لیوکھمُت زِ اگر کانسہِ ہُند بُوۓ بے اولاد مرِ ۔تہٟ بوۓ تمسُند کرِ تہنزِ زنانہِ ساتیٟ خاندر تاکہ پننِس باۓ سنزٔ نسل کرِپادہٟ ۔²⁰سَتھ باۓ ٲسی ۔ گوڈنیک کٔر زنانہٟ تہٟ مُود بے اولاد ۔

²¹دویمیٟ کور تس ساتیٟ تہٟ مُود بےاولاد۔تہٟ یتھے کنیٟ تریمیٖ تہِ ۔

²²یوتام زن ستوۓمُودؠ بے اولاد تہٟ آخرس مُویہ سُو زنیٟ تہِ ۔

²³قیامژٔ دوہ کہنز زنانہٟ آسہِ سُو یمو منزہٟ تکیازِ سو ٲسی ستن ہنز زنانہٟ بنے مژٔ ۔²⁴عیسیٰ ہن وُن تمن ''کیا توہی چھیونا اَمہِ وجہ کؠنیٟ گمراہ زِ نہٟ چُھو خدایہ سُند کلام زانان نہٟ خدایہ سنزٔ قُدرت ۔

²⁵تکیازِ ییلہِ لوکھ موردُو منزہٟ زندہٟ وتَھن تہٟ تمن منز سپدؠنٕہ خاندرواندر کؠنہہ بلکہ آسن آسمانس پیٹھ فرشتن ہُندی پاٹھی ۔²⁶مگر اتھ مطلق زِ موردہ وتھن زندہٟ کیا توہہ چُھونا موسیٰ سنِزٔ کتاب منز کُلچِ زکر کؠنہہ پرٔ مژ ، زِ خداین وُن تس بُوچھُس ابراھیم سُند خدا، اسحاق سُند خداتہٟ یعقوب سنُد خدا۔

²⁷سُہ چُھنہٟ موُردن ہند خدا کؠنہہ بلکہ چُھ زِندَن ہُند خدا ۔ادہٟ توہی چُھو بڑہٟ گمرہٟ۔²⁸تہٟ فقیہو منزبوزاکیٟ سُہ بحث کران تہٟ زونُن زِ تؠمیِ وُن تمن صحیح جواب۔اتی برونہہ کُن یِتھ پرژھُنس زِ سالمو حکمو منز کُس چُھ گوڈہٟ ۔

²⁹عیسیٰ ہن وُن درجواب ۔گوڈہٟ نیوک چُھ یہِ ،ہے اسرایٔل بُوز۔ خداوند سون خداچھُ اکوُیٔ خداوند ۔

³⁰تہٟ ژہٟ تھاوٛ خداوند پننِس خدایس ساتیٟ پننہِ سارے دل وجانہٟ تہٟ پننہِ سارے عقلہِ تہٟ پننہِ سارے طاقتہٟ ساتیٟ محبت۔

³¹دویم چُھ زِ ژہٟ تھاوٗ پننِس ہمسایس ساتیٟ پانس برابر محبت اَمہِ کھو تہٟ بُوڑ چُھنہٟ بؠہِ کانہہ حکم ۔³²فقیہن ون تس ،ہے وستاد ،بڑہٟ خوب !ژے وُنتھ پُوززِسُہ چُھ اکویٟ تہٟ تس وارٔے چُھنہٟ بؠہِ کانہہ ۔

³³تہٟ تس ساتی چُھ تھٲوٗن سارے دلہٟ تہٟ عقلہِ تہٟ سارے طاقتہٟ ساتیٟ محبت تہٟ پننِس ہمسایس ساتیٟ چُھ تھاوٗن پانس برابر محبت ۔چُھ سالمو بُزمژ وقربانیو تہٟ نیازِو کھو تہٟ بُوڈ ۔

³⁴ییلہ عیسیٰ ہن وچُھ زِ تیمیٟ دیوت دانٲئی سٲتؠ جواب تہٟ وُننس ،ژۂ چھکنہ خداے سنٔز پادشاہی نِشہٟ دُور کؠنہہ۔پتہٟ کور نہٟ بؠہِ کانِسہ تس سوال کرنُک جرٲت ۔³⁵پتٕہ وُن عیسیٰ ہن ہیکل منز تعلیم ۔دِنہٟ وِزِہ ،فقیہہ کیازِ چھ ونان زِمسیح چُھ داوٗد سُند نیچو ؟

³⁶داوٗدن ون پانہٟ رُوح القُدسکہ ہدایتہٟ ساتیٟ زِ خداوندن وُن میٲنس خداوندس ،مے دچھنیٟ کنیٟ بؠہہ یوتام نہ بُو چانی دشمن چانین کھورن تل انکھ ۔

³⁷داوٗد اُوس پانہٟ تس خداوند ونان ۔تیلہِ کتھ کنیٟ بنیو سُہ تمسُند فرزندہٟ؟ تہٟ عالم لوکھ ٲسیٟ خوشی سان تؠمسُند بوزان۔³⁸پتہ وُن تؠمیٟ پننہٟ تعلیم منز'' عالمن نِش روزیو خبردار یِم زیٹھؠ زیٹھؠ جامہٟ لاگِتھ چھ پھران ۔ تہٟ بازرن منز پانس سلام کرناوان ۔

³⁹تہٟ عبادت خانن منز تھدِ پایہٟ چہ کُرسی پیٹھ بِیہن تہٟ دعوتن منزصدرنشینی چِھ کرٕنؠ یژھان۔

⁴⁰تِم چھُ مونڑن ہندیٟ گھرہٟ برباد کران ،تہٟ ہاونہٟ خاطرہٟ چھ زِ یچھ نمازہ پران ۔یمنیٟ میِل زیادہ سزا ۔⁴¹پتہ بیُوٹھ سُہ ہیکل ہندِس خزانَس برونٛہہ کنِہ تہٟ اُوس وچھان زِ لوکھ کتھ پاٹھیٟ چھ ہیکلِ ہندِس خزانس منز پونسٕہ تراوان تہٟ واریاہ دولتمند ٲسؠ زیادےکؠہنہ تراوان ۔

⁴²اَتھیٟ منز آیہ اکھ غریب مُونڈ تہٟ تراین زہ دُومبرِہ یعنی اکھ ٹکٕہ۔⁴³تؠمی ون پننین شاگردن پانس نِش ناددِتھ ،زِ بُوچُھسو تُوہہِ پوز ونان زِ یُوس ہیکل ہندِس خزانس منز پونسہ چُھ تراوان ۔تمو کھوتہٟ زیادہ تروُو یمہِ غریب مونڑِہ۔

⁴⁴تکیازِ سارویٟ تروُو پننہ مالہٟ مطابق مگر اَمہِ تروو پننہِ غریبی منز تہِ سوریٟ یہِ اَمِس نِش جمع اُوس ۔

13¹ییلِہ سُہ ہیکلِ نؠبر اُوس گژھان تٕہ تؠمسٕندؠو شاگردو منزٕہ ووٚن اؠکؠ تَس، ہے وستاد۔ وُچھ یمٕہ کِژٕھہ کنِہ تٕہ کِژٕھہ عمارتٕہ چھے۔

²عیسیٰ ہن ون تمِس ژہٟ چُھکھ یمن بجین عمار تن وُچھان، یَتِہ روزِنٕہ کونہِ کنہِ پؠٹھ کنیٟ تہٟ باقی یُوسنہ گراونٕہ یِیِہ۔³ییلہ سُہ زیتون پہاڑَس پؠٹھ ہیکل برونہہ کنہِ بِہتھ اُوس ۔تہٟ پطرسن ،یعقوبن، یوحناہن تہٟ اندریاسن پروژھ تس تنہایٔ منز۔

⁴اَسہِ ونتہٟ یمہٟ کتھٟ کرسپدان ؟ تہٟ ییلہٟ ؠمہٟ سارے کتھہ پورہٟ سپدنس آسن تیمہِ وقتک کیا نشانہٟ آسہِ ؟⁵عیسیٰ ہن ون تمن زِ خبردار ینہٟ کانہہ توہہ گمرہ کریُو ۔

⁶واریاہ یِن میانہٟ ناوہٟ ساتیٟ تہٟ ونُنوسُہ چُھس بُوئ تہ واریاہن کرن گُمراہ⁷بیہ ییلہ توہی لڑایہ تہٟ لڑٲین ہُندیٟ افواہ بُوزیو تہٟ کھوژیٟ زؠونہٟ کؠنہہ ۔یمن واقعن ہُندسپُدن چُھ ضوری مگر تؠمہٟ وقتہ سپدینہ اختتام کؠنہہ ۔

⁸تکیازِ قومن پیٹھ کرن قوم تہٟ سلطنتن پیٹھ کر سلطلت حملٕہ ۔جایہ جایہ گژھن بیِنلیٟ تہٟ قحط وَتھٟ ۔⁹مگر توہی رُزِزیُو خبردار تکیازِ لوکھ کرنو توہہ عدالتن حوالہٟ تہٟ عبادت خانن منز ینو چُوب دِنہٟ ۔ تہٟ پادشاہٟن تہٟ حاکمن بُرونہہ کنہِ ییُو میانہٟ خاطرہٟ حاضر کرنہٟ تاکہ تہندِ خاطرہٟ روزِ گواہی ۔

¹⁰تہٟ ضروری چُھ زِ سارنی قومن منز ییہٟ انجیلِ ہُند اعلان کرنہٟ۔¹¹مگر ییلہ توہہ نِتھ حوالہ کرنو تہٟ فکر کرزؠونہٟ زِ ٲسی کیا ونو بلکہ یہ کینژھا توہہ تِمہ ساتہٟ وننہٟ ییہِ تیِ وَنیٟ زؠو تکیازِ ونن وٲلیٟ آسیونہٟ توہی بلکہ آسہِ روح القدُس ۔

¹²تہٟ بوۓ کرِہ بٲیٔس تہٟ مول کرِ نؠچوِس موتس حوالہ تہٟ شُریٟ گژھن مالِس ماجہ خلاف کھڑا تہٟ کرناو نَکھ قتل۔

¹³تہٟ میانہ ناوہٟ کہِ وجہ ساتیٟ تھا ون لوکھ توہہ ساتیٟ ضِد۔مگریُوس آخرس تام برداشت کرِ سُہ لبہ نجات¹⁴ادہٟ ییلہ توہی سُہ مکرُو چیز تتھ جایہ کھڑا آسِتھ وچُھیو یتٟیت نہٟ تمیوک کھڑا سپُدن جایٔز چھنہٟ ،پرن وول سمجھ ) تیمہٟ وقتہٟ یُوس یہودیہٟ منز آسہِ سُہ ژلہِ پہاڈن پیٹھ ۔

¹⁵یُوس پشس پیٹھ آسہِ سُہ مٔہ وَسنیٟ بون پننہِ گھرِکؠنہہ ننِہ باپتھ مٔہ گژِھن اندرداخٟل ۔

¹⁶بیہِ یُوس کھہس منزآسہِ سُہ مٔہ پھیرن واپس پلوننہٟ باپَتھ۔¹⁷مگر تمن پیٹھ افسوس یمہ تمن دوہن گوبہِ کھور آسن بیہ یمہٟ شرین دوُدھ آسن چیٲوان ۔

¹⁸بیہ کریو دُعا زِ یہِ مٔہ سپدِن وندس منز ۔

¹⁹تکیازِہٟ تِم دُہ آسن تتِھ مُصیبتکیٟ زِ دنیا بننٕہ برونٛہہ یُوس خداین پادہ کُور نَہ سُپد ونیوک تام زانہہ نہٟ سپدِ یمہٟ پتہٟ زانہہ ۔

²⁰اگر خداوند تِم دُوہ لوکٕٹؠ کرِہ ہے نہٟ تہٟ کانہہ انسان بچہ ہے نہٟ۔ مگر تِمن برگُزیدن ہندِ خاطرہٟ ؠم تیمیٟ ژٲریٟ ،کرنیٟ تِم دوہ لوکٕٹؠ۔²¹تیمہِ وقتہٟ اگر کانہہ تو ہہ ونیو وچھیو مسیح چُھ یتہِ یا وچھیُو سُہ چُھ ہُوتہِ تہٟ یقین کرزیونہٟ۔

²²تکیازِ اپُزیٟ مسیح تہٟ اپُزؠ نبی گژَھن کھڑا۔تہٟ نشانہٟ تہٟ عجیب کامہِ ہاون ۔تاکہ اگر ممکن آسہِ برگُزیدن تہِ کرن گمرہ ۔

²³مگرتوہؠ رُوزِ زؠو خبردار۔وُچھؠو مے ونمو سُورُی گوڈے۔²⁴مگر تمن دوہن سپدِ مصیبتہ پتہٟ آفتابس انہِ گوٹ تہٟ زونِ موکلہِ گاشیٟ۔

²⁵تہٟ آسمانہٟ پیٹھ لگن تارکھ وسیٟ پینیٟ ،تہٟ آسمانس منز یِم تہِ طاقت آسن تِم یِن الراونٕہ ۔

²⁶تہٟ تیمہٟ وقتہٟ وچھُن لوکھ ابن آدمس بڑہٟ قدرتہ تہٟ جلالہٟ سان اُوبرس پیٹھ یوان ۔

²⁷تیمہ ساتہٟ کرِ سُہ فرشتن سوزِتھ پننین برگُزیدن زمینکہ اندہٟ پیٹھ آسمانکس اندس تام ژورو طرفو پیٹھ جمع²⁸ونی ہؠچھیو وانجیر کُلِ نِشہ اکھ مِثال ۔یُوتھیٟ تیمچہ لنجہِ۔ نرم چھے سپدان ۔تہٟ پن چھس نیران ،فکرِہ تران زِ رؠتہٟ کول ووت نزدیک ۔

²⁹یتھے کنیٟ ییلہ توہی یمہٟ کتھٟہ سپدان وچھیو تہٟ زٲنیٟ زیو زِسُہ چُھ نزدیک بلکہ چُھ درازس پیٹھ ۔³⁰بوچُھسو توہہ پوز ونان یوتام نہٟ یمہٟ سارے کتھٟ سپدن۔ توتام سپدینٕہ یہ نسل ہرگز تہِ ختم ۔

³¹آسمان تہ زمین ٹلن مگر میانہِ کتھٟ ٹلُن نہٟ ۔

³²مگر تتھ دُوہس تہٟ تتھ وقتس مطلق زاننہٟ ببس ورآۓ کانہہ آسمانکیٟ فرشتہٟ نہٟ فرزندہٟ³³خبردار ! ہوشیارروزیوتہٟ دعا کریو ۔تکیازِ توہہ چھیونہ پے زِ سُہ وقت ییہِ۔

³⁴یہ چُھ تس نفرٕہ سُند ہیو حال یُوس پردیس گوتہٟ گھرہِ نیرنہٟ وزِ دیوتُن پننین نوکر ن اختیار یعنی پرتھ کانسہِ دِژنیٟ پننیٟ کٲم تہٟ رٲچھررس دیُوتن حکم ہوشیار روزنُک ۔³⁵ادہٟ ہوشیار رُوزِزیو تکیازِ توہہِ چھیوونہٟ پے زِ گھرُک مالِک کرییہ ۔شامس ییِآہ،یانصف رٲژ ،یاکوکر بانگہِ یا صبحس ییِیآہ۔

³⁶یُوتھنہٟ تہِ سپدِ تہٟ اچانک یِتھ وچُھؠو توہہ سُہ شُونگِتھ ۔

³⁷بؠہِ یہِ بُو توہہ چُھسو ونان تیِ چُھس بُو سارنی ونان زِ ہوشیار رُوزیُو ۔

14¹دویہ دوہیٕ پتٕہ أس عیدِ فسح تٕہ خمیرِ ورأۓ ژوچِہ ہُند نیاز سپدَن وول تٕہ زِٹھیٕ کأہِن تہٟ فقؠہہ ٲسیٟ موقع ژھانڑان زِ سُہ کتھ کٕنؠ رٹوون دھونکس منز تہٟ کرون قتل ۔

²تکیازِ تِم ٲسی ونان ،عیزدوہ نہٟ کؠنہہ بنان چُھ لوکن منزوَتھِ فسادہٟ³ییلہ سُہ بیت عنہیاہ ہس منز شمعون میندلد سنٔدِگھرِہ کھین کھؠنہِ بؠوٹھ تہٟ اکھ زنیٟ آیہ جٹا ماسی ہٕنز قٕیمتی تٕہ صاف عطٕر ہؠتھ سنگِ مرمرکِس عٕطرِ دانَس منز تہٟ عطرِ دان فُٹرِتھ ترٲونٟ عِطرتمسندِس کَلس پیٹھ

⁴مگر کؠنہہ لگی پنِنس دلس منز ناراض گژِتھ وننہِ زِ یہ عِطر کیمہ خاطرہٟ آیہ ضایعہ کرنہٟ ۔

⁵تکیازِِ یہ عِطر ییہے ترِے ہتھ دینار کھوتہٟ زیادس کٔنِتھ غریبن دِنہٟ تہٟ لٔگؠ تؠمِس اعتراض کرنہِ ۔⁶عیسیٰ ہن ونکھ یہ ترٲوٟوُن یلہٟ اَمِس کیازِ چُھو دِق تلان ؟۔ اَمہِ کوُ رمیانہٟ خاطرہٟ اصل

⁷تکیازِ غریب غُربا چھِ توہہِ نِشہِ ہمیشہ، ییلہِ یژھؠو تمن ساتی ہؠکؠو نیکی کرِتھ ۔ مگر بُو روزنہٟ توہہ نِش ہیمشہٟ کؠہنہ ۔

⁸یہ کؠنہہ سُو ہیچیٟ کرِتھ تہِ کورُن تؠمہٟ چَھچیٟ دفنہٟ خاطرہٟ میٲنِس بدنس گوڈےٟ عِطر ۔

⁹بُو چھسو توہہ پوز ونان زِ تمام دنیاہس منز یتہِ تہٟ انجیل ہنزٔ مُنادی یؠہ کرنہٟ یہ یمہٟ کور ٲمسنٔدہِ یادگاری منز تہِ گژِھ یُون بیان کرنہٟ ۔¹⁰پتہ گو یہوداہ اسکر یوتی یُوس تمو بہو منزہٟ اُوس زِ ٹھیٟ کاہنن نِشہٟ تاکہِ سُہ کرِ تَس تمن حوالہٟ ۔

¹¹تِم گے یہ بوزِتھ خوش تہٟ کورہس پانسہٟ دِنُک وعدہ، پتہٟ لوگ سُہ موقع ژھانڑ نہِ زِ کِتھ پٲٹھیٟ رَٹہٟ ناوَن بُو سُہ ۔¹²خمیرِ ورأۓ ژوچِہ ہٕندِ نیازکِہ گوڈنِکِہ دوہ یعنی ؠمہ دوہ فسحک نیاز اُوس یوان کرنہٟ ۔تمِس وُن پننؠوشاگردو ؟ ژٕہ کتِہ چُھک یژھان زِہ ٲسی گژھو تہٟ چانہِ خاطرہٟ کرو فسحٟچہ کھؠنچ تیاری ۔

¹³تیمیٟ سوزیٟ پننیو شاگردومنززۂ تہٟ تمن وُنن شہرس منز گژھیو تتہِ سمکھیو اکھ نفر آبہٟ نوٹ ہیتھ تُوہہِ ،تمسیٟ پتہٟ پتہٟ گژھیو۔

¹⁴تہٟ یوت سُہ داخلٟ گژھِ ،تؠمہٟ گھرہٟ کس مالکس ونزیو'' وستاد چُھ ونان'' مؠون مہمان خانہٟ کِتہ چُھ یتہٟ بُو پننین شاگردن ساتیٟ فسح کھؠمہٟ ۔¹⁵سُہ ہایو توہہ ہرمِس پُھرس پیٹھ اکھ بوڈ کمرہٟ یوس سجایتھ تہٟ تیار آسہِ تتیٟ کرزیو سانہِ خاطرہٟ تیاری ۔

¹⁶اتیٟ دراےٟ شاگردتہٟ شہرس منز وچھ تمو تتھے پاٹھیٟ یتھٟ پاٹھیٟ تیمیٟ تمن ونمُت اوس تہٟ کورکھ فسّح تیار¹⁷ییلہٟ شام ووُت سُہ آوٗ تمن بہن ساتیٟ ۔

¹⁸تہٟ ییلہٟ تِم بِہِتھ ٲسی کھیوان ۔تہ عیسیٰ ہن وُن ۔بُو چُھسو توہہِ پوز ونان،زِ توہہ منز چُھ اکھ یوس مؠے ساتیٟ کھیوان چُھ رٹہٟ نایہ مؠے ۔

¹⁹تِم سپٔد دُکھِی تہٟ اکہ اکہِ لگی وننہِ ،کیا بُو چُھسا؟²⁰تیمی وُن تمن سُہ چُھ بہو منزہٟ اکھ ۔یوس مےٟ ستیٟ چُھ طشتِ منز اتھ تراوان ۔

²¹تکیازِ یتھ کنیٟ ابن آدمہ سنٔدِس حقس منز لیکھنہٟ چُھ آمت تیِ چھُ سپدان ،مگر تمِس نفرس پیٹھ چُھ افسوس یمہِ سنٔدِذریعہ ابن آدم رَٹہٟ ناونہٟ ییہِ ۔اگرسُہ نفر آسِہؠنہٟ پٲدےٟگومُت تمسٔندہٟ خاطرہٟ آسہے بہتر۔²³تمِ ٲسی کھؠوانیٟ ،زِ تؠمؠ رٔٹ ژُوٚٹ تہٟ برکت دِتھ فُٹرٟن تہٟ دِژن تمن تہٟ وننکھ رٹؠو یہ چُھ مؠون بدن ۔

²²پتہٟ روٹ تیمیٟ پیالہ تہٟ شکر کرتھ دیوتُن تمن تہٟ تمو سالمو چُیو ۔

²⁴تؠمیٟ ون تمن یہ چُھ میانہٟ تؠمہٟ عہدُک خون یُوس واریا ہن ہندِ خٲطرٕہ یِیِہ دِنٕہ۔

²⁵بُو چھُسو توہہ پُوز ونان زِ دچھہ رَس چؠمنہٟ بُو بیہِ زاہنہ۔ تتھ دُوہس تام یوتام نہٟ خدایہ سنزِ پادشاہی منز نیہ چیمہٟ ۔²⁶پتہ گے حمد گییتھ زیتُون پہاڑَس پیٹھ ۔

²⁷تہٟ عیسیٰ ہن وُن تمن ۔توہی ساری کُھیوٹھوکرہٟ ۔تکیازِ لیکتھ چُھ بُو مارن پُوہل تہٟ تیر گژھن چھلہٟ چھانگرہٟ ۔²⁸مگر بُو گژھٟ پننہِ زندہ وتھنہٟ پتہ توہہ برونہہ گِلیلِ۔

²⁹پطرسن ون تس ،چاہے ساریٟ اگر ٹھوکرہٟ کِھین مگر بُو کھؠمنہٟ ۔³⁰عیسیٰ ہن ون تس بو چُھسے ژے پُوز ونان زِ از راتس منز دویُو کوکر بانگو برونہہ کرکھ ژہ ترییہِ لٹہِ اِنکار ۔

³¹مگر تیمیٟ وُن بڑہٟ زور دِتھ ،زِ اگر مے ژے ساتیٟ مرُن تہِ پییہِ توتہِ کرنہٟ بُو ہرگز تہٟ چون انکار ۔یتھے کنیٟ وُن باقیو تہِ ۔³²پتہ واتی تِم اکِس جایہ یمیوک ناوٗ گتھِسمنی اُوس ۔تہٟ تیمیٟ وُن پننین شاگردن۔یتیِ روزیُو بِیہِتھ یوتام بُو دُعا کرہٟ ۔

³³تہٟ پطرس،یعقوب تہٟ یوحنا پانس ساتیٟ نِتھ سپُد واریاہ حیران تہٟ لوگ بے قرار گژھنہِ

³⁴تہٟ ونُن زِ میون زُو چُھ سیٹھا غمگین ۔یوتام زن مرنچٔ نُوبت تہِ واژ،توہی روزیو یتیِ تہٟ ہوشیارے رُوزِیو ۔³⁵ہنا برونہہ کُن پکِتھ پیو سُہ زمینہِ پیٹھ وسیٟ تہٟ لوگ دُعا کرنہِ زِ اگر ہیکہِ ہے سپدِتھ مے پیٹھ ٹلہِ ہے یہ وقت ۔

³⁶تہ ونُن۔ ہیوببا،ہے ببہٟ چانہِ ساتیٟ ہیکہِ پریتھ کینہہ سپدِتھ ۔ یہ پیالہٟ ہٹاوُن مے نِش تو تہِ یہ بُو یژھان چُھس تِہ نٕہ کینٛہہ بلکِہ سپدنی تِی یہِ ژۂ یژھان چھکھ ۔³⁷پتہ آوٗ سُہ تہٟ تِم وُچھِن شونگِتھ تہٟ پطرسّس وُنن۔ ہیوشمعونا ژہ چُھکھا شو نگِتھ ؟ کیا ژۂ ہیوکُکھنا اکِس گٲنٹس تہِ ہوشیار رُرزِتھ ۔

³⁸ہوشیار روزِیو تہٟ دعا کریو ،تاکہ آزمایٔشہ منز پییُو نہٟ،رُوح چُھ پکہٟ مگر جسم چُھ کمزور ۔

³⁹پتہٟ دراوٗ سُہ تہٟ سُوے کتھ ونِتھ کورُون دُعا ۔⁴⁰پتہٟ آوٗ سُہ بیہِ تہٟ وچِھن شونگتھ تکیازِ تمن آسہِ نیندرہٟ ٲچھ ۔تہٟ تمن آسنہٟ پے زِ کیا جواب دمو ۔

⁴¹پتہ آوٗ سُہ تریمہِ لٹہِ تہٟ وُننک ،روزیُو ونیٟ شُونگِتھ بیہ کریُوآرام ،بس وقت ووت ،وچھیُو،ابن آدم ییہِ گنہگارن ہندین اتھن منزحوالٕہ کرنٕہ

⁴²وتھیو پکیو وچھیو مے رٹہٟ ناون ووُل ووت نزدیک ۔⁴³سُہ اُوس یہ ونانیٟ زِ فوراً ووت یہوداہ یُوس تمو بہو منزہٟ اُوس تہٟ تمِس ساتیٟ اُوس اکھ بوڈ ہجوم تلوارہٟ تہٟ ڈنڑہٟ ہیتھ زِ ٹھیٟ کاہنن تہٟ فقیہن ہندِہ طرفہٟ

⁴⁴تہٟ اَمِس رٹہٟ ناون وٲلیٟ اوس تمن یہ نشان دیُوتمُت زِ یِمس بُو میٹھیٟ دِمہٟ سُوی نیوزیون حفاظت سان رٹتھ ۔

⁴⁵سُہ آو فوراً تمِس نِش تہٟ وننس'' ہے ربّی ! تہٟ کٔرنَس مؠٹھیٟ ۔

⁴⁶تمو کٔر تس تھپھ تہٟ روٹکھ ۔⁴⁷مگر یمو منزہٟ استاد اکیٟ نفرن کڑٔ تلوار تہٟ چلاون زِ ٹھیٟ کاہنن سندِس نوکرس پیٹھ تہٟ ژوٹنس کَن۔

⁴⁸عیسیٰ ہن وُن تمن کیا توہی چِھواہ تلوارہٟ تہٟ ڈنڑہٟ ہیتھ مے ،ڈاکو سنٔدیٟ پاٹھیٟ رٹنہِ درامتیٟ ؟

⁴⁹بُو اوسُس پرتھ دُوہ توہہ نِش ہیکل منز تعلیم دوان ۔تہٟ توہہ رُوٹہٟ ووُسنہ بُو مگر یہ سپُد ٲمہٟ موکھٟ زِ لیُوکھمت سپدِ پورہٟ ۔

⁵⁰اَتھ پؠٹھ ژٔلؠ سٲری شاگرد سُہ ترٲیِتھ ۔⁵¹مگراکھ جوان دراوٗ پنِن ننگہ جسمّس پیٹھ زٲوِجِ ژادر ولِتھ تمس پتٕہ پتٕہ ۔سُہ رُوٹ لکو ۔

⁵²مگر تیمی ژھنیٟ ژادر دٲرتھ تہٟ ژول ننگے ۔⁵³پتہٟ نیو تمو سُہ زِٹھیٟ کاہنس نِشہٟ، ونی سپٔدیٟ اَتہِ زِ ٹھیٟ کاہن تہٟ بزرگ تہٟ فقیہہ جمع ۔

⁵⁴پطرس گو دور رُوزِتھ تس پتہ پتہ زِٹھیٟ کاہن سندِس دیوان خانس اندر تام ۔تہٟ لوگ سپاہن ساتیٟ بہتھ وُشنیر کرنہ⁵⁵زِ ٹھیٟ کاہن تہٟ سٲری صدِر عدالت لگی عیسیٰ ہس مارنہ خاطرہٟ تمس خلاف گوہی ژھانڑنہِ ،مگرمیجِکھنٕہ۔

⁵⁶تکیازِ واریاہو ٲس تس خلاف اپُز گواہی دِمژ مگر تہنز گواہی ٲسنہ صحیح کیہنہ ۔⁵⁷پتہ دِژ کیژھو وَتھتھ تس پیٹھ یہ اُپز گواہی۔

⁵⁸اسِہ چُھ بُومُت یہ ونان زِ بُو لُہرناون یہِ ہیکل یُو سہِ اتھو ساتیٟ بناونہٟ چھے آمژ تہٟ ترین دُوہن منز بناوہٟ بُو دُویم یُوسنہ اَتھو ساتی آسِہ بنے مٕژ۔

⁵⁹مگر اَتھ پؠٹھ تہِ دراینہٟ ٲمسنز گواہی صحیح کینہہ۔⁶⁰پتہ پروژھ زِٹھیٟ کاہنن عیسیٰ ہس منز باگ اِستاد کرِتھ ژٕہ چُھکھنٕہ کانہہ جوابی دیوان ؟یِم کیا گوہی چھ ژے خلاف دِوان

⁶¹مگر سُہ رود ژھوپہ کرتھیٟ تہٟ کانہہ جواب دیوتُن نہٟ ؟زِٹھیٟ کاہنن کور تس بیہ سوال تہٟ وننُس کیا ژہ چُھکھناتس یُوسفہٟ سُند ینچُو مسیحا۔

⁶²عیسیٰ ہن وُنس ۔آبوچُھس ،تہٟ ژہٟ وچھہن ابن آدم قادِر مطلقس دچھنیٟ کینیٟ بتھ تہٟ آسمانکِس اُوبرس ساتی" وچھہن یوان⁶³زِٹھیٟ کاہنن ژٹیٖٟ پننیٟ پلو دُوپن ونیٟ کیا چھے اَسہِ گواہن ہنز ضرورت۔

⁶⁴توہہ بوزو یہ کُفرونؠ کیا راۓ چھے تُہٕنز؟ تمو سالمو دیُوت فتویٰ زِ یِہ چُھ قتلَس لائق ق ۔

⁶⁵پتہٟ لگی تمِس پیٹھ کینہہ تھو کہٟ چھکنہٟ ۔یہ دیوتہس تھُوپ تہٟ لایِہَس مُشٕہ تہٟ لگِس وننہِ بوزناوٗ نبوتچہ کتھٟ ! تہٟ سِپہو نیو سُہ چپٲژ لٲیِتھ پننِس قبضس منز⁶⁶یلہ پطرس بُونہٟ کنہِ آنگنس منز اُوس تہٟ زِٹھیٟ کاہن سنزٔو دایو منزٕہ آیِہ تُور اکھ ۔

⁶⁷تہٟ پطرس وچھُن نار تپِتھ تہٟ نظراہ کرتھ ونُنس ژہٟ تہِ اُوسکھ تمِس عیسیٰ ناصریس ساتیٟ ۔

⁶⁸تیمیٟ کور انکار تہٟ وُننَس ، نہ چھیم پے تہٟ نہٟ چُھم فکرہ تران زِ ژہٟ کیا چھؠکھ ونان ۔ پتہ دراوٗ سُہ نیبر صحنس منز تہٟ کوکرن دِژ بانگ ۔⁶⁹سُو داے لجس بیہِ تمن وننہِ یِم تس نِش استادہٟ ٲسی،یہ چُھ تِمویٟ منزہٟ ۔

⁷⁰مگر تیمہٟ کور بیہ انکار تہٟ کؠنہہ کا لہٟ پتہٟ ون تمو یم تس نِش کھڑا ٲسی پطرسس زِ بے شک چُھکھ ژہٟ تِموی منزہٟ ۔تکیازِ ژہ چُھکھ گِلیلی تہِ۔⁷¹مگر سُہ لوگ پانس لعنت کرنہٟ تہٟ قسم کھنہِ تہٟ وُنن بُو زانن نۂ سُہ نفر یمسنز توہیٟ ذِکر چھو کران ۔

⁷²تہٟ فوراً دِژ کوکرن دویم بانگ ۔ پطرسس آیہ سو کتھ یاد یوسہ عیسیٰ ہن تس ونمژ ٲس ،زِ کوکرہٟ سنٔزہ دویمہ بانگہِ تام کرکھ ژہٟ تریہ لٹہ انکار ۔تہٟ اتھ غور کرِتھ لوگ سُہ ودنہِ ۔

15¹تٕہ صبُح پُھولتھؠ فوراً زِٹھیٟ کاہنو، بزرگن تہٟ فقیہن تہٟ سارنیٟ عدالتکین صدرن ساتی صلاح کرِتھ گنڑہٟ نو وکھ عیسیٰ تہٟ نِتھ کورکھ پیلا طُسس حوالہٟ

²تہٟ پیلا طُسن پروژھ تس زِ کیا ژٕہ چُھکھایہودین ہُند پادشاہ ؟ تیمیٟ وُن درجواب تمِس زِ ژہٟ چُھکھ پانے ونان ۔

³تہٟ زٹھیٟ کاہن رُودیٟ تس پیٹھ واریا ہن کتھن ہُند الزام لگاوان ۔⁴پیلاطُسن وُن تس دوبارہ سوال کرِتھ یہِ زِ ژہٟ چھکھنہٟ جوابیٟ دِوان ؟ وُچھ یِم کاتیاہ الزام چھ ژے پیٹھ لگاوان۔

⁵عیسیٰ ہن دیوتنٕہ توتِہ کینٛہہ جواب ،یوتانیٟ زن پیلاطسن تعجُب کُور ۔⁶تٕہ سُہ اُوس عیز پؠٹھ لوکَن ہٕندِس عرض کرنَس پؠٹھ تِہندِ خٲطرٕہ اکِس قٲدِیَس ییلٕہ تراوان ۔

⁷تہٟ برابّا ناوک اکھ نفر یُوس زن تمن باغین ساتیٟ قیدس منز پیتھ اُوس یمُو بغاوتس منز قتل کورمُت اُوس ۔

⁸تہٟ ہجوم لوگ ہیُور کھسِتھ تس عرض کرنہٟ زِ یہ چُون دستور چُھ تہٟ کرسانہِ باپتھ ۔⁹پیلاطسن وُن تمن یہِ جواب ۔کیا تُوہی چھوا یژھان زِ بُو تراون تُہند خطرہٟ یہودین ہُند پادشاہٟ ؟

¹⁰تکیازِ تس ٲس پتہ زِ زِ ٹھیٟ کاہنو چُھ یہِ ضدہٟ ساتیٟ مے حوالہٟ کورمُت ۔

¹¹مگر زٹھیٟ کاہنو دیُوت لکن وتُش تاکہ پیلاطُس ترایہ تسہندہٟ خاطرہٟ براّبّاہس یلہٟ ۔¹²پیلاطُسن وُن دوبارہ تمن زِ یِمس توہیٟ یہُودین ُہند بادشاہ ونان چُھو تمِس کیا کرہٟ بُو ؟۔

¹³تِمو وو٘ن بیِہ کر یکٕہ دِتھ زِ یہ کھألِوُون صلیبِ¹⁴پیلاطُسن وو٘ن تِمن کیازِ اَمیٟ کیا اَتُر چُھ کورمُت۔ تِمُو تُل بیِہ کریکٕہ ناد زِ یہ کھالِوُون صلیبِ۔

¹⁵پیلاطُسن ترووٗ لوکھ خوش کرنٕکِس اِرادَس منز برابّا یلہٟ تہٟ عیسیٰ کورُن کوڈٕہ دیاو نٲیِتھ حوالہٟ صلیبِ دِنٕہ با پَتھ۔¹⁶تہ سپاہو نیو سُہ تتھ صحَنس منز یتھ پَریتورِین ونان چھ ۔ تہٟ سُوری پلٹن انو کھ ناددِتھ ۔

¹⁷تہٟ تمو لُوگ تمس اِرغوانیٟ چوغہٟ تہٟ کنڈین ہند تاج بنایِتھ تھوُوہَس پیٹھ ۔

¹⁸تہٟ لگِس سلام کرنہ ہے یہودین ہند پادشاہ،سلام۔¹⁹تہٟ تِم رُودیٟ تس کَلس لوریو ساتیٟ لایان بیہٟ ٲسِس تھوکہٟ چھکان تہٟ کوٹھیٟ تمرِتھ آسٟس سجدہٟ کران ۔

²⁰تہٟ ییلہٟ تس تم مزاق کرِتھ سپدےٟ تہٟ کوڑہس ارغوانی چوغہٟ نیبر تہٟ لاگہس پننیٟ پلو ۔ پتہ نیوکھ نیبر پھٲسیٟ دِنہٟ باپتھ ۔

²¹تہٟ شمعون ناوک اکھ کُرینی نفر سکندر تہٟ رُوفُس سُند مول اُوس گامہٟ پیٹھ یِتھ اَپٲریٟ پکان ،تمو رُوٹ سُہ بیگار منز تاکہِ تمسنز صَلِیب تُلہِ ۔²²تہٟ تمو واتُنوو سُہ گُلگتُا جایہ یمیوک ترجمہ کلہٟ کھوپرین ہنٔز جاۓ چھے ۔

²³تہٟ شرابس منزمُررلایتھ ہیو ننہس دیُون مگر تیمیٟ چووُنہٟ ۔

²⁴تہٟ تمو کور سُہ مصلُوب تہٟ تمسٔند ین پلَون ترٲیکھ چُورہِ زِ کس کیا واتہِ تِم بٲگرِکھ۔²⁵تہٟ دُوہس کھتِمٟتس اوس اکھ پہر گومُت ییلہ تمو تس پھٲسیٟ دِژ ۔

²⁶تہٟ تمسُند الزام تھوُوکھ تَس پؠٹھ کنہِ لاگِتھ زِ یہودین ہُند پادشاہ''۔

²⁷تہٟ تمو کریٟ تس ساتیٟ زہٟ ڈاکو اکھ تمس دچھنیٟ تہٟ بیاکھ تمسٟی کھوٚر کینی مصلوب ۔

²⁸پتہٟ سپُد یمہ مضمونُک نوِشتہٟ پورہٟ زِ سُہ آوٗ بدکارن منز گنزراونٕہ ۔²⁹تہٟ وتہِ پکن والیٟ ٲسی کلہِ گلہٟ وتِھ تس پیٹھ لعن طمن کران تہٟ ونان ٲسیٟ زِ واہ ! ہیکل لُہراون والہِ تہٟ ترین دوہن منز بناوَن والِہ

³⁰پھاسہِ پیٹھ بُون وسِتھ بچاوتہٟ پننویٟ پان!³¹یتھے کنی ٲسی ز ٹھیٟ کاہن تہِ فقیہن ساتی رلِتھ پانہٟ وانیٟ مزاق کرِتھ ونان ،ٲمی بچٲیٔ باقیٟ ،پںُن پان ہیو کُن نٕہ بچٲیِتھ ۔

³²اسرایٔلکہٟ پادشاہ مسیح وَس ونیٟ پھاسہِ پیٹھ بُون تاکہ تِم تہِ ٲسیٟ تس پیٹھ لعن طعن کران ۔³³ییلہ دوپہرسپُد تہٟ تمام ملکس منز آیہ انِہ گٹٕہ چھاونہٟ تہٟ رُوز تر یمِس پہرس تام ۔

³⁴تہٟ تریمہٟ پہرہٟ دِژ عیسیٰ ہن بڑٟ آوازِ منز کرِیکھ زِ اِلُوہی اِلُوہی لَما شَبقتنی ؟۔ یمیوک ترجمہ چُھ ہے میانہِ خدایہِ !ہے میانہِ خدایہِ ژے کیازِ تُروتھس بو ؟۔

³⁵یِم تَتؠن استادہ ٲسیٟ تمو منزہٟ وُن کینژھو یہ بُوزِتھ زِ وچھیو ہُو چُھ ایلیاہّس ناد دِوان ۔³⁶تہٟ گو دُورِ اُونن سپٕنج سٕرکس منز وڈوِتھ تہٟ لُورِ پیٹھ تھٲیِتھ ژہُنووکھ سُہ تہٟ وُنکھ لُوت کریُو۔ وُچھوایلیاّہ ییِیاہ ٲمِس بون والنِہ کِنٕہ نٕہ۔

³⁷پتہٟ دیُوت عیسیٰ ہن بڑہ آوازِ منز کریکھ دِتھ زُو۔

³⁸تہٟ ہیکل ہُندِس پردس گے ہیرِ پؠٹٕھہ بُون پھٹتھ زہٟ ٹکرہٟ ۔³⁹تہٟ یُوس صُوبیدارتس نِش کھڑااُوس تیمیٟ وُن سُہ یٹھ کنی جان دِوان وُچِھتھ زِ بیشک اُوس یہ نفر خدایہ سند فرزند۔

⁴⁰تہٟ کؠنہٟ زنہِ آسہٟ دُور وچھان ۔تمو منزہٟ ٲس مریم مگدلینی تٕہ لوکٹِس یعقوب تہٟ یُوسیس سنز مُوج مریّم تہٟ سلُومیِ ۔

⁴¹ییلہٟ سُہ گلیلِ منزاُوس یمہٟ آسہٟ تس پتہٟپتہٟ پکان تہٟ خدمت کران۔ بیہ تہِ آسہِ باقی تہِ واریاہ زنہِ یمہ تس ساتیٟ یرشلمہٟ منزہٟ آمژہٟ آسہٟ ۔⁴²ییلہٟ شام ووُت تہٟ امہِ باپتھ زِ تیاریٟ ہُند دُوہ اُوس یُوس سبتُکہ اکھ دوہ برونٛہہ چُھ آسان ۔

⁴³اَرمتیوک روزن وول یوسف آوٗ یوس عزّت دار مُشیر تہٟ پانہٟ تہِ اُوس خدایہ سنٔز پادشاہی ہُند منتظر۔ تہٟ گو جرٲت سان پیلاطُسس نِشہٟ عیسیٰ سنزٔ لاش منگنہِ ۔

⁴⁴تہ پیلاطُسن کور تعجُب زِ سُہ مودا یُوتا جلدی۔تٕہ صوبیدار اُونن ناد دِتھ تہٟ پرژُھسن تس گوا مُومتِس واریاہ کال⁴⁵ییلہِ صُوبیدارس نِشہٟ معلوم کُورن تہٟ دِیاؤن یُوسفس لاش ۔

⁴⁶تیمیٟ اَنیٟ مولیٟ اکھ زٲوِج ژادر تہٟ لاش والٔتھ وُلنس امے ژادرٟ ہُند کفن تہٟ تھوون اکِس قبرِ منز یُوسہٟ کنین منز کھننہ ٲس آمژٔ تہٟ قبر ہندِس گلِس پیٹھ تھٲونٟ اکھ کنیٟ دُولہٟ ۔

⁴⁷تہٟ مریم مگدلینی تہٟ یُوسیس سنز موج مریّم آسہٟ وُچھان زِ کِتہ آوٗ تھاونہٟ ۔

16¹ییلہ سبتک دوہ گووتہٟ مریم مگدلینی تہٟ یعقوب سنٔزِہ ماجہِ مریّمس تہ سلوّمی اَنیٟ مُشکہِ دار چیز مُولیٟ یُوتھ زن تس پیٹھ ملہن ۔

²تِمہٟ آیہِ ہفتِکہ گوڈنِکہ دوہ واریاہ سُلہِ آفتاب نیرتھیٟ قبرِ پیتھ ۔³تہٟ پانہٟ آسہٟ ونان زِ سانہِ موکھہٟ کُس تُلہٟ قبرہندِ گلہِ پیٹھ کنیٟ تُھود ؟

⁴یوتھیٟ تمن نظر پیہِ تہٟ کنیٟ وُچھٟکیٟ ڈالتھ تکیازِ سُو ٲس واریاہ بڑٔ۔⁵تہ قبراندر گژِھتھ وُچھ تمو اکھ جوان سفید جامہٟ لٲگِتھ دٔچھنہِ طرفہٟ بِہتھ تہِ تمہٟ گیہِ سیٹھاحیران ۔

⁶تیمیٟ وُن تِمن تُوہی کیازِ چھِیو حیران سپدان ،کیا توہؠ چُھواعیسیٰ ناصریس ژھانڑان یُوس مصلوب اُوس گومُت ۔ سُہ وُتھ زنٟدہ ۔سُہ چُھنہٟ یتہِ ۔وچھِیویہ چھے سُوجاۓ یتہِ سُہ تمو تھومُت اُوس ۔

⁷مگر توہی گژھیو ونیو تمسندِین شاگردن بیہِ پطرسس زِسُہ گژِھ تُوہہ بُرونہہ گِلیلِ ۔توُہی وچھِوُون سُہ تتِی۔ یتھٟ کنیٟ تیمیٟ توُہہ ونمُت اُوسُو⁸تہٟ قبر منز نیرتھ ژجہِ تِمہٟ تکیازِ لرزہٟ تہٟ ہٲبتھ اُوس تِمن بُیوٹھمُت بیہِ وُننہ تمو کانسے کینہٟ تکیازِ تِمہٟ آسہٟ کھوژ مژہ⁹ییلہِ عیسیٰ ہفتکہِ گوڈنکہِ دوہ سُلہِ زندٟہ وُتھ تہٟ گوڈہٟ وُچھ سُہ مریم مگدینی یَن ؠمِس نشہٟ تؠمیٟ ستھ بدرُوح أسیٟ کڑَِمتیٟ۔

¹⁰تؠمہِ دِژ گژِتھ یہ خبر تمٔسِندؠن سأتِھیَن یِم ماتَم أسیٟ کران تہٟ بیِہ أسیٟ ودان۔

¹¹تہٟ تِمُو کُورنہٟ یہ بُوزِتھ یقین زِ سُہ چُھ زندٟہ تہٟ تؠمیٔ وُچھ سُہ۔¹²اَمہِ پتہ وُچھ دُویمہِ صُورِ ژ منز تمو منزہٟ دویُو ییلہِ تِم گامس کُن پیدل ٲسیٟ گژھان۔

¹³تمو تہِ ونیٟ یہ خبر لوکن مگر تمو کورنہٟ تمن پیٹھ تہِ یقین کؠنہٟ ۔¹⁴پتہٟ وُچھ سُہ تمو کہو تہِ ییلہِ تِم کھِین کھینہِ بِہتھ ٲسیٟ تہٟ تیمیٟ کُور تِمن تہنزِ بے اعتقادِی تہٟ سخت دِلی پیٹھ زبردست رُوٗب،تکیازِ یمو سُہ زندہٟ وتھنہٟ پتہ وُچھمُت اُوس تہٟ یمواُوسنٕہ تُہندِس پؠٹھ یقین کُورمُت ۔

¹⁵پتہٟ وُن تیمیٟ تِمن زِ توہیٟ کریو تمام دنیاہس منز گژھتھ سارنیٟ خلقن بروُنہہ کنہِ انجیل ہنز مُنادی ۔

¹⁶یُوس ایمان انہِ تہٟ بپتسمہ نیہِ سُہ لبِہ۰نجات تہٟ یُوس نہٟ ایمان انہِ سُہ ییہِ مجرم قرار دِنہٟ۔¹⁷بیہ سپدان ایمان انن والین درمیان یِم معجزہٟ ۔تِم کڑَن میٲنہِ ناوہٟ ساتیٟ بدروحن ۔

¹⁸نیہِ نیہِ زبانیٟ منز کرن کتھٟ ۔سُرفن تُلن بیہِ اگر کانہہ ہلاک کرن وول چیز چین تہٟ کاہنی نقصان واتیکھنہٟ۔ تِم تھاون بیمارن پیٹھ اتھٟ تہٟ تِم گژھن ٹھیک ۔¹⁹غرض خداوند عیسیٰ مسیح آوٗ تمن ساتیٟ کلامہٟ کرنہِ پتہٟ آسمانس پیٹھ کھالنہٟ تہٟ بُیوٹھ خدایس دچھنہِ کنہِ ۔

²⁰پتہِ کرٔ تمو نیرتھ ہرجایہ مُنادی تہٟ خداوند روٗد تمن ساتیٟ کٲم کران تہٟ روٗد کلامس تمو معجزن ہندِوسیلہِ ساتیٟ یِم ساتیٟ ساتیٟ سپدان ٲسیٟ ثابت کران آمین ۔

لوُقا

1¹تکیازِ واریاہو چُھ اتھ پیٹھ کمر گونڑمت زِ یمہِ کتھٟ اَسہِ درمیان واقع سپزہٟ تمہٟ کرووکھ ترتیب واربیان ۔

²یتھ کنی تمو یِم گوڈہٟ پیٹھے پانہٟ وُچھن والیٟ تہٟ کلامکی خادِم ٲسیٟ تِم واتنا یِکھ اَسہِ تام ۔

³اَمہِ موجوب ہے عزت دارتھِیفِلس زون میتہِ مُناسِب زِ سارنی کتھن ہند سلسلہ کرہٟ بُو گوڈہٟ پیٹھے ٹھیک پاٹھیٟ معلوم کرِتھ چانہٟ خاطرہٟ ترتیب سان تحریر ۔

⁴تاکہ یمن کتھن ہنز ژے تعلم لبہ مژٔ چھے تمن ہنز پُختگی سپدیِ ژے معلوم ۔⁵پادشاہ یہودیہ ہیرودیس سٕندِس زمانَس منز اُوس اَبیّاہٟ سندیو ساتھیو منزہٟ زکریّا ناوٗک اکھ کاہن ۔تہٟ تمسنز زنان ٲس ہاروّن سندیو اولادو منز تہٟ تس اُوس ناوٗ اِلیشِبَع ۔

⁶تہٟ تِم دونوے ٲسیٟ خدایہ سنٔز حضوری منز نیک تہٟ خدایہ سنٔدِین احکامن تہٟ قوانیناً پیٹھ بے عیب پکن والیٟ ۔

⁷تہ تمن اُوسنہٟ اولادا کہین تکیازِ اِلیشِبَع ٲس ہانٹھ تہٟ دوشوے ٲسیٟ بُڑہٟ۔⁸ییلہٟ سُہ خدایہ سنزِ حضوری منز اُوس پننین سٲتِھیَن ہنزِوارِہ پیٹھ کہا نتچٟ کٲم انجام دِوان' سُپدیہِ ۔

⁹زِ کہانتکہِ دستُورِ مُوافِق درا یہِ تمسنٔدِ ناوہٟ چِیٖر زِ خداوندسنٔدِ ہیکلہِ منز گژتھ زالِہ مُشکٕہ تُجِہ ۔

¹⁰تہٟ لوکن ہنزٔ سٲری جماعت ٲس مُشکہ تُجِ زالنہٟ وِزہ نبیر کنہِ دُعا کران ۔¹¹۔ اَتیٟ گو تس خداوند سُند فرشتہ مُشکہِ ہندِس قُر بان گاہکس دچھنِس طرفس کن استادہ نظر ۔

¹²تہٟ زکریا کھوژ یہِ وُچِھتھ تہٟ تس گوو ہمہٟ ۔

¹³مگر فرشتن وُن تس ہے زکرّیاہ ! کھوژمۂ تکیازِ چُون دُعا گو قبول تہٟ چانہِ خاطرہٟ زییہِ چانہِ زنانہِ الیشِبَع ہس نیچُو ۔تس تھٲیِز ژہ ناوٗ یحییٰ۔¹⁴سُہ آسنہ صرف چانے خاطرہٟ یوت خوشیٟ تہٟ شادمانیٟ ہُند باعث ،بلکہ مناون واریاہ لوکھ تمسندِس زِینَس پیٹھ خوشیٟ ۔

¹⁵تکیازِسُہ آسِہ خدایَس نزدیک عظیم۔ ضروری چُھ زِکرِ نشہٟ تہٟ شرابہِ نش پرہیز۔ سُہ آسہِ زینہٟ برونٹھیٟ ۔رُوح القدسہٟ ساتیٟ بھرپُور۔¹⁶تٕہ واریاہَن بنی اسرائیلؠن انِہ یُوس تِہُند خدا چُھ خداوندَس کُن واپَس۔

¹⁷سُہ پکہِ الییّاہ سنٔدِ رُوح تہٟ طاقتہٟ سٲتیٟ خداوندس بُرونہہ بُرونہہ ۔ تمسنزخدمت ساتیٟ سپدن والدینن ہنٔدیٟ دل پنین شُرین کُن مایٔل ۔تہٟ نافرمان لوکھ پھیرن نیکن ہنِز دانایٔ کُن ۔¹⁸زکریاہن پروژھ فرشتس، بُو کتھ کنی مانہٟ زِ یہ کتھ چھے پُوز؟ بُو چُھس بُڑٕہ تہٟ میانیٟ زنانہِ تہٟ چھے عمر رسید۔

¹⁹فرشتن ون درجواب ۔بُو چُھس جبرایٔل یُوس خدایس برونہہ کنہِ چُھ استادہٟ رُوزان بُوآس اَمےٟ مقصد خاطرہٟ سُوزنہِ زِ ژہٟ بوزنا وتھ یہ خوشخبر ۔

²⁰مگر ژے کھورتھ نہٟ کِتھ ہُند یقینیٟ ۔ لہزارُوزکھ ژہ توتام خاموش یوتام نہٟ ژے نیچو زیییٟ۔ میانہِ یمِہ کتِھہ سپدن وقتس پیٹھیٟ پورہٟ ۔²¹اتھ دوران آسیٟ نیبر کنہِ لوکھ زکر یاسندِس انتظارس منز۔تِم ٲسیٟ حیران گمٔتیٟ زِ تس کیازِ گو یُوتا ژِیرواپس یِنس منز ۔

²²آخر کار دراوٗ سُہ نیبر مگر سُہ ہیو کنہٟ تمن سٲتیٟ کتھ کرِتھ ۔ پتہ زون تمو زِ ٲمیٟ چُھ خدایہ سندِس گھرس منز خواب وُچھمُت ۔تیمی کور اتھو ساتیٟ اشارہٟ مگر رُود خاموش ۔

²³زکریا رُود پننِس وقتس تام خدایہ سنٔدِس گھرس منز پننیٟ خدمت انجام دِوان ۔پتہ گوواپس گھرہٟ ۔²⁴کؠہنہ دُوہ پتہٟ رُوز تمسنز زنانہٟ اِلیشِبَع گوبہِ کھورتہٟ سُوروزپانژن رتن تام گھرسٔی منزچُھپتھ ۔

²⁵تیمہٟ وُن خداوندن کاژا بٔڑکام کٔر میانہِ باپتھ تکیازِ ونی کرٔ تمیٟ میٲنی فکر تہٟ لوکَن منز کرٔن میٲنیٟ رُسوایٔ دُور۔²⁶اِلشِبع اُوس شییِم رِیتھ ییلہِ خداین سُوز جبرایٔل فرشتہ اکِس اَنہرِشہِ نِش یُوسہ ناصرتس منز روزان ٲس ۔ناصرت چُھ گِلیلِ ہُند اکھ شہر تہٟ انہرشہِ ہُند ناوٗ اوس مریّم۔

²⁷تمسنزٔ نشانیٟ ٲس اکس نفرس ساتی سپز مژٔ یُوس داوٗد بادشاہ سُند نسل تہٟ ناوٗ اُوسس یُوسّف ۔

²⁸فرشتن وُن تس نِش یِتھ ،ہے خاتون یمِس پیٹھ خدایہ سُند خاص فضل سپُد،سلام !خداچُھ ژے ساتیٟ۔

²⁹مریّم گے یہ بُوزِتھ حیران تہٟ سُونچن ، یہ کِژھ سلام چھے ۔³⁰مگر فرشتن تھاوٗ پننٕؠ کتھ جٲرِی تہٟ وُنن'ہے مریّم کھوژمۂ،،تکیازِ ژے پیٹھ سپُد خدایہ سُند فضل ۔-

³¹ژہ روزکھ گوبہِ کُھورتہٟ ژے زیییٟ اکھ نیچو۔ژہ تھٲیزہ تس عیسیٰ نجات دنہٟ وُول ناوٗ۔

³²سُہ گژھِ بوڈ تہٟ ییہِ خدایہ سُند فرزند وننہٟ ۔ خداوند بہِنایہِ تس داوٗد سنٔدِس تختس پیٹھ ۔

³³تہِ سُہ کرِ ہمیشہ تام اسرایٔلس پیٹھ حکومت تمسنٔز پادشاہی گژِھنہِ زانہہ تہِ ختم ۔³⁴مریّمن وُن فرشتس، یہ کتھٟ کنی ہؠکِہ سپد تھِ بُوچھیس انہرشیٟ ۔

³⁵فرشتن ونس درجواب ۔ ژے پیٹھ سپدروح القدُس نازل،تہٟ خداوند سنٔدِ قُدرتک سایہ روز ژے پیٹھ ۔امہِ موجوب زِ یہ بچہ آسہِ قُدوس تہٟ ییِہ خدایہ سنُد فرزندوننہٟ۔³⁶تہٟ وُچھ چانِہ رشتہٟ دار اِلیشِبع ہس تہِ زییہ بُجرَس منز نؠچُو یَس پٲنٹھ ٲسیٟ ونان تس چُھ شییِم رِیتھ ۔

³⁷تکیازِیُوس قَول خدایہ سنٔدِطرفہٟ چُھ سُہ چھنہٟ ہرگز تہِ بے تاشیر آسان۔

³⁸مریمّن وُن وچھ بُو چھیس خدیہ سنزنوکر۔میٲنہِ پاپتھ ٲسِن چانہِ وعدہٟ موافِق۔ پتہ دراوٗ فرشتہ تس نِش ۔³⁹تمنے دُوہن وژھ مرّیم تہٟ جلدی گؠہِ پہاڈی ملکس منز یہّوداکِس اَکس شہرس منز ۔

⁴⁰تہٟ زکریّا سند گھرہٟ واتتھ کرٔن اِلیشِبع سلام ۔

⁴¹تہٟ یوتھیٟ اِلیشِبع ہن مرّیمن سلام بُوز سپُد یہ زِ بچن تُج ماجہ ہندِ شکمہٟ منز وُوٹھ تہٟ الِیشِع سپُز رُوح القدسہٟ ساتیٟ برپور۔⁴²تہٟ تھدِ آواز منز لجیٟ وننہٟ زِ ژہٟ چھیکھ زنیو منز مُبارک تہٟ چانہ شکمِک میوہ تہِ چُھ مبارک ۔

⁴³تہٟ مؠے پیٹھ کپٲرؠ سپُد یہ فضل زِ میانس خداوندسنز موج آیہِ مؠے نِش۔

⁴⁴تکیازِ وچُھ یوتھیٟ چانی سلام میانین کنن منز وٲژ تیُوتھیٟ تُجٟ بچن خوش گژِتھ میانس شکمس منز ووُٹھ ۔

⁴⁵تہٟ مبارک چُھ تس یمہِ ایمان اُون تکیازِ یمہٟ کتھٟ خداوند سندِ طرفہٟ تس وننہٟ آسہِ آمژہٟ تِمہٟ سپدن پورہٟ ۔⁴⁶پتہٟ وُن مریّمن زِ میون زُو چُھ خداوند سنٔدِ تعریف کران ۔

⁴⁷تہٟ میون رُوح سپُد میانِس منّجی خدایس نِش خوش ۔⁴⁸تکیازِ تیمیٟ کٔر پننہِ نوکر انِہ ہٕنزِ پست حالی پیٹھ نظر۔تٟہ وچُھ ونکہِ پیٹھ وَنن مؠے پرؠتھ زمانکیٟ لوکھ مبارک ۔

⁴⁹تکیازِ قدرت تھاون والی کِر میانہِ خاطرہٟ بجہِ بجہِ کامہِ تسہند ناوٗ چُھ پاک ۔⁵⁰تہٟ تمسند رحم چُھ تمن پیٹھ یِم تس کھوژان چھ پُشت در پُشت۔

⁵¹تیمیٟ ہُو پننین نرین ہُند زُور تہٟ مزُورَن کٔرن چَھلٕہ چھانگٕر ۔⁵²تیمیٟ ژھنیٟ اختیارہٟ والیٟ تختٕہ پؠٹٕھہ بُون تٕہ پست حال کرنیٟ بُلند ۔

⁵³تیمیٟ کرہٟ بُوچھ ہتیٟ اصلیو چیزو ساتیٟ سیر تہٟ دولتمند کڑِن خالیِ اتھو۔⁵⁴تیمیٟ سمبھول پُنن نوکر اسرایٔل۔تاکِہ سُہ کرِ سُوٚ پننٕؠ رحمت یاد۔

⁵⁵یو سُہ ابراھیمس تہٟ تمِسندس نسلس پیٹھ تا ابدروزِ یتھ کنیٟ زن تیمیٟ اُوس سانین آباواجدادن ونمُت۔⁵⁶تہٟ مرّیم روز تقریباً ترین ریتن تس ساتیٟ تہٟ گیہِ پنُن گھرہٟ

⁵⁷تہٟ اِلیشبعہس ووُت خلاص گژھنک وَکھ تہٟ تس زاوٗ نیچو۔

⁵⁸تہٟ ہمسایو تہٟ رشتدارو تمسندیو منٲوٗ یہ بوزتھ تس ساتیٟ خوشی زِ خداوندن چُھے تس پیٹھ بڑٔ رحمت عطا کرمژ۔⁵⁹تہٟ ٲٹھمِہ دوہ آۓ تِم لڑکس ختن حال کرنہِ تہِ لگی تس پننِس مالی سنٔدِس ناوس پیٹھ ذکریا ناوٗ تھاونہِ۔

⁶⁰مگر تمسنزہٟ ماجہِ وُن نَہ بلکہ گژِھ یُون امسُند ناو یحییٰ تھاونہٟ۔

⁶¹تمو وُن تس زِ چانس قبیلس منز چُھنہ یہ ناوٗ کانسۓ ۔⁶²تہٟ تمو کور تمسندس مٲلس کُن اشارہٟ زِ ژہ کیا چُھکھ یژھان امسُند ناوٗ تھاوٗن۔

⁶³تیمیٟ منجیٟ مشکٟ تہٟ لؠو کُھن تمسُند ناو یحییٰ تہٟ ساری گے حیران۔⁶⁴تمےٟ ساتہٟ گیہ تس زبان یلہٟ تہٟ لوگ کتھٟ کرنہِ تہٟ خدایہ سُند حمد کرنہِ۔

⁶⁵تہٟ تمن اندیٟ پتیٟ روزن والیٟ کھوژیٟ سخ تہٟ یہُودیا کین تمام پہاڑی ملکن منز پھہلؠیہِ یمن سارنٔی کتَھن ہٕنزخبر۔

⁶⁶تہٟ سالمُو بوزن والیوون دلس منز سُو نچتھ تمن زِ یہ لڑکہٟ کؠُوتھ سنا چُھ سپدان ووُل ؟ تکیازِ خداوند سُند اَتھ اُوس تس پیٹھ ۔⁶⁷تہٟ تمسند مول زکریا سپُد روح القدسہِ ساتیٟ بھر پور تہٟ لوگ نبوتٟ ساتیٟ وننِہ ز ۔

⁶⁸خداوند اسرایٔلکِس خدایہ سُند آسِن حمد تکیازِ پننہِ اُمژ پیٹھ توجہ دِتھ دیُو تن نجات⁶⁹تہٟ پنُن خادِم کورُن داوٗد سنٔدِس خاندنس منز سانہِ نجاتہٟ باپتھ پٲدہٟ ۔

⁷⁰یتھٟ کنی تیمیٟ پننین پاک نبین ہندِہ ذریعہ ونمُت اُوٗس یم زن دنیا بننہٟ پیٹھےٟ آمتیٟ چھ۔

⁷¹یعنیٟ تیمیٟ بخُش آسہِ نجات سانینیٟ دشمنن تہٟ سارنے ضِدتھاون والیِن نِش ۔⁷²تاکہ سانین آباواجدادن پیٹھ کرِ رحم تہٟ پنُن پاک عہد کرِ یاد ۔

⁷³یعنی تیمہٟ قسمُک یُوس تیمیٟ سانِس جدَس ابراھّمس ساتی کھیُومت اُوس۔

⁷⁴سُہ کرِ اسہِ یہ عِنایت زِ پننین دشمنن ہند یو اَتھو نِشہِ موکِلتھ کرٔو۔

⁷⁵ٲسیٟ تؠمسٕنزِحضوری پاکیزگی تہٟ پزرہٟ ساتیٟ عمِر بے خوف تَسٕنز عبادت۔⁷⁶بیہِ ،ہے گوبریّا ژٕہا یِکھ خداتعالیٰ سُند نبی وننہٟ۔ تکیازِژہ پکَکھ خداوندس بروہنہ تسہنزہٟ وتہٟ تیار کرنہٟ خاطرہٟ ۔

⁷⁷یُوتھ زن تمسندِس اُمتس نجاتک علم بخشہ یُوس تِمن گناہن ہنزٔ معٔافیٟ ساتیٟ حاصل آسہِ ۔⁷⁸یہ سپد سانِس خدایہ سنٔزِ عین رحمتہٟ ساتیٟ۔ یمسندِس بِناہس پؠٹھ عالم بالہُک آفتاب اسِہ پیٹھ چمکِہ۔

⁷⁹تاکہ تمن بخشہ روشنی یم اَنہِ گٹہ تہٟ موتکِس سایٔس منز بِہتھ چھ ۔تہٟ سانیٟ قدم واتنایہِ سلاقی ہنز وتہِ پیٹھ ۔⁸⁰تہٟ سہُ لڑکہ گوبڑان تہٟ رُوحانیتس منز طاقت لبان۔ تہٟ اسرایٔلس پیٹھ ظاہر سپدنکِس دُوہس تام رودجنگلس منز

2¹تمن دوہن سپُد یتھ کنی زِ قیصر اوگستُس سنٔدِ طرفہٟ سپُد یہ حکم جاری زِ تمام لوکن ہندیٟ ناوٗ گژھن یِن لیکھنہٟ ۔

²یہ گوڈنِچ مردم شُماری سپٔز سُوریہ کِس حاکم کورِینُس سنٔدِس عہُدسمنز ۔

³تٕہ سٲری لوکھ گٔے ناوٗ لؠکھناونٕہ خٲطرٕہ پننِس پننِس شہرَس منز۔⁴اتی گوٚ یوسف گلیلکِہ شہر ناصرت پؠٹھ داوٗد سُند شہر بیتُ الّحم یُوس یہودیہ منز چُھ۔ امِہ موجوب زِ سُہ اُوس داوٗد سٕندِ قبیلٕہ تٕہ اولادو منزٕہ۔

⁵یُوتھ زن پننہِ منگیتر مریّمس ساتیٟ یُوسہٟ زن گوبہ کُھورٲسیٟ لیکھنایہ ناوٗ۔⁶ییلہ تِم تتہِ ٲسیٟ تہٟ سپد یہِ زِ تمسٔندِہ خلاص گژھُنک وکھ ووت۔

⁷تہٟ زاس یُووُنک نیچو تہٟ تیمیٟ تُھو سُہ پلَوس ولتھ گانس منز تکیازِ تہندہ باپتھ ٲسنہٟ سرایہِ منز جاۓ کؠنہٟ⁸تتھیٟ علاقس منز ٲسیٟ پہلیٟ یِم زن راتَس ٲسی میدانس منزرُوزِتھ پننِس کِھیلِس رٲچھ کرَان۔

⁹تہٟ خداوند سُند فرشتہٟ وُتھ تِمن نِش ۔تہٟ خداوند سُند جلال چمک تمن ژوپٲریٟ۔ تہٟ تِم کھوژیٟ واریاہٟ ۔¹⁰مگر فرشتن وُن تِمن ،کھوژیُو مٔہ ! تکیازِ وچھیو بُو چھسُو توہہ بجہِ خوشی ہنز بشارت دِوان یُوسہٟ سارے اُمتہٟ خاطرہٟ آسہِ۔

¹¹از سپُد داوٗد سنٔدِس شہرس منز تُہندِ طرہٟ اکھ مُنجی پادہٟ ، یعنی مسیع خداوند ۔

¹²تمسُند نشانہٟ آسہِ تُہندِ خاطرہٟ زِ تُوہی وچھوُون اکھ بچہ پلوس ولِتھ تہٟ سُہ

آسہِ گانس منز ۔

¹³تہٟ فوراً سپٔد ظاہر تس فرشتس ساتیٟ آسمانی لشکرہٟ ہنٔز جماعت یم خدایِہ سُند حمد ٲسی کران تہٟ ونان ٲسیٟ زِ۔

¹⁴عالم بالہس پیٹھ چھے ثنٲخٲنی سپدان تہٟ زمینِہ پؠٹھکؠن لوکن منز یمن سُہ راضی چُھ صُلح ۔¹⁵ییلہ فرشتہٟ تمن نِش گے آسمانس پیٹھ ،سپُد یہ زِ پہلیو وُن اکھ اکِس ۔ولیوبیت لحم تام گژھو تہٟ یہ سپُد بیہ یمِچ خبر اَسہِ خداوندن دِژ وُچھَو ۔

¹⁶اتیٟ گے تِم جلدی تہٟ وُچھکھیٟ مرّیم تہٟ یوسّف تہٟ سُہ بچہ ؤچُھکھ گانس منز ۔¹⁷تِم وُچھتھ کرکھ سُو کتھ مشہور یُوس تمِس لڑکہٟ سنُدس حقس منز تمن وننہٟ ٲس آمژ۔

¹⁸تہٟ سالمو بُوزن والیُو کور تِمن کتھن پیٹھ تعجب یمہٟ پہلُیو تمن ونہِ ۔

¹⁹مگر مریّم رُوزیمن کتھن پننِس دِلس منزتھٲیِتھ غورکران ۔

²⁰پتہٟ گےٟ پہلیٟ واپس یتھٟ کنی تمن وننہٟ اُوس آمُت تتھےٟ کنی سُوریٟ بوزتِھ تہٟ وُچھتھ رُودیٟ خدا یہ سنٔدیٟ تعریف تہٟ حمُد کران ۔²¹ییلہِ آٹھ دوہ پُرہٟ سپٔدیٟ تہٟ تمسندہٟ ختنک وکھ ووُت ۔تہٟ تمسند ناوٗ آوٛ عیسیٰ تھاونہٟ ۔یوس فرشتن اُوس تمسندٟحمل لگنہٟ برونہہ تس تھومُت ۔²²پتہٟ ییلہ موسیٰ منٔز شریعتہ مطابق تمسندِ پاک گژھنکیٟ دوہ پورہٟ سپٔدیٟ تہٟ تمو اُون سُۃ یروشلم یُوتھ زن خداوندس بُرونہہ کنہِ حاضر کرنس۔

²³یتھ کنیٟ زن خداوند سنزِس شریعتس منز لیکھتِھ چُھ زِ پریتھ کاہنہ یُووُنک ییہِ خداوند سندِ خاطرہٟ مُقدَس تھا ونہٟ ۔

²⁴تہٟ خداوند سبٔد شر یعتٟکہ تیمہٟ وعدہ مطابق کرِ قربٲ نیٟ۔ تہٟ اَنن اَکھ جُورہٟ قمٟری یا زہٟ کُوٚتَر بچہِ۔²⁵تہٟ وچھیو ،یروشلمس منز اُوس اکھ شمعُون ناوُک نفر۔تہٟ سُہ نفر اوس نیک ،خداپرس تہٟ اسرایٔلچ تسّلی ہند مُنتظر تہٟ تس پیٹھ اُوس رُوح القدس۔

²⁶تہٟ تسؠ أس روحُ الّقُدسَس نِش آگأہی سپز مٔژ زِ یوتام نہٟ ژۂ خداوند سُند مسیح وُچھہَن توتام وُچَھکھ نہٟ ژۂ موت۔²⁷سُہ وُوت رُوحکِہ ہِدایتہٟ سأتی ہیکلِ منز تہٟ ؠمہِ ساتہٟ مٲلؠ ماجِہ سُہ لڑکٟہ یعنی عیسیٰ اندر اُون تاکہ تمسِنٔدٟہ باپَتھ کرَن شرِیعتکَین دستُورَن پیَٹھ عمل۔

²⁸تؠمیٟ رُوٹ سُہ کھونِہ تٟہ خدایَس کُن حمُد کران ونُن۔

²⁹ہے مالِکٟہ،ونؠ چُھؠنٕہ ژۂ پنُن خأدم پننِہ وعدٟہ موافِق سلامتی سان رخصت کران۔³⁰تِکیازِ مِیانؠو أچَھو وُچھ چُون نجات۔

³¹یُٖوس زن ژےسٲرسٔی اُمتّس برُونہہ کنِہ تیار کورتَھن۔

³²یُوتھ زَن غیر قومن گاش دِنہٟ وُول نُور تٟہ چانِہ اُمت اِسرایٔیلُک جلال بنِہ۔³³تیمیٟ سنُد مُول موج اُوس تمن کتھن پیٹھ تعُجب کران یمہٟ زن تسہندِس حقس منز وننٕہ آسہٟ یوان۔

³⁴شمعونن کور تہندہِ باپتھ دُعا ۓ خیر تہٟ تؠمسٕنزِ ماجہِ مریمّس وُنن، وُچھ یہ سپُد اسرایٔلس منز واریاہن پتھر پینہ تہٟ تھود وَتھنہٟ خاطرہٟ تیوتھ نشانہٟ مُقرّر یِمچ مخالفت ییہِ کرنہٟ ۔

³⁵بلکہ ییہ چُون زُو تہِ تلوارِسٲتؠ چِھیدنٕہ تاکہ واریاہن ہُندٔیٟ دلی خیال سپدن ظاہر۔³⁶تہٟ آثر قبیلہٟ منز ٲس حنّاہ ناوچ فنوایل سنٔز کور اکھ نبی ۔سُہ ٲس وریاہ بُڑہٟ تہٟ پننہٟ انٔہرشہٟ پانہٟ پتہٟ ٲسیٟ تیمہِ سَتھ وَریٟ اکِس شوہرس ساتیٟ گزاُ رمتیٟ۔

³⁷سُو ٲسی ژُویہِ شِیتَو وریٟ یُو پیٹھ مُونڑ تہٟ دانایٔ ساتی ٲس معمور تہٟ خدایہ سنُد فضل اُوس تس پیٹھ ۔

³⁸تہٟ سُو آ یہِ تمےٟ ساتہٟ تُور تہٟ لجیٟ خدایہ سنُد شکر کرنہِ ۔تہٟ تمن سارنے ساتی لجیٟ تِہٕندِس بارَس منز کتٕھہ کرنِہ یِم یُروشلمکِس نجاتس پراران ٲسیٟ ۔³⁹تہٟ ییلہِ تمو خداوندہٟ سنٔدِ شریعتہٟ مطابق سوری کؠنہہ کرِتھ موکلو تہٟ گے گِلیل منز پُنن شہر ناصرت واپس ۔

⁴⁰تہٟ سُہ لڑکہٟ رُود بڑان تہٟ طاقت لبان ،تہٟ حکمتہٟ ساتی رُود معمور سپدان تہٟ خدایہ سنُد فضل اوس تس پیٹھ ۔⁴¹تمٔسند مول موج ٲسیٟ پریتھ وریؠہِ عید فسحس پیٹھ یروشلم گژھان۔

⁴²تہٟ ییلہِ سُہ باہ وُہُر ووُت تہٟ سُہ گو عیِذہُندِ دستورہٟ موافِق یروشلم۔

⁴³ییلہِ تِمو تِم دوہ پورہٟ کریٟ تہٟ دراے واپس تہٟ سُہ لڑکٕہ عیسیٰ رُود یرو شلمسٟی منز تہٟ تمٔسندِس مالسِ ماجہِ رُوز نہٟ پیے۔

⁴⁴مگر یہ زٲنِتھ زِ سُہ چُھ قافِلس منز واتیٟ اکِس منزلس تہٟ لگیٟ تس پننؠن رِشتٕہ دارَن تہٟ زانیٟ کارن منز ژھانڑنہِ ۔⁴⁵ییلہٟ نہٟ لُوبکھیٟ تہٟ گے ژھانڑان ژھانڑان تَس یرُوشلم تٲم واپس ۔

⁴⁶تہٟ ترے دُوہ پتہٟ سپُد یہ زِ تمو لُوب سُہ ہیکل منز وستادن منز باگ بِہتھ تہٟ تِہُند بوزان تہٟ تمن سوال کران ۔

⁴⁷تہٟ یِیتا تمسنُدبُوزان ٲسیٟ تِم اسیٟ تمسنز عقلہٟ تہٟ تمسندیو جوابو ساتیٟ حیران ۔⁴⁸تِم گے سُہ وُچھتھ حیران ۔تہٟ ماجہِ ونُس گوبریا !ژے کیازِ کُورتھ اَسہِ ساتیٟ یہِ ؟ وُچھ چُون مول تہٟ بُو اسیٟ وَنیٟ دِتھ ژھانڑان۔

⁴⁹تیمیٟ وُن تِمن توہی کیازِ آسیُو مؠے ژھآنڑان ؟کیا توہہِ چُھؠو نا پے زِ مؠے چُھ پننِس ببہِ سنٔدِس گھرس منز آسُن ضرور۔۔

⁵⁰مگر یُوسہ کتھ تیمیٟ تمن ونیٟ تمن آونہٟ سمجھ ۔⁵¹تہٟ سُہ ووُت تمن سٲتیٟ روانہٟ سپدِتھ ناصرت،تہٟ رُود تمن سٲتیٟ تمسنٔزہٟ ماجہ تھا یہِ یمہٟ سارے کتھٟ پننِس دِلس منز ۔

⁵²تہٟ عیسیٰ رُود دانایٔ تہٟ قدُوقامتٕہ کینیٟ خدایس تہٟ انسانن ہنٔدِس مقبولیتس منز ترقی کران ۔

3¹تِبریُس قیصرسنٔزحکومتکہِ پندٲ ہمہِ وری یہِ ییلہِ پُنطِیُس پیلاطُس یُہودیاہک حاکِم اُوس تہٟ ہیرودیس اُوس گلیل ہُند تہٟ تمسندبوے فِلپُس اِتُورِیہّ تہٟ ترخونیتِسُک تہٟ لِسا نیاّس اَبِلینے ہُند حاکم اُوس ۔

²تہٟ حناّہ تہٟ کالِٔفا ٲسیٟ زِٹھیٟ کاہن ،تمؠہ وقتہٟ سپُد خدایہ سنُد کلام جنگلس منز زکر یاسنٔدِس نیچوِس یحییٰ ہس پیٹھ نازِل ۔³تہٟ سُۃ لوگ یَردُنکِس اندٟی پتِس منز گژِتھ گناہن ہنزِ معافی خاطرہٟ توبکہِ بپتِسمٕچ مُنادی کران ۔⁴یتھ کنی یسعیاہ نبی سنزِ کلامچہِ کتابِ منز لیکتھ چُھ زِ جنگلا منزہٟ چھے یوان ناد دِنہ والیٟ سنٔد آواز زِ خداوند سنٔز وتھ کریو تیار ۔تمسنزہٟ وتہٟ بنایو سیُود۔⁵پرؠتھ کانہہ دُوب ییہِ پُروَنٕہ تہٟ پریتھ کانہہ بال تہٟ بٹھیٟ یِن بُون والنہٟ ۔ تہٟ یُوس ہُول آسہِ ییہِ سیود کرنہِ تہٟ یُوس تُھود آسہِ ییہ بُون کرنہٟ تاکہ وتہٟ بنن ہموار۔

⁶تہٟ پریتھ بشر وچھہِ خدایہ سنُد نجات ۔⁷ادہٟ یِم لوکھ تس نِش بپتسمہٟ ننہِ خاطرہٟ ٲسیٟ نیران ۔سُہ اُوس تمن ونان ،ہیو سُرفہٟ بچو ! تُوہہ کیمؠ وُنُو زِ ینہِ والِ غضبہٟ نِشہٟ ژلیو ۔؟⁸ادہٟ توبکہٟ موافق انؠو پَھل ،تہٟ پننین دلن منز مۂ کریو یہ ونن شروع زِ ابراھّیم چُھ سُون بب تکیازِ بُو چُھسو تُوہہ ونان زِ خدا ہیکہ یمو کنیو منزہٟ ابراھّیم سنِد خاطرہٟ اولاد پٲدہٟ کرِتھ ۔⁹تہٟ ونیٟ چھے کُلین ہندین مُولن پیٹھ آمژٔ مکژ تھاونہٟ ۔ادہٟ یُوس کُل اصل میوہ دِیینہٟ سُہ ییہٟ ژٹنہٟ تہٟ نارس منز زالنہٟ ۔¹⁰لوکو پروژھ تس تیلہٟ کیا کرَو ٲسیٟ ؟

¹¹تؠمؠ ووٚن تمن درجواب ۔یمس نِش زہٟ کُرتنہٟ آسن سُہ دییہِ اَکھ تس یس نہٟ کہین آسہِ ۔یمِس نِش کھِین آسہِ سُوتہِ کرِن تیٟ ۔¹²بیؠہ آے گُزررٹن وٲلیٟ تہِ بپتسمہٟ ننہِ تہٟ پُروژھہس ہے وستاد ٲسی کیا کرو۔

¹³تیمیٟ وُننَکھ یہِ تُہندِخاطرہٟ مُقرر چُھ تیمہٟ کھو تہٟ زیادہٖ مَہ ہِییُو۔¹⁴تہٟ سپاہو تہِ پروژھ تس زِ ٲسیٟ کیا کروَ ؟ تیمیٟ وُن تمن نہٟ مٔہ کریو کانسہِ ظلم بیہِ مٔہ ہیُو کانسہٟ ناحق کیہنہ بیہِ کریو پننِسیٟ تنخوہس پیٹھ گزارہٟ ۔¹⁵ییلہ لوکھ پراران ٲسیٟ ۔تہٟ سٲرِی ٲسیٟ پن پننِس دِلس منز سوچان یحییٰ ہس مطابق زِ آیا یہ چھا مسیح کِنہٟ نہٟ ۔

¹⁶تہٟ یحییٰ ہن وُن تمن درجواب ،بو چُھسو تُوہہ آبہٟ ساتیٟ بپتسمہٟ دِوان۔مگر یوس میٲنہٟ کھو تہٟ چُھ سُہ چُھ ینہٟ ووُل،بُوچُھسنہٟ تمسندِس کُھوربانس فِیتہِ کھولنس لایٟق تہِ ۔سُہ دِیوَو تُوہہ روُح القدسہٟ تہٟ نارٕہ سٲتؠ بپتسمہٟ ۔¹⁷تس چھُ شُب تہٟ واوپٹ اَتھس منز ۔یُوتھ زن پننیٟ کھل صاف کرِ تہٟ کٟنکھ تھا یہ پننہٟ کُچھِ منز جمع ،مگر کِسؠر زالہِ تتھ نارس منز یُوس نہٟ زاہنہ ژھؠتہ گژھِ۔ ۔¹⁸ادہٟ سُہ رود بیہِ تہِ واریاہ نصیحت کرِتھ لوکن خوشخبری بُوزناوان

¹⁹مگر ملکٔکہِ ژُورمہِ حِصُک حاکم ہیرودیسن پننِس باۓ فِلپُس سنز زَنانِہ ہؠرودیاسہِ ہند وجہ ساتیٟ بیہٟ تمو سارویٟ بدیُو ہندِ وجہ ساتی یمہٟ ہیرودیسن کرِ مژہٟ آسہٟ یحییٰ ہس نِشہ ذِلت تُلِتھ۔

²⁰امہِ کُھو تہٟ زیا دہٟ کورن یہِ زِ سُو تھوون قٲ دس منز ۔²¹ییلہِ سالمو لوکو بپتسمہٟ نیو،تہٟ عیسیٰ تہِ اُوس بپتسمہٟ نِتھ دُعا کران ،تہٟ سپُد یتھ کنیٟ زِ آسمان گویلہٟ ۔

²²تہٟ رُوح القُدس سپُد جسمانیٟ شکلِ منز کوتر بنتھ تس پیٹھ نازِل ۔تہٟ آسمانہٟ نِشہ آیہِ یہِ آواز '' ژہٟ چھکھ میُون ٹوٹھ فرزند،، بُوچھُسے ژے خوش۔²³ییلہٟ عیسیٰ لوگ پانہٟ تعیلم دِ نہِ تہٟ سُہ اُوس تمہٟ ساتہٟ لگ بھگ ترٟہہ ووہُر تہٟ یتھ کنی زن سہُ زاننہٟ اُوس یوان ابِن یُوسف بن عیلی بن ۔

²⁴متّات بنِ لاوّی بن ملکی بن ینّا بن یوسّف۔²⁵بن مَاعت بن عامُوس بن ناحُوم بن اسلیاّہ بن نوگہ،۔

²⁶بن مَاعت بن مَتتِیا بن شِمعی بن یُو سیخ بن یودّاہ ۔²⁷بن یُوحنّا بن ریسا بن زرُ بّابُل بن سیالتی ایل بن نیرّی ۔

²⁸بن ملکیٟ بن ادّی بن قوساّم بن المودآم بن عیر۔

²⁹بن یشُوّع بن اِلیعزربن یوریّم بن متّات بن لاوی۔³⁰بن شمعون بن یہُوداہ بن یوسّف بن یونّان بن اِلیاّ قیم ۔

³¹بن ملّے آہ بن مِناّہ بن متّتا بن ناتن بن دآود۔

³²بن یسّی بن عوبید بن عوبیدّ بن بوعزبن سلمون بن نحسون ۔³³بن عمیندّاب بن ارنیّ بن حِصرّون بن فارص بن یُہودآہ ۔

³⁴بن یعقُوب بن اسحاق بن ابراہیم بن تارخّ بن نحُورّ۔

³⁵بن سُرعو بن رعُو بن فلجّ بن عِبّر بن سیلاح ۔³⁶بن قینّان بن اَرفکسد بن ساّم بن نوّح بن لَمک ۔

³⁷بن متولّح بن حُنوک بن پارد بن محلِل ایل بن قینانّ ۔

³⁸بن اُنوس بن شیث بن آدم ابن خدا۔

4¹پتہٟ سپُد عیسیٰ رُوح القُدسٕہ سٲتؠ بھر پُور تہٟ آوٗ یَردن پیٹھ واپس تہٟ رود رُوح سنز ہدایتہٟ ساتیٟ ژتجؠہن دوہن تام جنگلن پھیران۔

²تہٟ شیطان رُود تس آزماوان ۔تمن دوہن کھؠو نہٟ تؠمیٟ کہِین ،ییلہ تِم دُوہ پورہ گے تہٟ لجٟس بُوچھِ۔³تہٟ شیطان نن ووُن تس ،، اگر ژہٟ خدایہ سُند فرزند چُھکھ تیلِہ وُن یَتھ کنہِ زِ یہِ بنہِ ژُوٗٹ ۔

⁴عیسیٰ ہن دیوت تس جواب ،لؠکِتھ چُھ زِ انسان رُوزنہٟ صرف ژوُچہِ ساتیٟ یُوت زندہٟ ۔⁵تہٟ شیطانَن نیُوسُہ تھزرس پیٹھ تہٟ ہٲوٕنَس اکِس رژِھ منز دنیاہچ ساری پادشاہیٟ ۔

⁶تہٟ ونُنس ،یہ سُوری اختیار تہٟ یہنز شان وشوکت دمے بُو ژے تکیازِ یمہٟ چھے مے حوالہٟ یس بُویژھان چُھس تَس چُھس دِوان۔

⁷ادہٟ اگر ژہٟ مے بُرونہہ کنہ سجدہٟ کرکھ تیلہِ سپدِ یہِ سوری چُونیٟ ۔⁸عیسیٰ ہن ون تس درجواب ،لیکتھ چُھ زِ ژٕہ خداوندکرپننِس خدایس سجدہ بیہِ کر صرف تمسنزٔی عبادت۔⁹پتہٟ نیو سُہ تیمیٟ یروشلم تہٟ ہیکل ہندس کُبس پیٹھ استاد کرِتھ وُننس ، اگر ژہٟ خدایہ سُند فرزند چُھکھ تیلہٟ ژھٟن پُنن بان یتہِ پیٹھ بُون دٲرِتھ۔

¹⁰تکیازِ لیکِتھتھ چُھ زِ سُہ دِیِہ چانہِ باپتھ فرشتن حکم زِچانیٟ حفاظت کرن۔

¹¹بیہِ تُلنے ژے تِم اتھن پیٹھ یُو تھنہِ چانین کھورن کَنیُو ساتیٟ زخم لگہِ ۔¹²عیسیٰ ہن ون تس درجواب زِ وننٕہ چُھ آمُت ژٕہ خداوند مۂ کر پننِس خدایس آزمایٔش

¹³۔ ییلہ شیطان تمان آزماشٔہ کرِ تھ سپد یُو تہٟ کینہٟ کالہٟ گوتس نِش الگ۔¹⁴پتہٟ آوٗ عیسیٰ پاک روحکہِ قوتہٟ ساتیٟ بھر پور سپدِتھ گلیل کُن تہٟ اندی پتیٟ پھہلییہٟ ٲمسنزٔ شہُرت ۔

¹⁵تہٟ سُہ رُود تہندین عبادت خانن منز تعلیم دوان تہٟ ساری رُودیٟ تس تعریف کران ۔¹⁶پتہٟ آوٗ سُہ ناصرت یتِہ تیمیٟ پرورش ٲس لبمژ تہٟ پننہِ دستور مطابق گو سبتکہ دُوہ عبادت خانس منز تہٟ سسپُد پرنٕہ خٲطرٕہ استادہٟ ۔

¹⁷تہٟ یسعیاہ نبیّ سنز کتاب آیہ تس دنہٟ تہٟ کتاب کُھولِتھ کُوڈ تیمیٟ سُہ ورُق یتین یہ لیکتھ اُوس ۔¹⁸خداوند سُند روح چُھ مے پیٹھ ۔امہٟ موجوب زِ بُو آس غریبَن خوشخبری دِنہٟ باپتھ ،تہٟ لتہِ مُونجہِ گُمتیٟ کرکھ آزاد ۔

¹⁹تہٟ خدا وند سنٔد مقبول وریُک کرہٟ اعلان۔²⁰پتہٟ دِژن بند کرتھ سُوکتاب خادمس واپس تہٟ بیُوٹھ تہٟ ییتیاہ عبادتخانس منز ٲسی ساری ٲسیٟ تس وچھان۔

²¹سُہ لوگ تمن وننہِ زِ اَز سپُد توہہ بُرونہہ کنہِ یہ نوِشتٕہ پورٕہ۔

²²تہٟ ساروی دِژ تس پیٹھ گوہی تہٟ تمِن پُرفضل کتھن پیٹھ یمہٟ سُہ ونان اُوس لگی تعجُب کرِتھ وننہِ ،کیا یہ چُھنا یوسّفن نیچُو۔²³تیمی ون تمن ،اتھ چُھنہٟ کانہہ شک زِ توہی دیُیو یہ مثال مے پیٹھ زِ ہے طبیب پُنن پان کر تیلہِ ٹھیک ، یہ کیژھا اَسہِ بوزژے کورتھ کفر نُحومس منز یتہِ پننِس وطنس منز تہِ کر ۔

²⁴تیمیٟ ون تمن بُو چھسو پوزونان۔زِ کانہہ نبی چھُنہٟ پننِس وطنس منز مقبول آسان ۔²⁵تہٟ بُو چُھسو توہہ پُوز ونان زِ اِلییاہ سندِین دوہن منز روٗد ساڑن ترین وَرین آسمان بند یوتام زن سارسی ملکس منز سخت دراگ ووُتھ ۔واریاہ مونڑہٟ آ سہٟ اسرایٔلس منز ۔

²⁶مگر ایلییّا ہ آونہٟ تمو منزہٟ کانسے نِشہٟ سُوزنہٟ سِوائے اکِس مونڑِ ورٲۓ یُوٚسٕہ ملکِ صیداکِس شہرصاریتس منز ٲس ۔

²⁷تٕہ اِلِیشع نبی سنٔدِ وقتہٟ ٲسیٟ اسرایٔلس منز واریاہ میندیٟ لدمگر تمو منز ہٟ آوٗنہٟ کانہہ پاک صاف کرنہٟ سواے نعمن سُوریانی۔²⁸ییتیاہ تہِ عبادتخانس منز ٲسی یمہٟ کتھ بوز تھیٟ کُھوت تمن سخت شرارت۔

²⁹تِم وتھ تہٟ کوڈ کھ شہرہٟ نیبر تہٟ نیو کھ تتَھ بالہٟ تُھونگِس پیٹھ یتھ پیٹھ تِہند شہر آباد اُوس تاکہ کلٕہ کِنؠ دِن تس بُون دٲرتھ ۔

³⁰مگر تمو منزیٟ نیرتھ دراوٗسُہ ۔³¹پتہٟ گو سُہ گلیلِ ہندِس شہرس کُفر نحوم کن تہٟ سبتکہٟ دوہ رود سُہ تمن تعلیم دِوان ۔

³²تٕہ لوکھ ٲسؠ تؠمسٕنزِہ تعلیم ساتی حیران تکیازِ تسہند کلام اُوس بااختیار۔³³تہٟ عبادت خانس منز اوس اکھ نفر یمس منز بدرُوح اُوس۔ سُہ وُتھ بڑِہ کریکھ دِتھ ۔

³⁴ہے عیسیٰ ناصری اَسہِ کیاواسطہٟ ژے ساتیٟ ؟ کیا ژہٟ آکھا اسہِ ہلاک کرنہِ ؟۔ بُوزا نتھ ژہٟ کس چُھکھ ، ژہٟ چُھکھ خدایہ سُند قدوس ۔³⁵عیسیٰ ہن ون تس رُوب کرِتھ ژھوپہ کر تہٟ اَمِس منزہٟ نیر۔ اتھ پیٹھ دراوٗ بدرُوح تمس منزہٟ دب دِتھ بلا زریِر۔

³⁶تہٟ ساریٟ لگی حیران گژِتھ پانہٟ وانیٟ وننہِ زِ یہ کیو تھ کلاما چُھ ؟تکیازِ یہ چُھ اختیار سان تٕہ قُدرتٕہ سان ناپاک رُوحَن حکم دِوان تہٟ تِم چھ نیران ۔

³⁷تہٟ اندیٟ پتیٟ پھہلؠؠہ پرتھ جایہ تمسنز شہرت ۔³⁸پتہٟ وُتھ سُہ عبادت خانٕہ پؠٹٕھہ گو شمعون سنُد گھرہٟ ۔تہٟ شمعون سٕنز حَش ٲسی تپٕہ ساتیٟ پیتھ تہٟ تمو کورتس تؠمِہ سٕندِ خاطرہٟ عرض ۔

³⁹سُہ وتھ استادہٟ تہٟ تس کن نمِتھ کورن تپَس رُوب تہٟ تمےٟ ساتہٟ ووُتھ تس تپھ تہٟ سُو لجیٟ تسہنز خدمت کرنہِ۔⁴⁰تہٟ آفتاب لوسنہٟ وزِ آے تِم ساری لوکھ یمن اَتہ الگ الگ بیمارین ہندٖی مریض اسیٟ تمِس نِش ہیتھ تہٟ کٔرِن ساری تِم اکہِ اکہِ اَتٕھہ پؠٹھ تھا یِتھ ٹھیک ۔

⁴¹تہٟ بدروح دراے کریکہٟ دِوان واریا ہو منزہٟ یہ ونتھِ زِ ژہٟ چھُکھ خدایہ سُند فرزند ۔ تہٟ سُہ اُوس تمن رُوب کران تٕہ کتٕھہ اُوسُکھنٕہ دِوان کرنٕہ تکیازِ تِم ٲسؠ زانان زِ یِہ چُھ مسیح۔⁴²ییلہ گاش پھول تہٟ سُہ گو نیرتھ اکِس سُنسان جایہ کُن تہٟ ہجومُک ہجوم ووُت ژھا نڑان ژھانڑان تس نِش تہٟ لگِس وننِہ زِ ژٕہ مٕہ نیر اسِہ نِشٕہ۔

⁴³تؠمؠ ووٚن تِمن مؠے چھے باقی شہرن منز تہِ خدا یہ سنٔز پادشٲ ہی ہنُز خوشخبری واتنا ونیٟ ضروری ۔ تکیازِ بُو چُھس امے خاطرہ سوز نہٟ آمُت ۔

⁴⁴تہٟ سُہ رُود گلیلکؠن عبادت خانن منز مُنادی کران ۔

5¹ییلِہ ہجوم تس پیٹھ اُوس پیوان تہٟ خدایہ سُند کلام آسیٟ بوزان تہٟ سُہ اُوس جِھیلکِس بٹھِس پیٹھ استادہٟ سُپدیہ زِ ۔

²تیمیٟ وچھ جھیل بٹِھس نِش زٕہ ناوہٟ مگر گاڈہٟ رٹن والیٟ ٲسی تمو منزہٟ بُون وسِتھ زال چھلان ۔

³تہٟ سُہ بؠُو ٹھ تمو منزہٟ اکِس نایہ منز یُوسہٟ شمعُون سنز ٲسیٟ تہٟ وُننس ہنا ڈال بِٹھ نِشہٟ تہٟ نایہ پیٹھ بہِتھ لوگ لوکن تعلیم دِنہٟ ۔⁴ییلِہ کلام کرِتھ سپُد تہٟ ونن شمعونس ،سرینرس کُن نہِ تہٟ شکارہٟ باپتھ تراوٗ پُنن زال۔

⁵شمعونن ونس درجواب،ہے خداوند اَسہِ کٔر رٲتیٟ راتس محنت تہٟ کہؠٚن آونہٟ وتھس منز ،مگرونیٟ تراوہٟ چانِس وَننس پیٹھ زال۔

⁶ییلہ یہِ کُرکھ تہٟ روٹکھ گاڈن ہُند بُوڈ ڈییر تہٟ یہندیٟ زال لگیٟ پھٹنہِ ۔

⁷تہٟ تمو کور پنین باقی ساتھین اشارہ یِم بیکس نایہ پیٹھ ٲسیٟ مددکرنہٟ باپتھ ۔ادہٟ تمو برِہ دوشوے ناوٟہ حتیٰ کِہ مہ لجہِ پھٹنہِ ۔⁸شمعون پؠُو یہ وُچھتھ عیسیٰ ہَس کھورن تل تہٟ وننس ہے خداوند! مے نِش نیر تکیازِ بُو چُھس گنہگار انسان ۔

⁹تکیازِ گاڈن ہندِ تؠمِہ شکارٟ ساتی یوس تمو روٗٹ سپُدیٟ سُہ تٕہ تمِسند ساتھیٟ سٹھا حیران ۔

¹⁰تہٟ یتھے پاٹھی سپٔدیٟ حیران زبدی سنٔدیٟ نیچیٟ یعقوب تہٟ یُوحنا تہِ یِم شمعون سنٔدی شریک ٲسیٟ ۔عیسیٰ ہن وُن شمعونس غم مٔہ بھر ،وُنکِہ پؠٹھ کرَکھ ژٕہ انسانَن ہُند شکار ۔

¹¹تمو اَنہِ ناوہٟ بٹھِس کُن تہٟ سُوری کؠنہہ ترایتھ دراۓ تس پتہٟ پتہٟ ۔¹²ییلہ سُہ اکِس شہرس منز اُوس ۔تٕہ وچھؠو اکھ میندؠ لَد پؠو عیسیٰ ہَس وُچِھتھ بُوتِھہ کِنؠ تٕہ لوگُس زارپارٕہ کرِتھ وننِہ، ہے خداوند اگر ژہٟ یژ ھکھ مؠے ہیککھ پاک وصاف کتِتھ ۔

¹³تس کُن اَتھ نِتھ لوگنس تہٟ وُننس، بُوچھُس یژھان ژہ گژھ پاک صاف تہٟ فوراً گوتس میوند ٹھیک ۔¹⁴تہٟ تمیٟ کورتس تاکید زِ کانسے ونز ؠنہِ ۔بلکِہ گژھ تہٟ پنُن پان ہاوٗ کاہنس ۔تہٟ کر پننہِ پاک صاف گژھنُک نیازِ ادا یتھ کنی موسیٰ ہن مقرر کومُت چُھ ناکہ تمن خاطرہٟ روزِ گواہی ۔¹⁵مگر تمسنز شہرت پھہلیؠہ زیادے تہٟ واریاہ لوکھ سپدیٟ جمع زِ تمسند بوزوُ تہٟ پنیو دادیو نِشہ لبُو شغاء۔

¹⁶مگر سُۃ اوس جنگلن منز تنہا گژِھتھ دُعا کران ۔¹⁷تہٟ اکہِ دُوہ سپُد یہ زِ سُہ اُوس تعلیم دوان تہٟ تتہِ ٲسی فرییسی تہٟ شرعی عالم تہِ بہتھ یِم گلیل ہندیو پریتھ گامو ، تہ یہودیہ تہٟ یروشلم پیٹھ ٲسی آمتیٟ ۔¹⁸تہٟ وچھیو کؠنہہ نفر آے اکِس فالجہ لد نفرس چارپایِہ پیٹھ ہؠتھ تہٟ کوشِش کرِتھ سُہ تس نِش واتنا ونہٟ باپتھ میجکھنہٟ وتھیٟ ۔

¹⁹پتہٟ پشس پیٹھ کِھستھ وول تمو سُہ چارپاے ہیتھ بون تہٟ ترووکھ عیسیٰ ہس برونہہ کنیٟ ۔²⁰تیمیٟ وُن تہنُدایمان وچھتھ ،،تس نفرس ہے انسان چانی گناہ گے معاف۔-

²¹اَتھ پؠٹھ لٔگؠ فقؠہہ تہٟ فریسی سونچنہ ۔ یِہ کُس چُھ یُوس کُفر چُھ بکان؟ خدایس ورٲے کُس ہیکہ گناہ معاف کرِتھ ۔²²عیسیٰ ہن ون تہُند سُونچ معلوم کرِتھ تمن جواب ۔توہی کیا چُھو پنین دلن منز سونچان؟

²³سہل کیا چُھ ؟ یہ وُنن ہازِ چانیٟ گناہ گے معاف یا یہ ونُن زِ وَتھ تہٟ پَکھ ۔

²⁴مگر امِہ موجوب زان زِ ابنِ آدمَس چُھ زمینہٟ پیٹھ اختیار گناہ معاف کرنک ۔تیمی ون فالجہ لدس بو چُھسے ژے ونان وَتھ تہٟ پننیٟ چارپاے تُل تہٟ گژھ پنن گھرہٟ ۔²⁵سُہ وُتھ تمے ساتہٟ تمن برونہہ کنہِ تہٟ یتھ پیٹھ پیومُت اُوس سُہ تھُلِتھ گو خدایہ سنُد شکر کران گھرہٟ ۔

²⁶تِم سٲریٟ سپٔدی حیران تہٟ لگی خدایہ سُند شکر کرنہِ ، تہٟ سیٹھا کھوژِتھ لگی وننہِ ،، زِ اَز وُچھ اَسہِ عجیب قصہٟ ۔²⁷امہِ پتہ دراوٗسُہ نیبر تہٟ لاوی ناوُک اکھ گزر رٹن وول وُچھن گزر وانس پیٹھ بِہتھ تہٟ وننس مے پتہ پتہ پکھ ۔

²⁸سُہ ووُتھ سوری کؠنہہ ترایتھ تہٟ دراوٗ تمِس پتہٟ پتہٟ ۔²⁹پتہ کور لٲوین تمِس پننہِ گھرہٟ زبردست سال ۔تٕہ گُزر رٹَن والؠن تٕہ باقیَن ہُند بُوٚڑ ہجوم تِہ اُوس تَس سٲتؠ بہِتھ کھؠن کھؠوان۔

³⁰تٕہ فریسی تٕہ تِہندؠ فقیہی لٕگؠ تمسٕندؠن شاگردَن اعتراض کرنِہ زِ توہؠ کیازِ چُھو گُزر رٹَن والؠن تٕہ گُنہگارَن سٲتؠ کھؠوان چؠوان؟ ۔

³¹عیسیٰ ہن وُن تمن درجواب،صحت مندَن چھؠنٕہ حکیم سٕنز ضُرورت بلکِہ چھے بیمارَن ۔

³²بُو چھُسنہ نیک وکارن کؠنہہ بلکہ چھُس گنہگارن توبہ خاطرہٟ ناد دِنہ آمُت۔³³تہٟ تموون تس ، یحییٰ سٕندؠ شاگرد چِھ اکثر روزٕہ تھاوان تہٟ دعا تہِ چھ کران ، تہٟ یتھے کنی فریسِیَن ہندیٟ تہِ ۔ مگر چٲنؠ شاگرد چھ کھیوان چیوان ۔

³⁴عیسیٰ ہن وُن تمن ، کیا تُوہی تھا ونا یُو کھا سالر روزہ یوتام مہرازہ تمن ساتیٟ چُھ ؟

³⁵مگر تِم دوہ یِن ییلہِ مہرازہٟ ییہِ تمن نِش جدا کرنہٟ پتہ تھا ون تِم تمن دوہن روزہٟ ۔³⁶تہٟ تیمیٟ ونیٟ تمن اکھ مثال تہِ ، زِ کانہہ نفر چُھنہٟ نیہِ پلوچ دج پرانس پلوس لاگان ورنہٟ نو ژٹہ تتِھ بیہ ہن بیہِ کھینہٟ سُو پرانِس ساتیٟ واٹھ نہٟ رَلہِ تتھ ساتیٟ ۔³⁷بیہ چُھنہ کانہہ شخص تازہٟ چھہ رَس پرانین مشکن منز بھران ورنہٟ تازٕہ دچِھہ رس پھاٹنا یہ مشکن تہٟ پانہ تہِ پیہ وَسیٟ تہٟ مشکہ تہِ گژھن برباد ۔

³⁸بلکہ گژِھ یون تازہ دچِھہ رس نین مشکن منز بھرنہ ۔

³⁹بیہِ چھُنہٟ کانہہ نفر پرون دچھہ رس چیتھ تازہٟ چینچٟ خواہش کران ، تکیازِ ونان چُھ زِ پُرونیٟ چُھ اصل ۔

6¹پتٟہ سپُد سبتکہ دوہ یِتٕھہ کٕنؠ زِ سُہ اُوس کھہو منزیٔ گژھان۔ تہٟ تیمسِند شاگِرد أسیٔ ہؠلیٟ ژٹیٟ ژٹیٟ تہٟ اتھو سأتیٟ مُورٟی مُورٟی کھؠوان۔

²تہٟ فریسیو منزٟہ لگیٔ کؠہنہ وننِہ تُوہیٟ کیازِ چُھو سُو کأم کران یُوسہٟ سبتکِہ دوہ کرنیٟ چھؠنہٟ جأیٔیز۔³عیسیٰ ہن وون درجواب تِمن، " کیا توہہٟ چُھونا یہِ تہِ پورمُت زِ یؠلہ داوٗد تہٟ تمسٔندٟی سأتھی فاقۓ أسٟی تہٟ تؠمیٟ کیاہ کور؟"

⁴سُہ کِتھ کنیٔ گو خداۓٕ سٔندِس گھرَس منز تہٕ نیازچِہ ژُوچہ نِؠَن تہٕ کھیؠَن یمنہٕ کاہنو ورأۓ بیِہ کأنسِہ آسہٕ کھؠنِہ جأیٔیز تہٕ پننین سأتِھین تہِ دِژن؟

⁵پتہٕ وون تیمیٕٕٕ تِمن زِ ابنِ آدم چُھ سبتُک مألِک۔⁶پتہٕ سپُد یہِ زِ بیِہ کنِہ سبتہٕ لوٗگ سُہ عبادت خانَس منز دأخل گژِھتھ تعلیم دِنِہ۔ تہٕ تتِہ اُوس اکھ نفر یمِہ سُند دچُھن اتھٕ ہوکھمُت اُوس۔

⁷تہٕ عألم تہٕ فریسی أسیٟ تَس زاگِہ، زِ سبتکِہ دوہ تِہ کریَاہ ٹھیک کِنہٕ نَہ یوتھ زَن تَس پؠٹھ الزام دِنُک موقع لبَن۔

⁸مگر تمِس اُوس تِہُند خیال پۓ۔ اتِی وون تیمیٔ تَس نفرس یمسُند اتھٕ ہوکھمُت اُوس وَتھ تہٕ گژھ منزباگ کھڑا۔ سُہ ووٗتھ تہٕ گو کھڑا۔⁹عیسیٰ ہن وۆن تِمن بُو چُھسوتوہِہ پرژھان زِ سبتکِہ دوہ چھا نِیکی کرنیٕ جائیز یا بدی کرنیٕ۔ جان بچاوُن ہا یا ہلاک کرُن؟

¹⁰تہٕ تِمن سارنیٔ کُن نظراہ کرِتھ وُننس اَن پنُن اتھٕ ، تؠمیٕ اُون تہٕ تؠمسُند اتھٕ گو ٹھیک۔

¹¹تِم دراۓ نؠبر تہٕ لگیٕ اکِس بیکِس ونٚنِہ زِ ٲسیٕ کیاہ کرو عیسیٰ ہَس سٲتیٕ؟۔¹²تِمن دُوہن سپُد یِہ زِ سُہ دراوٗ پہاڑَس پیٚٹھ دعا کرنِہ تہٕ سٲریٔ رات گزٲرٔن خداؠس سٲتیٕ دعا کَرنَس منٛز۔

¹³ییلِہ گاش پُھوٚل تہٕ پننیٕ شاگرد أننیٕ ناد دِتھ تہٕ تِمو منٛزٕہ ژٲرِن باہ تہٕ تِمن دِتُن رسُول آسنُک لقب۔¹⁴۔ یعنی شمعُون یَس تؠمیٕ پطرس تہِ ناوٗ تھووٚ تہٕ تؠمسُند بُوۓ اِندریاس تہٕ یعقُوب تہٕ یُوحنا تہٕ فِلِپُس تہٕ برتُلمٲئی۔

¹⁵تہٕ متّی تہٕ تُوما حلفٲئی سُند نؠچُو یعقُوب تہٕ شمعُون یمِس زیلُوتیس ونان ٲسیٕ۔

¹⁶تہٕ یعقُوب سُند نؠچُو یہوداہ تہٕ یہوداہ اسکریُوتی یُوس پتہٕ غدّار دراوٗ۔¹⁷تہٕ تمِس سٲتیٕ مٲدانَس منٛز وسِتھ سپُد اِستادٕ تہٕ تتِہ ٲس تؠمسِندؠن شاگردن ہنٚز بٔڑ جماعت بؠیہ اُوس تَتِہ لُکن ہُند بوٚڑ ہجُوم یِم تمام یہودیہ تہٕ یروشلم تہٕ صُور تہٕ صیداکؠو سمندر بٹِھؠو پؠٚٹھ تؠمسُند بوٗز نِہ تہٕ پننؠن دادؠٚن ہنٚدِ شفاء خٲطرٕہ تَس نِش آمتیٕ آسیٕ۔

¹⁸تہٕ یِمو ناپاک رُوحو سٲتیٕ تکلیف اُوس تُلمُت تِم آۓ ٹھیک کرنہٕ۔

¹⁹تہٕ سٲری لوکھ ٲسیٕ تمِس اتھٕ لاگنٕچ کوشِش کران تِکیازِ تَس نِش اُوس طاقت نؠران تہٕ سارنیٕ اُوس شفاء بخشان۔²⁰پتہٕ ووٚن تؠمیٕ پننؠن شاگردن کُن نظراہ کرِتھ ، مبارک چُھوٚ توہہ ؠم غریب چھ تِکیازِ خدایہٕ سنٚز پادشٲہی چَھٚ تُہنزٟی۔

²¹مبارک چُھوٗ تُوہِہ یِم وُنکِیَس فاقے چُھوٗ تِکیازِ سِیَر سپدؠو۔ مبارک چُھوٗ تُوہِہ یِم وُنکِیَس ودان چِھ تِکیازِ تُوہیٕ ٲسِیُو۔²²ییلِہ ابنِ آدمہٕ سنٚدِ وجہ سٲتیٕ لوکھ توہِہ سٲتیٕ عداوت تھاوَن تہٕ کڑِتھ ژٔھننَوتہٕ لعن طعن کرنوٚ تہٕ تُہنٚد ناوٗ ژٹن بَد زٲنِتھ تٕہ توہؠ ٲسؠو مُبارَک۔

²³تؠمِہ دوٚہ سپدؠو خوشتٕہ خوشی سٲتؠ تُلؠو وٹٕہ ٲمِہ مُوجُوب زِ وُچھؠٚوآسمانَس پؠٹھ چُھ تُہند اجر بوٚڑ تِکیازِ تِہندیٕ آبا و اجداد تِہ ٲسیٕ نبیَّن سٲتیٕ یی کران۔²⁴مگر افسوس توہِہ پؠٹھ یِم دولتمنٛد چِھ تِکیازِ توہِہ چُھوٗ پنُن تسلّی لُوٚبمُت۔

²⁵افسوس توہِہ پؠٹھ یِم ونکِیَس سِیَر چِھ تِکیازِ فاقے رُوزؠو۔ افسوس توہِہ پؠٹھ یِم ونکِیَس اَسان چِھ تِکیازِ ماتَم کرؠوٚ تہٕ ودؠُو²⁶افسوس توہِہ پؠٹھ ییلِہ تمام لُوٚکھ توہِہ رُت وننٛو تِکیازِتِہندٕی آبا و اجداد ٲسیٕ اَپٔزیٕ نبیَّن سٲتیٕ تِہ یی کران۔²⁷مگر بچُھسو توہِہ بوزَن والؠن ونان زِ پننؠن دُشمنن سٲتیٕ تھٲیُو محبت یُوس توہِہ سٲتیٕ عداوت تھایِہ تِمن سٲتیٕ کریُو رُت۔

²⁸یُوس توہِہ پؠٹھ لعنت کرِ تِہندِ خٲطرٕہ یژؠٚو برکت، تٕہ حقارت کرن والؠن ہندِ خٲطرٕ کرؠو دعا۔²⁹یُوس اکِس بُتھیٕ لبِہ چپاتھ لٲیی تٕہ دویِم تِہ فِر تَس کُن تٕہ یُوس چوغٕہ نِیِی تٕہ تَس مٕہ کر کُرتِن نِنس تِہ منع۔

³⁰یُوس کانہہ ژہ منگِی تَس دِہ، تٕہ یُوس چُون مال نِیِہ تٕہ تَس مٕہ ہۓ واپس۔³¹تٕہ یِتھٕ کنیٕ ژٕہ یژھان چُکھ زِ لُوکھ کرن ژہ سٲتیٕ ژتِہ کر تِمن سٲتیٕ تِتَھے کِنیٕ۔

³²اگر ژٕہ پننؠن محبت تھاون والؠن سٲتیٕ یُوت مُحبت تھاوَکھ تٕہ چوٚن کیا احسان چُھ؟ تِکیازِ گنہگار تِہ چِھ پننؠن محبت تھاوَن والؠن سٲتیٕ محبت تھاوان۔

³³بیِہ اگر ژٕہ تِمنٔی سٲتیٕ رُت کرکھ یِم ژہ سٲتیٕ رُت کرن تٕہ چُون کیاہ احسان چُھ؟ گنہگار تِہ چِھ یِی کران۔

³⁴بیِہ اگر ژٕہ تِمنٕی یُوت قرض دِکھ یِمن نِش ژٕہ واپَسی ہنٚز اُمید چُھکھ تھاواان، تٕہ چُوٚن احسان کیا چُھ؟ گنہگار تِہ چِھ گنہگارن قرض دِوان یُوٚتھ زَن پُوٗرٕہ وصول کرن۔³⁵مگر ژٕہ تھاوٗ پننؠَن دُشمنَن سٲتیٕ محبت تٕہ رُت کر، بیِہ دِہ قرض تٕہ وصولی ہنٚز اُمید مٕہ تھاوٗ تیلِہ آسِہ چوٚن اجر بُوٚڑ، بیِہ یِکھ ژٕہ خداتعالیٰ سُند فرزند ماننٕہ۔ تِکیازِ سُہ چُھ نا شُکرن تٕہ بدن پؠٹھ تِہ مہربان۔

³⁶یِتھکنیٕ چُوٗن بَب رحیم چُھ ژٕہ تِہ بَن رحم دِل۔³⁷کٲنسِہ ہندیٕ عٕیب مٕہ گنزر، چٲنیٕ تِہ یِن نٕہ گٕنزرنٕہ۔ کانہہ مٕہ بناوُن مُجرم ژٕ تِہ یِکھنٕہ مُجرم قرار دِنٕہ۔ عزت کر، ژٕتِہ لبَکھ عزت۔³⁸دؠوان رُوزؠو تٕہ توہِہ تِہ یِیُوٗ دنٕہ اصل میژٕہ ییٕہ دبٲیِتھ تٕہ الٕہ ڈلٕہ کرِتھ تُہندِس دامٕنَس منز تراونٕہ تکیازِ یمہ میژٕہ توہیٕ مینان چُھوٗ تؠمے سٲتیٕ ییِہ تُہندِ باپَتھ تِہ میننٕہ۔³⁹تؠمیٕ ونیٕ تِمن اکھ مِثال تِہ زِ انِس ہیکیاء اُون وُتھ ہٲیِتھ؟ کیا تِم گژھن نا دوٚنوے دوبَس؟

⁴⁰شاگرِد چھنٕہ پننِس وستادَس تھٚود بلکہ پرؠتھ اکھ ییلِہ کٲمِل سپدِ تیلِہ سپدِ پننِس وستادَس ہیُوٗ۔⁴¹ژہ کیازِ چُھکھ بٲئے سنٚزِ ٲچھ ہُند شہتِیر وُچھان تٕہ پننِہ ٲچھ ہُند شہتِیر چِھینٕہ اتھے یِوان؟

⁴²تٕہ ییلِہ تٕہ ژے پننِہ ٲچھ ہُند شہتِیر وُچھتھیٔ ژٕہ کِتھ کنیٕ ہؠکَکھ پننِس بٲیِس ونِتھ زِ بایا وَلا بُوہا کڑٕہ ٲچھ ہُند شہتِیر؟ ہؠو رِیا کارا! گوٚڈٕہ کڑتا ژہ پننِہ ٲچھ منزٕہ شہتِیر، ہؠکَکھ ژٕہ اصلیٕ پٲٹھیٕ وُچِھتھ کٔڑِتھ سُہ شہتِیر یُوٚس چٲنِس بٲئے سنزِہ ٲچھ منز چُھ ۔⁴³تِکیازِ کانہہ اصل کُل چُھنٕہ خراب میوٕہ دِوان تٕہ نٕہ چُھ کانہہ خراب کُل اصل میوٕہ دِوان۔

⁴⁴پرؠتھ کانہہ کُل چُھ پننِہ میوٕہ سٲتیٕ پہچاننٕہ یِوان تکیازِ کٔنڑیٕ زَنڑن چُھنٕہ انجیر وسان تٕہ نٕہ چُھ وِرِ کُلیَن دَچھ وسان۔⁴⁵اصل نفر چُھ پننِہ دِلکِہ اصلِ خزانٕہ نِشٕہ اصل چیز کڑان تٕہ خراب نفر چُھ خراب خزانٕہ نِشٕہ خراب چیز کڑان تکیازِ یِہ دِلس منز آسِہ تِی چُھ یِوان زبٲنیٕ پؠٹھ تِہ۔⁴⁶ییلِۃ نٕہ توہیٕ میٲنِس وننَس پؠٹھ عملٔی چُھوٗ کران تیلِہ کیازِ چُھوٗ مۓ خداوند، خداوند ونان؟

⁴⁷یُوس اکھاہ مؠنِش چُھ یِوان تٕہ میانِہ کَتھٕ بُوزِتھ چُھ پؠٹھ عمل کران بُو ونو توہِہ زِ سُہ کَس ہؠُو چُھ۔

⁴⁸سُہ چُھ تَس نفرَس ہیُو یمیٕپنُن گھرٕہ بناونٕہ وزِ زمین سرنیٕ کھنِتھ کننیَن پؠٹھ تؠمچ بنیاد ترٲو۔ ییلِہ طوفان آو یا سہلاب تٕہ تَتھ گھرَس آوٗ چھاوٗنٕہ سُہ ہیُکنٕہ ہِلِتھ تِہ تکیازِ سُہ اُوس مضبوط بنیُومُت۔⁴⁹مگر یُوس بوزِتھ عمل چُھنٕہ کران سُہ چُھ تَس نفرَس ہیُو یمیٕ پنُن گھرٕہ بے بُنیاد بنووٗ۔ ییلِہ سہلاب تَتھ زور سان چھاونٕہ آوٗ سُہ پِیُو فِی الفور وسیٕ تٕہ سُہ گھرٕہ سپُد بِالکُل برباد۔

7¹ییلہ سُہ لوٚکن پننِہ سارے کتھٕ بوزنٲیِتھ سپدیُو پتٕہ ووت سُہ کُفرِنحوم ۔²-تہٟ کَس تام صوبیدار سُند ٹوٚٹھ نوکر اُوس دادِ سٲتھ مرنس تیار-

³- تؠمیٕ سُوز عیسیٰ سٔنز خبر بوزِ تھ یہودین ہِند کینہہ بزرگ تَس نِش تہٟ کور ہَس درخواست زِ یَتھ کر میٲنِس نوکرس ٹھیک ۔

⁴تِم وٲتیٟ عیسیٰ ہَس نِش تٕہ زار پارہ کرِتھ لگِس وننِہ زِ سُہ چھِ اتھ لایٔق زِ ژٕہ کرَکھ تَس پؠٹھ احسان ۔

⁵تِکیازِ سُہ چُھ سٲنس قومَس سٲتی محبت تھاوان، تہٕ سُوٚن عبادت خانٕہ چھٕ تؠمی بنانومُت۔⁶عیسیٰ دراوٗ تِمن سٲتی ییلِہ سُہ گھرٕہ نزدیک ووٗت تٕہ صوبیدارَن وننُوٗ تَس کینژھن دوستن ہندِ ذریعہ زِ ہۓ خداوند تکلیف مٕہ کر تِکیازِ بُوٚ چُھس نٕہ اَتھ لائق زِ ژٕہ یِکھ میُون گھرٕہ۔

⁷امۓ وجہ زُون نٕہ مۓ پنُن پان تِہ ژیہ نِش یِنسں لایق، بلکہ وَن زییِہ سٲتی تٕہ میُون خٲدم لبِہ شفاء۔

⁸تِکیازِ بتہِ چُھس بیکِس ماتحت تٕہ سِپاہ چِھ مۓ ماتحت، بُو ییٛلِہ اکِس چھُس ونان گژھ تٕہ سُہ چُھ گژھان تٕہ بیکِس چُھس ونان ولہٕ تٕہ سُہ چُھ یِوان ، بیِہ چُھس پننیِس نوکرَس ونان یِہ کر تٕہ سُہ چُھ کران۔⁹عیسیٰ ہن کوٚریِہ بوزِتھ تعّجُب تہٕ پَتھ کُن نیرِتھ ونُن تَتھ ہجومَس یُوٚس تَس پتٕہ پتٕہ آمت اُوس، بُوٚچُھسو توہِہ پوٚز ونان۔ مۓ وُچھنٕہ یُوتھ ایمان اسرائیلس منزتِہ۔

¹⁰تٕہ سوزنٕہ آمتیُو لوکو وُچھ سُہ نوکر گھرٕہ واپس یِتھ صحت مند¹¹کینہہ کالہٕ پتٕہ سپُد یٕہ زِ سُہ گوٚ نائین شہرَس منز تٕہ تؠمسندؠٕ شاگرد تٕہ واریاه لُوکھ أسیٕ تَس سٲتیٕ۔

¹²ییلِہ سُہ شہر کِس دروازَس نزدیک وُوٚت تٕہ وچھیُو تتِہ ٲسیٕ اکِس مُوردَس پکناوان۔ سُہ اُوس پننہِ ماجِہ کُنُی نؠچُو تٕہ سُہ ٲسیٕ مُونڑ تٕہ شہرکیٕ واریاہ لُکھ امِس سٲتیٕ۔

¹³تس وچِھتھ آو٘ خداوندس عار تہٕ وننَس مٕہ وَد ۔

¹⁴پتہٕ لوٗگ تؠمیٕ نکھٕ یِتھ جنازس اَتھٕ تہٕ جنازٕہ تُلَن وألیٕ رُکے اتیِ تہٕ ونُن ہۓ جوانہٕ بُو چُھسے ژے ونان وَتھ تھوٚد۔

¹⁵سُه موردٕه وُتھ تھوٚد تہٕ بیُوٹھ بییِہ لوٗگ کتھٕ کرنِہ تہٕ کورُن پننہِ ماجِہ حوالٕہ۔¹⁶تٕہ سارنٕی گو ہٲبتھ تہٕ خدا یِہ سُنٔد شُکر کرِتھ لگیٕ وننِہ۔زِ اَسِہ منزٕہ چُھ اکھ بوٚڑ نبی پٲدہ گومُت، تٕہ خدایَس چُھ پننِہ اُمژٕ کُن توجہ کران

¹⁷تٕہ تَس مطلق پھہلؠیِہ یِہ خَبر یہودیاہ تٕہ بیہِ تمام أندیٕ پتیٕٕ علاقن منز۔¹⁸تہٕ یحییٰ ہس دِیُوت پنؠُو شاگرد یمن سارنٕیٕ کتَھن ہُند اطلاع۔

¹⁹اَتھ پیٹھ سوزیٕ یحییٰ ہن پننیٕ زٕہ شاگرد ناد دِتھ خداوندَس نِش یِہ پرژھنِہ۔

زِ ینہٕ چُھکھا ژٕیٕ کِنٕہ أسیٕ وچُھو بیِہ کٲنسِہ ہنز وَتھ ۔

²⁰تِمو ووٚن تَس برونہہ کُن یِتھ، أسیٕ سوزیٕ یحییٰ بپتسمہٕ دِنہٕ وألیٕ یِہ پرژھنِہ زِ ینہٕ ووُل چُھکھاژیٕ کِنٕہ أسیٕ ژھانڈو بیہِ کانسہِ ہنٔز وَتھ ۔²¹مۓ ساتہٕ بخُش تیمیٕ واریاہن داد یُوتٕہ مصیبتو تٕہ بدرُوحو نِش نجات تہٕ واریاہن انؠن کوٚرن گاش عطا۔

²²تیمیٕ ووٚن تِمن درجواب، زِ یِہ کینژھا توہِہ وُچھیو یا بوزؠُو گژھیو تٕہ ونیُو یحییٰ ہَس زِ انیٕ چِِھ وُچھان، لٔنگیٕ چِھ پکان تہٕ میند لَد چِھ یِوان پاک صاف کرنٕہ زٔریٕ چِھ بوٚزان، موردٕہ چِھ یوان زندٕہ کرنٕہ، غریبَن چُھ یوان خوشخَبری بوزناونٕہ۔

²³مبارک آسن تِمن یِم نٕہ میانہِ سببٕہ ٹھوکر چِھ کھیوان۔²⁴ییلِہ یحییٰ سندیٕ قٲصد درائے تہٕ عیسیٰ لوٚگ یحییٰ سٔندِس حقّس منز لوکن زِتوہِہ کیا گو جنگلس منز وُچھنِہ؟ کیا واو سٲتیٕ اَلان نٔرکٲنِس ہا؟

²⁵تیلِہ کیا وُچھنِہ گو توہُیٕ؟ زأوِل پلو لٲگِتھ شخصس ہا؟ وُچھؠُو یُوس چمکدار پلو لأگِتھ تٕہ عیش و عشرتس منز روزان چُھ تِم چِھ شٲہی محلن منزآسان۔

²⁶تیلِہ کیا گو تُوہیٕ پتٕہ وُچھنِہ؟ کیا اکھ نبی ہا؟ آ بُوچھُسو توہِہ ونان بلکہ نبیس کھوٚتٕہ تِہ تھدِس۔²⁷یِہ چُھ سُویٕ یَس مطلق لؠکِھتھ چُھ زِ وُچؠُو بُٚو چُھسن پنُن پیغمبر ژۓ برونہہ سوزان یُوس چٲنیٕ وَتھ ژے برونہہ تیار کرِ۔

²⁸بُو چھُسو توہ یہ ونان یِم زنؠُو نِشٕہ پٲدٕہ سپدیٕ تِمومنزٕہ چُھنٕہ یحییٰ بپتسمہٕ دِنہ وٲلِس ہِیُو تَھدِہ پایِہ کانہہ، مگر یُس خدایٕہ سنزِہ پادشٲہی منز لوکُٹ چُھ سُہ چُھ تَس کھوتہٕ تھوٚد۔²⁹تہٕ ییلِہ سارویٕ عام لُوکو بُوز تہٕ تِمو بیِہ گزررٹَن والیو۔ تِہ مُون یحییٰ سنُد بپتسمٕہ نِتھ خدا پزیٕ زیُور۔

³⁰مگر فرِیسیو تہٕ شرعی عٲلمو کوٚرتَس نِش بپتسمہٕ نِتھ خدایِہ سُند ارادہ پانس نسبت بٲطِل۔³¹ادٕہ یمِہ زمانکیٕ لوکھ کَس سٲتیٕ دِمَکھ بُو تشبیہ تٕہ یِم کُمن ہندیٕ پٲٹھیٕ چِھ ۔

³²تِمن لٔڑکن ہندیٕ پٲٹٔھیٕ چھا یِم بازرس منز بِہِتھ اکِس بییٔس کرِیکھ دِتھ ونان چھ زِ اسِہ وائے تہندِ خٲطرٕه نۓ بانسُریٕ تہٕ توہیٕ نژؠُو نٕہ۔ اَ سِہ کوٚر ماتَم تٕہ توہیٕ وَدؠُو نٕہ۔³³تِکیازِ یحییٰ بپتسمہٕ دِنہٕ ووُل نٕہ آو٘ ژُوٚٹ کھیوان نہٕ آؤ شراب چیوان تہٕ توہیٕ چُھوٗ ونان تَس منز چُھ بدرُوح۔

³⁴ابنِ آدم آؤ کھیوان چؠوان تہٕ توُہیٕ چُھو ونان وُچھیُو یٔڈل تہٕ شرابیٕ نفر گُزر رٹن والؠَن تٕہ گنہگارن ہندیٕ یار۔

³⁵مگر حِکمت سپٔز پننؠن تمام سڑکن ہندیٕ سٲتیٕ پٔز ثٲبِت³⁶پتٕہ کوٗرکیمتام فریسین تَس درخواست زِ مے سٲتیٕ کھیہ کھیَن۔ اتی گو سُہ تَس فریسی سُنٛد گھرٕ تہٕ بیُوٹھ کھیَن کھؠنِہ۔

³⁷تہٕ وُچھیُو اکھ بدچلن زٔنیٕ یوٚسہٕ تیمِہ شہرچ أس-یہ زٲنِیتھ زِ سُہ بیُوٹھ ہُومِس فریسی سٔندِھ کھیَن کھؠنِہ تہٕ اَننیٕ سنگِ مرمر چِہ عطر دانہِ منزعطر۔

³⁸تہٕ أس تَس کھوٚرن نِشہ ودان تہٕ پَتھ کُون اِستاد آسِتھ لجیٕ پننہِ اُوشہِ سٲتیٕ تَس کھوٚر چھلنِہ پننِہ سرکہ مستہٕ سٲتیٕ وَتھرأینَس تہٕ تؠمسٔندؠَن کھوٚرن کٔرنیٕ واریاہ میٹھیٕ تہٕ تِمن پیٹھ ترأوٕن عطر-³⁹سُہ دعوت کرن ووٚل فریسی لوٚگ یہ وچِھتھ پننِس دِلس منز وننِہ زِ اگر یہ شخص نبی آسہے اَمِس آسہے پے زِ مۓ کوسٕہ زٔنیٕ چھے اتھٕ لاگان، یہ کِژھ تہٕ کوسہٕ زنیٕ چھے۔ تکیازِ یہ چھے بدچلن۔

⁴⁰عیسیٰ ہن وُوٚن تَس درجواب، ہے شمعُون مۓ چِھی ژے کینٛہہ ونُن، تؠمیٕ وُوٚن ہے وستاد وَن۔⁴¹اکِس سُود خورَس أسیٕ زٕہ قرض دار- اکھ اُوس پانٛژَن ہتن دینارن ہُند تہٕ بیاکھ پنژہَن ہنُد

⁴²ییلہِ نٕہ تیمن نِش ادا کرنہٕ خٲطرٕہ کہین تہِ روٗد تہٕ تیمیٕ کوٚر دوشوُنیٕ قرضٕہ معاف- اتِی کُس تَھایِہ تِمو منزٕہ سُود خورس سٲتیٕ زیادہ محبت؟

⁴³شمعُونن وُوٚن جواب، میانہِ اندازہٕ سُوی یمِس زیادہ قرض معاف گو- تؠمیٕ وُوٚن تَس زِ ژے ونُتھ ٹھیک۔⁴⁴تٕہ تؠمِس زنہِ کُن بُتھ کرِتھ وُوٚن تؠمیٕ شمعُونَس کیا ژٕہ چِھہنہٕ یِہ زٔنیٕ وُچھان؟ بُوٚ آس چُون گھرٕہ ژے دیُوٚتُتھنہٕ مۓ کھوٗر چٔھلن کیوت آب، مگر اَمِہ چٔھلیٕ میأنیٕ کھوٗر اُوشہٕ سٲتیٕ تہٕ پننِہ مستہٕ سٲتیٕ وتھرأیِن۔

⁴⁵ژے کرِتھنٕہ مۓ میٹھیٕ مگر ینہٕ پیٹھٕ بُوٚ آس یِہ رُوز مؠٲنِیَن کھوٚرن مؠٹھیٕ دِوان۔⁴⁶ژے موٚلُتھ نٕہ مے سرَس تِیل مگر امیٕ ترٲو میانیَن کھورن عطر۔

⁴⁷تَوے چُھسے بُوٚ ژے ونان زِ أمِہ سنٔدیٕ گناہ یِم زیادہ أسیٕ گۓ معاف تکیازِاَمِہ ہُووٗ واریاہ محبت مگر یمِس کموٕی گناه معاف گژَھن سُہ ہا یہِ کموٕی محبت⁴⁸تٕہ تَس زنِہ ونُن چٲنیٕ گناہ گٕے معاف

⁴⁹اَتھ پیٹھ ووٚن تِمو یِم تَس سٲتیٕ أسیٕ کھیَن کھیوان پننِس دِلس منز یٕہ کُس چُھ یُوٚس گناہ تہِ چُھ معاف کران؟

⁵⁰مگر تؠمیٕ وُوٚن تَس زنِہ ژٕہ بچاوٕکھ پننیٕ ایمانَن گژھ سلامتی سان۔

8¹کینہ کالہِ پتہٟ سپُد یہ زِ سُہ رود شہرہٟ شہرہٟ تہٟ گامہٟ گُوم پھیران مُنادی کران تہٟ خدایہ سنزِ پادشاہی ہنز خوشخبر بوزناوان تہٟ تِم باہ ٲسی تس ساتیٟ

²کینہ زِ نہ یمو بدروحو تہٟ داد یو نشہٟ اُوس شفا لُوب مُت یعنی مریّم یس مگدینی ٲسیٟ ونان یمۃس منزہٟ ستھ بدروُح درامتیٟ ٲسیٟ

³تٕہ یُوانٕہ ہیرودِیس سندِس دؠوان حُوزہ سنٔز زنانٕہ تٕہ سُوسنّا تٕہ بیِہ تِہ آسٕہ واریاہ زنِہ یِمٕہ پننِہ مالٕہ سٲتیٕ تہنز خدمت آسٕہ کران۔⁴پتٕہ ییلِہ بُوٗڑ ہجوم جمع سپُد تٕہ پرَتھ شہرکیٕ لُوکھ آسیٕ تَس نِش یِوان تؠمیٕ ووٚن مِثالِہ منز زِ۔

⁵اکھ وَوَن وُوٚل دراوٗ پنُن بیول وَونہِ تہٕ وَونٕہ وِزٕہ پیُو کینٛہہ وتِہ پیٹھ تٕہ گو لتہٕ موٚنجِہ تہٕ آسمانی جانورو نُیو سُہ کِھیَتھ۔

⁶کینٛہہ پیُو کنیَن پیٹھ تہٕ زیَتھ ہوکھ تکیازِ تتھ ووٗت نٕہ سَگ۔⁷تہٕ کینٛہہ پیُو کنڈیٕ زنڈن منز تہٕ کنڈیٕ زنڈو وُوٗل تَتھ سٲتیٕ سٲتیٕ بُوڈ گژِتھ نال۔

⁸تہٕ کینٛہہ پیُو اصلِس زمینَس منز تٕہ سُہ کُھوٚت تٕہ دیُوتُن ہَتھ گنٕہ پھل (فصل) یِہ ونِیھ لوئے تؠمیٕ ناد، یَس بوزنٕکیٕ کَن

آسَن سُہ بوزِن!۔

⁹تؠمسندؠُو شاگردو پُروژھ تَس یِہ مثال کیا چھۓ؟

¹⁰تیمیٕ وُوٚن توہِہ چُھوٗ آمُت خدٲئی پادشٲہی ہُند رازُک سمجھ دِنٕہ تٕہ باقیَن چُھ یِوان مثالَن منٔز وننہٕ یُتھ زَن وچِھتھ یِیَکھنٕہ اتِھٕ تہٕ بُوزِتھ تریَکھ نہٕ فکرہ۔¹¹سُو مثال چھے یہِ زِ بیُول چُھ خدا یِہ سُند کلام۔

¹²وَتِہ بَیٹھکیٕ چِھ تِم یِمٚو بُوز پتٕہ چُھ اِبلیس یُتھ کلامٕہ نِشہ چھینِتھ نِوان یُوتھنٕہ تِم ایمان انِتھ نجات

¹³تٕہ کنِہ پؠٹٕکؠ چِھ تِم یِم کلام خوشی سٲتھ بوزِتھ قُبول چھٕ کران مگر مُوٛل چِھنٕہ دِوان، کُنِہ وقتَس تام ایمان تھٲیِتھ چِھ تِم آزمٲیشِہ وِزِ ڈلان۔¹⁴تٕہ یُوس کٔنڈیٕ زنڑَن منز پیُو تَتھ سٲتھیٕ چَھ مُراد تِم لُوٚکھ یِمو بُوز مگر پکان پکان چھ یِم زندگی ہنزٕہ فِکرَن تٕہ دولت، تٕہ عیش وعشرتس متر پھسان تٕہ تِہند فصل چُھنٕہ پپان۔

¹⁵مگر اصل زمینکیٕ چُھ تِم یِم کلامٕہ بوزِتھ چِھ نیک دِلس منز سمبھٲلِتھ تھاوان تٕہ صبرٕه سان چُھکھ فصل وپدان¹⁶کانہہ شخص چھنٕہ ژوٗنگ زٲلِتھ بانَس تَل یا چارپایِہ تَل ژُوٛرِ تھاوان بلکِہ چُھ زُوٛرِ پؠٹھ تھاوان یُوتھ زنٕہ اندر ینٕہ والؠن گاش روزِ۔

¹⁷تکیازِ کانہہ چیز روزِنٕہ ژُوٗرِ یُوس نٕہ ظٲہِر یِیہ کرنٕہ تٕہ نٕہ کانہہ تِژھ پوشیدٕہ کَتھ یُوٚسنٕہ معلوم سپدِ تٕہ نٕہ برونہ کُن یِیہ۔

¹⁸ادٕہ خبردار روزؠو زِ توہیٕ کتھٕ پٲٹھیٕ چھو بُوزان؟ تِکیازِ یمِس نِش چُھ تَس یِیہ دِنٕہ تٕہ یمِس نِش کہِین چُھنہ تَس ییٕہ تتِہ نِنٕہ یَتھ¹⁹پتٕہ آیِہ تؠمسٔنز موٚج تٕہ تؠمسٔندیٕ بٲئے تَس نِش مگر ہجُوٚمکہ وجہ کؠنیٕ ہیکہنٕہ تَس تام وٲتِتھ ۔

²⁰تَس آیِہ شؠچھ سوزنٕہ زِ چٲنیٕ موج تٕہ چٲنیٕ بٲئے چِھ نؠبر کنِہ اِستادٕہ ژٕے سَمکھنٕہ باپَتھ ۔

²¹تؠمیٕ وُوٚن تِمن درجواب زِ میٲنیٕ موج تٕہ میٲنیٕ بٲئے چِھ نوم یِم خدایِہ سُند کلام بوزان تٕہ تَتھ بؠٹھ عمل چِھ کران²²پتٕہ سپُد اکِہ دوٗہ یِتھ کنیٕ زِ سُہ تٕہ تؠمسٔندیٕ شاگرد سپٕدیٕ نایہ متر سوار تٕہ وننَکھ ولؠو جھیلہٕ اپوٚر گژھو، اتِی دراۓ تِم۔

²³مگر ییلِہ ٲس پکان تٕہ سُہ شوٚنگ تٕہ جھیلَس مت آؤ زبردست طُوفان تٕہ نایِہ کھوٚت آب تٕہ تِم اُسیٕ خطرَس منز²⁴تِمو کوٚر سُہ نکھٕ یِتھ ہوشیار تٕہ نوہَس وستاد وستاد ٲسیٕ ہیتِن مارٕہ سپدٕن! سُہ وٚتھ تٕہ کوٚرُن واوَس تٕہ آبکِس زور و شورَس روب تٕہ دونوے ہمؠے تٕہ سپُد اَمن۔

²⁵تِؠمیٕ وُوٚن تِمن تُہند ایمان کوت گو؟۔ تِم کھوژیٕ تٕہ لٕگیٕ پانٕہ ونیٕ تعجن کرِتھ وننِہ زِ یِہ کُس چُھ ۔ یِہ چُھ واوَس تٕہ آبَس حُکم دِوان تٕہ تِم چِھ اؠمٚسُند مانان۔²⁶پتٕہ وٲتیٕ تِم گراسینیُو کِس علاقَس منز یُوٚس جھیلٕہ اپارِ گلیلِ سیدِ سیُوٚد چُھ ۔

²⁷ییلِہ سُہ بٹِھس پؠٹھ وُتٚھ تؠمِہ شہرُک اکھ نفر سمکھیُو تَس یَس منز بررُوح ٲسیٕ تٕہ اُوس واریاہ کالٕ پؠٹھٕہ پلوَوٗ روٚستی گھرٕہ بجائے قبرَن منز روزان کران۔²⁸تٕہ عیسیٰ وُچھتھٕی دِژن کریکھ تٕہ تَس برونہہ کنِہ پیَتھ لوٚگ تھدِ آواز منز وننِہ ہۓ عیسیٰ! خدا تعالی سندِ فرزندٕہ مٔے کیا کٲم ژے سٲتیٕ؟ بُوچُھسے ژے زار پارٕہ کران زِ مۓ مٕہ تراوٗ عزابَس منز۔

²⁹تکیازِ سُہ اُوس بدرُوحن حکم دِوان زِ اؠمسیٕ نفرَس منزٕ نیر. امہ موجوب زِ اکثر آسیٕ تَس تِم رٹان تٕہ کینہٛہ لوٚکھ آسیٕ تَس زنجیرٕہ فٹران تٕہ بیڑیَن منز گنڈِتھ بند تھاوان مگر سُہ اُوس توتِہ تِم زنجیرٕہ فٹران تٕہ بدرُوح آسیٕ تَس جنگلَس منز ڈوٕہ ڈوٕہ کرناوان³⁰عیسیٰ ہَن پروژھ تَس، ژے کیا چھی ناؤ؟ تؠمیٕ ووٚن لشکر تکیازِ تَس منز آسیٕ واریاہ بدرُوح۔

³¹تٕہ تِم لگیٕ تَس زارٕہ پارٕہ کرنِہ زِ اسِہ دِه تل پاتال گژھنُک حُکم۔³²تتِہ اُوس پہٲڑس بیٹھ اکھ بوڈ سورٕہ کھؠول گاسٕہ کھؠوان تٕہ زارٕہ بارٕہ کرِتھ ونہَس زِ سِہ دِہ ہوٚمَن منز کژھنُہٕ- تؠمیٕ دیُوتُکھ گژھنٕہ۔

³³تٕہ بدرُوح گٔے تَس نفرَس منزٕہ نیرِتھ سورَن منز تٕہ کھؠول گو بٹِھہ پؠٹھٕ بُون جھیلَس منز تٕہ مُود³⁴یِہ قصٕہ وچِھتھ ژٔلیٕ پٔہلیٕ تٕہ گژِھتھ کورُکھ شہروگام اطلاع۔

³⁵لُوکھ درائے سُه قصٕہ وچھنِہ تٕہ عیسیٰ ہَسٕہ نشِ وٲتِتھ وچُھکھ سُہ نفر یمِس منز بدرُوح آسیٕ پلو لٲگِتھ تٕہ ہوشَس منز بیِہ وچُٖھکھ سُہ عیسیٰ سندؠن کھورَن نِش پیَتھ تٕہ کھوژیٕ۔³⁶تہٕ وُچَھن والیٔو وُوٚن تِمن بررُوح نفرس مطلق زِ سُہ کِتھ پٲٹھیٕ گوٗ ٹھیک۔

³⁷تہٕ گراسِینیُوٚ کیو أندیٕ پتیٕ تمام لُوکو کورتَس دَرخواست زِ اسِہ نِشہٕ نیر تِکیازِ اسہٕ بیُوٹھ واریاہ ہٲبتھ - اتِی دراوٗ نایِہ پؠٹٔھٕ واپٔس ۔³⁸مگر یمِس نفرَس نِشه بدرُوح درامٔتیٕ أسیٕ سُہ لوٚگ تَس زارپارٕ کرِتھ وننہِ زِ مۓ نِہ پانس سٲتیٕ مگر عیسیٰ ہن وُوٚن تَس رخصت کرتھ ۔

³⁹پنُن گھرٕہ، گژِتھ کَر لُوکن نِش بیان زِخُداین کِژھ بٔڑ کأم کٔر چانِہ باپَتھ، سُہ گو تمام شہرس منز لوگ اعلان کرنہِ زِ عیسیٰ ہن کِژھ بٔڈ کأم کٔر مِیانِہ باپَتھٕ ۔⁴⁰ییلِہ عیسیٰ اُوس واپَس یوان تہٕ لُوکھ درائے تَس خُوشی سان بُتھِ تکیازِ تِم أسیٕ تَس وتَن وُچهان

⁴¹تہٕ وُچھؠوٗ یائیر ناوُک اکھ شخص یُوس عبادت خانُک زِیُوٹھ اُوس کُٚرُن عیسیٰ ہَس پادن پؠٹھ زارپار زِ مِؠُوٚن گھرٕ پَکھ۔

⁴²تِکیازِ تؠمسنٚز باہ ورِش کُنیٕ کُور ٲس مرنَس تیار تہٕ ییلِہ سُہ گژھان اُوس تہٕ لُوکھ آۓ تَس پؠٹھ وُگرِتھ ۔⁴³تہٕ اکِہ زنِہ یمِس بہَو ورِیو پؠٹھٕ خون جٲری اُوس تہٕ پنُن سورُیٔ مال اُوسُن حکِیمَن پؠٹھ خرچ کورمُت تہٳ کٲنسِہ ہنٚدِ اتھٕ آسنہٕ ٹھیک گٔمٚژ۔

⁴⁴تَس پتہٕ پتہٕ پکِتھ لوگنَس پلوٕہکِس دامنَس اَتھٕ تہٕ تؠمے دَمہٕ گو تؠمِس خونِ جٲری بند۔⁴⁵اتھ پؠٹھ ووٗن عیسیٰ ہَن زِ کُس چُھ سُہ یمٚیٕ مے اتھٕ لوٚگ؟۔ ییلِہ ساروٕی اِنکار کوٚر تہٕ پطرسَن تہٳ تؠمسندؠو سٲتِھیو ووٗن تَس ہے وستاد لُوٗکھ ٲسیٕ ژہ ژِیَل کرِتھ تہٕ ژہ پؠٹھ ٲسیٕ وُگرِتھ آمتیٕ۔

⁴⁶مگر عیسیٰ ہَن ووٗن توتِہ لوٚگ مے کؠمتام اَتھٕ تِکیازِ مے لوٚگ پے زِ مے نِشہٕ دراوٗ طاقت۔⁴⁷ییلِہ تؠمیٕ زنِہ وُچھ زِ بُوٚ ہؠکنہٕ چُھپِتھ تہٕ کھوژِتھ آیِہ تہٕ تَس بروہ کنِہ پؠتھ کورُن لُوکَن بُروہ کنِہ زِمے کیازِ لوٚگُیٔ ژہ اتھٕ تہٕ کِتھ پٲٹیٕ لوبُم تؠمے دمہٕ شفاء۔

⁴⁸تؠمیٕ ووٚن تَس کُوریٕ! ژٕہ کرٔکھ پننیٕ ایمانَن ٹھیک۔ گژھ سلامتی سان۔⁴⁹سُہ اُوس یہ ونٲنی زِ عبادت خانکِس زِٹِھس ووٚن کؠمتام یِتھ زِ چٲنیٕ کُور مُویِہ۔ وستادس دِیزؠنہٕ ونیٕ تکلیف۔

⁵⁰عیسیٰ ہَن ووٚن بُوزِتھ تَس جواب، زِ غم مہٕ بھر فقط تھاوٗ اعتِقاد ۔سُُہ بَچِہ۔⁵¹تہٕ گھرٕہ وٲتِتھ نؠوُن پانَس سٲتیٕ اندر، صرف پطرَس تہٕ یوحنا تہٕ یعقوب بیِہ لڑکی ہُنٛد مول مُوج بیِہ دُیوتُن نہٕ کٲنسے پانَس سٲتیٕ اندر یِنہٕ۔

⁵²تہٳ سٲری آسیٕ تؠمسندِہ موکھٕ ودان تہٕ پان ماران مگر تؠمیٕ ونُکھ ، " ماتم مہٕ کرؠو سُہٚ چھؠنہٕ موٚمژٔ بلکِہ چَھ شنگِتھ"۔

⁵³تِمُو ترووٗ اَتھ پؠٹھ اسُن تِکیازِ تمَن أس پَے زِ سُو چَھ موٚمژٔ۔⁵⁴مگر تؠمیٕ کٔر تَس اَتَھس تھپھ تہٕ وُننَس ہتے کُوری وَتھ ۔

⁵⁵تؠمسُند روح آوٗ واپَس تہٕ سُو وژٔھ تؠمے دمہٕ۔ پتہٕ دیُوت عیسیٰ ہن حُکم زِ یمِس دِیُو کیہہ کھؠنہٕ مُوکھٕ۔

⁵⁶تؠمسُند مُول مُوج گوٚ حٔیران تہٕ تؠمیٕ کُوٚر تمَن تعقِید زِ قصّہٕ ونٚزیُو نہٕ کٲنٚسے۔

9¹پتہٕ ٲنیٕ تؠمیٕ تِم باہ پانَس نِش ناد دِتھ تہٕ بَخُشنَکھ بَد روحن پؠٹھ اختیار بیِہ دؠُوتنَکھ بیمارِ دوٗر کرنُک طاقت۔

²تہٕ تِم سُوزِن خدٲئی پادشٲہی ہنٚز منٲدی کرنِہ تہٕ بؠمار ٹھیک کرنہٕ خٲطرٕہ ۔³تہٕ وُننَکھ وتِہ باپَتھ نِیزِؠو نہٕ کیہہ، نہٕ لوٗر، نہٕ ٹھیلہٕ، نہٕ ژوٗٹ، نہٕ روپیہ، نہٕ تھٲیِزؠُو زٕہ زٕہ کُرتٕہ۔

⁴تٕہ یَتھ گھرَس منز دٲخٕل سپدؠُو تتھیٕ روٗزِؠُو تٕہ تتۓ پؠٹھٕ گژِھزؠُو روانہٕ۔⁵تٕہ شہرکیٕ لُوٚکھ نٕہ توہِہ قبُول کرنوٗ، تؠمِہ شہَر منز نیرنٕہ وزِ دٕنِہ زؠُو پننؠن کھورن ہنٚز لژھ تاکہ تِمن پؠٹھ روزِ گوٲہی۔

⁶اَتی دراۓ تِم تٕہ گٔے گامٕہ گامٕہ خوشخبری دِوان تٕہ پرَتھ جایِہ شفاء بخشان۔⁷مُلکٕکِہ ژورمِہ حِصُک حٲکم ہیرودیس کھوژ یِہ سورُی احوال بُوزِتھ ۔ امِہ موجُوب زِ کیہہ ٲسیٕ ونان زِ یوحنا چُھ مُردو منزٕ زِندٕہ وتھمُت۔

⁸تٕہ کیہہ یِہ زِ ایلیاہ چُھ ظٲہِر گومُت تٕہ کیہہ یِہ زِ پرانؠُو نبیُو منزٕہ چُھ کانہہ زِندٕہ وتھمُت۔

⁹مگر ہیرودیسن ووٚن زِ یوحنا ہَس ہۓ چُھ مے سر ژٹنومُت۔ ونیٕ کُس چُھ یِہ یَس مطلق بُوٚ یِژھٕ کتھٕ چُھس بوزان؟ اتی روٗد سُہ تَس وُچھنٕچِہ کوششٕہ منز۔¹⁰پتہٕ یِہ کیژھا رسُولو کورمُت اُوس واپَس یِتھ کورُکھ تَس نِش بیان۔ پتٕہ نِی تؠمیٕ تِم الگ تٕہ گۓ بَیتِ صیدا ناوٗ کِس اکِس شہرَس منز۔

¹¹یِہ زٲنِتھ زِ ہجُوم چُھ تَس پتٕہ پتٕہ تٕہ سُہ سمُکھ تِمن خوشی سان تٕہ لوٚگ تِمن سٲتیٕ خدٲیی پادشٲہی ہنٚزٕہ کتھٕ کرنِہ تٕہ یِمن شفاعتٕچ ضرورت ٲسیٕ تِمن بخشُن شفاء¹²ییلِہ دوٗہ اند واتُن ہؠتُن تِمو بہٚو ووٚن تَس زِ ہجُومس کر رخصت زِ اندیٕ پکیٕ گامن تٕہ بستِیَن منز گژِھتھ کرُن روزنُک تٕہم کھؠنُک بندُوبست تِکیازِ ٲسیٕ چِھ یتِہ وؠران جایِہ منز۔

¹³تؠمیٕ ووٚن تِمن توہیٕ دؠُو تِمن کھؠن۔ تِموٚ اَسِہ نِش چَھ صرف پانٛژ ژُوٚچِہ تٕہ زٕہ گاڈٕہ، پوٚز ٲسیٕ گژھو تٕہ یِمن سارنٕی ہندِ باپَتھ اَنو کھؠن موٚلیٕ

¹⁴تِکیازِ تِم آسیٕ تقریبًا پانژ ساس مَرد۔ تؠمیٕ ووٚن پننؠن شاگِردن زِ یِم بِہنٲیِہ وُکھ پنژاہ پنژاہ لٲنِہ منز۔¹⁵تِموٚ کوٚر تِتھے پٲٹھ تٕہ بِہنٲیِکھ سٲری۔

¹⁶پتٕہ رچِہ تؠمیٕ تِمٕہ پانژ ژوچِہ تٕہ زٕہ گاڈٕہ تٕہ آسمانَس کُن وُچِتھ بَخشِن تِمن پؠٹھ برکت تٕہ روٗد فُٹرِتھ پننؠن شاگردن دِوان زِ لوٗکن بروٚنہہ کنِہ تھاوَن

¹⁷تِمو کھؠُو تٕہ گۓ سٲریٕ سیر تٕہ تِمن ہندِ ہُریمتؠُو پَھلیُو سٲتیٕ تُجِکھ باہ ٹُوکرِہ۔¹⁸ییلِہ تنہٲئی منز دعا اُوس کران تٕہ شاگرد آسیٕ تَس نِش سپُد یِہ زِ لوٚلھ کیاہ چِھ مۓ ونان؟

¹⁹تِمو ووٚن درجواب، یوحنا بپتِسمہ دنٕہ ووٗل تٕہن کیہہ چِھ ونان ایلیاہ تٕہ کؠہہ یِہ زِ پرانؠُو نبیُو منزٕہ وُتٚھ کانہہ زندٕہ۔²⁰تؠمیٕٕ ووٚن تِمن، مگر توہیٕ کیاہ چُھوٗ مے ونان؟ پطرسَن ووٚن درجواب زِ خداونٛد سُند مسیح۔

²¹تؠمیٕ دیُوت تِمن تاکید کرِتھ حکم زِ یِہ ونزِؠونٕہ کٲنسے۔

²²تٕہ وُوٚننَکھ ضروری چُھ زِ ابنِ آدم تُلِہ واریاہ دُکھ تٕہ بُزرگ، زِٹھیٕ کٲہن تٕہ فقیہہ کرن تَس ردّ تٕہ سُہ ییِہ قتل کرنٕہ تٕہ تریِمِہ دُوٚہ وتِھ زندٕہ۔²³تٕہ تؠمیٕ ووٚن سارنٕی اگر کانہہ مۓ پتٕہ یُوٚن یژِھ تٕہ سُہ کرِن پننِہ پانُک انکار تٕہ پرَتھ کانہہ تُلِن پننیٕ صَلِیب تٕہ ییِن مۓ پتٕہ۔

²⁴تِکیازِ یُوس اکھا پنُن زُو بچاوُن یژھ سُہ راوٕراوِ تَتھ تٕہ یُوس اکھا میانِہ باپَتھ پنُن زُو را وٕراوِ سُویٕ بچایِہ تَتھ ۔

²⁵تٕہ اگر انسان تمام دُنیا حٲصل کرِ زُو راوٕراوِ یا تؠمیُک نقصان تُلِہ تٕہ تَس کیاہ فٲئیدہ چُھ؟۔آ²⁶تِکیازِ یُوس اکھاہ مۓ تٕہ میانؠو کتھو سٲتیٕ شرمندٕ گژِھ، تٕہ ابنِ آدم تِہ گژِھ شرمندٕ تؠمسندٕہ سٲتیٕ ییلِہ سُہ پننِس تٕہ ببٕہ سنٔدِس تٕہ پاک فرشتَن ہندِس جلالس منز ییِہ۔

²⁷مگر بُوٚ چُھسو توہِہ بوزناوان زِ یِم یتِہ وستاد چِھ تِمو منزٕہ چِھ کینٛہہ تِتھ زِ یوٚتام نٕہ تِم خدٲئی پادشٲہی وُچھن توتام مرَن نٕہ ہرگِز تِہ۔²⁸یمُو کتھو پتٕہ آٹھِ دوہیٕ سپُد یِہ زِ سُہ کوٚ پطرَس، یوحنا تٕہ یعقوب ہؠتھ پہاڑَس پؠٹھ دعا کرنِہ۔

²⁹ییٚلِہ سُہ دعا اُوس کران، تٕہ سپُد یِہ زِ تؠمسندٕہ بُتِھچ شکل بدلؠیِہ تٕہ تؠمسٕندؠٕ پلوٚ گۓ سفید برّاق۔³⁰تٕہ وچُھوٗ زٕہ شخص یعنی موسیٰ تٳٕہ ایلیاہ ٲسیٕ تَس ستیٕ کتھٕ کران۔

³¹یِم آئے جلالس منز وُچھنٕہ تٕہ یمنہِندٕہ مرنٕچ ذکِر ٲسؠٕ کران یُوس یروشلمَس منز واقع سپدَن ووٗل اُوس۔³²مگر پطرَس تٕہ تؠمسٔند سٲتھی ٲسیٕ نِندرِ منز پؠمتیٕ، تٕہ ییٚلِہ تِم اصلیٕ پٲٹھیٕ ہوٚشیار گۓ، تٕہ تؠمسُند جلال تٕہ تمٕہ زٕہ شخص وُچِھکھ یِم تَس سٲتیٕ ٲسیٕ۔

³³ییلِہ تِم تَس نِش الگ ہؠتِن گژِھنؠٕ تٕہ سپُد یِہ زِ پطرسَن ووٚن عیسیٰ ہَس زِ، ہۓ وستاد! "سُوٚن یتِہ چُھ اصل، ادٕہ ٲسیٕ بناوَوٛ ترے ڈیرٕہ، اکھ چانِہ خٲطرٕہ، اکھ موسیٰ سندِ خٲطرٕہ تٕہ بیاکھ ایلیاہ سندِ خٲطرٕ، مگر سُہ اُوسنٕہ زانان زِ کیاہ چِھ ونان³⁴سُہ اُوس ونِہ یٕہ ونٲنِی زِ اُوبُر آوٗ تٕہ کُوٚرُن تِمن پؠٹھ سایِہ، تٕہ ییلِہ تِم اُوبرَس منز ولنٕہ آئؠٕ تٕہ کھوژؠٕ۔

³⁵تٕہ اُبرٕہ منٛزٕہ آیِہ اکھ آواز، یِہ چُھ مؠوُن مُنتخِب کوٚرمُت فرزند، امِہ سُند بوزؠو۔

³⁶یِہ آواز یِنسیٕ سٲتؠٕ آوٗ عیسیٰ کُن زُونؠٕ تٕہ تِم رودؠٕ ژھوپٕہ کرِتھ، تٕہ یِہ کینژھا تِمو وُچھمُت اُوس تٕہ ونُکھ نٕہ کٲنسۓ تِمن دوہَن۔³⁷دوؠمِہ دوٗہ ییلِہ پہاڑٕ پؠٹھ وسان ٲسیٕ سپُد یِہ زِ بوٚڑ ہجُوم آوٗ تَس سَمکٕھنِہ۔

³⁸تٕہ وُچُھؠو اکیٕ نفرن ووٚن ہجومٕہ منزٕہ کریکھ دِتھ ، ہۓ وستادٕ بُوٚ چُھوسے ژیہ زارپارٕہ کران زِ میٲنِس نؠچوِس پؠٹھ کر اکھ نظر تِکیازِ سُہ چُھم کُوٚنؠٕ نیچیُو۔

³⁹وُچٚھ اکھ رُوح چُھ تَس پرؠٛکَس تٕہ سُہ چُھ یکایک چِیخٕہ تُلان تٕہ سُہ چُھ تِتھ کٔنیٕ تَس مُرن دِوان زِ پوٚس چُھس کھسان تٕہ لتٕہ مونڑ کرِتھ چُھس مُشکلی سان یَلٕہ تراوان۔

⁴⁰مۓ کرؠُو چانؠن شاگردن زارٕہ پارٕہ سُہ کٔڑِوُن مگر تِم ہیکیٕ نٕہ کڑِتھ ۔⁴¹عیسیٰ ہن ووٚن درجواب،"ہِیُوٚ کم ایمان والؠُو بُوٗ کُوٚت تام روزو توہِہ سٲتیٕ تٕہ تہُند کرٕہ برداشت؟ انُن پنُن نیچؠُو یُوریٕ"۔

⁴²سُہ اُوس یِوٲنی زِ بدرُوحن دِژ تَس دَب کڑِتھ مُرن تٕہ عیسیٰ کُوٚر تؠمِس ناپاک رُوحس رُوٗب تٕہ لڑکٕہ کُوٚرُن ٹِھیک گژِتھ تؠمسندِس مٲلِس حوالٕہ⁴³تٕہ سٲری لوکھ گۓ خدایِہ سٔنٛز عظمت وُچِھتھ حٕیران مگر یمٕہ ساتَن سٲری تؠمسٕنزن کامؠن پؠٹھ تعجب ٲسیٕ کران، اتی ووٚن تؠمیٕ پننؠن شاگردَن

⁴⁴یمٕہ کتھٕ تھایُو تُوہی پانس نِش تِکیازِ ابنِ آدم چُھ انسانن ہندؠن اتَھن منز حوالٕہ گژَھن ووٗل۔

⁴⁵مگر تمؠٕمگر تِم ٲسنٕہ یِہ کتھ سمجھان، بلکِہ یِہ آیِہ تِمن نِش چُھپاوٕنٕہ یُوٚت نٕہ تَتھ معلُوم کرن تٕہ امِہ کتِھ مُوجوب پٕرژھنَس ٲسیٕ تَس کھوٗژان⁴⁶پتٕہ سپُد تِمن منز یِہ بحث زِ اسِہ منزٕہ کُس چُھ بُوٚڈ؟

⁴⁷مگر عیسیٰ ہَن ووٚن تِہندؠن دِلن ہند خیال معلوم کرِتھ اآکھ شُر تٕہ پانَس نِش اِستادٕہ کرِتھ وُنٚنَس

⁴⁸یُوٚس اکھا یمِس شُرِس میٲنِس ناوَس پؠٹھ قُبول چُھ کران۔ سُہ چُھ مۓ قُبول کران۔ تٕہ یُوس مۓ قُبول چُھ کران سُہ چُھ مٲنِس سُوٚزَن وٲلِس قُبول کران تِکیازِ یُوٚس توہِہ منزٕہ ساروٕی کُھوٚتٕہ لوکُٹ چُھ سُوئیٕ چُھ بُوٚڑ۔⁴⁹یُوحناہن ووٚن درجواب ہۓ وستاد اَسِہ وُچٛھ چٲنِس ناوَس پؠٹھ اکھ نفر بدرُوحن کڑان تٕہ تَس کُوٚر منع تِکیازِ سُہ اُوسنٕہ اسِہ سٲتیٕ چٲنچیٕ پیروی کینٛہہ کران۔

⁵⁰مگر عیسیٰ ہن ووٚن تَس، زِ تؠمِس کرزؠُو نٕہ منع تِکیازِ یُوٚس نٕہ توہِہ خلاف چُھ سُہ چُھ تُہندِ طرفٕہ۔⁵¹ییلِہ تِم دوٗہ نزدیک وٲتیٕ ییلِہ سُہ ہؠُرییِہ کھالنٕہ تٕہ سپُد یِہ زِ تؠمیٕ گونڑ یروشلم گژھنٕہ باپَتھ کمر۔

⁵²تٕہ پانَس بُروٚنہہ سُوٚزِن قٲصد۔ توٗر وٲتِتھ سپدٕیٕ سامرِیہ کِس اکِس گامس منز دٲخٕل یُوٗتھ زَن تؠمسندٕہ باپَتھ تیٲرِی کرن۔

⁵³مگر تِموٗ کوٚر نٕہ سُہ قُبول تِکیازِ تؠمسُند ارادٕہ اُوس یروشلم گژھنُک۔⁵⁴یِہ وچِتھ وۆن تؠمسندؠُو شاگِردو یعقُوبَن تٕہ یُوحناہن ہۓ خداوند کیا ژٕہ چُھکھٕ یژھان زِ ٲسیٕ دِموٚ حُکم زِ آسمانٕہ وسِہ نار تٕہ تِمن زالِہ یِتھ کنیٕ ایلیاہن کوٚر؟۔

⁵⁵مگر تؠمیٕ کٔر تِمن بؠوٲری تٕہ ونٚنکھ توٚہِہ چِھیُو نٕہ تُوہیٕ کِتِھ رُوحکیٕ چُھو۔

⁵⁶تِکیازِ ابنِ آدم آونٕہ لوٚکن ہندٕیٕ زُو ہلاک کرنِہ کینہہ بلکہ آوٗ بچاوٗنِہ۔ پتٕہ گۓ تِم بیکِس گامَس منز۔⁵⁷ییلِہ تِم وتِہ ٲسؠٕ پکان تٕہ کؠمتام ووٚن تَس یُوٚت تِہ ژٕہ گژَھکھ بُوٚ یِمے ژے پتٕہ پتٕہ۔

⁵⁸عیسیٰ ہن ووٚن تَس زِ پُوٚژٕھ لَہؠن چھے گوپھٕ آسان تٕہ آسمٲنی جانورن ٲلیٕ مگر ابنِ آدمس چھنٕہ کلٕہ تراونَس سُمنب تِہ جائیٕ۔⁵⁹پنٕہ ووٚن تؠمیٕ بؠکِس زِ مۓ پتٕہ پتٕہ پَکھ تؠمیٕ ونُس ہے خداوند مۓ دِہ اِجازت زِ گوڈٕہ کرن بُوٚ گژِتھ پنُن مُوٚل دفن۔

⁶⁰تؠمیٕ ونُس زِ مُوٚردن دِہ پننٕیٕ مُوٚردٕہ دفن کرنٕہ مگر ژہ گژھ پھہلاوٗ خدٲئی پادشٲہی ہنز خبر۔⁶¹بؠکیٕ تِہ ووٚن ہے خداوند بُو پکٕہ ژے پتٕہ مگر مے دِہ اجازت زِ پننؠن گھرِ کِؠن ہؠمٕہ بُو رخصت۔

⁶²عیسیٰ ہن ووٚن تَس یُوس اکھاہ پنُن اتٕھ الٕہ بانِہ پؠٹھ تھٲیِتھ پَتھ کُن چُھ وُچھان سُہ چُھنٕہ خدٲئی پادشٲہی لایٔق۔

10¹یمو کتھو پتہٕ کریٕ خداوندن ستَتھ نفربیہِ مقرر تہٕ یتھ یتھ شہرس تہٕ یتھ جایہ پانہ گژھن وول اُوس تُور سوزِن تِم زہٕ زہٕ کٔرِتھ پانس برونہہ۔

²تہٕ لوگُکھ وننِہ زِ فصل چھُ واریاہ مگر مزُور چھٕ کم۔ امِہ موکھٕ کرِیُو فصلٕکِس مٲلِکس زارہٕ پارہٕ زِ پنُن فصل لوننہٕ موکھٕ سوٚزمُزور۔³گژھیو وُچھیُو بُو چُھسو توہِہ گو یا کَٹھ سوزان رامہٕ ہُونیَن منز۔

⁴نہٕ مہٕ نیُو بٹوہٕ سٲتیٕ نَہ ٹھیلہٕ نہٕ کھورہٕ بانہٕ نَہ کٟرزیُو وتہِ منزٔ کانسہِ سلام ۔⁵بیِہ یتھٕ گھرس منزٔ دأخٕل گژھیو گوڈہٕ ونزیُو زِ یہ گھرہٕ ٲسِن سلامت ۔

⁶اگر تتہِ سلامتِی ہُند فرزند آسہِ تیلِہ واتِہ تُہنزسلام تَس نتہٕ یتِہ توہہِ پیٹھ واپس ۔

⁷تتھیٕ گھرس روزیو بیِہ یہٕ کینژھا تِمن نِش مِیلیُو تہِ کھیُو چُیو۔ تکیازِ مزور چُھ پننِہ مزورِ ہُند حقدار، گھرٕہ گھرٕہ مٕہ پھیِریُو۔⁸بیِہ یَتھ شہرس منزٔ دأخل گژھیُو تہٕ تتکیٕ لوٚکھ اگر قبُول کرنو تیلِہ یہِ کینژھا بُرونہہ کہنِہ تھاونو تٕہ کھیزیُو۔

⁹تہٕ تتہِ کِین بیمارن دیُو شفاء تہٕ ونزٕیوُکھ خدائی پادشٲہی چھٕ نزدیک وأژمٔژ۔¹⁰مگر یَتھ شہرس منز دٲخٕل گژھیو تہٕ تتِکیٕ لُوکھ اگر یہٕ قُبول کرنو تہٕ بازرَن منز گژِھتھ ونزیُو۔

¹¹أسیٕ چِھ یہِ گرد تہِ یوسٕہ تُہندِ شہرٕہ منز سانیَن کُھورن لاریہِہ تُوہِہ برونہہ کنِہ دٕنان مگر یہِ زأنہِ زیُو زِ خدٲئی پادشٲہی چھے نزدیک وأژمٕژ۔

¹²بُو چُھسو توہِہ ونان زِ تؠمِہ دوہ آسِہ سُرومُک حال تیمِہ شہرٕہ کھوتہٕ زیادہ برداشَس لایٔق۔¹³ہیے خُرازین ژے پیٹھ افسُوس! ہۓ بیتِ صیدا ژے پؠٹھ افسُوس! تکیازِ یِم معجزٕہ ژے منزظٲہر سپٔدیٕ اگر تِم مورتہٕ صیداہَس منزٔ سپٔدیٕ متیٕ آسہن تہٕ تِمو آسہے ٹاٹ ولِتھ تہٕ لژِھ منز بہِتھ کرتام توبٕہ کوٚرمُت۔

¹⁴مگر قیامٕژ دوه آسِہ صُورک تہٕ صیداہُک حال چانهِ حالهٕ کھوتہٕ زیادہٕ برداشَس لائق۔

¹⁵بیِہ ہۓ کفرِنحُوم کیا ژٕہ یِکھا آسمانَس تام بُلند کرنہ؟ نا بلکِہ یِکھ ژٕہ تل پا تال والنٕہ۔¹⁶یُوس تُہند چُھ بوزان سُہ چُھ میون بوزان تٕہ یُوس نٕہ توہِہ ماانان چُھ، سُہ چُھنٕہ میون مانان تٕہ یُوس مے چُھنٕہ مانان سُہ چُھنٕہ میانِس سوزَن وألِس مانان-¹⁷تِم ستَتھ آئے خوش گژِھتھ واپس تٕہ وننِہ لگیٕ۔ ہے خداوند چانِہ ناوٕہ سٲتیٕ چِھ رُوح تِہ اسِہ ماتحت.

¹⁸تؠمیٕ ووٚن تِمن بُو اُوسن شیطان وچھان آسمانٕہ پؠٹھ وُزملٕہ ہنٚدیٕ پٲٹھیٕ ؤسیٕ پیوان-

¹⁹وُچھیُو مۓ دیُتمو توہِہ اختیار زِ سرُفن تٕہ بِچن کریُو لتٕہ مونڑ تٕہ دشمنن ہندین سٲرسٕی طاقتس پؠٹھ پیوغٲلب، تٕہ توہِہ واتیُو نٕہ کُنِہ تِہ چیز سٲتیٕ ہرگز تِہ تکلیف-

²⁰تاہم مٕہ سپدؠو خوٚش تٕہ رُوح زِ چُھوٗ توہِہ ما تحت بلکہ سپرایُو امِہ سٲتیٕ خوش زِ تُہندیٕ ناؤ چُھ آسمٲنیَس پؠٹھ لیکھنٕہ آمتیٕ۔²¹تمٕے ساتٕہ سپُد سُہ روحُ القُدسٕہ سٲتیٕ بھرپور تٕہ وننِہ لوٚگ " ہے ببٕہ آسمان تٕہ زمینِہ ہندِ خداوندٕہ بُو چُھس چوٗن شکُر کران زِ ژے چُھپٲیِتھ یِمٕہ کَتھ دانین تٕہ عقل مندن ژے نِش تٕہ شُرین بیٹھ کرِتھ ظٲہر۔آ۔ ہۓبیِہ تکیازِژے آئے ییِی پسند-²²میٲنیٕ ببَن کوٚرمۓ سورٕی کیٛنہہ حوالٕہ تٕہ کانہہ چُھنٕہ زانان ببَس ورائے زِ نؠچُو کُس چُھ تٕہ کانہہ چُھنٕہ زانان نؠچوِس ورٲئے زِ بَب کُس چُھ بیِہ تَس شخصَس ورٲۓ یَس پؠٹھ تَس ظٲہِر کرِہ۔²³تٕہ شاگردن کُن مُتوجہ سپدِتھ ونن خاص کر تیمنٕیٔ زِ مبارک چُھ تِمن اچَھن یمٕہ نومٕہ کتھٕ وُچھان چھے یمٕہ توہیٕ چُھو وچھان۔

²⁴تکیازِ بُو چھسو توہِہ ونان زِ وا ریاہو نبیُو تٕہ پادشاہو یژھو وچھنٕہ تِمٕہ کتھٕ یِمٕہ توہیٕ بوزان چُھو مگر کینٛہہ وچھنکھنٕہ۔ بؠیِہ تِمٕہ کتھٕ بوزنِہ یِمٕہ تُوہیٕ بوزان چُھوٗ مگر کینٛہہ بُوزَکھنٕہ۔²⁵تٕہ وچُھکھ اکھ شرعی عٲلِم وُتٚھ تٕہ یِہ ونِتھ لۆگ تَس آزماونِہ۔ ہے وستاد! بُو کیا کرٕہ زِ ابدٕی زندگی ہند وٲرِث بنٕہ؟

²⁶تؠمیٕ ووٚن تَس زِ تُوراتَس منز کیا چُھ لیکِتھ؟ ژٕہ کِتھ پٲٹھیٕ چُھکھ پران۔

²⁷تؠمیٕ ووٚن زِ خداوند پننِس خدایَس سٲتیٕ تھاو پننِہ سارے دِلٕہ، پننِہ سارے زُوٗوٕہ تٕہ پننِہ سارے طاقتٕہ تٕہ پننِہ سارے عقلِہ سٲتیٕ محبت تٕہ پننؠن ہمسایَن سٲتیٕ تھاو پانَس برابر محبت۔

²⁸تؠمیٕ ووٚن تَس ژے دِتُتھ صحیح جواب یِئ کر تٕہ ژٕہ روزَکھ زندٕہ۔²⁹مگر تؠمیٕ پُرژھ پنُن پان نیک زانٕنکِہ غرضٕہ عیسیٰ ہَس، "میُون ہمسایہ کُس چُھ"۔

³⁰عیسیٰ ہَن وونَس درجواب، اکھ نفر اُوس یروشلمٕہ پؠٹھٕ یریحو زِ ڈاکون منز لوٚگ۔ تِمو کڑیٕ تَس پلو تٕہ لوؠہَس تِہ تٕہ اڈٕہ مُور کرِتھ ترووُکھ تٕہ دراۓ۔³¹اِتفاقَن اُوس اکھ قٲہِِن تپٲریٕ تٕہ سُہ وچِتھ کھوٚژ تٕہ دراوٗ بیکِہ وتِہ۔

³²یِتھۓ پٲٹھیٕ دراوٗ اکھ لٲوِی اپٲریٕ، سُتِہ دراوٗ تَس وچِھتھ بیکِہ انندٕہ۔³³سٲمرِس مُسافِر دراوٗ تپٲریٕ تٕہ سُہ وچِتھ آس تَس پؠٹھن رحم۔

³⁴تٕہ تَس نِش یِتھ موتھنَس زخمَن تیل تٕہ شراب، تٕہ گنڑِتھ پننِس جانورَس پؠٹھ سوار کرِتھ نؠون سرایِہ منز تٕہ رُودُس خبر اتر ہؠوان۔

³⁵دویمِہ دوہ کٔڑِن ذٕہ دینار سرایِہ مٲلِکَس تٕہ وننَس، یمِس تھٲزِ نظر گُزر امِہ زیادٕہ یِہ کینٛہہ گژھی واپَس یِتھ دِمے بُو ژے۔³⁶تِمو ترِیُو منزٕہ کَس گو چٲنیٕ کِنیٕ تؠمِس نفرٕہ سُند ہمسایہ ثٲبِت یُوس ڈاکووٗ روٹمُت اُوس۔

³⁷تؠمیٕ ووٚن یَس تَس پؠٹھ رحم آوٗ، عیسیٰ ہَن ووٚن تمِس گژھ ژٕہ تِہ کر یِی۔³⁸پتٕہ ییلِہ گژھان آسیٕ تٕہ سُہ سپُد اکِس گامَس منز دٲخٕل تٕہ مارتھا ناوٕہ اکِہ زنِہ نِیُو سُہ پنُن گھرٕہ۔

³⁹تٕہ مریَم ناوٕہ ٲس تَس اکھ بینِہ، سُو ٲس عیسیٰ سنٔدؠن کھورَن نِش بہِتھ تؠمسُند کلام بوزان۔⁴⁰مگر مارتھا تٔھچ خدمت کران کران۔ اتِی تَس نِش یِتھ لٔجِس وننِہ ہے خداوند! کیا ژے چِھینا خیال زِبُو ترٲوٕس پننِہ بینِہ کُنِی زنیٕ خدمت کرنِہ؟ ادٕہ امِس وَن زِ مۓ کرِ مدد

⁴¹خداوندن ووٚن تَس درجواب مارتھا، مارتھا ژٕہ چھیکھنٕہ واریاہَن چیزَن ہٕنزِ فِکرِ تٕہ پریشٲنِی منز ہینٕہ آمژ۔

⁴²مگر اکھ چیز چُھ ضرور زِ مریمن ژوٚر سُہ بہترِین حصّہ یُوس نٕہ تَس نِشٕہ تھپِہ نِنٕہ ییِہ۔

11¹پتٕہ سپُد یِہ زِ سُہ اُوس اکِس جایِہ دعا کران۔ ییلِہ سپدُووُن تٕہ تؠمسُندیُوٗ شاگردو منزہ ووٚن اکیٕ تَس، خدا! یتٕ یتٕھ کنیٕ یُوناہَن پننیٕ شاگرد دعا کرُن ہیچھنٲیٕ، ژٕتِہ ہیچھناوٗ اسِہ۔²تؠمیٕ ووٚن تِمن ییلِہ توہیٕ دعا کریُو تٕہ ونیُو، ہے ببٕہ! چوٚن ناوٗ ییِن پاک ماننٕہ۔³پرؠتھ دوہ رُوز اسِہ دوہ دشِہ ہٕنز ژُوٚٹ دِوان۔

⁴بؠیِہ کر سٲنیٕ گناہ معاف، تکیازِ ٲسیٕ تِہ چِھ پننِس پرؠتھ قرضدارَس معاف کران۔ بؠیِہ ترٲیٕزؠنٕہ آزمٲئشٕہ منز۔⁵پتٕہ ووٚن تؠمیٕ تِمن، توہِہ منز کُس چُھ یَس اکھ دوست آسِہ تٕہ سُہ گژِھ تَس نِش رٲژ تٕہ وَننِؠس ہیُو دوستا، مۓ دِتا ژُوٚچِہ تریَہ۔

⁶تکیازِ میُون اکھ دُوٗست آوٗ سفرٕہ پؠٹھ مۓ نِش، تٕہ مۓ نِش اُوس نٕہ کہِین زِ تَس بروہنٛہ کنِہ تھاوِہا۔

⁷تٕہ سُہ وننِیَس اندرےٕ درجواب، مے ما دِہ تکلیف، ونیٕ ہا چُھ دروازٕہ بند۔ تٕہ میٲنیٕ شُریٕ چِھ مے نِش بِسترس پؠٹھ ۔ بُو ہیکنٕہ وتِھتھ ژے دِتھ ۔

⁸بُو چُھسو توہیہ ونان زِ اگر سُہ امِہ وجہ کِنیٕٕ زِ تَسہند دوست چُھ وتِھتھ دینٕہ تَس، توتِہ دِیَس تؠمسندِ اِصرار کرنٕہ کنیٕ یُوتاہ تَس ضرورت چُھ ۔⁹ادٕہ بُو چُھسو توہِہ ونان منگیُو تٕہ توہِہ ییِہ دِنٕہ۔ ژھٲنڑیُو تٕہ لبیُو، دروازَس کریُو ٹُھک ٹُھک تٕہ تُہندِ باپتھ ییِہ یلٕہ تراونٕہ

¹⁰تکیازِ یُوس اکھا منگان چُھ تَس چُھ میلان تٕہ یُوس ژھانڑان چُھ سُہ چُھ لبان بیِہ یُوس ٹُھک ٹُھک چُھ کران تؠمسٔندِ باپتھ چُھ یِوان یلٕہ تراونٕہ۔¹¹توہِہ منزٕہ کُس چُھ تیُتھ موٗل زِ یمِس پنُن نیچیُو ژُوٹ منگِہ تٕہ دِیَس کنیٕ؟ یا گاڈ منگؠس تٕہ گاڈِ بدلٕہ دیَس سرُف۔

¹²یا ٹُھول منگؠس تٕہ دِیَس بِچ؟۔

¹³ادٕہ ییلِہ توہیٕ خراب آسِتھ پننین شُرؠن اصل چیز دِنیٕ زٲنیُو، تیلِہ کیازِ دِینٕہ آسمٲنی بَب پننؠن منگن والین رُوحُ القُدس¹⁴پتٕہ اُوس سُہ اکھ کوٚل بدرُوح کڑان۔ تٕہ ییلِہ سُہ بدرُوح دراوٗ تٕہ سپُد یِہ زِ کٔلیٕ کرِہ کتھٕ تٕہ لوکھ گٔے حٔیران۔

¹⁵مگر تِمو منزٕہ ووٚن کینژھو، زِ یِہ چُھ بدرُوحَن ہندِس سردار بعلزبول سندِ مددٕہ سٲتیٕ بدرُوحن کڑان۔¹⁶بؠیِہ کینٛہہ لوکھ ٲسؠ تَس آزماونٕہ باپَتھ اکھ آسمٲنی نِشان منگان۔

¹⁷مگر تِہند خیالات زٲنِتھ ووٚن تؠمیٕ تِمن، یَتھ پادشٲہی منز پُھوٗٹ پییِہ سُوٚ چھے وُجارٕہ سپدان۔ تٕہ یَتھ گھرس منز پُھوٗٹ پییِہ سُہ چُھ برباد سپدان۔¹⁸تٕہ اگر شیطان تِہ پانس خلاف گژِھ تٕہ تؠمسٔنز سلطنت کِتٕھہ پٲٹھؠ روزِ قٲئِم؟۔ تکیازِ توہیٕ چُھوٗ مے مطلق ونان زِ یِہ چُھ بعلزِبول سنٔدِ مددٕہ بدرُوہن کڑان۔

¹⁹تٕہ اگر بُو بدرُوہن چُھسَکھ بعلزِبول سنٔدِہ مددٕہ سٲتیٕ کڑان، تٕہ تُہندیٕ اولاد کؠمیٕ سنٔدِ مددٕہ سٲتیٕ چِھ کڑان؟ ادٕہ تِمۓ کرَن تہُند فٔیصلٕہ۔

²⁰وَ اگر بُو خدایِہ سنٔدِ قُدرتٕہ سٲتیٕ چُھسَکھ بدُروح کڑان تیلِہ وٲژ خدٲئی پادشٲہی توہِہ نزدیک۔²¹یؠلِہ طاقتور انسان چُھ ہتھیار کڑِتھ پننِہ گھرٕچ حفاظت چُھ کران تیلِہ چُھ تؠمسُند جائیداد محفوظ روزان۔

²²مگر ییلِہ کاہنٛہ طاقتور تَس پؠٹھ حملٕہ کرِتھ غٲلب چُھ گژھان، تٕہ نِوان چُھس سورُیٔ ہتھیار تھپِہ یَتھ پؠٹھ تَس بھروسٕہ اُوس تٕہ ٲمسُند جائیداد لُوٹٕہ نِتھ چُھ پتٕہ بٲگراوان۔

²³یُوس نٕہ مۓ سٲتیٕ چُھ سُہ چُھ مۓ خلاف۔ تٕہ یُوس مۓ سٲتیٕ جمع چُھ کران سُہ چُھ چھٕکراوان۔²⁴ییلِہ ناپاک رُوح اِنسانس منزٕہ چُھ نیران تٕہ سُہ چُھ خشک جایَن آرام ژھانڑنِہ پھیران۔ تٕہ ییلِہ نٕہ میلان چُھس تٕہ دپان چُھ زِ بُو گژٕھ تتھیٕ گھرس منز واپس یتِہ بُو دراس۔

²⁵تٕہ یِتھ چُھ تتھ سُہ وُچھان ڈُویِتھ تٕہ سجٲیِتھ ۔

²⁶پتٕہ چُھ سُہ پانَس سٲتیٕ بؠیِہ سَتھ رُوح پننِہ کھوتٕہ وُلٹٕہ اَنان تٕہ تتِہ بسان تٕہ تَس نفرٕہ سُند حال چُھ پٔتمِہ کھوتٕہ خراب گژھان²⁷ییلِہ سُہ یِمٕہ کتھٕ ونان اُوس تٕہ سپُد یِہ زِ ہجُومٕہ منزٕہ ووٚن اکِہ زَنِہ بَڑِ آوازِ منز "مبارک چُھ سُہ شِکم یَتھ منز ژٕہ ڈَمب اُوسُکھ بیِہ تِم پِستان یِمن ژے ژٕہؠتھ ۔

²⁸۔تؠمیٕ ووٚن۔آ۔ مگر زیادہ مبُارک چِھ تِم یِم خدایہ سُند کلام بوزان تٕہ تَتھ پؠٹھ عمل چِھ کران۔²⁹ییلِہ بوٚڑ ہجُوم جمع اُوس ہیوان سپدُن تٕہ لوٛگ وننِہ زِ یِمٕہ زمیانکیٕ لُکھ چِھ خراب۔ یِمٕہ چِھ نِشان طلب کران۔

³⁰تِکیازِ یِتھٕ کٔنیٕ یوناہ نینواہ کؠن لوکَن ہندِ خٲطرٕہ نِشان اُوس، تِتھےٕ آسِہ ابنِ آدم تِہ یمِہ زمانکؠن لوکن ہندٕہ باپَتھ تِہ نِشان۔³¹جنُوبی مُلکِ سباہٕچ رانی(ملِکہ) وَتِھ یمِہ زمانکؠن لوکن سٲتیٕ قیامژ دوہ تٕہ دِییِہ یِمن مُجرم قرار تکیازِ سُو س دُنیاہکِہ اندٕہ پؠٹھٕ سُلیمان سنٔز دانٲئی بُوزنِہ آمٔژ تٕہ وُچھؠو یتِہ چُھ سُہ یُوس سلیمانَس کھوٚتٕہ تِہ تُھوٚد چُھ³²نینواہکیٕ لُوکھ وتَھن قیامژ دوہ یمِہ زمانکؠن لوکَن سٲتیٕ اِستادٕہ تٕہ دِن یِمن مُجرم قرار، تکیازِ تِموٚ اپوس یوناہ سٔندِس اعلانَس پؠٹھ توبٕہ کورمُت، تٕہ وُچھؠو یتِہ چُھ سُہ یُوس یوناہس کھوتٕہ تِہ تُھوٚد چُھ ۔³³کاہنٛہ شخص چُھنٕہ ژُونگ زٲلِتھ تَتھ چُھپٲیِتھ یا بانَس تَل تھاوان بلکِہ چُھ زُورِ پؠٹھ تھاوان یُتھ زن اندر یِنٕہ والؠن تؠمیُک گاش ییِہ۔

³⁴چٲنیٕ ٲچھ چھے چانِہ بدنُک ژُونگ۔ ییلِہ چٲنیٕ چھے ٹِھیک تٕہ چون سورُیٔ بدن چُھ ٹھیک۔ وَ ییلِہ ٲچھیٕ آسِہ خراب تٕہ چُوٚن سورُیٔ بدن تِہ آسِہ انِہ گوٚٹ۔

³⁵ادٕہ وُچھ یُوٚسٕہ روشنی ژے منز چھے۔

³⁶اتی اگر چُوٚن سورُیٔ بدن روشَن آسِہ تٕہ کاہنٛہ حصّہ آسنٕہ انِہ گوٹ۔ تیلِہ آسِہ سُہ بلکُل تؠُتھ روشن یتھٕکنیٕ ونکؠس چُھ آسان، ییلِہ ژوٚنگ ژے پننِہ گاشٕہ سٲتیٕ رُوٚشن چِھی کران۔³⁷ییلِہ سُہ کتھ اُوس کران تٕہ کؠمتام فریسین کوٚر تَس دعوت، ادٕہ گژِھتھ بیوٹھ سُہ ٲندٕر کنِہ کھؠن کھؠنِہ۔

³⁸۔ تٕہ فریسی گوٚ یِہ وچِتھ حیران زِ امیٕ چُھولنٕہ کھؠن کھؠنٕہ برُونٛہہ اتھٕ بُتھ کینٛہہ۔³⁹خداوندن ووٚن تِمن،"فریسیو توہیٕ چُھٔو پیالٕہ تٕہ رِکٲبیٕ نؠبٔریٕ کنیٕ صاف کران مگر اندریٕ کِنیٕ چُھو توہیٕ لُوٹ مارٕہ تٕہ بدِیُو سٲتیٕ بھرِتھ ۔

⁴⁰ہِؠُو بیقلو یمیٕ نِبٔریٕ کنیٕ بنُوٚ کیا تؠمیٕٕ بنُوٚنا اندریٕ کِنیٕ؟

⁴¹آ، ٲندرِم چیز دِیُو خیرات تٕہ وُچھؠو سورُی کینٛہہ گژِھ تہندِ خٲطرٕہ پاک۔⁴²مگر ہیُو فریسیُو! توہِہ پؠٹھ افسوس، پُۆدنَس تٕہ کرِیژِھ تٕہ پرؠتھ سبزِی پؠٹھ چُھوٗ دہِم حصّہ دِوان مگر اِنصافٕہ تٕہ خِدایِہ سٔندِہ محبتٕہ نِشٕہ چُھوٗ پَتھ روزان۔ لٲزِم چھا زِ تُوہیٕ چُھوٗ یِہ تِہ کران تٕہ ہوتِہ چُھوٗ نٕہ تراوان۔⁴³فریسیُو توہِہ پؠٹھ افسُوس زِ توہیٕ چُھوٗ عبادت خانَن منز تھزٕہ کُرسی تٕہ بازرَن منز سلام یژھان

⁴⁴توہِہ پؠٹھ افسوس! توہیٕ چُھوٗ تِمن پوشیدٕہ قبرَن ہندیٕ پٲٹھیٕ یِمو پؠٹھیٕ لوکھ پکان چِھ تٕہ تِمن چھؠنٕہ امِہ کتِھ ہنٔز خبرٔی۔⁴⁵پتٕہ ووٚن شرعی عٲلمو منزٕہ اؠکیٕ تَس درجواب، ہے وستاد یِمٕہ کتھٕہ وننٕہ سٲتیٕ چُھکھ ژٕہ اسِہ تِہ بۓ عزّت کران۔

⁴⁶تؠمیٕ ووٚن ہے شرعی عٲلمو توہِہ پؠٹھ افسُوس! توہیٕ چُھوٗ سُہ بُوٚر لوکن پؠٹھ تھاوان یُوسنٕٕہ ہؠکٲنیٕ چِھ تٕہ توہؠ چُھونٕہ اکھ اُونگٕج تِہ تَتھ بورَس لاگان ۔⁴⁷توہِہ پؠٹھ افسُوس! زِ توہیٕ چُھوٗ نبیَن ہنزٕہ قبرٕہ بناوان تٕہ تُہندؠو آبا و اجدادو ٲسیٕ تِم قتل کرٕمتیٕ۔

⁴⁸ادٕہ توہیٕ چُھوٗ گواہ زِ پننؠن آبا و اجدادن ہنزٕہ کامِہ چُھوٗ پسند کران یلِہ زَن تِمو ٲسیٕ تِم قتل کرِمتیٕ تٕہ توہیٕ چُھوٗ تِمن ہنزٕہ قبرٕہ تعمیر کران۔⁴⁹توَی چُھ خداۓ سنٔدِ حِکمتَن ونمُت " بُوٚسوزکھ نبی تٕہ رسول تِمن نِش، تِم کرن تِمو منزٕہ کینژھن قتل تٕہ کینژھن ستاون۔

⁵⁰تاکِہ سٲری نبی یِمہ دنیا گژھنٕہ پؠٹھٕ ونیُک تام قتل کرنٕہ آۓ تؠمِکیٕ زمٕہ دار یِن یمِہ زمانکیٕ لوکھ قرار دِنٕہ۔

⁵¹ہابیل سنٔدِ قتلٕ پؠٹھٕہ تا ذکریا سندِس قتلَس تام یُوس قربان گاہَس تٕہ ہیکلِ منزباگ ہلاک سپُد۔ بُوٚچُھسو توہِہ ونان زِ یمے زمانکؠن لوکن چُھ سٲلِمُک جواب دیُن۔⁵²ہیُو شرعی عٲلمو توہِہ پؠٹھ افسُوس! زِ توہِہ نِیُو معرِفتچِہ کُنزٕہ تھپِہ۔⁵³پانٕہ تِہ گونٕہ دٲخل تٕہ بؠیِہ رُکٲیٕ وُکھ دٲخل گژھنٕہ وٲلیٕ تِہ۔

⁵⁴۔ تٕہ تِم رودیٕ اَتھ شانکِہ یُتھ زن تؠمسندِہ ٲسٕہ منزٕہ کاہنٛہ کَتھ رٹَن۔

12¹ٲتھیٕ منز گو ساسٕہ بدؠَن لوکن ہُند ہُجوم جمع زِ اکھ اکِس پؠٹھ ٲسیٕ پؠوان تٕہ گوڈٕہ لوٚگ سُہ پننیَن شاگردَن وننِہ زِ تؠمِہ خمیرِہ نِشِہ روزؠو خبردار یوسٕہ خریسؠن ہنٔز ریاکٲری چھے²تکیازِ کاہنٛہ چیز چُھنٕہ ٹھانڑ دِتھ یوسنٕہ کھولنٕہ ییِہ تٕہ نٔہ چُھ کاہنٛہ چیز چُپِتھ یُوسنٕہ زاننٕہ ییِہ۔

³اوٕہ کنیٕ یِہ کینژھا انِہ گٹِہ ونو سُہ ییِہ گاشَس منز بوزناونٕہ تٕہ یِہ کینژھا توہِہ کُٹھؠن منز لوتِہ پٲٹھیٕ کنَس تل ونیُو پشَس پؠٹھ ییِہ تؠمیُک اعلان کرنٕہ۔⁴مگر میانؠو یارو بُو چُھسو توہِہ ونان تِمن مٕہ کُھوژؠُو یِمٕہ پنُن پان مارٕہ چِھ کران تٕہ تؠمِہ پتٕہ چھنٕہ ہؠکان کِہنیٕ کرِتھ ۔

⁵مگر بُو چُھسو توہِہ ونان زِ کَس گژِھ کھوژُن۔ تَس کُھوژیُو یَس اختیار چُھ زِ مارٕہ کرنٕہ پتٕہ ترایِہ جہنمَس منز۔ آ، بُو چُھسو توہِہ ونان زِ تَس کُھوژؠُو۔⁶کیا دون پُونٛسن چھؠنا یِوان پانژھ ژرِ کٔننٕہ؟ توتِہ چھؠنٕہ یِوان تِمو منزٕہ خدایِہ سٕنز حضوری منز اکھ تِہ مُشراونٕہ۔

⁷بلکِہ چِھ چانِہ مستٕکیٕ وال تِہ گنٔزرِتھ ۔ کُھوژیُو مٕہ۔ چٲنیٕ قدٔر چھے واریاہو ژریُوٚ کھوٚتٕہ تِہ زیادٕہ۔⁸بؠیِہ چُھسو بُو توہِہ ونان زِ یُوٚس اکھاہ لوکن برونہہ کنِہ میُون اقرار کرِ ابنِ آدم تِہ کرِ خدایہ سنٔدِؠن فرشتَن برونہہ کنِہ تؠمسُند اقرار۔

⁹مگر یُوس لوکن برونہہ کنِہ میُون انکار کرِنٕہ۔

¹⁰بؠیِہ یُوس اکھاہ ابنِ آدمَس خلاف کانہہ کتھ ونِہ تَس ییِہ معاف کرنٕہ۔ مگر یُوس روحُ القُدسٕہ سندِس حقّس منز کُفر بَکِہ تَس یؠنٕہ معاف کرنٕہ۔¹¹بؠیِہ ییلِہ تِم توہِہ عبادت خانَن منز حٲکمس تٕہ اختیار والؠن نِش نِنُو تٕہ فِکر کرزؠونٕہ زِ ٲسیٕ کِتھٕ پٲٹھیٕ کیا جواب دِمو یا کیا ونو۔

¹²تکیازِ روحُ القُدس ہؠچھنایُو توہِہ تؠمے ساتٕہ زِ کیا پزِ ونُن۔¹³پتٕہ ووٚن ہجومٕہ منزٕہ اکیٕ تَس ہۓ وستاد! مٲنِس بٲیِس وَن زِ میراثٕہ منزٕہ دِمۓ میُون حصّہ۔

¹⁴تؠمیٕ ووٚن تؠمِس، بایا۔ بُو کؠمیٕ چُھس چُوٚن فٲصلٕہ کرن وول یا بٲگرنٕہ وول مُقرر کورمُت؟۔

¹⁵تٕہ وُننَس خبردار! پنُن پان تھاوٗ پرؠتھ قسمتچِہ لالچِہ نِشٕہ دُور تکیازِ کٲنسِہ ہنٔز زندگی چھؠنٕہ تؠمسٔندِس دولتَس پؠٹھ درِتھ کینٛہہ۔¹⁶اتِی ونیٕ تؠمیٕ اکھ مثال زِ کؠمِس تام دولتمند سٔندِس زمینَس بنؠو واریاہ فصل۔

¹⁷پتٕہ لوٚگ سُہ پننِس دِلس منز سُوچِتھ زِ بُو کیا کرٕہ تکیازِ مۓ چھؠنٕہ یتِہ جایِی تِیژ یتِہ بُو ونُن فصل جمع تھاوٕہ۔

¹⁸تؠمیٕ وون بُو کرٕہ یِہ زِ پننِہ کُچِھہ لُہُروِتھ بناوٕہ بُو بجِہ۔

¹⁹تٕہ تِمنٔی منز تھاوٕہ بُو پنُن سورُی فصل تٕہ مال جمع تٕہ پننِس پانس ونٕہ "ہیُو زُوا! ژے ہا چِھی ورِی وادَن ہنٔدِ خٲطرٕہ واریاہ مال"۔ کر آرام، کھؠٚہ چیٚہ روز خوش۔²⁰مگر خدایَن ووٚن تَس" ہیُو بیقلٕہ! یمے رٲژ یِیی ژے زُو کڑنٕہ، ادٕہ کینژھا ژے تیار کوٚرُتھ سُہ کُہُند آسِہ؟

²¹یُوتُھی چُھ سُہ شخص یُوس پننِہ خٲطرٕہ خزانٕہ جمع چُھ کران تٕہ خدایَس نزدیک چُھنٕہ سُہ دولتمند۔²²پتٕہ ووٚن تؠمیٳ پننؠن شاگِردن زِ امے مُوجوب چُھسو بُو توہِہ دپان زِ پننِہ زُوؤچ فکر مَہ کرؠو زِ ٲسیٕ کیا کھؠمو بؠییہ پننِہ جسمٔچ زِ کیا لاگو۔

²³تکیازِ زُو چُھ کھؠنٕہ کھوتٕہ زیادٕہ قدٔر تھاوان تٕہ جِسم پلوَو کھوتٕہ۔²⁴کاوےن پؠٹھ کریُو غور زِ نَہ چُھ وَوان نَہ لونان۔ تِمن نَہ چِھ کَھل آسان نَہ کُچِھہ، توتِہ چُھ خدا تِمن کھیاوان۔ تُہنٔز قدر چھے جانورو کھوتٕہ واریاہ زیادٕہ

²⁵توہِہ منزٕہ کُس چُھ تیوتھ یُوس کرِتھ پننِہ وٲنسِہ منز اکھ گٲنٹٕہ ہُرٲیِتھ ہیکِہ؟۔

²⁶ادٕہ ییلِہ نٕہ ساروُی کھوتٕہ لکٕٹ کَتھ کرِتھ ہیکِہ تٕہ باقٔی چیزَن ہنٔز فکر کیازِ چُھوٗ کران۔²⁷سُوسَن کُلؠن پؠٹھ کریُو غور زِ کِتھہ پٲٹھیٕ چِھ بڑیٕ گژھان۔ تِم نَہ چھ محنت کران، نَہ کَتان توتِہ چُھسو بُو توہِہ ونان زِ سلیمان تِہ اُوس نٕہ پننِہ سارے شان و شوکت کِنیٕ تِمو منزٕہ اکِس ہِیُوٗ تِہ سَجٕہ وُن۔

²⁸ادٕہ ییلِہ خدا چُھ میدانکِس گاسَس یُوس از چُھ تٕہ پگاہ ییِہ گجِہ زالنٕہ، یِتھیٕ پلَو لاگان، تیلِہ اے کَم اعتِقادو توہِہ کیازِ لاگؠو نٕہ؟²⁹توہؠٕ مَہ روزؠو اَتھ فکرِہ منز زِ کیا کھؠمُو تٕہ کیا چؠمُوٚ بؠیِہ بنیُو شکِّی

³⁰تکیازِ ییمن سٲلِم چیزن ہندِس تلاشَس منز چُھ دنیِہکیٕ قوم رازان، مگر تہند بَب چُھ زانان زِ توہیٕ چُھوٗ یِمن چیزَن ہندیٕ محتاج۔³¹آ۔ تؠمسنٔزِہ پادشٲہی ہنٔدِس تلاشَس منز رُوزیُو تٕہ یِم سٲری چیز میلتو توہِہ۔

³²ہیُو لوکٹؠو کھؠلیُو مَہ کھوژیو تکیازِ تُہندِس ببَس آوٗ پسند توہِہ پادشٲہی دنیٕ۔³³پنُن مال و اسباب کٕنِتھ کریُو خیرات تٕہ پننِہ خٲطرٕہ بنٲیُو تِتھ بٔٹوٕہ یِم نٕہ زانہہ پرانَن یعنی آسمانَس پؠٹھ کریُو تِتھ خزانٕہ جمع یِم نٕہ زاہنہ ختم گژَھن۔ تور نٕہ گژِھ کاہنہ ژوٗر تٕہ نٕہ لگؠس کؠُوٚم۔

³⁴تکیازِ یتِہ تہُند خزانٕہ چُھ تتِی لگِہ تہُند دِل تِہ۔³⁵تُہندیٕ کمر رُوزِن گڑِتھ تٕہ تُہندیٕ ژٲنگیٕ رُوزِن دزٕہ وُنیٕ۔

³⁶تُوہی بننیُو تِمن نفرن ہی یِم پننِس مٲلکٕہ سنٔزٕہ وتٕۃ آسَن وُچھان زِ سُہ کَر یِیہ خاندرٕہ پؠٹھٕہ واپس۔ یُوتھ زَن سُہ یِتھ دروازَس ٹُھک ٹُھک کرِ تٕہ فوراً کھولَن تؠمسنٔدِہ خٲطرٕہ۔³⁷مبارک چِھ تِم نوکر یِمن ہُند مٲلِک تِمن ہُشارے وُچھہ۔ بُو چُھسو توہِہ پوز ونان زِ پنُن ہوٚل گنڑِتھ بہنایِہ سُہ تِمن کھیاوؠکھ تٕہ خدمت کرؠکھ۔

³⁸اگر سُہ نصف رٲژ یا تریمِہ پہرٕہ رٲژ یِتھ وُچھِہ سُہ تِمن تِتَھے پٲٹھیٕ تٕہ نوکرن چُھ مبارک۔³⁹مگر یِہ تھٲیُو زٲنِتھ زِ اگر گھر کِس مٲلکَس پَے آسِہ زِ ژُور کؠمِہ وزِ ییِہ تٕہ سُہ روزِ ہُوشیارَے تٕہ پننِس گھرس دینٕہ ژور گژھنٕہ۔

⁴⁰توہیٕ تِہ رُوزیُو تیار تکیازِ ابنِ آدم ییِہ تؠمِہ وِزِ یمیُک توہِہ پتہ تِہ آسیُو نٕہ۔⁴¹پطرَس ووٚن ہے خداوندٕہ یِہ مِثال چُھکھٕہ ژٕہ اسے یوٚت ونان کِنٕہ سارِنٔی۔

⁴²خداوندن ووٚن زِ کُس چُھ سُہ دیانتدار تٕہ عقل مند چُوکِدَر یؠمسُند مٲلِک تَس پننؠن نوکرن پؠٹھٕہ تھایِہ زِ پرؠتھ اکِس بٲگریِہ وقتَس پؠٹھ خوراک۔

⁴³مبارک چُھ سُہ نوکر یمسُند مٲلِک یِتھ تَس تِتَھے پٲٹھیٕ وچھِہ کران۔

⁴⁴بُو چُھسو توہِہ پوز ونان زِ سُہ تھایِہ تَس پننِس سٲرسٕی مالَس پؠٹھ مُختار۔⁴⁵مگر اگر سُہ نوکر پننِس دِلَس منز یِہ سونچِہ زِ وُنِہ چُھ میٲنِس مٲلکَس یِنَس تام واریاہ کال تٕہ سُہ رُوزِ نوکرن تٕہ دایَن لایان تٕہ پانٕہ روزِ کھؠَتھ چؠَتھ مَس۔

⁴⁶تٕہ تؠمِس نوکرٕہ سُند مٲلِک ییِہ تؠمِہ ساتٕہ ییلِہ نٕہ تَس کوڈٕہ لگٲیِتھ کرِہ تَس بے ایمانَن منز شٲمِل۔⁴⁷بؠیِہ سُہ نوکر یُوس پننِس مٲلکٕہ سٕنٔز مرضی زٲنِتھ تیٲری چُھنٔہ کران تٕہ نٕہ کٔرٕن تؠمسٔندِ مرضی مطٲبِق عمل تَس پؠیِہ زبردَس شلَکھ ۔

⁴⁸مگر یمیٕ نَہ زٲنتِھ شلَکھ کھینچِہ کامِہ کرِ تَس پییٕہ کمُویٔ شلَکھ ۔ بؠیِہ یَس زیادٕہ آو دِنٕہ تَس ییِہ واریاہ ہینٕہ تٕہ یَس واریاہ آو حوالٕہ کرنٕہ تَس ییِہ واریاہ منگنٕہ۔⁴⁹بُو چُھس زمینِہ پؠٹھ نار دِنِہ آمُت تٕہ اگر لوٚگمُت آسِہے تیلِہ کوتاہ خوٚش آسہو بُو۔

⁵⁰مگر مۓ چُھ اکھ بپتِسمٕہ نِیُن، تٕہ یوتام نَہ بُو نِمٕہ توتام روزٕہ بُو دِل ملُول۔⁵¹کیا آسؠو پے زِ بُوچُھس زمینِہ پؠٹھ صلح کرناونِہ آمُت۔ بُو چُھسو توہِہ ونان، نَہ، بلکِہ جُدٲئی کرناونِہ آمُت۔

⁵²تکیازِ وُنکِہ پؠٹھٕہ تھاون اکِہ گھرٕکیٕ پانژھ بٲژ پانٕہ ؤنیٕ دُشمنی۔ دون سٲتؠٕ ترے تٕہ ترؠن سٲتؠٕ زٕہ۔

⁵³موٗل تھایِہ اولادس سٲتؠٕ دشمنی تٕہ اولاد مٲلِس سٲتؠٕ۔ مُوٚج کورِ سٲتؠٕ تٕہ کُور ماجِہ سٲتؠٕ۔ حَش نوشِہ سٲتؠٕ تٕہ نوش حَشِہ سٲتؠٕ۔⁵⁴پتٕہ ووٚن تؠمؠٕ لوکن تِہ زِ ییلِہ تُوہؠٕ اوبُر چُھو وُچھان مغرِبٕہ اندٕہ کھسان تٕہ فوراً چُھو دَپان زِ رُوٗد پییِہ تٕہ تِی چُھ سپدان۔

⁵⁵تٕہ ییلِہ جنوبٕہ کنؠٕٕ ژھٹھ چھے آسان تٕہ دپان چُھو تُوٚت تاپھ کرِ تٕہ تِی چُھ سپدان۔

⁵⁶ہیو رِیاکارو زمین تٕہ آسمانٕچ حالت وُچِھتھ چُھو توہؠٕ پہچان کران مگر یمِہ زمانٕچ پہچان کیازِ چھونٕہ تگان کرنؠٕ۔⁵⁷توہؠٕ کیازِ چُھو نٕہ پٲنؠٕ پانے فیصلٕہ کران زِ واجب کیا چُھ؟

⁵⁸۔ ییلِہ ژٕہ پننِس دُشمنَس سٲتؠٕ حٲکمس نِش گژھان آسَکھ تٕہ وَتِہ منزٔی کر کوشِش تَس نِش رِہا گژھنٕچ۔ یُتھ نٕہ تِیُتھ سپدِِ زِ سُہ نِیی ژے مُنصِفَس نِش کھکھرِہ تٕہ مُنصِف کری ژے سپاہن حوالٕہ تٕہ سپاہ کرنَے ژے قیدَس منز بند۔

⁵⁹بُو چُسو توہِہ ونان زِ یوتام نٕہ ژٕہ تَس اکھ اکھ دُمبرؠٕ وصُول کرکھ توتام گژَھکھنٕہ تتِہ ہرگِز تٕہ یَلٕہ۔

13¹تؠمِہ ساتٕہ ٲسؠٕ کہنہ لوکھ حٲضِر یمُۆ تَس تِمن گلیلؠن ہنٔز خبر دِژ یِمن ہُند خُون پیلاطُوسَن تہندین ذبیحن سٲتؠٕ رلومُت اُوس۔

²تیمؠٕ ووٚن درجواب تِمن، گلیلیو تُل تِیُتھ دُکھ کیا تِم ٲسیاہ تہُندؠٕ کنؠٕ تٕہ سارؤی گلیلین ہندِ کھوتٕہ زیادہ گنہگار؟

³بُو چُھسو توہِہ ونان! نَہ۔ بلکِہ اگر نٕہ توہؠٕ توبٕہ کریو تٕہ سٲری سپدن یِتَھے کٔنؠٕ ہلاک۔⁴یا کیا تِم ارداہ(۱۸) نفر یِمن پؠٹھ شیلُوخُک بُرج وسؠٕ پیو تٕہ تٔتھؠٕ تَل مُودؠٕ۔ تُہندؠٕ کنؠٕ ٲسیا تِم یرُوشلمکین روزَن والین ہندی کھوتٕہ زیادہ قُصوروار۔

⁵بُو چُھسو توہِہ ونان! نَہ۔ بلکِہ اگر نٕہ توہؠٕ توبٕہ کریو تٕہ سٲری گژَھن یِتَھے پٲٹھیٕ ہلاک۔⁶پتٕہ ونؠٕ تیمؠٕ یِہ مثال زِ کیمتام اُوس لوگمُت پننِس باغَس منز اکھ انجیر کُل۔ سُہ آو تَتھ میوٕہ وُچھنِہ مگر تَتھ اُوسنٕہ۔

⁷اَتھ پؠٹھ ووٚن تؠمؠٕ باغوانَس زِ وُچھ دویُو تریُو وریو پؠٹھٕہ ووٚت یَتھ انجیر کُلِس میوٕہ ژھانڑان مگر لبان چُھسنٕہ کینٛہہ۔ یِہ ژٹَن، یِہ کیازِ تھایِہ زمین تِہ آوُر۔⁸تیمیٕ ونُس درجواب۔ ہے ھداوند یَتھ وٕریَس تِہ تھاوُن بؠیِہ بُوٚ کرٕہ اَتھ گُڑٲئؠٕ تٕہ بؠیِہ تراوَس کھاد۔

⁹اگر برونہ کُن میوٕہ دِتُن تٕہ جان اگرنٕہ تیلِہ ژٹٕہ ووٚن۔¹⁰پتٕہ اُوس سُہ سبتٕکِہ دوہ کَتھ تام عبادت خانَس منز تعلیم دِوان۔

¹¹تٕہ اکح زٔنؠٕ یمِس اردہو(۱۸) وریوٚ پؠٹھٕہ کیمتام بدرُوح سنٔدِ وجہ سٲتؠٕ کمزُوری ٲس۔ تَس اُوس کُوب درامُت تٕہ سُو ٲسنٕہ ہیکان واش کڑِتھ¹²عیسیٰ ہن کور تَس وُچِتھ آَلو تٕہ وننَس ہے خاتُون ژٕہ گٔیَکھ امِہ کمزُوری نِشٕہ رِہا۔

¹³بؠیِہ تھٲیِن تَس پؠٹھ اتھٕہ تٕہ تؠمے دمٕہ گٔیِہ سُو کُوبِہ نِشہ ٹِھیک۔ تٕہ لٔجؠ خدایہ سُند شکُر کرنِہ۔

¹⁴عبادَت خانٕکؠٕ زِٹھؠٕ سپدؠٕ اوٕہ کنؠٕ نارض زِ عیسیٰ ہَن بخُش سبتٕکِہ دوہ شفاء تٕہ لگؠٕ لوکَن وننِہ شیَہٚ دوہ چِھ یِمن منز کٲم پزِ کرٕنؠٕ ادٕہ تِمنٔی دوہَن منز لبیُو یِتھ شفاء نَہ کِہ سبتٕکِہ دوہ۔¹⁵خداوندن وۆن تَسسنٔدِس جوابَس منز " ریاکارو! کیا پرَتھ کاہنٛہ چُھنا توہِہ منزٕہ پنُن دانٛد یا خَر وَبِہ منزٕہ کھولِتھ تریش چیاوٗنِہ کینٛہہ نِوان؟

¹⁶تیلِہ اُوسنا جواب زِ یوٚسٕہ یِہ ابراہیم سنٔز کُور چھے، یُوٚسٕہ اردہو وریُوٚ پؠٹھٕ شیطانَن گنڑِتھ ٲس تھٲومٕژ تٕہ سبتٕکِہ دوہ یِہ امِس نِش آزاد کرنؠٕ؟¹⁷ییلِہ تؠمؠٕ یِمٕہ کتھٕ ونِہ تٕہ تؠمسٔندؠٕ سٲری مُحٲلِف گۓ شرمندٕہ تٕہ سُورُی ہجُوم سپُد تؠمسٔنزَو کامیوٚ سٲتؠٕ خوٚش۔¹⁸یتِی لوٚگ سُہ وننِہ زِ خدایِہ سنٔز پادشٲہی کَتھ ہِش چھے؟ بُو کَتھ سٲتؠٕ دِمٕہ تَتھ تشبِیہ۔

¹⁹سُو چُھ آسٕر دانکؠٕ یُوس اکؠٕ نفرَن پننِس باغَس منز وُوٚ۔ سُہ زاو تٕہ گو بوٚڑ کُل تٕہ وُڈٕہ وُنیوٚ جانورو ییرؠٕ تیمچَؠن لنجَن پؠٹھ ٲلؠٕ۔²⁰پتٕہ ووٚن تیمؠٕ زِ بییِہ بُوٚ کَتھ سٲتؠٕ دِمٕہ خدٲئی پاشٲہِی تَشبِیہ؟

²¹سُوٚ چھے خمیرِ ہنٔدؠٕ پٲٹھؠٕ یُوٚسٕہ اکِہ زنِہ نِتھ ترؠن حِصَّن ٲٹِس منز رلُوو تٕہ گژھان گژھان بنیُوٚ سورٔی خمیر۔²²یروشلم گژھان گژھان رُوٗد سُہ شہرٕہ شہرٕہ تٕہ گامٕہ گامٕہ تعلیم دِوان۔

²³تٕہ کؠمتام نفرن پُروژھ تَس ہے خداوند کیا نجات لبن وٲلؠٕ چھا کموُی؟۔

²⁴تیمؠٕ ووٚن تِمن زِ محنت کریو زِ تنگ دروازٕہ کنؠٕ سپدیو دٲخٕل تکیازِ بوٚ چُھسو توہِہ ونان زی واریاہ کرن دٲخٕل سپٕدنٕچ کُوشِش مگر ہیکَن نٕہ سپدِتھ ۔²⁵ییلِہ گھرِکؠٕ مٲلکن آسِہ وتِتھ دروازٕہ بند کورمُت تٕہ توہؠٕ لٲکیُو نیبر کنِہ اِستادٕہ رُوزِتھ دروازَس ٹُھک ٹُھک کران یِہ وننِہ زِہے خداوند! سانِہ خٲطرٕہ کُھۄل تٕہ"۔ سُہ ونیُو درجواب زِ بُو زانونٕہ توہؠٕ زِ کَتِکؠٕ چُھوٗ۔

²⁶تؠمِہ ساتٕہ لٲگیُو توہؠٕ ونُن زِ اسِہ کھؠو چؠُو ژے برونہہ کنِہ تٕہ ژے دِژٕتھ سانین بازرَن منز تعلیم۔

²⁷مگر سُہ ونیو توہِہ زِ بُو زانونٕہ کینٛہہ توہؠٕ کتِکؠٕ چُھوٗ۔ ہیُو بدکارو! سٲرِی گژھیو مۓ نِش دُور۔²⁸تتِہ آسِہ ودُن تٕہ دندٕہ ٹکُن۔ ییلِہ ژٕہ ابراہیم تٕہ اسحاق تٕہ یعقُوب تٕہ سٲری نبِی خدٲئی پادشٲہی منز شٲمل تٕہ پنُن پان نیبَر کوڑمُت وُچَھکھ ۔

²⁹تٕہ لوکھ سپدن مشرِق،مغرِب،جُنوب،شمال پؠٹھ یِتھ خدٲئی پادشٲئی سنٔزن نعمژن منز شریک۔

³⁰تٕہ وُچھیُو زِ کینٛہہ پتِم گژھن برونٹھ تٕہ یِم بروٹھ چِھ گژھن پَتھ ۔³¹تؠمے ساتٕہ وۄن کینژھو فریسیو یِتھ تَس زِ یتِہ نیر تکیازِ ہیرودیس چِھی ژے قتل کرُن یژھان۔

³²تؠمؠٕ وۄن تِمن زِ تمِس پوژٕھ لَہِس ونیُو زِ وُچھٚ بُو روزٕ اَز تٕہ پگاہ بدرُوح کڑان تٕہ شفاء دِنٕچ کٲم کران تٕہ تریمِہ دوہ واتٕہ بُو کمالَس۔

³³مگر مے چُھ از، پگاہ تٕہ کٲلؠٕ کیتھ پننِہ وتِہ پؠٹھ لُکن ضرور تکیازِ مُمکِن چُھنٕہ زِ نبی سپدِ یرُوشلمٕہ نؠبر ہلاک۔³⁴ہے یرُوشلم! ہے یرُوشلم! ژٕہ یُوس نبیَن قتل چُھ کران تٕہ یِم ژے نِش سوزنٕہ آۓ تِم چُھہَکھ سنگسار کران۔ کٲتیاہ فِرِہ یُوژھ مے زِ یِتھ پٲٹھؠٕ کوکٕر پننین پُوتیٛن پکَھن تَل جمع چھے کران تِتَھے پٲٹھؠٕ کرَکھ بُوتِہ چٲنؠٕ شُرٕؠ جمع مگر ژے یوژُتھنٕہ۔

³⁵وُچھ چُۆن گھرٕہ ییِہ چانے یُۆت خٲطرٕہ تراونٕہ، تٕہ بُو چُھسے ژے ونان توتام وُچھکھنٕہ ژٕہ مۓ ہرگِز یوتامنٕہ ژٕہ ونَکھ مُبارک چپھ سُہ یُوس خدایہ سنٔدِس ناوَس پؠٹھ چُھ ییوان۔

14¹پتٕہ سپُد یِہ زِ سُہ گو سبتکِہ دوہ فریسین ہندیو زِٹھیو منزٕہ کمِستام سُند گھرٕہ کھین کھینِہ تٕہ تِم رُودؠٕ تَس زاگِہ۔

²تٕہ وُچھیو اکھ شخص اُوس تَس برونہہ کنِہ یمِس ورم اُوس کھوتمُت۔

³عیسیٰ ہَن ووٛن شرعی عٲلمن زِ سبتٕکِہ دوہ چھا شفاء دِیُن جٲئز کِنٕہ نَہ۔⁴تمو کٕر ژھوپٕہ۔ تؠمیٕ لُوگ تَس اتھٕ تٕہ شفاء دِتھ کورُن رخصت۔

⁵تٕہ وننَکھ توہِہ منزٕہ کُس چُھ سُہ یؠمسُند خَر یا دانٛد کرِیلِس منز گژِھ تٕہ سبتٕکِہ دوہ ہیکنٕہ فوراً تَس سُہ کھٲلِتھ

⁶تِمو ہؠکنٕہ یِمن کتَھن جوابٔیٔ دِتھ ۔⁷ییلِہ تؠمؠٕ وُچھ زِ پٔژھؠٕ کِتھ کٔنؠٕ چِھ تھزرَس بِہُن پسند کران، تٕہ ونِنَکھ اکھ مثال۔

⁸ییلِہ تؠمؠٕ کانہہ ژے خاندرَس پؠٹھ پرژھی تٕہ یوتھنٕہ تَھزرس بِہَکھ، خبر تؠمؠٕ ما آسِہ بؠیِہ کٲنسِہ چانِہ کھوتٕہ عزّت دارَس تِہ پروژھمُت۔

⁹تٕہ سُہ دُشوُنی پرژَھن وۄل ونِی ژے نِش یِتھ زِ یتین وَتھ تھود، پتٕہ پؠیِی ژے شرمندٕہ گژِتھ سارنٔی بُونٕہ کنِہ بِہُن۔¹⁰بلکِہ ییلِہ ژے کانہہ پرژِھی تٕہ گژَھ بؠیِہ سارنٔی بُونٕہ کنِہ یُوتھ ژے پرژھن ووٚل وَنؠٕ ہے یارا ولٕہ برونہہ کُن پہَن بِیہہ۔ پتٕہ رُوزِی ژے تِمن سارنٔی منز عزّت یِم ژے سٲتؠٕ بِہِتھ کھؠن آسَن کھیوان۔

¹¹تکیازِ یُوس اکھاہ پننِس پانَس تھزَر دِیِہ سُہ ییِہ لوکُٹ بناونٕہ تٕہ یُوس پننِس پانَس لوکُٹ زانِہ تَس ییِہ تھزَر دِنٕہ۔¹²پننٕہ ووٚن تؠمؠٕ تَس، ٲمِس دعوت اُوس کورمُت زِ ییلِہ ژٕہ دُہُک یا رٲژ ہُند کھین تیار کرَکھ تٕہ پننین دوستَن یا بایَن یا رشتہ دارَن یا دولتمند ہمسایَن پُرژٕھزینٕہ یُوتھنٕہ تِم تِہ ژے دعوَت کرِتھ نَکھہ وُوٚت کرنَے۔¹³بلکِہ ییلِہ ژٕہ سال کرَکھ تٕہ پرٕژھ غریبَن، فٲلجِہ لدَن، لنگین تٕہ انِیَن۔

¹⁴تٕہ ژے گژِھی برکَت تکیازِ تیمن نِش چُھنٕہ ژے نکھٕہ والنٕہ خٲطرٕہ کِہین، تٕہ ژے میلِی قیامٔژ دوہ نیکَن ہُند درجِہ۔¹⁵یِم تَس سٲتؠٕ کِھیَن کھینِہ بِہِتھ ٲسؠٕ، تِمو منزٕہ ووٚن اکؠٕ تَس یِمٕہ کھتٕہ بُوزِتھ زِ مبارک چُھ سُہ یُوس خدٲئی پادشٲہی کِھیَن کھییِہ۔

¹⁶تؠمؠٕ ووٚن تَس اکؠٕ شخصَن کۆر واریاہ ہَن لوکَن دعوت۔

¹⁷تٕہ کھؠنٕہ وِزِ سوزَن نوکر تِمن نادَس زِ دعَوتیَن وَنِہ، ولیُو کھؠن چُھ تیار۔¹⁸اَتھ پؠٹھ لوٚگ سٲلِمو بہانٕہ ونُن۔ ٲکؠٕ ووٚن تَس مۓ چُھ تَتھ ضرور نظرِ گژُھن۔ بُو چُھسے عرض کران زِ مۓ دِہ معٲفی۔

¹⁹بؠکؠٕ ونُس مۓ چھے پانژ ہُوٚرِِہ دانٛد ہؠتؠٕ مٔتؠٕ تِمَے چِھم مُرِ کڑِنؠٕ بُو چُھسَے ژے عرض کران زِ مۓ دِہ معٲفی۔

²⁰بیکؠٕ تِہ ووٚن زِ مۓ چُھ خاندَر کورمُت امِہ کنؠٕ ہیکنٕہ بُو یِتھ ۔²¹ادٕہ تٕؠمؠٕ نوکرَن ووٚن یِتھ پننِس مٲلکَس سورُی کینٛہہ۔ اَتھ پؠٹھ ژَکھ کٔھسِتھ ووٚن تؠمؠٕ پننیس نوکرَس گژھ جلدٕی بازرَن تٕہ کُوچَن منز انُکھ غریب، فٲلجِہ لَد، ٲنؠٕ تٕہ لنگؠٕ یُورؠٕ۔

²²نوکرَن ونُس ہۓ خداوند، یِتھٕہ کٔنؠٕ ژے فرمووُتھ تِی سپُد توتِہ چھی ہریمانٕہ۔²³مٲلکَن ووٚن تَس نوکرَس زِ گژھ سڑکَن تٕہ کھہن ہنٔزَن بَجؠن وتَن پؠٹھ تٕہ انُکھ لوکھ مجبُور کرِتھ یُتھ زَن میون گھرٕہ بھرِتھ ییِہ۔

²⁴تکیازِ بُو چُھسَے ژے ونان زِ یِمن دعوت اُوس تھاونٕہ آمُت تِمو منزٕہ وُچِھنٕہ کانٛہہ تِہ مٲنِس سالَس نُون۔²⁵ییلِہ واریاہ لُوکھ تمِس سٲتؠٕ گژھان ٲسؠٕ تٕہ تِمن کُن فِیرِتھ ونُن تِمن۔

²⁶اگر کانٛہہ پننِس مٲلِس تٕہ ماجِہ تٕہ زنانِہ تٕہ شُرؠن تٕہ بایَن تٕہ بننیَن بلکِہ پننِس زُووَس تِہ کرنٕہ دُشمنی تٕہ سُہ ہیکنٕہ میون شاگرد ٲسِتھ ۔

²⁷یُوس اکھاہ پننؠٕ صلیب تُلِتھ مۓ پتٕہ پتٕہ ییٕہ نٕہ سُہ ہیکنٕہ میون شاگرد ٲسِتھ ۔²⁸تکیازِ توہِہ منزٕہ کُس چُھ سُہ زِ ییلِہ سُہ اکھ برُج بناوُن یژِہ تٕہ گوڈٕہ کرنٕہ بِہتھ لاگتُک حساب کینٛہہ زِ مۓ نِش چھا سُہ تیار کرنٕہ مُوکٕھہ سامان کِنٕہ نَہ؟

²⁹یُتھنٕہ یِہ سپدِ زِ کٔن دِتھ ہؠکنٕہ اند وٲتِتھ تٕہ سٲری وُچَھن وٲلؠٕ کرَن یِہ ونِِتھ اَسُن زِ۔

³⁰ٲمؠٕ شخصَن لٲجؠٕ عمارَت بناونؠٕ مگر اَند ہؠژٕن نٕہ واتنٲیِتھ ۔³¹یا کُس چُھ تِیُتھ پادشاہ یُوس بؠکِس پادشاہَس سٲتؠٕ جنگ کرنٕہ برونہہ مشورٕہ کرنٕہ زِ آیا بُو ہیکا دَہو ساسو مقابلٕہ کرِتھ کِنٕہ نَہ۔ تَس سٲتؠٕ یُوس مۓ خلاف وُہ ساس ہیتھ درامُت چُھ؟

³²نتٕہ کرِن تَس سٲتؠٕ وفٕد اَڈوٛت سُوزِتھ صلحٕکین شرطَن ہُند درخواست۔

³³ادٕہ یِتَھے کنؠٕ یُوس نٕہ توہِہ منزٕہ پنُن سورُی کینٛہہ ترک کرِہ نٕہ سُہ ہیکنٕہ میُون شاگرد ٲسِتھ ۔³⁴نُون چُھ اصل مگر اگر نُونَس مزٕ رایِہ تٕہ سُہ کؠمِہ چِیزٕہ سٲتؠٕ ییِہ مزٕہ دار کرنٕہ۔

³⁵نَہ روزِ سُہ زمینِہ باپَتھ کارگَن نَہ کھادِ باپَتھ ۔ لوکھ چھکن تَتھ نؠبر یمِس بُوزنٔکؠٕ کَن آسَن سُہ بُوزِ۔

15¹سٲری گُزر رتَن وٲلؠٕ تٕہ گنہگار ٲسؠٕ تَس نِش یِوان یُوتھ تؠمِہ سنزٕہ کَتھٕ بوزَن۔

²تٕہ فریسی تٕہ فقیہہ لگؠٕ اعتراض کرِتھ وننِہ زِ یہ نفر چُھ گنہگارَن سٲتؠٕ رلِتھ کھؠن کھؠوان۔³تؠمؠٕ ونؠٕ تِمن یِہ مثال زِ۔

⁴توہِہ منزٕہ کُس چُھ سُہ زِ یَس نِش ہَتھ تیر آسَن، تٕہ تِمو منزٕہ رایِہ اکھ تؠمِہ پتٕہ تراینا سُہ نمنَمّتھ اتی جنگلَس منزز تٕہ گوڈٕہ گژِہ رٲیِمٔتِس ژھانڑنِہ یوتام نٕہ لبِیَس؟

⁵پتٕہ ییلیہ لبان چُھس تٕہ خوش گژِتھ چُھس نَکھس پؠٹھ تُلان۔⁶تٕہ گھرٕہ وٲتِتھ چُھ یارَن تٕہ ہمساین آلو کرِتھ ونان زِ مۓ سٲتؠٕ منٲیُو خوشِی تکیازِ مۓ لوب رومُت تِیُور۔

⁷بُو چُسو توہِہ ونان زِ یتَھے پٲٹھؠٕ یِم نمنَمّتھ نیکوکار یِم نٕہ توبُک حاجَت تھاوان چِھ تِہندِ کھوتٕہ زیادٕہ خوشِی سپدِ آسمانَس پؠٹھ اکِس گنہگار سنٔدِ توبٕہ کرنٕہ سٲتؠٕ۔⁸یا کوسٕہ چھے تِژھ زنؠٕ یمِس نِش داہ درہم آسَن تٕہ اکھ رایَس، تٕہ ژُونگ زٲلِتھ دِینٕہ ڈووَن فےش تٕہ یوتام نٕہ لبیَس تٕہ ژھانڑنٕچ کُوشِش کرِنٕہ

⁹تٕہ ییلِہ سُہ تَتھ لبِہ تٕہ پَننیَن دوستَن تٕہ ہمسایَن آلو کرِتھ منایِہ خوشی تکیازِ تؠمؠٕ لوب رومُت دَرہم۔

¹⁰بُو چُھسو توہِہ پوٛز ونان زِ یتَھے پٲٹھؠٕ چحۓ اکِس گنہگار سندِ توبٕہ کرنٕہ سٲتؠٕ خدایہ سٕندِیَن فرِشتَن برونٛہہ کنِہ خوشی سپدان۔¹¹پتٕہ ووٚن تؠمؠٕ زِ کستام شخصس ٲسؠٕ زٕہ نؠچِی۔

¹²تِمو منزٕہ ووٚن اکؠٕ مٲلِس ہیو بَبا، یِہ مےو جایٔداتُک حصّہ واتان چُھ تِہ دیہ مۓ۔ تؠمؠٕ بُوگُر مال تِمن دوشوُنِی منز۔¹³تٕہ زیادٕہ دوہ گٔینٕہ زِ لوکُٹ نیچُو گو پنُن سورُی کینٚہہ جمع کرِتھ دُور دراز مُلکَس کُن روانٕہ۔ تٕہ تتِہ وُڑو ووٚن پنُن مال بدچلنی منز۔

¹⁴تٕہ ییلِہ سورُی خرچ کرِتھ موکلووُن، تٕہ تَتھ مُلکَس منز ووٛتھ سخت قحت تٕہ سُہ لوٚگ گژھنِہ۔¹⁵پتٕہ گو سُہ تؠمِہ مُلککِس اکِس شخصس نِش، تؠمؠٕ سُوز سُہ پننیَن کھہَن منز سُور رچھنِہ۔

¹⁶تٕہ تَس وُوس تمنّا زِ یُوس پھل سُور کھیوان ٲسؠٕ سٲتؠٕ کرِہے سوتِہ پنُن نفس پُورٕہ مگر کاہنٛہ اُوسنٕہ دِوان تَس۔¹⁷پتٕہ ووٛن تؠمؠٕ ہوشَش منز یِتھ زِ میٲنِس مٲلِس نِش چھے واریاہَن مزُورَن یَڑ بھرِتھ ژوٗٹ میلان تٕہ بُو چُھس یتِہ فاقَے مران۔

¹⁸بُو وتھٕہ تٕہ گژٕھ پننِس مٲلِس نِش تٕہ وَنَس ہیُو ببا! بوہا گوس آسمانَس تٕہ چانیَن منز گنہگار۔

¹⁹ونؠٕ چُھسنٕہ بُو اَتھ لایَق زی پننِس پانَس ونٕہ چون نیچُو، مگر پننیَن مُزورَن سٲتؠٕ تھاو مؠتِہ۔²⁰ادٳہ وُوٚتھ تٕہ گو پننِس مٲلِس نِش۔ سُہ اُوس ونِہ دُورے زی تؠمسنٔدِس مٲلِس آو تَس پؠٹھ عار تٕہ دُورے گژِتھ رٹُن نالمتِہ تٕہ کرِنَس میٹھؠٕ۔

²¹نیچِی ونُس ہیُو ببا، بُو ہا گوُس آسمانَس تٕہ چانیَن نظرن منز گناہگار۔ ونؠٕ رُودُس نٕہ بُو اَتھ لایَق زِ بؠیِہ یمٕہ بُو چون اولاد گنزرنٕہ۔²²مٲلؠ ووٚن پننیَن نوکرَن زِ اصلِ کھوتٕہ اصل پلَو انیُو جلدِی کڑِتھ تٕہ لاگوَوس بؠیٕہ لاگِووٚس اتَھس وٲج تٕہ کھورن چَپنؠٕ۔

²³بؠیِہ ٲنِووٚن رُوچھمُت وُوژھ تٕہ کرِوُن ذبح تاکِہ ٲسؠٕ مناوۄ سُہ کھؠتھ خوشی۔

²⁴تکیازِ یِہ نیچُو اُوس موردٕہ ونؠٕ سپُد زندٕہ، رووٚمُت اُوس تٕہ ونؠٕ لوب۔ ادٕہ تِم لگؠٕ خوشی مناونِہ۔²⁵مگر تؠمسُند بُۆڑ نیچُو اُوس کھہَس منز۔ ییلِہ سُہ آوٗ تٕہ گھرٕہ نزدیک وُوت تٕہ بُوزٕن گیونٕچ تٕہ نژنٕچ آواز۔

²⁶تٕہ اکِس نوکرَس ناد دِتھ کورُن معلوم زِ یِہ کیا چُھ سپدان؟

²⁷تؠمؠٕ ونُس چُون بُوۓ چُھ آمُت تٕہ چٲنؠٕ مٲلؠٕ کرٕنوۄ رُوچھمُت وُژھ ذبح تکیازِ تؠمؠٕ وُچھ سُہ اصلؠٕ پٲٹھؠٕ۔²⁸تٕہ ژَکھ کَھسِتھ یُوژھ نٕہ تؠمؠٕ اندر گژُھن مگر تؠمسُند مُول دراوٗ نیبر تٕہ لوٛگُس سمجھاونِہ۔

²⁹تؠمؠٕ وُون پننِس مٲلِس درجواب زِ یِیتِہُو ورِیُو پؠٹھٕ چُھسَے بُو ژے خدمت کران تٕہ زاہنہ کرمنٕہ چٲنؠٕ نا فرمٲنی، مگر ژے دِتُتھ نٕہ زاہنٛہ مۓ اکھ مَنگرِ بچِہ تِہ زِ پننیَن دوستَن سٲتؠٕ مناوہَو خُوشی۔

³⁰مگر ییلِہ ژے یِہ نیچُو ٲئؠٕ یؠمؠٕ چُون مال گانیَن منز وُڑووٚ تٕہ ژے کورتَھن امِہ سنٔدِہ خٲطرٕہ روچھمُت وُژھ ذبح۔³¹تؠمؠ ووٚن تَس گوبریا، ژٕہ ہا چُکھ ہمیشِہ مۓ نِش تٕہ یِہ کینژھا میُون چُھ سُہ چُھ چُونٔی۔

³²مگر خوشی مناوُنؠٕ تٕہ شادمان سپدُن اُوس منٲسِب تکیازِ یِہ بُوۓ چُون اُوس موردٕہ، ونؠٕ سپُد زِندٕہ، رُووٗمُت اُوس ونؠٕ لُوٛب۔

16¹پتٕہ ووٚن تؠمؠٕ شاگردن تِہ زِ اکِس دولتمندَس اُوس اَکھ مُلٲزِم۔ تؠمسنٔز کرٕکھ شِکایَت زِ یِہ چُھ چُون مال وُڑاوان۔

²ادٕہ تؠمؠٕ ووٚن تَس ناد دِتھ زِ بُو کیا چُھس یِہ بوزان چٲنِس حقّس منز؟۔ دِسا پننِہ ذمہ دٲری ہُند حساب تکیازِ برونٹھ کُن ہؠککھنٕہ ژٕہ مختار رُوزِتھ۔³تؠمؠٕ مُلٲزمَن ووٚن پننِس دِلس منز زِ بُو کیا کرٕہ؟ تکیازِ میُون مٲلِک چُھ مۓ مُختٲری نِش کڑِتھ ژھنان، نٕہ لگ بُو میش کھننَس، تٕہ بیچھنَس تِہ چُھس مندٕہچھان۔

⁴مۓ آو سمجھ زِ بُو کیا کرٕہ تاکِہ ییلِہ مُختٲری نِشٕہ موقُوف گژٕھ تٕہ لوکھ دِن مۓ پننِس گھرَس منز جاۓ۔⁵ادٕہ پننِس مٲلکٕہ سُند اَکھ اَکھ قرضدار اونُن ناد دِتھ تٕہ گوڈنکِس پروژُھن ژٕہ کوتاہ دارَکھ میٲنِس مٲلِکَس؟

⁶تؠمؠٕ ونُس ہَتھ مَن تِیل، تؠمؠٕ ووٚن تَس ژٕہ یِہ جلدٔی پنُن حساب ہؠتھ تٕہ بِہتھ لِیَکھ پنژاہ۔

⁷پتٕہ ونُن دُویمِس ژٕہ کُوتاہ دارَکھ؟ تؠمؠٕ ہَتھ مَن کٔنکھ۔ تؠمؠٕ ووٚن تَس پنُن حساب اَن تٕہ لیکھ شِیتھ ۔⁸اتِی کٔرؠٕ مٲلکَن بے ایمان مُختار سٔند تعریف امِہ موجوب زِ تؠمؠٕ ٲس چالٲکِی کٔر مٕژ تکیازِ یمِہ دُنیاہکؠٕ فرزند چِھ پننیَن ہم جِنسٕکیَن سٲتؠٕ معاملاتَن منز نُور کیُو فرزَندو نِشٕہ زیادٕہ چالاک۔

⁹تٕہ بُو چُھسو توہِہ ونان زِ غلط دولتٕہ سٲتؠٕ بنٲیُو پننِہ خٲطرٕہ دوست یُوتھ زَن سُہ موکلِہ تٕہ یِہ دِیو توہِہ ابدِی رِہٲیِش گاہَن منز جاۓ۔¹⁰یُوس کمَس منز دیانتدار چُھ سُہ چُھ زیادَس منز دیانَتدار، تٕہ یُوس منز بد دِیانَت چُھ سُہ چُھ زیادَس منز تِہ بد دِیانَت۔

¹¹ادٕہ ییلِہ توہؠٕ غلط دولتَس منز دِیانَتدار رُودؠو نٕہ تٕہ حقیقی دولت کٔس کرؠو توہِہ حوالٕہ؟

¹²اگر توہؠٕ وَپر دولتَس منز دیانَتدار رُودؠو نٕہ تٕہ یِہ توہِہ پنُن چُھو تَتھ کُس دِیو وَ توہِہ؟¹³کاہنٛہ نوکر ہیکِہ دون مٲلِکَن ہنٔز خدمت کرِتھ تکیازِ یا اکِس سٲتؠٕ دُشمنی تٕہ بؠکِس سٲتؠٕ محبت یا روزِ اکِس سٲتؠٕ رلِتھ تٕہ بیکِس زانِہ حقیر۔ توہؠٕ ہؠکیُو نٕہ خدایَس تٕہ دولتَس دُوشونی ہنٔز خدمَت کینٛہہ کرِتھ ۔¹⁴فریسِی یِم دولتکؠٕ دوست ٲسؠٕ، یِمٕہ سارے کتھٕہ بُوزِتھ لٔگِس مزاق کرنِہ۔

¹⁵تؠمؠٕ ووٚن تِمن توہؠٕ چُھو تِم یِم لوکَن برونٚہہ کنِہ پننِس پانَس نیک چِھ گٕنزران۔ مگر خدا چُھ دِلَن ہند وٲقف تکیازِ یَتھ چِیزَس لوکَن نِش زیادٕہ قدر چھے سُہ چُھ خدایَس نِش مکرو¹⁶شریعت تٕہ انبیاء رُودؠٕ یوحناہَس تام۔ تؠمِہ وقتٕہ پؠٹھٕہ چھے یِوان خدائی پادشٲہی ہنٔز خوش خبر دِنٕہ تٕہ پرؠتھ کاہنٛہ چُح اَتھ منز دٲخل گژھنٕہ باپَتھ زبردست کُوشِش کران۔

¹⁷مگر آسمان تٕہ زمینِہ ہُند ٹلُن چُھ شریعتکِہ اکِہ نُقطکِہ مٹنٕہ نِشٕہ سہل۔¹⁸یُوس اکھاہ پننؠٕ زنان ترٲوِتھ بؠکِس سٲتؠٕٕ خاندر کرِہ، سُہ چُھ زِنا کران تٕہ یُوس شخص خامدٕہ سنزِہ ترٲوِتھ ژھٔنمژِ زنِہ سٲتؠٕ خاندر کرِ سُوتِہ چُھ زِنا کران۔¹⁹اکھ دولتمند اُوس یُوس اِرغوٲنؠٕ تٕہ زٲوِل پلو لاگان اُوس تٕہ پرؠتھ دوہ اُوس خوشِی مناوان تہ شان و شوکَت سان روزان اُوس۔

²⁰لعزَر ناوُک اکھ غریب ناسُور لد اُوسکھ ٲمسندِس دروازِس پؠتھ تُرومُت۔

²¹تَس اُوس تمنّا زِ دولتمندٕہ سٕنزِ میزٕہ پؠٹھٕ وسؠٕ پؠمتیُو پھلیُو بھرٕہُوٚ بُو پننؠٕ یَڑ ہونؠٕ تِہ ٲسؠٕ یِتھ ٲمسٕندِس ناسُورَس لیوان۔²²تٕہ سپُد یِہ زِ سُہ غریب مُود تٕہ فرِشتو واتنُوو سُہ نِتھ اِبراہیم سٕنزِہ کھونِہ منز تٕہ دولتد تِہ مُود تٕہ سپُد دفن۔

²³تؠمؠٕ وُچھ تل پاتال کِس عزابَس منز مُبتلا سپدِتھ پننِہ ٲچھ تُلِتھ دُورِ لعزَر اِبراہیم سٕنزِہ کوچِھ منز۔²⁴تٕہ کریکھ دِتھ ونُن ہے ببٕہ ابراہیم مۓ پؠٹھ کَر رحم تٕہ لعرَز سوزُن زِ پننِہ اُونگجِہ ٹِیُونڑ انِہ بٔڑرٕہوِتھ تٕہ میانِہ زییِہ کرِ سرِؠہہ تکیازِ بُو چُھس یَتھ نارَس منز تڑپان۔²⁵ابرٲہیمَن ونُس گوبریا یاد کر ژے چھی پننِہ زندگی منز پننؠٕ جان چیز رٹمتؠٕ تِتَھے کنؠٕ لعزرن خراب چیز مگر سُہ چُھ ونؠٕ یتِہ سُوکھٕہ سان تٕہ ژٕہ چُکھ تڑپان۔

²⁶ونؠٕ چحے یِمُو ساروی کھتو علاوٕہ اسِہ تٕہ ژے درمیان اکھ بٔڑ کھے، نٕہ ہیکِہ یورٕ کاہنٛہ اپُور ترِتھ نٕہ ہیکِہ اُورٕ کاہنٛہ یپُور یِتھ ۔²⁷تؠمؠٕ ووٚن ادٕہ ہے ببٕہ بُو چُھسَے ژے زارٕہ پارٕۃ کران زِ ژٕہ سوزُن یِہ میٲنِس مٲلؠٕ سُند گھرٕہ۔

²⁸تکیازِ مۓ چُھ پانژ بٲۓ یُتھ زَن سُہ تِمن برونٛہہ کنِہ یِمن کَتھن ہٕنٛز گوٲہِی دِیِہ، یُتھنٕہ تِہ سپدِ زِ تِم تِہ یِن یَتھ عزابَس منز۔²⁹ابراہیمَن ونُس تِمن چِھ موسیٰ تٕہ انبیاء تِہُند بُوزِن۔

³⁰تؠمؠٕ وون،" نا، ہے بب ابراہیم! اگر کاہنٛہ موردَو منزٕہ تِمن نِش گژِھہے تٕہ تِم کرہَن توبٕہ"۔

³¹تؠمؠٕ وون تَس، ییلِہ نٕہ تِم موسیٰ تٕہ نبییَن ہُند بوزان چِھ، تیلِہ کتِہ بوزَن تؠمسُند تِہ یُوس مُوردَو منزٕہ زندٕہ وَتِھہ۔

17¹پتٕہ ووٚن تؠمؠٕ پننیَن شاگردَن زِ یِہ ہیکنٕہ سپدِتھ زِ ٹھوکرٕہ لگَن نٕہ مگر تَس پؠٹھ افسُوس یمسٕندؠٕ دٔسؠٕ لگَن۔

²یِمو لوکٹیُو منزٕہ اکِس ٹھوکر دِنکِہ بَہ نسبَت آسِہ تَس مفرٕہ سنٔدِہ خٲطرٕہ بہتر زِ گریٹٕہ کنؠٕ یِیَس نٲلؠٕ ژھننٕہ تٕہ ییِہ سُہ سمندرَس منز لگاونٕہ۔³خبردار رُوزیُو! اگر چُون بُوۓ گُناہ کرِ تٕہ ژٕہ کر تَس اعتِراض۔ اگر تُوبٕہ کورُن تٕہ کرُس معاف۔

⁴تٕہ اگر سُہ ژے خلاف سَتِہ لٹِہ دوہَس گُناہ کرِ تٕہ سَتِہ لٹِہ ونِہ ژے نِش یِتھ زِ بُوچُھس توبٕہ کران تٕہ تَس کر معاف۔⁵اَتھ پؠٹھ ووٚن رسُولو خداوندَس زِ سون ایمان بڑراوٗ۔

⁶کداوندَن ووٚن زِ اگر تُوہِہ منزٕہ آسٕر دانَس برابر تِہ ایمان آسِہے تٕہ یَتھ تُلٕہ کُلِس وَنِہُو زِ مُوٛل ہیتھ نیَر تٕہ سمندرَس منز یِہ لاگنٕہ تٕہ سُہ مانہے تہُند۔⁷مگر توہِہ منزٕہ کُس چُھ سُہ یمسُند نوکَر داند وایَن وول یا پُہَل آسِہ تٕہ ییلِہ سُہ کھاہ ؠٹٕھہ ییِہ تٕہ ونیَس ولٕہ جلدی تٕہ کھؠن کؠہہ۔

⁸تٕہ یِہ وننیَس نٕہ زِ میانِہ خٲطرٕہ کر کھؠن تیار تٕہ یوتام بُو کھؠمٕہ چؠمٕہ ہُوٚل گنڑِتھ کر میٲنؠٕ خدمَت۔ تؠمِہ پتٕہ کھؠیِہ چؠیِہ پانٕہ؟۔⁹کیا سُہ مانیا امِہ موجُوب تَس سُند احسان زِ تؠمؠٕ کٔر تِمن کتَھن ہٕنز تعمیل یِمن ہُند تَس حُکم آو دِنٕہ؟

¹⁰یِتَھے پٲٹھؠٕ ییلِہ توہؠٕ تِہ تِمن کتَھن ہُند تعمیل آسیو کورمُت یِمن ہُند توہِہ حُکم آسیو دِنٕہ آمُت تٕہ ونِیُو ٲسؠٕ چِھ نالایق نوکر، یِہ اسِہ پؠٹھ فرض اُوس کرُن تِی کوٚر۔¹¹سپُد یِہ زِ یروشلمم گژھنٕہ وزِ اُوس سُہ سامرِیہ تٕہ گلیلِ مٔنزؠٕ پکان۔

¹²تٕہ اکِس گامَس منز وٲتِتھ سمکھے تَس داہ میندؠٕ لَد۔

¹³تِمو ووٚن دُورے اِستادٕہ رُوزِتھ بُلند آوازِ منز ہے عیسیٰ! ہے وستاد اسِہ پؠٹھ کر رحم۔¹⁴تؠمؠٕ ووٚن وُچِتھ تِمن، گژھیُو پنُن پان ہٲیُو کٲہنَن تٕہ سپُد یِہ زِ گژھان گژھان گٔے تِم پاک صاف۔

¹⁵پتٕہ ووٚن تِمو منزٕہ ٲکؠٕ یِہ وُچِتھ زِ مے لوٛب شفاء تٕہ آو بُلند آوازِ منز شُکر کران واپَس۔

¹⁶تٕہ بُتھِہ کٕنؠ عیسیٰ سٕندِیَن کھورَن پؠٹھ بہِتھ لوٚگ تؠمسُند شُکر کرنِہ تٕہ سُہ اُوس سامری۔¹⁷عیسیٰ ہَن ووٚن تَس درجواب ، کیا داہوَے گٔینا پاک صاف؟

¹⁸کیا یمِس پردیسِیَس ورٲۓ نا بؠیِہ کاہنٛہ یمؠٕ واپَس یِتھ خدایہ سُند شُکُر کوٚر؟

¹⁹پتٕہ ونُن تَس وَتھ تھود تٕہ گژھ، چٲنؠٕ ایمانَن کورُکھ ژٕہ ٹھیک۔²⁰ییلِہ فریسیو پُروژھ تَس زِ خدٲئی پادشٲہِی کر ییِہ؟۔ تٕہ تؠمؠٕ ووٚن درجواب تِمن زِ خدٲئی پادشٲہی یینٕہ ظٲہری طور کینٛہہ۔

²¹تٕہ لوکھ ما ونَن یِہ زِ یتِہ چھے یا ہُتِہ چھے!۔ تکیازِ وچھیو خدایہ سنٔز پادشٲہی چھے توہِہ درمیان۔²²تؠمؠٕ ووٚن شاگِردَن تِم دوہ یِن زِ توہِہ آسیُو ابنِ آدم سٔندیو دُہَو منزٕہ اکھ دوہ وپچھنُک تمنّا مگر وُچُھیو نٕہ کینٛہہ۔

²³تٕہ لوکھ وَننُو توہِہ زِ وُچھیُو ہوتِہ چھے یا وُچھیُو یتِہ چھے، مگر گژِھزِیُونٕہ تٕہ نَہ پکزِیُو تِمن پتٕہ پتٕہ۔

²⁴تکیازِ یِتھ پٲٹھؠٕ وُزملٕہ آسمانکِہ اکِہ اندٕہ نیرِتھ بیکِہ اندٕہ چھے چمکان۔ تِتَھے پٲٹھؠٕ سپدِ ابنِ آدم پننِہ دُوہ ظٲہِر۔²⁵مگر گوڈٕہ چُھ ضروری زِ سُہ تُلِہ واریاہ تکلیف تٕہ یمِہ زمانکؠٕ لوکح کرن تَس رَدّ۔

²⁶بؠیِہ یِتھٕ کٔنؠٕ نوح سندؠن دوہَن منز گُومُت اُوس تِتَھے پٲٹھؠٕ سپدِ ابنِ آدم سٕندین دوہَن منز تِہ۔

²⁷زِ لوکھ ٲسؠٕ کھؠوان چؠوان بؠیِہ اُوسُکھ خاندرواندر سپدان، تَتھ دوہَس تام ییلِہ نوح نایِہ منز کُھوت تٕہ طُوفانَن یِتھ کٔرؠٕ سٲری ہَلاک۔²⁸بؠیِہ یِتھ پٲٹھؠٕ لُوط سٕندؠن دوہَن منز اُوس سپُدمُت زِ لوکھ ٲسؠٕ کحؠوان چؠوان بؠیِہ کاروبار کران بؠیِہ کُلؠٕ لاگان تٕہ گھرٕہ تعمیر کران۔

²⁹مگر یمِہ دُوہ لُوط سدُوم نِشٕہ دراوٚ تٕہ نار تٕہ گندُھک وُوتھ آسمانٕہ تٕہ سٲری کرِن ہلاک۔³⁰ابنِ آدم سٔندِ ظٲہِر گژھنکِہ دوہ تِہ سپدِ تِتَھے کٔنؠٕ۔

³¹تؠمِہ دوہ یُوس پشَس پؠٹھ آسِہ تٕہ تؠمسُد جائداد آسِہ گھرِہ سُہ مَہ وَسِن بُوٚن تَتھ نِنِہ، تٕہ یتَھے کنؠٕ یُوس کھاہَس منٛز آسِہ سُہ مَہ فیرِن پَتھ کُن واپَس۔³²لُوط سٕنز زنانٕہ تھٲیوُن یاد۔

³³یُوس اکھاہ پنُن زُو بچاونٕچ کُوشِش کرِ سُہ راوٕراوِ تَتھ، تٕہ یُوس اکحھاہ تَتھ راوٕراوِ سُہ تھایِہ تَتھ زندٕہ۔³⁴بُو چُھسو توہِہ ونان زِ تؠمِہ رٲژ آسَن زٕہ نفر اکِس چارپایہ پؠٹھ شُونگِتھ اکھ ییِہ نِنٕہ تٕہ بیاکھ یِیِہ ییلٕہ تراونٕہ۔

³⁵زٕہ زنِہ آسَن یِکوَٹٕہ گرَٹَس اُوٚٹ پِہان اکھ ییِہ نِنٕہ تٕہ بیاکھ ییِہ یلٕہ تراونٕہ۔

³⁶زٕہ نفر یِم کھاہَس منز آسَن اکھ ییِہ نِنٕہ بیاکھ ییِہ یلٕہ تراونٕہ۔³⁷تِمو ووٚن تَس درجواب، ہے خداوند! یہ کتِہ سپدِ؟ تؠمؠٕ ووٚن تِمن یتِہ موکُر آسِہ تتِہ آسَن گرید تِہ جمع

18¹پتٕہ ونؠٕ تؠمؠٕ امِہ غرضٕہ تِمن زِ ہر وقتٕہ رُوزؠو دُعا کران تٕہ ہِمت گژھنٕہ ہارنؠٕ یِہ مثال۔

²کَتھ تام شہرَس منز اُوس اکھ قٲضؠٕ، نٕہ اُوس سُہ خدایَس کھوژان، نَہ اُوسُس لوکَن ہُند کاہنٚہ پرواۓ۔³تٕہ تٕتھؠٕ شہرَس منز ٲس اکھ مُونڑ زنؠٕ یوسٕہ تِمَن نِش یِتھ ٲس یِہ ونان زِ میُون اِنصاف کرِتھ بچاوٗ مۓ مُخٲلفَس نِشٕہ۔

⁴تؠمؠٕ یُوژھنٕہ واریاہَس کالَس کینٛہہ مگر آخٕر ووٚن تؠمؠٕ پانَس سٲتؠٕ زِ نَہ چُھس بُو خدایَس کُھژان تٕہ نَہ چُھم لوکَن ہُند کاہنٛہ پرواۓ۔

⁵توتِہ کرٕہ بُو یمِس مونڑِ ہُند اِنصاف امِہ مُوجُوب زِ یہ چھے مۓ زور کران یُتھنٕہ یِہ بار بار دِق تُلِہ۔⁶خداوندَن ووٚن بُوزیو! یِہ بے اِنصاف قٲضی کیاہ چُھ ونان۔

⁷کیا خدا کرِنا پننؠن ٹاٹھؠن ہُند اِنصاف یِم راتَس دوہَس تَس فریاد چُھ کران؟۔ تٕہ کیا سُہ کریا ژِیَر؟

⁸بُو چُھسو توہِہ ونان زِ سُہ کرِ جلد تِمن ہُند اِنصاف۔ توتِہ ییلِہ ابنِ آدم ییِہ تٕہ زمینِہ پؠٹھ وُچھا سُہ کانسِہ منز ایمان؟⁹پتٕہ ونؠٕ تؠمؠٕ بعض لوکَن یِم پانَس پؠٹھ بھروسہ ٲسؠٕ تھاوان زِ ٲسؠٕ چِھ نیکوکار تٕہ باقیَن ٲسؠٕ ناچیز سمجھان یِہ مِثال۔

¹⁰زِ زٕہ شخص گٔے ہیکلِ منز دعا کرنِہ اکھ فریسی تٕہ بیاکھ گُزر رٹَن ووٚل۔¹¹فریسی لوٚگ پانَس سٲتؠٕ اِستادٕہ گژِھتھ بہِتھ کنؠٕ دُعا کرنِہ زِ ہے خدایہ! بُو چُھس چُوٚن شُکر کران زِ بُو چُھسنٕہ باقٔی لوکَن ہندؠٕ پٲٹھؠٕ ظٲلِم، بے اِنصاف، زِناکار یا یمِس گُزر رٹَن وٲلِس ہِیُو۔

¹²بُو چُھس ہفتَس منز زٕہ دوہ روزٕہ تھاوان تٕہ پننِہ سارے آمدٲنِی منزٕہ چُھس دہِم حصّہ زکوٰۃ تِہ دِوان۔¹³مگر گُزر رٹَن وٲلؠٕ یُوژھنٕہ دُور اِستادٕ آسِتھ تِہ زِ آسمانَس کُن تُلہے ٲچھ بلکِہ ونُن سینَس دوگؠٕ دِوان ہے خدایہ! " مۓ گُنہگارَس پؠٹھ کر رحم"۔

¹⁴بُو چُھسو توہِہ ونان یِہ شخص گو ہُمِس بؠکِس نسبَت نیکوکار بنِتھ گھرٕہ تکیازِ یُوس اکھاہ پننِس پانَس تھزَر دییِہ سُہ ییِہ پست کرنٕہ تٕہ یُوس پننِس پانَس پست کرِ تَس ییِہ تھزَر دِنٕہ۔¹⁵پتٕہ لگؠٕ لوکھ پننؠن لوٚکٹؠن شُرؠن تِہ تَس نِش اننِہ تاکِہ سُہ لاگِہ تِمن اَتھٕ مگر شاگردو کور تِمن روٗب۔

¹⁶مگر عیسیٰ ہَن کوٚر آلو شُرؠن پانَس نِش تٕہ ونُن زِ شُرؠن دِیُو مۓ نِش یِنٕہ، یِمن مَہ کریُو منع تکیازِ خدائی پادشٲہی چھے یِتھنٔؠٕ ہٕنز۔

¹⁷بُو چُھسو توہِہ پوٚز ونان یُوس اکھاہ نٕہ خدٲئی پادشٲہی شُرؠن ہندِی پٲٹھؠٕ قبول کرِ سُہ گژھنٕہ تَتھ منز ہرگِز تِہ دٲخل۔¹⁸پتٕہ کور کؠمتام زِٹھؠٕ تَس یِہ سوال زِ، ہے نیک وستاد! بُو کیا کرٕہ یُتھ زَن بُو ابدِی زندگی ہُند وٲرِث بنٕہ؟

¹⁹عیسیٰ ہَن ووٚن تَس ژٕہ کیازِ چُکھ نیک ونان؟ کاہنٛہ چُھنٕہ خدایَس ورٲۓ نیک۔

²⁰ژٕہ آسَکھ حُکم زانان، زِنا مٔہ کر، قتل مٔہ کر، ژُور مٔہ کر، اپُز گوٲہی مٔہ دِہ، پننِس مٲلِس ماجِہ ہُند کر عزّت۔

²¹تؠمؠٕ ووٚن مۓ کٕر لوکچارے پؠٹھٕہ یِمن سارنٔی پؠٹھ عمل۔²²عیسیٰ ہَن ووٚن تَس یِہ بُوزِتھ وُنؠُک تام چھے ژے منز اکِہ چیزٕچ کمی۔ پنُن سورٔی کینٚہہ کٕن تٕہ دِہ غریبَن۔ ژے میلی آسمانَس پؠٹھ خرانٕہ پتٕہ ولٕہ مۓ پتٕہ پتٕہ۔

²³سُہ گوٚ یِہ بُوزِتھ سؠٹھا دِلملُول تکیازِ سُہ اُوس واریاہ دولَت مند۔²⁴عیسیٰ ہَن ووٚن تَس وُچِتھ زِ دولَت مند کوتا چُھ خدائی پادشٲہی منز دٲخل سپدُن۔

²⁵تکیازِ سٕژنِہ پَہِہ مٔنزؠٕ اُونٹ نیرُن چُھ سہل دولتمندٕہ سُند خدٲئی پادشٲہی منز سپدنٕہ نِشٕہ۔²⁶بُوٚزَن والیُو ووٚن تیلِہ کُس ہیکِہ نجات لبِتھ؟

²⁷تؠمؠٕ ووٚن یِہ نٕہ اِنسان سٕندؠٕ سٲتؠٕ ہیکِہ سپدِتھ، تِہ ہیکِہ خدایہ سٕندِ سٲتؠٕ سپدِتھ ۔²⁸پطرسن ووٚن وُچھ اسؠٕ آۓ پنُن گھرٕہ بار ترٲوِتھ ژے پتٕہ پتٕہ۔

²⁹تؠمؠٕ ووٚن تَس بُو چُھسَے ژے پُوٚز ونان زِ تِیُتھ چُھنٕہ کاہنٛہ یمؠٕ گھرٕہ یا زَنانٕہ یا بٲۓ یا موٚل موٚج یا شُرؠٕ ترٲۓ خدائی پاشٲہی خٲطرٕہ۔

³⁰تٕہ یَتھ زمانَس منز لبنٕہ سُہ زیادٕہ کینٛہہ تٕہ یِنٕہ وٲلِس عالمَس منز ابدِی زندگی۔³¹پتٕہ ووٚن تؠمؠٕ تِمن بہَن سٲتؠٕ نِتھ زِ وُچھیُو ٲسؠٕ چِھ یروشلم کُن گژھان تٕہ ییژاہ کھتٕہ نبیَن ہٕندِ ذریِعہ لؠکھنٕہ چھے آمژٕہ ابنِ آدمَس مطلق تِم سپدَن پُورٕہ۔

³²تکیازی سُہ ییِہ غیر قومَن حوالٕہ کرنٕہ تٕہ لوکھ وُڑاوُن تَس مزاق بؠیِہ کرنَس بے عزّت بؠیِہ لائیِنَس تھوکٕہ۔

³³بؠیِہ والنَس کوڑٕہ تٕہ کرنَس قتل پتٕہ وَتِھ سُہ تریمِہ دوہ زندٕہ۔³⁴مگر تِمو سَمجھنٕہ یِمو منزٕ اکھ کَتھ تِہ۔ یِہ قول رُوٗد تِمن پؠٹھ ژھایِہ تٕہ یِمن کتَھن ہُند مطلب آونٕہ تِمن سمٕجھ ۔³⁵ییلِہ سُہ پکان پکان ووٚت یریحُو نزدیک، سپُد یِہ اکھ اُون وتِہ پؠٹھ اندَس کُن بؠچھان۔

³⁶لوکَن ہندِ پَکنٕچ آواز بُوزِتھ لوٚگ سُہ پرژھنِہ زِ یِہ کیا سا چُھ سپدان؟

³⁷تِمو ونُس زِ عیسیٰ ناصری چُھ پکان۔³⁸تؠمؠٕ ووٚن کریکھ دِتھ " ہے عیسیٰ ابنِ داوٗد مۓ پؠٹھ کر رحم۔

³⁹یِم برُونٛہہ ٲسؠٕ پکان تِمو کوٚر ٲمِس روب زِ ژھوپٕہ کر، مگر سُہ رُود توتِہ کریکٕہ دِوان زِ ہے ابنِ داوٗد مۓ پؠٹھ کر رحم۔⁴⁰عیسیٰ ہَن دیوٚت اِستادٕ وَتِتھ حُکم زِ سُہ انِوُن مۓ نِش۔ ییلِہ سُہ نزدیک تٕہ پرُژھنَس۔

⁴¹ژٕہ کیا چُکھ یَژھان زِ بُو کرٕہ چانِہ خٲطرٕہ؟۔ تؠمؠٕ ونُس ،"ہے خداوند یِہ زِ مۓ گژِھ ٲچَھن گاش یُوٚن۔⁴²عیسیٰ ہَن ووٚن تَس ٲچَھن یینَے گاش۔ چٲنؠٕ ایمانَن کورُکھ ژٕہ ٹِھیک۔

⁴³تَس آو تؠمے ساتٕہ ٲچَھن گاش تٕہ خرایہ سُند شُکر کران دراوٗ تَس پتٕہ پتٕہ۔ یِۃ وُچِھتھ کوٚر ساروُی لُوکو خدایہ سُند حمُد

19¹سُہ اُوس یرِیحو منزؠٕ دٲخل سپدِتھ پکان۔

²تٕہ زکٲئیٕ ناوُک اُوس اکھ نفر یُوس گُزر رٹَن والؠن ہُند زِیُٹھ تٕہ تٕہ دولتمند اُوس۔³سُہ اُوس عیسیٰ ہَس وُچھنٕچ کُوشِش کران زِ کُس چُھ ۔ مگر ہجُومکہ وجہ سٲتؠٕ اُوسنٕہ ہؠکان وچِتھ ۔ اوٕہ موکھٕہ زِ سُہ اُوس قدٕہ کِنؠٕ ژھوٹ۔

⁴ادٕہ سُہ وُچھنٕہ موکھٕہ گوٚ دورے تٕہ کھوٚت گولر کُلِس پؠٹھ تکیازِ تَس اُوس تؠمے وتِہ گژُھن۔⁵ییلِہ عیسیٰ تَتھ جایِہ ووٚت تٕہ ہؠور کُن نظراہ کرِتھ ونُن ہے زکٲئیٕ جلدی وَس بُوٚن تلکیازِ اَز چُھ مے ضرور چانِہ گھرِ روزُن۔

⁶سُہ وُوتھ جلدی تٕہ نِوُن خوشی سان پنُن گھرٕہ۔

⁷ییلِہ لوکو وُچھ یِہ تٕہ سٲری لگؠٕ اعتِراض کرِتھ وننِہ زِ سُہ گو اکِس گُنہگار شخصّٕہ سُند گھرٕہ۔⁸تٕہ زکٲئیَن ووٚن اِستادٕہ وتِتھ خداوندَس،" ہے خداوند وُچھ بُو چُھس پنُن نصف مال غریبَن دِوان تٕہ اگر کٲنسِہ ہُند کینٛہہ ناحَق نؠومُت چُھم تٕہ بُو چُھس ژوگنٕہ ادا کران۔

⁹عیسیٰ ووٚن تؠمِس زِ از آوٗ گھرَس منز نجات، اوٕہ موکھٕہ زِ یِہ تِہ چُھ ابراہیم سُند فرزند۔

¹⁰تکیازِ ابنِ آدم چُھ آمُت رایہ متؠن ژھانڑنِہ تٕہ نجات دِنِہ۔¹¹ییلِہ تِم یِمٕہ کتھٕہ ٲسؠٕ بوزان تٕہ تؠمؠٕ ونؠٕ اکھ مِثال تِہ تکیازِ سُہ اُوس یروشلمَس نزدیک تٕہ تِم لگؠٕ اندازٕہ لگاونِہ زِ خدٲئی پادشٲہی چھے وُنؠٕ ظٲہر سپدَن واجِنؠٕ۔

¹²ادٕہ ووٚن تؠمؠٕ زِ اکھ امیر گو دُوردراز مُلکَس منز یُوتھ زَن سُہ پادشٲہی حٲصِل کرِتھ واپَس ییِہ۔¹³تؠمؠٕ ٲنؠٕ نوکرو منزٕہ داہ ناد دِتھ تٕہ دژنَکھ داہ اَشرَفی تٕہ وُننکھ میٲنِس واپَس ینَس تام کرزؠو کاروبار۔

¹⁴مگر تؠمِہ شہرکؠٕ لوکھ ٲسؠٕ تَس سٲتؠٕ ضِد تھاوان تٕہ تَس پتٕہ سُوزُکھ چیلَن اَتِھ شیچھ زِ ٲسؠٕ چھنٕہ یژھان زِ یِہ کر اَسِہ پؠٹھ پادشٲہی۔

¹⁵ییلِہ سُہ پادشٲہی حٲصِل کرنٕہ پتٕہ واپَس آوٗ تٕہ سپُد یِہ زِ تِمن نوکرَن سُوزُن ناد یِمن تؠمؠٕ روپیِہ آسٕہ دِژ مژٕہ۔ یوٚتھ زَن معلُوم کر زِ تمو کُوتا چُھ کاربارٕہ کرِتھ کمومُت۔¹⁶گوڈنکؠٕ ووٚن" ہے خداوند چانِہ اشرفی سٲتؠٕ زینِہ داہ اشرفیِہ"۔

¹⁷تؠمؠٕ ووٚن تؠمِس اے جان نوکرٕہ شاباش! اوٕہ موکھٕہ زِ ژٕہ دراکھ واریاہ کمَس منز دیانتدار ونؠٕ گوکھ ژہ دہَن شہرَن ہُند مُختار۔¹⁸دُویِم ووٚن یِتھ" ہے خداوند چانِہ اشرفِی سٲتؠٕ زینِہ مۓ پانٛژھ اشرفیِہ"۔

¹⁹تؠمؠٕ ووٚن تؠمِس تِہ زِ ژٕتِہ گوکھ پانٛژَن شہرَن ہُند حٲکِم۔²⁰ترِیم ووٚن یِتھ " ہے خداوند وُچھ چٲنؠٕ اشرفی چھے یِہ یُوسٕہ مے رُمالِہ منز گنڑِتھ ٲس۔

²¹تکیازِ بُو اُوسَے ژے کھوژان تکیازِ ژہ چُھکھ کنجُوس"۔ یِہ نٕہ ژے کمووُتھ تِہ چُھکھ رٹان تٕہ یِہ نٕہ ژے ووُتھ تِہ چُھکھ لوٚنان۔²²تؠمؠٕ ونُس ہؠو بدذات نوکرا بُو کرَے ژے پننؠوُی الفاظو سٲتؠٕ عدالَت ییلِہ ژٕہ اُوسُکھ مۓ زانان زِ بُو چُھس کنجوُس بؠیِہ یٕہ نٕہ مۓ کمووٛ تِہ چُھس رٹان بؠیِہ یِہ نٕہ ووُم تِہ چُھس لُونان۔

²³پتٕہ کیازِ تھووُتھنٕہ ژے میُون پُونسٕہ سُودرِس نِش زِ بُو رٹہو یِتھ تَس نِش سُود ہؠٹھ؟²⁴تٕہ ونُن تِمن یِم برُونٛہہ کنِہ کھڑَا ٲسؠٕ، سُہ اشرفِی ہؠیُو امِس تٕہ دِیُو داہ اشرفی وٲلِس۔

²⁵تِمو ونُس ہے خداوند امِس نِش ہَے چھے داہ اشرفیِہ۔²⁶بُو چُھسو توہِہ ونان زِ یمِس نِش چُھ تَس ییِہ دِنٕہ تٕہ یمِس نِش نٕہ چُھ تَس ییِہ تِتِہ نِنٕہ یِہ تَس نِش چُھ ۔

²⁷مگر میٲنؠٕ تِم دُشمَن انِوُکھ یِمو نٕہ یوژھمُت اُوس زِ بُو گژٕھ تِہُند پادشاہ بنُن، کرِ وُکھ یتین مۓ برونٚہہ کنِہ قتل۔²⁸یمٕہ کتٕھہ ونِتھ دراو سُہ یروشلم کُن تِمن برونٛہہ برونٛہہ۔²⁹ییِلہ تِم تَتھ پہاڑَس پؠٹھ یَتھ زیتُون چُھ وننٕہ یِوان۔ بیتِ فِگے تٕہ بیتِ عُنیاہَس نزدیک وٲتؠٕ تٕہ سپُد یِہ زِ تؠمؠٕ سُوزؠٕ شاگرد منز زٕہ یِہ ونِتھ۔

³⁰زِ برونٛہہ کنِہ کِس گامَس منز گژھیُو تٕہ تُور وٲتِتھ وُچھوُن توہؠٕ اکھ کھرنِہ بچِہ گنڑِتھ یمِس نٕہ زاہنٛہ کاہنٚہ نفر سوارِ آسِہ کھوتمُت۔ سُہ انِوُن مُژرِتھ ۔

³¹بؠیِہ اگر کاہنٛہ ونیُو زِ کیازِ چُھووُن مُژران؟ تٕہ یِتھٕ کنؠٕ وَنزیوُس زِن خداوندَس چھے امِہ سٕنٛز ضرورَت۔³²ادٕہ یِمٕہ سوزنٕہ آۓ تِمو وُچھ گژِھتھ تِتَھے پٲٹھؠٕ یِتٕھہ پٲٹھؠٕ تؠمؠٕ ونمُت اُوس تِمن۔

³³ییلِہ تِم کھرنِہ بچَس ٲسؠٕ کھولان تٕہ تؠمسُند مٲلکَن ووٚن تِمن زِ یِہ بچِّہ کیازِ چُھووُن کھولان؟

³⁴تِمو ونُس خداوندَس چھے اؠمسٕنٛز ضرورت۔

³⁵تِمو اُوٚن سُہ عیسیٰ ہَس نِش، تٕہ پننؠٕ پلَو تَس پؠٹھ ترٲوِتھ کورُکھ عیسیٰ سوار۔

³⁶ییلِہ سُہ گژھان اُوس تٕہ تِم ٲسؠٕ پننؠٕ پلَو وتِہ پؠٹھ ؤہرِتھ تراوان۔³⁷ییلِہ سُہ شہرَس نزدیک زَیتُون پہاڑچِہ چڑایٕہ پؠٹھ ووٚت تٕہ سٲرٔی شاگردَن ہٕنٛز جماعت لٔجؠٕ تِمو معجزو ہندِ سببٕہ یِم تِمو وُچھمتؠٕ ٲسؠٕ خوش گژِھتھ بُلند آوازِ منز خدایِہ سُند حمد کرنِہ۔

³⁸زِ مُبارَک چُھ سُہ پادشاہ یُوس خداوند سٕندِہ ناوٕ سٲتؠٕ چُھ یِوان آسمانَس پؠٹھ صُلح تٕہ عالمِ بالہَس پؠٹھ جلال!³⁹ہجُومٕہ منزٕہ ووٚن کینژُھو فریسیو تَس اَے وستاد! پننؠن شاگردَن کر رُوب۔

⁴⁰تؠمؠٕ ووٚن درجواب زِ بُو چُھسو توہِہ ونان زِ اگر یِم ژھوپٕہ کرِتھ روزَن تٕہ کَنِہ تُلَن تیلِہ کریکٕہ۔⁴¹ییلِہ نزدیک وٲتِتھ شہر وُچُھن تَتھ پؠتھ ودُن تٕہ ونُن۔

⁴²کاش کِہ ژتِہ زانہَکھ یَمۓ دوہ زِ چٲنؠ سلامتی کَس منز چھے! مگر ونِہ چھے تِمٕہ کَتٕھہ چانؠُو ٲچُھو نِشٕہ چُھپِتھ⁴³تکیازِ تِم دوہ یِن ژے پؠٹھ زِ چٲنؠٕ دُشمَن گنڑَن ژے اندؠٕ اندؠٕ مُوٚرچِہ تٕہ کرنَے ژے گھیرٕہ تٕہ پرؠتھ طرفٕہ کرنَے ژے تنگ۔

⁴⁴ژے تٕہ بؠیِہ چانؠن شُرین یِم ژے منز چھ زمینِہ پؠٹٕھ لِتھوٕہنَکھ تٕہ ژے منز تھووَن نٕہ کنِہ پؠٹھ اوٕہ موکھٕ زِ ژے پہچوٚنُتھنٕہ سُہ وقت ییلِہ ژے نظر آیِہ کرنٕہ۔⁴⁵پتٕہ لوٚگ سُہ ہیکلِ منز گژِھتھ تَتِہ کاروبار والؠن نیبر کَڑنِہ۔

⁴⁶تٕہ ونُن لیکِتھ چُھ زِ میُوٚن گھرٕہ آسِہ دعائے خیرُک مگر توہِہ چُھو یِہ ڈاکوَن ہُند اڈٕہ بنومُت۔⁴⁷بؠیِہ اُوس سُہ پرؠتھ دوہ ہیکلِ منز تعلیم دِوان مگر زِٹھؠٕ کٲہِن تٕہ فقِیہہ تٕہ قومکؠٕسربراہ ٲسؠٕ تَس ہلاک کرنٔچِہ کُوشِشِہ منز۔

⁴⁸مگر ہؠوکنٕہ تدبیر کڑِتھ زِ یِہ کِتھٕ کنؠٕ کرَو تکیازِ تمام لوکھ ٲسؠٕ شوقٕہ سان تؠمسُند بوزان۔

20¹تِمن دوہَن منز سپُد دوہ یِہ یِہ زِ ییلِہ سُہ ہیکلِ منز لوکَن تعلیم تٕہ خوشخبری اُوس دِوان، تٕہ زِٹھؠٕ کٲہِن تٕہ فقیہہ سپدِ بزرگَن سٲتؠٕ تَس نِش یِتھ اِستادٕہ۔

²تٕہ وننِہ لگِس زِ اَسِہ وَن۔ ژٕہ کؠمِہ اِختیار چُھکھ یمٕہ کامِہ کران یا کُس چُھ سُہ یمؠٕ ژے یِہ اِختیار چھی دؠُوتمُت؟³تؠمؠٕ ووٚن درجواب تِمن زِ بُوتِہ پرژھو توہِہ اکھ کتھ ۔ مۓ ونیُو۔

⁴یُوحنا سُند بپتِسمٕہ اُوسا آسمانکِہ طرفٕہ کنِہ اِنسان سٕندِ طرفہٕ۔⁵تِمو ووٚن پانٕہ ونؠٕ زِ اگر اسؠٕ ونو آسمانکِہ طرفٕہ تٕہ یِہ ونِہ تیلِہ کیازِ کورُونٕہ توہِہ تؠمسُند یقین؟

⁶وَ اگر ونو انسان سٕندِ طرفٕہ تٕہ سٲری لوکھ کرن اسِہ سنگسار تکیازِ تِمن چُھ یقین زِ یوحنا اُوس نبی۔⁷ادٕہ ووٚن تِمو جواب زِ چھؠنٕہ پَیِی زِ کٔہندِ طرفٕہ اُوس۔

⁸عیسیٰ ہَن ووٚن تِمن بٕتِہ ونونٕہ توہِہ زِ یمِہ کامِہ کٔہندِ اِختیار چُھس بُوٚ کران۔⁹پتٕہ لٲجؠٕ تؠمؠٕ لوکَن یِہ مِثال ونِنؠٕ زِ اکؠٕ شخصَن بنو باغ تٕہ دیوتُن باغوانَن ٹِھیکَس پؠٹھ ۔ تٕہ گو واریاہَس کالَس پؠٹھ پردیس۔

¹⁰تٕہ میوٕہ کالَس سُوز تؠمؠٕ اکھ نوکر باغوانَن نِش یُوتھ زَن تِمن نِش میوٕہ منزٕہ حصّٕہ اَنِہ۔ مگر باغوانو کُوٚڑ سُہ چوٚب دِتھ خٲلی اتھوٚواپَس۔¹¹پتٕہ سُوز تؠمؠٕ بیاکھ نوکر، تِمو کوٚڑ سُوتِہ چُوٚب دِتھ تٕہ بے عزّت کرِتھ خٲلی اتھو واپَس۔

¹²پتٕہ سُوزُن تریِم، تِمو کوٚڑ سُوتِہ زخمِی کرِتھ نیبر۔¹³اَتھ پؠٹھ ووٚن باغٕہ مٲلکَن زِ بُو کیا کرٕہ؟۔ بُو سوزَن پنُن ٹوٹھ اولاد شاید ما کرَن امسُند لحاظ۔

¹⁴ییلِہ باغوانو سُہ وُچھ تٕہ پانٕہ ونؠٕ ونُکھ مشورٕہ کرِتھ یُہَے چُھ وٲرِث۔ یِہ کروَن قتل زِ میراث بنِہ سُون۔¹⁵ادٕہ کوٚرُکھ سُہ باغٕہ منزٕ نیبر کڑِتھ قتل۔ ونِہ کیا کرِ باغٕہ مٲلِک تِمن سٲتؠٕ؟

¹⁶سُہ کرِ یِتھ تِمن باغوانَن ہلاک تٕہ باغ دِیِہ باقیَن۔ تِمو ووٚن یہ بُوزِتھ زِ خدا مٔہ کرِن۔¹⁷تؠمؠٕ ووٚن تِمن کُن وچِتھ، تیلِہ کیا چُھ یِہ لیکِتھ زِ یوسٕہ کٔنؠٕ دٕسلوٚ رَدّ کٔر سوۓ بنؠیِہ کُونٕہ کٔنؠٕ؟

¹⁸یُوس اکھاہ تَتھ کَنِہ پؠٹھ پؠیِہ تَس گژَھن ٹُکرٕہ ٹُکرٕہ مگر یَس پؠٹھ سُہ ؤسؠٕ پؠیِہ تَس کرِ سٔت۔¹⁹تمۓ ساتٕہ کٔر فقیہو تٕہ زِٹھؠٕ کٲہِنو سُہ رٹنٕچ کوشِش مگر لوکَن کحوژؠٕ تکیازِ تِمو سمُجھ زِ یِہ مِثال وَنؠٕ تیمؠٕ اسِہ پؠٹھ ۔

²⁰تٕہ تِم رُودؠٕ تَس زاگِہ تٕہ سُوزِکھ جاسُوس زِ نیکوکار بنِتھ رٹَن تسہٕنٛز کاہنٛہ کَتھ یُوٚتھ زَن تَس حٲکمٕہ سٔندِس قبضَس تٕہ اِختیارَس منز دِن۔²¹تِمو کوٚر تَس سوال زِ ہے وستاد اسِہ چھے پَے زِ چُوٚن کلام تٕہ تعلیم چھے صحیح بؠیِہ چُھکھنٕہ ژٕہ کٲنسِہ ہنٕز طرفدٲری کران بلکِہ چُھکھ ژٕہ سچٲئی سٲتؠٕ خدایِہ سٔنز تعلیم دِوان۔

²²اسِہ چھا قیصرس باج دؠُون جٲئیز کِنٕہ نَہ؟²³تؠمؠٕ ووٚن تِہنٔز مکّٲری معلُوم کرِتھ تِمن۔

²⁴اکھ دینار ہٲیُو مۓ۔ اَتھ پؠٹھ کٔہنٔز شکل تٕہ ناوٗ چُھ ۔ تِمو ونُس قیصر سُند۔²⁵تؠمؠٕ ووٚن ادٕہ یہ قیصر سُند چُھ تِہ دِیُو قیصرس تٕہ یِہ خدایِہ سُند چُھ تِہ دِیُو خدایَس۔

²⁶تِم ہیکؠٕ نٕہ لوکَن برُوہنٛہ کنِہ تَسہٕنز سُو کَتھ رٹِتھ کینٛہہ، بلکِہ کوٚرُکھ تمسٔندِ جواب سٲتؠٕ تعجُب تٕہ گٔیَکھ ژھوپٕہ۔²⁷پتٕہ یہ صدوقِی ٲسؠٕ ونان زِ قیامت گژِھنٕہ تِمو منز کوٚر کینژھو تَس نِش یِتھ یہ سوال زِ۔

²⁸ہے وستاد موسیٰ ہَن چُھ سانِہ خٲطرٕہ لؠوکھمُت زِ اگر کٲنسِہ ہُند بوۓ کرِ پننِس بٲۓ سٔندِ باپَتھ نسل پٲدٕہ۔²⁹حالانکِہ سَتھ بٲۓ ٲسؠٕ گوڈنکؠٕ کٔر زَنانٕہ تٕہ مُود بے اولاد۔

³⁰پتٕہ کٔر دویِم سُہ پتٕہ تریِم تِہ۔

³¹یتَھے کٔنؠٕ کٔر ستو تٕہ مودؠٕ بے اولاد۔

³²آخر کار مُوٚیِہ سُوٚ زنؠٕ تِہ۔

³³ادٕہ قیامژ منز کٔہٕنز زَنانٕہ آسِہ سوٚ زنؠٕ یمو ستو منزٕہ تکیازِ سوٚ ٲس ستوُنی ہنٔز زَنانٕہ بنے مٔژ۔³⁴عیسیٰ ہَن ووٚن تِمن زِ یمِہ دنیاہکؠن فرزندَن منز منز چُھ خاندر واندر سپدان توتِہ۔

³⁵مگر یِم لوکھ سُہ دنیا حٲصِل کرن تٕہ تَتھ لائق آسَن، تٕہ موٚردو منزٕہ وتَھن زندٕہ تِمن منز آسنٕہ خاندر واندر کینٛہہ۔

³⁶تِکیازِ تِم آسَن نٕہ پتٕہ مرن وٲلؠٕ بلکِہ آسَن فرشتَن برابر تٕہ قیامتکؠٕ فرزند آسِتھ آسَن خدایہ سنٔدؠٕ تِہ فرزند۔³⁷مگر یِہ کَتھ زِ موردٕہ چِھ زندٕہ وتھان یِہ چُھ موسیٰ ہَن تِہ دزوُنِہ کلچِہ ذکرِہ منز ظٲہر کوٚرمُت تکیازِ سُہ اُوس خداوندَس ابراہیم سُند خدا تٕہ اسحاق سُند خدا تٕہ یعقُوب سُند خدا ونان۔

³⁸مگر خدا چُھنٕہ موردَن ہُند خدا کینٛہہ بلکِہ چُھ زِندَن ہُند، تکیازِ تَس نِش چِھ سٲری زندٕہ۔³⁹پتٕہ ووٚن کینژھو فقیہو درجواب تَس زِ ہے وستاد ژے ونُتھ صحیح۔

⁴⁰تکیازِ تِمن سپُد نٕہ پتٕہ تَس کاہنٛہ سوال کرنُک جرأت۔⁴¹پتٕہ ووٚن تؠمؠٕ تِمن مسیحَس کِتھ پٲٹھؠٕ چِھ داوٗد سُند فرزند ونان؟

⁴²داوٗد چُھ زبور کتابِ منز پانٕہ دپان زِ خداوندَن ووٚن میٲنِس خداوندَس مے دٔچھنِہ طرفٕہ بؠہہ۔

⁴³یوتام نٕہ بُو چٲنؠٕ دُشمن ژے کھوٚرن تل واتناوَکھ ۔

⁴⁴ادٕہ داوٗد چُھ تَس خداوند ونان تیلِہ کِتھ پٲٹھؠٕ بنیُو سُہ تؠسُند فرزند؟⁴⁵ییلِہ سٲری لوکھ ٲسؠٕ بوزان تٕہ تؠمؠٕ ووٚن پننؠن شاگردَن۔

⁴⁶زِ فقیہَن نِش روٚز خبردار یِم زٹھؠٕ زٹھؠٕ جامٕہ لٲگِتھ چِھ فیرُن پسند کران بؠیِہ بازرن منز پانَس سلام کرناونؠٕ تٕہ عبادَت خانَس منز تھزِ کُرسی پؠٹھ تٕہ دعوتَن منز تھزرس بِہُن پسند کران۔

⁴⁷یِم چِھ مونڑَن ہِندؠٕ گھرٕہ نینگلاوان تٕہ ہاوٕہ باوٕہ خٲطرٕہ چِھ زینچھہ نمازٕ پران تٕہ یِمن میلِہ زیادٕہ سزا۔

21¹پتٕہ وُچھ تؠمؠٕ ٲچھ تُلِتھ تِمن دولتمندَن کُن یِم پنُن نیاز ٲسؠٕ ہیکلِ ہٕندِس خزانَس منز تراوان۔

²بؠیِہ وُچھن اکھ غریب موٚنڑ تِہ تَتھ منز زٕہ دُمبرِ تراوان۔

³اَتھ پؠٹھ ووٚن تؠمؠٕ بُو چُھسو توہِہ پوٚز ونان زِ امِہ غریب مونٛڑِ تُروۄ سٲلمو کھوتٕہ زیادٕہ

⁴تکیازِ ہُموَ سٲلمو تُروو پننِہ مالکِہ حثیتٕہ سٲتؠٕ نیازُک ہدیِہ مگر امِہ تُروو پننِہ نادٲری ہٕنٛزِ حالتِہ منز سورٔی یُوتاہ امِس نِش اُوس۔⁵تٕہ ییلِہ کینٛہہ لوکھ ہیکلِ مطٲبق ٲسؠٕ ونان زِ سُو چھے نفیس کَنیوٚ تٕہ نیاز کؠو چیزو سٲتؠٕ سجٲیِتھ تٕہ تؠمؠٕ ووٚن۔

⁶تِم دوہ یِن زِ یِہ توہؠٕ وُچھان چُھو یِمو چیزو منزٕہ روزنٕہ یتِہ کُنِہ کَنِہ پؠٹھ کنؠٕ تِہ باقٕی یوٚسنٕہ دؠرِتھ ییِہ دِنٕہ۔⁷تِمو پرُوژھ تَس ہے وستاد! ییہ کر سپدِ؟ تٕہ سپدَن وُول ییلِہ آسِہ تؠمِہ ساتٕہ کیا نِشان آسِہ؟

⁸تؠمؠٕ ووٚن خبردار! گُمراہ گژِھزیُونٕہ تِکیازِ واریاہ یِن میانِہ ناوٕہ سٲتؠٕ تٕہ ونَن زِ سُہ چُھس بُویٔ بؠیِہ یِہ تِہ زِ وقت ووٚت نزدیک۔ توہؠٕ پکزؠُو نٕہ تِمن پتٕہ پتٕہ۔

⁹بؠیِہ ییلِہ لڑائیَن تٕہ فسادن ہُند افواہ بُوزؠُو کھوژِھ زیونٕہ کینٛہہ تکیازِ واریاہ تِمن ہُند واقع چُھ واقع چُھ سپدُن گوڈٕہ ضرور۔ مگر تؠمِہ ساتٕہ گژِھنٕہ جلدی قیامت کینٛہہ۔¹⁰پتٕہ ووٚن تؠمؠٕ تِمن زِ قوم کرِ قومَن پؠٹھ حملٕہ تٕہ پادشاہَن کرن پادشاہ حملٕہ۔

¹¹بؠیِہ یِن بڑؠٕ بِنِل تٕہ جایِہ جایِہ وتِھ دراگ تٕہ وباہ بؠیِہ سپدَن آسمان پؠٹھٕ بڑؠٕ بڑؠٕ ہٲبتھ چیز تٕہ نِشانٕہ ظٲہ۔¹²مگر یِمو سٲلمو کتھوٚ بروہنٛہ رٹنَو توہِہ تِم میانِہ ناوٕکِہ وجہ سٲتؠٕ تٕہ ستاونَو تٕہ کرنَو عبادَت خانکؠن عدالتَن حوالٕہ بؠیِہ تھاونو قٲد خانَن منز تٕہ پادشاہَن حٲکمَن برونٛہہ کرنو حٲضِر۔

¹³تٕہ یِہ آسِہ تہُنٛد گوٲہی دِنُک موقع۔¹⁴ادٕہ پننؠٕ دِل تھٲیُو درؠٕ تٕہ گوڈے مَہ کرؠُو فکر زِ کیا جواب دِمو۔

¹⁵تکیازِ بُو کرَو توہِہ تِژھ زبان تٕہ حکمت عطا زِ توہِہ سٲتؠٕ گژھنٕہ کاہنٛہ مُخٲلف بُتِھہ لگَن نَہ گژھ توہِہ خلاف وننُک حوصلٕہ کرُن۔¹⁶بؠیِہ رٹٕہ ناونو توہِہ مول موج تٕہ بٲۓ تٕہ رشتٕہ دار تٕہ دوست تِہ بلکِہ کینژھن مارناوَن تِہ توہِہ منزٕہ۔

¹⁷بؠیِہ تھاوَن میانِہ ناوٕہ سٲتؠٕ سٲری لوکھ توہِہ سٲتؠٕ عداوت۔

¹⁸مگر تُہندِ کلٕہ کِس اکِس مَسوالَس تِہ گژِھنٕہ کینٛہہ۔

¹⁹پننِہ صبرٕ سٲتؠٕ تھٲیُو توہؠٕ پننؠٕ زُو بچٲیِتھ ۔²⁰ییلِہ توہؠٕ یروشلم وُچھوُون فوجِہ سٲتؠٕ گھیرٕہ کرِتھ تٕہ زٲنزؠو زِامِچ تبٲہی وٲژ نزدیک۔

²¹یہُودیہ ہکؠٕ روزَن وٲلؠٕ ژلَن تؠمِہ وقتٕہ تٕہ نِن پہٲڑی علاقن منز پناہ۔ شہرکؠٕ روزن وٲلؠٕ نیرن تتِہ تٕہ گامَن منز آباد لوکھ مٕہ سپدِن شہرَن منز دٲخل۔

²²تکیازِ یِم آسن اِلاہیٰ غضبکؠٕ دوہ یِمن منز تِہ سورٔی کینٛہہ یِہ کلامِ مقدّسَس منز لیکِھتھ چُھ ۔²⁴تِمن زنؠن پؠٹھ افسُوس یِمٕہ تؠمِہ حٲملٕہ آسن یا پنؠن شُرؠن دودھ آسن چیاوان۔ تکیازِ مُلکس منز ییِہ واریاہ مُصیبت تٕہ یَتھ قومَس پؠٹھ سپدِ غضب نٲزل۔

²³لوکھ کرن تِمن تلوارِ سٲتؠٕ قتل تٕہ اسیر کرِتھ نِنَکھ تمام غیر یہودی مُلکَن منز۔ غیر یہودی کرن یروشلمس لتٕہ مونٛڑ۔ یِہ سلسلٕہ روزِ تَتھ وقتَس تام جٲری یوتام غیر یہودیَن ہُند دور پُورٕہ سپدِ۔²⁵آفتابس، زُونِہ تٕہ تارکَن منز سپدن عجیب و غریب نشان ظٲہر۔ قوم گژھن سمندرکِہ شورٕہ تٕہ ٹھٹٕھہ کرنٕہ سٲتؠٕ حیران تٕہ پریشان۔

²⁶لوکھ ونَن اَتھ اندیشَس منز زِ کیا کیا مُصیبت یِن دنیاہس پؠٹھ تٕہ گژِھؠکھ ہٲبتھ زَن ژلؠکھ جسمٕہ منز زُو نیرِتھ تکیازِ آسمانکؠٕ طاقت یِن الٕہ داونٕہ۔²⁷تٕہ پتٕہ وُچَھن تِم ابنِہ آدمس بڑٕہ قُدرتٕہ تٕہ جلالٕہ سان اوبرس منز یِوان۔

²⁸تٕہ ییلِہ یِہ کینٛہہ پیش ہؠیِہ یوٚن تٕہ سیوٚد کھڑا سپدِتھ تُلؠو پننؠٕ نظر تھوٚد، تکیازِ تُہند نجات آسِہ نزدیک۔²⁹اَتھ سلسلس منز بوٚزنٲؠٕ عیسیٰ ہن تِم اکھ مِثال۔ انجیر کُلِس تٕہ کُلؠن پؠٹھ کرؠو غور۔

³⁰یُوٚتُھی بامُن چُھ نیرُن ہؠوان تٕہ توہِہ چُھو فکرِ تران زِ ریتٕہ قوٚل چُھ نزدیک۔

³¹تِتَھے کنؠٕ ییلِہ توہِہ یِم واقعات وچُھؠو تٕہ زٲنؠٕ زؠو زِ خدایہ سٕنٛز پادشٲہی چھے نزدیک۔³²بُو چُھسو توہِہ پوٚز ونان زِ یِہ نسل ختم گژھنٕہ برونٚہہ برونٛہہ سپدِ یہ سورٔی کینٛہہ واقع۔

³³آسمان تٕہ زمین روزَن گژھان مگر میانِہ کتٕھہ روزَن ہمیشٕہ تام قٲیم۔³⁴خبردار روزؠو یُوٚتھ نٕہ تُہندؠٕ دِل عیٲشی، نشٕہ بٲزی تٕہ دوہ دِشٕہ ہٕنزو فکرو سٲتؠٕ تَل ڈُبَن۔ تٕہ اچانَک پؠیِہ توہِہ پؠٹھ یہ دُوہ وٲتِتھ ۔

³⁵تٕہ رزِ ہندؠٕ پٲٹھؠٕ گنڑؠو توہِہ۔ تکیازِ سُہ ییِہ دُنیاہکؠن تمام روزَن والؠن پؠٹھ ۔³⁶پرؠٹھ ساتٕہ رُوزؠو ہوشیار تٕہ دعا کران زِ توہِہ میلؠو ینٕہ واجنؠُو یِموٚ کَتھو نِشٕہ بچنُک توفیق تٕہ ابنِ آدمَس برونٛہہ کنِہ ہیکِؠو اِستادٕہ گژِھتھ ۔³⁷پرؠتھ دوہ رُود عیسیٰ بیتُ المقدسَس منز تعلیم دِوان تٕہ پرؠتھ دوہ شامَس اُوس سُہ نیرِتھ تَتھ پہاڑَس پؠٹھ رات گزاران یمؠک ناوٗ زیتُون پہاڑ چُھ ۔

³⁸تٕہ صُبحٲؠٕ سُلِہ ٲسؠٕ سٲرِی لوکھ تؠمسٕنٛز کتھٕہ بوزنِہ ہیکلِ منز تَس نِش یوان روزان۔

22¹خمیرِ ورأۓ ژوچِہ ہٕندِ عید یعنی عیدِ فسح ٲس نزدیک وٲژمٕژ۔

²رہنما امام تٕہ شرعی علماء ٲسؠٕ عیسیٰ ہَس قتل کرنُک کاہنٛہ موزُوں موقع ژھانڑان۔³تؠمِہ ساتٕہ اُوس شیطان یہوداہ یسکریوتیَس تستِہ ژامُتؠٕ یُوس بہَو رسُولو منزٕہ اُوس۔

⁴سُہ سمُکھ رہنُما امامن تٕہ بیتُ القُدسکؠن رٲچھدرَن ہندؠن زِٹھؠن تٕہ لوٚگ تِمن سٲتؠٕ کَتھ کرنِہ زِ سُہ کِتھہ پٲٹھؠٕ ہیکِہ عیسیٰ حوالٕہ کرِتھ ۔⁵تِم سپدؠٕ خوش تٕہ گٔے امِس پونسٕہ دِنَس پؠٹھ مُطمئین۔

⁶یہوداہ گوٚ رٲضی، اتِہ پؠٹھ رُود سُہ اَتھ تلاشَس منز زِ عیسیٰ کرن بُو تِژِھ جایِہ تِمن حوالٕہ یتؠن نٕہ تَس نِش ہجُوم آسِہ۔⁷خمیرِ ورأۓ ژوچِہ ہٕندِ عید آیہ ییلِہ فسحُک کَٹھ اُوس قربان کرُن۔

⁸یسیٰ ہَن دیوٚت پطرسَس تٕہ یوحناہَس برونٹھ سُوزِتھ ہدایَت گژھؠو، سانِہ خٲطرٕہ کرؠو فسحُک کھؠن تیار یُتھ زَن گژِتھ سُہ ہیکو کھؠتھ ۔

⁹تِمو پروژھ زِ اسؠٕ کتِہ کرو سُہ تیار؟¹⁰تؠمؠٕ ونکھ جواب زِ ییلِہ اکِس ونُکھ جواب زِ ییلِہ شہرس منز دٲخل سپرؠو تٕہ تہُند ملاقات سپدِ اکِس نفرَس سٲتؠٕ یُوس آبٕہ نُوٚٹ ہؠتھ آسِہ پکان۔ تَس گژھؠو تَتھ گھرس منز دٲخل یَتھ منز سُہ گژِھ ۔

¹¹تتِہ کِس مٲلکَس ونزؠو زِ وستاد چھی ژے پرژھان زِ سُہ کمرٕہ کتِہ چُھ یتِہ بُو پننؠن شاگردن سٲتؠٕ فسحُک کھؠن کھؠمٕہ۔¹²سُہ ہائیو توہِہ ہرمِس پُہرس پیٹھ اکھ بوٚڑ تٕہ سجٲیِتھ کمرٕہ فسحُک کھؠن کرزؠو تتی تیار۔

¹³دوشوَے دراۓ تٕہ سورٔی کینٛہہ لوٚبُکھ تِتَھے پٲٹھؠٕ یِتھٕہ کنؠٕ عیسیٰ ہَن تِمن ونمُت اُوس۔ پتٕہ کوٚر تِمو فسحُک کھؠن تیار۔¹⁴مُقرّر وقتَس پؠٹھ بیُوٹھ عیسیٰ پننؠن شاگردن سٲتؠٕ کھؠنٕہ خٲطرٕہ۔

¹⁵تؠمؠٕ ووٚن تِمن مے اُوس واریاہ آرزُو زِ دُکھ تُلنٕہ برونٛہہ کھؠمٕہا بُوٚ توہِہ سٲتؠٕ رلِتھ فسحُک یہ کھؠن۔

¹⁶تکیازِ بُوچُھسو توہِہ ونان زِ تَتھ وقتَس تام گژھنٕہ بُو شریک یَتھ کھؠنَس منز یوتام نٕہ امیُک مقصد خدایہ سٕنزِ پادشٲہی منز پورٕہ آسنٕہ گومُت۔¹⁷پتٕہ روٚٹ تؠمؠٕ دچِھہ رسُک پیالٕہ تٕہ شُکر گزٲری ہُند دعا کرِتھ ونُن یہ رٹؠو تٕہ بٲگرؠو پانٕہ ونؠٕ۔

¹⁸بُو چُھسو توہِہ ونان زِ وُنکِہ پتٕہ چؠمنٕہ بُو دچِھہ رَس تکیازِ بیکِہ لٹِہ چٲمٕہ بُو یِہ خدایہ سٕنزِ پادشٲہی ینُک دوہ۔¹⁹پتٕہ رٔٹ تؠمؠٕ ژوٚٹ تٕہ فُٹرٕن شُکرگزٲری ہُند دُعا کرِتھ تٕہ دِژٕن تِمن تٕہ وننَکھ یِہ چُھ مؠوٚن بدن یُوٚسن تُہنزِ خٲطرٕہ دِنٕہ چُھ یِوان۔ مے یاد کرنٕہ موکھٕہ آسِزؠو یِی کران روزان۔

²⁰یِتَھے پٲٹھؠٕ ووٚن تؠمؠٕ کھؠنٕہ پتٕہ پیالٕہ رٹِتھ دچِھہ رسُک یہ پیلٕہ چُھ سُہ نو عہد یُوس میانِہ خونکِہ ذریعہ چُھ قٲئم سپدان سُہ خون یُوس تُہندِ خٲطرٕہ چھ دِنٕہ یِوان۔²¹مگر یمِس نفرٕہ سُند اتٕھ مے کھؠن کھؠنَس منز شریک چُھ سُہ کرِ مے دُشمنَن حوالٕہ۔

²²ابنِ آدم گژِھ خدایہ سٕنزِ مرضی مطٲبق مگر تَس شخصَس پؠٹھ افسُوس یمسٕنٛدِ دسؠٕ سُہ ییِہ دُشمنن حوالٕہ کرنٕہ۔

²³یِہ بُوزِتھ لگؠٕ اکھ اکِس سٲتؠٕ بحث کرنِہ زِ اسِہ منزٕہ کُس ہیکِہ یِہ آسِتھ یُوس امِہ قٕسمٕچ حرکَت کرِ۔²⁴پتٕہ سپُد بؠیِہ اکِس کتِھہ پؠٹھ تکرار زِ تِم لگؠٕ بحث کرنِہ زِ اسِہ منزٕہ کُس ییِہ سارؤی کھوتٕہ زؠوٹھ ماننٕہ۔

²⁵مگر عیسیٰ ہَن ووٚن تِمن غیر یہودی قومن منز چِھ پادشاہ تِمَے یِم بؠکِس پؠٹھ حکُومت چِھ کران۔ تٕہ اِختیار وٲلؠٕ چھ تِمَے یِمن "محسِن" لقب چُھ یِوان دنٕہ۔²⁶مگر توہِہ پزِ تِیُتھ آسُن امِہ بجاۓ یُوس سٲلمو کھوٚت بوٚڑچُھ، سُہ چُھ سٲلمو کھوٚتٕہ لوکٹِس شُرؠٕ سٕندؠٕ پٲٹھؠٕ تٕہ یُوس رہنُمٲئی چُھ کران سُہ آسِہ نوکرس ہیُو۔

²⁷تکیازِ عام طورٕہ پٲٹھؠٕ کُس چُھ زیادہ تھوٚد آسان۔ سُہ ہا یُوس کھؠنٕہ خٲطرٕہ بہِتھ چُھ کِنٕہ سُہ یُوس لوکن ہٕنزِ خدمت خٲطرٕہ حٲضر چُھ آسان؟ کیا سوُی چُھنا یُوس کھؠنٕہ خٲطرٕہ بہِتھ چُھ؟ بیشک مگر بُو چُھس بحیصیت اکھ خٲدم توہِہ منز²⁸وُچھؠو، توہؠٕ چُھوٗ تِمَے یِم میانؠن تمام آزمٲئیشَن منز مے سٲتؠٕ رُودؠٕ۔

²⁹مگر بُو چُھسو توہِہ پادشٲہی عطا کران۔ یِتھ پٲٹھؠٕ مے ببَن پادشٲہی عطا کٔر۔

³⁰میانِہ پادشٲہی منز کھیُو تٕہ چؠیُو توہؠٕ مے سٲتؠٕ میٲنِس دسترخوانَس پؠٹھ ۔ تٕہ تختَس پؠٹھ بہِتھ کرؠو اسرائیل کؠن بہَن قبیلَن ہُند انصاف۔³¹شمعون شمعون! ابلیسَن چُھ توہِہ لوکَن ہُند کنکٕکؠٕ پٲٹھؠٕ وپدنُک مطالبٕہ کوٚرمُت۔

³²مگر مے کوٚر چانِہ موکٕھہ دعا یوٚتھنٕہ چٲنِس ایمانَس کمزوری ییِہ تٕہ ییلِہ ژٕہ یوت پھیرِتھ واپَس یِکھ، تؠمِہ ساتٕہ کرِزؠکھ پننؠٕ بٲۓ مضبوط ۔³³پطرسن ووٚن درجواب۔ خداوندا بُو چُھس ژے سٲتؠٕ قٲد گژھنَس تِہ بلکِہ مرنٕہ خٲطرٕہ تِہ تیار۔

³⁴عیسیٰ ہَن ونُس، پطرس بُو چُھسَے ژے ونان زِ صُبحٕچِہ کوٚکر بانگِہ برونٹھ ٲسِی ژے تریِہ لٹِہ میٲنِس زاننَس اِنکار کوٚرمُت۔³⁵پتٕہ ووٚن تؠمؠٕ تِمن ییلِہ توہؠٕ بِنا بٹوٕہ، ٹھیلٕہ تٕہ کھوٚربانٕہ سُوزمتؠٕ ٲسؠو، کیا توہؠٕ رودِوا کُنِہ چیزکؠٕ محتاج۔ تِمو ونُس کُنے چیزکؠٕ نٕہ۔

³⁶تؠمؠٕ ووٚن، مگر ونؠٕ یَس نِش بٹوٕہ یا ٹھیلٕہ آسِہ سُہ نِیِن تَتھ سٲتؠٕ بلکہ یَس نِش نٕہ تلوار آسِہ سُہ اننؠٕ پننؠٕ ژادر کنِتھ تلوار مولؠٕ۔³⁷کلامِ مُقدسَس منز چُھ لؠکِتھ زِ سُہ ییِہ مُلزِمن سٲتؠٕ گنزرنٕہ، تٕہ بُو چُھسو توہِہ دپان ضروری چُھ زِ یِہ کَتھ سپدِ مے منز پُورٕہ، تکیازِ یِہ کینژھا مے مطلق لؠکِتھ چُھ تَتھ چُھ سپدُن۔

³⁸تِمو ووٚن خداوند، یتِہ چھے زٕہ تلوارٕہ، تؠمؠٕ ووٚن، بَس، کٲفی چُھ ۔³⁹پتٕہ دراوٗ سُہ معمولٕہ مطٲبِق شہرٕہ نیرِتھ زیتون پہاڑَس کُن تٕہ شاگرد ٲسؠٕ پتٕہ پتٕہ۔

⁴⁰توٚت وٲتِتھ وننُکھ دعا کرؠو یُوٚتھنٕہ آزمٲیشٕہ منز پؠیُو۔⁴¹پتٕہ دراوٗ سُہ تِم ترٲوِتھ تھوڑا برونٹھ تقریباً یِیتؠاہ دورِ پؠٹٕھہ یوتام کٔنؠٕ ہیکو لگٲیِتھ ۔ تَتِہ لوٚگ سُہ نمِتھ دعا کرنِہ۔

⁴²ہے ببٕہ، اگر ژٕہ یژَھک تٕہ یِہ پیالٕہ نِکھ مے نِش۔ مگر میٲنؠٕ نٕہ بلکہ نٕہ توتِہ سپدِن مرضی بورٕہ۔⁴³تؠمِہ ساتٕہ دیوٚت اکؠٕ فرشتَن آسمانٕہ پؠٹٕھہ ظٲہر سپدِتھ تَس طاقت۔

⁴⁴سُہ لوٚگ سخت پریشان سپدِتھ زیادَے شوقٕہ سان دعا کرنِہ، سٲتؠٕ سٲتؠٕ لوٚگ تؠمسُند عٲرکھ خونٕہ قطرَن ہیدؠٕ پٲٹھؠٕ زمینِہ پؠٹھ پینِہ۔⁴⁵ییلِہ سُہ دعا نِشٕہ فٲرغ گژِتھ اِستاد سپُد۔ تٕہ آوٗ شاگردن نِش واپس تٕہ تِم وچِھن غمٕہ سٲتؠٕ شُونگمتؠٕ۔

⁴⁶تؠمؠٕ ووٚن تِمن، توہؠٕ کیازِ چُھو شونگِتھ، وتھؠو کرؠو دعا یُوٚتھنٕہ آزمٲیشٕہ منز پؠیُو۔⁴⁷سُہ اُوس وُنِہ یمٕہ کتٕھہ کرٲنی زِ اکھ ہجُوم پیُوٚ وٲتِتھ۔ یَتھ منز برونٛہہ برونٛہہ یہوداہ اُوس پکان۔ سُہ آو عیسیٰ ہَس بوسٕہ دِنٕہ باپَتھ تَس برونٚہہ کُن۔

⁴⁸محگر تؠمؠٕ ووٚن، یہوداہ" کیا ژٕہ چھہنا ابنِ آدم میٹھؠٕ دِتھ دُشمنَن حوالٕہ کران"۔⁴⁹ییلِہ تؠمسٕندؠو سٲتھیُوٚ معلوم کوٚر زِ کیا چُھ سپدن وُۄل تٕہ تِمو ووٚن، خداوندا کیا ٲسؠٕ چلاوا تلوار۔

⁵⁰تٕہ تِمو منزٕہ وڑُوٚ اکؠٕ زِٹھؠٕ کٲہِن سٕندِس نوکرَس دچُھن کَن۔

⁵¹مگر عیسیٰ ہَن ووٚن۔ بَس کر! تؠمؠٕ تھوۄ نوکرٕہ سٕندِس کنَس پؠٹھ اتٕھہ تٕہ دیوٚتنَس شفاء۔⁵²پتٕہ ونُن تِمن زِٹھؠٕ کٲہنَن تٕہ بیتُ القُدسکؠن رٲچھدرَن تٕہ بزرگَن یِم امِس نِش آمتؠٕ ٲسؠٕ۔" کیا بُو چُھسا ڈاکُو زِ توہؠٕ چُھوٗ تلوارٕ تٕہ ڈنڑٕہ ہیتھ مے خلاف درامتؠٕ؟

⁵³بُوہۓ دوہَے اُوسُس ہیکلِ منز توہِہ نِش آسان مگر توہِہ لوگوٚنٕہ مےٕ تَتِہ اتٕھہ تِہ، مگر یہ چُھ ونؠٕ تُہند وقت۔ سُہ وقت ییلِہ انِہ گٹٕہ چھے حکومت کران۔⁵⁴پتٕہ نؠُو سُہ تِمو گرفتار کرِتھ زِٹؠٕ کٲہِن سُند گھرٕہ۔ پطرس وۄت دُور رُوزِتھ تَس پتٕہ پتٕہ توٚر۔

⁵⁵لوکھ ٲسؠٕ آنگنَس منز نار زٲلِتھ تَتھ اندؠٕ اندؠٕ بہِتھ۔ تٕہ پطرس گو تٕہ بیُوٚٹھ تِمن منز باگ۔⁵⁶کؠمتام دایِہ وُچھ سُہ تَتِہ نارَس نِش بہِتھ۔ تؠمِہ ووٚن تؠمِس کُن نظراہ کرِتھ ۔" یتِہ اُوس تَس سٲتؠٕ"۔

⁵⁷مگر تؠمؠٕ کوٚر انکار، ہتٕہ بِی، بُو زانَن نٕہ سُہ۔

⁵⁸کینٛہہ کال گژِھتھ ووٚن کؠمتام نفرن سُہ وچِتھ " ژٕتِہ چُکھ تِمو منزٕہ" مگر پطرسن ووٚن درجواب۔"نا بایا" بُو نا چُھس نٕہ۔⁵⁹تقریباً گو اکھ گٲنٹٕہ، بؠیِہ کؠمتام ووٚن زُوٚر دِتھ "یِہ نفر اُوس یقیناً تَس سٲتؠٕ" تکیازِ یہ تِہ چُھ گلیلِ ہُند روزَن وۄل۔

⁶⁰مگر پطرسَن ووٚن درجواب "یارا، مے نا چھؠنٕہ پَے زِ ژٕہ کیا چُکھ ونان۔ سُہ اُوس وُنِہ کَتھ کرٲنی زِ اچانک آیہ کوکرٕہ سٕنز بانگ بوزنٕہ۔⁶¹خداوندن ترٲو پَتھ کُن پطرسس کُن نظر۔ پتٕہ آیِہ پطرسَس خداوندٕہ سٕنز سُوٚ کَتھ یاد یُوٚسٕہ تؠمؠٕ ٲس تَس ونمژٕہ زِ "پگاہ صُنحٕچِہ کوکر بانگِہ برونٛہہ ٲسی ژے تریِہ لٹِہ مے زاننٕہ نِشٕہ انکار کوٚرمُت"۔

⁶²پطرس لوٚگ تتِہ نیرِتھ دِل فُٹِتھ زار زار ودنِہ۔⁶³پہرٕہ دار لگؠٕ عیسیٰ ہَس مزاق وُڑاوٕنِہ تٕہ مار پیٹ کرنِہ۔

⁶⁴تِمو پروژھ تؠمسٕنزن ٲچَھن پٔٹ گنڑِتھ " وَن نبوَتکِہ زورٕہ زِ ژے کؠمؠٕ لوٚیِی"۔

⁶⁵یژھوُی کتھوٚ سٲتؠٕ رُودؠٕ تَس تِم واریاہو کتھوٚسٲتؠ بے عزّتی کران۔⁶⁶ییلِہ دہُل سپُد تٕہ زِٹھؠٕ کٲہن تٕہ فقیہن یعنی قومکؠن بزرگَن ہٕنز جماعت سپٕز یِکوٹٕہ کوٚرُکھ یہودی عدالتِ عالیہس منز پیش۔

⁶⁷تِمو ووٚن "اگر ژٕہ صحیح چُکھ تٕہ اسِہ وَن"! عیسیٰ ہن ووٚن درجواب "اگر بُو توہِہ ونو تٕہ توہؠٕ کرؠو نٕہ میانِہ کَتِھ پؠٹھ یقین۔

⁶⁸بؠیِہ اگر بُو توہِہ پروژَھو توہؠ دِیُو نہ جواب۔⁶⁹مگر وُنکِہ پؠٹھٕہ آسِہ ابنِ آدم خدا تعالیٰ ہَس دچھنِہ کنِہ بہِتھ ۔

⁷⁰ساروُی پروژھ " تیلِہ کیا ژٕہ چُھکھا خدایہ سُند فرزند"؟ تؠمؠٕ ووٚن درجواب "اہنسہ" توہؠٕ چُھو پانَے ونان۔

⁷¹اَتھ پؠٹھ ووٚن تِمو۔ ونؠٕ کیا رُوز اسِہ بؠیِہ کٲنسِہ ہٕنزِ گواہی ہٕنٛز ضرورت؟ تکیازِ اسِہ بُوز یِہ کَتھ پانٕہ امسٕندِ ٲسٕہ سٲتؠ۔

23¹پتٕہ وتھؠٕ سٲری تٕہ اونُکھ عیسیٰ پیلاطُسَس نِش۔

²تٕہ تِم لگؠٕ تَس پیٹھ الزام لگٲیِتھ وننِہ زِ اسِہ کوٚر پتاہ زِ یِہ نفر چُھ سٲنِس قومَس گُمراہ کران۔ یِہ چُھ دپان قیصرَس مٔہ دِیُو باج بؠیِہ چُھو پانَس مسیح پادشاہ ونان۔³پیلاطُسَن پروژھ تَس " اچھا، ژٕہ چُکھا یہُودین ہند پادشاہ؟۔ عیسیٰ ہَن ووٚن درجواب "اہنسَہ۔ توہؠٕ چُھو پانٕہ ونان۔

⁴پیلاطُسن ووٚن زِٹھؠٕ کٲہنَن تٕہ عام لوکَن مے چُھنٕہ یمِس نفرَس پیٹھ اِلزام لگاونُک کاہنٛہ تِہ وجہ باسان۔

⁵مگر تِم لگؠٕ بؠیِہ زورٕہ سان وننِہ زِ یہ چُھ تمام یہودیہ منز بلکہ چُھ گلیل پیٹھٕہ یوتام لوکَن ہؠچھنٲؠٕ ہؠچھنٲؠٕ ڈالان۔⁶یِہ بُوزِتھ پروژھ پیلاطُسن، کیا یِہ نفر چھا گلیلُک؟

⁷ییلِہ تَس پَے لجؠٕ زِ عیسیٰ چُھ گلیلِ ہُند تؠمِہ علاقُک یَتھ ہیرودیس انتپاس سٕنٛز حکومت چھے۔ تؠمؠٕ سُوز سُہ ہیرودیسَس نِش تکیازِ سُہ تِہ اُوس تِمن دوہَن یروشلمس منز۔⁸ہیرودیس گوٚ عیسیٰ ہَس وچِتھ واریاہ خوش۔ تکیازِ تؠمؠٕ اُوس تَس مطلق واریاہ کینٛہہ بُوزمُت۔ ونؠٕ ٲس تَس سؠٹھا خوٲہِش زِ عیسیٰ سٕندؠٕ دسؠٕ وچھہے سُہ کاہنٛہ معجزہ سپدان۔

⁹کٔرؠٕ تَس واریاہ سوال، مگر عیسیٰ ہَن دیُوٚت نٕہ اکِس تِہ جواب۔

¹⁰زِٹھؠٕ کٲہِن تٕہ شرعی عٲلِم رُودؠٕ یِکوٹٕہ اِستادٕہ روٗزِتھ ژکِھ سان تَس اِلزام دِوان۔¹¹پتٕہ کرنوو سُہ ہیرودیسن پننؠن سِپاہَن اتِھ مزاق وُڑٲیِتھ خٔجِل تٕہ زرقٕہ برق پلَو لٲگِتھ سُوزُن پیلاطُسس نِش واپس۔

¹²تؠمے دوہ بنے ہیرودیسس تٕہ پیلاطُسس پانٕہ وٲنؠٕ دوست تکیازِ امِہ برونٛہہ ٲس تِمن پانٕہ وٲنؠٕ دُشمنی۔¹³پتٕہ ووٚن پیلاطُسن زِٹھؠٕ کٲہنن، سردارن تٕہ عوامَس جمع کرِتھ ۔

¹⁴توہِہ اُوٚنٕہ وُن یہ شخص مے نِش یہ الزام لگٲیِتھزِ یِہ چُھ قومَس ڈالان مگر توہِہ برونٚہہ اَمِس منز کینٛہہ پرژٕھ غٲر کرِتھ آوٗ نٕہ مے تیُوتھ کینٛہہ تِمن اِلزامن مطلق یِم توہؠٕ امِس دِوان چُھو۔¹⁵ہیرودیسس تِہ آونٕہ امِس منز کینٚہہ اتِھہ۔ توَے سُوز تؠمؠٕ اسِہ یہ واپس۔ لہٰزا اَمِس نفرٕہ سٕندِ سٲتؠٕ تیُوٚتھ کٲنسِہ سپُدمُت زِ یِہ چُھ سزائے موتَس لائق۔

¹⁶امِہ موجوب کرن بُویِہ کوڈٕہ دِتھ رہا۔

¹⁷اصلً اُوس تؠمسُند فرض یِہ زِ سُہ اُوس عِیز ہٕندِس موقعس پؠٹھ تِہندِہ خٲطرٕہ اکھ قٲدی رہا کران۔¹⁸سٲری لگؠٕ شور تُلِتھ وننِہ۔ "یہ نیوُن" مگر برابّا دِن اسِہ رِہا کرِتھ ۔

¹⁹برابّا اُوس امِہ موجوب قٲد تھاونٕہ آمُت زِ سُہ اُوس قٲتِل بؠیِہ ٲس تؠمؠٕ شہرَس منز حکٔمتَس خٕلاف بغاوت کٔرمٕژ۔²⁰پیلاطُس اُوس یژھان عیسیٰ ہس رِہا کَرُن، امِہ موکٕھہ سپُد تِمن کُن دوبارٕہ مُخٲطب۔

²¹مگر تِمٕہ رُودؠٕ کریکٕہ دوان۔ امِس دِیُو پھاسؠٕ۔ امِس دِیُو پھٲسؠٕ۔

²²پتٕہ ووٚن تریِمِہ لٹِہ پیلاطُسن تِمن "کیازِ" امؠٕ کیا جُرم چُھ کوٚرمُت؟ مے چُھنٕہ امِس سزائے موت دِنُک کاہنٛہ تِہ وجہ اَتِھ یِوان۔ اوٕہ موکٕھہ کرن بُو یہ کوڈٕہ دیٲیتھ رِہا۔²³مگر تِم رودؠٕ کریکٕہ دِتھ تَس پھاسِہ کھالنُک تقاضٕہ کران۔

²⁴پتٕہ کوٚر پیلاطُسن فٲصلٕہ زِ یُوٚہُند مطالبٕہ گژِھ یُن پورٕہ کرنٕہ۔

²⁵تؠمؠٕ کوٚر سُہ نفر رِہا یُوٚس حکُومتَس خلاف حرکَت کرنٕہ تٕہ قتلکِہ وجہ کِنؠٕ قٲد تھاونٕہ آمُت اُوس۔ ییلِہ عیسیٰ کوٚر تؠمؠٕ تِہنزِ مرضی مطٲبق تِمن حوالٕہ۔²⁶ییلِہ فوجی ٲسؠٕ عیسیٰ ہَس پکناوان، تٕہ تِمو رُوٚٹ اکھ نفر یُوس لیبیا شہر کورِینُک روزن وۄل اُوس۔ تَس اُوس شمعون ناو۔ تؠمِہ ساتٕہ اُوس سُہ گامٕہ پیٹھ شہر کُن گژھان۔ تِمو دیوٚت تمِس صلیب نکَھس پیٹھ تھٲیِتھ حکم عیسیٰ ہس پتٕہ پتٕہ پکنُک۔²⁷اکھ بوٚڑ ہجُوم دراوٗ تَس پتٕہ پتٕہ، یِمن منز کینٛہہ مستُوراتٕہ تِہ شٲمل آسِہ۔ یِمٕہ سینَس دوگؠٕ دِتھ تؠمسُند ماتم کران۔

²⁸عیسیٰ ہَن ووٚن پوٚت فیرِتھ تِمن "یروشلمٕچو کوٚرؠو" میانِہ باپَتھ مَہ ودؠُو پننِہ تٕہ پننؠن شُرؠن ہٕندِ باپَتھ ۔²⁹تکیازِ تِم دوٗہ یِن ییلِہ لوکھ ونَن۔ مُبارک چُھ تِمن یِمٕہ ہانٹھ چھے۔ نَہ زایِکھ شُرؠٕ تٕہ نَہ چیٲوِکھ دودھ ۔

³⁰پتٕہ لاگن لوکھ پہاڑن ونُن زِ "اسِہ پؠٹھ پؠیُو وسؠٕ تٕہ وُڑرَن ونَن زِ اسِہ دِیُو چَھپن جاۓ۔

³¹تکیازِ اگر سرسبز کُلِس سٲتؠٕ یُوٚتھ سلوک چُھ کرنٕہ یِوان تٕہ ہوکھمٕتِس سٲتؠٕ کیازِ یینٕہ کرنٕہ؟³²بؠیِہ زٕہ نفر تِہ ٲسؠٕ یِوان پھٲسؠٕ دِنٕہ باپَتھ نِنٕہ۔ دوشوَے ٲسؠٕ مُجرم۔³³پکان پکان وٲتؠٕ تَتھ جایِہ یَتھ کھوٚپُر ناوٗ اُوس۔ تَتِہ دِژ تِمو عیسیٰ ہَس تِمن دوشوُنِی سٲتؠٕ پھٲسؠٕ۔ اکِس دِژٕکھ تَس دچھنِہ طرفٕہ تٕہ بؠکِس تَس کھورِہ طرفٕہ۔

³⁴عیسیٰ ہَن ووٚن "ہے بَب، یِمن کر معاف۔ "تکیازِ یِمن چھؠنٕہ پَے زِ کیا چِھ کران" اؠمسٕند پلَو پانٕہ وٲنؠٕ بٲگرنٕہ باپَتھ ترایِہ تِمو چِیرِہ۔³⁵ہجُوم اُوس تتِہ نَس کھڑا تماشٕہ وُچھان ییلِہ زن قومکؠٕ سردار تَس مزاق تِہ ٲسؠٕ وُڑاوان۔ تِمو ووٚن امؠٕ بچٲؠٕ باقی، اگر یِہ خدایہ سُند برگُزیدٕہ تٕہ مسیح چُھ تیلِہ بچٲیِن پنُن پان۔³⁶فوجیو تِہ کوٚر تَس لعن طعن۔ تَس نکٕھہ یِتھ دیوٚت تِمو تَس شرابُک سٔرکٕہ۔

³⁷تٕہ ووٚنہَس "اگر ژٕہ یہودین ہُند پادشاہ چُکھ، تیلِہ بچاوٗ پنُن پان"۔

³⁸تؠمسٕندِ کلٕہ پیٹھؠٕ کنؠٕ آیِہ مَشِق لاگنٕہ یَتھ پؠٹھ لیکِتھ اُوس "یِہ چُھ یہودین ہُند پادشاہ"۔³⁹یِم مُجرم تؠمِس سٲتؠٕ مصلُوب سپدؠٕ، تِمو منزٕہ ووٚن اکؠٕ کُفر بکِتھ "کیا ژٕہ چُکھنا مسیح، بچاو تیلِہ پنُن پان تِہ تٕہ اسِہ تِہ"۔

⁴⁰مگر بؠکؠٕ کوٚر تَس یِہ بوزِتھ روب "کیا ژٕہ چُکھنا خدایَس کھوٚژان؟" یُوس سزا امِس آو دِنٕہ سُہ مِیُولُی ژے تِہ۔

⁴¹اسِہ پؠٹھ چُھ وٲجب سزا تکیازِ اسِہ چُھ پننؠن غلط کامؠن ہُند بدلٕہ میلان، مگر امؠٕ چھؠنٕہ کاہنٛہ غلط کٲم کٔرمٕژ۔⁴²پتٕہ ووٚن امؠٕ عیسیٰ ہَس "ییلِہ ژٕہ پننِہ پادشٲہی منز یِکھ مے تھٲیزِ یاد"۔

⁴³عیسیٰ ہَن ووٚن تؠمِس "بُو چُھسَے ژے پوٚز ونان ژٕہ آسَکھ أزؠٕ مے سٲتؠٕ فردوسَس منز۔⁴⁴بہِہ بجِہ پیٹٕھہ دوپہرَس ترین بجن تام سپُد سٲرسٔی مُلکَس منز انِہ گوٚٹ۔

⁴⁵آفتابَس سپُد انِہ گوٚٹ تٕہ بیتُ المُقدسکِہ کمرُک پردٕہ یُوس تَتھ بُتِھ الُوٚنت اُوس، پھوٹ تٕہ گٲس زٕہ حصّہ۔⁴⁶عیسیٰ ہَن دِژ تھدِ کریکھ "ہے بَب، بُو چُھسَے ژے پنُن رُوح حولٕہ کران"، یِہ ونِتھ دیوٚت تؠمؠٕ پنُن جان۔

⁴⁷یِہ وچِتھ ووٚن تتِہ نَس کھڑا فوجی عہدِدارن خدایِہ سٕندؠٕ تعریف کران "زِ یِہ نفر اُوس واقعی نیکوکار"۔⁴⁸تٕہ ہجُومکؠٕ تمام لوکھ یِم یہ تماشٕہ وُچھنٕہ خٲطرٕہ جمع ٲسؠٕ گمٕتؠٕ۔ یِہ وچِتھ لگؠٕ تِم پننؠٕ سینٕہ دگنِہ تٕہ گٔے شہر واپس۔

⁴⁹مگر عیسیٰ سندؠٕ زٲنؠٕ کار رُودؠٕ دُورے پہن اِستادٕہ یِہ وچھان۔ یِمو منز آسٕہ تِمٕہ مستوراتٕہ تِہ شٲمل یِمٕہ گلیلِ پؠٹھٕہ آسٕہ تَس پتٕہ پتٕہ یوتام آمژٕہ۔⁵⁰تَتِہ اُوس اکھ نیک تٕہ رُت انسان بنامِ یوسف۔ سُہ یہودؠٕ عدالتِہ عالیہُک کارکُن۔

⁵¹مگر سُہ اُوسنٕہ تِہندؠن فٲصلن تٕہ حرکتن پؠٹھ رٲضی سپُدمُت۔ یِہ نفر اُوس یہودیکِہ شہر اَرمَتیہُک روزن وۄل تٕہ خدٲئی پادشٲہی ہُند اُوس مُنتظِر۔⁵²تؠمؠٕ مونگ اِجازت پیلاطُسَس نِش گژِھتھ تَس عیسیٰ سٕنٛز لاش نِنٕچ۔

⁵³پتٕہ لاش وٲلِتھ وُولنَس زٲیلِہ کپرُک کفن تٕہ تھووُن کنِؠن منزٕہ کَھننٕہ آمژِہ اکِس قبرِ منز، یَتھ منز نٕہ اوتام کاہنٛہ اُوس دفناونٕہ آمُت۔⁵⁴یِہ اُوس تیٲری ہُند دوہ یعنی جُمعہ۔ مگر سبتُک دوہ اُوس شُروع سپدن وۄل۔

⁵⁵یمِہ مستُوراتٕہ عیسیٰ ہَس سٲتؠٕ گلیلِ پؠٹٕھہ آسٕہ آمژٕہ۔ تِمٕہ آیِہ یوسفس پتٕہ پتٕہ۔ تِمو وُچھ قبر، بؠیِہ یتِہ زِ عیسیٰ سٕنٛز لاش کِتٕھ پٲٹھؠٕ چھے اَتھ منز تھاونٕہ آمٕژ۔

⁵⁶پتٕہ گیِہ تِم شہر کُن واپس، تٕہ لجِہ تؠمسٕندِ جنازٕہ خٲطرٕہ مُشکِہ دار عطٕر تیار کرنِہ۔

24¹سبتُک دوہ سپُد شروع۔ امِہ موجوب کوٚر تِمو شریعتٕہ مطٲبق آرام۔ آتھوارِ دوٗہ گیِہ یِمٕہ مستوراتٕہ صُبحٲۓ سُلِہ پننؠٕ مُشکِدار عطٕر ہیتھ قبرِ پؠٹھ ۔

²تُوٚت وٲتِتھ وُچھ یِمو سُوٚ قبرِ پیٹٕھچ کٔنؠٕ اکِتھ کُن ڈٲلِتھ۔

³مگر ییلِہ تِمٕہ قبرِ منز گٔیِہ تٕہ تَتِہ وچُھکھنٕہ عیسیٰ سٕنز لاش کہِین۔⁴تِمٕہ آسٕہ حٲران گژِتھ تَتِہ اِستادٕہ وُنِہ، زِ اچانک سپدؠٕ تِمن نِش یِتھ زٕہ نفر اِستادٕہ یِمن ہندؠٕ پلَو بجلی ہندؠٕ پٲٹھؠٕ چمکان ٲسؠٕ۔

⁵زنؠو جُکٲؠٕ خوف کھؠتھ پننؠٕ سر۔ مگر تِمو نفرو ووٚن "توہؠٕ کیازِ چُھوٗ زِندس موٚردن منز ژھانڑان؟"⁶سُہ چُھنٕہ یتِہ، سُہ ووٚتھ زِندٕہ۔ سوٚ کَتھ کرؠو یاد یُوٚسٕہ تؠمؠٕ گلیلِ منز ٲسو ونِمٕژ۔

⁷ضروری چُھ زِ ابنِ آدم ییِہ گنہگارن حوالٕہ کرِتھ مصلوب کرنٕہ بؠیِہ یِہ زِ سُہ وَتِھ ترؠمِہ دوہ زِندٕہ۔⁸پتٕہ پؠیِہ تِمن یِمٕہ کَتٕھ یاد۔

⁹تٕہ قبرِ پؠٹٕھہ واپس یِتھ ووٚن یِہ سورُی کینٛہہ تِمو کہَن رسولَن تٕہ باقی شاگردن۔

¹⁰مریَم مگدَلینی، یُوأنٕہ تٕہ یعقوب سٕنز موج مریم بؠیِہ آسٕہ باقی زنِہ تِہ تِمن سٲتؠٕ۔¹¹مگر تِمن باسے یِمٕہ کَتٕھہ زَن تٕہ دلیل ہِش لہٰزا کرکھنٕہ پژھ یِمن پؠٹھ ۔

¹²اَتھ پؠٹھ ووٚتھ پطرس تٕہ دوٚرؠو قبرِ تام تٕہ نمِتھ کرن نظراہ تٕہ تتِہ آس اتِھ صرف کفنٔی یُوت۔ یِہ حالات وچِھتھ سپُد حٲران تٕہ دراوٗ۔¹³امے دوہ ٲسؠٕ عیسیٰ سٕندؠٕ زٕہ پیروکار اِیماوُس ناوٕہ کِس اکِس گامس کُن گژھان۔

¹⁴پکان پکان ٲسؠٕ تِم پانٕہ وٲنؠٕ یِمن واقعتَن ہٕنٛز ذِکر کران یِہ سپُدمُت اُوس۔¹⁵تٕہ سپُد یِہ زِ ییلِہ تِم کتٕھہ تٕہ اکھ اکِس سٲتؠٕ بحث ٲسؠٕ کرانتٕہ عیسیٰ آو پانٕہ نزدیک تٕہ لوٚگ تِمن سٲتؠٕ پکنِہ۔

¹⁶مگر تِہٕنزن ٲچَھن اُوس زن پردٕہ بُوتِھہ تؠمِہ کنؠٕ ہؠوکنٕہ تِمو سُہ پہچٲنِتھ ۔¹⁷عیسیٰ ہَن ووٚن "کیا سا کٔمٕہ کتٕھہ چھے تِمٕہ یِمٕہ توہؠٕ پکان پکان مُنان چُھو"۔ یِہ بُوزِتھ گۓ تِم دِلملول اِستادٕہ۔

¹⁸تِمو منزٕہ پروژھ اکؠٕ کلیوپاس ناوکؠٕ تَس۔ کیا ژٕہ چُھکھا یروشلمس منز واحِد شخص یمِس نٕہ پَے چھے زِ یِمن دوہَن کیا کینٛہہ چُھ سپُدمُت۔¹⁹تؠمؠٕ ووٚن تِمن، کیا چُھ سپُدمُت؟۔ تِمو دیوٚت جواب، تِی ہا یِہ عیسیٰ ناصرِی یَس سٲتؠٕ سپُدمُت چُھ؟۔ سُہ اُوس نبی یمِس کلامَس تٕہ کامِہ منز تٕہ تمام قومس برونٚہہ کنِہ زبردست طاقت حٲصِل اُوس۔

²⁰مگر سانؠو زِٹھؠٕ کٲہِنو تٕہ بزرگو کوٚر سُہ حکمرانن حوالٕہ سزائے موت دِنٕہ باپَتھ تٕہ کوٚر سُہ مصلُوب۔²¹مگر اسِہ ٲس اُمید زِ سُوئی دِیِہ اسرائیلس نجات۔ یِمن واقعن گٔے ترہ دوہ۔²²مگر اسِہ منزٕہ کرؠٕ اسؠٕ کینژھو زنیُو تِہ حٲران۔ تِمٕہ آسٕہ از صُبحٲۓ سُلِہ قبرِ پؠٹھ گمژٕہ۔

²³تٕہ وچُکھ تَتِہ ٲسنٕہ لاش کہین۔ تِمو ووٚن واپس یِتھ اسِہ زِ تتِہ گے اسِہ پؠٹھ فرشتٕہ ظٲہر یِمو ووٚن زِ "عیسیٰ چُھ زندٕہ"۔

²⁴اسِہ منزٕہ تِہ گے کینٛہہ قبرِ پؠٹھ تٕہ تَتِہ وچُکھ تِتَھے کنؠٕ یِتھ کنؠٕ زنیُو اُوس وُچھمُت۔²⁵پتٕہ ووٚن عیسیٰ ہَن تِمن "ہتو بیکلو، توہؠٕ کٲتیاہ نا سمجھ چُھو زِ توہِہ کورونٕہ تِمن سارنٔی کتَھن پؠٹھ یقین یِمٕہ نبیُو چھے فرمایِمژٕہ"۔

²⁶کیا ضروری اُوسنا زِ مسیح سپدِ ہے یِہ سورُی کینٛہہ برداشت کرِتھ پننِس جلالس منز دٲخل۔

²⁷پتٕہ کٔر عیسیٰ ہَن موسیٰ تٕہ تمام نبیَن ہندِ پؠٹھٕہ شروع کرِتھ کلامِ پاکچِہ پرؠتھ کَتِھہ ہُند تشریح یتؠَن یتؠَن ٲمسٕنز ذکر چھے۔²⁸پکان پکان وٲتؠٕ تِم تَتھ گامَس نزدیک یوٚن تِمن گژُھن اُوس۔ عیسیٰ ہَن کوٚر یِتھ کنؠٕ زِ گویا سُہ اُوس برونٹھ پکُن یژھان۔

²⁹مگر تِمو ووٚن تَس مجبور کرِتھ ۔ اَسے نِش روز، تکیازِ شام ہؠوتُن سپدُن تٕہ دوہ تِہ موکلؠو۔ اتِی گو سُہ اندر تِمن سٲتؠٕ روزنہ باپَتھ۔³⁰سپُد یِہ زِ ییلِہ تِم کھؠنِہ خٲطرٕہ بیٹھؠٕ۔ تٕہ ژوٹ تُلِتھ کورُن تمِہ خٲطرٕہ شُکر گُزٲری ہُند دعا۔ پتٕہ دِژن تِمن سُوٚ فُٹرٲیِتھ۔

³¹اَتھ پؠٹھ آیِہ تِہنزٕہ ٲچھ مُژرَنٕہ تٕہ تِمو پہچون سُہ تٕہ سُہ گو تِہنزُو نظرو نِشٕہ غٲب۔

³²پتٕہ لگؠٕ تِم اکِس بؠیِس وننِہ، کیا سٲنؠٕ دِل ٲسِنا تمِہ ساتٕہ ضدٕہ سٲتؠٕ بھرِت۔ ییلِہ سُہ وتِہ منز اسِہ سٲتؠٕ کَتھٕہ کران کران اُوس اسِہ صحیفَن ہُند مطلب سمجھاوان۔³³تٕہ تِم وتھؠٕ تؠمے ساتٕہ تٕہ گٔے یروشلم واپس۔ ییلِہ تِم تُوٚر وٲتؠٕ تٕہ کاہ رسول ٲسؠٕ گوڈے پننؠٕ سٲتِھی ہیتھ جمع۔

³⁴تٕہ ونان ٲسؠٕ یِہ زِ "خداوند چُھ پزؠٕ پٲٹھؠٕ زندٕہ وتھمُت۔ سُہ چُھ شمعونَس پؠٹھ ظٲہر سپُدمُت"۔

³⁵پتٕہ ووٚن تِمن عماسکؠو دویُو شاگردو زِ گامَس کُن گژھنٕہ وِزِہ کیا اُوس سپُدمُت بؠیِہ یِہ زِ ژُوٹ فٹراونٕہ وزِ کِتٕھہ کنؠٕ پہچُوٚن تِمو عیسیٰ۔³⁶تِم ٲسؠٕ ونِہ یِمٕہ کَتھٕہ بوزٕہناوٲنی زِ عیسیٰ سپُد پانٕہ یِتھ تِمن منز کھڑا تٕہ وننَکھ تُہنز سلامتی ٲسِن۔

³⁷وہمٕہ گژِھتھ کھوژؠٕ تِم واریاہ تکیازِ تِمن باسِیُوٚ زن چُھ کاہنٛہ بُھوت وُوت۔³⁸تؠمؠٕ ووٚن تِمن، توہؠٕ کیازِ گو حٲران؟ کیا وجہ چُھ زِ تُہندؠن دِلن منز گو شک پٲدٕہ؟

³⁹میانؠن اتَھن تٕہ کھوٚرن کُن وچُھو زِ بُوئؠٕ چُھس۔ مے وچُھو اتٕھہ لٲگِتھ تکیازِ بُھوتَس چُھنٕہ ماز تٕہ ٲڑجِہ آسان ییلِہ زن توہؠٕ وُچھان چُھو زِ میُوٚن جسم چُھ۔

⁴⁰یِہ ونِتھ ہٲئؠٕ تؠمؠٕ تِمن پننؠٕ اتٕھہ تٕہ کھوٚر۔⁴¹ییلِہ نٕہ تِمن خوشی محسوس کرِتھ یقین اُوسنٕہ یِوان تٕہ تعجُب ٲسؠٕ کران تٕہ عیسیٰ ہَن پروژھ تِمن "کیا یتِہ چھا توہِہ نِش کاہنٛہ کھؠنٕہ چیز؟"

⁴²تِمو دِژ تَس بُز مٕژ گاڈٕہ گنؠٕ۔

⁴³تؠمؠٕ رٔٹ سُوٚ تٕہ کھؠیَن تِمن برونٛہہ کنِہ۔⁴⁴پتٕہ ووٚن تؠمؠٕ تِمن یوہَے چُھ یِہ مے توہِہ تؠمِہ ساتٕہ ونمُت اُوسو۔ ییلِہ توہِہ سٲتؠٕ اُوسُس زِ یِہ کینژھا موسیٰ سٕنزِ شریعتِہ نبییَن ہنزن صحائیفن تٕہ زبور کتابِ منز مے مطلق لیکِتھ چُھ تَتھ چُھ مکمل سپدُن۔⁴⁵پتٕہ کوٚر تؠمؠٕ تِہُند ذِہن خبردار زِ تِم ہؠکَن خدایِہ سُند کلام سمجِھتھ۔

⁴⁶تؠمؠٕ ووٚن تِمن، کلامِ مقّدسَس منز چُھ یِتٕھہ کنؠٕ لؠکِتھ، مسیح وتِھ دُکھ تُلِتھ ترؠمِہ دوہ موٚدَو منزٕہ زندٕہ۔

⁴⁷تٕہ یروشلمٕہ پؠٹھٕہ شروع کرِتھ ییِہ تمام قومَن منز توبہ تٕہ گناہَن ہنزِہ معٲفی ہُند اعلان تؠمِہ سٕندِ ناوٕہ سٲتؠٕ کرنٕہ۔⁴⁸توہؠٕ آسؠُو یِمن کتَھن ہٕندؠٕ گواہ۔

⁴⁹تٕہ وچُھؠو یمؠک وعدٕہ میٲنؠٕ ببَن کوٚرمُت چُھ۔ بُو سوزن سُہ توہِہ نِش، پتٕہ ییَو توہِہ آسمانُک طاقت عطا کرنٕہ۔ توتام نیرزؠو نٕہ شہرٕہ منزٕہ نؠبر کینٛہہ۔⁵⁰پتٕہ نِی تؠمؠٕ تِم شہرٕہ نیرِتھ بیتِ عُنیاہَس تام۔ تَتِہ دِژ تؠمؠٕ تِمن اتِھہ تُلِتھ برکَت۔

⁵¹تٕہ سپُد یِہ زِ برکَت دِوان آوٗ سُہ تِمن نِش الگ کرِتھ آسمانَس پؠٹھ کھالنٕہ۔⁵²تِمو کوٚر تَس سجدٕہ تٕہ پتٕہ گٔے بڑٕہ خوشی سان یروشلم واپَس۔

⁵³تَتِہ رُودٕی تِم پنُن سورُی وقت بیتُ المُقدسَس منز گُزٲرِتھ خدایہ سٕنز ثناہ خٲنی کران۔

یوحنا

1¹اَزلہٟ اُوس کلام تہٟ کلام اُوس خدایس ساتؠ تہِ کلام اُوس خدا.

²یُوہے اُوس اَزلے خدایس ساتؠٟ.

³ساریٟ چیز سپدؠٟ تسندِ وسؠلہ ساتؠ پادہ تہ یہ کینژھا پادہ سُپد تیمہ منز سُپد نہ کانہہ تہِ چیز تسندِ ورٲے پادہ.⁴تس منز ٲس زندگی تہ سُو زندگی ٲس انسانن ہنُد نُور

⁵تہٟ نُور چُھ انہ گٹہِ چمکان تہ انہِ گٹہ لوُبنہٟ تَتھ پیٹھ قابُو.⁶یُوحنا ناوُک اکھ نفر سپُد ظٲہر یُوس خدایہ سندِ طرفہِ اوُس سُوزنہ آمُت.

⁷یہ آۆ گواہی دِنہ خاطرہ زِ نُورچ گواہی دییہِ یُوتھ زن سارؠ تمسندٟہ وسیلہٟ ایمان انن.

⁸سُہ اوسنہ پانہ نُور کؠنہہ مگر نُورچ گواہی دِنہِ اوُس آمُت⁹حقیقی نوریُوس پرؠتھ انسانس روشن کران چُھ اوُس دنیاہس منز ینہ ووُل.¹⁰سُہ اوُس دُنیاہس منز تہ دنیاہ سپُد تسندِ وسؠلہ پادہ تہ دنیاہن پہچُون نہِ سُہ.

¹¹سُہ آۆ پنُن گھرہتہ سُہ کوُرنہ پننؠُو قبُول¹²مگر یؠتہِ ہو سُہ قبول کور تمن بخش تؠمؠ خدایہ سندؠ فرزند بننُک حق، یعنی تمن یِم تمسندِس ناوس پیٹھ ایِمان چِھ انان.

¹³تِم نہ سپدؠنخونہ ساتؠ نہ جِسمچہ خواہشہِ ساتؠ نہ انسان سندِ ارادہ ساتؠ بلکہ سپدؠ خدایہ سندِساتؠ پادہ.¹⁴تہ کلام سپُد مجسم تہ فضلہ تہِ پزرہ ساتؠ معمور سپدِتھ رُۆد اسہِ درمیان تہِ اسہِ وُچھ تسنُد یُوتھ جلال زن تہِ سندِس کُتؠ سنُد جلال.

¹⁵.یُوحنا ہن دزِ تس مطلق گواہی تہِ ناد دِتھ ونُن زِ یہ چُھ سُوؠ یمؠ سنز مے ذِکر کر زِ یُوس مے پتہ چُھ ینہ وُول.سِہ چُھ مے تُھود تکیازِ سُہ اوُس مے بُرونہہ.¹⁶تکیازِ تمسنذِہ معموری ساتؠٟ لوُب اسہِ سٲالمِو فضلس پیٹھ فضل

¹⁷اوہٟ موکھہٟ زِ شریعت آیہِ موسىٰ سندِہ ذریعہ دِنہ مگر فضل تہِ پزر وُوت عيسىٰ مسیح سندِ ذریعہ.

¹⁸کانسےِ وُچھنہٟ خدا زانہہ تہِ. کُن فرزند یُوس ببہ سنزِ کُوچھِ منز چُھ تمؠ کُور ظاہر.¹⁹تہِ یوحنا سنز گواہی چھے یہِ زِ ییلہِ یہودؠُو یرُوشلمہ پیٹھ کاہن تہ لاویِ تس نِش یہِ یژھنہِ سُوزی زِ ژہ کُس چھکھ؟

²⁰.تہٟ تؠمؠ کوُرنہٕ انکار بلکہ کورُن اقرار زِ بُوچُھسنہ مسیح

²¹تموُ پروُژھ تس تیلہِ کُس چُھکھ؟ کیا ژٟہ چُھکھا ایلیاہ؟ تؠمؠ وُن بُو چُھسنہ، کیا ژٟہ چُھکھا نبی؟ تؠمؠ وُن درجواب زِ نَہ.²²اَتؠٟ وُن تمو تس تیلہِ چُھکھ کُس ژٟہ؟ یُوتھ زن اَسؠٟ پَننِس سوزن والِس جواب دِمو. زِ ژٟہ کیا چُھکھ پنِنس حقس منز ونان؟.

²³تؠمؠ وُن ؠتھہٟ کنؠ یسعیا نبین وُن بُو چُھس جنگلس منز اکس ناد دِنہ والؠ سنز آواز زِ ژٟہ کر خداوند سنز وَتھ سیُود.²⁴ؠِم ٲسؠٟ فریسین ہندِ طرفہٟ سُوزنہ آمتؠٟ.

²⁵.تمو کوُر تس یہ سوال زِ اگر ژٟہ نہَ مسیح چُھکھ نہَ ایلیاہ نہَ سُہ نبی تہِ تیلہ کیازِ چُھکھ ژٟہ بپتسمہ دِوان؟.²⁶یوحناہن وُن درجواب تمن زِ بُوچھس آبہ ساتؠ بپتسمہ دوان تُوہہ درمیان چُھ اکھ شخص استادہ یُوس توہی زٲنِوۆن.

²⁷یعنی مے پتہ ینہ ووُل یسہندس کھُوربانس بُو فیتہ کھولنس لایق تہ چُھس نہِ.

²⁸یمہ کتھہ سپزہ یرُدن اپارہِ بیتِ عنیاہس منز واقع یتہ یُوحنا بپتسمہ دِوان اوُس.²⁹دوؠمہ دوُہ وُن تؠمؠ عيسىٰ پانس کُن یوان وُچِھتھ، وُچھیُو یہ چُھ خدایہ سنُد چِھرہ برہ یُوس دنیاہکؠ گنُاہ چُھ تُلِتھ نِوان.

³⁰یہِ چُھ سُویٔ یَس مطلق مے ونُمت اوُس زِ اکھ شخص ییہ مے پتہ یُوس میانِہ کھوتٕہ چُھ تکیازِ سُہ اوُس میانہِ بُرونہہ.

³¹تہِ بُو اُوس سننہٟ سُہ زانان مگر امہ موجوب آس بُو آبہ ساتؠ بپتسمہ دوان زِ سُہ سپدِ اسرایلس پؠٹھ ظاہر.³²بیہ دِژ یُوحناہن یہ گواہی زِ مے وچُھ روُح تس پیٹھ کوترہ سندؠ پاٹھؠ آسمانہ پؠٹھ وسان.

³³تہٟ بُو پہچانن سُہ کؠنہ مگر یمؠ بُو آبہ ساتؠ بپتسمہ دِنہِ سُوزس تؠمؠِ وُن مے زِ یَس پیٹھ ژہٟ روُح وسان تہ ٹھہران وُچھین سُوی چُھ روُح القدسہٟ ساتؠٟ بپتسمہ دِنہ ووُل.

³⁴حلانکہ مے وُچھ تہ دِژم گواہی زِ یہِ چُھ خدایہ سنُد فرزند³⁵دوُؠمہ دوہ ٲسؠ پتہٕ یوحنا تہ تمسندِؠو شاگردو منزہ زہ نفر استادٟہ

³⁶تؠمؠ وُچھ عيسىٰ ہس کُن یُوس گژھان اُوس تہ ونُن وچُھؠو یہِ چُھ خدایہ سنُد چھرٟہ برٟہ!³⁷یہ بُوزِتھ دراے تِم دُونوے شاگرد عيسىٰ ہس پتہ پتہ.

³⁸عيسىٰ ہن وُچھ تِم پتہ پتہ یوان تہٟ وُننَکھ توہی کیا چُھو ژھانڈان؟ تمو ونُس توُرہٟ ہے رَبی ژہ کتہِ چُھکھ رُوزان؟

³⁹تؠمؠ وُن تمن پکؠو وُچھیُو.ادٕہ وُچھ تمو یِتھ تمسنذ رُوزن جاے. تہ تؠمہ دوہ رُودؠ تس ساتؠٟ تہ یہِ اوُس قریب شام وقت.⁴⁰تمو دوؠو منزہ یوُس یوحنا سنز کتھ بُوزِتھ عيسىٰ ہس پتہ پتہ اوُس آمُت، اوُس اکھ شمعون پطرس سنُد بوے اندریاس.

⁴¹تؠمؠ وُن گوڈہٟ پنِنس سَخ بوے شمعونس زِ اسہِ میُول خرِستُس یعنی مسیح.

⁴²تؠمؠ اوُن سُہ عيسىٰ ہس نِش. عيسىٰ ہن وُن تس کُن نظراہ کرِتھ زِ ژہ چُھکھ یوحنا سنُد نیچو شمعون ژِے ییؠ وننہ کیفا یعنی پطرس.⁴³دوؠمہ دوہ یوژھ عيسىٰ ہن گلیِلِ گژھُن تہ فِلپُسس سمکِھتھ ونُن تس زِ مے پتہ پتہ پَکھ.

⁴⁴فِلپُسس اوُس اندریاس تہ پطرس سندِ شہربیتِ صیہداہک روُزن ووُل.

⁴⁵فِلپُسن وُن نِتن ایلس سمکِتھ زِ یمسنز زذِکر موسٰہن توریتس منز تہ نبیو کرمژ چھے سُہ سمکھؠو آسہِ سُہ چُھ یُوسف سنُد نیچُو عيسىٰ ناصری.⁴⁶نتن ایلن وُن تس کیا ناصرتہ منزہ ہؠکیا کانہہ اصل چیز نیرِتھ؟ فِلپُسن وُن تس ولہ وُچھ.

⁴⁷عيسىٰ ہن وُچھ نتن ایل پانس کُن یوان تہ ونُن تس مطلق وچُھیو یہ چُھ حقیقتاً اسرایلی.امس منز چُھنہ مکرٟ.

⁴⁸نتن ایلن وُن تس ژہ کتہِ زانکھ مے؟ عيسىٰ ہن ونُس درجواب امہِ بُرونہہ زِ فِلپُسن دُیوتؠ ناد ژے ییلہِ ژہ انجیر کُلس نِش اُوسکھ تہ مے وچُھکھ ژہ.⁴⁹نتن ایلن دیوت تس جواب ہے ربی! ژہ چُھکھ خدایہ سنُد فرذند ژہ چُھکھ اسرایلک پادشاہ.

⁵⁰عيسىٰ ہن وُن. تس جواب کیا ژے اُونتھا امے موجوب ایمان زِ مے ووُنؠ ژے زِ انجیر کُلس نِش وُچھمکھ؟ ژہ وُچھکھ امہ کھوتہ تہِ بڑی بڑی معجزہ.

⁵¹پتہ وُننس بُو چھسے ژے پُوز ونان زِ ژہ وُچھکھ آسمان یلہ تہ خدایہ سندؠ فرشتہ وچھکہھ ہیُور گژھان تہ ابنِ آدمس پیٹھ وسان.

2¹پتہ سپُد ترؠمہِ دوُہ قاناؠی گِلیلِ منز اکھ خاندر تہِ عيسىٰ سنز موج ٲس تَتھؠٟ.

²تٕہ عيسىٰ ہس بیہ تمسندؠن شاگردَن تِہ اُوس تَتھ خاندرس منز دعوت.³ییلہِ دچھِ رَس موکلؠُو تہٟ عيسىٰ سنز ماجہ وُن تس زِ یِمن موکلؠُو دچھِ رَس.

⁴عيسىٰ ہن وُن تس ہے خاتون مے کیا کٲم چھے ژے ساتی؟ وُنہ ووُت نہ میون وقت.

⁵تمسنزِ ماجہ وُن نوکرن یہ کینژھا یہِ ونؠو تہِ کرؠُو⁶.تَتہِ ٲسؠ یہُودیِن ہندِ طہرتکہِ دستور کہِ مُوافق کنؠن ہندؠ شؠہہ نٹؠٟ تھاونہٟ آمتؠ. تٕہ تِمن منز ٲس زٕہ زٕہ ترے ترے مَن تھاونٕچ گُنجٲیِش۔

⁷عيسىٰ ہن وُن تمن "نٹؠن منز بھرؠُو آب" اتی بھرٟی تمِو تِم برِتھ.

⁸پتہِ وُن تؠمؠ تمن زِ کڈؠو تہ نِؠُوۆ مجلسہِ ہندِس زِٹھس نِش اتی نیُو تمو.⁹ییلہِ مجلسِ ہندؠ زِٹھؠ تَتھ آبس مزہ وُچھ. یُوس دچھِ رَس اوُس بنؠومت.تہ زانان اوُسنہ زِ کتِہ چُھ آمُت مگر نوکر ٲسؠ زانان یمو آب اوُس بوُرمت. تہ مجلس ہندؠ زِٹھؠ وُن ناد دِتھ مہرازس.

¹⁰پرؠتھ شخص چُھ گوڈہٟ اصل دچھِہ رَس چینہ خاطرٟہ دِوان تہ خراب چھ انان تؠمہِ ساتہ ییلہ مزہ چُھ آسان موکلؠومُت.مگر ژے چھؠ اصل دچھہِ رَس ونیوک تام پتھ کُن تھومُت.¹¹یہ گوڈ نؠوک معجزہ ہایِتھ کور عيسىٰ ہن قاناؠی گِلیلِ پنُن جلال ظٲہرتہ تمسندؠو شاگردو اوُن تس پیٹھ اؠمان.¹²امہِ پتہ گو سُہ تہ تسنز موج تہ بٲؠی تہ تمسندؠ شاگرد کُفر نحوم تہ تَتہِ رودؠ کینژھن دوہن.¹³یہودین ہنذ عید فسح ٲس نزدیک، تہ عيسىٰ گو یروشِلم

¹⁴تؠمؠ وُِچھؠ ہیکلِ منز داند تہ تیر تہ کوتر کنن والؠ تہ صراف بِہتھ.¹⁵پتہ بنو تؠمؠ رزِ ہنُد قمچہِ تہ کڈِن سارؠٟ ہیکلہِ منزہ نیبر. تٕہ نیبر کنہِ تھٲیِن تیر تٕہ گپُن گنڈِتھ.صرافن چُھکرِن پوُنسہ تٕہ تختہ تہندٟؠ فِرن دُبہ.

¹⁶تہ کوتر فروشن ونُن. یم نیوُوکھ پتہِ. میٲانِس آسمانی ببہ سنُد گھرٟہ چُھنہ تجارتہ باپتھ.¹⁷تمسندین شاگردن پؠُو یاد زِ لؠکِتھ چُھ. چانہِ گھرک غٲرت چُھ مے زَزُر.

¹⁸اتؠ پروژھ یہودیو تس زِ ژہ یمہِ کامہِ کران چُھکھ، اسہِ کُس نشانہٟ چُھکھ ژہ ہاوان؟

¹⁹عيسىٰ ہن وُن تمِن درجواب. یہ ہیکل ژھنہِ وُن لُہرِتھ تہ بُو کرن یہ ترین دوہن منز یہ استادہٟ.²⁰یہودؠو وُن. شیتٲجہن ورؠن منز چھے یہ ہیکل بناونہ آمژ تہ ژہ کرہ ہنا یہِ ترین دُوہن منز استادہ؟

²¹مگر تؠمؠ اوُس پننہِ جسمہ باپتھ ونُمت.

²²ادہ ییلہِ سُہ موردو منزہ زندہ وُتھ تہ تمسندین شاگردن پیُوو یاد زِ تؠمؠ اوُس یہ وُنمت. تہ تمو کور یقین کتاب مقدسس تہ تمسندِ کتھہِ ؠوُسہ تؠمؠٟ ونمژ ٲس.²³ییلہِ سُہ یروشلمس منز عیدِ فصحس پیٹھ اُوس تہ واریاہو لوکو اوُن تس ہندؠ معجزہ وچھتھ تس پیٹھ اؠمان.

²⁴مگر عيسىٰ اُوسنہ پانس نسبت تمن پیٹھ اعتبار کران تکیازِ سُہ اُوس سارنؠ زانان.

²⁵تہ تس ٲسنہ انسانہ سندِس بارس منز کانسہ ہنز گواہی ہنز ضرورت تکیازِ سُہ اوُس پانہ زانان زِ انسان سندِس دلس منز کیا چُھ.

3¹فریسؠن منز اُوس اکھ نیکُدیِمس یہودین ہند اکھ سردار.

²تؠمؠ وُن اکہِ روُتلہ عيسىٰ ہس نِش یِتھ تس" ہے ربی"ٲسؠ چھ زانان زِ ژہ چُھکھ خدای سنِد طرفہ وستاد بنِتھ آمُت.تکیازِ ؠِم معجزہ ژہ ہاوان چُھکھ، کانہہ شخص ہؠکنہ ہاؠتھ، یوتام نہ خدا تس ساتؠ آسہ.³عيسىٰ ہن وُن تس درجواب،بُو چُھسے ژے پوز ونان. زِ یوتام نہ کانہہ نیہ سرٟہ پادہ گژِھ، سُہ ہیکنہ خدایہ سنز پادشاہی وُچھتھ.

⁴نیکُدیسن وُن تس. انسان ییلہ بُڑہ سپُد تہ سُہ کِتھہ کنؠ ہؠکہ پادہ گژِھتھ؟ کیا سُہ ہؠکیٲء ماجہِ ہندِس شکمس منز دوبارہ داخِل سپدنہ پتہ پادہ گژِھتھ؟⁵عيسىٰ ہن وُن تس درجواب. بُو چھسے ژے پوز ونان، یوتام نہ کاہنہ انسان آبہ تہ روُح ساتؠ پادہ گژِھ، سُہ ہؠکنہ خداؠی پادشاہی منز داخل سپِدتھ

⁶یُوس جسمہ ساتؠ پادہ گو چُھ جِسم،تہ یُوس روح ساتؠ پادہ گو چُھ روُح.⁷حاران مہ گژھ زِ مے وُونؠ ژے، ژِے چھؠ سَرٕہ پادہ گژھِن ضروری.

⁸ہوا یپٲرؠ یژھان چُھ تیارؠٟ چُھ گژھان. تہ ژہ چُھکھ تمِچ آواز بوزان مگر یہ چھے نہ پے زِ کتہِ آۆ تہ کوت چُھ گژھان.⁹نیکُدیمسن ون تس درجواب،" یمہ کتھہٟ کِتھہ کنؠ ہیکن سپدِتھ".

¹⁰عيسىٰ ہن وُن تس واپس جواب." بنی اسریلن ہنُد وستاد ٲسِتھ چُھکھنا ژہ ؠمہِ کتھہِ زانان؟

¹¹بو چُھسے ژے پوز ونان. یہ ٲسؠ زانان چِھ تہِ چھ ونان، تہ یہ ٲسؠ وُچھان چھِ تِمچ چھِ گواہی دوان. تہ تُوہی چُھو نہ توتہِ سانؠٟ گواہی قبولؠٟ کران.¹²ییلہِ مے ژے زمؠنچہِ کتھہٟ ونے تہ ژے کورتھنہ یقؠنؠٟ تہ واگر بُو ژے آسمانچہ کتھہٟ ونے ژہ کتِھ کنؠ کرکھ یقؠن.

¹³آسمانس پیٹھ کھوتنہٟ کانہہ سواے تس یُوس آسمانہ پیٹھہٟ ووُتھ یعنی ابنِ آدم یُوس آسمانس پیٹھ چُھ¹⁴یتھٟ کنؠ موسٰى ہن سرتلِ ہندُ سُرف جنگلہ منزہ تھذرس پیٹھ کھوُل. تِتھے پاٹھؠ چُھ ضروری زِ ابن آدم تہِ ییہِ تھزرس پیٹھ کھالنہ.

¹⁵تاکہ یُوس اکھا ایمان انہ سُہ لبہِ تس منز ابدی زندگی.¹⁶تکیازِ خداؠن تھوُو یتھ دنیاہس ساتؠ تیوتا محبت زِ تؠمؠ بخُش پنُن کنؠ فرزند تاکہِ یُوس تس پیٹھ ایمان انہ سُہ سپدِنہ ہلاک بلکہ لبہِ ابدی زندگی.

¹⁷تکیازِ خداین سوزنہ پنُن فرزند دنیاہس منز اوہ موکھہٟ زِ دنیاہس پیٹھ کڈِ سزا دِنُک حُکم، بلکہ امہ موجوب زِ دنیا لبہ تمسندِہ وسؠلہٟ ساتِؠ نجات

¹⁸یُوس تس پیٹھ ایمان چُھ انان تس پیٹھ چؠھنہ سزہ ہُک سپدان، تہ یُوس تس پیٹھ ایمان چُھنہ انان تس پیٹھ چُھ سزہ ہُک حکم سپدمُت، اوہ موکھہ زِ تؠمؠ چُھنہ خدایہ سندِس فرزند سندِس ناوس پیٹھ ایمانؠٟ انومُت.¹⁹تہ سزہ ہکہ حکمک وجہ چُھ یہ زِ نُور آۆ دُنیاہس منز تہٟ انسانو کٕر نورہ کھوتہ زیادہ انہ گٹے پسند تکیازِ تہنذِ کامہ آسہ خراب

²⁰تکیازِ یُوس اکھاہ غلط کامہ چُھ کران سُہ نورس ساتؠ دُشمنؠ تھاوان تہ نورس بروُنہہ کُن چُھنہ ؠوان خبر تمسنزن کامین پیٹھ ما سپدِ ملامت

²¹مگر ؠوس پزِس پیٹھ عمل چھ کران. سُہ چُھ نورس نزدیک یوان. تاکہ تمسنزہ کامہ سپدن ظاہر زِ یمہ چھے خدایہ سندِ خطرہ آمژہ کرنہٟ.²².ؠمو کھو پتہ آۆ عيسىٰ تہ تمسندٟؠ شاگرد یہودیہ کِس ملکس منز تہ لوگ تَتہ تمن ساتؠ روُزتھ بپتسمہ دِنہ.

²³تہ یوحنا تہِ اوُس یرُدن کولہ نزدیک" عینوُنس" منز بپتسمہ دِوان تکیازِ تَتہ اوُس واریاہ آب تہ لوکھ ٲسؠ یِتھ بپتسمہ نِوان.

²⁴تکیازِ یوحنا اُوسنہ تَتھ وقتس تام قٲد کرنہ آمُت.²⁵ادہ یوحنا سندیِن شاگردن سپُد کستام یہودِس ساتؠ طہارتس مطلق بحث.

²⁶تمو وُن یُوحناہس نِشہ یِتھ تس، "ہے ربی" یُوس شخص یرُدنہٟ اپارِہ ژے ساتؠ اوُس ، ؠمؠ سنز ژے گواہی دِژِتھ، وُچھ سُہ چُھ بپتسمہ دوان تہ سٲری چھِ تس نشِ یوان.²⁷یُوحناہن وُن درجواب" انسان ہؠکنہ کہین تہِ پرٲوِتھ یوتام نہ تس آسمانہٟ پیٹھ دِنہ یؠہِ.

²⁸توہی چُھو پانہ میٲنؠ گواہ زِ مے وُن"بُو چُھسنہ مسیح" مگر تس بروُنٹہ؛ آس سوزنہ.²⁹یمسنز مہرنی چھے سُوی چُھ مہرازہ. مگر مہراز سنُد دوُست یُوس اِستادہ چھ سُہ تمسنُد بوزان. تہ مہرازہ سنزِ آوازِ ساتؠ چُھ واریاہ خوش سپدان، ادہ میانؠ یہ خوشی سپز پورہ.

³⁰.ضروری چھ زِ سُہ چھ تھدِ ہایہِ بُو کم پایہ.³¹یُوس ہؠرِ چُھ یوان سُہ چھ ساروؠ کھوتہ ہُؠور.یُوس زمینہِ پیٹھ چُھ سُہ چُھ زمینؠ تہ زمینہِ ہنُدؠ چُھ ونان یُوس آسمانہ پیٹھ چُھ یوان سُہ چؠھ سارنؠ تُھود.

³²یہِ کینژھا تؠمؠ وُچھ تہ بُوزن تمچؠ گچاہی چُھ دوان. بیہ چُھنہ کاہنہ تمسنز گواہی قبول کران.

³³ؠمؠ تمسنذ گواہی قبول کر تؠمؠ کر تَتھ کتھِ پیٹھ مہر، زِ خدا چھ پُوز"³⁴تکیازِ یُوس خداین سُوز، سُہ چُھ خداے سنزے کتھہ ونان. تکیازِ سُہ چُھنہ روُح تولِتھ تہ مینِھ دوان.

³⁵مُول چُھ اولادس ساتؠ محبت تھوان. تہ تیمؠ چھِ سارؠ چیز تس حوالہ کمتؠٟ.

³⁶یُوس خدایہ سندِس فرزندس پیٹھ ایمان چُھ انان تس میلہ ابدی زندگی. مگر یوس نہ تمسُند مانان چُھ، سُہ وچھنہ زندگی. بلکہ چُھ تس پیٹھ خدایہ سنُد غضب روزان.

4¹پتہِ ییلہِ خداوندس معلوم سپُد زِ فریسیو بُوز زِ عيسىٰ چُھ یوحنا سندِ کھوتہ زیادہ ذاگرد بناوان تہ تمن بپتسمہ دوان.

²حالانکہ عيسىٰ اُوسنہ پانہ بلکہ ٲسؠ تسندؠ شاگرد بپتسمہ دوان

³تہ سُہ گو یہودیہ تراوتھ پتہ گِلیلِ.⁴.تہ تس اوس ضروری سامریہ کینؠ نیرُن.

⁵ادہ سُہ ووت سامریہ کِس اکِس شہرس تام یتھ سُوخار اوُس وننہ یوان یہ چُھ تَتھ زمینس نزدیک یُوس یعقوبن پننِس نیچوس یُوسفس دُیوتمت اوُس.⁶تہ یعقوب سنُد کریُول اوُس تَتؠِ. حالانکہ عيسىٰ بُؠوٹھ سفرہ ساتؠ تھکِتھ تَتھ کریلِس پیٹھ یہ اوُس نزدیک تقریباً دوپہُرک وقت.

⁷سامریہ ہچ اکھ زنؠ آیہ آب نِنہ. عيسىٰ ہن وُن تس "مے چیٲوتہٟ تریش"

⁸تکیازہ تمسندٟؠ شاگرد ٲسؠ شہر گؠمتؠ کِھؠن مولؠٟ ہؠنہِ خاطرہ.⁹تؠمہ سامری زنہ وُن تس. ژہ یہُودؠ آسِتھ کیازِ چُھکھ ژے مے سامری زنہِ تریش منگان؟ تکیازِ یہودی چھنہ سامریِن ساتؠ جان برتاۆ کران.

¹⁰عيسىٰ ہن وُن تس درجواب. اگر ژہ خدایہ سنذ بخشِش زانکھ، بیہ زانکھ یہ تہِ زِ ژے کُس چھؠ تریش منگان. تہ ژہ منگہکھ تس تہ سُہ دییؠ ژے آبِ حیات.¹¹زَنِہ ووٚن تس ہے خداوندہ ژے نِش چُھنہ آب رٹنہ باپتھ تہ کہؠن تہ کرؠول تہِ چُھ' سُرون، پتہ کپارؠ آۆ سُہ آبِ حیات ژے نِش؟

¹²کیا ژہ چھکھہٟ سانِس بب یعقُوبس کھوتہ تھود. ؠمؠ اسہ یہ کرؠُول دیُوت تہ پانہ تؠمؠ تہ تمسندؠو اولادو تہ تمسندؠو جانورو چُھ امہ منزہ چؠومُت.¹³عيسىٰ ہن وُن تس درجواب. یُوس یمہ آبِ منزہ چییہ تس لگہِ بیہ تریش.

¹⁴مگر یوس اکھا تؠمہِ آبہ منزہ چییہِ یُوس بُو تس دِمہ. تس لگنہٟ تا ابد زانہہ تریش. بلکہ سُہ آب یُوس بُو تس دِمہ سُہ بنہ تس منز اکھ ناگ یوس تا ابد زندگی خاطرہ جاری روزِ.¹⁵زنہِ وُن تس ہے خداوندہ سُہ آب دِتہ مے. تاکہ نہ روزھو بو تریشہ ہژ نہ ؠمہ بُو یُور آب نِنہ.

¹⁶عيسىٰ ہن وُن تس، گژھ تہٟ پنُن شوہر انُن یورؠ ناد دِتھ¹⁸زنہِ وُن تس درجواب بُو چھیس بے شوہر. عيسىٰ ہن وُن تس ژے ونُتھ صیح زِ ژہ چھیکھ بے شوہر.

¹⁷تکیازِ ژے چھؠ پانژھ شوہر کرمتؠ تہ یس نِش ژہ ونکیس چھؠکھ سو چُھنہ چُون شوہر یہ ونُتھ ژے پُوز.¹⁹زنہٟ وُن تس ہے خداوند مے چُھ باسان زِ ژہ چُھکھ نبی.

²⁰سانیو آباواجدادو چھِ یتھ پہاڈس پیٹھ عبادت کرمژ. تہ ژہ چُھکھ دپان سُو جاے یتہ عبادت پزِ کرنؠ چھے یروشلمس منز.²¹عيسىٰ ہن وُن تس، ہے خاتون میانہ کتھہ ِ ہنُد یقین کر زِ سِہ وقت چھ یوان زِ نہ کریو توہہِ یتھ پہاڈس پیٹھ ببہ سنز عبادت نہ یرشلمس منز.

²²توہی چُھو تسنذ عبادت کران یُوس نہ تُوہی زانِوۆن. اسؠ چھِ تہنز عبادت کران یُوس اسؠ زانوۆن تکیازِ نجات چُھ یہودیو منزہ.²³مگر سُہ وقت چُھ یوان بلکہ چُھ وُنکیسؠٟ زِ حقیقی عبادت گزار کرن ببہ سنز عبادت رُوح تہ پزرہ ساتؠ. تکیازِ بب چُھ پننہ خاطرہ تِتھؠ عبادت گذار ژھانڈان.

²⁴خدا چُھ رُوح تہ ضروری چُھ زِ تمسندؠ عبادت گزار کرن رُوح تہ پزرہٟ ساتؠٟ عبادت²⁵زنہِ وُن تس بُو چھیس زانان زِ مسیح یُوس خرِستُس وننہ چُھ یوان سُہ چُھ ینہِ ووُل. ییلہ سُہ ییہ تہ اسہ ونہ سُہ سارے کتھہٟ.

²⁶عيسىٰ ہن وُن تس بُو یُوس ژے ساتؠ کتھہٟ چُھس کران چُھس سُویؠ.²⁷اتھؠ منز آے تمسندؠ شاگرد تہ لگؠ حٲران سپدنہِ زِ ہُو چُھ زنہِ ساتؠ کتھہ کران، توتہِ وننہ کانسہ تس زِ ژہ کیا چُھکھ کران؟ یا ژہ کؠمہ خاطرہ چُھکھ امِس ساتؠ کتھہ کران؟²⁸ادہ زنہ ژھُن پنُن نُوٹ ترایتِھ تہ وٲژ شہر تہ لجؠ لوکن وننہِ

²⁹ولؠو. اکھ نفر وُچِھوُن ؠمؠ میانہ سارے کامہ ونہِ کیا ممکن چُھنا زِ مسیح چُھ یُوہے؟

³⁰تہ تِم لگؠ شہرہ منز نیرتھ تس نِش ینہِ.³¹اتھؠ منز لگؠ تمسندؠٟ شاگرد تس یہ گزارش کرنہ زِ" ہے ربؠ" کؠنہ کیھہ

³²مگر تؠمؠ وُن تمن مے نِش چُھ کھؠنہ خاطرہ تیُوتھ کِھؠن یُوس نہ توہی زٲنِوؠٟ.

³³اتؠ وُن شاگردو پانہ وانؠ زِ کیا کانسہ چھا ٲمہ سندِ خاطرہ کؠنہ کھینہ خاطرہ اُنمُت؟³⁴عيسىٰ ہن وُن تمن زِ میون کِھؠن چُھ یہ زِ بُو کر پننِس سُوزن والؠ سنزہ مرضی موافقِ عمل بیہِ کر تمسنز کٲم پورہٟ.

³⁵کیا تُوہی چُھؠونا ونان زِ فصل تیار گژھنن چُھ وُنہ ژوُر ریتھ؟ وچُھؠو بُو چُھسو توہہ ونان پننہِ ٲچھ تُلتھ کرؠو کھہن پیٹھ نظر زِ گصل چُھ پپیُومت.

³⁶لوُنن وٲلِس چھے مزُوری میلان تہ ابدی زندگی خاطرہ چُھ فصل جمع کران. یُوتھ زن وون ووُل تہ لُونن وول دونوے یکوٹہ خوشی مناوَن.³⁷تکیازِ اتھ پیٹھ چھے یہ مِثال ٹھیک ثابت سپدان زِ وون ووُل چُھ اکھ تہ لُونن ووُل بیاکھ.

³⁸مے سوزمو تُوہی تِم کھا لوننہٟ باپتھ ؠمن پیٹھ نہ تُوہہ محنتؠٔ کرٟو.باقیو کر محنت تہ تُوہی سپدیُو تِہندس محنتکِس فصلس منز شریک.³⁹تہ تؠمہ شہرکؠو واریاہو سامرؠُو اوُن تمِس زنہِ ہندِس وننس پیٹھ ؠمہ گواہی دِژ زِ تؠمؠ ونہ میانہِ سارے کامہ مے اوُن ایمان تس پیٹھ.

⁴⁰اتؠٟ ییلہِ تِم سامری تس نِش آے تہ لگِس گزارش کرنہ اسے نِش روز حالانکہ سُہ روُد تَتہِ دُون دوُہن.⁴¹تہ تمسندِ کلامکہ وجہ ساتؠ اوُن واریاہو ایمان.

⁴²تہِ وُنکھ تس زنہِ ونؠ چھنہِ ٲسؠ چانے وننہ ساتی ؠوت ایمان کؠنہہ انان بلکہ بُوز اسہِ پانہٟ تہ اسہِ تُور فکرِہ زِ یہ چُھ پزی پاٹھؠ دنیاہُک نجات دِنہ وُول.⁴³تمِو دُویو دُوہو پتہ گو سُہ تَتہِ پیٹھ روانہِ گژھتھ گلیِلِ

⁴⁴تکیازِ عيسىٰ ہن دِژ پانہ گواہی زِ نبین چُھنہ پنِنس وطنس منز عزت کؠنہ میلان

⁴⁵ادہ ییلہِ سُہ گِلیلِ منز آۆ تہ گلیلکؠُو کوُر سُہ قبول. تکیازِ یژا کامہِ تؠمؠ یروشلمس منز عیذ پیٹھ کرمژہ آسہ تمو آسہ تمہ وُچھمژہ تکیازِ تِم تہِ ٲسؠ عیذ پیٹھ گمتؠٟ.⁴⁶اتؠ آۆ سُہ بیہ قاناؠی گِلیلِ منز. یتہ تؠمؠ آبس اوُس دچھِہ رس بنومُت تہ پادشاہ سندِس اکِس ملازمہ سنُد نیچو اوُس کفُر نحونس منز بیمار.

⁴⁷سُہ گو یہ بُوزِتھ زِ عيسىٰ چُھ یہودیہ پیٹھ گِلیلِ منز آمُت تس نِش تہ لوگُس گزارش کرنہِ زِ ولؠو میانِس نیچوس بخشؠُو شفاء تِکیازِ سُہ چُھ مرنس.⁴⁸عيسىٰ ہن وُن تس یوتام نہ ژہ نشانہ تہ معجزہ وُچھکھ ژہ اَنکھ نہ ایمان.

⁴⁹پادشاہ سندٟؠ ملازمن وُن تس ہے خداوند میٲنِس بچہ سندِ مرنہ برونٹھ پکھ.

⁵⁰عيسىٰ ہن وُن تس گژھ چُون نیچُو رُوزِ زندہ. تؠمؠ شخصن عيسىٰ سنزِ اتھ کتھہِ پیٹھ تہ دراۆ.⁵¹سُہ اوُس وتے زِ تمسندؠ نوکر سمٕکھ تس تہ لگسِ وننہ زِ چُون نیچو چُھ زندٟہ.

⁵²تؠمؠ پُروژھ تمن زِ سُہ کؠمہ وزِ گو تھیک؟ تمو ونُس زِ رات ستمِس گٲنٹس منز وُۆتھ تمِس تَف.⁵³اتؠ زُون مٲالؠ زِ سُوی وقت اُوس ییلہ عيسىٰ ہن تس ونمُت اوُس زِ چون نیچو چُھ زندہ پؠہ اوُن تؠمؠ تہ بیہ تسندؠ سالِم خاندانن ایمان.

⁵⁴یہ چُھ دُویم معجزہ یُوس عيسىٰ سن یہودیہ پیٹھ گِلیلِ منز یِتھ ہُوو

5¹ؠمو کتھو پتہٟ سپز یہودین ہنز اکھ عید تہ عيسىٰ گو یروشلم.

²یروشلمس منز چُھ تیر دروازس نِش اکھ حوض یتھ عبرانؠ زبانؠ منز بیتِ حسدا چِھ ونان تہ تَتھ چھِ پانژھ برآند.

³ؠمن پیٹھ ٲسؠ واریاہ بیمار، ٲنؠ، لنگؠٟ تہٟ کمزور لوکھ ؠِم آبس الہٟ ڈلہٟ گژٟھنِکس انتظارس منز بہتھ ٲسؠ.

⁴تکیازِ وقتس پیٹھ اوُس خدایہ سنُد فرشتہ حُوضس پیٹھ وَسِتھ آبس الہ ڈلہ کران. آب ہِلنہ وِزِ یُوس گوڈہ وسان اوُس سُہ اوُس شفاء لبان چاہے تس کُوٚسٕہ تہِ بیماری کیازِ تہِ آسہِ ہے نہٟ.⁵تَتہِ اُوس سُہ شخص یوس اَرہ ترہو ورؠُو پیٹھ بیمارِ منز مبتلا اوُس.

⁶سُہ وُچھ عيسىٰ ہن پیتھ تہ یہِ زانتھ وننس زِ یہ چُھ واریاہ کالہٟ پیٹھ اتھ حالتس منز." کیا ژہ چُھکھہ صحت منز گژُھن یژھان"؟⁷ٲمؠ بیمارن دیوت تس جواب. ہے خداوند! مے چُھنہ کانہہ نفر یُوس آب ہلنہ وزِ مے حوضس منز والہِ ہے. بلکہ میانہ واتنہ برُونہہ چُھ بیاکھ تَتھ منز وسان.

⁸عيسىٰ ہن وُن تس، وَتھ، تہ پننؠ چارپاے تُل تہ نیر⁹سُہ شخص سپُد فوراً صحتِ یاب. تہ لوگ پننؠ چارپاے تُلِتھ پکنہِ.¹⁰سُہ دوہ اوُس سبتُک. اتؠ لگؠ یہودی تس وننہِ یمؠ شفاء لوب."از چُھ سبتک دوہ"، چارپاے تُلنؠ چھؠنہٟ ژے جایز.

¹¹تؠمؠ وُن تمن درجواب. ؠمؠ بُچ صحتِ مند کورس، تؠمؠ وُن مے پننؠ چارپاے تُل تہ نیر.¹²تمو پُروژھ تس . سُہ کُس شخص چُھ ؠمؠ ژے وُونؠ، چارپاے تُلِتھ نیر.

¹³مگر ؠمؠ شفاء لوب تس ٲسنہ پتہ زِ سُہ کُس چُھ تِکیاز ہجوُمکہ وجہ کؠنؠ اوُس عيسىٰ تَتہِ درامُت.¹⁴ؠمو کتھو پتہٟ سُمکھ سُہ عيسىٰ ہس ہیکلِ منز.تؠمؠ وُن تس وُچھ ژہ گوکھ صحت مند. دوبارہ کرِزینہ گناہ. یوتھنہ تہ سپدِ زِ پیٹھ ییہِ امہ کھوتہ بڑ آفت.

¹⁵تؠمؠ نفرن دِژ یہودین خبر زِ یمؠ بُو تندرُست کورُس سُہ چُھ عيسىٰ.¹⁶امہِ موجوب لگؠ یہودی ستٲونہِ عيسىٰ ہس تکیازِ سُہ اوُس سبتکہ دوہ یِژھ کٲم کران.

¹⁷مگر عيسىٰ ہن وُن تمن، زِ مؠون آسمانؠ بب چُھ ونؠوک تام کٲم کران، تہ بُوتہ چُھس کران.

¹⁸امہِ وجہ کؠنؠ لگؠ یہودی تس ببہ تہِ زیادہ قتل کرنچ کوشش کرنہ.زِ سُہ چُھنہ فقط سبتُک حکم فٹران بلکہ اوُس خدایس خاص پنُن بب ونِتھ پنِنس پانس خدایس برابر بناوان.¹⁹ادہ عيسىٰ ہن وُن تمن. بُو چُھسو تُوہہ پوز ونان زِ نیچو چُھنہ ہیکان پننہ مرضی ساتؠ کہین کرِتھ سواے تؠمہ یہ ببس کران چُھ وُچھان تکیازِ یمن کامین سُہ چُھ کران تِؠمنؠ چُھ نیچو تہِ تِتھے کنؠ کران.

²⁰امہ موجوب زِ مٲلِس چُھ نیچو ٹوٹھ آسان تہ یژا کٲم پانہ چُھ کران تِمہ چُھ تس تہ ہاوان. بلکہ ہایہ تؠمہ کھوتہ تہِ بجہ کامہِ تس یُوتھ زن تُوہی حاران گژھؠو²¹تکیازِ ؠتھ پاٹھؠ بَب موردن تُلان تہ زندہ چُھ کران. تِتھے پاٹھؠ یس نیچو یژِھ زندہ کران.

²²تکیازِ بب چُھنہ کانسہ ہنز تہ عدالت کران بلکہ چھین سارے عدالتچہ کامہ نیچوس حوالہ کرمژہ.

²³یوتھ زن ساری لوکھ نیچوس عزت کرن یتھ کنؠ ببس چُھ عزت کران. یُوس نہ نیچوس عزت کران چھِ سُہ چُھنہ ببس تہِ ؠمؠ سُہ سُوز عزت کران.²⁴بُو چُھسو توہہ پُوز ونان زِ یُوس مُیون کلام بوزان چُھ تہ بیہِ چُھ میٲنس سوزن والؠ سنُد یقین کران تس چھِ ہمیشہ ہنز زندگی تہ تَس پؠٹھ چُھنٕہ سزاہُک حکم کؠنہ سپدان بلکہ سپُد سُہ موتہ منز نیرِتھ زندگی منز داخل²⁵بُو چُھسو توہہ پُوز ونان زِسُہ وقت ووُت بلکہ چُھ ونؠ زِ موردہ بوزن خدایہ سندِس فرزند سنز آواز تہِ ؠم بُوزن تِم گژھن زندہ.²⁶تکیازِ ؠتھہِ پاٹھؠ چُھ پانس منز زندگی تھاوان تِتھے پاٹھؠ بخش تؠمؠ نیچوِس تہِ زِ پانس منز تھایہ زندگی.

²⁷اوہ کؠنؠ مہ سپدؠو حاران، تکیازِ سُہ وقت چُھ ؠوان زِ ییتیٲء قبرن منز چھِ نؠرن تمسنز آواز بُوزِتھ.²⁸اوہ کؠنؠ مہ سپدؠو حاران، تکیازِ سُہ وقت چُھ ؠوان زِ ییتیٲء قبرن منز چھِ نؠرن تمسنز آواز بُوزِتھ.

²⁹یمو نیکؠِ آسِ کرمژ قیامژ ہنز زنسگی باپتھ تہ ؠمو بدی آسہ کرمژ قیامژ ہندِ سزا باپتھ.³⁰بو ہؠکنہ پٲنؠ پانے کہین کرِتھ.یہ بوزان چُھس تَتھے کنؠ چُھس عدالت کران تہ میانؠ عدالت چھے پز.تکیازِ بُو چھسنہ پننؠ مرضی کؠنہ بلکہ چُھس پنِنس سوزن والؠ سنز مرضی یژھان.

³¹.اگر بُو پانے پننؠٟ گواہی دِمہ تہ مؠانؠٟ گواہی چھؠنہ پُوز

³²مگر بیاکھ چُھ یُوس میانؠ گواہی چُھ دِوان تہ بُو چُھس زانان زِ میٲنؠ گواہی یہ سُہ دوان چُھ سُو چھے پزٔ.³³تُوہہِ سوُزو یُوحناہس نِش پیغام تہ تؠمؠ دِژ پزرچ گواہی.

³⁴مگر بُو چُھسنہ پانس نسبت انسان سنز گواہی منظور کہنہ کران توتہ چُھس ؠمہ کتھہ امہ موجوب ونان زِ توہی لبؠُو نجات.

³⁵سُہ اوُس دزہ وُن تہ چمکہ وُن ژُونگ تہ تُوہہ گو کینژھس کالس تام تمچہ روشنی منز روُزن پسند.³⁶مگر ؠوسہ مے نِش گواہی چھے سُو چھے یوحنا سنزِ گواہی کھوتہ بڑ.تکیازِ ؠمہ کامہ مے ببن پورہ کرنہ خطرہ دِژہ یعنی تِمے کامہ ؠمہ بُو کران چُھس تؠمؠ چھے میانؠ گواہی دوان زِ بُو چُھس ببن سوزمُت.

³⁷تہ بب ؠمؠ بُو سُوزمت چُھس تؠمؠ چھے میانؠ دِژمژ. توہہ نہ چُھؠو زانہہ تیِمہ سنز آواز بوزمژ تہ نہ زانہہ تمسنز شکل وُچھمژ

³⁸تہ تسند کلام چُھونہ پنین دلن منز قاؠم تھاوان کیونکہ یُوس تؠمؠ سُوزمت چُھ تسنُد یقین چُھونہ کران.³⁹توہی چُھو کتابِ مُقدسس منز ژھانڈان زِ تَتھ منز چُھو تُوہہ ابدی زندگی میلان تہ یہ چھے سُو ؠُوسہ میانؠ گواہی چھے دِوان.

⁴⁰تُوتہ چُھونہ تُوہی زندگی لبنہ باپتھ یژھان مے نِش ؠُون.⁴¹بُوچُھسنہ انسانن نِش عزت یژھان.

⁴²مگر بُو چھسو تُوہی زانان زِ تُوہہ منز چُھنہ خداے سنُد محبت کؠنہہ.⁴³بُو آس پنِنس ببہ سندِ ناوٟ ساتؠٟ، تہ تُوہی چھونہ مے قبول کؠنہہ کران. تہ اگر بیہ کانہہ پننہِ ناوہ ساتؠ ییہِ تہ سُو کرِوُن قبول.

⁴⁴توہی چُھو اکِس بیکؠٟ سنُد عزت یژھان مگر سُہ عزت چُھونہ یژھان یُوس خدایہِ واحِد سندِ طرمہ چُھ آسان.تہ تُوہی کِتھہ کنؠ ہیکیو ایمان انِتھ؟⁴⁵یہ مہ سمجھؠو زِ بو کرہٟ ببس نِش تُہنذ شکایت.تُہنذ شکایت کرن ووُل چُھ موسٰى یس پیٹھ اُمید ٲسو تھاوہ مژٔ.

⁴⁶تکیازِ اگر تُوہہ موسٰى سنُد یقین آسِہُو کورمُت، تہ میُون یقین تہِ کرہُو امہ موجوب چُھ تؠمؠ میانس حقس منز لیوکمُت

⁴⁷مگر ییلہ نہ تُوہی تمسندِہ لؠکھہ مَتُیوک یقین چُھونہ کران تہ میانہِ کتھہِ پیٹھ کِتھہ کنؠ کرؠو یقین.

6¹یمو کتھو پتہ گو عيسىٰ گِلیلِ ہندِ جھیلہٟ یعنی تِبریاس چھیلہ اپُور.

²تہ بُوڈ ہجوم دراو تس پتہ پتہ تکیازِ ؠِم معجزہ سُہ بیمارن پیٹھ کران اوُس تِم ٲسؠ وُچھان تِم.

³عيسىٰ کھوت پہاڈس پیٹھ تہ بیوٹھ تَتہِ پنین شاگردن ساتؠ.⁴تہ یہودؠن ہنز عیدِ فسح ٲس نزدیک.

⁵ادہ ییلہ عيسىٰ ہن پننہ ٲچھ تُجہِ تہ وچُھن پانس کُن اکھ بُوڈ ہجوم یوان. تہ فِلپُسس ونُن زِ ؠمن ہنزِ خاطرہ کتہِ انو ٲسؠ ژوُچہِ مُولؠ.

⁶مگر تیمؠ وُن تمن آزماونہ خاطرہ یہِ تکیازِ سُہ اُوس پانہ زانان زِ بُو کیا کرہ.⁷فِلپُسن وُن تس درجواب کیا دوُن ہتن دینارن ہنزہ ژُوچہ چھینا یمن خطرہ کافی زِ پرؠتھ کانسہ میلہ رژھا رژھا.

⁸تمسندیو شاگرو منزہ وُن اکؠ ینعی شمعون پطرس سندؠ باے اندریِاسن تس.

⁹یتہِ چُھ اکھ لڑکہِ تمِس نِش چھے پانژھ ژُوچہ تہ زہ گاڈہ.مگر ییتیہن لوکن کتہِ پُوشن ؠِمہ؟¹⁰عيسىٰ ہن وُن زِ لوکھ بہنٲیوۆکھ پتھر تہ تَتھ جایہ اوُس واریاہ گاسہ پتہ بؠٹھؠ تِم مرد ؠم تقریباً پانژھ ساس ٲسؠ.

¹¹عيسىٰ ہن رچہِ تِمہ ژوچہِ تہ شکر کرِتھ بٲاگرؠن تمِن ؠِم بہتھ ٲسؠ تہ یتھے کنؠ بٲگرؠن گاڈہ تہِ یتھہِ کنؠ سُہ یژھان اوُس

¹²ییلہ تِم سیر سپدؠٟ تہ پنین شاگردن ونُن زِ ہُورؠومت تہ بےاستعمال کھؠن کرؠو جمع ؠُوتھنہ کؠہنہ ضایعہ گژِھ.¹³حالانکہ تمو کرِ پانژن وُشکہِ ژوچن ہنزہ کھنجہِ جمع ؠِمہ کھؠنہ والؠن نِش ہورؠمژہ آسہ برؠکھ باہ ٹُوکرِہ.

¹⁴اتؠٟ یُوس معجزہ تؠمؠ ہُو. تِم لوکھ لگؠ یہ وچھتھ وننہِ زِ"یُوس نبی ؠنہ وول اوُس، سُہ چُھ پزیٟ ماٹھؠٟ یُوہے".

¹⁵ادہ ییلہ عيسىٰ ہن معلوم کور زِ تِم چھ مے یژھان پادشہ بناونہٟ خاطرہ رٹُن.پتہ گو سُہ کونؠٟ زوُن پہاڈس پیٹھ.¹⁶پتہِ ییلہِ شام ووُت تہ تمسندؠ شاگرد گے جھیل بٹھِس کُن.

¹⁷پتہ ییلہ تِم نایہِ منز بِہتھ ٲسؠ جھیلہ اپُور کفُرنحوم گژھان تؠمہِ ساتہ اوُس انہِ گوٹ گومُت. تہ عيسىٰ اوُسنہٟ چنہ تمن کؠنہہ ووتُمت.

¹⁸تہٟ طوفانکہِ وجہ ساتؠٟ لجہِ جھیلہ منزہ آبہ لہرہ وتھنہِ.¹⁹پتہِ ییلہِ تمو لمان لمان تقریباً ترے ژور میل کڈؠٟ. تہ تمو وُچھ عيسىٰ چھیلہ پیٹھؠ پکان تہ نایہ نزدیک یوان. تہ تِم کھوژؠٟ.

²⁰مگر تؠمؠ وُن تمن بُو چُھس، کھوژیو مہ.

²¹اتؠ گے تِم تس نایہ منز کھالنہ خاطرہ تیار تہ فوراً وٲژ ناۆ تَتھ جایہ یُوت تِم گژھان ٲسؠ.²²دوؠمہ دوُہ وُچھ تؠمؠ ہجوم یُوس چھؠلہ اپارِ کھڑا اوُس زِ یتہِ ٲسنہ اکہِ وراے کانہہ لوکٹؠ ناۆ تہ عيسىٰ تہِ اوُسنہ پنین شاگردن ساتؠ نایہ منز سوار کؠنہ سپدمُت بلکہ ٲسؠ تہندؠ شاگرد درامتؠ.

²³مگر کؠنہہ لوکچہ ناوہ آیہ تبریاسہ پیٹھہ تَتھ جایہ نزدیک یتہِ تمو خداوند سنُد شُکر کرِنہ پتہ ژوچہِ کھمژہ آسؠ.²⁴ادہ ییلہ ہجومن وُچھن زِ یتہِ نہ چُھ عيسىٰ تہِ نہ تمسندؠ شاگرد تہ تِم دراے پانے لوکچن ناون منز بہتھ عيسىٰ ہس ژھانڈنہِ کُفر نحوم.

²⁵تہ چھیلہ اپارِ سمکِتھ ونہس"ہے ربی" ژہ کر آکھ یُور.²⁶عيسىٰ ہن ون تمن درجواب بُو چُھسو توہہ پُوز ونان .زِ توہی چھونہ مے امہ موجُوب ژھانڈان زِ معجزہ وُچھو بلکہ امہِ مُوجوب زِ تُوہی گو ژوچہ کھیتھ سیر.

²⁷فٲنیٟ خوراکہ تہ کریو محنت. بلکہ کریو تؠمہ خوراکہ خاطرہ محنت یُوس ابدی زندگی تام باقی روِز. یُوس ابنِ آدم توہہ دیِؠُو. تکیازِ ببن ینعی خداین چھے تَتھؠ پیٹھ مُہر کرمژ.²⁸اتؠِ وُن تمو تس ز ٲسؠ کیا کرو یُوتھزن خدایہ سنزِ کامہِ انجام.

²⁹عيسىٰ ہن وُن تمن درجواب خدایہِ سنز کٲم چھے یہ زِ یُوس تؠمؠ سوزمُت چُھ"تس پیٹھ انُن ایمان"³⁰پتہ وُن تمو تس تیلہ کُس سنا نِشان چُھکھ ژہ ہاوان، تاکہاسؠ کرو وُچھتھ چُون یقین ؟ ژہ کوُسہ سنا کٲم چُھکھ کران؟

³¹سانیو آباواجدادو چُھ ریگستانس منز مَنّ کھؠومُت. ییلہِ زن لؠکِتھ چُھ زِ، تؠمؠ دِژ تمن آسمانہ پیٹھ ژوٹ کھؠنہ خاطرہ.³²عيسىٰ ہن ون تمن بُو چُھسو توہہ پُوز پُوز ونان زِ موسٰہن دِژُونہ توہہ سُو ژوُٹ آسمانہ پیٹھ کؠنہہ.مگر میون بب چُھو تُوہہ آسمانہ پیٹھ حقیقی ژوُٹ دِوان.

³³تکیازِ خدایہ سنز ژوُت چھے سُو یُوسہ آسمانہ پیٹھ وِستھ دنیاہس زندگی بخشان.

³⁴تمو وُن تس، ہے خداوند یہ ژوُٹ روز اسہ ہمیشہ دِوان.³⁵عيسىٰ ہن ون تمن زندگی ہنز ژوُٹ چُھس بُو یُوس مے نِش ییہِ سُہ روزنہِ زانہہ فاقے تہ یُوس مے پیٹھ ایمان انہِ سُہ روزہ نہ زانہہ تریشہ ہُوت.

³⁶مگر بُو چُھسو توہہ ونان زِ توہہ وچھووُس بُو تُوتہِ چُھونہ تُوہی ایمان انان.

³⁷یہ کینژھا بب چُھ مے دِوان، تہِ واتہ مے نِش تہ یُوس اکھاہ مے نِش ییہِ سُہ کڈن نہ بُو ہرگز تہِ.³⁸تکیازِ بُو وُتھسنہ آسمانہ امہ موجوب کؠنہہ زِ بُو کرہ پننہِ مرضی موافق عمل، بلکہ امہ موجوب زِ پنیس سوزن والؠ سنزِہ مرضی موافق کرؠُو عمل

³⁹تہِ میانس سوزن والؠ سنز مرضی چھے یہ زِ یہ کینژھا تؠمؠ مے دیوتمت چُھ تؠمہ منزہ راورنہ بُو کؠنہہ، بلکہ کرہٟ بُو سُہ قیامژ دوہ بیہ زندہ.

⁴⁰تکیازِہ میانِش ببہ سنز مرضی چھے یہ زِ یُوس اکھا نیچوس وُچھہ تہ تس پیٹھ ایمان انہِ لبہ ہمیشہ ہنز زندگی تہ بُو کرن سُہ قیامژ دوہ دوبارہ زندہ.⁴¹ادہ یہُودؠٟ لگؠ اتھ پیٹھ وُولہ دُولہ وننہِ زِ امؠٟ وُن" یوسہ ژوٹ آسمانہ وژھ سُہ چُھس بُو.

⁴²تمو وؠن کیا یہ چُھنا یُوسفُن نیچُو "عيسىٰ" ؠمسنُد مول تہ موج ٲسؠ زانوۆن؟ ونؠ کتھہ کنؠ چُھ یہ ونان زِ بُو چُھس آسمانہ پیٹھ وتھمُت؟⁴³عيسىٰ ہن ون تمن زِ" پانہ وانؠ مہ کرؠو وولہ دُولہ کتھہ.

⁴⁴کاہنہ ہیکنہ مے نِش یتھ یوتام نہ تس بب یمؠ بُو سُوزمُت چُھس تس لِمتھ انہ تہ بوکرن سُہ قیامژ دوہ دوبارہ زندہ

⁴⁵نبین ہنز صحایفن منز چھ یہ لیکھتھ، تم ساری آسن خدایس نِش تعلیم حاصل کرمتؠ لوکھ. ؠمؠ تہِ کانسہ ببس نِش بُوز تہ ہیچھُمت چُھن سُہ چھ مے نِش یوان.⁴⁶یہِ نہَ زِ کانسہ چُھ بب وچھمت،مگر یُوس خدایہ سندِ طرفہ چُھ تؠمؠ چُھ بب وچُھمت.

⁴⁷بُو چُھسو توہہ پُوز ونان، یوس ایمان چُھ انان ابدی زندگی چھے تہنزیِ.⁴⁸زندگی ہنز ژوُٹ چُھس بُو.

⁴⁹تُہندیو آباواجدادو کھؠو ریگستانس منز مَنّ تہ مُودؠٟ.⁵⁰یہ چھے سُو ژوٹ یوسہ آسمانہ پیٹھ چھے وَژمژ تاکہ یُوس انسان تؠمہ منزہ کھییہ سُہ مرِنہ.

⁵¹بُو چُھس سُو ژوُٹ ہہُوسہ آسمانہ پیٹھٟ وژہ. اگر کاہنہ امہِ ژُوچہ منز کھیِہ تہ سُہ روزِ تا ابد زندہ بلکہ یُوسہ ژوٹ بُو دُنیاہچہ زندگی باپتھ بُو دِمہ سُہ چُھ میون ماز.⁵²ادہ یہ بوزِتھ لگؠ یہودی پانہ وانؠ تکجار کرنہِ زِ یہ شخص کِتھ کنؠ ہؠکہ اسہِ پنُن ماز کھؠنہ باپتھ دُتھ؟

⁵³عيسىٰ ہن وُن تمن بُو چھسو توہہ پبز ونان زِ یوتام نہ تُوہی ابنِ آدمہ سنُد ماز کھیُیو بیہ تؠمہ سنُد خون چیُیو توہہ منز چھؠنہ زندگی.⁵⁴یُوس میون ماز کھیوان تہ میون خون چیوان چُھ ابدی زندگی چھے تہنز تہ بُو کرن سُہ قیامژ دوہ دوبارہ زندہ.

⁵⁵تکیازِ میون ماز چُھ حقیقی کھؠنہ چیز تہ مؠون خون چُھ حقیقی چینہ چیز.

⁵⁶یُوس میون ماز کھیوان تہ میون خون چیوان چُھ سُہ چُھ مے منز قایم تہ بُو تس منز.⁵⁷یتھہٟ پاٹھؠ بُو زندہ ببن سوزُس تہ بُو چُھس ببہ سندِہ وجہ ساتؠ زِندہ تِتھے پاٹھؠ روزِ تہِ یُوس مے کھییہ میانہ وجہ ساتؠ زِندہ.

⁵⁸یہاے چھے سُو ژوُٹ یُوسہ آسمانہ وژہ. تُہندین آباواجدادن ہندؠ پاٹھؠ تہ کؠنہ زِ کھییکھ تہ مُودؠ. بلکہ یُوس یہ ژوُٹ کھییہِ سُو روزِ تا ابد زِندہ.

⁵⁹یمہِ کتھہ کرِ تؠمؠ کُفر نحومکِس اکس عبادت خانس منز تعلیم دِنہ وِزِ.⁶⁰امہِ موجوب وُن تمسندؠو شاگردو منز واریاہو بُوزِتھ زِ یہ کلام چُھ ناقابِل برداشت. یہ کُس ہیکہ بُوزِتھ؟

⁶¹عيسىٰ ہن وُن پانس ساتؠٟ زِ میانؠ شاگرد چُھ پانہ وانؠٟ اتھ کتھہ پیٹھ ووُلہ دُولہ ونان تمن وُنن کیا تُوہہ چُھوا امہ کتھِ ساتؠ تکلیف گژھان؟⁶²اگر توہی ابنِ آدم ہُیور کھسان وُچھِون یتہِ سُہ گوڈہ اوُس تہ کیا سپُد؟

⁶³زندہ کرن وول چُھ صرف روُح. جسمہ ساتؠ چھنہ کانہہ فایدہ.ؠمہ کتھہ مے ونمو تُوہہ تِمہ چھے رُوح تہِ بیہِ زندگی تہِ.⁶⁴مگر توہہِ منزہ چِھ کؠنہہ تِتھ یمو نہ اننمان اوُن تکیازِ عيسىٰ اوُس گوڈہ پیٹھے زانان زِ ؠم ایمان چھنہ انان تِم کم چھِ تہ کُس رٹنایہِ مے

⁶⁵پتہ وُن تؠمؠ، امے موجوب اوُسو توہہ مے وُنُمت زِ مے نِش ہؠکنہ کاننہ ؠِتھ یُوتام نہ ببہ سندِ طرفہٟ تس یہ توفیق ییہِ بخشنہ.⁶⁶اتھ پیٹھ گے تمسندؠو شاگردو منز واریاہ فیرتھ.تہ امہ پتہ روُدنہ تِم تس ساتؠ.

⁶⁷اتؠ وُن عيسىٰ ہن تمن بہن کیا تُوہی تہِ چُھوا گژُھن یژھان؟

⁶⁸شمعُون پطرسن وُن درجواب. ہے خداوندہ اسؠ کَس نِش گژھو؟ ابدؠ زندگی ہنزہ کتھہ چھے صرف ژے نِشہ.

⁶⁹تہ اسہِ اوُن ایمان بیہ زُون زِ خدایہ سنُد قُدُوس چُھکھ ژؠ.⁷⁰عيسىٰ ہن وُن جواب تمِن زِ کیا مے چُھونا تُوی باہ کؠنہہ ژٲزمتؠ؟ تہ تُوہہ منز چُھ اکھ شخص شیطان.

⁷¹تؠمؠ وُن یہ شمعُون اسکریوتی سندِس نیچوِس یہوداہس کُن. تکیازِ یوہے اوُس تمو بہو منز تس رٹناون ووُل.

7¹.ؠمو کتھو پتہ رُود عيسىٰ گِلیلِ منز فیران. تکیازہ یہودیایہِ منز اوُسنہ سُہ کؠنہہ یژھان فُیرن. امہ موجوب زِ یہُودی اسؠ تس قتل کرنچہِ کوششہِ منز.

²تہ یہُودؠن ہنز عیدِ خیام ٲس نزدیک.³اتؠِ وُن تسندؠو بایو تس یتہِ نیرتہ گژھ یہودیایہ منز یُتھ زن چانؠٟ شاگرِد تہ وُچھن تِمہ کامہ ؠمہ ژہ کران چُھک.

⁴تکیازِ یُوتھ چھنہ کانہہ یُوس مشہور گژھن یژِھ تہ کرِ ژوُرِ ژورِ کامہِ. اگر ژہ یہ کٲم کران چُھکھ تہ پنُن پان کرِ دنیاہس پیٹھ ظاہر⁵تکیازِ تمسندؠو بایو تہِ اُوسنہ تس پیٹھ ایمان اونُمت.

⁶اتؠ وُن عيسىٰ ہن تمن زِ میون وقت ووُت نہ ونہِ. مگر تُہندِ خاطرہ چُھ پرہتھ وِزِ وقت

⁷دنیا ہیکنہ توہہ ساتؠ دشمنؠ تھٲیتھ. تکیازِ بُو چُھس تَتھ پیٹھ گواہی دِوان زِ تسنزہ کامہِ چھے غلط.⁸تُوہی گژھؠُو عیذ پیٹھ. بُو گژھنہ عیذ پیٹھ کؠنہہ تکیازِ وُنہِ سپُدنہ میُون وقت پُورہ کؠنہہ.

⁹تِمن ؠمہ کتھہِ ونِتھ رُود سُہ گِلیلِ منزؠٟ.¹⁰مگر ییلہِ تمسندٟی پٲے عیذ پیٹھ گے تؠمہِ ساتہ گو سُوتہِ ننہِ وانہٟ نہ کؠنہہ بلکہ ژورِ پاٹھؠٟ

¹¹اتؠِ لگؠ یہُودی تس عیذ پیٹھ ژھانڈنہِ یہ ونِتھ زِ سُہ کتہِ چُھ؟¹²تہ لوکھ اسؠ تس مطلق ژُورِ ژُورِ واریاہ کتھہ کران کؠنہہ ٲسؠ ونان سُہ چُھ نیک، کؠنہ ٲسؠ ونان نا سُہ چُھ لوکن گمرٲہ کران

¹³توتہِ اُوسنہ کانہہ شخص یہودین ہندِ خوفہ ساتؠ تس مطلق صاف صاف ونان¹⁴ییلہ عیذ ہنُد نصف دوہ موکلیُو، تہ عيسىٰ لوگ ہیکل منز گژِھتھ تعلیم دِنہِ.

¹⁵ادہٟ یہودؠ گے حٲران تہ وُنکھ. ِمس اَن پڑھس کپارٟی آۆ علم؟

¹⁶عيسىٰ ہن وُن تمن درجواب. میٲنؠ تعلیم چھینہ میٲنؠ بلکہ چھے میٲنِس سوزن والؠ سنز¹⁷اگر کانہہ تمسنزہ مرضی پیٹھ پکُن چُھ یژھان تہ سُہ زانہ اتھ تعلیمہ مطلق زِ خدایہ سندِ طرفہ چھا کِنہ بُوچھس پننِہ طرفہ ونان

¹⁸یُوس پننہِ طرفہ چُھ کؠنہہ ونان سُہ چُھ پنُن عزت یژھان. مگر یُوس پننِس سوزن والؠ سنُد عزت چُھ یژھان سُہ چُھ پزؠٟ زیُور تہ تس منز چھؠنہ اپُزؠ گی¹⁹کیا موسٰہن چھؠونا تُوہہ شریعت دِژمژ؟ توتہِ چُھنہ تُوہہ شریعتس پیٹھ کاہنہ عمل کران.توہی کیازِ چُھو میانہ قتلچہِ کوششہ منز.

²⁰لوکو ونُس ژے منز چُھ بدرُوح کُس چُھ چانہِ قتلچہ کوششہ منز؟²¹عيسىٰ ہن وُن تمن درجواب، مے کٔر اکھ کٲم تہ تُوہی گُو سٲرؠٟ حیران.

²²امہِ وجہ کؠنؠ چُھو تُوہہ موسٰہن حکم دیوتمت ختنہ کرنُک.حالانکہ سُہ چُھنہ موسٰى سندِ طرفہ کؠنہ بلکہ چُھ آباواجدادو پیٹھ آمُت تہ تُوہی چُھو سبتکہ دوُہ انسانن ختنہ کران²³ییلہِ سبتکہِ دوہ انسانن چُھ ختنہٟ کرنہ یوان تاکہ موسٰى سنز شریعت گژِھنہ فُٹنؠ. تیلہ کیازِ چُھ تُوہی مے امہِ موکھہ ناراض زِ مے کُور سبتکہِ دوہ اکھ انسان بلکل صحت مند؟

²⁴ہاونہ مُوجوب مہ کرؠو فٲصلہ بلکہ کریو انصافہ ساتؠ فٲصلہٟ.²⁵پتہ لگؠ کؠنہ یُروشِلمی وننہِ کیا یہ چُھنا سُوی ؠمسندِہ قتلچ کوشش چھے سپدان؟

²⁶مگر وچھؠُو یہ چُھ صاف صاف ونان تہ تِم چھِنہ ٲمِس کہین ونان.کیا بنان چُھ سردارو ما آسہِ پُوز سمُجھمُت زِ مسیح چُھ یُوہے.

²⁷یہِ تہِ زانوون ٲسؠ زِ کتؠُوک چُھ، مگر مسیح ییلہ ییِہ تہ کانسہے لگنہ پے زِ سُہ کتُؠوک چُھ.²⁸اتؠ وُن عيسىٰ ہن ہیکلہِ منز تعلیم دِوان بڈِ" تُوہی چُھو مؠتہِ زانان، بیہ چُھو یِتہ زانان زِ ُو کتُیوک چُھس. تہ بُو چھسنہ پانہ آمُت، مگر ؠمؠ بُو سوزمُت چُھس سُہ چُھ برحق، توہی زٲنِوون نہ سُہ.

²⁹بُو زانن سُہ، امہ موجوب زِ بُو چُھس تمہ سندے طرفہ تہ تؠمؠِ چھُس بُو سُوزمُت³⁰اتؠِ لگؠ تِم تس رٹنچ کوشش کرنہِ مگر تس پیٹھ تروونہ کانسے اتھہ تکیازِ تمسنُد وقت اوُسنہ وُنہ ووتمُت.

³¹مگر ہجومہ منزہ اوُن واریاہو تس پیٹھ ایمان. تہ وننہِ لگؠ " مسیح ییلہِ ییہِ" سُہ کیا امہ سندِ کھوتہ ہایاہ زیادہ معجزہ؟ یم ٲمؠ ہایؠ.

³²فریسیو بُوز لوکھ چُھ تس مطلق ژُور ژُورِ ؠمہ کتھہ کران. اتؠ سُوزؠ زِٹھؠ کاہنو تہ فریسیو سِپاہ تس رٹنہ باپتھ.³³عيسىٰ ہن وُن "بُو چُھس بیہِ کینژھن دُوہن تام تُوہہ نِش. پتہ گژھ بُو پنِنس سوزن وٲلِس نِش.

³⁴تُوہی ژھانڈؠُو مے مگر لبؠُو نہ تکیازِ یتہِ بُو چُھس تُور ہیکؠو نہ تُوہی یِتھ.³⁵یہودؠو وُن پانہ وٲنؠ، یہ کوت گژِھ زِ ٲسؠٟ لبون نہ یہ؟ کیا تمن نِش گژھیا ؠِم یونانکین منز اکثر چِھ روُزان، تہ یونانکین دییِاء تعلیم؟

³⁶یہِ کوسہِ کتھ ونؠ امؠٟ تُوہی ژھانڈیو مے مگر لبؠُو نہ یتہِ بُو چُھس ہیکؠُو نہ تُوہی یِتھ؟³⁷پتہ عیذ ہندِ آخری دوُہ یُوس خاص دوُہ چُھ سپُد عيسىٰ کھڑا تہ ونُن بُلند آوازِ منز اگر کانہہ تریشہ ہُوت آسہِ سُہ یین مے نِش تہ چییِن.

³⁸یُوس مے پیٹھ ایمان انہ تس منز سپدن آبِ حیاتچہ کولہ جاری یتھہ کنؠ کتابِ مقُدسسسس منز بیان چُھ آمُت کرنہٟ.³⁹تؠمؠ ونؠ یہ کتھ ےُوحکس بارس منز یُوس تمن چُھ حاصل سپدان ؠِم عيسىٰ سہ پیٹھ ایمان چُھ انان. تِکیازِ روُح اوُسنہ تُوتام نازل سپُدمت. اوہ موکھہ زِ عيسىٰ اُوسنہ وُنہ پنِنس جلالس کؠنہہ ووُتُمت⁴⁰اتؠ ہجومہ منزہ کینژھو یمہِ کتھہ بُوزتھ" بے شک چُھ یُوہے سُہ نبی.

⁴¹باقیو وُن " یہ چُھ مسیح" تہ کینژھو ووٚن کیازِ؟ کیا مسیح ییِٲہ گِلیلِ پیٹھ؟

⁴²کیا کتاب مُقدسس منز چُھنا آمُت زِ مسیح چُھ داۆد سنُد نسل تہ بیت لحم گامہ پیٹھ یتُیوک داۆد اُوس؟⁴³دہ لوکن منز پیُو امکِس بارس منز اختلاف.

⁴⁴تہ تمو منزہ ٲسؠ کؠنہ تس رٹُن یژھان مگر کانسے تُرونہ تس پیٹھ اتھہ.⁴⁵اتی آے سپاہ زِٹھؠ کاہن تہ فریسین نِش. تہ تمو وُن ؠمن زِ " توہہ کیازِ اُونہ وُون نہ سُہ؟

⁴⁶سپاہو وُن زِ"انسانن کورنہ زانہہ یُوتھ کلام.⁴⁷فریسیو دیوت تمن جواب کیا تُوہی تہِ گووا گمراہ؟

⁴⁸کیا سا زِٹھؠو یا فریسیو منزہ تہِ مَا چُھ کانسہِ تس پیٹھ ایمان اُنمت؟

⁴⁹مگر ؠم عام لوکھ ؠم شریعتہ نِش بے خبر چُھ تِم چھِ لعنتی.⁵⁰نیِکُدیمسن، یُوس گوڈہ تس نِش آمت اُوس ووُن تس.

⁵¹کیا سانؠ شریعت چھا کانسہ مجرم ٹھہراوان یوتام تسُند ییہِ گچڈہ بوزِتھ غور کرنہ زِ سُہ کیا چُھ ونان؟

⁵²تمو ون ٲمسندِس جوابس منز زِ ژٟ تہِ چُھکھا گِلیلِ ہنُد ژھانڈتہٟ وُچھ، زِ گِلیلِ منزہ چھا کنہہ نبی نازل سپُدن سپنمُت کنہہ نہ.⁵³پتہ دراو ہر کانہہ تمو منز پنُن پنُن گھرٟہ.

8¹.پتہ گو عيسىٰ زیتون پہاڈس پیٹھ.

².دوؠمہ دوہ آو سُہ صُبحٲئؠ پگہٲئؠ بیہ ہیکلِ منز، تہ ساری لوکھ آے تس نِش تہ سُہ لوگ بِہتھ تمن تعلیم دِنہِ.

³.اتھ دوران انؠ فقیہو تہ فریسیو اکھ زنؠ یُوسہ زناہس منز رٹنہ اس آمژ.تہ سُو منز باگ استادہ کرِتھ وُنکھ عيسىٰ ہس.⁴.ہے وستاد" یہ زنؠ آیہ" زِناہ کران موقس پیٹھ رٹنہ.

⁵.توراتس منز چھ موسٰى ہن اسہِ حکم دیوتمت، زِ یِژھ زنؠ گژِھ سنگسار کرنہ یِن. ادہ ژہ کیا چُھکھ یمِس زنہ مطلق ونان؟

⁶.تمو وُن تس یہ سُہ آزمانہ باپتھ تاکہ تس لگاون کانہہ الزام. مگر عيسىٰ لوگ نمتِھ زمینہ پیٹھ انگجہ ساتؠ لیکھنہ.⁷.ییلہ تِم روُدؠ تس سوال کران تہ وُن تمن استادہ سپدِتھ"زِ یُوس تُوہہ منزہ بے گناہ آسہ سُوؠی کرِ امِس گوڈہ سنگسار.

⁸.تہ پتہٟ لوگ ییہ نمتِھ زمینہِ پیٹھ اُونگجہ ساتؠ لؠکھنہ.⁹.یہ بُوزِتھ درٲے تِم اکہ اکہ سارؠ لوکٹیو کؠُوہو بڑؠُو تہ عيسىٰ رود کونؠ زوُن، بیہ روز سُو زنؠ تہِ تَتؠِ منز باگ.

¹⁰.عيسىٰ ہن وُن اِستادہ سپدتھ تس."ہے خاتون" یم لوکھ کوت گے؟ کیا کانسے لگونا ژے پیٹھ سزاہُک حکم کؠنہ؟

¹¹.تؠمہ وُنس "ہے خداوند" "کنسے نہٟ"عيسىٰ ہن ووُنس بُوتہِ لگاونہ ژے پیٹھ سزاہُک حکم کؠنہہ؟ گژھ دوبارہ یِنہ گناہ کرکھ.¹².عيسىٰ ہن وُن دوبارہ لوکن کن مخاطب سپدِتھ دنیاہک نور چُھس بُو. یُوس میانؠ پیروؠ کرِ سُہ پکنہ انہِ گٹہ منزؠ بلکہ لبہ زندگی ہنُد نُور.

¹³.فریسیو وُن تس، ژہ چُھکھ پانے پننؠ گواہی دوان چانؠ گواہی چھؠنہ پُوز.¹⁴.عيسىٰ ہن وُن درجواب تمن"اگر چہِ بُو پننؠ گواہی پانہ دوان چُھ. توتہِ چھے میانؠ گوہی پُوز. تکیازِ مے چھے پتہ زِ بُو کتہِ چُھس آمت تہ کوُت چُھس گژُھن.

¹⁵.توہِ چُھؠو جسمہ مطابق فٲصلہ کران، بُو چُھس نہ کانسہ ہنُد فٲصلہ کران.

¹⁶. و اگر بُو فاصلہ کرہ تہِ تہٟ مؠون فٲصلہ آسہِ پُوز، تکیازِ بوچھسنہ کُن زُون کؠنہہ."بلکہ چُھس بُو تہٕ میون بب" ؠمؠ بُو سوزمت چُھس.¹⁷.بیہِ چُھ تُہنذِ توراتِ منز تہِ لیکھِتھ، زِ دون نفرن ہنز گواہی چھے پوز آسان.

¹⁸.اکھ چُھس بُو پانہ پننؠ گواہی دوان. بیاکھ چُھ بب ؠمؠ بُو سوزُس چُھ گواہی دِوان.¹⁹.تمو وُن تس"چُون بب کتہ چُھ"؟ عيسىٰ ہن وُن درجواب" نہ چُھو توہی مے زانان نہ میانِس ببس. اگر مے زٲنِہُو تہٟ میانِس ببس تہِ زٲنِہُو.

²⁰.تؠمؠ ونہِ ہیکلِ منز تعلیم دِوان ؠمہ کتھہ بیتُ المالس منز تہ کٲنسِہ ہؠکنٕہ سُہ رٹِتھ تکیازِ اُوتام اُوسنہ تسند وقت وُنہ آمُت کؠنہہ.²¹.تؠمؠ وُن پتہ تمن" بُو چُھسو گژھان تہ توہی ژھٲنڈؠو مے تہٟ مرؠو پنین گنہن منز. یُوت بُو گژھان چُھس توہی ہیکؠونہ یِتھ تُور.

²².اتؠ وُن یہُودؠو کیا سُہ ماریاء پنُن پان یہ زن ونان چُھ یُوت بُو گژھان چُھس تُوہی ہؠکیونہ تُوت یِتھ.²³.تؠمؠ وُن تِمن "توہی چھؠُو بَنِم بُو چُھس ہیرِم. تُوہی چُھو دُنیہکؠ تہ بُو چُھسنہ دنیاہُک.

²⁴.توے وُنو مے توہہ زِ پننین گنہن منز مریُو، تکیازِ اگر نہ توہی ایمان انُؠو زِ بُو چُھس سُوؠی. تیلہ مرؠو توہی پننین گنہن منز.²⁵۲۵.تمو وُن تس" ژٟ کُس چُھکھ"؟ عيسىٰ ہن وُن تِمن "سُوے چُھس یُوس گوڈہ پیٹھے توہہ ونان آوسَو"

²⁶.مے چھ توہہِ مطلق واریاہ کؠنہہ ونُن تہ فٲصلہ کرُن.مگر ؠمؠ بُو سوزُس سُہ چُھ برحق، تہ یہِ مے تس نِش بُوز تؠِ چُھس دُنیاہس ونان.

²⁷.تمو سُمجھنہ کؠنہہ زِ اسؠ چھ ببس مطلق ونان.²⁸.اتؠِ ووُن عيسىٰ ہن ییلہِ تُوہی ابنِ آدم تَھزرَس پؠٹھ کھٲلِوُن اتؠ زانُؠو زِ بُو چُھس سُوؠ. تہ پننِہ طرفہ چھسنہ کہؠن کران، بلکہ یتھہ پاٹھؠ ببن بُو ہچھنومُت چُھس.تِتھے پاٹھؠ چھس بُو ؠمہ کھتہ ونان.

²⁹.تہ ؠمؠ بُو سُوزس سُہ چُھ مے سٲتؠ.تؠمؠ تروُوس نہ بُو کنؠ زُون. تکیازِ بُو چُھس ہمیشہ سوے کٲم کران یُوسہ تس پسند چھے ؠوان.

³⁰.ییلہ عيسىٰ ؠمہِ کتھہ اُوس کران تہ واریاہو لکو اُون تس پیٹھ ایمان.³¹.اتؠ وُن عيسىٰ ہن تِمن یہُودین. یمو تس پیٹھ یقین اُوس کورمُت،"اگر تُوہی کلامس پیٹھ قاؠم روزیُو تہ بنیو پزؠ پاٹھؠ میٲنؠ شاگرد.

³².تہ پزَر زٲنؠو تہ پزر کرؠو آزاد

³³.تِمو دیوت تَس جواب. ٲسؠ ہے ابراھیم سندؠٟ نسل چِھ تہ زانہہ چھنہ ٲسؠ کانسہِ ہنز غلامؠ منزرُود متؠٟ ژہ کِتھ کنؠ چُھکھ ونان زِ تُوہی ییُو آزاد کرناونہ³⁴عيسىٰ ہن وُن تمن درجواب، بُو چُھسو تُوہہ پوز ونان زِ یُوس اکھاہ گنُاہ چُھ کران سُہ چھ گنُہک غلام.

³⁵تہٟ غلام چُھنہ ہمیشہ گھرس منز روزان، نیچُو چُھ ہمیشہ روزان.

³⁶ادہ اگر نیچو توہہ آزاد کرؠُو تہ توہی گژھؠو پزؠٟ پاٹھؠ آزاد.³⁷.بُو چُھس زانان تُوہی چُھو ابراھؠمہ سندِ نسلہ منزہ تُوتہِ چُھو تُوہی میانہ قتلچہ کوششہِ منز تکیازِ مؠُون کلام چُھنہ تُہندِس دِلس منز جاے کؠنہ لبان.

³⁸.مے یہِ کینژھا پننِس ببس نِش وچُھمت چُھ تہِ چُھس ونان. تہ یہِ توہہِ پننِس ببس بُوزمت چُھو تہِ چھو کران.³⁹.تمو وُن تس درجواب سُون بب چُھ ابراھیم عيسىٰ ہن وُن تمن. اگر توہی ابراھؠم سندؠ فرزند آسِہُو تیلہ کرِہؠو تُوہی ابراھؠمہ سنزِ ہشہ کامہ.

⁴⁰.مگر ونؠ چُھو توہی مے ہییِس شخصہ سنزہ قتلچہ کوششہِ منز.یمؠ تُوہہ سوے حقچ کتھہ ونؠُو یُوسہ خدایس نِشہ بوزن ابراھؠمن تہِ اوُسنہ یہِ کُورمت.

⁴¹۴۱.تُوہی چھو پننس مالیٟ سنزہ ہشہِ کامہِ کران.تمو وُن تس "اسؠ چھنہ حرامہٟ پیٹھ پادہ سپد متؠ" سُون بب چُھ اکھ ینعی خدا.⁴².عيسىٰ ہن چُن تمن اگر خدا تُہند بب آسِے ٹیلہ تھٲیہو توہی مے ساتؠ محبت تکیازِ بُوچُھس خداؠس منزہ درامُت تہ آمُت تکیازِہ بُو آسنہ پانے کؠنہہ بلکہ چُھس بُو تیمؠِ سُوزمت.

⁴³.تُوہی کیازِ چھونہ میٲانہِ کتھہ سمجھان؟ امہ موجوب زِ تُوہی چُھونہ مؠُون کلام ہؠکان بُوزتھ.

⁴⁴.توہی چُھو پنِنس بب ابلیس سندٟؠ تہ پننِس ببہ سنزہ خواہشہِ چُھو پورہ کرنہِ یژھان.سُہ چُھ گوڈہ پیٹھے قاتِل تہپزرس پیٹھ رودنہ قایم. تکیازِ تس منز چھنہ پزر ییلہ سُہ اپُز چُھ ونان پننوؠٟ ہُو چُھ ونان تکیازِ سُہ چُھ اپُزیُور بلکہ چُھ اپزیُوک بب.⁴⁵.مگر بُو یُوس پُوز چُھس ونان.توے چُھونہ توہی میون یقین کران.

⁴⁶.یُوس خدایس ساتؠ چھ آسان. سُہ چُھ خدایہ سنزہ کتھہ بوزان توہی چھونہ امہ موکھہ بوزان زِ خدایس ساتؠ چھونہ.

⁴⁷.یہُودیو وُن درجواب تس کیا ٲسؠ چھِنا پُوز ونان زِ ژہ چُھکھ سامری تہ ژِے منز چُھ بدروُح؟⁴⁸.یہُودیو وُن درجواب تس کیا ٲسؠ چھِنا پُوز ونان زِ ژہ چُھکھ سامری تہ ژِے منز چُھ بدروُح؟

⁴⁹.عيسىٰ ہن وُن درجواب تمن"مے منز چُھنہ بدروح" مگر بو چُھس پننِس ببس عزت کران، تہ توہی چُھو میانؠ بے عزتیِ کران.⁵⁰.مگر بوچُھسنہ پننؠٟ تعریف یژھان اماپوز اکھ چُھ یُوس تَتھ یژھان چُھ تہ فاصلہ چُھ کران.

⁵¹.بُو چھسو توہہ پوز ونان زِ اگر کانہہ شخص میٲنِس کلامس پیٹھ عمل کرِ. تہ تا ابد وُچھنہ سُہ زانہہ موت.⁵².یہودؠو وُن تس ونؠ آۆ اسہِ سمجھ زِ ژے منز چُھ بدرُوح ابراھیم موُد. تہ نبی تہِ موُدؠ. مگر ژہ چُھکھ دپان اگر کانٛہہ میٲنِس کلامس پیٹھ عمل کرِ. تہ ہمیشہ تام ہیکنہ سُہ زانہہ مرتھؠٟ.

⁵³.سُون جد ابراھیم یُوس موُد، کیا ژہ چُھکھا تس کُھوؠہ تھود کؠنہہ؟ بیہ موُدؠ انبیاء تہِ .تہٟ ژہ کیا چُھکھ پننِس پانس زانان.⁵⁴.عيسىٰ ہن وُن درجواب اگر بُو پنن پان تھود زانہ. تہ میون تھزر چُھنہ کہین.مگر میٲنِس پانس چُھ خدا تھزر دیِوان ؠمِس تُوہی ونان چُھو زِ " سُون خدا چُھ"

⁵⁵.توہہ چھوون سُہ زونُمت اما پُوز بُو چُھسن سُہ زانان. اگر بُو ونہ زِ بُو چُھسن زہ زانان تہ بُو بنہ تیلہ تُہندؠ پاٹھؠ اپزیُور. مگر بُو چُھسن سُہ زانان تہ تمسندِس کلامس پیٹھ چُھس عمل کران.

⁵⁶.تُہند بب ابراھیم اُوس تماہ کران مِؠُون دوُہ وچھنہ خاطرہ حالانکہِ تؠمؠ وُچھ تہ سپُد خوش.⁵⁷.یہُودیو وُن تس چانؠ وٲنس چھؠنہ وُنہ پنژاہ ورؠ تہِ، کیا ژے وُچُھتھناہ ابراھؠم؟

⁵⁸.عيسىٰ ہن وُن تمن بُو چُھسو توہہ پُوز ونان، زِ ابراھیم سندِ زینہ بُرونہہ اُوس بُو موجود.

⁵⁹.پتہ ہُؠوت تمو سُہ سنگسار کرُن مگر عيسىٰ دراۆ پوشیدہ سان ہیکلِ منزہ.

9¹. پکان پکان وُچھ عيسىٰ ہن اکھ نفر یُوس زینہ پیٹھے اُون اُوس._

². تس پروژھ پننؠو شاگردو،"وستاد" یہ نفر کیازِ چُھ اُون زامُت؟ یہ چھا امسنُد گناہ کِنہ امسندِس مٲلِس ماجہ ہنُد؟_³.عيسىٰ ہن وُن درجواب، نہ چُھ امسُند کانہہ گناہ، نہ امسندِس مٲالِس ماجہ ہنُد. یہ چُھ امہ موجوب زِ ٲمسنزہ زندگی منزہ سپدَن خدایہ سنزِ کامہِ ضاہر._

⁴.ونہ چُھ دوہ ضروری چُھ زِ یُوتام دُوہ چُھ اسؠ روُزَو تمسنزہ کامہ کران. ؠمؠ بُو سوزمت چُھس تکیازِ رات چھے ینہِ واجنؠِ تِمہ ساتہ ہیکنہ کانہہ کٲم کرِتھ._

⁵.مگر یوتام بُو دنیاہس منز چُھس توتام چُھس دنیُہک نُور._⁶. یہِ ونتھ مٲنڈ تؠمؠ زمینہِ پیٹھ پننِہ لعبِ دہنہِ ساتؠ میژ تہ مٔژھن تمسنزٔن ٲچھن._

⁷.تہ وُننس "گژھ" شیِلُوخ حُوضس پیٹھ چَھل، اتؠِ گو سُہ تہ چھولُن تہ تس آۆ گاش ٲچھن._⁸.تمسندؠٟ ساتھؠ تہ بیہِ یمو سُہ گوڈہ وچھُمت اوُس بؠچھان لگؠ وننہِ.کیا یہ چُھنا سُوؠی یُوس زن بہِتھ بؠچھان اوُس._

⁹.کینژھو وُن اوے سُوؠیٟ چُھ._¹⁰. تمو پروژھ تس چانہِ ٲچھ کتھاکنؠ گیہِ ٹھیک؟_

¹¹.تؠمؠ وُن درجواب تمن زِ تس نفرس چُھ ناوٗ عيسىٰ .تؠمؠٟ لٲجؠ مٲنڈ مژٔ میِژ مے ٲچھن پیٹھ پتہ وُننم" شِلوُخ حوصس پیٹھ چھل گژھ بُو گوس تُور چھلنہٟ وِ زِے گؠہِ میانہِ ٲچھ ٹھیک._

¹².تمو پروژُھس سُہ کتہِ چُھ ؟ تؠمؠ ونُکھ مے چھینہ پے._¹³.پتہ نیُو سُہ ٹھیک گومُت اوُن تمو فریسین نِش._

¹⁴.ؠمہِ دوُہ عيسىٰ ہن آسہٟ ٲڑرِتھ میژِ ساتؠ تس ٲچھ ٹھیک کرِ مژٔہ. سُہ اوُس سبُتک دوُہ._

¹⁵.امہِ موجوب پروژھ فریسیو تہِ تس زِ ٲمِس کؠمہ ساتؠ مؠُول ٲچھن گاش. نفرن دیوت جواب.تؠمؠ لاجؠ میژٔ میانن ٲچھن پتہ چھجِؠم تہ مے آۆ گاش._¹⁶.فریسیو منزہ وُن کینژھو" یہ شخص چُھنہ خدایہ سندِ طرفہ تکیازِ سبتکہِ دوہ چُھ یہ کٲم کران._

¹⁷.تمو پروژھ دوبارہ ٲمس نفرس یُوس گوڈہ اُون اُوس. ژہ کیا چُھکھ اتھ مطلِق ونان.ؠمؠ چانہِ ٲچھ ٹھیک کرِ._

¹⁸.پُوز یہُودؠ ٲسنہ امسندِس یقین کران زِ یہِ اُوسا پزے اُون تہ ونؠ سپُد گاشدار. امہِ موجوب انوکھ تسند مول مُوج ناد دِتھ._¹⁹.تمن پروژُھکھ زِ" کیا یہِ چھا تُہند سوؠی نیچُو یس مطلِق تُوہی ونان ٲسیُو زِ یہِ اُوس اوُن زامُت ونؠ کِتھ کنؠ چُھ یہِ وچُھان._

²⁰.تمسندؠ مٲالؠ ماجہِ دیُوت جواب. زِ ٲسؠ چھ زانان زِ یہ چُھ سون نیچو، بیہ زِ یہِ اُوس زینہ وزے اُون._

²¹.مگر یہ چھؠنہ پتہ کؠنہہ زِ ونؠ کتِھ کنؠ چُھ ہؠکان یہِ وُچھتھ یا یہِ زِ کیمؠ کرہ امسنذہ ٲچھ ٹھیک.امس نشہ کرؠو پانہ معلوم، یہِ ہے بالغ چُھ. یہِ ہؠکہ پانے پانس مطلق ونِتھ._²².تمسندؠ مالؠ ماجہ ووُن یہِ اوہ موکھہ زِ تِم ٲسؠ یہُودین کھوژان. تکیازِ تمو اُاوس فٲصلٕہ کورمُت زِ یُوس تہ عيسىٰ ہس مسیح قرار دییِہ سُہ ییہِ یہُودؠ جماژ منز کڈنہ._

²³.یُوہے وجہ اوُس تمسندؠ مٲلؠ ماجِہ ووٚن زِ یہ چُھ بالغ تہ امِس پُرژھیُو پانے._²⁴.اکہ لٹہ دیُوت دوبارہ تس ٹھیک گمتس انِس ناد تمو زِ خدایہ سنز ثنٲء خوانیٟ کر"اسہ چھے پے زِ سُہ نفر چھ گنُہگار._

²⁵.سابقہٟ انؠ نفرن ووُن درجواب. زِ مے کیا پتہ چھے سُہ چھا گنہگار کینہ نہٟ مگر اکھ کتھ چھے مے پے زِ بُو اوُسس گوڈہ اُۆن تہ ونؠ چُھس وُچھتھ ہیکان._²⁶.اتؠ پُروژھ تمو ٲمِس تؠمؠ کیا کورؠ ژے؟ تہ کتھہ کنؠ کریِن چانہِ ٲچھ ٹھیک._

²⁷۲۷.امؠ ونُکھ درجواب مے ونُمو تُوہہ گوڈہ تہ کیا توہہ بوزونا؟ کیا تُوہی تہِ چُھوا تسندؠ شاگرد بننؠٟ یژھان._

²⁸۲۸.اتھ پیٹھ کرٔ تمو تس لعن طعن تہ وُنہس ، ژؠ آستہٟ تمسنُد شاگرد ٲسؠ ہے موسٰى سندؠٟ شاگرد چھ._

²⁹.اسؠٟ چھ زانان زِ خداین چُھ موسٰہس کلام کورمُت. مگر ٲسؠ چھنہٟ امس مطلق یہ تہِ زانان زِ یہ کتہِ پیٹھ چُھ آمُت._³⁰.سابقہ انؠ نفرن دیوت جواب عجیب کتھ چھے. تؠمؠ دؠوت میٲنین ٲچھن شفاء تہ توتہ چھیو نہ تُوہہ پے زِ سُہ کتیوک چُھ._

³¹.ٲسؠٟ چھِ زانان زِ خدا چُھنہ گنہگارن ہنُد بوزان. سُہ چُھ تمسند بوزان یوس تس کھوژان چُھ تہ تمسنذہ مرضی مطابق پکان._³².دنیا پٲدہ گژھنہ پیٹھ چُھنہ یہِ زانہہ بُوزنس آمُت زِ کانسہِ کیا چھے پیدایشی ٲنِس ٲچھ ٹھیک کرِ مژہ._

³³.اگر یہِ نفر خدایہِ سندِ طرفہ آسہ ہؠنہ تہ کہؠن ہؠکِہ ہینٕہ کرِتھ._

³⁴.تمو ووُن تس درجواب ژہ یُوس گنہکِس حالتس پادہ چُھکھ گومُت ژہ چُھکھا سُون وستاد بنُن یژھان؟ یہِ ونِتھ ژھُن تمو سُہ جماعتہ منز کڈِتھ._³⁵.ییلہ عيسىٰ ہس پے لجی زِ سُہ چُھ کڈنہ آمُت تہ سُہ سمُکھ تس تہ ونُنس، کیا ژہ چُھکھا ابنِ آدمس پیٹھ ایمان تھاوان؟

³⁶.تؠمؠ وونُس خداوند سُہ کُس چُھ؟ مے ونؠُو بُو انہ تس پیٹھ ایمان._

³⁷.عيسىٰ ہن وُن درجواب ژے چھؠ سُہ وُچھمت بلکہ چُھ سُہ ژے ساتؠ کتھ کران._

³⁸.تؠمؠ ووُن خداوند بُو چھُس ایمان تھاوان، تہ کوُرن تس سجدہ._³⁹.عيسىٰ ہن وُن بُوچُھس انصاف کرنہ یتھ دنیاہس منز آمُت تاکہِ ٲنؠ سپدن گاشدار تہٟ گاشدار سپدن ٲنؠٟ._

⁴⁰.کؠنہ فریسی ؠِم اتؠ کھڑا ٲسؠ لگؠ پرژھنہِ"کیا ٲسؠ تہِ چھا ٲنؠ؟_

⁴¹.عيسىٰ ہن ووُن تِمن، اگر تُوہی ٲنؠ آسِہُو تیلہِ یہُونہ تُوہی گنہگار ماننہٟ، مگر چونکہِ ونؠ چُھو توہی دعوی کران زِ ٲسؠ چھِ ہیکان وُچھتھ امہِ موجُوب چُھ تُہند گناہ قاؠم روزان._

10¹.بُو چُھسو توہہ پُوز ونان زِ یُوس نہ تیروٲرِس منز دروازہ کؠنؠ داخل چُھ سپدان. بلکہ چُھ بؠہِ کنہِ کؠنؠ تُور داخل سپدان. سُہ چُھ ژور تہ ڈاکو._

².مگر یُوس دروازہ کؠنؠ داخل چُھ سپدان سُہ چُھ تیرن ہند پُوہل._³.چوکیدر چُھ تمسندِہ موکھ دروازہ کھولان.تہ تیر چھِ تمسنذ آواز بوزان تہ چُھ پرؠتھ کانسہ تیرس ناۆ ونِتھ تمن ناد دِتھ نؠبر کڈان.

⁴.سُوریٟ کھیول نیبر کڈِتھ چُھ سُہ تمن بُرونہہ بُرونہہ پکان تہ تیر چھ تس پتہ پتہ پکان، تکیازِ تِم چھِ ٲمسنز آواز پرزہ ناوان._⁵۵.مگر تِم چھنہ کانسہ وپرس پتہ پتہ کؠنہ پکان بلکہ چھ تس نِش ژلان. تکیازِ تِم چھنہ تسنذ آواز پرزہ ناوان کؠنہہ._

⁶.عيسىٰ ہن کر تمن یہ مثال پیش مگر تمن آونہ سمجھ زِ سُہ کیا اوس ونن یژھان._⁷.امہ موجوب لوگ عيسىٰ بؠہ اتھ پیٹھ کتھ کرنہ. بُو چُھسو تُوہہ پُوز ونان زِ تیرن ہنُد دروازہ چُھس بُو._

⁸.یِم تہِ مے بُرونہہ آے تِم چھِ ژور تہ ڈاکو مگر تیرو بُوزنہ تسُند._⁹. بوؠ چُھس دروازہ یُوس تہِ میانہ زریعہ اندر ییہِ تس میلہ نجات.سُہ روُزِ ؠوان گژھان تہ رُوز سر سبز گاسہ چراے حاصل کران._

¹⁰.ژور چُھ صرف ژور کرنہِ مارنہِ تہ برباد کرنہ یوان. مگر بُو چُھس امہ موجوب آمُت زِ تمن میلہِ زندگی بلکہ میلؠکھ کثرت سان زندگی._¹¹.اصل پُوہل چھس بُو اصل پُوہل چُھ پنین تیرن ہندِ خاطرہ پنُن جان دِوان._

¹².مزور ہؠکنہ پہلؠ سنُد کردار ادا کرِتھ. تکیازِ تس چھنہِ آسان تیر پننؠ کؠنہہ. تکیازِ سُہ چُھ رامہٟ ہوُن وُچھتھؠ تیرن اتؠ ترٲیتھ ژلان. نتیجتًا چُھ رامہٟ ہوُن کینژھن تیرن رٹان تہ باقین چُھ چھلہ چھانگر کران._

¹³.وجہ چُھ یہ زِ سُہ چُھ مزور آسان تہٟ تس چُھنہ تیرن ہنُد کانہہ غم آسان._¹⁴.اصل پوُہل چُھس بُو. بُو چُھسَکھ پننؠ تیر زانان تہ تِم چُھ مے زانان._

¹⁵.بلکل تِتھےٟ پاٹھؠ یتھٟ پاٹھؠ بب چُھ مے زانان. تہ بُو چُھسن بب زانان تہ بُو چُھس تیرن ہندِ باپتھ پنُن جان دِوان._

¹⁶.مے چھ بیہِ تہِ تیر ؠِم نہ یتھ تیروٲرِس منز چھ کؠنہ بُو انکھ تِم تہِ ضرور.تِم تہِ بُوزن میٲنؠآواز پتہ آسہِ اکوے کھیول تہ اکوے پُوہل._¹⁷.میون بب چُھ مے اوہ موکھہٟ محبت کران زِ بُو چُھس پنُن جان دِوان تاکہِ بُو ہیمہ تس سُہ دوبارہ

¹⁸.کانہہ ہیکنہ میُون جان مے نِش تھپِہ نِتھ. بلکہ چُھس بُو تس پننہ مرضی ساتؠٟ دِوان.مے چُھ تس دُنک اختیار تہِ تس واپس ہیُنک اختیار تہِ. یہ حکم میول مے پنِنس ببہِ سندِ طرفہٕ._¹⁹.یمن کتھن پیٹھ گو یہُودین منز اختلاف پادہ._

²⁰.واریا ہُو وُن.ٲمِس منز چُھ بدروح یہ چُھ پاگل امہِ سنُد کیازِ بوزو._

²¹.مگر باقیو وُن. ؠمہ چھنہ بدروح لد انسانہٟ سنزہ کتھہٟ کؠنہہ.کیا بدرُوح ہؠکنا ٲنین ہنزن ٲچھن گاش دِتھ._²².وندٟہ کِس موسمس منز اُوس عيسىٰ بیت المقدسچہِ خاص عید تجدیدس دوران یرشلمس منز._

²³.سُہ اُوس بیت المقدسکِس سلیُمانؠِ براندس پیٹھ اُورہ ؠور کران._

²⁴.یہُودی لگؠ تس گھؠرہ کرِتھ وننہ. زِ ژہ کوت تام تھاوکھ اسہِ فِکرِہ منز؟ اگر ژہ مسیح چُھک تہِ اسہِ وَن صاف صاف._²⁵.عيسىٰ ہن وُن درجواب. مے چُھمو تُوہہ ونُمت مگر توہہ کرونہ یقین کؠنہہ. بُو ؠِمہ کامہ ببہ سندِس ناوس پیٹھ کران چُھس تِمے چھے میٲنہِ گواہ._

²⁶.مگر تُوہی چُھونہ ایمان تھاوان تکیازِہ تُوہی چھونہٕ میٲنؠٕ تیر کؠنہہ._²⁷.میانؠ تیر چھِ میانؠ آواز بوزان. بُو چُھسکھ تِم زانان تہ تِم چھِ مے پتہ پتہ پکان._

²⁸.بُو چُھس تِمن ابدی زندگی دِوان. لہذا گژھن نہ تِم زانہہ ہلاک. کانہہ ہؠکنہ تِمن مؠانؠو اتھو منزہ تھپہِ نِتھ._²⁹.تکیازِ میانؠ ببن چھ تِم مے حوالہ کرمتؠٟ تہ سُوی چُھ ساروؠ کھوتہ بُوڈ. کانہہ ہؠکنہٟ تمن ببہ سندہ اتھٟ منزہ تھپہِ نِتھ._

³⁰.بُو تہ بب چِھ اکوے._

³¹.یہِ بُوزِتھ لاجہ ِ دوبارہ یہودیو کنہِ تُلنہِ تاکہ عيسىٰ ہس کرن سنگسار._³².تؠمؠ وُن تمن مے ہایمَو تُوہہ ببہِ سندِہ طرفہٟ کؠنہہ خداؠٔی معجزات. ؠمو منز کؠمہِ معجزہ کؠنؠ چُھو تُوہی مے سنگسار کران؟_

³³.یہُودؠو دیُوت جواب.ٲسؠ چھتھنہ ژہ کونہِ اصلِ کامہِ ہندِہ وجہ کؠنؠ سنگسار کؠنہ کران بلکہ کفُر بکنٟکہِ وجہ کؠنؠ.ژہ چُھکھ صرف اکھ انسان ٲسِتھ پانس خدا آسُنک دعوىٰ کران._³⁴.عيسىٰ ہن وُن کیا یہِ چُھنا تُہندِس شریعتس منز لیکھتھ زِ خداین فرموُ ژہ چُھکھ خدا؟_

³⁵.تِمن آۆ خدا وننہٟ، یمن تام یہ پیغام واتناونہ آِ. تہ ٲسؠٟ چھِ زانان زِ کلامِ مقدس ہکؠون نہ رَد کرِتھ._

³⁶. تیلہِ کیازِ چُھو تُوہی کفرچہِ کتھہ کران.ییلہِ بُو ونان چُھس زِ بُو چُھس خدایہ سنُد نیچو؟ آخر چُھس بُو ببن پانہ خاص دنیاہن منز سوزُمت._³⁷.اگر نہٕ بُو پننِس ببہ سنزِ کامہِ کران چُھس تیلہِ مے مانیُو میٲنہِ کتھہٟ._

³⁸.و اگر بُو تمسنزہ کامہِ کرہ تہ بے شک مانؠونہ توہی میٲنؠٟ کتھ. مگر کمَس کم مانؠو ؠمن کامین ہنز گواہی پتہ زانیو تہ سمجھؠو تُوہی زِ بب چُھ مے منز تہ بُو چُھس ببس منز._

³⁹.اکہِ لٹہ کرٔ دوبارہ تِمو تس رٹنچ کوشِش.مگر سُہ دراۆ تہنُدؠو اتھو منزہٟ._⁴⁰.پتہ گو عيسىٰ یردن اپور تَتھ جایہِ یِتہ یُوحنا گوڈہ اُوس بپتسمہ دِوان.تہ رود تَتہِ کینژھس کالس._

⁴¹.تہ واریاہ لوکھ آے تس نِش تہ ونان ٲسؠ زِ یُوحناہس ہوُونہٟ کانہہ معجزہٟ مگر یہ کؠنہہ تؠمؠ یمِس مطلق ووُن تہِ دراۆ بِلکل پُوز._

⁴².تہِ تَتِہ اوُن واریاہو لوکو عيسىٰ ہس پیٹھ ایمان._

11¹.تمن دوہن منز پُؠو اکھ نفر بیمار یمِس لعزر ناۆ اوس. سُہ اوس پنین بینن مریمس تہ مارتھاہس ساتؠ بیتِ عُنیاہس منز روزان._

².یہِ ٲس سوے مرؠم یمہِ پتہِ خداوندس مُشکہٟ دار عطر کُھورَن پیٹھ ترٲوِتھ پننہِ مستہٟ ساتؠٟ وتھراؠمتؠ ٲسؠ.تؠمہ سنُد بُوے لعزر اوُس بیمار._³.حالانِکہ ؠمو بیننؠو دِژ عيسىٰ ہس خبر زِ "خداوند" یس ژہ محبت کران چُھؠکو سُہ چُھ بیمار._

⁴. ییلہِ عيسىٰ ہس یہِ خبر میجؠ تہ تؠمؠ وُن. امہِ دادؠوک انجام چُھنہ موت کؠنہہ. بلکہ چُھ یہ خدایس جلال دِنہ موجوب سپُدمت.تاکہ امہِ ساتؠِ میلہِ خدایہ سندِس فرزندَس جلال._⁵.عيسىٰ اُوس مرتھاہس تہ مرؠمس تہ لعزرس ساتؠ محبت تھاوان._

⁶.توتہِ روُد سُہ لعزرس مطلق خبر بوز نہٟ پتہٟ دون دوہن تَتہِ._

⁷.پتہ کر تؠمؠ پننین شاگردن ساتؠٟ کتھ ولیو ٲسؠٟ گژھو دوبارہ یہودیایہِ._⁸.شاگردو کور اعتراض."ہے ربی" ونہِ تہِ چھؠ ژے یہودؠ تَتِہ سنگسار کرنچ کوشِش کران.توتِہ چُھکھ تور واپس گژھن یژھان؟_

⁹.عيسىٰ ہن وُن تمن کیا دوہلہِ چُھنا بہن گٲنٹن گاش آسان یُوس شخص دُوہلہِ پکان ٹکان چُھ سُہ چُھنہ کونہِ چیزس چھاونہ یوان. تکیازِ تس چُھ ؠمہ دُنیاہکہ گاشہ ساتؠ اتھِ ؠوان._¹⁰.مگر یوس رُوتلہِ چُھ پکان سُہ چُھ یوان کُنہ چیزس ساتؠ چھاونہ تکیازِ تس ساتؠ چُھنہ گاشؠٟ آسان._

¹¹.پتہ وُن تؠمؠ سُون دوُس لعزر چُھ شونگمت.مگر بُو گژھہ تہٟ سُہ کرن ہوشیار._¹².شاگردو ونُس، خداوند اگر سُہ شونگتِھ چُھ تہ سُہ بچہِ._

¹³.تمو دوُپ چیزس عيسىٰ ہن کٔر عام نیندرہ ہنز ذِکر ییلہِ زن تؠمؠ تسندِہ مرنہ باپتھ اوس ونُمت._

¹⁴.لہزا وُن تؠمؠ تمن صاف زِ لعزر چُھ مومُت._¹⁵.تہٟ تہندِہ موکھہ چُھس بُو خوش زِ بُو اُوسسنہ تمسندِہ مرنہ وزِ تَتہِ. تکیازِ ونؠ انُؠو توہی ایمان ولیو ٲسؠ گژھو تس نِش._

¹⁶.توماہن یمسنُد لقب جِڑواں اوُس وُن پننؠن شاگردن پکیو اسؠ تہِ گژھو تُور تہ مَروتس ساتؠ._¹⁷.تُور واتِتھ سپُد عيسىٰ ہس معلوم زِ لعزرس چِھ ژور دوہ گیمتؠٟ قبرہ منز تھایمتس._

¹⁸.بیتِ عُنیاہ اُوس یروشلمہ نزدیک تقریباً ترے کلو میٹر کھوتہ کم._

¹⁹.تہ واریاہ یہودی اسؠ تسلیٟ دِنہ آمتؠ مرتھاہس تہ مریمس تہندِس بایس مطلق._

²⁰.یہِ بوزتھ اُوس عيسىٰ آمُت تہ مرتھا گیہ تس سمکھنہِ مگر مرؠم روُز گھرے._²¹.مرتھاہن ووُن خداوندا اگر ژہ یتہِ آسہکھ تہ میون بوے مرِہ ہؠنہ._

²².مگر بوچھس زانان زِ وُنہِ تہِ اگر ژہ خدایس منگھکھ سُہ دییؠٟ ژے._

²³.عيسىٰ ہن ووُن تس چُون بوے گژِھ زندہ._²⁴.مرتھاہن وُن درجواب. آہنہٟ حض خداوند، مے چھِ پے زِ سُہ گژِھ قیامژ دوہ زندہ.ییلہِ سارؠ زندہ گژھن._

²⁵.عيسىٰ ہن وُن تس قیامت تہ زندگی چُھس بُو یُوس مے پیٹھ ایمان تھایہِ سُہ روزِ زندہ چاہے سُہ مومت تہِ آسہِ._

²⁶.تہ یُوس زندہ مے پیٹھ ایمان چُھ تھاوان سُہ مرِنہ زانہہ. مرتھا کیا ژے چھؠنا اتھ کتھہ پیٹھ یقین._²⁷.مرتھاہن وُن تس درجواب آہنہِ حض خداوند. بُو چھیس ایمان تھاوان زِ ژہ چُھکھ خدایہ سنُدفرزندمسیح ؠمس دنیاہس منز یُون اُوس._

²⁸.یہِ ونتھ درایہ مرتھا واپس تہ ژھُوپہ کرتھ کُرون ناد مریمس وستاد چھ آمُت سُہ چھؠ ژے ناد دِوان._

²⁹.یہ بُوزتھؠٟ وژھ مرؠم تہ گییہ عيسىٰ ہس نِش._³⁰.سُہ اُوس ونہِ گامس نیبر تَتھؠٟ جاے ٹھہرتھ یتین تمسُند ملاقات مرتھاہس ساتؠ سپُدمت اُوس._

³¹.یِم یہُودی مرؠمس اسؠٟ گھرِہ تمِس نِش بہتھ تس تسلؠ دِوان. ییلہِ تمو وچُھ سُو اچانک وتھان تٕہ نیران تِم دراے تس پتہ پتہ تکیازِ تمو اوُس سمُجھمت زِ سُو ما گییہ پنِنس بھاؠٔی سنزہ قبرِ پیٹھ ماتم کرنہِ._

³².مریم وٲژ عيسىٰ ہس نِش. سُہ وچھتھؠ پییہِ سُو تس کُھورن نِش تہ لجِس وننہِ خداوندا اگر ژہ یتہِ آسہکھ تہ میون بوے مرہؠنہ._³³.ییلہِ عيسىٰ ہن وُچھ مرؠم تہ تمسندؠٟ لوکھ ودان تہ تس سپُد دُکھ تہتٕہ تعجُب کٔرِتھ._

³⁴.پروژُھن تمِن، تُوہہِ کتہِ چُھوُون سُہ تھووُمت؟_

³⁵.عيسىٰ ہن ہؠُت ودُن._³⁶.یہودؠو وُن. وچُھؠو سُہ کوتا ٹوٹھ اُوس ٲمِس._

³⁷.مگرتمو منزہ وُن کینژھو ٲمؠ نفرن کوُر اُون ٹھیک کیا یہ ہیکنا لعزرس مرنہٟ نِشہٟ بچایِتھ؟_³⁸.پتہ آۆ عيسىٰ دوبارہ واریاہ مایوس سپدِتھ قبرِہ پیٹھ. قبر ٲس اکھ غار ؠمکِس گلِس پیٹھ اکھ کنؠٟ ٲس آمژ تھاونہٟ._

³⁹.عيسىٰ ہن ون کنؠ تُلؠو ہُووکُن. مگر مرتھاہن وُن تس زِ.ہے خداوندا امہ منزہ چھے ونؠ بدبو یوان تکیازِ تس گے ژور دوُہ._

⁴⁰.عيسىٰ ہن وُن تس کیا مے اوُسؠنا ژے ونُمت زِ اگر ژہ ایمان انکھ تہ ژہ وُچھکھ خدایہ سنُد جلال؟_⁴¹.اتؠٟ تُج تمو سُو کنؠ تُھود پتہ وُن عيسىٰ ہن اچھ تُلِتھ ہے بب بُوچُھس چون شکر کران زِ ژے بُوزتھ میُون._

⁴².بُو چُھس زانان زِ ژہ چُھکھ ہمیشہ میون بوزان، مگر مے کٔر یہِ کتھ نومن اِستادہ لوکن ہندِ خاطرہ تاکہ تِم انن ایمان زِ ژے چُھستھ بُو سوزمُت._⁴³.پتہ دیوت عيسىٰ ہن بڑِ تس عالو.لعزر نیبر نیر._

⁴⁴.تہ موردہ دراۆ کفن ولتھؠ نیبر، تس ٲسؠ اتھٟ کھور گنڈِتھ تہ بُتھ تہِ اوُسس کفنہ ساتؠ بند. عيسىٰ ہن ووُن تمن زِ امِس کھولیو کفن تہ دؠووس گژھنہ._⁴⁵.یہ وچھِتھ اُون تمو یہُودیو منز واریاہو عيسىٰ ہس پیٹھ ایمان ؠِم مریمس ساتؠ آمتؠٟ ٲسؠٕ._

⁴⁶.مگر کؠنہ گے پریسین نِش تہ وُنہکھ زِ عيسىٰ ہن کیا کُور._⁴⁷.پتہ بلوُو زِٹھؠ کاہنو تہ فریسیو یہُودیو صدرِ عدالتُک اِجلاس تمو پروژھ اکھ اکِس ٲسؠ کیا چھِ کران؟ یہِ نفر چُھ واریاہ خداؠی معجزہ ہاوان._

⁴⁸.اگر اسؠٕ سُہ یتھے کنؠ تراووُن تہ آخرکار انن سٲری تس پیٹھ ایمان. پتہ یِن رُومؠ حاکم تہ کتن بیُت المقُدسس تہ سانِس ملکس تباہ._⁴⁹.تمو منزہ اُوس اکھ کایفا یُوس تیمہ ورؠیہ کاہنن ہنُد زیوٹھ اُوس تؠمؠ وُن توہی چھُونہ کہین تہِ سمجھان._

⁵⁰.بیہِ چھیونہ یمؠوک خیال تہ کران زِ امہِ برونہہ زِ سُوری قوم گژِھ ہلاک. بہتر چُھ یہ زِ اکھ نفر مرِہ امنہہ خاطرہٕ._⁵¹.مگر تؠمؠ وننہ پننہِ طرفہ کؠنہ بلکہ تؠمہِ. وریہِ کٔر تؠمؠ زِٹھؠ کاہن آستھ پؠشن گوؠی زِ عيسىٰ مرِہ یہودی قومہ باپتھ._

⁵².بیہِ نہَ صرف تؠمہ قومہٟ خاطرہ بلکہ امہِ موجوب تہِ زِ خدایہِ سندیِن پریشان ہامتین فرزندن تہِ کرِ جمع کرتھ یکُت._

⁵³.اتؠ لگؠ تِم امے دوہ پیٹھہ تس قتل کرنُک مشورہ کرنہِ._⁵⁴.امہٟ موجوب گذورنہ تؠمؠ اتہِ پیٹھ یہُودین درمیان نِنہ وانہٟ وقت کؠنہ.بلکہ گو سُو جاے ترٲیتھ ریگستانس نزدیک اکِس علاقس منز تَتہِ روُد سُہ پننین شاگردن ستؠٟ افراہیم ناۆ اکِس گامس منز._

⁵⁵.پتہ وٲژ یہُودین ہنز عیدِ فسح نزدیک گامو پیٹھ واتؠٟ واریاہ لوکھ پننؠ پان پاک کرناونہ خاطرہ عیذ بُرنہہ یروُشلم._⁵⁶.تَتہِ رُودؠ عيسىٰ ژھانڈان تہِ ہیکلِ منزج ٲسؠ اِستادہ پانہ وانؠ کتھ کران کیا خیال چُھ؟ کیا سُہ یینا عیذ پیٹھ کؠنہہ؟_

⁵⁷.مگر زِٹھؠٟ کاہنو تہ فریسیو اُوس حُکم دیوتمت. اگر کانسہ پے لگہ زِ عيسىٰ کتہِ چُھ تہٟ سُو دییہِ اسہ اطلاع تاکہ ٲسؠ کرُوون سُہ گرفتار._

12¹.عید فسحس ٲسؠِ وُنہِ شیہِ دوہ باقؠ زِ عيسىٰ ووُت بیتِ عنیاہ یہ اس سُو یتہِ لعزر سنُد گھرہ اوُس یُوس عيسىٰ ہن موردو منز زندہ کوُر._

².تَتہِ آۆ امہِ سندِہ خاطرہ اکھ خاص کھؠن بناونہٟ. مرتھا ٲس مہمانن ہنز خدمت کران.ییلہ زن لعزر اُوس عيسىٰ ہس تہٟ باقی مہمانن ساتی کھین کھوان._

³.پتہٟ انؠ مرؠمن اڈہ سیر جٹاماسیہچ واریاہ قمتی عطر تہ ترٲونٟ عيسىٰ سندین کھورن پیٹھ. پتہ کرٔنس پننہِ مستہ ساتؠ وتھرٲؠتھِ خسک.خسبو فھہلیہِ پورہ گھرس منز._⁴.مگر عيسىٰ سندؠ شاگرد یہوداہ اسکریوتین کور اعتراض"تؠمؠ کور سُہ پتہ دشمنن حوالہٟ" تؠمؠ وُن._

⁵.امہِ عطرِہ ہنُد قیمت اُوس رُوپہ سنزہ ترے ہتھ دینار یہ کیازِ آونہ کنتھ تِم پونسہ غریبن منز باگراونہ._

⁶.یہ کتھ چننہِ تؠمؠ امہ موجوب زِ تس ٲس غریبن ہنز فکر سُہ اوُس اصلؠ ژور سُہ اوُس شاگردن ہنُد خزانجی تہِ ہُرؠمتین پونسن اوُس بدیانتی کران روزان._⁷. مگر عيسىٰ ہن ووُن تس. یہ تراوُن یلہٟ امہِ کُر میانہِ تدفینچہِ تیاری خاطرہ یہِ._

⁸.غریب غرباء روزن ہمیشہ توہہ نِشہِ مگر بُو روزنہ ہمؠشہ توہہ نِشہ کؠنہہ._⁹.اتھؠ منز سپُد واریاہن یہودین پے زِ عيسىٰ چُھ تَتہِ تِم آینہ صرف عيسىٰ ہس سمکھنے یُوت بلکہ آے لعزرس تہِ یُوس تؠمؠ مورِدو منزہ زندہ اوُس کورمُت._

¹⁰.لہذا کور زٹھؠٟ کاہنو لعزر تہِ قتل کرنُک منصُوبہ._

¹¹.تکیازِہ تمسندِہ وجہ ساتؠ دراے تمو منزہ واریاہ یہُودؠ پتہ اُون تمو عيسىٰ ہس پیٹھ ایمان اُونُمت._¹².بیکہِ دوہ لوگ عیذ پیٹھ آمتین لوکن پے زِ عيسىٰ چُھ یروشلم یوان._

¹³.لہذا دراۆ اکھ بوڈ ہُجوم کھزر کُلین ہنزہ لنجہ ہیتھ شہرہ پیٹھ نیرتھ تس سمکھنہِ. پکان پکان اسؠٟ تِم بڑِہ نعرہ دِوان "ہوشعنا" مُبارک چُھ تس یُوس خدایہ سندِہ ناوہ ساتؠ چُھ یوان اسرایلکِس پادشاہس مُبارک._¹⁴.عيسىٰ ہس مُیول کتہِ تام اکھ جوان کَھر تہ سُہ گو تس پیٹھ سوار یتھ پاٹھؠ کلامِ مقدسس منز لیکھِتھ چُھ._

¹⁵.ہے صیُون کورُؠ، مہ کھوژ.وُچھ چون پادشاہ چُھ کھرہ بچس پیٹھ یوان._¹⁶.تؠمہِ ساتہ آۆ تمسنِدین شاگردن سمجھ کؠنہہ، مگر ۆتہ ییلہِ عيسىٰ پننِس جلالس ووُت تہ تمن آۆ یاد.کہ لوکو کیا اُوس تس ساتؠ کورمُت بیہِ آکھ سمجھ زِ کلامِ مقدسس منز تہِ چھے امِچ ذِکر._¹⁷.یُوس ہُجوم تؠمہِ ساتہٟ عيسىٰ ہس ساتؠ اُوس ییلہِ تؠمؠ لعزر موردو منزہ زندہ کورمُت اُوس، سُہ ہُجوم رُود باقین اتھ مطلق ونان روزان._

¹⁸.امے وجہ کؠنؠاسؠ ییتا لوکھ عيسىٰ ہس سمکھنہٟ خاطرہ آمتؠ تمو اُوس اتھ خُداؠی معجزس مطلق بُوزمُت._

¹⁹.یہ وچِھتھ لگؠ فریسیی پانوانؠ وننہِ، تُوہی چُھو وچُھان زِ کتھ چھے ہوور وٲژمژ. زِ تمام دنیاہ چُھ تس پتہ درامُت._²⁰.کؠنہہ یونانؠ تہِ ٲسؠ تمن منز ؠِم عید فسحکِس موقس پیٹھ عبادت کرنہِ اسؠ آمتؠ._

²¹.ونؠ آے تِم فِلپُسس سمکھنہ یُوس گِلیلِ ہندِ بیتِ صیداہُک اُوس، تمو وُن جناب ٲسؠ چُھ عيسىٰ ہس سمکُھن یژھان._

²².فِلپُسن ونؠ یہ کتھ اِندریاسس تہ پتہ گے ؠم دونوے یکوٹہِ عيسىٰ ہس نِش تہ ونِہَس یہِ شیچھ._²³.مگر عيسىٰ ہن دیُت جواب.ونؠ چُھ وقت ووُتمت زِ ابنِ آدمس میلہِ جلال._

²⁴.بُو چُھسو تُوہہ پوز ونان زِ یُوتام نہ کنکہ سانہ زمینہِ منز وسؠ پیتھ مرِ توتام چُھ سُہ کُن زونؠ روزان. مگر ییلہِ سُہ مران چُھ تہ تَتھ چُھ واریاہ فصل وپدان._²⁵.یِمس پنُن زُو ٹُوٹھ چُھ سُہ راوہ راوِہ تَتھ، تہ یُوس یتھ دنیاہس منز پننِس زوُوس ساتؠ دشمنی چُھ تھوان سُہ تھایہِ تَتھ تا ابد محفوظ._

²⁶.اگر کانہہ یژھان چُھ میانؠ خدمتھ کرنؠ سُہ پکِن مے پتہ پتہ. تِکیازِ یتہِ بُو چُھس تَتہِ آسہِ مؠون خادم تہِ تہٟ یُوس میانؠ خدمت کرِ مؠُون بب کرِ تمِسنُد عزت._²⁷.ونؠ چُھ میُون دِل گھابران بُو کیا ونہٟ؟ کیا ونہٟ بُو ہے ببہ، مے بچاۆ ؠمہِ وقتہ نِشہ؟ نا. بُو چُھسنا امے خاطرہ آمُت._

²⁸.ہے بب، پننِس ناوس دِ جلال. اتؠ ایہ آسمانہٟ پیٹھ آواز بوزنہ، مے چُھ تَتھ جلال دیُوتمت تہ بیہ تہِ دِمس._

²⁹.ہُجومکؠ لُکھ ٲسؠ تَتہِ کھڑا. تمو وُن یہ بوزِتھ گگرایہ چھے گژھان.باقیُو وُن کُستام فرشتہ سپُد امِس ساتؠ ہمکلام._³⁰. عيسىٰ ہن وُن تمن یہ آواز آسنہ میٲنہِ خاطرہ بلکہ ٲسؠ تُہندِ خاطرہ._

³¹.ونؠ آۆ دنیاہکہ عدالتُک وقت ونی ییہِ دنیاہُک حاکم کڑنہٟ._³².بُو نِمَکھ پانس زمینہِ ہندِس تھزِرس پیٹھ کھالناونہٟ ساریِ پانس نِش._

³³.ؠمو کتھو ساتؠ کُور تؠمؠ یَتھ کُن اشارہ زِ بُو کؠمہِ موُتہ مرہ._³⁴.ہُجوم ووُتھ وننہِ کلام مُقدسہ نِشہ چُھ اسہ بُوزمُت زِ مسیح روزِ تا ابد قاؠم.تو پتہ کِتھہ کنؠ ونِتھ ژے یہ کتھ زِ ابنِ آدم ییہِ تھذرس پیٹھ کھالنہ آخر ابنِ آدم چُھ کُس؟_

³⁵.عيسىٰ ہن وُن درجواب نُور روزِ بیہِ کینژھن کالس تُوہہِ نِش. یتس کالس سُہ موجود چُھ اتھ نوُرس منز روزؠُو پکان یُوتھنہ انہِ گٹہ توہہ چھاونہ ییُو یُوس انہ ہٹہِ منزؠ چُھ پکان تس چُھیِنہ پے زِ بُو کوت چُھس گژھان._

³⁶.نور توہہ نِشہ یِرنہ برونہہ برونہہ انُیو تَتھ پیٹھ ایمان یُوتھ تُوہی نُورکؠ فرزند بنؠُو.یہ وننہ پتہٟ دراۆ عيسىٰ تہ گو غٲب._³⁷.اگر چہ ؠِم تمام معجزہ عيسىٰ ہن تمن برونہہ کنے ہٲیؠ تُوتہِ اوُننہٟ تموتس پیٹھ ایمان کؠنہہ._

³⁸.یتھ کنؠ سپذ یسعیاہ نبی سنز پیشن گوہی پورہ ہے خدایہ کؠمؠ اُون سٲنِش پیغامس پیٹھ ایمان؟ تہ کس پیٹھ سپز خدایہ سنز قُدرت ظاہر؟_³⁹.حالانکہ تِم ہؠکنہ ایِمان ٲنِتھ. یتھ پاٹھؠ یسعیاہ نبین چُھ بیہِ کتہِ تام فرمُومت._

⁴⁰.خداین ژھنؠ تِہنذن ٲچھن کاژہ تیمبر تہ تِہندؠ دل کرِن بے حیِس یوتھنہ یہِ سپدِ زِ تِم وُچھن پنؠو ٲچھو ساتؠ تہ پننؠو دِلو ساتؠ سمجھن.تہ کرن مے کُن رجوع تہ بُو دِمَکھ شفاء._⁴¹،یسعیاہن وُن یہِ امہِ موجوب تکیازِ تؠمؠ ٲس عيسىٰ سنُد جلال وچھتھ تس مطلق کتھہ کرمژٔ._

⁴².توتہِ ٲسؠ واریاہ لوکھ عيسىٰ ہس پیٹھ ایمان تھاوان تمو منزہ ٲسؠ کاہن تہِ شامِل مگر تِم ٲسنہٟ ننہِ وانہٟ امؠوک اقرار کران تکیازِ تِم ٲسؠ کھوژان زِ فریسیی کرن اسہ یہُودی جمٲعژ منز خارِج._

⁴³.اصل ٲسؠ تِم خدایہ سندِ عزتہٟ بجاے اِنسان سنُد عزت زیادہ پسند کران._⁴⁴.پتہ وُن عيسىٰ ہن تھدِ." یُوس مے پیٹھ ایمان چُھ تھاوان سُہ چُھنہ نہ صرف مے پیٹھ بلکہ چُھ تس پیٹھ ایمان تھاوان ؠمؠ بُو سوزمُت چُھس._

⁴⁵.تہ یُوس مے چُھ وچھان سُہ چُھ تس وچھان ؠمؠ بُو سُوزمت چُھس._⁴⁶.بُو چُھس نُور بنِتھ دنیاہس منز آمُت، تاکہ یُوس مے پیٹھ ایمان انہِ سُہ رُوزنہ انہِ گٹہِ منز._

⁴⁷.یُوس میانہِ کتھہ بُوزتھ تمن پیٹھ عمل چُھنہ کران بُوکرنہ تمسنذ عدالت کؠنہہ تکیازِ بُو آسنہ دنیاہچ عدالت کرنہِ کؠنہہ بلکہ آس بُو تَتھ نجات دِنہ خاطرہٟ._⁴⁸.تُوتہِ چُھ اکھ یُوس تمسنز عدالت چُھ کران. یُوس مے رد کرتھ میانہِ کتھہ قبول چُھنہ کران. میون پیش کورمُت کلام کرِہ قیامژ دوہ تمسنز عدالت._

⁴⁹.تکیازِ یہ کینژھا مے بیان چُھ کورُمت تہِ چُھنہ میٲنہ طرفہ کؠنہہ بلکہ چُھ میانؠ سوزن والؠ ببن مے حکم دیُومت زِ کیا چُھ ونُن تہ کیا بوزناو._

⁵⁰.تہِ بُو چُھس زانان زِ تسہُند حکم چُھ ابدی زندگی تام واتناوان تکیازِ یہِ بُو بوزناوان چُھس چُھ تؠِ یہ ببن مے ونُمت چُھ._

13¹.عیدِ فسح ٲس ونؠ شِروع سپدن واجن عيسىٰ اُوس زانان زِ سُہ وقت چُھ ووتُمت زِ مے چُھ یہِ دنیا ترایِتھ ببس نِش گژُھن، اگر چہ تؠمؠ اُوس ہمیشہ دنیاہس منز پنِنین لوکن ساتؠ محبت تھومُت مگر ونؠ کوُر تؠمؠ آخری حدس تانؠ تمن پیٹھ پنُن محبت ظاہر._

².پتہِ سپُد شامُک کھؠن تیار. تؠمہ ساتہ اوُس ابیلسن شمعون اسکریوتی سنِدس نیچوس یہُوداہ سندِس دِلس منز تروُمت یہ اِرادہ زِ سُہ کرِ عيسىٰ ہس دشمنن حوالہ._³.عيسىٰ اوس زانان زِ ببن چُھ مے سورؠ کؠنہہ حوالہ کورمُت بیہ زِ بُو چُھس نِشہ نیرِتھ آمُت تہ ونؠ چُھس تس نِش واپس گژھان._

⁴.حالانکہ سُہ ووُتھ دستر خوانہ پیٹھ تہ کوڈن چُوغہ پنُن نیبر تہ کمرس گونڈن تولیہ._

⁵.پتہ لوگ سُہ باٹہِ منز آب ترٲیتھ شاگردن ہندی کھور چھلنہِ تہ گنڈمتہِ تولیہ ساتؠ وتھرتھ خشک کرنہِ._⁶.ییلہ پطرسن وٲرؠ وٲژ تہ تؠمؠ ووُن خداوند ژہ چُھکھہ میانؠ کھور چھلنؠ یژھان؟_

⁷.عيسىٰ ہن ون درجواب تس ونکیس تری نہ ژے فکرہ زِ بُو کیا چُھس کران.مگر پتہ تریِ ژے فکرِہ._

⁸.پطرسن کور اعتراض بُو دمے نہ ژے زانہہ تہِ میانؠ کھور چھلنہ، عيسىٰ ہن ونس جواب اگر نہ بُو ژے چھلؠنہ تہ مے ساتؠ آسنہ تیلہِ چانؠ کانہہ شراکت._

⁹.یہ بوزِتھ وُن پطرسن خداوندا تیلہ مہ چھل میانؠ کھورؠ یاتؠ بلکہ چھل میانؠ اتھِ تہ سرتہِ._¹⁰.عيسىٰ ہن وُن تس جواب یمؠ شخصَن بپتسمٕہ کوٚرمُت آسِہ تس چھِ صرف کھورؠ یٲتؠٟ چھلنؠ ضروری آسان تکیازِ سُہ چُھ مکمل طورہ پاٹھؠ صاف آسان ژہ چُھکھ پاک صاف، مگر سارؠ چھِنہ کؠنہہ._

¹¹.عیسیٰ ہَس ٲس پے زِ کُس کرِ مے دشمنن حوالہ اوہ موکھ وُن تؠمؠ زِ ساریٟ چھِنہ پاک صاف کؠنہہ._¹².ؠمن سارنؠ ہندؠٟ کھور چھلِتھ بؠوتھ عيسىٰ دوبارہ پننؠٟ پلو لاگِتھ.تؠمؠ کور سوال" کیا تُوہی چُھوا سمجھان زِ مے کیا کور تُہندِ خاطرہ._

¹³.توہی چُھو مے وستاد تہ خداوند ونان تہ یہ چُھ صیح تکیازِ بُو چُھس کؠنہہ ییؠِ._

¹⁴.مے تُہندؠ وستادن تہ خداوندن چھلؠ تُہندؠٟ کھوُر.امہِ موجوب چُھ تُوہہِ پیٹھ تہِ فرض زِاکِس بیکٕؠ سٕندؠ کُھور چھلنؠ._

¹⁵.مے دیِتُو تُوہہ اکھ نمونہ تاکہ تُوہی تہِ کریُو تیِ یہ مے کوُر تُوہہِ ساتؠٟ._¹⁶.بُوچھسو توہہ پوزونان زِ غلام چُھنہ پننِس سوزَن وٲلِس کھوتٕہ بُوٚڑ کؠنہہ آسان، نہ چُھ پیغمبر پننِن سُوزن وآلِس کھوتہٟ._

¹⁷.اگر تُوہی یہِ زانِتھ اتھ پیٹھ عمل تہِ کرؠو تیلہ چُھو تُوہہِ مُبارک._

¹⁸.بُو چھسنہ توہہِ سارنؠ ہنز کتھ کینٛہہ کران. ؠِم مے مُنتخب چھِ کرمتؠ تِم چُھسکھ بُو زانان.مگر کلام مقدسچ سُو کتھ پورہ سپدن چھے ضروری"یُوس میانؠ ژوٹ کھؠوان چُھ تؠمؠ تُج مے پیٹھ لَتھ._¹⁹.ونؠ چُھس بُو تؠمہ سپدنہٟ بُرونٹھؠٟ تُوہہ ونان تاکہِ ییلہِ زن سپدِ تہِ توہی انؠو ایمان زِ بُو چُھس سُوؠؠ._

²⁰.بُو چُھسو توہہِ پوز ونان زِ یُوس میٲنِس سوزن والِس قبول چُھ کران سُہ چُھ مے قبول کران تہ یُوس مے چُھ قبول کران سُہ چُھ میٲنِس سوزن وٲلِس قبول کران._²¹.ؠمہِ کتھہ ونِتھ کھوژ عيسىٰ پنِنس دلس منز.تہِ دِژن یہِ گواہی زِ بُو چھسو توہہِ پوز ونان زِ توہہِ منزہ رٹہٟ نایہِ مے اکھ نفر._

²².شاگرد لگؠ اکھ اکِس وچھنہِ یہ شک کرِتھ زِ سُہ کس مطلق چُھ ونان._²³.تمسندؠو شاگردو منزہ اکھ نفر ؠمِس ساتؠ عيسىٰ اوُس محبت تھاوان سُہ اُوس عيسىٰ سندِس سینِس کُن نمِتھ کھؠن کھؠنہ بیوٹھمُت._

²⁴.اتؠ وُن شمعون پطرسن تس کُن اشارہ کرِتھ زِ وَن سُہ کُس چُھ یس مطلق یہ ونان چُھ._

²⁵.تؠمؠ شاگردن پُروژھ عيسىٰ ہس کُن نِمتھ"خداوندا سُہ کُس چُھ؟_²⁶.عيسىٰ ہن ون درجواب، یمِس بُو ژوچہ کھنڈ رَسس منز بُوڈوِتھ دِمہٟ"سُوؠی چُھ پتہ دِژ تؠمؠ ژوچہِ کھنڈ یہودا ابن شمعُون اسکریوتیس._

²⁷.یُوتھؠ یہواہن یہِ ژُوچہ کھنڈ کھؠؠہ تہٟ ابلیس گو تس پریکَس، عيسىٰ ہن دُوپ تس یہِ کیِنژھا ژہ کران چُھکھ، تہِ جلدیِ._²⁸.مگر میزس پیٹھ بِہتھ لوکو منزہ سپُدنہ کانسے معلوم زِ عيسىٰ ہن کیازِ ووُن یہ._

²⁹.کینژھن ہنُد خیال اُوس زِ یہُوداہ اُوس خزانجی امے موجوب ماچُھ ونان زِ عیذ خاطرہ اَن کؠنہہ ضروری چیز مولؠٟ تہ غریبن غرباتن منز باگر کؠنہہ._

³⁰.حالانکہ عيسىٰ سنُد یہ میُونڈ کھیتؠ دراۆ یہُوداہ نیبر یہِ اُوس راژ ہنُد وقت._³¹.یہُوداہ سندِ نیرنہ پتہ ووُن عيسىٰ ہن"ونؠ لُوب ابن آدمن جلال تہ خداین وُچھ تس منز جلال._

³².آ، حالانکہ خدایس مؠُول تس منز جلال. امہ موجوب دییِہ خدا تہِ تس پانس منز جلال بلکہ دییس فلفور جلال._

³³.ہؠُو شرؠو بُو چُھس بؠہ کینژھس کالس تُوہہ ساتؠ.تُوہی ژھانڈؠو مے تہ یتھہ کنؠ مے یہُودین وُن زِ یُوت بُو گژھان چُھس توہی ہیکؠو نہ یِتھ تِتھےکنؠ چُھسو بُو ونؠ توہہ تہِ ونان._³⁴.بُو چُھسو توہہ اکھ نُو حکم دِوان زِ اکِس بییس ساتؠ تھایُو محبت زِ یتھہ کنؠ مے توہہ ساتؠ محبت تھو تُوہی تہِ تھایو اکِس بییس ساتؠ محبت._

³⁵.اگر پانہٟ وانؠ محبت تھایو تیلہ زانن سارؠ امہِ وجہ کنؠ زِ تُوہی چُھو میٲنؠ شاگرد._³⁶.شمعون پطرسن وُن تس ہے خداوندا، ژہ کُوت چُھکھ گژھان؟ عيسىٰ ہن وُن جواب زِ یُوت بُو گژھان چُھس ونؠ ہؠککھنہ ژہ مے پتہ پتہ یِتھ مگر پتہ یِکھ مے پتہ پتہ._

³⁷.پطرسن وُن تس ہے خداوندا! بُو کیازِ ہؠکنہ ونکِس ژے پتہ پتہ یِتھ؟ بُو ہے چانہ خاطرہ پنُن زُو دِمہ._

³⁸.عيسىٰ ہن وُن تس درجواب. کیا ژہ دِکھا میٲنہ خٲطرٕہ زُو؟ بُوہا چھسے ژے پُوز ونان زِ کُوکر بانگہِ برُونہہ ٲسؠ ژے تریِہ لٹہ مے زاننہ نِشہ انکار کورمت._

14¹.چُون دل مہ گھابرِن. ژہ چُھکھ خدایس پیٹھ ایمان تھاوان مے پیٹھ تہِ تھاۆ ایمان._

².میانِس آسمانؠ ببہ سندِ گھرِہ چِھ بے شمار مکان اگر نہ تہِ آسہے تیلہ ونٕہ ہَو بُو تُوہہ زِ بُو چُھس تُہندِ خاطرہ تُور جایے تیار کرنہ باپتھ گژھان.__

³.تہ اگر بُو گژِھتھ تُہندِ خاطرہ جاے تیار کرہ تہ واپس یتھ نِمو بُو تُوہی تہ پانس ساتؠ، تکیازِ یتہِ بُو چُھس تَتہِ ٲسیُو تُوہی تہِ._._⁴. بیہ یُوت بُو گژھان چُھس تمسنز وتھ چُھو تُوہی زانان._._

⁵تُوما وُتھ وننہِ، خداوندا اسہ چھینہ پے زِ ژہ کُوت چُھکھ گژھان پتہ کِتھ کنؠ زانو ٲسؠ تمسنذہ وتہٟ._

⁶.عيسىٰ ہن وُن درجواب پز وتھ تہ زندگی چُھس بُو میانہ وسیلہ وراے ہیکنہ کانہہ ببس نِش یِتھ._

⁷.اگر توہِہ چُھوۄس بُو زونُمت، گو امؠُک مطلب چُھ زِ تُوہی زٲنِووُن بب تہِ تہ ونؠ چھووُن تُوہی سُہ زانان.تہ تُوہہ وچھووُن سُہ._._⁸.فِلُپُسن وُن ہے خداوندا، بب ہاوتن اسہِ.تیِ چُھ بس سانہِ خاطرہ کافیِ._

⁹.عيسىٰ ہن وُن درجواب. فِلِپُس،بُو چُھس یؠتہِ کالہ پیٹھ ژے ساتؠ کیا امہِ باوجود تہِ چُھکھنا ژہ مے زانان؟ ؠمؠ بُو وُچھس تؠمؠ وُچھ بب تیلہِ کیازِ چُھکھ دپان بب ہاوُن اسِہ؟_._¹⁰کیا ژہ چُھکھنا ایمان تھاوان زِ بُو چُھس ببس منز تٕہ بب چُھ مےٕ منز؟. ؠمہ کتھہٟ بُو توہہ ونان چُھسو تِم چھؠنہٟ میٲنہِ بلکہ چھے مےٟ منز روزن وٲلِس ببہٟ سندِ طرفہٟ سُوؠ چُھ مےٕ منز رُوزِتھ پننِہ کامہِ کران._._

¹¹.میانؠن کتھن کرؠو پژھ زِ بُو چھس ببّس منز تہ بب چُھ مےٕ منز.یا کرؠُو کمسّ کم تِمن کامؠن ہندِس بِناہس پیٹھ پژھ ؠِمہ مےٕ کرمژہ چھے._._¹²بُو چُھسو توہِہ پوز ونان. یُوس مے پیٹھ ایمان تھایہِ سُہ کرِ تی یہِ بُو کرہ نہ صرف یہِ بلکہ کرِہ تمو کھوتہٕ تہِ بجہِ کامہِ. تکیازِ بُو چُھس ببس نِش گژھان._

¹³.بیِہ یہِ کینژھا تُوہی میانہِ ناوہٕ منگؠو بُو دِمو. تاکہِ ببس میلہِ نؠچوِس منز جلال._._

¹⁴.یہِ کینژھا توہی میانہِ ناوہ مے نِش یژھُؠو تہِ کرہ بُو._¹⁵.اگر توہی مے ساتؠ محبت چُھو کران تیلہِ گزارؠو تُوہی میانؠن حکمن مطابق زندگی._

¹⁶.تہ بُو کرہ ببس گزارِش تہ سُہ دیؠو توہہِ بیاکھ اکھ مدَدگار یُوس تا ابد تُوہہِ ساتؠ رُوزِ._

¹⁷.یعنی پزرُک رُوح یَتھ دُنیا ہؠکنِہ حٲصل کرِتھ تکیازِ تِم نہَ چِھ تَتھ وُچھان نہٟ زانان. مگر تُوہی چھووُن سُہ زانان، تکیازِ سُہ چُھ تُوہہ ساتیٟ روزان تہ ہمیشہ روزِہ تُوہہ منز._¹⁸.بُو گژھنہ توہی یتیم ترٲؠِتھ بلکہ ؠِمہ بُو واپس توہہِ نِش._

¹⁹.کؠنہہ کالہ پتہ وچھنہ مے دنیا کؠنہہ. مگر توہی رُوزؠو وچھان تکیازِ بُو چھس زندہ لہذا روزؠُو تُوہی تہِ زندہ._

²⁰.ییلہِ سُہ دوہ ییہِ تہ تُوہی ذانؠو زِ بُو چُھس پنِنس ببس منز، توہی چُھو مے منز تہ بُو تُوہہ منز._²¹.ؠمِس نِش مؠٲنؠ حکم چھِ بیہِ یُوس تمو مطابق زندگی چُھ گزاران سُوؠی چُھ مے ساتؠ لول تھاوان. تہ یُوس مے ساتؠ چُھ لول تھاوان. تس ساتؠ تھایہِ میُون بب لول.بُوتہِ تھاوہ تس ساتؠٟ لول تہ پنُن پان کرہ تس پیٹھ ظاہر._

²².یہُوداہ اسکریوتیس ورٲے پروژھ بؠکؠ یہُوداہن خداوند کیا وجہ چُھ زِ ژہ کرکھ پنُن پان صرف اسے پیٹھ ظاہر تہ دنیاہس پیٹھ نہ کؠنہہ._²³.عيسىٰ ہن وُن درجواب اگر کانہہ مے محبت کرِ تہ گزارِہ مؠٲنہِ کلامہ مطابق زندگی. مؠون بب کرِہ تِتھس شخصس محبت تہ اسؠ گزارو تس نِش یِتھ تس ساتؠ زندگی._

²⁴.یُوس نہ مے ساتؠ محبت چُھ کران. سُہ چھنہ میٲنہ کلامہ مطابق زندگی کؠنہہ گزاران. تہ یُوس کلام تُوہی مے نِش چُھو بوزان سُہ چُھنہ مے پنُن کلام کؠنہ بلکہ چُھ ببہ سنُد ؠؠمؠ بُو سوزمُت چُھس._²⁵.یہِ سُوری کؠنہ چُھ مے توہہِ ساتؠ روُزِتھ توہہِ ونُمت._

²⁷.مگر پتہٟ ہیچھنایُو تُوہہِ سُوری کؠنہہ سُہ رُوح پاک یس بب سوزِ میانہِ ناوہ ساتؠ. یہ مدَدگار دؠو تُوہہِ پرؠتھ کتھہ ہنز یاد دہٲنیِ.ؠِمہ مے تُوہہِ ونمژہ چھیُو._

²⁶.بُو چُھس تُوہہِ نِش سلامتی ترٲوِتھ گژھان. پننؠ سلامتی چُھسو توہہِ دوان. تہ بُو چُھسو نہ تُوہہ سُو تِتھ کنؠ دِوان ؠتھ کنؠ دنیا چھ دِوان. تُہندؠ دل مہ گھابرِن تہ نہَ کھوژِن._²⁸.توہہ چُھو مے نِش بُوزمُت زِ بُو چُھس گژھان تہ تُوہہ نِشہ ؠمہ بُو واپس. اگر توہی مے ساتؠ چُھو محبت تھاوان تیلہِ گژِھہُو تُوہی اتھ کتھہِ پیٹھ خوش زِ بُو چُھس ببس نِش گژھان. تکیازِ بب چُھ مے نِش بُوڈ._

²⁹.مے چھمُو تُوہہِ گوڈے ونُمت زِ یہِ سپدِ تاکہ ییلہ پیش یؠہِ تہ تُوہی انیُو ایمان._

³⁰.وُنِکہِ پؠٹھ کرنہٟ بُو زیادہ کتھہ تُوہہ ساتؠ کؠنہ تکیازِ ؠمہ دنیاہک پادشاہ چُھ یوان.تس چُھنہ مے پیٹھ کانہہ اختیار._

³¹.مگر دنیاہ زانہِ یہِ زِ بُو چُھس ببس ساتؠ لُول تھاوان تہ بُو چُھس تی کران ؠمؠوک حکم مے تؠمؠ دیوتُمت چُھ وتھیُو یتہِ نیرَو._

15¹بُو چُھس حقیقؠ دچھِ کُل تہ میُون بب چِھ باغوان._

²سُہ چُھ میانؠ پرؠتھ شاخ ژٹتھ دٲارِتھ ژھنان یُوسنہ مُؠوہ چھے دِوان مگر یُوسہ لنڈ مؠوٟہ چھے دِوان تَتھ چُھ سُہ تراش ہیوان تاکہِ زیادہ مؠوہ دییہِ._³ؠمہِ کلامکہِ وجہ ساتؠ یُوس مے تُوہہ ونُمت چُھمو. چُھو تُوہی پاک صاف سپدمتؠ._

⁴مے منز روزؠو قاؠم تہ بُوتہِ روزِ توہہ منز قاؠم.یُوس لنڈ کُلِ نِشہِ ژٹنہ چھے آمژ سُو ہؠکنہ مؠوہ دِتھ. بلکہ یتھے کنؠ توہی تہِ اگر نہ مے منز قاؠم روزُؠو تہ تُوہی ہؠکؠونہ مؠوہ دِتھ._⁵بُوے چُھس دچھِ کُل تہ تُوہی چُھو امچہِ لنجہ یُوس مے منز قاؠم چُھ روزان تہ بِو چُھس تَتھ واریاہ مؠوہ وپداوان تکیازِ مے نِش جُدا سپدِتھ ہؠکؠونہ تُوہی کِہؠن کرِتھ._

⁶یُوس مے منز قاؠم چھنہ روزان تہ بُو تس منز سُہ چُھ یوان ہُوچمژِہ لنجہ ہندؠ پاٹھؠ نیبر دٲرِتھ ژھننہ تہ لوکھ تِمہ جمع کرِتھ نارس منز تراوان یتہ تِمہ دزان چھےِ._

⁷اگر تُوہی مے منز قاؠم روزؠو تہ بُو تُوہہ منز تہ یہ تُوہی یژُھؠو منگؠو، تہِ ییَو توہہِ دِنہٟ._⁸ییلہِ تُوہی واریاہ میوہ چُھو دِوان تہ تُوہی میٲنؠ شاگرد ثابت سپدان تہ تؠمہ ساتؠ چُھ میانس ببس جلال مؠلان._

⁹یتھ پاٹھؠ ببن مے ساتؠ محبت چُھ تھومُت تِتھے پاٹھؠ چُھ مؠتہِ تُوہہِ ساتؠ محبت تھومُت ونؠ روزؠو میٲنِس محبتس منز قایم._¹⁰ییلہِ تُوہی میانہِ حکمہ مطابق چُھو زندگی گزاران تہ مے منز چُھو قاؠم روزان. بوتہِ چُھس تِتھے پاٹھؠ پننِس ببہ سندؠن احکامن پیٹھ پکان تہ یتھ کنؠ چُھس بُو تمسندِس محبتس منز قاؠم رُوزان._

¹¹مے ونمو توہہِ یہِ امہ موجوب تاکہ میانؠ خوشی آسِہ توہہِ منز بلکہ سپدن تُہندؠ دِل خوشیِ ساتؠٟ بھرپُور._¹²میون حکم چُھ یہ زِ اکسِ بیؠِس ساتؠ تھایو تؠوتھؠ لُول ؠتھ کنؠ مے چھمو تُوہہ لول کورمُت._

¹³امہ کھوتہ بُوڈ لول چُھنہ کانہہ زِ کانہہ دییہ پنُن زُو پنِنس دوستسن ہندِہ خاطرہ._¹⁴توہی آسؠو میانؠ دوست اگر توہی تہِ کرؠُو یہ بُو تُوہہ ونان چُھسَو._

¹⁵ونکہ پتہ وننہ بُو زِ تُوہی چُھو غلام تکیازِ غلام چُھنہ زانان زِ تمسُند مالِک کیا چُھ کران؟ امہِ بجاے ونمو مے توہہِ زِ توہی چُھو دوُست، تکیازِ مے ونمو توہہِ تہِ سورؠ یہِ مے پنِنس ببس نِش بُوزمُت چُھ._¹⁶تُوہہ کوروُوس نہ بُو منتخب بلکہ کرمَو مے تُوہی منتخب مے کرؠُو تُوہی مقڑ زِ گژِھتھ انیو مؠوہ تؠوتھ مؠوہ یُوس قاؠم روزِ. پتہ دؠُو تُوہہِ بَب تہِ یہِ تُوہی تس میانہ ناوہ ساتؠ منگؠُو._

¹⁷مؠون حکم چُھ یوے زِ اکِس بییس ساتؠ تھایُو محبت._¹⁸اگر دنیا تُوہہ ساتؠ دشمنی تھایہِ تہٟ یہِ کتھ تھایُو ذہنس منز زِ تؠمؠچھے تُوہہِ برونہہ مے ساتؠ دشمنؠ تھٲومژ._

¹⁹اگر توہی دنیاہکؠ آسِہُو تہ دُنیا کرِہَہو تُوہہ پنُن سمجھتھ محبت مگر تُوہی چُھونہ دنیاہکؠ لؠنہہ.مے چھُمو تُوی دنیا نِشہ الگ کرِتھ ژٲرمتؠ امہ موجوب زِ دنیا چُھتوہہ ساتؠ دشمنی تھاوان._²⁰سُو کتھ کرؠو یاد یوسہ تُوہہ مے ونمژ چھؠُو. زِ غلام چُھنہ پنِنس مالِکس تھود آسان.اگر تمو بُو ستومُت چُھس تہ توہہ تہِ ستایُو. اگر تمو میانہ کلامہ مطابق زندگی گزار تیلہ کرن تِم تہنذن کتھن پیٹھ تہِ عمل._

²¹،مگر توہہ ساتؠ یِتہِ کؠنہہ تِم کرن.تہِ کرنو میانہ ناوکہِ وجہ ساتؠ تکیازِ ؠمؠ بُو سوزمُت چُھس تِم زانان نہ تس کؠنہہ._

²²اگر بُو آمُت آسہونہ تہ تمن ساتؠ کلام کرہ ہَونہ تیلہ آسہن نہ تِم قصوروار کؠنہہ مگر ونؠ رُود نہ تہندِہ گنہُک کانہہ تہِ عُزُر باقی._²³یُوس مے ساتؠ چُھ دشمنی تھاوان سُہ چُھ میٲنِس ببس ساتؠ تہِ دشمنی تھاوان._

²⁴اگر مے آسہے تہ تمن درمیان تِژھ کٲم کؠنہہ کرمژ یوسنہ بؠہ کانسے آسہے کرمژ تیلہِ آسہن نہ تِم قصوروار کؠنہہ مگر ونؠ چُھ تمو سوری کؠنہہ وچُھمت تہ امہِ پتہِ تہ تھاۆ تمو مے تہ میانِس ببس ساتؠ دشمنی._

²⁵تہ یہِ اُوس سپُدن تہِ تاکہ کلامِ مقدسچ سُو پیشن گوؠی سپدِ ہے پورہ زِ تمو اُوس ونُمت._²⁶ییلہِ سُہ مدَدگار ییہِ یُوس بُو ببہ سندِہ طرفہ توہہِ نِش سُوزن. تہ سُہ دییہِ مے مطلق گواہی سُہ چُھ رُوحِ حق یُوس ببس منزچُھ نیران._

²⁷تُوہہ تہِ چھؠو مے مطلق دِنؠ تکیازِ تُوہی چُھو گوڈہ پیٹھے مے ساتؠ رُودِمتؠ._

16¹مے ونمو توہہِ یہ امہِ موجوب تاکہ تُوہی گژھؠونہ گمراہ._

²تِم ژھننو تُوہہ یہُودؠ جماعژہ منز کڈِتھ بلکہ سُہ وقت تہِ چُھ ینہ ووُل زِ یُوس تہِ تُوہہ قتل کرؠو سُہ سمجھِ زِ مے کر خدایہ سنز عبادت._³تِم کرن امہِ قسمِچہ حرکتہ امہِ موجوب زِ نَہ چُھ تمو بب زونمُت نہَ بُو._

⁴ؠمؠ یہِ وچُھمت چُھ تؠمؠ چھے گواہی دِژمژ تہ تہنز گوہی چھے پُوز سُہ چُھ زانان زِ سُہ چُھ حقیقت بیان کران تہ تمسنذِہ گواہی ہنُد مقصد چھ یہِ زِ تُوہی تہ انُؠو ایمان._⁵مگر ونؠ چُھس بُو تس نِش گژھان ؠمؠ بُو سوزمُت چُھس تُوتہِ چُھنہ توہہِ منز کانہہ مے پرژھان ژہ کوت چُھکھ گژھان؟_

⁶امہِ بجاے چھِ تُہندؠ دِل غمگین زِ مے ونمو توہہِ ؠِژھ کتھٟ._

⁷مگر بُو چھسو توہہ پوز ونان زِ میون گژھُن چُھ تُہندِہ خاطرہ فایدہ مند.اگر نہ بُو گژھہ تیلہِ ینہِ مدَدگار توہہِ نِش مگر اگر بُو گژھ تہ بُو سوزن سُہ تُوہہ نِش._⁸تہ ییلہِ سُہ ییہِ تہ دنیاہس ٹھہرایہ گناہس تہ پزرس تہ عدالتس مطلق قصور وار._

⁹گناہس مطلق امہِ موجوب زِ تِم چھنہ مے پیٹھ ایمان انان._

¹⁰پزرس مطلق امہ موجوب زِ بُو چُھس ببس نِش گژھان تہ تُوہی وچھؠونہ مے وُنکہِ پیٹھ کؠنہہ._

¹¹تہ عدالتس مطلق امہ موجوب زِ ؠمہِ دنیاہکِس حاکمس چھے عدالت سپذ مژ._¹²مے چُھو تُوہہ واریاہ کؠنہہ ونُن مگر ونکیس ہؠکؠونہ توہی تمہِ برداشت کؠنہہ کرتھ._

¹³ییلہِ رُوحِ حق ییہِ سُہ کرؠو تُوہہۆ پورہ پزرس کُن رہنماؠی. سُہ کرنہِ پننِہ مرضی ساتؠ کتھ کؠنہہ. بلکہ ونہِ صرف تؠِ یہِ سُہ پانہ بوِز. سُوی ونؠو تُوہہ یِنہ وٲلِس وقتس مطلق تہِ._

¹⁴تہ سُہ دیہِ مے تَتھ منز جلال.زِ سُہ ونؠو تُوہہِ تیِ یہ تس مے نِش آسہِ مؠولمُت._¹⁵یہ کینژھا ببہ سنُد چُھ تہِ چُھ میُون امے موکھہ وُن مے روُح ونؠُو توہہِ تیِ یہِ تس مے نِش آسہِ مؠولمُت._

¹⁶کؠنہہ کالہ پتہٟ وچھؠونہ توہی مے کؠنہہ. پتہ وچُھؠو کؠنہہ کال گژھتھ توہی دوبارہ مے بیہ._¹⁷امسندؠ کؠنہہ شاگرد لگؠ پانہ وانؠ کتھ کرنہِ. زِ عيسىٰ ہن کیا وُن یہ زِ کؠنہہ کالہ پتہ وچھؠونہ توہی مے پتہ وچھؠو کؠنہہ کال گژِھتھ مے دوبارہ بیہِ؟ بیہ کیا چھ یموک مطلب زِ، بُوچُھس ببس نِش گژھان؟_

¹⁸تہ تِم رودؠ سونچان زِ یہ کؠمہِ قسمُک " کؠنہہ کال" چُھ یمچ ذکر سُہ کران چُھ؟ اسہ چھؠنہ امسنز کھتؠٟ سمجھ یوان._¹⁹عيسىٰ ہن زُون زِ ؠم چھ اتھ بارس منز مر سوال کرُن یژھان توے وُن تؠمؠ" کیا توہی چھؠوا اکھ اکِس پُرژھان زِ میانہِ امہ کتھِ ہنُد کیا مطلب چُھ." کؠنہہ کالہ پتہِ وخھیونہ مے تُوہی، پتہ وچھیُو توہی کؠنہہ کال گژِھتھ دوبارہ مے بیہِ._

²⁰بُو چُھسو توہہ پوز ونان زِ تُوہی کرؠُو ودان ودان ماتم ییلہِ زن دنیا خوش سپدِ توہہ مناؠُو غم مگر تُہند غم سپدِ خوشی منز تبدیل._

²¹ییلہِ کانہہ زنؠٟ چھے آسان خلاص گژھنس تیار تہ تس چُھ سؠٹھا غم تہ تکلیف آسان تکیازِ تس چُھ وقت ووتُمت مگر ؠوتھؠ تس بچہ چُھ زؠوان تہ مُوج چھے خوش سپدان زِ اکھ انسان آۆ دُنیاہس سُو چھے پننؠ ساری غم مشراوان._²²یہے چھے تُہنذ حالت تکیازِ ونؠ چھُو تُوہی غمگین مگر بُو ؠمہ دوبارہ توہہ نِش تمہ ساتہِ سپدِ توہہِ خوشی تِژھ خوشی ؠؠوسنہ تُوہہِ کانہہ تھپہ نؠیَو._

²³تؠمہ دوہ پرژھؠونہ توہی مے کہؠن بُو چُھسو تُوہہ پُوز ونان زِ یہ کِنژھا توہی میانہ ناوہ ببس منگؠُو سُہ دیؠُو تُوہہِ._

²⁴ونؠوک تام منگونہ تُوہہ مؠانہِ ناوہ کہؠن منگؠو تہ توہہ مؠلؠُو. پتہ سپدِ تہنذ خوشی پورہ._²⁵مے ونمو توہہِ یہ مِثالن منز مگر اکھ دوہ ؠیہِ ییلہ بُو یہِ کرنہ یعنی تؠمہِ ساتہ کرنہ بُو مِثالن منز کتھ کؠنہہ بلکہ ونو بُو توہہ صاف صاف ببس مطلق._²⁶تؠمہِ دُوہ منگؠو توہی مؠون ناوہ ہؠتھ میانہِ ونُنک مطلب چھنہ یہِ زِ کرہٟ تُہندِ باپتھببس درخواست ._

²⁷تکیازِ بب چُھ پانہ توہہِ ساتؠ محبت کران. اوہ موکھہ زِ توہہ چُھو مے ساتؠ محبت کورُمت بؠہِ چھو ایمان اونمُت زِ بُو چُھس خدایس منزہ نیرِتھ آمُت._

²⁸بُو آس ببس منزہ نیرِتھ دنیاہس منز تہ ونؠ چُھس بُو دنیا ترٲوِتھ ببَس نِش واپس گژھان._²⁹اتھ پؠٹھ ووُن تمسندؠو شاگردو ونؠ چھکھنہ مِثالن منز کینٛہہ بلکہ چُھکھ صاف صاف کتھہ کران._

³⁰ونؠ آۆ آسہِ سمجھ زِ ژہ چُھکھ سورؠٟ کؠنہہ زانان. تہ ونؠ چھؠنہ امِچ ضرورت کؠنہہ زِ کانہہ کری ژے پُوچھ تاچھ. امہ موجوب زِ اسؠ چھِ ایمان تھاوان زِ ژہ چُھکھ خدایس منز نیرتھ آمُت._

³¹عيسىٰ ہن وُن درجواب " کیا ونؠ چُھوا تُوہی ایمان تھاوان؟_³²وچھؠو سُو وقت چُھ یوان بلکہ چُھ آمُت ییلہ تُوہی چھلہِ چھانگرِہ گژھؠو مے کُن زُون تراوِتھ ژلیو تُوہی پنُن گھرہ توتہِ آسنہ بُو کُن زُون کؠنہہ تکیازِ مے ساتؠ چُھ بب._

³³مے ونمو توہہِ امہِ موجوب یہِ کتھ تاکہ توہی لبؠو مے منز سلامتی دنیاہس منز چُھو توہی مُصیبتَن منز پھسِتھ رُوزان. مگر ہمت تھاؠُو " بُوچھس دنیاہس پیٹھ غالِب آمُت"._

17¹یہِ ونِتھ تجہ عيسىٰ ہن پننِہ ٲچھ آسمانس کُن تہ کورُن دُعا" ہے بب" وقت چُھ وتُمت پننِس فرزندَس دِہ جلال تاکِہ فرزند دییی ژے جلال._

²تکیازِ ژے چھؠ تس تمام انسانن پیٹھ اختیار دیوتمُت تاکہ سُہ دییہِ تمن سارنی ابدی زندگی یُوسہ ژے تس دِژتھ._³تہ ابدی زندگی چھے یہِ زِ تِم زانن ژے یُوس ژہ واحد تہِ پوز خدا چُھکھ تٕہ عیسیٰ مسیحَس تِہ زانَن یُوس ژے سُوزمُت چُھتَھن._

⁴مے دیتوؠٔ ژے زمینہِ پیٹھ جلال تہ سُو کٲم کرٔم پورہ ؠمِچ ذِمہ داری ژ مےٕ دژمژٔ ٲسے._

⁵تہٕ ونؠٟ دِمے پننہِ حضوری منز جلال" ہے ببہ" سُوؠی جلال یُوس دنیا پادہ گژھنہ برونہہ بُوژے سٲتھؠ تھاوان اُوسُس._⁶مے کور چون ناۆ تمن لوکن پیٹھ ظاہر ؠِم ژے دنیا نِشہ الگ کرِتھ مے دِتمتؠ چِھتکھ تِم ٲسؠ چأنؠٕ ژے دِتَتھک تِم مے. تہ تمو گزٲر چانہ کلامہ مطابق زندگی._

⁷ونؠ چُھ تمو زونُمت زِ یہ کینژھا ژے مے دیتمُت چھؠ تہِ چُھ چانے طرفہِ._

⁸تکیازِ ؠمہ کتھہ ژے مے دِژَتھ. مے دِژہ تمن نتیجس منز زانہِ تمِو حقیقؠ طورہ ؠمہِ کتھہٟ قبول کرِتھ زِ بُو آس ژے منز نیرتھ ساتؠ ساتؠ اون تمو ایمان تہِ زِ ژے چُھستھ بُو سوزمُت._⁹بُو چُھس تِہندِ خاطرہ دعا کران، دنیا خاطرہ نہ کؠنہہ بلکہ تہندِ خاطرہ ؠِم ژے مے دِتَتھکھ. تکیازِ تِم چھِ چٲنؠٟ._

¹⁰یُوس تہِ میُون چُھ سُہ چُھ چُون تہ یُوس چون چُھ سُہ چُھ میُون تکیازِ مے مؠُول تمن منز جلال._

¹¹ونکہِ پیٹھ آسنہ بُو دنیاہس منز کؠنہہ. مگر ؠِم روُدؠ دنیاہس منز ییلہِ زن بُو ژے نِش چُھس ؠوان.ہے پاک ببہ پننہِ ناوہ تھاوُکھ تِم محفوظ. تؠمہ ناوہ یُوس ژے مے چھؠ دؠوتُمت تاکہ تِم آسن اکھ ؠتھ کنؠ ٲسؠ اکھ چھِ._¹²یتِس کالس بُو تمن ساتؠٟ رُودُس مے تھٲئؠ تِم چانہ ناوہ ساتؠ محفوظ. تمے ناوہ ساتؠ یُوس ژے دیوتمُت اوُستھ. مے کرٔ تمن تِتھ کنؠ رٲچھ زِ تمو منزہ سپُدنہ اکھ تہِ ہلاک سوٲے فرزندہ سندِہ ہلاک گژھنہ نِشہٟ یِتھ کنؠ سپذ کلامچ پیشَن گوئی پُورٕہ_

¹³ونؠ چُھس بُو ژے نِش یوان مگر دنیاہس منز ٲسِتھ چُھس بُو ؠمہ کتھہ کران.تاکہِ تہندین دِلن منز سپدِ بھرپور خوشی حاصِل._

¹⁴مے دیوت چون کلام تمِن. تہ دنیاہن تھاو تمن ساتی دشمنی تکیازِ تِم چھنہ دنیاہکؠ یِتٕھہ کٕنؠ نٕہ بُوتِہ چُھس دنیاہُک._¹⁵میون دُعا چُھنہ یہِ زِ ژہ تُلُکھ تِم دنیا نِشہ بلکہ یہِ زِ تِم تھاوُکھ محفوظ ابلیسّس نِشہٟ._

¹⁶تِم چھنہ دنیاہکؠ کؠنہ یتھ کنؠ نہ بُوتہِ چُھس دنیاہُک کؠنہ.

¹⁷تِم کرُکھ پزرکہ وسیلہ پاک.چُون کلام چُھ پُوز._¹⁸یتھ کنؠ ژے سُوز تھس بُو دنیاہس منز، تِتھےِ کنؠ سُوزی مؠتہِ تِم دنیاہس منز._

¹⁹تہ تہندِہ خاطرہ چُھس بُو پننُن پان پاک کران تاکہ تِم تہِ ین پزرکہِ وسیلہ پاک کرنہ._²⁰بُو چھسنہ صرف تہندے خاطرہ یُوت درخواست کؠنہہ کران بلکِہ تِہندِ خٲطرٕہ یِمُو تسندِہ کلامکہِ وسیلہ مے پیٹھ ایمان اوُن._

²¹تاکہ تِم ساری آسن اکھ یعنی ؠتھ پاٹھؠ ہے بب ژہ مے منز چُھکھ تہ بُوچھُس ژے منز. تِم سپدن اسہِ منز اکھ یُوتھ زن دنیا ایمان انہِ زِ ژے چُھتھس بُو سوزمُت._²²تہ یُوس جلال ژے مے دیوؠمُت چُھتھ. مے دیوت تمن تاکہ تِم سپدن اکھ یتھ کنؠ اسؠ اکھ چھ._

²³بُو چُھس تمن منز تہ ژہ مے منز تاکہ تِم سپدن کامِل ٲسِتھ اکھ تہ دنیا زانہِ زِ ژے چُھستھ بُو سوزُمت بیہ یتھ پاٹھؠ ژے مے ساتیٟ محبت تھووُتھ تہِ تمن ساتؠ تہِ تھووُتھ._²⁴ہیے بب. بُو چُھس یژھان ؠِم ژے مے دِتمتؠ چِھتھکھ. یتہ بُو آسہ ، تِم تہ آسن مے ساتؠ تاکہ میٲنس تَتھ جلالس وُچھن یُوس ژے مے دیُوتمت چُھتھ. تکیازِ ژے چِھی دنیا بننہ برونہہ مے ساتؠ محبت تھومُت._²⁵ہیے انصاف کرن والہِ یِہ دنیا چھؠنہ ژے زانان مگر بُو چُھستھ ژہ زانان.بیہ چھ نوم شاگرد زانان زِ ژے چُھستھ بُو سوزمُت._

²⁶مے کور چون ناۆ تمن پیٹھ ظاہر تہ ظاہر روزُہ کران. تاکہ یُوس محبت ژے مے ساتؠ اُوسؠ سُہ آسہِ تمِن منز تہ بُو چُھس تمن منز._

18¹یہِ ونتِھ دراۆ عيسىٰ پننین شاگردن ساتؠ تہ گو وادیِ کدرون اپور اکِس باغس منز._

²یہوداہ یُوس تمِس دشمنن حوالہ کرن وول اُوس سُوتہِ اُوس یہ جاے زانان تکیازِ عيسىٰ اُوس پننین شاگردن ساتؠ تُور گژھان کران._

³زِٹھؠ کاہنو تہ فریسیو ٲسؠ یہُوداہس رُومی فوجن ہنز اکھ جماعت تہ بیت المُقدسکؠ کؠنہہ راچھدر دِتمتؠ ونؠ وٲتؠ ؠِم مشعالہِ لالٹین تہ ہتھیار ہیتھ باغس منز._⁴عيسىٰ ہس ٲس پے زِ مے کیا پیش ییہِ.حلانکہ سُہ دراۆ تہ پرژھنکھ توہی کُس چُھووُن ژھانڈان؟_

⁵تمو ونُس جواب عيسىٰ ناصریس تہ تس رٹناون وول یہُوداہ تہ اُوس تمن ساتؠ کھڑا._⁶ییلہِ عيسىٰ ہن ووُن "بوؠٟ چُھس" تہ سارؠ پے پتھ کُن نیرتھ پتھر._

⁷بؠیِہ اکِہ لٹِہ کور عيسىٰ ہن تمن سوال" توہی کُس چُھووُن ژھانڈان؟ تمو وُن عيسىٰ ناصریِ._⁸تؠمؠ وُن مے توہہ وونمو زِ بُوؠٕ چُھس. اگر تُوہی مے چُھو ژھانڈان تہ یمن دیو گژھنہ._

⁹یتھ کنؠ سپز تمسنز یہ کتھ پورہ "زِ ؠِم ژے مے دتہِ تھکھ تمو منز راورنہٟ مے اکھ تہِ._¹⁰شمعون پطرسس نِش ٲس تلوار. تؠمؠ کڑ امے ساتہ سُو مِیانہ منز نیبر تہ ژوٹن زِٹھؠ کاہن سٕندِس نوکرَس دُچھن کَن._

¹¹مگر عيسىٰ ہن وُن پطرسس، تلوار تھاو میانہِ منز. کیا بو چؠمناہ سُہ پیالہ یُوس ببن مے دتمُت چُھ._¹²پتہ کور فوجی جماژ. تہندؠو سردارو تہ بیتُ المقدسکؠو راچھدرو عيسىٰ گرفتار تہ گونڈکھ._

¹³گوڈہ نیُو سُہ تمو حنّاہس نِش.حِنّا اُۆس تؠمہ وری یُوک کاہنِ اعظم کیفا سنُدہیرٕہ بَب._

¹⁴کیفاہنؠ اُوس یہُودین یہ مشورہ دیوتُمت زِ بہتر چُھ یہِ زِ اکوے نفر مرِہ اُمتہ باپتھ._¹⁵شمعون پطرس اُوس بیہِ کیمستام شاگردس ساتؠ عيسىٰ ہس پتہ پتہ گومُت. یہ دوؠم شاگرد اُوس کاہن اعظمس زانؠ کار. امے موجوب سپُد سُہ عيسىٰ ہس ساتؠ کاہنِ اعظم سنِدس آنگنس منز داخل._

¹⁶پطرس رود نیبر کنہِ دروازس پیٹھ کھڑا. پتہ دراۆ سُہ کاہن اعظمس زانن ووُل شاگرس دوبارہ نیبر. تؠمؠ کرٔ دروازس پیٹھ چوکؠدر زنہِ ساتؠ کتھ تہ تؠمس میُول پطرس پانس ساتؠ اندر نِنُک اجازت._¹⁷تؠمہِ زنہِ پرُوژھ پطرسس "ژہ تہِ چُھکھنا امِس نفرہ سنُد شاگرد؟ تؠمؠ ووُن "بُو چُھسنہ"._

¹⁸سردی ٲس، امہ موجوب ٲسؠ غلام تہ راچھدر ہچؠن ہنزہ ژِنہِ زالِتھ تَتھ نِش ونؠ کھڑا وُشنیر کران. پطرس تہ اُوس تمنؠ ساتؠ کھڑا وُشنیر کران._¹⁹اَتھؠ منز لوگ کاہن اعظم "عيسىٰ ہس پُوچھ تاچھ کرنہِ تمسندین شاگردن تہٟ تعلیمہ مطلق._

²⁰عيسىٰ ہن وُن تس درجواب مے چھے دُنیاہَس منز ننہِ وانہٟ کتھ کرمژٔ. تہ بُو رودُس ہمیشہ یہُودی عبادت خانن تہ ہؠکلِ منز تعلیم دِوان تَتہِ یتہِ تمام یہُودی جمع چھ آسان میہ چُھنہ ژورِ ژورِ کؠنہہ وُنمت._

²¹ژہ کیازِ چُھکھ مے پرژھان؟ تِمن نِش کر معلومَ ؠمو میانہِ کتھہ چھے بوز مژہ. تمِن چھے پے زِ مے کیا کیا چُھ ونُمت._²²اتھ پیٹھ لاے چپاتھ عيسىٰ ہس ہؠکلِ ہندؠو راچھدرو منزہ اکؠ یوس تَتؠن کھڑا اُوس تہ ونُنس" کیا یہ چھا کاہنِ اعظمس ساتؠ کتھ کرنُک طریقٕہ، ییلہ سُہ ژے کؠنہہ پرژھان چھؠ.؟_

²³عيسىٰ ہن وُن درجواب اگر مے غلط کتھ کر تہ ثابت کر. مگر اگر پوز ونُم تہ ژے کیازِ لویُتھ مے؟_

²⁴پتہ سُوز حِناہن عيسىٰ گنڈِتھ کاہن اعظم کیفاہس نِش._²⁵شمعون پطرس اُوس وُنہ نارس نِش وشنیرؠ کران. تہ اتھؠ منز لوگ بیاکھ پرژھنہ تس، ژتہِ چُھک تمسند شاگردو منزہ.؟ تؠمؠ کور انکار زِ " بُو چُھسنہ"._

²⁶پتہِ وُۆتھ کاہن اعظمہ سنُد اکھ غلام وننہِ یُس تس نفرس رشتدار اُوس یمس پطرسن کن اُوس ژوٹمُت." کیا مے وچھکھنا ژہ باغس منز تمِس ساتؠٟ کؠنہہ.؟_

²⁷پطرسن کور بیہ اکہ لٹہِ انکارتٕہ اِنکار کرٲنی آیہ کوکرٕہ سنز بانگ بُوزنہٕ._²⁸پتہ نیُو یہُودیو عيسىٰ کیفا سندِ پیٹھ رومی حاکم سندِس محِل خانس منز واتنُووکھ پیلاطُسس نِش صُبحک وقت اُوس ووتُمت تکیازِ یہودی آسؠ عیدِ فسح کِس کھؠن چینس شریک سپدُن یژھان.لہذا آے نہ تِم محل خانس منز کؠنہہ ورنہٟ تِم گژھن ناپاک._

²⁹حالانکہ پیلاطس دراۆ تہ آۆ تمِن نِش تہ پروُژھنکھ توہؠ کیا الزام چُھو ؠمِس نفرس پیٹھ لگاوان؟_

³⁰تمو دیوُتس جواب اگر نہ یہِ خطازد آسہے اسؠ کروُہن نہٟ ژے حوالہٕ._³¹پیلاطسن ووُن تمن تیلہ نؠووُن یہِ تہٟ پننِس شرعی عدالتس منز کرِووُن پیش یہُودؠو وُن تس اسہ چُھنہ جایز کانہہ مارُن._

³²عيسىٰ ہن یتھ کُن اشارہ اُوس کورمُت زِ بُو کیمہ موتہ مرہ تہٟ ونؠ سپز تسنز سُو کتھ پورہ._³³پتہ گو پیلاطس دوبارہ پنِنس محل خانس منز. تَتہِ بلُوو تؠمؠ عيسىٰ ناد دِتھ تہ پُروژھنس کیا ژہ چُھکھا یہُودین ہنُد پادشاہ؟_

³⁴عيسىٰ ہن پرُژھ تس واپس کیا ژہ چُھکھ پننہِ طرفہ یہ سوال کران کنہ باقیو چھؠ ژے میانس بارس منز ونُمت؟_

³⁵پیلاطسن ونُس جواب. کیا بُو چھسا یہُودی؟ چانؠ پننؠ قومن تہ زِٹھؠ کاہنوؠ کورکھ ژہ مے حوالہ ژے کیا چُھؠ یوتھ کورمُت؟_³⁶عيسىٰ ہن وُن میانؠ پادشاہی چھؠنہ ؠمہِ دنیاہچ اگر سُو ؠمہِ دنیاہچ آسہے تہ میانؠ خادِم تہ کرہن سخت لڑاؠؠ یُوتھنٕہ بُو یہودیَن حوالٕہ کرنٕہ یِمٕہ ہَو.مگر تہِ چُھنہ ونؠ چھؠنہ میانؠ پادشاہی یتچ کؠنہہ._

³⁷پیلاطسن ووُن تس کیا ژہ چُھکھا تیلہ پزے پادشاہ.؟ عيسىٰ ہن دیوت جواب، ژہ چُھکھ پانہ ونان. زِ بُو چُھس پادشاہ بُو چُھس امہِ خاطرہ پادہ گومُت تہ امہِ موجوب دنیاہس منز آمُت زِ حقس پیٹھ دِمٕہ گوٲہی یُوس اکھاہ پزرُک چُھ سُہ چُھ میانؠ آواز بوزان._³⁸پیلاطُسن پروژھ تس پزر کیا چُھ؟ یہ ونتھ دارۆ سُہ دوبارہ یہُودین نِش نیبر تہ تمن ونُن زِ مے چُھنہ امِس منز کانہہ تہِ خطا لبنہ یوان._

³⁹مگر تُہند اکھ رسم چُھ ؠمہ مطابق مے عیدِ فسح کِس موقس پیٹھ تُہندِ خاطرہ اکھ قادؠ چُھ رِہا کرُن.کیا توہی چُھوا یژھان بُو کرن یہُودین ہنُد پادشاہ رِہا.؟_

⁴⁰مگر جوابس منز لگؠ لوکھ کریکہ دِنِہ نا سُہ نہ کؠنہ بلکہ برابا ییلہِ زن برابا ڈاکو اُوس._

19¹پتہ لایناے پیلاطُسن عيسىٰ ہس کوڈہ._

²تہ فوجیُو بنُوو کنڈین ہنُد اکھ تاج تہ تھوۄُکھ تَس کلَس پؠٹھ، بیہ لوگہس اِرغوانؠ رنگُک چوغہ تہِ._

³پتہ رودؠ تس برونہہ کُن یِتھ ونان ہے یہُودین ہند پادشاہہ سلام تہ اُوسُس چپٲژٕہ لایان._⁴اکہِ لٹہِ دراۆ پیلاطُس تہٟ لوگ یہُودین ساتؠ کتھ کرنہِ. وچھؠو بُو چُھسن سُہ نیبر توہہ نِش انان تاکہ تُوہی زانؠو زِ مے آۆ نہ امِس منز مجرم آسُنک کانہہ تہِ وجہ لبنہ._

⁵پتہ آۆ عيسىٰ کنڈؠٕ دار تاج تہ ارغوانؠ رنگک لِباس لاگِتھ نیبر .پیلاطسن وُن تمن وچھیو یہ چُھ سُہ نفر._

⁶امِس وچھتؠ لگؠ زِٹھؠ کاہن تہ تؠمسٕندؠ مُلٲزِم کریکہ دنہٟ. امس دیُو پھٲسؠ.امس دیُو پھٲسؠ._⁷یہُودؠو کور زُور اسہ نِش چھے شریعت تہ امہِ شریعتہ مطابق چُھ لازِم سُہ قتل کرُن._

⁸یہ بُوزِتھ کھُوژ واریاہ پیلاطُس._

⁹دوبارہ محل خانس منز گژِتھ پُروژھ تؠمؠ عيسىٰ ہس،ژہ کتہٕ پیٹھ چُھکھ آمُت؟ مگر عيسىٰ ہن دؠوتنہ تس جواب._¹⁰پیلاطُسن وون تس. اچھا ژہ چُھکھنہ مےٕ ساتؠٟ کتھ کران؟ کیا ژے چھینا پے زِ مے چُھ اختیار ژہ رہا تہ کرنُک تہٟ مصلُوب کرُنک تہِ._

¹¹عيسىٰ ہن وُن درجواب اگر ژے پؠٹھے یِہ اختیار ٲسہینٕہ دِنہ آمُت تہ ژے آسہؠنہ مے پیٹھ اختیار اوٕہ کِنؠ چُھ تس نفرہٟ سندِ ساتؠ زیادہ گناہ سپُدمت ؠمؠ بُو دشمنن چُھس حوالہ کورمُت._¹²امہِ پتہ کٔر پیلاطُسن سُہ رہا کرنچ کوشش مگر یہُودؠ لگؠ کریکہ دِؠ دِؠ وننہِ.اگر ژہ یہِ رہا کرہن تہ ژہ سپَدک رومی شہنشاہ سنُد دوُست ثابت.یُوس تہ پادشاہ آسُنک دعوی کرِ سُہ چُھ قیصر سنز مُخالِفت کران._

¹³ؠمہِ کتھہ بُوزتھ آۆ پیلاطُس عيسىٰ ہیتھ نیبر.سُہ بیوٹھ انصافچہ کُرسی پیٹھ،تَتھ جایہ اُوس ناۆ پچھیکأریِ یتھ آرامی زبانہِ منز گبتا ٲسؠ ونان._¹⁴ونؠٟ آسہٟ دوپہرچہِ تقریباً بہہ بجے مژہ. امہ دوُہ ٲس عیذ خاطرہ تیاری کرنہ یوان. تکیازِ بیکہ دوہ ٲس عیذ ہنز شروعات. پیلاطسن ووُن تمن وچُھون یہِ چُھ تُہند پادشاہ._

¹⁵مگر تِم رودؠ کریکہ دوِان نیِووُن یہِ نیِووُن یہِ امِس دؠوو پھٲسؠ._

¹⁶پتہ کور پیلاطسن تمن عيسىٰ حوالہ یُوتھ زن پھٲسؠ ییِس دِنہ._¹⁷سُہ دراۆ پننؠ صلیِب ہتھ شہرہ کنؠ تہ ووت تَتھ جایہ ؠمیوک ناۆ کھوپٔر ٲس. آرامی زبانِ منز چُھ یہِ گُلگُتا وننہِ یوان._

¹⁸تَتہِ کھول تمو سُہ پھاسہِ پیٹھ ساتؠ ساتؠ کرؠ تمو عيسىٰ ہس دچھنؠٕ تہ کھُورؠ زہ ڈاکو تہِ مصلوب._²⁰¹⁹

²¹یہ وچھتھ کور اعتراض یہُودین ہندؠو زٹھؠ کاہنو زِ یہُودین ہنُد پادشاہ مہ لیکھؠُو بلکہ زِ امؠ نفرن کور دعوی یہُودین ہنُد پادشاہ آسنُک._

²²پیلاطسن وون تمن درجواب یہِ مے لیوکھ تہِ لیُوکھُم._²³عيسىٰ ہس پھٲسؠٟ دِنہِ پتہ بٲگرؠ فوجیو تمسندؠ پلو نِتھ ژوُن حصِن منز پریتھ فوجؠس اکھ حصہ مگر چوغہ اُوس واٹہ وراے سُہ اُوس ہؠرِہ پیٹھ بُون تام اکوؠی ٹکرہ ووُننہ آمُت._

²⁴تؠمہ موجوب وُن فوجؠو زِ ولؠُو یہِ بٲگرونہ ژٹتھ کؠنہ بلکہ تراوو چُوورہ اتھ پیٹھ. ؠتھ کنؠ سپذ کلامہِ مقدسچ یہ پیشَن گُوئی پورہ."زِ تمو باگراے پانہ وانؠ میٲنؠ پلو.تہ تمن ہندِہ باپتھ تراؠکھ چُوورِہ. فوجؠو کور تِتھے پاٹھؠ._²⁵عيسىٰ سنزِ صلیبِ نزدیک ٲس تؠمسٕنز موج.تمسنز ماَس.کلوپاس سنز زنانہ تہ مرؠم مگدلینی اِستادہ._

²⁶عيسىٰ ہن وُچھؠ پننؠ مُوج تس شاگردس ساتؠ استادہ یُوس تس ٹوٹھ اوس تہ وُننس ہے خاتون وُچھ چون نیچو چُھ یہِ._

²⁷تہ تس شاگردس ونُن وُچھ چانؠ موج چھے یہِ تؠمہ وقتہ پیٹھ نییہ تؠمؠ شاگردن عيسىٰ سنز موج پنُن گھرہ._²⁸امہ پتہ ییلہِ عيسىٰ ہن زُون زِ میانؠ کام سپز مکمل تہ تؠمؠ وُن " مے لجؠ تریش. امہِ ساتؠ تہِ سپذ کلامِ مقدسچ اکھ پیشن گوئی پُورٕہ_

²⁹تَتہِ اُوس سرکہِ برِتھ اکھ بانہٟ.تمو بڑُو دجہِ ہُر لورہ پیٹھ گنڈِتھ اَتھؠ منز تہ لوگہَس ٲسس ساتؠٕ._

³⁰یہِ سرکہ چینہ پتہ وُن عيسىٰ ہن"کام چھے پورہ سپز مژ" تہ سر جُھکاؠتھ کوُر تؠمؠ پنُن زُو خدایس حوالہٟ._³¹فسہچہِ تیارؠ ہنُد دوہ اُوس تہ بیکہِ دوہ ٲس عیذ ہنز شروعات تہ بیہ اکھ خاص سبتُک دوہ. تؠمہ موجوب ٲسنہ یہُودی یژھان زِ صلیب دنہِ آمژ لاش روزِ بیکہ دوہ پھاسہِ پیٹھ الوٲنژ. لہذا کر تمو پیلاطسس گذارش زِ اسؠ والوُوکھ ؠِم زنگہ فٹراوِتھ صلیبِ پیٹھ بُون._

³²پتہ آۆ فوج تہ فٹراؠکھ زنگہ تمن ؠِم عيسىٰ ہس ساتؠ مصلوب اسؠ آمتؠ کرنہ. گوڈہ اکس پتہ بیکِس._

³³ییلہ تِم عيسىٰ ہس نِش واتؠ تہ تمو وُچھ عيسىٰ مومُت.اوٕہ کِنؠ فُٹرایَکھنٕہ تَس زنگٕہ کینٛہہ._³⁴امہِ بجاے دیوت اکؠ عيسىٰ ہس نیزٟہ ساتؠٟ لرہٟ کانہِ تُروک تہ یکدم دراۆ خون تہ آب._

³⁵ؠمؠ یہ وُچھ تؠمؠ دِژ گواہی تہ تمسنز گواہی چھے پُوز. سُہ چُھ زانان زِ سُہ چُھ حقیقت بیان کران تہ تمسنزہ گواہی ہنُد مقصد چُھ یہِ زِ تُوہی تہِ انیو ایمان._³⁶یہ سپُد اوہ موکھ تاکہِ کلامِ مقدسچ یہِ پیشن گوؠی سپذ پورہ" زِ تس یینہ اکھ اڈج تہِ فٹراونہٟ._

³⁷کلامِ مقدسس منز چُھ یتہِ لیکھتھ سُہ کرِ تس پیٹھ نظر ؠمؠ تس ذدہ کوُر._³⁸پتہ مونگ ارمتیاہکؠ روزن وٲلؠ یُسفَن پیلاطُسَس اجازت لاش والنُک.یوُسف اُوس عيسىٰ سنُد خُفیہ شاگرد تکیازِ سُہ اِوس یہُودین کھوژان. اجازت میلنہ پتہ آۆ سُہ تہ وٲجِن لاش._

³⁹نِیکُدِمُس تِہ اُوس ساتؠ یہ چُھ سُہ نفر یُوس پتمیُو دوہُو اُوس رات کیُوت عيسىٰ ہس سمکھنہِ آمُت.نیِکُدمسن اُوس پانس ساتؠتقریباً ژُویِہ ترٕہ سیر مُشکِہ دار وُدٕہ تٕہ مُر اُونمُت._⁴⁰یہُودی رسمہ مطابق وجؠ تمو خوشبو لگایتھ لاش زٲولِس پلوس منز._

⁴¹صلیبن نزدیک اُوس اکھ باغ تہ باغس منز ٲس اکھ نٔو قبر یتھ منز نہٟ اُوتام کانٛہہ اُوس دفن کرنہٕ آمُت._

⁴²سُہ نزدیک آسنہ کؠنؠ تھوُو تمو عيسىٰ تَتھؠٟ منز. تکیازِ فسہچہِ تیاری ہنُد دوہ اُوس تہٟ بیکہِ دوہ ٲس عید شروع سپدَن واجِن._

20¹بٹہٟ وارِہ ہنُد دوہ گزارِتھ آیہ اتوارِ صبحاے سُلہِ مرؠم مگدلینی قبرِ نِش ونہِ ٲس انہ گٹے تُوت واتِتھ وُچھ تؠمہ قبرِہ ہندِ گلہ پؠٹھچ کنؠٟ ٲکِتھ کُن ڈالِتھ._

²مرؠم گؠیہ اتؠ دورے تہ واژ شمعون پطرسس تہ عيسىٰ سندِس ٹٲٹھس شاگردس نِش. تؠمؠ ونؠ شؠچھ زِ تمو چُھ خداوند قبرہِ منز نیومُت. تہ اسہ چھؠنہ پے ییِ زِ تِمو کتہِ چُھ سُہ تھُومُت._³پتہ دراۆ پطرس بیکس شاگردس ساتؠ قبرِ کُن._

⁴دوشوے اسؠ ڈَو تُلان. مگر دوؠم شاگرد اُوس تیز ڈوان سُہ ووُت گوڈےٟ قبرِ پیٹھ._

⁵تؠمؠ وُچھ نمِتھ اندر کُن تہ تَتہِ آیس اتھِ کفنکؠ پارہ پیمتؠٟ مگر اندر گو نہٟ سُہ._⁶پتہ گو امِس پتہ وٲتِتھ شمعون پطرس قبرِ اندر، تؠمؠ تہِ وُچھ تَتہِ کفنکؠ پارٟہ پؠمتؠٟ._

⁷بیہ سُہ پلَو یتھ عيسىٰ سنُد سر ولِتھ اُوس. یہ پلو اُوس میٹ کرِتھ تہ باقیو پارچَو نِشہ الگ پیومُت._⁸پتہ گو سُہ شاگرد تہِ قبرِ اندر یُوس گوڈہ اُوس ووتُمت. ییلہِ تؠمؠ یہِ وُچھ تہ تؠمؠ اُون ایمان._

⁹مگر وُنہ تہِ اُوسنہ سُہ کلامِ مقدسچ نبوت سمجھان زِ امِس اُوس موردو منزہ زندہ وتُھن._

¹⁰پتہ گے دونوے شاگرد واپس گھرہ._¹¹مگر مرؠم رُوز ودان ودان قبرِ برونہہ کنہِ استادہ، تہ ودان ودان ترٲو تؠمہ نمِتھ قبرِ کُن نظر._

¹²تہِ کیا چھے وُچھان زِ سفید پلَون منز مُلبس چھِ تَتہِ زہ فرشتہ بِہتھ یتؠن عيسىٰ سنز لاش گوڈہ تراومژ آسکھ. اکھ اوس تس شاندہ اندہ تہ بیاکھ کھورَو اندہ بِہتھ._

¹³فرشتو پروژھ مرؠمس، ہے خاتون ژہ کیازِ چھؠکھ ودان؟_¹⁴پتہ وُچھ تیمہِ پتھ کُن تَتہِ اوس عيسىٰ کھڑا مگر تؠمہ پہچُون نہ سُہ کؠنہہ._

¹⁵عيسىٰ ہن پروژھ تس ہے خاتون ژہ کیازِ چھؠکھ ودان، کُس چھہن ژھانڈان؟ تؠمہ ووُن تس باغوان سمجھتھ مالیِٲء اگر ژے سُہ یتہِ تلمُت چُھتھن تیلہ ون مے زِ سُہ کتہِ چُھتھن تھومُت تاکہِ بُو نِمن سُہ._¹⁶عيسىٰ ہن وُن تس،"مرؠم" تؠمہِ ونُس پتھ کن فیرتھ عبرانی زبانؠ منز "ربُونیِ" یعنی ہیے وستاد._

¹⁷عيسىٰ ہن ووُن تس مےٕ مہٟ لاگ اتھہ. تکیازِ وُنہ گووس نہ بُو ہُؠور، ببس نِشہ کؠنہہ. مگر باین نِش گژھ تہ تمِن وَن، بُو چُھس پننِس ببس تہ تُہندس ببس نِش واپس گژھان.پننِس خدایس تہ تُہندِس خدایس نِش._

¹⁸حلانکہ مرؠم مگدلینی گؠیہ شاگردن نِش تہ تمن دیُوتن اطلاع." مے وُچھ خداوند تہ تؠمؠ کرِمے ساتؠ نُومہ کتھہٟ._¹⁹تؠمہِ اتوارِ شامس آسؠٟ شاگرد سمِتھ تکیازِ تمو اسؠِ دروازن قُلف لگایمتؠ تکیازِ تِم آسؠ یہُودین کھوژان.تہ اچانک آۆ عيسىٰ تہ سپُد تمن منز باگ کھڑا. تہ وُننکھ، تہنذ سلامتی ٲسِن._

²⁰تہ تِمن ہٲین پننؠ اتھ تہ لرہ کانؠ تہ تِم سپدؠ واریاہ خوش خداوندس وچِھتھ._²¹عيسىٰ ہن وُن دوبارہ زِ تُہنذ سلامتؠ ٲسِن. یتھ کنؠ بُو ببن سوزُس تِتھے کنؠ چھُسو بُو تُوہی سوزان._

²²پتہ فرمووُن تِمن پُھوک دِتھ" زِ رٹؠو روُح القدس"._

²³اگر توہی کانسہ ہندین گنہن معاف کرؠو. تہ تُہندؠ ین معاف کرنہ و اگر توہہ تمن معاف کرؠو نہ، تہ توہہِ تہِ یینہِ معاف کؠنہہ کرنہِ._²⁴بہو شاگردو منزہ توما یس لقب جُڑواں اُوس، سُہ اُوسنہ عيسىٰ سندِہ یِنہ وزِ موجود کؠنہہ._

²⁵حلانکہ باقیو شاگردو وُن تس زِ اسہ وُچھ خداوند مگر توماہن وُن، مے چھنہ یقین یوان. گوڈہ گژھ بُو تمسندین اتھن کِلین ہندؠ زدہ وُچھن تہ بُو تراوہ تِمن منز پننہِ اُونگجہِ بیہِ تراوہ بُو گوڈہ پنُن اتھ تمسنذِ لرہ کانہ ہندِس زخمس منز. تیلے ییہِ مے یقین._²⁶اکہ ہفتہ پتہ ٲسؠ دوبارہ شاگرد مکانس منز جمع اگر زن دروازن قُلف اسؠ مگر عيسىٰ سپُد یتھ تِمن منز باگ کھڑا. تہ وُنَنکھ تُہنذ سلامتی آسِن._

²⁷پتہ وُن تؠمؠ تُوماہس پننہ اُنگجہ تراوہ میٲنین اتھن منز تہ پننی اتھ تراوہ میانہِ لرہ کانہ ہندس زخمس منز. بے اعتبار مَہ سپَد بلکہ تھاو ایمان._²⁸تُوماہن وُن درجواب تس .ہیے میانہ خداوندا._

²⁹پتہ وُن عيسىٰ ہن تس زِ" کیا ژے اُونتھا اوے ایمان زِ ژے وچُھتھس بِو؟ مبارک ٲسِن تِمن ؠِم مے وچھنہ وراے چھ مے پیٹھ ایمان انان._³⁰عيسىٰ ہن ہٲؠی پنین شاگردن ہنذہ موجودگی منز مذید واریاہ معجزات ؠِم تہ یتھ کتابِ منز درج چھِ._

³¹مگر ییتیاء درج چھ تمن ہنُد مقصد چُھ یہ زِ تُوہی انیو ایمان زِ عيسىٰ ہی چُھ مسیح یعنی خدایہ سنُد فرزند و چُھ تہ تُوہی کریو امہِ ایمانکہِ وسیلہ ساتؠٟ تسہندِ ناوہ زندگی حاصل._

21¹امہِ پتہ گو عيسىٰ بیہِ اکہِ لٹہ پنین شاگردن پیٹھ ظاہر ییلہِ سُہ طبریاس یعنی گلیلِ ہندِس جھیلس پیٹھ اُوس یہِ سپُد یتھ کنؠ._

²کینٛہہ شاگرد ٲسؠ شمعون پطرسس ساتؠ جمع. تُوما یمس جُڈوا ونان ٲسؠ، نتِن ایل یُوس گلیِلِ قانا یُوک اُوس تہ زبدؠ سندؠ زہ نیچؠ تہ مزید زہ شاگرد._

³شمعون پطرسن وُن تمِن بُو گژھ گاڈہ رٹنہِ" تمو ونُس ٲسؠ تہ یمو ژے ساتؠ. تِم دراے نایہ منز مگر تؠمہ رٲژ رُوٹکھ نہ کہؠن._⁴صبحاے گاش پھُولتھؠ سپُد عيسىٰ یتھ جھیل بٹھِس پیٹھ اِستادہ. مگر شاگردن ٲسنہ پے زِ یہ چُھو عيسىٰ ہی._

⁵تؠمؠ پروژھ تمن گوبریُو کیا کھؠنہ خاطرہ مؠُولوا کؠنہہ؟ تمو ونُس .نا._

⁶تؠمؠ وُن تمِن پنُن زال ترٲیو نایہ دچھنؠ کؠنؠ پتہ مؠلؠُو تُوہہ کؠنہہ. تمو کور تی تہ تیژا گاڈہ رچہِ تمو زِ زال ہؠوکُکھنہ نایہِ تام انتھ._⁷اتھ پیٹھ وُن خداوند سندؠ ٹاٹھؠ شاگردن پطرسس"یہ چُھ خداوند" یہِ بُوزتھؠ زِ خداوند چُھ. لاے پننؠ ژادر وِلتھ شمعون پطرسن آبس منز وُوٹھ تؠمؠ ٲس ژادر کٲم کرنہ باپتھ وٲجمژ._

⁸باقؠ شاگرد آے تس پتہ پتہ نایہ پیٹھ تِم ٲسنہ بٹھہ نِشہ زیادہ دور کؠنہہ. تقریباً ٲسؠ ذہٟ ہتھ اتھ منزلس پؠٹھ. امہ موجوب اوُن تمو گاڈٔوساتؠ بھرتھ زال آبہ منزؠ لمان لمان خشکی تام._

⁹ییلہِ تِم نایہ منزہ وتھؠٟ تہ وُچھکھ زِ ہچو ژنؠن ہندس نارس پیٹھ چھے گاڈہ بُزنہ یوان تہ ژوچہِ تہِ آسہ._¹⁰عيسىٰ ہن ووُن تمن تمو گاڈو منز انیو کؠنہہ ؠمہِ تُوہہ وُنی رچمژہ چُھو._

¹¹شمعون پطرس گو نایہ پیٹھ تہ زال اونُن کھکھرِ خُشکؠِ پیٹھ. یہ زال اُوس اکھ ہتھ ترونذَہو گاڈو ساتؠ بھرت آمُت. تُوتہِ پھوٹنہٟ سُہ._¹²عيسىٰ ہن ووُن تمن ولؠو کھییُو. کانسہِ تہِ شاگردن کور نہ سوال کرنُک جُرت. زِ تُوی کم چُھو؟ تکیازِ تِم اسؠ زانان یہ چُھ خداوندؠ._

¹³پتہ آۆ عيسىٰ تہ دِژَن ژوچہ تہ یتھے پاٹھؠ کھیاؠن گاڈہ تہِ._

¹⁴یہ اُوس تریمِ دفعہ ییلہِ عيسىٰ زندہ وتھنہ پتہ پنین شاگردن پیٹھ ظاہر سپُد._¹⁵کھؠن کھؠنہ پتہ سپُد عيسىٰ پطرسس کُن مخاطب ہے یوحنا سندِ نیچوِہ شمعون. کیا ژہ چُھکھا یمو کھوتہ زیادہ مے ساتؠ لول تھاوان؟_

¹⁶پتہ پروژھ عيسىٰ ہن تس بیہ اکہِ لٹہِ . شمعون یوحنا سندِ نیچوِہ کیا ژہ چُھکھا مے ساتؠ لول تھاوان تؠمؠ وُون اوے خداوند ژہ چُھکھ زانان زِ مے چُھکھ ژہ ٹوٹھ. تؠمؠ وُن تس ژہ کرمیٲنؠن تیرن پہلؠ گؠ._¹⁷عيسىٰ ہن پروژھ تس تریمہ لٹہِ کیا ژہ چُھکھا مے ساتؠ لول تھاوان. امہِ وجہ وُن پطرسن غمگین سپدِتھ تس.ہے خداوندا! ژہ ہے چُھکھ سُوری کؠنہ زانان ژے چھے پے زِ ژہ کوتا ٹوٹھ چُھکھ مے عيسىٰ ہن وُون تس ژہ رَچُھک میانؠٟ تیر._

¹⁸بُو چھسے ژے پوز ونان زِ ییلہ ژ جوان اُوسکھ. تہ ژہ اُوسکھ پانہ پنُن کمر گنڈِتھ یوت خوش گژھان اُوسے توت اُوسکھ فیران تھوران. تہ ییلہ ژہ بڑہ آسکھ اتیٟ دارَکھ پننؠ اتھہٟ. تہ بیاکھ نفر گنڈؠ ژے کمرتہ نییؠِ ژے تُور یُوت نہ ژہ گژھن آسکھ یژھان._¹⁹عيسىٰ سنز یہ کتھ ٲس یتھ کُن اشارہ زِ پطرس کؠمہ قسمکہِ موتہ ساتؠ دیؠہ خدایس جلال. پتہ ونُن تس زِ مے پتہ پتہ پکھ._²⁰پطرسن وُچھ پتھ کُن تہ تس پتہ پتہ اُوس سُہ شاگرد یُوس عيسىٰ ہس ٹوٹھ اُوس تہ ؠمؠ شامکہ کھؠنہ وزِ تس سینس پیٹھ اتھ تھایتھ پروژھمُت اُوس زِ ہے خداوندا. چُون رٹناوَن وول کُس چُھ؟_

²¹پطرسن وُن سُہ وِچھتھ عيسىٰ ہس. ہے خداوندا ؠمسنُد حال کیا آسہِ؟_²²عیسیٰ ہَن ووٚن تَس اگر بُو یژھ زِ یہ روزِ میانِس واپس ؠنِس تام زندہ تہ ژے کیا؟ ادہ ژہ روُز مے پتہ پتہ پکان._

²³اتھ نتیجس منز پھہلیُو بارنین منز یہ خیال زِ یہ شاگرد مرنہ کینٛہہ. مگر عيسىٰ ہن اُسنہ یہ کتھ ؤنمژٔ. تؠمؠ اُوس صرف یہِ وُنمُت. زِ اگر بُو یژھ زِ یہ روزِ میانِس ینِس تام زندہٕ تہٕ ژے کیا؟_²⁴یہ چُھ سُہ ؠمؠٟ یمن کتھن ہنز گواہی دِتھ ؠمہ تحریر کرِ تہ ٲسؠٕ چھ زانان زِ تمسنذ گواہی چھے پُوز._

²⁵عيسىٰ ہن کور امہ علاوہ تہِ واریاہ کؠنہہ. اگر تمسنز پرِتھ کٲم ییہِ تحریر کرنہٕ تہ میانہ خیالہ آسہِ ہؠنہ سارسؠ دنیاہس منز تیژا کتابہ تھاونس گُنجایشؠِ.

رسولَن ہٕنزٕہ عملٕہ

1¹ہے تُھیو فلُس! مے لؠچھؠٟ گوڈنِچ کتاب تمن سارنؠ کتھن ہندِس بیانس اندر ؠمہ عيسىٰ گوڈہ پیٹھے کران تہ ہچھناوان روُد.

²تَتھ دوسہ تام ؠمہِ دوُہ سُہ روح القدسس ساتؠ تمن رسولن ؠم تؠمؠ ژٲرمتؠ ٲسؠ حُکم دِتھ آۆ ہؠور کھالناونہ.

³عيسىٰ ہن کور تکلیف برداشت کرنہٕ پتہ واریاہ ہُو ثبوتو ساتؠ پنُن پان تمن پیٹھ زندہ ظاہر تہِ. حالانکہ تمن آۆ ژتجہن دوہن اتھِ تہ رودُکھ خداؠی پادشاہی ہنزہ کتھ ونان.⁴تہ تمن ساتؠ رلِتھ دیوتُن حکم زِ یروشلمہ نیرتھ گژھذیونہٟ بلکہ روزِؠو ببہ سندِس تَتھ وعدس پورہ گژھنکِس انتظارس منز یمچ ذکر تُوہہ مے نِش بُوزمژ چُھؠو

⁵تکیازِ یوحناہن دیوت آبہ ساتؠ بپتسمہ مگر کؠنہ دوہ گژِتھ لبیُو تُوہی روحُ القدسہ ساتؠ بپتسمہ.⁶پتہ پروژھ تمو سمِتھ تس یہِ زِ ہے خداوندا. کیا ژہ کرکھہٟ یمے ساتہٟ اسرایلس پادشاہی دوبارہ عطا؟

⁷تؠمؠ ووُن تمن تہنذ کٲم چھؠنہ تِم زمانہٟ تہ میعاد زانی ؠِم ببن چھِ پننسے ختیارس منز تھٲؠمتؠ.

⁸مگر ییلہِ روُح القدس توہہ پیٹھ نازل سپدِ تہ توہی لبؠُو طاقت تہ یروشلمہٕ تہٕ تمام یہُودیایہ تہ سامریہ منز بلکہ زمینہ ہندِس اندس آسؠو میٲنؠ گواہ.⁹یہ وَنِتھ آۆ سُہ تمن وچھان وچھان ہؠُور کھالنہٟ. تہ اُوبرن تھو سُہ تِہنذ نظرو نِشہ ژھایہ.

¹⁰سُہ گژھنہ وزِ ٲسؠ تِم آسمانس کُن توجہ سان وچھان تہ وچُھؠو زہ مرد سفید پلو لاگتھ سپدؠ یِتھ تمن نِش استادہ.

¹¹تہ وننہِ لگؠ ہؠُو گلیلکؠو مردُو! توہی کیازِ چُھو کھڑا آسمانس کُن نظرِ؟ یُوہے عيسىٰ یتھ کنؠ توہہ نِش آسمانس پیٹھ کھالنہ آۆ. یتھے پاٹھؠ ییہِ دوبارہ یتھ کنؠ تُوہہ سُہ آسمانس پیٹھ گژھان وُچھوُون._¹²پتہ آے تِم تؠمہ پہاڈہ پؠٹھ یتھ زیتون ٲسؠ ونان تہ یوس یروشلمس نزدیک سبتکِس منزلکِس دُورِرَس پیٹھ چُھ واپس یروشلم.

¹³تہ ییلہِ تِم تَتھ منز داخل سپدؠ تہ کھتؠ تَتھ ہرمِس پُہرکِس کمرس منز یتھ منز سُہ یعنی پطرس تہ یوحنا تہ یعقوب تہ اندریاستہ فِلپُس، توما، برتُلماؠی، متی، حلفاؠی سنُد نیچو یعقوب، شمعون زیلوتِس تہ یعقوب سنُد نیچو یہُوداہ روزان ٲسؠ.

¹⁴ؠم ساری رودی کینژھن زنؠن تہ عيسىٰ سنزِ ماجہ تمسندین بھاین ساتؠ اکھ دل سپدِتھ دعاہس منز مشغول.¹⁵تمنے دُوہن لوگ پطرس پنین بھاین منز ؠِم تقریباً اکھ ہتھ وُہ ٲسؠ استاد سپدتھ وننہِ.

¹⁶ہے بھایو تؠمہ نُبوتُک پورہ سپدن اُوس ضروری ہہُوس روح القدسن داۆد سنزِ زبانؠ تمِس یہُوداہ سندِس حقس منز گوڈے ونمُت اُوس یُوس عيسىٰ سندِس رٹہ ناون والؠ سنُد رہنما سپُد.¹⁷تکیازِ سُہ اسہِ منز شمار کرنہٟ تہ تؠمؠ لوب تؠمہِ خدمُتک حصہ.

¹⁸تؠمؠ ہُؠوت بدکاری ہنزہ کمایہ ساتی اکھ کھاہ مُولی تہ پؠُو کلہ کنؠ وسؠتہ پھٹس یڈ تہ ساری اندرم دراس نیبر.

¹⁹تہ یہ سپُد یروشلمکین تمام روزن والین معلوم یوتام زن تَتھ کھہس ہؠُو تہنذِ زبانؠ منز ناۆ ہَقل دَمّا یعنی خونہ کھاہ.²⁰تکیازِزبور کتابہِ منز چُھ لؠکِتھ تمسنُد گھر گژِھ فنا. تہ تَتھ منز روزنہ کامہہ بسن وول تہ تمسنُد مرتبہ نییین بیاکھ.²¹ادہ یؠتِس کالس تام خداوند عيسىٰ اَسہِ نِش روُد یوان گژھان یعنی یوحنا سندِ بپتسمہ پیٹھ نِتھ خداوند سندِ اسِہ نِشہ ہؠُور گژھنس تام یُوس برابر آسہِ ساتؠ روُد.

²²تمو منزہ بنِن چاہے اکھ نفر اسہ ساتؠ تمسندِہ وتھنک گواہ.

²³پتہ کرؠِ تمو زہ پیش. اکھ یوسف یمِس برسبا ونان چھِ تہ ؠمسنُد لقب یُوستُس چُھ. دُوؠم متّیاہ.²⁴تہ یہِ ونِتھ کورکھ دعا زِ ہے خداوندا. ژہ سارنے دلن ہنُد واقف چُھکھ ژہ کر یہِ ظاہر زِ ؠمو دوؠُو منز کُس چھؠ ژورمت ژے.

²⁵زِ سُہ رٹہِ ؠمہ خدمتچ تہ رسالتچ جاے یُوسہ یہُوداہ ترٲؠتھ گو پننہِ جایہِ.

²⁶پتہ ترایہ تمو تمن مطلق چُورہ تہ چُورؠٕ درایہ متّیاہ سندِ ناوہ اتی گو سُہ تمن کہن رسولن ساتؠ شُمار._

2¹ییلہِ عیدِ پنتیکسُتک دوُہ آۆ. تِم ساری ٲسؠ اکِس جایہ سمِتھ.

²زِ اچانک آیہ آسمانہ پیٹھ تِژھ آواز زِ نتہِ اُوس تیز طُوفان گرزان تہ تؠمہِ ساتؠ گریز یوسُہ سوری گھرہ پتہِ تِم بہتھ ٲسؠٟ.

³تہ تمِن آیہ نارُو زؠو ہشہِ اتھِ تہ کورکھ تمو منزہ پرؠتھ اکس پیٹھ قہر.

⁴تہ تمِن سارنیٟ سپُد روُح القدس عطا تہ لگؠ غار زبانی منز کتھ کرنہ یتھ کنؠ تمن رُوحن طاقت بخُش.⁵تہ ہر قومہ منزہ ؠِم آسمانس بُونہ کنہِ خدایس کھوژن والؠ یہُودی یُرشلمہ روزان.

⁶ییلہِ یہ آواز آیہ ہجوم گو جمع تہ لوکھ سپدؠ حٲران تکیازِ ہرکانسہِ اُوس ؠوان ؠیؠ بوزنہ زِ ؠم چھ میانے زبانؠ منز کتھ کران.

⁷تہ سارؠ لگؠ حاران تہ تعجب سپدِتھ وننہِ" وچُھیو کیا ؠِم کتھہ کرن والؠ چھنا سارؠ گلیلؠِ".⁸تیلہ کِتھہ کنؠ چُھ اسہ منز ہر کانہہ پننہ پننہ وطنچ زبانؠ منز کتھہ بوزان.

⁹حالانکہ ؠِم چھِ پارتھؠِ، مادی،عیِلامی، مسوپتامیہِ، یہُودیہ، کپَدُکیہ، پُنُطس، آسیِہ.

¹⁰فروگیہ، پمفیلیہ، مصر تہ لیبوآہکہ علاقن ہندی روزن والؠ یُوس کرینی طرفہ چُھ تہ رومی مُسافر.

¹¹چاہے یہُودی چھ چاہے تہندؠ مُرید، کریتیِ تہ عربی، مگر پننہ پننہ زبانؠ منز تمن نِشہ خدایہ سنزن بجؠن بجؠن کامین ہنُد بیان بوزان.¹²تہ ساری گے حیران تہ کھوژتھ لگؠ اکھ اکِس وننہِ" یہ کیا سا چُھ ؠوان سپُدن؟

¹³تہ کؠنہ لگؠ مزاق کرِتھ وننہِ،ہُؠو ؠم ہا چھِ تازہ شرابکِس نشس منز.¹⁴مگر پطرس سپُد تمن کہن رسولن ساتؠ کھڑا. تہ پننہِ بلند آوازِ منز ونُن لوکن، ہؠو یہُودیو تہٟ یروشلمکؠو یہ زانؠو تہ کن تھایتھ بُوزؠو میانہِ کتھہٟ

¹⁵زِ یہ تُوہی سمجھان چُھو، ؠِم چھنہ نشس منز کؠنہہ تکیازِ وُنہِ بجؠیہِ صبحچہ نَو وے.¹⁶بلکہ یہ چھے سُو کتھ یُوسہ یوایل نبی سندِ ذریعہ وننہ چھے آمژ زِ.

¹⁷خدا چُھ فرماوان زِ آخری دوہن منز سپدِ یتھ کنؠ زِ بُو تراوہ پننہِ روُح منزہ ہرکانسہِ انسانس پیٹھ تہ تہِ تُہندؠ نیِچؠ تہ تُہنذِہ کورہ کرن نبوت. تہ تُہندؠ جوان وچُھن رُویا تہ تہندؠ بُڑہ وُچھن خواب.¹⁸بلکہ بُو تراوہ تمن دوہن منز پننہِ روُح منزہ پنین بندن تہ پنین بندنین پیٹھ تہِ تہٟ تِم کرن نبوت.

¹⁹آفتابس گژِھ انہ گوٹ تہ زُون گژِھ خُون ہش. امہ برونہہ زِ خدایہ سنُد عظیم تہ جلیل دوہ ییہِ.²⁰آفتابس گژِھ انہ گوٹ تہ زُون گژِھ خُون ہش. امہ برونہہ زِ خدایہ سنُد عظیم تہ جلیل دوہ ییہِ.

²¹تہ سپدِ یہ زِ یُوس اکھاہ خدایہ سنُد ناو ہییہ سُہ لبہ نجات.²²ہؠے بنی اسرایلُو! ؠمہِ کتھہ بُوزُؠو، زِ عيسىٰ ناصری اُوس اکھ شخص ؠمسنُد خدایہ سندِ طرفہ آسُن سپُد توہہ پیٹھ ثابت معجزو تہ عجیب کامؠو تہ نشانو ساتؠ. ؠم خداین توہہ تمسندِہ ذریعہ ہاؠوو یتھ کنؠ تُوہی پانہِ تہِ چُھو زانان.

²³ییلہِ سُہ خدایہ سندِ مقرٟر کرِمتہِ انتظامہ تہ سابقہ علمہ مطابق رٹناونہ آۆ تہ تُوہہ مارنوون سُہ بے شرع لوکن آتھِ پھاسؠٟ دِتھ

²⁴مگر خداین کُور سُہ موتکہ قبضہ تلہ ییلہ ترایتھ زندہ تکیازِ ممکن اُوسنہ زِ سُہ روزِہے تمسندِس قبضس منز.²⁵تکیازِ داۆد چُھ تمسندِس حقس منز ونان زِ بُو رُودس ہمؠشہ خداوندس پانس برونہہ کنہِ وچھان تکیازِ سُہ چُھ مے دچھنہ طرفہ یُوتھنہ مے گراے لگہِ.

²⁶امے وجہ سپُد مؠون دل خوش تہ میانؠ زبان سپر شادمان بلکہ مؠون جسم تہِ روزِ امیدہ سان سکونت کران.²⁷امہِ موجوب زِ ژہ تراوکھنہ میون زُو تل پاتالس منز تہ نہَ دِکھ ژہ پننہِ پاکیزگی سڑنَس ورٟواتنہٟ.

²⁸ژے ہاؠتھ مے زندگی ہنزہ وتہ تہ ژہ کرکھ مے پننہِ دیدار ذریعہ خوشی عطا.²⁹ہیے بھایو. بُو ہؠکہ توہہِ قومکِس بزرگ داۆد سندِس حقس منز دلیری سان ونِتھ زِ سُو مُود تہ دفن تہِ سپُد تہ ازتام چھے تمسنذ قبر اسہِ نِش موجود

³⁰ادہ نبی ٲسِتھ تہٕ یہِ زانِتھ زِ خداین چُھ مے ساتؠ قسم کھؠومُت زِ چانِہ نسلِہ منزٕہ بِہناون بُو اکھ شخص چانِس تختس پیٹھ

³¹تؠمؠ کرٔ نبوتکہِ طورہ مسیح سندِ زندہ وتھنچ ذِکر زِنہِ آۆ سُہ علم ارواحن منز تراونہ، تہ نہ وٲژ نوبت تمسنُد جسّم سڑنَس³²سوے عيسىٰ کور خداین زندہ یمسندؠ اسؠ سارؠ گواہ چھِ

³³ادہ خدایہ سندؠ دچھِنؠ اتھن تُل سُہ تھود تہ ببس نِش سُہ روُح القدس حاصل کرِتھ یمیوک وعدہ اُوس کرنہ آمُت، کور تؠمؠ یہ نازِل یہِ توہی وچھان تہ بُوزان چُھوو³⁴تکیازِہ داۆد پادشاہ زن کھوتنہ آسمانس پیٹھ، مگر سُہ چُھ خدا ونان، یعنی خداین وُن میٲنِس خدایس مے دچھنہِ طرفہ بہہ

³⁵یوتام نہ بُو چانؠ دشمن چانین کھورن تل انک

³⁶ادہ اسرایلکؠٟ ساری گھرہ کرِن یقین زِ خداین کور سُوے عيسىٰ یُوس تُوہہ مصلوب کورووُن، خداوند تہِ مسیح تہِ³⁷ییلہِ تمو یہِ بوز تہ تہندیِن دِلن گو پارہ پارہ تہ پطرسس تہ باقؠن رسولن زِ ہیے بھایو!ٲسؠ کیا کرو؟

³⁸پطرسن ونُکھ زِ توبہ کرؠو تہ بیہ نییِن تُوہہ منزہ پرتھ کانہہ پننین گناہن ہنزِہ معافی خاطرہ عيسىٰ مسیح سنفہ ناوہ بپتسمہ تہ توہہِ مؠلؠو انعامس منز روح القدس.

³⁹لہذا چُھ یہ وعدہ توہہ تہ تہندین اولادن بؠہِ تمن سارنی دوُرمؠن لوکن ساتؠ ؠمن خداوند سون خدا پانس نِش ناد دییہِ⁴⁰تہ تؠمؠ بیہِ تہِ واریاہن کتھن ہنز تمن نصؠحت زِ پنُن پان بچاؠُو ؠمہِ ہُول ہُول پکونہِ قومہٟ نِشہٟ

⁴¹ادہ ؠمو لوکو تمسند کلام قبول کور تمو نیُو بپتسمہ تہِ تمے دوہ گے تمن منز تقریباً ترے ساس نفر شامِل

⁴²تہِ تِم روُدؠ رسُولن نِش تعلیم حاصل کرنس منز تہ رفاقت تھاونس منز. تہ ژوٹ فٹراونس تہ دُعا کرنس منز مشغُول⁴³.تہ پرتھ شخص گو خوف زدہ تہ واریاہ عجیب کامہ تہ نِشان ٲسؠ رسولن ہندِ ذریعہ ظاہر سپدان

⁴⁴.تہِ ؠِم ایمان ٲسؠ انان تِم ساری اکِس جایہ روزان بیہ ٲسؠ تمام چیزن منز شریک

⁴⁵.تہ پنُن مال و اسباب کنؠٔ کنؠٔ ٲسؠ پریتھ اکؠ سنذ ضرورتہِ مطابق سارنے باگرِتھ دوِان⁴⁶.تہ پرؠتھ ٲسؠ اکھ دل آستھ ہیکلِ منز جمع سپدان تہ گھرن منز ٲسؠ ژوٹ فٹرِتھ خوشی تہ سادہٟ دلیِ سان کھؠن کھؠوان

⁴⁷بیہِ اسؠ خدایہ سنُد حُمد کران تہ سارنے لوکن ٲسؠ ٹاٹھؠ تہ ؠِم نجات اسؠ لبان تِمن اُوس خدا پرؠتھ دُوہ تمن اُوس خدا پرؠتھ دوہ جماژ منز شامل کران._

3¹پطرس تہٟ یُوحنا ٲسؠ دعا کہ وقتہٕ یعنی دوپہرس تریِہ بجہِ ہیکلِ منز گژھان.

²تہ لوکھ ٲسؠ انان اکِس پیدایشی لنگس. ؠمن ہیکل ہندس تَتھ دروازس پیٹھ ٲسؠ بہتھ تھاوان. یُوس خوبصورت چُھ وننہ یوان. تاکہ ہیکلِ منز گژھن والین منگہِ خارات.

³ییلہ تؠمؠ پطرس تہٟ یُوحنا وُچھ ہیکلِ منز گژھان تہ تمِن تہ مونگن خارات.⁴پطرسن تہ یُوحناہن وُچھ تس کُن غورہ سان تہ پطرسن ونُس وچھ اسہِ کُن.

⁵تس باسؠو کؠنہہ مادِن تہ سپُد امے امُید سان تمن کُن متوجہ.

⁶پطرسن ونُس رُوف، سون زن چُھنہ مے نِش مگر یہ مے نِش چُھ تہ دمے بُو ژے.عيسىٰ مسیح ناصری سندِہ ناوہ ساتؠ وَتھ تہ لگ پکنہِ.⁷تہ تُلن دچھنس اتھس تھپ کےِتھ تھود تہ تمے دمہ گے تمسندؠ کھور تہ کوٹھؠ مضبوط.

⁸تہ گو ووُٹھ تُلتِھ کھڑا تہ لوگ پکنہِ تہ گو پکان تہ ووُٹہ تُلان تہ خدایہ سنُد حُمد کران تمن ساتؠ ہیکلِ منز.⁹تہ سٲلمو لوکو وچُھ سُہ پکان ٹکان تہ خدایہ سنُد حمد کران.

¹⁰تہ تمو پہچون سُہ زِ یہ چُھ سُوؠ یُوس ہیکلِ ہندس خوبصورت دروازس پیٹھ بہتھ اُوس بچھان.تہ تَتھ قصس یُوس تس پیٹھ واقع سپدمُت اوس سپدؠ واریاہ پریشان تہ حاران.¹¹ییلہ سُہ پطرسس تہ یوحناہس تھپ کرِتھ اُوس. تہِ ساری لوکھ آے ڈَوان حیران سپدِتھ تَتھ برآندس کُن یتھ سُلیمان چُھ وننہ یوان.

¹²پطرسن وُن یہ وچھتھ لوکن. ہے اسرایلؠو! توہی کیازِ چُھو یتھ پیٹھ تعجب کران. تہ اسہِ کیازِ چُھو ؠتھ پاٹھؠ وچھان. زِ زن کور اسہِ پننہِ قدرژ یا دینداری ساتؠ یہ شخص پکنس ٹکنس لایق؟¹³یہ دیُوت ابراھیم، اسحاق تہ یعقوب سندؠ خداین یعنی سانین آباواجدادن ہندؠ خداؠن پننِس خادم عيسىٰ ہس جلال. یُوس توہہِ رٹنُوون تہ ییلہِ پیلاطسن سُہ یلہ تراونُک ارادہ کور تہ توہہِ کورو تس برونہہ کنہ انکار.

¹⁴تُوہہِ کُرو تس پاکباز تہ پزرِکس شخصسہ سنُد انکار. تہ کورو درخواست زِ تُہندِہ خاطرہ گژِھ یُون اکھ قاتِل یلہ تراونہ.¹⁵مگر زندگی ہنُد مالِک کوروُون قتل یُوس خداؠن مُردو منزہ زندہ تُل. امِکؠ چھِ اسؠٟ گواہ.

¹⁶تمسندؠ ناوہ تہ تمسندے ایمانکہ وسیلہ ساتؠ تہ تمسندے ناوہ ساتؠ گو یہ شخص مضبوط یُوس توہی زانوِون تہ وچھان چُھووُن بیشک دِژ تؠمؠ ایمانن یُوس تسندِ وسیلہ ساتؠ چُھ تس یہِ کامِل تُندرستی توہہِ سارنے برونہہ کنہِ.¹⁷تہٕ ونؠ ہیے بھایو. بُو خُھس زانان زِ تُوہہ کروو یہِ کام نادانی ساتؠ تہ یتھے کنؠ کر تسہندؠو زِٹھؠو تہِ.

¹⁸مگر یمن کتھن ہنز خداین سارنی نبین ہنز زبانؠ خبر ٲسؠ دژمژ زِ تمسنُد مسیح تُلہ دُکھ سُہ کر تمِو یتھے کنؠ پورہ.¹⁹ادہ توبہ کرؠو تہ رجوع کرؠو تاکہ تُہندؠ گناہ ہِن مٹاونہ تہ یتھ پاٹھؠ ین خداوندہ سنزِہ حضوری نِشہ تازگی ہندؠ دوہ.

²⁰تہ سُہ سوزِ تس مسحیس یوس تُہندِ باپتھ چُھ مقرَر سپُدمت یعنی عيسىٰ.²¹ضروری چُھ زِ سُہ روزِ آسمانس پیٹھ توتام یوتام نہ تِم سارؠ چیز بحال یِن کرنہ یمن ہنز زکر خداین پننؠو نبیو ذریعہ کرمژ چھے ؠم دنیاہکہ شُروعاتہ پیٹھ ونان آے.

²²حالانکہ موسٰى ہن ووُن زِ خداوند خدا کرِ تہندؠو بھایو منزہ تہند خاطرہ مے ہؠُو اکھ نبی پادہ. یہ کینژھا سُو توہہِ ونؠو تمسنُد بوزِہ زؠُو.

²³تہ سپدِ یہ زِ یُوس شخص نہ تمِس نبی سنُد بوزنہ سُہ ییہِ اُمتہ منزہ نیست و نابُود کرنہ.²⁴بلکہ سُمویل سندِ پیٹھ پتمین تام یؠتہو نبیو کلام کورمُت چُھ تمو ساروؠ چھے ؠمن دوہن خبر دژمٔژ.

²⁵تُوہی آسُؠو نبین ہندؠ اولاد تؠمہِ عہد کؠٟ شریک یُوس خداین تہندین اباواجدادن ساتؠ گونڈ ییلہ ابراھیمس ونن زِ چانیو اولادو ساتؠ لبن دنیاہکؠ ساری خاندان برکت.

²⁶خداین سُوز پنُن خادِم زِندہ کرتھ گوڈہ توہہِ نِش تاکہ توہہ دیُو برکت یُوتھ زن توہی ساری روزؠو بدؠو نِش دُور.

4¹ییلہِ لوکن ٲسؠٟ تِم یہ ونان. تہ کاہن تہ ہیکلِ ہندؠ زٹھؠ تہ صدوقی واتیٟ تمن نِش.

²تِم گے ناراض تکیازِ ؠِم ٲسؠ لوکن تعلیم دِوان تہٟ عيسىٰ سنز مثال دِتھ ٲسؠ موردو منزہ زندہ وتُھنک اعلان کران.

³تہ تمِو رٹؠ ؠِم تہ تھایکھ دویمس دوہس تام قیدس منز بند تکیازِ شام اُوس سپُدمُت.

⁴مگر کلام بوزن والؠو منز اُون واریاہو ایمان یوتانؠ زن مردن ہُند تعداد پانژھ ساس تام ووت.⁵دوؠمہ دوہ سپُد یہ زِ تہندؠ زٹھؠ تہ بزرگ تہ عالم.

⁶تہ کاہن اعظم حنّا تہِ کایفا، یُوحنا تہ اسکندر تہ یتیہا کاہن اعظم سندِ خاندانکؠ ٲسؠ سپدؠ یروشلمہ جمع.

⁷تہ لگؠ تمن منز باگ استادہ کرِتھ پرژھنہِ زِ توہہ کؠمہ طاقتہ تہ کؠمہ ناوہ ساتؠ کرو یہ کام؟⁸تؠمہ ساتہ وُن پطرسن روُح القدسہٕ ساتؠ بھر پُور سپدِتھ تمِن.

⁹ہیے اُمتکیو زِٹھؠو تہ بزرگوم اگر از اسہِ اتھ احسانس مطلق پوچھ تاچھ چھے ؠوان کرنہ یُوس اکِس کمزور نفرس پیٹھ سپُد زِ سُہ کیازِ گو ٹھیک؟

¹⁰تیلہِ آسؠو توہہ سارنؠ تہ اسرایلی سارسی امّتس آسہِ معلوم زِ عيسىٰ مسیح ناصری یُوس تُوہہِ مصلوب کرورون تہ موردو منز کورُن زندہ. تؠمہ سندے ناوہ ساتؠ چُھ یہ شخص توہہ برونہہ کنہِ ٹھیک سپدِتھ استادہ.¹¹یہ چھے سوے کنؠٟ یُوسہ تُوہہ دسِلَو ردّ کرو تہ سوے بنؠیہ کونہٟ کنؠ.

¹²بیہِ کانسہِ دوؠمس نِش چُھسنہ نجات کؠنہہ، تکیازِ آسمانس بُونہ کنہِ آونہ انسانن بیہ کانہہ ناۆ بخشنہ، ؠمسندہ وسیلہ اسؠٟ نجات ہیکو لبِتھ.¹³ییلہِ تمو پطرس تہ یوحنا سنز ہمت وُچھ. تہ معلوم کورکھ زِ ؠِم چِھ ان پڑھ تہٟ ناواقف نفر، تہ تعجُب کورکھ. پتہ پہچانِکھ زِ ؠِم چھ عيسىٰ ہن ساتؠ رُودؠ متؠ.

¹⁴تہ تس نفرس یُوس ٹھیک اوس گومُت تمن ساتؠ کھڑا وچھتھ ہیکُکنہ کؠنہہ خلاف ونِتھ._¹⁵مگر تمن دیُوتکھ صدرعدالتہ نِشہ نیبر نیرنُک حکم مگر پانہ وانؠ لگؠ مشورہ کرنہِ.

¹⁶زِ ٲسؠ کیا کرو یمن نفرن ساتؠ؟ تکیازِ یروشلمکین تمام روزن والین منز اُوس یہِ مشہور زِ یسندِہ ساتؠ سپُد اکھ ننہِ وانہٟ معجزہ ظاہر تہ اسؠ ہؠکونہٟ امؠوک انکار کرتھِ.

¹⁷مگر امہِ موجوب گژھنہ ؠم لوکن منز زیادہ مشہور گژھنؠ زِ اسؠ دھمکا ووُکھ ؠِم یُوتھ نہ دوبارہ یہِ ناۆ ہیتھ کانسہ ساتؠ کتھ کرن.

¹⁸ادہ ٲنِکھؠ تِم ناد دِتھ تہ کورہکھ باند باند زِ عيسىٰ سنُد ہؠتھ کرزؠونہ ہرگز کانسہ ساتؠ کتھ تہ نہ دیزؠُو تعلیم.¹⁹مگر پطرسن تہ یُوحناہن ون تمن درجواب، زِ تُوہی ہے کرؠو انصاف کیا خدایس نِش چھا یہ واجب زِ اسؠ بوزو خدایہ سنز کتھِ کھوتہٟ زیادہ تسنذ کتھ.

²⁰تکیازِ ممکن چُھنہ زِ یہ اسہِ وُچھ تہ بُوز تہ ونُونہٕ.²¹اتؠ ترٲیہ تمو تِم دھمکا یتھ، تکیازِ لوکن ہندِ وجہ کؠنؠ مؠولنہٟ تمن سزا دِنُک کانہہ موقع.

²²تکیازِ سُہ شخص ؠمس پیٹھ یہ شفاء دِنُک معجزہ سپُدمُت اُوس سُہ اُوس ژتجی ووُہر زیادہ وانسہِ.²³تمن نِش رِہا گژھتھ گے تِم واپس پنین لوکن نِش تہ یہ کینژھا زِٹھؠ کاہنو تہ بزرگو تمن ونمت اُوس کورُکھ بیان.

²⁴ییلہِ تمِو یہ بُوز تہ اکھ دل سپدِتھ کورکھ خدایس التجا زِ ہیے مالکہ! ژہ چُھکھ سُہ ؠمؠ آسمان تہ زمین تہ سمندر بیہ یہ کینژھا تِمن منز چُھ کورُتھ پادہ.

²⁵ژفرموُتھ روح القدس سندِ وسیلہ سانِس جد داۆد سندِ ذریعہ زِ "قومن کیازِ چھے ژکھ کھژمز؟ تہ اُمّتی کیازِ چھ باطل خیال تھاوان؟²⁶خداوندس تہ تمسندِس مسیح سندِس مخالفتس منز سپدی زمینہِ ہندی پادشاہ کھڑا تہ زِٹھؠ سپدؠ جمع.²⁷تکیازِ واقعی سپدؠ چانِس پاک خادم عيسىٰ ہس برخلاف یُوس ژے مسح کورُتھن، ہؠرودیس تہ پنطیُوس پیلاطُس، غیر قومن تہ اسرایلین ساتؠ یتھؠ شہرس منز جمع.

²⁸تاکہ یہ کینژھا گوڈے چانہ قدرتہ تہ چانہِ مصلحت ساتؠ ثابت اُوس سپُدمت تیِ انن عملِ منز.²⁹ونؠ ہیے خداوند تہنذہ دھمکؠ وُچھ تہ پنین بندن دِہ یہ طاقت زِ تِم بوزناون چون کلامہٟ بڑہ دلیری سان.

³⁰تہ ژہ بڑھاۆ پنن اتھہ شفاعتہ خاطرہ تہ چانِس پاک خادم عيسىٰ سندِ ناوہ ساتی سپدِن معجزہ تہ عجیب کامہ ظاہر.

³¹ییلہ تمو دعا سپدو کرِتھ تہ یتھ مکانس منز تِم جمع اسؠ تَتھ گو الہٟ الہٟ . تہ ساری سپدی رُوح القدسہ ساتؠ معمُور تہ روُدؠ خدایہ سنُد کلام دلیری سان بوزناوان.³²تہ ایماندارن ہنز جماعت أس اکھ دل تہ اکھ جان تہ کانسے تہ وننہ پنِنس مالَس پنُن بلکہ تِہندؠ ساتؠ چیز اسؠ مشترکہ.

³³تہ رُودؠ بڑہ قدرتہٕ سان خداوند عيسىٰ سنز زندہ وتھنچ گواہی دوان. تہ تمن سارنؠ پیٹھ اُوس بوڈ فضل.³⁴تکیازِ تمو منزہ اوسنہ کانہہ تہ محتاج امہ موجوب زِ ؠِم لوکھ زمینہ ہندؠ تہ گھرن ہندؠ مالِک آسؠٕ تِم اسؠ تمن کنِتھ ژھنتھ اقم انان.

³⁵تہ اسؠٕ رسولن ہندین کھورن نِش تھاوان تہ پتہ اُوس یوان پرؠتھ اکس تُمسندِ ضرورتہ مطابق بٲگراونہ.³⁶تہ بنام یُوسف اوس اکھ لاوی یمُسند لقب رسولو برنباس یعنی نصیحتُک نیچو اوس تہ یُوس کُپرسس منز زامُت اُوس.

³⁷تس اُوس اکھ کھاہ یُوس تؠمؠ کُن تہ تمؠوک قیمت انِتھ تھوُون رسولن ہندین کھورن نِش.

5¹حننیاہ ناوکی بیہ اکؠ شخصن تہ تمسنذِ زنانہِ سفیراہن کُن جایداد.

²تہ تؠمؠ تھو پننہ زنانہِ ہنُد زانتھ قؠمتہ منز کؠنہہ رقم پتھ کُن تہ اکھ حصہ انِتھ تھووُن رسولن ہندین کھُورن نِش.³مگر پطرسن ووُن تس! ہؠُو حننیاہ، چانِس دِلس منز کیازِ تراۆ شیطانن یہِ کتھ زِ ژہ وَنکھ روح القُدسس اپُز تہ زمینکہِ قیمتہ منزہ تھا وَکھ کؠنہہ پتھ کُن.

⁴کیا یوتام سُہ ژے نِش اُوس تہ چون اوسنا سُہ؟ تہ ییلہ کننہ آۆ پتہ رُودنہٟ سُہ چانِس اختیارس منز کؠنہہ. ژے کیاز تھُووتھ پننِس دلس منز امہِ کتھہ ہنُد خیال؟ ژے وونُتھنہ انسانن بلکہ ونُتھ خدایس اپُز.

⁵ؠمہِ کتھ بُوزتھؠ پیُو حننیاہ پتھر تہ دراس زُو. تہ سارنے بُوزن والین پیٹھ سپُد خوف ظاہر.

⁶کینژھو جوانو تُل تہ وُولہس کفَن تہ نیبر کڈِتھ کورکھ دفن.⁷تقریباً ترے گانٹہ گژِھتھ آیہ تمسنز زنانہ بے خبری ہندس حالتس اندر.

⁸پطرسن ووُن تس مے ونتے کیا ژے اُوسیہ یتسی زمین کُنمُت؟ تؠمہِ ونُس اوے یتسؠٔ.⁹پطرسن ووُن تس، ژے کیازِ کورتھ خداوند سنُد رُوح آزماونہ باپتھ یہِ وُچھ چانِس شوہر سندٟؠ دفن کرن والؠ چھ دروازس پیٹھ کھڑا تہ ژیتہِ ننےٕ نیبر.

¹⁰سُہ پییہِ تمے ساتہ تس قدمن نِش تہ دراس زُو تہ جوانو وُچھ سُو اندر یتھ مومژ تہ نیبر نِتھ کرکھ تسندِس شوہرس نِش دفن.

¹¹تہ سارسی کلیسیاء بلکہ مہ کتھہ بوزن والین پیٹھ تہ سپُد وحشت.¹²تہٟ رسولن ہندہ دسؠ اسؠ واریاہ نِشان تہ معجزات لوکن منز ظاہر سپدان. تہ تِم ساری اسؠ اکھ دل سپدِتھ سُلیمان سنذِ ڈیڈِ نِش جمع سپدان.

¹³مگر بے ایمانو منز سپز نہ کانسے ہمت تمن منز ینچ پُوز لوکھ اسؠ تِہندؠ تعریف کران.¹⁴.تہ ایمان انن والؠ مردو خواتین ٲسؠ "خداوند" سنز کلیسیاء منز بیہِ تہِ زیادہ تعدادس منز یوان.

¹⁵یُوتام زِ لوکھ ٲسؠ بیمارن سڑکن پیٹھ انِتھ چارپاین تہ چٹاین پیٹھ سایتھ تھاوان تاکہ یلہ پطرس تہ تمسنز ژھاؠی یاژ ییین تمو منزہ کانسہِ پیٹھ.

¹⁶تہ یروشلمکؠو اندؠ پتؠ علاقو پیٹھ تہ ٲسؠ لوکھ بیمارن تہ ناپاک روحکین ستامتین انِتھ کثرت سان جمع سپدان تہِ تِم ساری اسؠ ٹھیک یوان کرنہِ.¹⁷پتہ ووُتھ کاہنِ اعظم تہ تمسندؠ ساری صدوقی فرقِکؠ ساتھؠ ضدہ سان

¹⁸تہ کرکھ رسول گرفتار کرتھ قٲدس منز بند.¹⁹مگر خداوند سندؠ اکؠ فرشتن کھُول رات کیوت قٲد خانُک دروازہ تہ تِم نیبر انِتھ ونُن زِ.

²⁰گژھؠو ہیکلِ منز کھڑا سپدِتھ بوزنایو لوکن ؠمہ زندگی ہنزہ سارے کتھہ.

²¹تِم گے یہِ بوزتھ صبح پُھولتھؠ ہیکلِ منز تہ لگؠ تعلیم دِنہِ. مگر کاہنِ اعظمس تہ تمسندؠو ساتھیو کرؠ صدرعدالت والؠ تہ بنی اسرایلکؠ ساری بزرگ جمع تہ قٲدخانس منز سُوزکھ شیچھ زِ تِم ٲنوِوکھ.²²مگر سپاہُو وچُھنہ تِم تُور واتِتھ قٲد خانس منز کؠنہہ تہ واپس دِژ کھ خبر.

²³زِ اسہِ وُچھ قٲدخانہ حفاظتہ سان بند کُورمُت تہ پہرہ دار تہ وُچھؠ دروازن پیٹھ کھڑا. مگر ییلہ دروازہ کھولتھِ اندر گے تَتہِ وُچھنہ کہنؠ.²⁴ییلہ ہیکلِ ہندؠو زِٹھؠو تہ زِٹھؠ کاہنو بُوز ؠمہ کتھہ تہٟ سپدؠ تہندِس بارس منز پریشان زِ امُؠوک انجام کیا آسہِ.

²⁵اتھؠ منز یِتھ دِژ کیمتام خبر زِ وچھؠو تِم نفر ؠِم تُوہہ قٲد آسؠو کرمتؠ چھ لوکن ہیکلِ منز تعلیم دِوان.²⁶پتہ گے زٹھؠ سپاہ ہؠتھ تہ انکھ تِم مگر زبردستؠ نہ کؠنہہ تکیازِ لوکن اسؠ کھوژان زِ سنگسار ما کرن سہِ.

²⁷پتہ انِکھ تہ کرِکھ عدالتس منز کھڑا تہ کاہنِ اعظمن ووُن تِمن یہِ.

²⁸زِ اسہِ اُوسنہ تُوہہ سخت تاکید کورمُت زِ یہ ناۆ ہؠتھ دیزؠو نہ تعلیم. مگر وُچھؠو تُوہہ پھہلاووُ پننؠ تعلیم تمام یروشلمس منز تہ تس شخصہ سنُد خون چُھو اسہِ نَکھّس کھلان.²⁹پطرسن تہ رسولو ووُن درجواب زِ اسہِ چُھ انسانن ہندِ حکمہ بجاے خدایہ سنُد حکم مانُن زیادہ فرض.

³⁰سانین آباواجدادن ہندؠ خداین کُور عيسىٰ زندہ یُوس زن تُوہہ پھاسہِ پیٹھ کھالِتھ مورمُت اُوسوون.

³¹سوے تُل خداین عزت مند تہ نجات دہندہ آسنکہ حثیتہ سرفراز کرِتھ بہنووُن پانس دچھنؠ کینؠ تاکہ سُہ کرِ بنی اسرایلس توبک تہ گنہن ہنز معافی ہنُد موقع فراہم.

³²تہ ٲسؠ چھ یمن کتھن ہندؠ گواہ بلکہ روُح القدس تہِ یُوس زن خداین تمن بخشمت چُھ ؠِم تسنُد حکم مانان چِھ.³³یہ بوزتھ تِم تہ ٲسؠ تمن قتل کرُن یژھان.

³⁴مگر گملؠ ایل ناوک اکھ فریسی یُوس شرعی عالم تہ ساروی لوکو منز عزت دار اُوس تہ دیوتُن عدالتس منز کھڑا سپدِتھ حکم زِ ؠم نفر کڑووکھ کؠنہہ کالہ خاطرہ نیبر.³⁵پتہ وونُن تمن ہیے اسرایلیُو؟ یہ کینژھا تُوہی ؠمن نفرن ساتؠ کرُن چھو یژھان، ہوشیاری سان کرزیو.

³⁶تکیازِ ؠمو دوہُو برُونہہ اُوس تھیوداسن تھود وتھتھ دعوی کورمُت زِ بُوتہ چُھس کؠنہہ تہ تقریباً اسیٟ تس ساتؠ ژُور ساس نفر گامتی. مگر سُہ آۆ مارنہ تہ ییتیاہ تمسندؠ مانن والؠ ٲسؠ سارؠ گے چھلہ چھانگرہ تہ گے فناہ

³⁷امِس شخصس پتہ ووُتھ یہوداہ گلیلؠِ اِسمِ نویسی ہندین دوہن منز تہ تِمؠ کرؠ کؠنہ لوکھ پانس کُن تِم تِ سپدؠ ہلاک تہ ییتیاہ تس مانن والؠ اسؠ سارنے گیہ چھلہ چھانگر._³⁸ادہ ونؠ چُھسو بُو تُوہہ ونان زِ یمن نفرن نِش رُوزیو دُور تہ یمن ساتؠ مہ تھایُو کانہہ واسطہ یُوتھنہ تہ سپدِ تہ تُوہی بنیو خداؠی خلاف چنگ کرن والؠ. تکیازِ اگر یہ تدبیر یا کام انسانن ہندِ طرفہ چھے تہ یم گژھن پانے تباہ.

³⁹و اگر خدایہ سندِ طرفہ چھے توہی ہؠکؠونہ ؠمن لوکن تنگ کرتھ.⁴⁰تمو مانؠ تمسنز کتھ تہ انِکھ رسول ناد دِتھ دیایِہکھ چُوب تہ یہِ حکم دِتھ ترایِکھ یلہ زِ عيسىٰ سنُد ناوہ ہیتھ کرزیو نہ کتھ.

⁴¹اتی دراے تِم عدالتہ نِش یتھ کتھہ پیٹھ خوش سپدتھ زِ ٲسؠ گؠہہ تمسندِہ ناوہ باپتھ بے عزت سپدنس لایق ثابت کؠنہہ.

⁴²تہ تِم آے نہ باز امہِ کتھِ نِشہ تِم رودؠ دوہے ہیکلِ منز تہ گھرن منز تعلیم دوان تہ ؠمہ کتھہ ہنز خوشخبری بوزناوان. عيسىٰ ہی چُھ مسیح._

6¹تِمن دوہن ییلہ شاگردن منز اوس واریاہ ہرُبر سپدان. تہ یونانؠ مایل لگؠ یہُودی عبرانین ہنز شکایت کرنہِ امہ موجوب زِ تِہنذن مونڈن ہنز خبر گیری منز اس غفلت سپدان.²تہ تمو باہو انؠ شاگردن ہنز جماعت پانس نِش ناس دتھ تہ وُنہکھ زِ یہ چُھنہ مناسب زِ اسؠ کرو خدایہ سنُد کلام ترٲوِتھ کھین چینُک انتظام.

³ادہ ہیے بھایو! پانہ وانؠ ژارِووُکھ سَتھ نیک نام شخص ؠم روح تہ داناؠؠ ساتؠ معمور آسن زِ اسؠ کرووکھ تِم ؠمہ کامہ خاطرہ مقرَر.

⁴مگر ٲسؠ روزُو دعاہن منز تہ کلامکیس خدمتس منز مشغول.⁵یہ کتھ آیہ سارسی جماعتس پسند اتؠ ژُور تمو سِتفَنس ناوک اکھ شخص یوس ایمان تہ روحُ القدسہ ساتؠ معمور اُوس، بیہ نیکلُاوس یُوس نُو شاگرد انطاکپہک یہُودی اوس.

⁶تہ ؠِم کرکھ رسولن برونہہ کنہِ استادہ. تمو تھاؠی دُعا کران تمن پیٹھ اتھہ.⁷تہ خدایہ سنُد کلام رُود پھہلان تہ یروُشلمس منز رُود شاگردن ہند تعداد واریا ہُران. تہ کاہنن ہنز اکھ بڑ جماعت تہ گییہ اتھ دیِنس منز شامِل._⁸تہ سِتفَنُس فضلہ تہ قُوتہ ساتؠ بھرت رُود لوکن منز بجہ بجہ عجیب کامہ تہ معجزات ظاہر کران.

⁹زِ تؠمہ عبادت خانہٟ منزہ یوس لِبرتیِنو وننہ چُھ ؠوان. تہ کرنُیو تہ اسکندر بؠہ تمو منز ؠِم کلکیہ تہ آسیہکؠ ٲسؠ وتھؠ کؠنہہ لوکھ تہ لگؠ ستِفَنُسس ساتؠ بحث کرنہِ.¹⁰مگر تِم ہؠکنہ تَتھ داناؠی تہٟ روُحک ؠمؠوک سُہ کلام کران اوُس مقابلہ کؠنہہ کرِتھ.

¹¹اتھ پؠٹھ ہچھناؠی تمو کؠنہہ نفر ؠم زن ونَن زِ اسہِ وُچھ یہِ موسٰى ہس تہ خدایس برخلاف کُفر ونان.¹²پتہ عوامس تہٟ زٹھؠن تہ فقیہن تُلتھ آے تس نِش تہ گرفتار کرِتھ نیُوک صدرِ عدالتس منز.

¹³تہ کرکھ اَپُزی گواہ کھڑا ؠمو ووُن زِ یہ نفر چُھنہ یتھ پاک جایہِ تہ شریعتس خلاف کتھٟ کرنہٟ نِشہ باز یوان.

¹⁴تکیازِ اسہ بوز سُہ یہ ونان زِ سوے عيسىٰ ناصری کرِ یہ جاے تباہ تہ تِم رسم بدلایہِ ؠِم موسٰى ہن چھ بخشمتؠ.

¹⁵تہ ؠِم عدالتس منز بہِتھ اسؠ تمو سالمو کر تس کُو نظرا تہ وچُھکھ تمسُند بُتھ فرشتہ سنُد ہیو.

7¹یتہٕ وُن کاہن اعظمن کیا ؠمہٕ کتھ چھا یتھے پاٹھیٕ.

²تؠمؠٕ ووُن ہے بھایٔو تہٕ بزرگو بوزیُو،خدایہ ذوالُجلال سُپد سٲنِس جَدس ابراہیمس پؠٹھ تؠمہِ ساتہٕ ظاہر یلہِ سُہ حاران شہرس منز بسنہ برونہہ مسوپتامیہ ملکس منز اُوس

³تہٕ تس وُنن زِ پننِہ ملکہٕ تہٕ پننِہ کُنبہ منز نیرِتھ گژھ تَتھ مُلکس یُوس بُو ژے ہاؤے.⁴اتھ پؠٹھ گو سُہ کسدیِن ہنٔدِ مُلکہٕ منزٕہ نؠرٕتھ حارانس منز بسنِہ.تَتِہ تمسنٔدِ مَرنہٕ پتہٕ واتنوو سُہ خداین یِتھ ملکس منز بسنِہ.یَتھ منز توہؠٕ ونکِیس چُھو بسان.

⁵تہٕ تس اُوسنہٕ کؠنہٕ میراث بلکہ قدم تھاونس سُنب تہِ ٲسٕس نہٕ جاۓ.مگر وعدٕہ کُورن زِ بو کَرن یہ زمین چٲنِس تہٕ ژٕے پتہٕ چانِہ ذُریٲژ ہنٔدِس قبضس منز حالانکہ تس اُوسنہٕ کانہہ اولادۓ.⁶تہٕ خداؠن ضرموو یہِ زِ چٲنؠٕ نسل آسہِ غیر مُلکس منز پردیسی.تِم کرناون تِمن غلامِی تہٕ ژُون ہتن وریٔن تام کرن تمن ساتیٕ بدسلوکی.

⁷پتہٕ ووُن خداؠن زِ ؠمہِ قومچہِ غلامی منز تِم روزُن.تَتھ دِمہٕ بُو سزا.تہٕ تؠمہِ پتہٕ کرن تِم تَتِہ نیرِتھ یتھؠٕ جایہِ میانؠٕ عبادت.

⁸تہٕ تؠمؠٕ گونڈ تس ساتیٕ خَتنہ کرنُک عہد تہٕ اَتھؠٕ حالتس منز سُپد ابراھیمس نِش اسحاق پادہٕ.تہٕ آٹھمہ دُوہ آۆ تس خَتنہ کرنہٕ.تہٕ اسحاقس نِش زاۆ یعقُوب تہٕ یعقوبس نِش زاۓ بہن قبیلن ہنٔدٕؠ بُزرگ⁹تہٕ بزرگو کُن ضِدس منز یِتھ یوسف زِ مصرس منز واتہِ مگر خدا اُوس تس ساتؠٕ.

¹⁰تہٕ تؠمؠٕ موکلو سُہ پرؠتھ مصیبتہٕ نِشہٕ تہٕ مصرکِس پادشاہ فرعونس نِش بخشٕنس مقبولیت تہٕ حکمت تہٕ تؠمؠٕ بنُو سُہ مِصرُک تہٕ سارے گھرُک مختار.¹¹پتہٕ ووُتھ مصرس تہٕ کنعنانس منز قحط تہٕ آکھ بُوڈ مصبیت،تہٕ سانؠن آباواجدادن اُوسنہٕ کھؠن مؠلان.

¹²مگر یعقُوبن سُؠوزؠٕ گوڈنچہِ لٹہِ سانؠٕ جداجداد یہ بُوزِتھ زِ مصرس منز چُھ اناج.

¹³تہٕ دوؠمہ لٹہِ گو یُوسف پننؠن بھایٔن پؠٹھ ظاہر.تہٕ فرعونس لجؠٕ پے ؠُوسفہٕ سنٔزِ قومیٕتچ.¹⁴پتہ اننوُو یوسفن پنن مُول یعقوب تہٕ تمام رشتہ دار ؠم پنژستَتھ زُو ٲسؠٕ.

¹⁵تہٕ یعقوب گو مصر.تَتِہ مُود سُہ تہٕ سانؠٕ جداجداد.

¹⁶تہٟ تِم آے شہر سِکمس منز واتناونہ تہ آے تِم مقبرس منز دفن کرنہ یُوس مقبرہ ابراھؠمن اُوس سِکمس منز روپیہ دِتھ مُولؠ ہؠوتُمت.¹⁷مگر ییلہ تیمہِ وعدُک وقت اُوس پورہ سپدَن وول یوس خداین اُوس ابراھؠمس فرمومُت تہ مِصرس منز بڑھیؠہ سُو امُت تہ تہنُد تعداد روُز ہُران.

¹⁸تَتھ وقتس تام زِ دوؠم پادشاہ سپُد مصرک حکمران یُوس نہ یوسفس زانان اُوس.

¹⁹تؠمؠ کرٔ سانس قومس ساتؠ چالاکی کرتھ سانین جداجدادن ساتؠ ییژا بدسلوکی زِ تمن پے پننؠ سُرؠ دارِتھ ژھننؠٟ یوتھنہ زندہ روُزن.²⁰اَتھ موقعس پیٹھ سپُد موسٰى پادہ یُوس سؠٹھا خوبصورت اُوس سُہ آۆ ترین رتین پننِس مالؠٟ سندِ گھرِہ رچھنہٟ.

²¹مگر ییلہ سُہ دٲرِتھ آۆ دِنہ تہ فرعون سنزِ کورِ تُل سُہ تہٟ روُچھن پنُن نیچو سمجتھ.²²تہ موسٰى ہس مؠجؠ مصرکین تمام علومن ہنز تعلیم تہ سُہ اُوس کلامس تہ کامہِ منز طاقتہ وول.

²³تہ ییلہ سُہ تقریباً ژتجؠ ووہُر وُوت، تہ تس آۆ خیال زِ بُو وچھہ پنین بھاین بنی اسرایلین ہنز حالت.

²⁴حالانکہ تمو منزہ وچھ تؠمؠ اکِس پیٹھ ظلم سپدان تہ کورنس مدَد تہ مصری مارِتھ ہؠوتُن مظلوم سنُد بدلہ.

²⁵تؠمؠ کُور خیال زِ میانؠ بھٲؠی سمجھن زِ خدا دییہِ تمن میانؠ دسؠ نجات مگر تمو سمُجھنہ.²⁶پتہ آۆ سُہ بیکہ دوہ دوُن لڑاؠی کرن والین نِش تہ کرنکھ صلاح کرنچ نصیت یہ ونِتھ زِ "ہے جوانو! توہی ہے بھاے بھاے چُھو. کیازِ چُھو اکھ اکِس پیٹھ ظلم کران.

²⁷مگر یُوس امِس ہمساؠس پیٹھ ظلم اُوس کران، تؠمؠ دیوتس یہ ونِتھ دکہ زِ کؠمؠ بنووُکھ اسہِ پیٹھ حاکم یا قٲضؠٟ.؟

²⁸کیا ژہ چُھکھا میتہِ قتل کرُن ؠژھان؟ یتھبکنؠ رات سُہ مصری قتل کُورتھن؟²⁹یہ کتھ بُوزتھ ژول موسٰى تہ روُد مدیان مُلکس منز پردیسی بنِتھ تہ تَتہِ زاے تس زہ نیچؠِ.

³⁰تہ ییلہ ژتجؠ ووہُر سپُد تہ تس گو کوہ سیِناکِس ریگستانس منز دزوُنہِ کنڈؠ زرنڈچہ ریِہ منز اکھ فرشتہِ درٲنٹھؠ.³¹ییلہِ موسٰى ہن تَتھ پیٹھ نظر کٔر سُہ نظارہ وُچھتھ کورُن تعجُب تہٟ ییلہ نزدیک وچھنہِ گو خداوندہ سنز آواز آیہِ زِ.

³²بُو چُھس چٲنین اباواجدادن ہنُد خدا یعنی ابراھؠم، اسحاق تہ یعقوب سنُد خدا. اتؠ بانبرؠو موسٰى تہٟ تَتھ کُن وُچھنس رُوزس نہ کانہہ ہمت.³³خداوندن وون تس زِ پننؠو کھورو منز کڈ کھوربانہ نیبر تکیازِ یتھ جایہِ ژہ استادہ چُھکھ، سُہ چھے پاک زمین.

³⁴مے وُچھ واقعؠ پننہِ تؠمہِ اُمّتک مصیبت ؠِم مصرس منز چھ تہ تہندؠ فریاد بوزِم بُوچھس ووتھمت تِم آزاد کرنہِ، ادہ ولہ بُو سُوزَتھ ژہ مصرس منز.³⁵یمِس موسٰى ہس تِمو یہِ ونتھ بُتھ اُوس فیورمت زِ ژہ کؠمؠ چُھکھ اسہِ پیٹھ حاکم تہ قٲضؠ مقرَر کورمُت، سوے سوز خداین حاکم تہ آزاد کرن وول بنِتھ تس فرشتہ سندِ زریعہ یُوس تَتھ کنڈؠ زنڈس اُوس درانٹھؠ گومُت.

³⁶یُوے شخصچُھ سُہ ؠمؠ تِم مصرہ کڈِتھ انؠ تہ بحرِقلذمس تہ ریگستانس منز ہٲین ژتجہن ورین تام معجزہ تہ عجیب کامہِ.

³⁷یہ چُھ سوے موسٰى. ؠمؠ بنی اسرایلن ووُن زِ خدا کرِ تُہندؠو بھایو منزہ تُہندہِ خاطرہ مے نؠوا اکھ نبی پادہ.³⁸یہ چُھ سوے یُوس ریگستانچہ کلیسیاء منز تس فرشتس ساتؠ ہمکلام سپُد یُوس کوہِ سیناہس پیٹھ اُوس تہ اُوس سانین اباواجدادن ساتؠ، تسؠ میول زندہ کلام زِ اسہِ نِش واتنایہِ

³⁹مگر سانؠو جدواجداد یوز؛ھنہ تسنز فرمانبردار بنُن، بلکہ سُہ رد کرتھ سپدؠ تِہندؠ دلِ مصرس کُن مایل.

⁴⁰تہٕ تمو ووُن ہاروُنس زِ سانہِ خاطرہ بناۆ تُیوتھ خداے یُوس اسہِ برونہہ برونہہ پکہِ. تکیازِ ؠمؠ موسٰى ہن اسؠ ملکِ مصرہ منزہ کڈِتھ انؠ اسہِ چھؠنہ پے زِ تس کیا سپُد.⁴¹تہ تمن دوُہن بنُوو تمو اکھ ووُژھ. تہ تمکِس پُوتُلِس کرٔکھ قربانؠ پؠش. تہ پننہِ اتھٟ کامہِ پیٹھ منٲاوکھ خوشی.

⁴²ادہ فؠور خداین تمن نِش بُتھ تہ ترٲؠن زِ آسمانی فوجس تَمن حالانکہ نبین ہنزن کتابن منز چھ لؠکھتھ زِ ہے بنی اسرایلیو! کیا توہہ کوروا رؠگستانس منز زتجہن ورین میانہِ موکھِ کانہہ قربانی یا نیاز پیش؟⁴³بلکہ آسؠو توہی مولکہ سنُد خیمہ تُلِتھ تہ رفان دیوتا سنُد ستارہ ہیتھ فؠران یعنی تِم پُوتلؠ ؠِم تُوہہ سجدہ کرنہ خاطرہ بناؠمتؠ اسیُو ادہ بُو بساووُ توہی بابلہ اپور جلاے وطن کرِتھ.⁴⁴شحادتُک خؠمہ اوس ریگستانس منز سانین آباواجدادن نِش یتھ کنؠ موسٰى اوس کلام کرن وٲلؠ حکم اوس دیوتمت یُوس نمونہ توہہ وُچُھمت چُھو، تَتھؠ ہُؠو بنایو سُہ.

⁴⁵سوے خؠمہ اُون سانؠو آباواجدادو بُروہؠمؠن بزرگن نِش حاصل کرِتھ ؠشُوس ساتؠ ؠمہِ ساتہ تمن قومن ہنز ملکِؠژ پیٹھ قبضہ کبرکھ.ؠِم خداین سانین آباواجدادن برونہہ کنہِ کڈتھ ژھنہ تہ سُہ رود داۆد سندس زمانس تام.

⁴⁶تس پیٹھ سپُد خدایہ سندِ طرفہٟ فضل تہ تؠمؠ کوُر درخواست، زِ بُو کرہ یعقوب سندِس خدایہ سندِ خاطرہ گھرہ تیار.⁴⁷مگر سُلؠمانن بنوۆ تمسندِ گھرہ.

⁴⁸مگر خداتعالی چُھنہ اتھ ساتی بنا یمتؠن گھرن منز رُوزان. یُودوے نبی چُھ ونان زِ.

⁴⁹خداوند چُھ فرماوان آسمان چُھ مؠون تخت تہ زمین چھے میانین کھورن ہنز چُوکؠ.توہی کیُوتھ گھرہ بناؠو میانہ خطرہ یا میون آرام گا کُس سنا چُھ؟

⁵⁰کیا ؠِم ساری چیز بنے نا میانوؠ اتھو ساتی.⁵¹ہؠُو گردن کشو .دلہٕ تہٕ کنہٟ کؠو نامختونو! تُوہی چُھو پریتھ ساتہ رُوح القدسچ مخالفت کران روزان یتھ کنؠ تہندؠ جداجداد کران اسؠ تِتھے کنؠ چُھو تُوہی تہِ کران.

⁵²تُہندؠو آباواجداو کُس ستُونہ نبیُو منزہ؟ تمو کری ؠمِس پزؠ زیار سنذ خبر دِنہ والؠ تہِ قتل. تہ بنیُو تُوہی تمسندؠ رٹن والؠ تہ قاتِل.

⁵³توہہ کرو فرشتن ہندِ ذریعہ شریعت حاصل مگر عمل کروٕ نہٕ کؠنہ.⁵⁴ییلہ تمو ؠمہ کتھٟ بُوزہ تہ ہؠو تنکھ اندرؠ نار تہ لگؠ دند ٹکنہ.

⁵⁵مگر تیمؠ کٔر روح القدسہ ساتؠ بھرپور سپدِتھ آسمانس کُن غورہ سان نظر. تہ خدایہ سنُد جلال تہ عيسىٰ خدایس دچھنہِ کنہِ کھڑا وُچھتھ ونُن.

⁵⁶وچھؠو بُو چُھس وچھان آسمان یلہ، تہ ابنِ آدم چُھسن وچھان خدایس دچھنہ طرفہ کھڑا.⁵⁷مگر تمو کرؠ بڑہ زورہ سان کریکہ دِتھ پننؠ کن بند تہ اکھ دِل سپدِتھ تراوہس جھیفؠٟ.

⁵⁸تہ شہرہ منزہ نیبر کڈِتھ ہؠوتُک سنگسار کرُن تہ گواہَو تھاے پننؠ پلو ساوُل ناوہ اکِس جوان سندؠن کھورن نِش.⁵⁹اتی روُدؠ تِم ستِفنُسَس سنگسار کران تہ سُہ روُد یہِ ونِتھ دُعا کران زِ ہے خداوندِ عيسىٰ ! میُون روح کرزین قبول.

⁶⁰پتہِ لوے تؠمؠ کوٹھؠ نمرِتھ تھدِ آوازِ منز ناد زِ ہیے خداوندا. یہ گناہ کھالزینہ یمن نکھّس تہ یہِ ونِتھ مُود.

8¹تہٟ ساۆل تہِ اۆس تمسندِس قتلسّ منز شامِل. تمے دوہ سپُد یروشلمچہِ تَتھ کلیسیاء پیٹھ بُوڈ ظلم برپا. تہ رسولو وراے پھہلے ساری لوکھ یہُودیایہ تہ سامر یہ کؠن ژوشونی طرفن.

²تہ دیندار لوکو نؠُو ستِیفنُس دفن کرنہ خاطرہ تہ تس پیٹھ کورکھ سیٹھا ماتم.

³تہ ساۆل روُد یتھِ پاٹھؠ کلیسیاء تباہ کران زِ گھرن منز اژِتھ اوُس سُہ ایماندار مردن تہ خواتینن کھکھرِ نِتھ قٲد کران.⁴ؠِم اورہٟ یُور اسؠ گمتؠ، تِم رُودؠ کلامچ خوشخبری دوان.

⁵تہٟ فِلپُس گو سامریہ شہرس منز تہ لوگ لکن منز مسیح سنُد اعلان کرنہِ.⁶تہ ؠم معجزہ فلِپُس ہاوان اُوس. تِم بُوزتھ تہ وُچھتھ دیُوت لوکو بالاتفاق تمسنذن کتھن پیٹھ دھیان.

⁷تکیاِ واریہَولوکو منزہ دراے بدرُوح تھدِ کرؠکھ کرؠکھ کرنہِ تہ واریاہ فالجہ لد تہ لنگؠ آے ٹھیک کرنہ.

⁸تہ تَتھ شہرس منز سپز سؠٹھا خوشی.⁹تمِس برونہہ اُوس اَتھ شہرس منز شمعون ناوُک اکھ شخص جادو گری کران.تہ سامریکؠنی لوکن اُوس حاران کران تہ یہِ ونان زِ بُوتہ چُھس کُستام تُھود شخص

¹⁰تہِ لوکٹؠو پیٹھ بڑؠن تام ٲسؠ سارؠ تمسنُد مانان تہ ونان ٲسؠ یہ شخص چُھ خدایہ سنز سُو قدرت یتھ عظیم چھِ ونان.

¹¹تِم ٲسؠ امہِ موکھٟ تس کُن متوجہ سپدان زِ تؠمؠ ٲسؠ واریاہ کالہ پیٹھ پننہِ جادو ساتؠ تِم حٲران کرِتھ تھٲ یمتؠ.¹²مگر ییلہِ تمو فِلپُسس پیٹھ یقین کور یُوس خداؠی پادشاہی تہٟ عيسىٰ مسیح سندِ ناوچ خوشخبری دوان اُوس تہ ساری لوکھ چاہے مرد چاہے زنہ لگؠ بپتسمہ نِنہِ.

¹³تہ شمعونن کور پانہ تہِ یقین تہ بپتسمہ نِتھ روُد فِلپُسس ساتؠ تہ نشان تہ معجزات وُچھتھ سپُد حاران.¹⁴ؠِم رسُول یروشلمہٟ اسؠ ییلہ تمو بُوز زِ سامریہکؠو کور خدایہ سنُد کلام قبول، تہ سوزُکھ پطرس تہ یُوحنا تمن نِش.

¹⁵تمو کور گژِھتھ تہندِ خاطرہ دُعا زِ روُح القُدس کرن حاصل.

¹⁶تکیازِ سُہ اوسنہ تَتھ وقتس تام تمو منزٟہ کانسے پیٹھ نازِل سپُدمُت.

¹⁷پتہ تھاے تمو اتھٟ تمن پیٹھ تہ تِم سپدؠ روح القدسہ ساتؠ معمُور.¹⁸ییلہِ شمعُونن وُچھ زِ رسولن ہندِ اتھٟ پیٹھ تھاونہ ساتؠ چُھ رُوح القدس حاصل سپدان تہ تمن نِش روپیہ انِتھ ونُن.

¹⁹میتہِ دیِوو یہِ اختیار، زِ یمِس پیٹھ بُو اتھ تھاوہ سُہ کرِ روُح القدس حاصل.²⁰پطرسن ووُن تمِس چانہِ روپیہِ گژھن ژے ساتؠ ختم، تکیازِہ ژے کورتھ خدایہ سنذ بخشش روپیو ساتؠ حاصل کرنُک ارادہ.

²¹اتھ کامہِ منز چُھنہ چُون نہ حصہ نہ ٹُکرہ تکیازِ خدایس نِش چُھنہ چُون دِل صاف کؠنہ.

²²ادہ پننِہ امہ غلطی نِش کر توبہٟ تہ خدایس کر دُعا شاید ما بخشی سُو چانِس اتھ دِلیِ ارادس.

²³تکیازِ بُو چُھس ونان زِ ژہ چُھکھ سخت تلخیِ تہ بدیِ منز ہؠنہ آمُت.²⁴شمعونن ووُن درجواب توہی کرؠو میانہ باپتھ خدایس دُعا زِ ؠمہِ کتھٕ ژے ونِتھ تمو منز مہ یین کانہہ مے پیٹھ پؠش.²⁵پتہ گے تِم گواہی دِتھ تہ خداوند سنُد کلام بُوزنایتھ یروشلم واپس. تہ سامرؠہکؠن واریاہن گامن منز گے تِم خوشخبری دِوان.²⁶پتہ ووُن خداوند سند فرشتن فِلپُسس، وتھ جنوبکہِ طرفہ گژھ تَتھ وتہ تام، یُوسہ یروشلمہٟ پیٹھ غزّہ چھے گژھان. بیہِ چھے جنگلہ منزؠ.

²⁷سُہ ووُتھ تہ دراۆ وُچھؠو اکھ حبشی لانژھ اوُس ؠوان. سُہ اُوس حبشیین ہنزِ ملکایہِ کندا کیہِ ہنُد اکھ وزیر تہ تمسندِ سارے خزانُک مُختار تہ سُہ اُوس یروشلم آمُت عبادتہ خاطرہ.

²⁸سُہ اُوس ونؠ واپس گژھان تہ پننہِ بگہِ پیٹھ بہتھ اُوس یسعیاہ نبی سنز کتاب پران.²⁹تہ رُوحن ووُن فِلپُسس زِ نزدیک گژِھتھ روُز تَتھ بگہِ ساتؠٟ.

³⁰اتؠٟ گو فِلپُس تَتھ کُن ڈَو تُلِتھ تہ بوزُن سُہ یسعیاہ نبی سنز کتاب پران تہ ونُنس یہ ژہ پران چُھکھ تہِ چُھکھا سمجھان تہِ؟

³¹تؠمؠ ووُن زِ یہ کِتھ کنؠ سپدِ میانہ ساتؠ یُوتام نہ کانہہ مے رہنماؠی کرہ؟ پتہ کور تؠمؠ فِلپُسس درخواست زِ ولہٟ مے نِش بؠہ.³²سُہ یُوسہ کتاب مقّدسچ عبادت پران اُوس. ٲس یہ لوکو نیُو سُہ کٹہٟ سندؠ پاٹھؠ ذبح کرنہِ. بیہِ ؠتھ کنؠ چھرہ برہ چُھ پننس ییر نیتین والِیس برونہہ کنہِ بے زبان آسان، تِتھے پاٹھؠ کھولنہ تؠمؠ پنُن ٲس.

تمسنذِہ پست حالی منز سپُد نہ تس ساتؠ انصاف بیہِ کُس کرِ تمسنزِ زُریاژ ہنُد حال بیان؟ تکیازِ تمسنز زندگی آیہ

³³زمینہ پیٹھ مٹاونہٟ.³⁴لانژھن ووُن فِلپُسس کُن. بُو چھسے ژے زارہ پارہ کرتھ پرژھان زِ نبی کَس ہندس حقس منز چُھ یہِ فرماوان؟ پننس ہا کنہِ بیہ کانسہ ہندس ؟

³⁵فِلپُسن کھُوجؠ پننؠ زبان تہ کورُن تمے نوشتہ پیٹھ شروع تہ دژِن تس عيسىٰ سنز خوشخبری.³⁶وتہِ پکان پکان واتؠ تَتھ جایہ یتین آب اُوس. لانژھن ووُن وُچھسا آب چُھ موجود ونؠ کُس چیز رُکایہ مے بپتسمہ ننہِ نِشہ؟

³⁷اتؠٟ ووُن فِلپُسن تس زِ اگر ژِ دل و جان ساتؠ ایمان انان چُھکھ تہ بپتسمہ ہؠککھ نِتھ تؠمؠ ووُن درجواب بُو چُھس ایمان انان زِ عيسىٰ مسیح چُھ خدایہ سنُد نیچُو.

³⁸اتؠ دیُوت تؠمؠ بگہِ کھڑا کرنُک حُکم. تہ فِلپُس تہ لانژھ وتھؠ دونوے آبس منز تہ تؠمؠ دؠوُت تس بپتسمہ.³⁹ییلہِ تِم آبہ منز ہؠُور کتھؠ تہ خداوند سندؠ روُحن نؠُو فِلپُس تُلِتھ. تہ لانژھن وُچھنہ سُہ دوبارہ کؠنہ تکیازِ سُہ دراۆ خوشی مناوان پننہِ وتہِ.

⁴⁰تہ فِلپُس گو اشدود شہرس منز نمودار تہ قیصریہ شہرس منز واتنس تام رُود سُہ تمام شہرن منز خوشخبری دوان.

9¹تہٟ ساۆل یُوس ونؠوک تام خداوند سندین شاگردن ہندِس دھمکاۆ نکِس تہ قتل کرنکیس ارادس منز اُوس. گو کاہنِ اعظمس نِش.

²تہ تس منگین دمشقکین عبادت خانن ہندِ خاطرہ امہ مضمونکؠ خط زِ ؠمن امہ طریقہ حاصل کرِ خواہ مرد آستن یا خواتین تمِن واتنایہ گنڈتھ یروشلم.³ییلہ سُہ سفر کران کران دمشق نزدیک ووُت سپُد ؠتھِ کنؠ زِ اچانک چمکؠو آسمانہ پیٹھ اکھ نور امِس اندؠٟ اندؠٟ ظاہر.

⁴تہ سُہ پیُو زمینہ پیٹھ وسؠ تہ یہ آواز بوزن زِ ہے ساوُل ہے ساۆل! ژہ کیازِ چُھکھ مے ستاوان؟⁵تؠمؠ پروژھ تس ہیے خداوند! توہی کم چُھو؟ تؠمؠ ونُس بُو چُھس عيسىٰ، یُوس ژہ ستاوان چھہن.

⁶مگر وَتھ گژھ شہرس منز تہ یہِ ژے کرُن اسؠ تہِ ییہ ژے وننہٟ.

⁷ؠم نفر تس ساتؠ ٲسؠ، تِم گے خاموش کھڑا روزتھ تکیازِ آواز ٲسؠ بوزان، مگر اتھِ اُوسکھنہ کانہہ یوان.⁸تہ ساۆل ووُتھ زمینہ پیٹھ تھود، مگر ٲچھ کھوجؠن تس چُھنہ اتھے کؠنہہ یوان. تہ لوکو نؠو سُہ تھپ کرِتھ دِمشق شہرس منز.

⁹تہ ترین دُوہن تام ہؠکونہ تؠمؠ وُچھتھؠٟ بیہ نہ کھؠون کینہہ نہ چؠُون کؠنہہ.¹⁰دِمشقس منز اُوس حننیاہ ناوہ اکھ شخص تس ووُن خداوندن رُویاہس اندر زِ ہے حننیاہ! تؠمؠ وُن ہیے خداوند بُو چُھس حاضِر.

¹¹خداوندن ووُن تس ووتھ ہُتھ کوچُس منز گژھ یُوس سُیود وننہ چُھ یوان تہ یہُوداہ سندس گھرس منز پرژھ ساۆل ناوہ ترسیس. تکیازِ وُچھ سُہ چُھ دُعا کران

¹²تہ تؠمؠ اُوس حننیاہ ناوہ اکھ نفر اندر یوان تہ پانس پیٹھ اتھ تھاوان وُچھمُت تاکہ دوبارہ سپدِ گاشدار.¹³حننیاہ ہن ووُن درجواب ہیے خداوند، مے چھے واریاہن لوکن نِش تمِس شخصہ سنز زکر بوزمژ. کہ تؠمؠ کژھہٟ کژھہٟ بدییہ چھے یروشلمس منز چانین مُقدِسن ساتؠ کرِ مژہ.

¹⁴تہ یتہِ چُھ تس کاہنِ اعظمہ سندِ طرفہ اختیار مؠُولمت زِ ؠِم لوکھ چُون ہؠوان چھِ، تِم سارؠ لرُکھ گرفتار.

¹⁵مگر خداوندن ووُن تس زِ ژہ گژھ تکیازِ یہ چُھ میون ژارنہ آمُت وسیلہ یُوس قومن، پادشاہن تہ بنی اسرایلین پیٹھ میون ناۆ ظاہر کرِ.

¹⁶تہ بُو ہاوہ تس زِ میانہِ ناوہ باپتھ کاتیاہ تکلیف پین تس تُلنؠ.¹⁷اتؠ گو حننیاہ تَتھ گھرس منز داخل، تہ پننؠ اتھ تس پیٹھ تھایتھ ووُنن ہیے ساۆل بایا بُو چُھس تؠمؠ خداوندن سوزمُت یعنی عيسىٰ ہن یُوس تَتھ وتہِ منز ژے پیٹھ ظاہر اُوس سپُدمُت یمہ کنؠ ژہ آکھ. زِ ژہ لبکھ بینٲیؠ بیہ گژھکھ معمور روح القُدسہ ساتؠٟ.

¹⁸تہ فوراً پیُو تمسنزو ٲچھو پیٹھٟ دیِل ہؠُو وسؠٟ تہِ سُہ سپُد گاشدار. ووُتھ تہ نیُون بپتسمہ.

¹⁹پتہ لوبن کؠنہہ کھؠتھ طاقت. تہ سُہ روُد کینژھن دوُہن تمن شاگردن ساتؠ ؠِم دِمشقس منز اسؠٟ.²⁰تہ فوراً لوہ عبادت خانن منز عيسىٰ سنز مُنادی کرنہِ زِ سُہ چُھ خدایہ سنُد نیچُو.

²¹تہ سارؠ بوزن والؠ لگؠ وننہِ، کیا یہ چُھنا سُوؠ شخص یُوس یروشلمس منز یہ ناوہ ہؠنہ والین اُوس ہلاک کران تہ یُور تہ اُوس امے خاطرہ آمُت زِ ؠمن نیہ گرفتار کرِتھ کاہن اعظمس نِش.

²²مگر ساۆلس رُود بیہ تہِ طاقت حاصل سپدان. تہ رُود اتھ کتھِ ثابت کران زِ مسیح چُھ یُوے تہ دمشقلین روزن والین یہُودین روُد حیران کران.²³تہ ییلہِ واریاہ دوُہ گزُرے، تہ یہُودؠو کوُر یہِ مارنُک مشورہ.

²⁴مگر تہنذ سازش لجؠ ساۆلس پے. تِم رُودؠ رات دوُہ امِس ماربہ خاطرہ دروازن پیٹھ امِس زاگہ.

²⁵مگر رات کؠُوت نؠو سُہ پننؠو شاگردو تہ تھووُکھ ٹوکرِہ منز بہنایتھ تہ ووُلکھ دیوارہ کنؠ بُون الونت تراؠتھ.²⁶تؠمؠ کٔر یروشلم واتِتھ شاگردن سمکھنچ ، تہ سٲرؠ ٲسؠ تس کھوژان تکیازِ تمن اُوسنہ یقینؠ یوان زِ یہ چُھ شاگرد.

²⁷مگر برنباسن نیو سُہ پانس ساتؠ رسُولن نِش تہ ونُنکھ یتھٟ پاٹھؠ وُچھ امؠ خداوند وتہ ِ منز تہ تؠمؠ کرِ امِس ساتؠ کتھٟ، تہ دِمشقس منز کؠمہِ دلیری سان کورُن عيسىٰ سندِس ناوس پیٹھ اعلان²⁸اتؠ رُود سُہ یروشلمس منز تمن ساتؠ گژھان.

²⁹تہٕ دلیری سان خداوندٕہ سنٔدِ ناوُک اعلان.تہٕ سُہ روٗد یونانؠٕ زبان کرن والؠن یہودؠن ساتؠٕ کتھ باتھ تہٕ بحث تہِ کران.مگر تِم ٲسؠٕ تس قتل کرٕنچ کوشِش کران

³⁰تہٕ بھاؠٔن یلہِ یہ معلوم سُپد.تہٕ نؠوکھ سُہ قیصریایِہ منز.تہ سوزُکھ ترسُوس کُن.³¹اتؠٕ آۆ تمام یہو یایہ تہٕ گلیِل تہٕ سامریایہ منز کلیسیاہن سکون.تہٕ تمن سُپز ترقی تہٕ خداوندٕہ سُندِ خوف مانِتھ تہٕ رُوح القدسچِہ ہدایٔژِ پؠٹھ پکان تہٕ رُودُٕکھ ہُریر سپدان

³²تہٕ سُپد یہِ زِ پطرس ووت پرؠتھ جایہ فؠران فؠران تِمن مُقدِّسَن نِش تہِ ؠِم لُدّہایہ منز روزان ٲسؠٕ.³³تَتِہٕ وُچُھن اَینیاس ناوہٕ اکھ فالجہِ لد یُوس أٹھو ورییُو پؠٹھٕ اُوس چارپایہِ پؠٹھ بِہتھ.

³⁴پطرسن ووُن تس،ہے اینیاس عيسٰى مسیح چِھی ژے شفادوان.وَتھ پنُن بِستر تراۆ پانہٕ.سُہ ووُتھ یکدم تُھود.

³⁵تس وچِھتھ کُور سالِمو لُدّیا یہ شارُونکؠُو روزن والؠُو خداوندس کُن رجوع.³⁶تہٕ یافایہِ منز ٲس اَکھ شاگِردَہ تبِیتَا ناوٕچ یمؠوک ترجمہ رُوسؠٕکٔٹ چھے.سُو ٲس واریاہ نیک کامہِ تہٕ خیرات کران آسان.

³⁷تِمن دوہُن سُپد یہِ زِ سُو گؠہِ بیمار تہٕ مُویہِ تہٕ سران دِتھ تھاوٕکھ ہرمِس پُہرکس کمرس منز.³⁸چونکہ لُدّہ اُوس یافایہِ نزدیک اوٕہ کؠنؠ بُوز شاگردہ زِ پطرس چُھ تَتِہ تہٕ کورس زٕہ نفر سوزِتھ درخواست زِ پُور سُون یِنَس منز کرٔزؠنہٕ ژِیر.

³⁹ادہٕ پطرس ووُتھ گو یِمنؠٔ ساتؠٕ.یُوتھؠٕ تُور ووت تہٕ نؠوکھ ہرمِس پُہرکس کمرس منز تہٕ سارے مونڈٕہ آیہِ تس نِش ودان ودان تہٕ روزٕہ استادٕہ تہٕ ؠِم پلَو تہ کُرتہٕ رُوسؠٕ کچہِ تِمن ساتؠٕ روزِتھ بنایمتؠٕ ٲسؠٕ لجِیس ہاونہِ.⁴⁰پطرسن کٔڑؠٕ سأرؠِ نیبر تہٕ کُورن کوٹھؠن پؠٹھ بِہتھ دُعا.پتہٕ کُورن اَمِس میِتَس کُن آلَو زِ ہے تبیتا وَتھ!اتؠٕ مُژرایہِ تیمِہ أچھ تہٕ پطرسس کُن وُچِھتھ وژٔو تہِ بِیٹھؠٕ.

⁴¹تؠمؠٕ تُجٕ سؠو اتھس تَھف کرِتھ تُھود تہٕ کرٔن مُقَّدِسن تہٕ مونڈن ناد دِتھ تمن سُو زندٕہ حوالہٕ

⁴²یہِ کتھ گؠیہِ سارسؠٕ یافایِہ منز مشہور تہٕ واریاہو اُون خداوندس پؠٹھ اؠمان.

⁴³تہٕ سُپد یہِ زِ سُہ روٗد اَتہِ واریاہن دُوہن یافایِہ منز شمعون ناوٕہ دبّاغ سنٔدِ.

10¹قیصریایہِ منز اُوس کُرنلیُوس ناوہ اکھ شخص سُہ اُوس اطالیانؠِ پلٹنُک صوبیدار.

²سُہ اُوس دیندار تہ پنُن سُورے خاندان ہیتھ خدایسس کُھوژن ووُل تہ یہُودین اُوس واریاہ خارات دوان تہ ہمیشہ اُوس دعا کران.³تؠِمؠ وُچھ تریمہ پہر نزدیک رُویاہس منز صاف صاف زِ خدایہ سنُد فرشتہ مے نِش یتھ ونان کرنیلیُوس.

⁴تؠمؠ وُچھ سُہ غورہ سان تہ کھوژِتھ وننُس ، ہے خداوندا کیا چُھ تؠمؠ ووُن تس چانؠ دُعا تہ چانؠ خیرات واتؠ چانہ یادگاری باپت خدایہ سنزِ حضوری منز.

⁵ونؠ سُوزن یافایہ منز نفر تہ شمعون یس پطرس چِھ ونان انہ ناوُن ناد دِتھ.

⁶سُہ چُھ تَتہِ شمعون دباغ سندِ مہمان بنِتھ ؠمسنُد گھرہ سمندر بٹھس پیٹھ چُھ.⁷تہِ ییلہ سُہ فرشتہ غاب گو ؠمؠٕ تس ساتؠ کتھٟ آسہ کرمژہ تہٕ تؠمؠ انؠ زہ نوکر تہٕ بیہ ونُن تمو منزہ اکھ دیندار سپاہ ؠِم تس نِش حاضر اسؠٕ روزان ناد دِتھ.

⁸تہ سارے کتھٟ تمِن نِش بیان کرتھ سوزِن تِم یافایہِ منز.⁹دوؠمہ دوہ ییلہِ تِم وتہ منز اسؠٟ تہٕ شہرس نزدیک واتؠ تہٟ دوپہرس نزدیک کھوت پاطرس مکانس پیٹھ دُعا کرنہِ.

¹⁰تہٟ تس لج بوچھِ تہ اُوس کؠنہہ کھیُون یژھان مگر یلہٟ لُکھ اسؠ تیار کران تہ سُو گو بے خود.

¹¹تہ تؠمؠ وُچھ آسمان گو ییلہِ تہ اکھ چیز چُھ بجہ ژادرِ ہندؠ پاٹھؠ ژونوے کُون وٹتھ زمینہ کُن وسان.

¹²یتھ منز زمینہِ ہندؠٟ سارؠ قسِم چارواے کؠمؠ کریل تہِ وڈوُنؠ جانور اسؠٟ.¹³تہِ تس آیہِ اکھ آواز زِ ہیے پطرس وَتھ !کَرُکھ ذبح تہ کھیہ.

¹⁴مگر پطرسن ووُن ہے خداوند!ہرگز نہ تکیازِ مے چُھنہ زانہہ تہ کانہہ حرام یا ناپاک چیز کھؠومت.

¹⁵پتہ آیہ دوؠمہ لٹہ تس آواز زِ ؠِم خداین پاک چِھ کرمتؠ ژہ مہ ون تِمن حرام کؠنہ.

¹⁶تریہِ لٹہ سپُد تِتھے کنؠٟ تہٟ پتہٕ آے تِم چیز فیِ الفور آسمانس پیٹھ کھالنہ.¹⁷ییلہ پطرس اُوس پننِس دِلس منز حؠران سپدان زِ یہ روُیا کیا اُوس یوس مے وُچھ؟ تہٕ وچھؠو تِم نفر کرنیلیُوسن سوزمتؠ ٲسؠ تِم آے شمعون سنُد گھرہ معلوم کرتھ تہ سپدؠ دروازس پیٹھ کھڑا.

¹⁸تہٟ آلو کرِتھ لگؠ پرژھنہِ زِ شمعون یس پطرس چُھ ونان چھا یتھؠ مہمان؟¹⁹ییلہ پطرس تَتھ رویاہس مطلق سونچان اُوس تہ رُوحن ووُن تس زِ وچُھ ترے نفر چھؠ ژے ژھاڈان.

²⁰ادہ وَتھ بون وسِتھ گژھ بِلافکر تمِن ساتؠ تکیازِ تِم چھؠ مے سُوزمتؠ.

²¹بُون وسِتھ ووُن پطرسن تمن نفرن یمسنُد تُوہی پرژھان چُھو سُہ چُھس بُوؠی توہی کؠمہ موجوب چُھو آمتؠٕ؟²²تمو ونُس یُوس کرنیلیُوس صوبہ دار پزؠ زیور تہ خداترس نفر تہ یہُودین ہندِس سارسؠ قومس منز نیک نام چُھ تؠمؠ چھے پاک فرشتس نِش ہدایت رٹمژ زِ ژے انؠ پنُن گھرہ ناد دِتھ بوزِ ژے نِش کلام.

²³یہ بُوزتھ بؠِ تؠمؠ تِم اندر تہ کٔرنکھ مہمان نوازیِ، تہ دوؠمہ دوُہ ووُتھ سُہ تہ گو تمن ساتؠ روانہ تہ یافایہ منز گے بیہ تہ کؠنہہ باے تس ساتؠ.²⁴تِم سپدؠ دوؠمہ دوُہ قیصریایہ منز داخل تہ کرنیلؠوُس اُوس پننؠ رشتہ دار تہ جگریِ دوُست جمع کرِتھ تِہنذِ وتہ وچُھان.²⁵ییلہ پطرسن اندر ہؠُوت یُون تہ سپُد یہِ زِ کرنیلیُوسن کور تمسنُد استقبال تہ تسندین کھورن تل کورُن سجدہ.

²⁶مگر پطران ووُن تَس تھود تُلِتھ زِ کھڑا روُز بُوتہِ چُھس انسانؠٕ.²⁷تہٕ تس ساتؠ کتھ کران ژاۆ اندر تہٟ تَتہِ وُچھن واریاہ لوکھ سمِتھ.

²⁸اتؠٕ وونُن"توہی چھو زانان زِ یہُودس غٲر قومہ والین ساتؠ مُحبت تھاونؠ یا تس نِش گژھن چھا جایزؠ. مگر خداین کور مے پیٹھ ظاہر زِ بُو وننہٕ کانسہ نفرس نجس یا ناپاک کؠنہہ.

²⁹امے موکھہٕ ییلہِ مے ناد دِنہ آۆ تہ بو آس بلا اعتراض ادہ ونؠ چُھس بُو پرژھان زِ بو کؠمہ باپتھ اونوُس نادِ دِتھ؟³⁰کرنیلیُوسن ووُن زِ ژوُر دوہ سپدؠ ونیوک تام زِ بُو اوُسس پننہِ گھرِہ ترؠمہِ پہرہ اُوسس بُو دُعا کران. تہ کیا چُھس وچھان زِ اکھ شخص سپُد چمکدار پلو لاگتھ مے برونہہ کنہِ استادہ.

³¹تہ وونُن زِ ہیے کرنیلیُوس چُون دعا گو قبول تہ چانؠ خیرات آے خدایہ سنذِ حضوری منز یاد کرنہ.

³²ادہ یافایہِ منز کانہہ سوزِتھ بُلاوُن پانس نِش شمعون یس پطرس چِھ ونان . سُہ چُھ سمندر بٹھس پیٹھ شمعون دباغ سندِ گھرہ مہمان.

³³ادہ تمےٕ دَمہ سوزؠ مے ژے نِش نفر تہ ژے کورُتھ اصل ژہ آکھ.ونؠ چھِ ٲسؠ سارؠ خدایہ سنذِ حضوری منز حاضر تاکہِ یہ کینژھا خداوندن ژے فرمومُت چھؠ تہِ بُوزَو.³⁴پطرسن ووُن زؠُو کھولِتھ زِ ونؠ گو مے پورہ یقین زِ خدا چُھنہ کانسہِ ہنُد طرفدار.

³⁵بلکہ پرؠتھ قومہ منز یُوس تس کھوژان تہ نیک کامہِ چُھ کران سُہ تس پسند کران.³⁶یوس کلام تؠمؠ بنی اسرایلن نِش سُوز ییلہ زن عيسىٰ مسیح زریعہ (یُوس سالمن ہنُد خداوند چُھ) صہلچ خوشخبری دِژ.

³⁷سُو کتھ آسیو تُوہی زانان یُوسہ یوحنا سندِ بپتسمہچہِ مُنادیِ پتہ گلیلِ پیٹھ شروع سپدِتھ تمام یہُودیا یہ منز مشہور سپز.

³⁸زِ خداین کِتھ کنؠ کوُر عيسىٰ ناصریس روُح القُدسہ تہ قدرتہ ساتؠ مسح. سُہ اُوس نیک کامہِ کران تہ تمِن سارنی روُد شفاء دوان ؠِم ابلیس سندِ دسؠ ٲسؠ تکلیف تُلان تکیازِ خدا اُوس تس ساتؠ³⁹تہ اسؠ چھ تمن سالِم کامین ہندؠ گواہ ؠمہ تؠمؠ یروشلمس منز تہ یہُودین ہندس مُلکس منز کرِ تہ تمو کوُر سُہ پھاسہِ پیٹھ کھالِتھ قتل.

⁴⁰سُہ کور خداین ترؠمہ دوہ زندہ تہ ظاہر تہِ کوُرن.

⁴¹نہَ کہِ سارسے اُمتس پیٹھ بلکہ تِمن گواہن پیٹھ ؠِم برونہہ کُن خدایہ سندؠ ژارمتؠ اسؠ یعنی اسہِ پیٹھ ؠمو سُہ موردو منزہ زندہ وتھنہ پتہ تس ساتؠ کھیُو چیُو.⁴²تہ اسہِ دؠُوتن حُکم زِ قومن منز کرؠو مُنادی تہ گواہی دیِوُو زِ یہ چُھ سُوے یُوس خدایہ سندِ طرفہ زندن تہ موردن ہنُد منُصِف چُھ آمُت مقرّر کرنہٕ

⁴³امِس شخصہ سنز چھِ سارؠ نبی گواہی دوان زِ یُوس کانہہ تس پیٹھ ایمان انہِ تمسندِہ ناوہ ساتؠ کرِسُہ گنہن ہنز معافی حاصل.⁴⁴پطرس اُوس ؠمہ کتھ ونانؠ زِ روحُ القدس سپُد تمن سارنؠ پیٹھ نازل ؠِم کلام اسؠ بوزان.

⁴⁵تہِ پطرسس ساتؠ ییتہاہ مختون ایمان اسؠ آمتؠ تِم ساری گے حیران زِ غٲر قومن پیٹھ سپز روح القدسہ سنز بخشش جاریِ.⁴⁶تکیازِ تِم بوزکھ الگ الگ زبانن منز کتھٟ کران تہ خدایہ سنُد تمجید کران پطرسن دیوت جواب.

⁴⁷کیا سا کانہہ ہیکیاہ ؠمن آبہ نِشہ رُوکا یتھ زِ بپتسمہ نِن ؠمو سانؠ پاٹھؠ روُح القدس حاصل کور.

⁴⁸تہ تؠمؠ دیُوت حکم زِ ؠمن گژِھ یُون عيسىٰ مسیح سندِ ناوہ بپتسمہ دِنہٕ. اتھ پیٹھ کور تس تمو درخواست زِ کینژھن دوہن روز اسہِ نِش.

11¹تہٟ رسولو تہٕ بھایو ؠِم یہُودیایہِ منز اسؠٕ غیرقومو تہِ کوُر خدایہ سنُد کلام قبول.

²ییلہِ پطرس یروشلم آۆ تہ مختون لگؠ تس ساتؠ یہ بحث کرنہِ.

³زِ ژہٕ نامختُونن نِش تہ تمن ساتؠ کھُؠوتھ کھؠن.⁴پطرسن کور گوڈہ پیٹھے سُہ حکم ترتیب سان تمن بیان زِ.

⁵بُو اُوسس یافا شہرس منز دُعا کران تہ بے خُود حالتس منز وُچھ مے اکھ روُیا زِ کُستام چیز ووُتھ بجہ ژادرِ ہندؠ پاٹھؠ ژونوے کُونج وَٹِتھ آسمانہ پیٹھ بُون ژونوے کوُنج اویزان اسِتھ تہ آسمانہ پیٹھ بُون وسِتھ واتؠ مے تام.

⁶تہ مے ییلہ تَتھ پیٹھ غورہ سان نظر کٔر تہ وُچھم زمینہ ہندؠ چارواے جنگلی جانور تہ کؠمؠ کریل تہ وڈونؠ جانور._⁷تہٕ یہِ آواز تہِ بوزم زِ ہؠے پطرس وَتھ ! کرُکھ ذبح تہ کھؠہ.

⁸مگر مے ووُن ہے خداوند ہرگز نہ تکیازِ میانس ٲسس منز چُھنہ زانہہ تہِ کانہہ حرام یا ناپاک چیز گومُت.

⁹امہِ جوابہ پتہ آیہ آسمانہ پیٹھ دُوؠم آواز زِ ؠم خداین پاک چھ کرمتؠ ژہ مہ ون تمن حرام.

¹⁰تریہِ لٹہِ سپُد ییؠِ.آے تِم ساری چیز آسمانس کُن کھالنہ.¹¹تہ وچھؠو! تمے دَمہ ؠِم ترے نفر قیصریہ پیٹھ مے نِش سوزنہ اسؠٕ آمتؠ تہ تَتھ گھرس نِش یِتھ گے کھڑا یتھ منز اَسؠ.

¹²روحن ووُن مے زِ ژہ گژھ بے فکر ؠمن ساتؠ تہ ؠِم شؠہ باے تہِ آے مے ساتؠ تہٕ اسؠٕ گے تس شخصہ سندِس گھرس منز داخل.

¹³تؠمؠ کور اسہِ نِش بیان زِ مے وُچھ فرشتہ پننہِ گھرہِ استادہ ؠمؠ مے ووُن زِ یافایہِ منز سُوزکھ نفر رہ شمعون انُن ناد دِتھ یس پطرس ونان چھِ.

¹⁴سُہ وَنؠِ ژے تمہ کتھٟ یمو ساتؠ ژہ تہ چُون سُورؠ خاندان نجات لبہ.¹⁵ییلہ بُو کلام کرنہِ لوگُس تہ رُوح القدس سپُد تمن پیٹھ تِتھٟ کنؠ نازل یتھ کنؠ گوڈہ اسہِ پیٹھ اُوس نازل گومُت .

¹⁶تہ مے پیہ خداوند سنز سُو کتھ یاد یُوسہ تؠمؠ ونمژ اس زِ یوحناہن دیُوت آبہ ساتؠ بپتسمہ مگر توہی لبؠُو روحُ القدسہِ ساتؠ بپتسمہ.¹⁷ادہ ییلہِ خداین دِژ تِمن سوے نعمت یوسہ اسہ خداوندِ عيسىٰ مسیحس پیٹھ ایمان اننہِ ساتؠ میجمژ ٲس، تہ بُوکُس اُوسس خدایس رُکاون ووُل؟

¹⁸تمن گؠہہ یہِ بوزتھؠ ژھوپہ تہ لگؠ خدایہ سنز تمجید کرِتھ وننہِ زِ اتھ چُھنہ کانہ شک زِ خداین کور غیرقومن تہِ زندگی باپتھ توبُک توفیق عطا.¹⁹ادہ ؠِم لوکھ تؠمہِ مصیبتہ ساتؠ چھلہ چھانگر گامتؠ اسؠٕ ؠِم تمن ستِفنُس سندِ ساتؠ پیمتؠ اسؠٟ. تِم واتؠ پھؠران فینکے تہ کُپُرس تہ انطاکیاہس منز مگر تِم اسنہ یہُودین وراے بؠہ کانسہ کلام بوزناوان .

²⁰مگر تمو منزہ اسؠ کؠنہہ کُپُرسؠ تہ کُرینؠ ؠِم انطاکیاہس منز یِتھ یونانِکین تہ لگؠ عيسىٰ سنز خوشخبری ہنزہ کتھ بوزناۆنہ.

²¹تہ تمن پیٹھ اوُس خداوند سنُد اتھٟ تہ واریاہ لوکو کُور ایمان اِنتھ خداوندس کُن رُجوع.²²تمن لوکن ہنز خبر واژ یروشلمچین کلیسیاہن ہندین کنن تام. تہ تمو سوز برنباس انطاکیہ تام.

²³سُہ گو تُور واتِتھ تہ خداوند سنُد فضل وُچھتھ خوش تہ تمن سارنؠ کرن نصیحت زِ دل دتھ روزن خداوند س منز قاؠم.

²⁴تکیازِ سُہ اُوس نیک مرد تہ روحُ القدسہ تہ ایمان ساتؠ معُمور.²⁵پتہ دراۆ سُہ ساۆل ژھانڈنہِ ترسُس.

²⁶ییلہِ سمکھؠوس سُہ تہ اوُنن انطاکیہس منز تہ سپُد یہِ زِ سُہ روُد اکِس وریس تام کلیسیاء ہنز جماژ منز شامِل تہ واریاہن لوکن روُد تعلیم دوان تہ شاگردن آۆ گوڈہ انطاکیہسے منز مسیحی وننہ.²⁷تمنے دوہن منز آے کؠنہ نبی یروشلمہ پیٹھ انطاکؠہس منز.

²⁸تمو منزہ کور اکؠٕ یمسنُد ناۆ اگُبُس اُوس استادہ وتھتھ رُوحکہِ ہداؠتہ ساتؠ ظاہر زِ تمام دنیاہس منز وتھِ دراگ تہ یہِ واقح سپُد کلَودیُس سندِس زمانس منز.²⁹اتؠ کور شاگردُو فاصلہ زِ پننہِ پننہِ مقدورہ مطابق سُوزو یہُودیایہ منز روزن والین بھاین ہنذ خدمتہِ خاطرہ کؠنہہ مدَد.

³⁰حالاکہ تمو کور تؠِ تہ سوزکھ برنباس تہ ساۆل سٕندؠ دٔسؠ تَتِہ کؠن بزرگن نِش.

12¹قریباً تؠمے دُوہ تروُو ہؠرودیس پادشاہن ستاونٕہ باپتھ کلیسیاء منز کینژھن اتھٕ.

²تہ کورُن یُوحنا سنُد بُوے یعقوب تلوار ساتؠ قتل.³ییلہِ وچُھن زِ امہِ ساتؠ گے یہُودؠ خوش تہ کوُرن پطرس تہِ گرفتار تہ ؠِم اسؠ خمیرِ ورأۓ ژوچِہ ہُند نیاز کؠ دوہ.

⁴تہٕ رٹتھ تھووُن سُہ قادس منز تہ ژوُر ژوُر سپاہ تھاینس راچھؠ ژورن پہرن منز. امہِ ارادہ زِ عیدِ فسح پتہ کرؠس لوکن برونہہ کنہِ پؠش.⁵ادہ قید خانس منز ٲس پطرس سنز نگہبانؠِ سپدان مگر کلیسیاء اس تمسندِہ حفاظتہِ جانہٟ خاطرہ خدایس دُعا کران.

⁶تہ ییلہ ہیرودیس اُوس تس پیش کرن وول تہ تمے راژ اُوس پطرس دُون زنجیرن منز گنڈِتھ دُون سِپاہَن منز باگ شُونگِتھ. تہ رٲچھدر اُوس دروازس پؠٹھ قید خانچ نگہبانؠ کران.⁷زِ وچھؠو خداوند سنُد اکھ فرشتہِ سپُد یتھ کھڑا تہ تَتھ کوٹھرِہ منز چمکیو نُور. تہ تؠمؠ کُور پطرس سنز لرہ کانہِ اتھ ساتؠ زیر دِتھ سُہ ہوشیارہ تہ ونَنس وتھ جلدیِ! تہ تس آیہ اتھو منزہ زنجیرہ کھولنہٕ.

⁸پتہ ووُن فرشتن تس گنڈ ہُول تہ لاگ پنُن کھوربانہ تؠمؠ کور تؠِ، پتہ وننس پنُن چُوغہ لاگِتھ پکھ مے پتہ پتہ.⁹نیِرتھ دراۆ سُہ تس پتہ پتہ ، تہٕ یہِ زُونن نہٕ زِ یہ کینژھا فرشتہ سندِ طرفہ سپدان چُھ تہِ چھا پُوز کِنہ بُو چُھس رُویا وچھان.

¹⁰اتؠ گو سُہ گوڈنِکہِ تہ دوؠمہ حلقہ منزہ نیرتھ ووت تَتھ شستُرو دروازس پیٹھ یُوس شہرہ طرفہ چُھ سُہ آۆ تہندِہ موکھہ پانے کھولنہ اتؠ گے تِم نیرتھ واتؠ تَتھ کوچس اندس تام تہ فوراً گو تس نِشہ فرشتہ غٲب.¹¹تہٕ پطرس ووُن ہُوشس منز یتھ زِ ونؠ زوُن مے پُوز زِ خداوندن کورُس بُو پنُن فرشتہ سُوزِتھ ہؠرودؠس سندِؠو اتھو نِش آزاد. تہ فٹراون یہُودؠ قومچ سارؠ امید.

¹²تہ اتھ پیٹھ غور کرتھ آۆ تس یُحنا سنزِ ماجہ ہنُد گھرہیس مرقس چھ ونان تَتہِ اسؠ واریاہ لوکھ سمجتھ دعا کران.¹³ییلہ تؠمؠ پھاٹکہ ہنزِ دارہ ٹھک ٹھک کور تہ رسؠ ناوچ اکھ داے درایہ وچُھنہ.

¹⁴تہ پطرس سنز آواز پہچانِتھ کھولُن نہ خوشی ساتؠ دروازہ تہِ کؠنہہ بلکہ گؠہہ اندر شؠچھ ہؠتھ زِ پطرس چُھ دروازس پیٹھ کھڑا.

¹⁵تمو وُن تس ژہ چھؠکھ پاگل، مگر سُو ٲس یقین سان ونان زِ یی چُھ. تمو ووُنس تمسنُد فرشتہ آسہِ.¹⁶مگر پطرس رود ٹُھک ٹُھک کران. اتؠ کُھوجؠ تمو دٲر تہ سُہ وچھِتھ گے حؠران.

¹⁷تؠمؠ کور تمن اتھ ساتؠ اشارہ زِہ ژھویہ کرؠُو، تہ تمن وونُن زِ خداوند کوڈس بُو ؠتھ کنؠ قٲدخانہ منزہ. پتہ وننکھ یعقوبس تہ بھاین دیزؠو امہِ کتھِ ہنز خبر پتہ دراۆ سُہ تہ گو بؠکِس جایہ.¹⁸ییلہ صبح پُھول تہ سپاہ کھوژؠ واریاہ زِ پطرس کیا سپُد.

¹⁹ییلہِ ہؠرودیسن سُو ژھونڈ تہ لوبُن نہِ تہ راچھدرن ہنز پرژھ گار کرِتھ دیوتُن تمِ قتل کرنُک حُکم تہ یہُودیایہ ترایتھ گو قیصریایہ منز.²⁰تہ سُہ اُوس صُور تہ صیداکؠن لوکن نِش واریا ناراض. اتؠ آے تِم یکوٹہ سپدِتھ تس نِش تہ پادشاہ سنُد دربان بِلستُوس کُن پھرتھ یژھُک صلح کرُن امہ موجوب زِ تہندِس مُلکس اُوس پادشاہ سندِ ملکہ پیٹھ امداد واتان.

²¹اتؠ بؠوٹھ اکہِ دوہ مقرّر کرتھ تہ شاہانہ لباس لاگتھ گؠرودیس تختِ عدالتس پیٹھ تہ لوگ تمن ساتؠ کلامہ کرنہِ.²²تہ لوکو تُجہ کریکہ زِ یہ چھے خدایہ سنذ آواز نہ کہ انسان سنز.

²³تمے ساتہ لوے تس خدایہ سندؠ فرشتن تکیازِ تؠمؠ کرؠ نہ خدایہ سندؠ تعریف پتہ وَتھؠ تس جسمس کؠمؠ تہ مُود.²⁴مگر خدایہ سنُد کلام روُد ترقی کران تہ پھہلان.

²⁵تہ برنباس تہ ساۆل پننؠ خدمت پورہ کرتھ تہ یوحنا یس مرقس چھِ ونان پانس ساتؠ انِتھ آے یروشلمہ پیٹھ واپس.

13¹انطاکیہس منز ٲسؠ تَتھ کلیسیاء منز یُوسہ تَتہِ اس کؠنہہ نبی تہ عالم.یعنی برنباس تہ شمعون یس حبشی ونان چھ تہ لوکیُیوس کُرینؠ تہ مناہیم یُوس مُلککِس ژورمہ حصکِس حاکمِ ہیرودیسس ساتؠ ملیُومت اوُس تہ ساۆل.

²ییلہ تِم خداوند سنز عبادت کران تہ روزہ ٲسؠ تھاوان تہ روُح القدسن ووُن، میانِہ خاطرہ کرُن برنباس تہ ساۆل تؠمہ کامہِ باپتھ مخصوس یمہ باپتھ مے تِمن ناد چُھ دیوتُمت.

³پتہ روزہ دار آستھ تہ دُعا کرِتھ بیہ تمن پیٹھ اتھ تھاؠتھ کرکھ تِم رخصت.⁴پتہ تِم روُح القدسہ سندؠ سُوزنہ آمتؠ گے سِلُوکیہ تہ تَتہِ پیٹھ گے جہازس منز کپُرس.

⁵تہ سَلمیسس منز واتِتھ لگؠ یہُودین ہندین عبادت خانن منز تعلیم دِنہِ تہ یوحنا اُوس تِہُند خادِم.⁶تہٕ تمِو تمام جزیرو کؠنؠ گژتھ واتؠ یافس تام تَتہِ سمُکھ تِمن اکھ یہُودؠ جٲدؠ گَر تہ اپزیور نبی برعىٰ ناۆک.

⁷سُہ اوُس سرِگیُس پُولَس صُوبہ دارس ساتؠ یُوس اکھ سمجھدار انسان اُوس. تؠمؠ یُوژھ برنباسس تہ ساۆلَس ناد دِتھ خدایہ سنُد کلام بوزُن.

⁸مگر اِلماس جادؠ گرن کر تمسنز مخالفت تہ صوبیدارس یوژھُن ایمان اننہٕ نِشہ روکاوُن.⁹تہٕ ساوُلن یمسُند ناۆ پولُس تہ چُھ روحُ القدسہٕ ساتؠ بھرت کرن تس پیٹھ غورہ سان نظر.

¹⁰تہ وونن زِ ہیے ابلیس سندِ فرزندہ! ژہ یُوس تمام مکاریِ تہ ضِدہ ساتی برتھ تہ رنگہ رنگہ نیکی ہنُد دشمن چُھکھ، کیا خداوند سنزہ وتہ لہُراونہ نِشہ یکھنا باز؟¹¹وُچھ ونؠ ژے پیٹھ چُھ خداوند سنُد غضب زِ کاژہٕ تیمبر پینے تہ کینژھس کالس وُچھکھنہ ژہ آفتابے تمے ساتہ گے تِمس ژھانھ تہ انہِ گٹہٕ تہٕ سُہ روُد ژھاران زِ کانہہ نیہِ تاس اتھس تَھپھ کرِتھ.

¹²اَتیِ یہ قصّہ وُچھتھ تہ خداوندہ سنزِ تعلیمِ ساتؠ حیران سپدِتھ اوُن صوبیدارن ایمان.¹³پتہ واتؠ پولُس تہ تمسند ساتھؠٕ یافُس پیٹھ جہازس منز روانہ سپدِتھ پمفیِلیایہِ ہندِس پرِگس منز تہِ یُوحنا گو تمن نِش الگ سپدِتھ واپس یروشلم.

¹⁴تہ پرگیہِ پیٹھ نیرِتھ واتؠ تِم پسِدیہ ہندِس انطاکیہس تہ سبتکہ دوہ گے عبادت خانس منز تہ بؠٹھؠ.

¹⁵اتؠِ تَورات تہِ نبین ہنزہ کتابہٕ پرنہ پتہ سُوز تمن عبادت خانکیو زِٹھیو ناد زِ ہے بھایُو! اگر لوکن ہنز نصیحتہ خاطرہ تُہندِس دِلس منز کانہہ کتھ چھے تہ سُو کرؠو بیان.¹⁶اتؠٕ ووُن پولُسن کھڑا سپدتھ تہ اتھ ساتؠ اشارہ کرِتھ ہے بنی اسرایلو تہ ہے خدایس کھوژن والیُو! بوزُیو.

¹⁷ؠمہِ اسرایل قومکؠ خداین چھ سانؠ اباواجداد ژارمتؠ تہ یلہ یہِ قوم مصر مُلکس منز پردیسین ہندؠ پاٹھؠ روزان اوُس تہ بخشنکھ تھزر تہ زبردست اتھو ساتؠ انِن کڈِتھ تِم تَتہِ.

¹⁸تہ کانہہ رُود ژتجہن ورہن تام ریگستانس منز تہندؠ عادات برداشت کران.¹⁹تہ مُلکِ کنعانس منز ستھ قوم تباہ کرِتھ کورُن تقریباً ساڈَن ژوُن ہتن ورؠن منز تہنُد مُلک ؠمن ہندِس میراثس منز.

²⁰تہٕ یمو کتھو پتہٟ کرِن سمویل نبی سندِس زمانس تام تمن منز قٲضی مقرَر.²¹امہِ پتہ کور تمو پادشاہس درخواست، تہ خداین کُور بنیمین سندِ قبیلہ منزہ اکھ شخص ساۆل قیس سنُد نیچیو ژتجہن ورین باپتھ تمن پیٹھ مقرَر.

²²پتہ سُہ معزول کرِتھ بنُوون داۆد تِہنُد پادشاہ پسندِ باپتھ تؠمؠ یہِ گواہی دِژ زِ مے میول اکھ شخص یسؠ سنُد نچیو داۆد میانہ دلہِ مطابق سوے کرِ میانہ تمام مرضیِ پورہ.²³امے زُریٲژ منزہ سُوز خداین پننہِ وعدہ مطابق اسرایلس نِش اکھ نجات دہندہ یعنی عيسىٰ.

²⁴تمسندِہ ینہ برونہہ کرٔ یوحناہن اسراںلیکس تمام قومس برونہہ کنہِ توبچہِ بپتمہچ مُنادی.

²⁵تہ ییلہ یوحنا اوُس پنُن زمانہ پورہ کرن ووُل تہ تؠمؠ ووُن توہی کیا چُھو سمجھان؟ بُو چُھسنہ سُہ بلکہ وچُھؠو مے پتہ چُھ سُہ ینہِ ووُل یمسندِس کھوربانس بُو فیتہ کھولنس لایق تہِ چُھسنہ.²⁶ہیُو بھایو. ابراھیم سندؠو اولادو تہ ہیو خداؠس کھوژن والؠو. امہِ نجاتُک کلام آۆ اسہ نِش سُوزنہ.

²⁷تکیازِ یروشلمکؠو روزن والیو بیہِ تِہندؠو زِٹھؠو پہچُون نہٟ سُہ بیہِ سمجھیکھنہ نبین ہنزہ کتھٕ تہِ ؠمہ پرتھ سبتکِہ سوُہ آسہ بوناونہ یوان.لہذا کرؠکھ تس پیٹھ فتوىٰ دِتھ تِمہ پُورہ.²⁸تہٕ اگر زن تمسندِ قتُلک کاہنہ وجہ مؠُولنہ، تُوتہِ کوُر تمو پیلاطُسس تمسندِہ قتلک درخواست.

²⁹تہٕ یہِ کینژھا تمسندِس حقس منز لیکھتھ اُوس ییلہ تس تہِ تمام کورُکھ تہٕ تھووکھ صلیبہِ پیٹھ والِتھ قبرِ منز.³⁰مگر خداین کورسُہ مُوردَو منزہ زندہٕ.

³¹تہٕ سُہ سپُد واریاہن دوہن تام تِمن پیٹھ ظاہر ؠم تس ساتؠ گِلیلِ پیٹھ یروشلم آمتؠ ٲسؠ. قومس برونٹھ کنہِ چھ بس ونؠ تمے گواہ.³²تہٕ ٲسؠ چُھو تُوہہ تَتھ وعدس مطلق یُوس جدن اجدادن ساتؠٕ اُوس کرنہٕ آمُت یہِ خوشخبری دوان.

³³زِ خداؠن کور عيسىٰ زندہ کرِتھ سانین اولادن ہند خاطرہ سُوے وعدہ پورہ حالانکہ دوؠمس مزمورس منز چُھ لیکِتھ زِ ژہ چُھکھ میون نیچُو از گوکھ ژہ میانہِ ساتؠ پادہ.

³⁴تہ تمسندِ یتھ پاٹھؠ موردو منز زندہ باپتھ زِ دوبارہ مرنہِ زانہہ، ووُن تؠمؠ ؠتھٕ کنؠ زِ بُو دِمُو توہہِ داۆدہ سنزہ پاک تہ پزہ نعمژہ.³⁵حالانکہ سُہ چُھ بیکِس مزمورس منز تہ ونان زِ ژہ دِکھنہ پننِس مُقدسس سڑنچ نوبت کؠنہہ واتنہ.

³⁶تکیازِ داۆد مُود پننِس زمانس منز خدایہ سنزہ مرضی ہنُد تابعدار رُوزِتھ تہ گو پننین جدن اجدان ساتؠ رکؠو. تہ بؠہ واژس سڑنچ نُوبت تہِ.

³⁷مگر یُوس خداین زندہ کور، تس واژنہِ سڑنچ نُوبت کؠنہہ.³⁸ادہ ہیو بھایو! توہہ آسؠُو پے زِ تمسندِے وسیلہ چُھؠو تُوہہ یوان گنہن ہنزِ معافی ہنز خبر دِنہ.

³⁹تہِ موسٰى سنزِ شریعتکہِ باعِثہِ ؠمو کتھو ساتؠٕ تُوہہِ آزاد ہؠکؠونہ سپدِتھ تمو سالمو منزہ سپدِ پرتھ کانسہ اؠمان انن وول تمسندہ باعثہ آزاد.⁴⁰ادہ خبردار! یُوتھنہ یہِ سپدِ زِ یہ نبین ہنزہ کتابِ منز آمُت چُھ تہِ سپدِ توہہ پیٹھ تہِ زِ.

⁴¹ہؠُو مذاق کرن والیو! وُچھیو تعجُب کرؠُو تہ ہلاک سپدؠو. تکیازِ بوکرہ تُہندِس زمانس اکھ کٲم تِژھ کٲم زِ اگر کانہہ توہہِ نِش بیان کرِ توہی کرؠو نہ زانہہ تسند یقین.⁴²ییلہ تِم نیبر دراے تہ لوکھ لگؠ تمن زارہ پارہ کرنہِ زِ ؠمہِ کتھ بوزنٲزؠو اسہِ بؠکس سبتس پیٹھ تہِ.

⁴³ییلہِ مجلس برخواست سپز تہ واریاہ یہُودی تہ خداپرست نے شاگرد یہُودی دراے پُولسس تہ کورہکھ تاکید زِ خدایہ سندِس فضلس پیٹھ رُوز زؠو قایم⁴⁴دوؠمس سبتس منز سپُد تقریباً سُورؠ شہر خدایہ سنُد کلام بُوزنہ موکھہ جمع.

⁴⁵مگر یُوتا ہجوم وُچھتھ دَدؠٕ یہُودی حسدکہِ نارہ ساتؠ تہ لگؠ پولُس سنز کتھن ہنز مُخالفت کرنہِ تہِ لگؠ کُفر بکنہِ.⁴⁶پولُس تہ برنباس لگؠ جگرہ کرِتھ وننہِ زِ ضروری اوُس زِ گوڈہ گژھؠو تُوہہ ؠون خدایہ سنُد کلام بوزناونہ مگر ییلہِ زن توہی سُہ ردّ چُھو کران تہ پنُن پان چُھوابدؠ زندگی باپتھ ناقبل سمجھان تہ وچھیو اسؠ چھِ غٲر قومن کُن مُتوجہ سپدان.

⁴⁷تکیازِ خداین چُھ اسہِ حُکم دیوتُمت زِ مے چھیمو غٲر قومن ہندِ باپتھ مقرَر کرمتؠ تاکہ توہی آسؠُو زمینہ ہندِس اندس تام نجاتکؠ وجہٕ.⁴⁸یہِ بُوزِتھ گے غٲر قوم خوش تہ لگؠ خدایہ سندِ کلامکؠ تعریف کرنہِ تہ یتیاہ ابدؠ زندگی ہندِ خاطرہ مقرَر اسؠ آمتؠ کرنہ، اُونوکھ ایمان.

⁴⁹تہ تَتھ تمام علاقس منز پھہلیُو خدایہ سنُد کلام.⁵⁰مگر یہُودؠو بھٹکاے خدا پرست لوکھ تہ عزت داربخواتین تہ شہرکؠ ریس تہ کرکھ پولُسس تہ برنباسس ستاونس پیٹھ مجبور تہ کڑِکھ پننیو سرحدو منز نیر.

⁵¹تِم گے پنین کھورن ہنز خاک تِمن برونہہ کنہِ دنِتھ اکُنیُوم.

⁵²مگر شاگرد رُودی خوشی تہ روُح القدسہ ساتؠ بھرپور سپدان.

14¹تہٕ اِکُیِنُمَس منز سپُد یہِ زِ تِم گے یکوٹہٕ یہُودین ہٕندِس عبادت خانَس منز تہٕ کورکھ تؠوتھ تقرہر زِ یہُودین تہ یونانین ہنزِ اکہِ بجہ جماژ اون ایمان.

²مگر نافرمان یہُودؠو کوُر غیرقومن ہندین دِلن منز جوش پادہ کرِتھ کرِکھ تِم بھاین ہندِ طرفہ نِشہ بدگُمان.³اتؠ روُدؠ تِم تَتہِ واریاہس کالس تہ خداوند سندس بھروسس پیٹھ ٲسؠ دلیری سان کلام کران. تہ ٲسؠ تہندؠو اتھو ساتؠ نِشان تہ معجزہ کرنا یِتھ پننہِ فضلکہ کلامچ گواہی دوان.

⁴مگر شہرکین لوکن منز وُتھ فِتنہ کؠنہہ گے یہُودین ہندِ طرفہ تہ کؠنہ رسولن ہندِ طرفہ.⁵مگر ییلہِ غیرقوم تہ یہُودی پننؠ سردار ہؠتھ تمن خلاف وتھؠ زِ تِم کرٕہ ووُکھ بے عِزت تہ سنگسار.

⁶تہٕ تِم ژلؠ پتہِ یہِ سپدتھ لُکا اُنیہ کین شہرن لُسترس تہِ دِربے تہ تمکین اندؠ پتؠ کین علاقن منز.

⁷تہِ روُدؠ تَتہِ خوشخبری بوزناوان.⁸تہ لُسترہس منز اُوس اکھ شخص بِہتھ یُوس کھورُو کنؠ لاچار اُوس. سُہ اُوس زینہ پیٹھے لُونگ تہ زانہہ اوُسنہ پوکمُت.

⁹سُہ اُوس پولُسس کتھٟ کران بُوزان. تہ ییلہ تؠمؠ تس کُن دھیان دِتھ وُچھ زِ تس منز لبنس لایق ایمان.

¹⁰تہِ تھذِ آوازِ منز ونُنس زِ پنین کھورن پیٹھ گژھ کھڑا ادہ سُہ لوگ ووُٹھ تُلِتھ پکنہِ ٹکنہِ.¹¹پُولسہ سنز یہ کام وچھتھ ووُن لُوکو لُکا اُنیہچہ زبانؠ منز بلند آوازِ سان زِ انسانن ہندِ شکلِ منز وتھؠٟ دیوتا تہ آے اسہِ نِش.

¹²تہ تمو وُن برنباسس زِ یُوس تہ پُولسس وُنکھ ہرمیس تکیازِ ؠمن اسؠ کلام کرنس منز سبقت حاصل.

¹³تہِ زیُِوسکہِ مندِرُک پجاری یُوس تِہندس شہرس بُرونہہ کنہِ اُوس سُہ آۆ داند تہ پوشہ مالہ ہؠتھ دروازس پیٹھ تہ اُوس یژھان لوکن ساتؠ قُربان کرُن.¹⁴ییلہِ برنباسن تہ پُولس رسولن یہ بوز تہٕ وَتھؠ پننؠ پَلو ژٹتھ لوکن منز کریکہ دؠِ دؠِ.

¹⁵لگؠ وننہِ زِ لوکو! اسؠٕ تہ چِھ تُوہے ہی انسان تہ تُوہہ چُھو اسؠٕ خوشخبری بوزناوان تاکہِ ؠمُو باطِل چیزو نِشہ فیرتھ یؠُو تُوہی خدایس کُن ؠمؠ آسمان تہ زمین تہ سمندر بیہ تمن منز چُھ پادہ کُور.

¹⁶تؠمؠ دؠُوت بُروہمس زمانس منز سارنؠ قومن پننہ پننہ وتہِ پکنہٕ.¹⁷توتہِ تُرونہ تؠمؠ پنُن پان بے گواہ کؠنہہ حالانکہ تؠمؠ کرٕ توہہ پیٹھ مہربانؠ تہ آسمانہ پیٹھ ترووُن تُسندِ خاطرہ رۆد تہٟ کران بڑؠن بڑؠن فصلن ہندؠ موسم عطا تہ توہہ سیر کرتھ بخشن تسہندؠن دلن خوشی.

¹⁸ؠمہِ کتہ؛ِ ونِتھ تہِ رُوکایکھ مُشکلؠ سان لُوکھ زِ تہندِ خاطرہ مَہ کرؠو قربان.¹⁹پتہ آے انطاکیہ تہ اکنیُِوم پیٹھ کؠنہہ یہُودی تہ لُوکھ پانس کُن پھرتھ کورکھ پُلس سنگسار تہ نیوکھ سُہ مُوردہ سمجتھ کھکھرِہ شہرہ نیبر.

²⁰مگر ییلہ شاگرد یتھ گے تس اندؠ اندؠ استادہ تہ سُہ ووُتھ تہ آۆ شہر کُن تہ بیکہِ دُوہ گو برنباسس ساتؠ دِربے.²¹تہ تَتھ شہرس منز خوشخبری بوزنایتھ تہ واریاہ شاگرد بنایتھ آۆ سُہ واپس لُسترہ تہ اکُنیُوم تہ انطاکیہ.

²²تہ شاگردن ہندؠ دل مضبوط کرِتھ اُوسکھ یہ نصیحت کران زِ ایمانس پیٹھ رُوزؠو قایم. تہ ونان اسؠ ضروری چُھ زِ اسؠ سپد و سیٹھا مصیبت برداشت کرِتھ خدایہ سنز پادشاہی منز داخل.²³تہ تمو کرؠ پرؠتھ کلیسیاء منز تہندِہ خاطرہ بزرگ تہ مقرَر تہ رُوزو ساتؠ تہ دُعا کرتھ کرکھ تِم خداوندس حوالہ یس پیٹھ تمو ایمان اونمُت اُوس.

²⁴تہ پِسِدیایہ منزؠ گژھتھ واتؠ تِم پفیلیہ.

²⁵تہ پرگیہ منز کلام بوزنایتھ گے اتلیہ.

²⁶تہ تَتہِ پیٹھ واتؠ جہازس پیٹھ تَتھ انطاکیہ منز یتہِ تِم خدایہ سندِس فضلس اسؠ حوالہ کرنہ آمتؠ تؠمہ کامہِ خاطرہ یُوسہ تمو ونؠ پورہ کرٔ.²⁷تُور واتِتھ کر تمو کلیسیاء جمع تہ تمن برونٛہہ کنہ کورکھ بیان زِ خداین کیا کؠنہہ کُور سانہ ذریعہ بیہ یہِ زِ تؠمؠ تراے غٲر قومن خاطرہ اؠمانکؠ دروازہ یلہ.

²⁸تہ تِم روُدؠ شاگردن نِش واریاہس کالس.

15¹پتہ لگؠٕ یہُودیایہ پیٹھ ؠتھ کینٛہہ لوکھ بھاین تعلیم دِنہ زِ اگر نہٟ موسٰى سنز شریعتہ مطابق تُوہہ ختنہ سپدؠو تہ تُوہی ہؠکؠونہ نجات لبِتھ.

²اتؠٕ ییلہ پولسس تہ برنباسس تمِن ساتؠ تکرار تہ بحث سپُد تہ کلیسیاء کور یہ فاصلہٕ زِ پولس تہ برنباس تہ تمو منز بیہ کؠنہہ شخص گژِھن اَمہِ مسلہ خاطرہ رسولن تہ بزرگن نِش یروشلم³تہ کلیسیاءِ کرؠ تِم روانہ تہ غٲرقومن رجُوس منز انُنک بیان کران کران دراے تِم فینیکہ تہ سامریہ کنؠ تہ سارنٔی بایَن گے سٹؠھا خوش کران.

⁴ییلہ تِم یروشلم وٲتؠ تہکلیسیاءِ کوٚر رسول تٕہ بزرگ ہؠتھ تمِن استقبال تہ تمو وُن تمن سُورؠ کؠنہ یہ خداین تہندِ ذریعہ کورمُت اوُس.⁵مگر فریسین ہندِ فرقہ منزہ ؠمو ایمان اُوس اُونُمت تمو منزہ ووُن کینژھو تھود وتھتھ زِ تِمن گژھِ یُون ختنہ کرنہ.تہ بیہ چُھ تمِن موسٰى سنز شریعت پیٹھ عمل کرنُک حکم دؠون ضُروری.

⁶اتؠ سپدؠ رسول تہ بزرگ جمع اتھ کتھِ پیٹھ غور کرنہ باپتھ.⁷تہٕ واریاہ بحث کرنہ پتہِ ووُن پطرسن استادہ وتھتھ تمن زِ ہؠُو بھاؠُو تُوہہ چُھؠو پے زِ واریاہ کال سپُد ییلہِ خداین بُو تُوہہ منزہ ژوُرس زِ غاقومو اوُن میانہِ زبانؠ خوشخبری ہنُد کلام بُوزتھ ایمان.

⁸تہ خداین دِژ یُوس دلن ہنُد وٲقف چُھ تمِن تہِ سانؠ پاٹھؠ روحُ القدس دِتھ تسنذ گواہی.

⁹تہٕ ایمانکہِ وسیلہ ساتؠٕ تھاون تہ تہندِؠ دل پاک کرِتھ اسہِ منز تہ تمن منز کانہہ فرق.¹⁰اتؠ کیازِ چُھون تُوہی ونؠ خدا آزماوان؟ شاگردن ہنذن گردنن پیٹھ تژھ یپٹ تھایِتھ یُوسنہ سانؠ آباواجداد ٲسؠ تُلِتھ ہیکان نہ ٲسؠ.

¹¹حالانکہ اسہِ چُھ یقین زِ یتھ پاٹھؠ تِم خداوندِ عيسىٰ سندِ فضلہ ساتؠ نجات لبن تِتھے پاٹھؠ لبَو اسؠٕ تہِ.¹²پتہ کٔر سالِم جماژ ژھوپہِ تہٕ لگؠ پولسہٕ تہ برنباس سنُد بیان بوزنہ زِ خداین کِتھؠ نشان تہ معجزات کرؠ ظاہر غٲر قومن منز تہندِ ذریعہ.¹³ییلہِ تمو ژھوپہ کرتہ یعقوب لوگ وننہِ زِ ہؠُو بھایو میون بوزیُو.

¹⁴شمعونن کور بیان زِ گوڈہ گوڈہ کتھ پاٹھؠ چھے خداین غارقومن پیٹھ توجہٕ کوُرمُت تاکہ تمو منزہ بنایِہ پننہِ ناوہ اکھ اُمت.¹⁵تہٕ نبین ہنزِ کتھٕ تہِ چھے تَتھ مطابق تکیازِ لیکھتھ چُھ زِ.

¹⁶ؠمو کتھو پتہ تُلہ بُو دوبارہ یِتھ داۆد سنِد گریوُمت خیمہٕ. تہ تمکؠ زدہ ودہ شہرتھ کرن سُہ استادہ.

¹⁷تاکہ باقؠ انسان یعنی ساری قوم ؠِم میانہ ناوہ گنزرنہ چھے یوان ژھاران خداوندس.

¹⁸یہِ چُھ سوے خداوند فرماوان یُوس دنیاہکہِ شروعاتہٟ پیٹھ ؠمن کتھن ہنز خبر دوان چُھ آمُت.¹⁹ادہ میون فاصلہ چُھ یہِ زِ ؠِم غیرقومو منزہ خدایس کُن رجوع چھ سپدان اسؠ دمونہ تمن تکلیف .

²⁰مگر تمن سُوزَو لؠکھتھ زِ بُتَن ہند مکورہا تہ حرامکاری تہ ہُوٹ چیرمتین جانورن تہ خونہ نِشہ کرؠو پرہیز.

²¹تکیازِ پُرانہِ زمانہ پیٹھے روُدے پریتھ شہرس منز موسٰى سنز شریعژ ہنز منادؠ کرن والؠ یوان تہ تِم پریتھ سبکہِ دوہ اُوس یوان عبادت خانن منز کلام بوزنانہ.²²اتھ پیٹھ زون رسولو تہ بزرگو ساری کلیسیاء ہؠتھ مناسِب زِ یتؠو منز سوزِ کؠنہ شخص ژارِتھ پولسس تہ برنباسس ساتؠ انطاکیہ یعنی یہُودآہ یَس برسبا چھِ ونان تہ سیلاس ؠم شخص اسؠ باین منز زِٹھؠ.

²³تہ تہندِ سَسؠ سوزُکھ یہِ لیکھتھ زِ انطاکیہ تہ سُوریہ تہ کِلکیہ ہس منز روزان والین باین ؠِم غٲرقومن منز چھ، وٲتِن رسُولن تہ بزرگ بھاین ہنز سلام.²⁴تکیازِ اسہِ اوس بُوزمُت زِ اسِہ منز کینژھو ؠمن نہٕ اَسِہ حکم اوس دیوتمُت تُور گژِھتھ کھوژِ نأؠٔ ہُو توہی پننؠُو کتھو سأتؠٕ تہٕ تہُندؠ دل کرِکھ پرؠشان.

²⁵لہزا زُون اسِہ اکھ دل سپدِتھ مُناسب زِ کینٛہہ ژأرمتؠٕ نفر سُوزٕؠ اَسِہ پننؠن ٹھأٹھِؠن برنباسس تہٕ پُولسس ساتؠٕ توہِہ نِشہٕ.

²⁶یہ چِھ دُونوۓ تِتھؠ انسان ؠمو پننؠٕ زُو سأنِس خداوندِ عيسٰى مسیح سنٔدِس ناوس پؠٹھ نِثار چِھ کرٔمتؠٕ.²⁷حالانکہ اَسِہ سُوزٕؠ یہوداہ تہٕ سیلاس.تِم ونَن یِمے کتھٕ پننِہ زبأنؠٕ.

²⁸تکیازِہ رُوح القدُسن تہٕ اَسِہ زُون مُناسب زِ ؠمو ضروریکتھو ورأۓ تراوُونہٕ تُوہہ بؠہِ کؠنہ بار.

²⁹زِ توہی کرؠُو بُتَن ہنٔدِ قربانکہِ مازٕہ نِشہٕ تہٕ خونہٕ تہٕ ہُوٚٹ چیر متیُو جانورو تہٕ حرامکأرِی نِشہٕ پرہؠز.³⁰اتؠٕ واتؠٕ تم رخصت سپدِتھ انطاکیہ.تہٕ دِتکھؠٕ جماعتس یکوٹہٕ کرِتھ خط.

³¹تِم گے تمسنٔدٕؠ تسلیٔ بخش مضمون پرتِھ خُوش.

³²تہٕ یہوداہن تہٕ سیلاسَن ؠِم پانہِ تہِ نبی أسؠٕ.کرکھ واریاہ نصحت کرِتھ باۓ مضبوط.³³تٕہ کینٛہہ دُوہ رُوزِتھ آۓ تِم واپس بأین ہنٔز سلام تہٕ دُعا ہؠتھ ؠمو تِم سُوزمٕتؠ أسیٕ.

³⁴مگر سیلاسس گوتِتہ روزُن پسند.

³⁵مگر پولس تہٕ برنباس رُودؠٕ انطاکیسی منز.تہٕ بؠہِ تِہ واریاہن لوکن ساتؠٕ رُودٕؠ خداوند سُند کلام ہؠچھنا وان تہٕ تِمچ مُنادِی کران.³⁶کؠنہ دوہ پتہٕ ووُن پُولسن برنباسس زِ ؠِمن ؠِمن شہرن منز اَسِہ خدایہ سُند کلام اُوس بوزنومُت اُوس.ولؠو دوبارٕہ گژھو تِمن بھایٔن نِشتہٕ وچھو وکھ ٹھِیکھؠٔ چھا.

³⁷تہٕ سبرنباس سُند مشورٕہ اُوس زِ یُوحنا ؠمن مرقس چھ ونان تمن بُو پانس ساتؠٕ.

³⁸مگر پولسن زُون نہٕ یہِ مُناسب زِ یُوس شخص پمفِیلیس منز پُتھ فیرتھ اُوسنہ تمسُنزِ کامہِ بابتھ تمن ساتؠٕ گومُت.سُہ نمون ساتؠٕ.³⁹اتؠٕ گوتمن منز تُؠوتھ تکرار زِ اکھ اکِس نِش گے الگ.تہٕ برنباس گو مرقُس ہؠتھ جہازس پؠٹھ کپُرس روانہٕ.

⁴⁰مگر پُولُسَن کور سیلاس پسند تہٕ بھایٔن ہنٔدِ طرفہٕ گے خداوند سنٔدِس فضلس حوالہٕ سپدِتھ روانہٕ.

⁴¹تہٕ شام تہٕ کِلکِیہ منزٕی نیران رُود کلیسیاہن مضبوط کران.

16¹پتٕہ وۄت سُہ دِرۓ تٕہ لُسترہ تِہ۔ تِہ وچھیو تَتِہ اُوس تیمُتِھیُوس ناوٕہ اکھ شخص۔ تؠمسٕنز موٚج ٲس یہودی یمِہ ایمان اُوس اُونمُت۔ مگر تؠمسُند مۄل اُوس یُونٲنؠ

²سُہ اُوس لُسترکؠن تٕہ اکُنیُم کہن بائیَن منز نیک نام.

³پولسن یوژھ زِ یِہ پکِہ مے سٲتؠ نِتھ کوٚرُن تَس یہودین ہندِ وجہ یِم تَتھ جایہ ٲسؠ ختنٕہ تکیازِ تِم ٲسؠ سٲری زانان امسُند مۄل چُھ یونٲنؠ.⁴تٕہ یِمن یِمن شہرن منز سُہ گژھان اُوس ٹِہ کؠن لوکن اُوس تِم احکام عمل کرنٕہ خٲطرٕہ واتناوان یِم یروشلمکؠو رسولو بزرگو جٲری ٲسؠ کرمتؠ.

⁵اتی گیِہ کلیسیا یِہ ایماتَس منز مصبوط تٕہ دوہ کھوتٕہ دوہ رُوزٕہ تعدادَس منز ہران.⁶تٕہ تِم گے فروگیہ تٕہ گِلتیؠو علاقو مٕنٛزؠ تکیازِ رُوح القُدّس کوٚر تِمن منع آسیہس منز کلام بوزناونَس.

⁷تٕہ تِمو کٔر موسیٰ ہس نزدیک وٲتِتھ بتونیہس منز گژھنٕچ کوشِش، مگر عیسیٰ سٕندؠ روحن دیوٚتنٕہ تِمن کینہہ گژھنٕہ.

⁸اتی وٲتؠ تِم مُوسیہ مٕنزؠ نیران نیران تُروآس.⁹تٕہ پولسَن وُچھ روتلِہ رویاہس منز زِ اکھ مکِرُنی نفر گو کھڑا تَس زارٕہ پارٕہ کرِتھ چُھ ونان زِ اپور ترِتھ ولٕہ مکِرنیہس منز تٕہ اسِہ کر مدَد.

¹⁰تؠمسُند رویا وُچِھتھی کوٚر اسِہ فوراً مَکِرُنیہ گژھنُک ارادٕہ تکیازِ اسِہ باسِہ امِہ سٲتؠ زِ خداین بُلٲئؠ اسٕؠ تِمن خوشخبری دِنٕہ باپَتھ.¹¹ادٕہ تروآسہٕ پؠٹھٕ جہازس منز روانٕہ سپدِتھ آۓ أسؠ سیُودوؠٔ سُمترا کے تہٕ بیکِہ دوہ نُوپُلِس.

¹²تہٕ تَتِہ پؠٹھٕ وأتؠٕ فِلچؠّ منز یُوس مَکِرُ نیُہک شہر تہٕ بیہِ تمِہ ضِلعک صدر تہٕ رُومِؠن ہنٔز بستِی چھے.تہٕ أسؠٕ رُودؠٕ کیژھن دُوہن تَتھ شہرَس منز.

¹³تہ سبتکہِ دوہ گے أسؠ شہرکِہ دروازکہٕ نیبر مِہ کولہٕ بھٹِس پؠٹھ،بتِہ اَسِہ دُوپ زِ دعا کرنچ جاۓ آسِہ تہٕ بہِتھ لگؠٕ تمن مستوراتَن ساتؠٕ کلام کرنہٕ ؠمہِ پکوٹہِ سمِتھ آسہٕ.¹⁴تہٕ تھواتیرچ اکھ خداپرست خاتون لُدِ یہ ناوٕچ یوسُہ قِرمز کٔنن وأجِن أس تہٕ سُوتہِ أس بوزان.تمسُند دل اُوس خداوندن یلِہ کورمُت تاکہ پولُس سٕنزَن کتھن کُن دییِہ تُوجُّہِ.

¹⁵تہٕ ییلِہ تؠمِہ پنُن خاندار ہؠتھ بپتسمہ نُیو.تہٕ مِنّت کرِتھ ونُنس زِ اگر ژٕہ مےٕ خداوند سنٔز اؠماندار چُھکھ سمجھان تہٕ پتھ رُوز میانِہ گھِہ.اتِؠ کرٕؠ أسؠٕ تؠمہِ مجبُور.¹⁶ییلِہ أسؠٕ دعا کرنچہ جایہِ أسؠٕ گژھان تہٕ سپُد یہِ زِ اسِہ سَمٕچھ اکھ کنیز ؠِمس منز غیب زاننُک رُوح اُوس.سُہ أس غیبی خبرِ ساتؠٕ پننؠن مٲلکَن خاطرٕہ واریاہ کؠنہ کماوان.سُہ لجؠ پولسس تہ اسہِ پتہ پتہ ؠتھ ¹⁷کریکہ دِنہِ زِ ؠِم نفر چھِ خدا تعالی سندؠ بندہ ؠِم توہہ نجاتچہ وَتہ چُھو ہاوان.

¹⁸سُہ روُز واریاہن دوہن ییؠ کران. آخر گو پولس سؠٹھا غمگین تہ پُوت فیرِتھ ونُن رُوحس زِ بُو چھسے ژے عيسىٰ مسیح سندِ ناوہ حکم دِوان زِ امس منز ِنیر نیبر سُہ دراۆ تمے ساتہ.¹⁹ییلہِ تمسندؠو مالِکو وُچھ زِ تِہٕنز اُمید ہؠژٕن مُوکلنؠ تہ تمو نؠ پولُس تہ سیِلس بازرہ منزہ رٹتھ کھکھرِہ حاکمن نِش.

²⁰تہ تِم فوجن ہندین حاکمن برونہہ کنہِ نِتھ وُنُکھ زِ ؠِم نفر چھِ یہُودی تہ سانِس شہرس منز چھ فساد تُلان.

²¹تہ تِتھ رسم چھ اسہِ ونان زِ ؠِم قبول کرنؠ یا عملہِ منز اننؠ چھنہ اسہ رُومین جایز.²²تہ عام لوکھ تہ لگؠ رلتھ تِہٕنز مخالفت کرنہِ.تہ فوجکیو حاکمو کڈؠ تمن پلو ژٹتھ نیبر تہ دیوتہک حکم زِ دُرٕہ والنَکھ.

²³تہٕ واریاہ دُرہ والِتھ کرِکھ تِم قٲدخانس منز بند تہ داروغہس کورکھ تاکیدزِہ ؠمن پیٹھ کرزِ بڑہ ہوشیارِی سان نِگرٲنی.

²⁴تؠمؠ تھٲؠی تِم یہِ حکم رٹتھ اندر قادخانس منز بند تٕہ تِہندؠ کھوٚر گنڈِکھ زنؠ مونڈین ساتؠ.²⁵نصف رٲژ اسؠ پولس تہ سیلس دُعا کران تہ خدایہ سندِ حمدکؠ باتھ گؠوان تہ قیدی اسؠ بوزان.

²⁶زِ اچانک گو بوڈ بنُؠول یُوتام زِ قادخانکؠ ژیؠنؠ تہِ ہلے تہ تمے دمہ گے سارؠ دروازہ یلہ تہ سارے زنجیرہ آِہِ کھولنہ.²⁷تہ ہوشیار گژِھتھ وُچھ دارُوغہن قاد خانکؠ دروازہ وَتھؠِ تہ سمُجھن زِ قادی چھ ژلمتؠ. اتی کڈن تلوار تہ یہُوتن پنُن پان مارُن.

²⁸مگر پولسن ووُن تس بڑہِ کرؠکھ دِتھ زِ پنِنس پانس مَہ واتناۆ نقصان تکیازِ اسؠ چھِ سارؠ یتھؠ موجود.²⁹تؠمؠ منگنو ژُونگ تہ کُنے دوُرِ گو اندر تہ پؠُو کھوژتھ پُولسَس تہ سیلاسس برونٹھہ کنہِ.

³⁰تہ تِم نیبر کڈِتھ ونُنکھ ہیو صاحبُو!بُو کیا کرہ زِ نجات لبہ.؟

³¹تمو ونُس، ژہ اَن خداوندِ عيسىٰ ہس پیٹھ ایمان تہ ژہ تہِ چُون خاندان لبہِ نجات.³²تہ تمو بوزنُو سُو تہ تمسندؠ ساری گھروالؠ خداوند سنُد کلام.

³³تہ تؠمؠ نؠِ تِم تمے ساتہ رُوتلِہ تہ چھلنَکھ زخم تہٟ تمے ساتہٕ نؠون پننؠ ساری لوکھ ہؠتھ بپتسمہ.

³⁴تہٕ تِم پنُن گھرٕہ نِتھ ترووُن تمن برونہہ کنہ دسترخوان تہ پننؠ ساری گھرِک ہؠتھ اُونن خدایس پیٹھ ایمان مناوکھ خوشی.³⁵ییلہِ دوُہ پُھول تہ فوجکؠو حاکمو سُوزؠ حوالدار یہِ ونِتھ زِ تِم نفر تراؠوکھ یلہِ.

³⁶تہ داروُغہن دِژ پُولسس امہِ کتھِ ہنز خبر زِ فوجی حاکمو سوز حُکم تُہندِ یلہِ تراوُنک ادہ نیروُ تہ گژھؠو سلامتی سان.³⁷مگر پُولسن ووُن تمن زِ تمو رُومُیو لاینُو اسہِ قصُور ثابت کرنہ وراے ننہِ وانہٟ تہ تھایکھ قٲدس منز تہ ونؠ چھِ اسہِ ژھوپہ کرِتھ کڈان؟یہ ہؠکنہ بنِتھ بلکہ گژھن تِم پانہ یتھ اسہِ نیبر کڈنؠ

³⁸حوالدارو دِژ فوجی حاکمن ؠمن ہنز خبر تمو ییلہِ بُوز زِؠِم چھ رُومؠ تہ کھوژؠ.

³⁹تہ یِتھ کُورہکھ زارہ پارہ تہ نیبر نِتھ کُورہکھ درخواست زِ شہرہ منز نیرؠُو.⁴⁰اتؠ گے تِم قادخانہ منزہ نیرتھ لُدِیا د تہ بھاین سمکِھتھ دیوتُکھ تمن تسلی تہ دراے.

17¹پتہٕ واتؠٕ تِم امفِپُلِس تہ اُپلّونیہ نیرتھ تھِسلُنیِکؠ منز. یتہِ یہُودین ہنُد اکھ عبادت خانہٕ اُوس.

²تہٟ پُولس گو پننِہ دستورہ مطابق تمن نِش تہ ترین سبتن کورُکھ تمن ساتؠ کتابِ مقدسکہِ حوالہ بحث.³تہ تمؠوک معنی ژارتھ دلیلہ پیش کران زِ مسیحس دُکھ تلُن تہ مُوردَو منزہ زندہ وتُھن اُوس ضروری.تہ یوہے عيسىٰ ؠمسنز بُو تُوہہِ خبر چُھسَو دوان چُھ مسیح.

⁴تمو منزہ مُون کینژھو تہ سپدؠ پولُس تہ سیلاس سندؠ شریک تہ خدا پرست یُونانین ہنز اکھ بڈ جماعت تہ واریاہ شریف زنہِ تہِ سپزہ تمن ساتؠ شریک.⁵مگر یہُودؠو نؠِ پانس ساتؠ ضِدس منز یِتھ بازرؠ نفرو منز کؠنہ بدماش. تہ جمع سپدِتھ لگؠ شہرس منز فساد تُلنہِ._تہ یاسُون سندِس گھرس گھیرہ کرِتھ ہؠتِکھ تِم لوکن برونہہ کنہِ اننؠ.

⁶تہ ییلہِ نہ تِم تَتہِ لبِکھ تہ یاسُون تہِ بیہِ کؠنہ باے نیییکھ شہرکؠن حاکمن نِش کرؠکہ دوان کھکھرِ زِ تِم شخص ؠمو دُنیا گمراہ کور چِھ یُور تہِ آمتؠ.

⁷تہ یاسُونن نؠِ تِم پنُن گھرہ تہ یم سارؠ چھِ قیصر سندین حکمن ہنز مخالفت کرتھ ونان زِ پادشاہ چُھ بیاکھؠ یعنی عيسىٰ.⁸یہ بُوزِتھ کھوژؠ شہرکؠ عام لوکھ تہ حاکِم.

⁹تہ تمو ہیژ یاسُونس تہ باقین لوکن ضمانت تہ ترایکھ پتہ تِم یلہٕ.¹⁰مگر بھایو سوزؠ فوراً راتورات پولُس تہ سیلاس بیریہس منز. توروا تِتھ گے تِم یہُودین ہندِس عبادت خانس منز.

¹¹ؠِم اسؠٕ تھِسلُنیکیُو یہودؠو نِشہ نیک زات تکیازِ تمو کور بڑہ شوقہ سان کلامہٟ قبول تہ دوہ کھوتہ دوہ اسؠ کتابِ مقدسس منز تحقیق کران زِ آیا یمہِ کتھہ چھا ؠتھے پاٹھؠ.

¹²اتؠ اُون تمو منزہ واریاہو ایمان تہ یونانیُو منزہ تہِ اُون واریاہو عزت دار خواتینو تہ مَردو ایمان.¹³ییلہِ تھِسلُنیکین یہُودین معلوم سپُد زِ پولُس چُھ بیِریِایہِ منز تہِ خدایہ سنُد کلام بوزناوان.تہ تور گژِتھ تہ بھٹکاؠِکھ لُوکھ تہ تمن منز تُلکھ فساد.

¹⁴تؠمہِ ساتہ کور بھایُو فوراً پولُس روانہٟ. زِ سمندرکس بھٹِس تام گژِھ مگر سیلاس تہ تیمُوتھیس روُدؠ تَتھؠ.

¹⁵تہ پولُس سندؠ رہبرن واتُنو سُہ اِتھینؠ تام تہ سیلاسس تہ تیموتھیس خاطرہ گے یہ حکم ہیتھ روانہٕ زِ یوتام پِلیُو جلدی یُؠو مے نِش.¹⁶ییلہِ پولُس اُوس اِتھینؠ منز تمن وتَن وُچھان تہ شہربتُو ساتؠ بھرِتھ وُچھِتھ دُودتس نار.

¹⁷امہِ موجوب اُوس سُہ عبادت خانس منز یہُودین تہ خداپرستن ساتؠ بیہِ ؠِم بازرس منز سمکھان اسِکھ، تمن ساتؠ اسؠ پرؠتھ دوہ بحث کران¹⁸تہ کؠنہ اِپکُوری تہ ستویکی فیلسُوف لگؠٟ تمسنُد مقابلہ کرنہِ. کینژھو ووُن زِ یہِ بکواسؠ کیا چُھ ونُن یژھان؟ باقیو وون یہ چُھ غیر معُبودن ہنز خبر دِنہ ووُل معلوم سپدان. امہ موجوب زِ سُہ اُوس عيسىٰ سنز تہ قیامتچ خوشخبری دِوان.¹⁹اتؠ نیو سُہ تمو پانس ساتؠ اریوپگُس تہ وُنکھ زِ آیا اسہِ ہیکؠاہ پے لگتِھ زِ یِہ تعلیم یُوسہ ژہ دِوان چُھکھ کیا چھے؟

²⁰تکیازِہ ژہ چُھکھ اسہِ نیہِ کتھہ بُوزناوان ادہ اسؠ چھِ زانُن یژھان زِ ؠمو ساتؠ کیا غرضا چھؠِ ژے؟

²¹امہِ موجوب زِ ساری اتھینوی تہ پردیسی ؠِم تَتہِ روزان اسؠ تِم ٲسنہٕ پننہِ فرصت ہنُد وقت نیہِ نیہِ وننہِ تہ بوزنہ وراے بیہِ کونہِ کامہِ منز صرف کران.²²پولُسن ووُن ارؠوپگُس منزباگ استادہ وتھتھ زِ ہے اتھینؠ والیو! بُو چُھس وچھان زِ تُوہی چُھو پرؠتھ کتھِ منز دیوتاہن ہندؠ بڈٟہ مانن وٲلؠٕ.

²³تکیازِ چکر کران تہ تُہندِؠن معبُودن پیٹھ غور کران وُچھ مے اکھ تیوتھ قربان گاہ یتھ پیٹھ لؠکِھتھ اُوس زِ نا معلوم خدایس خاطرہ ادہ یسنز تُوہی بغیر معلوم پُوجا چُھو کران بُو چُھسو تُوہہِ تمسنزی خبردوان.²⁴ؠمؠ خداین دُنیا تہ تمؠکؠ سارؠ چیز پادہ کرؠ سُہ چُھنہ آسمان و زمیُنک مالک آسِتھ اتھ ساتؠ بنایمتین مندرن منز رُوزان.

²⁵نہ چُھو سُہ کُنہ چیزُک محتاز آسِتھ انسان سند دسؠٟ خدمت یژھان تکیازِ سُہ چُھ پانہ سارنؠ زندگی تہ شہہ تہ سورے کؠنہ دوان.²⁶تہ تؠمؠ کور اکسؠِ شخصس نِشہ انسانن ہند پرؠتھ کانٛہہ قوم تمام رُوے زمینس پیٹھ روزنہ خاطرہ پادہ تہ بیہِ کرن تِہندؠ وقت تہ روزنکؠ سرحد تہِ مقُرَر.

²⁷تاکہ خدایس ژھانڈن، شاید لبن تس ژھانڈ دِتھ حالانکہ سُہ چُھنہ اسِہ منزہ کانسے نِش دُور.²⁸تکیازِ تسؠ منز چھ اسؠٕ زندہ تہ پکان ٹکان تہ موجُود یتھ کنؠ تہندؠو شاعِرو منزہ تہِ چُھ کینژھو ونُمت زِ اسؠ چھ تمسنز نسل تہِ.

²⁹ادہ خدایہ سنز نَسل آسِتھ چُھنہ اسہِ یہ خیال کرُن منُاسب کؠنہ زِ ذاتِ الٰہى چُھنہ تؠمہ سُونہ یا روپؠن یا کنہِ ہندؠ پآٹھؠ ؠم انسان سندِہ کسبہ تہ بناونٕہ ساتؠ گرنہ چُھ یوان³⁰ادہ خدا چُھ جہالتکہِ وقتہ نِشہ چشم پوشؠ کرِتھ ونؠ سارنؠ لُکن پرؠتھ جایہ حکم دوان زِ توبہ کرِن.

³¹تکیازِ تؠمؠ چُھ اکھ مقرَر کورُمت یتھ منز سُہ پزِ ساتؠ دنیاہچ عدالت تِمس انسان سندِ ذریعہ کرِ یُوس تؠمؠ مقرَر چُھ کرمُت تہ سُہ موردُو منزٕہ زِندٕہ کرِتھ کِتٕھہ چھؠن یہِ کتھ سارنؠ پیٹھ ثابت کرمژ.³²ییلہِ تمو موردن ہنز قیامتچ ذِکر بُوز تہ کینژھو لاگؠ مزاق کرنؠ تہ کینژھو وُن زِ یہ کتھ بُوزو اسؠ بیہِ کُنہ ساتہٕ.

³³اتھؠ حالتس منز دراۆ پولُس تمو نِشہِ.

³⁴مگر کؠنہہ نفر پے تس ساتؠ تہ اوُنکھ ایمان تمو منز اُوس اربوپگسُک اکھ حاکم دیِونُسییُوس تہ دَمرِس ناوچ اکھ خاتون تہ بیہ تہِ اسؠ کؠنہ تمِن ساتؠٕ.

18¹ؠمو کتھو پتہ ووت پبلُس اتھینؠ نیرِتھ کُرِنتُھہس.

²تہٕ تَتہِ سمُکھ تس اَکوِلہ ناوُک اکھ یہُودؠ یُو زن پُنطس زامُت اُوس تہ سُہ اُوس پننؠ زنانہ پرسکلہ ہؠتھ اطالیہ پیٹھ نُوے نُوے آمُت، تکیازِ کلودیوُسن اُوس حکم دیوتمت زِ ساری یہُودؠ نیرِن روُما منز. ادہ سُہ گو تمن نِش

³تکیازِ سُہ اوس تِہنُد ہمکار تہ تمن ساتؠ روُزِتھ لوگ سُہ کام کرنہِ تہٕ تمسنُد کار اُوس خؠمہ لاگنؠ.⁴تہ سُہ اوس پرِتھ سبتہ عبادت خانس منز بحث کران تہٕ یہُودین یونانؠن اُوس مانراوان.

⁵تہ ییلہ سیلاس تہ تمتھیُوس مَکِدُنیہ پیٹھ آے. تہٕ پولُس اوُس کلام بوزناونکِس جوشس منز مجبور سپدِتھ یہُودین برونہہ کنہِ گواہی دوان زِ عيسىٰ ہیی چُھ مسیح

⁶ییلہ لوکھ مخالفت تہ کُفر بکنہِ لگؠٕ. تہ تؠمؠ چچُن تمن پننؠ دنِتھ تُہند خون چُھ تُہندنے شانن پیٹھ. بُو چُھس پاک ونکہِ پیٹھ گژھ بُو غیرقومن نِش.⁷اتؠ دراۆ تَتہِ تہ گو طِطُس یُوستَس ناۆہ اکِس خداپرست سہُد گھرہ یُوس عبادت خانس ساتؠ اُوس.

⁸تہ عبادت خانکؠ رہنماہن کرِ سپُسن اُوٚن پننؠ تمام گھرِکؠ ہؠتھ خداوندس پیٹھ ایمان. تہ یہ بُوزتھ اُون واریاہُو کُرِنتھیُو ایمان تہ نیوکھ بپتسمہ.⁹تہ خداوندن وُن رات کیوت رویاہس منز پولسس کھوژمہ بلکہ گژہ ونان تہ ژھوپہ کرِتھ مَہ رُوز.

¹⁰امہِ موجوب زِ بُو چھس ژے ساتؠ تہ ژے ہؠکینہ واتناییتھ کانہہ شخص حملہ کرِتھ ضَریر تکیازِ ؠتھ شہرس منز چِھ میانؠ واریاہ لوکھ.

¹¹اتؠ روُد سُہ ڈوڈس وریس تمِن منز روزِتھ خدایہ سنُد کلام ہؠچھناوان.¹²ییلہِ گلیواخُیہک صوبیدار اُوس تہ یہُودیو ترُوو سمِتھ پولسس پیٹھ چھاپہٕ.تہ عدالتس منز نِتھ.

¹³لگِس وننہِ زِ یہ چُھ لوکن ڈالان زِ شریتس برخلاف کرِن خدایہ سنز عبادت.¹⁴ییلہِ پولسَن ونُن ہؠُوتھ تٕہ گلیون ووُن یہُودین، ہیے یہُودیُو. اگر کانہہ ظلمچ یا شرارتچ کتھ آسہے تہ واجب اُوس زِ بُو بُوزہا صبرہ سان تُہند.

¹⁵مگر ییلہِ ؠم تِتھ سوال چھ ؠم لفظن تہ ناون تہ خاص کرِتھ تہنذِ شریعت ساتؠ تعلق چھ تھاوان تیلہ زانؠو توہؠ بُو چُھسنہ یژھن کتھن ہُند منصف بنُن یژھان.¹⁶تہ کڈناین تِم عدالتہ منز نیبر.

¹⁷اَتھ پیٹھ رُوٹ تمام لوکو عابدت خانک راہنما سو ستھنُیوس تہ دِتہس عدالتس بُرونہہ کنہِ چُوب. مگر گلیون کورنہ یمن کتھن ہنُد کانہ پرواے.¹⁸اتؠ گو واریاہ دوہ گزارِتھ پُولس تَتہِ ناین نِش رخصت، پُوز تؠمؠ اُوس وعدہ کورمُت اوہ کینؠ کاسنو تؠمؠ پنن مَس کنکریہ شہرس منز تہ جہازس منز گو شہر شام کُن روانہ.

¹⁹تہ اِفُسس وٲتِتھ تراین تِم تَتہِ تہ پانہ لوگ عبادت خانس منز گژھتھ یہُودین ساتؠ بحث کرنہِ.²⁰ییلہِ تمو تس درخواست کور زِ بیہ روز کیژھس کالس اسہِ ساتؠ تہ تؠمؠ مون نہِ.

²¹بلکہ یہِ ونتھ دراو تَتہِ زِ اگر خداین یُوژھ بُو ؠمہ بیہِ توہہِ نِش.تہ اِفُسس کھوت جہازس تہ دراۆ.²²تہٕ پتہ گو قیصر یہ منز واتِتھ یروشلم تہ کلیسیاءیہ سلام کرِتھ گو انطاکیہ.

²³تہ کؠنہ دوہ روزِتھ دراۆ تَتہِ تہ گو ترتیب وار گلتیہ کہو علاقو تہ فروگیہ منزی نیرِتھ سارنے شاگردن مضبوط کران.²⁴پتہ ووت اُپلوس ناوہ اکھ یہُودی اِفسُس یمسنز جاے پیدایش اسکندر ٲس تہ سُہ اُوس خوش گفتاریہ کتابِ مُقدسُک ماہر.

²⁵امؠ شخصن اس خداوند سنزِ وتہِ ہنز تعلیم حٲصل کٔرمٕژ.تہ رُوحانی جوشہ ساتؠ اُوس کلام کران تہ عيسىٰ سندِس حقس منز اُوس صیح تعلیم دوان.مگر صرف اُوس یُوحنا سندے بپتسمُہک واقف.

²⁶سُہ لوگ عبادت خانن منز دلیری سان وننہِ مگر پرسکلہن تہ اکولہن نیُو سُہ تمسنذ کتھِ بُوزتھ پنُن گھرٕہ تہ ونہس خدایہ سنزِ وتہِ ہنُد بیہ تہِ تفصیل سان.²⁷ییلہ تؠمؠ ارادہ کُور اَپُور اَخیہ گژھُنک تہ بھایُو لیُوکھ تسنذ ہمت بڑھاونٕہ خاطرہ شاگردن زِ تس سمکھن اصل پاٹھؠ تہ تُور واتِتھ کور تؠمؠ تمِن لوکن واریاہ مدَد ؠمو فضلہ سان ایمان اُوس اُونُمت.

²⁸تکیازِ سُہ روُد کتابِ مقُدسہ ساتؠ عيسىٰ سنُد صیح آسُن ثابت کران تہ بڑہ زُورو شور سان رود یہُودین اعلان کرتھ مانراوان.

19¹تہٕ ییلہِ اُپلُوس کُرِنتھس منز اوس تہ سپُد یہِ زِ پولس آۆ ہؠرمہِ علاقہ کؠنؠ اِفسُس منز تہ کؠنہہ شاگرد وُچھِتھ.

²وونُن تمن تُوہہ چُھو ایمان اننہِ وزِ روُح القُدس حاصل کرمُت؟ تمو ونُس، اسہ چُھنہ بوزمُت تہِ زِ روح القُدس چُھ نازِل سپُدمت.³تؠمؠ ونُکھ ادہ توہہ کمیُک بپتسمہ نُیو؟ تمو وون یُوحنا سنُد بپتسمہ.

⁴پُولسن ووُن یُوحناہن دیُوت لوکن یہِ ونِتھ توبُک بپتسمہ زِ یُوس مے پتہ ینہِ ووُل چُھ تس پیٹھ یعنی عيسىٰ ہس پیٹھ انزیو ایمان.⁵تِمو نیُو یہِ بُوزِتھ خداوندِ عيسىٰ سندِ ناوُک بپتسمہ.

⁶ییلہِ پولُسن تمِن پیٹھ اتھ تھاے تہ تمن پیٹھ سپُد روح القُدس نازِل تہ تِم لگؠ الگ الگ زبانہِ وننہِ تہ نبوت کرنہِ.

⁷تہِ تِم ساری اسؠٕ تعداداً باہ نفر.⁸پتہ روُد عبادت خانس منز گژِھتھ ترین رؠتن دلیری سان ونان تہ خدایی پادشاہی باپتھ بحث کران تہ لوکن مٲنراوان.

⁹مگر ییلہِ کؠنہ دِلہ درؠ تہ نافرمان سپدؠبلکہ لگؠ لوکن برونہہ کنہِ اتھ طریقس غلط وننہِ تہ تؠمؠ ہیوت تمن نِش لوب تہ کرِن شاگرد تمن نِش الگ.تہ پرؠتھ دوہ اُوس تُرنسکِس مدرسس منز بحث کران روزان

¹⁰دون ورین تام روُد ییؠِ سپدان. یوتانؠ زَن آسہہ ہکؠو روزن والیو کیا یہُودؠو کیا یونانیُو سارویبُوز خداوند سنُد کلام.¹¹تہ پُولس سندیو اتھو اُوس خدا خاص خاص معجزہ ہاوان.

¹²یوتانؠ زِ رُمال تہ پٹکہ اسؠ تمسندِس بدنس ساتؠ لاگتھ بیمارن پیٹھ تراونہ یوان._تہ تمنز اسؠ دادؠ بلان تہ بدرُوح اسؠ تمو منزہ نؠران.¹³مگر کؠنہ یہُودی ؠِم پُھوک دِنہِ فیران کران اسؠٕ. کور یہ اختیار زِ یمن منز بدروُح اسؠٕ تمِن دِؠو خداوندِ عيسىٰ سندِ ناوہ یہِ وَنِتھ پُھوک زِ بُو چُھسے ژے تس عيسىٰ سنُد قسم دِوان ؠمسنز مُنادیِ پُولس چُھ کران

¹⁴تہ سکِوا یہُودی سردار کاہن سندی سَتھ گبَر اسؠ ییی کران.¹⁵بَدرُوحن ووُن درجواب تمن زِ عيسىٰ چُھسن بُو زانان تہ پُولس تہِ زانن مگر تُوہی کم چُھو؟

¹⁶تہ ؠمِس نفرس منز بدرُوح اُوس، تؠمؠ لاے تِمن پیٹھ وُوٹھ تہ رٹِن دوشوے ؠِتھ پاٹھؠ زِ تِم ژلؠ ننگے تہ زخمی گژھتھ تؠمہ گھرہ ممنزہ.

¹⁷تہ امہ کتھِ ہنُد پے لوگ افسُس کؠن تمام روزن والین یہُودین تہ یُونانین تہ سارنؠ گو وہمہ تہ خداوندِ عيسىٰ گندِ ناوہ سپز ثناخانؠ.¹⁸تہ یمو ایمان اُوس اُونمت تمو منزہ کور واریاہو یِتھ پننین پننین کامین ہنُد اِقرار تہ اظہار.

¹⁹تہ سالمو جادؠ گرو زاجہِ پنہ پننہِ کتابہِ سُومبرتھ تمام لوکن برونہ کنہِ تہ ییلہِ تِمن ہنُد قیمُتک حساب سپُد تہ پنژاہ ساس روپیہ اُوس تِمن ہنُد قیمت.

²⁰یتھے کنؠ روُد خدایہ سنُد کلام ترقی کران تہ پھہلان.²¹ییلہِ یہِ سپُد تہ پُولسن کور پننِس دِلس منز ارادہ زِ مَکدُنیہ تہ اَخیہ سپدِتھ گژھ یروشلم تہ ونُن زِ تُور گژھنہ پتہ چُھ مے روُما تہِ ضرور وچُھن.

²²ادہ پننؠُو خدمتگزارو منز زہ شخص یعنی تیموتھیں تہٕ اِراستُس مَکِدُنیہ سُوزِتھ روُد پانہ کینژھس کالس آسس منز.²³تؠمہِ وقتہٕ وۆتھ امہِ طریقہ باپتھ بوڈ فسادہ.

²⁴تکیازِ دیمیتریُِس ناوہ اُوس اکھ سونُر یُس ارتمِس سندؠ رُوپکؠ مندر بناناوان اُوس تہ تمکین کارؠ گرن اُوس واریاہ کٲم دیٲوان.

²⁵تؠمؠ سُومبراے تِم تہ بیہِ تَتھ کارس ساتؠ تعلُق تھاون والؠ تہ وننُکھ، ہے لوکو! تُوہی چھو زانان زِ سانؠ کماؠی چھے یمے کامہِ ہندِ بدولت.²⁶تہ تُوہی چُھو وچھان تہِ بوزان تہِ زِ ٲمؠ پولُسن چھِنہ صرِف اِفسُس منزی یاتؠ بلکہ چھن تقریباً تمام آسیہ منز تہِ واریاہ لُوکھ یہِ ونِتھ مانراؠمتؠ تہ گمراہ کرمتی زِ ؠمِ اتھ ساتؠ بناونہ آمتؠ چھ تِم چھنہ خداکؠنہ.

²⁷ونؠ چھنہ صرف یُوہیے خطرہ کؠنہ زِ سُون کار گژِھ بے قدر بلکہ گژِھ بجہِ دیوؠ اَرتمس سنُد مندر تہِ نا چیز ؠتھ تمام آسیہ تہ سوری دُنیا چُھ پوجا کران تمسنذ عظمت تہِ گژِھ ضایعہ.²⁸یہِ بُوزِتھ دوُد تمن نار. تہ لگؠ کرؠکہِ دِی دِی وننہِ زِن اِفسُوہچ ارتِمن چھے بڑٔ.

²⁹تہ تمام شہرس منز وژھ لڑاے تہ لکو رٹؠ پُولسہ سندؠ ہمسفر گیُوس تہ ارسترخُس مَکِدُنیہ والؠ تہ سمِتھ دُورے تماش گاہس کُن.³⁰ییلہ پولُسن مجلسہِ منز یُوژھ گژھن تہ شاگردو دیوتنہ تس گژھنہ.

³¹تہ آسیاکؠو حاکمو منز تمسندؠو بعض دوستو سوزؠ تس نِش نفر تہ کرنوہس زارپارہ زِ تماش گاہس منز گژھنُک جرات کرزینہِ.

³²تہ کینژھو لاجہ کرؠکہ دِنہِ تہ مجلس گؠیہ درہم برہم تہ اکثر لوکن ٲسنٕہ یتِہ پتہ زِ اسؠ کؠمہِ باپتھ گے جمع.³³پتہ کوڈ تمو اِسکندر ہجومہ منز نؠبر تٕہ انوکھ برونہہ کُن یس یہُودی پیش اسؠ کرانتہ اِسکندرَن یوژھ ہجومس برونہہ کنہ اتھ ساتؠ اِشارہ کرِتھ عُزر بیان کرُن.

³⁴ییلہِ تمنن پے لوگ زِ یہِ چُھ یہُودی تہ سالِم رُودؠ یکوٹہ اکسؠ آوازِ منز دوُن گانٹن تام کریکہ دِوان زِ افسیوہچ اَرتِمس چھے بڑ.³⁵پتہ ووُن شہرکؠو منتظمو لوکھ سرد کرِتھ"ہیے اِفسیُِو!کُس نفر چھنہ زانان زِ افسیوہک شہر بجہِ دؠوی اِرتمس ہنُد مندر تہ تمسنزِ مُورژِ ہنُد حفاظت کرن وُول یُوسہ زِ ؠُوسکہِ طرفہ پیٹھ پؠمژٲس؟

³⁶ادہ ییلہ کانہہ یمن کتھن خلاف ونِتھ چُھنہ ہؠکان تیلہ چُھ واجب زِ توہی رُوزؠو اطمؠنانہ سان تہ سوچنہ وراے مَہ کرؠو کؠنہ.

³⁷تکیازِ ؠِم لوکھ توہہِ یُور انووُکھ، ؠِم نہَ چھِ مندر لوٹن والؠ نہ چھ سانہِ دیوی ہندؠ بے حرُمتی کرن والؠ.³⁸ادہ اگر دیمیتریُوس تہ تمسندی ہمکار کانسہِ پیٹھ دعوىٰ چھ تھاوان تہ عدالت چھے یلہ تہ صوبیدار چھِ موجود، لڑؠو اکھ اکِس ساتؠ مُقدِمہٕ.

³⁹و اگر توہی بیہِ کُنہ کامہ ہنُد تحقیقات چُھو یژھان تیلہ سپدِ بہترین مجلسِہ منز فٲصلہ.

⁴⁰تکیازِ ازکہِ فسادکہِ وجہ ساتؠ چُھ اسہِ پانس پیٹھ تہِ مُقدِمہ گژھُنک خطرہ تکیازِ امؠوک چُھنہ کانہہ وجہی، تہ اتھ صُورتس منز ہؠکو نہ اسؠ امہِ حوالہ کانہہ تہِ جواب دِتھ.

⁴¹یہِ ونِتھ کر تؠمؠ مجلِس اختِتام.

20¹ییلِہ فسادٕہ بؠوٹھ تہٕ پولسن اَنؠٕ ایماندار ناد دِتھ تہٕ کرنکھ نصیحت،تہٕ تمن نِش رخصت نِتھ گو مَکِدُونیہ روانہ.

²تہٕ تؠمہِ علاقہ نؠرِتھ تہٕ تِمن واریاہ نصیحت کرِتھ ووت یونان.

³ییلِہ ترؠن رؠتن تَتِہ رُوزنہٕ پتہٕ جہازس پؠٹھ شام گژھن وول اُوس تہٕ یہودؠو کرٔتس خلاف سازِش.پتہ کور تؠمؠ مشورٕہ زِ مَکِدوُنؠہ کؠنؠٕ گژھٕ واپس.⁴تہٕ بیریِہک سو پَترُس بنِ پُرس تہٕ تھِسلینکؠُو منزٕہ ارِ سترخُس تہٕ سِکُنُدس تہٕ دِربؠہکیٕ گیُوس تہٕ تؠمو تھیس تہٕ آسیہکؠٕ تُخِکس تہٕ ترُفِمُس گےٕآسیاہ تام تس ساتؠٕ.

⁵تہٕ برونٹھ پکِتھ رُودٕی ؠِم اَسِہ ترو آسس منز انتظار کران.

⁶خمیرِ ورأۓ ژوچِہ ہُند نیاز پتہٕ دراۓ اَسؠٕ فِیلّپی پؠٹھ جہازس منز تہٕ واتؠٕ پانژِ دُوہؠٔ پتہٕ تروآس تِمن نش تہٕ ستن دوہن رُودؠٕ تِتھؠٕ.⁷سبکہٕ دوہ شامس ییلہٕ ژوٗٹ فٹراونہٕ باپتھ جمع گے.تہٕ پولسن کرِ دوؠمہ دوہ نیرنُک ارادٕہ کرِتھ تمن ساتؠٕ کتھہٕ.تہٕ رُود نصف رأژ تام کلام کران.

⁸یتھ ہرمِس پُہرکس کمرس منز اَسؠٕ جمع أسؠٕ.تَتِہ أسؠٕ واریاہ ژأنگؠٕ دزان.⁹تہٕ یُوتخس ناوٕہ اکھ جوان اُوس دارِ پؠٹھ بِہتھ.تہٕ تس أس سَکھ نیندر کھسان،ییلہ پولس رُود واریاہس کالس کتھ کران.تہٕ نیندرِ ٹھول ؠِتھ پؠُوسُہ جوان ترؠمہِ پُوہرٕہ پؠٹھٕ بُون.تہٕ ییلِہ تُلکھ سُہ اُوس مومُت.

¹⁰پُولس ووُتھ بون تہٕ رُوٹن نالہٕ متہٕ تہٕ ونُن مَہ کھوژؠُو.أمِس چُھ زُو.¹¹پتہٕ فُٹراونٕ ہؠور کھسِتھ ژوٗٹ تہٕ سُو کھؠتھ رُود یُوتا ژیر تام تمن ساتؠٕ کتھٕ کران زِ گاش پُھول.پتہٕ دراۆسُہ.

¹²پتہٕ اونُکھ سُہ جوان زندٕہ تہٕ تِمن سپُد واریاہ اطمینان.¹³اَسؠٕ گے جہازس منز بُرونٹھ کُن گژِھتھ امِہ ارادٕہ اَسُوس کُن روانہٕ زِ تُور وأتِتھ کھَالووُن پولُس.تکیازِ تؠمؠ اُوس پیدل گژھنُک ارادٕہ کرِتھ ؠُوہے فاصلہٕ کورمُت

¹⁴ادٕہ ییلہ سُہ اَسِہ اَسُوسہٕ سمُکھ تہٕ سُہ کھالِتھ واتؠٕ اَسؠٕ مِتُلینؠ.¹⁵تہٕ تَتِہ پؠٹھ واتؠ أسؠٕ جہازس پؠٹھ روانہ سپدِتھ دُوؠمِہ دوہ خیُوس بُرونہ کنِہ.تہٕ ترؠمِہ دُوہ واتؠٕ سامُوس تام تہٕ بیکہِ دوہ واتؠٕ مِیلیتُوس.

¹⁶تکیازِہ پولسن اُوس یِہ فاصلہ کورمُت زِ افسُس کؠنؠٕ نؠرتھ گوژھنہٕ یہ سپُدن زِ تس لگہِ آسیاہس منز ژِیر.توہۓ اُوس سُہ جلدی کران زِ اگر ہؠکہے سپدِتھ یروشلمس منز منباوہ ہو عیدِ پنتیکوسُت.¹⁷تہٕ تؠمؠ سُوز میلیتُوس پؠٹھٕ اِفسُس شیچھ تہٕ کلیسیا ہکؠن زِ ٹھین سوزُن ناد.

¹⁸ییلہ تم تس نِش آۓ.تہٕ تمن ونُن توہی چُھو پانہٕ زانان زِ گوڈکِہ دوہ پؠٹھے ییلِہ مےٕ آسیاہس منز قدم تُھوو تہٕ پریتھ ساتہٕ کِتھٕ کنؠ رُودس تُوہِہ سأتؠٕ.

¹⁹یعنی کمال ضروتنی سان تہٕ عُوش ہأرٕی ہأرٕی تہٕ تمن آزمأیشن منز ؠمہٕ یہودین ہنٔزِ سأزشہِ کؠنؠٕ مؠے پؠٹھ واقع سٔپزٕہ رودُس خداوندٕہ سٔنز خدمت کران.

²⁰تہٕ ؠِمہٕ کتھٕ تُہندہ فایٔدہ باپتھ آسہٕ تِمہٕ ننِہ وانہٕ بیان کرنس تہٕ گھرٕہ گھرٕہ ہؠچھناونس رُودس نہٕ بو زانہ تہِ پتھ.

²¹بلکہ رودُس یہودؠن تہٕ یونانؠن رُوبرو گواہی دوان.زِ خداؠس برونہ کنہِ کرؠُو توبہٕ تہٕ سأنِس خداوندِ عيسٰى مسیحس پؠٹھ گژِھ اؠمان انُن.²²تہٕ ونؠٕ وچھؠُو بُو چُھس رُوح ساتؠ گنڑنہ آمُت.تہٕ بُو چُھس ؠروشلم گژھان تہٕ کیا پتہ زِ تَتِہ کیاہ گزرِ مؠے پؠٹھ.

²³امِہ ورأۓ زِ رُوح القدُس چُھ پرؠتھ شہرس منز گوہی دِؠ دِؠ مؠے ونان زِ"قأد تہٕ مصیبت چِھ چانِہ خاطرٕہ تیار.

²⁴مگر بُو چُھسنہ پنُن پان ٹوٹھ سمجھان زِ أمِچ کرٕہ بُو کؠنہ قدر.بجاۓ أمکہِ زِ پننٕی ذِمہ دأرِی تہٕ سُو خدمت کرٕہ پورٕہ یُوسہٕ مےٕ خداوند عيسٰى مسیحس نِشہٕ حاصِل چھے کرمژ.یعنی خداۓ سنٔزِ فضلچِ خوشخبری ہنٔز دِمہٕ گواہی.²⁵تہٕ ونی وچُھؠو بُو چھس زانان زِ توہی سأرٕی یمن منز بو خداؠٔ پادشاہی ہُند اعلان کران فؠورُس.وچھؠُونہ مؠون بُتھ دوبارٕہ کؠنہ.

²⁶ادٕہ ازکِہ دوہ چُھسو بُو تُوہِہ قطعی ونان زِ بُو چُھس تمام انسانن ہنٔدِ خونہٕ نِشہٕ پاک.

²⁷تکیازِ بو رُودسنہ پتھ خدایہ سنٔز سأری مرضِی پورٕہ پأٹھؠٕ توہِہ نِش بیان کرنس.²⁸ادٕہ پننٕی تہٕ تؠمہِ سارےٕ کھِؠلِچ کرزؠو خبر گیری ؠمکؠٕ نگہبان تُوہیٕ رُوح القُدسن بناؠٔ متیٕ چُھو.تاکہ کلیسیاء ہنٔز رأچھ کرؠو یُوسہٕ تؠمؠٕ خاص پننِہ خونہٕ ساتؠٕ مولؠٕ ہؠژ.

²⁹بُو چُھس زانان زِ میانِہ گژھنہٕ پتہٕ یِن تُوہِہ منز وحشی راصہٕ ہُونؠٕ.ؠمن نہٕ کھؠلِس پؠٹھ کانہ تہِ عار یؠنہٕ.

³⁰تہٕ خُود وتھن توہۓ منزٕہ تِتھ نفر ؠِم فِرٕہ تُھر کتھہٕ ونَن یوتھ زےن شاگرِدن پانس کُن فِرَن.³¹لہزا روز زؠو ہوشیار.تہٕ یاد یاد تھایُو زِ بُو آسنہٕ ترؠن ورؠن تام راتس دُوہس اُوش ہأریٕ ہأریٕ پرؠِتھ اکِس سمجھا ونہٕ نِشہٕ باز.

³²ونیٕ چُھسو بُو تُوہی خداؠس تہٕ تمسنٔدِس فضلکِس کلامس حوالہٕ کران.یُوس تُہنز ترقی ہؠکہ کرِتھ تہٕ تمام مُقدّسن منز شریک کرِتھ ہؠکؠو میراث دِتھ.³³مؠے کرٔنہٕ کانسے ہنٔدؠن پأنسن یا پلوَن ہنٔز لالٕچ

³⁴توہی چُھو پانہ زانان زِ ؠمو اتھو کرٔی میأنؠٕ تہٕ میانؠن سأتِھِؠن ہنٔدٕؠ حاجت پورٕہ.

³⁵مؠے دِژمَو توہِہ سارے کتھٕ کرِتھ ہأیِتھ زِ یتِھ کنؠٕ گژھن محنت کرتھ کمزور سمجھانؠٕ تہٕ خداوندِ عيسٰى سنٔزِہ کتھٕ گژھن یاد تھاونہٕ تؠمؠٕ چُھ پانہٕ ونمُت زِ"دیُون چُھ ہؠنہٕ نِشہٕ بہتر".³⁶یِہ ونِتھ نمؠو سُہ کوٹھؠِن پؠٹھ تہٕ کورُن سأرنؠٔ سأتؠٕ دُعا.

³⁷تہٕ تِمو سألمو وُد سؠٹھا.تہٕ رُوٹک پولُس نالہٕ متہٕ تہٕ کرِہس بُوسہٕ.

³⁸تہٕ خاص کرِتھ أسؠ یتھ کتھِ پؠٹھ غمگؠن.یُوسہٕ تؠمؠٕ أس ونمژٔ."زِ توہیٕ وچھؠونہٕ دوبارہ مؠون بُتھ کؠنہ"پتہ واتنو وُکھ سُہ جہازس تام.

21¹تہٕ ییلِہ أسؠٕ تمن نِش بشکلِ جُدا سپدِتھ جہازس پؠٹھ روانہٕ گے تہٕ سپُد یہ زِ اَتؠٕ واتؠٕ سیزِ وتِہ کوسَس منز تہٕ دؠمِہ دُوہ رُدُسَس منز تہٕ تَتِہ پؠٹھٕ پترہَس منز.

²پتہٕ سمُکھ اکھ جہاز یتھ سیُود فِنیکیا گژُھن اُوس تہٕ کتھؠٕ تَتھ تہٕ دراۓ.³ییلِہ کُپُرس نظرِ گو تہٕ سُہ کُھوورؠٕ کؠنؠٕ ترأیِتھ دراۓ شام کن تہٕ وَتھؠٕ صُورٕہ تکیازِ تَتِہ اُوس جہازس مال والُن.

⁴یلِہ شاگرد ژھأنڑؠٕ تہٕ أسؠٕ رُودؠٕ تَتِہ سَتن دُوہن.تمووُن روحکِہ ذریعہ پولُسس زِ یروشلم تھاؠزؠنہٕ قدم.⁵ییلِہ تِم دوہ اند واتؠٕ سپُد یہ زِ أسؠٕ سپٔدٕؠ نؠرِتھ روانہٕ تہٕ تمو سالمو پننِہ زنانہٕ تہٕ شُرٕؠ ہؠتھ سمِتھ واتنأؠِکھ أسؠٕ شہرٕہ نؠبر تام.پتہٕ کور اَسِہ سمندر بٹھِس پؠٹھ کوٹھؠن پؠٹھ بہتھ دُعا.

⁶تہٕ اکِس بؠیِس رخصت ہؠتھ کتھؠٕ أسؠ جہازس.تہٕ تِم گے پنُن گھرٕہ واپس.⁷تہٕ شام پؠٹھٕ جہازُک سفر پورٕہ کرِتھ وأتؠٕ أسؠٕ پتلُومیس شہرس منز.تہٕ کرٔ بایٔن سلام تٕہ تِمن سٲتؠ رُودؠ اکِس دوہَس.

⁸دوؠمہ دُوہ دراۓ أسؠٕ تہٕ واتؠٕ قیصر یا منز.وتھؠٕ تہٕ رُودؠٕ فِلپُّس مُبشرس ساتؠٕ یُوس ستَو منٔزٕہ اُوس.تمسنٔدِہ گھرِہ.

⁹تس آسہٕ ژور انہرشِہ کورِہ،ؠمہٕ نبوت آسہٕ کران.¹⁰تہٕ ییلِہ أسؠٕ تَتِہ واریاہَن دُوہَن رُودؠ تہٕ اکھ نبی آۆ اگؠُوس ناوُک یہودیایہ پؠٹھٕ.

¹¹اَسِہ نِش یِتھ نؠو تمؠٕ پُولُس سُند کمربند تہٕ پننؠٕ اتھٕ کھۆر گنڑِتھ ووُنن رُوح القُدس چُھ ؠتھٕ کنؠٕ فرماوان.زِ ؠمِس شخصہ سُند یہ کمربند چُھ تس گنڑن ؠروشلمس منز یہودٕی ؠتھےٕ پأٹھؠٕ.تہٕ کرنس غأر قومن حوالہٕ.¹²یِہ برزِتھ کور اَسِہ تہٕ تَتِکیُو لوکو تس زارہٕ پارٕہ زِ ؠروشلم مَہ گژَھ.

¹³مگر پولُسن ووُن درجواب زِ توہیٕ کیا چُھو کران؟کیازِ چھو ودنہٕ ساتؠٕ مؠون دل فُٹراوان؟بُو چُھسنہ ؠروشلمس منز عيسٰى سنٔدِ ناوٕہ نَہ صرف گنڑنہٕ باپتھ بلکہ چُھس مرنہٕ باپتھ تہِ تیار.

¹⁴ییلِہ نہٕ تؠمؠٕ مُۆن تہٕ اَسِہ کرٔیِہ ونِتھ ژھوپہٕ زِ خداوند سنٔز مرضِی سپدِن پورہٕ.¹⁵تمو دُوہو پتہٕ گۓ أسؠٕ پننِہ سفرُک سامانہٕ تیار کرِتھ ؠروشلم.

¹⁶تہٕ قیصر یا پؠٹھٕ تہٕ دراۓ اَسِہ ساتؠٕ کؠنہ شاگرد.تہٕ اکھ پُرون شاگرِد مَناسُون و کپُری اُون پانس ساتؠٕ تاکہِ أسؠٕ سپدَو تمسنٔدِ گھرِہ مہمان.¹⁷ییلِہ أسؠٕ ؠروشلم واتؠٕ تہٕ بایو کور اَسِہ خوشی سان استقبال.

¹⁸تہٕ دوؠمِہ دُوہ گو پولس اَسِہ ساتؠٕ یعقوبس نِش تہٕ تَتِہ أسؠٕ سأرِؠ بزرگ حاضِر.

¹⁹تِمن سلام کرِتھ کورُن اکِہ اکِہ کرتھ بیان یہ کینژھا خداؠن تَمسٔنزِ خدمتہٕ ساتؠ غیر قومن منز کورمُت اُوس.²⁰تمو وُن تس یِہ بوزِتھ خدایہ سنٔدٕؠ تعریف کرِتھ.ہے بھایا ژٕہ چُھکھ وُچھان زِ یہودیومنزٕہ چُھ ساسہٕ بدؠو نفرو اؠمان اونمُت.تہٕ سارؠٕ چھم تِم شریعتکس بارس منز غأرت مند.

²¹تہٕ تِم چِھ ژٕے مطلق ہؠچھناونہٕ آمتؠٕ زِ ژٕہ چُھکھ غأر قومن منز روزن والِؠن سارنؠٕ یہُودؠن یہ ونان زِ نَہ مہٕ کرؠو پنؠن لڑکن ختنہ،نَہ مہٕ پکؠو مُوسوی رسوماتن پؠٹھ.²²اتِی کیا ییِہ کرنہٕ؟لوکھ بوزَن ضرور زِ ژٕہ چُھکھ آمُت.

²³لہزا یِہ أسؠٕ ژِے ونان چھِؠ تِہ کر.اسہِ چِھ پتِہ ژُور نفر تِتھ یمو مِنّت چھے مأنمژٔ.

²⁴تِم پانس ساتؠٕ نِتھ کر پنُن پان پاک تمن ساتؠ تہٕ تہٕ تہندٕہ باپتھ کر کؠنہ خرچ.تاکہ تِم کاسناون مَس.تہٕ سارنؠٔ ترِفکرِہ زِ ؠمہٕ کتھہٕ چأنِس بارس منز تِم ہچھناونہٕ آمتؠٕ أسؠٕ.تِم چھے اپُز.بلکہ چُھ ژٕتہِ شریعتس پؠٹھ عمل کرِتھ ٹھیک پاٹھؠٕ پکان²⁵مگر غأرقومو منزٕہ ؠمو اؠمان اُون تہندِ باپتھ اُوس اَسہِ یِہ لؠوکھمُت زِ تِم ٹھأؠِن صرف پُوتلِؠن ہنٔدِ قُربان مازٕہ نِشہٕ تہٕ خونہٕ تہٕ ہُوٹ چیر متؠو جانورو تہٕ حرامکأرِی نِشہٕ پنُن پان بچأؠِتھ.

²⁶اَتھ پؠٹھ نِی پولُسن تِم نفر پانس ساتؠٕ تہٕ دوؠمہِ دُوہ سپُد تمن ساتؠٕ پنُن پاک کرِتھ ہؠکلِ منز دأخٕل.تہٕ دِژٕن خبر زِ یوتام نہٕ اسِہ منز پرؠتھ اکؠٕ سُند نیازِ یؠِہ کھلنہٕ زِ پاک گژھنکؠٕ دُوہ سپدن پورٕہ.²⁷ییلِہ تِم ستھ دوہ پورٕہ سپدن والؠٕ أسؠٕ.تہٕ آسیاہکؠو یہودؠُو وچُھ سُہ ہیکل منز تہٕ تُلکھ سارنیٔ لوکُن منز ہنگامہٕ کرِتھ شور تہٕ روٹُکھ نومہٕ کریکِہ دِتھ.

²⁸زِ ہے اسرائیلیو! مرد کرؠو.یِہ چُھ سُوۓ نفر ؠُوس پرؠتھ جایِہ سارنۓ نفرن تہٕ اُمّتس تہٕ شریعتس تہٕ یَتھ مُقامَس خِلاف تعلیم چُھ دوان.بلکہ انؠٕ اَمؠٕ یونانؠٕ تہِ ہؠکِل منز تہٕ یہ پاک مقام کرُن ناپاک

²⁹تمو اُوس اَمِس برونہ ترفیمس الیغسی تس ساتی شہرس منز وُچھمت.تسؠٕ مطلق کور تمو خیال زِ پُولَس آۆ سُہ ہؠتھ ہؠکلِ منز.³⁰تہٕ تمام شہرس منز وُتھ ہنگامہ.تہٕ لُوکھ گے دوران دوران جمع.تہٕ رٹُکھ پولُس تہٕ کُوڑ کھ ہؠکلِ ہنٔزِ پھاٹکِہ نِشہ نؠبر کھکھرِہ.تہٕ دروازٕہ آۓ فوراً بند کرنہٕ.

³¹ییلِہ تِم تس أسیٕ ؠژھان قتل کرُن.تہٕ یِہ خبر واژ ہؠُور پلٹنکِس سردارس نِش"زِ تمام ؠروشلمس منز چُھ ہنگامہٕ وتھمُت.³²سُہ ووُتھتمے ساتہٕ سپاہ تہٕ صو بیدار ہؠتھ تِمن نِش ڈوان ڈوان بُون.تہٕ سُہ پلٹنک سردار وچھتھ آۓ تِم باز پُولُسس مارپؠٹ کرنہٕ نِشِہ.

³³اتھ پؠٹھ کورسُہ پلٹنکؠٕ سردارن نزدیک یِتھ گرفتار.تہٕ دویُو زنجؠرو ساتؠٕ گنڑنُک حکم دِتھ لوگُس پرژھنِہ"زِ یِہ کُس چُھ تہٕ أمؠٕ کیا چُھ کورمُت.³⁴ہجومہٕ منزٕہ تُجِہ کینژھو کرؠکہٕ تہٕ کِنژھو ہؠوکنٕہ ہنگامکِہ وجہ کانٛہہ پوز ثابِت کرِتھ.پتہ دیوتُن حکم زِ یہِ نِؠووُن قلعس منز.

³⁵ییلِہ ہؠرن نِش ووُت تہٕ ہجومچہِ زبردستی ہنٔدِ سببہٕ پؠُوسُہ سپاہَن تُلِتھ نؠون.

³⁶تکیازِ لوکن ہُند ہجوم اُوس پتہ پتہ پکِتھ نومہٕ کرؠکہٕ دِوان زِ یِہ کرِٔوُن ختم.³⁷تہٕ ییلہ تِم پولُسس أسیٕ قلعس منز پکناوان تہٕ تؠمؠٕ ووُن پلٹنکِس سردارس زِ کیا مےٕ چھا اجازت زِ ژٕے ونےٕ بُو کؠنہ؟تؠمؠ ووُنس کیا ژٕہ چُھکھا ؠونأنؠٕ زبان زانان.

³⁸کیا ژٕہ چُھکھنا سُہ مِصرِی کؠنہ،یُوس ؠمہِ برونہ غازِؠُو منزٕہ ژور ساس دہشتگرد ہؠتھ گو جنگس منز.³⁹پولُسن ووُن.بُو چُھس یہودٕی نفر کلِکِیا ہکہ مشہور شہر تر سُوسک باشندٕہ(رُوزن ووُل).بو چھسۓ ژے زارہٕ پارٕہ کران زِ مےٕ دِہ لوکن ساتؠٕ کتھٕ کرنُک اجازت.

⁴⁰ییلِہ تؠمؠٕ تس اجازت دُؠوت تہٕ پولُسن ہُوو ہؠرِ پؠٹھ کھڑا سپدِتھ لوکن اتھٕ ساتؠٕ اشارٕہ.ییلِہ تمو ژھوپہٕ کرٔ تہٕ لوگ عِبرانی زبأنِہ منز ؠتھ کنؠٕ وننِہ زِ.

22¹ہیے بایُو تہ بزرگو!میُون عزُر بُوزؠو یُوس بُو توہہ ونؠ ونان چھُسو.

²ییلہِ تمو بوز زِ یہ چُھ اسہِ ساتؠ عِبرانؠ زبانؠ منز کتھ کران تمو کر بؠہن ژھوپہٕ.³بُو چُھس یہُودی کلِلیاہکِس شہر ترسُوسَس منز زامُت مگر میانؠ تربیت سپز یتھ شہرس منز گملؠ ایل سندین قدمن منز تہ مے کر آباواجدادن ہنز شریعتچ خاص پابندی ہنز تعلیم حاصِل تہ خدایہ سنز وتہِ منز اُوسُس یُوت غٲرت مند یِتھ توہی ساری ازکہِ دوہ چُھو.

⁴چنانچہ مے چھِ مرد تہ زنہِ گنڈؠ گنڈؠ تہ قٲدخانن منز تھاؠؠ تھاؠؠ مسیح طریقہ والؠ یَتھ حَدس تام ستاؠمتؠ زِ مارنٲیِم تہِ.

⁵حالانکہ زِٹھؠ کاہن تہ ساری بزرگ چھِ مؠانؠ گواہ زِ تمو نِشہ نِتھ بھاؠن ہندِ ناوہ خطہؠتھ دراس بُو دِمشق تاکہ ییتؠاء تَتہِ آسن تِم تہ انکھ بُو گنڈِتھ یروشلمس منز تہ دیاوَکھ سزا.⁶ییلہِ بُو سفر کران دِمشق نزدیک ووُتُس سپُد یہ زِ دوپہرس قریب چمکؠو یکایک آسمانہ پیٹھ اکھ بوڈ نور مے اندؠ اندؠ.

⁷تہ بُو پیُوس پتھر تہ بُوزم یہ آواز زِ ہیے ساۆل، ہیے ساۆل ژہ کیازِ چُھکھ مے ستاوان؟

⁸مے دیوت جواب زِ ہے خداوند ژہ کُس چُھکھ؟ تؠمؠ ووُن مے بُو چُھس عيسىٰ ناصری یوُس ژہ ستاوان چِھہن.⁹تہ میانؠو ساتھؠو وُچھ نور مگر یُوس مے ساتؠ کتھ اُوس کران تمسنذ آواز بُوز کھنہ.

¹⁰مے دوُپس ہیے خداوندا بُو کیا کرہ؟ تؠمؠ ووُن وَتھ گژھ دِمشق. یہ کینژھا ژے کرنہ باپتھ مقرَر چُھ سپدمُت تَتہِ یییی ژے سورے وننہٕ.

¹¹ییلہ نہ مے نورکہِ جلالہ ساتؠ کِہِین تہ اتھِ آۆ تہ میانؠو ساتھیو نیوس بُو اتھس تھپھ کٔرِتھ دِمشق.¹²تہ حننیاہ ناوہ اکھ شخص یُوس شریعتہ مطابق دیندار تہ تَتکین سارنؠ روزن والین یہُودین منز نیک نام اُوس.

¹³آۆ مے نِش تہ استادہ رُوزتھ ونُنم ساۆل بایا دوبارہ سَپد گاشدار. تہ تمے ساتہ آۆ مے اچھن گاش تہ مے وچُھ سُہ.¹⁴تؠمؠ ووُن سانین آباواجدادن ہندؠ خداین چُھکھ امہِ خاطرہ مُقرَر کورمُت زِ ژہ زانکھ تمسنز مرضی تہ تمسنز راست بازی وُچھکھ تہ تمسندِ ٲسچ آواز بوزکھ.

¹⁵تکیازِ تمسندہ طرفہ آسَکھ ژہ تمام انسانن برونہہ کنہ تمن کتھن ہنُد گواہ. ؠمہِ ژے وچھؠتھ تہ بوزَتھ.

¹⁶ونؠ کیازِ چُھکھ ژیر کران؟ وَتھ بپتسمہ نِہ تٕہ تمسنُد ناۆ ہؠتھ چھل پننؠ گناہ.¹⁷ییلہ بُو دوبارہ یروشلم یِتھ ہؠکلِ منز دُعا اُوسس کران تہ سپُد یہ زِ بُو گوُس بے ہُوش.

¹⁸تہ وچُھم سُہ، زِ مے چُھ ونان کر جلدی تہِ فوراً نیر یروشلمہ منزہ تکیازِ تِم کرن نہ میانِس حقس منز چانؠ گواہی قبول کؠنہ.¹⁹مے دوپُس ہے خداوند تِم چھ پانہ زانان زِ ؠمو ژے پیٹھ چُھ ایمان اُونمت بُو اوسکھ تِم قاد کرناوان تہ جایہ جایہ اُوسکھ عبادت خانن منز لاؠناوان.

²⁰تہ ییلہ چانِس شہید ستِفَنُسس خون اُوس یوان کڈنہ تہ بوتہ اُوسس تَتہِ کھڑا تہ تمسندِس قتلس پیٹھ راضی بیہ اُوسس بُو قاتِلن ہندین پلون راچھؠ کران.

²¹تؠمؠ ووُن مے گژھ. بُو سُوزتھ ژہ دُور دُور غٲرقومن نِش.²²تِم اسؠ اتھ کتھِ تام بوزان پتہ تُجِ تمو بڑِ کریکھ زِ یُوتھ شخص کرووُن زمینہ پیٹھ فَنا. امسند زندہ روزن چُھنہ جان.

²³تہ ییلہِ تِم کریکہ لایان تہ پننؠ پلَو چھکانبتہ لژھ ٹُھکان اسؠ.

²⁴تہ پلٹنکؠ سردارن دیُوت حُکم زِ یہِ نِؠوُون قلعس منز تہ کوڑہ والِتھ ہؠُووس بیان تاکہ مے لگہ پے زِ تِم کتھ وجہس پیٹھ چھ تس خلاف کرؠکھ دوان.²⁵ییلہِ تمو سُہ رزَو ساتؠ گچنڈ تہ پولُسن ووُن تس سپاہس یُوس تس نِش کھڑا اُوس کیا جایز چھا زِ اکس روُمی نفرس والؠو کوڈہ؟ تہ سُوتہِ قصُور ثبت گژھنہ وراے؟

²⁶سِپاہ گو یہِ بوزِتھ پلٹنکِس سردارس نِش تہ دِژنس خبر زِ ژہ کیا چُھکھ کران؟ یہ ہے چُھ رُومیِ نفر.²⁷پلٹنکؠ سردارن ووُن تس نِش ہِتھ مے ون کیا ژہ چُھکھا رُومی؟ تؠمؠ ووٚن اوے.

²⁸پَلٹنکؠ سردارن وونُس درجواب زِ مے کور بوڈ رقم دِتھ روُمی آسنُک مرتبہ حاصل پولُسن دوپس بُو چُھس پیداشؠ.

²⁹ادہ یُوس تس پُرژھہ گار کرن ووُل اُوس سُہ گو فوراً تس نِش دوُر تہ پلٹنک سردار تہِ کھوژ یہِ زانِتھ زِ یُوس مے گنڈنُو سُہ چُھ رُومیِ.³⁰تؠمؠ کور سُہ یلہ صُبحس یہ پوز پے کرنکہ ارادہ زِ یہُودی کیا الزام چھ تس دوان تہ دیوتُن حکم زِٹھؠ کاہنن تہ سارنؠ صدرِعدالت والین جمع سپُدنک تہ کورن پولُس بون نِتھ تِمن برونہہ کنہِ کھڑا._

23¹صدرعدالت والین کُن غورہٕ سان وچھتھ ووُن پولُسن ہیے بایُو! مے گزار ازتام سؠٹھا نیک نیتی سان خدا سندِ باپتھ عُمر.

²کاہنِ سردار حننیاہن دیوت تِمن ؠِم تس نِش کھڑا اسؠ حکم ز امسندِس بُتھِس والیُو چپاتھ.

³پولُسن دُوپ تس ہیے سفید گامتِہ دیوارہ."خدا لٲیِی ژے" ژہ ہے چُھکھ شریعتہ مطابق مؠون انصاف کرنہِ بؠوٹھمت تہ کیا شریعتس خلاف چھکھا مے لاینُک حکم دِوان⁴ؠم تس نِش کھڑا اسؠ تمو ووُن تس، کیا ژہ چُھکھا خدایہ سندِس کاہن اعظمس خلاف وُلٹہ ونان؟

⁵پولُسن ووُن ہیے بایُو مے چھؠنٕہ پتٕہ زِ یِہ چُھ کٲہِنِ اعظم. تکیازِ لؠکھتھ چُھ زِ پننِس قومکس سردارس مَہ ون ژہ ولٹہ.⁶ییلہ پولُسن یہِ معلوم کور زِ کؠنہ چھ صدُوقی تہ کؠنہ فریسی تہ وُون عدالتس منز کریِکھ دِتھ ہے بایُو. بُو چُھس فریسی تہ فریسؠن ہنُد اولاد. مے پیٹھ چُھ مقدِمہ سپدان موردن ہنزِ امیدِ تہ قیامتکِس بارس منز.

⁷ییلہِ تؠمؠ یہ ووُنتہ فریسین تہ صدوقین منز سپُد اختلاف تہ مجلس منز پؠو پھُوٹ.

⁸تکیازِ صدوقی چِھ ونان نہ گژھِ قیامت نہَ چُھ کانہہ فرشتہ نہَ روح مگر فریسی چھ دوشونؠ ہنُد اقرار کران.⁹اتؠ سپُد زبردست شور، تہ فریسی فرقہ منزہ وتھؠ کؠنہ عالم تہ لگؠ یہ ونِتھ لڑاؠی کرنہِ زِ امِس نفرس منز چھنہ اس کانہہ غلطی لبان.واگر کانسہ روحن یا فرشتن امِس ساتؠ کلام کورمُت آسہِ تہ پتہ کیا؟

¹⁰ییلہِ زبردست تکرار سپُد تہ پلٹنکؠ سردارن دیوت امہِ خوفہ زِ ونکؠن ؠِن پولسس پھلؠ کرنہ.فوجس حکم زِ بون وستھ کڈِوُون زبردستی سُہ تمو منزہ تہ نؠوُون قلعس منز.¹¹تمے راژ گو خداوند تس نِش یِتھ استادہ تہ ونُنس دل تھاۆ دُور، زِ یتھ پاٹھؠ ژے میانہ باپتھ یروشلمس منز گواہی دژمژ چھے تِتھے پاٹھؠ پؠیؠ ژے روماہس منز تہ دِنؠ¹²ییلہ دوہ پُھول تہ یہُودؠو ووُن یَکُت کرِتھ تہ لعنُتک قسم کِھؠتھ زِ ؠوتام نہ اسؠ پولُس قتل کرہ وُون نہَ کھؠمو کؠنہ نَہ چؠمُو.

¹³تہٕ ؠمو پانہ وانؠ یہ سازِش کر تِم اسؠ ژتجؠ کھوتہ زیادہ.¹⁴اتؠ ووُن تمو زِٹھؠ کاہنن تہ بزرگن نِش گژِھتھ زِ اسِہ چُھ سخت لانتُک قسم کھؠومت زِ یوتام نہ پولُس قتل کروُون نہ کھؠمو کؠنہ نہ چؠمو.

¹⁵ادہ کرؠو ونؠ تُوہی صدرِ عدالت والؠن ساتؠ رلِتھ پلٹنکِس سردارس گزارش زِ تس انن توہہِ نِشہ زنتہِ چُھو تُوہی تمسندِس معاملس منز زیادے پہن یژھان حقیقت معلوم کرنؠ. تہ اسؠ کرو تمسندِ واتنہ بُرونہے سُہ قتل کرنچ تیاری.¹⁶مگر پولُس سنُد بینتھر آۆ تِہنذِ چھین جایہِ ہنُد حال بُوزتھ تہ دِژن قلعس منز گژِھتھ پُولسس خبر.

¹⁷پُولُسَن اُوٚن صوبیدارو منزہ اکِس ناد دِتھ یہ جوان نِن پلٹنکِس سردارس نِش یہ چُھ تس کؠنہ ونُن یژھان.¹⁸اتؠ نیو تؠمؠ سُہ پلٹنکس سردارنِش تہ وننس زِ پولُس قٲدیِن کر مے ناد دِتھ گزارش زِ یہ جوان اَنن بُو ژے چھؠ کؠنہ ونُن یژہان.

¹⁹پلٹنکؠ سردارن کر تس اتھس تھپ تہ الگ کُن نِتھ پُرژھنس زِ مے کیا چُھکھ ژہ ونُن یژھان.²⁰تؠمؠ وُن یہُودی کرنے ژے یَکُت کرِتھ درخواست زِ پگاہ انُن پولُس صدرعدالت منز زنتہ چُھکھ ژہ تمسندِ حالتک بیہِ تہِ تحقیقات کرُن یژھان

²¹مگر ژہ مانزِ ینہ تِہُند کؠنہ تکیازِ تمو منز ژتجؠ کھوتہ زیادہ تِمس زاگہِ، ؠمو لعنتُک قسم چھ کھؠومُت زِ یوتام نہ تس قتل کرَن نَہ کھؠن کؠنہ نہ چؠن کؠنہ. تہ ونؠ چھ تِم تیار صرف چُھکھ چانہِ وعدس پراران.²²ادہ کُور سردارن سُہ یہ حکم دِتھ رخصت زِ کانسے ونزیِنہ زِ ژے ووُنتھ مے یہِ.

²³تہ دوُن صوبیدارن وونُن پانس نِش ناد دِتھ زِ"زہ ہتھ سِپاہ تہ ستَتھ سوار تہ زہ ہتھ نیزہ بردار، تھاؠو وُکھ راژ پہرہ قیصریاہ گژھنہ موکھہ تیار.

²⁴تہ حکم دیوتُن زِ جانور تہ تھایُووکھ حاظر پولُس سنزِ سوارِ باپتھ یُوتھ زن تس فیلِکس حاکمس نِش سلامتی سان واتناون.²⁵تہ لیُوکھُن ؠمہِ مضمُونک خط.

²⁶کلودیُس لوسیاسُک معزر فیلِکس حاکمس سلام.

²⁷یہُودی چِھ ؠمس نفرس رٹِتھ ماران یژھان مگر لوگ پے زِ یہِ چُھ روُمیِ تہ بُو آس فوج ہؠتھ تہ بچووُم.²⁸یہ ییلہ مے زانن یوژھ زِ امس پیٹھ کؠمہ وجہ چُھ تمو مقدمہ کورمُت تہ مے کور سُہ عدالتس منز پیش.

²⁹مے لوگ پے زِ تِم چھ پننؠو شریعتکیو مسائِلو مطلق تس پیٹھ مقدمہ کران. مگر امؠ سنُد چُھنہ تیوتھ کاننہ الزام ؠمہِ کنؠ یہ قتلس یا قاد کرنس لایق چُھ.

³⁰تہ یلہ اطلاع سپُد زِ امِس نفرس خلاف چھے سازش سپدن واجن تہ مے سُوز یہِ فوراً ژے نِش تہ امہِ سندین مُدّعیین تہِ دیوتُمت زِ ژے برونہہ کنہِ کَرن امس پیٹھ دعوىٰ.³¹ادہ حکمہ موافِق نیُو سپاہؠو پولُس راتورات تہ واتنووکھ انتیتیرسس منز.

³²تہ دوؠمہِ دوہ سوزِکھ سوار تس ستؠ گژھنہ باپتھ پانہ آے قعلس منز واپس.

³³تمو دیوت قیصریا واتِتھ خاکمس خط تہ پولُس تہِ کورُکھ تس برونہہ کنہِ حاضر.³⁴خط پرِتھ پرُوژھ تؠمؠ زِ یہ کؠمہ صوبُک چُھ؟ تہ یہِ معلوم کرِتھ زِ کلیُہک چُھ.

³⁵تس ونُن زِ ییلہِ چانؠ مُدّعی تہِ حاضر سپدن.بُو کرے ژے مقدمہ تہ دیوتُن حکم سُہ ہیرودیس سندِس قلعس منز قٲد تھاوُنک.

24¹پانژِ دوُہؠ پتہ ووت حننیاہ سردار کاہن کینٛہہ بزرگ تہ ترِطُلس ناو اکھ وکیل ہؠتھ تہ تمو کور حاکمس برونہہ کنہِ پولُسَس خلاف فریاد.

²ییلہِ تس ناد دِنہ آۆ تہ ترِطُلُس لوگ الزام دوان وننہِ ز ہیے فیلِکس بہادُر! اسؠ چھِ چانہِ ذریعہ بڑہ امنس منز. تہ چانہِ دور اندیشی ساتؠ چُہ ؠمہ قومکہِ فایدہ باپتھ خرابیَن پیٹھ اصلاح سپدان.

³اسؠ چھ پرؠتھ رنگہ تہ پرؠتھ چانؠ شکر گزار تہ احسان منز.⁴مگر اوہ موکھ زِ ژے دِمنہ بُو زیادہ تکلیف لہذا چُھسے بُو ژے مِنّت کران زِ مہربانی کرِتھ بوز سانہِ اکھ ز کتھ.

⁵تکیازِ اسہِ لوُب یہ شخص فساد کرن وول تہ دنیاہکین تمام یہُودین منز فِتنہ تُلن وول تہ ناصریین ہندِ بدعتی فرقُک سرغنہٕ.

⁶امؠ اس ہیکلِ تہ ناپاک کرنچ کوشش کرمژ تہ اسہِ روٹ یہِ تہ اسہ دوپ اسؠ کرو امِس پننہِ شریعتہ مطابق عدالت.⁷مگر یہ نُؠو بڑہ زبردستی سان ؠتھ لوسیاس سردارن سانہ اتھِ منز چھِؠنِتھ.

⁸تہ امسندین مُدّعِیَن دیوتن حکم زِ ژے نِش گژھن تہ امسؠ نِش تحقیق کرِتھ ہؠککھ تِمن تمام کتھن ہند معلوم کرِتھ، ؠمن ہنُد امِس پیٹھ اسؠ الزام لگاوان چھِ.

⁹تہ باقؠ یہُودیو تہِ ووُن اتھ دعوہس منز منفق آسِتھ زِ ؠمہ کتھ چھے ؠتھے پاٹھؠ.¹⁰ییلہِ حاکمن پولُسس ونُنک اشارہ کور، تہ تؠمؠ دیوت جواب چونکہ بوچُھس زانان" زِ ژہ چُھکھ واریاہُو ورؠو پیٹھ ؠمہِ قومچ عدالت کران لہذا چُھس بُو پانے پنُن عذُر بیان کران

¹¹زِ باہ دوہ کھوتہ زیادہ سپدنہ زِ بُو اُوسس یروشلم عبادت کرنہِ گومُت ژہ ہؠککھ معلوم کرِتھ.

¹²تہ یمُو وچُھس نہ بو ہیکلِ منز کانسے ساتؠ نہ بحث کران یا لوکن فساد کرناوان نہ عبادت خانن منز نہ شہرس منز.

¹³تہ نَہ ہیکن ؠِم ژے برونہہ کنہِ تِمہ کتھ ثابت کرِتھ ؠمن ہنُد مے پیٹھ ونؠ الزام لگاوان چِھ.¹⁴مگر ژے برونہہ کنہِ چُھس بو یہ اقرار کران زِ یتھ طریقس تِم بِدعت چِھ ونان تَتھؠ مطابق چُھس بُو پننین آباواجدادب ہندِس خداے سنز عبادت کران بیہِ یہ کینژھا توریتِ تہ نبیین ہندین صحیِفن منز لیکھِتھ چُھ تَتھ سارسؠ پیٹھ چُھ میون ایمان.

¹⁵تہ تمے کتھِ ہنُد چُھس خدایس نِش اُمید تھاوان ؠمسندؠ تِم پانہ تہِ چھ منتظر، زِ نیکن تہ بدن دوشونؠ ہنز سپدِ قیامت.

¹⁶اوہ موکھہ چُھس بو پانہ تہِ کوششہِ منز روزان زِ خدایس تہ انسانن مطلق گوژھنہ مؠون دِل زانہہ مے ملامت کرُن.¹⁷واریاہُو وریُو پتہ اُوسس بُو پننِس قومس خارات واتناونہ تہ نیازہ پیش کرنہِ آمُت.

¹⁸تمو وُچھس بُو بغیر کُنہ ہنگامہ یا بلوہ،ییلہ بُو ہیکلِ منز طہارتکؠ رسُومات ادا اُوسس کران ، پتہ اسؠ آسیاہکؠؠؠ تہ کینہ یہُودؠ تہِ.

¹⁹تہ اگر یوہُند مے پیٹھ کانہہ دعوىٰ اُوس تہ ؠمن اُوس ژے برونہہ کنہِ حاضر سپدِتھ فریاد کرُن واجب.²⁰یا یمے ونِن، زِ ییلہ بُو صدرعدالتس برونہہ کنہِ کھڑا اُوسس تہ مے منز کیا خرابی لبکھ.

²¹سواے ؠمہ کتھِ زِ مے اُوس تمن منز کھڑا سپدِتھ بلند آوازِ منز ونُمت زِ "موردن ہنز قیامژ مطلق چُھ از مے پیٹھ مقدِمہ سپدان.²²فیلکِس اُوس اتھ طریقس پورہ واقف. تؠمؠ کوُر یہ ونِتھ مقدّمہ ملتویِ زِ ییلہ پلٹنُک سردار لوسیاس ییہِ بُو کرہ چانِس مقدّمس فاصلہ.

²³تہ صوبیدارس دیوتُن حکم زِ یہ تھاوُن قاد مگر آران ساب تھاؠزین. تہ امسندؠو دوستو منزہ کرزینہ کانسے منع امسنذ خدمت کرنس منز.²⁴تہ کؠنہ پتہ آۆ فیلِکس پننؠ زنانہ درُو سِلہ ہؠتھ یُوسہ یہُودؠ آس تہ پولسن ناد دِتھ بوکھ تس نِش مسیح عيسىٰ سندِ دؠنچ کیفیت.

²⁵تہ ییلہِ سُہ راست بازی تہ پرہیز گاری تہ ینہ واجنہِ عدالژ ہنُد بیان اُوس کران.تہ فیلِکسن دؠوت وہمہ کھؠتھ جواب، زِ ونِکؠس گژھ ژہ، فرصت سان بِلاوتھ ژہ بُو دوبارہ".²⁶تس اس پولُسس نِشہ کینٛہہ روپؠہِ مؠلنچ اُمید تہِ توے اُوس سُہ تس اکثر ناد دِتھ انِتھ تمِس ساتؠ گفتگو کران.

²⁷مگر ییلہ زہ وریِ گے تہ فیلِکس سنزِ جایہ سپُد پُرکیِس فیستُس مُقرَر تٕہ فیلکسَن تروۄ یہودؠ پننٕؠ احسان مند زانٕنکِہ غرضٕہ پولُپس قٲدسٔی منز.

25¹ادہ تریہِ دُوہؠ بعد گو فیتُس صُوبس منز داخل سپدِتھ قیصریہ پیٹھ یروشلم.

²تہ زِٹھؠ کاہنو تہ یہُودؠن ہندؠو ریسوں کری تس نِش یتھ پولُسس خلاف فریاد.

³تہ تس خلاف کورہس زارہ پارہ زِ سُہ سوزِ تس یروشلم تہ تِم رُوزَن چُھیتھ زاگہِ تس وتہِ منز مارنہ باپتھ.⁴مگر فیستُن دیوت جواب زِ پولُس چُھ قیصریاہ منز قاد تھاونہ آمُت تہ بُوتہ توہی گژھو جلد تُور.

⁵اتؠ ؠِم توہہ منز اختیار والؠ چھ تِم تہِ پکن ساتؠ تہ اگر تس نفرس منز کانہہ تِژھ کتھ لبنہ ییہِ تہ توہی کرؠو تس خلاف فریاد.⁶تمن منز آٹھ دوہ روزِتھ گو سُہ قیصریاہ، تہ دوؠمہ دُوہ تخت عدالتس پیٹھ بہتھ دیوتن پولس حاضر کرنُک حکم.

⁷ییلہ سُہ حاضر گو تہ ؠِم یہُودؠ یروشلمہ پیٹھ آمتؠ اسؠ تِم لگؠ اندؠ پتؠ کھڑا سپدِتھ تس پیٹھ سخت الزام لگاونہ مگر تمن ہؠکنہ ثابت کرتھ.

⁸مگر پولسن کور یہ عزُر پیش زِ، نَہ چُھ مے یہُودی شرؠعژ ہنُد کانہہ گناہ کورمُت تہ ہیکلِ ہنُد نَہ قیصرُک.⁹مگر فیستُسن دیوت جواب امہِ غرضہ کہ یہُودی بناوکھ بو پننؠ احسان مند."کیا ژے چھیاہ یروشلم گژھُن منظور؟ زِ چانس اتھ مقدمس سپدِ تِتی مے برونہہ کنہِ فاصلہ.

¹⁰پولُسن ووُن بُو چھس قیصریہ سندِس تختِ عدالتس برونہہ کنہِ کھڑا. میانہِ مقدمُک فاصلہ گژِھ یتی کرنہِ یُون یہُودوٗن ہنُد چُھنہ مے کانہہ قصور کورمت. چناچہ ژتہِ چُھکھ خوب زانان.¹¹اگر بدکار چُھس یا مے چھے قتلس لایق کانہہ کام کرمژ تہ مے چُھنہ مرنہ نِشہ انکار! مگر یمن کتھن ہنُد ؠِم مے پیٹھ الزام چھ لگاوان اگر نہ تِم پُوز چھے، تیلہِ ہؠکنہ کانہہ مے ؠمن حوالہ کرِتھ بُو چُھس قیصرس درخواست کران.

¹²فیستُسن دیوت دوبارہ صلاح کارن ساتؠ مشورہ کرِتھ جواب زِ ژے کورتھ یتہ قیصرس فریاد ژہ گژھک قیصرس نِشیِ.¹³تہ کؠنہہ دوہ گژِھتھ کور اگریا پادشاہن تہ برنیکؠَن قیصریایہ منز ؠتھ فیستُسَس ساتؠ ملاقات.

¹⁴تہ تِم تَتہِ کینژھس کالَس روزنہ پتہ کُور فیستُسن پادشاہس نِش پولُس سندِ مقدمُک حال بیان زِ فیلکِس چِھ اکِس شخصس قادس منز تراوتھ گومُت

¹⁵ییلہ بُو یروشلمہ اُوسس تہ زٹھؠ کاہنو تہ یہُودین ہندؠو بزرگو کور امِس خلاف فریاد تہ کورکھ سزاہکہِ حکمک درخواست.

¹⁶تمن دیوت مے جواب زِ رومؠن ہنُد چُھنہ یہ دستور زِ کانہہ نفر کروۆن رعایتً سزا خاطرہ حوالہ. یوتام زِ تس پننؠن مُدعؠن روُبرُو آستھ دعوہک جواب دِنُک موقع میلہِ¹⁷اتؠ ییلہ تِم پتہ جمع گے مے کورنہ کانہہ ژیر. بلکہ دیوتم دوؠمے دوہ تختِ عدالتس پیٹھ بہِتھ سُہ نفر حٲضِر کرنُک حکم.

¹⁸مگر ییلہِ تمسند مُدّعی کھڑا گے تہ یمن غلطین ہنُد مے تس منز شک اُوس تمو منزہ لگونہ کانہہ الزام تمو تس پیٹھ.

¹⁹بلکہ اسؠ پننہِ باپتھ تہ کستام شخصس عيسىٰ ہس مطلق تس ساتؠ بحث کران. یُوس مومُت اُوس تہ پولُس اُوس تس زندہ ونان.

²⁰چونکہ بُو گوُس یمن کتھن ہندِس تحقیقاتس مطلق شکس منز لہذا پروژھ مے تس کیا ژہ چھکھا یروشلم گژھنہ باپتھ راضی، زِ تَتیِ سپدِ ؠِمن کتھن ہنُد فاصلہ؟²¹مگر پولُسن دیوت فریاد زِ میانہ مقدمُک فاصلہ سپدِن شہنشاہ سندِس دربارس منز . تہ مے دیُوت حکم زِ یوتام نہ بُو یہ قیصرس نِش سُوزن توتام روزن قادس منز.

²²اگر پاہن ووُن فیستُسس" بُو تہِ چُھس امِس نفرہ سنُد بوزن یژھان تؠمؠ ووُن ژہ بُوزکھ پگاہ".²³ادہ دوؠمہ دوہ ییلہِ اگر پاہ تہ برنیکؠ بڑہ شان و شوکت سان پلٹنکین سردارن تہ شہرکؠن ریسن ساتؠ دیوان خانس منز داخل سپدؠ تہ فیستُس سندِ حکمہ آۆ پولُس حاضر کرنہ.

²⁴پتہ ووُن فیستُسن ہیے اگر پاہ پادشاہ تہ ہے تمام حاضر ینُو توہی چھووُن یہ نفر وچھان.یس مطلق تمام یہُودی جماژو یروشلمس منز بیہِ کرکھ یتہِ تہ کریکہ کےیکہ کرِتھ مے عرض زِ برونہہ کن ؠمہ سنُد زندہ روزن چھنہ مناسب.²⁵مگر مے سپُد معلوم زِ امؠ چُھنہ قتلس لایق تیوتھ کؠنہ کورمُت تہ ییلہ تؠمؠ پانہ شہنشاہس نِش فریاد کور تہ مے کور یہ سوزُنک فاصلہ.

²⁶تس مطلق چھؠنہ کانہہ جان کتھ معلوم کؠنہ زِ بُو لکٕھہ اعلىٰ سرکارس. امہِ باپتھ کور مے یہِ ژے بُرونہ کنہِ تہ خاص کرِتھ اگر پاہ پادشاہ چانہ حضوری منز حاضر. تاکہ تحقیقات کرنہ پتہ نیرِ کانہہ کتھ لؠکھنس قابل.

²⁷تکیازِ قیدی سُوزنی تہ تِم الزام ؠم تس پیٹھ لگاونہ آمتؠ اسؠ، ظاہر نہ کرنؠ چُھ مے خلافِ عقل معلوم سپدان.

26¹اگر پاہن ووُن پولسَس"ژے چھؠ پننہِ طرفہ ونُنک اجازت"پولس لوگ پنُن اتھ تُلِتھ یتھ کنؠ جواب پیش کرنہ زِ.

²ہے اگر پادشاہ یؠژہن کتھن ہنُد ہنُد یہُودؠ مے پیٹھ الزام چھ کھالان، از چُھس بُو ژے برونہہ کنہِ تِمن ہنُد جواب دِیُون پننؠ خوش نصیبی زانان.

³خاص امہِ موجوب زِ ژہ چُھکھ یہُودین ہندین تمام رسمن تہ مسلن نِش واقف، ادہ بُو چھسے ژَ عرض کران زِ صبرہ سان بوز میون.⁴ساری یہُودی چِھ زانان زِ جوانی پیٹھے کھیوت رُود میون چال و چلن پننِس قومس تہ یروشلمس منز.

⁵تکیازِ تِم چھ گوڈہ پیٹھے زانان اگر یژھن تہ گواہ ہؠکن آسِتھ زِ بُو اُوسس فریسی آستھ پننہِ دینکہ ساروؠ کھوتہ زیادہ پابند مذہب فِرقکؠ پاٹھؠ زندگی گُزاران⁶تہ ونؠ چُھ تؠمہِ وعدکہِ اُمید ہندِ وجہ ساتؠ مے پیٹھ مقدمہ سپدان، یوس خداین سانین آباواجدادن ساتؠ کورمُت اوُس.

⁷سُوے وعدہ پورہ سپدنچہ اُمیدِ پیٹھ چھ سانؠ باہ قبیلہ دِل و جان ساتؠ راتس دوہس عبادت کران اتھؠ اُمیدِ ہندِ سببہ چھ ہے پادشاہ یہُودؠ مے پیٹھ مقدمہ کران.

⁸تہ یہ کتھ کیازِ چھے توہہ نزدیک غار معتبر سمجھنہ یوان زِ خدا چُھ موردن زِندہ کران.⁹یتہ اوُس سمُچھمت زِ عيسىٰ ناصری سندِ ناوہ رنگہ رنگہ مخالفت کرنؠ چھے مے پیٹھ فرض.

¹⁰حالانکہ مے کور ییؠ یروشلمس منز تہ زِٹھؠ کاہنن ہندِ طرفہ ختیار حاصل کرِتھ تھاؠ مے واریاہ مقدِسین قادس منز تہ ییلہ تِم قتل اسؠ یوان کرنہ تہ بوتہ اُوسس یوہے مشورہ دِوان

¹¹تہ پرؠتھ عبادت خانس منز اوُسکھ بُو تِم سزا دیاؠ دیاؠ کفُر ونناوان بلکہ تِمن خلاف گوس بنیُوس تیوُتھ پاگل زِ غار شہرن منز تہ گژھتھ اُوسکھ بُو تِم ستاوان.¹²اتھؠ حالس منز اُوسس بُو زِٹھؠ کاہنن نِشہ اختیار تہ خط ہیتھ دِمشق گژھان.

¹³اتؠ ہے پادشاہ مے وچھ دوپہرس باگؠ وتہِ منز یہ زِ آفتابکہِ نورہ کھوتہ زیادہ اکھ نور ووُتھ آسمانہ پیٹھ تہ چمکیو میہ تہ میانین ہمسفرن اندؠ اندؠ.

¹⁴ییلہ اسؠ سارؠ زمینہ پیٹھ وسؠ پیے تہ مے بُوز بزبانِ عبرانی یہ آواز زِ اے ساۆل، اے ساۆل ! ژہ کیازِ چُھکھ مے تکلیف دِوان؟ پننِس پانس لتھ کڈنؠ چُھنا چانہ خاطرہ مُشکل.¹⁵مے دُوپس اے خداوند توہی کُم چُھو؟ تہ خداوندن فرمو، بُو چُھس عيسىٰ ، یعنی سُوی یس ژہ تکلیف چُھکھ دوان.

¹⁶مگر وَتھ پننین زنگن پیٹھ کھڑا تکیازِ بُو چُھس ژے پیٹھ اوہ موکھہ ظاہر سپُدمُت زِ ژہ کرتھ بُو تمن چیزن ہنُد تہ خادم تہ گواہ مقرَر یِمن ہنز گواہی باپتھ ژے بُو وُچھتھس، تہ تمِن ہنزِ تہ یمن ہنز گواہی بو ژے پیٹھ ظاہر کران رُوزہ.

¹⁷تہ بُو روزتھ ژہ بچاوان ؠمہ اُمتہ تہ غار قومو نِشہ. ؠِمن نِش بُو امہ موجوب چُھستھ سوزان.

¹⁸زِ ژہ مُژرَکھ تِمن اچھ، تاکہ تِم کران انہِ گٹہ نِشہ گاشس کُن تہ شیطان سندِ اختیارہ نِشہ خدایس کُن رجُوع تہ مے پیٹھ ایمان اننکہِ ذریعہ لبن گنہو نِشہ معافی تہ مقدسیِنن منز شریک سپدِتھ لبن میراث.¹⁹اے اگرپا پادشاہ توے سپُد نہ بُو تؠمہ آسمانؠ رُویاہُک نافرمان.

²⁰بلکہ روُدس بُو گوڈہ دِمشقین پتہ یروشلم تہ سارسؠ مُلکس یہُودیایہ ہندین باشندن تہ غار قومن سمجھاوان. زِ توبہ کریو تہ خدایس کُن رجوع کرِتھ کریو توبہ موافق کأم.

²¹یمویؠ کتھو ہندِ سببہ رُوٹس بُو ہیکلِ منز یہُودؠو تہ ہیُوتہس مارُن.²²مگر خدایہ سندِ مدَد ساتؠ چُھس بُو ونیوک تام کھڑا، تہ تمو کتھو وراے چُھنہ کہنہ تہِ ونان یمن ہنز پیشن گوہی نبیو تہ موسٰى ہن تہِ کرمژ چھے.

²³زِ مسیحہس چُھ دُکھ تُلن ضرور تہ ساروی نِشہ برونہہ ییہِ سُوی موردو منز زندہ کرنہ تہ دیہ یتھ اُمتس تہ غار قومن تہِ نورچ خبر.²⁴ییلہ سُہ ؠتھ پاٹھؠ اُوس جوابداریِ کران تہ فیستُسسن ووُن تھدِ آوازِ منز ہے پولس ژہ چُھکھ پاگل زیادہ علمَن چُھکھ ژہ پاگل کورمُت.

²⁵پولُسن ووُن ہے بہادُر فیستُس! بوچُھسنہ بلکہ چُھس پزرچہ تہ ہُوشیاری ہنزہ کتھِ ونان.

²⁶چونکہ پادشاہ یمِس یمِس ساتؠ بُو دلیرانہ کلام چُھس کران، چُھ ؠمن کتھن واقف تہ مے چُھ یقین زِ ؠمو کتھو منزہ جانہہ امِس نِش پوشیدہ تکیازِ یہ قصہ سپُد نہ کُنہ کُونس منز.²⁷ہے اگر پادشاہ کیا ژہ چھکھ انبیاہن یقین کران؟ بُو چُھس زانان زِ ژہ چُھکھ یقین کران.

²⁸اگرپاہن ووُن پولسس، کیا ژہ چھکھا مے کم کینژھا نصیت کرِتھ مسیحی فِرُن یژھان.

²⁹پولسن ووُن بُو چُھس خدایس منگان زِ کم یا زیادہ نصیحت ساتؠ نہ صرف ژؠ یوت کؠنہ بلکہ ییتیاہ لُوکھ ازمیون بوزان چِھ سپدن میانؠ پاٹھؠ ؠِموزنجِیرو وراے.³⁰اتؠ وتھؠ پادشاہ تہ حٲکِم تہ برنیکے تہ تہندؠ ہم نِشین تُھود.

³¹تہ الگ گژھتھ لگؠ اکھ اکِس ساتؠ کتھہ کرنہِ تہ وننہ، زِ امؠ نفرن چُھنہ تیُوتھ کینٛہہ کورمُت زِ یہ آسہ قتل یا قٲد کرنس لایق.

³²اگرپاہن ووُن فیتُسس" زِ اگر نہ یہ نفر قیصرس نِش فریاد کرِہے تہ ہؠکہ ہے یلہ گژھتھ.

27¹ییلہِ جہازس پیٹھ اسہِ اِطالیہ گژُھنُک فاصلہ سپُد. تہ تمو کور پولُس تہ بیہ کؠنہ قادؠ شہنشاہِ پلٹن سندِس اکِس صوبیدارس حوالہ یس یُولیُِوس ناۆ اُوس.

²تہ اسؠ گے ادر مُتیمِکس اکس جہازس پیٹھ سوار یُوس آسیِاکین بندرگاہن منز گژھن وول اُوس روانہ. تہ تِھسلُنِکیُہک ارِستر خُس مَکِدُنی اوُس اسہِ ساتؠٕ.³دوؠمہِ دوہ ٹھہرؠو جہاز صیداہس منز تہ یولیُوسَن دیُوت پولُسس پیٹھ مہربان سپدِتھ تس دوستن نِش گژھُنک اجازت تاکہ تس سپدِ خاطرداری.

⁴تَتہِ پیٹھ گے اسؠ روانہ کُپُرس کُن تکیازِ ہَوا اُوس مُخٲلِف.

⁵پتہ وتھؠ اسؠ کِلکیہ تہ پمفیِلیاکہ سمندرہ کینؠ نیرِتھ لوکیاہکِس شہر مورہ منز.

⁶تَتہِ سُمکھ صوبیدارس اِسکندر پاہُک اکھ جہاز یُوس اِطالیہ گژھن وول اُوس اتؠ کھالِکھ اسؠ تَتھ منز.⁷تہ ییلہ اسؠ واریاہن دوُہن تام وارہ وارہ پکِتھ مُشکلی سان کنِدُسس نِش واتؠ امہ موجوب زِ واۆ اُوسنہ اسہِ برونہہ پکنے دِوان اتؠ دراے سلمونےبرونہہ کؠنؠ گے اسؠ کریتے جزیرَس کُن.

⁸تہ بمشکل واتؠ اسؠ امکہ بٹھِ بٹھِ پکِتھ حسین بندر ناۆ اکس جایہ یَتھ نزدیک لاسیہ شہر اُوس.⁹ییلہِ واریاہ وَکھ. سپُد تہ جہازُک سفر گو امہِ موکھ خطرناک زِ روزداری ہند دوہ اُوس درامُت تہ پولُسن کر تمن یہ ونتھ نصیت.

¹⁰ہے صاحبُو! مے چُھ باسان، زِ ؠتھ سفرس منز سپدِ تکلیف تہ واریاہ نقصان نہ صرف مالُک تہ جہازُک بلکہ سانین زُوون ہنُد تہِ.

¹¹مگر صوبیدارن کور پولس سنزن کتھو نِشہ زیادہ بھروسہ نا خدا تہ جہازکس مالکہِ سنزن کتَھن پؠٹھ.¹²تکیازِ سُہ بندرگاہ اُوسنہ وندہ گزارنہ خاطرہ اصل کؠنہہ، امہِ موجوب دیوت اکثر لوکو مشورہ تَتہِ نیرنہ پتہ گزارو اسؠ توفیِنِکُس منز واتِتھ وندہ سُہ چُھ کریتے ہُک اکھ بندر گاہ یمیُوک شمالی مشرقس تہ جنوبی مشرقس کُن چُھ

¹³ییلہ جنوبہ طرفہ کؠنہہ کؠنہہ ہوا پکنہِ لوگ تہ تموتُل یہ زانِتھ لنگر زِ سون مطلب گو پورہ تہ دراے کریتیکہِ بٹھِ نزدیک.¹⁴مگر کؠنہہ کالہ پتہ ووُتھ اکھ بُوڈ طوفانی واو یتھ یُورکُلون چھِ وننہ یوان یوس کریتے پیٹھ آۆ جہازس کُن.

¹⁵تہ ییلہِ جہاز واوس منز ہؠنہ آۆ تہ تَتھ ہؠکونہ وُترِتھ تہ لاچار سپدِتھ دیوت اسہِ اتھ یرہ گژھنہ.

¹⁶تہ کودہ ناوہ اکِس لوکٹس جزیرس تام یِرہ گژھان گژھان انؠ اسِہ سؠٹھا مشکل سان ناۆ اتھس منز.¹⁷تہ ییلہِ ملاح ہؠور کتھؠ تہ جہازس مضبوطی ہنُد تدبیر کرِتھ گونُڈکھ سُہ بُونؠ کِنؠ. تہ تمن اُوس سُورتِسکس ڈیمس منزفٹنُک خوف، تہ تمو ووُل جہازُک سازوسامان تہ رُودؠ تِتھے پاٹھؠ یِرٕہ گژھان

¹⁸مگر ییلہِ طوفان ساتؠ واریاہ گرایہ کہییہِ تہ دوؠمہ دوہ ژھُن اسِ جہازہ منز مال دارِتھ.¹⁹تہ تریمہِ دوہ ژُھن تمو پننؠو اتھو ساتؠ جہازُک سامانہ تہ مال دارِتھ.

²⁰تہ ییلہِ واریاہن دوہن تام نہَ آفتاب اتھِ آۆ نہ تارَک تہ طوفان تہ اُوس زُورسان یوان تہ آخرکار روزنہ اسہ بچنچ اُمید بلکُل کہین.²¹تہ ییلہ فاقٟہ اسؠٕ لگمٕتؠ تہ پولُسن ووُن تِمن منز استادہ وتھتھ ہے صاحِبو لازِم اُوسنا زِ اگر توہی میانؠ مانِتھ کریتے پیٹھ روانہ گژِھ ہُونہ تہ یہ تکلیف تہ نقصان ما تُلہِ ہُو.

²²مگر ونؠ چھسو بو توہہ نصیحت کران زِ اطمینان تھایُو؛ تکیازِ توہہِ منزہ واتنہ کانسے نقصان، مگر جہازس.²³تکیازِ"خدا" یمسُند بُو چُھس، تہ یسنذ عبادت تہِ چُھس کران تمسندؠ فرشتن ووُن ؠمے راژ مے نِش یِتھ.

²⁴ہے پولُس، مَہ کھوژ، ضروری چُھ زِ ژہ سپدکھ قیصرس برونہہ کنہ حاضر تہ وچھ یؠتیاہ لوکھ جہازس منز ژے ساتؠ سوار چِھ، تِمن سارنؠ بخش خداین چانہِ ساتؠ زُو.

²⁵امہِ موجوب ہے صاحُبو! اطمینان تھایُو تکیازِ بُو چُھس خداے سنُد یقین کران زِ ؠتھ کنؠ مے وننہ آۆ تِتھے پاٹھؠ سپدِ.

²⁶مگر یہ چُھ ضروری زِ اسؠ گژھَو بؠہمو کونہِ جزیرس منز.²⁷ییلہِ ژوداہم رات ایہِ تہ اسؠ بحرِادریاہس منز ہؠٹہ کھؠوان فیران. تہ نصؠف راژ قریب کور مُلاحو اندازہ ساتؠ معلوم زِ کتھتام ملکس نزدیک واتؠ.

²⁸تہ آبُک سنیِر وچُھکھ وُہ پرسہٕ تہ ہَنا برونہہ پکِتھ وچُھکھ پنداہ پرسہٕ وونُت.

²⁹تہ امہ خوفہِ ساتؠ زِ کنؠن ما ؠمو چھاونہ، ترایِکھ جہازکہِ پتؠمہِ طرفہ ژوُر لنگر تہ صبح یِنہ خاطرہ رودؠ دُعا کران.³⁰تہ ملاّحو ووُن زِ جہازہ پیٹھ ژلو تہ امہِ بہانہ زِ لنگر تراووَ تمہ کؠنؠ تہ ناۆ والو سمندرس منز.

³¹تہ پولُسن ووُن صوبیدارس تہ سپاہن" اگر ؠِم جہازس پیٹھ روزہ ہن نہٕ تہٕ توہی ہیکہونہ بچِتھ.

³²اتھ پیٹھ تراو سپاہو نایہِ ہنزہ رزہ ژٹتھ سُو یلہِ.³³تہ ییلہِ گاش ہؠوتن یُون تہ پولسن کور سارنؠ زارہ پارہ زِ کھؠن کھیُو تہ وُنَنکھ زِ، توہہ گو از فاقے انتظار کران کران ژوداہ دُوہ تہ توہہ کھؠونہ کہین تہِ.

³⁴اَوے چھسو بُو مِنّت کران زِ کھِؠن کھؠیو.اتھؠ منز چھے تُہنذ بہتری موقوف.تہ توہہ گژِھنہ کانسہ ہندِس کلہ کِس مَس والَس تہ حرجہ.

³⁵یہِ ونِتھ رٔٹ تؠمؠ ژُوٹ تہ تمن سارنؠ برونہہ کورُن خدایہ سنُد شکُر تہ لوگ فُٹرتھ کھِنہ.³⁶پتہ سپز تمن سالمن حوصلہ افزاؠی تہ پانہ تہِ لُوگ کھؠن کھؠنہِ.

³⁷تٕہ اسؠ سٲری ٲسؠ یِکوٹٕہ جہازس منز زہ ہتھ تہ شُستَتھ نفر.

³⁸ییلہِ تِم کھؠتھ سیر سَپد تہ کنکھ سمندرس منز ژھنِتھ لگؠ جہازس لوژراونہ.³⁹ییلہِ دوہ کُھوت تہ تمو پہچُون نہ سُہ ملک کینٛہہ مگر اکھ خلیج وُچھکھ یمؠُک بُوٹھ صاف اُوس تہ کورُکھ مشورہ زِ اگر ہیکہِ بنِتھ جہاز کھالؠووُن تَتھؠ پیٹھ.

⁴⁰ادہ، لنگر کھولِتھ ترووُکھ سمندرس منز یلہ تہ امچہ وتہ ہاوچہ رزِ تہِ کھوجؠکھ تہ برُونہم بادبان کھولُکھ ہواہکہِ طرفہ تہ تؠمکہ بٹھِ اندہ دراے.

⁴¹مگر اکِس تِژِھ جایہ واتِتھ یتھ دُوشوی طرفو سمندُرک زُور اوُس تہ جہازہ لوگ زمینہ پیٹھ تہ دکہ لگِتھ فسیو نَم مگر بنِم حصہ لوگ لہرو سٲتؠ فُٹنِہ._⁴²تہ سِپہو اوس یہ مشورہ کورمُت زِ قادیِ مارووُکھ، یُوتھنہ کانہہ ژھرانٹھ دِتھ ژلہِ.

⁴³مگر صوبیدار اُوس پُولسَس بچاوُن یژھان تہ حکم دِتُن زِ ؠِم ژھرانٹھ ہؠکن وایتھ تِم واتَن ووٹھ دِتھ گوڈہ بٹھِس پیٹھ.

⁴⁴تہ باقی لوکھ کینژھن تختن پیٹھ تہ کؠنہ جہاز کؠن باقی چیزن پیٹھ بِہتھ نؠرؠو، تہ یتھے پاٹھؠ واتؠ اسؠ سارؠ خشک بِٹھس پیٹھ سلامتؠ سان.

28¹ییلہِ اسؠ واتؠٕ تہ زُون زِ امہ جزیرُک ناوٗ چُھ مِلتےِ.

²تہ تمو اجنبی لوکو کرٔ اسہِ پیٹھ خاص مہربانی، تکیازِ رُود شرانہِ تہ وندٕ کہِ وجہ کؠنؠ زُول تمو نار تہ کرکھ سانؠ خاطرِداری.³ییلہ پولَسن زِنؠ گھیڈ جمح کرِتھ نارس منز تراۆ تہ تژرہ ساتؠ دراو اکھ سُرف تہ آۆ تس اتھس ولنہٕ.

⁴ییلہ تمو اجنبی لوکو سُہ سُرف اتھس الونت وُچھ تہ اکھ اکِس لگؠ وننہِ، بے شک چُھ یہ نفر خونی: اگر سمندرس منز بچتھ آمُت چُھ، توتہِ چُھنہ عدل امس زندہ دِوان رُوزنہٕ.⁵اتؠ دیُوت،تؠمؠ ژُھن سُہ سُرف نارس منز دارِتھ تہ تس ووُت نہ کانہہ تکلیف.

⁶مگر تِم اسؠ انتظارس زِ امسنُد بدن ہُنہِ یا مرِتھ پؠہ یکدم پتھر، مگر واریاہس کالس انتظار کرِتھ وچُھکھ زِ تس ووُت نہٕ کانہہ تکلیف تہ بیاکھ خیال کرِتھ ونُکھ"یہِ چُھ کُستام دیُوتا"⁷تَتہِ نزدیک اس جزیرکِس سردار سنز مِلکیت یس پُبِلیُوس ناۆ اُوس تہ تؠمؠ کر گھرہ نِتھ اسہ ترین دوہن بڑہ مہربانی سان مہمان نوازی.

⁸تہ سپُد یہ زِ پُبِلیُوس سنُد مول اُوس تپہِ تہ پؠچھؠو ساتؠ بیمار پیومُت پولُسن کور تس نِش گژِھتھ دُعا تہ اتھٕ تس پیٹھ تھایتھ دیُوتنس شفاء._

⁹ییلہِ یہ سپُد تہ باقی لوکھ یِم اتھ جزیرس منز بیمار اسؠ، آے تہ گے ٹھیک.

¹⁰تہ تِمو کور اسہِ بڑہ عزت تہ نیتنہ وِزِ یہ کینژھا اسہِ بکار اُوس تہِ تھووُکھ جہازس پیٹھ.¹¹ترے رؠتھ گژھتھ گے اسؠ اِسکندریاہکس اکِس جہازس پیٹھ روانہ یُوس پورہ وندس اتھؠ جزیرس پیٹھ روزِتھ اُوس، ؠمیوک نِشان دیوسکُوری اُوس.

¹²تہ سور کوساہس رُودؠ اسؠ جہازہ ٹھراؠتھ ترین دوہن.¹³تہ تَتہِ اندؠ اندؠ پھؠرتھ واتؠ ریگیُوم تہ اکھ دوہ گژِھتھ آۆ جنوبہ کؠنؠ واۆ تؠمہِ موجوب واتؠ دوؠمہ دوہ پُتیُول.

¹⁴تَتہِ سمکھ اسہِ بٲۓ تہ تہنذِ منتہِ ساتی رُودی اسؠ تمن نِش ستن دوہن تہ یتھے پاٹھؠ گے رُوماہ تام.

¹⁵تَتہِ پیٹھ آے سانؠ خبر بوزِتھ باے اَپیُوس چوکس تہ ترین سراین تام سانِس استقبالس تہ پولُسن کور تِم وچھِتھ خدایہ سنُد شُکر تہ تس بڑیؠہ ہمت .¹⁶ییلہِ اسؠ رُومیا واتؠ تہ پولُسس دیُوتک اجازت زِ سُہ روزِ کُن زُونؠ تس سِپہس ساتؠ یُوس تس راچھ اُوس.

¹⁷ترے دوہ پتہ سپُد یہِ زِ تؠمؠ بُلاؠی یہُودین ہندؠ ریٔس تہ ییلہِ تِم جمع سپدؠ تہ تمن ونُن ہے بایُو! پرؠتھ ساتہ کورنہ مے اُمتس تہ جدن اجدادن ہندیِن رسوماتن خلاف کہؠن.توتہِ آس بو یروشلمہ پیٹھ قادیِ ٲسِتھ رُومین حوالہ کرنہٕ.

¹⁸تمو یوژھُس بُو تحقیقات کرتھ یلہ تراوُن تکیازِ میانہ قتُلک اُوسنہ کانہہ وجہ.¹⁹مگر ییلہِ یہُودؠو مخالفت کرٔ تہ مے کور لاچار اسِتھ قیصرس نِش فریاد مگر امہِ موجوب نہ کؠنہہ زِ مے چُھ پننِس قومس پیٹھ کؠنہہ الزام لگاوُن.

²⁰ادہ امہِ موجوب چُھو توہی مے بلایمتی زِ توہہ سمکھو تہ کتھ بات کرہ تکیازِ اسرایلچہ اُمیدِ ہندِ وجہ چُھس بُو زنجیرن منز بند.²¹تمو ووُن، نہ آے اسہ نِش یہُودیاہ پیٹھ ژے مطلق خط نہَ دژ بایو منزہ کانہہ تُور ؠتھ چانؠ کؠنہ خبر نہَ کرکھ غلطی بیان.

²²مگر اسؠ چِھ مُناسِب زانان زِ ژے نِش بوزَو زِ چانؠ خیالات کیا چِھ، تکیازِ ؠمہِ فرقہ باپتھ چُھ اسہِ پے زِ پرؠتھ جایہ چھ اتھ خِلاف ونان.²³تہ سُہ رود تمن ساتؠٕ اکِس دوہس تہ تَتہِ گے واریاہ جمع تہ سُہ روُد خداؠی پادشاہی ہنز گواہی دِوان تہٕ موسٰى سنز تورایت تہ نبین ہندؠو صحایفو ساتؠ عيسىٰ سنُد وجہ سمجھایتھ صبح پیٹھ شام تام تمن نِش بیان کران.

²⁴تہ کینژھو مانہِ تمسنز کتھِ تہٕ کینژھو ماننہ کینٛہہ.²⁵ییلہِ پانہ وانؠ متفِق گینہ تہ گے رخصت پولُس سٕنزِ کتھ ساتؠ زِ روُح القدسن چُھ یشعیاہ نبی سندِ ذریعہ تُہندیِن جدن اجدادن خوب ونمُت زِ.

²⁶ؠتھ اُمتس نِش گژِھتھ وَن زِ توہی بوزؠو کنَو ساتؠ تہ ہرگزِ ترؠونہِ فکرہ تہ اچھو ساتؠ وچھؠو تہ پہچانِتھ ہؠکیو نہ.²⁷تکیازِ یَتھ اُمتس چُھ وانجین چرب کُھوتمت، تہ تِم چھِ کنو ساتؠ گوُب بوزان تہ تمِو چھے پننہِ اچھ بند کرمژہ یُوتھنہ یہ سپدِ زِ اچھو ساتؠ پہچانن تہ کنو ساتؠ بوزَن تہ دِلٕہ ساتؠ سمجھن تہ کرن رجُوع، تہ بُو بخشہِ تِمن شِفاء²⁸ادہ توہہ گژھ معلوم سپُدن زِ خدایہ سندِ نجاتُک پیغام چُھ غارقومن نِش سوزنہ آمُت تہ تِم بوزن تہِ اَتھ.

²⁹ییلہِ تؠمؠ یہ ووُن تہ یہُودی دراے پانہ وانؠ واریاہ بحث کران کران.³⁰تہ سُہ رُود پورہ دوُن ورین پننِس کرایہ گھرس منز.

³¹تہ ؠِم تس نِش یوان اسؠ تِمن سارنؠ رُود سمکھان تہ سیٹھا دلیری سان رُود بغیر کانہہ رُکاوٹ خداؠی پادشاہی ہنز مُنادی کران تہ رُود خداوندِ عيسىٰ مسیح سٕنزٕہ کتٕھہ ہؠچھناوان.

رُومِیَن ہٕندِ ناوٕہ پُولُس رسُول سُند خط

1¹پولُس سٕندِ طرفٕہ یُوس عیسیٰ مسیح سُند بندٕ تٕہ ناد دِنٕہ آمُت رسول تٕہ خدایہ سٕنزِہ یمِہ خوشخبری باپَتھ مخصوص کرنٕہ آمُت چُھ۔

²یمؠُک تؠمؠٕ گوڈٕہ پؠٹَھے پننؠن نبیَن ہندِ ذریعہ کتاب مقّدسَس منز۔

³پننِس فرزندس سٲنِس خداوند عیسیٰ مسیح سٕندِ نِسبتٕہ وعدٕہ کوٚرمُت چُھ یُوس جسمکِہ اعتِبارٕہ داوٗد سٕندِہ نسلٕہ سٲتؠٕ پٲدٕہ سپُد۔⁴۔ مگر پاکیزگی ہٕندِ روحکِہ اعتِبار سٲتؠٕ موردَو منزٕہ زندٕہ وَتھنکِہ وجہ سٲتؠٕ آو قُدرتٕہ سان خدایہ سُند نؠچو گٔنزرنٕہ۔

⁵۔ یمسٕندِ ذریعہ اسِہ فضل تٕہ رسالت میجؠٕ یُوتھ زن تؠمسٕندِہ ناوٕہ خٲطرٕہ سپدن تمام قومٕکؠٕ لوکھ ایمانَس تابع۔

⁶۔ یِمو توہِہ تِہ اُوو عیسیٰ مسیح سندؠٕ سپدن خٲطرٕہ ناد دِنٕہ۔⁷۔ تِمن سٲلمن ہندؠٕ ناو یِم رُوماہَس منز خدایہ سٕندؠٕ ٹھٲٹھؠٕ چِھ تٕہ یِمن پاک گژھنٕہ خٲطرٕہ ناد دِنٕہ آمُت چُھ۔ سٲنِس خدابَب تٕہ خداوند عیسیٰ مسیح سٕندِ طرفٕہ رُوزنو توہِہ فضل تٕہ اطمنان حٲصل سپدان⁸۔ گوٚڈٕہ چُھس بُو توہِہ سارنٔی ہندِس برَس منز عیسیٰ سٕندِ وسیلٕہ سٲتؠٕ پننِس خدایہ سُند شُکر کران زِ تمام دُنیاہَس منز چھے تُہُندِ ایمانٕچ شُہرَت سپدان۔

⁹۔ چنانچہ یمِس خدایہ سٕنز عبادت بُو پننِہ رُوح سٲتؠٕ تؠمسٕنز نؠچِی خوشخبری دِنَس منز کران چُھس سُوئی چُھ میُوٚن گواہ زِ بُو چُھسو ہمیشٕہ توہِہ یاد کران۔

¹⁰۔ تٕہ پننؠن دُعاہَن منز چُھس بُو ہمیشٕہ یِہ درخواست کران زِ ونؠٕ گژِھ آخٕر کار خدایہ سٕنزِہ مرضی سٲتؠٕ مے توہِہ نِش یِنس منز کُنِہ پٲٹھؠٕ سپدٕن۔¹¹۔ تکیازِ بُو چُھس شوقِین تُہندِ مُلاقاتُک تاکِہ بُو دِمہا توہِہ کاہنٛہ روحٲنی نعمت یمہ سٲتؠٕ توہؠٕ مضبوط گژِھؠو۔

¹²۔ غرض بُوتِہ لبٕہ توہِہ درمیان ٲسِتھ توہِہ سٲتؠٕ امِہ ایمان سٲتؠٕ تسلّی یُوٚس توہِہ منز تٕہ مے منز، دوشوُنی منز چُھ۔¹³۔ بؠیِہ ہے بایُو! بُو چُھسنٕہ یژھان زِ امِہ نِشٕہ روزؠو توہؠٕ ناوٲقف زِ مے کوٚر بار بار توہِہ نِش ینُک ارادٕہ تاکِہ یِتھٕہ کنؠٕ مے باقی غٲر قومَن منز پھل میُول تِتُھی میلِن توہِہ منزٕہ تِہ مگر ازتام ٹھہریُوس بُو۔

¹⁴۔ بُو چُھس یُونٲنیَن منز تٕہ غٲر یُونٲنیَن، داناہَن تٕہ نادانَن ہُند قرضدار۔

¹⁵۔ ادٕہ بُو چُھس توہِہ تِہ یِمٕہ رومہَس منز چِھ خوشخبری بوزناونٕہ خٲطرٕہ حتیٰ المَقدور تیار۔¹⁶۔ تکیازِ بُو چُھسنٕہ انجیلِ نِشٕہ شرم کران امِہ موجوب زِ سُوٚ چھے پرؠتھ اکِس ایمان انَن وٲلؠٕ سٕندِ باپَتھ گوڈٕہ یہودی پتٕہ یونٲنی سٕندِ باپَتھ نجات خٲطرٕہ سٕنز قُدرت۔

¹⁷۔ امِہ واسطٕہ زِ تَس منز چُھ خدایہ سُند پزر ایمان سٲتؠٕ تٕہ ایمان خٲطرٕہ چُھ ظٲہر سپدان۔ یتٕھہ کنؠٕ لیکِتھ چُھ زِ راستباز روزِ ایمان سٲتؠٕ زندہ۔¹⁸۔ تکیازِ خدایہ سُند غضب چُھ تِمن تمام بے دین تٕہ اپُزیٲرؠٕ لوکَن پؠٹھ آسمانٕہ پٹٕھہ ظٲہر سپدان یِم پزر چِھ اپزِ سٲتؠٕ کھٹِتھم تھاوان۔

¹⁹۔ تکیازِ یِہ کینژھا خدایہ سٕندِ نسبتٕہ معلوم چُھ سپدان تِہ چُھ تہندِس بٲطنَس منز ظٲہر۔ امِہ موجُوب زِ خدایَن کوٚر سُہ تِمن پؠٹھ ظٲہر کیا۔²⁰۔ تکیازِ تیمسٕندؠٕ نادِید صِفت یعنی تؠمسٕنٛز اَزلی قُدرت تٕہ اِلُوہیَت چِھ دُنیا پٲدٕہ سپدَنٕہ وقتٕہ پؠٹھٕہ بناونٕہ آمتؠو چیزن ہندِ ذریعہ معلوم سپدِتھ صاف اتِھہ یِوان، یوتانؠٕ زن تِمن کاہنٛہ عُزُر باقی چُھنٕہ۔

²¹۔ امِہ موجوب اگر زَن تِمو خداۓ زون تِہ، مگر تؠمسٕنزِخدٲئی لائق کرٕکھ نٕہ تؠمسٕنٛز عبادت تٕہ شُکر گزٲری کینٛہہ بلکِہ پے بٲطِل خیالاتَن منز تٕہ تِہندؠن ناسمجھ دِلن سپٕز انِہ گٹٕہ۔²²۔ تِم بنے پنُن پان دانا زٲنِتھ بیقٕل۔

²³۔ تٕہ لافٲنی خدایِہ سُند جلال بدلووُکھ فٲنِی انسان تٕہ جاناورن تٕہ چاروایَن تٕہ کؠمؠن کرٕیلَن ہٕنٛزِ شکلِ منز۔²⁴۔ امِہ موجوب ترٲؠٕ تِم خدایَن تِہندؠو دِلچؠو خوٲہِشو مطٲبِق تِم ناپٲکی منز زِ تِہند بدن یِن پانٕہ ونؠٕ بے عزّت کرنٕہ۔

²⁵۔ تکیازِ تِمو بدلو خدایہ سُند پزر اپزِسٲتؠٕ تٕہ کٔرٕکھ مخلُوقاتَن ہٕنٛز زیادٕہ پرِستِش تٕہ عبادَتھ بنسبتِ تؠمِس خالِق سٕنز یُوس تا ابد محمُود چُھ۔ آمین۔²⁶۔ تؠمے وجہ کِنؠٕ ترٲؠٕ خدایَن تِم گندٕ عادتَن منز یوتانؠٕ زن تِہنزو زنؠو فطرتِی جِنسی تعلقات بجائے غیر فطرتِی جِنسی تعلقات اپنٲؠٕ۔

²⁷۔ یتَھے پٲٹؠ گٔے مرد تِہ زنؠن سٲتؠ جِنسی تعلقات ترٲیِتھ پانٕہ وٲنؠٕ شہوژن منز مست۔ یعنی مردو کٔر مردَن سٲتؠ غلط کٲم تٕہ کرِکھ پننؠ پان گُمراہی ہنٛدِس سزاہس لائق۔²⁸۔ تٕہ یِتھ پٲٹھؠ تِمو زانُن زنُن ناپسند کوٚر۔ تتَھے پٲٹھؠ دِژ خداین تِہ تِمن بیقٕل عقل زِ نالائق حرکتٕہ کرن۔²⁹۔ اتی آئؠ تِم پرتھ رنگٕہ اپزِ، بدی یہ، لالچِہ تٕہ بدذٲتی سٲتؠ بھرنٕہ تٕہ سپدؠ قتل، لڑایہ، مکٲری سٲتؠ معمُور تٕہ بؠیہ غٲبت کرن وٲلؠ۔

³⁰۔ تُہمت لگاوَن وٲلؠ، خدایس نِش نفرت کرن وٲلؠ، باقین بے عزت کرن وٲلؠ، مغرُور، ٹھٹٕھہ باز، بدی پٲدٕہ کرن وٲلؠ، مٲلِس ماجِہ ہنٛدؠ بافرمان۔

³¹۔ تٕہ ٲسؠ بیقٕل، فٕٹراون وٲلؠ۔ فطری محبتٕہ نِشٕہ خٲلؠ تٕہ بے رحم سپدمٕتؠ۔³²۔ حالانکِہ تِم چِھ خدایہ سُند یِہ حکم زانان زِ یِژھ کٲم کرن وٲلؠ چِھ مۄتکِس سزہَس زانان، توتِہ چِھنٕہ تِم پانَے یوٚت یِژھ کٲم کران بلکہ چِھ باقیَن کرن والؠن ہندِہ سٲتؠ تِہ خۄش سپدان۔

2¹۔ ادٕہ ہے الزام لگاون والِہ! ژٕہ کیازِ چُھکھنٕہ کانٛہہ تِہ، ژے نِش چھنٕہ کانٛہہ کانٛہہ تکیازِ یمِہ کتِھہ ہُند ژٕہ بؠکِس پؠٹھ اِلزام چُکھ لگاوان، تؠمکُوی چُھ توہؠ پنُن پان مُجرم ثٲبت کران۔

²۔ تٕہ اسؠ چِھ زانان زِ یِژھ کٲم کرن والؠن ہٕنٛز عدالت چھے خدایہ سٕندِ طرفٕہ حقٕہ مطٲبِق سپدان۔³۔ ہؠو بایا، شٕہ یُوس یِژھ کٲم کرن والؠن پؠٹھ الزام چُکھ لگاوان تٕہ پانٕہ چُکھ سُوۓ کؠم کران۔ کیا ژٕہ چُکھنا یِہ سمجھان زِ خدایِہ سٕندِ عدالتٕہ نِشٕہ بچکھ ژٕہ؟۔

⁴۔ یا تِہ چُکھ ژٕہ تؠمسٕنٛز مٲربٲنی تٕہ برداش تٕہ صبرٕچ دولت حقیر زانان تٕہ یِہ چُکھنٕہ زانان زِ خدایہ سٕنٛز چھے ژے توبس کُن مائل کران۔⁵۔ بلکِہ چُکھ ژٕہ پننِہ سخت دِلہ تٕہ بِنا توبہ کرن والِہ دِلہ مطٲبِق تؠمِہ قہرکِہ دوہ باپَتھ پننِہ خٲطرٕہ غضبٕچ کٲم کران یَتھ منٛز خدایہ سٕنٛز پٔز عدالَت ظٲہر سپدِ۔

⁶۔ سُہ دِیِہ پرتھ کٲنسِہ پننؠن کامؠن مطٲبِق بدلٕہ۔

⁷۔ یِم اصلؠن کامؠن منٛز ثٲبت قدم رُوزِتھ جلال تٕہ عزّت تٕہ بقا ژھاران آسن، تِمن بؠییہ ابدی زندگی دِنٕہ۔⁸۔ مگر یِمٕہ نااِتافی اندازٕہ تٕہ حقَّس اِنکار کرن وٲلؠ بلکہ اپُز مزنَن وٲلؠچِھ، تِمن پؠٹھ سپدِ غضب تٕہ قہر۔

⁹۔ تٕہ مصیبت تٕہ تنگی ییِہ ہراکِس بدکار سٕنٛدِس زُوَس پؠٹھ گوڈٕہ یہودی سٕنٛدِس پتٕہ یُونٲنی سٕنٛدِس۔¹⁰۔ مگر جلال تٕہ عزّت تٕہ سلامتی میلِہ ہر اکِس نیک کٲم کرن وٲلِس، گوڈٕہ یہودِس پتٕہ یُونٲنِس۔

¹¹۔ تکیازِ خدایہ سٕنٛزِ بارگاہِ منٛز چھؠنٕہ کٲنسِہ ہٕنٛز طرفددٲری یِوان کرنٕہ۔

¹²۔ امِہ موجوب زِ یِموٚ شریعت حٲصل کرنٕہ ورٲۓ گُناہ کوٚر سُہ سپدِ شریعتٕہ ورٲۓ ہلاک تِہ، تٕہ یِمو شریعتَس ماتحت ٲسِتھ گناہ تِہُنٛد سزا تِہ سپدِ شریعت مطٲبِق۔¹³۔ تکیازِ شریعت بُوزن وٲلؠ چِھنٕہ خدایَس نزدیک پزؠ زیٲرؠ کینٛہہ آسان بلکہ یِن شریعتَس پؠٹھ عمل کرن وٲلؠ پزؠ زیٲرؠ گنزرنٕہ۔

¹⁴۔ امِہ موجُوب زِ تِم قوم یِم شریعت چِھنٕہ تھاوان، چِھ پننِہ مِزازٕہ کنؠ شریعتٕچ کٲم کران تٕہ شریعت نَہ تھاونٕہ باوجود چِھ تِم پننِہ باپَتھ پانَے اکھ شریعت۔¹⁵۔ حالانکِہ تِم چِھ پننؠن دِلن پؠٹھ شریعتٕچ کتٕھہ لؠچھمژٕہ ظٲہر کران تٕہ تہُند دِل تِہ چُھ تِمن کتَھن ہٕنٛز گوٲہی دِوان تٕہ تِہندؠ أندرِم خیالات یا تِہ چِھ تِمن پؠٹھ الزام لگاوان یا چُھ الزام دِنٕہ نِشٕہ پَتھ ہؠوان۔

¹⁶۔ یمِہ دوہ خداۓ میانِہ خوشخبری مطٲبِق عیسیٰ مسیح سٕندِ ذریعہ انسانَن ہٕنٛزن پوشیدٕہ کتَھن ہُند انصاف کرِ۔¹⁷۔ ادٕہ اگر ژٕہ یہودؠ چُکھ وننٕہ یِوان تٕہ سریعتَس پؠٹھ تکیِہ تٕہ خدایَس پؠٹھ فخر کران چُکھ ۔

¹⁸۔ تٕہ تِہنٛز مرضی زانان تٕہ شریعتٕچ تعلیم حٲصل کرِتھ چُکھ زٕژٕہ کتٕھہ سپدان کران۔

¹⁹۔ تٕہ اگر ژے اَتھ کتِھہ پؠٹھ تِہ چِھی بھروسٕہ زِ بُو چُھس انؠن ہُند رہنُما تٕہ انِہ گٹِہم منز پؠمتؠن ہٕنٛدِ خٲطرٕہ چُھس گاش۔

²⁰۔ تٕہ نادانَن چُھس ہؠچھناوَن وۄل تٕہ شُرؠن ہُند چُھس وۄستاد تٕہ علمُک تٕہ حقُّک یُوٚس نمونٕہ شریعتَس منٛز منز چُھ، سُہ چُھ مے نِش۔²¹۔ ادٕہ ژٕہ یُوٚس باقیَن چُکھ ہؠچھناوان تٕہ پننِس پانَس کیازِ چُکھنٕہ ہؠچھناوان؟۔ ژٕہ یُوٚس واعظ چُکھ پران زِ ژوٗر گژِھنٕہ کرنؠ، پانٕہ کیازِ چُکھ شٕہ ژوٗر کران؟۔

²²۔ ژٕہ یِہ ونان چُکھ زِ زناہ گژھنٕہ کرُن۔ پانٕہ کیازِ چُکھ ژٕہ زِنا کران؟ ژٕہ یُوٚس پوتلؠن سٲتؠ چُُکھ نفرت تھاوان، پانٕہ کیازِ چُکھ ژٕہ مندر لُوٹان؟۔²³۔ ژٕہ یُوٚس شریعتَس پؠٹھ فخر چُکھ کران تٕہ شریعتٕچ عدولی سٲتؠ کیازِ چُکھ خدایِہ سٕنٛز بے عزّتی کران؟۔

²⁴۔ تکیازِ چانِہ وجہ سٲتؠ چُھ غٲر قومن منز خدایِہ سٕندِس ناوس پؠٹھ کُفر یِوان بکنٕہ۔ حالانکِہ یِہ چُھ لؠکِتھ تِہ۔²⁵۔ ختنٕہ سٲتؠ چُھ فٲئیدٕہ تِہ بشرطیکِہ ژٕہ کرَکھ شریعتَس پؠٹھ عمل مگر ییلِہ ژے شریعتُک انکار کوٚرُتھ تٕہ چوٗن ختنٕہ چُھ نامختُون گنزرنٕہ یِوان۔

²⁶۔ ادٕہ اگر نا مختُون شخص شریعتکؠن حُکمن پؠٹھ عمل کرِ کیا تیلِہ یِینا تؠمسٕنز نا مختونی ختنس برار گنزراونٕہ؟۔

²⁷۔ تٕہ یُوس شخص قومیتکِہ وجہ سٲتؠ نامختون رُود اگر سُہ شریعتَس مکمل کرِ، تیلِہ کیا ژٕہ یُوس کلامکِہ باوجود تٕہ ختنکِہ شریعتٕہ سٲتؠ عدولی چُکھ کران۔²⁸۔ تکیازِ سُہ چُھنٕہ یہودؠ یُوس ظاہرِی چُھ، تٕہ نَہ چُھ سُہ ختنٕہ یُوس ظاہرِی تٕہ جِسمٲنی چُھ۔

²⁹۔ بلکِہ چُھ سوُی یہودؠ یُوس باطنی چُھ تٕہ ختنٕہ چُھ سوُی یُوس دِلٕہ سٲتؠ تٕہ روحٲنی چُھ نَہ کِہ لفظی طورٕہ۔ یِتھؠن ہٕنٛدؠ تعریف چِھنٕہ انسانَن ہنٛدِ طرفٕہ کینٛہہ سپدان بلکِہ چِھ خدایہ سٕندؠ طرفٕہ سپدان۔

3¹۔ امِس یہودِس کیا درجِہ چُھ تٕہ ختنٕہ سٲتؠ کیا فائیدٕہ چُھ۔

²۔ پرتھ رنگٕہ واریاہ۔ خاص کر یِہ زِ خداۓ سُند کلام سپُد تِمن حوالٕہ۔³۔ اگر کینٛہہ بے وفا دراۓ توتِہ کیا گوٚ؟۔ کیا تِہٕنٛز بے وفائی ہیکیا خداۓ سٕنزِ وفادٲری بٲطِل کرِتھ؟۔

⁴۔ ہرگِز نٕہ۔ بلکِہ چُھ خداۓ پوٚز تٕہ ہر کانٚہہ انسان اپُز۔ چناچِہ لؠکِھتھ چُھ زِ ژٕہ یِکھ پنؠن کتَھن منز پٕزؠ زیُوٚر ماننٕہ تٕہ پننِس مُقدِّمس منز لیکھ فتح۔⁵۔ اگر سُوٚن اپُز خدایہ سٕندِ پزرٕچ خوبی چُھ بے انصاف یُوس غضب نٲزِل چُھ کران؟ بُو چُھس یِہ کَتھ انسان سٕندؠ پٲٹھؠ ونان۔

⁶۔ ہر گِز نٕہ۔ تیلِہ کتٕھہ کنؠ کرِ خدا دنیاہُک انصاف؟۔⁷۔ اگر میانِہ اپزٕکِہ وجہ سٲتؠ خداۓ سٕنٛز سچٲئی تؠمسٕندِہ جلالٕہ باپَتھ زیادٕہ ظٲہر سپٔز تیلِہ کیازِ چُھ پتٕہ گنہگار سٕنٛدؠ پٲٹھؠ مے پؠٹھ حکم یِوان دِنٕہ؟۔

⁸۔ تٕہ ٲسؠ کیازِ کرونٕہ بدی تاکِہ نیکی سپدِ پٲدٕہ؟۔ حالانکِہ اسِہ پؠٹھ چھے یِوان تُہمت تِہ لگاونٕہ تٕہ کینٛہہ چِھ ونان زِ یہٕنٛز کہاوت چھے یہَے۔ مگر یِتھؠن ہُند مُجرم ٹھہرُن چِھ انصاف۔⁹۔ ادٕہ کیا سپُد؟۔ کیا اسؠ چھا کانٛہہ فضیلت تھاوان؟ بِلکُل نٕہ کینٛہہ تکیازِ اسِہ چُھ یہودؠن تٕہ یونانؠن دوشوُنی پؠٹھ گوڈے یِہ الزام لگومُت زِ تِم سٲری چِھ کناہٕکؠ ماتحت۔

¹⁰۔ حالانکِہ لؠکِتھ چُھ اکھ تِہ چُھنٕہ پٕزؠ زؠوٚر۔¹¹۔ کانٛہہ چُھنٕہ سمجَھن وۄل، کانٛہہ چُھنٕہ خدایَس ژھانڑن وۄل۔

¹²۔ سٲری چِھ گمراہ۔ سٲری بنے نکمّہ۔ کانٛہہ چُھنٕہ نیکِی کرن وۄل۔ اکھ تِہ نٕہ۔¹³۔ تِہُند ہوٹ چُھ ٲس وہرِتھ قبر۔ تِمو دیوٚت دھوکٕھہ پنؠو زبانو سٲتؠ۔ تِہٕندؠن وُٹَھن منٛز چُھ سُرفن ہُند زہر۔

¹⁴۔ تِہُنٛد چونٛٹ چُھ لعنتِہ تٕہ تلّخِی سٲتؠ بھرِتھ۔¹⁵۔ تِہنٛدؠ قدم چِھ خُون والنٕہ خٲطرٕہ تیز دورن وٲلؠ۔

¹⁶۔ تِہنٛزَن وتَن منز چھے تبٲہی تٕہ بدحٲلی۔

¹⁷۔ تٕہ تِم سپٕدنٕہ سلامتی ہٕنٛزِ وتِہ وٲقف کینٛہہ۔

¹⁸۔ تِہنزَن ٲچَھن منز چُھنٕہ خدایہ سُند کانٛہہ خوف۔¹⁹۔ ونؠ چِھ اسؠ زانان زِ شریعت یِہ کینژھا ونان چھے۔ سُہ چُح تِمن ونان یِم شریعتٕکؠ ماتحت چِھ تاکِہ پرتھ کٲنسِہ ہُند چوٛنٹ سپدِ بند۔ تٕہ سورُی دنیاہ یِیِہ خدایس نزدیک سزاہَس لائق ماننٕہ۔

²⁰۔ تکیازِ شریعتچِہ عملِہ سٲتؠ ہیکنٕہ تؠمسٕنٛز حضوری کانٛہہ بشر پٕزؠ زؠور بنِتھ۔ امِہ موجُب زِ شریعتکِہ وسیلٕہ ہیکِہ گُناہٕچی پہچان سپدِتھ۔²¹۔ مگر ونؠ سپٕز شریعتٕہ ورٲۓ خدایہ سٕنٛز اکھ راستبٲزی ظٲہر یمِچ گوٲہی سریعتٕہ تٕہ نبؠن ہنٛدِ سٲتؠ سپدان چھے۔

²²۔ یعنی خداۓ سٕنٛز سُوٚ راستبٲزی یوسٕہ عیسیٰ مسیحس پؠٹھ ایمان اننٕہ سٲتؠ چھے سارنٕی ایمان انن والؠن حٲصل سپدان تکیازِ کانٛہہ فرق چھؠنٕہ۔²³۔ امِہ موجُوب زِ تمامو کٕرؠ گناہ، تٕہ خدایِہ سٕنٛدِ جلالٕہ نِش چِھ محرُوم۔

²⁴۔ مگر تؠمسٕنٛدِہ فضلٕہ تٕہ تؠمسٕندِہ مُخلصی ہنٛدِ وسیلٕہ سٲتؠ یُوس مسیح عیسیٰ ہس منز چُھ، چِھ مُفت راست راست باز ماننٕہ یِوان۔²⁵۔ سُہ گُنزُر خدایَن تؠمسٕندِ خونکِہ باعِثٕہ اکھ تیُتھ کفار یُوٚس ایمان اننٕہ سٲتؠ فٲئیدٕہ مند آسِہ تاکِہ یِم گُناہ گوڈٕہ سپٕدؠ مٕتؠ ٲسؠ تٕہ یِمن خدایَن برداشت کرِتھ ترجیح اُوس دیوٚتمُت تِمن مطٲبِق کرِ پننٕؠ راستبٲزی ظٲہر۔

²⁶۔ بلکِہ سپدِ یمے وقتٕہ تؠمسٕنٛز راستبٲزی ظٲہر تاکِہ سُہ روزِ پانٕہ تِہ عٲدِل تٕہ یُوس عیسیٰ ہس پؠٹھ ایمان انِہ تَس تِہ آسِہ راستباز گٕنزرن وۄل۔²⁷۔ ادٕہ فخر کتِہ روٗد؟ تؠمِچ گُنجٲیِشی چھؠنٕہ۔ کؠمِہ شریعتکِہ وجہ سٲتؠٕ؟ کیا عملن ہنٛدِ شریعتٕہ سٲتؠ؟۔ نَہ بلکہ ایمانکِہ شریعتٕہ سٲتؠ۔

²⁸۔ حالانکِہ اسؠ چِھ یِہ نتیجہ کڑان زِ انسان چُھ شریعتکِہ عملِہ ورٲۓ ایمانکِہ سببٕہ سٲتؠ راستباز گنزرنٕہ یِوان۔²⁹۔ کیا خدا چَھا صِرف یہودؠن ہُندۓ تٕہ غٲر قومن ہُند چُھنٕہ؟۔ بے شک چُھ غٲر قومن ہُند تِہ۔

³⁰۔تکیازِ اکوۓ خدا چُھ مختونن تِہ تہٕ نامختونن تِہ ایمانکِہ وسیلہٕ ساتؠٕ راستباز گنزراوان._³¹۔ اتی کیا اسؠ چھا شریعت ایمانٕہ سٲتؠ بٲطل کران؟۔ ہرگِز نٕہ۔ بلکہ چِھ شریعت قٲیِم تھاوان۔

4¹۔ ادٕہ اسٕؠ کیا ونو زِ سٲنِس جِسمٲنی بب ابراہیمس کیا حٲصِل سپُد؟۔

²۔ تکیازِ اگر ابراہیم عملو سٲتؠ راستباز گنزرنٕہ یِیہے تیلِہ آسہے تَس فخرٕچ جاۓ، مگر خدایس نزدیک نٕہ کینٛہہ۔

³کتابِ مُقدّس کیا چھے ونان؟ یِہ زِ اِبراہیمن اُوٚن خدایس پؠٹھ ایمان تٕہ یِہ آیِہ تؠمسٕندِ خٲطرٕہ راستبٲزی گنزراونٕہ۔⁴۔ کٲم کرن وٲلؠ سٕنٛز ضروری چھؠنٕہ بخشِش کینٛہہ بلکِہ چُھ یِوان حق سمجھنٕہ۔

⁵۔ مگر یُوس شخص نٕہ کٲم چُھ کرانبلکہ چُھ بے دینَس پٕزؠ زؠور گنزرنٕہ وٲلِس پؠٹھ ایمان انان۔ تؠمسُند ایمان چُھ تؠمسٕندِ خٲطرٕہ راستبٲزی گٕنزرنٕہ یِوان۔⁶۔ حالانکِہ یمِس شخصَس خٲطرٕہ خدا بغیر اعمال راست بٲزی چُھ شُمار کران۔ داوٗد تِہ چُھ تؠمسٕنز مبارک حٲلی یِتٕھہ پٲٹھی بیان کران۔

⁷۔ مُبارک چُھ تِمن یِمن ہٕنٛز بدکٲری معاف سپٕز تٕہ یِمن ہٕندؠ گناہ چُھپاونٕہ آۓ۔

⁸۔ مُبارک چُھ تِمن یِمن ہندؠ گُناہ خداۓ شُمار کرِ نٕہ۔⁹۔ اتِی کیا یِہ مبارک بٲدی چھا مختُونَن ہنٛدے خٲطرٕہ کِنٕہ نامختُونَن ہنٛدِ خٲطرٕہ تِہ؟ تکیازِ سوٚن دعویٰ چُھ یِہ زِ ابراہیم سٕندِ خٲطرٕہ آوٗ تؠمسُند ایمان راستبٲزی گنزرنٕہ۔

¹⁰۔ اتِی کَتھ حالتَس منٛز آوٗ گنزرنٕہ؟ مختُونِی منٛز کِنٕہ نامختُونِی منٛز؟ مختُونِی منٛز نٕہ بلکہ نامختُونِی منٛز۔¹¹۔ تٕہ تؠمؠ لوٚب ختنُک نِشان زِ اتھ ایمانچِہ راستبٲزی پؠٹھ سپدِن مہر یُوسہ تس نامختُونی ہنٛدِس حالتس منٛز حٲصِل ٲس۔ سُہ آوٗ تِمن سارنٔی ہُند مۄل گنزرنٕہ یِم بغیر نامختُونِی آسنُک ایمان چِھ انان۔

¹²۔ تٕہ یِمن مختُونَن ہُند مۄل یُوٚس نٕہ صرف مختُون چُھ بلکِہ چُھ سٲنِس بب ابراہیمٕہ سٕندِس تَتھ ایمانَس تِہ پیروی کران یُوس تَس نامختُونی ہنٛدِس حالتَس منٛز حٲصِل چُھ۔¹³۔ تکیازِ یِہ وعدٕہ کوٚرُن زِ سُہ آسِہ دُنیاہُک وٲرِث۔ نٕہ ابراہیم سٕنٛدِ سٲتؠ تٕہ تؠمسٕنزِ نسلٕہ سٲتؠ، بلکِہ اُوس شریعتکِہ وسیلٕہ سٲتؠ آمُت کرنٕہ بؠیِہ اُوس آمُت ایمانچٕہ راستبازی ہنٛدِ وسیلٕ سٲتؠ کرنٕہ۔

¹⁴۔ تکیازِ اگر شریعت وٲلؠ وٲرِث آسن تٕہ ایمان روزِ بے فٲئیدٕہ تٕہ وعدٕہ سٲتؠٕ سپدؠنٕہ کینٛہہ تِہ حٲصل۔

¹⁵۔ تکیازِ شریعت چُھ غضب پٲدٕہ کران تٕہ یتِہ شریعت چھؠنٕہ تتِہ چھؠنٕہ حُکمٕچ مُخالفَت تِہ کینٛہہ۔¹⁶۔ امے موجُوب چُھ سُہ میراث ایمانٕہ سٲتؠ میلان تاکِہ فضلکِہ طورٕہ آسِہ تٕہ سُہ وعدٕہ روزِ تمام ذُریٲژ خٲطرٕہ قٲئم۔ نٕہ صرف تِہندِ باپَتھ یِم شریعتٕہ وٲلؠ چِھ بلکہ تِہندِ باپَتھ تِہ یِم ابراہیمٕہ سٕندؠ پٲٹھؠ ایمان وٲلؠ چِھ، سُوۓ چُھ اسِہ سارنٔی ہُند مۄل۔

¹⁷۔ حالاکِہ لؠکِھتھ چُھ زِ مے بنووُکھ ژٕہ واریاہن قومَن ہُند مول۔ تَس خدایَس برنٛہہ کنِہ یَس پؠٹھ تؠمؠ ایمان اُون بؠیِہ یُوٚس موردَن زندٕہ چُھ کران تٕہ تِم چیز یِم نٕہ موجود چِھ یتٕھہ کنؠ چُھ تِمن ناد لایان زِ زن تِہ چِھ تِم مُوجود۔¹⁸۔ تؠمؠ اُون نا اُمیدی ہندِس حالتَس منز اُمید سان ایمان۔ تاکہ امِہ قولٕہ مطٲبِق زِ چٲنؠٕ نسٕل آسِہ یِژھٔی سُہ آسِہ واریاہن قومن ہُند مول۔

¹⁹۔ تٕہ سُہ یُوٚس تقریباً ہَتھ وُہَر اُوس مگر بوجہ پننِہ موردٕہ بدنٕہ تٕہ سارہ سٕنٛز موردٕہ بچِہ دانِہ پؠٹھ لحاظکرنکِس اایمانَس منز سپُد نٕہ کمزور کینٛہہ۔²⁰۔ بؠیِہ کورُن نٕہ بے ایماب سپدِتھ خدایہ سٕندؠن وعدن منز شک کینٛہہ بلکِہ کٔرن ایمانس منز مظبوط ٲسِتھ خدایہ ثناءخٲنی ۔

²¹۔ تٕہ تَس سپُد کٲمِل اعتقاد زِ یِہ کینژھا تؠمؠ وعدٕہ کوٚر سُہ چُھ تَتھ پورٕہ کرنُک تِہ طاقت تھاوان۔

²²۔ امے وجہ سٲتؠ آیِہ یِہ تؠمسٕندِ خٲطرٕہ راستبٲزی گنزرنٕہ۔²³۔ تٕہ یِہ کَتھہ زِ ایمان آوٗ تسہندِ خٲطرٕہ راستبٲزی گنزرنٕہ، نَہ صرف تسٕنٛدِ خٲطرٕہ آیہ لیکھنٕہ۔

²⁴۔ بلکِہ سانِہ خٲطرٕہ تِہ، یِمن خٲطرٕہ ایمان یِیِہ راستبٲزی گنزرنٕہ۔ امِہ وجہ چُھ اسِہ تَس پؠٹھ ایمان اُونمُت یمؠ سُوٚن خداوند عیسیٰ موردو منزٕہ زندٕہ کوٚر۔

²⁵۔ سُہ آو سانؠو گنہو باپَتھ حوالٕہ کرنٕہ۔ تٕہ اسی راستباز گنزراونٕہ خٲطرٕہ آوٗ زندٕہ کرنٕہ۔

5¹۔ تٕہ ییلِہ اسؠ ایمانٕہ سٲتؠ آۓ پزؠ زیٲرؠ گنزرنٕہ، تیلِہ تھاوَو اسٕؠ خدایس سٲتؠ پننِس خداوند عیسیٰ مسیح سٕندِ وسیلٕہ سٲتؠ صلح۔

²۔ یمسٕندِ وسیلٕہ سٲتؠ ایمانکِہ سببٕہ تَتھ فضلَس تام اسؠ وٲتؠ، یَتھ پؠٹھ اسؠ قائم چِھ۔ بؠیِہ کرو فخر خدایِہ سٕندِ جلالچِہ اُمیدِ پؠٹھ ۔³صرف یوتُی یوٚت نٕہ بلکِہ کرو مصیبتَن منز تِہ فخر یِہ زٲنِتھ زِ مصیبتو سٲتؠ چُھ صبر پٲدٕہ سپدان۔

⁴۔ تٕہ صبرٕہ سٲتؠ مضبُوطی تٕہ مظبُوتی سٲتؠ چھے اُمید پٲدٕہ سپدان۔

⁵۔ تٕہ اُمیدِ سٲتؠ چھؠنٕہ شرمندگی حٲصل کینٛہہ سپدان۔ تکیازِ یُوس روحُ القُدس اسِہ بخشنٕہ چُھ آمُت، تؠمسندِ وسالتٕہ چُھ خدایِہ سُند محبت سانؠن دِلن منز تراونٕہ آمُت۔⁶۔ تکیازِ ییلِہ اسٕؠ کمزورٔی ٲسؠ، تٕ عین وقتَس پؠٹھ مود مسیح بے دینَن ہنٛدِ خٲطرٕہ۔

⁷۔ کٲنسِہ پٕزؠ زیٲرؠ سٕنٛدِ باپَتھ یاہ کانٛہہ پنُن جان۔ یا کٲنسِہ منزٕہ آسیاہ جُرات زِ پنُن جان دِیِہ کٲنسِہ نیک نفرٕہ سٕندِ باپَتھ۔⁸۔ مگر خدا چُھ پننِہ محبتٕچ خوبی اسِہ پؠٹھ یِتھٕہ کنؠ ظٲہر کران زِ ییلِہ اسٕی گنہگارٔے ٲسؠ تٕہ مسیح مُود سانِہ باپَتھ۔

⁹۔ ادٕہ ییلِہ اسٕؠ تؠمسٕندِ خونکِہ باعثٕہ ونؠ راستباز ماننٕہ آۓ تٕہ تؠمِہ سٕندِموسالتٕہ بچو اسٕؠ ضرور غصبِ اِلہٰی نِشٕہ۔¹⁰۔ تکیازِ ییلِہ دُشمنَن ہندِ باوجود خدایس سٲتؠ تؠمسٕندِ نؠچی سٕندِ موتکِہ وسالتٕہ سون صلح سپُد، تٕہ صلح سپدنٕہ پتٕہ بچو اسٕؠ ضرور تؠمسٕندِ زندگی ہنٛدِ پ سببٕہ۔

¹¹۔ تٕہ صرف یوتُی یوٚت نٕہ کینٛہہ بلکِہ پننِس خداوند عیسیٰ مسیح سٕندِ وسالتٕہ سپُد ونٕؠ خدایس پؠٹھ فخر تِہ کران۔¹²۔ ادٕہ یِتھٕہ پٲٹھؠ اکِس انسانٕہ سٕنٛد سٲتؠ دُنیاہَس منز گناہ آوٗ، تٕہ یِتھٕہ کنؠ پھلیو تمام انسانَن منز موت تکیازِ سٲلمو کٔرؠ گناہ۔

¹³۔ تکیازِ شریعت ظاہر سپدنَس تام اُوس دنیاہس منز گناہ مگر یتِہ شریعت چھؠنٕہ تتِہ چُھنٕہ گناہ تِہ شمار سپدان۔¹⁴۔ تاہم چُھ آدمٕہ سٕندِ پؠتٕھہ موسیٰ ہس تام موتن تِمن پؠٹھ تِہ راج کورٚمُت یِمو تَس آدمٕہ سٕندِ نافرمٲنی ہٕندؠ پؠٹھؠ یُوٚس یتٕہ وٲلِس کُن اشارٕہ اُوس۔ گناہ اوسکھنٕہ کوٚرمُت۔

¹⁵۔ مگر گُنہک یُوس حال چُھ سُوٚ چُھنٕہ فضلک نعمت کینٛہہ تکیازِ اکِس شخصٕہ سٕندِ گناہ سٲتؠ مُودؠ واریاہ انسان تٕہ خدایہ سُند فضل تٕہ بؠیِہ تؠمسٕنز بخشِش سپٕز اَسؠ انسان یعنی عیسیٰ مسیح سندِہ فضلٕہ پٲدٕہ تٕہ سپٕز واریاہن انسانن پؠٹھ ہُریمانٕہ نٲزل۔¹⁶۔ تٕہ یتھٕہ کنؠ اکِس شخصّہ سٕندِہ گناہ کرنُک انجام سپُد، تؠوتھ حال چُھنٕہ بخشِش ہُند کینٛہہ اکٕؠ سٕندے سببٕہ سٲتؠ سپُد سُہ واریاہو گُنہو سٲتؠ سپٕز تِژھ نعمت پٲدٕہ یمکِس نتیجس منز لوکھ راست باز آۓ گنزرنٕہ۔

¹⁷۔ تکیازِ ییلِہ اکِس شخصہ سٕندِ وجہ سٲتؠ موتَن تؠمِس اکٕؠ سٕندِ ذریعہ پادشٲہی کٔر تٕہ یِم لوکھ ہریمانٕہ سان فضل تٕہ راستبٲزی ہٕنٛز بخشِش حٲصل چھ کران، تِم کرن اکِس شخص یعنی عیسیٰ مسیح سٕندِ وسالتٕہ ابدی زندگی منز پادشٲہی۔¹⁸۔ غرض یِتٕھہ کٔنؠ اکِہ گناہکِہ سببٕہ سٲتؠ سُہ فٲصلٕہ سپُد یمؠوک نتیجہ سزاہُک حکم تمام انسانَن پؠٹھ اُوس۔ تِتَھے کنؠ مِیجؠ نیکی ہٕنٛزِ اکِہ کامِہ ہٕندِ وسالتٕہ تمام انسانَن سُوٚ نعمت۔ یمِہ سٲتؠ نیک بنِتھ زندگی لبن۔

¹⁹۔ تکیازِ یِتھٕہ پٲٹھؠ اسؠ شخصہ سٕنزِ نافرمٲنی سٲتؠ واریاہ لوکھ گُنہگار بنے، تِتَھے پٲٹھؠ بنَن اکؠ سٕنزِ فرمانبردٲری سٲتؠ واریاہ لوکھ راستباز۔²⁰۔ تٕہ منزَس سپٕز شریعت یِتھ موجود تاکِہ گناہ سپدن زیادٕہ۔ مگر یتٕہ گناہ زیادٕہ سپُد تتِہ سپُد فضل واریاہ زیادٕہ۔

²¹۔ تاکِہ یِتھ کٔنؠ گناہن موتکِہ وجہ سٲتؠ پادشٲہی کٕر۔ تِتَھے پٲٹھؠ کرِ فضل تِہ عیسیٰ مسیح سٕندِ وسالتٕہ ابدی زندگی پاپَتھ راستبٲز یہنٛدِ ذریعہ پادشٲہی۔

6¹۔ ادٕہ اسؠ کیا ونَو؟۔ کیا گُناہ روزوا کران یوٚتھ زن فضل زیادٕہ سپدِ؟۔

²۔ ہرگِز نہ اسٕؠ یِم گُناہکِہ اعتبارٕہ مومٕتؠ چِھ، پتٕہ کتھہ پٲٹھؠ گنزرو اسٕؠ تَتھ منز بؠیِہ زندگی؟۔

³۔ کیا توہؠ چُھو نا زانان زِ اسِہ یِیتِہو عیسیٰ مسیحَس منز شٲمل گژھنُک بپتسمٕہ نیُو تٕہ سُہ نیُو اسِہ تؠمسٕندِس موتَس منز شٲمل گژھنُک بپتِسمٕہ؟۔⁴۔ اتی سپٕدؠ اسٕؠ موتَس منز شٲمل گژھنکہ بپتسمٕہکِہ وسالتٕہ تَس سٲتؠ دفن۔ تاکِہ یِتھ پٲٹھؠ مسیح ببٕہ سٕندِ جلالکِہ وسالتٕہ تَس سٲتؠ دفن، تاکِہ وسالتٕہ موردو منزٕہ زندٕہ کرنٕہ آوٗ۔ تِتَھے کنؠ پکَو اسٕؠ تِہ نَیِہم زندگی منز۔

⁵۔ تکیازِ ییلِہ اسٕؠ تؠمسٕنزِہ موتچِہ شکلِہ منز تَس سٲتؠ رلَے، تٕہ بیشک روزہ اسٕؠ تؠمسٕنزِ زندٕہ وتھنٕچِہ شکلِہ منز تِہ تَس سٲتؠ رلِتھ۔⁶۔ حالانکِہ اسٕؠ چِھ زانان زِ سٲنؠ پرٲنؠ انسٲنیت آیِہ تَس سٲتؠ مصلُوب کرنٕہ زی گنہُک بدن گژِھ بیکار تاکِہ اسٕؠ روزو نٕہ برونٛہہ کُن گُنہٕچِہ غلامی منز۔

⁷۔ تکیازِ یُوس مُود سُہ گوٚ گُنہو نِشٕہ بھری۔⁸۔ ادٕہ ییلِہ اسٕؠ مسیحَس سٲتؠ مُودؠ تٕہ اسِہ چُھ یقین زِ تَس سٲتؠ زندٕہ تِہ۔

⁹۔ تکیازِ یِہ چِھ زانان زِ مسیح ییلِہ موردو منزٕہ زندٕہ وتھمُت چُھ سُہ صرنِہ بؠیِہ دوبارٕہ کینٛہہ۔ یعنی تَس چُھنٕہ دوبارٕہ موتُک اختیار کینٛہہ۔¹⁰۔ تکیازِ مسیح یُوس اکِہ لٹِہ مُود گنہٕکِہ اعتِبار سٲتؠ، مگر ونؠ ییلِہ زندٕہ سپُد تٕہ خدایہ سٕندِ اعتِبار سپُد زندٕہ۔

¹¹۔ یِتَھے کنؠ زٲنؠو توہؠ تِہ پنُن پان گنہکِہ اعتِبار سٲتؠ موردٕہ، مگر خدایہ سٕندِ اعتِبار سٲتؠ زانؠو مسیح عیسیٰ ہس منز زندٕہ۔¹²۔ اتی کرِنٕہ گناہ تُہندِس فٲنی بدنس منز کینٛہہ زِ توہؠ رُوزؠو تؠمسٕنزن خواہشاتن تابِع۔

¹³۔ تٕہ پننٕؠ وُستخان مَہ کرؠو اپزؠک ہتھیار بننٕہ خطرٕہ گُنہن حوالٕہ، بلکِہ کرؠو پنُن پان موردو منزٕہ زندٕہ سمجِھتھ خدایس حوالٕہ تٕہ پننٕؠ وُستخان کرؠو پزرُک ہتھیار بننٕہ باپَتھ خدایَس حوالٕہ۔

¹⁴۔ امِہ موکٕھہ زِ توہِہ پؠٹھ آسنٕہ گنہُک اختیار کینٛہہ تکیازِ توہؠ ٲسیونٕہ شریعتٕکؠ ماتحت کینٛہہ بلکِہ آسؠو فضلٕکؠ ماتحت۔¹⁵۔ ادٕہ کیا سپُد؟۔ کیا اسٕؠ کرواہ امِہ موکٕھہ گناہ زِ شریعتَس چھنٕہ ماتحت کینٛہہ بلکہ چِھ فضلس ماتحت؟۔ ہرگِز نٕہ۔

¹⁶۔ کیا توہؠ چُھونا زانان زِ یمسٕنزِ فرمانبردٲری خٲطرٕہ توہؠ پنُن پان غلٲمی ہنٛدؠ پٲٹھؠ حوالہ چُھوٗ کران۔ توہؠ چُھو تؠمسٕدؠ غلام یمسٕندؠ فرمانبردار چُھوٗ چاہے گنہس یمؠک انجام موت چُھ، چاہے فرمانبردٲری یمؠک انجام راستبٲزی چھے۔¹⁷۔ مگر خدایہ سُند شُکر اگر زن توہؠ گنہٕکؠ غلام ٲسؠو توتِہ سپدیو دِلٕہ سٲتؠ تؠمِہ تعلیم ہنٛدؠ فرمانبردار یمکِس سانچس منز توہؠ تھاونٕہ ٲسؠو آمتؠ۔

¹⁸۔ تٕہ گنہو نِشٕہ آزاد سپدِتھ اُو راستبٲزی ہنٛدٕؠ غلام گنزرنٕہ۔¹⁹۔ بُو چُھسو تُہنزِ انسٲنی کمزری سببٕہانسٲنی طوٚر ونان یِتھٕہ پٲٹھؠ توہِہ پننٕؠ اعضاء بدکٲری کرنٕہ باپَتھ ناپاکی تٕہ بدکٲری ہٕنٛزِ غلٲمی حوالٕہ کرِ مٕتؠ ٲسؠو، تِتَھے پٲٹھؠ کرؠو ونؠ پننٕؠ اعضاء پاک گژھنٕہ خٲطرٕہ راستبٲزی ہٕنٛز غلٲمی حوالٕہ۔

²⁰۔ تکیازِ توہؠ آسِؠو گنہٕکؠ غلام تٕہ راستبٲزی ہٕندِ اعتبارٕہ ٲسؠو آزاد۔

²¹۔ ادٕہ یِمو کتھو سٲتؠ توہؠ ونؠ شرمندٕہ چُھوٗ تِمو سٲتؠ کیا پھل ٲسؠو توہؠ تؠمِہ وقتٕہ لبان؟۔ تکیازِ تِمن ہُند انجام اُوس موت۔²²۔ مگر ونؠ میُولو توہِہ پنُن پھل گنہو نِشٕہ آزاد گژِھتھ تٕۃ خدایہ سٕنٛدؠ غلام ٲسِتھ۔ یمِہ سٲتؠ پاکیزگی حٲصل چھے سپدان تٕہ امؠک انجام چھے اندی زندگی۔

²³۔ تکیازِ گنہٕچ مزُورؠ چُھ موت، مگر خدایہ سٕنٛز بخشِش چھے سٲنِس خداوندِ عیسیٰ مسیحس منز ہمیشٕہ ہٕنٛز زندگی۔

7¹۔ ہے بایو! کیا توہؠ چُھو نا زانان زِ بُو چُھس تِمن ونان یِم شریعتس وٲقف چِھ زِ یوتام انسان زندٕہ چُھ، تتھؠ وقتس تام چھے شریعت تَس پؠٹھ اختیار تھاوان؟۔²۔ چناچِہ یمِس زنِہ یوتام شوہر موجود چُھ تٕہ سُوٚ چھے شریعتٕہ مطٲبق پننِس شوہر سٕنزِ زندگی تام تَس سٲتؠ مگر اگر شوہر مودُس تٕہ سُوٚ گیِہ شریعتٕہ نِش یلٕہ۔

³۔ ادٕہ اگر شوہر سٕنزِ زندگی منز سُو بیکِس مردس سٲتؠ کرِ تٕہ سُوٚ یِیِہ زِنٲنؠ وننٕہ۔ مگر اگر شوہر مودُس تٕہ تیلِہ چھے سُہ تؠمِہ شریعتٕہ نِشٕہ آزاد۔ یوتانؠ زَن بؠکِس مردس سٲتؠ تِہ کرِ تٕہ زِنٲنؠ یِینٕہ گنزرنٕہ۔⁴۔ ادٕہ ہے میانؠو بائیو، توہؠ تِہ بنؠو مسیح سٕندِ بدنکِہ وسالتٕہ شریعتکِہ اعتبارٕہ سٲتؠ امِہ موجوب موردٕہ زِ تمِس دوؠمِس سٕنٛدؠ بنؠو یُوس موردو منزٕہ زندٕہ آوٗ کرنٕہ تاکِہ اسٕؠ سٲری کرو خدایہ سٕندِ باپَتھ پھل پٲدٕہ۔

⁵۔ تکیازِ ییلِہ اسٕؠ جسمٲنی آسؠ اتی یُوسٕہ گنہٕچ خوٲہش شریعتکِہ ذریعہ پٲدٕہ ٲس سپدان سُہ ٲس سانؠن اعضاہن منز موتُک پھل پٲدٕہ کرنٕہخٲطرٕہ اثر کران۔⁶۔ مگر یمِہ چیز کِس قٲدس منز ٲسؠ تؠمکِہ اعتِبارٕہ گے اسٕؠ مرِتھ ونؠ شریعتٕہ نِشٕہ تَتھ کنؠ آزاد زِ اسٕؠ چِھ روحکِہ نیِہ طورٕہ پٲٹھؠ خدمت کران۔ نَہ کہ لفظن ہنٛدِ پرانِہ طورٕہ پٲٹھؠ۔⁷۔ ادٕہ اسٕؠ کیا ونو؟ کیا شریعت چھا گناہ؟۔ ہرگِز نٕہ، بلکِہ بغیر شریعت ہیکنٕہ بُو گناہ پہچٲنِتھ۔ مثلاً اگر شریعت یِہ ونِہؠنٕہ زی ژٕہ مٔہ کر لالٕچ تٕہ بُو کتِہ زانٕہو لالٕچ۔

⁸۔ مگر گناہن کٔر مے منز موقع لبِتھ حکمکِہ ذریعہ لالٕچ پٲدٕہ تکیازِ شریعتٕہ ورٲۓ چُھ گناہ موردٕہ۔⁹۔ اکِس زمانَس منز اُوسُس بُو شریعتٕہ ورٲۓ زندٕہ۔ مگر ییلِہ حکم آوٗ تٕہ گناہ گو زندٕہ تٕہ بُو مۄدُس۔

¹⁰۔ تٕہ یمِہ حکمٕچ چاہت زندگی ٲس، سُویٔ بنؠو میٲنِس حقّس منز موتُک ذریعہ۔¹¹۔ تکیازِ بُو ڈولنَس گُنہن موقع لبِتھ حُکمکِہ ذریعہ تٕہ تؠمکے ذریعہ ژُھننَس بُو مٲرِتھ تِہ۔

¹²۔ ادٕہ شریعت چُھ پاک تٕہ حکم تِہ چُھ پاک تٕہ وَتھ تِہ چھے اصل۔¹³۔ اتی یُوس چیز اصل چُھ کیا سُہ سپٕدیاہ میانِہ باپَتھ موت ثٲبِت؟۔ ہرگِز نٕہ، بلکہ گنٛہن کوٚر میانِہ باپَتھ اصل چیز کِہ ذریعہ موت پٲدٕہ کرِتھ مورنَس بُو۔ تاکِہ تؠمسُند گناہ سپدُن آسِہ ظٲہر تٕہ حکمکِہ ذریعہ سپدِ گناہ حدٕہ کھوٚتٕہ زیادٕہ مکرو معلوم۔

¹⁴۔ کیا اسٕؠ چھا زانان زِ شریعت چھے روحٲنی مگر بُو چُھس جسمٲنی تٕہ گنہکؠو اتھو کٔننٕہ آمُت۔¹⁵۔ تٕہ یِہ بُو کران چُھس تِہ چھؠنٕہ مے پے تکیازِ یمؠک بُو ارادٕہ چُھس کران تٕہ چُھسنٕہ کران۔ بلکہ یَتھ سٲتؠ مے نفرت چھے تی چُھس کران۔

¹⁶۔ تٕہ اگر بُو تَتھ پؠٹھ عمل چُھس کران یمؠک ارادٕہ بُو چُھسنٕہ کران تٕہ بُو چُھس مانان زِ شریعت چُھ اصل۔¹⁷۔ اتی اَتھ صورتَس منز چُھس نٕہ بُو امؠک کرن وۄل کینٛہہ بلکِہ چُھ گناہ یُوٚس مے منز بسِتھ چُھ۔

¹⁸۔ تکیازِ بُو چُھس زانان زِ میٲنِس جِسمس منز چھؠنٕہ کانٛہہ تِہ نیکی۔ البتہ ارادٕہ چُھ مے منز موجود مگر نیک کامِہ چھؠنٕہ میانِہ اتٕھہ یِوان۔¹⁹۔ چناچِہ یِمٕہ نیکی ہُند بُو ارادٕہ چُھس کران۔ تِہ چھسںٕہ کران۔ مگر یمٕہ بدی ہُند ارادٕہ چُھس کران۔ تِہ چُھس کران۔

²⁰۔ اتی اگر بُو تِہ چُھس کران یمؠک ارادٕہ چُھسنٕہ کران تٕہ تؠمؠک کرن وۄل چُھسنٕہ بُو بلکِہ چُھ گناہ یُوٚس مے منز بسِتھ چُھ۔

²¹۔ غرض بُو چُھس تِس شریعت لبان زِ ییلِہ بُو نیکی ہُند ارادٕہ چُھس کران تٕہ بدی چھے مے نِش حٲضر آسان۔²²۔ تکیازِ باطنی انسانیتکِہ اعتِبار چُھس بُو خرایہ سٕنز شریعت زیادٕہ پسند کران۔

²³۔ مگر مے چھے پننؠن اعضاہن منز بیکِہ قٕسمٕچ شریعت اتِھ یِوان۔ یُوسٕہ مکیانِہ عقلِہ ہٕنٛزِ شریعتٕہ سٲتؠ لڑِتھ مے تَتھ گنٛہچِہ شریعتِہ ہٕنٛدِس قٲدَس منز چھے انان یُوٚسٕہ میانؠن اعضاہن منز موجود چھے۔²⁴۔ واۓ کوتاہ کم بخت انسان چُھس یمِہ موتکِہ بدنٕہ تَلٕہ کُس موکلایِہ مے؟۔

²⁵۔ بُو چُھس پننِس خداوندِ عیسیٰ مسیح سٕندِ وسالٕہ سٲتؠ خدایہ سُند شُکر کران۔ غرض چُھس پانٕہ پننِہ عقلِہ سٲتؠ خدایہ سٕنٛزِ شریعتُک تابع۔ مگر جسمٕہ سٲتؠ چُھس گنہکِہ شریعتُک تابع۔

8¹۔ ادٕہ یُوس ونؠ عیسیٰ مسیحَس منز چُھ تَس پؠٹح چُھسنٕہ سزاہُک کینٛہہ

²۔ تکیازِ زندگی ہنٛدِ روحٕکؠ شریعتن کورُس بُو عیسیٰ مسیحس منز آزاد گناہ تٕہ موتکِہ شریعتٕہ نِشٕہ۔³۔ اوٕہ موکٕھہ زِ یوسٕہ کٲم جسمکِہ وجہ کمزور سپدِتھ شریعت ہؠچھنٕہ کرِتھ۔ سُہ کٔر خداین یعنی تؠمؠ سُوز پنُن نؠچُوگناہ آلودٕہ جسمکِس صورتَس مز تٕہ گنٛہچِہ قربانی خٲطرٕہ دِیُوٚتنس جِسمس منز گنہکِہ سزاہُک حکم۔

⁴۔ تاکِہ شریعتُک پزَر سپدِ اسِہ منز پورٕہ یُوس جسمٕہ مطٲنق چُھنٕہ بلکِہ چُھ روحکِہ مطٲنق پکان۔

⁵۔ تکیازِ یِم جسمٲنی چِھ تِم چِھ جسمٲنی کتَھن ہنٛدؠن خیالن منز تِہ روزان، مگر یِم رُوحٲنی چِھ تِم چِھ روحٲنی کتَھن ہنٛدؠن خیالن منز روزان۔⁶۔ تٕہ جِسمٲنی نیت چُھ موت۔ مگر روحٲنی نیت چھے زندگی تٕہ اِطمنان۔

⁷۔ اوٕہ موکٕھہ زِ جِسمٲنی نیت چھے خدایہ سٕنٛز دُشمن۔ تکیازِ سُوٚ چھؠنٕہ خداۓ سٕنزِہ شریعتٕچ تابع نَہ ہؠکِہ سپدِتھ۔

⁸۔ تٕہ یِم جسمٲنی چِھ تِم ہؠکن نٕہ خدایس خوش کرِتھ۔⁹۔ مگر توہؠ چِھؠونٕہ جسمٲنی کینٛہہ بلکِہ چُھو روحٲنی۔ بشرطیکِہ توہِہ منٛز چُھ خدایہ سُند روح بسِتھ مگر یمِس منٛز نٕہ مسیح سُند رُوح چھ سُہ چُھنٕہ تؠمسُند۔

¹⁰۔ تٕہ اگر مسیح ژے منز چُھ تٕہ اتؠ چُھ گنہو سٲتؠ بدن چوٚن موردٕہ مگر روح چُھ پزرٕہ سٲتؠ زندٕہ۔¹¹۔ تٕۃ اگر تؠمسندُی روح ژے منز بسِتھ چُھ یمؠ عیسیٰ موردو منزٕہ زندٕہ کور، سُہ کرِ تُہنٛدؠ فٲنی بدن تِہ پننِہ تؠمِہ روح کِہ سالتٕہ زندٕہ یُوس توہِہ منز بسِتھ چُھ۔¹²۔ ادٕہ ہے بائیو اسٕؠ چِھ قرضدار مگر جِسمٕکؠ نٕہ کینٛہہ زِ جِسمٕہ مطٲبق زندگی۔

¹³۔ تکیازِ اگر توہؠ جِسمٕہ مطٲنق زندگی گُزٲرؠو تیلِہ مرؠو توہؠ ضرور تٕہ اگر روح سٲتؠ بدنٕچؠن کامؠن نیست و نابُود کرؠو تیلِہ تیلِہ رُوزؠو زندٕہ۔¹⁴۔ تکیازِ یُوس تِہ خدایہ سٕندِ روح مطٲبِق پکان چُھ سُہ چُھ خدایہ سُند فرزند۔

¹⁵۔ تکیزِ توہِہ چُھونٕہ غلطی ہُند روح مؠولمُت یمِہ سٲتؠ پتٕہ خوف پٲدٕہ گژِھہ۔ بلکہ چُھو توہِہ منگنٕہ اُوٚتمُت رُوح میُول یمِس منز ٲسؠ ابّا یعنی ہیُو ببا ونِتھ کریکھ چِھ لایان۔¹⁶پاک روح چُھ سٲنِس روحَس سٲتؠ رلِتھ گوٲہی دِوان زِ أسؠٕ چِھ خدایہ سنٕد فرزند .

¹⁷۔تہٕ اگر فرزند چِھ تٕہ وٲرث تِہ چِھ یعنی خدایہ سٕندؠ وٲرث تٕہ مسیح چُھ سون میراث بشرطیکِہ اسٕؠ تُلو تَس سٲتؠ دُکھ تاکِہ تَس سٲتؠ لبو جلال تِہ۔¹⁸۔ تکیازِ میانِہ دانستی منز چِھنٕہ یمِہ زمانٕکؠ دُکھ دٲدؠ یَتھ لائق کینٛہہ زِ تَتھ جلالکِس مقابلَس منز ہیکَن آسِتھ یُوٚس اسِہ پؠٹھ ظٲہر سپدن وۄل چُھ۔

¹⁹۔ تکیازِ مخلوقات چھے سؠٹھاہ آرزُو سٲتؠ خدایہ سٕندؠن نؠچوؠن ظٲہر سپد نچِہ وتٕہ وُچھان۔²⁰۔ تکیزِ مخلوقات بطالتکِس اختیار منز دِنٕہ آمٕژ پننِہ خوشی سٲتؠ نٕہ کینٛہہ بلکِہ تؠمسٕندِہ ذریعہ یمؠ سُہ۔

²¹۔ امِہ اُمیز پیٹھ بطالتکِس اِختیارس منز کٚر زِ مخلوقات گژِھ خدایہ سٕندؠن فرزندن ہنٛزِ جلالچِہ آزادی منز دٲخل فنائی ہنٛد قبضٕہ نِشٕہ ییلٕہ گژِھتھ۔

²²

²³۔ فقت تِمے یٲتؠ نٕہ کینٛہہ بلکہ ٲسؠٕ تِہ یِمن رُوحٕکؠ گوڈنکؠ پَھل میلؠ۔ توہؠ چُھوٗ پننِس باطنِس منز کرءکٕ دِوان تٕہ منگتٕہ آسنُک یعنی پننِہ بدنچِہ خلٲصی ہٕنٛزِہ وتِہ چُھوٗ وچھان۔

²⁴۔ چناچِہ اسِہ میُول اُمید ہنز وسالتٕہ نجات مگر یمِہ چیزٕچ اُمید چِھے ییلِہ سُہ اتِھ یِیِہ تیلِہ کِژِھ اُمید چھے پتٕہ؟۔ تکیازِ یُوس چیز وُچھنٕہ چُھ یِوان تؠمِچ اُمید کیا کرِ؟

²⁵۔ مگر یُوس چیز نٕہ وچھنٕہ یِیِہ اگر تؠمِچ اُمید کرو تٕہ صبرٕہ سان چِھ تؠمِچ وَتھ وچھان۔²⁶۔ یِتَھے کٔنؠ چُھ رُوح سانِہ کمزُوری منز مدد کران تکیازِ یتٕھہ پٲٹھؠ اسِہ دُعا پزِ کرُن اسٕؠ چِھنٕہ زانان۔ مگر رُوح چُھ پانٕہ وُۄش تراۓ تراۓ اسِہ شفاعت کران، یمؠک بیان ہیکنٕہ سپدِھ۔

²⁷۔ تٕہ دِلن پرکھاوَن وۄل چُھ زانان زِ رُوحٕچ کیا نیت چھے تکیازِ سُہ چُھ خدایہ سٕنٛزِ مرضی مطٲبق مُقدّسن ہُند شفاعت کران۔²⁸۔ تٕہ اسِہ چھ معلوم زِ ساری چیز چِھ رلِتھ خدایس سٲتؠ محبت تھاون والؠن ہندِ باپَتھ نیکی پٲدٕہ کران یعنی تِمن باپَتھ یِم خدایہ سٕنٛدِ ارادٕہ موافق بُلاونٕہ آۓ۔

²⁹۔ تکیازِ یِم تؠمؠ گوڈٕہ زٲنؠ تِم کٔرِن گوڈٕہ پؠٹھے مُقرر تِہ زِ تؠمسٕندِس نؠچوِ سٕنٛد آسن ہمشکل۔ تاکِہ سُہ یِیِہ واریاہن بایَن منز گوٚڈنؠک ماننٕہ۔

³⁰۔ تہٕ یِم تؠمؠٕ گوڈٕہ پؠٹھے مُقرر کٔرؠ تِمن دؠوتُن نادتِہ۔ تٕہ یِمن ناد دؠوتُن تِم گٕنٛزرِن راست باز تِہ تٕہ یِم راست باز گٕنٛزرِن، تِمن بخشُن جلال تِہ۔³¹۔ ادٕہ اسٕؠ کیا ونو تِمن کتَھن مطٲبق اگر خدا سانِہ طرفٕہ چُھ تیلِہ کُس چُھ سون مُخٲلف؟۔

³²۔یمؠٕ نہٕ پننِس نیچی سُند پرواہ کورنٕہ بلکہ کوٚرُن سُہ اسِہ سارنؠ ہنٛدِ موکٕھہ حوالٕہ۔ سُہ کیازِ بخشنٕہ اسِہ تَس سٲتؠ تٕہ بؠیِہ سٲری چیز تِہ اسِہ۔³³۔ خدایہ سٕنٛدؠن برگُزیدن پؠٹھ کُس کرِ شکایت؟۔ خدا چُھ سوُۓ یُوس تِمن راست باز چُھ گٕنٛزران۔

³⁴۔ کُس چُھ یُوس مُجرم گنٔزایِہ؟۔ مسیح عیسیٰ ہس چُھ سُہ یُوس مُود بلکہ وُۄتھ موردو منزٕہ زندٕہ تٕہ چُھ خدایس دٔچھنِہ طرفٕہ بؠیِہ چُھ کران سُوٚس شفاعت تِہ۔³⁵۔ کُس کرِ اسِہ مسیح سٕندِ محبتٕہ نِشٕہ جدا؟ مصیبت یا تنگی یا ظلم یا دراگ یا ننگہٕ گی یا خطرٕہ یا تلوار؟۔

³⁶۔ چُناچِہ لؠکِتھ چُھ "اسٕؠ چِھ چانِہ باپَتھ دوہے مارنٕہ یِوان۔ اسٕؠ چِھ آمٕتؠ ذبحہ کرن والؠن کٹَن ہنؠ پٲٹھؠ گٕنٛزرانٕہ۔³⁷۔ مگر سارنٔی حالاتَن منز سپٕز اسِہ تؠمِہ سٕنٛدِ وسالتٕہ یمٕؠ اسِہ سٲلمن سٲتؠ محبت کوٚر جیت حٲصل بلکِہ تؠمِہ کھوٚتٕہ تِہ سپٕز کامیٲبی حٲصل۔

³⁸۔ تکیازِ مے چُھ یقین زِ خدایہ سُند محبت یُوٚس سٲنِس عیسیٰ مسیحس منز چُھ، تؠمِہ نِشٕہ ہؠکنٕہ اسِہ نَہ موت جُدا کرِتھ نَہ زندگی۔

³⁹۔ نَہ فرشتٕہ، نَہ حکومت، نَہ موجودٕہ چیز، نَہ یِنٕہ وٲلؠ چیز، نَہ طاقت، نَہ تھزَر، نَہ سرینؠر، نَہ بؠیِہ کانٛہہ مخلُوق۔

9¹۔ بُو چُھس مسیحس منز پوٚز ونان، اپُز چُھسنٕہ ونان تٕہ میون دِل تِہ چُھ روحُ القُدسس منز اؠمِچ گوٲہی دِوان۔

²۔ زِ مے چُھ بوٚڑ غم تٕہ میون دِل چُھ برابر دُکھی روزان۔³۔ تکیازِ مے یوتام منظور زِ پننؠن بائین ہنٛدِ باپَتھ یِم جسمٕکِہ اعتِبار مے رشتٕہ چِھ گژھا بُو پانٕہ مسیحس محروم۔

⁴۔ تِم چِھ اسرائیلی تٕہ تِمن چُھ منگتٕہ آسنُک حق تٕہ جلال تٕہ عہد و شریعت تٕہ وعدٕہ چِھ تِہندِی۔

⁵۔ تٕہ قومٕکؠ بُزرگ چِھ تِہندِی تٕہ جسمٕکِہ اعتِبار سپُد مسیح تِہ تِموُی منزٕہ۔ یُوس سارنٔے تُھوٚد تٕہ ہمیشہ تام چُھ خداوندِ محمُود۔ آمین۔⁶۔ مگر یِہ کَتھ چھؠنٕہ زِ خدایہ سُند کلام سپُد باطِل۔ اوٕہ موکٕھہ زِ یِم اسرائیلکؠ اولاد چِھ تِم چھنٕہ سٲری اسرائیلؠ کینٛہہ۔

⁷۔ بؠیِہ آئؠنٕہ ابراہیمٕہ سٕنٛز نسل آسنکِہ وجہ سٲتؠ سٲری فرزند گٕنزرنٕہ، بلکِہ چُھ یِہ لؠکِتھ زِ چٲنؠ نسل یِیِہ اسحاق سٕنٛزٔی وننٕہ۔⁸۔ یعنی کِہ جِسمانی فرزند چِھنٕہ خدایہ سٕنٛدؠ فرزند کینٛہہ بلکِہ چِھ وعدٕکؠ فرزند گٕنٛزرنٕہ یِوان۔

⁹۔ تکیازِ وعدُک قول چُھ یِہ زِ بُو یِمٕہ تؠمِہ وقتہ مطٲبق تٕہ سارےس زؠیِہ نؠچُو۔¹⁰۔ صرف یوتُی یوٚت نٕہ کینٛہہ بلکِہ رِبقہ تِہ ٲس اکِس شخصہ یعنی سٲنِس بب اسحاق سٕنٛدِ سٲتؠ حٲملٕہ۔

¹¹۔ تٕہ ونؠک تام نٕہ ٲسؠ لڑکٔے زامٕتؠ تٕہ نَہ ٲس تِمو نیکی یا بدی کٔرمژ، زِ تس اُوس وننٕہ آمُت زِ بُوڑ کرِ لوکٹِس خدمت۔

¹²۔ تاکِہ خدایہ سُند ارادٕہ یُوس برگُزیدگی پؠٹھ موقوف چُھ، سُہ آسنٕہ عملن پؠٹھ مبنی بلکہ ناد دِنٕہ وٲلِس پؠٹھ۔

¹³۔ چناچِہ لؠکِھتھ چُھ زِ مے کوٚر یعقوبس سٲتؠ محبت مگر عِیسوَس سٲتؠ نفرت۔¹⁴۔ ادٕہ اسٕؠ کیا ونو؟ کیا خدایس نِش چھا بے اِنصٲفی؟ ہرگِز نٕہ۔

¹⁵۔ تکیازِ سُہ چُھ موسیٰ ہس ونان، یَس پؠٹھ رحم کرُن منظور چُھ تٕہ یَس پؠٹھ ترس کھؠن منظور چُھ، تَس پؠٹھ کھؠمٕہ ترس۔

¹⁶۔ مگر یِہ چُھنہ ارادہ کرن وٲلِس پؠٹھ مُنحصِر کینٛہہ نَہ دُورن وٲلِس پؠٹھ بلکِہ رحم کرن وٲلِس خدایس پؠٹھ۔¹⁷۔ تکیازِ کتابِ مُقدّسس منز ووٚن خداین فرعونَس ز "مے کورُکھ توۓ کھڑا زِ چانِہ وجہ سٲتؠ کرٕہ بُو پننؠ قُدرت ظٲہر تٕہ میوٚن ناوٗ آسِہ تمام روئے زمینِہ پؠٹھ مشہُور۔

¹⁸۔ ادٕہ یَس پؠٹھ سُہ یژھان چُھ رحم کرُن تَس چُھ کران تٕہ یَس یژھان چُھ تَس چُھ سخت کران۔¹⁹۔ ادٕہ ونکھا ژٕہ مے زِ پتٕہ کیازِ چُھ سُہ شکایت کران؟۔ " کُس چُھ تؠمسٕندِس ارادس مقابلٕہ کران"۔

²⁰۔ ہؠا انسانا خبر ژٕہ کُس چُکھ یُوٚس خدایس برونٛہہ کنِہ جواب چُھ دِوان؟ کیا بنؠومُت چیز ہؠکیا بناون وٲلِس ونِتھ زِ ژے کیازِ بنوتَھس بُو یُوٚتھ۔

²¹۔ کیا کرالےس چُحنا مؠژِ پؠٹھ اختیار کینٛہہ زِ اکے کُوٚندِ منزٕہ کڑِ سُہ اکھ بانٕہ عزّتٕہ خٲطرٕہ تٕہ بیاکھ بے عزّتی خٲطرٕہ۔²²۔ ادٕہ کیا تعجُب چُھ اگر خدا پنُن غضب ظٲہر کرنٕکِہ تٕہ پننؠ قُدرت آشکار کرنٕکِہ ارادٕہ سٲتؠ غضبکؠن بانَن سٲتؠ یِم ہلاکتٕہ خٲطرٕہ یِم تیار ٲسؠ سپٕدمٕتؠ آوٗ سؠٹھا نرمی سٲتؠ پیش۔

²³۔ تٕہ یِہ سپُد اوٕہ موکھٕہ زِ پننِہ جلالٕچ دولت کرِ رحمکؠو بانو ہنٛدِ ذریعہ آشکار یُوس تؠمؠ جلالٕہ خٲطرٕہ گوڈے اُوس تیار کوٚرمُت۔

²⁴۔ یعنی سانِہ ذریعہ دیوٚتنٕہ تؠمؠ فقط یہودؠو منزٕہ ناد بلکہ غٲر قومو منزٕہ تِہ۔²⁵۔ ییلِہ زن ہوسِیع سنزِ کتابِ منز تِہ چُھ خدا فرماوان زِ یُوٚسنٕہ میٲنؠ اُمّت ٲس، تَس ونٕہ بُوپننؠ اُمّت۔ تٕہ یُوٚسنٕہ ٹٲٹھ ٲس، تَس ونٕہ بُو ٹٲٹھ۔

²⁶۔ تٕہ سپدِ یِتھ پٲٹھؠ زِ یَتھ جایِہ تِمن یِہ اُوس آمُت وننٕہ زِ توہؠ ٲسؠو میٲنؠ اُمّت، تَتھی جایِہ سُہ زندٕہ خدایہ سُند نؠچُو وننٕہ۔²⁷۔ تٕہ یسعیاء چُھ اسرائیل سٕنٛدِ باپَتھ کرؠکھ دِتھ ونان زِ بنی اسرائیلن ہُند شُمار آسِہ سمندرچِہ سیکِہ برابر توتِہ بچن تِمو منزٕہ کم کینژھا۔

²⁸۔ تکیازِ خداوند کرِ پنُن کلام مکمل تٕہ ختم کرِتھ تؠمِہ مطٲبق زمینہ پؠٹھ عمل۔

²⁹۔ چناچہ یسعیاہن چُھ گوڈٕہ تِہ ونمُت زِ اگر نٕہ ربُ الافواج سٲنؠ کینٛہہ نسل باقی تھایِنٕہ تٕہ ٲسٕؠ گژھہو سدومٕکؠ پٲٹھؠ تٕہ عمورہس برابر۔³⁰۔ ادٕہ اسٕؠ کیا ونَو؟ یِہ زِ غٲر قومو یِم راستبٲزی ٲسنٕہ تلاش کران تِمو کٔر راستبٲزی حٲصل یعنی سُوٚ راستبٲزی یُوٚسٕہ ایمان سٲتؠ چھے۔

³¹۔ مگر اسرائیل یُوس راستبٲزی اُوس تلاش کران سُہ وُۄتنٕہ تَتھ شریعتس تام۔³²۔ کؠمِہ خٲطرٕہ؟۔ امِہ خٲطرٕہ زِ تِمو کوٚرنٕہ سُہ ایمانٕہ سٲتؠ تلاش۔ تِمو کھؠو تؠمِہ ٹھوکرٕہ کھؠنچِہ کنِہ سٲتؠ ٹھوکرٕہ۔

³³۔ چناچِہ لؠکِھتھ چُھ زِ وُچھؠو بُو چُھس تھاوان صِیُّونس منز ٹھوکرٕہ لگنٕچ کٔنؠ تٕہ ٹھوکرٕہ کھؠنٕچ کٔنؠ تٕہ یُوس تَتھ پؠٹھ ایمان انِہ سُہ گژھنٕہ شرمندٕہ

10¹۔ ہے بائیو مے چُھ دِلُک تمنّا بؠیِہ چُھس تِہنٛدِ خٲطرٕہ خدایس دعا منگان زِ تِمن میلن نجات۔

²۔ تکیازِ بُو چُھس تہُند گواہ زِ تِم چِھ خدایہ سٕنٛدِس بارس منز غٲرت تھاوان مگر سمجٕھ سان نٕہ کینٛہہ۔

³۔ تکیازِ تِم سپٕدؠ نٕہ خدایہ سٕنٛزِ راست بٲزی تابع کینٛہہ بلکہ ٲسٕؠ تؠمسٕنٛزِہ راستبٲزی نِشٕہ ناوٲقف آسِتھ پننؠ راستبٲزی قٲئم کرنٕچ کُوشِش کران۔⁴۔ تکیازِ پرتھ اکِس ایمان انَن وٲلؠ سٕنٛزِ راستبٲزی باپَتھ چُھ مسیح شریعتُک انجام۔

⁵۔ چناچِہ موسیٰ ہن چُھ یِہ لؠکھمُت زِ یُوس شخص تَتھ راستبٲزی پؠٹھ چِھ عمل کران یوسٕہ شریعتٕہ سٲتؠ چھے سُہ روزِ تؠمے وجہ سٲتؠ زندٕہ۔⁶۔ مگر یوسٕہ راستبٲزی ایمان سٲتؠ چھے سُہ چھے یِہ ونان زِ، ژٕہ مٕہ وَن پننِس دِلس منٛز یِہ زِ آسمانَس پؠٹھ کُس کھسِہ تاکِہ مسیحس والِہ بُون۔

⁷۔ یان تل پاتال کُس وسِہ تاکِہ مسیحس کھالِہ موردو منزٕہ زندٕہ کرِتھ ہؠوٚر۔⁸۔ بلکہ کیا چھے ونان؟۔ یِہ زِ کلام چھی ژے نزدیک بلکہ چُھ چٲنِس ٲسس منز تٕہ چٲنِس دِلس منز۔ یِہ چُھ سوۓ ایمانُک کلام یمِچ مُنادی اسٕؠ کران چِھ۔

⁹۔ زِ اگر ژٕہ پننِہ زبٲنؠ سٲتؠ عیسیٰ سٕنٛدِس خداوند آسنَس اقرار کرکھ تٕہ پننِس دِلس منز ایمان انَکھ زِ خداین کوٚر سُہ موردو منزٕہ زندٕہ تٕہ نجات لبَکھ۔

¹⁰۔ تکیازِ راستبٲزی خٲطرٕہ چِھ آسان دِلٕہ سٲتؠ ایمان انُن تٕہ نجات خٲطرٕہ چُھ اقرار ٲسٕہ سٲتؠ یِوان کرنٕہ۔¹¹۔ چناچِہ کتابِ مُقدّس چھے ونان یِہ زِ یُوس اکھاہ تَس پؠٹھ ایمان انِہ سُہ گژِھنٕہ شرمِندٕہ کینٛہہ۔

¹²۔ تکیازِ یہودؠن تٕہ یُونانؠن منز چھؠنٕہ کانٛہہ فرق۔ امِہ موجوب زِ سُوۓ چُھ سارنٔی ہُند خداوند تٕہ پننؠن سارنٔی دُعا کرن والؠن خٲطرٕہ چھُ فیاض۔

¹³۔ تکیازِ یُوس اکھاہ خداوند سُند ناوٗ ہؠیِہ سُہ لبِہ نجات۔¹⁴۔ مگر یس پؠٹھ نٕہ تِمو ایمان اُوٚن تَس کِتھٕہ کٔنؠ منگن دُعا تٕہ یمسٕنٛز ذکر نٕہ تِمو بُوز تَس پؠٹھ کِتٕھہ کٔنؠ انَن ایمان تٕہ منٲدی کرن وٲلِس ورٲۓ کِتٕھہ کٔنؠ بوزن؟۔

¹⁵۔ تٕہ یوتام نٕہ تِم یِن سوزنٕہ منٲدی کِتٕھہ کنؠ کرن۔ چناچِہ لؠکِھتھ چُھ زِ کٲتیاہ خوشنُما چِھ تِہنٛدؠ قدم یِم اصل چیزن ہنٛز خوشخبری چِھ دِوان۔¹⁶۔ مگر سٲلمو کٔرنٕہ یِہ خوشخّبری قبول کینٛہہ۔ چناچِہ یسعیاہ چُھ ونان "ہے خداوندا سٲنِس، پیغامس پؠٹھ اُوننٕہ کٲنسِہ ایمان"۔

¹⁷۔ ادٕہ ایمان چھ بوزنٕہ سٲتؠ پٲدٕہ سپدان تٕہ بوزُن مسیح سٕنٛدِ کلامٕہ سٲتؠ۔¹⁸۔ مگر بُو چُھس ونان۔ کیا تِمو بُوزنا؟ چناچِہ لؠکِتھ چُھ۔ تِہنٛز آواز وٲژ تمام رُوۓ زمینَس پؠٹھ تٕہ تِہنزٕہ کتھٕہ دنیاہکِس اندس تام¹⁹۔ پتٕہ چُھس بُو ونان، کیا اسرائیل اوسنا وٲقف؟ موسیٰ ہن چُھ گوڈے وۄنمُت، تِمو سٲتؠ دِمو بُو توہِہ غٲرت یُوس قومی چُھنٕہ اکہ بیقٕل قومٕہ سٲتؠ کھالوۄ توہِہ بُو شرارت۔²⁰۔ پتٕہ ووٚن تؠمؠ یسعیاہن بڑٕہ دلیری سان یِہ " یِمو نٕہ بُو ژھونڑس تِمو لوبُس بُو۔ یِمو نٕہ مے پروژھ تِمن پؠٹھ سپدُن ظٲہر۔

²¹۔ مگر اسرائیلس مطلق چُھ یِتھ کنؠ ونان زِ بُو رودُس دہۓ دوہس اکِس نافرمان تٕہ سرکش قومس کُن پننؠ اتٕھہ دٲرِتھ۔

11¹۔ادٕہ بُو چُھس ونان کیا خدا کرِیأہ پننؠٕ اُمت رَدّ؟۔ ہرگِز نٕہ، تکیازِ بُوتِہ چُھس ابراہیمٕہ سُند نسل تٕہ بنِیمِین سٕندِ قبیلٕہ منزٕہ۔

²۔ خداین کٔرنٕہ پننؠ سُوٚ اُمّت ردّ کینٛہہ یوسٕہ تؠمؠ گوڈے زٲنؠ۔ کیا توہِہ چُھوٗنا پے زِ کتاب مُقدّس کیا چھے ایلیاہس مطلق ونان زِ سُہ چُھ خدایس اسرائیل سنٛز یتھ کنؠ فریاد کران زِ۔

³۔ ہے خداوند تِمو کٔرؠ چٲنؠ نبی قتل تٕہ چٲنؠ قربان گاہ مٹٲیِکھ ونؠ چُھس کون زون باقی تٕہ بؠیِہ چِھ تِم میٲنِس زُو وَس تِہ پتےٕ۔⁴۔ مگر جوابِ الٰہی کیا میُول تَس؟ یِہ زِ مے چِھ پننِہ خٲطرٕہ سَتھ ساس نفر نچٲیِتھ تھٲیمتؠ یِم نٕہ بعلزبولس برونٛہہ کنِہ غۓ۔

⁵۔ ادٕہ ونِکؠس تِہ چِھ یتَھے پٲٹھؠ برگُزید آسنٕہ کؠن کینٛہہ باقی۔⁶۔ تٕہ اگر فضل سٲتؠ برگُزیدٕہ چِھ تٕہ عملو سٲتؠ نٕہ کینٚہہ، تیلِہ روزہے نٕہ فضل فضلٔی۔

⁷۔ ادٕہ نتیجِہ کیا سپُد؟ یِہ زِ اسرائیل یَتھ چیزس ژھانڑان چُھ سُہ مؠولنٕہ تَس مگر برگزیدن میلؠ تٕہ آۓ سخت کرنٕہ۔

⁸۔ چناچِہ لؠکِھتھ چُھ زِ خداین دیژ تِمن ازِکِس دوہس تام کمزور مِزاج تٕہ تِژٕھ ٲچھ یِم نٕہ وُچھن بؠیِہ تِتھ کَن یِم نٕہ بُوزن۔⁹۔ تٕہ داوٗد چُھ ونان زِ تِہُند دسترخوان بنِہ تہنٛدِ خٲطرٕہ زال تٕہ رَز تٕہ ٹُھوکر کھؠنُک تٕہ سزاہُک سبب۔

¹⁰۔ تِہنٛزن ٲچھن گژِھ انِ گوٹ یوتھنٕہ وُچَھن تٕہ ژٕہ تھاوٗ ہمیشٕہ تِہنٛدؠ کمر نمرِتھ۔¹¹۔ ادٕہ بُو چُھس ونان زِ کیا تِمن لٔگیاہ تِتھ ٹھوکرٕہ زِ وسٕؠ پؠن؟۔ ہرگِز نٕہ، بلکہ مؠول تِہنٛزِ غلطی سٲتؠ غٲر قومن نجات تاکِہ تِمن ییِہ غٲرت۔

¹²۔ ادٕہ ییلِہ تہُنٛد خطا دنیا خٲطرٕہ دولتُک سبَب تٕہ تِہُنٛد نقصان غٲر قومن خٲطرٕہ دولتُک سبَب سپُد تٕ تِہُند بھرپُور آسُن چُھ ضروری دولتُک سبَب۔¹³۔ بُو چُھس یِمٕہ کتٕھہ توہِہ غٲر قومن ونان۔ تکیازِ بُو چُھس غٲر قومن ہُند رسول توے چُھس بُو پننؠ خدمت تھؠکناوان،

¹⁴۔ تاکِہ کُنِہ پٲٹھؠ دیاوٕہ بُو پننِس قومس غٲرت دِتھ تِمو منزٕہ کینژھن نجات۔¹⁵۔ تکیازِ ییلِہ تِہُند الگ سپدُن دنیا رلاونُک وجہ بنؠو تٕہ تِہُند مقبول آسُن چُھنا موردو منزٕہ زندٕہ وتھنَس برابر؟۔

¹⁶۔ ییلِہ نیازُک گوڈنؠک آٹؠ ریُونز پاک ماننٕہ آو تیلِہ چُھ سورُے مانڑنٕہ آمُت اُوٹ تِہ پاک تٕہ ییلِہ مول پاک چُھ تٕہ لنجہ تِہ آسن تِژھے۔¹⁷۔ مگر اگر کینٛہہ نجہ فٹرنٕہ آیِہ تٕہ جنگی زیتون آسِتھ سپُدک ژٕہ تِمن جائین پیوند، تٕہ زیتُون روغن دار مُولس منز گو شریک۔

¹⁸۔ ادٕہ ژٕہ مٕہ کر تِمن لنجن پؠٹھ فخر تٕہ اگر فخر کرَکھ تٕہ یِہ زان زِ ژٕہ چُکھنٕہ مُولس کینٛہہ بلکِہ چِھی مُول ژے سنبھالان۔¹⁹۔ ادٕہ ونَکھ ژٕہ زِ لنجہ آیہ اوٕہ موکٕھہ فُٹراونٕہ زِ بُو گژٕھ پیوند۔

²⁰۔ ٹھیک چُھ، مگر تِمٕہ آیِہ بے ایمٲنی سٲتؠ فُٹراونٕہ تٕہ ژٕہ چُھکھ ایمانٕہ سٲتؠ قائم ادٕہ گُمنڑ مَہ کر بلکہ کھوٚژ۔

²¹۔ تکیازِ ییلِہ خداین اصلی لنجِہ ترایہ تٕہ ژؠتِہ ژھنِؠنٕہ ترٲیِتھ۔²²۔ ادٕہ خدایہ سٕنٛز مہربٲنی تٕہ تکرار وُچھ۔ تکرار چُھ تِمن پؠٹھ، یِم وسؠ چِھ پؠمٕتؠ۔ تٕہ خدایہ سٕنز مہربٲنی چھے ژے پؠٹھ ییلِہ ژٕہ تَتھ پؠٹھ قٲئم روزکھ نتٕہ یِکھ ژٕتِہ ژٹنٕہ۔²³۔ اگر نٕہ تِم ٹِہ بےایمان روزن تیلِہ یِیَکھ پیوند کرنٕہ تکیازِ خدا چُھ تِمن پؠوند کرِتھ بحال کرنَس پؠٹھ قدرت تھاوان۔

²⁴۔ امِہ موجوب زِ ییلِہ ژٕہ تؠمِہ زیتون کُلِ نِشٕہ ژٹنٕہ آکھ تٕہ یمؠک مُول جنگی اُوس تٕہ مُولٕہ مقابلٕہ گوکھ ژٕہ اصلِس زیتونَس منز پیوند تٕہ یمٕہ اصلی لنجِہ چھے سپدان ضروری پننِس زیتونس منز پیوند۔²⁵۔ ہے بائیو۔ ینٕہ تیُوتھ سپدِ زِ توہؠ سمجھیو پنُن پان عقل منز۔ توۓ چُھسنٕہ بُو یژھان زِ توہؠ رُوزؠو امِہ رازٕہ نِشٕہ ناوٲقف کِہ اسرائیلک اکھ حصّہ سپُد سخت تٕہ یوتام نٕہ غٲرقوم پورٕہ پورٕہ دٲخل سپدن سُہ روزِ تیوتُھۓ۔²⁶۔ تٕہ اتھ صورتَس منز لبِہ تمام اسرائیل نجات چناچِہ لؠکِھتھ چُھ زِ موکلاون وۄل نیرِ صِیُّونٕہ منزٕہ۔ تٕہ بے دینی کرِ یعقوبَس نِش دفع۔

²⁷۔ تٕہ تِمن سٲتؠ آسِہ میون یِہ عہد۔ ییلِہ زن بُو تِہنٛدؠ گُناہ دُور کرٕہ۔²⁸۔ انجیل ہنٛدِ اعتِبار چِھ تِم تِہندِ خٲطرٕہ دُشمن مگر برگُزندگی ہنٛدِ اعتِبارٕہ جدن اجدادن ہندِ خٲطرٕہ تٲٹھؠ۔

²⁹۔ تکیازِ خدایہ سٕنزِہ نعمتٕہ تٕہ ماد دؠوٛن چُھ لاتبدیل۔³⁰۔ تکیازِ یِتھ کٕنؠ گۓ ونؠ نُم تِہ نافرمان مگر ونؠ سپُد یہودؠن ہنٛزِ نافرمٲنی سٲتی توہِہ رحم۔

³¹۔ تِتَھے کٕنؠ گۓ ونؠ نُم تِہ نافرمان تاکِہ توہِہ پؠٹھ رحم سپدَنکٕہ ذریعہ آسِہ ونؠ یِمن پؠٹھ تِہ رحم۔

³²۔ امِہ موکٕھہ دیُوت خداین سارنٔی نافرمٲنی منز گرفتار سپدنٕہ تاکِہ سارنٔے پؠٹھ کرِ رحم۔³³۔ واہ۔ خداۓ سٕنٛز دَولت تٕہ حِکمت تٕہ عِلم کٲژا عظیم چھے۔ تؠمسٕنٛدؠ فٲصلٕہ کٲتیاہ چِھ عقلِہ نؠبر تٕہ تؠمِہ سٕنٛزٕہ وتٕہ کٲژا بے نِشان چھے۔

³⁴۔ خداوند سٕنٛز عقل کَس ترِ فکرِہ؟ یا کُس چُھ تَس مشورٕہ دِنٕہ وۄل۔³⁵۔ یا کؠمؠ چُھ تَس گوڈٕہ کینٛہہ دیوتمُت یمؠک بدلٕہ تَس دِنٕہ ییِہ؟۔

³⁶۔ تکیازِ تؠمسندے طرفٕہ تٕہ تؠمسٕنٛدۓ وسیلٕہ تٕہ تؠمسٔے خٲطرٕہ چُھ سُورُۓ۔ تؠمسٕنٛز عظمت رُوزِن ہمیشِہ تام سپدان۔ آمین۔

12¹۔ ادٕہ ہے بائیو، بُو چُھسو توہِہ خداۓ سٕنٛزٕہ رحمژٕہ یاد دِتھ گُزٲرِش کران زِ پننؠ بدن کرؠو یِژِھ قربٲنی خٲطرٕہ پیش یوسٕہ زندٕہ تٕہ پاک تٕہ خدایس پسند آسِہ یہۓ چھے تُہنٛز مقبول عبادت۔

²۔ تٕہ یمِہ دنیاہکؠ ہمشکل مَہ بنؠو بلکہ عقل نٔو سپدنٕہ سٲتؠ بدلٲیو پننؠ شکل تِہ تاکہ خدایہ سٕنٛز پسندیدہ تٕہ کٲمِل مرضی کرؠو تجربٕہ سان معلوم۔³۔ بُو چُھسو توہِہ منز ہر اکِس ونان پننِہ میلؠ متِہ توفیق سٲتؠ ونان زِ یِتٕھہ کنؠ سنجُھن پزِ تؠمِہ کھوتٕہ زیادٕہ مَہ سمجھؠو پنُن پان۔ بلکہ یِتٕھہ کنؠ خداین ہر اکِس ایمان تقسیم کوٚر اندازٕہ مطٲبق۔ پنُن پان اعتدال سان تؠُوتھئے۔⁴۔ تکیازِؠتھہٕ کنؠٕ سأنِس اکِس بدنَس منز چُھ واریاہ وُستخان آسان تٕہ تمام وُستخانن ہٕنٛز کٲم چھؠنٕہ ہشِی کینٛہہ۔

⁵۔ یتَھے پٲٹھؠ چِھ اسٕؠ یِم واریاہ چِھ مسیحس منز شٲمِل آسِتھ اکوۓ بدن، تٕہ پانٕہ وٲنؠ چِھ اکھ اکؠ سٕندؠ وُستخان۔⁶۔ حالانکِہ امِہ توفیق مطٲبق یُوس اسِہ دِنٕہ آوٗ، میجِہ اسِہ الگ الگ نعمژٕہ۔ لہٰزا یَس نبوت میج سُہ کرِ ایمانکِہ اندازٕہ مطٲبق نبوت۔

⁷۔ اگر خدمت میج تٕہ روزِن خدمتِہ منز لگِتھ۔ اگر کانٛہہ وُستاد آسِہ سُہ رُوزِن تعلیمِ منز مشغول۔

⁸۔ تٕہ اگر ناصِح آسِہ تٕہ رُوزِن نصیحت کران، خیرات بٲگراون وۄل بٲگرِن سخاوت سان، رہنما کرِن گرم جوشی سان رہنمٲئی، رحم کرن وۄل کٔرِن خوشی سان رحم۔⁹۔ محبت گژِھ بے ریاح آسُن۔ بدی سٲتؠ تھٲیُو نفرت، نیکی رٹِوُن نالٕہ متِہ۔

¹⁰۔ برادری سٲتؠ تھٲیُو پانٕہ وٲنؠ اکِس بؠکِس سٲتؠ محبت، عزّتٕہ پؠٹھؠ زٲنوُن اکھ بیاکھ بہتر۔¹¹۔ کُوششِہ منز مٕہ کرؠو سُسِتی ، رُوحٲنی جوشَس منز رُوزؠو خداوند سٕنٛز خدمت کران۔

¹²۔ اُمید منز روزؠو خوش، مُصیبتن منز کرؠو صبر، دعا کرنَس منز روزؠو مشغول۔

¹³۔ مقدّسن ہنٛز ضرورتٕہ کرؠو پورٕہ۔¹⁴۔ یِم توہِہ ستاوان چُھ تہنٛدِ خٲطرٕہ یژھؠو برکت، لعنت مَہ کرؠو۔

¹⁵۔ خوشی کرن والؠن سٲتؠ رُوزؠو خوش تٕہ ودن والؠن سٲتؠ ودؠو۔

¹⁶۔ پانٕہ وٲنؠ رُوزؠو یک دِل، بڑؠ بڑؠ خیال مَہ تھٲیو دِلن منز بلکِہ کرؠو غریبن رفاقت، پنُن پان مَہ سمجھؠو عقل مند۔¹⁷۔ بدی بدلٕہ مَہ کرؠ کٲنسِہ سٲت بدی۔ یِمٕہ کَتٕھہ لوکن نزدیک ٹھیک آسَن تِمن ہُند کرؠو تدبیر۔

¹⁸۔ یوتام پِلؠُو پننِہ طورٕہ تھٲؠو سارنٔے انسانن سٲتؠ صلح۔¹⁹۔ ہے ٹاٹھؠو، پنُن انتقام مَہ ہؠیُو بلکہ دِیُو غضبس موقع تکیازِ لؠکِھتھ چُھ زِ خداوند چُھ فرماوان "انتقام ہؠون چھے میٲنؠ کٲم، بدلٕہ تِہ دِمٕ بُوۓ"۔

²⁰۔ بلکہ اگر چون دُشمن فاقَے آسِہ تٕہ سُہ کھؠاوُن کھؠن۔ اگر تریشٕہ ہوت آسِہ تٕہ چیاوُن تریش تکیازِ یِتھٕہ کنؠ کرنٕہ سٲتؠ لگاوَکھ ژٕہ تَس کَلس پؠٹھ نارٕہ تؠنگلن ہُند انبار۔

²¹۔ بدی مَہ دِیو پانس پؠٹھ کامیاب گژھنٕہ بلکِہ کرؠو نیکی ہنٛدِ ذریعہ بدی پؠٹھ فتح حٲصِل۔

13¹۔ پرتھ کانٛہہ شخص رُوزِن اعلیٰ حکمرانن تابعدار تکیازِ کانٛہہ حکومت چھؠنٕہ تِژھ یُوسنٕہ خدایہ سٕنٛدِ طرفٕہ چھے۔

²۔ ادٕہ یُوس حکومتس مُقابلہٕ چُھ کران سُہ چُھ خدایہ سٕندِس انتظامس مُخالفت تٕہ یُوس مُخالِف چُھ سُہ لبِہ سزا۔³۔ نیکو کارن چُھنٕہ حٲکمن نِشِہ کھوژُن کینٛہہ بلکِہ چُھ بدکارن۔ ادٕہ اگر ژٕہ حٲکمس نِش بے خوف چُھکھ روزُن یژھان تیلِہ کر نیکی تاکِہ چٲنؠ تعریف سپدن تؠمسٕنٛدِ طرفٕہ۔

⁴۔ تکیازِ سُہ چُھ چانِہ بہتری باپَتھ خدایہ سُند خٲدم مگر اگر ژٕہ بدی کرَکھ تیلِہ کھوٚژ، تکیازِ سُہ چُھنٕہ بےفٲئیدٕہ تلوار ہؠتھ کینٛہہ۔ سُہ چُھ خدایہ سُند خٲدم زِ تؠمسٕنٛدِ غضنٕہ مطٲبق چُھ بدکارس سزا دِوان۔

⁵۔ ادٕہ تعبدار روزُن چُھنٕہ صرف غضبکِہ خوف سٲتؠ ضروری بلکہ چُھ دِل تِہ یہۓ گواہی دِوان۔⁶۔ امے موجوب چھوٗ توہِہ باج تِہ دِوان زِ سُہ چھ خدایہ سُند خٲدم تٕہ اَتھ کامِہ منز چُھ ہمیشٕہ مشغول روزان۔

⁷۔ سارنٔی ہُند حقّ کرؠو ادا، یَس باج شوبِہ دیوُس باج، یَس محصُول گژِھ تَس دِیُو محصُول۔ یَس کھوژُن پزِ تَس کھوژؠو، یَس عزّت پزِ کرُن تَس کرؠو عزّت۔⁸۔ پانٕہ وٲنؠ مَہ رُوزؠو محبتٕہ ورٲۓ کونِہ چیزس منز کٲنسِہ ہندؠ قرضدار تکیازِ یُوس بؠکِس سٲتؠ چُھ محبت تھاوان تؠمؠ کٔر شریعتس پؠٹھ پُورٕہ عمل۔

⁹۔ تکیازِ یِمٕہ کَتٕھہ زِ "زنا مٕہ کر، قتل مٕہ کر، ژُور مٕہ کر، لالٕچ مٕہ کر تٕہ امِہ ورٲۓ بؠیِہ یُوس حکم آسِہ تِمن سارنٔی ہُنٛد خلاصٕہ چُھ یَتھ کَتِھہ منز لبنٕہ یِوان زِ پننِس ہمسایس سٲتؠ تھاو تِتُھوۓ محبت یُوتھ ژٕہ پانس سٲتؠ تھاوان چُھکھ۔

¹⁰۔ محبت چُھنٕہ پننِس ہمسایس سٲتؠ بدی کران۔ امِہ موجوب چُھ محبت شریعتٕچ تعمیل۔¹¹۔ تٕہ وقت زٲنِتھ کرؠو یِتَھے کٕنؠ۔ امِہ موجوب زِ ونؠ وۄت سُہ وَکھ زِ گژھؠو نیندرِہ منز بیدار، تکیازِ یمِہ وقتٕہ اسِہ ایمان اُوس اُونمُت تؠمِہ وقتٕکِہ نسبَت چُھ ونؠ سُون نجات نزدیک۔

¹²۔ رات گٔیِہ واریاہ ژِیر تٕہ دوہ چُھ پھولنس تیار۔ ادٕہ اسٕؠ تراوۄ انِہ گٹِہ ہنٛزِ کامِہ تٕہ گاشکؠ ہتھیار گنڑو۔¹³۔ یِتٕھہ کنؠ زن دوہُک دستور چُھ زِ طریقٕہ سان پکو، نَہ کِہ آوارن ہنٛدؠ پٲٹھؠ، نَہ نَشٕہ بٲزی سان۔ بؠیِہ نَہ زِنا کٲرِی تٕہ شہوت پرستی سان بؠیِہ نَہ لڑایِہ نَہ حسدٕہ سان۔

¹⁴۔ بلکہ ترٲؠوۄُن خداوندِ عیسیٰ مسیح نٲلؠ تٕہ جسمٕچؠو خواہشو باپَتھ مَہ کرؠو تدبیر۔

14¹۔ کمزور ایمان وٲلؠ کرِوۄُکھ پانس منز شٲمل مگر شک و شُبہ کؠو تکرارو خٲطرٕہ کینٛہہ۔

²۔ اکؠ سُند اعتِقاد چُھ پرتھ چیز کھؠون چِھ جٲئیز تٕہ کمزور ایمانٕہ وۄل چُھ ہاکٔھی واکٔھی کھؠوان۔³۔ کھؠنٕہ وۄل مٕہ زٲنِن نُو کھؠنٕہ وٲلِس حقیر تٕہ نُو کھؠنٕہ وۄل مَہ لگٲیِن الزام کھؠنٕہ وٲلِس پؠٹھ تکیازِ خداین چُھ سُہ قبول کوٚرمُت۔

⁴۔ ژٕہ کُس چُھکھ بیکؠ سٕنٛدِس نوکرس پؠٹھ الزام لگاوَن وۄل؟ تؠمسُند قٲئم روزُن یا گِرُن چُھ تؠمسٕنٛدِس مٲلکَس ذمہ دٲری۔ بلکہ یِیہ سُہ قٲئم تھاونٕہ تکیازِ خداوند چُھ تَس قٲئم کرنَس پؠٹھ قدرت تھاوان۔⁵۔ کانٛہہ چُھ اکِس دوہس دویمِہ نِشٕہ افضل مانان، مگر کانٛہہ چُھ سٲری دوہ برابر سمجھان۔ پرتھ کانٛہہ تھٲیِن پننِس دِلس منز پُورٕہ اعتقاد۔

⁶۔ یُوس کونِہ دوہس چُھ مانان سُہ چُھ خداوند سٕنٛدِ خٲطرٕہ مانان۔ تٕہ یُوس کھؠوان چُھ سُہ چُھ خداوند سٕنٛدِ خٲطرٕہ کھؠوان تکیازِ سُہ چُھ خداۓ سُند شکر کران تٕہ یُوس نٕہ کھؠوان چُھ سُتِہ چُھنٕہ خداوند سٕنٛدِ خٲطرٕہ کھؠوان،بؠیِہ چُھ کران خداوند سُند شکر۔⁷۔ تکیازِ اسِہ منزٕہ نٕہ چُھ کانٛہہ پننِہ خٲطرٕہ زندٕہ روزان نَہ چُھ کانٛہہ پننِہ خٲطرٕہ مران۔

⁸۔ اگر اسٕؠ زندٕہ چِھ روزان تٕہ خدایہ سٕندِ خٲطرٕہ چِھ روزان تٕہ اگر مران چِھ تٕہ خدایہ سٕنٛدِ باپَتھ چھ مران۔ ادٕہ اسٕؠ زندٕہ روزو یا مرو خداوند سٕندِی چِھ۔

⁹۔ تکیازِ مسیح مُود توۓ تٕہ زندٕہ سپُد زی سُہ آسِہ موردن تٕہ زندن ہُند خداوند۔¹⁰۔ مگر ژٕہ کؠمِہ باپَتھ چُھکھ پننِس بٲئیِس پؠٹھ الزام لگاوان؟ تٕہ ژٕہ کؠمِہ باپَتھ چُھہن پنُن بُوۓ حقیر زانان؟ اسٕؠ سٲری گژھونا خدایہ سٕنٛدِس تختِ عدالتَس برونٛہہ کنِہ کھڑا۔

¹¹۔ چنانچِہ یِہ چُھ لؠکِتھ زِ خداوند چُھ فرماوان "مے چُھ پننِہ حیاتُک قسم، پرتھ کانٛہہ کُوٹھ جُکِہ مۓ برونٛہہ کنِہ تٕہ پرتھ کانٛہہ زبان کرِ خدایہ سُند اقرار"۔¹²۔ اتِی دِیِہ اسِہ منزٕہ ہر کانٛہہ خدایس پنُن حساب۔

¹³۔ لہٰزا گاوۄنٕہ اسٕؠ آئندٕہ اکِس بؠیِس پؠٹھ الزام کینٛہہ۔ بلکہ کرؠو توہؠ یُوہے فٲصلٕہ زِ کانٛہہ مَہ تھٲیِن پننِس بٲیِس برونٛہہ کنِہ سُہ چیز یُوس تَس ٹھوکرٕہ لگنُک یا وسٕؠ پینُک ذریعہ آسِہ۔¹⁴۔ مے چُھ پے، بلکِہ چُھم عیسیٰ مسیحس منز یقین زِ کانٛہہ چُھنٕہ ذٲتِی حرام کینٛہہ مگر یُوس تَتھ حرام سمجِھہ تَس خٲطرٕہ چُھ حرام۔

¹⁵۔ اگر چٲنِس بٲئیِس چانِہ کھؠنٕہ سٲتؠ تکلیف چُھ واتانن تیلِہ چُھکھنٕہ ژٕہ محبتکِس قٲعِدس پؠٹھ کینٛہہ پکان۔ یمِس شخصہ سٕنٛدِ باپَتھ مسیح مُود سُہ مٕہ کرُن ژٕہ پننِہ کھؠنٕہ سٲتؠ ہلاک کینٛہہ۔¹⁶۔ ادٕہ چانِہ نیکی ہنٛز بدنٲمی مَہ گژِھن۔

¹⁷۔ تکیازِ خدایہ سٕنٛز پادشٲہی چھؠنٕہ کھؠنس چؠنس پؠٹھ کینٛہہ، بلکِہ چھے راست بٲزی تٕہ صلح سلامتِی تٕہ تَتھ خوشی پؠٹھ موقوف یوسٕہ روحُ القُدسٕہ سٕنٛدِ طرفٕہ چھے آسان۔¹⁸۔ تٕہ یُوس کانٛہہ امِہ طورٕہ مسیح سٕنٛز خدمت چُھ کران، سُہ چُھ خدایہ سُند پسندیدٕہ تٕہ انسانن ہُند مقبول۔

¹⁹۔ ادٕہ اسٕؠ روزو تِمن کتَھن ہنٛدؠ طٲلب یِمو سٲتؠ صلح سلامتی تٕہ باہمی ترقی آسِہ۔²⁰۔ کھؠنٕہ باپَتھ مَہ کر خدایہ سٕنٛز کٲم خراب۔ پرتھ چیز چُھ پاک، مگر تَس انسانس خٲطرٕہ چُھ خراب یس تؠمکِہ کھؠنٕہ سٲتؠ ٹھوکر چُھ لگان۔

²¹۔ یوہے چُھ ٹھیک زِ ژٕہ نَہ کھے ماز، نَہ چؠہہ شراب۔ نَہ مٕہ تیوتھ کینٛٛہ یمِہ سٲتؠ چٲنِس بٲیِس ٹھوکرٕہ لگِہ۔²²۔ یُوس چون اعتقاد چُھ، سُہ رُوزِن خدایہ سٕنٛزِ نظرِ منز چٲنسٔی دِلس منز۔ مُبارک چُھ سُہ یُوس تؠمِہ چیزکہ ذریعہ یَتھ سُہ جٲئیز چُھ قرار دِوان، چُھنٕہ پنُن پان مُلزِم ثٲبت کران۔

²³۔ مگر یُوس اکھا کُنِہ چیزس منز شک چُھ کران، اگر تَتھ سُہ کھؠیِہ تٕہ چُھ مُجرم ثٲبِت سپدان۔ امِہ مکٕھہ زِ سُہ چُھنٕہ اعتقادٕہ سان کھؠوان تٕہ یِہ کینژھا اعتقاد سٲتؠ چُھنٕہ، سُہ چُھ گناہ۔

15¹۔ غرض اسِہ زورا وارن پزِ ناتوانَن ہنٛزِ کمزورؠن ہنز رعایت کرنؠ نَہ کہ پننؠ خوشی کرنؠ۔

²۔ اسِہ منز کٔرِن پرتھ شخص پننِس ہمسایس تؠمسٕنٛزِ بہتری باپَتھ خوش تاکِہ تؠمسٕنٛز ترقی سپدِ۔³۔ تکیازِ مسیحن تِہ کٔرنٕہ پننؠ خوشی کینٛہہ بلکِہ چُھ یتٕھہ کٕنؠ لؠکِتھ زِ چانؠن لعن طعن کرن والؠن ہنٛز لعن طعن کھسِہ مے نکَھس۔

⁴۔ تکیازِ یِیژا کَتٕھہ گوڈٕہ لؠکھنٕہ آیِہ تِم آیِہ سانِہ تعلیمِ باپَتھ لؠکھنٕہ تاکِہ صبرٕہ سان تٕہ کتابِ پاکچِہ تسلّی سٲتؠ تھاوۄ اُمید۔⁵۔ تٕہ خدایہ دِیو توہِہ صبرٕہ تٕہ تسلّی سان یِہ توفیق زِ مسیح عیسیٰ ہس منز رُوزؠو پانٕہ وٲنؠ یَک دِل۔

⁶۔ تاکِہ توہؠ کرؠو اکھ دِل تٕہ اکھ زبان ٲسِتھ سٲنِس خداوند عیسیٰ مسیح سٕنٛدِس خدایَس تٕہ ببٕہ سٕنٛز ثناء خوٲنی۔

⁷۔ ادٕہ یِتٕھہ پٲٹھؠ مسیحن خدایہ سٕنٛدِ جلالٕہ خٲطرٕہ توہؠ پانَس سٲتؠ شٲمل کرؠو، تِتھے پٲٹھؠ کرِوۄن توہؠ تِہ اکھ بیاکھ شٲمِل۔⁸۔ بُو چُھس دپان زِ مسیح بنؠو خدایہ سُند پوز ثٲبت کرنٕہ باپَتھ مختُونَن ہُند خٲدِم تاکِہ تِم وعدٕہ کرِ پُورٕہ یِم آباء و اجدادن سٲتؠ ٲسٕؠ آمتؠ کرنٕہ۔

⁹۔ تٕہ غٲر قوم تِہ کٔرِن رحمتکِہ سببٕہ خدایہ سُند حمُد۔ چنانچِہ لؠکِھتھ چُھ زِ امِہ باپَتھ کرٕ بُو غٲر قومن منز چُون اقرار تٕہ گؠوٕہ چانِہ ناوکؠ بٲتھ۔¹⁰۔ تٕہ پتٕہ چُھ سُہ فرماوان زِ ہے غٲر قومو! تؠمسٕنٛزِ اُمژ سٲتؠ کرؠو خوشی۔

¹¹۔ پتٕہ یِہ زِ ہے تمام غٲر قومو!۔ خداوند سُند حمُد کرؠو، تٕہ تمام اُمژٕہ کٔرِن تؠمسٕنٛز ستائیِش(تعریف)۔¹²۔ یسعیاہ تِہ چُھ ونان زِ یسّی سُند مُول سپدِ ظٲہر۔ یعنی سُہ شخص یُوس غٲر قومن پؠٹھ حکومت کرنِہ وتِھہ۔ تؠمسٕؠ نِش تھاوَن غٲر قوم اُمید۔¹³۔ ادٕہ خدا یُوس اُمیدُک آگُر چُھ سُہ کَرؠو توہِہ ایمان تھاونٕہ سٲتؠ تمام خوشی تٕہ اطمنانٕہ سٲتؠ بھرپُور تاکِہ روحُ القُدسکِہ قدرتٕہ سٲتؠ سپدِ تُہنٛز اُمید زیادٕہ۔¹⁴۔ ہے میانؠو بائیو! بُو چُھس پانٕہ تِہ توہِہ نسبَت یقین تھاوان زِ توہؠ آسؠُو پانٕہ نیک تٕہ مکمل معررفتٕہ سٲتؠ بھرپُور تٕ اکھ اکِس ہؠکؠو نصیحت تِہ کرِتھ۔¹⁵۔ توبٕہ لؠوکح مے کینژَھن جایَن زیادٕہ دلیری سان یاداوٲری ہنٛدِ طورٕہ توہِہ امِہ موجوب زِ مے مؠول خدایہ سٕندِ طرفٕہ توفیق غٲر قومن باپَتھ مسیح عیسیٰ سُند خٲدم آسنُک۔

¹⁶۔ زِ بُو دِمٕہ خدایہ سٕنٛز خدمت امام سٕنٛدؠ پٲٹھؠ انجام تاکِہ غٲر قوم سپدن نیازکِہ طورٕہ روحُ القُدسٕہ سٲتؠ مُقّدس بنِتھ مقبول۔¹⁷۔ ادٕہ بُو ہیکٕہ تِمن کتَھن منز یمٕہ خدایس مطلق چھے مسیح عیسیٰ سٕنٛدِ ذریعہ فخر کرِتھ۔

¹⁸۔ تکیازِ مے چھؠنٕہ ہمت بؠیِہ کُنِہ کتِھہ ہنٛز ذکِر کرنٕچ بغیر تِمو کتُھو یمٕہ مسیحن غٲر قوم تابع کرنٕہ باپَتھ کلامٕہ تٕہ کامؠو سٲتؠ۔ نشانو تٕہ معجزاتَن ہنٛدِ طاقتٕہ سٲتؠ تٕہ روحُ القُدسکِہ قُدرتٕہ سٲتؠ میانِہ ذریعہ کرِ۔

¹⁹۔ یوتام زن مے کٔر یروشلمٕہ پؠٹھ نِتھ ژُورو طرفو اِلُرِّکُم تام مسیح سٕنزِ خوشخبری ہنٛز پُورٕہ پُورٕہ مُنٲدی۔²⁰۔ تٕہ مے تھوۄ یوہے حوصلٕہ زِ یتِہ نٕہ مسیح سُند ناو بؠنٕہ آمُت اُوس تتِہ بوزناوٕہ بُو خوشخبری تاکِہ بیکؠ سٕنٛدِس بُنیادس پؠٹھ کھالنٕہ بُو پنُن تعمیر۔

²¹۔ بلکِہ یِتھ کنؠ لؠکِھتھ چُھ تِی سپدِ۔ یِمن نٕہ تؠمسٕنٛز خبر وٲژ تِم وُچَھن تٕہ یِمونٕہ بُوز تِم سمجَھن۔²²۔ امے مُوجوب ٹھہرؠوُس بُو بار بار توہِہ نِش پننِس۔

²³۔ مگر مے روزنٕہ ونؠ یِمن مُلکن منز جاۓ باقی کینٛہہ تٕہ واریاہو ورؠو پؠٹھٕہ چُھم شوق تِہ توہِہ نِش یِنُک۔²⁴۔ اوٕہ موکٕھہ ییلِہ بُو اسفانیہ مُلکس منز گژٕھ تٕہ ژے نِش یِمٕہ تپٲرؠ تکیازِ مے چھے اُمید زِ یَتھ سفرس منز سمکٔھے بُو ژے تٕہ ییلِۃ مے چانِہ سٲتؠ یوہے مزٕہ ہؠُو یِیِہ تٕہ ژٕہ سوزکھ مے پتٕہ ہُتھ طرفس۔

²⁵۔ مگر فِی الحال گژٕھ بُو مُقّدسن ہنٛز خدمت کرنٕہ باپَتھ یروشلم۔²⁶۔ تکیازِ مَکِدُنٕکؠ تٕہ آسیاہٕکؠ لوکھ سپٕدؠ رٲضی یروشلمکؠن غریب مُقّدسن باپَتھ چندٕہ دِنَس۔

²⁷۔ یِہ چُھ رضامندی سٲتؠ، تاہم چُھوٗ توہؠ تِہنٛد قرضدار تِہ تکیازِ ییلِہ غٲر قوم روحانی کتَھن منز تہنٛدؠ شریک سپٕدمتؠ چِھ تیلِہ چُھ لازِم زِ جسمٲنی کتَھن منٛز کرن تِہنٛز خدمت۔²⁸۔ ادٕہ یِہ خدمت پُورٕہ کرِتھ، بؠیِہ یِہ کینٛہہ حٲصل سپُد تِمن حاوالٕہ کرِتھ گژٕھ بُو ژے نِش یِتھ اَسفانیہ۔

²⁹۔ تٕہ بُو چُھس زانان زِ ییلِہ بُو ژے نِش یمٕہ تٕہ بُو یمٕہ مسیح سٕنٛز کٲمِل برکت ہؠتھ۔³⁰۔ ہے بائیو! بُو چُھسو توہِہ عیسیٰ مسیح سُند یُوس سُون خداوند چُھ واسطٕہ دِتھ بؠیِہ روحُک محبت یاد دِتھ توہِہ گُزٲرِش کران زِ میانِہ باپَتھ کرؠو خدایس دُعا کرنس منز مے سٲتؠ رلِتھ ممحنت۔

³¹۔ زِ بُو یہودیہ ہنٛدؠن نافرمانَن نِشٕہ بچِتھ روزٕہ تٕہ میٲنؠ سُوٚ خدمت یوسٕہ یروشلمٕہ خٲطرٕہ چھے ییِن مُقّدسن پسند۔

³²۔ تٕہ خدایہ سٕنزِ مرضی سٲتؠ لبٕہ بو توہِہ نِش یِتھ خوشی سان توہِہ سٲتؠ سکون۔³³۔ خدا یُوس سلامتی ہُند آگُر چُھ روزِن توہِہ سٲلمن سٲتؠ۔ آمین۔

16¹۔ بُو چُھسو توہِہ پننِہ بؠنِہ فِیبیایِہ ہنٛز سُفٲرِش کران یوٚسٕہ کِنخریاچِہ کلاسیایہ ہنٛز خدمت گُزارِن چھے۔

²۔ زِ توہؠ کٔروُۄن سُہ خداوندس منز قبول یِتھٕہ کٕنؠ مپقّدسن لٲزم چُھ تٕہ یَتھ کامِہ منز سُوٚ توہِہ محتاج آسیو تَس کرؠو مدد تکیازِ سُتِہ چھے واریاہن ہنٛز مددگار روزمٕژ بلکہ میٲنؠ تِہ۔³۔ پرسکِہ تٕہ اَکوِلہ ونؠو میٲنؠ سلام۔ تِم چِھ مسیح عیسیٰ ہس منٛز مے سٲتؠ خدمتگار۔

⁴۔ تِمو اُوس میانِہ زُوٕہ باپَتھ پنُن سَر دیوتمُت تٕہ سرفراز چُھسنٕہ بُویٔ یوت کینٛہہ بلکہ غٲر قومن ہنٛزٕہ تمام کلیسیایہ تِہ چھے تِہنٛزؠ شُکر گُزار۔

⁵۔ بؠیِہ ونؠو تَتھ کلیسیاء تِہ سلام یوسٕہ تِہنٛدِ گھرِ چھے۔ میٲنِس ٹٲٹھِس اِپینِتُسَس تونؠو سلام یُوس مسیح سٕنٛدِ باپَتھ آسیہُک گوڈنؠک پھل چُھ۔⁶۔ مریمَس ونؠو سلام۔ یمِہ تُہنٛدِ باپَتھ واریاہ محنت کٔر۔

⁷۔ اندرُنیکُسَس تٕہ یُونِیاسَس ونؠو سلام۔ تِم چِھ میٲنؠ رشتہ دار تٕہ مے سٲتؠ ٲسٕؠ قٲد تٕہ رسُولن منز چھ مشہور بؠیِہ چِھ مے برونٛہہ مسیحس منز شٲمل سپٕدمتؠ۔

⁸۔ اَمپلیاطُسس ونؠو سلام یُوس خداوندس منز مے ٹوٹھ چُھ۔⁹۔ اُربانُسس یُوس مسیحس منز اسِہ سٲتؠ اُوس خدمت کران تٕہ میٲنِس ٹٲٹِھس استُخسَس ونؠو سلام۔

¹⁰۔ اَپلِّیسَس ونؠو سلام یُوس مسیحس منز مقبول چُھ۔ اَرسِتُبُول سٕنٛدؠن گھرٕہ والؠن ونؠو سلام۔

¹¹۔ میٲنِس رشتہ دار ہیرودیونسَس ونؠو سلام۔ نَرکِسُسس سٕنٛدؠن تِمن گھرٕہ والؠن ونؠو سلام یِم خداوندس منز چِھ۔¹²۔ ترُوفَینہَس تٕہ ترُوفوسہَس ونؠو سلام یِمٕہ خداونس منز محبت چھے کران۔ ٹاچِھہ پرسِسَس ونؠو سلام یمِہ خداوندس منز واریاہ محنت کٔر۔

¹³۔ رُوفُسَس یُوس خداوندس منز برگُزیدٕہ چُھ تٕہ تؠمسٕنٛزِ ماجِہ یوٚسٕہ میٲنؠ تِہ مۄج چھے دُشونی ونؠو سلام

¹⁴۔ اَسُنکرِتُسَس تٕہ فِلگونَس تٕہ ہِرمیسَس تٕہ تِمن بایَن یِم تِمن سٲتؠ چِھ ونؠو سلام۔¹⁵۔ فِلُلگُسَس تٕہ یُولیہَس تٕہ نیریُوسَس تٕہ تؠمسٕنٛزِ بؠنِہ تٕہ اُلُمپاسَس تٕہ سارنٔے مُقّدِسن یِم تِمن سٲتؠ چِھ ونؠو سلام۔

¹⁶۔ پانٕہ وٲنؠ کرؠو اکِس بؠکِس پاک میٹھؠ کرِتھ سلام۔ مسیح سٕنٛزِ تمام کلیسیایِہ چھؠُو توہِہسلام ونان۔¹⁷۔ ونؠ ہے بائیو! بُو چُھسو توہِہ گُزٲرِش کران زِ تِمن لوکن نِش رُوزؠو خبردار یِم پُھوٹ تراونٕکؠ تٕہ ٹھوکر دِنکؠ ذریعہ چِھ۔ یِم چِھ تَتھ تعلیمِہ خلاف یوسٕہ توہِہ دِنٕہ آیُو، تِمو نِشِہ رُوزِ زؠو دُور۔

¹⁸۔ تکیازِ یِتھؠ لوکھ چِھنٕہ کران سٲنِس خداوندِ مسیح سٕنٛز بلکہ چِھ کران پننِہ یٔڑ ہنٛز خدمت۔ بؠیِہ چِھ مزٕہ دار کتھو سٲتؠ سادٕہ دِلَن دھونکٕھہ دِوان۔¹⁹۔ تکیازِ تُہنٛز فرمانبردٲرِی سارنٔے منز منز مشہور گمٕژ۔ تؤے چُھس بُو توہِہ مطلق خوش مگر بُو چُھس یِہ یژھان زِ نیکی ہنٛدِ اعتبارٕہ بنؠو عقلمند تٕہ بدی ہنٛدِ اعتبارٕہ بنؠو معصُوم۔

²⁰۔ خدا یُوس سلامتی ہُند آگُر چُھ کرِنا یِہ جلدی شیطانَس تُہندِ دسٕؠ لتٕہ مونجہ تٕہ سٲنِس خداوندِ عیسیٰ مسیح سُند فضل رُوزِن توہِ سپدان۔²¹۔ مؠون ہم خدمت تِموتِھیس تٕہ میٲنؠ رِشتہ دار لُوکِیوس تٕہ یا سُون تٕہ سوسپاترس چُھو توہِہ سلام ونان۔ ²²۔ یمِہ خطُک کاتِب ترتیُوس چُھو توہِہ خداوندس سلام ونان۔²³۔ گیُوس چُھو توہِہ سلام ونان یمسٕندؠ بُو تٕہ سٲرۓ کلیسیاء مہمان چِھ رُودؠ مٕتؠ۔ شہرُک خزانچی ایراستُس تٕہ بوۓ کوارتُس چُھوٗ توہِہ سلام ونان۔

²⁴۔ سٲنِس خداوندِ عیسیٰ مسیح سُند فضل آسِن توہِہ سٲلمن سٲتؠ۔ آمین۔²⁵۔ ونؠ ہؠکؠو توہِہ خدا میانِہ خوشخبری یعنی عیسیٰ مسیح سٕنٛز مُنٲدی موافِق مضبوط کرِتھ۔ تؠمِہ رازکِہ اظہارہ مطٲبِق یُوس اَزلٕہ پؠٹٕھہ پوشیدٕ رُود۔

²⁶۔ مگر یمِہ وقتٕہ ظٲہر سپدِتھ آوٗ خدایہ اَزلی سٕنٛدِ حکمٕہ مطٲبق انمبیاہن ہنٛزو کِتابو ہنٛدِ ذریعہ تمام قومن وننٕہ، تاکِہ تِم رُوزن ایمانَس تابع۔²⁷۔ تؠمسٔے واحِد خدایِہ حکیم سٕنٛز ثناء خوٲنی رُوزِن عیسیٰ مسیح سٕنٛدِ وسیلٕہ تاابد سپدان۔ آمین۔

کُرِنتِھیَن ہٕندِ ناوٕہ پُولُس رسُول سُند گوڈنؠُک خط

1¹.یہ خط چھ پولُس سنٔدِ طرفہٕ یُوس خدایہ سنٔزِ مرضی ساتؠٕ عيسٰى مسیح سُند ناد دِتھ اونمُت رسول چُھ بیِہ سوستھینِس باۓ سنٔدِ طرفہ._

².خدایہ سنٔزِ تؠمہِ کلیسیایہ سنٔدِ ناوہ یُوسہ کرنتُھسس منز چھے.یعنی تہندِ ناوہ ؠِم مسیح عيسٰى ہس منز پاک آۓ کرنہ.تہ مقدسس سپدنہٕ بایتھ چُھکھ ناو پرؠتھ جایہِ سون تہٕ پننِس خداوندِ عيسٰى سُند ناو چھِ ہؠوان._

³.سأنِس خدا بب تہٕ خداوندِ عيسٰى مسیح سنٔدِ طرفہٕ رُوزِ نَو توہہِ فضل تہٕ سلامتی حاصل سپدان._⁴.بُو چُھس تُہندِس بارس منز خدایہ سنٔدِ تیمہِ فضلکہِ ذریعہ یُوس مسیح عيسٰى ہس منز توہہِ پؠٹھ سپُد،ہمؠشہ پننِس خدایہ سُند شکر کران._

⁵.زِ توہؠٕ چُھو منز آسِتھ پرؠتھ رنگہٕ کلاصہٕ تہٕ علمی دولتہٕ ساتؠٕ دولتمند سپٔد متی._

⁶.چنانچہ مسیح سنٔز گواہی سپزٔ توہہِ منز قایٔم._⁷.یوتام زن توہیٕ کُنہِ نعمژِ منز کم چُھونہٕ تہٕ سأنِس خداوندِ عيسٰى مسیح سنٔدِ ظہور کسٕ آسؠُو منتظر._

⁸.یُوس توہہِ آخرس تام قایٔم تہِ تھایٔو تاکہ توہی یِؠُو سأنِس خداوندِ عيسٰى مسیح سنٔدِ دوہ بے الزام گنزرنہٕ._۹.خدا

⁹.خدا چُھ پوز.یمؠٕ توہی پننِس فرزندس سأنِس عيسٰى مسیح سنٔدِؠ شِراکتہٕ خاطرٕہ ناد دِتھ اَنؠٕ متیٕ چُھو._¹⁰.ونؠٕ ہےٕ بایُو!عيسٰى مسیح یُوس سون خداوند چُھ تؠمہِ سنٔدِ ناوکہٕ وسیلہٕ چھسُو بُو تُوہہِ التماس کران.زِ سارؠٕ ونؠو اکۓ کتھ تہٕ تُوہہِ منزمَہ ٲسِن اختلاف بلکہ روزُیویک دِل تہٕ یک رأۓ آسِتھ کامِل بِنتھ._

¹¹.تکیازِ ہےٕ بھایٔو.توہہِ مطلق لوگ مےٕ خلوۓ سنٔدین گھرٕہ والؠن نِش بۓ زِ توہہِ منز چھ لڑایہِ سپدان._¹².میون مطلب چُھ یہِ زِ توہہِ منز چُھ کانہہ پننِس پانس یولُس سُند و نان،کانہہ اپلُوس سُند،کانہہکیفا سُند،کانہہ مسیح سُند._

¹³.کیاہ مسیح آواہ بٲگرنہٕ؟کیا تسہُندِ باپتھ آیا پولُسَس پھٲسؠٕ دِنہٕ؟یا تُوہہِ نُؠوا پولُس سنٔدِس ناوَس پؠٹھ بپتسمہ؟._¹⁴.خدایہ سُند شکر چُھس کران زِ کرِسپُسَس تہٕ گیُوسَس ورٲۓ دؠوتنہٕ مےٕ بیہِ کانسِے توہہِ منزٕہ بپتسّمہٕ._

¹⁵.تاکہ کانہہ ما ونہِ یہِ زِ توہہِ نؠُو میأنِس ناوَس پؠٹھ بپتسّمہٕ._

¹⁶.آ.ستِفناس سنٔدِس خاندانس تہِ دیُوت مۓ بپتسمہٕ.باقی چھؠنہٕ پے زِمےٕ آسِہ بیِہ کانہہِ بپتسمہٕ دیُوتمُت._¹⁷.تکیازِ مسیحن سوزُس نہٕ بُو بپتسمہ دِنہِ کؠنہہ.بلکہ خوشخبری بوزناو نہِ تہٕ سُوتہِ نہٕ کلامکہِ حکمتہ ساتؠٕ کؠنہہ تاکہ مسیح سنٔد صلِیب سپدِ بے اثر._¹⁸.تکیازِ صلیب ہُند پیغام چُھ ہلاک سپدن والؠن نزدیک چھے خدایہ سنٔز قُدرت._

¹⁹.تکیازِ لؠکھتِھ چُھ زِ.بُو کرٕہ حکمؠن ہنٔز حکمت نسیت تہٕ عقلمندن ہنٔز عقل کرہٕ رَدّ._²⁰۲۰ گ.کُس حکیم؟کُس عالِم؟کُس چُھ ؠمہِ دنیاہک بحث کرن وول؟کیا خداین چھینا دنؠا ہچؠٕ حکمت بؠقوفی کُنہہ نزر مژٔ._

²¹.توۓ ییلِہ نہٕ حکمتہٕ مطابق دنیاہن مننِہ حکمتہٕ ساتؠٕ خدا زُوننہٕ.تہٕ خداؠس آۆ یہِ پسند.زِ اَمہِ مُنادِی ہنٔز نادٲنیِ ہندِ وسیلہ ساتؠٕ دیِؠہِ اؠمان اَنن والؠن نجات._²².چنانچہ یہودی چھ نشانہٕ منگان تہٕ یونأنؠٕ چِھ حکمت ژھانڈان._

²³.مگر ٲسؠٕ چھ تَس مسیحِ مصلُوب سنٔز مُنادِی کران یُوسہٕ یہودؠن نزدیک ٹھو کرتہٕ غا قومن نزدیک بےوقوفی چھے._²⁴.مگر ؠمن ناۆ دنہٕ چُھہ آمُت.یہودیٕ ٲسِن یا یونانؠٕ.تمن نزدیک چھے مسیح خدایہ سنٔز قدرت تہٕ خدایہِ سنٔز حکمت._

²⁵.تکیازِ خدایہ سنٔز یُوسہٕ کتھ توہہِ ناپسند چھؠو باسان.سُو چھے انسانہ سنٔزِ حکمتہٕ نِشہٕ واریاہ حکمت وٲجِنؠٕ آسان.تہٕ یوسہٕ کتھ تُوہہِ خدایہِ سنٔز کمزور چُھؠو باسان.سُو چھے انسانن ہندِ طاقتہٕ نِشہ زیادہ طاقتور._²⁶.ہے بھایٔو.پننُس خدأؠِٔ نادَس پؠٹھ کرؠو نظر زِ جسمکہِ لحاظہٕ آونہٕ واریاہن حکؠمن واریاہن اختیار والؠن،واریاہن اشرافن ناد دِنہٕ کؠنہہ._

²⁷.بلکہ چِھ خداؠن دنؠاہکؠٕ نادان منتخب کرمتیٕ.زِ دانہن کرِ شرمندٕہ.تہٕ خداؠن چِھ دنیاہکؠٕ کمزور منتخب کرمتیٕ زِ زُوروارن کرِ شرمندٕہ._²⁸.تہٕ خداین ژٲرؠٕ کمین تہٕ حقیر بلکہ بے وجود تہِ زِ موجودن کرِ نابود._

²⁹.تاکہ کانہہ بشر ما کرِ خداؠس نِش فخر._³⁰.مگر توہی چُھو تمسنٔدِ طرفہٕ مسیح عيسٰى ہس منز یُوس سانہِ باپتھ خدایہِ سنٔدِ طرفہٕ دانٲیؠٔ.پزر.پاکیزگؠ تہٕ نجات دہندٕہ بنُؠو._

³¹.تاکہ یتھٕ کنؠ لؠکِھتھ چُھ تؠِ سپدِ زِ یُوس فخر کرِ سُہ کٔرِن خداؠس پؠٹھ فخر._

2¹.ہے بایُو!ییلِہ بُو توہہِ نِش آس لوگُس توہہِ منز خدایہ سنٔدِ رازک اعلان کرنہِ،تہٕ بُو آسنہٕ تھدِ پایٔکہِ تقریرٕہ یا حکمت سٲتؠٕ کؠنہہ._

².تکیازِ مؠے اۆس یہِ ارادٕہ کورمُت زِ توہہِ درمیان زاننہٕ بو عيسٰى مسیس بلکہ مسیحِ مصلُوب سنٔدِ ورٔاۓ بؠہِ کؠنہہ._³.تہٕ بُو رُودس توہہِ نِشہٕ سیٹھا کمزوری تہٕ خوفہٕ.تھر تھر ہندِس حالتس منز._

⁴.تہٕ میأنِس تقرِیرس تہٕ مؠأنِس اعلانس منز آسنہٕ حکمتچہِ لُوبُونہِ کتھٕ کؠنہہ بلکہ آسہٕ تِمہٕ رُوح تہٕ قدرتہٕ ساتؠٕ ثابت سپدان._

⁵.تاکہ تُہند اؠمان آسنہٕ انسان سنٔدِس حکمتس پؠٹھ بلکہ آسہِ خدایہ سنٔدِس قدرتس پؠٹھ._⁶.تُوتہِ چھے کاملن منز ٲسؠٕ حکمتچہِ کتھٕ ونان.مگر ؠمِہ دنیاہِچِہ نہٕ کؠنہہ نہٕ ؠمہِ دنیاہکؠن فنا سپدن والؠن سردارن ہنٔزٕہ._

⁷.بلکہ اسؠٕ چِھ کران خدایہ سنٔد سُو دانایٔؠ رازِکہ بطورٕہ بیان.یوسہٕ خداؠن دنؠاہکہِ شروع پؠٹھٕ بیشتر سانہ جلالہٕ باپتھ مقرَراُوس کورمُت._⁸.یوسنہٕ ؠمہِ دنیاہکؠو سردارو منزٕہ کانسہے سمجٕھ.تکیازِ اگر سمجِھن تیلہِ کرہن نہٕ جلالکِس خداوندس مصلوب کؠنہہ._

⁹.بلکہ ؠتھٕ کنؠ لؠتِھتھ چُھ تِی سُپد زِ،ؠِم نہٕ چیز ٲچُھو وُچھؠٕنہٕ بوزٕؠ کنَو نہٕ آۓ انسان سنٔدِس دِلس منز.تِم کرٔیٕ خداؠن پننؠن محبت کرن والؠن منز تیار._¹⁰.مگر سُہ کرو اَسہِپؠٹھ خداؠن رؠوحکہِ وسالتہٕ ظاہر تکیازِ رُوح سارۓ کتھٕ بلکہ خدایہ سنٔزٕہ سرؠنہِ کتھٕ تہِ چُھ معلوم کران._

¹¹.تکیازِہ انسانو منزٕہ کُس چُھ انسان سنٔزٕہ کتھ زانان بغیرِ پنُن رُوح ؠُوس تس منز چُھ؟ؠتھے پاٹھؠٕ چُھنہٕ خدانہ سنٔدِ رُوح ورأۓ خدانہ سنٔزٕہ کتھہٕ کانہہ زانان._¹².مگر اَسہِ چُھنہٕ دنیہک رُوح بلکہ چُھ سُہ رُوح میولمُت یُوس خدایہ سنٔدِ طرفہٕ چُھ.تاکہ تم کتھٕ زانو ٲسؠٕ ؠمہٕ خداؠِن اَسہِ عِنایت کرِہ._

¹³.تہٕ ٲسؠٕ چھنہٕ تِمہٕ کتھہٕ تِمن الفاظن منز کؠنہ بیان کران ؠِمہٕ انسانِؠ حکمتَن ٲسؠٕ ہیچھنٲؠمتؠٕ چِھ.بلکہ تِمن الفاظن منز یِم رُوحن ٲسؠٕ ہؠچھنٲمتؠٕ چِھ.تہٕ رُوحٲنؠِ کتھہٕ چھے رُوحأنؠٕ کتھن سٲتؠٕ مقابلہٕ کران.ء¹⁴.مگر نفسانؠٕ انسان چُھنہٕ خدایہ سنٔدِ رُوحچہِ کتھِہ قبول کران.تکیازِ تس نِش چھے نادانیِ ہنٔزٕہ کتھٕ.بیہِ ہؠکنہٕ تمن سُہ سمِجھتھ تکیازِ تِمہٕ چھے رُوحٲنِؠ.طورہٕ پر کھاوَنہٕ ؠوان._

¹⁵.مگر رُوحانؠٕ شخص چُھ سارۓ کتھٕ پرکھاونہٕ مگر پانہٕ چُھنہٕ ؠوان کانسِہ ہنٔدِ دَسؠٕ پرکھاوانہٕ._

¹⁶.خدایہ سنٔز عقل کؠمؠٕ زأنؠٕ زِ تس ہؠکہِ تعلیم دِتھ؟مگر اسہِ منز چھے مسیح سنٔز عقل._

3¹.تہٕ ہے بایٔو! بُو ہؠوکُسنہٕ تُوہہِ ساتؠٕ تِتھ پاٹھؠٕ کلام کرِتھ کؠنہ ؠتھٕ پاٹھی روحٲنی لوکن ساتؠٕ بلکہ زن جِسمٲمِؠ لوکن ساتِ بیِ تِمن ساتؠٕ ؠِم مسیحس منز شُرٕی چِھ._

².مؠے چیٲؠمَو تُوہیٕ دُودھ تہٕ کھؠن کھیاؠمُو تہٕ تکیازِ توہہِ منز اُوسنہٕ تمؠوک برداشت بلکہ چُھنہ وُنہِ تہِ برداشت._³.تکیازِ ونیوک آسؠو تُوہؠ جسمأنؠِ.اوٕہ کؠنؠٕ چُھ توہہِ منز ضِد تہٕ لڑایہِ.اتؠِ کیا توہی چُھونا جسمانیِ تہٕ انسانؠٕ طرؠقن پؠٹھ پکان._

⁴.اوٕہ موکھہٕ زِ ییلِہ اکھ چُھ دپان بُو چُھس پولُس سُند تہٕ بیاکھ چھ دپان بُو چُھس اُپلُس سُند،اَتؠِ چُھونا توہہِ منز انسانِؠ سُوچ._

⁵.اپلُس کیا چیز چُھ؟تہٕ پولُس کیا؟.دوشوۓ چِھ خادم یِہندِ ذریعہ توہہِ اؠمان اُونُو.تہٕ پرؠتھ اکِس چھے سُہ حیثِیت ؠُوسہٕ خداوندن تس بخٕش._⁶.مؠے لوگ کُل تہٕ اپلُوسن ترووُس آب مگر خداؠن دیوتُس وُسجار._

⁷.ادہٕ نَہ چُھ لاگن وُول کانہہ چیز نَہ آب تراوَن وول.مگر چُھ خداۓ یُوس تَتھ پھلہٕ راوان چُھ._⁸.لاگن وول تہٕ آب تراوَن وول دونوے چِھ اکھ.مگر پرؠتھ اکھ لبہِ پنُن اَجر پننِہ محنتہٕ موافقِ._

⁹.تکیازِ ٲسؠٕ چھ خداؠس ساتؠٕ کأم کرن والؠٕ.توہؠٕ چُھو خدایہ سنٔدٕی زراعت تہٕ خدایہ سنٔدؠٕ تعمیر._¹⁰.مےٕ دیُوت تؠمہِ توفیقہٕ موافِق یُوس خداؠن مؠے بچُشن عقلمند دَسلہٕ سنٔدِی پٲٹھٕؠ کٕن.تہٕ بؠاکھ چُھ تَتھ پؠٹھ مکان بنأوان ادٕہ پرؠتھ اکھ روزِن خبردار زِ سُہ کؠوتھ مکان چُھ بناوان._

¹¹.تکیازِ بغیر تؠمہِ کٕنہٕ یُوس دِنہٕ چُھ آمُت.تہٕ سُہ عيسٰى مسیح.کانہہ شخص ہؠکنہ دُوٕؠم کٕن دِتھ._¹².تہٕ اگر کانہہ تَتِھ کٕنَس پؠٹھ سُونُک یا رُوپُک یا بؠِش قؠمت کنَؠِن ہُند یا لکرِ یا گھاسہٕ یا ژِھیِہ ہُند پُوہر بنایِہ._

¹³.مگر آخرس سپدِ پرؠتھ اکؠِ سنٔز کام ظاہر.قیامژ دوہ روزِ نہٕ کہین تہِ چھیِتھ.نارکؠِ سُوریٔ کؠنہہ ظاہر.تہٕ سُو ونِہ سُو کأم.تہٕ سُہ نار آزمایہ پانہٕ پرؠتھ اکؠٕ سنٔز کأم زِ کِژھ چھے._¹⁴.تہٕ ؠمِہ سنٔز کأم تَتھ پؠٹھ موجود رُوزِ تس مؠلِہ اجر._

¹⁵.تہٕ ؠمِہ سنٔز کأم دزِتھ پییِہ،سُہ تُلہِ نقصان.پانہٕ بچِہ مگر دزان دزان._¹⁶.کیا تُوہؠٕ چھؠونا زانان زِ توہؠٕ چِھؠو خدایہ سنٔدٕؠ مَقدِس بیہِ چُھ توہہِ منز خدایہ سُند رُوح بسِتھ._

¹⁷.اگر کانہہ خدایہ سُند مَقدِس برابر کرِ تہٕ خُدا کرتس برباد،تکیازِ خدا سُند مَقدِس چُھ پاک تہٕ تِم چُھو توہؠٕ._¹⁸.کنہہ مہٕ دِؠین پننِس پانس دھونکہ.اگر کانہہ تُوہہِ منزٕہ پنُن پان ؠَتھ دنیاہس منز حکؠم سمجِھ تہٕ نادان بنِن یوتھ زَن حیکم بندِ._

¹⁹.تکیازِ دنیاہچٕ حکمت چھے خداؠس نِش بےوقوفی.چنانچہ لؠکِھتھ چِھ،سُہ چُھ حکؠمن تہندٕے چالاکؠ منز پھساوان._

²⁰.بیِہ چُھ خداوند حکؠمن ہنٔدٕؠ ارادٕہ زانان زِ تِم باطِل._²¹.ادٕہ انسانن پؠٹھ مَہ کریُو کانہہ فخر تکیازِ سأریِ چیز چِھ تسہندٕؠ._

²².چاہے پولُس،اپلُوس،کیفا،دنیا،زندگی،موت،چاہۓموجودٕہ چیز.یا مُستقبلکؠٕ._

²³.سُورؠٔ کؠنہہ چُھ تہسُند،مگر توہیٕ چُھو مسیح سنٔدٕؠ تہٕ مسیح چھ خدایہ سُند._

4¹.انسان سمجِھن اسِہ مسیح سنٔدٕؠ خادِم تہٕ خدایہ سنٔدِ حکمتکؠٕ مختار._

².تہٕ یتِؠن چھے مختاری منز یہ ؠوان وچھنہٕ زِ دیانتدار گژِھ نؠرُن._³.مگر مؠے نِش چھے یہ واریاہ لکٹؠٕ کتھ.زِ توہؠٕ یا کانہہ انسانیِ عدالت پرکھِن مےٕ.بلکہ چھنہ بُو نہٕ تہِ پنُن پان پرکھان._

⁴.تکیازِ مؠون دل چُھنہٕ مےٕ ملامت کؠنہ کران مگر تؠمہٕ امہِ ساتؠٕ یمنہٕ بُو راست باز ماننہٕ کؠنہ بلکہ میون پرکھاون وول چُھ خداوند._⁵.اتؠٕ مہٕ کریو وقتہٕ برونہٕ کونہِ کتھِ ہُند فأصلہٕ یوتام نہ خداوند ییِہ.سُوؠٔ کرِہ گٹہِ ہنٔزٕہ پوشؠدٕہ کتھٕ رُوشن،بؠہِ کرِہ دِلن ہندٕؠ منصوبہٕ ظاہر تہ تؠمہٕ ساتہٕ سپدِ خدایہ سنٔدِ طرفہٕ پرؠتھ اکؠٕ سنٔز ثناء خوانی._⁶.بیِہ ہے بایُو!مےٕ کرٔ ؠمن کتھن منز تُہندِ باپتھ پننؠٕ تہٕ اُپلوس سنٔز ذکِر مثالِ سنٔدِ بطورٕہ تاکہِ توہؠ ہؠچھؠُو یہِ سانہِ ذرؠعہ زِ لیکھمتہِ نیبر نیر زیونہٕ.تہٕ اکؠ سُنز حمایت کرِتھ مَہ کریو بیکؠٕ سنٔز مُخالفت._

⁷.ژے منز تہٕ بیکِس منز کُس چُھ فرق کران؟_تہٕ ژے نِش کُس چُھ سُہ چیز یُوس نہٕ ژے بؠکس نِش لوبُتھ؟تہٕ ییلِہ ژے بؠکس نِش لوبُتھ تہٕ تھیکان کیازِ چُھکھ زِ گویا لُوبتھ نہٕ؟_⁸.ژٕہ ہے گوڈے اسودٕہ حال چُھکھ تہٕ گوڈۓ دولتمند چُھکھ.تہٕ ژےٕ کرٔتھ اَسِہ ورأۓ بادشاہؠ تہٕ کاش ژہٕ کرؠکھ پادشاہی تاکہ اَسؠٕ تہِ کرہَو ژے ساتؠٕ پادشاہی._

⁹.میانِہ داناؠیٔ منز خداین ٲسی رسول ساروؠ نِشہٕ ادنٰى بنأیِتھ تمن لوکنج ہندٕؠ پاٹھؠ پش کرمتی یہنٔدِ قتلُک حکم سپُدمت چُھ.تکیازِ أسؠٕ چھ دنیا تہٕ فرشتن تہٕ انسانن باپتھ اکھ تماشہٕ گنز رنہٕ آمتی._¹⁰.أسؠٕ چھ مسیح سنٔدِ خاطرٕہ بیقٕل مگر تُوہؠٕ چُھو مسیس عقلمند.اسؠٕ چُھ کمزور تہٕ توہؠ طاقتور تہٕ ٲسؠٕبے عزت تہٕ توہؠ چھو عزت دار._

¹¹.ٲسؠٕ چُھ ونؠوک تام فاقےٕ،ترٕؠشہ ہتؠٕ تہٕ ننگۓ بیِہ چِھ مُکھارِ کھؠوان تہٕ آوارٕہ پھران._¹².تہٕ پننؠو اتھو ساتؠ چِھ کأم کرِتھ محنت تُلان.لُکھ چِھ بد ونان تہٕ ٲسؠٕ چُھ دُعا کران.تِم چھ ستاوان تہٕ أسؠ چھ ژالان._

¹³.تِم چِھ بدنام کران،اسؠٕ چِھ نرمی سان جواب دوان.أسؠٕ چھ ازتام دنیاہکہِ ژھوٹکؠٕ تہٕ سالم چیزن ہنٔزِ گردِ ہندٕؠ پاٹھؠ رُودمتؠٕ._¹⁴.بوچھسُونہ توہِہ شرمندٕہ خاطرٕہ ؠمِہٕ کتھ لؠکھان.بلکہ چھسُو بُو پننؠٕ ٹھاٹھؠٕ فرزندٕہ زأنِتھ توہِہ نصیحت کران._

¹⁵.تکیازِ اگر مسیس منز تُہندٕؠ وستاد داہ ساس تہِ آسن تو تِہ آسن نہٕ تہندٕی بب واریاہ کؠنہ.امِہ موجوب زِ انجیلِ ہندِ ذریعہ بنؠوُس مسیح عيسٰى ہس منز بُوؠٔ تہند بب._

¹⁶.ادہٕ بُو چھسو توہِہ مِنّت کران زِ مؠأنؠٕ پأٹھؠٕ بنؠُو._¹⁷.امےٕ موجوب سوز مؠے توہِہ نِش تمُؠو تھیِس.سُہ چُھ خداوندس منز میون ٹھوٹھ تہٕ دیانتدار فرزند.سُہ دیِؠُو توہِہ مؠأنؠٕ تِم طریقہٕ یاد ؠِم مسؠس منز چِھ.ؠتھٕ کنؠ بُو پرؠتھ جایِہ کلیسیایہ منز دِوان چُھس._

¹⁸.کؠنہ چھ تَتِھ شَاد سپدان زِ زَن تِہ چُھسنہٕ بُو توہِہ نِش ؠنہٕ وول._¹⁹.اگر خداوندن ؠوژھ بو ؠمہٕ جلدی توہِہ نِش.تہٕ شاد سپدن والؠِن ہنٔزٕہ کتھہٕ نہٕ کؠنہٕ بلکہ کرٕہ بُو تہنُد طاقت معلوم._

²⁰.تکیازِ خدایہ سنٔز پادشأہی چھؠنہٕ کتھن پؠٹھ.موقوف بلکہ چھے قدرٔژ پؠٹھ._

²¹.توہؠ کیا چُھو یژھان زِ،بُو یِماہ توہِہ نِش لُور ہؠتھ کِنہٕ محبتہٕ تہٕ نرم مزاجی سان؟_

5¹.یوتام زن بوزنس منز چُھ آمت.زِ تُوہِہ منز چھے حرامکأرِی سپدان بلکہ تِژھ حرامکأری ؠُوسہٕ غأر قومن منز تہِ چھے سپدان.تکیازِ توہِہ منز چُھ اکھ شخصن پننِس مالؠٕ سنٔزِہ دُوؠِمہ زنانہٕ ساتؠٕ خاندر کورمُت._

².تہٕ توہؠ چھبنہٕ افسوس کران تاکہ یژھ کأم کرن وول یؠہِ توہہ منزٕہ کڑنہٕ بلکہ چھو خُوش._³. اگرچہ بو اُوسسنہٕ جمکہ اعتبارہ موجود.مگر روحکہِ اعتبارٕہ حاضر آسِتھ گویا بحالتِ موجودگی منز چُھ مؠے ؠِژھ کأم کرن وألِس پؠٹھ حکم دیوتمت._

⁴.زِ ییلِہ تہند تہٕ میون روح سانِس خداوندِ عيسٰى سنٔدِ قدرتہٕ ساتؠٕ جمع آسِہ تہٕ ؠوتھ شخص یؠِہ سانس خداوندِ عيسٰى سنٔدِ ناوہ ساتؠٕ._

⁵.جسمچہ ہلاکژ باپتھ شیطانس حوالہ کرنہٕ تاکہ امسُند رُوح لبہ خداوندِ عيسٰى سنٔدِ دوہ نجات._⁶.تہسُند تھؠکن چُھنہ جان کؠنہ.کیا توہؠ چھونا زانان زِ تھوڑا خمیر چھے سأرسؠٔ مأنڑ نہٕ آمتِس ٲتِس خمیر بناوان._

⁷.پرأنؠ خمیر کڈِتھ کرؠو پنُن پان پاک.ؠوتھ زن تازٕہ مونڈمُت اُۆٹ بنؠو چناچہ توہؠ چُھو بے خمیر.تکیازِ سُون فسح تہِ یعنی مسیح سُپد قربان._

⁸.ادٕہ ولؠو آسؠ مناوَو عید.نَہ پرانہِ خمیر ساتیٕ نَہ بدی تہٕ شرارتکِہ خمیر ساتیٕ بلکہ صاف دِلِی تہٕ بزرچِہ بے خمیر ژُوچِہ ساتؠٕ._⁹.مؠے چُھو توہِہ پننِس خطس منز یہِ لیُوکھمت زِ حرامکارن ساتؠٕ گژھنہٕ زان تھاونؠٕ._

¹⁰.یہ نہٕ کؠنہ زِ دنیاہکؠن حرام کارن یالالچؠیَن یا ظالمن یا بُت پرستن ساتی چُھنہٕ بلکل سمکُھنیٔ.تکیازِ اتھ حالتس منز چُھو توہِہ دنیا منزۓ نیرُن پؠوان._¹¹.مگر مؠے اُوسو توہِہ حقیقتًا یِہ لیوکھمت زِ اگر کانہ وننہٕ ییِہ مگر سُہ آسِہ حرامکار،لالچی.بُت پرست.لیکہ واتُل،شرٲبؠ یا ظالِم تہٕ تس ساتیٕ مَہ روزؠُو.بلکہ مہٕ کھیؠُو تمِس ساتؠ کھؠن تہِ._

¹².تکیازِ مؠے کیا واسطہٕ چُھ ؠِم کلیسیایہ تیبر آسن تِمن پؠٹھ حُکم کڑنُک.کیا یِہ چُھنا زِ توہؠ چُھو کلیسیاء اندر والؠن پؠٹھ حکم دوان؟_

¹³.مگر کلیسیایہ نؠبر والؠن پؠٹھ کرِ خدا عدالت.ادٕہ سُہ شخص کڑِوٗن پانس نِش._

6¹.کیا توہِہ منز چھا کانسِہ یہ جُرأت زِ ییلہٕ تس دوؠمِس ساتیٕ مقدّمہٕ آسِہ تہٕ مأصلہٕ باپتھ گژِھ بے دِینن تہٕ مُقدّسن نِش گژھنِہ؟_

².کیا توہِہ چھؠنا یے زِ مُقدّس لوکھ کرن دنیہک انصاف؟ادٕہ ییلِہ توہؠ دنیاہُک انصاف کرؠو اتؠٕ کیا توہی آسؠونا لوکچؠو کھوتہٕ لوکچؠن لڑایٔن ہندٕؠ تہِ فأصلہ کرنس لایٔق؟_

³.کیا توہی چھونا زانان زِ أسؠٕ کرَو فرشتن ہُند انصاف؟تہٕ أسؠٕ کیازِ کرونہٕ دنیایؠٔ معاملن ہنٔدٕؠ فأصلہ._⁴.ادٕہ اگر توہِہ منز دنیاوِی مُقدِمہٕ آسن تہٕ کیا تِم کرِوُوکھنا منصِف مقرَر ؠِم کلیسیاء منز حقیر زاننہٕ ؠوان._

⁵.بوچھسو توہِہ شرمند کرنہٕ باپتھ یہ ونان.کیا واقعی چُھنا توہِہ منزٕہ اکھ نفر تِہ سمجھدار یُوس پننؠن باین ہُند فأصلہ ییلہ کرِتھ._

⁶.بلکہ چُھ بُوۓ بأیِس مقدِمہٕ کران تہٕ سُوتہِ بے دؠنن برونہہ کنِہ._⁷.مگر اصلؠٕ چُھ توہِہ منز بوڈ عَاب یہِ زِ پانہٕ وأنؠٕ چُھو مقدمہٕ بأزِؠ کران.تہٕ ظلم تُلن کیازِ چُھونہٕ بہتر زانان؟پنُن نقصان کیازِ چھونہٕ قبول کران؟_

⁸.بلکہ چُہو توہیؠٕ ظلم کران تہٕ نقصان واتناوان سُوتہِ بایَن._⁹.کیا توہی چھونا زانان زِ بدکار آسن نہٕ خداؠٔ پادشاہی ہنٔدٕؠ وأرِث؟دھونکہٕ مہٕ کھؠیُو.نہٕ آسن حرامکار خداؠٔ پادشأہی ہندٕؠ وأرِث نَہ بُت پرست نَہ زناکار نَہ عیاش.نَہ لونڑٕ باز._

¹⁰.نہ ژوٗر.نَہ لالچِی نہ شرأبؠٕ.نَہ لیکہِ کڑن والؠٕ نہ ظالم._

¹¹.تہٕ توہِہ منزٕہ أسؠٕ کؠنہ تِتھ تہِ.مگر تُوہی اُوو خداوندِ عيسٰى مسیح سنٔدِ ناوٕہ ساتیٕ تہٕ سأنِس خدایہ سنٔدِ روح ساتؠٕ چھلنہٕ تہٕ پاک تہٕ راست باز تہِ گُو ثابت._¹².سأرِؠ چیز چھ میانِہ باپتھ جایٔنؠ مگر سأرِؠ چیز چھنہٕ فایٔدہ مند کؠنہ،سأرِؠ چیز چھ میانِہ باپتھ جأیز مگر بُو روزنہٕ کنِہ چیزُک پابند._

¹³.کھِؠن چُھ یٔڑ باپتھ تہٕ یڑ کھؠنہٕ باپتھ مگر خدا کرِ تمن دوشونؠٕ فناہ مگر بدن چُھنہٕ حرامکارِی باپتھ بلکہ چُھ خدایہ سنٔدِ باپتھ تہٕ خدا چُھ بدنہٕ باپتھ._¹⁴۱۴.تہٕ خداؠن کور خداوند تہِ زندٕہ تہٕ اَسِہ تہِ کرپننہِ قدرتہٕ ساتؠٕ زندٕہ._

¹⁵.کیا توہی چھونا زانان زِ تہُندٕے بدن چِھ مسیح سنٔدٕؠ وُستہٕ خان؟ادہٕ کیا بُو بناواہ مسیح سنٔدٕؠ وستہٕ خان گانِہ ہندٕؠ وستہٕ خان؟ہرگزِنہٕ._¹⁶.کیا توہی چھونا زانان یوس اکھاہ گانہِ ساتؠٕ پنُن پان رلاوان چُھ سُہ چُھ تَس ساتؠٕ اکھ تن سپدان؟_

¹⁷.تہٕ یُوس خداوندس ساتیٕ روزان چُھ سُہ تس ساتؠٕ اکھ روح سپدان._¹⁸.حرامکأرِی نِشہٕ ژلؠُو.یتیاہ گُناہ انسان کران چُھ تِم چھ بدنہٕ نؠبر.مگر حرامکار چُھ پننِہ بدنُک تہِ گنہگار._¹⁹.کیا توہِہ چھؠنا پے زِ تُہند بدن چُھ روح القدس سنٔز مَقدِس گھر یوس توہِہ خدایہ سنٔدِ طرفہٕ مُؠولمُت چُھو؟تہٕ توہیٕ چُھوو نہٕ پننٕؠ._

²⁰.تکیازِ تُوہی چُھو قٕمتہ ساتؠٕ مولؠٕ ہؠنہٕ آمتؠٕ.ادہٕ پننِہ ساتؠٕ کرؠو خدایہ سُند جلال ظاہر._

7¹.ؠمہ کتھہٕ توہِہ لؠچھمژٕہ آسَو تِمن ہُند وجہ چُھ یہِ زِ مردہٕ سنٔدِہ خاطرٕہ چُھ بہتر زِ زنِہ مہٕ لأگِن اتھٕ._

².مگر حرامکارِی ہندِ خطرہ نِشہ تھاؠِن پرؠتھ مرد پننؠٕ زنانہٕ تہٕ پرؠتھ زنؠٕ پنُن خاوند._³.خاوند کرِن زنانہِ ہُند حق ادا تہٕ تِتھےٕ کنؠٕ کرِٔن زنانہٕ تہِ شُوہر سُند._

⁴.زنانِہ چھؠنہٕ پننِہ بدنِچ مختار کؠنہ بلکہ چُھ شوہر ؠتھے کنؠ چُھنہٕ شوہر تِہ پننِہ بدنُک مختار کؠنہ بلکہ چھے زنانہٕ._⁵.توہی مہٕ روزؠو اکھ اکِس نِش جُدا.مگر کؠنہ وقت کرؠو پانہٕ وانؠٕ رضا مندی سان مقرَر تاکہ دُعاء کرنہٕ باپتھ میلُؠو فرصات،پتہٕ سپدؠو بیِہ یکوٹہٕ یوتھنہٕ یِہ سپدِ زِ غلبٔہ نفسکِہ وجہ کٕنؠ آزماؠُو توہِہ شؠطان._

⁶.مگر بو چُھسو اجازتکہِ طورٕہ پاٹھؠ ونان نَہ کہ حکمکہِ طورٕہ پاٹھؠٕ._

⁷.تہٕ بو چُھس یِہ ؠژھان زِ ؠُتھ بُو چُھس تِھتؠٔ ٲسِن سأرِی انسان.مگر پرؠتھ اکِس چُھ خدایہ سنٔدِ طرفِہ خاص توفیق میولمُت کانسِہ اکہ قسمُک کانسہِ ببلکہِ قسمُک._⁸.ادٕہ بُوچُھس مونڑہٕ مَردن تہٕ مونڑٕہ زنانن ہنٔدِس حقس منز یہ ونان زِ تسہندِ خاطرٕہ چُھ بہتر تِتھےٕ کنؠٕ روزُن ؠتھٕ کنؠٕ بُو چُھس._

⁹.واگر نہٕ صبر کرن تیلہ کٔرِن خاندر،تکیازِ خاندَر کرُن چُھ مست گژھنہٕ نِشہٕ بہتر._¹⁰مگر یمن خاندر چُھ سپدمُت،تمن چُھسنہٕ بُو بلکِہ خدا حکم دِوان زِ زنانہٕ مَہ سپدِن پننِس شوہرس نِش جُدا._

¹¹واگر جدا سپٔز تہٕ روزِن بے نکاح یا پننِس شوہرس ساتؠٕ کرِن بیِہ صَلح.نَہ مہٕ ترأؠِن شوہر زنانِہ._¹².باقؠن چُھ بُوؠٔ ونان نےہ زِ خداوند.زِ اگر کانسِہ باؠٔ سنٔز زنانہٕ آسنہٕ با اؠمان تہٕ تس ساتؠٕ روزنس آسِہ رَٲضِی تہٕ سُہ مہٕ ترٲوِن تس زنانِہ._

¹³.تہٕ یس زنِہ ہُند شوہر با اؠمان آسنہٕ تہٕ تس ساتؠٕ آسِہ روزنہٕ باپتھ رٲضِی تہٕ سُو مہٕ ترأوِن تس شوہرس._

¹⁴.تکیازِ یُوس شوہر با اؠمان چُھنہٕ سُہ چُھ زنانہِ ہنٔدِ ساتؠٕ پاک یوان گنزر رنہٕ.تہٕ یُوسہٕ زنانہٕ با اؠمان چھؠنہٕ سُو مسیحس شوہر سنٔدِ وجہ پاک ؠوان گنزر رنہٕ.نتہٕ آسہن تُہندٕؠ اولاد ناپاک مگر ونؠٕ چھِ پاک._¹⁵.مگر مَرد نہٕ یُوس با اؠمان آسہٕ اگر سُہ جُدا سُپد تہٕ دِیُوس جدا گژھنہٕ یتھِؠن حالتن منزٕ چھؠنہٕ کانسہِ بابأیِس یا بؠنِہ پابندی.تہٕ خداؠن چِھ أسؠٕ رلنہٕ موکھےٕ بُلایمتؠٕ._

¹⁶.تکیازِ ہے خاتون!ژے کیا پے چھے زِ شاید بچاوہن ژٕہ پنُن شوہر؟تہٕ ہؠو مردا!ژے کیا پے چھے زِ شاید بچاوہن ژٕہ پننؠٕ زنان؟_¹⁷.مگر ؠتھٕ کنؠ خداؠن ہر اکِس حصّہ چُھ دؠوتمُت تہٕ ؠتھٕ کنؠِ خداین چُھ ہرکانہہ بلومُت.تِتھے کنؠ پکِن سُہ،تہٕ بُو چُھس سارنؠٔ کلیسیاہن منز ؠتھے کنؠ مقرَر کران._

¹⁸.یُوس مختون بُلاونہٕ آۆ سُہ مہٕ گژِھن نا مختون یُوس نا مختونؠ ہندِس حالتس منز بُلاونہٕ آۆ تہٕ سُہ روزِن تِتھے کنؠٕ._

¹⁹.نَہ چُھ ختنہٕ کانہہ چیزنَہ نامختونی بلکہ خدایہ سنٔدِس حکمس پؠٹھ پُکن چُھ سورۓ کنؠہ._²⁰.پرؠتھ شخص ؠِتھ حالتس منز بُلاونہٕ آمُت چُھ تِتھے کنؠٕ رُوزِن._

²¹.اگر ژٕہ غلامی ہندِس حالتس منز بُلاونہٕ آکھ فِکر مَہ کر،واگر ژٕ آزاد گوکھ تِہ تیِ کر اختیار._

²².تکیازِ یُوس شخص غلامی ہندِس حالتس منز خداوندس منز بُلاونہٕ آۆ سُہ چُھ خداوند سُند آزاد کورمُت.ؠتھےٕ پأٹھؠٕ یُوس آزادِؠ ہندِس حالتس منز بُلاونہٕ چُھ آمُت سُہ چُھ مسیح سُند غلام._

²³.توہیٕ چُھو مسیح سنٔدِ ذریعہ خاص قؠمتہٕ ساتؠٕ مولؠٕ ہؠنہٕ آمتؠٕ،انسانن ہندٕؠ غلام مہٕ بنُؠو._

²⁴.ہے بایا!یوس اکھاہ ؠتھ حالتس منز بُلاونہٕ آسِہ آمت سُہ روزِن تمنٔؠ حالتن منز خداؠس ساتؠٕ._²⁵.انہرشؠن مطلق چُھنہٕ مےٕ نِش خداوند سُند کانہ حکم.مگر دیانتدار آسنہٕ باپتھ ؠتھٕ کنؠ خداوندٕ سنٔدِ طرفہٕ مےٕ پؠٹھ زحم سُپدمت چُھ تِتھہٕ موافقِ چُھس بُو راۓ دِوان._

²⁶.ادٕہ موجودہ مصیتکہ خیالہ ساتؠٕ چُھ میأنِس اندازس منز انسان سنٔدِ باپتھ ییِؠ بہتر زِ یُوتھ چُھ تؠوتھؠٔ رُوزِن._²⁷.اگر ژے زنانہٕ چھے تہٕ تس نِش مَہ کر جُدا گژٕھنچ کوشِش تہٕ اگر نہٕ ژے زنانہٕ چھے تہٕ زنانہٕ مَہ ژھانڑُن._

²⁸.واگر خاندر کرکھ تہٕ گُناہ چُھنہٕ تہٕ اگر انہرشہِ خاندر سپدِ تہٕ گُناہ چُھنہٕ.مگر ؠتھؠٕ لوکھ لبن جمأنؠِ تکلیف،تہٕ بُو چُھسو توہی بچاونؠٕ ؠژھان._²⁹.مگر ہؠو بایا!بوچُھسۓ یہ ونان زِ وقت چُھ کم ادٕہ برونہہ کُن پزِ زِ زنانہٕ والؠٕ آسِن تِتھ کنؠٕ زِ زنتہِ چھینہٕ تمن زنانۓ._

³⁰.تہٕ وَدن والؠٕ آسِن تِتھ زِ زن چھنہٕ ودأنِؠ.تہٕ خوشی کرن والؠٕ آسِن تِتھ زِ زن نہٕ خوشی چھ کران.تہٕ ہؠنہٕ والؠٕ آسِن تِتھ زِ زن نہٕ مال چُھکھ._

³¹.تہٕ دنیاوِی کاروبار کرن والؠٕ ٲسِن تِتھ زِ دنیہکؠٕ سپدن نہٕ کؠنہٕ،تکیازِ دنؠہٕچ شکل چھے بدلان روزان._³².ادہٕ بُو چُھس ؠژھان زِ توہیٕ روزؠو بے فکر.خاندرٕہ رُوژھ شخص چُھ خداوندٕ سنٔزِ فکرِ منز روزان زِ کتھ پاٹھؠٕ کرن خداوند رأضؠٕ._

³³.مگر خاندرٕہ وول شخص چُھ دنیاوِؠ فکرن منز روزان زِ کِتھ پاٹھؠٕ تھاون زنانہٕ رأضؠٕ._

³⁴.خاندرٕہ واجنِہ تہٕ انہرٕشہِ منز تہِ چھے فرق.انہرِش چھے خداوند سنٔزِ فکرِ منز روزان تاکہ تمسُنٕد جسم تہٕ رُوح دونوۓ آسن پاک مگر خاندرٕہ واجِنؠٕ زنؠٕ چھے دنیاوِؠ فکرن منز روزان زِ کِتھٕ پأٹھؠٕ کرن پنُن شوہر رأضؠٕ._³⁵.بُو چھس یِہ تہندِ فایٔدہ باپتھ ونان نکِہ تُہندِ فسادٕہ باپتھ.بلکہ امِہ موجوب زِ یِہ جایٔز چُھ تِؠ انُؠو عملہِ منز تہٕ خداوند سنٔدٕ سنٔدِس خدمتس منز روزؠو شکہٕ ورأۓ مشغول._³⁶.اگر کانہہ یِہ سمجِھ زِ بُو چُھس پننِہ ؠِمن انہرشِہ کورِ سنٔز حق تلفی کران ؠمن جوانؠٕ چھے سُورَن واَجِن چھے تہٕ ضرورت تہِ آسِہ معلوم تہٕ اختیار چُھ زِ سُہ کرِتس نؠتھَر،اتھ منز چُھنہٕ گناہ._

³⁷.مگر یوس پنِنس دلس منز پختہ آسِہ تہٕ تس آسنہٕ کؠنہ ضرورت،بلکہِ آسِہ پننِس ارادکِس انجام دِنس پؠٹھ طاقت تھاوان تہٕ پننِس دلس منز آسؠن وعدٕہ کورمُت زِ بُو تھاون پننؠٕ کور بے نکاح سُہ چُھ اصل کران._

³⁸.ادٕہ یُوس پننِہ انہرشہِ کورِہ چُھ خاندان کران سُہ چُھ ٹھیک کران.تہٕ یوسنہ کران چُھ سُہ زیادے ٹھیک کران._³⁹.یوتام زنہِ ہُند شوہر زندٕہ چُھ سُو چھے تس پابند ادٕہ ییلِہ سُہ تس مرِ.تہٕ یَس ساتؠٕ یژِھ تس ساتؠٕ ہؠکہِ خاندر کرِتھ مگر صرف خداوندس منز._

⁴⁰.پوز ؠتھٕ کنؠٕ چھے اگر تِتھۓ کنؠٕ روزِ تہٕ میأنؠٕ کؠنؠٕ چھے سُو زیادہ خوش نصیب تہٕ بُو چُھس سمجھان زِ خداۓ سُند رُوح چُھ مےٕ منزتِہ._

8¹.ونؠٕ چِھ بُتن ہنٔز قربأنؠِ مطلق یِہ.أسؠٕ چِھ زانان زِ اسِہ سارنۓ چُھ عِلم.عِلم چُھ گمنڑ پادہٕ کران.مگر محبت ترمتی ہُند ذریعہ._

².اگر کانہہ گمان کرِ زِ بو چُھس کؠہنہ زانان تہٕ ؠتھٕ کنؠ زانُن پزِ تِتھ کنؠ چُھسنہٕ ونؠوک تام زانان._

³.مگر یوس اکھ خداؠس ساتؠٕ چُھ محبت تھاوان تس چُھ خدا پہچانان._⁴.ادہٕ بُتَن منٔزِ قربانی ہُند ماز کھؠنکہِ ذریعہ چھ اَسؠٕ زانان زِ بُت چِھنہٕ دنؠاہس منز کانہہ چیز تہٕ سِواۓ اکؠٕ سنٔدِ چُھنہٕ بؠہِ کانہہ خدا._

⁵.اگر زن آسمان و زمینس منز چھ واریاہ خدا وننہٕ ؠوان،چنانچہ واریاہ خدا تہٕ واریاہ خداوند چھ لوکن ہندٕؠ کؠنؠٕ._

⁶.مگر اسِہ نِش چُھ صرف اکوۓ خدا.یعنی خدا بب یمسنٔدِ طرفہٕ سأرِی چیز چِھ تہٕ أسؠ چھ تسہندِ باپتھ بیہِ چُھ اکوۓ خداوند یعنی عيسٰى مسیح ؠمہِ سنٔدِ وسالتہ سأریِ وجودس منز آۓ تہ أسؠ تِہ چھ تمسندِۓ وسالتہ._⁷.مگر سارنؠٔ چُھنہٕ یِہ عِلم کؠنہ بلکہ کینژھن چُھ ونؠوک تام بت پرستی ہُند عادت.توۓ چِھ یِہ ماز تِم بُتن ہنٔز قربأنیِ زانتھِ کھؠوان.تہٕ تہند دل چُھ چونکہ کمزور یُوس الودہٕ چھ سپدان._⁸.کِھؠن ہؠکنہٕ اَسِہ خداؠس ساتؠٕ کؠنہ رلأؠِتھ.اگر نَہ کھؠمو تہٕ اسِہ چُھنہٕ کانہ نقصان تہٕ اگر کھؠمو تہٕ کانہ فایٔدہ چُھنہٕ._

⁹.مگر ہوشیار روزؠو ؠوتھ نہٕ یہ سپدِ زِ تُہنز آزادِی بنہِ کمزورن خاطرٕہ ٹھوکر لگمُک سبب._

¹⁰.تکیازِ اگر کانہ ژے صاحبِ علمس بُت خانس منز کھؠن کھؠوان وچھِؠ تہٕ سُہ آسِہ کمزور شخص تہٕ کیا تسہُند دل گژھنا بُتن ہنٔز قربانؠ کھؠنس پؠٹھ مضبوط؟_¹¹.غرض چانِہ عِلمہٕ کہِ سببہٕ گژِھ سُہ کمزور شخص ہلاک.یعنی سُہ بُوۓ ؠمسنٔدِہ خاطرٕہ مسیح مُود._

¹².تہٕ ؠتھٕ پاٹھؠٕ چُھکھ ژٕہ باین ہُند گنہاگار آسِتھ تسِہنٕدؠ کمزور دل زخمی کرِتھ مسیح سُند گُنہگار گنزرنہٕ ؠوان._

¹³.امِہ سببہ اگر کھِؠن میأنِس بأیس ٹھوکر کھیایہِ تہٕ بُو کھؠمنہٕ ہرگزِ تہِ زانہ ماز.تاکہ بُو بننہٕ پننِس بأۓ سنٔدِ خاطرٕہ ٹھوکر لگنُک سبب کؠنہ._

9¹.کیا بو چُھسنا آزاد؟کیا بو چھسنا رسول؟کیا بو چُھسنا عيسٰى وچھمُت یُوس سون خداوند چُھ؟کیا توہی چُھونا خداوندس منز مےٕ میأنی بنایٔمتؠ؟_

².اگر بو باقین ہندِ خاطرٕہ رسول چُھنہٕ مگر تہندِ باپتھ چُھس بےشک تکیازِ توہیٕ چُھو میأنِہ رسالٕتچ مہر._³.ؠِم مےٕ امتحان کران چُھ تہندِ خاطرٕہ چُھو مؠون ؠوہۓ جواب._

⁴.کیا اسِہ چُھنا کھؠنُک چؠنُک اختیار کؠنہ؟_

⁵.کیا اسِہ چُھنا یہ اختیار زِ کانسہِ مسیح بؠنہِ.زنِہ ساتؠٕ خاندر کرِتھ تلوٗن پانس ساتی.ؠتھ کنؠٕ باقی رسول تہٕ خداوند سندٕؠ باۓ تہٕ کیفا کران چھ._

⁶.یا مےٕ تہٕ برنباسؠٔ یُوت چُھنا صرف محنتہِ مشقتہِ نِشہٕ پتھ روزُنک اختیار؟_⁷.کُس سیاہ چُھ کونہِ وزِ پننِس خرچس پؠٹھ جنگ لڑان؟کُس چُھنہٕ دچِھ باغ بنأؠِتھ تمؠوک پھل کھؠوان؟یا کُس چُھنہٕ تیر کھؠلِس گاسہٕ کھیأؠتھ کھیؠلوک دودھ چؠوان؟_

⁸.کیا ؠمہٕ کتھٕ چُھسابُو انسانؠٕ قیاسہٕ موافقِیٔ ونان؟کیا تورایت تہِ چھؠنا یِی ونان؟_⁹.چنانچہ موسٰى سنٔزِ تورایتِ منز چُھ لیکِھتھ زِ ییلِہ ژہ فصل مۆرنہٕ باپتھ تؠمہِ پؠٹھہٕ داند پکنا وکھ تمسُند چونٹ کرزؠنہٕ بند.کیا خداؠس چھا داندن ہنز فکر؟_

¹⁰.یا خاص چُھ یہ سانِہ باپتھ فرماوان.آیِہ چُھ سانِہ باپتھ لؠکھنہٕ آمُت تکیازِ مناسِب چُھ زِ واین وول وایِہ وایٔنچہ اُمید پؠٹھ زِ کؠنہ مِیلیس.تہٕ فصل موٗرن وُول چُھ اَتھ اُمیدِ پؠٹھ موٗران زِ تس میلِہ تؠمِہ منزٕہ حصّہ._

¹¹.ادٕہ ییلِہ اَسہِ تہندِ باپتھ روحانی چیز وؤؠٕ تہٕ کیا یِہ چھا کانہ بٔڑ کتھ زِ لُونَو تہندِ جمأؠِ چیزن ہُند فصل._¹²۲.ییلہ باقین چُھ توہِہ پؠٹھ یِہ اختیار،تیلِہ کیاہ سُون آسِنا امہِ کھوتہٕ زیادٕہ کؠنہٕ؟.مگر اسِہ کرٔنہٕ امِہ اختیارٕ سان کأم کؠنہ.بلکہ چھ پریتھ چیزک برداشت کران.تاکہ سانِہ ذریعہ گژھنہٕ مسیح خوشخبری منز کانہ حرجہٕ._

¹³.کیا توہی چُھونا زانان زِ یُوس مقّدس چیزن ہنٔز خدمت چُھ کران سُہ چُھ ہؠکل ہندِ چیز کھؠوان؟تہٕ یوس قربان گاہُک خدمت گزار چُھ تس چُھ قربانہٕ منزٕہ حصّہٕ مؠلان؟

¹⁴.یتھے کنؠ چِھ خداوند تہِ مقرَر کورمُت زِ خوشخبری بوز ناون والؠٕ کرن خوشخبری ہندِہ ذریعہ گزارٕہ._¹⁵.مگر مؠے کرٔنہٕ ؠمو منز کونہِ کتھِ پؠٹھ عمل،بیہ لؠوکھنہٕ مؠے امِہ غرضہٕ تہِ زِ میانہٕ خاطرٕہ گژھہِ ؠون ؠتھٕ کنؠٕ کرنہٕ.تکیازِ امہِ کھوتہٕ چُھ مرنُوؠٔ مؠون بہتر زِ کانہ راوٕہ راوِ مُؠون فخر._

¹⁶.اگر بو خوشخبری بوزناوٕہ تہٕ مؠے چُھنہٕ کانہ فخر.تکیازِ یہ چھے میانِہ خاطرٕہ لازِم کأم.واگر نہٕ بُو خوشخبری بوزنانوٕہ تیلہ چھ مؠے پؠٹھ افسوس._¹⁷.تکیازِ اگر بو پننِہ مرضی ساتؠٕ چُھس یہ کران تہٕ مؠے مؠلِہ اجر،واگرنہٕ بُو پننِہ مرضی ساتؠٕ کرٕہ تہٕ مےٕ چھے مختارِی حوالہٕ کرنہٕ آمژٔ._

¹⁸.ادٕہ مےٕ کیا اجر چُھ مؠلان؟یِہ زِ ییلہِ بُو انجیلہِ ہنٔز مُنادی کرٕہ تہٕ مُفت کرٕہ.تاکہِ یُوس اختیار مؠے خوشخبری مطلق حاصل چُھ تؠمہ موافقِ کرنہٕ بُو پورہٕ عمل._¹⁹.اگر بُو تمام لوکو نِشہٕ آزاد چُھس.تُوتہِ بنوو مےٕ پنُن پان سالمن ہُند غلام.تاکہ بیِہ تہِ زیادہ لوکھ انکھ پانس کُن._

²⁰.بُو بنؠُوس یہودِؠن باپتھ یہودیٕ.تاکہ یہودیٕ فِرکھ پانس کُن.ؠم لوکھ شریعت چِھ زانان،تہندِ خاطرٕہ رُودس شریعتس ماتحت تاکہِ شریعت زانن والؠٕ فِرکھ پانس کُن .ییلِہ زن نہٕ بُو پانہٕ شریعتس ماتحت اُوسُس._²¹.بے شرمن باپتھ بنؠوس بے شرم تاکہ بے شرم لکھ فِرکھ پانس کُن.ییلہ زن بُو اُوسنہٕ خداؠس نزدیک بے شرم کؠنہ بلکہ اُوسس مسیح سنٔدِس شریعتس تابع._

²².کمزورن باپتھ بنؠوس کمزور تاکہ کمزور فِرکھ پانس کُن.بو بنؠوس تمام انسانن باپتھ پرؠتھ کؠنہ.یَوتھ زن کونہِ پأٹھؠ کؠنہ بچاوَکھ._

²³.بو چُھس سُوریٔ کؠنہ انجیلِ باپتھ کران تاکہ باقین ساتؠٕ آسہٕ اَتھ منز شریک._²⁴.کیا توہِہ چھؠوا پے زِ ڈیِہ منز سأری ڈوان مگر انعام چُھ نِوان اکویٔ؟تُوہیِ تہِ ڈَیُو تِتھےٕ کنؠٕ تاکہ زِ ینؠُو._

²⁵.پرؠتھ کانہ پہلوان چُھ واریاہ قسمُک پرہؠنؠ کران تِم چِھ فأنؠِ تاج حاصل کرنہٕ باپتھ یہ کران مگر اَسؠٕ چھ لافأنؠٕ تاج حاصل کرنہٕ باپتھ کران._

²⁶.ادٕہ بوتِہ چُھس یتھے پاٹھؠٕ ڈَوان.یعنی با مقصد.بو چُھس ؠتھے پاٹھؠٕ مکہٕ بازِی کران مگر ہواہس مُشہٕ لاین وألؠٕ سنٔدٕؠ پأٹھؠٕ نہٕ کؠنہ._

²⁷.بلکہ چُھس بُو پننِس بدنس لایان تہٕ چُھسن قابوَس منز رٹان.یوتھنہٕ یہ سپدِ زِ باقین منز مُنادِی کرِتھ ؠمہٕ بُو پانہٕ نامقبول گنز رنہٕ._

10¹.ہے بایُو!بو چُھسنہ تہنُدہ امِہ نِشہٕ نا خوش روزُن ؠژھان زِ اَسِہ سارنیٕ ہندٕی آباواجداد أسؠٕ اُوبرس تَل،تہٕ سأریٕ درأۓ وزلِہ سمندرٕہ منزٕی._

².تہٕ ساروٕؠ نؠو تَتھ اُوبرس تہٕ سمندرس منز موسٰى سُند بپتمہ._

³.تہٕ ساروؠٕ کھؠو اکوؠٔ روحأنِؠ خوراک._

⁴.تہٕ ساروٕؠ چؠُو اکوؠٔ روحانؠٕ آب.تکیازِ تِم تؠمِہ رُوحانِؠ کنہِ منزٕہ چؠوان.یوسہٕ تمن ساتؠٕ ساتؠٕ أس پکان تہٕ سُو کنؠٕ أس عيسٰى مسیح._⁵.مگر تمو منزہ سپُد نہ واریا ہَو نِشہ خدا رأضیٕ کؠنہ.حالانکہ تِم سپدؠٕ ریگستانس منز ہلاک._

⁶.ؠمہٕ کتھٕ سپزٕہ سانہِ عِبرتہٕ باپتھ واقع.یوتھنہٕ أسی بُرٕہ چیزن ہنٔز خواہش کَرو ؠتھ کنؠٕ تمِوکرٔ._⁷.بیِہ مہٕ بنؠو تُوہی بُت پرست ؠتھٕ کنؠٕ تمو منزٕہ کؠنہ بنؠمتؠٕ أسؠٕ.لوکھ پؠٹھ کھؠنہِ چؠنہِ پتہٕ وتھؠٕ نژنہِ تہٕ گِندنہِ._

⁸.تہٕ أسؠ کرونہٕ حرامکاری کؠنہ ؠتھٕ کنؠٕ تمو منزٕہ کیژھو کرٔ.تہٕ اکسؠٔ دُوہس منز مودیٕ تِرٕہ ساس._⁹.بؠہِ کرونہٕ أسؠٕ خداوند سنٔز آزمأش کؠنہ ؠتھٕ کنؠٕ تمو منزٕہ کؠنژھو کرٔ تہٕ سُرفو کرؠٕ تِم ہلاک._

¹⁰.بؠِہ مَہ کرؠو شکایتہٕ ؠتھ کنؠٕ تمو منزٕہ کینژھو شکایتہٕ کرِ تہٕ ہلاک کرن وألؠٕ سنٔدٕؠ دَسؠٕ سپٔدٕؠ ہلاک._¹¹.ؠِم قصہٕ سپٔدؠٕ تِہندِ عبرتہٕ باپتھ واقع.تہٕ بؠہِ آیہِ اَسہِ ٲخرٕ زمانکؠن ہنٔزِ نصؠحژ باپتھ لؠکھنہٕ._

¹².ادٕہ ؠوس کانہ پانس مضبوط چھ سمجھان سُو روزِن خبردار یوتھنہٕ وسؠٕ پؠیِہ._

¹³.توہِہ پؠٹھ سپزنہٕ تِژھ کانہ آزمأش یُوسہ انسانہٕ سنٔدِ برداشت نیبر آسِہ،تہٕ خدا چِھ پُوز.سُہ دِؠُونہٕ توہِہ تہندٕہ طاقتہٕ کھوتہٕ زیادہ آزماشِٔہِ منز پؠنہٕ کؠنہ.بلکہ آزماشٔہِ ساتیٕ دیِہ سُہ توہِہ نیرٕنچ وتھ تِہ پادہٕ کرِتھ ؠُوتھ زن توہیٕ برداش ہیکؠو کرِتھ._¹⁴.میانؠو ٹھاٹھؠو امےٕ وجہ!روزؠُو دوٗر بُت پرستی نِشہٕ._

¹⁵.بُو چُھس توہِہ عقلمندن ساتؠٕ کلام کران.یہ بُو ونان چُھس،توہیٕ پرکھأؠو تہِ پانہٕ._

¹⁶.سُہ برکتک پیالہٕ ؠتھ پؠٹھ أسؠٕ برکت چِھ ؠژھان،کیا مسیح سنٔدِ خُونٕچ شراکت چِھؠنا؟.سُو ژوٹ ؠُوسہٕ أسؠٕ فُٹران چھ،کیا مسیح سنٔدِ بدنٕچ شراکت چھؠنا._

¹⁷.تکیازِ ژُوٹ چھے اکأؠٔ لہزا چھ اَسؠٕ تہِ اکوۓ بدن اگر أسؠٕ واریاہ تہِ چِھ مگر اسؠٕ سارؠٕ چھ تَتھ اکسؠٔ ژُوچِہ منز شریک سپدان._¹⁸.ؠِم جمہٕ کؠنؠٕ اسرایٔلی چِھ تمن پؠٹھ تھاؠُو نظر.کیا قربانہٕ ماز کھؠنہٕ والؠٕ چِھنا قربانکؠٕ شرِیک؟_

¹⁹.ادٕہ بُو کیا یِہ چُھسا ونان زِ بُتن ہنٔز قربانِؠ چُھ کانہ چیز یا بُت چُھ کانہ چیز._²⁰.نَہ.بلکہ چُھس بُو یِہ ونان زِ ؠُوسہٕ قُربانیِ غأر قوم کران چِھ،تِم چِھ شیطانن ہنٔدِ خاطرٕہ قربانؠِ کران،نَہ کہ خدایہ سنٔدِ خاطرٕہ.تہٕ بُو چھسنہٕ ؠژھان زِ تُوہی آسؠو شیطانن ہنٔدٕؠ شریک._

²¹.توہی ہؠکؠونہٕ خداوندٕہ سنٔدٕہ پیالہٕ تہٕ شؠطانہٕ سنٔدٕہ پیالہٕ منز کؠنہ چِؠتھ.خداوندٕ دستر خوانس تہٕ شیطان سنٔدِس دستر خوانس دوشونؠ پؠٹھ ہؠکؠو نہٕ توہیٕ شریک سپدتھ._

²².کیا أسؠٕ چھا خداوند سنٔدِس غأرتس جُوش دِوان؟کیا أسؠٕ چھا تمسنٔدِہ کھوتہٕ طاقتور._²³.سأرِؠ چیز چھ جایٔز مگر سأرِؠ چیز چھنہٕ فاؠٔدٕہ مند کؠنہ.جایٔز چِھ مگر ترقی ہُند ذریعہ نہٕ کؠنہ._

²⁴.کانہ مہٕ ژھأنڈِن پننؠٕ بہتری بلکہ بؠکسنٔز._²⁵.یِہ کؠنژھا پُج وانن پؠٹھ کٕننہٕ چُھ ؠوان تہِ کھؠیُو تہٕ دینیِ امتیاز کہ وجہ ساتؠٕ مَہ کرؠو پوچھ تاچھ._

²⁶.تکیازِ زمین تہٕ تمِچ معموری چھے خداوند سنٔز._

²⁷.اگر بے اؠمانو منزٕہ کانہہ توہِہ دعوت کرؠُو تہٕ توہی آسؠُو گژھنس راضِی.تہٕ یہ کینژھا توہِہ بُرونہ کنِہ تھاوَنو تِہ کھؠُیو.تہٕ دینی دامتیاز کہِ وجہ ساتی مَہ کرؠو پرژھہٕ غأر._²⁸.و اگر توہِہ کانہہ ونؠُو،زِ یہ چُھ قربان مأز.تؠمِہ وجہٕ کؠٕنؠ مَہ کھؠیُو._

²⁹.دینیِ امتیاز ساتؠٕ چُھنہٕ مؠون مطلب چون امتیاز کؠنہ بلکہ تس دوؠمہِ سُند.خبر مؠأنیٕ آزادیِ کیاز یؠِہ بؠکس نفرٕ سنٔدٕ ساتیٕ پرکھاونہٕ؟_

³⁰.اگر بُو شکر کرِتھ کھؠوان چُھس تہٕ ؠتھ چؠزس پؠٹھ شُکر چُھس کران تہٕ تؠمکہِ وجہ کؠمہِ خاطرٕہ چُھس بُو بدنام ؠوان کرنہٕ._³¹.ادٕہ توہی کِھؠُو یا چؠیُو یا بیِہ کؠنہ کرؠو سُوریٔ کرؠو خدایہ سنٔدِ جلالہٕ خاطرٕہ._

³².تُوہی مَہ بنؠو ٹھو کُرک وجہ نَہ یہودؠن ہنٔدِ باپتھ،نَہ یونا نیؠن ہنٔدِ باپتھ نَہ خدایہ سنٔزِ کلیسیایہِ باپتھ._

³³.چنانچہ بُو تِہ چُھس سارنؠٕ کتھن منز سأرِی ٕخوش تھاوان،تہٕ بُو چُھسنہٕ پنُن بلکہ چُھس واریاہن ہُند فایٔدہ ژھانڑان.تاکہ تِم لبن نجات._

11¹.توہی بنؠو مؠأنؠٕ پاٹھؠٕ کنؠٕ بُو مسیح سنٔدٕؠ پاٹھؠٕ بناون چُھس._

².بُو چُھس تُہندٕؠ تعریف کران زِ توہیٕ چُھو مٕے پرؠتھ کتھِ منز یاد تھاوان.تہٕ ؠتھٕ پاٹھؠٕ بو توہِہ رواٹہٕ چُھسو واتناوان تِتھےٕ پاٹھؠٕ تھایُو تِمہٕ برقرار._

³.ادٕہ بُو چھسو تُوہِہ باخبر کرُن ؠژھان زِ پرؠتھ مردہٕ سُند سَر چُھ مسیح تہٕ زنِہ سُند سَر چُھ مرد تہٕ مسیح سُند سَر چُھ خدا._

⁴.یُوس مرد سرولِتھ دُعا یا نبوت چُھ کران چُھ کران سُہ چُھ پننِہ سَرٕچ بے حُرمتی کران._⁵.یُوسہٕ زنیٕ وَڑٕہ نَنی دُعا یا نبوت چھے کران سُو چھے پننِہ سَرچٕ بے حُرمتی کران.تکیازِ تہِ چُھ برابر._

⁶.اگر نَہ زنؠٕ کلَس پؠٹھ دجیٕ تھایِہ تہٕ سُو کرناؠِن ٹِنہٕ کلہٕ واگر زنِہ ہُند مَس کاسُن یا ٹنِہ کلہٕ کرُن شرنِہ ہنٔز کتھ چھے،تیلہِ دِیؠن پُووژ وِڈ._⁷.البتہ مردس پزنہٕ پنُن سَر ولُن کؠنہ.تکیازِ سُہ چُھ خدایہ سنٔز شکل تہٕ تمسُند جلال.مگر زنیٕ چھے مردٕہ سُند جلال._

⁸.امِہ موجوب زِ مرد چُھنہٕ زنِہ ہُندٕؠ سأتؠٕ بلکہ چھے زنؠٕ مردہٕ سنٔدٕؠ سأتؠٕ._⁹.تہٕ مرد چُھنہٕ زنِہ باپتھ بلکہ چھے زنؠٕ مردٕہ سنٔدِ باپتھ پادٕہ آمژ کرنہٕ._

¹⁰.ادٕہ فرشتن ہنٔدِ وجہ ساتؠٕ پزِ زنِہ پؠٹھ دجی وِڈ دِتھ محکُوم آسنچ علامت تھاؤنی._¹¹.توتِہ چُھنہٕ خداوندس منز نَہ زنیٕ مرد ورأۓ کؠنہ تہٕ نہ مرد زنِہ ورأۓ._

¹².تکیازِ ؠتھٕ کنؠ زنؠٕ چھے مردہٕ سنٔدِ ساتؠٕ تِتھے کنؠٕ چُھ مرد تِہ زنہِ ہنٔدِ وسیلہٕ مگر سأرِی چیز چِھ خدایہ سنٔدِ طرفہٕ._¹³.توہی کرؠو پانےٕ انصاف،کیا زنِہ ہُند چھا جایٔز وَڈٕہ ننؠٕ کرِ خداؠس کُن دُعا._

¹⁴.کیا توہِہ چُھونا فِطری طورٕہ معلوم زِ اگر مرد زیُوٹھ مَس تھایِہ سُو چھے تس ذلالت._

¹⁵.واگر زنؠٕ تھایہ زیُوٹھ مَس سُو چھے تس زینت.تکیازِ مَس چُھ تس آمُت پردٕہ باپتھ دِنہٕ._

¹⁶.مگر اگر کانہہ رُوگردان نؠرِ تہٕ سُہ زأنِن زِ نَہ چُھ سُون دستُور یُتھ نَہ چُھ خداوندٕ سنٔزِ کیسیایہ ہُند._¹⁷.یہ حکم یوس بو توہِہ دوان چُھسو،اتھ منز چُھسنہٕ بُو تعریف کران،اوٕہ موکھٕ زِ تُہندِ جمع سپدَن ساتؠٕ چُھنہٕ فأیٔدہ،بلکہ چُھ نقصان سپدان._

¹⁸.تکیازِ گوڈٕہ چُھس بُو یہِ بوزان زِ ؠمہ ساتہٕ تہنز کلیسیا جمع چھے سپدان.تہٕ توہِہ منز چھے فِرقہٕ دأرِی آسان.تہٕ بُو چُھس کونِہ ساتہ امؠوک یقینی تہِ کران._

¹⁹.تکیازِ توہِہ منز چِھ بدعت تہِ آسنؠٕ ضرورِی ؠوتھ زن ظاہر سپدِ زِ توہِہ منزء کم چِھ مقبول._²⁰.ادٕہ ییلِہ توہیٕ سأرِی چُھو جمع سپدان تہٕ تُہند سُہ کھِؠن ہؠکنہٕ عشاۓ ربانی ٲسِتھ._

²¹.تکیازِ کھؠنہٕ وِزِ چُھ پرؠتھ شخص بیکِس بُرونہ پنُن حصّہ کھؠوان تہٕ کانہ چُھ بُوچِھ ہُوت روزان تہٕ کانسہِ چُھ نشہٕ کھسان._

²².کیازِ؟کھؠنہٕ چؠنہٕ باپتھ چُھونا توہِہ کھرٕہ؟کِنہٕ خدایہ سنٔز کلیسیا چِھووٗن حقیر زانان تہٕ ؠمن نِشہٕ نہٕ کؠنہ چُھ تِم چِھو وُکھ شرمند کران؟بُو کیا ونَو تُوہِہ؟کیا اتھ پؠٹھ کَرہ بُو تُہندٕؠ تعریف؟بُو چُھسنہٕ تعریف کران._²³.تکیازِ یہ کتھ چھے مےٕ خداوندس نِشہٕ مِیجمژٔ.تہٕ مےٕ واتنأو توہِہ نِش.زِ خداوندِ عيسٰى ؠمہِ رأژ رٹناونہ آۆ.تہٕ رٔٹن ژُوٹ._

²⁴.اتیٕ فٹرأونٕ شُکر کرِؠتھ تہٕ ونُن.رٹیوُ کھِؠیُو یہ چُھ مؠون بدن.یُوس تُہندِ باپتھ فُٹرَنہٕ آۆ.میأنِہ یاد گأرِی موکھٕ ٲسزؠو یییِ کران._²⁵.یتھے پاٹھؠٕ رُوٹ تؠمؠ یہ کھؠنہٕ پتہٕ پِیالہٕ تِہ،تہٕ ونُن یہ پیالہٕ میأنِس خونس منز نؤ عہد ییلِہ کونہِ ساتہٕ چؠیُو میأنِہ یادگارِی باپتھ أسزؠو ییِ کران._

²⁶.تکیازِ ییلہٕ کونِہ وزِ تُوہیٕ یہ ژوٹ کھؠوان تہٕ ؠمہٕ پیالہ منزٕہ چیوان چُھو تہٕ توہی چُھو خداوند سنٔدِ موتُک اظہار کران،یوتام نہٕ سُہ ییِہ._²⁷.امِہ باپتھ یوس اکھاہ نا مناسب طورٕہ پاٹھیٕ خداوند سنٔز ژوٹ کھؠیِہ یا تمسنٔدٕہ پیالہ منزٕہ چؠیِہ،سُہ آسِہ خداوند سنٔدِس بدنس تہٕ خونکِس بارس منز قصُوروار._

²⁸.ادٕہ انسان آزمأیِن پنُن پان تہٕ ؠتھٕ پأٹھیٕ کھِیؠِن امِہ ژٔوچہِ منزٕہ تہٕ بؠِہ چییِن امِہ پیالہٕ منزٕہ._

²⁹.تکیازِ یُوسنہٕ کھؠنہٕ چؠنہٕ وزِ خداوند سُند بدن پِہچانِنہٕ سُہ لبہ امِہ کھؠنہٕ چؠنہٕ ساتیٕ سزا._

³⁰.امےٕ وجہ کؠنؠٕ چِھ تُوہِہ منزٕہ واریاہ کمزور تہٕ بیمار تہٕ واریاہٕ شونگؠٕ تہِ._³¹.اگر أسؠٕ پنن پان زانہٕ ہَوتہٕ سزا ما لبہٕ ہَو._

³².مگر خدا چھ اسِہ سزا دِتھ ہؠچھناوان.تاکہ اَسٕی ؠمونہٕ دنیاہس ساتؠٕ مجرم گنزرنہٕ._³³.ادٕہ ہؠو میأنؠو بایُو!ییلِہ توہیٕ کھؠنہٕ باپتھ جمع آسؠو تہٕ اکِس بیکِس پیأرِیُو._

³⁴.اگر کانہ بوچھِ ہُوت آسِہ سُہ کھیأؠٕ ووُن پننِہ گھرِہ.یوتھ نہٕ تُہند جمع آسُن سزاہُک ذریعہ آسِہ باقی کتھہٕ کرہٕ توہِہ نِش پِتھ دُرست._

12¹.ہؠے بایُو!بُو چھسنہٕ ؠژھان زِ توہی روزؠو پاک روحوؠن نعمتن مطلق بے خبر._

².توہِہ چھو یے زِ ییلِہ توہی غأرقوم ٲسیو،تہٕ کلؠٕ بُتَن پتہٕ پتہٕ ؠتھٕ کنؠٕ توہِہ نِوان آسؠُو تِتھےٕ کنؠٕ آسؠُو گژھان._

³.ادٕہ بُو چھسو توہِہ دپان زِ یُوس اکھاہ خدایِہ روحکِہ ہداؠتہٕ کتھٕ چُھ کران،سُہ چُھنہٕ ونان زِ عيسٰى چُھ ملعون،تہٕ نہٕ ہیکہٕ کانہ روحُ القدسہٕ ورأۓ ونِتھ زِ عيسٰى چُھ خداوند._⁴.نعمژٕہ چھے الگ الگ قسمچہ مگر روح چُھ اکوۓ._

⁵.تہٕ خدمژٕہ چھے الگ الگ قسمچہ مگر خداوند چُھ اکوۓ._

⁶.تہٕ تأثیر تِہ چھ الگ الگ قسمکؠٕ مگر خدا چُھ اکوۓ.یوس سارنیٔ منز چُھ پرؠتھ قسمُک اثر پادٕہ کران._⁷.مگر پرؠتھ شخصس منز چُھ پاک رُوح ظاہر سپُدن فایٔدہ واتناو نہٕ باپتھ آسان._

⁸.تکیازِ اکس چُھ روحکِہ وسالتہٕ حکمتک کام انعام آسان تہٕ بؠِکس چُھ تمۓ روحکِہ مرضی ہندِ موافق علمیتک کلام._⁹.کانسِہ چُھ تمۓ رُوح ساتؠ ایمان تہٕ کانسِہ چُھ تمے رُوح ساتؠٕ دِنُک توفیق._

¹⁰.کانسِہ چھے معجزن ہنٔز قدرت.کانسِہ نبوت.کانسِہ رُوحن ہُند امتیاز،کانسِہ چھے الگ الگ زبانہٕ. چُھ زبانؠن ہنٔدِ ترجمہ کرنُک توفیق._

¹¹.مگر ؠم سأرٕؠ تاشیر سُویٔ اکھ رُوح کران تہٕ یَس سُہ ؠژھان چُھ تس چُھ بأ گران._¹².تکیازِ ؠتھٕ کنؠٕ بدن چُھ اکھ تہٕ امکؠٕ تان چِھ واریاہ.تہٕ بدنکؠٕ تان اگرچہ واریاہ چِھ مگر ؠکوٹہٕ رلِتھ چُھ اکوۓ بدن.تِتھے پأٹھیٕ چُھ مسیح._

¹³.تکیازِ اَسِہ سأروٕؠ نِیُو چاۂے یہودٕؠ ٲسِن.چاہۓ ؠونأنؠٕ چاہۓ غلام.چاہۓ آزاد،اکے روحکہِ وسیلہ ساتؠٕ اکھ بدن آسنہٕ باپتھ بپتسمہ.تہٕ اَسِہ سارنیٔ آۆ اکوۓ روح چیأونہٕ._¹⁴.تکیازِ بدنس منز اکوۓ تان بلکہ واریاہ._

¹⁵.اگر کھورونہ بُو چھسنہ اتھٕ،اوٕہ موکھہٕ چھسنہٕ بُو بدنک،تہٕ امِہ وجہ چھنہٕ سُہ بدنہٕ نِشہٕ الگ._

¹⁶.بیہ اگر کَن ونہِ بو چُھسنہ أچھ،اوٕہ موکھہٕ چُھسنہ بدنک،تہٕ سُہ چھنہٕ امِہ وجہ بدنہٕ نِشہٕ الگ._

¹⁷.اگر سوریٔ بدن أچھؠ آسہے تہٕ بورُن کتِہ آسہے؟اگر بوزنۓ بُوزن آسہے تہٕ مُشک ہُؠون کتہِ آسہے؟_¹⁸.مگر حقیقتًا چُھ خداین پرؠتھ اکھ تان بدنس منز پننِہ مرضی موافِق تُھومت._

¹⁹.اگر تِم سأری اکوے تان آسہن تہٕ بدن کتہِ آسہے؟_

²⁰.مگر ونی چھ تان واریاہ مگر بدن چھ اکوے._²¹.اتیٕ ہؠکنہٕ أچھ اتھس ونِتھ زِ بو چھسؠنہٕ چانی محتاج.بیِہ ہؠکنہٕ سر کھورَس ونِتھ زِ بُو چُھسنہ چون محتاج._

²².بلکہ چھ تِم تان واریاہ ضروری ؠم بدنِس منز باقیو نِشہٕ کمزور معلوم سپدن._

²³.تہٕ بدنکؠٕ تِم تان ؠمن اسؠٕ باقین ہندٕؠ پاٹھؠٕ ذلیل چِھ سمجھان تِمن چھ زیادہ عزت دوان.تہٕ سأنؠٕ نازِؠبا تان چھ سؠٹھا آسان._

²⁴.حالانکہ سانؠٕ اَصل چھنہٕ محتاج مگر خداین چُھ بدن ؠتھٕ پأٹھؠٕ مُرکبّ کورمُت زِ یُوس تان محتاج چُھ تِتھؠٕ گژِھہ زیادہٕ دِنہٕ یُون._²⁵.یوتھنہ بدنس منز لڑأؠٔ وتِھ،بلکہ روزِن تان پانہٕ وانؠٕ برابر اکھ اکؠٕ سنٔدٕؠ فکِرمند._

²⁶.اتؠٕ اگر اکھ تان دُکھؠ چُھ سپدان تہٕ سارِؠ تان چھ تَتھ ساتؠٕ دُکھ محسوس کران.تہٕ اگر تانس عزّت چُھ واتان تہٕ سارِؠ تان چھ تَتھ ساتؠ خوش سپدان._

²⁷.یتھےٕ پاٹھؠٕ آسیُو رلِتھ مسیح سُند بدن.تہٕ تان آسیُو مختلف._²⁸.تہٕ خداین چھ کلیسیاء منز الگ الگ اشخاص مقرَر کرمتؠٕ گوڈٕہ رسول،دوؠِم نبی،ترؠِم وستاد پتہٕ معجزٕہ ہاون والؠٕ،پتہ شفاء دِنہٕ والؠ،مدَد گار،منتظم.الگ الگ زبانِ کتھٕ کرن والؠٕ._

²⁹.کیا سأرِؠ چھا رسول؟کیا سأرِؠ چھا نبی؟کیا سأرِؠ چھا وستاد؟کیا سأرِؠ چھا معجزٕہ ہاون وألؠٕ؟_³⁰.کیا سأرِنؠٔ چھا شفاء دِنٕچ قوت حاصِل؟کیا سارٕؠ چھا الگ الگ زبانؠن منز کتھ کران؟کیا سأرِؠ چھا ترجمہ کران؟_

³¹.تُوہیٕ تھایُو افضل کھوتہٕ افضل نعمژَن ہُند آرزُو،مگر بیِہ تہِ ونوبُو تُوہِہ ساروؠٕ کھوتہٕ بہتر طریقہ._

13¹.اگر بُو انسانن تہٕ فرشتن ہنٔزِ زِؠیِہ کتھٕ کرٕہ تہٕ محبت تھابنہٕ،تؠلہٕ چُھس وزٕونؠٕ ترأمؠٕ یا وزٕونؠٕ گأنٹؠِ._

².واگر مےٕ میلہ نبوت تہٕ سارنیٔ رازن تہٕ کل علمچ آؠم واقفیت،تہٕ مؠون ایمان آسِہ تؠوتا کامِل زِ پَہاڑ ڈالکھ تہٕ مےٕ منز آسنہٕ محبت تہٕ بو چُھسنہٕ کہؠنؠٕ._

³.بؠِہ اگر بو پنُن پان غرؠبن دِمہٕ یا پنُن بدن زالنہٕ باپتھ دمہٕ تہ محبت آسؠم نہٕ تیلہِ چُھنہٕ کانہہ فایٔدہ._⁴.محبت چُھ صابِر تہٕ مہربان.محبت چُھنہٕ حسد کران.محبت چُھنہٕ تھزہاوان تہٕ نہ چُھ بُتھؠٕ فیوٗر._

⁵.محبت چُھنہٕ نازیبا کأم کران تہٕ نہٕ چُھ خود غرض،نہٕ چُھ شرارتی،نہٕ چُھ بد گمانی کران._

⁶.بدکارِی ساتؠٕ چھنہٕ خوش سپدان بلکہ چُھ پزرٕہ سأتؠٕ خوش سپدان._

⁷.سوریٔ کؠنہ چُھ برداشت کران،تہٕ ہمؠشہ چُھ اعتماد کران.تہٕ سارنیٔ کتھن ہنٔز اُمید تھاوان.تہٕ سارۓ کتھٕ چُھ برداشت کران._⁸.محبت چُھ لازوال.نبوۆژ آسن تہٕ موقوف سپدن.زؠوٕہ آسن تہٕ بند سپدن.عٔلمِ آسِہ تہٕ مِٹہٕ._

⁹.تکیازِ سون علم چُھ نامکمل.تہٕ سأنؠٕ نبوت نا تمام._

¹⁰.مگر یہ کامِل ییِہ تہٕ نامکمل روزِ ختم سپدان._¹¹.ییلہٕ بُو شُر اوسُس تہٕ شُرٕی سنٔدٕی پأٹھؠٕ اوسُس کتھہ کران.شُرٕی پأٹھؠٕ اُوسم فکرٕہ تران.شری پأٹھؠٕ اُوسس سمجھان.مگر ییلہٕ جوان اپُدس تہٕ شُرٕی کتھہٕ ترأؠم._

¹².ونؠٕ چُھ اسِہ شِیشس منز گُرٹ اتھِ ؠوان.مگر ییلہ مسیح ییہٕ تؠمہِ وِزِ وُچھو رُوبرُو.ونکؠس چُھ مؠون علم نامکمل.مگر تؠمہِ وِزِ زانہٕ بُو یہ پورٕہ پأٹھؠٕ ؠتھٕ بوتِہ چُھس زاننہٕ ؠوان._

¹³.غرض،ایمان،اُمید،محبت ؠم ترؠشوۓ چِھ ہمؠشہ مگر محبت چُھ ؠمو منزٕہ افضل._

14¹.محبت روزؠو ژھاران تہٕ روحأنِی نعمژن ہُند تھایو آرزُو.خصوصاً کرؠو تمِچ نبوت._

².تکیازِ یوس غأر زبانؠٕ منز کتھہٕ کران.سُہ چھنہٕ انسانن ساتؠٕ کتھٕ کران،بلکہِ خدایس ساتؠٕ.تکیازِ سُہ چُھنہٕ کانسِہ فکرِ تران،حالانکہ سُہ چُھ پننِہ پاک روحکِہ وسیلہٕ ساتیٕ رازچہِ کتھٕ کران._

³.مگر یوس نبوت چُھ کران سُہ چُھ انسانن ساتؠٕ ترقی تہٕ نصیحت تہٕ تسلیِ ہنٔزِ کتھہٕ کران._

⁴.یُوس غأر زبأنؠٕ منز کتھٕ چُھ کران سُہ چُھ پننؠٕ ترقی کران تہٕ یُوس نبوت چھ کران سُہ چُھ کلیسیایِہ ہنٔز ترقی کران._⁵.اگر چہ بُو چُھس ؠژھان زِ توہی سأرِی کرؠو غأر زبأنیٕ منز کتھٕ.مگر زیادہ پہن چُھس ؠژھان زِ نبوت کرؠو.تہٕ اگر نہٕ غأر زبانہٕ بولن ووُل کلیسیاہچہِ ترقی باپتھ ترجمہ کرِنہٕ.تہٕ نبوت کرن ووُل چُھ تس کھوتہٕ بُوڈ._

⁶.ادٕہ ہۓ بایٔو!اگر بُو توہِہ نِشہٕ یِتھ غأر زبانِ منز کتھٕ کرٕہ تہٕ مکاشفہ یا علم یا نبوت یا تعلِیم ہنٔز بُوہِہ ونونہٕ.تہٕ توہِہ کیا فایٔدہ سپدؠو توہِہ._⁷.چنانچہ بے جان چیزَو منزٕہ تہِ ؠتھ آواز چھے نؠران،مثلاً بانُسری،یا ربابہٕ اگر ؠمن آوازِ منز فرق آسِہ تہٕ یُوس وایٔنہ یا بجاونہٕ چُھ ؠوان سُہ کِتھٕ کنؠٕ ییِہ پہچاننہٕ؟

⁸.تہٕ اگرنہ واین والؠٕ سنٔز آواز صاف آسِہ تہٕ کُس کرِ لڑایہ باپتھ تیأرِی._

⁹.یتھے پأٹھؠٕ اگرنہٕ ژٕ تِہ زبانِ ساتؠٕ واضِح کتھ کرکھ تہٕ یہِ وننہٕ چُھ ؠوان کتھ کنؠٕ ترِ فکرٕہ؟توہی یؠُو ہواہس منز کتھٕ کرنہٕ والؠٕ ماننہٕ._¹⁰.دنیاہس منز کأژا تِہ مختلف زبانہٕ آسَن تمو منزٕہ آسنہٕ کانہہ تہِ بے مطلب._

¹¹.ادٕہ اگر مےٕ کونِہ زبانِ ہُند مطلب ترنہٕ فکرٕہ.تہٕ ونن وألِس نزدیک ؠمہٕ بُو اجنبی ماننہٕ._¹².ادٕہ ییلِہ ژٕہ رُوحأنؠ نعمژن ہُند آرزو آسکھ تھاوان،تہٕ یِژھ کوشِش کر زِ چانِہ نعمژِ ہنٔدِ تھزرٕہ سپدِ کلیسیایہِ فایٔدہ._

¹³.امِہ وجہ کؠنؠٕ یُوس غأر زبأنؠٕ کتھٕ چُھ کران سُہ کرِن دُعا زِ ترجمہ تِہ ہؠکہِ کرِتھ._

¹⁴.امِہ موجوب زِ اگر بُو کُنِہ غأر زبانِ منز دُعا کرٕہ تہٕ مؠون رُوح چُھ دعا کران مگر میانؠٕ عقل چھے بیکار._¹⁵.اتؠٕ کیا گژِھ کرُن؟بو کرٕہ روح سأتؠٕ تِہ دُعا تہٕ عقلِہ ساتؠِ تہِ کرٕہ دُعا.رُوح ساتؠٕ تِہ گؠوٕہ تہٕ عقلِہ ساتؠٕ تِہ گؠوٕہ._

¹⁶.واگر نہٕ ژٕہ رُوح سأتؠِ حُمد کرَکھ تہٕ نا وأقٕف نفر کتِھٕ ونِہ چانِہ شکر گُزاری پؠٹھ آمین.؟امےٕ موجوب زِ تس چھؠنہٕ پتہٕ ژٕہ کیا چُھکھ ونان._¹⁷.ژٟہ چُھکھ بے شک اصل پأٹھؠٕ شُکر کران مگر دوؠمہٕ سنٔز ترقی چھؠنہٕ سپدان._

¹⁸.بُو چُھس تُہندِ کھوتہِ زیادہٕ زبأنؠٕ بُولنس پؠٹھ خدایہ سنُد شکر کران._

¹⁹.مگر کلیسیایس منز غٔار زبانِہ منز داہ ساس کتھٕ کرنہٕ کھوتہٕ زیادٕہ پسند چُھ مےٕ یِہ،زِ باقین ہنٔزِ تعلؠمِہ باپتھ ونہٕ بُو عقلِہ ساتؠٕ پانژۓ کتھٕ._²⁰.ہے بھایٔو!شرٕی عقلِہ نِشہٕ یُیو باز بدی نِشہٕ روزؠو دوٗر.مگر سمجھنس منز بنیُو جوان._

²¹.پاک کلام چُھ ونان،خدا چُھ فرماوان.بو کرٕہ غأر زبانہِ منز تہٕ غأر وُٹَھو سأتؠٕ یَتھ اُمس ساتؠٕ کتھہٕ تہٕ تِم بوزن نہٕ مؠون._²².ادہٕ غأر زبانہٕ چھؠنہٕ اؠماندارن ہنٔدِ باپتھ کؠنہٕ بلکہ چھے بے ایمانن باپتھ نشانٕ.تہٕ نبوت چھؠنہٕ بؠ ایمانن خاطرٕہ کؠنہ بلکہ چھے بے ایمانن باپتھ نشان._

²³.ادٕہ اگر سأرؠٔ کلیسیاہ اکِس جایہ جمع آسِہ.تہٕ تمام کرن غأر زبأنؠ منز کتھٕ تہٕ نا ؤاقف یا بے ایمان لُکھ ییِن اندر،کیا تِم وننونا توہِہ پاگل کؠنہ؟_²⁴.مگر اگر سأرٕؠ نبوت کرن تہٕ کانہ بے ایمان یا نا وأقف ییِہ اندر،تہٕ کرن تس قأؠِل تہٕ سأرِؠ پرکَھن تس._

²⁵.تہٕ تمسنٔدِہ دلکؠٕ راز سپدن ظاہر.پتہ کرِسُہ بُوتھِ کؠنؠٕ وسؠٕ پؠتھ سجدٕہ.تہٕ کرِ اقرار زِ خدا چُھ بے شک توہِہ منز._²⁶.ادٕہ ہے بایٔو!کیا پزِ کرُن؟ییلِہ توہی جمع آسؠُو سپدان،تہٕ پرؠتھ اکٕؠ سنٔدِس دلس منز گژِھ زبُور یا تعلیم یا مکاشٕفہ یا غأر زبان یا امؠوک ترجمہٕ آسُن،سُوریٔ کؠنہ گژِھ رُوحانیٕ ترقی باپتھ آسُن._

²⁷.اگر غأر زبانِہ منز کتھٕ آسنَو کرنِہ تہٕ زٕہ زٕہ یا زیادہ کھوتہٕ زیادہ ترے ترے شخص ونِن وأرِہ وأرِہ تہٕ اکھ شخص کرِ ترجمہٕ._

²⁸.واگر کانہ ترجمہ کرن ووُل آسنہٕ تہٕ غأر زبان بُولَن وول کٔرِن کلیسیایہ ژھوپہٕ تہٕ پننِس دلہٕ ساتؠٕ تہٕ خداؠس ساتؠٕ کتھہٕ._²⁹.نبیَو منزٕہ ونِن زٕہ یا ترے تہٕ باقی پرٕکھأؠِن تہسُند کلام._

³⁰.واگر دوؠمِس یُوس سأتؠِ بِہتھ آسِہ تس پؠٹھ وحی وسِہ تہٕ گوڈ نؠوک روزِن ژھوپہٕ کرِتھ._³¹.تکیازِ توہی چُھو سارٕؠ اکِہ اکِہ نبوت کران.تاکِہ سأرِؠ ہؠچھَن تہٕ سارنؠٔ سپدِ نصیحت._

³².تہٕ نبیَن ہنٔدٕؠ روح چِھ نبؠن تابع._

³³.تکیازِ چُھنہٕ اَبتری ہُند کؠنہ بلکہ چُھ سلامتی ہُند بانٔیِ.پتھہٕ پاٹھؠٕ سارنےٕ کلیسیاہن منز چُھ._³⁴.زنِہ رُوزِن کلیسیایہ ہنٔز جمأژ منز ژھوپہ کرِتھ.تکیازِ تمن چُھنہٕ کتھہٕ کرنُک حکم کؠنہ بلکہ پزؠکھ تأبیأہ رُوزن،ؠتھ پاٹھؠٕ توراتس منز لیکھِتھ چُھ._

³⁵.تہٕ اگر کؠنہ ہؠچھُن ؠژھن تہٕ گھرِ پرِژِھن پنؠن پنؠن شوہرَن،تکیازِ کلیسیاہچہِ جمأژِ منز چھے زنِہ ہنٔز کتھ کرنؠٕ عأب._

³⁶.کیا خدایہ سُند کلام چھا توہِہ منز درامت کِنہٕ صرف چُھ تُوہے تام ووتمُت؟_³⁷.اگر کانہ پنُن پان نبی یا رُوحأنِؠ سمجِھ تہٕ تس پزِ زانُن زِ ؠمہٕ کتھٕ بُو توہِہ لؠکھان چُھسو تِم چِھ خداوند سنٔد حکُم._

³⁸.اگر کانہ زانِہ نہٕ تہٕ مَہ زأنِن._³⁹.ادٕہ ہے بایُو!نبوت کرنُک آرزُو تھایٔو.تہٕ زبانہٕ بولنہٕ نِشہٕ مَہ کرؠو منع._

⁴⁰.مگر سارۓ کتھہٕ أنؠو شاؠٔتگؠ تہٕ ترتیب سان عملہ منز._

15¹.ہے بایُو بُو چُھسو تُوہِہ سُوۓ خوشخبری دوان.یوسُہٕ مےٕ توہِہ گوڈِہ چُھو دِژمژٔ یُوسہٕ توہِہ قبول تہِ أسوٕ کرٔمژ تہٕ یتھ پؠٹھ قاؠٔم تِہ چُھو._

².تمکۓ وسیلہٕ ساتؠٕ چُھو توہِہ وجات تِہ مُیولمت.بشرطیکہ سُو خوشخبری یوسُہٕ مےٕ توہِہ دژمژٔ چھیو تھاؠُو یاد،نتہٕ آسِہ تہنُد ایمان انُن بے فایٔدٕہ._³.چنانچہ مےٕ واتنأوو توہِہ سأروؠٕ برونہ سُوۓ کتھ یوسہٕ مےٕ وأژمژ أس.زِ کتاب مقدسہٕ مطابق مُود عيسٰى سانؠو گنہَو باپتھ._

⁴.تہٕ سُہ سپُد دفن تہٕ تریمِہ دوہ ووُتھ کتابِ مقدسہٕ مطابق زندٕہ._⁵.تہٕ کیفاہس تہٕ تس پتہٕ گو تِمن بہن تہِ درأنٹھؠٕ._

⁶.پتہٕ وُچھ سُہ پانژو ہتو کھبتہٕ زیادہ بایٔو یکہٕ وٹہٕ.ؠمو اکثر ونؠوک تام موجود چِھ تہٕ کؠنہ شونگؠٕ._

⁷.پتہٕ وچُھ یعقوبن پتہ تمام رسولَو._⁸.تہٕ سألمو پتہٕ گوسُہ مےٕ پؠٹھ تِہ ظاہر یُوس گویا وُنِہ پورٕہ وقتُک أوسنہٕ سپدمُت._

⁹.تکیازِ بُو چُھس رسولو منزٕہ سألمو کھوتہٕ لوکٹ.بلکہ چُھسنہٕ رسول آسنس لاؠٔق تِہ تکیازِہ مےٕ اُوس خدایہ سنٔزٕہ کلیسیاء تکلیف واتنومت._¹⁰مگر یہ بُو چُھس،خدایہ سنٔدِ فضلہٕ ساتؠٕ چُھس.تہٕ تمسُند فضل یُوس مےٕ پؠٹھ سپُد سُہ چُھنہٕ بے فایٔدٕہ بلکہ کرٔ مےٕ تمو سالمو کھوتہٕ زیادہ محنت تہٕ یِہ سپُد نہٕ میانِہ ساتؠٕ بلکہ خدایہ سنٔدِ فضلہٕ ساتؠٕ یُوس مےٕ پؠٹھ اُوس._

¹¹.ادٕہ چاہۓ بُو چُھس یا سُہ چُھ أسؠٕ چِھ یوہے اعلان کران تہٕ أتھؠٕ اونُو توہِہ اؠمان تِہ._¹².ادٕہ ییلِہ مسیح سنٔز یِہ مُنادی چھے ؠوان کرنہٕ زِ سُہ ووُتھ منزٕہ زندٕہ تہٕ توہِہ منزٕہ چِھکؠنہ یتھٕ ۆأٹھؠٕ ونان زِ مُوردن ہنٔز قیامتۓ چھؠنہٕ._

¹³.اگر مورُدن ہنٔز قیامت چھؠنہٕ تؠلہِ ووُتھنہٕ مسیح تِہ زندٕہ._

¹⁴.واگر مسیح ووُتھنہٕ زندٕہ تؠلہِ چھے سأنؠٕ مُنادِی بے فاؠٔدٕہ تہٕ تُہند اؠمان تِہ چُھ بے فاؠٔدٕہ._¹⁵.بلکہ بنو أسؠٕ خدایہ سنٔدٕؠ اپزیأرٕؠ گواہ.تکیازِ اَسِہ دِژ خداؠس مطلق یِہ گواہی زِ تؠمؠٕ کور مسیح زندٕہ.اگر بِلغرض موردہٕ چِھنہٕ زندٕہ سپدان تہٕ سُو تِہ سپُدنہٕ._

¹⁶.واگر موردٕہ چھنہٕ زندٕہ وتھان تیلِہ ووُتھنہٕ مسیح تِہ زندٕہ._

¹⁷.تہٕ اگر مسیح وُۆتھنہٕ زِندٕہ تیلہِ چِھ تُہند ایمان بے فاؠٔدہ،توہی أسؠُو ونؠوک تام پننؠن گناہن منز گِرفتار._¹⁸.بلکہ ؠِم مسیحس شُونگمتؠٕ چِھ تِم تِہ سپٔدٕؠ ہلاک._

¹⁹.اگر أسؠٕ صرِف یتھؠٕ زندگی منز مسیحس منز چھ تھاوان.تہٕ أسؠ چھ تمام انسانو نِشہٕ زیادہ بد نصیب._²⁰.مگر مسیح چُھ واقعِی موردو منزٕہ زندٕہ وُۆتُھمت.تہٕ ؠِم شونگمتؠٕ چِھ،تمو منزٕہ سپُد گوڈنؠوک پَھل._

²¹.تکیازِ ونؠٕ آۆ انسان سنٔدِ وجہ ساتؠٕ مُوت آۆ تہٕ انسان سنٔدِ وجہ ساتؠٕ آیہِ قیامت تِہ._²².تہٕ ؠتھٕ پأٹھؠٕ آدمس منز سأرِؠ مران چِھ تِتھےٕ پأٹھؠٕ ؠِن مسیحس منز سأرِؠ زندٕہ تِہ کرنہٕ._

²³.مگر ین پننِہ وارِپؠٹھ پرؠتھ اکھ.گوڈنؠوک پھل،پتہ مسیح سنٔدِس یِنس پؠٹھ تہندٕؠ لُوکھ._²⁴.تؠمِہ پتہٕ آسِہ آخرت.تؠمہ وقتہٕ کرِسُہ سأرؠٔ حکومت تہٕ سورؠٕ اختیار تہٕ قدرت نیست کرِتھ پادشأہی خداؠس یعنی بؠس حوالہٕ._

²⁵.تکیازِ یوتام نہٕ سُہ تمام دشمنن پنؠن کھورن تل اَنِہ توتام چھے پادشاہی کرٔنؠٕ لأزِم._

²⁶.سألمَو پتہٕ یُوس دُشمن ییِہ فناہ کرنہٕ سُہ چھ مُوت._²⁷.تکیازِ خداؠن چُھ سُوریٔ کؠنہ تمسنٔدؠن کھورن تل کورمُت.مگر ییلِہ سُہ فرماوان چُھ زِ سُورؠٔ کؠنہ چُھ تس تابع کرنہٕ آمُت تہٕ ظاہر چُھ زِ ؠمؠٕ سوری کؠنہ تس تابِع کور،سُہ رود الگ._

²⁸.تہٕ ییلِہ سورؠٔ کؠنہ تس تابِع گژِھ،تہٕ نیچو گژِھ پانےٕ تس تابِع یمؠٕ سأرِؠ چیز تس تابع کرمتی أسؠٕ تاکِہ سألمَس منز آسِہ خدایؠٔ سُورۓ کؠنہ._²⁹.ورنَہ ؠِم لوکھ موردن خاطرٕہ بپتسمہ نِوان چِھ تِم کیا کرن؟اگر موردٕہ وَتھن نہٕ زندٕہ تیلِہ کیازِ چِھ تہندِ خاطرٕہ بپتسمہٕ نِوان؟_

³⁰.تہٕ أسؠٕ کیازِ پرؠتھ ساتہٕ خطرس منز پؠوان روزان؟_³¹.ہے بایٔو!تمۓ فخرُک قَسم یُوس سأنِس عيسٰى مسیحس منز توہِہ پؠٹھ چُھ چُھس بُو دُوہۓ مران._

³².ؠتھٕ کنؠٕ کلامس منز لؠکِھتھ چُھ زِ اگر بُو انسان سنٔدٕؠ پأٹھؠٕ اِفِیسُس منز لڑٕہ تہٕ مےٕ کیا فایٔدٕہ چُھ؟اگر موردٕہ زندٕہ یِن نہٕ کرنہٕ.تیلہٕ ولؠُو کھؠمَو چؠمَو تکیازِ پگاہ چُھ اَسِہ مر نۆؠٔ._³³.دھونکہٕ مَہ کھیؠُو،خراب صُحبت چھے اصل عادتن خراب کران._

³⁴.راست باز آسنہٕ باپتھ یؠُو ہوشس منز تہٕ گُناہ مَہ کرؠُو،تکیازِ کؠنہ خداؠس نِشہ بے خبر،بُو چُھسو توہِہ شرمِہ باپتھ یہ ونان._³⁵.ونؠٕ ونِہ کٔںنہ زِ موردہٕ کتھٕ پاٹھؠٕ چِھ زندہٕ گژھان؟تہٕ کیوتھ جِسم ہؠتھ چِھ ؠوان؟_

³⁶.ہے بیقلا!یہِ کینژھا ژٕہ ووان چُھکھ یوتام نہ سُہ مران چُھ زندٕہ چُھنہٕ توتام یوان کرنہٕ._³⁷.تہٕ یہ تُوہیٕ ووان چُھو یِہ چُھنہٕ سُہ جِسم کؠنہ یُوس پادہٕ گژھن ووُل چُھ.بلکہ چھ صرِف اکھ دانہٕ.چاہۓ کٕنکہٕ دانہٕ چاہۓ بؠہِ کونِہ چیزُک._

³⁸.مگر خداؠن ؠتھٕ پاٹھؠٕ ارادٕہ کور تؠو تھوؠٔ چُھ تس جسم دِوان تہٕ پرؠتھ اکِس بیألِس چُھ تمؠوک خاص جِسم._

³⁹.سُورؠٔ ماز چُھنہٕ،ہُؠووؠٔ ماز کؠنہ بلکہ چُھ انسانن ہُند ماز اکھ تہٕ چاروایٔن ہُند ماز چُھ بیاکھ.تہٕ جاناوارن ہند ماز اکھ تہٕ گاڈن ہُند بؠاکھ._⁴⁰.آسمأنِؠ جسم تِہ چُھ تہٕ زمینؠِ تِہ مگر آسمأنَن ہُند جلال چُھ اکھ،تہٕ زمینی ہندِؠِن ہُند بؠاکھ._

⁴¹.آفتابُک جلال چُھ اکھ،مہتابُک جلال بیاکھ.تہٕ سِتارن ہُند جلال چُھ بیاکھ،کیونکہٕ ستارن تہٕ سِتارن ہُندِس جلالس منز چھے فرق._⁴².موردن ہنٔز قیامت تِہ چھے ؠِژھٔؠ،جِسم چُھ فناکِس حالتس منز وونہٕ یوان.تہٕ ابدی حالتس منز چُھ زندٕہ گژِھتھ وتھان._

⁴³.بے حُرمتی ہنٔدِس حالتس منز چُھ وونہ ؠوان تہٕ جلالکِس حالتس منز چُھ زندٕہ گژھان.کمزوری منز چُھ وونہٕ ؠوان تہٕ طاقتکِس حالتس منز چُھ زندٕہ گژِھتھ وتھان._

⁴⁴.نفسأنِؠ جسم چُھ وونہٕ ؠوان.تہٕ روحأنؠِ جسم چُھ زندٕہ گژِھتھ وَتھان._⁴⁵.تکیازِ کلامس منز چُھ لؠکھتھ تِہ.زِ گوڈ نیوک انسان یعنی آدم بنؠُو زندٕہ نفس،پتِم بنیو زندگی بخشن وُول رُوح._

⁴⁶.مگر گوڈٕہ اُوسنہٕ روحانی کؠنہ بلکہ اُوس نفسأنِؠ تؠمہ پتہ سپُد روحأنِؠ._⁴⁷.گوڈنؠوک انسان اُوس زمینِی یعنی مؠژِ ہُند.دُوؠِم چُھ آسمأنؠِ._

⁴⁸.ؠتھٕ کنؠٕ سُہ مؠژِ ہند اُوس تِتھے کنؠٕ چِھ باقؠِ تِہ مؠژِ ہنٔدٕی تہٕ ؠتھٕ کنؠ سُہ آسمأنؠِ چُھ تِتھےٕ کنؠٕ چِھ باقِی تِہ آسمأنؠِ._

⁴⁹.تہٕ ؠتھ کنؠٕ أسؠٕ ؠمہِ مؠژِ ہنٔدِ شکلِ پؠٹھ سپٔدٕٕؠ تِتھےٕ کنؠٕ آسَو أسؠٕ تؠِمہ آسمأنؠِ شکلِ پؠٹھ تہِ._⁵⁰.ہےبایٔو!مؠون مطلب چُھ یِہ زِ ماز تہٕ خون ہؠکن نہٕ خدا پادشاہی ہنٔدٕؠ وارِث ٲسِتھ.تہٕ نہٕ ہؠکن فأنِی لافأنی چیزن ہنٔدٕؠ وٲرِث آسِتھ._

⁵¹.وچھؠو بُو چُھسو توہِہ رازچہ کتھٕ ونان.أسؠٕ سأرِی شونگونہٕ کؠنہ مگر سأرِی بدلَو._⁵².تِہ سپدِ یکدم،اکِس رژِھ منز.آخری بِگُل واینس سأتِی.تکیازِ ییلِہ بِگُل ییِہ وأؠنہٕ تہٕ موردہٕ وتَھن موردٕہ وتھن غأ فأنِی حالتس منز.تہٕ اَسؠٕ ؠمو بدلاونہٕ._

⁵³.تکیازِ لأزِم چُھ زِ یہ فأنؠ جسم لاگہِ لافأنِؠ جامہٕ تہٕ مرن وول جسم لاگِہ ابدی زندگی ہندٕی جامہٕ._⁵⁴.ییلِہ یہ فأنِی جسم لافأنِی جامہٕ لأگتھِ آسہِ تہٕ مرن وول جسم حیاتِ ابدی ہندٕؠ جامہٕ آسِہ لأگتِھ تہٕ سُہ قول سپدِ پورٕہ یُوس کلامس منز لؠکِھتھ چُھ مُوت سپُد فتحُک میوُنڈ._

⁵⁵.ہے مُوتہٕ چُون فتح کتِہ روٗد؟ہے مُوتہٕ چأنؠٕ ٹُوپھ کتِہ رُوز؟

۵۶.مُوتٕچ ٹُوپھ چِھ گُناہ تہٕ گنہُک زُور چھ شریعت._

⁵⁶.مُوتٕچ ٹُوپھ چِھ گُناہ تہٕ گنہُک زُور چھ شریعت._

⁵⁷.مگر خدایہ سُند چُھ شکر،ؠُوس سأنِس خداوندِ عيسٰى مسیح سنٔدِ وسیلہٕ چُھ اَسِہ فتح بخشان._⁵⁸.ادٕہ ہؠے میأنؠو ٹاٹھیُو بایٔو!تُوہیٕ رُوزؠو مضبوط تہٕ ثابت قَدم تہٕ خداوند سنٔزن کامؠن منز روزؠو ہمؠشہ برونہ پکان.تکیازِ یہ زأنِتھ زِ تہنُز محنت چھؠنہٕ خداوندس نِش بے فایٔدٕہ کؠنہ._

16¹.ونیٕ چُھ تَتھ چندس مطلق ؠُوس مقدّسن باپتھ چُھ دِنہٕ ؠوان.ؠتھ پأٹھؠٕ مےٕ گلتیُوچہ کلیسیاء حکم دیوت تِتھےٕ کنؠٕ کرؠو توہی تِہ._

².ہفتکہِ گوڈنکہِ دوہ تھاؠِن پرؠتھ شخص آمدنی موافق کؠنہ پانس نِش.تاکہ میانِہ ؠنہٕ خاطرٕہ پؠنہٕ چندٕہ کرُن._³.تہٕ یؠلِہ بُو ؠمہٕ تہٕ توہِہ منظور آسنَو تِم سوزکھ بو خط ہؠتھ زِ تُہند خأرات واتناون ؠروشلم._

⁴.اگر مؠون گژھُن تِہ مناسب آسِہ تیلہِ گژھن تِم مۓ سأتؠٕ._⁵.بوُ ؠمہٕ توہِہ نِشہٕ مِکرُونیہ کؠنؠٕ تکیازِ مےٕ چُھ مکرُونیہ منزٕی گژھنُویٔ._

⁶.مگر روزٕہ بُو شاید توہۓ نِشہٕ تہٕ وندٕہ تِہ گزارٕہ توہۓ نِش.تاکہ یوکُن بُو گژھن یژٕھ توہی کرؠو مےٕ توکُن کرؠو مےٕ توہی رخصت._⁷.تکیازِ ونؠٕ چُھسنہ بُو تِہ منز توہِہ سأتؠٕ ملاقات کرُن ؠژھان،بلکہ مؠے چھے اُمید زِ خداوند ہۓ ؠوژھ تہٕ بُو روزٕہ کیژھس کالَس توہِہ نِش._

⁸.مگر بوُ روزٕہ عیدِ پنتِکُستس تام اِفیسُس منز._

⁹.تکیازِ اکھ وسیح تہٕ کار آمد دروازٕہ چُھ میأنِہ خاطرٕہ ووُتھ تہٕ مخألف چِھ واریاہ._¹⁰۱۰.اگر تمؠو تھؠن آۆ تہٕ خیال تھأؠزؠو زِ سُہ روزِ بے خوف توہِہ نِشٕہ تکیازِ سُہ چُھ میأنِؠ پأٹھؠٕ خداوند سنٔز کأم کران._

¹¹.ادٕہ کانہہ مہٕ زأنِن تس حقیر بلکہ کرزؠوُن سُہ اَصل پأٹھؠٕ توکُن رخصت زِ مےٕ نِش واتِہ.تکیازِ بُو چُھس انتظارس سُہ ییِہ بأؠیٔ ہؠتھ._

¹².تہٕ بأؠِس اپلوسس کور مےٕ اِلتماس زِ توہِہ نِش واتِہ بأیٔ ہؠتھ مگر ؠنہٕ خاطزٕہ گونہٕ سُہ ونہِ رأضِی کؠنہ مگر ییلہ تس موقع ییِہ تہِ واتِہ._¹³.ہوشیار روزؠو.ایمانس منز روزؠو قأؠم مرد بنؠو.مضبوط روزؠو._

¹⁴.یہ کینژھا کران أسؠو محبتہٕ ساتؠٕ کرؠُو._¹⁵.ہے بایُو!توہی أسوون ستیفناس سُند خاندان زانان تِم چِھ اخیہُک گوڈ نؠوک پھل تہٕ ؠِم مقدسن ہنٔزِ خدمتِہ باپتھ تیار چِھ روزان._

¹⁶.ادٕہ بُو چُھسو توہِہ التماس کران زِ ؠِتھؠن لوکن روزؠو تابع بلکہ پرؠتھ اکِس یوس اَتھ کامِہ منز شریک چُھ._¹⁷.تہٕ بُو چُھس ستِیفناس تہٕ فرتوناتوس تہٕ اخیکس سنٔدِس ؠِنَس پؠٹھ خوش تکیازِ تمو کرٔ سُو کمِی پورٕہ یوسہٕ تہندِ ساتؠٕ روزٕ مژٔ أس._

¹⁸.تہٕ تمو کور مؠون تہٕ تُہند رُوح تازٕہ ادٕہ تِتَھن کرؠو قدٕر._¹⁹.آسیہچ کلیسیاء چھؠو توہِہ سلام ونان.اکوِلہ تہٕ پَرسکہ تہٕ سُو کلیسیاء یوسہٕ تہندِ گھرِ چھے چِھؠو توہِہ خداوندس منز مایہِ برٔژ سلام سوزان._

²⁰.سأرِی بأؠٔ چِھؠو توہِہ ولام سوزان.پاک مؠٹھؠٕ کرِتھ کرؠو پانہٕ وانؠٕ سلام._²¹.بُو پُولُس چُھس پننِہ اتھہٕ ساتؠٕ سلام لؠکھان._

²².سُہ شخص چُھ ملعُون یَس نہٕ خداوندس ساتؠٕ محبت آسِہ.سُون خداوند چُھ ؠنہٕ ووُل._

²³.توہِہ پؠٹھ رُوزِن خداوندِ عيسٰى مسیح سُند فضل سپدان._

²⁴.مؠُون محبت رُوزِن عيسٰى مسیحس منز توہِہ سارنۓ ساتؠٕ.آمین._

کُرِنتِھیَن ہٕندِ ناوٕہ پُولُس رسُول سُند دویِم خط

1¹.پُولس سنٔدِ طرفہٕ یُوس خدایہ سنٔزِ مرضی ساتؠٕ مسیح عيسٰى سُند رسول چُھ تہٕ بأؠِس تِمو تھؠس سنٔدِ طرفہٕ خدایہ سنٔزِ تؠمہِ کلیسیاء ہنٔدِ ناوٕہ یُوسہٕ کُرِنتھُسس منز چھے بیہٕ تمام اخیاہکؠن سارنیٔ مقدّسن ہندِ ناوٕہ پولس سُند خط._

².سأنِس بب خداۓ تہٕ خداوندِ عيسٰى مسیح سنٔدِ طرفہٕ روزنو تُوہِہ فضل تہٕ اطمِینان حاصل سپدان._³.سأنِس خداوندٕ عيسٰى مسیح سنٔدِس خدایس تہٕ ببہٕ سُند حمد آسٕن یوس رحمتن ہُند بب تہٕ پرؠتھ رنگہٕ تسلّی دِنُک خدا چُھ._

⁴.سُہ چُھ اسہٕ تمام مصیبتن منز تسّلی دوان.تاکہ اسؠٕ ہؠکو امِہ تسلی ہندِ وجہ ؠوسہٕ خداین آسِہ بخشمژٔ چھے.تمن تہِ تسلیّ دِتھ ؠِم کونِہ رنگہٕ مصیبتس منز چِھ._⁵.تکیازِ ؠتھٕ کنؠ اَسہِ منز مَیح دُکھ زیادہ آسان چِھ تِتھے پاٹھؠ چھ اسِہ مسیح سنٔدِ وسالتہٕ تسلّی تہِ زیادہ مؠلان._

⁶.اگر أسؠٕ مصیبت تُلان چِھ تہٕ تہندِ تسلّی تہٕ نجاتہٕ باپتھ،بیہ اگر تسلّی لبان چِھ تہٕ تُہندِ تسلی باپتھ ہمکِہ تاثیرٕہ سأتؠٕ توہی صبرٕہ سان تِم دُکھ برداشت کران چِھؠُو ؠِم اَسِہ تِہ چِھ ویتر أؠمتؠٕ._

⁷.تہٕ توہِہ مطلق چھے سأنؠٕ اُمید مضبوط،تکیازِ أسؠٕ چھ زانان زِ یتھ پاٹھؠٕ توہی دُکھن منز شریک آسؠو تِتھےٕ پأٹھؠٕ آسؠو تسلِّیس منز تِہ._⁸.ہے بایُو!أسؠٕ چھِنہٕ ؠژھان زِ توہی رُوزؠو نا وأقٕف تمو مصیبتو نِشہٕ ؠِم اَسِہ آسیاہس منز پے.زِ أسؠٕ حدٕہ کھوتہٕ زیادٕہ تہٕ طاقتہٕ نِشہ نیبر کمزور،یونان زن اسِہ زندگیٕ نِشہٕ تہٕ اتھہٕ چھلؠٕ._

⁹.بلکہ اُوس پانس پؠٹھ موتکِہ حکمُک یقین کرومُت.تاکِہ پنُن بھروسہٕ تھاوونہٕ بلکہ خدایہ سُند یُوس موردن چُھ زندٕہ کران._

¹⁰.تکیازِ تؠمؠٕ موکلأؠٔ أسؠٕ تِژِھ بجِہ خطرناکؠِ نِشہٕ تہٕ موکلایِن تِہ.اسہِچھے تمسنٔزۓ اُمید زِ برونہ تہِ روزِ بچاوان._¹¹اگر توہیٕ تِہ رِلتھ دُعا کرنس منز اسِہ مدَد کرؠو تاکِہ ؠوسہٕ نعمت اسِہ واریاہو لوکن ہندِ ذریعہ میجؠٕ تمیوک شکر تِہ کرن واریاہ لوکھ سانِہ طرفہٕ._¹².تکیازِ اسِہ چُھ پننِہ دلچہِ تِتھ گواہی پؠٹھ فخر زِ سون چال وچلن رُودنہٕ دنیاہس منز تہٕ خاص کر توہِہ جمانی حکمتہٕ سان کؠنہ بلکہ رُود خدایہ سنٔدِ فضلہٕ سان یعنی تِژِھ پاکیزگی تہٕ صفاؠیٔ سان ؠوسہ خداؠس لاؠٔق چھے._

¹³.أسؠٕ لؠکھونہٕ توہِہ بؠِہ کتھٕ کؠنہ بغیر تمو یَمن توہیٕ پران یا مانان آسؠو.تہٕ مےٕ چھے اُمؠد زِ آخرس تام روزؠو مانان._

¹⁴.چنانچہ توہِہ منزٕہ کأتہو چُھ مونمُت تِہ زِ أسؠٕ چِھ تُہند فخر،ؠتھ پاٹھؠٕ سأنِس خداوندِ عيسٰى سنٔدِؠن دوہن توہیٕ تِہ أسؠُو سُون فخر._¹⁵تہٕ اَتھؠٕ بھروسس پؠٹھ اُوس مےٕ یہ ازادہ کورمُت زِ گوڈٕہ ؠمہٕ بُو توہِہ نِش تاکِہ توہِہ میلؠُو بیاکھ نعمت._

¹⁶تہٕ تُہندِ شہر پؠٹھٕ گژٕھ مِکدُونیہ تہٕ مِکدُونیہ پؠٹھٕ ؠمہِ واپس توہِہ نِش.تہٕ توہی کرؠو مےٕ یہودیاہ کُن رخصت._¹⁷ادٕہ یوس ارادٕہ مےٕ کورمُت اُوس تہ اُوس مےٕ شوق مزاجی سان کورمت؟یا ؠمن کتھن ہُند ارادہ بُو چُھس کران زِ جمانیٕ طورٕہ چُھس کران تہٕ کونِہ وزِ چُھس اوٕہ تہٕ نَہ نَہ تِہ؟_

¹⁸خدایہ سنٔدِ پزرُک قسم زِ سأنِس تِتھ کلامس منز یوس توہِہ ساتؠٕ چھ سپدان تَتھ منز چُھنہٕ اوٕہ پانَہ دوشوۓ کؠنہ لبنہٕ ؠوان._¹⁹تکیازِ خدایہ سُند نؠچو عيسٰى مسیح ؠمسنٔز مُنادی اَسِہ کرٔ یعنی مےٕ تہٕ سِلوانسن تہٕ تیمو تھیس تَتھ منز أوسنہٕ اوٕہ تہٕ نَہ دونوۓ کؠنہ بلکہ تَتھ منز سپُد اوٕہ اوٕہ یُوت._

²⁰تکیازِ خدایہ سنٔدٕؠ یؠتیأہ وعدٕہ چِھ تِم سأرِؠ چِھ تَتھ منز اوٕہ سان.لہزا سپُد تؠمہِ ذریعہ آمؠن.تاکِہ سانِہ ذریعہ سپُد خدایہ سُند جلال ظاہر._²¹تہٕ یُوس اسِہ توہِہ ساتؠٕ مسیحس منز قاؠٔم چُھ کران تہٕ بؠہِ ؠمؠٕ اَسِہ مَسح کور،سُہ چُھ خدا._

²².ؠمؠٕ اَسِہ پؠٹھ مُہر تہِ کرٔ،تہٕ پیشگِؠ منز دیوتُن سانؠن دِلَن منز روح._²³مےٕ چُھ خدا گواہ زِ بُو آسنہٕ ونیوک تام کُرِنتُھسس منز امِہ موجوب کؠنہ زِ مےٕ اُوس توہِہ پؠٹھ رحم ؠوان_

²⁴.یہ نہٕ زِ أسؠ چھ ایمانکِس بارس منز توہِہ پؠٹھ حکومت کران.بلکہ چِھ خوشِی منز تُہندٕؠ مدَد گار تکیازِ توہیٕ چُھو ایمان سأتؠِ قایٔم رُوزان._

2¹مےٕ اُوس کورمت پننِس دلس منز یہِ ارادٕہ زِ بو یمنہ توہہ نِش غمگین ٲسِتھ._

²تکیازِ اگر بُو توہی غمگین کرو تیلہ کُس کرِمےٕ خوش؟بغیرِ تؠمِس یُوس میانِہ وجہ غمگین سپُد._³تہٕ مےٕ أسمو توہِہ سوۓ کتھ لؠچھمژ تاکہ ینہٕ تِہ سپدِ زِ یہندِ سأتؠٕ اُور یِتھ بُو خوش گژھہٕ،تہٕ بُو گژھہٕ تہندِ ساتؠٕ غمگین،تکیازِ مؠے چُھ توہِہ سأرنؠٔ پؠٹھ بھروسہٕ زِ ؠوسہٕ مؠأنؠٕ چھے سُوۓ چھے توہِہ سارۓ ہنٔز._

⁴تکیازِ مےٕ اُوس بڑٕہ مصیبت تہٕ دلگری ہنٔدِس حالتس منز عوش ہاران ہاران توہِہ لؠوکھمُت.مگر أمِہ باپتھ نہٕ زِ توہِہ سپدؠو غم بلکہ امِہ باپتھ زِ توہِہ سپدیُو سُہ بوڈ محبت معلوم یوس مےٕ توہِہ ساتؠٕ چُھ._⁵واگر کأنسہِ بُو غمگین کورمُت چُھس تہٕ تؠمؠٕ چُھسنہٕ بوؠیٔ یوت کورمُت بلکہ،(ؠوتھنہٕ تس پؠٹھ بو زیادہ سکتی کرٕہ)کونِہ حدس تام بنیو توہِہ سارنیٔ ہنٔدِ غمُک ذریعہ._

⁶یُوس سزا تس واریاہن ہنٔدِ طرفہٕ مُؠول تہِ چُھ ؠتھِس شخصس خاطرٕہ کافِی._

⁷ادٕہ اتھ برعکس چُھ یُوہۓ بہتر زِ تسُند قصُور کرؠو معاف بیہِ دِؠوۆس تسلؠّ ؠوتھنہٕ زیادٕہ غمو ساتؠ تباہ سپدِ._⁸لہزا اچھسُو بو توہِہ گزارش کران زِ امِس مطلق دؠُو محبتُک فتوىٰ._

⁹تکیازِ مےٕ لیوکھ آزماونہٕ باپتھ تِہ.زِ سارنؠٔ کتھن منز چُھوا تُوہی وفادار کِنہٕ نَہ._¹⁰یس توہی معاف کران چُھ تس چُھس بُوتِہ معاف کران تکیازِ یہ کؠنژھا مےٕ معاف کورمت چُھ تہٕ مسیح سُند قاؠٔم مقام آسِتھ چُھم تہندِ خاطرٕہ کورمُت._

¹¹یوتھنہٕ شیطان توہِہ پؠٹھ داۆ ترایہ تکیازِ أسؠٕ وھ تمسنٔزن چالن نِش نا وأقٕف._¹²ییلہٕ بُو ترو آس شہرس منز مسیح سنز خوشخبری دِنہِ آس تہٕ میأنہِ خاطرٕہ آۆ خداوندس منز دروازٕ یلہٕ تراونہٕ._

¹³تہٕ میأنؠ روحن لوبنہٕ قرار امِہ موکھٕ زِ مےٕ لوبنہٕ پنُن بُوۓ طِؠطس؛اتؠ دراس یمن اؠماندارن نِشہٕ رخصت ہؠتھ مکدُونیہ صُوبس کن._¹⁴مگر خداۓ سُند چُھ شکر یُوس مسیحس منز اَسہٕ اَسِیرن ہنٔدٕؠ پاٹھؠٕ گشت چُھ کرناوان تہٕ پننِہ عِلمٕچ خوشبو چُھ سانِہ ذریعہ پرؠتھ جایِہ پھہلاوان._

¹⁵تکیازِ أسؠٕچِھ خداؠس نزدیک نجات لبن والین تہٕ ہلاک گژھن والؠن دوشونیٕ باپتھ مسیح سنٔز خوشبُو._¹⁶کینژھن ہندِ باپتھ مرنہٕ خاطرٕہ موٕتچ مُشِک تہٕ کؠنژھن ہندِ باپتھ چِھ زندٕہ روزنہٕ خاطرٕہ زندگی ہنٔز مُشِک تہٕ کُس چُھ یمن کتھن لایٔق؟_

¹⁷تکیازِ أسؠٕ چھنہٕ تمن واریاہن ہندٕؠ پاٹھؠٕ ؠِم خداؠس سنٔدِس کلامَس تجارت چِھ کران بلکہ چھ صاف دلِی ساتؠٕ خدایہ سنٔدِ طرفہٕ خدا حاضِر زأنِتھ مسیحس منز کلامہٕ کران._

3¹کیا أسؠٕ چھا بیِہ نیک نأمِی تھیکنأ ونؠٕ شروع کران.یا اَسِہ چھا کؠنژھن لوکن ہندٕؠ پاٹھؠٕ نیک نأمی ہنٔدٕؠ خط توہِہ نِش واتناونؠٕ کِنہٕ توہِہ نِش چھ رٹنچٕ ضرورت._

²سُون خط یوس سانؠن دلن پؠٹھ لؠکِھتھ چُھ،تِم چُھو توہیٕ.تہٕ تَتھ چِھ سأرِؠ لُکھ زانان تہٕ پران._

³ظاہر چُھ زِ توہی چھو مسیح سُند سُہ خط یوس اَسِہ خدمت گارن ہنٔدِ طورٕہ لؠوکھ،مِیلِہ ساتؠٕ نہٕ بلکہ زندِہ خدایہ سنٔدِ روح ساتؠٕ کنیُو مَشکن پؠٹھ نہٕ بلکہِ دلچؠن مازُو مَشکن پؠٹھ._⁴اسؠ چھ مسیح سنٔدِ ذریعہ خداؠس پؠٹھ یوتھؠٔ بھرو تھاوان._

⁵یِہ نہٕ زِ أسؠٕ چِھ بزاتِ خود اَتھ لاؠٔق.زِ پننِہ طرفہٕ ہؠکو کانہ خیال تہِ کرِتھ بلکہ سأنؠٕ لیِاقت چھے خدایہ سنٔدِ طرفہٕ._

⁶.ؠمؠٕ أسؠٕ نیہ عہد کی خدمتگار آسنس لایٔق تِہ بنأؠؠٔ،لفظن ہندٕؠ خدمتگار نہٕ کؠنہ بلکہ روحکؠٕ تکیازِ لفظ مأرِتھ ژٕھنان مگر رُوح چُھ زندٕہ کران._⁷تہٕ ییلہِ مُوتک سُہ عہد ؠمکؠٕ حروف کنِؠن پؠٹھ کھننا ونہٕ آمتؠٕ أسؠٕ یتھ جلالہ وول اُوس زِ بنی اسرایٔل لوکھ أستہٕ موسىٰ سنٔدِس بُتھِس پؠٹھ امِہ جلالکِہ وجہ ساتؠٕ یوس تس بُتھِس پؠٹھ اوس ہؠکنہٕ عورٕہ سان نظر کرِتھ حالانکہ سُہ اُوس کم گژھان._

⁸تہٕ روحُک عہد آسِہ ضرور جلالہٕ وُول._⁹تکیازِ ییلِہ مجرم گنزراون وول عہد جلالہٕ وول اُوس تہٕ راست بازِی ہُند عہد تہِ آسِہ ضرور جلالہٕ وُول._

¹⁰بلکہ اتھ صُورتس منز آوسُہ جلالہٕ وُول اَمِہ بے انتہا جلالکہٕ سببہٕ بے جلال گنزرنہ

¹¹تکیازِ ییلِہ مِٹن والؠٕ چیز جلالہٕ وألؠٕ أسؠ تہ باقیٕ روزن والؠٕ آسن ناضرور جلال والؠٕ._¹²ادٕہ چِھ آسؠٕ یژٕھ اُمید کرِتھ بڑٕہ دلیری سان ونان._

¹³تہٕ موسىٰ سنٔدٕؠ پاٹھؠٕ چِھنہٕ ونان ؠمؠٕ پننِس بُتھِس پؠٹھ نِقاب تھوو تاکہ بنی اسرایٔل ما ہیکن تیمِہ مِٹن والِہ چیزُک انجام وُچھِتھ._¹⁴مگر تہندٕؠ خیالات سپٔدٕؠ کِشیف تکیازِ اَزتام چُھ پروُن عہد نامہٕ پرنہٕ وزِ تہندؠن دلن پؠٹھ سُوۓ پردہ پؠٹھ روزان تہٕ سُہ چُھ مسؠحس منز تُلنہٕ ؠوان._

¹⁵مگر ازتام ییلِہ کونہِ ساتہٕ موسىٰ سنٔز کتاب پرنہٕ چھے ؠوان،تہٕ تہندؠن دِلن پؠٹھ چُھ پردٕہ روزان._

¹⁶مگر ییلہٕ کونِہ ساتہٕ تِسُند دل خداوندس کن پھیرِ تہٕ سُہ پردہٕ وتھِ تُھود._¹⁷تہٕ خداوند چُھ روح تہٕ یتِہ تہِ کونِہ خداوند سُنہ رُوح چُھ تَتِہ چھے آزادِی._

¹⁸مگر ییلہ اَسِہ سارنؠ ہندؠو بے نقاب بُتھؠو ساتؠٕ خداوند سُند جلال تِتھ پاٹھؠٕ چُھ ظاہر سپدان،ؠتھٕ پاٹھؠٕ شیشس منز تس خداوند سنٔدِ وسیلہٕ یُوس رُوح چُھ أسؠٕ چِھ تمےٕ جلالِؠ شکلِ منز درجہ بدرجہ بدلان روزان._

4¹.ادٕہ ییلِہ اَسِہ پؠٹھ یُوتھ اَحم سپُد زِ اسِہ مؠجؠٕ یہِ خدمت تہٕ أسؠٕ چِھنہٕ ہمت ہاران._

².بلکہ ترایہ اَسِہ شرمِہ ہنٔزٕہ پوشؠدٕ کتھہٕ تہٕ مَکاّرِل تہِ کرنہٕ.نَہ چِھ خدایہ سنٔدِس کلامس منز کؠنہ رلاوان بلکہ چِھ حق ظاہر کرِتھ خدایس رُوبرُو پرؠتھ اکِس انسان سنٔدِس دِلس منز نیکؠ بِہناوان._³تہٕ اگر سانِہ خوشخبری پؠٹھ پردہٕ پؠٹھ چُھ تہٕ چُھ ہلاک گژھن والؠن ہندِ خاطرٕہ پؠٹھ._

⁴یعنی بے اؠمانن ہنٔدِ خاطرٕہ یہنزِ عقلِہ ؠمِہ دنیا ہکؠٕ خداؠن أنؠٕ ژٕھنمتؠٕ چِھ.ؠُوتھنہٕ مسیح یُوس خدایہ سنٔز صورت چُھ.تمسنٔدِ جلالچِہ خوشخبری ہُند گاش تمن پؠٹھ پؠیِہ._⁵تکیازِ أسؠٕ چھنہٕ پنُن بلکہ مسیح عيسٰى سُند اعلان کران زِ سُہ چُھ خداوند تہٕ پننِس حقس منز چِھ یہِ ونان زِ عيسٰى سنٔدِ خاطرٕہ چِھ تسُندٕؠ غلام._

⁶امےٕ موکھٕ زِ خداہی چُھ ؠمؠٕ فرموو زِ تاریکِؠ منز چمکہِ نُور توہۓ چِمکؠو سانؠن دلن منز تاکِہ خداۓ سنٔدِ جلالکہِ پہچانُک نُور آسِہ عيسٰى مسیح سنٔدِس بُتھِس ساتؠٟ جلوٟہ گر._⁷مگر اَسِہ نِش چُھ یہ خزانہ کَترِیُو بانن منز تھأیِتھ یوتھ زن چدٟہ کھوتہٟ زیادہ قدرت آسنہٕ سانِہ طرفہٕ بلکہ سپدِ خدایہ سنٔدِ طرفہٕ معلوم._

⁸أسؠٕ چھ پرؠتھ رنگہٕ مصبیت تُلان مگر لاچار چِھنہٕ سپدان،حیران چھ سپدان مگر نا اُمید چِھنہِ سپدان._

⁹ستاونہٕ چِھ ؠوان مگر تنہا چھنہٕ تراونہٕ ؠوان،دأرِتھ چِھ ژٕھننہٕ ؠوان مگر ہلاک چھنہ سپدان._

¹⁰أسؠٕ چِھ پرؠتھ ساتہٕ پننِس بدنس منز عيسٰى مسیح سُند مُوت ہؠتھ فِؠران.تاکِہ عيسٰى سنٔز زندگی تہٕ سپدِ سأنِس بدنس منز ظاہِر._¹¹تکیازِ اَسؠٕ چھ زندٕہ پانہٕ ہمؠشہ عيسٰى سنٔدِ خاطرٕہ موتس یوان حوالہٕ کرنہٕ.تاکِہ عيسٰى سنٔز زندگی تِہ سپدِ سأنِس فأنِؠ جِسمس منز ظاہر._

¹²أتؠِ چُھ مُوت أسِہ منز اثر کران تہٕ زندگی تہٕ زندگی توہِہ منز._¹³بیِہ ییلِہ زن اَسِہ منز سُوۓ ایمانُک رُوح چُھ یتھ مطلق کلامس منز لؠکھِتھ چُھ زِ مےٕ اُون اؠمان تہٕ اَمےٕ موکھہٕ وُۆنُم،أتِی چِھ أسؠٕ تِہ اؠمان انان تہٕ توہےچِھ ونان._

¹⁴تکیازِ أسؠٕ چِھ زانان زِ ؠمؠٕ خداوندِ عيسٰى مسیح زندٕہ کور سُہ کرِ اَسِہ تہِ عيسٰى ہس ساتؠٕ شامِل زانِتھ زندٕہ.تہٕ توہِہ سأتؠٕ کرِ پانس بُرونہٕ کنِہ حاضِر._

¹⁵امِہ موجوب زِ سأرِؠ چیز چِھ تُہندِ خاطرٕہ تاکِہ واریاہن لوکن ہنٔدِ ذریعہ فضل زیادہٕ آسِتھ بڑھاوَن خداۓ سنٔدِ جلالہٕ خاطرٕہ شُکر گُزارِی تِہ._¹⁶امِہ موجوب چھنہٕ أسؠٕ ہمَت ہاران بلکہ چھے سأنؠٕ ظأہری انسانیت ختم سپدان.پتہٕ تِہ سأنیٕ بأطِنی انسانیت دوہ کھوتہٕ دوہ نٔو سپدان._

¹⁷تکیازِ سأنؠٕ پرؠتھِ وزِ ہنٔدٕؠ معمولی مصیبت چِھ سانِہ باپتھ گُوبھؠٕ تہٕ چِھ ابدی جلال پادٕہ کران._

¹⁸.ؠتھ حالَس منز أسؠٕ وچھوٕ نین چیزن پؠٹھ چھنہٕ غور کران بلکہِ چِھ بِنا وچھٕو نٔؠن چیزن پؠٹھ.تکیازِ وچھونیٕ چیز چھ کینژھن دوہن.مگر بِنا وچھوٕنی چیز چِھ اَبدی._

5¹تکیازِ أسؠٕ چھ زانان زِ ییلِہ زمؠنہِ پؠٹھ سُون خیمُک گھرٕہ گرِاونہٕ یؠہِ.تہِ اسِہ میلِہ خدایہ سنٔدِ طرفہٕ آسمانس پؠٹھ تِژھ اکھ عِمارت یوسنہٕ اَتَھو سأتؠٕ بناونہٕ آمژآسِہ بلکہ آسہِ ابدِی._

²چنانچہ أسؠٕ چِھ اَمہِ باپتھ ووُش تراوان تہٕ سؠٹھا آرزُو تھاوان زِ پننِہ آسمأنِؠ گھرٕہ سأتؠٕ سپدَو ملبُوس._

³تاکِہ ملبُوس آسنکِہ باعثہٕ سپدونہٕ ننگہٕ._⁴تکیازِ أسؠٕ چِھ خِیمس منزِ رُوزِتھ بارٕہ ساتؠٕ ووش تاوان أمِہ موجوب نہٕ کؠنہ زِ یہ لِباس کڑُن ؠژھان.بلکہ چِھ اَتھ پؠٹھ بیہِ لاگن ؠژھان تاکہ یُوس فأنؠٕ چُھ سُہ گژِھ زندگی منز غرق._

⁵تہٕ یمیٕ أسؠٕ اَمےٕ کتھِ خاطرہٕ تیار کرٕؠ سُہ چھ خدا.تہٕ تمِؠ دیوت اَسِہ رُوح ضمانتس منز._⁶ادٕہ اَسِہ پزِ ہمؠشہ یِہ ذہن تھاوُن تہٕ یہِ زانُن زِ یُوتام أسؠٕ بدنِکس وطنس منز چِھ،توتام چِھ خداوندس نِش جلاۓ وطن._

⁷تکلیازِ أسؠٕ اؠمانس پؠٹھ پکان نَہ کِہ أچھن ہندِس وچھمٕتِس پؠٹھ._

⁸اگر زن أسیٕ مطمؠٔن چِھ تہٕ اَسِہ چھ بدنکِہ وطنہ نِشہ جُدا سپدِتھ خداوند سنٔدِس وطنس منز روزُن زیادہ منظور._⁹امےٕ باپتھ چِھ أسؠٕ یہ حوصلہٕ تھاوان زِ وطنس منز آسو یا جلاۓ وطن سُہ کروُون خوش._

¹⁰تکیازِ ضروری چھ زِ مسیح سنٔدِس تخت عدالتس بُرونہہ کنِہ یؠِہ اَسِہ سألمن ہُند حال ظاہر کرنہٕ تاکہ پرؠتھ شخصس میلہ تِمن کامؠن ہُند بدلہٕ ؠم تؠمؠٕ بدنکِہ ذریعہ کرِمژٕہ آسَن،چاہۓ اصل چاہۓ خراب._¹¹ادٕہ اَسؠٕ چِھ خداوند سُند خوف تھأؠِتھ انسانن سمجھاوان تہٕ خداوندس نِش سُون حال ظاہر.تہٕ اسِہ چھے اُمید زِ تہندؠن دِلن پؠٹھ تِہ آسِہ ظاہر سپُدمت._

¹²پتہٕ تِہ چھنہٕ أسؠٕ پننؠٕ نیک نامؠ توہِہ پؠٹھ تھؠکناوان،بلکہ چھ أسؠٕ پننِہ وجہ کنؠٕ توہِہ فخر کرنُک موقع دِوان.تاکہ توہی ہؠکؠو تِمن جواب دِتھ ؠِم ظاہرس پؠٹھ مخر چھ کران تہٕ باطنس پؠٹھ نہٕ._¹³اگر أسؠٕ بے خود چِھ تہٕ چِھ خدایہ سنٔدِ باپتھ.واگر ہوشس منز چِھ تہٕ چِھ تہندِ باپتھ._

¹⁴تکیازِ مسیح سُند محبت چُھ اسِہ مجبور کران امہ موجوب زِ أسؠٕ چِھ سمجھان زِ ییلِہ اکھ سأرنؠٔ ہنٔدِ باپتھ مُود تہٕ سأرِی مودٕؠ._

¹⁵تہٕ سُہ مُود امِہ موجوب سأرنیٔ ہنٔدِہ باپتھ زِ یُوس زندٕہ چِھ تِم زُوٗوَن نہٕ برونہ کُن پننِہ باپتھ بلکہ تسہندِ باپتھ ؠوس تسہدِ موکھٕ مُود تہٕ پتہٕ وُوتھ زِندٕہ._¹⁶ادٕہ ونکہِ پؠٹھٕ پہچانُون نہٕ أسؠٕ جسمہٕ کہ حثیتہٕ کانہ آ اگر زن مسیح تِہ جسمکِہ حثیتہٕ زُونُمت اُوس.مگر ونکہِ پتہٕ زانُو وُن نہٕ._

¹⁷امِہ موجوب اگر زن کانہ مسیحس منز چُھ تہٕ سُہ چھے نٔو مخلوق،پرأنؠٕ چیز رُودٕؠ گژھان تہٕ وچھیو تِم سپٔدٕؠ نۓ._¹⁸تہٕ تِم سأرِؠ چیز چِھ خدایہ سنٔدِ طرفہٕ یِمو مسیح سنٔدِ ذریعہ پانس ساتؠ أسؠٕ رلأؠٔ.تہٕ رلاونٕچ خدمت کرٔن اَسِہ حوالہٕ._

¹⁹مطلب یِہ زِ خداؠن کور مسیحس منز أسِتھ پانس سأتؠٕ دنیاہُک میل ملاپ،تہٕ تہندِ تقصیر کھألِن نہٕ تمن تہٕ تؠمؠٕ کُور میل ملاپُک پیعام اَسِہ حوالہٕ._²⁰.ادٕہ أسؠٕ چِھ مسیح سنٔدٕؠ چیلہٕ.تہٕ سانِہ ذریعہ چُھ خدا التماس کران،أسٕی چِھ مسیح سنٔدِ طرفہٕ مِنّت کران زِ خداؠس ساتؠٕ رلیُو._

²¹.یُوس نہٕ گُناہ نِشہٕ وأقٕف اُوس؛سوؠٔ بنُو تؠمؠٕ سانِہ باپتھ گناہ،تاکِہ أسؠٕ بنو تس منز أسِتھ خدایہ سنٔدٕؠ راست باز._

6¹أسؠٕ ؠم تس ساتؠٕ کامِہ منز شریک چِھ.یِہ گزارِش تہِ چھ کران زِ یُوس توہِہ پؠٹھ خدایہ سُند فضل سُپد سُہ مَہ تھأیووُن فایٔدٕہ._

²تکیازِ سُہ چُھ فرماوان زِ قبولؠتہٕ وزِ بوز مےٕ چُون تہٕ نجاتکِہ دوہ کور مےٕ مدَد،وچھؠو ونؠٕ چُھ قبولیتُک وقت،وچھؠو یہ چُھ نجاتُک دوہ._

³أسؠٕ چھنہٕ کونِہ کتھِ منز ٹھوکر کھینُک کانہ موقع دِوان.تاکہ سانِہ خدمتہ پؠٹھ ماپیہِ اثر._⁴بلکہ چھ أسی خدایہ سنٔدِؠن خأدمن ہندٕی پأٹھیٕ پرؠتھ کتھِ منز پننؠٕ خوبی ظاہر کران.بڑٕہ صبرٕہ سأتؠٕ،مصؠبتہٕ سأتؠٕ،احتیاطہٕ سأتؠٕ،تنگِی سأتؠٕ._

⁵کوڈٕہ کھؠنہٕ سأتؠٕ،قأد گژھنہٕ سأتؠٕ،ہنگامو ساتؠٕ محنتہٕ سأتؠٕ،بیدأرِی سأتؠٕ،فاقَو سأتؠٕ._

⁶.پاکیز گِؠ ساتؠٕ،عِلمہٕ سأتؠٕ،تحمُل ساتؠٕ،مہربأنِؠ سأتؠٕ رُوح القُدسہٕ سأتؠٕ،بے رِیاح محبتہٕ ساتؠٕ._

⁷حقکِہ کلامہٕ ساتؠٕ،خدایہ سنٔدِ قدرتہٕ ساتؠٕ،راست بأزِؠ ہندؠو ہتھیارو ساتؠٕ،ؠم دچھنؠٕ کھُووٕرؠ چِھ._⁸عزتہٕ تہٕ بے عزتی ہندِ ذریعہ ساتؠٕ،بدنامِی تہٕ نیک نامِی ہنٔدِ ذریعہ ساتؠٕ،ؠِم گمراہ کرن وألؠٕ چِھہ باسان،ٹوتِہ پزٕؠ زیارٕی._

⁹گُمنامن ہندٕؠ پاٹھؠٕ چِھ،توتِہ چِھ مشہور،مرن والؠٕ سنٔدٕؠ پاٹھؠٕ چِھ،مگر وچُھؠو زُووان چِھ،مار کھؠنہ والؠن ہندٕؠ پأٹھؠٕ چِھ مگر زُوٕہ نِشہٕ چِھنہٕ مران._

¹⁰غم زدن ہنٔدٕؠ پأٹھؠٕ چِھ،مگر ہمیشہ چِھ خوش روزان کنگالن ہنٔدٕؠ پأٹھؠٕ چھ،مگر واریاہن چِھ دولتمند بناوان.بیقلن ہنٕدؠ پأٹھؠٕ چھ،توتِہ چِھ سورٕؠ کؠنہ وچھان._¹¹ہۓ کرنتھؠو کؠو ایماندار؛اسِہ ونؠو توہِہ کُھولِتھ کتھٕ.تہٕ سُون دل گو تہنٔدِہ ساتؠ خوش._

¹²سانؠن دلن منز چھؠنہٕ تہندِہ خاطرٕہ تنگِؠ کؠنہ مگر تہندؠن دلن منز چھے تنگی._

¹³ادٕہ بُو چُھسو توہِہ اولاد زأنِتھ ونان زِ تُوہیٕ تہِ سپدؠو تیمہِ بدلہٕ کُشادٕہ دل._¹⁴بے اؠمانن ساتؠٕ مَہ گزارؠو أکسؠ یِپچہِ تل زندگی تکیازِ دیندارن تہٕ بے دینن منز کیا واسطہٕ چھ؟یا گاشس تہٕ انِہ گٹہِ منز کیا رشتہٕ؟_

¹⁵مسیحس کیا واقفیت چھے بلیعالس ساتؠ یا ایماندارس کیا واسطہٕ بے ایمانس ساتؠٕ؟_

¹⁶تہٕ خدایہ سنٔدِؠن مقدِسن کیا مُناسبت چھے بُتن ساتؠٕ؟تکیازِ اسؠٕ چھ زندٕہ خدایہ سنٔدٕؠ مقدِس،چنانچہ خداؠن ضرمو،بو بسہٕ تمن منز تہٕ تِمن پکان ٹٕکان تہٕ بُو آسہٕ تسہُند خدا تہٕ تِم آسن میأنؠٕ اُمّت._¹⁷امے موجوب چھ خداوند فرماوان زِ تمو منز نؠرِتھ روزؠو الگ تہٕ ناپاک چیزن مہ لاگؠو اَتھٕ.تہٕ بُو کروَ توہی قبول._

¹⁸بُو آسہٕ تُہند بب تہٕ توہی آسؠو مؠأنؠٕ نِؠچِؠ تہٕ کُورِ.یہ چُھ خداوندِ قادرِ مُطلق سُند قَول._

7¹ادٕہ ہے ٹاٹھیُو!تکیازِ اَسِہ ساتؠٕ چھ یِتھ وعدٕہ آمتؠٕ کرنہٕ.ولیو أسؠٕ کرۆ پنُن پان پرؠتھ قسمٕچہ جسمأنِی تہٕ روحأنِؠ الُودگی نِشہٕ پاک تہٕ خدایہ سنٔدِ خوفہٕ ساتؠٕ واتناوَو پاکیزِگی کمالس تام._².اسہِ دؠؠُو پننِس دلس منز جاۓ.اسِہ کرٔنہٕ کانسےٕ ساتؠٕ نا انصافِی،کانسِہ چُھنہٕ نقصان واتنومُت،کانسِہ ساتؠٕ کورنہٕ دھونکہٕ._

³بُو چُھسونہٕ توہہ مجرم ثابت کرنہٕ باپتھ یِہ ونان تکیازِ مےٕ چُھ گوڈےٕ ونمُت زِ توہیٕ بؠٹھِؠو اَسِہ تِھتھٕ پاٹھؠٕ دِلس زِ أسؠٕ تہٕ توہیٕ مروتِہ یِکوٹہٕ تہٕ لسَو تہِ یِکوٹہٕ._

⁴بُو چُھس توہہ ساتؠٕ بڑٕہ دلیری سان کتھٕ کران.مےٕ چُھ تچہِہ پؠٹھ فخر.مےٕ چُھ پورٕہ تسلِیّ میولمت یِؠتیاہ مصیبت اَسِہ پؠٹھ چِھ ؠوان.تمن ساری منز چُھ مؠون دِل خوشی ساتیٕ لبریز روزان._⁵تکیازِ ییلِہ أسؠٕ صَکِدونیہ منز آۓ تؠمہِ ساتہٕ میولنہٕ سأنِس جِسمس قرار بلکہ رُودٕی أسیٕ پرؠتھ رنگہٕ مُصیبتس منز گرِفتار.نیبرٕہ آسہٕ لڑایہٕ تہٕ اندرٕہ وہمہٕ._

⁶توتِہ بخُش اَسِہ تنگِی نِشہٕ تسلیّ دِنہٕ والٔؠٕ خداؠن طِیطُس سنٔدِ ینہٕ ساتؠٕ تسلِیّ._

⁷نہ صِرف تؠمسٕندِ ینہٕ ساتؠٕ بلکہ تمسنٔدِ تسلیّ ساتؠٕ تہٕ یُوس تس تُہنٕدِ طرفہٕ سپُد تہٕ تُہند شوق تُہند غم تہٕ تُہند جوش یوس مےٕ مطلق اُوس کورن اسِہ بؠان ؠمِہ ساتؠٕ بُو بیِہ تِہ خوش سپُدس._⁸.اگر زن مےٕ کرٕمو توہی پننِہ خطٕ ساتؠٕ غمگین مگر تؠمہِ ساتؠٕ پشتونہٕ مےٕ ییلِہ زن گوڈٕہ پشتاوان اُوسس،تکیازِ وچھان اُوسس زِ ؠمِہ ختہٕ ساتی سپدُو توہِہ غم اگر زن کمسؠٔ کالس تام روٗز._

⁹اگر بو اَمِہ موجوب خوش چُھسنہٕ تکیازِ تو سپدُو غم بلکہ امِہ موجوب زِ تُہند غم سپُد توبہٕ،تکیازِ تُہند غم اُوس خدا پرستی ہُند،یُوتھ زن نہٕ توہِہ سانہِ طرفہٕ کانہ نقصان سپدؠو._

¹⁰تکیازِ خدا پرستی ہُند غم چُھ تیوتھ توبہٕ پادٕہ کران یمؠوک انجام نجات چھ.تہٕ امہٕ ساتؠٕ چھنہٕ پؠوان پشاوُن مگر غم چُھ مُوت پادٕہ کران._¹¹ادٕہ وچھؠو امےٕ کتھہِ ساتؠٕ زِ توہی سپد ؠُوو خدا پرستی ہنٔدِ طورٕہ غمگؠن.توہِہ منزٕہ کأژا سرگرمی تہٕ عُزر تہٕ حأرانیٕ تہٕ دہشت تہٕ شوق تہٕ غأرت تہٕ انتقام کورُن پادٕہ.توہِہ کُورو پرؠتھ رنگہٕ ثابِت زِ توہی چُھو اتھ معاملس منز بے قصوُر._

¹²ادٕہ اگر زن مےٕ اُوس توہِہ لؠوکھمُت مگر نہٕ لؠوکھ مےٕ تس مطلق ؠمہٕ بے انصافی کرٔ بیہِ نہٕ تس مطلق یس پؠٹھ بے انصاف سپزمژٔ أس امِہ موجوب زِ تُہند سرگرمی ؠوسہٕ ؠوسہٕ سانِہ باپتھ چھے سپدِ خداۓ سنٔزِ حضوری توہِہ پؠٹھ ظاہر._¹³امے موجوب سپُد اسِہ تسلی تہٕ پننِہ امِہ تسلیّ تہٕ طِطُس سنٔز خوشی ساتیٕ سپٔز اَسِہ زیادۓ خوشی تکیازِ توہِہ سارنیٕ ہنٔدِ سببہٕ گو تمسُند رُوح دوبارہ تازٕہ._

¹⁴تہٕ اگر مے تس برونہ کنہِ تہند باپتھ کؠنہ فخر کُور تہٕ بُو گوسنہٕ شرمندٕہ بلکہ ؠتھٕ پأٹھؠٕ اَسِہ سارۓ کتھٕ توہِہ پزرٕہ سأتؠٕ ونؠو،تِتھے پاٹھیٕ یُوس فخر اَسِہ طِطُسس برونہ کنہِ کور سُتہِ دراۆ بُز._¹⁵تہٕ ییلِہ تس توہِہ سارنؠٔ ہنٔز فرما نبردأرِی یاد چھے پؠوان زِ توہی کتھٕ پاٹھیٕ سمکھؠُو تس کھوژان کھوژان تہٕ تھرٕہ تھرٕہ منز تہٕ تمسُند دلی محبت گو توہِہ سأتِی بیہ تِہ زیادے._

¹⁶بو چُھس خوش زِ پرؠتھ کتھِ منز چُھس سُہندِ طرفہٕ مطمیٔن._

8¹ہے بایٔو!أسؠٕ چُھو توہِہ خدایہ سنٔدِ تؠمہِ فضلٕچ خبر دوان یُوس مکِدُونیہ صُوبکؠس کلیسیاہن پؠٹھ سپُد مت چُھ._

²زِ مُصیبتچِہ بجِہ آزماؠِٔشہ منز کرٔن تِہنز خوشی تہٕ سخت غریبی کرٔن تہنز سخاوت حدٕہ کھوتہٕ زیادٕہ._³تہٕ بُو چُھس گواہی دوان زِ تمو دیوت حثیتہٕ موافِق بلکہ طاقتہ کھوتہٕ تہِ زیادہٕ پننِہ خوشی ساتؠٕ._

⁴تہٕ امِہ خأراتہٕ بیِہ مقدسن ہنٔز خدمتکِہ شراکتکِہ ذریعہ کورُکھ اسِہ بڑٕہ مِنتہٕ سان درخواست._

⁵تہٕ سانِہ امیدکہِ موافقےٕ دیوتکھنہٕ بلکہ کورُکھ پنُن پان گوڈٕہ خداوندس تہٕ پتہٕ خدایہ سنٔزِ مرضی ساتی اَسِہ حوالہٕ._⁶امہ باپتھ کرٔ اَسِہ طیطُسس نصیحت زِ ؠتھٕ کنؠ تؠمؠٕ گوڈٕہ شروع اُوس کورمُت تِتھےٕ کنؠٕ کرِ سُہ تُوہِہ منز یہ خأراتٕچ کأم پورٕہ تِہ._

⁷ادٕہ یتھٕ پاٹھؠٕ تُوہی پرؠتھ کتھِ منز ایمان تہٕ کلام تہٕ علم تہٕ پورہٕ جوش تہٕ تَتھ محبتس منز یُوس اَسِہ ساتؠٕ تھاوان چھو،چِھؠو تھزر لبان،تِتھے پاٹھؠٕ لبیُو یَتھ خأراتچہِ کامِہ منز تِہ تھزَر._⁸بوُ چُھسنہٕ توہِہ بطورِ حکم ونان بلکہ امِہ موجوب زِ.بُو آزماوٕہ بِییَن ہنٔدِ سخاوتہ ساتؠٕ تُہندِ محبتک پزَر._

⁹تکیازِ توہی آسؠو سأنِس خداوندِ عيسٰى مسیح سنٔدٕؠ فضل زانان زِ سُہ اگر زن دولتمند اوس مگر تُہندِ باپتھ بنیو غریب تاکہ توہی بنیو تمسنٔزِ غریبی ہندِ وجہ ساتؠٕ دولتمند._¹⁰تہٕ بُو چُھسو اتھ معاملس منز توہہ مشورٕہ دوان تکیازِ یہ چُھ تُہندِ خاطرٕہ فایٔدہ مند امہٕ موجوب زِ توہی ٲسؠو نہٕ پتمِس وریَس نہ صرف اتھ کامہ منز بلکہ أمکِس ارادس منز تِہ اوّل._

¹¹ادٕہ ونیٕ کرؠو یہ کأم پورٕہ تِہ ؠتھ پاٹھؠٕ توہی ارادہ کرنس منز مستعد آسؠُو تِتھےٕ پاٹھی کرؠو حثیتہٕ موافقہٕ پورٕہ تِہ._

¹²تکیازِ اگر نیت آسِہ تہٕ خأرات سپدِ تؠمکِہ موافقٕہ مقبول یہِ انسانس نِش چُھ.نَہ تؠمہِ موافِقٕ یہِ نہٕ تس نِش چُھ._¹³یہ نہٕ کؠنہ زِ بیکِؠن واتِہ آرام تہٕ توہِہ سپدؠو مکلیف._

¹⁴بلکہ برابری ہندِ طورٕہ سپدِ ونکؠس تُہندِ دولتہٕ ساتؠٕ تِہنز کمی پورٕہ.یوتھ زن تہندِ دولتہٕ ساتؠٕ تِہ تہُنز کمی پورٕہ تہٕ ؠتھٕ پاٹھؠٕ سپدِ برابری._

¹⁵چنانچہ کلامس منز چُھ لؠکھتھ زِ ؠمی زیادہ جمع کورمُت اُوس تس ہور بونہٕ زیادہ کؠنہ.تہٕ ؠمیٕ کمؤی جمع اُوس کورمُت تس چُھو نؠونہٕ کم کؠنہ._¹⁶خدایہ سُند شکر چُھ یُس تُہندِ باپتھ طیطُس سنٔدِس دلس منز تِژھؠٔ پادٕہ چُھ کران._

¹⁷تکیازِ تؠمٕؠ مأنؠٕ سأنؠٕ نصیحت بلکہ بڑٕہ جوشہٕ سان سُپد پننِہ خوشی ساتؠٕ توہِہ کن روانہ._¹⁸تہٕ اَسِہ تس ساتؠٕ تمسُند بُوۓ ؠمسنٕدٕی تعریف خوشخبری ہندِ سببہٕ تمام کلیسیاہن منز سپدان._

¹⁹صرف یُوت نہٕ بلکہ سپُد سُہ کلیسیاہن ہندِ طرفہٕ امِہ خأراتچِہ کامِہ باپتھ سون ہمسفر.تہٕ أسیٕ چھ یہ خدمت امہ موجوب کران زِ خداوند سُند جلال تہٕ سُون شوق سپدِ ظاہر._²⁰تہٕ أسیٕ چھ بَچِتھ روزان زِ ؠمِہ بڑِ خأراتہٕ مطلق اسیٕ خدمت چھ کرن اتھ مطلق گژھنہٕ اَسِہ پؠٹھ کانہ الزام دؠون._

²¹تکیازِ أسؠ یِتھؠن چیزن ہُند تدبیر کران ؠِم نَہ صرف خداؠس نزدیک بہتر آسن بلکہ انسانن نزدؠک تِہ._²²تہٕ اسِہ چُھ سوزمُت تِمن ساتؠٕ پنُن سُہ بُوۓ یُوس اَسِہ واریاہن کتھن منز باربار آز مأیِتھ پُر جُوش لوبمُت چُھ.مگر تس چُھ ؠوہِہ پؠٹھ واریاہ بھروسہٕ توۓ چُھ وَنیٕ سُہ زیادہ پُر جُوش._

²³اگر کانہ صِطُسَس مطلق پرژِھ تہٕ سُہ چُھ میون شریک تہٕ تہندِ باپتھ مؠون ؠم خدمت.اگر سانؠن بایٔن مطلق پرژھنہٕ ییہِ تہٕ سُہ کلیسیاہن ہُند قأصِد تہٕ مسیح سُند جلال._

²⁴ادٕہ پنُن محبت تہٕ سون سُہ فخر یُوس توہِہ پؠٹھ چُھ کرؠو کلیسیاہن رُوبُرو تِمن پؠٹھ ثأبِت._

9¹یوسہٕ خدمت مُقّدسن ہندِ باپتھ چھے کران ؠوان تَتھ مطلق چُھ مےٕ توہِہ لؠکھن فضول._

²تکیازِ مےٕ چھ تُہند شوق یے.امِہ وجہ چُھس بو مکدونیہ کین لوکن مرونہ کنہِ تہند فخر کران زِ اخیالکؠٕ لوکھ چھ پتمِہ ورؠیہِ پؠٹھٕ تیار تہٕ تُہندٕؠ جوش چُھ اکثر لوکن وُتُس دیوتمُت._³مگر مےٕ سوزٕؠ باۓ امِہ موکھٕ زِ یُوس فخر أسیٕ اَتھ مطلق توہِہ پؠٹھ کران چِھ سو گژھنہٕ بے اصل روزُن بلکہ روزیو توہیٕ میانِہ وننہٕ مُوافِق تیار._

⁴یُوتھنہٕ یِہ سپدِ زِ اگر مکِرُو نؠہکؠٕ لوکھ مےٕ ساتؠٕ آۓ تہٕ توہِہ وچھنُو نہٕ تیار تہٕ أسؠٕ چِھنہٕ یہ ونان زِ تُوہی سپدؠو تؠمِہ بھروسکِہ سببہٕ شرمندٕہ._

⁵امِہ موجوب زُون مےٕ بایَن یہ درخواست کرُن ضروری زِ تِم واتن گوڈٕہ توہِہ نِش تہٕ نفیس کھؠن تھاون گوڈے تیار،تاکِہ سُہ روزِ بخشش ہنٔدٕؠ پاٹھؠٕ تیار نَہ کہ زبردستی طورٕہ پأٹھؠٕ._⁶مگر یہ کتھ چھے زِ یُوس کم چُھ ووان سُہ چُھ کم لونان تہٕ یُوس واریاہ چُھ ووان سُہ چُھ واریاہ لونان._

⁷.ؠتھٕ کنؠٕ پرؠتھ اکؠٕ مننِس دِلس منز ارادٕہ آسِہ کورمت تمےٕ حسابہ دِؠِین،نَہ دُریغ کرِتھ نَہ لاچأرِی ساتؠٕ تکیازِ خداؠس سُہ ٹوٹھ یُوس خوشی سان دؠوان چُھ._⁸تہٕ خدا ہؠکہ پرؠتھ قسمک فضل توہِہ پؠٹھ کثرت سان کرِتھ.یوتھ زن توہِہ ہمؠشہ پرؠتھ چیز زیادٕہ زیادٕہ میلِہ تہٕ توہِہ نِش روزِ پرؠتھ نیک کامِہ باپتھ واریاہ کؠنہ موجود._

⁹تکیازِ کلام چُھ ونان.تؠمؠٕ چُھو کروو،تؠمؠ دیُوت مسکینن.تؠمسنٔز راست بأزِؠ ہمیشہ تام قایٔم._¹⁰ادٕہ یُوس وون وألِس خاطرٕہ بیُول تہٕ کھؠنہٕ خاطرٕہ ژوٗٹ اکِس بیکس واتناوان چُھ سوۓ واتنایِہ چانِہ باپتھ تِہ تہٕ تَتھؠٕ کرِ برکت تہٕ چانِہ راست بأزِی ہُند پَھل ہُرٕہ رایِہ._

¹¹تہٕ توہی کرؠو پرؠتھ چیز کِہ ہُرِرٕہ ساتؠٕ پرؠتھ طرؠقٕچ سخاوت.یوسہٕ سانِہ وسیلہ ساتؠٕ خدایہ سنٔز شکر گزارِی ہُند ذریعہ آسِہ._¹²تکیازِ یہ خدمت انجام دِنہٕ ساتؠٕ سپدِؠنہٕ صرف مُقدِسن ہنٔز ضرورت پورہ بلکہ واریاہن لوکن ہنٔدِ طرفہٕ خدایہ سنٔز شکر گزاری._

¹³امِہ موجوب زِ یوسہٕ نیت امِہ خدمتہِ ساتؠٕ ثأبت سپٔز تؠمہِ وجہٕ کؠنؠٕ چھ تِم خدایہ سنٔز ثنا خأنِؠ کران زِ توہی چُھو مسیح سنٔزِ خوشخبری ہُند اقرار کرِتھ اتھ پؠٹھ تابعداری سان عمل کران.تہٕ یہندِ تہٕ تمام لوکن ہنٔدِس مدَد کرنس منز چھ سخاوت کران._

¹⁴تہٕ تِم چِھ تُہندِ باپتھ دعا کران بیِہ چِھ تُہندٕؠ مُشتاق امِہ موجوب زِ توہِہ پؠٹھ چُھ خدایہ سُند بوڈ فضل._

¹⁵شکر أسِن خدایہ سُند تؠمسنٔزِ تؠمہِ ناقابلِ بخششِہ خاطرٕہ._

10¹بُو پولُس یُوس توہِہ روبرُو حلیم تہٕ دُور ٲسِتھ توہِہ پؠٹھ دلیر چُھ.بُو چُھس مسیح سنٔز نرمی تہٕ حلیمی یاد پأیِتھ پانہٕ توہِہ گزارِش کران._

²بلکہ چُھس مِنّت کران زِ یُوتھنہٕ مےٕ پیِہ حاضر سپدِتھ تؠمِہ بے بأکیِ ساتؠٕ دلیری کرنیٕ ؠمِہ ساتؠٕ بو کینژھن لوکن پؠٹھ دلیر آسنُک قصد چُھس تھاوان ؠِم اَسِہ یہِ چھ زانان زِ أسؠٕ چِھ جسمہٕ مطابق زندگی گزاران._³تکیازِ أسی اگر زن جِسمس منز زندگی چِھ گزاران مگر جسمکِہ بطورٕہ چِھنہٕ لڑأؠؠٔ کران._

⁴تکیازِ کہ سانِہ لڑایہ ہندٟؠ ہتھیار چِھنہٟ جسمأنِی بلکہ چِھ خدایس نزدیک قلعں فنا کرنس قابِل._⁵چنانچہ تصوُّرات تہٕ پرؠتھ اکھ تھزرُک سُہ چیز یُوس خدایہ سنٔدِس پہچانس برخلاف کلِہ تھود تُلِتھ چُھ أسؠٕ چِھ تِم لُہراوان.تہٕ پرؠتھ اکھ ذِہن چِھ قأد کرِتھ مسیح سُند فرما نبردار بناوان._

⁶تہٕ أسؠٕ چھ تیار زِ ییلِہ تُہنز فرمانبردأری پورٕہ سپدِ تہٕ پرؠتھ رنگچِہ نافرمأنِی ہُند ہؠمو بدلہٕ._⁷توہی چھو تمن چیزن پؠٹھ نظر کران ؠم أچھن برونہ کنِہ چِھ.اگر کانسِہ پننِس پانس پؠٹھ یِہ بھروسہٕ چُھ زِ سُہ چُھ مسیح سُند تہٕ پننِس دلس منز سوچیو یِتِہ زِ ؠتھ پاٹھؠٕ سُہ مسیح سُند چُھ تِتھےٕ پاٹھیٕ چِھ أسیٕ تِہ._

⁸تکیازِ اگر بُو اتھ اختیارس پؠٹھ فخر کؠنہ زیادہٕ تہِ کرٕہ یُوس خداؠن تُہندِ فایٔدہ باپتھ دیوتمُت چُھ نہ کہ لہرناونہٕ باپتھ سپدِنہٕ شرمندٕہ._⁹یہ چُھس بو اوٕہ موکھہٕ ونان زِ بُو گژھنہٕ یُون خطن ہندِ ذریعہ توہہ کھوژناون ووُل ما ننہٕ._

¹⁰تکیازِ وننہٕ چُھ ؠوان زِ تسہندٕؠ خط چِھ اَلبتہ اَثر والؠٕ تہٕ زبردست.پوز ییلِہ پانہٕ موجود چُھ آسان تہٕ باسان چُھ زن کمزور تہٕ تسہند تقریر چُھ لیُوژ._¹¹ادٕہ ؠتھٕ کنؠ ونن وول زأنِن زِ ؠتھٕ کنؠٕ پتمِؠن خطن منز سُون کلام چُھ تِتھے کنؠٕ آسِہ موجودگی منز سأنیٕ کأم تِہ._

¹²تکیازِ سانؠٕ ہمت چھینہٕ یِہ زِ پنُن پان کرو تِمن کینژھن لوکن منز شُمار یا تِمن نسبت دمو کؠنہ ؠِم پننؠٕ نیک نامی تھؠکان چِھ مگر تِم چِھ پننِس پانس پانہٕ وانؠٕ وزن کرِتھ تہٕ پنُن پان اکِس بؠکِس نسبت دِتھ بیقل گنزرنہٕ ؠوان¹³مگر أسؠٕ کرونہٕ اندازٕہ ساتؠٕ زیادہ فخر بلکہ تمے علاقکِہ اندازٕہ مُوافق یوس خداؠن سانِہ خاطرٕہ مقرَر کورمُت چُھ یتھ منز توہی تِہ چُھو آمتؠٕ._

¹⁴تکیازِ أسؠٕ چھنہٕ پنُن پان حدکھوتہٕ زیادہٕ کؠنہ بڑھاوان.ؠتھٕ کنؠ زن توہِہ تام نَہ واتنکِس صورتس منز آسہو.بلکہ أسؠٕ اَسؠٕ مسیح سنٕز خوشخبری دوان توہِہ تام وأتؠٕ متؠٕ._¹⁵تہٕ أسیٕ چِھنہٕ اندازٕ کھوتہٕ زیادہ یعنی دوؠمِین ہنٔزِ محنتہِ پؠٹھ چھنہٕ مخر کران.مگر اُمیدوار چِھ زِ ییلِہ تُہندِس ایمانس منز ترقی آسِہ تیلہ بڑھو أسؠٕ تہندِ وجہ ساتؠٕ پننِہ علاقِہ موافِق بؠِہ ہن._

¹⁶تاکہ تہندِ سرحدٕہ پرونٹھ پکِتھ واتناوو أسؠٕ خوشخبری.نہ کہ اسؠٕ کرَو غأ علاقن منز بنیمتین چیزن پؠٹھ مخر._¹⁷غرض یُوس فخر کرِ سُہ کرِ خداوندس پؠٹھ فخر._

¹⁸تکیازِ یُوس پننؠٕ نیک نامی چُھ تھؠکان سُہ چُھنہٕ مقبُول بلکہ چھ سُہ مقبُول یَس خداوند نیک نام گنٔزرایِہ._

11¹کاش توہی کرِٔہو میأنؠٕ کم کینژھا بےوقوفِی برداشت!آ توہی چُھو میانؠٕ برداشت کران._

²مےٕ چُھ تہندِ باپتھ خدایہ سُند ہؠو غأرت تکیازِ مےٕ چُھ تُہند رشتہ اکےؠٔ شوہرس ساتؠٕ گونڑمُت تاکہ بُو کرَو توہی پاک دامن انہرشِہ ہندٕؠ پأٹھؠٕ مسیح ہس نِش حاضِر._³مگر بو چُھس کھوژان یوتھنہِ کونِہ یہ سپدِ زِ ؠتھ پأٹھؠٕ سُرفن پننِہ مَکارِی ساتؠٕ حوّاہس دھونکہٕ دیوت تِتھے پاٹھؠٕ گژھنہٕ تُہندٕؠ خیالات تہٕ تؠمِہ خلُوصہٕ تہٕ پاک دامنیِ نِشہ ڈلنؠٕ ؠِم مسیحس ساتؠٕ گژھن آسن._

⁴تکیازِ یوس یوان چُھ اگر سُہ کانسِہ دوؠِمس عيسٰى سُند اعلان چُھ کران.ؠمسُند نہٕ اَسِہ کور یا کانہ دوؠِم رُوح چُھو توہِہ مؠلان،یُوس نہٕ مُیولمت اُوس یا دوؠِم خوشخبری میلؠو یوسنہٕ اسِہ قبول کرمژٔ أس تیلہ چُھ تہند برداشت نفیس._⁵بُو چھسنہٕ پنُن پان تمو افضل رسولَو نِشٕہ کم کؠنہ سمجھان._

⁶تہٕ اگر زن تقریرس منز بے شعُور چُھس مگر عِلمکہ اعتبار نہٕ کؠنہ بلکہ اَسِہ کور سُہ پرؠتھ کتھِ منز تمام لوکن پؠٹھ تُہندِ خاطرٕہ ظاہر._⁷کیا یِہ چھا مؠون خطا زِ مےٕ واتنأو توہِہ نِش خداۓ سنٔز خوشخبری پنُن پان پست کرِتھ تاکہ توہی بیُو تھزر._

⁸مےٕ لوٹؠٕ باقی کلیسیاء یعنی تمونِشہ نِیم اُجرت تاکہِ تُہنز خدمت کرٕہ._

⁹تہٕ ییلِہ بُو توہِہ نِش اُوسس تہٕ بُو اُوس محتاج گومُت توتِہ ترونہٕ مےٕ توہِہ پؠٹھ بار تکیازِ مکِدُونیہ پؠٹھٕ یِتھ کرٔ بایٔو میانؠٕ ضرورت پورٕہ.تہٕ بُو رودُس پؠتھ کتھِ منز توہِہ بار تراونس لُوب تہٕ رُوزٕہ تِہ._¹⁰مسیح سنٔدِ پزرُک قسم یُوس مےٕ منز چُھ تہٕ یِہ کرنہٕ نِشہٕ روکاؠنہٕ مےٕ اخیاہکِہ علاقہٕ منزٕہ کانہ شخص._

¹¹کؠمہ خاطرٕہ؟کیا امِہ خأطرٕہ زِ بو چُھسنہٕ توہِہ ساتؠٕ محبت تھاوان؟تِہ چُھ خدا زانان._¹²مگر یہ بو کران چُھس تِی روزٕہ کران تاکہ موقع ژھانڑن والؠن دِمنہٕ موقع.بلکہ ؠتھ کتھِ تِم فخر چِھ کران تَتھ منز دراۓ اَسےٕ ہیِؠِ._

¹³تکیازِ یِتھ لوکھ چِھ اپُزٕؠ رسول تہٕ دھونکہٕ بازِی سان کأم کرن والؠٕ تہٕ پنُن پان چھ مسیح سنٔدؠن رسولن ہنٔدِؠ ہمشکل بناوان._¹⁴تہٕ کؠنہ تعجُب چُھنہٕ،شیطان تہِ چُھ پننِس پانس نوأنِی فرشتن ہُند ہمشکل بناوان._

¹⁵ونیٕ اگر تِہندٕؠ خادِم تِہ راست بازِی ہنٔدؠن خادمن ہندٕی ہمشکل بناون تہٕ کانہ بٔڑکتھ چھؠنہٕ مگر تِہُند انجام آسِہ تہنزَن کامِؠن موافِق._¹⁶بُو چھسو بیِہ ونان زِ مےٕ مہٕ سمجھن کانہ بےوقوف ورنہ بےوقوفیٔ زانِتھ کرِن مےٕ قبول زِ بوتہِ کرٕہ کم کؠنژھا مخر._

¹⁷.یہ کینژھا بو ونان چُھس تہِ چُھنہٕ خداوند سنٔدِ طورہٕ کؠنہ بلکہ گویا نادأنِی ساتؠٕ.بیہ چُھس تؠمِہ جرأتہٕ ساتؠٕونان یُوس فخر کرنس منز چُھ آسان._

¹⁸پتہِ بیِہ تہِ واریاہ جسمأنِی طورٕہ فخر چِھ کران بو تِہ کرٕہ._¹⁹تکیازِ توہیٕ عقلمند آسنہٕ کؠنؠٕ چُھو توہیٕ خوشِی سان نادان سُند برداشت کران._

²⁰ییلِہ کانہ توہِہ غلام چُھو بناوان یا لوٹان چُھو.یا کانہ پھساوان چُھو یا پنُن پان چُھ کانہ تھبد زانان یا کانہ تہندِس بتِھس چپاتھ لایان تہٕ توہی چھؠُو برداشت کران._

²¹.مؠون یِہ ونن شرمندگی ہندٕہ طورٕہ صیح زِ اسؠٕ چھ کمزورن ہندٕؠ پأٹھؠٕ مگر ؠتھ کونِہ کتھِ منز کانہ دلیر چُھ"اگر زن یہ ونُن بےوقوفی چھے"تہٕ بُو تِہ چُھس دلیر._²²کیا تِم عبرأنِی؟بوتِہ چُھس کیا تِم چھا اسرایٔلی؟بُو تِہ چُھس.کیا تِم چھا ابراھیم سنٔدٕؠ اولاد؟بوتِہ چُھس._

²³کیا تِم چھا مسیح سنٔدٕی خادِم؟میون یہ ونُن چُھ بیٕقل گِی زِ بُو چُھس زیادۓ پہن،محنتہِ منز زیادٕہ.قأدس منز زیادٕہ،کوڑٕہ کھینس منز حدٕہ کھوتہٕ زیادہ،موتکؠس خطرن منز رُودمت._²⁴مےٕ کھؠیؠٕ یہودؠن نِش پانژِ لٹِہ اکِہ کم زتجی زتجی کوڈٕہ._

²⁵تریِہ لٹہِ لویِہم لورؠو ساتؠٕ اکِہ لٹہِ کورہس سنگسار تریِہ لٹہِ پیوس جہاز فُٹنکِس مصیبتس منز رات دوہ گزورُم سمندر منز._

²⁶بُو رودُس باربار سفرس منز دریاون ہندؠن خطرن منز،ڈاکون ہندؠن خطرن منز.پننِہ قومکٕؠن ہندؠن خطرن منز.غأر قومن ہند طرفہٕ خطرن منز._شہرکؠن ہندؠن خطرن منز.سمندرکؠن خطرن منز.جنگن ہندؠن خطرن منز.اپزِؠن بایٔن ہندؠن خطرن منز._²⁷.محنتس تہٕ مشقّتس منز.باربار ہوشیاری ہنٔدِس حالتس منز.بوچھہ تہٕ ترؠشہِ ہندِس حالتس منز.واریاہ لٹہِ فاقہٕ کَشِی منز،سردی تہٕ ننگے آسنکِس حالتس منز چُھس رودمُت._

²⁸باقی کتھو علاوٕہ یمن ہنٔز نہٕ بوذ کرِ کرٕہ چھے مےٕ تمام کلیسیاہن ہنٔز فکر پرؠتھ دوہ روزان._

²⁹کونِہ کمزوری ساتؠٕ چھنہٕ بُو کمزور کؠنہ سپدان کانسہٕ ہنٔدِ ٹھوکرٕہ کھؠنہِ ساتؠٕ چُھنہٕ میون دل دُکھی گژھان؟_³⁰اگر فخر کرنویٔ چُھ ضروری تہٕ تمن کتھن پؠٹھ کرٕہ بُو فخر ؠمِہ میانِہ کمزوری مطلق چھے._

³¹خداوندِ عيسٰى سُند خداتہٕ بب یمسُند ہمؠشٕہ تام حمد چُھ سپدان چُھ زانان زِ بُو چھسنہٕ اپُز ونان._³²دِمشق شہرس منز اُوس تؠمؠٕ حالمن یُوس اَرتاس پادشاہ سنٕدِہ طرفہٕ اُوس میانِہ رٹنہٕ باپتھ دمشقین ہندِس شہرس پؠٹھ پہرہ تھوومُت._

³³پتہٕ آس بو ٹوکرِ منز دارِ کؠنؠٕ دؠوارٕ پؠٹھؠٕ بُون تراونہٕ تہٕ بُو بچیوس تمسٕندیو اتھو نِشہٕ._

12¹۔ مے چُھ فخر کرُن ضروری اگر زن مفید چُھنٕہ ادٕہ کرتِم رویا تٕہ مُکاشفٕہ بیان یِم خداوندٕ سٕنٛدِ طرفٕہ عنایت سپدؠ._

²۔ بُو چُھس مسیحس منز اکھ شخص زانان ژوداہ ورِی زِ سُہ آو یکایک ترؠمِس آسمانَس تام واتناونٕہ۔ نَہ چُھ مے یِہ پے زِ بدن ہؠتھ ہا نَہ چُھ مے پے زِ بدنٕہ ورٲۓ ہا۔ یِہ چھَ خدایَس پے._³تٕہ بُو چُھس یتِہ زانان زِ "یمؠ شخصںن بدن ہؠتھ یا بغیر بدن یِہ چُھنٕہ مے پے۔ خدایَس چھے پے"._

⁴بوزٕہ یکایک ضِردُوسَس منز وٲتِتھ تِژٕھ کتٕھہ یِمٕہ وننٕچِہ چھؠنٕہ تٕہ یِمن ہُند ونُن انسانس روا چُھنٕہ._

⁵بُو کرٕہ یِتِھس شخصَس پؠٹھ فخر مگر پننِس پانَس پؠٹھ کرنٕہ بُو سوائے پننؠو کمزورؠو ورٲۓ فخر کینٛہہ._⁶تٕہ اگر فخر کرُن یژٕھ تِہ توتِہ بیقٕل یمنٕہ گنزرنٕہ امِہ موکٕھہ زِ بُو ونٕہ پوٚز مگر توتِہ چُھس لوب روزان تاکِہ کانٛہہ ما سمجھہ مے تؠمِہ کھوٚتٕی زیادٕہ یِتھَ کنؠ مے وُچھان چُھ یا مؠنِش بوزان چُھ._

⁷۔ تٕۃ مُکاشفن ہنٛزِ زیادتی ہنٛدِ باعثٕہ خوش گژھنکِہ اندیژٕہ سٲتؠ آو میٲنِس بدنَس منز کونڑ تارنٕہ یعنی شیطان سُند قٲصِد تاکِہ مے لایِہ مُشِہ تٕہ بُو گژھنٕہ خوش._⁸اَتھ بارس منز کوٚر ترؠیِہ لٹِہ خداوندس التماس زِ یِہ گژِھن مے نِش دُور._

⁹مگر تؠمؠ ووٛن مے میون فضل چُھ چانِہ خٲطرٕہ کٲفِی تکیازِ میٲنؠ قدرت چھے کمزوری منز پورٕہ سپدان۔ اتِی کرٕہ بُو بڑٕہ خوشی سان پننِہ کمزوری پؠٹھ فخر۔ تاکِہ مسیح سٕنٛز قدرت روزِن مے پؠٹھ ولِتھ._

¹⁰امِہ موجوب ییلِہ بُو مسیح سٕنٛدِ خٲطرٕہ کمزوری منز، بے عزّتی منز، رُسوٲئی منز، ستاونہٕ یِنَس منز خوش چُھس تکیازِ ییلِہ بُو کمزور چُھس سپدان زوروار سپدان._¹¹بُو بنیوس بیقٕل مگر توہِہ کوروۄس بُو مجبور تکیازِ تکیازِ توہِہ پزہنو میٲنؠ تعریف کرٕنؠ امِہ موجوب زِ بُو چُھسنٕہ تِمو افضل رسولو نِشٕہ کُنِہ کتِھہ منز کم کینٛہہ اگر زَن کِہین چُھس نٕہ._

¹²رسول آسنچِہ علامژٕہ سپزٕہ کمال صبرٕ سٲتؠ نشانو تٕہ عجیب کامؠو تٕہ معجزو ہنٛدِ ذریعہ توہِہ درمیان ظٲہر._

¹³توہؠ کؠمِہ کتِھہ کنؠ چُھو باقی کلیسیاہو کھوتٕہ کم کینٛہہ سوائے امِہ زِ مے ترونٕہ توہِہ پؠٹھ بار۔ میٲنؠ غلطی کرؠو معاف._¹⁴وچھؠو یِہ چُھس ترؠمِہ لٹِہ توہِہ نِش ہنٕہ خٲطرٕہ تیار تٕہ بُو تراونٕہ توہِہ پؠٹھ بار۔ امِہ موجوب زِ بُو چُھسنٕہ تہنٛدِ مالُک خوٲہِشمند بلکِہ چُھس بُو تُہنٛد خوٲہِشمند تکیازِ شُرؠن پزِنٕہ مٲلِس ماجِہ ہنٛدِ خٲطرٕہ جمع کرُن بلکہ پزِ مٲلِس کاجِہ شُرؠن خٲطرٕہ جمع کرُن._

¹⁵تٕہ بُو کرٕہ تہنٛدؠن رُوحن ہنٛدِ باپَتھ خوشی سان واریاہ خرچ بلکہ گژٕھ بُو پانٕہ تِہ خرچ۔ اگر بُو توہِہ سٲتؠ زیادٕہ محبت تھاوٕہ تیلِہ کیا توہؠ تھٲؠ وا مے سٲتؠ کم محبت؟_¹⁶مگر مُمکِن چُھ زِ مے ترونٕہ پانٕہ توہِہ پؠٹھ بار مگر یُوس بُو مکّار بنؠوس امِہ موجوب پھسٲیمو مے توہؠ دھونکٕھہ دِتھ._

¹⁷خٲر یِم مے توہِہ نِش سوزمو کیا تِمو منز چُھوا مے کٲنسِہ ہند ذریعہ توہِہ دھوکھٕہ دِتھ کینٛہہ ہؠتمُت؟_

¹⁸مے سُوز طِطُس سمجھٲیِتھ تَس سٲتؠ تؠمسُند بُوۓ۔ ادٕہ طِطُسن نؠوا چھونکھٕہ دِتھ توہِہ کینٛہہ؟ کیا اسِہ دوٚن ہُنٛد پکُن ٹٕکُن آوسنا اکے روحکِہ ہدایتٕہ مطٲبق؟۔ کیا اسٕؠ ٲسنا اکسٔی نقشٕہ قدمس پؠٹھ پکان؟_¹⁹توہِہ اُوسو ونؠک تام یِی سمجھمُت زی اسٕؠ چِھ توہِہ برونٛہہ عزُر کران۔ اسٕؠ خدایس حٲظر زٲنِتھ مسیحس منز کتٕھہ کران۔ بؠیِہ ہے ٹاٹھؠو! یِہ سورُی کینٛہہ چُھ تُہنزِ ترقی باپَتھ._²⁰تکیازِ بُو چُھس کھوژان ینٕہ تؠوتھ سپدِ زِ بُو لبونٕہ تِتھ یِتھ توہؠ آسٕنؠ یژھان چُھسو تٕہ مے تِہ لبؠونٕہ توہؠ تیوتھ یوتھنٕہ توہؠ یژھان ٲسؠو مے زِ توہِہ منز سپدن لڑایِہ، ضِد، شرارت، فِرقٕہ، عٲبت غٲبت، تہمت، تھیکُن تٕہ فساد._

²¹تٕہ پتٕہ ییلِہ بُو یمٕہ تٕہ مؠون خدا کرِ مے توہِہ برونٛہہ کنِہ خجِل تٕہ مے پؠیِہ واریاہن خٲطرٕہ یشتاوُن یِمو اثر گناہ کرمٕتؠ چِھ تٕہ تؠمِہ ناپاکی تٕہ حرامکٲری تٕہ شہوت پرستی نِشٕہ سرزد سپٕدؠ تٕہ توبٕہ کوٚرُکھنٕہ._

13¹بُو چُھس ترؠمِہ لٹِہ توہِہ نِش یِوان۔ دویو یا تریُو گواہن ہُندؠو زبانو سٲتؠ سپدِ پرتھ اکٕؠ سٕنٛز کتھہ ثٲبت._

²یتھٕہ کنؠ مے ییلِہ دوؠمِہ لٹِہ حٲضر اُوسُس تٕہ گوڈنکِس اُوسُم ونمُت تِتھے کنؠ ونٕہ بُو ونؠ غٲر حٲضری منز تِہ تِمن لوکن یِمو اکثر ٲسٕؠ گناہ کٔرمٕتؠ تٕہ بؠیِہ ونکھ تمام لوکو برونٛہہ زِ اگر دوبارٕہ آس تٕہ درگُزر کرونٕہ بُو._³تکیازِ توہؠ چھو امِچ دلیل ژھانڑان زِ مسیح چُھ مے منز کٹھہ کران تٕہ سُہ چُھنٕہ تہنٛدِ باپَتھ کمزور کینٛہہ بلکہ چُھ توہِہ منز زوروار._

⁴آ سُہ آو کمزوری ہنٛدِ وجہ کِنؠ مصلوب کرنٕہ مگر خدایِہ سٕندِہ قُدرتکِہ وجہ کنؠ چُھ زندٕہ تٕہ اسٕؠ تِہ چِھ تَس منز کمزور مگر تَس سٲتؠ سپدو خدایہ سٕنٛدِ تؠمِہ قُدرتٕہ سٲتؠ زندٕہ یوسٕہ تہنٛدِ باپَتھ چھے._⁵توہؠ آزمٲیو پنُن پان ایمانَس پؠٹھ چُھوا کِنٕہ نٕہ۔ پنُن پان پرکھأؠو۔ کیا توہؠ چُھونا پننِہ باپَتھ یِہ زانان زِ عیسیٰ مسیح چُھ توہِہ منز؟ ورنٕہ توہؠ چُھونا مقبول._

⁶مگر بُو چُھس اُمید کران زِ توہؠ کرؠو معلوم زِ اسٕؠ چِھنٕہ نا مقبول._⁷تٕہ اسٕؠ چِھ خدایَس دعا کران زِ توہؠ مَہ کرؠو کانٛہہ بدی۔ نَہ باپَتھ زِ اسٕؠ سپدو مقبول معلوم بلکہ امِہ باپَتھ زِ توہؠ کرؠو نیکی، چاہے اسٕؠ کیازِ یِمونٕہ نامقبولٔی گنزرنٕہ._

⁸تکیازِ اسٕؠ ہؠکونٕہ حقّس خلاف کہین تِہ کرِتھ._⁹ییلِہ اسؠ کمزور آسو تٕہ توہؠ ٲسؠو زوراور تٕہ اسٕؠ چِھ خوش۔ بؠیِہ چِھ ییہ دعا تِہ کران زِ توہؠ بنیُو کٲمِل._

¹⁰امِہ موجوب چُھس بُو غٲر حٲضری منز یمٕہ کتٕھہ لؠکھان تاکِہ حٲظر ٲسِتھ پؠنٕہ مے تؠمِہ اختیارٕہ موافِق سختی کرنؠ یُوس خداوندن مے توہؠ تیار کرنٕہ باپَتھ دیوٚت نہکِہ لُہرانٕہ باپَتھ._¹¹غرض ہے بائیو! خوش روزؠو، کٲمِل بنؠو، اطمنان تھٲیُو، اکھ دِل ٲسِتھ روزؠو، برادری تھٲیُو تٕہ خدایِہ سُنٛد محبت تہٕ برادری ہُنٛد آگُر آسِہ توہِہ سٲتؠ._

¹²پانٕہ وٲنؠ کرؠو پاک بوسٕہ کرِتھ سلام._¹³۔ سٲری مُقدّس لوکھ چُھو توہِہ سلام ونان._

¹⁴خداوندِ عیسیٰ مسیح سُند فضل تٕہ خدایہ سُند محبت تٕہ روحُ القدسٕہ سٕنٛز شراکت روزِن توہِہ سٲرنٔی سٲتؠ سپدان._

عِبرانِیَن ہٕندِ ناوٕہ پُولُس رسُول سُند خط

1¹۔ پُرٲنِس زمانَس منز چُھ خدایَن سانؠن جدَن اجدادَن سٲتؠ وِزِ وِزِ تٕہ الگ الگ انبیاء ہَن ہٕندِ ذریعہ کلام کرِتھ۔

²۔ یمِہ زمانکِس ٲخرَس پؠٹھ کوٚرُن اسِہ سٲتؠ فرزندٕہ سٕندِ ذریعہ کلام یُوس تؠمؠ تمام چیزَن ہُند وٲرث بنُوۄ یمِہ سٕندِ وسیلٕہ تؠمؠ عالم تِہ پٲدٕہ کوٚر۔

³۔ سُہ چُھ تؠمسٕندِ جلالُک پرتَو تٕہ تؠمسٕندِ ذاتُک نقشٕہ بنِتھ تمام چیزَن پننِہ قُدرتٕہ سٲتؠ سمجھاوان۔ سُہ بیُوٹھ گنہَن چھلِتھ عالمِ بالاہَس پؠٹھ قٲدِر مطلقَس دٕچھنِہ طرفٕہ۔⁴۔ تٕہ سپُد فرِشتو نِشٕہ تیُوتاہ تھوٚد یُوتاہ تؠمؠ میراثَس منز تِہٕندِ کھوٚتٕہ افضل ناوٗ حٲصل کوٚر۔

⁵۔ تکیازِ فرِشتو منزٕ کَر ووٚن تؠمؠ کٲنسِہ زِ "ژٕہ چُھکھ مے فرزند"۔ اَز سپدُکھ ژٕہ میانِہ سٲتؠ پٲدٕہ؟۔ تؠمِہ پتٕہ یِہ زِ "بُو آسٕہ تؠمسُند بَب"؟۔⁶۔ تٕہ ییلِہ یونُک سُۃ دنیاہَس منز انان چُھ تٕہ ونان چُھ زِ خداۓ سٕندؠ تمام فرِشتٕہ کرِن تَس سجدٕہ۔

⁷۔ تٕہ فرِشتَن ہٕندِ باپَتھ چُھ ونان یِہ زِ سُہ چُھ فرِشتَن ہوا تٕہ پننؠن خٲدِمَن دَزوُن نار بناوان۔⁸۔ مگر فرزند سٕندِ باپَتھ چُھ یِہ ونان زِ ہے خدا چون تختٕہ روزِ ابدُالآباد تٕہ چٲنِہ پادشٲہی ہُند عاصٕہ چُھ راستبٲزی ہُند عاصٕہ۔

⁹۔ ژے تھوۄتھ پزرَس سٲتؠ محبت تٕہ بدکٲری سٲتؠ عداوت۔ امے وجہ سٲتؠ خدایَن یعنی چٲنؠ خدایَن کورٔئ ژے خوشی ہٕندِ تِیلٕہ سٲتؠ زیادٕہ مسَح بہ نصبت چانؠن ساتِھیَن ہٕندِ۔¹⁰۔ بؠیِہ یِہ زِ ہے خداوند! ژے ترٲوِتھ ابتِداہَس منز زمینِہ ہٕنز بُنیاد تٕہ آسمان چُھ چانِہ اتٕھچ کارِگری۔

¹¹۔ تِم سپدَن فنٕہ مگر ژٕہ روزَکھ باقی تٕہ تِم سٲری سپدَن پوشاکٕکؠ پٲٹھؠ پُرٲنؠ۔

¹²۔ تٕہ ژٕہ ولہَکھ تِم ژادرِہٕندؠ پٲٹھؠ تٕہ تِم بدلَن پَلوٕکؠ پٲٹھؠ، مگر ژٕہ چُکھ سُوۓ تٕہ چٲنؠ ورِی گژَھن نٕہ ختم۔¹³۔ مگر تؠمؠ کَر ووٚن فرِشتَو منزٕہ کٲنسِہ زِ ژٕہ بؠہہ مے دٕشنِہ طرفٕہ یُوتام نٕہ بُو چٲنؠ دُشمَن چانؠن کھورَن تَل انَکھ؟۔

¹⁴۔ کیا تِم سٲری چِھنا خدمت گُزار رُوح یِم نجاتُک میراث لبَن والؠن ہٕندِ خٲطرٕہ خدمت کرنٕہ باپَتھ سوٚزنٕہ چِھ یِوان؟۔

2¹۔ اوٕہ موکٕھہ یِمٕہ کتٕھہ اسِہ بوزمژٕہ چھے تِمن پؠٹھ پزِ بؠہٕن دِل دِتھ غور کرُن یُوتھںٕہ اسؠ گُمراہ گژِتھ تِمو نِشٕہ دور گژَھو۔²۔ تکیازِ یُوس کلام فرِشتَن ہٕندِ ذریعہ فرماوٗنٕہ آمُت اُُوس۔ ییلِہ سُہ قٲئِم رُود تٕہ پرؠھ قصور تٕہ نافرمٲنی ہُند میُول ٹھیک پٲٹھؠ تؠمیُک بدلٕہ۔

³۔ تٕہ یِیتیاہ بڑِ نجاتٕہ نِشٕہ غٲفل رُوزِتھ کِتٕھہ کٕنؠ ہؠکو اسؠ بچِتھ؟۔ یمؠُک بیان گوڈٕہ خداوندٕہ سٕندِ وسیلٕہ سپُد تٕہ بوزَن والؠن ہٕندِ سٲتؠ اسِہ پایِہ ثبُوتَس وٲژ۔

⁴۔ تٕہ سٲتؠ چُھ دِوان خدا تِہ پننِہ مرضی موٲفِق نشانو عجیب کامؠو تٕہ الگ الگ معجزاتو تٕہ رُوح القُدسچؠو نعمژو ہٕندِ ذریعہ امِچ گوٲہی۔⁵۔ تؠمؠ کورنٕہ یِنٕہ وۄل دنیا یمِچ اسؠ ذکر چِھ کران، فرِشتَن تابع۔

⁶بلکِہ کوٚرُن کُنِہ نتٕہ کُنِہ موقعَس پؠٹھ یِہ بیان زِ انسان کیا چیز چُھ زِ ژٕہ چُھکھ تؠمسُند خیال تھاوان؟ یا آدم زاد کیا چُھ زِ ژٕہ چُھکھ تَس پؠٹھ نظر تھاوان؟⁷۔ ژے کوٚرتَھن سُہ فرِشتَن نِشٕہ کم کینژھا وسِتھ، ژے تھوُۄتھ تَس پؠٹھ جلال تٕہ عزّتُک تاج تٕہ پننؠن اتَھن ہٕنزَن کامؠن پؠٹھ بخُشتَھس اختیار۔

⁸۔ ژے کٔرِتھ تمام چیز تابع تؠمسٕندؠن قدمَن تَل، ادٕہ یَتھ صورتَس منز تؠمؠ تمام چیز تَس تابع کٔرؠ تیلِہ کُس چیز تروۄ تؠمؠ تؠُوتھ یُوس نٕہ تَس تابع کوٚرُن مگر اسؠ چِھنٕہ ونؠُک وچھان سٲری چیز تَس تابع کینٛہہ۔⁹۔ البتہ سُہ چِھن وچھان یُوس فرِشتو کھوٚتٕہ کینٛہہ کم وسِتھ آوٗ بناونٕہ۔ یعنی عیسیٰ ہَس آوٗ موتُک دُکھ برداشت کرنٕکِہ سببٕہ جلالُک تٕہ عزّتُک تاج لاگنٕہ۔ یُوتھ زَن خدایِہ سٕندِ فضلٕہ سٲتؠ سُہ پرؠتھ اکِس انسانٕہ سٕندِ خٲطرٕہ موتُک پیالہ چؠیِہ۔

¹⁰۔ تکیازِ یَس خٲطرٕہ تمام چیز چِھ تَس اُوس یُوٚہے مُنٲسِب زِ ییلِہ واریاہَن فرزندَن جلالَس منز ظٲہر کرِ تٕہ تِمن ہٕندِس نجاتکِس بٲئیِس کرِ دُکَھن ہٕندِ ذریعہ کٲمِل۔¹¹۔ امِہ موجوب چِھ پاک کرن وٲلؠ تٕہ پاک سپدن وٲلؠ اکے نسلٕکؠ زمے ذریعہ چُھنٕہ سُہ بُوۓ وننَس کینٛہہ مندچھان۔

¹²۔ چناچِہ سُۃ چُھ فرماوان ، چُون ناوٗ کرٕ بُو بایَن نِش بیان، کلِسیاء منز گؠوٕہ بُو چانِہ حمدٕکؠ بٲتھ۔¹³۔ پتٕہ یِہ ز "وُچھ بُو تھاوٕہ تَس پؠٹھ بھروسٕہ" تؠمِہ پتٕہ یِہ زِ "وُچھ تِم لڑکٕہ ہؠتھ یِم مے خدایَن دِت"۔

¹⁴۔ ادٕہ یَتھ صُورتس منز لڑکٕہ خونَس تٕہ مازَس منز شریک چِھ تٕہ سُہ سپُد پانٕہ تِہ تِہٕندؠ پٲٹھؠ تِمن منز شریک یُوتھ زَن موتکِہ ذریعہ تَس تباہ کرِ یَس موتَس پؠٹھ طاقت حٲصل اُوس یعنی اِبلِیسَس۔

¹⁵۔ تٕہ یِم عُمرِ موتکِہ ڈرٕہ سٲتؠ غلٲمی منز گرِفتار رُودمٕتؠ ٲسؠ تِمن کرِ آزاد۔¹⁶۔ تکیازِ واقعی چُھنٕہ سُہ فرِشتَن ہُند کینٛہہ بلکِہ چُھ ابراہیم سٕندِ نٕسلُک ساتھ دِوان۔

¹⁷۔ اتی سپُد تَس تمام کتَھن منز پننؠن بایَن ہٕندؠ پٲٹھؠ بنُن لٲزِم۔ یُوتھ زَن اُمّتکؠن گنہَن ہٕندِ کفارٕہ دِنٕہ باپَتھ، تِمن کتَھن منز یِمٕہ خدایَس سٲتؠ تعلق چھے تھاوان، بَنِہ اکھ رحم دِل تٕہ دیانتدار سردارِ کٲہِن۔

¹⁸۔ تکیازِ یَتھ صورتَس منز تؠمؠ پانٕہ آزمٲئشِہ ہٕندِس حالتَس منز دُکھ تُل تیلِہ ہؠکِہ سُہ تِمن تِہ مدد کرِتھ یِمن ہٕنز آزمٲئِش سپدان چھے۔

3¹۔ ادٕہ ہے پاک بایُو!۔ توہؠ یِم آسمٲنی نادَس منز شریک چُھو، تَس رسول تٕہ تٕہ سردارِ کٲہِن عیسیٰ ہَس پؠٹھ کرؠو غور یَس پؠٹھ اسؠ غور کران چِھ۔

²۔ یُوس پننِس مُقرر کرَن وٲلؠ سٕندِس حقَس منز دیانتدار چُھ۔ یِتٕھۃ کٕنؠ موسیٰ تؠمسٕندِس سٲری غور کران چِھ۔

³۔ تکیازِ سُہ آوٗ موسیٰ موسیٰ سٕندِ کھوٚتٕہ زیادٕہ تُیوتاہ عزّتَس لائق زاننٕہ، یُوتاہ گھرٕہ بناوُن وۄل گھرٕہ عزّت دار چُھ آسان۔

⁴۔ حالانکِہ پرؠتھ گھرَس چُھ کانٛہہ نتٕہ کانٛہہ بناوَن وۄل آسان مگر یمؠ تمام چیز بنٲؠ سُہ چُھ۔⁵۔ موسیٰ رُود تؠمسٕندِس گھرَس منز خٲدِم سٕندؠ پٲٹھؠ دیانتدار، یُوتھ زَن آئیندبیان سپدان واجنؠن کتَھن ہٕنز گوٲہی دِیِہ۔

⁶۔ مگر مسیح چُھ فرزند سٕندؠ پٲٹھؠ، تؠمسٕندِ گھرُک مٲلِک تٕہ تؠمسُند گھرٕہ چِھ ٲسؠ۔ شرط چُھ یِہ زِ پننِہ پاپَر جٲیِی تٕہ اُمیدِ ہُند فخر تھاوۄ ؠخرَس تام مضبوطیسان قٲئِم۔⁷۔ ادٕہ یِتھ پٲٹھؠ زَن رُوح القُدس چِھ فرماوان زِ "اگر اَز توہؠ تَسٕنز آواز بُوزؠو"۔

⁸۔ تیلِہ مٕہ کرؠو پننٕؠ دِل سخت کینٛہہ۔ یِتٕھہ کٕنؠ زَن شرارتٕہ وِزِ آزمٲئِشہ ہٕندِ دوٗہ جنگَس منز کٔرمٕتؠ ٲسؠو۔⁹۔ یتِہ بُو تُہندؠو آبا و اَجدادو پرکھوۄُس تٕہ آزموۄس تٕہ ژتجِہَن ورِیَن تام وُچھؠکھ میانِہ کامِہ۔

¹⁰۔ تَوۓ گوس بُو یمِہ نسلٕہ نِشٕہ ناراض تٕہ ونُن تِہٕندؠ دِل چِھ ہمیشٕہ گمراہ سپدان روزان تٕہ تِمو پرزٕہنایِنٕہ میانِہ وتٕہ کینٛہہ۔

¹¹۔ حالانکِہ مے کھؠو پننِس شرارتَس منز قسم زِ "یِم گژَھن نٕہ میٲنِس آرامَس منز دٲخل کینٛہہ"۔¹²۔ ہے بایُو خبردار! توہِہ منز گژِھنٕہ کٲنسِہ یُوتھ خراب تٕہ بے ایمان دِل آسُن یُوس زندٕہ خدایَس نِشٕہ واپَس فیرِ۔

¹³۔ بلکِہ یَتھ دوہَس تام ازؠوک دوہ وننٕہ چُھ یِوان، رُوزؠو پرؠتھ دوہ پانٕہ وٲنؠ نصیحت کران تاکِہ توہِہ منزٕہ گژِھنٕہ کانٛہہ گنہَن ہٕندِس دھونکَھس منز یِتھ دِلہٕ کٕنؠ سخت۔¹⁴۔ تکیازِ اسؠ چِھ مسیحَس منز شریک سپٕدؠ مٕتؠ، بشرطیکِہ پننِس شروعاتکِس اعتِقادَس پؠٹھ روزَو ٲخرَس تام مظبوطی سان قٲئِم۔

¹⁵۔ حالانکِہ وننٕہ چُھ یِوان "اگر اَز توہؠ تؠمسٕنز آواز بُوزؠو" تیلِہ مٕہ کرؠو پننٕؠ دِل سخت، یِتٕھہ کٕنؠ شرارتٕہ وِزِ وِزِ کٔرمٕتؠ ٲسؠو۔¹⁶۔ کٕمَو لُوکو اُوس آلَو بُوزِتھ اِشتعال دیوتمُت؟ کیا تِمو سٲلِمو نا کینٛہہ یِم موسیٰ سٕندِ ذریعہ مِصرٕہ نِشٕہ درامٕتؠ ٲسؠ۔

¹⁷۔ تٕہ سُہ کٕمَو لُوکو سٲتؠ رُود ژتجِہَن ورِیَن تام ناراض؟ کیا تِمو سٲتؠ نا کینٛہہ یِمو گناہ کوٚر تٕہ تِہنزٕہ لاشِہ رُوزٕہ وُجارَس منز پؠتھ؟

¹⁸۔ تٕہ کٔمن مطلق کھؠو تؠمؠ قسم زِ تِم سپدَن نٕہ میٲنِس آرامَس منز دٲخل کینٛہہ۔ سِوائے تِمن یِمو نافرمٲنی کٔر؟۔

¹⁹۔ غرض اسؠ چِھ وُچھان زِ تِم ہؠکنٕہ بے ایمانی ہٕندِ وجہ کِنؠ دٲخل سپدِتھ۔

4¹۔ ییلِہ تؠمسٕندِس آرامَس منز دٲخل سپُدنُک وعدٕہ باقی چُھ تیلِہ پزِ اسِہ کھوژُن یُوتھنٕہ یِہ سپدِ زِ توہِہ منز سپدِ کانٛہہ پَتھ رُودمُت دٲخل۔

²۔ تکیازِ اسؠ تِہ چِھ آمٕتؠ تِہندِی پٲٹھؠ خوشخبری بوزناونٕہ مگر بُوزِمتِہ کلامَن دیوتنٕہ تِمن اوٕہ موکٕھہ فٲئیدٕہ زِ بوزَن والؠن ہٕندؠن دِلن منز اُوسنٕہ ایمان شٲمل۔³۔ تٕہ اسؠ یِمو ایمان اُوٚن چِھ تَتھ آرامَس منز دٲخل سپدان یِتٕھہ پٲٹھؠ تؠمؠ ووٚن زِ مے کھؠو قسم زِ یِم سپدن نٕہ میٲنِس آرامَس منز دٟخل کینٛہہ ییلِہ زَن دنیاہ بننٕہ وِزِ تؠمسٕنزٕہ کامِہ آسٕہ سپٕزمژٕہ۔

⁴۔ چنانچِہ سٔتمِس دوہَس مطلق چُھ تؠمؠ کَتھ تام موقعس پؠٹھ یِتٕھہ پٲٹھؠ ونمُت زِ خدایَن کوٚر پننِہ تمام کامِہ پُورٕہ کرِتھ سٔتمِہ دوہ آرام۔

⁵۔ تٕہ پتٕہ چُھ اَتھ جایِہ پؠٹھ زِ "تِم سپدَن نٕہ میٲنِس آرامَس منز زانٛہہ تِہ دٲخل۔⁶۔ ادٕہ ییلِہ یِہ کَتھ باقی چھے زِ کینٛہہ سپدَن آرامَس منز دٲخل تٕہ یِمن گوڈٕہ چھے آمٕژ خوشخبری بوزناونٕہ تِم سپٕدؠ نٕہ نافرمٲنی ہٕندِ سببٕہ دٲخل۔

⁷۔ تؠمؠ پتٕہ آو اکھ خاص دوہ گٕنزرِتھ یِیتِہ کٲلؠ پتٕہ داوٗد سٕنزِ کتابِ منز تَتھ ازیُک دوہ وننٕہ۔ یِتھ کٕنؠ گوڈٕہ آو وننٕہ زِ اگر اَز توہؠ تؠمِہ سٕنز آواز بُوزؠو، تیلِہ مَہ کرؠو پننٕؠ دِل سخت کینٛہہ۔⁸۔ یشُوعن تِم آرامَس منز دٲخل کٔرمٕتؠ آسہَن تٕہ تؠمِہ پتٕہ کرِہے نٕہ سُہ دویمِہ دُوہٕچ ذِکر کینٛہہ۔

⁹۔ اتی چُھ خدایِہ سٕندِ اُمتٕہ خٲطرٕہ سبتُک آرام باقی۔

¹⁰۔ تکیازِ یُوس تؠمسٕندِس آرامَس منز دٲخل سپُد تؠمؠ تِہ کوٚر خداۓ سٕندؠ پٲٹھؠ پننِہ کامِہ پُورٕہ کرِتھ آرام۔

¹¹۔ ادٕہ ولؠو اسؠ کرَو کُوشِش تَتھ آرامَس منز دٲخل سپدنٕچ۔ یُوتھ زَن نٕہ تُہندؠ پٲٹھؠ کانٛہہ شخص نافرمٲنِی کرِتھ ؤسؠ پؠیِہ۔¹²تکیازِ خدایِہ سُند کلام چُھ زندٕہ تٕہ تاثیر وۄل تٕہ پرؠتھ کُنِہ زٕہ دھارٕہ واجنِہ تلوارِ کھوٚتٕہ زیادٕہ تیز تٕہ زُو تٕہ رُوح تٕہ بند وُستخان تٕہ وَس چھے جُدا کرِتھ گُزرِتھ گژھان تٕہ دِلکؠن خیالَن تٕہ اِرادَن چھے پرکھاوان۔

¹³۔ تٕہ تَس نِش چُھنٕہ مخلوقاتُک کانٛہہ چیز چُھپِتھ، بلکِہ یَس سٲتؠ اسِہ کٲم چھے تؠمسٕنزَن نظرَن منز چِھ سٲری چیز کُھلٕہ تٕہ بے پردٕہ۔¹⁴۔ ادٕہ ییلِہ سُون اکھ یُوتھ بُوٚڑ سردارِ کٲہِن چُھ یُوس آسمانٕہ پؠٹٕھہ چُھ وۄتھمُت یعنی خدایِہ سُند نؠچُو عیسیٰ تٕہ ولؠو اسؠ روزوپننِس اقرارَس پؠٹھ قٲئِم۔

¹⁵۔ تکیازِ سُون سردارِ کٲہِن چُھنٕہ تیُوتھ یُوس نٕہ سانؠن کمزورؠن منز سُون ہمدرد ہؠکنٕہ ٲسِتھ بلکِہ آوٗ سُہ سارنیٔ کتَھن منز سارنٔی پٲٹھؠ ازماونٕہ توتِہ رُود بے گناہ۔

¹⁶۔ ادٕہ ولؠو اسؠ گژھو دلیری سان فضلکِس تختَس نِش تاکِہ اسِہ پؠٹھ سپدِ رحم تٕہ سُہ فضل کرَو حٲصل یُوس ضرورتٕہ وِزِ اسِہ مدد کرِ۔

5¹۔ ونؠ چُھ انسانو منزٕہ ژارنٕہ آمُت امامِ اعظم امِہ خٲطرٕہ مُقرر یِوان کرنٕہ زِ سُہ کرِ یِہندِ باپَتھ خداۓ سٕنز خدمت۔ یُوتھ زَن سُہ گنہَن ہٕندِ خٲطرٕہ نِیازٕہ تٕہ قُربنِیِہ پیش کرِ۔

²۔ سُۃ ہؠکِنٕہ جٲہِلَن تٕہ آوارٕہ لوکَن سٲتؠ نرم سلُوک تھٲیِتھتکیازِ سُہ چُھ پانٕہ کینژَھن کمزورؠن منز گرِفتار آسان سپُدمُت۔

³۔ یُوہے وجہ چُھ زِ تَس چِھنٕہ نَہ صرف قومکؠن گنہَن ہٕندِ باپَتھ بلکِہ چھؠس پیوان پننؠن گنہَن ہٕندِ باپَتھ تِہ قُربٲنِیٕہ پؠش کرنِہ۔⁴۔ تٕہ کانٛہہ ہؠکنٕہ پننِہ مرضی سٲتؠ امامِ اعظم سُند عزّتٕہ وۄل عُہدٕہ سنبہٲلِتھ بلکِہ چُھ ضروری یِہ زِ خدا کرِ تَس ہارُون سٕندؠ پٲٹھؠ ناد دِتھ مُقرر۔

⁵۔ یتٕھہ کٕنؠ نٕہ مسیحَن پننِہ مرضی سٲتؠ امامِ اعظم سُند عزّتٕہ وۄل عہدٕہ اَپنوۄ۔ امِہ بجائے ووٚن تَس خدایَن ژٕہ چُھکھ میُون اَز گوکھ ژٕہ میانِہ سٲتؠ پٲدٕہ۔⁶۔ کالانکِہ سُہ چُھ بؠکِس جایِہ تِہ فرماوان زِ ژٕہ چُھکھ ملکِ صِدقٕہ سٕندِ طورٕہ ہمیشٕہ تام کٲہِن۔⁷۔ عیسیٰ ییلِہ دنیاہَس منز اُوس تٕہ تؠمؠ کٔرؠ ناد دِتھ تٕہ اُوٚش ہٲرِتھ تَس دُعا تٕہ اِلتجاء پیش یُوس تَس موتٕہ نِشٕہ نچٲیِتھ ہؠکان اُوس تٕہ خداۓ سٕندِ عارکِہ سببٕہ آو تسُند بپوزنٕہ۔

⁸۔ اگر سُہ خداۓ سُند فرزند اُوس توتِہ ہؠچھؠ تؠمؠ دُکھ تُلنٕہ سٲتؠ فرمانبردٲری۔⁹۔ ییلِہ سُہ تکمیلُس وُۄت تٕہ سُہ بنؠو تِمن سارنٔی ہٕندِ ابدی نجاتُک بٲعِث یِم تسُند بوزان چِھ۔

¹⁰۔ تٕہ تَس میُول خداۓ سٕندِ طرفٕہ مَلکِ صِدق سٕندِہ طورٕہ امامِ اعظم سُند خِطاب۔

¹¹۔ اَتھ مطلق چھے اسِہ واریاہ کتٕھہ وننِہ یِمن ہُند سمجُھن مُشکِل چُھ تکیازِ توہؠ چُھو بوزنَس منز سُست۔¹²۔ اصلی چُھ یُوتاہ وقت گُزرؠومُت زِ ونؠ پزؠو توہِہ پانٕہ وَستاد آسُن۔ افسُوس زِ توہؠ چُھو نٕہ بلکِہ چھؠو توہِہ امِچ ضرارت زِ کانٛہہ ہؠچھنایُو توہِہ نِش یِتھ دوبارٕہ خداۓ سٕندِ کلامٕچ بُنیادی حقیقت۔ وُنِہ ہیکؠونٕہ توہؠ سخت غزا کِھؠتھ بلکِہ چھؠو توہِہ دُھوٚدٕچ ضرورَت۔

¹³۔ تکیازِ یُوس دُھوٚد چُھ ہؠکان چھؠتھ سُہ چُھ وُنِہ شُرُئ آسان تٕہ سُہ چُھ پزرٕچِہ تعلیمِہ نِشٕہ ناسمجھ۔

¹⁴۔ اَتھ مُقابَل چُھ سخت غزا بالغَن ہٕندِ خٲطرٕہ یِمو پننِہ بلوغتکِہ ذریعہ پننِہ روحٲنی زندگی یِیژاہ تربیت چھے دِژمٕژ زِ تِم ہؠکَن اَصلَس تٕہ خدا ببَس منز فرق زٲنِتھ۔

6¹۔ امِۃ خٲطرٕہ یِیُو تٕہ اسؠ پکَو مسیحَس مطلق ابتدٲئی تعلیم ترٲوِتھ بلوغتَس کُن برونٛہہ تکیازِ تِژٕھ کتٕھہ دُہراونٕچِہ چھؠنٕہ ضرورت یِمو سٲتؠ بُنیٲدی ایمان تھاونٕہ چُھ یِوان، مثلاً موتَس تام واتناوَن واجنِہ کامِہ نِش توبٕہ۔

²۔ بپتسمٕہ تٕہ کٲنسِہ پؠٹھ اتٕھہ تھاونٕچ تعلیم ۔ موردَن ہٕندِ زندٕہ وتَھنٕچ تٕہ ہمیشٕہ سزا تُلنٕچ تعلیم۔

³۔ تکیازِ اگر خداۓ سٕنز مرضی سپٕز تیلِہ پکو اسؠ یِہ ترٲوِتھ برونٛہہ۔⁴۔ نا مُمکِن چُھ زِ تِم یِن بہال کرِتھ دوبارٕہ توبَس تام واتناونٕہ یِمو پنُن ایمان آسِہ ترومُت۔ تِم ٲسؠ اکِہ لٹِہ خداۓ سٕندِس نُورَس منز اننٕہ آمٕتؠ، تِمو اُوس آسمٲنی نعمژِ ہُند مزٕہ وُچھمُت، تِم سپٕدؠ رُوح القُدسَس منز شریک۔

⁵۔ تِمو اُوس خداۓ سٕندِ کلامٕچ نیکی تٕہ یِنٕہ والِہ زمانکؠن طاقتَن ہُند تجربہ کوٚرمُت۔

⁶۔ تؠمؠ پتٕہ تروۄ تِمو پنُن ایمان! یِتھؠ لُوکھ چِھ توبَس تام دوبارٕہ واتناونؠ نامُمکِن تکیازِ یِہ کرنٕہ سٲتؠ چِھ تِم خداۓ سٕندِس نؠچوِس دوبارٕہ مصلُوب کرِتھ تَس لعن طعنُک نِشانٕہ بناوان۔⁷۔ خدا چُھ تَتھ زمینَس برکت دِوان یُوسٕہ پانَس پؠٹھ بار بار پؠنٕہ واجنِہ بٲزشِہ جزِب کرِتھ تؠوتھ فصل چھے پٲدٕہ کران یُوس زمیندارَن ہٕںدِ باپَتھ فٲئیدٕہ مند آسِہ۔

⁸۔ وَاگر سُہ صرف کٔنڑؠ کُلؠ تٕہ مِژٕرؠ کٔنڑؠ وپرایِہ تیلِہ چھے سُہ بیکار تٕہ اَتھ خطرَس منز چھے زِ تَس پؠٹھ یِیِہ لعنت سوزنٕہ۔ ٲخر یِیِہ پؠمِہ پؠٹُھک سُورُئ کینٛہہ زالنٕہ۔⁹۔ مگر ہے ٹاٹھؠو! اگر زَن اسؠ یِژٕھ کتٕھہ چِھ کران توتِہ چُھ سون بھروسٕہ یِہ زِ توہِہ چھؠو تِمٕہ بہترین برکتٕہ حٲصل یِمٕہ نجاتٕہ سٲتؠ میلان چھے۔

¹⁰۔ تکیازِ خدا چُھنٕہ بے انصاف کینٛہہ۔ سُہ مُشرایِنٕہ تُہٕنز کٲم تٕہ محبت کینٛہہ یُوس توہِہ تَس ہُند ناو ہؠتھ ظٲہر کورو ییلِہ توہِہ پاک لُوکن ہٕنز خدمت کٔرُو بلکِہ اَزتام چُھو کران۔¹¹۔ مگر سٲنؠ بٔڑ خوٲہِش چھے یِہ زِ توہِہ منز رُوزِن پرؠتھ کانٛہہ امے سرگرمی ہُند اظہار ٲخرَس کران تاکِہ یِمن کتَھن ہٕنز توہؠ اُمید چُھو تھاوان تِم سپدَن پٔزؠ پٲٹھؠ مُکمل۔

¹²۔ اسؠ چِھنٕہ یژھان زِ توہؠ سپدؠو کمزُور بلکِہ یِہ زِ توہؠ پکؠو تِہٕندِس نمُونَس پؠٹھ یِم ایمانٕہ تٕہ صبرٕہ سٲتؠ تِہ کینژھا میراث چِھ حٲصل کران یمؠُک وعدٕہ خدایَن کوٚرمُت چُھ۔¹³۔ ییلِہ خدایَن ابراہیمَس سٲتؠ قسم کھؠتھ کوٚر تٕہ تؠمؠ کو۷ر یِہ وعدٕہ پننُوئ قسم کھؠتھ تکیازِ بؠیِہ کانٚہہ اُوسنٕہ یمسُند سُہ قسم ہؠکِہ ہے کھؠتھ۔

¹⁴۔ تؠمِہ ساتٕہ ووٚن تؠمؠ "بُو دِمے ژے ضرور برکت تٕہ واریاہ اولاد کرَے عطا"۔

¹⁵۔ اتھ پؠٹھ کوٚر ابراہیمَن صبرُک انتظار کرِتھ تِہ حٲصل یمؠُک وعدٕہ کرنٕہ اُوس آمُت۔¹⁶۔ قسم کھؠنٕہ وِزِ چِھ لُوکھ تؠمسُند قسم کھؠوان تِمو کھوٚتٕہ بُوڑ چُھ آسان، یِتھے کٕنؠ چھے قسمَس منز بیان کرنٕہ آمٕژِ کتِھہ ہُند تصدیق پرؠتھ گناہچِہ ہُند بحث ختم کران۔

¹⁷۔ خدایہ تِہ کوٚر قسم کھؠتھ پننِہ کتِھہ ہُند تصدیق تکیازِ سُہ اُوس پننؠن وعدن ہٕندؠن وٲرثَن پؠٹھ صاف ظٲہر کرُن یژھان زِ تؠمسُند ارادٕہ ہیکنٕہ زانٛہہ بدلِتھ۔

¹⁸۔ غرض یِمٕہ دوشوے کتٕھہ چھے قٲئِم رُوزمژٕہ۔ خداۓ سُند وعدٕہ تٕہ تؠمسُند قسم، سُہ ہؠکنٕہ یِمن بدلٲیِتھ تٕہ نٕہ ہؠکِہ یِمن مطلق اپُز ونِتھ۔ یتٕھہ کٕنؠ ہؠکو اسؠ یِمو تَس نِش پناہ چُھ نؠومُت بُوٚڑ تسلّ ی لبِتھ تَتھ اُمیدِ مضبوطی سان تَپھ کرِتھ یُوٚسٕہ اسِہ چھے پیش آمٕژ کرنٕہ۔¹⁹۔ تکیازِ یِہ اُمید چھے سانِہ زُوٕہ خٲطرٕہ مضبوط لنگر تٕہ یِہ چھے آسمٲنی بیتُ المُقدّسکِہ پاک ترین کمرٕکِہ پردٕہ منزٕہ نیرِتھ اَتھ منز دٲخل سپدان۔

²⁰۔ سُوئ عیسیٰ چُھ اسِہ برونٛہہ برونٛہہ گژِھتھ سانِہ خٲطرٕہ دٲخل سپُدمُت، یِتٕھ کٕنؠ چُھ سُہ مالکُ الصِدقٕہ سٕندؠ پٲٹھؠ ہمیشٕہ خٲطرٕہ امامُ الٰظم بنؠومُت۔

7¹۔ تٕہ یِہ اُوس مَالکِ صِدِق سٲلِم سُند پادشاہ تٕہ خدا تعلیٰ سُند امام۔ ییلِہ ابراہیم اُوس ژورَن پادشہن شِکس دِنٕہ پتٕہ واپس یِوان تٕہ کَلکِ صِدِق سمُکھ تَس تٕہ دِژنَس برکت۔

²۔ اَتھ پؠٹھ دیوٚت ابراہیمَس تَس تمام لوٹکِہ مالٕہ منزٕہ دَہِم حصّہ۔ ونؠ چُھ مَلکِ صِدِق سُند مطلب راستبٲزی ہُند پادشاہ۔ دوؠمِس سٲلِم سٕندِس پادشاہ سُند مطلب چُھ سلامتی ہُند پادشاہ۔

³۔ نَہ چُھ تَس مول نَہ موج نَہ کانٛہہ نسب نامٕہ۔ تَسٕندِ زندگی ہُند نٕہ چُھ ابتداء تٕہ نٕہ انتہا۔ خدایِہ سٕندِس نیچی سٕندؠ پٲٹھؠ چُھ سُہ ہمیشہ امام روزان۔⁴۔ غور کرؠو زِ سُہ کوتاہ عظیم اُوس۔ سٲنؠ جدَن ابراہیمَن دیُوت تَس لوٹٕہ مالٕہ منزٕہ دَہِم حصّہ۔

⁵۔ ونؠ چھے شریعت مانگ کران زِ لٲوِی سٕندؠ تِم اولاد یِم امام چِھ بنان قوم یعنی پننؠو بایُو نِشٕہ نِن پٲداوارُک دَہِم حِصّہ۔ حالانکِہ تِہٕندؠ بٲؠ چِھ ابراہیم سٕندؠ اولاد۔

⁶۔ مگر مَلکِ صِدِق اُوسنٕہ لٲوِی سٕندؠو اولادو منزٕہ کینٛہہ، توتِہ نؠو تؠمؠ ابراہیمَس نِشٕہ دَہِم حصّہ تٕہ دِژنَس برکت یَس سٲتؠ خدایَن وعدٕہ اُوس کوٚرمُت۔⁷۔ اَتھ منز چُھنٕہ کانٛہہ شک زِ کِم پایِہ کِس شخصَس چھے تَس نِش برکت میلان یُوس تھدِپایُک آسِہ۔

⁸۔ یوتام زَن لٲوِی امامَن ہُند تعلق چُھ ختم سپدن وٲلؠ انسان چِھ دَہِم حصّہ نِوان مگر مَلکِ صِدق مُعٲلمَس میُول یِہ حصّہ تَس یَس ہٕندِس بارَس منز گوٲہی چِھ دِنٕہ آمٕژ زِ سُہ چُھ زندٕہ روزان۔

⁹۔ یِہ تِہ آو وننٕہ زِ ییلِہ ابراہیمَن مالُک دَہِم حصّہ چُھ دیُوتمُت تٕہ لٲوِیَن تِہ دیُوت امکِہ ذریعہ یِہ حصّہ، حالانکِہ سُہ چُھ پانٕہ یِہ دَہِم حصّہ نِوان۔

¹⁰۔ تکیازِ اگر زَن لٲوِی تؠمِہ ساتٕہ اُوسنٕہ پٲدٕہ سپُدمُت توتِہ اُوس سُہ اکِہ طریقٕہ ابراہیمٕہ سٕندِس جِسمَس منز موجود ییلِہ مَلکِ صِدق تَس سمُکھ۔¹¹۔ اگر لٲوِی سٕنز کہانَت (یَتھ پؠٹھ شریعت منحصِر ٲس) کٲملیت پٲدٕہ ہؠکِہ ہے کرِتھ تیلِہ کیا ضرورت آسہے پتٕہ بیکِہ قٕسمکِس امام سٕنز۔ تؠمسٕنز یُوسنٕہ ہارُونَس ہِیُو آسِہ بلکِہ مَلکِ صِدقَس ہِیُو؟۔

¹²۔ تکیازِ ییلِہ تِہ کہانَت چھے بدلان تیلِہ چُھ لٲزِم زِ شریعتَس منز تِہ یِیِہ تبدیلی۔¹³۔ تٕہ سون خداوند یَس ہٕندِس بارَس منز یِہ وننٕہ چُھ اُمُت زِ سُہ اُوس اکِہ الگ قبیلُک نفر۔ تؠمسٕندِ قبیلٕکؠ کٲنسِہ تِہ نفرن کٔرنٕہ امامٕہ سٕنز خدمت ادا۔

¹⁴۔ تکیازِ یِہ صاف پتٕہ زِ خداوند مسیح اُوس یہوداہ سٕنزِ قبیلُک نفر تٕہ موسیٰ ہَن کوٚر نٕہ یِہ قبیلٕہ امامَن ہٕندِس خدمتَس منز شٲمل کینٛہہ۔¹⁵۔ معاملٕہ چُھ زیادٕہ صاف سپدان زِ الگ امام چُھ ظٲہر سپُدمُت یُوس مَلکِ صِدقَس ہِیُو چُھ۔

¹⁶۔ سُہ بنؠونٕہ لٲوِی سٕندِ قبیلُک نفر آسنٕہ کِنؠ امام۔ یِتٕھہ کٕنؠ زَن شریعت یژھان ٲس۔ بلکِہ بنؠو سُہ تؠمِہ زندگی ہٕندِ طاقتٕہ سٲتؠ امام یُوسنٕہ زانٛہہ ختم سپدِ۔

¹⁷۔ تکیازِ کلامِ مُقدّس چُھ فرماوان زِ ژٕہ چُھکھ مَلکِ صِدق سٕندِ بطورٕہ تا ابَد کٲہِن۔¹⁸۔ یِتٕھہ کٕنؠ چُھ یِوان پرون حکم رَد کنٕہ تکیازِ سُہ اُوس کمزور تٕہ بیکار۔

¹⁹۔ موسیٰ سٕنز شریعت ہؠکنٕہ کُنِہ چیزَس کٲمِل بنٲیِتھ تٕہ ونؠ چھے اکھ بہتر اُمید محیا آمٕژ کرنٕہ یمِہ سٲتؠ اسؠ خدایَس نزدیک چِھ یِوان۔²⁰۔ تٕہ یِہ نُو چریقٕہ سپُد خدایہ سٕندِ قسمہ سٲتؠ قٲئِم۔ ییلِہ باقی امام بنے یُوتھ کانٛہہ قسم چُھنٕہ آمُت کھؠنٕہ۔

²¹۔ مگر عیسیٰ بنؠو اکِہ قسمکِہ ذریعہ امام ییلِہ خدایَن فرموۄ۔²²۔ امِہ قسمٕہ سٲتؠ چُھ عیسیٰ اکِہ بہتر عہدٕچ ضمانَت دِوان۔

²³۔ بیکھ اکھ بدلاوٗ۔ بُرٲنِس نِظامَس منز ٲسؠ واریاہ امام تکیازِ موتَن کٔر پرؠتھ اکٕؠ سٕنز خدمت محدُود۔

²⁴۔ مگر ییلِہ زَن عیسیٰ ہمیشٕہ تام زندٕہ چُھ امِہ موکٕھہ سپدینٕہ تؠمسٕنز کہانَت زانٛہہ تِہ ختم۔²⁵۔ یِتٕھہ کٕنؠ ہؠکِہ سُہ تِمن ابدی نجات دِتھ یِم تسٕندِ وسیلٕہ خدایَس نزدیک چِھ یِوان، تکیازِ سُہ چُھ ہمیشٕہ تام زندٕہ تٕہ تِہُند شفاعت چُھ کران روزان۔

²⁶۔ اسِہ ٲس یِتھسٔی امامِ اعظم سٕنز ضرورت۔ آ۔ یُوتھ امام یُوس پاک، بے قصور، بے داغ۔ گنہگارو نِشٕہ الگ تٕہ آسمانو کھوٚتٕہ بُلند چُھ سپُدمُت۔²⁷۔ تَس چھؠنٕہ باقیَن امامَن ہٕندؠ پٲٹھؠ اؠمِچ ضرورَت کینٛہہ زِ پرؠتھ دوہ کرِ قربٲنِیِہ پیش، گوڈٕہ پننِہ باپَتھ پتٕہ قومٕہ باپَتھ بلکِہ پنُن پان پیش کرِتھ مِٹٲؠ تؠمؠ پننِہ قربٲنی سٲتؠ تِہٕندؠ گناہ اکے لٹِہ ہمیشٕہ خٲطرٕہ۔

²⁸۔ تکیازِ شریعت چھے کمزور انسانَن سردارِ کٲہِن مقرر کران مگر تؠمِہ قسمُک کلام یُوس شریتٕہ پتٕہ کھؠنٕہ آوٗ، چُھ تَسٕندِس نؠچوِس مقرر کران یُوس ہمیشہ خٲطرہ چُھ کٲمِل آمُت کرنٕہ۔

8¹۔ یِہ کینژھا اسؠ ونان چِھ تؠمِچ خاص کَتھ چھے یِہ زِ سُون اکھ امام اعظم چُھ تؠوتھ یُوس آسمانَس پؠٹھ جلالٕہ وٲلِس خدایِہ سٕندِس تختَس دٔچھنِہ کنِہ بِہِتھ چُھ۔

²۔ تتِہ چُھ سُہ مُقدّسَس منز خدمت کران، تَتھ حقیقی مُلاقاتتکِس خیمَس منز یُوس انسٲنی اتھو چُھنٕہ کھڑا کوٚرمُت بلکِہ خدایَن۔³۔ پرؠتھ امامِ اعظم چُھ یِوان نیازٕہ تٕہ قُربانِیِہ پیش کرنٕہ باپَتھ مقرر کرنٕہ۔ اوٕہ موکٕھہ چُھ لٲزم زِ سٲنِس امامِ اعظمَس نِش تِہ آسِہ کینٛہہ یِہ سُہ پیش ہیکِہ کٔرِتھ۔

⁴۔ اگر سُہ زمینَس پؠٹھ آسہے تیلِہ آسہؠنٕہ ہرگِز کٲہِن تکیازِ یتِہ چُھ امام یؠم شریعتکِہ لحاظٕہ چِھ پیش کران۔

⁵۔ یَتھ مُقدّسَس منز سُہ خدمت چُھ کران سُہ چُھ تؠمِہ مُقدّسُک نمُونٕہ تٕہ ژھاۓ یُوس آسمانَس پؠٹھ چُھ، زِ خدایَن کوٚر موسیٰ مُلاقاتکِہ خٕیمٕہ بناونٕہ برونٛہہ آگاہ تٕہ ونُن "غور کرِزِ سُورئ کینٛہہ یِیِہ بلکُل تؠمِہ نمُونٕہ مطٲبِق بناونٕہ یُوس بُویتِہ پہاڑَس پؠٹھ ہارون چُھس"۔⁶۔ مگر یُوسٕہ خدمت عیسیٰ ہَس میجمٕژ ٲس سُوٚ چھے دُنیاہکؠن امامَن ہٕنز خدمتِہ کھوٚتٕہ واریاہ کینٛہہ اصل۔ تیُوتاہ اصل یُوتاہ سُہ عہد یمؠُک مَنزِم عیسیٰ چُھ، سُہ چُھ پُرانِہ عہدٕہ نِشٕہ بہتر، تکیازِ یِہ عہد چُھ بہتَر وعدَن ہٕنزِ بنیٲز پؠٹھ گنڑنٕہ آمُت۔

⁷۔ اگر گوڈٕہ نؠوک عہد بے الزام آسہے تیلِہ آسہؠنٕہ نَیِہ عہدٕچ ضرورَت کینٛہہ۔⁸۔ مگر خدایَس پؠو پننِس قومَس پؠٹھ الزام لگاوُن، تؠم ووٚن "خداوند چُھ فرماوان زِ وُچھ! تم دوہ چِھ یِوان زِ بُو گنڈٕہ اسرائیلٕہ سٕندِس گھرَس تٕہ یہوداہ سٕندِس گھرَس سٲتؠ اکھ نو عہد۔

⁹۔ یِہ آسنٕہ تؠمِہ عہدٕکؠ پٲٹھؠ کینٛہہ یُوس مے تؠمِہ دوہ تِہندؠن آبا و اَجدادَن سٲتؠ گونڑمت اُوس۔ ییلِہ مُلکِ مصرٕہ نِشٕہ کڑنٕہ خٲطرٕہ تِہٕندِس اتَھس مے تَھپھ کٔرمٕژ ٲس۔ اوٕہ موکٕھہ زِ تِم رُودؠ نٕہ میٲنِس عہدَس پؠٹھ قٲئِم تٕہ خداوند چُھ فرماوان زِ مے کوٚرنٕہ تِمن کُن کانٛہہ توجٕہ۔¹⁰۔ خداوند چُھ فرماوان زِ یُوس عہد اسرئیل سٕندِس گھرَس سٲتؠ تِمو دوٚہو پتٕہ بُو گنڑٕہ سُہ چُھ یِہ زِ بُو تراوٕہ پننٕؠ قانُون تِہٕندؠن ذہنَن منز تٕہ بُو آسٕہ تِہُند خدا۔ سُہ آسِہ میٲنؠ اُمّت۔¹¹۔ تٕہ پرؠتھ شخص دِینٕہ پننؠن ہم وطنَن تٕہ پننؠن بایَن یِہ تعلیم زِ ژٕہ پرزٕہ ناوُن خداوند تکیازِ لوکٹِہ پؠٹٕھہ بٔڑِس تام زانَن مے سٲری۔

¹²۔ تکیازِ بُو کرٕ تِہُند قصور معاف۔¹³۔ یِمن الفاظن منز چُھ خدا اکِہ نَیِہ عہدٕچ ذِکر کران تٕہ یِتھ کٕنؠ چُھ پُرون عہد ردّ کران تٕہ یُوس ردّ کرنٕہ آمُت تٕہ پُرون چُھ تؠمؠک انجام چُھ نزدیک۔

9¹۔ ییلِہ گوڈنؠوک عہد گنڑنٕہ آوٗ تٕہ عبادت خٲطرٕہ آوٗ ہدایت دِنٕہ زِ زمینِہ پؠٹھ آوٗ اکھ مُقدّس تِہ بناونٕہ۔

²۔ اکھ خیمٕہ یَتھ گوڈنکِس کمرَس منز شمعدان، میز تٕہ تَتھ پؠٹھ مخصوص کرنٕہ آمژٕہ ژوچِہ۔ تؠمؠُک ناوٗ اُوس مُقدّس کمرٕہ۔³۔ تَتھ پٕتؠ کِنؠ اُوس بیاکھ کمرٕہ یمؠُک ناوٗ پاکترین کمرٕہ اُوس گوڈنکِس تٕہ دوؠمِس کمرَس درمیان اُوس باقی دروازَن پؠٹھ پردٕہ لگٲیِتھ۔

⁴۔ تَتھ پتمِس کمرَس منز اُوس وٕدٕہ زالنٕہ خٲطرٕہ سونٕہ سُند قربان گاہ تٕہ عہدُک صندوق تٕہ عہدکِس صندوقَس پؠٹھ اُوس سپون جٔرِت تٕہ تَتھ منز ٲسؠ ترے چیز "سونٕہ سُند مرتبان یَتھ بامُن اُوس موٹمُت تٕہ کٕنیُو تِمٕہ زٕہ مشقٕہ یِمن پؠٹھ احکام ٲسؠ لؠکِھتھ"۔

⁵۔ صندوقَس پؠٹھ ٲسؠ الٰہی جلالٕکؠ زٕہ کرُوبی فرِشتٕہ لگِتھ یِم صندُقکِس ڈھکنَس ٲسؠ سایِہ کرِتھ۔ یمؠُک ناوٗ کفارُک ڈھکنٕہ اُوس مگر یَتھ جایِہ چھنٕہ اسؠ سورُی کینٛہہ مزید تفصیلٕہ سان سان بیان کرُن کینٛہہ یژھان۔⁶۔ یِم چیز چِھ امے تربیت سان تھاونٕہ۔ ییلِہ امام پننِہ خدمتِہ ہٕندؠ فرٲئِض چُھ ادا کران تٕہ سُہ چُھ گوڈٳہ باقاعدٕہگی سان کمرَس منز گژھان۔

⁷۔ مگر صرف چُھ امامِ اعظمٔی یُوت دوؠمِس کمرَس منز دٲخٕل سپدان سُتِہ ورِیَس منز اکِہ لٹِہ۔ ییلِہ سُہ گژھان چُھ سُہ چُھ پانَس سٲتؠ خون ہؠتھ گژھان یُوس سُہ پننِہ تٕہ قومٕہ خٲطرٕہ پیش چُھ کران تاکِہ تِم گناہ مِٹَن یِم لُوکو چِھ مشراؠمٕتؠ آسان۔⁸۔ تَس چُھ رُوح القُدس ہاوان زِ پاکترین کمرَس تام وَتھ آسنٕہ تَتھ وقتَس تام ظٲہر سپٕزمٕژ یُوتام گوڈنؠوک کمرٕہ استعمالَس منز اُوس۔

⁹۔ یِہ چُھ مزازاً موجودٕہ زمانَس کُن اشارٕہ امؠک مطلب چُھ یِہ زِ یُوس نیازٕہ تٕہ قربٲنی پیش چِھ یِوان کرنٕہ۔ یِم عبادت گُزار دِلس چِھنٕہ ہؠکان پاک صاف کرِتھ کٲمِل بنٲیِتھ۔

¹⁰۔ تکیازِ یِہُند تعلُق چُھ صرِف کھؠنٕہ چؠن کؠن چیزَن تٕہ غُسلٕہ کؠن رسوماتَن سٲتؠ آسان۔ یِتھ ظٲہرہ ہدایات یِم صرف نٔیِس نظامکِس یِنَس تام لاگو چِھ۔¹¹۔ مگر ونؠ چُھ مسیح آمُت یِمن اصل چیزَن ہُند امامِ اعظم یُوس ونؠ حٲصل سپُدمُت چُھ۔ یَتھ خٕیمَس منز سُہ خدمت چُھ کران سُہ چِھ کینٛہہ زیادٕہ عظیم تٕہ کٲمِل۔ یِہ خیمٕہ چُھنٕہ انسٲنی اَتھو سٲتؠ بناونٕہ آمُت یعنی یِہ چُھنٕہ یمِہ کٲیناتُک حصّہ کینٛہہ۔

¹²۔ ییلِہ مسیح اکِہ لٹِہ ہمیشٕہ خٲطرٕہ خؠمکِس پاکترین کمرَس منز دٲخٕل سپُد تٕہ تؠمؠ کوٚرنٕہ قربٲنی پیش کرنٕہ باپَتھ ژھاولؠن تٕہ وژھؠن ہُند ہُند خون استعما۔ امِہ بجائے کوٚر تؠمؠ پننؤی خون پیش تٕہ یِتٕھہ کٕنؠ کوٚرُن سانِہ خٲطرٕہ ابدی نجات حٲصل۔¹³۔ پُرٲنِس نظامَس منز اُوس یِوان داندَن تٕہ ژھاولؠن ہُند خون تٕہ وژھرؠن ہُند صُور، ناپاک لُوکَن پؠٹھ چَھکنٕہ تاکِہ تِہٕندؠ جِسم سپدَن پاک صاف۔

¹⁴۔ تِمن چیزَن ہُند اگر یِہ اثر اُوس تٕہ مسیح سٕندِ خونُک کیا زبردست اثر آسِہے! ازلی روحکِہ ذریعہ کوٚر تؠمؠ پنُن پان بے داغ قربٲنی ہٕندِ بطورٕہ پیش۔ یِتٕھہ کٕنؠ چُھ تؠمسُند خون سٲنِس ضمیرَس موتَس تام واتناوَن واجنؠن کامؠن پاک صاف کران تاکِہ اسؠ ہؠکو زندٕہ خداۓ سٕنز خدمت کرِتھ۔

¹⁵۔ یُوہے وجہ چُھ زِ مسیح اکِہ نَیِہ عہدُک درمیاندار۔ مقصد اُوس یِہ زِ یِیتِیاہ لوکھ خدایَن بُلٲئمٕتؠ چِھ تِمن میلِہ خدایہ سُند وعدٕہ کوٚرمُت تٕہ ابدی میراث۔ یِہ چُھ صرف اوٕہ موکٕھہ مُمکن سپُدمُت زِ مسیحَن دیُوت مرِتھ فِدیِہ تاکِہ لوکھ گژَھن آزاد پننؠو گنہو نِشٕہ یِم تِہندِ سٲتؠ تؠمِہ ساتٕہ سرزد سپٕدؠ ییلِہ تِم گوڈنِکِس عہدےس تحت ٲسؠ۔¹⁶۔ یتِہ وصیحت چھے تتِہ چُھ ضروری زِ وصیحت کرن وٲلؠ سُند موت گژھیُن ثٲبِت کرنٕہ۔

¹⁷۔ تکیازِ یوتام وصیحت کرن وۄل زندٕہ آسِہ توتام چھے وصیحت بے اثر آسان۔ تؠمؠُک اثر چُھ وصیت کرن وٲلؠ سٕندِ مرنٕہ پتے شروع سپدان۔¹⁸۔ یُوہے وجہ چُھ زِ گوڈنؠُوک عہد گنڑنٕہ وِزِ تِہ سپُد خون استعمال۔

¹⁹۔ تکیازِ موسیٰ ہَن اُوس شریعتُک پرؠتھ حُکم پُورٕہ قومَس بوزنومُت اتی اُوس تؠمؠ وژھؠن ہُند خون آبَس سٲتؠ رلٲیِتھ چُھوکُن سُہ پُورٕہ قومَس تٕہ شریعتچِہ کتابِہ پؠٹھ ریشمی گوٚژَن ہٕندِ تٕہ قِرمزِی رنگکِہ پنکِہ ذریعہ۔

²⁰۔ تؠمؠ ووٚن، یِہ خون چُھ عہدُک تصدیک کران یمِچ پیروِی کرنُک حُکم خدایَن توہِہ دیوتمُت چُھو۔²¹۔ یِتھے پٲٹھؠ چھوک یِہ خون موسیٰ ہَن مُلاقاتکِس خیمَس تٕہ عبادتکِس تمام سامانَس پؠٹھ۔

²²نَہ صرف یِہ بلکِہ چھے شریعت تِہ تقاضٕہ کران زِ تقریباً گژِھ یُون پرؠتھ چیز خونٕہ سٲتؠ پاک صاف کرنٕہ مگر خداۓ سٕنزِ حضوری منز خون یش کرنٕہ ورٲۓ ہؠکنٕہ معٲفی قطعاً مِیلِتھ۔²³۔ غرض۔ ضروری اُوس زِ یِم چیز آسمانکؠن اصلی چیزَن ہُند نقل چِھ گژَھن یِنؠ پاک صاف کرنٕہ۔ مگر آسمٲنی چیز چِھ پانٕہ تِژٕہ قربٲنِیِہ طَلب کران یمِہ تِہندِ کھوٚتٕہ زیادٕہ بہتر آسَن۔

²⁴۔ تکیازِ مسیح سپُدنٕہ صرف انسٲنی اتھو سٲتؠ پنیمٕتِس مُقدّسَس منز دٲخٕل یُوسٕہ اصلی مقدسٕچ صرف نقلی صورت ٲس بلکِہ گو سُہ آسمٲنسٔی منز دٲخِل تاکِہ ونکِہ پؠٹٕھہ آسِہ سانِہ موکٕھہ خدایَس برونٛہہ کنِہ حٲضِر۔²⁵۔ دنیاہُک امامِ اعظم چُھ وری پتٕہ ورییِہ بؠیِہ کٲنسِہ جانور سُند خون ہؠتھ پاکترین کمرَس منز دٲخٕل سپدان۔ مگر مسیح سپُد نٕہ اوٕہ موکٕھہ آسمانَس منز دٲخٕل زِ سُہ کرِ بار بار پنُن پان قربانی ہٕندِ بطورٕہ پیش۔

²⁶۔ اگر تِہ آسہے تیلِہ پؠہَن تَس دنیاہ پٲدٕہ گژھنٕہ پؠٹٕھہ اَز تام واریاہ لٹِہ دُکھ برداشت کرٕنؠ۔ مگر تِہ چُھنٕہ بلکِہ سپُد سُہ ونؠ زمانَن ہٕندِس اِختِتامَس پؠٹھ اکِہ لٹِہ ہمیشٕہ خٲطرٕہ ظٲہر تاکِہ پنُن پان قربان کرنٕہ سٲتؠ کرِ گناہ دُور۔²⁷۔ اکِہ لٹِہ مَرُن تٕہ خدایِہ سٕندِس عدالتَس منز حٲضر سپدُن چُھ پرؠتھ انسانٕہ سٕندِ خٲطرٕہ مُقرر۔

²⁸۔ یِتھے پٲٹھؠ آوٗ مسیح تِہ اکِہ واریاہَن ہٕندؠ گناہ تُلِتھ نِنٕہ خٲطرٕہ قربان کرنٕہ۔ دوؠمِہ لٹِہ ییلِہ سُہ ظٲہر بلکِہ سپدِ تِمن نجات دِنٕہ خٲطرٕہ ظٲہر یِم شِدتٕہ سان تَس پراران آسَن۔

10¹۔ موسیٰ سٕنز شریعت چھے ینٕہ والؠن اصلؠن چیزَن ہٕنز نقلی شکل تٕہ ژھاۓ یِہ چھؠنٕہ تِمن چیزَن ہٕنز اصلی شکل کینٛہہ۔ لہٰزا ہؠکنٕہ یِہ تِمن زانٛہہ تِہ کٲمِل بنٲیِتھ یِم ورِی پتٕہ ورییِہ تٕہ بار بار خدایِہ سٕنزِ حضوری منز یِتھ تِمے قربٲنِیِہ چِھ پیش کران روزان۔

²۔ اگر سُہ کٲمل ہؠکہےکرِتھ تیلِہ پؠیِہ ہؠنٕہ قربٲنی پیش کرنٕچ ضرورت کینٛہہ تکیازِ اَتھ صورتَس منز سپدہَن تِم عبادت تٕہ تِمن رُوزِ ہؠنٕہ گنہگار آسنُک شعُور۔

³۔ مگر امِہ بجائے چِھ یِمٕہ قربٲنِیِہ ورِی پتٕہ ورییِہ لُوکَن تِہٕندؠ گناہ یاد پاوان۔

⁴۔ تکیازِ یِہ چُھنٕہ مُمکِن زِ داندَن تٕہ ژھاولؠن ہُند خون کیاہ کرِ گنہَن دُوٗر۔⁵۔ اوٕہ موکٕھہ چُھ مسیح دنیاہَس منز یِنٕہ وِزِ خدا ببَس ونان زِ ژے کرٕتھنٕہ قربٲنی تٕہ نیاز پسند بلکِہ کورُتھ میانِہ خٲطرٕہ اکھ بدن تیار۔

⁶۔ صُور سپدَن واجنِہ قُربٲنِیِہ تٕہ گُنہَن ہٕنزو قربٲنِیُو سٲتؠ سپُد نٕہ خوش۔

⁷۔ پتٕہ ووٚن مے۔ ہے خدا بُو چُھس حٲضر تاکِہ چٲنؠ مرضی کرٕہ پُورٕہ۔⁸۔ گوڈٕہ چُھ مسیح ونان۔ نَہ اُوسُکھ ژٕہ قُربٲنِیِہ، نیازٕہ۔ صُور سپدَن واجنِہ قربٲنِیِہ، یا گنہَن ہٕنزٕہ قربٲنِیِہ یژھان۔ نَہ اُوسُکھ تِمٕہ پسند کران۔ اگر زَن شریعت یِمن پیش کرنُک مُطالبٕہ چھے کران۔

⁹۔ پتٕہ چُھ سُہ فرماوان، بُو چُھس حٲضر تاکِہ چٲنؠ مرضی کرٕہ پُورٕہ، یِتٕھہ کٕنؠ سُہ گوڈنؠک نظام ختم کرِتھ اَتھ جایِہ دویِم نظام قٲئِم چُھ کران۔

¹⁰۔ تٕہ تَسٕنز مرضی پُورٕہ سپدنٕہ سٲتؠ چِھ اسؠ عیسیٰ مسیح سٕندِ بدنٕکِہ وسیلٕہ سٲتؠ خاص و مُقدّس کرنٕہ آمٕتؠ تکیازِ سُہ آو سانِہ باپَتھ اکِہ لٹِہ ہمیشٕہ خٲطرٕہ قربان کرنٕہ۔¹¹۔ پرؠتھ امام چُھ دوہ دِش مُقدّسَس منز کھڑَا ٲسِتھ پننِہ خدمتِہ ہٕندؠفرٲئِض انجام دِوان۔ دوہے تٕہ بار بار چُھ سُہ تِمے قُربٲنِیِہ پیش کران روزان یِم نٕہ زانٛہہ ہؠکَن گُنہَن دُور کٔرِتھ۔

¹²۔ مگر مسیحَن کٔر گنہَن دُور کرنٕہ باپَتھ اکے لٹِہ قربٲنی پیش اکھ تِژھ قُربٲنی یمؠُک اثر ہمیشٕہ خٲطرٕہ روزِ۔ پتٕہ بیُوٹھ سُہ خدایَس دٔچھنِہ کنِہ۔

¹³۔ تَتِی چُھ سُہ ونؠ پراران یُوتام خدا تؠمسٕندؠن دُشمنَن تَسٕندؠن کھوٚرَن تَل انِہ۔

¹⁴۔ یِتٕھہ کٕنؠ چِھ تؠمؠ اکے قُربٲنی سٲتؠ تِم ہمیشٕہ خٲطرٕہ کٲمِل بنٲؠمٕتؠ یِم پاک چِھ یِوان کرنٕہ۔¹⁵۔ رُوح القُدس تِہ چُھ اسِہ اَتھ مطلق گوٲہی دِوان، گوڈٕہ چُھ سُہ ونان۔

¹⁶۔ خدا چُھ فرماوان زِ یُوس یُس عہد بُو تِمو دُوہو پتٕہ تِمن سٲتؠ گنڑٕہ سُہ چُھ یِہ زِ بُو لؠکٕھہ پنُن قانون تِہٕندؠن دِلن پؠٹھ تٕہ تراوٕہ تِہٕندؠن ذہنَن منز۔¹⁷۔ پتٕہ چُھ سُہ ونان زِ تؠمِہ وقتٕہ پؠٹھ تھاو نٕہ بُو تِہٕندؠ گناہ تٕہ غلطیِہ یاد کینٛہہ۔

¹⁸۔ تٕہ یتِہ تِمن گنہَن ہٕنز معٲفی سپٕزمٕژ چھے تَتِہ روزنٕہ گنہَن دُور کرنٕچؠن قُربٲنؠن ہٕنز ضرورتٔھی۔¹⁹۔ چنانچِہ بایُو! ونؠ ہؠکو اسؠ عیسیٰ سٕندِ خونکِہ وسیلٕہ سٲتؠ پُورٕہ یقینٕہ سان پاکترین کمرَس منز دٲخٕل سپدِتھ۔

²⁰۔ پننِہ بدنٕچِہ قُربٲنی سٲتؠ کھونؠ عیسیٰ ہَن امِہ کمرٕکِہ پردٕہ منزٔی نیزنٕچ اکھ نٔو تٕہ زندگی بخشَن واجِن وَتھ۔

²¹۔ سُون چُھ اکھ عظیم امامِ اعظم یُوس خدایِہ سٕندِس گھرس پؠٹھ مقرر چُھ۔

²²۔ امِہ موجُوب ولؠو اسؠ یِمو دِلکِہ خلوصٕہ تٕہ ایمانکِہ پُورٕہ اعتِمادٕہ سٲتؠ خدایِہ سٕنز حضوری منز تکیازِ سانؠن دِلن پؠٹھ چُھ آمُت مسیح سٕندِ خونُک چِھرکاوٗ کرنٕہ تاکِہ سُون مُجرم ضمیر سپدِ پاک۔ امِہ علاوٕہ چِھ سٲنؠ بدن پاک صاف آبہ سٲتؠ چھلنٕہ آمٕتؠ۔²³۔ ولؠو۔ اسؠ تھاوَو مضبوطی سان تَھپھ تَتھ اُمیدِ یمؠُک اقرار اسؠ کران چِھ۔ اسؠ گژھونٕہ بدلٕنؠ تکیازِ یمؠ تؠمِہ اُمیدِ ہُند وعدٕہ چُھ کوٚرمُت، سُہ چُھ وفادار۔

²⁴۔ تٕہ ولؠو اَتھ پؠٹھ دِمو دھیان زِ اسؠ کتٕھہ کٕنؠ ہؠکوَن تُلِتھ اکھ بیاکھ محبت تٕہ نیک کامِہ کرنَس پؠٹھ۔

²⁵۔ یِکٕہ وٹٕہ جمع سپدنٕہ نِشٕہ یِمونٕہ اسؠ باز یِتٕھہ پٲٹھؠؠ کینژَھن ہُند عادت چُھ بنؠومُت۔ امِہ بجائے کرو اسؠ اکِس بؠکؠ سٕنز حوصلٕہ افزائی خاص کرِتھ یِہ کَتھ مدِ نظر تھٲیِتھ زِ خداوند سُند دوہ نزدیک یِوان۔²⁶۔ خبردار! اگر اسؠ حقیقت زاننٕہ پتٕہ تِہ زٲنِتھ مٲنِتھ گناہ کران روزو تیلِہ ہؠکنٕہ مسیح سٕنز قربٲنی گنہَن دُور کرِتھ۔

²⁷۔ پتٕہ روزِ صرف خداۓ سٕندِ عدالتٕچ ہُولناک اُمید باقی۔ تؠمِہ دزٕہوُنِہ نارٕچ یُوس خداۓ سٕندؠن مخٲلفَن ختم ژٕھنٕہ کرِتھ۔²⁸۔ ییلِہ موسیٰ سٕنز شریعت نَہ مانَن وۄل دوٚن یا ترؠن شخصَن ہٕنزِ گوٲہی سٲتؠ رحم کرنٕہ ورٲۓ چِھ یِوان مارنٕہ۔

²⁹۔ تؠمؠ پتٕہ کیا خیال چُھ! سُہ کوتاہ سخت سزاہَس لائق آسِہ یمٕؠ خداۓ سُند فرزند لتٕہ مونجِہ کوٚر؟ یمؠ سُہ عہدُک خون حقیر زُون یمِہ سٲتؠ سُہ پاک کرنٕہ اُوس آمُت تٕہ یمؠ فضلکِس روحَس ذلالَرت کٔر؟۔³⁰۔ تکیازِ اسؠ چِھن سُہ زانان یمؠ فرمو زِ " انتظام ہؠُوٚن چھے میٲنؠ کٲم، بُوئ ہؠمٕہ بدلٕہ"۔ تؠمؠ ووٚن یِتِہ "خدا کرِ پننِہ قومُک انصاف۔

³¹۔ یِہ چھے اکھ ہولناک کَتھ زِ اگر زندٕہ خدا اسِہ سزا دِنٕہ باپَتھ رٹِہ۔³²۔ ایمانُک گوڈنؠُک دوہ کرؠو یاد ییلِہ خدایَن توہؠ روشَن ٲسؠو کٔرمٕتؠ۔ تؠمِہ وِزِ پؠُو توہِہ سخت مقابلَس منز کینٛہہ دُکھ برداش کرٕنؠ مگر توہؠ رُودؠو ثٲبِت قدم۔

³³۔ کُنِہ کُنِہ وِزِ ٲسٕو توہِہ بے عزّتی تٕہ عوامَس برونٛہہ کنِہ اُوسُو یِوان لعن طعن کرنٕہ۔ کُنِہ کُنِہ وِزِ ٲسِؠوٗ توہؠ تِہندؠ سٲتھی یِمن سٲتؠ یُوتھ سلوک اُوس سپدان۔

³⁴۔ توہؠ رُودؠو تِمن ہٕندؠن مصیبتَن منز شریک یِم قٲد آۓ تھاونٕہ تٕہ ییلِہ تُہُند جائداد آوٗ لُوٹٕہ نِنٕہ تٕہ تٕہ توہِہ کورو تِہ خوشی سان برداشت تکیازِ توہؠ ٲسؠو زانان زِ سُہ مال یینٕہ اسِہ تَھپِہ نِنٕہ یُوس گوڈِکؠ پٲٹھؠ کینٛہہ بہتر چُھ تٕہ پرؠتھ صُورتَس منز روزِ قٲئِم۔³⁵۔ یُوتھنٕہ پنُن سُہ بھروسٕہ اَتھ نِشٕہ یلٕہ ترٲیُو تکیازِ تَتھ میلؠو بُوڑ اجٕر۔

³⁶۔ مگر تؠمِہ خٲطرٕہ چُھو توہِہ مضبوط روزنٕچ ضررت یُوتھ زَن توہؠ خدایِہ سٕنز مرضی پُورٕہ ہؠکؠو کرِتھ تٕہ یِتٕھہ کٕنؠ توہِہ تِہ کینژھا میلؠو یمؠُک وعدٕہ تؠمؠ کورمُت چُھ۔

³⁷۔ تٕہ ونؠ چُھ واریاہ کم وقت باقی زِ یِنٕہ وۄل یِیِہ تٕہ کرِنٕہ ژیر۔³⁸۔ مگر میون پوز روزِ ایمانٕہ سٲتؠ زندٕہ تٕہ اگر سُہ پَتھ ہؠیِہ تیلِہ سپدِنٕہ میُون دِل تَس نِش خوش۔

³⁹۔ مگر اسؠ چِھنٕہ تِمو منزٕہ یِم ایمان تھٲیِتھ نجات چِھ لبان۔

11¹۔ ایمان کیا گو؟ یِہ ہا زِ اسؠ روزو تَس منز قٲئِم یَس پؠٹھ اسؠ اُمید چُھ تھاوان بؠیِہ تھاوو اسؠ تؠمؠُک یقین یِہ نٕہ اسؠ وچِھتھ

²۔ ایمانٕہ سٲتؠ سپٕز پُرانِہ زمانکؠن لُوکن خدایِہ سٕنز قبولیت حٲصل۔

³۔ ایمانکِہ ذریعئے چِھ اسؠ زانان زِ کائینات آوٗ خدایِہ سٕندِ کلامٕہ سٲتؠ پٲدٕہ کرنٕہ زِ یِہ کینژھا اسؠ وُچِھتھ چِھ ہؠکان تِہ بنؠونٕہ اَتھ یِنٕہ والؠو چیزو سٲتؠ۔⁴۔ ایمانٕچ کٲم ٲس زِ ہابیلَن کٔر خدایَس تِژھ اکھ قربٲنی پیش یوسٕہ قائین سٕنزِ قربٲنی نِشٕہ بہتر ٲس۔ امِہ ایمانٕہ کِنؠ گُنزُر سُہ خدایَن پٔزؠ زِیُور تٕہ دژٕن تؠمسٕنز اصل گوٲہی، ییلِہ تؠمؠ تَسٕنز قربٲنی قبول کٔر تٕہ ایمانکِہ ذریعہ چُھ سُہ ونؠُک تام ونان روزان حالانکِہ سُہ چُھ موردٕہ۔⁵۔ یِہ ٲس ایمانٕچ کٲم زِ حنُوک مُودنٕہ بلکِہ آوٗ زندٕہ حالتَس منز آسمانَس پؠٹھ کھالنٕہ۔ کٲنسے ہؠوکنٕہ سُہ ژھٲنڑِتھ لبِتھ تکیازِ سُہ اُوس خدایَن آسمانَس پؠٹھ تُلِتھ نؠومُت۔ وجہ اُوس یِہ زِ تُلِتھ نِنٕہ برونٛہہ میج تَس یِہ گوٲہی زِ سُہ آو خدایَس پسند۔

⁶۔ تٕہ ایمانٕہ ورٲۓ ہؠکونٕہ اسؠ خدایَس کینٛہہ پسند یِتھ تکیازِ خداۓ سٕنزِ حضوری منز یِنٕہ وٲلِس چُھ ایمان تھاوُن ضروری زِ سُہ چُھ تٕہ سُہ چُھ تِمن اجِر دِوان یِم تَس ژھانڑان چِھ۔⁷۔ یِہ ٲس ایمانٕچ کٲم زِ نُوحن بُوز خدایِہ سُند ییلِہ تؠمؠ سُہ یِنٕہ واجنؠن کَتھن مطلق آگاہ کوٚر۔ تِمن کتَھن یِمنٕہ وُنِہ وُچھنَس منز آسٕہ کینٛہہ آمژٕہ۔ اکھ ناوٗ بنٲوٗ نُوحن خدایِہ سٕندِ خوفٕہ سٲتؠ تاکِہ تؠمسُند خاندان ہؠکِہ بچِتھ امِہ سٲتؠ گُنزُر تؠمؠ دُنیاہ مُجرم تٕہ تؠمِہ پزرُک بنؠو وٲرِث یُوس ایمانٕہ سٲتؠ حٲصل چُھ سپدان۔⁸۔ یِہ ٲس ایمانٕچ کٲم زِ ابراھیمَن بُوز خداۓ سُند ییلِہ تؠمؠ تَس ناد دِتھ ووٚن زِ سُہ گژِھن تَتھ مُلکَس منز یُوس پتٕہ تَس میراثَس منز میلِہ۔ آ۔ سُہ دراوٗ پنُن مُلک ترٲوِتھ حالانکِہ تَس ٲسنٕہ پے زِ کُوت چُھس گژھان۔

⁹۔ ایمانکِہ ذریعہ لوٚگ سُہ وعدٕہ کٔرمٕتِس مُلکس منز اجنبی سٕندِ حیثیَتٕہ رُوزنِہ۔ سُہ اُوس خیمَن منز روزان تٕہ یِتھے پٲٹھؠ اسؠ اسحاق تٕہ یعقوب تِہ یِم تَس سٲتؠ تؠمِہ وعدٕکؠ وٲرِث ٲسؠ۔

¹⁰۔ تکیازِ ابراھیم اُوس تؠمِہ شہرکِس انتظارَس منز یمِچ بنیاد مضبوط چھے تٕہ یمؠُک نقاش تٕہ دٔسِل پانٕہ خدا چُھ۔¹¹۔ یِہ ٲس ایمانٕچ کٲم زِ ابراھیم سپُد مُوٚل بننَس قٲبِل۔ حالانکِہ سُہ ہؠکہے نٕہ بُجرٕکِہ سببٕہ مول بنِتھ۔ یِتھے پٲٹھؠ ہؠکِہ ہے نٕہ سارَس تِہ کینٛہہ زِیَتھ ۔ مگر ابراھیم اُوس زانان زِ وعدٕہ کرُن وۄل خدا چُھ وفادار۔

¹²۔ اگر زَن ابرھیم اُوس تقریباً مُودمُت توتِہ دراۓ تؠمٔی اکِس شخصَس نِش بے شُمار اولاد یِم آسمانٕہ پؠٹھکؠن سیکِہ دانَن برابر تعدادَس منز ٲسؠ۔¹³۔ یِم تمام لوکھ مُودؠ ایمان تح=ھاوان تھاوان تِمن میُولنٕہ تِہ کینٛہہ یمؠُک وعدٕہ کرنٕہ اُوس آمُت۔ تِمو کوٚر تَس صرف دورے وچِتھ خوش آمدید تٕہ تِمو کوٚر تَسلیم اسؠ چِھ زمینِہ مہمان تٕہ آرضی طورٕہ رُوزَن وٲلؠ اجنبی۔

¹⁴۔ یِم امِہ قسمٕچِہ کتٕھہ چِھ کران زِ اسؠ چِھ ونؠُک تام وطنٕکِس تلاشَس منز۔¹⁵۔ اگر تُہٕندِس دماغَس منز سُہ مُلک آسہے یمِہ پؠٹٕھہ تِم درامٕتؠ ٲسؠ تٕہ تِم ہؠکَن وُنِہ تِہ واپَس گژِھتھ

¹⁶۔ امِہ بجاۓ ٲسؠ تِم اکِہ بہتَر مُلک یعنی آسمٲنی مُلکُک تمنّا کران۔ اوٕہ خٲطرٕہ اُوسنٕہ خدا تِہندِ خدا ونٕناونٕہ نِش شرمان تکیازِ تؠمؠ چُھ تِہندِ خٲطرٕہ اکھ شہر تیار کوٚرمُت۔¹⁷۔ یِہ ٲس ایمانٕچ کٲم زِ ابراہیمَن کوٚر تؠمِہ ساتٕہ اسحاق بطورِہ قربٲنی پیش۔ ییلِہ خدایَن سُہ آزمو۔ آ۔ سُہ اُوس پننِس کُنِس نیچوِس قربان کرنٕہ خٲطرٕہ تیار اگر زَن تَس ٲسؠ خدایِہ سٕندؠ وعدٕہ میلؠ مٕتؠ۔

¹⁸۔ زِ چٲنؠ نسٕل روزِ اسحاق سٕندے سٲتؠ قٲئِم۔

¹⁹۔ ابراہیمَن سُوچ زِ خدا چُھ ہؠکان مُوردَن تِہ زندٕہ کرِتھ تٕہ صحتکِہ لحاظٕہ میُول تَس واقعی اسحاق موردو منزٕہ واپَس۔²⁰۔ یِہ ٲس ایمانٕچ کٲم زِ اسحاقَن دِژ یِنٕہ والؠن چیزَن ہٕندِ لحاظٕہ یعقوبَس تٕہ عیسوَس برکت۔

²¹۔ یِہ ٲس ایمانٕچ کٲم زِ یعقوبَن دِژ مرنٕہ وِزِ یُوسف سٕندؠن دون نیچوؠن برکت تٕہ پننِس عاصکِس پؠتِس پؠٹھ ڈؠکٕہ تھٲیِتھ کورُن خدایَس سجدٕہ۔

²²۔ یِہ ٲس ایمانٕچ کٲم زِ یُوسفَن کٔر مرنٕہ وِزِ یِہ پیشنگوئی زِ بنی اسرائیل نیرَن مصرٕہ منزٕہ بلکِہ ووٚنُن یِہ تِہ زِ نیرنٕہ وِزِ نِیزِیو میانِہ ٲڑجِہ تِہ سٲتؠ۔²³۔ یِہ ٲس ایمانٕچ کٲم زِ تھوۄ پننٕؠ مٲلؠ زؠنٕہ پتٕہ ترؠن رؠتَن تام چُھپٲیِتھ تکیازِ تِمو وُچھ زِ سُہ چُھ خوبصورت۔ تِم کھوژنٕہ پادشاہ سٕندِس حُکمَس خلاف وَرزِی کرنَس۔

²⁴۔ یِہ ٲس ایمانٕچ کٲم زِ موسیٰ ہَن کوٚر بُوڑ گژِھتھ فرعون سٕنزِ کورِ ہُند نیچو آسنُک انکار۔

²⁵۔ عارضی طورٕہ پؠٹَٕھہ گناہ نِشٕہ لطف اندوز سپدنٕہ بجایِہ دیوت تؠمؠ خداۓ سٕندِس قومَس سٲتؠ بدسلوکی ہُند نشانٕہ بناونَس ترجیح۔

²⁶۔ تؠمؠ سمُجھ زِ ییلِہ مسیح سٕندِ خٲطرٕہ میٲنؠ رُسوٲئی چھے سپدان تٕہ یِہ چھے مصرکؠو تمام خزانو نِشٕہ زیادٕہ قیمتی تکیازِ تَسٕنزٕہ ٲچھ روزَن یِنٕہ وٲلِس اجرَس کُن وُچھان۔²⁷۔ یِہ ٲس ایمانٕچ کٲم زِ موسیٰ ہَن تروۄ مِصر بادشاہ سٕندِس شرارتَس کھوٚژنٕہ ورٲۓ تکیازِ سُہ رُود گویا انِس خدایَس لگاتار پننؠن ٲچَھن برونٛہہ کنِہ تھاوان۔

²⁸۔ یِہ ٲس ایمانٕچ کٲم زِ تؠمؠ دیوت فَسہٕچ عید منٲیِتھ حُکم زِ خون گژِھ یُوٛن چَوکاٹَھن چَھکنٕہ یُوتھنٕہ مارٕہ کرن وۄل فرِشتٕہ تِہٕندؠن یِیُونکؠن نیچوؠن اتٕھہ لاگِہ۔²⁹۔ یِہ ٲس ایمانٕچ کٲم زِ بنی اسرائیل ہؠکن قُلزم سمندرٕہ مٕنزؠ تِتٕھہ کٕنؠ پکِتھ زَنتِہ ٲس خشک زمین ییلِہ مِصرؠو یِہ کرنٕچ کوشِش کٔر تٕہ تِم گٔے پھٹِتھ۔

³⁰۔ یِہ ٲس ایمانٕچ کٲم زِ ستَن دوہَن یریحُو شہرَس اندؠ اندؠ پھیرِتھ پیُو سُورٔی دیوار ؤسؠ۔

³¹۔ یِہ تِہ ٲس ایمانٕچ کٲم زِ راحِب گٲنؠ سپٕزنٕہ ہلاک پننؠن شہرکؠن باقی نافرمان روزن والؠن سٲتؠ تکیازِ تؠمؠ ٲسؠ اسرائیلی

مُخبِر سلامتی بچٲیِتھ تھٲؠمٕتؠ۔

³²۔ ونؠ کیا زیادٕہ وننٕہ بُو؟ مے نِش چُھنٕہ تیُوتاہ وقت زِ بُو جِدعون۔ برق، سمسون، افتاب، داوٗد، سموئیل تٕہ نبییَن ہُند حال بُوناوان۔

³³۔ یِم سٲری رُودؠ ایمانکِہ وجہ سٲتؠ کامیاب ، تِم آۓ پادشاہَن پؠٹھ غٲلِب تٕہ رُودؠ انصاف کران۔ تِمن سپدؠ خداۓ سٕندؠ وعدٕہ حٲصل، تِمو کٔرؠ شیرِبَبرَن ہٕندؠ چٲنٹؠ بند۔

³⁴۔ تِمو کوٚر دَذوُن نار ژھؠتٕہ تِم بچے تلوارِ تلٕہ تِم ٲسؠ کمزور مگر تِمن سپُد طاقت حٲصل ییلِہ جنگ لوٚگھ تٕہ تِم گٔے یِیتیاہ طاقتور زِ تِمو دیُوت مُلکی فوجَس شِکَس۔³⁵۔ ایمان تھاونٕہ سٲتؠ میلؠ زنؠن پننٕؠ ٹٲٹھؠ موردٕہ زندٕہ حالتَس منز واپَس۔

³⁶۔ کینژَھن پیُو لعن طعنُک تٕہ کوڑَن بلکِہ زنجیرَن تٕہ قٲدُک سامانٕہ کرُن۔

³⁷۔ تِم آۓسنگسار کرنٕہ۔ تِم آۓ آرٕہ سٲتؠ چیرنٕہ۔ تِم آۓ تلوارِ سٲتؠ مارنٕہ۔ کینژَھن پؠو کٹَن تٕہ ژھاولؠن ہٕنزٕہ بستٕہ ولِتھ فیرُن ، محتٲجی ہٕندِس حالتَس منز اُوس تِمن پؠٹھ یِوان ظلم کرنٕہ۔

³⁸۔ دنیا اُوسنٕہ تِمن لائق، تِم رُودؠ وٲران جایَن، پہاڑَن گوپَھن تٕہ دوبَن منز آوارٕہ فیران۔³⁹۔ تِمن مِیجؠ ایمانٕہ سٲتؠ اصل گوٲہی۔ توتِہ سپُدنٕہ تِمن تِہ کینژھا حٲصِل یمؠُک وعدٕہ خدایَن کوٚرمُت اُوس۔

⁴⁰۔ تکیازِ تؠمؠ اُوس سانِہ خٲطرٕہ اَکھ تِیُوتھ اکھ منصوبٕہ بنُومُت یُوس کینژھا بہتَر چُھ سُہ اُوس یژھان زِ یِم لوکھ گژَھنٕہ سانِہ ورٲۓ کاملیَتَس تام واتنٕؠ۔

12¹غرض اسؠ چِھ گواہَن ہٕنزِ یِژِھ بجِہ لشکرِ سٲتؠ ولِتھ روزان! اوٕہ موکٕھہ ولؠو اسؠ کڑو سورُئ کینٛہہ یُوس سانِہ خٲطرٕہ رُکاوٹُک بٲعِث بنؠومُت چُھ۔ پرؠتھ گناہ یِم اسِہ آسٲنی سان ولنٕہ چِھ یِوان۔ ولؠو، اسؠ روزو تَتھ ڈیِہ منز مضبوطی سان ڈوان یُوٚسٕہ سانِہ خٲطرٕہ مقرر چھے آمٕژ کرنٕہ۔

²۔ تٕہ ڈوان ڈوان رُوزان اسؠ عیسیٰ ہَس تَھلِہ تَھلِہ وُچھان تَس یُوس ایمانُک بٲنی تِہ چُھ تٕہ تَتھ چُھ تکمیلَس تام واتناون وۄل تِہ۔ یمؠ تؠمِہ خوشی باپَتھ یُوٚسٕہ تَس نظرَن تَل ٲس تٕہ کوٚرُن مندچَھنٕہ ورٲۓ صلیبِ ہُند دُکھ برداشت تٕہ بیُوٹھ خدایِہ سٕندِس تختَس دٔچِھنؠ کِنؠ۔

³۔ اتی وُچھؠو تَس کُن یمؠ گناہگارَن ہٕنز یِیژا مخالفت برداشت کٔر۔ یُوتھنٕہ توہؠ بے دِل سپدِتھ ہِمت ہٲرؠو۔⁴۔ وچھؠو، توہِہ کورُو جنگ گنہَن سٲتؠ مگر وُنؠُک تام پؠیُوٚنٕہ توہِہ زُو دِنَس تام امِچ مُخالفت کرٕنؠ۔

⁵۔ کیا توہِہ مُشرٲوٕہ کلامِ مقدسٕچ یِہ ہمت بڑاوَن واجِن کَتھ یُوٚسٕہ توہِہ خدایِہ سٕندؠ زٲنِتھ بیان چھؠو یِوان کرنٕہ۔

⁶۔ تکیازِ یُوس خدایَس ٹوٹھ چُھ تَس چھے سُوٚ ہدایَت کران تکیازِ یَس سُۆ فرزند چُھ بناوان تَس چھے چُوب تِہ دِوان۔⁷۔ پننٕؠ مصیبت زٲنؠو الہٰی تربیت تٕہ کرؠو برداشت۔ اَتھ منز چُھ خدا توہِہ سٲتؠ نچیَن ہُند ہِیُو سلوک کران، کیا سا کُس چُھ سُہ نیچُو یَس نٕہ پننٕؠ مٲلؠ تربیت آسِہ کٔرمٕژ؟۔

⁸۔ اگر نٕہ تُہٕنز تربیت سٲلمَن ہٕندؠ پٲٹھؠ یِیہؠنٕہ کرنٕہ تٕہ امؠُک مطلب آسہے یِہ زِ توہؠ ٲسِہُونٕہ خداۓ سٕندؠ حقیقی اولاد کینٛہہ بلکِہ ناجٲئیز اولاد۔⁹۔ وُچھ۔ ییلِہ سٲنؠ انسٲنی ببَن اسِہ تربیت دِژ تٕہ اسِہ کوٚر تَس عزّت۔ اگر یِہ چُھ تیلِہ کوتاہ ضروری چُھ زِ اسؠ لبو پننِس روحٲنی ببَس تابع رُوزِتھ زندگی۔

¹⁰۔ سانؠو انسٲنی مالؠو دِژ اسِہ پننِہ سمجِھہ مطلق کینٛہہ کالٕہ خٲطرٕہ تربیت مگر خدا چُھ اسِہ تِژھ تربیت دِوان یُوٚسٕہ فٲئیدٕہ مند چھے تٕہ یمِہ سٲتؠ ٲسؠ تَسٕنزِ قدُوسی منز شریک آسنَس قٲبِل سپدان چِھ۔

¹¹۔ ییلِہ سٲنؠ تربیت چھے سپدان تٕہ تؠمِہ وِزِ چِھنٕہ اسؠ خوشی کینٛہہ محسوس کران بلکِہ چِھ غم محسُوس کران۔ مگر یِمن ہٕنز تربیت یتٕھہ پٲٹھؠ چھے سپدان تِم چِھ پتُوس پزرُک تٕہ سلامتیہُند فصل لوٚنان۔¹²۔ تکیازِ پننِہ تَھچِمژٕہ ترِ تٕہ کمزور کوٹھؠ کرؠو مضبوط۔

¹³۔ تٕہ پننِہ وتِہ پکنَس لائق بنٲیوکھ تاکِہ یُوس وستخان لونگ چُھ تؠمؠُک واٹھ ماگژِح الگ بلکِہ لبِہ شفاء۔¹⁴۔ سارنٔی سٲتھؠ رُوزؠو رلِتھ صلح سلامتی تٕہ قدُوسِیتٕہ خٲطرٕہ جدو جہد کران تکیازِ یُوس نٕہ پاک چُھ سُہ وچھنٕہ زانٛہہ خدایَس۔

¹⁵۔ اَتھ کُن تھٲیِزؠو دھیان زِ کانٛہہ مَارُوزِ خدایِہ سٕندِ فضلٕہ نِشٕہ محروم۔ یُوتھنٕہ تِہ سپدِ زِ کانٛہہ تؠوتھ موٗل مَا زؠیِہ تٕہ بڑِتھ بَنِہ تکلیفُک ذریعہ تٕہ کرِ واریاہَن ناپاک۔

¹⁶۔ دھیان تھٲیُو زِ کانٛہہ زِناکار یا عیسوَس ہؠو دنیٲئی شخص مَا آسِہ ؠمؠ اکِہ وقتکِہ کھؠنٕہ بدلٕہ پنُن سُہ وراثتی حق کُن یُوس تَس زِیُوٛٹھ نیچوٕہ سٕندِ حیثیتٕہ حٲصل اُوس۔

¹⁷۔ توہِہ تِہ چھؠو پے زِ ییلِہ سُہ پتٕہ اُوس یِہ برکتٕچ وراثت حٲصل کَرُن یژھان تٕہ سُہ آوٗ رَد کرنٕہ۔ تؠمِہ ساتٕہ میُولنٕہ تَس توبٕہ کرنُک موقع۔ حالانکِہ تؠمؠ کٔر اوٚش ہاران ہاران یِہ برکت حٲصل کرنٕچ کوشِش۔¹⁸۔ توہؠ اُونٕہ تِتھ پٲٹھؠ خدایِہ سٕنزِ حضوری منز کینٛہہ یِتٕھہ پٲٹھؠ بنی اسرائیل آئے ییلِہ تِم کوہِ سیناہَس پؠٹھ وٲتؠ تَتھ پہاڑَس نِش یَتھ اتٕھہ ہؠکہُو لٲگِتھ۔ تتِہ اُوس ناردزان، انِہ گٹے انِہ گٹٕہ ٲس تٕہ طوفانُک واو اُوس گزران ۔

¹⁹۔ ییلٕہ بِگلِچ آواز بوزنٕہ آیِہ تٕہ خدا سپُد تِمن سٲتؠ ہمکلام تٕہ بوزَن والؠو کوٚر تَس عرض زاسِہ مٕہ وَن زیادٕہ کتٕھہ۔

²⁰۔ تکیازِتِم ٲسنٕہ ہؠکان یِہ حُکم برداشت کرِتھ زِ اگر کٲنسِہ جانورَس تِہ اَتھ پہاڑَس سٲتؠ زِیر لگِہ تٕہ تَس پؠٹھ یِیِہ پتَھراو کرنٕہ۔

²¹۔ سُہ منظر اُوس یُوتا ہٲبتناک زِ موسیٰ ہَن ووٚن بُو چُھس وہمٕہ سٲتؠ کانپان۔²²۔ نَا۔ توہؠ چُھ صیُون پہاڑَس نِش آمٕتؠ یعنی زندٕہ خداۓ سٕندِس شہرَس آسمٲنی یروشلمَس نِش۔ توہؠ چُھو آمٕتؠ بے شمار فرِشتَن تٕہ جشن مناوَن واجنِہ جمٲژ نِش۔

²³۔ تِمن یِوُنٛکؠن ہٕنزِ جمٲژ نِش یِمن ہٕندؠ ناوٗ آسمانَس پؠٹھ درج کرنٕہ آمٕتؠ۔ توہؠ چُھو تمام انسانَن ہٕندؠ مُنصِف خدایَس نِش آمٕتؠ تٕہ کٲمل کرنٕہ آمتؠن راستبازَن ہٕندؠن روحَن نِش۔

²⁴۔ امِہ علاوٕہ چُھو توہؠ نَیِس عہدکِس درمیاندار عیسیٰ ہَس نِش آمٕتؠ تٕہ تَتھ چِھرکاوٗ کِس خونَس نِش یُوس ہابیل سٕندِ خونٕکؠ پٲٹھؠ بدلٕہ ہؠنٕچ کَتھ چُھنٕہ کران بلکِہ چُھ اکھ تِژھ معٲفی دِوان یُوٚسٕہ واریاہ کینٛہہ اثردار چھے۔²⁵۔ اوٕہ موکٕھہ رُوزؠو خبردار زِ توہؠ مَا کرؠو تؠمسُند بُوزنٕہ نِشٕہ انکار یُوس ونکؠس توہِہ سٲتؠ ہمکلام چُھ سپدان، تکیازِ اگر بنی اسرائیل بچؠنٕہ ییلِہ تِمو دُنیاوِی پیغمبر موسیٰ سُند بُوٚزنٕہ نِشٕہ انکار کوٚر توپتٕہ کِتٕھہ پٲٹھؠ بچو اسؠ اگر اسؠ تؠمسُند بوزنٕہ نِشٕہ انکار کرَو یُوس آسمانٕہ پؠٹٕھہ اسِہ سٲتؠ ہمکلام چُھ سپدان۔

²⁶۔ ییلِہ خدایَن کوہِ سیناہَس پؠٹھ آواز دِژ تٕہ زمینِہ ژایِہ تَھر تَھرٕہ۔ مگر ونؠ کوٚر تؠمؠ وعدٕہ زِ اکِہ لٹِہ بؠیِہ الراوَن نٕہ بُو نَہ صرف زمین بلکِہ آسان تِہ۔²⁷۔ "اکِہ لٹِہ بؠیِہ" لفظ چُھ اَتھ کُن اشارٕہ کران زِ پٲدٕہ کٔرمٕتؠ چیز گژَھن یِنٕؠ الٕہ رٲوِتھ دُور کرنٕہ تٕہ ٲخٕر رُوزَن صِرف تِمے چیز قٲئم یِم نٕہ الرنٕہ ہؠکَن یِتھ۔

²⁸۔ امِہ موکٕھہ ولؠو اسؠ سپدو شُکرگزار تکیازِ اسِہ چھے تِژھ اکھ پادشٲہی حٲصل سپٕزمٕژ یُوٚسنٕہ الرنٕہ ہؠکِہ یِتھ۔ آ۔ اسؠ کرَو شُکرگُزٲری ہٕندِس روحَس منز احترام تٕہ خوفٕہ سان کرَو سُوٚ عبادت یُوٚسٕہ خدایَس پسند آسِہ۔

²⁹۔ تکیازِ سُون خدا چُھ حقیقتاً صُور کرَن وۄل نار۔

13¹۔ اکِس بؠیِس سٲتؠ رُوزؠو بایَن ہُند ہِیُو محبت تھاوان۔

²۔ محمان نوازی نِشٕہ مَہ رُوزؠو غٲفل تکیازِ یِہ کرنٕہ سٲتؠ چھے کینژھو انجٲنی منز فرِشتَن ہٕنز مہمان نوٲزی کٔرمٕژ۔³۔ یِم قٲدَس منز چِھ تِم تھٲیوکھ یاد تِتٕھہکٕنؠ زَن چُھو توہؠ پانٕہ تِمن سٲتؠ قٲدَس منز تٕہ یِمن سٲتؠ بدسلوکی چھے سپدان تِم تھٲیِوُکھ تِتٕھہ کٕنؠ یاد زَن چھے توہے سٲتؠ بدسلوکی سپدان۔

⁴۔ ضروری چُھ زِ سٲری کرن رلِتھ زندگی ہُند احترام۔ خاوند تٕہ زنانٕہ روزِن اکھ اکِس سٲتؠ وفادار تکیازِ خدا کرِ زناکارَن تٕہ خاندرُک رِشتٕہ فٹراوَن والؠن ہٕنز عدالَت۔⁵۔ تُہند زندگی ٲسِن پُونسَن ہٕنزِ لالچِہ نِشٕہ آزاد یِہ توہِہ نِش چُھ تَتھ پؠٹھ کرؠو کناعت تکیازِ خدایَن چُھ فرمومُت "بُو تراوَتھ نٕہ ژٕہ زالنٕہ پرٕہ، بُو کرَتھ نٕہ ژٕہ زالنٕہ ترک"۔

⁶۔ اوٕہ موکٕھہ ہیکو اسؠ یقینٕہ سان ونِتھ زِ "چُھ مؠون مددگار"، بُو کھژنٕہ انسان کیا ہؠکِہ مے ونِتھ۔⁷۔ پننٕؠ رہنما تھٲیوُکھ یاد یِمو توہِہ تام خداۓ سُند کلام واتنُو۔ اَتھ پؠٹھ کرؠو غور زِ طور طریقٕہ سٲتؠ کٲژاہ نیکی چھے پٲدٕہ سپٕزمٕژ۔ بؠیِہ پکؠو تِہٕندس نمُونَس پؠٹھ

⁸۔ عیسیٰ مسیح چُھ رات، اَز تٕہ ہمیشٕہ تام ہؠوُئ۔⁹۔ الگ الگ قٕسمٕچ تٕہ بیگانٕہ تعلیم مٕہ فِرنو توہِہ اورٕہ یُور۔ توہؠ چُھو خدایِہ سٕندِ فضلٕہ سٲتؠ تقویت لبان تٕہ امِہ سٲتؠ نٕہ کینٛہہ زِ توہؠ چُھو مختلف کھؠنٕہ چیزو نِشٕہ پرہیز کران۔ اَتھ منز چُھنٕہ کانٛہہ خاص فٲئیدٕہ کینٛہ۔

¹⁰۔ اسِہ نِشٕہ چُھ اکھ تِیُوٛتھ اکھ قُربان گاہ یمِچ قُربٲنی کھینؠ ملاقاتکِس خیمَس منز خدمت کرن والؠن خٲطرٕہ منع چھے۔

¹¹۔ تکیازِ اگر امامِ اعظم چُھ جانورَن ہُند خون قربٲنی ہٕندِ طورٕہ مُقدّس ترِین کمرَس منز نِوان مگر تِمن جانورَن ہٕنزٕہلاشِہ چھے یِوان خیمٕہ گاہَس نؠبر کنِہ زالنہ۔¹²۔ امے وجہ پؠو عیسیٰ ہَس تِہ شہرٕہ نؠبر صلیبی موت برداشت کرُن۔ تاکِہ پننِہ خونٕہ سٲتؠ کرِ قومَس مخصوص تٕہ مُقدّس۔

¹³۔ امِہ خٲطرٕہ ولؠو اسؠ گژھو خیمٕہ منزٕہ نؠرِتھ تَس نِش تٕہ سپدو تَسٕنزِ بے عزّتی منز شریک۔

¹⁴۔ تکیازِ یتِہ چُھنٕہ سُون کانٛہہ قٲئم روزَن وۄل شہر بلکِہ چِھ اسؠ یِنٕہ والِہ شہرُک تمنّا تھاوان۔¹⁵۔ اوٕہ موکٕھہ یِیُو، اسؠ کرو عیسیٰ سٕندِ وسیلٕہ خدایَس حمدوثناہٕچ قربٲنی پیش یعنی سانؠو وُٹھو نِشٕہ نیرِ تَسٕندِ ناوٕہ تعریف کرن وۄل پَھل۔

¹⁶۔ غرض نیکی کرٕنؠ تٕہ باقی پننِہ برکٔژ منز شٲمل کرٕنؠ تھٲیِزؠو یاد۔ تکیازِ یِژٕھ قربٲنِیِہ چھے خدایَس پسند

¹⁷۔ پننؠن رہنماہَن ہُند بُوزؠو تٕہ تِہٕنز کَتھ مٲنؠو۔ تکیازِ تِم چِھ تُہٕنز نظر گُزر تھاونٕہ موکٕھہ بیدار روزان تٕہ اَتھ منز چُھ تِمن خدایَس برونٛہہ کنِہ جواب دِؠون تٕہ تِہنزٕہ کَتٕھہ مٲنؠو یُوتھ زَن تِم خوشی سان پننٕؠ خدمت انجام دِن۔ نَتٕہ کرَن وُشٚ ترٲؠ ترٲؠ پننٕؠ ذمٕہ دٲری پُورٕہ تٕہ یِہ آسِنٕہ تُہندِ خٲطرٕہ مفید کینٛہہ۔¹⁸۔ سانِہ خٲطرٕہ کرؠو دُعا۔ گو اسِہ چُھ یقین زِ سُون ضمیر چُھ صاف تٕہ اسؠ چِھ پرؠتھ لحاظٕ اصل زندگی گُزارنٕکؠ خوٲہِش مند۔

¹⁹۔ بُو چُھس یَتھ پؠٹھ زور دؠون یژھان زِ توہؠ کرؠو دُعا زِ خدا بخشِن مے توہِہ نِش جلد واپَس یِنُک توفیق۔²⁰۔ سلامتی ہُند خداۓ ؠمؠ سُون خداوندِ عیسیٰ موردو منزٕہ تُلِتھ اُوٚن یُوس تِیرَن ہُند عظیم پوہَل چُھ ابدی عہدکِہ خونٕہ سٲتؠ۔

²¹۔ سُہ کرؠو توہِہ پرؠتھ اصل چیز عطا تاکِہ توہؠ ہیکؠو تَسٕنز مرضی پُورٕہ کرِتھ تٕہ سُہ کرِ عیسیٰ مسیح سٕندِ ذریعہ اسِہ منز تِہ پٲدٕہ یِہ تَس پسند یِیِہ۔ تؠمسُند جلال رُوزِن ازلٕہ پؠٹٕھہ ابدَس تام سپدان۔ آمین۔²²۔ بایُو! مہربٲنی کرِتھ کرؠو نصیحت چؠن یِمن کتَھن پؠٹھ سنجیدگی سان غور تکیازِ مے چِھمُو توہِہ صرف کینٛہہ الفاظ لؠکھمٕتؠ۔

²³۔ تٕہ یِہ کَتھ گژِھ توہِہ پتٕہ ٲسٕنؠ زِ سون بُوۓ تِیمُوتِھیس چُھ آمُت رِہا کرنٕہ۔ اگر سُہ جلدی واتِہ تٕہ سُہ ہؠتھ یِمٕہ بُو توہِہ سمکٕھنِہ۔²⁴۔ پننؠن تمام رہنماہَن تٕہ تمام مُقدِّسینَن ونزؠو مؠٲنؠ سلام۔ اَطالیہِکؠ ایماندار چُھو توہِہ سلام ونان۔

²⁵۔ خداۓ سُند فضل رُوزِن توہِہ سؠلِمَن سٲتؠ۔

یہُوداہ سُند مُکاشِفٕہ

1¹.عيسٰى مسیح سنُد مُکاشفہٕ یُوس تس خدایہ سندِ طرفہٕ امہِ موجُوب سپُد زِ پننین بندن یا یہِ تِمہٕ کتھہٟ یمن ہنُد جلدی سپُدن ضروری چُھ تہ پنُن فرشتہٟ سوزِتھ تمسنٔدِ ذریعہ کریِن تِمہٟ پننِس بندس یوحناہس پؠٹھ ظاہر._

².یمٕؠ خدایہ سنٔدِ کلإمچ تہٕ عيسٰى مسیح زسنٔزِ گواہی ہنٔز یعنی تمن سارنؠٟ چیزن ہنٔز تؠمؠٟ وُچھمتٟؠ أسؠ دِژٔن گوآہی ._

³.ؠمؠِ نبوتچِہ کتاب ہنٔدؠٕ پرن وألؠٕ تہٕ أمکؠٕ بوزن وألؠٕ تہٕ یہِ کینژھا اَتھ منز لیکھِتھ چُھ،تَتھ پؠٹھ عمل کرن والؠٕ چھ مُبارک تکیازِ وقت چھ نزدیکٔ._⁴. یوحنا سنٔدِ طرفہٕ تمن ستن کلیسیاہن ہنٔدٕؠ ناۆ ؠِم صُوبٔہ آسیِہس منز چھے تمسنٔدِ طرفہٕ یہ چُھ، تہٕ یِہ اُوس تٕہ یِہ ینہٕ ووُل چُھ ، ییہِ تمو ستو روحُو ہنٔدِ طرفہٕ ؠِم تمسندِ س تختس بُرونہہ کنہہِ چِھ ._

⁵. تہٕ عيسٰى مسیح سنٔدِ طرفہٕ یُوس پُوز گواہ تہٕ مورُدو منزٕ زندٕہ وَتھن والیُو منز یؠوُنک تہٕ دنیا ہچہہِ پادشاہی پؠٹھ حاکم چُھ.توہِہ رُوزِنَو فضل تہٕ اطمٕنان حاصل سپدان.یُوس اَسہِ ساتیٕ محبت چُھ تھاوان،بؠہٕ یمٕؠ پننِہ خونٕکہِ وسیلہٕ ساتؠٕ اَسہِ گناہو نِشہٕ مُعافی دِژ._

⁶. بیہِ دِژٕن اَسہِ اکھ پادشاہی تہِ بؠہِ بنأؠِن أسٕؠ پننِس خدایس تہٕ ببہٕ سٔندِ باپتھ کانہہ تہِ.تمسُند جلال تہٕ پادشاہی روُزِن ہمؠشہٕ پؠٹھہٕ ہمؠشہِ تام.آمین ._⁷.وُچھؠو سُہ چُھ اُوبرس ساتؠٕ ینؠٕ وول،تہٕ پرؠتھ کانہ أچھ وُچھہِ تس،بیہِ ؠموتس زدہٕ أسؠ کرمتؠٕ تمِ تہِ وُچھنس،تہٕ زمینہِ پیٹھ دگن سارؠٕ قبیلہ پنُن سپنہٕ تہندِ وجہٕ ساتی.بے شک.آمین._

⁸.خداوندِ خدا یُوس چُھ تہٕ یُوس اُوس تہٕ یُوس ؠنہٕ وول چُھ.یعنی قادر مطلق چُھ فرماوان "بُوچُھس اکفا تہٕ اُومیگا._⁹.بُو یوحنا یُوس تُسنٕد بُوۓ تہٕ عيسٰى سنٔدِس مصیبتس تہٕ پادشاہی تہٕ صبرس منز شریک چُھس خدایہ سنٔدِ کلام تہٕ عيسٰى سنزٔ گواہی دِنکہِ وجہ کنؠٕ اُوسس بُو زُویس منز یِتھ پتمُس وننہٕ چُھ ؠوان._

¹⁰.تہٕ خداوندٕ سنٔدِ دُوہ آس بُو رُوحس منز تہٕ پانس پتہٕ پتہٕ بوز مےٕ یہ بِگِلچ آواز ہِش._

¹¹.زِ یہِ کینژھا ژٕہ وُچھان چُھکھ تہِ لیکھ کتاب منز تہٕ سُوز ستن کلیسیاہن نِش یعنی اِفِسُس تہٕ سمُرنہٕ تہٕ پرگُمن تہٕ تھواتیرہ تہٕ سردِیس تہٕ فِلدِ لفیہ تہٕ لَودیِکیہ منٕز._¹².بُو فیورُس پَتھ کُن زِ سُہ آواز دِنہٕ وُول وچُھن یمؠٕ مےٕ ونُمت اُوس تہٕ مےٕ وُچھ سُونہٕ سنٔدٕؠ ستھ زورِ._

¹³.تہٕ تمن زوریِن منز باگ وچُھم اکھ آدم زاد ہیُو.یمِس کھورن تام جامہ لٔاگتِھ اُوس._¹⁴.تُمسند سَر تہٕ مَس اُوس سفید ییر بلکہ سفید شین ہُؠو.تہٕ تمسنزٕہ أچھ آسہٕ نارہٕ تینگل ہنشہ._

¹⁵. تہٕ تَمسنٔدٕؠ کھور أسؠٕ تؠمہِ خالِص سرتلہِ ہندٕؠ ہیؠ ؠُوس زن نارٕہ کرندِہ منزٕہ کڑنہٕ اُوس آمُت،تہٕ تُمسنٔز آواز أس آبہٕ شُوٕرچ ہِش._

¹⁶.تہٕ تمسنٔدِس اَتھس منز أسؠٕ ستھ تارک تہٕ تمسنٔدِ أسہٕ منزٕہ أس اکھ زٕہ دھارٕہ واجِنٕؠ تیز تلوار نیران تہٕ تمسنُد بُتھ اُوس یُوتھ چمکان زن تہِ دوپہرُک آفتاب._¹⁷.ییلہِ مےٕ سُہ وُچھ تہٕ تسٕندؠن کھورن تل پُیوس بُو زن مُوردٕہ ہُیو تہٕ یہِ ونِتھ تھوُو تؠمؠٕ مےٕ پؠٹھ پنُن اَتھٕ زِ کھوژمہ.بُو چُھس اول تہٕ آخر ._

¹⁸.تہٕ زندٕہ.بُو اُوسس مومُت تہٕ وُچھ تا ابد روزٕہ بُو زندٕہ تہٕ مُوتچِہ تہٕ تل پاتالچِہ کُنزٕہ چھے مےٕ نِش._¹⁹.ادہٕ ؠمہٕ کتھٕ ژے وُچِھؠتھ،بیہٕ ؠمہٕ چھے،بیہٕ ؠمہٕ اَمہِ پتہٕ سَپدن وأجنِہ چھے تِمہٕ سارے لِؠکھ._

²⁰.یعنی تمن سَتن تارکَن ہُند راز یِم ژے میانِس دٔچھنِس اتھس منز وُچھمتؠٕ أسؠٕ بیِہ تِمَن سُونہٕ سُندِؠن ستَن زُۆرؠِن ہُند.تِم ستھ تارکھ چھ ستَن کلیسیاہن ہنٔدٕؠ فرشتہٕ بیہِ تِم ستھ زُورِ چھے کلیسیاء._

2¹.اِفسُچہِ کلیسیا یہ ہنٔدِس فرشتس لؠکھ ؠہِ زِ یُوس پنِنس دُچھنِس اتھس منز تارک ہؠتھ چُھ تہٕ سُونہٕ سنٔدٕین ستن زُورِؠن منز چُھ پھؠران سُہ چُھ یہِ فرماوان زِ._

².بُو چُھس چانؠٕ کأم تہٕ چانؠٕ محنت تہٕ چون صبر زانان بیہِ یہِ زِ ژٕہ چُھکھنہٕ بَر ہؠکان وُچِھتھ بیہِ ؠِم پننِس پانس رُسول چُھ ونان تہٕ چِھنہٕ کؠنہٕ ژِے لَبِتھکھ تِم آزمایِتھ اَپُزیأرؠٕ._³.تہٕ ژہ چُھکھ صبر کران تہٕ میانہٕٕ ناوہٕ خاطرٕہ مصیبت تُلان تُلان چُھکنہٕ تَھکان._

⁴.مگر مےٕ چھے ژے ساتؠٕ یہٕ شکایت زِ ژے چھی پنُن گوڈ نؠوک ہؠُو محبت ترُومت._

⁵.ادہٕ کر ژہٕ خیال زِ ژٕہ کتہِ پؠٹھٕ پُؠوک وسؠٕ؟ تہٕ توبہ کرِتھ کر ژہٕ گوڈ نکؠٕ پاٹھؠٕ کأم واگر ژہٕ توبہ کر کھنہٕ تہٕ ژے نِش یِتھ تُلہٕ بُو چأنؠٕ زُۆور تؠمچِہ جایہ تُھود._⁶.البتہ ژِے منز چھے یہ کتھ زِ ژہٕ چُھکھ نیک کامؠن ساتؠ نفرت تھاوان ؠمن ساتؠٕ بُو تہِ چُھس نفرت تھاوان._

⁷.ؠمِس کنَ آسن سُہ بُوزِ زِ رُوح کیا چُھ کلیسیاہن فرماوان. یُوس اَتھ کاپہِ رٹہِ تس دِمہ بُو تؠمہِ زندگی ہنٔدِ ٕکُلؠوک مؠوہ کھؠون کِیوت یُوس خدایہٕ سنٔدِس جَنتس منز چُھ._⁸.بؠہِ لؠکھ سُمرنچہِ کلیسیایہ ہندِس فرشتس یہ زِ یُوس اوّل تہٕ آخٕر چُھ بؠِہ یُوس مُومت اُوس تہٕ زندٕہ سپُد سُہ چُھ یہ فرماوان زِ._

⁹.بُو چُھس چانؠٕ مصیبت تہٕ غریبی زانان،(مگر ژہٕ چھکھ دولت مند)بیہِ ؠِم پننِس پانس یہودیٕ ونان چِھ تہٕ چھنہٕ کؠہنہ،بلکہ چِھ شیطان سنٔز جماعت تِہنٔذ لعن طعن تہِ چُھس بُو زانان._¹⁰.ؠِم دُکھ ژے وِؠتر اونؠٕ پؠنےٕ تِمن مۂ کُھوژ.وچُھؠو ابلیس چُھ تُوہہِ منزٕہ کینژھن قأد تھاوُن ؠژھان یُوتھ تُہنُز آزماؠٔش سپدِ بیہِ تُلیو دہن دُوہن تام مصبیت زُو دِنس تام رُوز وفادار تہٕ بُو دمےٕ ژِے زندگی ہُند تاج._

¹¹. ؠمِس کنَ آسن سُہ بُوزِ زِ رُوح کیا چُھ کلیسیاہن فرماوان. یُوس اَتھ کاپہِ رٹہِ تس واتنہٟ دُوؠمہِ موتہٟ ساتی نقصان کینہ._¹².بؠہِ لؠکھ پِر گُمنچِہ کلیسیایہِ ہندِس فرشتس زِ ؠمِس نِش زٕہ دھارٕہ واجنؠٕ تلوار چھے سُہ چُھ فرماوان زِ ._

¹³.بُو چُھس یہ زانان زِ ژۂ چُھکھ شیطان سنٔدِس تخت گاہس منز روزان تہٕ ؠمن دوہن منز مؠون وفادار گواہ اِنتیاس اُوس توہہِ منزہٕ تَتھ جاۓ قتل سپُدمت یتہٕ شیطان چُھ رُوزان.تِمن دوہن تہِ کور تھنہٕ ژے انکار مؠے پؠٹھ ایمان تھاونس._¹⁴.مگر مےٕ چھے کینژھن کھتن ہنٔز شکایت ژِے ساتیٕ. یعنی یہ زِ چانہِ ؠتہِ چھے کؠنہ لوکھ بلعام سنٔز تعلیم مانن والؠٕ.یمؠٕ بلقس بنی اسراںٔیلن برونٹھ ٹھوکر کھؠنہٕ والؠٕ چیز تھاو نچ تعلیم دِژ یعنی یہِ زِ تِم کھِیؠِن پوتلؠن ہنٔزٕہ قُربانیہِ بؠہِ کرن حرامکاری._

¹⁵.حالانکہ چانہ پتہ تہ چھہ کؠنہ لُکھ ؠتھے پاٹھٕی نِیکُلیو سنٔزِہ تعلؠمہ پؠٹھ عمل کرن والؠٕ._¹⁶.ادہٕ کر توبہ نتہٕ تمےٕ بُو جلد ژِے نِش تہٕ پننہِ أسچِہ تَلوارِ ساتؠٕ لڑٕہ بُو تمن ساتؠٕ._

¹⁷. ؠمِس کنَ آسن سُہ بُوزِ زِ رُوح کیا چُھ کلیسیاہن فرماوان. یُوس اَتھ کاپہِ رٹہِ بُو دِمہٕ تَس پُوشیدٕہ مَنّہٕ منزٕہ بیہِ دِمَس اکھ سفید کنؠٕ.تَتھ کنہِ پؠٹھ آسہِ اکھ نُو ناۆ لؠکھِتھ ؠتھٕ کانہ تس ولأۓ زانِہ یُوس تَتھ حاصل کرِ._¹⁸.بؠہِ لؠکھ تھواتیر ہچِہ کلیسیایہِ فرشتس زِ خدایہ سُند فرزند ؠمٔنزٕہ أچھ نارٕہ رِہ ہش تہٕ کھۆر خالص کر تلیہِ ہندؠٕ پاٹھؠٕ چھ سُہ چُھ فرماوان یہ زِ ._

¹⁹.بُو چُھس چانہِ کامہِ تہٕ محبت تہٕ ایمان تہٕ خدمت تہٕ صبر چون زانان.بیِہ یہِ تہِ زِ چانہِ ونکچِہ کامہِ ؠمہٕ تٕمؠو کامؠو کھوتہٕ زیادہ چھے._²⁰..مگر مےٕ چھے ژےٕساتؠٕ یہِ شکایت زِ ژِے دؠوتُتھ تس زنہِ ایِزبِلس رُوزنہٕ ؠُو سُہٕ پانَس نبی چھے ونان.بؠہِ چھے مؠانؠن بندن حرامکاری کرنچٕ تہٕ یُوتلؠن ہنٔز قربٔانؠ کھؠنچ تعلیم دِتھ گمراہ کران._

²¹.مےٕ دِژ تس توبہٕ کرنٕچ مُہلت مگر سُہ چِھؠنہٕ پننہِ حرامکاری ساتؠٕ توبہٕ یژھان کرُن._²².وچُھ بُو تراون سُو بسترس پؠٹھ بؠہِ ؠم تس ساتؠٕ زنا چِھ کران اگر تمو کامؠو نشہٕ تو بہ کرن نہٕ تہٕ بُو پَھسا وکھ تِم بڑِس مُصیبتس منز._

²³.بؠہِ مارکھ تمسنٔدٕی اولاد یُوتھ زن سارنؠٕ کلیسیاہن پتہ سپدِ زِ بُوکہِ و چؠن تہٕ دلن ہنُد وأقٕف چُھس بُویٔ تہٕ بُو دِمہٕ تُو ہہ پر ؠٹھ ِکِس تمسنٔزَ کامؠُو موافقِ بدلہ._²⁴.مگر تُوہی چُھو نا وأقٕف تھواتؠر ہکؠن باقی لوکن نِش ؠِم نہٕ تمسنٔز تعلیم مانان چِھ بیِہ تمو کتھو نِشٕہ ؠمن لوکھ شیطان سنٔزٕہ سرؠنہِ کتھٕ ونان چِھ.بُو چُھسوونان یہِ زِ تُو ہہِ پؠٹھ تراونہٕ بُو بیہِ بار کؠنہ._

²⁵.البتّہ یہِ تو ہہِ نِش چُھ میأنِس ینَس تام تھاؠُو سُہ رٹتِھ._²⁶.یُوس کاپہِ رٹہِ تہٕ یُوس میِأنیو کامُؠو موافقِ آخرس تام عمل کرِ بُو دِمہٕ تس مٔومن پؠٹھ اختیار._

²⁷.بؠہِ کرِسُہ شستُرو عاصہٕ ساتیٕ تمَِن پؠٹھ حکومت.ؠتھہٕ پاٹھؠٕ زن کرالہٕ سنٔدٕؠ بانہٕ چکنا چُور چھ سپدان.یٕلہِ زن مےٕ تہِ چُھ پننِس ببس نِش یُوتھؠٕ اختیار لُوِبمُت._

²⁸.بؠہِ دِمہٕ بُو تس صُبحک تارُک._

²⁹.ؠمِس کنَ آسن سُہ بُوزِ زِ رُوح کیا چُھ کلیسیاہن فرماوان.

3¹.بؠہِ لؠکھ سردیسچِہ کلیسیایہِ فرشتس زِ ؠمن نِش خدایہ سنٔدٕؠ ستھ رُوح چِھ بؠِہ ستھ تارک چِھ سُہ چُھ یہ فرماوان زِ بُو چُھس چانہِ کامہِ زانان زِ ژِے چھی زندہٕ ؠوان وننہٕ مگر چُھکھ مُوردٕہ._

².ہوشیار روز تہٕ تِمن چیزن ؠِم باقی چھ بؠِہ ؠِم مٹنِس أسؠٕ کر مضبوط تکیازِ مؠے لبنہٕ چانؠٕ کانہ تہِ کأم خدایس نزدیک مکمل کؠنہٕ._³.ادہٕ کر ژہٕ یاد زِ ژے کتھٕ پأٹھؠٕ أسؠٕ تعلیم لبٔمژٔ تہٕ بُوزمژٔ تہٕ تَتھ پؠٹھ رُوز قأؠٔم بؠہِ کر توبہٕ بؠہِ اگرنہٕ ژٕہ ہُوشیار رُوزکھ تہٕ بُو ؠمہٕ ژُورٕہ سنٔدٕؠ پاٹھؠٕ بیہِ لگی نہٕ ہرگز تہِ پے زِ کؠمہِ ساتٕہ پؠمہٕ بُو ژے پؠٹھ وأتِتھ._

⁴.البتہ چانہِ سردیسِہ منز چِھ کم کینژھا تِتھ شخص ؠمونہٕ پننؠٕ پَلو الُودٕہ کؠنہ کرٕؠ.تِم کرن سفید پوشاک لأگتِھ مؠے ساتؠٕ سیِر تکیازِ تِم چھ اَتھ لایٔق._⁵.یُس کاپہِ رَٹہِ تس یِن ؠتھ پاٹھؠ سفید پلو لاگنٕہ تہٕ بُو ژٹنہٕ تمسُند ناۆ ہرگِزتہِ کتاب حیاتٕ منزٕہ.بلکہ کرٕہ بُو پننِس ببس تہٕ تمسنٔدِؠن فرشتن بُرونہ کنہٕ تمسُندِہ ناوُک اقرار._

⁶.ؠمِس کَن آسن سُہ بُوزِ زِ رُوح کیا چُھ کلیسیاہن فرماوان._⁷.بؠِہ لِؠکھ فِلدِلفیہچِہ کلیسیایہ ہندِس فرشتس زِ یُوس قدُّوس تہٕ برحق چُھ بؠہِ یَس آتِھ داۆد ستٔر کنُز چھے.ؠمسنٔدِس کھو لمٕتِس کانہہ بند چھنہ کران تہٕ بند کرٔمتِس چُھنٕہ کانہہ کھولان.سُہ چُھ یہ فرماوان زِ._

⁸.بُو چُھس چانہِ کامہِ زانان وُچھ مےٕ چُھ ژے بُرونہہ کنہ اکھ دروازٕہ ؠلہٕ ترومُت.یتھ نہٕ کاہنہ ہؠکہِ بند کرِتھ.زِ ژے منز چُھ تھوڈا زُور بیہِ کراتھ ژِے مؠأنِس کلامس پؠٹھ عمل تہٕ بیہِ کورتھنہٕ میانہِ ناوُک انکار کؠنہہ._⁹.وُچھ بُو کرن شیطان سنٔز سُو جماعت چأنِس قابُوس ؠِم پننِس پانس یہُوٕدؠ چھ ونان تہٕ چِھنہٕ کؠنہ بلکہ چِھ اَپُز ونان.وُچھ بُو کرٕہ تُؠوتھ زِ تِم کرَن یِتھ چانؠن کھورن سجدٕہ.تہٕ زانن زِ مےٕ چُھ ژِے ساتؠٕ محبت._

¹⁰.تکیازِ ژے کرٔتھ مؠٲنس صبرکِس کلامس پٹھ عمل لہزا کرٕہ بُو تِہ آزماؠٔشہ ہندِ تؠمِہ وقتہٕ چانؠٕ حفاظت.یؠس زمینہِ ہندؠن روزن والؠن ہنٔزِ آزماؠٔشہ خاطرٕہ تمام دنیاہس پؠٹھ ؠنہٕ وألؠٕ چِھ._

¹¹.بُو چُھس جلدی ینہٕ وول.یہ کینزھا ژے نِش چُھ تَتھ کر تھپ یوتھنہٕ چُون تاج تھپِہ نیِیِہ._¹².یُوس کاپِہ ییِہ بُو بناونٕ سُہ پننِس ببِہ سنٔزِ ہؠکلہِ منز اکھ تھم.سُہ نیرٕنہ پتہٕ زانہ نیبر تہٕ بُو لؠکھٕہ تَتھ پؠٹھ پننِس خدایہ سُند ناۆ تہٕ پننِس کدایہ سنادِ شہر یعنی تؠمہِ تیِہ یروشلمُک ناۆ یُوس میأنِس خداؠس نِشہٕ آسمانہٕ پؠٹھٕ وسن وُول چُھ بیِہ پنُن نُو ناۆ._

¹³.ؠمِس کَن آسن سُہ بُوزِ زِ رُوح کیا چُھ کلیسیاہن فرماوان._¹⁴.بؠِہ لِؠکھ لودیکیہٕچہ کلیسیایہ ہندِس فرشتس زِ یُوس امین تہٕ پزٕؠ زُؠور تہٕ برحق گواہ چُھ بیہ چُھ کدایہ سنٔزِ خلقٔژ ہُند مَنبع سُہ چُھ فرماوان یِہ زِ._

¹⁵.بُو چُھس چانہِ کامہِ زانان زِ نَہ چُھکھ ژٕہ سرد نَہ گرم.کاش کہ ژٕہ آسُن سرد یا گرم._

¹⁶.ادٕہ ییلہِ زن ژٕہ نہ گرم چُھکھ نَہ سرد بلکہ چُھکھ گرم امہِ موجوب چُھسَتھ بُو ژٕ پننِہ أسہٕ منزٕہ نؠبر چھکن وُول._¹⁷.بؠہِ ییلہ زن ژٕہ وانان چُھکھ زِ بُو چُھس دولتمند بؠہِ بنؠس بُو مالدار تہٕ بُو چھسنہٕ کونہِ چُیزک نحتاج کؠنہ،مگر چھکھہ زانان زِ ژٕہ چُھکھ کمبخت تہٕ ذلیل تہٕ غریب تہٕ اُون تہٕ تؠتھٕ نُون._

¹⁸.اوٕہ مُوکھہٕ چُھسے بُو ژے صلاح دوان زِ مےٕ نِش ہؠہ مُولؠٕ نارٕ منز کُۆرمُت سُۆن یچتھ زن دولت مند سپدَک بیِہ نِہ سفید پوشاک ؠُوتھ زن ژٕہ سُہ لأگِتھ نؠتھ نون پان ظاہر گژھنہٕ مندچُھن پییی نہٕ بؠِہ نِہ أچھن ہندِ خاطرٕہ سُرمہٕ یُوتھ زن گاشدار سَپدکھ._¹⁹.مےٕ ؠم ٹھا ٹھؠٕ چِھ بُو چُھس تمن سارنؠ ملامت تہٕ تنبیؠہ کران.ادٕہ سرگرم آسُؠو تہٕ توبہ کریُو._

²⁰.وُچھ بُو چُھس دروازس پؠٹھ استادٕہ.اگر کانہہ مؠأنیٕ آواز بوزِتھ دروازٕہ کھولہِ تہٕ بُو گژٕھ تس نِش اندر تہٕ کھؠمہٕ تس ساتیٕ کھؠن تہٕ سُہ کھؠِہ مےٕ ساتؠٕ.²¹.یُوس کاپِہ ییِہ بُو بہناوَن سُہ پانس ساتیٕ تختس پؠٹھ ؠتھٕ بُو کاپہِ ؠتھ پننِس ببس ساتؠٕ تختس پؠٹھ بؠوٹھس._

²².ؠمِس کَن آسن سُہ بُوزِ زِ رُوح کیا چُھ کلیسیاہن فرماوان._

4¹.ؠمو کتھو پتہٕ یُوتھؠٕ مےٕ نظراہ کرٔ تہٕ کیا چؠھس وُچھان زِ آسمانس پؠٹھ چُھ اکھ دروازٕہ یلہٕ تھأیِتھ تہٕ یُوسہٕ بِگلِچ ہش آواز مؠے پانس ساتؠٕ کتھٕ کران أس بوز مژٔ سُوۓ چھے فرماوان زِ ولہٕ یُورؠٕ ہؠُور.بُو ہاوے تمہٕ کتھ یمن ہنُد یمِہ پتِہ سپدن ضرور چُھ._

².بُو آس فوراً رُوحس منز تہٕ کیا چُھس وُچھان زِ آسمانس پؠٹھ اُوس اکھ تخت تھاونہٕ آمُت تہٕ تَتھ تختس پؠٹھ اُوس کُستام بہت._

³.تہٕ یُوس تَتھ پؠٹھ بِہتھ چُھ زن چُھ سُہ سنگِ یشب تہٕ عقیق ہُؠو.تہٕ تَتھ تختس اَندٕؠ اَندٕؠ چھے زَن زُمّردٕچ رَم رَم بدرنؠٕ بُونؠٕ ہش._⁴.تہٕ تَتھ تختس اندؠٕ اندؠٕ چِھ ژُووُہ تختہ تہٕ تمن تختن پؠٹھ چِھ ژُووُہ بُزرگ سفید پوشاک لأگِتھ بہتھ تہٕ تہندؠن کلَن پؠٹھ چِھ سُنہٕ سنٔدٕؠ تاج._

⁵.تہٕ تؠمہِ تختہٕ منزٕہ چھے وُزملہٕ،آوازٕہ تہٕ گگرایہِ نیران بیِہ چِھ تَتھ تختس بُرونہہ کنِہ نارکؠٕ ستھ ژأنگؠٕ دزان.ؠِم چِھ خدایہ سنٔدٕؠ ستھ رُوح._⁶.بیِہ چُھ تختس بُونہہ کنِہ بلّورکؠٕ پاٹھؠٕ شیشک سمندر.تہٕ تختس منز باگ تہٕ تختس اَندٕؠ اندٕؠ چِھ ژوُر جاندار یمن پتہٕ بُرونہ أچھؠ أچھ چھے._⁷.گوڈنؠک جاندار چُھ سٕہہ سنٔدٕؠ پأٹھؠٕ تہٕ دُوؠِم جاندار وَژھٕؠ سنٔدٕؠ پأٹھؠٕ تہٕ ترؠمِس جاندار سُند بُتھ چُھ انسان سنٔدؠٕ پأٹھؠٕ تہٕ ژُورِم جاندار چُھ ؤڈونِس عُقاب سنٔدٕؠ پأٹھؠٕ._

⁸.تہٕ یمن ژُوشونؠٕ جاندارن چھے شیہ شیہ پکھٕہ بیِہ چھؠکھ ژُوشویُو طرفہ تہٕ اندرٕؠ أچھؠِ أچھ تہٕ راتس دُوہس چِھ بغیر آرام یِہ ونان روزان قُدُّوس.خداوند خدا قادِر مُطلق یُوس اُوس تہٕ یُوس چُھ تہٕ یُوس ینہٕ وُول چُھ._⁹.تہٕ ییلہِ تِم جاندار تمسنٔز تمجید تہٕ عزّت تہٕ شُکرگزاری کرن یُوس تختس پؠٹھ بہتھ چُھ تہٕ تا ابد زندٕہ رُوزِ ._

¹⁰.تہٕٕ تِم ژُووُہ بزرگ پین تس بُرونہ کِنہ یُوس تختس پؠٹھ بِہتھ چُھ تہٕ کرنس سجدٕہ یُوس تا ابد زندٕہ رُوز تہٕ پنُن تاج تراوَن تس بُرونٕہ کنِہ یِہ ونتِھ زِ._

¹¹.ہیے سانِہ خداوندٕہ تہٕ خدایہ ژؠٕ چُھکھ ثناء خوأنِی تہٕ عزّتس تہٕ قدرتس لایٔق تکیازِ ژے کرِتھ تمام چیز پادٕہ تہٕ تِم أسؠٕ چانےٕ مرضی ساتؠٕ تہٕ سپدٕی پأدٕہ._

5¹.تہٕ یُوس تختس پؠٹھ بہتھ اُوس مےٕ وُچھ تَس دٔچھنِس اتھس منز اکھ کتاب یُوسہٕ اندرٕؠ کؠنٕؠ تہٕ نبٕر کؠنٕؠ لؠکھتھ أس تہٕ سُو أس ستھ مُہٕرہ لگا یِتھ بند کرنہٕ آمژ._

².پتہٕ وُچھ مےٕ اکھ زوُرور فرشتہ بڈِ آوازِ منز یِہ مُنادی کران زِ کُس یتھ کتابِ کھولنس تہٕ أمچہ مُہرٕہ فُٹرنس لایٔق؟_³.تکیازِ کانہہ شخص دراونہٕ آسمانہ پؠٹھ یا زمؠنہِ پؠٹھٕ یا تل پاتالہٕ ؠتھ کتاب کھولنس یا اَتھ وُچھنس قابل._

⁴.تہٕ بُو لوگُس اتھ کھتِہ پؠٹھ زار زار وَدٕنہِ زِ کانہہ دراونہٕ اَتھ کتاب کھولنس یا اَتھ پؠٹھ نظر کرنس لایٔق._

⁵.پتٕہ وُن مےٕ بزرگو منزٕہ اکؠٕ (زمَہ).وُچھ یہُوداہ سنٔدِ قبیلُک سُہ شیر ببر یُوس داۆد سنٔدِ خانُک چُھ تیمؠٕ لُوب فتح تہٕ سُوؠٔ ہؠکہ اَتھ کتاب تہٕ اَمچؠن ستن مُہرن کھولِتھ._⁶.تہٕ مؠے وُچھ تختس تہٕ ژُورن جاندارن تہٕ تمن بُزرگن منز باگ گویا ذبح کرنہٕ آمُت اکھ چِھرٕ برّٕہ کھڑا.تس ٲسٕی ستھ رُوح ؠِم تمام رُوۓ زمینس پؠٹھ سُوزنٕہ چِھ آمتؠٕ._

⁷.سُہ آۆ تہٕ تختس پؠٹھ بؠٹھؠٕ متٔہِ سنٔدِ دٔچھنہ اَتھٕ منزٕہ نیَِؠن سُو کتاب._⁸.ییلہِ تؠمؠٕ کتاب نیِہِ تہٕ تمِ ژُووُہ بزرگ پے تس چھرٕہ برّس برونٹھٕ کنِہہ تہٕ پرؠتھ کانسِہ ہنٔدِس اتھس منز أسؠٕ ربابہٕ تہٕ ؤدٕہ ساتؠٕ بھرِت سُونہٕ سنٔدٕؠ پیالہ.یِم چِھ مُقّدسن ہنٔدٕؠ دُعا._⁹.بیِہ اگر تِم یِہ نو بأتھ گؠونِہ زِ ژؠٕ چُھک یِہ کتاب نِنس تہٕ اَمِچِ مُہرٕہ کھولنس لایٔق.تکیازِ ژٕے چِھی ذبحکِہ پننِہ خونٕہ ساتیٕ.پریتھ قبیلہٕ تہٕ اہل زبانو تہٕ اُمتو تہٕ قومو منزٕہ خدایہ سنٔدِ خاطرٕہ لوکھ مُولؠٕ ہیتمتٕؠ._

¹⁰.تہٕ تِم آۓ سأنِس خدایہ سنٔدِ خاطٕرہ اکھ پادشاہی تٕہ کاہن بناونٕہ تہٕ تِم چِھ زمینِہ پؠٹھ پاشاہی کران._¹¹.بیہِ ییلِہ مےٕ نظر کرٔ تہٕ تَتھ تختس تہٕ تمن جاندارن تہٕ بُزرگن اندؠٕ اندؠٕ بُوزم واریاہن فرِشتن ہنٔز آواز ؠمن ہنٔد تعداد لَچھن تہٕ کرُورَن منز اُوس._

¹².تہٕ تِم أسؠٕ بُلند آوازِ منز ونان زِ ذبح کورمُت چِھریٔ چُھ،قدرتس،دولتس،حِکمتس،طاقتس،عِزّتس،ثناخوانؠٕ تہٕ حمدس لایٔق._¹³.پتہٕ بوز مےٕ آسمان تہٕ زمین تہٕ تلپاتالکؠٕ تہٕ سمندرکؠٕ سارٕی مخلوقات یعنی ؠِم تمن منز چِھ سارٕی چیز یہ ونان زِ یُوس تختس پؠٹھ چُھ تمسنٔز تہٕ چھرٕہ برّٕہ ستٔر ثناخوٲنیٕ.حمد،عزت تہٕ پادشاہی رُوزِن ابدُالآباد._

¹⁴.تہٕ ژُوشوؠٕ جاندارو وُن آمین تہٕ بُزرگو کور نمِتھ سجدٕہ._

6¹.یتہٕ وچُھ مےٕ زِ چھرٕہ برَّن کھوُجؠٕ ستو مہرَو منزٕہ اکھ تہٕ تمو ژُورُو جاندارو منزٕ بُوز مےٕ اکؠ سنٔز گگراۓ ہش آواز ونان زِ ولہٕ._

².مےٕ کرٔ نظر تہٕ کیا چُھس وُچھان زِ اکھ سفید گُر چُھ تہٕ تمسُند سوار چُھ کمان رٹِھ.تس آۆ اکھ تاج دِنہٕ تہٕ سُہ دراۆ فتح کران یُوتھ زن بیِہ تِہ فتح حاصل کرِ._³.تہٕ ییلہِ تؠمؠٕ دوؠِم مہر کھُوجؠٕ تہٕ بُوزم دُوؠم جاندار یہ ونان زِ ولہٕ._

⁴.پتہٕ دراۆ بیاکھ گُر یمسُند رنگ وزُل اُوس.تمسنٔدِس سوارَس آو یِہ اختیار دِنہٕ زِ زمینِہ پؠٹھٕ نِہ صُلح تُلِتھ یوتھ زَن لوکھ اکھ اکِس قتل کرن.تہٕ تمِس آیہ اکھ بٔڑ تلوار دِنہٕ._⁵.بؠہٕ ییلہِ تؠمؠٕ تریِم مُہر کھُوجؠٕ تہٕ مےٕ بُوز ترؠم جاندار یہ ونان زِ ولہٕ.تہٕ مےٕ کرٔ نظر تہٕ کیا چُھس وُچھان زِ اکھ کرٕہُن گُر چھ تہٕ تسہندِس اتھس منز چھے اکھ ترہ کرٔ._

⁶.بیِہ بُوز مےٕ گُویا تمو ژورَو جاندارو منزٕہ یہ آواز ؠوان.ونان زِ اکھ سیر کٔنک تہٕ اکِہ دُوہٕچِہ نرور باپتھ ترے سیر وُشکٕہ مگر تیلک تہٕ شرابک نقصان مَہ کر._⁷.پتہٕ ییلِہ تیمٕؠ ژُورِم مہر کھُوجؠٕ تہٕ مؠے بُوز ژُورِم جاندار یہ ونان زِ ولہٕ._

⁸.مےٕ کٔر نظر تہٕ کیا چُھس وُچھان زِ اکھ زرّد ہُؠو گُر چُھ تہٕ تمکس سوارس چُھ ناۆ مُوت تہٕ تلپاتال چُھ تس پتہٕ پتہٕ تہٕ ؠمن آۆ زمؠنہِ ہنٔدِس ژورمِس حِصَس پؠٹھ یہ اختیار دِنہٕ زِ تلوارِ تہٕ وَباء تہٕ دراگہٕ تہٕ زمؠنہِ ہندؠو وحشی جانوروساتی کرِ وُکھ لوگ ہلاک._⁹.پتہٕ ییلِہ تؠمؠٕ پأنژم مُہر کُھوجؠٕ تہٕ مےٕ قربان گاہس بُونہٕ کنِہ تِہنِد رُوح تِم خدایہ سنٔدِ کلامکہٕ وجہ ساتؠٕ تہٕ گواہی پؠٹھ قایٔم روزنکہِ وجہ ساتؠٕ مارنہٕ أسؠ آمتؠٕ._

¹⁰.تہٕ تمو وُن بُلند آوازِ منز کرؠکھ دِتھ زِ ہیے مالکہٕ!ہیے قُدّوس و برحق ژۂ کوت تام کرکھ نہٕ انصاف تہٕ زمینہِ پیٹھ روزن والؠن ہؠکھنا سانہِ خُونک بدلہٕ؟_

¹¹.تہٕ تمو منزٕہ آۆ پرؠتھ اکِس سفید جامہ دِنہٕ تہٕ تمن آۆ وننہٕ زِ بیہِ کرؠو کؠنژھس کالس آرام یوتام نہٕ ہم خدمتن تہٕ بھایٔن ہنُد تعداد تہٕ برابر گژِھ ؠِم تُہندٟؠ پاٹھؠٕ قتل سپدان والؠٕ چِھ._¹².تہٟ ییلِہ تؠمؠِٕ شیِم مُہر کھوجؠٕ تہٕ مےٕ وُچھ اکھ بُوڈ بِنُؠول آۆ تہٕ أفتاب کملِ ہندٕؠ پاٹھؠٕ کرٕہُن تہٕ سارؠٕ زون ہؠہِ خون ہِش._

¹³.تہٕ آسمانکؠٕ تارک پے تَتھٕ پاٹھؠٕ زمینہِ پؠٹھ وسؠٕ ؠتھٕ پاٹھؠٕ زورٕہ وُول طوفان چُھ انجیر کُلِس ألہٕ ران تہٕ چِھس خَام مؠوٕہ وسؠٕ پؠوان._

¹⁴.آسمان آۆ تِتھٕ پاٹھؠٕ وٹنہٕ ؠِتھٕ پاٹھؠٕ کاغز چُھ وٹنہٕ ؠوان.تہٕ پرؠتھ کانہہ پہاڈ تہٕ جزیرٕہ ڈلؠٕ پننِہ پننِہ جایِہ نِشہٕ._¹⁵.تہٕ زمینہِ ہندٕؠ پادشاہ تہٕ امیر تہٕ فوجیٕ سردار تہٕ مالدار تہٕ زورور بؠہ تمام غلام تہٕ آزاد گے تہٕ رُودیٕ پہاڈن ہندؠن غارن تہٕ کنؠن منز ژُورِ._

¹⁶.تہٕ لگؠٕ پہاڈن تہٕ کنؠن وننِہ زِ اَسِہ پؠٹھ پیُؠو سؠٕ تہٕ اَسہِ تھایٔو تختس پؠٹھ بِہنہٕ والؠٕ سنٔزِ نزر نِشِہ تہٕ چھرٕہ برّٕہ سنٔدِ غضبٕہ نشہ چُھپایِتھ._

¹⁷.تکیازِ تِہندِ غضبُک عظیم دوہ وُوت ونیٕ کُس ہؠکہ ٹھہرِتھ._

7¹.اَمہ پتہٕ وُچھ مےٕ زمینہ ہندؠن ژورن کُونن پؠٹھ ژُور فرشتہ کھڑا.تِم ٲسؠ زمؠنہِ ہندؠن ژُوشونؠٕ طرفن ہنُد واو رٹِتھ پُوتھنہٕ زمینہ یا سمندرس یا کُنہِ کُلِس پؠٹھ ہوا پکہِ._

².پتہٕ وُچھ مےٕ بیِہ اکھ فرِشتہٕ زندہٕ خدایہ سنٔز مُہر ہؠتھ مشرِقِکہ ہِؠرمہِ طرفہٕ ؠوان.تؠمؠٕ وُن تمِن ژوشونؠٕ فرشتن ؠمن زمینہ تہٕ سمندرس نقصان واتناونک اختیار اُوس آمت دِنہٕ بلند آوازِ منز آلودِتھ._

³.زِ یو تام نہٕ ٲسؠٕ پننِس خدایہ سنٔدِؠن بندن ڈؠکس پؠٹھ مُہر کرَو توتام واتنٲ ؠزؠونہٕ زمینِہ تہٕ سمندرس تہٕ کُلین کانہہ،نقصان._⁴.تہٕ ؠمن پؠٹھ مہر آیہ کرنہٕ تِسہنٔد تعداد بوز مےٕ بنی اسرایٔلکیو ساروؠٕ قبیلو منزٕہ اکھ لچھ ژُؤیتاجی ساسن پؠٹھ آیہ مُہر کرنہٕ._

⁵.یُہوداہ سنٔدِ قبیلہٕ منز آیہِ بہن ساسن پؠٹھ مُہر کرنہٕ.رُوبن سنٔدِ قبیلہٕ منز بہن ساسن پؠٹھ.جدّ سنٔدِ قبیلہٕ منزٕہ بہن ساسن پؠٹھ._

⁶.آشر سنٔدِ قبیلہٕ منزٕہ بہن ساسن پؠٹھ.نفتاؠ سنٔدِ قبیلہٕ منزٕہ بہن ساسن پؠٹھ.منسّی سنٔدِ قبیلہٕ منزٕہ بہن ساسن پؠٹھ._⁷.شمعُون سنٔدِ قبیلہٕ منزٕہ بہن ساسن پؠٹھ.لاویِ سنٔدِ قبیلہٕ منزٕہ بہن ساسن پؠٹھ.اِشکار سنٔدِ قبیلہٕ منزٕہ بہن ساسن پؠٹھ._

⁸.زبُولون سنٔدِ قبیلہٕ منزٕہ بہن ساسن پؠٹھ.یُوسف سنٔدِ قبیلہٕ منزٕہ بہن ساسن پؠٹھ.تہٕ بِن یمؠن سنٔدِ قبیلہٕ منزٕہ آیہ بہن ساسن پؠٹھ مُہر کٔرنہٕ._⁹.ؠمو کتھو پتہٕ ییلِہ مےٕ نظر کرٔ تہٕ کیا چُھس وُچھان پرؠتھ اکھ قوم تہٕ قبیلہٕ تہٕ اُمّت تہٕ اہل زبانن ہُند اکھ تیوتا بوڈ ہجُوم ؠتھ نہٕ کانہہ ہؠکہ شمار کرِتھ چِھ سفید جامہٕ لاگتِھ تہٕ کھزٔرٕہ لنجِہ ۆنؠن اتھن منز ہؠتھ تختس تہٕ چھرٕہ بَرّس برونٹھِ کنہ استادہ._

¹⁰.تہٕ چِھ بلند آوازِ منز کرؠکہٕ کریِک کرِتھ ونان زِ نجات چُھ سانِس خدایہ سنٔدِ طرفہٕ یُوس تختس پؠٹھ بِہتھ چُھ بیِہ چھرٕہ برّٕہ سنٔدِ طرفہٕ._¹¹.تہٕ سارِی فرشتہ چھ تَتھ تختس تہٕ بزرگن تہٕ ژُورن جاندارن اندٕؠ اندٕؠ استادٕہ.پتہٕ پے تِم تختس بُرونٹھٕ کنہِ بُتھِ کؠنؠٕ تہٕ خداؠس سجدہ کرتِھ._

¹².وُنکھ آمین.حمد تہٕ ثناء خوانی تہٕ حکمت تہٕ شُکر تہٕ عزّت تہٕ قدرت تہٕ طاقت آسِن ہمؠشہ سانِس خدایہ سنٔد.آمین._¹³.تہٕ بزرگو منزٕ وُون مےٕ اکؠٕ زِ یِم سفید جامہ لاگتِھ کٔم چِھ؟تہٕ کتہِ پؠٹھٕ چِھ آمتؠٕ؟_

¹⁴.مےٕ وُن تس زِ ہے میانہِ خداوندٕہ ژؠٕ زانَٕکھ تؠمؠٕ وُن مےٕ یِم چِھ تِمےٕ ؠم تؠمہِ بڑِہ مصیبتہٕ منزٕہ نیرِتھ چِھ آمتؠٕ.ؠمو چِھ پننؠٕ جامہٕ چھرٕہ سنٔدِ خونہٕ ساتؠٕ چھلِتھ سفید کرمتؠٕ._¹⁵.امہٕ وجہ کؠنؠٕ چِھ ؠِم خدایہ سنٔدِس تختس برونہہ کنہ تہٕ بؠہِ چِھ تمسنٔزِ ہؠکلہِ منز رات دوہ تسہنٔز عبادت کران.تہٕ یُوس تختس پؠٹھ بہتھ چُھ سُہ گنڑہِ پنُن خٕؠمہٕ تِمن پؠٹھ._

¹⁶.اَمِہ پتہٕ نَہ لگہِ تمن زانہہ بُوچھہ نَہ ترؠش تہٕ نَہ ستایٔکھ زانہہ تاف نَہ گرمی._

¹⁷.تکیازِ یُوس چِھرٕہ برّٕہ تختس منز باگ چُھ سُہ کرِ تِہنز پہلؠٕ گؠِ بیہِ نییِہ تمن آب حیات کین ناگن نِش.تہٕ خداۓ وتھرایہِ تہنزن أچھن ہنُد سُورؠ اُۆش._

8¹.ییلہ تؠمؠٕ سِتم مُہر کھُ وجؠٕ تہٕ آسمانس پؠٹھ روز أڈِس گأنٹس خاموش._

².تہٕ مےٕ وُچھ تِم ستوے فرِشتٕہ یِم خداؠس نِش کھڑا چھ رُوزان تہٕ تمن آۓ ستھ بِگلِ دِنہٕ._³.پتہٕ آۆ بیاکھ فرِشتہٕ سونہٕ سنٔز مُشکِہ دانؠٕ ہؠتھ تہٕ سپُد قربان گاہس پؠٹھ استادہٕ تہٕ تس آۆ واریاہ ؤدٕہ دِنہٕ تاکہ سُہ کھالہِ تَتھ مقدِسیننہِند دُعا ہو سُونہٕ سنٔدِس قربان گاہس پؠٹھ.یُوس تختس برُونہہ کنہِ چُھ._

⁴.تہٕ فرِشتہٕ ہنٔدِسؠٕ وُوت تؠمہِ ؤرُک دُھو مقدِسینن ہندِ دُعاء ساتؠٕ خداؠس نِش._

⁵.تہٕ فرشتن نِیؠہِ مشکہٕ دٲنیٕ تہٕ تَتھ منز بورُن قُربان گاہُک نار تہٕ تروُون زمینہِ پؠٹھ.پتہٕ گؠیہٕ گگرایہِ تہٕ وُزملہٕ تہٕ آوازہٕ آیہ بوزنہٕ بؠہِ گو بِنُیول._⁶.تہٕ تِم ستوےٕ فرشتہٕ ؠمن نِش تِم ستھ بِگِل ٲسؠٕ سپٔدٕؠ وایٔنہ خاطرٕہ تیار._

⁷.ییلِہ گوڈنکؠٕ بِگُل ووۓ تہٕ سُپد خون رلتِھ ڈُوٹھ تہٕ نار پادہٕ تہٕ آۆ زمینہِ پؠٹھ تراونہٕ ؠمہِ ساتؠٕ ترٕے حصہٕ زمین دٔز تہٕ ترے حصّہ کُلؠٕ دَدؠٕ بیہِ دُور تمام سبز گاسہٕ._⁸.بیہِ ییلِہ دُویِم فرشتن بِگُل ووۓ تہٕ زنَ آۆ نارہ ساتؠٕ دزٕوُن اکھ بُوڈ پہاڈ سمندرس منز تراونہٕ تہٕ ترٕے حصّہٕ سمندر گو خونس منز تبدیل._

⁹.تہٕ سمندرٕچِ ترٕے حصّہ زُو زات سپٔز مارہٕ تہٕ تٕرے حصّہ جہاز گے تباہ._¹⁰.ییلِہ ترییِم فرشتن بِگُل وُوۓ تہٕ اکھ بُوڈ تارُک پیُو مشعالہِ ہندؠ پأٹھؠٕ دزِتھ آسمانہٕ پؠٹھٕ فُٹتِھ ترِؠن حصّہٕ کِؠن دریاون تہٕ آبکؠن ناگن پؠٹھ._

¹¹.تَتھ ستارَس چھ ناگدَونا ونان تہٕ ترٕے حصّہ آب گو ناگدَو ہکؠٕ پاٹھؠٕ ٹیوٹھ تہٕ آب ٹیوٹھ گژھنہٕ ساتؠٕ مُودؠٕ واریاہ لُوکھ._¹².تہٕ ییلِہ ژُورِم فِرشتن بِگُل وُوۓ تہٕ ترٕے حصّہ آفتابس تہٕ ترٕے حصّہ زُونِہ تہٕ ترے حصّہ تارکٔن وُوت نقصان ؠوتا نؠٕ زن تمن ہُند تریؠِم حصّہ سُپد اَنہِ گٹہٕ تہٕ ترٕے حصّہٕ دُوہس رُود نٕہ گاشؠٕ بیہِ یتھےٕ راژٔ منز تہِ._¹³.پتہٕ ییلِہ مؠے نظر اکرٔ تہٕ بُوزم آسمانس منز باگ اَکھ وُڑوُن عُقاب بُلند آوازِ منز ؠہٕ ونان زِ تِمن ترؠن فرشتن ہنٔز بگلچِہ آوازِ ساتؠٕ یمن ہُند وایُن ونہِ باقی چُھ زمینہِ پؠٹھ روزن والؠن پؠٹھ افسوس.افسوس.افسوس._

9¹.پتہٕ ییلِہ پأنژِم فرشتن بِگُل وُوۓ تہٕ مےٕ وُچھ آسمانہٕ پؠٹھٕ اکھ ستارٕہ زمینہِ پؠٹھ وسؠٕ پؠوان تہٕ تس آیہِ سرؠنہِ دُوبٕچکُنز دِنہٕ._

².ییلِہ تؠمؠ سُو سرون دُوب کھُوول تہٕ دُوبہٕ منزٕہ وُوتھ اکہِ بڑِ بُھٹک دُھو ہُؠو تہ تؠمہِ دُوبِکہ دُھیِہ ساتؠٕ سُپد آفتابس تہٕ ہواہس انہِ گُوٹ._³.تہٕ تؠمہِ دُھیِہ ساتؠٕ دراۓ زمینہِ منزٕہ ہالَو تہٕ تِمن آۆ زمینہِ ہنٔدِؠن بچَن ہنُد ہُؠو طاقت دِنہٕ._

⁴.تہٕ تمن آو وننٕہ زِ تمو لوکو ورٲۓ ؠمن ہنٔدِس پؠٹھ نہٕ خدایہ سنٔز مُہر چھے واتنأؠٔ زؠونہٕ زمینہِ ہندِس کونہِ تہِ کُلِس یا گھاسس یا سبزارس نقصان._⁵.تِمن آۆ زُوتلہٕ مارنُک اختیار دِنہٕ بلکہ آکھ پانژن رؠتن تام لوکن تکلیف دنُک اختیار دِنہٕ.تہٕ تِہسُند تکلیف اُوس تیُوتھ یُوتھ بِچِہ سنٔزِہ ٹُوفہِ ساتیٕ انسانس سپدان چُھ._

⁶.تمن دوہن منز ژھا نڈن لوکھ مُوتس مگر اتھِ یِؠَکھنہٕ بیہِ کرنَ مُرنک آرزُو مگر مُوت ژلہِ تمو نِشہٕ._⁷.تہٕ تِم ہالو أسؠٕ تِمن گُرِؠن ہنٔزِ شکلہِ ؠِم جنگہ خاطرٕہ چھ تیار کرنہٕ آمتؠٕ.تہٕ تہسندؠن أسؠٕ گویا سُونہٕ سنٔدؠٕ تاج تہٕ تہسندؠٕ بُتھؠٕ أسؠٕ انسان سنٔدِؠن بُتھؠن ہندؠٕ پاٹھؠٕ._

⁸.تہٕ مَس اُوسک زنؠن ہندِ مستکؠٕ پاٹھؠٕ تہٕ دند شیرِ ببرہ سنٔدٕؠ پاٹھؠٕ._

⁹.تہٕ تمن نِش أسؠٕ شؠسترو بکتر تہٕ تِہنزَن پتھن ہنٔز آواز ٲس تژِھ ؠتھہٕ کنؠٕ زن رَتھ گاڈِ تہٕ واریاہ گُرٕؠ جنگس منز ڈوَوان چِھ._¹⁰.تہٕ تہنزِ لچہ آسہٕ بِچَن ہنٔزٕہ ہشہ تہٕ تمن منز ٹُوفہٕ تہِ تہٕ تمن لچؠن منز اُوس پانژن ریتن تام لوکن تکلیف واتنا وُنکھ طاقت._

¹¹.سرؠنہِ دوبُک فرشتہٕ اُوس ٕتِہند پادشاہ.تہنُد ناۆ چُھ عِبرانی زبانِ منز ابدُّون تہٕ یونانؠ زبانِ منز اَپُلیون._

¹².گوڈ نؠوک افسوس سپدیُو.وُچھؠو اَمہِ پتہٕ چِھ زٕہ افسُوس بیِہ سپدن والؠٕ._¹³.تہٕ ییلِہ شِؠیِم فرشتن بِگُل وُوۓ تہٕ مےٕ بُو ز تؠمہٕ سُونہٕ سنٔدِ قربانگا ہکؠو ہؠگو منز ؠُوس خداؠس نِش اُوس تژِھ آواز._

¹⁴.زِ تس شؠمِس فرشتس ؠمِس نِش بِگُل اُوس کُستام ونان زِ تِم ژوشوٕے فرشتہٕ تراوُکھ یلہٕ ؠِم بڑِس دریاۆس یعنی فراتس نِش گنڑِتھ چِھ._

¹⁵.ادہٕ تِم ژوشوےٕ فرشتہٕ آۓ یلہٕ تراونہٕ ؠِم خاص وقتہٕ تہٕ دُوہہ تہٕ ورؠیہِ باپٹھ تیار أسؠ آمتؠٕ کرنہٕ یُوتھ زن ترے حصّہ انسانن مارہٕ کرن._¹⁶.تہٕ فوجکؠٕ سوار أسؠٕ شُمارس منز وُہ کرُور مےٕ بُوز تِہنُد شُمار._

¹⁷.تہٕ مےٕ آۓ اَتھ رُویاہس منز گرُؠٕ تہٕ تِہندؠٕ سوار تَتھ اَتِھ ؠمن ہنٔدؠٕ بکتر نار تہٕ سُنُبل تہٕ گندھک ہیؠٕ ٲسؠٕ تہٕ تِمن گُرؠن ہندؠٕ کلہٕ ٲسؠٕ سٕہن ہندیٕ پاٹھؠٕ تہٕ تہندِ بؤا سَو منزٕہ اُوس نار،دُھو گندھُک نؠران._¹⁸.ؠمو تر ؠو بلایٔو یعنی تؠمہِ نارٕہ تہٕ دُھوہہِ تہٕ گندھکہٕ ساتؠٕ یُوس تہسندِ ؠؤ ٲسؠٕ منزٕہ نؠران اُوس گےٕ ترٕے حصّہ لوکھ مارہٕ._

¹⁹.تکیازِ تِمن گُرِؠن ہنُد تاقت اُوس تہندؠن ٲسَن تہٕ تہندِؠن لٹِؠن منز.اَمہٕ موجوب زِ تہندؠٕ لٹؠٕ ٲسؠٕ سُرفن ہنٔزن لچِؠن ہندؠٕ پاٹھؠٕ بیہِ ٲسِکھ لٹِؠن منز سر تہٕ.تموؠٔ ساتؠٕ ٲسؠٕ تم تکلیف واتناوان._²⁰.تہٕ باقی لوکو ؠم نہٕؠمو بلایٔو ساتؠٕ مودؠٕ کؠنہ پننُؠو اتھو ہنزو کامؠو نِشہٕ کورکھ نہٕ تو بہٕ یعنی کہ باز آیٔنہ شیطانن ہنٔزِ تہٕ سونہٕ سٔنَزو تہٕ رُوپہٕ سٔنَزو تہٕ سرتلؠِو تہٕ کنؠو تہٕ ہچُو مُورژَن ہنٔدِ عبادت کر نہٕ نِشہٕ.ؠم نہٕ وچھِتھ چِھ ہؠکان نہَ بوزتِھ چِھ ہؠکان.نَہپَکتھ چِھ ہؠکان._

²¹.بؠہِ ؠُوس قتل و غارت تہٕ جادو گرِی تہٕ زنا کأری تہٕ ژُور تمو کرٔمژٔ ٲس تؠمہ نِشہ کور کھنہٕ تُوبہ._

10¹.پتہٕ وُچھ مےٕ بؠاکھ اکھ زوراور فرشتہ اوبُر ولِتھ آسمانہٕ پؠٹھٕ وسان تمنٔدِس کلَس پؠٹھ ٲس رم رم بدرنؠٕ بُونؠٕ تہٕ تمسنُد بؠتھ اُوس آفتابکؠٕ پٲٹھؠٕ تہٕ تمسندؠٕ کُھور نارُو تھمبن ہندؠٕ پٲتھؠٕ._

².تہٕ تمسٔدِس اتھس منز ٲس اکھ لوکٕٹ کھولتِھ کتاب.تؠمؠٕ تُھوو پنُن دچُھن کھُور سمندرس پؠٹھ تہٕ کھووُز خشکؠٕ پؠٹھ._³.تہٕ دِژٔن تھزِ آوازِ منز تِتھ کنؠ کرِ ؠکھ ؠتھ کنؠ سہہٕ چُھ گرِؠزان بؠِہ ییلِہ تؠمؠٕ کرؠکھ دِژ تہٕ گرِؠزنچِہ ستھ آوازٕہ آیِہ بوزنہٕ._

⁴. تہٕ یؠلہِ گرِؠزنچِہ ستھ آوازٕہ سپدؠیہِ تہٕ مےٕ کُور لؠکھٕنُک ارادٕو تہٕ آسمانہٕ پؠٹھ آنہِ آواز بوزنہٕ زِ ؠمہٕ کتھٕ ژے ؠمو ستو گرؠزنچؠو آوازو منز بُوزتھ تِمہٕ تھاۆ پوشیدٕہ تہٕ تحریر مَہ کر._⁵.تہٕ یُوس فرشتہٕ مےٕ سمندرس تہٕ خشکِؠ پیٹھ کھڑا اُوس وُچھمٕت تؠمؠٕ تُل پنُن دچُھن اتھٕ آسمانس کُن._

⁶.تہٕ یُوس ابدُالآباد تا ابد زندٕہ روزِ تہٕ ؠمؠٕ سمندر تہٕ تؠمہٕ منز کؠٕ چیز بیہِ زمین تہٕ تؠمہٕ پؠٹھکؠٕ چیز بؠہِ سمندر تہٕ تؠمہِ منز کؠٕ چیز پٲدہٕ کرٕؠ تمسُند قسم کھِؠتھ ونُن زِ ونؠٕ سپدِؠنہٕ بیِہ ژِیر._

⁷.بلکہ ستمس فرِشتسٕہ سنٔدِس آواز دِنکِس زمانس منز ییلِہ سُہ بِگُل وایٔنس آسہِ اَتؠِ سپدِ خدایہ سُند پوشیدہ راز تؠمہٕ خوشخبری ہندِ موافِقہٕ یُوس تیمؠٕ پننؠن بندن نبیِؠنی ہندِ ذریعہ دیوتمت اُوس._⁸.تہٕ یُوسہٕ آواز مےٕ آسمانہٕ پؠٹھٕ کتھٕ کران بُوزمژۡ ٲس تؠمؠٕ وُن مےٕ کن مُخاطب سپدِتھ،زِ گژھ.ہُومِس فرشتٕہ سنٔدِس اتھس منز ؠُوس سمندرس تہٕ خشکؠِ پؠٹھ کھڑا چُھ رَٹھ سُو کھولتھِ کتاب._

⁹.پتہ گوس بُو تس فرشتس نِش تہٕ وُنمَس یہٕ لوکٕٹ کتاب دِہ مےٕ.تؠمؠٕ وُن مےٕ نہِ تہٕ کھِؠن یہِ.اَمہِ ساتؠٕ گژِھؠ ژے یڑ ٹؠھٹھ مگر چانِس ٲسس لگہِ ماچھکؠٕ پاٹھؠٕ مؠٹھؠٕ._¹⁰.پتہ نؠِ مؠے سُہ لوکٕٹ کتاب تمِس فرشتہٕ سنٔدِ اَتھٕ منزٕہ تہٕ کھیؠَم.سُو لجؠٕ مےٕ ٲسس منز ما چھکؠٕ پاٹھؠٕ مؠٹھؠٕ مگر ییلہ مےٕ سُو نؠنگلٲو تہٕ مؠٲنؠٕ یڑ گؠہ ٹھؠھ._

¹¹.تہٕ مےٕ آۆ وننٕہ زِ ژِے چھے واریاہن اُمّتن تہٕ قومن تہٕ اہل زبان تہٕ پادشاہن پؠٹھ مزید نُبوّت کرنؠٕ ضرور._

11¹.تہٕ مےٕ آیہِ عاصکؠٕ پاٹھؠٕ اکھ مؠننٕچ لور دِنہٕ تہٕ کؠمتام وُن زِ وَتھ مؠنُکھ خدایہ سنٔز کلیسیا تہٕ قربان گاہ تہٕ بیِہ تمن منز عبادت کرن والؠٕ._

².مگر سُہ آنگُن یُوس کلیسیاء نیبر چُھ کرزِ خارِج تہٕ سُہ مِینزؠنہٕ تکیازِ سُہ چُھ آمُت غیر قومن دِنہٕ.سُہ کرِ مُقدّس شہرس دُویٔتٲجہن رؠتَن لَتہٕ مُونڑ._³.تہٕ بُو دِمہٕ پننؠن دُون گواہن اختیار تہٕ تِم کرن ٹاٹ ولِتھ اکِس ساسس دُون ہتن شؠٹھن دُوہن نبوّت._

⁴.ؠِم چھ تمےٕ زیتُونکؠٕ زٕہ کُلؠٕ تہٕ زہٕ زُورِ ؠِمہٕ زمینہِ ہندِس خداوندس نِش کھڑا چِھ._

⁵.تہٕ اگر کانہہ تمن نقصان واتناوُن چُھ یژھان تہٕ تہِندِ ٲسہٕ منزٕہ نار نؠرِتھ چُھ تمن دُشمنن کَھؠوان.و اگر کانہہ تمن زَکھ واتناوُن یژِھ تہٕ سُہ گژِھ ضرور یتھے کنؠ مارٕہ._⁶.تمن چُھ اختیار زِ آسمانس کرن یُوتھ زن نہٕ تِہندِس نبوتکِس زمانس منز رُود پؠیہِ تہٕ آبس پؠٹھ چُھکھ اختیار زِتَتھ بناوَن خون تہٕ یِتیاء فِرِہ یژھَن تہٕ زمینہِ پؠٹھ انَن رنگہٕ رنگہٕ آفژٕہ._

⁷.ییلِہ تِم پننؠٕ ٕگواہی دِتھ سپدَن تہٕ سُہ حؠوان یُوس سرؠنِہ دُوبہٕ منزٕہ نؠرِ ییِہ تِمن پؠٹھ لڑٲؠٔ کرِتھ غالِب تہٕ مارِہ تِمن._⁸.تہٕ تہنزِ لاشِہ رُوزن پِیتھ تؠمِہ بڑِ شہر کس بازرس منز یُوس رُوحٲنؠٕ اعتبارہٕ سروم تہٕ مِصر ییِہ وننٕہ.یتہِ تہنُد خداوند تہٕ مصلُوب اُوس گومُت._

⁹.تہٕ اُمّتو تہٕ قبیلو تہٕ اہلِ زبانو تہٕ قومو منزہ رُوزن لوکھ تِمن لاشِؠن ساڑن ترِؠن دوہن تام وُچھان تہٕ تہنزَن لاشن دِن نہٕ دفن کرنہٕ._¹⁰.تہٕ زمؠنہِ پؠٹھ روزن والٕؠ مناوَن تہندِس مرنس پؠٹھ خوشیِ تہٕ شاد سپدن تہٕ پانہٕ وٲنؠٕ سُوزن ڈالہِ تکیازِ دوشوےٕ نبیُو اُوس زمؠنہِ پؠٹھ رُوزن والؠن تکلیف واتنومُت._

¹¹.تہٕ ساڑِہ ترِؠیہِ دوُہے پتہٕ سپُد خدایہ سنٔدِ طرفہٕ تمن منز زندگی ہُند رُوح داخٕل تہٕ تِم گے پننؠن کھورن پؠٹھ کھڑا تہٕ تِہنؠن وُچَھن والؠن پؠٹھ سپُد بڑٕہ ہٲبتھ._

¹².تہٕ تِمن آیہ آسمانہٕ پؠٹھٕ اکھ بُلند آواز بُوزنہٕ زِ ولؠُو یُوریٕ ہؠوُت اتؠٕ گے تِم اُوبرس پؠٹھ سوار سپدِتھ آسمانس پؠٹھ.تہٕ تہِندٕؠ دشمن أسؠٕ تِمن وُچھان._¹³پتہٕ آۆ تمےٕ ساتہٕ اکھ بوڈ بِنُیول تہٕ شہرُک دہم حصّہ پُؠووسؠٕ تہٕ تؠمہِ بِنلِہ ساتؠٕ مودؠٕ ستھ ساس تہٕ باقی کھوژؠٕ تہٕ کرٔکھ آسمانکِس خدایہ سنٔز تمجیِد ثنأخانی._

¹⁴.دُوؠم افسُوف سُپد.وُچھؠو تریِؠِم افسوس چُھ جلد سپدَن وُول._¹⁵.تہٕ ییلِہ ستِم فرشتن بِگُل وُوۓ تہٕ آسمانہٕ پؠٹھ سپزٕہ بجِہ آوازٕہ ؠمہِ مضمونچِہ پأدٕہ زِ دُنیا ہچ پادشاہی چھے سٲنِس خداوند تٕہ تمسنٔدِس مسیح سنٔز سٔپز مژٔ تہٕ سُہ کرِ ابُالآباد پادشاہی._¹⁶.تہٕ ژُو ہَو بزرگو ؠِم خدایس نِش پننِؠن پننؠن تختن پؠٹھ ٲسؠٕ کورُکھ بُتھ کؠنؠٕ پِیتھ خدایس سجدٕہ._

¹⁷.تہٕ وُنکھ یِہ زِ ہے خداوند خدایہِ.قادرِ مطلقٕہ ؠُوس چُھ تہٕ یُوس اُوس.ٲسؠٕ چِھ چُون شُکر کران تکیازِ ژِے کرٔتھ پننؠٕ بٔڑ قدرت اتھس منز نِتھ پادشٲہی._¹⁸.تہٕ قومن کھٔژ ژَکھ.تہٕ چُون غضب سپُد نازِل تہٕ سُہ وقت وُوت نزدیک زِ مُوردن ہنُد انصاف ییِہ کرنہٕ تہٕ چانؠن بندن نبینی تہٕ مقدَّسن تہٕ تِمن لوکٹؠِن بڑِؠن ؠِم چأنِس ناوس کھوژان چِھ ییَِکھ اجر دِنہٕ تہٕ زَمینِ تباہ کرن وٲلؠٕ یِن تباہکرنہٕ._¹⁹.تہٕ خدایہ سنٔز کلیسیاء یُوسہٕ آسمانس پیٹھ چھے سُہ آۆ کھولنہٕ تہٕ تَتھ کلیسیاء منز آۆ تمسنٔدِ عہدُک صندُوق اَتھ تہٕ وُزمَلہٕ تہٕ گگرایِہ سپزٕہ پأدہٕ تہٕ بِنِل گے تہٕ یُوٹھ ڈوُٹھ پُیو._

12¹.پتہ گو آسمانس پؠٹتھ اکھ بوڑ نشان نظرِ،یعنی اکھ زنؠٕ آیہِ اَتھِ یُوسہٕ آفتانہٕ ولِتھ ٲس،تہٕ زۆن ٲس تس کھورن تل،تہٕ بہن سِتارن ہُند تاج اُوسس کلَس پؠٹھ._

².سُہ ٲس گوبِہ کھور تہٕ خلاصؠِ ہندِ دادِ ساتؠٕ ٲس کرؠکھ کرؠکھ کران.تہٕ بچہ زؠنہٕ کِس تکلیفس منز ٲس._³.پتہ گو بیاکھ اکھ نشان آسمانس پؠٹھ نظرِ،یعنی اکھ بُوڈ وزُل اَژدہا.تس ٲسؠٕ ستھ کلہٕ تہٕ دَہ ہینگ،بیہِ ٲسس کَلن پؠٹھ ستھ تاج._

⁴.تہٕ تمسنٔزِہ لچہٕ اَنؠٕ آسمانکؠٕ ترٕے حصّہ تارک والِتھ تہٕ دِتنِ زمؠنہِ پؠٹھ دٲرِتھ،تہٕ سُہ اژدہا گو تس زنہِ برونہہ کنہِ استادٕہ.یوسہٕ خلاصہٕ ٲس گژان یُوتھ زن ییلِہ بچہ زیؠہِ تہٕ سُہ نؠنگلایہ تس._⁵.تہٕ تس زاۆ نچُیو یعنی سُہ لڈکہ یُوس شؠستروُ عاصہٕ ساتؠٕ سارنؠٕ قومن پؠٹھ حکومت کرِ،تہٕ اَمسِنُد بچہ آۆ دستی خدایس تہٕ تمسنٔدِس تختس نِش واتناونہٕ._

⁶.تہٕ سُو زنیٕ ژجؠٕ تَتھ جنگلس،یتِہ خدایہ سنٔدِ طرفہٕ ٲس اَمسنٔدِہ خاطرٕہ جاۓ تیار کرنہٕ آمژ ؠُوتھ زَن تَتِہ ییِہ اکِس ساسَس دُون ہتن تہٕ شؠٹھن دوہن تام ٲمنٔز پرورش کرنہٕ._⁷.پتہٕ سپزٔ آسمانس پؠٹھ لڑٲیؠٔ،میکایٔل تہٕ اَمسنٔدٕؠ فرشتہٕ ؠمن ساتؠٕ._

⁸.مگر تِم سپٔدؠٕ کامیاب تہٕ اَمہِ پتہٕ رُوزنہٕ یہندِ خاطرٕہ آسمانس پؠٹھ جایؠؠٕ._

⁹.تہٕ بوڈ اژدح،یعنی سوؠٔ پُرون سُرف ؠِمن ابلیس تہٕ شیطان ناۆ چُھ تہٕ سارسؠٕ دنیاہس چُھ گمراہ کران،آۆ زمینہِ پؠٹھ دٲرِتھ دِنہٕ تہٕ تمسٔدؠٕ فرشتہٕ تہِ آۓ تس ساتؠٕ دٲرِتھ دِنہٕ._¹⁰.پتہٕ بوز مےٕ آسمانہٕ پؠٹھ یہِ بٔڑ آواز زِ ونؠٕ سپُد خدایہ سُند نجات تہٕ پادشاہی بیہِ تمسنٔدِس مسیح سُند اختیار ظاہر،تکیازِ سانؠن بھٲین پؠٹھ الزام لگاون وول یُوس رات دوہ سٲنِس خداؠس بُرونہہ کنہِ تمن پؠٹھ الزام لگاوان چھ آۆ دٲرِتھ دِنہٕ._¹¹.تہٕ تِم آۓچھرٕہ برّٕہ سنٔدِہ خُونہٕ تہٕ پننِہ گواہی ہندِ کلامکہِ سببہٕ تس پؠٹھ غالِب تہٕ تمو زُوننہٕ پُنن زُو ٹوٹھ.یُوتانؠ زن مرُن تہِ کورکھ برداشت._

¹².ادہٕ ہُؠو آسمانو بؠہِ تمکؠو روزن والؠو مناؠٔو خوشیِ!ہُؠو خشکہٕ تہٕ آبِؠیہِ تُوہہِ پؠٹھ افسوا تکیازِ ابلؠس ووُتھ بڑٕہ شرارتس منز تُوہِہ نِش.تکیازِ تس چھے یے زِ مےٕ چُھ ونؠٕ کبوُؠ کؠنہ وقت باقؠِ._¹³.تہٕ ییلِہ اژسہاہن وچھ زِ بُو چُھس زمینہِ پؠٹھ دٲرِتھ دِنہٕ آمُت تہٕ سُہ لوگ تس زنِہ ستاونہِ یَس نیچُو اُوس زامُت._

¹⁴.تہٕ تس زنہِ آۓ بڑِس عُقاب سنٔدٕؠ زہٕ پَر دِنہٕ ؠُوتھ زن سُرفس بُرونہہ کؠنؠٕ وُڑتھ جنگس منز پننِہ تَتھ جایہ واتہِ یتہِ سُو اکِس زمانس تہٕ دُون زمانن تہٕ ٲڑِس زمانس تام تمسنٔز پرورش ییِہ کرنہٕ._¹⁵.تؠمؠٕ سُرفن تُروو تس زنہِ پتہٕ پتہٕ پننِہ ٲسہٕ ساتؠٕ دریاوکؠٕ پأٹھؠٕ یوتھ زن سُو یؠرٕہ گژِھ._

¹⁶.مگر زمؠنہِ کور تس زنہِ مدَد تہٕ پنُن ٲس کھولِتھ چُون سُہ دریاوؠٕ یُوس اژدہاہن پننہِ ٲسہ منزٕہ ترومُت اُوس._

¹⁷.تہٕ اژدہس کھوت تس زنہِ ہنُد شرارت تہٕ گو بڑنہِ تمسنٔدِؠہ باقؠٕ اولادن ساتؠٕ ؠِم خدانہ سنٔدؠن حکمن پؠٹھ عمل کران چِھ.بؠہِ چِھ عيسٰى سٔنز گواہی دِنَس پؠٹھ قایٔم تہٕ گو رُود سمندرچہ سؠکہِ پؠٹھ استادہٕ._

13¹.تہٕ مےٕ وُچھ اکھ حؠوان سمندرٕہ منز نؠران.تس ٲسؠٕ داہ ہؠنگ تہٕ ستھ کلہٕ،تہٕ تمسندؠن ہؠنگن ٲسؠٕ داہ تاج تہٕ کلن پؠٹھ تمسٕندؠن ٲسؠٕ کُفر کؠٕ ناۆ لؠِکتھ._

².تہٕ یُوس حؠوان مؠے وُچھتمسنٔز شکل ٲس تِیندواسٕہہ سنٔز ہش،تہٕ کھور ہَاپتہٕ سنٔدؠٕ ہیؠٕ تہٕ چُونٹ شیر ننرٕہ سنُد ہُؠو،تہٕ تؠمؠٕ اژدہان دؠوُت پنُن طاقت،منُن تخت تہٕ بوڈ اختیار تس._³.تہٕ مؠے وُچھ تمسندؠو کلو منزٕہ اکِس پؠٹھ زَن خطرناک زخم بلیومُت.تہٕ سورؠ دُنیا اُوس تعجُب کران تس حیوانسّ پتہٕ پتہٕ درامُت._

⁴.حالانکہ تؠمؠٕ اژدہان اُوس پنُن اختیار تس حؠوانس دیُوتمُت اَمِہ موجوب کورتمو اژدہاس سجدٕہ بیِہِ کورکھ تس حؠوانس تہِ یہِ ونتِھ سجدٕہ زِ اَمِس برابر کُس چُھ یُس اَمِس ساتؠٕ لٔڑِتھ ہؠکہِ._⁵.تہٕ تس آۆ بجہِ کتھٕ تہٕ کُفُر بکنہٕ باپتھ تکھ چُونٹ دِنہٕ تہٕ تس آۆ دُویہ تأجِہن رِؠتن تام کامِہ ہنُد اختیار دِنہٕ._

⁶.تہٕ تؠمؠ کھُول خداؠس نسبت کُفر بکنہٕ خاطرٕہ أس زِ تمسنٔدِ ناوہٕ.تہٕ تمسنٔدٕہ خؠمہٕ یعنی آسمانکؠن روز والؠن نسمت بکہِ کُفُر._⁷.بیہِ آۆ تس مقدّسؠنن ساتؠٕ لڑنک تہٕ تمن غالب ینک اختیار دِنہٕ،بؠہِ آۆ تس پرؠتھ قبیلس،اُمّتس،اہل زُبانن تہٕ قومن پؠٹھ اختیار دِنہٕ._

⁸.تہٕ زمینہِ ہندٕؠ سارِؠ روزُن والؠٕ ؠمن ہنُد ناۆ چھرٕہ برّٕہ سنٔزِ کتابِ حیاتس منز لؠکھنہٕ چُھنہٕ آمُتؠ ؠُوس دنیا بناونہٕ پؠٹھ ذبح چُھ سپُد مُت کرن تس حؠوان سنٔز عبادت._⁹.ؠمسّ کَن آسن سُہ بوزِ._

¹⁰.یُوس قأد گژھن وُول آسہِ سُہ رُوزِ قأدس منز.یُوس اکھاہ تلوارِ ساتؠٕ قتل کرِ سُہ ییِہ ضرور تلوارِ ساتؠٕ قتل کرنہٕ یُوہے موقع چُھ پاک لوکن ہندِ صبرُک تہٕ ایمانُک._¹¹.پتہٕ وُچھ مےٕ بیاکھ اکھ حؠوان زمؠنہِ منزٕہ نیران تس ٲسؠٕ چھرٕہ سنٔدِؠن ہینگن ہنٔدٕؠ پاٹھؠٕ زِہ ہؠنگ تہٕ سُہ اُوس اژدہا سنٔدٕؠ پاٹھؠٕ کھتہٕ کران._

¹².تہٕ یہِ اُوس گوڈنِکس حؠوان سُند سُورؠٕ اختیار تس بُرونٹھٕ کنہِ استمالس منز انان بیہ اُوس زمینہِ تہٕ تمکِؠنن روزن والؠن آتھِ تس گوڑنکِس حیوانس سجدہ کرناوان.ؠمسُند خطرناک زخم ٹھیک اُوس گومُت._¹³.بؠہِ اُوس بڑؠٕ بڑؠٕ نشان ہاوان.یوتام زن لوکن بُرونہہ کنہِ اُوس آسمانہٕ پؠٹھٕ زمینِ پؠٹھ نار تراوان._

¹⁴.تہٕ زمینِ ہندؠن رُوزن والؠن اُوس ؠمو نشانو ساتؠٕ گمراہ کران ؠِم نشانہٕ تس حؠوانس برونٹھٕ کنہِ ونکھ تس اختیار اُوس دِنہٕ آمُت.تہٕ زمینہِ کؠن روزن والؠن اُوس ونان زِ یس حیوانس تلوار أس وژھمٔژ تہٕ سُہ گو زندٕہ تمسُند بُت بناؠُو._¹⁵.تہٕ تس آۆ یہ اختیار دِنہِ اَمِس حؠوانہٕ سُندِس پُوتِلس منز تراۆ رُوح ؠُوتھ زن سُہ حؠوان سُند بُت کتھٕ تہِ کرِہ.تہٕ ؠِم لوکھ نہٕ اَمِس حیوان سنٔدِس پُوتلِس سجدٕہ کرن تِم یِن قتل کرنہٕ._

¹⁶.تہٕ تؠمؠٕ تراونُو سارنؠٕ لوکٹؠِن،بڑؠن،امیرن،غریبن،آزادہ تہٕ غلامن ہنٔدِس دٔچھنِس اتھس یا تہندِؠن ڈؠکن پؠٹھ اکھ اکھ نشانہٕ._

¹⁷.یوتھہ زن تس ورأۓ یس پؠٹھ نشان یعنی تس حیوان سُند ناۆ یا تمسنٔدِ ناوُک عدَد آسِہ ہؠکنہٕ بیہِ کانہہ ہؠتھیا کٔنِتھ._¹⁸.یہ چُھ دانایٔؠ ہُند موقع،یَس فکرِ چُھ تران سُہ گنٔزراؠِن تس حؠوان سُند عدَد.تکیازِ سُو چھے انسانہٕ سنٔز گریِند تہٕ تمسُند عدَد چُھ شؠہہ ہتھ شُہأٹھ._

14¹.پتہٕ کرٔ مؠے نظر تہٕ کیا چھس وُچھان زِ سُہ چھرٕہ برّٕہ چُھ صِؠُّون کِس پہاڑس پیٹھ کھڑا.بیہِ چھ تَس اکھ لَچھ ژُویہ تأجِی ساس شخص ؠمن ہندِس ڈؠکس پؠٹھ چُھ تَمسُند تہٕ تمسنٔدِس ببہٕ سُند ناۆ لیکھِتھ._

².تہٕ مےٕ آیہ آسمانہٕ پؠٹھ اکھ تِژھ آواز بوزنہٕ ؠُوسہٕ تیز آبہٕ تہِ بجہِ گگرایہِ ہش آواز أس بیہِ یوسہٕ آواز مےٕ بُوز سُو أس تَتھ آوازِ ہش یُوسہٕ رباب والؠن ہندِ رباب واؠٔنہٕ ساتؠٕ نؠران چھے._³.تِم أسؠ تختس تہٕ ژوشونؠٕ جاندارن تہٕ بُزرگن برونٹھٕ کنہِ زن تہِ اکھ نو بأتھ گؠوان.تہٕ تمو اکھ لچھ ژویٔتأجی ساسو شخصو ورأۓ ؠم دنؠاہس منز مولؠ ہؠنہٕ أسؠ آمتؠٕ ہؠکونہٕ کانہہ تہِ سُہ بأتھ ہؠچھِتھ._

⁴.ؠِم چھ تِم ؠِم نہٕ زنِین ہندؠ ساتؠٕ آلُودہ سپدؠٕ کؠنہہ بلکہ چِھ اَنٕہرؠ.ؠِم چِھ تِم ؠِم زَن چھرٕہ برَّس پتہٕ پتہٕ پکان چُھ.یوت تہِ سُہ گژھان چُھ خداؠس تہٕ چھرٕہ برَّس خاطرٕہ گوڈ نیوک مؠوہٕ آسنہٕ کؠنؠٕ لوکو منزٕہ مولؠٕ ہؠنہٕ آمتؠٕ._

⁵.تہٕ تہِندِ أسہٕ منزٕہ اُوسنہٕ زانہہ تہِ اپُز درامُت.تِم چھ بے عیب._⁶.پتہٕ وُھ مےٕ نؠاکھ اکھ فرِشتہٕ آسمانہٕ منزٕؠ وُڈان تمِس نِش أس زمؠنکؠن روزن والؠن ہندِ پرؠتھ قومہٕ تہٕ قبؠلہٕ تہٕ اہل زبانن تہٕ اُمّتن ہندِ بوزناونہٕ خاطرٕہ ابدؠ خوشخبری._

⁷.تہٕ تؠمؠٕ وُن بُلند آوازِ منز زِ خداؠس کھوژؠو تہٕ تمسنٔز ثناء خوأنِی کرؠو تکیازِ تمسُندِ عدالتُک وَکھ ووت.بؠِہ کرؠُو تمسنٔزٕی عبادت ؠمےٕ آسمان تہٕ زممین تہٕ سمندر تہٕ آبکؠ ناگ پٲدٕہ کرٕؠ._⁸.پتہٕ آۆ تمِس پتہٕ بیاکھ دوؠم فرشتہٕ یہِ ونان زِ وسؠٕ پُؠو سؠہ بُوڈ شہر بابُل پُؠو وسؠٕ ؠمؠٕ پننِہ حرام کأریِ ہُند غضب ناک شراب سارِؠ قوم چیأوؠٕ._⁹.پتہٕ ؠمو پتہٕ یعنی ترؠمؠٕ فرشتن وُن یِتھ بُلند آوازِ منز زِ یُوس اکھاہ حیوانس تہٕ تمسٔندِس پُوتلِس سجدہ کرِ یا پننِس ڈؠکِس اتھس پؠٹھ تمسُند نِشانہٕ تراوٕنایہ._

¹⁰.سُہ چیؠہِ خدایہ سنٔدِ قہرُک سُہ شراب یُوس تمسندِس غضبکس پؠالس منز تھا چنہٕ چُھ آمُت تہٕ گژِھ پاک فرشتن برونہہ کنہِ تہٕ چھرٕس برّس بُرنہہ کنہِ نارکس تہٕ گندھکہٕ کِس عزابس منز مُبتلا._¹¹.تہٕ تسہندِ عزابُک دھُوہ روزِ ہمؠشہ تان وعقان.بؠہِ ؠِم تس حؠوانس تہٕ تمسٔندٕس پُوتِس سجدہ کران چُھ تہٕ تمسنٔدِہ ناوُک نشانہٕ تراوان چھِ تمن بؠلنہ راتس دُوہس سکونیٕ._

¹².مُقدّسینن یعنی خدایہ سنٔدِؠن حکمن پؠٹھ ایمان تھاون والؠن ہند صبرُک چُھ یُوہے موقع._¹³.پتہ بوز آسمانہٕ منزٕہ یہ آواز،" زِ لِؠکھ"مبارک چھ تِم مُوردٕہ ؠِم ونکہِ پؠٹٕھ خداوندس منز مران چھ.رُوح چُھ فرماوان بے شک!تکیازِ تِم لبن پننِہ محنتہِ ساتؠٕ سکُون.تہٕ تہنزِ عملہٕ چھے تِمن سأتؠٕ سأتؠٕ آسان._¹⁴.پتہٕ کرٔ مےٕ نظر تہٕ کیا چھس وُچھان زِ اکھ اوبُر چُھ تہٕ تَتھ اُوبرس پؠٹھ چُھ آدم زادس ہیو،کُستام بِہتھ.ؠمؠٕ سنٔدِس کلس پؠٹھ سُونہٕ سُند تاج تہٕ اتھس منز تیز درُوت چُھ._

¹⁵.پتہٕ وُن بؠہِ اکؠٕ فرشتن بُلند آوازِ منز آلو کرِتھ ہیکلہٕ منزٕہ نیرِتھ تَس اُبرس پؠٹھ بِہنہٕ والِس زِ پننِہ درَاتہِ ساتؠٕ لون تکیازِ لونُنک وقت چُھ آمُت.امہٕ موجوب زِ زمینہِ ہُند فصل واریاہ پپؠومُت._

¹⁶.ادہٕ یُوس اوبرس پؠٹھ بِہتھ اُوس تؠمؠٕ ترأیؠٕ پننؠٕ درأتؠٕ زمینہِ پؠٹھ تہٕ زمینُک فصل آۆ لوننہٕ._¹⁷.پتہٕ دراۆ بؠاکھ اکھ فرشتہ تؠمِہ ہؠکلہِ منزٕہ یُوس آسمانس پؠٹھ چُھ.تمِس نِش تہِ ٲسؠٕ تیز درٲتؠٕ._

¹⁸.پتہٕ دراۆ بؠاکھ اکھ فرشتہ قربان گاہٕ منزٕہ یمسُند اختیار نارس پؠٹھ اُوس.تؠمؠٕ وُن تیز

درأتؠٕ وألِس بجہِ آوازِ منز پنُن تیز دروت لاگ تہٕ ژَٹ زمؠنہِ ہندِؠن دچھہِ کلؠن ہندٕؠ دچھہِ گُرَن تکیازِ تہنِز دَچھ چھے بلکُل پپؠمٔژ._

¹⁹.تہٕ تمؠٕ فرشتن ترٲؠٕ پننؠٕ درٲتؠٕ زمؠنہِ پؠٹھ تہٕ زمؠنہِ ہندؠن دچھہ کُلؠن ہُند فصل ترووُن ژٹتِھ خدایہ سنٔدِ قہرکِس بڑِس حُوضس منز._

²⁰.تہٕ شہرٕہ نیبر آیہ تَتھ حُوضس منز دَچھہ لِتھناونہ تہٕ حوضہٕ منز دراۆ یُوتا خون زِ گُرِؠن ہنٔزن لاکمن تام ووُت تہٕ وُۆتھ شُراہ شؠتھ فرلانگس تام ییرٕہ._

15¹.پتہٕ وُچھ مےٕ آسمانس پؠٹھ بیاکھ اکھ بُوڈ تہٕ عجیب نِشانہٕ یعنی ستھ فِرشتہٕ چھِ پتمہِ ستوۓ بلایہِ ہیتھ.تکیازِ ؠمن بلایٔن چُھ خدایہ سنُد قہر ختم سپدمُت._².پتہٕ وُچھ مےٕ شیشس ہُؠو اکھ سمندر یِتھ منز نار اُوس رٔلِتھ.تہٕ ؠِم تمِس حؠوانس تہٕ تمکِس پُوتلِس تہٕ تمسندِ ناوہ کِس عدَدس پؠٹھ غالِب آمتؠٕ ٲسؠٕ.تِم وُچھِم شیشکِس سمندرس نِش خدایہ سنٔدٕؠ ربابہٕ ہؠتھ اِستادٕہ._³.تہٕ تِم أسؠ خدایہ سنٔدِس بندٕہ موسٰى سنُد بأتھ تہٕ چھرٕہ برّٕہ سُند بأتھ گؠوان گؠوان ونان.ہے خداوندِ خدایہ!قادرِ مطلقہٕ چانہِ کامِہ چھے بجِہ تہٕ عجیب.ہے ازلٕکہِ پادشاہ!چانہِ وتہٕ چھے پزٕہ تہٕ صحیح._

⁴.ہے خداوندٕہ!کُس کھوژؠنہٕ ژےٕ؟تہٕ کُس کرنہٕ چانہِ ناوچ ثنأ خوأنؠِ تکیازِ صرف چُھک ژؠٕ پاک تہٕ سارؠٕ قوم کرَن یِتھ ژے بُرونہہ کنہِ سجدٕہ تکیازِ چانہِ انصافچہِ کامہِ گؠِہ ظاہر._⁵.ؠِمو کتھو پتہ وُچھ مےٕ زِ شہادتکہِ خؠمٕچ ہؠکل آیہِ آسمانس منز کھولنہٕ._

⁶.تہٕ تِم ستوۓ فرشتہ ؠمن نِش ستوۓ آفژٕہ آسہٕ.دراۓ زرقہٕ برق تہٕ چمکدار جوہرٕہ ساتیٕ جرِتھ تہٕ سؠنن پؠٹھ سونہٕ سندؠٕ سؠنہٕ بند گنڑِتھ ہؠکلہ منزٕہ._⁷.تہٕ تِمو ژُورَو جاندارو منزٕہ دِتؠٕ اکؠٕ ستھ سونہٕ سنٔدٕؠ پیالہٕ ہمؠشہ زندٕہ روزن والِس خدایہ سنٔدِ قہرٕہ ساتؠٕ بھرِت تِمن ستن فرشتن._

⁸.تہٕ خدایہ سنٔدِ جلالہٕ تہٕ تمسنٔدِہ قدرکہِ سببہ ساتیٕ آیہِ ہؠکل دُھیہِ ساتؠٕ بھرنہٕ تہٕ یوتام نہٕ تمن ستن فرشتن ہنزٕہ ستوے آفژٕہ ختم سپدؠیہِ کانہہ ہؠوکنہٕ ہؠکل منز داخٕل سپدِتھ._

16¹.پتہٕ بوز مےٕ ہؠکلِ منزٕہ کُستام تِمن ستن فرشتن بجہِ آوازِ منز یہ ونان زِ گژھؠو.خدایہ سنٔدِ قہرکؠٕ ستھ پیالہٕ فِرؠُو زمؠنہِ پؠٹھ._².ادہٕ گوڈ نؠوک گو تہٕ فِرُن پنُن پیالہٕ زمینہِ پؠٹھ تہٕ ؠِمن لوکن پؠٹھ تس حیوانہٕ سنٔدؠٕ نشانہٕ أسؠٕ تہٕ ؠِم تمسندِس پوتلِس سجدہ کران ٲسؠٕ تمن گو اکھ وُلٹہٕ تہٕ تکلیف دِنہٕ وُول ناسُور پادٕہ._³.تہٕ دُوؠمؠٕ فِیر پنُن پیالہ سمندرس منز تہٕ سُہ بنُؠو موردہٕ سنٔدِ خونکؠٕ پاٹھؠٕ تہٕ سمندرٕہ منزٕہ مُویہِ سارےٕ زُوزأژ._⁴.تہٕ تریؠمؠٕ فیِرُو پنُن پیالٕہ دریاون تہٕ آبہٕ ناگن پؠٹھ تہٕ تِہنُد آب بنؠو خون._

⁵.تہٕ مےٕ بُوز آبُک فرشتہ یہ ونان زِ ہے قدُّوس!یُوس چُھ تہٕ یُوس اُوس ژٕہ چُھکھ عادل زِ ژےٕ کورُتھ یہ انصاف._

⁶.تکیازِ تمو اُوس نیک لوکن تہٕ نبین ہُند خون کورمُت تہٕ ژے چیٲوٕتھک تِم خون.تِم ٲسؠٕ اَتھؠٕ لایٔق._

⁷.پتہٕ بُوز مےٕ قربان گاہ منزٕہ یہ آواز زِ"ہے خداوندِ خدایہ"قادرِ مطلقہٕ!بے شک چھِ چانؠٕ فیصلہٕ صحیح تہٕ پزٕؠ._⁸.تہٕ ژوُرِم فِیرُ پنُن پیالہٕ آفتابس پؠٹھ تہٕ تَتھ آۆ اختیاز دِنہٕ زِ لُوکھ زالُک نارٕہ ساتؠٕ._

⁹.تہٕ لوکھ دَدؠٕ گرمہٕ کرایہِ ساتؠٕ تہٕ تِم ٲسؠ خدایہ سنٕدِس ناوس پؠٹھ کفُر بکان یُوس ؠمن آفژَن پؠٹھ اُوس اختیار تھاوان.تمو کورنہٕ توبہٕ زِ تمسٔنز ثناء خوٲنؠٕ کرہن._¹⁰.تہٕ پأنژِمؠٕ فیُِر پنُن پیالہ تس حؠوان سنٔدِس تختس پؠٹھ تہٕ تمسنزٕہ پادشاہی منز گؠیِہ انہِ گٹہٕ تہٕ دگہِ ہندِ زُورٕہ لگؠٕ لوکھ پننِہ زیوٕہ ژٹنہِ._

¹¹.تہٕ پننؠو تکلیفو تہٕ نوسور کہِ وجہ کؠنؠٕ لگؠٕ آسمانکِس خداؠس خلاف کُفر بکنہ تہٕ پننؠو کامؠو نِشہِ کورکھٕنہ توبہٕ._¹².تہٕ شیؠمؠٕ فیُِر پنُن پیالہ بڑِس دریاوَس یعنی فُراتس پؠٹھ تہٕ تمؠوک آب ہُو کھ ؠوتھ زن مشرقہِ پؠٹھٕ ؠنہٕ والؠن پادشاہن خاطرٕہ وتھ تیار سپدِ._

¹³.پتہٕ وُچھ مےٕ تِمن اَژدہا سنٔدِ ٲسؠٕ منزٕہ تہٕ تمِس حؠوانہٕ سنٔدِ ٲسہٕ منزٕہ تہٕ اپُزیارؠٕ نبی سنٔدِ ٲسؠٕ منزٕہ ترِے ناپاک رُوح مِنہِ ہنٔزِ شکلہِ منز نؠران._

¹⁴.ؠِم ٲسؠٕ شیطانن ہندٕؠ نشانہٕ ہاون وألؠٕ رُوح ؠِم کُل دنیاہکؠن پادشاہن نِش گژھان چِھ یوتھ زن تمن قادر مطلق خدا سنٔدِ عظیم دُوہچہ لڑایہ باپتھ جمع کرن._¹⁵.وچھؠو بُو چُھس ژُورٕہ سنٔدؠٕ پاٹھؠٕ ؠوان.مبارک چُھ تس ؠُوس بؠدار چُھ روزان تہٕ پننؠن پےلون رٲچھہ چُھ کران یُوتھنہٕ ننگے فؠرَن تہٕ لوکھ وُچھن نہٕ تس شرمگاہ کؠنہٕ._

¹⁶.تہٕ تمو کریٕ تِم تَتھ جانہِ جمع ؠمؠوک ناۆ عبرانی منز ٕہر مجدّون چُھ._¹⁷تہٕ ستِؠم فیُر پنُن پیالہٕ ہواہس پؠٹھ تہٕ ہیکلہِ ہنٔدِ تختہ طرفہٕ آیہِ بڑٕہ زورٕہ سان یہِ آواز زِ سپُد!

¹⁸.پتہٕ گؠہِ وُزملہٕ تہٕ آوازٕہ تہٕ گگرایہِ پادہٕ.بؠہِ گو اکھ تیوتھ بوڑ بِنُؠول زِ یتہِ پؠٹھ انسان زمؠنہِ پؠٹھ پادہٕ سپدٕؠ تہٕ یُوتھ بوڑ تہٕ وُلٹہٕ بُنؠول اُوسنہٕ زانہہ تہٕ گومُت._

¹⁹.تہٕ تَتھ بڑِس شہرس گے ترِے ٹُکرٕہ تہٕقومن ہندؠٕ شہر پے وسؠٕ تہٕ بڑِہ شہرٕہ بابلچٕ یاد سٔپز خداؠس نِشہٕ یُوتھ زن تَتھ پننِہ سخت غضبُکہِ شرابُک پیالہٕ چیٲوٕہ._²⁰.تہٕ پرؠتھ کانہہ جزیرٕہ ڈول پننِہ جایہِ تہٕ پہاڑ گے غٲب._

²¹.تہٕ آسمانہٕ پؠٹھٕ پُؠو لوکن پؠٹھ وزن دار ڈوٹھ.حالانکہ یہ آفت ٲس سؠٹھا سخت تہٕ ڈوٹھہٕ بلایہ ہندِ وجہ کینؠٕ بُوک لوکَو خدایس نسبت کُفر._

17¹.پتہٕ وُن ستَو فرشتو منزٕہ ؠمن نِش سَتھ پیالہٕ أسیٕ اکؠٕ مےٕ ولہ یُورؠٕ بُو ہاوےٕ ژے تمِس بجہِ بدماشہِ ہُند سزا ؠُوسہٕ سرنِس آبس نِش بِہتھ چھے._

².تہٕ ؠمن ساتؠٕ زمینکؠو پادشاہو زناہ کاریٕ کرمژٔ ٲس تہٕ زمینہِ پؠٹھ روزن والؠٕ ٲسؠٕ تمسنٔدِہ زنا کاریٕ ہندِ شرابہٕ ساتؠٕ مست گمتؠٕ._³.پتہٕ نیُوس بُوتؠمؠٕ رُوحا نیتکِس حالتس منز جنگلس اندر.تَتِہ وُچھ مےٕ اکھ زنؠٕ.سُہٕ ٲس اکِس قِرمندِی رنگہٕ کِس حیوانس پؠٹھ سوار.ؠِمن پؠٹھ کُفر کؠٕ ناوہ لؠکِتھ ٲسؠٕ تہٕ بؠہِ ٲسسٕ ستھ کلہٕ تہٕ دہ ہؠنگ._

⁴.یہِ زنؠٕ ٲس وزلہٕ تہٕ قرِمنرِی رنگہٕ پلو لأگتِھ سونہٕ تہٕ جوہرٕہ تہٕ موختہٕ ساتؠٕ ٲس پأرتھ بؠِہ اُوس اکھ سُونہٕ سنُد پیالہ اتھس منز یُوس تمسٔندِ زِنا کارؠٕ منٔزِ ناپاکؠ ساتؠٕ بھرِت اُوس._

⁵.بیہِ اُوس تس ڈؠکس پؠٹھ ٕیہِ ناۆ لؠکتھِ.راز.بوڈ شہرِ بابُل.بدمٲشؠٕ زنؠن تہٕ زمؠنہِ ہنزؠِن مکروہاتن ہنٔز مُوج._⁶.تہٕ مےٕ وُچھ زنؠٕ نیکو کارن ہنُد خون تہٕ عيسٰى سنٔدؠن شہیدن ہنُد خُون چؠنٕہ ساتؠٕ مست تہٕ بُوگوس سُو وچھتھ سخٔت حٲران._

⁷.تؠمؠٕ فرشتن وُن مےٕ ژٕہ کیازِ گوک حٲران؟.بُو ونےٕ ژِے ٲمِس زنہِ ہنُد راز بیہ تس حیوانہٕ سنُد یتھ پؠٹھ سُو سوار چھے تہٕ ؠمِس ستھ کلہٕ تہٕ دہ ہؠنگ چِھ._⁸.یُوس یہ حیوان ژےٕ وُچھتھن یہ اُوس گوڈہٕ مگر ونؠٕ چُھنہٕ تہٕ دوبارہٕ یؠہِ سرؠنہٕ دُونہٕ منزٕہ نؠرِتھ تہٕ پؠیِہ ہلاکتس منز تہٕ زمؠنہِ ہندٕؠ تِم روزن والؠٕ یُوہُند ناۆ دنیا تخلؠق سہدنہٕ پؠٹھ کتابِ حیاتس منز درج چھنہٕ کرن تعجُب اَتھ پؠٹھ زِ گوڈہٕ اُوس تہٕ ونؠٕ چُھنہٕ تہٕ پتہٕ ییِہ بؠِہ دوبارٕہ._⁹.تہٕ یتؠن چھے تؠمہِ ذِہنِچٕ ضرورت یِتھ منز دانأؠٔ آسہِ.تِم ستھ کلہٕ چِھ ستھ پہاڑ.یمن پؠٹھ سُو زنؠٕ بِہتھ چھے._

¹⁰.بؠِہ چِھ ؠِم ستھ پادشاہ تہِ ؠمو منزٕہ پانژھ چِھ سپدے متؠٕ.تہٕ اکھ چُھ موجود تہٕ بیاکھ اکھ چُھنہٕ وُنہِ آمُت تہِ.تہٕ یؠلِہ سُہ ییِہ تہٕ کینژھس کالس تام چُھ تمسُند رُوزن ضروری._¹¹.تہٕ یُوس حؠوان گوڈہٕ اُوس تہٕ ونؠٕ چُھنہٕ،سُہ چُھ ٲٹھِم تہٕ چُھ تمو سَتو منزٕہ پادٕہ گومُت تہٕ پیؠہِ ہلاکتَس منز._¹².بؠہِ تِم دہ ہینگ ؠِم ژے وُچِھتھ تِم چھِ دہ پادشاہ یمن نہٕ ونؠک تام پادشاہی مؠجؠٕ مگر تِمن میلہٕ تس حیوانس ساتؠٕرژھِ کھنجِہ پادشاہی ہُند اختیار._

¹³.تمن سارنؠٕ آسہِ اکوؠٕ ارادہٕ تہٕ تِم دِن پنُن طاقت تہٕ اختیار تس حؠوانس._

¹⁴.تِم لڑن چھرٕہ برَّس ساتؠٕ تہٕ چھرٕہ برّٕہ لبہِ تِمن پؠٹھ فتح.سُہ چُھ خداوندن ہُند خداتہٕ پادشاہ بیہِ ؠِم تس ساتؠٕ وفادار پیروکار،ؠِم تؠمؠٕ بُلأیتمؠٕ تہٕ منتخب کرمتؠٕ آسن تِم تہِ لبن فتح._¹⁵پتہٕ وُن تؠمؠٕ مَٕ یُوس آب ژے وُچھتھ یَتھ نِش بدمأشؠٕ بِؠتھ چِھے تِم چِھے اُمژٕہ،جمأژ،قُوم تہٕ اہلِ زبان¹⁶بؠہِ ؠِم دہ ہؠنگ ژے وُچِھتھ،تِم تہٕ بؠہِ سُہ حؠوان تھاوَن تمِس بدمعاشہِ ساتؠٕ ضِدِ تہِ کرَن تس بے بس تہٕ ننگہٕ تہٕ کعؠِن تمسنُد ماز تہٕ زالنَس نارس منز

¹⁷تکیازِ خداترایہ تہندؠن دلن منز زِ تِم پکن تؠمہٕ سنٔدسؠٕ مشورس پؠٹھ.تِم دِن اکؠٕ راۓ أسِتھ پننؠٕ پادشٲہی تس حؠوانس¹⁸تہٕ سُو زنؠٕ یُوسہٕ تُوہہِ وچھوُن،سُہ چھہ بوڈ شہر یُوس زمینہِ ہندؠن پادشاہن حکومت چُھ کران

18¹.ؠمو کتھو پتہٕ وُچھ مےٕ بؠاکھ اکھ اکھ فرشتہٕ آسمانہٕ پؠٹھ وسان.ؠمِس بوڈ اختیار اُوس تہٕ زمین سپدِ تمسنٔدِہ جلالہٕ ساتؠٕ رُوشن._

².تؠمؠٕ وُن تھندِ آوازِ منز چیِخ دِتھ.وسؠ پُؠو.بوڈ شہر بابُل پؠو وسؠٕ.تہٕ بنؠو شیطانن ہُند گھرٕہ تہٕ پرؠتھ ناپاک تہٕ مکرُو جانور سُند اڈہٕ._

³.تکیازِ تمسٔندِہ حرام کارؠٕ سنُد شرابہٕ ساتؠٕ پے سارؠٕ قوم وسؠٕ.تہٕ زمینکؠو پادشاہو کرٔتس ساتؠٕ حرام کارؠٕ تہٕ دُنیاہکؠٕ سوداگر سپٔدٕؠ تؠمچِہ عیش و عشرتہٕ ساتؠٕ امیر._⁴.پتہٕ بُوز مےٕ بیاکھ کُستام یہ ونان آسمانہٕ منزٕہ ہُؠو میانؠو اُمّتِؠُو تمہِ منزٕہ نیرؠُو نیبر،یُوتھنہٕ نہٕ تمکؠن گنہن منز شریک سپدؠو،بؠِہ ما یؠِہ تمسنٔدَو بلایُو منزٕہ کانہہ توہہِ پؠٹھ._

⁵.تکیازِ تمسٔدٕؠ گناہ چھ آسمانس تام وٲتمتؠٕ تہٕ خداؠس چھے تؠمٕہ سنٔزٕہ بدکامہِ ؠاد پؠمژٕہ._

⁶.یُتھ سلوک تؠمہِ کور تُٕوتھؠٕ کرؠو تُوہی تہِ تِمس ساتؠٕ.تہٕ تس دِیُو تمسنٔزَنن کامین ہُند دُوگنہٕ بدلہٕ.یُوس پیالہٕ تؠمہِ یوتا بُور تُوہی تہِ بھرؠُو تمسندٕہ خاطرٕہ تؠمہِ دُوگنہٕ._⁷.یوتاہ تیمؠٕ پنُن پان شاندار بنُو تہٕ عٲشؠٕ کرنؠٕ،تیوتا ترٲؠون سُہ غمسّ تہٕ عزابس منز،تکیازِ سُہ چھےِ پننِس دلس منز وفان،بُو چِھؠس پادشاہ باۓ تختس پؠٹھ بِہتھ،بو چھؠسّنہٕ مُونڈ تہٕ نہَ وچھہِ بُو زانہہ ماتم._

⁸.امےٕ مُوجُوب یِن تس پؠٹھ اکسٔی دُوہس منز بلایہِ.یعنی موت،ٕغم تہٕ دراگ تہٕ سُو ییِہ نارس منز زالِتھ سُو کرنہٕ.تکیازِ تہنٔز عدالت کرن وول خداوندہ خدا چُھ طاقت ور._⁹.تہٕ تمِس ساتؠٕ حرامکاری تہٕ عیٲشؠِ کرن والؠٕ زمؠنہِ ہندٕؠ پادشاہ ییلِہ تمسندٕہ دَزنُک دؠھو وُچھیؠن تہٕ تِم ودَن تمسنٔدِہ خاطرٕہ تہٕ سؠنہٕ سگن._

¹⁰.تہٕ تمسنٔدِہ عزابکہِ وہمہٕ ساتؠٕ ونَن دُور کھڑا رُوزتِھ"ہُؠو بڈِہ شہرا" افسوس!افسوس اَکسٔی گانٹس منز مؠُولیٔی ژِے سزا._¹¹.تہٕ دنؠاہکؠٕ سوداگر ودَن تمسندٕہ خاطرٕہ تہٕ ماتم کرن تکیازِ ونؠٕ ؠؠنہٕ تہُند مال کہنؠٕ._

¹².تہٕ سُہ چُھ یہِ سُون،رُوپھ،جوأہر،مُوختہٕ،زأولِجامہٕ،وزیؠٕ تہٕ رؠشمی تہٕ قرمنزی پَلو تہٕ پرؠتھ قسٕمچ مُشکہِ دار لکرٔ.ہسؠٕ دندن ہندٕؠ الگ الگ چیز.تہٕ واریاہ قیمتی لکرٔ.سرتل،شیستر تہٕ سنگِ مرمر کؠٕ الگ الگ چیز._

¹³.تہٕ دالچؠن تہٕ مصالحہ،وٕدٕہ تہٕ عطر تہٕ لَوبان،شراب،تیل،مادٕہ،کٕنکٕ،گُوپَن،تیر،گُرؠٕ،گاڈِ.غلام تہٕ انسانن ہندٕؠ زُو._¹⁴.ونؠٕ سپدے چانؠٕ من پسند میوٕہ ژے نِش دُور.تہٕ سارؠِ مزہدار تہٕ شانہٕ شوتکؠٕ چیز روزن ژے نِش مو کلان تہٕ ونؠٕ ہؠکنہٕ ژٕہ تِم ہرگزِ تہِ حاصِل کرِتھ._¹⁵.تمن چیزن ہندؠٕ سوداگر ؠِم تؠمہ سببہٕ امیر نٲسؠٕ بنےمتؠ تِم ودَن تمسنٔدِ عزابکہِ خوفہٕ ساتؠٕ دور استادہٕ رُوزِتھ بؠہِ کرن ماتَم._

¹⁶.تہٕ ونن،افسوس!افسوس!سُہ بوڈ شہر یُوس زٲوِل جامہٕ تہٕ وزلؠٕ تہٕ قرمزی پلو لاگتھٕ تہٕ سونہٕ تہٕ جواہرہ تہٕ موختہٕ ساتؠٕ سجٲؠتھِ اُوس._

¹⁷.گأنٹسؠٕ منز جؠہِ یؠژا بٔڑ دولت ختم بؠہِ سأرِی جہازٕہ چلاون وألؠٕ تہٕجہازن ہنٔزِ سوارِ تہٕ یأنز تہٕ بؠہِ ؠِم تہِ سمندرس منز کأم ٲسؠٕ کران._¹⁸.یِلِہ تِہندِ دزنک دُو وچھؠن تہٕ دُور استادہٕ رُوزِتھ دِن کریکہٕ تہٕ ونَن کُس شہر چُھ ؠِتھ شہرس ہُؠو._

¹⁹.تہٕ ملن پنؠن کلن پؠٹھ خاک تہٕ ودان ودان تہٕ ماتم کران وَنن کرؠتہٕ دِتھ،افسوس،افسوس!سُہ بوڈ شہر ؠمکہِ بدولت سمندرکؠٕ سٲرؠِ جہاز والؠٕ امیر ٲسؠٕ گمتؠٕ سُپد گٲنٹسؠٕ منز تباہ._

²⁰.ہے آسمانہٕ تہٕ ہے نیکو تہٕ رسولو تہٕ نبیُو!تَتھ پؠٹھ مناؠُو خُوشِی تکیازِ خداؠن ہُؠوت عدالت کرِتھ تمِس تہُند بدلہٕ._²¹.پتہٕ تُجؠٕ اکؠٕ زُوروار فرشتن گرٹہٕ ژکلس ہش اکھ کنؠٕ تہٕ یہ ونِتھ ٹُھِچن سمندرس منز زِ بابلک بوڈ شہر تہٕ ییِہ یتھےٕ پاٹھؠ دأرِتھ ژٕھننہٕ زَن نہٕ آسؠِ._

²².تہٕ ربابہٕ وایٔؠن والین.تہٕ گؠون والؠن،نۓ وایٔؠن والؠن تہٕ بِگُل وایٔن والؠن ہنٔز آواز پؠنہ ونؠٕ دوبارہ ز.ے بوزنےٕ تہٕکونےٕ کامہِ ہُند کارِؠ گریؠنہٕ ژے منزٕہ پتہ لینے زالہہ.تہٕ گرُٹچ آواز تہِ ؠؠنہٕ ژے منز.زانہہ بُوزنےٕ._²³.تہٕ پتہٕ دزنہٕ ژِے منز زانہہ ژونگ تہِ بؠہِ زانہہ تہٕ مہرنہِ مہرازہٕ سنٔز آواز تہِ یؠنہٕ پتہٕ زانہہ بوزنہٕ،تکیازِ چانؠٕ سوداگر ٲسؠٕ زمؠنہِ ہندٕؠ اَمیر تہٕ چانِہ جادوگرؠ ساتؠٟؠ سارؠٟ قوم گمراہ._

²⁴.تہٟ نبین تہٟ مقّدسینن تہٕ تِمن تمام لوکن ہُند خون آۆ ژے منز لبنہ ؠِم زمؠنہِ پؠٹھ قتل سپدٕؠ._

19¹.اَمہِ پتہ برز مےٕ آسمانہٕ پؠٹھ گویا بٔڑ جماعت تھزِ آوازِ منز تہ ونان.ہالےٕلویا،نجات تہٕ جلال تہٕ قدرت چھے سانِس خدایہ سنٔز._

².تکیازِ تمسنٔدٕؠ فأصلہ چِھ پزٕؠ تہٕ برحق.امِہ موجوب زِ تؠمؠٕ کر عدالت تس بجِہ بدمعاشہِ ہنٔز ؠمِہ پننِہ حرامکاری ساتؠ دنیا اوس خراب کرمت.تہٕ پننؠن بندن ہنٔدِ خُونک بدلہ._³.پتہٕ وُن تؠمؠٕ دوؠمِہ لٹہِ ہاےلُوؠا تہٕ روزِ تمسنٔدِہ دزنُک دُھو ہمؠشہ وتھان._

⁴.تہٕ ژووُہؠو بزرگو تہٕ ژُوشویُؠو جانداو کور نِمتھ خداؠس سجدٕہ یُوس تختس پؠٹھ بہتھ اُوس.تہٕ وُنتھ آمین.ہالےلُویا._⁵.تہٕ تختہٕ منزٕہ درایہِ یہ آواز"ہے اَمِس کھوژن والؠو بندو.چاہے لوکٹؠٕ چُھو چاہے بڑؠٕ._⁶.پتہٕ بوز مےٕ بجہ جٔماژ ہنٔز ہش تہٕ واریاہن سسبہ کولن ہنٔز ہش تہٕ سخت گگراؠن ہنٔز ہِش آواز"ہالےٕلُویا"تکیازِ خداوند سون خدا قادرِ مطلق چُھ پادشأہی کران._⁷.ولؠو ٲسؠٕ مناۆ خوشی تہٕ واریاہ شادمأنؠ بؠہِ کَرو تمسنٔدؠٕ تعریف امِہ موجوب زِ چھرٕہ برّٕہ سندِ خاندرُک رکھ ووت تہٕ تمسنٔزِہ مہرِنہِ چُھ پنُن پان سجُوومُت._

⁸.تہٕ تس آۆ چمکہٕ وُن تہٕ صاف رأوِل پلُون ہُند مردار چُھ مقّدس لوکن ہنٔزِ نیک کامِہ._⁹.تہٕ تؠمؠٕ وُن مےٕ"لِیکھ"زِ مُبارک چِھ تِم یِم چھرٕہ برّٕس سنٔدِ خاندرس منز سالہٕ چھ اننہٕ آمتؠٕ.پتہ وُن تؠمؠٕ مےٕ"ؠِمہ چھے خدایہ سنٔزٕہ پزٕہ کتھٕ._

¹⁰.تہ بُو پؠوس تس کھورن تل سجدٕہ کرنہٕ خاطرہٕ.تؠمؠ ون مےٕ زِ خبردار!یہِ مۂ کر،بُو تہِ چُھس چُون تہٕ چانُؠن بھایٔن خدمت گار ؠِم زَن عيسٰى سنٔز گواہی چھے نبوتُک رُوح._¹¹.پتہ وُچھ مے آسمان یلہٕ تہٕ کیا چُھس وُچھان زِ اکھ سفید گُر تہٕ تَتھ پؠٹھ اکھ سوار سُہ چُھ وننہٕ ؠوان.تہٕ سُہ چُھ تکیازِ سُہ چُھ پزرہٕ سان عدالت تہٕ جنگ کران._

¹².تہٕ تمسنٔدٕہ ٲچھ چھے نارٕہ الاوکؠٕ پاٹھؠٕ تہٕ کلس پؠٹھ چِھس واریاہ تاج بیہِ اُوس ناۆ اکھ لؠکھِت یُوس نہٕ تَس ورأۓ بیہ کانسے پے اُوس._

¹³.تہٕ تس اُوس رتہٕ بُورت جامہٕ لاگِتھ تہٕ تس ہُند ناۆ چُھ کلامِ خدا._¹⁴.تہٕ آسمانؠ فوج چُھ تس پتہٕ پتہٕ سفید گُرین پؠٹھ سوار تہٕ سفید تہٕ صاف زٲوِل پلو لاگتھِ._

¹⁵.تہٕ قومن مارنہٕ خاطرٕہ چھے تمسنٔدِ ٲسہٕ منزٕہ اکھ تیز تلوار نیران.تہٕ سُہ کرِ شِؠستُرو عاصہٕ ساتؠٕ تمن پؠٹھ حکومت.تہٕ قادِر مطلق خدایہ سنٔدِہ سخت غضبکہِ شرابکس حوضس منز مانڑِ کُھورو ساتؠٕ دَچھ._

¹⁶تمسنٕزٕہ پوشاکس تہٕ رانہِ پؠٹھ چُھ یہِ ناۆ لؠکِھتھ.پادشاہن ہُند پادشاہ تہٕ خداوندن ہُند خدا._¹⁷.پتہٕ وُچھ مےٕ اکھ فرشتہٕ آفتابس پؠٹھ کھڑا.تہٕ تؠمؠٕ وُن بجِہ آوازِ منز کرؠکھ دِتھ آسمانکؠن ساسنؠ وُڑن والؠن جانورن زِ"ولیُو"خدایہ سنٔزِ بکِہ ضیأمژٔ منز شریک سپدن خاطرٕہ گژھؠو جمع._

¹⁸.تاکِہ توہِی کھِؠُیو پادشاہن ہُند ماز تہٕ فوجی سردارن ہُند ماز تہٕ زوراورن ہُند ماز تہٕ گُرین ہُند تہٕ تہِندؠن سوارن ہُند ماز تہٕ سٲلِم انسانن ہُند ماز.چاہۓ آزاد آسن یاغلام،چاہۓ لوکٹؠٕ آسن یا بڑؠٕ._¹⁹.پتہ وُچھ مےٕ سُہ حؠوان تہٕ زمؠنہِ ہندؠٕ پادشہ تہٕ تہسندٕؠ فوج تس گُرؠٕ سوارس تہٕ تمسٔندِس فوجس ساتؠٕ جنگ کرنہٕ خاطرٕہ ؠکوٹہٕ._

²⁰.تہٕ سُہ حؠوان تہٕ تس ساتؠٕآۆ سُہ اَپُز نبی تہِ رٹنہٕ یمؠٕ تس بُرونہہ کنہِ تِتھ نشانہٕ ٲسؠٕ ہٲہمتؠٕ ؠمو ساتیٕ تؠمؠٕ حؠوانہٕ سُند چَھاپ پانس تراون ولالؠٕ تہٕ تمسندِس پُوتلِس سجدٕہ کرن والؠ ٲسؠٕ گمراہ کرمتؠٕ.تِم دونوے آۓ نارکِس تَتھ جھؠلس منز زندے تراوٕنہٕ یُوس گندھکہٕ ساتیٕ دزان چُھ._²¹.تہٕ باقؠ آۓ تمِس گُرؠ سوار سنٔزِ تلوارِ ساتؠٕ یُوسہٕ تمسنٔدِہ ٲسہٕ منزٕہ نؠران ٲس قتل کرنہٕ.تہٕ سٲرِؠ جانور سپدؠٕ سیِر تِہندِ مازہٕ ساتؠٕ._

20¹.پتہ وُچھ مےٕ اکھ فرشتہ آسمانہٕ پؠٹھ وسان یمن اتھس منز ٲس سرؠنہٕ دوبچ کُنز تہٕ اکھ بڑٔ زنجیر._

².تیمؠ رُوٹ سُہ اژٔدہا یعنی پرون سُرف یُوس ابلیس تہٕ شیطان چُھ تہٕ کورُن ساسسّ وریس خاطرٕہ بند._

³.تہٕ سرؠنی دُوبس منز بند کرِتھ کرٔن تس پؠٹھ مُہر،یُوتھنہٕ سُہ ساسسّ ورؠٕ مکمل گژھنس تام دوبارہ قومَس گمراہ کرِ.تؠمہ پتہ ییِہ کؠنہہ کالہٕ خاطرٕہ سُہ ضرور یلہٕ تراونہٕ._⁴.پتہٕ وُچھ مےٕ تختہٕ تہٕ تمن پؠٹھ بؠٹھؠٕ لوکھ تہٕ عدالت آیہ تمن حوالہ کرنہٕ.بؠہِ وُچھ مےٕ تہندؠٕ رُوح یمن ہندؠٕ سرژٹنہٕ أسؠ آمتؠٕ عيسٰى سنٔز گواہی دِنس پیٹھ تہٕ خدایہ سنٔدِہ کلامکہِ وجہ ساتؠٕ.بیہ ؠمو نہٕ تس حیوانس اتھن پؠٹھ.تِم کرن زندہ سَپدِتھ ساسس ورؠَس تام عيسٰى ہس ساتؠٕ پادشاہی._⁵.تہٕ یوتام نہٕ نہٕ ساس ورؠِ پورہٕ سپدن پاقؠٕ موردہٕ گژھن نہٕ زندہٕ.یہ چھے گوڈ نچ قیامت._

⁶.مبارک تہٕ مقدَّس چِھ تِم اتھ گوڈ نچہِ قیامژٔ شریک آسن تمن پؠٹھ چُھنہٕ دوؠمہ موتُک کانہہ اختیار بلکہ آسن تِم مسیح سنٔدٕؠ کاہن تہٕ تس ساتؠٕ کرن ساسسّ ورؠس تام پادشاہی._⁷.ییلِہ ساس ورؠٕ پورہٕ گژھن تہٕ شیطان ییِہ قٲدہٕ منز ییلٕہ تراونہٕ._

⁸.تہٕ نیرِہ تمن قومن کرِ گمراہ ؠم زمینکؠن ژوُن اَندن آسن یعنی"یاجُوج تہٕ ماجوج"تمن کرِ جمع لڑایہ خاطرٕہ. تِہُند تعداد آسہِ سمندر کؠن سیکہِ سیکہِ دانن برابر._⁹.تہٕ تِم پھٔہلن تمام زمؠنہِ پؠٹھ تہٕ کَرن مقدّسن ہندِس لشکر گاہس تہٕ ٹأٹِھس شہرس ژُورَو طرفہٕ گھیرٕہ.تہٕ آسمانہٕ سپدِ نار نازل تہٕ کرؠکھ اَمۡ._

¹⁰.تہٕ تمن گمراہ کرن وول ابلیس ییِہ نارکس تہٕ گندَھککس تَتھ جھؠلس منز تراونہٕ.ؠتہ سُہ حؠوان تہٕ اپُز نبی تہِ آسہِ تہٕ رُوزن راتس دُوہس ہمیشہ پؠٹھ ہمیشہ تام عزابس منز._¹¹.پتہٕ وُچھ مےٕ اکھ بُوڈ سفید تختہٕ تہٕ سُہ یُوس تَتھ بِہتھ اُوس.تس نِش ژلؠٕ زمین تہٕ آسمان تہٕ تِمن مؠجنہ کُونہِ جاۓپیؠ._

¹².پتہ وُچھ مےٕ سارؠِ لوکتؠٕ بڑٕؠ موردٕہ تَتھ تختس بُرونہہ کنہِ اِستادٕہ،تہٕ کتاب آیہِ کھولنہٕ یعنی کتاب حیات،تہٕ ؠتھٕ پاٹھؠٕ تمن کتابن منز لؠکھتِھ اُوس،تِسنزو عملو مطابق آۆ مُوردن ہُند انصاف کرنہٕ._¹³.تہٕ سمندر دتِ تِم موردہٕ ؠِم تَتھ منز ٲسؠٕ تہٕ تمو منز آۆ پرؠتھ اکِس پننؠو عملو مطابق انصاف کرنہٕ._

¹⁴.پتہٕ آۆ موت تہٟ تل پاتال نارکِس جھؠلس منز تراونہٕ.یہ نارُک جھؠل چُھ دُوؠِم مُوت._

¹⁵.تہٕ ؠمِس کانسہِ ہُند ناۆ نہٕ کتاب حیاتس منز لیکھتِھ مُؠولنہٕ سُہ آۆ نارکِس جھیلس منز تراونہٕ._

21¹.پتہ وُچھ مےٕ اکھ نُو آسمان تہٕ نٔو زمین تکیازِ گوڈ نؠوک آسمان تہٕ گوڈ نِچ زمین ٲسؠٕ ختم گٔمتؠٕ تہٕ سمندر تہٕ رُودنہٕ._

².پتہٕ وُچھ مےٕ شہرِ مقدّس یعنی نٔو یروشلم آسمانہٕ پؠٹھ بُون وسان خداؠس نِش.تہٕ سُہ اُوس تس مہرنؠٕ ہندیٕ پاٹھؠٕ سجٲؠتھ ؠِمہ زن پننِس خاندار سنٔدِ خاطرٕہ پُنن پان پٔورمُت آسہِ._³.پتہٕ بوز مےٕ تختہٕ پؠٹھ کُستام بُلند آوازِ منز یہٕ ونان زِ وُچھ خدایہ سُند خؠمہٕ چُھ انسانن درمیان تہٕ سُہ کرِ تِمن ساتؠٕ سکونت تہٕ تِم آسن تمسنٔد لوکھ تہٕ خدا رُوزِ پانہٕ تِمن ساتؠٕ تہٕ آسہِ تہنُد خدا._

⁴.تِہنزن ٲچھن وتھرایہ سُوریٔ اُوش.تؠمہٕ پتہٕ نہٕ رُوزِ مُوت نہٕ ماتم نہٕ گُریہِ وزارؠٕ نہٕ تکلیف.تکیازِ گوڈنکؠٕ چیز رُودؠٕ مُوکلان._⁵.تہٕ یُوس تختس پؠٹھ بِہتھ اُوس،تؠمؠٕ وُن بُو بناوکھ تمام چیز نؠٔ نؠٔ.پتہٕ وُن مےٕ تؠمؠٕ لؠکھ تکیازِ ؠِمہٕ کتھہٕ چھے پُوز تہٕ برحق._

⁶.پتہٕ وُن مےٕ تؠمؠٕ،ؠمہٕ کتھ گؠہِ مکمل.بُو چُھس الفاتہٟ اُومیگا؛یعنی بُو چُھس اۆل تہٟ آخر.بوچیٲون ترؠشہٟ ہُوت آبِ حیاتکہِ ناگہٟ منزٟہ مُفت ترؠش._⁷.یُوس غٲلِب ییِہ سُوؠٔ آسہِ تِمن چؠزن ہُند وٲرِث،تہٕ بُو آسہٕ تسہُند خدا تہٕ سُہ آسہِ مؠون فرزند._

⁸.مگر بُزدِلن،تہٕ بے ایمان لوکن،تہٕ مٔکرؠن لوکن،قاتلن،حرامکارن،جٲدؠٕ گرن،بُت پرستن تہٕ سارنؠٕ اپُزیٲرؠن ہُند حصّہ آسِہ تَتھ جھؠلس منز یُوس نارٕہ تہٕ گندہکہٕ ساتؠٕ دزان آسہِ.یہ چُھ دُوؠِم مُوت._⁹.پتہ وُن تمو ستَو فرشتو منزٕہ ؠمن نِش پیالہ ٲسؠٕ اکؠٕ مےٕ."ولہٕ یورؠٕ"بو ہاوے ژے مہرنؠٕ یعنی چھرٕہ برّٕہ سنٔز زنانہٕ._

¹⁰.تہٕ تؠمؠٕ نُؠوس بُو رُوحانیتس منز اکِس بڑِس تہٕ تھدِس پہاڑس پؠٹھ.تہٕ ہُونَم مقّدس شہر یعنی یوشلم آسمانہٕ پؠٹھ وسان خداؠس نِش._¹¹.تَتھ منز اُوس خدایہ سُند جلال تہٕ تمِچ چمک سؠٹھا قٕیمتؠِ کنؠٕ یعنی یشُب ہِش یُوس زن بَلّور کؠ پٲٹھؠٕ صاف آسان._

¹².تہٕ تؠمہِ شہرکؠٕ دؠوار ٲسؠٕ بڑؠٕ تہٕ تھدِؠ بیہِ ٲسؠ تَتھ باہ دروازٕہ تہٕ تمن دروازن پؠٹھ ٲسؠ باہ فرشتہٕ.تہٕ تمن پؠٹھ ٲسؠٕ بنی اسرایٔلکؠن بہن قبیلن ہندٕؠ ناۆ لؠکِتھ._

¹³.ترے دروازٕہ ٲسِس مشرقہٕ اندٕہ.ترے دروازٕہ شمالہٕ اندٕہ.ترے دروازٕہ جنوبٕ تہٕ ترے دروازٕہ مغربہٕ اندٕہ._¹⁴.بیِہ ٲسؠٕ تَتھ شہرس باہ کٕن(بنیاد)تہٕ تمن پؠٹھ ٲسؠٕ چھرٕہ برّٕہ سنٔدؠن بہن رسُولن ہندؠٕ باہ ناۆ لؠکھتِھ._

¹⁵تہٕ یُوس مےٕ یہِ ونان اُوس،تس نِش اُوس سُہ شہر تہٕ تمِکؠٕ دروازٕہ تہٕ تمؠوک کھجَر مؠننہٕ باپتھ اکھ سُونہٕ سُند گَز._¹⁶.تہٕ سُہ شہر اُوس چکورس ہیوؠٔ.تمیوک کھجر اُوس زینچھرس برابر.تؠمؠٕ مؠون شہر تؠمہِ گزٕہ ساتؠٕ.تہٕ سُہ دراۆ باہ ساس فرلانگ.تہٕ تیمک زینچھر تہٕ کَھجر تہٕ تَھنزد اُوس برابر._

¹⁷.پتہٕ مؠون تؠمؠ سُہ شہرُک دیوار یوس انسانہٕ سنٔدٕکنؠ فرشتہٕ سنٔدٕہ مؠننہٕ مطابق اکھ ہتھ ژو یٔتاجؠِ اَتھٕ دراۆ._¹⁸.تہٕ تؠمہ شہرُکؠ دؠوار ٲسؠٕ لیشکؠٕ،تہٕ شہر اُوس تِتھِ خالِص سُونک یُوس صاف شیشکؠٕ پاٹھؠٕ اُوس._

¹⁹.تہٕ تؠمہ شہرکؠن دؠوارن ہندٕؠ کٕن(بنیاد)ٲسؠٕ پرؠتھ قسمکہٕ جواہرہٕ ساتؠٕ جرِتھ،گوڈنیوک کِن اُوس یشبُک،دویِم نیلمُک،ترؠِم شبِ چراغُک تہٕ ژورِم زمرُّودک._

²⁰.پانژِم عقِیقُک،شؠِم لالَن ہُند.سِتم سونہٕ کنؠن ہُند.ٲٹھِم فیرُوزک،نویِم زبرجدک،دَہِم عقیق یمنی یوک کَہم سنگِ سُنبلی ہُند تہٕ نہِم یاقُوت._²¹.تہٕ باہ دروازٕہ آسؠٕ بہن موختن ہندٕؠ یعنی پرؠتھ دروازٕاُوس اکہِ مُوختُک تہٕ شہرٕچ سڑک ٲس صاف شیشکؠٕ پاٹھؠٕ خٲلِص سُونٕچ._

²².تہٕ مےٕ وُچھنہٕ تَتھ منز ہؠکل تکیازِ خداوندِخدا قادر مطابق تہ۶ چھر۶ہ برّٕہ چِھ تمکؠٕ ہیکل._²³.تہٕ تَتھ شہرس منز چُھنہٕ آفتابکہِ یا زونہِ ہُندِ گاشُک کانہہ حاجتھؠٕ تکیازِ خدایہ سنٔدِؠ جلالن چُھ سُہ رُوشن تھومُت تہٕ چھرٕہ برّٕہ چُھ تمیُوک نُور._

²⁴.تہٕ قوم پکن تمکِس گاشس منز تہٕ زمؠنہِ ہنٔدٕؠ پادشاہ انَن اَتھ منز پننِہ شان و شوکتُکٕ سامان._

²⁵.تہٕ تمکؠٕ دروازِٕہ گژھن نہٕ دُوہس ہرگزِتہِ بند.تہٕ تَتِہ سپدنہٕ زانہہ راتھ._²⁶.تہٕ لوکھ انَن قومن ہنٔدِ شان و شوکتُک تہٕ عزّتُک سامان تَتھ منز._

²⁷.تہٕ اتھ منز گژِھ نہٕ کانہہ ناپاک یا اپُز ونن وول ہرگزتہِ دأخل.مگر تمےٕ سپدن داخٕل ؠمن ہندٕی ناۆ چھرٕہ برّٕہ سنٔزِ کتابِ حیاتس منز درج آسن._

22¹.پتہ ہُوۆ تؠمؠٕ مےٕ بَلّورکؠٕ پاٹھؠٕ چمکہٕ وُن آبِ حیاتُک اکھ دریاۆ.ؠُوس خداؠس تہٕ چھرٕہ برّرٕہ سنٔدِ تختہ نِشہِ نِؠرِتھ اُوس تؠمہِ شہرچہ سڑکہِ منزٕی نؠران._

².تہٕ دریاوہٕ اَپارِہ یپُور اُوس زندگی ہُند کُل.تَتھ ٲسؠٕ لَبِہ قِسمکؠٕ میوہ وسان.تہٕ بؠِہ ٲسس پرؠتھ رؠتہٕ مؠوٕہ وسان تہٕ تؠمِہ کُلِ کُؠو پنہ وتھرَو ساتؠٕ اُوس قومن شِفا مؠلان._³.تہٕ پتہٕ آسنِہ کانہہ لعنت.تہٕ خداۓ سُند تہٕ چھرٕہ برّٕہ سُند تختہ آسہِ تَتھ شہرس منز.تہٕ تمسٔند بندہ کرن تسہنز عبادت._

⁴.تہٕ تِم وُچَھن تمسُند بُتھ تہٕ تمسُنٔد ناۆ آسِہ تِمن ڈؠکن پؠٹھ._

⁵.تہٕ پتہٕ سپدِنہٕ رات تہٕ تِم آسن نہٕ نَہ ژٲنگؠٕ گاشکؠٕ محتاج نہٕ آفتابکہِ گاشکؠٕ.تکیازِ خداوندِ خدا کرِ تمن رُوشن تہٕ تِم کرن ابدُالآباد پادشاہی._⁶.پتہٕ وُن تؠمؠٕ مےٕ ؠمہِ کتھہٕ چھے پُوز تہٕ برحق.تکیازِ خداوندن یُوس نبؠن ہنٔدِ روحُک خدا چُھ تؠمؠٕ سُوز پَنُن.فرشتہ امِہ موجُوب زِ سُہ ہاوٕ خدایہ سنٔدِؠن بندن تِمہٕ کتھٕ ؠمہٕ جلدی سپدن واجنِہ چھے._

⁷.تہٕ وُچھ بُوچُھس جلدی ؠنہٕ وُول.مُبارک چُھ تس یُوس ؠمہِ کتابِ ہنٔزٕن نبوتچؠن کتھن پؠٹھ عمل چُھ کران._⁸.بُو چھس سُویؠٔ یوحنا،یُوس یِمہٕ بوزان تہٕ وُچھان اُوس.تہٕ ییلِہ مےٕ بُوز تہٕ وُچھ،تہٕ ؠمؠٕ فرشتن مےٕ ؠمہٕ کتھہٕ ہایہِ بُو پُیوس کھورَن تل سجدہ کرنہٕ موکھہٕ._

⁹.تؠمؠ وُن مےٕ خبردار یِہ مٔہ کر،بُوتِہ چُھس چُون تہٕ چانؠن باۂن نبؠن تہٕ ؠمہِ کتابِ ہنٔزن کتھن پؠٹھ عمل کرن والین ہُند خدمت گُزار.خدایٔسٔی کر سجدٕہ._¹⁰.پتہ ون مےٕ تؠمؠٕ ؠمہِ کتاب ہنٔزٕہ نُبوتچہِ کتھٕ تھأ ؠزِؠنہٕ پُوشیدٕہ تکیازِ وقت چُھ نزدیک._

¹¹.یُوس غلط کرِ سُہ رُوزِن غلطیٕ کران.تہٕ یُوس نجِس چُھ سُہ رُوزِ نجِسیٕ سپدان.تہٕ یُوس نیکو کار چُھ سُہ روزِ نیکؠِ کران تہٕ یُوس پاک چُھ سُہ روزِ پاکؠٕ سپدان._¹².وُچھ بُو چھس جلدی ؠنہٕ وُول.تہٕ پرؠتھ کانسہِ ہنٔزِ کامہِ مُوافِق چُھ اَجر مےٕ نِش تِمن دِنہٕ خاطرٕہ._

¹³.بو چُھس الفا تہٕ اُومیگا.اوّل تہٕ آخٕر.ابتداء تہٕ اِنتہا._¹⁴.مُبارک چُھ تمن یِم پننؠ جامہٕ چھلان چِھ تکیازِ تِم کرن اختیار حاصِل زندگی ہندِس کُلِس نِش گژھنُک تہٕ بیہِ گژَھن تِمو دروازو کؠنؠٕ شہرس منز داخٕل._

¹⁵.مگر ہُونؠٕ،جٲدؠٕ گَر،زنا کار،قاتِل،بُت پَرست،بیِہ اَپز ونن والؠٕ تہٕ اپُز کتھٕ پسند کرن والؠٕ رُوزن تؠمہِ نؠبر._¹⁶.مےٕ عيسٰى ہن سوز پنُن فرشتہٕ اَمِہ موجُوب زِ کلیسیاہن منز دِن توہہ بُرونٹھٕ کنہِ ؠمن کتھن ہنٔز گواہی.بُو چُھس داۆد سُند اصل تہٕ نسٕل بؠہِ صُبحک چمکدار تارُک._¹⁷.تہٕ رُوح تہٕ مہرنؠٕ چھے ونان."ولہٕ"تہٕ بوزن والؠٕ تہِ ونِن."وَلہٕ" "وَلہٕ"تہٕ یُوس ترؠشہٕ ہوت چُھ سُہ یِیِن تہٕ یُوس یژِھ سُہ نِیِن زندگؠٕ ہُند آب مُفت._¹⁸.بُو چُھس پرؠتھ اکِس انسانس بُرونہہ کنہِ یُوس ؠمہِ کتاب ہنٔزٕ نُبوتچہِ کتھٕ بوزان چُھ"گواہؠٕ دِوان.زِ اگر کانہہ انسان ؠمن کتھن منز کؠنہہ اضافہ کرِ.تہٕ خداۓ کرِتَس پؠٹھ تِمہٕ بلایہِ نازِل ؠِمہٕ یَتھ کتابِ منز لؠکھنہٕ چھے آمژٕہ._

¹⁹.بؠہ اگر کانہہ ؠمہِ نبوتچہِ کتابِ ہنٔزو کتھو منزٕہ کؠنہہ کڑِ.تہٕ خدا کڑِ تمسُند حصّہ تہِ تؠمہِ زندگی ہنٔدِ کُلِ منزٕہ تہٕ مُقدّس شہرٕہ منزٕہ ؠمن ہنز یَتھ کتابِ منز ذِکر چھے._²⁰.یُوس ؠمن کتھن ہنٔز گواہؠٕ چُھ دِوان سُہ چُھ یہ ونان.زِ"بے شک چُھس بُو جلدی یِنہٕ وُول"آمین"ہےٕ خداوندِ عيسٰى"ولہٕ"._

²¹.خداوندِ عيسٰى سُند فضل رُوزِن مقدّسینن ساتؠٕ آمین._

Formatted for Translators

متّی

مرقس

لوُقا

یوحنا

رسولَن ہٕنزٕہ عملٕہ

رُومِیَن ہٕندِ ناوٕہ پُولُس رسُول سُند خط

کُرِنتِھیَن ہٕندِ ناوٕہ پُولُس رسُول سُند گوڈنؠُک خط

کُرِنتِھیَن ہٕندِ ناوٕہ پُولُس رسُول سُند دویِم خط

گلِتِیَن ہٕندِ ناوٕہ پُولُس رسُول سُند خط

اِفسِیَن ہٕندِ ناوٕہ پُولُس رسُول سُند خط

فِلِپِیَن ہٕندِ ناوٕہ پُولُس رسُول سُند خط

کُلسِّیَن ہٕندِ ناوٕہ پُولُس رسُول سُند خط

تِھسلُنیکِیَن ہٕندِ ناوٕہ پُولُس رسُول سُند گوڈنؠُک خط

تِھسلُنیکِیَن ہٕندِ ناوٕہ پُولُس رسُول سُند دویِم خط

تِیمُتِھیُس سٕندِ ناوٕہ پُولُس رسُول سُند گوڈنؠُک خط

تِیمُتِھیُس سٕندِ ناوٕہ پُولُس رسُول سُند دویِم خط

طِطُس سٕندِ ناوٕہ پُولُس رسُول سُند خط

فِلیمون سٕندِ ناوٕہ پُولُس رسُول سُند خط

عِبرانِیَن ہٕندِ ناوٕہ پُولُس رسُول سُند خط

یعقُوب سُند عام خط

پطرَس سُند گوڈنؠُک خط

پطرَس سُند دویِم خط

یوحنا سُند گوڈنؠُک خط

یوحنا سُند دویِم خط

یوحنا سُند تریِم خط

یہوداہ سُند عام خط

یہُوداہ سُند مُکاشِفٕہ