¹Agha ne makurando ghohanahoka wa Adamu ,kutunda mudiyuwa dyo mavarekero Nyambi ghatendire hanu , ghawatendire popanunguudhendi thinda . ²Katughuru na mbuyama ,hawavarerkire hapwire kutungeka , hawatiyire eshi hanu pa mavarekero.³Nyambi kokughamba "Thikare po thishe" nothakarire po. ⁴Nyambi ghamonine thishe, atho ne thiwa. Gha yakunuthire thishe kudikokore. ⁵Nyambi ghatoyire thishe "mutenya," nodikokore ghaditoyire "ghuthiku." Oru ne runguro nomathiku-thiku, diyuwa dyokutanga.⁶Nyambi ghaghambire, ghakare po mawedherero mumbirikatji komeyu, nomayakunuthero ghomeyu kutunderera pameyu. ⁷Nyambi ghatendire muporongwa, nomayakunuthero ghomeyu agha ghakarire mwishi kutunda pameyu agha ghakarire pawiru. Dyodi ghayihimine Nyambi. ⁸Nyambi ghatoyire muporongwa eshi "diwiru." Oru ne runguro nmathiku-thiku, diyuwa dyoghuwadi.⁹Apa ghaparire Enoshi myaka makumi kwoko no makumi mane ghakarire wiha Kenani . ¹⁰Apa ghakarire wiha Kenani Enoshi ghaparire myaka 815 ghakarire wiha ghohana ghahatututghuru no hakamadighana ghohengi ¹¹Enoshi ghaparire myaka 905 no ghafire . ¹²Apa ghaparire Kenani makumi kwoko no myaka makumi mawadi ghakarire wiha Mahalaleli . ¹³apa ghakarire wiha Mahalaleni.¹⁴Kenani ghaparire myaka 840 gha ghakarire wiha ghohana ghahatutughuru no hakamadighana hohengi . ¹⁵Apa ghaparire Mahalaleli myaka makumi kwokofotji no myaka kwoko ghakarirre wiha Jaredi.¹⁶Apa gha karire Mahalaleli wiha Jaredi Mahalaleli ghaparire myaka 830 ghakarire wiha ghohana gho tutughuru no hakamadighana ghohengi . ¹⁷Mahalaleli ghaparire myaka 895 no ghafire . ¹⁸Apa ghaparire wiha Jaredi myaka 162 ghakarire wiha Enok . ¹⁹Apa ghakarire wiha Enok , Jaredi ghaparire myaka mathere kwoko hatu ghakarire wiha ghohana ghotutughuru no hakamadighana ghohengi .²⁰Jaredi ghaparire myaka 962 no ghafire , ²¹Apa ghaparire Enok myaka makumi kwoko fotji no myaka kwoko ghakarire wiha Methuselah.²²Enok ghayendire pofotji na Nyambi myaka mathere mahatu Apa ghakarire wihaMuthulesah , gha karire wiha ghohana gho tutughuiru no hakamadighana ghohengi. ²³Enok ghaparire myaka 365.²⁴Enok ghakarire na Nyambi no ghapirerepo no Nyambi no Nyambi yo ghamushimbire . ²⁵Apa ghaparire methuselah myaka 187 ghakarire wiha Lameki .²⁶Apa ghakarire wiha Lameki , Methuselah ghaparire myaka 782 , ghakarire wiha ghahana gho tutughuru no hakamadighana ghohengi. ²⁷Methuselah ghaparire myaka 969 no ghafire .²⁸Apa ghaparire Lameki myaka 182 ghakarire wiha mwana ghokatughuru . ²⁹No gha mwithire Nowa , kuninga eshi'''oyu mboghatupa maturumuthero muyiruwana yetu no muyitokota yo yiruwana yetu yo munyra dhetu eyi mbo turughana pamurandu gho muve ghu gho kuta Nyambi.³⁰Kukehe thgiyama thopakaye, kukehe thinyunyi thomuwiru noyoyiheya yokukokawa pakaye, nokehe yino yokupara nayipa kehe thimenwa tho thina mahako eshi yidya yagho." Yakarire kemo. ³¹Nyambi ghamonine yoyihe eyi ghatendire. Ene shemwa yaroghire. Oru ne runguro nomathiku-thiku, diyuwa dyokwoko-fotji.

¹Ndani diwiru no muve yapwire , no yoyihe yoyiyumi yakarire mo . ²Mudiyuwa dyo ghukwoko no ghuwadi Nyambi gha kumine kughuhura ghoyiruwana yendi eyi ghatendire , no gha ghaturumuthire mudiyuwa dyo ghukwoko no dyo ghuwadi kuyiruwana yendi yoyihe . ³Nyambi ghatungekire diyuwa dyo ghukwoko no dyo ghuwadi no kudipongora , yoyishi mudiyuwadi ghaturumuthire kuyiruwana yendi eyi ghatendire mu mavarekero ghendi .⁴Eyi ne yoyihokoka kuhatera mawiru no kaye , apa hayivarekire modyo diyuwa Fumu Nyambi ghatendire kaye no muwiru . ⁵Mbadi kwa karire yiputa mukaye no mbadiko thimenwa tho mukaye tha menine , Fumu Nyambi mbadighatumine mvura pakaye , mbadi pakarire munu ghokudima muve . ⁶Ene mume wayendire mukaye no kuveta ghera ndundu dho dhihe dho muve.⁷Fumu Nyambi ghombire munu kurukungu no muve ,no kumuhethera mumayuru munu ghomoyo , no munu ghakarire munu gho muyumi . ⁸Fumu Nyambi ghatendire dipya kudiva mudipya no ghaturiremo munu oyu ghombire.⁹Mwishi dho muve Fumu Nyambi ghatendire kehe kehe thino thitondo mukukura ethi thamonekire kughutho no ghuwa kuyidya . Yakarire mo no thitondo tho moyo ethi thakarire mukatji ko dipya no thitondo tho maghano tho ghuwa no ghuyi . ¹⁰Rware rwa shwaghire ku Edeni mukuvetaghera dipya . Kutunda po rwa kutaghure no rwakarire marware mane .¹¹Dina dyaro rokutanga ne Pishoni . Arone ro rwa pukera kokuhe mumukunda wa Havila , omu mwakara ngorondo . ¹²Ngorondo gho mumukunda ghuya ne muwa . Mwakarire karo Bdelium no mawe gho onyix.¹³Rware roghuwadi rokurandako ne Gihoni. ¹⁴Rware roghuhatu ne Tigris , no gharo rwapukera kudiva dya Ashuru . Rware roghune ne rwa Euphratco.¹⁵Fumu Nyambi ghashimbire munu no kumutura mudipya dya Edeni mukuruwana mo no kukunga . ¹⁶Fumu nyambi gharawerire munu kukughamba ''kukehedhino mbuyo dhokuthitondo mudipya ghunakudya . ¹⁷Ene kuthitondo thomaghano ghoghuwa no ghuyi mbadi wakona kudyako , kudiyuwa edi wakudyako mboghunafu ghushemwa .¹⁸Ndani kokughamba Fumu Nyambi '' mbadi thiwana eshi '' katughuru ghakare pithendi . Nanyi nimutendereko mughamweni ghoyugha murikanya ''. ¹⁹Kumuve Fumu Nyambi ghombire yiyama yomumuthitu no kehethino thinyunyi tho muwiru . Munyima ghayiretire kwa munu mukumumona eshi ngepi edi shogha yithe . Kehemuno ghayithere munu yinu yo moyo , yakarire menaghayo . ²⁰Munu ghatapire mena kuyimuna yoyihe kuyinyunyi yoyihe yo muwiru , no kughishereka yoyihe yomumuthitu . Ene kwa munu thinda mbadi ghakonine kuwana mughamweni ghokumurikanya .²¹Fumu Nyambi gharetitherepo turo totukuru mukuwera pakatughuru ,katughuru ghararire . Fumu Nyambi ghashimbire kapatji kofotji patupatji twendi no kuyandherapo panyama opa ghashimbire kapatji . ²²No kapatji ghoka ghashimbire Fumu Nyambi mwa katughuru ghatendithireko mbuyama no ghamutire kwa katughuru . ²³Katughuru ghaghambire ruvedhe ru , oyu ne thishokora thopayishokora yange , nyama dho nyama dhange . mbohana mwitha eshi''mbuyama '', yoyishi gha shwagha kwa katughuru.²⁴Yodigho katughuru ghana kuthigha wihe na nyina , ghana kakupakera kwa munuwendi , no hana kara thirama thofotji. ²⁵Wahe hakarire thiheha katughuru na didhiko dyendi , ene mbadi hakarire no thihonyi .

¹Thiyoka thakarire noghuringi-ringi thikuma kupitera yiyama yoyiheya eyi ghatendire Fumu Nyambi. Thiyoka thaghambire kwambuyama , "Yashemwa Nyambi ghamutongwera, eshi mbadi mwakona kudya mbuyo dhokukehe thitondo thomuthikwinino'?" ²Mbuyama ghhuthire kwathiyoka eshi " Kukona kudya mbuyo kuyitondo yomuthikwinino, ³ene kuhamena kumbuyo dho kuthitondo thopakatji ko dipya, nyambi ghaghambire eshi mbadi wakudya ko, nokukwatako temba, yoyishi kufa."⁴Thiyoka thaghambire kwambuyama eshi " Mbadi mwakona kufa. ⁵Nyambi ghayidimuka eshi diyuwa di mbomudya ko meho ghenu mboghana yandhururuka, nombo muna kara yira Nyambi, mbo muna dimmuka ghuwa noghuyi." ⁶Apa ghamonine mbuyama ghuwa ghothitondo mukukara yidya, nothamonekire ghufughuri mumeho ghendi, nothitondo thahafithire mukutenda ghumweya ghunyanyami, ghashimbireko mbuyo noghadire. Gho ghatapire kwakatughuru wendi oyu ghakarire nedni, nogha dire.⁷Meho ghawo wahe ghayandhurukire, nohakunongononine eshi thiheha hadi. Hashimbire mahako hakuvuve. ⁸Hayuvireko mughuma wafumu Nyambi oku ghana kuyendaghura muthikwinino pathitengeyuwa, katughuru nadidhiko dyendi hondire kughutho wafumu Nyambi mukatji koyitondo yo muthikwinino.⁹Fumu Nyambi ghethire katughuru noghamwipurire eshi, "Kupi ghudi?" ¹⁰Katughuru ghahuthire, eshi, " Nakuyuvu muthikwinino, ghonayapa, yoyishi thiheha nakara. Ghona kuhoreka." ¹¹Nyambi ghaghambire eshi, "Yidye ghana kutngwera eshi thiheha ghudi? Ghuna di thitondo thi nakurawere eshi mbadi wakona kudya ko ndi?"¹²Katughuru ghahuthire eshi, "Mbuyama yu wanipire ghakare nange, yoghana nipa mbuyo dho kuthitondo, ghonina di." ¹³Fumu Nyambi ghaningire kwambuyama eshi, " Yinu munye eyi ghuna rughana?" Mbuyama ghaningire eshi "thiyoka thina nihongaghura, ghona di."¹⁴Fumu Nyambi ghaghmbire kwa thiyoka eshi, Yoyishi ghuna tendi yinu yi, thikuto poye pithoye pakatji koyiyama yoyiheya noyishereka yoyiheya yo mudipya. Nodipumba dyoye mbo yenditha, norukungu yoyidya yoye yipara yoye yoyihe." ¹⁵Mbo natura ghukore pakatji koye nambuyama, nopakatji kawanoye nawanendi. Mbo ghana hoghorora mutwi ghoye, nombo ghuna kumeka dithithina dyendi.¹⁶Kwambuyama kokughamba eshi, "Mbona vuritha mayuwa ghoye ghokureta hana. Mboghuna yuvu tjitju pakureta hana" Dirura dyoye ne kwakatughuru ghoye, ene yene mbo ghana kuraghura.¹⁷KwaAdamu ghaghambire eshi, "Yoyishi ghuna yuvu yamukamadi ghoye, ghoghuna di kuthitondo, ethi nakurawerire eshi mbadi wakona kudya ko. Muve ne ghuna wana thikut pamurandu ghoye; Muyirughana yoyiremu mo mbo dya, yipara yoye yoyihe. ¹⁸Mighunga noshosho mbo yina meni mundhira dhoye, no mboghuna di yimena yo mudipya. ¹⁹Mudiyuywa dyye mo mbo wana yidya yoye, kare wa kuhuke kumuve, yoyishi ko wa tundire. Kurukungu watunda nokurukungu ko mbohuka."²⁰Katughuru kokuta mukamadi wendi eshi yo Eva, yoyishi yonyina wawaheya. ²¹Fumu Nyambi ghatenderire haAdamu namukamadi wendi yivata yoyikukumba kokuwa vateka.²²Fumu Nyambi ghaghambire "Pano munu ghana pitura yira yatwe, ghanadimuka ghuwa noghuyi. Pano mbadi shoghapwe kutawedhera eshi dyoko dyendi dikume kuthitondo tho moyo, kudyako kokupara kuroruheya." ²³Popo Fumu Nyambi ghawa tundithire muthikwinino thaEdeni, ghaka dime muve oku hamutendithire. ²⁴Nyambi ghashwaghithire hanu muthikwinino, ghogha pakire muEngeli kudiva dyothikwinino thaEdeni, hoghapakire dimende dyo kutwedhima edi dya pirukerire kumitara dho dhiheya, mukukungga ndhira dhokuthitondo tho moyo.

¹Katughuru ghakarire na didhiko dyendi Eva oyu ghakarire mudira no gha wanine mwanuke ghodina dyo kayini . Ghaghambire eshi ''Nawana munu no maghamweno ghaFumu . ²Ghana wanine karo mina munu ghodina Abeli . Keho Abeli ghana karire mukungi , ene Kayini ne ndjimi .³Rweyire po ruvedhe ghoru gharetire Kayini muyangu wendi no ghatende muyambo Kwa Fumu . ⁴Ene Abeli gharetire tundjwighana to mbedi no dhimweya dho kununa . Fumu ghatamburire muyambo wa Abeli. ⁵Ene muyambo wa Kayini ne mbadi gha yitamburire . Kayini ghapatire no gha tokotire thikumenena .⁶Fumu ghaghambire kwa Kayini ,'' yinu munye eyi ghunapatera noyi ghuna tokotera thikuma ? . ⁷Ngeshi ha ghutendi yinu yoyihunga , mbadi wa kukutambura ndi? Ene ngeshi mbadi wakutenda yoyihunga diharwero mbadi na tongamena pafero dhoye no mbadi nakara noyikuyuva dikuru ghanithe , ene mbo ghuna diraghura ''.⁸Kayini ghaghambire kwa Abeli minendi . Kapupi kamanana hana karire mumapya , Kayini ghemananyene minendi Abeli no gha mupaghire. ⁹Fumu gha ghambire kwa Kayini ,''kupi Kayini minoye ?''. ghahuthire '' mbadi shonidimuke . Yame no mukareri wa minange ndi?''.¹⁰Fumu ghaghambire ,''yinu munye ghunatendi ? manyinga ghaminoye kuna kunitha me po pamuve . ¹¹Keho ne ghudi no thikuto pamuve ethi thina yandhura kanwa mukutambura manyinga ghaminoye ghogha ghana kutundera munyara dhoye . ¹²Mukudima koye ghomuve kutunda pano mbadi shoyi werange kukoye kungcamu dhayo . Mboghunomboroka no mboghuna piri thitambo . mukaye.¹³Kayini ghaghambire kwaFumu eshi'' mahumbithero ghange ne makuru thikumenena kughashimba me . ¹⁴Ene yowe wani shwaghitha mudiyuwa dipano pamuve , no nanyi nakunde kurupara roye . Nanyi mbonomboroke no kupira thitambo muno mukaye , no kehe yu mbo ghani wana nanyi mbo nipaghe me. ¹⁵Fumu ghamuningire '' keheyu mboghapagha Kayini mahumbihero ghendi mbo ghana kumu kumakwoko no mawadi ''. No Fumu ghaturire thidimukitho pa Kayini podigho eshi kehe yuno gho kumuwana ghoyo munu mbadi ghamurwithe¹⁶Kayini ghatundire kughutho wa fumu no gha katungire mudyango dya Node kumavero ghodiyuwa ku Edeni . ¹⁷Kayini ghakarire nadidhiko dyendi no ghakarire mudira . Ghawanine ghodina dyo Enoku . Ghja tendire ngurumbara no ghadhitire dina dya mwanendi enoku .¹⁸Pa Enoku gharetire po Iradi ghana karire wiha Mehujayeli . Mehujayeli ghanakarire wiha Metushayeli . Metushayeli ghana karire wiha Lameki . ¹⁹Lameki ghana yekire hambuyama hawadi . Dina dyoyu ghofotji ne Ada no dina dyoyu ghumwe ne Zilla.²⁰Ada ghana wanine mwanuke ghodina Jobali. Ayene yodiye wihawo ghowa hatungire mumatende no hakarire no yimuna yawo . ²¹Dina dya minendi ne Jubali . Ayene yo wiha ghowa ngahashikanga yishandji . ²²Ene Zella gharetire Tubali _Kayini ghoyu ghakarire mufuri ghoyikuvo . Mina Tubali _ Kayini gho mukamadighana ne Naama²³Lameki ghaghambire kwa wa mbuyama wendi ,''Ada na Zilla muteghere kudiywi dyange ; amwe mwamadhiko gha Lameki : muteghere koyi shoni ghambe . Ame ngani pagha katughuru oyu ngani remeka me , katughuru ghana ghokunihohorora me . ²⁴Ngeshi Kayini hana muhutha rukwoko noruwadi na Lameki mbo ha muhutherero makumi kwoko no mawadi no kwoko no ruwadi .²⁵Adamu ghakarire shime karo nadidhiko dyendi no gha retire karo mwanuke ghokatughuru . Noghamutire dina eshi Sethi no gha ghambire karo ''Nyambi ghana nipa karo mwanuke ghokatughuru mudyango dya Abeli ghoyu gha payire Kayini ''. ²⁶Sethi ghana wanine mwanuke ghokatughuru no gha mutire eshi Enoshi . paruvedheruya hanu hatangire kwitha dina Fumu.

¹Agha ne makurando gho hanahoka wa Adam , Kutunda mudiyuwa dyo mavarekero Nyambi ghatendire hanu ,ghawa tendire popa nungu dhendi ²thinda .Katughuru na mbuyama , hawavarerekire hapwire kutungeka , hawatoyire eshi hanu pa mavarekero.³Adamu ghaparire myaka 130 , ghakarire wiha ghomwana ghokatughuru ghokumupitura thinda popa nungu dhendi no ghamutire eshi Seti . ⁴Apa ghakarire wiha Seti ghaparire no myaka mathere kwoko no mathere mahatu . Ghakarire wiha ghohana ghogha tutughuru no hakamadighana ghohengi. ⁵Adamu ghaparire myaka 930 nogha fire .⁶Apa ghaparire Seti 105, ghakarire wiha Enoshi . ⁷Apa ghakarire wiha Enoshi ghaparire myaka 807 no ghakarire wiha ghohana ghokatutghuru no hakamadighana ghohengi . ⁸Seti ghaparire myaka 912 noghafire .⁹Apa ghaparire Enoshi myaka makumi kwoko no mane , ghakarire wiha Kenani . ¹⁰Apaghakarire wiha Kenani Enoshi ghaparire myaka 815 ghakarire wiha gho hana ghohtutughuru no hakamadighana ghohengi . ¹¹Enoshi ghaparire myaka 905 noghafire .¹²Apa ghaparire keneni makumi kwoko no myaka makumi mawadi ghakarire wiha mahaleli . ¹³Apa ghakarire wiha Mahaleli .Kenani ghaparire myaka 840 ghakarire wiha ghohana ghotutughuru no hakamadighana hohengi . ¹⁴Kenani ghaparire myaka 910 noghafire .¹⁵Apa ghaparire Mahaleli myaka makumi kwoko fotji no myaka kwowko ghakarire wiha Jaredi . ¹⁶Apa ghakarire Mahaleli wiha Jaredi Mahaleli ghaparire myaka 830 ghakarire wiha ghohana gho tutughuru no hakamadighana ghohengi . ¹⁷Mahaleli ghaparire myaka 895 no ghafire.¹⁸Apa ghaparire Jaredi myaka 162 ghakarire wiha Enok . ¹⁹Apa ghakarire wiha Enok , Jaredi ghaparire myaka mathere kwoko hatu , ghakarire wiha ghohana ghotutughuru no hakamadighana ghohengi . ²⁰Jaredi ghaparire myaka 962 noghafire .²¹Apa ghaparire Enok myaka makumi kwoko fotji no myaka kwoko ghakarire wiha Methusela . ²²Enok ghayendire pofotji na Nyambi myaka mathere mahatu apa ghakarire wiha Methusela, ghakarire wiha ghohana ghotutughuru no hakamadighana ghohengi. ²³Enok ghaparire myaka 365. ²⁴Enok ghakarire na nyambi no ghapirirepo no Nyambi yoghamushimbire.²⁵Apa ghaparire Methusela myaka 187 ghakarire wiha Lameki . ²⁶Apa ghakarire wiha Lameki, Mathusela ghaparire myaka 782 ghakarire wiha ghohana ghotutughuru no hakamadighana ghohengi . ²⁷Methusela ghaparire myaka 969 no ghafire .²⁸Apa ghaparire Lameki myaka 182 ghakarire wiha mwana ghokatughuru . ²⁹No ghamwithire Nowa kuninga eshi ''oyu mbo ghanatupa maturumuthere muyiruwana yetu no muyitokota yoyi rughana yomunyara dhetu eyi mboturughana pamurandu gho muve ghoghokuta Nyambi.³⁰Lameki ghaparire myaka 595 no ghakarire wiha Nowa ghakarire wiha ghohana ghohatutughuru no haka madighana ghohengi. ³¹Lameki ghaparire myaka 777 no ghafire.³²Apa ghaparire Nowa myaka mathere kwoko ghakarire wiha Shemu , hamuna Japheti.

¹Hanu hatangire kukwerukura pakaye bihambuyamaghana hapwire kureta, ²hatutughuru waNyambi hamonine eshi hambuyama wa ne hawa. Nohakonine kutoghorora madhiko ghawo, kehe yuno hana himi. ³Nyambi ghaghambire, "Mupepo wange mbadi mbo ghukarerera mwawanu kuroruheya, yoyishi awo ne hopanyama. Hana kupara mamwaka 220.⁴Makithi ghakarire pakaye mumayuwa gha, no kughutho. Yinu yi ne ya hokokeghere hana Nyambi pakuyeka hambuyama wawatutughuru, no hawanine hana pofotji. Awa ne hakarire hatutughuru hokutanara mumamyaka ghaya, hokukudimukurura.⁵Nyambi ghamonine ghuyi ghohanu ghunengipa mukaye, nokehe yino yighayara yomumitjima dhagho ya karire yo yiyi kehe pano. ⁶Nyambi gha kwerire mu kutenda hanu pakaye, no ya muguvithire mumutjima.⁷Nyambi ghaghambire, "Ñanyi ni shwaghithe po hanu awa navarekire pakaye, hanu noyiyama, no yinu yokukokawa no yinyunyi ymuwiru, podigho nakuromba mathigherero mukuvareka yoyihe." ⁸Ene Nowa ghawanine fiyaghudhi kughutho waNyambi.⁹Eyi ne yihokoka yokwaNowa. Nowa ne katughuru ghomuhungami, noghapirire murandu mukatji kawanu mu ruvedhe rwendi. Nowa ngayendanga naNyambi. ¹⁰Nowa ghakarire no hana hahatu: Shem, Ham naJaphet.¹¹Kaye kahanyaghukire kughutho waNyambi, no kayarire mvo. ¹²Nyambi gha monine kaye; kanepa, yoyiheya yopanyama yepithire mayira ghayo pakaye.¹³Nyambi ghaghambire naNowa," Nina mono eshi runo ne ruvedhe rokuhuritha yoyiheya yopanyama, yoyishi kaye ne kana yara mvo mumwawo. yashemwa, ñanyi nihanyaghure wahe no kaye. ¹⁴Tende dyato dishokuru dyo yipirangi. Tende mangonda mudyato, noghudighumbe noñatji mwishi no panunda. ¹⁵Kemo dyosho yiruwane: ghure ghodyato di ne ghukare makubiki mathere mahatu; muna ghufupi makubiki makumi kwoko, noghure ghodyato di mukare makubiki makumi mahatu.¹⁶Tende mutuya ghodyato, no dipwe kutwara mumakubiki gho muwiru nomumbadi. Tende thero pambadi dhodyato notende makarero ghokutanga ghoghuwadi noghoghuhatu. ¹⁷Tegherere, tamba nirete ruhandjo romeyu pakaye kokaheya, mukuharanganya yoyihe yo panyama yokutotha kwishi dhodiwiru. Kehe tho pakaye ñanyi tha kufe.¹⁸Ene ñanyi ni ture po ghundambo wange noye. Ñanyi mwakwiye mudyato, yowe, hanoye hohatutughuru, didhiko dyoye nawangumwenyoye. ¹⁹No yoyiheya yivareka yopanyama, yiwadi yokukupitura, mu ku kara nayo ghuyumi yoyihe yoyikafumu noyoyikamadi.²⁰Marudhi gho yinyunyi momu ya kupitwera, no yiyama momu ya kupitwera, no kehe yino yokukokawa pamwe momu ya kupitwera; yiwadi-yiwadi mukehe rudhi ñanyi yakwiye mu kuyiparitha. ²¹Ture pofotji marudhi ghoyidya yokudya no ghuture muma pungwero, oyi ne yoyidya yoye noya wahe. ²²Nowa gha rughane yoyihey yi. Kukutha yoyihe eyi gha muraweghere Nyambi, no ghayirughane.

¹Fumu Nyambi ghaghambire kwa Noah , wiye nowe no dighumbo dyoye dyodiheya ,wiye mudyato yoyishi na mono ghuhungami ghoye kughutho wange moghuno mushovo. ²Kukehe thiyama thokukushuka wakona kureta kwoko noyiwadi yoyirume no kwoko noyiwadi yoyikadhi kuyiyama yo kupira kukushuka ne retemo yiwadi thothirume na muyendha tho thothikadhi . ³Karo noyinyunyi yo muwiru yo muwiru retemo kwoko no yiwadi yoyirume ndani kwoko no yiwadi yo yikadhi mukughunguvura hana hoka wayo mukaye kokaheya .⁴Mumayuwa kwoko no mawadi nanyi naku ningithe ghakuroke mvura pakaye mayuwa makumi mane no mathere makumi mane . Nanyi nakuyungurure pakaye yinu yoyiyumi yoyiheya eyi natendire . ⁵Nowa gharughanine yoyiheya yi ghamurarwerire Fumu Nyambi .⁶Nowa ghakarire no myaka mathere kwoko no dyofotji no dyofotji apa dyeyire divavure pakaye. ⁷Nowa no hanendi na munuwendi nawa ngumwenyendi hengenine mu dyato pofotji pamurandu ghomeyu ghodivavure .⁸Yorama yokukushuka no yiyama yokupira ku kushuka yinyunyi no kehe yokukokawa pa kaye . ⁹Yiwadi thothirume no thothikadhi yeyire kwa Nowa no yengenine mudyato kukutha dyodi ghamurawerire Nyambi Nowa . ¹⁰Dyoyakarire eshi munyima dho mayuwa kwoko no mawadi , meyu ghodivavure gheyire pakaye.¹¹Mumwaka gho mathere kwoko no dyofotji ghoghuparo wa Nowa mukaghonda ko ghuwadi mumayuwa dikumi no kwoko wadi mukaghonda koko mudiyuwa dyodyo mavetuvetu ghomaheya ghomakuru ghayandhurukire , no makende ghodiwiru ghaya ndhurukire. ¹²mvura ghatangire kuroka pakaye mayuwa makumi mane no maghuthiku makumi mane.¹³Mudiyuwa dyodyo dyofotji Nowa nawanendi ,Shemu,Hamu,na Japheti,na Muwendi,no ha ngumwenyendi ha hatu hengenine mudyato. ¹⁴Hengenine mo pofotji no yiyama kukutha kurudhi rwayo no kehe thimuna kukutha kurudhi rwatho kehe thinu tho kukokawa yopakaye kukutha kurudhi rwayo,no kehe thinu thinyunyi kukutha murudhi rwatho,no kehe thivareka thomando.¹⁵Muyoyiheya yokupara yeyire yiwadi yiwadi kwaNowa no yengenine mu dyato. ¹⁶Yiyama yi yengenine yakarire thothirume notho thikadhi muyoyiheya yokupara,yengenine thika di gha yimurawerireNyambi.Ndani fumu Nyambi gha yandherire thero munyima dhawo.¹⁷Ndani divavure dyeyire pakaye mumayuwa makumi nomane,no meyu gha kuwedherire dyato pawiru wiru dho kaye. ¹⁸Meyu gha ngambwerire kaye,kaye kokaheya no dyato dyakambaghare pawiru dho meyu.¹⁹Meyu gha yeyukire thikuma pakaye kate marundu ghomare gho maheya gho mwishi dho diwiru gha pwire kungambwera. ²⁰Meyu gha yeyurekire makubiki dikumi nokwoko pawiru dhomutuya gho marundu.²¹Thothiheya thokupara ethi thayandanga pakaye thafire yinyunyi,yimuna, yiyama kehe yino kehe yino yivareka yoyingi eyi ya parire pakaye,ndani no hanu waheya. ²²Kehe thino thivareka ethi thakarire pakaye,yoku hethera munu mumayuru,yafire.²³Podigho shi yoyiheya yomoyo oyi yakarire pakaye ya pwire kudhimangedha,hanu,yiyam no yokukowa, no yinyunyi yo muwiru.Shime ngwa Nowa nawa hakarire nendi mudyato ho hathiyarire po. ²⁴Meyu gha karire pakaye mayuwa 150.

¹Nyambi ghanonongononine Noah, yiyama yoyihe yomumuthitu, noyiyama yoyiheya eyi yakarire mudyato. Nyambi ghapungithire mupepo mukaye, nomeyu ghatangire kupoposha pamuve. ²Meyu ghomumuve noyitaterero yomudiwiru yayandhere, mvura ghashaghekire kuroka. ³Meyu ghodivavure ghapoposhire kamanana ghatunde mukaye, nomunyima dhomayuwa 150 meyu ghengenine mumuve.⁴Dyato dyathekerire mukaghonda koghukwoko noghuwadi, mumayuwa dikumi kwoko nomawadi kaghonda koko, pamarundu ghaArarat. ⁵Meyu ghapoposhire pamuve pamuve kare mukaghonda kodikumi. Mudiyuwa dyokutanga dyokaghonda kaya, pamutuya dhhodirundu pamonekire.⁶Munyima dhomayuwa makumi mane Noah ghayandhururire yitarero yodyato edi ghatendire. ⁷Ghatumine dikorova panunda nodyatuka-tukire vene kare ghapwerere meyu.⁸Podigho ghatumine dikutji panunda dikakenge ngeshi meyu ghana pwerera peghuru dhokaye, ⁹ene dikutji mbadi dya konine kuwana dyango dyokuturera nodyakapirukire dikahuke kukwendi mudyato, yoyishi meyu ghafika-fikire kaye kokaheya. Ghashwaghithire dyiko dyendi panunda, noghaditumburire dikutji ghadingeneke mwishi.¹⁰Ghatatererireko karo mayuwa kwoko nomawadi noghatumine karo dikutji panunda dhodyato. ¹¹Dikutji dyakahukire kwendi parunguro. Mone! Mukanwa kadyo mwakarire dihak dyodipya dyoghuywe. Podigho Noah ghadimukire eshi meyu ghana pwerera. ¹²Ghatatererireko karo mayuwa kwoko nomawadi, noghatumine karo dikutji panunda. ene mbadi dya kahukire.¹³Peghire mumamwaka mathere kwoko nomwaka ghofotji mumwaka ghokutanga, mukaghonda kokutanga, mudiyuwa dyokutanga dyomukaghonda, eshi meyu ghapwerere pakaye. noah ghashwaghithire thifika thodyato, ghakengire panunda, kapupi kamanana, ghamonine eshi, pawiru dhomuve pakukuterire. ¹⁴Mukaghonda koghuwadi, mumayuwa makumi mawadi nomayuwa kwoko nomayuwa mawadi ghokaghonda, muve wakukutire.¹⁵Nyambi ghaghambire kwaNoah, ¹⁶"Yende panunda dhodyato, yowe, mukadidhiko dyoye, hanoye hohatutughuru, nohangumwenyoye. ¹⁷Shimbe noye kehe thinu thokupara thopanyama ethi thi di noye yinyunyi, yiyama, nokehe thinu thokukokawa ethi thakokawanga pamuve podigho eshi yikwerukurure muwingi wayo pamuve, podigho eshi heme mbuyo nokukwerukura pakaye.¹⁸Podigho Noah ghashwaghire nohanendi hohatutughuru, mukadidhiko dyendi, nohangumwenyendi. ¹⁹Kehe thinu thokupara, kehe thino thokukokawa, nokehe thinyunyi, kehe thino thokuyenda pamuve, kukutha dipongwero dyodiko, yashwaghire mudyato.²⁰Noah ghatendire thinyaku kwaFumu Nyambi. Ghashimbire po yiyama yimwe yo kukushuka noyinyunyi yokukushuka, noghatapire muyambo ghokutumekera pathinyaku. ²¹Fumu Nyambi wamunukere munuko ghoghuwa nowamunyanyukithire noghaghambire mumutjima wendi, "Mbadi mbo ni kuta karo kaye pamurandu ghohanu, ngambikenge eshi mahimeno dhodhimitjima dhawo ne mayi thokupara, thika di nayirughanine. ²²Oku shime kakarera kaye, ruvedhe rombuto noromuyangu, ghutenda noghupyu, ditenya nokufu, nodiyuwa noghuthiku mbadi mboyishagha."

¹Podigho Nyambi ghatungekire Nowa nawanendi hihatutughuru. Kukwawo ghaningire eshi, " Mwime mbuyo, nomukwerukure nomuyarithe kaye. ²Kehe thi thothiyumi tho pakaye mbo thina mutjira, yira yinyunyi, yokukokawa, ndani no thi dhomudikuruviya. Tuna yikupa mumoko ghoye.³Nakupa kehe thino thothiyumi thikare thidya thoye. Thi ka di nakupa yitondo yombuyo, dyona kuyikupa yoyiheya. ⁴Ene mbadi wakona kudya nyama ghomanyinga.⁵Ene manyinga ghoye, moyo ghomumanyinga ghoye ne, mbo nepura futo. Kukehe dyoko dyothiyama mbonepura. Kehe dyoko dyomunu, kutongora eshi, kutunderera koyu ghapaghire minendi, mbo ninepura futo dhoyipara yoya katughuru. ⁶Kehe yuno gho kupagha munu, naye mbo hana mupagha, yoyishi munu ne muthishwi thaNyambi ha mu vareka. ⁷Kukwenu ne mwime mbuyo, ghukwerukura, nokukuhanyena mukaye nokakuwedherera."⁸Shime karo Nyambi ghaghambire kwaNowa nawanendi hohatutughuru eshi, " ⁹Kukwange me, mutegherere! Kuna kuyenda nitanarithe ghundambo nenu ndani nawana hoka wenu, ¹⁰ndani nokehe yivareka eyi mudi nayo, yira yinyunyi, yimuna ndani nokehe yivareka mudi nayo, kuyoyiheya eyi yatundire mudyato, kuyoyiheya yivareka yokupara pakaye.¹¹Kona kutanaritha kehe ghundambo pano, mbadi mboni hanyaghura karo yoyihe yokupara kumeyu ghodivavure. No mbadi mboni hanyaghurapo karo kaye nodivavure. ¹²Kokughamba kwendi Nyambi eshi, " Thino ne thothidimukitho nakuturapo pakatji ketu name namwe nokehe yivareka eyi mudi nayo, nomuhoko ghokughutho: ¹³Nakuturitha po muto ghomvura mumavuyi, nombo thina kara thidimukitho thoghundambo pakatji ketu name nokaye.¹⁴Ghuna kukara po oku ghana kuyanga-yangera mavuyi nomuto ghomvura ghuna kumoneka mumavuyi, ¹⁵ndani ghuna kunivurukitha ghundambo, ghopatji ketu name namwe nokehe thivareka. Meyu ne mbadi mbogha reta karo divavure mukahanyaghura po yivareka.¹⁶Muto ghomvura ne mbo ghuna kara mumavuyi no pakughumona ne, nakuvuruka ghundambo ghokukarera po pakatji kaNyambi nokehe thivareka thokupara thopakaye. ¹⁷Podigho Nyambi ghaghambire kwaNowa eshi, "Ethi ne thothidimukitho thoghundambo natanaritha pakatji ketu name nokehe thivareka tho pakaye."¹⁸Hana Nowa hohatutughuru awa hashwaghire mudyato ne wano Shemu, Hamu, naYafeti. Hamu ne wiha waKanani. ¹⁹Awa hahatu ne hana Nowa hohatutughuru, kutunderera powano ne pombo hakuvurithera hanu hohengi pakaye.²⁰Nowa ghatangire ghundjimi, no ghana tendire thikwinino thovinyu. ²¹Ghanwine vinyu ghomupu noghatererire. Kare kurara thiheha mutende wendi.²²Podigho Hamu, ghowiha Kanani, ghamonine wihe oku yene thiheha ghadi noghakatongwere hakurwendi. ²³Podigho haShemu naYafeti hatumburire dikehe, nohengenine kangaranyima hakafike wihawo. Oku hana pirukera kwako nako, podigho eshi mbadi hamone thiheha thawihawo.²⁴Apa ghamupwire Nowa vinyu ghoghapindukire, ghadimukire eyi ghatendire ñomba wendi kukwendi. ²⁵Kokughamba kwendi eshi, " Kunyanda kuna kutaterera we kanani. Mboghuna kara ghomupika kwawapika wawakuroye."²⁶Kokughamba karo kwendi eshi," Ninge Fumu Nyambi, Nyambi waShemu, ghapwe kutungeka, noninge Kanani ghakare thipika thendi. ²⁷Ninge Nyambi ghakurupithire mukunda waYafeti, nomutawedhere ghatende dighumbo mutende waShemu. Ninge Kanani ghakare thipika thendi."²⁸Munyima dhodivavure Nowa ghaparire myaka mathere mahatu nomakumi kwoko. ²⁹Mayuwa ghomahe ghanowa ghakarire mamwaka mathere kwoko nomane nomyaka makumi kwoko noghafire.

¹Ogha ne hanahoka ghohana Nowa, haShem, Ham, naJaphet. Hana wa kwawawanene munyima dhodivavure.²Hana Japhet hakarire Gomer, Magog, Madai, Javah, Tubal, Meshech, naTiras. ³Hana Gomer hakarire Ashkenaz, Riphath, naTogarmah. ⁴Hana Javah gho ne Elishah, Tarshish, Kittim, naDodanim. ⁵Kutunda pa hanu hatungere kumbombwa dhodikuruviya hakuyakunukire nohayendire kumuve wawo, keheyu nondimi dhendi, kukutha kumako ghagho, kukutha kumihoko dhawo.⁶Hana Ham gho ne Cush, Mizraim, Put naCanaan. ⁷Hana Cush gho ne Seba, Havilah, Sabtah, Roamah, naSabteka. Hana Raamah gho ne Sheba naDedan.⁸Cush hakarire wiha Nimrod, oyu ghakarire mufundi ghokutanga pakaye. ¹⁰Aye ghakarire thiyambi thothikuru kughutho waFumu Nyambi. Podigho haghambera eshi, "Yira kenge Nimrod, thiyambi shokuru kughutho waFumu Nyambi." ⁹Pakatji koghufumu waBabiloni, Uruk, Akkad nomuKalneh muditunga dyaShinar.¹¹Kushwagha muditunga hayendire muAssyria nohatendire Niniveh, Rehoboth Ir, Calah, ¹²nomuReseh, oghu wakarire pakatji kaNinive naCalah. Dhakarire doropa dhodhikuru. ¹³Mizraim hakarire wiha wawaHudites, haAnamites, haLehabites, haNaphtuhites, ¹⁴haPathrusites, haKaslihites ( nunderero dhawaPhilistine), nohaCaphtorites.¹⁵Cannan ghakarire wiha Sidon, mbedi dhendi, naHeth, ¹⁶16 karo haJebusite, haAmorite, haGirgashite, ¹⁷17 haHivite, haArkite, haSinite, ¹⁸haArvadite, haZemarite, nohaHamathite. Kughutho diko dya haCanaanite dyayeranine.¹⁹Pamururwani wa haCanaanite kwatundere kuSidon, kumutara waGerar, kayenda yira kuGaza noyira ghumwe ghana kayenda kughutho waSodomu, Gomora, Admah, naZeboyim, kayenda yira kuLasha. ²⁰Awa ne hana Ham, kumak ghagh, nokumandimi ghagho, muditunga dyagho, nomumuhoko wagho.²¹Hana hapwire kureta mwaShemu, mukurwa ghomukuru waJapheth. Shem naye mukerekandongo ghohanu wahe ghomuEber. ²²Hana Shemu hakarire Elam, Ahur, Arphaxad, Lud, naAram. ²³Hana Aram hakarire Uz, Hul, Gether, naMeshech.²⁴Arphaxed hakarire wiha Shelah, naShela ghakarire wiha Eber. ²⁵Eber gharetire hana hawadi. Ghumwe ghopapagho hamutire Peleg, mumayuwa ghendi kaye kapwire kutaghura. Dina dyamukurwendi ne Joktah.²⁶Joktah ghakarire wiha Almadad, Sheleph, Hazarmaveth, Terah, ²⁷Hadoram, Uzal, Diklah, ²⁸Obal, Abimael, Sheba, ²⁹Ophir, Havilah, naJoba. Waheya wa hakarire hana Joktah.³⁰Nodyango dyakarere muMesha, kutundera kuSephar, kudirundu dyokudiva. ³¹Ogha ne hana Shem, kukutha kumako ghawo nokumandimi ghawo, nomumikunda dhawo, kukutha kudhimihoko dhawo.³²Ogha ne ghomako gho hana Nowa, kukutha kumako ghawo, kukutha kudhimishovo dhawo. kutunda pa dhimihoko dhi dhakuyakunukire nodhayeranine mukaye kokahe pakupwa divavure.

¹Pano kaye kokahe karughanithire ndimi dhofotji no hakarire no manando ghofotji. ²Opa hakarire no ruyendo ro kudiva ha wanine muronga mudyango dya Shinar no hatungire momo.³Awo hakuyongire mukatji kawo eshi''mwiye twakona (kumba) kutenda yitina no kuyumba thiwana ''. Hakarire no yitina mudyango dyo mawe no teya eshi ghuma . ⁴Haghambire eshi,''mwiye , twakona kukutendera twathinda nurumbara no mushoke gho mutuya gho kukona kudiwiru , no twakona kukutendera dina dyetu twathinda . Ene ngeshi mbadikemo tuna kupwa kuhanyaghura mukatji ko mango ghomahe gho pakaye''.⁵Podigho Nyambi gheyire pamuve mukumona nurumbara no mushoke ghoghu hatendire hanahoka wa Adam. ⁶Nyambi ghaghambire eshi'' kenge awo ne hanu hofotji ho ndimi dhofotji no hodigho hana kutameka kuyitenda yi . Tamba yakukare shi mbadiko yi mboshana kutenda eyi mboyidhira kukara kemo . ⁷Wiye tuyende pakaye no tukapemukithe mandimi ghawo , podigho shi mbadi hakone kukutjwathana ''.⁸Podigho Nyambi ghawa hanyaghurire kumango gho kukutjakatjaka gho kokahe no hashaghekire kutenda nurumbara dhagho . ⁹podigho no hadhithire babel , yoyishi Nyambi ne ghapemukithere ma ndimi ghomahe gho pakaye no kushwaghapo Nyambi ghawa ghawahanyaghurire panunda dhoditunga no kumango ghomahe gho pakaye.¹⁰Awa ne hanahoka wa shem. Shem ghakarire no myaka dithere no ghakonine kukara wiha Arphaxad myaka dhiwadi munyima dho mahandjiva . ¹¹Shem ghatungire myaka mathere kwoko (500) kughutho gho kakara Arphaxad. Ghakonine karo kukara wiha wa waheya.¹²Apharaxad ghatungire myaka makumi mahatu no myaka kwoko gha karire wiha Shelah. ¹³Apharaxad ghatungire myaka (403) kughutho gho kakara wiha Shilah. Ghakarire wiha gho hana hohatutughuru no hana ho hakamadi hamweya .¹⁴Shelah ghatungire myaka (30) no ghakarire wiha Eber. ¹⁵Shelah ghatungire myaka (403) munyima dho kakara wiha Eber . Ghakarire wiha gho hana ho hatutughuru no hakamadi hamweya.¹⁶Eber ghatungire myaka (34) ghakarire wiha Peleg. ¹⁷Eber ghatungire myaka (430) munyima dho kakara wiha Peleg. Ghakarire wiha Ghakarire wiha ghohana hohatutughuru no hana hohakamadi hamweya .¹⁸Peleg ghakonine kutunga myaka (30) no ghakarire wiha Reu. ¹⁹Peleg ghatungire myaka (209) munyima dho kakara wiha Reu. Ghakarire wiha ghohana ho hatutughuru no ho hakamadi.²⁰Reu ghatungire myaka (32) no ghakarire wiha Serug. ²¹Reu ghatungire myaka (207) munyima dho dhakara Serug . ghakarire wiha gho hana gho tutughuru no hana ho hakamadi hamweya.²²Serug ghatungire myaka makumi mahatu no gha karire wiha Nahor. ²³Serug ghatungire myaka mathere mawadi munyima dho kakara wiha Nohor. Ghakarire wiha ghohana ho ha tutughuru no ho hakamadi hamweya.²⁴Nahor ghatungire myaka makumi mawadi no kwoko no dhine no ghakarire wiha Tera . ²⁵Nahor ghatungire myaka (119) munyima dho kakara wiha Tera . Ghakarire wiha gho hana gho ha tutughuru no hana ho hakamadi ghamweya . ²⁶Tera ghatungire myaka myaka makumi kwoko no makumi mawadi no gha ghakarire wiha Abrahamu ,Nahor na Haran.²⁷Owa ne hanahoka wa Tera . Tera ghakarire wiha Abrahamu ,Nahor na Haran , no Haran ghakonine kukara wiha Loti. ²⁸Haran ghafire kughutho wa wihe Tera muditunga dyendi dyo kakoghatji , mu Ur ghomu Chaldeans.²⁹Abrahamu na Nahor hashimbire madhiko ghawo . Dina dya muna Abrahamu ne Serai no dina dya muna Nahor ne Milka , mwana Haran oyu ghakarire wiha Milka na Iska. ³⁰Serai ghakarire mbumi ; ghakarire mbadiko mwana .³¹Tera ghashimbire Abrahamu gho mwanendi , Loti oyu gha karire shi mwana mwanendi Haran, na Sarai gho ngumwenyendi muna mwanendi Abrahamu , pofotji hashwaghire mu Ur mu Chaldeans mukuyenda muditunga dya Canaan. Ene hayendire kwa Haran no hakatungire koko. ³²Tera ghatungire myaka (205) no ghakafire mu Haran.

¹Podigho Fumu Nyambi ghatongwere Abrahamu , ''shwaghe muditunga dyoghe , no kohakadiko dyoghe , nomudighumbo dyawakawiho , kudya ngo oku nakuku neghedha . ²Mbonakutendera muhoko ghoghukuru , no mbona kutungeka , no mbona kurupitha dina dyoghe , no mboghuna nakara matungekero . ³Mbonatungeka awa mbohatungeka , no keheyu ghadhira kukukutekera we mbona mukutu . Kupitera mumoye diko dyoye dyodihe mukaye mbadinapu kutungeka .⁴No Abrahamu ghayendire , kukutha edi ghamutongwerire Fumu Nyambi , no Loti ghayendire nendi . Abrahamu ghakarire no myaka makumi kwoko no mawadi nodhikwoko apa ghamwaghire Harani . ⁵Abrahamu ghamushimbire Sara , munuwendi , Loti , mwana minendi gho mukafumu , yiwana yagho yoyihe eyi yakarire nayo , no hanu awa hatawedherire mu Harani . No hayendire muditunga dya canana , hakakumine karo muditunga dya Canana.⁶Abrahamu ghatjinaghanine mumukunda wa Shechem, kuthikesha thoghundambo tha Moreh . Ruvedhe ruya haka Canana hatungire mumukunda ghuya , ⁷Fumu Nyambi ghamonekire kwa Abrahamu , no ghaghambire ,''kohana hoka mbona wapa ditunga di, . No Abrahamu ghatendire thinyaku tha Fumu Nyambi , oyu ghamonekire kukwendi .⁸Kutundapo ghayendire muditunga dyo marundu kudiva dya Bethel, apa ghashokekire tende wendi , na Bethel muditokera na Ai mudiva .Ghakatendereko thinyaku tha Fumu Nyambi no hathitire shi Fumu Nyambi . ⁹Abrahamu ghatwarire kughutho no ruyendo rwendi , rokuyenda ghatambe ku Negev.¹⁰Mumukunda mu mwakarire dirumbu , podigho Abrahamu ghahukire ku egypt ghakatunge , yoyishi mukunda ghu wakarire no dirumbu dishokuru . ¹¹Apa ghakarire pepi no kwingena mu egypt , no ghaghambire kwa mukadidhiko dyendi n Sarai eshi , ''monekuno , nadimuka eshi owene ghomukamadi ghomuwa . ¹²Apa hakukumona haka Egypt nanyihaghambe , eshi oyune yo munuwendi no mbohananipagha , no mbohana kuthighi ghuyumi . ¹³Ghambe eshi ghominange ghominange , podigho shi name yiniroghere pamurandu ghoye , podiyo shi name yiniroghere pamurandu ghoye , podiyo shi yipara yange yipwe kughamwena pamurandu ghoye.¹⁴Apa dhakuminemo nako dha Abrahamu ghengenine mu Egypt , no haka Egypt hamonine Sara shi muwa thikuma . ¹⁵Nomwana faragho ghomukamadi ghamumonine , no haka mukughere kwa Faragho , no mbuyama yu hamushimbire mudighumbo dya Faragho . ¹⁶Faragho ghapakere thinga Abrahamu pamurandu wa munuwendi , no Abrahamu ghatamburire ndjwi no ngombe , dongi ghomurume , no hapika ho hakafumu no hapika ho hakamadi , dongi ghomukamadi ndani no ngameno dhodhingi.¹⁷Podigho Fumu Nyambi ghanyandekire Faragho no dighumbo dyendi no dihamba dyodikuru thikumenena pamurandu wa Sarayi , muna Abrahamu . ¹⁸Faragho ghethire Abrahamu , no ghaghambire , eshi ''yinye nane ngaghutendi ku kwange ? Yinye wadherere kunitongwera eshi yame munughoye? ¹⁹Yinye waghambere shi , ayene minoye ghomukamadi , podigho shi nakumushimbe ghakakare didhiko dyange ? podigho oyuno ne yo munughoye . Pano keho mundambo ghoye yuno. Mushimbe no muyende ruyendo rwenu . ²⁰Podigho Faragho gha tapire marawero kwaruwani wendi kuhatera kukwendi , no ghamu tumine ghayende , pofotji na munuwendi no yinu yendi yoyiheya eyi ghakarire nayo.

¹Abrahamu ne ko kuyenda kwendi ghatunde mu egypt gha yende ku Negeve , naye na munuwendi no yimuna yendi yoyi heya . Loti naye ghayendire nawo . ²Abrahamu ghakarir mutungi shemwa ghoyimuna mu Masiliveri no mu mangorondo .³Gharundurure ruyendo rwendi kutunda ku Nengeve ghatambe ku Bethel kudyango edi ghakarire tende wendi pamutango pakatji ka Bethel na Ai. ⁴Kokuyenda pa dyango edi thakarere thinyaku ethi ghatendire . Padyango di ko kwitha dina dya Fumu Nyambi.⁵Loti , oyu ghakarire muruyendo pofotji na Abrahamu naye ghakarire no ghutungi gho mutanga gho djwi no nombo , muraka no matende. ⁶Dyango ne dya wa pupere ha Abrahamu na Loti mukutanga pofotji , yoyishi yimuna yawo yakarire yingi thikuma hatunge dyango dyofotji. ⁷Shime karo pakarire nokanyi pakatji ko hadithi yimuna ya Abrahamu no hadithi ho yimuna ya Loti . Hakananithe no Hapirisite ho hatungire muthiko thi paruvedhe ruya.⁸Abrahamu ko kughamba kwa Loti eshi'''kadi pakare marwanamvo pakatji koye koye name pakatji ko hadithi gho yimuna ghoye no hadithi ho yimunayange ; atwe karo ne twakadiko . ⁹Kadi wa kumona dyango dyo diheya di ndi ? Tokore ghukuyakunuke nange . Ngeshi ghutorore dyango dyo kurumoho , Ame ne nanyi niyende kurudyo . Ngeshi ghuyende kurudyo ame nanyi niyende kurumoho .¹⁰Loti ne ghakamburire meho ghendi ko kukengurura ko kuheya kokumona kwendi diyana dyo ghuyave dya Jordan kate kuZoar, yira thikwinino tha Fumu Nyambi yira ditunga dya egypt . (opa ne oku shime Fumu Nyambi kadi ghana dhimangedhe Sodomu na Gomora ) ¹¹Loti ko kukutorwera thinda mayana ghomahe gha Jordan no kwimana ghayende kudiva , yimuna yendi hapikendi no didhiko dyendi dyo diheya hakuyakunuke na Abrahamu .¹²Abrahamu ghatungire muditunga dya Canana , ene Loti ye ne ghatungire mukatji ko mudoropa ghomudiyana . Ghanatende matende ghendi pepi na Sodom. ¹³Ene hanu ho mu Sodom hakarire haghi thikuma no ha kuwedherire mu maharwero hakare ghukore na Fumu Nyambi.¹⁴Fumu Nyambi ko kughamba kwa Abrahamu kunyima dhopa hakuyakunukire na Loti eshi''kenge kate ku shohakahurere meho ghoye kutunda pa dyango di ghunemana ,mbunda, ghucuma diva na ditokera. ¹⁵Muve gho ghuheya ghu ghuna kumona nanyi mboni ghukupe no hanahoka ghoye kuroruheya .¹⁶Mbona ningi hanahoka ghoye hakwerukure mbo hakare hengi yira muve , ngeshi munu mbogha hima kuwatara me mbadi mboha watara . ¹⁷Wimane ghukayende munaghure no muna ghuyaghuyu gho thiko thi , mbona thikupa tho thihe . ¹⁸abrahamu koku dhamuna kwendi tende wendi no gheyire na ghatunge pepi noyitondo yo Mamre, oyi yakara mu Hebron ndani ghatendire thinyaku kwaFumu Nyambi.

¹Ghopeyire pamayuwa gha Amraphed Fumu wa Shinar, Arioch Fumu wa Ellasar, Kedorlaomer, Fumu wa Elam na Tidal Fumu ghomarudhi . ²Gho haturithirepo yita harwithe Bera Fumu wa Sodoma , Birsha Fumu wa Zeboyim ,no Fumu wa Bela (oyu hethire karo Zoar).³Ghogha maFumu makwoko ghogha kupakerere pofotji mu muronga wa Siddim (oyu hethire karo kudikuruviya dyo mungwa ). ⁴Mamwaka gho dikumi no dhiwadi gho haturirire Kedorlaomer , ⁵ene mumwaka gho dikumi no dhihatu gho dhine , Kedorlaomer nawa maFumu wa hakarire pofotji nendi gho kokuhokomokera. Rephaim mo Ashteroth, Karnaim nawa Zuzites muHam ndani ha Emims moShaveh Keriathaim. ⁶Nawa Horites muditunga dyagho dyo mandundu dya Seir pomuhanyamo Ei Paran ghoyu ghakarire pepi no mamboregha .⁷Ghohapirukire no kwiya kwa En Mishpat (ghoghu hatire karo shi Kadesh ), no hakawithereko matunga ghomaheya ghawa Amalekites ndani karo nawa amoritesi owa hatungire mu Hazezon Tama. ⁸Ene Fumu wa Sodom yo Fumu wa Zeboyim Fumu wa Gomorrah yo Fumu wa Admah Fumu wa Zeboyim Fumu wa Bela (karo Zoar) ghohayendire kakuroghithera yita mumuronga wa Siddim. ⁹kwimanganyena Kedorlaomer Fumu wa Elam, Tidal Fumu gho marudhi gho mahe Amraphel Fumu wa Shinar,Arioch Fumu wa Ellasar ma fumu mane ghemanganene Fumu gho ghukwoko.¹⁰Karo muronga wa Siddim wayarire makwina gho matapa no maFumu gha Sodoma na Gomorrah ko kwokomba kwawo no kuturamomo . Owa hathiyare wo , nawo hatjirere kumarundu ¹¹keho ma Fumu ghashimbire maghushwi gha Sodoma na Gomorrah noyoyiheya yiwana yawo no hakayendire ruyendo rwawo . ¹²Opa hayendire hashimbere na Loti mina Abrahamu ghomukafumu yo ghatungangire mo Sodoma noyiwana yendi yoyiheya.¹³Oyu ghaghakanyetukire kokunakumu no ghana tongwerire Abrahamu gho mu Heburaghi. Ghatungangire kutukoma twa karere mu mamre na Amorite gho mukurwa Eshkol na Aner ghowa wahe hakerekandongo wa Abrahamu . ¹⁴Ene opa ghayiyuvire Abrahamu shi hakanore hana kwata hakadiko dyendi. gho ghashwaghithire hatutughuru 318 wahapwa kudeghura awa herekera mudighumbo dyendi no hakahuthere kokayenda kare ku Dan.¹⁵Gho ghayakunithire hatutughuru wendi kwemanganyena ghuthiku no kuwahomokera pamuhanyamo gho kukuma ku Hobah, ghoyiya karashi mu mbunda dha Damaskus. ¹⁶No ghakahuthire maghushwi ghawoghomahe no gha kuhuthire mwependi Loti no yiwana yendi , pofotji nawa mbuyama no hanu hamwe.¹⁷Munyima Abrahamu ghakahukire pakukafunda kuwithako Kedorlaomer no mafumu wa Sodoma ghayendire hakakuwane nendi , no Fumu wa Sodoma ghayendire nendi hakakuwane nendi mumuronga wa Shaveh(oghu hatire karo eshi muronga wa wamaFumu ). ¹⁸Melchizedek Fumu wa Salem gharetire ghuroto no vinyu . Ghakarire muruti wa Nyambi shokuru .¹⁹Ghoghamutungekire ghaghambire eshi ''thiyaghudhi dhi kare Abrahamu kwa Nyambi gho muwiru , oyu ghavareka diwiru no kaye. ²⁰Thighaghudhi dhikare kwa Nyambi ghokundaghandagha oyu ngatapa haka nore mudyoko dyoye . Ndani Abrahamu ghoghatambiure thofotji kudikumi koyoyiheya yi ghakarire nayo .²¹Fumu wa Sodoma ghoghaghambire kwa Abrahamu eshi ''Nipeko hanu ene ghushimbeko yiwana yawo''. ²²Abrahamu ghogha ghambire kwa Fumu wa Sodoma ,''Nakuyeyura moko ghange muwiru kwa Nyambi , Nyambi ghokundagha ndagha ghomuvareki ghomudiwiru no muve , ²³eshi mbadi shonikone kushimba wanda , kakanda lko disandari endi kehethi no thidi thoye podiyo eshi mana mbomughamba eshi nakature Abrahamu ghutungi. ²⁴Mbadiko ghi shonishimbe shimengwa yoyi hatutughuru ghawa ngaha di no makurupero ghayende nange . Pakare Aner, Eshkol na Mamre hashimbe mutara dhawo.

¹Munyima dho yinu yi ñando dhaNyambi dheyire kwaAbram muyimuna, dhina kughamba, " Wa yapa, Abram! Yame matjirero ghoye nofuto dhoye ne dhikuru." ²Abram kokughamba , "Fumu Nyambi, yinu munye shonipe, yoyishi ame mbadiko hana, nomupingi gho yinu yondhagho dhange me Eliezer gho muDamascus?" ³Abram kokughamba, " Kenge yidi eshi mbadi wanipa hana, mone, mwana ghofotji ghomundhugho dhange mbo ghana kara mupingi wange!"⁴Ndani, kapupi kamanana, ñando dhNyambi dheghire kwendi, no kughamba, " Katughuru yu mbadi mbo ghakara mupingi ghoye; ene oyu mbogha shwagha kuthirama thoye yomboghakara mupingi ghoye." ⁵Munyima gha muterire panunda, no ghaghambire, "Kenge kudiwiru, notare tutumwedhi, ngeshi ghukene kututara." No ghaghambire kwendi, "no hanoye dyombohakara."⁶Aye gha tawire mwaNyambi, noghayimutarere kwendi eshi ghuhunga. ⁷Aye ghaghambire kwendi, "Yame Nyambi, oyu ghakutundithire mumuhoko waUr ghoChaldeans, mukukupa ditunga." ⁸Ghaghambire, " Fumu Nyambi, ngepi sho nidimuke eshi ñanyi mbonikapinge ditunga di?⁹Nowa ghaghambire kwendi, "Rete ndana ghomyaka dhihatu, ñombo ghomukadhi ghomyaka dhihatu, ndjwighana ghomyaka dhihatu, dikutji, nodiputukuwa dyodimbiru." ¹⁰Ghamuretere yinu yoyiheya yi, noghayitetire pawadi, noghaturire kehe dihenda dikutjake nodimweya, ene mbadi ghakonine kuteta yinyunyi pawadi." ¹¹Apa gheyire makorova ghaturere payinu yokorwa, Abram ghaghatjidhirepo.¹²Apa dyatokere diyuwa, Abram ghakothire nomakokore ghomakuru ghamungambwathanine. ¹³NoNyambi ghaghambire kwaAbram, "Dimuke keho eshi hana hoka ghoye mbo hana kara hamutundakure muditunga di, no mbo hana kara muñwato nokuwapetha mumamyaka mathere mane.¹⁴Ñanyi mbonipangure ditunga di mbodikugha, nomunyima mbo hana kashwagha mo noyiwana yishawingi. ¹⁵Ene mboghuna yendi kwawakuru ghoye muthiraro, nombo hanakuvumbeka mughukurupe. ¹⁶Mumushovo ghoghune mbo hana keya karo, yoyi yinu yoyimango yawakaAmorites mbadi ya kuma pamahurero ghayo."¹⁷Pakutokera diyuwa nokwakarire makokore, kapupi kamanana, Poto ghomwiru nomunyenge yapitire pakatji kayo. ¹⁸Mudiyuwa dyo, Nyambi ghatendire ghundambo naAbram, nokughamba, " Kwawanahoka ghoye nakuwapa muve ghu, kutunderera kurware rwaEgypt kare kurware rorukuru, ¹⁹rwaEuphrain---rwaKenite, rwaKenizzite, rwaKadmonite, ²⁰rwaHettite, rwaRephaites, ²¹rwaAmorite, rwaCanaanite, rwaGirgashite, rwaJebusite."

¹Pa nanyinanyi Sarayi muna Abrahamu , madighakonine kureta mwanuke pofotji na nduraghumbo wendi , Ene gha karire no mukamadi gho mupika ghomuditunga dya Egypt , gho dina dyo Haga . ²sarayi ghaghambire kwa Abrahamu ,eshi ''mone keho Fumu nyambi ghana niyakunutha mukupira kuwana hana . Yende ghu kakare na thipika thange . Pamweya kukona niwane hanuke hokutunda kukwendi . Abrahamu kokudheghetera ghateghere kudiywi dya Sarayi . ³Eyi kwakarire munyima dha Abrahamu apa tungire myaka dikumi mumukunda wa Canana oku Sarayi , muna Abrahamu oyu ghatapire Haga , thipika thendi gho mu Egypt kwa didhiko dyendi eshi ghakare munuwendi . ⁴Munyima katughuru gha karire muhakwa wa Haga , no ghakarire yirama yiwadi . apa gha yimonine mukamadi eshi aye ne yirama yiwadi ko kumu kenga no tokotoko kwa herekadhi.⁵Munyima, oyi , dhopo Sarayi kokughamba kwa Abrahamu , oghu ghumbondo ghudi kwange ne pamurandu ghoye we . Makupa gho mbuyama mukuku hafitha , apa ghayimonie eshi mudira ghadi gha ni nyengire mumeho ghendi . Ninge Fumu Nyambi gha tutetere ndhango pakatji ketu nowe name . ⁶Ene Abrahamu ghaghambire kwa Sarayi moneshi , thipika thoye thidi no ma ngcamu ghoye tende kwendi ,oyi ghuna kumona shi ghuhunga ; popo Sarayi ghatangire kumuruwanitha no nyinya no gha tendire ku kwendi.⁷Mu Engeli wa Fumu Nyambi ghamuwana ku kakuro mumamboregha , karukuro ka kakara ku mbadi dho ndhira edhi dhayenda ku shuru. ⁸Katughuru ko kughamba eshi ''Haga , thipika tha Sarayi , kupi ku wakutunda no kupi kughuna kuyenda ? '' Ayene ko kughamba eshi 'kona kutunda herekadhi Sarayi .⁹mu Engeli wa Fumu Nyambi ko kughamba kwa mbuyama eshi '' huke kwa herekeadhi munyima gho kakutape ghothinda kwendi ghu kawane matawedhero . ¹⁰Munyima dhopo mu Engeli wa Fumu Nyambi ko kughamba kwa mbuyama eshi '' nanyi nivurithe thikuma hana hoka ghoye , mbo hana kara hengi mukupira kuwatara .¹¹Mu Engeli wa Fumu Nyambi gha ghamba karo kwa Haga eshi'', mone shi yirama yiwadi ghudi no mboghuna wana mwanuke gho katughuru , no mboghuna muti dina eshi '' Ishmaeli , yoyishi Fumu Nyambi ghana kuyuvera yinyanda yoghe . ¹²Katughuru mbwana kara nothinga tho kwa kehe munu . No mbwana kara ghukenya kwa kehe munu no kehe munu mbwana kara ghukenya kwendi , no mbwana kutaghura kwawaheya.¹³¹⁴Munyima dhopo mbuyama ko kutapa dina kwa Fumu Nyambi oyu gha ghambire kwa mbuyama , yowe Nyambi mumoni wange podyo gha ghambire eshi ,'' kukona ni twarekughutho oku yene ghanimona ? Munyima dhopo dithima diya ne haditire shi ''Beer Lahai Roi kwa karere pakatji ka¹⁵Hagari ghashamururkire mwanuke gho katughuru gho mwana Abrahamu , no Abrahamu ghatire dina mwanendi ghokatughuru , oyu gherekire Ishmaeli . ¹⁶Abrahamu ghakarire no myaka makumi kwoko myaka makumi kwoko no makumi mahatu no myaka kwoko no dhofotji apa gherekire Hagari Ishmaeli gho mwana Abrahamu.

¹Apano myaka dhaAbramu kwakarire makumi kwoko madhine, fumu Nyambi ghahokokere kwaAbramu noghaghambire kwendi, "Ame ne yame Nyambi ghomangcamu ghomahe. Yende kughutho wange, nopire murandu. ²Ndani shoni kone kutanaritha ghundambo wange pakatji kange noye, nombona kwingipitha kupitakana."³Abramu ghanyongamine rupara rwendi pamuve noNyambi gha ghambire nedni, mukaghonda, ⁴"Kukwange me, ghundambo wange noye ghudi. Ñanyi mbo kare gho wiha ghomatunga gho mahe. ⁵Mbadi sho kare eshi yowe Abramu, ene dina dyoye keho ne Abrahamu yoyishi nakutorora ghukare ghowiha gho hanu homumatunga. ⁶Ñanyi mbo kare rwereko, no mbo nina tendi matunga mumoye, nomafumu mbo haneya kutundera kukoye.⁷Ñanyi mbo nitende ghundambo pakatjikange noye ndani nohana hoka ghoye munyima dhoye, mudhimishovo dhodhihe paghundambo ghokukarerera po, mukukara Nyambi koye nokohana hoka munyima dhoye. ⁸Ñanyi mbo nikupe, nohana hoka ghoye munyima dhoye, ditunga edi watungire, ditunga dyodihe dyaKanani, kughupingwa ghokukarererapo, no mbo nakara Nyambi wawo.⁹Nyambi ghaghambire kwaAbrahamu, " Kukoye, wakona kukunga ghundambo wange, koye nohana hoka ghoye mukehe mushova. ¹⁰Oghu ne ghundambo wange, oghu wakona kughunguvura, pakatji kange noye nohana hoka ghoye homunyima dhoye: ¹¹Kehe katughuru mukatji kenu gha kona kupwa kukeña." Wa kona kupwa kukeña, nothinu thi mbothina kara thineghedhitho pakatji ketu.¹²Kehe katughuru mukatji kenu gho mayuwa kwoko nomahatu ghakona kupwa kukeña, mudhimishovo dhohanu ghoye. Kupakera nohokuretere mundhugho dhoye no oyu gha ghura nomasherenyi kwawamutundakure oyu ghadi eshi mbadi mwanahoka ghoye. ¹³Oyu ghana kupwa kureta mudighumbo dyoye no oyu gha pwa kughura nomasherenyi ha kona kupwa kukeña. Noghundambo wange mboghunakara mwenu mughundambo ghororuheya. ¹⁴Kwakehe katughuru yu ghapira kukeña panyama ghana kumuyakunutha kudiko dyange. Aye ghana tjoro po ghundambo wange."¹⁵Nyambi kokughamba kwaAbrahamu, "Kwadidhiko dyoye Sarayi, mbadi ghumwithe eshi Sarayi karo. Ene dina dyendi keho ne Sara. ¹⁶Ñanyi mboni mutungeke, nomboghana kupa mwana ghokatughuru. Mbona mutungeka, nomboghana kara nyokwa ghomatunga. Mafumu ghohanu mbohana shwagha mwendi."¹⁷Abrahamu ghanyongamine norupara rwendi pamuve, no gha hekire, nokughamba mumutjima wendi, " Kukona mwana ghapwe kuwana kwakatughuru oyu ghado nomyaka dithere ndi? Ngepi shoyikare kwaSara oyu ghadi nomyaka makumi kwoko nomakumi mane gharete mwana ghomukatughuru?" ¹⁸Abrahamu ghaghambire kwaNyambi, " Podigho eshi Ishimagheli gha kone kupara!"¹⁹Nyambi ghaghambire, "Mbadi kemo, ene Sara didhiko dyoye ñanyi mbogha wane mwana ghokatughuru, no ghuna kumuta eshi Isaki. Ñanyi mbonitende ghundambo wange nendi aghone ghundambo ghokukarererapo nomishovo dhomunyima dhendi. ²⁰KwaIshimagheli, nakuyuvera. Mone, namutungeka nomboghana kara norwereko nomboghuna kara ditunga dyodikuru. ²¹Ene ghundambo oghu mbonitenda na Isaki, oghu mboghashwagha mwaSara koye panako dhino mumwaka ghokurandako."²²Pakumana kughamba nendi, Nyambi ghamuyakunukire Abrahamu. ²³Munyima Abrahamu ghashimbire Ishimagheli ghomwanendi, wahe owa haretere mudighumbo dyendi, nowahe awa haghurire nomasherenyi, kehe katughuru oyu ghakarire mudighumbo dyaAbrahamu, no awa hakeñine mudiyuwa dyo, thika edi ghaghambire Nyambi nendi.²⁴Abrahamu gha karire nomyaka makumi kwoko nodhine nomyaka kwoko nodhine opa ha mu keñine. ²⁵Ishimagheli ghomwanendi kwa karire nomyaka dikumi nodhihatu opa ha mukeñine. ²⁶Mudiyuwa dyofotji Abrahamu naIshimagheli ghomwanendi hawakeñine. ²⁷Wahe hatughuru homudighumbo dyendi hapwire kukeña pofotji nendi, kupakererako awa hakarire eshi hakakakoghatji no awa haghurire nomasherenyi kwawamutundakure.

¹Fumu Nyambi ghahokokire kwaAbrahamu kuyitondo yoMamire, apa ghahungumanine muthero dhotende mukusheghenya kodiyuwa. ²Ghakamburire meho ghendi noghamonine, hatutughuru hahatu hanemana muthambo muya dhendi. Apa gha wamonine, ghatjirere ghakuwane nagho kutunderera muthero dhotende noghakuvamine pamuve.³Ghaghambire eshi, "Fumu wange, ngeshi niwane fiyaghudhi kukwenu nakumbera mbadi mu pitakane mupikenu." ⁴Muninge hamuretere twiya, muyoye mapadhi ghenu nomuturumuthe muthitondo. ⁵Tango nimuretere tudya, podiyo eshi mukutanarithe mwathinda. Munyima kukona keho muyende, apa yina kara eshi muneya kwamupikenu." Awo hahuthire eshi, "Muyitende kemo."⁶Ndani Abrahamu ghatambukerere kwingena mutende kwaSara noghaghambire "Tambukere, royithe turoka tuhatu to mushungwa ghoghuroto, ghuyothe notende ghuroto." ⁷Ndani Abrahamu ghatjirere mumuraka nogha kashimbire ndana ghokununa nokutapa kwamupikendi, noghatambukere kuthi royitha. ⁸Ghashimbire maghadhi nomanhwe, nonyama oyu gharoyithire, nogha naturire yidya paghutho dhagho, noghemanine pambadi dhagho muthitondo oku wo ne pakudya.⁹Haghambire kukwendi, "Kupi Sara didhiko dyoye?" Ghahuthire, "Muya, mutende." ¹⁰Ghaghambire, ghumweya pawagenda eshi, "Ñanyi nakahuke kukoye muruvedhe romayenyena nakuna mone Sara munu ghoye ñanyi ghakuwane mwana ghokatughuru." Sara ne pakutegherera muthero dhotende, oyu ghawa karere mudikko thi dyango.¹¹Pano Abrahamu naSara ne hakurupara, mwaka dhagho ne dhengipire naSara ne ghapiterera myaka edhi gharoghera kureta hana. ¹²Yodiyo Sara ghakuhekire thinda, ghuninga eshi, "Munyima dhokukurupara kwange nahekudyange ghana kurupara, Ñanyi nakuwane yikuyuva yi ndi?"¹³Fumu Nyambi ghaghambire kwaAbrahamu, "Pashanye ghana hekera Sara nokughamba eshi, 'Ghushemwa ñanyi mboniwane mwana ndi?' ¹⁴Pothidi thokukara ghukukutu kwaFumu Nyambi ndi? Paruvedhe oru hani roghithera, mumaghenyena, ñanyi hakahuke kukwenu. Kuhatera ruvedhe runo mwaka ghokurandako Sara ne ñanyi ghakuwane mwana ghokatughuru." ¹⁵Ndani Sara ghashwenine noghghambire, "Mbadi naheki," aye ne gha tutukwire. Ghamuhuthere, "Mbadi kemo, ghuna heki."¹⁶Ndani hatutughuru hemanine harughurumuke kuSodomu. Abrahamu ghayendire nagho mundhira dhagho. ¹⁷Ene Fumu Nyambi ghaghambire eshi, "Kukona nunde kwaAbrahamu yinu eyi nakughayara kurughana ndi, ¹⁸kenge Abrahamu ñanyi ghakukare ndwarume norudhi rongcamu pakaye awo ne ñanyi hakupwe kufighera mumwendi? ¹⁹Aye ne namutororire podiyo eshi ghakonekithe hanedni nodighumbo mudighumbo mukupungura mayira ghaFumu Nyambi, mukutenda ghuhungami noghushemwa, podiyo eshi fumu Nyambi ghakurete kwaAbrahamu eyi ghamutoyedhere."²⁰Ndani Fumu Nyambi ghaghambire eshi,"Pamurandu gghothidiro thomemañanyeno gha Sodomu naGomora ne thina kuru nopamarundu eshi maharwero ghagho ne mengi thikuma. ²¹Ñanyi nighurumuke ko nokamona thidiro ethi thina mwimañanyena, pamweya yaghushemwa eshi hayiruwana endi ngepi. Ngeshi mbadi kemo, ñanyi nikutjwathane."²²Podigho hatutughuru hapirukire nokutamba kuSodomu, ene Abrahamu ne shime ghemanine ndjikiti kughutho waFumu Nyambi. ²³Ndani Abrahamu gha henyine nokwipura eshi; Ñanyi mukadhongonone hahungami pofotji nawa yiharuri ndi?²⁴Pamweya ngeshi mukawane hahungami makumi-kwo mumbara. Ñanyi mukadhidhongonone ndi endi kuthhiyera dyango di pamurandu ghowa hanu makumi-kwoko ghohahungami wa hadimo? ²⁵Mbadi waroghera kutenda thinu tho kemo, mukupagha hahungami nawayiharuri, ghoyikare keho eshi hahungami hakare yira yiharuri. Niyakunuke! Eshi mughaturi ghokaye kokahe eshi mbo ghatende yokupira kuhungama ndi? ²⁶Fumu Nyambi ghaghambire eshi, "Ngeshi nika wane muSodomu hahungami makumi makumikwoko mumbara ne ñanyi nika wathiyererepo pamurandu wagho.²⁷Abrahamu ghahuthire nokughamba eshi: "Mumone, nawana kambenene mukughamba kwaFumu, ngambi kemo eshi ame ne norukungu nomutwitwi vene! ²⁸Ngepi ngeshi mwishi dhomakumikwoko? Ñanyi mukadhongonone mbara dhodhihe ngeshi kuwanamo hokupira kukuma pa ndi? Ndani ghahuthire eshi, "Mbadi shoni kadhi dhongonone, ngeshi kawana mo makumi mane nokwoko."²⁹Shime karo ghepurire eshi, "Ngepi ngeshi makumi mane hahungami?" Ghahuthire eshi, "Mbadi shoni kone kuhanyaghura mbara dho pamurandu ghowa makummi mane." ³⁰Ghaghambire eshi, "Nakumbera eshi mwapata, fumu, podiyo eshi nighambe. Pamweya makumi mahatu shomu kawane mo." Ene hahuthire eshi, mbadi shoni kayirughane, ngeshi kawana makumi maharu." ³¹Abrahamu shime ghaghambire eshi, "Mumone, nashimbi ruvedhe mukughamba kwafumu wange! Pamweya makumi mawadi shomu kawane mo." Hahuthire eshi, mbadi shotu kahanyaghure mbara shi pamurandu ghowa hanu makumi mawadi.³²Abrahamu shime ghaghambire eshi, "Nakumbera eshi mbadi mutokote, Fumu, nonakughamba muruvedhe ru rokuhurera. Pamwe ngeshi dikumi shomukawane" Ndani hahuthire, "Mbadi shotu kadhi hanyaghure pamurandu ghowa dikumi," ³³Fumu Nyambi ghayendire mundhira dhendi popa vene hamanine kugha,mbaghura naAbrahamu, naAbrahamu ghahukire kudighumbo.

¹Ha engeli hawadi heyire ku Sodom na Gomora parunguro. Oku Lot ghana hungumana padikorogho dha Gomora. Lot ghawa monine, ghemanine ghakawawane, no ghanyongamenine no mutwi wendi pamuve. ²Ghaghambire eshi,"Namukanderera mwahekudyange, namukumbera mupiruke kundhugho dhamupikenu, mukarareko ghuthiku ghodyarero, no kukuyogha ku mapadhi ghenu. no makupinduke mathiku-thiku thikuma ndani po mwakuyenda nondhira dhenu."Awo hahuthire eshi,"mbadikemo nanyi tukararere pakatji ko mbara." ³Ene ghawa kumbere thikuma, podigho hayendire nendi, no hakangenine mundhugho dhendi. Ghawa royithere yokudya no kuwa yothera ghuroto gho thuthununyi, no hadire.⁴Ene kughutho ghokurara, hatutughuru ho mumbara, hatutughuru wa Sodom, hadhingumwetire ndhugho dho, mwanuke endi mukuru, wahe hatutughuru ho mitara dhodhihe dho mbara. ⁵Hethire kwaLot, no kughamba eshi,"Kupi hadi hatutughuru owa haneya kukoye ghuthiku, warete kuno kukwetu, podiyo tuwa dimuke."⁶Podiyo Lot ghashwayire muthero ghayende kukwawo no kuyandhera kuthero munyima dhendi. ⁷Gha ghambire eshi,"Namukumbera,mwakurwange, mbadi mwakona kutenda ghuyi. ⁸Mukenge, nakara nohanange hawadi hohakamadi awa hapira kudimuka kehe yuno katughuru. Munitawedhere, namukumbera, na kuwa mushwaghithera, no mutende kehe yi muna kumona eshi yiwa mu meho ghenu.Thofotji ne mbadiko ethi shomukone kutenda kowano hatutughuru, yoyishi awo ne kuneya mwishi gho mumvure gho ndhugho dhange."⁹Ha ghambire eshi,"Hukere munyima!"Nawo ha ghambire eshi,"Oyu ne gheyire kuno mukunatunga eshi mutundakure, no pano ghanakara muteteri ndhango wetu! Pano tuna kukurughana yoyimango mbadi yira wo." Hamuthindekire thikuma katughuru yu Lot, no hahenyine po pepi hatjore thero.¹⁰Ene hatutughuru wa haghonyonone moko ghagho kate kwa Lot no hamu kokere mundhugho pofotji nawo no kuyandhera kuthero. ¹¹Podiyo hadhinguri waLot haturire ghukunga kowanu awa hakarire pathero dho ndhugho, wahe hanuke no hakuru, podigho shi hakare hanaghaya opa hakambadharire ha shane thero.¹²Ha tutughuru wa haghambire kwaLot eshi,"Mbadi ghudi no munu ghumweya muno ndi? kehe yuno katughuru gho hemwenyoye, endi hanoye ho hatutughuru no hohakamadi, no kehe yuno wakara nendi mumbara, washwayithemo muno. ¹³Atwe kuna kuyenda tukahanyaghure dyango dino, yoyishi yirundera yokuhatera kwadho yo kughutho waNyambi yinayerana podiyo ghana tutumu natu dhihanyaghure."¹⁴Lot ghayendire no kughamba nawa hemwenyendi, ha tutuhguru awa hamukuruperitha mukuyeka hanendi ho hakamadi, nokughamba eshi,"Wangu-wangu, mushwaghe mudyango dino." Ene kohahemwenyendi ghamonekire yira yadisheve. ¹⁵Pa mathiku-thiku ha Engeli ha kumberire Lot, ghughamba eshi,"tameke kuyenda, shimbe didhiko dyoye no hanoye hohakamadi owa hadi muno, podiyo eshi mbadi ghupwe kukundumuna ku mahumbithero gho mbara dhino."¹⁶Ene ghakukata-katire. Podiyo podiyo hatutughuru wa hamukwatira kudyoko, no kudyoko dya didhiko dyendi no gho hanendi hawadi ho hakamadi, yoyishi Nyambi ghamufererire nyeke. Ghawashwayithire nokuwatuma panunda dho mbara. ¹⁷Opa hawashwaghithire mo, ghofotji gho papawo ghaghambire eshi," Mutjirithe moyo dhenu! Mbadi mukenge munyima, endi ghukare mukare kehe pa popokenu. Mutjirere ku marundu podiyo shi maghana mupwa kukundumuna."¹⁸Lot ghaghambire kukwawo eshi,"Mbadikemo, nakanderera mwahekudyange! ¹⁹Mupikemu ghana fiyaghudhi kughutho wenu, no muna neghedha ghunongo ghoghukuru mukuparitha moyo wange, ene mbadi shonikone kutjirera kumarundu, yoyishi thiponga nanyi thiniwane, no nanyi nife. ²⁰Mukenge odhiya mbara ne pepi hasha kutjirera mo, no dhimbiru karo.Namukumbera, munitawedhere mitjirere kokuya( endi mbadi dhimbiru?), no moyo wange ghuna kupwa kughamwena."²¹Ha ghambire kukwendi eshi,"Thiwana, natawedhera gha makumbero nagho, eshi mbadi shoni hanyaghure mbara edhi ghuna toyo. ²²Tambuke, tjirere momo, mbadi eyi shonikone kutenda shimengwa kare ghukakume ko." podiyo mbara dhiya hadhithire eshi Zoar.²³Opa ghakakumine Lot mu Zoar diyuwa ne dinavu. ²⁴Pogharokwithire muSodom na Gomora mawe no mudiro kushwaghera kwa Nyambi mudiwiru. ²⁵Gha hanyaghurire mambara ghaya, no mayana ghomahe, no yoyihe eyi yakarire mumambara ghaya, no yimene eyi yamenine pamuve.²⁶Ene didhiko dyaLot, oyu ghakarire munyima dhendi, ghakengire munyima no ghakuthitunukire thighuru tho mungwa. ²⁷Abraham ghapindukire mathiku-thiku thikuma no ghayendire padyango apa ghemanine kughutho wa Nyambi. ²⁸Ghakengire ku sodom na Gomora no kumango ghomahe gho mumayana. Ghakengire no ghamonine, mwithi ghuna kutunderera muditunga yira mwithi gho mudirara diro.²⁹Opa gha hanyaghurire Nyambi mambara gho mumayana, Nyambi gha vurukithire Abraham. Nyambi ghashwaghithire Lot mukatji ko mahanyawero opa ghahanyaghurire mambara ghomu ghatungire Lot.³⁰Ene Lot ghatundire mu Zoar no katunga mumarundu pofotji no hanendi hawadi ho hakamadi, yoiyshi ghayapire kutunga mu Zoar. Podiyo ghakatungire mudingurungoma, yodiye no hanendi hawadi ho hakamadi.³¹Mbedi dhendi ghaghambire koghomimbiru eshi,"Wihetu ne ghana kurupara, no mbadiko katughuru ghokukona ghakukona kurara netu kukutha omu yakara mukaye kokahe. ³²Wiye, tunwithe wihetu vingu, turare nendi panyama, podiyo shi tuwedherere diko dya wihetu." Hatethire wihawo ghanwe vinyu ghuthiku ghuya. ³³Podiyo mwanendi gho mbedi ghayendire no kukara na wihe panyama; mbadi ghadimukire ruvedhe munye ghararire no ruvedhe munye oru ghapindukire.³⁴Diyuwa dyo kuranda ko mwanendighombedi ghaghambire ko ghomumbiru eshi,"Tegherere, ame narara na tate ghuthiku ghu ghunapu. Tutende ghanwe karo vinyu ghuthiku ghodyarero, no wakona kuyenda ghukarare nendi, podigho shi tuwedherere diko dya wihetu." ³⁵Hatendithire wiha wo ghanwe vinyu ghutiku ghuya nagho, no mwanendi gho mumbiru ghararire nendi panyama. Mbadi ghadimukire eshi ruvedhe munye ghararire no ruvedhe munye ghapindukire.³⁶Podigho hana Lot waheya haremine kwa wiha wo. ³⁷Mwana ghombedi ghashamurukire mwana ghokatughuru, no ghamutire Moab. Ghakarire kerekandongo gho ha Moabites no kushadyarero. ³⁸Ene kwa mwanendi gho mumbiru, naye ghashamurukire mwana gho katughuru, no ghamutire Ben-Ammi. GHakarire kerekandongo gho ha Ammon no dyarero dino.

¹Kutundapo, Abraham ghayendire, ghatambe muNegev no ghakatungire pakatji ka Kadesh yu ghatungire muGerar. ²Abraham ghaghambire kuhatera ya didhiko dyendi Sarah. " Aye ne minange ghombuyama" Fumu Abimeleki ghomuGerar ghatumine hakashimbe Sarah. ³Ene Nyambi gheyire kwaAbimeleki muyirota paghuthiku noghaghambire kukwendi eshi " Mone! Owe ne ghomufu pamurandu gho mbuyama yu ghuna kashimba. Aye ne mbuyama wakatughuru waghumweya."⁴NaAbimeleki mbadi gha henyine pepi nendi nogha ningire eshi, "Fumu kukona kupagha we diko dyodihungami ndi?" ⁵Mbadi thinda napo ngaghamba nange, "Oyu ne minange" Naye thinda ghaghambire eshi, "Aye ne mukurwange", Nayitendi yi kutunderera kumutjima wange nonyara dhange dhokupira murandu.⁶NaNyambi ghaghambire nendi muyirota, "Kemo, name nayidimuka eshi kughunongo ghomutjima ghoye yina tundu., yona kukungu mukudhira kuharura kukwange ghona dhiri kukutawedhera eshi mbadi ghumukundame. ⁷Podigho, wa kona kuhutha muna munu yo, yoyishi aye ne muporofeta. Ñanyi ghakuraperere noghuna kupara. Ngeshi kadi shomutape, yidimuke eshi nowe ghithinda noyiwana yoye yaghushemwa muna kufa".⁸Abimeleki gha pindukire murughura mathiku-thiku noghethire hakareri wendi heye kukwendi. Ghawa thimwetwedhire yinu yoyiheya no hatutughuru hayapire thikuma. ⁹Kutunda po Abimeleki ghethire Abraham no ghaningire kukwendi eshi, " Nye ngaghutendi kukwetu? Ngepi di naharura kukoyte? No ngaghuniretera nofumu wange diharwero dyo dikuru? Ghuna tendi kukwange yinu yi yadhira kuroghera kutenda."¹⁰Abimeleki ghaningire kwaAbrahamu eshi, "Yinu munye yina kuningitha eshi ghutende yinu yi? ¹¹Abrahamu ghaningire eshi yoyishi ame naghayara eshi, yoghushemwa kadiko ghoma waNyambi mudyango muno ngokukona ghanipaghe pamurandu wamunu wange. ¹²Kushwaghithako yo, Aye ne minange mina tate, ene kadi mwana nawe yoghana karera eshi munu wange".¹³Apa ghaniningire Nyambi eshi nithiye dighumbo dya tate noniyende tunda mukunda yenda mukunda. Naghambire nendi eshi wakona kuneghedha ghutawedhi kukwange eshi ghomunu wange. kukehe mukunda twakuyenda, ghambe yokuhatera kukwange, "Aye ne mukurwange." ¹⁴Abimeleki gha shimbire ndjwi, nongombe nohapika ghotutughuru nohakamadi nohayitapire kwaAbrahamu nogha huthire Sarah muna abrahamu kukwendi.¹⁵Abimeleki ghaghambire eshi, "Mone!" Ditunga dyange ne kughutho ghoye didi, katunge keho sho pakuyere." ¹⁶KwaSarah ghaghambire eshi, "Mone!" natapa kwamukuroye masilvere diyovi mukuhoreka kehe ghuno ghuyi mumeho wawaheya wa ha di noye kughutho ghowahe yoshemwa ghunapu kuhungeka."¹⁷Munyima dhopo Abrahamu gharapere kwaNyambi, no Nyambi gherukithire Abimeleki, didhiko dyendi, nawapikendi ghohakamadi eshi mbo hawane hanuke. ¹⁸Fumu Nyambi gha kutire hambuyama ghodighumbo dyaAbimeleki mukukara mbumi pamurandu waSarah muna Abrahamu.

¹Nyambi ghathotere kwa Sara thika dyodi ghayighambire no Nyambi gha tendere Sara thika dyodi ghayi mukurupithire. ²Sara ghana karire mudira no gharetire mwanuke ghokatughuru kwa Abrahamu mumyaka dhendi dho ghukurupe muruvedhe ruya ghayighambire Nyambi. ³Aburahamu ghatire mwanendi oyu ha mwerekere , oyu gharetire Sara,Isaki. ⁴Aburahamu gha kenine mwanendi Isaki oku yene ghadi no mayuwa kwoko no mahatu thika di ghayi murawereNyambi.⁵Abrahamu gha karire no myaka dithere pa kuna muwana Isaki. ⁶Sara gha ghambire eshi,''Nyambi ghana nipa rumwemwe:kehe yuno sho gha yiyuve nanyi gha heke nange.'' ⁷Shime gha ghambire karo eshi,''Yidye oyu gha ghanbire kwaAburahamu eshi Sara ne mbo ghana reri hanuke,no pano ne namuretera mwanuke gho katughuru mughukurupe wendi!''⁸Mwanuke gha kurire no gha tangire kudya,ndani Aburahamu gha tendire mukandi ghoghukuru mudiyuwa di ha mu dhirithire Isaki. ⁹Sara gha monine mwanuke gho katughuru wa Haga muka Egypt,oyu ha retire paAburahamu ,ghan kushamun a.¹⁰No gha ghambire kwaAburahamu eshi,''Tjidhe yu mbuyama gho thipika na mwanendi,oyu mwana thikpika ne mbadi wa kupinga na mwanange,Isaki.'' ¹¹Yinu yi yaretire yitokota kwaAburahamu yoyishi mwanendi.¹²Ene Nyambi gha ghambire kwaAburahamu eshi,''Watokota pamurandu ghoyu mwanuke gho katughuru,pamurandu wa thipika thoye gho mbuyama.tegherere kumanando ghendi no kuyoyiheya eyi sho gha ghambe kuhatera kuyinu yi,pamurandu gho kupitera mwaIsaki no hana hoka ghoye mbo ghuna wati. ¹³Nanyi mboni tende karo mwana mbuyama gho thipika mudiko,yoyishi mwana hoka ghoye.''¹⁴Aburahamu gha pindukire murughura,shimbire ghuroto no dikende dyo meyu,ndani gha yitapire kwaHaga,no gha yimuturire pa mapeghe ghendi.ghe mupire mwanendi gho katughuru no gha mushwayithire gha kayende.Ghna shwayire gha kayende no gha karire ghana kurendarenda mumuthitu waBiyesheba . ¹⁵pa gha pwire meyu mudikende,gha tangire kuthiya mwanuke yu pa yipumbu. ¹⁶Nogha muyakunukire kamanana, ndani po ghahungumamine pa kukuma pathinema ethi ha kondheranga ndamba no ghaghambire eshi,'' nakenga kuyifa yoyu mwanuke''. Ghahungami padyango thambodiya gha kuyererire no ghadirire .¹⁷Nyambi ghayuvire diywi dyo mwanuke no mu Engeli waNyambi ghethire Haga mudiwiru , no ghaghambire eshi,'' yinu munye yina kukupetha Haga ? wayapa Nyambi ghunayuvu diywi dyamwanuke oku ghadi . ¹⁸Wimane wimeke mwanuke no ghumutjokedhe ; ame mbona tendi diko dyodikuru papendi''.¹⁹Nyambi ghayandhurire meho ghendi ndani ghamonine dithima dyo meyu . Ghayendire ghaka yarithe dikende no meyu no gha ghapire mwanuke ghumwe . ²⁰Nyambi ghakarire na mwanuke no ghakurire . Ghatungire mumuthitu nogha karire thiyambi . ²¹Ghatungire mumuthitu wa Parani ndani nyina gha muwanene mbuyama gho muditunga dya Egipute.²²Rweyirepo ruvedhe oru rwa karire eshi Abimeleki na Ficolu mukuru gho mashurundate gha ghambire kwa Aburahamu eshi,''Nyambi ne noye ghadi mukehe yino shotende ''. ²³Keho ne nashana wethe kwange kupitera mwa Nyambi eshi mbadi wakutenda karo ghumbango nange , endi no hanange endi no hanahoka wange . Nineghedhe no muditunga mu ghuna karanga ghundambo gho ghuhunga ghofotji owu nakunedhire ''. ²⁴Aburahamu gha ghambire eshi,'' Nakwedha''.²⁵Aburahamu ghashivanine kwa Abimeleki yokuhatera ku dithima dyomeyu eshi hayipika wa Abimeleki ne ha mushaghekethire. ²⁶Abimeleki gha ghambire eshi,''mbadi nadimuka eshi yidye ghatendire yinu yi . mbadi mwaghini , mbadimwaghinitongwere , mbadi nayuva me kare dyarero'' . ²⁷Ndani Aburahamu ghashimbire ndjwi no ngombe dhendi no ghayitapere kwa Abimeleki , ndani ko hatutughuru hawasdi owa hatendire ghundambo.²⁸Nyambi Aburahamu ghaturire tundjwighana totukadhi tu kwoko no tuwadi pa ndjwi dhendi kukwadho . ²⁹Abimeleki ghaghambire kwa Aburahamu eshi,'' Yinu munye yina kutongora ku ndjwi dhodhikadhimadi dhighuna tapa ''. ³⁰Ghoghahuthire eshi,'' Otu tu ndjwighana tukwoko no tuwadi muna kutambura munyara dhange , yoyishi yakukare ghushupi kukwange eshi ,''nathimine dithima di.³¹Noghethire dyango diya eshi Biyerisheba , pamurandu eshi kodiyo hatendere medhero. ³²Hatendire ghundambo ku Biyerisheba ndani Abimeleki no Ficolu mukuru gho mashurundate ghendi, ha hukire kuditunga dya wa Filisitine.³³Aburahamu gha tapekire thitondo tho Tamarisiki muBiyerisheba . Kodiyo nga kugheranga Nyambi gho kuroruheya . ³⁴Aburahamu ne ghakarire vene shime mutundakure muditunga dya wa Filisite mu mayuwa ghomengi.

¹Munyima dho yinu yoyiheya yiNyambi ghayerekire Abrahamu. Ghaghambire kukwendi, "Abrahamu!" Abrahamu ghaghambire, "Yame no." ²Nyambi ghaghambire eshi, " Shimbe mwanoye, mwanoye ghopithendi, oyu wahaka, Isaki, noghuyende muditunga dyaMoriya. Kamutape momo ghukare muyambo gho kutumekera padirundu dyofotji pamurandu ghomahe, gho di shoni kutongwere." ³Podigho Abrahamu ghemanine murughura , ghapakire murongero wendi pathidongi, noghashimbire hangaghu wendi pofotji nendi, pofotji naIsaki mwanendi ghomukafumu. Ghatetire yikunyi yo muyambo gho kutumekera, nogha tamekire ruyendo rwendi kudyango oku gha murawere Nyambi.⁴Mudiyuwa dyoghuhatu Abrahamu gha kapukire noghamonine dyango di dyakarire kayenda. ⁵Abrahamu ghaghambire kwa wa tutughuru wendi, "Mukare popa nothidongi, Ame nomurongerero nina kuyenda kokuya. Ñanyi tu ka kughe nokahuka karo kukwenu." ⁶Abrahamu ghashimbire yikunyi yomuyambo gho kutumekera nogh yitapire kwamwanendi Isaki. Munyara dhendi ghashimbire mudiro nomoko; nohayendire waheya pofotji.⁷Isaki ghaghambire naAbrahamu gho wihe eshi, "Tate," noghaghambire eshi, "Yame no mwanange." ghaghambire eshi " Mone, oghu no ne mudiro no yikunyi, ene kupi keho ndjwighana gho muyambo ghokutumekera?" ⁸Abrahamu gha ghambire eshi, " Nyambi thinda ghana kutupa ndjwighana ghomuyambo gho kutumekera , mwanange." Ha twikere kuytenda wahe pofotji.⁹Apa hana kumine padyango edi ghamu tongwere Nyambi, Abrahamu ghatendire thinyaku nogharangekire po yikunyi. Munyima ghaghangire kwendi mwanendi Isaki, noghamurangekire pathinyaku, peghuru dhoyikunyi. ¹⁰Abrahamu gha shimbire moko gha paghe mwanendi.¹¹Muengeli waFumu Nyambi ghamwithire kutunderera mudiwiru ghuninga eshi, " Abrahamu, Abrahamu!" nogha huthire eshi, " Yame no". ¹²Ghaghambire eshi, " Mbadi wa kona kukambeka dyoko dyoye po yuno katughuru, endi ghu tende kehe thino tho kumuyuvitha tjitju, kenge no nadimuka eshi owe ne wa yapa Nyambi, namono eshi owe ne mbad ghu nashweneka mwanoye, mwanoye gho pithendi, kukwange."¹³Abrahamu ghakapukire muwiru noghamonine, munyima dhendi mwa karire ndjwighana pathipumbu mu gha kuhakire nomanyiha ghendi. abrahamu ghayendire nokashimba ndjwighana yu nogha tende muyambo gho kutumekera mudyango dyamwanendi. ¹⁴Abrahamu ghethire dyango diya eshi, " Nyambi ñanyi gha kutape," noghaningire kudiyuwa di, " Padirundu dyaFumu Nyambi po mbo ghayitapera."¹⁵Muengeli waFumu Nyambi ghethire Abrahamu kuturera mudiwiru ¹⁶noghaghambire eshi, agha no ne medhero ghaFumu Nyambi papange nothinda nedhera yoyishi ghuna rughana yinu yi, nombadi ghuna shweneka mwanoye, mwanoye ghopithendi, ¹⁷yashemwa ñanyi ni kukandadheke no ñanyi mbo ningipithe hana hoka ghoye yira nungwedhi dhomuwiru, no yira muve oghu wa kara kumbadi dho dikuruviya; nohana hoka ghoye ñanyi mbo ha pinge mathero gha wa ka ñore dhawo.¹⁸Kupitera mo hanoye, matunga gho mahe gho pakaye ñanyi mbo ghapwe kukandadheka, yoyishi ghuna kutekera diywi dyange." ¹⁹Podigho Abrahamu ghahukere hangaghughana wendi, noharongere ha yende pofotji kuBiyesheba, no gha katungire muBiyesheba.²⁰Munyima dho yihokoka yi Abrahamu gha mutongwere eshi, "Milika gha reta hanuke pofotji na minoye Naho." ²¹Awo ne, Uzi mbedi dhendi, buzi ghominendi, Kemueli wiha Aram, ²²Kesedi, Hazo, Pildashi, Jidlaph, naBethuweli.²³Bethuweli gha karire wiha Rebeka. Awa ne ho hana kwoko htu awa gha tapire Milika kwaNaho, mina Abrahamu. ²⁴Mbuyama wendi, gho dina dyoReuma, naye gha mu retere hana: Teba, Gahamu, Tahashi naMayaka.

¹Sarah ghatungire mamwaka(127) . Ghogha ne ghomamwaka ghoyipara ya Sarah . ²Sarah ghakafere mu Kiriath arba kununga eshi ''Hebron ,mukunda wa Canaan. Abrahamu ghaguvire nogha dirire mukadidhiko dyendi Sarah.³Podigho Abrahamu ghafungurukire no ghayendire ghayakunuke kwa Fumu ., no ghaghambire kohana hohakatutghuru wa Heth ghughamba . ⁴Ame nidi no mutundakure mukatji kenu . Nakanderera eshi '' munipeko dyango dyomahorekero mukatji kenu podigho eshi nivumbeke mo wange .''⁵Hana hotutughu gha Hethi hahuthire kwa Abrahamu ,eshi '' ⁶Tuteghere owene ghoka Fumaghana ka Nyambi mu mabira agha shotorore ghothinda ''. Mbadipo gho papetu shoghakushweneke mbira dhendi . Podigho eshi '' ghukone kuvumbeka mo hafu ghoye .⁷Abrahamu hamanine no ghakuvamine kohanu ho muthiko kohana Hethu . ⁸Ghaghambire no kuwa tongwera eshi '' ngeshi munitawedhere ngo nakuvumbeka hafuwange ndani muyini yuvere no mukandererepo kwa Ephroni mwana Zohar . ⁹Mumwipure ghanighurire dyango dya Machpelaha edighakara nadyo dyopepi no ghuhura ghodipya . No paro dhokukumenenamo munige ghani ghurithe muthitunumeho podigho eshi'' dikare dyango dyange dyo yipiro''.¹⁰Pano Ephroni ghahungumanine mukatji ko hana ho ha tutughuru ha Hethi na Ephroni mu Hittite ghahuthire kwa Abrahamu ghoku hana gho hatutughuru ha Hethi ne paku tegherera , no waheya waheyire ku dikorogho dyo mbara ghahuthire eshi''. ¹¹Mbadikemo hekudyange muniyuve thiwana nanyi nikupe dipya no dinguru ghoma ghedi dya karamo . Nanyi nidikupe kughutho ghowa hana nadikupa dikare dyoyipiro.¹²Ndani Abrahamu ghakuvamine kughutho waka mukunda . ¹³Ghaghambire kwa Ephroni mumatwi wawanu ghomumukunda eshi'',ene ngeshi ghunahaka nakanderera niyuvere '',nanyi nidiruwere dipya . Noshimbe masherenyi kukwange no nanyi nakuvumbeke hafu wange.¹⁴Ephroni ghahuthire kwa Abrahamu eshi '', ¹⁵Nakanderera hakudyange nitegherereshi kadiko muve mudyo wako mathere mane ghe Sheker ; mu Siliveri nye yidipo pakatji kange nowe? Vumbeke hafu ghoye ''. ¹⁶Abrahamu ghateghere kwa Aphroni na Abrahamu ghamuvihere Ephroni ma Siliveri ghogha kuyuvire hana hotutughuru waHethi ne pakuteghera Mashekeli gho ma Siliveri kukutha ku ngcamu dho Merchante.¹⁷Podigho dipya dya Ephroni ghedi dyakarire mu machpelaha dyopepi na Mamre ghadyo mwakarire dingurungoma no yitondo yoyiheya yiya yakariremo no kokuheya ku kwakundurukera mayindha . ¹⁸Kwa Abrahamu ghaghurire kughutho ghohana gho hatutughuru ha Hethi , kughutho ghowawaheya wa heyire kuthero dho mbara .Munyima dhoyi , Abrahamu gha vumbekire didhiko dyendi Sarah mudinguru ngoma mudipya dya Machpelah ethi thakukundama na mamre ,Hebroni muditunga dyo mu Canaan. Podigho eshi dipya no dingurungoma ya hukire kwa Abrahamu yikare yendi dyango dyo yipiro dya tundire ko hana ho tutughuru ha Hethi.

¹Nyambi ghatungekire Abrahamu munyima yoyiheya oku yene ghakurupara. ²Abrahamu ghaghambire kwamupikendi, oyu ghadi mukuru mudighumbo dyendi noyu ghakarire mukuru ghoyoyihe eyi nakara nayo, " Ture dyoko dyoye kwishi dhoditami dyange ³podigho eshi wedhere kwafumu Nyambi, Nyambi ghomudiwiru noNyambi ghopamuve, eshi mboghu kashimbera mwanange ghomukatughuru kutunderera kwambuyama ghomudiko dyawa Kananite, ghomu natendera dighumbo dyange. ⁴Ene mbo ghuna yendi kuditunga dyange, kudiko dyange, wakashimbere mwanange Isaki mbuyama ghokuyeka."⁵Mupikendi ye ne ghamwipurire eshi, "Ngepi keho ngeshi mbuyama wapo ne mbadi ghakahima kanikutha kumukunda ghuno? endi nakuhuthe mwanoye ghomukatughuru kumukunda kuya watundire ndi?" ⁶Abrahamu hamuhuthire eshi, " Mbadi wakona kumuhutha! ⁷Fumu Nyambi ghomudiwiru, oyu ghani tundithire mudighumbo dyatate nomummuve wakadiko dyange, nokuni kuruperitha matoyedhero ghoshemwa ghughamba, ' Kwawana hoka ghoye nakukuruperitha muve ghu,' aye mboghana tumu haengeli wendi kughutho ghoye, podigho eshi mbo kawanene mwanange ghomukatughru mbuyama ghokuyeka kokuya.⁸Ene ngeshi mbuyama wapo mbadi mboghakahima kakukutha ne, pombo ghushutuka kuyirughana yange. Ene mbadi wakona kumuhutha mwanange kokuya." ⁹Podigho Mupikendi ghaturire nyara dhendi mwimi dho ditami dyendi, noghamwedhere kuhatera kumbudhi dhi.¹⁰Mupikendi ghatumburire mangameno dikumi ghahekudyendi ghafunguruke. Ghashimbire ndupu dhokukutjaka-tjaka kwahekudyendi ghakataghere. Ghafungurukire ghatambe muthiko thaAramu Naharayimu, kungurumbarra dhaNaho. ¹¹Ghatongamenithire ngameno panunda dho thitata kudikoro-koro dyomeyu. Kurunguro, ruvedhe ru hayendanga hambuyama hakavete meyu.¹²Kokughamba kwendi eshi, " Fumu Nyambi, Nyambi wahekudyange Abrahamu, nitawedhere yikumemo dyarero noghuhokore ghundambo gho ghushemwa ghokwa hekudyange Abrahamu. ¹³Mone ninemana kumbadi dhodithima, ene mushengeteya ghomuñurumbara ghana kwiya kukuveta meyu. ¹⁴Ninge yihokoke ngeno. Apa shoni muninge mushengeteya wapo eshi, ' Nakanderera eshi ghughurumuthe thindeyi-ndeyi thoye ninwe mo,' no aye ghana kughamba kwange eshi, ' Nwe, nonina kupa meyu ngameno dhoye,' munyima ninge ghakare eshi yowatwerera mupikoye Isaki. Kukutha yinu yi, mbona dimuka eshi wahokora ghundambo ghoye ghoshemwa kwamupikoye."¹⁵Rweyire ruvedhe kughutho ghoninga eshi ghamane kughamba, kapupi kamanana, Rebeka gheyire nothivetitho thendi padipeghe: Rebeka ne mwana Betuweli mwana ghokatughuru waMilika, mundambo waNaho, ghomina Abrahamu. ¹⁶Mushengeteya yu ne muwa thikuma no aye mbadi gha kukundama nawa tutughuru. Mbadiko katughuru yu ghamudimuka. Ghayendire kudithima , ghayarithire thindeyi-ndeyi thendi noghakandukire.¹⁷Podigho popo mupika yu ghamutjirere nokughamba eshi, "Nakanderera nipeko twiya ninwe." ¹⁸Aye kokumuhutha eshi, "Nonwe, hekudyange," nowangu-wangu ghamupire ghanwe meyu.¹⁹Apa ghamanine kumupa meyu ghanwe, kokughamba kwendi eshi, "Ñanyi nivetere karo ngameno dhoye meyu dhinwe, kare dhikumwe." ²⁰Kokutera ghera kwendi meyu muwato ghokunwena ngombe nothivetitho thendi, podigho ghahukire karo kudithima ghakavete meyu, gho ngameno dhodhiheya.²¹Katughuru yu ne ghamu kengerere thipore ghukona-kona eshi Nyambi neghana kumithamo ruyendo edi mbaadi kemo. ²²Apa dhamanine kunwa ngameno, katughuru yu ghashwaghithire dinyinyani dyongorondo dyopadiyuru dyoghuremu ghodihenda ghodipeni, no makyi mawadi ghongorondo gho kumoko ghendi ghothikara thokurikanya mumapeni dikumi, ²³noghamwipurire eshi, "Ghomwanadye we mushengeteya? Nakanderera nitongwere, kukona tukawane ko mararo mudighumbo dyawiho ndi?"²⁴Aye kokumuhuthera eshi, "Ame ne nomwana Betuweli ghomwana Milika, katughuru oyu gharetire Naho." ²⁵Kokumuhuthera karo eshi, "Tudi noyitengeetji noyidya, ndani nomararo shime karo ghokarara."²⁶Podigho katughuru yu ghatongamenine noghafumanekire Nyambi. ²⁷Kokughamba kwendi eshi, "Ghufumane fumu Nyambi, Nyambi wahekudyange Abrahamu, oyu ghapira kumwagherera ghundambo wendi ghoghushemwa nomakurupero ghokwahekudyange Abrahamu, thika edi; Fumu Nyambi ghuna nineghedha kudighumbo dyohapa wahekudyange."²⁸Podigho mushengeteya yu ghatjirire kudighumbo dyagho ghakatongwere hakanyina kuoyihe eyi yina hokoka. ²⁹Rebeka ghakarire naminendi ghomukatughuru, ghodina eshi Labani. Labani ghatambukere kudithima. ³⁰Apa hana monine dinyinyani dyopadiyuru nomakyi kumoko ghendi, no apa ghayuvire ñando kwamukurwendi Rebeka eshi, "Eyi ne yoghana ghamba nange katughuru yu," Kokuyenda kwendi kwakatughru yu, kapupi kamanana, aye ghemanine kumbadi dhongameno kudithima.³¹Podigho Labani ghana mutongwere eshi, "Mwiye, amwe ghatungeka fumu Nyambi. Nye munemanena panunda? Namuroghithera mararo, no oku shodhi kare ngameno dhenu." ³²Hatutughru wano hakeyire kudighumbo nohashwaghithire mupango dhagho pangameno.Nohapire ngameno dhagho yitengetji noyidya yadho yimwe, no hawapire meyu hayoghe mapadhi ghawo, nomapadhi ghawatutughuru ghowa hakarire nendi.³³Hamuretere yidya eshi ghadye, ene ghawa huthire eshi," Mbadi sho nidye kare munyima dhokumana kumuyarekera eyi naroghera kumutongwera." Podigho Labani ghaghambire kwendi eshi, "Muyighambe." Ghawatongwere eshi, ³⁴"Ame ne nomupika waAbrahamu. ³⁵Fumu Nyambi ghatungeka hekudyange thikumenena noghafumana. Gha mupa ndjwi, ngombe, ngameno, yidongi, masilivere, ngorondo nohapika hoha tutughuru ndani hohambuyama.³⁶Sara ne yomundambo wahekudyange, ghamuretitha mwana ghomukatughuru oku yene ghakurupara, nogha mupa yiwana yendi yoyiheya. ³⁷Hekudyange nganiningi nitape medhero ghange ghunitongwera eshi, ' Mbadi wakona kashanena mwanange mbuyama ghodiko dyawaKananite, oku mumuve wawo natendera dighumbo dyange. ³⁸Nane, wakona kuyenda kudiko dyatate, kohapange, wa kashanene mwanange ghomukatughru mbuyama ghokuyeka.'³⁹Ame nahuthire kwahekudyange eshi, 'Pamweya mbuyama wapo ne mbadi ghaka nikutha.' ⁴⁰Ene ghanihuthire eshi, ' Fumu Nyambi, oyu narughanena ne ñanyi ghakutume muengeli noye no aye mboghafiyadhokitha ndhira dhoye, podigho eshi ghukawane mbuyama wamwanange ghomukatughuru kutunderera mudiko dyange nomudiko dyatate. ⁴¹Ene mbo ghunashutuka kumedhero ngeshi wakuyende kohapange ghombo hakapire kukupa mbuyama. Pombo shutuka keho kumedhero ghange.⁴²Kemo dyonanakumu dyarero padithima, nonaghamaba eshi, ' Fumu Nyambi, Nyambi wahekudyange Abrahamu, nakanderera, thika edi ghuna tendi ruyendo rwange rukumemo, ⁴³tawedhere mbuyama oyu shogheye mukuna veta meyu, mbuyama oyu shoni kumbere eshi, "Kukona ghunipeko twiya ninwe kutunderera muthindeyi-ndeyi thoye," ⁴⁴mbuyama oyu shoghanihuthere eshi, "Nonwe, noñanyi nivetere karo ngameno dhoye" ninge ghakare yombuyama oyu watorwera we fumu Nyambi mwana hekudyange ghokatughuru.⁴⁵Kughutho gho kumana kughmba yinu yi mumutjima wange, nimoneko ne, Rebeka ghana keya nothivetitho thendi thomeyu padipeghe, noghaghurumukire kudithima ghaveteko meyu. Pona ghamba nendi eshi, 'Kukona ghu nipeko meyu ninwe ndi?' ⁴⁶Popo vene ghoghana tura thivetitho thendi noghana nuhithera eshi, 'Nonwe, nonakupa shime karo ngameno dhoye meyu dhinwe.' podigho ghonanu, noghana vetra karo ngameno dhange.⁴⁷Ghona mwipura eshi, 'Ghomwana dye we mushengeteya?' Aye ghana hutha eshi, 'Nomwana Betuweli, ghopa Naho oyu ghamupire Milika.' Ndani pona tura dinyinyani padiyuru dyendi nomakyi kumoko ghendi. ⁴⁸Ndani ghona tongamena nokunyongoka kwafumu Nyambi, nokumufumaneka fumu Nyambi, Nyambi wahekudyange Abrahamu, oyu ghaniyendithire kare kuna wana mbuyama yu ghomwana gho hapa hekudyange.⁴⁹Podigho eshi, ngeshi muna kuroghithera mukunegha ruhakitho nomatawero kwahekudyange, mu nihuthere. Ene ngeshi mbadi kemo, karo gho mu nitongwere, podigho eshi nipiruke kurudyo endi kurumoho ro dyoko dyange."⁵⁰Podigho Labani naBetuweli hamu hutha kwawo eshi, " Mbudhi kuna kutunda kwafumu Nyambi; natwe mbadi shotukone kughamba yoyiyi endi yoyiwa. ⁵¹Mumone, Rebeka ne kughutho wenu ghadi. Mumushimbe ghomuyende podigho eshi ghakakare mukadidhiko dya mwana hekudyange ghomukatughuru, thika edi ghaghambire fumu Nyambi."⁵²Apa gha yuvire mupika waAbrahamu mañando ghawo, ghatongamenine pamuve nokukugha fumu Nyambi. ⁵³Mupika yu ghashwaghithire masiliveri nomangorondo ndani noyishupata ghayipe Rebeka. Shime karo ghatapire ndupu mwene kwamukurwendi ghomukatughuru nanyina.⁵⁴Munyima naye nohatutughuru wa gheyire nawo hadire nohanwine. Hararire momo ghuthitku ghofotji, apa hapindukire mathiku-thiku, ghaghambire eshi, "Munitume niyende kwahekudyange." ⁵⁵Mukurwendi ghokatughuru nanyina haghambire eshi, " Ninge mushengeteya yu gha kare netu mayuwa gho ngandji, ngambi dikumi. Munyima dhopo mbo ghana yendi."⁵⁶Ene gha wahuthire eshi, "Mwanishinga, oku fumu Nyambi ghafiyadhokitha ndhira dhange. Munitume kwahekudyange." ⁵⁷Awo ha muhuthire eshi, " Ñanyi tumwithe mushengeteya yu tumwipure." ⁵⁸Podigho hethire Rebeka nokumwipura eshi, " Ñanyi ghuyende noyu katughuru ndi?" Aye gha huthire eshi, "Ñanyi niyende."⁵⁹Podigho kokumutuma minawo Rebeka , pofotji namupika wendi ghombuyama, mundhira dhawo hayende namupika waAbrahamu nawatutughru awa heyire nendi. ⁶⁰Hamufiyere Rebeka, ghughamba kukwendi eshi, "Minetu, mboghuna kara ghonyina ghomayovi ghomayovi dikumi, nohanahoka ghoye mbo hayore yowa hawa nyenga."⁶¹Podigho ghafungurukire Rebeka, naye namupikendi ghombuyama hadhinine pangameno, hakuthe hatutughuru. Kemo dyoghana shimbire mupika yu Rebeka, haka yende. ⁶²Ruvedhe ru Isaki ghatungire muNegeve, oku momukatunderera kuBiye Lahayi Royi.⁶³Isaki ghayendire mudipya pathingeyuwa ghaka kundhundhe. Apa ghakamburire meho ghendi muwiru, ghamoneko ne ngameno dhakeya! ⁶⁴Rebeka ghakengire noghamonine Isaki, popo vene ghashurukire pangameno. ⁶⁵Kokughamba kwendi kwamupika eshi, "Katughuru munye yu ghana kuyenda mudipya ghututjingawera ghatuwane?" Mupika ghahuthire eshi, "Hekudyange." Ghashimbire dikehe gha kudhingere.⁶⁶Mupika ghaka thimwetwedhere Isaki yoyiheya eyi ghakarughanine. ⁶⁷Podigho Isaki hamureta mbuyama kwanyina Sara mutende wagho noghayekire Rebeka, ghakare mukadidhiko dyendi, ghamuhakire. Podigho Isaki gha wanine mahengawero munyima dhoyifa yanyina.

¹Abrahamu ghayekereko mbuyama ghumwe, gho dina Ketura. ²Mbuyama yu gharetire hana wano Zimurani, Yokushani, Medani, Midiyani, Ishibaki, naShugha. ³Yokushani ghakarire wiha Sheba naDedani. Hana hoka waDedani ne haAssiriani, haLetushi nohaLeghumi. ⁴Hana Midigheni hohatutugfhuru ne Efa, Eferi, Hanoku, Abida, naElida. Wahe wa kwakarire hana hoka waKetura.⁵Abrahamu ghatapire ghushwi wendi ghoghuheya kwaIsaki. ⁶Ngambikenge, oku shime haghapara, ghatapere yitapera kwahanendi noghawatumine kumukunda ghokudiva, kashwagha Isaki, ghomwanendi.⁷Abrahamu ghapwire mumwaka ghomuyangu, hapwire nomyaka 175. ⁸Abrahamu ghathiyire ndhagho, nogha fire nomyaka dhodhingi dhodhiwa, katughuru ghokukurupara ghayara yipara nomoyo, Abrahamu hamu pakerere pofotji nohanu wendi.⁹Isaki na Ishimagheli, hanendi hohatutughuru, hamuvumbekire muMakapela, mudipya dyaEfuroni ghomwana Zohari ghomuHitite, oyu ghakarire pepi naMamure. ¹⁰Mudipya di ghaghurire Abrahamu kwahana waHethi. Abrahamu kwamuvumbekere kumbadi dhamunuwendi Sara. ¹¹Munyima dhoyifa yaAbrahamu, Nyambi ghatungekire Isaki ghomwanendi, noIsaki ghatungire pepi na Biye Lahayi Royi.¹²Pano padi hanahoka waIshimagheli, mwana Abrahamu, oyu Haga mukaEgiputena, thipika thaSara, herekere kwaAbrahamu.¹³Ghano ne mena gho hana waIshimagheli ghohatutughuru, kukutha edi hawaretire: Nebaghothi - mbedi waIshimagheli, Keda, Adibeli, Mibisamu, ¹⁴Mishima, Duma, Massa, ¹⁵Hadadi, Tema, Yetu, Nafishi, naKedema. ¹⁶Ghano ne mena ghohana Ishimagheli, nomena ghawo kukutha mikunda dhawo, nokumaturumuthero, makumi mawadi ghodhimishovo dhagho dhoghufumu.¹⁷Ghano ne mamwaka ghoyipara ya Ishimagheli, 137. Ghathighire ndhagho nogha fire, nohanu hapongire kukwendi. ¹⁸Hatungire muHavila kare Ashuri, Yoyishi pepi naEgiputena, yira kenge ghumwe ghana kuyenda kuAsiriya. Hatungire mughupata mukatji kagho.¹⁹Odhi ne thithimwetwedha tha Isaki, mwana Abrahamu ghokatughuru. Abrahamu ghakarire wiha Isaki. ²⁰Isaki ghakarire nomyaka makumi mane apa ghayekire mundambo wendi Rebeka, mwana Betugheli ghomuka Arameghani ghomuka Padani Aramu, mina Labani ghomuka Arameghani ghomukamadi.²¹Isaki gharaperere munuwendi kwafumu Nyambi pamurandu eshi ghakarire mbumi, nafumu Nyambi ghahuthire mandapero ghendi, noRebeka ghomundambowendi gharemine. ²²Hanuke mbadi hakonine kushwagha noghuredhu, noghaghammbire, "Nye yakuhokokera yinu yi kwange?" Ghayendire ghakepure fumu nyambi kuhatera yinu yi.²³Fumu Nyambi ghaghambire kwendi eshi, " Mushovo dhiwadi dhidi mumukogha ghoye, nohanu hawadi hanakuwa yakunutha kutunderera mumoye. Munu yofotji mboghana kara nongcamu kupirera ghumweya, noghomukuru mboghana rughanena mwanuke."²⁴Apa rwarikanyine ruvedhe rwendi rukuwana, taterere, mayovu ghadi mumukogha ghoye. ²⁵Mwanuke ghokutanga ghakarire mukihu noghakarire yira thikumba thoghu huki-huki. Hamwithire dina dyendi eshi Esaghu. ²⁶Munyima dhopo, minendi ghashwaghire. Dyoko dyendi dyakwaterere kudidnwi dyaEsaghu. Hamwithire eshi yakopu. Isaki ghakarire myaka makumi kwoko nomwaka ghofotji apa gharetire mundambo wendi hanuke wa.²⁷Hangaghu hakurire, naEsaghu ghakarire thiyambi, murume ghodyipya; ene Yakopu kwakarire muporothi, oyu gha hakire kukara thikuma muyishashara. ²⁸Pano Isaki ghahakire Esaghu pamurandu nga dyanga nyama ghoyiyama eyi ngakashananga, ene Rebeka ye kwahakire yakopu.²⁹Yakopu ghatenekire makunde. Esaghu ghengenine kutundera mudipya, noghakashire pamurandu ghondhara. ³⁰Esaghu ghaningire kwaYakopu, " Ndhara nakuyuva, nipeko nidye. Nakanderera, Ame ninaghaya!" Pamurandu hamwithire eshi yodiye Edomu.³¹Yakopu ghaningi eshi, "Ñanyi nikupe ngeshi ghuni tawedhere nishimbe yame ghumbedi." ³²Esaghu ghaningire eshi, "Kenge, Ame tamba ni fe. Yinye shoghutende ghumbedi kukwange?" ³³Yakopu kokughamba eshi, "Pakutanga tape medhero kukwange," podigho Esaghu ghedhire noghaghurithire ghumbedi kwaYakopu. ³⁴Yakopu ghatapire ghuroto nomuhore. Gha dire noghanwine, munyima podigho ghemanine noghayendire ndhira dhendi. Pamuhingo ghu Esaghu hanyengire ghumbedi wendi.

¹Mwakarire dirumbu mu ditunga, kutundithako dirumbu dyokutanga edi dya karireko mu mayuwa gha Abraham. Isaac ghayendire kwa abimelech, fumu wawa Philistine mu Gerar²Pano Nyambi ghamonekire kukwendi no kughamba eshi, '' Mbadi wakona kuyenda ku Egypt; tunge muditunga mu nakukutongwera gh utunge. ³Kare momu muditunga, mbo nakara noye no mbo nakutungeka, koye no kwa hanahoka ghoye, mbo natapa muve ghoghuheya ghu, no mbo nakumithamo medhero agha nakwedhere kwa Abraham gho wiho.⁴Mbo nengipitha hanahoka hoye yira tutumwedhi to mudiwiru, no kutapa kwa hanahoka hoye muve ghoghuheya. Kupiyer mwa hanahoka hoye matunga ghomahe gho pakaye mbo ghana pu kutungeka. ⁵Mbo nayirughana yi yoyishi Abraham ghakutekere diywi dyange, ghapungurire yihonga yange, marawero, no miragho dhange.⁶Isaac ghatungire mu Gerar. ⁷Opa hamwipure hatutughuru ho mudyango dyo yokuhatera kwa munuwendi , ghahuthire eshi, "oyu ne minange."Ghayapire kughamba eshi,"Oyu ne munuwange," yoyishi ghaghayarire eshi," Ha tutughuru ho mudyango di kukona hamu paye no kushimba Rebekah, yoyishi aye ne muwa thikuma." ⁸Isaac ghakarire rure mudyango diya, Abimelech fumu wawa Phiiistine ghanokerire pa dikende. Ghamonine, Isaac ghana kupakera thinga Rebekah, gho munuwendi.⁹Abimelech ghethire Isaac kukwendi no kughamba eshi, "Mone, yaghushemwa aye ne munughoye. Yinye ghuna ghambera eshi,"Oyu ne minange'?" Isaac ghaghambire kukwendi eshi," yoyishi naghayara eshi," munu ghumwe kukona ghani paye no kumushimba." ¹⁰Abimelech ghaghambire eshi," Yinu munye yi ghuna tutendi twe? Ghofotji gho hanu wa pamweya ngo ghana kono kukara na munughoye , no ngo ghuna turetera murandu." ¹¹Podigho Abimelech ghakonekithire hanu wahe no kughamba eshi," Kehe yu gho kukwata katughuru yu na munuwendi mughushemwa ghana kupwa kupagha."¹²Isaac ghakunine yimena muditunga diya no ghayangurire yoyingi mumathere mumwaka ghogho ghofotji , yoyishi Nyambi ne ghamutungekire. ¹³Murume yu ghakarire mutungi, no ghakunine yoyingi no ghakariremutungi shokuru. ¹⁴Ghakarire no ndjwi dhodhingi no ngombe, no dighumbo dyo dikuru. Ha Philistine hamu fererire nya.¹⁵Pano mathima ghomahe agha hathimine ha yipika yawihe mu mayuwa gha Abraham gho wihe, ha Philistine hagha shaghekithire mukughatuthera no muve. ¹⁶Abimelech ghaghambire kwa Isaac eshi,"Tuyakunuke, yoyishi owene ngcamu thikuma kupitakana twe," ¹⁷Podigho Isaac ghawa yakunukire no ghakaturere mu muronga wa Gerar, no ghakatungire momo.¹⁸Paruwadi Isaac ghathimine dithima dyo meyu, odi hakonine kuthima mu mayuwa gha Abraham gho wihe. ha Philistine hawa shaghekithire munyima dho yifa ya Abraham. Isaac ghethire mathima gha mena ghofotji agha ngaghethanga wihe.¹⁹Opa hathimine hayipika ya Isaac mu muronga ghuya, ha wanine mo dithima dyo meyu gho kupupa. ²⁰Hapiterithi ho mukunda wa Gerar harwire no hapiterithi ha Isaac, no kughamba eshi,"ogha meyu ne ghetu." Podigho Isaaac ghethire dithima diya "Esek," yoyishi hamurwithire.²¹Kutunda po ha thimine dithima dimweya, no harwererepo, karo, podigho ghaditire dina "Stinah." ²²Ghashwaghire po no ghakathimineko dithima dimweya , ene mbadi harwire padithima di.Podigho ghadithire Rehoboth, no ghaghambire eshi,"Nyambi ghana tutendera dyango, no mbo tuna vighara mu muve ghu."²³Kutunda po Isaac ghayendire kate ku Beersheba. ²⁴Nyambi ghamonekire kukwendi ghogho ghuthiku ghofotji no kughamba eshi," Ame ne yame Nyambi wa Abraham gho wiho.Wayapa, Ame ne noghe nidi no mbona kutungeka no kwingipitha hanahoka ghoye, pa thinyeke tha mupikanga Abraham," ²⁵Isaac ghatendire thinyaku no kwitha dina dya Nyambi. Omo ghakatendire thishashara thendi, no hayipika yendi hathimine dithima.²⁶Kutunda po Abimelech ghayendire kukwendi kutunderera ku Gerar, naAhuzzatt gho muyendhendi, naPhicol, mukuru wawa mashurundate ghendi. ²⁷Isaac ghaghambire kukwawo eshi,"Yinye muneghera kukwange, oku mwe ne mwaninyenga no mwanitjidhire kukwenu?"²⁸Awo haghambire eshi,"Tuna mono mughushemwa eshi Nyabi ne noye ghadi. Podigho tuna tokora eshi ghakone kukara po medhero pakatji ketu, ghushemwa, pakatji ketu nowe. Podigho tukona kutenda ghundambo noye, ²⁹Ghukare eshi mbadi sho tutende ghuyi, thika di twa kutekure thiwana no kukutjidha muthiraro. Yashemwa, wapwa kutungeka kwa Nyambi."³⁰Isaac ghawa tendere mukandi, no hadire no hanwine. ³¹Hapindukire murughura no hatendire medhero pakatji kawo. Munyima Isaac ghawa ningire hakayende, hashwaghire hakayende no kumuthiya muthiraro.³²Mu diyuwa dyodyo dyofotji hapika Isaac heghire no kuna mutongwera yokuhatera kudithima edi hathima. Haghambire eshi,"Tuna wana meyu." ³³Ghethire dithima diya Shibah, podigho dina dyo nurumbara dhiya ne Beersheba no dyarero dino.³⁴Opa ghakumine Esau myaka makumi mane, ghayekire, Judith mwana Beeri gho muHittite, na Basemath mwana Elon gho muHittite naye. ³⁵Haretire tokotoko kwa Isaac na Rebekah.

¹Apa ghakuruparire Isaki nomeho ghendi ghakarire mwirera, ghethire Esaghu, mwanendi ghomurughana, noghaghambire kwendi eshi, "Mwanange ghokatughuru." Esaghu gha huthire eshi, " Yameno," ²munyima Isaki kokughamba, " Mone shi, ame ne nakurupara. Mbadi sho ni dimuke diyuwa dyange dyo yi fa.³Podigho eshi, shimbe yirwitha yoye, shwareko dhoye dhomaghonga no ndamba dhoye, yende mumuthitu ghukanishanene ko nyama ghomumuthitu. ⁴Gho noniretere yidya yange yi nahaka thikuma, gho kaniretere no nidye podigho shi no nikutungeke kughutho gho kufa.⁵Pano Rebeka ghayuvire apa ghaghambire Isaki kwaEsaghu ghomwanendi. Esaghu ghayendire kumuthitu ghakashane nyama gho mumuthitu ghakamurete. ⁶Rebeka gha ghambire kwaYakopu ghomwanendi eshi, "Kenge kuno, nayuvu wiho ghana kughamba kwamukuroye Esaghu. Ghana ghamba, ⁷'Kanishimbere nyama gho mumuthitu noniterekere yidya yoyitowi, podigho shi no ni dye ndani sho nonikutungeke kughutho wafumu Nyambi kughuthogho yifa yange.'⁸Podigho shi, mwanange, tawe diywi edi na kukurawera. ⁹Yende kumutanga, kaniretere tuñomboghana tuwadi. Ñanyi nonitereke yidya yoyitowi eyi ghahaka wiho. ¹⁰Gho yitware kwawiho gha kadye, podigho shi ghakakutungeke kughutho ghoyifa yendi."¹¹Yakopu kokughamba kwa Rebeka ghonyina eshi, " Mone, Esaghu ghomukurwange ne katughuru gho ghuhuki muyirama, no ame ne nakara noyirama yo difuno. ¹²Pamwe tate gha kani kwate keho ne, ñanyi nikamoneke kukwendi eshi me ne nomwangereki. Gho ni kakuretere thikuto mbadi matungekero.¹³Nyina ne kokumutongwera eshi, " Mwanange, otho thikuto ne thiwere papange yame. Owe ne tawe diywi dyange, kayende ghukayirete kukwange me." ¹⁴Podigho Yakopu ghayendire kwendi gha karete tuñomboghana kwanyina, no nyina yu gharughanine yidya eyi gha hakire wihe.¹⁵Rebeka ko kutumbura yitere yoyiwa po yaEsaghu, mwanendi gho murughana po, eyi ghakarire nayo mundhugho, no kuyivateka Yakopu, mwanendi ghoñomba. ¹⁶Kokutura yikukumba yo tuñomboghana pa moko ghendi, nokumutara dhodifuno muthingo dhendi. ¹⁷Kokutapa yidya yoyitowi no ghuroto oyi gharoghithire kwa mwanendi Yakopu.¹⁸Yakopu ghayendire kwawihe noghakaghambire eshi, "Tate." Wihe ko kuhutha eshi, "Yameno mwanange; Owe ne yowe dye po mwanange? ¹⁹Yakopu kokuhutha wihe eshi, "Yame Esaghu, mwanoye ghokatughuru ghombedi. Ame nakumitha mo yoyihe eyi muna nitumu. Pano muninge keho muhungumane mudye nyama ghomumuthitu yuno, mukone kunitungeka."²⁰Isaki ko kwipura mwanendi eshi, " ngepi edi ghuna kathiwana nowangu, mwanange?" Yakopu ko kuhutha eshi, "Fumu Nyambi ghoye ghana thiniretera." ²¹Isaki Kokughamba kwaYakopu eshi, "Wiye nikukwate nimone eshi yowe shemwa mwanange Esaghu ndi endi yambango.²²Yakopu ko kuhenyenena wihe Isaki; no Isaki gha mukwatire noghaghambire eshi, "Diywi ne dya Yakopu, ene moko ne moko gha Esaghu." ²³Isaki mbadi gha konine kumunongonona, pamurandu eshi moko ghendi ghakarire ghuhuki-huki, yira gha mukurwendi Esaghu, podigho ghakuroghithere ha mu tungeke.²⁴Kokwipura karo eshi, " Yowe shemwa mwanange Esaghu ndi?" Kokuhutha Yakopu, "Ghi, yame." ²⁵Isaki ko kughamba eshi, "Niretere yidya, ñanyi nidye nyama ghoye ghomumuthitu, podigho eshi ni kutungeke." Yakopu gha tumburire yidya ghatape kwa wihe. Isaki gha dire, no ghanwine novinyu oyu ghamuretere Yakopu.²⁶Munyima wihe Isaki gha ghambire kukwendi eshi, "Wiye kengeno noghunincumiteko, mwanange." ²⁷Yakopu ghamuhenyene no ghamuncumitire, Isaki gha nukire munuko gho yitere yendi noghamutungekire. Kokughamba eshi, "Mone, munuko wamwanange ne yira munuko ghothikaña ethi ghatungeka Fumu Nyambi.²⁸Ngo Nyambi mbo ghakupe ghupingwa gho ghutungi gho diwiru no muve, nomuyanga ghoyiwana yo mbuto no vinyu gho mupya.²⁹Ngo dhimuhoko dhodhingi mbodhi tongamene dhinyongeke mitwi kuko ye. Mbo ghuna kara hekudya wawakuroye gho hatutughuru, ngo hana nyoko nawo mbohanyongeke mitwi dhawo kukoye. Kehe yuno gho kukuta gha kuwane naye thikuto; kehe yuno mbo ghakutungeka ghakupwe kutungeka naye."³⁰Apa ghamanine vene Isaki kutungeka Yakopu, nokamanana vene apa ghathiyire Yakopu wihe, Esaghu mukurwendi naye ghana kumine kutunda kukushana. ³¹Naye ghana terekire yidya yoyitowi no kareta kwawihe. Ko kughamba kwawihe eshi, "Tate, pinduke keho ghudye po nyama ghomumuthitu wamwanoye, podigho shi mu nifighere."³²Isaki gho wihe ghamwipurire eshi, "Yowedye?" Gha huthire eshi, "Yame mwanoye ghombedi, Esaghu." ³³Isaki kokutameka kututukwa noghaghambire eshi, "Oya ne dye ya ghana kashana nyama ghomumuthitu no ghana niretera? Namana kare kudya kughutho ghokwiya we, no na mana kare kumufighera. Ene shemwa, mbo ghana pu kufighera.³⁴Pakuyuva Esaghu mañonda gha wihe, ko kudira thikuma no ndundumena, no gha ghambire kwawihe eshi, "Nifiyere name karo tate." ³⁵Isaki kokuninga eshi, "Minoye ghaneya kuno mundhira dhoghumbango no ghamba nashimbi fiyaghudhi dhoye."³⁶Esaghu ko kutetuka, "na ne shira hamuterere eshi Yakopu ghana nangera keho yikandho yiwadi. Pakutanga ne ghashimbire ncamu dhange dhoghumbedi. Pakutanga ne gha shimbire ncamu dhange karo." Kokwipura karo kwendi eshi, "Kadi muna niturekera ko name fiyaghudhi ndi?" ³⁷Isaki ko kuhutha Esaghu eshi, "Naningi Yakopu ghakare hekudyoye, no namupa hakurwendi hohatutughuru hakare hapikendi, no namupa muyangu gho yikuna yo mbuto no vinyu gho mupya. Yinu munye karo eyi shonikurughane, mwanange?"³⁸Esaghu kokughamba ghukanderera wihe eshi, "Kwakara nofighaghudhi dhofotji ngenyu tate ndi? Munitungeke name tate." Esaghu kwadirire ghukuyerera.³⁹Wihe Isaki kwahuthire ngeno eshi, "Mone shi," Owe ne mbo ghuna tungu kayenda noghutungi gho kaye, kayenda no mu e ghodiwiru. ⁴⁰Pathimende thoye po mboghuparera, no mbo ghuna rughanena minoye. Ene apa mbo tokora eshi ghuku karere pa poye ghothinda ne, mbo ghuna ghutunditha djoko dhendi dhi shwaye pathingo dhoye.⁴¹Esaghu gha nyengire Yakopu pamurandu gho fiyaghudhi edhi ghatapire wihe kukwendi. Esaghu ko kughamba mumutjima wendi eshi, "Mayuwa gho kudira tate ne pepi ghadi; kunyima dho po, ndani nakupagha minange Yakopu." ⁴²Mañando ghaEsaghu, mwanendi gho mbedi ha ghatongwere Rebeka. Ko kutumena hakethe Yakopu mwanendi ghombedi noghamutongwere eshi, "Tegherere shi, mukuroghe Esaghu ne kuna kukuhengaghura thinda no dighano dyo kukupagha."⁴³Podigho keho, mwanannge, tawe diywi dyange, wimane ghutjirere kwamukurwange Labani, muthiko tha Harani. ⁴⁴Katunge nendi mayuwa gho ngandji, ⁴⁵kare nya-nya dhamukuroye dha kutepuke, noghupata wendi wa kupwe, no kare ghakuvurame eyi ghuna mutendi. Ndani keho, mbona kutumena hakakuhuthe kuno. Ngo nye sho ni muyongarithere mwaheya diyuwa dyofotji?⁴⁶Rebeka ko kughamba kwaIsaki, "Hani ghayitha keho me hana ho hakamadi waHeth. Ngeshi Yakopu ghakushimbe po ghofotji pakatji ko hana waHeth hohakamadi ghakare munuwendi, yira kenge hambuyama, hamwe homumukunda, hasha ngwa nakufe vene, ngo ngepi na kupara me?"

¹Isaac ghethire Jacob, no kumutungeka, no kumurawera eshi,"Mbadi wakona kushimba mukamadi ghomu kanana. ²Matuke, ghuyende ku Paddan Aram, ku dighumbo dya Bethuel gho nyina wiho, no kashimbe mbuyama koko, ghumwe gho pahana ha Laban hohakamadi, mukurwa nyoko.³Ngo Nyambi mukangcamu dhodhiheya ghakukandadheke, ghamupe rwereko nomuka kwerukure, podigho eshi mbo mukengipe mwanu. ⁴Ngo gha kupe fiyaghudhi dhaAbrahamu, kukoye nawakerekandongo wa mbo gha keyako munyima dhoye podigho eshi mbomukapinge muve mwatungire, oghu ghatapire Nyambi kwaAbrahamu.⁵Keho Isaki ghatumine Yakopu kuruyendo. Yakopu ghayendire kuPadani Aramu, kwaLabani mwana ghokatughuru waBethuweli ghomukaAramena, mukurwa Rebeka, nyina Yakopu naEsaghu.⁶Keho Esaghu ghamonine eshi Isaki ghanakandadheka Yakopu noghamutumine ghayende ku Padani Aramu, ghakashimbe mbuyama. Ghamonine karo eshi Isaki ghamukandedhekire noghamu pire marawero, ghughamba eshi, "Wakona kuyenda ghukashimbe mukamadi ghoye kutunderera pawambuyama waKanana." ⁷Esaghu ghamonine karo Yakopu eshi ghakutekerire wihe nanyina, noghayenda kuPadani Aramu.⁸Esaghu ghamonine eshi hambuyama waKanana mbadi hahafithire Isaki ghowihe. ⁹Keho ghayendire kwaIshimagheli, noghashimbire kumbadi dhendi handambi wendi awa ghakarire nawo, Mahalathi mwana Ishimagheli, mwana Abrahamu ghokatughuru, mina Nebaioth, ghakare munuwendi.¹⁰Yakopu ghashwaghire muBesheba noghatambire kuHarani. ¹¹Ghoghana kumine padyango dimwe nopo ghana rarire popo ghuthiku ghoghuhe yoyishi, diyuwa dyatokere. Ghoghashimbire diwe dimwe padyango dyo noghaturire kumutwi wendi, noghararire.¹²Gharotire noghamonine thidhineno hana tura pakaye. Ghuhura watho wakakumine kudiwiru nohaengeli waNyambi hashughumukangire nokuna kandukanga papatho. ¹³Kumona ko ne, fumu Nyambi ghanemana kuwiru-wiru dhatho noghaghambire eshi, yame fumu Nyambi , Nyambi waAbrahamu ghowihenu noNyambi waIsaki; Muve ghughuna rara, ñanyi mbonighu kupe nohanahoka ghoye.¹⁴Hanahoka ghoye ñanyi mbo hakakare yira dikungu dyo mukaye nombo ghuna kuhanyena muditokera, mudiva, mumbunda nomughungcuma. Mumoghe nomuhanahoka wahe mumako ghomahe mukaye mbogha wanena fiyaghudhi. ¹⁵Mone, noye nidi, noñanyi nikare noye kehe ku mbo yenda. Ñanyi nakakuhuthe karo mudyango di ghu di; yoye mbadi mbonikuthiya. Ñanyi nakukuruwanene yoyiheya yi nakukuruperitha.¹⁶Yakopu ghoghapindukire mukurara noghaningire eshi, "Yashemwa fumu Nyambi ne moghadi mudyango muno, nombadi nayidimuka." ¹⁷Ghayapire noghaningire eshi, "Kuyapitha shemwa dino dyango! Oyi ne mbadi yina kutjaka nondhugho dhaNyambi. Edhi ne dho thero dhomudiwiru."¹⁸Yakopu ghapindukire wangu mathiku-thiku noghashimbire diwe edi ghaturire kumutwi wendi. Ghoghaditurire dikare dighundhi noghaterireko maghadhi. ¹⁹Gho gha tire dyodyango diya eshi Betheli, ene dina dyoshemwa dyongurumbara ne kwakarire eshi Luz.²⁰Yakopu ghayahukire nodiywi, ghuninga eshi, "Ngeshi Nyambi ghakare nange nogha nikunge mundhira ghodhi nakuyenda noghanipe ghuroto nidye, noyitere nivate, ²¹podigho eshi, nakuhuke thiwana kundhugho dhatate. ²²Ndani ghodi diwe natura yira dighundhi dyondhugho dhomakanderero ghaNyambi. Kukehe thinu wakunipa, ñanyi na kuhutheko yidikumi kwa kehe thi.

¹Ndani Jakobu ghayendire no ghakakumine kuditunga dyawanu kudiva . ²Apa ghakengire ghamonine dithima mudipya no gha monine mutanga gho ndjwi edhi dhararire kumbadi dhadyo . Mudithima mukukona kuvetagheramo mutanga no mawe ghokumbadi dhokudithima dine makuru thikumenena . ³Ngeshi mutanga dhodhiheya dhina pongo pofotji midithi ghana kughrumuna diwe kukanwa ko dithima no kuvetaghera ndjwi no kudihutha ko karo.⁴Jakobu ghaghambire ku kwawo eshi,'' Mwakurwange kupi muna tundera ?''. Hamuhuthire eshi,''KuHarani tuna tunderera ''. ⁵Ghawepure karo eshi,'' mwamudimuka Labani ghomwana Naho ndi?''. Hamu huthere eshi,'' Twamudimuka''. ⁶Ko kuwepura karo eshi,'' mu wawa ndi?''. Hamuhuthire eshi,''Nhi muwawa monekuya Rasheli gho mwanendi ghomukamadi ghana kwiya muya no ndjwi''.⁷Yakobu ghaghambire eshi,''mone kenge ne mutwekatji''. Mbadi roruvedhe ro kukongwedha pofotji mutanga . Muvetere meyu ndjwi no muyende dhikashane yo kudya . ⁸Hamuhuthere eshi,'' mbadisho tudhivetere kate dhikongane dho dhiheya pofoji. Hatutughuru hana kugharumuna diwe kukanwa kudithima notuna kuvetera ndjwi meyu.⁹Oku Yakopu shime ghaghamba nawo Rasheli gheyire no ndjwi dha wihe nogha dhipakere thinga. ¹⁰Apa ghamonine Yakopu Rasheli gho mwana Labani , gho mwedyendi no ndjwi dhamwedyendi . Yakopu gheyire no ghathindekire dive kumuromo ghodithima gha vetere meyu ndjwi dha mwedyendi .¹¹Yakopu ghancumitire Rasheli ghudira moghukuyerera . ¹²Yakopu ghatongwere Rasheli eshi ghakarire mwapa wihe no aye ne gha karire mwana Rebeka . Podiyo Rasheli gha tjirire ghakatongwere wihe.¹³Apa ghakayuvire Labani mbudhi dhi dho kwa Yakopu ghomwana minendi gho mukamadi ghatjirire gha kamuwane , ghamungumatire ,ghamuncumitire no gha kamuretire kundhugho dhendi. Yakopu ghathimwetwedhere yoyihe yayi kwa Labani . ¹⁴Labani ghamu huthire eshi,''yaghushemwa owene ghomwapange ghokuyarera''. Podigho Yakopu ghatungire nendi ghure ghokaghonda kofotji .¹⁵Labani ghaghambire kwa Yosefu gheshi,'' kukona ghuni rughanene nyara nyara yoyishi ghomwapange ndi? nihuthere paro munye ghuna shana ?''. ¹⁶Oku Labani ghadi no hanendi ho hakamadi hawadi , dina dya mukurwa munu ne Leya mina munu ne yo Rasheli. ¹⁷Meho gha Leya ghakarire no meho ghomawa ,ene Rasheli ne muwa pathishwi thendi. ¹⁸Yakopu ghahakire Rasheli poghahuthire eshi,'' nanyi nirughanene Rasheli myaka kwoko no dhiwadi gho mina munu .''¹⁹Labani ghahuthire eshi,'' ghuwa eshi ni ghukupe mukupira kumutapa kwa katughuru ghumwe . Kare nange ''. ²⁰Podigho Yakopu gha ruwanene Rasheli myaka kwoko no dhiwadi ; yamu monekere kukwendi mayuwa ghomapu kuruhakitho oru ghakarire naro kukwendi.²¹Podigho Yakopu ghaghambire kwa Labani eshi,''nipe didhiko dyange mayuwa ghange ne ghanarikanya _ podigho eshi ni muyeke''. ²²Labani ghaghongawedhire ha tutughuru ho mudighumbo wahe noha tendire mukandi.²³Parunguro Labani ghashimbire Leya mwanendi ghomukamadi no ghamuretire kwa Yakopu , oyu ghararire nendi. ²⁴Labani ,Labani ghatapire muruwani wendi ghombuyama Zilpa kwa mwanendi Leya ghakare murughani wendi. ²⁵Mathikuthiku moneshi Leya! Yakopu ghepurire kwa Lebani eshi,''yinu munye eyi ghuna rughana ku kwange ? Napo mbadi Rasheli na ruwanene ? yinye wanangerekera me ?''.²⁶Labani ghahuthire eshi,'' muthitjo thetu ne mbadi ghuhunga kutapa mbuyama ghomumbiru oku mukurwendi ne shime. ²⁷Manithe thivike tho wenga no mbo tunakupa karo ghumwe munyima dho kuniruwanena karo myaka kwoko no dhiwadi.²⁸Yakopu ghatendire kemo no gha manithire thivike tha Leya . Munyima dhopo Labani ghatapire karo Rasheli ghakare didhiko dyendi . ²⁹Labani ghatapire karo Bilha kwa Rasheli ghakare muruwani wendi. ³⁰Yakopu ghakarire na Rasheli karo , ene ghakarire Rasheli kupiterera Leya . Munyima Yakopu gharuwanene Labani karo mumyaka kwoko no dhiwadi.³¹Nyambi ghamonine eshi Leya mbadi hamuhakire no ghamupire rwereko ene Rasheli yene mbumi . ³²Leya ghakarire yirama yiwadi no ghawanine mwana gho mukafumu , no ghamutire eshi Reubeni. Nogha ghambire eshi ,''yoyishi Nyambi ghana mono yinyanda yange ; yaghushemwa mukafumu wange ghanihake''.³³Ghana karire no yirama yiwadi no gharetire mwana gho mukafumu . ghaghambire eshi,'' yoyishi Nyambi ghayuvire eshi amene mbadi ghanihaka yo ghana nipera karo yu mwana gho mukafumu '',no gha ghamutire yo Simoni . ³⁴Ko kukunakara karo yirama yiwadi no ghawanine mwana gho mukafumu ghaghambire eshi,'' kenge no poruno ruvedhe kukona mukadidhiko dyange ghakundamene ku kwange ndi, yoyishi na muretera hana hotutughuru hahatu. Podigho hamutire eshi Levi.³⁵Kokuna kara karo yirama yiwadi no gharetire mwana mwanaghomukafumu . Kokughamba eshi,''Ruvedhe runo nanyi ni kughe Nyambi''. Podigho ghamutire eshi yo Yuda , ndani podigho ghana shaghekire keho kureta hana.

¹Pakumona Rasheli eshi mbadi gha retire hana kwa Jacob, Rachel ghafererire nya minendi gho mukamadi. Rasheli ghaghambire kwa Jacob eshi," Niretithe hana ngeshi mbadikemo ne nanyi nife." ²Jacob ghakarire no ghupata ghoghukuru kwaRasheli. Gho ghaghambire eshi,"Ame ne mudyango dya nyambi nidi, yidye ghakukunga mu kupira kuwana hana?"³Rasheli ghaghambire eshi,"mone, koghadi mupika wange Biihah. Karare nendi, podigho shi ghakone kukushamurukera hana pa manwi ghange, no mbo nareta hana nendi." ⁴Podigho ghamupire mupika wendi Bilhah ghakare eshi munuwendi, na Jacob ghakararire nendi.⁵Bilhah gharemine no ghashamurukire mwana ghomukafumu wa Jacob. ⁶Podigho Rasheli ghaghambire eshi,"Nyambi ghanikenithire, no ghanayuvu diywi dyange no kunipa mwana ghokatughuru." no thitambo thi po hamwithire dina Dan.⁷Bilhah, mupika Rasheli, gharemine karo no kushamurukera Jacob mwana gho ghuwadi. ⁸Rasheli kokughamba eshi,"No mangcamu ghokuru ghokurwitha na konine kurwa kate kuwina." Hamwithire dina Naphtali.⁹Opa ghamonine Leah eshi ghanashagheka kureta hana, ghashimbire Zilpah gho mupikendi, no kumutapa kwa Jacob ghakare munuwendi. ¹⁰Zilpah mupika Leah, ghashamurukere mwana ghomukafumu Jacob. ¹¹Leah kokughamba eshi," odhi ne thiyaghudhi!"podiyo ghamutire Gad.¹²Podigho Zilpah gho mupika Leah, ghashamurukire mwana ghoghuwadi wa Jacob. ¹³Leah kokughamba eshi,"Nashamberera, no hana ho hakamadi mbo hananitha yishamberera."Podigho hethire dina dyendi Asher.¹⁴Reuben ghayendire mu mayuwa gho muyangu ghomavumbukiro no ghakawanine mitemo mudipya. Katughuru ghakashimbire mitemo no kareta kwa nyina Leah.Rasheli kokughamba kwa Leah eshi,"Nipeko mitemo dhimweya dha mwanoye." ¹⁵Leah kokughamba kwendi eshi,"kukoye we ne yinu yoyimbiru, yo kushimba munuwange? Ghunashana karo kushimba no mitemo dha manange?"Rasheli kokughamba eshi,"Nanyi gharare noye ghuthiku gho dyarero, mu kukutjindja no mitemo dha mwanoye."¹⁶Yakobusi gha yendire mudipya runguro. Leah ghaswhaghire kokuyenda ghakamuwane no kughamba eshi,"Wakona kurara nange, yo nakuruwerera no mitemo dha mwanange."Podigho Jacob ghararire nendi ghuthiku ghuya. ¹⁷Nyambi ghaterere kwa Leah,no ghawanine dira no ghashamurukire mwana ghomukafumu ghoghukwoko, ¹⁸Leah kokughamba eshi,"Nyambi ghana nipa ndjambi dhange, yoyishi natapire mupikange gho mukamadi kwa munuwange."Ghamutire dina Issachar.¹⁹Leah ghakarire yirama yiwadi karo no ghashamurukire mwana ghomukafumu wa Jacob. ²⁰Leah kokughamba eshi,"Nyambi ghana nipa thitapera thothiwa. Na munuwange ghana kuni fumaneka, yoyishi namuretera hana hoharume kwoko noyofotji." Ghamutire dina Zebulun. ²¹Munyima dhopo ghakonine kushamuruka mwana ghomukamadi no ghamutire Dinah.²²Nyambi ghavurukithire Rasheli; no ghamutegherere. Ghamuturithire ghakare yirama yiwadi. ²³Ghakarire yirama yiwadi no ghashamurukire mwana ghokatughuru. Ghaghambire eshi,"Nyambi ghana nishwayitha muthishama." ²⁴Ghamwithire no din Joseph, ghughamba eshi,"Nyambi ghana niwedhererapo mwana ghokatughuru."²⁵Munyima dho kwereka Rasheli Joseph, Jacob ghaghambire kwa Laban eshi,"Nitume niyende, podigho shi niyende ku dighumbo dyange, dyo muditunga dyange. ²⁶Nipe hanuwange no hanange, nishuture niyende, no wadimuka eshi yirughana yokukuma kupi nakurughanena²⁷Labani ghaghambire kukwendi eshi,"Ngeshi haniwana thiyaghudhi kughutho ghorupara roye, tatere, yoyishi nakuhongerapo pa kurughanitha ghudimuki oghu ghanitungeka Nyambi pathinyeke thoye." ²⁸Podigho ghaghambire eshi,"Nitongwere ndjambi dhoye, no nanyi nidhiruwere.²⁹Yacobusi kokughamba kwendi eshi,"Wadimuka eshi ngepi edi nakuruwanena, no ngepi edi yaparire yiyama yoye mumakungero ghange. ³⁰Owe wakarire no yoyipu kughutho ghokwiya me, no yina kuwedherera thikuma. Nyambi ghakutungeka we keheku narughanine. Ruvedhe munye mboni pa hakadighumbo dyange nagho.³¹No Labani kokughamba eshi,"Yinu munye shonikone kukuruwera?"Yacobusi kokughamba eshi,"Mbadiko yi shonipe. Ngeshi ghuna kunutendera yinu yi, mbona korera muraka ghoye no kughutureka. ³²Tango nighukengurure muraka ghoye ghoghuhe, ghushwayitha mo ndjwi dho matjaghera, no kehe yu ghomwiru papadho, no dho matjakaghera pa nombo. Odhi ne mbo dhina kara ndjambi dhange.³³Ghushemwa wange nanyi wa kunishupera munyima dhopo, opa mbo ghukeya no kuna kenga ndjambi dhange. Kehe yu gho matjakaghera no ghomwiru pa ndjwi, kehe yu mbo muwana kwange, mwakona kumutura eshi kwamwidha." ³⁴Labani kokughamba eshi,"Nayitawa. Ninge yikare thika dyo ghuna kuyighamba."³⁵Diyuwa dyo Labani ghatundithire po nombo dhodhirume edhi dhakarire no miyira no matjakaghera, no dhodhihe dhodhikadhi edhidha karire no matjakaghera, kehe yu ghakarire no ghukenu papendi, no kehe yu ghomwiru pa ndjwi, no kudhitapa munyara dha hanendi ho hatutughuru. ³⁶Laban naye ghaturithire po ruyendo pakatji kawo na Yacobusi. Podigho Yacobusi ghakarire no ghukaro gho kupakera thinga ndjwi dha Laban.³⁷Yacobusi kokuteta mite dho kukutjakatjaka dho kukarera mahako gho mapya , no kuyununa ku kehe mite mayura mu maghira-maghira kuningitha ghukenu gho mute gho mwishi ghumoneke. ³⁸No ghaturire mite dhiya ghayunune ku dikorokoro omu yanwenanga yiyama, kughutho gho dikorokokoro oku yeyire no yinwe. Ya nerekire apa yeyire no yinwe.³⁹Ndjwi dha kudhinene kughutho gho tutondo to; no dherekire ndjwi dho mayira-mayira, no dho matjakaghera dhodhimbiru. ⁴⁰Yakobusi ghataghurire ndjwi dhiya, ene ghaningithire dhodhihe dhipirukere ku dhakarire dho mayira-mayira no dhodhiheya dho dhiru mu muraka waLaban. Podiyo ghataghurire ko ndjwi dhendi no mbadi ghadhiturire pofotji no ndjwi dhaLaban.⁴¹Kehe pano nga dhikudhinanga ndjwi dho kutanara mumuraka, Yacobusi ghana kutura tutondo mu makorokoro ghomeyu kughutho ghokutumona muraka, podigho eshi dhikone kwerekera pa mite dhi. ⁴²Ene opa yeyire yiyama yoyikashu mumuraka, mbadi ghaturire tutondo kughutho wayo. Podiyo yiyama yo yikashu yakarire yaLaban.⁴³Katughuru yu ghatungipire thikuma. Ghakarire no miraka dhodhikuru, hapika hohakamadi no hohatutughuru, ngameno no yidongi.

¹Panu Yakopu ghayuvire mañando ghamwana Labani, agha ghaningire eshi, " ²Yakopu nga shimbi yinu ya wihetu, no yiwana yendi no ghushwi ghoghuheya gha ghu kukongwedhera." Yakopu ghamonine edi runa pitura rupara rwa Labani, ghamonine ghukaro wendi ghuna kutjindji. ³Munyima fumu Nyambi ghaningire kwaYakopu eshi, "Huke kuditunga dya wiho no kudiko dyoye, no mbo nakara noye."⁴Yakopu ghatumine ha kethe haRasheli naLeya awa haka karire mudipya kuyimuna ⁵nogha ghambire kwawo eshi, "Namono ghukaro wa wihenu kukwange ne ghuna kutjindji, ene Nyambi wa tate nange ghadi. ⁶Mwadimuka eshi mughutanavu wange ponarughanena wihenu.⁷Wihenu ghanangereka ndani gha tjindja yiruwera yange yikandho dikumi, ene Nyambi mbadi gha mutawedhere kunitjitjupitha. ⁸Ngeshi ghaghambire eshi, 'Yimuna yomara-mara ne yoyiruwera yoye,' ndani yimuna yoyihe eyi herekire ne yo mara-mara. Ngo ghaghambire eshi, 'Yimuna yo yihe eyi hakwereka yo tuvambi ne yo yiruwera yoye,' yimuna yoyiheya ne kokwereka yo matjakaghera. ⁹Pamuhingo ghu Nyambi ghana shwaghitha yimuna kwa wihenu, gho ghana yitapa kukwange.¹⁰Ruvedhe rumweya pathivaka thimweya thokukwerukurura, namonine muyirota yikungwe dhina kudhina mutanga. Yikungwe yi ya karire yo mayira-mayira, mara-mara ndani yo matjakaghera. ¹¹Muengeli waNyambi ghaghambire nange muyirota eshi, ' Yakopu.' Ghona huthire eshi, 'Yame no.'¹²Ghaningire eshi, ' Kambure meho ghoye no mone yikungwe eyi yina kudhina mutanga.Gha dho ne, mayira-mayira, mara-mara, matjakaghera, namonno yoyiheya eyi ghana kurughana Labani kukoye. ¹³Yame Nyambi wabeteli, oku ya wa wethire dighundhi, oku ya watendire medhero gho kukwange, wimane popano no ghuthiye ditunga di ghu huke kuditunga dyo kakoghatji koye."'¹⁴Rasheli na Leya ha huthire no haningire kukwendi eshi, " Podidi dyango endi ghupingwa wetu mundhugho dha wihe tu ndi? ¹⁵Mbadi gha tu tendire yira twa mutunda kure? Aye gha tu ghurithire nogha tu kungurire manyinga ghetu. ¹⁶Ghushwi ghoghuheya ghu ghuna kungura Nyambi kwa wihetu yina kara yetu pashadyarero nawanetu. Pano keho, yi ghana ghamba Nyambi noye, yirughane kemo."¹⁷Munyima Yakopu ghemanine ghashimbe hanendi hohatutughuru nawandambo wendi kokuwa dhineka pa ngameno. ¹⁸Ghapiterethire yimuna yoyiheya kughutho wendi pofotji noyiwana yendi yoyihe, kupakerera noyiyama eyi gha kawanine muPadamu Aramu. Gho ghatokorire ghayende kwa wihe Isaki kuditunga dyaKanani.¹⁹Oku shime ghayendera kukukunga Labani ndjwi dhendi, Rasheli ghayendire mundhugho dha wihe gho gha kedhiremo yitjwandjo. ²⁰Yakopu naye ghangerikire Labani ghomu Aramiyani, pakupira kumutongwera eshi yene kuna kuyenda. ²¹Pogha shwaghere ghayende noyinu yendi yoyihe gho ghaka tjinaghane rware no ghatwikere kuyenda kughuhura ghoditunga dyaGiledi.²²Mudiyuwa dyoghuhatu Labani hamutongwere eshi Yakopu ne nga piti. ²³Ghashimbire hapendi ha mukuthe, hamukuthire mayuwa kwoko no mayuwa mawadi, ha ka muwanine muditunga dyaGiledi.²⁴Nyambi ghe yire kwaLabani gho muAramiyani muyirota mughuthiku no ghaningire kukwendi eshi, "Takamithe eshi ghu kaghambe kwa Yakopu yoyiwa mbadi yoyimango." ²⁵Labani ghakawanine Yakopu. Oku Yakopu ghana shokeka matende ghendi muditunga diya, Labani naye nohapendi haturumuthire momo muditunga yaGiledi.²⁶Labani ghaghambire kwa Yakopu eshi, "Yinu munye eyi nga ghu tendi, nga ghunangereka no kushimba hanange yira hakadorongo ho muyita? ²⁷Yinu munye eyi nga ghomborokera mughudhindo, koku nangereka ndani mbadi ngaghu nitongwera? Ngo ngani kushutura ghushamberera pofotji no membo, noyishandji. ²⁸Mbadi nga ghunitawedhera eshi nifighere hekurwange nohanange nokwa ragha eshi hayende po thiwana, pano nga ghu rughana yo ghuyero.²⁹Nakara nongcamu dho kurughana yoyimango, ene Nyambi wa wiho ghana ghamba nange mughuthiku gho dyarero eshi, ' Takamithe eshi ghukaghambe na Yakopu yinu yoyiwa mbadi yoyimango.' ³⁰Pano keho ne ghuna shwagha yoyishi ghuna shana kuhuka kundhugho dha wiho. Ene nye ngawidhera yitjwandjo yange?"³¹Yakopu gha huthire kwa Labani eshi, "Yoyishi nayapire ghona ghayarire eshi kukona ghuni kungure hanoye mungcamu, yo nomborokere. ³²Kehe yu ghedhire yitjwandjo yoye ne mbadi gha kona kupara karo. Kughutho gho diko dyetu, nongonone kehe thi nidi natho eshi thoye ghoghu thishimbe." Keho Yakopu mbadi ghadimukire eshi Rasheli ne yo gha yidhire.³³Labani ghayendire mutende wa Yakopu, mutende wa Leya no mumatende ghawa kamadi hawadi gho harughani, ene mbadi gha kayiwanine mo. Ghashwaghire mutende wa Leya gho ghayendire gha kangene mutende wa Rasheli.³⁴Oku Rasheli ne kukwendi yidi yitjwandjo, ghayitura mu thidhineno tho pangameno gho gha hungumanine peghuru dhayo. Labani ghafungunyine tende yomuhe, ene mbadiko ethi gha wanine ko. ³⁵Pogha nignire eshi, "Wa pate, hekudyange, koyi na kudhira kwimana kughutho ghoye yoyishi kuthidhira nidi." Gha twikere kushana ene mbadi gha wanine yitjwandjo yendi.³⁶Yakopu ghapatire thikuma na Labani. Ghamwipurire eshi, "Ghupi murandu wange?" Yipi yiharura yange, eyi nga ghu nikuthera? ³⁷Ghuna kengi yiwana yange yoyihe. Yinu munye eyi ghuna wana po yoye mundhugho dhoye? Yiture pano kughutho ghodiko dyetu, podigho hakone kukengurura pakatji ketu twawadi.³⁸Myaka makumi mawadi na kara noye, mbadiko ndjwi noñombo dhoye edhi dha pamurire, ndani noyofotji temba ndjwi oyu na paghire ni dye payimuna yoye. ³⁹Ethi hapaghire hathishereka mbadi nathikuretere. Nathirughaneghene. Ngaghuniruwerithanga kehe thimuna thokuyongara munyara dhange, thikare eshi kuna thidhi ghuthiku endi mutenya. ⁴⁰Mumutenya nakarire nowanitumekire me, nomepo ghuthiku, nombadi nakonine kurara turo.⁴¹Mamyaka makumi mawadi nakarire mudighumbo dyoye. Nakurugfhanena myaka dikumi nomyaka dhine pohanoye hawadi ho hakamadi, no myaka kwoko nomwaka ghofotji dho kyimuna yoye. Wa rundururire ndjambi dhange yikandho dikumi. ⁴²Shimengwa Nyambi waTate, Nyambi waAbrahamu, oyu ghayapa Isaki, yo ghakarire nange, shemwa pano ngo nyara-nyara wa nitjidhire. Nyambi ghamonine yinyanda yange no di narughanine thikuma, podigho ghana kukoghaghura ghuthiku ghu ghuna tunduko.⁴³Labani ghahuthire nokughamba kwaYakopu eshi, "Hana ne hanange, hekuru ne hekurwange, yimuna ne yimuna yange. yoyihe eyi ghuna kumona ne yange. Ene yipi eyi shoni tende dyarero kwawanange ngambi kwa wanawo awa hareta? ⁴⁴Pano keho, tutende ghundambo, nowe name, ghoghukare ghushupi pakatji ketu."⁴⁵Podigho Yakopu ghashimbire diwe kokuditura di kare dighundhi. ⁴⁶Yakopu ghaningire kwahapendi, " Mughongawedhe mawe." Podigho ha ghongawedhire mawe no kugha pongeka pofotji. Munyima gho hadyererire kumbadi dhothirambo thomawe. ⁴⁷Labani ghatire dyango di eshi Yega Sahaduta, ene Yakopu gha ditoyire eshi Galedi.⁴⁸Labani ghaningire eshi, " Dirambo dyo mawe di dina kara ghushupi pakatji ketu nowe name dyarero." Kutunda pano dina dyapo ne Galedi. ⁴⁹Ha ku ditoye karo eshi Mizipa, yoyishi labani ghaningire eshi, "Fumu Nyambi ngo gha kenge pakatji ketu nowe name, apa sho tuku yakunuke twawadi. ⁵⁰Ngeshi wa kupethe hanange, endi gho wa kashimbe mukamadi ghumwe kushwaghithako hanange, ngambi kenge eshi mbadiko oyu gha di netu, mone, Nyambi ne yomushupi pakatji ketu nowe name."⁵¹Labani ghaningire kwa Yakopu eshi, " Kenge kudirambo ghp ghu kenge kudighundhi, edi natura pakatji ketu nowe name. ⁵²Ethi thirambo ne thishupo, no karo thishupo, ethi mbo nipira kutjinaghana niye kukoye, no mbadi mbo pita thirambo thi nodighundhi wiye kukwange, ghu ni tjitjupithe. ⁵³Ninge Nyambi waAbrahamu, nonyambi waNahoru, nanyambi wawihawo, gha tupangure twahe." Yakopu ghedhire mukuyapa wihe Isaki.⁵⁴Yakopu ghayambire muyambo padirundu gho ghe thire diko dyendi no hadye. Ha dire no haghondhire ghuthiku ghohuheya padirundu. ⁵⁵Murughura mathiku-thiku Labani ghemanine, gha ncumitire hekurwendi nawanendi no kuwapa makandadhekero, munyima Labani gha thighukire ghahuke kudighumbo.

¹Yacobusi naye ghayendire no ndhira dhendi, no haEngeli ha Nyambi hamuwanine. ²Apa ghawa monine Yacobusi gha ghambire eshi,"Edino ne dyango dya Nyambi," no ghadithire dyango diya Mahanaim.³Yacobusi ghatumine ha tukora mbudhi kughutho ghokuyenda kwa mukurwendi mu muve wa Seir, mu mukunda wa Edon. ⁴Ghawa rawere ghughamba eshi,"Eyino ne yo mwakona kaghamba kwa hekudyange Esau: Eshi oyino ne yo ghana ghamba mupikoye Yacobusi,'Ame natunga pofotji na Laban, no narangapitha mahukero ghange kate popano. ⁵Nidi no ngombe no yidongi, muraka gho ndjwi, hapika ho hatutughuru no ho hakamadi.No natumu mbudhi dhi kwa hekudyange, podigho eshi niwane thiyaghudhi kughutho ghoye."⁶Ha twati mbudhi hakahukire no hana ghambire eshi,"Tunayendi kwa mukuroye Esau. Nanyi ghakwiye ghakuna kuwane no hatutughuru mathere mane ghadi nagho." ⁷Podigho Yacobusi ghayapire thikuma no gha tokotire. Podiyo ghataghurire hanu wa ghakarire nawo mu makamba mawadi, no murakagho ndjwi, ngombe no ngaghameno. ⁸Gha ghamba eshi,"Ngeshi Esau gheya kukamba dhofotji no kuhomokera, kamba dhi dhokuthiyarapo kukona kutjira no kwomba."⁹Yacobusi ghaghambire eshi,"Nyambi wa tate Abraham, no wa tate aisaac, Nyambi oyu ghaghambire kwange eshi, 'Huke muditunga dyoye no kwa hapoye no mbona kuyeyura,' ¹⁰Ame ne mbadi nahungama kuyitenda yo ghundambo ghoye no kumakurupero ghoye no yi warughana kwa mupikoye. Apa natjinane rware rwa Jordani, no dyarero nakara no ma kamba mawadi.¹¹Nakanderera nighamwene nitundithe munyara dha mukurwange, nitundithe munyara dha Esau, eshi nanyi ghakwiye no kuna nihomokera pofotji no hanyina na hanuke. ¹²Ene waghambire eshi,"nanyi nakukuyeyure. Ame mbo natendi hanahoka ghoye yira muheke gho kudikuruviya, awa mbo hadhira kukona kutara thitara thapo.'''¹³Yacobusi ghakarire momo ghuthiku ghuya. Ghashimbire yimweya yi ghakarire nayo yikare ndupu dha Esau, gho mukuwendi. ¹⁴Nombo mathere mawadi dho dhikadhi no nombo makumi mawadi dho dhirume, ndjwi dho dhikadhi mathere mawadi, ndjwi dho dhikadhi mathere mawadi no ndjwi dho dhirume makumi mawadi. ¹⁵Ngameno dhokuyamweka makumi mahatu no hanadho, mandema makumi mane no mandwedho dikumi, yidongi yo yikadhi makumi mawadi no yo yirume dikumi. ¹⁶Oyi ghayitapire mumoko ghawapikendi, pa payo yathinda. Gha ghambire kwa wapikendi eshi,"Muyende kughutho wange no mukarighithe mango mukatji gho kehe mutanga."¹⁷Gharawere mupikendi ghokutanga ghughamba eshi," Ngeshi ghakuhangane mukurwange Esau no kukwipura, ghughamba eshi, 'Kwadye wahatera we? Kupi ghuna ¹⁸kuyenda?'Owe ghuna kughamba eshi,'Yamupikoye Yacobusi. Odhi ne ndupu dho kukoye hekudyange Esau, mone aye naye ghana kumu munyima dhetu.'''¹⁹Yacobusi ghatapire marawero kumbunga dho ghuwadi, dhoghuhatu, no ko hatutughuru wahe awa hakuthire mitanga. Gha ghambire eshi," ²⁰muna kaghamba yinu yofotji ngeshi hamukuwanekera na Esau, Namwe karo muna kuhgamba shi, 'Mupikoye Yacobusi ne ghana kumu munyima dhetu.'''Aye ghaghayarire eshi,"Na kamushambereritha no ndupu edhi nakutuma kughutho dhange. ndani munyima, pa nakamumona, pamweya nanyi ghakanitambure." ²¹Podigho ndupu dhayendire kughutho dhendi. Aye yithinda gha karire ghuthiku ghuya mu kamba.²²Yacobusi ghapindukire pakatji ko ghuthiku, no ghashimbire hanuwendi hawadi, hapikendi hawadi hohakamadi, no hanendi ho hatutughuru dikumi no yofotji. Ghawa tumine ha reghe rware rwa Jabbok. ²³Mundhira dhiya ghawa tumine hareghe thikorongwa no yiwana yendi yoyiheya.²⁴Yacobusi hamuthighire pithendi, no katughuru gharwire nendi kare kuva diyuwa. ²⁵Apa ghayimonine katughuru yu eshi mbadi ghakumutwetha, gha mupumurire pa nyonga. Nyonga dha Yakobusi dha tundire mudyango dhadho apa gharwire nendi. ²⁶Katughuru yu ghaghambire eshi,"Nithiye niyende, diyuwa ne kuna kuva." Yacobusi ghahuthire eshi,"mbadi shonikuthiye shimengwa ghunitungeke."²⁷Katughuru ghaghamba kwendi eshi,"Yowe dye dina dyoye?" Yacobusi ghaghambire eshi,"Yacobusi." ²⁸Katughuru yu ghaghambire eshi,"Dina dyoghe ne mbadi mbo hadikwitha karo Yacobusi, ene Israeli. Yoyishi ghuna kondjo naNyambi no wanu no ghuna kono."²⁹Yacobusi ghamwipurire eshi,"Nakukanderera nitongwere dina dyoye." Ghahuthire eshi,"Yinye ghuna kwipwera dina dyange?'' ³⁰Podigho ghamutungekire popo. Yacobusi ghethire dyango diya Peniel ghughamba eshi," Ame namono nyambi no meho, no yipara yange ne yina shutuka."³¹Diyuwa dya muvurere Yakobusi apa ghapitire Peniel. Gha tenyangerire pamurandu gho mbunda dhendi. ³²Podiyo yakara shi no dyarera dino hanu ho mu Israeli mbadi wakudya nyama gho pamakunungero gho mbunda, yoyishi katughuru gharemekire yiya yigura yo pambunda dha Yacobusi.

¹Yakopu gha kengire muwiru , mone, Esaghu kuna kwiya ndani ghakarire no hatutughuru mathere mane. yakopu ghataghurire hanuke mukatji kaLeya, Rasheli, nohapika hohakamadi hashawadi. ²Podigho hapika hohakamadi nohanawo paghutho, ghawa kuthire Leya nohanendi, noghawakuthire Rasheli naYosefu kughu hura. ³Yodiye pithendi ghayendi kughutho dhagho. Ghanyongekire mutwi wendi pamuve rukwoko noruwadi, kare ghakokeghere kwamukurwendi.⁴Esaghu gha mutjirere, gha kamuturire mumoko ghendi, nogha kamundhondhere thingo dhendi, nokumuncumita. No ha dirire. ⁵Apa gha kapukire muwiru, gha monine mbuyama nohanuke. Ghaghambire, "Hadye wano hanu hadi noye?" Yakopu ghaningire, "Hanuke awa ghana nipa Nyambi hakare hapika ghoye."⁶Podigho hambuyama hoyipika heyire kughutho nohanawo, ndani hana tongamene. ⁷Gha randireko Leya naye no hanendi gheyire kughutho no hana tongamennine. Paghuhura haRasheli naYakopu heyire nawo kughutho no hana tongamenine. ⁸Esaghu gha ghambire eshi, "Yinu munye yina kutongora dhi mbunga na wana?" Yakopu gha ghambire eshi, "Mukuwana maghuwa kughutho wahekudyange."⁹Esaghu ghaghambire eshi, "Ame nidi noyinu yoyingi, minange. Pungure yi ghudi nadyo." ¹⁰Yakopu ghaghambire eshi, "Mbadi kemo, nakanderera, ngeshi nawana maghuwa mumeho ghoye, tambure nowe ndupu dho munyara dhange, yoyishi ame namono rupara roye, no yira kuna kumona rupara rwaNyambi, ndani ghoghuna nitambura. ¹¹Nakanderera tambure ndupu dhange odhi nareta kukoye, yoyishi Nyambi ghana yitendi muthiñeke thendi kwange, noyoyishi gha kuniyarera." Dyo ghamuthinenekire Yakopu, naEsaghu gha tamburire.¹²Podigho Esaghu gha ghambire eshi, "Ninge tuyendange. Ñanyi niyende kughutho dhenu." ¹³Yakopu gha ghambire kukwendi eshi, "Hekudyange ghana yidimuka eshi owa hanuke ne ha kashu, ndani ndjwi nongombe ne kuna kuyamweka hanawo. Ngeshi hayi yendi thinema thothire ngambi diyuwa dyofotji, yoyiheya ñanyi yakufe. ¹⁴Ñanyi niyende maranga thikummenena, kukutha dyodi yina kuyenda yimuna kughutho wange, nokukutha edi hana kuyenda hanuke kare nakakume kwahekudyange kuSeya.¹⁵Esaghu gha ghambire eshi, "Tango nimuthiyere hatutughuru wange awa nidi nawo." Ene yakopu ghaningire, "Pamurandu munye shoyitendere? Tango niwane maghuwa kughutho wahekudyange." ¹⁶Mudiyuwa di Esaghu ghatangire kuhuka kuSeya. ¹⁷Yakopu gha yendire kuSukothi, gha katendire ndhugho dhendi, ndani nogha katendire mararo gho yimuna. Dina dyo dyango di nga hadithanga eshi Sukothi.¹⁸Pakushwaghera yakopu kuPadani Aramu, ghakakumine thiwana kuñurumbara dhaShekemu, muditunga dyaKanani. Ghana rarere pepi nongurumbara. ¹⁹Ndani gha kaghurire dyango ko hana Hamori noghaKashishire po tende wendi, wiha Shekemu, nomusirivere dithere. ²⁰Gho paya ghakatendere po thinyaku nokuthitha eshi Eli Elohe Isiragheli.

¹Pano dina niwana Leah ghomukamadi oyu gha mupire Yacobusi gha shwaghire ghayende ghakadhingure mushengeteya gho mukunda. ²Shechem mwana Hamor gho mu Hivite gho mwana Fumu gha mumonine . Ghamushimbire no gha karere no gha mushwahukithire. ³Ghakarire kathiramatji kwa Dina ghomwana Yakobusi . Ghakarire mushengeteya yu no kughamba nendi muthiraro .⁴Shechem ko kughamba kwa wihe Hamor ghughamba eshi,''ghunishimbe yu mushengeteya ghakare munuwange''. ⁵Pano Yacobusi ghayuvire eshi gha nyateka mwanendi Dina. Oku hanendi hotutughuru ne no yimuna yendi mudipya hadi , no Yacobusi ghayiporere kate apa ha keyire.⁶Hamori wiha Shechem gha shwaghire ghayende kwa Yakobusi gha kaghambe nendi. ⁷Hana Yakobusi ha keyire ha katundere mu dipya apa hayuvire ghukukutu ghuya . Hangaghu ha kuyuvire ghumango . Hapatire thikuma yoyishi gha shwahukithire diko dya Israel mu kukara mwana Yakobusi oyi yina piri kuroghera kutunda .⁸Hamori ko kughamba nagho ghughamba eshi,'' mwanange Shechem ghahaka mwanoye . Nakanderera mutape kwendi ghakare munuwendi . ⁹Kuyekera mudiko dyetu tape mwanoghe kwetu no shimbe mwanetu ghakare wenu pithenu. ¹⁰mboghuna tungu netu no muve wetu mboghuna yandhuruka kukoye wa kutunge no kughurithera mo no kuwana yinu.¹¹Shechem ko kughamba kwa wihe no kwa wa minendi eshi,''Tango ni mutendere ghuwa murupara rwenu , no kumupa kehe yino muna kushana . ¹²Muturepo paro dho dhikuru no ndupu dho yighondera dhodhikuru kehe dhino muna haka no nanyi niyiruwere, kehe yino muna kughamba kwange . Ene munipe mushengeteya yu ghakare munuwange. ¹³Hana Yacobusi ko kuhuthera Shechem na Hamori gho wihe no haghambire ghumbango , yoyishi Shechem gha shwahukithire minagho Dina.¹⁴Haghambire kwagho eshi ,'' mbadi wa kukona tuyitende yi yinu ,tutape minetu kwa kehe yuno oyu ghapira kupwa kukena; Oyo yo kenge nanyi yikare dishamu dyodikuru . ¹⁵Ngopo ghuya ghukaro ghonanyi tuyitawe; Ngeshi ghupwe kukena yira yatwe ngo kehe mukatughuru mukatji kenu ghapwa kukena. ¹⁶Munyima tuna kutapa hanetu kwenu no tuna kushimba hanenu hakare hetu, no mbotu tunge nenu no kukara twanu hofotji. ¹⁷Ene ngeshi mbadi sho muteghere ku kwetu no kupwa kukena gho tushimbe minetu no ghotuhuke.¹⁸Manando ghawa ghakarire mawa kwa Hamori na mwanendi Shechem. ¹⁹Mungaghughana mbadi ghakurangire kutenda eyi ghaghambire , yoyishi gha nyanyukerere mwana Yacobusi no yoyishi ghakarire munu oyu hakutekerire mudighumbo dyodihe dyawihe .²⁰Hamori na Shechem gho mwanendi hayendire kufero dhodoropa dhagho dhodhikuru ghughamba eshi,'' ²¹Awa hanu ne hadi nothiraro netu'' . Mutawedhere hatunge mumuve wetu no hatende mughuro gho kukutjindja gho ghushemwa no muve ne ghukuru thikuma ku kwawo . Muninge tushimbe hanawo hakare hanuwetu no ninge natwe tuwape hanetu.²²Shimengwa ngenyu no thikumithamo eshi awa hana tawa kutunga netu notukare twa hanu ghofotji . Ngeshi kehe katughuru mukatji ketu ghawa kukena yira kenge hapwa kukena. ²³Kukona ya kukare yimuna endi yinuyawo eyi hamuna endi yiyama yawo yikare yetu ? Ninge mutu watambure no hatunge netu.²⁴Hanu waheya ho mudoropa dhawo dho hateghere kwa Hamori na mwanendi Shechem . Kehe yuno mukatughuru gha pwire kukena. ²⁵Mudiyuwa dyoghuhatu apa hakarire shime mutjitju hana Yakobusi hawadi ho hangaghu ha Simiyoni na Levi hakurwa Dina.., keheyu yu ghashimbire thimende no kuhomokera nurumbara dho makungero ghawo no ghapaghire hatutughuru waheya . ²⁶Hapayire Hamori na wanendi Shechem no wange ghothimende . Hashimbire Dinah mundhugho dha Shechem no hakayendire.²⁷Hana Yakobusi hamweya heyire kwa hanu awa hafire no kushimbe yinu yoyihe yi yakara mudoropa , yoyishi hanuwa ha shwahure minagho . ²⁸Hashimbire mitanga dhawo muraka dhawo, yidongi yawo noyoyiheya yo munurumbara no yi ya dhingumwetwedha mapya . ²⁹Ghutungi wawo ghoghuhe . Hanagho waheya no hanuwagho waheya , awa hawa kwatire . Nokaro ha shimbire keheyino ya karire mumayugho.³⁰Yakobusi ghaghambire kwa Simion na Levi eshi, '' Ghunareta ghukukutu ku kwange ghuniturithe ni tokotere hatungimo ho mukunda ha Kanana no ha Perizzite. Atwe ne twapu. Ngeshi hakongane waheya pofotji no kunipiradhokitha no kunihokomokera me , no nanyi hani dyadyangedhe name no dighumbo dyange . ³¹Ene Simiyoni na Levi hamwipure eshi,'' kukona Shechem gha pethe minetu kenge yira munu gho rungu ndi?''.

¹Nyambi gha ghambire kwaJacob,''Wimane,yende kuBethel,no katunge koko.Wakatende thinyaku kwaNyambi,oyu ghana kuhokokera pakutjira kwamukuroye Esau.'' ²Ndani Jacob gha ghambire kwakadighumbo dyendi no kwa kehe yu gha karire nendi,''Mushwayithe ghunyambi ghombango mukatji kenu,mukukenithe mwathinda,no mutjindje yitere yenu. ³Ndani tukone kwimana tuyende kuBehtel.Nanyinikatende thinyaku kwaNyambi,oyu ghani huthire mumayuwa gho yinyanda,no ghana karanga nange kehe ku gho kuyenda.''⁴Podigho Jacob gha mupire hanyambi hagho nawo muditunga,no manyunywani gho kumatwi.Jacob gha yivumbekire muthitondo tho kakoma kopepi dha Shechem. ⁵Muruyendo rwawo,Nyambi gha retire manyunganyungero gho woma ghuwere pamangurumbara ogha gha wadhingumutwedhire,podigho hanu waya mbadi ha kuthire hana Jacob hoha tutughuru.⁶Jacob gha kakumine kuLuz(owo ne,Bethel),gho muditunga dya Canaan,naye no wa ha karfire nendi. ⁷Gha katendire thinyaku no gha dithire dyango eshi,El Bethel,yoyishi Nyambi gha kuhokorire thinda kwendi,opa gha tjirire kwa mukurwendi. ⁸Debora,mupangi waRebekah,ghafire.ha muvumbekire muBethel mwishi dho thitondo tho kakoma,no ha thithire eshi Allon Bakuth.⁹Opa gha kashwayire Jacob kuPaddan Aram,Nyambi gha muhokokere karo shime no gha mutungekire. ¹⁰Nyambi gha ghambire kwendi,''Dina dyoye ne Jacob,ene dina dyoye mbadi shodikare shime eshi Jacob.Dina dyoye ne nanyi dikare Isreal.''Pdigho Nyambi gha mwithire Isreal.¹¹Nyambi gha ghambire nendi,''Yame Nyambi gho mangcamu gho mahe.Kare rwereko no wingipe.Ditunga no mambunga gho hanu mbo ghana shwagha koye,no mbo hana kara mo hanahoka ghoye. ¹²Kumuve ghu natapire kwaAbraham na Isaac,na kughutapa koye.Kohanahoka ghoye munyima dhoye nawo naku ghuwapa.'' ¹³Nyambi gha tundirepo padyango edi gha ghambire nendi.¹⁴Jacob gha thimenene dighindhi padyango opa gha ghambire nendi Nyambi,dighundhi dyodiwe.Gha terirepo meyu gho muyambo no maghadhi. ¹⁵Jacob ghethire dyango di eshi,Bethel.¹⁶hakarire muruyendo rwawo kkutundera kuBethel. ¹⁷Opa hakarire eshi shime kayenda naEphrath,Rachel ghatangire kunyatitha . Gha nyaterithire thikuma . Opa ghakarire eshi mukunyatha ,hakakushamurukitha ha ghambire kwendi'', wayapa pano ghuna kuwana mwana ghokatughuru''. ¹⁸mukufa kwendi nomunu ghokuhurera ghamutire yo Ben -Onis, ene wihe ghamwithire yo Benjamin . ¹⁹Rachel ghafire no havumbukire kundhira dho kuyenda ku Ephrath(aghone Bethlehem). ²⁰Jacob ghatendire po dihudhi pathipiro thendi . thineghedhitho thothipiro tho thipiro tha Rachel nomushadyarero.²¹Israel ghayendire no ghakashishire thishashara thendi munyima dhomutuya gho makengero ghoyimuna . ²²Apa ghatungire Israel muditunga di , Reuben ghakarire panyama na Bilhah mukamadi ghopambadi wawihe , no Israel ghayiyuvire .²³Pano Jacob ghawanine hana dikumi no hawadi hohangaghu . Hanendi hapa Lear na ha Reuben ., mbadi wa Jacob na Simiyoni ,Levi Issachar na Zebulum. ²⁴Hanendi hopa Rachel ne ha Joseph na Benjamin. ²⁵Hanendi hopa Bilhah murughani wa Rachel ghomukamadi ne Dan na Naphtali.²⁶Hana hopa Zilpha murughani wa Lear ghomukamadi ne ha Gad na Asher . Wahe wane hana Jacob owa gha shamurukere kwendi mu Paddan Aram. ²⁷Jacob gheyire kwa Isaac ghowihe mu Mamre mu Kiriath Arba( ghakarire eshi Hebron ),ghoku ghatungire Abrahamu no mughatyungire Isaac.²⁸Isaac ghaparire mamyaka dithere no myaka makumimahatu . ²⁹Isaac ghatothire munu wendi ghokuhurera no ghafire , omu ghakupakerere hakerekandongo wendi mumayuwa gho ghukurupe . Esau na Jacob no hanendi hatutughuru ghamuvumbekire .

¹Awa ne ghohahoka waEsaghu (Oyu hatoyire karo eshi Edomu). ²Esaghu ghashimbire hambuyama wendi ghohakaKananite. Awa ne handambo wendi: Ada ghomwana Eloni mukaHitite; Oholibama mwana Ana, mwikurwa Zibiyoni ghomukaHivite; ³naBasemath, mwana Ishimagheli, ghomina Nebaioth.⁴Ada gharetire Elifasi kwaEsaghu, naBasemath gharetire Reul. ⁵Oholibama gharetire Jeush, Jalam naKora. Awa ne hana Esaghu hotutughuru awa ghawanine muditunga dyaKanani.⁶Esaghu ghashimbire hambuyama wendi, hanendi hohatutughuru noho hakamadi nowahe homudighumbo dyendi, yimuna yendi noyiyama yimweya, noyiwana yendi, eyi ghaghongawedhire muditunga dyaKanani noghayendire muditunga dimweya mukuyakunuka kwaminendi Yakopu. ⁷Gharughanine yinu yi pamurandu eshi yiwana yagho ne yengipire thikuma mukutunga pofotji. Dyango edi hatungire ne dyawa pupere pamurandu ghoyimuna yawo. ⁸Podiyo Esaghu, oyu hadimukire eshi Edomu, ghakatungire kuditunga dyodirundu dyaSeir.⁹Awa ne gho hanahoka waEsaghu, karekandondo wawaEdomite muditunga dyodirundu dyaSeir. ¹⁰Agha ne ghomena ghohan Esaghu gho hatutughuru: Elifasi ghomwana Ada, Reuel mwana Basemathi, ghomuna Esaghu. ¹¹Hana Elifasi hohatutughuru ne Temani, Oma, Zepho, Gatami naKenezi. ¹²Timna, Mbuyama ghopambadi waElifasi, gho mwana Esaghu, hawanine Amaleki. Awa ne hekurwa Ada hotutughuru, ghomuna Esaghu.¹³Awa ne gho hana Reuel hotutughuru: Nahathi, Zera, Shamma, naMizza. Awa ne hekurwa Basemathi hotutughuru, muna Esaghu. ¹⁴Awa ne hana Oholibama, muna Esaghu, oyu ghakarire eshi mwana Anna ghomwikurwa Zibeoni. Wano ne hana awa haretire naEsaghu Jeush, Jalam, naKora.¹⁵Edi ne dyodiko mo hanahoka waEsaghu: Hanahoka waElifasi mbedi dha Esaghu: Temani, Oma, Zepho, Kenaz, ¹⁶Kora, Gatami, naAmaleki. Edi ne dyodiko dyohanahoka waElifasi muditunga dyaEdomu. Awa ne hekurwa Ada hohatutughuru.¹⁷Edi ne dyodiko dyaReueli, mwana Esaghu ghokatughuru: nahathi, Zera, Shamma naMizza. Edi ne dyodiko dyohanahoka waReuel muditunga dyaEdomu. Awo ne hekurwa Basemathi ghomuna Esaghu. ¹⁸Edi ne dyodiko dya Oholibama, ghomuna Esaghu: Jeushi, Jalami, KOra. Edi ne dyodiko dyohanahoka waOholibama, mwana Ana. ¹⁹Awa ne hohana esaghu(Awa hadimukire eshi Edomu) no awa ne hana fumu wawo.²⁰Awa ne hohana Seir ghomuHorite, hatungi homuditunga di: Lotan, Shobal, Zibeon, Ada, ²¹Dishoni, Ezer naDishani. Edi ne dyodiko dyawa Horite, hatungi homu Seir muditunga dyaEdomu. ²²Hana Lotani hotutughuru ne ha HOri nahemani, naTimna aye mina lotani.²³Awa ne hana Shobali hohatutughuru: alvan, Manahathi, Ebal, shepho naOnam. ²⁴Awa ne hana Zibeon hohatutughuru: Aiah naAna oyu Ana ne yodiye ghakawanine mavetu-vetu ghomaghenyu mumamboreya, apa ghakakungire yidongi yawihe Zibeon.²⁵Awa ne hana Ana: Dishoni naOholibama, ghomwana Ana ghombuyama. ²⁶Awa ne hana Dishoni hotutughuru: Hemdan, Eshban, Ithran naKeran. ²⁷Awa ne hana Ezer hotutughuru: Bilhan, Zaavan naAkan. ²⁸Awa ne hana Dishan hotutughuru: Uz naAran.²⁹Edi ne dyo diko dyakaHorite: Lotan, Shobal, Zibeon naAna. ³⁰Dishon, Ezer, Dishan: Edi ne dyo diko dyaHorite, kukutha edi dyakurandathana diko muditunga dyaSeir.³¹Awa ne ha mafumu awa haraghurire pohana hohatutughuru waIsiragheli: ³²Bela mwana ghokatughuru waBeor, gharaghurire muEdomu, nodina dyombara dhendi ne Dinhabah. ³³Apa ghafire Bela, ndani Jobab mwana Zerah ghokatughuru ghomuBozrah, gharaghurire mudyango dyendi.³⁴Apa ghafire Jobab, Husham oyu ghatungire mundyango dyawa Temanite, gharaghurire mudyango dyendi. ³⁵Apa ghafire Husham, Hadad mwana Bedad oyu gha withire haka MIdianite muditunga dyaMoab, gharaghurire mudyango dyendi. Dina dyombara dhendi ne Avithi. ³⁶Apa ghafire Hadad, ndani Samlah ghoku Masrekah gharaghurire mudyango dyendi.³⁷Apa ghafire Samlah, ndani Shaul ghoku Rehoboth kurware gharaghurire mudyango dyendi. ³⁸Apa ghafire Shaul, ndani Baal-Hanan mwana Akbor gharaghurire mudyango dyendi. ³⁹Apa ghafire Baal-Hanan ghomwana Akbor, Hadar gharaghurire mudyango dyendi. Dina dyombara dhendi ne Pau. Dina dyamundambo wendi ne Mehetabel, mwana Matred, ghomwikurwa Me-Zahab.⁴⁰Agha ne ghomena ghodhi mitwi dhodiko dyohanahoka waEsaghu, kukutha mumako ghagho nomikunda dhawo, pamena ghagho: Timna, Alvah, Jeheth, ⁴¹Oholibama, Elah, Pinon, ⁴²Kenaz, Teman, Mibzar, ⁴³Magdiel, naTram. Oghu ne ghomutwi ghodiko dyaEdomu, kukutha mumango gha hatungire muditunga edi hapingire. Oyu ne Esaghu wiha wawaEdomite.

¹Yakopu ghatungire muditunga edi ghakarire wihe, muditunga dya Kanani. ²Eyi ne yoyihokoka yokuhatera kwaYakopu. Yosefu, oyu ghakarire eshi mungawana nomwaka dikumi nomwaka kwoko nodhiwadi, hakungire yimuna pofotji nawa kurwendi. Ghakarire no hana ha Biliha nohana waZilipa, hamuna wihe. Yosefu gha karetire yirapota eyi yadhirire kurogha yawo kwawihawo.³Kutunda po Isiragheli ghahakire Yosefu thikuma kupitakana hanendi wahe gho hatutughuru yoyishi aye ghakarire mwanendi ghomukurupe. Ghamutendere muthithi gho ghuwa. ⁴Hakurwendi hamonine eshi wihawo ghamuhakire thikuma kupitakana hakurwendi wahe. Hamunyengire no mbadi ngaha ghambanga nendi thiwana.⁵Yosefu gharotire thirota, noghathitongwere hakurwendi. Gho hamunyengire kupitakana. ⁶Ghogha ghambire kukwawo eshi, " Nakanderera mutegherere kuthirota ethi naroto."⁷Mutegherere, kuna kughanga yitungu yo mavumbukiro mudipya. Munyima, thitungu thange thina pinduka no thinemana ghughororoka, noyitunga yenu yineya nokukundurukedha nokunyongama kuthitungu thange." ⁸Hakurwendi kokuninga kwendi eshi,"Shemwa mbo ghuna turaghura twe ndi? Kukona we ghutupiterithe ndi?" Kokumunyenga thikuma payitota yendi nokumañando ghendi.⁹Gharotire karo yirota yimweya noghayithimwedhire hakururwendi. Ghaghambire eshi, "Mone, narotoo yimwe yirota: Diyuwa nokaghonda nonungwedhi dikumi nokofotji yina nyongamena kukwange." ¹⁰Ghayitongwerire kwawihe yira kenge ghayitongwerire hakururwendi, nawihe ghayimushwenene. Ghaghambire eshi, "Yirota munye eyi ghuna roto? Yidi eshi nyoko ndani name no hakuroye ghushemwa mbo tuneya mukuna tongamena kukoye ndi?" ¹¹Hakurwendi hakarire no nya kukwendi ene wihe ghapungurire mumaghano.¹²Hakurwendi hayendire hakakunge yimuna yawihawo muSheshemu. ¹³Isiragheli ghaghambire kwaYosefu eshi, " Napo hakuroye mbadi hana kakunga yimuna muSheshemu ndi? Wiye, no nikutume kukwawo." Yoseefu ghaghambire kukwawo eshi, "Ame ne nakuroyithera ." ¹⁴Ghaghambire kukwendi eshi, " Yende popano, kakenge eshi thiwana hadi hakuroye ndi, nokaniretere mbudhi." Munyima Yakopu ghamutumine mumuronga waHeburoni, naYosefu ghayendire kuSheshemu.¹⁵Katughuru ghumwe ghawanine Yosefu. Mone, Yosefu ghayendaghurire mumuthitu. Katughuru yu ghamwipurire eshi, " Nye ghuna kushana?" ¹⁶Yosefu ghahuthire eshi, " Ame kuna kushana hakurwange. Nitongwere, nakanderera, kupi ku hana kutakamithera yimuna." ¹⁷Katughuru ghahuthire ghuninga eshi, " Hana tundu mo modidyango, nawayuvu hana kughamba eshi, 'Tuyende ku Dotani.'" Yosefu ghayendire munyima dhawakurwendi no kawawana ku Dotani.¹⁸Hamonine kokayenda kughutho ghokuna kuma pepi nawo, hakuyuvire eshi hamupaghe. ¹⁹Hakurwendi haghathanine kukwagho hathinda eshi, " Mone, kuna kwiya muroti mwene no aye kuna kukokera. ²⁰Mwiye popano, podighoshi, tumupaghe nokumuvukumena mudikwina dimwe. Mbo tuna ghamba eshi, ' Yishereka yomumuthitu yamudire.' Twakumone eshi nye yakukara yirota yendi."²¹Rubeni ghayiyuvire noghamughamwenine munyara dhawo. Ghaghambire eshi, " Mbadi twakona kushimba moyo wendi." ²²Rubeni ghaghambire kukwawo, " Mbadi mwakona kunotora manyinga. Mumuvukumene modi dikwina edi dyomumamboregha, ene mbadi mwakona kutura nyara dhenu papendi" podigho eshi ghamughamwene munyara dhawo nothitambo ghahuke kwawihe.²³Apa ghakumine Yosefu kohakurwendi, hadjarurire muthithi wendi ghoghuwa. ²⁴Hamushimbire nokumuvukumena mudikwina. Dikwina dyakarire nyara-nyara mbadi mwakarire meyu.²⁵Hahungumanine nokudya ghuroto. Hakamburire meho ghawo nokukenga, nohamonine dikuta dyawa Ishimaghelite awa heyire kutunda kuGiliyedi, nongameno dhagho ghana rongera yiwe mwene noghuwanga ghokukuwetha nomira. Awo hayendire mukuyitwara ku Edjiipute. ²⁶Yuda ghaghambire kwawakurwendi eshi, " Nye shoyitughamwene ngeshi tupaghe minetu nokufika manyima ghendi?²⁷Muninge, notumughurithe kwakaIshimaghelite nombadi tuture nyara dhetu papendi. Aye ne minetu, noyirama yetu." Haminendi hamuteghererire. ²⁸Ha Midiyanite haghuri hapitire. Hakurwendi ha mu pweyure Yosefu nokumuyeyura mo mudikwina. Hamughurithire Yosefu kwawaIshimaghelite paparo dho makumi mawadi gho silivere. HaIshimaghelite hashimbire Yosefu ku Edjipute.²⁹Rubeni gha kahukire kudikwina, noghamonine eshi Yosefu ne mbadimo mudikwina. Ghadjadjurire yivata yendi. ³⁰Hahukire ko haminendi nokughamba eshi, "Mwanuke ne mbadimo muya! No ame, kupi shonikone kuyenda?"³¹Hapayire ñombo nokushimba muthithi waYosefu nokughuvuritha mumanyinga. ³²Ndani haghuretire kwa wihawo nokuna ghamba eshi, "Tuna wana thino. Kengurure shi ngwa thino thivata ne thamwanoye, endi mbadi kemo? ³³Yakopu ghathidimukire noghaghambire eshi, " Shemwa thivata thi ne thamwanange. Thishereka thomumuthitu thina mudi. Yosefu hana mana kukupapawera muyipindhi."³⁴Yakopu ghadjadjaghurire muthithi wendi noghavatire yokudjovoka. Ghadirire mwanendi mayuwa gho mengi. ³⁵Hanendi wahe hotutughuru nohohakamighana hemanine nokumuhengaghura, ene ghashwenine kumuhengaghura. Ghaghambire eshi, " Ghushemwa ame mbona diri mwanange kare kuyifa. Wihe ghamudirire. ³⁶Haka Midiyanite hakamughurithire kwakaEdjipute kwaPotifa mukamberewa dhaFarawo, mukuru wawakungi.

¹Dheyipo nako edhi edhi ghathighire yuda hakurwendi gho ghayendire ghakakare namuka Adulamite gho dina dyo Hira . ²Ghakawanine mukamadighana ghomwana Shuwa ghomu Kananite ghoghamuyekire.³Ghakarire mudira no ghawanine mwana ghokatutghuru koku muta eshi Eri . ⁴Ghakarire mudire karo no ghawanine mwanuke gho katughuru . Ghamutire dina eshi Onani. ⁵Gharetire karo mwanuke gho katughuriu gho ghamutire eshi Shela. Okuyene mumukunda wa Kezibu ghakarire opa ghamuwanine .⁶Yuda ghawanene mwanendi mbuyama Er , mbedib dhendi . Dina dyendi ne Tama . ⁷Er mbedi dha Yuda ghakarire muyi kughutho wa Fumu Nyambi ghamupaghire.⁸Yuda ghaningire kwaOnani eshi,''Yende kwa muna mukuroye.Karughane thirughana tho ghunyekera kukwendi ,podiyo ghurete hana ha mukuroye.' ⁹'Onani gha dimukire eshi hana mbadi ha kukara hendi.Kehe pano pa kukupirukera namuna mukurwendi ne,nga notweranga manyinga ghendi pamuve yoyishi mbadi gha wanene mukurwendi mwana. ¹⁰yi gha tendire yatokotithire fumu Nyambi,''fumu Nyambi gho gha mupaghire.¹¹Munyima Yuda gha ningire kwaTama gho ngumwenyendi eshi,''Kare kengeyo mudidhi mundhuwo dha wiho kate mbo ghakure mwanange Shela,yoyishi ghana yapa eshi naye gho nanyi gha fe yira kenge hakurwendi .''Tama gha yendire no gha kakarire kudighumbo dya wihe.¹²Papitire mayuwa,mwan Shuwa gho mukamadi muna Yuda,ghafire.Yuda hamu hengaghurire ndani ghayendire kwa wakakukoneka ndjwi dhendi kuTimuma ,naye namushere wendi Hira ghomu Adulamite. ¹³Tama hamu tongwerire eshi,''Mone,hemwenyoye ne kuna kuyenda kuTimuna gha kakoneke ndjwi ¹⁴dhendi. Gha shuturire yitere yendi yo ghudidhi gho gha kukavire mwaye.No gha hungumanine muthero dhaEnayimu ,edhi dha karire kumbadi dho ndhira dho kutamba ku Timuna,yoyi gha monine eshi Shela ne mukuru kmeho ene mbadi ha ghumupa gha kare mukamadi wendi.¹⁵Opa gha mumonine Yuda gha ghayarire eshi muka rungu yoyishi gha yuvire rupara rwendi. ¹⁶Gha muyendere no gha ningire eshi,''Wiye ,nashana nashan kukara noye ''Yoyishi mbadi gha dimukire eshi ngumwenyendi ,gho gha mwipure eshi,''Yinu munye shonipe podigho ghurare nange?''¹⁷Gha huthire eshi,''nanyi naka kutumene nombo,''gha huthire eshi,''Kothidi ethi shonipe nikwaterere kughutho oku wakatuma?'' ¹⁸''Thinu munye ethi shonikupe?'Gha huthire eshi nipeko kadeya no mburo edhi dhidi munyara dhoye.''Gha yitapire kukwendi,gha karire nendi,gho gha karire mudira.¹⁹Gho gha shwayirepo gha kayende.Gha shuturire yitere yendi gho gho ghavatire yendi yo ghudidhi. ²⁰Yuda gha katapire nombo kwamushere wendi Adulamite podogho natape yikuruperitha kwa mbuyama,ene mbadi ghana muwanine.²¹Muka Adulamite ghepurire thinda shadyango eshi,''Kupi ya thikumbu kuno. ²²Gho gha hukire kwa Yuda nogha kaningire eshi,''Mbadiko mukarungu kuno. ²³''Yuda gha ghambire eshi,''Muthiye gha pungure yinu yiya,podigho shi mbadi tukare muhonyi.Kemo,natumu nomboghana,ene mbadi ghuna kamuwana?''²⁴Papitire tughonda tuhatu gho hamutongwere Yuda eshi,''Tama gho ngumwenyoye ghana rughana rungu.No ghana kara mudira,''Yuda gha ghambire eshi ,''Muka murete kuno notu mutumekere.'' ²⁵Apa haka muretire pa nunda,gha tumine mbudhi kwa hemwenyendi eshi,''Murume yu ghakara no yinu yodiye yi yo ghana ni remitha." gha ningire eshi,"kengurure eshi yadyeyi, kadeya nomburo. ²⁶Yuda gha nongononine no gha ghambire eshi," Ayene muhungami thikuma kupitakana me, kutunda pa na pirire kumutapa kwa shela gho mwanange gha kare mundambo wange,"mbadi gha rara nendi karo.²⁷Apa rwakuminepo ruvedhe rokuwana mwanuke,mone, mayovu mudira dyendi. ²⁸Apa gha wanine hanuke,yofotji gha shwayithire dyoko,muka kushamurukitha gha shimbire kaghodhigho gha ghangire mukathinga ko dyoko no gha ningire eshi oyu ne yo mbedi.²⁹Ene gha huthier dyoko dyendi mwishi,kapupi kamanana mina munu gha shwayithire.Muka kushamurukitha gha ningire eshi,''Ngepi di ghuna kono kushwagha!''Gho ghamutire eshi Peresi. ³⁰NDani mukurwendi naye gho gha shwayire,oyu gha karire no kaghodhi kudyokodyendi,gho hamutire eshi Zera.

¹Joseph hamutwarire ku Egypt. Potiphari, gho mupiterithi wa Pharaoh oyu ghakarire mikuru gho hakungi no muka Egyptena, gha mughurire kwa ka Ismayilite, oyu gha muretire ko. ²Nyambi gha karire na joseph no ghakarire katughuru gho mutungi. Ghatungire mudighumbo dya hekudyendi gho mu Egyptena.³Hekudyendi ghayi momnine eshi na Nyambi ghadi no fumu Nyambi ghamufiyadhokithire yoyiheya yi gharughanine. ⁴Joseph ghawanine makwatihothoko kughutho wendi. Gharughanine kwa Potiphari. Potiphiri ghaturire Joseph ghakare muyendithi gho dighumbo dyendi, no yoyihegha yi ghamunine ghayiturire mumakungero ghendi.⁵Kutunda pa ruvedhe ru ghamupakire joseph muyendithi gho dighumbo no yoyiheya yi ghamunine, Nyambi ghatungekire dighumbo dya muka Egyptena yu pa murandu wa Joseph. ⁶Potiphari ghaturire yoyihegha yi ghawanine mumakungero gha Joseph. mbadi ghaghayarire yinu yimwe shimengwa yidya eyi ghadire. Joseph Ghakarire muwa thikuma no keheyu ghamufere.⁷Pakeyire nako dhi ghatjevire muna hekudyendi diho pa Josefu no ghaningire eshi ''rare nange ''. ⁸Ene ghashwenine no ghaghambire kwa muna hekudyendi eshi'' mone hekudyange mbadi ghapakera thinga kuyirughana yange yomudighumbo no ghanipaka mukungi gho yinu yoyiheya yi ghamuna . ⁹Noyofotji temba gho mukuru mudighumbo kushwaghithakome . kadiko thinu thi ghani shweneka kutundithako we, yoyishi owene gho didhiko dyendi . Ngo ngepi keho shonitende ghuyi ghoghukuru no diharwero kwa Nyambi.¹⁰Aye nga ghambanga na Josefu kehe diyuwa . Ene ye ngashwenanga kukara nendi ghendi kukara nendi. ¹¹Diyuwa dimweya ghayendire mundhugho ghakarughane yirughana yendi . Noyofotji temba ghodighumbo yugha ghakariremo. ¹²Ghamukwatire muyitere yendi no ghaghambire eshi ''rare nange '' ghamu thiyere thitere thendi munyara dhendi ghatjirire no gha shwaghire panunda.¹³Apa gahamonine eshi ghana muthiyera thitere munyara dhendi no ghana tjirera panunda . ¹⁴Hethire hanu homudighumbo dyendi nogha tongwere .''mone potiphar ghareta Heburayi natusherere . Ghananingenena eshi gharare nange no nakuyerera . ¹⁵Apa ghana yuvushi kuna kukuyereragho gho ghanatjira no ghana ni thiyera thitera thendi munyara dhange ghoghana shwagha panunda .¹⁶Aye ghaturire thitere thendi pepi nendi kate ghana kumine hekudyendi kudighumbo . ¹⁷Ghamu thimwetwedhire thipathurura thi . murughani gho mu Heburaghi yu hanakareta kuno kukwetu gheya natusherere . ¹⁸Ghona kugherera ghananithiyera thivata thendi no ghatjirera panunda .¹⁹Hekudyendi ghayiyuvire eyi ghamuthimwetwedhire munu wendi oyi ghanatendi mupikoghe kukwange , ''aye ghatokotire thikuma . ²⁰Hekudya Jesufu ghamushimbire ghakamuturire no ghaka muturire mukashitiko . Dyango di hakarire hakakashitiko wa Fumu . Aye mwakarire mukashitiko .²¹Ene Fumu Nyambi ghakarire na Josefu no gha nedhire ghutawedhi kukwendi . Ghamu pire maghuwa kughutho ghomeho ghamukungi . ²²Mukungi kashitiko ghatapa haka kashitiko waheya mumoko gha Josefu kehe yi ngaha rughananga Josefu ghakarire yo mukuru wagho. ²³Mukungi kashitiko mbadi ghakudhekerire oyiyakarire mu nyara dhendi . Yoyishi Fumu Nyambi ghakarire nendi . Kehe yi ghakonine kurughana Fumu ghayitungekire .

¹Kunyima dhoyinu yi muhindi waFumu wa Egypt na mukakuyotha ghuroto wa Fumu ha rwere hekudyagho Fumu wa Egypt. ²Faragho ghapatire na rughani wendi wano hawadi , mukuru ghowa hindi na mukuru gho hayothi ghuroto . ³Ghawa turire mukashitiko ko mundhugho dha mukuru hakungi , mu dyango dyofotji dyo kashitiko ka haturire Yosefu .⁴Mukuru wawatungi ghawapire Yosefu , no ghawa rughanene . Hakariremo mukashitiko ruvedhe rongandji . ⁵Muhindi wa Fumu na muyothi ghuroto wahe hakarire kehe yu noyirota yendi , no kehe yirota yakarire no mapathwerero ghayo.⁶Apana ghana wanine Yosefu mathikuthiku ne , ghawa monine eshi hana yuvu . ⁷Ko kwipura ye haruwani wa Faragho awa hakarire nendi mukashitiko mundhugho dha hekudyendi ghiughamba eshi''pashanye munaguvera dyarero ?''. ⁸Kokumuhuthawo eshi ''Kunaroto twe yirota eyi yina tunkanga kupathurura ''. Yosefu ghawatongwerire eshi '' mapathwerero ne kadi kwa Nyambi ghatunda ndi? muyinitongwere shi nakanderera''.⁹mukuru wa hindi ghatongwere yirota yendi kwa Yosefu . Kokumutomgwera ngeno eshi'', muyirota yange ne kuna mono thitondo thovinyu kughutho wange . ¹⁰Kuthitondo thi thina karako dhimute dhihatu . Ko kukura kwatho no dhimutemo ko kutemuna ko kumona eshi yindjombo yo mandjembere yinapi . ¹¹Kopi wa Faragho kuna kara munyara dhange . Yo na shimbi mandjembere ni ghakamene mukopi wa Faragho , no namutura kopi munyara dha Faragho.¹²Yosefu ghamutongwere shi ,'' mapathwerero ghapo ne ghano ; Dhimute dhihatu ne mayuwa mahatu . ¹³Mwishi dho mayuwa mahatu ne Faragho mbo ghana yeyura mutwi ghoye no kukuhutheramo mudyango dyo yiruwana yoye . Mboghuna katura kopi munyara dha Faragho yira dyodi wakarire eshi ghomuhindi wendi .¹⁴Ene wa kanivuruke name apa mbo yikakuroghera waka neghedhe ghunongo wange . Kani toyako name kwa Faragho name nakutunde mo muno mukashitiko . ¹⁵Kwaka nidhire muditunga dya Heburaghi ndani karo mbadiko eyin natenda oyi hanikwatera mukashitiko.¹⁶Mukuru wawa yothi ghuroto pakumona eshi mapathwerero ghana roghera ko kughamba kwa Yosefu eshi,'' Ame name ngani kara no yirota , no kokumona yikote yihatu yo ghuroto na tengena pa mutwi . ¹⁷Mukakote kopa wiru -wiru munakara marudhi ghomahe no gho yinu yo kuyotha ya Faragho ene yinyunyi ne ko kuyidya po yoyiheya pathikote thi thakara pamutwi wange.¹⁸Yosefu ghamuhuthere no kughamba eshi'', mapathwerero ghapo ne ghano ; yikote yihatu ne mayuwa mahatu . ¹⁹Mwishi dho mayuwa mahatu Faragho mboghana yeyura mutwi ghoye no mbo ghana kureka ku thitondo no yinyunyi mbo yinadi nyama dho yirama yange .²⁰Munyima dho mayuwa mahatu dyakarire diyuwa dyo kuvuruka mushamurukero wa Faragho . Ghatendere hapikendi difeste . Gharaghurire hakashwaghithe mukuru wa ha hindi na mukuru gho haka kuyotha ghuroto no hakupakerere no hakareri wendi hamwe . ²¹Kokuna hutheramo makuru gho muhindi muthirughana thendi , podigho keho shi nature kopi munyara dha Faragho karo. ²²Ene Faragho ghapaghire mukuru wawayothi ghuroto mukumu ghangerera ghandhendhere kuthitondo kukutha di ghayi wa pathwere Yosefu . ²³Ene mukuru gho hahindi mbadi ghavurire Yosefu , ene ghavuramine .

¹Yeyire mumayu gho ghuhura gho myaka dhiwadi dha Pharaoh edhi ghakarire no yirota. ²Kokumona eshi ghanemana kurware rwaNile. Kokumona mandema kwoko no mawadi ghna kushwagha murware rwa Nile,gho mawa no gho kununa, no dhadyerere mu mbu. ³Kokumona karo mandema ghamweya kwoko no mawadi ghana kushwagha mu Nile munyima dhagho gho mamango no ghokuyonda. Ghemanine pepi no mandema ghamweya kumbombwa dho rware.⁴Podigho mandema gho mamango no kuyonda ghadire mandema gho mawa gho kununa. Podigho ghapindukire Pharaoh. ⁵Podigho ghararire no gharotire roghuwadi. Ghamonine magavo kwoko no mawadi gho tumbi ghakwima kuthitjengetji tho tumbi thofotji, yamonekire thiwana. ⁶Ghamonine karo magavo kwoko no mawadi ghana kushwagha munyima dhagho.⁷No dhimutwi dho dhirereya dho tumbi dhaminine dhimutwi dhokuyara. Pharaoh ghayakumikire no ghanongononine eshi yirota. ⁸Yeghire pa mathiku-thiku omu wakarire mupepo wendi mumayerekero. Ghatumine no ghethire hakamafweno no hatutughuru ho hanyanyami waheya ho muEgypt. Pharaoh ghawa tongwerire yirota yendi, ene noyofotji temba oyu ghakonine kuyi mupathwera.⁹Mukuru gho mutaperi marovu ghaghambire kwa Pharaoh eshi,"Navuruka maharwero ghange dyarero. ¹⁰Pharaoh ghapatire thikuma na mupikendi, no watuturire mukashitiko ko mundhugho dha mukuru wawakungi, pofotji na muyothi ghomukuru. ¹¹Twarotire yirota ghuthiku ghofotji, naye name. twarotire yirota yo kukutjaka-tjaka kukutha ku mapathwero gho kehe yirota.¹²Mungaghu gho muHebrayi ghakarire netu, thipika tha mupiterithi wawakungi. Twamuyarekere yirota yetu no ghayi tupathwere. Ghatupathwerere kehe yu kukutha kuyirota yendi. ¹³Yahokokire thika di ghayi tupathwerere kukwetu. Pharaoh ghanihuthire mudipuna dyange, ene ghumwe ne hamughangere no ghafire."¹⁴Pharaoh ghatumine haka mwithere Joseph. Pa wangu-wangu hakamutundithire mudorongo. Gha mukururire, kutjindja yitere yendi, no kumureta kwa Pharaoh. ¹⁵Pharaoh ghaghambire kwa Joseph eshi," Nakarire noyirota, ene mbadiko yu ghakonine kuyinipathwera. Ene nayuva yokuhatera koye, eshi ngeshi ghuna yuvu yirota kukona ghuyipathurure." ¹⁶Joseph ghahutherire Pharaoh ghughamba eshi,"Mbadimo mumwange. Nyambi ghana kukuhuthera no matungekero."¹⁷Pharaoh kokughamba kwaJoseph eshi,"muyirota yange, naroto shi nemana kumbombwa dho rware rwaNile. ¹⁸Namonine mandema kwoko no mawadi ghanakushwagha murware rwaNile, gho kununa ghomawa, no ghadyerere mukatji ko mbu.¹⁹Namonine karo mandema kwoko no mawadi ghana kushwagha munyima dhago, gho kukasha no ghomamango.Mbadi nagha mona rumweya gho mamango gho kenge mu Egypt ghomuheya. ²⁰Mandema ghokuyonda gho mamango gha dire mandema gho mawa gho kununa. ²¹OPa dha manine kughadya, mbadiko kuyidimuka eshi dhinagha di, yoyishi dha karire shime dhimango yira pakutanga. Podigho napindukire.²²Narotire karo, namonine dhi mitwi kwoko no dhiwadi dho dhiwa dho kununa dhina kushwagha ku thitjengetjithofotji. ²³Namonine karo mitwi kwoko nodhiwadi dho yiputhe dhemine munyima dhadho. ²⁴Mitwi dho yiputhe dha minine dhi mitwi dho dhiwa. Ene noyofotji temba ghana kono kuyi nipathwerera."²⁵Joseph gha ghambire kwa Pharaoh eshi,"Yirota yiwadi yi kuna kutongora yinu yofotji. Eyi ghana kuyenda ghakatende Nyambi kughutho. ²⁶Mandema gho mawa kwoko no mawadi ne myaka kwoko no dhiwadi, no mitwi kwoko no dhiwadi dhodhiwa ne myaka kwoko nodhiwadi.²⁷Mandema gho kuyonda agha gheyire munyima kuna kuneghedha myaka kwoko no dhiwadi, no kemo karo ku dhi mitwi kwoko no dhiwadi dho kukuta ku mupepo kuna kuneghedha myaka kwoko no dhiwadi dho digherenge. ²⁸Oyi ne yoyinu eyi naghambire kwa Pharaoh. Eyi ghana kuyenda ghakatende Nyambi ghana kuneghedha kwa Pharaoh. ²⁹Mbo dhina kara myaka kwoko no dhiwadi dho muyangu mwene mu Egypt.³⁰Munyima dhopo myaka kwoko no dhiwadi mbo dhineya, no muyangu mwene mbo hana ghuvurama mu Egypt, no digherenge mbo dina hanyaghura ditunga diya. ³¹No muyangu mwene mbo hanaghuvura mu ditunga diya pamurandu gho digherenge edi mbo diranda ko dyo dikuru. ³²Yirota yi hayi hukurukere Pharaoh yoyishi yinu yi ghayiturithire po Nyambi, no Nyambi mbo ghana yitendi.³³Pharaoh ghakona kushana keho katughuru gho kunongononona no gho munyanyami, no kumutura muraghuri mu ditunga dya Egypt. ³⁴Pharaoh ghakona kutorora hapiterithi ho mukunda, no hashimbe dihenda dyo muyangu gho kehe yimena yo mu Egypt yo mumya dho muyangu mwene.³⁵Ninge hakongawedhe yidya yo mumya dhodhiwa edhi dhina kwiya no kuyitureka mu makungero gha Pharaoh, podigho eshi yidya mbo hayirughathe mu mambara. Hakona kuyitureka. ³⁶Yidya yi mbo yina ghamwena mu myaka dho digherenge edi mbo dikara mu muve waEgypt. Mundhira dhi ditunga di mbadi mbo dipwa kuhanyaghura ku digherenge.'''³⁷Matokedhero gha ghakarire mawa kughutho waPharaoh no kwawa pikendi waheya. ³⁸Pharaoh ghaaghambire kwawa pikendi eshi,"Kukona tuwane katughuru gho kenge yu ndi, no mumwendi mwakara mupepo waNyambi?''³⁹Pharaoh ko kughamba kwa Joseph eshi,"Kutunda pa ghana kuneghedha nyambi yinu yoyiheya yi, mbadiko ghume gho kunongonona no ghunyanyami yira we. ⁴⁰Nanyi wakukare mundhugho dhange, no kukutha munando dhoghe mo mbo niwa rawera hanu wahe ho muEgypt. Kudipuna ngenyu nakukara no mukuru koye." ⁴¹Pharaoh ko kughamba kwa Joseph eshi,"Mone shi, nakutura ghukare gho muraghuri mu gho muve ghoghuheya gho muEgypt.''⁴²Pharaoh ghashuturire kadeya kendi ko kumunwe no kukashupeka ku munwe wa Joseph. Gha muvatekire yitere yo wanda ghoghuwa, no kumuvateka dighenge dyo ngorondo muthingo dhendi. ⁴³Ghamutawedhere kuruwanitha ditemba dyendi dyo ghuwadi odi ghakarire nadyo. Katughuru yu ghakugherire munyima dhendi eshi,"Mutongamene" Pharaoh ghamuturire gharaghure muve ghoghuhe wa Egypt.⁴⁴Pharaoh ghaghambire kwa JOseph eshi,"Yame Pharaoh, no kutundithako koye, mbadiko yu mbogha yeyura dyoko dyendi endi dipadhi dyendi mu Egypt ghomuheya ." ⁴⁵Pharaoh ghethire Joseph dina eshi ''Zaphenath-Paneah.''Gha mupire Asenath, mbuyama gho mwana muruti Potiphera, ghakare didhiko dyendi. Joseph hamudimukire wahe ho mu muve wa Egypt.⁴⁶Joseph ghakarire no myaka makumi mahatu opa ghatamekire kurughanena Pharaoh, fumu wa Egypt. Joseph ghatundire kughutho wa Pharaoh, no ghayendire mu muve hoghuhe wa Egypt. ⁴⁷Mu Myaka kwoko no dhiwadi yangurire muyangu mwene.⁴⁸Ghakongawedhire yidya yoyihe yo mu myaka kwoko no dhiwadi yo mu muve wa Egypt no kuyitura mumambara. Kehe mumbara haturire mo yidya yo mumapya agha ghadhidhingumwetire. ⁴⁹Joseph ghapungurire tumbi yira rusheke ro kudikuruviya, thikumashemwa kare ghashaghekire kutara, yoyishi yapitakanine yitara.⁵⁰Joseph ghakarire no hana ho hatutughuru hawadi kughutho ghokwiya digherenge, oha ghamushamurukere Asenath, mbuyama gho mwana muruti Potiphera. ⁵¹Joseph ghethire mwanendi ghombedi Manasseh, no kutongora eshi," Nyambi ghananitenditha nivurame toko-toko dhange no diko dya tate dyo diheya.'' ⁵²GHethire thiranda mbedi Ephraim, no kutongora eshi,"Nyambi ghana nipa hana mu muve mu nanyandera.''⁵³Myaka kwoko no dhiwadi edhi dha karire dho muyangu mwene mu muve wa Egypt dheyire ku mahurero. ⁵⁴Myaka kwoko no dhiwadi dho digherenge dha tamekire, thikadi ghaghambire Joseph. Mwa karire digherenge mu muve ghoghuhe wa Egypt, Ene mu muve ghoghuhe wa Egypt mwa kariere yidya.⁵⁵Opa rweghier rukukutu mu Egypt, hanu hadirerire kwa Pharaoh yidya. Pharaoh ghaghambire kwa haEgypt waheya eshi,"Muyende kwa Joseph no mukatende yoyi shoghakaghambe.'' ⁵⁶Dirumbu dya karire kokuheya ku mutara wa Egypt.Joseph ghayandhururire mandhugho ghotushete ghomahe no ghawa ghurithire haka Egypt. Dirumbu dyo dikuru dya karire mu Egypt. ⁵⁷Kaye kokahe keyire mu Egypt mukunaghura tumbi kwa Joseph, yoyishi dirumbu dyo dikuru dyakarire kaye kokaheya.

¹Yakopu ghayidimukire eshib koyidi yidya ku Egypt . Ghaghambire kwa hanendi eshi,'' nye muna kukukengathana ?''. ²Ghaghambire eshi '' monekuno'', ngani yuvu shi koghidi yidya ku Egypt . Muyendeko no mukaghure yidya no tupare kaditufe. ³Hakurwa Yosefu dikumi hayendire hakaghure yidya mu Egypt . ⁴Ene Yakobu mbadighatumine Benjameni mina Yosefu no hakurwendi. Kukwendi ghaningire eshi nayapa eshi mana shoyikamuwaneko yinu.⁵Hana Israeli heyire naghure pofotji nawa hayendire hakaghure . Yoyi diyerenge dyakangire muditunga dya Kanani. ⁶Opo Yosefu gha karire nguvuru gho ditunga . Yodiye gha karire mughurithi kwawanu waheya. Ha kurwa Yosefu heyire nohana mutongamene kukwendi . Ene mbadi hamudimukire.⁷Yosefu pa ghawa monine ghawa dimukire eshi hakurwendi ghakuningithire ghira munu maghana no ghawa ghambere no nyinya . Ghawepurire eshi,'' kupi muna kutunderera?''Hahuthire eshi kuditunga dya kanani notughure yidya ''. ⁸Yosefu ghawadimukire hakurwendi ene ghone mbadi hamudimukire.⁹Ndani Yosefu ghavurukire yirota eyi ghawa rotere no ghaghambire eshi,'' mwatukothi kothi mwe muneya namukenge mutara ghu wapira makungero ghoditunga . ¹⁰Hahuthire ku kwendi eshi,'' kadikemo hekudyetu ''. Hapikoye haneya nahaghure yidya . ¹¹Twaheya twahana katughuru yofotji . Atwe twa tutughuru ghomakurupero . Hapikoghe ne mbadi hatukothi kothi.¹²Ghahutha kukwagho eshi,'' kadikemo muneya no mone dyango di dyapira makungero mwene ''. ¹³Atwe twapikoghe twakara hakurwa no hamina dikumi no hawadi . Hanakatughuriu yofotji ghomuditunga dya Kanani . Kughamba ghushemwa nomba wetu ne ghana ghanathiyara na wihetu , no minetu ghofotji ne ghafa kare.¹⁴Yosefu ghaghambire eshi ,''yona ghambera eshi amwe mwa tukothikothi ''. ¹⁵Payinuyi mbomunapu kuyereka, mughipara ya Faragho, mbadi mbomutunda momuno shimengwa minenu gho nomba ghakeghe naghe kuno. ¹⁶Mutume yofotji ghopapenu ghayende ghakarete minenu . Ngo nanyi mukare mukashitiko podigho manado ghenu ghapwe kuyereka podigho tumone shi moghudi ghushemwa ndi. Endi Faragho nakwedha yoshemwa amwene mwa tukothi kothi . ¹⁷Ghawaurire wahe mu kashitiko ghure ghomayuwa mahatu.¹⁸Yosefu ghaghambire kukwagho diyuwa dyoghuhatu eshi,'' mutende yino ghomupare ','ame na yapa Nyambi ¹⁹Ngeshi mwene mwatutughuru gho makurupero . Muninge ghathiyaremo mukashitiko minenu yofotji amwe ghomutware yidya kumaghumbo ghenu gho ndhara. ²⁰Mukaniretere minenu ghi nomba mwakuna tanarithe manando ghenu no mbadi mwakufa nagho dyihana tendire.²¹Ghohakuningathanine eshi ,'' yashemwa atwe twa murandu kuhatera ku mudhimu wa minetu yo ghatukumberire ene mbadi twamuyuvere . Podigho ghana kutuhokokera maghikukutu . ²²Rubeni huthere eshi ,'' Mbadi naghimutongwere ndi? , mwaharura kwa mu mungaghu yu ''. Enemwe mbadi mwanitegherere pano mumone manyinga ghendi ne kukwetu sho ghashanene.²³Mbadi haghidimukire eshi,''Yosefu ne kuna kuyuva eyi haghambire yoyi pakarire mukakutoroka pakatji kagho. ²⁴Ghawapire dikothi nogha dirire ,ghawa pirukere no ghaghambire nagho. Ghashimbire Simiyoni kughutho ghomeho no ghamughangire . ²⁵Ndani Yosefu gharawere hapikendi wendi hayarithe mashaka ghawakurwndi yidya no kutura masherenyi gha kehe yuno mushaka wendi no ghawapeko yo nuta dhondhira dhagho . Noyapwire kutenda kemo kukwagho²⁶Awo haperekire yidya yagho payidongi no hemanine hakayende . ²⁷Apa gha shutukire yofotji gho papagho shaka wendi mukatapa yidya kuthidongi thendi padyango dyo dyo kuturumuthera ghamonine masherenyi ghendi mone kughuhura ghoshaka wange . ²⁸Ghaghambire kwa wa kurwendi eshi ,''Masherenyi ghange ghana ghanihuthera mushaka mushaka. Mughamone shi mushaka wange ghadi. Mutjima dhagho dha tutukwire no hayapire ghughamba eshi,''Nye yi ghana tendi Nyambi netu ?''.²⁹Hayendire kwa wiha gho Yakopu muditunga dya Kanana no haka hakamuthimwetwedhere yoyiheya yakawa hokokere . Haghambire eshi ,'' ³⁰katughuru nguvuru ghoditunga,'' ghaghambire netu no nyinya no ghatughayarire eshi ³¹,Atwene twanu ghoghushemwa mbadi hatukothikothi muditunga i. ³²Atwe twakara dikumi no hawadi twaheya wihetu ghofotji , yofotji ghopapetu ne ghafa kare nomba wetu pashadyarero na wihetu ghadi muditunga dya Kanani.³³Katughuru yu nguvuru ghoditunga ghaningi kukwetu shi payinu yi poshonimudimukere eshi amwe ne mwatutughuru ghoshemwa . Muthiye minenu yofotji mutware yidya kumaghumbo ghenu gho ndhara no mukayende . ³⁴Mukarete minenu gho nomba kuno kwange . Ndani poshononitawe eshi amwe ne mbadi mwa tukothi kothi , ene mwatutughuru gho ghushemwa. Ndani ponaku mushutwera minenu no nanyi nakukmu tawedhere mukughura yinu mu ditunga.³⁵Apa hashukumunine mashaka ghawo hamonine eshi keheyu mushaka mokadi kandjato ko Silivere. Apa hamonine tundjato Silivere hayapire na wihawo. ³⁶Yacobu wihawo ghayahukire kughamba eshi ,''Amwe ne munani tokotitha pa wanange Yosefu ne ghayowa,Simiyoni ghapita pananyi munashana kushimba karo Benjamin. Yoyiheya ne yinakurimbeka nange.³⁷Rubeni ghaghambire kwa wihe shi kukona ngenyu wakupaghe hanange hawadi ngeshi mbadi nakahutha Benyameni kukoye . Muthiye munyara dhange no nanyi nakaghukuhuthereko . ³⁸Yakopu ghahutha eshi ,'' mwanange mbadi shayende nenu ''. Yoyishi mukurwendi ghafa nopithendi ghathiyarapo . Ngeshi yimuwane yinu mundhira dhenu omushomuyende no ghukurupe wange ghuno ghona kufe mutjima ghokundundumena.

¹Muditunga mwa karire ndombo dhodhikuru. ²Yeghire munyima dho kumana kudya yidya eyi hakaghurire mu Egypt, wiha wo ghaghambire kukwawo eshi,"muyende karo mukatughurere yidya.''³Judah ghamutongwere eshi,"Katughuru ya ne ngakatukonekitha, 'Mbadi mwakumona rupara rwange shime ngwa mwakeghe na minenu gho katughuru. ' ⁴Ngeshi ghututume na minetu pofotji, tuna kuyenda tukakughurere yidya yoye. ⁵Ene ngeshi mbadi shomutume, natwe mbadi shotuyende. Yoyishi oya katughuru ghakatukonekithire eshi, 'Mbadi mwakumona rupara rwange shime ngwa pofotji na minenu gho mumbiru.'''⁶Israeli ko kughamba eshi,"Kunitendera nye ghuyi mukutongwera katughuru ya shi no minoye ghumwe?'' ⁷Hahuthire eshi,"Katughuru ya ghepurire maghukenu kuhatera kudiko dyetu. Ghepurire shi, 'Wiho ne shime muyumi ndi?' Wakara na minoye ghumweya ndi?' Atwe twamuhuthere kukutha mepwero gha. Ngo ngepi edi twayidimikire eshi nanyi ghaghambe eshi, 'Mwakarete minenu kuno?'''⁸Judah ghaghambire kwa wihe Israeli eshi,"Tme mungaghu ghana yu nange. Nanyi twakumatuke twa kuyende no nanyi twa kupare no mbadi twakufa, twaheya nowe na hanetu. ⁹Nanyi nikare makuruperihto gho kukwendi. Nina kumupakera thinga. No ngeshi mbadi nakamuhutha no kunamunegha kughutho ghoye, nanyi nakutambure makuthakuthero kare roruheya. ¹⁰No ngo mbadi tunatendi maranga, ghushemwa pamwe ngo roghuwadi runo tuna kahuha kuno.''¹¹Wihawo Israeli ghaghambire kukwagho eshi,"Ngeshi yikare kemo, mutende yino. Mushimbere mumandjato ghenu yiwana yoyiwa yo muditunga dyetu. Muyi shimbe yikakare ndupu kwa katughuru yu-maghadhi ghokukuwetha, wiki ghomuka,thiwe no mungongwera, ndongo no marudhi gho ndongo. ¹²Mwakushimbe masherenyi ghomengi.Manyinga ghaya hakahuthire pakushutura mashaka ghenu, kughashimba nagho pamwe makwirero ghakakarire po.¹³Mwakushimbe minenu. Mwakumatuke no mwakuyende karo kwa katughuru yo. ¹⁴Ngo Nyambi shokuru ghamupe nyeke kughutho wakattughuru yu, podigho ghakamushwaghithere mukurwenu ghumweya na Benjamin.'' ¹⁵Katughuru ghashimbire ndupu dhi, no masherenyi ghomengi munyara dhawo pofotji na Benjamin. Hemanine hayende ku Egypt no hakemanine kughutho wa Joseph.¹⁶Apa Joseph ghamonine Benjamin eshi nawo ghadi, ghaghambire kwa mukareripo ndhugho dhendi eshi,"Murete ha tutughuru wo mundhugho, mupaghe thiyama no kuthiroghitha, podigho ha tutughuru nahadye nange pa metaha.'' ¹⁷Mukareri ndhugho ghatendire thika di ghaghambire Joseph. Gharetire ha tutughuru mundhugho dha Joseph.¹⁸Ha tutughuru hayapire yoyishi hawa retire kundhugho dha Joseph. Gho haghambire eshi," yoyi ghahukire ko masherenyi kumashaka pakutanga, yo hana turetera mo, podigho shi ghawane ruvedhe ro kutupirukera. Kukona ghatukwate no kututura hapika, no kushimba yidongi yetu. ¹⁹Gho hahenyene mukareri gho ndhugho dha Joseph, no haghambire nendi pathero, ²⁰ghughamba eshi,"Hekudyange, tweghire rokutanga mukunaghura yidya.²¹Ghoya hokokire eshi apa twakakumine pa dyango dyo maturumuthero, gho twashuturire mashaka ghetu no twakawanine eshi, moghadi mushaka dyodi twaghatapire. Ghotunaghareta nagho tudi. No ²²masherenyi ghamwe tuna reta mukunaghura yidya. mbadi twadimuka eshi yidye ghatura manyinga mumashaka ghetu.'' ²³Mukareri ghaghambire eshi," Thiraro thikare nenu, mbdi muyape. Nyambi wenu no Nyambi wa wihenu ngwa yoghatura masherenyi mumashaka ghenu. Natamburire masherenyi ghenu.'' Mukareri ghakawashwaghithere Simeon mudorongo.²⁴Mukareri ghatwarire hatutughuru wa mundhugho dha Joseph. Ghawapire meyu, no hakuyoghire ku maghuru ghawo. Gho hapire yidya kuyidongi yawo. ²⁵No haroghithire ndupu ku meghero gha Joseph gho pathitengeyuwa, yoyishi hayuvire hana kudyera mudyango diya.²⁶Apa gheyire Joseph kudighumbo, hareti ndupu edhi heyire nadho mundhugho, no kunyongama kughutho wendi kate pamuve. ²⁷Ghawepurire mupindu wawo no ghaghambire eshi," Wihenu ne muwawa ndi, mukuru yu mwana ghambire? Shime muyumi ndi?''²⁸Gho haghambire eshi,"Mupikoye gho wihetu ne muwadika. Shime muyumu.'' no hanyongamine no mukupa dikuto. ²⁹Opa ghakamburire meho ghamonine benjamin gho minendi, Mwana nyina gho katughuru, no ghambire eshi,"Oyu ne yominoye wanaghambire ndi?'' Podigho ghaghambire eshi," Ngo Nyambi ghakare no thinyeke kukoye, mwanage.''³⁰Joseph ghashwaghire wangu mundhugho , yoyishi thinyeke thamuwanine thikuma tho kwa wakurwendi. Gho ghayendire kudyango dimwe dyo mundhugho ghakadire. Ghayendire mungomda dhendi dhokurara ghakadire. ³¹Ghakakuyoghire kurupara no ghakashwaghire panunda. Ghakwaite mutjima ghughamba eshi,''Mutape yidya.''³²Hapika hatapire yidya kwaJoseph po pithendi no hakurwendi pithawo. No ha Egytena wa hadire nendi pithawo yoyishi haka Egyptena mbadi wakudya ghuroto pofotji nawa Hebreya, yoyishi thidhira kwawa Egyptena. ³³Hakurwendi hahungumane paghutho wendi, mbedi kukutha kungcamu dho ghumbedi, no kwa nomba kukutha wanuke wendi. Ha tutughuru wa hatetukire wahe. ³⁴Joseph ghatumine turonga to yidya kukwawo kutunda pa yidya yi yakarire paghutho wendi. Ene Benjamin yendi yene, rukwoko muthikandho kupita yawa kurwendi wahe. Hanwine no kushutuka kare kushamberera pofotji nendi.

¹Yosefu gharawere murughani wendi eshi'', muyarithe yidya mashaka gha warume wa kenge ghakara eshi kukona hakone kughashimba gho muture manyinga ghakeheyu mushaka wendi . ²Ghomuture kopi wange gho siriveri mushaka wa minagho ghomumbiru ndani ghomuturemo manyinga ghendi ogha nga ghuru ghidya ''. Murughani hatendire thika di ghamu rawere hekudyendi.³Apa dya vire diyuwa harume wa hawa thighire hakayende nawo no yidongi yawo. ⁴Apa hashwaghire mumbara oku mbadi hana yendi muhanyamo , Yosefu ghatongwere murughani wendi , eshi wimane ghukuthe harume harume waya no opa shomuka wawane , mukawaninge eshi '',yinye muna huthera ghuyi kughuwa? . ⁵Oyu ne mbadi yo kopi ghanwenanga hekudyetu ndi ndani yokopi gharughanithanga mukukuhonga ghudimuki kughutho ?. Yinu eyi munarughana ne yimango thikuma.⁶Murughani ghawa kuthire no ghaka ghambire kwawo manando ghano. ⁷Hahuthire kwawo eshi'', pashanye ghana ghambera hekudyange manando ghano n?'' . Norofotji temba eshi twene tutende yinu yokengeyo.⁸Mone manyinga agha twakawanine apa twaka yandhururire mashaka ghetu twaka gha huthire kutunda kuditunga dya Kanana . Ngo ngepi keho edi tunedhi mundhugho dha hekudyetu kopi gho Siriveri endi gho ngorondo?, ⁹Ngeshi ghumuwane kwa keheyui mupikoyene kupagha vene . Atwe ghokuthigharakone tukakare twapika hekudyoye . ¹⁰Mupika Yosefu ha ghambire eshi,'' pano yikare dyodi muna yighamba . Oyu shoniwanene kopi yokukara mupikange amwe ghokuthigharako ne ghomukare mwapira murandu .¹¹Waheya hashuruthire mashaka ghawo pamuve no keheyu ghashuturire shaka wendi . ¹²Murughani wa Yosefu gha tamekire kurera mumashaka . Ghatamekere kukenga mushaka ghawakuru gho ghakamanithere kwa mwanuke , kopi ghamuwanine mushaka wa Benyameni. ¹³Gho hapayaghure yitere yawo . Kehe yu gha dhinekire murongerero wendi pa thidongi no hahukire mumbara.¹⁴Yuda nawa minendi hayendire kundhugho dha Yosefu .Okuye kogha karire gho hatongamene kughutho wendi. ¹⁵Yosefu ghaningire kukwawo eshi ,''yinu munye eyi muna rughana ? mbadi munadimuka katughuru yira yame kwa rughananga yinu yokukuhonga yo kughutho.¹⁶Yuda ghaningire esshi,'' ngepi edi shotughambe kwa hekudyetu ? manando gho ngepi shotughambe nendi ?'' Endi ngepi edi shotukughe ku kwendi eshi atwe ne twapira murandu. Nyambi ghana neyi kare murandu wawapikoye . Mone atwe twapikawa hekudyetu twaheya no yu munawana kopi munyara dhendi. ¹⁷Yosefu ghaningire eshi,'' norofotjitemba nitende kemo. Murume yu nawanena munyara kopi wange oyo munu ne yosho ghakare mupika wange , ene kwenu gho kuthigharako mukayende no thiraro kwa wihenu.¹⁸Yuda gha henyine pepi nedi no ghaghambire eshi ,'' Hekudyetu na kanderera tawedhere mupikoye gha ghambe nando muditwi dya hekudyendi , nowatawedhera ghupata ghoye ghutumeke mupikoghe, yoyishi wene pofotji yira Fumu Faragho . ¹⁹Hekudyetu nga ghutwipura eshi,'' twakara na wihetu ngambi minetu ghomumbiru?²⁰Ngatukutongwera eshi,'' twakara na wihetu ghokukurupara ndani twakara na minetu ghomumbiru , ene mukurwendi ne ghafa ndani pithendi ghathigharapo nawihe ghamuhaka thikuma .(mwanendi ghomu ghukurupe ghomumbiru ). ²¹Ngaghuturawera eshi,'' mukamurete ku kwange nonimone . ²²Kutundapo ghona huthire kwa hekudyange eshi,'' mungaghu mbadi wa kukona ghathiye wihe . Ngeshi ghathighe wihe ne kukona ghafe ''.²³Gho ngaghughamba kwa wapikoghe eshi,'' shimengwa mwakeye mwakeye naminenu ghomumbiru , ngeshi mbadi kemo mbadi mwa kahuke ko karo ,kuno. ²⁴Twayendire kwa wihetu no twaka muthimwetwedhire yoyihe eyi waghambire . ²⁵Wihetu ghaka huthire eshi,''muhuke ko karo mukaghure yidya'' . ²⁶Twa muhuthire eshi,'' mbadi twakona kuhukako'' . Ngeshi pofotji na minetu ne kukona tuyende yoyishi mbadi twakona kamumona shimengwa naminetu ndani.²⁷Ndani mupikoye wihetu ghatuningire eshi,'' mwayidimuka eshi didhiko dyange ne kwareta hangaghu hawadi . ²⁸Yofotji ghayongara no ghapwire . Kupayaghura muyipindhi kutundapo mbadi na mumona karo. ²⁹Pano ngeshi mumushimbe yu kukwange ghoya kamuhokokere yoyimango , no yitokota mbonifa mughukurupe wange .³⁰Podigho minetu ghakona kuyenda netu patwa kuhuka kwa wihetu , yoyishi ghamuhaka thikuma . ³¹Nanyi yaka kare ngeno eshi ngeshi ghakamone eshi mungaghu ne mbadi nendi tudi , kukona ghakafe . ³²Nakuruperithire wihetu eshi nanyi nakuna huke nendi ghuyumi no ngeshi mbadi kemo ngoyame na kukara no murandu kwatate kuroruheya.³³Pano ne nitawedhere nikare ghupika mudyango dya mungaghu gho ghatawedhere mungaghu ghayende nawa kurwendi . ³⁴Ngo ngepi dishonihuke kwa tate ngeshi mungaghu ne ghathighare ?. Podigho shi nidi no woma kuyinu yoyimango eyi yahokokera kwa tate .

¹Munyima dhopo Yosefu mbadi ghakonine kukutura kughutho ghoharuwani wahe awa hemanine pepi nendi. Ghaghambire ghukugherera, " Mwahe munithighe." Podigho mbadi ko karo muruwani ghemanine pepi nendi apa ghakunongononithire thinda kwawakurwendi. ²Gha dirire thikuma, ha kaEdjiputena hayiyuvire, nohakandhugho dhaFaragho nawo hayiyuvire. ³Yosefu ghaghambire kwawakurwendi, "Yame Yosefu. Tate ne shime muyumi ndi?" Hakuruwendi mbadi hakonine kumuhuthera, yoyishi hatetukire pakumumona.⁴Munyima Yosefu kokuninga kwawakurwendi eshi, " Mwiye pepi nange, nakanderera." Heyire pepi nendi. Ghaghambire , " Ame yame Yosefu ghominenu, oyu mwaghurithire kwawaEdjiputena. ⁵Mwakasha nomwakupatera mwathinda eshi mwanighurithire, ene Nyambi ghanitumine kughutho dhenu mukuroyitha yipara. ⁶Mumyaka dhiwadi dhi muna kara dirumbu, nokudi shime myaka kwoko paghutho oku mohadhira kupurura endi kuyangura.⁷Nyambi ghanitumine kughutho dhenu mukuna royitha ghuparo yira thipindhi thomukaye, mukumutura ghuyumi mumakomweneno ghomakuru. ⁸Podigho mbadi yamwe mwanitumine kuno ene Nyambi, nooghnanitendi nikare wiha Faragho, mukuru gho kehe yu ghomudighumbo dyendi, nomupiterithi ghoditunga dyodihe dyaEdjiputena.⁹Mutambuke nomuyende kwatate nomukaghambe kwendi eshi eyi ne yighana ghamba mwanoye ghokatughuru Yosefu, "Nyambi ghana nitendi mukuru ghoEdjiputena ghomuhe. Mwiye kuno, mwarangapa. ¹⁰Ñanyi mwakuna tunge muditunga dyaGosheni, nomuna kutunga pepi nange, nowe nohanange mohana wahanoye, noyimuna yoye nomuraka ghoye, noyoyihe eyi wakara nayo." ¹¹Ñanyi nakuna mukorere kudyango diya, yoyishi shime kuna thiyara mamwaka kwoko ghodirumbu, podigho mbadi mukare mwahepwe nowe nohakadighumbo dyoye nokehe yi wakara nayo."'¹²Kenge, meho ghenu kumona, nomeho ghaminange Bendjameni eshi kanwa kange kuna kughamba. ¹³Muna kamutongwera tate yokuhatera kudikuto dyange dyodihe muEdjipute nokehe yi muna kumona. Mutambuke no mukarete tate kuno."¹⁴Aye ghangumatire minendi Bendjameni muthingo noghadirire, nobendjameni ghadirire. ¹⁵Gha ncumitire hakurwendi wahe nogha wadirere. Munyima dhopo hakurwendi hatangire kughamba nendi.¹⁶Mbudhi dho yinu yi dha kakumine kundhugho dhaFaragho: " Hakurwa Yosefu haneya." Faragho nohapika wendi dhawa shambererithire thikuma mbudhi dhiya. ¹⁷Faragho kokughamba kwaYosefu eshi, " Ghambe kwawakuroghe, 'Tende thino: Murongere payidongo yenu nomuyende kumukunda waKanani. ¹⁸Mukashimbe wihenu nohaka dighumbo dyenu wahe nomukeye kwange. Mbona mupa muve ghoghuwa muthiko thaEdjiputi, nombomuna di kughuyeghave ghomuve ghuya.'¹⁹Pano hana murawera, ' Tende thino, shimbe matemba muEdjipute ghawanone nowandambo ghoye. Kashimbe wiho nomukeye. ²⁰Wakudhekera yokuhatera kuyiwana yenu, ene ghuwa ghoghuhe ghomuve waEdjiputi ne wenu."²¹Hana Isiragheli hatendire kemo. Yosefu ghatapire matemba, thika di ghayiraghurire Faragho, noghawapire murongero muruyendo rwawo. ²²Kwakehe yu ghatapire yitere yokutjindja ene kwaBendjameni gha mupire mathere mahatu ghosilivere noyitere yikwoko yokutjindja. ²³Kwawihe gha tumine: Yidongi dikumi yomurongero ghoghuwa gho muEdjiputi; noyidongi dikumi yoyikadhi ghayirongere mavukiro noghuroto noyimweya yokwawihe muruyendo.²⁴Ghatumine hakurwendi hayende nohayendire. Ghaghambire kwawo, "Mukoneke eshi mbadi murwe mundhira dhenu." ²⁵Hashwaghire muditunga dyaEdjiputi nohakakumine mumuve waKanani, kwa wihawo Yakopu. ²⁶Hamutongwere eshi Yosefu ne shime muyumi, gha di mupiterithi muEdjiputi" Mutjima wendi watukukire yoyishi mbadi ghayitawire.²⁷Hamutongwere mañando ghaYosefu agha ghawatongwere. Opa ghamonine Yakopu matemba ogha ghatumine Yakopu nohamushimbe, mupepo waYakopu ghowihawo wapindukire. ²⁸Isiragheli ghaghambire, "Yina rikanya. Yosefu mwanange shime muyumi. Ñanyi nakuyende nakamumoneko kughutho nakufe."

¹Israeli ghakarire muruyendo no yinu noyiwana yendi no ghayendire ku Beersheba. Kuya koghakuyambire miyambo kwa Nyambi wawihe Isaki. ²Nyambi ghaghambire na Israeli ghuthiku muyirota ghuninga eshi ,''Yokopu ,Yakopu '', ghahuthire eshi ,''yameno''. ³Ghaghamba eshi yame Nyambi , Nyambi wa wiho . Wayapa mukuyenda ku Egyptena kuyane nanyi nakamutende diko dyodikuru . ⁴Nanyi niyende noye ku Egyptena no nanyi na kakuhuthe karo kuno na Yosefu nanyi ghakafike meho ghoye no nyara dhendi.⁵Yakopu ghamatukire ghatunde mu Beersheba. Hana Israeli gho hatutughuru hatwarire wihagho Yakopu . Hanagho no madhiko ghawo muma temba ogha ghatumine Faragho ghaka mushimburure . ⁶Hashimbire yimuna yagho no maghushwi ogha haka wanene muditunga dya Kanani . ⁷Hakakumine mu Egyptena , Yakopu no hanahoka wendi waheya.⁸Ogha ne mena gho hana Israeli owa heyire mu Egypt; Yakopu no hanahoka wendi Reuben mbedi wa Yakopu. ⁹Hana Reuben Hanok,Pallu,Hezron na Karmi. ¹⁰Hana Simeon ,Jemuel,Jamin,Ohad,Jakin,Zohar na Shaul mwana ghokatughuru wa mbuyama gho muKanani. ¹¹Hana Levi Gershon ,Kohath na Merari.¹²Hana Yuda nev Er ,Onan, Shela,Perez na Zera (ene ha Er na Onan ne haferere muditunga dya Kanana) hana Perez ne Hezron na Hamul. ¹³Hana Issachar ne ha Tola,Pua,Lob na Shimron. ¹⁴Hana wa Zebulun ne ha Sered,Elon na Jahleel. ¹⁵Owane hana wa Lear owa ghawanine kwa Yakopu mu Paddan Aram, pofotji na mwanendi ghomukamadi Dinah. Hanendi hahakafumu no hanendi ho hakamadi ne hakarire makumi mahatu no hahatu.¹⁶Hana Gad ne ha Zephon,Haggi,Shuni,Ezbon ,Eri ,Arodina Areli. ¹⁷Hana Asher ne ha Imnah ,Ishvah ,Ishvi na Beriah na Serah minagho ghomukamadi. Hana Beriah na ha Heber na Malkiel. ¹⁸Owa ne hana Zilpah owa ghatapire Laban kwa Lear mwanendi gho mukamadi . Owa ne hana owa ghamuretere Yakopu kuwapakera wahe ne dikumi no kwoko noyofotji.¹⁹Hana Yakopu hapadidhiko dyendi Rachel ne haYosefu na Benjamin. ²⁰Mu Egypt Manasseh na Ephraim ne hana Yosefu hopa Asenath mwana ghomukamadi wa Potiphera mu pristeri gho mu On. ²¹Hana Benjamin ne ha Bela ,Beker ,Ashbel, Gera , Naaman, Ehi ,Rosh ,Muppim na Ard. ²²Owa ne hana Rachel owa hawanine kwa Yakopu wahe kuwapakerera ne dikumi no hane .²³Mwana Dan ne Hushim. ²⁴Hana Naphtali ne ha Jahziel, Guni ,Jezer na Shillem. ²⁵Owa ne hana Yakopu pa Bilhah oyu ghatapire Laban kwaNyambi mwanendi ghomukamadi_Owo ne hakarire ha kwoko no hawadi .²⁶Wahe owa hayendire na Yakopu ku Egypt , owa hakarire hanahoka kushwaghithako hangumwenyendi ne makumi kwokofotji no kwokofotji. ²⁷Nohana Yosefu hawadi owa haretere mu Egypt hakadiko awa hayendire ku Egypt ne hakarire makumi kwoko no hawadi.²⁸Yakopu ghatumine Yuda ghapite kughutho kwa Yosefu ghakamuneghedhe ndhira dhoku Gosheni, no haka kumine kumukunda wa Gosheni. ²⁹Yosefu gharoghithire ditemba dyendi no ghayendire ku Gosheni ghakawane wihe Israeli. Apa ghamumonine ghamu ndhondherire muthingo no ghadirire rure . ³⁰Israeli ghaghambire kwa Yosefu ,pano ningekeho nife yoyi eshi na mono rupara roye ,eshi,'' shime gho muyumi''.³¹Yosefu ghaghambire kwa wakurwendi no kwawakadighumbo dyawihe ,eshi'' nanyi niyende kwa Faragho nokaninga eshi hakurwange no haka dighumbo dyatate owa hatungire muditunga dya Kananani ne ngaheya ku kwange . ³²Hatutughuru wane hadithi ho yimuna , awo ne hakara hadithi hoyimuna. Ngaheya no mutanga wagho , miraka no yiwana yawo yoyiheya.³³Yakakre ngeno eshi opa ghakumwitha Faragho no kamwipura yipi mwarughananga?. ³⁴Mwakona kaghamba ngeno eshi hapikoghe hakara hadidhin ghoyimuna kutunda kughumbiru kare no popano , twaheya nawakerekandongo wetu. Mwakayitende yi podigho eshi mwakatunge mumukunda wa Gosheni , kwa waka Egyptena hakungi yimuna ne hawayevura.

¹Yosefu ghayendire kwafumu Faragho noghakamutongwere eshi, "Tate nohakurwange, nondjwi dhawo, nongombe dhawo, noyoyiheya yi hawana, hananakumu kutunderera kuditunga dyaKanani. Mone shi, muditunga dyaGosheni hadi." ²Ghashimbire hakurwendi hakwoko noghakawa tongononine kwafumu Faragho.³Faragho ghaghambire kwawakurwendi eshi, "Yinu munye mwarughananga?" Hahuthire kwaFaragho eshi, "Aye twapikoye ne twadithi, yira hakerekandongo wetu." ⁴Haghambire kwaFaragho eshi, "Atwe mbadi tweya kukukarerera ene kughugenda muditunga di. Mbadimo madyero ghondjwi dhawapikoye pamurandu ghodirumbu dyomuKanani ne dikuru. Tawedhere keho hapikoye hakatunge muditunga dyaGosheni.⁵Faragho ghaghambire kwaYosefu eshi, "Wiho nohakuroye ne haneya kukoye. ⁶Ditunga dyaEdjiputi ne mumayendithitho ghoye didi. Kature wiho nohakuroye mudyango dyodiwa muGosheni. Ngeshi wadimuka po papawo tutughuru hokukona kawature ha kapakere thinga yimuna yange."⁷Yosefu ghangenekire wihe Yakopu noghana mutongononine kwaFaragho. Yakopu ghatungekire Faragho. ⁸Faragho ghaghambire kwaYakopu eshi," Myaka dhingatji ghuna tungu?" ⁹Yakopu ghaghambire kwaFaragho eshi, "Myaka dhange dhoruyendo ne 130. Myaka dhoghuparo wange ne dhina kara dhodhipu nodhoyitokota. Mbadi dhina kara dhodhire yira dhawakerankandongo wange." ¹⁰Yakopu ghatungekire Faragho noghashwaghethire kughutho wendi.¹¹Yosefu ghaturire wihe nohakurwendi. Ghawapire dyango muditunga dyaEdjiputi, dyango dyo diwa muditunga dyaRamesesi thika dyodi ghamurawere Faragho. ¹²Yosefu gharetere yidya kwawihe, kohakurwendi nokutwara thivarero ethi tha kara pa madhiko.¹³Mbadi mwakarire yidya muditunga dyodiheya; nodyakarire dirumbu dyodikuru. Ditunga dyaEdjiputi nodyaKanani dyanyandire pamurandu ghodirumbu. ¹⁴Yosefu ghaghongawedhire manyinga ghomuditunga dyaEdjiputi naKanani mukughurithako yidya kwawatungimo. Yosefu gha retire manyinga kumbara dhaFaragho.¹⁵Opa ghapwire kurughanitha manyinga ghomaheya muditunga dyaEdjiputi naKanani, hakaEdjiputi waheya heyire kwaYosefu ghughamba eshi, "Tupe yidya! Pashanye shofere kughutho ghoye yoyishi manyinga ghetu ne ghana pu?" ¹⁶Yosefu ghaghambire eshi, "Ngeshi ghanapu manyinga ghenu ne mukarete yimuna yenu ghono tukutjindje nonimupe yidya." ¹⁷Ha karetire yimuna yawo kwaYosefu. Yosefu ghawapire yidya mukutjindja notukambe, ndjwi, ngombe noyidongi. Ghawapire yidya mukutjindja noyimuna yawo yoyiheya ghuya mwaka.¹⁸Opa wapwire ghuya mwaka heyire kukwendi mwaka ghokurandako kukwendi nohana ghambire eshi, "Mbadi shotukuhoreke kwahekudyetu eshi manyinga ghetu ne ngaghapu nomuraka ghongombe dhetu ne wendi hekudyetu. Mbadiko eyi yina thiyara kughutho wahekudyetu, kutundithako yirama yetu noditunga dyetu. ¹⁹Pashanye shotufere kughutho ghoye, natwe noditunga dyetu? Tughure twe pofotji noditunga dyetu mukukutjindja noyidya, atwe noditunga dyetu ne ñanyi tukare twapika kwaFaragho. Tupe yidya tupare mbadi tufe noditunga dyetu mbadi diyipe."²⁰Yosefu ghaghurere Faragho ditunga dyodihe dyaEdjiputi. Kehe yuno mukaEdjiputi ghaghurithire dipya dyendi, yoyishi dirumbu dyapo ne dikuru. Mundhira mu, ditunga di dyakarire dyaFaragho. ²¹Hanu wa gha wa turire Faragho hakare hapika kutunderera kumaghindha ghaEdjiputi kare mahurero. ²²Mango ngenyu ghawaruti ghadhirire kughura Yosefu yoyishi haruti ne nga hawapanga ndjambi dhokukwateramo. Nga hawananga yidya muyiruwera yokukwateramo eyi nga hawananga kwaFaragho. Yodiyo hadhirere kughuritha mapya ghawo.²³Yosefu ghaghambire kwawanu eshi, "Mumone, dyarero namwe nomango ghenu ne nayighurera Faragho. Mbuto dhenu dhi mudime mapya ghenu gha. ²⁴Pa muyangu mwakona kutapa dihenda kwaFaragho dhimutara dhine ne dhenu, mbuto dhomumapya ghenu noyidya yomumayuwo ghenu nawanenu.²⁵Haghambire eshi, "Ghuna tuparitha. Ngo mbotuwane maghuwa kughutho wenu. Mbo tuna kara twapika waFaragho." ²⁶Yosefu ghaturithire po muragho owu waraghurire ditunga dyaEdjiputi, nodyarero dino dihenda ne dyaFaragho. Shime ngwa mango ghawaruti gho ghapirire kukara ghaFaragho.²⁷Isiragheli ghakarire muditunga dyaEdjiputi muGosheni. Hanu wendi hakarire noyiwana. Hakarire no rwereko ndani hengipire thikumenena. ²⁸Yakopu ghatungire muditunga dyaEdjiputi myaka dikumi nokwoko nodhiwadi, oku myaka dhendi ne dithere nomyaka makumi mane nokwoko nodhiwadi.²⁹Apa rwakumine mo ruvedhe rokufa Isiragheli, ghethire mwanendi Yosefu noghaghambire kukwendi eshi, "Ngeshi me ne nawana maghuwa kughtho ghoye, ture nyara dhoye kwishi dhomatami ghange ghunineghedhe ghuhunga nomakurupero. Mbadi wakunivumbekere muEdjiputi. ³⁰Apa nakurara nawakerekandngo wange, ghonishwaghithe muEdjiputi nokavimbeka kumambira ghawakerekandongo wange." Yosefu ghaghambire eshi, "Ñanyi na kuyitende thika edi ghuna yighamba." ³¹Isiragheli ghaghambire eshi, " Tende medhero kukwange," naYosefu ghedhire kukwendi. Podigho Isiragheli ghafumbere ghutongamena kumutwi gho ghu didi wendi.

¹Munyima dho ruvedhe Yosefu hamutongwere eshi,''mone wiho ne tjitju''. Popo ko kushimba hanendi ho hangaghu hawadi ha Manasseh na Ephraim. . ²Apa hamutongwere Yakobusi eshi,''mone mwanoye Yosefu ghaneya koye ''. Yakobu gha pindukire paghudidi ene ghashimbire rure gha pinduke.³Yakobu gha ghambire kwa Yosefu eshi,''Nyambi gho mukangcamu dhodhihe ghani hokokere ku Luz mu mukunda wa Kanana,ghani fighere. ⁴Noghaghambire kwange eshi,'' Nanyi nikupe rwereko no kuwedhera thivarera thoye . Nanyi nakutende mukupakerera gha wanu no kukupa dino ditunga no mboghukarera na hanahoka hoye munyima dhoye .⁵Pano keho hanoye hawadi ho tutughuru awa hashamurukera mu ditunga dya Egypt kughutho gho kwiya mu Egypt ne hange keho . Ephraim na Manasseh nanyi hakare hange kenge hadi ha Reuben na Simiyoni eshi hange . ⁶Hanuke awa wawana kare munyima dhawo nanyi hakare hoye ; Nanyi hawa rondeke kwishi dho mena gho haminagho kukutha ku ghupingwa wawo . ⁷Ene kukwangepo me ,Apa natundere ku Paddan kwa muthidiro thange Racheal oyu ghafere muditunga dya Kanana mundhira . Oku shime yinema yina thiyarako yo kutamba ku Ephrath. Na muvumbekire ku ndhira dho kutamba ku Ephrath,''(oyu ghadi eshi Bethlehem).⁸Apa ghamonine Israeli hana Yosefu hohatutughuru ghepure,''Hadyewa?''. ⁹Hanange awa ghanipa Nyambi muno, Yosefu gha huthere wihe. No Israeli kokughamba eshi,''Harete kukwange podigho eshi noniwafiyere''. ¹⁰Pano Israeli meho ghendi mbadi ghakonine kumona yoyishi gha kuruparire . Podigho Yosefu ghawa twarire pepi nendi no ghawa ngcumitire no kuwa ndhondhera.¹¹Israeli ko kwa Yosefu eshi,'' mbadi na yikurupereshi mbona mono rupara roye karo , ene Nyambi ghana nitawedhera ni mone hanoye''. ¹²Yosefu ghawaretire mudiva dya Israeli no gha tongamenine ghufumbera pamuve. ¹³Yosefu ghawa shimbire waheya Ephraim yene mudyoko dyendi dyo rudyo ghatambe kudyoko dya Israeli dyo rumoho , no Manasseh ne mudyoko dyendi dyo rumoho ghatambe kudyoko dya Israeli dyo rudyo no kuwareta pepi nendi.¹⁴Israeli gha yeyure dyoko dyendi dyo rudyo no gha dikambekire pamutwi wa Ephraim, oyu ghakarire gho mumbiru no dyoko dyendi dyo kamoho gha dikambekire pamutwi wa Manasseh. Ghatjinanithire moko ghendi no Manasseh ghakarire yo mbedi . ¹⁵Israeli ghafiyere Yosefu ghughamba eshi,'' Nyambi yu hakarere hatate Abrahamu na Isaac Nyambi oyu ghanikunga kate pa dyarero. ¹⁶Mu Engeli oyu ghanikunga me ku kehe ghukukutu, ngo gha kandadheka hangaghughana wa. Ngo dina dyange hadiwate mumwange no mene ghatate Abrahamu na Isaac. Ngo hakure no kukwerukura mukaye.¹⁷Apa ghayimonine Yosefu eshi wihe ghana kambeka dyoko dyendi dyo rudyo pamutwi wa Ephraim, mbadi yamuhafithire. Ghashimbire dyoko dyawihe pamutwi wa Ephraim no kuditwara pamutwi wa Manasseh. ¹⁸Yosefu ghaghambire kwa wihe eshi ,'' Kadi kemo tate ; Oyu ne yo mbedi. Ture dyoko dyoye dyo rudyo pamitwi wendi''.¹⁹Wihe ko kushwena no kughamba eshi,''Nayidimuka mwanange nayidimuka''. Naye mbwana kara munu no mbwana kara no ngcamu . Podigho minendi mbwana kara ngcamu thikuma kupitakana ye no hanahoka mbohana vuru mumatunga . ²⁰Israeli ghawa kandadhekire no manando ghano , hanu ha Israeli hanapu kukandadheka mudina dyoye ghughamba eshi,''Ngo Nyambi gha mutende mukare yikare Ephraim na Manasseh. Mundhira dhi ,Israeli ghaturire Ephraim kughutho dha Manasseh.²¹Isreli kukughamba kwa Yesusi eshi,''Mone ame ne tamba nakufe Nyambi mbwana kara noye no mbwana kutwara karo ku ditunga dyakarerekandongo ghoye. ²²Kukoye kwadi yofotji gho pawiru dhawa kuroghe ,nakupa dirundu dyo dikuru na shimbire kwa waka Amorites no thimende no ndamba .

¹Munyima Yakopu ghoghethire hanendi hohatutughuru nokuwatongwera eshi, "Mukughongawedhe pofotji, podigho eshi nimutongwere eyi yakahokoka kughutho. ²Mwiye pofotji nomuteghe kutwi, amwe mwahana Yakopu. Mutegherere kwaIsiragheli ghowihenu.³Reuben yowe mbedi, mangcamu ghange nonunderero dho mangcamu ghange. Wakara nofumwaa nogharoghera mumangcamu. ⁴Kupira memaneno yira meyu ghokuka, mbadi mbo kara nongcamu dhokupiterera pamurandu eshi wayendire paghudidi wawiho nokaghunyateka.⁵Simeon naLevi ne hakaghukurwa. Yirwitha yonyinya ne yimende yawo. ⁶Mudhimu wange, wengena mundhango dhagho, nokukuhatithera temba muyigongi yawo, mutjima wange wakutekera yinu yo. Mughupata wawo hapaghire hanu. Payihima yawo haghomone mapuru.⁷Ghupata wagho wapwire kukuta, yoyishi ngcamu noghukenya wagho ne ghukuru thikuma. Ñanyi niwataghure mwaYakopu nokuwa haranganya mwaIsiragheli.⁸Yuda, haminoye ne ñanyi hakukughe. Dyoko dyoye mbodina kara pathingo dhawañore. Hana wiho mbo hana kuvama paghutho ghoye.⁹Yuda ne nyimeghana. Mwanange ghokatughuru, ghuna shwagha muyinyanda. Ghakuvamine, ghakokawire yira nyime ghomukadhi. Yidye sho gha yivurumukere ghamupinduthe?¹⁰Mburo dhoghufumu mbadi mbo dhitunda munyara dhaYuda, endi mburo dhoghuraghuri eshi dhishwaghe mumapadhi ghaYuda, kare mbo gheye thinda shayoyiheya. Mako gho mahe mboghana mukutekera.¹¹Kokughangera kwendi thidongi thendi kuthitondo thomandjembere nodongighana kumatorwero ghendi ghothitondo, aye ghayogha yivata yedni muvinyu nomuthithi mumanyinga ghomandjembere. ¹²Meho ghendi ne mbogha nerupa yira vinyu noyegho ghendi ne ghukenu yira manhwe.¹³Zebulum ñanyi ghakutunge kumbombwa dhodikuruviya. Aye ne mbo ghana kara diya dyoyikepa nomayindha ghendi ñanyi gha kakume kuSidoni.¹⁴Issacha ne thidongi thongcamu kurara mumbirikatji komuremena. ¹⁵Aye ne kumona dyango dyomaturumuthero mwene nodyango disha ghuwa. Aye ne mbo ghana peti dipeghe kumuremena no mboghana kara mupika kuthirughana.¹⁶Dan ne mboghana theki hanuwendi yira diko dimwe dyomuIsiragheli. ¹⁷Dan ne mboghana kara yira thiyoka kumbadi dhothitavura, thiyoka thoghuhungu mundhira dhokukumeka maghuru gho mbi, podigho eshi mudhini mbi ghawere munyima. ¹⁸Nakutaterera makomweneno ghoye fumu Nyambi.¹⁹Gad, hadhini ho mbi ñanyi hakuhomokere ene ñanyi ghakuwa homokere kumapadhi ghawo. ²⁰Yidya ya Asher ne mbo yina kara yidya yoyitowi nomboghana hokora yidya yothifumu. ²¹Naphtali neyira thiyama thomumuthitu nokutapa mañando ghomawa.²²Yosefu ne mungaghu ghokukwerukura, kukwerukura ko pepi nodithima oku kwakara mite edhi dhadhina ditete. ²³Hathinda mbo hana homokera nokumu kondha noku mutjoka-tjoka.²⁴Ene ndamba dhendi mbodhi nakara nongcamu nomoko ghendi ne mboghana kara nomanongwahu pamurandu eshi moko ghaNyambi ghomangcamu ghaYakopu nopamurandu ghodina dyamukungi, Diwe dyaIsiragheli.²⁵Nyambi wawiho mboghana kughamwena noNyambi ghomangcamu mboghana kufighera nofiyaghudhi dhokuwiru, fiyaghudhi dhoghudhungi edhi dhakara mwishi nofiyaghudhi dhopamere nomumukogha.²⁶Fiyaghudhi dhawiho ne dhikuru kupiterera fiyaghudhi dhokumarundu ghokare endi yinu eyi harumbera pamurandu ghojare. Ngo thikare pamutwi waYosefu noñata pawiru dhomutwi ghoyu ghapiterera hakurwendi.²⁷Bendjameni ne dimbungu dyondhara. Mathiku-thiku ghana kudya thidya thendi nomurunguro ne ghana kuyakunutha eyi yina thiyarapo.²⁸Ogha ne marudhi dikumi nomawadi ghaIsiragheli. Eyi ne yoghana ghambire wihawo kukwagho apa ghawa fiyere. Kehe yu ghapwire kufiyera nofiyaghudhi dhokuroghera. ²⁹Ndani ghawa konekithire ghughamba eshi, "Ame ne tamba nakufe, kuni vumbeka nawa kuru wange mudingurungoma dyomudipya dyaEfuroni ghomuHitite. ³⁰Dingurungoma dyomudipya dyaMakapela, ghopepi naMamure muditunga dyaKanani, dipya edi ghaghurire Abrahamu dikare dyango dyomayendo kutunda kwaEfuroni ghomuHitite.³¹Okuya ne kodiyo havumbekire Abrahamu naSara didhiko dyendi. Kodiyo karo havumbekire Isaki naRebeka didhiko dyendi nokodiyo havumbekire Leya. ³²Dipya nodingurungoma edi dyakara mudipya di ne kwadighurire kwawaHeth." ³³Apa Yakopu ghamanine kutapa makonekitho gha kohanendi, ghahonyine mapadhi ghendi mughudidi, ghathiyire ndhagho noghafire noghayendire ghakakupakerere nawa kuru wendi.

¹Munyima Yosefu dha mupwire ngcamu gho ghawerere kughutho wawihe ghamudire, nogha mungcumitire. ²Yosefu gha rawerire hakareri wendi pofotji nawapangui mukuroyitha wihe. Hapangi haroyithire Isiragheli. ³Hashimbire mayuwa makumi mane, rwakarire ruvedhe rokuyarera mu kumuroyitha. Edjiputena hamudirire mayuwa makumi kwoko nomakumi mawadi.⁴Munyima dokupwa mayuwa gho kumudira, Yosefu ghaghambire kundhugho dhaFaragho eshi, "Ngeshi pano nikone kuwana ghuwa kughutho ghoye, nakanderera ghambe kwaFaragho eshi," ⁵Tate ghaniningire tende medhero ,ghughamba, "Kenge, Ame ne pepi nidi nokufa. Wa kanivumbeke mumbara edhi nakuthimena nothinda muditunga dyaKanani. Kuya ne ko mbo mukanivumbekera." NInge niyende ni kavumbeke Tate, munyima gho nakahuke.'" ⁶Faragho ghahuthire eshi, "Yende ghu kahoreke wihho, thika kenge edi ghakutendire ghutape medhero."⁷Yosefu ghayendire ghakavumbeke wihe. Hakareri wahe waFaragho hayendire nendi- hakuru homudighumbo dyendi, hapiterithi wahe ho muditunga dya Edjipute. ⁸Nodighumbo dyodihe dyaYosefu nohakurwendi wahe. Ene hanawo, yimuna yawo nomurka dhawo dhodhihe yathigharire muditunga dyaGosheni. ⁹Matemba nohadhini tukambe hayendire nedni. Dhakarire mbunga dhodhikuru thikuma dhawanu.¹⁰Apa hana kumine padyango dyothindanda thaAtadi muthambo dhiya dha Yorudani, hadirire nondundumena dhodhikuru thikuma. Yosefu ghaturirepo mayuwa kwoko nowadi gho kudira wihe. ¹¹Hatungi ho muditunga dyaKananni, hamonine madiro ghopathindanda thaAdati, haghambire eshi, "Edhi ne ndundumena koha ka Edjiputena, yoya karera eshi dyango kuna kuditha Abeli Mizirayimi, kuthambo diya dhaYorudani.¹²Hanendi hatendire thika edi gharawerire Yakopu. ¹³Hanendi hamushimbire kuditunga dyaKanani nokamuvumbeka mudingurughoma mudipya dyaMashipela, pepi naMamure. Abrahamu ghaghurire dipya edi dikare dyango dyo mayendo. Aye ghadighurire kwaEfuroni mukaHetitayiti. ¹⁴Munyima dhokuvumbeka wihe, Yosefu gha hukire kuEdjiputi, pofotji nawa kurwendi, nowahe awa hamutatire mukavumbeka wihe.¹⁵Opa hamonine hakurwa Yosefu eshi wihawo ghapirapo haghambathanine eshi, " Ngepi keho ngeshi Yosefu gha kutwimanganyene nokuturuweritha ghuyi oghu twatendire kukwendi?" ¹⁶Hatapire marawero ghomakareropo ghaYosefu, ha ghambire eshi, "Wiho ghatapire makonekithero kughutrho ghokufa, ghughamba eshi, ¹⁷'Mwakutongwere Yosefu yinu yi, "Nakanderera thigherere hakuroye kuyirughana yoyimango noghuyi wawo omu hatendire ghuyi kukoye.'" Tuna kanderera thigherere hakareri waNyambi wawiho." Yosefu ghadirire opa haghambire hakurwendi.¹⁸Hakurwendi nawo hayendire nokanyingama kughutho wendi. Kokughamba eshi, "Atwe ne twakarire hoye." ¹⁹Ene Yosefu ghawahuthire eshi, "Mwayapa. Ame ne mudyango dyaNyambi nidi ndi? ²⁰Amwe ne kwatambire mukunihumbitha ene Nyambi ye kwatambire ghuwa, mukuparitha moyo dhodhingi, thika dyodi muna kuyimona dyarero. ²¹Podigho mbadi mwakona kuyapa, mbona mureri nohanenu hohambiru." Ghawa hengaghurire mumuhingo ghuno gha ghambire thiwana kumutjima dhawo.²²Yosefu ghatungire muEdjipute, pofotji nodiko dyawihe. Ghatungire myaka dithere nomyaka dikumi. ²³Yosefu ghamonine hana Efurayimu kare kudira dyoghuhatu. Ghamonine karo hana Makire ghomwana Manase, awo ne hawaturire mudiva dyaYosefu.²⁴Yosefu ghaghambire kwawakurwendi eshi, "Ame ne pepi nidi nokufa; ene Nyambi mboghaneya kukwenu no kuna mushwaghitha muno nokumutwara kuditunga edi ghatoyedhere kwaAbrahamu, kwaIsaka, naYakopu." ²⁵Munyima Yosefu ghaningire hana Isiragheli hohatutughuru hatende medhero. Ghaghambire eshi, "Ghushemwa Nyambi mboghaneya kukwenu. Ruvedhe oro mwakona kushimba yishokora yange muno muditunga." ²⁶Munyima Yosefu ghafire, nomyaka dithere nomyaka dikumi. Hamuroghithire nokumutura muthikesha muEdjipute.

¹Fumu Nyambi ne ghethire Moses nokughamba kukwendi kushwagha mudyango dyomakuwaneno ghuninga eshi. ²''Tongwere hanu wa Israeli, ''Ngeshi kehe munu mukatji kenu oyu ghana reta thomuyambo kwa-Nyambi, murete muyambo ghokushwagha payimuna yenu, kushwagha mumutanga ghoyimuna ngambi yinyunyi yokumuna.³Ngeshi muyambo wendi ne ghokutumekera kushwagha muyimuna, ghakona kutupura thothirume thothiheya. Aye ne ghakona kuthitapa kumengeneno ghodyango dyomakuwaneno, podiyo eshi thipwe kutambura paghutho wa-Fumu Nyambi. ⁴Ghakona kukambeka nyara dhendi pamutwi watho ndani thina kupwa kutambura kuma kushemwathanitho ghendi thinda.⁵Ndani ghakona kupagha ndwedho yu paghutho wa-Fumu. Hana Aroni hotutughuru, hapristeri, hana kushimba manyinga noka ghatjakera patishi ghomuyambo oyu ghakara kumengeneno ghodyango dyomakuwaneno. ⁶Ndani ghana kuyuwa thimuna thomuyambo nokuthitetaghura yinoko-yinoko.⁷Ndani hana Aroni hotutughuru hapristeri ne hana kutura mudiro patishi ghomumbo nokutura thiwana yikunyi padidhiko. ⁸Hana Aroni, hapristeri awo ne hana kutura yinoko, mutwi nomaghadhi thiwana payikunyi yopa mudiro eyi yidi patishi ghomuyambo. ⁹Ene yomwishi nomapadhi ne ghakona kuyiyogha nomeyu. Ndani mupristeri ne ghana kutumeka yoyiheya patishi gho muyambo ghokutumekera. Ayo ne yina kureta thiwe mwene; Oghu ne muyambo ghokukwange ghopamudiro.¹⁰Ngeshi muyambo wendi ghothimuna yira ndjwi endi n'ombo, ghakona kutupura thothirume thothiheya. ¹¹Ghakona kuthipayera kumbunda dhotishi ghomuyambo paghutho wa-Nyambi. Hana Aroni, hapristeri, hana kutjakera manyinga kumutara dhodhiheya dhotishi ghomuyambo.¹²Ndani ghana kutetaghura nyama yu muyinoko-yinoko, mutwi nomaghadhi hapristeri ne hana kuyitura thiwana payikunyi eyi yidi pamudiro, eyi yidi patishi ghomuyambo. ¹³Ene yipo yomwishi nomapadhi ne ghakona kuyi yogha nomeyu. Ndani mupristeri ne ghana kutupura yoyiheya, nokuyi tumekera patishi ghomuyambo. Oghu ne muyambo ghokutumekera, noyina kureta thiwe mwene kwa-Fumu Nyambi; awo ne muyambo ghu hana tendera Nyambi pamudiro.¹⁴Ngeshi muyambo wendi kwa-Nyambi ghokutumekera ghothinyunyi, ghakona keho kureta dikutji endi kambogho. ¹⁵Mupristeri ghana kuthireta kutishi ghomuyambo, kutheta mutwi watho, nokuthitumekera patishi ghomuyambo. Ndani manyinga ghatho ne ghana kugha kamena kumbadi dhotishi ghomuyambo.¹⁶Ghana kushwayitha ko dyuyero nokudimwayera kudiva kumbadi dhotishi ghomuyambo, kudyango dyomutwitwi. ¹⁷Ghakona kuthiyatura dhomando, ene mbadi kuyi yakunutha mutara dhiwadi. Ndani mupristeri ghana kuyitumekera patishi ghomuyambo, payikunyi yomudiro yopamudiro. Awo ne muyambo ghokutumekera, noyina kureta thiwe mwene kwa-Nyambi; awo ne muyambo ghopa didhiko.

¹Ngeshi ghumweya ghana reta muyambo ghomushungwa kwaFumu Nyambi, muyambo wendi ne wakona kukara mushungwa ghokukangitha ghuroto, nogha terepo maghadhi nomunde. ²Ghana kutwara muyambo ghu kohana Aroni hoha pristeri, noha pristeri hana kutumburapo dikaha nomaghadhi nomunde. Ndani mupristeri ne ghana kutumekera muyambo ghoghukareripo. Ghuna kureta thiwe mwene kwaFumu Nyambi; Awo ne muyambo waNyambi ghopa mudiro. ³Kehe yi yina thiyarapo pamuyambo ghomushungwa yina kukara ya-Aroni nohanendi hotutughuru. Awo ne wapongoka ghokutendera kwaNyambi gho padidhiko.⁴Ngeshi ghuna tupura muyambo kupira yifudhumukitha, oghu hana kanga padidhiko, owo ne ghuroto ghowotu ghomushungwa ghokuvunga nomaghadhi, endi ghuroto ghokutanara kupira yifudhumukitha, oghu hakunya maghadhi. ⁵Ngeshi muyambo ghoye ghomushungwa ne ghokukanga pathikango thongcandare, wakona kukara mushungwa ghoghuroto kupira yifudhumukitha oghu havunga nomaghadhi.⁶Kuyi taghura nokuterapo maghadhi. Oghu ne muyambo ghomushungwa. ⁷Ngeshi muyambo ghomushungwa ghoye ne ghunapu kuteneka pathikango, wakona kukara mushungwa ghomavumbukiro nomaghadhi.⁸Mwakona kureta muyambo ghomushungwa ghomavumbukiro oghu hana tenditha kuyinu yi kwa-Fumu Nyambi, nokuna ghutapa kwawa pristeri, oyu shogha ghurete kutishi ghomuyambo. ⁹Ndani mupristeri ghana kushimbapo dikaha oghu shoghu kare eshi muyambo ghoghukareri no ghana kughu tumekera patishi ghomushungwa. Awo ne ghuna kukara muyambo ghopamudiro, no ghuna kureta thiwe mwene kwaNyambi. ¹⁰Oghu ghuna thiyarapo ne wa-Aroni nohanendi. Owo ne wapongoka kwa-Nyambi muyambo ghu ghokutumekera.¹¹Mbadiko muyambo ghomushungwa ghomavumbukiro ghokutapa kwa-Nyambi noyivudhumithamo, mbadi mwakona kutumeka yivudhumukitha, endi wiki ghomuka, eshi muyambo ghokutumekera kwa-Fumu Nyambi. ¹²Ngambi mbomu yitapa kwa-Nyambi eshi ghomuyambo ghokutanga, ene mbadi mboyireta thiwe mwene patishi ghomuyambo. ¹³Mwakona kutova mungwa pakehe muyambo ghomushungwa. Mbadi mutawedhere mungwa ghoghundambo waNyambi wenu ghupumbwe pamuyambo ghomushungwa. Nokehe muyambo dhenu mwakona kutupurapo mungwa.¹⁴Ngeshi ghamutupura muyambo ghomushungwa ghomukesho ghokutanga kwaFumu Nyambi, mutape eyi muna yotho mumudiro nokuyitwa yikare mushungwa. ¹⁵Ndani muturepo maghadhi nomunde. Oghu ne muyambo ghomushungwa. ¹⁶Ndani mupristeri ne ghana kutumekera dihenda dyomushungwa, maghadhi nomunde eshi muyambo ghoku mwimanenapo. Oghu ne muyambo ghokutendera pamudiro kwaFumu Nyambi.

¹Ngeshi ghumweya ghatupura muyambo ghothiraro ghothimuna, thothirume endi thothikadhi, ghakona kutapa thimuna thothiheya paghutho wa-Nyambi. ²Ghana kukambeka nyara dhendi pamutwi watho nokuthipaghera pathero dhodyango dyomakuwaneno. Ndani hana Aroni, hapristeri ne hana kutjakera manyinga kumbadi dhotishi ghomuyambo.³Munu ghana kutenda muyambo ghothiraro pamudiro kwa-Nyambi. Maghadhi ghokunyama nogho yipo yomwishi, ⁴nomathiyo mawadi nomaghadhi agha ghakara ko nogho kumbunda, nogho kudihudi nomathiyo, ghakona kuyishwayithako yoyihe yi. ⁵Hana Aroni ne hana kuyitumekera patishi ghomuyambo nomuyambo ghokutumekera, oghu ghudi payikunyi eyi yidi pamudiro. Eyi ne yina kureta thiwe mwene kwa-Fumu Nyambi, awo ne muyambo hana tendera Nyambi pamudiro.⁶Ngeshi muyambo ghothiraro wamunu kwa-Nyambi ne ghokushwagha pathimuna; thothirume ngambi thothikadhi, ghakona kutaperera thothiheya. ⁷Ngeshi ghana tapa ndjwi ghomuyambo wendi, ghakona kuthitapa kwaNyambi. ⁸Ghana kukambeka nyara pamutwi ghotho muyambo nokuthi pagha paghutho ghodyango dyoma kuwaneno. Ndani hana Aroni ne hana kutjakera manyinga kumutara dhotishi ghomuyambo.⁹Munu ghana kutupura muyambo ghothiraro ghokutendera pamudiro. Maghadhi ghomaheya ghokumuthira nogho pepi ghothishokora thomughongo ne kughateta ko, nomaghadhi ghomaheya ghoyo mwishi. ¹⁰Nomathigho mawadi agha ghadi ko, agha ghakara kumughongo nogho kudihudi, nomathiyo hana kuyi shwayitha ko yoyiheya yi. ¹¹Ndani mupristeri ne ghana kuyitumeka patishi ghomuyambo ghokutumekera yidya kwa-Fumu Nyambi.¹²Ngeshi eyi ghana kutapa ne n'ombo, ghakona kumutapa kwa-Nyambi. ¹³Ghana kukambeka nyara dhendi pamutwi ghon'ombo nokumu payera paghutho ghokakurwero komakuwaneno. Ndani hana Aroni ne hana kutjakera manyinga kumbadi dhotishi ghomuyambo. ¹⁴Munu ya ne ghana kutupura muyambo wendi ghopamudiro kw-Fumu. Ghana kutetako maghadhi agha ghafika yipo yomwishi, nomaghadhi ghokuyipo yomwishi.¹⁵Shime ghana kutetako mathiyo mawadi nomaghadhi agha ghakara kumathiyo, nogho kuthinduku, nogho kudihudi, nogho kumathiyo. ¹⁶Mupristeri ne ghana kutumekera yoyiheya patshi ghomuyambo ghokutumekera yidya, yirete thiwe mwene. Maghadhi ghomaheya ne gha-Fumu Nyambi. ¹⁷Eyi ne mboyina kara muragho ghokukarererapo mughuye ghohanu woye kukehe dyango muna kutendera maghadhi ghenu, podiyo eshi mbadi mbomudye maghadhi nomanyinga.

¹Fumu Nyanbi ne ghatongwere Mosesi eshi, ²"Tongwere ha-Israeli, "Ngeshi poghadi yu ghana harura mbadi ghuhima, mukuruwana yinu yoyiheya eyi Fumu Nyambi ghashwenekire kuyiruwana, eyino ne mwakona kuyitenda. ³Ngeshi yu ghana harura ne mupristeri yu ghapwa kuwethera noghana kushana kureta eshi murandu kwawanu, ghakona keho ye kutapa ndwedho ghomuheya kwa-Fumu Nyambi eshi muyambo ghodiharwero."⁴Ghakona kureta ndwedho kumengeneno ghokakurwera komakuwaneno paghutho wa-Fumu Nyambi, ghakambeke nyara dhendi potho muyambo noghana kupagha ndwedho yu paghutho wa-Nyambi. ⁵Mupristeri yu hapwa kuwethera ne ghana kushimba manyinga ghondwedho nokugha twara mukakurwera komakuwaneno.⁶Mupristeri ghana kutuwa munwe wendi mumanyinga nokugha tjakera yikandho kwoko noyiwadi paghutho wa-Nyambi, paghutho ghodikehe dyokungonda dhokupongoka thikuma. ⁷Na mupristeri ne ghana kutura manyinga ghamweya pamanyiha ghotishi ghomuyambo nomunde paghutho wa-Fumu Nyambi, oyu ghakara mudyongo dyomakuwaneno, noghana kuna tera manyinga ghomaheya pandwedho kumuve ghotishi ghomuyambo ghokutumekera, oyu ghakara kumengeneno ghodyango dyomakuwaneno.⁸Ghana kuteta ko maghadhi ghomaheya ghomuyambo ghodiharwero; maghadhi agha ghafika yomwishi, nomaghadhi ghomaheya agha ghakara koyo mwishi, ⁹mathiyo mawadi nomaghadhi agha ghakara kukwayo, ghokumughongo, ghokudihudi nomathiyo ne ghana kugha tetako ghomaheya. ¹⁰Ghana kugha shwayithako, thika dyodi ghana kuteta ngeshi kughana kutupura muyambo ghodiharwero. Ndani mupristeri ne ghana kutumekera yipo yi patishi ghomuyambo.¹¹Thikukumba nonyama ghokuthiyarako, mutwi nomapadhi noyo mwishi norutoko, ¹²yipo yoyiheya yi ne hana kuyitwara panunda dhomwara oku hana mukenithera, oku hanotweranga mutwitwi; hana katumeka yipo yiya payikunyi. Hana kayitumekera kudyango dyokunotwera mutwitwi.¹³Ngeshi dikonga dyodiheya dya-Israeli ne dina harura mbadi ghuhima, nombunga ne mbadi dhina dimuka eshi hana harura endi hana ruwana yinu eyi ghawa shwenikire Fumu Nyambi eshi hamba yitenda, nongeshi ghaha kuyuvu murandu, ¹⁴ndani, ngeshi diharwero edi hatenda ne hanana didimuka, dikonga ne dyakona kutupura ndwedho ghana ghothimuna thomuyambo thodiharwero nokamureta paghutho ghokakurwera komakuwaneno. ¹⁵Manduraghumbo ghodikonga ne ghana kukambeka manyara ghawo pamutwi ghondwedho paghutho wa-Nyambi, nondwedho ne hana kumupagha paghutho wa-Fumu Nyambi.¹⁶Mupristeri yu hawethera ne ghana kureta manyinga ghamweya ghondwedho kukakurwera komakuwaneno, ¹⁷na mupristeri ne ghana kutuwa munwe wendi mumanyinga nokutjakera yikandho kwoko noruwadi paghutho wa-Fumu Nyambi, paghutho ghodikehe.¹⁸Ghana kutura ghunyinga ghumweya kumanyiha ghotishi ghomuyambo oyu ghakara paghutho wa-Fumu Nyambi, oyu ghakara mudyango dyomakuwaneno, noghana kunotwera manyinga ghomaheya kumuve ghotishi ghomuyambo ghokutumekera, oyu ghakara kumengeneno ghokakurwera komakuwaneno. ¹⁹Aye ne ghana kutetako maghadhi ghomaheya nokugha tumekera patishi ghomuyambo.²⁰Eyi ne yodiyo ghakona kuruwana kundwedho. Thika dyodi ghana royera kuruwana kundwedho ghomuyambo ghodiharwero, thidka dyo karo kemo, na mupristeri ne ghana kuruwana makushemwathanitho ghawanu nohana kupwa kuthiyerera. ²¹Ghana kushimba ndwedho panunda dhomwara noka mutumekera thika dyodi ghana tumekera ndwedho ghokutanga. Oghu ne muyambo ghodiharwero wodikonga dyodiheya.²²Ngeshi muraghuri ghana harura mbadi mughu hima, mukutenda kehe yi Fumu Nyambi ghawa rawere eshi hamba yitenda, noghana kukuyuva murandu, ²³ndani nomurandu wendi ne hana ghumudimukitha, ghakona kareta n'ombo, thikungwe thothiheya.²⁴Ghana kukambeka nyara dhendi pamutwi ghon'ombo nokumu paghera kudyango hapayeranga thomuyambo ghokutumekera paghutho wa-Fumu Nyambi. Oghu ne muyambo ghodiharwero. ²⁵Mupristeri ne ghana kushimba ghuva ghotho muyambo nominwe dhendi noku ghutura pamanyiha ghotishi ghomuyambo ghokutumekera, nokutera ghuva ghu kudithina dyotishi ghomuyambo ghokutumekera.²⁶Ghana kutumekera maghadhi ghomaheya patishi ghomuyambo, thika maghadhi ghotho muyambo ghothiraro. Mupristeri ne ghana kuruwana makushwemathanitho ghamuraghuri kudiharwero dyendi, namuraghuri ne ghana kuwana mathiyerero ghomaharwero.²⁷Ngeshi kehe munu maghana ghana harura kupira kudimuka eshi ghana harura, kuruwana yinu eyi ghawa rawera Fumu Nyambi eshi mbadi mboha yiruwane, pakanongonona eshi mumurandu ghadi, ²⁸nodiharwero edi gharuwanine ne hana dimudimukitha, ghakona kareta n'ombo ghomuyambo, muruva ghomuheya, kudiharwero edi nga harura.²⁹Ghana kukambeka nyara dhendi pamutwi ghotho muyambo ghodiharwero nokuthi paghera kudyango dyomuyambo ghokutumekera. ³⁰Mupristeri ne ghana kushimba ghuva ghumweya nominwe dhendi nokutura manyinga gha pamanyiha ghotishi ghomuyambo ghokutumekera. Ghana katera ghuva ghokuthiyarako kudithina dyotishi ghomuyambo.³¹Ghana kuteta ko maghadhi ghomaheya, thika dyodi wakara muhingo ghorutetitho ghomuyambo ghothiraro. Mupristeri ne ghana kugha tumeka patishi ghomuyambo gharete thiwe mwene kwa-Fumu Nyambi. Mupristeri ne ghana kutupura muyambo ghu mudyango dyamunu yu ghana reta muyagho noghana kuwana mathiyerero ghomaharwero.³²Ngeshi munu yo ne kuna reta ndjwi eshi ghomuyambo wendi, ghakona kureta ndjwi ghomukadhi ghomuheya. ³³Ghana kukambeka nyara dhendi pamutwi ghotho muyambo ghodiharwero nokuthipaghera kudyango dyokupayera thomuyambo ghodiharwero ghokutumekera.³⁴Mupristeri ne ghana kushimba manyinga ghamweya ghotho muyambo ghodiharwero nominwe dhendi nokugha tura pamanyiha ghopa tishi ghomuyambo ghokutumekera, noghana kutera ghuva ghoghuheya kudithina dyotishi ghomuyambo. ³⁵Ghana kuteta maghadhi ghomaheya, yira wakuteta maghadhi ghondjwi ghomuyambo ghothiraro, mupristeri ne ghana kugha tumeka pawiru dhotishi ghomuyambo wa-Fumu Nyambi ghokutendera pamudiro. Mupristeri ne ghana kutenderapo makushwemwathaneno kumaharwero agha ghatenda, munu ya ne ghana kuwana mathiyerero ghomaharwero.

¹Ngeshi ghumweya ghana harura nokuyuva diywi dyomedhero oyo ne mushupi yikare eshi ghana yimono endi kuna yiyuvu ngeshi mbadi ghana yitongora ghana kukara mumurandu. ²Endi ngeshi ghumweya ghakwata kehe thi ghatoyedhera Nyambi eshi thanyata endi, yikare eshi dibu dyothiyama thokunyata endi dibu dyothimuna thokunyata ngambi mabu ghoyivareka yo kukokawa pamuve ngambi eshi mbadi ghana dimuka eshi yinu munye ghana tendi,ghana kukara ghana nyata no mumurandu.³Endi ghana kwata kehe dhino nyata dhamunu, kehe dhino nyata nongeshi mbadi ghana yi dimukera, ghana kukara murandu pakuna yikona kona. ⁴Endi ngeshi kehe yu ghana tapa medhero gho katjova nomuromo mukutenda ghushatani endi ghutenda ghuhunga, kehe yi ghana tapa medhero gho katjova ngambi ngeshi mbadi ghana yidimukera ene pakuna yikuhongera ndani ghana kukara mumurandu, mukehe yinu yira yi.⁵Ngeshi ghumweya ghadi mumurandu mukehe yinu yira yi, gha kona kutongonona kehe diharwero edi ghatenda. ⁶Ndani ghakona kureta muyambo gho murandu kwaFumu Nyambi kudiharwero edi gha tenda, thiyama thothikadhi kutunda mumutanga ghondjwi endi n'ombo ghomuyambo ghodiharwero namupristeri nanyi ghatendere makushemwathanitho ghendi kuhatera diharwero dyendi.⁷Ngeshi mbadi wa kukona kughura ndjwi ne gha rete keho makutji mawadi nomaputukuwa mawadi eshi muyambo ghodiharwero kwaFumu Nyambi gho muyambo ghokutumera. ⁸Ghakona kughareta kwamupristeri oyu shogha tupure ghofotji gho muyambo pakutanga ghana kuteta mutwi kuthingo ene mbadi ghaghu ya kunuthere kuyirama. ⁹Ndani nanyi ghatjakere manyinga ghamweya gho tho muyambo ghodiharwero kumutara ghothinyaku noghana kukamena manyinga ghatho gho kuthiyarako kumuve gho thinyaku. Oghu ne muyambo ghodiharwero.¹⁰Ndani gha kona kutupura thinyunyi thoghuwadi thikare muyambo ghokutumekera, thika dyodi haghu shingonona mumakonekithero namupristeri ghana kutenda makushemwathano ghendi gho kudiharwero edi gharuwana na munu yu ghana kupwa kuthiyerera.¹¹Ene gheshi yina mughowa kughura makutji mawadi no naputukuwa mawadi ne gha kona kureta mushungwa ghokutenditha ghoroto gho thofotji kudikumi gho kupwa kumeta gho muyambo ghodiharwero. Mbadi ghakona kuvunga po maghadhi ngambi yothiwe, yoyishi muyambo ghu ne ghodiharwero.¹²Ghakona kughureta kwamupristeri namupristeri yu ne nanyi gha shimbepo ghumweya eshi muyambo ghokukarerapo no kughu tumekera pathinyaku kukutha kumayendithitho ghomuyambo gho pamudiro kwaFumu Nyambi. Agho ne muyambo ghodiharwero. ¹³Mupristeri ghana kutenda makushemwathano ghokukehe diharwero edi ghana ruwana munu namunu yu ghana kupwa kuthiyerera. Muyambo oghu ghuna thiyarapo ghomushungwa ghuna kukara wamupristeri.¹⁴Ndani Fumu Nyambi gho gha ghambire kwaMoses ghuninga eshi. ¹⁵Ngeshi ghumweya ghana harura nokuneghedha kupira ghutawedhi kuhatera kuyinu eyi yakara yaFumu Nyambi ene ghatenda kemo mbadi muwina ne ghakona kureta muyambo ghodiharwero kwaFumu Nyambi .Muyambo ghu wakona kukara ghondjwi gho murume ghomuheya kutunda mumutanga,mudyo wendi wakoka kukara ghokuhafitha muthimetitho thosiliveri,kukutha muthimetitho tho mukakurwera komakuwaneno eshi muyambo ghodiharwero. ¹⁶Ghakona kuhafithaFumu Nyambi koyi ghana ruwana ghuyi munungathano dhoyo kupongoka nogha kona kuwedherera po thofotji muyikwoko no kuyitapa kwamupristeri.Ndani mupristeri ghana kutenda makushemwathanitho ghendi noyu ndjwi gho murume gho muyambo ghodiharwero na munu yu ghana kupwa kuthiyerera.¹⁷Ngeshi kehe yu ghana harura nokutenda eyi Fumu Nyambi ghawa rawera eshi mbadi hakona kuyitenda ngambi eshi mbadiko ethi ghadimukire, shime nomurandu wendi nogha kona kushimba murandu wendi. ¹⁸Ghakona kureta ndjwi ghomurume ghomuheya kutunda mu mutanga, mudyo mungcamu dhomasherenyi eshi muyambo ghodiharwero kwa mupristeri. Ndani mupristeri ghana kutenda makushemwathano ghendi kuhatera diharwero edi ghatenda ene mbadi ghadi dimuka no ghana kupwa kuthiyerera. ¹⁹Oghu ne muyambo ghodiharwero no ghadi mumurandu kwaFumu Nyambi.

¹Fumu Nyambi ghaghambire kwa-Moses ghuninga eshi; ²"Ngeshi kehe yu ghana harura nokuneghedha kupira ghutawedhi kwimanganyena Fumu Nyambi mukwangera muka maparaghumbo ghendi kuhatera yinu eyi hanamukurupera mukuyipungura endi hayi thiyire mumapakero thinga ghendi ngambi kuhatera thinu ethi hedhire endi ghapethire muka maparaghumbo wendi." ³Endi ngeshi ghana wana thinu thamu kamaparaghumbo thina yongara nokwangera endi kwedha mbango nomukehe muhingo yira ghokuningitha munu ghaharure. ⁴Ngeshi ghana harura nohana muwana murandu, gha kona kuhuthedherapo kehe thi ghashimba pamukungu ngambi murupetho endi ethi hakurupera mumwendi ngambi ethi thayongarire ene hana thiwana.⁵Mukuwedherera, mukehe muhingo ghana tapa medhero ghombango, ghakona kuyi huthedherapo thofotji muyikwoko thomudyo watho nogha ruwere yoyiheya kwathinda mudiyuwa edi hana muwana murandu. ⁶Ndani ghakona kureta muyambo wendi ghodiharwero kwaFumu Nyambi, ndjwi ghomurume ghomuheya kutunda mumutanga ghomudyo kurikanya mumasherenyi eshi muyambo ghodiharwero kwamupristeri. ⁷Mupristeri ghana kutenda makushemwathanitho ghendi paghutho dhaFumu Nyambi non'anyi ghapwe kuthiyerera kuhatera kehe thi ghana kara murandu kuthiruwana.⁸Ndani Fumu Nyami ghaghambire kwa-Moses ghuninga eshi, ⁹''Rawere Aaron nohanendi hotutughuru,'' ghuninga eshi. ''Oghu ne muragho ghomuyambo ghokutumekera.'' Muyambo ghokutumekera wakona kukara padidhiko dyothinyaku ghuthiku ghoghuhe kate mathiku-thiku nomudiro ghopathinyaku ne n'anyi ghukare thitumbukerera.¹⁰Mupristeri ne n'anyi ghashupate muthithi wendi noshime ghana kushupata yokwishi. N'anyi ghadhamune mutwitwi oghu ghuna thiyara munyima dhomudiro ghuna tumeka muyambo ghokutamekera pathinyaku noghana kutura mutwitwi ghu kumbadi dhothinyaku. ¹¹N'anyi ghashuture muthithi wendi nokushupata muthithi ghumweya mukutwara mutwitwi panunda dhomwara kudyango dyodikenu.¹²Mudiro pathinyaku ghukare thitumbukerera, mbadi ghudhimane namupristeri n'anyi ghakon'ere yikunyi kehe mathiku-thiku. N'anyi ghakon'ere muyambo ghokutumekera thika dyodi waroghera noghana kutumekerapo maghadhi ghomuyambo ghothiraro. ¹³Mudiro ne wakona kukara thitumbukerera nombadi wakona kudhimana.¹⁴Oghu ne muragho ghomuyambo ghomushungwa. Hana Aaron n'anyi hatupure paghutho dhaFumu Nyambi pathinyaku. ¹⁵Mupristeri ghana kushimbapo dikaha dyomushungwa ghokutenditha ghuroto ghomuyambo ghomushungwa nomaghadhi noyo yidi pamushungwa ghomuyambo non'anyi ghaghu tumekere pathinyaku mukureta thiwe mwene eshi muyambo ghomakarereropo.¹⁶Aaron nohanendi hotutughuru hana kudya kehe yi yina thiyara pamuyambo. Hakona kuyidya thuthungunyi mudyango dyokupongoka. Awa n'anyi hayidyere mudirapa dyokakurwera komakuwaneno. ¹⁷Mbadi wakughu kanga noyifudhumukitha. Naghuwapire eshi mutara wagho ghomuyambo ghokutumekera. Agho ne wapongoka thikuma eshi muyambo ghodiharwero nomuyambo ghomurandu. ¹⁸Kehe katughuru ghomwana hoka waAaron kukona ghaghu dye, thika dyodi yapwa kurawera kuroruheya mumushovo ghoye ghoghuhe, oghu hatumburire pamuyambo ghopa mudiro ghokutendekakwaFumu Nyambi. Kehe yu ghokughukwata ghana kukara mupongoki.¹⁹Yodiyo Fumu Nyambi ghaghambire naMoses ghuninga eshi. ²⁰''Oghu ne muyambo waAaron nohanendi hotutughuru, oghu mbo ha tupura mudiyuwa ngeshi kehe mwana ghokatughuru ne ghana muwethera; Thofotji mudikumi thomu thimeti tho thomushungwa ghokutenditha ghuroto ghomuyambo ghomushungwa ghokehe pano. Dihenda dyagho mumathiku-thiku nodihenda dyagho.²¹Hana kughu tenda nomaghadhi muthiyo thokukungera. Ngeshi yina pu kuvunga, mwakona keho kughureta mo. Muyigonyo-yigonyo dyohana ghukanga mbomuna yamba muyambo ghomushungwa mukureta thiwe mwene kwaFumu Nyambi. ²²Mwana mupristeri ghokatughuru oyu hana kuwethera ghupristeri kutunderera pohahendi hotutughuru ghana kuyamba. thika dyodi hayi warawera kuroruheya hana kuyitumekera kwaFumu Nyambi. ²³Kehe muyambo ghomushungwa wamupristeri hana kughutumekerera ghoghuheya nombadi wakughudya.²⁴NaFumu Nyambi ghaghambire karo naMoses ghuninga eshi. ²⁵''Tongwere Aaron nohanendi ghuwaninga eshi, ''Oghu ne ghomuragho ghomuyambo gho kutumekera nokuthipaghera paghutho dhaFumu Nyambi. Agho ne wapongoka thikumenena. ²⁶Mupristeri yu ghana kutupura thikudiharwero kukona ghayidye. Hakona kuyidyera mudirapa dyokakurwero komakuwaneno.²⁷Kehe thi thina kukundana kunyama dho thi, thina kukara ghupongoki nongeshi manyinga agha hana tjakera pakehe muthithi, mwakona kugha yogha po, mutara ogho hana tjakera, mudyango dyokupongoka. ²⁸Ene poto ghoghuma omu hana yenyekanga hakona kumu bonyaghura. Ngeshi hayenyekanga mupoto ghothikuvo hakona kumuyogha nokumukenitha toto-toto mumeyu.²⁹Kehe katughuru mwawa pristeri kukona hadye pamurandu eshi yapongoka thikuma. ³⁰Ene kehe manyinga ghomuyambo ghodiharwero agha hana reta mukakurwera komakuwaneno mukuna ruwana makushemwathanitho mudyango dyokupongoka hakona kuyidya nokughutumekera.

¹Oghu ne muragho ghomuyambo ghomurandu. Awo ne wapongoka thikuma. ²Hakona kupaghera thomuyambo ghomurandu mudyango dyomapaghero nohakona kutjakera manyinga ghatho kumbadi dhodhihe dhothinyaku. ³Maghadhi ghatho ghomahe kutenda muyambo, ghokumuthira nogho kuyipo yomwishi. ⁴Mathigho mawadi nomaghodhi ghokumathiyo agha ghadhingumwetwedha yipo yomwishi nogho kudihudinomathiyo, yoyiheya kuyitetako.⁵Mupristeri ghana kutumekera yipo yi pathinyaku eshi muyambo ghokutumekera kwaFumu Nyambi no oghu ne muyambo ghodiharwero. ⁶Kehe katughuru mwawa pristeri kukona kudya dihenda dyomuyambo ghu. Hakona kughu dyera mudyango dyokupongoka yoyishi wapongoka thikuma.⁷Muyambo ghodiharwero ne wapitura muyambo gho murandu. Muragho ghofotji waghamba kumiyambo dhodhihe dhi. Adho ne dhamupristeri oyu ghana kuruwana makushemwathano nadho. ⁸Mupristeri yu ghokutupura keke muyambo ghokutumekera wakehe yu ghana kuwana thikukumba tho ghothomuyambo.⁹Kehe ghuno muyambo ghomushungwa oghu hana kanga mudidhiko nokehe muyambo ghokemo oghu hana kangera mudidhiko dyokufika endi pathiyo n'anyi mbo ghukare wamu pristeri oyu ghana kughutupura. ¹⁰Kehe muyambo ghomushungwa ghukare eshi ghothuthungunyi ngambi ghokuvunga nomaghadhi, mbo ghuna kara eshi ghohana hoka wa-Aaron.¹¹Oghu ne muragho ghokutupura muyambo ghothiraro oghu hanu mba tapa kwaFumu Nyambi. ¹²Ngeshi ghumweya ghatupura marongathaneno ghokutapa matumero ne ghakona kutapa nokutupura yikuki eyi hana kanga kupira yifudhumukitha ene kavungapo eyi hana tura maghadhi, yikuki yokungcambuka kupira yifudhumukitha ene kuvunga po maghadhi noyikuki eyi hana kangitha kumushungwa ghokufa thiwana oghu hana vungu nomaghadhi.¹³Nokaro thitambo thokutapa matumero ne ghakona kutapa nomuyambo ghothiraro ghoyikuki noghuroto eyi hana vungu noyifudhumukitha. ¹⁴Ghakona kutapa ghofotji ghopodhi miyambo eshi ghukare muyambo ghu hana tapa kwafumu Nyambi. mbo ghuna kara wawa pristeri awa hana kutjakera manyinga ghotho muyambo ghothiraro pathinyaku.¹⁵Munu yu ghana kutenda muyambo ghothiraro nothitambo thokutapa matumero ne ghakona kudya nyama ghotho muyambo wendi ghu ghana tupura. Mbadi ghakona kutureka nyama yu kate diyuwa dyo kuranda ko. ¹⁶Ene ngeshi matupwero ghomuyambo wendi ne ghothitambo thomedhero endi ghothitambo tho muyambo ghoyihima yo kumutjima, nyama ne hakona kumudya mudiyuwa dyodyo hana tendi muyambo ene kehe yi yokuthiyarako ne kuyidya ngenyu diyuwa dyo kuranda ko.¹⁷Nyambi kemo kehe nyama gho thomuyambo gho kuthiyarako kate diyuwa dyo ghuhatu ne hakona kumutumekera. ¹⁸Ngeshi kehe nyamaghotho muyambo ghothiraro ghohana mudi mudiyuwa dhoghuhatu, mbadi shoghapwe kutambura endi kumutoyedhera yu ghana mutapa. Agho ne murandu ghoghukuru no munu yu ghana mudi ghana kushimba murandu ghodiharwero.¹⁹Kehe nyama ghokukundama kuthinu thokunyata ne mbadi mwakona kumudya ene kumutumekera. Ene kunyama ghomuheya, nokehe yu ghana keni ne kukona kumudya. ²⁰Ngambi kemo, munu ghana nyata ngeshi kudya nyama kutunderera kotho muyambo ghothiraro oghu wakara eshi wa-Fumu Nyambi, munu ghokemo ne kumuyakunutha kohanu wendi.²¹Ngeshi poghadi ghana kundama kehe thinu thokunyata, yikare eshi nyata dhamunu endi nyata dhothiyama ngambi nyata dhoyinu yimweya nongeshi ghadi nyama ghotho muyambo ghothiraro oghu wakara wa-Fumu Nyambi, munu ghokemo ne hakona kumuyakunutha kohanu wendi.²²Ndani Fumu Nyambi ghaghambire kwa-Moses ghuninga eshi, ²³''Togwere hanu wa-Israeli ghuninga eshi, mbadi mwakona kudya maghadhi ghongombe, ndjwi, n'ombo. ²⁴Maghadhi ghothiyama thokukufera kupira kuthiyamba endi maghadhi ghothiyama ethi hana pagha hayishereka, kukona kuthiruwanitha mukehe thitambo ene mbadi mwakona kugha dya.²⁵Kehe yuno ghokudya maghadhi ghothiyama ethi ghatapa munu eshi muyambo kwaFumu Nyambi, munu ghokemo ne hakona kumuyakunutha kohanu wendi. ²⁶Mbadi mwakona kudya manyinga ghokehe thino thidi mumandhugho ghenu, yikare eshi ghokushwagha kuthinyunyi ngambi thiyama. ²⁷Kehe yu ghokudya kehe manyinga ne kumuyakunutha ko hanu wendi.²⁸Fumu Nyambi ghaghambire kwa-Moses nogha ningire eshi. ²⁹''Ghambe nohanu waEsraelie nowatongwere eshi, ''kehe yu ghokutupura muyambo ghothiraro kwaFumu Nyambi ghakona kureta dihenda dyomuyambo wendi kwaFumu Nyambi. ³⁰Muyambo waFumu Nyambi kughu tendera pamudiro nogha kona kareta muyambo ghu no nyara dhendi, ghakona kureta maghadhi nothitanga podiyo eshi thitanga thipwe kukenitha eshi muyambo ghokuyeyura moko ghughurumutha paghutho dhaFumu Nyambi.³¹Mupristeri ghakona kutumekera maghadhi pathinyaku ene thitanga ne thikare thaAaron nohana hoka wendi. ³²Mwakona kutapa ditami dyorudyo kwamupristeri eshi muyambo ghu hana tapa kutunderera pandupu dhomuyambo dhenu dhodhiraro.³³Mupristeri, ghofotji ghopa hana hoka waAaron, oyu ghana kuyamba manyinga ghomuyambo ghothiraro nomaghadhi n'anyi mba wane ditami dyorudyo eshi shununa dhendi dhomuyambo. ³⁴Natumburire pohanu wa Esraelie thitanga thomuyambo ghokuyeyura moko muwiru nokughurumuna noditami eshi yighongawedha nonayitapa kwaAaron ghomupristeri nohanendi eshi shununa dhagho dhokehepa.³⁵Eyi ne yoyiwana ya Aaron nohana hoka wendi kutunderera pamuyambo kwaFumu Nyambi ghokutenderera padidhiko. Mudiyuwa edi Mosesi ghawaneyire mukuruwanena Fumu Nyambi muyiruwana yoghu pristeri. ³⁶Eyi ne yitapa eyi Fumu Nyambi gharawere mukuyitapa kukwagho kutunderera kohanu wa Esraele mudiyuwa dyokuwethera hapristeri. Mboyina kara yiwana yagho roruhe mushovo nomushovo.³⁷Oghu ne muragho ghomuyambo ghokutumekera, ghomuyambo ghomushungwa, muyambo ghodiharwero, muyambo ghomrandu, muyambo ghomatungekero nomuymbo ghothiraro. ³⁸Kuhatera kumarawero ghaFumu Nyambi kwa-Moses padirundu dya Sinai mudiyuwa edi gharawera diko dya Esraele mukutapa ndupu kwaFumu Nyambi mumamboreya.

¹Fumu Nyambi ne ghaghambire kwa-Mosesi ghuninga eshi, ²"Shimbe Aroni nohanendi hotutughuru, yishupata nomaghadhi ghokuwethera, ndwedho ghomuyambo ghodiharwero, ndjwi dhiwadi, nokaronga koghuroto ghothuthungunyi. ³Tongwere hanu waheya hakare pofotji kukakurwera komakuwaneno."⁴Yodiyo Mosesi ne gharuwanine thika dyodi ghamurawere Fumu Nyambi, nawaheya ne hapongire kumengeneno ghakakurwera komakuwaneno. ⁵Ndani Mosesi ne ghogha tongwere dikonga eshi, "Eyi ne yodiyo ghana raghura Fumu Nyambi eshi yihokoke."⁶Mosesi ne gharetire Aroni nohanendi hotutughuru nogha wayoyire nomeyu. ⁷Ghakambekire thishupata pa-Aroni nogha mughangire thishupata thomumbunda dhendi, nogha mushupekire dipura-pure nogha muvatekire thopa muyidi, nogha thighangire kudhingumwetwedha mughongo nongwama dhomumbunda nokuyimughanga thiwana.⁸Ghamuturire thingandekitha thopamuyidi, nomudirimba dyatho ne ghaturiremo mawe mawadi ghodina dyo-Urim no-Thummin. ⁹Ghamushupekire hutji kumutwi wendi, paghutho ghohutji yu ne ghaturirepo ngorondo, dhikare n'ata dhokupongoka, thika dyodi Fumu Nyambi gharawere.¹⁰Mosesi ne ghashimbire maghadhi ghokuwethera, ghawethere thinyaku noyoyiheya eyi yakarire mo nogha yipongwere kwa-Fumu Nyambi. ¹¹Ghatjakere maghadhi patishi ghomuyambo noyiruwanitha yendi, nokaronga komeyu ghokukuyogha nodithina dyako, muku yipongwera kwa-Fumu Nyambi.¹²Ghaterire maghadhi ghamweya pamutwi wa-Aroni nokumu wethera kuthiruwana thi. ¹³Mosesi ne gharetire hana Aroni hotutughuru nogha wavatekire mithithi thokupira mapurayera. Ghawa ghangire nongwama mumbunda nokuwa ghanga yihina yoyikenu mumutwi dhawo, thika dyodi gharawere Nyambi.¹⁴Mosesi ghaka retire ndwedho ghomuyambo ghodiharwero, Aroni nohanendi hotutughuru ne hakambekire moko ghawo pamutwi ghondwedho oyu haretire ghokutenda muyambo ghodiharwero. ¹⁵Mosesi ne ghamupayire, nogha shimbire ghuva noka ghutura pamanyiha ghotishi ghomuyambo nominwi dhendi, ghanotwere manyinga kudithina dyotishi ghomuyambo, nogha ghawapongwere kwa-Fumu Nyambi mukutenda makushemwathanitho.¹⁶Ghashimbire maghadhi ghomaheya ghoyipo yomwishi, agha ghafika dihudi, nomathiyo mawadi nomaghadhi ghako, Mosesi ne ghagha tumekire ghomaheya patishi ghomuyambo. ¹⁷Ene Mosesi karo ne ghatumekere ndwedho, thikukumba, nyama, norutoko panunda dhomwara, thika dyodi ghamurawere Fumu Nyambi.¹⁸Ene Mosesi ne ghatupure ndjwi ghomuyambo ghokutumekera, Aroni nohanendi hotutughuru ne hakambekire manyara ghawo pamutwi ghondjwi. ¹⁹Gha mupayire nogha tjakere manyinga kumbadi dhotishi ghomuyambo.²⁰Ghatetaghurire ndjwi yu muyinoko yinoko nogha tumekire mutwi noyinoko nomaghadhi. ²¹Ghayoyire yipo yomwishi nomapadhi mumeyu, nogha tumekire ndjwi ghomuheya patishi ghomuyambo. Awo ne muyambo ghokutumekera nowa retire thiwe mwene, muyambo ghokutendera pamutiro kwa-Nyambi, thika dyodi Fumu Nyambi gharawere Mosesi.²²Ndani Mosesi ne ghatapire ndjwi ghumweya, ndjwi ghokukushukitha, Aroni nohanendi ne hakambekire manyara ghawo pamutwi ghondjwi. ²³Aroni ne ghamupayire na-Mosesi ne ghashimbire ghuva ghumweya nogha ghuturire pawiru dhoditwi dyorudyo dya-Aroni, nopa dipambara dyokurudyo, nokudipambara dyokudighuru dyorudyo. ²⁴Gharetire hana Aroni hotutughuru, ghaturire manyinga pawiru dhomatwi ghawo, padipambara dyorudyo dyokunyara nodyo kudighuru. Ndani Mosesi ne ghatjakere ghuva kumitara dhodhiheya dhotishi ghomuyambo.²⁵Ghashimbire maghadhi, ghokumuthira, nogho kuyipo yomwishi, nogha ghafika dihudi, mathiyo mawadi, nomaghadhi ghako, ditami dyorudyo. ²⁶Pathikote thoghuroto ghokupira yifudhumukitha ethi thakarire paghutho wa-Nyambi, ghashimbirepo ghuroto ghofotji ghokupira yifudhumukitha, noghuroto ghokuvunga maghadhi, nothikuki thokungcambuka, nogha yiturire pamaghadhi nokuditami dyorudyo. ²⁷Yoyiheya hayi turire mumanyara gha-Aroni, nomu manyara ghohana Aroni nogha wadimukithire paghutho wa-Fumu Nyambi yira muyambo ghomadimukithero.²⁸Ndani Mosesi ne ghayi shimbire kushwagha mumanyara ghawo nogha yitumekire patishi ghomuyambo ghokutumekera. Awo ne muyambo ghokupongoka nowa retire thiwe mwene. Awo ne muyambo ghokutendera pamudiro kwa-Nyambi. ²⁹Mosesi ne ghashimbire thitanga nogha thipundhire eshi oghu ne muyambo ghokudhingwedha kwa-Fumu Nyambi. Edhi ne shununa dha-Mosesi dhondjwi kumawethero ghawa pristeri, thika dyodi Nyambi ghamurawere.³⁰Mosesi ne ghashimbire maghadhi ghamweya ghokuwethera nomanyinga agha ghakarire patishi ghomuyambo; ghagha tjakere pa-Aroni, payishupata yendi, nopo hanendi hotutughuru nopa yishupata yawo. Mundhira dhi ne ghapongokithire Aroni noyitere yendi, hanendi noyishupata yawo kwa-Fumu Nyambi.³¹Yodiyo, Mosesi ne ghaghambire kwa-Aroni eshi, "Teneke nyama kumengeneno ghokakurwera komakuwaneno, noghu mudye noghuroto oghu ghudi mathishimbera thokupongoka, thika dyodi Nayirawere, ghuninga eshi, 'Aroni nohanendi ne mbohana yidi." ³²Kehe nyama noghuroto ghokuthiyarako ne mwakona kuyitumekera. ³³Mbadi mwakona kushwagha mukakurwera komakuwaneno mayuwa kwoko nomawadi, kate mayuwa ghokukuwethera ghanapu kuyaritherera. Fumu Nyambi ne mboghana kupongokitha mumayuwa kwoko nomawadi.³⁴Eyi hana ruwana mudiyuwa di ne yoyi Fumu Nyambi gharawere yipwe kuhokoka kumakushemwathanithero ghenu. ³⁵Owe ne mboghuna kara mutenya noghuthiku muyuwa kwoko nomawadi kumengeneno ghokakurwera komakuwaneno, nokumithemo marawero gha-Nyambi, podiyo eshi mbadi mbofa, pamurandu eshi eyi ne yodiyo Ghani rawera." ³⁶Yodiyo, Aroni nohanendi ne haruwanine yoyiheya eyi Fumu Nyambi ghawa rawere kupitera mwa-Mosesi.

¹Mudiyuwa dyoghukwoko noghuhatu Mosesi ne ghethire Aroni, hanendi nawa manduraghumbo gha-Israeli. ²Ghaghambire kukwendi eshi, '"Shimbe ndana mumutanga ghoyo muyambo ghodiharwero, nondjwi ghomundinda ghomuyambo ghokutumekera, noghu yitape paghutho wa-Fumu Nyambi."³Wakona kughamba kwawanu wa-Israeli ghuninga eshi, "Mushimbe n'ombo ghothikungwe, ndana nondjwi yomuyambo ghodiharwero, yoyiheya yakona kukara mwaka ngenyu ghofotji yina hengi noghu ndjewa-ndjewa, yomuyambo ghokutumekera; ⁴shime karo mushimbe hove nondjwi yomuyambo ghothiraro mukutupura paghutho wa-Nyambi, nomuyambo ghomushungwa ghokuvunga nomaghadhi, yoyishi dyarero Fumu Nyambi ne ghana kuhokoka kukoye." ⁵Yodiyo, haka retire kudyango dyomakuwaneno yoyiheya eyi Mosesi ghawa rawere, dikonga dyawa Israeli ne dyemanine paghutho wa-Fumu Nyambi.⁶Ndani Mosesi ne ghaghambire eshi, "Eyi ne yodiyo ghana raghura Fumu Nyambi eshi yosho ruwane, podiyo eshi dikuto dyendi ne dihokoke kukoye." ⁷Mosesi ne ghaghambire kwa-Aroni eshi, "Wiye pepi notishi ghomuyambo notupure muyambo ghoye ghodiharwero nomuyambo ghokutumekera, kushemwathane ghothinda nawanu waheya, tende muyambo wawanu muku washemwathanenapo, thika dyodi gharaghura Fumu Nyambi."⁸Yodiyo, Aroni ne ghahenyine kutishi ghomuyambo nogha payire ndana ghomuyambo ghodiharwero wendi thinda. ⁹Hanendi ne hamupire ghuva, nogha dhekire minwe dhendi mumanyinga nogha pundire ghuva ghaturire pamanyiha ghotishi ghomuyambo; ndani ghogha notwere ghuva ghu kudithina dyotishi ghomuyambo.¹⁰Ngambi kemo, ghatumekire patishi ghomuyambo maghadhi, mathiyo, noyi yafika dihudi eshi muyambo ghodiharwero, thika dyodi Fumu Nyambi gharawere Mosesi. ¹¹Nyama nothikova ne ghayitumekere panunda dhomwara.¹²Aroni ne ghapayire thimuna thomuyambo ghokutumekera, hanendi ne hamupire ghuva, oghu ghatjakere mutara dhodhiheya dhotishi ghomuyambo. ¹³Ndani hamupire muyambo ghokutumekera, muyinoko yinoko, pofotji nomutwi, ghayitumekire patishi ghomuyambo. ¹⁴Ghayoyire yipo yomwishi nomapadhi nogha yitumekire patishi ghomuyambo pawiru dhomuyambo ghokutumekera.¹⁵Aroni ne ghatupurire muyambo wawanu ghon'ombo, ndani ghogha shimbire muyambo ghomaharwero ghawo nogha mupayire; ghamutupurire kumaharwero, thika dyodi gharuwanine kun'ombo ghokutanga. ¹⁶Gharetire tho muyambo ghokutumekera nogha thitapire thika dyodi ghawa rawere Nyambi. ¹⁷Gharetire muyambo ghomushungwa; ghashimbirepo dikaha nogha ghutumekire patishi ghomuyambo, nomuyambo ghokutumekera ghomathiku-thiku.¹⁸Ghapayire karo nohove nondjwi, ghomuyambo ghothiraro, oghu wakarire muyambo wawanu. Hana Aroni ne hamupire ghuva, oghu ghatjakere kumitara dhodhiheya dhotishi ghomuyambo. ¹⁹Ngambi kemo, awo ne hatetire maghadhi ghondwedho nogho ndjwi, maghadhi ghokumuthira, maghadhi agha ghafika yipo yomwishi, mathiyo nogha ghafika dihudi.²⁰Hashimbire yipo eyi hatetire noha yiturire pathitanga, ndani Aroni ne ghatumekire maghadhi patishi ghomuyambo. ²¹Aroni ne ghathingwedhire yitanga noditami dyorudyo paghutho wa-Fumu Nyambi, thika dyodi ghamurawere Mosesi.²²Ndani Aroni ne ghayeyurire manyara ghendi kwawanu nogha wafiyere; ndani ghogha shurukire kushwagha kukuyamba muyambo ghodiharwero, nogho thiraro. ²³Mosesi na-Aroni ne hayendire mukakurwera komakuwaneno, ndani ghoha kashwayire nokuna fiyera hanu, dikuto nothishe tha-Nyambi ne thamonekire pawanu waheya. ²⁴Mudiro ne washurukire kushwagha kwa-Fumu Nyambi nokuna tumeka muyambo nomaghadhi agha ghakarire patishi ghomuyambo. Apa hayimonine hanu waheya, hakuyerere noha nyongekire mathingo.

¹Nadab na-Abihu, hana Aroni hotutughuru, kehe yu ghashimbire karonga kohapo noha turiremo mudiro nomunde. Ndani awo ne hatapire mudiro oghu hadhirire kutawedha paghutho wa-Fumu nyambi, oghu ghadhirire kuwarawera eshi haghuruwanithe. ²Yodiyo, mudiro ne washwayire mudiwiru kwa-Fumu Nyambi nokuwa tumeka noha fire paghutho wa-Nyambi.³Ndani Mosesi ne ghogha ghambire kwa-Aroni eshi, "Eyi ne yogha tamba Nyambi pakughamba shi, 'Mbona neghedha ghopongoki wange kwawa mbeya pepi Nange. Mbona wana makuyero paghutho wawanu waheya." ⁴Mosesi ne ghethire ha-Mishaeli na-Elzafan, hana Uziye ghomwedya Aroni, nogha ghambire kukwawo eshi, "Mwiye nomushimbe hamineno muwashwathe mumwara paghutho dyango dyomakuwaneno."⁵Yodiyo, hahenyine noha dhamunine mwimba dhawo, shime hashupatera mithithi dhoghu pristeri, noha washwayithire panunda dhomwara, dyodi ghawa rawere Mosesi. ⁶Ndani Mosesi ne ghambire kwa-Aroni, Eleyaza, Ithama noko hanendi eshi, "Mbadi wakona kuthiyerera huki dhonu dhindhendherere nombadi mwakona kudjadjura yishupata yonu, podiyo eshi mbadi wakufe, yodiyo Nyambi ne mbadi ghakupate nodikonga dyodiheya. Ene tawedhere hapoye, ndhuwo dhodhiheya dha-Israeli, hadire awa ghana tumeka Nyambi nomaretha. ⁷Mbadi wakona kushwagha kumengeneno ghokakurwera komakuwaneno, ngo mboghuna fu, mawethero ghomaghadhi gha-Nyambi ne papoye ghadi." Yodiyo, awo ne haruwanine kukutha yoyi ghawa tongwere Mosesi.⁸Fumu Nyambi ne ghaghambire na-Aroni eshi, ⁹"Mbadi wakona kunwa vinyu nomarovu, yowe nohanoye hotutughuru awa hadi noye, ngeshi kuna kwingena mukakurwera komakuwaneno, podiyo mbadi wakufe. Oghu ne muragho ghokukarererapo mughuye wenu, ¹⁰mukutjakitha hapongoki nawa hayidena, pakatji koyo kunyata noyo kukushuka, ¹¹podiyo eshi mwakuhonge hanu wa-Israeli muragho wa-Fumu Nyambi oghu ghamurawere kupitera mwa-Mosesi."¹²Mosesi ne ghangwere Aroni, Eleyaza, Ithama nohanendi awa hathiyarirepo eshi, "Mushimbe muyambo ghomushungwa oghu ghuna thiyarapo pakutenda muyambo ghopa mudiro kwa-Fumu Nyambi, mukadyere muyambo ghu kumbadi dhotishi ghomuyambo kupira kuturamo yifudhumukitha, awo ne wapongoka. ¹³Mwakona kughu dyera mudyango dyokupongoka, yoyishi ne dhondjambi dhoye, nowanoye yokuthiyara kumuyambo gho kwa-Fumu Nyambi ghopa mudiro, eyi ne yodiyo ghani rawera kumutongwera."¹⁴Kuthitanga thomuyambo ghokudhingwedha, noditami dyoyighongawedha, mwakona kuyidyera padyango dyodikenu, yowe nohanoye hotutughuru noho hambuyama awa hadi noye, awo ne hadi yitumbukera yoye nawanoye kushwagha mumuyambo ghothiraro ghohanu wa-Israeli. ¹⁵Kuditami dyoyighongawedha nothitanga thomuyambo ghokudhingwedha, hakona kuyireta nomaghadhi ghokutendera pamudiro ghomuyambo ghokudhingwedha paghutho wa-Fumu Nyambi. Awo ne ghoye nowanoye dhondjambi dhenu kuroruheya, dyodi ghayi rawera Fumu Nyambi."¹⁶Ndani Mosesi ne ghepurire n'ombo ghomuyambo ghodiharwero, noya hokokire eshi ghapwire kutumeka kare. Yodiyo, ghapatere Eleyaza na-Ithama, hana Aroni awa hathiyarirepo; ghaghambire eshi, ¹⁷"Pashanye muna dhirera kudya muyambo ghodiharwero mudyango dyomakuwaneno, apa yidi eshi yapongoka, na-Nyambi ne ghayi mupa podiyo eshi mushwayithepo maharwero ghodikonga, muku wemanenapo paghutho wa-Fumu Nyambi? ¹⁸Mone, ghuva watho ne mbadi muna ghureta mwishi dhodyango dyomakuwaneno, ngomuna yidyera mudyango di dyodi hayi murawera."¹⁹Ndani Aroni ne ghahuthire kwa-Mosesi eshi, "Mone, dyarero ne hana ruwana muyambo wawo ghodiharwero nomuyambo ghokutumekera paghutho wa-Fumu Nyambi, noyinu yi ne yina hokoka kukwange dyarero, mbadi wakukona yitape dikuto kwa-Fumu Nyambi ndi?" ²⁰Apa Mosesi ghayuvire man'ando gha ne ghamu shambererithire.

¹Fumu Nyambi ne ghaghambire kwa-Mosesi no-Aroni eshi, ²"Mutongwere ha-Israeli ghuninga eshi, 'Eyi ne yoyinu yokupara mbomudya muyiyama yoyiheya yopa kaye."³Mwakona kudya kehe thiyama thomakondo ghokukuyakunuka nokukuweyura. ⁴Ngambi kemo, yiyama yimweya ne kukuweyura noya yakunuka makondo, ene mbadi mwakona kuyidya, yiyama yira ngameno, atho ne kukuweyura ene mbadi thayakunuka makondo. Yodiyo, ngameno ne ghanyata.⁵No kadimba, ako ne kukuweyura ene mbadi kakuyakunuka makondo, nako kanyata. ⁶Kadimba, pamurandu eshi ako ne kukuweyura ene mbadi kakuyakunuka makondo, kanyata kukwenu. ⁷Thinguru, ngambi kemo eshi ghakuyakunuka makondo ene mbadiko kukuweyura, thanyata kukwenu. ⁸Mbadi wakukona mudye nyama dhatho, endi kukwata dibu dyatho. Ayo ne yanyata.⁹Yiyama yoyiheya yomumeyu yokukona mudye ne eyi yakara nomukerengenge non'adhi, yikare shi mudikuruviya endi murware. ¹⁰Ene kehe thika moyo ethi thapira mukerengenge non'adhi mudikuruviya nomurware, yoyiheya eyi yapara mumeyu noyo kuyenda mumeyu ayo ne yanyata.¹¹Ayo ne yanyata kukwenu, mbadi mwakona kudya nyama dhayo; ngambi mabu ghayo ne ghanyata. ¹²Kehe thi thapara mumeyu ethi thapira mukerengenge non'adhi ne thanyata kukwenu.¹³Eyi ne yinyunyi yokunyata nombadi mwakona kuyidya pamurandu eshi yanyata: n'wanyi, dikwi, dikwi dyodiru, ¹⁴tjihere, nokehe rudhi ro-Karukodhi, ¹⁵kehe rudhi romakorova, ¹⁶dikuru dyomanyiha nodififita endi dihihi, nothinyunyi thokumbadi dhodikuruviya, nokehe rudhi rongonga.¹⁷Mwakona kunyatha makuru ghomambiru nogho makuru, ngororo, ¹⁸dikuru dyodikenu, n'wanyi ghomukenu nowiru, ¹⁹ghutongora, nokehe rudhi roghutongora, ndhira endi mbangura, nokadima.²⁰Kehe yimbumburu yomando noya yendanga nomaghuru mane ne yanyata kukwenu. ²¹Ene kukona mudye yimbumburu yokutuka eyi yakara nomaghuru mane ngeshi yakununga maghuru ghokureyitha pamuve. ²²Kukona karo mudye kehe rudhi rombathi-mbathi, thetu-thetu, dyamata nodipandangongo. ²³Ene kehe thimbumburu thokutuka ethi thakara nomaghuru mane ne yanyata kukwenu.²⁴Ghuna kukena kate runguro ngeshi ghuna kwata kehe dipu dyokehe thiyama payiyama yi. ²⁵Kehe yu ghana kwata dipu dyoyiyama yi ne ghakona kuyogha yitere yendi nokukara nonyata kate runguro.²⁶Kehe thiyama ethi thakuyakunuka makondo ene mbadi ghakunukerera endi mbadiko kukuweyura ne thanyata kukwenu. Kehe yu ghokuthikwata ne ghana kunyata. ²⁷Kehe thi thokuyenditha kumakandeke muyishereka yoyiheya yokuyenditha kumaghuru mane, yanyata kukwenu. Kehe yu ghokukwata dipu dyatho ne ghana kunyata kate runguro. ²⁸Kehe yu ghokudhamuna dipu dyothishereka tho ne ghakona kuyogha yishupata yendi nokukara nonyata kate runguro. Yishereka yoyiheya yi ne yanyata kukwenu.²⁹Kuyiyama yokukokawa pamuve, eyi ne yiyama eyi mboyikara nyata kukwenu: Karumbundji, muku, kehe rudhi yoyo kukokawa romuhuruthi, ³⁰mughombera, mburu, muma, muhurudhi norughongoro.³¹Kukehe yiyama yokukokawa, eyi ne yiyama eyi mboyikara nyata kukwenu. Kehe yu ghokuyikwata oku yina fu ne ghana kunyata kate runguro. ³²Ngeshi thofotji thopayiyama yi ne thina fu nokuwera pakehe thinu, thinu tho ne thina kunyata, yikare thokutenditha kuyitondo, kuyitere, kuthikova endi kushaka. Kukehe thi hathiruwanitha, mwakona kuthitura mumeyu; thina kunyata kate runguro. Ndani thina kukena. ³³Kukehe poto ghoghuma apa thina wera, kehe yi yidi mupoto yina kunyata, nomwakona kupayaghura poto yo.³⁴Kehe yidya yokukona mudye ene mupoto ne moghadi meyu kutongora eshi poto ne ghanyata. Kehe yinwa yokukona munwe kushwagha mupoto yo ne yanyata. ³⁵Kehe thipo thodipu thina wera pakehe thinu ne thina kunyata; ngeshi pathikango, endi padidhiko, mwakona kuthi payaghura yipindhi-yipindhi. Ayo ne yanyata noyina kukara yanyata kukwenu.³⁶Thiviya nomurombe omu mwawananga meyu ne mwakushuka; ene kehe yu ghokukwata mabu ghayo ne ghana kunyata. ³⁷Ngeshi kehe thipo thodibu dyayo ne dina wera pambuto dhokukuna, mbuto dhi ne mbadi wakunyata. ³⁸Ene ngeshi meyu ne hana ghatura pambuto, endi kehe thipo thodibu ne thina wera papayo, yina kunyata.³⁹Ngeshi kehe thiyama ethi mwaroyera kudya ne thinafu, kehe yu ghokukwata dibu dyatho ne ghana kunyata kate runguro. ⁴⁰Kehe yu ghokudya thokufa kurwombo ne ghakona kuyogha yishupata yendi nokukara nonyata kate runguro. Kehe yu ghokudhamuna dibu dyatho ne ghakona kuyogha yishupata yendi nokukara nonyata kate runguro.⁴¹Kehe thiyama thokukokawa pamuve ne thanyata kukwenu; mbadi mwakona kuthidya. ⁴²Kehe thi thokukokawa nodipumba, nokehe thi thokuyenda nomaghuru mane, endi thakara nomaghuru ghomengi kuyiyama yokukokawa pamuve, mbadi mwakona kuyidya, ayo ne yanyata.⁴³Mbadi mwakona kukunyateka mwathinda noyiyama yokukokawa; mbadi mwakona kukunyateka mwathinda nombadi yakona kumunyateka. ⁴⁴Yame Fumu Nyambi wenu. Mwakona kupongoka mwathinda, yodiyo, mupongoke keho, yoyishi ame ne napongoka. Mwadi mwakona kukunyateka mwathinda noyiyama eyi yakokawanga pamuve. ⁴⁵Yame Fumu Nyambi, oyu ghamushwayitha muditunga dya-Egiputena, noni kare no-Nyambi wenu. Yodiyo mwakona kupongoka, Ame ne napongoka.⁴⁶Oghu ne muragho kuhatera yiyama, yinyunyi, kehe thinu thokupara thomumeyu, nokehe thiyama thokukokawa pamuve, ⁴⁷muku mudimukitha pakatji kuyinu yokupara yokunyata noyo kukushuka, pakatji koyo kupara yokukona kudya noyo kudhira kudya."'

¹Fumu Nyambi ne ghaghambire kwa-Mosesi eshi, ²"Tongwere ha-Israeli eshi, 'ngeshi mbuyama ghana yovoroka mbutu ghokatughuru, ghana kunyata mayuwa kwoko nomawadi, thika dyodi ghanyatanga oku ghadi kuthidhira thokehe kaghonda. ³Mudiyuwa dyoghukwoko nodyo ghuhatu ne hana kuken'a mbutu."⁴Ndani mbuyama ne ghana kukukenitha thinda kuthidhira thendi mayuwa makumi mahatu nomayuwa mahatu. Mbadi ghakona kukwata thinu thokupongoka endi gheye mungirishe ene kate mayuwa ghokukukenitha kwendi mbogha pwe. ⁵Ene ngeshi ghana shamuruka mwanuke ghombuyama, ghana kunyata yivike yiwadi, thika dyodi ghakaranga kuthidhira. Ndani mayuwa makumi kwoko nodyofotji nomayuwa kwoko-fotji mboghana kukenitha thinda kuthidhira thendi.⁶Pakupwa mayuwa ghendi ghokukukenitha kuthidhira, kwambutu ghokatughuru endi ghombuyama, ghakona kareta ndjwi ghana ghomwaka ghofotji ghokuna tenda muyambo ghokutumekera, nokareta kambogho endi dikutji ghana dyomuyambo ghodiharwero, kayireta kumengeneno ghokakurwera komakuwaneno kwamu pristeri.⁷Ndani ghana kutupura kwa-Fumu Nyambi nokutenda makushemwathano ghendi, noghana kukena kuthidhira thomanyinga. Oghu ne muragho kwambuyama ghokushamuruka mwanuke ghokatughuru endi ghombuyama. ⁸Ngeshi mbadi wakukona ghatape ndjwi ne ghakona keho kutapa makutji mawadi endi tumbogho tuwadi totumbiru, thimweya ne thomuyambo ghokutumekera nothimweya ne thomuyambo ghodiharwero, mupristeri ne ghana kutenda makushemwathano ghendi; noghana kukushuka.

¹Fumu Nyambi ne ghatongwere Mosesi na-Aroni ghuninga eshi, ²"Ngeshi ghumweya ghana dukaghuka thikumba thendi endi nowe maronda endi nowe pana pi, ghana yambura no eyi ne yin'ondwe muyirama yendi, hakona kamureta kwa-Aroni mupristeri shokuru, endi kwayofotji powana Aroni hoha pristeri."³Ndani mupristeri ne ghana kuna kona-kona dihamba payirama. Ngeshi huki apa didi dihamba ne dhina piruka dhikenu, nongeshi dihamba ne dina dheki, oyo ne yin'ondwe. Pakumana kumukona-kona mupristeri, ghakona keho kumudimukitha eshi ghana nyata. ⁴Ngeshi yimburu yapo ne yoto, no edi yina kumoneka ne yina dheki nohuki apa didi dihamba ne pana piruka ghukenu, mupristeri ne ghana kumuyakunutha yu ghadi nodihamba di mayuwa kwoko nomawadi.⁵Mudiyuwa dyoghukwoko noghuwadi, mupristeri ne ghana kukona-kona dihamba pamweya dina tepuka, nongeshi mbadi dina kuhanyena yipo yoyiheya. Mupristeri ne ghana kumuyakunutha karo mayuwa kwoko nomawadi. ⁶Shime mupristeri ne mboghana kamukona-kona mudiyuwa dyoghukwoko noghuwadi ghamone eshi dihamba ne dina poro endi mbadi dina kuhanyena yipo yoyiheya. Ngeshi mbadi dina kuhanya, mupristeri ne ghana kumudimukitha eshi ghana kushuka. Ayo ne yitura-tura ngenyu. Ghayoghe yitere yendi ndani ghana kukara ghukushuki.⁷Ene ngeshi yitura tura ne yina kuhanyena muyipo yoyiheya munyima dhopa ghakuneyire thinda kwamu pristeri kumakenithero ghendi, ghakuneye thinda karo kwa mupristeri. ⁸Mupristeri ne ghana kumu kona-kona ghamone eshi yimburu ne yina kunyena muyipo yoyiheya endi ngepi. Ngeshi yina kuhanya, mupristeri ne ghana kumutongwera eshi ghana nyata. Eyi ne yin'ondwe.⁹Ngeshi yin'ondwe yidi mwaghumweya, hakona kamureta kwamu pristeri. ¹⁰Mupristeri ne ghana kumu kona-kona ghamone pamweya yimburu ne yina piruka ghukenu pathitumba, nongeshi huki ne dhina piruka ghukenu, endi pamweya mbadi yina dheki. ¹¹Ene ngeshi yina dheki ne yin'ondwe yo, mupristeri ne ghana kumutongwera eshi ghana nyata. Mbadi shogha muyakunuthe kwawanu pamurandu eshi ghanyata kare.¹²Ngeshi yin'ondwe ne yina kuhanyena muthitumba yipo yoyiheya yamunu kutunda kumutwi kate kumaghuru, dyoyina kumoneka kwa mupristeri, ¹³ndani mupristeri ne ghamu kona-kone ghamone yin'ondwe eshi yina kumu yipo yoyiheya. Ngeshi kemo, mupristeri ne ghana kumutongwera munu yo ghadi nodihamba eshi ghana kushuka. Ngeshi yimburu yoyiheya ne yoto, aye ne ghana kushuka. ¹⁴Ene ngeshi yimburu yapo ne mbadi yinapi, aye ne ghana nyata.¹⁵Mupristeri ne ghakona kukenga kuyimburu eyi yina piri kupya noku mutongwera eshi ghana nyata pamurandu eshi yimburu yokupira kupya ne yanyata. Kenge ne yin'ondwe. ¹⁶Ene ngeshi yimburu ne yoto, munu yo ne kumutwara kwa mupristeri. ¹⁷Mupristeri ne ghana kukona-kona ghamone eshi yimburu ne yina keni. Ngeshi yina keni ne mupristeri ne ghana kumutongwera eshi ghana kushuka.¹⁸Ngeshi munu ne ghadi nomaronda payirama yendi ene gha pora, ¹⁹nopamango ghomaronda ne poyidi yatumuka po yoyikihu noghukenu, ghakona kuyineghedha kwa mupristeri. ²⁰Mupristeri ne ghana kukona-kona ghamone eshi yengena ghudhungi muyirama ndi, nongeshi huki ne dhapiruka dhikare dhoto. Ngeshi kemo ne mupristeri ghana kumutongwera eshi ghana nyata. Oyo ne yin'ondwe, ngeshi yina dheki padyango apa ghakarire maronda.²¹Ene ngeshi mupristeri ne ghana mukona-kona nokumona eshi huki ne mbadi dhoto, no ayo mbadi yengena ghudhungi noya kasha, ndani mupristeri ne ghakona kumu yakunutha kohanu mayuwa kwoko nomawadi. ²²Ngeshi yinu yi ne yakuhanya yirama yoyiheya, mupristeri ne ghakona kumu tongwera eshi ghana nyata. Adyo ne dihamba dyokukavura. ²³Ene ngeshi mango ghoyimburu ne ghoto nombadi ghana kukuhanya, ghana kukara makongo na mupristeri ne ghana kumutongwera eshi gha neruka.²⁴Ngeshi thikukumba ne thapya nomaronda ghokupira kupya ne ghana kihi noghukenu, ²⁵mupristeri ne ghana kumukona-kona ghamone pamweya huki dhopa yimburu ne dhapiruka to, ene ngeshi hana mono eshi yengena ghudhungi mbadi pathitumba vene ngenyu. Ngeshi yengena ne yin'ondwe. Yidi eshi yapya, mupristeri ne ghana kumutongwera eshi ghana nyata. Oyi ne yin'ondwe.²⁶Ene ngeshi mupristeri ne ghana kona-kona nokumona payitombo ne mbadipo huki dhodhikenu, no ayo ne mbadi yengena ghudhungi noya kasha, mupristeri ne ghana kumuyakunutha kohanu mayuwa kwoko nomawadi. ²⁷Ndani mupristeri ne ghana kumu kona-kona mudiyuwa dyoghu kwoko noghuwadi. Ngeshi yakuhanyena yirama yoyiheya, mupristeri ne ghana kumutongwera eshi ghana nyata. Oyi ne yin'ondwe. ²⁸Ngeshi yimburu ne padyango dyofotji yidi nombadi yina kukuhanya ene yakasha, ndani yatumana kukupya, mupristeri ne ghana kumu tongwera eshi ghaneruka, ogha ne makongo keho ghadipo.²⁹Ngeshi katughuru endi mbuyama ghakavura dihamba mumutwi endi kuthindjumu, ³⁰mupristeri ne ghana kumu kona-kona kudihamba dyomukavu ghamone eshi pamweya dinengena ghudhungi muthikumba, nongeshi padi thina dihenga, huki dhisha ghuputu. Ngeshi kemo, mupristeri ne ghana kumutongwera eshi ghana nyata. Ghure ghodipambara, edi yengena yin'ondwe mumutwi endi kuthindjumu.³¹Ngeshi mupristeri ne ghakon-kona dihamba dyokuyuwa nokumona eshi mbadi dyengena mwimi, nombadipo huki dhodhiru mumwayo, na mupristeri ne ghana kumuyakunutha yu ghadi nodihamba dyokuyuwa mayuwa kwoko nomawadi.³²Mudiyuwa dyo ghukwoko nodyo ghuwadi mupristeri ne ghana kukona-kona dihamba ghamone eshi dina kuhanya endi ngepi. Ngeshi mbadipo huki dhothina dihenga, ngeshi dihamba ne pathitumba ngenyu didi, ³³hakona kumu kurura, ene apa padi dihamba ne mbadi wakukurura po, mupristeri ne ghana kuyakunutha kehe yu ghadi nodihamba dyokuyuwa mumayuwa kwoko nomawadi.³⁴Mudiyuwa dyoghukwoko noghuwadi mupristeri ne ghana kukona-kona dihamba pamweya dina shayeka kukuhanya payirama. Ngeshi kumoneka eshi mbadi dinengena ghudhungi, mupristeri ne ghana kumutongwera eshi ghaneruka. Munu yo ne ghakona kuyogha yitere yendi, ndani ghana kukara eshi ghana kushuka keho.³⁵Ene ngeshi dihamba dyokuyuwa ne dina kuhanyena muyirama yoyiheya munyima mupristeri ghamu tongwere eshi ghaneruka, ³⁶mupristeri ne ghakona kumu kona-kona karo. Ngeshi dihamba ne dina kuhanyena muthitumba, mupristeri ne mbadi ghanyanda ghashane huki dhothina dihenga. Munu yo ne ghana nyata. ³⁷Ene ngeshi muyikona-kona ya mupristeri ne ghana wana eshi dihamba ne dina shayeka kukuhanya nohuki dhodhiru ne dhina meni padyango dyoyitombo, dihamba di ne dineruka. Ghana kushuka, mupristeri ne ghana kumutongwera eshi ghana kushuka.³⁸Ngeshi katughuru ngambi mbuyama ghadi noyitura-tura pathikova thendi, ³⁹mupristeri ne ghamu kona-kone ghamone mango ghoyimburu yoyikenu, eyi yidi eshi yitura-tura ngenyu pathitumba. Aye ne gheruka.⁴⁰Ngeshi huki dhakatughuru ne dhawa kumutwi wendi, aye ne ngwara, ene ghakena. ⁴¹Ngeshi huki dhendi dhopa rupara ne dhawa, nongeshi aye ne ngwara ne ghakushuka.⁴²Ene ngeshi padi yitombo yoyikihu noghukenu pangwara dhendi, kuna kuneghedha eshi yin'ondwe yina muwana. ⁴³Ndani mupristeri ne ghana kumu kona-kona pamweya yitumana pangwara endi kumutwi yoghukihu noghukenu ne kuna kuneghedha eshi yin'ondwe. ⁴⁴Ngeshi yodiyo, kuna kutongora eshi yin'ondwe no ghana nyata. Mupristeri ne ghana kumutongwera eshi ghana nyata pamurandu ghodihamba edi ghadi nadyo pamutwi.⁴⁵Munu yu ghadi noyin'ondwe ghakona kushupata ghudjodjoro, huki dhendi ne dhakona kundhendherere, ghakona kukufika thinu kumutwi kate kudiyuru nogha kughayerere eshi, 'Nanyata, nanyata. ⁴⁶Mayuwa ghomaheya ghadi nodihamba di ghana kukara nyata. Ghana nyata pamurandu ghodihamba dyokukona dikuhanye, ghakona kupara pithendi. Ghakona kutunga panunda dhomwara.⁴⁷Thishupata ethi thina nyata kunyin'ondwe, yikare eshi thowanda ngambi dikehe, ⁴⁸endi kehe dikehe dyokufuma endi dyokuruka, thikukumba endi kehe thino hatenditha kuthikukumba, ⁴⁹ngeshi nyata dhothina mahako endi dhoghukihu kokunyateka thishupata, thikukumba, thokufuma endi thokuruka, kehe thi hatenditha kuthikukumba, oyo ne yin'ondwe yina kuhanyenapo; hakona kayi neghedha mupristeri.⁵⁰Mupristeri ghakona-kone thishupata ngwa moyidi yin'ondwe; ghakona kuyakunutha kehe thi thoyin'ondwe mumayuwa kwoko nomawadi. ⁵¹Ghakona karo kakona-kona yin'ondwe pathinu tho mudiyuwa dyoghukwoko noghuwadi. Ngeshi yina kuhanyena muthishupata endi kehe thino thokufuma ngambi kuruka nowanda ngambi dikehe vene, thikukumba endi kehe rudhi omu haruwanitha thikukumba, ngeshi kemo ne thina nyata noyodiyo yin'ondwe. ⁵²Ghakona kutumekera thishupata tho, endi kehe thi thokufuma, thokuruka endi kehe dikehe, thikukumba endi kehe rupe hatenditha thikukumba tho, kehe thi omu hana wana yin'ondwe, kukona yika hanyithe dihamba. Thishupata tho ne hakona kuthitumekerera.⁵³Ngeshi mupristeri ne ghana kona-kona yitere nokumona eshi yin'ondwe ne mbadi yina kuhanyena muthitere thokufuma, thokuruka endi kehe dikehe vene endi thikukumba, ⁵⁴ndani kukona ghawa rawere hayoye othi hawanine yin'ondwe, ghakona karo kuthiyakunutha mayuwa kwoko nomawadi. ⁵⁵Ndani mupristeri ne mbo ghana kona-kona karo thishupata thi omu hawanine yin'ondwe. Ngeshi yin'ondwe ne mbadi yina tjindji thirombo, ngambi yina kuhanya, kengeya ne thina nyata. Hakona kutumekera thishupata tho, yikare eshi mutara ghupi yina nyatekare yin'ondwe yi thishupata thi.⁵⁶Ngeshi mupristeri ne ghana kona-kona yinu yi, nongeshi yin'ondwe ne yina fera munyima dhokuyiyogha, ghakona keho kudjadjura mutara ghothishupata endi thikukumba ghu yina kuhanyena yinondwe, ngambi thowanda endi thokufuma. ⁵⁷Ngeshi yin'ondwe ne shime poyidi pathishupata, thikare eshi thokuruka endi thokufuma, endi kethi hatenditha kuthikukumba, no ayo ne kuna kukuhanya. Mwakona kutumekera kehe thi thidi noyin'ondwe. ⁵⁸Thishupata, endi thokuruka ngambi thokufuma, kushwagha kuwanda, kehe dikehe endi ngambi kehe thi hatenditha kuthikukumba. Ngeshi kuyogha thishupata noyin'ondwe ne yina shwagha po, thishupata tho ne tharoyera kuthiyogha roghuwadi nothina kukara thina kushuka.⁵⁹Oghu ne muragho gho yin'ondwe muthishupata thowanda, kehe dikehe endi dyokuruka ngambi dyokufuma, ngambi thikukumba endi kehe thi hatenditha kuthikukumba, podiyo eshi muka yitoye eshi yina kushuka.

¹Fumu Nyambi ne ghaghambire kwa-Mosesi eshi, ²"Oghu ne muragho wawa hadi noyin'ondwe ghodiyuwa dyokuwa kushura. Hakona kawareta kwa mupristeri."³Mupristeri ne ghana kushwagha panunda dhomwara ghaka kona-kone haka yin'ondwe pamweya yin'ondwe ne yineruka. ⁴Ndani mupristeri ne ghakona kurawera yu ghana royera kuwana merukero mukureta yinyunyi yiwadi yoyiyumi, thikunyi tho Ceda nowanda ghoghukihu, nomahako ghoghuwanga. ⁵Mupristeri ghana kumurawera ghapayere thinyunyi thofotji mumeyu ghamakenu agha ghadi mupoto ghoghuma.⁶Mupristeri ne ghana kushimba thinyunyi thothiyumi nothikunyi, nowanda ghoghukihu noghuwanga nokuyitupeka yoyiheya mumanyinga ghothinyunyi ethi hana pagha nomumeyu ghomakenu, kuturako nothinyunyi thothiyumi. ⁷Ndani mupristeri ne ghana kutjakera meyu gha yikandho kwoko noyiwadi pamunu yu ghana kwiruka kuyin'ondwe ndani mupristeri ne ghana kumutongwera eshi ghaneruka. Ndani mupristeri ne ghana kuthiya thinyunyi thothiyumi thikayende mudipya.⁸Munu oyu hana kenitha ne ghana kuyogha yishupata yendi, kukurura huki dhendi, koku yoghana mumeyu, noghana kukushuka. Pakumana ne ghana kwiya mumwara, ene ghakona kurara panunda dhokakurwera kendi mayuwa kwoko nomawadi. ⁹Mudiyuwa dyoghu kwoko noghuwadi ne ghakona kukurura huki dhendi nomakethi, nomwendo wendi. Ghakona kukurura huki dhendi dhodhiheya, ghakona kuyogha yitere yendi nokuyoghana ndani posho gha kushuke.¹⁰Mudiyuwa dyoghukwoko noghuhatu ne ghakona kushimba ndjwi dhiwadi dhodhirume noyofotji ghomukadhi yomwaka ghofotji nodihenda dyomafendera mahatu ghomavumbukiro oghu havunga nomaghadhi ghomuyambo ghomushungwa, nodihenda dyomaghadhi. ¹¹Mupristeri oyu ghana kuviyaghuka makushwero ghamuka yin'ondwe ne ghana kwimana pepi namuka yin'ondwwe noyomuyambo yoyiheya, paghutho wa-Fumu Nyambi kumengeneno ghokakurwera koma kuwaneno.¹²Mupristeri ghana kushimba ndjwi yofotji ghomurume, nokutenda muyambo ghodiharwero, pofotji nodikende dyomaghadhi; ghana kudhingwedha muku tenda muyambo ghokudhingwedha paghutho wa-Fumu Nyambi. ¹³Ghakona kupagha ndjwi ghomurume kudyango dyokupayera yomayambo ghodiharwero nogho kutumekera, mudyango dyothinyaku, yomuyambo ghodiharwero ne yawa pristeri, yira muyambo ghomurandu, pamurandu eshi yapongoka.¹⁴Mupristeri ne ghana kushimba ghuva ghumweya ghotho muyambo ghomurandu nokugha tura pawiru dhoditwi dyokurudyo dyamunu yu hana kushura, nokudipambara dyokunyara dhorudyo, noku kanyanyo kashukuru kokurudyo. ¹⁵Ndani mupristeri ghana kushimba dikende dyomaghadhi nokutera maghadhi mudikandeke dyonyara dhendi dhokurumoho, ¹⁶kutuwa munwe mumaghadhi nokutjakera maghadhi ghamweya yikandho kwoko noyiwadi paghutho wa-Fumu Nyambi.¹⁷Mupristeri ghana kutura maghadhi ghomaheya agha ghadi munyara dhendi pawiru dhoditwi dyokurudyo, dipambara dyokurudyo, nokanyanyo kashukuru kokurudyo rwamunu yu hana kushura. Ghana kutura maghadhi gha pawiru dhomanyinga ghokushwagha pamuyambo ghomurandu. ¹⁸Kumaghadhi ghomaheya agha ghadi munyara dhamu pristeri, ghana kugha tura pamutwi wamunu yu hana kushura, mupristeri ne ghana kutenda makushemwathanitho paghutho wa-Fumu Nyambi.¹⁹Ndani mupristeri ghana kutenda muyambo ghodiharwero nokushemwathana munu yu hana kushura pamurandu ghonyata dhendi, pakumana ne ghana kupagha thomuyambo ghokutumekera. ²⁰Ndani mupristeri ne ghana kutenda muyambo ghokutumekera nogho mushungwa patishi ghomuyambo. Mupristeri ne ghana kushemwathanitha munu ya na-Nyambi, ndani ghana kukushuka.²¹Ngambi kemo, ngeshi munu ne muhepwe nombadi wakukona muyambo ghokemo, ghakona keho kushimba ndjwi ghomurume ghofotji ghomuyambo ghodiharwero ghokudhingwedha, mukutenda makushemwathano ghendi thinda, nofendera yofotji ghomavumbukire ghokuvunga nomaghadhi ghomuyambo ghomushungwa, nodikende dyomaghadhi, ²²pofotji nomakutji mawadi endi maputukuwa ghana mawadi, eyi ghana kono kuwana; thinyunyi thofotji ne thomuyambo ghodiharwero nothimweya ne thomuyambo ghokutumekera. ²³Mudiyuwa dyoghukwoko noghuhatu ne ghakona kayireta kwamupristeri kumakenithero ghendi, kumengeneno ghokakurwera komakuwaneno, paghutho wa-Fumu Nyambi.²⁴Mupristeri ne ghana kushimba ndjwi ghomuyambo, noghana kushimba dikende dyomaghadhi gho-Oliva, ghana kutenda muyambo ghokudhingwedha paghutho wa-Fumu Nyambi. ²⁵Mupristeri ne ghana kupagha ndjwi ghomuyambo ghodiharwero, noghana kushimba ghuva ghumweya ghomuyambo ghodiharwero nokughu tura pawiru dhoditwi dipambara noku kanyanyo kashokuru, koyu hana kanitha.²⁶Ndani mupristeri ne ghana kutera maghadhi ghamweya mudikandeke dyonyara dhendi dhorumoho, ²⁷noghana kutjakera maghadhi ghamweya nominwe dhendi dhorudyo yikandho kwoko noyiwadi paghutho wa-Fumu Nyambi.²⁸Mupristeri ne ghana kutura maghadhi ghamweya agha ghadi munyara dhendi pawiru dhoditwi dyorudyo, dipambara dyorudyo nokanyanyo kashukuru korudyo, padyango dyofotji apa ghana tura manyinga ghomuyambo ghodiharwero. ²⁹Ghana kutura maghadhi agha ghadi munyara dhendi pamutwi ghoyu hana kenitha, mukutenda makushemwathano ghendi paghutho wa-Fumu Nyambi.³⁰Ghakona kutupura dikutji nodiputukuwa ghana, edi ghana kono kuwana ko munu, ³¹dimweya ne dyomuyambo ghodiharwero nodimweya ne dyomuyambo ghomushungwa. Ndani mupristeri ne ghana kutenda makushemwathano ghoyu hana kenitha paghutho wa-Fumu Nyambi. ³²Oghu ne muragho wamunu ghoyin'ondwe, oyu ghana dhiri kukona muyambo ghu waroyera kumakenithero ghendi.³³Fumu Nyambi ne ghatongwere Mosesi na-Aroni eshi, ³⁴"Apa mweyire muditunga dya-Kanani edi namupire eshi ghupingwa wenu, nongeshi natura yin'ondwe eyi yina kuhanya mundhowo muditunga dyoghupingwa, ³⁵oyu ghamuna ndhuwo dho ne ghakona kwiya nokuna tongwera mupristeri. Ghakona kughamba eshi, 'Kuna kumoneka yira yin'ondwe yidi mundhuwo."³⁶Ndani mupristeri ne ghana kurawera eshi hashwayithe yoyiheya mundhuwo kughutho ghokwingenamo ghamone yidimukitho yoyin'ondwe, podiyo eshi nothofotji temba ethi shoha nyateke mundhuwo. Munyima dhokwingena mupristeri mundhuwo ghakamone. ³⁷Gharoyera kukona-kona yin'ondwe ghamone eshi koyidi kudikuma dyondhuwo, nokumona eshi kuna kumoneka thina mahako endi ghukihu kudikuma gho kwingena mudikuma. ³⁸Ngeshi ndhuwo ne dhengena yin'ondwe, mupristeri ne ghana kushwagha mundhuwo nokuyandhera thero mumayuwa kwoko nomawadi.³⁹Mupristeri ne mboghana kahuka karo mudiyuwa dyoghukwoko nodyo ghuwadi nokuna kona-kona yin'ondwe pamweya yina kuhanyena mudikuma dyondhuwo. ⁴⁰Ngeshi kemo, mupristeri ghana kurawera hashwayithepo mawe omu dina kumoneka makuhanyeno ghoyin'ondwe noka ghamwayera kudyango dyokunyata panunda dhothitata.⁴¹Ghana kurawera habonyone mwishi dhondhuwo, hakona kushimba yoyiheya eyi hana bonyona yokunyata nokuyitwara panunda dhothitata nokayimwayera mudyango dyokunyata. ⁴²Hakona kushimba mawe ghamweya nokatura padyango paya hana bonyona ghaya hana mwagha, no hakona kuruwanitha yiramburitha yimweya mundhuwo.⁴³Ngeshi yin'ondwe ne yina moneka karo nokuna kuhanyena mundhuwo omu hana shimbire mawe noka ghamwagha nodikuma ne dyapwire kubonyona nohana turirepo mawe ghamweya. ⁴⁴Mupristeri ne ghakona kwingenamo nokuna kona-kona ndhuwo dho ghamone pamweya yin'ondwe ne yina kuhanyena mundhuwo. Ngeshi yina kuhanya, oyo ne yin'ondwe yokuthathura, ndhuwo dho ne dhina nyata.⁴⁵Hakona kuyungururra ndhuwo. Mawe, yitondo noyiramburura yoyiheya mundhuwo dhi ne hakona kuyitwara panunda dhothitata kudyango dyokunyata. ⁴⁶Shime karo, kehe yu ghokwingena mundhuwo muruvedhe rokudhiyandhera naye ghana kunyata kate runguro. ⁴⁷Kehe yu ghararire mundhuwo dhi ne ghakona kuyogha yishupata yendi, nokehe yu ghana dyera mundhuwo dhi naye ghakona kuyogha yitere yendi.⁴⁸Ngeshi mupristeri ne gha nengena mundhuwo ghakona-kone ghamone yin'ondwe eshi yina kuhanya munyima dhopa harambururire ndhuwo dhi, ngeshi yin'ondwe ne mbadimo, ghana kuwa tongwera eshi ndhuwo ne dhina kushuka.⁴⁹Mupristeri ne ghana kushimba tunyunyi tuwadi mukukenitha ndhuwo, thikunyi tho-Ceda, wanda ghoghukihu, nomunde ghothiwe mwene. ⁵⁰Ghana kupaghera thinyunyi thofotji mumeyu ghomakenu agha ghadi mupoto. ⁵¹Ghana kushimba thikunyi tho-Ceda, munde nowanda ghoghukihu nothinyunyi thothiyumi, nokuyi dheka mughuva ghothinyunyi ethi hana pagha, nomumeyu ghomakenu, nokutjakera ndhuwo yikandho kwoko noyiwadi.⁵²Ghana kukenitha ndhuwo nomanyinga ghothinyunyi nomeyu ghomakenu, nothinyunyi thothiyumi, thikunyi tho-Ceda, munde nowanda ghoghukihu. ⁵³Ene ghana kutawedhera thinyunyi thothiyumi thishwaye panunda dhothitata kudyango dyomukunguru. Mundhira dhi ne ghana kutenda makushemwathano ghondhuwo dhi, nodhina kukushuka.⁵⁴Oghu ne muragho ghorudhi rokehe yin'ondwe, no eyi yina yireterapo, noghudhungi ghoghure ghodipambara, ⁵⁵nokuyin'ondwe yopa yishupata no mundhuwo, ⁵⁶ngeshi yina kuru, kutambukerera nomango ghoyimburu yokupya, ⁵⁷muku kona-kona makuhanyeno ghodihamba hamone eshi yina nyata endi yina kushuka. Oghu ne muragho ghoyin'ondwe."

¹Fumu Nyambi ne ghaghambire kwa-Mosesi na-Aroni ghuninga eshi, ²"Tongwere ha-Israeli eshi, ngeshi munu ghadi nodihokima dyokudjururuka kushwagha muyirama yendi, ghana kukara ghana nyata. ³Nyata dhendi ne pamurandu ghodihokima edi dina muwana. Yikare eshi dihokima ne nadyo ghadi endi dina shayeka, aye ne ghana nyata."⁴Kehe ghudidi oghu ghana rara ghuna kunyata, nokehe pa ghana hungumana pana kunyata. ⁵Kehe yu ghokukwata ghudidi wendi ne ghakona kayogha yishupata yendi nogha kona kayoghana mumeyu, noghana kunyata kate runguro.⁶Kehe yu ghokuhungumana apa ghana hungumana muka dihokima dyokudjururuka, ghakona kayogha yitere yendi nokuyoghana mumeyu, noghana kunyata kate runguro. ⁷Kehe yu ghokukwata yirama yamuka dihokima dyokudjururuka ne ghakona kayogha yishupata yendi naye kokuyoghana mumeyu, noghana kunyata kate runguro.⁸Ngeshi muka dihokima ghana thipera munu ghomuwawa, munu ya ne ghakona kayogha yitere yendi naye kokuyoghana mumeyu, ghana kunyata kate runguro. ⁹Kehe tumu nosare apa ghana dhinena muka dihokima dyokudjururuka ne dhina kunyata.¹⁰Kehe yu ghokukwata yamu kadihokima ne ghana kunyata kate runguro, nokehe yu ghana kushimba yinu yo ghakona kayogha yitere yendi naye kokuyoghana mumeyu, ghana kunyata kate runguro. ¹¹Kehe yu ghana kwata muka dihokima oku mbadi ghana yogho nyara dhendi mumeyu ne ghakona kayogha yitere yendi naye kokuyoghana mumeyu, noghana kunyata kate runguro. ¹²Kehe poto ghoghuma yu ghana kwata muka dihokima dyokudjururuka ne hakona kumu bonyona, kehe kandimbe komeyu ne hakona kukayogha nomeyu.¹³Ngeshi muka dihokima ne ghaneruka, ghakona kutara mayuwa kwoko nomawadi kuma kushwero ghendi; ghakona kuyogha yishupata yendi naye ghana kuyoghana mumeyu ghokupuka. Ndani ghana kukushuka. ¹⁴Mudiyuwa dyoghukwoko noghuhatu ne ghakona kushimba makutji mawadi nomaputukuwa mawadi ghomambiru nokwiya paghutho wa-Fumu Nyambi kumengeneno ghokakurwera komakuwaneno; ghana kutapa yinu yi kwa mupristeri. ¹⁵Namupristeri ne ghana kuyitenda muyambo, thimweya ne thomuyambo ghodiharwero ene thimweya ne thomuyambo ghokutumekera, na mupristeri ne ghana kutenda makushemwathano ghendi kwa-Fumu Nyambi pamurandu ghodihokima dyendi.¹⁶Ngeshi kehe katugghuru ghana hoyithera manyinga ghothikatughuru panunda, ne ghakona kuyoghana yirama yendi yoyiheya mumeyu; noghana kunyata kate runguro. ¹⁷Kehe thishupata endi thikukumba apa ghana hoyera manyinga ghothikatughuru ne hakona kuyiyogha nomeyu; noyina kunyata kate runguro. ¹⁸Ngeshi katughuru ghana rara nambuyama nomanyinga ghakatughuru ne ghana hoyera panunda, waheya hakona kuyoghana mumeyu nohana kunyata kate runguro.¹⁹Ngeshi mbuyama ne kuthidhira ghadi, nyata dhendi ne dhina kuyenda mayuwa kwoko nomawadi, nokehe yu ghokumukwata ne ghana kunyata kate runguro. ²⁰Kehe yi ghana rara mumayuwa ghothidhira thendi ne yina kunyata; kehe yi ghana hungumana ne yina kunyata.²¹Kehe yu ghana kukwata ghudidi wendi ne ghakona kuyogha yitere yendi naye ghana kuyoghana mumeyu; munu ya ne ghana kunyata kate runguro. ²²Kehe yu ghana kukwata kehe yi ghana hungumana ne ghakona kuyogha yitere yendi naye ghana kuyoghana mumeyu; munu ya ne ghana kunyata kate runguro. ²³Yikare eshi paghudidi endi kehe pa ghana hungumana, ngeshi kuyi kwata, munu yo ne ghana kunyata kate runguro.²⁴Ngeshi katughuru ghapirukera mbuyama ghokuthidhira, ngeshi nyata dhothidhira ghadhi mukundama, ghana kunyata mayuwa kwoko nomawadi. Kehe ghudidi apa ghana rara ne ghuna kunyata.²⁵Ngeshi mbuyama ne ghadi kuthidhira mayuwa ghomengi kupiterera mayuwa agha gharoyera, mayuwa ghomaheya gha ne, ghana kukara yira mayuwa ghendi ghokuthidhira. Aye ne ghana nyata. ²⁶Kehe ghudidi oghu ghana rara mayuwa ghoku thidhira thendi ne ghuna kukara yira ghoghuya ghana raranga mayuwa ghendi agha gharoyera kukara kuthidhira, kehe yi ghana hungumana ne yina kunyata, yira nyata yira mumayuwa ghendi ghothidhira agha gharoyera. ²⁷Kehe yu ghana kukwata yinu yo ne ghana kunyata; ghana kuyogha yitere yendi naye ghana kuyoghana mumeyu, ghana kunyata kate runguro.²⁸Ene ngeshi ghana pu kukushura kuthidhira, ghana kutara mayuwa kwoko nomawadi, pakapwa mayuwa kwoko nomawadi ne ghana kukushuka keho. ²⁹Mudiyuwa dyoghukwoko noghuhatu ne ghana kushimba makutji mawadi nomaputukuwa mawaghadi ghomambiru noka yireta kwamupristeri kumengeneno ghokakurwera komakuwaneno. ³⁰Mupristeri ne ghana kutenda muyambo ghothinyunyi thimweya ne thomuyambo ghodiharwero nothimweya ne thomuyambo ghokutumekera, noghana kumutenderapo makushemwathano ghendi kwa-Fumu Nyambi pamurandu ghonyata dhendi dhokuthidhira.³¹Edhi ne dhondhira shoyakunuthe ha-Israeli kunyata kehe dhino, podiyo eshi mbadi hakufe pamurandu ghonyata dhawo, muku nyateka thinyaku thange, omu nina kutunga nawo.³²Oghu ne muragho ghokehe yu ghadi nodihokima, kwakehe katughuru ghokushwayitha manyinga ghendi ghothirume panunda nokumu nyateka, ³³Kehe mbuyama ghokukara kuthidhira, kwakehe yu ghadi nodihokima, katughuru endi mbuyama, kehe katughuru ghokukara panyama nambuyama yu ghadi kuthidhira."

¹Fumu Nyambi ne ghaghambire kwa-Mosesi, munyima dhoyifa yohana Aroni hawadi, apa hahenyine pepi na-Nyambi noha fire. ²Fumu Nyambi ne ghatongwere Mosesi eshi, "Tongwere Aroni ghomukurwoye eshi mbadi wakukona gheye kehe ruvedhe mudyango dyokupongoka, paghutho ghodimbangu dyomuyambo. Ngeshi ghatende kemo, mboghana fu, yoyishi Ame ne kuhokoka mudivuyi pamuhuko ghodimbangu dyomuragho."³Yodiyo, Aroni ne gheye mudyango dyokupongoka mumuhingo ghuno. Ghakona kwingene nondwedho ghana ghomuyambo ghodiharwero, ndjwi ghomuyambo ghokutumekera. ⁴Ghakona kushupata muthithi ghowotu ghokupongoka, ghakona kutura kwishi muthithi ghowotu, ghakona kukukambeka mukore nohutji. Eyi ne yishupata yokupongoka. Ghakona kuyoghana mumeyu nokushupata yitere yino. ⁵Ghakona kushimba mudikonga dyawa-Israeli yikungwe yiwadi yomuyambo ghodiharwero nondjwi yofotji ghomuyambo ghokutumekera.⁶Ndani Aroni ne ghakona kutapa ndhwedho ghomuyambo ghodiharwero, wendi thinda, ghokushemwathanithe thinda nodidhiko dyendi. ⁷Ndani ghakona kushimba n'ombo dhiwadi nokudhitura paghutho wa-Fumu Nyambi kumengeneno ghokakurwera komakuwaneno.⁸Ndani Aroni ne ghakona kutenda fungu-fungu pan'ombo dhiwadi, fungu-fungu dho kwa-Fumu Nyambi nodhimweya kun'ombo ghokuthiya ghakayende mumuthitu. ⁹Aroni ne ghakona kutapa n'ombo yu ghana wera kwa-Fumu Nyambi, nokumutenda muyambo ghodiharwero. ¹⁰Ene ku-n'ombo oyu dhina wera fungu-fungu dhokumuthiya ghakayende mumuthitu ne ghakona kamureta ghuyumi paghutho wa-Fumu Nyambi, mukutenda makushemwathano muku mushwayitha ghakayende mumuthitu.¹¹Ndani Aroni ne ghakona kuyamba ndwedho ghomuyambo ghodiharwero, ghokukwendi thinda. Ghakona kutenda makushemwathano ghendi thinda nodidhiko dyendi, yodiyo ghana kupagha ndwedho ghomuyambo ghodiharwero dyendi.¹²Aroni ne ghakona kushimba karonga kohapo kokuyara makara ghokushwagha patishi ghomuyambo paghutho wa-Fumu Nyambi, munyara dhendi ne ghana kwaterera munde ghothiwe mwene, nokureta yinu yi mwishi dhodikehe. ¹³Ghana kutura hapo dhi pamudiro paghutho wa-Fumu Nyambi podiyo eshi divuyi kushwagha muhapo ne dina kufika pawiru dhodimbangu dyomuragho. Ghakona kuruwana yokemo podiyo eshi mbadi ghakufe.¹⁴Ndani ghakona kupunda ghuva ghondwedho ghumweya nominwe dhendi nokutjakera paghutho ghomuhuko ghodimbangu dyomuragho. Ghakona kutjakera ghunyinga ghumweya nominwe dhendi yikandho kwoko noyiwadi paghutho ghomuhuko ghodimbangu dyomuragho.¹⁵Ndani ghakona kupagha n'ombo ghomuyambo ghodiharwero oyu shoghemanenepo hanu noka reta ghuva wendi mwishi dhodikehe. Ghakona keho kuruwana thika dyodi ghana ruwana noghuva ghondwedho: Ghakona kutjakera ghuva pamuhuko dhodimbangu dyomuragho. ¹⁶Ghakona kutenda makushemwathano nodyango dyokupongoka pamurandu ghoyiruwana yawanu wa-Israeli, nopamurandu ghokutjora kwawo muragho nomaharwero ghawo. Ghakona kutenda karo yino mukakurwera komakuwaneno, omu ghana kutunga nawo Nyambi, paghutho ghoyiruwana yawo yonyata.¹⁷Noyofotji temba ghokukara mukakurwera komakuwaneno pakwingena Aroni ghaka ruwane makushemwathano mudyango dyokupongoka thikuma, kate ghashwaye no ghana mana kutenda makushemwathano ghendi thinda nodidhiko dyendi, nogho dikonga dya-Israeli dyodihe. ¹⁸Ghakona kushwagha kutishi ghomuyambo oyu ghakara paghutho wa-Fumu Nyambi nokutenda muyambo, ghana kupunda ghuva ghondwedho noghuva ghumweya ghon'ombo noghana kugha tura kudhingumwetwedha kumanyiha ghotishi ghomuyambo. ¹⁹Ghana kutjakera ghuva ghumweya nominwe dhendi yikandho kwoko noyiwadi muku pakushura noku papongwera kwa-Nyambi, kuyakunuka kunyata dhoyiruwana yoyiheya yawa Israeli.²⁰Pakumana kutenda muyambo mudyango dyokupongoka thikuma, mukakurwera komakuwaneno, nokutishi ghomuyambo, ghakona keho kureta n'ombo ghomuyumi. ²¹Aroni ne ghana kukambeka moko ghendi ghomaheya pamutwi ghon'ombo ghomuyumi nokutongonona yiruwana yoghushatani yoyiheya yawa Israeli, maharwero ghawo ghomaheya. Ndani maharwero ghomaheya ne ghana kuyenda mun'ombo nokuthiya n'ombo mwakatughuru oyu shogha muhaye ghakayende mumamboreya. ²²N'ombo ne ghana kushimba maharwero ghomaheya ghawanu kudyango dyomukunguru. Mumuthitu, katughuru ya ne ghana kathiya n'ombo ya muhoro.²³Ndani Aroni ne ghana kuhuka mukakurwera komakuwaneno noka shupura muthithi oghu ghana shupata kughutho ghokwingena mudyango dyokupongoka thikuma, noka thiya muthithi mudyadi diya. ²⁴Ghakona kuyoghana mumeyu mudyango dyokupongoka, nokushupata yitere yendi; ndani ghokona keho kushwagha nokatenda muyambo ghokutumekera wendi nowawanu, mundhira dhi ne ghana kuruwana muyambo wendi nowawanu.²⁵Ghakona kutumekera maghadhi ghotho muyambo ghodiharwero patishi ghomuyambo. ²⁶Katughuru oyu ghana hagha n'ombo ghokathiya mumuthitu ne ghakona kuyogha yishupata yendi naye kokuyoghana mumeyu; munyima dhoyo, ghakona keho keya mumwara.²⁷Ndwedho ghomuyambo ghodiharwero non'ombo ghomuyambo ghodiharwero, ghuva wayo oghu hana kareta noha tende makushemwathano mudyango dyokupongoka, hakona keho kughu twara panunda dhomwara. Hakona kutumekera yomwishi, nyama norutoko. ²⁸Katughuru ghokutumekera yinu yi ne ghakona kuyogha yitere yendi naye kokuyoghana mumeyu; pakumana, ghakona keho keya mumwara.²⁹Mboyina kara muragho wenu ghororuheya eshi mukaghonda koghukwoko, mudiyuwa dyodikumi dyokaghonda ka, mwakona kukumbirupitha nokupira kuruwana, yikare eshi muka kakoghotji endi ngumbi muna kutunga nendi. ³⁰Pamurandu eshi mudiyuwa di ne makushemwathano ne mbohana ghamutendera, muku mukushura kumaharwero ghenu paghutho wa-Fumu Nyambi. ³¹Aye ne Sabata ghodikuto dyomaturumuthero ghenu, nomwakona kukumbirupitha mwathinda nokupira kuruwana. Oghu ne muragho wenu kuroruheya.³²Mupristeri shokuru, oyu mboghapwa kuwethera nokutungeka eshi ghakare mupristeri shokuru mudyango dyawihe, ghakona kutenda makushemwathano ghano nokushupata muthithi ghowotu, owu wakara mudyango dyokupongoka. ³³Ghakona kutenda makushemwathano ghodyango dyokupongoka thikuma; makushemwathano ghokakurwera komakuwaneno nogho tishi ghomuyambo, ghakona kutenda makushemwathano ghawa pristeri nawanu waheya.³⁴Oghu muragho wenu ghokuroruheya, mukutenda makushemwathano ghawanu pamurandu ghomaharwero ghawo, rofotji mumwaka." Eyi ne hayiruwanine thika dyodi Fumu Nyambi gharawere Mosesi.

¹Fumu Nyambi ne ghatongwere Mosesi eshi, ²"Tongwere Aroni nohanendi, nawanu waheya wa-Israeli. Watongwere eyi ghana raghura Fumu Nyambi: ³'Kehe katughuru ghokupaghera puru, ndjwi, endi n'ombo mumwara, endi oyu ghokupayera yimuna panunda dhomwara, podiyo eshi ghatende muyambo, ⁴ngeshi mbadi ghana thireta kumengeneno ghokakurwera komakuwaneno kuthitapa kwa-Fumu Nyambi paghutho ghothinyaku, katughuru ne mumurandu ghadi ghokunotora thinyinga. Ghana notora manyinga, katughuru yo ne hakona kumupagha."⁵Thitambo thomarawero gha ne podiyo eshi hanu wa-Israeli ne mboha retanga muyambo kwa-Nyambi kumengeneno ghokakurwera, kwamupristeri, muku tenda muyambo ghoghuyendha kwa-Fumu Nyambi, mbadi pofotji nokutendera muyambo padyango dyoshenene. ⁶Mupristeri ne mboghana tjakera manyinga patishi ghomuyambo wa-Nyambi ghokumengeneno ghokakurwera komakuwaneno; mboghana tumekera maghadhi podiyo eshi mbogha rete thiwe mwene kwa-Fumu Nyambi.⁷Hanu ne mbadi hakona kutapa muyambo kuyitjwandjo, oku hana kuruwanena rungu. Oghu ne muragho ghororuheya mughuye wenu.⁸Watongwere ngeno, 'Kehe katughuru wa-Israeli, endi ngumbi yu ghana kutunga mukatji kawo, oyu ghana kutupura muyambo ⁹nombadi ghana kaghureta kumengeneno ghokakurwera komakuwaneno podiyo eshi ghaghu tape kwa-Nyambi, munu yo ne ghapwe kupagha."¹⁰Ngeshi kehe munu ghomundhuwo dha-Israeli, endi ngumbi oyu ghana kutunga nawo ghadye manyinga, rupara Rwange mboru nemanganyena munu ghokemo nokumu shwayitha mukatji kawanu wendi. ¹¹Moyo ghothiyama ne mumanyinga wakara. Natapa manyinga ghoyiyama mutenditheko makushemwathano patishi ghomuyambo kumoyo dhenu, pamurandu eshi manyinga ghodiyo ghamushemwathanitha, manyinga ghodiyo gha mwimanenapo yipara yenu.¹²Yodiyo, nakughamba kwawanu wa-Israeli eshi noyofotji temba ghokukona ghadye ghunyinga, ngambi kehe mutundakure muna kutunga nendi mbadi ghakona kudya ghunyinga. ¹³Kehe munu mudiko dya-Israeli, endi mutundakure oyu ghana kutunga nawo, ghokushana nokupagha thiyama endi thinyunyi thokukona ghadye, ghakona kunotorako ghunyinga nokughututhera nomuve.¹⁴Moyo ghokehe thivareka ne mumanyinga wakara. Yodiyo naghambere kohanu wa-Israeli eshi, "Mbadi mwakona kudya ghunyinga ghokehe thivareka, moyo ghokehe thinu thokupara ne mumanyinga wakara. Kehe yuno ghokudya manyinga ne kumupagha."¹⁵Kehe munu ghokudya thiyama ethi thina kufera endi ethi hana pagha hayishereka, yikare eshi muka kakoghatji endi mutundakure oyu ghana kutunga nenu, ghakona kuyogha yitere yendi naye kokuyoghana mumeyu, ghana kunyata kate runguro. Ndani ghana kakena. ¹⁶Ene ngeshi mbadi ghana yogho yitere yendi naye mbadi ghana yoghana mumeyu, ghana kukara murandu."

¹Fumu Nyambi ne ghaghambire kwa-Mosesi eshi, ²"Tongwere hanu wa-Israeli noghambe eshi, 'Yame Fumu Nyambi wenu. ³Mbadi mwakona kutenda eyi haruwananga haka-Egiputena, oku mwatungire myaka dhina kapita. Mbadi mwakona kuruwana eyi hatendanga haka Kanani, muditunga edi nakumutwara. Mbadi mwakona kukutha thitjo thawo."⁴Miragho dhange ne dhodiyo mwakona kutenda, nomarawero Ghange ne ghodiyo mwakona kukutha, podiyo eshi muyende mumwadho, pamurandu yame Fumu Nyambi wenu. ⁵Yodiyo mwakona kukutha marawero ghange nomiragho dhange. Ngeshi munu ghadhi kutekera, aye ne mboghana para pamurandu wadho. Yame Fumu Nyambi.⁶Mbadi mwakona kuhenyena mukadiko mukumushupura thiheha, Yame Fumu Nyambi. ⁷Mbadi mwakona kumona thiheha tha wiho endi nyoko, aye ne nyoko, mbadi mwakona kumona thiheha thendi. ⁸Mbadi wakona kumona thiheha thadidhiko dyawiho; atho ne thiheha thawiho.⁹Mbadi mwakona kumona thiheha than'amba dhoye, yikare eshi mwana wiho endi mwana nyoko, yikare eshi kwamuwanena mudighumbo dyenu ngambi kayenda. ¹⁰Mbadi mwakona kumona thiheha thamwana mwanoye ghokatughuru endi thamwana mwanoye ghombuyama, thiheha thawo ne thiheha thoye. ¹¹Mbadi mwakona kumona thiheha thamwana didhiko dyawiho, oyu hareta mudiko dyawiho, apa ghadi eshi n'amba dhoye.¹²Mbadi mwakona kumona thiheha than'amba dhawiho, aye ne diko dyawiho. ¹³Mbadi mwakona kumona thiheha than'amba dhanyoko, aye ne diko dyanyoko. ¹⁴Mbadi mwakona kumona thiheha thamina endi mukurwa wiho ghokatughuru, mbadi mwakona kuhenyena didhiko dyendi; yoyishi aye ne nyoko ghana.¹⁵Mbadi mwakona kumona thiheha thangumwenyoye; aye ne didhiko dyamwanoye ghokatughuru; Mbadi wakona kumona thiheha thendi. ¹⁶Mbadi mwakona kumona thiheha thamuna mukurwoye endi minoye ghokatughuru, yoyishi atho ne thiheha thamukurwoye.¹⁷Mbadi mwakona kumona thiheha thambuyama namwanendi ghombuyama; mbadi mwakona kushimba mbuyama ghomwana mwanoye ghokatughuru endi mbuyama ghomwana mwanoye ghombuyama ghumone thiheha thendi. ¹⁸mbadi mwakona kuyeka n'amba dhadidhiko dyoye eshi ghakare didhiko dyoye ghoghuwadi endi ghumone thiheha thendi oku didhiko dyoye ne muyumi.¹⁹Mbadi mwakona kuhenyena mbuyama ghumone thiheha thendi ruvedhe rothidhira thonyata dhendi. ²⁰Mbadi mwakona kukara panyama nadidhiko dya mukamaparaghumbo ghoye endi ghukunyateke ghothinda mundhira dhokemo.²¹Mbadi mwakona kutapa hanenu mukuwatura mumudiro, nothitambo thokuwa tupure kwa-Molech, yoyishi mbadi mwaroyera kunyateka dina dya-Nyambi. Ame ne yame Fumu Nyambi.²²Mbadi mwakona kukara panyama nakatughuru yira mbuyama; murandu ghushokuru. ²³Mbadi mwakona kukara panyama nothiyama nokukunyateka ghothinda. Endi kehe mbuyama ghakare panyama nothiyama; dinyatho dishokuru.²⁴Mbadi mwakona kukunyateka mwathinda mundhira kehe dhino poghano, mumandhira gha ne dina kunyata ditunga, mushovo oghu mboni yakunutha paghutho wenu. ²⁵Ditunga edi dyanyatire, nawa humbithire kumaharwero ghawo, noditunga ne dyawa ruthire.²⁶Amwe keho ne, mwakona kukutha marawero nomayendithitho Ghange, nombadi mwakona kuruwana kehe yiruwana yonyata, yikare eshi mukakakoghatji yu hawanena mu-Israeli endi mutundakure oyu ghana kutunga nenu. ²⁷Yinu yonyata ne yoyi haruwanine awa hatungire muditunga di nokate popano, ditunga di ne dyanyata. ²⁸Yodiyo, mukoneke podiyo eshi maghana mbodimurutha namwe munyima dhokudinyateka, thika dyodi dyaruthire hanu awa hatungiremo kughutho wenu.²⁹Kehe yu ghokutenda yinu yonyata, munu ya ne kumushwayitha kwawanu wendi. ³⁰Yodiyo, mukumithemo marawero ghange nombadi mwakona kutenda thitjo ethi hatendangire mudyango di kughutho opa mweya mo, podiyo eshi mbadi mwakukunyateke mwathinda. Ame ne yame Fumu Nyambi wenu."

¹Fumu Nyambi ne ghaghambire kwa-Mosesi eshi, ²"Tongwere dikonga dya-Israeli dyodiheya eshi, 'Mwakona kupongoka, Ame no-Nyambi wenu ne napongoka. ³Kehe yuno ne ghakona kukutekera nyina nawihe, nomwakona kupongora Sabata Wange. Ame yame Fumu Nyambi wenu. ⁴Mbadi mwakona kutjindja yitjwandjo, endi mukutendere mwathinda hanyambi hoyitjwandjo yokuyenyumuna. Ame ne yame Fumu Nyambi wenu."⁵Ngeshi ghamu tupura muyambo ghoghushere kwa-Fumu Nyambi, mwakona kuyamba mundhira edhi shogha mutambure. ⁶Mwakona kudya nyama watho diyuwa dyodyo muna thitapa, endi diyuwa dyokurandako. Ngeshi kehe nyama watho ghana thiyarako kate diyuwa dyoghuhatu, mwakona kumutumekera nomudiro. ⁷Ngeshi kuna dya nyama ya mudiyuwa dyoghuhatu ne, muna kwira; mbadi wakukona Nyambi ghatambure muyambo watho, ⁸kehe yu ghokuthidya ne ghana kushimba murandu wendi thinda yoyishi ghana nyateka yokupongoka kwa-Fumu Nyambi, nomunu yo ne kumushwayitha kwawanu wendi.⁹Ngeshi ghamu keshi mumapya ghenu, mbadi mwakona kukesherera kumashonga ghomapya ghenu, nombadi mwakona kughongawedha yoyiheya yokuthiyara mo. ¹⁰Mbadi mwakona kughongawedha mandjembere ghomaheya muyikwinino yenu, endi mughongawedhe mandjembere ghokuwa pamuve mumapya ghenu. Mwakona kugha thiyera hahepwe nawa mutunda kure. Ame ne yame Fumu gho-Nyambi wenu.¹¹Mbadi mwakona kwidha. Mwangera. Mbadi mukwangere. ¹²Mbadi mwakona kwedha mbango mudina Dyange nokwipitha dina dya-Fumu Nyambi wenu. Ame ne yame Fumu Nyambi.¹³Mbadi mukare rupetho nawa kamaparaghumbo wenu endi muwedhere. Ndjambi dhoyu muna pa thiruwana ne mbadi dhakona kurara kukwenu ghuthiku ghoghuheya kate mathiku-thiku. ¹⁴Mbadi mutape thikuto kwawa yipuru-puru endi muture thiginditho kwawa kunga, ene muyape Nyambi wenu. Ame ne yame Fumu Nyambi.¹⁵Mbadi mwakona kutetera ndhango kuyinu yombango. Mbadi mwakona kukugha hahepwe endi mughamwene hashwi. Ene mughature haka maparaghura wenu mughuhungami. ¹⁶Mbadi mwakona kuyendaghura ghuhanyitha mbudhi dhombango ene mughamwene moyo dhawa kamaparaghumbo. Yame Fumu Nyambi.¹⁷Mbadi mwakona kunyengera hayendhenu mumutjima. Mwakona kushwenena haka maparaghumbo wenu, mbadi mwakona kukuretera maharwero pamurandu wawo. ¹⁸Mbadi mwakona kukara non'orokoro endi ndundumena kwimanganyena hanu wenu, ene muhake haka maparaghumbo wenu dyodi mwakuhaka mwathinda. Yame Fumu Nyambi.¹⁹Mwakona kukumithamo marawero Ghange. Mbadi mwakona kukorera yimuna yenu noyimuna yokukutjaka nayo. Mbadi mwakona kuvunga mambuto mawadi ghokukutjaka-tjaka pakukuna mapya ghenu. Mbadi mwakona kushupata thitere ethi hatenditha kumakehe mawadi agha hatura pofotji.²⁰Nokehe katughuru ghokukara panyama nambuyama ghomupika, ghamwandekithere mukatughuru, ene mbadi ghamuruwerera, nambuyama temba mbadi hayi mutawedhera, ghana kupwa kumwashura ene mbadi wakuwa pagha, pamurandu eshi mbuyama ne mbadi haghu mushutwera. ²¹Katughuru ne ghakona kureta muyambo ghomaharwero kwa-Fumu Nyambi kumengeneno ghokakurwera komakuwaneno nondjwi ghomurume ne ghomuyambo ghomaharwero. ²²Ndani mupristeri ne ghana kutenda makushwero ghomaharwero ghendi nondjwi ghomurume ghomuyambo ghomaharwero paghutho wa-Nyambi, kumaharwero agha ghatenda. Ndani maharwero gha ne mboghana pu kuthiyerera.²³Ngeshi muneya muditunga nomuna tapeka yitondo yokukuthiya-thiya yombuyo, mudimuke mbuyo dhokuyitondo yi eshi mbadi mwakona kudhidya mwe. Mbuyo ne dhapwa kudhi mushweneka myaka dhihatu. Mbadi mwakona kudhi dya. ²⁴Ene mumwaka ghoghune ne mbuyo dhodhiheya ne mbodhina pongoka, muyambo ghomakuyero kwa-Fumu Nyambi. ²⁵Mumwaka ghoghukwoko ne kukona keho mudye mbuyo dho, kwataterera podiyo eshi mbuyo ne dhakwime thikuma. Yame Fumu Nyambi wenu.²⁶Mbadi mwakona kudya nyama oyu ghadi nomanyinga mo. Mbadi mwakona kutenda mafweno ngambi ghurodhi. ²⁷Mbadi mwakona kuthekurura mashonga ghohuki dhokumutwi dhenu endi kuthekurura ghuhura ghomwendo dhenu. ²⁸Mbadi kutareka yirama yenu pamurandu wawa fu endi kukutjanga payirama yenu. Yame Fumu Nyambi.²⁹Mbadi mwakona kutenda hanenu hohambuyama hakare yikumbu, ngoditunga ne mbodina yara yikumbu nongo mbodina yara ghushatani. ³⁰Mwakona kupungura Sabata Wange nomukutekere ngirishe dhodyango dyomakuwaneno. Yame Fumu Nyambi.³¹Muyakunuke kwawa rodhi nawa kadhi mipepo. Mbadi mwakona kuwana maghamweno kukwawo, kukona hamunyateke. Ame ne yame Fumu Nyambi wenu.³²Mwakona kwimana paghutho wamunu ghomvi nokutapa dikuto kwamukuru. Muyape Nyambi wenu. Yame Fumu Nyambi.³³Ngeshi mutunda kure muna kutunga nendi muditunga, mbadi mwakona kumwipithera. ³⁴Mutundakure oyu muna kutunga nendi ne ghadi yira mwana gho kakoghatji wa-Israeli, mwakona kumuhaka thika dyodi mwakuhaka mwathinda, pamurandu mwakarire namwe mwangumbi muditunga dya-Egiputena. Ame yame Fumu Nyambi wenu.³⁵Mwapira ghuhungami pakumeta muna ghure, ghuremu, endi wingi. ³⁶Mwakona kuruwanitha thikara, thiviha vene, fendera nothimetitho thoyo meyu. Ame ne yame Fumu Nyambi, Oyu ghamushwayithire muditunga dya-Egiputena. ³⁷Mwakona kukutekera matokwero ghomaheya nomarawero ghomaheya, nokutenda eyi dhina kughamba. Yame Fumu Nyambi."'

¹Fumu Nyambi ghatongwere Mosesi eshi, ²"Tongwere ha-Israeli, 'Kehe yu ghadi mwawa Israeli, endi mutundakure ghana kutunga mu-Israeli oyu mboghatapa hanendi kwa-Molech, mwakona kumu pagha. Hanu homuditunga ne hakona kumu vukuma nomawe."³Name mbona pa dikothi munu ghokemo nokumushwayitha mwawanu wendi pamurandu eshi hatapa mwanendi kwa-Molech, podiyo eshi hanyateke dyango nodina Dyange dyokupongoka. ⁴Ngeshi hanu homuditunga ne hana ferera meho ghawo koya katughuru ghokutapa mwanendi kwa-Molech, nongeshi mbadi hana mupagha, ⁵Ame nothinda mbo nemanganyena munu ghokemo nodiko dyendi, mbona mupagha nokehe yu ghokutenda rungu nendi muku karera nyambi ghombango Molech.⁶Munu ghokushana maghamweno kwawa rodhi endi haka mipepo podiyo hana kukutenda hathinda ghukumbu, mbo nemanganyena munu ghokemo; mbona pagha munu yo. ⁷Yodiyo, mukukongore nomu pongoke, pamurandu eshi Yame Fumu Nyambi wenu.⁸Mupungure marawero Ghange nomutende muragho Wange. Yame Fumu Nyambi namutorora eshi mwapongoka. ⁹Kehe yu ghokukuta wihe endi nyina ne mwakona kumu pagha. Ghana kutu wihe nanyina, yodiyo thinyinga thendi ne papendi thidi.¹⁰Katughuru ghokutjora ghuruwo nambuyama waghumweya, kehe katughuru ghokukara panyama nambuyama wakumapara ghumbo wendi endi kehe mbuyama ghokutenda kemo, waheya kuwa pagha. ¹¹Ngeshi katughuru ghana kara panyama nadidhiko dyawihe, ghana fikura thiheha thawihe. Waheya mwana nanyina munu kuwa pagha. ¹²Ngeshi katughuru ghana kara panyama nangumwenyendi, waheya hakona kuwa pagha. Hana ruwana yothishama. Murandu wawo ne papawo hathinda.¹³Ngeshi katughuru ghakara panyama nakatughuru muyendhendi, waheya hana ruwana diharwero dishokuru. Hakona kuwa pagha. Manyinga ghawo ne papawo hathinda. ¹⁴Ngeshi katughuru ghana yeki mbuyama nokuyeka nyina, oghu ne murandu ghushokuru. Hakona kuwatumekera, waheya katughuru nambuyama, podiyo eshi mwakupire ghushatani mumwenu.¹⁵Ngeshi katughuru ghana kara panyama nothiyama, hakona kumu pagha, nomwakona kupagha thiyama otho ghana rara. ¹⁶Nongeshi mbuyama ne ghana kutapa kuthiyama thikare nendi panyama, mwakona kupagha mbuyama nokupagha thiyama. Popo vene mwakona kupagha hokemo. Manyinga ghawo ne papawo hathinda.¹⁷Ngeshi katughuru ne ghana shimbi ndumbu dhendi, mwana wihe endi mwana nyina, nokumona thiheha thendi, ayo ne thihonyi thishokuru. Hakona kuwa shwayitha kohana hoka wawo. Aye ne ghana fikura thiheha thandumbu dhendi nogha kona kupwa kuhumbitha. ¹⁸Ngeshi katughuru ne ghana kara panyama nambuyama oyu ghadi kuthidhira noghana fikura thiheha thendi, ghana fikura thidhira thendi, dithima dyomanyinga. Waheya katughuru nambuyama hakona kuwa pagha nokuwa shwayitha mwawanu wawo.¹⁹Mbadi wakona kufikura thiheha thamina nyoko, endi mina wiho, pamurandu eshi mbomuna nyateka hapenu. Wakona kushimba murandu woye. ²⁰Ngeshi katughuru ne ghakara panyama nangumwenyendi, aye ne ghana fikura thiheha thamwedyendi. Awo ne mbohana wana murandu wawo kuyiruwana yawo, nohakona kufa kupira nomwana. ²¹Ngeshi katughuru ne ghayeki muna mukurwendi, otho ne thinu thonyata. Aye ne ghana fikura thiheha thamukurwendi ghokatughuru; Hakona kukara nohana temba.²²Yodiyo, mwakona kupungura mayendithitho Ghange nomarawero Ghange; mwakona kuyikumithamo podiyo eshi maghana mbodimurutha ditunga omu namureta. ²³Mbadi mwakona kuyenda mumayendithitho ghomishovo edhi mboni shwayithe paghutho dhenu, awo ne haruwana yoyiheya yi, nonawa dhimbire.²⁴Naghambire kukwenu eshi, "Amwe ne mbomuna yoro ditunga; mbona dimupa mudimune, ditunga dyokupuka mahwe nowiki ghomuka. Yame Fumu Nyambi wenu, Oyu ghamuyakunutha kwawanu hamweya. ²⁵Yodiyo, mwakona kutjakitha yiyama yokukushuka noyo kunyata, nopakatji koyinyunyi yokunyata noyo kukushuka. Mbadi mwakona kukunyateka mwathinda noyiyama, yinyunyi endi kehe thi yokukokawa yokunyata, eyi nayakunuthire kukwenu."²⁶Mwakona kupongoka, Ame Fumu Nyambi ne napongoka, nona muyakunutha kwawanu hamweya, amwe ne mwakara hanu wange.²⁷Katughuru endi mbuyama ghomurodhi endi muka mafweno ne mwakona kumupagha. Dikonga ne dyakona kumupagha nomawe. Manyinga ghawo ne papawo hathinda."'

¹Fumu Nyambi ne ghaghambire kwa-Mosesi eshi, "Tongwere hapristeri, hana Aroni, ghambe ngeno, 'Noyofotji temba ghoghapenu oyu shogha kunyateke thinda pamurandu wawafu mudiko, ²shimengwa awa hamu tundakana endi nyina, wihe, mwanendi ghokatughuru, mwanendi ghombuyama, minendi ghokatughuru ³endi ndumbu dhendi oyu ghapira kwandekera nogha kurupera mumwendi, nombadi ghayeka, pamurandu wendi kukona keho ghakunyateke."⁴Ene mbadi ghakona kukunyateka thinda kumako ghamweya podiyo ghakunyateke thinda. ⁵Hapristeri ne mbadi hakona kukurura huki dhokumutwi wawo endi kuthekurura mashonga ghomwendo dhawo, endi ghakuthate payirama yawo. ⁶Hakona kupongoka kwa-Nyambi wawo, pamurandu eshi hapristeri ne kutupura muyambo ghoyidya wa-Nyambi, ghuroto wa-Nyambi wawo. Yodiyo, mupristeri ne ghakona kupongoka.⁷Mbadi hakona kuyeka mbuyama ghothikumbu no oyu hanyateka, nombadi hakona kuyeka mbuyama oyu ghamwagha katughuru wendi, mupristeri ne ghapongoka kwa-Nyambi wendi. ⁸Mwakona kumuturera kumbadi, yodiye ghokutupura ghuroto kwa-Fumu Nyambi wenu, pamurandu, Yame Nyambi nakumupongokitha, Ame ne napongoka. ⁹Kehe mushengeteya ghomwana mupristeri ghokukutenda thinda thikumbu aye ne ghana shamuna wihe. Hakona kumupagha.¹⁰Mupristeri shokuru mukatji kawa minendi, oyu hawethera nogha pwa kutungeka mukushupata muthithi wamupristeri shokuru, mbadi ghakona kuthiyerera huki dhendi dhindhendherere endi ghadjadjure yishupata yendi. ¹¹Mbadi ghakona kwingena omu ghudi mwimba wamunu noka kunyateka thinda, wawihe endi wanyina. ¹²Mupristeri ne mbadi ghakona kushwagha mudyango dyothinyaku thokakurwera komakuwaneno endi ghanyateke thinyaku tha-Nyambi wendi, pamurandu eshi aye ne ghapwa kutungeka eshi mupristeri shokuru pakumuwethera maghadhi gha-Nyambi. Yame Fumu Nyambi.¹³Mupristeri ne ghakona kuyeka mbuyama oyu ghadhira kukundama kwakatughuru rumweya ghakare didhiko dyendi. ¹⁴Mbadi wakukona ghayeke mudidhi, mbuyama oyu hamwagha, endi thikumbu. Mbadi ghakona kuyeka hambuyama hokemo. Ghakona vene kuyeka mbuyama oyu ghadhira kukundama kwakatughuru mudiko dyendi, ¹⁵podiyo eshi mbadi ghakunyateke hanendi mudiko dyendi, yame Fumu Nyambi, oyu ghana mupongokitha."'¹⁶Fumu Nyambi ne ghaghambire kwa-Mosesi eshi, ¹⁷"Tongwere Aroni eshi, 'Kehe yu mohana hoka woye mbogha kara eshi murema, mbadi ghakona kuhenya eshi ghatupure yidya ya-Nyambi wendi."¹⁸Kehe katughuru ghomurema ne mbadi gharoyera kuhenyena kwa-Fumu Nyambi, yira mukunga endi ghokudhira kuyenda, ¹⁹kehe yu ghepa yipo yimweya, munu ghomurema nyara endi dipadhi, ²⁰munu ghokupeta mughongo endi kamonenakupi, endi ghurema ghomeho, dihamba dyokuyuwa, yitombo, makongo endi oyu hateta ghurume wendi. ²¹Mbadiko katughuru mohana hoka wa-Aroni ghomu pristeri ghomurema ghokukona ghatende muyambo ghopa mudiro kwa-Fumu Nyambi. Munu ghokemo ne ghadi noghurema; mbadi ghakona kuhenya ghatupure ghuroto wa-Nyambi.²²Kukona ghadye yidya ya-Nyambi wendi, yikare eshi yidya yokupongoka thikuma noyokupongoka vene. ²³Ngambi kemo, mbadi ghakona kwingena mwishi dhodikehe endi pepi notishi ghomuyambo, pamurandu eshi murema, podiyo eshi maghana shogha nyateke dyango dyange dyokupongoka, yame Fumu Nyambi, oyu ghawa pongokitha."' ²⁴Yodiyo, Mosesi ne ghaghambire man'ando gha kwa-Aroni, kohanendi nokwa wanu waheya wa-Isreali.

¹Fumu Nyambi ne ghaghambire kwa-Mosesi ghuninga eshi, ²"Tongwere Aroni nohanendi, hakona kuyakunuka kuyinu yokupongoka yawanu wa-Isreali, eyi haroyithera ku-Kwange. Mbadi hakona kunyateka dina dyange. Yame Fumu Nyambi. ³Watongwere, 'ngeshi kehe yu powana hoka woye mbahenyene kuyinu yokupongoka eyi hanu wa-Isreali hatura kumbadi ya-Nyambi, oku ye ne ghana nyata, munu ghokemo ne ghakona kumupagha ghashwaye paghutho wange: Yame Fumu Nyambi."⁴Noyofotji temba mohana hoka wa-Aroni ghokukorwa yin'ondwe endi kehe dihamba dyomukavu eshi mbadye eyi hana tenditha muyambo ghokwa-Nyambi ene kate ghakwiruke. Kehe yu ghokukwata thokunyata nothinga thawafu, endi kukundama katughuru ghokushwayitha panunda manyinga othi katughuru ghendi, ⁵endi kehe yu ghokukwata ghurondodhi endi kehe munu ghokukona ghamunyateke, kehe dhino nyata, ⁶ndani mupristeri ghokukwata kehe thino thokunyata ne ghana kunyata kate runguro. Mbadi ghakona kudya kehe yino yokupongoka, shimengwa ghana yoghana mumeyu.⁷Ngeshi dina tokera diyuwa, ghana kukena. Munyima dhokutokera diyuwa ne kukona keho ghadye yokupongoka, yoyishi yoyidya yendi. ⁸Mbadi ghakona kudya yokukufera endi ethi hana pagha hayishereka, kukona ghakunyateke thinda. Yame Fumu Nyambi. ⁹Mupristeri ne ghakona kukumithamo marawero ghange, ngo mboha nakara mumurandu nokufa pamurandu ghokuni nyateka. Yame Fumu Nyambi nakuwa pongokitha.¹⁰Noyofotji temba panunda dhodiko dyawa pristeri, hagenda wawo endi hapika wawo, eshi mbadye kuyinu yokupongoka. ¹¹Ene ngeshi mupristeri ne gharuwerera mupika nomasherenyi ghendi, mupika ghokemo ne kukona ghadye yokushwagha kwa-Fumu Nyambi. Diko dyamupristeri noha pika awa hawanena mundhuwo dhendi, nawo kukona hadye nendi yinu yo.¹²Ngeshi mwana mupristeri ghombuyama ghayeki munu maghana, mbadi ghakona kudya kukehe yino yighongawedha yokupongoka. ¹³Ene ngeshi mwana mupristeri ne mudidhi, ngeshi ghapira mwana, nongeshi ghana huka mundhuwo dhawihe thika dyodi ghakarire muwanuke wendi, kukona ghadye yidya yawihe. Ene noyofotji temba ghodiko dyadyo nadyo oyu mbadya kuyidya yamupristeri.¹⁴Ngeshi katughuru ghana di yidya yokupongoka kupira kudimukera, ghakona keho kuhuthedheramo mupristeri; ghakona kuwedherera po thofotji kuyikwoko nokuyitapa kwamupristeri. ¹⁵Hanu wa-Isreali ne mbadi hakona kwipitha yinu yokupongoka eyi hayeyura pawiru noha yitapa kwa-Nyambi, ¹⁶noha shimbe karo diharwero edi shodi wature mumurandu ghokudya yidya yokupongoka, yame Fumu Nyambi nawa pongokitha."¹⁷Fumu Nyambi ne ghaghambire ghuninga eshi, ¹⁸"Tongwere Aroni nohanendi, nokwa wanu waheya wa-Isreali. Ghambe ngeno, 'Kehe katughuru mundhuwo dha-Isreali, endi mutundakuru oyu ghana kutunga mu-Isreali, ngeshi kohana kutapa muyambo ghomutjima ghokukushutuka, endi kutapa muyambo ghokutumekera, ¹⁹ngeshi ghupwe kutambura, hakona ndani kutupura hove, ndjwi ghomurume, nokungwe ghondjewa-ndjewa"²⁰Mbadi mwakona kutupura thothirema. Mbadi mboni thitambura mudyango dyenu. ²¹Kehe yu ghokutupura muyambo ghoghuyendha kushwagha muyimuna endi mutanga ghatape kwa-Fumu Nyambi mukuyaritherera medhero, endi muyambo ghokushutura mutjima, ghakona kureta thondjewa-ndjewa podiyo eshi thipwe kutambura. Mbadi thakona kukara eshi thirema.²²Mbadi mwakona kutupura thimuna thothikunga, thothirema endi othi hateta, endi thitombo endi maronda. mbadi mwakona kutapa yokemo kwa-Fumu Nyambi eshi thomuyambo ghokutumekera patishi ghomuyambo. ²³Kukona mutape hove endi ndjwi ghomurema endi ghomumbiru ghomuyambo ghomutjima ghokushutuka, ene muyambo ghokemo mbadi mbogha ghutambura kumedhero.²⁴Mbadi mwakona kutupura thimuna kwa-Fumu Nyambi ethi haremadheka endi kuteta ghurume watho. Mbadi mwakona kuruwana yokemo muditunga dyenu. ²⁵Mbadi mwakona kutapa ghuroto kwa-Nyambi wenu kushwagha munyara dhamutundakure. Yiyama yo ne yirema noyepa, mbadi wakukona kuyitambura."'²⁶Fumu Nyambi ne ghaghambire kwa-Mosesi eshi, ²⁷"Ngeshi ndana endi ndjwi ghana hanereka, ghakona kukara mayuwa kwoko nomawadi nanyina. Ndani mudiyuwa dyoghukwoko noghuhatu, kukona keho kumutambura kuruwanitha ko muyambo ghokutumekera kwa-Fumu Nyambi."²⁸Mbadi mwakona kupagha ngombe ghomukadhi endi ndjwi ghomukadhi noyoyimbiru, yoyiheya mudiyuwa dyofotji. ²⁹Ngeshi ghamutapa muyambo ghomatumero kwa-Fumu Nyambi, mwakona kuyitapa mundhira edhi shoyipwe kutambura. ³⁰Mwakona kuthidya nyama ghotho muyambo diyuwa dyofotji. Mbadiko nyama otho muyambo oyu shomutureke kate diyuwa dyokuranda ko. Yame Fumu Nyambi.³¹Yodiyo, mwakona kukumithamo marawero ghange nokughapungura. Yame Fumu Nyambi. ³²Mbadi mwakona kunyateka dina dyange dyokupongoka. Hanu wa-Isreali ne hakona kuni nongononitha eshi Napongoka. Yame Fumu Nyambi nakumu pongokitha, ³³oyu ghamushwayithire muditunga dya-Egiputena nogha mukuna kara Nyambi wenu: Yame Fumu Nyambi.

¹Fumu Nyambi ne ghaghambire kwa-Mosesi eshi: ²"Tongwere ha-Isreali noghambe eshi, 'Eyi ne yoyirika ghatorora Fumu Nyambi, eyi mwaroyera kutura eshi mapongo ghokupongoka; ayo ne yirika Yange yokehe pano."³Kukona muruwane mayuwa kwoko nodyofotji, ene mudiyuwa dyoghukwo nodyo ghuwadi ne Sabata muturumuthe kuyoyiheya, dipongo dyokupongoka. Mbadi mwakona kuruwana kehe thino yoyishi Sabata wa-Fumu Nyambi kumango ghomaheya oku mwatunga.⁴Eyi ne yirika ya-Fumu Nyambi ghatorora, yirika yokupongoka eyi waroyera kuyuvitha paruvedhe oru rwapwa kutorora. ⁵Mukaghonda kokutanga, mudiyuwa dyodikumi nodyo ghune kumavero ghadyo ne Paska wa-Fumu Nyambi. ⁶Mudiyuwa dyodikumi nokwoko mukaghonda koko ne thirika thoghuroto gho thuthungunyi wa-Fumu Nyambi. Mayuwa kwoko nomawadi ne mwakona kudya ghuroto ghothuthungunyi.⁷Mudiyuwa dyokutanga ne mwakona kwiya pofotji, mbadi mwakona kuruwana yenu. ⁸Mwakona kutapa yidya kwa-Fumu Nyambi mumayuwa kwoko nomawadi. Diyuwa dyoghukwoko noghuwadi ne mapongero ghokupongoka kwa-Fumu Nyambi, nomudiyuwa dyo ne mbadi mwakona kuruwana yinga yenu.⁹Fumu Nyambi ne ghaghambire kwa-Mosesi eshi, ¹⁰"Tongwere ha-Isreali eshi, apa mweya muditunga edi nakumupa, ngeshi muna keshi mukesho wamo, mwakona kureta mukesho ghokutanga kwa-mupristeri. ¹¹Aye ne ghana kuyeyura mukesho ghu paghutho wa-Fumu Nyambi nokughutapa kukwendi, podiyo eshi ghupwe kutambura mukumu kwateramo. Yina kuhokoka mudiyuwa dyomunyima dho-Sabata, mupristeri ne ghana kuyitapa ku-Kwange."¹²Mudiyuwa dyokuyeyura mukesho ghu nokughutapa kukwange, mwakona kutupura ndjwi ghumurume ghomwaka ghofotji ghondjewa-ndjewa ghomuyambo ghokutumekera. ¹³Muyambo ghomushungwa ne wakona kukara yiwadi kudikumi ghomushungwa ghomavumbukire oghu havunga nomaghadhi, muyambo ghokutendera pamudiro kwa-Fumu Nyambi, mukureta thiwe mwene, noyinwa yovinyu ghomuyambo, mafendera mane. ¹⁴Mbadi mwakona kudya ghuroto, endi mughuyothe endi mushungwa ghokutwa popo, kate diyuwa dyodyo mwaretire muyambo ghu kwa-Nyambi. Oghu ne muragho ghokukarererapo mughuye wenu, mukehe dyango edi muna kutunga.¹⁵Kutangera mudiyuwa dyomunyima dho-Sabata, mudiyuwa edi mwaretire mukesho ghomuyambo ghokudhingwedha ne kokutara yivike kwoko noyiwadi. ¹⁶Mwakona kutara mayuwa makumi kwoko, munyima dhodiyuwa dyo-Sabata ghoghukwoko nogho ghuwadi. Ndani mwakona kuyamba muyambo ghomushungwa ghoghupya kwa-Fumu Nyambi.¹⁷Mwakona kureta maroto mawadi kushwagha mundhuwo dhenu ghokutenditha kumushungwa ghoyiwadi kudikumi. Hakona kughutenditha kumushungwa ghomavumbukiro nokughu kangitha noyifudhumukitha; yina kukara muyambo ghokudhingwedha ghomukesho ghokutanga kwa-Fumu Nyambi. ¹⁸Mwakona kutapa ghuroto nondjwi kwoko nodhiwadi dhomwaka ghofotji dhondjewa-ndjewa, ndwedho ghana yofotji, nondjwi dhiwadi dhodhirume. Yakona kukara muyambo ghokutumekara kwa-Fumu Nyambi, nomuyambo ghomushungwa nomuyambo ghoyinwa, muyambo ghokuruwanena pamudiro nokureta thiwe mwene kwa-Fumu Nyambi.¹⁹Mwakona kutapa thikungwe thofotji thomuyambo ghodiharwero, ndjwi ghana dhiwadi dhomuyambo ghoghuyendha. ²⁰Mupristeri ne ghana kuyidhingwedha pofotji noghuroto ghomukesho ghokutanga paghutho wa-Fumu Nyambi, nokuyitapa kukwendi eshi muyambo nondjwi dhiwadi. Agho ne muyambo ghokupongoka kwa-Fumu Nyambi wawa pristeri. ²¹Mwakona kutenda methero diyuwa dyodyo. Pakare dipongo dyokupongoka, nombadi mwakona kuruwana kehe yino. Mbo pana kara muragho ghokukarererapo mughuye ghodiko dyenu kukehe dyango edi mbomutunga.²²Ngeshi ghunapi mukesho ghomumuve wenu, mbadi mwakona kukeshererera mashonga ghomapya ghenu, nombadi mwakona kughongawedherera noyokuwa pakukesha. Mwakona kuyithiyera hahepwe nawa mutundakure. Yame Fumu Nyambi wenu.²³Fumu Nyambi ne ghaghambire kwa-Mosesi eshi, ²⁴"Tongwere hanu wa-Isreali eshi, 'Mukaghonda koghukwoko noghuwadi, mudiyuwa dyokutanga dyokaghonda ka ne mwakona kuturumutha, mavurukero ghomashiyero ghomapori, dipongo dyokupongoka. ²⁵Mbadi mwakona kuruwana kehe yino, nomwakona kutenda muyambo ghopamudiro kwa-Fumu Nyambi.'"²⁶Ndani Fumu Nyambi ne ghaghambire kwa-Mosesi eshi, ²⁷"Diyuwa dyodikumi dyokaghonda ka ne mathiyerero ghomaharwero. Pakona kukara dipongo dyokupongoka, nomwakona kukumbirupitha mwathinda nokutapa kwa-Fumu Nyambi muyambo ghopamudiro."²⁸Mbadi mwakona kuruwana yiruwana kehe yino mudiyuwa di pamurandu eshi Diyuwa dyomathiyerero ghomaharwero, mukukushemwathanitha mwathinda paghutho wa-Fumu Nyambi wenu. ²⁹Kehe yu ghokupira kukumbirupitha thinda mudiyuwa di ne mwakona kumupagha.³⁰Kehe yu ghokuruwana mudiyuwa di, Yame Fumu Nyambi mbona mushwaghitha mwawanu wendi. ³¹Mbadi mwakona kuruwana kehe yino mudiyuwa di. Oghu ne muragho ghokuroruheya mumaghuye ghomaheya ghawanu wenu mukehe dyango edi mbomutunga. ³²Diyuwa di ne dyakona kukara eshi Sabata ghomaturumuthero ghokupongoka, nomwakona kukumbirupitha mwathinda mudiyuwa dyoghukwoko noghune dyokaghonda koka parunguro. Kutunda runguro kate runguro mwakona kukumithamo Sabata wenu."³³Fumu Nyambi ne ghaghambire kwa-Mosesi eshi, ³⁴"Tongwere ha-Isreali, ghuninga eshi, 'mudiyuwa dyodikumi nodyo ghukwoko dyokaghonda koghukwoko noghuwadi ne mbodina karanga diyuwa dyothirika thoyinyaku ya-Fumu Nyambi. Thirika thi ne mbothina shimbi mayuwa kwoko nomawadi."³⁵Mudiyuwa dyoghukwoko noghuwadi ne meghero pofotji ghokupongoka. Mbadi mwakona kuruwana kehe yino. ³⁶Mayuwa kwoko nomawadi ne mwakona kutenda muyambo ghopa mudiro kwa-Fumu Nyambi. Mudiyuwa dyoghukwoko noghuhatu ne meghero pofotji ghokupongoka, nomwakona kutenda muyambo kwa-Nyambi ghopa mudiro. Agha ne mapongero ghokupongoka, nombadi mwakona kutenda yiruwana kehe yino.³⁷Eyi ne yirika ya-Fumu Nyambi eyi ghatorora, eyi mwakona kuyuvitha eshi meghero pofotji ghokupongoka mukutapa muyambo ghopa mudiro kwa-Nyambi, muyambo ghokutumekera nogho mushungwa, ndupu nomuyambo ghoyinwa, kehe ghu mudiyuwa dyopithawo. ³⁸Yirika yi ne mawedherero ku ma-Sabata gha-Fumu Nyambi noyitapera, medhero ghenu ghomaheya, nodhi miyambo dhenu dhodhiheya dhokushwagha kumutjima edhi muna kutapa kwa-Nyambi.³⁹Kuhatera yirika yoyinyaku, mudiyuwa dyodikumi nodyo ghukwoko dyokaghonda koghukwoko noghuwadi, oku muna ghongawedha mukesho mumuve wenu, mwakona kukumithamo thirika thi tha-Nyambi mumayuwa kwoko nomawadi. Diyuwa dyokutanga ne maturumuthero, nomudiyuwa dyoghukwoko noghuhatu ne maturumuthero karo.⁴⁰Mudiyuwa dyokutanga ne mwakona kushimba mbuyo dhishaghuwa kuyitondo, mite dhomakindhu, nomahako ghoyitondo, yitondo yokumbombwa dhorware, nombo munna shamberera paghutho wa-Fumu Nyambi wenu mayuwa kwoko nomawadi. ⁴¹Mayuwa kwoko nomawadi mukehe mwaka, mwakona kushoyerera thirika thi tha-Nyambi. Oghu ne muraghu ghokuroruheya mughuye wenu kukehe dyango oku muna kutunga. Mwakona kushamberera thirika thi mukaghonda ko ghukwoko noghuwadi.⁴²Mwakona kutunga muyishashara yoyimbiru mumayuwa kwoko nomawadi. Waheya awa hawanena mu-Isreali ne hakona kutunga muyishashara yoyimbiru mayuwa kwoko nomawadi, ⁴³podiyo eshi hana hoka wenu ne mboha kuhonge eshi ngepi natendire diko dya-Isreali ditunge muyishashara apa nawa shwayithire muditunga dya-Egiputena. Yame Fumu Nyambi wenu."" ⁴⁴Mundhira dhokemo, Mosesi ne ghayuvithire kohanu wa-Isreali yirika eyi ghatororire ya-Fumu Nyambi.

¹Fumu Nyambi ne ghatongwere Mosesi eshi, ²"Rawere hanu wa-Isreali harete maghadhi ghokushwagha ku-Oliva mukugharuwanitha kumunyenge, podiyo eshi munyenge ne ghukare thimunekerera."³Panunda dhodikehe paghutho ghodimbangu dyomuragho mukakurwera komakuwaneno, Aroni ne ghakona kutwikera, kutunda runguro kate mathiku-thiku, munyenge ne ghukare thimunekerera paghutho wa-Fumu Nyambi. Oghu ne muragho ghokuroruheya mughuye wenu. ⁴Mupristeri shokuru ne ghakona kuroyitha munyenge ghukare thimunekerera paghutho wa-Fumu Nyambi, mashera ne pamaturo ghoshera gho ngorondo.⁵Mwakona kushimba mushungwa ghomavumbukire nokukanga maghuroto dikumi nomawadi. Mwakona kukara thofotji kudikumi mughuroto ghofotji. ⁶Ndani mwakona kuyitura mumirayini dhiwadi, maghuroto kwoko fotji mumurayini, patishi ghongorondo paghutho wa-Fumu Nyambi.⁷Mwakona kuturapo hapo mukehe murayini ghomaghuroto eshi ghomuyambo ghoghukareripo. Hapo ne dhakona kukara muyambo ghokutendera pamudiro kwa-Fumu Nyambi. ⁸Kehe Sabata mupristeri shokuru ne ghakona kuroyitha thiwana ghuroto paghutho wa-Nyambi kukwateramo hanu wa-Isreali, eshi thidimukitho thomakuyuvero ghokuroruheya. ⁹Muyambo ghu ne wa-Aroni nohanendi, noha kona kughudyera mudyango dyokupongoka, ayo ne dihenda dyawo kushwagha mumuyambo wa-Fumu Nyambi ghokutendera pamudiro.¹⁰Yahokokire eshi mwana ghokatughuru ghombuyama oyu ghakarire eshi wihe ne muka Egiputena, gha shwayire mudifwa dyawa Isreali. Mungaghu ghana yu ne gharwire nakatughuru ghomu Isrealite mumwara. ¹¹Mwana mbuyama yu ne ghashwahure dina dya-Fumu Nyambi nogha kutire Nyambi, yodiyo hanu ne hamuretire kwa-Mosesi. Dina dyanyina ne Shelomithi, ghomwana Dibri, mudiko dya-Dani. ¹²Hamu turire mun'wato kate koku Fumu Nyambi mbogha katapa mahimeno ghendi kukwawo.¹³Ndani Fumu Nyambi ne ghaningire Mosesi eshi, ¹⁴"Shimbe katughuru oyu ngakutu Nyambi panunda dhomwara. Waheya awa ngaha muyuvu ne hakona kukambeka manyara ghawo pamutwi wendi, ndani difwa dyawanu waheya ne hakona kumu pagha nomawe."¹⁵Wakona kupathwerera ha-Isreali ghuninga eshi, 'Kehe yu ghokukuta Nyambi wendi ne ghakona kuhumba kudiharwero dyendi. ¹⁶Kehe yu ghokushwahura Fumu Nyambi ne mwakona kumu pagha. Difwa dyawanu ne dyakona kumu pagha nomawe, yikare eshi mutunda kure endi mwana ghokakoghotji. Kehe yu ghokushwahura dina dya-Fumu Nyambi ne ghapwe kupagha."¹⁷Ngeshi ghumweya ne ghana pagha muyendhendi, mwakona kumupagha. ¹⁸Ngeshi ghumweya ghana pagha thimuna thaghumweya, ghakona kuhutheramo, thothiyumi.¹⁹Ngeshi ghumweya ne ghana remeka muka maparaghumbo wendi, mwakona kuruwana yoyi ghana ruwana kwamuyendhendi: ²⁰Ghurema kughurema, diho kudiho, diyegho kudigho. Thika dyodi ghana reta ghurema kwamunu, dyomwakona kuruwana nokukwendi. ²¹Kehe yu ghokupagha thimuna ne ghakona kuthihutheramo, nokehe yu gho kupagha munu ne mwakona kumu pagha.²²Mwakona kukara nomuragho ghofotji kwawaheya mutundakure endi mwana ghokakoghatji, ame ne yame Fumu Nyambi wenu."' ²³Yodiyo, Mosesi ne ghaghambithire hanu wa-Isreali, nohanu haretire katughuru ya panunda dhomwara, oyu ghakutire Nyambi. Hamupayire nomawe. Hanu wa-Isreali ne hakumithiremo marawero gha-Fumu Nyambi kwa-Mosesi.

¹Fumu Nyambi ne ghatongwere Mosesi padirundu dya-Sinayi eshi, ²"Tongwere ha-Isreali, ngeshi muna kumu mudyango edi mboni mupa, dyango di ne mwakona kuditenda eshi mukumithemo Sabata wa-Fumu Nyambi."³Mwakona kukuna mapya ghenu myaka kwoko-fotji, myaka kwoko-fotji dho ne mwakona kuteta yitondo yombuyo yenu thiwana nokughongawedha mukesho. ⁴Ene mumwaka ghokwoko-wadi ne, sabata ghokupongoka muturumuthero ghomuve ne mwakona kughakumithamo, Sabata wa-Fumu Nyambi. Mbadi mwakona kudima mapya ghenu endi mutete yitondo yenu yombuyo.⁵Mbadi mwakona kukesha eyi yapya papayo yathinda, nombadi mwakona kupokora kehe yitondo yomandjembere eyi yema papayo yathinda. Oghu ne mwaka ghokuturumutha muve. ⁶Kehe yi ghuna yangura muve mumwaka gho-Sabata ne yidya yenu. Yamwe, hapikenu hotutughuru noho hambuyama, nawa mwaghura, hamutundakure awa muna kutunga nawo ne kukona haghongawedhe yidya, ⁷noyimuna yenu noyo mumuthitu ne mboyina di kehe yino yina meni mumuve.⁸Mwakona kutara myaka dhikwoko nodhiwadi dho ma-Sabata, eyi yidi eshi yikandho kwoko noyiwadi ne myaka kwoko nodhiwadi, podiyo eshi mbo pakare myaka kwoko nodhiwadi, kupakerera ne myaka makumi mane nomyaka kwoko nodhine. ⁹Ndani ne mwakona kushiya dipori kehe kuno mudi mudiyuwa dyodikumi dyokaghonda koghukwoko noghuwadi. Mudiyuwa dyomathiyerero ghomaharwero ne mwakona kushiya dipori roruheya muditunga dyenu.¹⁰Mwakona kuturera kumbadi mwaka ghomakumi kwoko kwa-Fumu Nyambi nokuhanyitha mashutwero muditunga dyodiheya kwawa hatungamo. Adyo ne diyuwa dyo-Jubili kukwenu, mundhira edhi mbomuhutha yiwana endi hapika mukuhuka kwawa kadiko dyawo.¹¹Mwaka ghomakumi kwoko ne Jubili kukwenu. Mbadi mwakona kukuna endi kukesha pathina muragho. Mudye kehe yino yina kukura papayo yathinda, nokughongawedha mandjembere agha ghakura papagho ghathinda muyikwinino eyi hadhira kuteta thiwana yitondo yapo. ¹²Aye ne yo-Jubili, nogha pongoka kukwenu. Mwakona kudya eyi yina kuru papayo yathinda kushwagha mumapya.¹³Mwakona kuhutha kehe yuno kukwawo moghu mwaka gho-Jubili. ¹⁴Ngeshi waghuritha dyango kwamu kamaparaghumbo ghoye endi ngeshi waghura dyango kwamuyendhoye, mbadi mwakona kukwangera endi kukwipithera.¹⁵Ngeshi ghuna ghuru dyango kwamu kamapara ghumbo ghoye, thotere thivarero thomyaka noyimenwa eyi ghuna kukeshamo kate mwaka gho-Jubili ghokurandako. Muka maparaghumboye ghana kughuritha dyango nayo mwakona kuyithotera. ¹⁶Myaka dhodhingi kate Jubili ghokurandako ne kawedherera mudyo ghodyango, myaka dhodhipu kate mwaka gho-Jubili ne kutepura mudyo ghodyango, pamurandu eshi thivarero thomukesho dyango ne mbodina yangura muyangu kwathinda ghomupya ne dhakurikanya nothivarero thomyaka kughutho ghomyaka gho-Jubile ghokurandako. ¹⁷Mbadi mwakona kukwangera endi kwipithera ghumweya; ene mwakona kukutekera Nyambi wenu, yame Fumu Nyambi wenu.¹⁸Yodiyo ne mwakona kukutekera marawero ghange, mukumithemo muragho wange, nokughu pungura. Ndani pombo mutunga muditunga di muthiraro. ¹⁹Muve ne mboghuna yangura mukesho mwene, nombo muna di kwikuta nokutunga mudyango di muthiraro.²⁰Kukona mwakughambe eshi, "Yinu munye mbotudya mumwaka ghoghukwoko noghuwadi? Mumone, mbadi wakukona tukune endi tukeshe yetu." ²¹Mbona rawera fiyaghudhi thange thiye papenu mumwaka ghoghukwoko noghofotji, nombomuna yangura yoyingi yokurikanya myaka dhihatu. ²²Mbomuna kakuna mumwaka ghoghukwoko noghuhatu nokutwikera kudya eyi mwapungura yomyaka dhapita. Kate mbowiye mukesho ghomwaka ghoghukwoko noghune, mbomuna kono kudya eyi mwapungura myaka dhina kapita.²³Muve ne mbadi mwakona kughu ghuritha kwaghumweya, pamurandu eshi muve ne Wange. Amwe mwaheya ne mwa mutundakure muditunga di. ²⁴Mwakona kukutha mayendithitho mwene muditunga edi mwawana; mwakona kutawedhera muve haghughure awa haghu mughurithire. ²⁵Ngeshi mu-Isrealite muyendhoye ne muhepwe pamurandu eshi ghaghuritha yiwana yendi yimweya, mukadiko dyendi ne ghakona kwiya nokumughamwena koyi ghaghuritha.²⁶Ngeshi katughuru ne mbadiko diko dyoku mughamwena ghahuthe yiwana yendi, ene ngeshi ghana tungipa nokukara nongcamu eshi ghadihuthe, ²⁷ghakona kutara myaka kutunda apa dyango hadi ghurire nokuruwera paro kwakatughuri yu ghadi ghurire. Ndani ghakona kuhuka kuyiwana yendi. ²⁸Ene ngeshi yina mughowa kuhutha dyango dyendi, dyango di ne mbodina kara munyara dhoyu ghadi ghura kate mwaka gho-Jubili. Mumwaka gho-Jubili, dyango ne mbohana dihutha kwakatughuru oyu ghadi ghurithire, no oyu ghana diraghuranga ne ghana kuhuka kudyango dyendi.²⁹Ngeshi katughuru ghana ghuritha ndhuwo muthitata ethi hadhingumwetwedha ditete dyomawe, kukona ghadhihuthe mukudhiruwera munyima dhopa ghadhi ghurithire. Mumwaka ghokuyara ne ghadi nomatawedhero ghokudhihutha. ³⁰Ngeshi yina mughowa kuhutha ndhuwo dho muthitata mumwaka ghofotji, ndhuwo dhi ne dhina kakara mumoko ghoyu ghadhighura kuroruheya. Mbadi ghakona kudhihutha mumwaka gho-Jubili.³¹Ene mandhuwo gho mumikunda edhi dhapira ditete dyomawe mumbadi ne mbomuna ghatura eshi mapya ghamu ditunga. Kukona kugha yovora, mwakona kugha hutha mumwaka gho-Jubili. ³²Kuyitata yawa Levite, mandhuwo agha hamuna ha-Levite muthitata yawo ne kukona kugha hutha kehe ruvedhe.³³Ngeshi mu-Levite ghumweya ne mbadi ghana kayovora ndhuwo edhi ghaghurithire, ndhuwo dho ghaghurithire muthitata ne mbohana kadhimuhuthera mumwaka gho-Jubili, mandhuwo ghomuyitata yawa levite ne yiwana yawo mwawa Isreali. ³⁴Ene mapya agha ghadhingumwetwedha yitata yawo ne mbadi wakukona hagha hurithe yoyishi agho ne mbadi ghushwi wawa Levite kuroruheya.³⁵Ngeshi muyendhoye yu mwatunga nendi muditunga dyofotji ne muhepwe, nombadi wakukona kukukorera thinda, mwakona kumughamwena yira wakughamwena mutundakure podiyo eshi ghatunge mukatji kenu. ³⁶Mbadi mwakona kushimba kukwendi mukudi ghokuwedherera, ene mukutekere Nyambi wenu podiyo eshi muyendhenu ne ghatunge mukatji kenu. ³⁷Mbadi mwakona kumukorotitha manyinga nokumuropera mukudi ghokuwedherera, endi ghughurithe yidya nothitambo thokuwana yiyeramo. ³⁸Yame Fumu Nyambi wenu, Oyu ghamushwayithire muditunga dya-Egiputena, podiyo eshi nimupe ditunga dya-Kanani, podiyo eshi Nikare no-Nyambi wenu.³⁹Ngeshi muyendhoye ne muhepwe noghana kughuritha thinda kukoye, mbadi wakona kumuruwanitha yira mupika. ⁴⁰Mushimbe yira muruwani oyu wakuta. Ghakona kukara yira mutundakure. Ghana kukuruwanena kate mwaka gho-Jubili. ⁴¹Ndani pogha kakuyakunuka, yodiye nohanendi, nombo ghana huka kudiko dyendi nokughushwi wawihe.⁴²Awo ne hapikange awa naka retire kushwagha muditunga dya-Egiputena. Mbadi wakukona kuwa ghuritha yira hapika. ⁴³Mbadi mwakona kuwa raghura kupiterera, ene mwakona kukutekera Nyambi wenu. ⁴⁴Kwawa pika wenu hohambuyama nawa tutughuru, hokukona muwane mumatunga agha gha mudhingumwetwedha, kukona mughure kogho matunga.⁴⁵Kukona mughure hapika mwawa mutundakure awa muna kutunga nawo nomumako ghawo awa hadi mukatji kenu, awa hashamurukera muditunga dyenu, nokukona hakare yimuna yenu. ⁴⁶Kukona mutape hapika hokemo eshi ghupingwa wahana hoka wenu, hawa kwate eshi ymuna yawo, nokuwa tenda ghupika kuroruheya, ene mbadi mwakona kupetha hakurwa nawa n'amba homudiko dya-Isreali.⁴⁷Ngeshi mutundakure endi kehe yu ghana kutunga nenu kapupi kamanana ne ghana tungipa, nongeshi ghumweya mu-Isrealite ne muhepwe nokukughuritha thinda koyo mutundakure, endi kwamuhati ghodiko dyamutundakure, ⁴⁸munyima dhokughura mu-Isreali muyendhenu, kukona mumuhuthe muku mughura. Ghumweya kushwagha mudiko dyendi ne kukona ghamu yovore mo.⁴⁹Kukona yikare mwedya ghoyo munu, endi thiro thendi, ghokumu yovora mo, endi kehe yuno ghomudiko dyendi. Nongeshi ghana tungipa, kukona ghakuyovore thinda. ⁵⁰Ghakona kukuyuva nakatughuru oyu ghamughurire; hakona kutara myaka kutunda mwaka oghu ghakughurithire thinda kwamughuri kate mwaka gho-Jubili. Paro dhomakomweneno ghendi ne dhakona kurikanya yira dhamupika oyu haruwereranga, thivarero thomyaka ethi gharoyera kutwikere kuruwanena oyu ghamughurire.⁵¹Ngeshi shime dhingi myaka kughutho ghokakuma kumwaka gho-Jubili, ghakona kuhutha yiruwera yira paro dhomakomweneno ghothivarero thomanyinga agha hathinganyekera kodho myaka. ⁵²Ene ngeshi myaka ne dhipu kughutho ghokukuma mumwaka gho-Jubili, hakona keho kukuyuva noyu ghamughura kukutha thivarero thomyaka edhi dhina thiyarako kughutho ghomwaka gho-Jubili, ghakona keho kuruwera makomweneno ghendi kukutha thivarero thomyaka.⁵³Ghana kukara kwamughuri yira katughuru oyu hana kuruwera kehe mwaka. Mughuri ne mbadi ghakona kupetha munu ya. ⁵⁴Ngeshi mbadi hamukomonona, ghakona keho kuruwana kate mwaka gho-Jubili, yodiye nawanendi. ⁵⁵Kukwange hanu wa-Isreali ne hapikange. Awo ne hapikange awa naruwerere kushwagha muditunga dya-Egiputena. Yame Fumu Nyambi wenu."'

¹Mbadi mwakona kutenda yitjwandjo, nombadi mwakona kuyeyura kehe thitjwandjo thokuyuwa endi kehe dighundhi dyodiwe, nombadi mwakona kutenda diwe mukehe thishwi nokuthitura temba mumango ghenu podiyo eshi muyitongamene, Yame Fumu Nyambi wenu. ²Mwakona kukumithamo Sabata Wange nokukutekera thinyaku thange. Yame Fumu Nyambi.³Ngeshi mbo muyende mumuragho Wange nokukumithamo marawero ghange nokugha kutekera, ⁴mbona mupa mvura muthivaka thomvura; muve ne mboghuna yangura, noyitondo yombuyo ne mbo yinemi mbuyo dhayo.⁵Yindanda yenu yokupurera ne mboyina twikera paruvedhe romukesho ghomandjembere, nomukesho ghomandjembere ne mboghuna twikera kate thivaka thokukuna thokurandako. Mbomuna di ghuroto wenu kwikuta nokupara muthiraro oku mbomutendera mandhuwo ghenu muditunga. ⁶Mbona mupa thiraro muditunga; mbomuna rara nombadiko eyi mboyi muyapitha. Mbona shwayitha yishereka muditunga dyenu, nothimende ne mbadi mbothipita muditunga dyenu.⁷Mbomuna tjidha hanyathi wenu, nombohana fu paghutho dhenu kuthimende. ⁸Mwakwoko ne mbomuna tjidha hanyathi dithere, nodithere dyenu ne mbomuna tjidha mayovi dikumi; hanyathi wenu ne mbohana fu paghutho wenu kuthimende.⁹Mbona mughamwena nombona mutungipitha nokumwingipitha; Mbona tendi makuyuvero ghange nenu. ¹⁰Mbomuna di yidya eyi mwapungura rure. Mbomuna shwayitha yidya yokare muyitungu pamurandu eshi muturereko yomukesho ghoghupya.¹¹Mbona tendi ngirishe dhange mukatji kenu, nombadi mboni mudhimba. ¹²Mbona yendi mukatji kenu nokukara no-Nyambi wenu, nombo muna kara mwahanu wange. ¹³Yame Fumu Nyambi wenu, oyu ghamushwayitha muditunga dya-Egiputena, podiyo eshi mbadi mukare mwapika wawo. Natjora menge ghodjoko dhenu nokumutenda muyende muna ghororoka.¹⁴Ene ngeshi mbadi shomu nitegherere, nombadi mbomukutekera marawero Ghange, nongeshi kushwena matokwero Ghange, ¹⁵nokunyatha miragho dhange, podiyo eshi mbadi mbomu kutekera marawero ghange ene kokutjora makuyuvero ghange.¹⁶Ngeshi mbo mutende yinu yino, mbona ruwana yino kukwenu: Mbona reta maghukukutu kukwenu, mahamba nokupya yirama eyi mboyi pagha meho nokwipitha yipara yenu. Mbomuna kunu mbuto dhenu munyagha-nyaghara, pamurandu hanyathi wenu ne mbohana di muyangu dhawo. ¹⁷Mbona mwimanganyena, nombo hana muwitha hanyathi wenu. Hatutughuru awa hamudhimba ne mbohana muraghura, nombo muna tjira, kupira yu ghana kumutjidha.¹⁸Ngeshi munyima dhoyoyiheya yi ne mbadi muna kuyuva, mbona muhumbitha thikuma yikandho kwoko noyiwadi kumaharwero ghenu. ¹⁹Mbona tjoro mangcamu gho yikununeka yenu. Mbona pirura diwiru yira thikuvo nomuve dhenu yira boronsi. ²⁰Mangcamu ghenu ne mbomuna gharuwanitha munyara-nyara, pamurandu eshi muve dhenu ne mbadi mbodhiyangura kehe yino, noyitondo yombuyo ne mbadi mboyima mbuyo.²¹Ngeshi munimanganyene nombadi wakutegherera kukwange, mbona reta mahumbithero ghokukuma kuyikandho kwoko noyiwadi kukwenu, kukutha kumaharwero ghenu. ²²Mbona mutumena yishereka, eyi mboyi mukungura mwe kwawanenu, kwipitha mbuto dhenu, nokutepura thivarero thenu podiyo eshi mayira ghenu ne mboghana yowera.²³Ngeshi muyinu yi ne shime mbadi muna kutambura maroghuthwerero Ghange nokutwandundu kuyenda mun'anani Nange, ²⁴Name mbona yendi mun'anani nenu, nombona muhumbitha yikandho kwoko noyiwadi pamurandu ghomaharwero ghenu.²⁵Mbona reta thimende papenu ethi thakumupagha pamurandu ghokutjora makuyuvero. Mbomuna pu kughongawedha mwishi dhoyitata yenu, mbona tumu mahumbithero momo nombo muna pu kutapa munyara dha munyathi wenu. ²⁶Apa mboni teta muyangu ghoyidya, hambuyama dikumi ne mbohana kono kukanga ghuroto wenu padidhiko dyofotji, nombo hana tapera ghuroto wenu pathiviha. Mbomuna di ene mbadiko kwikuta.²⁷Munyima dhoyinu yi ngeshi mbadi shomu niyuve, ene ko katwandundu kunimanganyena, ²⁸mbona mwimanganyena mughupata, nombona muhumbitha yikandho kwoko noyiwadi kuwedhererako thikadyo pamurandu ghomaharwero ghenu.²⁹Mbo munadi nyama dhawanenu hotutughuru; nombo munadi nyama dhawanenu hohambuyama. ³⁰Mbona hanyaghura mango ghenu ghashokuru, kutetaghura matishi ghenu ghomuyambo, nokumwayera mwimba dhenu pamwimba dhoyitjwandjo yenu, noyame mboni munutha.³¹Mbona tjindji yitata yenu yiyungunuke nokudhongonona mango ghenu ghodikuto. Mbadi mbothi nishambereritha thiwe thomuyambo dhenu. ³²Mbona hanyaghura ditunga. Hanyathi wenu awa mbatunga kudyango di ne mbohana tetuka kumepithero. ³³Mbona muhanya mumatunga, nombona shwayitha thimende Thange nombona mukuthu. Ditunga dyenu ne mbodina dhongonoka, noyitata yenu ne mboyina yunguruka.³⁴Ndani ditunga ne mbodina djabwana ma-Sabata ngambi kenge eshi mumepithero no amwe ne mumatunga awa nyathi wenu. Paruvedhe ro, ditunga ne mbodina turumutha nombodina djabwana ma-Sabata. ³⁵Kenge yikara eshi dyayungura, mbodina turumutha, maturumuthero ghashokuru agha dyadhirire kuwana no ma-Sabata ghenu apa mwakariremo. ³⁶Kowa mboha thiyara mumatunga ghawa nyathi wenu, mbona tumu woma mumitjima dhenu yodiyo ngambi mughuma ghokupunga kodihako ne mbodina mututukwitha, nombomuna tjira yira wakutjira thimende. Mbomuna ghu ngambi noyofotji temba ghana kumutjidha.³⁷Mbomuna kuwera-wera nowengwa wakutjira kuthimende, ngambi kemo eshi mbadiko oyu ghana kumutjidha. Mbomuna piri ngcamu dhokwimana paghutho wawa nyathi wenu. ³⁸Mbomuna kafera mumatunga nomatunga ghawa nyathi wenu ne mboghana mumini. ³⁹Awa mbathiyara mukatji kenu ne mbohana yongara mumaharwero ghawo, mumatunga ghawa nyathi wenu, nopamurandu ghomaharwero ghawa kerekandongo wawo ne nawo mbohana yongara.⁴⁰Ene ngeshi ghamutongonona maharwero ghawo noghawa wihawo, nokupira ghutawedhi wawo oghu hatendire ku-Kwange, no edi hanimanganyene. ⁴¹Eyi yaningithire niwemanganyene nokuwatwara kumatunga ghawa nyathi wawo, ngeshi mutjima dhawo dhokudhira kuken'a ne dhina kumbirupitha, nongeshi hana tambura mahumbithero ghawo pamurandu ghomaharwero ghawo, ⁴²mbona vuruka makuyuvero Ghange na-Jakob, na-Isaki nomakuyuvero Ghange na-Abraham; Mbona thiyererapo ditunga.⁴³Ditunga ne mbodina wadhimbi, yodiyo mbodina shamberera no ma-Sabata ghadyo oku mukunguru mbadimo wo. Awo ne mbohana ruwera murandu ghomaharwero ghawo yoyishi awo ne hanyathire marawero nomuragho Wange.⁴⁴Ene kushwayitha ko yinu yi, ngeshi muditunga dyawa nyathi wawo hadi, mbadi mboni wanyatha, endi niwa nyengerere eshi niwa payerere nokukundwera kuya makuyuvero Ghange nawo, Yame Fumu Nyambi wawo. ⁴⁵Ene pamurandu ghomena ghawo ne mbona vuruka makuyuvero Ghange nawa kerekandongo wawo, awa nakashwayithire muditunga dya-Egiputena pameho ghomatunga ghomaheya, podiyo eshi Nikare no-Nyambi wawo. Yame Fumu Nyambi.⁴⁶Agha ne marawero Ghange, matokwero, nomiragho edhi Fumu Nyambi ghatendire pakatji kendi nawanu wa-Isreali kudirundu dya-Sinayi kupitera mwa-Mosesi.

¹Fumu ne ghaghambire kwa-Mosesi eshi, ²"Tongwere ha-Isreali eshi, 'Ngeshi kehe yu ghana ruwana medhero kwa-Fumu Nyambi, muruwanithe mayendithitho ghano."³Mayendithitho ne mudyo kwakatughuru ghomyaka makumi mawadi kate myaka makumi kwoko nodikumi dyofotji ghakona kutapa makumi kwoko gho-Siliveri, munyima dhosiliveri ghothinyaku. ⁴Kwambuyama ghomyaka yira dhodho ne ghakona kureta makumi mahatu gho-Siliveri.⁵Kutamekera myaka kwoko kate myaka makumi mawadi kwakatughuru mayendithitho ne makumi mawadi gho-Siliveri, kwambuyama ne siliveri dikumi. ⁶Kutangera kaghonda kofotji kate myaka kwoko mayendithitho ghakatughuru ne siliveri kwoko, kwambuyama ne siliveri mahatu.⁷Kutangera myaka makumi kwoko nodikumi dyofotji kokuyeyura mayendithitho ne kuruwera ma-Siliveri dikumi nokwoko nokwambuyama ne ma-Siliveri dikumi. ⁸Ene ngeshi munu yo ghana kutapa medhero ne mbadi wakukona ghashwayithe yikumithamo, munu ghokemo ne kumuhokora kwamu pristeri, na mupristeri ne ghamu kona-kone nokumupa medhero ghokukona gharuwere.⁹Ngeshi ethi hana tapera medhero ne thimuna thokukona ghatape munu eshi muyambo kwa-Fumu Nyambi, kehe thipo thothimuna thiya ne thina kupongoka. ¹⁰Munu yo ne mbadi ghakona kuthitjindjitha endi ghapingitheremo thokuyonda endi thokuyonda gharete thokununa. Ngeshi ghatjindji thimuna tho, yoyiheya yina kupongoka.¹¹Ngambi kemo, ngeshi ethi hana tapera medhero ne thimuna thokunyata, munu yo ne mbadi wakukona ghatape thokemo kwa-Nyambi, munu ne ghakona kareta thimuna kwa mupristeri. ¹²Mupristeri ne ghana kuthikona-kona, mudyo watho pamughuro. Kehe paro ghana kutura mupristeri pathimuna tho ne, ogho ne ghomudyo watho. ¹³Ngeshi thinda ne ghana himi kuthihutha, ghakona kareta yimuna makumi kwoko yomudyo yira thothiya ghokuwedherera kuparo dhokuthihuthitha.¹⁴Ngeshi munu ne ghana turera kumbadi ndhuwo dhendi eshi muyambo ghokupongoka kwa-Fumu Nyambi, mupristeri ne ghana kudhi kona-kona eshi dhiwa endi dhepa. Ngeshi mupristeri ne ghana dhipa kehe mudyo, yakona kukara kemo. ¹⁵Ene ngeshi thinda shandhuwo ne ghana himi kudhihutha, ghakona kuwedherera makumi kwoko ghoparo dhomudyo yira dhodho, nombo dhina huka kukwendi.¹⁶Ngeshi munu ne ghana turera kumbadi mutara ghumweya ghodipya dyendi ghatape kwa-Fumu Nyambi, mudyo wadyo ne kukutha kuwingi ghombuto edhi hakunangamo, thikara thomavumbukire ne mudyo ghomakumi kwoko gho-Siliveri.¹⁷Ngeshi ghana turera kumbadi dipya dyendi mumwaka gho-Jubili, mudyo wadyo ne ghuna kwimana. ¹⁸Ene ngeshi ghana turera kumbadi dipya dyendi munyima dhomwaka gho-Jubili, mupristeri ne ghakona kuwana mudyo ghodipya kukutha kuthivarero thomyaka edhi dhina thiyarako kate mwaka gho-Jubili, nomudyo wadyo ne ghuna kutepuka.¹⁹Ngeshi katughuru yu ghaturera kumbadi dipya dyendi ne ghana himi kudihutha, ghakona kuwedherera makumi kwoko kumudyo wadyo nombo dina huka kukwendi. ²⁰Ngeshi mbadi ghana hutha dipya dyendi, endi ngeshi ghaghuritha dipya dyo kwamunu ghumweya, mbadi ghakona kudihutha karo. ²¹Ngeshi mbadi kemo, pakashwayitha dipya di mumwaka gho-Jubili, dina kukara muyambo ghokupongoka kwa-Fumu Nyambi, yira dipya edi hatapa kwa-Nyambi. Mbodina kara dyawa pristeri.²²Ngeshi munu ne ghaturera kumbadi dipya edi ghaghurire, ene dipya dyo ne mbadi ghupingwa ghodidhiko dyendi, ²³mupristeri ne ghana kukona-kona paro dhomudyo ghodipya kate mwaka gho-Jubili, katughuru ya ne ghakona kuruwera paro mudiyuwa dyo eshi muyambo ghokupongoka kwa-Fumu Nyambi.²⁴Mumwaka gho-Jubili, dipya ne mbodina huka kwakatughuru oku hadi ghurire, oyu ghadi munine. ²⁵Mudyo wadyo ghoghuheya ne hakona kughutura pathiviha thomanyinga ghothinyaku. Makumi mawadi ghomanyinga gha ne gharikanya kudinyinga dyofotji dyo-Shekel.²⁶Noyofotji temba ghakona kutura kumbadi thimuna thombedi, thika edi yakara eshi mbedi ne wa-Nyambi; yikare eshi puru ngambi ndjwi, oyi ne ya-Fumu Nyambi. ²⁷Ngeshi thimuna thokunyata, thinda ne ghakona kuthihutha mukuthiruwerera kukutha mudyo watho, nomakumi kwoko ne ghakona kugha wedhererako. Ngeshi thimuna ne mbadi ghana thihutha, ghakona kuthighuritha kuparo edhi hana turapo.²⁸Ene mbadiko ethi hatapa kwa-Fumu Nyambi, koyoheya eyi ghawana, yikare eshi munu endi thiyama, dipya dyodiko dyawo, edi shogha ghurithe endi ghahuthe. Yoyiheya eyi hatapa ne yapongoka thikuma kwa-Fumu Nyambi. ²⁹Mbadiko mahukero ghokukona haruwerere munu yu hatapa kare kwa-Nyambi. Munu yo ne hakona kumu pagha.³⁰Yoyiheya yo-thofotji kudikumi yomuditunga, yikare eshi mbuto edhi hakuna mumuve endi mbuyo, oyo ne ya-Fumu Nyambi. Ayo ne yapongoka kwa-Fumu Nyambi. ³¹Ngeshi munu ghahutha thofotji kudikumi dyendi, ghakona kuwedherera makumi kwoko kumudyo wayo.³²Kukehe thofotji kudikumi thoyimuna, kehe thi thapita kumburo dhamukungi yimuna, thofotji kudikumi ne hakona kuthiturera kumbadi tha-Fumu Nyambi. ³³Mukungi ne mbadi ghakona kushana thondjewa-ndjewa endi thotjitju, mbadi ghakona kutjindjitha. Ngeshi ghana yitjindji yoyiheya, yimuna yoyiheya yi ne yina kupongoka. Mbadi hakona kuyihutha."'³⁴Agha ne marawero ghatapire Fumu Nyambi kwa-Mosesi kudirundu dya-Sinayi kuhatera hanu wa-Isreali.

¹Munyima dhoyifa yaMoses ghomupika Fumu Nyambi, Fumu Nyambi ghaghambire kwaJoshua ghomwana Nun, mughamweni waMoses ghuninga eshi: ²Moses mupikange ne ghapwa. Pano keho ne wimane ghutjinane Jordan nohanu waheya kutamba muditunga edi nakutapa kukwenu mwaka-Isreal. ³Namupa kehe dyango apa mbogha djata mapadhi ghenu. Ame ne nayimupa thika dyodi nakuruperithire Moses.⁴Kutundera mumamboreya no Lebanon, kutamba kurware rushokuru, rwa Euphrates, dyango dyodihe dya Hittites, no kudikuruviya dishokuru, okudya tokeranga diyuwa, dinakukara dyango dyenu. ⁵Noghofotji temba oyu mbogha kwimanganyena mumayuwa ghoye gho mahe. Mbona karanoye thikadi nakarire na Moses. Mbadi mbo nikumwagherera endi kukuthigha.⁶Tanare no tjimape. Mboghuna kumitha hanu wa mukapinga ditunga edi natoyedhere hakerekandongo wawo mbona ditapa kukwawo. ⁷Tanare no ghutjimape. Takamithe mukutekera veta dhodhihe dha mupikange Moses ghakurawerire. Mbadi wakona kudhitaghuruka kurudyo endi kurumoho, podigho shi wakakumenene mo kehe kumboyenda.⁸Mbapira edhi dho murawo mbadi dhakona kutunda mukanwa koye. wakona kudhi kona-kona mutenya no ghuthiku podighoshi wakutakamithe mukutenda yoyihe eyi hatjanga mo. Podigho mboyi mutomboke no kukumenenamo. ⁹Mbadi nakurawera ndi? Tanare no tjimape! Mbadi wakona kuyapa. Mbadi wakona kuhukera munyima. Fumu Nyambi ghoye ghana kukara noye kehekuno ghuna kuyenda.''¹⁰Ndani Joshwa kokurawera hapiterithi ghohanu, ¹¹muyendaghure muma nanda no kurawera hanu, 'Haroyithe yidyayawo hathinda. Mumayuwa mahatu muna kutjinaghana oyu Jordan no kuyenda mo no kapinga ditunga edi ghana kumupa Fumu Nyambi kukwenu.'''¹²Ko ha Reubenites, ha Gadites no dihenda dyodiko dya Manasseh, Joshua ghambire eshi, ¹³muvuruke manando aghambire nenu Moses mupika wa Fumu Nyambi, hamurawerere pakughamba eshi, 'Fumu Nyambi wenu kuna kumupa maturumuthero, no ghana kumupa ditunga di¹⁴Madhiko ghenu, hanenu, no yimuna yenu yina kukara mu ditunga edi ghatapire Moses kumutara wa Jordan. Ene hakayita wenu hongcamu hana kuyenda no haminenu no kuwaghamwena ¹⁵kate Fumu Nyambi ghakutape koha minenu maturumuthero thika kenge edi ghatapire kukwenu. Ndani nawo hakushimbe ghuturo gho ditunga dya Fumu Nyambi ghatapa kukwawo. Ndani mwakuhuka kuditunga dyenu no kadipinga, ditunga di ghatapire Moses mukareri wa Fumu Nyambi ghatapire mutara wa Jordan, oku dyaveranga diyuwa.''¹⁶Awo hahuthire kwa Joshwa, eshi, '' yoyihe eyi munaturawera tuna kuyiruwana, no kehekuno ghuna kutu tuma atwe tuna kuyenda. ¹⁷Tuna kuku kutekera thika kenge edi twa kutekere Moses. Shime Fumu Nyambi ghakare noye, thika kenge edi ghakarire na Moses. ¹⁸Yomuhe oyu ghana kwimanganyena marawero ghoye no kudhira ku kutekera manando agha ghuna kuwarawera wo kuwa tura muyifa. Tanare vene no tjimape.''

¹Munyima Joshwa ghomwana Nun mughudhindo ghatumine harume hawadi mu Shittim mukara gha hende. Ghambire eshi,'' Muyende, mukakenge ditunga, thikumenapo ne Jericho.'' Hayendire no hakumene mundhugho dha mukarungu gho dina dyo Rahab, no hakararire mo. ²Hatongwerire Fumu wa Jericho, ''Mone, hatutughuru gho mu Israel haneya mukuna kengera muditunga.'' ³Fumu wa Jericho ghatumine mbudhi kwa Rahabu no kughamba eshi, '' Shwayithe hatutughuru owa haneya kukoye hanangeni mundhugho dhoye, awo haneya mukunakengera ditunga dyodihe.''⁴Ene mukamadi ghashimbire hatutughuru hawadi wa no kuwa horeka. Ghahuthire eshi, '' Ghii, hatutughuru haneya kukwange, ene mbadi nadimuka kupi hanatundera. ⁵Hana huka opa kuna kara kavundu-vundu, opa kunakara eshi ruvedhe rokuyandhera yero yo kumbara. Mbadi nadimuka kupi hana yendera. Kukona muwa wane ngeshi mutambukere kuwa kutha.⁶Ene ghawa shimbire kuwiru no kuwondeka wo muyiruwanitha eyi gha turekire kuwiru. ⁷Ene harume wa hakuthere mudhira dho kutamba ku Jordan. Hayandhere mathero opa hashwayire wa hakuthi.⁸Hatutughuru mbadi hakonine kuturumutha mu ghuthiku, opagheyire kukwawo kungonda dhokuwiru. ⁹Ghaghambire eshi, '' Nadimuka shi Fumu ghamupa dino ditunga no ghoma ghokukwenu ghuneya papetu. Wahe wa hatunga muditunga hana tutukwa kukwenu.¹⁰Twayuva ngepi edi ghapwererithire Fumu Nyambi meyu gho mudikuruviya dya Reeds opa mwashwayire mwe mu Egeptena. Notwayuva karo eshi yinu munye mwatendire ko hafumu hawadi gho Amorites kuthambo diya dyo Jordni-Sihon na Og- owa mwahanyaghurirepo nu. ¹¹Pakuyiyuva pawangu-wangu, mutjima dhetu dhatutukwire no mbadi yu ghakarire matjimapero mwakeheyu- yoyi Fumu Nyambi wenu, aye ne Fumu mudiwiru kuwiru no pakaye pamuve.¹²Pano keho, nakanderera mwedhe kukwange kwa Fumu Nyambi eshi, omu nakara ghunongo kukwenu, namwe karo muna kutenda ghunongo no ndhugho dha tate. Muni pe thishupo thoghushemwa ¹³eshi mbomuna ghamwena moyo wa tate, nawe, hakurwange, haminange no makoghawo ghomahe, no mbomuna ghamwena mudhimu dhetu muyifa.''¹⁴Hatughuru haghambire kukwendi, '' Moyo dhetune dhoye, ngambi kuyifa! Ngombadighuna ghamba yokuhatera ku ngeshefa dhetu, opa mboghatupa Fumu Nyambi ditunga dino mbotuna kufera neke no ghuhunga kukoye.''¹⁵Aye gapitethere padikende mukuruwanitha mughodhi. Mundhugho dhi tungire hadhi tendere mudikuma dyo mbara. ¹⁶Haghambire kukwawo, '' Muyende kumarundu no mukonde endi hakakumushana kukona hamuwane. Mukonde mayuwa mahatu kate hakakumukutha hakathighuke. munyima mwakayende mundhira dhenu. ¹⁷''Hatutughuru ha ghambire kukwendi, ''Tuna kukara tuna shutuka kumedhero ogha ghunatendi kukwetu.¹⁸Opa mbotwiya muditunga mu, wakona kuwanga mughodhi ghu ghorudhi padikende dighuna tuningitha tushuruke, no mbomukongane pofotji mundhugho dha wiho, na nyoko, hakuroye, no dikodyodihe. ¹⁹Yomuhe yu mbogha shwagha muthero dho ndhugho kokukara panunda, manyinga ghawo mboghana kara padhi mitwidhawo no atwe mbotuna piri murandu. Ene ngeshi nyara mbodhikundame koyu ghadi mundhugho pofotji nenu, manyinga ghendi mboghana kara pa mutwidhetu.²⁰Engeshi wakughambe kuhatera kungeshefa dhetu, mbotuna shutuka ku medhero ogha ghuna tendi twedhe twe. '' ²¹Rahab gha huthire,''Koyimuna ghamba ya kona kuruwana, '' Ghawa tumine hayende, no awo hahukire. Munyima ha ghangire mughodhi ghoghukihu padikende.²²Hashwayire no hayendire mumandundu no hakakarire mo mayuwa mahatu kate hakakuwakutha hakahukire. Hakuthi hawa shanine kokuhe kumayira no mbadi hakonine kuwa wana.²³Hatughuru hawadi wa hahukire no kutjinaghana no kuhuka kwa Joshwa mwana Nun, no ghaka mutongwere koyoyi he eyi yaka hokokire kukwawo. ²⁴Ghaghambire kwa Joshua, ''Ghushemwa Fumu Nyambi ghatupa ditunga kukwetu. Muhokodhodhihe gho muditunga hana tutukwa pamurandu wetu twe.''

¹Joshwa ghapindukire mathiku-thiku, no shwayire kutundera mu Shittim. Heyire ku Jordani, aye ghakarire no hanu wahe wa Israel, no hakaturere mwara wawo popo kughutho ghokutjinaghana kuthambo diya.²Munyima dho mayuwa mahatu, hapiterithi hayendaghurire mukatji ko mwara; ³harawerere hanu, ''Opashomumone dimbangu dyo nungathano dya Fumu Nyambi wenu, no hapristeri gho mu Levites hana didhamuna, mwakona kuthiya dyango di no kudikutha. ⁴Pakona kukara muhanyamo pakatji kenu no nadyo ghokukuma ku mayovi mawadi kyubite gho mameteri. Mbadi mwakona kudihenyena, podigho shi mumone eshi ndhira munye sho muyende. kutunda pa mwadhira kudhipita rumwe.''⁵Joshwa ghambire kohanu, ''Mwakona kukuroyithera mwathinda peghundha, yoyi Fumu Nyambi mboghana tendi yitetukitho mukatjikenu.'' ⁶Ndani Joshwa ghambire koha pristeri,''Mushimbe dimbangu dyo nungathano, no mupite kughutho dhohanu.'' Hadhamunine dimbangu dyo nungathano no hapitire kughutho dho hanu.⁷Fumu Nyambi ghambire kwa Joshwa, ''Odi diyuwa mbonakutendi ghukare ghomunu gho mukuru mumeho gho ha Israel. Mbohana dimuka eshi thikadi nakarire na karire na Moses, Mbona kara noye. ⁸Mboghuna rawera hapristeri owa hokudhamuna dimbangu dyo nungathano, ''Opa mbomuna kuma peghuru dho meyu gha Jordan, mwakona kwima ndjikiti mu rware rwa Jordani.'''⁹Munyima Joshwa gha ghambire kohanu wa Israeli, ''mwiye kuno, no mutegherere kuma nando gha Fumu Nyambi wenu,'' ¹⁰Na Joshwa ghambire eshi, ''Koyi muna kudimuka eshi Nyambi gho muyumi ne moghadi mukatji kenu no aye mboghana mushwayitha mukatji ko hakananite, ha Hettites, ha Hivites, ha Perizzites, ha Girgashites, ha Amorites, no ha Jebusites. ¹¹Mukenge! dimbangu dyo nungathano dha Fumu ghokaye kokahe dina mupiterera kughutho wenu mu Jordani.¹²Pano mutorore hanu dikumi no hawadi mumako gha Israeli, ghofotji mukehe muno. ¹³Pakuna kuma mapadhi gho hapristeri owa ha shimbire dimbangu dyo nungathano dya Fumu Nyambi, Fumu ghokaye kokahe, pakukundama meyu gha Jordani, meyu gho mu Jordani ghana kwimana, no ngambi meyu oghana kupuka kushwayera mumaviya ghana kwimana no kutenda yira dikuma.¹⁴Munyima dho kutunda hanu muma mwara ghawo mukutjinaghana kuthambo diya dyo Jordani, ha pristeri owa hashimbire dimbangu dyo nungathano hapitire kughutho wo hanu. ¹⁵Pakuna kuma vene wa hashimbire dimbangu ku Jordani, no mapadhi gho hapristeri owa hashimbire pakungena mumeyu- popo Jordani ghapukere mutara ghafotji- ¹⁶meyu ogha gha pukere ghatambe kudiviya ghemanine mutara ghofotji. Meyu ghemanine kokayenda. Meyu gha shayikire kupukera mu Adam, mbara edhi dhakarere ku Zarethan, kutundera kudikuruviya dya Arabah, Dikuruviya dyo Mungwa. Hanu hatjinaghanine pepi na Jeriko.¹⁷Hapristeri wa hashimbire dimbangu dyo nungathanodya Fumu Nyambi hemanine pamuve gho kukuta pakatji ka Jordani kate hanu wahe wa Israeli hataghurukire kuthambo dho muve gho kukuta.

¹Munyima dho kutjinaghana hanu wahe kuthambo dhiya dha Jordani, Fumu Nyambi gha ghambire kwa Joshwa, ²''Torore ghothinda hatutughuru dikumi no hawadi mukatji kawanu, ghofotji mukehe dino diko. ³Wape ghano marawero: Mushimbe mawe dikumi no mawadi pakatji ko Jordani opa hanemana hapristeri padyango dyo kukutu, no muyende nawo no ka tura padyango disho mukararere ghuthiku ghodyarero.'''⁴Ndani Joshwa ghethire hatutughuru dikumi no hawadi awa ghatororire mukehe diko dya Israeli, mukehe diko ghofotji. ⁵Joshwa ghambire kukwawo eshi, ''Muyende kughutho gho dimbangu dya Fumu Nyambi wenu pakatji ka Jordani. Keheyu gho pa penu ghakona kudhamuna diwe padipeghe dyendi, mukutwara muthitara tho mako gha Israeli.⁶Eyi yakona kukara thidimukitho kukwenu opa mbohamwipuranga hanenu mumayuwa ghokughutho, 'Nye ghana kutongora ogha mawe kukwenu?' ⁷Munyima ghamwe mwa kona kuwa huthera eshi, 'Meyu gha Jordani gha kutetire pakatji kughutho gho dimbangu dyo nungathano dya Fumu Nyambi. Opa dya tjinaghanine pa rware rwa Jordani, Meyu gho mu Jordani ghakutetire. ogha mawe mboghana kara mavurukero gho ko ha Israeli kuroruheya.'''⁸Hanu wa Israeli haruwanine thika di gharawere Joshwa, no hashimbire mawe dikumi no mawadi pakatji ka Jordani, thika digha ghambire Fumu Nyambi kwa Joshwa. Haturire mawe kutwara muthitara tho mako ghawanu wa Israeli. Hashimbire mawe hayende nawo, kate kudyango di hakaturere mwara wawo no katura popo. ⁹Ndani Joshwa ghaturire mawe dikumi no mawadi pakatji ko Rware rwa Jordani, Padyango di hemanine ha pristeri wa ha shimbire dimbangu dyo nungathano. Mavurukero ne poghadi no pashadyarero.¹⁰Hapristeri wa shimbire dimbangu dyo nungathano hemanine pakatji ka Jordani kate yinu yoyihe eyi gharawerire Fumu Nyambi kwa Joshwa ko hanu wa Israeli yina pu, kutwara koyoyihe yi gharawere Moses kwa Joshwa. Hanu hatjinaghanine wangu no kupita kuthambo kuya. ¹¹Opa hamanine hanu wahe kutjinaghana, dimbangu dya Fumu Nyambi no hapristeri hataghurukire kughutho dho wanu.¹²Diko dya Ruben, diko dya Gad, no dihenda dyo diko dya Manasseh dya pitire kughutho dhohanu wa Israeli hakupakerire mu kukara mashurundate, yira kenge Moses ghayi ghambire kukwawo. ¹³Thitara tho kukuma ku mayovi mane tho hatutughuru haroyithere mukwingena muyita kughutho waFumu Nyambi, hawaroyithere muyita ya Jeriko. ¹⁴Mu diyuwa dyo Fumu Nyambi ghatendire Joshwa mukukara mukuru kughutho wa wa Israeli wahe. Hamu fumanekire-yira kenge di hafumanekire Moses mumayuwa ghendi gho mahe.¹⁵Ndani Fumu Nyambi ghambire kwa Joshwa, ¹⁶''Rawere ha pristeri wa hana shimbi dimbangu dyo ghushupi mu kutundamo mu Jordani.''¹⁷Munyima Joshwa gharawerere ha pristeri, ''Mutunde mu Jordani.'' ¹⁸Munyima ha pristeri hashimbire dimbangu dyo nungathano dya Fumu Nyambi hashawayire pakatji ko Jordani no pakutunditha mapadhi ghawo pamuve gho kukukuta, Meyu gho mu Jordani gha hukere pamango ghawo no kupukera kumango ghomahe, thikadi hayitendire mumayuwa mane.¹⁹Hanu shwayire mu Jordani mumayuwa dikumi gho kaghonda kokutanga. Hakaturere mu Gilgal, kudiva dya Jeriko. ²⁰Mawe dikumi no mawadi ogha ha shimbire mu Jordani, Joshwa ghatendire thinyaku mu Gilgal. ²¹Ghambire kohanu wa Israeli eshi, ''Ngeshi hana hoka mbohepure hawihawo mumayuwa oghana kwiya, 'Ghonye napo ogha mawe?'²²Mwakutongwere hanenu eshi, 'Opane po hatjinaghanine ha Israeli mu Jordani pamuve ghokukuta. ²³Fumu Nyambi gha pwererithire meyu gha Jordani pamurandu wenu yamwe, kate mwa tjinaghanine, thika kenge Fumu Nyambi ghayiruwanine kudikuruviya dyo thinyinga, Odighapwererithire kate twa manine kutjinaghana, ²⁴Podigho shi hanu wahe hopamuve mbohadimuke shi Fumu Nyambi ghakara no ngcamu, no mbomuna fumaneka Fumu Nyambi wenu kuroruheya.''

¹Hafumu wahe gho mu Amorites wa hakarere ku ditokera dya mutara wa Jordani, no mafumu gho mahe gha kanaani, owa hakarere kumutara gho mbambeko dho dikuruviya dyo dikuru, hayuvire eshi ngepi Fumu Nyambi di ghapwererithire meyu gha Jordani kate ha pwire kutjinaghana hanu wa Israeli, mutjima dhawo dha tukukwire, no mbadi hakarire no mupepo gho matjimapero mumwawo pamurandu gho hanu wa Israeli.²Ruvedhe ro Fumu Nyambi ghatongwere Joshwa , ''mukufurako moko dhodhitwe no ku kena wahe hana ho hatughuru wa Israeli. ³''Munyima Joshwa ghatendire moko dhodhitwe no ku kena wahe hana gho hatutughuru wa I sraeli padyango dya Gibeath Haaraloth.⁴Ethi ne thothitambo tha Joshwa gha kenene wahe: Wahe hakafumu wa hashwayere mu Egipte, kuturako no hatutughuru wahe gho hakayita, hafire mumamboreya mundhira dhawo, munyima dho kutunda mu Egipte. ⁵Ngambi kenge hatutughurughana wahe owa hashwayire mu Egipte hawa kenine ,shime mbadiko karo hangawana wa hashamurukere mumamboreya mundhira dhawo dho kushwayera ku Egipte ha kenine.⁶Hanu wa Israeli hayendire myaka makumi mane muma mboreya kate hanu wahe, wa hashwayire mu Egipte, hafire, yoyi mbadi ha kutekere diywi dya Fumu Nyambi. Fumu Nyambi ghatendire medhero eshi mbadi mboha mona ditunga di ghedhere koha kerekandongo wawo eshi mboghana di tupa, ditunga di dina kupuka manhwe no wiki. ⁷Hanawo wagha retire Fumu Nyambi mumango ghawo owa gha kenine Joshwa, pamurandu shi awo mbadi hapwire kukena mundhira.⁸Opa hapwire wahe ku kena, hakarire wahe mumwara kate herukire. ⁹Munyima Fumu Nyambi ghambire kwa Joshwa eshi, '' Dyarero nashwayithapo honyi kukoye kohaka Egipte. '' Yoyi, dina dyo dyango dyo hadithire shi Gilgal kate no ruvedhe runo.¹⁰Ha Israeli haturere mwara wawo pa Gilgal. Haturire paska mumayuwa dikumi no mane ghokaghonda, parunguro muma mboreya gha Jerico. ¹¹Munyima dho diyuwa dyo paska, dyo dyo diyuwa, hadire mbuyo dhimwe dho muditunga, ghuroto ghokupira muhaha nawo haghuponine.¹²Manna ghemanine mudiyuwa di hadire kumbuyo dho muditunga. Mbadi kwa karire karo manna kohanu wa Israeli, ene hadire kumuyangu gho muditunga dya kanaani ogho mwaka.¹³Joshwa pakukumena pepi na Jeriko, ghakamburire meho ghendi no ghamonine, munu ghanemana kughutho dhendi, aye ghana shwamuna dimende dyendi , noghana dikwatera munyara dhendi. Joshwa ghayendire kukwendi no kughamba eshi, ''Owene gho wetu ndi endi ghomukanoredhetu?''¹⁴Aye gha huthire eshi, ''mbadikemo. Ghamene no mukuru wawa kayita wa Fumu Nyambi. Pano ne neya.'' Munyima Joshwa gha nyongekire rupara rwendi pamuve no kumu tongamena no ghambire kukwendi eshi, ''Yinu munye Fumu ghana kughamba kwa mupikendi?'' ¹⁵Mukuru wawa kayita wa Fumu Nyambi ghambire kwa Joshwa eshi, ''Shupure makuha kumapadhi ghoye, yoyishi padyango di ghunemana dya pongoka. '' Munyima Joshwa ghayitendire.

¹Mathero gho mahe gha Jeriko ghapwire kuyandhera pumurandu gho hakayita wa Israeli. Mbadiko gho kushwagha no mbadiko gho kwingena. ²Fumu Nyambi ghambire kwa Joshwa eshi, ''Mone, Natapa Jeriko munyara dhoye, fumu wawo, no harwi wendi ho ngcamu.³Mwakona kudhinguruka mbara, hatutughuru wahe gho hakayita kudhinguruka mbara ruvedhe rofotji. Mwakona kuyitenda yi mumayuwa kwoko no dyofotji. ⁴Hapristeri kwoko no hawadi hakona kushimba marumbendo gho manyiha ghoyikungwe kughutho gho dimbangu. Mudiyuwa dyo ghukwoko noghuwadi, mwakona kudhinguruka mbara kwoko no ruwadi, no hapristeri hakona kufudha murumbendo.⁵Mwakona kutura mughuma ghoshokuru pakufudha no manyiha ghoyikungwe, no opa mwakuyuva mughuma gho marumbendo hanu wahe hakona kukugherera no muyoyo ghushokuru, no dikuma dyo mbara nanyi dyakuwe dyodihe. Hakayita hakona kuhomokera, keheyuno ghakona kuyenda kughutho.⁶Joshwa gho mwana Nun hethire ha pristeri no kughamba nawo eshi, ''Mushimbe dimbangu dyo makuwanekero, no hapristeri kwoko no hawadi hashimbe marumbendo gho manyiha ghoyikungwe kughutho gho dimbangu dya Fumu Nyambi. ⁷''Ghaghambire kohanu eshi, ''Muyende mukadhinguruke mbara, no hamashurundate hana kupita kughutho gho dimbangu dya Fumu Nyambi.⁸Thika kenge dighayighambire Joshwa kohanu, hapristeri kwoko nohawadi keheyu gha shimbire rumbendo ro manyiha ghoyikungwe nokupita kughutho wa Fumu Nyambi. Thika dighayiwarawere, hafudhire marumbendo. Dimbangu dyo nungathano dya Fumu Nyambi dya wakuthire munyima dhawo. ⁹Mashurundate hapitire kughutho dhawa hapristeri, no hafudhire marumbendo ghawo, ene mashurundate ghokuthiyarako hakuthire munyima dimbangu, no hapristeri hatwikere ku fudha marumbendo ghawo.¹⁰Ene Joshwa gharawere hanu, eshi, ''Mbadi mwakona kukuyera. Mbadiko mughuma oghu shoghu kare mutunwa twenu kate diyuwa edi mbonimutongwera shi muyoghotere. Ndani mbomuyoghotera. ¹¹''Gharawere dimbangu dya Fumu Nyambi didhinguruke mbara rofotji mudiyuwa. Munyima koku nengena mu mwara wawo, no kuna rara ghuthiku mu mwara wawo¹²Munyima Joshwa ghapindukire mathiku-thiku gho murughura, no hapriesteri wa hashimbire dimbangu dya Fumu Nyambi. ¹³Hapristeri kwoko no hawadi owa ha shimbangire marumbendo gho manyiha gho yikungwe kughutho ghodimbangu dya Fumu Nyambi, hapitire kughutho no kutwikera kufudha marumbendo. Mashurundate ha pitire kughutho wawo. Mashurundate gho kuthigharako hayendire munyima dho dimbangu dya Fumu Nyambi, hakamarumbendo hatwikere kufudha. ¹⁴Hakundukire mbara muruvedhe rofotji diyuwa dyoghuwadi no hahukire kumwara. Hayiruwanine mayuwa kwoko no dyofotji.¹⁵Mudiyuwa dyo ghukwoko noghuwadi ghemanine no ruvedhe-vedhe, oku pepi no katokera diyuwa hadhingurukire mbara mundhira dhi hayiruwananga, ruvedhe ru ne roghu kwoko no ghuwadi. Dyodi diyuwa hadhingurukire mbara dhi kwoko no ruwadi. ¹⁶Adyo ne kwakarire diyuwa dyo ghukwoko noghuwadi, apa hafudhire hapristeri no marumbendo, Joshwa gharawere hanu eshi, ''Muyoghotere! Yoyi Fumu Nyambi ghana mupa mbara dhi.¹⁷Mbara no yoyihe yakaromo ayo ne twakona kuyipongwera kwa Fumu Nyambi ghayi hanyaghure po. Shimengwa Rahab gho mukaruhonda shoghakone kupara-yodighe no wa hadi nendi mundhugho-pamurandu shi ghahorekire hatumi wa twatumine. ¹⁸Ene mwene mutakamithe shi mbadi mwakona kushimba yi yina roghera kuhanyaghura, munyima dhokuyi hatithera kuma hanyaghukero, mbadi mwakona kushimba po kehethino. ngeshi muyiruwane, muna kutenda mwara wa Israeli thinu thimwe shohakone kuhanyaghura no muna kukuretera maghukukutu pa payo. ¹⁹Ma silveri no mangorondo gho mahe noyi kuvo yimweya ayone yinahatera kwa Fumu Nyambi. Yakona kuyenda kuma pungwero gha Fumu Nyambi.''²⁰Hanu hatapire muyoyo ghu shokuru, no hafudhire marumbendo ghawo. Pakuyuva hanu kayoghototo ko marumbendo, hatapire muyoyo ghoghukuru, dikuma dya wire pamuve, no kehe no munu hamutambire no hashimbire mbara. ²¹Hamanine kuhanyaghura yoyihe yiyakarire mumbara kudimende-wahe ha tutughuru no hakamadi, hanuke,no hakuru, ngombe,ndjwi no yidongi.²²Munyima Joshwa ghambire koha tutughuru hawadi wa hayendire mukakenga ditunga, ''Muyende mundhugho dha mukamadi gho ruhonda. Mukarete mukamadi no wahe wa ghadi nendi, thika dyodi mwatendire medhero kukwendi.''²³Owo harume hayire mukukenga ditunga hayendire mwishi no hakaretire Rahabu panunda. Hakaretire wihe, nyina, haminendi no hakurwendi, no dikodyendi di dyakarire nendi. Hawaretire padyango dyo panunda dho mwara wa Israeli. ²⁴Hatumekire mbara noyoyihe yi yakarire mo. Shimengwa silveri, ngorondo no yikuvo yimwe hayiturire kumapungwero mundhugho dha Fumu Nyambi.²⁵Ene Joshwa gha ghamwenine Rahabu gho ruhonda, diko dya wihe dyo dihe, no wahe wa ghakarire mukupara shime. Ghatungire muditunga dya Israeli kumayuwa gho mahe, yoyi ghondekire hatumi wa ghatumine Joshwa mukakenga Jeriko.²⁶Munyima Joshwa ghawarawere ruvedhe ruya no medhero, ghambire eshi, ''Thikuto kwa munu kughutho wa Fumu Nyambi, oyu mboghatendurura mbara dhi, Jeriko. Mbodhina kara paro pamwanoye gho mbendi, mboghana tura matatekero, no paro kwa mwanoye ghombiru, mboghana turithapo mathero. ²⁷''Fumu Nyambi ghakrire na Joshwa, no fumwa dhendi dhakuhanyane muditunga dyodihe.

¹Ene hanu mbadihakarire ghutawedhi kuyinu eyi yakarire eshi hana yihatithera kuma hanyaghukero. Akani mwana Karmi mwana Zabdi mwana Zerah, kutundera mudira dya Juda, ghashimbire yinu yimwe yi yakarire eshi hanayitambithera kumahanyaghukero, no ghupata wa Fumu Nyambi watumikire hanu wa Israeli.²Joshwa ghatumine harume kutundera ku Jeriko hayende ku Ai, adyo dyakarire pepi na Bethaven , kudiva dya Bethel. Ghawa tongwere eshi, ''Muyende mukakenge ditunga . ''Harume hayendire haka kengengurure ditunga dya Ai. ³Apa hakahukire kwa Joshwa, hana ghambire eshi, ''Mbadi wakona kutumako hanu wahe ku Ai. Tume vene ngenyu hanu mayovi mawadi endi mahatu hatutughuru mukuyenda hakahomokere Ai. Mbadi hakona kuyenda wahe hakaruwane muyita, awone hapu muthitara.⁴Mayovi ngenyu mahatu gho mashurundate hayendire, ene hatjirire ko harume wa Ai. ⁵Hatutughuru wa Ai hakone kupagha hanu hokukuma ku makumi mahatu no kwoko noghofotji pakuwa kutha kutundera pathero dho mbara hatambe kusherabarim, no hawapayire awo pa kutamba kwishi dho ndundu. Mutjima dho hanu dhatutukwire no dhakarire yira meyu.⁶Joshwa gha payurire muthithi dhendi. Naye no hapiterithi wendi wa Israeli ha turire mbundu padhi mutwi dhawo no kurangeka marupara ghawo pamuve kughutho ghodimbu dyo nungathano dya Fumu Nyambi, koha karire kate runguro. ⁷Munyima Joshwa ghambire eshi, ''Oh, Fumu Nyambi, yipi yi waretere hanu wa mukutjina-ghana Rware rwa Jordani? Mukututapa munyara dhawa Amorites hatuhanyaghure po ndi? Ngotwa twa tendire matokwero ghamwe ngo twa karire kumutara ghoghuya wa Jordani!⁸Fumu, yipi shoni kone kughamba, ha Israeli hana piruka mughongo kughutho wa wanore dhawo? Owa ⁹haka Kanaanites no dhimuhoko dhodhihe muditunga hana kuyi ghana kuyiyuva yi. Mbohana tudhingu mwetwedha nokutenda hanu pano pakaye havurame mena ghetu. Nye shotende dina dyoye dikare dikuru.¹⁰Fumu Nyambi ghambire kwa Joshwa eshi, '' Pinduke! Nye ghuna rarera pa muve? ¹¹Israeli ghana harura. Hana tjoro nungathana dhange edhi nawa rawere. Hanedhi yinu yimwe eyi yakarire shi hana yipongwera. Hana nedhi no kuhoreka ghuyiwawo pakutura eyi hana tura mukatji kawo. ¹²Yitundamo , hanu wa Israeli mbadi wakukona kwimana kughutho dhawa nore dhawo. Hana piruka mughongo dhawo koha nore dhawo pamurandu shi hathinda hana kuturera mahanyaghukero . Mbadi shoni kone kukara nenu karo shimengwa mwakona kuhanyaghura yinu eyi muna kono kuhanyaghura, ene shime mukatji kenu yidi.¹³Pinduke! royithe hanu, kughutho wange nowatongwera shi, 'Mukuroyithere peghundha. Fumu Nyambi wa Israeli ghana kughamba eshi, ''Poyidi yinu eyi yaroghere eshi yipwe kuhanyaghura po shime moyidi mukatji kenu amwe, mwa Israeli. Mbadi wakukona kwimanganyena hakanoredhenu kate mushwayithe yinu yoyihe mukatji kenu ndani eyi yahatera kumutara gho kuhanyaghura¹⁴Pa mathiku-thiku, mwakona kunegha mwathinda kumako ghenu. Diko digha kutorora po Fumu Nyambi dyakona kwiya mumara gha dyo. Dira edi ghakutorora po Fumu Nyambi dyakona kwiya mudighumbo dyawo. Dighumbo di ghakutorora Fumu Nyambi dyakona kuhenya ghofotji kugho fotji. ¹⁵Nanyi yakuhokoke eshi ghofotji yu hakuwana no yoghadi noyo yinu yahatera mukuyi hanyaghura, aye kumutumekera, yodghe no yoyihe ghakara nayo, yoyishi ghana tjoro nungathano dha Fumu Nyambi no ghana ruwana yinu yo thihonyi mu Israeli.¹⁶Ndani, Joshwa ghapindukire mathiku-thiku kokureta ha Israeli popepi, diko kudiko, no diko dya Juda dyapwire kutorora. ¹⁷Joshwa gharetire dira dya Juda popepi, no dira dya Zerahites dyapwire kutorora. Gharetire dira dya Zerahites popepi munu ku munu, na Zabdi ghapwire kutorora. Gharetire dighumbo dya ¹⁸Zabdi dyapwire kureta popepi, munu ku munu, na Akani gho mwana Karmi, mwana Zabdi, mwana Zerah ghomudiko dya Juda, gha pwire kutorora.¹⁹Ndani Joshwa gha ghambire kwa Akani, ''Mwana, tende matongweneno ghoye kwa Fumu, Nyambi wa Israeli, no tape mashogherero ku kwendi. Nakanderera nitongwere nye eyi ghuna tendi. Mbadi wakona kuyini horekera me. ²⁰''Akani gha huthire kwa Joshwa eshi, ''Ghushemwa, Na harura kughutho wa Fumu , Nyambi wa Israeli. Eyi ne yo natendi: ²¹Opana mono yinu yimwe yoyiwa mu Babylon, mathere mawadi gho makilogram gho silveri no mangorondo ghamwe ogha ghakuviha mathere kwoko no dyofotji gho magram. Nakara no kuyishana thikumenena oyo yinu ghona yishimbi. Ayo ne nakayihoreka mumuve mu kakurwera kange, no ngorondo naye mumuve ghadi.''²²Joshwa gha tumine hanu hamwe, owa hatjirere ku kakurwera oku yakarere yo yinu. Opagha hakengire, hayiwanine ghana yihoreka kakurwera thendi, no silveri mumuve. ²³Hashimbire yinu yo pakatji ko kakurwera no hayiretire kwa Joshwa no kohanu wahe wa Israeli. Hayiturire kughutho wa Fumu Nyambi.²⁴Ndani Joshwa, no ha Israeli wahe, hashimbire Akani gho mwana Zera, no silveri, muthithi, mangorondo, hanendi gho hatutughuru no hana ghohakamadi, ngombe dhendi, yidongi, ndjwi, no kakurwera noyoyihe eyi ghakara nayo, no hawaretire kudiyana dya Akor.²⁵Ndani Joshwa ghambire eshi, ''Nyeghuna tu retera maghukukutu? Fumu Nyambi ghana kukutura mu ghukukutu dyarero. ''Ha Israeli wahe hawavukumine no mawe. Yokuthigharako hayitumekere no mudiro. ²⁶Haturirepo diwe dishokuru edi dipo nopashadyarero. Fumu Nyambi ghakuthighure kughupata wendi. Podioshi dina dyo dyango kuna kuditha eshi diyana dya Akor kate no pashadyarero.

¹Fumu Nyambi ghambire kwa Joshwa eshi, ''Wayapa; mbadi wakona kukasha. Shimbe hanuwahe hakayita. Yende ku Ayi. Mone, Nakupa munyara dhoye fumu wa Ayi, haguva wendi, mbara dhendi, ditunga dyendi. ²Muna katende kwa Ayi no kwa fumu wendi thika kenge dimwatendire kwa Jeriko na fumu wendi, poruno ruvedhe namutawedhera mukapinga ghupingwa wawo yika kare yenu. Ene mwakona kunda kuyipumbu yo mbara.³Ndani Joshwa gha shimbire hakayita wahe ku Ayi. Joshwa ghatororire hatutughuru mayovi makumi mahatu-harwi hongcamu-noghawatumine ghuthiku. ⁴Ghawarawerere eshi, ''Mukenge mwakona kunda kuyipumbu eyi yahatera ku mbara. Mbadi mwa kona kuyenda kayenda no mbara, ene mwahe mwakona kukuroyithera.⁵Name no hatutughuru wahe owa hadi nange tuna kuhenyena mbara, no ngeshi hana kutu bamukera, tuna kutjira thika kengedi twa ruwanine pakutanga. ⁶Awo hana kwiya munyima dhetu kate tuwayakunuthe kayenda nombara. Munyima hana kughamba eshi, 'Awo kuna kututjira twe thika kenge di haruwanine pakutanga. ''Atwe tuna kutjira kukwawo. ⁷Munyima muna kwiya kate kumango ghenu gho mondo, ndani muna kuyenda mu bamukere mbara. Fumu Nyambi wenu ghana kudhi mupa munyara dhenu.⁸O pa sho mushimbe mbara, muna kuturako mudiro. muyiruwane yi ngeshi mwe kuna kukutha marawero gha ghamupa Fumu Nyambi. Mumone, Ame ne namurawera. ⁹''Joshwa ghawa tumine, no hayendire kumondo ghawo, no hakondire pakatji ka Betel na Ai kuditokera dya Ai. Ene Joshwa ghararire ghuthiku ghuya mukatji kohanu.¹⁰Joshwa ghapindukire mathiku-thiku thikuma no ghawanine hakayita wendi hana kuroyithera, Joshwa no ha piterithi wa Israeli, haka homokere hanu wa Ai. ¹¹Wahe harwi owa ghakarire nendi ghayendire no kuhenyena mbara. Heyire pepi no mbara no kunaturera mwara kumutara mbunda wa Ai. Apo pakarire diyana pakatji kawo na Ai. ¹²Ghashimbire hakayita gho kukuma ku mayovi kwoko no kuwa tura mumondo ghawo kumutara gho ditokera dho mbara pakatji ka Bethel na Ai.¹³Ghawa turire hakayita wahe pamango, mbunga dhawakayita dhodhikuru kumutara gho di tokera dyo mbara. Joshwa gha karire ghuthiku ghoghuhe mudiyana. ¹⁴Pakumona fumu wa Ai yinu yi, naye, no mashurundate ghendi ha pindukire wangu no kutambukere hakarwe nohaka Israeli padyango dyo kutanga mudiyana dya Jordani. Ene mbadi ghayidimukire shi pamango gho mondo hana mutatera mukumurwitha kunyima dheni dho mbara.¹⁵Joshwa no ha Israeli wahe hakuningithire yira hana kutapa kughutho wawo, no hatjirere ku mandundu. ¹⁶Wahe hanu wa hakarire mumbara ha wethire pofotji mukakutha haka Israeli, no hakuthire Joshwa no awo ha yakunikire kumbara. ¹⁷Mbadiko Katughuru yu ghathigharire mumbara dha Ai na Beteli oyu ghapirire kuyenda ghaka kuthe haka Israeli. Hathighire mbara no dhithire thiyahi pakukutha ha Israeli.¹⁸Fumu Nyambi gha ghambire kwa Joshwa eshi, ''Neghe dighonga dyoye kwa Ai, yoyishi nakukupa Ai munyara dhoye. ''Joshwa gha neyire dighonga edi dyakarire munyara dhendi kumutara gho mbara dha Ai. ¹⁹Hakayita wa hondire pamango ghawo shwayire po wangu-wangu pakunegha ko no dyoko dyendi. Hatjirere wangu no kwingena mumbara no kadhi kwata. Hatambukere wangu kuturako mudiro.²⁰Hakayita wa Ai pakuthetuka munyima. H amonine mwithi kutundera mu mumbara ghuna yeyuka muwiru, no mbadi hakonine kutundamo mundhira dhi endi dhiya. Yoyi ha Israeli wa hatjirere mumarundu hapirukire no kuwatamba wa hawa kuthire. ²¹Ndani Joshwa nawa Israeli pakumona wo hondire eshi hana kwata mbara no mwithi ghunemana, hapirukire no kupagha hakafumu wahe wa Ai.²²Hamwe hashwayere momo mumbara hawa tambe, awo hakarere pakatji kawa Israeli, hamwe mutara ghu no hamwe mutara ghu. Israeli gha homokere hatutughuru wa Ai; no ghofotji temba yu gha parirepo endi ghomborokirepo. ²³Hathighirepo fumu wa Ai, yu ha kwatire ghuyumi, no hamuretire kwa Joshwa.²⁴Heyire pepi munyima ha Israeli hamanine kupagha hanu wahe haka Ai mudiyana pepi no marundu gha hawakuthere, no munyima wahe, kate no koyu gho kumanithere, hapwire kupagha kudimende, ha Israeli wahe hahukire ku Ai. Haka dhi homokere no dimende. ²⁵Wahe wa hararire diyuwa dyo, wahe hakafumu nawa kamadi, ha kumine kuthitara tho mayovi dikumi no mayovi mawadi, hanu wahe ho mu Ai. ²⁶Joshwa mbadi gha huthire dyoko dyendi di ghaneyithire oku pakukwatera dighonga dyendi, kate ghamanine kuhanyaghura po hanu wahe ho mu Ai.²⁷Ha Isareli hashimbire ngenyu yimuna yoyi yumi no yi hakakwatire mumbara yiyakarire yo hanu homu Ai, yikare yawo, thika dighayi rawere Fumu Nyambi kwa Joshwa. ²⁸Joshwa gha tumekire Ai no ghapirukire marundu kuroruheya, no hadi mwaghera dyango di kate pashadyarero.²⁹Gha ndjendjerithire fumu wa Ai kuthitondo kate runguro. Munyima dho kutokera diyuwa, Joshwa ghatapire marawero no kashimba yira ya fumu kuthitondo no kayivukumena kughutho gho thero dho mbara. Haturirepo mawe gho makuru pawiru dhendi. Ndunduma dhiya podhidi no pashadyarero.³⁰Munyima Joshwa ghatendire thinyaku kwa Fumu, Nyambi wa Israeli, pa Dirundu dya Ebal, ³¹thika kenge Moses mukareri wa Fumu Nyambi gha rawerire ha I sraeli, thika kenge dihayitjanga mumbira dho muragho wa Moses: '' Thinyaku thi hadhira kuteta ku mawe, Kuyinu yi hadhira kuruwana mukudhira kuruwanitha kuyiruwanitha. ''Ghatapire muyambo pathinyaku miyambo dho kukonera kwa Fumu Nyambi, Opo, ³²kughutho gho hanu wa Israeli, ghatjangire padiwe veta edhi ghatjangire Moses.³³Wahe Israeli, Hakuru wawo, hapiterithi, ha haturi wawo hemanine mutara dhodhihe gho dimbangu kughutho wawa pristeri nawa Levites owa hashimbangire dimbangu dyo nungathano na Fumu Nyambi-hamutundakure no hanu wahaka shamurukere mo- dihenda dyawo hemanine kughutho gho dirundu dyo Gerizim no hamwe dihenda dyawo hemanine kughutho gho dirundu dya Ebal. Ghatungekire hanu wa Israeli, thikakenge di ghakarire Moses mukareri wa Fumu Nyambi ghawa rawerire pakutanga.³⁴Munyima dhopo, Joshwa ghatoyire manando gho muragho, matungekero no yikuto, thikakenge hayitjangire mumbira dho murawo. ³⁵No nando temba dhofotji dha Moses edhi ghawa rawere ghadhiriri kutoya Joshwa kughutho gho mbunga dha Israeli, kupakerako no hakamadi, hanuke hohambiru, no hamutundakure owa hatungire mukatjikawo.

¹Mafumu gho mahe wa hatungire kumutara ghoditokera dya Jordani muma ndundu, no mumayana kumutara gho mbambeko dho dikuruviya dyodikuru kumutara gho Lebanon-mafumu gha Hettites, Amorites, Kanaanites, Perizzites, Hivites, no ha Jebusites- ²awo hakughongawedhire pofotji mwamupiterithi ghofotji, no kukuroyithera mukurwitha Joshwa no ha Israeli.³Pakuyuva mbunga dha Gibeon eyi gha ruwanine Joshwa ku Jeriko no ku Ai, ⁴hatendire dighano dyo kuwa kuyenda kwishi. Hayendire yira hatumi. Hashimbire mashaka gho makurukuru no kutura pa yidongi yawo. No hashimbire yikukumba yoyikenu yoyikuru-kuru eyi yakara shi yadjovoka, ya tuyadhoka, no kuyitura padhimighongo dho yidongi. ⁵Hashupatire makuha gho kukurupara kumapadhi ghawo, no kuvata yitere yo kukurupara. Hashimbire ghuroto eyi yakarire eshi yidya ene yokukuta, Ayo ne yakukutire.⁶Hayendire kwa Joshwa mu mwara wa Gilgal no kaghamba kukwendi no kohanu wa Israeli, ''Tuna shwayera kuditunga dyo kayenda, pano tende nungathano netu.'' ⁷Hatutughuru wa Israeli ha ghambire kwa koha Hivites, ''Pamwe muna kutunga pepi netu. Ngepi sho tutende nungathano nenu?'' ⁸Ghaghambire kwa Joshwa, ''Atwe ne twa pikoye.'' Joshwa gha ghambire kukwawo eshi, ''Yamwe hadye? Kupi muna kutundera?''⁹Ha ghambire kukwendi eshi, ''Hakarire ghoye hana tundera kuditunga dyokayenda, Pamurandu gho dina dishokuru dya Fumu Nyambi. Twa yuva yitundamo yokuhatera kukwendi no yoyihe eyigharuwanine mu Egipte- ¹⁰no yoyihe eyi gharuwanine kohama fumu mawadi gho Amorites kumutara wa Jordani- ku Siho wa Heshbon, no ku Og fumu wa Bashan oyu ghakarere ku Ashtaroth.¹¹Hakuru wetu no mbunga dhodhihe dho muditunga dyetu gha ghambire kukwetu, 'Mushimbe yidya eyi yo muruyendo. Muyende mukakuwane nawo no kaghamba kukwawo eshi, ''Atwe twa pikoye. Tende thiraro netu.'' ¹²Oghune ghuroto wetu, awo ne shime ghuyenyu opa tuna ghushimbi kumandhugho ghetu mudiyuwa di twa turuthirepo mukwiya kukwenu. Ene pano, mone shi, ghuna kukuta no ghuna kara yiginya. ¹³Oyu vinyu ghana kara gho muwa opa tuna murokera, no mumone, opano ghadi ghana kurupara. yishupata yetu no makuha ghetu ghana kurupara kuruyendo ru runakara ro kayenda.'''¹⁴Ha Israelite hashimbire yidya yawo yimwe, ene mbadi ha hepurire kwa Fumu Nyambi makonekithero. ¹⁵Joshwa ghatendire thiraro nawo no kutenda nungathano nawo, mukuwatawerekedha hatunge. Hapiterithi wohanu nawo hatendire medhere kukwawo.¹⁶Munyima dho mayuwa mahatu opa hatendire nungathano nawo, hanongononine eshi awo ne hakamaparaghumbo wawo no awo hatunga pepi nawo. ¹⁷Ha Israel hatwikere ruyendo rwawo no kuna kuma ku mambara mudiyuwa dyoghuhatu. Ma mbara ghawo ne Gibeon, Kephirah, Beeroth, na Kiriath Jearim.¹⁸Hanu wa Israel mbadi hakonine kuwa homokera yoyishi hapiterithi wawo hashimbire naro dho kutenda medhero nawo kughutho wa Fumu, Nyambi wa Israeli. Mbunga dho dhihe dhashivanine ko hapiterithi wawo. ¹⁹Ene hapiterithi wahe ha ghambire kohanu eshi, ''Twa shimbire medhero kuhatera kwawo kughutho wa Fumu, Nyambi wa Israeli, munyima pano mbadi shotukone ku tenda nawo thinu.²⁰Eyi ne yo mbo tu tenda ku kwawo; Mu ku tundithapo manungero agha mbo gheya kukwetu pamurandu gho medhero agha twa wedhera, atwe mbo tu na wa ²¹paritha.Hapiterithi ha ghambire kwawanu wawo,''Ha kona kupara.'' Ha kaGibeonite ha karire haka kuteta yitondo no haka kuvetera meyu hakaEsraeli, thika dyodi hayi ghambire hapiterithi wawo.²²Joshua gha wethire no gha ghambire,''Pashanye muna twangerekera apa muna ghamba, eshi kayenda mwa tunga netu.Oku mwe pepi mwa tunga netu? ²³Pamurandu gho yi, muna pu kukuta muna kukara mwamweya roruheya mwapika, ho kuteta yitondo no kuveta meyu ghomundhugho dha tate.²⁴Hahuthire kwa Joshwa no kughamba eshi, ''Yoyishi wapwire kutongwera kwo hakareri eshi Fumu Nyambi ghoye gharawerire mukareri wendi Moses mukumupa mwe ditunga, no kuhanyaghura diko dyodihe dyo muditunga dyo kughutho wenu- ene twayapithire moyo dhetu pamurandu wenu. Yotwayiruwanene yo. ²⁵Pano, mukenge, mwatutura muma ngcamu ghenu. Eyi yina kara eshi yiwa kukwenu no yina hungama kukwenu mukutenda yinu kukwetu, muyitende.''²⁶Ene Joshwa ghayitendire yi kukwawo: Gha ghamwenine podigho shi hanu wa Israeli mbadi hakona kutenda nawo thinu, hanu wa Israeli mbadi hawapayire. ²⁷Diyuwa dyo Joshwa ghatendire ha Gibeonites hateti hoyitondo no haveti meyu mumukunda, no kuthinyaku tha Fumu Nyambi,no kudiyuwa di, mudyango di ghatororire Fumu Nyambi.

¹Munyima dho Adoni-Zedek fumu wa Jerusalem gha yuvire Joshwa omu gha hanyaghurire Ai no kumukomba po (thikadi gha ghatendire kwa Jeriko no mafumughendi), no ghayuvire karo ngepi hanu wa Gibeon hatendire thiraro no ha Israeli nowa hatungire mukatji kawo. ²Hanu ho mu Jerusalem hakarire no woma pamurandu shi Gibeon dhakarire mbara dho dhikuru, yira mambara gho thi fumu. Dhakarire mbara dho dhikuru kupitakan Ai, no hatutughuru wapo hakarire harwi gho hakuru.³Adoni-Zedek fumu ghomuJerusalema gha tumine mbudhi kwaHoham fumu wakaHebron, kwaPiram fumu wakaJarmuth, kwaJaphia fumu wakaLachish, kwaDebir fumu wakaEglon; ⁴''Mwiye kukwange no mu ni ghamwene. Tu rwithe hakaGibeon yoyishi hana tendi thiraro naJoshua no hanu waEsraeli.''⁵Hafumu kwoko wakaAmorite- fumu wakaJerusaalema, fumu wakaHebron, fumu wakaJarmuth, fumu wakaLachish na fumu wakaEglon- heyire nomashurundate ghawo. Hana dhingumwetwedhire Gideon no kuwarwitha.⁶Hanu ho muGebeon ha tumine mbudhi kwaJoshua no kwawamashurundate kuGilbal. Ha ghambire, ''Mutambuke! Mwa tunditha manyara ghenu pawapika wenu. Mwiye kukwetu wangu no mu tu ghamwene. Mu tu ghamwene, , yoyishi mafumu wakaAmorite awa ha tungera pa mutuya ghoditunga ne hana kughongawedha ha tu rwithe.'' ⁷Joshua gha yendire no hatutughuru hoyita kutunderera kuGilgal, nomashirundate homangcamu.⁸Fumu nyambi gha ghambire kwaJoshua, ''Mbadi ghu wa yape. Na wa tapa mumoko ghoye.Noyofotji temba gho papawo sho gha kone kukushayekitha.''⁹Joshua gheyire kukwawo, oku awo hana djavura ghuthiku ghoghuheya kutunderera kuGilgal. ¹⁰Fumu Nyambi gha pambanithire hakanore wakaEsrael, no hakaEsrael ha wa paghire muthivarero thothikuru muGibeon no ku wa kutha mundhira dho kuyenda kuBeth Horon, no gha wa paghere mundhira dho kutamba kuAzekah naMakkedah.¹¹Apa ha tundire muEsrael, kughurumukera padirundu dyaBeth Horon, Fumu Nyambi gha wa vukumene mawe ghomakuru kutunderera kudiwiru papawo mundhira dhawo dhokuAzekah, no ha fire.Hengi ha fire pamurandu gho mawe ghomakuru kupitakana hanu awa ha fire kudimende dyawatutughuru gho muEsrael.¹²Joshua ghaghambire kwaFumu Nyambi mudiyuwa edi gha wa pire Nyambi hatutughuru mawineno kwawaAmorite.Eyi ne yo gha ghambire Joshua kwaFumu Nyambi kughutho wakaEsrael, ''Diyuwa, karerere pawa ka Gideon, no kaghonda, mukakorongwa muAijalon.¹³Diyuwa dyemanine, kaghonda nako ka shaghekire kuyenda kare ha huthire nawo nyara kwawakanore dhawo. Napo kadi yapwa kutjanga mumbapira dhaJashar? Diyuwa dyemanine pakatji ko diwiru; kadi dyangenine diyuwa dyodihe. ¹⁴Mbadi dya karire karo diyuwa dyo kenge kutunda poyi,apa gha teghererire Fumu Nyambi diywi dya munu.Fumu Nyambi gha wa rwererepo ha kaEsrael.¹⁵Joshua nawaka Esrael ha hukire kumwara wawo ku Gilgal. ¹⁶Pano Hafumu hakwoko homborokire no ha ku horekire mutu rundughana muMakkedah. ¹⁷Yapwire kutongora kwaJoshwa, '' Tuna wa wana! - hafumu hakwoko awa hana kuhoreka.¹⁸Joshwa ghambire eshi, ''Mugharumwene diwe dyo dikuru kuthero dho diwe no mutureko hakayita hakungeko. ¹⁹Mbadi mwakona kukarako. Mukuthe haka nore dhenu no mukahomokere kunyima dhawo. Mbadi mwakona kuwatawedhere mukungena muma mbara ghawo, yoyishi Fumu Nyambi wenu oyu ghatapire ditunga di munyara dhenu.''²⁰Joshwa no hana wa Israeli hamanine kuwa pagha no mapaghero gho makuru, kate hapwire kupagha wahe; hanu ngenyu ghohapu awa homborokire mukakuma mumbara dhi mwapwire kughamwena. ²¹Munyima hakayita wahe hahukire no thiraro kwa Joshwa kumwara wawo ku Makkedah. Mbadiko yu ghakonine kughamba nando dhofotji kuhatera kohanu wa Israeli.²²Ndani Joshwa ghambire eshi, ''Muyandhurire thero dho diwe munishwayithere wo hafumu kwoko, ²³''Hayitendire thika dighayighambire. Hamuretere wano hafumu kwoko kutundera mudiwe-fumu wa Jerusalem, fumu wa Hebron, fumu wa Jarmuth, fumu wa Lachish, na fumu wa Eglon.²⁴Opa haretire wano hafumu kwa Joshwa, ghethire keheno munu gho mu Israeli. Gha ghambire kwa kwa mupiterithi wakayita oyu ghayendire muyita nendi, ''Muture maghuru ghoye pamathingo ghawo. ''Heyire no kunatura maghuru ghawo pamathingo. ²⁵Ndani Joshwa gha ghambire kukwawo, ''Mbadi mwakona kuyapa no mbadi mwakona kututukwa. Mutanare no mutanare. Eyi yo mboghatenda Fumu Nyambi mboghatenda ko hanore dhenu owa muna kurwa nawo.²⁶Ndani Joshwa ghapayire hafumu wa. Hawa ghangere wahe kuyitondo kwoko. Handjendjere kuyitondo kate runguro. ²⁷Pakutokera diyuwa, Joshwa ghatapire marawero, no kawa shwayithako kuyitondo no kawavukumena mudingurungoma omu hakundekire hathinda. Haturireko diwe dyodikuru kuthero dho dingurungoma. Mawe gho shime ghakarerako no pashadyarero.²⁸Mundhira dhi, Joshwa gha homokere Makkedah modyo diyuwa ghapaghire keheyuno no dimende, kupakerako no hafumu wawo. Ghamanine kuhanyaghura keheyuno mumbara dhiya. Mbadi ghathiyire mo munu gho muyumi mumbara dhiya. Ghatendire kwa fumu wa Makkedah thika kenge di ghatendire kwa fumu wa Jeriko²⁹Joshwa no hanu wahe wa Israeli gha pitire kutundera ku Makkedah hayende ku Libnah. Ghayendire muyita na Libnah. ³⁰Fumu Nyambi gha mupire munyara dha Israeli-pofotji no fumu wawo. Joshwa ghamupayire no dimende no keheyu ghakarire mo. Mbadi ghakonine thiya mo munu gho muyumi mumbara dhiya. Ghatendire kwa fumu wawo thika kenge di ghatendire kwa fumu wa Jeriko.³¹Ndani Joshwa no hanu wahe wa Israeli hatundire mu Libnah hatambe ku Lachish. Ghadhingu mwetedhire mbara dhiya no kudhihomokera. ³²Fumu Nyambi gha mupire Lachish munyara dha Israeli. Joshwa ghadhi homokere mudiyuwa dyoghuwadi no kupagha keheyuno kudimende, no kehe no munu ghakarire mo, thika kenge dighatendire kwa Libnah.³³Ndani Horan, fumu wa Gezer, gheyire mukuna ghamwena Lachish. Joshwa ghawa homokere no hakayita wendi no mbadiko yu ghathigharirepo gho muyumi.³⁴Ndani Joshwa no hanu wa Israeli hatundire mu Lachish hatambe ku Eglon. Haturere mwara wawo popo no kuwa dhingumutwedha, ³⁵no kuwahomokera diyuwa dyoyo dyofotji. Hapayire no dimende no kuwa hanyaghurapo wahe, thika di ghatendire Joshwa kwa Lachish.³⁶Ndani Joshwa no hanu wahe wa Israeli hatundire mu Eglon hatambe ku Hebron. Hatendire yita nawo. ³⁷Hapwire kudhingumwetedha no kuwa pagha no dimende, pofotji no fumu wawo no mumukunda wawo, no hanu wahe wa hatunga mo. Mbadi ko munu gho muyumi ghapariremo. Thika kenge di hayitendire kwa Eglon, hamanine kuhanyaghura yoyihe no hanu wa hatunga mo.³⁸Ndani Joshwa gha pirukire, no hakayita wahe wa Israeli hakarire nendi, hapitire hayende ku Debir no kahomokera harwe nawo. ³⁹Hakwatire fumu wawo no mikunda dhi dhakarere popepi. Hapwire kupagha kudimende no kuwahanyaghurapo wahe no kehe munu yu ghakarire mumbara dhiya. Mbadiko thothiyumi thi hathighiri mo. Hatendire kwa Debir na fumu wawo thika kenge di hayiruwanine ku Labnah no kwa fumu wa Hebron.⁴⁰Joshwa gha withire matunga gho mahe, kundundu dho matunga, no kumayana gho mambirughana, no kumaviya ghomahe. Kumutara gho mafumu ghomahe mbadiko yu ghathiyire no moyo. Ghadhimithire yoyihe eyi yakarire no moyo, thika kengedi gha murawerire Fumu, Nyambi wa Israeli. ⁴¹Joshwa ghapayire kutundera ku Kadesh Barnea kate Kugaza, no ditunga dyodihe dya Goshen kate ku Gibeon.⁴²Joshwa ghashimbire mafumu ghomahe no matunga ghawo paruvedhe rofotji yoyi Fumu, Nyambi wa Israeli, ghawa rwererepo. ⁴³Ndani Joshwa, no ha Israeli wahe hakarire nendi, hahukire ku mwara wa Gilgal.

¹Opa gha yuvire Jabin, fumu wa Hazor, yinu yi, ghatumine mbudhi kwa Jobab, fumu wa Madon, kwa fumu wa Shimron, no kwa fumu wa Akshap. ²Ghatumine karo shime mbudhi koha mafumu ogha hakarere kumbuda dho mandundu gho ditunga, kurware rwa Jordani ro mayana gho mbunda dha Kinnereth, mumayana ghomambirughana, no mu Naphoth Dor kumutara gho diva. ³Ghatumine karo mbudhi koha ka kanananites kudiva no kuditokera, ko ha Amorites, ko Hittites, ko ha Perizzites, ko ha Jebusites kuma ndundu gho ditunga, no ko Hivites ku dirundu dya Hermon muditunga dya Mizpah.⁴Hakayita wahe heyire pofotji nawo, thitara thothikuru yira ruheke romudikuruviya. Hakarire no thitara thothikuru tho mbi notukarukara. ⁵Ha fumuwahe hakuwanine pofotji, no kuturera mwara wawo pa rware rwa Meron mukutenda yita nawa Israeli.⁶Fumu nyambi gha ghambire kwa Joshwa eshi, ''Wayapa kughutho wawo, yoyishi peghundha ruvedhe roruno nakuwa tapa mumoko gha wa Israeli yira hanu hokufa. Muna kuwa witha no kuwa pagha wahe. Mwakona kuteteghura maghuru ghotukambe twawo, no kutumeka tukarukara twawo. ⁷''Joshwa no hakayita wahe heyire. Hanakumine wangu parwre rwa Merom, no kuna homokera hakanore dhawo.⁸Fumu Nyambi ghatapire haka nore munyara dha wa Israeli, no kuwa pagha no hawakuthere kate ku Sidon, Misrephoth Maim, no kudiyana dyo diva dya Mizpah. Hawa payire kate mbadi gho muyumi ghathigharirepo. ⁹Joshwa gharuwanine thika kenge digha murawerire Fumu Nyambi. Gha tendire tukambe twawo tudhire kuyenda no kutumeka tukarukara twawo.¹⁰Joshwa gha hukire poro ruvedhe no kahomokera Hazor. Ghakapayire fumu wawo no dimende. (Hazor kwakarire mutwi gho maghufumu gha.) ¹¹Hapayire kehethino thakarire thothiyumu muya no dimende, ghawa turire mudhi mitara mukuwa hanyaghura, mbadi kwathigharire thothiyumi muya no moyo. Ndani ghatumekire Hazor.¹²Joshwa gha ghashimbire mambara gho gha mafumu. Ghashimbire mafumu ghawo gho mahe no ku ghapagha no dimende. Ghamanine kuwa hanyaghurapo wahe no dimende, thika kenge Moses mukareri wa Fumu Nyambi gha murawerire. ¹³Ha Israeli mbadi hakonine kutumekera mambara ogha ghakarire awo ghatanara, kutundithako mbara tha Hazor. pithadho ghatumekire Joshwa.¹⁴Hakayita wa Israeli hashimbire yinu yoyihe yokuyipa muma mbara gha pofotji no yimuna yikare yawo. Hapayire keheno munu ghokupara no dimende kate wahe hafire. Mbadihakonine kuthiya thivareka thina kutotha. ¹⁵Thika kenge di ghayi rawerire Fumu Nyambi mukareri wendi Moses, mundhira dhodho dhofotji, Moses gharawerire Joshwa, na Joshwa naye ghayitendire. Mbadiko thi gha thiyire no mbadi ghathiruwanine yoyihe yi gharawerire Fumu Nyambi Moses ghayiruwane.¹⁶Joshwa ghashimbire matunga gho mahe: mandundu gho matunga, No kumbunda dho ditunga, ditunga dyodihe dya Goshen, kumayana gho mahe, rware Jordani mayana gho mahe, kumandundu gha Israeli no mayana ghendi gho mahe. ¹⁷Kutundera ku dirundu dya Halak pepi na Edom, no kutamba kumbunda dho kayenda kate ku Baal Gad mudiyana dyo pepi na Lebanon kwishi dho dirundu dya Hermon, gha kakwatire mafumu ghawo ghomahe no kugha pagha.¹⁸Joshwa ghatendire yita rure no mafumu gho mahe. ¹⁹Mbadiko mbara dhi dha tendire thiraro no hakayita wa Israeli shimengwa ha Hivites owa hatungire mu Gibeon. Israeli ghakwatire mambara gho mahe muyita. ²⁰Yoyi Fumu Nyambi ghakukutithire mutjima dhawo podigho shi hakona kutenda yita nawa Israeli, podigho shi hakutape kumahanyaghukero kupira no neke temba, thika kenge di gharawerire Moses.²¹Ndani Joshwa gheyire paruvedhe ru ghana hanyaghurire Anakim. Ghayitendere yi pandundu dho ditunga, pa Hebron, Debir, Anab, no Mandundu gho mahe gho ditunga dya Judah, no kumandundu gho ditunga dya Israeli. Joshwa gha manine kuhanyaghura wahe no mambara ghawo. ²²Noghofotji gho Anakim oyu ghathigharirepo muditunga dya Isareli shimengwa haka Gaza, Gatha, na Ashdod.²³Joshwa ghashimbire ditunga dyodihe , thika kenge di gha ghambire Fumu Nyambi kwa Moses. Joshwa gha ditapire dikare ghupingwa ko hana Israeli, ghataperire kukehedino diko dyadyo. Ndani ditunga dyakumine mu maturumuthero ghoyita.

¹Pano oghane ghomafumu gho muditunga, ogha ghakonine kuwitha ha Israeli. Hanu wa Israeli hashimbire ghupingwa ghoditunga kumutara ghodiva dya Jordani oku dya veranga diyuwa, kututundera Kudiyana dyo rware rwa Arnon ru tambe kudirundu dya Hermon, no ku Arabah kokuhe yitambe kudiva. ²Siho, fumu wa Amorites, ghatungere mu Heshbon. Gharaghurire kutundera Aroer, adyo kwarire mwishi dha Arnon Gorge kutundera mukatji ko diyana , no dihenda dya Gilead kwishi dho rware rwa Jabbok pa mururwani wa Ammorites.³Sihon naye gharaghurire Arahab kudikuruviya dya kinnereth, kudiva, dyo dikuruviya dya Arabah ( dikuruviya dyo Mungwa) kudiva, kutundera ku Beth Jeshimoth no kughucuma , kutundera kudirundu dya Psigah. ⁴Og, fumu wa Bashan, ghofotji gho dipenda dya Rephaim, ghatungire mu Ashtaroth na Edrei. ⁵Gharaghurire Padirundu dya Hermon, Salekah, na Bashan gho muhe, ku mururwani wa Geshurites na Maakathites, no dihenda dya Gilead, ku mururwani wa Sihon, fumu wa Heshbon.⁶Moses gho mukareri wa Fumu , no hanu wa Israeli hawa withire, na Moses gho mukareri wa Fumu Nyambi, ghatapire ditunga dikare ghupingwa gho kwa Reubenites, kwa Gadites, no dihenda dyo diko dya Manasseh.⁷Owa ne gho mafumu gho muditunga di Joshwa no hanu wa Israeli winini kumutara gho diva dya Jordani, kutundera Baal Gad mudiyana pepi na Lebanon ku Dirundu dya Halak pepi na Edom. Joshwa ghatapire ditunga kudiko dya Israeli dikare dyawo dyo ghupingwa. ⁸Gha wapire ditunga dyo ndundu, no kwishi dho ditunga dya, Arabah, kumutara gho marundu, mu mboregha, no kumbunda-ku ditunga dya Hittites, Amorites, Canaanites, Perizzites, Hivites, na Jebusites.⁹Mafumu gha kuturako no fumu wa Jeriko, fumu wa Ai edhi dhakarere pepi na Bethel, fumu wa ¹⁰Jerusalem, fumu wa Hebron, ¹¹fumu wa Jarmuth, fumu wa Lachish, ¹²fumu wa Eglon, fumu wa Gezer,¹³fumu wa Debir, fumu wa Geder, ¹⁴fumu wa Hormah, fumu wa Arad, ¹⁵fumu wa Libnah, fumu wa Adullam, ¹⁶fumu wa Makkedah, fumu wa Bethel,¹⁷fumu wa Tappuah, fumu wa Hepher, ¹⁸fumu wa Aphek, fumu wa Lasharon, ¹⁹fumu wa Madon, fumu wa Hazor, ²⁰fumu wa Shimron Meron, fumu wa Akshaph,²¹fumu wa Taanach, fumu wa Megiddo, ²²fumu wa Kedesh, fumu wa Jokneam mu Karmel, ²³fumu wa wa Dor mu Naphoth Dor, fumu wa Goyim mu Gilgal, ²⁴no fumu wa Tirzah. Thitara tho mafumu gho mahe makumi mahatu no ghofotji wahe kuwapakera.

¹Opa ghakarire Joshwa eshi ghana kukurupara pogha gha mbire Fumu Nyambi kukwendi eshi, ''Ghuna kurupara, ene kodidi shime ditunga dina thigharako mukadihomokera²Oghane gho matunga shime dina thigharako: Mikunda dhodhihe dho Philistines, no dho dhihe dha Geshurites, ³kutundera mu Shihor, oyidi shi kudiva dya Egypte, no kumbunda gho mururwani wa Ekron, eyi ghahaturire eshi ya kanaanites; haraghuri kwoko gho ha philistines, owa haka Gaza, Ashdod, Ashkelon, Gath, no Ekron; dyango dyo Avvites⁴Kutundera kughucuma; ditunga dyo dihe dya Kanaanites, kutundera ku Arah eyi yahatera ku Sidonians, kutundera ku Aphek ayo ne kwakarire ku mururwani wa Amorites; ⁵ditunga dya Giblites dyo dihe dya Lebanon kutwara kudiva , kutundera ku Gad kwishi dho Dirundu dya Hermon kutamba ku Lebo Hamath.⁶Karo, hanu wahe ho muditunga dyo dirundu kutundera mu Lebanon kate ku Misrephoth Maim, kupakera no hanu ho muSidon-Nakuwa shwayithamo kughutho gho wakayita wa I sraeli. Kare ghushemwa mukutapa ditunga di ko ha Israeli dikare ghupingwa wawo, thika di nakurawera we. ⁷Tapere ditunga dikare ghupingwa ku mako kwoko no mane no kudihenda dyo diko dya Manasseh.''⁸Pofotji no dihenda dyodiko dya Manasseh, ha Reubenites no ha Gadites hawana kare ghupingwa wawo oghu Moses gho mukareri wa Fumu Nyambi, ghawa pire kudiva mutara wa Jordani, ⁹kutundera ku Aroer, kundundu dha Arnon ku rware rwa gorge( kuturako no mbara dho pakatji ka Gorge), kumutara dho dhihe dha Medeba thitware kate ku Dibon;¹⁰mambara gho mahe gha Sihon, fumu wa Amorites, oyu gharaghurire mu Heshbon, kate kumururwani wa Ammorites; ¹¹Gilead, no mukunda wa Geshurites na Maakathites, marundu gho mahe gha Hermon, no ku Bashan yitambe ku Salekah; ¹²maghu fumu ghomahe gha Og mu Bashan, owa haraghurire mu Ashtaroth na Edrei-ogha ne gho ghathigharireko diko dyodikuru dya Rephaim-diko digha gharwithire Mose no kushwayithamo.¹³Ene hanu wa I sraeli mbadi hashwayithire Geshurites endi Maakarithites, no Geshur na Maakh hatungire mukatji kawa Israeli no ruvedhe ru.¹⁴Kudiko dya Levi pithadyo Moses mbadi ghawa pire ghupingwa. Miyambo dha Fumu, Nyambi wa Israeli, ghatendire mudiro, yakarire ghupingwa wawo thika di ghayighambire Nyambi kwa Mosses.¹⁵Moses ghatapire ghupingwa kudiko dya Reuben, kutwara mumako ghawo. ¹⁶Mango ghawo kutundera ku Aroer, kate kundundu dho rware rwa Arnon gorge, no mbara dhi dhakarere mukatji ko diyana, no dyango dyo pa Medeba.¹⁷Reuben ghawanine karo Heshbon no mambara ghamo gho mahe ogha ghakarire pamango, Dibon, na Bamoth Baal, na Beth Baal Meon, ¹⁸na Jahaz, na Kedemonth, na Mephaath, ¹⁹na Kiriathaim, na Sibmah, na Zereth Shahar pamandundu gho mayana.²⁰Reuben ghawanine shime Beth Peor, kumutara gho Pisgah, Beth Jeshimonth, ²¹mambara ghomahe gho mango ghokuyeyuka, no ghufumu gho ghuhe wa Sihon fumu wa Amorites, oyu gharaghurire mu Heshbon, Moses yu ghakonine kuwitha pofotji no hapiterithi wa Midain, Evi, Rekem, Zur, Hur na Reba, mwana fumu ghomukamadi wa Siho, ghatungire muditunga.²²Hanu wa Israeli hapayire karo no dimende Balaam mwana Meor, oyu ngaruwanithanga mbango, mukatji kowo hapayire. ²³Mururwani gho diko dya Reuben rware rwa Jordani; oghune gho mururwani wawo. Oghu gho ghupingwa gho rudhi rwa Reuben, hatapire ku kehe diko dyawo no mambara ghawo no mikunda dhawo.²⁴Oyi yo ghatapire Moses kurudhi rwa Gad, diko ku diko. ²⁵Mango ghawo kwakarire Jazer, mambara gho mahe gha Gilead no dihenda dyo ditunga dya Ammonites, kutamba ku Aroer, eyi yakarire shi kudiva dya Rabbah, ²⁶kutundera Heshbon kutamba ku Ramath Mizpah na Betonim, kutundera Mahanaim kate kudyango dya Debir.²⁷Mudiyana, Moses ghawapire Beth Haram, Beth Nimrah, Sukkoth, na Zaphon, kate no ghufumu wa Sihon fumu wa Heshbon, na Jordani ghakarire mururwani kughuhura ghodikuruviya dya Kinnereth, kutundera kumuvero kate kughura wa Jordani. ²⁸Oghune gho ghupingwa wo rudhi rwa Gad, diko kudiko, no mambara ghawo no dhimikunda dhawo.²⁹Moses ghatapire ghupingwa ku kudihenda dyo rudhi rwa Manasseh. Ayo yahatere kudihenda dyo rudhi ro hana hoka wa Manasseh, diko ku diko. ³⁰Mango ghawo kwakarire kutundera Mahanaim, Bashan ghomuhe, ghufumu gho ghuhe wa Og fumu wa Bashan no mambara ghomahe gha Jair, ogha ghakarire mu Bashan, makumi kwoko no dikumi ghoma mbara; ³¹dihenda dya Gilead, no Ashtaroth na Edrei (mambara gho thifumu gha Og mu Bashan). Oyi ne kwayitambithere kohanahoka wa Makir mwana Manasseh-dihenda dyo hanu wa Makir, diko ku diko.³²Oghune ghoghupingwa ghatapire Moses kukwawo padyango dya Moab, kughuhura wa Jordani kudiva dya Jericho. ³³Moses mbadi ghatapire ghupingwa ku rudhi rwa Levi. Fumu, Nyambi wa Israeli, yoghupingwa wawo, thika kenge digha yighambire

¹Oghane ghomango ditunga hanu wa Israeli hawanine yikare ghupingwa wawo muditunga dya Kanaani, Eleazar gho mupristeri, Joshwa gho mwana Nun, no hapiterithi ghorudhi gho mako gha Israeli hatapere kwakeheno mu Israelite²Ghupingwa wawo wapwire kutorora no kughutapera kumarudhi kwoko no mane dihenda dyomako, thika kenge di ghayiwa rawere Fumu pakuyitapa kwa Moses. ³Kwa Moses ghatapire ghupingwa ko hawadi no ghofotji gho dihenda kumarudhi kughu hura wa Jordani, ene koha Levites mbadi ghatapireko ghupingwa. ⁴Rudhi rwa Joseph akone kwakarire marudhi mawadi, Manasseh na Ephraim. Ha levites mbadi hawa pire wo yiwana yo ghupingwa muditunga, ene mambara ghamwe mukutunga mo, no madithero ghoyimuna yawo no yinu yoyiruwanitha yawo. ⁵Hanu wa Israeli haruwanine thikadigharawere Fumu Nyambi Moses, thikadi gha wapire ditunga.⁶Ndani rudhi rwa Juda heyire kwa Joshwa pa Gilgal. Kalep mwana Jephunneh gho mu Kenizzite, ghambire kukwendi eshi, ''Wayidimuka eyighambire Fumu Nyambi kwa Moses katughuru wa Nyambi kuhatera kukoye no kukwange pa Kadesh Barnea. ⁷Ame nakarire no mwaka makumi mane opa ghani tumine Moses gho mukareri wa Fumu Nyambi kutundera Kukadesh Barnea muka kengurura ditunga. Nakamuretre yitundamo thika dyodi yakarire kumutjima wange mukuyitenda.⁸Ene hakuruwange awa hayendire nange hatjindjire mutjima dhawanu hatutukwire no woma. Ene nakuturiremo mukukutha Fumu gha Nyambi wange. ⁹Moses ghatendire medhero mudiyuwa diya, gha ghambire eshi, 'Ghushemwa ditunga dighuna ghana kayenda mapadhi ghoye mbodina kara ghupingwa ghoye no hanoye kuroruheya, yoyishi ghuna kuthu kukumenenamo Fumu Nyambi ghoye.'¹⁰Pano, kenge! Fumu Nyambi ghanitura shime nikare no muyumi modhi myaka makumi mane no kwoko, thika kenge di gha ghambire-kutunda ruvedhe ru gha ghambire nando dhi kwa Moses, okushi ha Israeli kuna kuyenda muma mboreya. Pano, kenge poruno ruvedhe nidi no myaka makumi kwoko no mahatu no myaka kwoko. ¹¹Shime nakarera no ngcamu kate pashadyarero thika kenge di ghani tumine Moses. Ngcamu dhange ne podhidi shime podhidi thika kenge dina nakarire, muyita no mukuyenda nokahuka.¹²Pano nipe ndundu dhoditunga , odi ghani kuruperithire me Fumu Nyambi kudiyuwa diya. Wayuvire diyuwa diya eshi ha Anakim wo hatungere ko no ma mbara gho makuru ghapwire kughamwena. Ene pano Fumu Nyambi ghana kukara nange no nakawatundithamo, thika dighayi ghambire,'''¹³Ndani Joshwa gha mutungekire no kumupa Hebron dikare ghupingwa wa kaleb gho mwana Jephunneh. ¹⁴Mundhira dhi Hebron gheyire nakare ghupingwa wa Kaleb gho mwana Jephunneh gho mu Kenizzitte no kudiyuwa dyo dyarero, yoyishi ghakumithiremo kukutha Fumu, Nyambi wa Israeli. ¹⁵Pano dina dya Hebron pakutanga dya karire Kiriath Arba. (Arba kwakarire munu gho mukuru mukatji kawa Anakim.) Ditunga dya karire dina kuturumutha kuyita.

¹Thirughana tho ditunga dyo muhoko gho hanu wa Judah, diko ku diko, hakuhanyane ku mururwani wa Edom, no mumamboregha gha Zim gharere kayenda kumutara ghombunda. ²Mururwani wawo awo ne kumbunda ghuna kuyenda kate kughuhura gho Dikuruvigha dyo Mungwa, kutundera kudiya yitambe ku mbunda.³Mururwani dhawo dhatambire ku mbunda dho mandundu gha Akrabbim no kuna pita dhitambe ku Zin, no kuyenda kate kumbunda dha Kadesh Barnea, kutamba kate Ku Hezron, kate ku Addar, kuya ko waka petere yitambe ku Karka. ⁴Wana pitire kate ku Azmon, kate murware rwa Egipte, no kwiya kate kughuhura gho dikuruviya. Oghu ne gho mururwani wawo gho kumbunda.⁵Kudiva kwakarire mururwani gho Dikuruviya dyo Mungwa, kate kughuhura wa Jordani. Mururwani ghoku ghugcuma watambire kudiya dyo dikuruviya kughuhura waJordani. ⁶Wayendire kate ku Beth Hoglah no kutamba kate kumboghera dha Beth Arabah. Ndani kuna yenda kate ku Diwe dya Bohan gho mwana Reuben.⁷Ndani mururwani wayendire kate ku Debir kutundera kudiyana dya Achor, no mboghera, wapirukire no kutamba ku Gilgal, ghakarere kumutara gho dirundu dya Adummim, kwakarere kughu gcuma gho mutara gho diyana. Ndani mururwani wana pitire kate kumaviya gha Shemesh no kutamba ku En Rogel. ⁸Ndani mururwani wayendire kate kudiyana dya Ben Hinnom kumutara gho ghugcuma wa Jebusite gho mbara (oya ne Jerusalem). Ndani wana yendire kate kuwiru dho di ndundu odi dya hurera ku diyana dya Hinnom, kuditokera , kumboghera dho ghuhura gho diyana dya Rephaim.⁹Ndani mururwani wayaghurupire kutundera ku wiru dho mandundu kutamba kurware rwa Nephtoah, no kutamba kate kumambara gho Dirundu dya Ephron. Ndani mururwani wa petire ghu piruke ku Baalah ( yira kenge yira Kiriath Jearim). ¹⁰Ndani mururwani wo wana kudhi ngumwetedhire kumuta dho ditokera wa Baalah kudirundu dya Seir, no kuna pita ghutambe ku mutara gho Dirundu dya Jearim kumboghera ( thika kenge yira Kesalon), wa ghurumukere ku Beth Shemesh, no kutjinaghana kate ku Timnah.¹¹Mururwani wayendire ku mbunda dho ndundu dha Ekron, no kuna peta ghukunduruke ku Shikkeron no kuna pita ghutambe ku Dirundu Baalah, no kutunda po owakuna yenda ku Jabneel. Mururwani wakahurere mudikuruviya. ¹²Mururwani gho kumuvero wa karire gho Dikuruviya dyo Dikuru no kumbambeko dhawo. Oghune gho mururwani wakundurukedhe rudhi rwa Judah, diko ku diko.¹³Fumu Nyambi gharawere Joshwa mukutapa mutara ghoditunga dyo rudhi rwa Judah kwa Kaleb, Ghatapire kwa Kaleb gho mwana Jephunnel thirughana tho ditunga mukatji ko rudhi rwa Judah, Kiriath Arba, omuyane mu Hebron ( Arba kwakarire wiha Anak). ¹⁴Kaleb ghashwayithire mo hana Anak ha hatu: Sheshai, Ahiman na Talmai, hanahoka wa Anak. ¹⁵Ghayendire ghakarwire no rudhi rwa Debir ( dina dya Debir pakutanga ne aye yo Kiriath Sepher).¹⁶Kaleb ghambire eshi, ''Katughuru yu mbogha homokera Kiriath Sepher no kukwata mbara dhiya, mbona mupa mwanange gho mukamadi Aksah ghakukare munuwendi. ¹⁷''Othniel, gho mwana mina Kaleb ghodina dyo Kenaz, ghaka kwatire mbara dhiya. Munyima Kaleb ghatapire mwanendi ghomukamadi Aksah kukwendi gha muyeke.¹⁸Munyima dhoyinu yo, Aksah gheyire kwa Othniel no kuna mukumbera eshi ghakepure wihe dipya. Pakutunda pa dongi wendi, Kalep ghepurire mwanendi , ''Yinu munye wakushana?'''¹⁹Aksah gha huthire eshi, ''Nitendere thinu thothiwa, kengewanipa ditunga dyo kumamboregha: Nipe karo shime dyango dyo kukara no meyuko. ''Ndani Kaleb gha mupire dyango dyokuwiru no pamuve pepi na Hebron.²⁰Oghune gho ghupingwa gho rudhi rwawa Judah diko ku diko.²¹Mambara gha hatere ku rudhi rwa wa Judah kumutara gho mbunda, yitware ku mururwni wa Edom, Kabzeel, Eder, Jgur, ²²Kinah, Dimonah, Adadah, ²³Kedesh, Hazor, Ithnan, ²⁴Ziph, Telem, Bealoth.²⁵Hazor Hadattah, Kerioth ( edi dyayuvekire eshi Hazor), ²⁶Amam, Shema, Moladah, ²⁷Hazar Gaddah, Heshmon, Beth Pelet, ²⁸Hazar Shual, Beersheba, Biziothiah.²⁹Baalah, Lyim, Ezem, ³⁰Eltolad, Kesil, Hormah, ³¹Ziklag, Madmannah, Sansannah, ³²Lebaoth, Shilhim, Ain, na Rimmon. Oghane mambara makumi mawadi no kwoko no mane gho maheya, kuturako no mikunda dhawo.³³Mumango gho madhamenena ako kwakarire Eshtaol, Zorah, Ashnah, ³⁴Zanoah, En Gannim, Tappuah, Enam, ³⁵Jarmuth, Adullam, Sokoh, Azekah, ³⁶Shaaraim, Adithaim, na Gederah (adyo ne, Gederothaim). Awone kwakarire mambara dikumi no mane muthitara, kuturako no mikunda dhawo.³⁷Zenan, Hadashash, Migdal Gad, ³⁸Dilean, Mizpah, Joktheel, ³⁹Lachish, Bozkath, Eglon.⁴⁰Kabbon, Lahmas, Kitlish, ⁴¹Gederoth, Beth Dagon, Naamah, Makkedah. Ogha kwakarire mambara dikumi no kwoko no dhofotji, kuturako no mikunda dhawo⁴²Libnah, Ether, Ashan, ⁴³Iphtah, Ashnah, Nezib, ⁴⁴Keilah, Akzib, Mareshah. Ogha ne mambara kwoko no mane, kuturako no mikunda dhawo.⁴⁵Ekron, no mamabara no mikunda dhi dhamudhingu mwetedhe; ⁴⁶kutundera ku Ekron kate ku Dikuruviya dyo Dikuru, tumukundaghana otu twakarere pepi na Ashdod, kuturako no mikunda dhawo. ⁴⁷Ashdo, kwa mudhingu mwetedhe tumbaraghana, kuturako ni mikunda; Gaza, aye kwa mudhingumwetedhe tumbaraghana kuturako no dhi mukunda; kurware rwa Egypte, no kuDikuruviya dyo Dikuru pofotji no kumbambeko.⁴⁸Mu ndundu dho ditunga, Shamir, Jattir, Sokoh, ⁴⁹Dannah, Kiriath Sannah (Oya ne, Debir), ⁵⁰Anab, Eshtemoh, Anim, ⁵¹Goshen, Holon, na Giloh. Oghane ma mbara dikumi no dhofotji, kuturako no Mikunda dhawo.⁵²Arab, Dumah, Eshan, ⁵³Janim, Beth, Tappuah, Aphekah, ⁵⁴Humtah, Kiriath Arba ( oya ne, Hebron), na Zior. Oghane mambara kwoko no mane, kuturako no mikunda dhawo.⁵⁵Maon, Carmel, Ziph, Juttah, ⁵⁶Jezreel, Jokdeam, Zanoah, ⁵⁷Kain, Gibeah, na Timnah. Oghane ma mbara dikumi, kutura ko no mikunda dhawo.⁵⁸Halhul, Beth, Zur, Gedor, ⁵⁹Maarath, Beth Anoth, na Eltekon. Oghane mambara kwoko fotji, kuturako no Mikunda dhawo.⁶⁰Kiriath Baal ( oya ne, Kiriath Jearim), na Rabbah. Ogha ne mambara mawadi, kuturako no mukunda. ⁶¹Muma mboregha, mwakarire Beth Arabah, Middin, Sekakah, ⁶²Nibshan, Mbara dho mungwa, na En Gedi. Oghane mambara kwoko fotji no mukunda dhawo.⁶³Ene ko ha Jebusites, hanahoka ho mu Jerusalem, rudhi rwa Judah mbadi hakonine kuwa shwayithamo, ha Jebusites hatungire mo no rudhi rwa Judah kate pasha dyarero.

¹Ditunga dihatapire kurudhi rwa Joseph dyakurire kutundera ku Jordani kat ku Jeriko, kudiva dyo rware Jeriko, kutunda muma mboregha, yitambe kate Jeriko kupita Mumandundu gho ditunga dya Bethel. ²Kokuna pita kutundera mu Bethel kate Luz no kupita ghutambe ku Ataroth, dyango dyo ha Arkites.³Kutunda po wana pitere kudiva kumururwani wa Japhletites, kate kumutara gho dyango dyo kumuve dya Beth Horon, ndani no ku Gezer; wana hurere kudikuruviya. ⁴Modhi ndhira rudhi rwa Joseph, Manasseh na Ephraim mo hawanine ghupingwa wawo.⁵Dyango dya rudhi rwa Ephraim, diko ku diko: Mururwani gho ghupingwa wawokumu tara gho diva wayendire kutundera ku Ataroth Addar kutundera kuwiru Beth Horon, ⁶no kutunda ko wana twikere ku dikuruviya. Kutundera ku Mikmethath kughu gcuma wana pirukire kudiva ghutambe ku Taanath Shiloh no kuna pita kughuhura gho diva ghutambe ku Janoah. ⁷Ndani ghuna kunayenda kate ku Janoah ghutambe ku Ataroth na ku Naarah, no kate wakakumine ku Jeriko, kahurera kate ku Jordani.⁸Kutunda ku Tappuah mururwani wana yendire ku ditokera kurware rwa Kanah no kahurera mudikuruviya. Oghune gho ghupingwa gho rudhi rwa Ephraim, diko ku diko, ⁹pofotji no mambara ogha hawatorwere gho kurudhi rwa Ephraim pofotji no ghupingwa gho rudhi rwa Manasseh-mambara gho mahe, pofotji no mikunda dhawo.¹⁰Mbadi hakonine kutjidha mo haka Kanaanites owa hatungire mu Gezer, owa haka Kanaanites hatungire pofotji nawa Ephraim kate kushadyarero, ene hanu hawa tendire mukuwa thineneka muyiruwana.

¹Odine dyo ditunga diha wanine ho rudhi rwa Manasseh (oyu ghakarire eshi mwana mbedi wa Joseph)-adyo kwakarire eshi, dya Makir, oyu ghakarire eshi mwana Manasseh gho mbedi no oyu ghakarire thinda eshi wiha Gilead. Hanahoka wa Makir hawa pire ditunga dya Gilead na Bashan, yoyishi Makir kwakarire murume ghoyita. ²ditunga haditapire koho hokuthigharako kurudhirwa Manasseh, hatapire kudiko dyawo-Abiezer, Helek, Asriel, Shechem, Hepher, na Shemida. Owane hanahoka wa Manasseh gho hatutughuru gho mwana Joseph, ghatapire kudiko dyawo.³Pano Zelophehad gho mwana Hepher gho mwana Gilead ghomwana Makir ghomwana Manasseh mbadi ghakarire no hana ho hatutughuru, ene hana ho hakamadi. Hanendi ho hakamadi awone Mahlala, Noah, Hoglah, Milkah, na Tirzah. ⁴Hahenyene Eleazer mupristeri, Joshwa gho mwana Nun, no hapiterithi no kughamba eshi, ''Fumu Nyambi gharawere Moses mukutapa kwetu ghupingwa pofotji no hakurwetu gho hakafumu.'''Kemo, mukukutha miragho dha Fumu Nyambi, ghawa pire owo hambuyama ghupingwa mukatji kawa kurwawo gho hawihawo pofotji.⁵Mango dikumi ha tapire kwa Manasseh mu Gilead na Bashan, awone mutara ghumwe wa Jordani, ⁶yoyishi hana Manasseh gho hakamadi hawanine ghupingwa pofotji no hanendi gho hakafumu. Ditunga dya Gilead haditapire kohana hahoka ghokuthigharako wa Manasseh.⁷Dyango dya Manasseh dyakumine kutundera ku Asher ditambe ku Mikmethath, adyo mutara gho diva dya Shechem. Awo mururwani wayendire kumbunda kowa hatungere pepi no rware rwa Tappuah. ⁸( Ditunga dya Tappuah dyahatere kwa Manasseh, ene mbara dha Tappuah pa mururwani wa Manasseh wahatere kohanu wa Ephraim.)⁹Mururwani wa yendire kate kukarwareghana ka Kanah. Ogha mambara gho kumbunda ghokarware ghana ko mukatji ka mambara gha Manasseh kwahatere kwa Ephraim. Mururwani wa Manasseh wa karere ku ghu cuma ghomutara gho, no kahurera mu dikuruviya. ¹⁰ditunga dyo kumbumda dyahatere kwa Ephraim, no kuditunga dyo kughu cuma dyakarire dyango Manasseh; dikuruviya dyakarire mururwani. no kughu cuma mutara wa Asher kukona kukumako, no kudiva, rudhi rwa Issachar.¹¹Karo mwa Issachar no mwa Asher, Manasseh ghapingire Beth Shan no mukundadhapo, Ibleam no mukunda dhapo, hanu ho Dor no mukunda dhapo, hanu gho mu Endor no mukunda dhapo, hanu ho mu Taanach no mukunda dhapo, hanu ho mu Megiddo no mukunda dhapo ( no dihenda dyo mbara dha Napheth). ¹²Ene rudhi rwa Manasseh mbadi rwakonine kushimba kughupingwa gho kogho mambara, haka Kanaanites hatwikere kutunga muma mbara gha.¹³Munyima hanu wa Israeli hakurire no ngcamu, haturire ha Kanaanites muyiruwana muthineneko, ene mbadi hakonine kuwa shawyithamo.¹⁴Hana hoka wa Joseph haghambire kwa Joshwa eshi, ''Pashanye ghuna tupera mutara ghofotji ghodyango no mutara ghofotji ghoghupingwa, opa tudi eshi atwene twanu hohengi muthitara, no kururoheya Fumu Nyambi ghatutungeka twe?'' ¹⁵Joshwa ghambire kukwawo eshi, ''Ngeshi ghamwene mwahanu ghohakuru muthitara, muyende mwathinda mumuthitu no mukakenithe dyango mwathinda mutidtunga dya Perzzites no ku Ephraim. Muyitende yi, opayina kara shi ditunga ndundu dho ditunga dya Ephraim didi eshi dimbiru kukwenu.''¹⁶Hana hoka wa Joseph ha ghambire eshi, '' Ditunga dyo marundu mbadi dina rikanya kukwetu. Ene haka Kanaanites wahe waha tunga mumayana hakara no tukarukara twawo to yikuvo, pofotji nowa hakara mu Beth Shan no dhi mukunda dhawo, no wa hakara mumayana gha Jezreel. '' ¹⁷Ndani Joshwa ghambire kudiko dya Joseph-kwa Ephraim na Manasseh, '' Ghamwene mwahanu mwakara no thitara thothikuru, no mwakara no ngcamu dhodhikuru. Mbadi mwakona kukara ngenyu no dyango dyofotji edi dina hatera kukwenu. ¹⁸Ditunga dyo kumandundu dina kukara nadyo dyenu. Ngambi kenge dina kara eshi muthitu, mbomuna kenitha no kushimba dikare dyenu kutwara kate kudhi mururwani. Mbo muna shwayithamo haka Kanaanites, ngambi kenge hakara no turukara twawo to yiukuvo, ngambi kenge hakara eshi awone ngcamu

¹Mbunga dhodhihe dha Israeli hakuwanine pofotji pa Shiloh. Haturire mwara gho makuwaneno no hawithire ditunga kughutho wawo. ²Pakarire shime marukwoko no mawadi mukatji ko hanu wa Israeli ghupingwa wawo mbadi haghutapire.³Joshwa gha ghambire koha hanu wa Israeli, ''Rure roku kuma papi shomukare munakudhira kuyenda muditunga di ghamupa Fumu Nyambi wawa kere kandongo wawo? ⁴Mutorore hakafumu ha hatu mukehe rudhi, no nakuwatuma hayende. Hakona kuyenda haka kengurure dyango pawiru no pamuve. Hana katjanga yitundamo yiwana mo kuma ghupingwa, no hana kahuka kukwange.⁵Hakuna taghure mudhimitara kwoko nodhiwadi. Judah ghana kukara mudyango dyawo kumu tara gho ghu cuma, no diko dya Joseph dina kutwikera mudyango dyawo kumutara gho mbunda. ⁶Muna kuyakunutha ditunga di mudhimitara kwoko nodhiwadi no kareta yitunda mo kukwange. Amene nakuna mutawera kughutho wa Fumu Nyambi wetu⁷Halevites mbadi hakara mango mukatji kenu, awone ghu pristeri wa Fumu Nyambi gho ghupingwa wawo. Gad, Reuben, no dihenda dyo dyodiko dya Manasseh hawana dya ghupingwa wawo, kughuhura wa Jordani. Oghune gho ghupingwa wa Moses gho mukareri wa Fumu Nyambi ghawa pire.''⁸Munyima hanu hemanine no hayendire. Joshwa gharawerire owa hayendire mukatjangurura ghukaro gho ditunga, hawa tongwere eshi, ''Muyende pawiru no pamuve muditunga no katjangurura ghukaro gho ditunga no kahuka kukwange. Nakuna muyakunithera mwahe kughutho wa Fumu Nyambi pa Shiloh. ⁹''Hatutughuru ha shwayire no kayenda pawiru no pamuve muditunga no katjanga ghukaro ghoditunga diya murukwaro mukehe dhino mbara mudhi mutara kwoko no dhiwadi, kutjanga kehedhino mbara mumutara. Hahukire kwa Joshwa pa mwara wa Shiloh.¹⁰Munyima Joshwa ghawa tapare pa Shiloh kughutho wa Fumu Nyambi. Padyango Joshwa ghawa pire thitumbukera thoditunga koha Israeli, no kwakeheno hamupire dyango dyo ditunga.¹¹Thitumbukera tho ditunga dyo rudhi rwa Benyameni gheyire diko ku diko. Dyango dyo thitumbukera dyawo ditunga hatapere pakatji ko hanahoka wa Judah na hanahoka wa Josefu. Kumutara gho mbunda, ¹²mururwani wa tamekere ku yordani. Mururwani wayendire kate kughuhura wa Jeriko, no kate kumandundu gho ditokera. Okuya waka kumine ku mamboregha gha Beth Aven.¹³Kutunda po mururwani wana pitire kughu cuma mundhira dha Luz ( dyango dyo fotji yira dya Bethel). Mururwani shime wana twikere ghuyende kate ku Ataroth Addar, kudirundu edi dyakarire kughu cuma wa Bethel Horon. ¹⁴Mururwani shime wana twikere ghuyende ndhira dhimwe: Ku mutara gho ditokera wana pirukire kumutara gho ghu cuma, ghutambe ku kudirundu edi dya tjinaghana kutundera ku Beth Horon. Mururwani ghu wakahurere ku Kiriath Baal (akone, Kirath Jearim), mbara dha hatere kurudhi rwa Judah. Eyi natendire mururwani gho kumutara gho ditokera.¹⁵Kumu tara gho ghu cuma wataekire panunda dha Kiriath Jearim. Mururwani wayendire kutundera ku Ephron, kurware ro meyu gha Nephtoah. ¹⁶Mururwani wana twikire ghuyende kate kate kumururwani gho dirundu odi dyakarere mudiyana dya Ben Hinnom, oghu wakarere kumutara gho mbunda kahurera mudiyana dya Rephaim. Wana twikere kate kudiyana dya Hinnom, kughu cuma gho mbara dha Jebusites, no ku twikera kate ku En Rogel.¹⁷Wana pirukire kumbunda, kutamba kumutara ku En Shemesh, kutunda po wayendire no kapita ku Geliloth, oghu wakarere kumutara gho pepi na Adummim. Shime wana pitire kwishi dhodiwe dya Boha mwana Reuben. ¹⁸Wana pitire kumbunda pawiru dha Beth Arabah no kwishi dha Arabah.¹⁹Mururwani wana pitire kumbunda dho wiru dha Beth Hoglah. Mururwani wana hurere ku mbunda kudiya dyo dikuruviya dyo mungwa, kumutara gho ghucuma wana hurere ku ²⁰Jordani Oghune gho mururwani gho kumutara gho ghucuma. Oghune gho ghupingwa gho rudhi rwa Benyamin, no ghaghutapire diko ku diko, mururwani kumururwani.²¹Pano mambara gho rudhi rwa Benyamin, diko ku diko, ghawo ne Jeriko, ²²Beth Hoglah, Emek Keziz, Beth Arabah, Zemaraim,Bethel, ²³Avvim, Parah, Ophrah, ²⁴kephar Ammoni, Ophni, na Geba. Awone dikumi no mawadi mambara, pofotji no mukunda dhawo.²⁵Kwakarire karo mambara gha Gibeon, Ramah, Beroth, ²⁶Mizpah, Kephirah, Mozah, ²⁷Rekem, Irpeel, Taralah, ²⁸Zelah, Haeleph, Jebus ( pofotji yira Jerusalem), Gibeah, na Kiriath. Awone mambara dikumi no mane, pofotji no mukunda dhawo. Oghune ghoghupingwa wa Benyameni gho diko dyendi.

¹Matapero gho ghuwadi kwa werere pa Simeon, diko ku diko. Ghupingwa wawo wakarere pakatji koghupingwa wu wahatere kurudhi rwa Judah.²Hawanine ghupingwa wawo Beersheba, Sheba, Moladah, ³Hazar Shual, Balah, Ezem, ⁴Eltolad, Bethul, na Hormah.⁵Simeon naye hawanine Ziklag, Beth Markaboth, Hazar Susah, ⁶Beth Lebaoth, Sharuhen. Oghane mambara dikumi no mahatu, kutura ko mukunda dhawo. ⁷Semeon naye ghawanine Ain, Rimmon, Ether, na Ashan. Oghane mambara mane, pofotji no mukunda dhawo⁸Oghane kupakera ko, pofotji no mukunda dhawo ghadhingumwetedha ma mbara gha kutunda yira Baalath Beer ( Thika kenege yira mukunda Ramah). Oghu ne gho ghupingwa gho rudhi rwa Simeon, diko ku diko. ⁹Ghupingwa gho rudhi rwa Simeon rwa tendire mutara gho dyango dyo rudhi rwa Judah. Yoyishi mutara gho dyango dyo ditunga hawapire ghorudhi rwa Judah wakarire ghukuru kukwawo, rudhi rwa Simeon ghawanine ghupingwa wawo mukatji ko dyango dyawo.¹⁰Matapero gho ghuhatu ghawerere pa rudhi rwa Zebulun, diko ku diko. Mururwani wawo watamekere pa Sarid. ¹¹Mururwani wawo wayendire kate kuditokera ghutambe ku Maralah no kakundama Dabbesheth; nokuna yaghurupa kurware oru rwakarere kumutara wa Jokneam.¹²Kutundera Sarid mururwani wana pirukire ghutambe kudiva ghutambe okudyaveranga diyuwa no kuyenda ku mururwani wa Kisloth Tbor. kutunda po wana yendire ku Daberath no kate ku Japhia. ¹³Kutundapo wana pitire ghutambe kudiva ghutambe ku Gath Hepher, no ku Eth Kazin; kurandako wayendire ku Rimmon no kupiruka ghutambe ku Neah.¹⁴Mururwani wana tendire no kuna piruka ghutambe ku ghucuma ku Hannathon no kahurera kudiyana dya Iphtah El. ¹⁵Mukunda ghu kuna pakerako no mamabara gha Kattath, Nahalal, Shimron, Idalah, na Bethelhema. Ako kwakarire mamabara dikumi no mawadi, pofotji no mukunda dhawo. ¹⁶Oghune gho ghupingwa gho rudhi rwa Zebulun, diko ku diko, pofotji nogha mambara, pofotji no mukunda dhawo.¹⁷Matapero ghoghune ghana werere pa Issachar, diko ku diko. ¹⁸Mango ghawo pofotji na Jezreel, Chesulloth, Shunem, ¹⁹Hapharaim, Shion, na Anaharath.²⁰Kuna pakerako na Rabbith, Kishion, Ebez, ²¹Remeth, En Gannim, En Haddah, na Beth Pazzez. ²²Mururwani dhawo karo dhana kundamine Tbor, Shahazumah, na Beth Shemesh, no kuna hurera ku Jordani. Awo kwakarire mambara dikumi no kwoko fotji, pofotji no mukunda dhawo.²³Oghune gho ghupingwa wawo gho rudhi rwa Issachar, kukutha mu mako ghawo-mambara, pofotji no mukunda dhawo.²⁴Mataperro ghoghukwoko fotji ghana werere pa rudhi rwa Asher, diko ku diko. ²⁵Mango ghawo kuturako Helkath, Hali, Beten, Akshap, ²⁶Allammelek, Amad, na Mishall. kuditokera mururwani wayaghurupire ku Karmel na Shihor Libnath.²⁷Wana pirukire ghutambe kudiva ku Beth Dagon no kuyenda kate ku Zebulun, ndani kudiyana dya Iphtah El, kughucuma ku Beth Emek na Neiel. Kokuna twkira ku kabul ghutambe ku ghucuma. ²⁸ndani ghuna kunayenda ku Abdon, Rehob, Hammon, na Kanah, kate ku mbara dho dhikuru dha Sidon.²⁹Mururwani wana pirukire munyima ku Ramah, no kumbara dhi dhapwa kughamwena dha tyre. ndani mururwani wana pirukire ku Hosah no kahurera kudikuruviya, mukunda wa Akzib, ³⁰Ummah, Aphek, na Rehob. kwakrire mambara makumi mwadi no mawadi, kuturako no mukunda dhawo.³¹Oghune ghoghupingwa gho rudhi rwa Asher, diko ku diko-mambara, no kuturako no mukunda dhawo.³²Matapero gho ghukwoko no ghofotji ghana werere pa Naphtali, diko ku diko. ³³Mururwani wawo watjirire kutundera ku Hleph, kutundera oak kate Zaanannim kate ku Adami Nekeb na Jabneel, kutunda yira Lakkum; kuna hurera ku Jordani. ³⁴Mururwani wana pirukire ghuyende ku ditokera ghutambe ku Aznoth Tabor no kuyenda ku Hukkok; kakundama Zebulun kumbunda, no kakuma ku Asher kuditokera na Judah kudiva ku rware rwa Jordani³⁵Mambara ogha gha pwire kughamwena ne Ziddim, Zer, Hammath, Rakkath, Kinnereth, ³⁶Adamah, Ramah, Hazor, ³⁷Kedesh, Edrei, na En Hazor³⁸Kwakarire karo Iron, Mgdal El, Horem, Beth Anath, na Beth Shemesh. Kwakarine mambara dikumi no kwoko no mane, kuturako no mukunda dhawo. ³⁹Oghune gho ghupingwa gho rudhi rwa Naphtali, diko ku diko-mambara, pofotji mukunda dhawo.⁴⁰Matapero gho ghukwoko noghuwadi ghana werere pa rudhi rwa Dan, diko ku diko. ⁴¹Mango ghoghupingwa wawo kuturako na Zorah, Eshtaol, Ir Shemesh, ⁴²Shaalabbin, Aijalon, na Ithlah.⁴³Kupakera karo na Elon, Timnah, Ekron, ⁴⁴Eltekeh, Gibbethon, Baalath, ⁴⁵Jehud, Bene Berak, Gath Rimmon, ⁴⁶Me Jarkon, na Rakkon pofotji no dyango kutundera ku Joppa.⁴⁷Munyima dho dyango di hatapire kurudhi rwa Dan kukwawo, Dani ghaka homokere Leshem no kadishimba. Hamu paghire kudimende, kokushimba ghupingwa wapo, no kutunga mo. Hadithire eshi Leshem Dan, Dina dya kere kandongo wawo Dan. ⁴⁸Oghu ne ghoghupingwa gho rudhi rwa Dan, diko ku diko-mambara, kupakaerako no mukunda dhawo.⁴⁹Opa hamanine kutapera ditunga dikare ghupingwa, hanu wa Israeli hatapire ghupingwa mukatji kawo hathinda kwa Joshwa gho mwana Nun. ⁵⁰Pama rawero gha Fumu Nyambi hamupire Mbara edhi hepurire, Timnath Seth kudindundu dyo ditunga dya Epfraim. Ghatendere ko mbara dhendi no ghatungereko.⁵¹Oghune gho ghupingwa wa Eleazer mupristeri, Joshwa mwana Nun, no hapiterithi gho rudhi romako gha Israeli hatapere pa Shiloh, kughutho wa Fumu Nyambi, pamengeno gho pa mwara gho makuwanekero. Hamanine kutapere ditunga.

¹Ndani Fumu Nyambighambire kwa Joshwa eshi, ²''Ghambe kohanu wa Israeli, watongwere shi, 'Hatorore mambara ghokukona kunda hanu ogha na ghambire nenu oku munyara dha Moses. ³Muyitende yi ngeshi ghumwe gha pagha munu mbayawina ghakona kuyenda mo. Mambara gha ghanaku kara mango gha ghohatjwayuki kuma mashwero gho manyinga.⁴Ghakona kutjirera kumbara dhimwe pogha mambara no kwimana pathero dho mbara, no ghakona ku thimwetwedha kohakuru gho mbara dho. Hana kumushimba no kumutwara ghakatunge ghakatunge mukatji kawo⁵Ngeshi diko dyoyo hana pagha heya kodho mbara, hanu hombara dho mbadi hakona kutapa yo mupayi kowo hakamangcamu. Mbadi hakona kuyitenda yi pamurandu shi aye ghana pagha mukadiparaghumbo dyendi padihudhi, no mbadi ghakara no thinyenganyi nendi kutunda kunyima. ⁶Ghakona kukara mumbara mo kate ghakemane kughutho ghombunga hamutheke, kate diyuwa dighakufa yu ghadi eshi mupristeri ghomukuru mogho mayuwa. Munyima oyu ghana pagha munu padihudhi ghakona kuhuka kumbara dhendi no kudighumbo dyendi, ghatundere kumbara dhi ghatjirere.'''⁷Ha Israeli ghatororire Kedeshi mu Galilee mundundu dho ditunga dya Naphtali, Shechem mu ndundu dho ditunga dya Ephraim, na Kiriath Arba ( thikakenge yira Hebron) mundundu dho ditunga dya Judah. ⁸kughuhura wa Jordani kudiva dya Jeriko, hatororire Bezer mu mamboregha mudyango di hatungere horudhi rwa Ruben; Ramoth Gilead, omu hakarire horudhi rwa Gad; na Golan mumukunda wa Bashan, kutundera mu rudhi rwa Manasseh.⁹Ogha ne gho mambara hatororire gho mbunga dhodhihe dha Israeli no dhikare mokutjirera hatjwayuki mukatji kawo, eyi yina kara ngeshi ghumwe ghana pagha munu mbadi kuna yihima ghakona kutjireramo ghakawane maghamweno. Oyu munu mbadi ghaakona kufa munyara dhohakadiko wa ghana paghera, kate diyuwa di ghakemana kughutho gho mbunga pakutanga.

¹Ndani rudhi rohapiterithi ro ha Levites heyire kwa Eleazar gho mupristeri, kwa Joshwa gho mwana Nun, no kohapiterithi gho mako ghawa kerekandongo wawo mukatji ko ha Israeli. ²Ha ghambire kukwawo pa shiloh muditunga dya Kanaani, ''Fumu Nyambi ghamurawerire ruvedhe rwa Moses mukutupa natwe mambara tutunge, no dyango dyo madyero ghoyimuna yetu.''³Pamarawero gha Fumu Nyambi, mbunga dha Israeli dha tapire ghupingwa kuma mbara ghano ghana kurandako, pofotji no madyero ghoyimu, ko ha Levites⁴Matapero ghawere pamakogheyire pa diko dya Kohathites ghatapire yitundamo yi: Ha pristeri-hana hoka wa Aron owa hakarire mu Levites-hawanine mambara dikumi no mahatu hatapire kutundera mu rudhi rwa Juda, kutundera murudhi rwa Simeon, no murudhi rwa Benjamin. ⁵Hana hokuthigharako hana hoka wa Kohath hawanine mambara Dikumi kutundera mudiko dya dyo rudhi rwa Ephraim, Dan, no mudihenda dyo rudhi rwa Manasseh.⁶Hanahoka homu Gershon hawa pire, pawakupa, mambara dikumi no mahatu kutundera mudiko dya Issaskar, Asher, Naftali, no dihenda dyodiko dya Manasse mu Bashan. ⁷Mbunga dhi hanahoka wa Merari, diko ku diko, hawanine mambara dikumi no mawadi gho murudhi rwa Ruben, Gad na Zebulun.⁸Mbunga dha Israeli dhatapire, pakutenda matokwero, kuma mbara ghano ( pofotji no dyango dyo madyero ghoyimuna) koha Levites, thika kenge di ghayi warawerire Fumu Nyambi muma rawero gha Moses. ⁹Kutundera murudhi rwa Juda na Simeon, hatapire thitumbuera kuditunga kumambara ghano ghana kurandako, awone ghatire mena. ¹⁰Mambara gha hapire hanahoka wa Aron owa hakarire mukatji kodiko dya Kohatites, owa hana pirukire no kukara rudhi rwa Levi. Matokwero ghokutanga ghana werire papagho.¹¹Mbunga dha Israelites dhatapire Kiriata Arba ( Arba ghakarire wiha Anak), dyango dyofotji yira Hebron, mundundu dhoditunga ya Juda, pofotji no dyango dyo yimuna dyakundurukedhe. ¹²Ene mapya gho mumbara, pofotji no mukunda dhawo, hayitapire kare kwa Kaleb gho mwana Jephunneh, yikare yiwana yendi.¹³Kohana hoka wa Aron hapriesteri hawa pire Hebron no dyango dyo madyero mwene- mbara dho makungero koyomuhe yu ghana paghamuyendhendi mbadi ghuhima na Libnah no madyero mwene, ¹⁴Jattir no dyango dyo madyero mwene na Eshtemoa no dyango dyo madyero mwene. ¹⁵Hawa pire Holo no dyango dyo madyero mwene, Debir, no dyango dyo madyero mwene, ¹⁶Ain no dyango dyo madyero mwene, Jutta no dyango dyo madyero mwene, Beth Shemesh no madyero. Kwawapire mambara kwoko no mane mogha mako mawadi.¹⁷Kutundera murudhi rwa Benyamin hawa pire Gibeon no madyero mwene, Geba no madyero mwene, ¹⁸Anathoth no madyero mwene, na Almon no madyero mwene-mambara mane. ¹⁹Mambara gha hatapire koha priesteri hana hoka wa Aron, mambara dikumi no mahatu kughapakera, no madyero mwene.²⁰Koha ha Kohatites wa hathigharireko wa ha hatere kurudhi rwa Kohatites diko dya Levites-hakarire no mambara hatapire kutundera murudhi rwa Efraim pakutenda matokwero. ²¹Kukwawo hawa pire Shechem pofotji no dyango dyo madyero mwene kundundu dho ditunga dya Efraim-mbara dhomaghamweno dho keheyu ghana pagha mbadi ghuhima-Gezer no madyero mwene, ²²Kibzaim no madyero mwene, na Beth Horon no madyero mwene- mbara mane kughapakerera.²³Kutundera murudhi rwa Dan, diko dya Kohath hawa pire Eltekeh no madyero mwene, Gibbethon no madyero mwene, ²⁴Aijalon no madyero ghapo gho mwene, na Gath Rimmon no madyero mwene-mambara mane kughapakerera²⁵Kutundera mudihenda dyorudhi rwa Manasseh, diko dya Kohath hawa pire Taanach no madyero mwene na Gath Rimmon no madyero mwene-mambara mawadi. ²⁶Awo ne mambara dikumi kughapakarera kumako ghokuthigharako gho ha Kohatites, kupakerako no madyero mwene.²⁷Kutundera mu rudhi rodihenda dya Manasseh, kudiko dya Gershon, owa ne diko dimwe dyawa Levite, no hawa pire Golan mu Bashan no madyero mwene-mbara dho makungero kwakeheyu ghana pagha ghumwe mbadi yokuhima, pofotji na Be Eshterah no madyero mwene-mambara mawadi kughapakerera.²⁸Kudiko dya Gershon nawo hawapire Kishion kutundera kurudhi rwa Issakar, pofotji no madyero mwene, Daberath no madyero mwene, ²⁹Jarmuth no madyero mwene, na En Gannim no madyero mwene-mambara mane. ³⁰Kutundera murudhi rwa Asher, hawa pire Mishal no madyero mwene, Abdon no madyero mwene, ³¹Helkath no madyero mwene, na Rehob no madyero mwene-mambara mane kughapakerera.³²Kutundera murudhi rwa Napftali, hatapire kumako dyango dya Gershon Kedesh mu Galilee no madyero mwene-mbara dho makungero mwene kwakeheyu ghana pagha munu mbadi ghuhima; Hammoth Dor no madyero mwene, na Kartan no madyroghapo ghomwene-mambara mahatu kughapakerera. ³³Ghomahe kughapakera dikumi no mahatu kughapakerera, kutunda mudiko mu Gershon, pakerako no madyero mwene.³⁴Kohakuthighara ko ha Levites-diko dya Merari-ha tapire kurudhi rwa Zebulun: Jokneam no madyero mwene, Kartah no madyero mwene, ³⁵Dimnah no madyero mwene, na Nahalal no madyero mwene-mambara mane kughapakerera.³⁶Kudiko dya Merari hawa pire kutundera mudiko dyo rudhi rwa Reuben: Bezer no madyero mwene, Jahaz no madyero mwene, ³⁷Kedemoth no madyero mwene, na Mephaath no madyero-mambara mane. ³⁸Kutunda murudhi rwa Gad hawa pire Ramoth mu Gilead no madyero ghomawa-mbara dhomakungero dho keheyu ghana pagha munu mbadi ghuhima-Mahanaim no madyero mwene.³⁹Mako gha Merari nawo hawa pire Heshbon no madyero mwene, na Jazer no madyero mwene. Awone mambara mane ghomahe kughapakerera. ⁴⁰Ghomahe gha mambara gho hana hoka wa Merari, owa hashwayere murudhi rwa Levi-mambara dikumi no mawdi ghomahe ogha hawapire pamatokwero ghawo.⁴¹Mambara gho ha Levites hashimbire mukatji koditunga no kughashimba koha hanu wa Israeli kwakarire makumi mane no kwoko hatu, pofotji no madyero mwene. ⁴²Mambara ghano kwakarire kehe dhino no dyango dyo madyero mwene. Dyoyakarire mundhira dhi no mambara gha.⁴³Fumu Nyambighatapire ditunga di ghatoyedhere ko hakerekandongo wawo edi ghatoyedhere eshi mbo ghana diwapa. Ha Israeli hashimbire ghupingwa ghu no hatungire mo. ⁴⁴Na Fumu Nyambi ghatapire maturumuthero kukehe ghuno mutara, thika kenge di ghatoyedhere ha kere kandongo wawo. Noghofotji temba ghomuka nore dhawo yu ghakonine kuwa witha. Fumu Nyambi ghatapire haka nore wa munyara dhawo. ⁴⁵Nothofotji temba ethi ghatoyedhere mukatji kawo thothiwa thadhirire kuhokoka mukwiya mughushemwa. Yoyiheya yahokokire.

¹Ruvedhe ro Joshwa hethire hanahoka wa Ruben, haGadites, na dihenda dyo rudhi rwa Manasseh. ²gha hambire kukwa eshi, ''Muna tendi yoyihe yi ghamurawere Moses gho mukareri wa Fumu. Muna kutekera diywi dyange muyoyihe yina munarawere. ³Mbadi munakono kumwaghera hakurwenu mo ghano mayuwa gho mengi, kate pashadyarero, no munakumithamo yiruwana yoyihe yatumbukera pa marawero gha Fumu gho Nyambi wenu.⁴Pano Fumu gho Nyambi wenu ghana tapa maturumuthero ko hakuru wenu, thika kengedi ghawa kuruperithire. Pano mupiruke no muhuke kuma mwara ghenu muditunga di mwapinga, edi ghamupire Moses gho mukareri wa Fumu Nyambi kumutara ghuya wa Jordani. ⁵Ene mutakamithe pakukumithamo marawero no miragho dhi ghamurawere Moses gho mukareri wa Fumu gho Nyambi wenu dhi ghamurawere, Mukuhaka Fumu gho Nyambi wenu, mukukutha mumayira ghendi gho mahe, mukupungura miragho dhendi, no kumamatera kukwendi no ku mukarera no mutjima dhenu dhodhihe no mudhimu dhenu dho dhihe.'' ⁶Joshwa ghawa tungekire no kuwa tuma gha huke, nawo hahukire kuma mwaraghawo.⁷Pano kudihenda dyo rudhi rofotji rwa Manasseh Moses ghawapire ghupingwa mudyango dya Bashan, ene kudihenda dimwe Joshwa ghawa pire ghupingwa kumutara gho ha kurwawo kudyango dyokughurumuka kudiva dya Jordani. Joshwa ghawa tumine hahuke ku ma mwaraghawo; ghawa tungekire ⁸no kughamba kukwawo eshi, ''Muhuke ku ma mwaraghenu no maghushwi gho mengi, no yimuna yoyingi, no masilveri no mangorondo, no Buronzi no yikuvo, no dhimuthithi dhodhingi. Mukutapere yinu yokuyipa yokutunda kohanore dhenu pofotji no haminenu.⁹Kohana hoka wa Ruben, hanahoka wa Gad, no dihenda dyo rudhi rwa Manasseh hahukire kudighumbo, kuthigha mbunga dha Israeli pa Shiloh, kwakarere muditunga dya Kanaani. Hathighukire no kuhuka kumukunda wa Gilead, kuditunga dyawo, edi hapingire hathinda, mughutawedhi ghokumuragho wa Fumu Nyambi, munyara dha Moses¹⁰Opa hana kumine ku Jordani omune muditunga dya Kanaani, hana hoka wa Ruben na Gadites no dihenda dyo rudhi rwa Manasseh ghatendire thinyaku kumutara wa Jordani, thinyaku thothikuru no thiwa. ¹¹Mbunga dha Israeli hayuvire yokuhatera yinu yi no ghambire eshi, ''Mumone! Mbunga dha Ruben, Gad, no dihenda dyo rudhi rwa Manasseh hana tendi thinyaku kughutho ghoditunga dya Kanaani, pa Geliloth, mumukunda gho pepi na Jordani, kumutara ghu wahatera kumbunga dha Israeli.''¹²Opahayiyuvire mbunga dha Israeli yinu yi, Mbunga dhodhihe dhakughongawedhire hanu wa Israeli pofotji pa Shiloh Mukatenda yita nawo¹³Mbunga dha Israeli hatumine mbudhi kohanu wa Ruben, Gadites, no dihenda dyo rudhi rwa Manasseh, muditunga dya Gilead. Hatumine karo Pineahasi mwana Eleazer, mupristeri, ¹⁴pofotji nendi ghakarine no hapiterithi dikumi, ghofotji mukehe runo rudhi rodiko dya Israeli, no keheyuno ghakarire mutwi ghodiko mukatji kodiko dya Israeli.¹⁵Heyire kumbunga dha Ruben,Gad no dihenda dyo mbunga dha Manasseh, muditunga dya Gilead, no ghana ghambire kukwawo: ¹⁶Mbunga dhodhi dha Fumu Nyambi dhaghambire yi, 'Yinumunye yi muna tendi yokupira ghuhunga kughutho wa Fumu Nyambi wa Israeli, mukushayeka kudhira kumukutha Fumu pakutenda mwathinda thinyaku diyuwa di muna reghi Fumu Nyambi?¹⁷Napo ghuyi wa Poer mbadi warikanya kukwetu? Shime napo mbadi twakushuka kukwagho. Poghadi mahumbithero mumbunga gha Fumu Nyambi gho ghuyiwo. ¹⁸Namwe karo muna piruka mukudhira kukutha Nyambi moruno ruvedhe? Ngeshi namwe muna shwena kukutha Fumu Nyambi dyarero, peghundha ghana kupata no mbunga dhodhuhe dha Israeli.¹⁹Ngeshi ngo ditunga diya mwawana eshi dyanyata, ngomuna piti kuthambo kuya dhoditunga okuthemana thi nyaku tha Fumu no kushimba mwathinda ghupingwa mukatji ketu. Ene mbadi mwakona kwinganyena Nyambi, endi kutwimanganyena twe pakutenda mwathinda thinyaku thenu mbadi thina kara shi thinyaku tha Fumu gho wetu. ²⁰Achan gho mwana Zerah napo mbadi gha tendire mukudhira kufumaneka koyi yina kara shi yina fumanena Nyambi? Ghupata mbadi napo wa werere mukunda ghoghuhe wa Israeli? Oyamunu mbadi ghayongarire pithendi mughuyiwendi.'''²¹Ndani Rudhi rwa Ruben, Gad, no dihenda dyo rudhi rwa Manasseh hahuthire mukughamba ko kohapiterithi gho mako gho mbunga dha Israeli: ²²Gho Mukamangcamu, Nyambi, Fumu! Gho Mukamangcamu, Nyambi, Fumu!-Ghadimu, no ghaningitha ha Israeli hathinda hadimuke! Ngeshi yakarire wina endi mbadi mughuhunga kughutho wa Fumu Nyambi, watughamwena dyarero ²³mukutenda thinyaku thi pamahimeno ghetu mukudhira kukutha Fumu Nyambi. Ngeshi kuna tendi twe thinyaku thi mukutapa po kunore po miyambo, muyambo dhoyidya, endi miyambo dho dhothiraro, ninge Fumu ghatufutithe kuyitenda yi.²⁴Kadikemo! Tuna yitendera yino woma eshi ruvedhe ru mborwiya hanenu kukona ha ghambe kohanetu, 'Nye yokukona mutenda na Fumu, Nyambi wa Israeli?²⁵Fumu Nyambi ghatura Jordani mururwani pakatji ketu natwe. Amwe mbunga dha Ruben na Gad, mbadiko yo kutenda kwa Fumu Nyambi.' Yoyi haneneu mbohana shayekitha hanetu kutongamena Fumu Nyambi.²⁶Twaghmbire eshi, 'Tutende keho pano thinyaku, mbadi tho kutumekera miyambo, endi thoyi djambera, ²⁷ene tho ghushupi pakatji ketu namwe, no pakatji ko rudhi rwetu owa mboheya munyima dhetu, gho tuna tendi thiruwa kwa Fumu Nyambi, podighoshi hanenu mbadi mboha ghambe kohanetu muruvedhe rumborwiya, ''Mbadi mwakare no yitapera mwa Fumu Nyambi.'''²⁸atwe twaghambire, 'Ngeshi yi kuyighamba kukwetu endi kohana hoka wetu muruvedhe rumborwiya, tuna kughamba eshi, ''Mumone! Oghune mudhidhimbi gho thinyaku tha Fumu Nyambi, ethi hatendire hakerekandongo wetu, mbadi tho kukonera muyambo, endi thokuyamba, ene thoghushupi pakatjikenu natwe. ²⁹''Yikare kayenda kukwetu eshi atwe tuna yipitha kwa Fumu Nyambi, no dyarero tutundekukwendi mukudhira kumukutha pakutenda thinyaku to kukonera muyambo, muyambo gho tumbi, endi ghokutumekera, yidhire kukara thinyaku tha Fumu gho Nyambi wetu ethi thina kara kughutho dho makuwanekero.³⁰Phineas gho mupristeri no hapiterithi wa Israeli, owa hadhi mutwi ghomako gha Israeli owa hakarire nendi, hayuvire mbudhi eshi mbunga dha Ruben, Gad, na Manasseh hana ghamba eshi, ayo ne yiwa kughutho wawo. ³¹Pinehasi gho mwana Eleazer mupristeri ghambire kumbunga dha Ruben, Gad na Manasseh, ''Dyarero tuna dimukashi Fumu Nyambi mukatji ketu ghadi, yoyishi mbadi muna tendi ghuyi ethi thiruwana mbadi thinakara eshi mbadi thihunga kukwendi. Pano munaghamwena mbunga dha Israeli munyara dha Fumu Nyambi.³²Ndani Phinehas mwana Eleazer mupristeri, no hapiterithi ha thighire hana hoka wa Ruben no haka Gadites, kutunda muditunga dya Gilead, hahuke kuditunga dya Kanaani, kumbunga dha Israeli, no kareta mbudhi kukwawo. ³³Yitunda mo yawo yakarire yiwa kughutho ghombunga dha Israeli. Mbunga dha Israeli hafumanekire Nyambi no mbadi haghambire yo kuhatera kutenda yita no hanahoka wa ruben na Gadites, mukuhanyaghura ditunga dihatungire.³⁴Hana hoka wa Ruben no haka Gadites hatire thinyaku thi ''Ghushupi,'' ghambire eshi, ''Ghushupi pakatji ketu eshi Fumu ne Nyambi.''

¹Munyima dho mayuwa gho mengi, opa gha tapire Fumu Nyambi maturumuthero koha hanyathi wahe owa hawa dhingu mwetwedhire, na Joshwa ghakuruparire no ghakarire no mwaka dhodhingi, ²Joshwa hethire ha Israeli wahe-Hakuru wawo, hapiterithi wawo, hapanguri wawo, no ruwani-nokughamba kukwawo eshi, ''Ame nakurupara no mwakadhange ne dhingi. ³Mwamona eyi gharuwanine Fumu gho Nyambi wenu ku marudhi ghomahe pamurandu wenu, aye ne Fumu gho Nyambi wenu yo ghamu rwera po.⁴Mumone! ame na tapa thirughana kumako ogha ghana thighara kukwenu mukagha witha eyi yidi shi ghupingwa gho marudhi ghenu, pofotji no dhimuhoko dhodhihe edhi namana kuhanyaghura, kutundera ku Jordani kate kudikuruviya dyo dikuru kuditokera. ⁵Fumu gho Nyambi wenu mboghana shwayithamo. Aye mboghana wathindekamo mukatji kenu. Mbaghana shimbi matunga ghawo, no mbo muna shimbi ghushwi wawo gho matunga ghawo, thika kenge di ghayi mukuruperitha Fumu gho Nyambi wenu kukwenu.⁶Mwakona kutanara, podigho shi muture no yoyihe eyi hatjanga mumbapira dho murawgho wa Moses, ⁷mbadi mwakona kughutaghuruka kurudyo endi kurumuho, podigho mudhire kukupakera no marudhi gha ghana thighara mukatji kenu endi kutoya mena gho ghahanyambi gho mbango, kutenda medhero kukwawo endi kutapa makughero kukwawo, endi kuwa tongamena wo. ⁸Ene roruhe, mukakatere kwa Fumu gho Nyambi wenu thika kenge di mwayitendire no kudiyuwa di.⁹Fumu Nyambi hawa tundindithire mo kughutho wenu mrudhi gho makuru, no gha ngcamu. no gho fotji temba yu ghemanine kughutho wenu no kusha dyarero. ¹⁰Mukayita gho fotji gho muthitara thenu ghana kukara diyovi ghana kuwatjiritha, yoyi Fumu gho Nyambi wenu, yo ghana kumurwera po, thika kenge di gha mukuruperitha. ¹¹Kudheghetar no kutegherera thiwana, podigho shi muhake Fumu gho Nyambi wenu.¹²Ene ngeshi mbo mupiruke no kukupakera kowa hanu ho hayumi ho mako wa hana thighara mukatji kenu, endi kukuyekathana nawo, endi kwiya pofotji nawo no pofotji nenu, ¹³mukone kudimuka shi Fumu Nyambi mbadi mbogha shwayitha diko edi mukatji kenu. Awo mbohana kara tushaka no yiraha kukwenu, mboghana kara matjupa mudhi mughodhenu no mighunga mumeho ghenu, kate mwakuyongare muditunga dyodiwa edi ghamupa Fumu gho Nyambi wenu.¹⁴Pano ame kuna kuyenda mundhira dho kaye, no munayidimuka mudhimitjima dhenu no mumoyo dhenu no nando temba dho fotji dhapirire kwiya mughushemwa muyinu yoyiwa eyi gha mukuruperithire Fumu Nyambi kukwenu. Yinu yoyihe kweya kukwenu. Nodho fotji temba edhi dhawa po. ¹⁵Ene kehe dhinando dha Fumu Nyambi wenu gha mukuruperitha mwadhikumithamo, Fumu Nyambi mboghana mu retera maghuyi kate mbogha muhanyaghure modino ditunga dyo diwa dya Fumu Nyambi wenu ghamupa.¹⁶Mboghana tendi yi ngeshi mwe mbomutjore nungathano dhi dha Fumu Nyambi wenu, ogha hamurawere muku ghakutha. Ngeshi mbomuyende fumaneke hanyambi ghombango no katongamena kukwawo, mbomuna yongara pa wangu-wangu muditunga dyodiwa edi ghamupire.''

¹Munyima Joshwa gha ghaturire mako gha Israeli pofotji ku Shechem no kwitha hakuru wo ha Israeli, hapiterithi wawo, hapanguri, no hayedithi wawo, no hana kuneghire hathinda kughutho wa Fumu Nyambi. ²Joshwa ghambire ko hanu wahe, ''Eyine yoghana ghamba Fumu, Nyambi wa Israeli, 'Hakere kandongo wenu myaka dho hatungere kughuhura gho Rware rwa Euphrates- Terah, gho wiha Abraham na wiha Nahor- awo hatongamene ha nyambi hombango.³Ene nashimbire wihenu Abraham kumutara wa Euphrates no kumutwara muditunga dya Kanaani no kamupa muhoko gho wingi kupitera mwa mwenedi Isaka. ⁴Munyima dho kwa Isaka gho natapire kwa Jakopo na Esau. Natapire kwa Esau ditunga dyo ndundu dha Seir mukudipinga, ene Jakopo no hanendi hayendire ku Egipte.⁵Natumine Moses na Aron mukahumbitha haka Egipte noyihumbithitha. Munyima dhopo, nana mushwayithamo. ⁶Nashwayithire hakerekandongo wenu mu Egipte, no mweyire kudikuruviya. Haka Egipte hawakuthere no matemba, no hadhini mbi ghure gho kayenda Kudikiruviya dyo Dikihu.⁷Opa hethire hakerekandongo wenu kwa Fumu Nyambi, ghaturire dikokore pakatji kenu nohaka Egiptena. Gharetire dikuruviya diye nokuna wafika. Mwamonine eyi naruwane mu Egipte. Gho mwanatungire mumamboreya ruvedhe rorure.⁸Namuretire muditunga dya wa Amorites, owa hatungere kumutara ghumwe wa Jordani. Harwire nenu, no na watapire munyara dhenu. mwashimbire mupinge mango ghatunga dyawo, no nawa hanyaghurire po kughutho wenu.⁹Munyima Balak mwana Zippor, fumu wa Moab, ghemanganyene Israeli. Ghatumene no kwitha Balaam mwana Beor, mukuna mukuta mwe. ¹⁰Ene mbadi nategherere kwa Balaam. Mughushemwa, ghamutungekire mwe. Namughamwenine munyara dhendi.¹¹Mwatjinaghanine Jordani no kate kuna kuma mu Jeriko. Hapiterithe ho mu Jeriko harwire nenu, pofotji no haka Amorites, ha Perizzites, haka Kanaani, ha Hittites, ha Girgashites, ha Hivites, no ha Jebusites. Namupire mawineno kukwawo no kuwatura mumangcamu ghenu. ¹²Natumine dihamba kughutho wenu, edi dyawa shwayitheremo no hafumu hawadi wa Amorites hashwayire mo kughutho wenu. Mbadi yahokokire kudimende dyenu endi kumandamba ghenu.¹³Namupire ditunga edi mwadhirire kuruwanena, no mbara edhi mwadhirire kutenda, pano gho munakuna tunga mo. Kuna kudya mbuyo dho mumapya no yitondo eyi mwadhira kutapeka rumwe.¹⁴Pano keho muyape Fumu Nyambi no mumukarere ye kuyarera no ghuhungami; mushayeke hanyambi ho mbango wa ngaha tongamena nga hakerekando wenu ku mutara wa Euphrates no mu Egipte, no mutongamene Fumu Nyambi. ¹⁵Ngeshi yimango kughutho wenu yo kutongamena Fumu Nyambi, mutorore mwathinda pashadyarero dye oyu sho mutongamene, yikare shi hanyambi hombango wa ngahatongamenanga hakerekandongo wenu muEuphrates, endi nyambi gho mbango wa Amorites, muditunga di muna kutunga. Ene me no ndhugho dhange tuna karera Fumu Nyambi.''¹⁶¹⁷¹⁸Hanu hahuthire no kughamba eshi, ''Mbadi mbotuthigha Fumu Nyambi no kutongamena hanyambi hawo nawo, Fumu Nyambi wetu yo ghatureta twe, no hakerekandongo wetu kutundera muditunga dya Egipte, muditunga dyo ghupika, no yoghatendire yitetukitho kughutho wetu, no ghatu ghamweninemundhira dhetu dho dhihe dhi twayendire, no mumako gho mahe gha twapitire. Fumu Nyambi ghashwayithire hanu wahe kughutho wetu, kuturako nawa Amorites owa hatungire muditunga. Natwe karo tuna kutongamena Fumu, aye ne Nyambi wetu.¹⁹Ene Joshwa ghambire kohanu eshi, ''Mbadi wakukona mu ruwanene Fumu, yoyi aye ne ghapongoka; ayene Nyambi ghodifupa; mbadi mbogha thigherera ghuyi no mirandu. ²⁰Ngeshi hamuyakunuka kwa Fumu Nyambi no kutongamena hanyambi hamweya, ayene mboghana piruka no kumuremeka. Aye mboghana muswayithapo, munyima dho kutenda ghuwa kukwenu.''²¹Ene hanu ghambire kwa Joshwa, ''Mbadikemo, tuna kutongamena Fumu Nyambi.'' ²²Munyima Joshwa ghambire kohanu, ''Munakutapera ghushupi mwathinda eshi muna torora mwathinda Fumu Nyambi, muku mutongamena,'' Hahuthire eshi, ''Twa shupi.''Pano ²³mushwayithe hanyambi hombango owa mudi nawo, no mutjima dhenu dhi piruke kwa Fumu, Nyambi wa Israeli.''²⁴Hanu hahuthire kwa Joshwa eshi, ''Mbotuna tongamena Fumu Nyambi wetu. Mbotuna tegherera kudiywi dyendi. ²⁵''Joshwa ghatendire nungathano no hanu diyuwa diya. Ghaturire mudyango veta no murawo pa Shechem. ²⁶Joshwa ghatjangire muragho ghu mumbapira dho murawo wa Nyambi. Ghashimbire diwe dyodikuru no kuditura kwishi dhothitondo tho oak ethi thakarere pepi no dyango dyo makughero Fumu Nyambi.²⁷Joshwa ghambire kohanu wahe, ''Mumone, diwe di mbodina kara ghushupi kukwetu. Dinayuvu manando gho mahe oghana ghamba Fumu Nyambi kukwetu. Mbodina kara ghushupi kwenu, Ngeshi mwe mbomu kanane Nyambi wenu.'' ²⁸Munyima Joshwa gha huthire hanu, kehe wano kughupingwa wawo.²⁹Munyima dhoyinu yi Joshwa gho mwana Nun, mukareri wa Fumu Nyambi, gha fire, okughaye ghadi no mwaka dithere no dikumi. ³⁰Hamuvumbekire mumururwani ghoghupingwa wendi, pa Timnath Serah, akone kundundu dho ditunga dya Ephraim, kumboyera dho dirundu dya Gaash.³¹Israeli ghatongamenine Fumu Nyambi mumayuwa gha Joshwa, no mayuwa ghohapiterithi wa ha ruwanine pofotji na Joshwa, owa hamonine yitetu yi ghatendire Fumu Nyambi kwa Israeli.³²Yishokora ya Joseph, eyi hashimbire hanu wa Israeli kushwaghera ku Egipte-hana yivumbekire mu Shechem, mudyango dyodimbiru edi ghaghurie Jacob kohana Hamor, wiha wa Shechem. Ghadighurire no paro dho masherenyi ghokukuma ku dithere gho silveri, no dyakarire dyoghupingwa dyohana hoka wa Joseph. ³³Eleazar mwana Aron naye ghafire. hamuvumbekire ku Gibeah, mbara dha Phinehas mwanendi, edi hatapire kukwendi. Mudirundu dyoditunga dya Ephraim.

¹Yahokokire apa ha raghurire hatheki apa dyakarire dirumbu muditunga nokatughuru ghumweya ghoku Bethlehemu mushovo waJuda omu ghakakarire mutunga dimweya edi hatoya eshi Moabi nadidhiko dyendi nohanawo hotutughuru hawadi. ²Dina dyendi ne Elimeliki nambuyama wendi ne Naomi nomena ghawanagho ne Mahloni naKilioni no awo ne haka Ephrathitesi muBethlehemu muJuda. Haka kumine kuditunga dyaMoabi nohaka tungire koko.³Ndani Elimeleki, katughuru waNaomi ne ghapwire nombuyama yu ne ghathiyarire pithendi nohanendi hawadi. ⁴Awa hanendi hotutughuru ne hayekire hambuyama ho muMoabi; mena ghowa hambuyama ne Orpah naRuthi. Awo ne hatungire muya mamwaka dikumi. ⁵Wahe haMahlon naKilioni ne hafire, nombuyama yu Noami ne hamu thiyire hanendi nakatughuru wendi.⁶Ghamatukire nohangumwenyendi nogha hukire kutunda kuditunga dyaMoabi, pamurandu eshi ghayuvire eshi Fumu Nyambi ne ghana dhingure ditunga dyagho dyaJuda nokuwa fiyera noyidya. ⁷Ghafungurukire kutunda muMoabi noha ngumwenyendi hawadi noha ghurumukire kuutamba kundhira dhokuyenda ku Juda.⁸Naomi ghatongwerire hangumwenyendi eshi; Muhuke, kumaghumbo ghawa kuru wenu. Ngo Fumu Nyambi ghaneghedhe ghunongo kukwenu, thika dyodi muna neghedha ghunongo kowa ngaha tuthiyi nokukwange. ⁹Fumu Nyambi ngogha maturumuthero mwene mwawa tutughuru hamweya. Noghawa ncumitire nohayondjikire hadire. ¹⁰Awo ne haghambire kukwendi eshi; Mbadi kemo, tuna kuhuka noye kudiko dyoye.¹¹Ene Naomi ghaghmbire eshi; Muhuke, mwahanange hohambuyama! Pashanye shomuyendere nange? Shime nidi nohana hotututghuru mumukogha wange, awa mboha kakara hanuwendi ndi? ¹²Mupiruke, nomuhuke yoyishi ame ne nakurupara keho mukuninga eshi niwane katughuru ghokuyeka. Ngeshi ngona ghamba eshi, ngeshi ngona ghamba eshi nakurupera eshi nakuwana kutughuru ghuthiku, nokawana hana hotutughuru, ¹³ngo mbomuna taterera kate koku mboha kakurera ndi? Ngo mbadi mwakutorora muyeke ndi? Mbadi kemo, mwahanange yina kuni tjitjupitha pamurandu wenu eshi dyoko dyaFumu Nyambi ngadini yakunuka.¹⁴No hangumwenyendi hayondjokire noha dirire karo. Orpah ghacumitire ngumwenyendi nogha nataoire murayitho ene Ruthi ne ghamukwatire. ¹⁵Naomi ghaghambire eshi, Tegherere, muyendhoye ne ghana huka kwawa kuru wendi nokwanyambi wendi. Huke namuyendhoye.¹⁶Ene Ruthi ne ghaghambire ngeno, mwani thineneka kuhuka, mukupira kuku kutha ene kehe shoyende, name nakuyenda ko, kehe ku mbokatunga, name mbona katunga nohaka diko dyoye name mbohana kakara haka diko dyange noNyambi ghoye mboghana kara name Nyambi wange. ¹⁷Oku mbokafera, name mbona kafera koko nokoko kombo mboha kanivumbeka. Fumu Nyambi ngogha nihumbithe ene yifa vene yombo yituyakunutha. ¹⁸Apa ghamonine Naomi eshi Ruthi ne ghana tokora kuyenda nendi, ghaporere.¹⁹Hawadi wa ne hakarire muruyendo kate hana kumine muBethlehemu. Yahokokire eshi apa hana kumine ne muBethlehemu ne hawa tamburire ghushamberera. Hambuyama ghambambire eshi oyu ne Naomi ndi? ²⁰Ene ghawa huthire eshi mbadi munitoye eshi Naomi ene munitoye eshi ghururu, yoyishi Fumu Nyambi ne ghana rurupa nange. ²¹Nayendire nayara ene Ghana kanihutha nyara-nyara karo. Pashanye muna kunithera eshi Naomi, pakumona eshi Fumu Nyambi ghana niyereka nokunitura mumaghukukutu?²²Naomi naRuthi mbuyama ghomu Moabite, ghongumwenyendi haka shwayire kuMoabi. Heyire kuBethlehemu kumatangero ghomukesho ghomavumbukiro.

¹Naomi ghakrire namwapa didhiko dyendi, katughuru ghomushwi mudiko dya Elimeliki nodina dyendi ne Boazi. ²Ruthi ghomuka Moabite ghaghambire kwaNaomi; tango niyende nika gugure eyi yathiyara mudipya. Mbona kuthu keheyu mboghani hafera . Naomi ghahuthire eshi, yende mwanange ghombuyama.³Ruthi ne ghayendire ghaka gugure eyi yathiyarire mudipya munyima dhokukesha. Yahokokire eshi ghakakumine kudipya dyaBoazi ghomu kadiko dyaElimelek. ⁴Mumone, Boazi ne muBethlehemu ghakatundire nogha ghambaire eshi; Fumu Nyambi ghakare nenu. Hamu huthire eshi; Fumu Nyambi ngogha kufiyere.⁵Ndani Boazi ne ghoghepure eshi yidye mupiterithi wenu mwakeshi? Mushengeteya wadye yu? ⁶Mupikendi oyu ghakarire eshi mupiterithi wawakeshi, ghahuthire eshi; oyu ne mushengeteya omu Moabite oyu ngakeya na Naomi kutunda kuMoabi. ⁷Ghana nikumbera eshi ghagugure munyima dhawa keshi eyi yina waghura kwawa keshi, ghaneya momuno kutunda mathiku-thiku kate popano ngambi kemo eshi ghana turumutha kapupi kamanana mundhugho.⁸Podiyo Boazi ghatongwere Ruthi eshi; Yoyi ghutegherera kukwange we mwanange ghombuyama ndi? Perere poye eshi ghushwaghe mudipya dyange eshi ghuyende mwawa mweya. Nanene kare momu noruwane nawa pikangeke hoha mbuyama. ⁹Toperere meho ghoye momu hana kukesha hatutughuru nokuthe hambuyama hamweya. Mbadi narawera hangaghu ghana eshi mbadi ghakundame yirama yoye ndi? Ngeshi dikuwane dinota ne yende mukandimbe komeyu nokanwe meyu agha hana veti hangaghu.¹⁰Ruthi ne ghakuvamine paghutho waBoazi nogha ghambire; Pashanye ghuna kunongopera nothinga kukwange me nomutunda kure? ¹¹Boazi ne ghahuthire eshi, hana nikura mbudhi koyoyiheya eyi waruwana kutunda apa ghakuthiya didhiko dyoye. Wathiya wiho nanyoko, endi wathiya ditunga dyokakoghatji koye nowakutha ngumwenyoye mukeya kohanu awa wapira kudimuka. ¹²Fumu Nyambi ngogha kufiyere kuyiruwana yoye. Ngo ghuwane ndjambi dhokuyara kwaFumu ghoNyambi waIsreali omu ghuna wana mondo mwene.¹³Ndani Ruthi ne kokughamba eshi, ngoni wane ghuwa mumoye, muhona wange yoyishi ghuna nihengaghura noghuna nongopa kukwange ngambi kemo eshi mbadi nomukadidhiko dyawapikoye.¹⁴Pamaruvedhe ghamweya, Boazi ghethire Ruthi nogha dye yidya nokunwa vinyu. Ghahungumanine pambadi dhawa keshi nogha mupire ghuroto nogha dire kate ghekutire nokuthiya po.¹⁵Apa ghemanine ghatnge kugugura, Boazi ne gharawere hatutughuru ghana eshi hamuthiye ghagugure nomuyidi yohasha, perere pagho eshi hamushwahure. ¹⁶Nokaro hamu tetere mutwi dhomagovo mwene ogha hana tura mumashaka noha ghamuthiyere ghagugure nombadi hamupatere.¹⁷Aye ne ghagugure mudipya di kate runguro. Ndani ghapurire magavo ghoyi ghagugure nokukutha thimetitho ne yira mafendera makumi mawdi nomahatu. ¹⁸Ghadhamunine nogha yendire mumbara. Ngumwenyendi ne ghaka monine eyi ghana gugure. Ruthi karo ne ghashwayithire ghuroto ghokuyotha oghu wakathiyarire ko nogha ghutapire kwangumwenyendi.¹⁹Ngumwenyendi ne ghaghambire kukwendi eshi; Kupi ghuna kashekwerera dyarero nokupi ghuna karuwana? Katughuru yu ghana kakara nothinga kukoye ngo gha pwe kufiyera. Ruthi ne kokutanga ghamutongwere yokuhatera kwakatughuru oyu ghakara nodipya oku ghana karuwana. Dina dyendi ne Boazi. ²⁰Ngumwenya munu ne kokughamba eshi; Nyambi ghoFumu ngogha mufiyere oyu ghana piri kushwayitha ghuhunga wendi kwawafu nawa yumi nokatughuru yo ne ghumweya ghopawa kadiko dyetu nomukomononi.²¹Ruthi ghoka Moabite ne kokughamba eshi; Yaghushemwa ghana nitongwera eshi nikare pepi noha ngaghu ghana wendi kate hakumane kukesha. ²²Naomi kokughamba kwangumwenyendi eshi thiwana kengeyo eshi ghuyende noha ruwani wendi hohambuyama podiyo eshi maghana shoha kutjitjupithe mudipya dimweya.²³Aye ne ghakarire pepi nawa ruwani waBoazi podiyo eshi ghagugure magavo gho mavumbukiro noghaye ne ghatungire nangumwenyendi.

¹Naomi kokughamba kwangumwenyendi eshi, mwanange ghombuyama, mbadi naroghera kukushanena dyango ghuturumuthe mo ndi nopodiyo eshi yoyihe yikare thiwana kukoye ndi? ²Boazi oyu ghakuta hambuyama waya ghuruwana nagho ne, mbadi mukadiko dyetu ndi? Mone, aye ne ghana kuyerutha mavumbukiro pathindanda thendi ghuthiku ghodyarero.³Yodiyo, yoghane noshupate thiwana noyende kuthindanda ene mbadi ghuka kudimukithe ghothinda koyo katughuru, kate ghaka mane kudya nokunwa. ⁴Opa shogha karare ne kakwate dighano eshi mupi ghana kurara podiyo munyima ghumuyendere nokashupura makuha ghendi ghokarare nowe momo. Kukona ghaka kutongwere eshi yinu munye shokatende. ⁵Ruthi ne ghahuthire kwaNaomi eshi; nakaruwana yoyihe ghuna ghamba.⁶Kemo ghayendire kuthindanda nogha kuthire marawero ghangumwenyendi agha ghamupire. ⁷Opa Boazi ghamanine kudya nokunwa, mutjima wendi ne washambererire nogha yendire ghakarare kumbadi dhothirambo thoghuheke ghomavumbukiro. Ruthi gheyire kawana-wana nogha shuture makuha ghaBoazi naye kokurara.⁸Hakumine pakatji koghuthiku katatughuru ne ghatetukire nogha pirukire omu ghamonine eshi mbuyama ghanarara kumaghuru ghendi! ⁹Ghepurire, Yowe dye? Ghahuthire eshi yame Ruthi, mupikoye ghombuyama. Ture mupikoye mumoko ghoye yoyishi yowe keho ghomukadiko dyange.¹⁰Boazi ne ghaghambire eshi; Mwanange ghombuyama Fumu Nyambi ngogha kufiyere. Ghuna ruwana thinu thoghunongo kupiterera pamutango, yoyishi mbadi ghuna kuthu hangaghu ghana yikare eshi muhepwe endi mutungi. ¹¹Pano mwanange ghombuyama, wayapa! Mbona ruwana yoyiheya eyi ghuna ghamba; yoyishi wahe hatungi homumbara dhange ne hana dimuka eshi owe ne ghombuyama mwene.¹²Mughushemwa, ame ne nomwapoye ene poghadi mwapoye popepi-pepi kupiterera me. ¹³Rare momuno ghuthiku ghu no pamathiku-thiku ngeshi gharuwane thiruwana thamukadiko ne ngo ghuwa ghatende kemo. Ene ngeshi mbadi shogha yiruwane, kukona niyiruwane kenge yikara eshi Fumu Nyambi ne shime muyumi. Rare kate mathiku-thiku.¹⁴Ruthi ne ghararire kumaghuru ghaBoazi kate mathiku-thiku. Ene ghapindukire makwathiku ghomurughura oku shime mbadi wakukona kunongonona thishwi thamunu yoyishi Boazi ne ghamutongwerire eshi ngo mbadi hayidimuke hanu eshi oyu mbuyama ne ghaneya kuthindanda. ¹⁵Ndani Boazi ne kokuninga eshi rete mwaye ghoye noteye. Opa ghatendire kemo, Boazi ne kokumeta makopi kwoko-fotji ghomavumbukire nogha tera mumwaye nogha mutengenekire. Boazi ne kokayenda mumbara.¹⁶Opa ghana kumine Ruthi kwangumwenyendi ne ghamwipure eshi; Ngepi edi ghuna karuwana mwanange ghombuyama? ¹⁷Ruthi ne ghapitiremo yoyihe eyi ghana kamuruwanena katughuru ya nogha twikere kughamba eshi agha mafendera kwoko-fotji gha ne ghodiyo ghana kanipa eshi mbadi naroghera kuhuka nyara-nyara kwangumwenyange. ¹⁸Naomi ne kokuninga Ruthi eshi, kare momu kate wakudimuke eshi ngepi yina kuyenda yoyishi katughuru ya ne mbadi shogha turumuthe kate ghakumithemo yinu yi dyarero.

¹Boazi ne ghayendire kudikorogho nogha kahungumanine. Kapupi kamanana mwapendi ne gheyire nogha muningire ghahungumane, katughuru yu ne naye ghahungumanine ndani ²Boazi ghethire hatutughuru hohakuru mumbara nogha waningire nagho hahungumane; nagho hahungumanine.³Boazi ne kokughamba kwamuyendhendi kughunyonga wendi eshi; Naomi oyu ngakahuka katunda kuMoabi ne kuna kughuritha dyango dyaElimelek ghomukurwange nakupwa. ⁴Naghayara kukuthonyena podiyo eshi ghudighure paghutho dhawakuru wange. Ngeshi ghuna himi kudiyovora, dishimbe ene ngeshi mbadi humi kudiwana ne, nitongwere podiyo eshi nidimuke eshi noyofotji temba kushwayitha ko we no noye nidi. Nakatughuru ne ghaghambire eshi nakudishimba.⁵Boazi ne kokughamba eshi; Mudiyuwa edi wakughura dipya di kushwagha munyara dhaNaomi ne wakona kushimba naRuthi mbuyama gho muMoabite, aye ne mudidhi, mukupindutha dina dyamukakupwa noghupingwa. ⁶Muyendhendi ne ghahuthire; Mbadi nakuyishimba kupira kwipitha ghupingwa wange. Shimbe keho ghupingwa wange ghukare ghoye, yoyishi mbadi shoni kone kuyiyovora.⁷Ethi ne thothitjo pathihuru huru muIsreali kuhatera ghupingwa nomatjindjithero ghoyiwana. Mukwipura kehe yino, munu ghana kuhurura makuha nokugha tapa kwamuka maparaghumbo ghendi no ethi ne thitjo mukuturithapo makuyuvero ghopa thina muragho. ⁸Yodiyo, muyendha Boazi ne ghaghambire eshi; yighure ghothinda nogha shuture makuha ghendi.⁹Boazi ne kokughamba kwawakuru nombunga dhawanu eshi; Amwe ne mwashupi pasha dyarero eshi naghuru yoyiheya eyi yakarire yaElimelek noyoyiheya yaKilion naMahlon kutunda munyara dhaNaomi. ¹⁰No karo Ruthi mbuyama gho muMoabite diyekango dyaMahlon, nakumushimba ghakare mbuyama wange, podiyo eshi nipinduthe dina dyamukakupwa noghupingwa nokaro eshi maghana dyakudhongono kerera mwawamina nodikorogho dyodyango dyendi. Dyarero ne mwashupi!¹¹Hanu waheya awa hakarire padikorogho nawa kuru, haghambire eshi; Yaghushemwa twashupi. Fumu Nyambi ngo tende mbuyama oyu ghaneya mundhugho dhoye ghakare yira Rachel naLeah, hawadi awa hatendire ndhugho dhaIsreali; ngo yikutomboke mu Ephrathah nokuyuka muBethlehem. ¹²Ndhugho dhoye ngodhi kare yira dhaPerezi, oyu Tamar ghatendiire kwaJudah kupitera mohekuru eshi Nyambi ghombo ghakupa noyu mbuyama ghana.¹³Boazi ne ghashimbire Ruthi noogha karire mbuyama wendi. Hakarire pofotji noNyambi ghawa fiyere mukuwana mwana ghokatughuru. ¹⁴Hambuyama haghambire kwaNaomi, Fumwa kwaFumu Nyambi, Oyu ghakarire noye mukupira mukadiko ene koyu mbutu ne dina dyendi ngodiyuke muEsreali ghomuhe. ¹⁵Ngogha kare muhangedheri ghomoyo nomatowaritho ghoghukurupe ghoye, yoyishi ngumwenyoye, oyu ghakuhaka ne gharikanya kupiterera hana hotutughuru kwoko-wadi, nga muwana.¹⁶Naomi ghashimbire mwanuke nogha muturire mudiva dyandi nokumu pakera thinga. ¹⁷Hambuyama haka maparaghumbo ne hamutire dina ghuninga eshi; Mwana ghokatughuru ngawana Naomi. Hamutire eshi Obed, oyu ghaka karire wiha Jesse ghowiha David.¹⁸Awa ne hana hoka waPerezi, Perezi ne wiha Hezron, ¹⁹Hezron ne wiha Ram, Ram ne wiha Amminadab. ²⁰Amminadab ne wiha Nahshon, Nahshon ne wiha ²¹Salmon oyu ghana karire wiha Boazi, Boazi ne wiha Obed, ²²Obed ne wiha ne wiha Jesse naJesse ne ghana karire wiha David.

¹Apa fumu David ghakuruparire myaka dhendi ne dhengipire; Hamufikire ene mbadi ghayenyine. ²Yodiyo, hapikendi ne haghambire kukwendi eshi; Tushanene fumu wetu mbuyama ghana oyu ghapira kukundama rumweya kwakatughuru noghemane paghutho wafumu nogha mupakere thinga; Gharare mudiva dyendi podiyo eshi fumu ne ghayenye."³Yodiyo, hashanine mbuyama ghana ghomuwa mumango ghomaheya gha Isreali, noha kawanine Abishag ghomu Shunamite noha kamuretire kwafumu. ⁴Mbuyama ghana yu ne muwa ndani ghana pakere thinga fumu muku muruwanena ene fumu ne mbadi ghamudimukire.⁵Ndani Adonijah, mwana ghokatughuru wa-Haggith ne ghakuyeyurire thinda ghughamba eshi; "Mbona kara nofumu, nogha kuroyithere matemba notukambe nawa dhini hatutughuru awa hakumine kumakumi kwoko hatjire paghutho dhendi." ⁶Wihe ne mbadi ghamupatere kehe ruvedhe eshi; "Pashanye ghuna ruwanena kemo?" Aye ne muwa nungu. Aye ne yodiye gharandire Abisalom.⁷Popo hayi kuyuvire na Joab ghomwana Zeruiah, na-Abiathar ghomu pristeri, awo ne hakuthire noha ghammwene Adonijah. ⁸Ene Zadok ghomu pristeri, Benaiah ghomwana Jehoiada, Nathan ghomupumbi, Shimei, Rei nawa tutughuru hongcamu awa hakarire kwaDavid ne mbadi hakwatithire dighano dya-Adonijah.⁹Adonijah ne ghaka yambire muyambo ghondjwi, ngombe, nomandana ghokununa kudiwe edi hatoya eshi Zoheleth, edi dyakara muthambo muya dha-En Rogel; noghethire hakurwendi noha minendi waheya hotutughuru, nawa tutughuru waheya homu Judah, hapika fumu. ¹⁰Ene mbadi ghethire Nathan ghomupumbi, Benaiah, hatutughuru hongcamu endi Salomon ghominendi.¹¹Yodiyo, Nathan ne ghaghambire kwaBethsheba ghonyina Salomon eshi; "Mbadi ghuna yiyuvu eshi Adonijah ghomwana Haggith ne ghana kutura thinda ghufumu ndi? naDavid ghofumu wetu ne mbadiko eyi ghana dimukako?" ¹²Wiye, nahimi kukupa maghano, podiyo eshi ghughamwene moyo ghoye nowa mwanoye Salomon.¹³Tambukerere kwafumu David nokaghambe kukwendi eshi; "Fumu wange, nane mbadi watapire medhero eshi, mwanoye Salomon ne yombo gharaghura munyima dhoye nombo ghana hungumana pathipura thoghufumu thoye ndi? Pashanye keho yina hokokera eshi Adonijah ne ghana kutura fumu thinda?" ¹⁴Ndani oku shime wahokwera kughambaghura nafumu ne n'anyi ningene nika kukwatithitheko kodho mbudhi."¹⁵Yodiyo Bathsheba ne ghayendire mungonda dhafumu, oku fumu keho ne ghakurupara thikuma na-Abishag ghomu Shunamite ne yodiye ghamu ruwanenanga. ¹⁶Bathsheba ne ghakuvamine kwafumu nogha neghedhire dikuto. Ndani fumu ne kokughamba eshi; "Yikumbera munye ghudi nayo?" ¹⁷Ndani Bathsheba ne kokughamba eshi; fumu, watapire medhero mwaFumu Nyambi kwamupikoye ghuninga eshi; "Salomon ghomwanoye ne yodiye mbogha raghura munyima dhange nombo ghana hungumana pathipura thange thoghufumu."¹⁸Mone, pano keho Adonijah ne fumu ghadi, hekudyange ghofumu ne mbadi ghuna yidimuka. ¹⁹Aye ne ghana tendi muyambo ghomahove, ngombe nondjwi muwingi wayo, nogha netha hana fumu waheya, Abiathar ghomu pristeri na-Joab mukuru wamashurundate; ene Salomon mupikoye ne mbadi ghana mwitha ko.²⁰Ene kukoye keho hekudyange ghofumu, meho gha Isreali ne papoye eshi ghuwa tongwere eshi dye nane ghakuhungumana pathipura thahekudyange ghofumu munyima dhendi. ²¹Ngeshi mbadi kemo, mboyina hokoka apa mboghupirapo eshi mbohana tumono name namwanange Salomon eshi, atwe ne twarwithithi."²²Oku shime ghaghambaghura nafumu, Nathan ghomupumbi ne ghengenine. Yodiyo, hatongwere fumu eshi; "Mupumbi Nathan ne yu." ²³Apa gheyire paghutho dhafumu, ghakuvamine paghutho dhafumu oku mutwi wendi ne mumuve.²⁴Nathan ne ghaghambire eshi; "Hekudyange, fumu, dyowa ghambire eshi Adonijah ne yombo gharaghura munyima dhange nombo ghana hungumana pathipura thange ndi?" ²⁵Aye ne ghana ghurumuka dyarero, no ghana tendi muyambo ghomahove, ngombe nondjwi muwingi wayo, no ghanetha hana hotutughuru wafumu waheya, namukuru wawa mashurundate na-Abiathar ghomu pristeri ene mone! Awo ne kuna kudya nokunwa paghutho dhendi; No awo ne kuna kughamba eshi pare rure Adonijah!'²⁶Ene mbadi ghana nitha ko namupikoye Zadok ghomu pristeri endi Benaiah ghomwana Jehoiada ngambi mupikoye Salomon. ²⁷Yinu yi ne kuna yiruwana hekudyange fumu ndi, endi mbadi watongwera mupikoye eshi dye ghakuhungumana pathipura thahekudyange fumu munyima dhendi ndi?"²⁸Ndani fumu David ghahuthire ghughamba eshi; "Munithere Bathsheba." Gheyire paghutho dhafumu noghemanine. ²⁹Fumu ne ghashimbire medhero nokughamba eshi; "Kenge ghapara Fumu Nyambi, yu ghani komonona kumaghukukutu ghange." ³⁰Thika dyodi natapire medhero kukoye mwaFumu Nyambi wa-Isreali, ghughamba eshi; "Yaghushemwa, Salomon ghomwanoye ne yombo ghakara fumu munyima dhange, aye ne mboghana hungumana pathipura thange mudyango dyange no nakuyitenda dyarero." ³¹Popo Bathsheba ne kokukuvama ghatape dikuto kwafumu, nogha ghambire eshi; "Ngo hekudyange fumu David ghapare roruheya!"³²Fumu David ne kokughamba eshi; "Munithere Zadok ghomu pristeri, Nathan ghomupumbi na-Benaiah ghomwana Jehoiada." Yodiyo, awo ne heyire paghutho dhafumu. ³³Aye ne ghaghambire karo kukwawo eshi; "Mupiture namupika hekudyenu Salomon nogha dhine pakakambe kange nomuyende nendi ku-Gihon." ³⁴Apa shomukakume kuya, Zadok ghomu pristeri na-Nathan ghomupumbi ne haka wethere Salomon ghakare fumu wa-Isreali nomu kashiye dipori ghughamba eshi; "Fumu kuroruheya ne Salomon!"³⁵Ndani ghomukeye nendi no aye ne ghono ghahungumane pathipura thange noghana kukara fumu mudyango dyange. Yoyishi ame ne namutorora ghakare fumu wa-Isreali na-Judah." ³⁶Benaiah ghomwana Jehoiada ne ghahuthire ghuninga eshi; "Yikare kemo!" Fumu Nyambi wafumu wange ngogha ghambe kemo. ³⁷Thika dyodi Nyambi ghana kara nafumu David, ngoyi kare kemo nokwa Salomon, nogha yukithe thipura tha Salomon kupiterera thawihe fumu David."³⁸Yodiyo Zadok ghomu pristeri, na-Nathan ghomupumbi, Benaiah ghomwana Jehoiada, ghomu Kerethite no-Pelethite haghurumukire na-Salomon ne ghadhinine pakakambe kafumu David noha mutwarire ku-Gihon. ³⁹Ndani Zadok ghomu pristeri ne ghashimbire dinyiha dyomaghadhi kutunda muthinyaku nogha wethire Salomon, noha shiyire dinyiha oku hanu ne pakughamba eshi; "Salomon ne fumu ghokukarererapo!" ⁴⁰Nohanu waheya ne hayendire munyima dhendi; Hanu ne hashikire yishika noha djabwanine noyishamberera, yodiyo kaye ne kanyunga nyungire kumughuma wawo.⁴¹Adonijah noha dhinguri awa ghakarire nawo waheya ne hayi yuvire apa hamanine kudya. No apa ghayuvire Joab mughuma ghodinyiha ne ghaningire eshi; "Pashanye ghuna kukarera kenge muyoyo muthitata?" ⁴²Oku shime ghaghamba, Jonathan ne gheyire, mwana ghokatughuru wa-Abiathar ghomu pristeri. Adonijah ne ghaghambire eshi; "Wingene owe ne ghokatughuru mwene norete mbudhi dhodhiwa."⁴³Jonathan ne ghahuthire ghuninga kwa-Adonijah eshi; "Mbadi kemo, hekudyetu fumu David ne ghana tungeka Salomon ghakare fumu." ⁴⁴Fumu ne ghana watumu na-Zadok ghomu pristeri, Nathan ghomupumbi, Benaiah ghomwana Jehoiada, ghomu Kerethite no-Perethite nohana mudhineka pakakambe kafumu. ⁴⁵Yodiyo, Zadok ghomu pristeri na-Nathan ghomupumbi ne hana kamuwethera ghakare fumu ku-Gihon; No hana yendi ghushamberera, yodiyo thina kukarera thitata mumuyoyo ghoghukuru. Oghu ne ghomuyoyo ghuna yuvu.⁴⁶Shime karo, Salomon ne ghana hungumana pathipura thoghufumu. ⁴⁷Mukuwedhererapo ne hapika fumu David ne hana piti haka fiyere fumu David ghuninga eshi; "Fumu Nyambi ne ngogha yukithe dina dya-Salomon kupiterera dyoye we David, karo thipura thendi ne ngo thiyuke kupiterera thoye, fumu ne ghana kuvama mutwi wendi paghudidi." ⁴⁸Shime karo, fumu ne ghana ghamba eshi; "Fiyaghudhi kwaFumu Nyambi wa-Isreali, oyu ghana tapa kwaghumweya ghahungumane pathipura thange dyarero, oku meho ghange ne kumona ghana kuyimona."⁴⁹Yodiyo, hadhinguri waheya awa hakarire na-Adonijah ne hayapire noha matukire nokehe yu ghayendire ndhira dhendi. ⁵⁰Adonijah ne ghayapire Salomon; Yodiyo, ghamatukire nogha kashimbire manyiha ghokuthinyaku. ⁵¹Salomon ne hamutongwere eshi; "Adonijah ne ghana yapa fumu Salomon; mone, ghana shimbi manyiha ghoku thinyaku ghuninga eshi; "Fumu Salomon ne ngogha tape medhero kukwange dyarero eshi mbadi shogha paghe mupikendi nothimende."⁵²Salomon ne ghaghambire eshi; "Ngeshi kukona ghaneghedhe ghuhungami wendi, nokofotji temba kahuki kendi shoka were pamuve; Ene ngeshi ghuyi tughuwane munwendi ne ghakona kufa." ⁵³Yodiyo, fumu Salomon ne ghatumine hanu haka murete kutunda kuthinyaku. Gheyire noghana kuvamine kupadhi ghafumu Salomon naSalomon ne gha mutongwere eshi; "Yende kundhugho dhoye."

¹Mayuwa ghaDavid ghoyifa yendi ne ghakokere pepi, no aye ne gharawere mwanendi Salomon ghuninga eshi; ²"Ame ne kuna kuyenda nife; tanare, nokuneye eshi owe ne ghokatughuru. ³Nopungure marawero ghaFumu ghoNyambi ghoye: Mukuyenda mumandhira ghendi, kupungura mayendithitho Ghendi, muragho Wendi, ndhango Dhendi nothishupo Thendi thika dyodi yapwa kutjanga mumuragho wa-Mosesi, podiyo eshi mboyi kutomboke kehe yi ghuna kutenda nokehe ku mboyenda. ⁴Podiyo eshi Fumu Nyambi ne ghakuyaritherere eyi ghaghambire kuhatera kukwange eshi; "Ngeshi hanoye hotutughuru hashwaghe kumandhira ghagho nohayende paghutho Dhange mughushemwa nomutjima dhagho dhodhiheya, nomudhimu ghoghuheya, Aye ne ghaghambire eshi, mbadi mbo papira katughuru ghokuhungumana pathipura thoghufumu wa-Isreali."⁵Kuwedhererapo ne wadimuka eyi ghatendire Joab ghomwana Zeruiah kukwange, no eyi ghatendire kohakuru wamashurundate hawadi wa-Isreali, kwa-Abner ghomwana Ner na-Amasa ghomwana Jether oyu ghapayire. Aye ne ghanotore thinyinga thomuyita muruvedhe rothiraro nogha turire thinyinga thomuyita pamuya oghu wakarire mumbunda dhendi nokumakuha ghendi. ⁶Yodiyo, tende kukutha kughunyanyami ghoye, nowa tawedhera eshi mvi dhendi dhakengene muthidi muthiraro.⁷Ene neghedhe ghunongo kohana hotutughuru wa-Barzillai ghomu Gileadite nowature mowa hana kudya kuthidyero thoye, awo ne heyire kukwange apa natjirire kwamukurwoye Absalom.⁸Ndani mone eshi ghudi na-Shimei mwana gho katughuru wa-Gera, awo ne haka Benjamite kutunda ku-Bahurim, oyu ghani kutire nothikuto thonyinya apa nayendire ku-Mahanaim. Ene ghakeyire nogha niwane ku-Jordan no natapire medhero mwa-Fumu Nyambi eshi; 'Mbadi shoni kupaye nothimende.' ⁹Yodiyo, mbadi ghumuthiye ghakare horo, owe ne ghomunyanyami; Ene rete huki dhomvi dhendi muthidi nothinyinga.¹⁰Yodiyo, David ne ghapwire noha muvumbekire muthitata tha David. ¹¹Ghure oghu gharaghure David mu-Isreali ne myaka makumi mane; Myaka kwoko-nodhiwadi ne gharaghure mu-Hebron ene mu-Jerusalem ne gharaghure myaka makumi mahatu nodhihatu. ¹²Salomon ne ghahungumanine pathipura thawihe David; Noghufumu wendi ne wapwire kuturithapo.¹³Adonijah ghomwana Haggith ne gheyire kwa-Bathsheba ghonyina Salomon, ene ghamwipurire eshi; "Muthiraro ghuneya ndi?" Aye ne ghahuthire eshi "muthiraro." ¹⁴Shime karo, ghaningire eshi; "Nidi nombudhi edhi nahimi kukutongwera," Ghamuhuthire eshi ghambe. ¹⁵Po ghaghambire eshi; "Wadimuka eshi ghufumu ne wange, noha Isreali waheya ne hatura mataterero ghawo papange, podiyo eshi niraghure. Ene ngambi kemo eshi ghufumu ne hana ghupirura noghuna kara waminange, yoyishi awo ne wakara wendi kutunda kwaFumu Nyambi."¹⁶Pano ne nidi nothikumbera thofotji kukoye; mbadi ghuni nyathe." Mbuyama yu ne kokuminga eshi; "Yighambe." ¹⁷Ghaghambire eshi; "Nakumbera ghambe kwafumu Salomon, yoyishi mbadi shogha kashwene yoye, eshi ngogha nipe Abishag ghomu Shunammite ghakare mbuyama wange." ¹⁸Bathsheba ne kokughamba eshi; 'Thiwana, naka kughamberapo kwafumu.'¹⁹Bathsheba ne ghayendire kwafumu Salomon ghaka ghamberepo Adonijah. Fumu ne ghamatukire ghakuwane nambuyama yu nogha nyongekire thingo kukwendi kokuhungumana pathipura thendi nopakara thipura thoghufumu thokuhungumana nyina fumu; Yodiyo ghahungumanine kurudyo rwafumu. ²⁰Ndani ghaghambire eshi; "Naghayara thikumbera thofotji kukoye; mbadi ghuni shwenene." Nafumu ne ghaghambire eshi ghambe nawe, nombadi shoni shwene." ²¹Podiyo ghaghambire eshi; "Ninge Abishag ghomu Shunammite ghakare mbuyama wa Adonijah ghomukurwoye."²²Fumu Salomon ne ghahuthire ghuninga kwanyina eshi; "Pashanye ghuna kushanena Abishag ghomu Shunammite ghamuyeke Adonijah?"Mukumbere ghufumu wendi karo no aye ne mukurwange, na Abiathar ghomu pristeri na-Joab ghomwana Zeruiah. ²³Ndani fumu Salomon ne ghatapire medhero mwaFumu Nyambi ghuninga eshi; "Nyambi ngogha yitende kemo kukwange, no shime karo, ngeshi Adonijah ne mbadi ghana ghambera yinu yi mukurwithitha moyo wendi!"²⁴Pano keho, kenge yikara eshi Nyambi ne muyumi, Oyu ghani tawedhera nokunitura pathipura tha David ghotate, no oyu ghatenda ndhuwo dhange thika dyodi yapwa kukuruperitha, Adonijah ne ghapwe kupagha dyarero! ²⁵Salomon ne ghatumine Benaiah ghomwana Jehoiada nogha kapayire Adonijah.²⁶Ndani kwa-Abiathar ghomu pristeri ne ghaghambire fumu eshi: "Yende ku-Anathoth kudipya dyoye. Yoyishi nowe ghuna royera kufa ene mbadi shoni kupaye ruvedhe runo. Pamurandu eshi washimbire dimbangu dyomuragho waFumu Nyambi paghutho watate David nopamurandu eshi nowe natate ne mwanyandire." ²⁷Yodiyo, Salomon ne ghashwayithire Abiathar mughu pristeri waFumu Nyambi, podiyo eshi ghakumithemo yighamba yaNyambi eyi ghaghambire kuhatera ndhuwo dha-Eli ku-Shiloh.²⁸Mbudhi ne dhana kumine kwa-Joab, yoyishi Joab ne ghakwatithire ko Adonijah, ngambi kemo eshi mbadi ghakwatithireko Absalom. Joab ne ghatjirere kuthinyaku thaNyambi nogha kakwaterere kumanyiha ghokuthinyaku. ²⁹Fumu Salomon ne hamutongwere eshi; "Joab ne ghana tjirera kuthinyaku thaNyambi; nokodiyo ghadi kenge, kutishi ghokughutho." Salomon ne ghatumine Benaiah ghomwana Jehoiada eshi, "Yende kamupaye."³⁰Yodiyo, Benaiah ne ghayendire kuthinyaku thaNyambi, nogha ghambire kukwendi eshi; "Fumu ne ghana ghamba eshi shwaye!" Ene Joab ne ghaghambire eshi, 'Mbadi kemo, ene nakufera kokuno.' Benaiah ne ghakaretire mbudhi kwafumu ghuninga eshi; "Joab ne ghafere kutishi ghokughutho." ³¹Ndani fumu ne kokumuhuthera eshi; "Katende thika dyodi ghana ghamba, kamupaye nokamuvumbeke, podiyo eshi nishwaye thinyinga nodidhiko dyatate thohanu awa ghapayire hokupira murandu."³²Yodiyo, Fumu Nyambi ne ghana kumuhuthera thinyinga pamutwi wendi, pamurandu eshi ghapayire hatutughuru hawadi hoha hungami kupiterera ye, nogha wapayire nothimende. Awo ne ha Abner mukuru wamashurundate wa-Isreali na-Amasa ghomwana Jether mukuru wamashurundate wa-Judah, ngambi kemo eshi tate ne mbadi ghayidimukire. ³³Thinyinga thawo ne thihuke pamutwi wa-Joab nomitwi dhohana hoka wa-Joab kuroruheya. Ene pa-David nohana hoka wendi, didhiko dyendi nothipura thendi thoghufumu, ngo pakare thiraro kuroruheya kutunda kwaNyambi."³⁴Yodiyo, Benaiah ghomwana Jehoiada ne ghayendire nogha kapayire Joab nogha kamuvumbekire mundhuwo dhendi dho mumamboreya. ³⁵Ndani fumu ne ghaturire Benaiah ghomwana Jehoiada muthipura tha-Joab eshi mukuru wamashurundate, shime karo ghaturire Zadok ghomu presteri mudyango dya-Abiathar.³⁶Fumu ne ghatumene Shimei hakamwithe, noghana ghambire kukwendi eshi; "Tende ndhuwo dhoye mu-Jerusalem notunge mo ene mbadi wakona kushwaghamo eshi ghuyende kehe kuno. ³⁷Mudiyuwa edi mboshwaghamo, nokakuma mumuronga wa-Brook Kidron, yidimuke eshi ghuna fu; Manyinga ghoye ne mboghana kara pamutwi ghoye." ³⁸Shimei ne kokughamba kwafumu eshi; "Yighamba ne yiwa, thika dyodi ghana ghamba hekudyange fumu, dyosho gharuwane mupikoye." Yodiyo, Shimei ne ghatungire mu-Jerusalem mayuwa ghomengi.³⁹Eyi ne yahokokire munyima dhomyaka dhihatu, hapika wa-Shimei ne ghatjirere ku-Achish ghomwana Maachah, fumu wa-Gath. Noha mutongwere Shimei eshi; "Mone, hapika ghoye ne mu-Gath hakadi!" ⁴⁰Yodiyo, Shimei ne ghakwatire thidongi thendi nogha yendire ku-Achish ku-Gath ghakashane hapika wendi. Ghayendire nogha kashimbire hapika wendi kutunda ku-Gath.⁴¹Apa hamutongwere Salomon eshi, Shimei ne ghana shwagha mu-Jerusalem noghana yendi ku-Gath ene ghana kahuka. ⁴²Fumu ne ghatumene Shimei haka ghumwithere noghana ghambire kukwendi eshi; "Mbadi nakuningire ghutape medhero kwaFumu Nyambi ghuninga eshi, mudiyuwa edi mboshwagha mu-Jerusalem, ghuyende kehe kuno, dyodiyuwa mbofa ndi? Nowa ghambire eshi yighamba yange ne yiwa."⁴³Pashanye keho ne ghuna pirera kupungura medhero ghoye agha watapire kwaNyambi nomarawero agha nakupire?" ⁴⁴Fumu ne ghawedherere kughamba kwa-Shimei eshi; "Ghuna yidimuka nomutjima ghoye, ghuyi ghoghuheya oghu watendire kwatate David; Kate popano Fumu Nyambi ne kuna kukuhuthera ghuyi ghoye pamutwi ghoye."⁴⁵Ene fumu Salomon ne mboghana pu kufiyera, nothipura tha-David ne mbohana thitendera paghutho waFumu Nyambi kuroruheya." ⁴⁶Fumu ne gharawere Benaiah ghomwana Jehoiada, nogha yendire ghaka mupaye, ghogha fire. Ghufumu ne wapwire kutenda munyara dha-Salomon.

¹Salomon ne ghatendire makuyuvero na-Pharaoh fumu wa-Egyptena nogha yekire mwana Pharaoh nogha kamuretire muthitata tha David, kate apa ghamanine kutenda ndhuwo dhendi nondhuwo dhaNyambi noditete kudhingumwetwedha Jerusalem. ²Hanu ne ngaha tenderanga muyambo kudyango dyokuyeyuka, pamurandu eshi mbadiko ndhuwo edhi hatendere mudina dyaFumu Nyambi kate mogho mayuwa. ³Salomon ne ghahakire Fumu Nyambi, nokuyenda mumayendithitho ghawihe David, kushwayitha ko vene eshi aye ne ghatendire muyambo nokutumekera hapo pamango ghokuyeyuka.⁴Fumu ne ghayendire ku-Gibeon ghaka tupure muyambo koko, yoyishi kwakarire dyango dyodire; Salomon ne ghaka tendire muyambo diyovi dhokutumekera pathinyaku thiya. Ku Gibeon, ⁵Fumu Nyambi ne ghahokokire kwa Salomon muyirota mughuthiku; Nyambi ne ghaghambire eshi, "kumbere, yinu munye shoni kupe?"⁶Salomon ne ghaghambire eshi: "Waneghedha n'eke dhishokuru kwamupikoye David ghotate, pamurandu eshi ghayendire paghutho Ghoye mughushemwa, mughuhungami, noghukushuki gho mumutjima Noye; Owe ne watwikera ghunongo ghu nendi, nowa mupa mwana ghokatughuru ghahungumane pathipura dyarero."⁷Pano keho Fumu Nyambi, Watura mupikoye ghakare fumu mudyango dya-David ghotate ene ame ne nomwanuke ghomumbiru; Mbadi nadimuka eshi ngepi shoni shwaye nokwingena. ⁸Namupikoye mukatji kohanu ghadi awa watorora, hanu hongcamu, nohengi thikumenena mukuwa tara. ⁹Yodiyo, tape kwamupikoye mutjima ghomatjwathaneno mukughatura hanu woye, podiyo eshi nitjakithe ghuhunga noghuyi. Yidye ghokukona kughatura awa hanu woye?¹⁰Yighamba yi ne yashambererithire Fumu Nyambi yoyishi, Salomon ne ghakumbere yinu yi. ¹¹Nyambi ne ghaghambire kukwendi eshi; "Pamurandu ghuna kumbera yinu yi, nombadi ghuna kumbera moyo ghokuhenga pakaye, endi moyo wawa nyathi woye ene ghuna kumbera mutjima ghokutjwathana ghuhungami. ¹²Mone, naruwana kukutha kuyighamba yoye; Nakukupa ghunyanyami nomutjima ghomatjwathaneno, podiyo eshi mbadiko oyu ghakarire yira yowe endi mbadiko oyu mbogha kara yira yowe."¹³No nakupa karo yinu yimweya eyi ghuna dhiri kukumbera; Ghushwi nodikuto, podiyo eshi mbokare eshi noghofotji temba yira we mwawa mafumu mumayuwa ghoye. ¹⁴Yodiyo, ngeshi ghuyende mundhira Ghange, kukutha mayendithitho Ghange nomuragho Wange, thika dyodi ghayendire wiho David ne mbona repitha mayuwa ghoye.¹⁵Ndani Salomon ne ghapindukire; no yaghushemwa eshi yirota vene. Gheyire ku-Jerusalem nogha nemanine kudimbangu dyomuragho ghomakuyuvero na-Fumu Nyambi, ghatendire muyambo ghokutumekera, ghatupure muyambo ghothiraro nogha tendire thirika thokukushamberera nawa pikendi.¹⁶Hambuyama hawadi horungu ne heyire kwafumu noha nemane paghutho wendi. ¹⁷Mbuyama ghumweya ne ghaghambire eshi; "Hekudyange, name noyu mbuyama ne twatunga mundhuwo dhofotji, nawanine mbutu oku naye moghadi mundhuwo.¹⁸Ndani yahokokire mudiyuwa dyoghuhatu, munyima dhokuwana me mbutu, oyu mbuyama naye ne ghawanine mbutu. Atwe ne mundhuwo dhofotji; Karo noyofotji temba oyu ghakarire netu modho ndhuwo ene twawadi vene. ¹⁹Mwana ghoyu mbuyama ne ghafire ghuthiku, pamurandu eshi ghamudimbamine. ²⁰Yodiyo, aye ne ghapindukire pakatji koghuthiku nogha shimbire mwanange kumushwayitha kumbadi dhange, oku mupikoye ne ghana pothomokera muturo nokamutura mudiva dyendi, kokuni turera mwanendi ghokufa mudiva dyange.²¹Apa napinduka eshi niyamweka mwanange ghomungawu, kumu kenga ne ghokufa. Ene apa namukengurura thiwana mathiku-thiku, yaghushemwa aye ne mbadi mwanange oyu nashamurukire." ²²Ndani mbuyama ghumweya ne ghaghambire eshi; "Mbadi kemo!, ene ghomuyumi ne mwanange ene ghokufa ne mwanoye." Mbuyama ghokutanga ne ghaghambire eshi; "Mbadi kemo, ghokufa ne mwanoye ene ghomuyumi ne mwanange." Kemo haghambire paghutho wafumu.²³Fumu ne ghaghambire eshi; "Ghofotji oyu ghana kughamba eshi, ghomuyumi ne mwanange ene ghokufa ne mwanoye; no ghumweya ne kuna kughamba eshi,, mbadi kemo! Mwanoye ghomungawu ne ghokufa no oyu ghomuyumi ne mwanange." ²⁴Fumu ne kokughamba eshi; "Muni retere thimende." Yodiyo, haretire thimende kwafumu. ²⁵Fumu ne kokughamba eshi; "Yakunuthe mwanuke yu muyipindhi yiwadi, notape dihenda koyu mbuyama nodihenda dimweya ne tape koyu ghumweya."²⁶Mbuyama oyu ghakarire eshi mwanendi ne ghomuyumi ne ghaghambire kwafumu, yoyishi ghayarire non'eke kwamwanendi; nogha ghambire eshi; "Hekudyange, mupe ngenyu mbutu yu mbadi pofotji nokumu pagha!" Ene ghumweya ne ghaghambire eshi; "Yikare vene eshi mbadi wange endi ghoye, ene kumuyakunutha vene." ²⁷Fumu ne ghahuthire ghuninga eshi; "Tape mwanuke yu kwambuyama ghokutanga nombadiko eyi shomu payere; Oyu ne yonyina." ²⁸Na Isreali yomuheya ne ghayuvire yighatura eyi ghana ruwana fumu; No hatutukwire fumu Salomon, yoyishi hamonine eshi ghunyanyami waNyambi ne mumwendi ghudi mukutenda ghuhungami.

¹Yodiyo, fumu Salomon ne ghakarire fumu wa-Isreali ghomuheya. ²Awa ne hapiterithi awa gharuwanine nawo; Azariah ghomwana Zadok ghomu pristeri. ³Elihoreph na-Ahijah ghomwana Shisha ghomuka marukwaro; Jehoshaphat ghomwana Ahilud ghoka mutjangi. ⁴Benaiah ghomwana Jehoiada, mukuru wamashurundate; Zadok na-Abiathar ghomu pristeri;⁵Azariah ghomwana Nathan ne mupiterithi wawayendithi waheya; Zabud ghomwana Nathan ghomu pristeri nomuyendha fumu: ⁶Ahishar ne mukuru mundhuwo dhafumu na-Adoniram ghomwan Abda ne mupiterithi wawa ruwani hoyonyara.⁷Na-Salomon ne ghakarire noha nguvuru dikumi nohawadi mu-Isreali yomuheya, awa hakarire nothinga thokuyidya ya-fumu nodidhiko dyendi; Kehe yu ghakarire nokaghonda kofotji mumwaka kokughongawedha yidya yafumu. ⁸Agha ne mena ghawo: ⁹Ben-Deker, mu Makaz, Shaalbim, Beth Shemesh, Elon Beth Haman; ¹⁰Ben Hesed, mu Arubboth; Aye ne yothinda sha Sochoh nodyango dya-Hepher;¹¹Ben Abinadab, mumikunda dhodhiheya dha-Dor; Aye ne ghayekire mbuyama Taphath ghomwana Salomon; ¹²Baana ghomwana Ahilud, mu Taanach, Megddo na-Beth Shean, kumbadi dha-Zaretan kapiterera Jezreel, kutunda ku-Beth Shean kutamba ku-Abel Meholah, kokuyenda kate mutara wa-Jokneam; ¹³Ben Geber, mu Ramoth Gilead; Aye ne yothinda shamukunda dhokuyeyuka dho mu-Jair ghomwana Manasseh, mu Gilead; kukwendi karo ne yothinda shamukunda wa-Argob mu Bashan, yitata yishokuru kwoko fotji nomatete nomakorogho ghoyikuvo; ¹⁴Ahinadab ghomwana Iddo, mu Mahanaim;¹⁵Ahimaaz, mu Naphtali; Naye ghayekire mbuyama Basemath ghomwana Salomon; ¹⁶Baanah ghomwana Hushai, mu Asher na-Aloth; ¹⁷Jehoshaphat ghomwana Paruah mu Issachar;¹⁸Shimei ghomwana Elah, mu Benjamin; ¹⁹Geber ghomwana Uri, mu dyango dya Gilead, muditunga dyawa Sihon fumu wawa Amorites na-Og fumu wa-Bashan. Aye nguvuru pithendi ti ghakarire mudyango di.²⁰Judah na-Isreali ne havurire muthivarero thawo yira muve ghomu dikuruviya. Awo ne hadire, hanwine noha shambererire. ²¹Salomon ne gharoghure kokuheya kutunderera kurware kate kudyango dyawa Philistines, kate kakuma kumururwani wa-Egyptena. Awo ne hatapire ndupu noku karera Salomon mayuwa ghomaheya ghoyipara yendi. ²²Yiyeramo ya Salomon mudiyuwa dyofotji ne makumi mahatu pathikara ghomushungwa ghokukangitha ghuroto, makumi kwoko-fotji pathikara ghomushungwa, ²³mahove dikumi ghokununa, makumi mawadi ghongombe dhokushwagha mumadyero, ndjwi dithere, noyiyama yimweya ndani noyinyunyi.²⁴Aye ne ghakarire noghu raghuri kumukunda ghoghuheya ghokumbombwa dhorware, kutunderera ku-Tiphsah kate ku-Gaza, nawa mafumu waheya hoku rware; Nogha karire muthiraro mutara dhodhiheya dhendi. ²⁵Waheya haka Judah na-Isreali ne hatungire muthiraro, kehe katughuru mudipya dyendi nomuthitondo thendi thoghukuyu, kutunderera ku-Dan kate Beersheba, mayuwa ghomaheya gha-Salomon.²⁶Salomon ne ghakarire nomahambo mayovi makumi mane ghotukambe tomatemba ghendi, hadhini mbi mayovi dikumi nomayovi mawadi. ²⁷Hanguvuru wa, kehe yu mukaghonda kendi ne haretangire yidya kwafumu nayomuheya oyu ghadire kutishi wafumu, mbadi hapirire thokudya. ²⁸Awo ne haretire yokudya noyo kuruwanitha, kudyango dyokuroyerera, yotukambe noyo yimuna yimweya kehe yu kukutha yoyi ghana kono.²⁹Nyambi ne ghatapire ghunyanyami nomatjwathaneno ghomakuru, noghukuru ghomutjima yira muheke ghokumbombwa dhodikuruviya. ³⁰Ghunyanyami wa-Salomon ne wapitererire hanu waheya hokudiva nohanyanyami waheya hoku Egyptena. ³¹Ghakarire munyanyami kupiterera waheya, ha-Ethan, ghomu Ezrahite, Heman, Chalcol, na-Darda, ghomwana Mahol; Dikuto dyendi ne dyakumine kumishovo dhodhiheya edhi dhawa dhingumwetwedhire.³²Ghaghambire matadhi mayovi mahatu, nomembo ghendi ne ghakumine kudiyovi dyofotji nomembo makwoko. ³³Ghathothononine yimenwa, yokutunda kuyitondo yo-Cedar yoku Lebanon, ngambi kuyitondo yimweya eyi haruwanithire kughuwanga eyi yamena kuditete; shime ghapathururire yiyama, yinyunyi, yokukokawa nothi. ³⁴No hanu homushovo dhokukutjaka-tjaka, kwawaheya hama fumu awa hayuvire ghunyanyami wendi, heyire noha yuve ghunyanyami wa-Salomon.

¹Fumu Hiram ghoku Tyre ne ghatumine hapikendi kwa Solomon, pamurandu eshi hayuvire eshi hamuwethera ghakare fumu mudyango dyawihe, Hiram ne roruheya ghahakire David. ²Solomon ne ghana tumine mbudhi kwa-Hiram ghuninga eshi; ³"Wadimuka tate David eshi mbadi ghakonine kutenda ndhuwo dhodina dya-Nyambi, pamurandu ghoyita eyi hamurwithire mutara dhodhiheya, kate Fumu Nyambi ghaturire hanyathi wendi kumapadhi ghendi."⁴Ene pano Fumu Nyambi ne ghani pa maturumuthero kumutara dhodhiheya; Mbadiko munyathi nomaghukukutu. ⁵Mone, naghayara kutenda ndhuwo dhodina dya-Fumu ghoNyambi wange, thika dyodi Nyambi ghaghambire kwatate David ghuninga eshi; "Mwanoye oyu nakutura muthipura thoye ne mboghana tendi ngirishe mudina dyange."⁶Yodiyo, nakuraghura hani tetere yitondo ku-Lebanon; hapikange ne mbohana kara noha pikoye nombona ruwera hapikoye kukutha kehe yi mboghamba. Wadimuka eshi mbadimo mukatji ketu oyu ghakara noghudimuki ghokutete yitondo yira haka Sidoni.⁷Yahokokire apa Hiram ghayuvire yighamba ya-Salomon, ghashambererire thikuma ghuninga eshi; "Fiyaghudhi kwaNyambi mudiyuwa di, Ghatapa kwa-David mwana ghokatughuru ghomunyanyami gharaghure mbunga dhongcamu dhawanu!" ⁸Hiram ne ghatumine mbudhi kwa-Salomon ghuninga eshi; "Nathotera kumbudhi edhi wani tumene nombona tendi thika dyodi ghuna rumbera kuhatera yitondo yoyiwa kutenditha mandhuwo."⁹Hapikange ne mbohana waghurumuna kutunderera ku-Lebanon kate kudikuruviya; Mbona wakambararitha muwato padikuruviya kutamba kudyango edi mboni neghedha. Mbohana kakuyakunukera kokuya; nokukona ghuka washimbe no mboghuna tendi yirumbera yange pakutapa yidya kudidhiko dyange."¹⁰Ndani Hiram ne ghatapire yitondo yokutenditha mandhuwo kwa-Salomon kukutha dyodi gharumbere. ¹¹Salomon ne ghatapire kwa-Hiram mayovi makumi mawadi ghomushungwa notundimbe mayovi makumi mawadi ghomaghadhi. Salomon ne ghatapangire yi kehe mwaka. ¹²Nyambi ne ghatapire ghunyanyami kwa-Salomon, thika dyodi ghamukuruperithire; Pakarire thiraro pakatji ka-Hiram na-Salomon nomughuwadi wawo ne haturithirepo makuyuvero.¹³Fumu Salomon ne ghatendire mbunga dhawa ruwani kutunda mu-Isreali; Awo ne hakumine kumayovi makumi mahatu ghawa tutughuru. ¹⁴Nogha watumine ku-Lebanon mayovi dikumi mukaghonda ene mumarufo: Awo ne hakarire eshi kaghonda kofotji ne kakara mu-Lebanon ndani tughonda tuwadi ne kuhuka tango kumaghumbo; Mupiterithi payiruwana yi ne Adoniram.¹⁵Salomon ne ghakarire noha tutughuru makumi kwoko-nomawadi ghawa ruwani ndani mayovi makumi kwoko-nomahatu ghawa kakuteta mawe mumarundu; ¹⁶Shime karo, Salomon ne ghakarire nohatutughuru mayovi mahatu nomathere mahatu ghawa kareripo ghomayami gha-Salomon, owa hapiterithire haruwani.¹⁷Fumu ne gharawere hathime mawe ghomakuru, mawe ghondhiro, mukutura kumatatikitho ghongirishe. ¹⁸Yodiyo, hatendi mandhuwo wa-Salomon, wa-Haram no haka Gebalites hagha thimine noha royithire yitondo nomawe mukutenda ngirishe.

¹Yahokokire mumwaka ghomathere mane nomyaka makumi kwoko-nodhihatu, munyima dhopa haka shwayire ku-Egyptena, mumwaka ghoghune ghoghuraghuri wa-Salomon mu-Isreali, mukaghonda ka-Ziv, kaghonda koghuwadi, ghatamekire kutenda ndhuwo dhaFumu Nyambi. ²Ghure ghongirishe dhaNyambi edhi ghatendire Salomon ne mameteri makumi kwoko-fotji, ghuyaghuyu ne mameteri makumi mawadi, muna ghure ghokutwara muwiru ne mameteri makumi mahatu.³Ngonda dhokughutho dhongirishe ne mameteri makumi mawadi muna ghure, kukurikanyana noghuyaghuyu wadho, ene ghuyaghuyu ghongonda dhokughutho ne hawedherere ko mametera dikumi kutunderera kughutho ghondhuwo. ⁴No hatendire makende kundhuwo dhi ghomashonga.⁵Kudikuma dyongirishe ne hatenderere ko mangonda kudhingumwetwedha ngirishe dhodhiheya, mangonda panunda nomwishi. ghatendire mangonda kudhingumwetwedha mutara dhodhiheya. ⁶Ngonda dhopamuveve ne mameteri kwoko mughuyaghuyu, ngonda dhopakatji ne mameteri kwoko-fotji nongonda dhoghuhatu ne mameteri kwoko-nomawadi mughuyaghuyu; Ghatendire maghundhi kudhingumwetwedha nunda dhodhiheya dhongirishe, podiyo eshi mitambo dhokutanaritha ndhuwo ne mbadi dhikare padikuma dyongirishe.⁷Ngirishe ne kwadhi tendithire kumawe agha hathimine, yodiyo eshi mbadiko hamara, kamo nokehe thiruwanitha thothikuvo ethi thayuvekire mungirishe apa hadhitendire. ⁸Kumengeneno ghongonda dhopakatji ne kumutara ghorudyo ghongirishe. Mengeneno gha ne ghadhinine kungonda dhokuwiru, kutunderera pakatji kokutamba kungonda dhoghuhatu.⁹Ghatendire ngirishe nogha dhi manithire, ghafikire ngirishe dhi nomitambo noyipurangi yoyitondo. ¹⁰Ghatendire mangonda ghokumbadi dhongirishe dhodhiheya, kehe mutara mameteri kwoko kutwara muwiru; Hagha gumekere kungirishe nomitambo dhoyitondo.¹¹Ndani n'ando dha-Nyambi ne dheyire kwa-Salomon, ghuninga eshi; ¹²"Kuhatera kodhi ngirishe ghuna kutenda, ngeshi ghuyende mumayendithitho Ghange, kutenda marawero ghange, kukumithamo muragho wange nokuyenda mumwawo, Ame ne mbona tendi n'ando Ghange noye agha naghambire nawiho David. ¹³No mbona tungu mohana hoka wa-Isreali, nombadi mboni nyatha hanu wange haka Isreali."¹⁴Salomon ne ghatendire ngirishe nogha dhimanithire. ¹⁵Ndani ghatendire dikuma dyomwishi noyitondo; Kutundarera pamuve kate kuwiru mwishi dhondhuwo ne ghayandheriremo noyipurangi; Ene pamuve ne ghayarirepo noyipurangi yothitondo thimweya.¹⁶Aye ne ghatendire ngonda dhomameteri makumi mawadi kumbadi dhongirishe, kutunderera pamuve kate kuwiru noyipurangi yo-Cedar; Ghatendire ngonda dhi dhikare mwishi eshi thinyaku thomwishi, ngonga dhoKupongoka Thikuma. ¹⁷Kughutho ghongonda dhi ne thinyaku thongirishe ne thakumine kumameteri makumi mane muna ghure. ¹⁸Mwishi dhongirishe kwaruwanithire yitondo yo-Cedar, eyi hayuwa nofumwa noyira mitemo. Yoyiheya ne yokutunda ku-Cedar; mbadiko diwe dyokukona kumona.¹⁹Aye ne gharoyithire thinyaku thomwishi dhongirishe, ghaturemo dimbangu dyomuragho ghomakuyuvero naFumu Nyambi. ²⁰Ngonda dhi ne dhakarire mameteri makumi mawadi muna ghure, nomameteri makumi mawadi kutwara muwiru. Ghawethire kumbadi dhongirishe nongorondo ene thinyaku thotishi ghokughutho ne gharuwanithire yitondo yo-Cedar.²¹Yodiyo, Salomon ne ghaturire mwishi dhongirishe ngorondo momuheya. Ghaturire menge ghongorondo kumengeneno ghongonda dhofumwa nogha ghaturire kokuheya ngorondo. ²²Ngirishe dhodhiheya ne ghadhiwethire nongorondo, kate ghamanine ngirishe dhodhiheya; Ghawethire tishi ghokughutho {thinyaku} oyu ghakarire mungonda dhomwishi.²³Mwishi dhongonda dhokupongoka ghayuweremo ha-Engeli hawadi kutunda kuyitondo yo-Oliva, yitjwandjo yo ha-engeli wa ne yakumine kumameteri dikumi kutwara muwiru. ²⁴Dyando dyofotji dyawa engeli ne mameteri kwoko: Mameteri dikumi kutunda kumatangero ghodyando dimweya kate kumatangero ghodyando dyokurandako. ²⁵Mu engeli ghumweya ne mameteri dikumi; Ha engeli awa hayuwire ne waheya mameteri ghofotji mughukuru nomughuyaghuyu. ²⁶Ghure wa mu-engeli ghofotji ne mameteri dikumi na mu engeli ghumweya naye kemo.²⁷Ndani ghogha turire ha engeli wa mungonda dhopakatji; Haghonyononine mando ghowa ha engeli, podiyo eshi mando ghowa ha-engeli ne ghakumine kudikuma dyongirishe. Shime karo mando ghawo ne ghakukundamine pakatji kongonda dhi. ²⁸Nogha wethire ha engeli wa nongorondo.²⁹Ndani ghayuwire yitjwandjo yokupitura ha-engeli nokuyitura kudhingumwetwedha ngirishe dhodhiheya, panunda nomwishi dhothinyaku, noyitondo yomakindhu nomitemo. ³⁰Pamuve ghongirishe ne ghayarirepo nongorondo, momuheya panunda endi mangonda ghomwishi.³¹Kumengeneno ghongonda dhomu thinyaku thomwishi ne ghaturire ko mathero ghoyipurangi yo-Oliva; Maghundhi nomakwatero ghodikungu ne kwakarire mitara dhikwoko dhodikuma. ³²Mathero mawadi ne ghakarire ghoyipurangi yoyitondo yo-Oliva; Pamakungu gha ne ghayuwerepo yiperende yo ha-engeli, yitondo yomakindhu nomutemo, noghayi turire thirombo thongorondo; ghaturire ngorondo pathiperende thawa engeli nopa thiperende thothitondo thomakindhu.³³Kumengeneno ghokuthinyaku ne ghatendire mathero ghoyipurangi yokuyitondo yo-Oliva, mitara dhine padikuma. ³⁴Mathero mawadi ne ghoyipurangi yoyitondo yo-Cypresi; Mathero mawadi ghoyipurangi yoyitondo yo-Cedar; Kehe dikungu ne dyakara nomutara dhiwadi dhokukona kupeteka nodimweya dadyo karo kemo. ³⁵Pamathero gha ne ghayuwerepo yiperende yo ha engeli, yitondo yomakindhu nomutemo, ghaturirepo thirombo thongorondo popaheya.³⁶Ghatendire mungonda dhomwishi miyira dhihatu dhomawe ghokuteta nomitambo dhoyitondo yo-Cedar.³⁷Mumwaka ghoghune matatekero ghondhuwo dha-Nyambi ne ghapwire kutenda, mukaghonda ka-Ziv. ³⁸Mumwaka ghodikumi noghofotji, mukaghonda ka-Bul, kaghonda koghukwoko noghuhatu, ngirishe ne dhapwire dhodhiheya nokukutha edi hadhi ghayarere. Ghashimbire myaka kwoko nodhiwadi mukudhitenda.

¹Ene Salomon ne ghashimbire myaka dikumi nodhihatu mukutenda ndhuwo dhendi; Ghamanine ndhuwo dhendi dhodhiheya. ²Shime karo ghatendire ndhuwo dhomu mamboreya gha-Lebanon; muna ghure wadho ne mameteri dithere, muna ghuyaghuyu ne mameteri makumi kwoko noghure ghokwimeka ne mameteri makumi mahatu, nomitara dhine dhomaghundhi ghoyitondo yo-Cedar, shime karo haturire mitambo dho-Cedar pamaghundhi.³Ndhuwo ne kwadhitendire noyitondo yo-Cedar eyi yarara pamitambo edhi haturire pamameteri makumi mane nokwoko, panaro dhodikumi nokwoko. ⁴Pakarire makende mumitara dhihatu nomakende gha ne ghakupirukere. ⁵Mathero nomakwatero ghomathero ne hagha tendire mumashonga mane; Makende ne ghakupirukera mumitara dhihatu.⁶Ghatendire karo ngonda dhodhikuru nomaghundhi; muna ghure wadho ne mameteri makumi kwoko, muna ghuyaghuyu ne mameteri makumi mahatu; kughutho ne ghatenire kodyango dimweya nomaghundhi noshongwa wiru wapo.⁷Ndani ghatendire ndhuwo dhothipura thoghufumu, ndhuwo dhokuthekera no omu ngaghatweranga, dhapwire kughumba noyitondo yo-Cedar kutunda kumuve kate kushongwa wiru.⁸Nondhuwo omu ghatungire ne dhakarire nongonda dhimweya mwishi dhongonda dhishokuru, edhi hatenda murupe rokukupitura. Salomon ne ghakatendire ndhuwo yira dhodhi dhamwana Pharagho ghombuyama oyu ghayekire.⁹Matungo ghomaheya gha ne ghapwire kutenditha kumawe ghondhiro agha hateta thiwana, hagha thekurura notho kutetitha mawe, mwishi endi panunda, kutunderera kumatatekero kate kuwiru, nopanunda karo kate kungonda dhofumwa. ¹⁰Matatekitho ne hagha ruwanithire nomawe ghondhiro, ghomakuru, ghamweya ne mameteri dikumi no ghamweya ne mameteri kwoko nomahatu.¹¹Pawiru ne napo mawe ghondhiro, nomitambo dhoyitondo yo-Cedar. ¹²Dirapa dishokuru ne dyapwire kudhingumwetwedha nomitara dhihatu dhomawe nomitambo dhoyitondo yo-Cedar. Yira dirapa dyo kungirishe dha-Fumu Nyambi nongonda dhomwishi dhongirishe.¹³Fumu Salomon ne ghatumene haka mwithere Huram kutunda ku-Tyre. ¹⁴Aye ne mwana ghokatughuru wamudidhi ghokudiko dya-Nafutali nowihe ne ghoku Tyre, mudimuki ghokuteta yikuvo yo-bronze; Aye ne ghayarire noghunyanyami nomatjwathaneno noghudimuki edi ghokuruwana nokehe rudhi royikuvo yo-Bronze. Yodiyo, gheyire kwa-Salomon no ghana ruwanine yiruwana yoyiheya.¹⁵Huram ne ghatendire maghundhi mawadi gho-bronze, ghure wagho ne mameteri dikumi nokwoko-nomahatu mukughemeka, muyira ghomameteri ghokukuma kudikumi nomawadi muna ghure. ¹⁶Ndani ghatendire tundjumbi tuwadi to kushwagha ku-bronze, ghature pawiru dhomaghundhi. Kwimeka tundjumbi tu ne mameteri kwoko totuheya. ¹⁷Pakarire makwe ghotundjumbi nomenge ghokudhinga eyi haturire pawiru dhomaghundhi, tundjumbi kwoko notuwadi kudighundhi dyofotji nokudighundhi dimweya nako karo tundjumbi kwoko notuwadi.¹⁸Yodiyo, ghatendire maghundhi, murayini dhiwadi dhoyiyengitha pawiru dhomanungero kudhingumwetwedha tundjumbi otu twakarire pawiru; Kemo dyogha tendire kukandjumbi kamweya. ¹⁹Tundjumbi otu twakarire pawiru dhomaghundhi munngonda dhishokuru twapwire kuyenga nomutemo, mameteri mane.²⁰Tundjumbi otu twakarire pawiru dhomaghundhi ne twakarire noyiyengitha pawiru, kundagha-ndagha dhato pepi nomanungero; Yiyengitha yi ne yakumine kumathere mawadi kudhingumwetwedha kehe kandjumbi. ²¹Ghaturire maghundhi gha kumengeneno ghongirishe; Dighundhi dyokurudyo ne haditire eshi, Jachin ene dighundhi dyokurumoho ne haditire eshi Boaz. ²²Shungu-shungu dhomaghundhi gha ne hagha yengire murudhi yira romutemo. Yodiyo, yiruwana yomaghundhi ne yapwire.²³Huram ne ghatendire thiviya thoyikuvo, mameteri ghatho ne dikumi muna ghuyaghuyu ene ghudhungi ne mameteri kwoko ndani mameteri ghomuna ghure ne makumi mahatu. ²⁴Mwishi dhomashonga ghothiviya thi ne gha dhingumwetedhire ko yiyengitha eyi yakumine kudikumi mumameteri, Kudhingumwetwedha thiviya thi, haturireko yiyengitha eyi yakarire miyira dhiwadi.²⁵Thiviya thi ne thatanarere pamahove dikumi nomawadi; Mahatu ne ghakengerere kumbunda, mahatu ne ghakengerere kuditokera, mahatu ne ghakengerere kughucuma, nomahatu ne ghakengerere kudiva; thiviya thi ne hathitenderere papagho nonyima dhagho ne dhapire mwishi. ²⁶Atho ne thakarire thikanyu yira nyara dhomunu; Nombadi dhatho ne hadhipetekire yira dhothinwitho, yira mahokero ghomutemo. Thashimbire mango ghokuyoghanena mayovi mawadi.²⁷Ghatendire karo tukara toyikuvo yo-Bronze; Ghure ghokarukara kofotji ne mameteri mane ene ghure mukutwimeka ne mameteri mahatu. ²⁸Oghu ne ghomutendo ghoturukara tu; Turukara tu ne twakara nomashonga nomumbirikatji ne mwakara makwatero. ²⁹Pamashonga nopamakwatero ne poghadi nyime, hove nomu-engeli. Pawiru nopamuve ne nyime nohove yiruwana yokufanekerapo.³⁰Kehe karukara ne kakarire nomakosho mane gho-bronze nokumakosho mane gha ne kwakarire nonyangata dhokutanaritha karukara mutara dhodhiheya. ³¹Oku thakara thiyahi kuwiru dhatho ne metera yofotji; Kwathitenda kudhingumwetwedha, yira kudithina, panunda ne dihenda dyometera yofotji; Oku thakara thiyahi ne koyidi yifaneka nomashonga ghatho ne mane mbadi kudhingumwetwedha.³²Kumuve watho ne kogha karire makosho, yikuvo yokumakosho ne hayi nungire kukarukara. Ghure ghokwimeka dikosho dyofotji ne metera nodihenda. ³³Rutenditho romakosho gha ne rwapiture rutenditho romakosho gho kumatemba; Rutenditho rotundhuwo, mughambi nomamboha ghapo ne yoyiheya kushwagherere ku-bronze.³⁴Kwakarire manyangata mane kumashonga ghokehe karukara; Nyangata dhi ne kwadhitenderere kukehe karukara. ³⁵Pawiru dhokehe karukara, dhiya metara dhofotji nodihenda, hapa tendire kudhingumwetwedha. Mughambi nomashonga ne yakurikanyine.³⁶Mughambi ghokarukara mumbadi dhako ne ghafanekire ko ha-engeli, nyime, nothitondo thomakindhu, kehe kuno kwakarire dyango dyodiyaghuyu kukehe karukara, hadhingumwetwedhire yiyengitha. ³⁷Ghatendire turukara dikumi. Totuheya twakarire mutendo ghofotji, ghukuru wato nomutendo wato.³⁸Huram ne ghatendire yivani dikumi yo-bronze; Kehe thino thivani ne thashimbire mango ghokuyoghanena makumi mane noghukuru ghokehe thivani ne mameteri mane. Kukehe karukara ane kwakarire thivani thofotji. ³⁹Ghaturire turukara tukwoko kumutara ghorudyo ghondhuwo notukwoko kumutara ghorumoho ghondhuwo. Ghaturire thiviya kumutara ghorudyo ghondhuwo, kupirukithera kughucuma nodiva.⁴⁰Huram ne ghatendire yivani, mafoshoro noturonga noyinwitho. Yodiyo, Huram ne ghamanithire yiruwana yoyiheya yafumu Salomon kundhuwo dhaNyambi. ⁴¹Maghundhi mawadi, tundjumbi tuwadi topawiru dhopa maghundhi mawadi; Mutwi endi tundjumbi tuwadi ne twapwire kuyenga.⁴²Ghatendire mathere mane ghombuyo dhokuyengitha, edhi haturire mumuyira dhiwadi kukehe kandjumbi, thitambo yifikerere tundjumbi tuwadi otu haturire pamaghundhi mawadi. ⁴³Turukara dikumi noyivani dikumi eyi haturire paturukara;⁴⁴Thiviya thofotji nomahove dikumi nomawadi agha haturire mwishi dhothiviya. ⁴⁵Mapoto, mafoshoro, turonga, noyiruwanitha yoyiheya eyi Huram ghatendire yafumu Salomon yokundhuwo dhaNyambi, yoyiheya ne yokutunda ku-bronze ghokuyenyumuna.⁴⁶Fumu ne ghakaturire yinu yi mumuronga wa-Jordan mudyango dyomuheke pakatji ka-Succoth na-Zaretan. ⁴⁷Salomon ne mbadi ghavihire yiruwanitha yoyiheya yi, pamurandu eshi yakarire yingi thikuma; thiviha tho-bronze ne mbadi hathiturire pathikara.⁴⁸Salomon ne ghawanine yiruwanitha yoyiheya yomundhuwo dhaFumu Nyambi: Thinyaku thongorondo, tishi ghongorondo apa wakarire ghuroto. ⁴⁹Maturo ghomashera yokushwagha kungorondo, yikwoko kumutara ghorundyo noyikwoko kumutara ghorumoho kughutho ghomengeneno ghothinyaku, nomahenditho ghomunyenge yoyiheya yokushwagha kungorondo.⁵⁰Yivani, mahenditho, turonga, tutuwo, mokutumekera hapo yoyiheya yokushwagha kungorondo; Mayonga ghongorondo, ghokumathero dhongonda dhomwishi {Ngondo dhokupongoka thikuma} nothero dhokungonda dhishokuru dhongirishe.⁵¹Yodiyo, yiruwana yoyiheya eyi fumu Salomon gharuwanine kundhuwo dhaFumu Nyambi ne yapwire; Salomon ne ghakaretire eyi wihe David ghatungekire; Yiruwanitha yo-Siliveri no-Ngorondo. Aye ne ghayiturire mungonda dhomapungwero dhomungirishe dhaFumu Nyambi.

¹Salomon ne ghethire mandwarume ghomaheya gha-Isreali nomanduraghumbo ghomaheya ghomako, nomanduraghumbo ghopamadhiko ghomaheya gha-Isreali, heye kwa-Salomon mu-Jerusalem, podiyo haka rete dimbangu dyomuragho ghomakuyuvero waFumu Nyambi kutunderera kuthitata tha-David, atho ne yo-Siyoni. ²Yodiyo, hatutughuru waheya ne hapongire kuthirika thoyishamberera kughutho wa-Salomon mukaghonda ka-Ethanim, ako ne kaghonda koghukwoko noghuwadi.³Mandwarume ghomaheya gha-Isreali ne gheyire noha pristeri ne hadhamunine dimbangu dyomuragho. ⁴Hakaretire dimbangu dyomuragho waNyambi, kakurwera komakuwaneno, noyiruwanitha yoyiheya eyi yakarire mukakurwera ka. Hapristeri nawa Levite ne haka yiretire. ⁵Salomon nodikonga dyawanu wa-Isreali waheya ne hapongire pofotji, hapongire pofotji nendi kuthinyaku, noha yambire ndjwi nongombe eyi yakangire kutara muwingi wayo.⁶Ndani hapristeri ne haka retire dimbangu dyomuragho waFumu Nyambi kudyango dyadyo, mungonda dhomwishi dhongirishe, mungonda dhokupongoka thikuma, mwishi dhomando ghawa engeli. ⁷Mando ghawa engeli ne ghafikire dimbangu dyomuragho, ha engeli hafuyererire dimbangu dyomuragho nomaghundhi ghadyo. ⁸Maghundhi ne mare, yodiyo ghakarire eshi kukona kugha mona ngeshi mungonda dhokuponga ghudi, kumengeneno ghothinyaku; Ene mbadi wakugha mona ngeshi panunda ghudi. No kemo dyoyidi mayuwa ghano.⁹Mbadiko eyi yakarire mudimbangu di, shimengwa yipara yomawe yomuragho yiwadi eyi Mosesi ghakaturiremo kudyango dya-Horeb, apa Fumu Nyambi ghaturithirepo makuyuvero nodiko dya-Isreali, apa haka shwayire mudyango dya-Egyptena. ¹⁰Yahokokire apa mupristeri ghashwayire mudyango dyokupongoka, divuyi ne dyafikerere ndhuwo dhaNyambi. ¹¹Yodiyo, mupristeri ne mbadi ghakonine kutwikera kuyamba, pamurandu ghodivuyi; Thishe nodikuto dyaNyambi ne ya yarire mundhuwo dhaNyambi.¹²Solomon ne kokughamba eshi: "Fumu Nyambi ghaghamba eshi mboghana tungu mudivuyi dyodiru. ¹³Nakutendera ndhuwo dhomakuyero, nodyango edi mbo tunga kuroruheya."¹⁴Fumu ne kokupiruka nokufiyera difwa dyawanu wa-Isreali, oku dikonga dyawanu ne dinemana. ¹⁵No ghaghambire eshi; "Makuyero kwaFumu Nyambi wa-Isreali, Oyu ghaghambire nokanwa kendi kwatate David, nonyara Dhendi dhina yiyaritha ghuninga eshi; ¹⁶"Kutunderera mudiyuwa edi nakashimbire hanu wange kushwagha muditunga dya-Egyptena, mbadi notorora thitata kehe thi omu shoha Ni tendere ndhuwo, podiyo eshi dina Dyange ne dikare mo; Ene natorore David ghapiterithe hanu wange ha-Isreali."¹⁷Ayo ne yakarire mumutjima watate David mukutenda ngirishe dhodina dyaNyambi wa-Isreali. ¹⁸Ene Nyambi ne ghaghambire kwatate David eshi, muyinu yi ne watendire thiwana mukukara kumutjima ghoye eshi Ghuni tendere ndhuwo dhodina Dyange. ¹⁹Ene ngambi kemo, mbadi wakona kutenda ngirishe, ene mwanoye oyu mbogha shwagha muyirama yoye ne mboghana tendi ngirishe dhodina Dyange.²⁰Yodiyo, Nyambi ghana yaritherera eyi ghaghambire; Ame ne napinga dyango dyatate David no kuhungumana pathipura thoghufumu wa-Isreali, thika dyodi Fumu Nyambi ghakuruperithire; No natenda ngirishe dhodina dyaFumu Nyambi wa-Isreali. ²¹No naturamo dyango dyodimbangu dyomuragho, omu mwakara makuyuvero ghaNyambi nawa kerekandongo wetu, apa ghawa shwayithire mudyango dya-Egyptena."²²Ndani Solomon ne ghemanine kutishi ghomuyambo waFumu Nyambi, paghutho ghodifwa dya-Isreali, nogha yeyurire moko ghendi muwiru; ²³No ghaghambire eshi; "Fumu Nyambi wa-Isreali, mbadiko Nyambi mudiwiru endi pakaye yira We, Ghokupungura makuyuvero non'eke nawa pikoye, awa hana kuyenda paghutho Ghoye nomutjima dhawo dhodhiheya. ²⁴Owe ne ghuna kumithamo eyi wakuruperithire mupikoye David ghotate; Owe ne wayighambire noghuna yikumithamo nonyara dhoye, thika dyodi yidi dyarero."²⁵Yodiyo, Hekudyange Nyambi wa-Isreali, kumithemo eyi wakuruperithire mupikoye David ghotate, ghuninga eshi, "Mbadi mboyikanga kuwana katughuru oyu mbogha hungamana pathipura thoghufumu wa-Isreali, ngeshi hanoye hotutughuru hayuve mandhira ghawo, podiyo eshi hayende paghutho Wange, thika dyodi wayendire paghutho Wange." ²⁶Pano ne nakuraperera, Nyambi wa-Isreali, yighamba Yoye ne ngoya kukare yashemwa, eyi Waghambire kwamupikoye David ghotate.²⁷Ene yashemwa Nyambi ne mboghana tungu pakaye ndi? Mone, diwiru nomawiru ne mbadi wakurikanya mo We. Ngepi kughumbiru ghongirishe edhi natenda! ²⁸Ngambi kemo, yuvere mupikoye ndapero noyikumbera yendi, Hekudyange Nyambi, yuve kundapero nothidiro eyi mupikoye ghana kuraperera dyarero kuko Ye.²⁹Podiyo eshi meho Ghoye ne ngogha yandhuruke kungirishe dhi ghuthiku nomutenya, oku Waghamba eshi dina Dyange ne mbodina kara mo, podiyo eshi ngo yuve ndapero dhamupikoye edhi ghana kuraperera mudyango di. ³⁰Ngoyuve yikumbera yamupikoye no yodiko dya-Isreali, oku hana kurapera mudyango di. Tuyuverere oku We ne mudiwiru dyango dyomatungo Ghoye; No ngeshi Ghuna tuyuverera ne tuthiyererepo.³¹Ngeshi ghumweya ghana harwera muka mapara ghumbo wendi; No ghana pu kuthineneka ghatape medhero, nokwiya nogha tende medhero paghutho ghotishi ghomuyambo mungirishe dhino. ³²Ngo tuyuverere mudiwiru, kughatura mwipithi, kureta murandu ghoghuheya pamutwi wendi, hungeke muhungami mukumupa kukutha ghuhungami wendi.³³Ngeshi haguva Woye hana wawitha hanyathi wawo pamurandu eshi hatjora muragho Ghoye, ene ngeshi hana piruka ku-Koye nokutongonona mudina Dyoye nokuraperera ghukumbera ku-Koye modhino ngirishe. ³⁴Yuve oku We ne mudiwiru, nothiyerere maharwero ghohanoye ha-Isreali, nowa huthe kudyango edi watapire kwawa kerekandongo wetu.³⁵Ngeshi mawiru ne ghana yandhera nombadiko mvura pamurandu eshi haharura ku-Koye, ngeshi ha raperera mudyango dino nokutongonona dina Dyoye nokuthiya maharwero ghawo, pamurandu eshi Ghuna wahumbitha. ³⁶Tuyuverere mudiwiru, nothiyerere maharwero ghawa pikoye, mupikoye Isreali, podiyo eshi Ghuwa honge ndhira mwene edhi haroyera kuyenda; No tume mvura mudyango Dyoye edi Watapire koha pikoye ghukare ghupingwa wawo.³⁷Ngeshi dirumbu muditunga, dihamba, dimba nombumbu; Endi munyathi ghana homokera mdyango dyoyitata yawo; Kehe ghano maghukukutu endi yikorwa yidimo. ³⁸Kehe dhino ndapero, kehe yino yikumbera eyi ghana tapa kehe yuno, endi waheya ha-Isreali, nokehe yuno ne ghana dimuka ghukukutu gho kumutjima wendi, nokuyeyura moko ghendi mungirishe dhino.³⁹Tuyuverere mudiwiru matungo Ghoye, notuthiyererepo, noyitende, tape kwakehe yuno kukutha mandhira ghendi, oyu Wadimuka mutjima wendi, Yowe vene Pithoye wadimuka mutjima wamwana munu. ⁴⁰Podiyo eshi ngoha kuyape mayuwa ghawo ghomaheya agha hana kupara muditunga edi Watapire kwawa kerekandongo wetu.⁴¹Shime popo, kuhatera mutunda kure, oyu ghakara eshi mbadi mukadiko dya-Isreali, ene ghana shwayerera kuditunga dyokayenda pamurandu ghodina Dyoye. ⁴²Awo ne mbohana yuvu ghukuru ghodina Dyoye nodyoko Dyoye dyongcamu, nodyoko Dyoye edi Wayeyura, ngeshi ghaneya nokuna raperera mungirishe dhino. ⁴³Tuyuverere oku We ne mudiwiru, tende kukutha eyi ghana kumbera mutundakure ku-Koye, podiyo eshi hanu waheya hopakaye ne hakudimuke nokuyapa dina Dyoye, thika kohanu Woye ha-Isreali podiyo mboha dimuke eshi natenda ngirishe mudina Dyoye.⁴⁴Ngeshi haguva Ghoye hana yendi kuyita harwithe hanyathi wagho, kehe ku Ghuna watumu, ngeshi ghaha raperera kwaFumu Nyambi muthitata ethi Watorora ngambi mungirishe edhi natenda mudina Dyoye. ⁴⁵Wayuverere mandapero noyikumbera yagho oku We ne mudiwiru no-Wa ghamwene maghukukutu ghawo.⁴⁶Ngeshi hana kuharwera {mbadiko oyu ghapiranga kuharura}, Owe ne kokupata nokuwatapa munyara dhawa nyathi wagho, awo ne hana kuwa twara mughupika kuditunga dyawa nyathi wagho, kokayenda endi popepi. ⁴⁷Ene ngeshi haneya papawo hathinda muditunga dyoghupika nokupiruka, kokuraperera ku-Koye, muditunga edi hakadi ghupika, ghuninga eshi; "Twaharura nokutenda ghuyi, notwatenda ghushatani."⁴⁸No ngeshi hana huka ku-Koye nomitjima dhawo dhodhiheya nomidhimu dhagho dhodhiheya muditunga dyawa nyathi wawo omu hakadi mughupika nokuraperera ku-Koye kuhatera ditunga edi watapire kwawa kerekandongo wagho, thitata ethi watorora nongirishe edhi natenda mudina Dyoye:⁴⁹Wayuverere mandapero noyikumbera yagho oku We ne mudiwiru matungo Ghoye, no-Waghamwene maghukukutu ghawo. ⁵⁰No thiyerere hapikoye maharwero ghawo agha haharura ku-Koye, nomirandu dhagho dhodhiheya edhi hakuharwera; No wape n'eke paghutho dhowa hawa tura mughupika nopodiyo eshi hawa fere n'eke.⁵¹Awo ne hanu Woye noghupingwa Woye, awa wakashwayithire katunda ku-Egyptena, kuwa shwayitha mudidhiko dyothikuvo. ⁵²Podiyo eshi meho Ghoye ne ghayandhuruke kumandapero ghawa pikoye ha-Isreali, mukuwa tegherera ngeshi ku hana kukukumbera. ⁵³Owe ne wawataghura kohanu waheya pakaye kokaheya, hakare ghupingwa Ghoye, thika dyodi Waghambire kwamupikoye Mosesi, apa Washwayithire hakerekandongo wetu kutunda mu-Egyptena, Hekudyetu Fumu Nyambi."⁵⁴No apa ghamanine kuraperera nokutapa yikumbera Solomon kwaFumu Nyambi ne ghemanine kushwagha kutishi ghomuyambo, oku gha tongamenine ghana yeyura moko ghendi muwiru. ⁵⁵Ghemanine nokufiyera dikonga dyawanu wa-Isreali, ghukuyerera ghuninga eshi; ⁵⁶"Makuyero kwaFumu Nyambi, Oyu ghatapa maturumuthero kudiko Dyendi dya-Isreali, kukutha yoyiheya eyi Ghakuruperithire. mbadi pakangera n'ando nodhofotji temba koyi ghakuruperitha, eyi Ghakuruperithire kupitera mwamupikendi Mosesi."⁵⁷Fumu Nyambi ne ngogha kare netu, thika dyodi ghakarire nawa kerekandongo wetu. ⁵⁸Ngo mbadi ghatuthiye endi Ghatunyathe. Ngogha ghangerere mitjima dhetu ku-Kwendi, mukuyenda mumandhira Ghendi ghomaheya, nokutenda muragho Wendi nomayendithitho Ghendi noyighatura Yendi, eyi Gharawere hakerekandongo wetu.⁵⁹Yighamba yange noyikumbera yange eyi naghamba kwaFumu Nyambi ne ngo yikare pepi naNyambi mutenya noghuthiku, podiyo eshi ghaghamwene maghukukutu ghawa pikendi ha-Isreali, kukehe yinga yokehe diyuwa. ⁶⁰Podiyo eshi hanu waheya homukaye ne hadimuke eshi Hekudyetu ne yoFumu Nyambi; No mbadiko ghumweya. ⁶¹Mitjima dhenu ne ngodhi kare ghutawedhi kwaFumu Nyambi wetu, mukuyenda mumayendithitho Ghendi nokupungura muragho Wendi, thika diyuwa dino."⁶²Ndani fumu nodikonga dya wanu wa-Isreali waheya ne hatapire mayambo kwaFumu Nyambi. ⁶³Solomon ne ghatupure ndupu kwaNyambi dhothiraro, mandwedho mayovi makumi mawadi nomayovi mawadi nodithere dyofotji, nondjwi mayovi makumi mawadi. Fumu nadifwa dyodiheya dya-Isreali ne hatungekire ngirishe dha-Nyambi.⁶⁴Mudiyuwa dyofotji fumu ne ghatungekire nongonda dhopakatji, paghutho dhongirishe dhaNyambi; Ghayambire muyambo ghokutumekera, muyambo ghomushungwa, nomaghadhi ghomuyambo ghothiraro, pamurandu eshi tishi ghomuyambo ghopaghutho wa-Nyambi ne ghakarire mumbiru mukuruwanenapo, muyambo ghomushungwa, maghadhi ghomuyambo ghothiraro.⁶⁵Paruvedhe ru, Solomon nawa Isreali waheya ne hatendire thirika thoyishamberera, difwa dishokuru, kutunderera kumengeneno gha-Hamathi kate kumengeneno gha-Egyptena, hanu ne hakarire paghutho waFumu Nyambi mayuwa kwoko nomawadi noha wedherereko karo mayuwa kwoko nomawadi, kughapakerera ne mayuwa dikumi nomane. ⁶⁶Mudiyuwa dyoghukwoko noghuhatu ne ghaningire hanu hahuke kumaghumbo ghawo noyishamberera kumaghuwa ghomaheya agha ghana ruwana Nyambi kwamupikendi David nokwawa Isreali waheya.

¹Yahokokire apa Solomon ghamanine kutenda ngirishe dha-Nyambi nondhuwo dhafumu, noyirumbera yoyiheya yaSolomon eyi ghahimine kutenda. ²Fumu Nyambi ne ghahokokire roghuwadi kwa-Solomon, thika dyodi ghahokokire kukwendi ku-Gibiyoni.³Fumu Nyambi ne ghaghambire kukwendi eshi; "Nayuvu ndapero noyikumbera yoye eyi ghuna kumbera kukwange; Napongora dhindhuwo watenda mukuturamo dina dyange kuroruheya, meho Ghange nomutjima wange ne mboghuna karamo kuroruheya."⁴Ngeshi ghuyende mundhira Dhange thika dyodi ghakarire wiho David, ghakurupere nokuhungama, nokutenda yoyiheya eyi nakurawera, no ngeshi ghukumithemo mahimeno Ghange nomuragho Wange. ⁵Ndani mbona turithapo thipura thoghufumu ghoye kuroruheya, thika dyodi nakuruperithire David ghowiho, ghuninga eshi; "Mbadi mborimba kuwana katughuru muthipura thoghufumu wa-Isreali."⁶Ene ngeshi we nohanoye hotutughuru ne mwakupire kukutha mundhira Dhange, nombadi muna kukumithamo muragho wange nomayendithitho Ghange agha natura paghutho dhoye ene we ne kokayenda ghukaraperere hanyambi hagho nagho. ⁷Popo vene mbona shwayitha Isreali muditunga edi nawapire; No ndhuwo edhi napongwera kudina Dyange ne mbona shwayithako meho Ghange. Isreali ne mbohana musherera nomboghana kara thitamenedhi mwawanu waheya.⁸No kungirishe dhi, edhi dhawana vumwa ne mboghana dhitetuka kehe yu ghana kupita, no mboghana puyumuna nokughamba eshi; "Pashenye Nyambi ghana ruwanena yinu yokenge kuditunga di?" ⁹Ndani mboghana wahutha eshi, pamurandu ghokunyatha Fumu Nyambi, Oyu ghashwayithire hakerekandongo wagho mu-Egyptena, nohana yendi kwawa nyambi hagho nagho, nokuwa karera; Yodiyo, Nyambi ne ghana reta maghukukutu ghomaheya gha papagho."¹⁰Yahokokire munyima dhomyaka makumi mawadi, Oku Solomon ne ghatenda mandhuwo mawadi, ngirishe dhaNyambi nombara dhafumu. ¹¹Hiram ne ngatumanga yitondo yo-Cedar no-Sipuresi nongorondo ghomwingi momu ghahimine, yodiyo fumu Solomon ne ghatapire yitata makumi mawadi kwa-Hiram muditunga dya-Galileya.¹²Ndani Hiram ne ghayendire kutunda ku-Tayire ghaka mone yitata eyi Solomon ghamupire ene mbadi yaka mushambererithire. ¹³Yodiyo, ghaghambire eshi; "Yitata yongepi eyi wanipa, minange?" No gha yitoyire eshi dyango dyo-kabuli, nodyoha kuyitoya ruvedhe runo. ¹⁴Ndani Hiram ne ghatumine kwafumu ngorondo ghokukuma kudithere dyofotji nomakumi mawadi ghomasherenyi.¹⁵Ethi ne thothitambo thawa tutughuru hoyiruwana awa ghadeghure Solomon: Mukutenda ngirishe dha-Nyambi, ndhuwo dhendi, Millo, ditete dya-Jerusalem, thitata tha-Juda, thitata tha-Megiddo, na-Gezer. ¹⁶Pharaogh ghofumu wa-Egyptena ne ghapita nokashimba thitata tha-Gezer nokuthitumekera nomudiro, nogha kapayire ha-Kananite awa hatungire muthitata thiya, nogha thitapire kwamwanendi ghombuyama muna Solomon eshi thitapera thopa mayekero.¹⁷Yodiyo, Solomon ne ghatendururire Gezer na-Beth Horon, ¹⁸Baalath, Tadmor, mumamboreya mudyango dyawa Yuda. ¹⁹Yitata yomapungwero yoyiheya eyi Solomon ghakarire nayo, thitata thomatemba, nothitata thawa dhini mbi wendi, noyoyiheya eyi Solomon gharumbere kutenda mu-Jerusalem, mu-Lebanon, nomudyango dyendi dyodiheya edi ghakara noghuraghuri wadyo.²⁰Hanu waheya awa hathiyarirepo pawa Amorite, Hittite, Perizite, Hivite noha Jebusite awa hakarire eshi mbadi ha-Isreali. ²¹Awa ne hana hoka awa hathiyarire mudyango munyima dhagho, wowa hana Isreali hapirire kupayerera, kushwagherera mowa, Solomon ne ghadeghure haruwani, kate nodyarero dino.²²Ene mwawa Isreali, Solomon ne mbadi ghatendiremo hapika hakuruwana muthineneko, yoyishi awo ne hatutughuru hoyita noha pikendi; Haraghuri, hapiterithi, haraghuri homatemba nawa dhini mbi.²³Hamweya ne hakarire hakengereri wawa piterithi payiruwana ya-Solomon; Mathere kwoko nomakumi kwoko ghawa tutughuru awa hapiterithire hanu awa haruwanine yiruwana ya-Solomon.²⁴Ene mwana Pharoah ghombuyama ne ghashwayerere muthitata tha-David gheye kundhuwo edhi ghamutendere Solomon. Ndani ghatendire Millo.²⁵Yikandho yihatu mumwaka Solomon ne ghatendangire muyambo ghokutumekera nomuyambo ghothiraro patishi ghomuyambo oyu ghatendere Fumu Nyambi, nogha tumekere hapo nawo patishi ghomuyambo waNyambi. Yodiyo, ghamanithire ngirishe.²⁶Fumu Solomon ne gha tendire yikepa yomuyita ku-Ezion Geber, pepi na-Elath kumbombwa dhodikuruviya dyodikihu, kudyango dyawa Edom. ²⁷Ndani Hiram ne ghatumine hapikendi noyikepa, havuyi awa hadimukire thiwana dikuruviya, mukuna ruwana nawa pika Solomon. ²⁸Noha yendire ku Ophir haka kumbere mathere mane nomakumi mawadi ghongorondo kashwagha kuya noha karetire kwa fumu Solomon.

¹Apa ghayuvire herekadhi ghoku Sheba eshi ngepi ghana yuka Solomon kuhatera dina dyaFumu Nyambi, gheyire nogha muyereke nomepwero ghomakukutu. ²Gheyire ku-Jerusalem noditemba dishaghure, nongameno edhi harongere munde, ngorondo ghomwingi, mawe ghondhiro; Ghaghambire kwa-Solomon yoyiheya eyi yakarire kumutjima wendi.³Yodiyo, Solomon ne ghahuthire mepwero ghendi ghomaheya; Mbadiko dipwero edi dyakarire ghukukutu kudipathurura kwambuyama yu. ⁴Apa herekadhi ghoku Sheba ghamonine ghunyanyami wa-Solomon, nondhuwo edhi ghatenda, ⁵Yidya patishi wendi, mahungumaneno ghawa pikendi, yiruwana noyishupata yawa ruwini hopadidhiko, haka kuhinda, mi edhi ghatapanga muyambo ghokutumekera mundhuwo dha-Nyambi, herekadhi yu ne wamuthiyire mupepo wendi.⁶Ndani ghaghambire kwafumu eshi; "Yaghushemwa nane yitundamo eyi naka yuvire kuditunga dyange kuhatera man'ando noghunyanyami ghoye. ⁷Ngambi kemo eshi mbadi nakatawire yighamba yiya kate neya nonana yimono nomeho ghange; Yaghushemwa, dihenda ne mbadi hadi nitongwere me. Ghunyanyami nomutombo ghoye ne wapiterera kuyuka koye oku nakayuvire."⁸Yishamberera kwawa tutughuru ghoye noyishamberera kwawa pikoye awa kehepa hanemana paghutho dhoye nokuyuva ghunyanyami ghoye. ⁹Makughero kwaFumu Nyambi ghoye, Oyu ghashamberera mumoye, mukukutura muthipura thoghufumu wa-Isreali! Pamurandu eshi Fumu Nyambi ne ghahaka Isreali kuroruheya, yodiyo ne ghakutenda ghukare ghofumu, mukutenda ghuhungami noghupongoki.¹⁰Ndani ghatapire kwafumu Solomon ngorondo ghokukuma kudithere dyofotji nomakumi mawadi, munde ghushawingi, nomawe ghondhiro. Mbadiko karo yu ghatapire munde ghushawingi kwa-Solomon kupiterera oghu gharetire yu herekadhi ghoku Sheba.¹¹Shime karo yikepa ya-Hiram, eyi yaretire ngorondo kutunda ku-Ophir, yaka retire thivarero thothingi thoyitondo yo-Almug nomawe ghondhiro ghokushwagha ku-Ophir. ¹²Ndani fumu ne ghatendire madhineno ghokuyenda kundhuwo dhokuwiru ghongirishe dhaNyambi nondhuwo dhafumu, shime ghatendire yishandji nomakitara ghawembi. Kushwagha paya ne mbadi theyire karo thivarero thothingi thoyitondo yo-Almug endi hathimone karo kate dyarero dino.¹³Fumu Solomon ne ghatapire kwaherekadhi ghoku Sheba yoyiheya eyi gharumbere, kehe thi ghakumbere, kushwayithako eyi ghamupire Solomon kukutha ghunongo wendi. Herekadhi yu ne ghahukire kuditunga dyendi naye nawa pikendi.¹⁴Thiviha thongorondo oyu ngeyanga kwa-Solomon mukehe mwaka ne mathere kwoko-fotji nomakumi kwoko-fotji nokwoko-fotji. ¹⁵Kushwayithako ngorondo oyu ngaha retanga haka mughuro, kushwagha kwafumu ghoku-Arabia nokwawa nguvuru homuditunga.¹⁶Fumu Solomon ne ghatendire yingandekitha yishokuru yokukuma kumathere mawadi yokushwagha kungorondo ghokufura; Mathere kwoko-fotji ghongorondo ghothitambo thofotji. ¹⁷Shime karo ghatendire yingandekitha mathere mahatu yongorondo ghokufura; Mangorondo mahatu ghayendire mukehe thingandekitha thofotji. Fumu ne ghayiturire mundhuwo dhomumamboreya gha-Lebanon.¹⁸Shime karo, fumu ne ghatendire thipura thishokuru thoghufumu thokutunda kumayegho ghondhovu nogha turireko thirombo thongorondo. ¹⁹Pakarire manaro kwoko-fotji nopawiru dhothipura thi ne hathitendire kudhingumwetwedha munyima dhatho; pakarire makambekero ghomoko pathipura thi kumambadi ghatho noyiperende yiwadi yonyime pepi nomakambekero ghomoko mutara dhiwadi. ²⁰Yifaneka yonyime dikumi noyiwadi ne yakarire pakehe naro dhogha kwoko-fotji; Mbadiko ghufumu oghu waruwane yokemo.²¹Yinwitha ya-fumu Solomon yoyiheya ne yakutunda kungorondo, noyiruwanitha yoyiheya mundhuwo dhoku mamboreya gha Lebanon ne yongorondo. Mbadiko ethi thakarire tho-Siliveri, yoyishi mbadi hatarire siliveri eshi naye mudyo mumayuwa gha-Solomon. ²²Fumu ne ghakarire noyikepa kudikuruviya noyikepa ya-Hiram. Rofotji mukehe mwaka dhihatu, haka yikepa yomughuro ne ngayiretanga ngorondo, siliveri, mayegho ghondhovu, nguya, noshoko.²³Yodiyo, fumu Solomon ne ghapitererire mafumu ghomaheya ghopakaye kughushwi noghunyanyami. ²⁴Kaye kokaheya ne kashanine Solomon hayuve kughunyanyami, oghu Nyambi ghatura mumutjima wa-Solomon. ²⁵Kehe munu oyu ghadhingurire Solomon ne gharetire siliveri, ngorondo, yishupata, yishupata yokurwitha, tukambe, yimoghure, yahokokire kehe mwaka.²⁶Solomon ne ghaghongawedhire matemba nawa dhini tukambe; ghakarire nomatemba diyovi dyofotji nomathere mane, noha tutughuru mayovi dikumi nomawadi hokudhina tukambe, awa ghaturire kuthitata thomatemba ene Solomon ne mu-Jerusalem. ²⁷Ndani fumu ne ghatendire siliveri ghakare yira mawe vene mu-Jerusalem, shime karo ghatendire yotondo yo-Cedar yingipe mu-Jerusalem yira yitondo yoghukuyu eyi yengipa mudyango.²⁸Shime karo Solomon ne ghakarire notukambe tokushwagha mu-Egyptena noku-Keveh; Haka mughuro wafumu ne hatughurire kushwagha ku-Keveh, paparo edhi dhakarire po. ²⁹Kehe ditemba edi haghurire kushwagha ku-Egyptena, paro ne mathere kwoko-fotji gho-siliveri, kakambe ne dithere dyofotji nomakumi kwoko; Ene awo ne hana yighurithire koha mafumu ghoku Hittite noha mafumu ghoku Siriya.

¹Ene fumu Solomon ne ghakarire muruhakitho nawa mbuyama hopanunda, kuturako namwana Pharaoh: Hambuyama hoha Moghabite, Amonite, Edomite, Sidon noho ku-Hitite. ²Kutunderera mumushovo oghu Nyambi gha konekithire ha-Isreali eshi mbadi hakona kukuyekathana nawo, endi hodiyo hamuyekere. Ghushemwa, awo ne mbohana pirura mitjima dhenu dhihuke kwawa nyambi wawo. Solomon ne ghakakatere kwawa mbuyama wa muruhakitho.³Nogha yekire hambuyama mathere kwoko nomawadi, hamafumu ghana, nomathere mahatu gho hambuyama wendi hopa mbadi; Noha mbuyama wendi ne hapirure mutjima wendi. ⁴Dyoya hokokire kemo, apa ghakuruparire, hambuyama wendi hapirure mutjima wendi ghakuthe hanyambi wawo; Nomutjima wendi mbadi wakarire karo ghutawedhi kwaFumu Nyambi wendi, thika mutjima wawihe David.⁵Solomon ne ghakuthire Ashtorethi nyambi ghombuyama wawa Sidon, shime ghakuthire Molikom, nyata dhawa Amonite. ⁶Solomon ne ghatendire ghushatani mumeho ghaFumu Nyambi, nombadi ghakuthire Nyambi mukuyarerera, thika dyodi ghakarire wihe David.⁷Ndani Solomon ne ghatendire dyango dyodikuru dya-Tjemoshi thitjwandjo thaka Moghabi, padirundu edi dyakarire kudiva dha-Jerusalem, nothitjwandjo tha Moleshi nyambi wawa Amonite. ⁸Nogha tendire thika dyo koha mbuyama wendi hamweya hopanunda, awa hatukere hapo nokutenda muyambo kwawa nyambi wawo.⁹Fumu Nyambi ne ghapatire na-Solomon, pamurandu eshi mutjima wendi ne wayakunukire kwaFumu Nyambi wa-Isreali, Oyu ghamu hokokere yikandho yiwadi. ¹⁰Nogha murawere kuhatera kuyinu yi, eshi ngo mbadi gharoyera kukutha hanyambi hombango; Ene mbadi ghapungura eyi ghamurawere Nyambi.¹¹Yodiyo, Fumu Nyambi ne ghaghambire kwa-Solomon eshi; "Pamurandu waruwana yinu yi, nombadi wapungura makuyuvero nange endi mayendithitho Ghange, eyi Nakurawere, ghushemwa Ame ne nakuteta ghufumu ghu ghushwaye kukoye nokughutapa kwamupikoye. ¹²Ngambi kemo eshi mbadi nakuyitenda mumayuwa ghoye, pamurandu ghodina dyawiho David; Mbona ghuyakunutha munyara dhamwanoye ghokatughuru. ¹³Ene mbadi Na kuyakunuthera ghufumu ghoghuheya; ene mbona tapa mushovo ghofotji kwamwanoye, pamurandu wamupikange David nopamurandu wa-Jerusalem oyu natorora."¹⁴Fumu Nyambi ne ghaturithirepo munyathi wa-Solomon, Hadad ghomu Edomite; aye ne mwana hoka wafumu ghoku Edom. ¹⁵Yahokokire oku David ne mu-Edom ghakadi na-Joghab mukuru wamashurundate ne ghapita haka vumbeka awa hafire, munyima dhopa hapayire hatutughuru waheya homu Edom. ¹⁶Yoyishi mutughonda kwoko-fotji Joghab ne ghakathiyarire koko nawa Isreali waheya, kate haka manine kupagha hatutughuru waheya homu Edom. ¹⁷Hadad ne ghatjirere ku-Egyptena, yodiye noha Edomite hapikendi hamweya. Hadad ne oku shime mwanuke.¹⁸Ndani hashwayire ku-Midian noheyire ku-Paran; Noha shimbire hatutughuru hamweya kokwiya nagho kwa-Pharaoh fumu wa-Egyptena, oyu ghakamupire ndhuwo, dyango noyidya. ¹⁹Hadad ne ghamutambure thiwana Pharaoh, yodiyo ghakamupire mbuyama ghayeke oyu ghakarire eshi mina munu wendi, mina herekadhi Tahpenesi.²⁰Ndani mina herekadhi Tahpenesi ne ghawanine mwanuke ghokatughuru ghodina dyo-Genubath, oyu haka kurithere mumbara dha-Pharaoh. Genubath ne ghakurere mumbara dha-Pharaoh pofotji nohana Pharaoh. ²¹Apa ghayuvire Hadad eshi David na-Joghab ne hafa, Hadad ne ghaghambire kwa-Pharaoh eshi; "Nitawedhere nifunguruke kuyenda kuditunga dyange." ²²Pharaoh ne kokughamba kukwendi eshi; "Yinu munye ghuna nyanda apa ghuna kara nange, shakuninga eshi ghuyende kuditunga dyoye?" Ghahuthire eshi mbadiko ene nitawedhere niyende."²³Shime Nyambi ne ghaturithirepo karo munyathi wendi ghodina Rezon ghomwana Eliadah, oyu ghatjirire kushwagha kwafumu wendi ghodina Hadadezer, fumu ghoku Zobah. ²⁴Ghaghongawedhire hatutughuru noghana karire mupiterithi wawo, opa David ghaka payire haka Zobah. Awo ne hayendire ku-Damascus noha katungire noka raghura koko. ²⁵Aye ne ghakarire munyathi wa-Isreali mayuwa ghomaheya gha-Solomon, kushwayithako maghukukutu agha gharetire Hadad; Ghanyengire Isreali nogha raghure ku-Syriya.²⁶Ndani mupika Solomon ghodina Jeroboam ghomwana Nebat, muka Ephraimite kutunda ku-Zereda, nyina ne Zeruwa, mbuyama ghomudidhi, oyu ghemanganyene fumu. ²⁷Eyi ne yodiyo yaningire gharwithe fumu: Solomon ne ghatendire Millo nogha royithire thitata thawihe David.²⁸Katughuru Jeroboam ne ndwarume shemwa ghoku Valor; Solomon ne ghamonine eshi oyu ne mungaghu ghakuturamo thikuma muyiruwana, ghamuturire ghakare mukuru wawaruwani mundhuwo dha-Joseph. ²⁹Yahokokire opa Jeroboam ghashwayire mu-Jerusalem, mupumbi Ahijah ne ghamuwanine mundhira; ghana shupata muthithi ghoghupya, hawadi ne hakuwanine mudipya. ³⁰Ndani Ahijah ne ghakwatire muthithi oghu ghashupatire, nogha ghudjadjure muyipindhi dikumi noyiwadi.³¹Nogha ghaningire kwa-Jeroboam eshi; "Shimbe yipindhi dikumi dyoghana kughamba Fumu Nyambi, wa-Isreali: Mone, mbona teti ghufumu wa-Isreali kushwagha munyara dha-Solomon nombona tapa muhoko dikumi kukoye. ³²Ene Solomon ne mboghana wana ngenyu muhoko ghofotji pamurandu wamupikange David, nopamurandu wa-Jerusalem, thitata ethi natorora kushwagha mumuhoko ghoghuheya wa-Isreali. ³³Yoyishi Ame ne hani mwagha noha karera Ashtorethi, nyambi ghombuyama wawa Sidoni,Tjimoshi thitjandjo thawa Moghabite, na-Milikom, nyambi wawa Amonite nombadi ghakutha mandhira ghange mukutenda eyi yaroghera mumeho Ghange, endi ghapungure mayenditho Ghange, nomarawero Ghange, thika edi gharuwanine wihe David.³⁴Ngambi kemo, mbadi mboni shwayitherera ghufumu ghoghuheya munyara dhendi, pamurandu eshi namutendire muraghuri mayuwa ghomaheya ghoyipara yendi, pamurandu wamupikange David, oyu natorore yoyishi ghakumithiremo marawero nomayendithitho Ghange. ³⁵Ene mbona shwayitha ghufumu munyara dhamwanendi nokughutapa kukoye mushovo dikumi. ³⁶Nokwamwanendi ne mbona mupa mushovo ghofotji, podiyo eshi mupikange David ne ghakare nomunyenge paghutho Dhange mu-Jerusalem, thitata ethi nakutorwera mukuturamo dina Dyange³⁷Yodiyo, mbona kushimbi nomboghuna raghura yoyiheya eyi warumbera mutjima ghoye, nombo ghuna kara ghofumu mu-Isreali. ³⁸Ngeshi ghutegherere koyoyiheya eyi nakukurawera, kuyenda mundhira dhange nokuruwana eyi yaroghera paghutho Wange, mukupungura mahimeno nomarawero Ghange, thika dyodi gharuwanine mupikange David, ngo mbona kara noye nokukutendera ndhuwo, thika dyodi natendere David nombona tapa Isreali kukoye. ³⁹Nombona humbitha hana hoka wa-David ene mbadi kuroruheya.⁴⁰Solomon ne ghashanine kupagha Jeroboam. Ene Jeroboam ne ghatjirere ku-Egyptena, kwa Shishak fumu wa-Egyptena nogha kakarire koko kate ghafire Solomon.⁴¹Yiruwana yoyiheya ya-Solomon, ghunyanyami wendi, mbadi nane hayitjanga mumbapira dhoyiruwana ya-Solomon ndi? ⁴²Noghure ghomyaka edhi gharaghure Solomon ne myaka makumi mane. ⁴³Solomon ne ghafire noha muvumbekire muthitata tha-David ghowihe. Namwanendi ghokatughuru ghodina Rehoboam ne ghahangedhere mudyango dyendi.

¹Na-Rehoboam ne ghayendire ku-Shechem, yoyishi ha-Isreali waheya ne hayendire ku-Shechem haka mutungeke ghufumu. ²Yodiyo, yahokokire oku Jeroboam ghomwana Nebat apa ghayuvire ne oku shime ku-Egyptena ghadi, yoyishi ghatjirire kughutho dha-fumu Solomon nogha katunga mu-Egyptena.³Hatumine haka mwithe. Ndani Jeroboam nodikonga dyawanu wa-Isreali ne heyire noha tongwere Rehoboam ghuninga eshi: ⁴"Wiho ne gharemupithire madjoko ghetu; Pano keho, redhupithe mutwaro ghoyiruwana yawiho, nodjoko dhendi dhisha ghuremu edhi ghatura papetu nombotuna kuruwanena." ⁵Rehoboam ne ghaningire kukwawo eshi; "Muni yakunuke mayuwa mahatu, ndani ghomwakeye kukwange" Nohanu ne hakayendire.⁶Ndani Rehoboam ne ghepure hamanduraghumbo awa ngahemananga paghutho wawihe Solomon apa ghakarire shime muyumi, nogha ghaningire eshi; "Maghano munye mudi nagho ngo edi shoni huthere hanu wano?" ⁷Noha muhuthire eshi; "Ngeshi ghukare ghomupika ghowa hanu dyarero, nokuwaruwanena nokuwa huthera man'ando ghomawa, ngo mbohana kara hapikoye kuroruheya."⁸Ene Rehoboam ne ghashwenine dighano edi hamupire wa hakuru nogha yendire ghakepure hangaghu ghana, homutaka wendi, awa hamene paghutho wendi. ⁹Ghawepure eshi; "Maghano munye shomunipe ko? Ngepi edi shotu huthere hanu wa hana ghamba kukwange, ghuninga eshi, redhupithe djoko dhawiho edhi ghatura papetu?"¹⁰Ndani hangaghu ghana awa ghakurire nagho pofotji ne hahuthire kukwendi eshi; "Kaghambe kowa hanu hana kuningi eshi wiho ne ghatupa djoko dhodhiremu ene we ne dhitu redhupithere, kawa huthere eshi; "Munwe wange ghoghumbiru ne ghukanyu kupiterera mbunda dhatate! ¹¹Yodiyo, ngeshi tate ne ghamupa djoko dhodhiremu, ame ne mbona wedhererapo; Tate ne ngamu humbithanga notjupa ene ame ne mbona muhumbitha no-nge."¹²Yodiyo, Jeroboam nohanu waheya ne hakeyire kwa-Rehoboam diyuwa dyoghuhatu, thika dyodi fumu ghawa rawere ghuninga eshi; "Mwakeye kukwange diyuwa dyoghuhatu." ¹³Ene fumu ne ghahuthere hanu nonyinya, nogha nyathire maghano agha hamupire hakuru; ¹⁴Ene ghaghambire kukwagho kukutha maghano agha hamupire hangaghu ghana ghuninga eshi; "Tate ne ghamupire djoko dhodhiremu ene nakudhiwedherera; Tate ne nga mumwashuranga notjupa ene me ne mbona muhumbitha nonge!"¹⁵Yodiyo, fumu ne mbadi ghategherire kwawanu; Mapirwero ghoyihokoka ne kwaNyambi ghashwayire, podiyo eshi man'ando Ghendi ne ghakupwe kuyaritherera, agha Fumu Nyambi ghaghambire kupitera mwamupumbi Ahijah ghoku Shilonite kwa-Jeroboam ghomwana Nebat.¹⁶Apa dyamonine dikonga dyawanu dyodiheya eshi fumu ne mbadi ghana wategherera, hanu wa ne hahuthire kwa fumu ghuninga eshi; "Yiwana munye tudi nayo mwa-David? Mbadimo ghupingwa mwamwana ghokatughuru wa-Jesse. Muyende mutukurwera twenu, mwaka Isreali! Mone kundhuwo dhoye we-David!" Ha-Isreali waheya ne hafungurukire hahuke kutukurwera twawo. ¹⁷Ene Rehoboam ne gharaghure hana hoka wa-Isreali awa hatungire muyitata ya-Judah.¹⁸Ndani fumu ne ghatumine Adoram, oyu ghakarire mukuru wawaruwani; Ene ha-Isreali ne haka mupayire nomawe. Yodiyo fumu Rehoboam ne ghadhinine mbi wendi nogha tjirere ku-Jerusalem. ¹⁹Yodiyo, Isreali ne ghakara mukan'ore nondhuwo dha-David kate mayuwa ghano.²⁰Yahokokire apa ha-Isreali hayuvire eshi Jeroboam ne ghaka huka, haka mwithire kumbunga dhawanu nohana mutungekire ghakare fumu wa-Isreali ghomuheya. Noyofotji temba oyu ghakuthire ndhuwo dha-David, shimengwa hana hoka wa-Judah vene pithawo.²¹Apa ghana kumine Rehoboam mu-Jerusalem, ghethire diko dya-Judah dyodiheya nodiko dya-Benjamin, awo ne hakumine kudithere dyofotji nomayovi kwoko-hatu, hatutughuru awa hatorore hakare hamashurundate, mukurwitha ndhuwo dha-Isreali, podiyo eshi ghakuhutherepo ghufumu kwa-Rehoboam ghomwana Solomon.²²Ene n'ando dha-Nyambi ne dheyire kwa-Shemaiah, katughuru wa-Nyambi ghuninga eshi; ²³"Tongwere Rehoboam ghomwana Solomon, fumu wa-Judah, ndhuwo dhodhiheya dha-Judah na-Benjamin, nokwawanu waheya ghuninga eshi; ²⁴Dyoghana kughamba Fumu Nyambi: Mbadi wakona kuyenda ghukarwithe minoye, hana hoka wa-Isreali. Kehe yuno katughuru ne ghahuke kudighumbo dyendi, ku-Kwange yina kushwagha." Yodiyo, hakutekere man'ando ghaNyambi noha hukire, kukutha kuman'ando ghaFumu Nyambi.²⁵Jeroboam ne ghatendire thitata Shechem mumarundu gha-Ephraim, nogha katungire momo. Shime karo gha kashwayiremo nogha katendire Penuweli. ²⁶Jeroboam ne kokughamba mumutjima wendi eshi; "Ghufumu ne ngo mboghuna huka kundhuwo dha-David: ²⁷Ngeshi awa hanu hayendange haka tende muyambo mundhuwo dha-Nyambi ku-Jerusalem, nomutjima wagho ne mboghuna huka kwafumu wawo, Rehoboam fumu wa-Judah nombohana nipagha nokuhuka kwa-Rehoboam, fumu wa-Judah."²⁸Yodiyo, fumu ne ghakumbere maghano, ghatendire mandana mawadi ghongorondo, nogha ghambire kwawanu eshi; "Kayenda shemwa kukwenu mukuhuka ku-Jerusalem. Awa ne hanyambi wenu, owe Isreali, awa hamushwayithire muditunga dya-Egyptena!" ²⁹Nogha katurire ndana ghumweya mu-Bethel noghumweya ne ghaka muturire mu-Dani. ³⁰Thinu thi ne theyire diharwero, hanu ne hayendire haka raperere mandana gha ku-Dani.³¹Ghatendire dyango dyomuyambo pamango ghomakuru, nogha torore hapristeri mwawanu, awa hakarire eshi mbadi hana hotutughuru wa-Levi. ³²Jeroboam ne ghatungekire thirika thoyishamberera mudiyuwa dyodikumi nomayuwa kwoko, ghokaghonda koghukwoko-hatu, yira thirika ethi thakarire mu-Judah, nogha tendire muyambo patishi ghomuyambo. Yodiyo, ghayitendere ku-Betheli, kutupura muyambo kundana oyu ghatendire. No ku-Betheli ne ghakaturireko mupristeri ghomango ghomakuru agha ghatenda.³³Ghatendire muyambo patishi ghomuyambo oyu ghakatendere ku-Betheli mudiyuwa dyodikumi nodiyuwa dyoghukwoko dyokaghonda koghukwoko-hatu, mukaghonda aka ghakupire maghano thinda. Nogha tendire thirika thomatungekero kohana hoka wa-Isreali, nogha tendire muyambo nokutumekera hapo.

¹Katughuru wa-Nyambi ne gheyire kushwagherera ku-Judah ghatambe ku-Bethel padiywi dyaFumu Nyambi, Jeroboam ne ghemanine kutishi ghomuyambo eshi ghatumekere hapo. ²Ndani ghogha kughererire kukananitha tishi ghomuyambo pan'ando dha-Nyambi ghuninga eshi; "Owe tishi ghomuyambo! Eyi ne yoghana kughamba Nyambi: Mone, mungaghu ghana Josiah ne mbohana mushamuruka mundhuwo dha-David; papoye ne mbohana tupura muyambo hapristeri hopa mango ghomakuru awa nga tumekeranga hapo papoye noyishokora yawanu ne mbohana yitumekera papoye." ³Nogha tapire thidimukitho diyuwa dyodyo, ghuninga eshi; "Eyi ne yoyidimukitho Nyambi ghana ghamba: Mughushemwa, tishi ghomuyambo ne mboghana muyakunutha, nomutwitwi ne mbohana ghunotora."⁴Yahokokire apa fumu Jeroboam ghayuvire yighamba yakatughuru wa-Nyambi, oyu ghakugherere kuhatera tishi ghomuyambo ghomu Bethel, Jeroboam ne yeyure dyoko dyendi kushwagha kutishi wa-Nyambi, ghuninga eshi; "Mumukwate! popo dyoko dyendi edi ghayeyure ne dyakakatere nombadi ghakonine kudihonya." ⁵Notishi ghomuyambo ne ghayakunukire, nomutwitwi ne wanotokire kushwagha patishi, kukutha yidimukitho yakatughuru wa-Nyambi eyi ghatapire pan'ando dha-Nyambi.⁶Nafumu ne ghahuthire kwakatughuru wa-Nyambi eshi; "Nakumbera maghamweno gha-Nyambi, niraperithepo podiyo eshi dyoko dyange ne dihukere omu dyakara." Katughuru wa-Nyambi ne ghamu kumbererepo nodyoko dyafumu ne dyahukere mughukaro mwene. ⁷Ndani ne kokughamba kwakatughuru wa-Nyambi eshi; "Wiye nange kudighumbo podiyo eshi ghukapwe kuyumbura nonakukupa ndjambi."⁸Ene katughuru wa-Nyambi ne ghaghambire kwafumu eshi; "Ngambi ngoghuna nipa dihenda dyoghushwi ghoye, ngo mbadi shoni yende noye; endi nidye yidya nokunwa kehe yi mudyango dino." ⁹Dyo ghana nirawera paman'ando gha-Nyambi ghuninga eshi; "Mbadi wakona kudya yidya endi kunwa meyu ngambi kuhuka ndhira dhodhi ghuneya." ¹⁰Yodiyo, ghayendire ndhira dhimweya, nombadi ghahukire dhodhi gheyire ku-Bethel.¹¹Pakarire mupumbi ghokukurupara oyu ghatungire mu-Bethel, hanendi hotutughuru ne hana mutongwere eyi ghana ruwana katughuru wa-Nyambi diyuwa di mu-Bethel; Noha tongwere wihawo man'ando agha katughuru wa-Nyambi ghana ghamba kwafumu. ¹²Wihawo ne ghawepure eshi; "Ndhira dhipi ghana yendi?" ¹³Hanendi ne hamonine ndhira edhi ghayendire yu katughuru wa-Nyambi oyu ghatundire ku-Judah. Ndani ghaghambire kwahanendi hamukwatere dongi wendi, nogha yitendire kemo nogha dhinine po.¹⁴Nogha kuthire katughuru wa-Nyambi nogha kamuwanine ghana hungumana muthitondo. Koku mwipure eshi; "Yowe katughuru wa-Nyambi oyu ghana shwagha ku-Judah ndi?" Aye ne ghahuthire eshi; "Yame." ¹⁵Nogha muningire eshi wiye nange kudighumbo ghukadye yidya." ¹⁶Katughuru wa-Nyambi yu ne ghahuthire eshi; "Mbadi nakona kuhuka noye endi ningene noye; endi nidye yidya ngambi ninwe meyu mudyango dino." ¹⁷Diywi dyaFumu Nyambi dina nitongwera kemo eshi; "Mbadi wakona kudya yidya endi kunwa meyu ngambi kuhuka ndhira dhodhi ghuneya."¹⁸Ghaghambire kukwendi eshi; "Name nomupumbi yira yowe, mu-engeli ne ghana ghamba nange pan'ando dha-Nyambi eshi; "Kamuhuthe kudighumbo dyoye, podiyo eshi nogha dye nokunwa meyu." Ene kwangere katughuru wa-Nyambi. ¹⁹Yodiyo, ghahukire nendi nogha kadire yidya mundhuwo dhendi nokunwa meyu.²⁰Yahokokire oku wo ne kutishi, n'ando dhaFumu Nyambi ne dheyire kwamupumbi oyu ghaka muhuthire; ²¹Nogha kugherereri kwakatughuru wa-Nyambi oyu ghashwayire ku-Judah eshi; "Eyi ne yoghana kughamba Nyambi, pamurandu ghuna nyatha man'ando gha-Nyambi, nombadi ghuna kumithamo marawero gha-Fumu Nyambi agha ghana kurawera. ²²Ene ghuna kahuka nokuna dya nokunwa meyu, mudyango edi Nyambi ghana ghamba kukoye eshi; "Wadya yidya endi ghunwe meyu, mwimba ghoye ne mbadi shoghu kakume kumayendo agha hatura hawiho."²³Dyoya hokokire munyima dhokudya yidya nokunwa, ghamukwatere dongi wendi oyu mupumbi ghaka muhuthire. ²⁴Apa ghakayendire, nyime ne ghamuwanine mundhira nogha mupayire. Mwimba wendi ne kwaghuwithere mundhira nodongi ne ghawimanene nonyime naye ghemanine kumbadi dhomwimba. ²⁵Hatutughuru ne hapitire noha monine mwimba mundhira, nonyime ne ghanemana kumbadi. Noha yendire hakatongore muthitata oku ghatungire mupumbi ghokukurupara.²⁶Apa ghayiyuvire mupumbi yu ghakamuhuthire ne ghaghambire eshi; "Katughuru wa-Nyambi ne yodiye ghana thikopa man'ando ghaFumu Nyambi. Yodiyo, Nyambi ne ghoghana mutapa kunyime, kukutha kuman'ando ghaNyambi agha ghana ghamba kukwendi." ²⁷Ghatongwere hanendi eshi; "Muni kwatere dongi wange." Nagho hamukwatere dongi wendi. ²⁸Yodiyo, ghayendire nogha kawanine mwimba mundhira ghudi, dongi nonyime ne yinemana kumbadi dhomwimba. Nyime ne mbadi ghadire mwimba ghu endi gharemeke dongi.²⁹Mupumbi yu ne ghashimbire mwimba wakatughuru wa-Nyambi, nogha ghuturire padongi wendi, nogha kaghuhuthire. Yodiyo, mupumbi ghokukurupara ne ghakahukire muthitata nokuna kara noditamu nokuna muvumbeka. ³⁰Ghana vumbekire mwimba ghu muthidi thendi; noha mudirire ghuninga eshi; "Tokotoko kwaminange!"³¹Yahokokire munyima dhokumuvumbeka, ghaghambire kwawanendi hotutughuru eshi; "Apa mboni fa, mwakuni vumbeke muthidi omu tuna tura katughuru wa-Nyambi; mwakuture yishokora yange pepi noyishokora yendi. ³²Kuyighamba eyi ghana ghamba kurwitha tishi ghomuyambo mu-Bethel nothinyaku pamango ghomakuru agha ghakara muthitata tha-Samaria ne mboyina hokoka."³³Munyima dhoyihokoka yi, Jeroboam ne mbadi ghashayekire mandhira ghendi ghoghushatani, ene shime ghatorore hapristeri kutunda mumanaro ghokukuthiya-thiya ghawanu pamango ghokuyeyuka; kehe yu ghahimine, ghamupire thiruwana, noghakarire mupristeri ghomango ghomakuru. ³⁴No yinu ne dyodiharwero dyondhuwo dha-Jeroboam, yodiyo, yaningithire hamwimeke nokuyidhongona po pakaye.

¹Muruvedhe ro ne Abijah ghomwana Jeroboam ne ghakorwire. ²Jeroboam ne ghatongwerire mbuyama wendi eshi; "Pinduke nokutendithe podiyo eshi mbadi hadimuke eshi yowe mbuyama wange, noyende ku-Shiloh yoyishi mupumbi Ahijah ne koghadi kokuya, aye ne yodiye ghani tongwere eshi mbona kara nofumu wohanu Wendi. ³Shime karo piture ko maghuroto dikumi, yikuki nodikende dyowiki ghomuka noyende kukwendi; kukona ghaka kutongwere eshi yinu munye shoyi hokoke koyu mwanuke."⁴Muna Jeroboam ne ghatendire kemo; Ghamatukire nogha yendire ku-Shiloh, nogha kakumine kundhuwo dha-Ahijah. Ene Ahijah ne mbadi wakumona, meho ghendi ne ghafire pamurandu ghoghukurupe. ⁵Fumu Nyambi ne ghatongwere Ahijah eshi; "Mbuyama wa-Jeroboam ne yu, ghaneya kuna kumbera yinu kuhatera mwanendi ghokatughuru yu ghadi tjitju. Eyi ne yoshoghambe kukwendi; Yoyishi aye ne n'anyi ghakuningithe yira mbuyama waye naye."⁶Dyoya hokokire, Ahijah apa ghayuvire mughuma ghomapadhi ghana kwingena muthero ghaghambire eshi; "Wingene mbuyama wa-Jeroboam. Pashanye ghuna kukuningithera yira mbuyama waye naye?" Ghana nitumu nombudhi dhodhiyi. ⁷Yende nokatongwere Jeroboam eshi oyi ne yoghana ghamba Nyambi wa-Isreali: "Pamurandu eshi Ame ne nakuyeyure nokukushwayitha mwawanu maghana nona kutendire ghukare muraghuri wa-Isreali, ⁸nona yakunuthire ghufumu kutunda kundhuwo dha-David, nokughutapa kukoye; ene mbadi ghuna kara yira mupikange David, oyu ghapungure marawero ghange noghani kuthire nomutjima wendi, mukutenda vene yoyi yahungamine mumeho Ghange."⁹Ene we ne watenda ghushatani kupiterera waheya awa hakarireko, owe ne wayenda nokatenda hanyambi woye, yitjwandjo yokughenyumuna mukuni patitha nowa nimwaghera mudikothi dyoye. ¹⁰Yodiyo, mone! Ame ne mbona reta diyerenge mundhuwo dha-Jeroboam nombona pagha kehe katughuru mu-Isreali, mupika endi mukahoro; Ame ne mbona hanyaghura poyiruhupwa yondhuwo dha-Jeroboam, yira thika edi ghana kutumekera ghurugha kate ghoghuheya ghuna pyererera.¹¹Mbwa ne mbo dhina di yomuheya ghana kufera muthitata kutunda mundhuwo dha-Jeroboam, yinyunyi ne mboyina di yomuheya ghana kufera mumapya; Nyambi ne yogha ghamba kemo. ¹²Matuke noyende kundhuwo dhoye. Apa shogha kume mapadhi ghoye muthitata mwanuke ne ghana kupirapo. ¹³Isreali ghomuheya ne mbohana mudiri nokumuvumbeka, aye ne yodiye vene mwa-Jeroboam oyu mbogheya kumayendo, pamurandu eshi mumwendi ne nawanamo yoyiwa kwaFumu Nyambi wa-Isreali mundhuwo dha-Jeroboam.¹⁴Shime karo, Fumu Nyambi ne mboghana turapo fumu wa-Isreali, oyu mbogha hanyaghurapo ndhuwo dha-Jeroboam; Edi ne dyodiyuwa noyina kuhokoka popano! ¹⁵Fumu Nyambi ne mboghana rengi Isreali, thika mbu edhi hana hakunyunga pameyu. Mboghana dhuru Isreali kushwagha mudyango disha ghuwa edi ghatapire kwawa kerekandongo wawo, nomboghana wayakunuthera kapiterera rware, pamurandu eshi hakutendera yitjwandjo yawo, mukupatitha Nyambi. ¹⁶No mboghana tapa Isreali pamurandu ghomaharwero gha-Jeroboam, oyu ghaharure nokuharuritha Isreali."¹⁷Muna Jeroboam ne ghamatukire nogha fungurukire, no ghana kumine ku-Tirzah. Apa ghana kumine pamengeneno ghondhuwo, mwanuke ne kokupwa. Noha kamuvumbekire; ¹⁸noha Isreali waheya ne hamudirire, kukutha kuman'ando ghaFumu Nyambi agha ghaghambire kupitera mwamupikendi Ahijah ghomupumbi.¹⁹Yiruwana yoyiheya ya-Jeroboam, ngepi ghaturithirepo ndwa nongepi edi gharaghure ne yapwa kutjanga mumbapira dhoyithimwetwedha yomafumu gha-Isreali. ²⁰Jeroboam ne gharaghure ghure ghomyaka makumi mawadi nodhiwadi. ghafire na-Nadab ghomwanendi ghokatughuru ne ghapingire thipura thendi²¹Rehoboam mwana ghokatughuru wa-Solomon ne gharaghure mu-Judah. Rehoboam ne ghapingire thipura thoghufumu oku ye ne ghadi nomyaka makumi mane nomwaka ghofotji. Aye ne gharaghure mu-Jerusalem myaka dikumi nomyaka kwoko nodhiwadi, thitata ethi ghatorora Fumu Nyambi kutunda mumuhoko wa-Isreali, ghaturemo dina Dyendi. Nyina ne Naamah, aye mu-Amonite. ²²Judah ne ghatendire ghushatani mumeho ghaFumu Nyambi, noha Mupatithire kudifupa nomaharwero ghawo, agha haharurire, kupiterera yoyiheya hawihawo hatendire.²³Shime karo awo ne hakutendera hathinda mango ghomakuru, maghundhi ghokuyapitha, noyitjwandjo yokuyuwa pakehe dirundu nomukehe dyango dyo yitondo yomwengerere. ²⁴Shime karo muditunga ne mwakarire awa hadhongera. Awo ne hatendire kukutha kunyata dhomudyango diya, eyi Nyambi ghashwayithirepo paghutho ghohana hoka wa-Isreali.²⁵Yahokokire mumwaka ghoghukwoko wafumu Rehoboam, eshi Shishak fumu wa-Egyptena ne ghemanganyene nokuhomokera Jerusalem. ²⁶No ghana shimbire maghushwi ghomundhuwo dha-Nyambi noghushwi ghomundhuwo dhafumu; Ghana shimbire yoyiheya. Ghana shimbire karo yingandekitha yongorondo eyi Solomon ghatendire.²⁷Ndani fumu Rehoboam ne ghatendire yingandekitha yo-Buronzi, kupingithera yiya hana shimbire, nogha yitapire munyara wakuru wawa mashurundate, oyu ghakungire mengeneno ghodikorogho dyokundhuwo dhafumu. ²⁸Kehe pano fumu ngangenanga mungirishe ne hana kuyidhamwenamo nopakamana ne kokayihutha mungonda dhomakungero.²⁹Yiruwana yoyiheya ya-Rehoboam no yoyiheya eyi ghatendire ne nane mbadi hayitjanga mumbapira dhoyithimwetwedha yawa mafumu gha-Judah ndi? ³⁰Nopa karire yita pakatji ka-Rehoboam na-Jeroboam mayuwa ghawo ghomaheya. ³¹Rehoboam ne ghafire, noha muvumbekire mumayendo ghawa wihe muthitata tha-David. Nyina ne Naamah, ghomuka Amonite. Ndani Abijam mwanendi ghokatughuru ne ghapingire thipura thendi.

¹Mumwaka ghodikumi nokwoko-hatu ghoghuraghuri wa-Jeroboam ghomwana Nebat, Abijam ne hamupire ghakare fumu wa-Judah. ²Gharaghure myaka dhihatu mu-Jerusalem. Nyina ne Maachah ghomwikurwa Abishalom. ³No aye ne ghayendire mumaharwero ghawihe, agha ghatendire kughutho wendi; Mutjima wendi ne mbadi wakarire ghutawehdi kwaFumu Nyambi wendi, thika mutjima wawihe David.⁴Ngambi kemo, pamurandu wa-David Fumu Nyambi ne ghamupire munyenge mu-Jerusalem, mukutura mwanendi ghokatughuru ghapiterithe nomuku turithapo Jerusalem. ⁵Pamurandu eshi David ne ghatendire yoyihunga mumeho gha-Fumu Nyambi, nombadi ghapirukere kukehe yi ghapirire kumurawera muyipara yendi yoyiheya, kushwayithako ya-Uriah ghomu Hitite. ⁶Nopa karire yita pakatji ka-Rehoboam na-Jeroboam mayuwa ghoyipara yawo ghomaheya.⁷Yoyiheya yiruwana ya-Abijam ne nane mbadi hayitjanga mumbapira dhoyithimwetwedha yawa mafumu gha-Judah ndi? Nopa karire yita pakatji ka-Abijam na-Jeroboam. ⁸Abijam ne ghafire noha muvumbekire muthitata tha-David. Asa mwanendi ghokatughuru ne gha hangedhere mudyango dyendi.⁹Mumwaka ghomakumi mawadi gha Jeroboam fumu wa-Isreali, Asa ne ghakarire fumu wa-Judah. ¹⁰No aye ne gharaghure myaka makumi mane nomwaka ghofotji mu-Jerusalem. Nyakudyendi ghombuyama ne Maachah ghomwikurwa Abishalom. ¹¹Asa ne ghatendire yoyihunga kwaFumu Nyambi, thika wihe David.¹²No aye ne ghashwayithire hapemuki waheya muditunga nokushwayithamo yitjwandjo yoyiheya eyi ghatendire wihe. ¹³Shime karo, ghashwayithire nyakudyendi Maachah mukukara herekadhi, pamurandu eshi ghatendire thitjwandjo thokuyapitha ku-Asherah na-Asa ne ghaka tetire thitjwandjo thi noka thitumekera kumuronga wa-Kidron.¹⁴Ene mango ghokuru ne mbadi ghagha shwayithirepo. Ngambi kemo, ene mutjima wa-Asa ne wakarire ghutawedhi kwa-Hekudyendi mayuwa ghendi ghomaheya. ¹⁵Shime ghakaretire mungirishe yinu eyi ghatungekire wihe, noyimweya eyi ghatungekire thinda: Siliveri nongorondo noyiruwanitha yopa didhiko.¹⁶Nopa karire yita pakatji ka-Asa na-Baasha fumu wa-Isreali mayuwa ghawo ghomaheya. ¹⁷Baasha fumu wa-Isreali ne ghemanganyene kurwitha Judah noghana tendire Ramah, podiyo eshi ngo mbadiko eyi shoyishwaghe ngambi kwingena kwa-Asa fumu wa-Judah.¹⁸Ndani Asa ne ghashimbire siliveri nongorondo eyi hathiyire mundhuwo dhomaghushwi gha-Nyambi nomaghushwi ghomundhuwo dha-fumu, nokugha tapa kwamupikendi. Nafumu Asa ne ghawa tumine hayende kwa Ben-Hadad, mwana ghokatughuru wa-Tabrimon ghomwana Hezion, fumu wa-Siriya, oyu ghatungire mu-Damascus ghuninga eshi; ¹⁹"Pakare makuyuvero pakatji kange nowe, thika edi yakarire kwatate nawiho. Nakutumena siliveri nongorondo. Wiye notjorepo makuyuvero agha mwaturapo na-Baasha, fumu wa-Isreali, podiyo eshi ghashwaye kukwange."²⁰Yodiyo, Ben-Hadad ne ghaterere kwafumu Asa, nogha tumine hapiterithi wawa mashurundate mukurwitha yitata ya-Isreali. Hahomokere Ijon, Dan, Abel Beth Maachah na Chineroth ghomuheya noditunga dyodiheya dya-Naphtali. ²¹Yahokokire kemo ene apa ghayiyuvire Baasha, ghashayekire kutenda Ramah nogha karire mu-Tirzah. ²²Fumu Asa ne ghahanyithire mbudhi mu-Judah ghomuheya; Mbadiko yu hathiyireko. Hashimbire mawe noyitondo yoku Ramah, eyi gharuwanithire Baasha nafumu Asa ne ghana yitendithire Geba wa-Benjaminna na-Mizpah.²³Yiruwana yimweya ya-Asa, mangcamu ghendi ghomaheya, yoyiheya eyi ghatendire, yitata eyi ghatendire, nane mbadi hayitjanga mumbapira dhoyithimwetwedha yawa mafumu gha-Judah ndi? Ene mughukurupe wendi ghakarire nodihamba dyokumapadhi. ²⁴Asa ne ghafire, noha muvumbekire nawa kerekandongo wendi muthitata tha-David. Ndani Jehoshaphat mwanendi ghokatughuru ne gharaghure mudyango dyendi.²⁵Nadab mwana ghokatughuru wa-Jeroboam ne ghakarire fumu mu-Isreali, mumwaka ghoghuwadi wa-Asa fumu wa-Judah, gharaghure ha-Isreali myaka dhiwadi. ²⁶Gharuwanine ghushatani mumeho ghaFumu Nyambi, nogha yendire mundhira dhawihe, kupitera mumaharwero ghendi ne ghaharurithire Isreali ghomuheya.²⁷Ndani Baasha ghomwana Ahijah, ghodiko dya-Issachah, hakuyuvathene mughudhindo harwithe Nadab. Na Baasha ne ghaka payire Nadab ku-Gibethon, dyango dyawa Philistine, Nadab nawa Isreali waheya ne hakarire mukughamwena ku-Gibethon. ²⁸Baasha ne ghamupayire mumwaka ghoghuhatu wafumu Asa, fumu wa-Judah nogha raghure mudyango dyendi.²⁹Dyoya hokokire kemo, apa ghakarire fumu, aye ne ghapayire waheya mudiko dya-Jeroboam. Mbadiko oyu ghathiyire ghuyumi, kate ghapayerere ghomuheya kukutha kuman'ando gha-Nyambi, agha ghaghambire kupitera mwamupikendi Ahijah ghomuka Shilomite. ³⁰Pamurandu ghomaharwero gha-Jeroboam, agha gharuwanine no omu ghaharurithire Isreali, nopamurandu ghomushedho wendi, omu ghapatithire Fumu Nyambi wa-Isreali.³¹Yiruwana wingi wayo ya-Nadab, noyitenda yendi, nane mbadi hayitjanga mumbapira dhoyithimwetwedha yawa mafumu gha-Isreali ndi? ³²Nopa karire yita pakatji ka-Asa na-Baasha fumu wa-Isreali mumayuwa ghawo ghomaheya.³³Mumwaka ghoghuhatu wa-Asa, fumu wa-Judah, Baasha ghomwana Ahijah ne hamuturire ghakare fumu wa-Isreali mu-Tirzah nogha raghurire myaka makumi mawadi nomyaka dhine. ³⁴Ghatendire ghushatani mumeho gha-Nyambi, nogha yendire mundhira dha-Jeroboam, mumaharwero ghendi ne ghaharurithire Isreali ghomuheya.